ISU KRISTA KOWI PREKAH CHEAH MIUÜA ¹Isu Krista mih David chuprek chaprek, David dow Abraham chuprek chaprek, Isu Krista kowi prekah cheah ün mi dow, ²Abraham kow chapa Isak, Isak kow chapa Jakawb, Jakawb kow chapa Juda hai aia tainauuüa kowi ka khai. ³Juda mih Tamari hown Pharesa hai Zera iüah kowi ka khai; Pharesa chapa Erawm; Erawm chapa Aram.⁴Aram chapa Aminadad; Aminadad chapa Nasawn, Nason chapa Sawlawmawn. ⁵Sawlawmawn mih Rahabi hown Buaz kowi ka khai; Buaz mih Ruth hown Awbida kowi ka khai; Awbida chapa Jesai; ⁶Jesai chapa mang David. Mamaima Uria hown David dow Sawlawmawn kowi ka khai.⁷Sawlawmawn chapa Rawhawbiam; Rawhwabiam chapa Abia; Abia chapa Asa. ⁸Asa chapa Jehasaphat; Jehasaphat chapa Jehawra; Jehawra chapa Uzia;⁹Uzia chapa Jawtham; Jawtham chapa Ahaza; Ahaza chapa Hezakia; ¹⁰Hezakia chapa Manase; Manase chapa Amawn; Amawn chapa Jawsia; ¹¹Babulawn pra kowi paw lah nar mih khin khe, Jawsia dow Jekawnia hai aia tainauuüa kowi ka khai.¹²Now, Babulawn pra kowi nar paw laah büah kung kowi Jekawnia dow Salathiel kowi ka khai; Salathiel chapa Zarubel; ¹³Zarubel chapa Abiud; Abiud chapa Eliakim; Eliakim chapa Azawr; ¹⁴Azawr chapa Zadawk; Zadawk chapa Akim; Akim chapa Eliud;¹⁵Eliud chapa Eleazar; Eleazar chapa Mathan; Mathan chapa Jakawb; ¹⁶Jakawb chapa Jawsep, aia dow Mari hua nakhai, now KRISTA pape mih Isu dow Mari hownia uang dia khai. ¹⁷Nahanow, Abraham hownia David mowr kowi halai tali chowng; David hownia Babulawn pra kowi paw la nar mowr halai tali chowng; Babulawn pra kowi paw la nar büah hownia KRISTA mowr halai tali chowng chekhai bowt.¹⁸Now Isu KRISTA uang diah krang dow maiawng chekhai. A U Mari dow Jawsep hai takham iüah thüm khe, taphua dowi rawn Lümla sai hown pa kumah nau khai pa mih hawt tuk büah khai. ¹⁹Hanow, aia hua kown mi Jawsep dow maru achih mami nakhai rakowi amasi nang ngak marukawmuüa tut tüng kown mih nau dowi, now kukpah na taiut kown mi kamrüt khaibowt.²⁰Naün mi lawnguan aia tatuak thüm mi khin khe, sünta, aia mat mang kowi dow CHAKRAMANG kramamu aia tut-e uang tatüng now klang ahmi, “Jawsep, David chapa, en masi kham Mari kowi napünah kown mi hang kram diah, aia kumnau mi dow lümla sai hownia kow mi chekhai; aia dow chapa napen kown.” ²¹Hanow aia ming kowi dow Isu [Lawngmi ia] en na rük pe kown; aia mat dow ka piati khowk mih aia maruuüa kowi na lawngah kown.²²Maiawng ün maiow mih dow, risi nawr hown kow CHAKRAMANG laiklow uang tachih mih nakhai. ²³“Sünta, malauuüa na pawm hanow napen chapa lowkia kown, aming kowi dow Emanuel na ruk pe büah kown.” Emanuel pami dow a i tut-e Thurai uowi, pamih chekhai.²⁴Jawsep dow aia müi mi awr rü hanow, CHAKRAMANG kramamu peah alow iawng chang khai bowt. ²⁵Aia masi kham dow pünta khai bowt, chapa uang pen dowi mowr kowi dow Jawsep phuaah iuaah dowi, aming kowi dow Isu aia rük pe khai bowt.

SATLAWT MARU CHANLAI MIUÜA ¹Mang Herawd chowm mang khin khe,Judai pren kowi kow Bethlehem kua kowi Isu uang diah khe sünta, Sat lawt pra hownia kow maru chanlai miuüa Jerusalem kua kowi uang büah khai. ²“Tawng kowi chow Juda büah mang uang diah mi dow?” Sat lawt pra kowi aia karek anging khi khai, aia mat kowi na chup lakown kow anging uang mi chekhai , pabüah khai. ³Now mang Herawd dow nami ta hai akrowksang takrow khai bowt, Jerusalem kowi kow maru maiow paw tawi takrow büah khai.⁴Hanow, uama kriuüa hai maru ün, kawngmu sarauüa maiow kowi aia kuaah now lüntaah mi, “Krista uang diah mi rah matawng kowi chow?” Pape khai. ⁵Now amatni dow aia tut-e, “Judai pren kowi kow Bethlehem kua kowi” maiawng hai risiuüa ruiah khai. ⁶“En Judai pren kowi kow Bethlehem, Judai mrow pungma dawng kowi mapaw en lang sowm dowi, en lak hownia kruitown miia na uang lawt kown, ang maru Israel hawmuüa kowi na kruikhet kown,” pa büah khai.⁷Nami khin khe Herawd dow kukpah chanlai miuüa kowi laiah hanow karek uang tüng mi khin dow kaneuchah lüntaah khai. ⁸Nami kung kowi Bethlehem pra amatni kowi pa tarüah now tekpe mi, “kow kowi büah hanow ngiachah lawnguan dow kaneuchah krawi lünta ah büah diah; ang paw tawinowng ia chup lakown kow enni krum now uang phownglah ang büah,” pape khai.⁹Mang laiklow dow ta büah hanow kow tarü khai bowt, Now sünta, Sat lawt pra kowi kow karek khi büah mi dow, ngiacha luk kowi kowting kow iowng dowi mowr dow amatni pur kowi mang iawlaw khai. ¹⁰Karek dow khi hanow kaneuma awmrawm büah khai bowt.¹¹Now kimlak kowi kakup buah khai, A U mari tut-e kow ngiachah dow khi büah hanow tabawkkrawm now chupah büah khai, amatni kow uaniung kruk ho büah, now aia tut-e awmrawm müa Kuh, Raimathan hai namiung tui peah büah khai. ¹²Now, Herawd tut-e nauang plan la dowi kown kow amatni mang kowi tekpe khai, naiawng hai akeng tiama iawng amatni kua pra mang büah khai bowt.¹³Now kow büah mang kung kowi sünta, CHAKRAMANG kramamu Jawsep tut-e aia mang kowi uang tatüng khai, “Awrrü hanow, ngiachah hai A U pawlah now Aigupta pren kowi cham powt diah; ang plan kut tek en dowi mowr dow na kowi uowi reng diah; Herawt dow ngiachah kowi paw ta pe asak kown kow nakrawi cham kown.” Pa khai. ¹⁴Jawsep dow awrrü hanow, ngiachah hai A U kowi pawla now uar-e Aigupta pren pra kow tarü khai bowt. ¹⁵Now, Herawd kowng dowi mowr dow nakowi uowi laah khai, CHAKRAMANG Risi nawr kowi “Aigupta pren hownia ang chapa kowi ang uang hawlah khai” pah tekmi laiklow nauang tachi la kown kow.¹⁶Akung kowi Herawd dow, chanlai miuüa daiah chekhai pami tuk hai akrowksang aia kunmarau khai, chanlai miuüa kowi kaneuma lünta amih khin nowkah now Bethlehem kua hai aria aret maiow kowi kow kachakuüa ngeuuüa prening chi dowi tak mi kowi dow paw tape asak bowk khai.¹⁷Nami khin khe Risi Jeremia tek ami laiklow uang tachi khai bowt. ¹⁸“Rama kua kowi kar hai hek-nguk klow ta büah khai, Rakil dow aia chauuüa kowi karah khai, uowi büah dowi bowt rakowi sak klamra nowngia ka dowi bowt.”¹⁹Herawt kowng kung kowi sünta, CHAKRAMANG kramamu Aigupta pren kowi Jawsep tut-e aia mang kowi uang tatüng khai. ²⁰Aia tut-e, “awrrü hanow, ngiachah hai a-u kowi paw la hanow Israel pren kowi mang diah; ngeuuüa sak na paw kown tuak mi kowng khowk.” Pape khai. ²¹Hanow, awrrü khai ngeuuüa hai a-u kowi paw la now Israel pren kowi mang khai bowt.²²Nachenganchepaw, Arkhilai pa Herawd arah Judai pren kowi chowm mang khai pami aia ta hanow, nakowi na kowi kown kram khai bowt; now aia mang kowi alow pek iawng dow Galili pren kowi hing mang khai. ²³Now, Nazaret pape büah mi marow kowi dow kow uowi khai; aia mat dow “Nazaret maru na pape büah kown,” pah risi uüa nawr kowi rik tek mi lai klow na uang tachi la kown kow.

BAPTIST CHANGMI JAWHAN TEK LAI MI ¹Nami khin khe Baptist changmi Jawhan dow Judai süngrüp süngkangma kowi tek laiklow khai; ²Aiamat dow, ‘Tarip büah diah, mukkuang pren dow uang tawn khowk chaw’ pakhai. ³Risi Isai tek la khai bowt mi dow, aia na khai, “Süngrüp süngkangma kowi hawk klow dow, CHAKRAMANG tiama thak büah hanow, aia tiama atengma chang pe büah diah,” pakhai.⁴Jawhan dow Ut pawi uan aia khup khai, aia kekawm dow chakpik kekawm hai kawmah khai, aia hawm dow plawng hai kuaitui chekhai. ⁵Nami khin khe Jerusalem, Judai pren kowi kow maru maiow hai Jawrdan awria ret kowi kow maru maiow aia tut-e uang büah khai bowt. ⁶Amatni ngak mi taphuang hai aia tut-e Jawrdan aw kowi dow chang Baptisma büah bowk khai.⁷Nachenganchepaw, Pharisaiuüa hai Sadukiuüa na chang Baptisma kown kow akawmma uang büah mih hawt khi hai akrowksang amatni tut-e, Rua chuprek chaprekuüa low, Thurai kunmarau na uangting kown mi powt takown kow miaiawng michow pring enni hawi enni? ⁸Nahanow, enning saktuak takling klai mi dow anowmma hai uiah büah diah. ⁹Enning sakdawng hown prek a-i che a-i mi Abraham chekhai, pami hang kow tatuak büah diah; ang tek enni chaw, Thurai dow maün mi hua kowi paw Abraham chuprek chaprek kowi nowngia chowngah khai.¹⁰Akaw hownia sing tut towng kowi marek towta hüah khowk; matawngmi sing chow uih iung uih dowi mi sarui dow nakrip ah hanow, mai kowi nakuakah kown. ¹¹Enni saktuak na takling klai lakown kow tui hown ang chang enni Baptisma reng chekhai, nachengan chepaw, ang kung kowi kow uang mi dow ang matia lak-e langkri khai; aia panaikkhawk pawkmi khowm dow ang tataing dowi; aiamat dow Lümla sai hai maih hown na Baptist enni kown. ¹²Aia rut hai per aia dowk khai, aiamat ia paw achimsai mah aia natowah kown, püm dow pam kowi aia naphangah kown, apia tarapchedow mai nowngia mit dowi mi kowi na tinah kown, pakhai.¹³Nami khin khe na chang Baptisma kown kow Galili hownia Jawrdan aw kowi Jawhan tut-e Isu uang khai. ¹⁴Jawhan tarapche dow, en na baptis ang kownmi chadiah ang lang lahawm rowt midow, ang tut-e chekhai dow en uang khün uang mi? Padow,hangah khai. ¹⁵Nachenganchepaw Isu dow aia tut-e, “kawmat nauta ngowng diah, maiawng tachih tanawm maiow nachang bowk kownmi a-i vüi lahawm rowt,” padow klangah khai. Nahanow aia dow nauta khai bowt.¹⁶Now Isu kichang baptisma hai akrowksang tui hownia uang awr lawt now, sünta, mukuang pren dow uang tauow hanow aia luk kowi Thurai Lümla dow uatur powmiawng uang mi aia khi khai. ¹⁷Now sünta, mukkuang hownia aklow, “mami ang sakrau mi Chapa, ang howrah nowm nowm mi chekhai” pakhai.

ISU PUANRA KOWI UOWI MI ¹Nami kung kowi Isu dow Diabawl puanra kowi na uowi kown kow süngrüp süngkangma kowi Lümla sai paw laah khai bowt. ²Now likawm ni likawm uar khawr hawm kung kowi aia hawm sakkrai uang ting khai bowt. ³Nami khin khe puanmiia dow uang hanow aia tut-e, “Thurai chapa en na khai hanow maiawng ün hua mi pachowngah kawm kown kow tekpe diah’’ pakhai. ⁴Nachenganchepaw aia mat dow, “maru mi kawm hown chataih nowngia sing büah dowi, Thurai nawr hown lawt mi lai maten hown chataih nowngia sing büah rowt kown, pah arui uowi.” Padow klangah khai.⁵Nami kung kowi Diabawl dow marow achim asaima mi kowi paw laah khai, now Thurai chupkim achemchah kowi kow towah khai. ⁶Hanow aia tut-e, “Thurai chapa en na khai hanow iu sam thawm madiah, aia krammamuuüa en luk kowi na peah alow hanow amatni rut hai nahawt dowk en kown taih, nadowi hanow en khawk hown hua en tui ta tarawng, pah ruiah chekhai” pakhai.⁷Isu dow aia tut-e, arui uowi tak, “en kow CHAKARANG Thurai kowi hang chaing diah,” pape. ⁸Now Diabawl dow hung kro makowi paw laah khai iawk, Lusa pren maten hai akraingra maiow dow aia kowi tüng pe khai. ⁹Hanow aia tut-e, “tabawkkrawm chup ang diah, now maiawng ün maiow ang nape en bowk kown,” pape khai.¹⁰Nami hai akrowksang Isu dow aia tut-e, “Süngnam cham powt chowt madiah, en kow CHAKRAMANG Thurai kowi chup diah, aia mat lup chataih chang diah, pah arui uowi.” Pape khai. ¹¹Nami kung kowi Diabawl dow aia hownia powt khai bowt, now sünta, kramamuuüa uang ta pe chin büah khai bowt.¹²Jawhan kowi khümah kow thawng kowi uowi pami ta hai akrowksang Isu dow Galili kowi kakowi khai; ¹³Nazaret aia tatow ta now, Zebulawn hai Nepthelin powng kowi kow Sata pang Kapernaum kowi kow hing uowi khai.¹⁴Risi Isai nawr kowi tek takhowk mih na tachih lakown kow. ¹⁵“Jawrdan paipra pown kowi Zebulawn hai Nepthelin pren kowi kow Sata pang Judauüa nadowi mi Galili, ¹⁶Aiui nimkrüa kowi uowimi chenchapuüa dow nowi kraingma khi büah khai, makowng kuam hai nimkrüa kowi uowi mi lukkowi dow anowi uang lawt khai bowt.”¹⁷Nami hownia Isu dow uown tek lai khai, “saktuak takling klai büah hanow Thurai pren dow uang tawn khowk chaw,” pa dow tek khai bowt.¹⁸Galili sata pang kowi Isu cham len mi khin khe, Simnaw, Peter pa büah mi hai aia tainau Andria iüa sata kowi pat lawk mi amat chi tainau preia kowi kow khi khai; amat chi dow dampawk mi dum na khai. ¹⁹Aia dow amat chi tut-e, “ang kung uang tawi diah. Maru khümmi kowi ang na thawp enchi kown.” Pape khai. ²⁰Nami hai akrowksang lawk ün dow tatow tahüa now, aia kung tawi iüa khai bowt.²¹Now nami hownia mang iawlaw hanow, akengmi tainau preia Zebedai chapa Jakawb hai Jawhan iüa dow lawng luk kowi apa Zebedai hown taiüa sown lawk mi krum khai. Aia dow amatchi kowi hawah khai. ²²Lawng hai apa kowi ta tow la iüa hüa now aia kung tawi hing tawi iüah khai.²³Hanow Isu dow Galili pren kowi cham len hai mruuüa kim kowi ün takuara kim kowi ün tüngsangah khai; mukkuang pren satangiung phuangla iawlaw rawka uowi mi maruuüa hai arau uowi miuüa kowi iungah khai. ²⁴Now Suria pren maiow kowi aia satang uang tahowng khai bowt, hanow arau uowimi maiow hai arau maiow kham miuüa ün, süngnam khümah mi ün, pakthuk ün, cheleng rawka ün aia tut-e uang büah hanow aia dow iungah bowk khai. ²⁵Galili pren hownia ün, Dekapawli hownia ün, Jerusalem hownia ün, Judai pren hownia ün, Jawrdan paipra pown hownia ün, maru kawmma aia kung uang tawi büah khai.

HUNG LUKKOWI ISU TEK LAIKLOW MI ¹Maru kawmma kowi khi hanow aia dow hung luk kowi awr pün khai, aia chowm kung kowi aia tapeuüa aia tut-e uang büah khai. ²Now amatni kowi dow maiawng hai aia tüngsangah khai. ³Lümla kowi kow ngare mi dow athaulangma uowi büah khai, mukkuang pren amatni kow chekhai rakowi. ⁴Taprüa tanguk mami uüa dow athaulangma uowi büah khai, sakklamma hai nauowi büah kown chekhai rakowi.⁵Khamsum miuüa dow athaulangma uowi büah khai, krawng mi napowng büah kown chekhai rakowi. ⁶Achima mi rakowi kow hawm hai tui sakkrai hown uowi miuüa dow athaulangma uowi büah khai, na du büah kown chekhai rakowi. ⁷Tuk saksing sana maru miuüa dow athaulangma uowi büah khai, saksing sanara naka büah kown chekhai rakowi. ⁸Saktauk kowi achim asaima miuüa dow athaulangma uowi büah khai, na khi Thurai büah kown chekhai rakowi.⁹Taking tasangra thawp miuüa dow athaulangma uowi büah khai, Thurai chah pahai narük pe kown chekhai rakowi. ¹⁰Achima hai uowi khai rakowi nowngchang powngchang hai ngare miuüa dow athaulangma uowi büah khai, mukkuang pren amatni kow chekhai rakowi.¹¹Maru mih ang matia rakowi e enni, chang enni anowng apowng, angak dailai maiow hai chawktowk enni mi khin khe enni na thaulang ngamlam kown. ¹²Awmrawm büah hanow kaneuma piaw büah diah, mukkuang kowi awmrawm sung enni vüi ahuma uowi khai rakowi; naiawng palawng dow enni dowi rawn risiuüa kowi paw changah anowng büah reng khai.¹³Krawng kowi kow awisa chekhai enni nami, nachenganchepaw awisa mi ba khai bowt hanow, matawng iawng chow plan kut nowngia ihah kown? Matawng kowi paw kaah atawng akeng dowi bowt rakowi na kuak taah hanow, maru na nün na changah naklak kown chataih bowt. Pakhai. ¹⁴Lusa nowi chekhai enni nami; hung luk kowi kow marow uowi mi dow nowngia pet dowi tham.¹⁵Maru towk maibu khe klaibuk hown kat paw krukah dowi, atowk rah kowi towah rowt reng khai, hanow kimlak kowi kow maru maiow kowi nowiah khai reng. ¹⁶Naiawng palawng dow enni nowi mi maru mik khiah iawng pacham nowi lah, enni lup iung chang mi ün nakhi büah nahanow enni Pa mukkuang kowi uowi mi kowi na nowngia rowsi lah büah kownka.¹⁷Ari arow lawng uan kowi chepaw risiuüa chabowih uan kowi chepaw napiak tah kown kow ang uang mi hang kow ming diah, na tachih tanawmlah kown kowh ang uang mi chekhai rowt. ¹⁸Lainowmma ang na tek enni, ari arow lawng uan kowi krawng hai mukkuang mih tama dowi mowr dow ditchah khowm samiang maikren chepaw mapaw tama dowi tham, bowk bowk mi na taküm kown.¹⁹Nahanow lowra maru ma ün mi alow pe mi pungma dawng kowi langcha mi lowkchah paw piakta khai, hanow naiawng tawi tüngsang mi sarui dow mukkuang pren kowi dow maru lang sowm mi na pape büah kown; natarapche dow lowra maru chün kow naiawng tawi tüngsang mi sarui kowi dow maru krikraing mami na pape büah kown. ²⁰Ari arow tüngsangmi hai Pharisaiuüa lak-e enni lang tachih tanawm dowi chalow hanow, mukkuang pren kowi mapaw enni nowngia kup dowi tham pa mih ang tek enni chekhai chaw.²¹Achük alai kow maruuüa tut-e tekta khowk mi lai enni tah khowk, “hang tu maru” pa büah mi hai ‘lowra maru tu maru mi sarui dow aia luk kowi na chet pe tara kown’ pa mi enni tuk khowk. ²²Ang tarapche dow ang na tek enni, lowra maru aia tainau luk kowi kunmarau mi dow na paw pe tara kown chekhai; lowra maru aia tainau kowi ‘bua la’ pa tek mi dow maru kawmuüa kowi natowng pe kown. Lowra maru “thukmi” pah tek mi ngam dow ngare towkra maih kowi na kuakah kown, Pape khai.²³Hanow rowsi kantawpra kowi uan en ap mi khin khe, en tainau mi en lukkowi sakih dowi pamih en tuak khai hanow, ²⁴Nakowi rowsi kantawpra pur kowi dow en apah kown mi uan tow ta diah, mang hanow en tainau hai kowrik taphi taphiaw diah, nami kung kowi en uan dow apah diah.²⁵En ransu hai tiama kowi enchi taiua mang khe alenma a-ia hown rik tapri taphiaw diah, naiawng nadowi hanow en ransu mi na khüm en now tara chetmiüa tut naap en ün, hanow tara chetmiuüa mih akrui khet mi rut kowi naap en now thawngrum kowi naphang en ün tarawng. ²⁶Lainowmma ang natek en, akümma pawisa ün en peta dowi mowr dow na hownia mapaw en nowngia lawt dowi tham.²⁷“En na changiang kown nadowi,” pah tek büah mi enni ta khowk. ²⁸Ang tarap dow, lowra maru lowra masiuüa kowi khi kow iuaah kown prüa khai hanow nami hown akrowksang a-ia dow chang ta iang tüng khowk chekhai pamih ang tek enni.²⁹Now en hawmlawm pra mik che ngak pra pawla en khai hanow, lai ah now hing kuak takhai diah; en kow pabukma Maising kan kowi na kuakah mi lak-e, mik aprachah hown uowi mi en uüi lang iung rowt. ³⁰Now en hawmlawm rut che ngak pra pawla en khai hanow, dung ta now alakma kowi kuak taah diah; en kow pabukma Maising kan kowi na kuakah mi lak-e dow rut aprachah hown uowi mi en uüi lang iung rowt.³¹“Lowra maru khua masi mi sarui dow khua ta khowk mi cha aia tut-e pacham peah lah” pah tek büah khai. ³²Ang tarapchedow ang na tek enni, lowra maru chang iang dowi matchang khua masi mi sarui dow, aia mat kowi dow iang chang mi kowi thawpah mi chekhai; now lowra maru khuaah kung kowi plan kut pawah mi sarui dow changiang mi chekhai pami ang tek enni chekhai.³³Achük alai kow maruuüa tut-e, ‘dai hown hang kow kham diah, CHAKRAMANG vüi kowi en kham takhowk mi sawi maten dow chünah diah’. ³⁴Ang tarapche dow ang natek enni, sawi maten hang kow kham büah diah; mukkuang lüklau hai paw hang kow kham sawi büah diah; nami dow Thurai nanra chekhai rakowi; krawng-bawn ming hai paw mapaw hang kow hing kham sawi büah diah, nami dow aia khawk towkra na chekhai rakowi; ³⁵Now Jerusalem ming hai paw hang kow kham sawi büah diah, nami dow Mangkri Akraing mami marow na chekhai rakowi.³⁶Now en lu ming hown paw en na kham sawi kown na dowi, samiang lowkchah khowm paw en nownia kawah hai nowngia numah dowi chekhai rakowi. ³⁷Enni tekah mih laiklow kowi nami dow na chah, na dowi mi dow na dowi pa hai pa cham tek lah; nami klen kowi chüt mi dow Diabawl hownia kow nami chekhai.NA SATLA AKLAI KOWNMI LAWNGUAN TÜNGSANGRA ³⁸“Mik takchah mik, iüng takchah iüng” pah tek büah mi enni ta khowk”. ³⁹Ang tarapche dow ang na tek enni, maru ngak kowi hang king hang küa büah diah; en hawmlawm ngeupa kowi phek en khai hanow apra mi paw towng pe diah.⁴⁰Now lowra maru tra chetra pur kowi kunmarau hown nang hai paw ta en kowrma kown tuak khai hanow, en kow uanchah paw hing pe tape ngowng diah. ⁴¹Now pamaing na mang kown mi kür hown pamang en khai hanow pre maing mang pe diah. ⁴²Lü en miia tut-e dow aia lü mi peah diah, now lowra maru lü en akhawi hanow hang kow dungkung tape khai diah.⁴³“En klowkchak kowi sakrauah hanow, en ransu kowi towah irsi diah” pah tek mi enni tuk reng khowk. ⁴⁴Ang tarapche dow ang na tek enni, enni ransuuüa kowi sakrauah büah, now tow enni irsi miuüa kowi dow chup pe Thurai büah diah. ⁴⁵Enni Pa mukkuang kowi uowi mi chauuüa enni na nowngia chowng la kown kow, aia mat dow maru iung hai maru ngakuüa luk kowi Sat palawtah reng khai, maru tachi mi hai tachi dowi mi luk kowi paw uang pa uangah reng chekhai.⁴⁶Sakrau enni mi kowi chataih enni sakrau khai hanow, awmrawm sung tawng chow enni naka kown? Amu kawk miuüa paw naiawng dow tawi chang reng büah dowi pa bow? ⁴⁷Now enni tainauuüa chataih enni tachup e dow, tawng chow enni lang chang ta hu mi uowi? Jentailuüa paw naiawng dow tawi chang büah dowi pa bow? ⁴⁸Hanow enni Pa mukkuang kowi uowi mi aiung aküm-angima iawng dow, enni paw iung aküm-angima kown chekhai.

LU LÜK MI TUT-E KOW ALU PEK ¹Maru kawmuüa tut-e na tüngah kownmi rakowi lup iung na chang lah büah dowi kown kow pe ching diah, naiawng mi rakowi enni Pa mukkuang kowi uowi mi tut-e awmrawm sung enni ka dowi tham. ²Nahanow enni pe mi khin khe, maru lawklek mami iawng na kalow kiowri kown kow tum pe baw hai takuara kim kowi ün, tiama kowi ün hang kow pe alu büah diah; lainowmma ang na tek enni, amatni awmrawm sung mi dow kata büah tüng khowk.³En tarapche dow en lu maru mi khin khe, hawmlawm pra rut hown kow en changah mi lup dow en tauai pra rut mi hang pa cham tawi tuk lah. ⁴Naiawng hai en uan pek dow kuk pah pa cham uowi lah; nahanow en Pa mukkuang kowi uowi mi dow kukpah khi reng mi ia mih aklai na pe en kown taih.⁵Now enni chup Thurai khe, maru lawklek mamiuüa iawng dow enni na chang kown na dowi; maru na nowng ia khi lakown kow Thurai chupkim kowi ün, tiama kowi ün iowng pah chup Thurai reng büah khai; lainowmma ang na tek enni, amatni awmrawm sung dow ki kata büah tüng khowk. ⁶En tarapche dow en chup Thurai mi khin khe towklak kowi kup ah now aplawt ün büngah diah, en Pa kukpah uowi mi tut-e chupah diah; hanow en Pa kukpah khi reng miia dow na pe en aui apau kown. ⁷Now enni chup Thurai mi khin khe Jentailuüa iawng dow auan uowi dowi lai aplan aplan hang tek büah diah; amatni tek hu lai rakowi na ka kown ming büah khai.⁸Nahanow amatni iawng hang kow tawi chang büah diah, aia mat kowi enni lü dowi rawn khe enni Pa mukkuang kowi uowi mi dow matawng ün chow enni hau mi rik tuk khowk chekhai rakowi. ⁹Nahanow enni dow maiawng phai chup Thurai büah diah; Ang pa mukkuang kowi uowi mi, en ming aring pacham uowi lah; ¹⁰En pren pauang cham ting lah, en nau mi krang mukkuang kowi kow chang büah iawng krawng kowi kow maruuüa paw pa chang büah lah;¹¹Ani kow anging na cha kownmi hawm pe anging diah; ¹²Anging kow atawi ama mi lawt anging diah, anging paw anging luk kowi atawi ama mi anging lawt taiawng; ¹³Angak na chang lakown kow puanra kowi hauang paw lah anging diah, maru ngakmi hownia dow lawng anging diah.¹⁴Maru ngak ün mi enni lawtah hanow, enni Pa mukkuang kowi uowi mi pawm na lawt enni kown. ¹⁵Nachenganchepaw maru ün kowi enni hing lawtah dowi hanow, enni Pa paw enni chang ta ngak ün mi paw lang lawt tah enni dowi tham.¹⁶Enni natow hawm khawr kown mi khin khe paw, maru lawklek mami iawng dow amawnma powm iawng hang chang büah diah; amatni dow maru mik khi kowi khawr hawm mi tüng la kown kow lowmowr mawnma powm changah büah reng chekhai; lainowmma ang na tek enni awmrawm sung dow ka ta büah tüng khowk. ¹⁷En tarapche dow en khawr hawm mi khin khe lu kowi phawk sau hanow mur mowr diah; ¹⁸Maruuüa tuk dowi powm iawng en na chang kown, hanow en Pa kukpah uowimi dow en khawr hawm mi na khi en kown; now en Pa kukpah khi reng miia dow auih apau na pe en kown.¹⁹Krawng kowi lowngpang hai aki nowngia piakah mi rakowi, kukmiuüa chang pe akupra now nowngia ku mi rakowi ün enni kow dawngthawng uan hang kow krümah büah diah. ²⁰Nahanow mukkuang kowi enni kow dawngthawng uan lang krümah rowt diah; nakowi dow lowngpang hai aki nowngia piakah dowi, kukmiuüa chang pe akupra now nowngia ku büah dowi bowt mi rakowi. ²¹En dawngthawng uan uowira sarui kowi en saktuak paw na uowi kown.²²Kow kowi kow maibu dow mik chekhai; nahanow en mik che achimma now en kow pabukma na nowi bowk kown. ²³En mik piak khai hanow, en kow pabukma dow na iu bowk kown chekhai. Nahanow en sak kowi kow anowi dow aiu uang na khai hanow, iu dow akraingma na own kown chekhai. ²⁴Amia iawng mi paw aluchah preia lup nowngia hum dowi tham; lowkia kowi na king küaah kown now, lowkia kowi dow na sakrauah kown, na dowi hanow, lowkia na ngiah hanow lowkia dow na e-ah iüah kown; Thurai hai pawisa tangka lup nowngia hum dowi tham.²⁵Naiawng rakowi ang na tek enni, ‘tawngchow ang na cha kown hai tawngchow ang na kham kown’ pahai kow uan kowi hang kow taprüa büah diah; nachenganchepaw chakkham lak-e singra lang kri rowt dowi bow? khupdip tawngklai lak-e paw a-i buk lang pankri rowt dowi pa bow? ²⁶Mukkuang kowi kow uakling uaberuüa kowi sam müah büah ma diah, sawt paw sawt büah dowi, ngen paw ngen büah dowi, pam kowi paw hing krümah büah dowi, nachenganchepaw enni Pa mukkuang kowi uowi mi dow peah chakkham reng chekhai dow; Enni mih amatni lak-e ahuma enni lang pankri rowt dowi pa bow?²⁷Now enni pungma dawng kowi amia iawng mi chow aia chowng pamukchow paw nowng ia iat khai mi uowi? ²⁸Tadip tadaumüa lawnguan kowi matawng palawng kow chow enni taprüa khai chow? Viadawng kowi kow bawngrawng pau awr iuk khai mi krang kowi sam paw tuak büah ma diah; lup maten chang büah dowi, la paw hing rui büah dowi; ²⁹Nachenganchepaw ang na tek enni, Sawlawmawn mih aia kraing müa maiow hai tatawng khe ma ün mi pau lowkchah iawng khowm dow nowngia prem dowi tak.³⁰Ani kow aiung mow sing mi pram dow tharau khe maih kowi na tinah kown mih kowi khowm dow Thurai naiawng khowt tawngah khai hanow, enni owmra ditchow miuüa low, enni kowi ngam dow ahuma mi klangiungra hown lang tawng enni dowi tham pa bow? ³¹Nahanow hang kow taprüa büah diah,³²‘Tawng chow ang na cha kown? Hai tawng chow ang na kham kown? Now tawng hai chow ang na tadip tadau kown?’ Pahai Jentailuüa na ün maiow dow cham büah reng chekhai; na ün mi maiow dow enni hau khai pa mi Pa mukkuang kowi uowi mi tuk enni reng chekhai. ³³Aia pren hai aia tachi tanawm la müa phai rik cham rowt büah diah, hanow na ün maiow dow na pe enni kown taih. ³⁴Naiawng rakowi auai rau vüi hang kow rik taprüa diah, auai rau vüi dow aiamat na tatuak kown chekhai mi rakowi; pa ni ngare mih pa ni vüi na iung kown taih sow.

AKENG MARU KOWI PRAWNGREN MI ¹Hang cham chet tra büah, na chet enni dowi kown kow. ²Enni chetah mi tra powniawng dow enni luk kowi paw na chet enni kown; enni khaiah mi pown iawng na kut plan khai enni iawk kown.³Now tawng palawng kow chow pamatia mik kowi kow sat uowi mi dow tuak dowi matchang kowi en tainau mik kowi kow minsür chalachah uowi mi dow en khi khai chow? ⁴Tawngpa lawng kow chow en tainau tut-e, en mik kowi kow minsür chalachah mi paw ta en khai lah, pamih en na nowng tek kown chow? Sünta, en matia ngengche kowi mikpüi dow hing uowi ta hüah khai. ⁵Maru puanput iow, en mik kowi kow mikpüi uowi mi rik paw ta diah, hanow en tainau mik kowi kow minsür chalachah mi na paw ta kown mi dow achangma en na khi kown.⁶Achim asai mami uan kui kowi hang kow peah diah now, pak pur kowi enni kow maiak iun hang kow kuak ta pe hüa diah; khawk hown na nün na thua ah now tasek taleu pat nachang ta enni tarawng.⁷Lü büah diah, hanow na pe enni kown, cham büah diah hanow enni na khi kown; khik büah diah hanow na uow enni kim plawt kown. ⁸Lowra maru lü mi sarui dow na ka büah kown, lowra maru cham mi sarui dow na khi büah kown; now amia chow khik mi kowi dow na uow pe kimplawt büah kown chekhai. ⁹Na dowi hanow, amia iawng mi chow chapa lü kawmpah khai e dow hua na peah kown. ¹⁰Now lü enni dam khai e dow miachow na peah rua kown chow?¹¹Nahanow enni matia maru ngakuüa khowm dow enni chauuüa kowi uan iung na peah kown mi enni tuak khai hanow, enni Pa mukkuang kowi uowi mi tut-e lü miuüa kowi dow uan iung mi lainowmma na peah kown chekhai. ¹²Nahanow lowra maru enni lukkowi enni nauah iawng chang mi sarui kowi dow, amatni luk kowi paw tawi chang pe büah diah; nami dow ari-arow lawng uan hai Risiuüa chabowih kowi kow arui uowi mih uan nakhai rakowi.¹³Tiama biu kowi mang büah diah; tama lami mangra tiama dow aphiama, tiama paw auarma na khai, na mi pra kowi kow mang mi dow kawm paw kaneuma kawm büah chekhai. ¹⁴Singra kowi kow mangra tiama dow abiuchah, tiama paw atawkkekchah, mang miuüa paw a e-chah chekhai.¹⁵Risi iua uüa ün hown kaneuchah pe ching büah diah; na ün mi dow ruapur pik khup hanow enni tut-e na uang reng kown, amatni kawlak pra kowi mi tarapche dow Sui alawnma mi iawng chekhai büah mi chekhai. ¹⁶Amatni auih apau kowi enni na tuk matah kown taih. Chu mung char mung kowi Grep uih bow, na dowi now singchuh sing kowi Uidut uih lüng ka kat tak bow? ¹⁷Naiawng palawng dow sing iung mi kowi dow auih aiungma uih reng, sing iung dowi mi dow auih mapaw hing iung dowi.¹⁸Sing iung mami kowi katpaw auih piak dowi now sing rawka mami kowi uih iung nowngia uih dowi chekhai. ¹⁹Auih iung dowi mi hai uih dowi mih sing sarui dow krip taah büah now maih kowi tinah reng khai. ²⁰Hanow amatni kowi dow auih apau kowi enni na tuk matah kown taih.²¹CHAKRAMANG CHAKRAMANG pah haw ang mi sarui dow mukkuang pren kowi ia kup büah kown na dowi tham, a Pa mukkuang kowi uowi mi nau mi krang iawng chang mi sarui tarapche dow na nowngia kup kown. ²²Nami ni kowi dow maru kawmma CHAKRAMANG CHAKRAMANG en ming hai Risiuüa sangbowk laitawm ün anging phuang dowi pa bow? En ming hai süngnam ün anging prüt dowi pa bow? En ming hai awdara lup ahuma anging chang dowi pabow? Pah na tek büah kown. ²³Nami khin khe dow, enni lup ngak chang miuüa low, kat paw ang tuk enni dowi; ang hownia alak ma kowi cham powt büah diah, padow amatni kowi achangma ang na tek pe kown.²⁴Nahanow lawngtowng büarüa ma ün ang tekah mi laiklow ta kowh chün miuüa sarui dow, maru chanlai mami singku huamang luk kowi chang kim mi hai uatah mi chekhai. ²⁵Uang uang hanow tuikling mang lawt khai, li uang khai now nami kim dow uang hutah khai, nachengan chepaw tim dowi, singku huamang luk kowi changah kaneumi na chekhai rakowi.²⁶Now lawngtowng büarüa ma-ün ang laiklow tah kow chün dowi mi sarui dow, maru sangching uowi dowi mi sephung luk kowi chang kim mi hai uatah mi chekhai. ²⁷Uang uang hanow tuikling mang lawt khai, li uang khai now nami kim dow uang hutah khai, kim dow tim khai bowt, apiak krang dow kaneuma na kraing kown chekhai.²⁸Isu dow na ün mi laiklow ki tek hai akrowksang maru kawmuüa dow kaneuma awda büah khai. ²⁹Ari arow tüngsang mi iawng na dowi, alow ka mi powm iawng tüngsang ah khai rakowi.

ISU CHANG AMI AWDARA LUP MAIOW ¹Now hung hownia aia uang iu dowm kung kowi maru kawmma aia mat kung tawi büah khai. ²Now sünta, aia tut-e par rawka lowkia uang khai, Chakkramang, en nau hanow en nowngia chimsai ang khai, padow uang chupah now tek pe khai. ³Isu dow aia rut hown hai towpah now tek pe mi, “ang nauchah, uang chim uang sai bowt diah” pakhai, nami hai akrowsang par dow uang iung khai bowt.⁴Now Isu dow aia tut-e, “sünta, mia kowi paw na tek dowi kown kaneu ba pakhai; natarapche dow uama tut-e ka tatüng now en iungra kowi maruuüa tut-e Mosi mi uan na pe kown khowmah mi iawng dow kow ap diah, amatni achangma na tuk ta la kown kow,” pakhai.⁵Now Kapernaum kowi aia kow kup khe aia tut-e siphai akawmia powng mi aluchah uang khai, ⁶Chakkramang, ang kow nar cheleng hai kim kowi aia mawk hüa, kaneuma arau hai uowi khai, padow tek pe khai. ⁷Now Isu dow aia tut-e, ang na uang hanow ang na iungah kown pakhai.⁸Now siphai akawmia powngmi aluchah dow aia tut-e, Chakkramang, kim lak en na kup ang kown khowm ang lahawm dowi; alow chataih peah hanow ang kow nar na iung kown taih. ⁹Ang paw maru low kowi kow uowi mi ang na khai, ang low kowi siphaiuüa paw uowi büah khai; amatni pungma dawng kowi lowkia tut-e “kow kowi diah” pah ang tek now kow kowi reng, now “uang diah” pah ang tek now uang reng khai, ang nar tut-e paw “mami chang diah” pah ang tek now chang reng khai padow klangah khai. ¹⁰Now Isu dow na ün mi laklow ta hanow kaneuma awda khai, aia kung kowi tawi miuüa tut-e, lainowmma ang na tek enni, Israeluüa pungma dawng kowi paw makhowt owmra khawt mi ang khi dowi.¹¹Ang na tek enni Sat lawt hai Sat kup hownia maru kawmma na uang hanow, mukkuang pren kowi dow Abraham, Isak, Jakawb büah hailawam Ruapurchah pur kowi athaulangma na chowm büah bowt kown ¹²Pren chauuüa tarapche dow uat a iuma kowi na lawt taah büah hanow, na kowi dow kar hai na krit iüng büah kown. ¹³Now Isu dow siphai akawmia powng mi aluchah tut-e, mang taih bowt diah, en owmah iawng en luk kowi pa uang chamting lah pakhai. Now nar dow nami nari ngengche kowi uang iung khai bowt.¹⁴Now Isu dow Peter kim kowi kow kup khe, aia masi u dow krau kow mawk mi kow khi khai. ¹⁵Aia rut dow towp pe khai, now aia krau dow uang prowng khai bowt; awr rü hanow aia chin dow tah pe khai bowt.¹⁶Now Sat kowi pra kowi dow süngnam plawpah miuüa akawmma aia tut-e uang pawlah büah khai, alow hai süngnam büah kowi dow aia prüt ta khai, arau uowi mi maiow uüa kowi paw iungah khai; ¹⁷“Aia mat ngengche dow a i kür uowi dowi mi kowi hawt paw khai now a i rawka maten kur khai” pah risi Isai tekmi laiklow na uang nowngia tachi lah kown kow.¹⁸Now Isu dow maru kawmma aia ria ret kowi khi hanow kan pai pra pown kowi na kowi kown mi peah alow khai. ¹⁹Kawngmu sra lowkia uang hanow aia tut-e, tüngsang mi en cham kowira sarui kowi en kung ang tawi kown pakhai. ²⁰Isu dow aia tut-e, Brenkhuiuüa ka kua khai, kuang kowi kow uaklinguüa paw ka bai khai; maru chapa tarapche dow aia lu nera khowm dow ka dowi pakhai.²¹Tapeuüa pungma dawng kowi lowkia mi aia tut-e, CHAKRAMANG, a pa kowi rik dup la kown kow pe ang alow diah pakhai. ²²Nachengan chepaw Isu dow aia tut-e, angkung uang tawi diah; makowng maruuüa dow amatni makowng maru kowi pa cham dup lah pakhai.²³Lawng kowi Isu awr pün hanow aia kung tapeuüa uang tawi khai. ²⁴Now sünta, Sata kowi liku kraingma uang khai, tui lowng dow lawng lim ngia lia uang na khai bowt; nami khin khe Isu tarapche dow müi khai. ²⁵Tapeuüa dow aia tut-e uang hanow krüngah büah khai, CHAKRAMNG lawng anging diah, anging na tama kown chekhai dow pabüah khai.²⁶Aia mat dow amatni tut-e, owmra ditchah miuüa low, matawng palawng kow chow nakhowt enni kram? Pakhai. Now aia dow awr rü hanow li hai Sata tui kowi dow nangah khai; uang rim büah bowk khai bowt. ²⁷Maru kawmmauüa dow kaneuma awda khai, mami maru mih tawng chow na khai, li hai sata tui pat paw aia laiklow chün büah khai dow! Pa büah khai.LÜMLA NGAK PLAWPAH MI PREIA KOWI ISU IUNGAH MI ²⁸Now pai pra pown Gadaria maruuüa pren kowi dow kow kowi khai, süngnam plawpah mi preia tadupra hownia uang awr rü hanow a-ia pur kowi uang iowng iüah khai; lainowmma kramra uowi mi maru naiüah khai rakowi na mi tiama kowi mia paw nowngia mang büah dowi bowt. ²⁹Now sünta, amatchi dow awr rü hanow, Thurai chapa angching hai en tawngchow taklawp taiuara uowi? Khowti tachi dowi rawn tak khe na towk angching ngare kown kow bow mami re en uang mi? Padow pla iüah khai.³⁰Now amatni uowira hownia alakchah kowi pak hawm akawmma taw khai. ³¹Süngnam dow, en prüt angching kown nau hanow sakrauma hown pak hawm kawlak kowi pa kup angching diah, padow a-ia kowi lü iüah khai. ³²Now a-ia mat dow amatchi tut-e, powt bowt pakhai. Uang lawt iüah hanow pak kawlak kowi kow kup khai; now sünta, pak maiow dow iowm hanow rak hownia Sata tui kowi kow dow büah khai; tui kowi tamir now hing kowng büah rim khai bowt.³³Now athing miuüa kow powt büah khai, marow kowi kow ting hanow lümla ngak plawpah mi luk kowi kow alup uang ting mi maiow dow kow tek büah khai. ³⁴Now sünta, amatni pakuama dow Isu kowi na khi kown kow uang tarü büah khai, a-ia mat kowi khi hanow amatni uowira hownia na powt kown kow aklangiungma tek pe büah khai.

CHENGLENG LOWKIA KOWI IUNGAH MI HAI A-IA NGAK LAWT PE MI ¹Isu dow lawng kowi awr pün hanow aw paipra pown kowi a-ia uowi la mi mrow kowi dow uang ting khai bowt. Sünta, chengleng lowkia müira prowng kowi mawkah mi kowi dow a-ia tut-e uang pawla büah khai. ²Now a-ia kowi owm büah mi krang hawt khi hanow Isu dow chengleng phaw mi tut-e, ang chapa, sak khawtma uowi diah, en ngak ün lawt ta en bowk khai bowt pape.³Now sünta, kawngmu srauüa tawng mi chabakuüa dow amatni saktuak kowi, “mami maru mi Thurai kowi nü dowi chekhai chaw” pabüah khai. ⁴Amatni saktuak khi hanow Isu dow amatni tut-e, “tawngpa chow enni saktuak kowi angak enni tatuak chow? ⁵‘En ngak ün lawta en khowk’ pamih hai ‘awr rü hanow mang bowt diah’ pamih kowi atawng mi chow atek lang iarowt? ⁶Lowra iawng pacham na low maruchapa mih aprek na lawt la kownmi alow uowi, pamih enni na tuk la kown kow” pakhai. Naiawng rakowi chengleng tut-e, “awr rü hanow en kow mawkra phangbek pawla now kim pra kowi mang diah” pakhai.⁷Awr rü hanow aia kim pra kowi mang khai bowt. ⁸Now maru kawmma uüa dow nami kowi khi büah hanow kram büah khai. Maruuüa tut-e naiawng alow pe miia Thurai kowi dow kiow büah khai bowt. MATHAI KOWI ISU LAIAH MI LAWNGUAN ⁹Now Isu nahownia mang iawlaw hanow, amu kawkra kowi chowm mi maru lowkia aming Mathai kowi kow khi khai; Isu dow aia tut-e, “ang kung uang tawi diah” pape khai. Awr rü hanow tawi khai bowt.¹⁰Mathai kim kowi cha hawm büah thüm mi khin khe, amu kawk miuüa hai maru ngakuüa akawmma uang büah hanow, Isu hai tapeuüa hown tawi taiua cha hawm büah khai. ¹¹Pharisaiuüa dow nami khi büah hanow atapeuüa tut-e dow, tawng palawng kow chow enni kow tüngsangmi dow amu kawkmiuüa hai maru ngakuüa hown tawi taiua cha hawm khai dow? Pape khai.¹²Isu dow nami laiklow ta hai akrowksang amatni tut-e, kow iung miuüa dow hau daktawr büah dowi tham, nachengan chepaw arau uowi miuüa tarap dow hau büah khai. ¹³“Nahanow alawt lükra na dowi sanara dow ang nau chah” pamih a uan dow tawng chow pami cham tasang büah diah; maru tachi tanawm mami uüa kowi na haw la kown kow ang uang mi na dowi, maru ngakuüa kowi na hawla kown kow ang uang mi na rowt mi chekhai pakhai.¹⁴Nami khin khe Jawhan tapeuüa uang hanow aia tut-e, “Pharisaiuüa hai anging dow tow hawm khawr reng, tawng auan kowi chow en tapeuüa hing tow hawm khawr dowi dow?” Pape khai. ¹⁵Isu dow amatni tut-e, “ahua kown mi uowi mowr dow buk pawk miuüa nataprüa tanguk kown bow?” Nachengan chepaw ahua kown mi dow amatni hownia na pawta pe kown mi ni na uangting kown; nami khin tarap dow na khawr hawm büah kown.¹⁶Amia iawng mi paw uan prin kowi uan sar thowk mi hown sownah dowi, tasek mi mia müa kowi sownah khai e dow na tasek hanow naplan tasek ngamlam kown chekhai rakowi.¹⁷Mia iawng mi paw Grep uih tui sar mi ip prim kowi towah dowi; chakpik ip dow na uang tathek hanow uain tui dow hawk bowk kown, chakpik ip paw na piak kown; nahanow maru dow chakpik ip sar kowi uain tui towah khai, nami dow prepra matawngmi paw piak dowi bowt tham.MASIUÜA ARAU UOWI MI MASIUÜA NGEUUÜA KOWI IUNGAH ¹⁸Isu dow na ün mi lai klow amatni tut-e tek mi khin khe, sün ta, aluchah lowkia uang hanow chupah khai, ang chama kawmat-e kowng khai; nachengan chepaw uang hanow aia luk kowi en tang pe rut now, na awr plan sing iawk kown taih pa dow tekpe khai. ¹⁹Now Isu dow awr rü hanow, aia tapeuüa hai lawm aia mat kung tawi kowi büah khai bowt.²⁰Now sünta, masiuüa lowkia halaipre ning awng vi hai arau uowi mi aia kung kowi uang hanow aia uanh chawn uang towp khai; ²¹Aia uanh chataih paw towp e dow ang na iung kown taih, pa dow tuak khai. ²²Isu dow kung pra hai dang hanow aia tut-e, ang chama sakkhawtma uowi diah, en owmra mi pa iung en khowk,pakhai. Masiuüa dow nami nari kowi iung khai bowt.²³Isu dow aluchah kim kowi uang ting hanow, parui tummiuüa hai maru kawmuüa tün nowk lawmlawm mi kow khi khai, ²⁴Now Isu dow amatni tut-e, süt büah diah, ngeuuüa mi kowng dowi chah, müi mi chataih rowt pakhai. Now amatni dow khareah büah khai.²⁵Maru kawmuüa kowi prüt ta mikung kowi alak kowi aia ung kup hanow ngeuuüa rut uang dowk khai, now awr rü khai bowt. ²⁶Nami pren maiow kowi dow anang satang uang tahowng khai bowt.ISU MIKDU PREIA HAI LAIAH MAMI KOWI IUNG MI ²⁷Isu nami hownia mang iawlaw now mikdu mi preia aia kung uang krawi iüah khai; “David chapa, sana angching diah” padow haw iüah khai. ²⁸Kim kowi aia kup hanow mikdu iüah dow aia tut-e uang iüah khai; Isu dow amatchi tut-e, “mami nowngia chang pe enchi kown mi enchi owm bow? Pakhai. Amatchi dow “owm chah CHAKRAMANG” pa iüah khai.²⁹Aiamat dow amatchi mik towp pe khai, “enchi owmah mi iawng enchi luk kowi pa uang cham ting lah” pakhai. ³⁰Hanow amatchi mik dow uang thowi khai bowt. Isu dow amatchi tut-e, “sünta, mia kowi paw hang cham tek iüah ba” padow akhawtma hang ah khai. ³¹Nachengan chepaw amatchi dow awr lawt hanow nami pren maiow kowi aia satang cham uet pe iüah khai bowt.³²Lawt büah thüm khe sünta, süngnam khümah mi laiah mi lowkia aia tut-e uang paw la büah khai. ³³Süngnam kowi dow aia prüt ta pe hai akrowksang laiak mi dow uang nowngia tek lai khai bowt; marukawmma uüa dow kaneuma awda hai tek büah mih “Israel pungma dawng kowi maiawng mi kat paw khi dowi tak” pa büah khai. ³⁴Nachengan chepaw Pharisaiuüa tarapche dow, ‘süngnam mang nakhai rakowi nowngia prüt süngnam mi chekhai’ pa büah khai.³⁵Isu dow kua aiukma mi hai kua asowm chah mi kowi krawi len khai; amatni takuara kim kowi tüngah sangah khai now Thurai pren sangtang iung dow tek hai rawka hai arau uowi mi maiow uüa kowi iungah khai. ³⁶Maru kawmma uüa kowi khi hanow Isu dow kaneuma sanaah khai, akhet miia uowi dowi mi ruapur hawm iawng cham mang panglang büah khai rakowi.³⁷Aia dow atapeuüa tut-e, cha nangen kown kaneuma hu khai diah, lupchangmi kaneuma e büah khai. ³⁸Hanow na ngen cha kownmi maru na uang chin la kown kow iüa ia tut-e lü büah diah pape khai.

HALAI PREIA TAPE KOWI ISU CHINAH MI ¹Aia tape halai preia kowi dow aia ra-e hawah khai, lümla sürlawk ün nowngia prüt la büah kown kow hai rawka hai arau maiow nowngia iung la kown kow lowra nowngia chang lami alow peah khai.²Chintakmi halai preia uüa ming dow ma ün mi chekhai, auown kowi Simawn, Peter pah tek pe büah mi hai aia tainau Andria, Zebadai chapa Jakawb hai aia tainau Jawhan, ³Philip hai Barthawlawmawi, Thawm hai amu kawkmi Mathai, Alphai chapa Jakawb hai Thadai, ⁴Sak khowng mami Simawn hai aia kowi khümah mi Judaiskariawt.⁵Naün mi maru halai preia kowi dow Isu cham chinah khai, now amatni kowi maiawng ün alow dow peah khai, Jentaluüa uowira kowi hang kow kowi büah, Samari uüa marow towng kowi paw hang kow kup büah pape khai; ⁶Ruapur tama mi Israel uüa tet-e phai kow kowi büah rowt diah. ⁷Enni cham kowi rah kowi “Mukkuang pren dow uang ta tawn khowk” padow tek la iawlaw büah diah.⁸Arau uowi mi kowi iung laah büah hanow kowngmi uüa kowi krüngah büah diah, par ün achim asaima chang alah büah hanow süngnam ün prüt la büah diah; aiawng enni kami nakhai, aiawngma peah büah diah. ⁹Enni ke kawm kowi ku, tai hai kri tangka ün chepaw hang kow phang la büah diah. ¹⁰Khari kowi müa kowi im chepaw kowrma prekhup chepaw phanaikhawk hai raitua ün paw hang kow hing paw la büah diah; lupchang mi dow pamatia tataing iawng naka asung kown chekhai.¹¹Marow kowi chepaw, kua kowi chepaw enni pünra na taka kown mi krawi chamah büah dia, enni mang dowi mowr dow na kowi uowi reng büah diah. ¹²Kim kowi enni kup mi khin khe kimia kowi chupah diah. ¹³Nami kimchakuüa dow chupah mi powmiawng na büah khai hanow enni sakkhawtra dow amatni luk kowi pacham ting lah; enni sakkhawtra mi apek tataing dowi powmiawng na büah khai hanow enni luk kowi pacham uang plan iawk lah.¹⁴Lowra maru hawt howr enni dowi, enni laiklow paw nau sünta enni dowi hanow, nami kim hown chepaw, marow hown chepaw enni lawt mi khin khe khawkpha kowi kow dinchah sawt laah büah khai diah. ¹⁵Lainowmma ang na tek enni, na chet pe tara mi khin khe dow nami marow naka ngare mi lak-e Sadawm ha Gawmawra pren na kham kown mi dow na lang howp rowt kown chekhai.¹⁶Sünta, Sui pungma dawng kowi ruapur kow kup mi iawng ang kow chin enni chaw; naiawng rakowi rua iawng achanlaima hai uatur aser auowk uowi dowi mi powm iawng uowi büah diah. ¹⁷Natarapche dow, maru hawmuüa dawngkra kowi pe la ching hai kaneu büah diah; tara pur kowi na pa iowng enni hanow amatni takuara kim kowi na tep enni ün. ¹⁸Ang matia rakowi aluchahuüa hai manguüa pur kowi ün, amatni hai Jentailuüa ang laiklow na nowngia tuk la kown kow napaw la enni kown.¹⁹Nachenganchepaw naiawng na paw la enni mi khin khe, enni na tek kown mi dow hang kow rik tuak krat büah diah; enni natek kown mi khin khe dow na patuk na pata enni kown chekhai rakowi. ²⁰Natek kown mi dow enni matia na dowi chekhai, enni Pa lümla sai hownia na tek rowt kown chekhai.²¹Now aia tainau kowi aia tainau na paw pe asak kown, pa paw chapa kowi na paw pe asak kown kow na khümah kown; chauuüa paw amatni u hai pa kowi na king küaah hanow na paw pe asak kown. ²²Ang ming rakowi maru maiow na king küa enni kown; achur khe pat nowngia kham ngare mi sarui dow lawngra naka kown. ²³Nami marow kowi chang enni anowng apowng hanow akeng marow pra cham powt büah diah; lai nowm ang na tek enni kown, Maru Chapa na uang dowi rawn khe Israel marow maiow enni nowng krawi len bowk dowi tak tham.²⁴Sangthüm miuüa dow tüngsang mi luk kowi uowi dowi, nar paw aia kowi tawnah mi ia luk kowi hing uowi dowi. ²⁵Sangthüm miuüa dow tüngsangmi iawng na khai now nar paw tawnah mi ia iawng hanow amatni vüi na tanowk kown chekhai. Tawnah mi ia kowi khowm dow süngnam ngak pa tek pe büah hanow aia tasin taken miuüa kowi ngam dow na tek pe ngamlam dowi tham pa bow?²⁶Nahanow amatni kowi dow hang kow kram büah diah, na tüng dowi kown kow phumah mi tawng paw uowi dowi, na tukah dowi kown kow daah mi paw tawng paw hing uowi dowi. ²⁷Aiiu kowi kow ang tek enni mi dow anowi kowi tekah büah diah, param hown asinchah enni ta mi dow kim luk hownia kow phuang büah diah.²⁸Kowh kowi dow nowngia paw pe asak, lümla kowi dow nowngia paw pe asak dowi rakowi hang kow kram büah diah; ngare towkra kowi kow hai lümla nowngia mata mi kowi tarap che dow kramah büah diah. ²⁹Uacho prebuk pawisa aiun hown sumah reng na dowi bow? Nachenganchepaaw amatni pungma dawng kowi lowkchah paw enni Pa low hown na dowi hanow krawng kowi dow dowi tham. ³⁰Nahanow enni lu kowi kow samiang maten paw arüa uowi bowk mi chekhai. ³¹Naiawng rakowi hang kow kram büah diah, uacho akawmma lak-e enni lang kraing rowt chekhai.³²Nahanow maru pur kowi ngi ang mi sarui kowi dow a Pa mukkuang kowi uowi mi pur kowi ang tawi tangi laah kown. ³³Lowra maru pur kowi tada ta ang mi tarapche dow, a Pa mukkuang kowi uowi mi pur kowi ang tawi tada taah kown.³⁴Lusa kowi taking tasangra na uang thawp la kown kow ang uang mi hang kow tuak rowt büah diah; saidawng pachünah kown kow ang uang mi chekhai rowt. ³⁵Nahanow chapa apa kowi, chama a u kowi, anakaw hai aiauma hown na praiah kown kow ang uang mi chekhai. ³⁶Nahanow pamatia kimchak maru na chowng ransu kown.³⁷Lowra maru a u hai apa kowi ang kowi lak-e lang sakrau mi dow ang tut-e tachi tanawm dowi tak, now amia chow chapa hai chama kowi ang kowi lak-e lang sakrau mi dow ang tut-e achi anawm ma na dowi tak chekhai. ³⁸Amia chow pamatia kraws kawt hai ang kung uang krawi dowi mi dow, aia dow ang vüi kowi lahawm dowi tak. ³⁹Miachow pamatia sak town mi dow aia sak na mata ngengche kown; nahanow amia chow ang rakowi sak sum khai mi tarapche dow lawngra na ka ngengche kown.⁴⁰Lowra maru howr enni mi dow ang kowi howr ang mi chekhai; lowra maru howr ang mi dow uang chin ang mi ia Thurai kowi howr mi chekhai. ⁴¹Risi na khai mi rakowi howr risi mi sarui dow risi awmrawm sung na ka büah kown; tachi tanawm mi maru nakhai rakowi aia kowi howr mi sarui dow maru tachi tanawmmi awmrawm sung naka kown.⁴²Lainowmma ang na tek enni, ma ün maru sowmlowm chah mi pungma dawng kowi lowkia chah paw ang tape nakhai rakowi tuirua pabiachah pe khamah khai hanow, aiamat awmrawm sung amia iawng mi paw nowngia town büah dowi tham kown pakhai.

ISU HAI BAPTIST CHANGMI JAWHAN ¹Isu dow tapeuüa halai preia kowi peah alow kung kowi na hownia marow towng maruuüa kowi na tüng na sang kown hai ne tek lai klow kown kow tarü khai bowt. BAPTISMA CHANG MI JAWHAN KOWI ISU KLANG MI ²Now baptist changmi Jawhan thawng rum kowi uowi mi dow Krista lupchang krang hawt ta hanow, aia kowi na lün taah lai kown kow atapeuüa kowi krawi chinah khai, ³Now aia tut-e, ‘na uang kown pami en cha bowt bow? Na dowi hanow akeng mi kowi bow anging na chawng kown? Pape khai.⁴Isu dow amatni tut-e, “plan kut mang taih bowt diah, enni taah mi hai enni khiah mi dow Jawhan kowi kow tek pe büah diah; mik du miuüa mik uang thowi khai now klowng khawn tabai miuüa khawk hown mang büah khai, par miuüa uang chim uang sai khai now param pangma miuüa param uang ta khai bowt, kowng miuüa awr nowngia rü büah khai bowt, ngarawng ngarai mi uüa tut-e paw Satang iung phuang büah khai bowt. ⁵Mik du miuüa mik uang thowi khai now klowng khawn tabai miuüa khawk hown mang büah khai, par miuüa uang chim uang sai khai now param pangma miuüa param uang ta khai bowt, kowng miuüa awr nowngia rü büah khai bowt, ngarawng ngarai mi uüa tut-e paw Satang iung phuang büah khai bowt. ⁶Lowra maru ang rakowi mata sak pat uowi mi dow athaulang ma miuüa chekhai” pakhai.⁷Nami maru uüa mang büah khai bowt mi hai akrowksang, Isu dow maru kawmma miuüa tut-e Jawhan lawng uan aia tek khai bowt, matawng chow na mü kown kow süngrüp süngkangma kowi enni kow kowi? Li hutah kow klungma chü mi bow? ⁸Naiawng na dowi hanow matawng ra kowi chow enni kowi mi? Aklang iung mami khupdip tawngklai hown tatawng mi maru kowi na mü kown kow bow? Sünta, aklang iung mami khupdip tawngklai hown tatawng mi maru uüa dow mang kim kowi chataih uowi büah.⁹Matawng palawng kow chow enni kow kowi mi dow nakhai mi dow? Lowkia risi kowi nakhi la kown kow bow? Na ngengche mi chekhai, ang na tek enni, aia dow risi lak-e paw lang kraing rowt mi chekhai mami maru mi dow. ¹⁰Aia lawng uan kowi ruiah büah mi maru dow mami chekhai, “sünta, ang chintak mi en pur kowi ang na chinah kown; aia mat dow en dowi rawn en tiama na kamrüt kown” pah ruiah mi.¹¹Lainowmma ang na tek enni, masiuüa kumah mi nau maten penah mi pungma dawng kowi baptist changmi Jawhan lak-e kow lang iuk rowtmi kat paw uang pen büah dowi tak, natarapche dow mukkuang pren kowi kow maru lang sowm mi paw aia lak-e langkri rowt chekhai. ¹²Baptist changmi Jawhan uang uowi hownia kow akawmat pat hawt pawmah rim rim büah khai, towk kür chamang towk kür miuüa dow kup Thurai pren büah reng.¹³Risi maiowuüa hai Jawhan uang uowi mowr paw ari arow lawng uan kowi rik tek ta khowk. ¹⁴Enni owmah kown nau khai hanow aia mat dow Elija, na uang kown mi chekhai. ¹⁵Na sünta la kown kow param uowi mi dow lai nowmma pa cham sünta lah¹⁶Natarapche dow, akawmat kow maruuüa kowi matawng hai chünchü ang na uatah kown? Ngeuuüa chi dawng kowi kow chowm hanow amatni auiua uüa kowi hawah khai mi iawng hown tatu. ¹⁷‘Parui anging tum enni khai nachepaw enni nau plai dowi; taprüa tangukra ahuma anging tüng enni khai enni sak paw hing nga dowi.’¹⁸Jawhan dow uang hanow, cha dowi kham dowi rakowi mungnam plawpah mi pa büah khai. ¹⁹Maru chapa mi uang hanow uang cha uang kham khai, sammü ma diah alawnla mami hai apuala mami, amu kawk miuüa hai maru ngakuüa auiua pa dow tek pe khai. Natarapche dow chanlaikrang dow aia lupchang kowi uang tüng chekhai pakhai. OWM DOWI MIUÜA TUT-E TARIPRA LAI ISU TEKMI²⁰Tarip büah dowi rakowi awdara lup ahuma Isu chang ami marow ün kowi dow aia nangah khai bowt. ²¹‘Karazin en aluk tapit khai, Bethsaida en alup tapit khai, enni pungma dawng kowi kow kraingra lup maiow Tura hai Sidawn kowi chang panü dow sala uan khup hai plawi na prui büah hanow tarip büah pami natüng nasang büah bowt kown cha diah. ²²Nachengan chepaw ang na tek enni, na chet Tara mi ni khe dow enni na khamah mi ngare lak-e dow tura hai Sidawn nakham ngare kown mi dow nalang howp rowt kown.²³Aw Kapernaum, mukkuang ting pat na chowng en kown pa dow? Krawng dak pren ting pat en na nem kown; enni matia kowi kow awdara lup chang ün mi dow Sadawm kowi chang khai edow akawmat pat paw na uowi reng kown taih diah. ²⁴Nachengan chepaw ang na tek enni, na chet tara mi ni khe dow enni na khamah mi ngare lak-e dow Sadawm pren nakham ngare kown mi dow nalang howp rowt kown’ pakhai.' KAWM MIUÜA VÜI NAIRA²⁵Nami khin khe Isu mami lai tek khai, “aw a Pa, krawng hai mukkuang CHHAKRAMANG en dow, maru chanlai mi hai cha tuk miuüa tut-e maün laiklow en pet ta khai, pawp miuüa tut-e en phuang khai rakowi ang kiow en khai. ²⁶Na chah a Pa, naiawng mi dow en nauah mi krang nowm mami chekhai.” ²⁷A Pa dow lowra uan akümma apta ang khowk; Pa chataih dowi hanow amia paw Chapa kowi tuk büah dowi; Chapa chataih dowi hanow Pa kowi paw tuk büah dowi, Chapa nauah mi chataih dowi hanow miapaw Pa kowi tuk büah dowi.²⁸Enni kurdik kur mi hai kawm miuüa low, ang tut-e uang büah diah, hanow ang matia ang pa nai enni sow. ²⁹Ang kow nam uai phai uai büah hanow ang tut-e sang büah diah, khamsum kham dawh mi hai kup dawh mami ang na khai rakowi; hanow enni lümla vüi naira enni naka kown. ³⁰Ang kow nam uai dow kaneuma iung khai hanow ang kur ami paw achowng ma chekhai pakhai.

TANAI NI LAWNG UAN KOWI ISU TÜNGSANG MI. ¹Nami khin khe Isu dow tanai ni kowi cha dawng iawng hai mang khai, aia tapeuüa hawm sakkrai büah khai rakowi cha püi klowk büah hanow cha büah khai bowt. ²Pharisaiuüa dow amatni kowi khi hanow aia tut-e, “mü diah tanai ni kowi iung chang dowi mi dow en tapeuüa chang büah khai chaw” pah büah khai.³Aia dow amatni tut-e, “a auiua büah hai lawm hawm sakkrai mi khin khe David chang ami krang enni phat dowi bow?” Pape khai. ⁴Thurai kim kowi kow kup büah hanow, aia mat hai a auiua uüa iung cha dowi mi uama uüa chataih iung cha ami kawm dow cha büah khai.⁵Na dowi hanow, uama uüa mi tanai ni kowi khangah dowi hai Thurai kim lup chang khai chepaw akhang piak dowi tham pami enni phat dowi bow? Pakhai. ⁶Ang na tek enni, Thurai kim lak-e kow lang kraing mi dow ma ra-e uowi lowkia⁷“Asak pawk lak-e sanara ang lang nau chekhai” pami matawng kowi chow tek pe mi auan enni tuk khai panü dow, maru ngak na dowi mi kowi enni kuakah asum dowi tham diah. ⁸“Maru chapa mi tanai ni CHAKRAMANG” na khai.⁹Nahownia mang büah hanow amatni takuara kim kowi kow kup büah khai. ¹⁰Sünta, rut chengleng lowkia hawt uowi khai. Isu kowi na peah angak kown kow, tanai ni kowi iungah kown mi aiung nadowi bow? Pa dow lüntaah büah khai.¹¹Aiamat dow amatni tut-e, enni pungma dawng kowi amia kow chow ruapur uowi lowk, now kuam kowi dow khai e dow amia iawng mi chow kow paw ta dowi tham mi uowi? ¹²Ruapur lak-e dow maru lang pankri rowt dowi pabow! Naiawng rakowi tanai ni kowi lup iung chang iung chang chekhai pakhai.¹³Hanow aia dow nami maru tut-e, en rut awr phar diah pakhai; hai phar rut hanow aia kow pa pra rutpha iawng hing iung khai bowt. ¹⁴Nahanow aia kowi na pawta pe asak kown kow, Pharisaiuüa prang kowi lawt büah now ta towng ta pang büah khai bowt.THURAI LANG RUIAH MI NAR¹⁵Isu dow nami tuk hanow nami hownia mang khai bowt; maru kawmma aia kung tawi büah khai, now amatni bowk bowk kowi hawt iungah büah khai bowt. ¹⁶Amatni kowi dow aia satang na phuang dowi kown kow hang taah krap khai. ¹⁷Risi Isai kowi kow tek pe mi na uang nowngia ting la kown kow;¹⁸“Mü diah, ang nar, ang ruiah mi, ang lang nauah mi, ang saktuak hai kaneuma ang howrah mi, aia luk kowi ang lümla ang towah hanow, aia dow Jentailuüa tut-e achi mami tara lawng uan na phuang kow.¹⁹Aia nang maru dowi tham, aia dow atünma hek hai pla dowi tham, tiama kowi aia klow miapaw ta büah dowi tham. ²⁰Na nowngia la kown kow tarachetra aia chin pe dowi mowr dow, klungma kawng aia klowk ta ngowt dowi tham, chingcher ram kowi kow lün mi mai paw aia mit ta dowi tak tham kown. ²¹Aia mat ming kowi dow Jentailuüa sak owmra na tow pe kown” pa mih. SÜNGNAM KHÜMAH MI HAI MARU KAWMUÜA KOWI ISU TÜNGSANGAH MI.²²Na mi khin khe dow süngnam khümah mi mikdu hai laiah lowkia aia tut-e uang paw la büah khai; aia peah iungra hanow laiah mi dow lai uang phuang uang nowngia khi khai bowt. ²³Maru kawmuüa maiow khi büah hanow kaneuma awda büah khai, mami mih David Chapa na dowi tham bow? pa büah khai.²⁴Pharisaiuüa tarapche dow nami ta büah hanow, mami maru mi süngnam mang Belzebul na dowi e dow, süngnam nowngia prüt dowi tham pa büah khai. ²⁵Isu dow amatni saktuak hawt tuk hanow amatni tut-e, lowra pren pa matia kowi kingküa mi dow na prowng büah reng kown, lowra marow paw pa kimchak paw, pamatia takingküa mi dow nowng iowng büah dowi tham kown.²⁶Hanow Süngnam paw Süngnam lala ta prüt khai e dow, pa matia taking küa mi na ngengche kown; now matawng iawng chow na nowngia iowng büah kown chow? ²⁷Ang mi Belzebul na khai mi rakowi süngnam ang prüt mi na khai e dow, enni chauuüa mi mia rakowi chow süngnam nowngia prüt reng mi? Naiawng rakowi amat ni dow enni kow tarachet miia na own kown.²⁸Thurai Lümla rakowi süngnam ang prüt mi nakhai hanow, enni tut-e Thurai pren dow uang ting khai bowt pa mi chekhai. ²⁹Now sünta, maru akür mami kowi rik tawmah dowi hanow, aia kim lak kowi kow dawngthawng uan nowngia paw pe dowi tham kown; tawmah kung kowi dow aia kim kowi kow dawngthawng uan nowng paw kown. ³⁰Ang pra kowi mapaw tangi dowi miuüa dow, ang pra uowi dowi mi chekhai, ang hown tawi taiua ngen dowi mi dow ang hownia nata dow kown.³¹Naiawng rakowi ang na tek enni, maru maiow angak hai tangünra ün mi na lawt ta pe kown, nachenganchepaw Thurai kowi ngün mi maru tarap dow lawtah dowi tham kown. ³²Lowra maru Maru Chapa kowi kingküa mi dow naka lawtra kown; nachengan chepaw Lümla sai kowi kingküa mi tarap dow sing uowi sak uowi khe paw, akhin na uang towm kown mi kowi paw kat paw lawtah dowi tham.³³Sing iung mi kowi dow aiui iung enni tek pe chepaw; sing ngak mi kowi dow aiui ngak enni tek pe khai chepaw; sing dow aiui kowi tukah mi chekhai rakowi. ³⁴Aw rua chuprek chaprek uüalow, maru ngak enni nakhai chepaw matawng iawng chow lai iung enni nowngia tek kown chow? Saktuak kowi kow uowi mi chekhai nawr hown kow tek mi dow. ³⁵Maru iung mi dow aia kruk hownia uanh iung laiah reng, hanow maru ngak mami dow aia kruk hownia uanh ngak laiah reng.³⁶Ang na tek enni, tek naklak mi maru uüa kowi dow tara chet ni kowi bowk bowk na paw pe tara büah kown. ³⁷Hanow en laiklow hown na pe en awngra kown, en matia laiklow hai iawk na kuak en sum kown mi dow.JAWNAH KOW AMATRA³⁸Nami khin khe pre-sumia kawngmu tüngsang mi hai Pharisai aia tut-e, “sangmiaia, amatmüa powm iawng en tut-e anging khi kown nau lowk” pa pe khai. ³⁹Now aia dow amatni kowi tek pe khai, “michowng kowi owmra uowi dowi mi hai maru ngakuüa dow amatra krawi cham büah chekhai, nachengan chepaw Jawnah klen kowi dow amatra tawng paw amatni kowi tüng pe dowi bowt tham. ⁴⁰Jawnah tarapche dow sum ni sum uar dam mulak kowi uowi chekhai, nami powm iawng dow Maru Chapa mi sum ni sum uar bawn lak (dak ) kowi na uowi kown.⁴¹Chet tara mi ni Ninevi marow kowi uowi mi maruuüa dow nami kowi kow maruuüa angak maten natüng pe kown, hanow Jawnah tek laiklow mi rakowi amatni diasar mi na khai rakowi, mü diah, mami ra e Jawnah lak-e langkri mi uowi lowkia pakhai.⁴²Nachet tara mi ni marawkphak kowi kow masiuüa mang narü hanow nami khe kow maruüa angak dow na tüng pe kown; Sawlawmawn prengia chak mami laiklow na sünta la kown kow Lusa pren chur hownia kow uang mi chekhai, Nahanow mü diah, mami ra-e Sawlawmawn lak-e langkri mi uowi lowkia” pakhai⁴³Lowra lümla ngak maruuüa hownia lawt hanow, tui uowi dowi mi arah maten kowi tanai la kown kow krawi mang panglang khai, nachengan chepaw ka büah dowi. ⁴⁴Tawngmi hownia chow ang uang lawt mi, nami kim kowi ang na kut plan iawk kow pa büah khai; aia dow uang plan hanow, achim asaima klepta mowk mi kow khi khai. ⁴⁵Nami khin khe kow kowi hanow, aia lak-e lang nga mi lümla ngak ranitia kowi uang paw laah khai, nami arah kowi dow kow kup hanow kow uowi büah khai; nahanow nami maru dow auown khe kow ngami lak-e na lang nga rowt kown, Akawchowng kowi kow maruuüa paw nami krang iawng na uowi kown chekhai. ISU U HAI AIA TAINAUUÜA.⁴⁶Maru kawmmauüa tut-e tek laiklow thüm khe, a u hai tainauuüa dow aia kowi na klowp la kown nau kow uat kowi iowng büah khai. ⁴⁷Nami khin khe maru lowkia aia tut-e, en u hai en tainauuüa na klowp en kown nau kow uat kowi chawng en khai pakhai.⁴⁸Aiamat tarap dow uang tek pe miia tut-e, a u dow mia iawng mi chow? Ang tai nauuüa paw amia iawng mi chow? Pakhai. ⁴⁹Aia tapeuüa pra awr phar rut hanow tek mi, mü büah diah, a u hai ang tainauuüa ün dow; ⁵⁰Lowra maru a Pa mukkuang kowi uowi mi nauah mi iawng chang miuüa dow ang tainauuüa ün, a u hai ang tuama ün na büah khai pakhai.

MUKKUANG PREN LAWNG UAN KOWI RANIT CHAP LAIUAT ¹Nami ni kowi Isu dow kim hownia lawt hanow Sata pang kowi kow chowm khai. ²Aia tut-e maru kawmma uang büah khai, Sata kowi kow lawng uowi lowk mi kowi aia awr phüt now chowm khai, maru kawmuüa dow sephung kowi iowng büah khai.³Laiklow ahuma amatni tut-e laiuat hai tek laiklow khai. CHALIU LAI UAT. ⁴Sünta büah diah aia dow amatni tut-e, chaliu uet miia na uet chaliu kown kow chat khai. Hai uet hanow tawngmi chowbak tiama kowi dow khai, nahanow uakling uüa dow uang krawi chawtta bowk khai. ⁵Tawng mi chowbak dow hua lipchah luk kowi kow bawn kowi dow khai, bawn tat dowi rakowi alenma uang awr ru kkhai, nachengan chepaw Sat uang downg khai bowt hanow ngawi khai. ⁶Ia sawt prün dowi rakowi uang keu khai bowt.⁷Tawng mi chowbak dow chu mung dawng kowi dow khai, pram dow uang awr iuk hanow em taah khai bowt. ⁸Tawng mi chowbak bawn iung kowi dow khai, hanow tawng mi chowbak akawm plow ün, taruk kawm phow ün, süngkawm phow ün uang uih khai bowt. ⁹Na sünta la kown param uowi mi dow pa cham süntaah kaneu lah pakhai.¹⁰Tapeuüa dow uang hanow aia tut-e, matawngplawng kowchow amatni tut-e laiuat hai en tek laiklow khai chow? Pabüah khai. ¹¹Aia dow amatni tut-e, mukkuang pren lai büpmami dow enni na tuk kown kow tek ami chekhai, amatni na tawi tukla kown kow tekah mi na dowi. ¹²Lowra maru uowi khowk mi kowi dow na peah ngamlam kown, na ka ngamlam kown kow; nachenganchepaw uowi dowi mi kowi dow, uowi mowrchah mi khowm dow na paw tape kown.¹³Nami rakowi enni tut-e ang tek laiuat mi chekhai, nahanow amatni dow khi chepaw khi dowi iawng, ta chepaw ta dowi iawng, tuk chepaw tuk dowi iawng rakowi. ¹⁴Risi Isai rik tek ta khowk mi laiklow amatni lukkowi uang tachi mi chekhai chaw, “param hown enni na ta kown chepaw enni hing tuk ta dowi tham; mik hown enni na khi kown chepaw enni hing tuk dowi tham kown.¹⁵Mami maruuüa kow saktuak akhawt ma chekhai, pang ta param büah khai now mik paw beng ta büah khai, nahanow apra pra kowi dow amatni mik paw khi now param hown paw ta büah, asangching ma hai uang plan büah iawk, hanow amatni kowi dow ang na peah iungra kown” pakhai.¹⁶Enni kow mik tarapche dow kaneuma kaucha iuk khi reng khai rakowi, enni kow param paw kaucha iuk ma tukta reng khai rakowi. ¹⁷Lainowmma ang na tek enni, risiuüa hai maru tachi tanawm miuüa paw enni khiah mi na khi büah kown kaneuma sakkrai büah khai chepaw hing khi büah dowi, enni taah mi na ta büah kown kaneuma sakkrai büah chepaw hing ta büah dowi.¹⁸Nahanow cha liu uet lawng uan lai uat dow enni sünta khowk. ¹⁹Lowra maru Thurai pren lawng uan sünta kow hing tuk ta dowi mi dow, nami khin khe amatni saktuak kowi uet ta mi dow Süngnam mi rup ta pe khai; na ün mi dow tiama kowi dow mi liu lai uat chekhai.²⁰Hua lipchah bia kowi kow dow mi dow ma ün mi chekhai, laiklow dow ta büah hanow awmrawmma owm rowi mi chekhai, chepaw aprün klang iungma ia sawt dowi rakowi nawngchah kowi ngawi khai. ²¹Nami laiklow rakowi ngarera chabak nowngchang powngchangra chabak uang uowi hai akrowksang hing tim büah khai.²²Chumung pungma dawng kowi dow mi dow ma ün mi chekhai, laiklow dow sünta khai nachenganche paw, Lusa uan prüa hai kureng sowr uowi ra hai akeng dawngthawng uan lawphara laiklow dow ham taah khai, uih pau dowi matchang uowi reng khai. ²³Now bawn iung kowi dow mi dow maün mi chekhai, laiklow dow sünta hanow tuk katuak mi chekhai, nami dow uih achakma mi na ngengche khai, nahanow tawng mi chabak akawm phow, tawng mi chabak taruk kawm phow now tawng mi chabak süngkawm phow ün uang uih reng khai pakhai. CHA IUA LAIUAT LAWNGUAN.²⁴Akengmi laiuat amatni tut-e plan kut tek lowk iawk khai, mukuang pren dow, maru mih aia lup rawng kowi aliu iung uetah mi hai nowng ia uatah chekhai. ²⁵Iak-e maru müi bowk takra khe aia ransu dow uang hanow, püm pungma dawng kowi cha iua liu dow uang uet pe khai now, powt khai bowt. ²⁶Sawtah mi liu dow uang awr ru hanow uang uih uang pau khai, cha iua paw awr tawi iuk khai bowt.²⁷Naruüa dow uang hanow kimia tut-e, a pu, lup rawng kowi aliu iung mami en uet dowi bow? Cha iua matawng hownia chow uang uowi khai? Pa büah khai. ²⁸Aia dow amatni tut-e, ransu maru uang uet ami na own kown pakhai. Naruüa dow aia tut-e, Naiawng chekhai hanow, na ün mi kow rik kua ta khai e en nauta dowi bow? Pa büahkhai.²⁹Aiamat dow amatni tut-e, nauta dowi iow, cha iua enni krawi klo mi khin khe püm paw enni napaw la ün tarawng. ³⁰Angen khin uang ting khe pat pacham taiua iuksown lah. Angen khin uang ting khe angen miuüa kowi ang na tek pe kown mi dow, na towkah kown mi vüi chaiua dow rik ngenah now chengah rowm büah, püm tarapche dow ang chapam kowi uang hüng ang büah. MÜNIANG NUK HAI TUA LAIUAT .³¹Akengmi laiuat plan kut tek lowk iawk khai, mukuang pren dow müniang nuk lowkchah powmiawng hown tatu, lowra maru aia luprawng kowi uetah khai. ³²Aliu maiow kowi lang sowm nowm mi chekhai; chepaw uang awr iuk khe dow akeng mi pram Chap lak-e lang iuk khai, amia ün paw aiukma uang chowng khai now, kuang kowi kow uaklinguüa paw amia kowi uang mown büah pakhai.³³Akengmi laiuat plan kut tek lowk iawk, mukuang pren dow tua hown tatu, lowra masiuüa mi tua pawah hanow kawm di pungma dawng kowi pruiah khai, now kawm di maiow dow tua uang chowng bowk khai bowt.³⁴Na ün mi maiow Isu dow maru kawmuüa tut-e laiuat hown tek khai, laiuat laiklow hai na dowi hanow amatni tut-e tawng paw aia tek dowi; ³⁵“Laiuat laiklow hown ang nawr ang na uowah kown, hanow krawng uang phuaru hown kow tapet mi dow ang na phuang bowk bowt kown” pa mih risiuüa tek mi na uang nowng ia ting la kown kow. CHAIUA LAIUAT PHUANGAH MI.³⁶Maru kawmuüa hown taprai hanow aia dow kim kowi uang plan khai. Tapeuüa uang hanow aia tut-e, lup rawng kowi kow cha iua laiuat mi achangma phuang anging diah pa büah khai. ³⁷Aia mat klangah mi dow, aliu iung sawtmi ia dow Maru Chapa na own kown. ³⁸Now lup rawng dow Lusa pren mi chekhai; liu iung mi dow Thurai pren chakuüa chekhai; cha iua tarapche dow maru ngak chauuüa chekhai büah; ³⁹Ransu cha iua uet mi dow Diabawl chekhai; angen dow Lusa na chur kown mi khin chekhai; now angen miuüa dow kramamuuüa chekhai büah.⁴⁰Nahanow cha iua dow kuaah now mai kowi tinah büah iawng, lusa na chur mi khin khe dow na uang uowi kown. ⁴¹Maru Chapa mi kramamuuüa kowi na uang chinah hanow, amatni dow aia pren hownia nowng piak maru mi maiow hai maru ngakuüa maiow kowi na kloah kown. ⁴²Amatni kowi dow maih kowi na kuakah büah hanow; nami arah kowi dow nguk hai kar hown na krit iüng büah bowt kown. ⁴³Nami khin khe, maru achi anawm mami uüa dow amatni Pa pren kowi Sat iawng nanowi büah bowt kown. Na sünta lah kown param uowimi dow kaneuma pacham sünta lah.⁴⁴Mukuang pren dow lup rawng kowi dupah mi dawngthawng uan iawng chekhai, maru lowkia khi hanow pet laah khai, kaneuma awmrawm hai mang hanow aia ka mi uan maiow sumtaah now ran la krawng khai bowt. ⁴⁵Mukuang pren dow kun chang mi maiak iun iungtang mi cham miia iawng plan kut na khai iawk. ⁴⁶Asung ting mami maiak iun khi hanow aia kow uan uowi mi maiow sumah khai, now na mi dow ran ta khai bowt. POWK THANG LAIUAT LAWNGUAN.⁴⁷Mukuang pren dow powk khui iawng, sata kowi thangah now dam chap maiow khui la mi iawng na khai. ⁴⁸Powk dow tamum bowk hai akrowksang aw pang kowi küng lah büah khai, chowm büah now aiung mami maten dow pu kowi towah büah hanow angak mami maten tarapche dow kuak ta büah khai.⁴⁹Lusa chur khin khe dow naiawng na uang uowi kown; krammamuuüa na uang dowm hanow maru tachi tanawm miuüa hai maru ngakuüa kowi dow na kloah büah bowt kown. ⁵⁰Hanow amatni kowi dow mai kowi na kuakah büah kown; nami arah kowi dow kar hai na krit iüng büah bowt kown.⁵¹maün maiow mi dow enni tukta bow? Pa khai. Now amatni dow tukta chow pa büah khai. ⁵²Aiamat dow amatni tut-e, naiawng rakowi mukuang pren lawng uan sang khowk miuüa sarui mih kawngmu tüngsangmi uüa tape na büah khai, now amatni dow kimia powm iawng aia kow kruk hownia uan prim hai uan sar laiah khai. AIAMAT KUA KOWI ISU KOWI NUAAH MI. ⁵³Isu dow naün mi laiuat laiklow ki tek kung kowi na hownia mang khai bowt⁵⁴Amatni pren kowi kow ting hanow takuara kim kowi maru kawmuüa kowi tüngsangah khai, kaneuma awda büah rakowi tekbüah mih, mami maru mih maiawng ün chanlaira hai awdara lup mih matawng kowi chow ka khai? ⁵⁵Mami mi sing mistri chapa na dowi bow? A u paw Mari pa pe mi na dowi bow? Aia tainauuüa paw Jakawb, Jawsef, Simawn hai Juda na dowi bow? ⁵⁶Aia tuamauüa ün paw a-i hown akatsang taiua uowi mi na dowi bow? Nahanow maün mi maiow tawng hownia kow tuk mi chow? Pa hai Isu kowi dow nuaah khai bowt.⁵⁷Isu dow amatni tut-e, risi kowi pamatia pren hai chenchap uüa klen kowi matawng kowi paw kiowriah dowi mi uowi dowi pah tek pe khai. ⁵⁸Owm büah dowi rakowi na kowi awdara lup ahuma chang dowi chekhai.

BAPTIST CHANGMI JAWHAN KOWI NGENTA MI LAWNG UAN ¹Nami khin khe mang Herawd dow Isu satang lawnguan ta khai. ²Aiamat naruüa tut-e, nami dow Baptist chang mi Jawhan na chekhai; kowngra pungma dawng kowi awr plan rü khai now, naiawng rakowi maün mi awdara lup nowng ia chang mi chekhai.³Herawd dow aia tainau Philip masi Herawdia kowi chawng khai, naiawng rakowi Jawhan kowi khuümah now thawng rum kowi klungah mi chekhai; ⁴Jawhan dow aia tut-e, aia kowi pünah kown mi iung dowi diah pah tek pe khai rakowi. ⁵Aia na paw pe asak kown nau chepaw maru kawmuüa kowi kram khai, maru kawmuüa mi risi nakhai pami owm büah khai rakowi.⁶Natarapche dow Herawd dia khin ni uang towm khai bowt, Herawdia chama dow maru pungma dawng kowi uang plai hanow herawd kowi pa awmrawmah khai bowt. ⁷Naiawng rakowi “en nauah mi sarui ang na pe an kown” padow aia khamah khai bowt.⁸Nami khin khe aia dow a u sangah iawng tek pe mi dow, “Baptist chang mi Jawhan lu kawmat uang pe ang diah pakhai.” ⁹Mang dow kaneuma sak nga khai bowt, nachenganche paw aia laikham rakow hai aia hawmchak iua rakowi dow na peah kown mi alow peta khai bowt.¹⁰Thawng rum kowi kow Jawhan lu dungah now na uang paw la kown kow chin pe maru khai. ¹¹Alu dow lawngpan hai uang pawla now achama kowi dow peah khai; aiamat dow a u tut-e kow paw la khai bowt. ¹²Uak dow aia tapeuüa kowpaw now dupah büah khai, now Isu kowi paw uang kli pe büah khai.¹³Isu dow hawt ta hanow nami ra hownia lawng hown süngrüm süngkangma kowi cham powt khai bowt; maru kawmuüa tuk büah hanow marow hownia khawk hai uang mang now aia kung tawi krawi khai. ¹⁴Nami khin khe lawng hownia Isu iu dowm hanow maru kawmuüa kowi kow khi khai, kaneuma sanaah khai, now arau uowi mi kowi hawt iungah khai.¹⁵Sat kowi pra uang na khai bowt hanow atapeuüa dow aia tut-e, mami rah e maru uowi dowi now sat paw kowi khai bowt; maru kawmuüa kowi pe mang ta bowt, now kua kowi pa matia vüi pacham krawi ran chakkham ün lah pa pe khai.¹⁶Isu dow amatni tut-e, mang kown hau büah dowi tham, enni matia phai cha kown peah chakkham büah rowt diah pakhai. ¹⁷Amatni dow aia tut-e, anging tut-e kawm tanga pah hai dam pre kawn chow taih uowi pa büah khai. ¹⁸Aia mat dow, naiawng ün mi ang tut-e uang paw la büah diah pakhai.¹⁹Bawrchak luk kowi na chowm la kown kow maru kawmuüa kowi dow peah ana khai; kawm tanga pah hai dam pre kawn dowk now mukuang pra awr mü hanow Thurau tut-e tek awmrawm lai khai, kawm dow sekah now atapeuüa kowi peah khai, now atapeuüa dow maru kawmuüa kowi krawi retah khai. ²⁰Amatni bowk bowk cha hanow duh büah khai bowt, atapeuüa retah khe kow marat mi adi auai krawi kuaah büah now halai pre em tek khai. ²¹Amatni cha mi nget kowi, masiuüa hai ngeuuüa kowi klowk laah dowi kowi kachakuüa nget tanga thawng ia chekhai.²²Maru kawmuüa kowi pa mangah mi khin khe Isu dow, pai pra pown kowi kow rik pown kown kow tapeuüa kowi lawng kowi aia papünah khai. ²³Maru kawmuüa kowi pa mangah mi kung kowi dow na chup Thurai kown kow maru klow uowi dowi mi arah hung kowi awr pün khai bowt. Sat uang kup khai bowt now aia malowk chah nakowi uowi khai bowt. ²⁴Lawng tarapche dow awpang hownia alakma kowi uowi khai bowt, li nadowi pra iawng rown laah khai rakowi tuilowng hai krawi limah khai.²⁵Uar thowi pasum paseng khe Isu dow sata tui luk kowi khawk hown uang hai mang hanow amatni tut-e uang khai. ²⁶Tapeuüa dow sata tui luk kowi aia mang mi khi büah hanow kram büah khai, “pai iow süngnam!” pa dow takrow büah kow pla hai hek büah khai. ²⁷Chepaw Isu dow nami hai akrowksang amatni kowi uang klowpah khai, sakkhawtma uowi büah diah, ang matia ang na mi chekhai hang kow kram büah diah pape khai.²⁸Peter dow aia klangah khai, Chakramang, en na khai hanow tui lukkowi en tut-e ang uang nowngia mang lakown kow pe ang ana diah pakhai. ²⁹Aiamat dow, uang tara pakhai, now Peter dow lawng hown iu thawm hanow tui luk kowi Isu pra hai mang khai. ³⁰Nachenganchepaw li uang mi khi hanow aia dow kram khai rakowi iu nip iawalaw khai bowt, Chakramang, uang lawng ang diah padow haw khai.³¹Nami khin khe Isu dow aia rut hown hai dowkah khai, now aia tut-e, owmra ditcha mi, matawng pa chow en hing owm dowi mi? pakhai. ³²Lawng kowi kow kup iüa hanow li dow hing prowng khai bowt. ³³Lawng kowi kow uowi miuüa dow, Thurai chapa en na ching chekhai pa dow aiamat kowi chupah büah khai.³⁴Sata hai pown büah hanow Ginesaret pren kowi kow pün büah khai. ³⁵Nami rah e kow maruuüa Isu kowi hawt tukah bowk khai, amatni ria ret kowi kow pren maiow kowi krawi phowng satang büah khai now, arau uowi mi maiow kowi uang paw la büah khai. ³⁶Aia uanchawn natowp la kown kow lü büah khai; now towp mi sarui dow hing iung büah khai.

TACHIH TANAWM DOWI MIH LAWNGUAN ¹Nami khin khe dow Jerusalem hownia kow Pharisaiuüa hai Ari arow tüngsang miuüa dow Isu tut-e uang büah hanow tek khai, ²“Matawng plawng kow chow en mih lawngtanguüa sangmak laimak piakta büah reng mih? cha mih khin khe paw katpaw siarut büah dowi mih” pa büah khai. ³Now Aiamat dow klangah khai, “Enni matawng plawng kow chow sangmak laimak rakowi Thurai alow pek enni piak ta khai mih” pape khai.⁴Thurai dow, “En u hai en pa rowsi diah, miaiawng mih chow u chepaw pa kowi chepaw teknak lainak mih dow na kowng ngengche kown chekhai” pa khai. ⁵Tarachedow enni tek mih, miaiawng mi chow a u hai apa kowi tekpe mih, “ang kow uowi mi sarui hown nowngia khowng en kown mi, nami dow Thurai kowi ang rowsi kantawpta khai bowt,” ⁶Hanow u hai pa kowi aia kiowri hau dowi bowt. Niawngmi ari arrow lawt mi rakowi enni dow Thurai kow lai klow mata khai bowt.⁷Now Maru puan miuüa low, Isai dow maiawng enni lawnguan laiklow rik tek mih chekhai. ⁸“Mami hawmuüa amatni nawr hai rowsi ang büah reng khai, natarapchedow Amatni saktuak dow ang hai alakma chekhai; ⁹“Chünah powmiawng ang kowi uang rowsi ang khai hanow, lusa maru thawpah mih Ari arow iawng dow tüngsang büah chekhai.”¹⁰Now maru kawmma kowi aia hawah khai hanow amatni tute, “Sünta büah hanow achangma tukta büah diah” pakhai. ¹¹Hanow nawr kowi kow kup mih dow maru kowi asür alawkma changah dowi, nachengachepaw nawr hownia kow awr lawt mih dow maru kowi asürlawkma changah rowt mih chekhai” pa khai.¹²Now nami khe dow aia tapeuüa uang büah khai, aia tut-e, “Pharisaiuüa nami laiklow ta büah hanow mapaw nau ta büah dowi mih laiklow en ta tak bow?” pa khai. ¹³Tarapchedow aia mih klangah khai, “Lowra singh paw apa mukuang kowi uowi mih chowk dowi mih dow, na chawihta kown”. ¹⁴Now amatni kowi dow tawngpaw hangka tuakah büah diah, aluchah mikdu büah khai, Mikdu hai mikdu ria ria takrui hanow kuam kowi amatchih preia na dow ria ria kown chekhai.¹⁵Peter dow aia kowi klangah khai, “Laiuat laiklow mih phuang anging diah” pakhai. ¹⁶Now Aiamat dow, “Kawmat paw enni tukta dowi reng tak bow?” pa dow tekpe khai. ¹⁷Hanow Nawr kowi kow kup mih sarui dow mu lak kowi iu dow khai, now nami kung kowi kowmatia kowh hownia dow plan lawt iawk khai, pa mih dow enni tukta khowk bow?¹⁸“Natarachedow nawr hownia kow awr lawt mih dow saktuak hownia kow awr lawt mih chekhai, naün mih dow maru kowi asürlawkma changah reng mih chekhai.” ¹⁹Saktuak hownia mih atuakra ngak ün, maru sak pawk mih, iangchang mih ün tapawk tanau mih ün, kuknau miuüa ün, dai hai chawk towkra ün, Thurai kowi teknak mih ün uang lawt reng rakowi chekhai. ²⁰Now naün mih dow maru kowi asür lawkma changah mih chekhai, rut sia dowi hai chah chakkham chepaaw maru kowi sürlawk dowi mih chekhai, pa khai. ISU DOW SÜNGNAM PLAWPAH MI KOWI IUNG TAMI HAI TALITHAWNG MARU KOWI PE DUHMI²¹Now na hownia Isu dow mang khai hanow, Tura hai Sidawn kua powng pra kowi kowkowi khai bowt. ²²Sünta, naün mih pren kowi kow maru, kanan masiuüa lowkia uang khai, CHAKRAMANG, David Chapa sana ang diah, ang chama süngnam plawpah mih nowm khowk bowm chekhai, pa dow hawah khai. ²³Nachenganchepaw amatia mih panawr khowm dow klangah dowi. Nakhowkhe aia tapeuüa dow atawnchow uangah now aia kowi uang kükah khai, nami kowi lawtta bowt, tawngplawng nami a-i kung pra kowi krawi hek khai.²⁴Tarapchedow aiamat, “Ruapur tama mi? Israel chenchap tut-e na dowi hanow chin ang mih na dowi pakhai, aia klangah.” ²⁵Nachenganchepaw masiuüa dow uang khai, “CHAKRAMANG, khowng ang diah, pah mum hanow uang krawi chupah khai.” ²⁶Aia dow, “Chauuüa kow chakkham paw tape hanow kui kowi na peah kown taka dowi” pakhai.²⁷Amatni dow, “Nachah, CHAKRAMANG, kui ün paw amatni tawnah mih tawnah miia salawnma hown kowh adi auai dow mih dow cha büah reng khai” pakhai. ²⁸Nami hai krowksang dow Isu mih klangah khai, “Masiuüa en owm mih kaneuma kraing khai, en nauah miiawng en lukkowi pacham ting lah” pakhai. Hanow aia chama dow nami re dow uang iowng khai bowt chekhai. ISU TALITHAWNG MARU KAWM KOWI PE DUHAH MIH²⁹Nahownia dow Isu tarü khai, Galili kanret kowi krawi mang khai now hung kowi awr pün khai hanow nakowi dow chowm khai bowt. ³⁰Hanow maru kawm kraingma, klowng khawn tabai mih ün, uaingselepama ün, mikdu mih ün, laiah dowi mih ün akeng mih kawm maru kawm paw la büah hanow uang büah khai, aia dow hawt iungah büah bowk khai bowt. ³¹Now Maru kawmma dow laiah miuüa dow lai uang phuang hanow, uaingselepa mih uang iung hanow, klowng khawn tabai miuüa dow khawk hai ia mang khai, mikdu miuüa dow mik thowi khai mih khi büah hanow kaneuma awda büah khai hanow Israel Thurai kowi dow kiow büah khai.³²Isu dow aia tapeuüa kowi hawah khai, “Maru kawmma uowi mih kaneuma ang sana khai, ang tut-e sum ni uang uowi büah khai bowt, naka kown mih paw hing ka büah dowi bowt chekhai rakowi hawm sakkrai hown pe mangah kown mih ang nau dowi chekhai; naiawng na dowi hanow tiama rawngkowi hawm khawr hown na kawm kown chekhai” pakhai. ³³Now Atapeuüa dow aia tut-e, “Maru kawmma duh pat kawm süngrüp süngkangma kowi tawng hown chow a-i naka kown?” pa büah khai. ³⁴Isu dow amatni tut-e, “Kawm mün khowt chow enni kow uowi?” pakhai. Amatni dow, “Ranit pa, dam ditchah hai lawm” pa büah khai. ³⁵Maru kawmma kowi dow krawng kowi na chowm kown kow pe ana hanow,³⁶Kawm ranit pah hai dam ün dow paw khai, awmrawm laiklow ki tek kung kowi aia sekah khai, tapeuüa kowi peah khai, tapeuüa dow maru kawm mauüa kowi peah khai. ³⁷Hanow amatni bowk bowk cha büah khai, duh büah bowk khai; retah büah mih kung kowi lat mih dow ranit khrang atekma kuaah büah khai. ³⁸Now cha miuüa dow masiuüa hai ngeuuüa tekla dowi kowi lawngtangma kangüah paw tali thawng chekhai. ³⁹Maru kawmma kowi dow pe mangah kung kowi lawng kowi awr phüt khai, Magadawn rihi kowi kow khai bowt.

CHAKRAMANG ISU KOWH TÜNGSANG KRANG ¹Pharisaiuüa hai saddukiuüa aia tut-e uang büah khai, Isu mat kowi na chaing lakown kow mukuang hown kow amatmüa awdara natüng pe kownkow uang krawi lün taah büah khai. ²Nachenganchepaw aiamat dow hawt klangah khai, “Sat kowi pra uang na khai bowt hanow, süng aw na iung kown chekhai, mukuang dow uang ring khai bowt pah reng chekhai”.³Now Rau-e paw, “Ani dow uang nauang kown chekhai, mukuang paw aring mow hanow uang nim paw uowi khai enni pah reng khai; süng aw uowi krang dow enni tuk tatuak chadiah, nachepaw akhin matmüa ün dow enni hing tukmat dowi chekhai. ⁴Akaw chowng kow maru, maru ngakma hai iangchang miuüa mih awdara amatmüa krawi cham reng chekhai, nachenganchepaw Jawnah amatmüa chataih na dowi hanow awdara amatmüa pe tuk khiah dowi tham. Amatmüa kowi powt ta hanow, cham hing powtta chowt chekhai. PHARISAI HAI SUDDUKI.⁵Now tapeuüa dow pai pra pown kowi e kowi hanow tamapaw la kawm büah khai. ⁶Isu dow amatni tut-e, “Pharisaiuüa hai Saddukiuüa tuah hown dow langta hen büah hanow, pe ching büah diah” pakhai. ⁷“Mapaw a-i hing pawla kawm dowi dow, padow amatni pungma dawng kowi tatek büah khai bowt. ⁸Isu dow nami hawt tuk hanow, owmra ditcha uowi miuüa low, ma tawng plawng kow chow kawm enni ka dowi mih lawnguan enni tuakkrat chow?⁹kawmat paw enni hing ka tuak dowi reng tak bow? maru tanga thawng kawm tanga pa ki cha kung kowi mün kharang takchow latta mih enni tuk dowi bow? ¹⁰Maru tali thawngia kawm ranit pa lat tami, hownow mün khrang mowr takchow plan towngah?¹¹“Hanow kawm lawnguan enni tut-e ang tek enni dowi pamih matawng plawng kowchow enni tukta dowi? Pharisaiuüa hai Saddukiuüa tut hown kowh tarapchedow peching büah diah” pakhai. ¹²Nami hai akrowksang tukah hown kow na dowi Pharisaiuüa hai Saddukiuüa tüngsangra hown kow na peching kown kow amatni kowi tek mih chekhai pami uang ka tuak büah khai bowt. ISU NAMI KRISTA, CHOWNGCHOWNG SAKSAK THURAI CHAPA.¹³Isu dow Philip Sizar powng kowi uangting hanow, “Maru kawmmauüa dow Maru Chapa mih matawng iawng mih maru chekhai pa büah?” pa dow aia tapeuüa kowi aia lün taah khai. ¹⁴Now Amatni dow, “Tawngmi chabak tek mi dow en Baptis Jawhan, tawngbak mih tek en Eliza pa büah khai, tawng mih chabak dow Jeremia chünchü Risi miaiawngmi lowkia naown” pa dow klangah khai. ¹⁵“Nachenganchepaw amatni tut-e dow, Enni dow miaiawng mih chekhai chow ang na khai pami enni tuk?” pa khai. ¹⁶Now Simawn, Peter dow aia kowi klangah khai, “Krista, masing Thurai chapa padow en na khai” pape khai.¹⁷Nakhowkhe Isu dow aia kowi klangah khai, "Jawnah chapa Simawn , En thaulangma pauowi lah! tawngplawng kowhnga hai vi hownia kow mami lawnguan en tut-e phuang mi na dowi. tawkchedow makuang kowi kow Apa phuang mi chekhai." ¹⁸Now en, Peter na khai pa mih ang paw tek en; mami singku huamang lukkowi langhawahmi ang na awr krowngah kown, hanow maisingkan (makowng) tawngiawng mi kür paw Langhawahmi kowi nowngia kingküa kown na dowi tham.¹⁹“Ang mukuang sabit ün paw nape en kown, hanow krawng lukkowi kow en tawmah mih sarui dow, mukuang kowi tawm hown na uowi kown now Lusa kowi tawngngaichow latta mih, nami dow mukuang kowi latta hown nauowi kown. ²⁰Nakhowkhe aia dow tapeuüa kowi mami ana pepe khai, Ang dow nami Krista chekhai, nami laiklow mia kowi paw hang cham tek büah. Isu aia kowng kown mi purpra kow lawnguan tekpe khai. ISU AIA NAKOWNG KOWN MIH LAIKLOW TEK KHAI.²¹Nami khin khe Isu dow, “Jerusalem kowi na mang kown mih uan ün lawngtang chowhuüa ün uamakriuüa hai Ari arow tüngsang miuüa kowi kow, alup huma na kham ngare kown mih laiklow ün paw pe asak kown mih hai pre ni, ni sum khe na awr rü iawk kown mih laiklow petuk petaah khai bowt chekhai.” ²²Peter dow aiamat kowi lang hawah hanow, “CHAKRAMANG, mapaw chang dowi tham; na ün dow en lukkowi mapaw hauang pa cham ting lah” pape khai. ²³Natarapchedow aiamat dow hai dangah now Peter tut-e tekpe mih, “Süngnam, ang hownia powt diah, ang vüi piakmüa en na khai, tawngplawng en Thurai kow laiklow na dowi, tawkche lusa kowi kow laiklow chekhai en tuak, pakhai.²⁴Hanow Isu aia tapeuüa tut-e, Lowra maru, ang kung tawi kown nau khai hanow pamatia kowi chamtada tow lah, pamatia kraws kawt hai ang kung pa uang cham tawi lah. ²⁵Lowra maru aia mat asak ngiah kown nau mih dow, aia chownglawng dow na mata kown chekhai. Nahanow lowra maru ang rakowi uam pe asak hai mih dow, aia chowng dow lawngra na kakown chekhai. ²⁶Maru mih pa lusama ka ta bowk e dow, aia asak mata khai e dow, aia uüi tawngchoww maratra na uowi kown? Nahanow, maru mih aia sak takcha kowi matawng chow na ia peah kown?"²⁷Maru Chapa mih kramamuuüa hai lawm, aia Pa kraingma hai lawm na iu uang kown chekhai rakowi, nami khin khe lawngtowng büarüa amatni lup chang iung mih iawng na peah asung bowk kown chekhai. ²⁸“Lainowmma ang na tek enni mami ra-e kowh tawngmi chabak iowng miuüa mih, Maru Chapa aia pren na uang ting mih khi büah dowi mowr na kowng dowi kown, mih uowi büah khai."

ISU POWM TAKLOWI MIH ¹Now taruk ni kung kowi dow Isu dow Peter ün, Jakawp ün, Jawhan ün kowi cham lang haw la khai, hung akromami kowi awr pün la khai. ²Amatni pur kowi aia powm dow uang taklowi khai bowt; aia powm sat iawng uang nowi khai, aia khupdip tawngklai ün dow anowi hai kaneuma uang kaw khai bowt chekhai.³Sün ta, Mosi hai Eliza dow amatni tut-e uang tatüng khai, Isu hai taklowp büah khai. ⁴Peter dow Isu tut-e, “CHAKRAMANG, mami ra-e, a-i uowi mih iung kown chekhai. En nau hanow sum buk te ang na chang kown chekhai; en vüi lowk, Mosi vüi lowk hai Eliza vüi lowk” pakhai.⁵Hanow aia tek laiklow thüm khe mai akawma mih uangta mum khai. Mai hownia dow aklow hai “Mih ang Chapa ang sakrau ami, ang howrah nowm nowm mih chekhai, aiamat laiklow mih sünta büah diah” pakhai. ⁶Tapeuüa dow mami laiklow ta büah hanow tabawkkrawm now, kaneuma kram büah khai. ⁷Now Isu dow uang towpah khai, “Awrrü hang kram büah diah” pape khai. ⁸Awr tau mü büah hanow Isu klen kowi dow miapaw khi büah dowi bowt chekhai.⁹Hanow Hung hownia uang dowm büah khin khe Isu dow amatni tut-e, “Maru Chapa mih kowng miuüa pungma dawng hown kowi awr rü dowi mowr dow enni khi mih alup mih mia kowi paw hangcham tek büah diah, pami peah alow khai bowt chekhai”. ¹⁰Tapeuüa dow aia tut-e, “Ari arow tüngsang miuüa dow Eliza mih uang kown chekhai? matawng iawng mih krang kowi chow tek büah khai.”¹¹Now Isu dow klangah khai, “Lainowm le, Eliza dow na uang ngengche kown now lowra akümma na thawpah iawk kown chekhai.” ¹²Nachenganchepaw ang na tek enni, “Eliza dow uang ki uang khai bowt now aia kowi dow maru kawm tuk matah dowi chekhai, aia lukkowi amatni nauah mih sarui dow changah büah khai. Naiawng plawng dow Maru Chapa paw amatni lukkowi na kham ngare kown chekhai." ¹³Hanow tapeuüa dow batisma changmih Jawhan lawnguan amatni tut-e pe laiklow chekhai pa mih tuk büah khai. NGEUUÜA PAKTHUK MI KOWI IUNGAH MIH.¹⁴Now maru kawmmauüa tut-e kow ting büah hanow maru lowkia aia tut-e uang khai, aia purdowng kowi uang tabawkrawm hanow, ¹⁵“CHAKRAMANG, ang chapa kowi sana ang diah; pak thuk mami chekhai, kaneuma kham ngare khai; ahuma maih hai tui kowi tim reng khai. ¹⁶“Hanow en tapeuüa tut-e ang uang paw lah diah, nowngia hing iungah büah dowi” pakhai.¹⁷Isu dow hai klangah khai, “Akaw chowng kowi ko maru owmra ka dowi mih hai angak chang miuüa low, mün khowt ni iang chow enni tut-e ang na tawi uowi kown chow? Ang tut-e uang paw lah büah diah” pakhai. ¹⁸Isu dow süngnam kowi dow nagah khai, aia kawlak hown kow awr lawt khai bowt; nami nari hownia now ngeuuüa dow uang iung khai bowt chekhai.¹⁹Tapeuüa dow Isu tut-e uang lang uang büah hanow, “Matawng palawng kowh chow anging dow nowngia prüt dowi da?” ²⁰Hanow Aiamat dow amatni tut-e, “Nachenganchepaw lainowmma ang na tek enni, müniang nuk pamachah iawng enni owmra ka hanow; mami hung tut-e mih, ²¹“Mami hownia pai kowi kow süt kown taih, Nowngia changah dowi mih matawng paw uowi dowi tham” pakhai. ISU DOW AIA NAKOWNG KOWNMI LAIKLOW KOW PLAN TEK IAWK.²²Galili pren kowi cham len büah khin khe Isu dow amatni tut-e, “Maru Chapa mih maru rut kowi na khümah hanow, asak napaw pe kown chekhai”. ²³“Now pre ni nisum khe na awr rü kown chekhai." Hanow, kaneuma taprüa büah khai. DAM NAWR KOWI TANGKA.²⁴Kapernaum kowi uangting büah hanow tempul mu kawk miuüa dow Peter tut-e uang büah khai, “Enni kow tüngsang dow tempul mu tawi pe reng dowi bow?” pa büah khai. ²⁵Aia dow, “Tawi pe reng chah” pakhai. Kim kowi aia kowh kup hanow Isu dow aia tute, “Simawn, tawngiawng chow en ka tuak? krawng kowi kow manguüa uan mih chepaw maru chepaw mia hown kow chow cham paw büah reng, amatni chauuüa hown kow bow, akeng mih hown kow? pa dow hawt rik tek tape khai.²⁶Peter dow, “Akeng mih maru hown kow” pa hai krowksang Isu dow aia tute” Now, amatni chauuüa dow amu pek takla dowi tak chekhai. ²⁷Nachenganchepaw, en mih kan kowi kowkowi hanow, kow kuak kuai diah, dam rik hap mih pawah diah; anawr beuhah hanow, angap kowi en na khi tai kown nami dow pawah hanow ang hai en mat vüi amatni kowi peah diah, pakhai.

MUKUANG PREN KOWI MIAIAWNG MIH CHOW LANGKRI MIH ¹Nami khin khe dow tapeuüa Isu tut-e uang büah khai, “Mukuang pren kowi miaiawng chow langkri kown mih dow?” pa büah khai. ²Now aiamat dow ngeuuüa sowmlowmchah mih kowi hawah khai, amatni pur kowi pa iowngah khai. ³Lainowmma ang na tek enni, enni ta khum taplan kow ngeuuüa sowmlowmchah mih iawng enni na dowi hanow mukuang pren kowi enni ma paw ia kup dowi tham.⁴Nahanow kowmatia kham dawh kow mami ngeuuüa iawng uowi mih dow, mukuang pren kowi na langkri mih chekhai. ⁵Lowra maru, ang ming rakowi miaiawng mih chow ngeuuüa sowmlowm chowh kowi paw howr mih dow ang kowi howr mih chekhai. ⁶Tarapchedow lowra maru maün mih owmmiuüa pungma dawng kowi lang sowm mih lowkchah kowi paw piak ta khai mih dow amatni angawng kowi adi adima mih hua aiuk mami awk pe hanow sata tui abüpma dawnglang taliti kowi kuakah khai e dow amatni vüi nalang iung rowt kown chekhai.⁷Piakra ün rakowi lusa kowi kaneuma tiama tapit khai ka bow! piakra ün mih na uang uowi kown mih dow na chekhai, nachenganchepaw na piakah kown mih tuk dowi tapit kown chekhai. ⁸Now en rut hai chepaw, en khawk hai chepaw piak en khai hanow dungtaah now, hing kuak ta chowt diah; rut pre uowi chepaw khawk pre uowi chepaw chowng-chowng sak-sak mami maising kan kowi na kup kown lak e dow klowng khawn tabai mahai na tawi kup kown mih langiung rowt kown chekhai.⁹En mik hai piak hanow lai taah now, kuak ta chowt diah; mik pre uowi hown ngare towkra maih ahumami maisingkan kowi kla mih lak-e mik pa uowi chowh hown singra kowi na kup kown mih en vüi na lang iung rowt kown chekhai. RUAPUR TAMAMI LAIUAT.¹⁰- ¹¹Maün mih ngeuuüa sowmlowm chowh mih dawng kowi lowkcha kowi paw na e ah dowi kown kow peching büah diah, mukuang pren kowi kramanuuüa amatni kowi atungma mukuang kowi kow Apa lumowr dow iu khi reng chekhai.¹²“Matawng iawngchow enni katuak tak? Maru mih ruapur uowi khai akawm e dow amatni pungma dawng kowi lowkmi cham lang tama khai e dow, takukawmklataku pum mih kowi tatowla hanow hung kowi kowkowi now tamami ruapur kowi krawi cham dowi tham pabow?” ¹³Lainowmma ang na tek enni, krawi khi khai kowchalow hanow takukawmklataku pum tama dowi miuüa lukkowi lak-e nami lukkowi na lang awmrawm rowt kown chekhai. ¹⁴Naiawng powmiawng dow mami ngeuuüa sowmlowmchow pungma dawng kowi lowkia kowi paw na tama kown mih enni pa mukuang kowi kow uowi mi nauah mih na dowi. Enni tainau lowkia mih kingküa hai angak nachang kown mih nau dowi. LOWKIA MIH TAINAU ATAWIMA UOWI MIH.¹⁵“Hanow en tainau en lukkowi kingküa hai lup tawita khai e dow, cham tatekah iüah hanow en chih mat preia chowh pur kowi tapri taphiawah iüah diah, sünta en khai hanow en tainau dow en na plan ka tow iawk kown chekhai.” ¹⁶Tarapchedow nau ta en dowi now akengmi maru lowkia chepaw preia chepaw haw lah diah, nahanow maru preia chepaw sumia chepaw pawla saksi now nawr hownia kow laiklow maiow anowmma pami ka dowkah iawng changah diah.¹⁷Nahanow aia che amatni kow laiklow nauta dowi hanow, nakhowkhe langhawah mih kowi tekpe diah, now laiuan kowi langhawah mih laiklow paw nauta dowi kachalow now aia kowi dow en hownia Jentail hai amu kawkmiuüa iawng pacham na lah.¹⁸“Lainowmma ang na tek enni krawng lukkowi lowra enni tawmah mih sarui mukuang kowi na tawmah kown now lusa kowi tawng ngaichow lat mih dow mukuang kowi paw latah kown chekhai. ¹⁹Lainowmma ang na tek enni krawng lukkowi, enni pungma dawng kowi mih maru preia taking tasangma lukkowi lowra lawnguan kowi amatni chup Thurai hanow Apa mukuang kowi uowi mih na chang kown. ²⁰“Nachenganchepaw Maru preia chepaw sumia chepaw ang ming kowi kow taiua chowm miuüa sarui mi amatni pungma dawng kowi ang na uowi pe reng kown chekhai rakowi” pa khai. PE ALAWTMI AWNGUAN.²¹Nami khe dow Peter aia tut-e uang khai, “CHAKRAMANG, Ang tainau mih ang lukkowi mün kat chow chang alup ngak khai e dow ang na peah alawt kown? “Ranit kat mowr bow na iung kown?” pakhai. ²²Isu dow aia tut-e, “Ranit kat mowrchah ang pe en dowi, ranit kat ranit kawm mowr ang pe rowt mih chekhai.²³“Nami rakowi chekhai mukuang pren dow mangkri miaiawng mih chünchü aia naruüa tut-e tangka lawnguan achowngma na chang ingsap kown mih hai uatah mih chekhai. ²⁴Achang mi-ia hai chang ingsap hanow, maru lowkia, talent patasawng lowi uowi khai,aia tut uang lai lah khai. ²⁵Hanow thaw la kown ka dowi rakowi lowi ia dow aiamat hai amasi chauüa hai lawm, aia uan maiow na sumah now nathaw pe kown peah alow khai.²⁶Nahanow nar dow nam krawng suk mowr aia kowi chupah khai, “Ang lukkowi sana ang ditcha diah bowkbowk mih ang na thaw en bowk kown tai sow” pakhai. ²⁷Nahanow nami nar kowi dow atawn miia lanowmma sanaah khai bowt, lawt taah khai bowt, aia lowi dow athawk ta kla dowi iawng lawt taah khai bowt chekhai.²⁸Nachenganchepaw nami nar dow mang khowk hanow, aia nar pungma dawng kowi kow akawm ngui khawi lowi uowi mih kowi kow khi khai, khümah hanow, krawng kowi pet pe khai. “En kow lowi mih thaw ta ang bowt” pakhai. ²⁹Now Aia nar dow ang lukkowi sana ang ditchah diah, ang na thaw en sow, pa dow mum hanow kaneuma awr lü khai.³⁰Nachenganchepaw nauta pe dowi, aia lowi dow nowng thaw pe dowi mowr dow thawngrum lak kowi phangtaah khai. ³¹Aia nar auiuauüa dow aia lup chang krang maiow khi büah hanow, kaneuma sak nga büah khai, aia lup chang krang maiow aia kowi tawnah miia kowi kow tekpe bowk büah khai.³²Now nami hai akrowksang aia kowi tawn amiia aiamat laiah khai, aia tut-e “Nar ngak, en lü ang kaneuma rakowi ang en kow lowi maiow ang lawtta en khai, ³³“Ang sana en mih iawng en nar kowi paw en sanaah kown, na dowi pa bow?” pakhai.³⁴Aia kowi tawnah miia dow kunmarau khai bowt, aia lowi maiow ia thaw dowi mowr ngare towk miuüa rut kowi ap ta khai bowt. ³⁵“Maru lawngtowng büarüa saktuak chingma kow enni tainauuüa kowi mih enni lawtah dowi hanow Apa mukuang kowi kow uowi mih paw naiawng dow enni luk kowi natawi chang kown” pakhai.

¹Isu naün mih laiklow ki tek kung kowi Galili pren hown lawt khai, Jawrdan pai pra pown Judai pren kowi dow kowkowi khai bowt, ²Maru kawmma aia kung uang tawi büah khai, nami ra-e dow hawt iungah khai bowt chekhai. TAKHUA TALAN MIH KOWI TÜNGSANG LAWNGUAN³Hanow Pharisaiuüa aia tut-e uang büah khai, aiamat kowi na chaingla kownkow lüntaah khai, “Lowra iawng chepaw aia masi kowi nakhuaah kown mih iung khai bow?” pa büah khai. ⁴Now Aiamat dow, “Auown hown kow thawpah miia dow masiuüa hai kachakuüa kowi thawpah mih chekhai” pa pe khai.⁵Now nami rakowi kachakuüa mih a u hai apa kowi natowta hüah hanow, amasi kowi na dowk kown, hanow amatchih preia dow pabuk panga chak naown bowt kown pamih enni phat dowi bow? ⁶“Nahanow preia na iüah dowi bowt tak, pabuk panga chak na iüah rowt chekhai; Thurai tawmah khai bowt rakowi maru mih hang kow papraiah tham bowt lah” pakhai.⁷Amatni dow aia tut-e, “Na dowi hanow, Matawng palawng kowchow, Mosi dow takhua tapraila mih cha peah now nowngia khuala kown mih alow peah khai dow?” pa büah khai. ⁸Aiamat dow amatni tut-e, “Mosi dow enni saktuak akhawtma rakowi enni na khuala kown pe enni mih chekhai; nachenganchepaw auownchowh hown kow dow maiawng hing na dowi chekhai rakowi”. ⁹“Ang dow ang na tek enni lowra maru changiang kow na dowi aia masi khuaah now akengmi maru kowi paw mih dow changiang mih maru chekhai” pakhai.¹⁰Atapeuüa dow aia tut-e, “Naiawng mih dow nami kachakuüa lawnguan na khai hanow masi pawh mih iung dowi tham” pa büah khai. ¹¹Tarapchedow aiamat dow, “Nami laiklow mih dow maru bowk bowk nowng ia chün dowi tham, nahanow amatni kowi dow peah alow khai bowt rakowi, amatni dow chang reng kown chekhai”. ¹²Akletia, kawlak hownia kowh uang diah mih paw uowi khai; maru rut hown kow kletah mih paw uowi khai; mukuang rakowi kowh taklet mih paw uowi khai. Lowra maru na nowngia chün kown mih dow pacham chün lah” pakhai. NGEUUÜA KOWI ISU TÜNGSANG MIH LAWNGUAN.¹³Nami khin khe dow amatni lukkowi na tang rut hanow na chup pe kown kowh aia tut-e ngeuuüa sowmlowmchahuüa uang pawla büah khai; tapeuüa dow hawt prütah büah khai. ¹⁴Tarapchedow, “Ngeuuüa mih ang tut-e uang pe uangah dia now hang kowh prüt ta büah diah; mukuang pren dow naiawng mih maruuüa kow ngengche chekhai. ¹⁵Now Amatni lukkowi dow tangpe rut hanow, nahownia dow cham kowi khai bowt chekhai. KURENG MAMI LAWNGUAN.¹⁶Maru lowkia aia tut-e uang khai, “Aw CHAKRAMANG, chowngma singra naka lakown kow matawng iawng mih lup chow ang na chang kown chow?” pakhai. ¹⁷Aiamat dow, “Lup iung mami matawng pakowchow en lünta ang khai? Iungmi dow lowkia chataih uowi. Singra kowi kup en nau hanow alow uowi mih maiow ün mih chünah diah” pakhai.¹⁸Now Aiamat dow, “Matawng iawng mih chow?” pakhai. Isu dow, “Hang tu maru diah, hang changiang diah, hang ku diah, dai lai hai hang chawktowk diah” pakhai. ¹⁹En u hai en pa kowi rowsi diah, pah tek mih hai en matia en ta sakrau iawng en klowk chakuüa kowi na sakrau kown chekhai” papekhai.²⁰Hanow klanguüa dow aia tut-e, “Naün mih dow ang chün reng khowk matawng chow ang kowh uowi tak” pakhai. ²¹Isu dow, “Akümma na iung kown mih en nau hanow, en kow uan ün kow sum hanow, ngaraima miuüa kowi peah diah; now, uang hanow, ang kung uang tawi diah” pakhai. ²²Now nami laiklow dow aia ta hanow, sak tanua hai aia dow powt khai bowt, naiawng rakowi chekhai.²³Isu dow aia tapeuüa tut-e dow, “Lainowmma ang natek enni; maru kurengma miuüa mukuang pren kup akratma chekhai. ²⁴Ang na tek enni, Thurai pren kowi kurengma mih na kup büah lake dow kap kua kowi ut kup mih na lang ia rowt kown, pakhai.²⁵Tapeuüa ta büah hanow lainowmma awda büah khai, “Naiawng chekhai hanow miaiawngmi chow lawngra nanowngia kala kown chow?” pabüah khai. ²⁶Now Isu dow amatni kowi hai müah reng hanow, amatni tut-e “Nami dow maruuüa mapaw nowngia changah mih na dowi, Tarachedow Thurai tut-e lowra mih nowngia changah dowi mih uowi dowi chekhai” pape khai. ²⁷Peter dow klangah khai, “Sünta, anging lowra towlah plut hanow en kung anging tawikrawi en khai, matawng chow anging naka kown chow?” pakhai.²⁸Hanow Isu dow amatni tut-e, “Lainowmma ang na tek enni, akhin asar kowi dow, Maru Chapa aia nanra kowi akraingma na chowmmi khin khe, enni ang kung tawi miuüa mih paw Israel chap halaipre chen lukkowi na paw tara khe halaipreia nanra kowi enni paw natawi chowm kown chekhai.²⁹Lowra maru ang ming rakowi kim chepaw, tainauuüa chepaw, tuamauüa chepaw, pa chepaw, u chepaw,chah chepaw pren kowi chepaw towta plut mih dow akawm kat plan kut ka kown; achowngma singra paw naka kown. ³⁰Maru kawmma rik uowi müngchük miuüa dow akung mowichow ün na chowng büah kown, akung amowi chah kowi uowi miuüa paw amüng achük kowi kow naown kown chekhai” pakhai.

GREP KRUM KOWI KOW SUKKRI KOWI MIUÜA LAWNGUAN ¹“Mukuang pren dow kimia grep krum kowi nga sukkri miuüa raumur pah tarü chat miiawng chekhai.” ²Now sukri ngamiuüa hailawm pani kowi nguikhuai hai nau büah hai akrowksang aia grep krum kowi kow chinta khai bowt chekhai.³Hanow rau taku nari klawmklam prang kowi lawt khai. Chi changra kowi cham iowng hirlir hawrlawr akengmi kowi kow khi khai. ⁴Amatni tut-e, “Enni paw grep krum kowi tawi kowi büah diah” lahawm krowngchowh iawng sukkri kha ang nape enni kown taih papekhai.⁵Now kow tarü büah khai bowt. Ni uar hai iak pra sum nari klawm klam khe paw kow tarü khai; naiawng dow kutplan khai iawk chekhai. ⁶Hanow sat kowi tanga nari khe kow mü büah khai iawk, akengmi maru iowng mih kowh khi khai, amatni tut-e, “Matawng palawng kowchow nichut nichatma mami ra-e en iowng hirlir chow?” pakhai. ⁷Amtani dow, “Miaiawng mih paw hing nga anging dowi pa büah khai.” Aiamat dow, “Enni paw grep krum kowi kowh tawi kowi büah diah” pakhai.⁸Sat kowi khe dowi aia krum khet miia tuet, “Lupchang miuüa kowi hawah hanow, akung amowi chah hown uownah hanow, auown müngchük mowr pepe sukkri kha diah pakhai. ⁹Now sat tanga nari khin khe kow ngaah mih dow uang büah khai, chowlowk kowkow sukkri kha dow achima ka büah bowk khai. ¹⁰Auown amüngchükuüa dow uang büah bowk khai, naka hu nown kown pahai katuak büah khai; nachenganchepaw pawisa akhuai chataih ka büah khai.¹¹Amatni kha kabüah hanow kimia kowi prawngah büah khai bowt chekhai. ¹²“Maün mih maru akung amowichowh kowi uang miuüa panari chah taih tawi chang büah khai, anging satden dawng kowi nichut nichatma kham khai, maiawng dawng chepaw amatni kowi dow en anging hown katsang sukkri kha peah khai.”¹³Tarapchedow amatni klowpah khai, amatni pungma dawng kowi lowkia mih tut-e, “Auiua en lukkowi ang tawi dowi dow; en tangchow ang tut-e pani chow sukkri lup chang kown nau dowi bow?" ¹⁴Now en kow mih pawla hanow, mang taih bowt diah; ang pe en iawng dow akung amowichow mih kowi paw napeah kown mih ang nau khai.¹⁵Ang kowtaih mih dow ang nau ami iawng ang iung chang dowi pa bow? Naiawng na dowi chepaw ang iung khai rakowi en na awn kown chekhai bow? pakhai. ¹⁶“Naiawng powmiawng dow amia ngaichow achur amowi kowi, amatni dow amüngchük kowi na chowng kown now amia iawng mih chow amüngchük mih, amatni dow achur amowichowh nakla kown.” papekhai. AIA SUM KAT NAKOWNG KOWN MIH KUT PLAN TEK IAWK MIH.¹⁷Jerusalem na awr pün kown khe Isu dow atapeuüa halai preia kowi cham lang pawla khai; tiama rawng kowi dow amatni tut-e, ¹⁸Sünta büah diah, Jerusalem kowi a-i kow pün kown chaw; Maru Chapa mih uama langkri miuüa hai Ari arow tüngsang miuüa rut kowi na khümah kown chekhai. ¹⁹Aiamat dow pakowngah kownkow aia lukkowi laiklow natachi hanow, rensi küamüa kowi na thawpah kown mih hai na tepah kown hai na Kraws kowi tarah kown kow Jentailuüa rut kowi na ap kown now sumni khe na awr kut plan rü iawk kown chekhai. MIAIAWNG MIH CHOW LANGKRI? NAMI LAWNGUAN KOWI TÜNGSANGRA.²⁰Nami khe dow, Zebedai masi dow, aia chauüa kowi kow pawla now Isu tut-e uang khai, kungtuapah uang chupah khai, matawng uan chünchü uang lü khai. ²¹Aia dow, “Tawngchow en?” pakhai. Aiamat dow “Ang chapa preia mih en pren kowi en hawmlawm pra lowk en tauai pra lowk na nowngia chowmla kownkow peah alow diah” pakhai.²²Nachenganchepaw Isu dow klangah khai, “En nalü kown mih enni tuk dowi chekhai. Ang na kham kown mih bia nowngia kham kown bow?” pakhai. Aiamat dow, “Na ia kown” pape khai. ²³Aiamat dow aia tut-e, “Ang nakham kown mih bia dow enni na kham ngengche kown; nachengachepaw, ang hawmlawm pra chünchü na chowmah kown mih dow ang alow ia pe dowi chekhai” pakhai. ²⁴Tapeuüa hamütia dow nami hawt tah büah hanow taichah nauchah lukkowi kaneuma alow sak ih büah dowi chekhai.²⁵Tarapchedow Isu amatni hawm kowi hawah khai, “Jentaileuüa lukkowi kaneuma alow kri pa mih tuk peah khai.” ²⁶Enni pungma dawng kowi kowh naiawng na kown kowh na dowi chkhai. Nachenganchepaw lowra maru enni pungma dawng kowikow maru iuk na chang kown nau khai mih dow enni chin takmi kowi pa cham rik uowi rowt kown chekhai. ²⁷Hanow enni pungma dawng kowi miaiawng mih chow iuk kown nau mih dow, enni nar naphaw kown chekhai. ²⁸Now Maru Chapa paw enni chintakmi kowi na uowi kown kowh uang iu uang khai, Nachengachepaw uang tachin mih chekhai hanow, Maru vüi kowi aia sak na peah rowt kown kow chownglawng ingsap uang pe mih chekhai, pakhai. MIKDU PREIA KOWI IUNGAH MIH HAI ISU JERUSALEM KOWI MIH.²⁹Now Jeriko kua hownia Isu hai atapeuüa dow lawt büah khai mih khin khe maru kawmma aiamat kung tawi büah khai. ³⁰Hanow mikdu preia tiama ret kowi hawt chowm iüah khai, nami tiama iawng Isu uang mang mih ta iüah hai akrowksang, “CHAKRAMANG, David Chapa, uang sana angching diah” padow haw ngamlam khai. ³¹Maru kawmuüa dow nangah büah khai, ra-rimma na uowi kownkow khakah büah khai, chepaw amatchi dow, “CHAKRAMANG, David Chapa, uang sana angching diah” padow haw ngamlam khai.³²Hanow Isu dow tanai khai hanow, hai hawah büah khai, “Tawngiawngchow chang enchi khai e dow enchi nau?” pakhai. ³³Amatchi dow aia tut-e, “CHAKRAMANG, mik thowira angching nau” pa iüah khai. ³⁴Hanow Isu dow kaneuma sana khai, amatchi mik kowi towp pe khai hanow, amatchi dow hing nowng khi akhai, aiamat kung tawi iüah khai bowt chekhai.

JERUSALEM KOWI KUP MIH ¹Jerusalem ria kowi kow ta tawn büah khai bowt, Kanrawn hung kowi kowh Bethphawki kua kowi kow ting büah hanow Isu dow atape preia kowi chinah khai, ²Amatni tut-e, “Enni purdawng kowi kow kua kowi kowkowi iüah diah, kawrnga ramchük khuowkah mih uowi, aria kowi acha hailawm enchi na khi kown taih, lat la hanow acha kowi ang tut-e uang paw lah diah” pakhai. ³Miaiawng mih chünchü enchi tut-e lowra maru tek khai chepaw, “CHAKRAMANG nauah alow chekhai” nahanow amatni enchi kowi na uang chinta enchi tai sow, pakhai.⁴Now Risi hai tek mih laiklow na uang nowngia ting la kown kowh naün mih dow uang uowi chekhai. ⁵“Zaiawn chama kowi tekpe diah, Sammü madiah, en mang dow en tut-e uang chekhai. aia dow khamsum kham daw hai, kawrnga ramchük luk kowi chowm hown na uang kown." pakhai.⁶Hanow tapeuüa dow kowkowi khai, Isu peah alow iawng dow chang iüah ngengche khai. ⁷Kawrnga ramchük hai acha dow uang kungla iüah khai, nami lukkowi uan ün be pe büah khai, now aia dow aluk kowi chowm khai bowt. ⁸Maru kawmma pungma dawng kowi lang kawm rowt miuüa dow tiama sak kowi be pe uan büah khai, now akeng mih maruuüa dow sing mia chamtu now tiama kowi beah khai.⁹Aia pur kowi rik mang miuüa hai aia kung pra kowi uang tawi miuüa maru kawmma dow, “David Chapa tut-e, Hosana CHAKRAMANG ming kowi uang mih dow akiow pa cham uowi lah, Lang kromi kowi dow Hosana” padow haw büah khai. ¹⁰Jerusalem kowi uang kup hanow pakuama, “Mami mih mia chekhai chow?” padow tatek lawm lawm büah khai. ¹¹Maru kawmuüa dow, “Mami mih Risi Isai Galili pren Nazaret kua kowi uowi mih chekhai” pabüah khai. ISU TEMULKOWI KUP MIH¹²Now Isu dow Thurai chupkim kowi kow kup khai, now nakowi dow tasumtaran büah khai, aia dow bowk bowk kowi kow prütta bowk khai, tangka phiak miuüa salawnma ün hai uatur summiuüa chowmra ün dow nawt tape bowt khai. ¹³Hanow amatni tut-e, “Ang kow kim mi Thurai chup kim na pape büah kown, pah rui mih chekhai; tarapchedow enni tamtauüa puk iawng enni changla khai” pakhai. ¹⁴Now Thurai chupkim kowi dow mikdu miuüa hai klowngkhawn tabai miuüa aia tut-e uang büah khai, aia hawt iungah bowt kown chekhai.¹⁵Uama kriuüa hai Ari arow tüngsang miuüa awdara uowi mami lup aia chang miuüa hai tempul kowi kowh, “David Chapa tute Hosana pakow ngeuuüa haw ün mih khi büah hanow kaneuma kunmarau büah khai, maün miuüa tek mih laiklow en ta bow? pa büah khai. ¹⁶Isu dow amatni tut-e, “Ngeuuüa hai kham iawn thüm miuüa nawr kowi kow lawt mih dow, Akiow müa aia kamrümta khai bowt,” pami kat paw enni phat dowi bow? pakhai. ¹⁷Amatni kowi dow cham powtta khai bowt, marow hown dow lawt khai Bethania kowi kow kowi khai, na kowi dow iak khai bowt tak. UIDUT SINGh KOWNG MIH.¹⁸Hanow rau murpah marow pra kowi uang mang thüm khe aia hawm sakkrai uang ting khai bowt. ¹⁹Tiama ria kowi ui dut singh uowi lowk mih khi khai, Aram chataih klen kowi dow tawng paw kow khi dowi “Achowngma hang kow uihtham bowt” pakhai, uih dut singh dow hing ngawi khai bowt chekhai.²⁰Tapeuüa dow nami khi hanow kaneuma awda büah khai, “Matawngmi krang kowi chow uidut singh mih hing ngawi khai kabow?” pakhai. ²¹Now Isu dow klangah khai, “Lainowmma ang na tek enni owmra enni kow uowi khai, hanow uidut singh kowi chang mih klen kowi khowm dow enni na ia chang kown, mami singh kowi mih paw, chamta süt tasowi hanow satatui kowi kowh kuak tow khai diah pah enni tek hanow nakatakuak chowt kown chekhai.” ²²“Lowra mih owm luk hownia chup Thurai mih sarui enni naka kown”pakhai. TAWNG HOWNIIA KOWI CHOW ISU DOW ALOW KAMIH²³Hanow Thurai chupkim kowi kow-kup khai, aia tüngah sangah thüm khe uama langkri miuüa hai kua lat lawngtangchahuüa dow aia tut-e uang awr pün büah khai, “Matawng alow en ka mih chow maün lup mih en chang? Mia chow pe en alow? pa büah khai. ²⁴Isu dow klangah khai, “Ang paw laiklow ang na lünta enni kown, mami enni tek ang hanow mia chow maün mih lup ang chang mih ang na tek enni” pakhai.²⁵Hanow Jawhan baptisma mih tawng hown kow chow? Mukuang kowi kow alow bow maru low bow?” pakhai. Tatowng tapang büah khai, “Mukuang kowikow laiklow a-i tek hanow, matawng palawng kow chow aia laiklow enni owm dowi do? napa i kown chekhai. ²⁶Maru low hown pahai a-i tek-e dow, a-i vüi maru kawmma kramra uowi chekhai rakowi maru maiow dow Jawhan kowi dow Risi kowi mingah chekhai rakowi pabüah khai. ²⁷Isu kowi dow klangah büah khai, “Anging tuk dowi” pa büah khai, Aia mat paw amatni tut-e, “Ang paw mia alow hai chünchü ang chang mih ang tek enni dowi tham” pakhai.²⁸Nahanow enni dow matawng iawng chow enni ka tuak tak? Maru lowkia kow cha uowi preia, lowkia mih tut-e kowkowi hanow, “Ang Chapa, ani dow Grep krum kowi kowh chang lup diah” pakhai. ²⁹“Ang nau dowi” padow hawt klangah khai, Nachengachepaw nawng khe dow aia saktuak uang taplan khai. ³⁰Now lowkia mih tut-e paw kowkowi khai, nami powmiawng dow kow tek khai iawk. now aia dow, “Apa ang kowi kown taih bowt,” pakhai, nachengachepaw kow hing kowi dowi chekhai.³¹Nami maru preia kowi dow mia iawng mih chow, apa nauah iawng mih chang mih dow? pakhai. Amatni dow, “rik tekpe mih na own rown kown chekhai” pabüah khai. Isu dow amatni tut-e, “Lainowmma ang na tek enni amukawk miuüa hai chawkrawmauüa tarapchedow Thurai pren rik kupta enni khai bowt chaw” pakhai. ³²Now Jawhan dow tiama ching uang tüng enni mih chadiah, aiamat kowi enni hawt hing owmah dowi chekhai, Nachenganchepaw amukawk miuüa hai chawkrawmauüa aia mat kowi hawt owmah khai, enni dow nami khi chepaw aiamat kowi na owm lakown kow enni saktuak hing nowngia taklai dowi chekhai. GREP KRUMIA HAI SUKKRI KOWI MIUÜA³³Akengmi sangchia sünta büah diah, Kimia lowkia uowi khai, grep krum chang khai, krum taumlüt kawpe kha khai, grep tui petmüa thai pe kuam khai, achawngra te akroma chang pe khai, na ta nga kownkow sukkri kowi miuüa tut-e apla khai, now akeng pren kowi cham kowi ta khari khai bowt chekhai. ³⁴Aiuih Iüng uangting mih khin khe dow aia kak phow na paw kown kow krum khet miuüa tut-e aia naruüa kowi chin pe khai.³⁵Krum ming khet miuüa dow aia naruüa kowi hawt khümah büah khai, lowkia mih kowi tepah khai, lowkia mih kowi dow paw pe asak büah khai, lowkia mih kowi dow hua hai kuakah büah khai. ³⁶Now akengmi nar rik chin mih lak-e lang kawm rowt kut chin pe khai iawk, amatni kowi paw nami powmiawng hawt kut plan changah büah khai iawk chekhai. ³⁷Nami kung kowi dow, “Ang chapa kowi mih dow na hawt ringkaw büah kown taih” padow aia chapa dow amatni tut-e kow chin pe khai iawk chekhai.³⁸Nachenganchepaw krum mingkhet miuüa dow aia chapa kowi hawt khi büah hanow, “Nami na powng dawngthawnguan kown mih chekhai. uang a-i paw tape asak khai lah, aia dawngthawnguan mih a-i paw tape khai lah” pabüah bowk khai. ³⁹Hanow aiamat kowi dow khümah khai now grep krum hownia prang kowi kirta chowt büah hanow paw pe asak khai.⁴⁰Nahanow grep krumia na uang kown khe naün mih krum ming khet miuüa kowi dow matawng iawng chünchü nauang changah kown? pakhai. ⁴¹Amatni dow, “Naün mih maru ngak miuüa kowi nahing mata kown chekhai, grep krum dow akengmi mingkhet mih, alüng khin sarui aiuih ün dow aia kowi nowng pe reng miuüa tut-e nami kowi na peah kown” pakhai.⁴²Isu dow amatni tut-e, “Cha Laiklow kowi kim changmiuüa nauah dowi mih hua nami ngengche dow anui kowi hua asun languang mih uang na chekhai rakowi. Nami dow CHAKRAMANG Thurai changah mih chekhai kow, Anging khi hanow anging awda khai,” pami katpaw enni phat dowi bow?⁴³Nami rakowi chekhai ang na tek enni, Thurai pren dow na rup ta enni hanow, na nowngia lawt aiuih apau mih chen chap tut-e na peah kown chekhai” pakhai. ⁴⁴Hanow mia chow hua luk kowi kla mih dow nata di plawk kown hua uang kla mih lukkowi paw napiak nak kown.⁴⁵Now Uamakriuüa hai pharisaiuüa dow aia laiuat tekmi dow tabüah hanow amatni lawnguan kowi tekpe mih katuak büah khai bowt chekhai. ⁴⁶Na khümah kown katuak büah khai, Chepaw maru kaawmuüa kowi kram büah chekhai rakowi, Risi chekhai mingah büah chehai rakowi.

MASI PAWK PAWI LAIUAT ¹Hanow Maru kawmma tut-e sangchia hai laiklow Isu dow kut plan tek khai iawk, ²Mukuang pren dow ma miiawng chünchü, achapa vüi masi pawk howr miuüa pawichang pe mih iawng hai nowngia uatah mih chekhai. ³Now cha pawi kown kow pin miuüa na krawi kua lakown kow aia naruüa kowi chinah khai, nachepaw uang nau uang büah dowi chekhai.⁴Aiamat dow akengmi naruüa kowi kutplan chinah khai iawk. Ang paw pin miuüa tut-e mih, sünta büah diah, padow ang kamrütta hüah khowk, ang kow chiala ün hai ang kow tawncher akauma mih ün ang ngen ta bowk khowk, lowra taküm bowk khowk, na cha pawi kown kow uang büah bowk diah, pah cham tek büah diah pakhai.⁵Nachengachepaw hawt naupe ching büah dowi, cham powt ta büah bowk khowk, tawng mih chabak dow chat khai, tawng mih chabak dow kun changra kowi cham kowi büah khai. ⁶Achurpra kowi bowk bowk aia kowi dow, hawt khümah dowkah hüah khai, rulrai pairai maiawng changah büah khai, paw tape asak büah khai. ⁷Mang dow kunmarau khai bowt aia sipaiuüa kowi chin pe khai. na ün maru sak pawk miuüa kowi dow kow mata khai amatni kua paw towkla pe khai bowt chekhai.⁸Now aia naruüa tut-e dow, “Pawi dow kamrütia chekhai bowt”, natarapchedow ang pawah pin miuüa na tawi cha kown lahawm büah dowi chekhai. ⁹Nami iawng rakowi tiama tali krum kowi ün kow kowi büah hanow, maru enni khi mih sarui pawi na cha kown kow krawi chiaah büah diah, pakhai. ¹⁰Hanow naruüa dow tarü büah khai, tiama kowi ün cham mang büah khai. Amatni khi büah mih sarui, maru ngak hai maru iung miuüa kowi paw, uang lai lah büah khai, hanow masi pawk howrmüa pawi na cha kownkow kim uangtek khai bowt chekhai.¹¹Now Mang dow pinsüauüa kowi namü kown kow uang kup hanow, masi pawkra tawnguat khupla dowi mih maru lowkia kowi kow khi khai. ¹²Aia tut-e, “Auiua, matawng palawng kow chow masi pawkmüa tawnguat khupla dowi matchang kowi mami ra-e en uang kup khai chow?” pakhai. Aiamat dow ra-rimma uowi reng khai.¹³Mang dow aia chintak miuüa tut-e, Aia rut haikhawk tawmah büah hanow, uatpra iuma kowi kow kuak ta büah khai diah, pakhai. Nakowi dow na kar hanow na krit iüng kown chekhai. ¹⁴Pawah pin miuüa akawmma chekhai diah, natarapche dow kloah miuüa dow ditchow chekhai uowi” pakhai.ISU KOWI LÜNTAKRA¹⁵Nami khe dow Pharisaiuüa aia laiklow kowi na nowngia kuan lakown kow chang tatowng tapang büah khai. ¹⁶Now amatni tapeuüa dow Herawdi hown amatni kow naruüa hailawm kow chinah büah khai, “Tüngsangmi, maru nowmma en na khai lainowmma Thurai laiklow en tüngah sangah reng khai, now miaiawng mih kowi paw en kram dowi pami anging tuk khai, nachenganchepaw maru kawmuüa matawng chow amiaiawng mih kowi chow tek kown mih now naün mih laiklow matawng iawng paw ringah kawah dowi chekhai rakowi”. ¹⁷“Naiawng rakowi, matawng iawng chünchü en ka tuak mih sam tek anging madiah? Sizar tut-e a mu na peah kown angingna takla bow kla dowi bow?” pa büah khai.¹⁸Nachenganchepaw Isu dow amatni krang mih dow tuk khai, Maru puanput mamiuüa low, “Ngakmiuüa, Matawng plawng ka chow enni uang chaing ang khai dow?” pakhai. ¹⁹“Now amu tangka dow tüng ang madiah” pakhai. Aia tut-e uang pawla pe nguikhawisi lowk büah khai.²⁰Amatni tut-e dow, “Mami rup hai, mia ming chow uowi mih?” pakhai. Amatni dow, “Sizar” kow pabüah khai. ²¹Hanow Amtni dow, “Naiawng nakhai hanow, Sizar uan dow Sizar tut-e peah büah diah, Thurai kow uan dow Thurai kowi peah büah diah” pakhai. ²²Nami ta büah hanow kaneuma awda büah khai, aiamat kowi dow powtta büah khai. AWR KUT PLAN RÜ IAWK KOWN MIH LAWNGUAN HAI MASI PAWK.²³Nami ni khe Sadduki hawm, awr plan kut rü lamih uowi dowi pah tek miuüa dow aia tut-e uang büah khai. ²⁴“Tüngsangmi, Mosi tek anging diah, kacha dowi mih maru kowng khai e dow aia tainau masi kowi chawngah khai hanow aia tainauuüa krungchak na town pe kown chekhai, pakhai.²⁵Nahanow nachah, anging pungma dawng kowi taichah nauchah ranitia uowi büah khai langta mih paw masi khai krungchak towla dowi matchang kowng khai, aia masi dow aia tainauuüa kowi towla pe hüa khai. ²⁶Hanow naiawng plawng dow preia hownia sumia mih paw, ranitia mowr pat chekhai. ²⁷Akung now-nowm kowi dow masi dow kowng khai. ²⁸Hanow awr plat kut rü khe naün mih ranitia dawng kowi miakow masi chow na own kown chow? amatni dow bowk bowk dow aia kowi chawngla khai."²⁹Isu dow klangah khai, “Cha lai klow hai Thurai lowra nowngia lami enni tuk dowi rakowi na dowi iawng enni tuak reng khai. ³⁰Awr plan kut rü mih kowi dow masi huaiu ta pün talo mih uowi dowi bowt tham, mukuang kowi kow Thurrai kow Kramamu iawng tai bowt na uowi kown.³¹“Kowngmiuüa kowngra hownia awr plan rüla kown mih lawnguan kowi Thurai tek enni khowkmi, mami laiklow enni phat dowi tak bow?” pape khai. ³²Now Aiamat dow, “Ang mih Abraham Thurai, Isak Thurai, Jakawp Thurai, Aiamat dow makowng Thurai nadowi, masing Thurai chekhai na khai rowt mih” pakhai. ³³Hanow Maru kawmma dow nami ta büah hanow aia laiklow tüng sangmi dow kaneuma awda büah khai. ALOW PEK LANG KRI MIH³⁴Saddukiuüa kowi dow nowngia klang ta khai pami Pharisaiuüa dow tabüah hanow takua talawm büah khai. ³⁵Now Amatni pungma dawng kowi ari arow tukmi lowkia mih dow aiamat kowi chaingla kownkow lünta khai, ³⁶“Tüngsangmi, Ari arow kowi tawng iawng mih alow chow langkrimi?” pa dow lünta khai.³⁷Amatni dow, “CHAAKRMANG en Thurai kowi en saktuak maiow hai en singra maiow hai, en sangching maiow hai en na sakrauah kown chekhai”. ³⁸Nami mih alow pek langkri mih hai lang pankri nowm nowm mih chekhai.³⁹Hanow nami klen kowi, prechap mih Ari arow dow, “En matia en ta sakrau iawng en klowkchak kowi sakrauah diah” pam chekhai. ⁴⁰Naün mih alow pek prechap mih kowi Ari arow hai Risi laiklow maiow tachi tanawm bowk kown papekhai." ISU HAI RANSUUÜA LAWNGUAN⁴¹Hanow Pharisaiuüa takua talawngmi maruuüa kowi Isu dow laiklow lünta khai, ⁴²Krista lawnguan kowi matawng iawng chow enni tuak, “Mia chapa chow?” pakhai, Amatni dow, “David büah kow," pakhai.⁴³Nakhai hanow amatni tut-e, “David dow matawng palawng kow chow Lümla hai tek mih aiamat dow “CHAKRAMANG” pakhai. ⁴⁴“CHAKRAMANG dow, Ang CHAKRAMANG tut-e, ang hawmlawm prakowi chowm diah, en ransuuüa en khawk phakrüa kowi ang na kow towah sow”, pakhai.⁴⁵David aiamat kowi dow ‘CHAKRAMANG, pah tek khai hanow, matawngiawng chow aia chapa na naah kown? pakhai. ⁴⁶Miaiawng mih paw panawr cha khowm dow nowngia klangah dowi, nami ni hownia now akengmi laiklow miaiawng paw uam lünta dowi bowtchekhai.

PHARISAIUÜA HAI ARI AROW TÜNGSANG MIUÜA ISU PRA PE CHNG MIH ¹Hanow maru kawmuüa hai tapeuüa tut-e Isu dow tek laiklow khai, ²“Ari arow tüngsang miuüa hai Pharisaiuüa dow Mosi ari row tüngsangmi khowmah büah mih chekhai. ³Naiawng rakowi amatni tek enni mih sarui dow chang büah hanow chün bowk büah diah, natarapchedow amatni lupchang miiawng natarapche dow hang kowh tawi chang büah diah, tawng plawng kowh chow panow amatni tek iawng hai amatni mih chang büah dowi chekhai.⁴Kurdik angare mami thawp büah khai, maru lukkowi benah büah reng khai, tarachedow amatni dow amatni rutchawk hai nau hing kak büah dowi. ⁵Now amatni lupchang maiow dow maru kawmma kowi natüngah kown nau kowh chang büah reng chadiah chekhai, amatni vüi hai chabowih rui kowi thawpah mih aiukma kluaah now amatni dow uan chawn kowi tanah büah khai.⁶Hanow pawi changra kowi chowmra lang iung mih, takuara kim kowi kow chowmra lang tüngmi kowi ün amatni dow lang nau khai, ⁷Now chi dawng kowi ün tachup taiami ün, “Maru tut-e, Rabbi, tekpe mih ün hing nauta büah reng chekhai”.⁸Tarapchedow enni matia, “Tüngsangmi, pa hai hang kowh uowi büah diah, Enni kowi tüngsangmi dow lowkia chekhai, enni bowk bowk mih taicha naucha chekhai. ⁹Now krawng kowi kow mih kowi ‘Apa’ Hang kow haw büah, enni pa dow lowkia chow chekhai, mukuang kowi kow uowi mih chekhai. ¹⁰Now “Aluchahuüa, powmiawng hanghing uowi büah diah , enni Aluchah lowkia chow chekhai, nami dow Krista chekhai”.¹¹Enni pungma dawng kowi langkri mih dow enni chintakmi chekhai naown kown. ¹²Lowra maru alowchowma mih dow nanem hanow, kkham dawh mih sarui kowi dow nachowngah kown.¹³Enni Ari arow tüngsang mih hai Pharisaiuüa puanput miuüa low, enni lup tapit khai! Mukuang pren tiama dow maruuüa enni hing bungta pe reng, ¹⁴Enni matia paw hing kup dowi, na kup kown uang miuüa kowi paw hing pekupah dowi chekhai. ¹⁵Enni ari arow tüngsangmi hai Pharisaiuüa low, enni lup tapit khai! nauang chowng Juda kawngmu lowkia kownkow sata kowi hai alang alang mih süng kowi enni cham pe kowiah khai, enni cham peuang ah kung kowi enni matia lak-e pre phow angak kowi enni thawpah reng chekhai.¹⁶“Enni mikdu mih aluchow, Thurai chupkim ming hownka khamsawi mih dow chünah dowi chepaw tawng paw own dowi, tarapchedow Thurai chupkim kowi kow kuh ming hown khamsawi mih dow na dowah kown chekhai. ¹⁷Hanow Enni aching uowi dowi mih mikdu miuüa low, sam tek büa madiah, tawngmi chow langkri rowt? ku bow, ku kowi pechim pesaiah mih ia bow, Thurai chupkim bow?¹⁸Maru mih rowsira hai khamsawi mih dow tawngpaw nadowi tak, natarapchedow nami lukkowi kow uan ap hown che khamsawi now nami dow na dowkah kown chekhai. ¹⁹Enni mikdu miuüa low, matawng mih chow langkri rowt? uan powbow, uan ap miia pechim pesaiah mih rowsira bow?²⁰Nami iawng rakowi rowsira kha hai kow kham sawi mih dow rowira lukkowi kow uowi mih maiow khai hai kham sawi mih chekhai. ²¹Thurai chupkim hai khamsawi mih dow Thurai hown kow khwmsawi mih chekhai aia dow nakowi uowi khai. ²²Hanow mukuang hai kham sawi mih dow Thurai nanra hai nami lukkowi chowm mih hai kham sawi mih chekhai.²³Enni ari arow tüngsangmi hai Pharisaiuüa puanputuüa low, enni lup ta pit khai! sawngsin ün, sawngnat ün (mosla), hamüt phow kowi pa phow enni pe reng khai. Ari arow lawnguan lang pankri rowtmi anowm mami ün mih dow, akengmi ün, sanara ün na nauta kown na dowi cheekhai. ²⁴Now Aluchahuüa mikdu, changpauma na tawi khai pa kowh kram kowh sapah khai mih, nachenganchepaw ut hing iawn ta khai.²⁵Now Enni Ari arow hai tüngsangmi hai Pharisaiuüa puanput miuüa enni kaucha ngalai kabow! Kham müa Bia hai chakmüa lawngpan akum pra hai sauah khai, natarapchedow lawpha hai khiti hing uowi dowi mih hai enni uowi mih chekhai. ²⁶En Phrisaiuüa mikdu, akham müa bia hai chakmüa lawngpan ün alakkowi sauah khai, now akum pra ün nauang sai la kown taih.²⁷“Enni ari arow tüngsangmi hai Pharisaiuüa puanput miuüa low enni luk tapet khai! Tadupra kuam iawng, auat pra kowi klang iung mami iawng, tarapchedow mih hut hai asür alawk maiow hai tekmi enni na chekhai”. ²⁸Enni paw naiawng palawng kow uat prakowi dow maru khiah mih achimma powm iawng enni tüng khai, natarapchedow alak pra kowi dow puanputma hai angak na chang la kown mih atek ma chekhai.²⁹Enni ari arow tüngsang mi hai Pharisai puanput miuüa low, Risi tdupra kim ün enni chang khai, maru achi anawmma tadupra ün paw enni krawi tawngah büah khai. ³⁰Anging pi puuüa sing uowi sak uowi khe tawi uowi khai panü dow, Risiuüa vi lawngpan changah büah mih khin khe dow ang tawi uowi dowi tham, pah enni tek khai. ³¹Nami iawng plawng dow Risi hawmuüa kowi pawpe asak miuüa chuprek chaprek krang dow enni tüngah mih chekhai.³²Enni pi puuüa uown changta angak khai bowt mih dow hing changta büah angowng büah taih bowt diah. ³³Aw Ruauüa low, chiarua chuprek chaprekuüa low, ngare towkra chichet sangkrangra dow matawng pachow enni na nowngia klenta kown chow?³⁴“Sünta büah diah, nami rakowi enni tut-e Risi ün, chanlai miuüa Ari arow tüngsang miuüa ang na chin kown tawngmi chabak dow napaw tape asak kown hanow, enni na tarah kown, tawngmi chabak dow Thuraai chupkim kowi na tepah kown, marow towng kowi enni na krawi changah anowng apowng kown chekhai. ³⁵Nahanow Abel maru tachi tanawm mih vi lawtmi hownia achim asaima hai rowsira takra kowi Barakia chapa hai Zakaria vi enni lawtah bowk mowr mih, krawng lukkowi maru achi anawm mami lawt maiow mih kurdik dow enni hawmuüa lukkowi na uang kla kown. ³⁶Lainowma ang na tek enni naün mih maiow dow akaw chowng maruuüa lukkowi nating kown chekhai.³⁷“Aw Jerusalem, Jerusalem Risiuüa kowi hawt pawpe asak miuüa! Uamami achauuüa kowi aia lap krüa kowi awmah awrah iawng dow en chauüa kowi na awmah awrah kown mih mün klen chow ang tuak mih, nachenganchepaw en hing nau dowi chow bow? ³⁸Sünta büah diah, enni kim dow, enni vüi dow akhaw mahai nauowi kown chekhai. ³⁹Tarapchepaw Ang na tek enni, “CHAKRAMANG ming hai kow uang mih aia dow akiow pa cham uowi lah, pah enni tek dowi mowr dow akawmat hownia bowt now enni plan khi ang dowi bowt chaw” pakhai.

JERUSALEM PIAK KOWN MIH HAI ISU UANG KUT PLAN KOWN MIH LAWNGUAN ¹Isu dow Thurai chupkim hownia awr lawt hanow, na mang takown khe, Thurai chupkim chang mih krang ün dow natüng pe kownkow tapeuüa dow aia tut-e kakowi khai. ²Tarapchedow aiamat klangah khai, amatni tut-e, “Maün mih maiow mih enni khi dowi bow? Lainowmma ang na tek enni mami Thurai chupkim dow hua tatan mih maiow lowkchowh khawp padow tim dowi matchang kowi tow ta dowi tham” bowk bowk mih na tama kown," pakhai.³Now kanrawn hung kowi aia chowm khe tapeuüa dow aia tut-e uang büah khai, “Naün mih dow matawng khe chow na uang uowi kown? hanow, en na uang kut uang kown mih hai na chur kown amatmüa awda uan tawng chow na uowi kown? tekla anging dit” pa büah khai. ⁴Isu dow klangah khai, “Miaiawng mih paw na dowi kown kow pe ching la kown. ⁵Hanow Ang ming na khamla now Krista dow ang chekhai, pa dow maru akawmma na uang lawt büah kown chekhai rakowi, maru na dowi rakowi ahuma na cham pawla kown.⁶Now Tasen klow ün, tasen stang ün paw enni nata kown, natakrow kown nadowi kown kowh pe ching büah diah, naün mih dow nauang ting kown chekhai; tarapchedow akhin chur nadowi tak tham. ⁷Nahanow chenlang chaplang natasen hanow, mang lala paw natasen kown, panui panui kowi khown nakuak hanow, lihowng ün paw nauang kown chekhai. ⁸Nachenganchepaw nami maiow dow pusura uown krowng chow iawng chekhai.⁹Nami khin khe dow na kham ngare kown kow khümah enni hanow, na paw enni sak kown chekhai, now chap maiow mih ang ming rakowi nasui enni kown chekhai. ¹⁰Nami khin khe dow maru kawmma owmra hownia naplan kown, now na lowkkow lowk na khümah büah now ransu rut kowi naap kown, lowkkow lowk tanau khi büah dowi tham. ¹¹Hanow Risi iua akawmma nauang lawt kown, maru kowi mih nadowi pra kowi akawmma kowi cham paw la kown chekhai.¹²Now angak na prung kown chekhai rakowi maru langkawm rowt mih tasakraura na prowng kown. ¹³Nachenganchepaw achur mowr pat kaneuma ia kham ngare khai mih sarui, nami naruüa ngengche dow lawngra naka kown chekhai. ¹⁴Pren satang iung chap maiow na kala kown kow palusama kowi na tek kown chekhai hanow, nami kung kowi dow achurmüa dow na uangting kown chekhai.¹⁵“Nahanow suiiai ma mih, Risi Daniel hown kow pe tekah laiklow, arah achim asaima kowi iowng mih enni khi mih khin khe phat mih dow akrang pacham tuk lah”. ¹⁶Now Juda pren kowi kowh uowi miuüa dow süng kowi pacham powt lah. ¹⁷Kim lukkowi uowi mih dow kim lak kowi nakow tawi paw uan kown kow hang paiu dowm lah. ¹⁸Iüa kowi chat mih paw aia khupdip tawngklai na uang tawi pawla kown kow hang pa hing uang mang lah.¹⁹Hanow kum nau mih hai cha sowmchowh uowi mih paiah miuüa dow kaneuma sanawng sana uowi khai. ²⁰Chungrau uang ni thüm khe chepaw Talangkuni kowi chepaw enni powt na takla dowi kown kowh chup Thurai büah diah. ²¹Nami khin khe dow khown kuakmi kaneuma ngare chekhai, nami iawng ngare dow krawng uang phuaru hownia kawmat pat paw uang dowi tak, uowi paw kat paw kut plan hing uowi dowi tham chekhai. ²²Hanow nami ni ün dow atownchah changah dowi e dow, maru mih mia iawng mih paw naia singla kown mih uowi büah dowi tham, nachenganchepaw ruiah miuüa rakowi naün mih ni dow atownchah nachang pe kown chekhai.²³“Nami khin khe dow lowra maru chepaw enni tut-e, mü madiah Krista dow mami ra-e chepaw, pai kare chepaw, pahai tek büah chepaw enni dow hangkahing owm diah,” pakhai. ²⁴Now Krista maru ngak miuüa hai risi ngak miuüa na uang lawt büah kown chekhai, rakowi; nowng khai panü dow langklo miuüa kowi khawm padow na dowi pra kowi nacham pawla kown. amatmüa hai awdara kraingma mih nachang büah kown chekhai. ²⁵Mü büah madiah, ang rik tek enni rüm khowk chaw.²⁶Nahanow enni tut-e, “Süngrüp süngkangma kowi uowi chaw na pah enni khe hang kow kowi büah diah, “Towklak chirchah kowi uowi na pah enni büah khe paw hang kow hing owm büah diah.” ²⁷Pla sat lawt hownia iu uang khai, sat kup pra ting pat iu nowi khai. Maru Chapa na uang kut uangla kown mih paw na iawng naown kown chekhai. ²⁸“Lowra e uak uowira sarui kowi dow langtah na krawi takua kown chekhai.”²⁹Now naün mih ngarema khin chur hai akrowksang uar iiu sung na pün hanow, lama hing nowi dowi tham, mukuang hownia karek ün nauang iu nowi dowi tham, mukuang kowi lowra nowng changla mih ün dow na tatüng kown chekhai.³⁰Nami khin khe dow krawng kowi kow chap maten kar hai amatni downgprang nati hanow, Maru Chapa mih lowra nowngchang lami kraingra akraingma hailawm mukuang mai dawng hownia nauang iu uang kown mih na khi büah kown. ³¹Hanow Kramamuuüa dow baw atünma hai Maru Chapa na chinah hanow, amatni dow ruiah miuüa kowi dow lusa tali tingnui hownia, mukuang chur hownia papra achur mowr pat na krawi klo, na krawi kuah kown chekhai.³²Hanow uidut singh uowi krang hownia na sang kown mih uowi, uang chet hanow aram sar uai thawn now satma nauang ting kown chabowt pami enni tuk khai. ³³Nami iawng palawng kow, enni naün mih maiow enni khi khai bowt mih khin khe aia mat dow uang ta tawn khowk, na uang ting kown mih atawnchowh khowk pami tukah büah diah.³⁴Lainowmma ang natek enni, naün mih maiow dow uangting dowi mowr dow kawmat kow maruuüa mih nowng tama dowi tak tham. ³⁵Hanow krawng hai mukuang chahtaih na tama samü, tarapchedow ang laiklow dow kat paw tama dowi tham.³⁶‘Nachenganchepaw na uang ting kown ani hai anari dow pa chataih dowi hanow miaiawng mih paw tuk büah dowi, mukuang kowikowh krammamu uüa paw Chapa paw tuk büah dowi, Apa chatai tuk, pakhai.³⁷Now Noua sing uowi sak uowi khe kow iawng Maru Chapa nauang kown chekhai. ³⁸Tuikling mangma, Noua lawng kowi kup mih ni mowr cha büah kham büah khai, masi huaiu tapün talo reng büah khai. ³⁹Now tui uang iuk kow, matni bowk bowk kowi paw ta bowk dowi mowr dow matawng paw tuk büah dowi, Maru Chapa na kut uang iawk kown mih dow na iawng na own kown mih chekhai.⁴⁰Nami khin khe dow iüa kowi preia nachat hanow, lokia dow na pawla hanow lowkia dow nata lawt hüa kown chekhai. ⁴¹Masiuüa preia mih na tungmi hanow lowkia dow napaw lakown, lowkia dow na lawt hüah kown chekhai. ⁴²“Nahanow, kamrüt hai uowi reng büah diah, matawng mi ni kowi chow enni CHAKRAMANG na uang kown mih enni hing tuk dowi rakowi chekhai.”⁴³Nachenganchepaw mami enni tuk, kukmi na uang kown kimia tuk khai e dow, kamrüt hai nahawt uowi hanow, aia kim nowngia piak pe dowi tham. ⁴⁴Naiawng rakowi, enni paw kamrüt ia hai uowi büah reng diah, enni sakowm uowi dowi mih khin khe Maru Chapa dow nauang kown.⁴⁵“Amatni atawnia amatni pakimma aluchah kowi hai amatni hawm krawi ret pe khin khe na retpe reng kown miia vüi tangka mingkhetmi kaah pa sakowm mih hai chanlaima kowi na khowmah kown mih dow miaiawng mih chünchü nachowng kown?” ⁴⁶Amatni kowi tawnah miia nauang mang khe nar nami lawng hawt chang mih kowi uang khi mih dow kaucha iukma chekhai. ⁴⁷Lainowmma ang na tek enni, aia kow uowi mih maiow lukkowi aluchowh kowi na uang chowmah kown.⁴⁸Natarapchedow nar ngak mih dow, ‘Apu mih uang mang len-len dowi tham’. ⁴⁹Now pahai tuak hanow, aia naruüa kowi paw hawt tepah ün e dow pua hai lawm hawt cha hawt kham khai. ⁵⁰Nami nar tawn miia mingah mangah dowi mih nakowi na uang hanow, ⁵¹Pre dungkowi nauang changah kown, Maru puanput miuüa ka mih iawng na pakaah kown na kowi dow kar hai iüng na krit büah kown.

TARA CHET NI LAWNG UAN KOWI TÜNGSANGRA ¹Nami khin khe Mukuang pren dow malauüa hamütia powm iawng na uang uowi kown, amatni dow pamatia maibu towkia pawla hanow masi pawk miia kowi na hawt chum kown kow tarü büah khai. ²Amatni pungma dawng kowi tangaia mi dow aching uowi dowi mi, tangaia mi dow chanlaima mi nakhai. ³Aching uowi dowi miuüa dow amatni maibu pawla büah cha diah, chepaw maitui mi pawla pe büah dowi. ⁴Achanlaima mi tarapche dow maibu chün la büah klen kowi maitui rawt paw pawla büah khai.⁵Masi pawk miia dow uang mang mi akrama nakhai rakowi amatni bowk bowk mi kawm lai kow hawt müi büah khai bowt. ⁶Uar dawng khe dow hawk klow uang uowi khai bowt, sünta, masi pawk miia tut-e nakowi lakown uang büah bowt diah pakhai.⁷Nami hai akrowksang malauuüa hawm dow awrrü büah bowk khai now, pamatia maibu dow kamrüt büah khai. ⁸Aching uowi dowi miuüa dow achanlaima miuüa tut-e, enning kow maitui pe anging ne dit, anging kow maibu namit kown chekhai papekhai. ⁹Nachenganchepaw achanlaima miuüa dow amatni tut-e, enni vüi hai lawm anging kow maitui lawk dowi tham, asum miuüa tut kow kowi now kow rat rowt büah diah pa büah khai.¹⁰Naran maitui kown kow tarü büah khai, nami khin takra kowi masi pawkmi ia dow uang towm hanow, kamrütia hown uowi miuüa dow aiamat hai akrowksang masi howrpawi na cha kown kow tawi kup büah khai bowt. ¹¹Nami kung kowi akengmi malauuüa paw uang tawi towm büah khai, chakramang, chakramang, uow anging kimplawt diah pa büah khai. ¹²Aiamat tarapche dow klangah khai, lainowmma ang natek enni, ang tuk enni dowi chekhai pakhai. ¹³Naiawng rakowi kamrütia hai uowi büah reng diah, ani ahai anari mi enni tuk dowi chekhai rakowi. TALENT LAIUAT¹⁴Nami dow maiawng, laiuan kowi lowra maru akeng pren kowi cham kowi khai, aiamat naruüa kowi hawah hanow aia kow dawngthawng uan dow anaruüa rut kowi ap pe khai. ¹⁵Aiamat dow nar lowkia kowi tanga talent peah khai, lowkia mi kowi dow pre talent now lowkia mi kowi patalent, amatni nowng mowr chah krowng iawng peah khai hanow, akeng pren kowi cham tarü khai bowt. ¹⁶Tanga talent ka mi dow powt hanow kow chang kun khai, arang klen kowi tanga talent ka marat khai.¹⁷Nami powm iawng dow pre talent ka mi paw pre talent plan kut ka marat khai. ¹⁸Pa talent ka mi taparche dow, thai pe bawn hanow tangka dow kow dup ta khai.¹⁹Akrama kung kowi naruüa kowi towah miia dow uang mang khai bowt, amatni luk kowi lü pe ingsap khai. ²⁰Nami khin khe tanga talent ka miia dow uang hanow tanga talent aia ka marat mi uang paw la khai, now kimia tut-e, “tanga talent en apla ang mi dow mü diah, nami klen kowi tanga talent ang nowngia marat khai pakhai.” ²¹Townah miia dow aia tut-e, “aiung mami hai uowiah pa sakowmmi nar en nakhai, ditchah mi lukkowi uowiah pa sakowmmi en na, aluchah lukkowi ang pa uowi en kown, tawn en miia hown tawi taiua awmrawm diah” pakhai.²²Nami kung kowi pre talent ka mi paw uang khai, now kimia tut-e, “pre talent en ap la ang mi dow mü diah, nami klen kowi pre talent ang ka marat khai pakhai.” ²³Townah miia dow aia tut-e, “aiung mami hai uowiah pa sakowm mi nar en nakhai, ditchah mi lukkowi uowiah pa sakowm mi en na, aluchah lukkowi ang pa uowi en kown, tawn en miia hown tawi taiua awmrawm diah” pape khai.²⁴Nami kung kowi pa talent ka mi paw uang khai, now kimia tut-e, “maru kawrkerma mi en na pamih ang tuk, en sawtah dowi mi kowi paw auih en lüngah reng, aliu en uetah dowi mi kowi paw en kuaah reng chekhai pakhai. ²⁵Hanow, ang kram khai rakow en pe ang mi pa talent mi dow bawn kowi ang dupah khai, mü diah en kow uan dow en ka iawk khowk chaw pakhai.”²⁶Tawnah miia dow klangah khai, “en nar ngak hai plawktua mami, ang sawtah dowi mi kowi paw ang ngen khai, aliu ang uetah dowi mi kowi paw auih ang lüngah reng pami en tuk chowh kow? ²⁷Nami iawng nakhai hanow, tangka kunchang miuüa tut-e ang kow tangka en towah kown mi tataing diah, hanow ang uang mang mi khin khe amarat hai lawm ang na kut ka iawk kown mi cha diah.²⁸Aiamat dow, aia kow talent pawta pe hanow hamüt talent uowi miia kowi peah büah pakhai. ²⁹Uowi khowk mi kowi na plan peah iawk kown, na hu ngamlam kown kow, uowi dowi mi kowi tarapche dow uowi mowrchah mi paw napaw ta pe kow. ³⁰Now nar nau towsak dowi mi kowi uat aiuma kowi kuakta chowt büah diah, nakowi kar hai na krit iüng bowt lah pakhai.” RUAPUR HAI RUA³¹Now Maru Chapa dow kramamu maiow hai lawm aia kraingra hown na uang dowm kown, nami khin khe aia nanra kraingma kowi na chowm kown ³²Aia pur kowi chaptowng na takua kown, ruapur khetmi ia mih rua pungma dawng kowi ruapur krawi kloah iawng dow amatni kowi na kloah kown. ³³Ruapur kowi dow aia hawmlawm pra kowi na towah hanow, rua kowi tarapche dow aia tauai pra kowi na towah bowt kown.³⁴Nami khin khe mangkri dow aia hawmlawm pra kowi kow maruüa tut-e, “Apa prasira ka miuüa low uang büah diah hanow, lusa uown thawp hown kow enni vüi pren kamrüt takhowk mi kowi kow uowi büah diah. ³⁵Ang hawm sakkrai hai uowi mi khin khe enni pe ang chakkham khai, tui sakkrai hai ang uowi mi khin khe enni pe kham ang tui khai, pinsüa powm iawng ang na mi khin khe enni pe ang kim pünra khai. ³⁶Tengiow tengklaima ang uowi mi khin khe enni pe ang khupdip tawngklai, arau hai ang uowi mi khin khe mingkhet ang, thawngrum kowi ang uowi mi khin khe uang krawi mü ang napa kown.”³⁷Nami khin khe maru achi anawmma miuüa dow, “CHAKRAMANG matawng khe chow hawm sakrai hai khin en kow anging pe cha en hawm mi, hanow tui sakkrai mi khin khe pe en tui mi chow? ³⁸Matawng khe chow pinsüa powm iawng pe en pünra mi, nadowi hanow tengiow tengklaima khe pe en khupdip tawngklai mi chow? ³⁹Matawng khe chow en arau uowi hai thawngrum kowi en uowi mi khi khe anging uang mü en mi chow?” Pa dow na klangah büah kown. ⁴⁰Nami khin khe mangkri dow amatni tut-e, “lainowmma ang na tek enni, maün mi ang tainauuüa langsowm mi lowkchah lukkowi enni chang mi dow, ang lukkowi enni chang mi na khai” padow na klangah kown.⁴¹Nami kung kowi aia tauai pra kowi kow maruuüa tut-e, “piati ka khowk mi maruuüa low ang hownia alakma kowi cham powt büah hanow, chowng chowng sak sakma mai Diabawl hai aia maruuüa vüi kamrüt ta khowk mi kowi powt büah khai diah. ⁴²Hawm sakkrai hai ang uowi mi khin khe enni pe ang chak kham dowi, tui sakkrai hai ang uowi mi khin khe enni pe kham ang tui dowi chekkhai. ⁴³Pinsüa powm iawng ang na mi khin khe enni pe ang kim pünra dowi, now tengiow tengklaima mi khin khe pe ang khupdip tawngklai dowi, ang arau uowi khin hai thawngrum kowi ang uowi mi khin khe enni uang ming uang kkhet ang dowi” na pape kown.⁴⁴Nami kkhin khe amatni paw, “CHAKRAMANG matawng khe chow hawm sakkrai hai chepaw, tui sakkrai hai chepaw, pinsüa hai chepaw, tengiow tengklaima hai chepaw, arau uowi hai chepaw, thawngrum kowi chepaw anging khi en kow mingkhet en dowi mi uowi khai chow?” Pa dow na klangah büah kown. ⁴⁵Hanow aia dow amatni tut-e, “lainowmma ang na tek enni, mami sowmlowmchah miuüa kowi lowkchah paw enni changah dowi, nami khe ang kowi paw enni chang dowi” pakhai. ⁴⁶Nami kung kowi dow chowngchowng sak sakma ngare towkra kowi na kow kowi büah kown hanow, maru chichi nawm nawmma miuüa tarapche dow achowngma singra kowi na kow kowi büah kown” pakhai.

ACHUR AMOWICHAH ISU KHAM NGARE MI HAI KOWNG MI ¹Isu dow naün mih laiklow maiow ki tek kung kowi atapeuüa tut-e, ²“Preni kung kowi taklo pawi na uang uowi kown pami enni tut, Maru Chapa kowi na tarah kown kow na khumah kown chekhai” pakhai.³Nami khin khe uama langkrimi Kaipha pape mi kim tap viadawng kowi uamakriuüa hai pren chak lawngtangchowhuüa dow kow takua büah khai. ⁴Isu kowi dow na depah now na khümah hanow na nowngia paw pe asak kown mi krang lawnguan kowi tatowng tapang büah khai. ⁵Nachenganchepaw “pawi dawng kowi dow hang kow pacham na lah, naiawng na dowi hanow pren chak maru pungma dawng kowi pusara na uang uowi ün tarawng” pa büah khai. ISU KOWI PHAWKPE SUA MIH⁶Nami khin khe Isu dow Bethani kowi kow par mi Simawn kim kowi uowi khai. ⁷Iamre hua hown kow kruk lak kowi kow sau anam iungma asung khakma mi pawla mi masiuüa lowkia aia tut uang khai, aia cha hawm thüm khe aia lu kowi sau dow uang klai pe khai. ⁸Tapeuüa dow nami kowi hut khi büah hanow kaneuma kunmarau büah khai, “matawng palawng kow chow naiawng khowt ka klai khai chow? ⁹Mami sau asung khakma hai sumah now ngarawng ngarai miuüa kowi nowng peah kown chadiah” pakhai.¹⁰Isu tarapche dow nami tuk hai akrowksang amatni tut-e, “Mami masiuüa kowi matawang palawng kow chow enni peah saktuak kawm khai chow? Ang lukkowi lup iung tangmi aia chang mi chekhai. ¹¹Ngarawng ngarai miuüa dow enni hown taiua uowi reng büah khai, ang tarapche dow enni hown ang tawi taiua uowi reng dowi tham.¹²Mami sau namiung mami ang kow kowi uang klai mi dow nadup la ang kown kow kamrüt mih chekhai chaw. ¹³Lainowmma ang natek enni, lusa palusama kowi mami Satangiung mi cham tekra sarui kowi mami masiuüa lupchang mi paw aiamat kowi na tukla reng kown kow na tek büah reng kown” pakhai. JUDAUÜA ISU KOWI KUAKAH SUMKOWN TUAK BÜAH¹⁴Halai preia pungma dawng kowi lowkia Juda Iskariawt pa pe büah mi dow, uama kriuüa tut-e kow kowi khai. ¹⁵“Aiamat kowi ang na khum enni sow, tawngchow enni na pe ang kown?” pa pe khai. Now amatni dow rüaah now tai tangka süngkawm ap pe khai. ¹⁶Na hown bowt kow chalow hanow aia kowi nakhümah kown mi takami krang krawi cham reng kkhai bowt. TAKLO PAWI HAI CHAKRAMANG IAK HAWM¹⁷Kawm thepe tua dowi mi pawi ni müng ni chük kowi atapeuüa Isu tut-e uang büah hanow, aia tut-e, “matawng mi ra e chow Taklo pawi chakra na kamrüt en kown hai en na nau kown?” Pabüah khai. ¹⁸Aia dow amatni tut-e, “marow kowi miaiawng mi chüngchü tut-e kow kowi büah hanow, aia tut-e, tüngsang mi tek khai, ang kow akhin uang tawn khai bowt tak, ang tapeuüa hailawm en kim kowi Taklo pawi nacha kown nau diah, pah kow tek büah diah” pa pe khai. ¹⁹Hanow Isu peah alow iawng tapeuüa dow chang büah khai bowt, Taklo pawi hawm dow kamrüt büah khai bowt.²⁰Nami kung kowi iakpra dow tape halai preiauüa hai lawm taiua cha kown kow chowm büah khai bowt. ²¹Amatni cha thüm khe aiamat dow, “lainowmma ang na tek enni, enni pungma dawng kowi kow lowkia mi na khüm ang kown” pakhai. ²²Kaneuma tuak krat büah khai now aia tut-e, “CHAKRAMANG ang naown bow?” Pa büah bowk khai.²³Aiamat dow klangah khai, “lawngpan kowi ang hai taiua tang rut mi ngengche dow na khüm ang kown” pakhai. ²⁴Maru Chapa mi aia sangtang ruiah büah mi iawng na mang ngengche kown chekhai, nachengan chepaw, Maru Chapa na khümah kown miia dow uang tawi phuru dowi panü e dow aia vüi na lang iung rowt kown pakhai. ²⁵Aiamat kowi khümah kown miia Juda dow aia tut-e, “tüngsangmi ang naown bow?” pakhai. Now aiamat dow, “en tek khowk” pa pe khai.²⁶Cha büah khe Isu dow paw kawm hanow tek awmrawm lai now sekah khai, tapeuüa kowi peah khai, “paw büah hanow cha büah diah, mami ang nga chekhai” pakhai.²⁷Nami kung kowi bia paw hanow awmrawm lai tek now amatni tut-e, “enni bowk bowk kham büah diah. ²⁸Mami ang vi, sangbowk laitawm müa, maru kawmuüa ngak lawt la kown kow na own kown chekhai” pakhai. ²⁹Ang na tek enni, “Apa pren kowi enni hai lawm asar ang na kham kown mi khin uang ting dowi mowr dow grep uih tui mih ang plan kut kham dowi bowt tham” pakhai.³⁰nami kung kowi dow, kiowmüa meng tek iawlaw hai Oliv hung kowi cham tarü büah khai bowt. PETER NATADA KOWN RIK TEKPE MIH ³¹Nakowi Isu dow amatni tut-e, “aiak enni bowk bowk mi na cham dang ta ang kow (enni na praita ang kown)” pakhai, “ruapur thing mi kowi ang na tepah hanow, ruapur hawm dow na cham tauet plawt kow,” pah ruiah mi iawng dow. ³²Nachenganchepaw kowngra hownia ang na awrrü mi khin khe enni dowi rawn Galili kowi ang na rik uang kown.³³Peter dow aia tut-e, “lainowmma ang na tek en, en hownia maru bowk bowk powtta en khai chepaw ang dow powtta en dowi tham” padow klangah khai. ³⁴Isu dow aia tut-e, “lainowmma ang na tek en, aiak mi ua ka dowi rawn khe sum kat en na tadata ang kown” pakhai. ³⁵Peter dow aia tut-e, “en tut-e akowng takla khai chepaw ang tadata en dowi tham” pakhai. Nami iawng rowp rowp atapeuüa dow tek büah bowk khai. GESMANI KRUM KOWI ISU TAPRÜA TANGUK MIH³⁶Nami kung kowi Isu dow amatni hai lawm Getsimani pa pe mi arah kowi kow kowi büah khai, aia tapeuüa tut-e dow, “pai mi re ang kow chup Thurai tak mami ra e hut chowm büah diah” pakhai. ³⁷Peter hai Zebedai chapa preia kowi dow hawla khai, aia dow saktuak krat hai kaneuma takrow khai. ³⁸Amatni tut-e, “kowng iawng mowr kaneuma ang takrow khai, mami ra e hawt uowi büah hanow, müi dowi hown hawt tawi uowi büah diah” pakhai.³⁹Pur pra kowi hai süt rowt hanow tabawk krawm now chup Thurai khai, “aw apa nowngia khai hanow mami bia mih süt ta ang khai diah, nachenganchepaw ang low iawng na dowi, en matia low iawng pacham na rowt lah” pakhai. ⁴⁰Tapeuüa tut-e aia uang hanow, hawt müi mi dow uang khi khai, now Peter tut-e, “alau ua, panari chow khowm paw ang hown enni tawi krü uar kown mi kür uowi dowi chekhai chow bow?” pakhai. ⁴¹Puanra kowi enni na uowi dowi kown kow pawching hai chup Thurai reng diah, lümla dow sakkrai reng, kow tarapche dow kür uowi dowi chekhai pakhai.⁴²Pre klen kowi kow plan kut chup Thurai khai iawk, “aw apa, ang na kham dowi kown mami bia mih uangia süt ta ang dowi hanow, en matia low iawng pacham na lah” pakhai. ⁴³Nami kung kowi aia dow uang plan kut uang now, hawt müi büah mi dow uang plan khi khai iawk, kaneuma müi rau büah khai rakowi nowng kü mik büah dowi chekhai. ⁴⁴Aia kow cham lang kowi hanow, sum klen kowi paw aia rik tek iawng kow chup Thurai khai iawk.⁴⁵Nami kung kowi tapeuüa tut-e aia uang hanow, amatni tut-e, “akawmat patpaw müi hai enni nai reng chekhai chow bow? Sünta büah diah, akhin dow uangting khai bowt, Maru Chapa mih maru ngakuüa rut kowi apta khowk chaw” pa pe khai. ⁴⁶Rü büah diah, i kowi bowt la, mü büah diah, nakhüm ang kown miuüa dow uang tatawn khai bowt chaw pakhai. ISU KOWI KHÜMAH MIH⁴⁷Aia tek laiklow thüm mi khin khe, sünta, halai preia pungma dawng kowi kow lowkia Juda pamih dow uangting khai, aia hai ahawmsang uamakriuüa hai ari chünmi lawngtangchahuüa chinah mi akawmma saidawng hai müa chün hai uang tawi büah khai bowt. ⁴⁸Aia kowi na khümah kown miia dow amatni kowi amat müa rik tek tape rowm khowk chekhai, “ang na nam pe awm kown mi dow aia chekhai kown, nakhe khümah büah diah.”⁴⁹Isu prakowi kowkowi hanow aia tut-e, “chupah now CHAKRAMANG, pa dow kow hing nam pe awm khai bowt.” ⁵⁰Isu dow aia tut-e, “iua low, en na changah kown mi lup dow alenma chang bowt” pakhai. Nami hai akrowksang Isu kowi uang dowkah büah now khümah büah khai bowt.⁵¹Now sünta, Isu tapeuüa pungma dawng kowi kow lowkia mi dow aia rut hai saidawng iu howk hanow, uama langkri mi nar lowkia kow paramkui dow thia tape apra khai. ⁵²Nami hai akrowksang Isu dow aia tut-e, “en kow saidawng mi aia uowira kowi towta khai diah, saidawng chün miuüa dow saidawng hai iawk nakowng büah ngengche kown chekhai rakowi.” ⁵³A Pa tut-e ang lü khai panü e dow, halai pre powng sephai lak-e lang kawm rowt ang vüi kowi akawmat uang chin ang kown mi en owm ang dowi bow? ⁵⁴Nachenganchenpaw maiawng na uang uowi kown mi laiklow chabowik kowi ruita khowk mi matawng iawng chow nauang tachi kown chow? Pakhai.⁵⁵Nami khe Isu dow maru kawmuüa tut-e, “tamta khüm mi powmiawng saidawng hai müa hown enni uang khüm ang chekhai chow? Tempul kowi nitowng chowmpah ang tüng ang sang reng khe matawng pachow hing khüm ang dowi” pakhai. ⁵⁶Nachengan chepaw Risiuüa ruita khowk mih chabowik laiklow na uang nowngia ting la kown kow ma ün mi uang uowi mi chekhai chaw pakhai. Hanow tapeuüa bowk bowk dow aiamat kowi cham powt ta büah khai bowt. ISU KOWI UAMAKRIUÜA PUR KOWI CHETPE TARA MIH⁵⁷Isu kowi khümah miuüa dow, ari arow tüngsang mi hai lawngtangchah uüa hawt takua thüm mi arah uamakri Kaipha kim kowi kow paw la büah khai bowt. ⁵⁸Now Peter dow alakchah hownia aia kung kowi uama langkri mi viadawng mowr kow tawi khai, achur mi nakhi lakown rakowi kow tawi kup hanow achawng miuüa pungma dawng kowi tawi chowm khai.⁵⁹Uama langkri miuüa hai ari arow tüngsang miuüa dow Isu kowi paw tape asak kown nau büah khai rakowi dailai saksi hai chawktowk müa krawi cham büah khai. ⁶⁰Dailai saksi ahuma uang phuang büah chenganchepaw laiklow chima hing ka büah dowi. ⁶¹Akung amowichah kowi maru preia uang hanow, “mami maru mih, Tempul piakah now sum ni sang ang nowngia chang kown” pa dow tek khai.⁶²Uama langkri mi dow awr iowng hanow aia tut-e, “maün miuüa kowi matawng chow en klangah kown? Chawktowk en büah mih matawng krang kowi chow?” Pakhai. ⁶³Isu tarapche dow rarimma tawng paw tek dowi chekhai. Uama langkri mi dow aia tut-e, “masing Thurai ming takham hai ang pe en alow chekhai, Thurai chapa KRISTA pah takham mi na dowi bow en?” pa dow lüntaah khai. ⁶⁴Isu dow aia tut-e, “en tekah mi chekhai, now ang natek enni, akawmat hownia bowt now Maru Chapa mih lowra nowngia chang mi Thurai hawmlawm pra kowi chowm hanow aia kraingra hai mukuang mai dawng kowi na uang kown mi enni nakhi kown” pakhai.⁶⁵Nami hai akrowksang uama langkri mi dow aia khupdip tawngklai sekpe khai, “Thurai kowi kingküa mi chekai, akeng mi tawi tuk taw tami hau khai tak bow? Sünta büah diah, akawmat Thurai kowi kingküa mi dow enni ta bowk khowk, ⁶⁶Matawng iawng tak chow enni ka tuak?” “na kowng kown tataing” pa dow klangah büah khai.⁶⁷Now aia lumowr kowi thawk pe kria hai thawngah büah khai. ⁶⁸Tawngmi chabak dow phekah tepah büah now tek mi, “en KRISTA padow, miaiawng mi chow na bawp en kown mi tek anging madiah” pa büah khai. PETER ISU KOWI SUMKAT TADA TAAH MIH⁶⁹Peter dow prang kowi tap viadawng kowi chowm khai, narma lowkia uang hanow aia tut-e, “en paw mami Galili maru Isu tut-e tawi uowi mi chekhai” pape. ⁷⁰Aiamat tarapche dow, “en tekah mi laiklow auan mapaw ang tukta dowi” pa dow amatni bowk bowk pur kowi tada taah khai.⁷¹Kimbüng ria kowi aiamat uowi khe narma lowkia dow khi hanow maru kawmuüa tut-e, “mami maru mih Nazaret Isu tut-e tawi uowi mi chekhai chaw” pakhai. ⁷²“Nami maru kowi ang tuk dowi” padow sawi kham hai tada taah khai iawk.⁷³Nawngchowh kung kowi nami ra e kow iowng mi maruuüa dow Peter tut-e, “en paw amatni pungma dawng kowi kow lowkia en na khai, en lai owi kowi nowng tukah khai” pa dow tek büah khai. ⁷⁴Nami khin khe aiamat dow piatira hai kham sawi hanow amatni tut-e, “nami maru kowi ang tuk dowi chekhai” pakhai. Nami hai akrowksang ua dow ka khai bowt. ⁷⁵“Ua ka dowi rawn khe en mi sum kat na tada ta ang kown” pah Isu tekah mi Peter dow kutplan katuak khai, prang kowi cham lawt hanow kaneuma sana hai kar khai.

¹Rau e uang na khai bowt khe uamakriuüa hai lawngtangchowhuüa bowk bowk dow Isu kowi paw tape asak kown mi krang tatowng tapang khai. ²Tawmah büah now küng laah büah khai, pren powngmi Pilat tut-e paw laah büah khai. JUDA ISKARIAWT TASAT MIH³Aia kowi khümah miia Juda dow, Isu kowi towkah ngare büah khai pami ta hai akrowksang sak nga khai, tangka süngkawm mih dow uama langkri miuüa hai lawngtangchowhuüa kowi kow kut plan peah khai. ⁴“Maru angak tawngpaw chang dowi mi kowi ang khüm pe enni mi dow ang chang aprek mi chekhai” pakhai. Amatni tarapche dow, “nami dow anging vüi tawngchow na nga kown chow? En matia mih en nauah iawng changah tai bowt” pa pe büah khai. ⁵Tangka bowk bowk dow Thurai chupkim lak kowi kauakla now powt khai nahanow ka mang now kow hing taawk khai bowt.⁶Uamakri uüa dow nami tangka paw büah hanow, “mami tangka mih Tempul kowi iung tow dowi tham, vi sung chekhai rakowi” pa büah khai. ⁷Tatowng tapang büah hanow, akeng pren chakuüa uak dup müa bawn dow pu thawpmiuüa tut ran la büah khai bowt. ⁸Naiawng rakowi akawmat pat paw nami arah dow “vi Süng” pabüah khai.⁹Risi Jeremia tek ta khowk mih uangting khai bowt mi chekhai, “amatni dow tai tangka süngkawm paw büah khai, now nami dow aia (Isu) sung chekhai, nami asung khowmta khowk mi dow Israel miaiawng mi chauüa luk kowi chünchü khowmah mi chekhai. ¹⁰CHAKRAMANG pe ang alow iawng dow, pu thawp miuüa bawn sung kowi peah büah khai” pah tekta khowk iawng dow. KRUIKHET MIUÜA ISU KOWI CHET MIH¹¹Isu kowi dow kruikhet miia pur kowi pa iowngah khai. Kruikhet miia dow, “Judauüa mang pada en? Pa dow lüntaah khai. Isu dow aia tut-e, “en tek khowk mana” pa pe khai. ¹²Uama kriuüa hai lawngtangchahuüa dow angak dailai hown aia luk kowi chawktowkah büah khai, chenganchepaw aia dow nami lawnguan kowi tawngpaw klangah dowi. ¹³Now Pilat dow aia tut-e, “makhowt en lawng uan kowi chawktowk en büah mih en ta dowi bow?” Pakhai. ¹⁴Pa nawrchah paw aia dow klangah dowi, amatni chawktowkah mi lowkchah paw klangah dowi rakowi kruikhet miia dow kaneuma awda khai.¹⁵Kruikhet miia tut-e ari uowi lowk mi dow, pawi khin kowi maru kawm uüa kloah luk kowi lü hanow kla thawng mi pungma dawng kowi lawtah lowkia reng khai. ¹⁶Nami khin khe maru angak nang iuk mami Barabba pa pe mih dow kla thawng khai.¹⁷Uang takua miuüa luk kowi Pilat dow, “matawng mi kowi chow lawtpe enni e dow enni nau? Barabba kowi bow, KRISTA pa pe mih Isu kowi bow?” pa dow lüntaah khai. ¹⁸Irsiah büah rakowi amatni dow aia tut-e uang ap pe pa mih tuk chekhai. ¹⁹Tara chetra kowi chowm mi khin khe Pilat masi dow, “nami maru achima mih lukkowi matawng paw hang kow chang pe diah, auar ang mang kowi aia vüi kowi ahuma ang kawm ngare khai,” pa dow uang kut plan maah khai.²⁰Uama kriuüa hai lawngtangchah uüa dow, Barabba kowi dow na lawtah hanow Isu kowi na satah kown mi maru kawmuüa kowi pe patuk pataah khai. ²¹Now kruikhet miia dow amatni tut-e, “matawng mih kowi chow enni nau? Amatchi preia kowi amiaiawng mi kowi chow lawt enni kown? Pa pe khai. Amatni dow “Barabba kowi” kowi pabüah khai. ²²Pilat dow amatni tut-e, “Isu, KRISTA pa pe mih kowi matawng chow ang na chang pe kown chow?” pakhai. Amatni bowk bowk dow “Kraws kowi tarah” diah pa büah khai.²³Aia dow amatni tut-e, “tawng pa ka chow? Matawng angak chow aia changta khai mih?” Pakhai. Nachenganchepaw maru kawmuüa dow, “Kraws kowi tarah diah” pa dow haw büah khai. ²⁴Pilat dow matawng iawng paw na dowk tham, pusara na uang hu ngamlam kown taih bowt mi tuk hanow, paw tui khai now, maru kawmma pur kowi dow aia rut sia khai, “mami maru achima mi vi kowi ang tasia tasau khai chaw, enni nau iawng kow changah büah diah” pakhai.²⁵Maru kawmma uüa dow, “aia vi luklai dow anging lukkowi hai anging chauuüa lukkowi pa cham uowi lah” pa dow klangah büah khai. ²⁶Hanow amatni vüi kowi Barabba kowi dow lawtah khai, Isu kowi dow bawpah hanow Kraws kowi tarah kown kow amatni rut kowi ap ta pe khai bowt. ISU KOWI SIPHAIUÜA KHERE MIH²⁷Kruikhet miia sipaiuüa dow Isu kowi mang kim kowi kup lah now sipai maiow uüa kowi krawi kuaah büah khai. ²⁸Aia kowrma klüpta pe büah hanow kowrma thawng ma ringma mi khup pe büah khai. ²⁹Rowsi müa kowi chuh ketah büah hanow lu kowi kruk pe büah khai, aia rut kowi pe chünah raitua lowk hanow, aia pur kowi kow tuakung büah now, “Judauüa mang, anging chup en” pa dow rensi küa müa kowi changah büah khai bowt.³⁰Aiamat buk kowi thawk pe kria büah hanow, raitua rupta pe büah now aia lu kowi hupah büah khai. ³¹Khareah büah ngowilowi kung kowi dow kowrma thawng klüpta pe büah now aia kowrma dow kutplan khup pe büah khai iawk, Kraws kowi na tarah büah kown kow prang kowi pawla büah khai bowt.³²Now prang kowi amatni uang lawt büah hanow Korini kuachak aming Simawn kowi khi büah lowkia, aia kraws na kaawt la kown kow khümah büah khai. ³³Gawlgawtha “lukhaw uowira” pape mih arah kowi dow kow towm büah khai. ³⁴Na kowi kow towm büah hanow akhak hai asur rawah mi Grep uih tui dow pe khamah büah khai, nachenganchepaw aia kham ditchah klen kowi dow nau kham pe dowi bowt.³⁵Kraws kowi tarah büah hanow aia khupdiptawngklai dow kuak pe plang now taretah büah khai, ³⁶Nakowi chowm büah hanow chawngah büah khai. ³⁷“Mami mih Isu, Judauüa mang” pa dow chawktowk la müa ruiah now aia lu luk kowi ben pe büah khai.³⁸Aiamat hai akatsang tamta preia kowi paw tawi tarah büah khai, lowkia kowi dow aia hawmlawm pra now lowkia kowi dow tauai pra kowi tarah büah. ³⁹Nami khin khe, nami tia iawng uang mang mi sarui mih dow leklu büah hanow Krista kowi khare laiklow tek büah khai. ⁴⁰“En nadowi bow, tempul mih na piakah hanow sum ni sang nowngia chang iawk kown miia! En matia talawng diah, Thurai Chapa en nakhai hanow, Kraws hownia uang iu dowm diah” pabüah khai.⁴¹Nami iawng uama kriuüa, ari-row tüngsang miuüa hai lawngtangchah uüa bowk bowk dow renah büah khai. ⁴²Hanow tek büah mih, “akeng maru kowi dow iungah khai, a-iamat dow nowngia talawng dowi, Israeluüa mang padow! Kawmat mih Kraws hown pa uang iu dowm lah now anging na owm kown taih,⁴³Thurai kowi owm khai, a-iamat nauah khai hanow kawmat pacham lawngah lah, Thurai chapa ang na pah tek khai rakowi” pabüah khai. ⁴⁴Tamta preia Kraws kowi tawi tatar mi dow, naiawng iawk tawi tek laikheng iüah khai. ISU KOWNG MIH⁴⁵Satdowng laipre nari hownia satkowi sum nari mowr pa lusama uang iu bowk khai. ⁴⁶Satkowi sum nari khe Isu dow aklow tünma hai awr pla khai, “Eli Eli Lama Sabaktani, nami dow, ang Thurai ang Thuarai, matawng palawng kow chow en powt ta ang khai chow? Pami chekhai. ⁴⁷A-ia ria kowi iowng miuüa tawngmi chabak dow nami ta büah hanow, “mami maru haw Elija khai” pa büah khai.⁴⁸Amatni pungma dawng kowi lowkia mi dow kow iowm hanow, uan nowpchah mi uain sur kowi chimah now uang pawla khai, raitua kowi kapah now pe khamah khai. ⁴⁹Akeng miuüa tarapche dow, “rarimma uowi büah diah, a-ia kowi na lawng natangah kown kow Elija na uang tak chünchü i mü lah” pabüah khai. ⁵⁰Nami kung kowi Isu dow atünma plan kut pla hanow aia lümla dow apta khai bowt.⁵¹Nami ha akrowksang, Tempul kowi kow uan iangah mi dow aluk hownia adaw kowi pat mowr tasek khai, lihowng uang khai, singku huamang uang tara khai. ⁵²Tadupra kuam ün uang tauow now achim asai mami kowng miuüa dow awr rü khai bowt. ⁵³Aia awr rü mi kung kowi dow naün miuüa dow tadupra hownia awr rü hanow achimsai mami marow kowi kup büah khai, maru kawmma uüa tut-e tatüng büah khai.⁵⁴Sipai akawmia powng mi aluchah hai aia ria kowi Isu kowi tawi chawng mi uüa dow, lihowng hai alup uangting mi ün khi büah hanow kaneuma kram büah khai, “Mami mih Thurai Chapa na ngengche” pabüah khai. ⁵⁵Nakowi Galili hownia Isu kowi uang tawi ta pe chin miuüa masiuüa kawmma uowi miuüa paw alakma hownia tawi khi büah khai. ⁵⁶Amatni pungma dawng kowi Magdalini maru Mari, Jakawb hai Jawsef iüa U Mari hai Zebedai chapa Jawhan hai jakawp iüa U paw tawi uowi khai. ISU KOWI DUPAH BÜAH MIH⁵⁷Sat kup hanow Arimathai kua kowi kow maru kureng mami lowkia uang khai, aming Jawsef, aia paw Isu tape na khowk. ⁵⁸Pilat tut-e kow kowi hanow Isu uak dow kow lü khai. Pilat dow hawt papawah khai.⁵⁹Jawsef dow Isu uak pawla now uan nga adichah achimsai mami hown duaah khai. ⁶⁰Aiamat tadupra kuam sar, hua herah mi kowi dow kow iüaah khai, tadupra plawt kowi hua aiuk mami hai büng taah hanow, mang khai bowt. ⁶¹Nakowi Magdalini maru Mari hai akeng mi Mari paw tawi uowi khai, tadupra tatang klowk kowi chowm iüah khai. TADUPRA KUAM CHOWNG MIUÜA.⁶²Auairau, pawini kung kowi kow auai ni kowi uama kriuüa hai Pharisaiuüa dow pilat tut-e kow kowi büah khai. ⁶³Aia tut-e, “Krawi limma mih aia sing uowi khe sum ni kung kowi ang na awr rü kown pah tek mi anging ta reng chekhai. ⁶⁴Naiawng rakowi tadupra kuam dow sum ni mowr pat na chawngah kown kow peah ana diah, naiawng nadowi hanow aia tapeuüa mi na uang ku pawta kown, now maru uüa tut-e, kowngra pungma dawng hownia awr rü tüng khowk na pabüah kown, hanow limma mi akung amowichah mi dow rik uowi khe kow lak-e na lang nga rowt kown” pa büah khai.⁶⁵Pilat dow amatni tut-e, “ang kow chawng miuüa kowi pawla büah hanow enni sak-ih iawng sarui kow changah büah diah” pakhai. ⁶⁶Kow kowi büah hanow tadupra kuam büng müa kowi dow matah büah khai, chawng miuüa kowi dow pa hing chowmah büah khai.

DUPRA HOWNIA ISU AWR RÜ MI HAI TAPEUÜA TUT-E ACHUR LAIMAK ¹Tanai ni uang kowi khowk hanow, sapta kowi ni müng sat uang lawt khowk khe, Magdalini maru Mari hai akeng mi Mari iüa dow tadupra na kow mü la kown kow, kow kowi iüah khai. ²Now sünta, lihowng kraingma uang khai, CHAKRAMANG kramamu mukuang hownia uang iu dowm hanow hua dow sütta khai, nami lukkowi chowm khai.³Aia powm dow pla iawng now aia khupdiptawngklai paw nang iawng akawma chekhai. ⁴Aiamat kowi kram chamang kram büah rakowi kangchawng miuüa dow chür büah now kowng mi iawng uang uowi büah khai.⁵Kramamu dow masiuüa kowi klowpah khai, “Ha uang kram ang iüah diah, Kraws luk kowi kham ngare mi Isu kowi enchi krawi cham pami ang tuk. ⁶Mara-e aia uowi dowi bowt, aia tek takhowk mi iawng ngeche awr rü khai bowt, CHAKRAMANG iüara sam cham mü iüah ma diah. ⁷Alenma kow kowi iüah hanow tapeuüa tut-e, kowngra pungma dawng hownia awr rü khai bowt, enchi dowi rawn Galili kowi na uang rik uang kown, na kowi dow aia kowi enni na khi kown, pah tek pe iüah diah, sünta ang tek enchi khowk chaw” pakhai.⁸Kram hai lainowmma awmrawm lukkowi tadupra hownia asakkrowngma mang iüah khai, tapeuüa kowi na kow phowng pe kown kow iowm iüah khai bowt. ⁹Sünta, Isu dow tapeuüa pur kowi uang khai, amatni tut-e, “enni aiungma pa uowi la” pa pe khai, amatni dow atawnchah uang büah hanow aiamat khawk dowk büah now chupah büah khai. ¹⁰Isu dow amatni tut-e, “hang krambüah diah, kow kowi büah hanow, Galili kowi na kowi kown kow ang tainauuüa kowi kow tek pe büah diah, na kowi dow na khi ang büah kown” pakhai. KANGCHAWNG MIUÜA UET LAIKLOW MIH¹¹Masiuüa uüa mang kung kowi, kang chawng miuüa tawngmi chabak dow marow kowi kow kup büah khai, auan uangtingmi maiow dow uama kriuüa kowi tek pe büah khai. ¹²Lawngtangchahuüa hai kow takua talawm büah hanow tatowng tapang büah kung kowi sipaiuüa kowi dow tangka ahuma peah büah khai. ¹³“Iak-e anging müi mi takra kowi aia tapeuüa uang büah hanow aia kowi kuah büah khai” pah tek büah khai.¹⁴Kruitown miia mi mami laiklow tuk khai bowt chepaw aiamat kowi dow anging na dep na ruaah kown taih, aprüa uowi dowi iawng anging na thawp enni sow” pape khai. ¹⁵Tangka dow pawla büah hanow, amatni tek pe iawng mi dow chang büah khai bowt. Kawmat mowr pat paw nami laiklow dow Judauüa pungma dawng kowi cham phiaah ngamlam reng tak chekhai. PANKRI MIH LAI MAK¹⁶Galili kowi Isu ana iawng tape halai lowkia dow hung kroma kowi kow kowi büah khai. ¹⁷Aiamt kowi khi büah hanow chupah büah khai, tawng mi chabak tarapche dow owmah büah dowi chekhai.¹⁸Isu dow amatni pra kow kowi hanow klowpah khai, “mukuang hai krawng kowi uowi mi alow maiow ang kowi pe ta ang khai bowt. ¹⁹Cham kowi büah hanow, cham maiow tape krawi thawp büah diah, Pa, Chapa hai Lümla sai ming kowi dow baptistah büah diah,²⁰Alow ang pe enni mi maiow na chün la kown kow tüngah sangah büah diah. Now sünta büah diah, chowngchowng saksakma lusa chur mowr pat paw enni tut-e ang katsang na uowi reng kown” pakhai.

CHAKRAMANG ISU KRISTA BAPTISMA HAI CHAINGRA ¹. Thurai Chapa Isu Krista Satang iung arik uown mih dow. ². Risi Isai chabowih kowi, “Mü diah, ang chintak mih en pur kowi ang uang chin khai; Aiah mat dow en tiama na kamrüt kown . ³. Süngrüp süngkang ma kowi lowkia mih hawk klow dow , Enni mih CHAKRAMANG tiama thawp diah ;aia na mang lah kown mih tiama ateng ma thawp büah diah ‘’.⁴Baptisma chang mih Johan dow angak nalawtla kown tarip hanow Baptisma nachang kownkow mih laiklow süngrüp süngka makowi uang tek khei. ⁵Judai prentowng namtowng kowi kowh maru hai Jerusalem kua kowi kowh maru maiow dow aia mat tute uang büah bowk khai. ⁶Nami Johan dow ,ut pawi uan khup khai ; chakpik kekam hai kam ke khai, plawng hai kuaitui mih dow chah khai.⁷Aiah krawi phuang mih dow, “Ang lake kow lang kri rowt mih ang kung kowi na uang kown chekhai ; ang mih dow mumah se aia phanaih khawk leng lat pe kown mih ngam dow ang iung lahawm dowi tham”. ⁸“Ang dow tui hai chang enni baptisma khai , natarap chedow Aia mat dow Lümla Sai hai na changISU CHANG BAPTISMA MIH HAI PUANRA ⁹Nami khe dow Isu Galili kowi kow Nazaret marow hownia dow uang khai, Jordan awh enni baptis kown” pa dow tek khai.kowi Johan dow hawt chang baptisah khai. ¹⁰Tui hownia aiah awr lawt hai akrowksang mukuang mih pre bak uang phaw khai now Lümla , uatur powmiawng aia luk kowi uang iu dowm mih hawt khi khai. ¹¹‘’En ,ang Chapa ang lang sakrauah mih chekhai; en luk kowi lainowmma ang amrawm khai’’, Mukuang hownia uang iu pakhai.¹²Nami khin Lümla aiah kowi dow Süngrüp Süngkang makowi chinah khai. ¹³Nakowi dow likawm nih Setan puanrah kowi uowi khai; kaurawng ramchak dawng kowi aia tawi uowi khai, kramamuuüa aia kowi dow mingah khetah khai .CHAKRAMANG ISU UOWN CHANG LUP MIH ¹⁴Now Johan kowi khümah now thawngrum lakkowi towah kung kowi Thurai Satang iung cham tek khai hanow Isu Galili pren kowi dow uang khai. ¹⁵“Akhin dow uang na khai bowt , Thurai pren paw uang tawn khai bowt; ngakra hownia tarip büah diah hanow, Satang iung dow owm büah diah.”¹⁶Galili sata aw ret iawng awr mang khe Simon hai aia tainau Andrew iüa kowi dow sata a kowi pat lawkmi kowi kowh khi khai , amatni dow dam pawk mih chekhai. ¹⁷Isu dow amatni kowi tekpe khai, “Ang kung uang tawi diah hanow, maru khümmi ang na thawp enchi kown,” pakhai. ¹⁸Amatchih dow tatow lah hüa hanow, amatchih dow tawi hing tawi iüa khai.¹⁹Now hai rik mang ditchah hanow , Zebedai chah ,Jakop hai Johan iüah tainau kowi dow aiah kowh khi khai; lawng lakkowi sown lawk iüah chekhai. ²⁰Amatchih kowi haw lah khai, amatchih pa Zebedai kowi dow tanga miuüa hai lawm lang kowi ta tow büah khai hanow Isu kun dow tawi büah bowk chekhai .LÜMLA NGAK KOWI ISU PRÜTAH MIH ²¹Now Kapernaum kua kowi kowh kup büah khai, tanai ni kowi dow takuarah kim kowi dow hing tüngsang büah khai. ²²Arih arow tüngsang miuüa powmiawng na dowi alow uowi maiawng amatni kowi tüngsangah khai, nami rakowi maru kawm dow nowm awda büah khai.²³Amatni Thurai chupkim kowi dow maru lowkiah mih kowi do, Lümla sürlawk plawpah khai; nami dow awr pla khai. ²⁴“Nazaret Isu, en hai anging tatukra tawng chow uowi? En na uang mata anging kown kowh en uan mih chekhai bow? Miaiawng mih chow en na khai pami anging tuk chow; Thurai maru achim asaimami dow en na chekhai”, pakhai. ²⁵Now Isu dow Lümla ngak kowi nangah khai, “rarimma uowi büah diah, aia kawlak hownia awr lawt diah, pakhai. ²⁶lümla sürlawt dow aia kowi betah khai hanow, atünma pla hanow aia kawlak hownia awr lawt khai.²⁷Amatni bowk bowk dow lainowmma awda khai, “Mami mima tawngiawng mih ngaih chekhai chow? Tüngsangra sar na khai chaw; lümla sürlawkuüa kowi khowm pa dow alow uowima powmiawng peah ana hanow, alow pek dow chün büah khai . ²⁸Galili prentowng kowi dow aia Satang alenma chamta uet khai.MARU KAWMUÜA KOWI ISU IUNGAH MIH ²⁹Takuara kim hownia dow uang lawt khai hanow, Jakop, Johan iüah hai Simon hai Andrew iüah kim pra kowi dow kowi büah khai . ³⁰Simon masi u krau hai hawt mawk khai, Isu uang ting hai krowk sang kow tekpe khai. ³¹Aia mat dow kowh kowi hanow, aia rut kow dowk pe hanow krüngah khai. Aia krau mih dow awr prowng khai hanow aia dow Isu hai amatni kowi khetah khai.³²Nami iak pra, sat kup mih kung kowi dow arau uowi mih maiow hai süngnam plawpah miuüa aia tute uang pawlah büah khai. ³³Now marow kowi kowh maru maiow dow kimplawt kowi uang büah khai. ³⁴Aia mih dow rawka chap humami paw maru kawm kowi hawt iungah khai, now süngnam kawmma prüt tape bowk khai; süngnam hawm kowi dow pe tekah laiklow dowi, Amiaiawng mih chow pami amatni dow tuk chekhai.RARIM RARAM MAMI RAKOWI ISU LÜ PRAISI MIH ³⁵Now rau mur pah, uar thowi dowi rawn khe awr rü hanow, prang kowi lawt khai; rarimma rakowi kowkowi hanow cham chup Thurai khai. ³⁶Simon hai aiah auiua uüa dow Isu kowi krawi chamah khai. ³⁷Kowh khi büah hanow, “bowk bowk krawi cham en” pa büah khai.³⁸Aiah mih amatni kowi tekpe khai,’’ Mang akeng kowi ün, atawn chowmi kua kowiün; na ün mih kua kowi i cham tek iawlaw lah now nami rakowi ang dow uang mih chekhai.” ³⁹Hanow Galili pren maiow amatni takuarah kim kowi kup hanow tek laiklow khai, süngnam kowi ün paw prüt khai.⁴⁰Aiah tute par mih uang lowkiah khai, aiah pur kowi tuakung hanow na iungah kownkowh uang lü khai. “En nauah hanow en nowngia chim sai ang kown” pakhai. ⁴¹Aia mat dow sanaah rakowi hai dowkah khai hanow, tekpe khai, “Ang nau chow uang chim uangsai bowt diah” pakhai. ⁴²Now par rawka mih dow aia kowi plawtah hanow, uang iung khai bowt.⁴³Aia kowi akhawtma peah ana hanow alenma hai pa mangah khai. ⁴⁴Now Isu tek pe mih dow, “mü diah, Mia iawng mih kowi paw hang cham tek büah diah; natarapchedow uamauüa tuke dow kowh tatüngah diah, en iung ngengche khowk pa mih na nowngia tuk la kown kowh tasia tasaumüa Mosi ana pek iawng kowh ap uan diah” pakhai .⁴⁵Nachenganchepaw aiamat dow prang kowi lawt hanow nami laiklow dow ahuma cham hing tek ta hüah, aiah laiklow dow cham hing tauet khai, hanow Isu dow thaulangma hai marow kowi kowh ia kup dowi, rarim raram mira kowi cham uowi khai, prentowng hownia maru uang ngamlam büah khai.

CHAKRAMANG ISU DOW ANGAK NOWNGIA LAWT ¹Mün khowt nih kung kowi chünchü Isu dow Kapernaum kua kowi kut plan uang khai iawk, nami rekow maru tamih dow Isu kim kowi uowi pakhai. ²Hanow naiawng khowt kawmmi maru aia tute uang takua khai, kim plat ria kow ngam dow uowirah uowi dowi bowt chekhai. now aia mih dow amatni tute dow tek pe Thurai lai khai .³Maru tali-ia hai chengleng lowkiah mih kowi aia tute uang kawtla khai. ⁴Nachepaw maru kawmma rakowi aia tute dow uang iah tatawn dowi bowt, aia iowngra klawm kowi; kim luk mih latah büah khai hanow, nami kung kowi dow kawtmüa hai lawm uang iu klaah khai.⁵Isu dow amatni owmra krang hawt khi hanow chengleng mih kowi tekpe mih, “Ang Chapa, en kowh ngak bowk bowk dow lawt ta en khowk” pakhai. ⁶Now nakowi dow Ari row tüngsang miuüa hawt chowmkhai; amatni sak kowi tauüa büah khai, ⁷“Mami mih matawng plawng kowh chow maiawng tek khai mih dow? Thurai kowi tek naklak chekhai; maru lowkiah,Thurai chataih dowi hanow , miaiawng mih chow angak ün nowngia lawt kown?⁸Naiawng mih krang tuak büah khai, Isu dow aia mat lümla hown tuk ta khai hanow amatni kowi tek pe mih, “matawng plawng kowh chow naiawng hai enni tuak khai.” ⁹Chengleng mih kowi mih, “En ngak miün lawt ta en khowk chekhai pa mih bow atek lang iah khai, na dowi now “awr rü” hanow en mawkra mih paw lah hanow khawk hai cham kawi mang diah”pakhai.¹⁰Natarapche dow Lusa kowi e mih maru Chapa dow angak nowngia lawtla kown mih enni na nowngia tukla kown mih chekhai. ¹¹. Awr rü hanow, mawkra paw lah hanow; amatni bowk bowk pur iawng prang kowi lawt khai bowt; ¹²amatni bowk bowk mih awda büah khai, “maiawng mih chap dow kat paw a-i khi dowi tak” pa dow Thurai kowi kiow büah khai.CHAKRAMANG ISU AWDARALUP HAI LEVIUÜ HAWAH MIH TÜNGSANGRA ¹³Now Sata aw pra kowi kut plan kowi khai iawk hanow maru kawmma aiah tute uang krawi khai,aia mat dow hawt tüng sangah khai. ¹⁴Aia hai mang khe Alpha chapa Levi dow amu kawkra kowi chowm phülü khai; Aiamat kowi tek pe khai, “Ang kung uang tawi diah,” pakhai. Aiamat dow awr rü hanow tawi khai bowt.¹⁵. Now aia kim kowi dow now chakham kown kowh chowm khai, Isu aia tapeuüa dow amu kawk miuüa hai maru ngak miuüa akawmma uang tawi cha chakkham bowk khai; akawmma Isu tute uang tawi büah chekhai. ¹⁶. Pharisaiuüa dawng kowi kowh Ari arow tüngsang miuüa dow amu kawk miuüa hai ngaakmiuüa taiua cha chakkham kow aia tapeuüa tute dow tek pe khai, “Matawng plawng kowh chow amu kawkmiuüa hai angak miuü hown taiua ch büah khai dow?” pa büah khai.¹⁷Isu dow nami ta hanow amatni kowi tek pe khai, “Kow iung miuüa dow hau Daktawr büah dowi maru kowh ngakma miuüa dow hau chekhai; Maru achima nawm miuüa kowi nadowi, maru ngak miuüa kowi paw ang uang haw mih chekhai.”HAWM KHAWR LAWNGUAN KOWI ISU TÜNGSANGRA ¹⁸Johan tapeuüa hai Pharisiuüa hawm khawr mikowi dow miaiawng mih chünchü uang khai, Isu tute; “Matawng plawng kowh chow Johan tapeuüa hai Pharisai tapeuüa dow khawr hawm khai, en tapeuüa dow tawi khawr büah dowi dow?” ¹⁹Isu dow, “Amatni pungma dawng kowi masi pawk mih uowi mowr mih khin khe khawr hawm kowkat tak bow? Masi pawkmi hown taiua mowr katpaw khawr hawm dowi tham.”²⁰Masi pawk mih dow amatni tute hown kowh na uang ting kown, nami khin khe tarapche dow na tawi khawr hawm büah kown. ²¹Miaiawng paw uan tu hai uan sar sownah dowi, sownah khai e dow asar dow tu mih kowi na sek kownmi langhu ngamlam kown chekhai.²²Now Grep tui dow miaiawng mih paw chakpik im prim kowi towah dowi; towah khai e dow chakpik im mih na sek kown hanow nadow bowk kown chekhai, chakpik im mih na piak bowk kown; nachepaw maru kawm dow chakpik im sar kowi Uain tui mih dow na towah reng rowt kown chekhai .TANAI NIH LAWNGUAN KOWI ISU TÜNGSANGRA ²³Tanai nih kowi pakat dow cha dawngiawng hai mang büah khai, tapeuüa dow mang iawlaw se cha püi ün klowk la now chah büah khai. ²⁴Pharisaiuüa dow aiah tute tekpe mih, “Mü diah, matawng iawng mih krang chow tanai nih iung chang dowi mih chang büah khai dow?” pakhai.²⁵Aia dow amatni kowi tek mih dow, David hai aia auiuauüa hai lawm sakkrai kowh na chang kown ka dowi nami kat paw nih phat dowi bow? ²⁶Abiathar Uama lngkri mih nana khai mih khin khe Thurai kim kowi dow kup hanow, Uama chataih klen kowi dow iung chah dowi mih kawm chah büah khai, aia auiuauüa kowi paw pela pe chekhai.²⁷Aiamat dow plan tek pe iawk mih, “Tanai nih maru uüi thawpah mih chekhai, nachenganchepaw tanaini kowi e maru kowi thawpah mih na dowi chekhai. ²⁸Naiawng rakowi maru chapa dow tanaini kowi e paw alow uowi mih chekhai.

¹Thurai Chapa Isu Krista Satang iung arik uown mih dow. ²Risi Isai chabowih kowi, “Mü diah, ang chintak mih en pur kowi ang uang chin khai; Aiah mat dow en tiama na kamrüt kown .³Süngrüp süngkang ma kowi lowkia mih hawk klow dow , Enni mih CHAKRAMANG tiama thawp diah ;aia na mang lah kown mih tiama ateng ma thawp büah diah ‘’. ⁴Baptisma chang mih Johan dow angak nalawtla kown tarip hanow Baptisma nachang kownkow mih laiklow süngrüp süngka makowi uang tek khei.⁵Judai prentowng namtowng kowi kowh maru hai Jerusalem kua kowi kowh maru maiow dow aia mat tute uang büah bowk khai. ⁶Nami Johan dow ,ut pawi uan khup khai ; chakpik kekam hai kam ke khai, plawng hai kuaitui mih dow chah khai.⁷Aiah krawi phuang mih dow, “Ang lake kow lang kri rowt mih ang kung kowi na uang kown chekhai ; ang mih dow mumah se aia phanaih khawk leng lat pe kown mih ngam dow ang iung lahawm dowi tham”. ⁸“Ang dow tui hai chang enni baptisma khai , natarap chedow Aia mat dow Lümla Sai hai na changISU CHANG BAPTISMA MIH HAI PUANRA ⁹Nami khe dow Isu Galili kowi kow Nazaret marow hownia dow uang khai, Jordan awh enni baptis kown” pa dow tek khai.kowi Johan dow hawt chang baptisah khai. ¹⁰Tui hownia aiah awr lawt hai akrowksang mukuang mih pre bak uang phaw khai now Lümla , uatur powmiawng aia luk kowi uang iu dowm mih hawt khi khai.¹¹‘’En ,ang Chapa ang lang sakrauah mih chekhai; en luk kowi lainowmma ang amrawm khai’’, Mukuang hownia uang iu pakhai. ¹²Nami khin Lümla aiah kowi dow Süngrüp Süngkang makowi chinah khai.¹³Nakowi dow likawm nih Setan puanrah kowi uowi khai; kaurawng ramchak dawng kowi aia tawi uowi khai, kramamuuüa aia kowi dow mingah khetah khai . CHAKRAMANG ISU UOWN CHANG LUP MIH ¹⁴Now Johan kowi khümah now thawngrum lakkowi towah kung kowi Thurai Satang iung cham tek khai hanow Isu Galili pren kowi dow uang khai. ¹⁵“Akhin dow uang na khai bowt , Thurai pren paw uang tawn khai bowt; ngakra hownia tarip büah diah hanow, Satang iung dow owm büah diah.” ¹⁶Galili sata aw ret iawng awr mang khe Simon hai aia tainau Andrew iüa kowi dow sata a kowi pat lawkmi kowi kowh khi khai , amatni dow dam pawk mih chekhai.¹⁷Isu dow amatni kowi tekpe khai, “Ang kung uang tawi diah hanow, maru khümmi ang na thawp enchi kown,” pakhai. ¹⁸Amatchih dow tatow lah hüa hanow, amatchih dow tawi hing tawi iüa khai. ¹⁹Now hai rik mang ditchah hanow , Zebedai chah ,Jakop hai Johan iüah tainau kowi dow aiah kowh khi khai; lawng lakkowi sown lawk iüah chekhai.ISU DOW LOWRA MIH AUAN DOW TÜNGSANG KHAI ²⁰Now kim kowi uang büah khai hanow maru kawmma dow kut plan uang khai iawk , hawm chak low khowm dow nowngia kabüah dowi . ²¹Nami laiklow ta hanow aia kim cham uüa dow aia kowi maru kawm uüa dow dowkah now uang pawla kownkow uang khai nachenganchepaw aia dow maw khai bowt chkahi. ²²Jerusalem hownia kowh Ari arow tüngsang miuüa uang iudowm miuüa paw, “Belzebul Lümla plawpah mih” pa büah khai , Süngnam mang na khai rakowi süngnam kowi nowngia prüt khai.²³Amatni kowi dow hawah khai hanow, laiuat hai tek pe khai amatni tute, Setan mih Setan kowi matawng iawng chow na nowngia prüah kown chow? ²⁴Pren paw taprai hanow, nami pren dow aiung maiawng hai iah uowi dowi bowt tham. ²⁵Kimchakuüa paw taprai khai hanow ,nami kimchakuüa dow nowngia thawp kim dowi bowt tham chekhai.²⁶Setan paw kowmatia taking taküa hai takhüm khai uowi khai e dow nowngia iung kown na dowi. nowngia iowng kown na dowi; nami dow na chur kown chekhai. ²⁷Hanow Maru kür uowi mih kowi rik tamah dowi matchang dow aia kim kowi kowh kowi hanow aia kowh dawngthawng uan nowngia paw pe dowi tham. tarapche dow rik tawmah büah kung kowi now aia kowh uan maten dow nowng paw bowk kown chekhai.²⁸Lainowmma ang tek enni ; maru ,amatni ngak maiow Thurai kowi tek naklak mih maten dow nowngia ka alawt kown chekhai. ²⁹Natarapche dow Lümla sai kowi angak laiklow hai Thurai kowi tek naklak mih dow, miaiawng mih paw ,lowra khe paw kalawt dowi tham, achowngma angak mih dow na chang büah reng kown. ³⁰“Lümla sürlawk plawpah mih chekhai” pa tek pe büah khai rakowi e naiawng hai tek mih chekhai.³¹A u hai aia tainau uüa uang büah khai hanow prang kowi iowng büah khai, aia mat kowi na hawah kownkow chin pe maru khai. ISU HAI AIA TAINAUUÜA ³²Aia ria ret kowi maru kawmma chowm khai; hanow aia kowi tekpe mih, “Mü diah,” ‘prang kowi en U hai en tainauuüa krawi cham en mih’ pa büah khai.³³aia dow amatni kowi klangah khai , “A U hai ang tainauuüa dow miaiawng mih chow?”pakhai. ³⁴Aia ria ret kowi chowm miuüa kowi dow ,aia pra kowi mü hanow, “ sam mü madiah ,a u hai ang tainauuüa mih. ³⁵Lowra maru Thurai nauah miiawng chang mih dow ang tainau ,ang tuahma hai,ang u chekhhai .

ISU TEK LAIUAT MIH ¹Sata aw reT kowi dow kut plan tüngah sangah khai iawk; maru kawm kraing ma uang takua talawm khai , sata aw kowikow lawng kowi phüt hanow chowm khai; maru kawm mami maiow dow aw ret kowi uowi büah khai. ²Aia dow amatni kowi sangchia hown ahuma tüng sangah khai . tüngsang ah thüm khe amatni kowi tek pe mih dow ,³“Mü büah , lowkiah mih cham uet cha liu khai” ⁴Uet mih khin khe tawng mih chabak dow tiama sak kowi dow khai, naün mih dow uakling uaber uüa dow uang krawi chawt ta büah bowk khai . ⁵Tawng mih chabak hualipchah dawng kowi dow khai, bawn nga mih ka dowi rakowi alenma ru khai.⁶Now sat uang lawt khai bowt khe dow ngawi khai hanow aprün ia sawt dowi mih rakowi kowng bowk khai. ⁷Tawng mih chabak dow chu bia kowi dow khai,uang awr iuk hanow , uang em ta khai, nowngia uih dowi chekhai.⁸Tawng mih chabak dow bawn iung kowi dow khai ,awr ru hanow , awr iuk khai, iuih khai; Süng kawm phow , taruk kawm phow hai pakawm phowün uang iuih khai . ⁹“Na sünta kown param uowi mih dow pa cham sünta lah."¹⁰Aia mowlowk chah uowi khe, halai preiah hai akeng mih tapeuüa dow sangchia lawnguan mih dow achangma lüntaah khai. ¹¹Aia mat dow amatni tute , “Thurai pren lai büp lai ching enni kowi dow pe enni mih chekhai; tarapche dow prang kowi kowh maru kawmuüa tute sangchia iawng tek kown. ¹²nahanow amamtni mü hanow pacham khi lah; nachenganchepaw amatni tukta dowi mih pacham sünta lah chepaw tuktah dowi mih uüa dow amatni pacham uang plan lah hanow Thurai mih amatni kowi napeah alwtra kown.¹³Aia mat dow, “Mami laiklow mih enni tuk ta dowi bow? Matawng iawng chow sangchia laiklow uowi tak mih enni tuk taah kown chow?” ¹⁴Cha liu uetmiia dow Thurai laiklow uet mih chekhai. ¹⁵Tiama sak kowi dow mih dow maiawng mih chekhai büah; laiklow dow ta büah hanow Setan alenma uang khai; amatni uet ta pe mih laiklow dow uang hing paw ta pe bowk chekhai.¹⁶Naiawng plawng dow hua lipchah bia kowi kowh uet mih dow maiawng mih chekhai , laiklow tow ta hai krowng sang awmrawm hai chün rowi büah khai. ¹⁷Nachenganchepaw, amatni kowi dow aprün sawt dowi, nawngchah mowr taih kham nami kung kowi dow laiklow rakowi chepaw ngarera kowi chepaw nowng chang powng chang rakowi chepaw uang uowi hai akrowngsang hing talawt büah khai .¹⁸Chuchar dawng kowikow dowmi paw maiawng mih maruuüa iawng nakhai, laiklow dow ta büah khai. ¹⁹Chepaw lusa uan prüara ün , dawngthawng uan sakraura ün, akeng mih uan lawphara ün hai laiklow kowi dow uang hamah khai now hing iah iuih büah dowi. ²⁰“Bawn iung kowi kowh dowmi tarapche dow, laiklow dow ta hanow, chün khai , süngkawm phow ün , taruk kawm phow ün , tawng mih chabak dow pakawm phow iuih khai.”MAIBU TOWNG LUK KOWI MAIBU ²¹Aia mat dow amatni kowi tek pe khai, "maibu dow klaipuk hown miapaw krukah dowi müira prowng dak kowi paw towah dowi maibu towkra kowi towah rowt chekhai" ²²Matawng paw napetah kown mih uowi dowi kownkow daah kown mih uowi dowi matawng pa tüng dowi kownkow petah dowi.” ²³Mia kachow sün tak müa param uowi mih dow kaneuchah pa sün ta lah.²⁴Now aiah mat kowi tek pe mih dow , “Enni sün taah mih laikow sün taah kaneu diah; enni khai pe mih iawng dow na plan khai enni kown taih, lang ngam padow na lang pe enni hurowt kown . ²⁵uowi mih kow dow naplanpeah ngamlam kown, now uowi dowi mih kadow uowi mowrchami khowm padow naplan paw tape iawk kown chekha.CHALIU AWR RU MIH LAIUAT ²⁶Now Thurai tek mih dow mukuang pren dow maiawng, lowkia maru bawn kowi e uet chaliu mih hown tatu khai. ²⁷Ni e iak e aia mat dow mui khai, awrkut plan ru khai, aliu dow awr kut plan ru now awr iuk set let khai nachepaw matawng chow na own kown mih aia mat dow hing tuk dowi chekhai. ²⁸Krawng hownia mih uang pa lawtah reng khai , auown khe awr ru khai, nami kung kowi apüi hai chama uowi khai . ²⁹Nachepaw aiuih dow min khai hanow , ngen khin uang ting khai rakowi tangchen hai ngenah reng chekhai .ALIU LAIUAT ³⁰Now aia tek mih dow , “Thurai pren dow matawng hai chow a-i na tuah kown? matawng laiuat hown chow a-i na uatah kown?” ³¹Müniang nuk lowkchah iawng, uetah büah khe dow bawn kowi liu maiow lake lang sowm mih chekhai; ³²Hai uet büah mih kung kowi pram maiow lake uang awr iuk khai hanow amia ün paw iuk khai; kuang kowi kowh uakling uaberuüa aplum kowi dow uang chang bai reng khai .³³Naiawng mih laiuat ahuma laiklow dow amatni tataing iawng na tuk ta krowngchah kown kowh laiklow dow na phuang pe reng kown chekhai. ³⁴Now laiuat klenkowi matawng hown paw tekpe dowi; aia mat tapeuüa tute dow phurang pe bowk khai.UANG KOWI PARIMAH MIH ³⁵Nami iak pra kowi dow amatni kowi tek pe khai, “Mang, tuidum pai pra pown kowi a-i kowi lah” pakhai. ³⁶Maru kawmmauüa hown amatni dow taprai büah khai , aia na chowm lah mih lawng hai aia hown tawi mang ne khai. nami klen kowi lawng paw uowi ne tak chekhai. ³⁷Now liku uang chak akürma uang khai, tui lowng lawng luk kowi uang ting khai lawng dow tui tek mup khai.³⁸Aia dow lawng mowng pra kowi nüa lukmüa hanow müi khai ; amatni dow krüngah büah khai , “tüngsang mih tuk anging nakowng kown chabowt en tuk dowi bow? ³⁹Aia mat dow awr rü hanow li kowi ngaah khai now sata kowi dow ,”Rarim raramma uowi diah pakhai. Li dow uang prowng khai, now alenma uang rim khai bowt."⁴⁰Aia mat dow amatni tute tek mih, “Matawng plawng kowchow enni kram? kawmat paw enni owm dowi tak chekhai bow?” pakhai. ⁴¹Amatni dow lainowmma kram büah khai, “aia mih amiaiawng mih chekhai chow, li hai sata aw khawm padow aia laiklow chün khai mih padow tatek büah khai?”

SÜNGNAM PLAWPAH MIH KOWI IUNGAH MIH ¹Sata aw pai pra pown Gerasin maruuüa pren kowi kowh ting khai. ²Lawng hownia lawt now lümla sürlawk kawlak kowi uowi mih lowkia, chengrawng hownia aia pur kowi uang khai.³Nami dow chengrawng kowi uowi reng mih chekhai, miaiawng mih paw leng hai paw nowngia tawmah dowi chekhai. ⁴Maru kawm dow plan plan leng hai lawngkeh krua pe now tawmah khai, chepaw leng ün raita khai now lawngke ün paw sek ta di ta bowk khai; mia paw nowng ia dowkah dowi chekhai.⁵Now nih e uar e mih chengrawng kowi hai hung kowi pla reng now hua bür mih hai aiamat mih ta ngen khai. ⁶Alakma hownia Isu kowi uang khi hanow uang chupah khai.⁷Aklow tün mahai pla khai ,”Isu Langkri mih Thurai Chapa, en hown matawng paw anging kow alow uowi dowi, hauang towk ang ngare diah Thurai ming hai ang uang lü en “pakhai. ⁸Nahanow Isu dow tekpe mih, “Lümla sürlawk mami maru kawlak hownia uang awr lawt pape khai.”⁹En ming tawng chow ? pa dow lüntah khai, now aia klangah khai, ang ming dow Siphai hawm chekhai, anging dow akawma chekhai. ¹⁰Nami hownia matni kowi na prütah dowi kownkow lainowmma kalü khai.¹¹Nami hung ret kowi dow pak thing maru uowi lowkia. ¹²Aia tute dow,” Pak tute mih pa kowh kowi anging hanow, amatni kawlak kowi anging na kowh kup taih sow” pa dow lü büah khai. ¹³Isu dow pakupah khai hanow, lümla sürlakuüa uang lawt khai, pak kawlak kowi dow kowh kup büah khai; pak hawm dow pre thawng chekhai, rak powr pra kowi kowh hing iowm now lün büah khai, Sata tui kowi kowh hing tamir büah khai.¹⁴Athing miuüa thing pak khe , iowm büah hanow marow pra hai kua towng kowi hanow, pe satang khai matawng chow naown kown mih maru kawmuüa dow uang mü kownkow uang büah khai. ¹⁵Isu tute uang khai hanow süngnam plawpah mih maru dawnguan khup hai sak sowrma haiuowi büah khai; amatni dow lainowmma kram khai.¹⁶Süngnam plawp ah mih hai pak thing mih lawnuan dow khi büah khai, khimi maru uüa dow lawnguan hawt tekpe bowk khai. ¹⁷Naün mih maruuüa dow amatni uowira hownia na lawt ta kown mih kowlü büah khai .¹⁸Isu dow lawng kowi awr pün mih khin khe süngnam plawpah mih maru dow aia tute na tawi mang lah kown kowh tekpe khai. ¹⁹Chepaw peah alow dowi chekhai, “En kim kowi ,enni kimchakuüa tute kowi diah hanow, Thurai chang en mih lup maten sanama hai katek pe diah, pape khai. ²⁰Aia dow mang hanow, Dekapoli kua kowi dow Isu changpe mih lup krang dow cham tek hanow bowk bowk maru mih awda khai.MASIUÜA LOWKIAH KOWI IUNGAH MIH HAI MASIUÜ CHA LOWKIA KOWNGMI HOWNIA KRÜNGAH MIH ²¹Now, Isu dow lawng hown pai pra pown kowi hai pown khai hanow maru kawm uüa dow aia tute uang takua khai; nami khin khe Sata aw ret kowi uowi büah khai. ²²Takuara kim hownia aluchow aming Jaira pami aia tut uang hanow, aia khawk daw kowi tabawk krawm khai. ²³“Ang chama na kowng kown chabowt, en uang now aia lukkowi en rut tang pe diah; hanow na awr iung kown chekhai “ pa dow kowh lü khai. ²⁴Hanow maru kawmma aia kung uang tawi büah khai now aria aret kowi paw lainowmma taet khai , aia mat paw tawi chekhai.²⁵laipre ning khowk awng vi mih masiua uowi khai lowkia, ²⁶Daktawr akawmma paw rawah khowk now aia kow tangka ün paw khowk ta bowk khowk na chepaw ia iung dowi chekhai, uang hu ngamlam khai. ²⁷Isu Satang aia uang tawi ta khai hanow aia kung pra kowi maru kawmma dawng kowi dow uang khai , aia uan dow kow towp khai.²⁸Aia uan chataih ang ka towp khai e dow ang na iung ngengche kown, pakhai . ²⁹Hanow aia dow towpah khai, now awng vi mih paw uang iung khai bowt nami rawka arau hownia aia iung mih tatuk khai.³⁰Isu dow aia mat hownia kowh lowra nowngia changla mih kür lawt mih tuk khai, maru kawmma dawng kowi krawi ngeu now aia dow amia iawng mih chow towp ang? ³¹Atapeuüa tek pe mih, Maru kawm taet mih paw en khi khowk da, ‘Miaiawng mih chow towp ang mih pa en tek khai da?’ ³²Nachenganchepaw Aia mat kowi towpah mih ia kowi nakhi kown nau kowh aria ret kowi krawi mü khai.³³Now nami masiuüa dow nami auan tuk hanow kram se chür klukluk khai , aia pur kowi uang tabawk krawm nwo lowra akümma tekpe khai bowt. ³⁴Aiamat dow ,"Tum ,en owmra iung en mih chekhai ,thaulang ma hai mang diah now kowh iungma, arau hownia en na iung kown taibowt” chekhai.³⁵Aia tek laiklow thüm khe Jaira kim hownia kowh uang miuüa dow “En chama kowng khai bowt. Matawngplawng kowh chow tüngsang mih kowi en na towkah kawm kown chow?” uang pa büah khai.³⁶Tarapche dow amatni tekmi laiklow tawi ta hanow, Takuara kim aluchah mih tute tek pe mih dow,” Hang kram diah, owm diah” pakhai. ³⁷Peter, Jakop tainau Johan , matni sumiah chataih dowi hanow miaiawng kowi paw aia kung kowi pa tawi dowi. ³⁸Takuara kim aluchah kim kowi uang ting khai, akawmma saknga mahai chowm phulu büah khai hanow maru kawm mih dow atünma kar büah khai.³⁹Aia kowh puk hai amatni tute, “Matawng plawng kow chow akürma enning kar khai? Ngeuuüa mih dow kowng mih na dowi, müi mih chataih. ⁴⁰Amatni dow renah khai, hanow amatni bowk bowk kowi prüt ta khai, ngeuuüa u p hai aia tapeuüa hailawm ngeuuüa mawkra kim kow kup büah khai.⁴¹Now ngeuuüa rut kowi kowh dowk pe now ,”Talitha kum” pakhai, nami dow Tum, awr rü diah pami chekhai. ⁴²Masiuüa ngeuuüa mih dow awr rü now nowngia mang khai; aia mat dow lai pre ning now amatni dow lainowmma awda khai bowt. ⁴³Tarache dow amatni tute, “mami laikowi amiawngiang mih kowi paw hang cham tek pakhai . “Nacha kown mih peah diah” padow tekpe khai.

ISU KOWI KHAMAH DOWI MIH ¹Nami ra hownia Isu dow lawt khai, aiamat kua pra kowi uang khai; atapeuüa paw aia kung kowi uang tawi büah khai. ²Now tanai ni khe takura kim kowi dow tüngsangah khai; maru kawmma paw aia tek mih laiklow ta büah hanow lainowmma awda büah khai , “Ma ün mih maru tawng hownia chow aia tuk khai? matawng chanlaira chow Thurai peah? aia rut hownia awda lup maten nowngia chang lami ka kha da? ³Mari cha Jokop ün, ,Joseph, Juda hai Simon uüa taichah nauchah laksama chapa na dowi bow? Aia tuamauüa paw a-i pungma dawng kowi tawi uowi bow?pa ün tek pe büah khai; naiawng hai Isu kowi hangah khai.⁴Isu amatni kowi tek pe mih dow, Risiuüa mih aia mat marow pra kowi tasin miuüa hai aia kim chak miuüa dawng kowi na dowi hanow rowsiah büah reng chekhai. ⁵Now arau uowi mih uüa ditchah aia lukkowi tang pe rut hanow iungah mi chataih klen kowi dow nakowi dow awdara mih nowngia chang lah dowi chekhai. ⁶Owm büah dowi mih rakowi kaneuma aia awda khai, nami kung kowi kua towng kowi tüngsangah khai.LAI PREIA KOWI CHAM CHINAH MIH ⁷Now, aia dow laipreiauüa kowi dow hawah khai, preiah chi achum chum chow aia chinah khai; now lümla sürlawk maün mih lukkowi paw naia chang alow kown mih paw peah khai. ⁸Tiama rawng kowi raitua chataih klen kowi dow kawm paw, im paw, amatni kekawm kowi paw pawisa paw na phang la dowi kownkow hangah khai . ⁹Tarapche dow phanaih khawk dow nowngia krua khai, prebuk kowrma na khup kown mih dow hangah khai.¹⁰Now aia dow amatni tut e, “Enni cham pün mih kim kowi enni lawt dowi mowr da enni kowh pünra kim kowi uowi büah reng diah . ¹¹Lowra kua kowi chepaw howr enni dowi kowh enni laiklow sünta büah dowi hanow, nami kua hownia enni lawt mih khin khe; amatni dow mapaw na dowi mih krang na tuk la büah kownkow enni khawkpha kowi kowh dinchow thet la prowng büah diah”pape khai.¹²Hanow ,cham tarü büah khai; angak hownia maru sak nata plan lakown kowh cham tek büah khai . ¹³Süngnam kawm kowi dow prüt ta büah khai, arau uowi mih maru kawm kowi paw phawk la pe sau hanow iung la büah khai.BAPTIS CHANG MIH JOHAN KOWNG MIH LAWNGUAN ¹⁴Isu ming dow anang iukma cham ta howng khai rakowi mang Herod dow tawita khai, “Baptis chang mih Johan mih kowngra hownia plan kut rü khai iawk bow? maün mih lowra nowngia chang la mih aia mat kowi uang lup mih chekhai.” pa tekpe büah khai . ¹⁵Nachenganchepaw akengmi uüa dow, “Elija chekhai paün büah khai; tawngmi chabak dow ,Risi , dawng kowi kowh lowkia iawng mih chekhai” pa büah khai.¹⁶Nachenganchepaw Herod dow hawt tuk ta hanow , “Johan lu dung ta pe mih chekhai; uang rü khai iawk chekhai “ pakhai. ¹⁷Herod dow aia naumow Filip masi chawngtape khai rakowi Johan kowi khümta hanow thawngrum lak kowi phangta khai.¹⁸Nachenganchepaw Johan Herod kowi tek pe mih ,”En nauma misi paw ta pe mih iung dowi chekhai pa hai tek pe khai. ¹⁹Naiawng rakowi , Herodi aia lukkowi kunmarau khai; na paw tape asak kown mih nau khai, chepaw nowngia paw dowi chekhai. ²⁰Now, Herod mih Johan kowi dow achima hai chimsai mami tuk khai, hanow lainowmma kramah khai now lawngah khai ,aia laiklow sün tape hanow kaneuma saktuak krat khai now süntak iung khai.²¹Herod dow aia kowh maru iuk ma miuüa ün, Galili pren kowikow maru iukuüa kowi krawi pawah pin khai, aia dia khin kowi howrah khai; akhin taka klowk mih uang uowi khai bowt rakowi. ²²Now, Herodi chama dow pawi chakra kowi uang tawi kup hanow, uang plai khai; Herod hai aia hai ta iua chah pawi miuüa kowi paw awmrawmah khai .mang dow malauuü tute dow, “En nauah mih sarui lü ang diah, ang na pe en kown” pakhai.²³“Lowra chap en lü ang mih sarui, ang pren dawnglang mowr pat ang na pe en kown taih,” Padow khamah khai. ²⁴Aia mat dow prang kowi kowh lawt hanow, a-u tute kowi now,” Matawng chow ang lü e na iung kown?” pah kow tek khai. A u dow, “Baptisma chang mih Johan lu” Pa hawt tekpe khai. ²⁵Now alenma hai mang tute dow plan kowi khai iawk ,”Lawngpan hai Baptisma chang mih Johan lu uang pe ang diah” pakhai.²⁶Nahanow, aia laikham ta mih hai pawi chak miuüa rakowi uam plan dowi bowt chekhai, nachepaw aia mih dow lainowmma sak nga khai. ²⁷Mang dow kangchawng mih siphai lowkia mih kowi chinah khai; thawngrum lak hownia Johan lu dow pa kow dung pe hanow uang paw lah pahai peah alow khai. ²⁸Now lawngpan hai uang paw lah pe khai, malauuüa kowi uang peah khai hanow malauuü mih dow a-u kowi plan peah khai iawk. ²⁹Nami dow atapeuüa ta hanow kowhkowi büah khai, auak dow kow krowng büah hanow dupah büah khai.TANGA THAWNG MARU KOWI AWDARA UOWI MAHAI PEAH CHAKKHAM MIH HAI AWDARA LUP CHANG MIH ³⁰Tapeuüa mih Isu tute uang büah khai; amatni changah mih lup sarui miün hai amatni laiklow tüngsangah mih maiow dow uang tek pe büah khai. ³¹Aia mat dow amatni kowi tek pe mih ,”Enni mih rarim rarama mih rakowi tanai büah diah, pakhai. Maru kawmma ta hen iualua khai, chah lah chakkham kown mih khin ngam dow ka büah dowi chekhai. ³²Hanow, amatni dow rarim raramma pra kowi lawng hai cham lang kowi büah khai.³³Now amatni kowi dow maru hawt khi büah khai, tawng bak mih dow amtni kowi tuk matah khai; marow hownia kowh maru amatni dow rawn krawi iowm büah khai. ³⁴Lawng hownia uang lawt büah hanow maru kawmma uang khi büah khai, akhet mih ia uowi dowi mih ruapur iawng na khai büah rakowi sanaah khai; kaneuma amatni kowi tüngah sangah khai.³⁵Now nih paw uang kowi iawlaw khai, atapeuüa dow aia tute uang hanow tekpe mih, “Mami süngrüp süngkangma chekhai, ni paw chur pra chabowt” pakhai. ³⁶Marow ria ret kowi kowh ün hai kua ün kowi kowh matia chak kham matawng chün chü na cham nowngia ran lah kownkow amatni kowi dow pa mangah diah, pa hai uang tek pe büah khai.³⁷Tarapchedow aiamat dow, "Enni matia mih na chah büah kown mih peah diah” pa dow klangah khai., “Amatni dow, kawm pre kawm sung ranah hanow chak kham a ia na peah kown bow?” ³⁸aiamat dow mün khowr chow kawm uowi enni tut-e? Sam mü büah madiah pakhai.amatni dow mü hanow ,”Kawm tanga pah, dam pre kawn chatiah uowi” pa dow klangah khai.³⁹Aiamat dow amatni bowk bowk kowi bawrchak asingma dawng kowi dow aphow aphowma na chowm kownkow tekpe khai. ⁴⁰Tawng bak mih tan kowi dow akawm ün, ngakawm iah ün chowm büah bowk khai. ⁴¹Aia mat dow kawm tanga pah hai dam pre kawn paw hanow, mukuang pren pra awr mü hanow tek awmrawm lai khai; kawm dow sekah hanow, maru kawmuüa tute retah kownkow atapeuüa rut kowi ap pe khai; dam amatni bowk bowk kowi ret pe khai.⁴²Amatni bowk bowk cha büah khai, lainowmma sak-i büah khai. ⁴³Now atapeuüa mih kawm hai dam retah mih lat dow laipre kharang atekma towah büah khai. ⁴⁴Hanow kawm chak miuüa maten kowi dow kachakuüa tanga thawng uowi büah mih chekhai.ISU TUI LUKKOWI MANG MIH ⁴⁵Nami khin khe maru kawm dow mang büah klawm klam khe pai pra pown Bethsaida kowi na kow rik uowi kown mih Isu dow atapeuüa kowi akhawtma hai tek pe khai, now lawng kowi dow pe pünah büah khai. ⁴⁶Maru kawmma mang bowk mih kung kowi na chup Thurai kownkow hung kowi awr pün khai. ⁴⁷Now, uar uang iu hanow lawng dow Satatui dawnglang tiliti kowi uowi khai, tarapchedow aiamat malowkchah süng kowi uowi reng tak khai.⁴⁸Now kung hownia li hutla khai rakowi abowmma hai lawng hown mang büah mih Isu dow aia tape uüa kowi khi khai, uar thowi ria pra khe Isu mih satatui lukkowi amatni tut-e uai tui uang khai haonw amatni kowi dow ta lawttah büah khai. ⁴⁹Satatui lukkowi aia mang mih khi büah hanow süngnam chünchü pa büah khai now pla büah khai. ⁵⁰Kram hai haw büah khai. chepaw, amatni kowi alenma hai klowpah khai, “Hang kow kram büah diah enni kow sak mih dow akhawtma uowi büah diah.⁵¹Lawng kowi awr phüt büah khai, li paw rim khai; hanow, naiawng ün khi büah now awda büah khai. ⁵²Kawm lawng uan krang uowi mih dow mapaw hing tukta büah dowi, amatni saktuak kowi nowng katuak büah dowi chekhai.⁵³Amatni dow hai pown büah khai, Genesaret pren kowi kowh ting büah hanow lawng dow khuowkah büah khai. ⁵⁴Lawng hownia dow lawt büah hanow, maruuüa dow Isu kowi hawt tuk matah büah khai. ⁵⁵Now aia kowi tuk mat a kung kowi dow nami powng kowikow maru uang iowm büah khai hanow tawng mi rah kowi chow aia uowi mih ta büah hanow arau abau uowi mih maru kowi dow mawkrah hailawm uang paw lah büah khai.⁵⁶Hanow kua towng marow towng kowi, lowra pren kowi ün, aia cham kowi rasarui kowi uowi miuüa dow amatni chi changra kowi pa chowmah büah khai; aia uan ret ün paw na ia towpah kown lü leng büah khai hanow towpah mih sarui dow uang iung büah khai.

SÜRLAWK LAWNGUAN KOWI TÜNGSANGRA ¹Phaisaiuüa ari-arow tüngsang tawng mih chabak dow Jerusalem hownia kowh uang miuüa hai lawm aia tute uang tawi khai.²Now, atapeuüa tawngmi chabak sürlawk mami rut hown chah chak kham büah khai. ³Pharisai klen kowi Juda hawmuüa maiow paw lawngtanguüa sang chawn lai bowk lai chün hai rut siaah dowi matchang dow katpaw chah büah dowi. ⁴Now chi hown uang mang chepaw rik tasia tasau dowi hanow kat paw chah chakkham büah dowi. Akengmi lup ahuma laiklow na chün kown mih paw pu bia, kri bia ün sauah büah khai.⁵Nahanow Pharisai hai ari arow tüngsang miuüa dow, ”Matawng plawng kowh chow en tapeuüa mih lawngtanguüa laibowk chün dowi mih hai rut sürlawk mahai chah khai dow?” pa dow klangah khai.⁶Aiamat dow klangah khai, ”Enni maru puan miuüa lawnguan Isai mih maiawng hawt rik ta mih lai nowmma na khai. Aia ruiah mih dow “Mami maruuüa amatni laiklow chataih rowsi ang khai, tarapchedow amatni saktuak dow ang hai alakma chekhai.” ⁷Now, maru thawpah mih ari-arow kowi dow, ari-arow ching pahai tüngsang büah khai; na ün mih uang kiow ang mih alow low chataih chekhai.⁸“Thurai alow pek dow enni cham klowkah dowi, maru laibowk ün dow enni dowkah chen chen khai”pa büah khai. ⁹“Enni matia laibowk enni na powngah kownkow Thurai alow pek mih na kuak takown mih aklangiung ma enni tuk chekhai” pape khai. ¹⁰Nachenganchepaw Mosi dow, ”En u hai en pa kowi rowsiah diah, pamatia u chepaw pa kowi chepaw tek nak lak mih dow na kowng ngengche kown chekhai” pakhai.¹¹Tarapchedow enni tute maru mih a u chepaw ,apa kowi chepaw , “En kowi ang ia khowng kown taih” pakhai, hanow Thuarai kowi peah mih chekhai bowt. ¹²A u uüi chepaw apa uüi chepaw matawng paw chang kla dowi bowt chekhai. ¹³Hanow enni laibowk rakowi mih Thurai laiklow dow enni mata khai nami iawng ün mih dow ahuma enni chang reng chekhai.¹⁴Now, maru kawmma uüa kowi dow aiamat tute dow plan kut hawah khai iawk ,Enni bowk bowk mih ang laikow sünta büah achangma tukta büah diah, pakhai. ¹⁵Uat pra hownia kowh maru kawlak kowi kupmi dow matawng paw aia kowi nowngia sürlawkah dowi chekhai. ¹⁶Nachenganchepaw maru kawlak hownia kow awr lawt mih sarui dow maru kowi sürlawk mih chekhai.¹⁷Maru kawmmauüa tute dow kim kowi kup khai, atapeuüa dow sangchia laiklow laiuat achangma lüntaah khai bowt. ¹⁸Aiamat dow, “naiawng khowt chekhai bow enni pawp? enni mapaw tukta dowi bow, matawng sia paw uat pra kow maru kawlak kowi kup mih; na ün mih dow matawng paw iasürlawk dowi chekhai.” ¹⁹Hanow amatni saktuak lakkowi kup dowi, nachepaw aia mulak kowi kup khai rowt chekhai now uat pra kowi kowh lawt khai. Nami laiklow hownia dow chak kham maten dow chimsaiah khai.²⁰Maru kawlak hownia kowh uang awr lawt mih ngengche dow maru kowi sürlawkah reng chekhai, pa dow tekpe khai. ²¹Maru saktuak lak hownia kowh dow atuak ngak tapawk tanau, kukra, maru sak pawkra ün, iangchangra ün chekhai. ²²Now irra ün, iangchangra ün, ngakra ün, kuanra ün, klattatra ün, mikmük ngak ün,Thurai kowi tek nak lak mi ün, kumaraura ün hai samura chekhai. ²³Ma ün mih lup ngak chang maiow mih kawlak pra hownia kowh uang lawtmi chekhai, maru kowi sürah lawkah mih dow.CHAKRAMANG ISU KOW AWDARA LUP ²⁴awr rü hanow aia dow nami hownia Suria hai Sidon pra kowi cham khai; kim lowkmi kowi kow kup khai, amiaiawng mih na tukah dowi kownkow nau mih chadiah nachepaw nowngia tapet dowi chekhai. ²⁵Lümla sürlawk kup pe kawlak mih chama mih masiuüa paw Isu laiklow ta hai krowksang uang khai, aia khawk daw kowi uang tabawk krawm khai. ²⁶Nami masiuüa dow Grik chekhai, Suria pren kowikow Phoenicia powng kowikow chen chekhai. Achama kawlak hownkow süngnam dow na prüt tape kown kowh uang lü khai.²⁷Tarapche dow aia tute ,”Auown khe chauuüa kowi pa du ah diah, chauuüa hawm paw tape hanow, kui kowi peta bowk e dow mapaw hing takah dowi chekhai ” pa hawt tekpe khai. ²⁸Aiamat dow klangah khai, ”Na dow na CHAKRAMANG, nachengan chepaw salawnma krüa kowi kuiün paw chauuüa chah mih adi uai dow tawi chah büah reng chekhai.²⁹“En tek laiklow mih na khai rakowi mang diah hanow, süngnam dow en chama kawlak hownia dow lawt tüng khowk chow ”pakhai. ³⁰Aiamat dow kim kowi mang hanow,achama dow iüara prowng kowi mawkmi kow khi khai; süngnam dow hawt lawt tüng khowk chekhai.PARAM PANG MIH HAI LAI PHUANG DOWI MIH KOWI IUNGAH MIH ³¹Suria marow hownia dow lawt khai hanow Sidon kowi kowh kup la now Dekapoli powng dow hai klen lah hanow Galili kan kowi dow kut plan ting khai iawk. ³²Param pang mih lowkia mih, alai paw phuang dowi mih aia tute uang paw lah büah khai; aia lukkowi na tang pe rut kownkow uang lü büah khai.³³Isu dow maru kawm pungma dawng hownia cham lang paw lah now, aia rut chawk dow aia param kua kowi kak pe khai, kria paw phawkpe khai hanow dai kowi paw kak pe khai. ³⁴Aia dow mukuang pra kowi awr tau hanow hü sak khai hanow, ”Ephata”. nami dow pa uang ta uow lah pami chekhai. ³⁵Hanow aia param dow uang ta uow khai, aia dai tatawm mih paw uang ta lat khai bowt, klangiung mahai laiklow paw uang ia tek khai bowt.³⁶Miaiawng mih kowi paw na cham tek dowi kownkow amatni kowi dow hangah khai, nachengachepaw aia hangah mih lake cham tek büah ngamlam khai. ³⁷“Amatni dow lainowmma awda büah khai, lup iung lainowmma chang khai nowm dow param pang mih uang ta uow khai; laiphuang dowi mih paw nowng prow sang kown mih kür uang peah khai” pa büah khai.

MARU TALI THAWNG KOWI PA DUAH MIH ¹Now, nami khin khe dow maru kawmma uang kut plan ta kua büah khai iawk, amatni tute na chah kown mih matawng paw uowi dowi chekhai. Nahanow aia tapeuüa kowi dow aia tute hawah hanow tek pe khai. ²“Maru kawmma uüa mih kaneuma ang sanaah khai; ang tute sum ni uang uowi büah khai bowt, na chahah büah kown mih tawngpaw uowi dowi chekhai. ³Amatni dow chah dowi hown kim kowi pe mangah e dow, tiama rawng kowi amatni mih dow na maw ün kown chekhai; tawng mih chabak ngam dow alakma hownia kowh uang mih chekhai. ⁴Atapeuüa dow, “Matawng iawng chow sünngrüp süngkang makowi maru kawmuüa chakkham kawm na nowngia ka kown? padow klangah büah khai.⁵Now aiamat dow, ”Kawm mün khowt chow enni tute uowi?” pakhai. Amatni dow “Ranit pa” pa büah khai. ⁶Hanow maru kawmuüa krawng kowi na chowm kownkow peah alow khai, ranit klüng mih kawm pa paw hanow, awmrawm laiklow tek kung kowi sekah khai, now amatni tute retah kownkow atapeuüa kowi peah khai; atapeuüa dow maru kawm kowi dow ret pe büah khai bowt.⁷Now amatni tute dow dam ditcha taih uowi, aia dow awmrawm lai tek hanow maru kawmuüa kowi na ret pe kownkow atapeuüa kowi tek pe khai. ⁸. Hanow du pat chah büah khai now kaneuma awmrawm khai; now atapeuüa retah mih lat dow ranit kharang atekma towah büah khai bowt. ⁹Maru iun uowi mih dow tali thawng chekhai; nami kung kowi dow amatni kowi pa mangah khai. ¹⁰Aiamat paw tapeuüa hailawm lawng kowi phüt büah khai, Dalmanutha pren kowi kakowi büah khai.¹¹Now Pharisaiuüa dow prang kowi uang büah khai hanow uang taiüa büah khai, Aiamat tute chaing müa mukuang hownia amatmüa kük büah khai hanow khi kown nau büah khai. ¹²Kaneuma sak hü it mami hü khai hanow tekpe khai, “Mami khin khe matawng plawng kowh chow kawmat kowh maruuüa mih amatmüa krawi cham khai? Lainowmma ang na tek enni, kawmmat maruuüa amatmüa maiow tüng pe dowi tham” pakhai. ¹³Amatni kowi dow powt ta hanow, lawng kowi dow kow phüt ta khai iawk, paipra pown kowi ka kowi büah khai bowt.PHARISAIUÜA HAI HEROD TUTU MIH ¹⁴Now, tama paw la kawm büah khai, amatni tute lawng kowi dow kawm pa pahchow klenkowi dow akeng mih kawm mapaw hing uowi dowi chekhai. ¹⁵“Pharisaiuüa tut hai Herod tut hown kowi dow ta ming ta khetah hanow, pe chaingah büah diah” pa dow amatni kowi pringah hawiah khai.¹⁶Nahanow amatni dow “Mapaw a-i tute kawm uowi dowi” pa dow taklang khai. ¹⁷Isu dow hawt tukta pe hanow tek pe khai, “Matawng plawng kowh chow kawm uowi dowi mih kangowh enni taüa khai? Enni kawmat paw matawng paw tuk dowi tak bow? enni kowh saktuak uang khawt khai bowt bow?¹⁸Now, mik uowi e enni khi dowi bow? param uowi khowk e enni ta dowi bow? Enni katuak dowi bowt bow? ¹⁹“Kawm tanga pa hai maru tanga thawng uüa ang sekpe khe mün kharang tak chow uowi mih?” pakhai. "Lai pre kharang” pa büah khai.²⁰Maru tali thawng kawm ranit pa ang sekpe hanow pa duah khe mün khowt tak chow lat mih?pakhai. ²¹Hanow amatni tute, ”Enni kawmat pat mapaw tukah dowi tak bow?” pakhai.MIKDU MIH KOWI PE KHIAH MIH ²²Bethasaida kowi dow uangting büah khai; aia tute mikdu ma mih uang paw la büah khai, aiamat na towp pe kownkow uang lü büah khai. ²³Aiamat dow mikdu mih rut dow dowk pe khai, kua ria pra kowi uang paw la khai; aia mik kowi thawk pe kria hanow, towp pe khai, “En nowng khi ditdet tak bow?”pa dow lüntah khai pakhai.²⁴Aiamat dow hai mü khai, Maru kowi ang khi khowk, sing iawng dow mang iut lut khai pakhai. ²⁵Aiamat mih dow mik kowi rut hown kut plan towp pe iawk, aia dow khi kown mih kür ka khai bowt hanow achimma uang khi khai bowt. ²⁶Now nami kung kowi aiamat kim kowi dow pa mangah khai hanow mami kua kowi hang kow kup tham bowt pape khai.²⁷Isu hai atapeuüa dow Philipi Sizari marow ria ret kua kowi ün dow cham krawi kowi büah khai,Tiama rawng kowi dow atapeuüa tute, ”Ang lawng uan kowi maru mih matawng chow tek, amia iawng mih chow ang? ²⁸Amatni dow “Baptisma chang mih Johan pa tek en büah khai, tawng mih chabak dow, "Risi miaiawng mih chünchü pah tek en büah” pa dow klangah khai.²⁹Aiamat dow, "Tawng chow enni tek? ang mia iawng mih chow?”pa dow lünta ah khai, Peter dow, ”Krista dow en nakhai” padow klangah khai. ³⁰Hanow nami laiklow dow miaiawng mih kowi paw na tek dowi kownkow hangah khai.MATAWNG CHOW AIA NAOWN KOWN MIH LAWNG UAN KOWI RIKTEK TATA MIH ³¹Now, maru chapa mih dow ngare ahuma na kham ngengche kown mih lai klow ün, lawngtanguüa uamakriuüa hai Ari arow tüngsang miuüa nauah büah dowi tham miuüa ün, na paw pe asak kown mih ün, sum ni kung kowi na awr kut plan rü iawk kown mih lawnguan ün amatni dow uown tüng uown sangah khai. ³²Now na ün mih laiklow dow achangma tekah khai. tarache dow Peter aiamat kowi dow cham lang paw la hanow, cham lang hawiah khai.³³Aiamat dow atapeuüa pra kowi chamngeu ta pe khai, “Setan, ang pur hownia cham powt diah; Thurai nauah mih krang tuakah büah dowi matchang maru nauah mih krang iawng en tuak mih chekhai” pa dow peter kowi dow plan kut nangah khai. ³⁴Maru kawmmauüa dow atapeuüa hailawm kowi hawah khai, amatni tute, ” lowra maru ang kung uang tawi kown nau miuüa dow pamatia tatuak ang iawng nadowi tham kow pamatia kraws kawt hai pa uang tawi lah.³⁵Lowra maru pamatia asak ngan khai mih dow na towm kown, lowra maru ang kow pamatia kraws kawt hai pa uang tawi lah.matia ming rakowi Satang iung rakowi asak towm khai mih dow na plawplai kown chekhai. ³⁶Maru mih lpa lusama ka khai e dow pamatia asak iawm khai, aia dow matawng chow namarat kown chow? ³⁷Hanow aiamat uüi tawng chow tamakra uowi?³⁸Kawmat kowh maru, iang chang mih hai angak kangowh pungma dawng kowikow ang laiklow hai ang kowi mih rukrai la ang khai mih sarui dow maru chapa paw kramamu chimsaima hai a pa kraingra hailawm naiu uang khin khe dow amatni kowi na uang tawi rukrai laah kown pakhai.

¹“Now lainowmma ang na tek enni kown, nami ra e kow iowng mih hawm tawngmi chabak mih dow, Thurai pren dow lowra chang lami hai lawm na uang ting kown mih khi büah dowi mowr dow na kowng dowi kown mih uowi” pa tek khai. ISU POWM TAKLOWI MIH ²Hanow taruk nih kung kowi Isu Peter ,Jakop hai Johan ün dow hung kroma kowi hawlah now amatni kowi chataih khi dowi iawng hai awr pün la khai, amatni pur kowi dow apowm tüng krang uang ta klowi khai bowt chekhai. ³Aia khupdip tawngklai kowh lainowmma kaw khai, lusa kowikow uan chukmiuüa ngam naiawng khowt kaw nowngia chuah dowi tham chekhai.⁴Now Elija hai Mosi iüah dow amatni tute uang tatüng khai; Isu amatni hai ta lawp büah khai. ⁵Peter dow Isu kowi tek pe mih, tüngsang mih, makowi anging uowi kown mih iung khowk; En uüi lowk, Mosi uüi lowk, Elija uüi lowk anging thawp teh sumbuk kown. ⁶Kram büah khai rakowi na tek kown mih ma paw tuk büah dowi chekhai.⁷Now uangnim mih dow amatni kowi dow uang tungah khai, uangnim dawng hown aklow uang tün khai; “Mami ang chapa, ang lang sakrau mih chekhai, aiamat laiklow sünta büah diah”. ⁸Hanow alenma aiamat ria ret kowi mü büah khai, amatni dawng kowi dow Isu aiamat lowk chah klen kowi dow mia paw akeng mih kowi khi büah dowi bowt chekhai.⁹Hung hownia uang iu dowm hanow, maru chapa kow kowng miuüa pungma dawng kowi hown awr rü dowi mowr dow amatni khi mih lup ün miaiawng mih kowi na tek dowi kownkow tekpe khai. ¹⁰Hanow kowng miuüa pungma dawng hownkow awr plan rü pami dow matawng mih krang chekhai chow pa dow cham tatek büah reng kown.¹¹Aiamat dow, ”Matawng iawngmi krang chow Ari-arow tüngsang miuüa dow, Elija na rik uang kown tek chekhai” pa büah khai dow? pa dow Isu kowi dow lünta ah büah khai. ¹²Now “Elija dow owmra akümma asar na thawp kownkow uang rik uang khowk hanow, matawng plawng kow chow Maru chapa mih ngare ahuma kham hai maru kawm na suiah kown chekhai pa mih ruiah mih chekhai; pa dow Isu klangah khai. ¹³Nachenganchepaw ang tek enni kown, Elija dow naiawng hai na uang kown, aia satang ruiah büah ngengche khai iawng dow Isu kow lowra lup hai tüngsangra hailawm aia lukkowi amatni nau iawng changah büah khai bowt chekhai.SÜNGNAM PLAWPAH MIH NGEUUÜA KOWI IUNGAH MIH ¹⁴Now Tapeuüa tute uang büah khai, amatni ria ret kowi maru kawmma dow kowh khi büah khai, Ari-arow tüngsang miuüa hailawm hawt ta iüah büah khai. ¹⁵Aiamat dow khi büah khai hanow maru maiow dow kaneuma awda büah khai; aia pra kowi uang iowm hanow uang howrah khai. ¹⁶Aia dow amatni tute, ”Maün mih matawng lawnguan kowi chow enni hawt taiüa khai?” pa dow lünta ah khai.¹⁷Maru pungma dawng kowi lowkia mih dow klangah khai, ”Tüngsang mih, ang chapa kow lai puk dowi mih süngnam kup pe kawlak mih nowngia lai dowi chekhai, en tute ang uang pawla mih chekhai chaw. ¹⁸Khümah mih sarui kowi nawt taah reng khai, kria pawp ün lawt khai, aia iüng ün krit khai akhawtma aia kow iowng khai; En tapeuüa kowi na prüt ta kown mih ang tek pe khai, na chepaw nowngia büah dowi chekhai. ¹⁹“Isu dow aia tapeuüa kowi klangah khai, aw owmdowi miuüa low, mün khowt tak chow enni tute ang na uowi kown? mün khowt nih tak chow enni kowh dik ang na kur kown chow? Now,ngeuuüa kowi ang tute uang paw lah ma diah”. pakhai.²⁰Now atapeuüa mih ngeuuüa kowi Isu tute uang paw lahpe khai, süngnam sürlawk mih dow aia kowi khi hanow ngeuuüa kowi dow akürma betah khai, now krawng kowi tim khai, nawr hownia kria pawp iar khai. ²¹Apa kowi dow, “Mün ni khowk chow mih ngeuuüa maiawng uowi mih?” pa dow Isu lüntaah khai. ²²“Ngeuuüa pa mih dow asowm chow hownia Maih kowi ün aiamat kowi na kowng ta kownkow atungma kuakah khowk; nachenganchepaw en mih sana sakrau mahai nowngia iung kown mih khowng ang diah” pakhai.²³Isu mih aia tute,”En owm khai hanow bowk bowk nowngia chang” pakhai. ²⁴Now ngeuuüa pa mih dow,”Ang owm chah, ang kowi owm dowi iawng hai hang kow tuak ang diah” pa dow awr pla khai. ²⁵Maru kawmma akatsang uang iowm büah khai mih khi hanow lümla sürlawk kowi dow nangah khai,”En lai phuang dowi mih lümla, ang pe en alow khai; mih ngeuuüa kawlak hownia awr lawt hanow, aia kawlak kowi dow kat paw hang uang kup tham” pakhai.²⁶Awr pla hanow akürma petla now aia kawlak hownia dow uang awr lawt khai; neuuüa dow kowng iawng taibowt uowi khai, maru kawmma miuüa ngam dow, ”kowng khai bowt chekhai” pakhai. ²⁷Tarapchedow Isu aia kowi dowk pe rut hanow krüngah khai, now aia dow uang awr ia iowng khai.²⁸Hanow Isu dow kim kowi kup khai,atapeuüa dow,”Matawng plawng kowh chow nami lai phuang dowi mih lümla kowi anging ia prüt dowi dow?” pa dow aiamat lowkchah khe lüntaah büah khai. ²⁹Aia dow Thurai chup hai chataih dowi hanow, akeng mih tawng paw ia chang dowi chekhai.³¹Now na hownia dow Isu Galili pren iawng hai mang khai, mia paw tuk dowi kownkow aia nau khai. ³⁰Nachenganchepaw aia tapeuüa kowi dow sangah khai, amatni tute dow, ”Maru chapa kowi dow maru rut kowi naap taah kown chekhai, na paw ta pe sak kown chekhai. now aia kowng kung kowi sum ni khe na awr rü iawk kown” pakhai. ³²Nachepaw aia tek laiklow mih auan tukta büah dowi, Isu kowi kowh hing lüntaah kown mih kram büah khai.LANGKRI MIH HAI KAWNGMU LAWNGUAN ³³Hanow Isu hai atapeuüa Kapernaum kowi uang khai; kim lak kowi uang now amatni tute ,”Tiama rawng kowi khe matawnguan kowi chow enni taiüa mih dow? pa dow lün taah khai. ³⁴Tiama rawng kowi dow a-i pungma dawng kowi mia chow langkri kown mih pah ta iüa khai, nami rakowi rarim raramma uowi büah bowk khai. ³⁵Now Isu dow chowm hanow, lai preia mih tapeuüa kowi dow hawah khai; “Amia iawng mih chow rik uowi kown nau mih dow, nami bowk bowk kung kowi na uowi kown now bowk bowk kowi na ming na khet kown chekhai, pakhai.³⁶Hanow ngeuuüa sowmlowmchah mih kowi uang pawla khai, amatni pungma dawng kowi dow pa iowngah khai hanow aia kowi paiah now tekpe khai, ³⁷“Lowra maru ang ming rakowi naün mih ngeuuüa sowmlowmchah lowkia kowi howrah mih dow ang kowi howr ang mih chekhai; lowra maru ang kowi howr ang mih dow uang chin ang mih kowi howrah mih chekhai” pakhai.³⁸Johan dow, “aw tüngsang mih, amiaiawng mih chabak dow en ming hai prüt süngnam mih anging khi lowkia, anging tute uang tawi kown nau dowi rakowi anging hangah khowk diah” pa dow tek pe khai. ³⁹Tarapchedow Isu tek pe mih, "hang kowh hangah büah diah, amai iawng mih paw ang ming hai awdara lup chang kowh krawi piakta ang ming kown mih uowi dowi.⁴⁰Nachepaw ang kung pra kowh na dowi , ang pra tangi mih taih chekhai. ⁴¹Lainowmma ang na tek enni, Krista maru enni na khai rakowi na kham kown mih tui pa bia chow pe enni paw, awmrawm sung mih nowngia tama dowi bowt tham chekhai.⁴²“Langsowm nowm mih ngeuuüa ang kowi owm mih, miaiawng mih chü amatni owmra piakta pe khai e dow; amatni ngawng kowi kawm di küamüa hua aiuk mami awk pe hanow, satatui kowi kuak ta khai e dow aia uüi na lang iung rowt kown chekhai”.ANGAK NACHANG KOWN KOWH PUANRA ⁴³- ⁴⁴En kow rut ngak pra pawla en hanow dung ta diah; rut pre uowi hailawm maising kankowi kowh maih hai na kam lak e dow uaing sepa mahai en chowng kowi uowi mih na langiung rowt kown chekhai.⁴⁵Now en kow klowng angak pra pawla en hanow dung ta diah; khawk pre buk hai maih sing kan kowi uowi kla mih lake dow khawk dung mahai en chowng singra kowi na uowi kown mih langiung rowt kown chekhai. ⁴⁶En mik paw angak pra paw lah en hanow, lai taah khai diah.⁴⁷Mik pre uowi hai mai kan kowi uowi lake dow mik papra chow hown Thurai pren kowi kup mih en uüi na langiung rowt kown chekhei. ⁴⁸Maising kan kowi tiawng chow dung kowng dowi, naiawng dow mai akat paw mit dowi chekhai.⁴⁹Lawngtowng büarüa kowi awisa ik iawng hai mai hai na nowngia kam kown. ⁵⁰Awisa mih kaneuma ih khai, nachenganchepaw awisa mih aia ik mih uowi dowi e dow ,matawng hown chow nakut planih ah iawk kown chow? Enni matia mih awisa iawng uowi diah, taking tasang büah hanow thaulangma uowiah büah diah, pakhai.

MASI KHUA LAWNGUAN ¹Awr rü hanow, na hownia dow Judai pren kowi hai Jordan pai pra pown kowi ün kowi khai; maru kawmma uang tawi krawi iüalua khai. aia changah iawng hawt tüng sangah khai. ²Pharisaiuüa na chaing kownkow aia tute uang büah khai, ”lowkia mih hua a masi kowi na khuaah kown iung bow?” pa dow Isu kowi lüntaah khai. ³Aiamat dow, “Mosi dow matawng iawng chow pe lah enni alow khai?” pa hawt klangah khai. ⁴Amatni tek mih dow, ”Mosi dow takhua talan kown mih cha ruiah hanow, nowngia takhua talan kown.”pa khai.⁵Tarapche dow Isu mih Enni saktuak akhawtma rakowi nami a low dow enni uüi rui mih pape khai. ⁶Nachenganchepaw uan uown thawp hownia Thurai mih kachakuüa hai masiuüa kowi thawpah khai.⁷“Nami rakowi kachakuüa dow a-u hai a-pa kowi na towah hanow aia masi kowi na dowk kown. ⁸Hanow amatchi preia dow pabuk panga sang na own bowt kown, preia na dowi bowt tham; pabuk panga sang own rowt iüa kown chekhai. ⁹Thurai dow tawm pe sutawng khai bowt rakowi amatchi dow hang cham taprai lah pakhai.¹⁰Kim kowi tapeuüa dow na ün mih lawnguan Isu kowi kut plan lün taah iawk khai. ¹¹Now aia dow, ”lowra maru aia masi kowi khuaah kowh, akeng mih masi kowi paw hanow aia masi lukkowi changiang mih chekhai. ¹²Masiuüa paw ahua kowi praiah kowh akengmi tute cham pün khai hanow, nami dow ahua lukkowi changiang mih chekhai.NGEUUÜA LAWNGUAN KOWI TÜNGSANGRA ¹³Now, aia na towpah kown kowh aia tute ngeuüa sowmlowm chamiuüa kowi uang paw lah büah khai, tarachedow atapeuüa dow hawt nagah khai. ¹⁴Nachengachepaw Isu dow khi hanow mapaw sak i dowi chekhai, atapeuüa kowi dow, ”Ngeuuüa mih ang tute uang pe uang a hang kow hang büah diah,Thurai pren dow maün mih uüi na chekhai.”¹⁵Lainowmma ang na tek enni kown, Thurai pren dow ngeuuüa iawng howr dowi mih sarui, miaiawng mipaw Thurai pren kowi ia kup dowi tham. ¹⁶Amatni kowi dow paiah khai, amatni lukowi tang pe rut hanow peah prasi khai bowt.KURENG MAMI LAWNGUAN ¹⁷Now aia dow kut plan lawt hanow tiama iawng mang khai, nami khin khe maru lowkia uang iowm khai hanow aia pur kowi uang tatüng khai, ”tüngsang mih achowngma singra nowngia ka lah kown mih matawng chow ang na chang kown? pa dow uang lün taah khai. ¹⁸Isu dow aia kowi, ”Matawng plawng kowh chow en iung padow tek ang khai chow? Thurai klen kowi miaiawng mipaw iung mih uowi dowi”. pape khai. ¹⁹Alow pekün en tuk na dow bow,b”Hang paw maru sak, hang changiang, hang ku, dailai hai hang chawktawk maru, hang puan, en u hai en pa kowi ringkawah reng diah”.²⁰Aia dow, ”tüngsang mih naün mih dow ang sowmlowmchah hownia kowh ang chün reng mih chekhai” pakhai. ²¹Isu dow aia kowi achangma hai müah hanow tekpe khai, en changah dowi mih uowi pachap tak, en kow dawngthawng uan kowh sumah hanow, ngarai miuüa kowi peah diah; nahanow, mukuang pren kowi en na ka dawngthawng uan kown chekhai, khanow ang kung uang tawi krawi diah pakhai. ²²Nami laiklow rakowi dow kaneuma aia tamawn la se mang khai, tawng plawng kowh chow panow aia kow dow tangka pawisa ahuma uowi khai rakowi chekhai.²³Hanow Isu dow aia ria ret kowi krawi mü hanow, atapeuüa tute dow, ” kureng miuüa tute Thurai pren na kup kown mih kaneuma krat khai” pakhai. ²⁴Now tapeuüa dow aia laiklow ta hanow lainowmma awda büah khai; nachepaw Isu amatni kowi dow klangah khai iawk, “CHauuüa low, dawngthawng uan ahuma mih dow Thurai pren kowi na kup kown mih kaneuma krat khai”. ²⁵Thurai pren kowi kurengmiuüa na kup kown mih lake dow kap kua kowi ut na ia kup kown mih lang ia rowt kown chekhai.²⁶Nowm nowm awda büah khai,” naiawng chekhai hanow mia chow lawngra kowi na nowngia kala kown?” pa büah khai. ²⁷Isu amatni pra kowi müah hanow,Thurai chataih dowi hanow; maru na changah kown mih ia dowi chekhai nowm, natarapche dow Thurai changah kown mih lowra nowngia chang mih chekhai. ²⁸Peter dow aia tute, ”Sün ta,anging lowra towta hanow en kung anging tawi” pa hai tekpe khai.²⁹. Isu dow hai klangah khai, ”Lainowmma ang na tek enni, lowra maru ang matia rakowi hai satangiung rakowi kim-iüa,tanauuüa, u-pa, chauuüa ün, krawng-bawn ün ta tow ta mih dow lusa kowi uowi khin khe kawm mowr naka ngengche kown chekhai.” ³⁰. Aia kow kim, taima, nauma ün, u chepaw, chauuüa ün hai krawngbawn ün bowk na plan ka kown now, achowng mami singra na kakown chekhai. ³¹. Nachenganchepaw maru kawmma mih rik uowi amüng achük miuüa dow akung mowichah kowi na own kown now, akung mowichah kowi uowi mih dow amüng achük kowi na uowi kown chekhai. Isu mih dow sum kat aia kowng lawnguan kowi tek khai.ISU DOW AIA NA KOWNG KOWN MIH KUT PLAN TEK IAWK ³²Now Jerusalem na awr pün kown kowh tiama kowi dow mang büah khai, Isu dow rik mang khai, amatni dow kaneuma awda büah khai; aia kung tawi miuüa paw kram büah khai. Isu dow lai preia uüa kowi aia lukkowi lup na uangting mih maiow dow tek pe khai. ³³Sün ta büah Jerusalem kowi a-i na kakowi kown, Maru Chapa mih uamakriuüa hai Ari arow tüngsang miuüa tute na apta kown chekhai, amatn dow kowng mowr pat aia kowi napeah angak kown, now Jentaileuüa tute naap ta kown chekhai. ³⁴“Amatni dow na renah kown, lumowr kowi na thawkpe kria kown, na tepah büah hanow na paw pe asak kown; chepaw sum ni kung kowi na awr kut rü iawk kown” pakhai.THURAI PREN KOWI MIA CHOW LANGKRI MIH ³⁵Jebedai chapa preia Jakop hai Johan iüah dow aia tute uang hanow, ”Tüngsangmi anging nau iawng en tute na lü kown mih sarui mih en na chang anging kown anging nau khai” pa büah khai. ³⁶“Enni nau iawng? matawng chow ang chang enni kown?” ³⁷Amatni dow, ”En kraingra kowi dow en hawmlawm pra kowi lowkia lakuai pra kowi lowkia chowm anging diah” pa klangah khai.³⁸Isu dow amatchi tut e tawng chow uang lü mih enchi tuk dowi chekhai. Ang nakhamah kown mih Bia hown enni paw tawi nowng kham kown bow? now Baptisma ang chang kown mih enchi na tawi nowngia chang kown bow? pakhai. ³⁹Amatchih tek mih dow, ”Ang na kham kown mih bia hown enchi na tawi nowng kham kown taih hanow Baptisma chang kown paw natawi nowng chang kown”. ⁴⁰Nachenganchepaw mia iawng mih kowi chow ang hawmlawm pra kowi chepaw lakuai pra chepaw na chowm enchih kown mih dow ang alow iape dowi chekhai, pakhai.⁴¹Akeng mi tapeuüa hamütia mih dow nami ta büah hanow Jakop hai Johan iüa luk kowi sak i dowi chekhai. ⁴²Isu dow amatnni kowi hawah khai hanow Jentailuüa lukkowi na chet tara kown mih khowmah büah khai, amatni lukkowi kaneuma kri büah khai, amatni kow maru iukuüa ün paw amatni lukkowi kaneuma alow khawt reng pa mih enni tuk.⁴³Nachenganchepaw enni pungma dawng kowi dow naiawng chang dowi tham chekhai, lowra maru enni dawng kowi langkri mih nachowng kown nau mih dow enni chintakmi kowi na uowi büah kown chekhai. ⁴⁴Now lowra maru enni pungma dawng kowi langkri mih na chowng kown nau mih dow, maru maiow nar kowi na uowi bowk kown chekhai. ⁴⁵Maru Chapa mih na uang ming khet kownkow uang mih chekhai, nachepaw maru kawmma klanmüa na chowng kownkow aia sak na uang pe kowkow uang mih chekhai, pakhai.JERUSALEM KOWI ISU TÜNGSANG MIH BARTIMAI KOWI PEKHIAH MIH ⁴⁶Now Jeriko kua kowi uangting büah khai, Isu mih aia tapeuüa hai maru kawm kraingma hailawm Jeriko hownia dow lawt khai, Timai chapa Bartimai dow lu lükra tiama kowi hawt chowm khai. ⁴⁷Nazaret Isu chekhai pa mih tuk hanow, ”Isu David chapa, sana anging diah” pa dow akürma pla khai. ⁴⁸Maru kawmma dow nagah khai, rarim raramma na uowi kownkow tekpe chepaw, lang tün rowt chekhai; David chapa, sana ang diah, pa dow haw ngamlam khai.⁴⁹Isu dow iowng hanow tekpe khai, mikdu mih kowi dow hawah khai,” Sak kraing mahai uowi hanow, awr rü diah; Isu haw en” pakhai. ⁵⁰Aia dow uan ün ta kuak la hanow, lo se awr rü khai hanow Isu tute kowi khai.⁵¹Isu dow hawt klangah khai, ”Matawng chow en nau? en uüi tawng chow ang na chang kown? “Mikdu mih tekmi aw tüngsangmi ang khi kown nau” pakhai. ⁵²Hanow Isu dow mang taih bowt diah, en owmra en iun mih chekhai. Uang hing nowngia khi khai bowt, tiama rawng kowi dow tawi hing tawi khai bowt chekhai.

JERUSALEM KOWI KUP MIH ¹Now Jerusalem uang ta tawn büah khai, Olive hung kowikow Bowifogi kua hai Bethani kua na ting büah kown khe dow atapeuüa pungma dawng kowikow preia mih chinah khai. ²Amatni kowi dow, ”Enni pur dawng kowikow kua kowi kowkowi hanow; kua kowi kup hai krowksang miapaw chowmah dowi tak mih kawrnga ramchük chah khuowkah mih enchih na khi kown taih, lat lah hanow uang hai paw lah" pa dow tekpe khai. ³“Mia chünchü matawng plawng kachow naiawng chang kown pa enchih hanow? nami dow CHAKRAMANG lake khai; kawrnga ramchük kowi dow na uang plan towah iawk kown, ”pa iüah khai,pakhai⁴Hanow amatchih dow kowh kowi khai bowt, lowkmi kawrnga ramchük cha kim plawt hai atawn chow prang kowi khuowk ta hüa mi dow, kow khi iüah hanow; lat lah iüah khai. ⁵Na kowi iowngmi alak kowi miaiawng mih chünchü dow hawt khiah khai, “Matawng rakowi chow kawrnga ramchük chah kowi enchih lat khai? Pa khai. ⁶Atapeuüa kowi Isu krawi tek pe powmiawng dow katek pe khai now amatni kowi dow pemang ta khai bowt.⁷Now atapeuüa dow kawrnga ramchük chah kowi Isu tute uang pawla iüah khai, kawrnga ramchükchah lukkowi dow amatni kowh uan bepe büah hanow, nami lukkowi dow Isu kowi pa chowmah khai bowt chekhai. ⁸Hanow Maru kawmmauüa dow tiama sak kowi amatni uan ün, tawngmi chabak dow amtni kowh krum hownia kow singmia ün tu ah büah hanow; beah büah khai. ⁹Aia pur kowi rik mang miuüa hai aia kung kowi uang tawi miuüa dow, ”Hossana! CHAKRAMANG ming kowikow uang mih dow akiow pa cham uowi lah, ¹⁰Pren na uangting kown mih, a-i pa David pren dow, rowsi kowi pa cham uowi lah, langkro mih kowi dow Hossana”pa dow haw büah khai.¹¹Now Jerusalem tempawl kakowi khai, aria ret kowi krawi mü bowk kung kowi dow sat paw kowi pra chekhai; lai preiauüa hai lawm Bethani pra kowi uang büah khai. THURAI CHUPKIM KOWI ISU KOW KUP MIH ¹²Nami ni kung kowi Bethani hownia uang büah hanow Isu dow hawm sakkrai khai bowt.¹³Alakma kowi uidut sing aram chak mami hai khi khai, kamü sing kownkow kakowi khaii; kowh ting khe dow aram klen kowi matawngpaw uowi dowi, tawng plawng panow iuih dut iuih khin nadowi chekhai. ¹⁴Hanow Isu dow sing pra tau now, ”Kawmat hownia en iuih amaiawng mih paw chah dowi bowt tham. ”pakhai. Aia tapeuüa paw nami laiklow dow ta büah khai.¹⁵Now Jerusalem kowi dow uang büah khai, Isu Thurai chupkim kowi dow kup khai; tempul kowikow summiuüa hai ranmiuüa kowi dow lawt ta bowk khai, tangka phiakmiuüa salawn kowi ün towah hanow uatur summiuüa chowmra ün paw planta bowk chekhai. ¹⁶Tempul kowi dow paw lah uan ün kown miaiawng mih kowi paw pe kowi dowi chekhai.¹⁷Now Amatni tute dow, ”Ang kim dow chaptowng uüi Thurai chupra kim na pape kown” pah ruiah mih na dow bow, tarapchedow enning mih ”Kukra kim chang lami chekhai” pa dow atapeuüa kowi tüngsangah khai. ¹⁸Hanow Uama krimiuüa hai Ari-arow tüngsang mmiuüa laiklow ta büah khai, aia mat kowi dow na pawpe asak kown mih kamrüt büah khai bowt; aia tüngsang mih dow maru kawmuüa dow kaneuma awda khai rakowi aia mat kowi dow lainowmma kramah büah chekhai. ¹⁹Sat kowi pra kowi dow marow hownia lawt khai bowt chekhai.IUIH DUT SING KOWNGMI ²⁰Now rau e kowi mang iawlaw khai, iuih dut sing mih aprün hailawm kowng khowk pami khi büah khai. ²¹Now Peter dow plan kut ka tuak khai, tüngsangmi ,”mü diah, iuih dut sing kowi en peah piati mih uang kowng khai bowt” pakhai.²²Isu dow klangah khai, Thurai kowi owm büah diah. ²³Lainowmma ang tek enni, lowra maru mami hung kowi mih, cham süt chamta sowi hanow satatui kowi dow khai e dow aia saktuak owmah dowi powm iawng uowi uowi dowi owm khai nowm hanow nami iawng dow na own kown chekhai.²⁴Naiawng rakowi ang na tek enni, enni chup Thurai mih hai lü mih sarui dow owmra hai enni ka khowk mi enni uüi na chang kown chekhai. ²⁵- ²⁶Hanow chup Thurai kownkow enni iowng mih khin khe paw akengmi maru lukkowi matawng laiklow paw uowi dowi now aia kowi dow lawtah diah; pa, mukuang kowi uowi mih na nowngia lawt kown pa khai.ISU ALOW KA MIH LAWNGUAN KOWI TÜNGSANGRA ²⁷Now Jerusalem kowi dow uang plan ting khai iawk; Isu dow tempul kowi cham krawi len klawm klam khin khe uamakriuüa ün, Ari arow tüngsang miuüa ün hai lawngtang chah hawmuüa aia tute uang büah khai. ²⁸“Matawng iawng mih lowk hown chow ma ün mih lup en chang? mia chow naiawng ün na chang kown mih pe en alow? pa dow lün taah khai.²⁹Isu dow uang klangah khai, ”lai pa nawr ang na lün ta enni kown, klang ang büah diah amia iawng mih low hown chow ma ün mih lup ang chang mih ang tek enni kown” pakhai. ³⁰“Nahanow Johan Baptisma mih mukuang hownia kowh bow, maru hownia kow bow? sam tek ang madiah” pakhai.³¹Amatni hownia tatowng tapawng büah khai, ”Mukuang uowi mih alow a-i pah hanow, matawng plawng kowh chow aia laiklow enni owmah dowi? ”pa dow na tek enni kown chekhai. ³²Maru tute pah a-i plan tek edow? maru maiow mih dow Johan kowi risi na ngengche mih katuak büah khai rakowi maru kawmma kowi ün paw kramah khai. ³³Hanow Isu kowi dow klangah khai, ”Anging tuk dowi” pa büah khai, Isu paw, ”Mia alow hown chow na ün mih alup ang chang mih ang nowng tek dowi tham” pakhai.

KIMKOWI UOWI MIH HAI CHANG LUP MIH LAIUAT ¹Laiuat hai amatni tut tek laiklow khai bowt. “Miaiawng mih chünchü grep krum thawp khai hanow rumah khai, grep iuih petmüa kuam thai khai, achawng rah akroma chang pe kim lowk khai; akeng pren kowi aia dow chang lup miuüa tut tatowh lah now cham kowi khai. ²Amin khin uangting khai bowt hanow aia nar kakowi mih aphow na kow paw kown krum khet miuüa tute aia kow nar lowkia mih kowi uang chinah khai; ³Now, amatni dow hawt khümah büah khai, tepah büah hanow, rut akhaw mahai pa mangah khai.⁴Akengmi nar amatni tut-e kow kut plan chin pe khai iawk aia kowi paw lu pik tatat pat hawt tepah khai hanow peah rukrai khai. ⁵Now, akemg mih nar kowi plan kut chin pe iawk khai, nami kowi ngam dow hawt paw pe asak khai. Akeng mih nar ün kowi paw kow chin pe ngalam khai, tawng mih chabak dow tepah büah khai; tawng mih chabak kowi dow paw tape asak khai.⁶Hanow nachinah kown mih aia langsakrauah mih chapa chataih dowi hanow amia iawng mih paw uowi dowi bowt chekhai, aia langsakrauah mih chapa kowi dow naruüa tute achur amowi kowi pe kowiah khai, ‘Ang chapa mih kowi dow na hawt ring kawah bowt kown’ pa dow ka tuak büah khai. ⁷Nachenganchepaw krum ming khet miuüa dow, “Nami na powng dawngthawng uan kown mih dow na khai, uang a-i kowng ta kown, aia na powngah kown dawngthawnguanmih a-i uüi na chowng kown taih” pa büah khai.⁸Hanow nami kachakuüa kowi dow khümah büah hanow, paw pe asak büah khai; grep krum hownia uatpra kowi cham kuak ta büah khai. ⁹Nami kung kowi dow, ”Krumia dow matawngiawng chow na uang changah bowt kow? aia uang hanow krum ming khet miuüa kowi na uang mata bowk hanow, krum dow akeng mih maru kowi na peah kown.¹⁰Mami Thurai chah laiklow mih enni phat dowi bow? “laksamauüa nuatami hua che asung lang uowi khai, ¹¹“Nami dow CHAKRAMANG Thurai chang mih chekhai, anging khi hanow lainowmma awda khai” ¹²Now nami laiuat laiklow dow amatni mih Isu kowi na khümah kown mih Isu dow lai uat hai tekpe khai, natarapchedow maru kawmmauüa kowi plan kram büah khai; aia kowi ta towlah hanow amatni dow cham powt büah bowk chekhai.AHAWI MIUÜA LUKKOWI TÜNGSANGRA LAWNGUAN ¹³Hanow Aia tek laiklow mih kowi lai na tawi chünchü pa kowh aia tute Pharisaiuüa hai Herod kowi Isu tute chinah khai. ¹⁴Aia tute uang büah hanow, “Tüngsangmi, maru nowm ma en na khai, Thurai tiama ching en tüngsang khai; amiaiawng mih kowi kram dowi hai, nachepaw maru matawng chow tek en mih laiklow hown dow hangka chetah diah. NowThurai laiklow ching en tüng en sang reng; Sizar kowi napeah amu kownmi taka tak bow? ”pa büah khai. ¹⁵“Anging na pe en kown bow pe dowi tham bow? pa büah khai. Amatni puan mih krang dow Isu hawt tukta pe bowk khai, Matawng plawng kowh chow enni chaing ang khai? uang paw lah ang nguikhawi iun madiah ang hawt sam mü matak” pape khai.¹⁶Amatni dow uang paw lah pe büah khai; amatni tute Isu dow, “Mami mia ming hai mia rup chow uowi mih? ”pakhai, Amatni dow, “Sizar” pa büah khai. ¹⁷Now Isu dow, ”Sizar kow uan dow Sizar kowi peah büah diah hanow, Thurai uan dow, Thurai kowi peah diah” pa dow klangah khai. nami laiklow dow ta büah hanow lainowmma awda büah khai.KUT PLAN RÜ IAWK KOWN MIH LAWNGUAN ¹⁸Hanow Sadukia hawmuüa Isu tute uang now, “Kowngra hown dow maru kat paw awr kut plan rü iawk dowi bowt tham” pa dow lüntaah khai. ¹⁹“Tüngsangmi, Mosi dow lowra maru chepaw kala chah dowi matchang amasi mih kowi ta kowng khai edow, aia masi dow aia tainau hai tachawng hanow aia tainauuüi na towpe aliukown chekhai” pa dow uang rui anging khai.²⁰Na chow, tainau uüa low, kachakuüa ranitia uowi büah khai; lang tamih paw masi khai, kala chah dowi kow kowng khai. ²¹Nami hai taken mih dow chang lah masi khai, tow la aliu dowi matchang plan kowng khai iawk; sumia mih paw naiawng chekhai iawk. ²²Now nami tainau ranitia dow chang la masi bowk büah khai, chepaw mia iawng mih paw tow la aliu dowi; achur kowi khe nami masiuüa paw tawi kowng khai. ²³Nahanow na awr plan kut rü iawk khe ranitiah kowi dow miaiawng mih masi chow na own kown? “Amatni ranitiadow chang la masi bowk büah chekhai rakowi”pa dow lün taah khai.²⁴Isu dow amatni kowi klngah khai, “Cha Laiklow hai Thurai lowra nowngia changla mi enni tuk dowi rakowi chekhai na dowi pra kowi enni cham mang büah reng mih? ²⁵Na uang awr rü büah mih khin khe dow masi huaiu ta pün kown bow na ta lo kown bow, mukuang kowi kowh Kramamu büah iawng na own büah bowk kown chekhai rowt.²⁶Kowng miuüa na awr rü kown mih laiklow dow Mosi chabowih kowi, singplum kowi mai lün mih laiklow katpaw enni phat dowi bow? Thurai dow aia tute, “Ang mih Abraham Thurai, Isak Thurai, Jakop Thurai ang na khai” pa tek khai. ²⁷Aia dow makowng Thurai na dowi masing Thurai chekhai rowt; kaneuma enni tama ta khai bow” pakhai.ALOW PEK LANGKRI MIH ²⁸Ari-arow tüngsangmi, dawng kowi lowkia uang khai, amatni taiüa mih laiklow sün ta hanow, aklang iungma klangah khaipami tuk hanow aia tute , “Alow pek maiow kowi matawng mih chow langkri? pa dow hai tawi lün taah khai. ²⁹Isu dow klangah khai, “aw Israel, sün ta, CHAKRAMANG a-i Thurai chataih mih dow CHAKRAMANG dow nami chekhai. ³⁰Now CHKRAMANG en Thurai dow saktuak maiow hai, en singra maiow hai na sakrauah kown chekhai, pami lang pankri khai. ³¹Pre kowi dow, “En matia en ta sakrau iawng en klowk chakuüa kowi paw sakrau diah”pa mih chekhai. Mami prebuk alow pek lake kow lang pankri rowt mih dow ma paw uowi dowi chekhai” pakhai.³²Now Ari arow tüngsangmi paw, “Na nowm khai tüngsangmi, aiamat chataih klen kowi dow akengmi miapaw uowi büah dowi. ³³Aiamat chataih saktuak maiow hai prengia maiow hai en kür-ra maiow hai sakraura now, klowk chakuüa kowi matia sakrau mih iawng ün pabukma tape mih hai rowsira maiow lake lang iungnowm mih chekhai pami kaneuma en tek mih na khai. ³⁴Hanow prengia chakma m-iiawng klangah chekhai pah Isu dow tuk hanow, Thurai pren hai en tawn chataih bowt pakhai.Nami hownia bowt now lowra laiklow mia paw uam lün taah büah dowi bowt chekhai.ISU DOW AMIAIAWNG MIH CHAPA CHOW? ³⁵Isu dow Thurai chup kim kowi tüngsang lah mi khin khe klangah büah mih dow, ”Ari arow tüngsang miuüa mih matawng iawng chow Krista dow David chapa na khai? ³⁶Aiamat David chapa ngengche mih lümla sai kowi tekmi, “CHAKRAMANG dow ang CHALRAMANG tute, Ang hawmlawm pra kowi uang chowm diah, en ransuuüa mih khawkpha krüa kowi ang towah khai” ³⁷Aiamat David ngengche dow aia kowi dow CHAKRAMANG pakhai, hanow matawng iawng chow aia chapa na own kown mih krang? pakhai; Maru kawm dow aia laiklow asowrma sünta khai.TANÜRA HAI ARI-AROW TÜNGSANG MIUÜA LAWNGUAN ³⁸Isu aia mat tünsangra hownia dow amatni kowi tekpe mih ari-arow tüngsangmi hownia kaneu büah, amatni tarap chedow athawng mami tawnguat khupah hanow cham krawi len büah reng chekhai. ³⁹Takuara kim kowi chowmra lang iungmi kowi hai pawi changra kowi chowmra langiungmi nau büah khai, now chi ün kowi paw tachup büah khai. ⁴⁰Ma ün miuüa mih, mamaima kim bowk bowk mih khün tape büah khai; hanow maru na khiah krowngchah akrama chup Thurai khai reng miuüa mih ngare towra kowi na kham ngare nowm nowm kown chekhai.MAMAIMA UAN PEK ⁴¹Now akawk pekra tatawng mih rah e dow aia chowm khai, maru kawm miuüa dow akawk pekra kowi phang tangka thüm hawt khiah khai; maru kureng miuüa dow ahuma uang phang büah khai. ⁴²Now mamaima ngarai chah mih lowkia uang tawi khai, kri pawisa pre iun chow uang tawi phang khai; nami dow pa iun ingsap chow chekhai.⁴³Isu dow atapeuüa kowi hawah now, amatni tute, Lainowmma ang na tek enni akengmi maru maiow lake mamaima ngaraima mih akawk pekra kowi lang pe hu rowt chekhai padow tekpe khai. ⁴⁴Nachenganchepaw akeng miuüa dow amatni ka klen kowikow maratmi uang phang büah mih chekhai, aia mih dow ka dowi mih luk hownia aia ka mowrchah mih maiow, aia sakrui tawmmüa na chang kownkow aia ka mowrchah mih uang phang mih chekhai, pape khai.

JERUSALEM NA PIAK KOWN MIH HAI ISU KUT PLAN UANG IAWK KOWN MIH ¹Thurai chup kim hown lawt büah khe atapeuüa dawng kowi lowkia mih dow, “Tüngsangmi mü ma diah, hua ün, kim ün lainowmma klangiung khai! ²Now Isu dow, “Ma ün mih kim aiuk mami en khi bow? Huaklu lowk lukkowi lowk tatan dowi bowt tham, na piak bowk kown chekhai, pakhai.³Isu mih Thurai chup kim pur kowi Olive hung kowi chowm büah khe Peter, Jokop, Johan, Andrew uüa dow lang lün taah khai. ⁴Na ün mi dow tawng nam khe chow na uang uowi kown? Na ün maiow na uang ting mih khin khe amatmüa khi hanow na ün mih uan uangtowm khai bowt chaw? pa dow tek ainging diah pakhai.⁵Hanow Isu dow amatni kowi klangah khai, “Kaneu büah, mia iawng mipaw na nowng puan enni dowi kownkow pe ching büah diah. ” ⁶Ang ming na uang kham kown, “Ang Krista chabowt pahai maru kawm kowi dow na uang puan kown” pa dow tek pe khai.⁷Hanow tasen satang ün enni ta mih khin khe paw hang kow takrow büah diah; na ün mih dow na uang ting ngengche kown chekhai, tarapchedow akhin chur na dowi tak tham. ⁸Now Chen lang hai chap lang na tasen hanow, chowlowkkow pren mang na tasen kown. Parah parah kowi lihowng na uang hanow khown na kuak kown chekhai; na ün mih kawm krat dow uanguown khowk pami chekhai.⁹“Enni dow kawmat kamrüt hown uowi büah. Takuara kowi hai tara chet miuüa tute na ap enni kown, na tep enni kown;Ang matia rakowi aluchauüa hai manguüa pur kowi,ang laiklow na tuk lah büah kownkow na pa iowng enni kown.” ¹⁰Satang Iung mih chap maiow tute na rik tek kown chekhai.¹¹Now nakhüm enni kown, enni lawnguan kowi-e tara chetrah kowi na ap enni kown; enni na tek kown mih hang kowh rik tuak büah, nami khin khe uanting mih sarui dow enni na tek kown taih, natek miia dow enni matia na dowi tham, Lümla chekhai. ¹²Hanow tainau lala hai u-pa kowi kowngra kowi na apah kown; now chapa mih amtni u hai pa kingküa kown hanow sak paw na paw tape kown chekhai. ¹³Ang matia rakowi maru ahuma na sui en kown; nachenganchepaw achur kowi patamtiaiawng mih chow nowngia uowi mih nanü miuüa ngengche dow lawngra na ka kown chekhai.¹⁴Now “Suiiai kaniai mami uan dow na chur tabowk hanow iowng mira kowi iowng mih enni khi khe tarapche dow na phat kown mi akrang pacham tuk lah, Judai pren kowi uowi miuüa dow hung kowi pa cham powt lah; ¹⁵Now kim lukkowi uowi mih dow kim lak kowi na uang iu paw uan kown kow adak kowi hang pa iu dowm lah. ¹⁶Hanow iüa kowi chat miuüa khup dliptawngklai pawla now kung pra hang pa uang plan lah.¹⁷Nami khin khe amuma mih hai chasowm uowi miuüa, na ün mih masiuüa dow uowi krang lainowmma na kawm kown chekhai. ¹⁸Chungrau khe na uangting dowi kownkow chup Thurai büah diah. ¹⁹Nachenganche paw nami khin khe dow ngare na uang ting kown.Thurai mih uown thawp krawng bawn hown kowh kawmat mowr e naiawng mih ngare kat paw uowi dowi tak chekhai, tawng nam khe paw kat paw hing phaw dowi tham. ²⁰CHAKRAMANG dow na ün mih nih dow uang iu tow dowi e dow miaiawng mih paw na sing kown mih uowi dowi tham chekhai; nachepaw Thurai aia kloah mih maru rakowi dow Thurai mih ni na uang e tape bowt kown.²¹Nami khin khe dow lowra maru paw enni tute , “Mü ma diah, Krista dow ma kowi, mü ma diah, pai re pai, tek chepaw hang kow owm büah diah. ²²Krista hai Risi uüa na uang büah kown chekhai rakowi, Thurai klo ta khowk miuüa kowi paw na puanah kownkow amatmüa hai awdara lup ün na chang büah kown chekhai. ²³Nachengachepaw enni mih kamrüt mahai uowi büah diah, lowra sia mih ang rik tek enni khowk chaw, pakhai.²⁴“Na ün mih ngare rawn khin khe dow sat na iu hanow, lama paw hing nowi dowi tham chekhai”. pakhai. ²⁵Hanow Mukuang kowikow krek dow nadow bowk kown chekhai now, lama ün, sat ün, krek ün hai mukuang kowikow kür uowi mih maten na chü bowk kown chekhai. ²⁶Nami khin khe dow Maru Chapa mih lowra nowngia changlami kraingra hai lawm mih mai dawng kowi na uang mih khi büah kown. ²⁷Nahanow kramamuuüa kowi na chinah hanow, Thurai lang kloah miuüa kowi dow pren tali ting nui hown kowh krawngbawn achur mih hownia mukuang chur mowr maru kawm kowi na kua na lawmah kown chekhai.²⁸“Hanow, iuih dut singh uowi krang iawng sang büah diah; aram uang thawn mih khin now satma khin uangting khai bowt pami enni tuk chekhai” pa büah khai. ²⁹Naiawng plawng dow, enni paw na iawng ün maiow na uangting kown mih dow enni khin khe aia dow kim plawt kowi uang ting khowk.³⁰Lainowmma ang na tek enni, na ün mih maiow uangting dowi tak mowr dow kawmat kow maru uüa tama dowi tak tham. ³¹Krawng hai mukuang na tama kown chekhai, nachenganchepaw ang laiklow dow achowngma na uowi kown chekhai. AKHINHAI TUKAH DOWI MIH NIH ³²Nachenganchepaw, nami khin hai nami ni khe kowh laiklow amiaiawng mih paw tuk dowi; mukuang kowi kow Kramamuuüa paw tuk dowi, chapa paw tuk dowi, pa chataih tuk chekhai.³³Kamrütia ma how uowi büah diah, pe ching büah reng diah hanow chup Thurai büah diah; nami khin dow matawng khe chow uang towm kown mih tukah dowi tham chekhai. ³⁴Now, Lowkia mih pamatia kim towlah now cham kowi khari khe aia naruüa tute amatni lup chang kown mih alow peah khai; kim plawt kang chawng mih kowi paw kamrüt ia ma na uowi la kown kow tekpe khai, naiawng hai nami ni dow na uang ting kown chekhai.³⁵Hanow naiawng rakowi, kamrüt mahown uowi büah diah, kimia mih dow iakpra chünchü, ni-e chünchü, ua ka khe chün chü, rau pra chün chü, nami dow hing tukah dowi chekhai. ³⁶Amai sang uang mang khai hanow mui thüm khe na uang khi enni tarawng. ³⁷Hanow enni tut-e ang tek mih maru maiow uüi ang tek mih chekhai, kamrütia uowi büah diah pakhai.

ISU NGERA MIH HAI KOWNG MIH ¹Now pre ni kung kowi Takat pawi hai The pe tua dowi mih kawm pawi na uowi kown chekhai; uamakriuüa hai Ari arow tüngsang miuüa dow Isu kowi dow maru tuk dowi iawng hai na paw pe sak kown mih tiama kamrüt büah khai. ²Nachepaw chang pawi thüm mih ni kowi dow hang kow pa na lah, maru kawmma pungma dawng kowi pusara na uang paw ün tarawng, pa büah khai.ISU PHAWKPE SAUMI ³Bethani kim kowi Isu uowi mih khin khe huabia hown asung uowi mami sau uang pawla pekhai now, cha kown mih chowm khowk khe nami hua bia dowteuah hanow aia lu kowi klai pe khai. ⁴Nami re kow uowi mih uüa dow sakhia lai kow tatek büah mih tawng plawng ka chow naiawng mih sau tuk iawm tow khai dow? ⁵Now nami sau sum e dow nguikhawi sumkowm lake nowngia kakown chekhai hanow ngarai mami uüa kowi paw nowngia pene diah. naiawng tek hai nami masiuüa kowi dow nangah khai.⁶Hanow Isu dow, “Rarim mow uowi büah, Matawng plawng kowchow nami masiuüa kowi dow enni pusaah khai? Ang uüi kowi aia dow lup iungma changmi chekhai, pa dow tekpe khai. ⁷Nachepaw enni pungma dawng kowi ngarai miuüa dow lowra mih khin khe paw uowi büah khai; nau mih khin khe amatni kowi dow nowngia khowng kown chekhai; natarapchedow enni pungma dawng kowi ang na uowi reng kown na dowi chekhai. ⁸Aia nowng chang mowr mih dow chang khai bowt tak, ang kow na dup kown mih kamrüt dowi rawn khe Ang kowh kowi uang rik phawk ang sau mih chekhai chaw. ⁹Lainowmma ang na tek enni, “Palusama kowi Satang iung mih cham tek büah mih sarui kowi, nami lup chang mih paw aiamat kowi na tukla reng kown tek büah mih chekhai” pakhai.¹⁰Now, lai preia pungma dawng kowi kow maru lowkia, Juda Iskariot mih Isu kowi na khümah kownkow tuak khai hanow uamakriuüa tute kowkowi khai. ¹¹Nami laiklow dow hawt ta büah hanow kaneuma awmrawm büah khai, pawisa na peah kownmi khamah büah khai bowt, now Isu kowi na khümah kownmih krang cham büah khai.TAKAT PAWI CHANG KRANG ¹²Hanow thepe tuah dowi mih kawm nih müng ni chük, Takat pawi kowi rua pur chah ngen büah reng khai, atapeuüa, “Matawng ra e chow takat pawi kowi hawm chah kown mih en uüi na kamrüt kown chow? en nau rakowi bow?” pa büah khai. ¹³Now, tapeuüa pungma dawng kowi kow preia kowi chinah khai, “Marow kowi kowkowi iüa hanow, maru lowkia bawn puh hai cham towngtui mih na khi kown; enchi mih dow aia kung na tawi kown pakhai.” ¹⁴Aia kupmi kimia kowi tute dow, ”Tüngsang mih dow, ang tapeuüa hailawm takat pawi hawm anging na chah kown mih matawng ra e chow? pakhai, pa dow kow tekpe iüah khai.¹⁵“Aiamat ngengche dow aluk krowng kowi aiukma mih kim na tüng enni kown, na kowi a-i uüi kamrüt büah diah” pakhai. ¹⁶Hanow atapeuüa dow marow kowi kowkowi büah khai, now tek iawng hai khi büah khai; takat pawi hawm dow kamrüt büah khai.¹⁷Sat kowi pra kowi lai preia hailawm Isu dow kowkowi büah khai. ¹⁸Amatni dow chowm büah hanow chah büah khai, nami khin khe Isu mih, “Lainowmma ang na tek enni, enni pungma dawng kowi kow lowkia,tawi ta iua cha hawmmi ngengche na pa khüm ang kown chekhai” pakhai. ¹⁹Now, aia tapeuüa dow kaneuma tuakkrat büah khai lawngtowng büarüa aia tute,”Ang nami maru bow?” pa dow lütah büah khai.²⁰Isu dow, “lai preia dawng kowi kow lowkia, nami dow kawmat ang hown katsang tawi ta iua chah hawm khai” pa dow tekpe khai. ²¹“Nachenganchepaw Maru Chapa na kowng kown mih arui rik uowi khai bowt ,nami iawng na kowng kown mih, Maru Chapa kowi na pa khümah kown miia dow uang tawi phuaru dowi panü aia uüi na lang iung rowt kown chadiah” pkhai.²²Na iawng cha büah khe Isu dow kawm paw hanow, awmrawm laiklow tek khai now sekah khai, amatni kowi peah khai, “Paw büah diah, mami ang nga chekhai” pakhai. ²³Bia paw dowk hanow awmrawm laiklow kitek kung kowi amtni kowi peah khai, bia kowikow mih dow amatni bowk bowk kham büah khai. ²⁴Isu dow, “Nami dow ang Vi, sang bowk laitawmsar Vi, tawngmi chabak dow khükah khai now, nami maru hownia Thurai sang bowk laitawm sar nana kown chekhai. ²⁵Lainowmma ang na tek enni, Thurai pren kowi asar ang na kham kown mih krang uang ting dowi mowr dow, Grape iuih tui mih ang kut plan kham dowi bowt tham.²⁶Now Meng ki tek büah kung kowi dow Olive hung pra kowi lawt büah khai bowt. ISU KOWI PETER TA DA TAMI ²⁷Isu dow amatni tute, “Enni bowk bowk mih na cham powt ta ang bowk kown; rurpur thingmi kowi dow na tepah hanow, ruapur hawmuüa dow na cham ta uet kown, pa ruiah mih chekhai.²⁸Nachenganchepaw ang na awr rü mih kung kowi dow Galili pren kowi ang kow narik kowikown, pakhai. ²⁹Tarapche dow Peter mih,”Amatni bowk bowk cham powt ta en bowk chepaw, ang dow mapaw powtta en dowi tham” pakhai³⁰Isu dow aia tute, “Lainowmma ang na tek en, aiak khe ua ka pre kat dowi rawn khe sum kat en na ta data ang kown” pakhai. ³¹Tarapchedow aia mih sakkrai mahai, “En kowngra kowi paw na tawi ia kowng kown, chepaw, mapaw ang na tada en kown na dowi tham pakhai. Akeng tapeuüa paw naiawng hai tawi tek büah bowk khai.GETHSEMANI KRUM KOWI ISU CHUP THURAI MIH ³²Hanow Gethsemani pape mih krum uowi lowk mih kakowi khai, atapeuüa tute, “Ang na kowh chup Thurai takra kowi mami rah e hawt chowm büah diah ba” pa khai. ³³Now Peter, Jakop, Johan kowi paw aia tute paw lah khai, kaneuma saktuak krat khai hanow kram paw kram khai. ³⁴Amatni tute, “Ang kowng khai iawng taih, enni mih ma re hawt uowi büah hanow, kamrütiama hawt uowi büah diah” pakhai.³⁵Now pur pra ditchah hai mang hanow krawng kowi lumowr ta tuk pat kow tabawkkrawm khai, mami khin khe dow aia kowi naia klen ta kown kowh chup Thurai khai. ³⁶“apa pa lowra en nowngia chang khai, mami tuak krat bia mih uang sütsowi ta ang diah; nachenganchepaw ang matia low hai na dowi en matia nau iawng hai pa cham na rowt lah” pakhai.³⁷Now Isu dow uang plan hanow, atapeuüa hawt müi mih khi büah khai, Aia dow Peter tute, “Simon, en müi khai bow? Pa nari chah khowm dow kamrütia en hing ia uowi dowi bow?” pakhai. ³⁸“Nachenganchepaw chaingra kowi enni na kla dowi kownkow taming takhet hai chup Thurai büah diah; lümla dow nau reng chekhai, natarapchedow kow dow kür uowi dowi chekhai.” ³⁹Aia dow kaplan kowi now, aia tek iawng plan chup Thurai khai.⁴⁰Now, Aia kut plan uang iawk hanow kow büah hawt müi mih uang plan ktu khi khai iawk, amatni müi rau lai rakowi tuk klowpah büah dowi chekhai. ⁴¹Aia uang kut plan uang sum kat khe dow, “Enni müi reng tak hai tanai reng tak kabow? Na iung bowt sow akhin dow uangting khai bowt tak, sünta büah diah, Maru Chapa mih maru ngakuüa rut kowi na ap ta kown chekhai chaw. ⁴²Sam rü büah ma diah, i mang bowt lah, sam mü büah madiah, na pa khüm ang kownmih paw uang ta tawn khai bowt chaw, pakhai.ISU KOWI KHÜMAH MIH ⁴³Naiawng aia tek lai thüm khe dow Juda, Hlai preiauüa pungma dawng kowi kowh lowkia mih uang hing ting khai bowt; amatni hai lawm uamakriuüa, Ari-arow tüngsang miuüa hai lawngtang chauuüa chinah mih maru akawmma saidawng hai müa chün hai amaisang uangting büah khai bowt. ⁴⁴Now, Isu kowi na khümah kown mih amat müa ün hawt rik tek tape büah rüm chekhai bowt, “Ang na namah kown mih dow aiamat na na kown, khümah büah hanow pawlah büah diah” pa dow tek khai. ⁴⁵Hanow uangting hai krowksang Aia tute uang khai, “Rabbi” pa dow uang nam pe awm khai. ⁴⁶Isu kowi dow khümah büah hanow tawmah büah khai.⁴⁷Nachenganchepaw amatni ria kowi kowh iowng mih dawng kowikow lowkia dow iu dowk saidawng hanow, Uama lang kri mih nar kowi dow tuah khai now papra mih praram dow thiata pe khai. ⁴⁸Na ün miuüa kowi dow Isu klowpah khai, amatni tute, “Tamta kowi na khüm kown powm iawng saidawng hai müa chün hai enni na khüm ang kown enni uang tarü mih chekhai bow. ⁴⁹Enni pungma dawng kowi Thurai tempul lak kowi nitowng maru kowi ang tüng ang sang reng khe, enni hing khüm ang dowi kabow, cha laiklow dow na uang ting kownkow chekhai. ⁵⁰Now tapeuüa dow aiamat kowi cham powt tape bowk khai bowt.⁵¹Hanow klanguüa lowkia uan nga ditcha chataih khupla now Isu kung kowi tawi krawi khai. ⁵²Nami klanguüa kowi khümla büah khai, uan mih dow kuak tape büah khai now tengiow teng klaima ia powt khai.AKRI MAMI PAWI PUR KOW ISU IOWNG MIH ⁵³Now Isu dow Uama langkrimi tute paw la büah khai; uama kriuüa, lawngtang uüa hai Ari arow tüngsangmiuüa dow uang takua büah khai. ⁵⁴Peter dow akung amowichah kowi dow Uama langkriumi kim viadawng mowr kowi pat uang tawi khai; chintak miuüa pungma dawng kowi maikhawm rah kowi tawi chowm khai.⁵⁵Uama langkri hai ari mami pawi pur kowi tawi uowi mih maiow dow Isu kowi na nowngia paw tape asak kown mih laiklow dow hing taka dowi rakowi chekhai. ⁵⁶Nachenganchepaw Maru akawmma laiklow hai uang chawk towk büah khai, amatni mih dow saksi pekmi ka büah dowi chekhai.⁵⁷Tawngmi chabak maru awr iowng büah khai, hanow tawi chawk towk büah khai. ⁵⁸amatni dow maiawng hai tek büah khai, aia tek mih anging takhow, mami kim aia matrut hown napiakta hanow sumni kowi na nowngia thawp takown pami. ⁵⁹Nami kowi paw saksi pekmi ka büah dowi chekhai.⁶⁰Uama langkrimi dow adawnglang kowi iowng khai, Isu kowi dow kow lüntaah khai, “Maün miuüa matawng chow tek mih en hing nowng ia klangah dowi chekhai bow?” pakhai. ⁶¹Tarapchedow aia rarimma uowi khai, matawng paw klangah dowi, Uama langkrimi dow aia tute, “akiow kaah mih Chapa Krista dow en na bow?” pa dow lüntaah khai. ⁶²Hanow Isu dow aia kowi klangah khai, “Ang na chow; Maru Chapa mih lowra nowngia changlami hawm lawm pra kowi chowm kown, mukuang mai hai lawm na uang iu dowm mih enni na khi kown chekhai,” pakhai.⁶³Now, Uama langkrimi dow aia khupdiptawngklai ün dow sekah khai, “akengmi tawi tu tawi ta kown mih matawng paw hau dowi bowt na dow bow?” ⁶⁴Hanow Thura kowi tek naklakmi krang dow enni tuk bowk khowk, matawng iawng chow enni katuak? pa khai. Now amatni bowk bowk Isu kowi dow asak pawk kla kown pahai tuak büah khai bowt chekhai. ⁶⁵Tawngmi chabak ngam pa dow aia mat kowi dow hing thawk pe kria khai, aia lumowr ün mumpe büah khai, thawngah büah khai, “Thurai laiklow hang tek tham bowt ba? pa büah khai. Kangchawng miuüa dow pawlah hanow phekah büah khai.”ISU KOWI PETER TADATA MIH ⁶⁶Peter dow adak kim pra viadawng kowi dow uowi khai, Uama langkrimi chintakmi pungma dawng kowi malauuüa lowkia uang khai; ⁶⁷Now, Peter dow khowm maih mih kowi dow uang khi khai, achang mahai müah khai, “En paw ma mih Nazaret maru Isu tute kow uowi mih en na chow” pakhai. ⁶⁸Tarapche dow Peter tek mih, “En tekmi laiklow uan dow ang tuk ta dowi chekhai” pa dow tada ta khai. uat pra kowkowi hanow ua paw ka khai.⁶⁹“Nachenganchepaw nar mih dow krawi müah khai, aia ria kowikow iowng miuüa tute amtni pungma dawng kowikow maru lowkia mih dowk tow” kut plan pakhai iawk. ⁷⁰Aia dow kut plan ta data ta khai iawk. Nami kung klowp chah Peter ria kowi kow iowng miuüa dow, “Amatni pungma dawng kowi en nami maru ngengche chekhai chaw en Galili maru chekhai ” pa büah khai.⁷¹Tarapchedow aia tape piati hanow, kham sawi khai, “Nami maru enni tek mih dow mapaw ang hing tuk dowi” pakhai. ⁷²Now ua dow prekat ka iawk khai; Isu dow aia tute, “Ua prekat ka dowi rawn khe en mih sum kat en na tada ta ang kown” pah tekpe mih laiklow Peter dow uang katuak khai bowt, nowng ta it dowi; kar khai bowt chekhai.

PREN KAWMMA PUR KOWI ISU KOWH TARA ¹Hanow uar thowi hai krowksang uamakri uüa dow lawngtang chauuüa ün, Ari arow tüngsang miuüa ün hai pawi kri pungma dawng kowi dow sangkrag tara büah khai, Isu kowi dow khuowkah büah khai hanow Pilat rut kowi apta büah khai. ²Now Pilat Isu kowi dow hawt lüntaah khai, “Judauüa mang en na bow?” pakhai. Isu dow klangah khai, “En tek mih nachow” pakhai. ³Uamakri miuüa dow hing chawktowk ta büah hüah chekhai.⁴Hanow Pilat dow kut plan lün taah khai iawk, “Na iawng khowt kow büah chawktowk en mih en ta dowi bow, matawng paw en hing klangah dowi kabow?” pakhai. ⁵Natarapchedow Isu mih matawng paw hing klangah dowi, Pilat dow kaneuma awda khai;⁶Now takat nih kowi klathawngmi lowkia mih maru kawm nauah rakowi lü büah mih sarui Pilat lawt pe reng khai. ⁷Kingküa mih pungma dawng kowikow lowkia, Barabba pa pe mih dow, cham king küa khe, tu maru mih, tawi khai rakowi thawngrum lak kowi klung ta katmi chekhai. ⁸Now, maru kawmma dow awr pün büah khai hanow, Pilat mih amatni uüi chang iawng , amatni paw tawi chang reng büah khai.⁹Pilat dow, Judauüa mang mih pa lawtah enni e dow nau ta bow? pa hawt tekpe khai. ¹⁰Uama langkri miuüa dow irsiah büah khai rakowi Isu kowi khümah now nami laiklow dow Pilat kowi tekpe büah khai. ¹¹Hanow Uama langkri miuüa dow maru kawmmauüa kowi dow Barabba kowi na lawt pe kownkow tekpe khai.¹²Hanow amatni kowi dow, “Judauüa kow mang pa hai enni tekah mih kowi dow matawng iawng chow ang na changah kown enni nau?pa dow pilat mih lüntah khai. ¹³Now amatni dow awr kut plan haw khai, “Kros kowi tarah diah” pa büah khai.¹⁴Now Pilat dow, “Matawng plawng kow chow? matawng ngak chow chang ta khai? pakhai. nachenganchepaw amatni dow aklow atün ngamlam, kros kowi tarah diah” pa dow haw büah khai. ¹⁵Hanow Pilat dow maru kawmmauüa na sak ihah kown nau khai, Barabba kowi dow lawt pe khai bowt, tarapchedow Isu kowi petepah khai, kros kowi na tarah kownkow amatni rut kowi apta khai bowt.ISU KOWI TARAH MIH, KOWNG MIH HAI DUPAH MIH ¹⁶Now, Sipaiuüa dow tap lak kowikow siphaiuüa uowi ra via dawng kowi dow paw laah büah khai, sipaiuüa maiow kowi hawt hawah büah khai. ¹⁷Aia kowi dow kowrma thawngmintau paurawng uan pakhupah khai, rowsimüa khetah büah hanow chu lukruk dow krukpe büah khai. ¹⁸“Chupah büah, Juda mang” padow uown chupah büah khai.¹⁹Raitua hai aia lu kowi hup pe hanow, kowkowi now thawkpe kria büah khai, tuape kung se chupah büah khai. ²⁰Naiawng hai chang lah rensi büah hanow kowrma thawng mintau pauraw mami dow klüpta pe na büah hanow, aia mat kowh kowrma pa khüpah büa iawk khai,kros kowi na tarah kown kowh prang kowi lawt büah khai bowt. ²¹Hanow süng pra hownia kowh uang mih maru lowkia , Simon, kurini kua chak, Aleksandra hai Rufa kowi dow Isu kow kros aia kowi apa mih pe kawt lah chekhai.²²Now Golgotha, “lu hut uowira” pa pe büah mih rah kowi kow paw lah büah khai. ²³Anam uowi mami tui hai Grape tui lawkah mih peah büah khai; nachenganchepaw aia mih dow hawt kham dowi chekhai. ²⁴Hanow kros kowi tarah büah khai. aiamat tawnguat amia iawng chow napaw kown mih tuk büah dowi rakowi kuakpe plang büah khai.²⁵Amatni tarah mih khin dow taku nari khe chekhai. ²⁶Now Kros lukkowi Aiamat kowi chawktowkah büah mih laiklow, “Isu dow Judauüa mang” pah ruiah hanow tarpe büah khai. ²⁷Aiamat hai akatsang tamta preia paw tar la büah khai, aia hawmlawm pra lowk lakuai pra kowi lowk chekhai. ²⁸Hanow tiama iawng uang mang mih maru kawmuüa dow lekla lu se aia kowi dow tekpe naklak khai.²⁹Tiama iawng cham mang miuüa dow leklalu se krista kowi dow chawk towkah se tek pe mih, tawng kowi chow en tekah mih Tempul piakta hanow sumni takra kowi naküngah kown mih dow? ³⁰Hanow, “En matia talawng diah, Thurai Chapa en na khai hanow kros hownia uang iu dowm diah tara” pape büah khai.³¹Naiawng powmiawng dow uama kri miuüa hai Ari arow tüng sang miuüa dow, “Akeng mih maru kowi dow nowng iungah reng mih kow matia dow hang ta iung dowi bowt chekhai. ³²Aiamat kowi a-i nowngia owm la kownkow a-i khi khe, “Krista, Israel mang dow, kaw mat mih kros hown dow pa uang iu dowm tara padow” sawrawhah büah khai. Aiamat hai akat sang tarah mih paw aia kowi dow tawi sarawah khai.ISU KOWNG MIH ³³Now sat downg lai prenari uang na khai bowt, sat kowi pra kowi sumnari mowr pat palusama uang iu khai bowt. ³⁴Now sat kowi pra sumnari kowi dow Isu laiklow tünma hai pla khai, “Eli Eli, Sabakthani” nami dow ang Thurai, ang Thurai, matawng palawng kow chow en powt tow ang khai” pami chekhai. ³⁵Maru lowkia kowh iowng miuüa tawngmi chabak dow nami ta büah hanow, “Sünta büah diah, haw Eliza mih” pa büah khai.³⁶Nakhowk khe lowkia mih kaiowmah hown uantu duami tuisür kawng kowi kow chimah khai, now nami uantu chimia mih kaudung towr kowi bawmah nown Isu kowi awr pe khamah khai. ³⁷Isu dow aklow tünma hai pla khai, aia sakrui bowt khai bowt. ³⁸Now nami khin khe Thurai chup kim lak kowikow uan iang dow aluk pra hownia adak pra mowr pat uang iu tasek khai hanow preprai phaw khai bowt.³⁹Aia pur kowi tatawng klowkmi siphai akawmia kowikow aluchow iowngmi paw naiawng powkow Isu kow sakrui bowt khai mih dow khi hanow, “Nami Thurai chapa dow na ngengche mih chekhai dow” pakhai. ⁴⁰Masiuüa hawm ün paw alakma hownia uang tawi tang mü büah khai, na ün miuüa pungma dawng kowi dow Magdala kua chak Maru ün, Jakop u hai Josi u Mari hai salom ün tawi büah khai. ⁴¹Ma ün mih maruuüa mih Galili pren kowi Isu uowi khe aiamat kung kowi kowh uang tawi mihai aia kowi ta pe chin miuüa chekhai büah; akatsang Jerusalem kowi kowh uang ta iua pün büah mih akengmi masiuüa paw akawmma uowi khai.ISU KOWI DUPAH MIH ⁴²Nami ni dow chini nih chekhai, tanai nih dowrawn ni iakpra kowi chekhai. ⁴³Joseph Arimathai kuachak, tara chetmiuüa dawng kowi tawi uowi mih, Thurai pren tawi sak owm mih, sat kowi pra uang khai, sakkraira hai pilat tute kow kup hanow, Isu uakmi kow lu khai. ⁴⁴Hanow Isu mih alenma kowng khaimi ta now Pilat dow alenma awda khai, sipai alucha kowi hawah hanow, aia kowng mih krang mih lün ta khai.⁴⁵Akawmia kowikow alucha hownia ta kung kowi dow aia uak dow Joseph kowi peah khai. ⁴⁶Now uan nga ditchah aia ran khai, aiamat kowi dow kow klangah khai, uan nga dichah mih hai duaah khai, hua erah mih tadupra kuam kowi iüaah khai, tadupra plawt dow hua hai büngah khai. ⁴⁷Now Magdala kuachak Mari hai josi u Mari büah paw amatni iuaah mira dow müah büah chekhai.

ISU AWR PLAN RU MIH HAI ¹Now Tanai ni kowi khai bowt hanow, Magdala kuachak Mari ün, Jakop u Mari hai Salomi ün kowkowi hanow naphawk la pe kow kowk sau namiung mih ran lah büah khai. ²Hanow saptah ni uown ni rau e tadupra kuam kowi kowkowi büah khai, sat paw lawt khai bowt.³“Tadupra kuam plawt hown kowh hua dow miaiawng mih chow na süt pe a-i kown?” patek pe büah thüm khe, ⁴Nami khin khe tadupra kuam re hai downg büah hanow kow kup büah khai, Naiawng khowt iuk mih hua amia iawng mih chow hawt süt ta khai.⁵Tadupra kuam lak kowi dow kow hup büah khai, klanguüa lowkia dow uan akawma khup, hawmlawm pra kowi kowh chowm mih khi büah khai; amatni dow lainowmma awda büah khai. ⁶Hanow aia dow amatni tute, “Hang awda büah diah. Nazaret Isu tarah büah mih kowi cham büah. sam mü büah madiah, aia dow uowi dowi bowt; iuaah mira mami e chekhai” pa pe khai. ⁷Nachengabchepaw kow mang büah hanow atapeuüa hai Peter tute dow, “Aia tek enni mih ngengche iawng Galili pren kowi aia na kow rik kowi kown chekhai; na kowi dow enni na khiah kown, padow kow tekpe büah diah” pakhai.⁸Nahanow amatni dow chür büah khai now takrow büah khai bowt rakowi dow tadupra hown awr lawt büah hanow, iowm büah khai bowt; mia tute paw cham tek büah dowi, kaneuma kram büah khai.⁹Hanow saptah ni uown ni kowi rau mur pa Isu dow rü hanow Magdala Mari kowi khi khai, nami hownia kow ranitia süngnam prütta mih. ¹⁰Nami kung kowi dow Isu tute uowi miuüa kowi amatni kowi satang peah khai, amatni dow sak nga khai hanow kar büah chekhai. ¹¹Nachenganchepaw Isu dow awr sing iawk khowk, khi paw kowkhi büah khowk pami ta chepaw hinnau owm büah dowi.¹²Nami kung kowi dow amatni pungma dawng kowikow preia mih tute, süng kowi kua pra kowi mang thüm mih iüah tute paw, apowm langma katatüng pekhai. ¹³Amatchih paw akengmi maru tute dow tekpe iüah khai, hing hawt nau uam owm büah dowi chekhai.¹⁴Now nami kung kowi dow lai preia lowkia, chah hawm büah thüm khe, kow tatüng pe khai, aia awr rü mih hai kow khi miuüa liklow owm büah dowi rakowi amatni owm dowi mih hai amatni saktuak ama mami tia kowi dow pringah hawiah nangah khai bowt mih kahi. ¹⁵Amatni tute, pren bowk bowk kowi cham kowiah büah diah, uan thawp maiow kowi dow Satangiung mih cham tek büah diah. ¹⁶.Now Lowra maru owm khai mih kowi dow lawngra na ka büah hanow, lowra maru nau owm dowi miuüa na kuakah asum kown chekhai.¹⁷Ma ün mih amatra awda ra uowi ün mih owm miuüa pungma dawng kowi na tawi uowi reng kown; Ang ming hai süngnam na prüt büah hanow, lai sar ün hai na prow sang büah kown. ¹⁸Now, rua ün rut hai na khüm büah hanow, makowng kru ün paw kham büah chepaw amtni dow kowng dowi tham; kownga miuüa lu kowi amatni kow rut tang pe hanow, na iung kown chekhai.¹⁹Nahanow amatni tute ki tek laiklow kung kowi kow CHAKRAMANG Isu pra kowi awr pün khai bowt, Thurai hawmlawm pra kowi chowm khai bowt. ²⁰Amatni paw mang büah hanow, pren towng kowi cham tek Thurai lai büah khai bowt, CHAKRAMANG dow amatni kowi tawi chang pe khai, amatni laiklow dow amatra dow lup hai awdara ün akhima tawi chang reng khai. Amen.

BAPTIST JOHAN DIH MIH HAI AIA NAUANG KOWG KOWN MIH ¹Auown hownia pamat-ia mikhownkow khi miuüa hai Thurai satang laiklow lup dow uang chang a i khai, maru uang apta aiiawng dow, ²Nami powmiawng tawngbak mih, anging hownia kümngi chow ang krawi ruiahmih lawnguan kowi pawtuak khai. ³Naiawng rakowi ang ngengchepaw, auown hownia kowhalawng auan uowi mih maiow aklangiungma krawi cham hai hanow, ringkaw lang uowi mih,Thiuphil en tut-e paw naka auan maiow narui kown mih naiung kown chekhai. ⁴En anowm mamih laiklow tüngsang mih kaneuma nakhai pami enning natuk lakown kowh. BAPTIS JOHANDIAH MIH LAWNGUAN⁵Judai pren kowi Heron chowm mang khin khe, Abija powchak howniakowh, ming Zakaria uama lowkia, aia masi dow Aron chuprek chaprek pungma dawng kowikowmaru chekhai, aming dow Elizabet nakhai; ⁶Amat ching preia mih dow, Thurai mik khi purkowi tachi tanawmmi maru chekhai, now aseruowk uowi dowi mih CHAKRAMANG alowpekmaiowün hai aia ari arow chünmi maru chekhai. ⁷Nachenganchepaw, Elizabet dow ting khaikachah dowi lawngtangma amat ching preia chekhai. KRMAMU HAI RUAPUR THING MIH UÜA⁸Amatni powchak chintak klami khin khe Thurai purkowi, Zakaria uama lup kowi, tawichangkhai uamauüa chang iawng. ⁹CHAKRAMANG Tempul lakkowi kup khe, bawt namiung tikmi ianakownkowh, kuakpe plang khe, aia lukkowi plangcha khai. ¹⁰Namiung aia kowtik khe dow, marumaiow dow uatkowi chup Thurai büah khai.¹¹Namiung tikra, rowsi lamih hawmlawm prakowi iowngpah CHAKRAMANG chinah mih kramamu lowkia aia tut-e uang tatüng khai. ¹²Zakaria dow, khi hanow takrow lowp khai hanow kaneuma kram khai. ¹³Nahownow, karamamu dow, aia kowi tekpe mih, Zakaria kram dowipaw, en chup Thurai mih dow takhowk chekhai en masi Elizabet dow chapa napen kown, aming dow, Johan narük pekown.¹⁴En awmrawm hai napiaw hanow, maru kawm-ma paw aia uang pen rakowi na awmrawm büah kown. ¹⁵Aia dow CHAKRAMANG tuak kowi dow, maru krikraingma naownkown, uain hai puasi maten mapaw hing kham dowi tham, a-u mulak hownia kowh lümlasai aprema nakown.¹⁶Nahownow, Israel chauüa pungma dawngkowi maru kawmma dow, CHAKRAMANG amatni Thurai pra nauang plankut dangla iawk kown. ¹⁷kabüa dow, amatni chauüa kowi, peah ching ünkown, lai iüa kürma miuüa ündow, maru achi anawm mami saktuak kalami iawng, kala kownün hai Eliza Lümla kahai aia kür lami hai CHAKRAMANG purkowi dow, narik uang kown chekhai.¹⁸Kramamu tut e Zakaria dow,tek pekhai matawng iawng chow auan dow angna tuk kown ang dow lawngtawng chekhai,ang masi paw nowmnowm lawngtang khai bowt rakowi pekhai. ¹⁹Kramamu dow, “ang mihThurai pur kowi iawng reng mih, Gabriel ang nachow, na klowp en kown hai naün mih laiklowawmrawm uowi mih satang nauang tek en kownkow chin angmi chekhai. ²⁰Sünta diah akhinnauangting ngengche kown mih, lup ang tek en mih laiklow mih en uam hing owm dowi, uangtingnowmnowm dowi tak rawn dow en rarimma naown hownow, lai paw en kow naphuang kownnadowi’’ pape khai. CHAKRAMANG ISU PEMPUL KOWI APAH MIH²¹Maru kawm mamiuüa dow,Zakaria kowi dow hawt pawm rim rim khai, Thurai tempul lak kowi naiawng khowt akrah kowuowi khai midow kaneuma awda büah khai. ²²Aia uang lawt hanow, amatni tut-e tawngpawnowngia tek laiklow dowi, Tempul lakkowi uang tatüngmi aia khi chekhai, pami tuk büah khaiamatni tut-e rutlek hai tek laiklow khai mapaw aia laimi phuang dowi bowt chekhai. ²³Aia kowchintak khin mih uang tachi khaibowt kungkowi dow, kim prakowi mang khai bowt.²⁴Nami kung kowi dow, masi Elizabet dow kumnau khaibowt, tangala mowr tuk dowi iawng aiamat towahkhai. ²⁵Maru pungma dawng kowi, ang rukrai plim-müa CHAKRAMANG dow, uang sana anghanow, maiawngmi uangchang khai bowt. ISU KRISTA NAUANG DIAH KOWN MIH SATANG²⁶Eliza nakhe tarukla nakhai, hanow Galili pren kowikow kua lowkmih Nazaret pape büah mih,kowikow malauüa achim asima mih lowkia David chuprek chaprek kowikow Josep masi khamtut-e dow, ²⁷Thurai kramamu Gabriel kowi kowchin pekhai; namih malauüa aming dow Marichekhai. ²⁸Kim kowi kowkup hanow en Thaulangma pauowila, CHAKRAMANG dow en tut-euowi, ²⁹Aia kow tekpe mih laiklow dow, kaneum peah tuakkrat khai, aia kowh chupah mih dowmatawng pawlawng chünchü naown kown mih dow padow aia tuak khai.³⁰30.Kramamu dow, mari hangkram dia, Thurai towplawng towsakra en kakhai. ³¹Sünta en nakum nau hanow, en napen chapa kown aia ming dow Isu en narük pekown. ³²Aia dow maru akraingma naown kown hanow langkri mihThurai chapa napape büah kown, CHAKRAMANG Thurai dow, aia kowi prakah cheah mih David nanra kowi nachowm kown pape khai. ³³Aiadow, Jakawp chuprek chaprak lukkowi chowng chowng saksakma nachowm Mang kown, aia kow mangra dow achur uowi dowi bowt tham.³⁴Mari dow, Kramamu tut-e tekpe mih maka tawngiawng chow naown kown chow? Ang kowh dow hua uowi dowi tak mih pakhai. ³⁵Kramamu dow, klangah khai, “En lukkowi mih Lümlasai nauang uowi kown, hownow langkri mih Thurai lowra kürra nowngia changla mih dow, nakhu natang enkown taih, naiawng rakowi nau nauang dia mih dow, achim asaima mih, naka kowi Thurai chapa padow natek pe kown.”³⁶Now sünta, en tasintekn mihmasiuüa, tingkhai pape büah mih, Elizabet paw aia lawngtang kung kowi kachakuü cha kum khaibowt, kawmat dow tarukla chekhai bowt. ³⁷Auan dow, Thurai laiklow lawt mih maiow nowngiachangla dowi mih matawng paw uowi dowi. ³⁸Mari dow, sünta CHAKRAMANG narma ang dow enlaiklow iowng dow ang lukkowi pacham uangting lataiah” pakhai, now, Kramamu dow mang khaibowt. ELIZABET HOWN MARI KATAKRUM MIH³⁹Namih khe Mari dow, awr-rü hanow, süngkowiJudauüa marow uowi lowkmih pradow awrpün khai bowt. ⁴⁰Zakaria kim dow, kowting khai,Elizabet kowidow kowh chupah khai. ⁴¹Mari kowi chupah mih klow dow, hawt tahanow aia mulakkowikow ngiachow dow awrchü khai, Elizabet dow Lümlasai hown uangting khai aklow tünmahai awrpla khai.⁴²Masiuüa maten kowi en lang kaucha iuk, en plawng kowikow thua kowikowhiui paw kaneuma kaucha iuk chekhai. ⁴³Now ang kowh CHAKRAMANG u dow ang tut-e nauangkowi mih klen kowi kaucha iuk mih matawng paw hing uowi dowi bowt tak. ⁴⁴Sünta, en chupang mih klow angta hai krowksang aia awmrawm khai, rakowi ngiachowh paw ang mulak kowiawrchü khai bowt. ⁴⁵En tut-e kow CHAKRAMANG tek laiklow mih dow, nauangting ngengchekown pamih en owm khai, rakowi kaucha iungma chekhai’ pakhai. MARI MENG⁴⁶Now,Mari dow ang saktuak mih CHAKRAMANG kowi akraingma kiowah khai, ⁴⁷Ang Lümlapaw uanglawng uang ang mih Thurai lukkowi kaneuma piaw khai.⁴⁸Aia narma ngare makowi mih uang pela angching khai, sünta akaw hownia hanow nauang awr iuk awrsown kown maru-uüa paw kaucha iukma napa angkown. ⁴⁹Lowra nowng changmih dow, alup kraingma chang khai, aia ming paw achim saima chekhai.⁵⁰Na hanow, maiawnguüa chow kram hai ringkaw mih dow, aia sanara dow, amatni luk kowi chuprek chaprek mowrpat nauowi kown, ⁵¹Aia bawng hai kürkrang lup dow tüngah khai, saktuak kowikow bawri miuüa kowi dow nathet tachowt kown.⁵²Amatni nanra kowikow mang chowmraün dow, nadowm tape kown, anemcha miuüa kowi dow na kroah kown chekhai. ⁵³Hawm sakrai miuüa asowr uowi mih uanmaten hown dow, dupat thumah khai, kurengma miuüa kowi tarapche dow, phar rut phar khawkma pe mangah khai.⁵⁴Uangprek uanche a-i miuüa tut-e kowh laiklow iawng dow, aia chintak miuüa Israel kowi nakhowng kown, uang tarü khai bowt. ⁵⁵Abraham hai aia chuprek chaprek kowi aia saksing sanara mih achowngma tukla reng chow’ pakhai.⁵⁶Mari dow, Sumla mowr Elizabet tut-e kowtawi uowi khai, namih kowi kimpra kut plan mang iawk khai. JOHAN DIA MIH LAWNGUAN ⁵⁷Elizabet napen chah kown mih khin dow uang nakhai bowt,now chah dow uang penah khai bowt. ⁵⁸Aia kimtut kharet-uüa hai aia tasin taken miuü dow,CHAKRAMANG aia tut-e akrima uang sanaah mih krang tuk büah, kaneuma tawi awmrawmpebüah khai.⁵⁹Raiatni uang tachi khai bowt hanow ingrikchah khampha uanpik nahia kownkow uang takua talawm büah khai, now ming kowi dow, apa ming iawng, Zakaria, narük kown naubüah khai. ⁶⁰Chepaw, a-u ‘klangah khai, Johan narük pekown chekhai” pakhai. ⁶¹Amatni dow, en krungchak miuüa pungma dawng kowi mamih ming haw khai mih miaiawng mih paw uowidowi da” pabüah khai.⁶²Apa kowidow, amatni lünta khai, tawng ming chow rükpe e dow en nau tah now nauta rowt kown mih dow lüntah khai. ⁶³Aia dow, arui müa hailü khai, aming dow Johan padow ruiah khai, matni bowk bowk dow kaneu ma awda büah khai.⁶⁴Nami hai akrowksang aia nawr hai dai dow, uang taklowi khai bowt, Thurai kowi kiow hai uang awrnowng prow sang khai iawk bowt. ⁶⁵Amatni kim ping namkhet maiow dow kram büah khai, naün mih laklow dow Judai pren süngkowi dow cham tekbüah lawmlawm khai. ⁶⁶Tami sarui dow, pechingbüah khai, name ngiacha dow iuk khe dow matawngün chünchü nauang phaw kown tak mih”pabüah khai? CHAKRAMANG rutpaw aia mat kowi uang laah reng khai. ZAKARIA MENG⁶⁷Apa Zakaria dow, Lümlasai tachi hanow nowngia tuktaah dowi mih laiklow hown uang tek khai; ⁶⁸CHAKRAMANG thaulangma Israeluüa Thurai dow, akiow pacham uowilah, aia a-i kowi dowuang ming uang khetah hanow klan taah khai bowt rakowi.⁶⁹Aia chintak mih David kimchakuüa pungma dawng hownia a-i vüi lawngmi ia akraingma lawt khai bowt. ⁷⁰Achuk alai kowhRisi chimsai mamiuüa nawr kowi aia tek khai bowt iawng dow. ⁷¹A-i ransu-uüa hai sui a-i miuüahownia natung nanim now nalawn a-I kown chekhai.⁷²A-i kowh achük alai miuüa aia sanamikrang uang uowi khai, aia sangbowk laitawm achim asaima mih uang uowi reng chekhai. ⁷³Naka laikham, aia a-i tut-e achük alai kowh pu, Abraham tut-e khamta khai. ⁷⁴Now a-i ransuuüa rut hownia Lawngra hai kram dowi khai, a-i singuowi sakuowi mowr aiung nowngia changkown chekhai. ⁷⁵Aia purkowi achim asaima hai achima nowngia iung mih hai uang tawi uowinow chowngchowng saksakma nowngia chang kown pakhai.⁷⁶Now, aw ang chapa, en langkri mih Risi naown kown hownow, Thurai tiama kamrütma hai en narik mang kown chekhai. ⁷⁷Matni ngak lawtmüa lawngra chanlai rami nape kown pakhai.⁷⁸A-i bowkbowk Thurai sanara kraingma rakowi dow alup krang satlawt mih iawng hai mukuang hownia nauangmü la a-I kown. ⁷⁹Aiu hai makowng nim krüa kowu uowi miuüa tut-e nauang pela anowni kownkow hai a-i khawk thaulangma nanowng iasan lah kown.⁸⁰Ingrikchah dow, uang Awr iuksown khai, Lümla kür prakowi uang tachi tanawm ngamlam khai, Israel tut-e uang tatüng dowi tak mowr dow, süngrüp süngkangma kowi uowi rengtak hai.

ISU KRISTA DIA LAWNG UAN ¹Nami khin khe dow, Sizar augasta dow, Rawm krikraingma lusa bowkbowk kowikowh maru uowimih ming na ruiah bowk kownkow pe alow khai. ²Nami dow kurinia mih, Suria pren powng mih nakhe kow maru rikrüala mih amüng achük chekhai. ³Hanow, maru bowkbowk kow matia kua chowlowk kowh narui ming kownkow tarü büah khai.⁴Josep paw, David chuprek chaprek maru nakhai rakowi, Galili pren Nazaret kua hownia Judai pren kowikowh, David kua Bethlehem pape mihkowi dow, kowtawi iüah khai bowt. ⁵Amasi Mari, Mu tama hown dow, kowtawi tang ming kownkow kowtawi khai.⁶Nakowi uowi iüah khepenkhin uangting now, pen murau khai bowt, chata dow kachakuüa chah kakhai. ⁷Uan haidua-ah khai, pinsüa pünra kowi tawi takowi iüah dowi bowt, rakowi tawncher kaw kowi iüahkhai. KRAMAMU HAI RUAPUR THING MIUÜA⁸Nami kaurawng kowidow, ruapur thing miuüadow dowm kowi uowi khai, now iak-e paw chawng Ruapur khai. ⁹CHAKRAMANG chinah mihKramamu lowkia amatni purkowi uang iowng hanow, CHAKRAMANG kraingra uowi mih dow,amatni riaret kowi anowi kraingma uang nowi khai, now kaneuma takrow büah khai.¹⁰Kramamu tarapche dow, amatni tut-e, hang kram büah diah, sünta büah diah, lawngtowng büarüa uüi naown kown mih satangiung uowi pa awmrawm mih, ang uang pawla enni mih chekhai. ¹¹Auan dow, ani mih ening vüi David kua kowi lawngmi-ia uang diah, khowk CHAKRAMANG Krista dow, ¹²Nahanow, enni vüi lowk amatmüa nakhi kown, ingrik chah uanhai dua-ah mih, tawncher tawira kaw kowi iüah mih enning nakhi kown” pakhai.¹³Mukuang kowikowh, uowi mih Kramamu-uüa pamai masang Thurai tut-e uangting hanow, hawmsang uang kiow büah khai. ¹⁴Langkro mih kowi, Thurai akraingma pacham uowilah, krawng kowikow, aia howrah mi maru-uüa pungma dawng kowi taking tasangra pacham uowireng lah, pabüah khai.¹⁵Kramamu-uüa mukuang kowi awrpün takhai, akrowk sang Ruapur thing miuüa dow, chu, Bethehem kowi kowkowi hanow, CHAKRAMANG phuang a-I mih uan dow, a-i kowsam mümadiah sik” pabüah khai. ¹⁶Amatni, asak krowngma kowtarü hanow, Mari hown Josep iüa tawncher tawira kawikow ingrikchah iüa-ah mih dow, kowkhi khai.¹⁷Amatni kowkhi khowk hanow, ingrikchah lawnguan dow maru-uüa kowi amatni krawi phuang pekhai. ¹⁸Tamiuüa sarui dow, ruapur thing miuüa laiklow tekmih dow, kaneuma awda büah khai. ¹⁹Mari dow, naün mih laiklow dow, sakkowi kumah phülü reng hanow, aia pawtuak setlet ünreng chekhai. ²⁰Ruapur thing miuüa dow, tekpe iawng ngengche lowra aküma kowkhi khai, kowtuk büah khai rakowi Thurai kowi rowsi hown kiow iawlaw kutplan büah khai bowt.²¹21Now, raiatni uang tachimi nikhe khampha uanpik hiape büah khai, nami nikowi dow,aia ming kowi masiuüa row uowi dowi rawn takkhe kowh Kramamu tekpe khowk iawng Isu pamirükpe büah khai. NEUUÜA ISU LAWNGUAN KOWI SIMIIAWN HAI HANNA IÜAH LAIKLOW²²Mosi ariarow iawng dow, Mari hai Josep iüah nakowh ap kownmi uangting hanow, ingrichahdow, CHAKRAMANG tut-e na-ap kownkow Jerusalem kowi awr pawla büah khai. ²³CHAKRAMANG ari-row laiklow chah chük kachakuüa nakhai bowt mih dow, CHAKRAMANGuüibak chimsaima pami chekhai. ²⁴Now, CHAKRAMANG ari arow iawng dow, kaurawng uaturchepaw kimtawn uatur pachap sang chepaw rowsi phuachua müa nakow ap kown chekhai.²⁵Jerusalem kowi dow, lowkia, aming Simiawn pami maru uowi khai, aia dow achi ma hai kawngmu khowti iukma mih, Thurai maru nowm-ma chekhai, Israeluüa sakkhawt müakowi tangmü reng khai; aia lukkowi Lümlasai uowi khai. ²⁶CHAKRAMANG Isu phawkpe sau mih kowi dow, aia khi dowi mowr dow nakowng kown nadowi pami Lümlasai hai rik phuangpe reng khai.²⁷Pakat dow, Simiawn kowi Lümlasai changpe iawng Thurai Tempul kowi dow, uang pawla khai, ingrikchah Isu kowi a-u hai apa ari-arow iawng nachang pe kownkow uang kupla khai. ²⁸Hanow, aia kowi hawt paiah now, Thurai kowi awmrawm lai tek khai. ²⁹Aw CHAKRAMANG kawmat en laikham lawnguan ngengche mih, en nar mih sak khawtma hai en uang nüm uang nam kown chekhai bowt tak.³⁰En lawngra ang mik hai ang khi khai bowt. ³¹Lawngtowng büarüa mik khiah kowi en kamrüt ta khowk. ³²Jentaiuüa tut-e en nowi natüngla kownkowh hai, en maru Israeluüa kowi kraingra naown lakown mih dow, pacham kiow lah.³³A-u hai apa iüah dow, ingrikchah lawnguan tekmi dow kaneuma awda iüah khai. ³⁴Simiawn dow, amatching kowi peah prasi hanow, a-u Mari tut-e sünta diah, Israeluüa pungma dawng kowi maru kawm-ma natim lakown mih, nanowng iowng lakown kowh hau mih dow, amatmüa thawpe khai. ³⁵En paw, saidawng hai sawtah mih iawng en sak narau kown, maru kawm-ma saktuak lak dow, nowngia phuang kownkowh chekhai rakowi pakhai.³⁶Masiuüa Risi lowkia ming Hanna aia, phanel chama Aserchuprek chaprek kowi diah mih, aia dow aning ahu makhowk uowi khai, aia hua hai ranit ningtachaw iüah kung kowi dow, ³⁷Raiat kawmkla tali ning mowr aia mih tamai khai bowt, aia Tempulkowi champowt tadowi matchang kowi hawm khawr hown uowi reng chekhai nini uaruar chupThurai hanow, Thurai hown taklowp reng chekhai.Nami khin khe dow,Aia uang hanow,Thurai tut-e awmrawm laiklow tekkhai; Jerusalem kowinalawng natangah kown, tangmü hai uowi miuüa sarui tut-e Isu satang dow tekkhai bowt. ³⁸CHAKRAMANG ari arow iowng lup kichang büah kung kowi dow, Galili pren kowikow amatnikua Nazaret kowi plan mang büah khai bowt. LAIPRE NING KHE ISU JERUSALEM KOWI KAKOWIMIH³⁹Ingringchah paw awriuk iawlaw hanow, uang chanlai ngamlam khai; Thurai sanara aia lukkowiuowireng chekhai. ⁴⁰A-u hai Apa iüa dow, ning towng Jerusalem kowikow takla pawi nachangkownkow, kowkowi iüah reng chekhai.⁴¹Aia dow, lai prening chikhai khowk now ari arow iawng pawi nachang kownkowh Jerusalem kowi awr pawla khai. ⁴²Pawi chur hanow, uangplan mang büah khai, ngeu-uüa Isu tarapche dow, a-u hai Apa tukah dowi matchang Jerusalem kowi tauowi khai. ⁴³Amatni phowchak pungma dawng kowi tawi uowi naown kown taih, panow uang mang büah khai bowt; amatni tasin takenmi hai tatuk miuüa pungma dawng kowi krawi lünta hanow, kachet kacham büah dowi bowt chekhai. ⁴⁴Chamla iawlaw kowh kadowi lukkowi Jerusalem prakowi uang kutplan khai iawk.⁴⁵Sumni kungkowi Tempul kowikow, kawngmu tüngsang miuüa hawm riakowi tawichowm-mi dow, kowkhi iüah khai bowt, amatni laiklow ün tawi sünta khai, laiklow pow hawt lünta-ah khai. ⁴⁶Aia chanlai krang hown, kaneuma klowpah klangahmi krang tabüah hanow, awda büah khai bowt. ⁴⁷Aiamat kowi khi iüah hanow, kaneuma awda khai, a-u klowpah mih, men, Matawng palawng kowchow maiawng en chang angching khai chow? en pa angching takrowk takraima krawi cham en khai.⁴⁸Aia tarapche dow, Matawng palawng kowchow enching krawi cham ang? Apa kim kowi ang tauowi ngengche kown angna khai, pami tuk dowi bow? pakhai. ⁴⁹Amatni tut-e kow aia tek laiklow midow, Auan tukta iüah dowi. ⁵⁰Nami kungkowi dow, amatching hai hawmsang tawimang now, Nazaret kowi mang büah khai, amatching laiklow chün now, a-u dow, naün mih laiklow maiow asak kowi krümah reng chekhai.⁵¹Nami kung kowi aia dow Nazaret kowi katawi mang khai bowt now amatni lowiawng tawi uowi khai. ⁵²Now, Isu dow uang awr iuk iawlaw hanow uang chanlai khai, Thurai sanara hai maru sak towkra uangka iawkaw khai.

BAPTIS JOHAN KOWH LUP ¹Sizar Teberia chowm mang mih, laitanga ning kowi dow, Pontia Pilat dow, Judai pren powng mih chekhai, now Herod dow, Galili pren mang chekhai, aia tainau Philip dow, Juria hai Trakowitis mang nakhai, now Lusania dow, Abilene pren mang chekhai. ²Now, hanawn hai Kipa dow, Uama langkrimi naiüah chekhai, nami khin khe, süngrüp süngkangma kowi dow, Zakaria chapa Johan tut-e Thurai laiklow uangting khai.³Aia dow, Jawrdan aw riaret süngkowi krawi len hanow, angak lawtmüa tarip hanow, Baptisma nachang kown mih, laiklow tek-la iawlaw khai.⁴Risi Isai chabowih kowi arui uowi mih klow dow, süngrüp süngkangma kowi kowh hawkklow dow CHAKRAMANG tiama hen büah hanow, aia namang lakown mih tiama atengma thawpah büah diah.⁵Aw chawng maten atekma nathia bowk kown hung towng mawng towng anemchah nakhaita kown. Takui mih dow, nauang tateng hanow asun klown mih dow, naitow bowk kown. ⁶Thurai lawngra dow, lawngtowng büarüa maru-uüa nakhi büah kown.⁷Hanow, maru kawmma uang miuüa tut-e dow, “Rua chuprek chaprekuüa low, kunmaraura nauangting kown mih naklen naplai takown mih mia chow nachang Baptisma kownkow chin enning?⁸Ening tarip ngengche pamih iuih natüng lakown kowh lup chang rowt büah diah, anging pa Abraham auandow, enning sak kowi enning naku tuak üntarawng; ang natek enning, Thurai dow maün maiow hua mih cha kowi nowngia thawpah khai bowt.⁹Kawmat hownia marek dow, sing tut towng kow towta hüah khowk; lowra sing chepaw iuih iung dowi mih dow, kripah now maih kowi natinah kown chataih bowt’’ pahawt dow tek pekhai.¹⁰Maru kawmuüa Baptis Johan kowi lüntaah büah khai, naiawng chekhai hanow matawng chow anging nachang kown chow? ¹¹Aia dow klangah khai, “lowra maru, kowrma pre khup uowi mih dow, uowi dowi mih kowi pacham peah lah; naiawng palawng dow, nacha kown, kadowi miuüa kowi dow, pacham peah lah” pakhai.¹²Mu kawkmiuüa paw batisma nachang kown kowh uang büah khai. Tüngsangmih, “matawng chow anging nachang kown? ¹³Aia dow klangah hanow, mu nakawkah kown mih alow khia mih klen kowi achüt hang kow kawk büah’’ pakhai.¹⁴Siphaiuüa paw, “klangah khai. Now, matawng chow anging natawi chang kown?’’ pabüah khai. Aia dow, “kür hai chepaw dailai hai chepaw miaiawng mih kowi paw hang kowh paw pe uan ün diah. Akha kamowr kowi sak i büah diah’’ pakhai.¹⁵Maru sakowmah mih dow, kaneuma kro khai, Johan dow krista aia lawng uan katuak now, awda büah khai. ¹⁶Johan dow, amatni kowi tekpe mih, “Ang dow, tui hown, ang batis enni khai; Nachenganchepaw, ang lak-e kow langkri rowt mih nauang kown chekhai, ang mih dow aia phanai khawk leng nalat kown mih khowm ang lahawm dow; Aia dow Lümlasai hown mai hai nabatis enni kown.¹⁷Aia prakowi cha iapah hanow pam kowi naphangah kown per dow, aia dowk khai bowt, apli ün tarapche dow, krümah now, nowngia mit dowi mih maih kowi nawmah kown’’ pakhai.¹⁸Naiawng plawng dow, pringhawi lamih laiklow hown akengmih ahumahai lawm maru kawmma miuüa tut-e satangiung dow tek khai. ¹⁹Baptis Johan dow, mang Herodmih, aia nauma masi herodi hown kowh amatchi lawnguan laiklow hai akengmih lup ngak aiachangmih maiow laiklow kowi pringah hawiah khai. ²⁰Naiawng rakowi Herod dow, baptis Johankowi thawngrum kowi klungah khai. ISU CHANG BAPTISMA MIH HAI PREKAH CHEAH MIHLAWNG UAN²¹21Now, maru maiow dow, chang baptisma büah khai, hanow, Isu paw tawi chang khai, aia chupThurai khin khe mukuang uang tauow khai. ²²Lümlasai dow, mukuang hownia kowh-nga iawnghai uatur powmiawng aia lukkowi uang iu dowm khai, “En ang lang sakrauah mih chapah dowen na khai, en luk kowi lainowmma ang awmrawm khai’’ uang pape khai.²³Uown lup chang khe Isu dow, süngkawm ning uang na khai bowt, maru atuak kowi dow, Josep chapa chekhai, Josep dow, Hilia chapa chekhai. ²⁴Hilia dow, Matthat chapa chekhai. Matthat dow, Levia chapa chekhai. Levi dow, Mekia chapa chekhai. Mekia dow,Jamai chapa chekhai. Jamai dow,Josep chapa chekhai.²⁵Jesep dow, Mattathias chapa chekhai. Matthias dow, Amosa chapa chekhai.Amosa dow, Nahum chapa chekhai.Nahum dow,Eslia chapa chekhai. Eslia dow, Nagai chapa chekhai. ²⁶Naggai dow, Maatha chapa chekhai. Maatha dow, Mattathias chapa chekhai. Mattathias dow, Semein chapa chekhai. Semein dow, Josek chapa chekhai. Josek dow, Juda chapa chekhai.²⁷Juda dow, Joanan chapa chekhai. Joanan dow, Rhesa chapa chekhai. Rhesa dow, Zerubabel chapa chekhai. Zerubabel dow, Neria chapa chekhai. ²⁸Naria dow, Melkia chapa chekhai. Melkia dow, Kosan chapa chekhai. Kosan dow, Elmadam chapa chekhai. ²⁹Elmadam dow, Joshua chekhai. Joshua dow, Elizar chapa chekhai. Elizar dow, Jorim chapa chekhai. Jorim dow, Matthat chapa chekhai. Matthat dow, Levia chapa chekhai.³⁰Levia dow, Simeon chapa chekhai. Simeon dow, Juda chapa. Juda dow, Josep chapa. Josep dow, Jonam chapa. Jonam dow, Eliakim chapa. ³¹Eliakim dow, Meleia chapa. Meleia dow, Menna chapa. Menna dow, mattatha chapa. Mattatha dow, David chapa. ³²David dow, Jesai chapa. Jesai dow, Obed chah chepa. Obed dow, Boaz chapa. Boaz dow, Sala chah chekhai. Sala dow, Nasson chapa chekhai.³³Nahshon dow, Amminadab chapa. Amminadab dow, Admin chapa. Admin dow, Arnia chapa. Arnia dow, Esrown chapa. Esrown dow, peresa chapa. peresa dow, Juda chapa. ³⁴Juda dow, Jakob chapa. Jakob dow, Isak chpapa. Isak dow, Abraham chapa. Abraham dow, Tera chapa. Tera dow, Nahor chapa. ³⁵Nahor dow, Serun chapa. Serun dow, Riu chapa. Riu dow, Pelek chapa. Pelek dow, Eber chapa. Eber dow, Sala chapa.³⁶Sala dow, Kowinan chapa. Kowinan dow, Arphada chapa. Arphada dow, Sem chapa, Sem dow, Noa chapa. ³⁷Noa dow, Metthusal chapa. Metthusal dow, Enok chapa. Enok dow, Jared chapa. Jareta dow, Mahalalel chapa. Mahalalel dow, kowinan chapa. ³⁸Kowinan dow, Enos chapa. Enos dow, Seth chepa. Seth dow, Adam chapa. Adam dow, Thurai chapa chekhai.

ISU KOWI CHAINAH MIH ¹Isu dow, Lümlasai hai aprema uowi khai, Jawrdan aw hownia planmang khai bowt, süngnam chaingra mih luk kowi süngrüp süngkangma kowi likawm nih likawmuar mowr Lümla paw tawi uowi khai. ²Nami khin khe dow, likawm nih likawm uar tawngpaw chadowi hai achur khe dow kaneuma hawm sakkrai khai.³Hanow, süngnam dow, aia tut-e, Thurai chapa en naching hanow, mami hua mih pe chowngah kawmpa diah” ⁴Isu tarapche dow,arui uowi mih, kawmpa hown chatiah na dowi maru nowngia sing.⁵Uowira akroma kowi awr pünla khai, now, pamik klip sangkowi lusa pren maiow tüngpe khai. ⁶Süngnam dow, maün mih maiow luk kowi alow naka lakown hai akraingra mih ang nape en kown; maün dow peta ang bowk khowk, ang nau mih kowi ang nowngia pe. ⁷En mih dow, chup ang hanow, bowkbowk en kowh naown kown pakhai.⁸Isu dow klangah khai, CHAKRAMANG Thurai kowi chatai nachupah kown hanow, aia lup chataih chang kown,now aia kowi chatiah nakiow kown pa ruiah khai.⁹Jerusalem kowi uangkut pawla khai iawk, Tempul aluk nowm nowm kowi pawla khai, now, Thurai chapa en na ching hanow, ma hownia mih iu thawm madiah. ¹⁰Now, arui uowi khai, nakhet en kown mih Kramamu kowi alow napeah kown hanow, amatni dow nalawng en kown. ¹¹Amatni rut hai nahawt dawn en hanow, en khawk hai hua kowi en naka arau dowi tham kown’ pah ruiah iawng dow, pakhai.¹²Isu tarapche dow, CHAKRAMANG en Thurai kowi hangkowh chaingah diah pahruiah chekhai. ¹³Hanow, süngnam dow,akhin iung tang mih chaingra hownia dow pre sum nihchauüa kowi aia mat hownia cham powt tape khai. NAZARET KUA MARU-UÜA KOWI ALOWPEK¹⁴Now, Isu dow, lümla nowngia changla mih hai lawm Galili pren kowi mang khai bowt,nami powngpe powng kowi alow aia satang cham krawi tauet khai bowt. ¹⁵Amatni takuara kimkowiün maru kowi tüngah sangah reng chekhai maru mih kaneuma kiowah khai.¹⁶aia awr iuk awsownlami kua nazaret kowi da uang ting khai, aia iawng chng reng iawng tanaia nih kowi takuara kum kowi kup khai, sang bowk laitawm naphat kownkow awr iowng khai. ¹⁷Risi Isai chabowih dow hai peah khai, chabowih tuah dow mami laiklow akhua uowi mih naphat kown lowt khai.¹⁸CHAKRAMANG lümla dow, ang luk kowi uowi khai, ngare miuüa tut-e satangiung chia kownkow nümnap ang mih chekhai, nar kowi takahang mih nanowngia lawngla kown ün nowng chang powng chang ka mihuüa nowngia lawtla kownmi laiklow ün, ¹⁹CHAKRAMANG saksing sanara ning naphuang kownkow.²⁰Chabowih dow tuah hanow Tempul krui khet mih kowi kut plan peah iawk aia chowm khai bowt takuara kim kowikow maru uüa bowk bowk dow müah rim rim khai. ²¹amatni tut-e tekpe mih mami Thurai chapa sangbowk laitawm laiklow mih, anih kowi-e enni param lak kowi uang tachi khai bowt padow tekpe khai. ²²amatnih bowk bowk dow kaneuma tek mih iung pabüah khai, aia nawr hownia kowh laiklow tek iung tang mih dow, kaneuma awda büah khai nami Josep chapa na dowi bow pa tatek büah khai.²³Isu dow, amatni tut-e tekpe mih arawk mih, enmatia awrtaiungah diah paiawng dow enni plantek ang kown now, Kapernahum kua kowikow en changah mih, anging taiawngmi ün en kua pra kowi paw chang diah tara pa natek ang ngengche kown chaw pakhai. ²⁴Awr tek iawlaw hanow, lainowmma ang natek enni risi miaiawng mih paw pamatia kua pra kowi katpaw ka kiowri dowi.²⁵Lainowmma ang natek enni, Eliza mih paw, aia sing uowi khe sum ning hown tarukla sat kang khe, uang paw uang dowi now, Israel pren kowikow mamaima dow akawmma uowi khai. ²⁶Nahanow, Eliza mih, amatni pungma dawng kowi miaiawng mih tut-e paw kachinah dowi chekhai, sidawn pren kowikow sarepte kua mamaima lowkia tut-e chataih kachinah khi. ²⁷Risi Elisai sing uowi mih khin khe paw Israel pren kowi par phaw mih akawmma uowi khai now, akeng akeng mih miapaw ka iungra dowi chekhai pakhai.²⁸Naünmi laiklow tabüah haow takuara kim kowi uowi mih maiowdow kaneuma kunmarau büah khai. ²⁹Awr rü büah bowk khai, klua uat pra krawi nawtah büahkhai, hung hownia nakuakah büah kownkow pawlaah khai. ³⁰Nachenganchepaw, aia dow, marukawmma takra iawng tathua hanow cham hing powt khai. SETSI PHAINGAH MIH KOWI IUNGAHMIH³¹Galili pren kowikow Kapernahum marow uowi lowk mih kowi kakowi khai tanaira kowitüng sangah khai. ³²alow uowi mih iawng aia tüngah sang ah khai rakowi kaneuma awda büahkhai.³³Takuara kimra-e dow, setsi phainah mih hai lümla ngak kuppe kawlak mih uowi khai, aklow atünma hai awr pla khai, ³⁴aw! Nazaret Isu anging lawnguan kowi en uang tawi tek kown chekhai bow? Mia chow en pami anging tuk en dow Thurai kow achimasai mami maru pakhai.³⁵Isu dow prütah khai, rarimma uowi pape hanow, aia kawlak hownia uang awr lawt diah pakhai.Setsi dow amatni takra iawng lawt khai, aia mat kowi pela arau dowi iawng lawtta khai bow. ³⁶Amatni bowk bowk dow, kaneuam awda khai, mami matawng lawnguan chow na khai bowtmih dow? Alow krima hai lowra nowngia changla mih tawngkeng hai lümla ngak sürlawk ün kowipeah alow khai, nowngia lawt büah kahi chaw pabüah khai. ³⁷Hanow, nami apowng süng towngkowi dow, aia satang chamta howng khai bowt. ISU MARU KAWMMA KOWI IUNGAH MIH³⁸Now, awr rü hanow, takuara kim hownia dow, Simon kim kowi kakup khai now Simon pi dowlainowm lianowmma krau di khai aia uüi iung naiungla kow mi üi chuppe Thurai kownkow Isukowi tekpe khai. ³⁹aia ria kowi kaiowng haow, krau kowi kapütah hanow uang prowng khai bowthanow awr hingia rü khai, aia mih ming khetah khai.⁴⁰Sat kup khin khe dow, arau uowi mih maru maten aia tut-e uang pawla büah khai; aia mih aia bowk bowk luk kowi tawng pe rut haown, iung bowk khai. ⁴¹Süngnam ün paw, Thurai chapa aching en na khai süng nam mih pla khai now, maru kawmma kawlak hownia awr lawt büah khai; amatni kowi dow, Isu nganah khai Krista pami tuk büah rakow maru kawm kowi tekpe ah dow .⁴²Auai rau khe dow, rarim raram ma rakowi cham kowi khai, maru kawmma uüa dow krawichamah khia, aia tut-e uang khai amatni pe mang dowi kownkow towah büah khai. ⁴³Nachenganchepaw, aia dow, akeng mih kua ün kowi paw Thurai pren satangiung mih natek kown mih ang na khai, nami rakowi kachin ang mih chekhai rakowi. ⁴⁴Hanow Judai pren takuara kim kowi dow cham kup khai, aia cham tek laikow khai bowt.

TUI KOWI AHUMA DOWIK DAM MIH ¹Pakat nih dow, Thurai lai nasün ta kownkow maru kawmmamaru hawm uang khai, aia dow Gannesarit kan ret kowi iowng khai. ²kan ret kowi prebuk lawnguowi mih dow kow khai khai, dam pawk miuüa dow lawng hownia cham dowm now, chunlowlawk hüah chekhai. ³Lawng prebuk klen kowi lowk mih dow, Simon kowh lawng kowi kowphütkhai, aia tut-e aw ret hownia hai süt did chow kownkow lü pe khai. Lawng kowi chowm hanowmaru kawmma uüa kowi dow tüngah sangah khai.⁴Lai tek towta hanow Simon kowi tekpe mih, tum büp makowi hai pawla lawng hanow, napaw dam kown enni kowh lawk hai pat büah diah pakhai. ⁵Tüngsang mih uar prowt towsak mahai anging pat lawk khowk, tawng paw anging ka dowi nachenganchepaw en tek che dow ang nahai pat iawk tak. padow klangah khai. ⁶Amatni hai pat hanow, dam cham tamu mih kowi kamumta krup büah khai, amatni kowh lawk paw uown tathek ngialia khai bowt. ⁷Amatni thum chak uüa dow akengmi lawng kowi cham uowi khai, now amatni kowi dow hai hawah khai, nauang khowngah kownkow. Lawng prebuk mih tek khai bowt rakowi lawng dow nip ngialia khai bowt.⁸8Nami Simon Peter dow, khi hanow Isukung luk kowi tabawk krawm khai, "aw CHAKRAMANG cham powtta ang diah, ang dow marungak ang na khai" pape khai. ⁹now, lawk kowi maiawng khowt ka dam mih khi hanow amatnidow lainowmma awda büah khai. ¹⁰Simon paw tawi uowi hanow Jebedia chapa Jakawp haiJohan iüa paw kaneuma awda iüa khai, Isu dow Simon kowi tekpe mih hangkow kram diahkawmat hownia bowt now en nakhüm maru kown, pape khai. ¹¹Amatni kowh lawng dow awretkowi lowra akümma towta büah hanow aia mat kung tawi büah khai bowt. PAR MIH KOWIIUNGAH MIH¹²Pakat dow marow lowk mih kowi aia uowi khe pabuk pakowhma par mih dowIsu kowi khi hanow tabawk krawm se nape iungah kown mih lüpe khai. CHAKRAMANG en naukhai hanow nowng chim sai ang kown pakhai. ¹³aia dow rut hown dowkah khai nga achimsaimahawt uowi bowt diah pakhai aia kowh par dow hing iung khai bowt.¹⁴Aia tut-e dow sangah now miaiawng mih kowi paw hang cham tek ba; natarap chedow uama tut-e kata tatüng hanow en iung nengche khowk pami maru na nowngia tuk lah kownkow mosi pela alow iawng dow, chimsai müa kowi kow ap uan diah, pakhai.¹⁵Nachenganchepaw aia satang dow chamta howngngamlam khai; maru akawmma aia laikow nata kownmih hai amatni arau uowi mih ün naiungpe kown nau mih uang hing uang hüah büah khai. ¹⁶Aia tarap chedow rarim raramma rakowicham chup Thurai reng chekhai. CHENGLENG PHAWMI KOWI IUNGAH MIH¹⁷Naün mih khe dow maru kowi tüngah sangah khai, amatni pungma dawng kowi dow Galili hai Judai pren kua townghownia uang ta kua mih, pharisai uüa hai ari arow tüngsang mih uüa dow uang tawi uowi khainow; CHAKRAMANG lowra nowngia changla mih dow aia tut uang tawi uowi khai.¹⁸Nami khin khe dow, Maru presumia miuüa dow chengleng phaw lowkia mih kowi mawkra hailawm uang kawtla hanow aia tut-e kapawla kown mih kamrüt khai. ¹⁹Nachenganchepaw, maru kawmma uowi khai rakowi kanowng kawtla büah dowi, kim luk kowi awr pünah büah hanow, kimluk büng mih pawtah hanow aia kowi dow mawkra hailawm Isu pur kowi iu klaah khai.²⁰Amatni owmah mih krang dow, aia khi hanow aia tut-e auiua en ngak miün lawtta en khowk chekhai pakhai. ²¹Ari arow tüngsang mih uüa hai Pharisai uüa dow, Thurai kowi tek naklak mih miaiawng mih chow Thurai klen kowi mia iawng mih chow angak ra nanowngia lawt kownmi pa tekpe büah khai.²²Hanow Isu dow amatni laiklow ta hanow, amatni tut-e matawngplawng kachow saktuak kowi naiawng enni tuak mih? ²³En ngak ün lawtta khowk chekhai pami bow langia dow dow awr rü hanow khawk hai mang diah pami bow? ²⁴Lusa kowi maru chapa mih angak nowngia lawt kownmi alow uowi, naiawng rakowi chataih enni pur kowi chengleng uowi mih kowi-e tek pe mih awr rü now kim pra mang diah pami, enni natukla kownkow, pakhai.²⁵Aia dow maru kawmmapur dawng kowi hawr rü hanow phangbek pawla hanow kiowla Thurai iawlaw aia kim pra kowimang khai bowt, ²⁶amatni dow lainowmma awda büah khai, kiow Thurai hanow ani dow awdaraalang mami a-i khi mih chekhail, pabüah hanow kaneuma kram büah khai. LEVI KOWI HAWAHMIH²⁷Nami kung kowi dow, chamlawt hanow mukawk rakow chowm lowkia mih aming dowLevi chekhai, Isu dow kowkhiah khai, ang kung uang tawi diah pakhai. ²⁸Aia dow awr rü hanowlowra mih towla hüah hanow, tawi khai bowt.²⁹Now, Levi dow kim kowi aiukma kachang pawikhai hanow, mu kawk miuüa hai akengmi maru akawmma uang tawi chape pawi büah khai. ³⁰Pharisaiuüa hai amatni ari arow tüngsang miuüa hailawm atape uüa luk kowi hawt prawngrenah büah khai, matawngplawng kachow mu kawk miuüa hai maru ngak miuüa hailawm ennitaiua cha kham kahi da. ³¹Isu dow klangah khai maru kowh iung mami uüa dow mapaw haudaktawr dowi tham, maru kowh nga miuüa dow hau daktawr rowt chekhai. ³²maru tachi tanawmdowi mih hai amatni nowngia tarip lakownkow maru ngak nalük nalau kownkow ang uang mihchekhai pakhai. HAWM KHAWR LAWNGUAN³³Amatni dow Isu tut-e Jowhan tapeuüa dow khawr hawm büah khai, Thurai kowi paw chup khai;naiawng palawng dow pharisai tape uüa ün paw hawm khawr mih chang büah reng khai, enkowh maru hawmuüa mih hing cha büah kham büah iawmlawm tiah chekhai, pape khai. ³⁴Isudow amatni tut-e tekpe khai, "masi pawk mih uowi mowr dawng kowi paw masimiuüa kim kowienni pe khawr ah hawm kakat tak bow? ³⁵Masi pawk mih dow, amatni hown nacham pawla mihkhin kowi tarap chedow natawi khawr büah kown chekhai" pakhai.³⁶Amatni tut-e dow, laiuat laiklow paw tek kahi, mia iawngmi paw uansar sekah hanow, alow alow ma napiak kown chekhai asar sek paw aprim hown uang hing taka dowi tham bowt.³⁷Uain tui sar paw miaiawng mipaw chak pik im prim kowi katpaw klinah dowi tham. klinah khai e dow, uain tui sar dow chak pik im kowi towah now napiak hanow nacham hawr bowk kown chak pik im hownia paw naiat kown. ³⁸Uain tui sar dow, chak pik im sar mih kowi ün na klinah rowt kown chekhai. ³⁹Now, uain tui prim kham kiang khai mih kung kowi asar mh katpaw nau büah dowi tham, aprim mami chekhai asowr uowi mih pabüah reng."

TANAINI KOWIKOW LAWNGUAN ¹Tanai nih kowi dow kamat chadawng iawng hai mang büah khai, atapeuüa chapüi klowkah khai, amatni rut hai iawpah hanow amin dow chaah büah khai. ²Pharisaiuüa amia iang mih chünchü, "Matawng plawng kachow tanai nih kowi iung cha dowi mih, enni cha khai? pa büah khai."³Isu dow matni kowi dow klangah khai, "aia auiua hailawm amatni hawm sakkrai khe David changah mih lup enni phat dowi bow? ⁴Thurai chup kim kowikow uamauüa chataih kawm towah mih aia pawah hanow chaah khai, aia auiua kowi paw pela ne khai, pakhai." ⁵Amatni tut-e, " maru chapa mih, tanai nih chang miia chekhai" pa dow tekpe khai. MARU CHAPA TANAI NIH KOWIKOW AIAH ⁶Akengmi tanai nih iawng kowi dow takuara kim kowikow kup hanow tüngsangah khai, nakowi dow maru lowkia hawmlawm rut pra chengleng uowi khai. ⁷Ari arow tüngsang miuüa hai pharisaiuüa nowia chawng towk büah kown, now aia kowi na dowkpe angak büah kown tanai nih kowi bow naiung kown mih tuakah büah khai. ⁸Amatni dow tuak pe hanow, rut chengleng mih tut-e dow, " awr rü hanow adawnglang kowi uang awr iowng diah" pakhai, aia dow awrrü hanow adawnglang kowi dow uang iowng khai.⁹Isu dow amatni tut-e, "tanaini kowi iungah kown bow? ngaah kownmi bow? Sak lawngah kown mih bow? Pawpe asak kownmi bow?" pakhai. ¹⁰Now, amatni bowk bowk kowi dow, aia krawi müah hanow chengleng maru kowi dow, "en rut awr phar diah" pakahi. ¹¹Amatni dow, kaneuma kunmarau khai, Isu kowi matawng chow nachangah kown mih amatni lalah tatek büah khai. CHINTAKMI UÜA KOWI KHOWMAH BOWKAH HAI LAIMAK ¹²Nami klawmklam khe dow, hung kowi Thurai kachup kownkow kakowi khai; uar prowt chup Thurai khai. ¹³Uar uang thowi hanow, atape uüa kowi hawah khai, amatni pungma dawng kowi laipreia ruiah khai, amatni ming kowi dow, chintakmi padow rükpe khai.¹⁴Simon ming kowi Isu dow, Peter rükpe khai, aia tainau kowi dow Adrew, Jakob hai Johan, Filip hai Barthawlawmawi ün, ¹⁵Mathai hai Thom, Alphet chapa Jakob sowm Simon Jelawt lahawm iawng sak kraira achima tek now, Jakop chapa Juda chekhai. ¹⁶Hanow, Juda Iskariot Isu kowi ransuuüa rui kowi apah mih chekhei. PRASIRA HAI PIATIRA ¹⁷Amatni dow ahawm sang hung hownia iu dowm büah khai, bawn anaima kowi iowng khai, nakowi dow tapeuüa hai nakowi dow tapeuüa akawm hown Judai pren maiow hown kow, tura hai Sidawn riaret hownkow maru kawm kaingma, aia laiklow nsü takown nau mih hai aatni aruaün naiung pe kown owm miuüa uang mih uüa dow uowi büah khai bowt. ¹⁸Lümla sürlawk towkah ngaremiuüa paw uang iung büah khai. ¹⁹Maru kawm maiow dow aia mat kowi natowp kown tuak büah khai aia hownia lowra nowngia changlami awr lawt khai lawngtowng büarüa kowi iungah khai.²⁰Now chamkrawi downg hanow, atape uüa dow, müah khai; ngarai mami uüa low, enni kaneuma kaucha iuk khai, Thurai pren enni kowh chekhai rakowi. ²¹Kaucha iungma kawmat kow hawm sak krai miuüa low, enni na dukown mih kaneuma iung khai kawmat kowh kar mih dow enni naren kown chekhai rakowi.²²Kaneuma kaucha iung, maru chapa rakowi kow sui enni mih pamtia kua hownia enni lang enni chepaw, anang piak chekpaw aming nagkma tek enni chepaw tahen büah diah. ²³Nami khain khe dow, awmrawm büah hanow, piawma hai plai büah diah, sünta mukuang kowi enni uüi awmrawm sung ahuma uowi chakhi rakowi; enni luk kowi chang büah iawng dow, prek che enni miuüa paw risiuüa luk kowi chang büah reng iawng,²⁴Kureng miuch uüa low enni kaucha sowmlai kabow, enni dow sak klamra kata khai bowt rakowi. ²⁵Dumi uüalow, enni kaucha sowmlai kabow, enni nasak krai kown chekhai rakowi, kawmat kowh renlawt miuüa dow enni kaucha sowm lai kabow, enni mih dow kar hai nasaknga kown chekhai rakowi.²⁶Enni kaucha sowm lai kabow, enni lawnguang kowi maru mih kiow enni khe, prek che enni miuüa paw risi iua iawang dow chang reng. RANSUUÜA KOWI NA SAKRAUAH KOWN MIH ²⁷Tamiuüa low, ang rek enni mih chekhai chaw, ransu miuüa kowi sakrauah büah diah, sui enni miuüa kowi chang peaiung büah diah; ²⁸tha enni miuüa kowi dow peah prasi diah; chang enni anowng apowng miuüa uüi kowi chup pe Thurai reng diah.²⁹Amia iawng mih chow neupa kowi phek en khai hanow pa pra mih paw towngpe diah, amia iawng mih chow kür hown pawta en kowrma hawnow en kow sakiui paw petape diah, hang ka hangah diah. ³⁰Amia iawng mih chow uang lü en khai hanow peah diah en kow uan che kür hown pawta en khai hanow hang ka plan kut lüpe tham bowt diah.³¹Enni luk kowi maru aiung nachang kown mih enni nau ngengche iawng dow, maru luk kowi paw tawi chang pe büah diah. ³²Enni matia sakrauah mih kowi chataih enni sakrauah hanow, matawng iawng chow maru ngak uüa kowi nachet nachamah kown mih nalang uowi kown chow? amatni paw skrauah mih kowi dow, sakrauah büah reng. ³³Enni luk kowi aiung chang mih kowi chataih aiung enni chang khai e dow matawng iawng chow maru ngak mih lak-e enni nalang iung kown chow? Maru ngak uüa paw naiawng dow tawi chang reng. ³⁴naplan kut ka aplan iawk kown sak owmra uowi mih kowi chataih uan enni pe e dow, matawng iang chow maru ngakmiuüa lak-e enni nalang iung kown chow, amatni paw nakut planka aklai kown mi dow, amru ngak miuüa paw taka klowk iawng satpe aklai kown.³⁵Enni ransu uüa kowi dow, lang sakrauah rowt büah diah, amatni luk kowi lup iung chang pe büah hanow aklai skowm uowi dowi iawng hai pe khawiah diah; hanow awmrawm sung ahuma enni naka kown, now langkri mih Thurai chauüa enni naow kown tiah; aia dow tuk awmrawm dowi miuüa hai maru ngak uüa kowi paw sanaah bowk chekhai. ³⁶Enni pa mukuang dow maru kowi sanaah reng iawng dow enni paw maru kowi sanaah reng diah. HANGTA PRAWNG TAREN DIAH ³⁷Hang cham chet tara, enni kowi paw chet enni dowi tham, amia iawng mih kowi paw hang cham pe angak maru paw pe enni angak dowi tham. lawtah baüh diah, enni kowi paw nalawt enni kown.³⁸Pe büah diah, hanow nape enni iawk kown; enni luk kowi maru mih ahuma khaiah hanow howngah thitah now enni luk kowi nauang pe enni kown; enni khai pe mih powmiawng enni uüi kowi paw nakhai enni kowi tiah.³⁹Aia dow amatni tut-e laiuat hown tekpe laiklow khai, mik du ria ria nowngia tatüng tiama tak bow? amtni chi dow kuam kowi dow dowi tham pabow? ⁴⁰Atape uüa dow Kim ia lak-e lang iuk dowi, ngachenganchepaw, ngat khowk mih tarap chedow tüng sang mih hown natatu kown.⁴¹En tainau mik püi mih matawng iawng chow en tuk khi khai, en matia mik lak kowikow sawp sek uowi mih dow khi dowi kowh, naiawng e matawng iawng chow en tainau kowi nowngia tek khai tainau uang diah en mik püi mih dow ang laita en khai pami? ⁴²En matia mik kowikow sawp sek matawng plawng kachow en khi dowi mih! aw puanput mami, en matia mik kowikow sawp sek rik laita ah diah, nami laita khe chiang che achim ma en nakhi kown iang. SING HAI IUIH ⁴³Sing iung mami iuih katpaw nga dowi, sing ngak mami iuih dow katpaw hing iung dowi. Sing dow aiuih hownia matawng iawng chow en khai mih natuk ah kown chekhai. ⁴⁴Mia iawngmipaw chu mung kowi katpaw iuih dut iuih iunng dowi tham, rui chu rui kowi paw grep iuih katpaw hing iung ngengche dowi tham.⁴⁵Maru iung mami dow, aia saktuak kruk iung hownia auan iung mih ün lawt reng, maru ngak tarap chedow, aia saktuak kruk iung dowi mih hownia auan ngak lawt reng, saktuak kowikow tuak iawng tek khai lawt reng chekhai. SANG CHING UOWI MIH HAI SANG CHING UOWI DOWI MIH ⁴⁶Aw CHAKRAMANG aw CHAKRAMANG, pa hai enni haw khai e dow, matwng plawng kachow ang tek mih laiklow enni chang dowi dow. ⁴⁷Lowra maru tut-e uang mih dow, ang laikow ta khai chün miuüa dow mia iawng mih chow na kown hanow ang natukla enni kown pakhai. ⁴⁸Kim chang mih abüpma thaiah hanow, huamang luk kowi akham-ma iawng kow dupah mih iawng chekhai; kim kowi dow tui mang lawt hai hawr chepaw nowngia chua dowi tham kaneuchow changah mih chekhai rakowi.⁴⁹Natarap chedow, ang laiklow takhowk kow chün dowi mih dow, maru sangching uowi mih iawng krawng luk kowi chataih kowh chang kim mih iawng chekhai. Kim kowi dow, tui mang uang lawt hai hawr hanow hing piak now tim tabowk krawm rawm taih pakhai.

ISU ARAU UOWI MIUÜA KOWI IUNGAH MIH ¹Maru kawmuüa tut-e tukpat aia kitek laiklow kungkowi dow, Kapernahum kowi kakup khai bowt.²Siphai akawmia powngmi kowikow, nar lowkia langsarau mih arau uowi mih kowng ngialia khai. ³Aia dow, Isu satang hawtta hanow, aia nauah mih nar kowi naiungah kownkow kalüla kownkow presumia Juda lawngtak uüa kowi kowchin pekhai. ⁴Amatni dow, Isu tut-e kowting hanow kaneuma kalü büah khai. ⁵A-i chenchap kowi mih sakrau khai now, takuara kim paw aia cham pe a-i khai.⁶Isu dow amatni hai akatsang katawi kowi now, kim re-e dow nakating kown chabowt khe, Siphai akawmia kowikow presumia mih dow aia auiua uüa kowi uang chingah khai, "CHAKRAMANG en matia hang kow kamrüt diah tawngplawng ang dow, tataing dowi mih chepaw ang kim kowi uang kup diah. ⁷Naiawng rakowi en tut-e nauang kown mih ang hingta taing dowi pami ang katuak dowi; en che tek khai now ang nar mih dow naiung kown. ⁸Ang paw maru low hownkow uowi mih ang na khai, ang low hai siphai uüa paw kakut plan uowi iawk, ka kowi diah ang pami kowi dow kakowi büah khai, uang mang diah ang pami kowi dow ang pami kowi dow uang büah khai ang nar kowipaw nami chang diah panow chang büah khai.⁹Now Isu dow nami lawnguang ta hanow, kaneuma awda khai iu ngeu hanow, aia kung uang tawi miuüa tut-e "Ang natek enni naiawng khowt kow owmra kraing mih dow, Israel uüa pungma dawng kowi miaiawng mipaw ang khi dowi tak" pakhai. ¹⁰Nami kung kowi, uang chinah miuüa kim kowi uang plan mang büah iawk khanow nami nar dow hawt iung mih khi büah khai bowt. MAMAIMA CHAPA KOWI KOWNGRA HOWNIA KRÜNGAH MIH ¹¹Nami klowpchow khin khe dow, marow lowk aming Nain pape mih kowi dow, kakowi büah khai, atapeuüa hai maru kawmma paw tawi khai. ¹²Aia dow, nami marow tiaplawt kowi dow kating kown khe dow kakowi khai now uak uang kawtla büah khai; a u dow mamaima chekhai marow kakowi mih maru kawm dow nami paw uang tawi khai. ¹³CHAKRAMANG dow kakhi hanow, nami maru uüa kowi kaneuma sanaah khai, "hangkow kar tham bowt" pape khai. ¹⁴Aia kowh tatawn hanow kawt lawng kowi katowp khai, uak kawt miuüa paw iowng khai, "aw klanguüa aw rü diah, pow dow ang tek en" pakhai. ¹⁵Nahanow nami kowng mih dow awr chowm hanow, awr prow sang khai, a u tut-e dow uang plan khai bowt.¹⁶Nakhe dow maru maiow uüa dow kram khai, kiow Thurai büah khai, "a-i pungma dawng kowi paw risi lowkia krikrangma uang uowi khai bowt chaw" pakhai; "Thurai dow aia maru uüa kow uang krawi khowngah chekhai bowt rakowi." ¹⁷Naün mih laiklow dow Juda pren hownia aria ret süng towng kowi Isu lawnguan dow uang tahowng khai bowt. JOHAN LÜNTAH MIH HAI ISU KLANGAH MIH ¹⁸Naün mih laiklow dow sarui dow, Johan atapeuüa kowidow uang phowngpe satang khai, ¹⁹Johan atape preia kowi hawah khai, CHAKRAMANG tut-e lünta kownkow kachinah khai, nauang kown mih dow en na khowk bow? Nadowi hanow, akengmi anging nachawng kown tak bow? ²⁰Nami preia dow, Isu tut-e kating iüa hanow Baptis changmi Johan, "nauang kownmi maru en na khowk bow? na dowi hanow akengmi maru kowi anging chawng kown tak bow? padow en tut-e nalünta kownkow uang chin angching mih chekhai" paiüa khai.²¹Nami khin khe aia dow maru kawmma arau hown kham ngare miuüa kowi rawka uowi miuüa kowi lümla sürlawk kupe kawlak miuüa ün kowi iungah khai, mik miuüa kowipaw iungah khai. ²²Hanow amtchi kowidow klangah khai, kut plan mang iüa iawk diah hanow enchi khilami hai talami ün Johan kowi kowtekpe iüa diad, mik du miuüa amatni mik uang khi khai kawk bai mamiuüa paw nowng mang büah khai, par mih uüa uang chim uang sai khai, param pang miuüa paw ta büah khai, kowng miuüa paw uang sing khai bowt, ngarai miuüa tut-e satangiung tekpe khowk. ²³Lowra maru ang tut-e kow tamüa sak uowi dowi miuüa dow kaneuma kaucha iuk mih chekhai.²⁴Johan chinah mih maru mangiuüah kung kowi maru kawmma tut-e Johan lawnguan dow, aia tek kahi bowt. "Matawng tamasa chow nami süngrüp süngkangma kowi enni kowmü mih?" ²⁵Klangiung mami tawnguat hown tatawng mih kowi bow katamü mih? Mü diah, asung khak mami tawnguat tawng hai tanüma hai ringkawma uowi miuüa dow mang kim kowi chatiah uowi. ²⁶Risi iua kowi nakamü kownkow enni kakowi mih bow? Ang natek enni sow, risi lak-e kowh langkri rowtmi maru kowi dow.²⁷Sünta ang chintakmi en pur kowi ang chinah khai aia dow en pur downg kowikow tiama nathawp kown. ²⁸Ang natek enni masiuüa penah mih pungma dawng kowi Johan lak-e langiung rowt mih uowi büah dowi; natarap chedow Thurai pren kowi maru langsowm mih paw aia lak-e langiuk rowt, pakhai.²⁹Maru maiow uüa hai mukawk miuüa dow Johan laiklow tabüah hanow, Thurai pra kowi tachi tanawm hai lai hown taphuang hanow chang baptisma büah bowk khai. ³⁰Pharisaiuüa hai ari arow tüngsangmi uüa tarap chedow baptisma tawinau chang büah dowi, amatni uüi Thurai dow taka iawng khowmpe bowkpe mih katuak büah dowi chekhai.³¹Isu dow, "akawmat kow maru uüa kowi mih matwng hown chow ang na tuhah kown chow?" ³²Amatni dow neuuüa iawng chi kowi tahaw büah haown tum parui büah khai, enni plaiah dowi hanow lainowmma anging saknga khai karpaw enni hing kar dowi.³³Baptis Johan dow uang hanow kawm cha dowi chekhai, uain paw cha dowi kham dowi chekhai e dow süngnam plawpah mih chekhai chaw pakhai. ³⁴Maru chapa uang hanow chak kham dow cha khai, enni dow, " sam mü madiah maru alawn mami, kuan mih, mu kawk miuüah hai maru ngak miuüa auiua enni nakut plan tape iawk" chekhai. ³⁵Nachenganchepaw Thurai pra chanlai mih hai anowm mami krang dow aia chauüa maiow kowi dow angak uowi dowi pahai uang nowng tüng chekhai MASIUÜA NAK MAMI KOWI ISU SANAAH MIH ³⁶Pharisai pungma dawng kowi lowkia dow Isu kowi aia mih dow natawi cha hawm kownkow hawah khai, kim kowi kup haow chakhai bowt. ³⁷Sünta nami marow kowikow masiuüa angak lowkia mih dow pharisai kim kowi chahawm pami tuk hanow Alabasta tut-e kakowi kow sau namiung mami uang pawla khai. ³⁸Aia kung prakowi aia khawk ria kowi iowng now kar hai hai mik tui hai kawk kowi peiatah hanow sikah khai, aia lu kowi kowh sam hown dow iu iawt pekhai, aia kawk kum dow nampe ngowilowi khai sau namiung mami dow nümnap hown klaipe khai.³⁹Mü madiah, aia kowi hawah mih kimchak miia pharisai dow khi hanow skadawng kowi katuak hai tek mih dow nami risi ching-e dow aia kowi towpah mih natuk nengche kown nami masiuüa mih miaiawngmi chow natuk kown matwng iawngmi masiuüa chow nakhai pami, tawngplawng aia dow maru angak dow natuk kown pakhai. ⁴⁰Isu dow aia kowi tekpe mih, "Simon en tut-e lai panawr ang natek en kown" aia dow tek bowt pakhai.⁴¹Now Isu dow tekpe khai maru preia dow nathut lowi kown mih tut-e kapaw lowi khai lowk ia mih kowi dow nguikhuai tanga kawma lowkia mih tut-e dow ngakawm chekhai, ⁴²nahanow athawk müa ka dowi iüa rakowi amatchi preia kowi dow nimtape bowk khai now mai kowi naown chow aia dow lang sakrauah rowt kown mih dow pakhai? ⁴³Simon dow, "aia lang lowi langhumi kowi naown kown nadowi bow?" pakhai , en tek mih nachow pakhai.⁴⁴Masiuüa pra kowi dow aia plan ngeu khai now Simon tut-e, "nami masiuüa kowi en khi bow? En kim kowi ang uang kup khai, en dow nasaula khawk kown khawm dow tui pe ang dowi, aia mih dow mik tui hai ang khawk sik ang hanow aia mat sam hown iawt ang khai. ⁴⁵En dow hawt nam ang dowi tawk che aia mih dow uang kup howni ang khawk kowi nam ang mih prowng dowi.⁴⁶En dow ang lu kowi phawk ang sau now nüm nap ang dowi, natarap chedow aia dow sau namiung mami hown khawk kowi klaiah ang now phawk ang khai. ⁴⁷Naiawng rakowi ang natek en aia nagak ahumami dow lawt tape khaowk aia paw maiawng khowt chekhai sakraura humi dit chow lawtah mih dow dit chow tiah sakrura uowi.⁴⁸Nami kung kowi aia dow masiuüa kowi tekpe khai en ngare maiow lawtta khowk. ⁴⁹Nami khowk khe aia hai taiua cha hai taiua chowm miuüa dow sakdawng kowi tek khai, "mia iawng mih chow angak ün paw nowngia lawt kahi mih? ⁵⁰Now aia dow masiuüa tut-e tek khai bowt en owmra lawng en mih chekhai, sak tahaulangma hai mang bowt diah" pakhai.

CHALIU UET LAWNGUAN ¹Nami kung klowpchow kowi dow, kua towng marow towng kowi krawi len hanow Thurai pren satang iung dow, krawi phuangla se tek khai, lai preia pa tawi büah khai. ²Nahanow masiuüa tawngmi chabak pre sumia uowi khai hanow,lvmla sürlawk kowi iungah mih hai plankut iungpe iawkmi paw tawi khai; Makdala aia kowi Mari paw tekpe mih ün aia kawlak hownia süngnam ranitia lawt khowk mih chekhai. ³Herod kowh krui khet mih Kuse masi Johana hai Susana iüa akengmi masiuüa akwmma miuüa dow matia kowh dawngthawnuan hownia amatni kowi lup iung chang büah khai. CHALIU UET LAIUAT ⁴Now maru kawm kraingma uangta kua khai, kua towng kowikow maru dow aia tut-e uang tarü bowk khai, sangchia laiklow hownia hawt tek pe khai. ⁵Chaliu uet mih dow nauet chalio kown chekhai; maiawng chaliu haiuet hanow tawngmi chabak tiama sak kowi dow dowh khai maruuüa nünah khai ukling uaber uüa chawtta bowk khai, ⁶tawngmi chabak hulipcha bialuk kowi dow khai, now alen ma awr ru khai chepaw prün ia sawt dowi bawn iung dowi rakowi hing keu khai.⁷Tawngmi chabak chu mung danwg kowi kowdow khai pram awr iuk takhai now mumta khai bowt. ⁸Tawngmi chabak dow bawn iung mih kowi dow khai, uang awr iuk khai now akawm phow lak-e uang iuih khai bowt, "nahanow naünmi laiklow dow akürma tek khai, nasünta kownkow pram uowi mih dow pacham süntah kaneula" pakhai.⁹Nami kung kowi tapeuüa dow nami sangchia uan dow tawng chow tek mih padow lüntaah khai, ¹⁰Aia dow, "Thurai pren lai büp mami dow natukla kown alow pe enni mih chekhai, akengmi maru uüa tarap chedow sangchia laiklow hownia tek reng mih chekhai tawngplawng khi chepaw achangma nowngia khi büah dowi chekhai, tareng chepaw tukla büah dowi kownkow."¹¹Sangchia laiklow auan dow mami chekhai, chaliu pami dow Thurai lai chekhai. ¹²Tiama ret kowikow dowmi dow lainowmma süntami uüa chekhai, tawk che amatni kowh owmra mih dow lawngra nakala büah kownkow sünganam uang hanow amtni saktuak kowikow laiklow dow uangpaw tape reng chekhai. ¹³Hualipcha luk kowikow dow mih dow amatni ta hai akrowk sang Thurai laiklow dow awmrawmma hai chünmi uüa chekhai, nachenganchepaw prün nowngia sawtla dowi now asung paw uowi dowi sat den hanow ngawi khai nami dow nawngcha khi uüi mowr kowikow owm büah mih chekhai hanow chaingra krum khin khe owmra hownia talami chekhai.¹⁴Chu mung dawng kowikow dow mih dow Thurai lai ta büah chadiah, iuk paw awr tawi iuk chadiah chepaw chownglawng kowikow atuak kangow hai dawngthawng uan ngownra kowi hai chowm krang uowi krang apiaw nau hai uang nümta khai, nowngia tawi iuih lah dowi chekhai. ¹⁵Bawn iung kowikow dow mih naün chekhai Thurai lai dow ta büah hanow saktuak kowi achima hai klangiungma sünta now hingtowah khai, khamsumma hai towk kür hanow iuih khai bowt miuüa chekhai. MAIBU BIAH HAI KRUKAH MIH ¹⁶Miaiawngmi paw towk maibu khe katpaw biah hown kruah dowi, prowng daw kowi paw towah dowi, kup mih sarui anowi nakhila kownkow atowkra kowi maibu towah reng chekhai. ¹⁷Tawngpaw natukla dowi kownkow khuah dowi kown mih uowi dowi, natukah dowi kown kown matwngiawng mih paw petah reng dowi. ¹⁸Matawngiawng chow enni ta, naün mih lawnguan kowi kaneu büah diah; uowi mih ia kowi dow naplan pe ah kown, uowi dowi mih kowi dow uowi mowr mih paw napawta pe bowk kown chekhai. ISU U HAI ATAINAUUÜA ¹⁹Hanow aia u hai atainauuü paw aia tut-e uang büah khai, nachenganchepaw maru kawmma rakowi uang nowngia kup büah dowi chekhai, ²⁰Nami kung kowi maru lowkia aia kowi tekpe mih, "en u hai en tainauuüa nakhi en kownkow uat kowi uangiowng hai chawng en büah khai" padow tekpe khai. ²¹Aia dow nami kowi klangah khai, "Thurai laiklow ta khowkkow chün mih uüami dow, au hai ang tainau uüa na büah chekhai" pakhai. LIKU HAI UANG KOWI NANGAH MIH ²²Pakat nih dow tapeuüa hailawm lawng kowi chowm büaha khai, " su sata parpra powt ret kowi lah" pakhai. Now lawng hai tarü büah khai bowt. ²³Lawng hown hai mang thüm khe aia dow müi khai, sata kowi dow liku hai uang pamaisang ma uang khai, amatni kow lawng kowi dow tui uang pre hanow nip ngialia khai, klaphi hai kaneuma tuak krat khai.²⁴Hanow amatni aia tut-e kata tawn now, kakrüngah khai, " CHAKRAMANG CHAKRAMANG a-i nakowng kown chabowt" aia dow uang awr rü hanow liku hai tui lowng kowi dow nangah khai hanow uang hing rim büah khai. ²⁵Nami kung kowi aia dow amatni tut-e tekpe mih dow, "matawng kowi chow enn kowh owmra?" nakhowk khe amatni dow kram hanow kaneuama auan dow awda büah khai, lowk kowh lowk kowi tatek mih, mami maru mih aimia iawng michow, liku hai tui lowng kowi paw peah alow ana hanow chün mih" padow tatek büah khai. MARU LOWKIA KOWI SÜNGNAM PLAWPAH MIH KOWI ISU IUNGAH MIH ²⁶Nami kung kowi amatni dow Galili pren hai tatawn taret mih Gerasin büah süng kowi kating büah khai. ²⁷Nami süng kowi kating büah hanow marow kowikow maru süng nam plawpah mih lowkia dow aia pur kowi uang khai, nami dow kramah kowh tawng uat ünpaw khup dowi kim kowi paw uowi dowi tawkche chengrawng kowi chataih uowi reng mih chekhai.²⁸Isu kowi hawt khi hanow hawt pla khai aia luk kowi uang tabawk krawm khai, aw Isu langkri mih Thurai chapa, ang lawnguan hown katasang en uang tawi tek kown en tuk bow? en mih Thurai hownia kowh unag towah ngare dowi kownkow ang lü mih chkahi padow tek khai. ²⁹Aia dow nami maru kawlak hownia süngnam dow naawr lawt kownkow hawtpeah alow khai bowt rakowi, süngnam dow amaimasang lawt kkhowk chekhai, paimi lümla ngak nih huma khowk nami kowi dowk hai towah khai hanow lawngha leng hai nami kowi kuowkah mingah khetah reng chadiah, nachenganchepaw naka khuowkah mih leng dow raitape khai süngnam dow süngrüp süngakang makowi ün cham powt tareng chekhai.³⁰Isu nami kowi lüntaah mih dow en ming mia chow? nami dow, " siphai chekhai" taruk thawng khowk aia kawlak kowi süng nam kup pe mih dow ahuma khowk rakowi chekhai. ³¹Nami kung kowi krawng kua mai kan kowi nakuak dowi kownkow aia mat kowi lüpe alow büah prung rung khai.³²Nami ra-e hung kowi pak hawm ahuma uowi khai pak hawm kowi kawlak kowi süngnam uüa naia kupla kownkow aia tut-e tekpe khai, aia dow pe kupah khai bowt. ³³Nami khin khe süngnam dow nami maru hownia lawtta hanow pak kawlak kowi kakup büah khai bowt, pak hawm dow rak pra kowi dow iowm büah hanow sata tui kowi ka kowng büah khai bowt.³⁴Alup uangting mih dowpak ming khet mih uüa dow khi hanow cham iowm büah hanow marow kowikow hai aria aret süng kowikow maru kowi dow kow phowng pe büah khai. ³⁵Nakhe matawg lup chow uang ting khai pami namü kownkow maru kawmuüa dow katarü khai Isu tut-e uang ting büah hanow süngnam lawt tape khowk mih maru mih khup uan kowh sangching uowi mih iawng dow Isu ria kowi hawt chowm mih dow kow khi büah khai now, kram büah khai bowt.³⁶Hanow naün mih lup khi hanow süngnam khümah mih maru uang iung khai bowt mih, krang dow naka amatni hawt tekpe khai. ³⁷Gerasin pren kowikow maru maiow dow kaneuma kramra uowi mami padow tatek khai, amatni hownia napowt kownkow lü büah khai haow nakhe aia dow lawng kowi phüt now plan khai bowt .³⁸Hanow süngnam lawtta pe khai bowt mih maru dow aia hai katsang nahing tawi uowi kownkow uang tekpe khai, ³⁹nachenganchepaw Isu dow nami kowi chinah khai, "en kim pra kowi plan mang hanow, Thurai dow en kowi krikraingma chang mih lup krang hai katek diah" padow pakut planah khai, hanow mang now marow lak maten kowi dow Isu dow aia uüi krikrangma chang pe mih dow cham krawi tek khai bowt. JAIRA CHAMA KOWNGMI HAI MASIUÜA LOWKIA AWNG VI MIH ⁴⁰Isu dow uang kup plan kung kowi maru uüa dow hawt howrah khai, tawngplawng aia kowi hawt chawngah büah khai. ⁴¹Sünta maru lowkia aming Jaira dow takuara kim kowikow aia aluchow lowkia dow, uang khai hanow Isu khawk daw kowi tabawk krawm khai, now aia kim kowi natawi kownkow uang kükah khai. ⁴²Achama uowi lowkchami nami dow laiprening klawm klam mih khe, kowng iawng taiüa lut rakowi aia kim kowi nakowi kownkow uang kük ah khai, aia dow uang khai bowt khe maru tachek iün mowr pat maru kawm chekhai.⁴³Now, masiuüa lowkia laipre ning khowk awng vi mih aia dow pawisa tangka maiow paw rawah mih kowi e sunta peta bowk khowk, mia iawng mih paw nami kowi nowngia iungah dowi chekhai. ⁴⁴Nahanow aia kung pra kowi uangi mang hanow aia uan ret kowi uang kakah khai, now pamaima sang aia dow uang hing iung khai bowt.⁴⁵Nakhe Isu tek mih dow, "amia iawng mih chow uang kak ang? " tada büah bowk khai, Peter hai akeng miuüa dow tek mih," CHAKRAMANG, iawng khowt maru kawm taet büa hanow, en luk kowi ün uang dow khai." ⁴⁶Isu dow klangah khai, " amai iawngmi chünchü dow nauang kak ang kown, ang hownia kowh kür powt mih dow ang tuk khai.⁴⁷Now masiuüa dow nowngia tapet dowi bowt, now aia dow chür klukluk se aia pur kowi uang tabawk krawm now, matawng iawng chow aia iung mih lawnguan dow maru pur kwoi uang tekpe khai. ⁴⁸Aia dow, "au! en owmra kowi en nowngia iung mih chekhai; thaulangma hai mang tai bowt pape khai."⁴⁹Aia tek lai thum khe Jaira kim hownia kowh maru lowkia uang tekpe khai, "en chama kowng khai bowt," pakhai. ⁵⁰Isu dow hawt ta khai hanow, Jaira kim kowi tekpe mih dow, "hang kowh kram diah, owm diah, aiamat dow nasing iawk kown tiah" pape khai."⁵¹Nami kung kowi dow nami kim kowi kating khai hanow Peter, Johan hai Jakob uüa, achama u hai apa klen kowi dow miaiawng mih kowi paw natawi pe kupah dowi. ⁵²Nami khin khe amatni dow downgprang phek hanow krar büah sawmlawm khai, nachenganchepaw aia tekpe mih dow, "hang kar büah diah, aia dow kowng dowi tak müi mih chetaih" pakhai. ⁵³Kowng khai bowt pami tuk ngengche büah khai rakowi khareah renah büah khai.⁵⁴Isu dow aia rut kowi dowk pe khai hanow, "Tum awr rü padow hawah khai", ⁵⁵aia lümla dow uang kut plan iawk hanow, hingrü khai bowt, "napeah chak kham kownkow tekpe khai. ⁵⁶Naiawngün khi hanow, a u hai apa iüah dow lainowmma awda khai nachenganchepaw lup uowi krang dow akeng mih maru kowi na tek dowi kownkow hangah khai.

ISU ALOW PEK HAI ATAPEUÜA LAIPREIA KOWI NACHAM TEK THURAI LAI KOWNKOW CHINAH MIH ¹Laipreia tape uüa kowi dow katsang kuaah khai, amatni kowi süngnam maten luk kowi lowra nowngia changla mih hownia nanowng changla kownmi ana peah khai, arau ün nanowngia iungla kownmi ana peah khai. ²Thurai pren laiklow nacham tek kown mih hai arau uowi mih ün naiung lah kownkow chinah khai.³Amatni tut-e tekpe mih dow, "taima kowi mang mih khin khe, raitua hai im kowi achak kham hai tangka matawng paw hangka pawla diah ba; kowrma pre khup paw hangka pawla büa diah. ⁴Enni cham pünra kim sarui kowi dow pün reng büah diah, nami hownia ngengche dow hang plan kut lawt büah diah.⁵Maru che hut nau enni dowi khai chalow hanow, nami marow hownia enni lawt mih khin khowk khe enni khawk kowikow dinchowmi thürla büah prowng diah naün mih dow amat nih uüi kowi-e na thakpe saksi kown chekhai rakowi. ⁶Hanow chamtarü büah khai bowt, kua towng kowi cham len büah khai bowt, lowra kowi satanging te hai maru arau kowi iungla büah khai.⁷Mang Herod da naün mih laiklow dow tawita khai, tawngmi chabak dow baptis cham mih Johan dow kowngra pungma dawng hownia awr kut planrü mih bow paün padow tek büah khai. ⁸Tawngmi chakba dow, Eliza uangta tüng chekhai, paün tek büah khai. tawng mih chabak da achük alai kowh risi mih miaiawngmi chünchü uang awr kut planrü iawk mih chekhai, pabüah rakowi dow atuak acha tuk dowi bowt chekhai. ⁹Herod tek mih dow, "Johan kowi dow ang dung pe alu khowk da! hanow aia satang maiawng khowt pat akraing angta mih dow, mia iawngmi naown kown chow?" pakhai, aia mat kowi da nakhi kown tuak khai bowt. TANGA THAWNG MARU KOWI PE CHA AH MIH ¹⁰Chintak miuüa dow uangmang khai bowt, aia tut-e lup chang krang ün uang tekpe büah khai, amatni kowi dow hawla hanow Betsaida pape büah mih marow kowi dow chamlang pawlaah khai bowt. ¹¹Nachenganchepaw Maru kawm miuüa kowi dow tuk büah hanow tawi khai bowt, amatni kowi dow hawt howrah büah hanow Thurai pren laiklow hawt tek pe khai naiungah kown kla mih sarui kowi paw iungah khai.¹²Sat dow kowi khai bowt, now laipreia tut-e uangah hanow tekpe mih, maru kawm uüa kowi dow chinta bowt, tawngplawng panow aria aret marow kowi pe mangah bowt, pünra kim hai chak kham ün pacham krawi cham büah lah, mami ra eh dow arimram mami rah chekhai. ¹³aia tarap chedow, "enni matia pachaah kownmi peah büah diah pakhai, amatni dow aia kowi tekpe mih kawm tangapa hai dam prekawn chow klenkowi dow matawngpaw anging kowi uowi dowi maiawng khowt mih maru nachaah kown mih, a-i ia ran kown bow?" ¹⁴Amatni dow kachakuüa kangow khowm dow tangathawng naown kown chekhai, aia dow atapeuüa tut-e tekpe mih, "atengma ngakawm ia chi pachowmah büah diah" pakhai.¹⁵Naiawng dow chang büah hanow pe chowmah khai. ¹⁶Kawm tangapa hai dam prekawng hai dow pawah hanow mukuang pra awr tau hanow awmrawm laikow tekpe khai now, kawmpa dow sekah khai now, maru kawm uüa tut-e naretpe kownkow; ¹⁷Aduma cha büah bowk khai now lainowmma sak-i khai, now adi auai hai lawm bowk bowk kowi laipre kahrang tak marat.¹⁸Pakat khe dow rarim raram mami rakowi kowchup Thurai khhai, atapeuüa paw aia hown akatsang katawi uowi khai; now aia dow amatni kowi lüntah khai, "maru mih mawtwngiawng chow tek, amia iawngmi chow ang?" padow lüntah khai. ¹⁹Amatni dow klangah khai, "baptis changmi Johantawngmi chabak dow Eliza pahai, tawngmi chabak dow achük alai khekowh risi uüa pungma dawng kowi amia iawngmi chünchü awrplan kutrü iawkmi" pape khai.²⁰Now, aia dow, ang dow miaiawng mih chow? matawng iawng chow enni natek kown, Peter dow, "Thurai kowh Messiah, padow klangah khai." ²¹Hanow nami kowi dow mih iawng mih kowi paw cham tek dowi kownkow peah alow khai. ²²Maru chapa mih dow ngare ahuma nakham kown chekhai, achük alai kowi lawngtang chauüa hai uama langkrimiuüa ari arow tüngsang miuüa nanütah ah hanow, napaw pe asak büah kown natarap chedow sum nih kung kowi kowngra hownia na awrru ngengche kown pakhai.²³Now aia maru uüa tut-e tekmi dow, "lowra maru ang kung uang tawi kown nau khai mih dow kowmatia nauiawng hai kowpachang lah, nih towng kowmatia Kros kawt hai ang kung pauang cham tawi krawi lah. ²⁴Lowra maru kowmatia sak nalawng kown tuak khai mih dow natama kown hanow, lowra maru ang uüi rakowi pamtia asak mata kown, nami kowi dow nalawngah tangah kown. ²⁵Hanow Maru mih palusa mami kata kahi chepaw aia mat sak sum khai e dow aia mat uüi matawng chow namarat kown chow?²⁶Amia iawngmi chow ang rakowi hai ang laiklow kowi rukraila ang khai mih maten dow maru chapa aia nanra hailawm apa hai kramamu chimsai kraingra hailawm nauang mih khin khe dow ang paw naruk laiah kown. ²⁷Lainowmama ang natek enni, "amiaiawng mih chow mami ra-e iowng mih uowi ne chabak Thurai pren khi büah dowi rawn dow nakowng dowi kownmi uowi ne" pakhai. ISU POWM TAKLOWI MIH ²⁸Naün mih laiklow kitek kung kowi dow nowkah mih luk kowi raiat nih uang tachi khowk nowi Peter, Johan hai Jakob uüa kowi hawah khai, nachup Thurai kownkow hung kowi awr pün khai. ²⁹Aia chup Thurai thüm khowk ke aia powm uangta klowi khai.³⁰Mü diah, kachakuüa preia Mosi hai Eliza iüa dow ai kown uang taklowp khai. ³¹Anowima hown uangta tüng khai, aia nakowng kown mih lawnguan dow uang tekpe khai, Jerusalem kown nata chi ngengche kown chekhai pami.³²Peter hai aia auiua dow kaneuma muirau khai bowt, awr rü hanow nami anowi kowi maru preia mih dow khi büah khai, aia mat hown taiua iowng mih dow. ³³Isu hownia powt hai krowk sang Peter dow tekpe mih, "CHAKRAMANG" mami re-e a-i hing uowi mih naiung kown, a-i thawp te sum bowk now en büi lowk, Eliza uüi lowk, Mosi uüi lowk, pakhai" matawng chow aia tek mih dow auan hing tuktaah dowi chekhai.³⁴Nami laiklow tek thüm khe uang nim dow uang ta mum krup khai, amatni dow uang nim lak kowi kup khai chekhai, now anmatni dow kram büah khai. ³⁵Uang nim dawng hownia dow mami laiklow tabüah khai, aia dow ang lang sakrauah mih chapa, ang langklowah mih, aia laiklow dow süntape diah pakhai. ³⁶Mami laiklow uang tün hai krowk sang dow Isu kowi chatiah khi büah khai. now rarimma uowi büah khai, nami khin khe khow khiami amai iawng mih kowi paw cham tekpe büah dowi chekhai. NEUUÜA LOWKIA KOWI ISU IUNGAH MIH ³⁷Auai rau khe hung hownia iu dowm khe dow maru kawmma aia hown uangta krum khai. ³⁸Maru kawmma pungma dawng kowi lowkia dow pla khai, "aw tüngsang mih ang kowh cha uowi lowk chami dow, en mih nauang tawi iung ang kownkow ang uang lü en mih chaw. ³⁹Süngnam lowk chahtaiah aia kowi dowkah mih, now aia dow awr pla hai krowk sang aia kowi dow betah khai, now aia nawr hownia dow kria paw dow uang talowi khai, now aia kowi dow peah arau hanow towkah ngare khai. ⁴⁰Hanow, ang mih en tapeuüa kowi naprüt tape kownkow ang tekpe chadiah, amatni dow nowngia hing prüt pe dowi chekhai.⁴¹Isu dow klangah khai, "aw owmdowi miuüa hai kaucha sowm mami chenchap uüa low, mün khowt tak chow ang natawi uowila enni kown hai natown enni sak kown?" ⁴²En chapa kowi mami ra-e uang pawla madiah. Aia uang pawla mih khin khe lümlangak dow nawtah khai, hanow uowiah pakram iawng hai betah khai, nachenganchepaw lümlangak kowi Isu mih dow nangah khai, now nami neuüa kowi dow iungah hanow apa tut-e planpe ah khai bowt.⁴³Nami khin khe Thurai kraingra mih dow kaneuma awda büah khai. Aia changah mih lup maten kowi dow kaneuma awda khai, now atape uüa kowi tekpe mih, ⁴⁴mami laiklow mih süntaah büah kaneu, maru chapa mih alenma maru rut kowi nata ap kown chekhai. ⁴⁵Nachenganchepaw, aia tekah mih klow auan dow hingtuk ta büah dowi, amatni nanowng tuktala dowi kownkow petpe mih chekhai, nami laiklow auan dow naplan lüntaah kown mih kramah büah khai. AMIA IAWNG MIH CHOW LANG KRI ⁴⁶Amatni pungma dawng kowi amiaiawng mih chow langkri kown pami lawng uan hown dow hawt uown taüa büah khai. ⁴⁷Namih khi khe Isu dow amatni taüa mih auan dow saktuak hown taktaah khai, now neuuüa sowmlowm chami lowk ia kowi dow uang pawla hanow aia ria kowi peiowah khai, ⁴⁸amatni tut-e tekpe mih dow, "lowra maru mami neuuüa kowi mih ang ming rakowi hawt howrah mih dow howr ang mih chekhai, now uang ching ang mih kowi paw howrah mih chekhai, enni pungama dawng kowi langsowm mih dow nalang kri kown" pakhai.⁴⁹Nami kung kowi Johan dow, " aia kowi tekpe khai, "Aluchow, maru lowkia en ming hai sünganam kowi prütah mih anging khi khai, hanow, aia dow tawimü a-i ku dowi, naiawng rakowi anging hangah khai. ⁵⁰Isu dow aia tut-e, hang kowh hangah büah diah, miaiawng mih maru chow kingküa enni dowi mih dow enni pra kowi tangi kown mih tuak büah diah pakhai." JERUSALEM KOWI ISU KAKOWI MIH ⁵¹Hanow aia mat mukuang kowi na awr pün kownmi khin uang ting iawlaw khai bowt, nami khin khe amatni naumi Jerusalem kowi nakowi kown mih kamrüt khai. ⁵²Aia dowi rawn satang pek mih uüa kowi dow kowrik chinah khai now amatni dow kakowi khai, aia uüi lowra kiowrira na hawt kamrüt tape hüah kownkow samari maru uüa kua kowi dow kakup büah khai, kanowngia kamrüt pe kownkow. ⁵³Chepaw Jerusalem kowi tiang pat mang kown tuak khai rakowi hawt ta maru hawm dow aia kowi nauah khai.⁵⁴Nami khi hanow atape Jakop hai Johan iüadow, " CHAKRAMANG en tuk nau dowi bow, Eliza chang iawng dow mukuang howngia maih nauang dowm hanow amtni kowi nauang piakta kown mih. ⁵⁵Aia tarap chedow hai neu hanow nangah khai now, tekpe mih, "matawngiawng mih lümla chow enni, tuk dowi bow."pape khai. ⁵⁶Maru chapa mih dow, napawpe asak kownkow uang mih nadowi; tawche nalawnah kownkow uang mih chekhai. Nmai kung kowi dow akeng kua kowi amatni dow mangta khai bowt. ISU KUNG KRAWI MIH SUNG ⁵⁷Aamtni dow tiama iawng mang thüm khe maru lowkia aia tut-e uangtek mih dow, "en chang mangra maten kowi ang natawi kown" pape khai. ⁵⁸Isu dow nami kowi tekpe mih, "Berenkhui kawm dow kuam kowi uowi khai uakling uüa dow chang baih khai, tawkche maru chapa tarap chedow ka lu towkra dowi chekhai."⁵⁹Nahanow akeng mih lowkia kowi dow aia tekpe mih, "ang kung tawi krawi diah," aia dow CHAKRAMANG apa kowi ang nakow rik duplah tak. ⁶⁰Isu dow nami kowi tekpe mih dow, makowng maru uüa amatni matia kowng miuüa lalah pacham tadup lah tiah, en tarap chedow ka kowi hanow lowra kowi Thurai pren laiklow mih cham tek diah, pakhai.⁶¹Hanow, lowkia mih tekpe khai, "CHAKRAMANG en kung ang natawi kown, natarap chedow kimchak uüa kowi hown ang nakarik taprai kown mih alow rikpe ang diah." ⁶²Nachenganchepaw Isu dow klangah khai, " laithawan tim kowi tangta rut khai bowt mih dow kung pra kwi plan kut dang khai mih dow miaiawng mih paw Thurai pren maru nachowng kown mih lahawm dowi chekhai."

ISU RANIT KAWMIA KOWI CHINAH MIH HAI TÜNGSANGAH MIH ¹Nami kung kowi dow, CHAKRAMANG dow akengmi ranitkawm ia kowi khowmah khai, amatni nacham kowi kownkow mih marow town kowi arah towng kowi preia chi nakakowi kownkow chinah khai. ²Aia dow amatni tut-e tekpe khai, charawng ahuma chadiah, tawkche cha nangen kownmi maru dow a-e chow chekhai, naiawng rakowi CHAKRAMANG kowi lüpe diah hanow, aia mat charawng kowi dow uang chin maru kown mih pakhai.³Kakowi büah. mü diah, sui pungma dawng kowi ruapuar cha tawikup mih iawng ang chin enni chaw. ⁴Tangka im hai panait khawk ün hangka pawla büah diah taimarawn kowi miaiawng mih kowi paw hang cham kiowri lah büah diah.⁵Enni pünra kim sarui kowi nami kim kowi dow, thaulang ma pachm tiangla padow rik tekpe. ⁶Nami kung kowi dow thaulang ma achauüa dow hawt uowi büah khai hanow enni sak thaulang ma hai laiklow dow amatni luk kowi pacham uowi lah, hawt uowi büah diah, enni tut-e pacham uang plan iawk lah pape kahi. ⁷Nami kim kowi kangow uowi büah hanow amatni pe enni mih sarui cha kham büah diah, lup chang mih dow akha kala kownmi lahawm chekhai, akeng kim kowi hang cham tachown büah diah.⁸Now, marow kowi enni nakup mih sarui kowi hawt howr enni büah khai hanow then enni mih sarui cha büah diah. ⁹Arau uowi mih ün paw iungla büah haown, "amatni tut-e Thurai pren dow enni tut-e uang tatawn kahi bowt" padow tekpe khai.¹⁰Enni kupla mih marow maru uüa hawt howr enni dowi hanow enni nalawt mih khin khe amatani marow lak kowikow tiama kowi kakowi kahi pahai tekpe büah diah. ¹¹Enni nami marow kowikow khowm padow natawi tadan kown anging khawk pah kowi nau dowi chakhi, nami kingküara henta büah hanow, Thurai pren enni tut-e lainowmma uang tatawn khai pami tarap chedow hawt tuk büah diah pape kown chekhai. ¹²Ang natek enni, nami ni khe nami marow kowikow phi hownia Sidon kowikow iawng dow phi nakla kown.¹³Chorazin hai Betsaida dow, enchi langkaucha dowm mih nakhai, Enni pungma dawng kowi awsara lup maten chang ta bowk khowk chekhai rakowi, Sidon hai Tura kowi chang panü dow amatni ahuma mih dowi rawn khe uan paw khup khai plawi dawng kowi chowmmi natarip khai bowt diah. ¹⁴Tara chetra kowi dow enni nakham ngare mih lak-e Tura hai Sidon nakham ngare iawng enni paw naka kown. ¹⁵Enpaw Kapernahum mukuang tingpat nakiowri kown pabow? Krawng dak pren kowi ting mowr pat nakuak ta en kown.¹⁶Enni laiklow che owm khai now, ang laiklow kowi paw naowm büah kown, nau enni dowi hanow ang kowi paw nau dowi mih chekhai, now ang kowi paw nau dowi mih dow uang ching ang miia kowi paw nau dowi mih chekhai.¹⁷Rinitia mih uüa dow apiawma uang plan mang iawk büah khai, CHAKRAMANG süngnam kowi ün paw en ming hown anging iata khai. ¹⁸Isu dow amtni tut-e tekpe mih, "mukuang hownia kowh kaikreng powmiawg setan dow, uang hing dow mih ang hawt khi khai." ¹⁹Mü diah enni kowi rua ün hai krawng dak rowp ün, ransuuüa maiow luk kowi nanowngla kown akürma alow ang pe enni chaw, matawngpaw arau nowngia chang enni dowi tham. ²⁰Natarap chedow, süngnam kowi enni nowngia khai rakowi hangkow awmrawm büah diah mukuang kowi enni kowh mih ruiah khai rakowi awmrawm rowt büah diah.²¹Nami khin khe Isu dow, lümlasai kowi kaneuma awmrawm khai bowt, "aw apa, krawng hai mukuang CHAKRAMANG ang en kowi dow kiow khai maru chanlai mami uüa hai prengia mami uüa tut-e naün mih auan en petta khai, neuuüa lawngmi tut-e en phowngpe khai.²²Apa dow lowra akümma ap ang khai bowt chapa kowi mih miaiawng mih maru natuk kown, apa chatiah klen kowi dow miaiawngmi maru natuk kown apa chatiah klen kowi dow miaiawng mih paw tuk büah dowi, apa kowi paw chapa lowk chow chatiah tuk, amatni tut-e chapa dow aia nauah mih chatiah naphuang kownmi dow hanow amia iawng mih paw tuk büah dowi chakhai, pape khai.²³Nami kung kowi aia dow atapeuüa pra kowi uaineu khe amatni tut kukpa tekpe mih, enni mik hai khiah mih iawng tawi khi mih dow amatni dow kaucha iukma chekhai. ²⁴Tawngplawng ang natek enni, risiuüa hai mang hawmuüa paw, " enni khimiiawng nakhi kown naubüah reng chekhai, tawkche hing khi dowi; enni süta miün nasünta kown naubüah diah, chepaw hingka sünta büah dowi" pape khai. LANGKRIMI ALOW PEK NAMI LAWNGUAN KOWI TATÜTASANGRA ²⁵Pakat khe dow ari arow aluchow lowkia mih, aia mat kowi nachaingah kownkow uang tekpe mih dow, " aw tüngsang mih, achowngma singra naka kownkow, matwng chow ang nachang kown?" ²⁶aia dow nami kowi tekpe mih, ari arow bowih kowi matawng chow arui uowi? Matawng iawngmi chow en phat reng mih pakhai." ²⁷Aia klangah mih dow, "CHAKRAMANG en Thurai kowidow en sangching maiow hai en saktuak maiow, en kürra maiow hai en saktuak hown CHAKRAMANG Thurai kowi sakruaah diah hanow en matia tasakrau mih iawng en klowk chak miuüa kowi paw en na sakrauah kown" pakhai. ²⁸Isu aia tut-e, "taka powmiawng dow en tuk klangah khai, naiawng dow changah hanow en naka singra kown" pakhai.²⁹Nachenganchepaw aia mat kowi aiungma pami natüngpe kown rakowi Isu kowi tekpe mih, "nahanow aiung mami ang klowk chak dow miaiawng miuüa chow?" pa khai. ³⁰Isu dow, maru lowkia Jerusalem hownia Jereko kua pra kowi nakowi kownmi khin khe, tiama rawng kowi tamta hawmuüa rut hown dowkah khai, amatni dow aia kowi khupdip tawngklai uan dow klüp tape khai, tep chamang tepah dow kowngiawng taih bowt towla büah hanow powt tape büah khai bowt.³¹Nami tiama kowi dow uama lowkia mih kowmang now, auan krang uang tatawng khai, aia dow khi hanow cham riata khai , ³²nami powmiawng dow Levi lowia mih paw nami tiah iawng dow uang tawi mang khai, aia hai khi hanow nami paw riataah khai.³³Nachenganchepaw Samari maru lowkia dow nami tiama iawng cham kowi khari mih dow uang tawi ting khai, aia dow haimü hanow kaneuma sanaah khai, ³⁴hanow aia tut kakowiah hanow uain tui hai sau aia mah kowi dow khüklape hanow taptape khai, now aia tawncher luk kowi pechowmah hanow pinsüa tera kowi kapawla hanow khetah khai. ³⁵Auai nih, nuikhawi pe iun pinüa tera kimia kowi pelape hanow tekpe mih, "mami maru kowi dow ming khetah diah, nami klen kowi en sunta mih langhu hai chalow hanow ang uang plan khe ang nauang plan en aklai kown taih" pakhai.³⁶Matawng chow en katuak, nami sumia pungma dawng kowi tamtauüa dowk ahmih maru klowk chak dow amia iawng mih na own chow uang chowng? ³⁷Nami ia tekpe mh dow, " nami aia luk kowi sana miia nakowin pakhai,Isu dow nami kowi tekpe mih en paw nami powm iawng dow katawi chang diah. MARTAHA HAI MARI KIM KOWI ³⁸Hanow amatni mang khe kua uowi lowk mih kowi kakup khai now masiuüa lowkia aming martha pami kim kowi kapün khai. ³⁹Martha nauma lowkia aming Mari pami dow amat chi tainau na khai, Mari dow, CHAKRAMANG khawkria kowi chowm hanow sünta laiklow khai.⁴⁰Martha dow chak kham tua chang kangow kowh talawk dowi, aia tut-e atawnchow uang hanow, "CHAKRAMANG en tawngpaw katuak dowi bow, ang nauma dow lup mataiow ang lowkcha kowi towla ang hüah, aia kowi tekpe hanow nauang khowng ang kown" pakhai. ⁴¹CHAKRAMANG dow aia mat kowi klangah khai, "Martha, Marthi en atuak kawm hai kaneuma pusa khai" chekhai. ⁴²Mari dow lup langhau mih uowi khai aia dow akat sang naiung kown mih lup lawnguan ruiah khai, aia kowi hawka rup tape diah" pape khai.

NACHUP THURAI KOWNMI KRANG ¹Pakat khin khe, matawngiawng mih rakowi chünchü aia chup Thurai khe, aia ki chup Thurai khe atapeuüa pungma dawng kowikow lowkia mih uang tekpe mih dow, "CHAKRAMANG, Johan dow tapeuüa kowi Thurai chup krang tünsanah iawng dow, anging kowipaw tüngsang ang ing diah" pakhai.²Aia dow amatni tut-e, "enni chup Thurai mih khin khe, maiawng hai tekah büah diah, angiang pa mukuang kowi uowi mih en ming aring pacham uowi lah, en pren pauang cham ting lah. AIA PREN NAUANG TOWM KOWN MIH ³Nitowng nacha kown mih pe anging hawm diah. ⁴Anging ngak ün lawt ta anging diah, anging luk kowi angak chang mih sarui kowi anging lawtta iawng, puanra hownia dow alakma hen anging diah".⁵Hanow aia dow amatni kowi tekpe mih enni pungma dawng kowi maru lowia mih auiua uowi khai e dow, uariu dawng kowi aia tut-e kakowi hanow, "auiua low, kawm sumpa pe khawi anging diah. ⁶Tawngplawng ang auiua tiama kowi mang hanow uangmüla ang khai, aia pur kowi na awrpe iawk kown tawng paw ang kow uowi dowi." ⁷Nahanow nami maru dow kimlak kowi uowi mih dow klangah khai, "hauang krawi pusa ang; kawmat dow kim büng ün büngta mowk khowk ang chauüa hailawm müira prowng kowi anging iüah khai bowt, na awrrü hanow ang uang nowngia pe en dowi tham?" ⁸Ang natek enni, "aia auiua nakhai rakowi awrrü hanow peah dowi chekhi tawk che aia tut-e aplan aplan lü rakowi awr rü ah hanow aia haumi ahuma nakow peah kown."⁹Hanow, ang tek enni lü büah daih, nape enni kown; cham büah diah, enni naka kown; khik ah büah diah, nauow enni kown pakhai. ¹⁰Lümla sarui dow naka reng kown, cham khai mih sarui dow nakhi reng büah kown; nami lowra maru khik khai miuüa aklai dow nauow pekow.¹¹Enni pungma dawng kowi amiaiawng mih paw chow uowi, achapa lü kawmpa kowh peah huaklu mih. Nadowi hanow, dam tacha kowi rua bow napeah kown? ¹²Uadui nau mih kowi paw krawng lak kowikow krawng dak rowp bow napeah kown? ¹³Nahanow, enni matia maru ngak khowm padow enni chauüa kowi uaniung peah hanow kownmi enni tuk khai hanow enni pa mukuang kowikow uowimi paw lümi uüa kowi paw lümla sai napeah ngengche kown pakhai. SÜNGNAM LAWNGUAN KOWI TÜNGSANGRA ¹⁴Hanow süngnam laiphuang dowi mih lowkia mikowi aia prütta khai, süngnam dow uang kilawt kung kowi dow laiphuang dowi mih lai uang nownia phuang khai bowt; maru kawma mauüa dow kaneuma awda khai. ¹⁵Amatni pungma dawng kowi tawngmi chabak dow tek khai, süngnam mang Belzabuk nakhai rakowi, na dowi now nowngia prüt dowi tham pakhai.¹⁶Tawngmi chabak dow aia mat tut-e chaing müa uüi kung hownia amat müa natüng pe kown mih tukah büah khai. ¹⁷Aia dow amtni kowh saktuak tuktape khai, tekpe mih lowra pren kowi paw taking küa hanow pre bak naphaw kown chekhai.¹⁸Now, setan paw aia mat ransu hown taprai kahi, now matawng iawng chow aia pren mih dow naowngia townah kown chow? Enni tek mih, ang Belzabul tut-e kakrawilat pe süng nam khai. ¹⁹Ang mih dow Belzabul tut-e süngnam lawtpe kahi e dow enni kowh chauüa kowi mirakow naown chow süngnam naprüt tape kown? Enni kowh tara chetmi ia nana kown. ²⁰Nachepaw ang mih dow Thurai kür rakowi kowh süngnam ang naprüt mih khai chalow hanow enni tut-e Thurai pren dow uangta tawn khai bowt pami chekahi.²¹Akür mami maru dow rutchün khawkleng akumami hailawm pamtaia kim mih dow naalwngah kown, aia kowh dawngthawng uan mih aiungma nauowi kown. ²²Nachenganchepaw aia lak-e kowh lang kürmi uang hanow, nakhe aia kowi dow na awngta khai now aia owm sakmi rut chün luk kowi e akengmi maru dow uangpaw tape bowk khai hanow,uang maten napawtape bowk kown chekhai. ²³Ang pra kowikow tawi tangi dowi mih dow kingküa ang mih chekhai, tawi kua ang dowi mih dow, chamta uet kown.²⁴Nami khin khe lümla sür lawk dow nami maru kawlak hownia kowlawt hanow, naira tui uowi dowi mira hown cham krawi mang khai. Chepaw khi büah dowi rakowi ang uang lawt mih khin hownia ang kowh plan kut plan iawk tiah, pakhai. ²⁵Nami kung kowi kaplan ting hanow henta kaneu khowk mih ka khi khai. ²⁶Nami khin khe aia dow kakowah haown, aia ngak lak-e kowh langngami akengmi süngnam ngak aia tut-e uang tawi khai, amatni dow nakowi kakup hanow kauowi kahi, nami hownia maru mih dow auown phi hownia angak phi mowr pat nga büah khai.²⁷Naün mih laiklow tek thüm khe maru kawm ma pungma dawng kowi masiuüa lowkia awr pla khai, kum ah mih ia dow lainowm ma kaucha iuk khai, nami iawngtui en kham mih dow. ²⁸Lainowmma ang natek, Thurai laiklow tah kowh chün miuüa dow lainowm mah kauchaiuk khai. LAINOWM LAWNGUAN ²⁹Nami kung kowi aia tut-e maru kawmuüa uang hu ngamlam khai, Isu dow, "akaw chowng kowh maru uüa mih kaneuma maru ngak chekhai, amtni dow amat müa krawi cham büah reng chekhai, Jona amat müah klen kowi akengmi mat müa hing peah dowi chekhai. ³⁰Now, Jona dow Ninevi uüa tut-e amat müa chekhai, nami powmiawng dow maru chapa paw kawmat chowng kowikow maru hawmuüa uüi amat müa chehekhai.³¹Tawngphak prenpra kowikow masiuüa mang mih nachet tara kown mih nih kowi dow akawm kowh maru uüa hai katsang na awr tawipe iowng hanow amatni kowi nakuaah sum kown, Sawlawmon chanlai rakowi sünta miuüa uüi aia dow pren tali nui hownia uang khai bowt hanow sünta diah, Sawlawmon lak-e langkri mih mami ra-e uowi khai bowt.³²Ninevi maru hawm uüa dow tara chet mih kowi akaw chowng kow maru hawm uüa hailawm taiua iowng büah hanow nami kowi na kuakah sum kown, tawngplawng panow amatni dow Jona laiklow phuang rakowi tarip büah chekhai. Sünta diah Jona lak-e kowh lang kri rowtmi mami ra-e uowi chehai. BUK KOWH KWOIKOW ANOWI ³³Anowi towkah hanow amia iawng mih paw apetma nadowi now kharang kowi towah dowi, maibu towngra kowi chataih towah reng, alak kowi uang kup mih maten anowi nakhi lah bowk kownkow. ³⁴En kowh mik mih dow en buk uüi anowi iawng chekhai, en mik iung khai edow en pabuk pakow nanowi bowk kown, tawkche en kowh mih che nga hanow en pabuk ma na iu bowk kown chekhai. ³⁵Hnow pe ching kaneu diah, enni matia sak kowi anowi uowi mih aiu mabow? ³⁶Lainowmma enni matia maiow anowi pauowi lah. lowra rakowi aiu uang tachi dowi hanow anowi hown nasawt en anowi iawk, en pabukma nanowi kown. SAKTUAK CHIMSAIMA MIH LAWNGUAN ³⁷Aia tek laiklow thüm khe pharisai lowkia mih dow uang hawah hawm chak khai hanow aia dow alak kowi katawi kup hanow cha kown chowm khai bowt. ³⁸Pharisai dow nacha hawm kown khe aia siarut dowi mih kowi kaneuma awdaah khai.³⁹Nachepaw CHAKRAMANG dow nami ia kowi tekpe mih, "enni pharisai dow biah hai alwngpan kum prakowi chatiah enni sawkah sauah reng tawk che alak pra kowi tarap chedow lawngpha hai angak atekma uowi khai." ⁴⁰Thuk miuüa low, prangpra kowikow thawp mih ia alak paw thawpah dowi bow? ⁴¹Naiawng rakowi, alak kowikow uowi mih maten lu-ah diah, naiawong now enni nakhi kown enni uüi lowrami nachim sai kown taih.⁴²Nachenganchepaw pharisaiuüa low, enni kaucha sowm lai kabow, kandün ram, bak kawr ram hai kan eng maiow hamüt chap kowi pachap mih lu-ah diah, anowm mami tara chetra dow Thurai kowi sakrauah mih enni hing chüah dowi naün mih enni towta dowi hai enni nachang nengche kownmi lahawm uowi khai.⁴³Pharisaiuüa low, enni kaucha sowm laika bow, takuara kim kowi rik khüa mih chowmra hai chi chang rakowi maruuüa tut-e tachup taiia rakowi tasakrauah bah diah. ⁴⁴Enni kaucha sowmlai kabow, apet mami tadupra kuam iawng, nami luk iawng tukah dowi mat chang maru uüa cham mang panglang mih iawng.⁴⁵Ari arow tuk mihuüa hownia lowkia dow, "aw tüngsang mih maün mih laiklow en tek mih anging kowipaw en pe ruk rai mih chekhai" padow klangah khai. ⁴⁶Aia dow, ari-row tüngsang mih uüa low, enni kaucha sowmlai kabow, kur dik ahuma maru luk kowi krawipe krowng iawng enni na khai, nachenganchepaw enni matia dow naün mih kurdik rut chawk hown ngam padow tawi hing kak dowi chekhai.⁴⁷Enni kaucha sowmlai kabow, matawngplawng panow, enni kowh risiuüa kowng khe kowh amatmüah hua ai dow tawpah reng, prek enni che enni miuüa dow naün mih bawmta büah kahi. ⁴⁸Hanow, prek enni che enni miuüa dow nami lup kowi tawita hum khai, enni dow amatni kowi bawah haw dupah khai, naün mih saksi dow enni matia chekhai.⁴⁹Naiawng rakowi, Thurai chanlaira maiawng dow tek khai, amatni tut-e risiuüa chintakmiuüa ang naka chinpe kown tawngmi chabak na bawmtah kown tawngmi chabak dow natowkah ngare kown pahai ruiah khai. ⁵⁰Hanow, Krawng uang uown phuru hownia kowh risi maiow kowi pe asak mih vi hown lu büah khai, akaw chowng kowikow maru uüa tut-e luk kowi mih lu klaidow napaw pekown chekhai. ⁵¹Abel kowi pawpe vi sak mih hownia Zakaria kowi pawpe asak mih mowr pat arah chimsai mami ra-e takuara kowikow dawnglang kowi pawtape asak khai, ang natek enni, akaw chowng kowikow maru uüa tut-e luklai dow napawpe kown chekahi.⁵²Ari-row tuk miuüa dow enni kaucha sowmlai kabow, chanlaimiuüa sabit dow pamatia tut-e hing towtaah khai, pamatia paw hing kupah dowi now nakup kown miuüa kowipaw hang taah büah khai.⁵³Aia dow nami hownia lawt hanow, ari-row tüngsang miuüa hai pharisaiuüa dow aia kow lainowmma pusaah khai, lowra lawnguan kowi dow lüntaah büah khai, ⁵⁴aia nawr hownia kowh lai natawi hanow nakhümah kownmi akua thang tape hüah khai.

PUANPUT MAMI HAI LAWPHA MAMI LAWNGUAN KOWI ¹Nami klawm klam khe maru kawm awthawng aiawng uang takua büah haow lowkkow lowk luk kowi uangta lüp büah khai, nami khin khe atape uüa tut-e, "pharisaiuüa kowh tuah hownia dow kaenu büah, nami dow puanput mami chekhai.²Nachenganchepaw, napetah kownmi matawng paw hing uowi dowi chekhai, naplan tatüng dowi kown mih now natuk dowi kown mih uan napetah kownmi matawng paw uowi dowi. ³Hanow enni aiu makowi tek mih dow anowima rakwi nata kown mih hai apetchami rakowi asacha hai nata tek büah kown mih dow kim luk kowi phütah hanow na phuang kown.⁴Hanow, "aw ang auiua uüa low, amatni nata bawm kown mih klen kowi matawngpaw uowi dowi bowt chekhai, amatni kowi dow hangka kramah büah diah." ⁵Now, amaia iawng mih kowi chow na kramah kown, nami ang tek enni, bawmtaah hanow ngare towk rakowi nowngia kuak kown mih kowi chatiah nakram kown.⁶Letep ua tanga klüng pre pawisa hown nowngia sumah reng na dowi bow? amatni kowi dow Thurai mik mük hownia alakma kowi towah dowi chekhai. ⁷Enni kowh samiang pat paw rüata bowk khowk chwkhai, hangka kram büah diah, leptep ua lak-e enni asung languowi rowt mih chekhai rakowi.⁸Hanow, ang natek enni, Mia iawng mih chow maru pur kowi tadata dowi mih maten uüa kowi dow, Thurai hai kramamu pur kowi paw maru chapa mih natawi tada ta dowi kown chekhai. ⁹Nachenganchepaw mia iawng mih chow maru pur kowi tata ang mih dow Thurai hai kramamu uüa pur kowi paw aia kowi paw natawi tadataah kown chekhai. ¹⁰Now, amiaiawng mih chow maru chapa kowi dow prawngah renah chepaw amatni kowi dow nalawt ah kown chekhai. natarap chedow lümlasai kowi pat tek naklak mih dow amtni kowi dow lawtah dowi tham.¹¹Now takuara kumkowi tara chetmi lowkia mih alow uowi miuüa pur kowi napawla enni mih khin khe naklow naklangah kown, enni hag kowh tuak krat büah diah. ¹²Matawng chow tek-e naiung kown, lümlasai nakhowng enni kown chkehai. THUK KURENG MIH LAWNGUAN ¹³Maru kawmma punngma dawng kowi lowkia dow, "aw tüngsang mih ang tainauuüa tut-e kowh apa dawngtawnguan nareta ne kownkow khün tek anging diah." ¹⁴Nachepaw aia dow amtni kowi tekpe mih, "enni matia uüi kowi miaiawngmi chow tarachet mih ia hai dawngthawnguan ret miia alow nape kown? ¹⁵Nami kung kowi aia matni kowi tekpe mih, "peching diah, ngownra maiow hownia tahen takuang büah diah, lusa maru mih dawngthawnguan huma mih hanow singrami kadowi" chekhai.¹⁶, Now, aia dow amatni tut-e laiuat lailow tekpe khai, Maru kurengmi lowkia mih ahuma uan mrat khai. ¹⁷Hanow nami dow sak kowi tuak khai, "matawngiawng chow ang nachangah kown? ang kowi dow uan towkra uowi dowi." ¹⁸Nami kung kowi, "ang kowh asowm chami piak now aiuk mami pacham tahawpah hanow naka kowi ang kowtow cha maiow hai ang kowh akeng mihuan katow kown. ¹⁹Now, powmatia ska kowi tek mih ning sak ning ahuma uüi kowi en uüi dawngtahawng uan ahuma ang krüm khowk, tanai now cha diah, kham diah, apiawma uowi diah."²⁰Nachenganchepaw thurai dow aia kowi tekpe mih, "thurk mih, aia kowi en kowh sak napaw taen kown, maiawng khowt en kamrüt tami, amia uüi chow?" ²¹Miaiawng mih chow pamtia uüi kowi dawngthawng uan krümah mih dow Thurai pra kowi kureng mih nadowi, namia naiwng chataiah na own kown. NAKRAM DOWI KOWN MIH ²²Aia dow atape uüa tut-e, "naiawng rakowi ang natek enni, sak nasingla kownmi auan matawang chow nacha kown mih hanow matawng how enni natawng nauat kown mih kowh buk uüi kowi hang kowh tuak büah diah pape" pakahi. ²³Chepaw, chak kham lak-e sak now tawngua lak-e kowh lang pankri rowt mih chekhai.²⁴Uaak uüa kowi lawnguan kowi samtuak madiah, amatni chapaw sawt dowi, ngen paw ngen dowi, nachenganchapw Thurai dow thumah reng, enni dow ua kling uaber lak-e dow enni asung lang uowi rowt chekhai. ²⁵Enni matia pungma dawg kowi atuak rakowi miaiawng mih chow pamatia ning pamuk nowngia muk kown mih uowi? ²⁶Nahanow, mami sowmlowm chami lup khowm padow hing nowng ia chang dowi now matanwng palang kachow akeng mih lup enni taprüa mih?²⁷Lili pau awr pau mih krang ün mih sam tuak büah madiah, chang lup büah dowi la ün paw hing ruiah büah dowi, nachenganchepaw Sawlawmon mang kri aia chanlai iawng paw amatni uüi pamtia kowi nowngia tatawng tauatah dowi bow, pakhai. ²⁸Nahanow, dowm kowikow bawrchak mih pani pani kowi awr siang mih auai rau khe maih kowi nakuakah kown mih hawm dow Thurai dow naiawng mih kowi paw klangiung ma tawngah kengah khai, tawkche owmra did chow miuüa dow nami lak-e akaingma natawng nauat enni rowt dowi tham pabow!²⁹Naiawng rakowi dow, matawng chow nacha kown nakham kown nami lawnguan kowi hangkow tuak hanow hangka taprüa diah. ³⁰Naiawng ün mih maiow dow lusa pren kowikow owm Thuria dowi miuüa dow naiawng ün uan maiow kowi langsak krai khai, enni nau mih maiow apa Thurai tuk reng chekhai.³¹Enni mih dow Thurai pren lawnguan rik tuakah diah, nahanow maiawng ün maiow nape ennni kown, ³²Aw sowmlowm chami ruapur uüa low, hang kakram büah diah, matawng plawng kachow nami pren nape kow mih, enni pa tuakah mih chekhai.³³Enni kow uowi mih sarui sumah hanow luah büah diah. enni matia uüi im thawp ah büah diah, katchow mih khin khe paw naprim dowi kown mih, mukuang pren kowikow dawngtawnguan paw krümah diah, nowngia khowk dowi kown mih ching, nakowi dow kukmi uüa paw uang dowi tham. ³⁴Now, dung nowngia piak ah dowi bowt tham, mawtawng mih re-e chow en kowh dawnghawngung nami re-e chatiah en kow sak paw nauowi kown. CHAKRAMANG KOWI CAWNGAH MIH³⁵Enni kelang ktapah hanow anowi mih dow towkah reng diah. ³⁶CHAKRAMANG kowi nahawt chawng kowi mih maru iawng uowiah büah diah, masi pawk pawi hownia matawng khe chow nauang plan, aia uang plan mih khin khe uang khik kim büng hanow nahut ia howa pe kownkow.³⁷Aia nauang plan kown mih kihn khowk khe asüngma uang khi miuüa kowi tarapchedow kaucha iuk mami nar pape kown. Lainowmma ang na tek enni, aia dow nakhuowk enni kelang hanow amatni kowi nape chaah kown now amatni hown natalawp talai kown. ³⁸Uar e chepaw uar thowi ria pra chepaw CHAKRAMANG nami iawng dow nakhi kown nahanow kaucha iuk mami nar pape kow!³⁹Now tukah reng büah diah kukmi matawng khe chow nauang kown mih kim ia hawt tuk khai e dow asüngma na hut uoi reng kown chekhai, nauang ia law kim dowi kownkow. ⁴⁰Kamrütma uowi büah diah, maru chapa dow enni mingah mangah dowi mih khin chataih nauang kown.⁴¹Nami khin khowk khe peter dow, "CHAKRAMANG nami sangchia amiaiawng mih kowi chow en tekpe anging kowi bow nadowi now bowk bowk kowi bow?" ⁴²CHAKRAMANG dow, nami chanlai mih hai prengia uowi mih kim ia kowi CHAKRAMANG mih akeng mih naruüa lukkowi akhin khowk khe napeah chakkham kown mih, ⁴³thaulang mami nar aia kowh CHAKRAMANG uang nahow chihma na khiah kown. ⁴⁴Lainowmma ang na tek enni, bowk bowk lukowi napeah alow kown.⁴⁵Nachengnchepaw nami nar dow, ang kowh kimia mih dow nauang kown mih nakra kowntak pa tuak kahi hanow, nami nar kowi nabawp natep kown. Nacha nakham hanow napua kown, ⁴⁶nahanow nami ni kowi dow aia na hut chawng kown na dowi, nami khin dow aia sakowmah dowi tham, namih khin khe chataiah aia kimia dow nauang towm kown, now aia kowi dow pre dung nachangah hanow aia kowi dow owm dowi mih rakowi natowah kown chekhai.⁴⁷Nami nar dow, amtni kow kimia nauah mih krang ataw tukma luk kowikow nau chang dowi mih hai kamrüt hown uowi dowi mih dow arauma natepa ah kown chekhai. ⁴⁸Natarap che dow tuk dowi rakowi kowh ngare towkra naka kown mih lup changpe khai hanow ngare paw na-e nown kown, miaiawngmi kowi chow ahuma peahmih sarui dow ahuma nalüpe kown, ahuma towlape mih tut-e dow nanaupe kown chekhai. TAKING TASANGRA ⁴⁹Lusa kowi nauang kuak maih kownkow ang uang mih chekhai, kawmat paw naiawng changah reng tak e dow, matawng chow nanau kown? ⁵⁰Nachenganchepaw baptisma lowk chowmi tiah ang nachng kown, nami ngat dowi mowr dow lainowmma ang na kawm kown.⁵¹Matawng chow enni katuak ang uang pe enni taking tasangra mih pabow? nadowi ang na tek enni ang mih taking tasang pe kown uang mih nadowi, lusa maru lala taking taküa mih kowi uang prai kownkow uang mih chekhai. ⁵²Akawmat hownia dow, pakim chak kowi tanga iachi natasen büah kown chekhai, sum ia mih dow preia mih kowi na king küaah kown, preia mih kowi paw, sumia mih dow na king küaah kown chekhai. ⁵³Amatni dow, maiawng hai na tasen kown, "Apa dow, achapa kowi kingah kown nadowi; achapa dow apa kowi a-u dow, achama kowi nakingah kowi nadowi anawkaw dow, aiauma kowi kingah kown nadowi, aiauma dow anawkaw kowi" pakhai. AKHIN KHE KOWH TARA ⁵⁴Aia dow maru kawmuüa tut-e satkup pra kowi uangnim awr pün mih na khi kown, uang nauang kown chekhai, now naiawng dow naown kown. ⁵⁵tawng phak pra liuang mih khin khowk khe, satma nakla kown enni tek khai hanow naiawng dow naiown kown kown. ⁵⁶Puanput mami uüa low, lusa hai kuangchan kowi müah hanow enni na tuk chet kown, nachenganchepaw kawmat kow akhin tarapchedow enni natuk kown nadowi bow?⁵⁷Lainowm da matawng chow pami matawng plawng kachow chetah dowi? ⁵⁸Raqnsu hown tara chet mih tut-e kakowi mih khin khowk khe tiama rawng kowi taiungah riaria diah, nadowi hanow aia chetara chet mih tut-e pawla en khai hanow tara chet miia dow aia siphai uüa tut-e naah ta en kown, now amatni dow thawng rum lakkowi napawla en kown. ⁵⁹Ang natek en, aia kowh tangkah pawisa en nowngia sat dowi mowr, matawng paw nalawt en kown nadowi.

¹ ACHAPKAWM LAWNGUAN KOWI TASANGRA /v1 Nami khin khe, maru pre sumia Isu kowi Galili pren kowi maru lawnguan uang tekpe khai, amatni rowsi lami tawncher vi hai amatni vi Pilat lawkpe mih satang Isu kowi uang tekpe khai. ²Aia dow matni tut-e, "Naün mih Galili maruuüa dow naiawng mih ka khai rakowi, Galli hownia klen kowi akeng mih maru maiow lak-e ngak lang hu khai bow?" ³Ang natek enni, nami nadowi; enni che plangta sak dowi hanow, amatni iawng dow enni paw napiak kown.⁴Lairaiat miuüa dow, Silown akro mami lukkowi tanüm hanow kowng miuüa powmiawng dow naüa mih lawnguan kowi enni katuak dowi bow, amatni dow Jerusalem maru uüa lak-e langa nadowi bow? ⁵Ang na tek enni, nami chataih nadowi enni kowh sak che taplan dowi hanow nami powmiawng dow enni pa napiak kown.⁶Nami kung kowi Isu dow amatni tut-e laiuat hown tekpe laiklow khai, "Maru lowkia dow Grep krum kowi iuih dut patut chowkla khai, aia uang hanow nami sin kowikow iuih dow uang cham khai tawkche dow uowi dowi." ⁷Aia dow Grep krumia tut-e, "müdaih, sum ning khowk iuih dut sing uowi, ang uag cham khowk khe katpaw ang khi iuih dowi naiawng rakowi kripta khai, tawng plawng tawi piak krawng pahai.⁸Nami aia dow,CHAKRAMANGaning paning dow pacham uowi la taih aia ret kowi nathaiah hanow ang tathe pe bawr tak. ⁹Nam kung kowi nami sing che iuih khai tak hanow naiung kown iuih dowi hanow nakrip takown, pakhai. TANAINI LAWNGUAN ¹⁰Pakatni khe Isu lowk tkuara kim lak kowi tüng sang maru khai. ¹¹Nami rakowi masiuüa lowkia lairaiat ning khowk lümla ngak plawpah mih lowkia hawt uowi khai, lum kuima hai iowng paw atengma nowngia iowng dowi bowt.¹²Iau dow aia mat kowi haikhi ah hanow hawah khai, "aw masiuüa en kowh piak mih hownia iata lawng khowk." ¹³Nami kung kowi aia dow aia luk kowi tangpe rut khai hanow ateng ma hing nowngia iowng khai hanow, Thurai kowi kiowah khai. ¹⁴Nachangachepaw tanaini kowi Isu iungah mih dow takuara kim kowikow alucha dow kaneuma kunmarau khai hanow maru kawmuüa dow, taruk nih uowi khai nami tarukni kowi uang iungah e lahawm kown; tanai nih ngengche kowi iungah khai hanow ntanai nih na dowi bowt da, pape khai.¹⁵Isu tarapche dow, puanla mamiuüa low, tanaini talangkuni kowi paw, kowmatia tawncher chia chepaw kawr nga ramchük chepaw tawncher kim kowi khuak ah mih howia pe kahmaah tui kownkow pawla nadowi bow? ¹⁶Matawngplawng kachow mami masiuüa mih paw abraham chapa na khai, sam mü madiah, süngnam dow lairaiat ning khowk dowkah mih, nami hownia tanaini talangkuni kowi naiung kown mih lahawm dowi bow?" pape kahi.¹⁷Naümi laiklow dow hai tek hanow aia ransu uüa dow, kaneuma rukrai khai maru kawm mauüa tarpa chedow aia lup chang akraing mami rakowi dow awmrawm büah khai. MÜNIANG NUK LAIUAT ¹⁸Aia dow, Thurai pren dow matawng iawng chow? Matawng hown chow natuah kown chow? ¹⁹Naün dow müniang nuk iawng, maru pawah hanow, krum kowi uetah mih iawg chekhai, uang awr ru kkhai hanow sing uang chowng khai, now uanklig uaber hawm kuang hownia amia kowi bai uang chang bai khai, pakhai.²⁰Thurai pen dow matawng iawng hown chow natuah iawk kown? ²¹Naün dow tua iawng, masiuüa pawah hanow kawmdi kowi theah khai, now bowk bowk mih dow uang phaw tua khai bowt. ANGAK HOWNIA LAWNGRA ²²Hanow, aia dow tüngsangla iawlaw now Jerusalem prakowi katarü khai, marow hai kuatowng kowi ün karawi len khai. ²³Nami khin khe maru lowkia aia kowi uang tekpe mih, CHAKRAMANG aimiaiang mih chowng lawngra naka kown? a-e chowtiah bow pape khai. ²⁴Aia dow amatni tut-e tekpe mih, "tiama biuchow kowi dow sak towkma hown ia pat kup ngenghe büah diah; ang natek enni maru kawmma towk kür hown nakup kown kamrüt büah diah, tawk che nowngia kup büah dowi chekhai.²⁵Kimia awr rü hanow, kim büng ta kung kowi dow, enni mih uat kowi iowng hai kim büng lowkah hown tek kown mih, CHAKRAMANG, uow anging kim büng diah, padow kow khik reng chepaw aia dow klang enni kownmi matawng hownia chow uang mih ang tuk dowi, pakhai. ²⁶Nami khin khe enni natek kown mih, en hown anging kat sang taiuacha taiua kham mana, hanow matawng mih tiama kowi chabak dow en pe angiang prngia iung reng chadiah mana. ²⁷Aia tarap chedow, ang natek enni matawng pra kowi maru chow nakhai mih, ang tuk enni dowi da; maru ngak maiow uüa low, ang hownia cham powt büah diah, pahai natek enni kown.²⁸Hanow enni uat kowi nakuakta enni hanow, abraham, Isak, Jakop hai risi maiow ün dow Thurai prenlak kowi uowi mih enni nakhi khe dow kar hai nakrit iüng kown paep khai; ²⁹Hanow sat lawt, satkup, marawk phak, tawkphak hownia maru nauang büah hanow, Thuria pren kowi dow nauang chang büah kown, ³⁰Sammü madiah, maiawng miaiawng mih chow akung amowicha kowi uowi mih dow, amtni auown mih nachowng kown hanow, miaiawng mih chow amüng achük kowikow uowi mih uüa dow amtni kaneuma akung amowi cha kowi nauowi büah kown pakhai. JERUSALEM UÜI TUAK KRAT MIH KRANG ³¹Nami khin khe dow pharisai tawngmi chabak uang büah hanow aia tut-e, cham powt bowt hanow nami hownia dow cham powt khai bowt, tawngplawng panow Herod napaw taen asak kown chehai. ³²Aia dow amatni kowi tekpe khai, nami beren khui kowi dow maiawng katekpe büah diah, mü diah, ani hai tarüa mih dow süngnam ün kowi ang prütta hanow arau uowi mih ün kowi paw iungah hanow sumni khe ang nakhi hanow nachang lup kown, pakhi. ³³lowra iawng paw pacham nala, ani hai tharau hai tahowirau ang na powt kown mih takla khai; naiawnag hai nowngia own dowi tham, Jerusalem uat pra kowi tawngre-e paw tawngpaw risi nanowngia piak kown nadowi chekhai.³⁴Aw Jerusalem, Jerusalem en mih risiuüa kowi pawpe asak hai en tut-e mia kowi chow uang chin khowk mih uüa kowi paw huaklu hai hawt kuakah! Uama aia mta cha kowi iamat lap krüa awmah iawng dow ang paw mün khowt chow enni chauüa kowi paw na awm ah kown nau mih, tawk che enni tuk nau dowi. ³⁵Mü diah, enni kim dow enuüi akhawma taih; hanow ang natek enni, aia dow kauchaiung ma, CHAKRAMANG ming kowi uang mih dow akiow pacham uowi lah, mün nih paw enni khi ang dowi bowt tak tham pakhai.

CHAKKHAM MIH KHIN KHE ISU TÜNG SANGAH MIH ¹Aia tanai nih kowi dow, Pharisai alucha pungma dawng kowi langiuk mih kimlak kowi nakham kownkow aia kakowi khai hanow, amatni tut-e tekpe laiuat khai. ²Hanow sün ta, aia pur kowi maru lowki arau uowi khai. ³Isu dow ari-row kowikow tüngsang miuüa hai pharisaiuüa kowi aia lüntaah mih dow, "tainau kowi arau iungah kown mih lahawm dowi bow? Chepaw amatni dow rarimma uowi khai.⁴Aia dow, arau uowi mih kowi dowkah hanow iungah khai now pemangta khai bowt, ⁵Nahanow aia dow, amtni kowi prowpe sang khai, "enni pungma dawng kowikow chauüa chepaw chia chepaw tui kuam kowi dow khai-e dow nakhowngah dowi tham bow? ⁶Nachenganchepaw kawngmu aluchauüa dow, matawngiawng paw hing nowngia klangah dowi chekhai.⁷Hanow, hawlaah pin miuüa kowi dow chowmra langiuk mih krawi rui khai, nami khi hanow Isu dow amatni kowi sangchia hown tüngsangah khai; ⁸Aia dow amatni tut-e, amaia iawngmi chabak masi pawk pawi kowi haw enni khai hanow kiowra langiung nowm nowm mih kowi hangka chowm büah, tawngplawng panow enni lak-e kowh kiowri languowi mami kow hawlaah khai rakowi. ⁹En hai aia kowi hawla mih maru dow, aia dow nauang hanow natek en kown, aia kowi dow peah chowmra diah; nami khin khe en naruk rai now anem chami chowmra kowi en nachowm kown.¹⁰Nachepaw tawng khechow uang haw en khai hanow, chowmra langnem mih kowi chowm büah hanow uang haw en miia dow nauang hanow en tut-e, "auiua low, uang awr chowm diah,nami lak-e kowh chowmra langiung mih kowi, en hown taiua chowm miuüa pur kowi en mig naka kiowri kown rakowi. ¹¹Tawkche dow amiaiawng mih chow pamatia kowi lowchow mih dow nanemah kown hanow amia iawng mih chow pamatia kowi anemchow uowi mih dow rowsi rakowi nauowi kown.¹²Hanow nami maru aia mat kowi uang pawah pin miia kowi paw aia tekpe khai, " en mih nih -e chepaw nadowi hanow iak-e chepaw nakamrüt chakham kownkhe en auiua uüa hai tainauuüa, en tasin taken miuüa, kurengmi uüa klowk chak kowi dow hangka hawlaah diah; nahanow nami takcha kowi amatni dow naplan paw en pin iawk kown pakhai.¹³Nachenganchepaw, en kamrüt chak kham mih khin khe, ngarai miuüa, uaingselepa mami uüa, klowng khawn tabai miuüa hai mik du nakleu miuüa kowi phai hawla rowt büah diah. ¹⁴Hanow, en thaulang kown, matawangplawng plawng kachow panow, nami pin klai dow nowngia sat en dowi tham, maru chinawm mami uüa awr plan kut rü khai-e dow naplan en aklai iawk kown chekhai. PAWI AKRI MAMI LAIUAT ¹⁵Maiawngün laiklow ta bowk hanow, aia hai tainauuüa chowm mih lowkia dow aia tut-e tekpe khai, "nami Thurai pren kowi nachang pawi khe chowm mih dow kaucha kaneuma naiung kown pakhai." ¹⁶Aia tarap chedow nami ia kowi tekpe khai, "mia iawng mih maru chünchü iak hawm pawi akri kraingma kowi maru iukuüa kowi krawi hawla khai. ¹⁷Nami kung kowi dow, pawi chak khin uang ting khowk hanow aia krawi hawla miuüa tut-e uang büah diah, kawmatmi lowra kamrütma iana khai bowt, nacham hawah kownkow aia nar kowi chinah khai.¹⁸Nachenganchepaw, amatni bowk bowk akatsang nalü lawt kownkow naubüah khai. lowkia mih dow tekpe khai, ang ranta lai lowk mih kamü takla kown chekhai, sakrauma hai ang kowi lawt ang diah, pakhai. ¹⁹Hanow, akeng mih maru lowkia mih dow, ang ran chiala tanga chum khai, kamü kownkow ang nakakowi kownkow chingah kown nau khai; sakrauma hown lawt ang diah. ²⁰Nahanow aia dow, ang paw masi khai rakowi ang tawiia tawi dowi tham.²¹Nami kung kowi dow,nami nar mih aia mat kimia kowi naün mih laiklow ung tekpe khai, kimia dow kaneuam kunmarau khai bowt, aia nar tut-e tekpe mih dow, "alenma prang kowikow katarü hanow marow kowi hai tiama krum kowi ün, cham kowiah hanow nagrai miuüa , uainselepa miuüa kowi, mikdu nakleu miuüa ün kowi-e uang hawla diah" pakhai. ²²Nami kung kowi dow nami nar dow tekpe mih, "kimia, enpe alow iawng chang khowk chadiah, chepaw uowira akhaw mareng tek" pakkhai.²³Nami khin khe kimia dow aia nar kowi tekpe mih, " kutplan tarü iawk diah, tiama iuk makowi hai taima kekchami kowiün, kim tekpat nauang tawila kownkow maru kawm uüa kowi hawlah büah khai. ²⁴Nahanow, ang natek enni, "pin miuüa hownia lowkia chepaw ang changah mih pawi kowi chak sowr tawika büah dowi tham" pape khai. NACHOWNG TAPE KOWN MIH ²⁵Pakat dow Isu kung maru kawmuüa tawikrawi khai; hanow, kungpra hai ngeu hanow, amatni kowi tekpe khai, ²⁶"miaiawngmi chow ang tut-e uang mih sarui dow, pamatia upa, masi chauüa hai tanauuüa ün pamatnia tuama ün nami klen kowi pamtia asak kowi taprüa hai tuakah hanow nami ang tape nanowngia chowng kown nadowi tham" pape khai. ²⁷Amiaiawng mih chow, pamatia kraws kawt hai ang kung uang tawi dowi mih dow, nami ang tape nanowngia chowng kown na dowi tham, pape khai.²⁸Enni pungma dawng kowi mia iawng mih chow kim krowng akrowma nachang kown naumih dow, chowm hanow nachang ingsap kown, nachang la kim kownmi tangka lawk chünchü? ²⁹Hanow, changta hüah kung kowi che nami anchang nowngia chur dowi hanow maru uüa namü mih sarui dow naren kown pape khai. ³⁰Nami maru dow uown thawp khai bowt, nachepaw nowngia chur dowi chakhai.l³¹Nami klen kowi mang paw akeng mih mang hown taking taküa hai natasen kownkow amia iawng mih cow tarü-e dow naiung mih chowmah hanow tawng chow perngia tara chang dowi tham pabow? nami siphai pirmi tawng nauang senah mih pur kowi siphai hamüt tahwng hai nahawt uam kown bow, dow dow uanm dowi tham bow, pakhai. ³²Nauam tasen büah kownmi nadowi rakowi, ransu alakma tak khe taing tasang lami laikow natek kownkow aia ria kowi mang mih nakow chinah kown chekhai. ³³iung chow nami iawng plawng dow enni matia kowh maiow uam towta dowi mih sarui dow ang tape nowngia chowng dowi tham, pape kahi.³⁴Awisa mih kaneuma iung chadiah, nachenganchepaw awisa mih piak khai-e dow, matawng iawng chow nowngia ih aha kown chow? ³⁵Bawn pu ka atawng dowi bowt hanow, maru dow prang kowi nakuak tah kown chekhai. Param uowi miuüa dow pacham sünta lah.

RUAPUR TAMA MIH ¹Akat dow mukawkmi uüa hai maru ngakuüa hai lawm amatni bowk bowk Isu laiklow nasünta kownkow uang büah khai. ²Aia mih dow Pharisaiuüa hai ari-row tüngsang miuüa uang chawk towk mih dow, " nami maru ngakuüa dow cham chawk lai mih, maru ngakuüa kowi nauah now, tiua cha chak kahm klen kowi taiua büah khai.³Nakhowk keh aia amatni tut-e nami laiuat tekpe khai, ⁴Enni puangma dawng kowi amiaiawng mih chün chü maru lowkia kowh ruapur akawm pum uowi mih pungma dawng kowi lowk mih tama khai-e dow, takukawm kla taku klüng towla hanow tamami ka dowi mowr krawi cham dowi mih nauowi kown bow? ⁵Nami kowi kaah khai hanow, awmrwmma pangkawt luk kowi natangah kown.⁶Hanow kim kowi tiangla hai akrowk sang aia auiua kowi amatni klowkchak uüa kowi na hawah kow, now ang hown nauang tawi piaw kown, ang kow ruapur tama mih dow ang kata khowk rakowi chekhai. ⁷Ang natek enni naiawng plawngda maru achima mih takukawmkla takuia natarip hai uang plan mih luk kowi lak-e dow maru ngak lowkia mih uangplan mih luk kowi dow, mukuang kowi awmrawm ma langkraing rowt kown chekhai. NGUIKHUAI TAMA MIH LAWNGUAN ⁸Nahanow, "masiuüa lowkia mih nguikhuai hamütiun uowi mih, paiun mih tama khai e do natowk pe maibu hanow nakrawi sreah kim kown aia ka dowi mowr dow, kaneuma krawi chamah dow tham pabow?" ⁹Nami ia dow plan kut ka khai bowt hanow, amatni auiua hai aia klowkchak uüa kowi nahawah kown, "ang kowh nguikhuai tama mih plan kut ka khai bowt, chu a-i piaw diah sik" napa kown. ¹⁰Ang natek enni naka powmiawng dow Thurai kramamu uüa uang ting mih khin khe dow maru ngak lowkia mih tarip hai uang kut plan hanow, piawra krikang ma uowi reng kown" pakhai. CHAPA TAMA MIH LAWNGUAN ¹¹Aia dow, "maru lowkia mih kowh chapa uowi preia". ¹²Langsowm rowt mih dow, apa tut-e, "ang kowh thawng thawng uan hai tangka uüi bak dow pe ang diah" pakhai hanow, aiamat dow dawng thawnguan hai tangka aia krawi khet pakhai.¹³Now, presum nih kung kowi achapa langsawi mih dow aia mat uüi maiow dow pawla bowk hanow akeng pren alakma kowi cham kowi khai bowt, nakowi dow cham piaw kanowng aiawng lowma tangka cham sunta bowk khai. ¹⁴Sunta bowk kung kowi dow nami pren kowi khown kuak khai, now aia low lainowmma kawm khai.¹⁵Nami pren kowikow lowkia mih tut katawi paw lup khai; aia mat dow nami kowi naming nakhet pak kowkow laikowi kachiah khai. ¹⁶Pak chaah mih chak pia dow natawi cha kowimi nau khai, aia kowi napeah chak kham kown mih amia iawngmia uowi dowi rakowi.¹⁷Nachenganchepaw aia mat tawi mihdow katuak khai, apa kow nar uüa mün khowkt chow ka chak kahm mih, ang tarap chedow makowi hawm sak krai hai kowng kown chabowt. ¹⁸Ang narü hanow apa tut-e ang kakowi hanow naka tekpe kown, ang mih dow en luk kowi hai mukuang kowikow Thurai luk kowi changta angk khai; ¹⁹en chapa narükah kown mih khowm pa ang tatiang dowi; en nar lowkia iawng ang kowipaw towla ang diah, pape kown chekhai.²⁰Nami kung kowi dow awr rü khai hanow, apa tut-e uang khai. alak ma hownia uowi reng tak khe apa dow khiah hanow, lainowmma sanah khai, kaiowm hanow kadawiah hanow namah ngowilowi khai. ²¹Nakhowk khe achapa dow, apa, mukung pren kowikow uowimi luk kowi hai en luk kowi kingküara lup ngak ang changta mih chekhai, en chapa narükah kownmi khowm padow ang tatiang dowi bowt. pape khai.²²Nachenganchepaw apa dow aia naruüa kowi tekpe mih, langklangiung nowm nowm mih kowrma alenma uang pawla hanow, kowh khupe diah now rutbüt paw krua pe hanow phanai khawk paw pe kruaah diah; ²³Hanow, chicha akua mami kakün uangpawla now ngenah büah daih, chak kham changah hanow apiawma pawi chang diah sik pape khai; ²⁴Ang chapa mih dow kowng khai bowt, kawmat dow uang awr sing iawk khai, tama khowk chadiah, plan kut kakhai iawk. apiawma cha büah khai bowt.²⁵Nami khin khe achapa ta dow lai kowi uowi khai; aia uang plan mih khin khowk khe kim ria kowi uang ting now meng klow plai klow dow ta khai. ²⁶Now nami lowkia kowi hawah hanow lüntaah khai, naün mih matawng chow? ²⁷En nauma uang plan khai bowt now en pa mih dow langiuk langkau mih chia cha dow ngenpe khai, aia kowi dow kowh iungma plan kaah khai rakowi.²⁸Nahanow aia dow kuanmarau khai, kim kowi dow kakup kown mih hng nau dowi, ²⁹nakhowk khe apa dow kalawt hanow klangah khai, "Sünta diah, makhowt ning khowk en tut-e lup iung ang chang tawng khe paw en laiklow ang chün dowi mih uowi dowi tak da, nachepaw ang auiua halawm nachang la pawi kownkow ruah cha lowkcha khowm padow en naupe ang dowi; ³⁰Nachengachepaw, mami en chapa iang chang miuüa hown tangka pawisa dow sunta bowk khawk, aia uang mih khin khowk khe dow chia cha langiuk langkaumi tak-ü en hut ngengpe, pakhai.³¹Aia dow klangah khai, pa, en dow ang tut-e atungma uowi reng hanow, ang uowi mih sarui dow en kowh taih bowt. pape khai. ³²Tawkche, mami en nauma kowng khowk, kawmat dow uang plankut sing iawk mih chekhai, tama khowk chadiah akawmat dow a-i plan kut kaah iawk khai naiawng rakowi apiaw mahai asowrma howr ang renah kown mih lahawm chekhai.

TANGKA PWISA LAWNGUAN KOWI ISU TÜNGSANGAH MIH ¹Hanow Isu dow atapeuüa kowi tekpe mih, "maru kurengma lowkia mih tangka pawisa khetmi kowikow lupchang mih towah lowk khai, nami dow aia kowh tangka pawisa aiawng lowma kowi sunta pebowk chekhai" pa dow peah rukkrai khai. ²Nami kung kowi aiamat kowi dowhawah khai, "en lawnguan ang tami matawng iawng krang chekhai chow? En kowh lup chang krang uangpe ang igsap diah, en mih dow langkri mih lupchang mih kowi nowngia uowi dowi bowt tham.³Nami khin khowk khe lupchang kowikow langkri mih sakdawng hownia katuak mih matawng nachangah kown chow? gang kowh aia dow langkri mih hownia dowm taang khai bowt; napawk bawn kown mih kür paw ang kowh uowi dowi, nacham lü lukown mih ang rukrai khai. ⁴Nahanow, langkri mih lupchangra hownia prüt taang hanow maru kimkowi natawi uowi kownow matawng chow ang nacham tekpe kown, ang tuk dowi.⁵Akung kowi aia dow aia kowh kim-ia tut-e kow uang paw lowi miuüa kowi aia hawah khai, now lowkia kowi aia tekpe mih, "ang kowh kimia tut-e en kalowi mün khowt chow uowi?" pakahi. ⁶Nami maru klang ah mih, " kanrawn sau 100 set", pape khai. nakhowk aia tekpe mih, "en kowh lowi pawk charam uang pawla hanow namih charam kowi 50 set hai rui," pape khai. ⁷Nami kung kowi alowk mih maru kowi aia plan lüntaah iawk mih, "en kow lowi mün khowt chow?" pakhai. Nami maru klangah mih, "püm 100 mawn," pakhai. Nakhowk khe aia tekpe mih, "en kowh charam uang pawla hanow 80 hai ruiah diah," pakhai.⁸Aia mat kimia kowi dow tangka ming khet mih langkri mih hai lup chang mih akiak mami krang kowi dow kiowah khai bowt, tawngplawng mami chanlai mami hai chang lup rakowi hanow kowmtia chen chap uüa lak-e anowi kowikow maruuüa mih lusa uan kowi lak-e chanlai büah rowt chekhai. ⁹Ang naek enni pamtia uüi lusa kowi tangka pawisa mih enni auiua thawpah büah diah, hanow nami khowk kung kowi achowngma pren pra kowi en naowngia dowkah kown.¹⁰Now, did chow auan kowi kaah sakowm mih dow, ahuma lawnguan kowi paw kasakowm reng did chow mih auan kowi tachi dowi mih dow, ahuam lawnguan kowi paw tachi reng dowi. ¹¹Hanow, Lusa kowikow dawngthawnguan kowi kah sakowm dowi hanow miaiawng mih chow naowm kown, enni tut-e anowmami dawngthawnaguan towah pami? ¹²Hanow, nami klen kowi-e auan kowi khowm dow sakowm kah dowi hanow, enni uüi ngengche kowi paw amiaiawng mih chow nauang pe enni kown.¹³Amia iawng mih nar paw aluchow preia lup nowngia chang pe büah dowi tham; nadowi hanow, lowkia kowi dow nasuiah kown hanow nami klen kowi lowkia kowi dow nasakru kown chepaw naiung kown, nadowi hanow lowkia kowi dow napeah kown hanow, lowkia kowi dow na-e ah kown Thurai lup hown dawng thawnguan pre ia nar nowngia chang dowi tham chekhai. Maün bowk bowk ta büah hanow Isu kowi dow renah büah khai.¹⁴Naukhi tangkami pharisaiuüa dow, maün laiklow tabüah khai, now aia kowi dow changla rensi küa büah khai. ¹⁵Aia dow amatni tut-e, " Enni dow maru pur kowi powmatia tachi miiawng tüngkrowng chow taih eni uowi mih chekhai; chepaw Thurai dow enni saktuak lak akrang auan tuk reng; tawngpalawng lusa maruuüa tut-e kiowri ra enni ownah mih Thurai mik khi kowi dow suiia kania ma lahawm chekhai. AMARATMA MAMI TÜNGSANGRA ¹⁶Baptis chang mih Johan khin khe dow Mosi aia ari-row hai riasi uüa ruiah mih natwngah kengah kown nami khin tarap chedow Thurai pren satangiung tek khai, lawngtowng büahrüa akürma hai sangür ra akringma kat sang nami nakup kown chekhai. ¹⁷Natawk chedow ari-row likow lowk chow mih paw natama mih lak-e dow, krawng hai mukuang natama kown mih nalangia rowt kown.¹⁸Pamatia masi khuta kowh akengmi masiuüa kowi paw khai bowt mih dow changiang mih chekhai, now matia hua towta hüah now cham mangmi sarui paw changiang mih chekhai. LAZAR HAI KURENG MIH ¹⁹Kureng mami maru uowi lowkia, aia dow asung khak mami mintaupau rawng iawng mih uan chatiah khup reng now nitowng apiawapama hai uowiah reng chekhai. ²⁰Aiamat kim plawt pur kowi lu lükmi aming Lazar pape mih maru kowi towah lowk, aia pabuk pakowh ma kangow chekhai, ²¹Now, kureng mami salawnma hownia kow uang dow mih chak kham diuai nami cha now na dumu kown nau khai; now kui hawm uüa paw aia tut-e uanga now ma mih dow biahpe reng.²²Pakatni dow ngarai mami kowng khai, now kramamu uüa uang hanow aia mat kowi Abraham pur dawng kowi palaah khai bowt. nami kung kowi kurengmami maru paw tawi kowng khai hanow aia mat kowi dow dupah khai. ²³now, ngare towkra kowi kaneuma kham ngare khai; nami dow awr tau hanow alakma hownia Abraham thung luk kowi Lazar kowi dow khiah khai.²⁴Aia dow atünma awrplase tek mih, Apa Abraham, sana ang diah, hanow kowi uang chinah diah, aia kowh rutchawk chem mih dow tui kowi kachimah hanow ang diah kowi uangpaklamah diah, mami maih kowi dow lainowmma ang kawm khowk.²⁵Nachenganchepaw Abraham tek pemi, tuakah diah diah; en singuowi sakuowi khe aiungma kanowng en kakhai, naiawng plawng dow Lazar mün khowt chow kawm mih; nachepaw kawmat dow mami ra-e ka sak klamra khai bowt, en dow kawm kahi. ²⁶Naiawng na dowi chepaw mami hownia enni tut-e nau chepaw nahownia anging pra kowi nauang kown, na nowngia mangla kownkow krang cheng takra kowi uowi chekhai pakhai.²⁷Aia dow, "naiawng na dowi hanow apa aia kowi da apa kim kowi naka kowila kownkow chepaw ang lü en khai; ²⁸Anging tinau uowi tangaia chekhai; aia dow kakowiah hanow kacham thuak saksi lah, amatni paw maün mih ngare rakowi nauang tawi uowi ün tarawng!"²⁹Abraham dow, Mosi hai risiuüa ka büah hanow amatni laiklow pacham süntala tara pakhai. ³⁰Aia dow, "apa Abraham na dowi kow kawngmu pungma dawng kowikow maru ngengche amatni tut-e pakowi hanow natarip büah kown." ³¹Aia dow Mosi hai risiuüa laiklow owm büah dowi hanow, kowngmi pungma dawng kowikow awr rumi ngengche laiklow mih paw lang owm tadowi tham cham pape khai" pakhai.

NGARE HAI OWMRA ¹Now a tapeuüa tut-e, "angak howniaq kowh chaingra dow nauang towm kown, naiawng dow nowngia own dowi tham, enni kauchanga miuüa low, amiaiawng mih hownia chow nauang towm kown! ²maün asowm chah hownia lowkia chow kowi amiaiawng mih angak pra kowi pawla hanow aia ngawng kowi tanpe huaklu hanow sata aw kowi kuak tami nalang iung rowt kown" chekhai.³Enni matia lawnguan kowi kaneu büah diah! en tanau che chang angak hanow nangah diah; aimat che nami angak hownia uang ta plan hanow aia kown dow lawtah diah. ⁴Aia che pani kowi ranitkat chang en angak khai hanow ranitkat en tut-e nauang plan hanow, ang mih dow mamim angak hownia nauang plan kown, hanow aia kowi latah diah.⁵Chintakmiuüa dow CHAKRAMANG kowi natek pekown, "anging kowh owmra mih iuk anging diah." ⁶CHAKRAMANG dow müniang nuk lowkcha iawng enni kowh owmra uowi panü dow nami prün uowi mih sing kowi e awr tahowk hanow sata tui kowi kowtowh chowk diah, kitowng iakmai sing kowi tekpe diah nachün enni laiklow kown taih.⁷Enni pungma dawng kowi amiawng mih nar chow, lathawn müa kawtla dowi hanow ruapur thing mih lai hownia uang plan now aia kowi tekpe mih, en mih kawmat uangah hanow nacha kownkow chowm diah? ⁸Aia kowi tekpe dowi tham bow, matawngchow ang na cha kown mih kamrüt diah ang chahawn mih khowk khe khuowk ang kelang hanow mingkhet ang diah hanow en paw natawi cha kown bow?.⁹Nami alow pek iawng chünah hanow natek enni awmrawm laitek kown bow? ¹⁰Alow pek maiow kichang bowk kung kowi en mat powm iawng dow ang paw tataing dowi mih nar kalawt dowi lukkowi achang takla mih HAMÜTIA PAR PHAW MIKOWI PAIUNGAH MIH ¹¹Jerusalem kowi kowkowi mih khin khowk khe aia dow Samari hai Galili pren iawng dow kakowi khai. ¹²Aia lowkmi kua kowi kakup khai nami khin khe par phaw mih hamütia aia pur kowi uang khai, amatni dow alakma hownia atünma tekmi, ¹³Isu, tüngsang mih, saksing sana anging diah.¹⁴Amatni kowi khiah hanow tekpe mih, "mang bowt uamauüa tut-e katatüng büah diah. mangse amatni dow uangchim uangsai khai bowt." ¹⁵Amatni pungma dawng kowi lowkia mih dow iung hanow atünma tekmi atünma Thurai kowi kiow se uang plan khai, ¹⁶Now Isu khawk daw kowi uang tabawkah hanow tekpe awmrawm lai khai; aia dow Samari maru chekhai. AMARI MASIUÜA ¹⁷Isu dow aia kowi klangah khai, "hamütia mih chimsai bowk nadowi bow? Nami takuia tawng kowi chow? ¹⁸Thurai kowi nakkiow kownkow mami akeng chenchap maru klen kowi amiaiawng mih kowi paw khiah dowi kabow?" ¹⁹Aia dow klangah khai, "awr rü now mang bowt kawmat en kowh owmra mih dow iung ta en khowk." THURAI PREN NAUANG TING KOWN MIH LAWNGUAN ²⁰Pharisaiuüa dow lüntaah khai, "Thurai pren kowi tawng khe chow nauang ting kown," aia dow klangah khai, "Thurai pren dow amatmü hai nauang kown mih nadowi; ²¹Maru kawmuüa dow aia tut-e, mü diah mami ra e chaw! paimi ra e pai! mü diah Thurai pren dow enni matia tut-e chataih uowi."²²Aia dow tapeuüa tut-e, "maiawng mih nauang towm kown maru chapa sing uowi sakuowi khe en chataih nakhi kown mih enni mih nau kown chepaw nami ni mih na khi kown nadowi. ²³Nami khin khe maru kawmuüa dow na tek enni kown, mü diah paikowi pai! mü diah mami rae chaw, hang kakowi, amatni kung kowi paw hang kowh tawi krawi. ²⁴Mukuang hownia pla mih dow parah hownia parah kowi kownowi reng, mukuang dak kowi pat uang nowi khai, maru chapa paw aia mat nih kowi nami iawng dow naown kown.²⁵Auown khe aia dow ahuma nakham ngare kown now nami khin khowk khe maru kawmuüa dow nauah dowi tham. ²⁶Noa chowng khe kowh powmiawng dow, maru chapa khinkhe paw naiawng dow naown kown. ²⁷Noa lawng kowi kup dowi mowr dow maruuüa mih chabüah khambüah, masi huaiu tapün talo büah khai; now tuikling mangma uang hanow kowng büah bowk khai.²⁸Nami powmiawng dow Lawt singuoiw sakuowi mih khin khe chabüah, tasum taran, chowksing chowkkau hanow chang kim büah khai; ²⁹Nachenganchepaw, Sawdawm marow hownia Lawt uar awr lawtmi khin khowk khe mukuang hownia maih hai ria uang uang hanowm uang bawm tabowk khai.³⁰Maru chapa nauang tatüng kownmmi khin khe nami powmiawng dow na own kowm. ³¹Nami nih khe amiaiawng mih chabak dow kimluk kowi nauowi kown, aia kowh thawngthawnguan paw kimkowi nauowi kown, nami naka paw kownkow adak kowi hangkow pacham dowm lah; nami powmiawng dow matawngmi chabak dow via dawng kown nauowi kown, naü miuüa paw hauang cham plan lah.³²Lawt masi lawnguan kowi tuakah diah. ³³Amiaiawng mih chow pamatia sak awngra chammi dow nama takown; amiaiawngmi chow pamatia sak matah kown mih dow nasing kown.³⁴Ang natek enni, nami iak-e phangbek lowk kowi preia nauowi kown, amatchi preia kowi dow lowkia mih kowi napaw takown lowkia mih kowi nakuak takown. ³⁵Masiuüa preia dow akatsang naküüa kawm kown, amat chi preia kowi, lowkia mih kowi napaw takown, lowkia mih kowi dow na kuak takown chekhai. ³⁶Nami khin khe aia dow klangah khai, ³⁷"aw CHAKRAMANG, matawng kowi chow?" Aia dow klangah khai, "matawng mih rah e chow makowng uak uowi nami rah e dow langta uahawm natahawm kown."

MAMAIMA HAI TARA CHET MIH ¹Aiamat dow amatni tut-e naiawng hai chiape, atungma nachup Thurai kown takla, sakmi hangka nenah büah diah. ²Aia dow klangah khai, matawng iwng mih marow kowi chünchü tara chetmi uowi lowkia, aia dow Thurai kowi paw kram dowi, maru kowi paw klowk dowi.³Nami marow kowi mamaima uowi lowkia, aia dow aia tut-e uang tekpe mih ang ransu hai tatawi tama mih tara chet angching now lawng ang diah. ⁴Tara chetmi ia dow presum nih mowr matawngpaw klangah dowi chekhai, akung amowi chow kowi katuak mih ang mih Thurai kowi paw ang kram dowi, maru kowi paw ang hing klowk dow. ⁵Nachenganchepaw mami mamai dow kaneuma uangpe kawm ang khai, naiawng rakowi nami tara chet miia dow aia kowi nalawngah kown, nadowi hanow lainowmma nauang pusa ang kown chekhai.⁶Nami kung kowi CHAKRAMANG tekmi sünta, "tara chetmi tachi tanawm dowi mih tawang chow tek laiklow mih dow tukta büah diah. ⁷Aia klangah mih, nam ia kowi nini uaruar aia aia mat kowi lüklau miuüa laiklow dow, Thurai dow alen mah nasangkrang pe dowi tham kown dowi pabow? ⁸Ang natek enni aia alenma nauang sangkrang kown tiah tarap chedow maru chapa mih aia nauan mih khin khe dow lusa kowi owmra nauang khi kown bow? pakahi. NGAK LAWT LAWNGUAN ⁹Amia iawng mih chow pamtia kowi chinawmma pahai tatuak now, maru kowi paw nü klowk dowi, naiawng presumia maru kowi tekpe mih chekhai. ¹⁰Maru preia Tempul kowi nachup Thurai kownkow kakowi iüah khai; lowkia dow pharisai chekhai, lowkia dow muh kawkmi chekhai.¹¹Pharisai dow awriowng hown aiamat lawnguan koiw chup Thurai khai, aw Thurai, ang tek en awmrawm lai, ang dow akeng mih maru iawng Puanla, angak chang, iang chang, hai muh kawk mih iawng na dowi; ¹²Ang mih dow patakahale towng prekat chi ang khawr (khagn) hawm reng, hamüt phow kowi paphow maiow paw ang chang pe reng chekhai.¹³Nachenganchepaw mu kawk mih dowi akeng alakmakowi iowngse mukuang pra kowi paw uam tau dowi bowt, phek downg prang se tek mih, Aw Thurai, ang maru ngak, sana ang diah. ¹⁴Ang natek enni, mami maru tachi mih naklowpah hanow aia mat kim pra kowi iumang khai bowt, pami maru tachi mih nadowi tarap che dow amia iawng mih chow pamtia kowi lowchow mih kowi dow nanemah kown tawk chedow pamtia kowi tanem mih dow na akrowma kowi natowah rowt kown chekhai. NGEUUÜA LAWNGUAN KOWI TÜNGSANGRA ¹⁵Now maru hawmuuüa dow amatni kowh asowmlowm chami ngeuuüa hawm kowi aia tut-e uang pawla khai, aiamat nahut kakah kownkow. Hanow atapeuüa dow nami khi hanow nagah khai. ¹⁶Nachenganchepaw aia dow hawah now tekpe mih, "ngeuuüa hawm kowi ang tut-e peuangah diah, amatni kowi hqngkow hangah diah,Thurai pren dow amaiawng ün maru uüi chataih. ¹⁷Lainowmma ang natek enni, amiaiawng mih chow maiawng mih ngeuuüa kowi howr dowi mih dow katpaw Thurai pren kowi tawi ngowngia kup dow tham. KURENG MIH LAWNGUAN ¹⁸Kim ming khet mih lowkia dow lüntaah khai, "aw iung tüngsang mih achowngma sngra nowngia kala kownkow matawng cho ang nachang kown?" ¹⁹Isu dow klangah khai, matawng plawng kachow iung padow en tek ang? Thurai klen kowi amiiawng mih pa iung dowi. ²⁰Sangbowk laitawm alow pek en tuktak bow? "hang changiang, haisai maru sak, hangku, hang daila saksi,en u en pa kowi ringkawah." ²¹Aia dow klangah khai asowm chami maün mih alow pek matiow dow ang chün ta bowk khowk.²²Nami laiklow dow ta hanow Isu dow klangah khai, "kamat mowr en changah dowi mih lup uowi lowk tak; en kowh uowi mih maten sumtah hanow ngarai miuüa kowi luah diah, nahanow mukuang dawgthawng un en naka kown; hanow ang kung uang tawi krwai diah." ²³Nami laiklow ta hanow aia dow lainowmma saknga khai, matang palawng kachow panow aia dow kureng mami maru chekhai rakowi.²⁴Isu dow, aia mat kowi müah hanow, "Kureng miuüa uüi Thurai pren kowi nakup kownmi kratalai kabow! ²⁵THurai pren kowi maru kureng nakup büah mih la-e dow kap kua kowi Ut takowi pat kankup kown mih naiawng ia rowt kown chekhai."²⁶Hawt sünta laiklow miuüa dow, amtni tek khai, naiawng chekhai hanow amiaiawng mih chow naka lawngra kown? ²⁷Aia dow klangah khai, " maru ngowngia changah dowi mih Thurai dow nowngia chang khai.²⁸Nmai khin khe Peter dow aia tut-e tekpe khai, " Sünta, anging matia uowi mih maten towta bowk hanow, en kung tawi krawi mih nakhai. ²⁹Isu dow amatni kowi tekpe khai, lainowmma ang natek enni miiawng mih chow Thurai pren rakowi, kim chepaw, masi chepaw , tainauuüa chepaw, u hai p chepaw chauü chepaw towta büah khai. ³⁰Hanow kawmat khin kowikow ngenghe kowi paw aia mat downami lak-e kowi paw nalang u kownmih naka nenghe kown, uang mih chowng khe achowngma siangra kakown pakhai. AIAMAT NAKOWNG KOWNMI ³¹Nami kung kowi laipreia mih kowi dow langhawah hanow amatni kowi tekpe mih samü büah madiah, Jerusalem kowi a-i nakowi kownchaw maru chapa lawnguan laiklow risiuüa hownkow ruiah mih maiow aküma nauang tachi kown. ³²Matawngpalwng kachow aia dow Jentailuüa ruat kowi na apah büah hanow marukawm dow aia kowi naenah kown; aia kowi rukraima nakowkah ngare hanow aia kowkowi nathawkpe kria büah kown. ³³Hanow, müa hown nabawpah kung kowi aia kowi napawpe asak kown; sumni nih kowi khe aia na awr plan kur rüiawk kown.³⁴Naünmi laiklow dow, auan tukta büah dowi nami laiklow dow amatni tut-e petah mih iawng chekhai, aia tek mih laiklow dow nowngkhümah büah dowi chekhai. MIK DUH MIKOWI IUNGAH MIH ³⁵Hanow Isu hai atapeuüa Jereku kua kowi atawnchow uang ting khowkkhe mikdu lowkia mih tiamaret kowi lu lük hai hawt chowm lowk khai. ³⁶Nami maru kawm-ma mangmi klow hawta hanow hawt lüntaah kahai nami auan dow, matawng chow pakhai? ³⁷Maru kawmuüa tekpe mih Nazaret kowikow Isu nami hownia uaimang mih chekhai.³⁸Nami khin khe hawt pla hai tek mih aw Isu David chapa uangsanala ang diah pkhai. ³⁹Amia iawngmi chow, rikmang mih ua dow hangah büah khai, rarimma nauowi kownmi aia kowi tekpe mih chepaw nami dowi rawn khekow lak-e langkür rowt, David chapa sanala ang diah. padow aiamat haw nowilowi kai.⁴⁰Isu dow iowng hanow, aia mat tut-e nauang pawla kown mih tekpe khai; aia tut uang towm now Isu dow klangah khai, matawng how en nau? ⁴¹ang en uüi matawng chow nachang kown? aia dow, CHAKRAMANG, nakhi kown ang nau, pape khai.⁴²Isu dow, m madiah en owmra hown en iung khai bowt. ⁴³Aia mat dow pamaisang nowngia khi khai bow. Thurai kowi kiowla iawla se aia mat kung kowi plan mang khai. maru maiow dow nami kowi khi büah hanow maru maiow paw thurai kowi tawikiow khai.

JAKAI TAKLING TAKLOWI MIH ¹Nami kung kowi Isu dow Jeriku marow hownia hai mang büah khai. ²Mü diah, nakowi dow kachauüa lowkia aming Jakai nakhai ai dow mukawk mih aluchow chekhai, nami dow akurengma chekhai.³Hanow Isu kkowi amia iawng mih chekhai chow pami nakhi kown tuak khai, maru kawm mami rakowi nowng tawi ia khi dowi maru nemlem cha chekhai rakowi. ⁴Naiawng rakowi nami dow aia nauang mangla kownmi tiama kowi rik iowm hanow iuih dut sing kowi awr klawah khai.⁵Nami kung kowi Isu dow nami rakowi kating hanow awr tua khai, aia mat kowi tekpe mih, Jakai alenma uangiu dowm diah tawngplawng ani mih en kim kowi ang napün kown chekhai, pape khai. ⁶Haow, nami aia mat dow alenma uangiu dowm khai hanow apiawma aia mat kowi pepünah khai bowt. ⁷Nami aia kowi khi büah khai hanow, aia mat maru angak mih lowkia kim koiw napün kownkow hai tawi iak khai, padow prawngah büah khai.⁸Jakai dow awr iowngah hanow CHAKRAMANG tut-e tekpe mih, mü diah, ang kow dawngthawnguan mih dawnglang ngaraimi uüa kowi ang napeah kown; amia iawng mih tut-e chow kür hai krawipaw ta uan khai hanow taliphow mowr pat ang naplanpe kown. ⁹Isu dow aia tut-e ani kowi-e mami kim kowi lawngra uang ting khai bowt, aia paw Abraham chapa nachekhai rakowi. ¹⁰Maru tama mih uüa kowi nacham kown hai nalawngnatangah kownkow maru chapa uang mih na chekhai. HAMÜT IUN TANGKA LAWNGUAN ¹¹Naün mih laiklow dow sünta büah thüm khe, aia dow tekpe sagchia lowk, aia mat dow Jesrsalem kowi nauang ting kown chekhai bowt rakowi, amtni tuakah mih dow Thurai pren nami khin khe nauang tatüng kown. ¹²Nahanow maiawng dow aia tekpe mih maru anowm mami lowkia Thurai pren dow nauang kut plan pawla iawk kownkow pren lakma kowi kakowi khai.¹³Hanow aia naaruüa hamüt ia kowi dow hawah hanow, kuh tangka hamüt lapa peah khai, hanow tekpe mih ang uang plan dowi mowr dow, mami hown chang kun büah diah. ¹⁴Nachenganchepaw aia maru uüa dow suiah büah khai, amatni aia kung kowi chinpe khai, hanow tekpe mih nami maru mih anging naukrang iawng nadowi hai anging luk kowi powngta kown nau khai. ¹⁵Nami kung kowi aia dow mang alow kala hanow uang plan khai, aia uang kut plan iawk khe dow tangka peah mih naruüa kowi amatni mih mün khowt chow nowngia chang kun mih natukla kownkow aia tut-e hawah khai.¹⁶Nami khi khe auown kowikow maru dow aia pur kowi uang hanow tekpe mih CHAKRAMANG en kowh kuh hamüt lap hownia hamüt lap ang plan ka khai. ¹⁷aia dow aia mat kowi tekpe mih, kaucha iungma, anowm mami nar en dow a-e chowmi lawnguan kowi sakowm ma nakhai naiawng rakowi hamüt klüng marow luk kowi aluchow kowi chowm diah pape khai.¹⁸nami kung kowi paw uang hanow tekpe mih CHAKRAMANG en kowh ku tangka hownia tangalap ang nowngia ka. ¹⁹Aia kowi paw tekpe mih, en paw tangaklünga marow luk kowi aluchow kowi chowm diah pakhai.²⁰Nami kung kowi lowkiami paw uangah hanow tekpe mih, CHAKRAMANG en kowh kuh tangka mih uanpowngcha hai kaneuchow ang duah ah hanow towta khai pape; ²¹Ang mih dow en lawnguan kowi kram khai, en dow akhawt mam maru chekhai, towah dowi mih paw napawta kown chekhai, sawtah dowi mih paw napaw takown chekhai rakowi.²²Aia dow nami kowi tekpe mih, nar ngak ang en laiklow law mih hownia ngengche tara chetkowi peawng dowi tham. en tukk pa nadowi bow, maru khawt mami ang na khai pami, towa dowi mih paw napaw ta kown, sawtah dowi mih paw nangen kown pami? pape kahi. ²³Naniawng chekhai hanow ang kowh tangka dowi matawngplawng kachow kun chang mih uüa ut-e en katowah dowi chow? ang nauang mang khe amarat hai lawm ang anuang kkah kown nadowi pabow, pape kahi.²⁴Hanow aia ria kowikow iowngmi uüa tut-e amatni kowi tekpe mih aia mat tut-e kowh kuh tangka mih ruptape büah hanow kuh tangka hamütlap kami tut-e peah büah diah pakhai. ²⁵Amatni dow tekpe mih, CHAKRAMNG nami kadow hamüt lap kuh tangka uowi khai chaw pabüah khai.²⁶Ang natek enni, uowi mih kowi dow aia mat kowi napeah küng tak, tawk che uowi dowi mih kowi dow aia mat kowh uowi mow mih khowm padow napawta pe kown. ²⁷Nachengachepaw maün mih ang ransu uüa amatni ang luk kowi napowng kown naukhai, uang pawla büah hanow ang pur kowi bawmta khai. JERUSALEM KOWI ISU KAKUP MIH ²⁸Naünmi laiklow kitek hanow aia maru dowi rawn rik mang khai, Jerusalem prakowi pün khai.²⁹Nami kung kowi, Olive hung pape mih ria kowi bowiphawgi hai Betahani kua kowi uang towm khai bowt, aia tape preia kowi chinah hanow tekpe mih, ³⁰Enni pur dawng kowi kowh paimih kua kowi kakowi hanow enni kakup hai akrowk sang lowk mih kawrnga ramchük cha khuowkah mih amia iawng mih paw chowmah dowi tak mih enchi nakhi kown latla hanow uang küngla iüah diah. ³¹Amia iawng mih chünchü tekenchi khai hanow matawngplawng kachow lat takla kahi mih? maiawng dow natek pe kown, CHAKRAMANG nauah chekhai padow klangah iüah diah, pakhai.³²Aia chianah mih iüa dow katarü khai bowt amtchi tut-e kowh aia tekpe iawng ngengche kakhi iüah khai. ³³Matchi mih kawrnga ramchük dow latla iüah thüm khe atawng miia dow tek pe mih, " Kawrnga ramchük cha lowk mih matawngplawng kachow enchi lat khai? ³⁴Amatchi tekpe mih dow, " CHAKRAMANG nauah chekhai" paiüa khai. ³⁵Isu tut-e uang küngla iüah khai hanow kawrnga ramchük cha luk kowi dow amtni uan bepe ün hanow aluk kowi Isu kowi dow pechowmah büah khai bowt. ³⁶Nami kung kowi dow tarü khai bowt tiama kowi dow amtni matia kowh uan ün bepe iawlaw mang büah khai.³⁷Nahanow aia dow Olive hung hownia naiu dowm kown mih khin khe dow atapeuüa maiow dow awdara amatni khi mih bowk bowk rakowi piaw khai, aklow tünma haw lawmlawm khai, Thurai kow kiow büah khai bowt. ³⁸Kaucha iuk mami mang dow aia CHAKRAMANG ming kowi uang mih dow akiow pacham uowi lah, mukuang kowi taking tasangra pacham uowi lah, langkri mih kowi dow akraingra pacham uowi lah, pabüah khai.³⁹Nami khin khe maru kawmami pungma dawng kowi Pharisai tawngmi chabak dow aia tut-e tekpe mih, " tüngsang mih, en tape uüa kowi hangta diah," pabüah khai. ⁴⁰Aia dow klangah khai, "ang natek enni maün miuüa rarimma uowi chepaw maün mih huah bowk bowk mih naawr pla bowk kown chekhai" pape khai.⁴¹Nami kung kowi aia dow Jerusalem marow hai khi hanow lainowm ma saknga khai rakowi kar khai, ⁴²tek mih aw en che, ania nih kowi takingra tuk khai e dow! kawmtmi en mik kowi apetma hau uowi dowi tham.⁴³En ransu uüa bawntap hai nathawp en mih khin naung ting kown naum en büah lut kown anui towng nasen en kown chekhai. ⁴⁴En alakma kowi uowi mih en chama uüa hai lawm nakuakta enni tasia kinlin kanlan kown, en alak kowi hua tatang hurlur maiow tow enni dowi tham Thurai uang mü en mia en khe en tuk dowi rakowi naün mih rakowi dow en lak kowi nauang tiang kown padow tek khai. TEMPUL LAK KOWI ISU ⁴⁵Nami kung koiw aia dow Tempul kowi kakup hanown matawng uan ün tasum taran miuüa maiow kowi dow prang kowi prüt ta khai. ⁴⁶Amatni tut-e, Arui uowi mih, "ang ka kim dow Thurai chupra kim naown kown" nachepaw enni dow tamtauüa kowh puk iawng hing thapah rowt chekhai chaw, pakhai.⁴⁷Nitowng Tempuk kowi dow tüngsang ah reng, uama kri uüa hai ari-row tüngsangmiuüa dow aluchow uüa hai lawm aia mat kowi napawpe asak kown mih sang krang büah khai; ⁴⁸Nachenganchepaw, matawngiawng chow nachang kownmi auan kabüah dowi, tawngplawng maru kawmma maiow kat sang aia laiklow nowngia tuk ta büah dowi chehai.

JELRSALEM KOWI ISU TÜNGSANG MIH ¹Pakat nih dow Tempul kowi satang iung phuang khai, maru kawmmauüa kowi paw tüngsang thüm khe paw uama kri uüa paw hai ari-row tüngsang miuüa hanow lawngtang uüa hai lawm aia tua-e uang tiang büah khai, hanow aia kowi tekpe mih, "matawng iawngmi alow hown chow en tut-e uowi khai kowh maün mih liklow dow en tek khai chow? ²Miaiawng mih chow pe en alow khai chow? Now tek anging diah.³Aia dow hawt klang ah khai, " angpaw laiklow ang natawi lünta enni kown; ⁴Johan chang baptisma mih mukuang pren kowikow uowi mih alow bow? nadowi now lusa maru alow bow?" Tek ang diah.⁵Nami khin khe amatni dow tatowng tapang khai, "mukunag pren kowikow uowimi alow i tek hanow matawngplawng kachow aia laiklow enni owmpe dowi mih? nauang pa a-i kown. ⁶Hanow lusa maru alow a-i piawk kahi hanow, maru kawmma uüa maiow mih hua hai nakuak a-i kown chekhai, tawngplawng Johan kowi dow maru uüa risi ngengche pami taming khai bowt chekhai rakowi. pa tekpe büah khai.⁷Hanow, amtni dow, tawng howia kowh chün chü anging tuk dowi, padow klanah khai. ⁸Isu dow klangah khai, ang paw mih alow hai chünchü maünmi bowk bowk chang mih tuk dowi hanow ang paw tek enni dowi tham pakhai. KIM KHET MIH HAI GREP KRUM ⁹Nami kung kowi aia dow maru uüa tut-e mami laiuat laiklow mih tekpe khai, maru lowkia chang Grep krum khai, Nami kung kowi lup chang mih uüa tut-e taapla pe hanow aia mat dow pren lak makowi kowi khai. ¹⁰Aiuih mih khin khe dow aia uüi bak napaw kownkow nar lowkia krum ming khet mihuüa tut-e dow kachiah khai, tawkhe ngak kowimiuüa dow aia nar kowi hawt bawpah büah khai rut khawma pemangah khai.¹¹Nami kung kowi akeng mih nar kowi uang plan chinpe khai iawk, nami kowi paw hawat bawpah büah hanow peah rukrai now rut kahwma hai pemangta kahi bowt. ¹²Nami kung kowi sumlawmbawr nar kowi kachin pe kahi, nami kowi paw amatni dow peah arau hanow prang kowi cham kuakta büah khai.¹³Nami khin khowk khe Grep krum ia tek mih, matawng iawng chowang nachangah kown chow? Ang sakruaah mih chapa kowi ang kasamchin pe matak aia kowi dow na hawt ringkawah kown taiah sow pakhai; ¹⁴Nachanganchepaw, krum ming khet miuüa aia kowi khi hanow amatni dow tatek büah khai, mami maru dow dawngthawnguan pow chaw, chu a-i bawmtala, padow tatek büah khai.¹⁵now, achap kowi dow bawmtah büah kahi bowt, now Grep krum hownia dow cham kuakta büahkhai bowt. ¹⁶Nami kung kowi Grep krum ia dow matawngiawng chow amatni kowi nauang chang ahkown? Nauangah hanow krum ming khet mihuüa kowi dow nauang bawmta hanow krum dow akengmi maru kowi nachampe takown. Nami laiklow sünta miuüa tek khai, Thurai dow nakhowt miuüa hangpa cham changlah.¹⁷Nachenganchepaw aia dow amatni pra kowi hai müah hanow tekpe khai, arui uowi mih mami uan dow tawngchow? now kimchang miuüa nami hua nuata ngengche mih dow nami anui kowikow langkri mih hua na khai. ¹⁸Nami hua luk kowi uan kla mih dow napiak kown; nahanow nami hualuk kowi uangkla mih sarui dow nateuprawt kown chekhai.¹⁹Nami khin khe dow ari-row tüngsang miuüa hai uama kri uüa dow aia kowi nakhüah kownkow ngownah büah kahi. Natarap chedow matni maru uüa kowi kram büah khai, tawngplawng matni tukta mihdow aia lawnguan kowi laiuat laiklow lai hip tek mih tiah, pakhai. ²⁰Amatani dow aia luk kow kumitah khai prenpowwng mih tara chet mih kowi hai alow uowi mih kowi nanowngia dowkah büah kownkow aia lai natawi hanow nakhumah kownkow kumit mikowi maru chinawm mami iawng changah mih kowi dow kachinah büah khai.²¹Aia tut-e dow amatni lüntaah kahi tekpe mih, aw tüngsang mih en anowmma tekmi hai anowmma tüngsang reng mih laiklow nakhai pami ang tuk; amia kowi paw langring rangkawah uowi dowi iawng Thurai tiama laiklow achingma mih lawnguan kowi en tüngsang reng chekhai. ²²Sizara tut-e anging napemu kown mih lahawm kown bow?²³Aia dow Amatni depah chekhai pami tuk. ²⁴Ang kowi ngui khuai samtünga ang lowk madiah, amia iawngmi rup hai amia iawngmi ming chow arui uowi?²⁵Amatni dow Sizar pa büah khai, " nakhai hanow Sizar kowdow Sizar kowi peah abüah, Thurai kow dow Thurai kowi peah büah" pakhai. ²⁶Hanow, amtni maruuüa pur kowi aia laiklow kowi nakhum ah kownmi tuak büah cha diah hing ka büah dowi, aia uangklang ahmi dow kaneuma awda khai bowt. NAUANG KUT PLANRÜ KOWN MIH ²⁷Hanow, Sudukiuüa dow üaah khai, awr plan kut rü kown mih uowi dowi, amatni pungma dawng kowi tawng mih chabak presumia Isu tut-e uang lüntah khai. ²⁸Aw tünasangmi Mosi dow anging uüi ruiah mih lowra tainau paw masi towla hüah hingkala cha dowi kow kowng khai-e dow aia tainau nami amasi kowi dow nachagnah hanow pamtia tianau kruang chak nalawngah kown.²⁹Iung, matawngmi kim kowi chabak dow amatni tainau uowi ranitia; langta mih dow paw masi lowk khai, aia dow kala cha dowi kowh kowng khai. ³⁰Nami kung kowi presum ia tianau uüa paw changla masi khai; ³¹Nami powmiawng dow ranita mih kala cha dowi kowh kowng khai. ³²Achur kowi amasi paw kowng khai. ³³nahanow, makowng puangma dawng hownia awr kut planrü khowk khe, nami masiuüa dow amia iawng mih masi naown chow nachowng kown, amatni ranit ia mih dow pawah bowk mih chakhai.³⁴Isu dow aia tut-e, mami lusa pren maru uüa dow tapün talo büah reng chekhai. ³⁵Nachenganchepaw, miaiawng mih cow nami lusa pren hai kowngra hownai awr kut planrü laklow mih alow uowi hown lahawm mahown khowmah bowkah mih tarap chedow amatni napaw masi kown nadowi hanow amatni napawpe masi kown pakhai. ³⁶Amatni dow nowngia kowng dowi bowt tham, matawngplawng kachow panow chauüa tarap chedow Thurai chauüa chekhai.³⁷Makowng pungam dawng hownia na awr kut plan rüla iawng kown mih Mosi tut-e singplum kowikowh maih alwnguan enni khi dowi bow; Nahanow, CHAKRAMANG kowidow Abraham Thurai, Isak Thurai, Jabop THurai patekpe mih chekhai pakhai. ³⁸Thurai dow makowng Thurai nadowi, tawkche singmiuüa Thurai nakhai, matawngplawng panwo aia pur kowi singmi chekhai.³⁹Nami khin khowk khe, ari-row tüngsangmiuüa tekmih, aw tüngsang mih, kalngiungma en tuk tek kha! ⁴⁰Achingma hown aia mat kowi dow matawng iawngmi laiklow nalütaah kown mih uam dowi bowt. ISU RANSUUÜA DOW NOWIA KLANGAH DOWI BOWT ⁴¹Aia dow amatni tut-e, Krista dow David chapa matawng mih krang kowi chow nakhai mih? ⁴²Kiow müa meng bowih kowi David ngengche tek mih dow, "CHAKRAMANG aw CHAKRAMANG, tut-e tek kahi, ang hawmlawm pra kowi chowm diah. ⁴³Ang en ransuuüa en khawk daw kowi towah dowi mowr dow, " ⁴⁴nahanow, David tekpe mih CHAKRAMANG, padow tek pe khai; naiawng -e nami chapa matawngiawng chow na own kown?" pakhai.⁴⁵Maru kawmuüa tawita mih khin khe atape uüa kowi tekpe mih, ⁴⁶"ari-row tüngsangmiuüa hownia dow kaneu, amatni dow kowrma athawng mami khup hai cham len reng, now chih changra kowiün chupah iiah mih kowi nowah bah khai, takuara kim langta tüngmira hai pawi changra kowi chowmra langiung mih küah reng khai. ⁴⁷Maünmi maruuüa dow mamaiama kim khamtape bowk kahi, Maru naukhiah kownkow chatiah akürma chup Thurai büah mih kowi dow naiawng ün maruuüa tara chet khe ahuma nalangkham nganre kown" pakhai.

MAMAIMA UAN PEK ¹Akawk pekra kowi kureng miuüa amatni kowh lowk kowh lowk akawk uang phang mih aia dow awr müah khai. ²Nahanow mamaima ngariami lowkia kri pawsa priun uang tawi phang mih dow aia khi khai. ³Aia dow, lainowm ma ang natek enni " Mami mamiama ngarai mid dow akeng mih maru lak-e langpe hu rowt" chekhai. ⁴Nachepaw akeng mih maruuüa dowi amatni kami klen kowi dow amarat mih uangpe büah mih chekhai, tawkche aia mat dow kadowi mih luk kowi aia mat nowgia tasing kownkow ka mowrchami pe mih chekhai chaw, pakahi. JERUSALEM NAPIAK KOWNMI ⁵Hua aklangiuang mami hai uanpek kuah lawmah mih hai tempul amani suah sowah klangiungmi krangün laiklow tawngmi chabak maru tek tüm büah khe Isu dow, ⁶maün enni khi miuüa mih hua tatang khai mih lowk chow khowm dow tim dowi kowh natowah dowi mih khin naung ting kown pakhai.⁷Hanow, amatni dow Isu tut-e, aw tüngsangmi maün mih kran uan dow matawng khe chow nauang uowi kown? haow, naün mih auan krang uangting kown hai aia koah amatma tawnag chow? pape büah khai. ⁸Aia dow, Mü madiah, puanra kowi hangka uowi büah diah; maru kawmma ang mih hai nauang kown, natek enni kown, ang dow nami chabowt, akhin paw atawng chow tiah bowt; amatni kung hang kow tawi krawi büah. ⁹hanow tasen tün teu hai taking taküa rakowi pusami klowkui enni nata kown, nakram kown nadowi, naün mih dow auown kowi nauang towm kown, nachepaw nami dow chur kown mih nadowi tak.¹⁰Nami kung kowi amatni kowi tekpe mih dow chenchap hai chenchap mih dow natakingküa kown hanow prenchak hai prenhak nataking küa kown. ¹¹Krikraingma lahowng nauang kown hai para para kowi khown nakuak kown ahawi paw naunag uowikown, mukuang howngia kramkowm uowi mami amtmüa nauang tüng kown.¹²Nachengancheapw naünmi lup auan krang nauag ting dowi rawn khe maruuüa nakhüm enni hanow tara chetra kim ün napawla enni kown, nachang anowng apowng kown chekhai. Ang ming rakowi mang uüa hai prenpowng miuüa pur kowi napawla enni kown. ¹³Ang laiklow tawi tuk tawita mihuüa hai enni luk kowi saksi rakowi natow enni kown.¹⁴Hanow naklangah kown mapaw hangkarik tuakah diah. tukta pami phai tuakah büah diah. ¹⁵Nachepaw ang mih dow laiklow hai prengia nape enni kown, enni ransu kowi akengmi nanowngia plan laiklow dowi kownkow.¹⁶Hanow enni u pa, tainau uüa tasintaken miuüa hai auiua uüa ün pat paw nakhüm enni kown chekhai, tawng bakmi chabak enni kowi amatni dow napaw ask kown chekhai. ¹⁷Ang ming rakowi lawngtowng büarüa sarui nasui enni kown chekhai. ¹⁸Nachenganchepaw enni lu kowikow samiang lowk chowm dow nowngia piak dowi tham, ¹⁹Pamatia kaneuam kham büah hanow pamatia sak lawngra naka kown.²⁰Jesusalem kowikow Siphaiuüa nauah nauah büah khin khe dow napiak kownmi tawn khowk pami tukah büah diah. ²¹Nami khowk khe dow Judai pren kowikow uowi mih uüa dow amatni süng kowi pacham powt diah lah. Hanow amia iawng mih chow marow kowi uowi mih dow amtni prang kowi pacham uowi lah. Miaiawngmi chow hua süngkowi uowi mih dow amatni marow kowi naphuang lah pakhai. ²²Tawk chedow nasat klai kownmi khin uang na khai bowt pahai arui uowi mih dow nauang tachi kown chekhai.²³Nami khin khe kum nau miuüa hai nau sowm lowmcha pawi miuüa uowi pasanawng sana kown! Namih pren kowi mih ngare kraingam nauang ting kown chekhai nami chapuüa luk kowi mih kunma rau nauang ting kown chekhai rakowi. ²⁴Saidawng hai nat tuaah hanow Jentail pren towng nar kowi nacham pawla büah bowk kown, now Jentaiuüa khin chur dowi mowr dow Jerusalem mih Jentaiuüa krüa kowi nauowi büah kown.²⁵Now sat kowi ün lama kowi ün krek kowi ün mih amata müa uowiah pa awda mih nauang uowi hanow; krawng kowi paw sata krang tui pün mih hai nangir ngurrur mih klow nata hanow chap towng achang uan tuk dowi hai natuak krat büah kown. ²⁶Kuang lowra maiow nowngia krikraing mih dow nachu hanow lusa maru uüa kowi kram kown uowi mami nauang tiang kown mih natuk taah hanow kram hai nata krow hai namaw büah kown.²⁷Hanow, nami khin khe dow maru chapa mih lowr anownra nowngia changla mih akraingma hailawm maimum krüa pugma downg hown katsang nauang kownmi nakhi kown. ²⁸Nachenganchepaw auan krang uang ting hanow aluk pra kowi awr mü hanow awr tau büah diah, tawngplang panow enni kowh klanra uangta tawn khai bowt chekhai pakhai.²⁹Aia dow amatni kowi laiuat lowk tekpe khai, iuih dut sing kowi akengmi sing maiow mü madiah, ³⁰Aram sar nauang awr thawn kown mih enni khi hanow enni matia natuk kown kawmat dow satma uang uown khai bowt pami. ³¹Naianwgplawng dow enni matia paw naünmi maiow auan krang uang ting mih enni khi khe dow Thurai pren uangta tawn khai bowt pami hawt tukah büah diah.³²Lainowmma ang natek enni naün mih maiow uang tachi dowi mowr dow akaw chowng kowikow maru uüa mih tama rowi büah dowi tak tham. ³³kuang hai lusa pren natama kown chekhai, nachenganchepaw ang laiklow tarap chedow akatpaw tama kown nadowi tham.³⁴Nachenganchepaw pamatia lawnguan kowi peching diah rawka hai nowngia rahown chak kham lup chang kowi towsak kanow hai enni saktuak kur dik kangow hang ka pacham nalah, chownglawng kowi kramra paung chamtinglah hanow nami ni kowi amaimasng tasowk mih iawng enni luk koiw naung krum kown ün tarang . ³⁵Nachepaw nami ni kowi lusa pren maru uüa maiow luk kowi nauang ting kown chekhai rakowi.³⁶Nachenganchepaw atungma nami khin kowi süng hai chup Thurai diah, naün auan krang uang ting kown nowngia lawt kown hai maru chapa pur kowi enni nowngia iowngla kownkow towk kür büah diah.³⁷Hanow, nitowng dow Tempul kowi aia tüngsangah khai, iak towng prang kowi lawt hanow aming Olive hung pape mih kowi kakowi hai kauowi reng chekhai. ³⁸Nahanow, maru maiow paw aia laiklow nasünta kownkow raumur pa tempul kowi aia tut-e aung ma uang büah khai.

ISU TAPRÜA TUAK KRAT HAI KOWNG MIH ¹Nami khin khe thepe tua dowi mih kawm taklow pawi uang tawn iawlaw mih khin khe; ²uama kriuüa hai ari-row tüngsang miuüa dow aia kowi nanownia pawpe asak kown mih sak-krai büah khai; nachenganchepaw amat ni dow maru kawm kowi kram khai. JUDA ISU KOWI NA KHÜM PE KOWN TUAK MIH ³Laipre ia pungma dawng kowi kowh rüala mih Juda Iskariot pape büah mih kawlak kowi süng nam uang kup khai, ⁴Hanow aia kowkowi hanow uanma kriuüa hai kang chawng miuüa hai siphai aluchauüa dow na khümah büah kown mih krang kataiua tek büah khai.⁵Amatni dow kaneuma hawt howrah büah khai napeah pawisa kownmi khamah büah khai, ⁶Aia paw nauta khai maru kawma uowi thum khe akhin taka mih cham büah khai. CHAKRAMANG IAK HAWM ⁷Nami kung kowi thepe tua dowi mih pawai ni taklow pawi rupura cha nangen büah kown mih ni dow uang ting khai. ⁸Aia dow Peter hai Johan iüaih kowi dow chinah khai, Enni kakowi hanow taklow pawi nachang kown mih kamrüt büah diah pakhai. ⁹Amatni tekpe mh matawng ra-e chow kamrüt kown?¹⁰Matawng ra-e chow en nau? aia dow klangah khai, sam mü madiah, marow kowi enni bowk bowk naka kup hanow kachakuüa lowkia mih bawnpu hai cham towng tui mih nakrum enni kown tiah, enni mati akung kowi tawi mang hanow nami kim kwi tawi kup büah diah. ¹¹Hanow kimia kowi tekpe diah, "tüngsangmi tek, ang tapeuüa hailawm taklow pawi hawm anging nowngia taiua chala kownmi pinsüa towklak dow matawng ra kowi chow?"¹²Nahanow ai adow enni uüi kowi-e aluk koiw kimlak auar mami natawi tüng enni kown tiah; ¹³Nami kung kowi amatni dow taklow pawi thawp khai now nami rakowi kamrüt büah khai bowt.¹⁴Nami kung kowi akhin dow uangting hanow chintakmiuüa hai katsang Isu dow taiuacha taklow pawi kownkow chowm khai bowt. ¹⁵Aia dow amtni tut-e , ang kham ngare dowi rawn khe enni hown akat sang taklow pawi nachang kown mih nowm nowm ang nau chekhai. ¹⁶Ang natek enni Thurai preng uang tachi dowi mowr dow ang katpaw mami pawi cha kown kham kown nadowi bowt.¹⁷Nami kung kowi dow, akhammüa bia pawah hanow Thurai kowi awmrawm laiklow tekpe hanow nami paw now taret ah büah diah; ¹⁸ang natek enni Thurai pren uang kutuang dowi mowr dow kawmat hownia nami mowr ang Grep iuih tui kham dowi bowt tham.¹⁹Nami kung kowi dow, kawmpa pawah hanow, Thirai tut-e tekpe awmrawm laiklow hanow sekah khai, amtni kowi dow peah hanow tekpe khai, mami dow ang kow buk nga enni kowi peta enni mih chekhai, ang kowi nakatuak lah reng kownkow chang reng büah diah. ²⁰Hanow, naka powmiawng chak kham kung kowi aia bia pawah hanow tekpe khainami kham kown mih biah dow ang Vi ari-row sar chekhai, mami ang Vi peta enni mih chekhai.²¹Nachenganchepaw mü diah nakhüm ang kown mih maru dow ang hown katsang salawnma luk koiw uowi khai. ²²Nahanow, Thurai akümma khowm ta khai bowt mih iawng maru chapa dow nakowng kown chekhai; kaucha sowmlai kabow nami ransu uüa rut kowi napata nag kown mih dow. ²³Amatni dow lowk kow lowk talünta büah khai, ang iang howia amiachow nami lup nachang kown mih?²⁴Amatni dow taüa büah khai, amatni pungma dawng kowi amia iawng mih chow langkri kown mih pami lawng uan kowi. ²⁵Nachenganchepaw aia dow amat ni tut-e Jentailauüa mang dow aia luk kowi nowm nowm langkri büah khai, amatni luk kowi alow kamiuüa dow, "aluchow langiung mih" paün mih tarük büah khai.²⁶Nachenganchepaw enni pungma dawng kowi dow naiwng nadowi tham chekhai enni pungma dawng kowi langkri mih dow langsowm mih powmiawng pacham uowi hanow langkri mih dow nar owmiawng pacam uowi rowtlah. ²⁷Miachow langkri? pawi cha kham kownkow chowm mih bow? na dowi now athen mih bow? nami pawi kowi cha kham kownkow chowm mih bow? ang dow enni pungma daw kow nar powmiawng ang uowi khai chaw.²⁸Akrat pusara hai chaingra ang krum khe dow enni ang hai kat sang tawi uowi khai; ²⁹Apa mih pren uang kown powmiawng dow ang paw enni uüi pen lowk ang khowm ta enni khowk pakhai. ³⁰Enni ang pren kowi ang hown kat sang taiua cha kham kown, nanra kowipaw enni nachowm hanow Israiluüa laipre chenchap kowi enni nachetpe tara kown.³¹Simon Simon,sünta setan dow püm iawng dow nasai enni kown chekhai, ³²Nachenganchepaw enni owmra natama la dowi kownkow ang chup Thurai kahi hanow en paw uang plan dang kung kowi dow en tainau uüa kowh klangiang ma nümah nap ah diah ba.³³Aia dow klangah khai, CHAKRAMANG, en hown akat sag natawikla thawng kown chepaw nakowng kown chepaw ang uam. ³⁴Aia dow klangah khai, Peter, ang natek en aia kowi dow ang tuk dowi chekhai padow sum kat enta data ang dowi mowr dow uaklang naka kown nadowi tham.³⁵Isu amtni tut-e, tangkaip, im n panit khawk ün napawla dowi kownkow ang chin enni mih khin khe enni cham khawr khai takow? pakhai. amtni dow mapaw khawr dowi pabüah khai. ³⁶aia dow akwmat dow tangka ip uowi mih em uowi mih dow pacham paw lah. Im ün paw pacham pawla bowt lah,; saidawng kadowi mih dow aia uan sumah hanow pachamran lah.³⁷Ang natek enni aia kowi dow maru ngakuüa punagma dawng kowi klowk laah khai bowt pa Thurai cha laiklow mih ang luk kowi nating nengche kown chekhai. ang lawnguan ruiah büah mih akümma nating kown chabowt pakhai. ³⁸Amtni dow CHAKRAMANG sam mü madiah, mami saidawng prepung dow uowi chow pakhai, aia dow naiung bowt sow, pakhai. ISU DOW GESIMANI KRUM KOWI ISU TUAK KRAT HAI CHUP THURAI MIH ³⁹Now aia dow chamlawt khai aia iawng chang iawng Olive hung kowi dow kakowi khai bowt atapeuüa paw kakowi büah khai. ⁴⁰Ara kowi kowting hanow amtni tut-e puanra kw enni uowi dowi kownkow chup Thurai büah diah. pakhai.⁴¹Nahanow Isu tape uüa hai alakchow hai mang hanow tuakung se chup Thurai khai. ⁴²Apa en che nau khai hanow, ang kowh mami kawmkrat biah dow pawta ang diah; nachepaw ang lwo iang na dowi, en matia low iawng hai pacham na rowt lah.⁴³Mukuang hownkow kramamu lowkia dow uangtatüg pe hanow peah kür khai. ⁴⁴Aia dow sakngama hai saklowkcha hown chup Thurari khai; now aia lingtui dow vi iawng dow krang iat dap lap khai.⁴⁵Aia kichup Thurai krowng chow hanow atapeuüa tut-e uang kkhai, matni dow taprüa tanguk mahown müi mih aia uang khi khai, ⁴⁶Hanow aia dow amatni kowi tekpe mih matawngplawng kahow enni müi khai da awr rühanow puan rakowi enni nauowi dowi bowt kownkow chup Thurai büah diah, pakhai. ISU KOWI KHÜMAH MIH ⁴⁷Aia tek laikow thüm tak khin khe maru kawmma dow uangting büah khai; laipreia uüa pungma dawng howia katawi uowi mih nami aming Juda uang rik mang khai nami dow nanampe awm kownkow Isu pra kowi uang hai mang khai. ⁴⁸Nachenganchepaw Isu dow aia mat kowi tekpe mih Juda maru chapa mih kowi nanampe awm hai chekhai bow en na khümah kown mih, pakhai.⁴⁹Aia raret kowikow maru uowi miuüa dow auan krang uang ting mih khi büah hanow CHAKRAMANG sidawng how anging nadowik kakah kown chaw? ⁵⁰Amat nih pugma dawng kowikow lowkia mih dow uama langkrimi nar kowikow tuah khai, hawmlawm pra kowikow param dow thia tape khai. ⁵¹Isu dow klangah khai, nakhowk chow. param dow towp pe hanow iungtape khai bowt.⁵²Uama kriuüa ün tempul kangchawngmi Siphai aluchauüa hai lawngtachowuüa uang miuüa tut-e dow Isu tekpe mih tamta kowi nakhüamah kown mih naiawng dow siadawng hai müa enn uang pawla khai dow? ⁵³Niowng tempul kowi ang uowi mih khin khowk khe, ang luk koiw enni tangang rut dowi kabow; nachenganchepaw aiu amng chowm khin dow enni kow uang na khai bow rakowi chekai. ISU KOWI PETER TADATA MIH ⁵⁴Nami kung kowi aia kowi khümah khai bowt hanow uama langkria mih kim kowi kuplah bah khai, Peter dow alakchow hownia akung kowi tawimang khai. ⁵⁵nami kung kowi maru kawm dow ueidawng kowi chang mai khai, amtni pungma dawng kowi katsang Peter paw tawi chowm khai.⁵⁶Aia paw nami maih nowi kowi tawi chowm mih dow na lowkia mih hai khi hanow hai müah nowilowi khai nami maru dowi aia tut-e kowh tawiuowi mih chekhai. ⁵⁷Nachenganchpaw aia dow tada hai tek mih na dowi masiuüa! nag mih aia kowi dow tuk dowi chekhai, pape kahi. ⁵⁸nami kung klowp chow akengmi maru paw uang twi khi khai, en paw amatni pungma dawng kowikow lowkia, Peter tek mih na dowi ang na dowi pakhai.⁵⁹Panari kung klowp chow lowkia mih atünma tekmi, lanowmma mami maru paw aia maru hown akatsang uowi mih chekhai, tawngplawng mami Galili maru nakhai. ⁶⁰Peter dow sammü madiah, tawng chow tek mih ang tuak dowi pow aia prow sang thüm khe dow, uaklang dow uang ka khai bowt.⁶¹CHAKRAMANG dow uanghai neu hanow peter pra kowi uang haimü khai peter dow aia mat uaklang ka dowi rawn sum kat natadata ang kown CHAKRAMANG aia mat kowi tek pemi katuak khai. ⁶²Aia dow prang kowi lawt hanow kakar khai. UAMA HAI MANG KIM PUR KOWI ISU KOWH TARA ⁶³Isu kowi dowkah mih maru dow changla rensi küa müa hanow phekah paplap büah khai. ⁶⁴mumpe mik büah hanow miaiawng michow phek en samtek madiah paün lütah büah khai. ⁶⁵Amatn ni dow Thurai kowi laiklow ngak maiow hai aia tut-e kingküara hown ahum amangah büah khai. HEROD HAI PILAT RUT KOWI ISU ⁶⁶Now, sat uang lawt khowk khe dow, lawngtanaghauüa hawm hai uama kriuüa ün ari-row tüngsanag miua ün dow taiua chowm büah khai, aia mat kowi dow pawi puangma dawang kowi uang pawlah now tekpe mih, ⁶⁷Enche Krista hekhai nowm hanow, tek anging diah, pape büah khai, aia dow amatni tut-e ang tek enni chepaw enni owm ang kown nadowi , pape khai. ⁶⁸Lünta enni chepaw enni naklang ang kown mih nadowi tham.⁶⁹Nachengachapw kawmat hownia maru chapa mih Thurai kürra hawmlawm pra kowi nachowm bowt kown. ⁷⁰amatni dow, Thurai chapa bow en? aia dow amatni kowi,, enni tek khowk dow, ang na pami. ⁷¹amtni dow, akeng mih saksi tawituk tawi ta kownmih matawng chow anging nahau bowt kown chow, angiang matia ngenghe mih aia matia nawr hownia ngenghe mih laiklow ta bowk khowk pabow.

PILAT TUT-E ISU KOWI PAWLA MIH ¹Nami kunng kowi amnti bowk bowk awr rü hanow Isu kowi pilat tut-e pala büah khai. ²Amatni dow aia luk koiw chawk towk hown tek kahi nami maru mih anging chenchap kowi nakingküa kow chekhai, Sizar tut-e nape mu kown hangah khai hanow, tekmi dow aia dow mang krista narükah khai pabüah khai.³Pilat dow aia tut-e lüntah khai tawng how en Judauüa mang bow ? Isu dow aia kowi tekpe mih en tek khowk dow. ⁴Pilat dow uama kriuüa hai maru kawmuüa kowi dow auan krang tekpe khai nami maru kowi angka matawngpaw ang kadowi chakhai. ⁵Nachenganchepaw amtni dow nami klwn kowi atünma plankut tek iawk mami maru mih Judai pren hai Galili hownai mami rakowi krawi tüngsang hown krawi prum prang maru uüa pakhai.⁶Hanow Pilat dow takhai nami maru tawng chow Glili maru bow? ⁷Nmai kung kowi khe dow Herod prenpowng kowikow maru chekhai pami aia tuk hanow Herod tut-e kow chinah khaibowt aia dow nami khin khe Jerusalem kowi uowi thüm rakowi chekhai.⁸Herod dow Isu kowi hawt khaiah hanow kaneuma piaw kahi, aia mat lawnguan dow takhowk raki, aia kowi khin kown mih nih ahuma khowk, aia kowh amat müa lup nakhi konw mih sak owm khai. ⁹Aia dow ahuma lüntaah khai, nachenganchpaw Isu dow matawngiang paw klangah dowi chakhi. ¹⁰Hanow uama langkri miuüa hai ari-row üngsang miuüa paw tawi iowng kha, now aia kowi dow ahum peah angak khai.¹¹Herod hai aia Siphaiuüa hailawm Isu kowi kaneuma e-ah towah büah khai, rensi küs müa changla hanow khup diap tawnguat asung khakmami paw khup pe khai, now pilat tut-e kapla kut ching ah khai bowt iawk. ¹²pilat hai Herod iüadow nami khin khe ransu uowi iüaah khai, nachenganchepaw nami ni khowi dow auiua uan nakhai iawk bowt.¹³Nami kung kowi Pilat dow Uama kri uüa hai ari-row tüngsang miuüa hai lawngchauüa kowikow katsang hawah bowk kahi, amatni kowi tekpe kahi, ¹⁴enni mami maru kowi ang tut-e uang pawla hanow tepe mih dow nami mru kowi ngak mih prakowi pawla padow enn peah khai. sünta diah enni pur kowi chichet chepaw chawk towkah mih maru kowi lup ngakchang takahi mih matawng paw ang ta dowi.¹⁵Hanow, Herod paw hing kaah dowi, tawngpawng aia dow nami kowi angiang tut-e uang plan kut chinta khaiiawk sünta diah nami maru nakowg kown tatiang lamowr pat angak matawng paw chang dowi chakhai. ¹⁶Hanow, ang mih aia kowi nahawiah ditchow hanow ang nalawtah kown chekhai pakhai. ¹⁷Amtni uüi kowi lowkia chi lawtah reng chekhai rakowi.¹⁸Nachenganchpaw amtni bowk bowk dow akwmma awr haw hai plasr tek mih, mami maru kowi dow mataah hanow Barabba kowi phai lawng angiang diah, pabüah khai. ¹⁹Nami dow Marow kowi-e tamta chang hai paw maru sak rakowi thawng rum kowi phangah mih chekhai.²⁰Nami kung kowi pilat dow Isu kowi dow nalawtta kown nau khai amatni tut-e kut plan tek lai khai iawk. ²¹Nachenganchepaw tartaah diah, kros kowi tarah diah,padow amatni atünma haw büah lawm lawm khai. ²²Nami kung kowi aia mat dow sum kat amtni kowi tekpe khai, matawngplawng kachow? matawng ngak chow changta khai? kowngla hawm mowr pat matawng paw angak changta khai mih ang ka dowi da, ang na hawiah khai hanow nalawt takown chekhai, pape büah khai.²³Nachenganchepaw amtni dow atünma haw kahi, nahanow aia kowi kros kowi tarah hanow nami klenkowi akürma pla khai. ²⁴Pilat dow amatchi chetah powmiawng nachang kownmi laimak peahkhai. ²⁵Maru angak sak pawk mih hai tamta changmi rakowi thawngrum kowi klathawng mih amtni lü powmiawn glawtta pe khai, Isu kowi tarap chedow, amtni nauiawng nachangah kownkow peta khai bowt. ISU KROS LUK KOWI HAI KOWNG MIH ²⁶Nami kung kowi aia dow amtni pawla khai bowt Simon korini kua chak maru lowkia uang uowi khai, amtni hai dowkah now aia mat pangkawt kowi kros tangpe hanow nami Isu kung tawi khai.²⁷Hanow aia kung kowi tawimiuüa maru kawmma aprüa dik mahia tang bakmiuüa dow aia uüi masiuüa kakra hai tawi büah lawm lawm khai. ²⁸Isu dow amtni pra iuneu hanow Jerusalem masiuüa low, hauang kar ang büah diah, enni matia hai enni chauüa uüi kowi phai karah büah rowt diah.²⁹Nachenanchpaw, mü diah masiuüa ting miuüa katpaw kacha dowi mih ün katpaw neuüa khampe iawn dowi miuüa dow kaneuam kaucha iuk chekhai, pakhai tekpe büah mih khin nauang ting kown. ³⁰Nami khin khowk khe hunguüa kowi natekpe kown, anging luk kowi uang dow diah; hung maten dow natek kown, uang khu anging diah pahai. ³¹Maru uüa singah sing mih sing luk kowi khowm padow maiwng changah khai hanow singkeu khowm pasow matawng iawng chow napw kown.³²Nami klen kowi paw preia maru ngak kowi napwape asak kownkow aia hown katsan tawipawla büah diha.³³Nami kung kowi lu khaw pape mih arah kowi kating büah khai nakowi dow kros kowi tarah khai bowt, maru ngakuüa paw aia hawmlawm pra kowi lowk lakuai pra kowi lowk, tarla büah khai. ³⁴Nakhe Isu dow apa amtni hawm kowi lawtta daih, matawng chow amatni chang ta mih tuk büah dowi , akuang kowi amtn i dow ai akow khupdip tawngklai dow kuatahanow amatni mtaia taretah büah kahi. ³⁵Maru kawmuüa dow iowng pa tang mü büah khai Juda aluchauüa aia kowi krawi piak khai tek mih awr ka maru akeng mih maru kowi lawngah hawnow aia dow Thurai uang klowah mih Krista na hanow aia mat kowi pachamg talangah lah.³⁶Hanow, Siphai uüa hawm paw aia kowi renah khai, aia tut-e kakowi hanow uain asur mami tui mih peah büah kahi. ³⁷Enche Judauüa mang ching chekhai hanow haitalwnag ah madiah, pabüah khai. ³⁸Hnaow, aia luk kowi ruiah mih mami Judauüa mang chekhai.³⁹Nahanow amtni tawita tara mih maru ngak preia amatchi hownia lowk mih dow tekpe naklak khai, Krista dow en na padow? talawng hanow en matia hai angchi kowipaw lawngla ang ching dit tara, pape khai. ⁴⁰Nachenganchepaw lowkia mih dow nangah hanow tekpe mih, Thurai kowi en kram dowi bow? Enpaw akatsang taibowt kahm nagare. ⁴¹Hanow achi preia mih dow natowkah ngare kownmi paw tatiang khai; nachenganchapw aia dow matawng angak paw chang dowi.⁴²aia dow tekpe khai, Isu, en matia pren kowi en uang mih khin khowke, tukla ang reng diah bah. ⁴³aia dow klangah khai, lainowmma ang natek en, ani kowi-e ang hown akatsang mukuang pren kowi natawi mang kow. ISU KOWNG MIH ⁴⁴Sat downg laipre nari hownia sat kowi pra sum narari mowr pat palusa ma aiuma uowi kahi, palusama kowi uariu süng pün khai. ⁴⁵Sat nowi hing uowi dowi bowt chkahi, Tempul lak kowikow uan iang dow dawnglawng kowi uangiu tasek khai.⁴⁶Isu dow aklow atünma hai awr pla hown tek kahi, apa en rut kowi ang lümla ang apta en khai; nami kitek kung kowi dow aia sak rui tabowt kahi bowt. ⁴⁷Siphai akawm ia pwongmi dow akrang uan uang tingmi kran gdow khai hanow Thurai kowi kiow hai, tek mih nami maru dow achi nawmmai chekhai pakhai.⁴⁸Nahanow, nami natangmü kownkow maru kawmam uang takua mih uüa dow alup uangting mih kran gdow khi büah hanow amtni downgprang ün phelase mang büah kahi bowt. ⁴⁹aia hai tatuk miuüa dow alakchakowi iowngreng hanow Galili pren hownia aia mat kung uang tawi miuüa masiuüa hailawm dow naün dow taiua tawi mü büah khai. ISU KOWI DUPAH MIH ⁵⁰Hanow mü diah, maru lowkia aming Josep tara chet mih pungma dawng kowikow akrimai. Maru tachi mih hai iungtang mami uowi khai. ⁵¹Mami maru dow amtni kowh atuak hai lup chang krang ün mih paw mapaw tawinau tadowi mih chekhai, aia dow Judauüa arimathai kua kowikow uowi mih chekhai, Thurai pren tawi powng reng mih paw nakhai.⁵²Nami maru dow Pilat tut-e kakowi hanow Isu uak dow kalü khai. ⁵³Nami kung kowikow klakhai, uang ngan did chami hai duah hanow hua hown kowthawpah mih amiaiawng mih paw katpaw tadup dowi tak mih tadupra kuam kowi midow kaiüah khai.⁵⁴Nami ni dow Judaiuüa pawi nih chekhai now tanaini paw uang unow ngilia chekhai bowt. ⁵⁵Galili pren hownia kowh, aia kung uang tawi mih masiuüa hawm amatni kung kowi tawimang now nami tadupra kuam hai aia kowh uak iüah mih krang ün dow tawimü büah khai. ⁵⁶Nami kung kowi plan mang büah hanow namiung mami tuk ün hai sau namiungma ün dow chamkamrüt büah khai, amtni dow laimak uowi mih powiawn dow tanaini kowi tanai khai.

ISU AWR PLAN KUT RÜ IAWK MIH ¹Ranitni müng nichük mih uar uang thowi pasung paseng khowk khe dow namiung kamrüt tabah mih dowkla hanow tadupra kuam para kowi dow kakowibüah khai. ²Tadupra kuam plawt hownkow huah dow tasüt tasowi mih khi büah khai. ³Nachengachepaw, kakup hanow, CHAKRAMANG Isu uak dow kut plan khi büah dowi.⁴Niawngün amatni kacham dowi uowi büah thüm khe dow kachakuüa preia uankaw khup se amatni tut-e kaiowng khai. ⁵Amtni kram kowh krawngkowi iuhing tabek khai, amtni dow amtni tut-e tekpe mih matawng plawng kachow makowng maru pungma dawn kowi masing maru kowi enni krawi cham khai dow?⁶Aia dow nami ra-e uowi dowi bowt, awr rü tüng khaowk Galili pren kowi aia uowi khe enni tut-e aia tek mih tuak ah büah diah; ⁷Maru chapa mih maru ngak miuüa rut kowi nakhümah hanow kros kowi natar ah kown naow sumni chi khe dow naplan kut rü kown chekhai, pakhai.⁸nami khin khe dow aia tek miih laiklow kut plan katuak bah khai bowt, ⁹hanow, tadupra kuam hownia dow plankut mang büah bowt, lalowkia tapeuüa hai akeng miuüa dow naü mih laiklow tekpe büah khai. ¹⁰Naün mih laiklow chingtakmiuüa kowi uang tekpe miuüa dow Makdala Mai Johana Jakob u Mari ün hai amtni pungma dawng kowikow tanaimi masiuüa tawngmi chabak akengmiuüa chekhai.¹¹Nachenganchepaw maiawngün laiklow maiow dow mik mük howia laiuat iawng takuak pe khai, amtni kowh laiklow hingowm pe büah dowi. ¹²Nchepaw Peter dow awr rü hanow tadupra kuam pra kowi kaiowm khai, müpaw klangiung ma kam hanow uan nga dit chami chatiah kakhi khai. now auan akrang uowi mih dow uowila pa awda mih hailawm uang kut plan mangla khaiawk bowt. EMAU KUA TIAMAPRA KOWI KAKOWI MIH ¹³Hanow, mü diah, nami ni kowi Jerusalem kua hownia ranit maing alak Wmau kua pape kmih kowi kakowi khai, ¹⁴naow amtni dow nami lawnguan kowi talawm büah khai bowt.¹⁵amani tatek talünta thüm khowk khe dow aia mat Isu ngenghe dow amtni tut-e uang ah hanow tiuamang büah khai. ¹⁶Nachenganchaw, amtni kowh mik dow tabeng khai, naiawng rakowi aia mat kowi dow hing tuk matah büah diah chekhai.¹⁷aia dow amtni tut-e mangla iawlaw enni tatekla laiklow mih matawng iawng lawnguan chow? amtni dow amawnma hai iowng khai bowt. ¹⁸Nami kung kowi aming Klipa pami dow aia kowiklang ah khai, en matia malowk chatiah bow? Jerusalem kowikow uowi mih bow now presum ia khe kowh auan akraing uang ting mih nami en tukla dowi bow?¹⁹aia dow amtni tut-e matawng uan chow? Amati aia tut-e Nazaret kowikow Isu lawnguan , Thurai hai maru maiow pur kowi hai lup hai laiklowün dow akrikangma risi tut- uowi khai. ²⁰Nahanow matawagiawng chow uama kriuüa hai a-i kow tara het miuüa dow napawpe aska kownkow peah ngak aia kowi pabüah hanow kros kowi tarah khi.²¹Nachengachpaw anging matnia ti dow Israiluüa kowi klan miia naown kownmi maru kowi nakhowt anging akowmah mih hown nami chatiah paw nadowi tak now ani mih dow sumni na khai bowt da auan krang phaw mih dow pakhai.²²Nami klen kowi anging hownia kown masiuüa tawngmi chabak parau khe tadupra kuam kowi kakowi ne khai ia uak kakhi büah dowi. ²³Hanow aia uak dow khi dowi hai uang tek mih mukuang kramamu uüa hai kata krum hanow amat tek mih dow aia mih dow awr rü khai bowt. ²⁴Nahanow anginag tiuüa uowi mih uüa pungma dawng kowikowh tawngmi chabak paw tadup kuam kowi katawi kowi ne khai, Masiuüa hawm uang tek mih rowp iawng auan kowkhi khai, chapw aia mat kowi dow kaplan khi dowi bowt chekkhai pakhai.²⁵Amatni kowi tekpe mih aw sangching uowi dowi mih hai saktuak krat mih maru risiuüa teklaiklow mih maiow nami owmra nowia towah dowi bow? ²⁶Krista dow tawng mih uüi chow nakham ngarela hanow aia kraingma mih rakowi aia nakup kown chakhi, na dowi bow? ²⁷Nahaow Mosi hownia kowuown ah hanow risi maiow laiklow chiah hanow Thurai cha laiklow kowi aia lawnguang ruiah mih sarui dow amtni kowi phuang pe kown.²⁸Nam kung kowi amat nih nakowi kownmi kua kowi dow na kowi kating büah chabowt, khe aia tarap hedow aluchow kowi namang ngamlam kown mih powmiawng tuakah khai. ²⁹Nachenganchapw amatni townah hai now tekpe mih anging tut-e tawi hingiak tiah bowt diah, tawngplawng panow sat paw kowi kahi bowt tak, nakup kown chakhi bowt chaw? now matni tut-e natawi iak kownkow kim kowi tawi kup khai bowt.³⁰Nami kung kowi dowi rawn khowk khe amatni hown akat sang taiua cha kownkow ham khai, Nami kawmpa pawla hanow amtni kowi peah kahi, ³¹amatni mik uang thowi kahi bowt, aia powm tukah khai hanow aia tarap chedow tama khai, khi büah dowi bowt. ³²Nakahe amatni lowk kow lowk tawita tek khai, tiama rawng kowi klowp angiang khe aia Thurai ha laiklow ün phuang anging sangching uang hinguak khai, nadowi bow now, pa tekpe büah kahi..³³Hanow nami khin khe awr rü büah hanow Jerusalem pra kowi paln kut hing plan iawk khai, lailowkia hai amtni auiua taiua uowi mih kowi dow kakhi khai. ³⁴CHAKRAMANG dow awr plan kut rü khai nengche khowk, Simon tut-e paw uangta tüng khai hanow hawt tate büahkhai. ³⁵Nami kung kowi preia paw tiama rawng kowi auan krang uang tingmih hai kawm aia sekah hanow aia mat kowi uang tuk iüa mih krang ün dow tek büah khai. ATAPEUÜA TUT-E UANGTA TÜNG MIH ³⁶Naümi lowk kowh lowk luk kowi laiklow tatek thüm khe dow, Isu ngenche mih amtni pungma dawng kowi uang iowng khai, amatni tut-e enni luk kowi sak khawtra pacham uowilah. ³⁷Amatni kaenuma takrow hai kram kahi, khi lümla ri nam mih mingah büah khai.³⁸Aia dow amtni tut-e matawngplawng kachow enni saktuak krat khai? Owm dowi iawng matawng palawng kachow enni uowi khai? ³⁹ang rut hai khawk ün mü diah, ang matia ngengche ang nakhai chaw; uang towp ang diah, naow müah diha ang kowh enni khi iawng mih lümla nak iawng mih ngahai hut uowi dowi bow? pakhai. ⁴⁰aia kitek kung kowi dow aia rut ün aia khawk ün tüng pe khai.⁴¹Amatni awmrawm laikow plan kut nowngowm dowi pat kaneuma awda büah khai rakowi aia dow amatni kowi tekpe mih mami ra-e matwng ün chün chü nachaah kown mih enni tut-e uowi bow pakahi. ⁴²Amatni dow dam kowah pe lowk hanow aia kowi peah büah kahi. ⁴³Aia dow pawah hanow amtni pur kowi chaah kahi bowt.⁴⁴Nami kung kowi amtni tut-e enni pungma dawng kowi ang uowi khe maiawng ün laiklow mih ang tek enni reng khowk diah, Mosi ari-row kowi hai risiuüa chabowih kowi ün meng chabowih kowi ün ang satang arui uowi mih sarui dow nauang tachi kown pakahi.⁴⁵aia dow Thuria cha laiklow nanownia tukla kownkow amtni saktuak uow pe kahi, ⁴⁶Hanow aia dow amtni tut-e tekpe mih mami laiklow arui uowi mih dow Krista dow nakham nganre nengche kown chkahi, sumni khe dow makowng pungma dawng hownia dow naawr rüiawk kown chekhai. ⁴⁷Taripra hai angak lawt lük müa uüi dow Jerusalem hownia nauown ah hanow chentowng chap towng tut-e aia mat ming hai natek kown pa ruiah mih chekhai.⁴⁸Maün maiow tawituk tawi tamih enni na mih chekhai. ⁴⁹Nahanow sünta diah, apa laikham dow enni luk kowi ang uang krawi chin kown nachenganchepaw, mukuang hownia kowh kür uowi mih ka dowi mowr dow enni nami marow kowi uowi diah. MUKUAANG PREN KOWI ISU PÜN MII ⁵⁰Nami kung kowi amtni kowi Bethani kharia mowr pat aia pawla khai hanow phar rut khai amtni kowi dow peah prasi khai. ⁵¹Nami kung kowi naiawng aia peah prasi thüm khe dow amatni hownia dow taprai khai bowt hanow, mukuang kowi awr pün khai bowt chekahi.⁵²Hanow amatni dow aia kowi krawi chupah khai, apiawma Jerusalem kowi kup kup büah iawk khai. ⁵³Now, tempul howia dow Thurai kowi awmrawm lai hai atungma chang büah reng khai.

¹Auown khe Lai uowi Lai dow Thurai tut-e uowi, Lai dow Thurai chekhai. ²Auown khe nami laiklow dow Thurai tut-e chekhai, ³uan thawp maiaow mih aia thawp ah dowi mih matawng paw uowi dowi.⁴Aia mat tut-e singra uowi, now nami singra dow lusa maru kowi kow nowilah müa chekhai. ⁵Nowi dow aiu pungma dwng kowi uang nowi khai, aiu dow nami anowi kowi nau dowi.⁶Thurai uang chinah mih maru uang uowi lowk, aia ming dow Johan chekhai. ⁷Aia dow anowi lawnguan kowi e uang patuk patahla kown hai uangphuangla kown kow uang mih chekhai, bowk bowk maru aia kowi ia owmlah kown kowh. ⁸Johan dow nami anowi nadowi chekhai, natarap chedow aia uang mih dow nami anowi lawnguan kowi uang ia teklah kown kow chekhai.⁹Anowi ching lawngtowng büarow kowi panowi lah reng kown kow, lusa kowi uang thüm chekhai.¹⁰Lusa kowi dow aia uowi chekhai now lusa dow aia hown kow thawp mih chadiah, tawkchedow lusa dow aiamat kowi tuk dowi chekhai. ¹¹Aia dow aia kowh arah kowi uang chadiah, tawkchedow aia kowh maruüa dow hawt howrah büa dowi.¹²Nachenganchepaw maru amia ngai chow aia kowi nauah mih dow aia ming kowi owm mih dow amatni bowk bowk kowi dow Thurai chapa nachowngla kown kow aia peah alow khai. ¹³Uang dia miuüa dow vi hownia kowh nadowi buk ngah hownia kowh paw nadowi, lusa maru saktuak hownia kapaw nadowi, natawkchedow Thurai saktuak hownia kowh chekhai.¹⁴Kawmat nami laiklow dow uang chowng buk-kow khai bowt, now a i hown taiua uowi khai bowt. A i dow aia kowh kraingra khi khowk, tawngngaichow pa hownia kowh uang towm mih chapa lowkia kowh kraingra mih nami sanara hai anowm tek mih kraingra a i khi khowk. ¹⁵Johan aia lawng uan kowi hekse tek khai, “Mami dow aia chowbowt, aia lawnguan kowi kow ang rik tekah mih aia dow ang kung kowi uang mih chekhai aia dow ang lake lainowmma lang kri lang kraing khai, tawngplawng kow aia dow ang drawn rik uowi khai.”¹⁶Now aia kowh tachi tanawmra hownia a i bowk bowk mih sanara klen kowi sanara a i ka khai. ¹⁷Mosi rirow hownia uang pe takhowk diah tawkchedow tasanara hai lai nowm dow Isu krista hownia chataih uang towm. ¹⁸Thurai kowh dow amiah paw akatpaw khi dowi. Achapa ka lowkchah mi pa downglak kowi uowi mih ngengche satangiung phuang khai. ISU LAWNGUAN JOHAN PHUANG MIH¹⁹Kawmat Johan kowh lawnguang dow maiawng chekhai. Juda aluchowh uüa hai Uama hai Levi kowi Jerusalam hownia Johan tute kachin pe maru presumia now en dow mia iawng mih chow? pahai kape lünta khai. ²⁰Aia dow tada dowi kowi achingma tekpe khai, “Ang dow nami Krista na dowi.” ²¹Amatni dow aia kowi lünta khai, “Now en amia iawnag mih chow? En Eliza bow? Aia dow tekpe khai, “Ang na dowi” amatni dow tek mih, “En Risi bow? Aia dow klangah khai, nadowi.”²²Nakhowk khe amatni dow aia kowi tekpe mih, “Amia chow en tek anging madiah, nahanow uangchin anging miuüa kowi anging kaia tekla pekown kow en mi en matia lawnguan kowi tawngiawng chow en, natek kown mih tek angigng diah?” ²³Now aiamat dow,”Chakramang tiama atengma changah büah diah, Süngrüp sünngkangma kowi kow hek se tek mih aklow” chekhai. Ang nami Risi Isai tek mih iawng dow pakhai.²⁴Now.”Johan tute kowh uang chinah miuüa dow Pharisaiuüa chekhai. Amatni dow aia kowi lünta khai, ²⁵en che Krista nadowi now, Elia hai Risi paw nadowi now tawngplawng kachow en pe Baptistma khai?²⁶Johan dow amatni kowi plan tekpe khai ang dow dow tui hown pe Baptistma, nachepaw enni tute maru uowi lowkia aia kowi dow enni tuk dowi. ²⁷Ang kung kowi kow uang mih dow ang dow aia kowh panaikhawk leng lat kown mih khowm padow ang tataing dowi. ²⁸Maiawng ün mih lawnguan dow Jawrdan aw paipra pown kowi kow Bowithania kua kowi, Johan pe Baptistma mih rah kowi uang own mih chekhai. ISU THURAI RUAPUR CHAH²⁹Auai ni khe Johan aia prakowi Isu uang hai mang mih khi hanow tek mih pai ia müdia Thurai ruapurchah palusa ngarera uang paw miia dow pakhai. ³⁰Aia dow paimi maru chekhai, aia lawnguan ang rik tekah mih chekhai, ang kung kowi kow uang kown mih maru dow ang lake aia dow lang kri, tawngplawng kachow panow aia dow ang dowirawn uang rik uowi chekhai. ³¹Now ang dow aia kowi ang tukah dowi nachepaw aia mih Israeluüa tute nowngia taphuang lah kown kow ang dow uang now tui hown uang pe Baptistma mih chekhai.³²Now Johan phuang hai tek mih Lümla sai dow uatur iawng hown mukuang hownia uang iu dowm mih ang khi khai, now aia lukkowi uang chawp mih ang khi khai. ³³Aia kowi ang tukah dowi chadiah nachepaw aia dow tui hown nachang Baptistma kown kow chin ang khai, aia dow tek ang mih mia luk kowi chowh lümla sai uang iu chawp mih en khi kown, now aia dow nami chabowt. Now aia dow lümla sai hown nape Baptistma kown. ³⁴Ang phuang hai ang khi khowk mih dow, aia dow Thurai chapa na chekhai.ISU RIK PAW TAPE MIH³⁵Auai rau iawk khe Johan hai atape preia hailawm hawt iowng khai, ³⁶nakhowk khe Isu hai mang mih khi hanow Johan dow tek mi paiow Thurai ruapur chah mü madiah.³⁷Johan tape preia dow aia laiklow tah hanow Isu kung kowi tawi krawi khai bowt. ³⁸Nakhowk khe Isu kung kowi tawikrawi mih Isu dow kung prakowi aia haidang khe haikhi khai, now aia dow amatni kowi tekpe mih, tawngchow enni chi krawicham? Amatni dow klangah khai, “Rabbi (Planah now Tüngsang mih) tawngkowi chow en uowi?” ³⁹Isu dow amatni kowi tekpe mih, “Uang now uang mü diah,” nakhi kown taih. Asia dow tawngre chowh aia uowi mih dow nakhowk khe tüngpe khai. Now nami ni dow aia hown tawi uowi khai nakhowk khe akhin dow sat kowi tali nari prakowi chabowt.⁴⁰Johan tek mih lai tah hanow Isu kung tawi mih preia Simawn Peter kowh nauma Andria chekhai. ⁴¹Aia rikkhi mih dow aiamat nauma Simawn kowi auown khe rik khi khai, now aia kowi dow tekpe mih, “Mesia kowi anging khi khowk.” Pakhai.(Nmi dow Krista pami chekhai.) ⁴²Aia mih aia kowi dow Isu tut-e uang pawlah khai. Isu dow aia prakowi iu dang hanow tekpe mih, “En Johan kowh chapa Simawn, en kowi aming Kawifa pah haw en kown (Nami dow Peter pami chekhai).ISU PHILIP HAI NATHANEL KOWI HAWAH MI⁴³Auai ni Isu dow Galili kowi, kowi kown kow kamrüt khai. Aia dow Philip kowi kow khi khai, now Isu dow aia kowi dow tekpe mih, ang kung uang tawi krawi diah pakhai. ⁴⁴Philip dow Betseda maru chekhai, Andria hai Peter iüah paw nakowi kow maru chekhai. ⁴⁵Philip dow Nathanel kowi krumta now aia kowi tekpe mih, Mosi tute kowh Sangbowk Laitawm hai purpra kowi kow lai phuang miuüa amatni tawng laiklow chow ruila mih, aia kowi anging krum khowk aia dow Josef kow chapa Nazaret kua Isu chekhai.⁴⁶Nathanel dow aia kowi tekpe mih, Nazaret hownia tawngchow aiung sia uang ia towm kown chekhai bow? Philip dow aia tekpe mih, “Uang ah now uang mü diah.”pakhai. ⁴⁷Isu dow Nathanel kowi aia prakowi uang mih khi hanow aia lawnguan kowi tekpe mih, müdiah pai ia Israel maru chinawma mih lowkia, saktuak kowi lawklek uowi dowi mih nachekhai. ⁴⁸Natanel dow aia kowi lünta khai, tawngiawng chow en tuk ang khai dow? Isu laiplan kowi maiawng tekpe khai, Philip en kowi haw en dowirawn uidut sing daw kowi en uowi khe hownia ang khi en. Aia kowi Natnael dow klangah khai, Rabbi end dow Thurai chapa chekhai, en dow Israel kow mang pape khai.⁴⁹Nathanael dow aia tut-e, "Rabbi, Thurai Chapah en na khai, Israeluüa Mangkri en na chaw," padow aia klangah khai. ⁵⁰Isu dow aia kowi klangah mih, ang tek en mih, nami uidut sing daw kowi ang khi en khai nami laiklow kowi ang tek en mih kowi en owm bow? Nami lak-e hu tak kraingra na khi kown. ⁵¹Isu tekpe mih, lainowmma lainowmma ang tek en, enni (nakhi kown) mukuang uang tauow mih hai Thurai kramamu-uüa maru chapa alow hown awr pün mih hai iu dowm mih pa tek pe khai.

¹Sum ni kow ni khe Galili kowi kow Kanna mrow kowi paw masi lowkia khai, now Isu u paw nakowi tawi uowi khai; ²now nami masi pawkra kowi dow Isu hai tapeuüa kowi pawla pin khai.³Nakhowk khe grep tui dow khowk khai bowt panow Isu u dow aia kowi tekpe mih, kabüaka grep tui uowi dowi bowt. ⁴Isu dow a u kowi tekpe mih, aw! masiuüa mami lawnguan kowi en hown ang kow tawngchow alow uowi? Ang kowh kawmat dow akhin uang tachi dowi tak. ⁵A u dow tachinmiuüa kowi tekpe mih, tawngiawng chow tek enni iawng chang pe diah.⁶Nakowi dow Judauüa kawngmu chimsai rirow iawng changla kown kow hua hown kow kawng taruk klüng chowm pekhai, nami dow lowk chow kawng kowi sum mawn chi takowi khai. ⁷Isu dow amatni kowi tekpe mih, “Pai mih kawng bowk bowk kowi tui atekma kowt klai pe diah.” Naiawng hown amatni dow kawng ngawng mowr chi tui kow klin pe khai. ⁸Nahanow aia dow tachin miuüa kowi tekpe mih, kawmat vürla ne now pinsüa aluchow miuüa tute kow pawla pe diah. Now kow pawla büah khai bowt.⁹Nami grep tui dow tui hown kow thawp mih chekhai, pinsüa aluchow dow kham khai now nami dow tawng hownia kow chowh, kow pawla pe mih tuk dowi. Nachepaw tachin miuüa dow tawng hownia kow chowh uain chowng mih tuk, now khe pisüa aluchow chowh masi pawkia kowi hawah khai, ¹⁰now aia kowi tekpe khai auown khe maru dow grep tui iung mih rik pe kham reng, now kham bowk kung kowi khe dow auown khe kow grep tui lak-e lang nga mih pe khamah khai, nachengan chepaw akawmat pat grep tui iung mami dow en towah reng tak pakhai.¹¹Isu dow maiawng hown Galili pren kanna kua kowi awdara lup hai amatmüa auown sowksow rik chang khai, aia krikraingra tüng hai uang rik taphuang khai, nowkhe aia kow tapeuüa dow aia kowi owmah khai. ISU DOW TEMPUL KOW KOWI MIH¹²Aia dow naiawng ün kung kowi a u hai anaumauüa hai atapeuüa hown Kafernahum kowi kow kowi khai, now nakowi dow, kow uowi pre sumni khai.¹³Isu dow Judauüa kow takat pawi atawnchah khowkhe Jerusalem kowi kow kowi khai. ¹⁴Nahanow aia dow Tempul kowi kow maru-uüa chia hai ruapur hai uatur sum mih kow khi khai, now tangka pha mih maru-uüa paw chowm hüa khai.¹⁵Nakhowk khe aia dow bawrchak hown tawp lengker lowk nami hown chia hai ruapur hai maru hawmuüa kowi Tempul hownia prütah bowk khai, now tangka phah miuüa kowi paw uettape now pawitang ün paw khum tape khai. ¹⁶Aia dow uatur sum miuüa kowi tekpe mih, “Mami howni pawla bowk büah diah. Apa kim kowi kun changra hangka changla büah diah.¹⁷Atapeuüa dow ka tuak khai achimsai mih Sangbowk Laitawm kowi arui uowi mih dow, “En kim kowi pawpang hai chang mih dow napiak ta ang bowk kown” pakhai. ¹⁸Nakhe Judauüa klangah now Isu kowi tekpe mih, tawng iawng mih amatra chow en tüng anging kown kow naiawng ün lup en chang khai? ¹⁹Isu dow amatni kowi klangah now tekpe mih, mami Tempul piakta büah diah now sum ni kow ni ang awr rüngah iawk kown.²⁰Now Judauüa tekpe mih, mami Tempul athawp kham padow likawm lai taruk ning hau khai sum ni chow sang tawng en nowngia chang kown ü? ²¹Nachenganchepaw Tempul lawnguan kowi aia tek mih dow aia buk kowh lawnguan kowi tek rowt mih chekhai. ²²Now makowng pungma dawng hownia aia dow awrrü khai, now atapeuua dow katuak khai aia rik tek ah mih laiklow, nami kung kowi atapeuua dow aia kow Sangbowk Laitawm kowi hai ISU luk kowi owm büah khai.²³Aia mih takat pawi khin khe Jerusalem kowi uowi khai, nakhe ahuma awdara lup dow changla khai nami dow khi büah hanow aia kowi owm büah khai. ²⁴Chepaw Isu mih aia lawnguan amatni lukkowi owmah dowi, tawngplawng kowchow panow aia tuk bowk mih chekhai. ²⁵Nahanow amia iawng mih chow maru chen lawnguan kowi thuak saksi mih, nami kowi dow ai ahauah dowi tawngplawng kowchow panow aia dow maru chen chap saktuak kowi kow tawngchow uowi mih aia tuk bowk chekhai.

ISU DIASARRA HAI OWMRA LAWNGUAN KOWI TÜNGSANG MIH ¹Pharisaiuüa pungma dawng kowi aming Nikawdem pamih maru uowi lowkia. Aia dow Judauüa talawp talaira kowi kow aluchow lowkia chekhai. ²Nami maru dow uardawng khe Isu tute uang now tekpe mih, Rabbi, angiang tuk mih en dow Sara hai Thurai hownia kowh uang mih maru lowkia chekhai. Tawngplawng kachow panow maiawng ün mih awdara lup en chang mih Thurai hown kow nadowi kow chalow hanow amia iawng mih paw ia chang kown na dowi.³Isu dow klangah mih, lainowmma lainowmma ang natek en amia iawng mih paw asar hai uang dia dowi hanow Thurai pen nowngia khi dowi tham. ⁴Nikawdem dow aia kowi tekpe mih, maru lawngtang khowk mih aia dow tawngiawng chow plan uang dia iawk kown? nami dow a u mu kowi plan muah now plan uang ia dia iawk kown bow? Nami dow tawngiawng chow naia uang dia kown.⁵Isu dow amatni kowi klangah khai , lainowma lainowmma hown ang natek enni, amia iawng mih paw tui hai lümla kowi asar dia dowi mih dow Thurai pren ia kup dowi tham. ⁶Now lusa hown kow dia mih dow buk nga chekhai, now lümla hown kow dia mih dow lümla chekhai.⁷Asar hown dia kown takla ngengche mih ang tek enni mih laiklow kowi dow hangka awda büah diah. ⁸Li lowra kowi paw aia nau nau pra uang reng , now atün tai en tah tawng hownia chow uang mih tawngpra kowi chow namang kown mih enni tuk dowi. Lümla hown kow dia mih dow amatni bowk bowk mih niawng na own kown chekhai.⁹Nikawdem dow kut laiplan tekpe mih, maiawng ün dow matawngiawng nowngia own kown chow? ¹⁰Isu dow aia kowi laiplan tekpe mih, en Israeluüa kowh sara lowkia nachepaw maiawng ün mih en tuk dowi reng tak ü? ¹¹lainowmma lainowmma ang natek enni, a i dow tawngchow tuk mih tai tek now khi-ah mih namih lawnguan tai tek, now enni dow ang tek mih lawnguan hai phuang mih dow enni owm dowi.¹²Lusa lawnguan kowi ang tek enni e paw enni owm dowi, nahanow mukuang lawnguan kowi ang tek enni e dow tawngiawng chow na owm kown? ¹³Now aiamat klen kowi amia paw mukuang pren kowi pün dowi tak, aia dow mukuang hownia uang dowm mih chekhai, now aia dow maruchapa chekhai.¹⁴Now Mosi dow süngrüp süngkangma kowi tawngiawng chow rua kowi alowngma kowi tarah iawng, maruchapa kowi paw alowngma kowi tarah ngengche kown. ¹⁵Naiawng rakowi amia iawng mih chow aia kowi owm mih sarui dow achowngma singra naka kown.¹⁶Thurai dow lusa kowi kaneuma sakrau khai hanow aia achapa ka lowkchow mih uang pe ta khai. amiachow aia kowi owm mih sarui dow napiak dowi kown kow achowngma singra nowngia ka-la kown kow chekhai . ¹⁷Thurai achapa kowi uang chin mih lusa kowi nauang khüm angak kown kow nadowi nachenganchepaw lusa maru aia hownia naka lawngra kown kow chekhai. ¹⁸Now mia iawng mih chow nami kowi owm mih dow aia kowi dowk pe angak dowi tham. Now mia iawng mih chow Thurai chapa ching kowi owm dowi mih dow achük khe hownia kowh aia kowh angak dow nadowk pe kown chekhai.¹⁹Chetpe tara kown mih auan dow maiawng, lusa kowi anowi dow uang khai, now maru dow anowi kowi lak-e a-iu kowi lang nau rowt. Tawngplawng kowchow panow amatni kowh lup angak uowi khai rakowi chekhai. ²⁰Mia ngaichow chang lup ngak mih amatni dow anowi kowi ngowrow büah khai, nami klen kowi amatni kowh lup angak mih hang patatüng lah pah rakowi amatni dow anowi tute uang kown nau büah dowi. ²¹Natrapchedow lowra maru achinawmma chang lup mih sarui dow anowi kowi uang khai, aia changmi lup maten Thurai nauiawng nata tüng lah kown kow chekhai. ISU LAWNGUAN KOWI JOHAN TEK MIH²²Nami kung kowi Isu hai atapeuüa dow Judauüa pren kowi kow kowi now aia dow nakowi amatni hown taiua uowi khai now pe Baptistma khai. ²³Now Johan paw Salim pren hown atawnchah mih Enawn pami arah ming uowi lowk nakowi dow pe Baptistma khai, tawngplawng kow nami rareh dow tui paw ahuma uowi khai; now maru paw aia tute uang khai now Baptistma uang chang khai. ²⁴Nakhowk khe dow Johan kowi towah thawng dowi tak chekhai.²⁵Now Juda lowkia mih hown chihnawmma mih lawnguan kowi Johan kow tapeuüa hown taiüa khai. ²⁶Amatni dow Johan tute kowi büah now aia kowi dow tekpe mih, “Rabbi” Jordan akeng pown kowi kow en hown kow taiua uowi mih aia lawnguan kowi kow en tekah mih dow mü ma diah aia dow pe Baptistma khai, now bowk bowk mih paw aia tute kowi khai.²⁷Now Johan dow aia tute tekpe mih, mukuang hownia che tawngpaw pe alow dowi mowr dow aia dow tawngpaw nowngia chang kown nadowi. ²⁸Enni dow ang kowh saksi chekhai, ang tek khowk ang dow Krista nadowi natawkchedow ang tek enni aia drawn uang rik chin ang mih chekhai.²⁹Masi pawk mih dow aia hua dow na chekhai nachengachepaw masi pawk mih auiua aia laiklow hawt pe ching reng miia dow masi pawk mi klow ta hanow kaneu mah awmrawm reng nami ang awmrawm ra uang ting khowk chekhai chaw. ³⁰Aia dow langiuk mih ngengche naown kown, ang tarap chedow asowm chow mih nachekhai.³¹Aluk hownia uang mih dow aia dow lowra mih luk kowi lang kri mih chekhai, now lusa hownia kowh uang mih aia dow lusa lawn uan kowi tek chekhai; now nami dow lusa kowi kow uanhsia laiklow taih tek. Mukuang hownia kowh uang miia dow lowra mih luk kowi langkri mih chekhai. ³²Aia dow tawng ngaichow khi mih nami lawnguan kowi phuang khai, now aia phuang mih dow miapaw chün pe dowi chekhai. ³³Mia iawng mih chow aia lawnguan tek mih hai chün mih nami dow Thurai anowma pamih tuk mih chekhai.³⁴Tawngplawng kowchow panow Thurai amia kowi chow uang chin mih aia dowThurai laiklow tek khai. Nahanow Thurai lümla sai paw khaiah se peah dowi chekhai. ³⁵Pa dow chapa kowi sakrau khai aia rut kowi lowra akümma mih bowk bowk peta khowk. ³⁶Lowra mih chapa lukkowi owm mih dow achowngma singra kakhowk, natarapchedow amia iawng mih chow chapa kowi nü dowi mih dow Thurai kowh kunma raura aia lukkowi na uowi rowt kown chekhai.

SAMARI MASIUUA KOWI ISU TUNGSANG AH MIH HAI AIU PAU PHAW MIH ¹Chakramang tuk tow khai bowt hanow Pharisaiuüa tawita mih, Johan lake Isu kowh tape langhu pami now pe Baptistma mih, Chakramang dow tuk tow khai bowt. ²Isu dow aia mat pe Baptistma dowi nachepaw aia kowh tapeuüa pe. ³Aia dow Nakhowk khe Judai towla now Galili kowi kakowi khai.⁴Now Galili kowi haimang mih khin khe dow Samaria iawng haimang takla khai. ⁵Jakawb aia chapa Josef kowi peah mih laih atawnchow mih re aming samari sichar marow uowi lowk mih kowi Isu kow ting khai.⁶Now nami re dow Jakawb kowh tui kuam dow uowi khai, now Nakhowk khe Isu dow hai mang hai now kawm lai kowh nami tui kuam re dow chowm khai. Nakhowk khe akhin dow chawm chak khin chekhai. ⁷Samari masiuüa lowkia uang towng tui kow uang khai, now Isu dow aia kowi tekpe mih, “Khamah kown mih tui pe ang dit.”pape khai. ⁸Namikhin khe aia kowh tapeuüa dow marow pra kowi chamran chak kham kown kow kowi khai.⁹Nakhowk khe Samaria masiuüa dow aia kowi tekpe mih, en Judauüa pache na kham kown mih tui tawng en tuk lü ang khai kabow? Ang dow Samari masiuüa lowkia chekhai. Samari hown Judauüa kowh tawngpaw tapaw tape kown mih ari uowi dowi, pape khai. ¹⁰Isu aia kowi dow tekpe mih, Thurai uan pek, en tuk khai panü, now en tute amiaiawng mih chow uang lü en tui mih dow aia tut-e en lu khai panü dow aia mih masing tui nape en kown.¹¹Masiuüa dow aia kowi klangah khai langkri mih, tui towng müa balti paw uowi dowi now tui kuam paw le abüpma; naiawng e tawng kowi chow nami masing tui dow en cham kah kown chow? ¹²Anging kowh pipu Jakawb lake en lang krikraing khai bow? Aia dow nami tui kuam pela anging khai, now mami tui kuam tui dow aia mat hai aia kowh chauuüa paw kham khai now aia kowh tawncher hawmpaw kham khai.¹³Isu dow aia kowi klangah khai, mami tui amiachow kham mih dow aia dow tui plan sakrai iawk kown. ¹⁴Now ang nape kown mih tui kham mih sarui dow tui sakrai kown nadowi bowt. Nami klen kowi ang napeah kown mih tui dow aia sak lak kowi tui kuam powmiawng hown naown kown, nami dow chowngchowng saksakma sing uowi mowr ue hai nauowi kown.¹⁵Aia kowi dow masiuüa mih tekpe mih, langkri mih, nami tui dow pe ang diah ang tui sakraila dowi bowt kown kow pakhai. ¹⁶Aia kowi dow Isu tekpe mih, kowi dia now en hua kowi mami re uang hawla diah.¹⁷Masiuüa dow aia kowi klang now tekpe mih, ang kowh hua uowi dowi. Isu dow aia kowi klangah now tekpe mih, ang hua uowi dowi pah en tek mih nachowh; ¹⁸Tawngplawng kow chow panow en kowh hua tangaia chadiah uowi, now kawmat kowh en hown kow taiua uowi mih paw en hua nadowi; nami en tek mih lainowma na chowh pakhai.¹⁹Aia kowi dow masiuüa tekpe mih, Apu, Risi en na khai mih ang tuk khowk. ²⁰Anging kowh pipu-uüa mami hung kowi phuachua Thurai reng khai. Jerusalem ara kowi taih maru-uüa mih nachup Thurai kown takla pahai enni dow tek reng chekhai.²¹Isu dow aia tut-e, aw Masiuüa, owm ang diah, akhin pakat dow nauan ting kown, nami hung kowi kowi dowi chepaw Jerusalem marow ngengche dowi chepaw pa kowi nachup kown mih khin nauang ting kown chabowt. ²²Enni samari dow tukah dowi mih kowi chupah khai, anging dow tukah mih ia kowi chupah khai. Tawngplawng kowchow panow Judauüa hownia lawngra dow nauang lawt kown chekhai.²³Nahanow akhin nauang ting kown chabowt akawmat paw nami khin uang ting thüm khowk, nahanow lümla hai anowm hown amia iawngmih chow aia kowi chup mih maiawng mih kowi dow krawi cham khai. ²⁴Thurai lümla hai amia chowh aia kowi chup mih dow, amatni paw lümla hai anowm hown chup kown takla.²⁵Masiuüa dow aia kowi tekpe mih, Mesia krista pape büah mih dow nauang kown pami anging tuk, aiamat dow nauang kown mih khin khe lowra akümma na tek anging kown pakhai. ²⁶Isu dow aia kowi tekpe mih, en hown kow taklang mih nami dow ang chabowt nami krista dow.²⁷Now nami khin khe atapeuüa dow uang plan khai, now masiuüa lowkia hown takalng mi dow khi büah hanow awda büah khai. Nachepaw aia kowi dow mia paw tek pe dowi tawng chow en nau pami? now tawng lawnguan chow tatek pamih paw lünta ah dowi chekhai.²⁸Nakhowk khe nami masiuüa dow aia kowh tuikawng towlah hanow marow pra kowi kow plan khai, now maruuüa kowi dow katekpe khai. ²⁹uang mü diah ang khi maru lowkia aia dow kawmat mowr kow ang tawngchow chang mih, aia dow bowk bowk mih ia tek ang khai; aia dow tawngchow Krista na dowi bow? ³⁰Amatni dow marow hownia uang lawt now aia tute uang khai.³¹Nami takrakowi atapeuüa dow aia kowi tekpe mih, Rabbi chah chakham dit diah. ³²Nachengan chepaw aia dow amatni kowi tek pe khai, ang tute chakkham uowi mih lawn guan tangpaw enni tuk dowi. ³³Naiawng rakowi tapeuüa dow lowkalowk tatek büah khai aia kowh chakham mia paw uang pawla pe dowi, uang pawla pe ne bow?³⁴Isu dow aia kowi tekpe mih, ang kowh chakkham dow uang chin ang mih aia nau iawng chün mih hai aia kowh lup chur pat chang mih chekhai. ³⁵Enni tek dowi ba, “Kawmat mowr kowi nau tali lah tak changen khin uang tinng kown mih nadowi bow?.” Ang tek enni, uiien pantawn, lup rawng prakowi sammü madiah ui dow min khai bowt angen khin nakhai bowt.” Pakhai. ³⁶Amia chow ngen chah mih aia dow nowka lakkha kown, now achowngma singra vüi kowi ui kuaah khai; now miachow sawt liu mih hai ngen cha mih hown amatni dow akatsang na awmrawm büah kown.³⁷Nahanow mami laiklow dow achinawmma chekhai, lowkia nasawt kown now akeng mih na ngen kown. ³⁸Ngen chah kown kow ang chin enni khai, tawng lup paw enni changah dowi mih kowi, akeng maru abowmma hai changah khai nachepaw enni dow kow büah lup rawng kowi enni kut plan krawi chang mih chekhai. SAMARIUÜA AKAWMMA OWM MIH³⁹Tawngplawng kowchow panow masiuüa mih ang changah mi lup sarui mih iatek ang khai pami patuk pataah rakowi nami kua kowi kow Samari maruuüa dow akawmma tawi owm büah khai bowt. ⁴⁰Naiawng rakowi Samariauüa dow aia tute uang now nowkhe aia kowi dow townah khai amatni tute tawi uowi kown kow, now aia dow nakowi uowila pre ni chekhai.⁴¹Nahanow nami klen kowi aia lai klow tah hanow maru kawmma plan owm khai. ⁴²Amatni dow nami masiuüa kowi tekpe khai, anging dow en lai klow tah kowh nadowi, anging matia kowteng tah hai kowmatia tuk rakowi chekhai, aia mat dow lusa lawngmiia ching chekhai. ISU MANG CHINTAK MIH KOWH CHAPA KOWI ARAU IUNG TAPE MIH⁴³Aia dow nami pre ni kung kowi nami hownia lawt hanow Galili prakowi tarü kown kow hai mang khai. ⁴⁴Tawngplawngkow chow panow Isu aia mat tek mih Risiuüa amatni dow kowmatia pren kowi tang khe paw kah kiowri rah dowi. ⁴⁵Now aia dow Galili kowi uang mih khin khe Galiliuüa dow aia kowi kiowrima hai aia kowi hawt laiah khai. Jerusalem kowi aia tawngngaichow aia chang mih naiawng ün bowk bowk mih amatni dow khi khai, tawngplawng kow chow panow amatni paw nami takat pawi kowi tawi kowi büah khai.⁴⁶Nahanow aia dow Galili hown Kanna mrow kowi uang plan uang khai, nakowi dow aia tui hown thawp grep tui mih rah chekhai. Nakowi dow mang chintak mih lowkia uowi khai nami kowh dow achapa Kafernahum kowi kowi arau uowi mih chekhai. ⁴⁷Isu Judai hownia Galili kowi uang mih aia dow tah khai, now aia dow aia tute kakowi now chiaah khai, aia tute tawi now achapa arau uowi mih kowi tawi iung pe kown kow now aia dow kowng kown mih pawmiawng tow bowt.⁴⁸Nakhowk khe Isu aia kowi dow tekpe mih, amatra hai lakkhiara lup chang mih khi dowi mowr dow enni dow owm dowi, ⁴⁹nami mang chintak mih aia kowi tekpe mih, Aw Chakramang ang chapa kowng dowi rawn khe uang diah. ⁵⁰Isu aia kowi tekpe mih, kowi bowt en chapa iung khowk. Nami maru dow Isu tek mih lai owm khai, now aia dow kim kowi mang khai.⁵¹Aia hai mang mih khin khe aia kowh nar dow aia tute uang now tekpe mih en chapa dow uang iung khai bowt. ⁵²Nowkhe aia dow amanti kowi lünta khai tawngmi khin khe chow arau dow uang iung? Amatni dow aia kowi tekpe mih, mani sat downg panari klawm khe krau dow prowng khai.⁵³Now apa dow tuk khai bowt, Isu nami nari kowi tek pe mi en chapa uang iung khowk pah tekpe mih khin chekhai rakowi aia mat hai aia kim chakuüa maten dow owm khai bowt. ⁵⁴Judai hownia Galili pren uang khe Isu dow pre kat kowi kow awdara lup chang mih chekhai.

ISU DOW ARAU UOWI MIH LOWKIA KOWI IUNG HAI PRING HAWI KHAI ¹Nami kung kowi Judauüa kowh pawi uowi lowk now Jerusalem kowi kakowi khai. ²Now Jerusalam ruapur tapplawt ria re kowh kan uowi lowk, Hebrai lai hown nami kan ming dow Bowithesda chekhai; nami kowh uang khowr aluk dow uowi tangarah uowi chekhai. ³Nami khübrüp chow kowi arau uowi mih maru, mikdu, klowngkhawn tabai, hai chengleng arau uowi mih ahuma uowi khai. ⁴Nahanow Thurai chintak mih Kramamu nami kan kowi uang dom khai now uang lowng pe tui reng khai. Now nami khe amiachow rik ia dowm mi dow lowra chepaw naiung ngengche kown chekhai naiawngra kowi chengleng hawmuüa dow nami e hawt uowi büa khai.⁵Nami re arau uowi mih maru uowi lowkia, aia dow süngkawm lairiat ning khowk ia chü dowi hown uowi. ⁶Nowkhe Isu dow aia kowh naiawng hown ning kawmma khowk arau uowi mih tuk tah pe hanow a aia kowi tekpe mih, “En iung kown mih nau bow?”⁷Arau uowi mih maru dow klangah khai, ‘Langkri mih ang kowh dow miapaw uowi dowi tui ram taplek khe kan kowi iu kla ang kown mih paw, ang iu dowm kown mih kown khin khe loowkia na dowi now lowkia rik dowm ta ang khai; ⁸Isu dow aia kowi tekpe mih, “Awrrü phangbek lutla now krawi len diah,”⁹Nami hown akrowksang arau uowi mih dow iung khai now, aia kowh phangbek dow lutla now cham krawi len khai; nami ni dow tanai ni chekhai.¹⁰Niawng rakowi arau iungtape mih maru kowi dow Juda aluchahuüa tekpe mih ani tanai ni arirow kowi kow uowi mih pawmiawng dow lutla phangbek kown mih taka dowi. ¹¹Natarapchedow aia dow amatni kowi tek pe mih, amia chow iung ta ang mih aia dow tek ang mih, “En kowh phangbek lutla now mang bowt.”¹²Amatni dow aia kowi lünta khai, aia dow miaiawng mih maru chow, phangbek lutla now mang bowt pah tek en mih dow? ¹³Nami maru dow aia kowi iung tape arau miia kowi tuk dowi chekhai, miaiawng mih maru chow pamih; tawngplawngkow chow panow nami re dow maru kawmma chekhai rakowi Isu dow nami hownia lang süt khai.¹⁴Akung kowi Isu dow Thurai chup kim kowi aia kowi dow khiah khai, now aia kowi tekpe mih, ‘Mü diah, kawmat dow en iung khowk khaleng dow katpaw hang chang angak prek tham bowt, auai dow tawngpaw angah uang thawnla dowi bowt kown kow.” ¹⁵Nami maru dow powt hanow Juda aluchahuüa kowi tekpe mih, aia kowi iung tape miia dow Isu chekhai pape khai. SINGRA DOW CHAPA TUTE UOWI¹⁶Now maiawng ün mih rakowi Juda aluchowuüa dow Isu kowi prut ta khai, tawngplawng kachow panow aia dow naiawng ün mih lup tanai ni kowi chang khai rakowi chekhai. ¹⁷Isu dow amatni kowi tek pemih, apa dow tungmow chang lup reng chekhi, now ang paw naiawng dow chang mih chekhai. ¹⁸Naiawng rakowi Judauüa dow aia kowi nakowng ta kown kow sangkrang büag khai. tawngplawngkow panow aia dow tanai ni rirow kowi lowkchah na dowi hown aia dow Thurai kowi paw apa pahai aiamatia dow kham ah khai.¹⁹Isu amatni kowi tekpe mih, lainowmma lainowmma ang natek enni, chapa aiamat ia hownia tawngpaw nowngia changra uowi dowi nahanow pa tawngiawng chow chang mih khi hanow nami iawng chatai aia dow chang; tawngplawngkow chow panow apa tawngchow chang mih chapa paw nami chatai chang. ²⁰Tawngplawng kowchow panow pa dow chapa kowi sakrau khai, nahanow pa tawng ngaichow changah mih dow chapa kowi paw tüng pe khai, now nami klen kowi paw lup kri kri mami ün chapa kowi na tüng pe kown. Nami khin khe enni mih na awda kown chekhai.²¹Apa dow kowngmi pungma dawng kowi pe singra mih chekhai, naiawng powmiawng dow chapa paw aia nauah mih kowi dow pe singra kown. ²²Apa dow amia kowi paw chetpe tara dowi tham, natrapchedow nachet tra kown mih kurdik dow achapa luk kow pe ta pe bowk khowk chekhai. ²³Naiawng rakowi tawngiawng chow Pa kowi kow kiowri iawng dow Chapa kowipaw bowk bowk mih kiowri kown chekhai, now mia iawng mih chow aia kowi uang chin mih aia dow Apa chekhai. now Chapa kowi kow kiowri dowi mih dow aia dow Pa kowi kiowri dowi mih chekhai.²⁴Lainowmma lainowmma ang tek enni amia iawng mih chow ang laiklow sünta hown uang chin ang mih aia kowi owm mih dow aia dow achowngma singra kata khai bowt, now aia kowi dow aprek dowk pe dowi bowt tham. Now kowngra hownia aia dow plai khai bowt.²⁵Lainowmma lainowmma ang tek enni, maiawng mih khin dow akawmat chowbowt. Thurai chapa kowh hawk klow kowng miuüa tami dow amatni dow na sing kown.²⁶Now Pa tawng iawngchow aia mat tute singra uowi nami powmiawng dow aia Chapa tute singra dow towpe khai. ²⁷Nahanow aia dow aia kowi tara chetra alow dow peah khai, now aia dow Maruchapa nakkhai rakowi chekhai.²⁸Now mami rakowi hangka lakkhia dia, maiawng mih khin uang ting kown kuam kowi kow amia ngaichow uowi khowk mih amatni dow aia laiklow na tah kown; ²⁹now chownglawng kowi na awrrü lah iawk kown kow nami vüi kowi kow chang lup iung miuüa hai lup ngak chang kowh amatni dow tara chetra kowi na awrrüa kown kow na uang lawt kown chekhai.³⁰Ang dow kowmatia hown tawngpaw ia chang dowi, tawngiawng chow ang tah nami iawng taih ang chet tara; now tara chet dow prawngma ang chet khai. Tawngplawng kowchow ang matia sak nau iawng nadowi hai uang chin ang mih aia nau iawng hown nachowng rowt kown kow ang towsak khai.ISU LAWNGUAN KKOWI PHUANG MIH ³¹Ang mih lai uan kowi ang matia lawnguan kowi phuang khai kowchalow now nami phuangrah dow nanowm kown nadowi. ³²Ang lawnguan kowi akeng mih lowkia mih dow phuang khai now ang tuk nami dow ang lawnguan kowi aia phuang mih dow anowm chekhai.³³Johan tute enni dow uang chinpe maru khai now, aia dow aia anowmma hown phuang khai. ³⁴Ang kowh phuangra mih dow maru hownia kowh nadowi, nachepaw mami laiklow ang tek enni pachamka lawngra lah pakow chekhai. ³⁵Johan dow lün pluplup mih hown anowi kraingma mih lowkia powmiawng chekhai, now aia nowi kowi nawngchah vüi kowi enn awmrawm kown mih nau khai.³⁶Nachenganchepaw Johan uang phuang lake ang phuangah mih dow nami lake lang iuk; tawngplawng kachow panow Apa pe chang ang mih lup sarui dow, ang changah mih lup dow nachekhai, Apa aia uang chin ang mih laiklow phuang mih dow ang lawnguan phuang mih chekhai. ³⁷Now Apa aia dow uang chin ang khai, aia dow ang lawnguan kowi phuang khai, aia nawr hownia kowh aklow dow enni katpaw tah dowi tham; aia kowh apowm paw katpaw khi dowi tham. ³⁸Aia kowh laiklow paw enni sakdawng kowi uowi dowi tham, tawngplawng kowchow panow aia uang chinah mih kowi enni owm dowi chekhai.³⁹Chimsai mih Sangbowk Laitawm kowi krawi chamah büah diah; enni ka tuak mih dow achowngma singra kata khowk pami dow ang lawnguan kowi paw phuang mih chekhai; ⁴⁰nahanow enni nakala singra kown kow ang tute enni uang kown nau dowi.⁴¹Maruuüa tute ang dow kiowrira ang cham dowi. ⁴²Nachepaw Thurai kowi sakdawng hownia enni sakrau dowi nami dow ang tuk enni khai.⁴³Ang dow Apa ming hown kow ang uang mih chekhai, now enni dow ang kowi nau ang dowi; now akeng miuüa dow kowmatia ming hown uang chengan chepaw aia kowi dow enni hawt nauah khai. ⁴⁴Tawngiawng chow enni owmah kown? enni dow lowk kow lowkia tute kiowrira enni talü khai. Nami lake Thurai hownia kowh kiowrira uang ting mih prakowi dow enni peching dowi.⁴⁵Hangka tuak büah diah Apa tute ang pe enni aprek dowi tham, nakowi dowk enni prek kown mih aia dow uowi lowkia aia dow Mosi chekhai; nami luk kowi enni sakowmah reng chekhai. ⁴⁶Lai uan kowi Mosi kowi che enni owm khai panü dow ang kowi paw enni naowm ang kown mih chadiah, ang lawnguan kowi aia dow rui khai. ⁴⁷Nachepaw aia rui mih kowi owm dowi kowi tawngiawng chow ang laiklow kowi naowm chow?

Isu kowh prebuk lakkhiara lup chang hai chalai lai pek ¹Now Isu dow naiawng ün mih kung kowi Galili sata aw Tibiria sata aw pape mih, nami pra pown kowi dow kakowi khai. ²Now maru kawmuüa dow aia kung kowi tawi krawi khai, tawngplawngkow chow panow arau uowi mih maru kowi paw iung tape mih lakkhia ra lup ün dow khi büah khai mirakowi chekhai. ³Isu dow hung kowi awr pün hanow atapeuüa hown nakowi dow chowm büah khai.⁴Nowkhe Judauüa kow takat pawi dow uang tatawn khai bowt. ⁵Isu dow hai mü khai hanow maru kawmma aia tute uai mang mih dow khi khai, nakhowkkhe aia dow Philip kowi tekpe mih, kabüah vüi chakkham tawng kowi chow chamran pe kown chow? ⁶Now naün mih aia dow tuk bowk tawngiawng chow changah kown mih aia dow Philip kowi chaingah kown Kow tekpe mih chekhai.⁷Philip dow aia kowi tek pe mih, amatni vüi prekawm pa kawm khowm padow ditchachi taih nata khowm büah kown. ⁸Aia kowh tapeuüa hownia lowkia mih Simawn Peter kowh nauma Andriaw mih Isu kowi tekpe mih, ⁹Nami re ngeuüa uowi lowkia aia tute dow kawm uow tanga pah now dam uowi pre kown, nachenganchepaw maiawng khowt mih maruiun kowi tawngiawng chow nalawk kown chow?¹⁰Isu dow tekpe mih, “Maru-uüa kowi pechowmah diah,” nami re dow ahuma bawrchak uowi khai. Now kachakuüa maten chowm büah khai, maru iun kawm dow tangathawng chekhai. ¹¹Isu dow kawm paw hanow awmrawm laiklow tek hanow chowm miuüa kowi dow ret pe khai; nami iawng dow dam paw hai pawah now amatni naumowr mih peah khai. ¹²Now atapeuüa kowi tekpe mih amatni dow du pat kicha kung kowi talat mih dung sun mih dow kuaah now towah diah piak dowi kown kow pakhai.¹³Nahanow amatni dow krawi kuaah khai now pai mih kawm tanga pa mih dung sun dow maruuüa kicha kung kowi talat mih laipre kharang tek mawp tak chekhai. ¹⁴Nakhowk khe nami lakkhiara lup dow maruuüa khi kowh tek mih, aia dow lusa kowi nauang kown mih Risi mih naown ngengche kown chekhai. ¹⁵Isu dow tuk chekhai , aia kowi nachowmah mang kown kow uang dowkah kown kow aia pra uang hai mang büah khai, naiawng rakowi aia dow hung pra kowi e cham powt khai. TUI LUKKOWI ISU MANG MIH.¹⁶Sat kowi khe aia kowh tapeuüa dow sata ret kowi kakowi büah khai. ¹⁷Amatni dow lawng luk kowi pün hanow, sata akeng pang prakowi Kafernahum prakowi tarü khai, now uar uang iu khai bowt nakhowk khe Isu paw amatni tute uang dowi tak chekhai. ¹⁸Nami khin khe sata kowi uâng uang khai now tui lowng iuk iukma mih dow uowi khai.¹⁹Pa maing hown dawnglang hai pre mail mowr naown kown iu nawm khai. Isu kowi amatni dow sata tuiram lukkowi lawng prakowi uang haimang mih khi khai, naiawng rakowi amatni dow kram büah khai. ²⁰Now aia dow amatni kowi tekpe mih, “Ang chataih habow, hang kow kram” büah diah. ²¹Nahanow amatni dow lawng kowi tangla kown kow nau büah khai now pamaima sang kowi dow amatni tarü pra süng kowi uang hing ting büah khai.²²Auai ni khe, sata aw paipra pown kowi maruuüa thum dow iowng khai, now nami re lawng lowk chah klen kowi lang uowi dowi bowt chekhai. Now nami lawng kowi Isu dow atapeuüa tut-e lawng kowi dow tawi phüt dowi, atapeuüa kangowh chah chataih mang büah khai. ²³Nami re lawng uowi ne Tibiria hownia kowh uang mih CHAKRAMANG kowi awmrawm lai tekpe hanow maruuüa chakwm büah mih arah ra-e chekhai.²⁴Nahanow maru thum dow hawt mü khai Isu nadowi atapeuüa paw miapaw uowi dowi. Amatni dow naiawng ün mih lawng kowi chowm now Isu kowi krawi cham kown kow Kafernahum kowi kakowi khai. ISU DOW MASINGR KAWM ²⁵Sata aw paipra pown kowi aia kowi amatni dow khita now tekpe mih, Rabbi tawng khe chow makowi en uang towm mih?²⁶Isu amatni kowi klangah now tekpe mih, lainowmma lainowmma ang tek enni, enni awdara lup ang chang mih khi kowh cham ang mih nadowi kawm pah duh pat enni cha rakowi chekhai rowt chaw. ²⁷Napiak kown mih chakkham rakowi hang kow chang lup büah diah, Kat paw piak dowi mih chakkham lup phai chang diah, nahanow chowngma singra kalow hai maru chapa pe enni mih chakkham lup chang diah. Pa Thurai dow aiamat kowi dow matta khowk mih chekhai rakowi.²⁸Nakhowk khe amatni dow aia kowi tekpe mih, Thurai kowh lup anging tawia changla kown kow, tawngchow anging chang takla? ²⁹Isu klangah mih, Thurai kowh lup dow mami chekhai, aia uang chinah mih kowi enni owm kown mih chekhai.³⁰Nahanow amatni dow aia kowi tekpe mih tawngiawng mih awdara lupchow en chang ka anging owm en kown mih? Tawng ngai chow en chang kown? ³¹Tawngiawng chow arui uowi iawng dow anging kowh pipuuüa dow süngrüp süngkang kowi uowi khe manna cha büah khai, “Chah kown kow mukuang pren hownia kawm dow amatni kowi aia peah khai,” pakhai.³²Isu amatni kowi dow tekpe mih, lainowmma lainowmma ang tek enni, Mosi enni kowi mukuang hownia kowh kawm dow pe enni dowi, nachepaw Apa dow mukuang pren hownia kowh kawm chingma mih pe enni khiai. ³³Tawngplawng kowchow Thurai kawm dow mukuang hownia uang dowm mih chekhai. Nami dow lusa maru kowi nowng pe singra. ³⁴Nahanow amatni dow aia kowi tekpe mih, CHAKRAMANG, nami kawm dow atungma pe anging diah.³⁵Isu dow amatni kowi tekpe mih, Ang chowbowt nami masing kawm pah, Ang tute amia iawng mih chow uang mih dow kat paw sakrai kown nadowi bowt now ang luk kowi amia iawng mih chow owm ang mih dow aia dow kat paw tui sakrai kown nadowi bowt tham. ³⁶Nahanow ang natek enni, Ang kowi enni khi ang akhowk nachepaw enni owm ang dowi. ³⁷Apa pe ang mih maten dow ang tute uang kown now ang tute uang mih maten dow tawngiawng paw uatpra kowi ang kuakah dowi tham.³⁸Tawngplawng kachow Ang dow mukuang hownia uang iu dowm mih nakhai, ang nau iawng na dowi kowi aia nau iawng hown ang nachang lah kown kow uang chin ang mih chekhai. ³⁹Nahanow uang chin ang mih nau mih dowi maiawng, aiamat pe ang mi maiow mata dowi kown kow nichur khin khe dow nakrungah rowt kown. ⁴⁰Apa nau mih dow maiawng, amia iawng mih chow Chapa kowi khi kowh owm mih aia dow achowngma singra nowka kown nahanow nichur khe aia kowi dow ang na krüngah iawk kown pakhai.⁴¹Now “mukuang hownia kow kawm iu dowm mih dow ang nah’’ chekhai pa tekra kowi Judauüa dow aia lukkowi prawngah büah khai. ⁴²Amatni tek mih, Josef chapa Isu nadowi bow namih? A u Apa kowi a i tuk nadowi bow? Kawmat tawng tuk tek khai, ‘ mukuang hownia kowh kawm iu dowm ang nah.⁴³Isu dow amatni kowi tekpe mih, hang prawng hang ren büah diah. ⁴⁴Uang chin ang mihia apa che uangpaw lah dowi now mia paw ang tute nowngia uang dowi tham. now ang ni chur mih khin khe dow nakrüng ah iawk kown chekhai. ⁴⁵Risiuüa chabowih kowi arui uowi mih, “Thurai tüngsangra amatni dow naka kown, amia chow Apa tute tüngsangra ka khowk mih dow ang tute aia dow nauang kown.⁴⁶Lowra mih maru Apa kowi khi dowi, Thurai hownia kowh uang mih nami krowngchah taih Pa kowi nowngia khi mih. ⁴⁷Lainowmma lainowmma ang tek enni, amiachow owm mih dow aia dow achowngma singra kata khowk.⁴⁸Ang dow masing kawm ang na khai. ⁴⁹Enni kowh pi puuüa dow süngrüp süngkangma kowi kow manna cha büah chadiah nachepaw kowng büa khai.⁵⁰Now nami kawm dow mukuang hownia kowh uang dowm mih chekhai, nahanow miachow cha mih dow kowng dowi bowt tham. ⁵¹Ang dow nami masing kawm chekhai, mukuang hownia kowh uang dowm mih, amia iawng mih chow mami kawm chakowchalow hanow aia dow chowngma singra naka kown. Mami lusa maru vüi ka e ang pe mi dow ang buk ang nga chekhai.⁵²Judauüa dow lainowmma kunmarau büah khai, now lowk kow lowk taiüa now tek mih, a i chakmüa aia nga tawngiawng chow nape a i kown? ⁵³Isu amatni kowi tekpe khai, lainowmma lainowmma ang nowtek enni, Maruchapa nga hai aia vi enni kham dowi mowr dow enni matia kowh singra ka kown nadowi tak.⁵⁴Miachowh ang nga cha hai ang vi kham mih aia dow achowngma singra ka khowk, now aia kowi ni chur khe ang naküngah iawk kown. ⁵⁵Ang nga dow chak kham ching chekhai, now ang vi dow vi ching nakha chekhai. ⁵⁶Mia iawng mih chow ang nga cha mih hai ang vi kham mih dow aia dow ang hown taiua uowi khai, now ang paw aia hown taiua uow kown.⁵⁷Uang chin ang mih dow Masing Pa chekhai, Apa ra kowi ang sing mih, naiwng dow amiachow ang kowi cha ang khowk mih aia paw ang rakowi e natawi ka singra kown pakhai. ⁵⁸Nami kawm dow mukuang hownia kowh uang dowm mih chekhai, pi puuüa tawngiawngchow chah mi kung kowi kowng büah khai nami powmiawng nadowi chekhai. Mami kawm dow mia iawng mih chow cha mih dow aia dow achowngma nasing kown. ⁵⁹Kafernahum kowi tüngsang mih khin khe takuara kim kowi Isu dow maiwng ün laiklow tek khai. SÜNGRÜP SÜNGKANGMA KOWI ISU HAI ATAPRUÜA⁶⁰Aia kowh tapeuüa pungma dawng kowi mami laiklow dow ahuma tek khai, maiawng ün mih lai mak khawtma mih miachow nowng chün kown? ⁶¹Aia kowh tapeuüa naiawng ün hown taiüa mih Isu dow sak dawng hownia tuk khai rakowi tekpe mih, “Mami laikowh kowi enni sak ih dowi bow?”⁶²Nakhowk khe, Maruchapa dow achük khe kowh uowira re aia kowi dow awr pün mih enni nakhi mih khin khe tawngiawng chow enni natuak kown? ⁶³Lümla sai dow pe singra reng, buknga dow tawngpaw marawkra uowi dowi tham. Ang tek enni mih lai maten dow lümla hai singra chekhai.⁶⁴Enni pungma dawng kowi kawmat paw owm dowi mih ahuma tak uowi. Tawngplawng kowchow panow Isu auown hownia tuk miangai chow owm dowi mih hai amiachow aia kowi ransuuüa rut kowi apah kown mih paw. ⁶⁵Aia tek mih maiawng rakowi ang natek enni khowk, Apa hownia kürra uang ting dowi mowr dow, amia paw ang tute uang ia uang dowi tham.⁶⁶Naiawng ün mih kung kowi dow ahuma tapeuüa kutplan khai, now aia hown tawi taiua uowi dowi bowt chekhai. ⁶⁷Nakhowk khe Isu dow nami laipreia tape kowi tekpe mih, enni paw alakma kowi powtta ang kown nau bow? ⁶⁸Simawn Peter dow aia kowi klangah khai, CHAKRAMANG anging dow amia tut-e chow anging kowi bowt kown? En tute achowngma singra lai klow dow uowi, ⁶⁹now anging owm khowk now tukpaw tuk khowk en dow Thurai hownia kow uang dowm mih chimsai mami maru chekhai.⁷⁰Isu amatni kowi tekpe mih, now enni laipreia kowi e ang klo enni mih nadowi bow? Now enni pungma dawng kowi setan uowi lowkia. ⁷¹Mami dow Iskariat Simawn kowh chapa Juda lawnguan kowi kow aia tek mih chekhai, tawngplawng kowchow panow, laipreia pungma dawng kowi kow lowkia chekhai nami dow aia kowi kingküa now ransuüa rut kowi apta kown mih.

JERUSALEM KOWI ISU PELA ALIMAK MIH ¹Nami kung kowi Isu dow Galili kowi kow krawi len khai, now aia dow judauüa pra kowi dow krawi len kown mih nau dowi chekhai, tawngplawngkow chow panow Judauüa dow aia kowi bawmta kown kowh sangkrang büah khai. ²Nakhowk khe Judauüa bawnkim te pawi uowi akhin mih dow uang tawn khai bowt.³Nahanow anaumauüa dow aia kowi tekpe mih, mami rah towla now Judai kowi kakowi bowt; now tawng ngaichow en chang mih lup dow en tapeuüa paw pacham tawi khi lah. ⁴Miapaw kuk pah chang lup dowi kowmatnia kowi akeng mih tute taphuang kown nau kow chalow hanow laiuan kowi miawng ün mih lup en chang kachalow now en matnia kowi lusa maru tute taüng diah.⁵Tawngplawng kowchowi panow aia naumauüa khawm padow aia kowi owmah dowi. ⁶Isu dow amatni kowi tekpe mih, akhin kawmat ang kowh tachi dowi tak, natarap chedow enni kow akhin atungma kamrüt hown uowi hüa chekhai. ⁷Lusa maru dow enni kowi sui enni kown nadowi nachepaw ang kowi dow sui ang kown tawngplawng kowchow panow aia lawnguan kowi maiawng ang phuang khai rakowi, aia kowh lup dow anowm nadowi chekhai.⁸Enni dow pawi kowi kow kowi büah; kawmat mami pawi kowi ang tawi dowi tak, tawngplawng kowchow panow akawmat mih ang kowh akhin tachi dowi tak. ⁹Aia dow maiawng ün laiklow kabüa kowi tek pe hanow Glili kowi tauowi khai.¹⁰Aia naumauüa dow pawi kowi kowtarü kung kowi aia matpaw kow kowi khai, now aia dow tharpah nadowi hai kuk pahown kow kowi khai. ¹¹Judauüa kowh pawi kowi dow aia kowi krawi chamah khai, aia dow tawng kowi chow?¹²Maru kawm dow aia lawnguan kowi ahuma talawp khai, tawng mih chabak tek mih, aia dow maru iung mih lowkia chekhai; now tawngmih chabak tek mih dow, iung dowi maru kowi tiamow tawi mih prakowi pawla khai. ¹³Tawkchedow Judauüa kowi kram rakowi miapaw aprawngma aia lawnguan kowi uam tek büah dowi. CHAKARAMANG IAK HAWM CHAK KHIN ISU TÜNGSANGRA¹⁴Now pawi dawnglang mih khin khe Isu dow Takuara Kim kowi tüngsangah khai. ¹⁵Judauüa dow awda khai now tatek khai, nami maru dow tasang dowi matchang tawng iawng chow naiawng hown Sangbowk Laitawm tukra prengia chakma chekhai dow? ¹⁶Isu dow amatni kowi klangah now tekpe mih, Ang laiklow tüngsang mih ang kowh nadowi, uangchin ang mih ia kow chekhai.¹⁷Laiuan kowi mia iawng mih chow aia nau iawng chün kown mih sak hownia tuak khai, naiawng kachalownow aia dow mami tüngsang lawnguan dow natuk kown, maiawng ün mih dow Thurai hownia kowh uang ting mih bow, nadowi now ang matia hownia kowh ang tekah mih bow. ¹⁸Now mia iawng mih chow kowmatia hownia kowh tek mih dow amatni takiowra krawi cham mih chekhai, nachengan chepaw uangchinah mih kiowrira chang mih dow, aia dow achinawmma hai lup ngak tawng paw uowi dowi.¹⁹Mosi tawngpaw, enni kowi ari arow pelah dowi bow? Enni pungma dawng kowi miapaw kawmat pat paw chünah dowi reng tak, tawngplawng kowchow enni bawmta ang kown kow kamrüt khai? ²⁰Nami maru thum dow klangah khai, en kowi süngnam plawp mih nachekhai, miachow en kowi bawmta kown kow kamrüt?²¹Isu dow klangah hai amatni kowi tekpe mih, lowk chami lup ang chang hanow nami kowi enni bowk bowk mih awda khai. ²²Mosi mih khampha pik hia ri pe enni khai, nami dow Mosi hown kow paw nadowi natarapchedow pipuuüa hownia kowh uang uowi khowk mih chekhai, now enni dow tanaini khe ngiachowuüa kowi khampha pik hia chang pekhai.²³Mosi rirow piak lah dowi kown kow nami powmiawng tanai ni khe maru kowi chang khampha pik hia kowchalow hanow, niawng ang tanai ni khe maru lowkia kowi arau hownia ang iung ta khai kowchalow hanow ang luk kowi kunmarau khaitawngplawng kowchow? ²⁴Prang hownia kowh powm mü hown hangka chet tara diah, naiawng lake aprawngma hown chet tara diah.ISU DOW KRISTA BOW?²⁵Jerusalem kowi kow uowi mih maruuüa pungma dawng hownia presumia mih tek mih, tawngchow pai mih nadowi ba bawmta kown kow amatni limah mih ia dow? ²⁶Mü diah aia dow aprawngma hown tek lai khai now aia kowi dow tawngpaw tekpe dowi, tawngplawng kowchow mingkhet miuüa tuk naown kown aia dow Krista chekhai pamih; tawng nadowi bow? ²⁷Nami maru tawng hownia chow uang mih anging tuk; natarapchedow Krista aia uang mih khin khe dow amia paw tuk kown na dowi, aia dow tawng hownia chow uang mih.²⁸Isu dow takuara kim kowi atünma tüngsang hai pringhawi lai tek khai, enni dow ang kowi tuk ang now tawng hownia chow ang uang mih paw enni tuk. Ang dow ang matia hownia kowh ang uang mih nadowi, uang chin ang mih aia dow achinawmma, aia kowi dow enni tuk dowi chekhai. ²⁹Aia kowi ang tuk tawngplawng kowchow panow ang dow aia hownia kowh uang mih nakhai, aia dow uang chin ang miia chekhai.³⁰Amatni dow aia kowi khümah kown kow limah chadiah nachepaw amia paw aia luk kowi uam tang rut dowi, Nowkhe dow aia kow akhin uang ting dowi tak rakowi chekhai. ³¹Maru pungma dawng hownia tawng mih chabak dow aia lukkowi owm khai now tek mih, Krista uang mih khin khe maru chang mih lup lake awdara lup nalangchangrowt kown chekhai bow? ³²Farishaiuüa dow aia lawnguan maruuüa mih tatek laisin mih ta khai now uama aluchowuüa, Pharisaiuüa hai alowuowi miuüa dow aia kowi nakhümah kown kow kachinpe presumia khai.³³Nakhowk khe Isu dow tekpe mih, enni hown akhin nawngchah vüi kowi taiua uowi mih chataih, now uang chin ang mih aia tute dow ang kutplan mang iawk kown chekhai. ³⁴Enni nacham ang kown nachepaw enni khi ang kown na dowi tham; ang kow kowi kown mira kowi dow enni uangia uang dowi tham.³⁵Nakhowk khe Judauüa dow lowk kow lowk tatek büah mih, mami maru tawng kowi chow nacham kowi kown mih a i na krawi ka chamah dowi kown mih? Tawngchow aia mih Grikuüa pungma dawng kowi kow cham taset tauet mih Juda maruuüa tute kowi now tüngsangah kown kow bow? ³⁶Aia tek mih laiklow dow, “ Enni nacham ang kown nachepaw enni khi ang kown na dowi tham; ang kow kowi kown mira kowi dow enni uangia uang dowi tham. Nami dow tawng auan chow?³⁷Kawmat pawi langkri mih ni kowi khai bowt. Isu dow iowngah now atünma tek mih, amia iawng mih chow tui sakrai mih dow ang tute uangah now pacham kham lah. ³⁸Amia iawng mih ang kowi owm now Sangbowk Laitawm kowi arui iawng dow aia asak dawng kowi masing aw tui nahawr bowt kown.³⁹Nachengan chepaw lümla sai lawnguan kowi kow laiklow aia tek mih chekhai, amia iawng mih chow nami kowi owm mih dow amatni dow lümla sai naka kown; Nakhowk khe mih lümla sai mih peah dowi tak chekhai, tawngpalawng kachow panow nami khin khe Isu kowi krikraingra mih changah dowi tak.⁴⁰Maru kawmuüa pungma dawng hownia tawngmih chabak dow mami laiklow tah hanow amatni dow tek mih aia dow Risi chingma chekhai. ⁴¹Tawng mih chabak dow tek mih, aia dow Krista chabowt, tawng bak mih tek mih tawngpalawng kowchow? Krista pache Galili hownia uang kown bow? ⁴²Tawngchow Sangbowk Laitawm kowi mih laiklow arui uowi dowi ü? Krista dow Davida krungchak hownia Davida nami Bethelehem marow kowi uowi nami hownia aia nauang kown bow?⁴³Niiawng rakowi maruuüa pungma dawng kowi Isu lawnguan kowi taiüara uang phaw khai. ⁴⁴Amatni pungma dawng kowi tawng mih chabak dow Isu kowi khüm kown kamrüt nau khai. Nachengan chepaw amia paw aia luk kowi tangpe rut büah dowi.JUDA ALUCHOWUÜA OWM DOWI MIH⁴⁵Nakhowk khe chintak miuüa dow Uama lang krimiuüa hai Pharisaiuüa tute uangplan now amatni dow amatni kowi tekpe mih, tawngpalawng kachow aia kowi dow enni uang pawla dowi kowbow? ⁴⁶Chintak miuüa dow plan tekpe mih, mami maru mih tawngiawng chow tek lai mih aia tek iawng amia iawng mih maru paw tek laiklow dowi.⁴⁷Pharisaiuüa amatni kowi klangah mih, tawngchow enni paw takuowngra khai bow? ⁴⁸Tawngchow Farisai hai aluchowuüa paw aia luk kowi tawi owm mih uowi khai ne bow? ⁴⁹Nchengan chepaw maiawng ün maruüa dow tawng paw ari arow ün paw tuk büah dowi amatni dow kapiati khai now Thurai sakraura hownia towla khai.⁵⁰Pharisaiuüa dawng kowi Nikawdem pami uowi lowkia, aia dow nami dowirawn khe paw Isu tute kakowi khai, aia dow amatni kowi tekpe mih; ⁵¹aia tek pe mih amia laiklow paw tadowi, tuk dowi hai tawngmi kowi paw natowk ngare kown mi hai nachet pe tara kown mih, a i rirow kowi uowi khai bow? ⁵²Pharisaiuüa Nikawdem kowi tekpe mih en paw Galili maru bow? Achimsai mih Sangbowk Laitawm kowi krawi mü madiah Galili kowi tawngiawng mih risi paw uang dia kown mih laiklow uowi dowi.⁵³Nami khin khe amatni bowk bowk mi dow kim pra plan mang büah bowk khai bowt.

¹Isu dow kanrawn hung kowi kakowi khai. ²Aia dow murpa Thurai chup kim kowi plan uang khai, now maru-uüa dow aia tute uang khai, Nakhowk khe aia dow chowmse amatni kowi tüngsangah khai. ³Tüngsang miuüa hai Pharisaiuüa dow chang iang mih masiuüa lowkia kowi aia tute uang paw lah khai, now amatni pungma dawng kowi pe iowngah khai.⁴Nakhowk khe amatni dow Isu kowi tekpe mih, aw Sara, Mami masiuüa chang iang khai now aia kowi dow kata khüm khai. ⁵Mosi ari arow kowi maiawng pe lah anging ana mih, maiawng ün maru kowi hua hown nakauk kown. En dow nami lawnguan kowi tawngchow natek tak kown? ⁶Amatni dow chaingah kown kow hai kuakah sum kown nau rakowi mami lai tek mih chekhai, now aia ming kowi na bekpe aprek kown krawi cham mih chatai chekhai. Nowkhe Isu dow mum hanow rut chawk hown krawng kowi rui khai.⁷Now aia kowi dow aplan aplan lünta khai, now aia dow awr tau hanow amatni kowi tekpe mih, enni pungma dawng kowi amia iawng mih chow angak uowi dowi mih nami dow aia hua hown pacham rik kuak lah. ⁸Aia dow plan mum hanow aia rut chawk hown krawng kowi plan rui khai iawk.⁹Nahanow nami laiklowh amatni dow tah hanow, amatni dow lowkchah lowkchah bowk bowk prang prakowi powt büah khai, Lawngtang miuüa uown rik powt khai, now aia kowi dow Isu lowkia chatai bowt ta lawt, nami maru dawng kowh iowng mih masiuüa klen kowi . ¹⁰Nakhowk khe Isu dow lumowr awr tau now iowng now aia kowi dow tekpe mih, aw masiuüa , en luk kowi kow chawktowk miuüa tawngkowi chow? Mia paw pe en aprek angak dowi bow? ¹¹Aia dow tekpe mih, AW CHAKRAMANG amia paw pe ang dowi, nakhowk khe Isu dow tekpe mih, ang paw en kowi pe en angak dowi, mang bowt kawmat hownia now hang kowchang angak tham bowt. ISU DOW LUSA KOWI ANOWI¹²Isu dow maru tute plan tek lai khai, aia dow tek mih, “Ang dow lusa kowi maru vüi anowi chekhai, mia iawng mih chow ang kung kowi krawi mih aia dow a iu kowi mapaw mang dowi tham.” Nami klen kowi chowng lawng kowi anowi nowka kown chekhai. ¹³Nahanow Pharisaiuüa dow aia kowi tekpe mih, en matia lawnguan kowi en matia taphuang khai, en kowh phuangra dow anowm nadowi.¹⁴Isu dow amatni kowi klangah now tekpe mih, “Now ang dow ang matia kowi ang taphuang chepaw ang phuangra mi dow anowm chekhai, tawngpalawng kachow panow ang tawng hownia kowh uang mih, tawng prakowi mang kown mih ang tuk; natarap chedow enni dow tuk dowi atawng hownia chow ang uang mih hai mang kown mih dow.” ¹⁵Enni dow maru tuak hown chet tara khai, ang dow amia kowi paw chet tara dowi. ¹⁶Ang chet tara kowchalow now ang tara chetra dow achinawmma chekhai, tawngpalawng kachow panow ang lowkia chow nadowi uang chin ang mih Apa hown nakhai rakowi chekhai.¹⁷Nahanow enni kowh ari kowi arui uowi mih dow, preia maru phuangra hownia anowm pamih klowk khai. ¹⁸Ang matia lawnguan kowi ang paw phuang khai now uang chin ang mih ia Apa paw ang lawnguan kowi phuang khai.¹⁹Amatni dow aia kowi tek pe mih, tawngkowi chow En Pa? Isu dow klangah khai, “Enni ang kowi paw tuk dowi Apa kowi paw tuk dowi. Enni ang kowi che tuk panü dow Apa kowi paw natuk kown chadiah. ²⁰Aia dow miawg ün mih lai dow Thurai chup kim kowi tüngsang khe uan pekra kowi tek khai now aia kowi dow miapaw khümah dowi. Nachengan chepaw aia kow akhin na dowi tak rakowi mia paw aia kowi dowi khümah dowi.²¹Aia dow amanti kowi plan tekpe mih, “Alakma kowi ang cham kowi kown, enni nakrawi cham ang kown now enni ngarera hown nakowng kown, tawngre chow ang cham kowi mira re dow enni uang ia uang dowi tham.” ²²Judauüa tek mih, aia nata bawm kown kow bow niawng aia tek mih, ang tawngre chow kowi kown mira e enni uang ia uang dowi tham pamih?²³Isu dow amatni kow tekpe mih enni adak hownia kowh uang mih now ang dow aluk hownia mukuang hownia kowh uang mih chekhai, enni dow mami lusa kowi kow chekhai nachepaw ang dow mami lusa hownia kowh nadowi. ²⁴Naiawng rakowi ang tek enni khowk dia enni dow enni kowh ngare kowi nakowng kown, tawngpalawng kachow panow ang dow nami chekhai pamih owm dowi mowr dow; enni dow enni ngarera hown kowng ngengche kown.²⁵Natawkchedow amatni dow aia kowi tekpe mih, miachow en? Isu dow amatni kowi tekpe mih, “Nami chabowt auown hownia kwh ang uang tekla enni reng mih. ²⁶Enni lawnguan kowi tek kown mih hai chet tara kown mih ahuma hai lai uowi, pana lah diah, aia dow uang chin ang mih aia dow achinawmma chekhai, nami klen kowi aia tut e kowh tawng ngai chow ang tah mih dow naiawng ün mih dow lusa maru tute ang tek khowk. ²⁷Aia mih amatni kowh pa nami lawnguan kow tekpe khowk mih amatni dow tukta dowi.²⁸Isu tek mih, tawng khe chow Maruchapa kowi alowngma kowi tarah bowt kown, Nakhowk khe enni natuk kown tai ang dow nami aia chabowt pamih, now ang dow ang matnia hown tawng paw ang iachang dowi; nachepaw Apa tawngiawng chow tüngsang ang mih nami powm iawng chataih ang tek khai. ²⁹Aia dow uang chin ang chekhai, aia dow ang tute uow reng, now aia dow ang lowkia chakowi towta ang hüah dowi; tawngpalawng kowchow panow ang atungma aia kowh lup mih sak ih maiawng chang pe kown kow chekhai. ³⁰Isu dow maiawng ün mih lai tek khai naiawng rakowi tawng mih chabak dow owm büah khai. ABRAHAM KOWH CHAUUA HAWM³¹Nahanow isu dow Judauüa tute dow, ang laiklow kowi enni uowi reng hanow ang tapeuua enni nachowng ching kown. ³²Now lainowm enni nata hanow lainowm dow nar hownia enni nalawt kown. ³³Now amatni dow aia tute Abraham chuprek chaprek anging na khai habow kawmat mowrpat amiaiawng mih nar kowi katpaw anging uowi dowi, nar pahai lawt enni kown matawngiawng mih krang kowi chow? Pabüah khai.³⁴Isu dow amatni kowi klangah khai, lainowmma lainowmma ang natek enni lowra maru ngak chang mi sarui, angak nar chekhai. ³⁵Nar dow achowngma kim kowi uowi dowi natarapche dow Chapa dow achowngma kim kowi uowi reng chekhai. ³⁶Naiawng rakowi Thurai chapa che lawng enni hanow nar hownia nalawt enni aching kown.³⁷Abaraham chuprek chaprek enni na khai mih ang tuk chow; nachenganchepaw napaw ang asak kown mih enni tuak khai ang laiklow enni saktuak kowi uowira uowi dowira kowi chekhai. ³⁸Ang mih apa tute lup ang ka mih dow ang tek reng eniimat paw enni pa tute kow lup enni ka mi dow enni chang reng pakhai.³⁹Amatni dow aia kowi tekpe mih, anging kowh pa dow Abraham chekhai, Isu dow amatni kowi dow tekpe mih, “Enni che Abraham kowh chauüa nakhai panü dow naiawng Abraham chng ah mih lup iawng dow enni nachang kown. ⁴⁰Nachenganchepaw kawmat ang sak napaw kown mih enni tuak khai, Thurai tute kow lainowm ang tek enni mih habow; Abraham dow mami iawng chang dowi chekhai. ⁴¹Enni kowh pa changah mih lup dow enni paw nami lup chang reng. Amatni dow aia kowi tekpe mih, anging kowi iangchang hown kow ka anging mih na dowi, Pa lowkia chataih anging kowi Thurai dow,” pabüah khai.⁴²Isu dow amatni kowi tekpe mih, Thurai che enni kowh pa na kachalow now niawng dow enni na sakrau ang kown chadiah, tawngpalawng kachow panow ang dow Thurai hownia kowh uang mih nakhai rakowi; ang dow ang matia hownka uang mih nadowi aia uang chin ang mih rakowi kowi kow chekhai. ⁴³Tawng rakowi chow enni ang kowh lai tukta dowi mih? Ang laiklow ta now enni ia kham dowi. ⁴⁴Süngnam dow enni kowh pa chekhai, now enni dow aia kowh chah chekhai now enni kowh pa nau iawng dow enni chün kown nau khai. Aia dow auown hownia pawsak mih ia nachekhai now aia dow anowm kowi uowi dowi tawngpalawng kachow panow aia tute anowm mapaw uowi dowi chekhai, aia dow tek dailai mih khin khe aia dow aia kowh uowi krang hownia kowh tek mih chekhai; tawngpalawng kachow panow aia dow dailai lu chekhai now niawng ün mih dailai pa chekhai.⁴⁵Natarapchedow ang tek lai nowm khai rakowi enni dow owm ang dowi. ⁴⁶Enni pungma dawng kowi mia iawng mih chowh ang kowh angak uowi pah nowngpe ang angak kown? Ang laiklow aching ang tek, niawng kachalow now tawngpalawng kachow enni owm ang dowi mih? ⁴⁷Amia ngai chow Thurai kowh maru nami dow Thurai kowh lai maten sünta khai; enni dow Thurai kowh lai sünta dowi tawngpalawng kachow panow enni dow Thurai kowh nadowi chekhai.”ISU AIAMAT LAWNGUANG KOWI PHUAG MIH⁴⁸Judauüa dow aia kowi klangah now tekpe mih, tawngchow anging achingma tek enni dowi bow, Samari kowi kow lowkia mih, süngnam plawpah mih? ⁴⁹Isu dow klangah khai, “Ang kowi süngnam plawp ang dowi natawkche chow ang dow kowmat pa kowi ringah reng now enni dow ang kowi ring kaw ang dowi.”⁵⁰Ang dow kowmatiaia kowi kiowrira krawi cham dowi; uowi lowkia aia dow krawi cham khai now aia dow tara chet miia chekhai. ⁵¹Lainowmma lainowmma ang natek enni, mia iawng mih chow ang lai chün mih dow aia dow kat paw kowng dowi tham.⁵²Judauüa aia kowi tekpe mih, kawmat tak anging tuk en kowi süngnam plawp en mih. Abraham hai Risiuüa kowng khowk nachepaw en tek mih en lai mia iawng mih chow chün mih dow aia dow katpaw kowng sowr tuk kown nadowi. ⁵³En tawngchow anging kowh pipuuüa Abraham lake paw langkraing khai bow? Aia dow kowng khai bowt Risiuüa paw kowng kha bowt. En matia kowi tawngchow en tatuak lah khai?⁵⁴Isu dow klangah khai, ang matia che takiowah hanow ang matia takiowra dow tawngpaw nadowi. Ang kowi pe ang kiowri ra reng mi dow a I kow Pa chekhai, aia lawnguan kowi enni tekah reng mih aia dow enni kowh Thurai chekhai. ⁵⁵Enni dow aia kowi tukah dowi , ang dow aia kowi tuk; ang che laiuan kowi aia kowi tuk dowi pachalow now enni iawng dow ang paw daila mih lowka nachowng kown. Aia kowi ang tuk now aia kowh lai ang chün reng, ⁵⁶enni kowh Pa Abraham ang nauang kown mih ni nakhi kown kow sakowm mih awmrawm khai bowt now aia nami khi khai rakowi awmrawm khai.⁵⁷Nakhowk khe Judauüa dow Isu kowi tekpe mih, kawmat en ngakawm ning chi khowm chi dowi tak? En mih Abraham kowi khi khai bow? ⁵⁸Isu amatni kowi tekpe mih, lainowmma lainowmma hown ang tek enni Abraham uang dia dowi rawn khe hownia ang dow uowi khai. ⁵⁹Now aia luk kowi amatni dow hua hown kuakah kown kow krawi kua huaklu büah khai, nachepaw Isu dow kukpah aia mat kowi Thurai chup kim hownia prang kowi cham powtta pe khai.