Bible

Matthew

Chapter 1

¹Iesu Keriso, Davida natuna, Aberahamo natuna, ena vara bukana bina. ²Aberahamo na Isa'ako tamana ai vada ela, bona Isa'ako na Iakobo tamana ai vada ela, bona Iakobo na Iuda bona vara-hebouna ida tamadia ai vada ela. ³Iuda na Perese bona Sera tamadia ai vada ela, Tamara bogana amo, bona Perese na Heserona tamana ai vada ela. bona Heserona na Rama tamana ai vada ela.⁴Rama na Aminadab tamana ai vada ela, bona Aminadab na Nason tamana ai vada ela, bona Nason na Saman tamana ai vada ela. ⁵Saman na Boa tamana ai vada ela, Rahaba bogana amo, bona Boa na Obed tamana ai vada ela, Ruta bogana amo, bona Obed na Iese tamana ai vada ela. ⁶Iese na Davida pavapava tauna tamana ai vada ela, bona Davida na Solomona tamana ai vada ela, Uria adavana bogana amo.⁷Solomona na Rehoboam tamana ai vada ela, bona Rehoboam na Abia tamana ai vada ela, bona Abia na Asa tamana ai vada ela. ⁸Asa na Iehosafat tamana ai vada ela, bona Iehosafat na Ioram tamana ai vada ela, bona Ioram na Usia tamana ai vada ela.⁹Usia na Iotam tamana ai vada ela, bona Iotam na Ahasa tamana ai vada ela, bona Ahasa na Hesekia tamana ai vada ela. ¹⁰Hesekia na Manase tamana ai vada ela, bona Manase na Amon tamana ai vada ela, bona Amon na Iosia tamana ai vada ela. ¹¹Iosia na Iekonia bona mai vara hebouna ida tamadia ai vada ela Babulonia e laohaidia negana ai.¹²Babulonia e laohaidia murinai, Iekonia na Sealtiele tamana ai vada ela, bona Sealtiele na Serubabele tamana ai vada ela. ¹³ Serubabele na Abiud tamana ai vada ela, bona Abiud na Eliakam tamana ai vada ela, bona na Eliakam na Asoro tamana ai vada ela. ¹⁴Asoro na Sadok tamana ai vada ela, bona Sadok na Akim tamana ai vada ela, bona Akim na Eliud tamana ai vada ela.¹⁵Eliud na Eleasara tamana ai vada ela, bona Eleasara na Matan tamana ai vada ela, bona Matan na Iakobo tamana ai vada ela. ¹⁶Iakobo na Iosepa tamana ai vada ela Maria adavana, ia ena amo Iesu e vara, e gwauraia Keriso. ¹⁷Una dainai, uru iboudiai Aberahamo ena amo ema bona Davida be uru gwauta-hani, bona Davida ena amo ema bona Babulonia e laohaidia negana be uru gwauta-hani, bona Babulonia amo e laohaidia negana amo ema bona Keriso be uru gwauta-hani.¹⁸Iesu Keriso ena vara na ina dala ai e hedinarai. Ia sinana, Maria, na e maohenia Iosepa baine adavaia, to guna idia na do asie tamona, ia na vada e davaria e rogorogo Lauma Helaga ena amo. ¹⁹A Iosepa, ia adavana, na kara maoromaoro tauna bona ia na seura taunimanima vairadia ai ia baine hahemaraia, una dainai e urava baine hahekohoa hehuni-hehuni.²⁰Lalona unu e hadaia tomava ai, Lohiabada ena aneru ta ese nihi ai e hahedinarai henia, eto, "Iosepa, Davida natuna e, adavamu Maria iabidaena garina basio gari, badina be Lauma Helaga ese mero vada e henia. ²¹Ia na baine mara mero baine abia, ladana ba hatoa IESU; badina be ia ese ena bese taudia edia kara dika amo baine hamauridia.²²Ini gau iboudiai e vara Lohiabada ese peroveta tauna uduna amo e gwauraia herevana ihamomokanina, eto, ²³A itaia, haneulato ta baine rogorogo natuna baine havaraia mero ta, bona ladana ba hatoa Immanuela"- anina be, "Dirava na ita dekedekedai."²⁴Bena Iosepa na ena mahuta amo e noga bena Lohiabada ena aneru ese e hagania hegeregerenai e karaia bena eabia dae ia adavana. ²⁵A ia na una haneulato na sedibaia ela bona mero e vara. Bena ia ese ladana e hatoa Iesu.

Chapter 2

¹Hari Betelehema Iudea ai Iesu e vara murinai Heroda e lohiava negadia ai, Aitaia, aonega taudia be mairiveina kahana amo Ierusalema ai e ginidae, ²idia na e henanadai eto, "Iudea edia pavapava harihari eme vara be edeseni ai? "Badina be ena hisiu mairiveina kahana ai a itaia, bona itomadiho henina ama." ³To Heroda pavapava tauna ese una hereva e kamonaia neganai, kudouna e hetaha, bona Ierusalema taudia iboudiai danu.⁴Bena Heroda ese hahelaga taudia iboudiai bona itorena taudia e haboudia bena e nanadaidia eto, "Keriso be edeseni ai baine vara e tomamu?" ⁵Bena idia na e haere eto, "Betelehema Iudea ai, badina be peroveta tauna ese ini e torea toma. ⁶'Oi danu, Betelehema e, Iudea tanona lalonai, oi na dia gabe tauna, Iuda lohiadia bogaragidiai, badina be hahekau tauna na oiemu amo bainema Ia ese egu bese Isaraela baine regua.'⁷Bena Heroda ese aonega taudia e boiridia hehuni hisiu ena hedinarai negana e nanadailaia goevagoeva. ⁸Bena e siaidia lao Betelehema, eto, "Aola mero maragina ba hatahua goadagoada. Ba davaria negana ai, bame hadibagu, bena lau danu baina vasi toma diho."⁹Idia na hanua pavapavana erena e kamonaia, bena edia dala amo vada ela, bona aitaia, hari hisiu mairiveina kahana ai e itaia gauna ese e gunalaidia ela bona mero maragina ena noho gabuna daenai e mia. ¹⁰Bena idia na hisiu e itaia negana ai, e moale hisi dae.¹¹Bena ruma ai e raka vareai bona mero maragina e itaia sinana Maria ida. Bena e goru-goru diho e toma diho henia. Edia kohu e kehodia herahia gaudia e henia, golo bona frankincense, bona myrrh. ¹²To Dirava ese nihi ai e hamaorodia Heroda dekena basie lou lao, una dainai idau dala amo edia hanua e lou henia.¹³A idia e lou murinai, aitaia, Lohiabada ena aneru ta ese nihi ai Iosepa enai e hedinarai eto, "A toreisi, mero maragina bona sinana ida avabidia, bona ba heau lao Aikupito. Unuseni ai ba noho ela bona ma baina hereva henimu lou, badina be Heroda ese mero maragina e tahuamu baine alaia mase e tomu. ¹⁴Bena una hanuaboina ai, Iosepa e noga mero maragina bona sinana ida eabidia Aikupito ela. ¹⁵Ia na unuseni ai e noho ela bona Heroda e mase. Ina na Lohiabada ese peroveta tauna, uduna amo e gwauraia herevana ihamomokanina eto, "Aikupito amo natugu na boiria."¹⁶Bena Heroda, na e diba ia na aonega taudia ese vada e koia neganai, bena e badu dikadika. Bena e hesiai bona memero maragidia iboudiai e aladia mase Betelehema ai bona badina hanuadia iboudiai lalodia ai daidia laganidia rua bona henudia urudia, aonega taudia e hamaorolaidia hereva dia korikoridia hegeregerena.¹⁷Bena Ieremia peroveta tauna, dahaka herevalai henia vada e guguru, eto, ¹⁸"Gado ta Rama ai e kamonai, tai lolololo bona ganagana bada, Rahela be natuna taidia e taimu, bona ia na tauhalo e dadaraia badina be idia na lasihidia."¹⁹Hari Heroda e mase neganai, aitaia, Lohiabada ena aneru ta ese nihi ai Iosepa enai e hedinarai Aikupito ai, ²⁰eto, "A toreisi bona mero maragina bona sinana bona aola Isaraela tanona, badina be mero maragina iala-masena e tahuava taudia na vada e mase." ²¹Bena Iosepa e tore isi, mero maragina bona sinana e abidia, bona Isaraela tanona vada ela.²²To ia na e kamonai Akelao ese Iudea e lohia iava tamana Heroda gabunai neganai, ia na e gariva unu bainela. Dirava ese e nihi ta ai e hamaoroa, dainai e raka hanai Galileia tanona kahana ela ²³bona vada ela hanua ta ladana Nazareta ai e nohova. Ina dalai, peroveta taudia edia hereva vada e guguru, Ia na Nazareta tauna bae gwauraia.

Chapter 3

¹Unu dinadiai Ioane Bapatiso na Iudea tano gagaenai e harorova, ²e gwauva, "Ba helalokerehai, badina be guba basileia na vada eme kahira-kahira." ³Badina be ia na peroveta tauna Isaia ese e herevalaia guna, eto,"Gado ta tano gagaena ai e boi lolomu e tomu, 'Lohiabada ena dala ba lailaia, ena laolao dalana ba hamaoromaoroa."⁴Ioane ena dabua na kamela huina bona ena gaba gauna be Boromakau kopina, ana aniani kwadi bona bada ranuna. ⁵Ierusalema, bona Iudea, taudia iboudiai bona Ioridaena Sinavaina hanuadia idoidiai ia dekena ela. ⁶Ia ese e bapatisodia Ioridaena Sinavainai, edia dika e gwaurai hedinaraiva.⁷A Farisea taudia bona Sadukea taudia diagau bapatiso totona ela, e itadia, bena e gwau henidia eto, gaigai natudia e, daika ese e hamaoromui do baine vara baduna na bae heautania? ⁸Una dainai helalokerehai anina do ba hahedinaraia. ⁹Sibomui lalomui ai basioto, 'Ai tamamai na Aberahamo.' Badina be na hamaoromuimu Dirava na ini nadi amo natuna bema havaradia Aberahamo ena.¹⁰Harihari ira na au badidiai e atoamu. Huahua namodia asie dobimu au dia iboudiai be utumu bena lahi ai be taho kaumu. ¹¹Lau be ranu amo na bapatisomuimu helalokerehai toana. A lau murigu amo be maimu tauna na ena siahu ese lau egu e hereaiamu, lau na dia namo ena tamaka baine abi loaloa. Ia ese Lauma Helaga bona lahi amo baine bapatisomui. ¹²Ena itapo na imanai, ena wit ikwadina gabuna baine tapoa goevagoeva, bona ena wit na roge ai baine haboua. A momona be se bodomu lahina ai baine dou vaitani.¹³Una neganai Iesu na Galileia amo Ioridaena Sinavaina ela, Ioane dekena, baine bapatisoa dainai. ¹⁴A Ioane ese e gwaua tao, eto, Lau dekegu oma a? ¹⁵A Iesu ese e haere henia eto,"Mani boma karaia, badina be kara maoromaoro iboudiai baita haguguru hari namo." Bena Ioane ese ena ura e karaia.¹⁶Iesu e bapatisoa murinai, bena ranu amo e dae kau neganai ai guba e parara. Ia ese Dirava ena Lauma e itaia pune na heto e diho ia tubuana ai e kau. ¹⁷Bena gado ta guba amo e boi dobi eto, "Lau natugu binai egu lalokau. Lau ese ia na lalo-namo heniamu."Translation by: RDKH. Ori. C. Kohu completed and entered into IPAD on the 10

Chapter 4

¹Bena Iesu na Lauma ese tano gagena e hakaua lao diabolo ese baine dibagania totona, ²ia na dina hariahui bona boi hariahui, e anivaga murinai bena ia na e hitolo mase. ³Bena hedibagani laumana na ia dekena ela bona e hamaoroa eto, "bema oi na Dirava Natuna, ini nadi na a haganidia parao ai baela." ⁴A Iesu ese e haere henia bona eto, "vada e torea, "taunimanima na dia parao ai mo bae mauri, a Dirava udu amo e lasimu herevadia iboudiai amo danu."⁵Bena diabolo ese hanua helagana e hakaua lao bona Dubu helaga kogena ai e haginia kau, ⁶bona e hamaoroa eto, "bema oi na Dirava Natuna, sibomu a roho dobi, badina be vada e torea, ia ese ena aneru baine haganidia oi bae regumu, "bona, "idia imadia ai bae abimu isi, unu amo oi aemu nadi ai na basio tutuhia."⁷Iesu ese ma e haere henia eto, "vada e torea danu "Oi ese Lohiabada emu Dirava na basio dibagania." ⁸Ma, diabolo ese e hakaua dara ororo badahereana dorina ai bona tanobada basileiadia idoidiai mai hairaidia ida e haheitalaia. ⁹Ia ese e hamaoroa eto, "ini gau iboudiai lau ese oi baina henimu, bema oi ba goru diho bona lau ba tomadiho henigu."¹⁰Bena Iesu ese ma e haere henia eto, "Satana! ini amo, dauha aola, badina be vada e torea, "oi na Lohiabada emu Dirava ba tomadiho henia bona ia mo sibona isiaina ba lao heni." ¹¹Bena diabolo ese e rakatania bona aneru haida ia dekena ela, ia isina e lao heni.¹²Una neganai Iesu na e kamonai Ioane na e dabaia tao, bena ia na e lou lao Galileia ela. ¹³Ia na Nasareta e rakatania bona ela Kaperanauma ai eha noho, una na Galileia davarana, badina hanuadia Sebulonia bona Napatali tanodia ai.¹⁴Unu amo Isaia peroveta tauna ena hereva vada e momokani eto, ¹⁵"Sebulonia tanona bona Naptali tanona, davara dalana, Ioridaena sinavaina, bese idau idau edia Galileia bunai! ¹⁶Dibura lalonai e helaiva taudia na diari badana vada e itaia, bona e laomu unu daidia, kahanai e helai bona mase diburana, latadiai, diari vada e ta ta dae roha."¹⁷Una nega amo Iesu na e haroro matama bona eto, "A helalokerehai, badina be guba basileiana vada eme kahirakahira."¹⁸Ia na Galileia davarana konena ai e rakava ai, tadikaka rarua Simona e nemaia Petero, bona tadina Andrea, e itadia, reke davara ai etore, badina be idia na haoda taudia. ¹⁹Iesu ese e hereva henidia eto, "Aoma, murigu ai ame raka, bona lau ese taunimanima ihaoda henidia taumui ai baina halaomui." ²⁰Una horanai idia na reke e rakatania bona ia murinai e raka.²¹Iesu na unu amo e raka laova ai tadikaka rarua ma e itadia, Iakobo Sebedeo ida edia reke e laumeva. Ia ese e boi henidia,²²bona una horanai idia ese vanagi bona tamadia e rakatanidia bona ia murinai e raka.²³Bena Iesu na ela Galileia idoinai eha loaia, edia Dubu lalodiai e hahedibava, bona basileia sivaraina namona e harorolaiava, bona tanimanima edia gorere bona hisihisi idauidau amo e hamauridiava. ²⁴Una dainai ia harina Suria tanona idoinai e hapiua bona tanumanima ese gorere taudia iboudiai na ia dekena e laohaidia gorere idau idau bona hisi idau idau bona lauma dikadia ese e bolodia kava bona tororo-tororo bona pada taudia Iesu ese e hanamodia. ²⁵Hutuma bada herea ia murinai e raka Galileia amo, bona hanua gwauta amo, bona Ierusalema amo, bona Iudea amo, bona Ioridaena sinavaina unu kahana amo.Translated by: RDk. Lohia Kohu. Competed on Monday 16th January, 2023. Entered into IPAD on Sunday 26th February, 2023, ready for quality check.

Chapter 5

¹Iesu ese hutuma e itadia, (negana ai) ororo ai e dara dae. E helai diho (murinai), bena ena hahediba na ia dekena ela. ²Bena uduna amo e hamaorodia matama, eto. (Ia ese e hereva henidia bona e hadibadia, eto. ³"Manau (ogogami) taudia (lauma lalonai) be nanamo, badina be guba basileia na idia edia. ⁴Taitai taudia be nanamo, badina taudia bae halodia.⁵Manada taudia danu nanamo, badina be idia ese tanobada bae abia. ⁶Kara maoromaoro hitolo na e hitolomu bona ranu-masena e ranu-masemu taudia be nanamo, badina be bogadia bae kunu. ⁷Hebogahisi taudia danu nanamo, badina be idia danu do bae bogadia hisi. ⁸Lalo goeva-goeva taudia na nanamo, badina be idia ese Dirava ba itaia.⁹Herohemaino taudia be nanamo, badina idia na Dirava natuna bae gwauraidia. ¹⁰Kara maoromaoro daidiai e dagedage henidia taudia be nanamo, badina guba basileiana na idia edia.¹¹Lau daigu ai be uduguiraimui, bae dagedage henimui bae gwau dika henimui koikoi negana ai na do ba namo. ¹²Ba moale bona ba hisidae, badina guba ai davamui baine bada e gunalaimui taudia bona peroveta taudia na unu e dagedage henidia tomava.¹³Umui na tanobada damenana damena na basinema tadika dahaka ese bema hatadikaia. Asi ena namo vada bae negea taunimanima ese bae moimoi laia. ¹⁴Umui na tanobada diarina, ororo dorina ai e karaia hanuana basine hehuni diba.¹⁵Lamepa ba-haraia neganai maua henunai basio atoa. A lamepa gabuna korikori ai bae atoa kau. Ruma taudia edia diari ai bainela. ¹⁶Umui danu emui diarina taunimanima vairadia ai unu ba hahedinaraia toma bena emui kara namodia ba-ita bona tamamui gubai ai e nohomu na ba-heatolaia.¹⁷Lalomui na basieto launa taravatu bona peroveta herevadia ihadikadia nama dia ihadikadia to ihagugurudia dainaia nama. ¹⁸Badina be na hamaoromui, momokanimu guba bona tanobada bae ore, taravatu ena revareva, eiava ena koma ta basine boio, ela bona anina idoinai baine vara.¹⁹Badina be tau ta ese taravatu maragi-maragina ta baine hamakohia ia na guba basileiana lalonai gabe tauna bae gwauraia. ²⁰Na hamaoromuimu, emui kara maoromaoro ese itorena taudia bona Farisea taudia edia basine hereaia umui na guba basileiana lalonai basio raka vareai lasi ona lasi vaitanai.²¹Vada o kamonai, guna taudia e hamaorodia eto basio ala-ala bona ala-ala tauna na do bae hahemoro henia. ²²A lau ese na hamaoromuimu tadikakana baine badu henia tauna na do bae hahemaoro henia bona tadikakana baine kirikiri laia tauna na kansol taudia vairadia bae laohaia, bona ia na kava tauna ai baine gwauraia tauna na gehena lahina ai bainela.²³Una dainai, emu boubou gauna pata helagana ai bavatoa negana ai na bahelaloune takikakamu enai mai emu kerere. ²⁴Emu boubou gauna pata helagana vairanai ba rakatania baola tadikakamu ida baherohemaino guna, gabe amo ba lou lao emu boubou gauna pata helagana latana ai bavatoa.²⁵Oi e hadikamu tauna ida bae herohemaino haraga hahemaoro dalana ai doini o rakamu negana ai e hadikamu tauna ese ahemaoro tauna imana ai baine atomu na garina. Hahemaoro tauna ese dibura ruma inarina tauna imana ai baine atomu na garina, dibura ruma inarina tauna ese dibura rumana lalonai baine koumu na garina. ²⁶Na hamaoromu momokanimu unu amo basio raka lasi ela bona davana bahagugurua lao.²⁷Vada o kamonai, guna taudia e hamaorodia eto basio heuda hanai. ²⁸Na hamoromuimu, tau ta ese ahine ta baine raraia bona baine gahusia ia lalonai na heuda hanai mia.²⁹Matamu idibana ese baine hahekwakwanaimu na ba giboa lasi, ba negea badina be taumu regena ta baine boio be namo, a taumu idoinai lahi ai bae tahoa dobi na dika. ³⁰Eiava imamu idibana ese baine hahekwakwanaimu, na ba utua oho, ba negea badina be taumu regena ta baine boio be namo, a taumu idoinai lahi ai bae tahoa dobi na dika.³¹E hamaorodia danu eto, adavana baine hadihoa tauna ese hahediho revareva na baine henia. ³²A lau ese na hamaoromuimu, tau ta adavana dia heuda hanai hahinena to baine hadihoa, ia ese heuda hanai hahinena ai baine halaoa, bona una hahine ma baine adavaia tauna na heuda hanai tauna.³³Vada o kamonai, guna taudia e hamaorodia eto, basio gwauhamata koikoi, a emu gwauhamata Lohiabada enai ha hamomokanai. ³⁴A lau ese na hamaoromuimu, basio gwuahamata lasi ona lasi vaitanai, dia guba ladanai, badina be ia na Dirava ena terona. ³⁵Dia tanobada ladanai badina ia na aena edia moi-tao gauna, dia Ierusalema ladana ai badina ia na pavapava hereana ena hanua.³⁶Oi kwaramu basio gwauhamata laia badina huimu tamona ihakurokurona eiava ihakoremana na asi dibamu. ³⁷Badina be em hereva ba gwaurai, oibe-oiba bona lasi-lasi, ini e herevamu herevana na tau dikana ena amo.³⁸Vada o kamonai e hamaorodia eto, mata davana vada mat, ise davana vada ise. ³⁹A lau ese na hamaoromuimu, dika tauna basio gwaua tao ia ese medemu idibana baine pataia, laurina danu ba henia.⁴⁰Tau ta ese baine hahemaoro henimu emu dabua iabina dainai emu rami danu ba henia. ⁴¹Eiava tau ta ese baine haganimu kilomita ta ba raka, kilomita iharuana danu ia ida ba raka hebou. ⁴²Noinoi tauna na ba henia bona emui ai baine abi-torehai e tomu tauna na basio lulua.⁴³Vada o kamonai e hamaorodia eto, dekemui tauna ba lalokau henia e inaimu ba inai henia. ⁴⁴A lau ese na hamaoromuimu, inaimui ba lalokau henidia, bona bae dagedage henimui taudia daidiai ba guriguri. ⁴⁵Unu amo tamaui guba ai e nohomu na natuna ai baola, badina be ia ese ena dina na kara dika taudia bona kara namo taudia latadiai e hatataia dae rohamu, medu danu kara maoromaoro taudia bona kara kerere taudia latadia ai e hadihoamu.⁴⁶Una dainai e lalokau henimuimu taudia mo ba lalokau henidia, davamui be dahaka bavabia? Tax gogo taudia na unu asie kara tomava a? ⁴⁷Bona tadikakamui mo ba hanamodia, emui namo be dahaka? Idau bese taudia na, unu asie kara tomava a? ⁴⁸Badina umui na ba goevadae, tamamui guba ai e nohomu na e goeva daemu na heto.Translation done by: Dk. Karoho Kila, completed on Sunday (16/04/23), time: 10.30 pm.

Chapter 6

¹Nahuamui ba toho emui kara maoro-maoro taunimanima vairadiai basio kara, bae itamui helaoreana. Unu ba kara toma to asi davamui Tamamui Guba ai e nohomu ena mo. ²Badina be harihari gaudia ba heni negana ai na vairamu ai kibi basio hiriria, koikoi taudia ese dubu ai bona ariarai e karamu na heto. Taunimanima ese bae heatolaidia helaoreana. Na hamaoromui momokanimu, davadia vada eabi.³A harihari gaudia ba heni neganai na imamu laurina ese idibana ena kara basine diba.⁴Badina be emu harihari baine hehuni, bona Tamamui na gau hehunidia e itamu davana baine henimu.⁵Ba guriguri negadia ai, koikoi taudia basio toho-tohodia, badina be idia na e uramu dubu ai bona ariara daigunidia ai ginidia ai bae gurigri. Taunimanima ese bae itadia totona na hamaoromui momokanimu, davadia vada e abi. ⁶A oina ba guriguri negana ai na emu daiutu lalonai ba raka vareai iduarana ba koua ahu, Tamamu na gabu hehunina ai ba noinoi henia bena Tamamu na gabu hehunidia e itamu, davana baine henimu. ⁷Ba guriguri negadia ai basio gwau lou-gwau lou bese idaudia na heheto badina be idia na e tomamu edia hereva momo daidiai baine kamonaidia.⁸idia ida basio hegeregere, badina be Tamamui na dibana dahaka gau dahaka gau ai o dabumu, do asio noinoi heniamu negadia ai. ⁹Badina be, ini ba guriguri toma:Tamamai e, guba ai o nohomu,oi ladamu baia hahelagaia,¹⁰Emu basileia bainema.Emu ura tanobada ai baia karaguba ai e karamu na heto.¹¹Hari dina ai amai bame henimai.¹²Emai dika ba gwau tao, ai ese eha-dikamaimu edia dika a gwau taomu na heto. ¹³Hedibagani ai basio hakaumai vareai, a dika amo ba hamaurimai.¹⁴Badina be umui ese taunimanima edia dika ba gwau tao. Tamamui guba ai e nohomu ese emui dika baine gwau tao. ¹⁵A umui ese taunimanima edia dika basio gwau tao, Tamamui ese emui dika basine gwau tao.¹⁶Bavani vaga negadia ai basio vaira hua, kokoi taudia hegeregeredia badina be vairadia e hadikamu edia anivaga toadia na taunimanima ese bae ita e tomamu. Na hamaoromui momokanimu, davadia na vada eabi. ¹⁷A oina bavani vaga negadiai na kwaramu ba horoa, vairmu danu ba huria.¹⁸Bena taunimanima na basie diba oi anivagamu, a tamamui na gabu hehunidia ai baine diba, bena tamau na gabu hehunina e itaiamu, davana baine henimu.¹⁹Emui kohu na ina tanobada ai basio habou, iniseni ai pitopito bona hogoghogo ese e ani oremu, iniseni ai danu henao taudia ese ruma e dareamu. ²⁰A emui kohu na guba ai ba habou, unuseniai pitopito bona hogohogo ese asie ani oremu, iniseni ai, danu henao taudia ese ruma asie daremu, asie henaomu. ²¹Badina be emui kohu e miamu gabuna ai, lalomui danu unuseni mia.²²Tau-anina ena lamepa na mata, una dainai, matamu baine namo, taumu anina idoinai baine diarai. ²³A matamu baine dika, taumu anina idoinai baine dibura, una dainai, diari na oi lalomu ai baine dibura, hari dibura na dahaka bada. ²⁴Asi tauna ta ese biagu rarua isiaidia baine lao heni diba, badina be ta baine inai henia. Ta be baine lalokau henia: eiava ta baine badinaia ta be baine dadaraia. Dirava bona taga isiaidia basio lao heni diba.²⁵Una dainai na hamaoromuimu. Lalomui na basie hekwarahi dahaka bavania, eiava dahaka ba inua eiava dahaka ba hahedokilaia. Mauri ese aniani se hereaiamu a? Tau-anina ese dabua se hereiamu. ²⁶Atai manudia idia na asie hadohadomu, asie taboromu. Roge ai asie haboumu a Tamamui Guba ai e nohomu ese e ubudiamu. Umui ese idia asio hereadiamu a?²⁷Umui daika ena lalo-hekwarahi amo tauna anina sisina taina mo baine halataia diba? ²⁸Bona lalomui basie hekwarahi dabua daidiai tano heraheradia ba haero. Ede e vara tomamu: asie gaukaramu bona asie hatu-hatumu. ²⁹A lau ese na hamaoromuimu. Solomon mai hairaina idoinai ena namo na idia ida asie hegeregere.³⁰Benaini, tano avadia, harihari mimia, kerukeru lahi ai bae taho kau. To Dirava ese unu eha-hadabualai tomamu be. Ia ese umui danu basine hadabua laimui a? Abidadama maragi-maragi taumui. ³¹Badina bunai, lalomui basie hekwarahi: basioto "Dahaka baia ania?" eiava "Dahaka baia inua? eiava dahaka baia hahedokilaia?³²Bese idau-idau taudia ese unu gau iboudiai e tahumu. A tamamui guba ai e nohomu na mai dibana o dabumu gaudia iboudiai bunu. ³³A umui be iena basileia bona ena kara maoro-maoro ba tahu guna. Bena unu gau iboudiai danu ma baine henimu. ³⁴Lalomui basie hekwarahi kerukeru dainai: kerukeru na sibona baine henari. Dina ta ena dika vada vada davana iena.Translation done and completed by Dkh. Konio Kila on 21/06/23, time: 15:37

Chapter 7

¹Basio hahemaoro, badina be oi danu basie hahemoro henimu. ²Ena be emui hahemaoro hegeregerena ai, oi danu bae hahemaoro henimu, bona emui hahegeregere ai oi danu unu bae hahegeregeremu toma.³Dahaka dainai au tahana maragina oi tadikakamu matana ai oi itaiamu, A oi sodibamu matamu ai be au badana ta? ⁴A ede bamonai tadikakamu unu o hamaoroa tomamu, mani lau ese au tahana maragina matamu amo ai na kokia oho, to ba helalotao au tahana badana na oi matamui ai? ⁵Oina koikoi taumu! A giniguna na oi matamu amo au tahana badana a kokia oho, bena unu amo oi tadikakamu matana ai au tahana maragina baitaia namonamo.⁶Helaga gaudia ta sisia basio henia, bona emu ageva na basio negedia boroma vairadiai, hari be idia ese bae moimoi laidia aedia amo bena ba hegiro bae daremu sisi na garina.⁷Ba noia, baine henimu, ba tahua, bena ba davaria, ba pidipidi, bena baine keho henimu. ⁸Badina be e noinoimu taudia iboudiai ese na e davariamu bona e tahuamu tauna ese na e davariamu, bona e pidipidimu tauna enai baine hekeho. ⁹Unu be ede dia tatau umui padamui ai, unu be daidia natudia parao bema noi, to umui ese nadi boma henidia? ¹⁰A ena be gwarume bema noi, ia ese gaigai bema henia?¹¹Una dainai, bema umui na o dikamu o uramu natumui na gau namodia boma henidia, dahaka gau namodia ouramu tamamui guba ai e nohomu ese bema henimui boma noinoi henia nega? ¹²Ini gau iboudiai, una dainai, ena be oi na taunimanima e uramu gaudia boudiai boma kara henidia taravatu bona peroveta,¹³ikoukou hekahi na ai ba raka vareai, badina be dala lababana bada bona oi baine hakaumu mase gabunai, bona taunimanima momona unu amo e laomu. ¹⁴Badina be dala na hekahi-hekahi bona mauri dalana mai hisihisina, bona gadoi ese una gabu ai e vareaimu.¹⁵Nahuamui ba toho peroveta koikoina garidia, A idia na mamoe na heto, to lalodia na uda sisia dia na heto, ¹⁶A idia huahua dia ai bodibadiamu, taunimanima ese vine na ava ginigini dia asia heboudiamu eiava suke ida, unu bamona? ¹⁷Una hegeregerenai au huahua iboudiai anidia namodia e havaramu, to au huahua iboudiai anidia dikadia e varamu.¹⁸A huahua namodia ese anidia dikadia se havaramu. ¹⁹A huahua iboudiai anidia namodia se havaramu gaudia na ba utudia bae moru bena bae tahodia vareai lahi lalonai. ²⁰Bena ini, oi ese bodibadiamu anidia amo.²¹Dia iboudiai ese ba hereva henigu baeto, 'Lohiabada e, Lohiabada e,' taudia sibodia guba basileiai bae raka vareai, to tamagu guba ai e nohomu sibodia ena ura e karamu taudia mo. ²²Taunimanima momo ese una dinai ba hereva henigu baeto, 'Lohiabada e, Lohiabada e, oi ladamu ai asia peroveta, bona oi ladamu ai lauma dikadia asia luludia, bona oi ladamu ai gau namodia asia karadia a? ²³Bena lau ese baina gwauraida hedinarai, launa asi dibagu umui! dekegu amo a heita, umui na kara dika o hahedinaraiava!²⁴Una dainai, egu hereva e kamonaimu bona e badina dia taudia iboudiai na aonega tauna na heto ena ruma na nadi latanai e haginia. ²⁵Medu e diho bona abata ema bona lai etoa, bona una ruma e hodoa, to una ruma na se moru, badina ia na nadi latanai e haginia.²⁶To egu hereva binai e kamonaimu to karana se karaiamu taunimanima dia iboudia ai na kavakava tauna na heto ena ruma na mirimiri latanai e haginia. ²⁷Medu e diho, bona abata ema bona lai danu etoa bona una ruma eudea, bena e moru e hegigi rohoroho.²⁸Iesu na ena hereva e hadokoa, e hegogo taudia ese ena hahediba herevadia e hoa lai. ²⁹Bena ia ese e hamaorodia mai siahuna ida, bona dia itorena taudia hegeregeredia.Translation done by Ek. Geua Kohu, completed on 30th September, 2022; time: 8.30 pm. Entered into IPAD on the 30th December, 2022, ready for quality checking.

Chapter 8

¹Badina Iesu na ororo amo e hekei, bena hutuma bada na ia murinai e raka. ²Bena Lepera tauna ta ia dekena ela, e toma diho, eto, Lohiabada e, boma ura boma hagoevagu. ³Iesu imana e toia roro, enai e daukau, eto, Lau na uramu agoeva, bena ; lepera tauna vada e goeva⁴ Iesu ese e hamaoroa, eto, tau ta basio hamaoroa, aola hahelaga tauna ese baine itamu bona hahenamo gauna Mose ese e gwauraia hegeregerena na ba henia taunimanima ihadibadibadia.⁵Iesu na Kaperanaum ai e raka vareai. Bena tuari lohiana ta ia dekena ela e noia. ⁶Hereva eto Lohiabada e egu hesiai merona na ruma ai e hekuremu, ia na e padaia, bona tauna eme hisihsi bada.⁷Iesu ese e hamaora, eto baina vasi, bona baina hamauria.⁸A tuari Lohianada e hereva, eto Lohiabada e lau na dia namo be egu ruma ai basio dae kau. Mani a hereva mo, bena egu hesiai merona na aine mauri. ⁹Badina be lau danu haida henudiai, a tuari taudia na lau henigu ai ta baine hamaoroa bainato " Aola," bena bainela ma ta baine hamaoroa, baineto "ina na a karaia, bena bame karaia. ¹⁰Iesu ese una hereva e kamonaia, bena e hoa dikadika; bena ia murinai e raka taudia e hamaorodia, eto Na hamaorumui momokani, abidadama ini hetomana Isaraelaai asine davaria, lasi ona lasi vaitani.¹¹Na hamaoromuimu danu, hutuma na dina dae amo bona dina diho amo baema, Abraham bona Isa'ako bona Iakobo ida bae ege diho, guba basileia na lalonai. ¹²A basielia mauridia korikoridia na murimuri diburana ai bae doridia lasi unuseni ai bae tai gadigadidia bae hahedai. ¹³Bena Iesu ese tuari lohiana e hamaoroa, eto Aola, emu abidadama hegeregerena bavabia, hesiai merona na una hora lalonai vada e mauri.¹⁴Iesu na Petero ena ruma ai e dae kau unuseni ai Petero ravana hahinena e davaria tauna e siahu, e hekure. ¹⁵Imana ai e daukau, bena tauna siahuna e doko bena hahine na e toreisi, ia isiaina e lao henia.¹⁶Adorahi ai, hutuma lauma dikadia ese e bolodia taudia, na ia dekena e hakaudia lao. Bena ena hereva amo ia ese hari lauma dikadia e luludia lasi, boan gorere idau-idau taudia iboudiai danu e hamauridia.¹⁷Unu amo, Isaia, peroveta tauna, ese e gwauraia herevana vada e momokani, eto Ia ese edia manoka-manoka e abi isi bona edia gorere e hua haidia.¹⁸Iesu ese aru taudia e itadia e gini hegiro bena e hahedua, gohu kahana ai bae hanai eto. ¹⁹Bena itorena tauna ta e raka lao, e hereva henia eto hahediba taumu e, emu laolao iboudiai baina bamomu. ²⁰Iesu na e haere, eto, uda sisiadia na mai edia kohua, bona atai manudia na mai edia ruma a taunimanima natuna na asie ena hekwina gabuna.²¹Ena hahediba ta ese danu e hereva henia eto Lohiabada e, mani emu kara tamagu do baina hereva henia guna. ²²Iesu eto murigu ai a raka, mase taudia ese edia mase bae guridia.²³Ia na vanagi auta ai e gui, bona ena hahediba ese e gavaia. ²⁴Gohu amo guba dikadika badana ta e kau, bena hurehure ese vanagi e habubunia, a ia na vanagi murinai mahuta. ²⁵Bena idia, e haoa, eto Lohiabada e ame hamaurimai iboudai baita masemu.²⁶Ia ese e gwau henidia eto abidadama maragi-maragi taumui e, dahaka dainai o garimu? Bena e toreisi, lai bona hurehure e gwau tao; bena e vea vaitani.²⁷Bena idia na e hoa, eto ina lai bona hurehure na erena e kamonaimu tauna be daika.²⁸Unukahai idia na Gadarene tanona ai e hakau, bena lauma dikadia ese e boloa taudia rarua na ia ida e hedavari idia na gara gabudia amo e lasi. Bona e dagedage bada, una dainai taunimanima na una dala amo basie hanai diba. ²⁹Idia raruosi na e lolo, eto Dirava Natuna e dahaka gau emai ai bo karamu? Emai nega be dounu, ihahisimai vada oma a?³⁰Una gabu ai, a taina dauhai, boroma serina badana ta e nuanuava. ³¹Bena lauma dikadia ese e noia eto boma lulumai, boma siaimai boroma lalodiai. ³²Bena ia ese e hamaorodia eto. Aola una dainai, idia na e lasi boroma lalodiai e vareai, bena seri idoinai na hagahaga amo e hekei gohu ai unuseni ai e maloa bou.³³Boroma taudia sivaraidia idoinai e gwauraia hedinarai. ³⁴Una dainai hanua taudia iboudiai e aru ela, Iesu ida e hedavari, e itaia, bena e noia, edia tano amo baine raka oho eto. Translation done and completed by Ek. Davai Heni Lohia on Saturday (20/05/23), time : 7.30 am

Chapter 9

¹Bena Iesu na vanagi ai e gui e hanai ena hanua badana ai. ²Bena pada tauna ta na ia dekena e laohaia geda ai e kurea, Iesu ese idia edia abidadama e itaia neganai, ia ese pada tauna e hamaoroa eto, "Natugu e, na hagoadamumu, emu dika vada eme hegwautao."³Bena Itorena taudia haida na sibodia e hereva-heheni eto, Ina tau na Dirava eha dikaiamu." ⁴A Iesu ese idia lalodia na vada e dibaia bena e hamaorodia eto, "Emui lalohadai dikadia kudoumui ai o haeromu badina be dahaka a?" ⁵Benaini ede na be haraga do baoto, "emu dika na eme hegwautao" eiava "a toreisi a raka a? ⁶A umui ihadibamui dainai Taunimanima Natuna na mai siahuna kara dika baine gwautao ina tanobadai,"... bena ia ese hari pada tauna e hereva henia eto, "A toreisi emu geda a lokua, aola emu ruma."⁷Bena una tau na e toreisi bona e raka oho ena ruma ela. ⁸Taunimanima hutuma ese ina kara e itaia neganai, idia na e hoa bona Dirava e imodaia, ia ese siahu unu hetomana na taunimanima e henidia dainai. ⁹Iesu na e raka hanaiva lalonai ia ese tauta e itaia tax gogo rumanai helai. Ia ese e hamaoroa eto, "Murigu ai ame raka." Bena ia na e toreisi bona Iesu murinai e raka.¹⁰Iesu na ruma ta lalonai e helai baine aniani tax gogo taudia momo bona kara dika taudia danu ema e aniani hebou, Iesu bona ena hahediba memerodia ida. ¹¹Farasea taudia ese e itadia neganai ena hahediba memerodia e nanadaidia eto, "Dahaka dainai emui hahediba tauna na tax gogo taudia bona kara dika taudia ida e anianimu, a?¹²Iesu ese e kamonaia neganai e hereva eto, " Tauanidia mai goadadia taudia na muramura tauna se tahuamu a gorere taudia ese e tahuamu. ¹³A umui na baola ina hereva anina ba dibaia, "Lau na hebogahisi na ura bada heniamu a dia iha-boulaina gaudia. Badina lau nama na dia kara maoromaoro taudia iboiridia a kara dika taudia iboiridia¹⁴Bena Ioane ena hahediba memero na ia dekena ela e nanadaia eto, "Dahaka dainai ai bona Farasea taudia na nega momo ai anivagamu a oi emu hahediba memerodia be lasi, a? ¹⁵Iesu ese e haere henidia eto, "Headava imai henina taudia lalodia na bae taitai badina headava matamata tauna na dounu idia dekediai, ani? A dinadia na e maimu, hari headava matamata tauna na idia edia amo bae abia oho neganai idia na do bae anivaga.¹⁶Tau ta ese dabua matamata seana na dabua gunanai basine bania hebou, badina e bania hebou gabuna amo ma baine hedare neganai una dabua na baine hedare badaherea.¹⁷Eiava taunimanima ese vine matamatana na vine pusena gunana basie seia dobi, badina puse gunana baine hedare neganai vine matamatana na baine hebubu ore bena vine pusena gunana do bae hadikaia. A una gabunai vine matamatana na vine pusena matamatanai ba seia ibalahenina dainai.¹⁸Ia na unu e hamaorodiava lalonai, tau lohiana ta na eme bena vairanai e goru diho, bena eto, "Lau natugu kekenina na vada eme mase, do aoma imamu na latanai ba daukau bena do baine mauri." ¹⁹Bena Iesu na e toreisi ia murina amo ela ena hahediba memerodia danu.²⁰Hahine ta lagani gwauta-rua vada e hisihisi rara moru gorerena amo ema Iesu murinai bena ena dabua dorinai e dauatoho. ²¹Badina ia na sibona vada e hereva eto, "Bema dabuana ai mo do baina daukau lau na ba namo gugurumu. ²²A Iesu na e hegiro una hahine e itaia bena eto, "Natugu e, ba goada, emu abidadama dainai vada ome namo." Bena una hahine e hanamoa guguru una hora ai.²³Iesu na ema una lohia tauna ena ruma neganai ia ese ivilikou e botaia taudia bona aru taudia e helogo-helogova e itadia, ²⁴ia eto, "O raka oho, badina ina kekeni na dia mase, ia na mahuta, to idia ese e kirikiri laia mai hegwau henidia ida.²⁵Aru taudia naruma amo eha rakadia lasi neganai, ia na ruma lalonai e raka vareai bena kekeni imana ai e abi bona kekeni na e toreisi. ²⁶Ina kara sivaraina na e pere rohoroho una gabu idoinai.²⁷Iesu na una gabu amo e raka hanaiva mata kepulu taudia rarua danu ia murinai e raka. Idia na dounu e boi lolo-lolova e tomava. "Davida Natuna e a bogamai hisi. ²⁸Iesu na ruma lalonai e raka vareai neganai mata kepulu taudia raruosi na ia dekena ema, Iesu ese e hamaorodia eto, "Umui ese oha momokanigumu lau ese ini kara na baina kara diba a?" Idia ese e hamaoroa eto, "Oibe, Lohiabada."²⁹Bena Iesu ese matadiai e daukau eto, "Ini danu emui ai baine vara emui abidadama daidiai," ³⁰bona raruosi matadia e papa, bena Iesu ese e gwau auka henidia, eto, "Aitaia, ini gau na ta basio hadibaia. ³¹To ini tatau raruosi na e lasi bena ina kara sivaraina na eha-perea rohoroho gabu idoinai.³²Ini tatau raruosi e raka oho murinai, lauma dika ta ese e rohea mu tauna ta na Iesu dekena e laohaia. ³³Lauma dika na una mu tauna ena amo e lulua lasi neganai, hari tau vada e herevava. Aru taudia na e hoa bada bena eto, "Ina na guna Isaraelai kara ini hetomadia ta asi aitaia." ³⁴To Farasia taudia na e tomava, "Ina na lauma dikadia lohiadia edia amo ia ese lauma dikadia e luludia lasimu."³⁵Iesu na hanua badadia bona maragidia iboudiai ela ia na dounu synagogue lalodiai e hahedibava bona basileia sivarai namona e harorolaiava bona gorere badadia bona maragidia iboudiai e hanamodia guguruva. ³⁶Ia na taunimanima hutuma e itadia neganai e bogadia-hisi badina be asi ihakaudia bona e manoka e kara mamoe asi iregudia tauna na heheto.³⁷Bena ia ese ena hahediba memerodia e hereva henidia eto, "Taboro negana vada eme hegaegae to igau karalaina taudia na dia momo. ³⁸Una dainai taboro Lohiabadana ba noia bena ia ese taboro igaukaralaina taudia haida ma baine siaidia. Translation done by: Ret/Dk. Lohia Gari on Wednesday (16/08/23), time: 6.34 am. Ready for quality checking.

Chapter 10

¹Iesu ese ena hahediba gwauta raruosi e boiridia hegogo bena siahu e henidia lauma dikadia bae luludia lasi, bona gorere iboudiai bona hisihisi iboudiai bae hanamodia.²Hari Apostolo gwaut-ruaosi ladadia bini. Ginigunana be Simona (Iesu ese ladana e hatoa Petero), bona ia tadina Anderea; Iakobo Sebedeo natuna, bona Ioane ia tadina; ³Filipo bona Batelomea; Toma, bona Mataio tax gogo tauna; Iakobo Alefeo natuna, bona Tadeo; ⁴Simona Selote, bona Iuda Isakariota, a ia be Iesu taona itorena tauna.⁵Ini gwauta-ruaosi Iesu ese e siaidia lasi. Ia ese e haganidia, e hereva eto bese idauidau edia dala ai basio raka, bona Samaria edia hanua ta ai basio raka vareai.⁶A aola Isaraela e boio mamoe dia edia ruma; ⁷bona baola, ba haroro bona baoto guba basileia na vada eme kahira-kahira.⁸Gorere ba hanamo, mase ba hatoredia, lepera ba hagoevadia, bona lauma dikadia ba luludia lasi. Vada o abi doa, ba heni doa. ⁹Emui vaina lalodia ai golo, siliva, eiava kopa basio uda. ¹⁰Emu lao ai laolao baegena basio abia, eiava ahedoki rua, eiava sandal, eiava gau haida, a gaukara tauna bema mai heinaruna be namo.¹¹Bema hanua badadia eiava maragidia ai ba raka vareai, taunimanima namona ta ba tahua, bona unuseni ai ba noho ela bona una gabu ba rakatania. ¹²Bema ruma ta ai ba vareai, ba hanamoa. ¹³Bae namo neganai ruma ai ba vareai, emu maino na baine kau ediai, to bema una na dia namo neganai, emu maino na ediai basine mia.¹⁴A daika be oi eabimu dae eiava emu hereva e kamonai, bena emu raka oho una ruma amo eiava una hanua amo, aemu kahuna ba ude-udea. ¹⁵La ese oi na hamaoromu momokanimu, hahemaoro dinana ai una tano na baine dika Sodom bona Gomora hanua na baine dika herea.¹⁶A itaia, lau ese oi na siaimu lasimu mamoe na heto uda sisiadia bogaragidiai, ba heaonega gaigai na heto bona ba manada pune na heto. ¹⁷A taunimanima nahuadia ba toho! Badina be idia ese kansolo vairadiai bae hakaumui, bona idia ese ba dabaimui edia dubu lalonai. ¹⁸Bena bae abimui dubu biagudia, bona pavapava vairadiai bae hakuimui lao lau daigu ai, igwauraigu hedinarai idia vairadiai bona idau taudia vairadiai.¹⁹Bema idia ese bae ruhamui nege, lalomui basie hekwarahi dahaka ba gwaurai, badina be ba gwaurai herevadia na baina henimui una horanai. ²⁰Badina una na dia umui bo herevamu, to una na Tamamui Laumana umui emui amo baine hereva.²¹Kakana ese tadina e hamauria mase amo, bona tamana ese natuna baine hamauria, memero bae tore-isi tamadia bona sinadia bae ala dia mase. ²²Umui na taunimanima iboudiai ese do bae inai henimui lau ladagu dainai. A baine haheauka tauna na dokonai do baine mauri. ²³A bae dagedage henimui hanua ai, hanua ta ba heau lao, a na hamaoromui momokanimu Isaraela hanuadia basio rakatani dia ela bona taunimanima natuna baine lou mai.²⁴Hahediba ese ihadibana basine hereaia, a hesiai tauna ese biaguna basine hereaia. ²⁵Hahediba na ihadibana ida baine hegeregere, bona hesiai tauna na biaguna ida baine hegeregere. Bena idia ese ruma biaguna ladana bae hatoa Beelzebul, a idia ese edia ruma taudia danu unu basie gwaurai dia toma!²⁶Una dainai idia gari dia basio gari, badina be e govadia ahu gaudia do ba hedinarai, bona hehuni gaudia do bae dibadia. ²⁷Dibura lalonai na hamaorolaimuimu herevadia na diari ai ba gwaurai, bona taiamui ai ba kamonai herevadia na ruma guhidia amo ba harorolai dobi.²⁸Taunina ialana mai dibadia a lauma ialana asi dibana tauna na garidia basio gari. A, lauma bona tauanina gehena ai baine aladia mase diba tauna hari garina ba gari. ²⁹Bisini rua be moni maragi-maragi amo bae hoi?A idia ta tano ai basie moru tamamui ena aonega ai. ³⁰A umui na kwaramui huidia iboudiai vada e duhai vaitani.³¹Una dainai basio gari. Umui ese bisini diagau o hereadiamu.³²Una dainai taunimanima vairadiai bae gwauraigu hedinarai taudia iboudiai na, lau ese tamagu guba ai e nohomu varinai baina gwauraidia hedinarai. ³³A taunimanima vairadiai baine goregu tauna na, lau ese tamagu guba ai e nohomu vairanai baina gorea.³⁴Lalomui na basieto maino tanobada ai baina mailaia totona nama. Lau na dia maino asi na mailaia, a dare hari. ³⁵To lau nama na taunimanima ese tamana baine inai henia, bona kekeni ese sinana baine inai henia, bona ravana kekeni na ese ravana hahinena baine inai henia. ³⁶A ruma taudia ese ruma biaguna bae inai henia helaoreana.³⁷A daika ese tamana eiava sinana baine ura henia bada a lau baine ura henigu maragi, tauna na egu ai basine hegeregere; bona natuna maruanena eiava natuna kekenina baine ura henia bada lau baine ura henigu maragi tauna na egu ai basine hegeregere. ³⁸A daika ese ena satauro basine abia isi bona murigu ai basine raka tauna na egu ai basine hegeregere. ³⁹A daika ese ena mauri e abia tarika-tarikamu tauna ese ena mauri baine reaia. A lau daigu ai ena mauri e reaiamu tauna ese mauri baine abia.⁴⁰E abimui daemu taudia ese lau danu e abigu daemu, bona lau e abigu daemu tauna ese e siaigu Diravana danu e abia daemu. ⁴¹A ta ese peroveta tauna e abia daemu badina ia na peroveta tauna ia ese peroveta tauna davana baine abia, bona ta ese kara maoro-maoro tauna e abia daemu badina ia na kara maoro-maoro tauna ia ese kara maoro-maoro tauna davana baine abia.⁴²Daika ese ranu keruma kapusi tamona mo ini maragi-maragidia ta baine henidia ia sibona mo hahediba tauna ta, na hamaoromui momokanimu, ia na davana basine reaia.Translation done and completed by: Dk. Kone Kohu on Monday (10/05/23), time 4.25 pm

Chapter 11

¹Iesu na ela unuseni ai ena hahediba gwauta raruosi e haganidia vaitani, ia na una gabu amo e raka oho edia hanua ai baine hahediba bona baine haroro totona. ²Hari Ioane na dibura rumana ai Keriso ena kara hairaidia e kamonai dia, ia ese ena hahediba rarua ia dekena e siaidia. ³Bona e hamaorodia, eto, "Be maimu tauna na oi a, eiava idauna ta baia tahua?"⁴Iesu ese e haere henidia bona e hamaorodia, eto, vada aolabona ome ita karadia bona ome kamonai hereadia na Ioane ba hamaoroalaia. ⁵Mata kepulu taudia matadia e papa, ae hedairiki taudia e rakamu, lepera taudia na e goevagoevamu, taia kudima taudia na e kamonaimu, mase taudia na e mauri loumu, bona sivarai namo na ogogami taudia e harorolai henidiamu. ⁶Hekwakwanai badina egu ai basine davaria tauna hari namo.⁷A unu tatau e raka oho ai, Iesu ese Ioane herevana e gwauraia matama aru taudia edia, eto. "Umui be dahaka o ita tano gagenai - siriho dorina lai ese e odaia a? ⁸A umui na dahaka o ita ola ai - a tau ta dabu manada-manada dia e hedokilai? Momokani, daika dabua manada-manadadia e hedokilaimu tauna na pavapava edia rumai e nohomu taudia.⁹A umui be dahaka o ita ola ai - proveta tauna? Oibe, lau ese umui na hamoromui, bona peroveta taudia logora e herediamu. ¹⁰Ia buna vada e torea, eto, "A itaia, lau ese egu hereva vada name siaidia vairamui ai, daika ese emu dala baine lailaia emui."¹¹Na hamaoromui momokanimu, hahine bogadia ai e vara taudia iboudiai na ta ese Ioane se heraiamu. A guba basileiana lalonai gabe tauna ese Ioane e hereaiamu. ¹²Ioane Bapatiso negana ema bona harihari, guba basileia vada e dadia, bona dadidadi taudia ese vada e dabaia tao.¹³Badina be peroveta iboudiai bona taravatu e hahedibava ema bona Ioane;¹⁴bona bema umui na ouramu bavabiadae, ia na Elia daika be bema imu. ¹⁵Mai taiana tauna e hakalamu; na baine hakala.¹⁶Ina uru taudia na dadia ida baina hegeregeredia? Idia na maragidia na heto hoihoi gabudiai e helaimu, bamodia e boi henidiamu. ¹⁷Bona e tomu, ai be ivilikou a hataimu emui, bona umui na asio mavarumu. Ai be a rohe-ahumu, bona umui na asio taitaimu.¹⁸Badina be Ioane ema na se anianiva eiava se inuinuva, bona idia e gwauva ia na lauma dikana. ¹⁹A taunimanima natuna ema na e anianimu bona e inuinumu bona idia e tomu, aitaia, ia na ani-dae, ani-dae tauna ona vine ranuna e inua momomu, tax gogo taudia bona kara dika taudia ! A aonega iha momokanina na natuna edia amo e hedinaraimu.²⁰"Una negana ai siahu karadia diagau hanua lalodiai e karava hanuadia na ia ese e gwau hendia, badina be idia na asie helalo kerehaiva." ²¹"Ihabaimui, Koraisina e! Ihabaimui Btersaida e! badina be siahu karadia lalomui ai na karava na Turo bona Sidono lalonai bama kara idia na idau nega ai bema helalokerehai mai dava haida bona mai rahu-rahu dia ida. ²²Na hamaoromuimu, hahemaoro dinana ai Turo bona Sidono bae dika maragi a oi be ba dika bada."²³ Oi danu, Kaperanauma, oi na guba ai bae heabidae a? Oi na bae diho laimu tanobada henunai. Badina be siahu karadia oi lalomu ai na karava na Sodoma lalonai bama kara, ia na bema mia ema bona hari. ²⁴Na hamaoromui hahemaoro dinana ai Sodoma baine dika maragi a oi be ba dika bada."²⁵Una negana ai Iesu eto, "Tmaagu e, guba nona tanobada Lohiana, na hamaoromu, badina be ini gau na aonega taudia bona lalo-parara taudia edia amo vada o huni, a memero karukarudia ediai vada o hahedinarai. ²⁶Momokani, Tamagu e, badina be emu lalo-hadai namona benai. ²⁷Bena Iesu ese taunimanima e hamaorodia, eto, "gau iboudiai na tamagu ese vada e henigu; bona tau ta tamana asi dibana natuna mo sibona bona natuna e uramu baine hahedinarai henia tauna.²⁸Aoma dekegu, tau boera tumui bona maduna metau taumui iboumui ai, aoma lau ese laga-ani baina henimui. ²⁹Egu maduna na avabia bona egu amo ba diba, badina be lau na manada bona lalo-manau taugu, bena laumamui na do bae laga ani.³⁰Badina be egu maduna na haraga bona ihuana danu asi hekwarahina.Translation done by: Dk. Kone Kohu on Monday (03/07/23), time: 1.30 pm. Ready for quality checking.

Chapter 12

¹Una neganai, Iesu na Dina Helagana ai uit umana lalona amo e raka hanaiva. Ena hahediba memero dia na e hitolodia bena uit huahuadia e kinidia bona anidiava. ²A hari Farasia taudia ese e itadia bena Iesu e hereva henia, eto, "Aitaia emu hahediba memero ese e karaiamu karana dia maoro dina helaga ai."³A Iesu ese e hamaorodia, eto, "Umui ese asio duahia Davida be dahaka e kara e hitoloa neganai, ena memero ida, a?" ⁴Ia na Dirava ena ruma ai e raka vareai parao eabia bena e aniani ena memero ida, una na dia maoro ia bona ena memero ida bae ania, a helaga taudia sibodia mo adia.⁵Eiava, umui ese dina helaga taravatuna ai asio duahia, dubu lalonai dina helaga na helaga taudia ese e hahelagaiamu to idia asi edia kerere, a? ⁶A na hamaoromuimu, dubu helaga e hereiamu tauna na hari iniseni.⁷Bema umui ese ina hereva anina boma dibaia, "Lau na hebogahisi na ura heniamu bona dia ihaboulaina karadia" neganai, umui ese asi edia kerere taudia dikadia basioma gwaurai. ⁸Badina be Taunimanima Natuna na dina helaga Lohiabadana."⁹Bena Iesu na una gabu e rakatania bona ela edia dubu lalona. ¹⁰Unuseni ai, ima heveri tauna ta e davaria. Farasia taudia ese Iesu e nanadaia, eto, "Ina maoro dina helaganai gorere tauna ta ba hanamoa, a?", bona unu amo idia ese ia ihabadelaina ta ba karaia.¹¹Iesu na e haere eto, "Umui padamui amo, daika na, bema ena mamoe tamotamona na dina helaganai bema moru guri lalonai, ia na basinema dau-henia bena basinema veria-isi diba, a?" ¹²Edena be hereadae, benaini, tau ese mamoe na e hereaimau! Una dainai, ina na maoro kara namona ikarana dina helagana ai."¹³Bena Iesu ese ima heveri tauna e hamaoroa eto, "Imamu na atoia roro." Ia imana e toia roro, bena imana vada e namo guguru, hari imana namona kahana hegeregerena. ¹⁴A Farasia taudia na e raka oho bon e hebouva ia bae alaia mase dalana e tahuava.¹⁵A Iesu na mai dibana dainai, ia na una gabu amo e raka-oho. Hutuma bada na ia murina ai e raka, bena ia ese mai edia gorere taudia iboudiai e hanamodia guguru. ¹⁶Ia ese e haganidia, ia na idia ese basie hahedinaraia, ¹⁷bena ina na do baine momokani, Isaia peroveta tauna ena amo e hereva, etomu,¹⁸"A itaia, lau egu hesiai merona, lau ese vada na abiahidi, egu lalokau tauna, lau lalogu ese e lalonamo heniamu. Lau Laumagu na latanai baina atoakau, bona ena hahemauri na Idau Bese taudia ediai baine gwauraia hedinarai."¹⁹"Ia na basine gugu, eiava basine tai lolo; eiava danu, ta ese gadona basie hakalaia, ariara ai." ²⁰Ia ese e haberoa avana ta basine hakwaidua, lahi mai kwalahuna basine habodoa, ela bona hahemauri ai baine kwalimu, ²¹bona ia ladanai Idau Bese taudia helaro do bae abia."²²Bena mata kepulu bona mu, lauma dika ese e rohea tauna ta na Iesu dekena e laohaia. Ia ese hari tau na e hanamoa guguru. bena e hahedinaraidia una tau na e hereva bona e roharoha. ²³Taunimanima iboudiai na e hoa bona eto, "Ina tau na dia Davidia natuna, a?'²⁴A Farasia taudia ese ina hereva e kamonaia neganai, idia na e hereva eto, "Ina tau ese lauma dika na se luludia ohomu, to Bealzebul lauma dikadia lohiana sibona ese mo." ²⁵A Iesu ese lalodia vada e dibaia, bena e hamaorodia eto, "Basileia iboudiai sibodia e haheparara neganai e makohi rohorohomu, bona hanua-ta eiava ruma ta sibodia bae haheparara neganai basine gini auk."²⁶Bema Satani ese Satani baine lulua-oho neganai, ia na sibona e hahepararamu. Bena edena dala ai ena basileia na do baine gini? ²⁷Bona bema lau ese Beelzebul ena lauma dikadia na luludia-ohomu neganai, umui natumui ese be daika ladanai do bae luludia-oho a?"²⁸A bema launa Dirava Laumana ena amo lauma dikadia na luludia-ohomu neganai, Dirava ena basileia na umui lalomui ai vada eme kau. ²⁹Eiava, edena dala ai tau-ta na una goada herea tauna ta ena ruma ai baine vareai bena ena kohu baine henao, to ia na una goada tauna do asine guia guna neganai, a?" Bena unu amo ruma kohudia baine henao una ruma amo. ³⁰Tau-ta dia lau ida na lau e laogu ahumu, bona lau ida asia gogomu tauna ese e gigidia rohorohomu.³¹Una dainai na hamaoromuimu kara dika bona ere dika taunimanima ediai iboudiai na do bae hegwa-tao to Lauma e ere dika heniamu tauna ena dika na do basine hegwau-tao diba. ³²Daika ese Taunimanima Natuna baine hereva dika henia tauna ena dika na do baine hegwau-tao, to daika ese Lauma Helaga baine hereva dika henia tauna ena dika na basine hegwau-tao ina nega ai eiava do bainema negana ai.³³Au ta na ba hanamoa bona ia huahuana danu do bae hanamoa, eiava au ta na ba hadikaia, bona huahuana danu bae hadikaia, badina be au na huahuana ese do baine hahedinaraia. ³⁴Umui na gaigai natudia, doini mai dikamui ida taumui, benaini, gau namodia be ede ba herevalai toma, a? Badina be lalo ena honuhonu-dae amo udu na e herevamu. ³⁵Tau namona ese lalonai e haboumu gaudia namodia amo gau namodia e havaramu. Bona dika tauna ese lalonai e haboumu gaudia dikadia amo gau dikadia e havaramu.³⁶Lau ese na hamaoromuimu, hereva dikadia ba hereva-lai taudia na hahemaoro dinana ai do bae hahemaoro henidia. ³⁷Badina be emu hereva ese do baine hanamomu, bona emu hereva ese do baine hadikamu.³⁸Bena Itorena taudia haida bona Farasia taudia ese Iesu e haere henia, eto, "Hahediba tauna e, ai na auramu toa ta baia itaia oi emi amo." ³⁹A Iesu ese e haere henidia, eto, "Uru dikana ma heudahanai na ida, ese toa ta o tahuamu. A lau ese toa ta basina hedinaraia, to toa tamotamona na Iona peroveta ena toa mo." ⁴⁰Badina be Iona na dina toi bona hanuaboi toi Lakara dono-dono bogana ai e noho, "Unu hetomana Taunimanima Natuna danu dina toi bona hanuaboi toi tano lalonai do baine noho."⁴¹Nineva taudia bona ina uru taudia ida hahemaoro vairanai do bae gini hebou bona bae dunia-dae. Badina Iona ena haroro amo idia na e helalo-kerehai, bona aitaia Iona e hereia tauna na umui ida iniseni ai."⁴²Diho kahana amo pavapava hahinena na ina uru taudia ida bae gini tore hahemaoro dinanai bena bae dunia-dae. Ia na tanobada kahana amo ema Solomona ena aonega herevadia iha-kalana totona, bona aitaia Solomona e hereiamu tauna an umui idia iniseni."⁴³Lauma dikana ta na tau ta ena amo e raka oho neganai, ia na asi ranuna tanona amo e hanai lagana baine ani gabuna e tahuava, to gabu ta se davaria. ⁴⁴Bena e hereva eto, "Na rakatania rumana baina lou henia." Bena ruma e lou henia bona e davaia una ruma na asi tauna, bona e itaia ruma lalona na e daroa goeva-goeva, bona lalona kohuna iboudiai na e atodia namonamo. ⁴⁵Bena ela bona lauma dika hereadia hahitu e hakaudia bona una ruma lalonai e vareai, unuseni ai bae noho. Bena una tau ena noho maurina na e dika herea dia e noho matava na hegeregerena. Unu hetomana hegeregerena ina uru dikana enai danu baine heto.⁴⁶Iesu na dounu aru taudia e hereva henidava lalonai, ia sinana bona tadina memerodia na e ginidae, ia e tahuava bona baine hereva henia dainai. ⁴⁷Tau ta ese Iesu e hereva henia, eto, "Aitaia, oi sinamu bona tadimu na gigini oi e tahumumu bona ba hereva henimu."⁴⁸A Iesu e haere bona eto, "Lau sinagu be daika, bona lau tadigu be daidia? ⁴⁹Bena imana e toiaroro ena hahediba memerodia ediai bona eto, "Aitaia, lau sinagu bona tadigu be unu idia."! ⁵⁰"Badina be lau Tamagu guba ai e nohomu ena ura e karamu taudia, idia na lau tadigu, lau taihugu bona lau sinagu."Translation done by: Ret/Dk. Lohia Gari, completed on Monday (11/04/23), time: 11.30 pm, ready for quality check.

Chapter 13

¹Una dainai, Iesu na ruma amo e raka lasi bona kone ai e helai diho. ²Aru taudia hutuma danu ia ida e hebou, bena ia na vanagi ta ai e gui bona e helai, hari aru taudia hutuma be kone ai gigini.³Bena Iesu ese sivarai hegeregeredia momo eha moro-laidia. Ia e hereva, eto, "A hakala, uhe ihadona tauna na ena uhe ihadodia ela. ⁴Uhe na e gigidiava bena uhe haida na dalai isenai e moru, bona manu roho na ema bena e anidia ore. ⁵Uhe haida be nadi ai e moru. Tano na severa-severa dainai nega tamonai e tubu (vara) badina tano na dia uduna dainai. ⁶Bena dina e dae neganai, vada e marai badina asi ranudia dainai e kakoro.⁷Uhe haida be au-ginigini latadiai e moru. Au-ginigini e vara neganai eha-oredia. ⁸Uhe haida be tano namonai e moru, huahuadia e dobi, haida be nega sinahu-ta, haida be tauratoi-ahui ta, bona haida be toi-ahui." ⁹"Mai taiana tauna na baine hakala."¹⁰Ena hahediba memero na ema bona Iesu e hereva henia, eto, "Dahaka dainai aru taudia na sivarai hegeregeredia amo o hereva henidiamu?" ¹¹Iesu e haere eto, "Guba basileia herevadia hehunidia vada eme henimui bona do ba lalo parara, to idia ediai na asie henidia." ¹²Badina be daika mai ena tauna na momo ma baine henia, bona enai na baine momo herea. A daika asi ena tauna na enabe mai ena, to ena amo do bae abia oho.¹³Una dainai, sivarai hegeregeredia amo na hereva henidiamu. Enabe idia na e roharohamu to asie e itamu, bona enabe idia na eha-kalamu to asie kamonaimu, eiava asie lalo-pararamu. ¹⁴Idia ediai, Isaia peroveta tauna ena peroveta herevana vada eme momokani, etomu, "Umui na momokani do ba-hakala, to basio lalo-parara, umui na momokani do ba itaia, to basio lalo parara."¹⁵Badina be idia lalodia na valahu-valahu bona ediai iha-kalana na auka, bona matadia amo asie itamu, eiava taiadia amo asie lalo-pararamu, unu amo idia ese ba lou henigu bena lau ese do baine hanamodia!¹⁶A umui matamui na nanamo, badina o itamu dainai, bona taiamu na nanamo, badina o kamonaimu dainai. ¹⁷Momokani vaitani na hamaoromuimu unu peroveta taudia momo bona kara maoromaoro taudia na e urava ini o itamu gaudia bema ita, bona asie itadia. Idia na e urava ini o kamonaimu herevadia bema kamonai to asie kamonaidia.¹⁸A hakala ina uhe ihadona tauna ena uhe e gigi rohoroho sivaraina hegeregerena. ¹⁹Ta ese basileia sivaraina e kamonaiamu to asine lalo-pararamu neganai, hari tau dikana e maimu bona lalonai e hadoa uhena e abia ohomu. Una na dala isenai e hadoa uhena.²⁰Nadi tanona (tano aukana) latanai e moru uhena be tauta hereva na e kamonaiamu bena e abiadae haragamu mai moalena ida. ²¹To ia lalona na asi ramuna dainai bena asine mia daudaumu. Dagedage bona hisihisi e kaumu badina una hereva dainai, ia na nega tamona e morumu.²²Una au-ginigini padadiai e morumu uhena be, tauta una hereva e kamonaiamu to ena mauri ai gau idau-idau e lalo-hagui laimu bona taga igahusina dainai hari hereva ia enai na eha-oremu, bona huahuana se varamu. ²³Hari tano namona ai e morumu uhena be, tauta ese hereva na e kamonaiamu bena e lalo-parara-laiamu ia na momokani huahuana e varamu haida nega sinahu-ta, haida tauratoi-ahui, bona haida toia-hui.²⁴Iesu ese sivarai hegeregerena ta ma e henidia. Ia eto, "Guba basileia na tauta uhe namona e hadoa ena imea ai na heto. ²⁵A taunimanima na e mahuta lalonai, ia e inai heniamu tauna ema bena ava dikadia uhedia na uit padadiai e hado bona e raka oho.²⁶Uhe matadia na e tubu-isi bona e vara lalonai hari ava dikadia danu padadiai vada e varava.²⁷Imea biaguna tauna ena hesiai memero na ela bona biagudia e hereva henia, eto, baigumai e, oi emu imea ai uhe namona ta asio hadoa, a? "Bena edena dala ai ava dikadia e varamu?" ²⁸Ia ese ena hesiai memerodia eha-maorodia eto, "Inaigu tauna ese vada eme karaia." Ena hesiai memerodia ese e nanadaia, eto, "Oi o uramu ai ese baia veridia oho, a?"²⁹Imea biaguna eto, "lasi. Badina be ava dikadia iveri-ohodiai, uit danu ba verdia-oho na garina." ³⁰Do aine mia, ruaosi a vara hebou, ela bona uit iutuna negana. Uit iutuna horanai, lau ese uit iutuna taudia baina hamaorodia, "Ava dikadia ba veridia-isi guna, ba guidia hebou lahi ese do bae aradia, a uit na ba haboudia egu roge ai bame atodia."³¹Badina Iesu ese sivarai egeregerena ta ma e henidia, eto, "Guba basileia na sinapi nadinadi ta na heto, tau ta ese eabia bena ena imea ai e hadoa. ³²Ina sinapi nadinadina sibona maragi herea au nadinadidia iboudiai padadiai. A ia na e varamu ela bona au bada hereana ta ai e laomu, bena atai manudia na ia rigina ai e helaimu bena laganidia e animu.³³Iesu ese sivarai hegeregerena ta ma e hamaorodia, "Guba basileia na e hatubuamu gauna na heto, hahine ta ese e abiamu bona flaoa nau toi ida e kuia heboumu ela bona ibounai e tubumu."³⁴Ini gau iboudiai na Iesu ese aru taudia na sivarai hegeregerena e hamaorolaidia, bona hereva ta se gwauraia kava, a sivarai hegeregerenai ma e hamaorodia. ³⁵Una na e heato maoro dalanai bona peroveta tauna ena hereva iha-momokanina e hereva neganai, eto, "Udugu na baina kehoa sivarai hegeregerena dalanai. Lau na hehuni gaudia do baina gwauraidia tanobada e hadaia matama negana amo."³⁶Bena Iesu ese aru taudia e rakatanidia bona ruma ela. Ena hahediba memero na dekena ela e hereva eto, mani ava dikadia imea lalonai sivaraina hegeregerena anina boma hadibalaimai." ³⁷Iese e haere eto, "Uhe namona e hadoa tauna be Taunimanima Natuna. ³⁸Imea be ina tanobada, bona uhe namona be ena basileia memero. Ava dikadia be tau dikana natudia, ³⁹bona ena inai ese e hadoa tauna be diabolo. Uit igogona dinana be nega dokona bona uit igogona taudia be aneru."⁴⁰Una dainai, ava dikadia na e haboua heboumu bona lahi ese e aradiamu, nega dokonai danu unu do baine vara toma. ⁴¹Taunimanima Natuna ese ena aneru do baine siaidia bona idia ese kara dika e havaramu gaudia bona kara dika taudia do baine abidia oho ena basileia amo. ⁴²Idia na lahi siahuna lalonai do bae tahodia vareai, unuseni ai do bae tai ganagana bona isedia gadigadidia bae hedai. ⁴³A kara maoromaoro taudia na do bae diari dina na heto Tamana ena basileia lalonai. Mai taiana tauna do baine hakala.⁴⁴Guba basileia na kohu davana gauna ta na heto, tano lalonai e hunia. Tau ta ese e davaria moalena dainai, ela ena kohu iboudiai eha-hoihoi laidia, bona una moni amo una tano e hoia. ⁴⁵Unu hetomana danu, guba basileia na kohu e hoihoi-laimu tauna ta na heto, ageva mai davana bada e tahumu. ⁴⁶Ia ese hari ageva mai davana bada e davaria, bena ela, ena kohu iboudiai na eha-hoihoilai, bena monina amo una ageva e hoia.⁴⁷Ma, guba basileia na reke ta na heto, davara ai e torea, bena gwarume idau idau e gogo. ⁴⁸Reke na gwarume ese eha-honua neganai, haoda taudia ese e veria bona kone kahana. Idia na e helai diho bena gwarume namodia na e habou dakwai ai e udadia, a asi anidia gaudia na e negedia.⁴⁹Nega dokonai danu unu do baine heto. aneru na be maimu bona kara dika taudia na kara maoromaoro taudia padadiamo do baine hapararadia. ⁵⁰Idia na lahi garagarana lalonai do bae tahodia vareai, bae tai ganagana bona isedia gadigadidia bae hedai.⁵¹"Ini gau iboudiai lalomui vada eme parara a? Ena hahediba memero iboudiai e haere, eto, "Oibe." ⁵²Bena Iesu eto, "una dainai itorena taudia iboudiai daika be hahediba tauna ai eha-laoa guba basileia lalonai, ia na ruma ta biaguna na heto, gau matamatadia bona gau gunadia na ena kohu namodia amo e abidia lasimu.⁵³Bena Iesu na ini sivarai hegeregeredia e gwaurai ore neganai, una gabu e rakatania.⁵⁴Bena Iesu na ena hanu kaorikori ai e raka vareai bona taunimanima eha dibadiava edia synagogue lalonai. Unu amo e hedinarai idia na e hoa, bona eto, "Ina tau ena aonega bona hoa karadia be ede amo eabi a? ⁵⁵Ia na dia ruma e karamu tauna natuna, a? Ia sinana ladana dia Maria, a? Ia tadina dia Iakobo, Iosepa, Simona bona Iuda, a?" ⁵⁶Ia taihuna iboudiai na dia ita ida, a? Ini gau iboudiai be ede amo eabi, a?"⁵⁷Idia iboudiai na ia ese eha hekwakwanaidia. A Iesu ese eha-maorodia eto, "Peroveta tauna na mai imatauraina, to dia ena hanua ai bona ena bese lalodiai. ⁵⁸Ia ese hoa karadia momo na asine kara unuseni ai badina asi edia kamonai dainai.Translation done and completed by: Ret/Dk. Lohia Gari on Friday (12/05/23), time: 3 pm.

Chapter 14

¹Una negana ai, Heroda una gabu lohiana na Iesu sivaraina e kamonaia. ²Ena hesiai memerodia eha-maorodia, eto, "Ina na Ioane Bapatiso, ia na mase amo e tore-isi. Una dainai ini siahu na ia ena amo e gaukaramu."³Heroda, ese Ioane na vada e dabaia-tao, e guia bona dibura ruma ai eatoa badina be Herodia ia kakana Pilipi adavana dainai. ⁴Badina Ioane ese eha-maoroa eto, "Ina na dia maoro oi ese ina hahine na bavabia oi emu." ⁵Heroda na e urava ia na baine mase to, ia na taunimanima garidia e gariva, badina idia ese ia na e gwauraiava peroveta tauna ta.⁶A Heroda ena vara dinanai, Herodia natuna kekenina na idia vairadiai e mavaru bona Heroda na e moale. ⁷Davana ihalounai, ia ese kekeni na e gwauhamata henia ia e noiamu gauna do baine henia.⁸Kekeni na sinana ese eha-dibadibaia murinai, ia na eto, "Ioane Bapatiso kwarana na dihu ai bavatoa bena bame henigu iniseni ai." ⁹Hari pavapava lalona na e hisihisi to badina kekeni e gwauhamata henia dainai bona e aniani hebou taudia vairadiai danu dainai, bena e haerevakekeni e noiamu gauna na ba henia¹⁰Ia ese vada e siaidia Ioane Bapatiso kwarana ba utua-oho dibura ruma ai. ¹¹Bena ia kwarana dihu ai e atoa e laohaia kekeni e henia bona ia ese e laohaia sinana e henia. ¹²Bena ena hahediba memero dia ese mase tauanina e abia-oho eha-guria. Una murina ai idia na ela Iesu eha-maoroa lao.¹³Hari Iesu ese e kamonaia neganai, una gabu amo e raka-oho vanagi ai e gui sibona ela gabu gagaena ta. Aru taudia na e kamonai, idia na ia murinai aedia ai e raka hanua badadia amo ela. ¹⁴Bena Iesu na ema bona aru taudia hutuma e itadia. Ia ese e bogadiahisi bona mai edia gorere taudia na eha namodia guguru.¹⁵Adorahi ai, ena hahediba memero na ia dekena ela e hereva, "Ina na tano gagaena dina danu e dihomu. Ini taunimanima na boma siaidia oho. Umui ese aniani ba henidia bae aniani."¹⁶A Iesu ese eha maorodia eto, "Idia na basita siaidia oho. Umui ese aniani ba henidia bae aniani." ¹⁷ Idia ese e hereva henia, eto, Ai dekemai na gau ta lasi, to parao ima bona gwarume rua hona mo." ¹⁸Iesu eto, "A mailaidia lau dekegu."¹⁹Bena Iesu na e hereva aru taudia iboudiai na ba helai diho rei latanai. Ia ese parao ima bona gwarume rua na eabidia. E gaga-isi guba e itaia, e hanamodia, bona ena hahediba memero e henidia, bona idia ese aru taudia e henidia. ²⁰Iboudiai e aniani bona bogadia e kunu - Bena idia ese aniani bahudia e gogodia-lou bosea gwauta-rua e hahonudia. ²¹E aniani taudia iboudiai daha ima, hahine bona maragidia danu.²²Asi vanahana, ena hahediba memerodia na vanagi ai eha-guidia bona e saidia guna gohu kahana baela, a ia be aru taudia do baine siaidia-oho. ²³Ia ese aru taudia e siaidia oho murinai, sibona ela ororo baine haguriguri. ²⁴A hari vanagi na davara bogaraginai hurehure lalonai vada e vareai bona lai na idia varadiai e toa.²⁵Hanuaboi gima negana iha-haninai Iesu na idia dekediai ela davara latanai e raka. ²⁶Ena hahediba memero ese e itaia ia na davara latanai e raka neganai, idia na kudoudia e hetaha, bena eto, "Ina na lauma ta," bona e tai lolo mai garidia ida.²⁷A Iesu ese eha-maorodia, eto, "A boga auka, ina na lau! Asio gari."²⁸Petero e haere, eto, "Lohiabada, bema ina na oi neganai, aha-maorogu dekemu baina raka vasi davara latana amo." ²⁹Iesu eto, "Aoma." Bena Petero na vanagi amo e diho bena davara latanai e raka Iesu e laohenia. ³⁰To Petero na lai e toa bona e itaia neganai, ia na e gari. E moru matama lalonai e tai lolo, eto, "Lohiabada e, aha-maurigu!"³¹Nega tamona Iesu na e daulao imana ai e abi, bona e hereva, eto, "Abidadama maragi taumu, dahaka dainai o daradaramu, a?" ³²Bena Iesu bona Petero na vanagi ai e gui neganai, hari lai e toa vada e ore. ³³Bena hahediba memero ese vanagi ai Iesu e tomadiho henia, eto, "Momokanai, oi na Dirava Natuna."³⁴Idia na e hanai Genesareta tanona ai. ³⁵Una gabu taudia ese Iesu e itaia neganai, idia ese hereva e siai unu gabu haida taudia danu eha dibadia, bona idia ese gorere taudia iboudiai e laohaidia ia dekena. ³⁶Idia ese e noia ena dabua dorinai bae daukau bena edia gorere amo e namo guguru.Translation done and completed by: Ret/Dk. Lohia Gari on Monday (15/05/23), time: 2 pm

Chapter 15

¹Bena Farasia taudia bona Itorena taudia na Iesu dekena ema Ierusalema amo, eto, ²"Dahaka dainai oi emu hahediba memerodia ese ai senemai edia hahediba herevadia e tatadia utumu? Badina be idia imadia na asie huri aniani neganai a? ³Ia e haere, eto, "Benaini dahaka dainai umui ese Dirava ena taravatu o tatadia utumu senemui edia hahediba herevadia amo?"⁴Badina Dirava ena hahegani na etomu, "Sinamui bona tamamui na ba matauraidia, bona "tamana eiava sinana baine ere-dika henia tauna na do baine mase." ⁵A umui na otomu, "Daika ese tamana eiava sinana na eha-maoroamu, baineto, "Dahaka gau heduru lau egu amo umui ese o davarimu na hereahia gauna na Dirava na heniamu. ⁶Una tau ese tamana imatauraina na basine ura. Una dainai Dirava ena hereva na asi anina ai ome halaoa, badina senemui edia hahediba herevadia daidiai.⁷"Umui na koikoi taumui!" Benaini, Isaia ese vada e peroveta-laia eto, ⁸"ini taunimanima ese e matauraigumu ududia bibinadiai mo, a lalodia be dadaudau lau egu amo." ⁹"Idia ese lau e tomadiho henigumu na asi anina, badina be edia hahediba herevadia na taunimanima edia hahegani herevadia mo."¹⁰Bena ia ese aru taudia e boiridia kahi, bena eha maorodia, eto, "Ba hakala bona ba diba." ¹¹"Asi gauna ta udu amo e vareaimu ese una tau eha-miroamu, a udu amo e lasimu gauna ese una tau eha-miroamu."¹²Bena hahediba memero na Iesu dekena ela bona eha-maoroa eto, "Oi mai dibamu ini Farasia taudia na eme hekwakwanai oi emu hereva ome gwaurai neganai, a?" ¹³Iesu e haere eto, "Hado hado audia iboudiai Tamagu guba ai e nohmu ese asie hadodia na do ba ragadia." ¹⁴"Idia na sibodia bae noho, idia na mata kepulu taudia iha-kaudia taudia. Bena mata kepulu ta ese mata kepulu ta baine hakaua neganai, idia na guri lalonai do bae moru."¹⁵Petero ese Iesu eha maoroa eto, "Ina sivarai hegeregerena anina mani aha maoromai." ¹⁶Iesu eto, "Umui danu doini asi odibamu, a?" ¹⁷"Umui na doini asio itaiamu, una taunimanima uduna amo e anianimu gauna na e dihomu boganai, bena inegena gabuna amo eha-lasimu ani?"¹⁸"A udu amo e lasimu gaudia na lalo amo e maimu. Unu gaudia ese tau ta na eha miroamu." ¹⁹Badina be lalo amo e lasimu gaudia na lalohadai dikadia, ala ala, heuda hanai, mata bodaga karadia, henao-henao, habade koikoi, bona heuduguirai. ²⁰"Ini gau ese tau ta na eha miroamu. A aniani dainai imana asine hurimu ese tau ta na se hamiroamu."²¹Bena Iesu na una gabu amo e raka-oho ela Turo bona Sdono tanodia. ²²Bena Canaan hahinea ta unu kaha amo ema, e lolo eto, "A bogagu-hisi, Lohiabada e, Davida Natuna! Lau natugu kekenina na lauma dikana ese e rohea dikadika." ²³A Iesu na se hereva, ena hahediba memero ese e noia, eto, "Ina hahine na a siaia-oho badina be ita murida amo e maimu mai lolona ida."²⁴a Iesu na e haere, eto, "lau e siaigu na dia haida daidiai, to Isaraela ena rumai boio mamoe dia daidiai." ²⁵A hari hahine na Iesu vairanai e goru diho bena eto, "Lohiabada e a durugu." ²⁶Ia na e haere bona eto, "Ina na dia maoro memero maragidia adia aniani na sisia maragidia na taho henidia."²⁷Hahine, eto, "Oibe, Lohiabada, to sisia maragidia na biaguna ena aniani patana amo e morumu momorudia na dounu e animu." ²⁸Bena Iesu ese e haere henia bona, eto, "Hahine e, emu abidadama na bada herea, ina na baine hekara emu ura hegeregerenai." Hahine natuna na e namo guguru una hora lalonai.²⁹Iesu na una gabu e rakatania bona Galilea gohuna kahana ela. Ororo ai e dae bena unuseni e helai diho. ³⁰Taunimanima hutuma bada na ia dekena ela. Idia ese imadoko bona mta kepulu, ae heveri, bona taia kudima taudia, bona mai edia gorere idauidau taudia na ia dekena e laohaidia. Idia ese Iesu vairanai e atodia bona iboudiai eha namodia guguru. ³¹Bena aru taudia na e hoa, bona e itaia hari mu taudia na e hereva, ima doko, ae heveri taudia na eha namodia, asie raka taudia e raka, bona mata kepulu taudia e roharoha. Idia ese Isaraela taudia edia Dirava e imodaiava.³²Iesu ese ena hahediba memero e boiridia bena eto, "Lau ese aru taudia name bogadia-hisi badina idia na lau dekegu ai dina toi vada eme noho bona asie dia aniani. Lau na asina uramu baina siaidia oho mai hitolodia ida, eiava bae manoridia dala ai." ³³Ena hahediba memerodia ese eha-maoroa eto, "Ne edeseni ai aniani do baita abi ina tano gagenai bona ini hutuma bada be ede baita ubudia toma, a?" ³⁴Iesu ese eha-maorodia eto, "Amui aniani be hida?" Idia eto, "Parao ha-hitu bona gwarume maragidia hoho mo." ³⁵Bena Iesu ese aru taudia iboudiai eha-ganidia bae helai diho rei latanai.³⁶Iesu ese parao hitu-osi bona gwarume e abidia, bona e hanamodia murinai, ia ese e bitudia bona ena hahediba memero e henidia. Ena hahediba memero dia ese aru taudia e henidia. ³⁷Aru taudia iboudiai e aniani bona iboudiai e hegeregere. Bena idia ese e bitudia aniani bahudia na e gogodia bona bosea hitu e hahonudia. ³⁸E aniani taudia iboudiai be daha hani, hahine bona memero maragidia danu idia ida. ³⁹Bena Iesu ese aru taudia e siaidia-oho bona vanagi ai e gui bona Magadan tanona ela.Translated done and complete by : Ret/Dk. Lohia Gari on Thursday (18/04/23), time: 3pm.

Chapter 16

¹Farasia taudia bona sadukea taudia na ia dekena ema bona ia itohona dainai e nanadaia toa ta guba amo baine hahedinaraia. ²A ia ese e haere henidia eto, "Ita eda tano ai bema guba e kaka adorahi kahanai, ita na ta tomamu "Kerukeru nega na do baine namo."³To bema guba na e kaka daba kahanai ita na baita dibamu kerukeru nega be ede bamona, to ina nega ai hari gau matamatadia e varamu ta itadiamu neganai ita na asita dibadiamu. ⁴Kara dika mai heuda-hanaimui ida uruna, umui na toa o tahumu a toa ta na basina henimui, to Iona enai toa mo. bena Iesu ese e rakatanidia bena e raka oho.⁵Ena hahediba memerodia na gabu kahana ema neganai, idia na e helalo-boio parao na asie abikau. ⁶Iesu ese e hamaorodia eto, "Ba helalo tao bona nahuamu na ba toho Farasia bona Sadukea taudia edia parao e ha-tubuamu muramurana dainai. ⁷Hahediba memerodia ese sibodia e haeroa bena eto, "Ina be ita parao asita abikau dainai e herevamu a?" ⁸Iesu na mai dibana bena e haere eto, "Umui na abidadama maragi taumui, dahaka dainai umui na o laloamu badina asi emui parao dainai a?⁹Umui na doini asio lalo-pararamu eiava asio helalo-taomu una parao laima una taunimanima daha ima edia bona bosea hida unu aniani bahudia e gogodia a?" ¹⁰Eiava parao hit taunimanima daha hani edia bona bosea hida unu aniani bahudia o gogodia a?"¹¹"Ede bamona doini asio dibamu lau na dia parao dainai na hereva henimuimu, a? Nahuamui hari ba toho Farasia bona Sadukea taudia edia parao eha-tubuamu muramurana." ¹²Unu amo idia na vada e laloparara ia na dia parao eha-tubuamu muramura na e hereva laiava to nahuadia ba-toho Farasia bona Sadukea taudia edia hahediba herevadia daidiai.¹³Iesu na Kaisarea, Filipi tanona kahanai neganai ia ese ena hahediba memerodia e nanadaidia eto, "Taunimanima be dahaka e gwaumu Taunimanima Natuna be daika?" ¹⁴Idia e haere eto, "Haida na e gwaumu oi na Ioane Bapatiso, haida na e gwaumu oi na Elia, ma haida na e gwaumu oi na Ieremia eiava oi na peroveta tauna ta." ¹⁵ Bena ia ese e nanadaidia eto, "Umui na o gwaumu lau be daika a?" ¹⁶Simona e haere eto, "Oi na Keriso, e maurimu Diravana Natuna."¹⁷Iesu ese e haere henia eto, "Simona Iona natuna e,oi na namo, badina be dia tauani bona rara ese eme hahedinarai henimu, to Tamagu gubai e nohomu ese. ¹⁸Bona ma na hamaoromumu danu oi na Petero, bona ina papapapa latanai lau egu dubu baina haginia. Mase hanuadia ikoukoudia ese basie laomu-ahu.¹⁹Lau ese guba basileia kidia baina henimu. Dahaka gau tanobadai ba guidia gubai danu ba guidia, bona dahaka gau tanobada ai ba ruhadia-nege, gubai danu bae ruhadia. ²⁰Bena Iesu ese ena hahediba memerodia e tamanudia tau-ta do basie hamaoroa ia na Keriso.²¹Una hora ai Iesu Keriso ese ena hahediba memerodia e hamaorodia matama ia na Ierusalema do bainela bona gau momo daidiai do baine hisihisi, dubu lohiadia ese, hahelga taudia ese, Itorena taudia ese bona bae alaia mase, bona dina iha-toinai baine tore-isi. ²²Bena Petero ese eha-kaua tabe bena e gwauhenia eto, "Lohiabada e, ina kara na baine daudau emu amo bona ina na basine vara oi emu ai." ²³To Iesu na e gini hegiro bena Petero e hamaoroa eto, Satani e, murigu kahana aoma. Oi na lau oha-hekwakwanaigumu badina be ini gau lalohadai dia na dia Dirava ena amo to taunimanima edia amo.²⁴Bena Iesu ese ena hahediba memerodia e hamaodia eto, "Bema tau ta euramu lau murigu ai baine raka, ia na sibona do baine hedadarai, ena satauro baine huaia, bena lau murigu ai baine raka. ²⁵Badina be sibona ena ura ai eme mauri baine hamauria tauna na ena mauri do baine reaia, bona sibona ena mauri e reaimu lau daigu ai na mauri do baine davaria. ²⁶Badina bema tau ta ese ina tanobada idoinai baine abia, to ena mauri baine reaia, namona be dahaka? Tau ta be dahaka baine heni ena mauri ihalouna davana, a?²⁷Badina be Taunimanima Natuna na Tamana hairainai do bainema ena aneru logora ida. Bena ia ese taunimanima iboudiai tata ahudia do baine henidia edia kara daidiai. ²⁸Momokani vaitani na hamaoromuimu umui haida o ginimu taumui ese mase na basio mamia ela bona Taunimanima Natuna ena basileia ida bainema do ba itaia.Translation done by Ret/Dk. Lohia Gari, on Friday (14/07/23), time: 7.54am. Ready for quality checking.

Chapter 17

¹Dina taura-toi muridiai, Iesu ese Petero, Iakobo bona Ioane ia tadina sibodia mo eabidia bona ela ororo ai e dae. ²Ia oromana na e idau idia vairadiai. Ia vairana e hururu-hururu dina na heto, bona ena dabua na e kiama-kiama diari na heto.³Bena Mose bona Elia na idia vairadiai e hedinarai Iesu ida e hereva-hereva. ⁴Petero ese Iesu e haere henia eto, "Lohiabada, ina na herea ai danu iniseni. Bema o uramu neganai, lau ese kalaga au-toi aina karadia iniseni ai, ta oi emu, bona ta Mose ena, bona ta Elia ena."⁵Ia na dounu e herevava lalonai ori kiam-kiamana ta ese e govadia ahu bona gado ta ori lalona amo e hereva eto, "Ina na lau Natugu lalokauna, lau ese na lalo-namo heniamu, Ia ba kamonai henia." ⁶Hahediba memerodia e kamonai neganai, e goru-goru diho, bona e gari bada. ⁷Bena Iesu na ela dekedia, e dogodia-tao bona eto, "O toreisi bona asio gari." ⁸Bena matadia e kehodia, to tau-ta asie itaia, Iesu mo sibona e itaia.⁹Idia na ororo amo e dihova ai, ia ese eha-ganidia, eto, "Ina mata-hanai ai ome itaia gauna ta basio hamaoroa ela bona Taunimanima Natuna na mase amo baine tore-isi lou. ¹⁰Ena hahediba memerodia ese e nanadaia, eto, "Benaini, dahaka dainai Itorena taudia na etomu Elia na bainema guna?"¹¹Iesu na e haere eto, "Elia na, momokani do bainema guna, bona gau iboudiai baineme atodia namonamo." ¹²"A lau ese na hamaoromuimu, Elia na vada ema, to asio dibaia, lalona amo, edia ura karana ia enai vada e kara henia. Una dala tamona amo Taunimanima Natuna danu idia ese unu do bae hahisia toma. ¹³Bena hahediba memerodia lalodia na e parara idia na ia ese Ioane Bapatiso e herevalaiava.¹⁴Aru taudia hutuma vairadiai, tau ta na ema ia vairanai e goru diho, ¹⁵bona eto, "Lohiabada e natugu na boma bogaia-hisi badina ia na tororo-tororo gorerena ese e abiamu, bona ena hisi e badamu neganai, nega momo lahi latanai e morumu bona nega momo ranu lalonai e morumu." ¹⁶Emu hahediba memero dekedia danu na laohaia, to asie hanamoa."¹⁷Iesu e haere bona, eto, "Asi emui kamonai bona kara kerere-kerere uruna nega hida lau na umui dekemui name noho, a? "Nega hida umui ida baita haheauka heheni, a? "Mero na a mailaia lau dekegu." ¹⁸Iesu ese lauma dika na e gwau henia, bona ia ena amo e lasi, bona una hora ai hari mero na e namo guguru ena gorere amo.¹⁹Bena ena hahediba memero dia na Iesu dekena ela hehuni, e nanadaia eto, "Dahaka dainai ai ese na asia lulua lasi? ²⁰Iesu ese e haere hendia, eto, "Emui abidadama na maragi herea dainai. Lau ese na hamaoromui momokanimu, bema umui na mai emui abidadama sinapi nadinadina na heto, ina ororo do ba hamaoroa, ini amo a marere aola unukaha, bona ia do baine marere bona gau ta na dia auka umui emui ai." ²¹Benaini, ina gau ilulu-ohona na dala tama lasi a guriguri bona anivaga mo."²²Idia na Galilea ai e nohova lalonai, Iesu ese ena hahediba memerodia e hamaorodia, eto, "Taunimanima Natuna na taunimanima imadia ai do baine henia hanai, ²³bona idia ese do bae alaia mase bona dina ihatoinai do baine tore-isi." Ena hahediba memero lalodia na e hisihisi bada.²⁴Bena idia na Kaperanauma ai e kau neganai, tax gogo tauna na Petero dekena ela, eto, "Emu hahediba tauna ese pene rua tax danu e henimu eiava lasi?" ²⁵Ia e haere eto "Oibe", Petero na ruma e lou henia neganai, Iesu e hereva matama bena eto "Oi be ede bamona o haeroamu, Simona? Ina tanobada pavapavadia ese be daidia edia amo e gogomu, a?" Natudia edia amo eiava haida edia amo, a."²⁶Ia e haere, eto, "haida edia amo." neganai, Iesu ese e hamaoroa eto "Benaini natudia ediai na asi taravatuna!" ²⁷To una na ita ese tax gogo taudia basie kara dika dainai Aola, davara ai kimai ba tahoa, bona gwarume ginigunana ba veria dae. Gwarume uduna na ba kehoa lalonai pene monina ta ba davaria. Bavabia bona tax gogo tauna ba henia, lau bona oi eda."Translation done and completed by: Ret/Dk. Lohia Gari on Thursday (18/05/23), time: 5.30 pm

Chapter 18

¹Una nega ai hahediba na ema Iesu dekena, e tomava, "Bena daika be hereadae guba basileia lalonai?" ²Iesu ese maragina ta e boiria dekena ela, bogaragidiai eha ginia, ³bona eto, "Na hamaoromui momokanimu, ela bona umui na ba helalo-kerehai bona maragidia hetomadia ai bola, umui na guba basileia lalonai basio raka vareai diba.⁴Una dainai, daika baine hahemanau (hahemaragi-maragi) ina maragina na heto, ia na hereadae guba basileia lalonai. ⁵Daika ese maragina ini bamona ta baine abiadae lau ladagu ai lau na eabigudaemu. ⁶A daika ese lau e abiabiraigumu maragidia ta baine hahekwakwanaia, ia na bema namo aiona ai nadi badana ta bae tauadae, bona davara dobuna ai ba hamaloaia.⁷Tanobada madi ihabaina, badina be hekwakwanai gaudia daidiai! Badina unu hekwakwanai gaudia e maimu na bae vara gaudia, a hekwakwanai e havaramu taudia hari madi ihabaidia! ⁸Bema imamu ta eiava aemu ta ese baine hahekwakwanaimu neganai, emu amo ba utua oho bona ba negea. Namona be oi mauri ai ba raka vareai mai imamu dokona bona aemu dokona ida eiava dia namo e ara hanaihanaimu lahinai bae tahomu vareai mai imamu ruaosi bona aemu ruaosi ida.⁹Bema matamu ese baine hahekwakwanaimu neganai, ba veria lasi bona emu amo ba negea. Mai matamu tamona ida mauri lalonai ba raka vareai be namo a gehena lahinai bae tahomu dobi mai matamu ruaosi ida be dia namo.¹⁰Ba henahuatoho ini maragidia ta basio hadikadia. ¹¹Badina na hamaoromuimu gubai idia anerudia na nega iboudiai Tamagu gubai e nohomu vairana e itaiamu.¹²Umui be dahaka o lalomu? Bema tau ta ena mamoe na sinahu-ta, bona tamona bema raka-oho (dobi), bona ia ese unu taurahani-ta-ahui taurahani-ta, basinema rakatanidia ororo ai bona bema lao e raka-oho mamoena bema tahua, a? ¹³Bema ia ese baine davaria neganai, na hamaoromui momokanimu, ia ese baine moale laia bada, a unu nohodia taurahani-ta-ahui ta ediai ena moale be maragi. ¹⁴Unu hetomana, ina na dia Tamamui guba ai e nohomu ena ura ini maragidia ta na baine mase.¹⁵Bema tadikakamu ese baine karadika henimu, baola bona ena kerere na ba hamaoro laia, umui mo raruosi padamui ai. Bema ia ese baine kamonai henimu, oi vada o kwalimu tadikakamu enai. ¹⁶A bema ia na basine kamonai neganai, tau ta eiava tatau rarua ida baola, badina be tatau rarua eiava tatoi ududia amo hereva iboudiai do bae hamomokani.¹⁷Bona bema ia na se uramu idia baine kamonai henidia, ekalesia oreana ba hamaoro laia. Bema ia na dounu se uramu ekalesia oreana baine kamonai henia, ia oi emu ai na idau bese tauna bona tax e gogomu tauna hegeregerena.¹⁸Na hamaoromui momokanimu, tanobada ai ba gui gaudia iboudiai gubai vada e hegui, bona tanobada ai ba ruha gaudia iboudiai guba ai vada e heruha. ¹⁹Na hamaoromui momokani, loumu, bema taumui rarua ese ina tanobada ai lalo tamonai gau ta ba noinoi laia hebou, Tamagu guba ai e nohomu ese vada baine havara henidia. ²⁰Badina be rarua eiava tatoi lau ladagu ai e heboumu gabudia ai, lau na idia dekedekediai.²¹Bena Petero vada ema bona Iesu e hamaoroa, eto, "Lohiabada e, lau be nega hida tadikakagu ese baine hadikagu bona ena dika baina gwaudiatoa? Ela bona nega hitu, a? ²²Iesu ese e hamaoroa eto, "Lau na dia na tomu ela bona nega hitu, a ela bona nega hitu-ahui hitu."²³Una dainai, guba basileia na hanua pavapavana ta na heto e urava ena hesiai taudia edia abitorehai vada baine gogodia. ²⁴Ena gogogogo vada e hematama neganai, hesiai tauna ta vada e mailaia dekena ena abitorehai na moni (talents) daha gwauta. ²⁵To imanai dia hegeregere ena abitorehai ihalouna, biaguna ese e haduaia ia na vada bae hoihoi laia mai adavana bona natudia bona ena kohu iboudiai ida, bona abitorehai davana vada bae heni.²⁶Bena hesiai tauna vada e hetuitui biaguna vairanai, eto, "Biagugu e, nega do boma henigu, bona lau ese gau davadia iboudiai baina henimui." ²⁷Bena una hesiai tauna biaguna ese e bogaiahisi bada, e ruhaia-nege bona ena abitorehai danu e gwautao.²⁸A una hesiai tauna e raka lasi bona bamona hesiai tauna ta e davaria, mai ena abitorehai denarii sinahu ta ia enai. Ia ese e dogoatao, gadona e gigia, eto, "Egu ai o abitorehai davana na a henigu," ²⁹Bena bamona hesiai tauna na ia vairanai e hetuitui bona e noia, eto, "Nega do boma henigu, bona lau ese abitorehai davana baina henimu lou."³⁰A hesiai tauna ginigunana na seura unu baine kara toma. Bena ia vada ela bona dibura ruma ai e tahoa vareai ela bona ena abitorehai davana baine heni lou." ³¹Una dainai, ia bamona hesiai taudia ese dahaka e vara gaudia e ita neganai, idia na iboudiai e badu dikadika. Idia vada ema bona e vara gaudia iboudiai baigudia e hamaorolaia.³²Bena una hesiai tauna biaguna ese e boiria, bona e hamaoroa. 'Oi na hesiai tauna dikamu, emu abitorehai idoinai vada na gwautao badina be o noigu dainai. ³³Oi ese bamomu hesiai tauna danu basioma bogaiahisi, lau ese vada na bogamu hisi hegeregerena.'³⁴Biaguna na e badu bona ihahisihisina taudia vada e henidia ela bona ena abitorehai idoinai davadia baine heni lou. ³⁵Hegeregerena Tamagu gubai ese umui danu unu baine karamui toma. bema umui ta ta ese kudoumui amo tadikakamui edia dika basio gwautao."Translation done by: Mr. Peter English on Friday (18/08/23), time: 6.42pm. Ready for quality checking.

Chapter 19

¹Iesu ese ini hereva e hadokodia neganai, ia ese Galileia vada e rakatania, bona ema Iudea kahana una na Ioridaena Sinavaina unukahanai. ²Hutuma bada ese e gavaia, bona ia ese unuseni ai edia gorere e hanamodia.³Farisea taudia ema ia dekena, ia itohona, e nanadaia eto, "Ina taravatu ai be maoro tau ta ese adavana vada baine hadihoa gau haida daidiai, a? ⁴Iesu e haere bona eto, "umui ese do so duahia una matamana amo e karadia tauna ese na vada e karadia tau bona hahine, a?⁵Ia danu ma eto, 'Badina be inai, tau ta ese tamana bona sinana do baine rakatanidia bona adavana ida bae tamona, bona raruosi vada tauani tamona ai baela. ⁶Unu amo idia na dia rarua, to tauani tamona. Una dainai, Dirava ese dahaka vada e hahekapa na taunimanima ese basine hapararaia."⁷idia ese e hamaoroa, eto, "Vada dahaka dainai Mose ese e haganimai headava ihapararana pepana baia heni bena hahine vada baia siaia oho, a?" ⁸Ia ese e hamaorodia eto, "Emui kodou auka dainai, Mose ese e haduamui adavamui ba hadihodia. A matamana neganai amo dalana na dia unu heto." ⁹Lau ese na hamaoromuimu, daika ese adavana hahinena baine hadihoa, dia heuda-hanai dainai, bona ta ma baine adavaia, ia na e heuda hanaimu; bona tau ese e diho hahinena ta baine adavaia, ia na e heuda hanaimu.¹⁰Hahediba ese Iesu e hamaoroa eto, "Bema tau mai adavana ida ediai na unu heto, headava na vada dia namo." ¹¹A Iesu ese e hamaorodia, eto, "Dia taunimanima iboudiai ese ina ahediba na eabia daemu, a unu e henidia taudia sibodia mo. ¹²Badina be helaga taudia haida na sinadia bogadiamo vada unu evara toma, bona haida be taunimanima ese vada eha helagadia, bona haida be sibodia Guba Basileia dainai sibodia helagadia e gwaurai. Daika ese ina hahediba herevana e abia daemu, vada baine abia dae."¹³Bena natudia maragida haida e mailaidia dekena, imana ai tubuadiai baine daukau bona baine guriguri, a hahediba ese e gwau henidia. ¹⁴A Iesu eto, "Maragidia na aema dekegu, asio luludia, badina guba basileia na ini hetomadia edia." ¹⁵Ia imana maragidia tubuadiai eatodia kau, bona una gabu amo vada e raka oho.¹⁶Aitaia, tau ta Iesu dekena ema, bona eto, "Hahediba tauna e, lau be dahaka namona baina karaia bena mauri hanaihanai baina abia?" ¹⁷Iesu ese e hamaoroa, eto, "Dahaka dainai oi ese o hamaorogumu gau namona be dahaka? Tamona sibona mo namo, a bema ouramu mauri ai ba vareai, taravatu ba badinaia,"¹⁸Tau ese e hamaoroa, eto, "Edena taravatu?" Iesu eto, "Basio ala-ala, basio heuda hanai, basio henaohenao, basi hahebade koikoi, ¹⁹tamamu bona sinamu ba matauraidia, bona dekemu tauna ba lalokau henia sibomu o helalokaumu hegeregerena."²⁰Eregabe tauna ese eha maoroa, eto, "Ini gau iboudiai vada na badinadia. Lau be dahaka ai doini na dabumu?" ²¹Iesu ese e hamaoroa, eto, "Bema oi na ouramu ba goevadae, aola, emu kohu idoidiai ba hoihoi lai, bona ogogami taudia bahenidia, bona oi na mai emu taga gubai; bona baoma, murigu ai ba raka." ²²A, eregabe tauna ese Iesu ena hereva e kamonai neganai, ia na mai lalohisi-hisina ida e raka oho, badina ia na mai ena kohu momo dainai.²³Iesu ese ena hahediba e hamaorodia, eto, "Na hamaoromui momokanimu, taga tauna enai guba basileia lalona vareaina na auka. ²⁴Ma na hamaoromui loumu, kamela enai nila matuna vareaina be haraga, a taga tauna enai guba basileia lalona vareaina na auka."²⁵Hahediba e kamonai neganai, idia na e hoa dikadika, eto, "Vada daika be mauri baine abia? ²⁶A Iesu ese e raraidia bona e hamaorodia, eto, "Taunimanima edai, ina na basine vara diba, a Dirava enai gau iboudiai na bae vara." ²⁷Bena Petero e haere bona e hamaoroa, eto, "Aitaia, ai na gau iboudiai vada a rakatanidia bona oi murimuai vada a raka. Ai be vada dahaka baiabi?"²⁸Iesu ese e hamaorodia eto, "Na hamaoromui momokanimu, laganai ihamatamatana ai Taunimanima Natuna ena hairai bada teronana ai baine helai neganai, umui dadia lau murigu ai o raka taumui, umui danu terona gwauta-rua ai bahelai, Isareala besena iduhu gwauta-ruaosi ba hahemaoro henidia.²⁹Taunimanima iboudiai ese ena ruma e rakatani, eiava tadikakadia, eiava taihudia, eiava tamadia, eiava sinadia, eiava adavadia, eiava natudia, eiava tano lau ladagu dainai, tauna ese sinahu sinahu be abiamu bona mauri hanaihanai be abiamu. ³⁰A hutuma e guna taudia na so bae gabe bona gabe taunadia na do bae guna. Translation done by: Mr. Peter English on Friday (28/07/23), time: 9.30 am. Ready for quality checking.

Chapter 20

¹Badina be guba basileia na tano biaguna ta na heto daika be daba matana ai e raka lasi gaukara taudia e boiridia ena vine imeana ai bae hagaukara. ²Idia ida e gwaubou davadia dina ta silver monina ta, gabeai ia ese ena vine imeana vada e siaidia lao.³Adoata ai ma e raka lasi lou bona gaukara taudia haida hoihoi gabuna ai e gini kava gini kavava ai e itadia. ⁴Ia ese e hamaorodia eto, umui danu vine imeana aola, bona dahaka gau be maoro lau ese baina henimui.⁵Bena idia na ela. Ma e raka lasi lou dina tubua bona dina gelona kahana, bona e kara guna hegeregerena ai ma e kara lou. ⁶Adorahi kahana ai ma e raka lasi lou haida ma e gini kava gini kavava ai e davaridia. Bena e nanadaidia eto, "Dahaka dainai ina dina idoinai ini seniai o gini kava gini kavamu? ⁷Idia e haere eto, badina be tau ta ese asine boirimai! Ia ese e hamaorodia eto, Umui danu vine imeana aola!⁸Dina e diho, vine imeana biaguna ese ena heitatao tauna, e hamaoroa eto gaukara taudia na a boiridia bona davadia ba henidia dokona amo bae hematama ela bona matamana! ⁹Bena adorahi kahanai e boiridia taudia e dae guna ta ta silver monidia ta ta e abi. ¹⁰A ela guna taudia e dae, idia banava eto idia danu silver monidia ta ta e abi.¹¹Davadia eabi neganai, idia ese imea biaguna e maumauraia. ¹²Idia eto, "Gabe taudia bini hora tamona mo eme gaukara, a idia ida ome hahegeregere mai, a ai be dina idoinai ame hekwarahi bona siahuna ese vada eme alamai."¹³A imea biaguna ese idia ta e haere henia bona eto, bamogu, lau ese oi asina hadikamu. Oi lau ida ta gwaubou silver monina ta bavabia ani? ¹⁴Dahaka oiemu na avabia bona emu dala ai aola. Lau na abia baina henimu gabe tauna na henia hegeregerena oi danu unu baina henimu toma.¹⁵Eiava lau asi egu maoro sibogu egu gau egu ura hegeregerena basina karaia a? eiava oi matamu dika badina launa namo a? ¹⁶Una dainai gabe na baine guna, bona guna na baine gabe."¹⁷"iesu na Ierusalema dalana e laova ai, ia ese hahediba gwauta rua e hakaudia siri, bena dala ai e hamaorodia eto, ¹⁸a itaia, ita na Ierusalema ta hadara daemu bona taunimanima Natuna e hahelaga taudia bona itorena taudia be henidiamu idia ediai taona bae torea bona bae alaia mase,¹⁹bona idau taudia bae henidia idia ese bae gonagonalaia, bona bae kanudia, bona bae hasatauroa. A dina ihatoina ai ia na do baine toreisi lou."²⁰A Sebedeo natuna raruosi mai sinadia ida Iesu dekena ela. Hahine na ia vairanai e tomadiho bona gau ta enai e noia. ²¹Iesu ese e nanadaia eto, "Dahaka o uramu? Ia eto" Ahaganigu ini natugu raruosi bini ta imamu idibana ai bona ta imamu laurina ai bae helai emu basileia lalonai.²²A Iesu e haere bona eto, "Oi na asi dibamu oi be dahaka o noimu. Lau baina inua keherena umui ese danu ba inua a? "Idia e haere eto, "baia karaia diba." ²³Ia ese ma e hamaorodia eto, "Egu kehere na do ba inua, to imagu idibana ai bona imagu laurina ai bae helai igwauraidia na dia lau ese baina henimu, a tamagu ese vada eha hegaegaedia taudia na do baine henidia." ²⁴A gwauta-osi e kamonai neganai, idia na tadikaka raruosi na e badu henidia.²⁵A Iesu ese e boiridia bena eto, "Umui dibamui bese idauidau edia lohia ese eha lohiadiamu, bona edia herea taudia ese e haganidiamu. ²⁶A una dala ai unu na basio laloa toma umui bogaragimui ai ini heto, ta umui bogaragimui ai e uramu baine lohia e tomamau ia na isiaimui baine lao heni, ²⁷bona ta e uramu bogaragimui ai baine guna ia na iboumui ai emui hesiai tauna ai bainela; ²⁸Taunimanima Natuna ema na unu heto dia hesiai mo baine lao heni, a isiaidia baine laoheni, bona ena mauri baine heni hutuma baine hamauridia helaoreana."²⁹idia na Ieriko amo e raka lasi negana ai hutuma bada ese ia e gavaia. ³⁰A mata kepulu rarua dala isena ai e helaiva, bena idia ese Iesu e raka hanaiva ai harina e kamonai, e boi dagu, eto, "Lohiabada e, Davida Natune e, ame bogamai hisi." ³¹A hutuma ese e gwau henidia, e hamaorodia basie hereva, to idia na e boi lou, eto "Lohiabada e, Davida Natuna e, ame bogamai hisi."³²Iesu vada e gini bona e boiridia bona e hamaorodia eto, "Dahaka ouramu emui ai baina kara?" ³³Idia eto, "Lohiabada, matamai boma hapapa." ³⁴Bena Iesu ese e bogadia hisi, matadia e dau toho. Una horanai matadia vada e papa; bona ia murinai e raka. Translation done and completed by: RDk. Lohia Kohu on Monday (21/05/23), Time: 11.43

Chapter 21

¹Iesu na ena hahediba ida e raka ela Ierusalema vada e kahirakahira bona Betefage ai e kau, olive ororona badinai, bena ia ese ena hahediba rarua e siaidia guna, ²e hamaorodia eto, vairada hanuana aola bena umui ese una hanuai doniki ta mai natuna ida e kwatudia ai ba davaridia, ba ruhadia bena lau dekegu ba hakaudia mai. ³Bema ta ese gau ta baine hamaoromui neganai, umui ese ba hamaorodia baoto "Lohiabada ese e ura henidiamu, bena una tau ese una horanai baine siaidia."⁴Ina na vada e vara dahaka peroveta tauna ena hereva ihamomokanina eto, ⁵"Siona natuna kekenina a hamaoroa, aitaia, emu pavapava na oi e mai henimumu.⁶Bena raruosi vada ela, Iesu ese e hamaorodia hegeregerenai e kara. ⁷Idia ese doniki bona natuna e hakaudia lao bena edia dabua dorudia ai e atodia bena Iesu latadia ai e helai kau. ⁸Hutuma bada ese edia dabua dala ai e laha, bona haida ese au rigidia au amo e utu bona dala ai e laha.⁹Bena hutuma Iesu vairanai bona murinai e gavaia e lolo isi eto, "hosana Davdia natuna e maimu! Lohiabada ladana ai e maimu tauna aita hanamoa! Atai doriva-dorivana ai hosana! ¹⁰Iesu na Ierusalema ai e kau, hanua taudia iboudiai e herou-heroua bona eto,"Ina ba dahaka?" ¹¹Aru taudia e haere, eto, "Ina na Iesu peroveta tauna Nasareta Galileia amo vada e maimu!¹²Bena Iesu na dubu helaga ai e raka vareai, ia ese hoihoi taudia iboudiai e luludia lasi, moni e senisiva taudia bona pune e hoi taudia edia helai seadia e girodia hanai. ¹³E gwau henidia eto, "Vada e torea, egu ruma na guriguri rumana bae gwauraia, "A umui ese dadidadi taudia edia ruma ai ome halaoa." ¹⁴Bena mata kepulu taudia bona ae hedairiki taudia ia dekena ela dubu helaga ai, bena ia ese e hamauridia.¹⁵A hahelaga taudia bona itorena taudia ese ena hoa karadia e karava e ita, bona memero dubu lalonai ai e lolo bona eto, "Hosana Davida natuna," idia na e badu dikadika. ¹⁶Idia ese e nanadaia eto, "Dahaka e herevamu o kamonaimu a? Iesu ese e hamaorodia eto, "Oibe! ¹⁷Bena Iesu ese e rakatanidia bona hanua badana amo e raka lasi ela Betania ai eha mahuta.¹⁸Daba ai hanua badana e lou henia, ia na e hitoloa, ¹⁹ia ese suke auna ta e itaia dala isena ai, e lao henia a gau ta se davaria rauna mo. Ia ese e hamaoroa eto, "Oi huahuamu basine dobi lou, ela hanaihanai.²⁰Ena hahediba ese e itaia, idia na e hoa dikadika, e hereva heheni eto, :ede bamonai suke eme e marai vairani? ²¹Iesu e haere eto, "Na hamaoromui momokanimu, bema mai emui abidadama bona basioma daradara, hari suke enai e vara hegeregerena mo basioma karaia, a ina ororo danu boma hagania, "ba heraga bona davara ai ba henege dobi, bena unu bema vara toma. ²²Dahaka gau umui ese guriguri ai ba noi mai abidadamamui ida, vada bavabi."²³Iesu na dubu helaga ai e raka vareai, hahelaga taudia badadia bona hanua taudia ia dekena ela, e hahedibava lalona ai, e nanadaia eto, "Edena siahu ai ini gau o kara bona daika ese ina siahu e henimu a? ²⁴Iesu e haere bona eto, "Lau danu umui henanadai ta ai na henimui, bena mani ba haere henigu bena lau danu ini gau na karadiamu siahuna na baina hamaoromui.²⁵Ioane ena bapatiso be ede kahamo ema? Guba amo eiava taunimanima edia amo ema? Sibodia e hereva heheni eto, "bema baita gwaumu guba amo, 'Ia ese be hamaorodamu, dahaka dainai so kamonai heniamu?" ²⁶A bema ita baitato, 'taunimanima edia amo' Aru taudia garidia baita gari, badina be idia iboudiai lalodiai e tomamu Ioane na peroveta tauna," ²⁷Una dainai idia ese Iesu e haere henia eto, "Ai na asi dibamai," bena ia eto, o lau danu ini gau na karamu siahuna na basina hamaorolaimuimu.²⁸A umui dahaka o tomamu? tau ta na mai natuna rarua bena tau guna dekena ela bena eto, "Natugu, aola hari dina vine imeana ai ba hagaukara. ²⁹Ia na e haere bona eto, "lau na basinala," A gabeai lalona e haloua bena ela. ³⁰Bena tau muritai dekena ma ela bona ruma e hamaoroa toma, ia na e haere bona eto, Lohiabada, bainala, A ia na sela.³¹Ina natuna raruosi edena be tamana ena ura e karaia? Idia eto, "tau guna? Iesu ese e hamaorodia eto, "na hamaoromui momokanimu, tax gogo taudia bona ariara hahinedia ese bae gunalaimui Dirava ena basileia lalonai. ³²Badina be Ioane na kara maoromaoro dalana ai dekemui ema, a umui ese na asio kamonai henia. A tax gogo taudia bona ariara hahinedia ese e kamonai henia. A umui, ena be o itaiava, to umui na asio helalokerehai bona asio abia dae.³³Sivarai hegeregerena ta ma a kamonai tau ta, tano biaguna. Ia ese vine imeana ta e hadoa, maguna e ahu, vine imoilaina gurina e geia, hegima kohorona e hagini, bena imea ireguna taudia e habadinalaidia, bena hanua daudauna ta ela. ³⁴Huahua negana vada e kahirakahira, ia ese ena hesiai taudia na imea ireguna taudia dekedia e saidia lao ena vine anidia iabidia totona.³⁵A ime ireguna taudia ese ena hesiai taudia e dabaidia tao, ta e dadabaia, haida e aladia mase bona haida nadi amo e hododia. ³⁶Ma imea biaguna ese hesiai taudia diagau e siaidia a imea ireguna taudia ese kara hegeregeredia ai idia ese e kara henidia. ³⁷Gabeamo, biaguna ese natuna korikorina idia dekedia e siaia lao, eto, idia ese natuna bae matauraia.³⁸A imea ireguna taudia ese natuna e itaia, e hereva heheni eto, dihina binai, aoma aitame alaia mase. ³⁹Bena idia ese e dabaia tao, imea amo e tahoa lasi bena e alaia mase.⁴⁰Hari imea biaguna bainema negana ai, imea iregudia taudia be dahaka baine kara henidia? ⁴¹Lohia ese e haere henia eto, "Ia ese imea ireguna taudia dikadia baine aladia ore bena imea na ireguna taudia idaudia haida baine henidia, bena idia ese huahua negadia ai ena vine anidia ia dekena bae laohai?"⁴²Iesu ese e hamaoridia eto, "revareva helagana lalonai asio duahia a? Ruma ilarebana taudia ese e dadaraia nadina na daiguni nadina ai vada ela. Ina na Lohiabada, ena amo bona matadai ta itaiamu, ta hoamu?⁴³Una dainai na hamaoromuimu, Dirava ena basileia na emui amo do baine abia oho bona huahua baine havaraia besena baine henia. ⁴⁴Daika ina nadi latanai baine moru na baine makohi rohoroho. A tau ta baine kurea tao, baine pata rohoroho gahu na heto.⁴⁵Hahelaga taudia badadia bona Farasia taudia ese sivarai hegeregeredia e kamonai, idia ediba ia ese idia e herevalaidiava. ⁴⁶E hetahuva ia bae dabaia tao, to hma garidia e gariva, badina taunimanima ese e hagoreava ia na peroveta tauna.Translation done by: Ret/Dk. Lohia Kohu Lohia on Thursday (20/07/23), time: 1.30 am. Ready for quality checking.

Chapter 22

¹Iesu ese ma palabore ai e haere henidia eto. ²Guba basileiana na pavapava tauna ta ese natuna dainai aria ta e karaia na heto. ³Ia ese ena hesiai taudia e siaidia baela, e vavedia headava ariana baema taudia bae boiridia, to idia na asie ura baema.⁴Pavapava tauna ese ma ena hesiai taudia idaudia e siaidia, eto, "Na vavedia taudia a hamaorodia, "Aitala, egu aria na vada na hahegaegaea. Boromakau badana bona boromakau natudia baukadia vada e aladia, bona gau iboudiai na vada eha hegaehage. Aoma headava ariana aitala."⁵To idia lalodia na gau idaudia ai bona e raka siri, ta ela ena uma gabudia, ta ma ela ena moni kara gaukarana." ⁶A e vavedia taudia haida ese pavapava tauna ena hesiai taudia na e dabaidia tao, hemarai karadia e kara henidia bona e aladia mase. ⁷Pavapava tauna na e badu bona ena tuari taudia e siaidia, unu e ala-ala taudia na e aladia mase bona edia hanua na e doua.⁸Bena pavapava tauna ese ena hesiai taudia e hamaorodia eto, "Headava gaukarana na vada hegaegae to e vavedia taudia na dia nanamo (hegeregere). ⁹Una dainai aola dala badadia gabudia ai bena taunimanima momo o davaridiamu taudia na ba vavedia, headava ariana baema." ¹⁰Una hesiai taudia na ela dala badadia gabudiai bena unuseni ai e davaridia taudia e haboudia, taunimanima namodia bona dikadia. Una dainai headava rumana e vavedia taudia ese e hahonua.¹¹To pavapava tauna ema bena e vavaedia taudia e itadia neganai, ia ese tau ta e itaia headava dabuadia na se ahedokolaia. ¹²Pavapava tauna ese e hamaoroa, "Bamogu, oi be edena dala ai ome vareai bona headava dabuana danu so ahedokilaia? To una tau na se haere.¹³Bena pavapava tauna ese hesiai taudia e hamaorodia, eto, "Ina tau na aena bona imana a kwatudia bona ba tahoa vareai gabu diburanai, taitai bona ise e ririmu gabuna ai." ¹⁴Badina be taunimanima momoherea vada e boiridia to dia momo e abidia hidi."¹⁵Bena Farasia taudia vada ela, Iesu bae idoaia ena hereva lalonai. ¹⁶Bena idia ese e hadibadibadiava taudia bona Heroda ena orea taudia e siaidia Iesu dekena ela, idia ese Iesu e hereva henia, eto, "Ahediba Taumu e, ai dibamai oi na o momokanimu, bona oi ese Dirava ena dala na hereva momokani ai o hahedibalaiamu. Taunimanima ta ena hereva ese oi asine halalo metaumumu badina be oi ese taunimanima oromadia asio itamu. ¹⁷Una dainai mani a hamaoromai, oi emu lalohadai be dahaka? Sisa "ena tax" bae heni be taravatu dodinai eiava lasi?¹⁸To Iesu ese edia karadika e dibaia bena eto, "Koikoi taumui, dahaka dainai lau o tohogumu? ¹⁹Tax ba heni monina a haheita laigu. "Bena idia ese siliva monina ta Iesu e henia.²⁰Iesu ese e hamaorodia, eto,"Ina na daika laulauna bona daika ladana?" ²¹Idia e haere eto, Sisa, (Kaisara) "Vada Sisa ena gau na Sisa ba henia, bona Dirava ena gau na Dirava ba henia." ²²Idia ese e kamonaia neganai e hoa. Bena idia ese e rakatania.²³Una dina tamonai Sadusis (Sadukea) haida ema ia dekena, idia e gwaumu toreisi lou na lasi. Idia ese e nanadaia eto, ²⁴"Hahedibadiba tauna, Mose eto, "Bema asi natuna tauna ta baine mase, ia varahebouna tauna ta ese adavana na baine adavaia bena taumase natuna baine havaradia."²⁵Ai lalomai ai na varahebou mamaruanedia hitu. Roboana e headava bena vada e mase. Asi natuna dainai. Adavana na tadina ese e davaia. ²⁶Bena tadina danu kakana enai e vara hegeregerena ia ena e vara, ma varahebou tauna ihatoina enai danu, ela bona ihahituna enai danu. ²⁷Idia iboudiai e mase murinai, hahine danu e mase. ²⁸Toreisilou ai, unu varahebou tatau hituosi padadiai be edena tau be una hahine adavana? Badina be idia iboudiai ese e adavaia dainai?²⁹To Iesu ese e haere henidia eto, "Umui na o kerere, badina umui na revareva helagadia eiava Dirava ena siahu na asi dibamui. ³⁰Badina be toreisilou ai headava na lasi, idia na aneru bamodia guba ai.³¹Mase taudia bae toreisilou lalonai, umui Dirava ese ehereva henimui herevana asio duahia, eto, ³²"Lau na Aberahamo ena Dirava, Isa'ako ena Dirava, bona Iakobo ena Dirava? Dirava na dia mase taudia edia Dirava to mauri taudia edia." ³³Hutuma ese ena hereva e kamonai neganai ena hahedibadiba e hoalaidia.³⁴Farasia taudia e kamonai Iesu ese Sadusisi taudia ududia e hakapu neganai, sibodia e hegogo, ³⁵idia ta na taravatu tauna ta ese e nanadaia, baine tohoa totona - ³⁶ahedibadiba tauna, taravatu lalonai hahegani badana be edena?³⁷Iesu ese e hamaoroa, eto, "Lohiabada emui Dirava ba lalokau henia mai kodumui idoinai, bona mai laumamui idoinai, bona mai lalomui idoinai, ³⁸ina na hahegani badana bona ginigunana.³⁹Hahegani iharuana bona unuhetomana - Dekemu tauna ba lalokau henia sibomu o helalokau henimu bamona. ⁴⁰"Taravatu bona peroveta haheganidia iboudiai ini hahegani ruaosi ai e badimu."⁴¹Farasia taudia dounu e hegogo lalonai, Iesu ese e nanadaidia. ⁴²"Umui ese Keriso be ede o laloa tomamu? Ia be daika natuna?" Idia ese e hamaoroa, "Davida natuna."⁴³Iesu ese e hamaorodia, "Matona edena dala ai Davida ese Lauma lalonai e gwauraiamu Lohiabada, etomamu. ⁴⁴Lohiabada ese egu Lohiabada e hamaoroa, "idibagu kahanai a helai, ela bona lau ese inaimu na aemu ihadaina patana henunai baina atodia?"⁴⁵Bema Davidia ese Keriso na e hatoamu 'Lohiabada' edena dala ai ia na Davida natuna?" ⁴⁶Ta ese hereva ta ai se haere henia diba; bena una dina amo ela, ta se urava baine nanadaia.Translation done by: Ev.Ret/Dk. Arua Taravatu on Saturday (15/07/23), time: 9.00am. Ready for quality checking.

Chapter 23

¹Bena Iesu ese hutuma diagau bona ena hahediba memerodia e hereva henidia.²Ia eto, "Itorena taudia bona Farasia taudia na Mose ena helai gabunai e helaimu.³Una dainai dahaka eha-ganilaimuimu na ba karadia bona bavabidia dae. A dia idia edia gaukara dainai ba karadia badina be idia na herevamo e gwauraimu a karadia be asie karamu.⁴Idia ese maduna metaudia bona ihuadia danu metauna taunimanima na eha-hualaidiamu. A idia sibodia ese imadia kwaki-kwakidia amo asie uramu bae abidia-isi. ⁵Idia na euramu taunimanima ese edia gaukara na ba itadia; edia hahelaga dabua dia bagudiai e halababadiamu, edia dabua rimudia danu e habadamu.⁶Aria negadiai helai gabudia badadia e urahenimu bona synagogue ai helai gabudia namodia e urahenimu. ⁷Hoihoi gabudiai idia na e uramu taunimanima ese ba hanamodia-bada, bona ladadia na ba gwauraidia "Rabbi" taunimanima ese.⁸A umui na basie gwauraimui "Rabbi" badina emui hahediba tauna na tamona, bona umui be bamogu veridia. ⁹Bona ina tanobadai ta basio gwauraia Tamagu, badina umui Tamamui na tamona mo guba basileia ai. ¹⁰"Hahediba tauna" ai basie gwauraimui, badina emui hahediba tauna na tamona mo Keriso.¹¹A daika be umui padamui ai na hereadae ia na umui emui hesiai merona. ¹²Sibona e heimodaimu tauna na do baine hahemanau, a sibona e manaumu tauna na do bae imodaia.¹³A umui Itorena taumui bona Farasia taumui madi ihabaimui, koikoi taumui! Umui ese Guba basileia na o laoa-ahumu taunimanima edia amo. Badina umui sibomui danu asio uramu ba raka vareai bona e uramu ba raka vareai taudia o laodia-ahumu. ¹⁴Itorena taumui bona Farasia taumui e koikoi taumui madi ihabaimui!Badina be hahine vabudia edia ruma oha-ogagamidiamu, a emui guriguri na oha-latadiamu taunimanima ikoilaidia, badina benai davana metauna na do bavabia. ¹⁵Itorena taumui bona Farasia taumui koikoi taumui madi ihabaimui! Badina davara bona tano kaukaudia o laomu o uramu tau ta ba helaloa kerehai iabina totona, bena obia ohomu neganai Gehena natuna ai o halaoamu bona umui e hereaimuimu nega harua.¹⁶Hahekau taumui matamui kepuludia ihabaimui! O tomava dubu helaga dainai e gwauhamatamu ta na asi anina. To dubu helaga golo na ai e gwauhamatamu tauna na ena gwauhamata do baine badinaia. ¹⁷Umui na kavakava bona mata kepulu taumui! Edena be hereadae dubu helaga eiava golo una dubu e hahelagaiamu a?¹⁸Bona ma o gwaumu ihaboulaina patanai e gwauhamatamu na asi anina. To latanai mia herahiana gauna ai ena gwauhamata baine badinaia. ¹⁹Umui na kavakava bona mata kepulu taumui! Edena be bada herea herahia gauna eiava ihaboulaina patana una herahia gauna e hahelagaiamu?²⁰Una dainai ihaboulaina patana dainai e gwauhamatamu tauna ena herahia gauna iboudiai daidiai e gwauhamatamu. ²¹Dubu dainai e gwauhamatamu tauna na una dubu lalonai e nohomu tauna dainai e gwauhamatamu. ²²Bona guba dainai e gwauhamatamu tauna na Dirava ena terona dainai bona e helaimu tauna dainai e gwauhamatamu.²³Itorena taumui bona Farasia taumui madi ihabaimui! koikoi taumui! Badina be umui ese minti bona anise bona cummin karoadia oha-gwautamu o harimu to dia taravatu ai kara badadia dalanai - hahemaoro, hebogahisi, bona kamonai ai. A ini gau na umui ese boma karadia bona asio ura ba karadia. ²⁴Umui na hahekau taumui matamui kepuludia o uramu haida ba gunalaidia. Nahuamui ba toho Dirava enai nuru amo dimairi o hadonodiamu bema ranu o inumu ai, to kamelo na oha-donoamu²⁵Itorena taumui bona Farasia taumui, madi ihabamui, koikoi taumui! Badina be umui na kehere bona mereki murimuridia mo hurimu a lalodiai be abi dadidadi bona lebulebu karadiai e honuhonudae. ²⁶Farasia taumui mata kepulu taumui e! Emui kehere bona mereki lalodia ba hagoevadia guna bona murimuridia danu do ba goeva.²⁷Itorena taumui bona Farasia taumui e, madi ihabaimui, koikoi taumui! Badina be umui na eha-kurokuro mase garadia na heheto murimuridia roha kaudia na mai hairaidia, to lalodiai na mase taudia turiada ai e honu bona iboudiai mai mirodia. ²⁸Unu hetomana danu murimuri roharohanai umui na e kara kara maoro-maoro taumui, na heheto, to lalomui na koikoi ese e hahonumui bona dika ai o honuhonudae.²⁹Itorena taumui bona Farasia taumui, madi ihabaimui, koikoi taumui! Badina be peroveta taudia edia oha-ginimu bona kara maoromaoro taudia edia gara o hairaidiamu. ³⁰Umui na otomu, "Bema tamamai negadiai baiama noho ai na peroveta taudia raradia e hadiho taudia ida baiama gini hebou diba. ³¹Una dainai, umui na sibomui o gwau hedinaraimu umui na dia peroveta taudia e aladia maseva taudia natudia.³²Umui ese tubumui tamamui e karava mauridia oha-gugurudiamu. ³³Umui na gaigai, lavara natudia, Gehena hahemaurina amo be ede bo roho mauri tomamu, a?³⁴Una dainai aitaia, lau ese peroveta taudia baina siaidia bona aonega taudia bona Itorena taudia, haida na bo aladia masemu, haida na bo hasataurodiamu, bona haida na bo dadabadiamu synagogue lalodiai bona bo luludia lasimu hanua ta amo hanua ta. ³⁵Bena iha hedinarainai kara maoromaoro taudia raradia ma tano ai baine hebubu na latamui ai baine diho Abela rarana amo ela Barachiah natuna Zechariah rarana daika be umui ese o laia mase, ia na dubu bona ihaboulaina patana padanai oha masea. ³⁶Momokani vaitani na hamaoromuimu ini gau iboudiai na ina uru latanai baine kau.³⁷Ierusalema e, Ierusalema e, oi ese peroveta taudia o aladia mase bona e siaidia taudia nadi ai o hododiava? Nega hida natumu do baina haboudia hekubou kokoroku hahinea ese natuna hanina henunai e goruataomu na heto to asio ura! ³⁸Aitaia, emui ruma na eme hegigi-rohoroho emui ai. ³⁹Badina be umui na hamaoromuimu umui ese lau na do basio itagu ina hari ela bona gabeai umui ba hereva baoto "Lohiabade ladanai e maimu tauna be namo."Translation done by: Ret/Dk. Lohia Gari on Saturday (15/07/23), time: 8.30 am. Ready for quality checking.

Chapter 24

¹Iesu na dubu helaga amo e raka lasi, bena ena hahediba ia dekena ela dubu helaga rumadia e duanai. ²Iesu ese e hereva henidia, eto, ini gau o itamu a? Na hamaoromui momokanimu, nadi ta nadi ta latanai basine mia, iboudiai bae hegigi dobi³Ia na Olive orornai e helai, ena hahediba ia dekena ela, e hereva henia hehuni, eto, Mani a hamaoromai hari gau be edena hora bae vara? Oi ba lou mai, tanobada dokana bona toadia be dahaka? ⁴Iesu ese e haere henidia, eto, nahuamui ba toho, tau ta ese baine koimu na garina. ⁵Badina be hutuma lau ladagu ai baema. Baeto, 'lau bina Keriso,' dia gagadoi bae koidia.⁶To umui ese tuari haridia bona tuari badadia ba kamonai, lalomui basie daradara. Ini do bae vara guna, a dokona be vairai. ⁷Badina be bese ta, ta bae heala heheni, bona basileia ta ta ida bae tuari. Doe bona tano-marere bae vara gabu ta ta lalodiai. ⁸To ini gau iboudiai na mara hisihisi na matamana mo.⁹Una negana ai taomui bae tore, bona bae alamui mase. Bae inai henimui bese iboudiai ese lau ladagu dainai. ¹⁰Bena bae hetao tore heheni bona bae heinai (heiri-heiri) heheni. ¹¹Peroveta taudia koikoidia diagau danu bae toreisi hutuma bae koidia.¹²Kara havara danu bae vara rohoroho, bena diagu edia lalokau do baine keruma. ¹³A baine haheauka ela bona dokona tauna na do baine mauri. ¹⁴Basileia sivaraina namona na tanobada idoinai bae harorolaia, bese iboudiai ihadibalaidia, bena dokona vada baine kau.¹⁵Badina umui ese gau dika rohorohona, hekohu tania badina, Daniela peroveta tauna ese e hereva laia gauna, ba itaia, basinema gini gabuna ai do baine gini. ¹⁶Iudea ai bae noho taudia na ororo bae heau lao. ¹⁷Bona ruma guhina ai baine helai tauna na ruma lalonai basine raka vareai, ena kohu basine abi. ¹⁸Bona uma ai bae noho taudia na ororo bae heau lao baine gaukara tauna danu ena dabua iabina basine lou lao.¹⁹Una neganai rogorogo hahinedia bona mara roto hahinedia madi ihabaidia. ²⁰Ba guriguri, keru neganai eiava dina helagai na basio heau. ²¹Badina be unu dinadiai hisibada herea bae vara, Dirava ese tanobada e karaia negana amo hisi unuhetomadia asie vara ema bona harihari, gabeai unu hetomana ta basine vara lou.²²Unu dinadiai na basine gadoi, taunimanima ta basine mauri diba, to eabidia hidi taudia daidiai unu dinadiai do baine gadoi.²³Una neganai ta baineto, a itaia, Keriso eiava? Umui basio kamonai. ²⁴Badina be Keriso koikoidia bona peroveta taudia koikoidia bae tore is toa bona hoa gaudia bae hedinarai, e abidia hidi taudia ihahekwakwanai dia. ²⁵Ba laloa tao, vada na hamaoromui gunamu,²⁶Una dainai, bae hamaoromu baeto, 'Aitaia, ia na tano gagaena ai,'to basiola, eiava' aitaia, ia na daiutu lalonai, to basio kamonai. ²⁷Badina be kevaru na heto dina dae kahana amo e kevarua isimu ela bona dina diho kahana ai e hedinaraimu, Taunimanima Natuna bainema danu unu baine heto. ²⁸Badina be mase tauanidia e miamu gabuna ai galo bae hebou.²⁹Una dikadika baine ore murinai dina do baine dibura, hua danu basine tara, hisiu guba amo bae moru, bona guba siahudia bae heude-heude.³⁰Bena Taunimanima Natuna toana guba ai baine hedinarai, una negana ai tanobada besedia iboudia ai bae tai, badine be Taunimanima Natuna bae itaia, ori latanai bainema, mai siahu badana bona mai hairana ida. ³¹Bena ia ese ena aneru baine siaidia, kibi regena badana ida e abidia hidi taudia lai haniosi gabudia amo, bona tanobada dokona ela bona guba dokona amo, bae gogodia³²Palabore herevadia amo ba diba, tuhutuhuna amo e varamu, rauna e papamu, vada ba diba lahara be kahira-kahiramu. ³³Badina bunai umui danu ini gau bae vara ba itadia bena ba diba ia na eme kahiria-kahiria, iduara badibadinai.³⁴Na hamaoromui momokanimu, ina uru basine ore ela bona ini gau iboudia ai bae vara. ³⁵Guba bona tanobada bae ore, a Dirava ena hereva na basine ore.³⁶Una dina, bona hora, ta asi dibana, guba anerudia danu asi dibadia, natuna danu asi dibana, Dirava sibona mo dibana.³⁷Noa negana hegeregerena, Taunimanima Natuna ena mai negana ai unu baine heto. ³⁸Badina una negana ai abata do se kau ai, idia na e anianiva, e inuinuva, e headavava, ema bona Noa lagatoi ai e gui. ³⁹Matadia asie kani ema bona abata e utu dae bena iboudiai e mase.⁴⁰Una neganai rarua-rarua bae noho, ta baine hekoko, ta baine noho. ⁴¹Hahine rarua uit igwadana nadina bae giroa, ta baine hekoki, ta baine noho. ⁴²Ba gima, badina be emui Lohiabada bainema negana asi dibamui.⁴³Ina, ba diba, ruma biaguna na bema diba guna edena negai henao tauna bema mai, ia na bema hegaegae, bena ena ruma basinema darea. ⁴⁴Bena umui danu ba hegaegae, badina asi dibamui horanai, Taunimanima Natuna bainema.⁴⁵Daika be hesiai tauna, kamonai bona kara maoromaoro, ena ruma biaguna bona aniani negadiai memero adia aniani baine henidia? ⁴⁶Bena biaguna bainema neganai baine davaria unu e kara tomamu tauna be namo. ⁴⁷Na hamaoromui momokanimu ena kohu idoinai ireguna tauna ai baine halaoa.⁴⁸A hesiai tauna dikana lalona baine hadaia, biaguna vada e halahemu. ⁴⁹Bena ia ese biaguna baine dadabadia, kekero taudia ida baine aniani bona baine inuinu iavara. ⁵⁰Una hesiai tauna na se laloa dinana ai biaguna baine gini dae. ⁵¹Bena baine utua sisi, koikoi taudia bogaradia ai gabunai baine henia, unuseniai bae tai, gadigadidia bae hahedai.Translation done by: Dkh. Konio Kila on Tuesday (01/08/23), time: 11.08 pm. Ready for quality checking.

Chapter 25

¹Guba basileia hahegeregerena na ulato gwauta bamodia, edia lamepa e abi bena ela headava gabuna bae hedavari henia. ²Ulato laima be mai aonegadia, ulato laima be asi daradia. ³Badina be ulato asi daradia edia lamepa e abi kau neganai, idia ese lamepa diaranudia na asi e abi kau. ⁴To ulato mai daradia ese lamepa bona diaranudia e abi kau iudalaidia gaudia ai.⁵Headava uahuna ena ginidae do e halaheva lalonai, ulato iboudiai vada e mahuta. ⁶To hanuaboi bogaraginai tai regena ta e dae, A itaia. Headava uhauna! Aola ba hedavari henia.

⁸Ulato asi daradia ese mai aonegadia e hamaorodia, "Emui diaranu taidia ai a henimai badina ai emai lamepa na vada e bodomu. ⁹To ulato mai aonegadia e haere, eto, "Diaranu na dia hegeregere ai bona umui edai, namona na aola diaranu e hoimu taudia dekedia bena emui haida ba hoi."¹⁰Idia ela diaranu bae hoi lalonai headava uahuna vada ema, bena e hegaegae taudia na ia ida vada ela headava ariana gabuna, bona iduara danu vada e koua. ¹¹Gabeai hari ulato haida na ema bena etomava, "Biagumai, biagumai, ai daimai ai do a kehoa." ¹²To ia na e haere bena eto, "Na hamaoromui momokanimu , asi dibagu umui." ¹³Una dainai ba gima, badina umui na asi dibamui dinana bona horana.¹⁴Badina ina na e kara tau ta e ha laolaomu. Ena hesiai ilaohenina taudia e boiridia bena ena taga na e henidia. ¹⁵Ta be talent laima e heni, ta be ma talent rua e henia, ta be ma talent tamona e henia. Ia ese edia goada hegeregerenai e henidia hagau, bena asi vanahana vada ena laolao ela. ¹⁶Talent laima e abia tauna na ela ena talent e ha hoihoilai bena unu amo talent laima na e davari.¹⁷Unuhetomana, talent rua e abi tauna danu talent rua e davari. ¹⁸To talent tamona e abia hesiai lao heni tauna na e lao siri, tano ai guri ta e geia, bena biaguna ena moni na e hunia.¹⁹Nega daudau murinai unu hesailaoheni taudia biagudia na e loumai bena ema idia ida ena moni daladia baine heato namonamo. ²⁰Talent laima e abi hesiailaoheni taunana na ema bona talent laima ma e mailai. Ia eto, "Biagugu oi ese talent laima o henigu. To aitaia, lau ese talent laima ma na davari. ²¹"Biaguna ese e hamaoroa eto, "O kara namonamo, hesiai lao heni tauna namomu bona mai kamonaimu! Oi na gau dia momo inaridia ai na mai kamonaimu. Lau ese gau momo ita taodia tauna ai na atomumu. Biagumu ena moale lalonai a vareai.²²Talent rua e abi hesiailaoheni tauna na ema bena eto, "Biagugu, oi ese talent rua o henigu. To aitaia, lau ese talent rua ma na davari." ²³Biaguna ese e hamaoroa eto, "O kara namonamo, hesiailaoheni tauna namomu bona mai kamonaimu! Oi na gau dia momo inaridia ai na mai kamonaimu. Lau ese gau momo ita-taodia tauna ai na atomumu. Biagumu ena moale lalonai a vareai."²⁴Talent tamona e abi hesiailaoheni tauna danu ema bena eto, "Biagugu, dibagu oi na tau aukamu ta. Oi ese asio hadohado gabudiai o geigeimu, uje asio nege gabudiai o taboromu. ²⁵Launa na gari dainai na lao siri bena emu talent na tano lalonai na hunia. Aitaia gauna oina, oi emu."²⁶To biaguna ese e haere henia eto, 'Oina dia tau namona bona hesiku tauna, oi be mai dibamu launa na geigeimu asi na hadohado gabudiai bona na taboromu uhe, asi na nega gabudiai.' ²⁷Una dainai, oi ese una moni na bank ai boma balaiaheni bena egu loumai ai mai atokauna ida bama abialou.²⁸Una dainai, ina tau ena amo talent na avabia oho bena ena talent gwauta tauna a henia. ²⁹Badina be mai edia gau taudia iboudiai na gau haida ma bae henidia - bae henidia badabada danu. To asi ena gau tauna ena amo danu, dahaka gau be enai na ena amo bae abia oho. ³⁰Ena hesiailao tauna bonegitana na a tahoa lasi gabu diburana lalonai, taitai bona ise eha-gariridiamu gabunai.'³¹Taunimanima Natuna bainema mai hairaina ida bona ena aneru logora ida, ia na ena terona mai hairaina latanai baine helai. ³²Tanobada hanuadia idauidau iboudiai ia vairanai bae hegogo, bena ia ese taunimanima baine hapararadia, mamoe eregumu tauna ese mamoe e kokidiamu nani edia amo bamona. ³³Ia ese namona imana idibanai baine atodia, to nani na laurina ai.³⁴Bena Pavapava ese imana idibana taudia baine hamaorodia, "Aoma, Tamagu ese e hanamomui taumui, Tamagu ese tanobada e hadaia matamatana negana amo e hahegaegaea basileiana, na bavabia. ³⁵Badina be e hitologuva, agu aniani o heniva; ranu e maseguva, ranu o heniguva; asi dibamui lau to o abigu daeva, ³⁶asi dabuagu bena dabu o hakara laigu; na gorere bena o regugu, dibura- ruma ai na nohova bena o maiva dekegu.'³⁷Bena karar maoromaoro taudia ese bae heaere henia, baeto, "Lohiabada, edena nega ai a itamu e hitolomumu bena aubumu? Eiava asi dabuamu bena dabu a hakara laimu?' ³⁸Bona edena nega ai a itamu ideau tauna bena abimudae?'; ³⁹Bona edena nega ai aitamu e goreremu eiava dibura ruma ai bena dekemu avasi? ⁴⁰Bema Pavapava ese baine haere henidia baine eto, 'Na hamaoromui momokanimu, umui ese o kara karadia ini tadikakagu, asi e duahidiamu taudia ta enai, umui ese na lau daigu ai o kara.⁴¹Bena ia ese ma laurina kahana taudia baine hamaorodia, "Dekegu amo a siri, e hadikamui taudia, se bodomu lahina lalonai a vareai; diabolo bona ena aneru daidiai e hahegaegaea lahina, ⁴²badina be e hitologu, to agu so heni asina ani; ranu e masegu to ranu asio e henigu asina inu; ⁴³idau gabu taugu so abigudae; asi dabuagu to so hadabua laigu; na gorere bona dibura ruma ai, to asio haerogu.'⁴⁴Bena idia na bae haere bona baeto, 'Lohiabada, edena nega ai hitolomu ai a itamu, eiava ranu e masemu, eiava idau taumu, eiava asi dabuamu, eiava o gorere, eiava dibura ruma ai, bena asia haeromu? ⁴⁵Bena ia ese baine haere henidia baineto, 'Na hamaoromui momokanimu, umui ese asi ladana taunimanima na ta unu so kara henia toma bamona, lau danu unu so kara henigu toma.' ⁴⁶Idia na hisihisi hanaihanai ai bae vareai, to kara maoromaoro taudia na mauri hanaihanai ai bae vareai.Transalation done by: Ev.Ret/Dk. Arua Taravatu on Monday (17/07/23), time: 3.43pm. Ready for quality checking.

Chapter 26

¹Iesu na unu hereva iboudiai eore, bena ia ese ena hahediba e hamaorodia, eto,²Dibamui vainana-negai lagau-hanai ariana bae karaia, una neganai Taunimanima Natuna taona bae torea bae hasatauroa.³Bena hahelaga taudia, bona hanua tau-badadia ese hahelaga tauna badana, ladana na Kaiafa, ena ruma ai e hebou. ⁴E henega, dibaka karadia amo Iesu bae dabaia tao bae alaia mase eto, ⁵ To idia eto, dia aria dinadia ai, aru taudia bae helogo-helogo na garina.⁶Iesu na Betania ai, Simona, lepera tauna, ena ruma ai. ⁷Bena hahine ta ia dekena ela, nadi kavabuna ta e abia kau, lalonai na dehoro namo hereana, davana bada gauna: Bena Iesu egedihona ai hahine ese dehoro e horolaia. ⁸Ena hahedia ese e itaia, bena e badu, eto, dahaka dainai ina dehoro e negea kavamu? ⁹Bema hoia, moni dia gau bema abi, bena ogogami taudia bema henidia.¹⁰Iesu na dibana, bena e hamaorodia, eto, dahaka dainai o maumau heniamu. ¹¹Ogogami taudia be nega idoidiai dekemui ai nonoho. Bena ba ura negadia ai vada baha namodia. A lau be nega idoidiai basina noho.¹²Ina dehoro amo taugu vada eme dahua hegaegae, igurigu totona. ¹³Na hamaoromui momokanimu, ina sivarai namona bae harorolaia gabudia iboudiai tanobada hegege-madai. Hari eme karaia karana bae gwauraia ia ihelalolaina.¹⁴Bena gwauta rarua tauna ta, ladana na Iuda Isakariota, hahelaga taudia dekedia ela. ¹⁵Eto, taona bama torea, dahaka boma henigu. Bena idia ese siliva monidia toi-ahui e henia. ¹⁶ Una negana ela ia ese taona itorena negana namona e tahuava.¹⁷Asie hatubua flaoana ariana dinana gini-gunana, Ahedibana Iesu dekena ela. E nanadaia , eto, edeseni ai lagau-hanai baia karaia hegaegae bena bavania. ¹⁸Bena ia na e haere, eto, hanua aola, tau ta dekenai ba hamaoroa, baoto, hahediba tauna na e tomu egu nega vada eme kahikahi egu hahediba ida lagau-hanai na emu rumai baia ania. ¹⁹Bena hahediba na Iesu ese e hamaorodia hegeregerena e karaia, lagau-hanai ariana vada e karaia hegaegae.²⁰Adorahi ai, ia na ena hahediba gwauta-raruosi ida e ege diho. ²¹Bena e anianiva negana ai ia eto na hamaoromui momokanimu, umui ta ese taogu baine tora. ²²Idia na lalodia e hisihisi, bena ta ta ese e nanadaia, eto, Lohiabade e, ina lau a?²³Ia e haere, eto, lau ida nau tamona ai adau dobimu tauna ese lau taogu baine torea. ²⁴Taunimanima Natuna vada be laomu, e tore laia hegeregerena, A taunimanima Natuna taona itorena tauna madi ihabaina, una tau basinema vara hari namo. ²⁵Bena Iuda, tao-tore tauna, ese e nanadaia, eto hahediba taumu, ina lau a? Iesu eto, o ena vada o gwaumu.²⁶Idia na e anianiva lalonai, Iesu ese flaoa atagana ta e abia, e hanamoa bena e bitua, ena hahediba e henidia, eto, avabia avania, lau taugu binai.²⁷Ma kehere ta ea baia, e hanamoa, e henidia eto iboumui ai a inua; ²⁸Badina be ina na lau raragu, herohemaino rarana, hutuma daidiai baine hebubu, dika igwautaona. ²⁹Na hamaoromuimu, vine ranuna do basina inua lou, ela bona dinana baine kau lau umui ida matamatana baita inua Dirava ena basileia lalonai.³⁰idia na ane e abi vaitani, bena e didi lasi, olive ororona ela. ³¹Bena Iesu ese e hamaorodia, eto, iboumui ai lau daigu ai ba hekwakwanai badina be ini e torea toma. Mamoe iregudia tauna baine gwadaia bena mamoe vada bae karoho. ³²A lau baina tore isi lou, bena baina gunalaimui Galileia ai.³³Petero ese e haere henia, eto, ena be taunimanima iboudia ai oi daimu ai bae hekwakwanai, to lau na lasi. ³⁴Bena Iesu ese e hamaoroa, eto, na hamaoromui momokanimu, hari ina hanuboi, kokoroku do basine tai oi ese hatoi lau ba goregu. ³⁵A Petero eto, ena be oi idia baita mase hebou, to lau oi na basina goremu. Ena hahediba iboudiai danu unu mo e gwau toma.³⁶Iesu na idia ida gabu ta ai e lasi, ladana Getesemane bena ia ese ena hahediba e hamaorodia, eto, iniseni ai ba helai: lau do baina ha guriguri. ³⁷Bena ia ese Petero bona Sebedeo natuna raruosi e hakaudia siri, bena laumana e daure, darana e doko. ³⁸Bena e hamaorodia, eto, lau na lalogu eme hisihisi bada, mokona name mase: iniseni ai ba noho, baita gima.³⁹Taina ma e raka lao, bena tano ai e goru parapara, e guriguri, eto. Tamagu e, bema mai dalana ina kehere na egu amo boma abia oho: to dia lau egu ura, oiemu ura hari. ⁴⁰Ena hahediba dekedia e lou lao, mahutadia ai e davaridia bena ia ese Petero e gwau henia, eto, be asi goadamui hora tamona mo lau ida baitama gima a? ⁴¹Ba gima, ba guriguri hedibagani ai ba vareai na garina. Laumana na e uramu a tauanina na eme manoka.⁴²Nega iharuana ma e raka lao, eha guriguri, eto, Tamagu e, ina kehere iabi-ohona readia asi dalana dahaka, ela bona baina inua; emu ura baine guguru. ⁴³Ma e lou lao dekedia, mahutadia ai ma e davaridia, badina be matadia e mahutava. ⁴⁴E rakatanidia, e lou ela, nega ihatoina ma eha-guriguri, ena guriguri herevadia gunadia ma e gwaurai lou.⁴⁵Ma e lou lao, ena hahediba dekediai e hamaorodia, eto, madi vada a mahuta, lagamui avani vadaeni, negana vada eme kahira-kahira Taunimanima Natuna na dika taudia imadiai be atoamu. ⁴⁶Be, o tore, aitala, taogu itorena tauna na e maimu.⁴⁷Ia dounu e herevava ai, Iuda, gwauta-rarua tauna ta, e gini dae, hutuma bada ida, mai edia dare bona mai edia kareva: Hahelaga taudia bona hanua tau-badadia ese e siaidia taudia bunu. ⁴⁸Tao-tore tauna ese toa ta e henidia guna, eto, baina harahua tauna gauna bunai: ba dabaia tao.⁴⁹Bena ia na Iesu dekena e raka kahi lao, eto, hahediba taumu e, ba mauri, bena e harahua. ⁵⁰Iesu ese e hereva henia, eto, henamo e, ikarana totona oma, karana vada a karaia. Bena idia ese Iesu imadia ai e dau henia, e dabaia tao.⁵¹Iesu ena orea tauna ta ese imana e dau tari ena dare e veria lasi hahelaga tauna badana ena hesiai tauna ta e taraia, taiana e utua oho. ⁵²Bena Iesu ese e gwau henia, eto, emu dare na gabuna ai avatoa lou. Badina be dare e abi taudia iboudia ai na dare amo do bae mase. ⁵³Emu lalo-hadai be lau asi siahugu a, Tamagu bama noia bena ia ese aneru oreadia gwauta-rua, ma haida bema siaidia lau idurugu. ⁵⁴To unu bema heto, revareva helaga na ede bema momokani toma. Vada e torea ini baine hekara toma.⁵⁵Una negana ai Iesu ese hutuma e gwau-henidia, eto, umui na mai daremui bona mai karevamui ida lau idabai-taogu oma. Dadidadi tauna idabai taona boma mai na heto. Dina iboudiai lau na dekedekemui ai na helaiva bona na hahedibava, dubu helaga lalonai, to asio dabaigu tao. ⁵⁶A ini gau iboudiai vada e vara, peroveta taudia ese e tore herevadia ihamomokani laidia bena ena hahediba iboudiai ese e heautania.⁵⁷Bena Iesu e dabaia tao taudia ese hahelaga tauna badana Kaiafa dekena e dabuia lao. Unuseni ai itorena taudia bona hanua tau-badadia vada e hebou. ⁵⁸Petero ese e gavaia, to mai padana, ela bona hahelaga tauna badana ena ruma maguna lalonai e raka vareai hesiai taudia ida e helai hebou. Una kara dokona be dahaka baine e ita eto.⁵⁹Bena hahelaga taudia bona kaunsil taudia iboudiai ese hahebade koikoi taudia e tahudia malaka-malaka ialana badina bae davaria eto. ⁶⁰Hahebade koikoi taudia diagau e toreisi to ialana badina ta asie davaria ela bona koikoi taudia rarua ma e toreisi, eto, ⁶¹Ina tau e hereva, eto, lau na mai siahugu Dirava ena dubu helaga baina rohoa, bena dina toi muridiai ma baina haginia lou.⁶²Bena hahelaga tauna badana e tore isi e nanadaia, eto, oi so herevamu a? Ini edia hahebade herevadia be dahaka? ⁶³A Iesu na asi regeregena, bena hahelaga tauna badana ese ma e hereva henia, eto, mauri Diravana ladana ai na haganimumu: A hamaoromai, oi na Keriso, Dirava natuna, eiava? ⁶⁴Iese ese e haere henia, eto, o ena vada o gwaumu. Ina danu ma aina hamaorolaimui: Taunimanima Natuna do baitaia, siahu imana idibana ai baine helai bona guba oridia ai bainema.⁶⁵Bena hahelaga tauna badana ese sibona ena dabua e darea, eto, Dirava ihadikana herevana vada e gwauraiamu, ma dahaka hahebadena ta tahuamu a? Dirava ihadikana herevana vada eme gwauraia ome kamonai. ⁶⁶Dahaka o tomamu? idia e haere, eto, baine mase hari namo.⁶⁷Bena idia ese ia vaira huahuana e kanudia e tutua e pataia ahu bena eto, ⁶⁸Keriso e, a hamaomai, daika ese e tutumumu.⁶⁹Petero na murimuri ai, magu lalonai e helaiva bena hesiai hahinena ta dekena ela, eto, ina oi danu Iesu, Galileia tauna o bamoava ani? ⁷⁰To ia na iboudiai vairadiai e hegore, eto, emu hereva na lalogu seme parara.⁷¹Ia na e raka oho, ela ikoukou badibadinai, ma hahine ta ese e itaia bena dekedekena taudia e hamaorodia, eto, ina tau danu Iesu Nasareta tauna e bamoava. ⁷²Bena ia ere dika, e hegore lou, eto, una tauna asi dibagu.⁷³Asi vanahana una gabu ai e gini taudia na Petero dekena ela, eto Momokani, oi na idia ta badina be gadomu ese e hahedinaraimumu. ⁷⁴Bena sibona vada e heuduguirai, ere dika, eto, una tau lau asi dibagu, bena kokoroku vada e tai. ⁷⁵Bena Petero ese Iesu e gwauraia herevana vada e helalolaia une, eto, kokoroku do basine tai, oi ese hatoi ba goregu, bena e raka lasi, e tai dika dika.Translation done by: Dk. Karoho Kila on Wednesday (19/07/23), time: 4.17 pm. Ready for quality checking.

Chapter 27

¹Daba e rere, hahelaga taudia bona hanua tau-badadia e hebou Iesu ialana urana. ²Bena e guia, e hakaua lao, Pilato gavana tauna dekena.³Iuda, tao tore tauna, ese Iesu e itaia, ia ese vada e henidia bena e helalo, hari silver monidia toi-ahui osi e lou lai. Hahelaga taudia bona tau badadia e henidia lou, ⁴ eto, vada na kara dika, asi ena kerere tauna taona vada na torea. "A idia eto, ai ese a? oi sibomu. ⁵Ia ese silver monidia na dubu helaga lalonai e taho vareai. Bena e raka oho, ela sibona e hahemata.⁶Bena hahelaga taudia ese silver monidia e abi. eto, dia namo bobou ai baita todia, badina ina na rara monidia. ⁷E hebou laia, bena ro ikarana tauna ena tano e hoilaia, idau bese taudia iguridia gabunai e halaoa. ⁸Una dainai, una tano ladana e hatoa "rara tanona" ema bona hari.⁹Unu amo Ieremia, peroveta tauna, ena hereva vada e momokani, eto, silver monidia toi-ahui na abi, Isaraela taudia ese davana e gwauraia tauna davana. ¹⁰Uro ikarana tauna ena tano na hoilaia Lohiabada e e hamaorogu hegeregerena.¹¹Iesu na gavana vairanai e gini bena gavana ese e hamaoroa, eto, oina Iuda taudia edia pavapava eiava? Iesu eto, ena vada o gwaumu. ¹²Bena hahelaga taudia bona tau badadia ese ma e habadelaia, to ia na se haere.¹³Bena Pilato, eto, hahebade herevadia momo-herea e habade laimumu o kamonaimu a? ¹⁴To Iesu na se haere, hereva ta se gwauraia badina gavana na e hoa.¹⁵

¹⁶Una negana ai tauta na dibura rumai e nohova ladana na Baraba, una tau harina na bada.¹⁷Bena idia na e hebou vaitani neganai, Pilato ese e hamaorodia, eto, daika o ura heniamu baina ruhaia nege, Baraba eiava Iesu e gwauraiamu Keriso. ¹⁸Badina Pilato na dibana idia na e badu dika-dika va dainai taona e torea. ¹⁹Pilato na hahemaoro gabunai helainai adavana na ena hereva e siaia lao dekena ai, eto, una kara maoro-maoro tauna enai na gau ta basio karaia badina be hari dina ai na nihi egu nihi ai hisi badana ese e abigu ia dainai.²⁰A hahelaga taudia bona tau badadia ese aru taudia lalodia e ani. Baraba iruhana bona Iesu iala-masena bae gwaurai. ²¹Bena gavana ese e hamaorodia eto, idia raruosi be daika baina ruhaia nege emui idia eto, Baraba. ²²Bena Pilato ma e hereva, eto, O Iesu Keriso e gwauraiamu be ede baina tomaia? Idia iboudiai e haere, eto, ba hasatauroa.²³Pilato, eto, be ena kerere be dahaka. A idia na e lolo lalo-dika eto ba hasatauroa. ²⁴Una dainai Pilato lalona e parara, ena hereva na se goada, bona edia helogo-helogo e habadaiava dainai ranu e abia aru tadia vairadiai imana e huri, eto, ina kara maoro maoro tauna rarana na dia lau egu ai to umui emui ai.²⁵Idia iboudiai e haere, eto, ia rarana na ai emai ai bona natumai ediai. ²⁶bena ia ese Baraba e ruhaia nega A Iesu ba eabia e henidia, bae hasatauroa.²⁷Bena gavana ena tuari taudia ese Iesu e hakaua lao, edia gima rumana lalonai bena edia orea taudia iboudiai e haboudia ia dekenai. ²⁸Idia ese ena dabua e kokia oho. Dabua kakakakana e hakaralaia. ²⁹Bona havava gauna ginigini eha matakaia ia kwaranai e atoa kau: siriho auna ta danu imana idibana ai e hakaulaia. Bena tuidia eha dai, e toma henia diho kokoi, eto, Iuda Pavapavana e! ba mauri!³⁰Bena e kanudia bona hari siriho e abihaia, kwarana e kwadilaia. ³¹E kirikiri laia vaitani, bena dabua kaka-kaka na e kokia oho, ena dabua korikorina me a hakaralaia. Bena e hakaua lao bae hasatauroa.³²E raka lasiva ai, Kurene tauna ta e davaria, ladana na Simona. Bena e hamaoroa Iesu ena satauro baine huaia.³³Gabu ta ai e lasi, ladana na Golgota. Anina na kwara koukouna tanona. ³⁴Unuseni ai vine ranuna na muramura ida e buloa e henia, baine inua. To e malaia toho inuna se ura.³⁵Bena e hasatauroa ena dabua e hari bona e gadara lai. ³⁶Bena e helai diho, e nari. ³⁷Ia kwarana daenai idia ese hahebade herevana e kapaia. Ini e torea toma: Ina na Iesu, Iuda Pavapavana.³⁸Ia ida nega tamona heano-henao taudia rarua e hasataurodia. Ta idibana kahanai ta laurina kahanai. ³⁹E raka hanai taudia ese e hereva dika henia, kwaradia e davedave. ⁴⁰Eto, I! dubu helaga ba rohoa ma dina toi ai ba haginia lou taumu. Sibomu hahemauri, oi Dirava natuna o tomamu satauro amo boma diho.⁴¹Hahelaga taudia bona itorena taudia bona tau-badadia ese danu e kirikiri laia. ⁴²Ia na idau taudia e hamauridiava, matona sibona se hahemaurimu. Ia na Isaraela pavapavana, harihari satauro amo aine diho, bena baita abidadama henia.⁴³Ia ese Dirava e abidadama heniava; Dirava ese bema ura henia, bema hamauria: Badina ia eto, "Launa Dirava Natuna. ⁴⁴Henao-henao taudia raruosi ia idia e hasatauro dia taudia, ese unu e kirikiri laia toma.⁴⁵Dina tubu amo dibura ese gabu idoinai e laoa-ahu ela bona ado e rahi. ⁴⁶Bena adorahi sisivana Iesu e lolo, eto, Eloi, Eloi lama sabaktani, anina na egu Dirava e, egu Dirava e, dahaka dainai ome rakatanigu. ⁴⁷Unuseni ai e gini taudia haida na kamonai, bena, eto, ia na Elia e boi heniamu.⁴⁸Bena ta e heau lao, puta ta eha-abia, vine ranuna iditana ai e urua diho. Io ai e gwadaia kau, bena e duduia isi, baine topoa, eto, ⁴⁹a haida ma, eto, mani do, aita itaia, Elia bainema baine hamauria eiava. ⁵⁰A Iesu ma e boi lolo, bena e mase.⁵¹Una horanai dubu helaga seseahuna e hedare parara, atai amo ema bona henu. Tano danu e marere bona e parara. ⁵²Bona mase garadia e hekeho, helaga taudia hutuma na e tore isi. ⁵³Bena ena toreisi lou murinai, idia na gara amo e raka lasi. Hanua helaga na ela, unuseni ai hutuma ese e itadia.⁵⁴Tuari biaguna mai bamona ida, Iesu e naria taudia. Tano marere bona e vara gaudia e ita. Bena e gari dikadika eto, momokani ina na Dirava natuna. ⁵⁵Herarai hahinedia danu dahuai e gini. Galileia ai Iesu murinai e rakava bona isiai na e lao heniva hahinedia be unu. ⁵⁶Haida bini: Maria, hane Magadala bona Maria, Iakobo bona Iosepa sinadia: bona Sebedeo natuna sinadia.⁵⁷Adorahi ai, taga tauna ta, ladana Iosepa Arimatea amo e kau: ia danu Iesu ena hahediba ta. ⁵⁸Ia na Pilato dekena ela, e noia, Iesu tau-anina baine abia eto,⁵⁹Bena Iosepa ese tau-aninna e abia diho, dabua goevagoevana ai e kumia. ⁶⁰Nadi ai e geia kohuana matamatana ta. Ia sibona ena, lalonai e atoa. Nadi badana amo e koua iduarana e kurea ahu, bena e raka oho.⁶¹A hahine rarua, Maria, hane Magadala bona Maria ta, be kohua vairanai e helaiva.⁶²Daba ai, hahegoeava dinana murina ai, hahelaga taudia bona Faresia taudia Pilato vairanai e hebou. ⁶³Eto, gaubada e, ai na ame helalo-une, una koikoi tauna na maurinai e hereva, eto, dina toi bae ore, bena baine toreisi lou. ⁶⁴Bena, mani ba hamaorodia, gara bae naria namo namo ela bona dina ihatoina! ena hahediba baela, tau-anina bae ha henaoa. Bena taunimanima bae koidia, baeto, "Ia na mase amo vada e toreisi lou." na garina. Unu bema heto, koikoi matamana ese koikoi gunana bema hereaia.⁶⁵Pilato eto, be, umui na mai emui henari taudia. Vada aola gara ba hakoua, emui goada hegeregerenai. ⁶⁶Bena idia an ela gara e hakoua auka-auka. Toa ta nadi ai e atoa, bena henari taudia e habadina laidia.Translation done and complete by Dk. Karoho Kila on Friday (05/05/23), time: 2pm

Chapter 28

¹Sabati dinana horadia e oreva, daba matana bona pura dinana ginigunana ai, Maria Magadala hahinena bona ma Mary ta na raruosi ela gara bae itaia. ²Aitaia, tano laga badana ta e vara badina be Lohiabada ena aneru ta guba amo e diho bena ema gara e koua ahu, nadina na e keia oho, bena latana ai e helai.³Ia toana na e kara kevau na heto bona ena dabua snow na heto. ⁴Tuari taudia, gara e gimaiava, na ia garina e gari e heudeheude bona mase taudia bamodia ai ela.⁵To aneru ese unu hahaine e hamaorodia, "Asio gari. Badina lau na mai dibagu umui na Iesu e hasatauroa tauna, o tahuamau. ⁶Ia na e toreisilou, e hereva hegeregerena. Aoma e hekure gabuna baine itaia. ⁷Aola haraga bona ena ahediba ba hamaorodia, ia na mase amo e toreisilou. Aitaia, ia na e gunamu, e laomu Galileia. Unuseni ai ba ha itaia. Aitaia lau ese na hamaoromuimu.⁸Ha-hahine na mai garidia ida gara e rakatania haragaharaga bona mai moale bada ida danu bena e heau ela ahediba bae hamaorodia. ⁹Aitaia, Iesu ese e hedavari henimai, eto, "Tame hedavari." Ha-hahine na ema, ia aena palapaladia ai e daukau bena e tomadiho henia. ¹⁰Bena Iesu ese e hamaorodia 'Asio o gari. Aola tadikakagu ba hamaorodia Galileia baela. Unuseni ai da bae itagu."¹¹Hahine vada e laova ai, gara e itaia tao taudia haida na hanua lalonai e vareai bena gara gabuna ai e vara karadia na helaga taudia badadia e hamaorolaidia. ¹²Helaga taudia badadia ida e hedavari bona e vara gaudia e herevahereva lai murinai, idia ese moni taina badana na hari gara e naria tuari taudia e henidia, ¹³bena e hamaorodia eto, "Baoto, Ia ena diba-taudia na hanuaboi ai ema bena tauanina na e henaoa, ai mahutamai ai."¹⁴Bema na haripiu na gavana enai baine kau neganai, ai ese baia haduaia bena umui na kerere ai basio vareai. ¹⁵Bena Tuari taudia na moni e abi bona e hamaorodia karadia vada eha kara. Ina haripiu na Iuda taudia padadiai e pere rohoroho ema bona e hesiriu ema bona hari.¹⁶To hari diba-taudia taudia gwauta-taosi na Galileia ela, Iesu ese e siaidia baela ororona ai. ¹⁷Idia ese e itaia neganai, e tomadiho henia to haida na e daradara.¹⁸Iesu na idia dekedia ema bena e hereva henidia, eto, "Siahu idoinai na vada e henigu, guba lalonai bona tanobada latanai. ¹⁹Una dainai aola bona tanobada idoinai diba-tahua taudia ai ba halaodia. Ba bapatisodia, Tamana, Natuna bona Lauma Helaga ladana ai.²⁰Ba hadibadia, lau ese na haganimui gaudia iboudiai bae badina. A itaia, lau na nega iboudiai umui dekemui ai, ena-be tanobada dokona ai danu."Translation done by: Ev/Rdk. Arua Taravatu on Monday (17/07/23), time: 4.30pm. Ready for quality checking.

Mark

Chapter 1

¹Ina matamana neganai Iesu sivarai namona, ina Dirava Lohia natuna, ina etorea ai peroveta, tau ena Buka lalonai. ²Baitaia, launa egu sivarai namona na siaia vasimu oi ibodiai varamuiai una tamona ese emu dala baine lailaidia bona baine haegaegaedia. ³Hereva namona e boi lolomu tano gagenai, Dirava ena dala ba lailaia bona ena dala na maoromaorona.⁴Ioane ema bapatiso e karava tano gagaena ai bona bapatisodia e harorolaiva bona helalokerehai bona e bapatiso heniva edia dika bae gwautao. ⁵Tanobada hegegemadai Jude tanona idoinai bona Ierusalema taunimanima iboudiai ai dekena ela, ai ese iboudiai e bapatisodia bena ia ese Ioridaena sinavaina ai e bapatisodia. ⁶Ioane ena danu na Kamelo huina ena gaba gauna na boromakau kopina, ena aniani be kwadi bona bada ranuna.⁷E haroro, eto tau ta lau murigu ai be maimu, ena siahu ese lauegu e hereaiamu, lau na dia namo ena tamaka varona iruhana baina igo diho. ⁸Lau ese ranu amo na bapatisomuimu, a ia ese Lauma Helaga amo baine bapatisomuimu.⁹Unu dinadia ai Iesu na Nasareta, Galileia hanuana ta amo ela, bena Ioane ese Ioridaena sinavaina ai e bapatisoa. ¹⁰Bena ranu amo e dae kau negana ai ia ese guba e itaia, e parara, bona Lauma e diho, pune na heto, ia tubuana ai e kau. ¹¹Bena gado ta guba amo e boi dobi eto, oi na lau natugu, egu lalokau, lau ese oi na lalo-namo henimumu.¹²Una negana ai Lauma ese tano gagena e siaia lao. ¹³Dina hari-ahui tano gagaena ai e nohova, Satani ese e dibaganiava ia na hekoi boromadia ida e nohova, to aneru ese ia isiaina e lao heniva.¹⁴Ioane dibura rumana ai e koua murinai Iesu na Galileia ela, Dirava ena sivarai namo e harorolaiava, ¹⁵eto, negana vada eme gini dae, Dirava ena basileia eme kahirakahira ba helalokerehai, bona sivarai namo na lalomui ai bavabia dae.¹⁶Ia na Galileia gohu konena ai e ravava ai, Simona, tadina Aniderea ida e itadia idia na reke gohu ai e torea, badina ida na haoda taudia. ¹⁷Bena Iesu ese e boiridia eto murigu ai a raka lau ese taunimanima ihaoda henidia taumui ai baina halaomui. ¹⁸Bena ida ese edia reke e rakatani, ia murinai e raka.¹⁹Asi e raka daudau, ia ese Iakobo Sebedeo, tadina Ioane ida, e itadia vanagi ai edia reke e laumeva. ²⁰Ia ese e boiridia, bena idia ese tamadia Sebedeo ena gaukara memerodia ida vanagi ai e rakatanidia ia murinai ma e raka.²¹Idia na Kaperanauma ai e kau; bona dina Helaga ai ia na Dubu ai e hahediba. ²²Bena idia ese ena hahediba herevadia e hoalai, badina be ena hereva na mai siahuna, dia itorena taudia edia hereva hamomokanidia.²³Unu dubu ai tau ta na Lauma dika ese eboloa tauna e raka lasi e lolo, ²⁴"Eha haneva eto" oi be dahaka ba kara egu ai? Iesu tau Nasareta oi oma lau ba hadikagu a? Lau mai diabagu ou be daika, oi Helaga tamona Diravana. ²⁵Bena Iesu ese e gwau henia eto, Eremu, iena amo a raka lasi. ²⁶Bena hari una lauma dikana ese una tau e hatoror-tororoa bena mai gabana ida e lasi.²⁷Bena taunimanima iboudiai e hoa dikadika, e hereva heheni, eto, ina dahaka, hahediba matamatana binai! ia ese lauma dikadia e haganidiamu mai siahuna ida bona idia ese ia erena e kamonaimu.²⁸Bena asi vanahana ia harina e piua Galileia kahana idoinai.²⁹Dubu amo e didi dobi, bena Simona bona Aniderea edia ruma ai e dae kau, Iakono bona Ioane ida danu. ³⁰Simona ravana hahinena e gorerea, tauna e siahu, bena idia ese Iesu e hamaoroa. ³¹Bena ia ela, imana e abia e hahelaia tore, bena ena gorere e doko, e toreisi idia isiaidia e laoheni.³²Una dina do se diho gabunai, idia ese gorere taudia e iboudiai, bona lauma dikadia ese e boloa taudia, na ia dekena e laohaidia. ³³Bona hanua taudia iboudiai na ena iduara ai e hebou. ³⁴Bena gorere idau-idau taudia hutuma ia ese ehamauridia, bona lauma dikadia e luludia lasi, a lauma dikadia na egwaudia tao, basie hereva, badina be idia dibadia ia.³⁵Daba kahana ai, daba do se kinia, vadae tore isi, gabu gagena ela, eha guriguri. ³⁶Bena Simona mai bamona ida ese e gavaia, ³⁷e davaria, e hamaoroa eto, Taunimanima iboudiai na oi e tahumumu.³⁸Ia eto, Aitala hanua kahikahidia unuseni ai danu baina haroro, badina be egu mai badina bunai. ³⁹Bena ia ela, Galileia kahana hanuadia iboudiai edia dubu ai e haroro, badina be idia dibadia ia.⁴⁰Lepera tauna ta ia dekena ela, tuina e hadai, e noia, eto, Boma ura, boma hagoevagu. ⁴¹Bena Iesu ese e bogaia hisi, imana e toia roro, e daua toho, bena eto, Na uramu, vada a goeva. ⁴²Bena ena lepera e doko, vada e goeva vaitani.⁴³Bena e siaia, to e sisiba heni guna, ⁴⁴eto, Ina kara tau ta basio hamaorolaia aola, hahelga tauna ese baine itamu, bona hahegoeva gauna, Mose ese e gwauraia hegeregerena; ba henia, taunimanima ihadibalaidia.⁴⁵To ia na ela, una kara harina vada eha piua rohoroho, una dainai Iesu na hanua ta ai asine raka vareai diba, a tano gagaena ai a nohova, unuseni ai taunimanima ese idau gabu amo ia e lao heniava.

Chapter 2

¹Dina haida vada ela ia na Kaperanauma e lou lao, bena harina e piua ia na ruma aia.²Bena hutuma e raka ela bona ruma lalonai gabu ta lasi, iduara badina danu asi gabuna. Bena ia ese e haroro henidia.³Bena tatau hahani ese pada tauna ta na ia dekena e huaia lao. ⁴a hutuma daidiai asi edia dala Iesu dekena bae kahilaia lao. Una dainai, ia gini gabuna daenai idia ese guhi e giua oho, bena pada tauna mai gedana ida e tua dobi vairanai.⁵Iesu ese edia abidadama e itaia, bena ia ese pada tauna e hamaoroa, eto, Natugu e, emu dika vada eme hegwau tao. ⁶A itorena taudia haida unuseni ai hehelai, lalodia ini e hadai tomava,⁷eto, Badina be dahaka ina tau unu e hereva tomamu? Ia ese Dirava se matauraiamu, Daika ese dika baine gwau tao? Dirava mo sibona.⁸Iesu dibana idia na unu e helalo tomava, bena e nanadaidia, eto, Badina be dahaka lalomui ene o hadai tomamu? ⁹Edena be haraga, pada tauna na hamaoroa, nato "Emu dika vada eme hegwau tao", eiava bama toma "A gini tore, emu geda a lokua, a raka"?¹⁰A baina hadibamui Taunimanima Natuna na mai siahuna dika baine gwau tao ina tanobada ai, (ia ese pada tauna e hamaoroa eto),¹¹A gini tore, emu geda a lokua emu ruma vada aola. ¹²Bena ia na e gini tore, ena geda e lokua, idia vairadiai e raka lasi. Iboudia ai e hoa, Dirava e imodaia, eto. Ini hetomana ta asi ta itaia.¹³Ia na kone ai ma e lasi; hutuma ia dekena ela bena ia ese e hadibadia. ¹⁴Raka hanaina ai, ia ese Levi Alfeo tax gabunai helaina ai e itaia bena e boiria eto, murigu ai a raka. Bena e tore isi ia murinai e raka.¹⁵Iesu na Levi tauna ena ruma ai e aniani, bona tax gogo taudia iboudiai, kara dika taudia diagau danu, Iesu mai ena hahediba ida ege diho, badina be hutuma na ia murinai e raka. ¹⁶Itorena taudia, Farisea edia orea amo, e itaia, ia na kara dika taudia bona tax gogo taudia ida e aniani hebouva, bena idia ese ena hahediba e nanadaidia, eto, Ia na dahaka dainai tax gogo bona kara dika taudia ida e aniani heboumu?¹⁷Iesu e kamonai, bena e hamaorodia, eto, Goada taudia ese muramura tauna basie tahua, a gorere taudia hari, lau danu nama, dia kara maoromaoro taudia iboiridia totona, a kara dika taudia hari.¹⁸Ioane ena hahediba bona Farisea edia hahediba edia anivaga ta ai haida ese Iesu e nanadaia, eto, Dahaka dainai Ioane bona Farisea edia hahediba e anivagamu, a oiemu hahediba na asie anivagamu? ¹⁹Iese e haere, eto, Headava matamata tauna na turana dekediai be bae anivaga a? Lasi, headava matamata tauna na dekediai noho, idia na basie anivaga.²⁰A negana baine gini dae, headava matamata tauna na edia amo baine heabi oho una negana ai bae anivaga. ²¹Dabua matamatana kopi gunadia ai basie banilaia. Unu bema kara toma, e banilaia seana na dabua gunana amo bema hedare oho, bona hedarena bema bada.²²Vine ranuna matamata na kopi gunadia ai basie vedaia. Unu bema kara toma, vine ranuna matamatana ese kopi gunadia bema hapou; bena vine ranuna bona kopi bema dika hebou.²³Dina Helaga ta ai, ia na uit umana ta e raka hanaiva ai, ena hahediba na rakadia ai uit e burukiva. ²⁴Farisea taudia ese e nanadaia, eto, Idia dahaka dainai hegwau-tao dina helaga ai e karaiamu?²⁵Ia e haere eto, Nega ta asio duahia, a, Davida ena kara ta, e hitoloa negana ai, ia mai bamona ida? ²⁶Dirava ena ruma ai e dae kau, Abiata hahelaga tauna negana ai, bena pata helagana amo malamala e abia, e ania, bona bamona e henidia, a una malamala na e helaga vaitani, hahelaga taudia mo adia.²⁷Ma eto, Dina Helaga e karaia taunimanima edia, dia taunimanima Dina Helaga ena.²⁸Una dainai, taunimanima natuna na Dina Helaga biaguna.

Chapter 3

¹Iesu na syngogue ai ma e raka vareai lou, bona ima heveri tauna ta na unuseni ai.²Haida ese ia eha-gereava bema ia ese una tau do baine hanamoa dina helagana ai bena una an idia edia habade gauna ai bainela.³Iesu ese ima heveri tauna e hamaoroa, eto, "A tore-isi bona a gini tore ini hutuma bogaragidiai." ⁴Bena ia ese aru taudia eha-maorodia, eto, "Ina be maoro dina helaga ai ba kara dika, ba hahemauri eiava ba ha-hemase, a? To idia na iboudiai asi regeregedia.⁵Ia ese e raraidia mai lalo hisihisina ida bona mai lalodikana ida, badina edia kudou auka daidiai, bona ia ese hari ima heveri tauna na e hamaoroa eto, "Imamu na atoia roro." Ia imana na e toia-roro bena vada e hedai hebou lou. ⁶Hari Farasia taudia na haraga e raka lasi, bona Heroda ena orea taudia ida e hebou bona ia ialana dalana e tahua.⁷Bena Iesu na mai ena hahediba memerodia ida ela davara kahana, bona taunimanima hutuma bada danu ia murinai e raka, Galileia amo, bona Iudea amo, ⁸bona Ierusalema amo, bona Idumaea amo, bona Ioridaena kahana amo, bona Turo bona Sidono amo. Ia e karava karadia e kamonai dia, hutuma na ia dekena ema.⁹Ena hahediba memero dia na e hereva henidia vanagi maragina ta bae hahegaegaea ia ena, badina be hutuma na bada herea bona ia e doriava bona e biriava. ¹⁰Badina ia ese hutuma edia gorere amo eha namodia guguru, bona una ese gorere taudia na e guguva, baela ia ba daua-toho.¹¹Lauma dikadia ese e itaiava neganai ia vairanai e goru dihova bona mai tai lolodia ida e herevava, "Oi na Dirava Natuna." ¹²Ia ese e tamanudiava ia na basie hahedinaraia.¹³Ia na e dae ororo ai, bona ia ese e urahenidia taudia e boiridia, bona dekena ema. ¹⁴Ia ese gwauta-rua e abidia-hidi (apostolo ai e gwauraidia) bena idia na ia dekenai bae noho, bona baine siaidia sivarai namo bae harorolaia, ¹⁵bona siahu danu e henidia lauma dikadia bae luludia-lasi. ¹⁶Bena ia ese ini gwauta-rua e abidia hidi Simona ladana ta e hatoa Petero,¹⁷Iakobo Zebedeo natuna, Ioane Iakobo tadina, ia ese ladana e hatoa Boanergea anina na guba rahu-rahu natudia, ¹⁸bona Aniderea, Pilipi, Batolomiu, Mataio, Toma, Iakobo Alphaes natuna, Thadeo, Simona Zealot natuna, ¹⁹bona Iuda Isakariota, ia taona itorena tauna.²⁰Bena ia na ena hanua ela, bona aru taudia hutuma danu ia ida ma e hebou, aniani danu asie urava. ²¹Ia varavarana na e kamonai neganai, idia na ela ba dabaia-tao bona ba habadea eto, "Ia na eme kavaia." ²²Itorena taudia na Ierusalema amo ema eto, Ia na Beelzebul ese e rohea, bona lauma dikadia lohiana ladanai lauma dika e luludia lasimu."²³Iesu ese e boiridia bena sivarai hegeregerenai eha maorodia eto, "Satani be edena dala ai Satani do baine lulua lasi, a? ²⁴"Bema basileia ta sibona do baine haheparara neganai, una basileia na basine gini diba. ²⁵Bema ruma ta sibona baine haheparara neganai, una ruma na basine gini diba."²⁶Bema, Satani na sibona baine toreisi, sibona enai baine haheparara, ia na basine gini, a ena dokona baine kau. ²⁷Asi tauna-ta na mai goadana tauna ena kohu do baine henao, a una goada tauna na baine guia guna, bena ena ruma ai baine raka vareai²⁸Na hamaoromui momokanimu taunimanima natudia edia kara dika na do bae hegwautao, edia ere dika danu, ²⁹to, daika ese Lauma Helaga dikana baine gwaurai henia tauna ena kara dika na basine hegwautao diba, a ena kerere dainai ena kara dika na baine hanaihanai. ³⁰Iesu ese unu bamona eha-maorodia badina be idia na eto, "Ia na mai ena lauma dika."³¹Bena sinana bona tadina na ema gigini. Haida e siaidia iboirina ela. ³²Hutuma ese e helaia hegere, bona idia ese ehamaoroa eto, "Oi sinamu bona tadimu na gigini bona idia na oi e tahumumu."³³Ia na e haere eto, "Lau sinagu bona tadigu be daidia, a?" ³⁴Ia na e roha lao, ia e helaia hegere taudia e e itadia bena eto, "Aitaia, ini idia na lau sinagu bona tadigu veridia." ³⁵Badina be, lau Tamagu ena ura e karamu tauna, ia na lau tadigu, lau taihugu bona lau sinagu.

Chapter 4

¹Ia ese kone ai ma e hadibadia lou, bona hutuma bada ese e ginia hegege. Ia na davara latana ai vanagi ai e dae kau, bona e helai diho lalonai. Hutuma iboudiai be kone ai gigini. ²Ia ese gau momo sivarai hegeregerenai e hadibadiava, bona ena hahediba lalonai, ia ese na ini e hamaorodia toma,³"ba hakala! Uhe ihadona tauna ta vada ela ena uhe baine hadoa. ⁴E hadohadovai, uhe haida na dala ai e moru, bona manu ema vada e anidia ore. ⁵Uhe haida be papapapa latadiai e more, tano severana ai. Uhe na e tubu haraga badina be tano na dia dobu dainai.⁶A dina e daeva neganai, au huahuadia vada e marai bona e kakoro, badina be asi ramudia dainai. ⁷Uhe haida be ava-ginigini padadiai e moruva. Ava-ginigini e tubu badabada bona e laodia-ahu, bona huahuana ta asi e vara.⁸Uhe haida be tano namona lalonai e moru bona huahuana ta e tubu bona e dobi haida be toi-ahui, haida be tauratoi-ahui, bona ma haida be sinahu-ta. ⁹Bena ia vada eto, "Mai taiana tauna na baine hakala!"¹⁰Iesu vada sibona neganai, ia e hakahikahiava taudia bona taudia gwauta-ruaosi ida ese e nanadaia sivarai hegeregerena daidiai, ¹¹ia ese e hamaorodia, eto, "Dirava ena basileia herevadia hehunidia na umui vada e henimui. A unu murimuri taudia ediai gau iboudiai na sivarai hegeregerenai, ¹²Una dainai, bae roharoha neganai, oibe bae roharoha, a basie itamu, bae hakala neganai, oibe bae hakala, a basie kamonaimu, eiava bema lasi idia na ba helalokerehai bona Dirava ese edia dika do baine gwau tao?¹³Bena ia ese e hamaorodia eto, "Umui ese ina sivarai hegeregerena so laloparara laimu, a? Bena ede bamonai umui ese sivarai hegeregeredia haida iboudiai ba laloparara laidia, a?" ¹⁴Hadohado tauna ese ena uhe e hadoamu una na ia ese hereva e hadoamu. ¹⁵Dala isenai e moru na hereva e heado gabuna, ini na taunimanima haida ese hereva e kamonaimu neganai Satani e maimu bona ediai e heado herevana na eabia ohomu.¹⁶Papapapa latanai e hadodia be taunimanima haida ese hereva e kamonaiamu neganai, eabiadaemu mai moaledia ida. ¹⁷Idia na asi ramudia sibodia ediai, a nega kwadogi mo e nohomu. Bena hisihisi eiava dagedage e maimu badina be hereva dainai, idia na e hekwakwanaimu.¹⁸Haida be ava giniginidia lalodia ai e hadodia gaudia, idia ese hereva e kamonaiamu, ¹⁹to tanobada ena lalo hekisehekise, moni ilalokau henina, gau idauidau iurahenidia edia mauri ai e vareaimu ese hereva na e gugubaiamu, bona se huahuamu. ²⁰Bena unu tano namonai vada e hadodia na hereva e kamonaiamu bona e abiadaemu taudia, bona huahuadia na e dobimu toi-ahui, tauratoi-ahui, eiava sinahuta vada e hadoa daenai."²¹Iesu ese e hamaorodia eto, "Umui ese lamepa o mailaiamu ruma lalona ai be bosea henunai eiava mahuta patana henunai bo atoamu, a? Umui ese na o mailaiamu bona lamepa patana ai o atokaumu. ²²Badina gau ta na hehuni bena basita dibaiamu, bona gau ta na dia laloai e miamu bena basita gwauraia lasimu; ²³Mai taiana tauna na baine hakala!²⁴Ia ese e hamaorodia, eto, "Dahaka o kamonaimu na ba hakaladia namonamo, badina bohenimu hahetoana amo oi do ba henimu, bona haida ma emui ai bae atokau.²⁵Badina be mai ena tauna, ia na momo ma ba henia, bona asi ena tauna, enai miadia danu bae abidia oho."²⁶Ia danu ma eto, "Dirava ena basileia na tau ta ena uhe tano ai e hadoamu na heto, ²⁷Ia na e mahutamu hanuaboi ai bona e toreisimu dina ai, bona uhe na sibona e huahuamu bona e tubumu, a ia na sedibamu ede bamonai.²⁸Tano sibona ese anina e havaraiamu: tuhutuhuna e gunamu, murinai taiana, murinai anina taiana lalonai?²⁹Huahua e lo'omu neganai, ia ese utu-utu kaiana e hesiailaimu badina be taboro vada e kau dainai.³⁰Ma e hamaorodia lou, eto, "Dirava ena basileia be dahaka ai baita hahegeregerea, eiava ita be edena sivarai hegeregerena amo anina baita dibaiamu?" ³¹Ia na sinapi nadinadina ta na heto, e hadoamu negana ai, ia na tanobada latanai uhe maragi-maragi hereana. ³²A e hadoamu neganai, ia na e tubumu bona uma au huahuadia iboudiai e hereadiamu, bona rigina badadia e hekaramu, unu amo guba manudia ese edia noho gabudia e karadiamu a hekerukeru lalodiai.³³Sivarai hegeregeredia ini hetomadia momo amo ia ese e hereva henidiava, edia laloparara hegeregeredia ai, ³⁴bona ia ese na sivarai hegeregerena ai mo idia e hereva henidiava. A ia sibona e nohova neganai, ia ese gau iboudiai anidia na ena hahediba e hamaoro laidiava.³⁵Una dina ai, dibura ese vada e govadia neganai, Iesu ese e hamaorodia eto, "Aitala unu kahana." ³⁶Bena idia ese hutuma vada e rakatanidia, Iesu mo eabia idia ida, vanagi ai e guilaia. Vanagi haida danu ia ida ela hebou. ³⁷Una murinai lai dikana ta mai gubana ida eabia isi bona hurehure e makohiva vanagi lalonai bena vanagi na kahiri-kahira ranu ese e hahonua.³⁸A Iesu sibona be vanagi gabena kahanai, kusini latanai mahuta. Idia ese e haoa, e tomu, "Hahediba tauna e, oi so laloamu ita vada baita masemu, a? ³⁹Ia e tore-isi, lai e gwau henia, bona davara e hamaoroa, eto, "A gaima! Basio marere!" Bena lai e doko bona e gaima?⁴⁰Bena ia ese e hamaorodia, eto, "Umui be dahaka dainai o garimu, a? Umui doini asi emui abidadama, a?" ⁴¹Idia na gari bada ese e hahonuhonudia dae bona sibodia e hereva heheni, eto, "Ina be daika, badina be lai bona davara ese danu erena e kamonaimu?"

Chapter 5

¹idia vada ema davara unu kahana ai, Garasa tanona ai e kau. ²Iesu vanagi amo e dihovai, lauma dikana ese e boloa tauna ta ena gara amo e raka lasi ia dekena ela.³Tauna na gara gabunai e nohova. Tau ta ese ma basine guia lou diba bona auri iguidia danu dia hegeregere.⁴Ia na nega momo vada e guia aena auridia bona auri iguidia amo. Ia ese iguidia eha motuva bona aena auridia danu e hamakohidia rohorohova. Tau ta asi goadana ia baine hamanadaia.⁵Hanuaboi bona daba iboudiai gara bonna ororo lalodiai, ia na e tai lolova bona nadi mai matadia amo sibona e heivava. ⁶Bena ia ese Iesu daudauna ai e itaia neganai, ia ese e heau henia bona vairanai e tomadiho henia.⁷Ia na mai tai lolona ida, e tomava, "Lau be vada dahaka baina kara oi emu ai, Iesu, Dirava Herea Mikamika Natuna, a? Lau na Dirava sibona dainai na noimumu, asi o hahisihisigu." ⁸Badina ia ese vada e hereva heniava, e tomava, "Lauma dikana, tau ena amo a raka lasi,"⁹Ia ese e nanadaia, etomava, "Oi ladamu be daika, aha?" Ia ese e haere henia, etomava, "Lau ladagu na Legiona (Lepeona), badina ia na hutuma. ¹⁰Ia ese ma e noia loulouva una tano amo basine siaidia lasi.¹¹Harihari boroma momo be unuseni ororo ai e anianiva, ¹²bona idia ese e noia, e tomava, "Asiamai boroma lalodia baia vareai; idia lalodiai aita vareai." ¹³Bena ia ese vada e siaidia, lauma dikadia e rakalasi bona boroma lalodiai vada e vareai, bona idia vada ororo amo mai tata siahudia ida davara lalonai e diho, bona boroma daha rua hegeregerena davara ai e maloa.¹⁴Bena unu boroma e ubudiava taudia vada e heau ela hanua lalodiai bona uma gabudiai e varava gaudia haripiudia e karadia, bona taunimanima vada ela e varava gaudia bae itadia totona. ¹⁵Bena idia ema Iesu dekena bona lauma dikana ese e boloa tauna e itaia, lauma dikadia logora ese e boloa tauna, unuseni ai helai, e hadabuaia bona lalona vada e maoro; bona idia na e gariva.¹⁶E vara karadia e ita taudia ese lauma dikana ese e boloa tauna sivaraina idoinai e hamaorodia bona idia ese boroma sivaraidia danu e hamaorodia. ¹⁷Bena idia ese e noiava edia tano amo baine raka oho.¹⁸Ia na vanagi ai e guiva neganai, lauma dikana ese e boloa tauna e noinoi ia ida bainela. ¹⁹A Iesu ese e gwauatao, a e hamaoroa eto, "Aola emu ruma bona emu taunimanima dekedia bona ba hamaorodia Lohiabada ese oi be dahaka eme kara henimu, bona ia ena hebogahisi oi emu ai." ²⁰Una dainai, ia vada ela bona Iesu ese kara badadia e kara henia na e harorolaiava. Hanua gwauta (Dekapolis) tanodia ai, bona taunimanima iboudiai vada e hoa.²¹Hari Iesu, vada vanagi amo ma e lou lao gohu kahana neganai, hutuma bada ese kone ai ma e ginia hegege. ²²Bena dubu hegunalai tauna ta, ladana Iairo, ema, bona ia e itaia, aena badinai e goru diho. ²³Ia ese e noia loulouva, e tomava, "Natugu kekenina vada be masemu. Na noimumu aoma bona enai ba daukau bena ia na baine namo bona baine mauri. ²⁴ Bena ia na ia ida ela bona hutuma bada ese e gavadia bona muridiai e raka hesede-hesedeva.²⁵Hari hahine ta unuseni ai na rara-moru gorerena e hakaua lagani gwauta-rua. ²⁶Ia na e hisihisi bada muramura taudia edia amo bona ena moni iboudiai vada e haoredia, a ena gorere na se namova a e bada e laova. ²⁷Ia ese Iesu sivaraina vada e kamonaia neganai, ia na ia murina amo ema hutuma bogaragidiai bona ena dabua ai e daukau.²⁸Badina ia na e tomava, "Bema lau ese ena dabua ai mo baina daukau, lau na baina namo." ²⁹Ia ese e dogoatao neganai, rara-moru vada e doko, bona tauaninai mamina eabia, ia na ena gorere amo vada e namo.³⁰Iesu na una horai sibona e diba siahu na ena amo vada e lasi. Ia na hutuma bogaragidiai e roha kerehai bona eto, "Daika lau dabuagu ai eme daukau, a?" ³¹Ena hahediba e haere eto, "Hutuma e raka hesede-hesedemu be o itadiamu, bona oi be o tomu, 'Daika ese eme daugu toho, a?" ³²A Iesu na e roharoha daika unu e kara toma na baine itaia.³³Hahine, mai dibana dahaka enai e vara, vada e gari bona e heude-heudeva. Ia na ema bona ia vairainai e goru diho bona hereva momokanidia e hamaorolaia. ³⁴Ia ese e hamaoroa, eto, "Natugu e, emu abidadama ese vada eme hanamomu. Mai mainomu ida aola bona emu gorere amo ba namo vaitani."³⁵Ia dounu e herevava ai, taunimanima haida dubu e gunalaimu tauna ena mo ema, e tomamu, "Natumu kekenina na e hamase. Dahaka dainai hahediba tauna doini o hametauamu, a?"³⁶A Iesu ese edia hereva e kamonai neganai, ia ese dubu igunalaina tauna e hamaoroa, eto, "Asio gari. Bavabidadama mo." ³⁷Ia na seura haida ese bae bamoa, a Petero, Iakobo, bona Ioane, Iakobo tadikakana, sibodia ese e bamoa. ³⁸Idia ema dubu igunalaina tauna ena ruma bona unuseni ia ese taunimanima e itadia rege bada herea e karava; idia na e taiva bona e tai lolova.³⁹Ia ruma ai e vareai neganai, ia ese e hamaorodia, eto, "Dahaka dainai o lalo hisihisimu bona dahaka dainai o taimu? Kekeni na se mase a e mahutamu." ⁴⁰Idia ese e kirikirilaia. A ia ese iboudiai murimuri ai eatodia bona kekeni tamana bona sinana bona ia e bamoa taudia mo eabidia, bona ia ida e vareai kekeni ena hekure gabunai.⁴¹Ia ese kekeni imana ai eabi bona e hereva henia, eto, "Talita Kumi! Anina be etomu, "Kekeni Kekeni e, na haganimumu, a tore-isi." ⁴²Kekeni vada e toreisi bona e raka (badina ia laganina na gwauta-rua). Idia iboudiai e hoa dikadika. ⁴³Ia ese e tamanudia ini e vara karana na ta basine diba. Bena ia ese vada e hamaorodia kekeni gau ta ba henia baine ania.

Chapter 6

¹Ia vada unu amo e lasi bona ema ena noho hanuana, bona ena hahediba ese e gavaia. ²Dina helagana ema neganai, ia na Dubu lalonai e hahedibava. Taunimanima momo ese e kamonai henia bona idia na e hoa. Idia vada eto, "Ini hahediba herevadia be ede amo eabi, a? "Ina be dahaka aonega ia vada e henia, a? "Ini be dahaka hoa karadia ia imana ai e karamu, a?" ³Ina be dia ruma kara tauna, Mary natuna bona Iakobo bona Jose bona Iuda bona Simeona tadikakana, a? Ia taihuna be dia ita ida iniseni ai, a? "Idia na Iesu enai e lalo hisihisi.⁴Bena Iesu ese e hamaorodia, eto, "Peroveta tauna na bae matauraia, a ena noho hanuana ai bona varavarana bogaragidia ai bona sibona ena ruma lalona ai, basie matauraia." ⁵Ia na siahu karadia badadia ta sekaradia, to imana mo e atokau gorere taudia hida hona ediai bona e hanamodia. ⁶Ia na e hoa bada idia na asi edia abidadama. Bena ia na ela hanua ta ta ai e hahedibava.⁷Bena taudia gwauta-raruosi e boiridia bona taudia rarua-rarua amo vada e siaidia lasi matama bona maoro e hendia lauma dikadia latadiai, ⁸bona e tamanudia gau ta basie abi kau edia laolao ai to itotohi ta hari - parao lasi, vaina lasi, moni lasi edia riotao dabuadiai - ⁹a tamaka bae karadia, bona ahedoki rua na basie karadia.¹⁰Ia ese e hamaorodia, eto, "Ruma ta ai o vareaimu neganai, ba noho ela bona unu amo ba siri," ¹¹Bema hanua haida ese basie abimuidae bona basie kamonai henimui, bema una gabu ba rakatania neganai, aemui kahudia ba ude-udedia oho vada igwauraimui gaudiai baela.¹²Idia vada e raka lasi bona e harorova taunimanima edia karadika amo bae helalokerehai. ¹³Lauma dikadia momo e luludia lasiva, bona gorere taudia momo latadiai oil eatova eha-namodiava.¹⁴Pavapava tauna Heroda ese ini hereva e kamonai, badina Iesu ladana vada e pere rohoroho. Haida e gwauva, "Ioane Bapatiso vada mase amo eha torea isi, bona ina dainai ini hoa karadia siahudia na ia ena amo e varamu." ¹⁵Haida ma e gwauva, "Ia na Elisa." Dounu haida ma e gwauva, "Ia na peroveta tauna ta, nega gunadia peroveta tauna ta na heto."¹⁶A Heroda e kamonai neganai, ia vada eto, "Ioane, lau ese kwarana na utua oho, vada e toreisi-lou," ¹⁷badina Heroda vada e hesiai Ioane bae guia bona dibura ruma ai bae atoa Heroda (tadikakana Pilipo adavana) dainai, badina be ia ese vada e adavaia dainai.¹⁸Badina Ioane ese Heroda vada e hamaoroa eto, "Ini na dia taravatu henunai oi ese tadikakamu adavana bavabia." ¹⁹A Heroda ena badu enai na dounu e dogotaova bona e urava baine alaia, a se karaia dibava. ²⁰Badina Heroda be Ioane garina e gariva; ia na dibana Ioane na kara maoromaoro bona helaga tauna ta, bona ia ese na e naria namonamova.²¹Bena nega ta e kau Heroda na ena vara dinana ihelalolaina anianina ta e karaia ena gaukara taudia, bona ena tuari taudia badadia, bona Galileia taudia badadia daidiai. ²²Heroda natuna kekenina sibona e vareai idia vairadiai e mavaru, bona ia ese Heroda mai ena vadivadi ida vada eha-maoaledia. Pavapava ese kekeni e hamaoroa eto, 'A hamaorogu oi be dahaka o uramu bena lau ese gauna na baina henimu."²³Ia ese kekeni ena hereva vada e gwauhamata laia, eto, "Dahaka egu ai ba gwauraia, enabe egu basileia kahana, lau ese baina henimu. ²⁴Ia vada e raka lasi bona sinana e hamaoroa, eto, "Lau e dahaka baina gwaurai ia enai, a? Ia eto, "Ioane Bapatiso kwarana." ²⁵Ia na asi vanahana e lou lao Pavapava dekena, bona vada e nanadaia, etomamu, "Lau na nauramu oi ese Ioane Bapatiso kwarana, au merekina latanai, na ina harihari ba henigu."²⁶Ena be Pavapava na e lalo-hisihisi, a ena gwauhamata dainai bona ena vadivadi daidiai, ena noinoi vada eabiadae. ²⁷Una dainai Pavapava ese ena tuari tauna ta e siaia, e hagania Ioane kwarana na baine mailaia. Tuari tauna na ela dibura rumana ai Ioane kwarana vada e utua-oho. ²⁸Ia kwarana na au mereki na latanai eatoa bona e mailaia kekeni e henia, bona kekeni ese sinana e henia. ²⁹Ena hahediba e kamonai neganai, idia na ema bona tauanina eabia bona gara ai vada eatoa.³⁰Apostolo taudia Iesu dekena e loulao e kara bona e hahedibalai gaudia iboudiai e hamaoro laia. ³¹Bena ia ese e hamaorodia, eto, "iboumui ai aoma gabu gagaenai nega taina do baita laga'ani." Badina taunimanima momo e lao-maiva dainai, bona idia na sie edia nega bae aniani. ³²Bena idia vada vanagi amo sibodia ela gabu asi tauna ta.³³A edia heau-oho ai taudia momo ese e itadia bona toadia e kara, bona hanua iboudiai amo aedia amo iboudiai e heau, bona gabuna ai e kau guna gabeamo idia e kau. ³⁴Idia kone ai e diho neganai, ia ese hutuma bada e itadia bona e bogadia hisi, badina be e karamu mamoe asi ireguna tauna na heto. Bena ia ese gau momo e hadiadia.³⁵Adorahi kahanai, ena hahediba ema dekena bona eto, "Ina na tano gagaena, bona dina vada be dihomu. ³⁶Asiaidia lao unu amo idia na baela hanua murimurina kahana bona hanua lalodiai sibodia edia aniani gaudia haida bae hoidia."³⁷A ia e haere bona eto, "Umui ese gau haida a hendia bae ani." Idia ese e hamaoroa, eto, "Ai be baiala bona aniani davana paoni sinahu-rua paraodia baia hoidia bena baia henidia bae ani, a? ³⁸Ia ese e hamaorodia, eto, "Parao be hida emui ai, a? Aola bona baitaidia e diba vada eto, "Parao ima bona gwaume rua."³⁹Ia ese taunimanima iboudiai eha-duadia orea ai ba helai ava namona latanai. ⁴⁰Idia na sinahuta bona imahui oreadiai ta ta ai e helai diho. ⁴¹Ia ese parao imaosi bona gwaume ruaosi vada e abidia, bona e gagaisi guba e itaia eha-namodia bona parao e bitudia bona hahediba vada e henidia taunimanima vairadiai bae atodia. Ia ese gwaume ruaosi danu iboudiai padadiai e haridia.⁴²Idia na iboudiai e aniani bona bogadia e kunu. ⁴³idia ese parao oredia eabi-isi, bosea gwauta-rua eha-honudia, bona gwaruma oredia danu. ⁴⁴Parao e ani tataudia iboudiai be sinahu imahui.⁴⁵Ia ese ena hahediba vanagi ai e haguidia bona bae lao guna gohu kahana, Betesaida ai, a ia be hutuma do baine siaidia oho. ⁴⁶Idia ela murinai, ia na e dara dae ororo ai baine guriguir dainai. ⁴⁷Hanua e boiva, vanagi ina horai na davara bogaraginai bona ia na sibona tano ai.⁴⁸Ia ese e itadia, e kalo hekwarahiva badina lai na idia vairadia amo e maiva. Daba do serereai, ia ese e lao henidia davara kopinai e raka, bona e urava baine rakadia hanai. ⁴⁹A idia ese davara kopinai rakanai e itaia neganai, edia lalohadai e tomava ia na lauma ta bona e tai lolo, ⁵⁰badina be iboudiai ese e itaia bona e gari dikadika, Ia ese e hereva henidia bona eha-maorodia eto, "Ba goada! Ina na lau! Asio gari!"⁵¹Vanagi ai e daekau dekediai, bona lai vada e doko. Idia na iboudiai e hoa bada herea. ⁵²Badina idia ese anibou anina do se lalopararalaia dainai, kudoudia vada eha-aukadia.⁵³idia kahanai e hanai neganai, idia na ema Genesarea tanonai ai e toa bona vanagi dogona eato. ⁵⁴Idia vanagi amo e raka lasi neganai, taunimanima ese ia toana e itaia, ⁵⁵bona idia una gabu idoinai e hadibadia bona gorere taudia mai edia hekure gedadia ida idia e kamonai Iesu edeseni dekena vada e lao haidia.⁵⁶Edena hanua ai, eiava hanua badadiai, eiava hanua murimuridiai, idia ese gorere taudia na hoihoi gabudiai eatodiava, ia e noihegame heniava idia ese ena dabua rimuna ai bae daukau, bona e daukauva taudia iboudiai na vada e namova.

Chapter 7

¹ Farise taudia bona itorena taudia haida Ierusalema amo ema ia dekena ai e hebou.²Idia ese ena hahediba haida e itadia imadia asi e huri, mai mirodia ida parao e aniva. ³(Badina Farisea taudia bona Iuda taudia na do basie aniani ela bona idia imadia na ba huridia, badina senedia edia taravatu edia badadia ese e dogoa taova dainai. ⁴Edena nega ai Farisea taudia hoihoi gabudia, amo e maiva idia na do se anianiva ela bona idia sibodia e hahediguva, bona idia na senedia taravatu dia momo e badina, hegeregeredia kapusi, uro, veo kohudia, bona hekure gaudia idia e anianiva daediai.)⁵Una dainai Farisea taudia bona itorena taudia ese e nanadaia, eto, "Dahaka dainai emu hahediba sene taudia badadia, bamodia ai se rakamu imadia asie hurimu edia parao e animu?"⁶A ia ese e haere henidia eto, koikoi taumui e momokani "Isaia ese e peroveta laimui eto, ini taunimanima ese bibinadia ai e imodaigumu, a lalodia na dauha veravai. ⁷E tomadiho henigu kavamu, a edia hahediba herevadia na taunimanima edia amo!⁸Umui na Dirava ena hahegani o dadaraiamu bona taunimanima edia taravatu o badina tarikatarikamu." ⁹Ia ese ma e hamaorodia eto, "Umui ese Dirava ena hahegani o laloa negemu senemui edia taravatu ilalo taona o helaorealaiamu! ¹⁰Badina be Mose eto, 'tamamu bona sinamu ba matauraidia,' bona,'daika tamana bona sinana hereva dikadia baine hamaoroaidia na do bae mase.'¹¹A umui o tomamu, 'bema tau ta ese tamana eiava sinana baine hamaoroa, "Dahaka gau egu amo o abiamu na Kobana" (anina be, 'Dirava e henia'). ¹²Bema umui ese ia basio taravatua gau ta basine karaia ia tamana eiava sinana enai. ¹³Umui na Dirava ena hahegani o utuamu. Senemui taravatudia umui ese o heni diho. Bona kara unu hetomadia diagau o karamu."¹⁴Ia ese are taudia ma e boiridia lou bona e hamaorodia eto, "Iboumui ai lau a kamonai henigu bona ba diba. ¹⁵Gau ta tau ta murimurina amo e vareaimu lalonai ese basine hadikaia." ¹⁶Source text ai na se atoa vareai.¹⁷Hari Iesu ese hutuma e rakatanidia bona ruma ai e raka vareai, ena hahediba una hereva hegeregerena e nanadailaia. ¹⁸Iesu ese e hereva henidia eto, "Umui danu doini lalomui asie pararamu a? Umui so itaiamu murimuri amo dahaka gau e vareaimu tau lalonai ese asie hadikaiamu; ¹⁹Badina ia kudouna asine laomu, a bogana e laomu bona inegena gabuna e laomu?" Ina hereva momokanina amo Iesu ese aniani gaudia iboudiai na goevadia e gwaurai.²⁰Ia eto, "Ina na tau lalona amo e lasimu gaudia ese e hadikaiamu. ²¹Badina be Mose tau lalona amo, kudou amo e lasimu, lalohadai dikadia, mata bodaga, henao, ala ala,²²heuda hanai, hegahusi, kara dikadia, koikoi,lebulebu; mata dika, hahediba koikoi, hekokoroku, kavakava. ²³Ini dika iboudiai na tau lalona amo e daemu, bona ini be dahaka tau ta e hadikalaiamu."²⁴Ia na unu amo e toreisi bona e lao siri Turo bona Sidono kahadia ela. Unu senior ruma ai e vareai bona e ura ta basine diba ia be ede seniai, to asi ena komu dalana. ²⁵Ina momokani [2], nega dia daudau hahine ta natuna kekenina na lauma dikana ese e guia. Ia harina e kamonai hahine na ela bona ia aena badinai e goru diho, ²⁶hari hahine na Helena, a Surofenise hahinena, ia ese e noia lauma dikana na hari kekeni ena amo baine lulua lasi.²⁷A ia ese e hereva henia eto, "Ene maragidia na ba ubudia guna. Badina ina na dia maoro maragidia edia parao na bavabia sisia ba taho henidia," ²⁸A hahine na e haere bona e hereva eto, "Oibe, Lohiabada enabe sisia sisia danu pata henunai maragidia eanimu momoru-momorudia e morumu eanimu"²⁹Ia ese hahine ma e hereva henia eto, "Badina ini ome hereva toma dainai, oi na lailai dainai vada aola. Lauma dikana na natuna ena amo e lasi." ³⁰Hahine na ena ruma e lou lao natuna e davaria mahuta patanai e hekure, bona lauma dikana vada e lasi.³¹Bena ia na ma e lasi lou Turo kahana, bona Sidono e rakaia hanai ela Galileia Gouna amo edae ela hanua gwauta kahadia. ³²Haida ese taia kudima bona lanalana, tauna ta ia dekena e hakaua lao bona e noia imana na ia tubuana ai baine daukau.³³Ia ese hutuma lalodia amo e hakaua siri, bona imana kwakikwakina taiana ai e toia vareai, bona gabe ai e kanudi ia ese matana e dahua toho. ³⁴Ia na guba ai e roha dae, e ganagana bona e hereva henia eto, "Efata," ina na e gwaumu a "hekeho!" ³⁵Nega tamona taiana e hekeho, malana e maoro, bona e hereva goevagoeva.³⁶Iesu ese e haganidia tau ta basie hamaoroa, e haganidia momo, to idia na asie kamonai harina e piua rohoroho. ³⁷Idia na e hoa dikadika, eto, ia ese gau iboudia ai e karadia goevagoevamu. Ia ese taia kudima e hakamonaidiamu bona mu e haherevadiamu.

Chapter 8

¹Unu dinadia ai, hutuma bada na Iesu dekenai ma e hebou lou, bona asi adia Iesu ese ena hahediba e boiridia e hamaorodia eto, ²"Aru taudia na name bogadiahisi, badina be dina toi dekegu ai bona asi adia. ³Mai hitolo dia ida edia ruma ba siaidia laomu neganai, dala ai be manori diamu." ⁴Ena hahediba e haere eto, "Ede kahai ina tano gagaenai ina hutuma adia parao begadia baia abi bena adia baita heni?⁵Bena e nanadaidia eto, "dekemui ai parao atagadia be hida?" Idia eto hitu." ⁶Bena ia ese hutuma na e hamaorodia tano ai bae helai diho. Bena parao atagadia hituosi eabi, e hanamoa bena e bakidia. Ena hahediba e henidia bae dabaraia bena idia ese hutuma vairadiai e atoa.⁷Mai adia gwarume-gwarume ta ta danu, bena e hanamoa, ma e henidia bae dabaraia. ⁸Idia na e aniani, bogadia e kunu, bona bahu bosea hitu e gogo.⁹Idia na daha-hani sisivana. Bena e siaidia karoho. ¹⁰Haraga herea ena hahediba ida vanagi ai e gui, Dalmanuta tanona ela.¹¹Farisea taudia e lasi, ia ida e hepapa-ahuahu matama, e dibagania, guba amo toa ta e tahua. ¹²E hahodi mai lalo-hisihisina ida bena eto, "Badina be dahaka ina uru ese toa e tahuamu? Na hamaoromui momokanimu, toa ta ina uru basina henidia. ¹³Bena e rakatanidia, e gui lou vanagi ai, e heau hanai kahanai.¹⁴Hahediba ese parao e lalo boio. Tamona mo vanagi ai e abia kau. ¹⁵E tamanudia eto, ba roharoha bona matamui bae papa Farisea taudia bona Heroda ena orea taudia edia hatubu gauna garina."¹⁶Idia na sibodia e hereva heheni eto, "Badina asi ada." ¹⁷Iesu na dibana, bena e hereva henidia eto, "Dahaka dainai o hereva hehenimu asi amui parao dainai? Doini asi dibamui a? Lalomui na do asie pararamu a? Lalomui na doini duduhu a?¹⁸Mai matamui, to asio itamu a? Mai taiamui, to asio kamonaimu a? Asio helalotaomu a? ¹⁹Aniani gaudia imaosi na baki sisi daha-imaosi iubulaidia, bahudia na bosea hida o hahonu?" Idia eto, "Gwauta-rua."²⁰Parao hituosi na baki sisi, daha-haniosi iubulaidia, bahudia na bosea hida o hahonu? Idia eto, "Hitu." ²¹Ma eto, "lalomui na doini asie pararamu a?²²Betesaida ai e kau. Bena haida ese mata-kepulu tauna ta ia dekena e hakaua lao, bena Iesu e noia enai baine dau kau. ²³Iesu ese mata-kepulu tauna imana eabia, hanua murimurina ai e hakaua lasi. Bena matana e kanudidia bena imana tauna ai e dau kau, e nanadaia eto, "Gau o itamu a?²⁴Ia na e roharoha, bena eto, " taunimanima na itadiamu au na heheto to e rakamu." ²⁵Imana na matanai ma e dau kau lou, bena ma e roharoha vada e namo, bona gau iboudiai e ita goevagoeva. ²⁶Bena ena ruma e siaia lao, eto, "Hanua lalona amo basiola.²⁷Iesu mai ena hahediba ida Kaisarea Filipi hanuadia ela. Dala ai ia ese ena hahediba e nanadaidia, eto, "Taunimanima be dahaka e tomamu lau be daika?" ²⁸Idia na e haere, eto O haida be "Ioane Bapatiso e tomamu. a haida be Elia, bona ma haida peroveta tauna."²⁹Ma e nanadaidia eto, A umui be dahaka o tomamu, lau be daika: Petero e haere eto, Oi na Keriso. ³⁰Bena ia ese e tamanudia ia herevana na tau ta basie hamaoroa.³¹Bena e hadibadia matama, taunimanima natuna na hisihisi diagau do baine ani, ³²Ina hereva e gwauraia hedinarai. Bena Petero ese e hakaua siri e gwau henia matama.³³A Iesu na e gini kerehai ena hahediba e hageredia bena ia ese Petero e gwau henia eto, "Murigu kahana aola," Satani! badina be emu lalohadai na dia Dirava ena, a taunimanima edia. ³⁴Ia ese aru taudia bona ena hahediba e boiridia hegogo, bena e hamaorodia eto, "Bema tau ta igavagu ura na baine ura, ia na sibona baine hedadarai, ena satauro baine abia isi, bena murigu ai baine raka.³⁵Badina be ena mauri e dogoa taomu tauna ese mauri baine reaia, a lau daigu ai bona sivarai namo dainai, ena mauri baine negea tauna ese mauri baine abia. ³⁶Tau ta tanobada idoinai baine abia to ena mauri baine reaia dahaka namona ia enai? ³⁷Bona tau ta dahaka baine heni ena mauri davana?³⁸Taunimanima ta ese lau daigu ai eiava egu hereva daidiai baine hemarai ina heudahanai bona kara dika uruna vairadiai, Taunimanima Natuna ese ia dainai baine hemarai aneru helagadia ida tamana hairainai bainema negana ai.

Chapter 9

¹E hamaorodia eto, "na hamaoromui momokanimu, haida ini o ginimu taumui ese mase mamina basio dibamu ela bona Dirava ena basileia mai siahuna ida baine kau." ²Dina tauratoi vada ela, Iesu ese Petero bona Iakobo bona Ioane e abidia ororo badana ta ai e hakaudia dara, idia sibodia mo. Bena idia vairadiai ia toana e idau. ³ Ena dabua e hururuhururu, kurokakuroka, tanobada ai dabua ihurina tauna ta ese unu basinema hakurokuroa toma.⁴Bena Elia bona Mose ida vairadiai e hedinarai, bena Iesu ida e hereva-hereva. ⁵Petero e haere bena Iesu e hamaoroa eto, "Hahediba e, ita ini seniai ta nohomu na namo herea, mani kalaga atoi ai a kara, auta oi emu, auta Mose ena, auta Elia ena." ⁶(Badina be asi dibana ede baine hereva toma, badina idia na e gari dainai.)⁷Bena ori ta ese e govadia ahu. Bena ere/gado ta ori lalona amo ema eto, "Ina na natugu egu lalokau. Ba kamonai henia." ⁸Idia na e roharoha, to tau ta asie itaia, Iesu mo sibona idia ida.⁹Ororo amo e hekeiva ai, ia ese e haganidia idia ese e ita gaudia ta basie e hamaoroalaia, ela bona Taunimanima Natuna na mase amo baine toreisi lou. ¹⁰Idia sibodia ese ina hereva na lalodiai eatoa, a sibodia e henanadai heheni "ina mase toreisi lou anina be dahaka.¹¹Idia ese e nanadaia eto, "Dahaka dainai itorena taudia e gwaumu Elia na do bainema guna?" ¹²Ia na e haere eto, "Elia na vada ema guna, gau iboudiai ihamatamatadia. Dahaka ede e torea toma, Taunimanima natuna na hisihisi diagau baine ani bona bae dadaraia? ¹³A na hamaoromuimu Elia na vada ema, bona edia ura karadia ia enai vada e kara vaitani, e tore guna herevadia hegeregeredia.¹⁴Ena hahediba ediai e kau ai, e itadia hutuma ese e ginidia hegege bena itorena taudia ida e hepapa-ahuahu. ¹⁵Idia ese Iesu e itaia, bena aru taudia na e hoa bona dekena e heau lao, e hanamoa. ¹⁶Iesu ese ena hahediba e nanadaidia eto, idia ida dahaka o herevalaiamu?¹⁷Bena hutuma bogaradia amo ta e haere eto, Hahediba tauna e, lau natugu na oi dekemu na mailaia. Mu laumana ese e boloamu. ¹⁸E butua taomu bona e tahoa dobimu uduna e gwara-gwaramu, gadigadina (isena) e hahedaidiamu, bona tauna e tororo-tororomu (rigid). Emu hahediba na noidiamu ena amo bae lulua lasi, to idia na asi dibadia." ¹⁹Bena Iesu ese e gwau henidia eto, "Asi emui abidadama uruna, Lau na dekemui ai baina noho ela bona edena nega ai? Baina haheauka henimui ela bona edena nega ai? Dekegu a mailaia."²⁰Idia ese mero na dekena e laohaia. Bena lauma ese Iesu e itaia, bena tauna e heude-heude (convulsion-shaken). Mero na tano ai e moru bona uduna e gwara-gwara. ²¹Iesu ese tamana e nanadaia eto, "Ede daudau na ini eme heto? Tamana eto,"Maragina negana ai. ²²Nega momo lahi ai e tahoa kauva, ranu ai e tahoa dobiva, aine hamasea e tomava. Bema igaukaralaina mai dibamu, mani boma bogamai hisi bona boma durumai.²³Iesu ese e hamaoroa eto, "Bema igaukaralaina mai dibagu o tomu? Abidadama tauna na gau iboudiai ikaradia dibana." ²⁴Bena mero tamana e tai lolo eto, "Lau na vada abidadama! A durugu egu abidadama maragi-maragi amo!" ²⁵Iesu ese aru taudia e itadia, idia e heau henidia, bena ia ese una lauma dikana e gwau henia eto, "Mu bona taia kudima laumana, na haganimumu, iena amo a raka lasi, bona ia lalonai basio vareai lou.²⁶Bena e tai lolo, tauanina e heude-heude bena vada e lasi. A mero na mase tauna na heto, hutuma e tomava, "Ia na e mase." ²⁷A Iesu ese ia imana eabia e veria tore, bena vada e gini.²⁸Rumai e raka vareai negana ai, ena hahediba ese e nanadaia hehuni eto, "Dahaka dainai ai ese asia lulua lasi?" ²⁹Ia eto, "Ini hetomana na ilulu-ohona dalana ta lasi guriguri mo sibona.³⁰Unu amo raka lasi bena Galileia tanona amo e raka hanai. Se urava ta baine diba idia be ede kahai, ³¹badina ena hahediba e hadibadiava. Eto, Taunimanima Natuna na taunimanima ediai taona bae torea, bae alaia mase, a dina toi murinai ia na baine tore isi lou." ³²a idia na lalodia asie parara, bona inanadaina danu e gari.³³Bena Kaperanaumai e kau. Ruma lalonai e vareai ia ese e nanadaidia, eto, "Umui dala ai be dahaka o herevalaiva?" ³⁴A idia na asie haere, badina be dala ai sibodia vada e hepapa-ahuahu daika be hereadae. ³⁵Bena ia na e helai diho, gwauta-ruaosi e boiridia bena e hereva henidia eto, "Baine guna e tomamu tauna, na gabe taunai bainela iboudiai isiaidia baine lao heni."³⁶Bena ia ese mero-mero maragina ta eabia bogaradia ai e haginia. E rosia imanai eto, ³⁷Lau ladagu ai mero-mero inihetomana ta eabia daemu; tauna ese lau danu e abigu daemu, bona lau e abigu daemu tauna ese dia lau mo lau e siaigu Diravana danu e abia daemu."³⁸Ioane ese e hamaoroa eto, Hahediba taumu e, ai na tau ta aitaia oi ladamu ai lauma dikadia e luludia bena a gwaua tao badina be ia na dia ita bamodia. ³⁹Iesu eto, Basioma gwaua tao, lau ladagu ai kara siahuna e karaiamu tauna na lau ihadikagu asi dibana.⁴⁰Se laoda ahumu tauna ese e kahadamu. ⁴¹Na hamaoromui momokanimu, ta ese ranu kurita baine henimui, umui na Keriso ena dainai, ia na davana ai basine dabu.⁴²A ini e abiabiraigumu memero-memerodia ta baine hahekwakwanaia tauna na huro badana ta aiona ai bema mataia,davara ai bema negea dobi, bema namo. ⁴³Imamu ese baine hahekwakwanaimu, ba utua oho: namo mai imamu dokona mauri ai ba vareai, dika mai imamu rua Gehena lahi se bodomu gabuna, baola. ⁴⁴Unuseni ai edia uloulo basine mase, bona lahi na basine bodo.⁴⁵Aemu ese baine hahekwakwanaimu, ba utua oho, namo mai aemu dokona mauri ai ba vareai, dika mai aemu rua Gehena ai bae tahomu dobi. ⁴⁶Unuseni ai edia uloulo basine mase, bona lahi na basine bodo.⁴⁷Matamu ese baine hahekwakwanaimu, ba giboa lasi, namo Dirava ena basileia lalonai ba raka vareai mai matamu tamona, dika mai matamu rua Gehena ai bae tahomu dobi. ⁴⁸Unuseni ai edia uloulo basine mase, bona lahi na basine bodo.⁴⁹Taunimanima iboudiai na lahi amo bae hagoevadia. ⁵⁰Damena na gau namona, a damena basinema tadika-tadika, ede bae hatadikaia toma? Damena lalomui ai bavabia, bona ba noho hebou mai mainomui ida.

Chapter 10

¹Iesu na una gabu e rakatania bena ela Iudea tanona bona ela Ioridaena sinavaina kahana, bona taunimanima hutuma danu ia dekena ela. E henia gaukarana dainai ia ese idia na e hadibadibadiava. ²Bena Farasia taudia na dekena ema e nanadaia ia itohona dalanai bena eto, "Taravatu ai tau ta adavana baine hadihoa ina be maoro eiava? ³Ia e haere eto, "Mose ena taravatu umu emui be dahaka, a? ⁴Idia e haere eto, "Mose ese tau ta na e hamaoroamu revareva ta baine torea, hahine baine henia bena hahine na baine hadihoa."⁵Ina na umui kudou auka-auka taumui dainai ina taravatu e torea. ⁶Iesu ese e hamaorodia. To tanobada e karaia matama neganai, Dirava ese tau bona hahine e karadia.⁷Una dainai tau ta na tamana bona sinana e rakatanidiamu bona adavana ida e tamonamu, ⁸bona raruosi na tauani tamona ai e laomu. Bena idia na dia rarua, a tauani tamona. ⁹Una dainai dahaka Dirava ese e haboua tamonai, tau ta ese na basine hapararaia.¹⁰Idia na ruma ai bena ena hahediba memerodia ese ma e nanadaia-lou. ¹¹Ia ese e haere henidia eto, "Tau ta ese adavana eha dihoamu bona hahine ta ma e adavaiamu tauna na heuda-hanai tauna.¹²Bema hahine ese tau eha dihoamu bena tau ta ma e adavaiamu hahinena na heuda-hanai hahinena!¹³Bena haida ese natudia e laohaidia ia dekena ia ese baine dau dia-toho, to ena hahediba memero ese e gwau henidia. ¹⁴A Iesu ese una kara e itaia neganai ia lalona na se moale ena hahediba ediai bena e hamaorodia eto, ene maragidia na lau dekegu aema, bona asio koudia, badina ba Dirava ena basileia na ene hetomadia edia.¹⁵Momokani na hamaoromuimu, daika ese Dirava ena basileia na asine abia daemu ina maragina ta asio abia daemu hegeregerenai, danu na do basie vareai diba. ¹⁶Bena ia ese hari maragidia na e abidia hebou, ima na latadiai e ato bena e hanamodia.¹⁷Ia ena laolao ma e matamaia neganai, tau ta na ia e heau henia vairanai e gorudiho bena e noia eto, "Hahediba Tauna namona e, lau be dahaka baina kara mauri hanaihanai do baina abia? ¹⁸Iesu eto, "Dahaka dainai lau namogu e gwauraiamu, a? Ta na dia namo to Dirava sibona mo. ¹⁹Oi na taravatu herevadia mai dibamu, "Basio ala-ala, basio heuda-hanai, basio henao, basio habade koikoi, basio kara koikoi, tamamu bona sinamu ba matauraidia."²⁰Una tau e hereva eto, "Hahediba tauna e, ini iboudiai na lau merogu neganai vada na badinadia. ²¹Iesu ese e itaia bona e ura henia. Ia ese e hamaoroa eto, "Gau tamona oi emu ai o dabumu. Oi na emu kohu iboudiai ba hoihoilaidia bena ogogami taudia ba henidia bena kohu namona do bavabia guba ai. Bena baoma murigu ai ba raka." ²²A una hereva dainai, ia lalona na asine moale, bona e raka oho mai lalo-hisihisina ida badina ia na mai ena kohu momo tauna²³Iesu na e roharoha, bona ena hahediba memerodia e hamaorodia eto, Taga taudia ediai na mai hekwakwanaina Dirava ena basileia lalonai do ba vareai. ²⁴Ena hahediba memerodia na e hoa unu ena hereva daidiai. A Iesu ese ma e hereva henia lou eto, "Natugu e, Dirava ena basileia ai ba raka vareai na auka! ²⁵Ina na dia auka kamelo ta nila matana amo baine vareai, to taga tauna enai na auka Dirava ena basileia lalonai baine vareai.²⁶Idia na e hoa dikadika bona sibodia e hereva heheni eto, "bena daika be do baine mauri, a? ²⁷Iesu ese e raraidia bena eto, "Taunimanima ediai ikarana na asi dibadia to dia Dirava enai, badina Dirava enai gau iboudiai ikaradia na mai dibana. ²⁸Petero ese e hereva henia eto, "Aitaia ai na emai gau iboudiai vada a rakatanidia bona oi muimu ai ame raka."²⁹Momokani vaitani na hamaoromuimu, asi tauna ta lasi vaitani ia ese ena ruma, eiava tadina, eiava taihuna, eiava sinana, eiava tamana, eiava natuna, eiava ena tano vada e rakatanidia, lau daigu ai bona sivarai namo dainai, ³⁰ia na nega sinahu-ta do basine davari hari ina tanobada ai; ruma bona tadina, bona taihuna, bona sinana bona natuna, bona ena tano, mai hisihisina ida, bona vaira tanobadanai, mauri hanaihanai basine abia. ³¹A hutuma daidia be vaira na do bae gabe, bona gabe taudia na do bae guna.³²Idia na dala amo e laova Ierusalema, bona Iesu na idia vairadiai e raka guna. Ena hahediba memerodia na e hoa bona haida ia murinai e raka taudia na e gari. Bena Iesu ese ena hahediba memero gwauta-ruaosi na e boiridia-oho bona e hamaorodia matama nega sisinai dahaka do baine vara ia enai. ³³Eto "Aitaia, ita na ta daradaemu Ierusalema ai bona Taunimanima Natuna na be henia hanaimu Dubu helaga taudia bona Itorena taudia ediai. idia ese be henia hanaimu Idau bese taudia ediai. ³⁴Idia ese be kirikirilaiamu, be kanudiamu, be kwadiamu, bona be hamaseamu. To dina toi murinai do baine toreisi."³⁵Iakobo bona Ioane, Zebedeo natudia ruaosi ia dekena ema bena eto, "Hahediba Tauna e, ai a uramu a noiamu gauna na boma kara henimai." ³⁶Ia ese e hamaorodia eto, "Umui be o uramu dahaka emui ai baina karaia a? ³⁷Idia eto, "Oi hairaimu o abiamu neganai, bavabimai oi ida baita helai hebou, ta idibamu kahanai bona ta laurimu kahanai."³⁸To Iesu ese e hamaorodia eto, "Umui na asi dibamui dahaka e noimu. Lau ese do baina inua keherena umui ese ba inua diba a, eiava lau baine bapatisolaigu bapatisona umui ese ba haheauka-laia diba a? ³⁹Idia eto "oibe". Iesu ese eha maorodia eto, "Lau ese baina inua keherena na umui ese danu ba inua, bona lau eha-bapatisogu bapatisona na umu danu ba bapataisolaimui. ⁴⁰To, daika be lau idibagu eiava lau laurigu ai baine helai na dia lau ese baina henia eha-hegaegaedia taudia edia.⁴¹Hahediba gwauta-osi ese e kamonaia neganai idia na e badu dikadika Iakobo bona Ioane ediai. ⁴²Iesu ese ena hahediba memerodia e boiridia hebou bena eto, "Umui na mai dibamui, e gwauradiamu Idau bese lohiadia edia lohia henudiai e nohomu bona edia tau badadia edia maoro na e gaukaralaidiamu idia latadiai.⁴³To dia una dala ai umui latamui ai. Umui padamui ai daika e uramu baine hereadae na hesiai tauna ai bainela, ⁴⁴bona daika e uramu baine hegunalai na umui iboumui ai isiaimu baine laoheni. ⁴⁵Badina be Taunimanima Natuna na dia isiaina ba laoheni to ia ese isiaimui baine laoheni bona ena mauri baine heni taunimanima momo ihamauridiai."⁴⁶Idia na Ieriko ai e gini dae. Mai ena hahediba memerodia bona hutuma danu murinai ia ida Ieriko e rakataniava lalonai, Timaeus natuna ladana Batelomiu, mata kepulu bona noi hegame tauna na dala isenai helai. ⁴⁷Ia na e kamonai una na Iesu tau Nasareta, ia na e boi-lolo bona eto, "Iesu, Davida Natuna e, a bogagu hisi." ⁴⁸Hutuma ese mata kepulu tauna na e gwau henia basine boi-lolo. To ia na dounu e boilou boilou e tomava, "Davida Natuna e, a bogaguhisi. "⁴⁹"Iesu na e gini bona e hamaoroa bainema ia dekena. Idia ese mata kepulu tauna na e boiria bona e hamaoroa eto, "A goada! A toreisi ia na oi e boirimumu." ⁵⁰Ia na ena dabua e tahoa tabe e toreisi bona Iesu dekena ela.⁵¹Iesu ese e haere henia eto, "oi be dahaka o uramu emu ai baina kara a? Mata kepulu tauna e hereva eto, "Rabbi e, launa na uramu baina roharoha." ⁵²Bena Iesu ese e hamaoroa eto, "Aola, emu abidadama dainai ome namo guguru. Nega tamona, ia na e roharoha lou bona dala amo Iesu murinai e raka.

Chapter 11

¹Idia na e raka ela bona Ierusalema e kahikahi, Betefage bona Betania ai e kau, olive ororonai. Bena Iesu ese ena hahediba rua e siaidia guna. ²E hamaorodia, eto, vaira hanua na aola. Bena ba raka vareai gabuna ai doniki natuna ta hekwatu-kauna ai ba itaia, latana ai ta do segui-kau ba ruhaia, ba mailaia. ³A ta baine hereva, baineto"Umui dahaka o karamu? Umui baoto "Lohiabada ese e ura heniamu, bena baine siaia lou haraga."⁴Bena raruosi vada ela. Doniki batuna e davaria, ruma ta vairanai e itaia, bena vada e ruhaia. ⁵Unu seni ai ginidia taudia ese e nanadaidia, eto, umui na dahaka dainai ena doniki natuna o ruhaiamu. ⁶Bena Iesu ena hereva e hamaorolai dia bena e kahua negu.⁷idia ese doniki natuna na Iesu dekena e laohaia, bona edia dabu dorunai e ato: Bena Iesu e helai kau. ⁸Bena hutuma na edia dabua dala ai e tahodia, bona haida be reta e utu, dala ai e tahodia. ⁹Bena vaira taudia bona dokona taudia e hisi dae, eto, Hosana! Lohiabada ladana ai e maimu aita hanamoa. ¹⁰Seneda Davida ena basileia vada e maimu aita hanamoa. Atai doriva-dorivana ai hosana.¹¹Ia na Ierusalema ai e kau, bena dubu helaga ai e raka vareai, gau iboudiai, e ita hagau-hagau. Adorahi ai, ia na gwauta-rarua ida e raka lasi, Betania e lou lao, ¹²Daba ai Betania amo e lou, mai hitolona ida.¹³Bena ia ese suke auna ta rauna daudau na ai e itaia. Bena huahua na iabina e lao henia, to asi huahua na, rauna mo. Badina suke edia huahua negana na do vairai. ¹⁴Bena Iesu ese e gwau henia, eto, oi huahuamu na ta ese basine abia. harihari ela hanaihanai. Una hereva na ena hahediba ese e kamonaia.¹⁵Idia na Ierusalema ai e kau, bena ia na dubu helaga ai e raka vareai. Hoihoi taudia e luludia lasi, bona moni e sensi taudia edia pata bona pune e hoi taudia edia helai gaudia e dori hebubu. ¹⁶Bona kohu e lato taudia danu e gwaudia tao.¹⁷E gwau henidia, eto, ini se torea toma, a? Egu ruma na bese logora iboudiai edia guriguri rumana bae gwauraia. To umui ese henao-henao taudia edia kohu ai vada o halaoa. ¹⁸Hahelaga taudia bona Itorena taudia ese harina e kamonai. Bena ia ialana dalana e tahua; badina be ia garina e gariva. Taunimanima iboudiai ese ena hahediba, herevadia e hoa laiva dainai. ¹⁹Adorahi iboudiai ia ese hanua badana e rakataniava.²⁰Daba ai, raka hanaidia ai, hari suke, e itaia vada e mase vaitani. ²¹Petero na e helalolai-une, eto, hahediba taumu e, mani aitaia, o gwau henia sukena na vada eme mase vaitani²²Iesu eto, Dirava bavabidadama henia. ²³Na hamaoromui momokanimu. Ta ese ina ororo baine hamaoroa baineto "Ba heraga, davara ai ba henege dobi." Bona lalona basine daradara, lalona idoinai baineto e gwauraia gauna na do baine hekara. Ia ese e gwauraia gauna do baine vara.²⁴Benaini na hamaoromuimu. O uramu gaudia iboudiai guriguri ai ba noi. Lalomui idoidiai baota bavabi, vada bavabi. ²⁵Guriguri ai ba gini negadiai, e hadikamui taudia edia dika ba gwautao. Bena Tamamui guba ai e nohomu na emui dika baine gwautao. ²⁶A umui ese edia dika basi gwau tao, Tamamui guba ai e nohomu danu emui dika basine gwau tao.²⁷idia na Ierusalema ai ma e kau. Bena ia na dubu helaga lalonai rakanai, hahelaga taudia bona Itorena taudia bona tau-badadia ia dekena ela. ²⁸E nanadaia, eto, edena siahu ai ini gau o karamu, bona daika ese ina siahu e henimu?²⁹Iesu e haere, eto, lau ese danu umui ai na nanadaimui: ba haere henigu, bena lau danu ini gau na karalaimu siahuna baina hamaorolaimui. ³⁰Ioane ena bapatiso na guba amo eiava taunimanima edia amo? Mani hamaorogu.³¹Idia na sibodia e hereva heheni, eto, ita baitato "Guba amo," ia be gwaumu "matona basio kamonai henia." ³²Baita gwa 'Taunimanima edia amo" to idia na aru taudia garidia e gariva. Badina iboudiai be tomamu Ioane na peroveta tauna korikori. ³³Bena idia ese Iesu e haere henia, eto, asi dibamai. Bena Iesu ese e haere henidia, eto, lau danu ini gau na karalamu siahuna na basina hamaorolaimui.

Chapter 12

¹Ia ese sivarai hegeregerena e gwaurai matama eto, tau ta vine imeana e hadoa, maguna eatoa hegege, vine imoimoilaidia gurina e geia, hegima kohorona e haginia. Bena imea ihadona taudia e habadinalaidia. Bena e halaolao. ²Negana korikori ai, ia ese ena hesiai tauna ta e siaia ela imea ireguna taudia dekedia vine anidia baine abi. ³A idia ese e dabaia tao, e dadabaia, bona e lulua imana kavakava e lou.⁴Bena hesiai tauna ta ma e siaia, to ia na kwarana e haberoa, bona e hahemaraia.⁵Ta ma e siaia, to e alaia mase. Hutuma danu unu e karadia toma, haida e haberodia bona haida e aladia mase.⁶Ia dekenai na tamona mo noho baine siaia, ia natuna lalokauna. Ia na dokonai idia dekedia e siaia lao. Eto, 'natugu binai idia ese bae matauraia.' ⁷To imea ireguna taudia e hereva heheni eto, dihina binai, aoma aitame alaia, bona imea na vada iseda.⁸Idia ese e dabaia tao, e alaia mase, bona imea lalona amo e tahoa lasi. ⁹Una dainai, Imea biaguna be ede baine kara toma? Ia na do bainema bona imea hado taudia baine aladia ore bona imea na haida baine henidia.¹⁰Ina revareva asio duahia a? Ilarebana taudia ese e dadaraia nadina na daiguni nadina ai vada ela;¹¹Ina na Lohiabada ena amo ema, bona ta hoamu matadai ta itaiamu. ¹²Idia eurava Iesu bae dabaia-tao, to taunimanima garidia e gariva, badina idia e dibava una sivarai matana na idia ediai. Bena idia ese e rakatania bona vada ela.¹³Bena idia ese Farisea taudia bona Heroda ena orea taudia haida e siai dia ia dekena ela ena hereva amo bae idoaia. ¹⁴Bena ela neganai, e hereva henia eto, "Hahediba tauna e, ai dibamai oi na maoromaoro, taunimanima garidia so garimu bona taunimanima orormadia so lalomu. Dirava ena dala o hahedibalaia goevagoevamu. Edena be maoro Kaisara ena tax monina baia heni namo eiava lasi? ¹⁵A Iesu na edia koikoi dibana bena eto, Dahaka dainai o dibaganigumu? Siliva monina ta a mailaia bena baina itaia."¹⁶Ta e mailaia Iesu dekena. E hamaoroadia eto, "Ina be daika laulauna bona daika ladana?" Idia eto, "Kaisara." ¹⁷Iesu eto, "Kaisara ena Kaisara bae henia, bema Dirava ena Dirava bae henia. Idia na ia e hoalaia.¹⁸Bena Sadukea taudia, egwauva toreisi lou lasi oreana taudia, ia dekena ela. Idia ese e nanadaia eto, ¹⁹"Hahediba tauna e, Mose ese e tore henimai eto, 'Bema tau ta tadikakana baine mase bena adavana baine rakatania, to asi natuna, una tau ese tadikakana adavana baine abia, natuna baine havaradia tadikakana ena.²⁰Bese ta taudia na hahitu; tau guna e headava bena e mase, to asi natuna. ²¹Bena iharuana ese vabu e adavaia to ia danu e mase, asi natuna, bona ihatoina danu unuheto. ²²Taudia hituosi e mase asi natudia. Gabe amo, hahine vada e mase. ²³Toreisi lou neganai, idia vada e toreisi lou, una hahine be daika adavana? Badina be hahituosi ese e adavaia."²⁴Iesu eto, "emui kerere binai, badina buka helaga asi dibamui bona Dirava ena siahu danu asi dibamui? ²⁵Badina be mase amo bae toreisi lou, na basie e headava, to idia na guba anerudia na heheto.²⁶A mase amo e toreisi herevana na Mose ena buka ai, au e araia sivaraina lalonai, asio duahia a? Dirava ese e hereva henia eto, 'Lau na Aberahamo ena Dirava bona Isa'ako ena Dirava bona Iakobo ena Dirava'? ²⁷Ia na dia mase taudia edia Dirava, to mauri taudia edia. Umui na o kerere dikadikamu.²⁸Itorena tauna ta ema bena edia hepapa-ahuahu e kamonai; e itaia Iesu ese e haere henidia goevagoeva. Ia ese e nanadaia eto, "hahegani herevadia iboudiai edena be herea? ²⁹Iesu e haere eto, "hahegani hereadaena binai, a kamonai, Isaraela e, Lohiabada iseda Dirava be, Lohiabada tamona. ³⁰Lohiabada emu Dirava ba lalokau henia mai lalomu idoinai, mai laumamu idoinai, mai daramu idoinai bona mai goadamu idoinai? ³¹Iharuana binai, dekemu tauna ba lalokau henia sibomui o helalokaumu hegeregerena.' Ini hahegani ruaosi na heherea.³²Itorena tauna ma e hereva henia eto, "Namo, Hahediba taumu e, momokani o hereva maoromu, Dirava na tamona, bona tama lasi ia ohenai. ³³ Ta ese baine lalokau henia mai lalona idoinai, mai darana idoinai, mai goadana idoinai, bona dekena tauna e lalokau henia sibona e helalokaumu hegeregerena, bada hereana bunai, helaga karadia iboudiai e hereadiamu. ³⁴Iesu dibana ia na vada e haere mai lalopararana ida, e hamaoroa, eto, Oi bona Dirava ena basileia padamui na dia daudau. Una murinai taunimanima iboudiai Iesu inanadainai e gariva.³⁵Iesu na Dubu lalonai e hahediba eto, Itorena taudia be ede egwau tomamu. Keriso na Davida natuna etomamu a? ³⁶Davida be Lauma Helaga, ese e rohea eto,Lohiabada ese egu Lohia e hamaoroa eto, "Lau idibagu kahanai ba helai, ela bona inaimu iboudiai na oi aemu ihadaidia gaudia ai baina halaodia."³⁷Davida sibona ese "Lohiabada" e gwauraia be edeheto Keriso na Davida natuna, Aru taudia na mai moaledia ida ia erena e kamonai.³⁸E hahediba lalonai Iesu eto, Itorena taudia nahuadia ba toho, idia na e uramu dabua latadia bae rio bona bae loaloa hoihoi gabudia ai taunimanima ese bae hanamodia ³⁹bona e uramu gabu hereadiai bae helai dubu ai bona anibou ai gabu hereadia ai bae helai. ⁴⁰Idia ese vabu edia ruma e haogogamidia, bona edia guriguri e hadaudau, taunimanima ikoilaidia. Idia na dava metaudia do bae abi.⁴¹Iesu na boubou mauana vairanai e helai; e raka vareai taudia e itadia edia moni maua lalonai e uda dobi. Haida danu taga taudia, moni e uda dobi maua lalonai. ⁴²A vabu ogogamina ta ena moni maragi-maragidia rua e uda dobi, ruaosi na toea tamona mo hegeregerena.⁴³Ena hahediba e boiridia e hamaorodia eto, na hamaoromui momokanimu, una vabu e uda dobi gauna na bada a idia iboudiai e uda dobi gaudia na mamaragi. ⁴⁴Badina be idia ese edia taga amo sina taina e udaia dobi, a ia na ena ogogami amo, ena gau idoinai ena mauri helaoreana e udaia dobi."

Chapter 13

¹Iesu na dubu helaga amo e raka ohova lalonai ena diba-taudia tauna ta ese e hamaoroa, eto. "Ahediba tauna e, unu nadi hereadaedia bona ruma hereadaedia aitadia." ²Ia ese e haere henia, eto, "Ini ruma badadia o itadiamu? Nadi ta nadi ta latanai basine heato kau bona basine heveri diho."³Ia na Olive ororona latanai, dubu-helaga kahana ai, e helaiva lalonai, Petero, Iamesa, Ioane bona Aniderea ese hehuni ai e nanadaia. ⁴Mani a hamaoromao, ini gau be edena nega ai be varamu?"⁵Iesu ese e hereva henidia, eto. "Oromana ba itaia. Taunimanima ta ese basie hakaumui kerere. ⁶Taunimanima momo be maimu lau ladagu ai beme gwaumu, 'Lau na Ia' bona idia ese bae hakaumui kerere.⁷Tuari e varamu eiava tuari bae vara sivaraidia ba kamonai neganai, basio lalohekwarahi. ⁸Badina be tanobada ta ese tanobada ta baine heiriheiri henia, bona basileia ta ese basileia ta baine heiriheiri henia. Laga do bae vara gabu momo ai bona doe do baine vara. Ini na mara matamata hisihisidia.⁹Ba gima, idia ese siahu taudia vairadiai bae haginimui bena hebou rumadia ai bae dadabamui. ¹⁰To sivarai namo na bae haripiulaia tanobada iboudiai ediai.¹¹Bae dabamui tao bona bae henimui hanai neganai, basio lalohekwarahi dahaka ba gwaurai. Badina be una hora lalonai, dahaka ba gwaurai gaudia na bae henimui; una na dia umui ba hereva, to Lauma Helaga. ¹²Tadikaka maruanena ese tadikakana maruanena baine hamasea bona tama ese natu baine hamasea. ¹³Taunimanima ese basie ura henimui, badina be ladagu dainai. To daika baine haheauka ela bona dokona una taunimanima na do bae hamauria.¹⁴Hahedika gauna ba itaia ia basine gini gabunai (duahiduahi tauna na ba lalopararai, Iudea ai nohodia taudia na bae heau mauri ororo baela, ¹⁵ruma guhina latanai nohona tauna na basine vareai ruma lalonai eiava ruma lalona amo gau ta basine abia lasi, ¹⁶bona uma imeana ai nohona tauna na basine loulao ruma, ena dabua iabina totona.¹⁷To rogorogo hahinedia bona mararoto hahinedia unu dina ai, madi ihabaidia! ¹⁸Ba guriguri be ina kara na basine vara keru negana ai. ¹⁹Badina be hisihisi badaherea do baine vara, matamana negana vaitgani Dirava ese tanobada e karaia negana amo ema bona ina harihari, do se vara hisihisina.²⁰Bema Dirava ese unu dina basine hakwadogidia, "tauani" ta basie hamauria. To e abidiahidi taudia daidiai, ia ese abidiahidi taudia, ia ese dina do baine hakwadogidia.²¹Bena taunimanima ta ese baine hamaoromui, baineto, 'A itaia, Keriso o-ina' eiava 'A itaia, Ia o-una! basio hamomokania. ²²Badina be Keriso koikoidia bona peroveta taudia koikoidia na do bae hedinarai bona hoa toadia bona kara bae henimui, bae koimui, bona bema dalana e abidihidi taudia danu. ²³Ba gima! Lau ese ini gau na hamaoromui nega do badaherea do vairai miana lalonai.²⁴To una hisihisi bada negana dinadia murinai, dina na do bae hadiburaia, hua ese diari basine henidia, ²⁵hisiu na guba amo bae moru, bona siahu guba lalonai na bae udeudedia. ²⁶Bena idia ese Taunimanima Natuna bae itaia, ori latadiai be maimu, siahuna-bada bona mai hairaina-bada ida. ²⁷Bena ia ese ena aneru baine siaidia bena ia ese ena abihidi taudia baine haboudia lai haniosi amo, tanobada-gabudia dokodia amo ela bona guba-gabudia dokodia.²⁸Suke auna ena amo mani ahedibadiba ta dibaia. Ia badauna vada e gavemu bena rauna vada e garamu neganai, umui o dibamu siahu negana vada e kahikahimu. ²⁹Unuhetomana danu, umui ese ini gau e varamu ba itadia neganai, badiba ia na vada kahirakahira, ikoukou badibadidiai³⁰Na hamaoromui momokanimu, ina uru na do basine puki ore ela bona ini gau iboudiai bae vara. ³¹Guba bona tanobada na do bae ore, to lau egu hereva na basie puki ore. ³²To una dinana bona horana, na ta asi dibana, aneru gubai danu asi dibadia, bona Natu danu asi dibana, to Tama mo dibana.³³Bae hegaegae! Ba gima, badina ai dibamai negana be edena. ³⁴Ina na e kara tau ta e halaolao-ena ruma e rakatania bona ena ruma na ena hesiai-laoheni taudia edia heregu henuna ai e rakatania, ta ta edia gaukara e henidia bona gima tauna e hagania basine mahuta.³⁵Una dainai, ba noho hegaegae badina umui asi dibamui ruma biaguna be edena nega ai bainema ruma readia hanuaboi ai, eiava malo ai, kokoroku baine tai ai, eiava daba ai. ³⁶Bema ia na baine mai taku neganai, ia ese mahutamui ai basine davarimui. ³⁷Na hamaoromuimu herevana na taunimanima iboudiai na hamaorodiamu: Ba gima!

Chapter 14

¹Dina rua do vairai Lagau-hanai Ariana, bona asie hatubua paraona ta bae karaia. Bena hahelaga taudia bona itorena taudia ese dibaka karadia e lalodia Iesu bae dabaia tao bena baia abia. ²To idia na e tomava, "Dia aria neganai, badina be aru taudia bae helogo-helogo bogaragdia ai na garina.³Iesu na do Betania ai Simona lepera tauna ena ruma lalonai, aniani patana ai ege diho, hahine ta na ela ia dekena nadi kavabuna ta eabia kau lalonai dehoro namo-hereana davana bada gauna. Hahine ese kavabu na e hamakohia bena kwarana ai e bubua. ⁴A ia dekena taudia haida na e badu, bena sibodia lalodia ai e hereva bena eto, "Dahaka dainai ina dehoro e negea kavamu?" ⁵Ina dehoro na bema hoia kina toi-ahui bema hanaia reana, monina na ogogami taudia bema henidia bena idia ese e gwau henia.⁶A Iesu eto, "A rakatania." Dahaka dainai umui ese o turia riki heniamu?" Ia ese gau namo-hereana egu ai vada eme karaia. ⁷Ogogami taudia be nega iboudiai umui dekemui ai, bema ba ura neganai vada ba hanamodia. A lau be dia nega idoidiai umui dekemui ai. ⁸Ena diba hegeregerena ai vada e kara henigu. Ia ese taugu vada e dahua hegaegae do asie gurigu ai. ⁹Na hamaoromui momokanimu, sivarai namo bae harorolaia gabudia iboudiai tanobada hegege madai, "Ina hahine ese eme karaia karana ba gwauraia, ia ihelalolaina."¹⁰Bena Iuda Isakariota, gwauta-rarua tauna ta, ela hahelaga taudia dekedia Iesu taona itorena totona. ¹¹Bena dubu helaga taudia na e kamonai, e moale dikadika bena e gwauhamata moni ba henia. Una dainai ia ese taona itorena dalana e tahua.¹²Dina ginigunana ai asie hatubua flaoana, Lagau-hanai mamoedia ialadia ai, ena hahediba ese e nanadaia eto, "Ai be edeseni ai Lagau-hanai baia karaia hegaegae, bena bavania?" ¹³Bena ia ese ena hahediba rarua e siaidia bena eto, "Aola hanua lalonai ba vareai, bena tau ta hodu e huaia ba davaria. Ba gavaia. ¹⁴Baine vareai rumana ai, ba gavaia bena una ruma biaguna ba hereva henia. Hahediba tauna na e tomamu, "vadivadi daiutuna be edena, egu hahediba ida Lagau-hanai ariana baia ania?"¹⁵Bena ia ese atai daiutuna badana ta baine haheitalaimui, vada e iravaia vaitanai unuseni ai ba hahegaegaea. ¹⁶Bena ena hahediba ela hanua lalona ai e raka vareai, ia ese e gwaurai guna gaudia iboudiai e davari, bena Lagau-hanai e dabaraia.¹⁷Adorahi ai ia na gwauta-raruosi ida e hebou. ¹⁸Bena idia na aniani gabuna ai ege diho ai, Iesu ese e hamaorodia eto, "Na hamaoromui momokanimu, umui lau ida ta aniani heboumu tauna ta ese lau taogu baine torea. ¹⁹Idia na e lagaga bou, bena ta ta ese e nanadaia, eto, ina lau a?²⁰Ia e haere eto, Gwauta-raruosi taumui ta, lau ida nau tamona ai a dau dobimu. ²¹Taunimanima Natuna na momokani bainela, e torelaia guna hegeregerena. A Taunimanima Natuna taona itorena tauna madi ihabaina, vada basie nema vara hari namo.²²Idia na e anianiva lalonai, Iesu ese glaoa atagana ta eabia, e hanamoa, bena e bitua. E henidia bena eto, "Avabia. Lau taugu binai.²³Bena kehere (kapusi) ta ma e abia e hanamoa, e henidia, eto, ²⁴Lau raragu binai, herohemaino rarana, hutuma daidiai baine hebubu.²⁵Na hamaoromui momokanimu, lau ese vine ranuna basina inua lou, ela bona matamatana baina inua, Dirava ena basileia lalonai.²⁶Idia ese ane eabia vaitani, bena e raka lasi Olive ororona ela. ²⁷Bena Iesu ese e hamaorodia, eto, iboumui ai lau daigu ai ba hekwakwanai, badina be ini e torea toma.Mamoe iregudia tauna baine gwadaia, Bena mamoe vada bae karoho.²⁸A lau na baina toreisi lou bena baina gunalamui Galileia ai. ²⁹Petero eto, Taunimanima iboudiai bae hekwakwanai a lau be lasi.³⁰Bena Iesu ese e hamaoroa eto, na hamaoromu momokanimu, hari ina hanuaboi, kokoroku do basine tai harua, oi ese hatoi ba goregu. ³¹A ia na e gwau heagi eto, ena be oi ida baita mase hebou, to lau oi basina goremu. Iboudiai danu unu mo e gwau toma.³²Idia na gabu ta ai e lasi, ladana Getesemane. Bena ia ese ena hahediba e hamaorodia, eto, iniseni ai ba helai, lau do baina haguriguri.³³Bena ia ese Petero bona Iakobo bona Ioane e hakaudia siri bena laumana e daure, darana e doko. ³⁴Bena e hanamodia, eto, lau na laumagu eme hisihisi bada, mokona name mase, iniseni ai ba noho, ba gima.³⁵Taina ma e raka lao, bena tano ai e goru para-para, e guriguri, bema mai dalana ena nega taina bema daudau, ³⁶eto, Aba e, Tamagu e, oi na gau iboudiai ikaradia dibamu, ina kehere na egu amo boma abia oho, to dia lau egu ura, oi emu ura hari.³⁷Bena e lou lao mahutadia ai e davaridia. Ia ese Petero e gwau henia, eto, Simona e, o mahutamu a? Hora tamona do basoma gima a? ³⁸Ba gima, ba guriguri, hedibagani ai ba vareai na garina. Lauma na e uramu, a tau-anina na eme manoka. ³⁹Ma e raka oho, eha-guriguri, ena guriguri gunadia ma e gwurai lou.⁴⁰Ma e lou lao, mahutadia ai ma e davaridia, badina be matadia na e mahutava. Ia ihaere henina na asi dibadia.⁴¹Iha-toina ma e lou lao bena e hamaorodia, eto, "Umui be doene mamahuta bona lagamui o animu? Vadaeni! horana vada eme kau. A itaia! Taunimanima Natuna na dika taudia imadia ai vada e atoa. ⁴²O tore isi, aitala. Aitaia, taogu itorena tauna vada e maimu.⁴³Ena hereva do se ore, Iuda, gwauta-rua tauna ta, e ginidae, hutuma bada ida mai edia dare bona mai edia kareva, hahelaga taudia, itorena taudia, bona hanua tau-badadia. ⁴⁴Tao-tore tauna ese toa ta, e henidia guna eto, "Baina harahua tauna gaunabunai, ba dabaia tao bena ba hakaua balaheni." ⁴⁵Iuda e ginidae neganai, maoromaoro Iesu dekena ela eto, "Hahediba taumu e." Bena e harahua. ⁴⁶Bena idia ese imadia ai e daua kou bena e dabaia tao.⁴⁷A ia dekenai e gini taudia ta, ese ena dare e veria lasi bena hahelaga tauna badana ena hesiai tauna taiana e taraia bena e utua oho. ⁴⁸Iesu ese e hereva henidia, eto, "Umui na mai daremui bona mai karevamui ida oma lau idabaigu e kara dadidadi tauna ta na heto. ⁴⁹Dina iboudiai lau be dekedekemui ai bona na hahedibava dubu helaga lalonai, to asio dabaigu tao. A ina na e tore guna gaudia ihamomokani laidia. ⁵⁰Bena iboudiai ese Iesu e heautania.⁵¹A tau ta, ia na rami mo e rioa, ia ese Iesu e gavaia bena idia ese ia danu e dabaia tao, ⁵²to ena rami imadia ai e rakatania, ia gagaena mo e heau.⁵³Idia ese Iesu e hakaua lao hahelaga tauna badana dekena. Hahelaga taudia, tau badadia bona itorena taudia iboudiai ia ida e hebou.⁵⁴Petero ese Iesu e gavaia to mai padana, ela bona hahelaga tauna badana ena ruma maguna lalonai! bena hesiai taudia ida e helai hebou, lahi ai e hegana.⁵⁵Bena hahelaga taudia bona kaunsil taudia iboudiai ese Iesu ihamasena badina e tahua. To gau ta asi e davaria.⁵⁶Badina be hutuma ese e habadelaia koikoi, to edia hahebade na asi e hegeregere.⁵⁷Ma haida e tore isi edia hahebade koikoi hereva dia e gwaurai, eto, ⁵⁸A ai na iena hereva a kamonai eto, "Ina imadia amo e karaia dubuna baine rohoa, bena dina toi lalodiai ima ai asie karaiamu gauna auta ma baine karaia." ⁵⁹A edia hahebade herevadia na asie hegeregere.⁶⁰Bena hahelaga tauna badana na bogaragidiai e tore isi, Iesu e nanadaia eto, Oi so herevamu a? Ini edia hahebade herevadia be dahaka? ⁶¹Ia na asi regeregena se haere henidia. Bena hahelaga tauna badana ese ma e nanadaia lou eto, "Oi be Keriso, e hanamoamu Diravana Natuna a?" ⁶²Iesu eto, "Lau binai bona umui ese Taunimanima Natuna do ba itaia ia na siahu imana idibana ai baine helai guba oridia ida bainema."⁶³Hahelaga tauna badana ese sibona ena dabua e darea bena eto, "Dahaka hahebade doini ta tahuamu a?" ⁶⁴Hahedika herevadia vada ome kamonai. "Umui be dahaka o tomamu?" Idia iboudiai ese e revaia ia na baine mase. ⁶⁵Bena haida ese e kanudia bona haida ese matana e koua ahu bena e tutua bena e hamaoroa eto, "Daika ese!" Edia hesiai taudia ese e abia bena e dadabaia."⁶⁶Petero do henuai magu lalonai, hahelaga tauna badana ena hesiai kekenina ela dekena. ⁶⁷Ia ese Petero e itaia sibona e heganava, bena ma e itaia kahikahinai bena eto, "Oi danu Iesu Nasareta tauna, o bamoava. ⁶⁸To ia na e hegore, eto, "Lau na asi dibagu bona lalogu na seme parara oi be dahaka o gwauraimu." Bena e raka lasi magu lalonai.⁶⁹A hesiai kekenina ese e itaia bena unukahai ginidia e hamaorodia, "Ina tau danu idia ta!" ⁷⁰To ia na e hegore lou. Asi vanahana unuseniai e gini taudia ese Petero e hamaoroa, eto,"Momokani oi danu idia ta, badina be oi danu Galileia."⁷¹A ia na sibona e gwautora bona ere dika, "Lau na asi dibagu umui o gwauraiamu tauna." ⁷²Bena kokoroku haraga herea e tai nega iharuana. Bena Petero ese Iesu ena hereva e hamaorolaia na e helaloune laia."Kokoroku do basine tai harua, oi ese hatoi ba goregu," bena e tai dikadika.

Chapter 15

¹Daba matana ai, dubu helaga taudia bona hanua taudia badadia, itorena taudia bona Iudea edia Kansola iboudiai e hebou. Bena Iesu vada e guia e laohaia. Idia ese Pilato enai vada e henihanai. ²Pilato ese vada e nanadaia, eto, "Oi be Iudea taudia edia Pavapava, a?" Ia e haere, eto, "Oi ese o gwauraiamu." ³Helaga taudia ese gabu momo ai e habadelaia.⁴Pilato ese ma e nanadaia lou, eto, "Oi asi emu haere ta, a? O itaiamu idia ese gabu momo ai oi e hahebade laimumu!" ⁵A Iesu ese Pilato vada se haere henia lou, bona ia vada e hoa.⁶Hari una aria negana ai, Pilato na nega iboudia ai dibura-ruma tauna ta, idia edia ura dibura ruma tauna ta, ba ruhaia negeva idia edia, ⁷unu dibura ruma ai e nohova dagedage taudia ida, ala-ala taudia vada e abidia edia dagedage daidiai, padadiai be tau ta ladana na Baraba. ⁸Taunimanima hutuma vada ema Pilato dekena bona e noinoi guna ediai e karava karana ma baine karaia lou ediai.⁹Pilato vada e haere, eto, "Umui be ouramu lau ese Iudea taudia edia Pavapava baina ruhaia nege emui, a?" ¹⁰Badina ia vada dibana edia mama dainai hahelaga taudia ese Iesu vada ia e henia. ¹¹A hahelaga taudia ese hutuma vada e haganidia bae lolo bema namo Barabas hari bae ruhaia-nege.¹²Pilato ma e haere, eto, "Lau be vada dahaka baina kara Iudea taudia edia Pavapava enai, a?" ¹³Idia ma e lolova, etomava, "Ba hasatauroa!"¹⁴Pilato ese vada e hamaorodia, eto, "Ia be vada dahaka kerere e kara, a?" A idia dounu e lolo loulouva, etomava, Ba hasatauroa," ¹⁵Pilato e urava hutuma baine hamoaledia, una dainai Barabas vada e ruhaia-nege edia. Ia ese tuari taudia e haduadia Iesu ma kwanau ai e kwadia bena e henidia bae hasatauroa.¹⁶Tuari taudia ese vada e hakaua lao edia gavamani tauna badana ena noho gabuna ai, bona edia tuari taudia iboudiai e gogodia. ¹⁷Idia ese tuari taudia edia dabua vada e hakaralaia bona au ginigini e mogedia korona ta e karaia kwaranai vada eatoa. ¹⁸Idia ese vada e hanamoa matama bona eto, "A hanamomumu, Iudea taudia edia Pavapava!¹⁹Idia ese ia kwarana siriho amo e botaiava, bona e kanudiava. Idia na ia vairanai e hetuituiva koikoi ai e toma henia dihova. ²⁰idia ese vada e kirikiri laia neganai, tuari dabuana ena amo vada e kokia-oho bona ena dabua ma e hakaralaia, bona e hakaua lasi bae hasatauroa. ²¹A tau ta, ladana Simona Kurene hanuana amo, na gunika amo e maiva (ia na Alesana bona Rufus tamadia), bona idia ese e haduaiava (Iesu ena) satauro baine huaia.²²Tuari taudia ese Iesu vada e hakaua lao gabu ta ladana Gologota anina be, "Kwara-koukouna gabuna." ²³Idia ese vine ranuna mai hisihisi ihmaragina muramura ida e henia, a ia ese na se inua. ²⁴Idia ese vada e hasatauroa bona ena dabua e haridia ludo gadarana amo bae diba edena dabua seana tuari taudia ta ta ese do bae abidia.²⁵Una be hora ihatoinai (daba nine o'clock), idia ese vada e hasatauroa. ²⁶Toana latanai be idia ese hahebade herevana ini e torea toma: Iudea taudia edia Pavapava." ²⁷Ia ida dadidadi taudia rarua ida e hasataurodia, ta ia idibana ai bona ta ia laurina ai. ²⁸Unu amo gunaguna e torea herevana vada e momokani, eto, Kara havara-havara taudia ida e duhaia hebou²⁹E raka hanaiva taudia ese e hereva dika heniava, kwaradia e taiko-taiko bona etomava, " Aha, oi dubu helagana ba hadikaia bona dina ihatoina ai ba haginia lou taumu. ³⁰Sibomu a hahemauri bona satauro amo ba diho!"³¹Ini hetomana danu, hahelaga taudia sibodia ese e gonagonalaiva, bona itorena taudia danu, bona etomava, "Ia be taunimanima haida e hamauridiava, a ia sibona be basine hahemauri. ³²Keriso, Isaraela Pavapavana e, satauro amo ina harihari a diho, bena ai ese baia itaia bona baia abidadama," bona ia ida e hasataurodia hebou taudia ese danu e gonagona laiava.³³Hora tauratoi ai (dina tubua ai), dibura ese tanobada idoinai vada e govaia-ahu, ela bona hora taurahani-ta (adorahi three o'clock). ³⁴Hora taurahani-ta ai Iesu vada mai erena badana ida e tai-lolo, eto, "Eloi, Eloi lama sabaktani?" anina be, "Egu Dirava e, Egu Dirava e, dahaka dainai lau ome rakatanigu? ³⁵Ia dekenai e gini taudia haida ese erena vada e kamonai bona eto, "Aitaia, ia na Elia e boiriamu."³⁶Taudia ta e heau, raba ta vada vine ranuna iditana ai e hagavea siriho auna ai e atoa, bona vada e henia baine inua. Tauna eto, "Mani aita itaia, bema Elia na bemaimu ia iabi dobina." ³⁷Bena Iesu vada erena badanai e tai-lolo bona e mase. ³⁸Dubu helagana seseahuna vada e hedare kaha rua atai amo ema bona henu.³⁹Bena tuari igunalaina tauna ta vada gini Iesu e vaira henia ese e itaia ini e mase toma negana ai, ia vada eto, "Momokani ina tau na Dirava Natuna." ⁴⁰Hahine haida danu daudauna amo e itaia. Bogaragidia ai be Maria Magadala, Maria (Iakobo maragina bona Iose sinadia), bona Salome. ⁴¹Ia do Galileia e nohova idia ese murinai e rakava bona isiaina e lao heniva. Hahine momo danu ia ida vada ema Ierusalema.⁴²Adorahi vaburana ema negana ai, badina be una dina na Hegaegae Dinana, una na, Sabadi vairana dinana. ⁴³Iosepa, Arimatia tauna vada ema unu. Ia be Kansola oreanai harina namona tauna ta, Dirava ena basileia e nariava tauna. Ia na mai goadana ida vada ela Pilato dekena bona Iesu tauanina e noia. ⁴⁴Pilato vada e hoa dikadika badina be Iesu na vada e mase dainai; ia ese tuari igunalaina tauna vada e boiria bona e nanadaia bema Iesu na vada e mase.⁴⁵Bena Pilato tuari igunalaina tauna ena amo e diba Iesu vada e mase neganai, ia ese tauanina vada Iosepa e henia. ⁴⁶Iosepa na dabua aukana ta vada e hoia. Ia ese satauro amo vada ebia dobi, dabua amo vada e kumia, bona nadi kohuana e utua garana ai vada eatoa. Bena ia ese nadi ta e keia gara iduarana ilao-ahuna. ⁴⁷Maria Magadala bona Maria, Iose sinana ida ese Iesu e guria gabuna vada e itaia.

Chapter 16

¹Dina helaga e ore ai, Maria Magadala, Maria Iakobo sinana bona Salome muramura mai bonadia e hoi bena ela Iesu tauanina idahulaina. ²Daba galumana pura dina ginigunana ai, idia na gara ela dina edae ai.³Idia na sibodia e hereva heheni, eto "daika ese una gara nadina baine a kurea oho ita daidai?" ⁴Bena e roha isi idia ese nadi e itaia vada e kure oho, badina ina na badahere.⁵Idia na gara ai e raka vareai bena eregabe ta e itaia dabua kurokurodia e kara idiba kahanai e helai, bona idia na e gari. ⁶ Ia ese e hamaorodia eto, asio gari umui na Iesu tau Nasareta o tahuamu, daika be e hasatauroa, ia nae toreisi! ia na dia ini kahai, idia ese ia e kurea gabuna e itaia. ⁷Vada aola, ena hahediba bona Petero ba hamaorodia, "Ia ese baine guna laimui Galileia ai unu seniai umui ese ia baitaia, umui e hamaoromui hegeregerenai."⁸Idia na e raka oho bona gara e heautania, idia na e heude heude bona laumadia e daure. Idia ese na hereva ta asie hamaoroa badina idia na e gari dikadika.⁹Daba matana pura dina ginigunana ai, Iesu e tore isi, Maria Magadala enai e hedinarai guna, daika be Iesu ese lauma dikadia hahitu ena amo e luludia lasi. ¹⁰Ia na vada ela bona daidia be ia ida unu seniai, e kudou hetahava bona e taitaiva ai. ¹¹Idia e kamonai ia na vada e mauri bona Iesu na ia ese e itaia, to idia ese ia na asie hamomokania.¹²Unu gau muridiai Iesu na e hedinarai idau, hanua murimurina ai e rakava taudia rua ediai. ¹³Idia na ela bona hahediba taudia e hamaorodia, to idia ese na asie hamomokani dia.¹⁴Iesu ma nega ta gwauta-taosi pata ai e herevava ai edia e hedinarai,bena ia ese e gwau henidia badina e daradarava bona e kudou hetahava, A idia ese na se hamomokania daika ia e itaia mase amo e tore isi murinai. 15 Ia ese e hereva henidia eto, "Aola tanobada idoinai, bona sivarai namo taunimanima ba hadibalaidia.¹⁶Ia baine hamomokania bona bapatiso baine eabi na baine mauri, bona daika basine hamomokania na do baine mase.¹⁷Ini toa na baela daidia ia e hamomokania ediai: lau ladagu lauma dikadia bae luludia. Idia na gado matamata ai bae hereva. ¹⁸Idia ese gaigai imadia amo bae abi isi bona bema idia na gau dikadia ba inu, unu gau ese idia na basie hahisidia. Idia na imadia gorere latadiai bae daukau idia na bae mauri."¹⁹Lohiabada ese e hamaorodia murinai, ia na e heabi isi guba ai bona tamana idibana kahanai e helai. ²⁰Hahediba na una gabu ai e rakatanidia bona gabu idoinai e harorova, una be Lohiabada ida e gaukarava bona e hamomokania revarevana toana na idia ida ela.

Luke

Chapter 1

¹Lohiamu Teofilo e, ita taunimanima iboudai ese ta abia dae herevadia na e tore.²Matadia ai e ita bona matamana amo e harorolai taudia ese e henidava bamona. ³Badina Lau danu hereva iboudai na tahudia goeva-goeva. Matamanai bena na tomamu namona binai, lau ma baina tore lou oiemu. ⁴Bena vada badiba, e hadibamuiva herevadia be momokani.⁵Herod ese Iudea e lohiava negana ai hahelaga tauna ta e nohova ladana na Sakaria. Abia ena orea tauna, adavana be Arona ena iduhu hahinena ladana Elizabeta. ⁶Idia raruosi na kara namo taudia Dirava - vairanai, bona Lohiabada ena taravatu ena hahegani iboudiai e badinava, asi bebeka-bebeka dia. ⁷A raruosi asi natudia, Elisabeta e gabani dainai, bona raruosi vada e buruka.⁸Dina ta Sakaraia bona ena orea taudia na hahelaga karadia e karava Dirava vairana ai. ⁹Bena edia kara hegeregerenai ia na eabia hidi gabu helaga na lalonai muramura mai bonana baine gabua: Bena ia na e raka vareai muramura baine gabua dainai. ¹⁰A taunimanima iboudiai na murimuri ai e noho e guriguri.¹¹Una horana ai Lohiabada ena aneru ta e itaia. Muramura mai bonana patana idibana kahana ai e gini. ¹²Sakaria ese e itaia, bena kudouna e hetaha, bena gari ese eabia. ¹³Bena aneru ese e hereva henia, eto, Sakaria asio gari, badina emu guriguri na e kamonaia, adavamu Elisabeta na natumu ta do baine abia ladana ba hatoa Ioane.¹⁴Ba moale, ba hisidae, hutuma danu bae moale ia baine vara dainai. ¹⁵Badina ia na Lohiabada vairanai baine herea ia ese vine ranuna bona kekero muramuradia basine inu, bona sinana boganai ia na Lauma Helaga ese baine rohea.¹⁶Ia ese Isaraela memerodia iboudiai baine girodia Lohiabada edia Dirava bae lou henia. ¹⁷Bona Lohiabada vairanai baine raka, Elia e kara siahuna hegeregerena. Tamadia lalodia bona natudia lalodia ida baine hatamona dia. Gwau edede taudia aonega baine henidia.¹⁸Sakaria ese aneru e hereva henia, eto, Ina be ede baina diba toma? Lau na iahu: adavagu danu vada e buruka. ¹⁹Aneru e haere ma e hereva henia, eto, lau na Gabriel, Dirava vairanai na gini oi baina hereva henimu bona ina hari namona ihamaorolaimu totona, dainai e siaigu. ²⁰Benaini asi regeregemu bona basio hereva diba ela bona ina hereva anina baine vara dinana, badina be egu hereva na some abia dae: To, ena nega korikori ai do baine momokani.²¹Taunimanima ese Sakaria e naria mase, bena e hoa, badina be gabu helaga nai e halahe. ²²Bena ia na e raka lasi, to se hereva henidia bena lalodia e parara. Ia na gabu helagana ai vada e mata hanai. Bena ia ese toa amo e hadibadiava ia na se herevava. ²³Ena gaukara dinadia eha guguru bena vada ela ena ruma.²⁴Dina gabedia ai, ia adavana Elisabeta vada e rogorogo, bena hua ima e noho hehuni. ²⁵Eto, Lohiabada ese ini eme karagu toma, ena ura dinana ai eme hageregu. Egu hemarai taunimanima vairadiai eme abia oho.²⁶Hua ihatauratoinai, Dirava ese aneru ladana Gabriel e siaia, Galileia hanua na ta ladana Nasareta ela. ²⁷Haneulato ta na unuseniai, ia na Davida ena iduhu tauna ta, ladana Iosepa, maohenina: haneulato ladana be Maria. ²⁸Aneru na ia dekenai e raka vareai, eto: Ba namo ba mauri, e lalokau henimumu hahinemu Lohiabada na oi ida. ²⁹Una hereva dainai ia na e hegonu bona lalona e haguhi una hahenamo anina be dahaka.³⁰A aneru ese e hamaoroa, eto, Maria e asio gari badina be Dirava ena harihari bada ome abia. ³¹Oi na do ba rogorogo, mero ta bavabia, ladana ba hatoa Iesu. ³²Ia na baine herea dae, Herea Mikamika Natuna bae gwauraia: Dirava Lohiabada ese tamana Davida ena terona na baine henia. ³³Iakobo ena iduhu baine ha lohiaia hanaihanai ena basileia na basine doko.³⁴Maria ese aneru e hamaoroa, eto: lau na tau asi dibagu, ina be ede baine vara toma? ³⁵Bena aneru na e haere, eto: Lauma Helaga na latamu ai baine diho, bona Herea Mikamika ena siahu ese baine hakerukerumu. Bena oiemu amo baine vara merona ia na helaga, Dirava Natuna bae gwauraia.³⁶Bena baitaia, oi varavaramu Elisabeta na burukana ai e rogorogo: Ia na e gwauraiava gabani, to ena hua ihatauratoina binai. ³⁷Badina Dirava enai, gau iboudiai na haharaga. ³⁸Maria, eto: Lau na Lohiabada ena hesiai hahinegu: Emu hereva dainai egu ai baine vara bena aneru na iena amo e raka oho.³⁹Una dinanai Maria e toreisi e raka haraga Iuda ororodia hanua na ta ela. ⁴⁰Bena ia na Sakaria ena rumai e dae Elisabeta e hanamoa. ⁴¹Elisabeta ese Maria ena hahenamo herevana e kamonai neganai, na ia bogana e marere: Bona Elisabeta na Lauma Helaga ese e rohea.⁴²Bena e hereva lolo, eto: Hahine iboudiai bogaragidiai oi sibomu mo namo herea, bona bogamu anina danu namo herea. ⁴³Egu ai be dahaka eme vara, bena egu Lohiabada sinana, dekegu vada ema? ⁴⁴Badina emu hahenamo regena na taiagu ai eme vareai neganai, natugu na bogagu ai eme marere moale dainai. ⁴⁵Abidadama hahinemu, vada o namo: Badina be Lohiabada ena amo o kamonai herevadia na bae momokani.⁴⁶Bena Maria eto, Lau lalogu ese Lohiabada eme imodaia. ⁴⁷Bona laumagu ese danu ihamaurigu Diravana eme moale laia.⁴⁸Badine be ia ese ena hesiai hahinena ogogamina e hagerea. Badina bunai ini amo uru iboudiai ese bae hanamogu. ⁴⁹Badina be Siahu Diravana ese hoa karadia egu ai eme havara ia ladana na helaga.⁵⁰Ena hebogahisi na uru uru iboudiai ia garina e garimu taudia latadia ai. ⁵¹Ia imana ese ena goada vada e hahedinaraia lalodia e hekokoroku taudia ia ese eha-karoho dia.⁵²Bona lohia na edia helai gabudia amo ia ese vada e doridia dobi a ogogami taudia ia ese vada e abidia isi. ⁵³Hitolo taudia ia ese gau namodia amo bogadia vada e hakunu a taga taudia ia ese ima kavakavadia e halou dia.⁵⁴Ena hesiai besena Isaraela ia ese vada e kahaia ena hebogahisi vada e helalolaiaune. ⁵⁵Seneda e gwau henidia hamata hegeregerena Aberahamo mai garana ida do baine bogadiahisi hanaihanai, eto:⁵⁶bena Maria na Elisabeta ida e nohova hua toi. Gabe amo ena ruma e lou henia. ⁵⁷Elisabeta ena mara dinana e ginidae, mero ta vada e abia. ⁵⁸Bena dekena taudia bona varavarana ese Lohiabada ena harihari bada ienai vada e vara gauna e kamonai, bena idia na ia ida e moale hebou.⁵⁹Dina ihataura hanina ai, idia na mero iperitomena totona e hebou, bena ladana bae hatoa Sakaria tamana ladana, eto: ⁶⁰To sinana e haere, eto, lasi, ia ladana na Ioane. ⁶¹Idia eto, be, una na emu iduhu tauna ta ladana a?⁶²Bena idia ese tamana e itaia, toa ta e kara henia. Mero ladana ede bae hatoa toma. ⁶³Ia ese toretore gauna ta e gwauraia, bena ini e torea, ia ladana na Ioane bena iboudiai e hoa.⁶⁴Una horana ai uduna e hagaia, malana danu e maoro bena e hereva Dirava e imodaia. ⁶⁵Bena, dekedia taudia iboudiai na e noho gariva badina unu kara haridia na Iudea ororodia hanuadia iboudiai lalodiai vada e piua. ⁶⁶Bena e kamonai taudia iboudiai e lalo tao eto, Ina mero na ede baine heto? Badina be Lohiabada imana na ia latanai.⁶⁷Bena tamana Sakaria na Lauma Helaga ese e rohea, bena e peroveta laia eto, ⁶⁸Lohiabada, Isaraela ena Dirava aita hanamoa badina be ia ese edia bese taudia vada e vadivadidia bona vada e hamauridia.⁶⁹Hahemauri badina ia ese vada e havaraia ita eda ena hesiai tauna Davida ena iduhu amo. ⁷⁰Ena peroveta taudia helagadia ududia amo e gwaurai herevadia na heto, tanobada matamatana amo ema hari. ⁷¹Baine hamaurida, inaida bona e badu henidamu taudia imadia amo.⁷²Ia ese ita tamada e bogadia hisi, bona ena gwauhamata helaga na danu e laloa tao. ⁷³Ita seneda Aberahamo e gwauhamata henia. ⁷⁴Ita inaida imadia amo baine hamaurida, eto bena isiaina baita lao henia asi eda gari. ⁷⁵Helaga bona maoromaoro ai ia vairanai baita raka eda mauri lalodia ai.⁷⁶Natugu, oina Herea Mikamika ena peroveta tauna bae gwauraimu, badina oina Lohiabada vairanai do ba raka ena dala ba lailaia. ⁷⁷Mauri dalana oi ese ena bese ba hadibalaidia edia dika igwau taodia.⁷⁸Eda Dirava ena hebogahisi dainai, daba e reremu na heto, atai amo bainema, baine itada tao. ⁷⁹Ba diari; mase laumadia bona diburai e nohomu taudia, ba hadiaridia, bona ita aeda maino dalana ai baine hakauda.⁸⁰Bena hari mero na e bada oho bada oho, bona lalona e goada: bona tano gagaena ai e nohova ema bona Isaraela ediai e hedinarai dinana.

Chapter 2

¹Unu dinadiai, Kaisara Augusto ese ena hahegani revareva na ta e siaia lao tanobada taudia iboudiai ladadia bae tore. ²Lada iabidia gini-gunana e hekarava na Kurenio ese Suria e lohiava negana ai. ³Una dainai taunimanima iboudiai na ladadia itoredia, totona edia hanua ta ta e lou heni.⁴Una dainai Iosepa danu Galileia, Nasareta hanuana ta amo ela, Iudea, Davida ena hanua ladana Betelehema, badina ia danu Davida ena iduhu bona bese tauna ta. ⁵Maria danu ia ida ela ladadia bae tore, ia maohenina bona vada e rogorogo.⁶Bena raruosi unuseni ai nohodiai, ia ena mara dinana e kau. ⁷Bena e mara mero ta eabia, natuna roboana, bena dabua amo e tarua bona boromakau edia aniani patana ai e kurea, badina be heitatao rumana lalona na asi gabuna.⁸Mamoe ireguna taudia haida danu una tano ai e nohova, vahu ai bona hanuaboi ai edia seri e igimadiava. ⁹Lohiabada ena aneru ta e hedinarai idia ediai, bona Lohiabada hairaina diari diarina ese e gegedia, bena garibada ese e butudia tao.¹⁰Bena aneru ese e hamaorodia eto, "Asio o gari, hereva namona lau ese na mailaia, taunimanima iboudiai ihamoaledia. ¹¹Badina be ina harihari Davida ena hanua ai, emui hahemauri tauna vada e vara Keriso Lohiabada bunai! ¹²Toana binai umui emui ai: beibi ta ba davaria dabu ai e kumia boromakau edia aniani patana ai hekure."¹³Bena guba anerudia hutuma bada hari aneru ida e hedinarai taku, Dirava e hanamoa eto, ¹⁴"Atai doriva-dorivanai Dirava ba imodaia, bona tanobada ai na maino, ena lalo-namo taudia ese bae abia.¹⁵Aneru logora ese e rakatanidia guba e lou henia, muridiai Mamoe iregudia taudia sibodia e hereva eto, "Ita na Betelehema aitala, ina eme vara gauna, Lohiabada ese vada e hadibada." ¹⁶Bena ela haraga unuseni ai Maria bona Iosepa e davaridia, bona beibi danu, hekure boromaku edia aniani patana ai.¹⁷Idia ese e itaia murinai, idia e kamonaia gauna mero sivaraina e gwauraia hedinarai. ¹⁸E kamonaia taudia iboudia ai ese mamoe iregudia taudia e herevalaia gaudia e hoalaia. ¹⁹A Maraia na unu hereva iboudia ai, e haero bona kudounai e lalotao. ²⁰Bena mamoe iregudia taudia e lou, Dirava e imodaia bona e heatolaia badina be e kamonai bona e ita gaudia na vada e hadibadia hegeregerena.²¹Dina taurahani e lao bubuni ai, e peritomea bena ladana e hatoa Iesu, aneru ese e hatoa sinana do se ruru negana ai.²²Bena idia ihagoevadia dinadia e ore, Mose ena taravatu hegeregerena ai, idia ese Ierusalema e laohaia Lohiabada vairana ai bae hahedinaraia totona. ²³(Lohiabada ena taravatu ai e torea hegeregerena, "Mamaruanedia roboadia iboudia ai na hehelaga Lohiabada ena"), ²⁴bona boubou gauna ba henia eto, Lohiabada ena taravatu hegeregerena, "Kerea rua eiava pune natuna rua."²⁵A itaia, tau ta Ierusalema ai, ladana na Simeona, ia na kara maoromaoro tauna bona Dirava garina e gariva, Ia ese Isaraela edia tauhalo tauna e nariava, bona Lauma Helaga ese e rohea. ²⁶Lauma Helaga ese danu e hamaoroa ia na basine mase ela bona Lohiabada ena Keriso do baine itaia.²⁷Lauma ai dubu lalonai e vareai bena iahuna ese Iesu, na e mailaia taravatu karana ibadinana totona. ²⁸Ia ese eabia, e rosia bona Dirava e hanamoa bena ia eto, ²⁹Harihari emu hesiai tauna a kahugu nege mai mainogu ida, Lohiabada, emu gwauhamata hegeregerenai.³⁰Badina be matagu ese emu hahemauri vada eme itaia. ³¹Oi ese vada o seua taunimanima iboudiai vairadiai; ³²Diarina binai bese idauidau ihadiarilaidia bona oiemu bese Isaraela ihaheatolaidia.³³Hari tamana bona sinana na e hoa, unu hereva e kamonai ai. ³⁴Bena Simeona ese raruosi e hanamodia, bona sinana Maria e hamaoroa eto, "Ina mero na eabia hidi Isaraela taudia hutuma iha-ketodia bona iha-toreisidia ai bainela bona ina na toa taunimanima ese bae gwauatubu - ³⁵Bona dare ta ese oi lalomu baine daia uru - unu amo hutuma edia lalo-hadai hehunida readia bae hedinarai."³⁶Anna danu unuseniai, peroveta hahinena, Fanuel natuna Asere ena iduhu hahinena. Ia na hahine badana, e headava lagani hitu adavana ida e noho hebou, ³⁷bona e vabu lagani taurahaniahui hani e noho. Ia ese dubu helaga se rakataniava, hesiai e lao heniva e anivaga bona e guriguriva hanuaboi bona dina. ³⁸Una hora ai ia danu e kau, bena Dirava e hanamoa bona Isaraela ihamaurina e nariava taudia Isaraela ai mero herevana e harorolaidia.³⁹Raruosi ese Lohiabada ena taravatu karadia e haguguru vaitani, bena Galileia e lou henia, edia hanua korikori Nasareta ela, ⁴⁰bena mero na e bada bona e goada, mai aonegana ida, bona Dirava ena hariharibada na ia latanai.⁴¹Lagani iboudiai ia iahuna (tamana, sinana) Ierusalema e laova Lagau-Hanai Ariana dainai. ⁴²Bena ia (Iesu) laganina gwauta-ruana ai, idia na Ierusalema e dara dae una Aria ikarana totona. ⁴³To Aria dinadia e ore murinai, bena idia vada e lou edia hanua, to Iesu na Ierusalema ai e noho. Tamana sinana na asi dibadia, ⁴⁴idia banava eto ia na laolao taudia bogaragidia ai, bena dina ta e raka. Murinai bena e tahua varavara dia bona bamodia dekedia ai.⁴⁵Asi e davaria bena e lou Ierusalema bena ma e tahuava unuseni ai. ⁴⁶Dina ihatoina murina ai dubu lalonai e davaria, hahediba taudia bogaragidia ai e helai, edia hereva e kamonai bona e nanadaidia danu. ⁴⁷Bena erena e kamonai taudia iboudiai ia ena lalo-parara bona ena haere e hoalai.⁴⁸Raruosi e itaia, e daradara, sinana ese e hereva henia eto, "Natugu e, dahaka dainai ini o karamai toma? A itaia, oi Tamamu bona lau oi a tuhumu tai, tahumu taimu. ⁴⁹A ia eto, dahaka dainai o tahugumu? Asi dibamui Tamagu ena ruma na egu noho rumana? ⁵⁰A ena hereva e kamonai to lalodia asie parara.⁵¹Bena e diho idia ida Nasareta ela, bena e kamonai henidia. A sinana ese ini hereva iboudiai e lalo tao. ⁵²Bena Iesu e badaho, badaho mai aonegana ida Dirava bona taunimanima ese e ura heniava.

Chapter 3

¹Harihari Tiberias Kaisara ena lohia laganina ihagwauta-imana ai - Pontios Pilato be Iudea edia gavamani tauna badana, bona Heroda be Galielia lohiana, bona tadina Filipo be Iturea bona Trakoniti lohiadia bona Lisania be Abilene lohiana. ²Anas bona Kaiafa hahelaga taudia badadia negadiai. Dirava ena hereva ema Sakaraia natuna Ioane tano gagaenai enai.³Bena ia na ela Ioridaena tanona idoinai lalodia, helalokerehai bapatisona e harorolaiva badina karadika igwautaona dainai.⁴Vada e torea peroveta tauna Isaia ena hereva bukana lalonai hegeregerena,"Gado ta tano gagaenai e boi lolomu, e tomu,'Lohiabada ena dala ba lailaia (hegaegaelaia?), ena raka dalana baine maoromaoro.⁵Koura iboudiai do bae honu, bona ororo iboudiai do bae taora, bona dala gageva-gagevadia do bae maoro, bona dala mai koupadia do bae manada, ⁶bona taunimanima iboudiai ese Dirava ena hahemauri do ba itaia."⁷Una dainai Ioane ese htutuma e maiva ia ese baine bapatisodia, e hamaorodia, eto, "Umui na gaigai natuda! Daika ese e hamaoromui vairai do bainema gabuna ba heautania, a?⁸Una dainai, helalokerehai huahuadia ba havara, bona sibomui na basioto, "Aberahamo na ita tamada, badina na hamaoromuimu Dirava ese ini nadi amo Aberahamo natuna na baine havaradia diba.⁹A momokani ira na vada heato au ramudiai. Una dainai au iboudiai huahua namodia basie havara neganai na ba utudia oho bona lahi ai bae tahodia vareai."¹⁰Bena taunimanima hutuma ese dounu e nanadaiva, atomamu, "Ai be vada dahaka baia kara?" ¹¹Bena e haere henidia bona e hamaorodia, eto, "Daika tau mai ena ahedoki rua neganai ia na asi ena tauna na ta baine henia, bona mai ena aniani tauna danu unu baine kara toma."¹²Harihari tax gogo taudia danu ema bae bapatisodia, bona idia ese e hamaoroa,eto, "Hahediba tauna e, ai be dahaka baia kara, a? ¹³Bena ia ese e hamaorodia, eto, "Moni haida ma basio gogodia, a e hamaoromui moni dia mo ba gogodia."¹⁴Harihari tuari taudia haida ese danu e nanadaia, etomu, "Bona ai be dahaka baia kara, a? Ia ese e hamaorodia, eto, "Dagadage ai haida edia amo moni basio abidia bona haida basio hahebadelaidia koikoi, bona ba moale mai davamui dainai."¹⁵Harihari taunimanima na e nari badava bona iboudiai lalodia e daradarava Ioane dainai, ia be Keriso eiava. ¹⁶Ioane e haere, iboudiai e hamaorodia, etomu, "Lau ese na momokani ranu amo na bapatisomuimu, a ta ena siahu ese lau egu e hereaiamu na e maimu, lau na dia hegeregere ia tamakana varona baina ruhaia. Ia ese Lauma Helaga bona lahi amo baine bapatisomu.¹⁷Ena gaukara fokana na imanai ena uit ikwadina gabunai baine fokadia goevagoeva bona uit na ihaboudia rumana ai baine atodia. A lai ese e odadia oho momorudia na se bodomu lahina amo baine gabudia.¹⁸Una dainai, gau idauidau danu lalodia amo, Ioane ese sivarai namo e haroro laiava taunimanima ediai. ¹⁹A lohia Heroda, Ioane ese e sisiba henia Herodias, tadikakana adavana dainai, bona ena kara dikadia danu daidiai, ²⁰bona ina danu ma latadiai eatokau: ia ese Ioane na dibura rumana lalonai e koua-ahu.²¹Taunimanima iboudiai e bapatisodia neganai, Iesu danu e bapatisoa, bona e gurigurivai, guba vada e parara. ²²bona Lauma Helaga tauaninai latanai e diho pune na heto, bona gado ta guba amo e diho, e tomava, "Oi na lau Natugu, na lalokau henimumu. Lau na oi daimu ai na moalemu."²³Harihari Iesu sibona ena vara laganina toi-ahui hegeregerena ai ena gaukara vada e matamaia. Ia na (e gwauraiava hegeregerena) Iosepa natuna, Heli natuna,²⁴Matat natuna, Levi natuna, Melki natuna, lanai natuna, Iosepa natuna.²⁵Matatia natuna, Amos natuna, Nahum natuna, Esli natuna, Nagai natuna, ²⁶Maat natuna, Matatia natuna, Semein natuna, Iosek natuna, Ioda natuna,²⁷Ionana natuna, Resa natuna, Zerubabiela natuna, Salatiel natuna, Neri natuna,²⁸Melki natuna, Adi natuna, Kosam natuna, Elemadam natuna, Ere natuna, ²⁹Iosua natuna, Eliasa natuna Iorima natuna, Matat natuna, Levi natuna,³⁰Simiona natuna, Iuda natuna, Iosepa natuna, Ionam natuna, Eliakam natuna, ³¹Melea natuna, Mena natuna, Matata natuna, Natani natuna, Davida natuna, ³²Iesi natuna, Obedi natuna, Boas natuna, Samani natuna, Nasoni natuna,³³Aminadabu natuna, Adimini natuna, Ani natuna, Heron natuna, Perei natuna, Iudea natuna, ³⁴Iakobo natuna, Isa'ako natuna, Aberahamo natuna, Tera natuna, Naho natuna, ³⁵Seruga natuna, Reu natuna, Peleg natuna, Eba natuna, Sela natuna,³⁶Kaina natuna, Afaxa natuna, Sema natuna, Noa natuna, Lemeki natuna, ³⁷Metusela natuna, Enoka natuna, Iareda natuna, Mahalale natuna, Kaina natuna, ³⁸Enos natuna, Set natuna, Adamu natuna, Dirava natuna.

Chapter 4

¹Bena Iesu, na Lauma Helaga, ese e rohea, Ioridaena sinavaina amo e lou ai. Bena lauma ese tano gagaena e hakaua lao,²unuseni ai dina hari-ahui diabolo ese e dibagania. Unu dina iboudiai, ia na se anianiva, dokonai e hitoloa.³Bena diabolo ese e hereva henia eto, :Bema oi na Dirava natuna, ina nadi boma hagania aniani gauna ai bema lao." ⁴Iesu e haere eto, "Vada e torea, "Taunimanima na dia aniani ai mo baine mauri."⁵Bena diabolo ese Iesu e hakaua dae tanobada basileia dia idoidiai e haheitalaia una horanai. ⁶Bena diabolo ese ma e hamaoroa eto, "Lau na ini siahudia bona hairaidia iboudiai baina henimu, badina be lau mo e henigu, bona na ura heniamu tauna do baina henia. ⁷Una dainai, boma toma henigu diho, idoinai boma abia oiemu.⁸A Iesu ese e haere henia, eto, "Vada e torea, Lohiabada emu Dirava mo ba toma henia diho, bona ia mo sibona isiaina ba lao heni."⁹Bena diabolo ese Ierusalema ma e hakaua lao, Dubu helaga kogena (atai hereana) ai e haginia kau, eto, "Bema oi na Dirava Natuna, ini amo boma roho dobi, ¹⁰"Badina be vada e torea, "Ia ese ena aneru baine haduadia, oi bae gimamu," ¹¹bona, imadia ai bae abimu isi, aemu nadi ai ba tutuhia na garina."¹²Iese e haere eto, "Vada e torea, Lohiabada emu Dirava basio dibagania. ¹³Diabolo ena hedibagani iboudiai e haere bena e rakatania ela bona nega ta.¹⁴Bena Iesu, na Lauma ena siahu ai Galileia e lou lao, bona ia harina una tano hegege madai idoinai e piua. ¹⁵Edia dubu lalonai e hahedibava bona iboudiai ese imodaia.¹⁶Bena ela Nasareta, ia e nada gabuna bona vaia edia kara Dina helaga ai dubu ai e raka vareai, bena e toreisi Buka helaga e duahia lolo-lolo. ¹⁷Isaia peroveta tauna ena buka e henia. E kehoa bena e davaria gabuna amo e duahia eto,¹⁸Lohiabada Laumana ese eme rohegu (na latagu ai), badina be vada e hahelagagu, sivarai namo ogogami taudia baina harorolai henidia. E siaigu vada nama e guidia taudia iruhadia, bona mata kepulu taudia matadia ihapapadia baina gwaurai bona e haberodia taudia baina hamauridia, ¹⁹bona Lohiabada ena lalo-namo laganina baina harorolaia.²⁰Bena buka e lokua, inarina tauna e henia lou bena e helai diho. Iboudiai dubu lalonai ese ia e raraia. ²¹Bena e hereva henidia matama eto, "Hari ina dinai ome kamonaia hereva vada eme momokani. ²²Bena iboudiai ese e imodaia, hereva namo dia uduna amo e lasi dainai, bona e hoa eto, ina na dia Iosepa natuna a?²³Bena ia ese e hereva henidia eto, ina hereva hegeregerena ba gwaurai henigu dahaka baoto, "Dokta sibomu hahemauri. Dahaka a kamonai Kaperanauma ai o karava karadia, emu hanua korikori ai ba kara. ²⁴A ia na eto, na hamaoromui momokanimu, peroveta tauna na ena hanua korikori ai basie abiadae.²⁵Na hamaoromuimu danu, Elia neganai vabu hutuma Isaraela ai e nohova, una neganai lagani toi bona hua tauratoi, medu se dihova, tanobada idoinai doe e badava. ²⁶A Elia na idia ta dekena se siai lao, Sarepeta Sidono kahana hanuana, vabuna ta dekena e siaia lao. ²⁷Bena lepera taudia hutuma Isaraela ai e nohova peroveta Elisaia neganai, a ta se hamauria, Naman Siria tauna mo sibona.²⁸Bena dubu lalonai e hebou taudia iboudiai unu hereva e kamonai e badu dikadika. ²⁹E tore isi, hanua amo e doria lasi, edia hanua e hadaia ororona e dabuia lao, hagahaga amo bae tahoa dobi eto. ³⁰To ia na bogaragidia amo e raka oho, ena dala amo ela.³¹Bena ela Kaperanaumai, Galileia hanuana ta, ai e lasi bena dina helagai e hahedibava. ³²Idia na ena hahediba herevadia e hoalaiva, badina be e herevava mai siahuna ida.³³Dubu lalonai tau ta lauma dikana ese vada e boloa, ia na e tai lolo eto, ³⁴E! Iesu Nasareta tauna, dahaka emai ai o karamu? Oi ialamai totona oma a? Lau mai dibagu oibe daika - Dirava ena Helaga Tauna.³⁵Bena Iesu ese emoni e gwau henia eto, :Eremu, iena amo a raka lasi! "Bena lauma dikana ese tano e kwadilaia idia bogaragidiai, bena iena amo e lasi. Hari tau na asi berona. ³⁶Bena iboudiai e hoa, e hereva heheni eto, ini na dahaka hereva? Ia na mai siahuna bona mai goadana ida lauma dikadia e haganidiamu bona e raka lasimu. ³⁷Una hegege madai tano idoinai ia harina e hapiua.³⁸Dubu amo e didi lasi bena Simona ena ruma ai e daekau. Simona ravana hahinena e gorerea, tauna e siahu, bena idia ese Iesu e hamaoroa. ³⁹Ia na hahine dekena ai e gini, gorere e gwau henia, bena gorere e doko hahine na e tore isi idia isiaidia e lao heni.⁴⁰Dina kerekerena ai, idia ese gorere idau-idau taudia iboudiai ia dekena e laohaidia. Bena ia imana idia ta ta latadia ai e daukau, e hamauridia. ⁴¹Lauma dikadia danu taunimanima hutuma edia amo e halasidia. Bena lauma dikadia e lolo, eto, Oi na Dirava Natuna. To ia ese e gwau henidia, bona e tamanudia basie hereva, badina idia dibadia ia na Keriso.⁴²Daba e rere ia na e tore isi gabu gagaena ela a hutuma ese e hatahua e davaria bena e rua, basine rakatanidia eto. ⁴³A ia ese e hereva henidia eto, lau ese Dirava ena basileia hanuadia idaudia ai baina harorolaia e siagu badina bunai. ⁴⁴Bena Iudea dubu dia lalodiai e harorova.

Chapter 5

¹Dina ta ai e vara, una neganai Iesu na Genesaret gohuna badina ai e gini taunimanima hutuma e gini hesede-hesede ia e lao heniava bona Dirava ena hereva, ikamonaina. ²Ia ese vanagi rua e itadia kone badina ai e veridia dae, a haoda taudia una vanagi amo na e lasi bona edia reke e huridia. ³Bena Iesu na una vanagi ta ai e gui, una be Simona ena, bona e hamaoroa taina baela daudau tanu amo ena. Bena ia na e helai diho bona hutuma e hadibadia vanagi amo.⁴Ena hereva e hadokoa, ia ese Simona, e hamaoroa eto, "vanagi na dobuna a laohaia bona emui reke ba torea gwarume bavabi." ⁵Simona e haere bona eto, "Biagugu, ai na hanuaboi idoina ai ame gaukara; bona gau ta danu asi ame abia, to emu hereva dainai, reke na baina torea." ⁶Bena e torea, idia na gwarume numerana bada e abi, bona edia reke na mokona e hedare. ⁷Una dainai bamodia e kalodia, vanagi au ta ai idurudia baema. Idia na ela bena vanagi ruaosi na e honu bena idia na e mutu.⁸A Simona Petero, ese e itaia, Iesu aena badinai e igo diho, eto, "Lohiabada e, egu amo ba raka oho, badina lau na dika taudu! ⁹Badina be ia, bona bamona iboudiai ida e hoa dikadika, unu gwarume e abidia dainai, ¹⁰bona ia ida e haoda hebouva taudia be Iakobo bona Ioane, Zebedeo natuna, daidia be Simon bamona bona Iesu ese Simona e hamaoroa eto, "basio gari hari amo ela umui na taunimanima bavabidia." ¹¹Bena edia vanagi kone ai e tudia, edia gau iboudiai e rakatanidia bena ia murinai e raka.¹²Una negana amo ema ia na hanua ta lalonai e vareai, bena tau ta kopia idoinai lepera mo, hari ia ese Iesu e itaia, bena ia vairanai e goru diho bena e noia eto, "Lohiabada, bema bona ura, oi ese boma hagoevagu." ¹³Bena Iesu imana e toidia roro bena e daua toho, eto, "na uramu, vada a goeva. Una horanai ia na lepera ese na e rakatania.¹⁴Bena ia ese e taravatua ta basine hamaoroa, a e hamaoroa, "Emu dlala amo baola, bona sibomu hahelaga tauna enai ba hedinarai bona emu hahegoeva boubouna bae heni, Mose ese eha-ganilaia hegeregerena, taunimanima ihadibalaidia.¹⁵To ia ese harina e piua rohoroho, bona taunimanima hutuma bada na ela e hebou ena hereva e kamonaidia bona edia gorere amo e hanamodia. ¹⁶A ia na e raka oho tano gagaena ela bona eha-guriguri.¹⁷Dina ta ai ia na e hahedibava, bena Faresia taudia bona taravatu ihahedibalaina taudia Galileia hanuadia iboudiai amo, boa Iudea amo, bona Ierusalema amo, ema unu seniai e helai Lohiabada siahuna na unu seni ai ia ese gorere taudia e hamauridia.¹⁸Bena unuseniai tatau haida ese pada tauna geda ai hekurena ai e huaia lao, ivarealaina dalana e tahua bona Iesu vairana ai bae atoa eto, ¹⁹A dala ta asie davaria badina hutuma daidiai bena ida na e dae guma daenai bena pada tauna na mai gedana ida, guhi matuna amo e tua dobi Iesu vairanai taunimanima bogaradiai.²⁰Ia ese edia abidadama e itaia, bena eto, "tau, e emu dika vada eme hegwau tao." ²¹Itorena taudia bona Faresia taudia e henanadai heheni, eto, "Ina be daika Dirava ihadikana e heheni, eto "Ina be daika Dirava ihadikana e herevalaiamu? Daika dika baine gwau tao dirava mo sibona?²²A Iesu, na edia lalohadai edibaia, e haere bona e hamaorodia, eto, dahaka dainai lalomui ai ene o henanadai tomamu? ²³Edena be haraga, ai na gwauraimu, 'Emu dika vada eme hegwau tao' eiava bama toma 'atoreisi bona a raka? ²⁴A baina hadibamui taunimanima natuna na mai siahuna ina tanobadai dika baine gwaudia tao, " - ia ese pada tauna e hamaoroa - na hamaoromuimu a toreisi, bona emu geda a lokua, emu ruma aola!²⁵Una horanai ia na idia vairadia e toreisi, ena hekure geda na e lokua, bona ena ruma vada ela, Dirava heatolaia. ²⁶Bena iboudiai ese hoa dikadika bona iboudia ai ese Dirava e heatolaia, bona gari ese e hahonudia, eto, "Ia ese hoa karadia ina hari dina ai ame ita."²⁷Una gau muridiai, Iesu na unu kaha amo e raka lasi bna tax gogo tauna ta e itaia ladana levi' tax gogo dabuana rumana ai helai, ia ese e hamaoroa eto, "murigu ai ame raka." ²⁸Bena ia na e toreisi bona gau iboudiai murinai e atodia e rakatani, ia murinai e raka.²⁹Bena Levi ese Iesu ena aniani dabarana badana ta e karaia ena ruma ai, bona unuseniai tax gogo taudia hutuma bona taunimanima haida danu idia ida pata badinai ege diho. ³⁰A Faresia taudia bona Itorena taudia ese ena hahediba e maumauraidia, eto, "Dahaka dainai kara dika taudia bona tax gogo taudia ida o aniani bona o inuinu heboumu? ³¹Iesu ese e haere henidia bona eto, "namo taunimanima dia ese muramura tauna basine tahua, a gorere taudia ese hari. ³²Lau danu dia kara maoromaoro taudia iboiridia asi nama, to kara dika taudia bae helalokerehai."³³Bena idia ese e hamaoroa eto, "Ioane ena hahediba na e anivaga, lou-lou mu bona e guriguri lou-lou mu, bona Faresia taudia edia hahediba danu unu e kara tomamu a oiemu hahediba e anianimu bona e inuinumu. ³⁴Bena Iesu ese e hamaorodia eto, "Umui ese headava e hakauamu tauna basio hamaoroa baine anivaga bena diba a ? ³⁵A dinadia be maimu headava matamatana tauna na edia amo be abia ohomu, bena unu dinadia ai idia na bae anivaga.³⁶Bena Iesu ese danu sivarai hegeregerena ai e hereva henidia eto, "tau ta ese dabua matamatana seana basine darea, dabua gunana ai basine turia kau. A bema ia unu baine kra toma, ia na dabua matamatana seana ida na basine hegeregere.³⁷Bona tau ta ese vine ranuna matamatana basine seia vareai vine kopina gunanai. A unu bema kara toma, vine ranuna matamatana na baine haboua vine kopina ai bona hebubu lasi, bona vine kopina danu baine dika. A vine ranuna matamatana³⁸ na vine kopina matamatana ai bae seia vareai. ³⁹Tau ta ese vine gunana e inuamu tauna ese matamatana basine ura henia, badina ia baineto, 'gunana na namo herea.

Chapter 6

¹Ina na Dina Helagana ta ai e vara karana ta, Iesu na uit imeana lalona amo e raka hanaiva, bona ena hahediba memerodia ese uit anidiai na imadia ai e kopadiava bena e abidiava. ²A hari Farasia taudia haida ese eha maorodia eto, "Dahaka dainai umui na ini o kara tomamu, dina helaga ai ina na dia maoro."³Iesu ese e haero henidia eto, "Umui asio duahia Davida be dahaka e kara e hitoloa neganai, ia bona ena memero ida, a? ⁴"Ia na Dirava ena ruma ai e raka vareai una parao na eabi bena e aniani, ena memero danu e henidia, una na edia gwau-ahu ai na dia maoro idia ese bae ania to hahelaga taudia sibodia adia." ⁵Bena ia ese eha maorodia, "Taunimanima Natuna na Dina helaga Lohiabadana."⁶Ina danu Dina helagana ta ai ma e vara ia na synagogue ai e raka vareai bona hahedibava. Unuseni ai tau ta bona ia imana idibana na heveri. ⁷Itorena taudia bona Farasia taudia na e raraia kahi-kahiva e urava bae itaia ia es tau ta do baine hanamoa guguru una dina helaganai bena dala ta e tahuava ia bae habadelaia. ⁸To ia na e diba vaitani idia edia lalohadai bena ia ese ima heveri tauna na eha maoroa, eto, "A toreisi, bona ina ai bogaragimai ai ame gini." Bena une tau na e toreisi bona e gini tore idia bogaragidiai.⁹Bena Iesu ese eha maorodia eto, "Lau ese umui na nanadaimuimu, ina maoro Dina helaganai kara nam ba karaia eiava ba hahedia, lauma ta do ba hamauria eiava ba hamasea, a? ¹⁰Bena ia ese iboudiai e itadia hegege bona ima heveri tauna eha maoroa eto, "Imamu na a toia-roro" Ena hereva karana e karaia, bona imana vada e goeva guguru.¹¹A idia na badu ese eha-honudia bona sibodia e hereva heheni dahaka do ba kara Iesu enai.¹²Ina danu unu dinadiai e vara karana, ia na ororo ela baine guriguri dainai, bona una hanuaboi idoinai Dirava e guriguri heniava. ¹³Daba e rere neganai ia ese ena hahediba memerodia e boiridia ia dekena ela, bona ia ese gwauta-rua e abidia-hidi bona e gwauraidia danu apostolo taudia.¹⁴Simona (Ia ese ladana e hatoa Petero) bona ia tadina Anderea, bona Iakobo, bona Ioane, bona Pilipi; bona Batolomiu, ¹⁵bona Mataio, bona Toma bona Iakobo Alphaeus natuna, bona Simona daika be ladana e hatoava Zealot tauna, ¹⁶bona Iuda, Iakobo natuna, bona Iuda Isakariota, daika be tao-tore tauna.¹⁷Ia na ororo amo e diho idia ida bona gabu palakana ai e gini ena hahediba memero hutuma ida bona taunimanima hutuma ida Iudea idoinai amo, bona Ierusalema amo, bona Turo bona Sudo kone kahana amo.¹⁸Idia na ia ena hereva iha-kaladia bona edia gorere amo ba namo guguru totona ema. Taunimanima mai edia kerere bona lauma dikadia ese e rohedia taudia danu eha namodia guguru. ¹⁹Taunimanima iboudiai e urava ia ba dauatoho badina be siahu na ia ena amo e lasiva bona iboudiai eha namodia guguruva.²⁰Bena ia na matanai ena hahediba memerodia e itadia bona eto, "Ogogami taudia be nanamo badina Dirava ena basileia na umui emui. ²¹Harihari e hitolomu taudia be nanamo, badina umui bogamui do bae kunu. Harihari e taitaimu taudia be nanamo, badina be umui na do ba kiri²²Taunimanima ese do bae inai henimui, neganai, bae dadaraimui neganai, bona bae habadelaimui koikoi neganai, bona ladamui bae hadikadia badina be Taunimanima Natuna dainai.²³Una dina ai do ba moale hisidae, bona mai moalemu ida ba roho isi, umui ahumui na bada herea basileia ai. Badina be idia tamadia ese peroveta taudia danu dala tamona unu e kara henidia toma.²⁴A umui daidia na o taga, madi ihabaimui, adina emui namo na vada ome abia. ²⁵A madi ihabaimui, ina harihari bogamui eme kunu, badina be umui na do ba hitolo. Madi ihabaimui, harihari o kirimu taumui, badina be umui na do ba daradoko bona ba taitai.²⁶Madi ihabaimui, taunimanima ese hereva namo henimui neganai, badina senedia ese peroveta koikoi taudia danu unu e kara henidia tomava.²⁷A lau ese umui oha-kalamu taumui na hereva henimuimu, e inai henimuimu taudia ba lalokau henidia bona e dagedage henimuimu taudia na ba kara namo henidia. ²⁸E gwau-tubu henimuimu taudia ba hanamodia bona asie kara namomui daidiai ba guriguri.²⁹Daika ese oi vahamu baine pataia neganai vahamu kahana danu ba mede henia, bona daika oi emu amo o karaia dabuana baine abia oho emu rami danu basio rua.³⁰Daika emu ai e noinoimu taudia na ba henidia, bona daika oi emu kohu na oi emu amo e abia oho na basio noidia lou.³¹Umui o uramu taunimanima ese unu bae kara henimui toma, unu hetomana danu umui ese ba kara henidia toma. ³²Bena oi ese o lalokau henidiamu daika be oi e lalokau henimumu, ena namo be dahaka oi emu ai? ³³Bema umui na taunimanima ba kara namo henidia daika be e kara namo henimuimu, ena namo be dahaka oi emu ai a? ³⁴Bema oi na dava o heni-torehaimu taunimanima dia ediai mo, daika be o laloamu emu abitorehai na ma beheni-lou dibamu tauna, ena namo be dahaka oi emu ai? Kara dika taudia danu kara dika taudia dava e henidiamu, una dava tamona na bae abia lou dainai.³⁵A umui ese e inai henimuimu taudia na ba urahenidia bona ba kara namo henidia. Ba heni-torehai davana ihalouna na basio naria, bona ahumu na do baine bada, bona Herea Mikamika natuna ai baola, badina be ia na manau asie hahenamomu taudia bona dika taudia ediai. ³⁶Ba hebogahisi, Tamamui hegeregerena ia na hebogahisi.³⁷Basio hahemaoro, bona umuina do basio hahemaoro henimui. Basio hahedika, bona umui na do basio hadikamui. Edia dika ba gwaudia tao bona emui danu do bae hegwau-tao.³⁸Ba heni ma baine henimui: Hahetoho gauna namona - e taoa kunu, e buloa hebou, e hepurai dobimu - latamu ai baine hebubu dobi. Badina be una e heni hahetohona ida oi ma baine henimu lou.³⁹Bena ia ese sivarai hegeregerena ta danu ma ehamaoroa laidia, "Mata kepulu tauna ta ese mata kepulu tauna na basine hakaua diba, a? "Raruosi guri ai basie moru a? ⁴⁰Hahediba merona ese e hahediba tauna na se hereaia, ia na do baine diba guguru neganai, ena hahediba tauna ida bae hegeregere.⁴¹Dahaka dainai ina taha maragi-maragi be oi bamomu matanai o itaiamu, a oi be so dibamu oi sibomu matamui ai be au badana ta, a? ⁴²Edena dala ai bamomu na ba hamaoroa "Bamogu ena matamu ai taha maragi-maragina na aina kokia-oho, a oi sibomu matamu ai au badana be asio itaiamu, a? Koikoi taumu! Oi sibomu matamu ai ina au badana do ba kokia guna, bena oi emu roharoha na do baine diari bena oi bamomu matanai una taha maragina na ba kokia-oho.⁴³Badina be au namona ese huahua dikana baine havaraia, una kahanai danu au dikana ese huahua namona do baine havara. ⁴⁴Badina be au ta ta na huahuadia ai baita diba. Badina taunimanima ese suke anina na dia au ginigini amo eiava vine anina na dia uda auna amo asie gogodiamu.⁴⁵Tau namona ese ia lalona kohu namodia amo gau namodia e havaramu, bona tau dikana ia lalona kohu dikadiamo gau dikadia e havaramu. Badina be ia lalonai e honu gaudia amo ia udunai e herevalaimu.⁴⁶Harihari, dahaka dainai umui ese lau o boi henigumu "Lohiabada, Lohiabada" a lau na herevamu karadia be asio karamu, a? ⁴⁷Taunimanima daika be lau dekegu e maimu bona egu hereva e kamonaimu bona karadia e karamu, lau ese umui baine haheitalaimui ia be taunimanima ede bamona.⁴⁸Ia na hegeregerena tau ta, ruma ta e karaiamu, guri dobuna ta e geia, bena papa-papa latanai eha daia. Bena utu-utu e kau, bena ranu bada aruna ese ruma na e doria to ruma na asine marere, badina una ruma na e karaia balaheni.⁴⁹A lau egu hereva e kamonaimu to karana se karaiamu, ia na tau ta na heto ena ruma na tano latanai e karaia asi ihadaina dainai abata ranuna ese nega tamona e hamorua, bona una ruma danu e hegigi rohoroho.

Chapter 7

¹Iesu ena hereva iboudiai taunimanuma vairadia ai e gwaurai vaitani, bena Kaperanaumai e raka vareai.²Tuari biaguna ta ena hesiai merona e lalokau henia, na e gorere dikadika, mokona e mase. ³Tuari biaguna ese Iesu harina e kamonai, bena Iudea tau-badadia haida e siaidia lao, bae noia, ia e maimu ai, ena hesiai merona na baine hamauria. ⁴Bena idia na Iesu dekena ela, e noia lalo-dika eto, "Ia na tau namona ini boma karaia toma bema namo, ⁵badina ia ese eda bese e ura henidiamu, bona ia ese emai dubu e karaia."⁶Una dainai Iesu na idia ida ela. A ia na vada dia daudau ruma amo, Tuari biaguna ese bamona haida e siaidia, ela e hamaoroa, eto, "Lohiabada e, asio hekwarahi badina lau na dia namo egu rumai ba dae.⁷Una dainai lau danu sibogu natomu dia namo baina vasi dekemu, a hereva ta mo a gwauraia bena egu hesiai tauna baine namo.⁸Badina be lau danu haida henudiai, egu tuari taudia be lau henugu ai. Ta baina hamaoroa, 'Aola', bena bainela; bena ta ma baina hamaoroa, 'Aoma,' bena bainema, bena egu hesiai merona baina hamoroa, 'Ina na a karaia,' bena baine karaia."⁹Iesu ese una hereva e kamonaia, e hoa dikadika, bena e hegiro ia murinai hutuma e rakava e hamorodia eto, "Na hamaoromuimu, abidadama ini hetomana Isaraela ai asina davaria lasi ona lasi vaitani." ¹⁰Tuari biaguna ese hari e siaidia taudia e lou ruma ai e davaria hesiai merona vada e namo.¹¹Hari una e vara murinai Iesu na hanua ta ela ladana Nain, bona ena hahediba bona hutuma badaherea ia ida ela. ¹²Hanua ikoukouna e raka kahi laova ai, haida ese mase tauna ta e huaia lasi, hahine ta natuna vara-edeana (bona ia na vabu), bena hanua taudia hutuma ese e bamoa. ¹³Lohiabada ese e itaia, bena e bogaiahisi dikadika, bena e hereva henia, eto, "Asio tai." ¹⁴Bena e raka kahi lao mase patana ai e dau kau bena e huaia taudia danu e gini. Bena e hereva, eto, "Tauhau e, na hamaoromumu, a toreisi." ¹⁵Bena mase tauna e helai tore bona e hereva, bena Iesu ese sinana e henia.¹⁶Gari ese iboudiai e butudia tao, bena Dirava e imodaia, eto, "peroveta tauna badana bogaragidai vada eme hedinarai." bona "Dirava ese ena bese taudia vada eme igodia ita. ¹⁷Iesu ese ina kara e karaia sivaraina na Iudea idoinai bona badina tanodia idoidiai e piua rohoroho¹⁸Ioane ena hahediba taudia ese Ioane hereva iboudiai e hamaorolaia. Bena ena hahediba rarua e boiridia.¹⁹Ioane ese e siaidia Lohiabada bae nanadaia, baeto, "Be maimu tauna be oi, eiava ta ma baita tahua?" ²⁰Hari idia na Iesu dekenai e kau, bena raruosi eto, "Ai na Ioane Bapatiso ese e siamai, e tomu, "Be maimu tauna na oi, eiava idauna ta baita tahua?"²¹Una horanai Iesu ese hutuma e hamauridia edia gorere amo bona hisiani idau-idau amo bona lauma dikadia ese e bolodia, bona matakepulu taudia hutuma danu matadia e hapapa. ²²Bena Iesu ese e haere henidia eto, "Vada aola ome ita bona ome kamonai karadia Ioane ba hamaorolaia: Mata kepulu taudia matadia e papamu, ae hedairiki taudia e rakamu, lepera taudia e hagoevagoevadia bona taia kudima taudia e kamonaimu, mase taudia e toreisi lou, ogogami taudia sivarai namo e kamonaimu. ²³Hekwakwanai badina egu ai basine davaria tauna hari namo.²⁴Ioane ena hesiai taudia e raka oho murinai, Iesu ese aru taudia e hereva henidia matama Ioane herevana eto, "Umui na dahaka itana tano gagaena ola? Siriho lai ese e haevaia a? ²⁵A dahaka itana ola? Dabua manada-manadana e dokilaia tauna ta a? "A itaia, dabua mai hairaidia e dokilaimu bona aniani namodia e animu taudia na pavapava edia ruma ai e nohomu. ²⁶A dahaka itana ola? Peroveta tauna a? Oibe, na hamoromuimu, peroveta taudia logora ia ese e hereadiamu.²⁷Ia bunai herevana e torelaia eto, 'A itaia, lau ese egu gwaukau tauna oi vairamu ai name siaia, emu dala ilailaina.' ²⁸Na hamaoromuimu, hahine bogadia ai e vara tauna ta ese Ioane se hereaiamu, "A Dirava ena basileia lalonai gabe tauna ese Ioane e hereaiamu."²⁹Hari taunimanima iboudiai una hereva e kamonai bona tax gogo taudia danu, idia ese Dirava maorona e gwauraia badina be Ioane ese e baptisodia. ³⁰A Farisea taudia bona taravatu taudia ese ena bapatiso e dadaraia, unu amo Dirava ena lalo-hadai e laoa-ahu.³¹"Ina uru taudia be dahaka ida baina hageregeredia, bona idia be ede heto? ³²Idia na memero-memero na heto hanua ariarana ai e hehelai, bamodia e boi henidiamu, e tomu, 'Ai be ivilikou a hatai umui daimui ai, to asio mavaru; Rohe-ahu anedia abi, to asio tai!³³Badina be Ioane Bapatiso ema se anianiva, eiava vine ranuna se inuava, bena umui o tomu, 'Ia na mai ena lauma-dika.' ³⁴Taunimanima Natuna na ema e anianimu bona e inuinumu, bena umui o tomu, 'A itaia, ia na anidae-anidae tauna bona vine ranuna e inua momomu tauna, tax gogo taudia bona kara-dkika taudia turadia.' ³⁵A aonega ihamomokanina na natuna edia amo e hedinaraimu.³⁶Farisea tauna ta ese Iesu e vavea bae aniani hebou. Bena Farisea tauna ena ruma ai e raka vareai, aniani gabuna ai ege diho. ³⁷Una hanua hahinena ta ariara hahinena. Ia dibana Iesu na Farisea tauna ena ruma ai ege diho, bena nadi kavabuna ta e abia kau lalonai na dehoro namo-hereana, ³⁸bena ela Iesu murinai e gini aena badinai, e taiva, bona irurumatana amo aena e haparipari, bena huina amo e dahu kaukau bena aena e harahu bona dehoro amo e dairi.³⁹Hari Farisea tauna Iesu e vavea ese una kara e itaia, bena lalona e hadaia, eto, "Ina tau bema peroveta tauna, ia na bema diba ina ienai e daukau hahinena na ariara hahinena. ⁴⁰Bena Iesu ese e haere henia, eto, "Simeona e, lau na mai egu hereva taina oi emu ai." Bena Ia eto, "A hereva, hahediba tauna e!⁴¹"Tatau rarua na, ima doa tauna ta enai moni e abitorehai. Ta sinahu ima, bona ta imahui. ⁴²Asi edia gau abitorehai davadia bae halou, bena ia ese raruosi edia abitorehai e gwautao. Una dainai, idia raruosi daika ese ia baine lalokau henia bada?" ⁴³Simeona e haere bena eto, readia ena abitorehai badana e gwaua tao tauna." Iesu eto, Oibe momokani.⁴⁴Ia ese hari hahine e hagerea bena Simeona e gwau henai, eto, Ina hahine oi taiamu a? Lau na emu rumai name dae kau, ran so henigu aegu ihurilaina, a Ia ese irurumatana amo aegu eme haparipari bona huina amo eme dahu kaukau. ⁴⁵Oi ese so harahugu, a Ia ese dae kaugu ai ema hari aegu eme harahu.⁴⁶Oi ese kwaragu dehoro amo so horoa, a Ia ese aegu dehoro amo eme dairi. ⁴⁷Una dainai, na hamaoromumu, ena dika ena be babada, to vada eme hegwautao - badina be ena lalokau na bada. A ena dika amo e hegwau tao tauna na ena lalokau danu maragi⁴⁸Bena Ia ese hari hahine e hamaoroa eto, "Emu dika vada eme hegwautao. ⁴⁹Ia ida ege diho hebou taudia na e henanadai heheni, eto, ina na daika dika e gwautaomu? ⁵⁰A ia ese hari hahine ma e hamaoroa, eto, "Emu abidadama ese vada e hamaurimu. "Aola mai mainomu ida."

Chapter 8

¹Unu muridia ai, Iesu ena laolao e matamaia hanua badadia bona hanua maragidia idau-idau lalodiai, Dirava ena basileia sivaraina namona e harorolaiava. Gwauta raruosi ese e bamoa, ²bona hahine haida danu lauma dikadia edia amo e luludia lasi bona edia gorere amo e hamauridia hahinedia danu: Maria hane Magadala, iena amo lauma dikada hitu e halasidia, ³bona Ioana, Kusa, Heroda ena kohu ireguna tauna; bona Susana; bona ma hutuma danu, edia kohu ia e ubulaia.⁴Taunimanima hutuma e aru ela, hanua iboudiai amo ema ia dekena e hebou. Bena ia ese sivarai hegeregerena ta e gwauraia, eto, ⁵"Uhe ihadona tauna na uit igigi-rohorohona totona e vareai. Bena e gigi-rohorohova ai, haida dala isenai e moru, bena taunimanima ese e moia tao bona manu ese e ani ore. ⁶Haida be nadi kikiri ai e moru, bena e tubu negana ai e mase badina be tano na dia paraka.⁷Ma haida be ava ginigini ai e moru, ginigini ida e tubu hebou, ginigini ese e habubuni. ⁸A haida be tano namona ai e moru, bena e tubu goevagoeva, e dobi, anidia na sinahu-sinahu." Unu e gwau toma, bena e hereva badabada eto, "Mai taiana tauna na baine hakala."⁹Bena ena hahediba ese e nanadaia, eto, "Hari sivarai anina hegeregerena be dahaka?" ¹⁰Ia eto, umui be lalo-parara vada e henimui, Dirava ena basileia hereva hehunidia vada ba diba, a hahidaosi na sivarai hegeregeredia amo na hadibadiamu, una dainai, "Bae roharoha, to basie ita; bona bae kamonai, to basie laloparara.'¹¹Sivarai hegeregerena anina binai: Uti nadinadidia na Dirava ena herea. ¹²Dala isena ai e moru nadinadidia be taunimanima ese hereva e kamonaiamu, to diabolo na e maimu lalodia amo hereva na eabia ohomu, bae abiadae bona bae mauri garina. ¹³Papapapa ai e moru gaudia na daidia, ese hereva e kamonaiamu, bena eabiadaemu mai moaledia ida. To asi ramudia; idia ese eabidaemu to asi vanahana, bena hedibagani ese e tohodiamu ai e hekwakwahanaimu.¹⁴Ava ginigini ai e moru gaudia, be taunimanima ese hereva e kamonaiamu, to dala amo e laomu ai, tanobada ena lalohagui bona ena taga bona ena moale maurina ese e hahonudiamu bena asie huahuamu. ¹⁵A tano namona ai e moru gaudia, be ini idia, hereva e kamonaiamu, mai momokanidia ida bona lalodia goevagoevadia ida, e lalo tao tarika-tarikamu asie hesikumu bona huahuadia e dobimu.¹⁶Asi tauna ta ese lamepa baine ha-araia bena beisini ai baine koua eiava bedi henunai baine atoa. Ia ese lamepa patanai baine atoakau be bae raka vareai taudia iboudiai ese diarina baitaia. ¹⁷Badina hehuni gaudia iboudiai do bae hedinarai gau ta na dia hehuni, eiava e moi tao herevadia iboudiai bae hahedibalai bona bae gwaurai hedinarai. ¹⁸Una dainai emui kamonai nahuadia ba toho, badina be mai ena gau tauna, na momo ba henia, a asi ena gau tauna, enabe ia banava eto vada e abia gauna na ena amo do bae abia oho.¹⁹Bena ia sinana bona tadikakana na ia dekena ema, to hutuma dainai asi edia dala dekena bae raka kahi lao. ²⁰Bena haida ese e hamaoroa, eto, "Oi sinamu bona oi tadikakamu na murimuri a gigini, e uramu baitamu." ²¹A Iesu ese e haere henidia, eto, "Lau sinagu bona lau tadikakagu bini: Dirava ena hereva e kamonaimu bona karana e karaiamu taudia.²²Dina ta ai, ia na ena hahediba ida vanagi ta ai e gui bena ia ese e hamaorodia eto, "Ai tala unukaha gohuna." Bena lara e kidaia. ²³Heaudia ai ia na e mahuta. Bena lai gubana ta gohu ai e kau, bena edia vanagi na ranu ese e hahonua, bona dikadika lalona ai e vareai.²⁴Bena idia na ia dekena ela, e haoa, eto, Biagumai!, Biagumai! ita aita mase a? A ia e noga lai bona hurehure e gwaudia tao, bena e doko, bona vada e gaima. ²⁵Bena ia ese e hamaorodia, eto, "Emui abidadama be edeseni ai? "Bena idia na e gari bona e hoa, e hereva heheni eto, "Ina be daika, bena lai bona hurehure e haganidiamu bena erena e kamonaimu?"²⁶Bena idia ese Gerasa tanona ai eha kau, Galileia hegaga heninai. ²⁷Iesu tano ai ginina ai, tau ta hanua amo ema ia ida e hedavari, mai lauma dikana ida. Nega daudau asi dabuana e loava, bona rumai se nohova, a gara ai e nohova.²⁸Ia ese Iesu e itaia,e tai lolo, dekena ai e moru, bena e hereva badabada, "Dahaka egu ai o karamu, Iesu e, Herea Mikamika Diravana Natuna, basio hahisigu. ²⁹Badina be Iesu ese lauma dikana vada e hagania una tau ena amo baine raka lasi. Badina be nega momo ia ese e dabaia taova, negadia ai, seini bona auri amo e guiava bona e nariava, to seini na eha motudiava bona lauma dikana ese tano gagaena ai e doria laova.³⁰Bena Iesu ese e nanadaia eto, "Oi ladamu be daika?" bena ia eto, "Tuari Oreana," badina be lauma dikadia momo ese e boloa. ³¹Bena idia ese e noiava basine hagania dobu kahana basi ela.³²Una ororo gabanai boroma serina badana ta e anianiva, bena lauma dikana ese e noia idia lalodia ai bae vareai. Bena ia ese e siaidia. ³³Bena lauma dikadia na hari tau ena amo e lasi boroma lalodia ai e vareai, bena hari serina idoinai e heau hekei gohu ai e malodia mase.³⁴Hari iregudia taudia ese una kara e itaia, bena e heau ela bona hanua lalonai bona hanua kahanai harina e piua.³⁵Bena taunimanima e aru ela e vara gauna baitaia, bena Iesu enai e kau bena lauma dikana ese e rakatania tauna e itaia Iesu aena badina ai helai, mai dabuana bona mai darana bena idia na e gari.³⁶A kara e itaia taudia ese kava tauna e hamauria dalana e hamaorolaia. ³⁷Bena Gerasa tanona taudia iboudiai ese e noia, edia amo baine raka oho, badia be gari ese e butudia tao. Bena ia na vanagi ai e gui e lou.³⁸Hari lauma dikana ese e rakatania tauna ese e noia baine bamoa eto, A Iesu ese e siaia lou, eto, ³⁹"Emu ruma ba lou henia Dirava ese e kara henimu karadia iboudiai ba harorolaia." Una dainai ia na e lou ela, ena hanua idoinai Iese ena kara ia enai e harorolai.⁴⁰Iesu e lou negana ai, hutuma ese e abiadae, badina be idia ese e nariava tauna. ⁴¹Una neganai, tau ta ladana Iairo, bona ia na hegunalai ta dubu lalonai. Iesu aena badinai e goru diho, e noia ena ruma bainela, ⁴²badina be ia natuna kekenina vara-edeana laganina gwauta-rua, masena vada e kahira-kahira. Bena dala amo e laova ai aru taudia ese e rakaia biribiriva.⁴³Hari hahine ta ena gorere rara moru lagani gwauta rua, unu e noho tomava, ena kohu idoinai dokta (doctors) ediai vada e ore, to ta ese se hamauria. ⁴⁴Ia na Iesu murina amo ela bena Iesu ena dabua isenai e daukau, bena ena rara moru vada e doko.⁴⁵Bena Iesu eto, "Daika ese e dogogu tao?" To iboudiai e hegore, Petero eto, Biagumai e, aru taudia ese e gegemu dae bona e rakamu biribirimu." ⁴⁶A Iesu eto, "Ta ese e daugu toho, badina be siahuna egu amo vada e lasi."⁴⁷Hari hahinena na e itaia basine hehuni diba, bena mai heude-heudena ida ela ia vairana ai e goru diho. Taunimanima iboudiai vairadia ai dahaka dainai e daua toho, bona ede e mauri toma sivaraina e gwauraia hedinarai. ⁴⁸Bena Iesu ese e hamaoroa, eto, "Natugu e, emu abidadama ese vada e hamaurimu. Aola mai mainomu ida."⁴⁹Ia dounu e herevava ai, ta ema dubu biaguna ena ruma amo eto, "Natumu na vada e hamase. Hahediba tauna basio haturiaia." ⁵⁰A Iesu e kamonai, bena e haere henia eto, "Asio gari, bavabidadama, bena ia na do baine mauri."⁵¹Bena ruma ai e kau, Ia ese taunimanima ta se haduaia ia ida bae vareai, Petero bona Ioane bona Iakobo, bona kekeni tamana sinana ida. ⁵²Iboudia ai e taitaiva bona kekeni taina e taiva, A ia eto, "Asio tai, ia na se mase, a e mahutamu. ⁵³To idia ese e kirikirilaia dibadia kekeni na vada e mase.⁵⁴A ia ese kekeni imana eabia, e boi lasi, eto, Kekeni e, a tore isi! ⁵⁵Bena laumana e lou, bena kekeni e tore isi, bena Iesu e haduadia aniani taina bae henia baine ania. ⁵⁶Kekeni tamana sinana na e hoa, a ia ese e tamanudia tau ta basie e hamaoroa, dahaka e vara.

Chapter 9

¹Ia ese gwauta-rua e boiridia hegogo, ia ese siahu bona maoro e henidia lauma dikadia iluludia oho, bona gorere taudia ihamauridia, ²bena e siaidia lasi Dirava ena basileia bae harorolaia bona gorere bae hamauridia.³E hamaorodia eto, "Laolao kohudia basio abi kau - eiava itotohi, vaina, parao, moni-hahedoki rua. ⁴Ba dae kau rumana ai, ba noho, ela bona raka oho.⁵Edeseni ai se abimui daemu, edia hanua amo raka oho, aemui kahudia ba ude-ude oho idia ihabadelaidia.⁶Una dainai, idia na e raka lao, hanua hanua lalodiai sivarai namo e harorolaia, bona gorere taudia e hamauridia.⁷Heroda, Galileia hanua idoinai e lohiaiava tauna, e kamonai e varava gaudia iboudiai. Kodouna e hetaha badina taunimanima haida e tomava Ioane Bapatiso na vada e tore isi lou.⁸Haida ma e tomava Elia peroveta tauna vada e hedinarai, bona ma haida e tomava peroveta tauna gunana ta vada e tore isi lou. ⁹A Heroda eto, "Ina na dia Ioane badina be kwarana na utua oho. A ina harina na kamonaiamu tauna be daika?" Bena douna e hetahuva dala ta ai Iesu baine itaia.¹⁰Apostolo taudia edia laolao amo e lou neganai, edia kara iboudiai Iesu e hamaorolaiava. Bena ia ese e hakaudia siri ia ida sibodia baela Betesaida hanuana. ¹¹A hutuma na e kamomai, Iesu vada ela, bena e gavaia. Ia ese eabidia dae bena Dirava Lohiabada sibona baine hedinarai herevadia e harorolai henidia, bona gorere taudia e hamauridia.¹²Dina gelona ai, gwauta-raruosi ia dekena ela bena eto, "Mani aru taudia na boma siaidia hanua lalodiai bona uma gabudiai adia bema tahu bona bema mahuta, badina ita na gabu gagaena ai." ¹³A Ia ese e hamaorodia eto, "Umui ese adia bae henidia!" Idia eto, "Ai emai ai na parao maragidia ima bona gwarume maragidia rua. Eiava aniani baia hoi ini hutuma adia!" ¹⁴Idia unu e gwau toma badina be taunimanima na daha ima. Bena Iesu ese ena hahediba e hamaorodia eto, "Taunimanima a hamaorodia ba helai diho orea ai, imahui-imahui amo orea ta ta lalodiai.¹⁵Unu e kara toma bena iboudiai e helai diho. ¹⁶Bena ia ese parao imaosi bona gwarume rua abidia. Guba ai e gagadae bena Dirava e hanamo. Bena e baki dia sisi bena hahediba e henidia taunimanima bae henidia hagau-hagau. ¹⁷Iboudiai e aniani bogadia e kunu. Bena aniani bahudia e habou, bosea gwauta-rua e hahonu!¹⁸Dina ta Iesu na sibona e guriguriva, ena hahediba ema dekena bena ia ese e nanadaiadia eto, "Taunimanima be dahaka e tomamu Lau be daika?" ¹⁹Ida eto, "Haida e gwaumu oi na Ioane Bapatsio, a haida e gwaumu oi na Elia peroveta tauna, bona haidia na doini e gwaumu oi na peroveta tauna gunana ta vada e tore isi lou."²⁰Ia ese ma e nanadaidia lou eto, "A umui dahaka o tomamu? Lau be daika?" Petero e haere eto, "Oina Keriso Dirava Natuna." ²¹Bena Iesu ese e taravatudia eto, tau ta basio hamaoroa. ²²Bena Ia eto, "Taunimanima Natuna, na hisihisi diagau do baina ani: Hanua tau badadia, hahelaga taudia bona itorena taudia ese bae dadaraia bona bae alaia mase. To dina ihatoina ai ma baine tore isi lou.²³Ia ese iboudiai e hereva henidia eto, "Bema tau ta igavagu baine ura ia na egu hahediba tauna, ia na sibona baine hedadarai. Ia na dina iboudiai baine hisihisi, ena mauri danu baine atoa diho. ²⁴Badina be ena mauri e dogoa taomu tauna ese ena mauri baine reaia, a lau daigu ai ena mauri e negeamu tauna ese ena mauri baine abia. ²⁵Ena namo be dahaka bema ia ese tanobada idoinai baine abia, a sibona ena mauri baine atoa diho, eiava baine reaia?²⁶Ia na lau daigu ai eiava egu hereva daidiai baine hemarai, Taunimanima Natuna na ia dainai baine hemarai ia hairaina ai bona Tamana hairaina ai bona aneru helagadia hairaidia ai bainema negana ai. ²⁷Na hamaoromui momokanimu: Haida o ini gigini na basie mase ela bona Dirava ena basileia bae itaia.²⁸Dina taurahani vada ela murinai, Iesu ese Petero, Ioane, bona Iakobo abidia hidi ororo ai e hakaudia dara guriguri totona. ²⁹E guriguriva lalonai, ia vairana vada e idau bona ena dabua e kuroka-kuroka bona e hururu-hururu.³⁰Bena peroveta tatau gunadia rarua na Iesu ida e herevava; Una be Mose bona Elia. ³¹Mai hairaidia ida e hedinarai bena Iesu ena mase Ierusalemai herevana e gwauraia.³²Petero bona mai bamona ida be mamahuta. bena idia e noga neganai, idia ese ia hairana vada e itaia; bona tatau rarua danu ia ida gigini. ³³Mose bona Elia ese Iesu e rakatania, Petero ese e hereva henia eto, "Biagumai e, namo herea ita na iniseni ai! Mani kalaga autoi ai a karadia, oi emu ta, Mose ena ta bona Elia ena ta!" A lalona se parara badina asi dibana ia be dahaka e gwauraiva.³⁴Ia dounu e herevava ai, ori ta ese e govadia ahu. Bena hahediba na e gari ori ese e gegedia ahu dainai. ³⁵Bena Dirava gadona ori lalona amo e hereva henidia, eto, "Ina na Natugu, lau ese na abia hidi; ia erena ba kamonai!" ³⁶Ere e doko ai, hahediba tatoi-osi Iesu sibona e itaia. Idia na asi regeregedia bona nega taina e daudau e ita gaudia na tau ta danu asie hamaorolaia dahaka e ita gaudia.³⁷Daba ai, idia na ororo amo e hekeiva ai, hutuma bada ida e hedavari. ³⁸Bena hutuma bogaragidia amo tau ta e boiboi, "Hahediba taumu e, na noimumu, natugu mani ame itaia! Ia na natugu vara-edeana. ³⁹Lauma dikana ta ese e butua taomu bena e lolo dagumu. E hatororo-tororoamu bena uduna e gwara-gwaramu. Ia ese natugu na serakatanaiamu ela bona kopi danu e beromu. ⁴⁰Emu hahediba na noidia lauma dikana bae lulua lasi, to asi dibadia ede bae kara toma!"⁴¹Iesu e haere, eto, Asi emui abidadama uruna bona emui lalohadai na kekerere! Lau na dekemui ai baina noho ela bona edena nega ai?" Bena mero tamana e hamaoroa eto, "Natumu a mailaia!" ⁴²Iesu dekena e mailaiava lalonai lauma dikana ese tano e hodo laia bona e hatororo-tororoa. A Iesu ese lauma dikana e gwau henia bona mero e hamauria. Bena tamana e henia lou.⁴³Taunimanima iboudiai ese Dirava ena siahu e hoalaia una nega ai. Idia iboudiai dounu Iesu ena kara e hoalai, ia ese ena hahediba e hamaorodia eto, ⁴⁴Ba hakala namonamo ini hereva taiamui ai bae vareai na ba lalo tao: Taunimanima Natuna na taunimanima ediai taona bae torea. ⁴⁵A hahediba na lalodia asie parara una hereva anina be dahaka. Dirava ese edia amo e hunia, anina basie davaria, bona ia inanadailaina garina e gari.⁴⁶Hora taina elao bubuni, hahediba sibodia padadia ai e hepapa-ahuahu daika baine herea. ⁴⁷A Iesu ese edia lalohadai na e dibaia, bena mero-mero ta e mailaia dekena ai e gini. ⁴⁸E hamaorodia eto, "Lau ladagu ai ina meromero e abia daemu tauna ese lau danu e abigu daemu, bona lau e abigu daemu tauna ese e siaigu Diravana danu e abia daemu. Ba helalotao umui bogaragimui ai maragi-herea tauna na bada badina be Dirava ese e haeroa ia na bada-herea."⁴⁹Ioane ese Iesu e haere henia eto, "Biagumai e, ai na tau ta aitaia oi ladamu ai lauma dikadia e luludia lasi taunimanima edia amo. Bena a gwaua tao, badina be ia na dia ita bamoda. ⁵⁰A Iesu eto, "Basioma gwaua tao! badina be se laomui ahumu tauna ese e kahamuimu.⁵¹Dina vada e kahira-kahira bena Dirava ese ia iabi-lou na guba baela neganai, Iesu ese Ierusalema e raka henia mai haheaukana ida. ⁵²Ena gwaukau taudia vada e siaidia guna, bena e vareai Samaria hanuana ta ai ena gabu bae hegaegaelaia. ⁵³To Samaria taudia ese asie abia dae edia hanua ai badiba be ia na Ierusalema e lao heniava.⁵⁴Ena hahediba rarua, Iakobo bona Ioane, e kamonai, bena eto, "Lohiabada e, o uramu lahi guba amo baia gwauraia baine diho unu taunimanima baine habuadia a?" ⁵⁵A Iesu e gini kerehai bena e hamaorodia idia na e hereva kereremu. ⁵⁶Bena hanua idauna ta ela.⁵⁷Iesu bona ena hahediba dala amo e laova ai, tau ta ese e hereva henia eto, "Lau na emu laolao iboudiai lalodiai baina bamomu." ⁵⁸Iesu eto, "Uda sisiadia na mai edia kohua, bona atai manudia na mai edia ruma, a Taunimanima Natuna na asi ena hekwina gabuna⁵⁹Ma ta danu ia ese e hamaoroa eto, "Murigu ai a raka!" A ia eto, "Lohiabada e, mani emu kara tamagu do baina ha guria guna." ⁶⁰A Iesu eto, Mase taudia sibodia ese edia mase bae guridia: a oi hari aola taunimanima gabu idoinai Dirava ena basileia ba harorolaia!"⁶¹Ma ta eto, "Lohiabada e, lau ese oi baina gavamu, a mani egu ruma taudia do aina hatonidia lao guna. ⁶²A Iesu eto, Tau ta ese ruarua isivana imana ai baine abia, ma baine roha kerehai ia ese Dirava ena basileia basine abia diba.

Chapter 10

¹Harihari ini gau muridiai, Lohiabada ese danu tatau hituahui-rua vada eabidia-hidi, bona rarua-rarua amo e siaidia lasi guna baela ia sibona do bainela hanuadia bona gabudia iboudiai. ²Ia ese e hamaorodia, eto, "uma geigeina (harvest) na momo herea, a gaukara taudia na dia momo. Una dainai uma (Lohiana/Biaguna) ba noia ia ese gaukara taudia baine siaidia lasi ena geigei lalonai.³Vada aola. Aitaia, lau ese na siaimui lasimu mamoe natuna na heheto uda sisiadia bogaragidiai. ⁴Moni vainana ta, e laolao tauna ena kohu uda baegena ta, tamaka danu ta basio abidia-kau bona dala ai ta basio hedavari henia.⁵Edena ruma lalonai o vareaimu, guna baoto, 'Maino na ina rumai baine mia.' ⁶Bema maino natuna na unuseni, emui maino na ia latanai baine mia; a bema lasi neganai, ia na baine lou emui ai. ⁷Una ruma tamona ai ba noho, idia ese ba henimui gaudia na bavanidia bona ba inudia, badina gaukara tauna na ena gaukara davana do baine abia. Dia ruma ta amo ruma a baola.⁸Edena hanua lalona ai o vareaimu, bona idia ese eabimui daemu, dahaka vairamui ai e dabaramu na bavani, ⁹bona ruma lalonai gorere taudia ba hanamodia, bona ba hamaorodia, 'Dirava ena basileia na emu ai vada eme kahirakahira.¹⁰Edena hanua lalonai ba vareai, bona idia ese basie abimui dae, baola hanua daladia ai bona baoto, ¹¹'dounu emui hanua kahudia aemu ai e kamokau gaudia na ba dahudia ohomu umui ihabadelaimui! A ina na badiba, Dirava ena basileia na vada eme kahirakahira. ¹²Na hamaoromuimu una dina ai una hanua ese Sodoma ena dika na be hereaiamu.¹³Madi ihabaimui, Korasina! madi ihabaimu, Betesaida! Badina bema siahu karadia hereadia emu ai vada e vara na Tyre bona Sidono ediai bema vara neganai, idia na idau negai vada bema helalo kerehai, boroma kopidia bona kahu ai helaidiai.¹⁴A Tyre bona Sidono edia dika hahemaorona na umui ese bo hereaiamu. ¹⁵ Bona umui, Kaperanauma, oi na basie abimu-isi gubai, a? Oi na bae diholaimu tanobada henunai.¹⁶E kamonai henimuimu tauna ese lau e kamonai henigumu, bona e daradaraimuimu tauna ese lau e dadaraigumu, bona lau e dadaraigumu tauna ese e siaigu tauna e dadaraiamu.¹⁷Bena hitahui-rua osi e lou mai moaledia ida, etomava, "Lohiabada e, lauma dikadia ese eremai e kamonai oi ladamu dainai." ¹⁸Unu amo ia ese e hamaorodia, eto, "Lau ese Satani guba amo e moru vada na itaia, kevaru na heto. ¹⁹Aitaia, lau ese siahu vada na henimui gaigai bona doadoa ba moidia tao, bona inai tauna ena siahu idoinai danu, bona ma gau ta ese dala ta ai basine hahisihisimu diba. ²⁰Vadaeni dia lauma dikadia ese e kamonai henimuimu mo daidiai ba moale, a ba moale danu ladamui gubai vada e toredia dainai.²¹Una nega tamonai, ia na Lauma Helaga lalonai e moale bada herea, bona eto, "Na hamaoromumu, Tamagu, guba bona tanobada Lohiana, badina be oi ese ini gau vada o hunidia aonega bona laloparara taudia edia amo, bona maragidia ediai vada o hahedinaraidia. Oibe, Tamagu badina ini na nanamo heherea oi vairamu ai."²²Gau iboudiai na Tamagu ena amo vada e gwaurai henigu, bona ta asi dibana Natuna be daika Tamana sibona mo, bona Tamana be daika Natuna sibona mo, bona daika Natuna ese e gwauraia tauna ese baine hahedinaraia.²³Bena ia na e hegiro hahediba edia ai bona sibodia mo e hereva henidia, eto, "Ini gau o itamu taumui matamui na vada nanamo. ²⁴Badina na hamaoromuimu, peroveta bona pavapva taudia momo eurava umui ese o ita gaudia bema ita to asi e itava, bona o kamonai gaudia bema kamonai to asie kamonaiva."²⁵Harihari aitaia, Iudea taravatuna dibana momo tauna ta vada e tore-isi ia baine dibagania, etomamu, "Hahediba Tauna e, lau be dahaka baina kara mauri hanaihanai baina abia? ²⁶Ia ese vada e hamaoroa eto, "Taravatu lalonai be dahaka e tore, a? Oi ese be ede o duahia tomamu, a? ²⁷Ia vada e haere bona eto, "Lohiabada emui Dirava ba lalokau henia mai kudoumu idoinai ida, bona mai daramu idoinai ida, bona mai goadamu idoinai ida, bona mai lalomu idoinai ida, bona dekemu tauna sibomu o helalokaumu hegeregerena." ²⁸Ia ese vada e hamaoroa eto, "Emu haere na maoro. Ini ba kara toma, bona oi na bo maurimu."²⁹A sibona eurava baine maoro urana, ia ese Iesu e hamaoroa eto, "Bona lau dekegu tauna be daika, a? ³⁰Iesu e haere bona eto, "Tau ta na Ierusalema amo Ieriko e laova. Ia na henao taudia padadiai e moru, idia ese dabuana e daredia bona eha- beroa, vada e rakatania, mokona eha-masea.³¹Ma ini e vara toma, helaga tauna ta una dala amo e diho laova, bona ia ese ina tau e itaia neganai, dala kahana amo e rakaia hanai. ³²Hegeregerenai, Levi tauna ta danu, ema ina gabu bona tau e itaia neganai, dala kahana amo e rakaia hanai.³³A Samaria tauna ta, ena laolao ai, ina tau enai e kau, bona ia ese ina tau e itaia neganai, e bogaiahisi. ³⁴Dekena ela, ia ese dehoro bona vine ranuna amo berona e dairidia, bona e kumidia. Bena sibona ena doniki ai e hahelaia-kau, e laohaia noho rumana, bona unuseni ai eregua. ³⁵Dina iha ruana ai, ia ese denaril (moni) rua e vaidia noho rumana biaguna e henia, bona eto, 'Ba naria namonamo, bona ma dahaka ia dainai ba hoidia, baina loumai neganai, davadia baina henimu lou.'³⁶Ini taunimanima tatoi-osi oi ese o laloamu edena be henao taudia ese eha beroa tauna dekena tauna na bo gwauraiamu?" ³⁷Ia eto, "Ia e bogaia-hisi tauna." Bena Iesu ese eha maoroa eto, "Aola bona oi danu unu ba kara toma."³⁸Harihari idia edia laolao ai, ia na hanua ta lalonai e vareai, bona hahine ta ladana Mareta ese eabidia dae vadivadi ai e haloa. ³⁹Ia na mai tadina ta, ladana Maria, ia danu Iesu aena badinai e helai diho bona ena hereva e kamonai.⁴⁰A Mareta na hegaegae karadia ese lalona eha-hekwarahiava, una dainai ia vada ema bona eto, "Lohiabada e, oi be so laloamu tadigu ese vada e rakatanigu sibogu baina gaukara, a? ⁴¹A Lohiabada e haere bona eto, "Mareta e, oi na gau momo daidiai lalomu e metaumu bona e hisihisimu, ⁴²a gau tamona mo herea. Badina Maria ese gau namona vada e abiahidi, ina na ia ena amo basine heabi oho."

Chapter 11

¹Hari ina na e vara Iesu na gabu ta ai e haguriguri neganai, e guriguri vaitani murinai ena hahediba ta ese e hereva henia eto, Lohiabada e, guriguri a hadibamai Ioane ese ena hahediba memero e hadibadia hegeregerena.²Bna e hereva henidia eto, "Ba guriguri neganai ini ba gwau toma, Tamamai eOi ladamu baia hahelagaiaEmu basileia bainema³Dina ta ta amo amai bame henimai⁴Emai dika ba gwau tao badina be ai ese danu e hadikamaimu taudia edia dika a gwau taom bona hedibagani ai basio hakaumai vareai.⁵Bena ia ese e hamaorodia eto, "Umui daika na mai turana bena hanuaboi ai bainela dekena bona baine noia baine eto, "Turagu e, parao toi do boma henigu. ⁶Turagu ta na ena laolao amo lau dekegu ema bona lau dekegu na asi gaunata ia baina ubua, a?" ⁷Bena ia na ruma lalona amo baine hereva henimu baineto, "Asio hametaugu (or haraivagu) iduara na hekou, bona natugu na lai ida hehekure. Lau na basina toremu bona basina hemimumu. ⁸Aina hamaoromui, enabe bema ia na basine toreisi una e noiamu gauna basine henia, badina be una na turana dainai, to badina turana ena noinoi goada-goada dainai, ia na do baine toreisi bena turana ena noinoi gauna do baine heni momo.⁹Bona ma na hamaoromuimu, ba noinoi bena baine henimu, ba tahua bena ba davaria, ba pidipidi bena iduara baine kehoa emu. ¹⁰Badina be baine noinoi tauna na do baine henia, e tahuamu tauna ese do baine davaria, bona e pidipidimu tauna enai iduara baine hekeho.¹¹Edena tama ese bema natuna ese gwarume ta baine noia bena gaigai ta baine henia a dia gwarume, a?" ¹²Eiava, bema gatoi ta baine noia a doadoa ta baine henia, a?" ¹³Una dainai umui dika taumui natumui gau namodia ba henidia na mai dibamui a daenai be ede badana Tamamui guba ai e nohomu ese Lauma Helaga do baine henidia e noiamu taudia ediai a?"¹⁴Hari, Iesu na mu tauna ta ena amo lauma dika ta na e lulua lasi murinai una mu tauna vada e hereva matama, bona hutuma na e hoa. ¹⁵A haida na e hereva eto, "Ia na Beelzebal lauma dika lohiana ladanai lauma dikadia e luludia-lasimu."¹⁶Haida ese e tohoa toa ta guba amo baine hahedinaraia. ¹⁷A ia ese idia lalodia na e dibaia bona e hamaorodia eto, Basileia ta sibona eha-hepararamu neganai do baine kohu ore, bona ruma ta baine haheparara neganai do baine moru.¹⁸A bema Satani na sibona baine haheparara, ena basileia be ede baine gini toma, a? Badina umui na o gwaumu lau ese lauma dikadia na Beelzebul ladanai na luludia-lasimu. ¹⁹Hari bema lau ese Beelzebul ladanai lauma dikadia na luludia-lasimu o umui natumui be daika ladanai e luludia lasimu a?" ²⁰A, bema lau ese lauma dikadia na luludia lasimu Dirava imana kwaki-kwakina amo, Dirava ena basileia vada eme kau emui ai.²¹Mai goadana tauna mai ena tuari kohudia ese sibona ena ruma e itaiataomu neganai, ena kohu iboudiai na nanamo. ²²To goada herea tauna ta ese baine tuari henia neganai bena baine hamorua, bena ena tuari kohudia bona ena kohu baine abidia oho. ²³Tau ta dia lau ida na lau e inai henigumu bona lau ida asia gogo heboumu tauna na e gigi-rohorohomu.²⁴Lauma dika ta na tau ta ena amo e lulua-lasimu neganai, ia na tano gagaena amo e hanaimu baine laga-ani gabuna ta e tahuamu, to gabu ta asine davariamu, ia sibona e tomu, "Na rakatania rumana ma baina lou henia." ²⁵Ia e loumu neganai, e itaiamu ruma lalona na, e daroa goevagoeva bona lalona kohudia na eatodia namonamo. ²⁶Bena ia na e loumu lauma dika hereadia hitu ma e boiridiamu ia ida bae noho hebou una rumai. Bena una tau ena noho na e dika hereamu dia guna e nohova bamona.²⁷Hari ini hereva e gwauraiva lalonai, hahine ta na hutuma lalodiamu e hereva badabada eto, Oi e havaramu bogana bona e ubumu ratana na namo." ²⁸A Iesu e haere eto, "Dirava ena hereva e kamonaimu bona e badinamu taudia hari nanamo herea.²⁹Taunimanima hegogona ba e badava bena ia ese e hereva henidia matama eto, "Ina uru na kara dika uruna idia na toa ta e tahuamu, to toa ta basine henidia a toa tamona na Iona ena toa. ³⁰Badina be Iona ena toa na Nineva taudia ediai hegeregerena ma unu bamona Taunimanima Natuna na ina uru taudia ediai danu."³¹Diho kahana pavapava hahinena na do baine duniadae hahemaoro neganai ina uru taudia ida bena bae dika hebou badina be ina hahine na tanobada dokona kahana amo ema e urava Solomona ena aonega herevadia baine kamonaidia, bona a itaia Solomona e hereaia tauna be iniseni ai.³²Nineva taudia na do bae dunidia-dae ina uru taudia ida bae dika hebou badina be Iona haroro dainai e helalo kerehai, bona aitaia Iona e hereaia tauna na iniseni ai.³³Asi tauna ta ese lamepa eha-araiamu murinai ma hehuni gabunai eatoamu eiava bose lalonai e atoamu, a lamepa taudae gabuna ai e tauadaemu unu amo rumai ba raka vareai taudia ese diari do bae itaia. ³⁴Umui matamui na tauanimui ena lamepa. Matamui namo neganai tauanimui idoinai na una diari ese eha-honuamu. A bema matamui na dika neganai tauanimui na dibura ese eha-honua. ³⁵Una dainai nahuamui ba toho una diari lalomui ai na basine dibura. ³⁶Una dainai, bema tauanimui idoinai na diari ese eha-honua, dibura taina danu lasi, a diari ai e honu, una lamepa e diarimu na heto, una hururuna danu oi latamu ai.³⁷Hari ini hereva e gwauraidia murinai, Farasia tauna ta ese enoia ia ida bae aniani hebou. Bena ia ida e helai hebou bena e aniani. ³⁸Hari Farasia tauna na e hoa e itaia Iesu na imana asine huri bena e aniani.³⁹A Lohiabada ese e hereva henia eto, "Hari umui Farasia taumui na emui kehere bona mereki murimuridia mo o hagoevamu a lalomui be dadidadi bona didika. ⁴⁰Umui na kavakava taumui! Ina murimuri vada e karaia tauna ese lalona danu asine karaia a?" ⁴¹A lalomui goevadia na ba heni, bona do baita gau iboudiai emui ai na ba goeva.⁴²A Farasia taumui madi ihabaimui emui mint bona rue bona aniani avadia iboudiai na a haboumu karoadia o hagwautamu to hahemaoro maoromaoro bona Dirava iurahenina be o readiamu. A ini ruaosi na boma karadia ruaosi basioma rea.⁴³Farasia taumu madi ihabaimu, badina be dubu lalodiai helai gabudia namodia mo o urahenimu bena o uramu hoihoi gabudia ai taunimanima ese bae hedavari henimui bona bae matauraimu. ⁴⁴Umui na ihabaimui umui na midave garadia asi toadia na hehebou taunimanima ese latamui ai e raka loamu badina be asi dibadia dainai.⁴⁵Bena taravatu hahediba tauna ia ese e hereva henia eto, "Hahediba tauna e, ini hereva o gwauraimu gaudia na ai danu o gwau dika heniamimu." ⁴⁶Bena ia ese e hamoroa eto, "Umui taravatu taumui danu madi ihabaimui badina umui ese taunimanima na maduna o henidiamu bona ihuana danu metau, a umui sibomui ese danu edia maduna metau na imamui kwaki-kwakidia ai asio uramu ba daudia toho."⁴⁷Mdai ihabaimui badina umui tubumui ese peroveta taudia e aladia maseva, a umui ese idia garadia ma oha-ginidiamu. ⁴⁸Una dainai, umui ese tubumui, tamamui edia kara o gwaurai hedinaraimu momokani idia ese e aladia mase bona umui ese oha-momokaniamu, bona umui ese ma edia gara oha-ginidiamu.⁴⁹Badina una dainai danu Dirava ena Aonega na etomu, lau ese peroveta bona apostolo taudia do baina siaidia bena idia ese do bae dagedage henidia bona idia ese haida na do ba hamasedia." ⁵⁰Una dainai ina uru na peroveta taudia iboudiai raradia e hebubu tanobada e karaia matamana amo na idia latadiai. ⁵¹Abela rarana amo ema Zakaraia rarana daika be pata helagana bona ruma helagana padadiai e alaia mase, oibe na hamaoromuimu ina uru latanai na gwauraia kaumu.⁵²Madi ihabaimui taravatu iha hedibalaina taumui badina be umui ese ina aonega ikehona gauna vada ome abia oho, umui na unu amo asio vareai, bona ba raka vareai taudia na umui ese o laodia ahumu.⁵³Iesu na ruma amo e raka oho murinai Farasia taudia bona Itorena taudia ese e badu henia bona e heiri-heiri henia gau momo e gwaurai dainai. ⁵⁴Bona e hakalava ia uduna amo baine lasi herevadia amo bae idoaia bona bae habadelaia.

Chapter 12

¹Una neganai, taunimanima daha momo asi iduahidia na e hebou tamona, hutuma herea dainai e hemoitao-hemoitao, bona ia ese ena hahediba memerodia e hereva henidia matama eto, "Nahuamui na ba toho, Farasia taudia edia eha-tubuamu gauna una na edia koikoi garina.²A gau ta na dia hehuni una na asie hedinaraiva, eiava e huniva asie urava bae dibadia. ³Bena dibura lalonai e herevalaidiava na do bae hakaladia diari lalonai bona dahaka taiai e boidobiva ruma daiutu lalonai herevadia na do bae gwaurai hedinarai ruma guhidia amo.⁴Lau ese umui na hamaoromuimu bamogu e, garidia na basio gari daidia be tauani do bae alaia mase, bona una garinai idia na asi dibadia ma dahaka bae kara. ⁵To lau ese na hamaoromuimu daika ba gari henia, garina henia tauna na daika be mai ena siahu. Ina ala-ala tauna na gehena gohuna ai do baine tahoa vareai. Oibe, na herevamu, ia hari garina ba gari.⁶Basiai monidia rua asie hoihoi laidia pene maragidia rua amo, a? A Dirava matanai na ta se laloa boiomu. ⁷A umui kwaramui huidia na ia ese na e duahidia vaitani, basio gari. Umui daramui na bisini momo daradia e hereadia.⁸A, lau ese na hamaromuimu, taunimanima vairadiai lau e gwauraigu hedinaraimu tauna danu, Taunimanima Natuna ese baine gwauraia, ⁹ a lau e dadaraigumu taunimanima vairadiai, na do baine dadaraia, Dirava ena aneru logora vairadiai. ¹⁰Bona taunimanima Natuna baine ere-dika henia tauna ena dika na do baine hegwautao, to Lauma Helaga baine hereva dika henia tauna ena dika na do basine hegwautao.¹¹Una dainai e synagogue bae laohaimui, bona hahemaoro taudia bona siahu taudia vairadiai ba gini neganai, gau ta basio lalo-hagui laia ede do ba hereva toma bona dahaka do ba gwaurai edia hereva ilao-ahudia, eiava dahaka do herevalai, ¹²badina be Lauma Helaga ese do baine hadibamu dahaka do ba gwaurai.¹³Bena hutuma lalodia amo ta e hereva eto, "Hahediba tauna e, kakagu na boma hamaoroa ai raruosi emai kohu na baine haridia." ¹⁴A Iesu ese e hamaoroa eto, "Tau e, daika ese lau na hahemaoro tauna ai e halaogu, eiava emui kohu ihaerona tauna, a? ¹⁵Bena e hamaorodia eto, Nahuamui na ba toho bena sibona kohu e gogodia vairadia amo, badina be taunimanima ta ena be mai ena kohu momo to ena mauri na dia unuseni ai.¹⁶Bena Iesu ese sivarai hegeregerena ta e gwauraia, eto, "Taga tauna ta ena imea anina na momo herea, ¹⁷sibona ese e haeroa bena eto, Dahaka baina kara badina be egu imea anidia na momo a asi iha-boudia gabuna. ¹⁸Bena eto, "Ini hari baina kara toma. Egu roge hari baina rohoa, bena badana ta baina haginia, bona unuseni ai egu imea anidia bona egu kohu do baina hatoa unuseni. ¹⁹Bena laumagu baina hereva henia, bainato, "Laumagu e, emu kohu namodia momo vada name haboudia vaira laganidia momo daidiai. Ba laga-ani, ba aniani, ba inu-inu, ba moale.²⁰T Dirave se e hamaoroa eto, "Kavakava taumu, ina hari hanuaboi ai laumamu na emu amo nabia ohomu, bona ini ome hegaegae gaudia be ma daika ena, a?" ²¹Bena ina na unu do baine heto daika be sibona mo ena kohu e haboumu tauna enai, bona Dirava enai ia na dia taga tauna.²²Bena Iesu ese ena hahediba memerodia e hamaorodia, eto, "Una dainai lau ese umui na hereva henimuimu, basio helalo momo emui mauri dainao, oi be dahka bavani - eiava tauanimu dainai dahaka do ba hedokilai. ²³Badina be mauri ese aniani mauri e hereaia bona tauani ese dabua e hereia.²⁴Mani a laloa, galo manudia, unu idia na asie hadohaomu bona asie geigeimu. Idia na asi edia iha-boulaina rumana, eiava roge, to Dirava ese e ubudiamu. Umui na ini manu daediai! ²⁵ A oi daika emu lalo-hekwarahi dainai ese dina ta baine atoa kau ena mauri iha-latana ai, a? ²⁶Bema oi na gau maragina ikarana ai basie karaia diba neganai, dahaka dainai gau oredia haida o lalo-hekwarahimu, a?²⁷"Herahera e varamu mani a haeroa - idia be ede e vara tomamu. Idia na sie gaukaramu, eiavana asie turiturimu. A na hamaoromuimu, Solomona ena hairai lalonai iena dabua hairaina na ini herahera ta ida se hegeregere. ²⁸Hari, bema Dirava ese tano ai e varamu avadia na unu eha-dabualaidia tomamu hari e varamu kerukeru be lahi lalonai ba tahodia vareai, ia na unu bamona ai umui danu do baine hadabualaimui, O abidadama maragi taumui!²⁹Una dainai dahaka do bavani bona ba inu gaudia basio tahu, bona basio lalo-hekwarahi laidia. ³⁰Badina be ina tanobada besedia iboudiai, ese ini gau e tahumu, bona Tamamui na mai dibana vaitani unu gau na o ura-henimu.³¹A ena basileia ba tahua bena ini gau iboudiai baine henimui. ³²Basio gari, seri maragina, badina be Tamamui na mai lalo namona ida basileia do baine henimu.³³Emui kohu ba hoihoi bona ogogami taudia ba henidia. Sibomu ese basie mouka-mouka pusedia ba karadia - emui kohu namodia na ini basileia ai bavato una na seoremu, henao tauna, ta se vareaimu bona pitopito ese basie hadikadia ore. ³⁴Badina be emui kohu namodia unuseni ai umui lalomui danu unuseni.³⁵Emui rami latadia na gabamui varodiai ba lokudia vareai, bona emui lamepa na ba haradia; ³⁶bona umui danu biagumui dainai e narimu taudia na heheto, ia na headava ta ariana amo baine lou, bainema bona baine pidipidi neganai, iduara ba kehoa haraga ia dainai.³⁷Hesiai memero dia be nanamo, daidia be biagudia do bainema neganai idia na nogadiai baine davaridia. Momokani vaitani na hamaoromuimu ia ese gabana varonai ena rami baine hekasilaia; bona aniani patanai bae ege-diho, bona bainema adia baine heni. ³⁸Enabe biagudia na noga horana iharuanai, eiava ihatoinai bona nogadiai do baine davaridia, unu hesiai taudia be nanamo.³⁹A badiba, bema ruma biaguna na bema diba edena hora ai henao tauna na be maimu, ia ena ruma na do basie hamakohia. ⁴⁰Umui danu ba hegaegae, badina Taunimanima Natuna bainema horana umui na asi dibamui.⁴¹Bena Petero e hereva, eto, "Lohiabada, ina sivarai hegeregerena be ai mo o hamaoromaimu eiava taunimanima iboudiai danu, a? ⁴²Lohiabada e hereva eto, "Daika be mai ena kamonai bona mai aonegana kohu ireguna heitatao tauna ia biaguna ese baine duanaia ena hesiai memero baine itadiatao bona adia aniani, baine henidia hora maorona ai, ani?" ⁴³Hesiai tauna be namo daika be biaguna bainema neganai, ia na baine davaria e gaukaramu. ⁴⁴Na hamaormui momokanimu, ia na biaguna ese do baine abiahidi ena kohu baine itadiatao.⁴⁵A bema una hesiai tauna na sibona lalonai baineto,"Lau biagugu ena loumai negana vada eme daudau herea, bona hesiai tataudia bona hahinedia baine dadabadia matama, bona baine aniani bona baine inu-inu, bona baine kekero. ⁴⁶Una hesiai tauna biaguna baine gini dae ia ese asine haeroa dinana ta ai bona ia se diba horana ai bona ia ese baine utu-sisi bona asi edia kamonai taudia ida baine atoa hebou.⁴⁷A una hesiai tauna na mai dibana biaguna ena ura be dahaka, bona asine hegaegae bona biaguna ena ura dalana se karadia ia na nega momo do bae kwadia, dikadika. ⁴⁸A ena ura se diba bona se karadia bena e diba ia danu do ba kwadia tauna ena hekwadi na baine hoho. A taunimanima daika be momo e henia na edia amo momo e ura henidia loumu, bona daika enai momo eha-ahulaia, ena amo danu e noidia loumu.⁴⁹Lau nama na ina tanobada latanai lahi baina tahoa kau, bena na urava vada bema araia. ⁵⁰A lau na mai egu bapatiso ida ta do baine bapatiso laiagu bona ede bamona lalogu eha-hisiamu ela bona do baine guguru.⁵¹"Umui ese o laloamu lau ina tanobada nama na maino namailaia, a? Lasi, na hamaoromuimu a haheparara na mailaia. ⁵²Badina be ini amo ela taunimanima laima ruma tamona lalonai na do bae haheparara - taunimanima toi taunimanima rua ida ba heiri-heiri bona taunimanima rarua na taunimanima tatoi ida bae haheparara. ⁵³Idia na do ba heparara tama bona natuna padadiai bona natuna ia tamana padadiai, sina bona natuna kekeni padadiai, tama natuna kekeni na sinana ida padadiai, hahine ravana kekenina ida padadia, bona kekeni ravana hahinena ida padadiai.⁵⁴Hari Iese ese danu hutuma e hereva henidia, eto, "Dina diho kahana amo ori e daemu o itamu neganai, haraga herea e gwaumu, medu do bainema benamedu na e dihomu. ⁵⁵Benadiho kahana amo lai e toamu neganai oi na ogwaumu nega na do baine gesegese, benae varamu. ⁵⁶"Koikoi taumui! Umui na guba bona tanobadai na mai dibamui bona e gwauraidiamu, matona ini nega ai e varamu gaudia toadia be asi dibamu a?⁵⁷Bona dahaka dainai umui na sibomui emui ai maoro so hahemaorolaima, a? ⁵⁸Badina be oi na inaimu ida o laomu hahemaoro tauna vairana neganai, dala ai ina gau na ba hanamoa ia ida bena unu amo inaimu ese hahemaoro tauna dekena na basine laohaimu, bona hahemaoro tauna ese dibura ruma heitatao tauna baine siamu lao, bona dibura rumai baine tahomu vareai na garina. ⁵⁹Na hamaoromuimu, dibura ruma amo na basie siaimu lasi, ela bona emu abitorehai moni oredia na ba heni guguru.

Chapter 13

¹Una negana ai haida e vaira bena Galileia taudia sivaraidia ia e hamaorolaia eto, Pilato ese idia raradia na edia boubou gaudia ida e bulo hebou. ²Iesu ese e haere henidia bena eto, umui o laloamu unu Galileia taudia edia dika ese Galileia taudia oreadia edia dika e hereadiamu badina una dala ai unu e hahisihisidia tomava dainai a? ³Na hamaoromuimu, lasi. To bema umui basio helalokerehai, iboumui ai unu ba mase toma.⁴Eiava unu taunimanima gwauta taurahaniosi Siloam ai kohoro e moru bena e aladia mase umui ese o laloamu edia dika ese Ierusalema ai, e nohomu taudia iboudiai edia dika e hereaia a? ⁵Na hamaoromuimu, lasi. To bema umui basio helalokerehai, iboumui ai unu ba mase toma.⁶Bena Iesu ese sivarai hegeregerena e hamaorodia eto, "Tau ta ena vine imeana lalonai suke auna ta e hadoa, bena huahua itahuna ela, to ta se davaria. ⁷Bena ia ese imea ireguna tauna, e hamaoroa eto, "aitaia, lau na lagani ihatoina nama ina suke auna ai huahua name tahua to gau ta asiname davaria ba utua oho.⁸A ia ese e haere henia bena eto, Biagugu e, ina lagani mo do boma rakatania lau ese badina do baina geia hegege bona tano namona latanai baina atoa. ⁹Bena eto bema una neganai huahuana baine dobi, be namo A bema lasi, oi ese na ba utua oho!¹⁰Hari Iesu na dina helagana ai dubu helaga ta lalonai ai e hahedibava, ¹¹bona unuseni ai hahine ta, lagani gwauta-taurahani lauma dikadia ese e boloa, doruna dika bona se maoro guguruva.¹²Una hora ai Iesu ese e itaia, bena e boiria kahi bena e hamaoroa eto, "Hahine e, "emu manokamanoka amo ame herua nege." ¹³Bena imana latanai e atoa kau, una horanai doruna e maoromaoro bona ia ese Dirava e hanamoa. ¹⁴A dubu lohiana, e badu badina Iesu ese dina helagana ai e hamauria dainai. Hutuma e haere henia bona eto, "Dina tauratoi mimia taunimanima edia gaukara dinadia bona unu dinadia hahemauri totona baoma.¹⁵A Lohiabada ese e haere henia bena eto, "koikoi taumui e! umui ta dina helaga ai ena boromakau eiava doniki asio ruhaiamu, ranu ihenina asio hakaua laomu a?¹⁶A ina hahine, na Aberahamo besena hahinena, lagani gwauta taurahani Satani ese e guia, be dina helaga ai ia ina igui amo basine ruhaia a?"¹⁷Unu e gwau toma, e inai henia taudia iboudia ai vada e hemarai, A hutuma idoinai ese e moale henia e kara gaudia iboudiai hahenamodia dainai.¹⁸Bena Iesu eto, "Dirava ena basileia be ede heto? bona dahaka ai baine hegeregerea? ¹⁹Ina na e kara sinapi nadinadina ta na heto tau ta ese eabia bena ena uma ai e tahoa, bena e tubu bona au badana ta ai ela, bona atai manudia na rigina ai e roho kau e laga'ani."²⁰Bena ma eto, "to Dirava ena basileia be dahaka ai baina hegeregerea? ²¹Ina na e kara asi e hatubua muramurana ta na heto Hahine ta ese eabia bena flaoa nau atoi ida e buloa ela bona idoinai vada e tubu."²²Bena Iesu na Ierusalema e lao heniava ai hanua badadia bona maragidia, lalodiai e hahedibava. ²³Bena tau ta ese hereva henia eto, "Lohiabada e, gagadoi mo bae mauri a? Ia e haere eto, ²⁴hededegwa ai ikoukou hekahi-hekahina amo ba raka vareai, badina be na hamaoromuimu, hutuma bae hetahu bae raka vareai toho, to basie karaia diba.²⁵Ruma biaguna baine toreisi bena iduara baine koua bena oi na murimuri ai ba gini bena iduara ai ba pidipidi ba gwau "Lohiabada e, iduara mai ame kehoa! A ia ese baine haere henimui bona baineto, "Umui be ede amo oma, asi dibagu umui! ²⁶Bena umui na baogwa, "aina umui vairamui ai baia aniani bona baia inuinu, emai ariara ai o hahedibava." ²⁷A ia e haere eto, na hamaoromuimu, launa asi dibagu umui be ede amo oma. Karadika taumui iboumui ai, egu amo dauha aola."²⁸Una gabu amo, bae dorimui lasi murimuri ai ba tai bona gadigadimui ba hahedai bena umui ese Aberahamo, bona Isa'ako, bona Iakobo bona peroveta taudia iboudiai baitadia Dirava ena basileia lalonai. ²⁹Idia na dina dae amo bona dina diho amo, baema, Dirava ena basileia lalonai bae ege diho. ³⁰Bona baitala, haida na do bae gabe to bae guna, bona haida na do bae guna to bae gabe."³¹Una negana ai Farisea taudia haida ia dekena eo, e hamaoroa eto, "Ina gabu ba rakatania bona dauha baola, badina be Heroda e uramu oi baine alamu mase." ³²Bena ia ese e hamaorodia eto, "aola bona ba hamaoroa uda sisiana, "ai itaia lau na ina harihari lauma dikadia na luludiamu bona hahemauri karadia na karamu bona kerukeru, bona dina ihatoina ai egu gaukara baine a hagugurua. ³³A harihari bona kerukeru, egu laolao baine hesiriu bona bainela bona vaira dinadia, badina be peroveta tauna na se abia daemu Ierusalema murimuri na ai basine mase.³⁴Ierusalema e, Ierusalema e, daika ese peroveta taudia e aladia bona dekemu e siaidia vasi taudia nadi amo o hododia. Nega ede hetomana na ura natumu baina haboudia. Kokoroku hahinena ese natuna hanina henunai e gorudia ahumu na heto, to oi na asio uramu. ³⁵A itaia, emui ruma vada e negea badina lau ese umui na hamaoromui, umui ese ma basio itagu lou ela bona negana bainema bena umui baoto, "Lohiabada ladanai e maimu tauna aita hanamoa."

Chapter 14

¹Hari, ina kara na e vara, Farasia hegunalai tauna ta ena rumai, bae aniani dainai dina helagana ta ai, bona idia ese ia e raraia taova. ²Hari ia vairanai be tau ta, tauanina rara e kwadogi gorerena ese eabia. ³Bena Iesu ese Iuda edia taravatu mai dibadia taudia bona Farasia taudia e nanadaidia eto, "Ina taravatu ai na maoro dina helaga ai tau ta ba hamauria, eiava lasi a?⁴A idia na asi regeregedia. Bena Iesu ese gorere tauna na e dogoatao bena eha-namoa guguru ena gorere amo; bena e siaia-oho.⁵Bena ia ese e hamaorodia eto, "Umui ta bema emu boromakau natuna ta na guri ai baine moru, umui ese haraga basioma veria dae Dina Helagana ai a? ⁶Idia na ini gau haerena ta asie heni.⁷Bena ia ese e vavedia taudia na sivari hegeregerena ta e henidia badina be e itadia idia na e urava helai gabudia namodiai mo ba helai. ⁸"Bema ta ese e vavemui headava ariana ilaohenina neganai, helai gabudia namodia basio helai eiava ta oi daemu ai e matauraiamu tauna e vavea ena helai gabunai basio helai, ⁹bona umui e vavemui tauna baine ginidae neganai oi na baine hamaoromu baineto, "Oi o helai gabuna na ia a henia ina na ia baine helai gabuna" bona oi na mai hemaraimu ida helai gabuna maraginai do baine hahelaimu.¹⁰A, bema oi na e vavemu neganai baola helai gabuna maragina ai ba helai diho, bena unu amo hevave tauna bainema neganai oi do baine hamaoromu baineto, "Turagu, aoma atai ai ame helai." Bena oi na do ba matauraimu una aniani gabunai e helai hebou taudia ese. ¹¹Badina be ta ta e ha-hebadamu tauna na do baine bada.¹²Bena ia ese danu e vavea tauna eha-maoroa eto, "Aniani dabarana eiava aria ta o karaiamu neganai, turamu na basio vavedia, eiava bamomu, eiava tadikakamu, eiava taga taudia, idia ese gabeai ma bae vavemu totona bona davamu iheni-loudia dainai.¹³A, aria ta o boilaiamu neganai, ogogami taudia ba vavedia, ima hevari bona ae heveri taudia, bona mata kepulu taudia, ¹⁴bema oi na do ba namo, badina idia davana ihalouna na basie karaia diba badina be unu davadia do baine henimu-lou kara maoromaoro taudia edia toreisi-lou ai.¹⁵Hari ia ida e aniani hebouva tauna ese ini hereva e kamonaidia neganai, ia na e hereva eto, "Dirava ena basileia ai baine aniani hebou tauna be namo." ¹⁶To, Iesu ese e hamaoroa eto, "Tau ta ese aria badana ta eha-hegaegaea bona hutuma e vavedia. ¹⁷Aniani ianina horanai, ena hesiai memerodia e siaidia bona e vavedia taudia bae hamaorodia baeto, "Aoma, badina be aniani vada eha-lai hegaegae."¹⁸To idia iboudiai na eha-hekora. Tau ginigunana eto, "Lau na tano ta name hoia, bona bainala itana, basina vasimu." ¹⁹Tau ta ma eto, "Lau na boromakau rua-rua iboudiai laima na hahoidia, be do balaomu baina tohodia. Lau na basina vasimu." ²⁰Dounu ma ta eto, "Lau na hahine ta name adavaia una dainai basina vasimu."²¹Bena hesiai merona ese ini hereva iboudiai na biaguna eha-maorolaia. Biaguna na e badu bena hesiai merona e hamaoroa eto, Aola haraga ariara ai bona hanua daladia bona ogogami taudia, ima heveri, ae heveri taudia, bona mata kepulu taudia bona ae doko taudia iboudiai ba mailaidia baema. ²²Bena hesiai merona na eto, "Biagugu e, o hamaorogu karana vada name karaia bona ruma lalona na dounu mai helai gabuna."²³Bena hesiai merona na biaguna ese e hamaoroa eto, "Aola, atai daladia bona henu daladiai taudia iboudiai ba hamaorodia baema bame vareai bena ina ruma na bame hahonua. ²⁴Badina lau ese na hereva henimuimu unu na vavedia guna taudia ese egu aria anianina basie mamia diba.²⁵Hari taunimanima hutuma na ia ida e laova, bona ia na e gini hegiro bena e hamaorodia, eto, ²⁶bema tau ta na lau dekegu do bainema dainai, to ia na tamana bona sinana, bona adavana, bona natuna, bona tadina bona taihuna bona sibona ena mauri danu, iboudiai asine dadaraidia, ia na dia lauegu hahediba merona. ²⁷Tau ta ese sibona ena satauro baine huaia bona murigu ai baine raka ia na dia lauegu hahediba merona.²⁸Badina be umui daika na o uramu kohoro ta baine haginia, to guna ia na asine helai bona ikarana davana na se haeroa - ia dekenai na hegeregere ela bona baine hagugurua diba, a? ²⁹Benaini, ia ese una kohoro ihadaina gabua vada e karaia bona vada asine hagugurua bena taunimanima ese baitaia bena bae kirikiri-laia." ³⁰Idia ba hereva baeto, "Ina tau ese ina ruma na e karaia matama, to asine ha gugurua.³¹Eiava hanu pavapavana ta ma tuari dainai hanua pavapavana ta ida bae hebou tamona, basine helai bena baine haeroa ia ena tuari taudia daha gwauta be kahana tuari taudia daha - ruahui do baine tuari henidia diba eiava? ³²A bema lasi neganai, idia na dounu dadaudau lalonai, ia na ena memero orea ta baine siaidia bae maino herevana bae karaia. ³³Bena una dala tamonai umui na ini gau iboudiai basio kahudia-nege neganai, umui na dia lau egu ahediba memero.³⁴Una dainai damena na namo, a bema damena mamina na lasi neganai aniani ena ihanamonai mamina be dahaka, a" ³⁵Ia na mai ena gaukara tano enai bona tano anina enai. Idia ese e tahoa lasimu. Mai taiana tauna baine hakala, totona, ia na baine hakaudia.

Chapter 15

¹Harihari tax gogo taudia iboudiai bona kara dika taudia na e maiva Iesu bae hakala henia. ²A Farasia taudia bona Itorena taudia na e maumau etomava, "Ina tau na karadika taudia e haboudiamu bona ia ida e aniani heboumu."³Bena Iesu ese ina sivarai hegeregerena eha-maorodia.⁴Edena tau umui padamui ai na mai ena mamoe iboudiai sinahu-ta, bena ta bema raka boio, unu mamoe taurahanita-ahui taurahani-ta na tano gagaena ai basinema rakatanidia bena e raka boio mamoe na murina amo basinema tahu diba ela bona baine davaria, a? ⁵Bena eha davaria neganai pagana ai baine atoakau, mai moale badana ida.⁶Ena ruma baine lou henia, bena turana bona dekena taudia baine boiridia baine hamaorodia, "Ai tame moale hebou, badina be egu mamoe ta e raka boio gauna na name davaria." ⁷Na hamaoromuimu danu, guba basileia ai danu bae moale kara dika tauna ta baine helalokerehai dainai, a hari taurahanita-ahui taurahani-ta kara maoromaoro taudia daidia be asie uramu bae helalokerehai daidiai.⁸Eiava edena hahine na mai ena moni penedia gwauta, bena tamona baine boio, lamepa ta basinema haraia, bena ruma lalona baine daroa, bona baine tahua ela bona bema davaria, a? ⁹Bena baine davaria neganai, una hahine na turana bona dekena taudia baine boiridia hebou baineto, "Ai tame moale, badina be egu pene tamona e boio na vada name davaria." ¹⁰Ina dala tamona, umui na hamaoromuimu, moale na baine bada Dirava ena aneru vairadiai kara dika tauna ta do baine helalokerehai dainai.¹¹Bena ma eto, "Tau ta natuna na rua, ¹²bona tau muritai na tamana eha maoroa, "Tamagu e, lau egu kohu o karoaia gauna na ba henigu." Bena tamana ese ena kohu na eha-pararaia idia raruosi ediai.¹³Dina dia momo muridiai tau muritai na ena kohu iboudiai e abidia bena ela hanua daudauna ta, bona unuseni ai ena kohu iboudiai eha oredia ena lebulebu maurina ai. ¹⁴Hari ena kohu iboudiai e ore neganai, doe badana ta e kau una gabu ai e noinoiva ena ogogami lalonai,¹⁵bena ela una hanua tauna ta enai eha gaukara, bena e siaia boroma baine ubudia gaukarana e henia. ¹⁶Ia na e urava boroma e ubudia aniani dia baine anidia, ta ese danu ana aniani se heniva.¹⁷A ia na sibona lalona e parara, eto,"Lau tamagu enai e gaukaramu hesiai taudia na momo bona mai adia aniani, a lau be iniseni ai noho, hitolo ese be hamasegumu! ¹⁸Lau na baina tore-isi bona tamagu dekena bainala bona baine hamaoroa bainato, "Tamagu e, lau na vada na kara dika Guba tauna vairanai bona oi vairamu ai. ¹⁹Lau na dia hegeregere oi natumu ai ba halaogu, avabigu emu hesiai tauna ta ai ba halaogu mai davagu."²⁰Bena ia na e tore-isi bona tamana dekena ela. A ia dounu daudau lalona amo tamana e roha lao bona e itaia bena e bogaiahisi bena e heau henia, e rosia bona eha-rahua. ²¹Bena mero ese tamana eha maoroa eto, "Tamagu e, lau na kara dika Guba tauna bona oi vairamu ai. Lau na dia hegeregere oi natumu ai ba gwauraigu."²²A tamana ese ena hesiai memerodia eha maorodia, "Dabua namona ta a mailaia haraga ba hahedokilaia, bona imana gauna ba karalaia, bona tamaka ta ba hakaralaia aena ai. ²³Boromakau natuna ta ba alaia, ba mailaia bona baita ania bona baita moale! ²⁴Badina be ina lau natugu na e mase, hari ia na e mauri, ia na e boio, bona harihari ma tame davaria." Bena iboudiai e moale.²⁵Hari tau natuna roboana na imea ai. Ruma e raka henia kahiva ai, ane regedia e kamonai bona e mavaruva. ²⁶Bena hesiai merona ta e boiria bona e henanadai ina be dahaka e varamu. ²⁷Hesiai merona ese eha maoroa, "Oi tadimu na ema bona tamamu ese boromakau natuna na eme alaia badina be eme davaria lou mai namona ida.²⁸A tau guna na e badu bona asine ura baine raka vareai, bena tamana na e raka lasi bona tau guna na e noia. ²⁹To tau guna ese tamana e haere henia eto,"Aitaia, lagani momo oi emu ai name gaukara, bona emu taravatu ta asina makohia, a oi ese nani natuna ta do se henigu bamogu ida baiama moale, ³⁰a ina natumu na ema hari oi ese o henia kohudia iboudiai vada e peta-petalai ariara hahinedia ida, bena boromakau natuna ta na ome alaia ia dainai.³¹Bena tamana ese eha maoroa eto, "Natugu, oi na nega iboudiai lau ida, bona lau egu gau iboudiai na oi emu. ³²A ina na maoro baita aniani bona baita moale, badina ina tadimu na e mase, a hari eme mauri, bona e boio ina hari matame davaria."

Chapter 16

¹Iesu ese ena hahediba ma e hereva henidia, eto, "Taga tauna ta na mai ena kohu ireguna tauna, bena ia enai haida ese e habadelaia eto, emu kohu na e petapeta-laiamu. ²Bena taga tauna ese e boiria, bena e hereva henia, eto, "Dahaka name kamonai emu kara amo?" Emu heregu karadia herevadia ba hamaorogu, badina oina vada ba doko.'³Bena hari kohu ireguna tauna lalona e hadaia, eto, Dahaka baina kara, biagugu ese ina dagi vada eme kokia egu amo? Lau na asi goadagu tano iruhanai, bona lau na hemaraimu baina noinoi. ⁴Mai dibagu dahaka baina kara, bema baine kokigu egu dagi amo neganai, taunimanima ese bae abigu dae edia ruma ai.⁵ABena ia ese biaguna enai e abitorehai taudia e boiridia, ta e nanadaia eto, "Emu abitorehai be hida? ⁶Ia eto, "Dehoro kavabu sinahu-ta." Bena e hamaoroa eto, "Emu abitorehai pepana avabia, bena a helai diho haraga bena imahui ba torea." ⁷Bena ta ma e nanadaia, eto, bona oi emu be hida? Ia eto, "Uit puse sinahu-ta." Bena eto, emu abitorehai pepana avabia, bena ba torea taurahani-ahui.⁸Bena Lohiabada ese kohu ireguna tauna mai koikoina e hanamoa badina be ena kara e karaia mai lalo-pararana ida. Badina be ina nega uruna taudia edia laloparara ese diari taudia edia laloparara e hereadiamu. ⁹Na hamaoromuimu, sibomui ba hetura heheni kohu dikadia amo, bena ba dabu neganai oi na basie ore rumadia ai bae abimui dae.¹⁰Gau maragina e karaia maoromu tauna ese gau badadia baine kara maoro, a gau maragina e karaia kereremu tauna ese gau badadia baine kara kerere. ¹¹Bena una dainai gau dikadia basio regu namonamo, daika ese kohu namodia baine henimu? ¹²Bona bema oi ese taunimanima idaudia edia kohu basio regu namonamo daika ese umui emui kohu baine henimui.¹³Hesiai tauna ta biguna rarua isiaidia basine lao heni diba, badina ne ta baine inai henia ta be baine lalokau henia, eiava ta baine badinaia, ta baine dadaraia.¹⁴Farasia taudia, moni e ura henia badamu ese una hereva e kamonaia neganai e kirikirilaia. ¹⁵Bena ia ese e e gwau henidia, eto, "Umui na taunimanima vairadiai sibomui o heimodai hehenimu, to Dirava ese lalomui e dibadiamu. Badina be taunimanima ese e imodaimu gaudia na Dirava ese e dadaraidiamu.¹⁶Taravatu bona peroveta taudia edia hereva e miava ema bona Ioane ena nega. Una negana amo Dirava ena basileia e harorolaiamu bona taunimanima iboudiai e didi vareaimu. ¹⁷Guba bona tanobada bae boio na mai dalana, a taravatu ena toutou ta baine boio na asi dalana.Adavana e hadihoamu bena hahine ta e adavaiamu tauna na heuda-hanai tauna, bona e hadihoa hahinena e adavaiamu tauna danu heuda-hanai tauna.¹⁹Taga tauna ta e nohova, dabu kakakakadia bona aukadia e hadokilaiva bona dina iboudiai ai e moaleva bona aniani namo dia mo e aniva. ²⁰Ena ruma iduaranai noi-hegama tauna ta ladana Lasaro e hekureva tauna be toto ese e dudua hegege. ²¹Ena ura be taga tauna ana aniani momorudia bema ani. Sisia danu ela ia totona e demariva.²²Noi-hegame tauna vada e mase. Bena aneru ese eabia Aberahamo dekena e laohaia. Taga tauna danu vada e mase bena e guria, ²³mase gabuna ai, hisi eaniva lalonai, matana e roha dae daudauna ai bena Aberahamo e itaia, Lasaro danu ia ohena ai.²⁴Bena e tai lolo eto, "Tamagu Aberahamo e, mani a bogagu hisi Lasaro a siaia, imana kwakikwakina ranu ai aine urua diho malagu mo ai name hagavea badina be lau na ina lahi hururu-hururuna ai hisi na animu.²⁵To Aberahamo eto, natugu e, a laloa o mauriva dinadia ai gau namodia o abiva bona Lasaro na gau dika dia e abiva, harihari ia na tauhalo e abimu, a oi bena hisi o animu. ²⁶Ina danu ita padadai koupa badana ta mia bona ene amo ta ini basine vasimu bona ene amo ta ini basine maimu.²⁷Bena Taga tauna eto, Tamagu e na noimumu ia na basiaia tamagu ena ruma bainela - ²⁸Badina be tadikakagu na laima - ia ese baine hadibadia ina hisiani gabuna baema na garina.²⁹A Aberahamo eto, Mose bona peroveta taudia na dekedia ai, idia hari bae kamonai henidia. ³⁰Ia eto, lasi Aberahamo Tamagu e, mase amo ta dekedia bema lao hari bema helalokerehai. ³¹A Aberahamo eto, lasi idia na Mose bona peroveta taudia basiema kamonai henidia, mase amo ta bema tore isi danu basiema kamonai henidia.Translation done by: Ret/Dkh. Ori. C. Kohu on Friday (21/07/23), time: 12 10 am. Ready for quality checking.

Chapter 17

¹Bena Iesu ese ena hahediba eha maorodia eto, "Hekwakwanai gaudia na do bae vara, to bae havaradia tauna hari madi ihabaina! ²Ia enai namona na nadi metauna ta aiona bema gui laia bona davara ai bema tahoa dobi dia namo ia ese ini maragi-maragina ta baine hahekwakwanaia.³Sibomui ba henahuatoho. Bema tadikakamu na e kara dikamu, ba gwau henia; bona bema ia na e helalo-kerehai, ena dika na ba gwau-tao. ⁴Bema ia na oi e kara dika henimu nega hitu dina ta ai, bona nega hitu oi baine lou henimu, be tomamu, "Vada name helalokerehai" Oi ese ena dika ba gwau-tao."⁵Apostolo taudia ese Lohiabada e hamaoroa eto, "Emai abidadama ame habadadia." ⁶Lohiabada vada eto, "Bema emui abidadama na sinapi nadinadina na heto, umui ese ina budoa ba hamaoroa, 'Ba heraga isi, bona davara ai ba hehado," bona ia na oi be kamonai henimumu."⁷A umui daika, mai emu hesiai tauna ta tano iruanai eiava mamoe iregudiai, gabuna amo baine lasi na ba hamaoroa baoto,' Ina harihari aoma bona pata ai bame helai diho? ⁸(Kahanai) Lasi, ia ini basine gwau toma, 'Gau ta a hahegaegaea lau ese baina ania, bona emu dabua beletana arioa bona isiaigu ba laoheni lau na anianimu bona na inuinumu lalonai, bona ini gau muridiai oi na vada bo anianimu bona bo inuinumu, a?⁹Ia na asi ena tanikiu hesiai tauna enai badina be ia na e hamaoroa karadia e kara dainai, ani? ¹⁰Ina na hegeregere umui emu ai danu, bema umui na e hamaoromui gaudia iboudiai vada o karadia neganai, umui na baoto, "Ai na dia hesiai taudia namodia. Ai na dahaka baia kara gaudia mo ame karadia."¹¹Ia na Ierusalema e dae laova ai, ia na momokani Samaria bona Galileia padadia amo e hanai. ¹²Ia na hanua ta ai e vareaiva ai, lepera tataudia gwauta ese e hedavari henia. Idia na daudaunai e gini, ¹³bona gadodia eha bada, e tomava, "Iesu, Biagumai e, ame bogamai hisi."¹⁴Ia ese e itadia neganai, (ia ese) e hamaorodia eo, "Aola emui helaga taudia ese bae itamui." bona vada e vara, idia dala amo e laovai, idia tauanidia vada e goeva. ¹⁵Bena idia taudia ta, e diba ia na vada e namo, e lou ema, mai gadona badana ida Dirava e e hanamoava. ¹⁶Ia na e hetuitui Iesu aena badinai, e tanikiu henia. Ia na Samaria Tauna.¹⁷Bena Iesu e haere bona eto, "Una be dia gwauta osi eme hanamodia, a? A taurahani-ta be edeseni? ¹⁸Una na ta asie loumai Dirava bae imodaia, ina idau bese tauna sibona mo, a? ¹⁹Bena ia ese e hamaoroa eto, 'Atore-isi bona aola. Emu abidadama ese vada eme hanamomu.²⁰Farisea taudia ese e nanadaia eto, Dirava ena Basileia be edena nega do bainema, ia ese e haere henia eto, "Dirava ena Basileia na dia ita eda nari namonamo amo do bainema. ²¹Eiava dia baeto, 'Aitaia gauna oina!' eiava, 'Gauna ouna! Badina aitaia, Dirava ena Basileia na umui bogaragimui ai.²²Bena ia ese hahediba taudia e hamaorodia eto, "Dinadia na e maimu bena umui na ouramu Taunimanima Natuna ena dina ta baitaia neganai, a umui ese na basio itaiamu. ²³Bena idia ese bae hamaoromui baeto, Unu a rohalao! eiava ini a rohamai! Basio raka lasi eiava muridia ai basio heaukau, ²⁴badina kevaru diarina guba kahana amo guba kahana elaomu hegeregerena, Taunimanima Natuna enai danu unu baine heto.²⁵A ia na guna gau momo ai do baine hisihisi bona ina uru taudia ese do bae dadaraia. ²⁶Noa ena negai vada e vara hegeregerena, Taunimanima Natuna enai danu ini do baine vara toma. ²⁷Idia be e anianiva, idia be e inuinuva, idia be e headavava, e headava heheniva - ela bona Noa lagatoi lalonai e vareai dinana, bona abata e kau bona iboudiai eha-buadia-tari.²⁸Lota ena negai vada evara hetomana - idia be e anianiva, idia be e inuinuva, idia be e hoihoiva, idia be e hadohadova, idia be ruma e karava, ²⁹a una dinai Lota ese Sodoma e rakatania neganai, lahi mai siahu mase-masena guba amo e diho bona iboudiai e habuadia-tari.³⁰Ina evara hegeregerena danu Taunimanima Natuna ena hedinarai neganai na unu baine vara toma. ³¹Una dina ai, tau ta ruma guhinai bona ena kohu na ruma lalonai, na basio hadihoa ena kohu baine abidia oho; bona murimuri tauna danu, unu hetomana basio haloumai.³²Lota adavana ba laloa. ³³Daika e hetahumu ena mauri baine abia, na baine reaia (ha boioa), a daika ese baine reaia (haboioa), na baine davaria.³⁴Na hamaoromuimu, una hanuaboi ai taunimanima rarua na geda tamonai bae mahuta. Ta be baine abia, a ta be baine hoho. ³⁵Hahine rarua be uiti iririlaina nadina igirona gabunai. Ta bae abia-oho, a ta be baine noho.³⁶Tatau rua uma ai bae gaukara ta baine heabi oho, ta be baine noho.³⁷Bena idia e haere bona e hamaoroa eto, "Edeseni ai, Lohiabada? Ia ese e hamaorodia eto, "Tauani edeseni ai, galo danu unuseni ai do ba hebou."

Chapter 18

¹Bena ia ese palabore ta e hamaorolai henidia, ede bae guriguri toma bona lalodia basie manoka, ²e tomava , hanua ta lalonai na hahemaoro tauna ta, ia na Dirava garina se gariva bona taunimanima se matauraidiava.³Una hanua lalonai na vabu ta; ia na una tau dekena emai loulouva bena e gwauva, 'Lau e dagedage henigumu tauna na a hahemaoro henia.⁴Una tau na nega daudau lalonai se urava, to ini gau muridiai, ia na sibona e hereva, eto, 'Ena be lau na Dirava garina asi na garimu bona taunimanima asi na matauraidiamu, ⁵ina vabu ese lau e hahekwakwanaigumu dainai lau ese hahemaoro ia baina henia bona ia ena mai loulou ese lau basine hamanoka-manokagu.'⁶Bena Lohiabada, eto, "Ina hahemaoro tauna ena hereva a hakalaia? ⁷Dirava ese ena abihidi taudia , e tai boimu, e tai ranimu taudia, daidiai hahemaoro basine mailaia? Ia baine halahe daudau idia edia ai? ⁸Na hamaoromuimu, ia ese hahemaoro na baine mailaia haragaharaga. Benaini, Taunimanima Natuna bainema neganai, ia ese tanobada latanai abidadama baine davaria diba?⁹Bena ia ese ina palabore ma taunimanima haida e gwaurai henidia; ini taunimanima na sibodia lalodiai e gwaumu idia na mamaoro-mamaoro bona taunimanima haida idia ese e hadikadiava, eto, ¹⁰Tatau rarua na dubu helaga ela, bae guriguri totona - tau ta be Farasia tauna tau ta be tax gogo tauna.¹¹Farasia tauna na e gini bena sibona dainai e guriguriva e tomava, 'Dirava na hanamomumu badina lau na dia taunimanima haida hegeregeredia - henao taudia, kara kerere taudia, heudahanai taudia - eiava dia ina tax gogo tauna danu. ¹²Lau na anivagamu nega rua pura ta lalaonai. Egu davari gaudia iboudiai karoadia gwauta lalodia amo karoa ta na henimu.¹³To tax gogo tauna na dahuai gini, matana danu se roha isi guba se itaia, tokemena e tutua e gwauva. "Dirava e karadika taugu, a bogagu.' hisi ¹⁴Na hamaoromuimu, ina tau e lou ena ruma lalona maoromaorona ida, to dia hari tau ta,badina daika sibona e heabi isimu tauna na do bae hamanaua, to daika sibona e hahemanaumu na basine vareai unuseni ai."¹⁵Taunimanima na natudia karukarudia e mailaidiava ia dekena, ia ese baine daudia toho totona, to diba-tahua taudia ese e itaia neganai, e gwautubu henidia. ¹⁶To Iesu ese maragidia e boiboilaidia, dekena baema, e gwauva. "Maragidia na a mailaidia dekegu, asio laodia-ahu. Badina be Dirava ena basileia na ene hetomadia edia. ¹⁷Na hamaoromui momokanimu, daika ese Dirava ena basileia basine abiadae ini maragidia na heto, taunimanima na basine vareai unuseni ai.'¹⁸Ma lohia tauna ta ese e nanadaia, e gwauva, ahedibadiba tauna e, lau be dahka baina kara bena mauri hanaihanai baina abia? ¹⁹Iesu ese e haere henia eto, "Dahaka dainai lau o gwauraigumu namo? Lasi, ta dia namo, Dirava sibona mo. ²⁰Taravatu na mai dibamu - basio heudahanai, basio ala-ala, basio henaohenao, basio habade koikoi, sinamu bona tamamu ba matauraidia." ²¹To lohia tauna eto, ini gau iboudiai vada na badinadia eregabegu negana vaitani."²²Iesu ese ena hereva e kamonaia neganai e hamaoroa, eto, 'Gau tamona mo doini o dabumu, Emu kohu iboudiai na ba hoihoi laidia, bona ogogami taudia ba harihari henidia bona guba kohuna bavabia - bena baoma murigu ai bame raka. ²³A ia ese una hereva e kamonai bena lalona e hisihisi bada, badina ia na taga tauna.²⁴Iesu ese e raraia, eto, taga tauna na Dirava ena basileia lalonai na bae heloge.²⁵Kamelo na kobi matunai e vareaimu be haraga, taga tauna na Dirava ena basileia ai baine vareai na mai hekwarahina ida.²⁶E kamonaia taudia eto, "Be daika mauri baine davaria?" ²⁷A Iesu eto, taunimanima ese ikaradia asi dibadia gaudia na Dirava ese baine karadia diba.²⁸Petero eto, ai na emai gau iboudiai vada a rakatani, oi vada a gavamu. ²⁹Ia ese e hamaorodia, eto, na hamaoromui momokanimu, ruma eiava adavana eiava tadikakana eiava tamana eiava sinana eiava natuna Dirava ena basileia dainai vada e rakatani. ³⁰Ia na ina negai gau momo be abimu, bona nega gabenai danu mauri hanaihanai baine abia.³¹Ia ese gwauta raruosi e hakaudia siri, e hamaorodia eto, ita na Ierusalema ta dara daemu, unuseni ai peroveta taudia ese Taunimanima Natuna sivaraina e tore guna herevadia na iboudiai anidia do bae vara. ³²Badina be ia na idau bese taudia ediai taona do bae torea bae gonagonalaia, bae hihiraia, bae kanudia. ³³Bae dadabaia, bae alaia mase, dina toi murinai ma baine toreisi lou.³⁴Ina idoinai na asi dibadia. Hereva e kamonai to lalodia na asie parara' ia ese e gwaurai herevadia anidia na asie davari.³⁵Ia na Ieriko e raka henia kahi. Mata kepulu tauna ta dala isenai helainai e noi hegameva. ³⁶Hutuma dala amo e laova regedia e kamonai, bena e henanadai, rege anina be dahaka? ³⁷Idia ese e hamaoroa, eto, Iesu Nasareta tauna e raka hanaimu.³⁸Bena ia na e boiboi eto, Iesu Davida Natuna e, ame bogagu hisi. ³⁹Vairai e raka taudia ese e gwau henia, basine hereva eto, to ia na e boi lalo-dika eto, Davida natuna e, ame bogagu hisi.⁴⁰Bena Iesu vada e gini, eto, A hakaua mai. E raka kahi lao, bena Iesu e nanadaia eto,⁴¹Dahaka emu ai baina kara? Ia eto, Lohiabada e, matagu boma hapapa.⁴²Iesu eto, Matamu be papamu emu abidadama ese vada e hamaurimu. ⁴³Matana vada e papa, bena Iesu murinai e raka Dirava e imodaia. Una kara e itaia taudia iboudiai ese Dirava e hanamoa.

Chapter 19

¹Iesu na Ieriko amo e raka hanaiva lalonai, ²Tau ta ladana Sakaio, bona ia na tax gogo taudia biagudia ta, bona ia danu taga tauna.³Ia na e ura dikadika Iesu baine itaia, ia be daika, to hutuma daidiai se itaia, badina ia na kwadogi. ⁴Bena e heau guna ela budoa ta ai e hadae baine e itaia, badina Iesu na una dala amo bainela.⁵Iesu na una gabu ai e kau, e roha dae bena e hamaoroa eto, "Sakaio e, a diho haraga, badina be hari dina emu ruma ai baina noho." ⁶Bena e diho haraga-haraga bena e abia dae mai moalena ida. ⁷E itaia taudia iboudiai ese e maumauraia, eto, "Ia ese dika rohoroho tauna e vadivadi heniamu."⁸A Sakaio e gini bena Lohiabada e hereva henia eto, "A itaia, Lohiabada e, egu kohu kahana na ogogami taudia aina henidia, bona ena kohu vada na abikava tauna na, nega hani baine henia lou." ⁹Bena Iesu ese e hamaoroa eto, "Harihari hahemauri na ina ruma ai vada eme kau, badina be ia danu Aberahamo natuna. ¹⁰Badina be Taunimanima Natuna na boio taudia itahu dia bona ihamauridia totona ema.¹¹Bena e kamonaiva taudia na, Iesu ese palabore hegeregerena ta ma e hamaorodia, badina be Ierusalema vada e kahira-kahira, bona idia banava eto Dirava ena basileia una negana ai baine hedinarai. ¹²Una dainai ia eto, "Lohia ta hanua daudauna ela pavapava dagina baine abia bena ma baine lou.¹³Bena ena hesiai taudia gwauta e boiridia, gold monidia ladadia mina ta ta amo e henidia bena eto, 'Ba hoihoilai ela bona lau baina lou mai.' ¹⁴To ena hanua taudia ese e lalodika heniava bena hesiai haida ia murina amo e siaidia, baeto 'Ai na asia uramu emai pavapava ai bainela. ¹⁵Hari pavapava dagina eabia, bena e lou, moni e henidia taudia e boiridia, edia hoihoi ai e davari gaudia baine diba dia.¹⁶Gini-gunana ema vairana bena eto, 'Biagugu e, emu moni tamona amo moni gwauta vada na davari.' ¹⁷Ia ese e hanamoa eto, 'Namo herea, hesiai taumu namona badina be gau maragina o balaiaheni namonamo dainai, hanua gwauta lohiadia ai baola.¹⁸Iharuana danu ema, Biagugu e, emu moni tamona amo moni ima vada na davari.' ¹⁹Bena ia eto, hanua ima lohiadia ai baola.²⁰Tama ema eto, Biagugu e, emu moni tamona binai, dabua ai na kumia na balaia heni, ²¹badina be oi garimu na gariva, oi na gwautora taumu. So atoa diho gauna o abia isimu, bona so hadoamu gauna o utuamu.²²Ia eto, sibomu emu hereva amo baina hahemaoro henimu, oi na hesiai taumu dikana! Oi na dibamu lau na gwau-tora taugu, asi na toa dobi gauna na abia isimu, bona asi na hadoa gauna na utuamu? ²³Matogana edeheto egu moni na balaheni (banka) gabuna ta ai so atoa, bena bama loumai, bama abilou mai ato-kauna ida?²⁴Bena dekenai e gini taudia e hamaorodia eto, 'Enai moni na avabihaia, moni gwauta tauna ba henia.' ²⁵A idia eto, 'Biagumai e, ia na mai ena moni gwauta.'²⁶Na hamaoromuimu, mai ena gau tauna na gau momo bae henia, to asi ena gau tauna enai sina miana gauna do bae abihaia. ²⁷A lau inaigu, asie urava baina lohiadia taudia, a mailaidia vairagu ai bavaladia mase."²⁸Unu hereva muridiai, e gunalaidia, Ierusalema ai eha dara dae.²⁹Ia na e raka lao Betefage bona Betania, Olive ororona, bena ena hahediba rarua e siaidia, ³⁰eto, "Vaira hanuadia aola." Ba raka vareai gabuna ai, doniki natuna ta hemata-kauna ai ba itaia latanai ta do se helai kau. Ba ruhaia ba mailaia. ³¹Bema ta ese baine nanadaimu, 'Dahaka dainai o ruhaiamu?' Umui baoto "Lohiabada ese e ura heniamu."³²E siaidia taudia na vada ela e hamaorodia hegeregerenai vada e davaria. ³³Idia ese doniki natuna e ruhava ai, doniki biaguna ese e nanadaidia, eto, "Dahaka dainai doniki natuna o ruhaiamu? ³⁴Idia eto, "Lohiabada ese e ura heniamu." ³⁵Idia ese Iesu dekena e laohaia, bona edia dabua latana ai e laha bena Iesu e helai kau. ³⁶E laova ai, idia ese edia dabuana dala ai e laha.³⁷Hanua vada e kahikahi Olive ororona e hekiva ai hahediba hutuma bada e koale hisidae, Dirava e imodaia mai lolidia ida e itava karadia siahudia iboudiai daidiai, "Aita hanamoa ³⁸Etomava, hanua pavapavana Lohiabada ldana ai e maimu! maino guba ai baine bada bona heimodai guba doriva-dorivana ai.³⁹A Farisea taudia haida ese hutuma bogaragidia amo e hamaoroa, eto, "Hahediba taumu e, emu hahediba a gwau henidia." ⁴⁰Iesu ese e haere henidia eto, "lau na hamaoromuimu bema idia na asi regeregedia ini nadi bema lolo."⁴¹Iesu na e raka kahira hanua e itaia, bena e tai henia, ⁴²eto, "Bema hari dina ai boma diba, madi, emu maino badina bema namo! to matamui amo vada e hehuni.⁴³Badina be negana do baine ginidae oi inaimu ese tano bae larebaia, bae komu hegege, bona bae gugubamu kaha iboudia ai amo. ⁴⁴Tano ai bae kohumu tao bona natumu danu bae kohudia tao idia ese nadi ta nadi ta basine mia latamui ai, badina be asi dibamu ivadivadimu negana."⁴⁵Bena dubu helaga ai e raka vareai, hoihoi taudia e luludia lasi, ⁴⁶e gwau henidia eto, "Vada e torea, 'Egu ruma na guriguri rumana, to umui ese dadidadi taudia edia kohu ai ome halaoa.'⁴⁷Iesu na dina iboudia ai dubu helaga lalonai e hahedibava. Hahediba taudia bona Itorena taudia bona hanua tau badadia ese ialana dalana e tahuava, ⁴⁸to dala ta asie davaria, badina be taunimanima iboudia ai na ia ikamonaina e urava.

Chapter 20

¹Dina ta ai ia na dubu helaga lalonai e hahedibava sivarai namo e harorolaiava, bena hahelaga taudia bona itorena taudia bona tau-badadia ia dekena ela. ²E hereva henia, eto, "Mani a hamaoromai edena siahu ai ini gau o karamu? Eiava daika ese ina siahu e henimu."³Bena ia ese haere henidia, eto, Lau danu mani umui henanadai, ta aina nanadailaimui, bena ba hamaorogu. ⁴Ioane ena bapatiso: be guba amo eiava taunimanima edia amo?⁵Bena sibodia e hereva heheni eto, "Bema ita baitato, 'guba amo, 'Dahaka dainai so hamomokaniamu?' ⁶A baitato "taunimanima edia amo? taunimanima iboudia ai ese nadi amo be hododamu, badina be idia na etomu Ioane na peroveta tauna.⁷Una dainai idia ese e haere henia eto, ai na asi dibamai ia be ede amo. ⁸Bena Iesu eto, "O lau danu dahaka siahu ai ini gau na karalaimu na basina hamaorolaimuimu."⁹Bena ia ese palabore ai e hereva henidia matama, "A tau ta ese vine imeana e hadoa, bena imea ireguna taudia eha-badinalaidia, bena hanua ta ela nega daudau e noho. ¹⁰Huahua negana ai (horana) hesiai tauna ta e siaia lao imea ireguna taudia dekedia, vine anidia baine abi, to imea ireguna taudia ese e dadabaia, bona e siai oho ima-kavakavana ida.¹¹Bena hesiai tauna ta ma e siaia, to idia ese e dadabaia, e hahemaraia, ma ima kavakavana e haloua. ¹²Ihatoina danu e siaia, to ia danu ma e haberoa bena murimuri ai e tahoa lasi.¹³Bena imea biaguna eto, Lau be ede baina kara toma?Lau natugu egu lalokau, hari baina siaia. Reana baitaia bae matauraia. ¹⁴To imea ireguna taudia ese e itaia, sibodia e hereva heheni eto, Dihina binai. Ai ta alaia mase, bena imea na baita abia ita eda.¹⁵Bena e tahoa lasi imea lalona amo bona e alaia mase. Imea biaguna be ede baine kara toma idia edia ai? ¹⁶"Ia na bainema bena imea ireguna taudia baina aladia, Vine imeana haida baine henidia." A idia na e kamonai, bena eto, "Lasi dia unu heto."¹⁷A ZIesu ese e raraidia, bena eto, Buka ai torea herevana anina be dahaka? Ruma ikarana taudia ese e dadaraia nadina na daiguni nadina ai vada ela? ¹⁸Una nadi latanai baine moru tauna na baine makohi rohoroho. A una nadi ese baine kurea tao tauna na baina hapataia."¹⁹Itorena taudia bona hahelaga taudia ese idabai-taona e ura una horana ai, badina idia dibadia una sivarai hegeregerena matana be idia ediai. ²⁰Bena e itaia tao, dibaka taudia e siaidia kara maoro-maoro taudia na heheto, bae nanadaidia ena hereva amo bae idoaia bena gavana imanai bona siahuna ai bae henia eto.²¹Idia ese e nanadaia eto, Hahediba taumu e, ai dibamai emu hereva bona emu hahediba na mamaoro-mamaoro bona taunimanima oromadia so lalomu, a Dirava ena dala o hahedibalaia goevagoevamu. ²²Ina be maoro ai ese Kaisara ena tax baia heni, eiava lasi?²³A Iesu na edia koikoi dibana, bena e haere eto, ²⁴Siliva monina ta ba haheitalaigu. Ina be daika laulauna bona ladana? Idia eto, Kaisara.²⁵Bena ia eto, Una dainai Kaisara ena, Kaisara ba henia, Dirava ena, Dirava ba henia. ²⁶Bena aru taudia vairadia ai ena hereva amo e idoaia, ena haere e hoalaia, asi edia hereva ta.²⁷Bena Sadukea taudia haida ia dekena ela: una orea e tomava mase na basie tore isi lou, bena e nanadaia eto, ²⁸Hahediba Taumu e, Mose ese emai taravatu e henimai eto, "Tau ta baine mase bona vabuna baine noho asi natuna, vabu na ihana ese baine adavaia natuna baine havara mase tauna ena,²⁹Unuhetomana tadikaka hahitu e nohova, bena tauguna ese hahine ta e adavaia, vada e mase, asi natuna. ³⁰bona iharuana, ³¹bona ihatoina ese adavaia; ela bona hahituosi ese vada eabia iboudia ai asi natudia, bena e mase. ³²Gabe amo hahine danu vada e mase. ³³Toreisi lou negana ai una, na daika adavana? Badina be hahituosi ese e adavaia."³⁴Iesu e haere eto, ina nega (uru) taudia ese hahine eabimu bona e headavamu. ³⁵A do baema taudia na kara maoromaoro ai mase amo bae toreisi lou, na bae headava eiava basie headava;³⁶bona basie mase lou, idia na aneru ida bae hegeregere; bona Dirava natuna ai baela, badina be idia na toreisi lou taudia.³⁷A mase amo e toreisi lou, Mose ese uda ai e haheitalaidia, ia ese Lohiabada vada e gwauraia Aberahamo ena Dirava, bona Isa'ako ena Dirava, bona Iakobo ena Dirava. ³⁸Harihari ia na dia mase Diravana, to mauri taudia edia, badina be taunimanima iboudia ai na ia dainai e maurimu.³⁹Itorena taudia e haere, eto, "Hahediba taumu e, hereva maorona bena." ⁴⁰Bena unu amo gauta asie henanadaialaia lou.⁴¹Bena Iesu ese e nanadaia eto, "Edeheto idia na e tomamu Keriso na Davida natuna? ⁴²Badina Davida na sibona Salamo lalonai eto, Lohiabada egu Lohia e hamaoroa eto, 'Idibagu kahana ai ba helai, ⁴³ela bona inaimu iboudiai na oi aemu ihadaidia gaudia ai baina halaodia.' ⁴⁴Davida una daina Keriso 'e gwauraia Lohiabada,' O ede heto ia na ia (Dirava) natuna?"⁴⁵Hari (Bena) taunimanima iboudia ai na e kamonaiva, ia ese ena hahediba e hamaorodia eto, ⁴⁶"Itorena taudia nahuadia ba toho, idia na e uramu dabua latadia bae rio, bae raka loa, bona e uramu hahenamo hereadaedia bae henidia hoihoi gabudiai, dubu ai bona anibou ai gabu hereadia ai bae helai. ⁴⁷Idia ese vabu edia ruma eha-ogogamidiamu, bona edia guriguri eha-daudaumu. Idia na dava metauna do bae abia.

Chapter 21

¹Hari Iesu na e roha-isi taga taudia e itadia edia harihari gaudia e udadiava moni mauana lalonai. ²Bena e roha-lao ogogami vabu hahinena ta e itaia moni pene rua e udadiho moni mauanai. ³Bena e hereva eto, "Momokani, lau ese umui na hamaoromuimu ina vabu ese eme udaia monina na idia iboudiai edia eme uda gaudia e hereadiamu. ⁴badina be edia taga amo harihari gaudia sisidia eme ato. A ina hahine na ena ogogami amo, ia baine maurilaia monina iboudiai eme ato.⁵Hari haida na dubu hairai nadidiai eha heraia bona mai herahia gaudia ida e herevalaidiava lalonai ia eto, ⁶"Ini o itamu gaudia, dinadia na e maimu nadi ta na nadi ta latanai, na se makohi nadina latanai basine mia.⁷Bena idia ese e nanadaia eto, "Hahediba tauna e, ina be edena nega ai baine vara bona toana be dahaka ini gau do bae vara, a? ⁸Bena ia eto, "Nahuamui ba toho ta ese basie koimui. Badina be hutuma na do baema lau ladagu ai be herevamu, "Lau na ia" bona "Nega vada eme kahira-kahira. Idia muridiai na basio raka. ⁹Tuari bona dagedage herevadia ba kamonai negadiai basio gari, badina ini gau na do bavara guna, a ina na dia nega tamona dokona."¹⁰Bona ia ese e hamaorodia "Tanobada ta na toreamu tanobada ta ida bae inai heheni bona basileia ta na basileia ta ida bae inai heheni. ¹¹Tano marere badadia bona doe bona daihanai goreredia na bavara gabu ta ta lalodiai. Hahegari karadia bona guba amo toa badadia be varamu.¹²A ini gau iboudiai do asie vara lalonai umui na do be dabaimui-taomu be dagedage henimuimu, bena be henimui hanaimu synagogue bona dibura ruma, be laohaimuimu hanua pavapavadia bona lohia taudia vairadia badina be lau ladagu dainai. ¹³Ina na gau ta e henimuimu iha-momokani laimui ai baela.¹⁴Una dainai, lalomui na ha hadai, ilao-ahumui herevadia basie ha-hegaegaelai guna, ¹⁵badina be lau ese hereva daladia bona aonega baina henimui bona inaimui na ilao-ahumui bona igwautubumui na basie kara.¹⁶A umui danu do taomui ba tore tamamui, sinamui ese, bona tadimui ese, bona varavaramui ese, bona bamomui ese bona idia ese do bae hamasemui. ¹⁷Taunimanima ese do bae inai henimui, badina lau ladagu dainai. ¹⁸Oi kwaramu huina ta basine boio. ¹⁹Emui haheauka dainai laumamui na bae mauri.²⁰Ierusalema ba itaia tuari taudia ese e ginia-hegege neganai bona badiba ia igigi-rohorohona na ema kahikahi. ²¹Bena Iudea ai e nohomu taudia na bae heau boio ororo baela bona bogaragidiai e nohomu taudia na do bae rakatanidia bona hanua ai asie nohomu taudia na basie vareai. ²²Badina be ina na kara davadia ihaloudia negana, e tore gaudia iha gugurudia.²³A unu dinadiai rogorogo hahine bona mararoto hahinedia madi ihabaimui! Badina be dika badaherea ina tano ai bona badu garagara taunimanima latadiai. ²⁴Idia na dare matanai bae hamorudia, bona haida be bae guidia hanua idau-idau bae laohaidia bona Ierusalema na Idau bese taudia ese bae moia-tao ela bona Idau bese taudia edia nega baine guguru.²⁵Toa haida do ba vara dina, hua bona hisiu ai, bona tanobada besedia iboudiai bae kudou hetaha bona bae gari dikadika davara hurehure edia kiriri regediai. ²⁶Taunimanima na gari ese be haketodiamu, bona tanobadai be varamu gaudia ese, badina be guba siahudia na be heude-heudemu.²⁷Bena idia ese Taunimanima Natuna na do bae itaia e maimu ori latanai mai siahu-badana bona hairai badana ida. ²⁸A ini gau e hekara matamamu neganai, ba gini tore bona vairamu bavabia-isi badina be iruhamui-nege tauna na e mai kahikahimu.²⁹Bena ia ese sivarai hegeregerena ta e hamaorodia "Fig (Suke) auna bona au iboudiai aitadia. ³⁰Tuhutuhudia e varamu negadiai, sibomu ese oi itaiamu lahara negana vada eme kahikahi. ³¹Unu hetomana danu, umui ese ini gau o itadiamu e varamu neganai, umui na o dibamu Dirava ena basileia na eme kahikahi.³²Momokani, na hamaoromuimu, inauru na basine ore, ela bona ini gau iboudiai na ba vara. ³³Guba bona tanobada na bae ore, a lau egu hereva na basine ore.³⁴A sibomui ba henahua-toho, bona kudoumui na basie metau, inuinu gaudia, bona kekero daidiai, bona emu noho ai lalomui eha-metauamu lalo hekwarahidia daidiai, bona una dina na asi vanahana emu ai baine kahira. ³⁵Idoa na heto do baine kau ina tanobada ai e nohomu taudia iboudiai latadiai.³⁶A ba gima bona nega iboudiai ba guriguri bena unu amo ba goada una dika amo ba roho mauri bona Taunimanima Natuna vairanai ba gini.³⁷Bena unu dinadiai ia na dubu helaga lalonai eha-hedibava, bona hanuaboi ai ia na e laova ororo ta ladana Olive ai e nohova. ³⁸Ina hari ia na taunimanima iboudiai ese emai heniamu daba kahadia ai dubu helaga lalonai ena hereva ikamonaidia.

Chapter 22

¹Hari se hatubuamu Flaona Ariana, ladana e tomamu Lagau Hanai, vada e kahira-kahira. ²Hahelaga taudia badadia bona itorena taudia ese Iesu ede bae hamasea toma dalana e tahuava, badina idia na taunimanima garidia e gariva.³Bena Satani na Iuda, ladana Isakariota, vada e boloa, ia na gwauta-rarua tauna ta. ⁴Bena ia vada ela dubu hahelaga taudia bona dubu helaga biagudia e hereva henidia, ia ese Iesu taona ede baine torea toma idia ediai.⁵Idia vada e moale, bona eha momokania moni ia bae henia. ⁶Bena ia vada eura, bona ia taona itorena dalana vada e tahua matama hutuma edia amo ede baine abia-oho toma idia edia.⁷Bena Se hatubuamu Flaoana dinana vada e kau, una dinai Lagau-Hanai mamoena ialana na e varava. ⁸Bena Iesu ese Petero bona Ioane vada e siaidia, e tomu, "aola bona ai daimai ai, Lagau-hanai anianina ba hahegaegaea, bena ai ese baia vasi ania. ⁹Bena idia ese e haere henia, eto, "Oi ouramu ai be edeseni ai baia hegaegaea, a?¹⁰Ia ese e haere henidia, eto, "Aitala, vada hanua lalonai o vareaimu neganai, ranu utu tauna ta ese baine hedavari henimui. Murina amo baola ia baine vareai rumana lalona ai ba vareai. ¹¹Bena ruma biaguna ba hamaoroa, baoto, 'Hahediba Tauna na oi e hamaormumu e tomu, "Vadivadi iabidaedia edia daiutu be edena, be lau bona egu hahediba ida Lagau-hanai Ariana do baia ania?¹²Ia ese atai daiutuna badana mai kohuna ida baine haheita laimui. Hegaegae karadia na unuseni ai bakaradia." ¹³Bena idia vada ela, bona gabuna e davaria ia ese e hamaorodia hegeregerenai. Bena idia ese Lagau-hanai Ariana vada eha hegaegaea.¹⁴Horana vada e ginidae neganai, ia na ena apostolo taudia ida pata ai ege-diho. ¹⁵Bena ia ese e hamaorodia, eto, "Lau na egu ura bada ina Lagau-hanai na umui ida baina ania hebou gabeamo lau baina hisihisi. ¹⁶Badina be na hamaoromuimu, lau ese ina na basina ania ela bona ina na do baine guguru Dirava ena Basileia lalonai."¹⁷Bena Iesu ese kehere ta eabia, bona e hanamoa, eto "Ina na avabia, bona iboumui ai ese ba inua. ¹⁸Badina na hamaoromuimu, lau ese ina vine ranuna ma basina inua ina nega amo, ela bona Dirava ena basileia bainema.¹⁹Bena flaoa eabia, bona e hanamoa, e bitua bona e henidia, eto "Ina na lau tauanigu vada e heni umui daimuiai. Ini ba kara toma lau ba lalogu. ²⁰E aniani murinai kehere ma eabia, eto, "Ina kehere na herohemaino matamatana lau raragu ai, umui dainuiai baine hebubu.²¹A aitaia, taogu itorena tauna imana na lau ida ina pata ai. ²²Badina Taunimanima Natuna na momokani be laomu vada e gwauraia hegeregerena. A tauna itorena tauna hari madi ihabaina!" ²³Bena sibodia padadiai e henanadai heheniva una be daika ese una kara do baine karaia.²⁴Bena sibodia padadiai hepapa-ahuahu danu e vara, idia be daika bae gwauraia hereadae. ²⁵Bena ia ese e hamaorodia, eto, "Bese idaudia na edia pavapava ese e lohiadiamu, bona mai edia siahu taudia na e gwauraidiava?"²⁶A umui emui ai na dia ini baine vara toma. Bema, daika na hereadae padamui ai na maraki-marakinai do bainela; bona daika e hegunalaimu na do hesiai tauna ai bainela. ²⁷Badina daika be hereadae, pata ai ege dihomu tauna eiava hesiai e laohenimu tauna? Una be dia pata ai ege dihomu tauna, a? To lau na bogaragimui ai hesiai taugu na heto.²⁸A umui na lau egu hedibagani lalodiai lau dekedekegu ai o nohova taumui. ²⁹Lau ese umui na gwaurai henimuimu, hegeregerena Tamagu ese basileia ta vada e gwaurai henigu, ³⁰bena unu amo egu pata latanai bavaniani bona ba inuinu egu basileia lalonai, bona terona latadiai ba helai Isaraela iduhudia gwauta-rua ba hahemaoro henidia.³¹Simona e, Simona e, aitaia, Satani vada e noinoi umui baine tapomui oho uit na heto. ³²A lau ese vada na guriguri laimui, emui abidadama na basine darere, bona oi, bema boloumu neganai, tadikakamu bame hagoadadia."³³A Petero ese vada e hamaoroa eto, "Lohiabada e, lau na hegaegae oi ida baitala dibura rumana bona baita mase hebou." ³⁴Ia vada e haere, eto, "lau ese na hamaoromumu, Petero, kokoroku do basine tai ina hari dina, oi ese lau ba goregu nega toi oi na asi dibamu lau."³⁵Bena Iesu ese e hamaorodia, eto, "Lau ese na siaimui lasiva negadia ai, asi emui moni vainadia, eiava kohu uda pusedia, eiava asi emui tamaka, umui na gau ta ai so dabuva, umui be dahaka otomu, a? Bena idia vada, eto, "lasi." ³⁶Bena ia ese e hamaorodiava, eto, "A harihari, ta mai ena vaina, baine abia kau, bona ta mai ena kohu uda pusena danu unu heto. Ta bema asi ena dare ena dabua baine hoidia monidia amo ta baine hoia.³⁷Badina lau ese na hamaoromuimu, ina lau sivaraigu vada e toredia na do bae guguru vaitani. 'Bona ia na kara havara taudia ida vada e duhaidia hebou.'³⁸Bena idia vada eto, 'Lohiabada e, aitaia! Dare ruaosi be ini." Bena ia ese e hereva henidia, eto, "ina na hegeregere."³⁹Bena e raka lasi, vaevae ena kara Olive ororona ma ela, bona ena hahediba danu ia murinai ma e raka. ⁴⁰Harihari una gabu ai vada e kau neganai, ia ese e hanairiduam etim "Ba guriguri, be hedibagani lalona ai basio vareai."⁴¹Bena dekedia amo e raka oho e tahoamu nadina ena moru hegeregerena, bona e hetuitui e guriguriva, eto, "Tamagu e, bema ouramu neganai, ina kehere na egu amo avabia oho. Vadaeni, dia lauegu ura, a emu ura hari baine vara. ⁴²eto, Tamagu e, lalomu bema hegeregere ina kehere na egu amo boma abia oho; to dia lauegu ura, oiemu ura hari.⁴³Bena aneru ta guba amo ienai e kau, ihagoadana totona; ⁴⁴a hisihisi bada ese ia lalona e gugubaia, bena e guriguri, goadagoada ela bona varahuna tano ai e moru, rara komutudia na heto.⁴⁵Ena guriguri amo vada e toreisi negana ai, ema ena hahediba dekedia, bona mahutadia ai e davaridia badina be edia daradoko daidia ai. ⁴⁶Bena ia ese e hamaorodiava, eto, "Dahaka dainai o mahutamu, a? Atore isi bona ba guriguri, be hedibagani lalona ai basio vareai."⁴⁷Ia dounu e herevava lalonai, hutuma vada e gini dae, bona tau ta ladana Iuda, gwauta rua tauna ta, ese e gunalaidiava. Ia vada ema Iesu dekena baine harahua totona, ⁴⁸A Iesu ese vada e hamaoroa, eto, "Iuda e, oi be Taunimanima Natuna taona ba torea haherahu amo, a?⁴⁹Hari Iesu ena hahediba taudia ese dahaka baine vara gauna e itaiava, idia vada eto, "Lohiabada e, dare amo ai alapadia, a ? ⁵⁰Bena padadiai ta ese hahelaga tauna badana ta ena hesiai tauna vada e lapaia, bona taiana idibana e utua-oho. ⁵¹A Iesu vada e haere bona eto, "Ini na asio kara toma!" Bena taiana ai e dau kau, ia ese vada e hanamoa.⁵²Bena Iesu ese idabai-taona ela taudia, hahelaga taudia badadia, dubu helaga biagudia bona hanua taudia badadia vada e hereva henidia, eto, "Lau be tuari ta na gunalaiamu, bena umui vada oma mai daremui bona karevamui ida, a? ⁵³Lau be Dubu Helaga lalonai dina iboudiai umui ida negadiai be imamui ta egu ai se tubuva. A ina na emui hora, bona dibura ena siahu negana.⁵⁴Bena e dabaiatao, idia ese vada e laohaia, bona hahelaga tauna badana ena ruma. A Petero be daudaunai muridiai e raka? ⁵⁵Lahi ta magu bogaragina ai vada e karaia bona iboudiai vada e helai diho, Petero vada padadiai e helai diho.⁵⁶Hari hesiai hahinena ta, lahi diarina ai helaina ai vada e itaia, bona e raraia tarika-tarika, e tomava, "Ina tau danu ia ida." ⁵⁷A Petero vada e hegore, e tomu, "Hahine e, lau na asi dibagu ia." ⁵⁸Nega sisina murina ai taunimanima ta ese vada ma e itaia bona, eto, "Oi danu idia taudia ta." A Petero vada eto, "Tau e, lau na lasi."⁵⁹Hora ta murina ai, taunimanima ta ma dounu e tomava, "Momokani, ina tau danu ia ida, badina ia danu Galileia tauna ta." ⁶⁰A Petero vada eto, "Tau e, lau na asi dibagu oi be dahaka o gwauraimu." Nega tamona, ia do e herevava ai, kokoroku vada e tai.⁶¹Bena Lohiabada e hegiro Petero vada e raraia, bona Petero vada e helaloune Lohiabada ese ia e hereva henia herevadia e lalodia, eto, "Kokoroku do basine tai, oi ese nega toi lau ba goregu.' ⁶²Bena Petero vada e rakalsi, e tai dikadika.⁶³Bena Iesu itataona taudia ese vada e gonagona laia bona e dadabaia ("Bena itataona taudia ese, Iesu vada e gonagona laia bona edadabaiava.") ⁶⁴Idia ese daby ani e tarya-ahu bona vada e nanadaia, eto, "A peroveta laia! Oi be daika ese e kwadimumu, a?" ⁶⁵Idia ese danu hereva dikadia momo e gwaurai heniava, eha dikakaia herea.⁶⁶Hari daba erere neganai, hanua taudia badadia iboudiai e hebou, hahelaga taudia badadia bona itorena taudia ida, bona idia ese vada e hakaua lao edia kansolo vairadia, ⁶⁷etomu, "Bema oi na Keriso, a hamaoromai." A ia ese e hamaorodia, eto, "Bema ba hamaoromuimu, umui ese momokani basio abiadaemu; ⁶⁸bona bema bama nanadaimui, umui na momokani basioma hahere.⁶⁹A ina hari amo ela, Taunimanima Natuna na Dirava siahuna idibana kahana ai baine helai." ⁷⁰Bena idia iboudiai vada, eto,"Una dainai oi be Dirava Natuna, a? Bena ia ese vada e hereva henidia, eto, "Umui vada o gwaumu lau na ia." ⁷¹Bena idia vada, eto "Ita be ma dahaka dainai hahebade tauna ta taura heniamu, a? Badina ita iboudai ese ia sibona uduna amo vada tame kamonai.

Chapter 23

¹Bena hebou taudia iboudiai e tore isi bena Pilato dekena e hakaua lao. ²Idia ese e hebadelaia, "Ai ese ina tau a davaria, emai bese lalodia e animu, bona Kaisara ena tax monina ihenina na e gwaua taomu, bona sibona danu e gwaumu ia na Keriso, pavapava ta."³Bena Pilato ese e nanadaia, eto, "Oi Iudea taudia edia pavapava a?" A Iesu ese e haere henia bena eto, "O ena vada o gwaumu." ⁴Bena Pilato ese hahelaga taudia bona aru taudia, "e hamaorodia eto, "Kerere ta asiname davaria ina tau enai." ⁵To idia na e hereva goadagoada, eto, "ia na ena hahediba herevadia ai Iudea idoinai vada e hahelogo-helogoa bona Galileia amo e hamatama, ema bona ina hanua."⁶Pilato ese una hereva e kamonai, ia ese e nanadaia eto, ina Galileia tauna a? ⁷Bena ia e diba ia na Heroda ena siahu henunai, oi ese o siaia Heroda dekena bae hakaua lao, daika be una negana ai Ierusalema ai.⁸Bena Heroda ese Iesu e itaia, ia na e moale e urava bema itaia badina nega daudau Iesu harina e kamonaiva, bona e urava toa haida ia ese bema kara bena bema ita, ⁹bona hereva diagau e nanadailaia, to Iesu na se haere. ¹⁰Hahelaga taudia bona itorena taudia unuseni ai e gini, ia e habadelaia goadagoada.¹¹Bena Heroda bona ena tuari taudia ese e kirikirilaia bona e gonagonalaia. Dabua namohereana ta e hadokilaia, Pilato dekena ma e siaia lou lao. ¹²Una dina ai Pilato bona Heroda vada e herohemaino heheni, badina gunaguna idia raruosi e heinai heheniva.¹³Bena Pilato ese hahelaga taudia bona hanua lohiadia bona hanua taudia, e boiridia hegogo. ¹⁴Bona e hamaorodia, eto, "Ina tau dekegu o mailai o tomamu taunimanima lalodia e animu, bona aitaia vairamui ai name nanadaia momo, O hahebadelaia herevadia vada name tahu, to enai kerere ta asiname davaria.¹⁵Heroda danu unu heto, una dainai ia ese ma e siaia lou ita dekedai, bona ba itaia, ia ese mase karana ta se karaia. ¹⁶Una dainai lau ese ia, baina dadabaia bena baina ruhaia nege, ¹⁷Badina be vaia ena kara una aria negana ai dibura rumana ai e noho tauna ta baine ruhaia nege.¹⁸A iboudiai e lolo bou, eto, "Ina tau na herevana, to Baraba hari ba henimai!" ¹⁹(Ia na dibura rumana ai e koua badina heatu bona ala-ala hanua lalonai e havara dainai.)²⁰Bena Pilato ese ma e hereva henidia lou, Iesu baine ruhaia nege eto, ²¹to idia ma e lolo, eto, "Ba hasatauroa, ba hasatauroa." ²²Bena nega ihatoina ma e hereva henidia, "eto, Ina tau enai dika be dahaka? Lau na mase badina ta ienai asina davaria. Una dainai baina dadabaia murinai lau ese baina ruhaia nege."²³To idia na e lolo lalo dika, eto, Ba hasatauroa bena idia eredia vada e kwalimu, ²⁴Bena Pilato ese edia ura hegeregerena, e karaia. ²⁵Hari heatu bona ala-ala dainai dibura ruma ai e nohova tauna e ruhaia nege, edia noinoi hegeregerena. A Iesu na e henidia edia ura bae karaia.²⁶Idia ese Iesu e hakaua lasi, bena Simona Kurene tauna ta gunika amo lasina ai e dabaia tao, satauro na ia pagana ai e atoa kau, baine huaia.²⁷Taunimanima hutuma, ia murinai e raka, bona hahine e hebogahisi bona e tai. ²⁸Bena Iesu e gini kerehai, e hereva henidia eto, "Ierusalema hahinemui e, lau taigu asio tai, a sibomui hari ba hetai heheni bona natumui taidia hari ba tai.²⁹Badina ba itaia, negana be maimu baeto, "Gabani hahinedia bona ratadia asie topo hahinedia hari nanamo." ³⁰Una negana ai ororo badadia bae hereva henidia, baeto "A kuremai tao," bona ororo maragidia, bae hamaorodia, baeto a gorumai tao. ³¹Badina be au maurina, ini e karaia tomamu, o kakorona na ede bae tomaia?"³²Kara dika taudia rarua, danu ia ida e hakaudia lasi, bae hasataurodia hebou.³³idia na gabu ta ia e kau, ladana na "Kwara koukouna," unuseni ai e hasatauroa, bona dika taudia danu - ta idibana ai, ta laurina kahana ai, e hasataurodia. ³⁴Bena Iesu e guriguri eto, tamagu e, ina e karaiamu karana na asi dibadia, davadia na basio henidia, bena dabua e hari ta ta ahudia e abi.³⁵Hanua taudia na e gini, e herarai. Bona hanua lohiadia ese e kirikirlaia, eto, ia na idau taudia e hamauridiava, bema ia na Keriso, Dirava ena abihidi tauna, ia na sibona bema hahemauri."³⁶Tuari taudia ese e gonagonalaia, e raka kahira, vine ranuna iditana e duduia dae. ³⁷Bena eto, "bema oi na Iudea taudia edia Pavapava, sibomu ba hahemauri." ³⁸Revareva ta danu e torea, ia daenai e kapaia, eto, Iudea taudia edia Pavapava."³⁹Bena ia ida e hasataurodia hebou taudia ta ese e gonagonalaia, eto, "Oi na dia Keriso a? Sibomu a hahemauri, bona ai danu ba hamaurimai." ⁴⁰A bamona ese e gwau henia, eto, "Oi Dirava garina so garimu a? Oi danu bo masemu, ia hegeregerena. ⁴¹bona ina na maoro, badina ita raruosi baita mase eda kara dika davana. A ina tau na asi ena kerere."⁴²Bena ia eto, "Iesu e, emu basileia bavabia negana ai, ba lalogu." ⁴³Iesu ese e haere henia eto, "Na hamaoromu momokanimu, hari dina ai ita raruosi paradaiso ai baita vareai."⁴⁴Una na dina tubua, bena unu amo ela dina gelona una tano idoinai vada e dibura. ⁴⁵Dina e dibura bona dubu helaga seseahuna na boagaragina amo e hedare parara.⁴⁶Bena Iesu e tai lolo, eto, Tamagu e, laumagu na oi imamu ai na atoamu." unu e gwau toma, bena vada e mase. ⁴⁷Hari tuari biaguna ese una kara e itaia, bena ia ese Dirava e imodaia, eto, momokani ina tau na kara maoromaoro tauna."⁴⁸Herarai taudia hutuma, ese una e vara gaudia e ita, bena kemedia e pata, e lou. ⁴⁹A ia bamona, bona Galileia amo e gavaia hahinedia na dauhai ginidia ai e herarai.⁵⁰A kaunsolo tauna ta ladana Iosepa, tau namona bona kara maoromaoro tauna, e nohova. ⁵¹(Ia na kaunsolo edia henega ai bona edia kara ai na seura) ia na Iudea hanuana ta, ladana Arimatea, tauna, bona ia danu Dirava ena basileia e nariava.⁵²Ia na Pilato dekena ela Iesu tauanina e noia. ⁵³Bena e abia dobi, dabua aukana ai e kumia, bona nadi hagana ai e geia kohuana lalonai e atoa. Una kohuana matamatana, lalonai tau ta do asie guria.⁵⁴Una dina na e hegaegae, bona dina helagana vada e matama. ⁵⁵Bena Galileia amo e gavaia hahinedia na idia muridia amo ela, bona kohua e itaia, bena tauanina unuseni ai e guria danu e itaia. ⁵⁶Bena e lou lao, muramura mai bonadia bona dahudahu murammuradia e abi hegaegae. A Dina Helaga ai e lagani, taravatu dainai.

Chapter 24

¹Daba galuma-galumana ai, pura dina ginigunana ai, idia na gara ela, muramura mai bonadia eabi hegaegae na e laohai. ²Ela negana ai nadi na vada e hekure oho gara amo. ³To e vareai negana ai, idia ese Lohiabada Iesu tauanina asie e davaria.⁴Unu e vara toma dainai, idia na e daradara ina gabu ai, haraga herea, tatau rarua dekedia ai e gini, mai dabua hururu-hururudia ida. ⁵A hahine na e gari bona e goru diho vairadia danu tano ai e kau, tatau ese e hereva henidia eto, "Dahaka dainai mauri tauna mase gabuna ai o tahamu?⁶Ia na dia inisenia ai, a e tore isi! Galileia ai e nohova negana ai e hamaoromui herevana ba laloa, ⁷eto, taunimanima Natuna na dika taudia ediai taona bae torea bona bae hasatauroa, a dina "ihatoina ai baine toreisi lou."⁸Bena hahine ese ena hereva e helaolaia-une, ⁹bona gara amo e lou ela, unu gau iboudiai gwauta-taosi mai bamodia ida edia ai e haripiulaidia. ¹⁰Hahine dia bini: Maria Magadala, Joanna, bona Maria, Iakobo sinana, bona bamodia haida, ini kara Apostolo taudia e hamaorolaidia.¹¹To ini hereva na gori na heto Apostolo taudia ediai, bona hahine na asie abidia dae. ¹²Petero, na ede bamonai, e tore isi, e heau ela gara, bena e igo diho, dabua mo e ita. Bena ela, sibona e lalohadaiva dahaka e vara.¹³Una dina ai, idia raruosi hanua daudau ta baela ladana Emausa, Ierusalema bona una hanua padana na maela (mile) tauratoi sisivana.¹⁴Idia na hari e herevalai gaudia na e herevalai heheniva.¹⁵Bena edia hereva-hereva bona e henandai hehniva lalonai, Iesu na dekedia e raka lao bena idia ida ela. ¹⁶A matadia asie papa asi dibadia ia.¹⁷Bena Iesu ese e hereva henidia eto, umui na dahaka dalai ai o herevalai hehenimu? "Bena idia na e gini vairadia e hua." ¹⁸Bena idia ta ladana na Kleopa, ese e haere henia eto." Oi na Ierusalema ai o loa edeamu bona una dainai hari e vara gaudia na asi dibamu a?"¹⁹Bena Iesu ese e haere henidia eto, "Dahaka gau" Idia eto, "Iesu Nasareta tauna, ia na peroveta tauna ena kara bona ena hereva mai siahudia Dirava vairanai bona taunimanima iboudia ai vairadia ai, ²⁰bena hahelga taudia bona hanua lohiadia ese e revaia mase bona e hasatauroa.²¹A ai banava ato ia na Isaraela edia hahemauri tauna. To latanai ini gau iboudiai na dina toi ai e vara.²²A harihari hahine haida lalomai ai ese e hahoamai, daba matana ai gara ela, ²³bona tauanina asie davaria, e lou ema e tomu aneru haida e itadia e hamaorodia ia na vada e mauri. ²⁴Bena bamomai haida danu ma gara ela hahine edia hereva hegeregerena ai e davaria to asie itaia."²⁵Bena Iesu ese e gwau henidia eto, "Kavakava taumui bona lalo-duhu taumui peroveta taudia edia hereva asio abi daemu! ²⁶Dia maoro a, Keriso unu baine hisihisi toma, bona hairaina baine abia? ²⁷Bena Mose bona peroveta taudia edia buka ai ia sivaraina e tore herevadia iboudia ai anidia ia ese e hadibalaidia.²⁸E lao henia hanuana vada e kahira-kahira, bena ia na baine raka hanai eto. ²⁹To raruosi ese e rua, eto, "baita noho, badina adorahi bona dina vada be dihomu." Bena ia na idia ida ruma ai e dae kau.³⁰Unu e vara toma, tatoisi aniani gabuna ai ege diho, ia ese parao eabia, e hanamoa, bona e bitua, bona raruosi e henidia. ³¹Bena matadia e papa, bona e diba ia, bena vaira dia amo e puki (boio). ³²Bena raruosi e hereva heheni eto, "laloda vada e siahu, dala ai e hereva henida, bona buka helaga anina e hadibalaida.³³Bena idia e tore isi Ierusalema e lou henia, gwauta-taosi mai bamodia ida heboudia ai e davaridia, ³⁴eto, Lohiabada na momokani e toreisi, bona Simona enai e hedinarai." ³⁵Bena idia ese dala ai, e vara gaudia na e hamaorolaidia, bona parao atagana ibituna ai lalodia e parara danu e herevalaia³⁶Edia hereva lalonai, Iesu bogaragidia ai e gini, bena e hereva henidia eto, maino emui ai baine mia. ³⁷A idia na gari ese e butudia tao bona e gari dikadika, banava eto lauma ta e itaia.³⁸Bena Iesu eto, "Dahaka dainai o hekwakwa hanaimu, bona dahaka dainai lalomui daradara ai e honumu. ³⁹Imagu bona aegu ame ita, lau binai. Ame daugu toho bona ba ita. Badina be laulau na asi hidihona bona asi turiana, hari lau o itagumu hegeregerena. ⁴⁰Unu e gwau toma, bena imana bona aena e haheitalaidia.⁴¹Idia na dounu e daradara badina edia moale bona edia hoa daidiai, bena ia ese e nanadaidia eto, "mai amui eiava?" ⁴²Bena idia ese gwarume e gabua gauna taina e henia, ⁴³bena eabia bona e ania idia vairadia ai.⁴⁴Ia ese e hereva henidia eto, "ta noho hebouva negadiai na hamaoromuiva, Mose bona peroveta taudia edia buka ai bona Salamo ai lau sivaraigu e tore gaudia iboudia vada bae momokani."⁴⁵Bena ia ese daradia e keho buka helaga bae lalo-pararalaia, bena e hereva henidia eto, ⁴⁶ini vada e torea toma: Keriso na baine hisihisi, bona baine toreisi lou mase amo dina ihatoina ai; ⁴⁷bona helalo-kerehai bona dika igwautaodia ia ladana tanobada besedia iboudia ai bae harorolaia, Ierusalema amo bae matamaia.⁴⁸Umui na ini gau ihamomokanidia taudia. ⁴⁹Lau ese Tamagu e gwauraia hamata gauna baina siaia latamui ai baine kau. A umui na taoni (city) ai ba noho ela bona atai amo siahu baine diho gauna do bavabia.⁵⁰Bena ia ese e hakaudia lasi ela bona Betania vada e kahi-kahi, bena ima e duduia isi bena e hanamodia. ⁵¹Hari e vara gauna, ena hahenamo lalonai, ia na idia edia amo e heabi oho bena e dae guba ai.⁵²Idia ese e toma henia diho, bena e lou Ierusalema mai moaledia ida, ⁵³bona dubu helaga e loulou henia, Dirava e imodaia.

John

Chapter 1

¹Matamana neganai, una hereva na Dirava ida. Una hereva na Dirava. ²Ia na matamanai Dirava ida/una na matamanai Dirava ida. ³Gau iboudiai na ia ena amo e vara, bema ia lasi neganai gau ta danu basi ema hekara, ini e kara gaudia.⁴Ia enai na mauri, bona una mauri na taunimanima ena diari. ⁵Una diari na e kiam dibura ai, bona dibura ese na se laoa-ahu⁶Tau ta Dirava ese e siaia, una tau ladana na Iaone. ⁷Ia ema na una diari baine hahedinaraia, (ita) iboudai ese baita abiadae, ia ena amo. ⁸Ioane na dia una diari, to ia ema na una diari baine hahedinaraia.⁹Diari mamokanina, una diari na taunimanima iboudiai e henidia, ina tanobadai.¹⁰Ia na tanobada ai bona tanobada danu ia ena amo e hekara. To tanobada na ia na se dibaia. ¹¹Ia na sibona ema, to se abiadae.¹²To momo ese eabiadae, bona ladana e hamomokania, bena ia ese maoro e henidia Dirava natuna ai baela. ¹³Idia na dia rara amo e vara, dia tauani ena ura, dia taunimanima ena ura, to Dirava ena amo.¹⁴Ina hereva na tauani ai vada ela bona ita bogaragidai e nohomu. Hairaina danu ta itaiamu. Ia hairainai vara edeana tamana ena amo ema. Harihari badai e honuhonu dae bona hereva momokani. ¹⁵Ioane ese e hahedinaraia bona e tai, 'egwa, Lau ese na gwauraiamu taunabinai.' Lau murigu ai bainema tauna na lau danu be hereagumu. Ia na lau vairagu ai.¹⁶Ia ena honuhonu dae iboudi ese ta abia, bona ena harihari bada murina, murina ta abiamu. ¹⁷ Taravatu na Mose e henia. Hariharibada bona hereva momokani be Iesu Keriso ena amo ema. ¹⁸Ta ese Dirava na do se itaia, hora ta lalonai. Dirava natuna vara edeana, tamana ohenai, sibona e haripiumu.¹⁹Ina na Ioane ena gwau hedinarai. Iuda taudia ese hahelaga taudia bona Levi oreana, Ierusalema amo e siaidia Ioane bae nanadaia, "Oi be daika?" ²⁰Ia na egwau hedinarai - bona se hegore, to egwau hedinarai - "Launa dia Keriso." ²¹Ba henanadai, "oi be daika? oi be Elia? Ia eto "Lau na dia ia" ma eto "oi be peroveta ta?" ia e haere eto "lasi.²²"Bena idia ese e hamaoroa," Oi be daika be ai emai haere na e siaimai taudia baia henidia? Oi sibomu be dahaka ogwaumu? ²³Ia eto, "Launa gado ta, tano gagaenai e taimu: Lohiabada ena dala ba hamaoromaoroa." Peroveta isaia e hereva hegeregerena.²⁴Hari e siaidia taudia haida be Farisea. ²⁵Bena e nanadaia bona e hereva henia, dahaka dainai o hebapatisomu, A oi be dia Keriso o gwaumu, dia Elia eiava dia peroveta ta.²⁶Ioane e haere eto, Lau na ranu ai na habapatisomuimu, umui bogaragimui ai ta gini, umui asio diba. ²⁷Ia na lau murigu amo ema, lau na dia hegeregere ia ena tamaka varodia baina ruhadia. ²⁸Ini kara na Betania ai e vara, Ioridaena unu kahanai Ioane na bapatiso e karava.²⁹Daba ai Ioane ese Iesu e itaia ia dekena ela, bena e hereva eto, "A itaia, Dirava ena mamoe natuna, ina tanobada ena kara dika be kokidiamu. ³⁰Ina na lau ese na gwauraiamu, lau murigu ai tau ta bema imu, ia na hereadae, ia na lau vairagu ai ema. ³¹Lau na asi dibagu ia, to iana do baine hedinarai Isaraela ediai, lau na ranu ai na bapatisomuimu.³²Ioane egwau hedinarai, Lauma na itaia guba amo e diho ia latanai. ³³Ia na asi na dibaia, to e siaigu launa ranu ai baina bapatiso, bona e hamaorogu eto,' daika o itaia Luma e diho bona ia latanai, tauna bunai, ia na Lauma Helaga ai baine bapatiso. ³⁴Launa na itaia bona na dibaia, ia na Dirava natuna.³⁵Dina matamatanai Ioane na ena hahediba rarua ida gigini. ³⁶Bena e roha lao Iesu e itaia e raka e maiva bena Ioane e hereva Aitaia, Dirava ena mamoe.³⁷Hahediba raruosi e kamonai, Iesu murinai e raka.³⁸Iesu e hegiro e itadia, ia e gavaiava, bena e hereva henidia, umui be dahaka o uramu? E haere henia, "Rabbi (motu gado ai Rabbi na hahediba tauna) oi be ede kahai o nohomu?" ³⁹E hamaorodia aoma baitaia, bena idia na ela ia ena noho gabuna e itaia. Bena ia ida e noho una dinanai. una na hora gwauta (10th hour).⁴⁰Rarua lalona amo ta Ioane e hereva Iesu murinai bae raka, na Anderea, Simona Petero tadikakana. ⁴¹Ia ese tadikakana e davaria guna, Simeona, bena e hamaoroa, ai na Messiah a davaria (motu gado ai na Keriso). ⁴²Bena ia ese e maiaoa Iesu dekena, Iesu ese e itaia bena eto" oi na Simeona, Ioane natuna. Oi na baia gwauraimu kepas (baita hanaiamu na Petero).⁴³Dina ta Iesu e ura bainela Galileia, Filipi ma e davaria, bena e hamaoroa, "murigu ai a raka." ⁴⁴Filipi na Betasaida tauna, Anderea bona Petero, ema hanuana amo. ⁴⁵Filipi ese Nataniela e davaria, e hamaoroa :Mose ese e tore taravatuna bona peroveta dia, ai ese a davaria. Iesu Iosepa natuna Nasareta amo ema.⁴⁶Nataniela ese e hamaora "gau namodia haida Nasareta amo eme vara? Filipi ese e hamaoroa, aoma ba itaia. ⁴⁷Iesu ese Nataniela e itaia ia e mai heniava, bena e herevalaiava, "Aitaia, ia na Isaraela tauna korikori. Ia enai na kerere ta lasi. ⁴⁸Nataniela ese e hamaoroa, ede bamonai o dibagu? Iesu ese e haere henia eto, "guna, Filipi ese do se boirimu, oi suke auna henunai, vada na itamu.⁴⁹Nataniela ese e halou henia, "Rabbi, (hahediba tauna) oi na Dirava natuna. ⁵⁰Iesu ese ma e halou henia, "Badina name hereva henimu, na itamu suke auna henunai,' oi ese o hamomokaniamu? oi ese gau hereadae dia bo itamu, ini daediai. ⁵¹Bena e hamaoroa eto, momokani, momokani na hamaoromumu, guba ba itaia baine hekeho. Dirava ena aneru bae dae bona bae diho taunimanima natuna enai.Translator: Mr. Taru Andrew Kamea. Completed on Friday (30/12/23), time: 10.00 am. Ready for quality checking.

Chapter 2

¹Dina toi murinai, headava ta e karaia Kana Galileia hanauana ta ai, bona Iesu sinana danu unuseni ai. ²Iesu bona ena hahediba ida danu e vavedia, una headava ela.³Vine ranuna e ore, bena Iesu sinana ese e hamaoroa, eto, "Idia na asi edia vine." ⁴A Iesu ese e haere henia, eto, "Hahine e, una be dahaka lau egu ai bona oi emu ai? Egu nega na do se kau." ⁵Bena sinana ese hesiai taudia e hamaorodia, "Dahaka e hamaoromuimu, na ba karaia."⁶Unuseni ai nadi hodudia autauratoi hehelai Iudea taudia edia hahegoeva karadia daidiai ta ta anidia na mita rua - toi sisivana. ⁷Iesu ese e hereva henidia eto, "Ranu hodudia na ranu amo a hahonudia. "Bena e hahonudia dae roha. ⁸Ma e haduadia eto, "Haida a seidia bena ba laohai anibou biaguna dekena. Bena idia ese e laohai.⁹Anibou biaguna ese vine ranuna ai e halaoa ranuna e inua toho, a ia be asi dibana ede amo ema, ranu iseina memero dia sibodiamo mai dibadia. Bena anibou biaguna ese headava matamata tauna e boiria, e hereva henia. ¹⁰Una dainai, iboudiai vine ranuna namo-hereana e nuia diho gunamu bena ia ese e hakekerodiamu murinai vine ranuna mia-namona e nuia dihomu. To ia ese vine ranuna namo-hereana vada o dogoa tao ema bona ina harihari.¹¹Iesu ena toa ginigunana na ini e hahedinaraia toma, Kana, Galileia kahana ai e karaial una amo ia hairiana e hahedinaraia, bona ena hahediba ese e abidadama henia.¹²Una murinai ia mai sinana ida, bona tadina bona ena hahediba ida, e diho ela Kaperanauma ai, unuseni ai dina dia hoho e nohova.¹³Iuda taudia edia Lagau-Hanai Ariana vairadiai e hure negana ai Iesu na Ierusalema ai eha dara dae. ¹⁴Dubu Helaga ai boromakau bona mamoe bona pune ihodia taudia e davaridia, bona moni e senisiva taudia danu helai diai e davaridia.¹⁵Bena hekwadia kwanauna e hatua, iboudiai Dubu Helaga amo e luludia lasi, mamoe bona boromakau danu. Moni e senisi taudia danu edia moni ia ese e bubu-nege, bona edia pata e uhe hebubu. ¹⁶Bena pune ihoidia taudia e gwau henidia eto, Ene na avabi oho, Tamagu ena ruma na hoihoi rumana ai basio halaoa.¹⁷Bena ena hahediba vada e helalo une, Buka Helaga ai ini e torea toma eto, emu ruma iurahenina ese baine hamasegu. ¹⁸Bena Iuda taudia ese e nanadaia eto, Oi ini o kara tomamu anina be dahaka? Emu siahu toana ba henimai. ¹⁹Iesu ese e haere henidia eto, ina Dubu Helaga ba rohoa bena lau ese dina ihatoinai baina haginia lou²⁰Iuda taudia eto, Ina Dubu Helaga na lagani hariahui tauratoi lalonai e haginia bona eha-orea, bena oi ese dina toi murinai ba haginia lou o tomu a? ²¹A ia ese tau-anina Dubu Helaga ida e hahegeregerea. ²²Una dainai ia ese mase amo e tore isi negana ia ena hahediba ese una hereva e helalolai une, ia na unu e gwau toma. Bena idia ese Buka Helaga bona iena hahediba herevadia danu vada e abi dae.²³Iesu Lagau-hanai Ariana dinadia ai Ierusalema ai e nohva negana ai hutuma ese e abiabiraia, e karava toadia e ita daidia. ²⁴A Iesu ese idia se abidadama henidia, badina be ia taunimanima iboudiai mai dibana. ²⁵Bona ta ese taunimanima ta herevana bema hamaorolai na asi badina, badina be taunimanima lalodia vada e diba vaitani.Translator: Ret/Dkh. Mrs. Ori Claudie Kohu. Completed on Tuesday (30/05/23), time: 12.45pm. Ready for quality checking

Chapter 3

¹Hari unuseni ai Farasea tauna ta ladana be Nikodemo, Iuda edia hahekau tauna. ²Ia na hanuaboi ta ai Iesu dekena ela ia e hereva henia eto, "Rabi e, ai dibamai oi na hahediba tauna daika be Dirava ena amo, badina o karamu toada na Dirava ese basine bamoa tauna ese basinema kara diba."³"Iesu e haere bona eto," momokani vaitani na hamaoromuimu, taunimanima ta na basine vara lou, ia na Dirava ena basileia basine itaia." ⁴Nikodemo ese e hamaoroa eto, "Taunimanima na burukana negana ai be ede baine vara lou toma? Ia sinana bogana ai nega iharuana basine vareai lou bena baine vara, ia momokani⁵Iesu e haere eto, "Momokani vaitani na hamaoromumu taunimanima na ranu amo bona lauma, ena amo basinema vara ia na Dirava ena basileia lalonai basinema raka vareai diba, ⁶tauanina ena amo e varamu be tauanina ena, bona lauma ena amo e varamu be lauma ena,⁷na hereva henimu basio hoalaia, 'Oi na ba vara lou! ⁸Lai be ena ura gabuna amo e toamu, bona regena o kamonaiamu to asi dibamu ede amo e maimu eiava ede e laomu. Lauma ena amo e varamu taudia iboudia ai danu unu heto.⁹"Nikodemo e haere bona eto, "Ini gaudia be ede ba vara toma? ¹⁰Iesu ma e haere bona eto, "Oi na Isaraela taudia edia hahediba tauna ta, bona ini gaudia na doini so dibamu a? ¹¹Momokani vaitani na hamaoromumu, ai na dibamai gaudia a herevalaimu, bona ai ita gaudia a gwauraimu, to emai hereva na asio abi daemu.¹²Bema ina tanobada gaudia na herevalai henimumu gaudia aso abi daemu, o guba gaudia baina herevalai henimu gaudia be ede bavabi dae toma? ¹³Tau ta se dae guba ai Taunimanima Natuna sibona mo guba amo e diho.¹⁴Mose ese gaigai tano gagaena ai e piua isi hegeregerena, Taunimanima Natuna danu unu bae piua isi toma, ¹⁵unu amo bae abidadama henia taudia iboudiai ese mauri hanaihanai bae abia.¹⁶Badina be Dirava ese tanobada ini e lalokau henia toma, Natuna vara edeana vada eme heni, bae abidadama henia taudia iboudiai na basie mase a mauri hanaihanai bae abia, ¹⁷Badina be Dirava ese Natuna tanobada e siaia mai na dia tanobada ihahemaoro henina, to tanobada hari ia bagunai do baine mauri. ¹⁸E abidadama henia taudia na se hahemaoro henidiamu to seabidadama henia taudia na idau negai vada e hahemaoro henidia badina be idia ese Dirava natuna vara edeana na se abidadama henia dainai.¹⁹A hahemaoro badina bina. Diari na tanobada vada ema, bona taunimanima ese dibura e ura henia badamu badina be edia kara na didika.²⁰Badina be kara dika taudia iboudiai ese diari e inai heniamu, bona diari se mai heniamu, edia kara bae hedinarai na garina. ²¹Ede heto, kara momokani tauna ese diari emai heniamu, unu amo Dirava lalonai e karamu karadia na bae hedinarai.²²"Unu gau muridiai, Iesu bona ena hahediba Idua tanona ela unuseni ai ia na idia ida e nohova bona e bapatisova." ²³Hari Ioane danu Aenon ai Salim kahana ia e bapatisova badina be ranu na bada unuseniai. Taunimanima na ia dekena e laova bona e bapatisodiava, ²⁴badina be Ioane na dibura rumana ai do se koua ahu negana ai.²⁵Una negana ai gwau tubu e vara Ioane ena hahediba haida bona Iuda tauna ta ida hahegoeva karadia hepapa-ahuahulai. ²⁶Bena idia na Ioane dekena ela bona e hamaoroa eto, "Rabi e, Ioridaena sinavaina unu kahana ai oi idia o nohova, oi ese o herevalaia tauna na vada e hahebaptisomu, bona taunimanima logora na ia dekena e laomu.²⁷"Ioane e haere bona eto," A tau ta gau ta basiema abia ela bona guba amo bema henia. ²⁸Umui sibomui danu mai dibamui lau nato, 'Lau na dia Keriso,' a lau na ia vairanai e siaigu guna!²⁹"Hahine matamatana eabia tauna headava matamata tauna buna, hari headava matamata tauna turana danu e ginimu bona ere e kamonaimu, headava matamata tauna gadona e moalelaiamu. Una dainai, ina lauegu moale vada e guguru. ³⁰Ia na baine bada, a lau be baina maragi.³¹Atai amo, ema tauna na gau iboudiai daediai, tano amo ema tauna na tano tauna bona tano herevadia e gwauraimu. A guba amo ema tauna na gau iboudiai daediai.³²Ia ese e ita bona e kamonai gaudia e gwaurai hedinaraimu a tau ta ese ena hereva se abiadae. ³³A daika ese ena hereva eabia daemu tauna ese Dirava e gwauraimu Dirava na momokani.³⁴Badina be Dirava ese e siaia tauna ese Dirava ena hereva e gwauraiamu. Badina be Dirava ese laumana e henimu neganai dia taidia taidia se henimu, ³⁵Tamana ese Natuna e lalokau heniamu bona gau idoidiai ia imana ai vada e atoa. ³⁶Natuna eabdadama heniamu tauna ese mauri hanaihanai baine abia, A natuna e gwau-ede-ede ese heniamu tauna mauri basine abia. A Dirava ena badu na ia latanai e karamu.RDK LOHIA KOHU ESE E HAGUGURUA, THURSDAY (11/07/24), TIME:5.40 AM

Chapter 4

¹Lohiabada vada e diba Farasea taudia vada e diba Iesu ese hutuma vada e abidia, ena hahediba ai vada e halaodia bona e bapatisodia, a Ioane be gadoidia mo e abidia. ²Gau tamona Iesu ese se bapatisodia, to ena hahediba hari. ³Ia ese Iudea e rakatania, Galileia e lou lao.⁴Ena dala be Samaria tanona amo e raka hanai. ⁵Bona Samaria hanua ta e lasi ladana na Sukara; una hanua na Iakobo ese natuna Iosepa e henia tanona badibadinai.⁶Iakobo ena ranu gurina be unuseni ai. Iesu na tauna e boera laolao dainai bena dinatubua ai ranu gurina badibadinai e helai diho. ⁷Samaria hahinena ta ranu utu ela bena Iesu ese e noia eto ranu kurita taina a henigu. ⁸Badina be ena hahediba na hanua ela aniani bae hoi totona.⁹Hari hane Samaria ese e henia eto, Badina be dahaka oi na Iuda taumu, lau be Samaria hahinegu, ma egu ranu o noimu? Ia unu e gwau toma badina Iuda taudia bona Samaria taudia na asie hetura heheniva. ¹⁰Bena Iesu esee haere henia, eto,"Dirava ena harihari gauna boma diba, bona boma diba ia ese mauri ranuna bema henimu.¹¹Hahine na eto, asi emu tu-dobi gauna, guri danu dobu hari mauri ranuna be ede amo bo abiamu? ¹²Oi ese senemai Iakobo o hereaiamu a? Ia ese ina ranu gurina e henimai, ia ese e inuava natuna verina bona ena boromakau seridia danu e inuva.¹³Iesu ese ma e haere henia eto, Ina ranu bae inua taudia iboudiai na bae ranu mase lou, ¹⁴a lau ese baina heni ranuna baine inua tauna na basine ranu mase ela bona hanaihanai.¹⁵Hari hahine ese e noia, eto, tau e, ena ranu ame henigu, bena basina ma ranu mase lou, bona ranu utu danu ini basinama. ¹⁶Bena Iesu e hamaoroa, eto Aola adavamu a ha boiria raruosi baoma.¹⁷Hahine eto, Lau na asi adavagu. ¹⁸Iese eto, vada o hereva maoromu, o tomamu, "Lau na asi adavagu," badina be adavamu laima vada o abidia, bona harihari o abimu tauna na dia oi adavamu. Emu hereva na momokani.¹⁹Hari hahine eto, Gauka e, lalogu vada eme parara, oi na peroveta tauna. ²⁰Tubumai tamamai na ina ororo ai e toma dihova a umui Iuda taumui na o tomava toma-diho gabuna korikori na Ierusalema ai mo.²¹Iesu eto, egu hereva avabia dae, nega ta be maimu ina ororo ai bona Ierusalema ai danu Tamada basio toma henia diho. ²²Umui Samaria taumui ese o toma diho heniamu Diravana na asi dibamui, a ai be a toma diho heniamu Diravana na dibamai. Badina be ahemauri na Iuda taumai emai amo.²³A nega ta be maimu, harihari vada be kaumu ai bona momokani ai badina be Tamada ese unu bae toma diho henia taudia na e tahudiamu. ²⁴Dirava the Lauma, bona bae toma henia diho taudia ese lauma ai bona momokani ai bae toma henia diho.²⁵Hahine na eto, Lau na dibagu Mesia, (Keriso e gwauraiamu na do bainema) bona bainema neganai ia ese gau iboudiai baine gwaurai hedinarai. ²⁶Iese ese e hamaoroa, eto Tauna bina lau, vada na hereva henimumu.²⁷Una negana ai ena hahediba vada e lou, ia dekenai e kau, bena e hoa badina be ia na hahine ta ida e hereva-herevamu. A ta ese se nanadaia, "Dahaka o tahuamu?" eiava "Dahaka dainai ia ida o hereva-herevamu."²⁸Bena una hahine ese ena hodu e rakatania hanua ela ia ese hanua taudia e hamaorodia eto, ²⁹Aoma, tau ta aitaia, egu kara iboudiai ia ese e hamaorolaigu. Dahaka o tomamu, ia na Keriso eiava? ³⁰Bena idia na hanua amo e aru lasi, ia dekena ela.³¹Una negana ai ena hahediba ese e hamaoroa, eto Rabi e, avaniani. ³²A ia ese e hamaorodia, eto, Lau na mai agu, umui asi dibamui gauna, ³³Bena ena hahediba na sibodia e henanadai heheni, eto, Ta ese ana aniani vada e mailaia eiava?³⁴A Iesu ese e hamaorodia, eto, Agu aniani bunai e siaigu Diravana ena ura baina karaia, iena gaukara baina hagugurua. ³⁵Umui na mai emui hereva ta, ani, o tomamau "Hua hani baela bena uit iutuna negana baine gini dae? A na hamaoromuimu a gaga isi, uma ba ita, anidia vada e lo, iutuna negana hegeregerena. ³⁶Iutuna tauna ese davana e abiamu, bena uma anina e habouamu, mauri hanaihanai gauna. Una dainai, ihadona tauna bona iutuna tauna bae moale hebou.³⁷Badina be vaia e gwauraiamu herevana be momokani ihadona tauna be idau, iutuna tauna danu idau. ³⁸Lau ese na siaimui, asio hekwarahilaia gauna na ba utua haida be vada e hekwarahi umui ese edia hekwarahi anina vada ome abia.³⁹Samaria taudia hutuma una hanua lalonai ese Iesu e abiabiraia. ⁴⁰Una dainai, hari Samaria taudia na ia dekena ela, e noia, dekediai baine noho, ena dina rua unuseni ai e noho.⁴¹Bena ena hereva daidiai hutuma ese e abiabiraia. ⁴²Bena idia ese una hahine e hamaoroa, eto, Ai na dia harihari oiemu hereva dainai asi abiabiraiamua badina be ai sibomai vada ame kamonai bona ame diba, ina na momokani tanobada ihamaurina tauna.⁴³Una dina rua e ore, bena ia na e tore isi Galileia ela. ⁴⁴Iese vada e hereva eto, peroveta tauna na ena hanau korikori taudia ese basie matauraia. ⁴⁵A Galileia ai e lasi negana ai na Galileia taudia ese e abia dae dainai; badina be idia danu una aria ela.⁴⁶Galileia hanuana ta ladana Kana, ai e lasi; una vanegai ranu vine ranuna ai e halaoa gabuna. Lohia ta Kaperanaumai natuna vada e gorerea; ⁴⁷ia e kamonai Iesu na Iudea amo vada ema, Galileia ai vada e kau, bena Iesu dekena ela, e noia, bainela natuna baine hamauria; badina be mero na e mase rea, mase reava.⁴⁸Iesu eto, Umui na toa bona hoa karadia basio ita, umui na basio kamonai. ⁴⁹Hari lohia eto, Lohiabada e, mani aitala, natugu vada be masemu. ⁵⁰Bena Iesu e hamaora etim Aola, natumu vada eha mauri. Una tau ese Iesu ena hereva e abia dae, vada ela.⁵¹Dala amo e laova ai, ena hesiai taudia vada ema; ia ida e hedavari, bena eto, mero na vada e hamauri. ⁵²Bena ia ese e nanadaidia, edena horai tauna vada edai namo, varanai dina tubua kahanai ena gorere siahuna e doko.⁵³Bena tamana na e helaloune, ia ese Iesu e hereva henia horana bunai, bena Iese ese e hamaoroa, eto "Natumu vada eha mauri." Bena ia bona ena ruma taudia iboudiai ese vada e abidadama henia. ⁵⁴Toa iharuana binai, Iesu ese e karaia, Iudea e rakatania Galileia ela negana ai.Translation done by: Ek. Davai Heni on Monday (29/06/23), time: 11.20 pm. Ready for quality checking.

Chapter 5

¹Ini gau muridiai Iudea taudia edia aria ta e karaia, bona Iesu vada e dae lao Ierusalema. ²Ierusalema ai mamoe iduarana badina be digu gohuna ta, Heberu gadodiai ladana be Betesata, bona ia na mai ena ahekerukeru dehedia ima. ³Taunimanima hutuma gogorere, mata kepulu, ae hedairiki eaiva ima heveri, ae heveri taudia unusenai ai hehekure. ⁴Badina be aneru ta vaia e diho loulouva, una gohu e haraivaiava bena ranu iharaivana murinai e turu dae guna tauna ena gorere vada e namova. Gorere idau idau unu e namo tomava.⁵Tau ta na unuseni, ia ena gorere laganina be toi-ahui taurahani. ⁶Bena Iese ese unuseni ai hekurenai e itaia bona gabeamo e diba ia na nega daudau vada unuseniai, ia ese e hamaoroa eto, "Oi ouramu banamo, a?"⁷Gorere tauna ese e haere henia, eto, "Lohiabada e, asi idurugu tauna ta, bema ranu na e lohilohiamu neganai, ia ese baine atogu dobi gohu lalonai. A gohu lalona ai nadihomu neganai, ta da ma vairaguai e dihomu." ⁸Iesu ese e hamaoroa, eto, "Atoreisi, emu geda avabia-isi, bona ba raka."⁹Gorere tauna na e namo taku, bona ena geda eabia-isi bona vada e raka. Una dina be Dina Helagana.¹⁰Una dainai Iudea taudia ese e hanamoa tauna e hamaoroa, eto, "Ina na Dina Helagana bona emu geda o abia loamu na dia maoro." ¹¹A ia ese e haere henidia, eto, "Vada e hanamogu tauna ese e hamaorogu, eto, 'Emu geda avabia-isi bona ba raka."¹²idia ese e nanadaia, eto, "Una be edena tau ese oi e hamaoromu, 'Gau bavabi-isi bona ba raka?" ¹³badina e hanamoa tauna na asi dibana daika badina be Iese vada hehuni ai e raka oho badina hutuma bada unuseniai dainai.¹⁴Gabeamo, Iesu ese tauna vada e davaria dubu lalonai bona e hamaoroa, eto, "Aitaia, oi na vada ome namo! Basio kara dika lou, bona dika badana ta emuai na basine vara.' ¹⁵Ina tau na e raka lasi ela bona Iudea taudia e hamaorodia ia e hanamoa tauna na Iesu.¹⁶Badina be ini gau daidiai Iudea taudia ese Iesu vada e dagedage henia, badina be ini gau na Dina Helaga ai e karadiava. ¹⁷A Iesu ese e haere henidia eto, "Lau Tamagu na e gaukaramu ema hari dina danu, bona lau, danu, na gaukaramu." ¹⁸Badina be ini kara daidiai Iudea taudia ese Iesu e tahuava bae alaia mase badina be ia na dia Dina Helaga taravatuna mo e hamakohiava, a e tomava Dirava na ia sibona Tamana, sibona Dirava ida e hegeregereva dainai.¹⁹Una dainai Iesu e haere bona e hereva henidia, eto, "Momokani vaitani na na hamaoromuimu, Natuna na sibona gau ta se karaiamu, a Tamana e karamu gaudia mo e itamu, badina dahaka Tamana ese e karamu, ini gau na Natuna ese danu e karadiamu." ²⁰Badina Tamana ese Natuna e lalokau heniamu bona ia sibona ese e karamu gaudia iboudiai e haheitalaiamu, bona ia ese kara badadia ini kara daediai ma baine haheitalaia unu amo umui na ba hoa.²¹Badina Tamana ese mase taudia e hatoredia isimu bona mauri e henidiamu, hegeregerena Natuna danu e uraheniamu taudia na mauri baine henidia. ²²Badina Tamana ese danu tau ta se hahemaoro heniamu, a ia ese hahemaoro idoinai vada Natuna e henia. ²³Una dainai taunimanima iboudiai ese Natuna bae matauraia Tamana e matauraiamu hegeregerena. Natuna se matauraiamu tauna ese ia e siaia Tamana se matauraiamu.²⁴Momokani, momokani na hamaoromuimu, egu hereva e kamonaiamu bona lau e siaigu tauna e abiabiraiamu tauna ese mauri hanaihanai vada eabia bona hahemaoro lalonai do basie vareai, ia na vada mase amo e hanai mauri ai.²⁵Momokani, momokani na hamoromuimu, nega na e maimu, bona negana binai, mase taudia ese Dirava Natuna gadona bae kamonai, bona bae kamonai taudia na do bae mauri.²⁶Badina Tamana lalonai mauri e miamu hegeregerena, Natuna danu unu e henia toma mauri ia lalonai baine mia, ²⁷bona Tamana ese Natuna vada maoro e henia hahemaoro gaukarana baine karaia badina be ia na Taunimanima Natuna dainai.²⁸Ina na basio hoa laia, badina nega ta na e maimu, gara ai e nohomu taudia iboudiai ese ia gadona do bae kamonai, ²⁹bona bae raka lasi. E kara namo taudia ese Toreis-lou maurina bae abia, bona e kara dika taudia ese hahemaoro toreisi-louna bae abia.³⁰Sibogu egu amo gau ta basine karaia diba. Na kamonaimu hegeregerena amo, na hahemaoromu, bona egu hahemaoro na maoromaoro badina be lau na dia sibogu egu ura na tahuamu, a e siaigu tauna ena ura mo. ³¹Bema lau na sibogu baina hegwaurai, egu hegwaurai herevadia na dia momokani. ³²Lau na ta ese e gwauraigumu, bona mai dibagu ia ese e gwauraigumu herevadia na momokani.³³Umui na o hesiaiva Ioane dekena baela, bona ia ese hereva momokani e gwauraiva. ³⁴Harihari lau e gwauraigumu herevana na dia taunimanima edia amo. A ini hereva na gwauraimu na umui ihamaurimui. ³⁵Ioane be lamepa ta e hururuva bona e diaraiva, bona umui danu o urava nega taina ia diarinai o moaleva.³⁶A lau e gwauraigumu herevana ese Ioane ena e hereaiamu, badina Tamagu ese e henigu gaukaradia do baine hagugurudia, ini na karamu gaukaradia ese lau e gwauraigumu, Tamagu ese e siaigu. ³⁷Vada e siaigu Tamaguna sibona ese lau e gwauraigumu. Umui ese hora ta a erena do so kamonai bona oromana do so itaia. ³⁸Ena hereva umui lalomui ai na se miamu, badina una e siai tauna, ia na asio abiabiraiamu dainai.³⁹Umui ese Buka Helaga Herevadia o tahumu badina be o tomamu mauri hanaihanai na lalodiai ba davaria, a ini Buka Helaga Herevadia tamodia ese na lau e gwauraigumu, ⁴⁰bona umui na asio uramu dekegu baoma bena mauri bavabia.⁴¹Lau na dia taunimanima edia amo hahenamo na abiamu. ⁴²A lau na mai dibagu umui, Dirava ena lalokau sibomui lalomui ai na lasi.⁴³Lau be Tamagu ladanai vada nama, bona umui ese na so abigudaemu. Bema ta ma bainema sibona ladanai, umui ese bo abia daemu. ⁴⁴Umui ese be ede bavabiabiraigu toma, umui be ta ta sibomui o heimodai hehenimu, a Dirava tamona ena amo e maimu heimodaina be so tahuamu, a?⁴⁵Basi laloa lau sibogu ese baina habadelaimui Tamagu vairanai. Ihabadelaimui tauna na Mose, enai emui helaro vada o atoa. ⁴⁶Badina bema Mose vada o abiabiraia, umui ese lau bavabiabiraigu, badina be ia ese lau sivaraigu vada e torea. ⁴⁷A bema umui ese iena toretore na asio abidaemu, egu hereva be ede bavabidae toma.Translation done by: Mr. Peter English on Wednesday (16/08/23), time: 9.04am. Ready for quality checking.

Chapter 6

¹Ini gau muridiai, Iesu na ela Galileia Gohuna kahana, ladana ta be Tiberia Gohuna. ²Hari hutuma bada danu ia murinai, e raka badina idia ese e itaia toa haida e ita gorere taudia latadiai. ³Iesu na ororo ai e daradae bona unuseni ena hahediba memerodia ida e helai.⁴(Hari Lagau Hanai ariana, Iudea taudia edia aria danu eme kahikahi), ⁵Iesu e gaga-isi neganai, hutuma bada e itadia ia dekena e maiva, ia ese Filipi eha-maroa eto, "Ita be edeseni aniani baita hoi idia na do bae aniani, a? ⁶(A Iesu e hereva na Filipi baine tohoa badina Filipi na vada e diba ia be dahaka do baine kara).⁷Filipi ese e haere henia eto, "Sinahu-rua dinadia penedia hegeregerena aniani gaudia mo baita hoidiamu, basine davanamu ediai bona sisi sisidia mo be animu. ⁸Ena hahediba merona ta ladana Anderea tadina be Simona Petero ese Iesu eha maoroa eto, ⁹"Meromero ta na mai ena parao ima bona gwarume rua, to ini be ede baita karadia tomamu ini taunimanima hutma padadiai, a?¹⁰Iesu eto, "Taunimanima iboudiai ba helaidia diho." (Hari una gabu ai na rei bada herea e vara). Bena taunimanima iboudiai e helai diho bona e duahidia iboudiai daha-ima. ¹¹Bena Iesu ese parao e abi, eha namodia murina e helai taudia iboudiai e henidia. Gwarume rua danu unu hetomana e karaia, aniani na e momo ediai. ¹²Taunimanima na bogadia e kunu neganai ia ese ena hahediba memerodia hamaorodia eto, "Aniani bahudia midia iboudiai na ba gogodia bona taina basine boio.¹³Bena idia ese iboudiai e gogodia bona aniani bahudia na bosea gwauta-rua eha honudia; hari taunimanima ese e ani ore momorudia. ¹⁴Bena taunimanima ese ia e karaia toana e itaia neganai, idia eto, "Ina na momokani peroveta tauna daike be do bainema ina tanobada. ¹⁵Iesu na e diba idia na ia ba dabaia-tao bena edia hanua pavapava ai bae halaoa neganai, ia na idia edia amo e lasi ororo ma e lou henia.¹⁶Hanua e boi neganai, ena hahediba memerodia na e diho davara kahana ela. ¹⁷Idia na vanagi ai e gui, bena davara amo Kaperanauma e lao henia. Gabu vada e dibura to Iesu na idia dekedia do sela. ¹⁸Lai badana ta e toa bona davara hurehure danu e bada.¹⁹Idia na vanagi e baraia, soradia ima eiava tauratoi sisivana ai Iesu e itaia davara kopinai e raka idia dekedia e laova bona iboudiai e gari. ²⁰A ia ese e hamaorodia eto, Ina na lau! Asio gari! ²¹Bena e urava ia bae abiadae vanagi ai, bona nega tamona idia na e lao henia tanonai e gini dae.²²Dina ai, taunimanima hutuma na e gini gohu kahanai idia ese vada e itaia vanagi haida na lasi to vanagi tamona mo to una avanagi tamonai Iesu na se gui, a ena hahediba memero sibodia mo e gui bena e lao siri. ²³Ede bamonai, Tiberia amo vanagi momo ema kahikahi hari ia ese parao Lohibada ese eha namoa bona e anidia gabuna.²⁴Hutuma na hetahu amo e diba Iesu eiava ena hahediba memero na dia unuseni, idia na edia vanagi ai e gui bena ela Kaperanauma Iesu itahuna ela. ²⁵Gohu kahana ai idia ese e davaria murinai, eha maoroa eto, "Hahediba tauna e, edena negai ini oma, a?²⁶Iesu ese e haere henidia eto, "Momokani vaitani na hamaoromuimu, umui ese lau o tahugumu badina dia unu toa o itadia dainai, a badina umui ese unu parao o ani bena bogamui e kunu dainai." ²⁷Aniani e oremu gauna dainai basio gaukara, to aniani e miamu ela bona mauri hanaihanai dainai. Unu na Taunimanima Natuna ese do baine henimui badina be Tamada Dirava ese ia toana eme atoa oi emu ai.²⁸Bena idia ese e nanadaia eto, "Ai be ede baia kara toma bena Dirava ena gaukara do baiama karadia, a? ²⁹Iesu e haere eto, "Dirava ena gaukara binai: e siaia tauna na ba kamonai henia."³⁰Bena idia e henanadai eto, "Dahaka toa ta boma karaia bena ai ese baia itaia bena baia kamonai henimu, a?" "Oi be dahaka bo karamu a? ³¹Ai tamamai na manna e aniva tano gagenai. Vada e torea eto, "Ia ese guba amo aniani parao e heniva bae ani."³²Bena Iesu ese e haere henidia eto, "Momokani vaitani na hamaoromuimu, Dia Mose ese aniani parao e henimuiva guba amo, a lau Tamagu ese aniani parao korikorina eme henimui guba amo.³³"Badina be Dirava ena aniani na guba amo eme diho bona mauri eha-varaiamu ina tanobadai." ³⁴Bena idia ese Iesu e hamaoroa eto, "Lohiabada e, ina aniani na nega iboudiai ba henimai."³⁵Iesu ese e hamaorodia eto, "Lau na mauri anianina, dekegu bainema tauna na do basine hitoloa bona daika lau e kamonai henigumu tauna na do basine ranu mase diba. ³⁶A umui na na hamaoromuiva, una na momokani, umui ese vada ome itagu bona umui ese na asio kamonai henigumu. ³⁷Daidia Tamagu ese e henigumu taudia iboudiai na lau dekegu do baema, bona daika lau dekegu bainema tauna na lau ese do basina tahoa lasi.³⁸Badina be lau na guba amo name diho, dia lau egu ura hari baina karaia. ³⁹Ina na lau e siaigu tauna ena ura, lau na ta basina ha-boioa daidia be lau eme henigu, a lau ese do baina torea-isi nega dokonai. ⁴⁰Badina be ina na Tamagu ena ura, daika ese Natuna baine itaia bona baine kamonai henia taudia iboudiai na mauri hanaihanai do bae abia bona lau ese do baine torea-isi nega dokonai.⁴¹Bena Iudea taudia ese ia ena hereva dainai e maumau henia badina ia eto, "Lau na aniani guba amo name diho." ⁴²Bena idia na e hereva eto, "Ina Iesu na dia Iosepa natuna, ita na mai dibada tamana bona sinana be daidia, a? "Edena dalai ia na harihari e gwaumu, "Lau na guba amo name diha a?⁴³Iesu ese e haere henidia eto, "Ena sibomui padamui ai o maumaumu na aha-dokoa." ⁴⁴Asi tauna ta lau dekegu na basinema ela bona Tamagu daika be lau e siaigu tauna ena amo baine henigu, bona lau ese do baina torea-isi nega dokonai. ⁴⁵Ini na peroveta herevadia vada e torea eto, "Bona taunimanima iboudiai na Dirava ese do baine hadibadibadia." E kamonaidia bona dibadia herevadia Dirava ena amo taudia iboudiai na lau dekegu e maimu.⁴⁶Tau ta ese Tamada na do se itaia, to ia daika be Dirava ena amo - ia ese Tamada vada e itaia. ⁴⁷Momokani vaitani, na hamaoromuimu, e kamonaimu tauna ese mauri hanaihanai do baine abia.⁴⁸Lau na mauri anianina. ⁴⁹Umui tamamui ese manna e aniva tano gagenai bona idia na e mase.⁵⁰Ina aniani na guba amo eme diho, bena unu amo tau ta ese do baine ania na do basine mase. ⁵¹Lau na una mauri anianina guba amo name diho, bema tau ta ese ina aniani baine ania neganai, ia na do baine noho hanaihanai. Lau ese do baina henimui anianina, ina tanobada baine mauri dainai na lau hidiogu.⁵²Bena Iuda taudia na sibodia e hepapa-ahuahu e gwauva, "Ina be edena dala ai ina tau na hidihona baine heni bona baita ania, a? ⁵³Bena Iesu ese e hamaorodia eto, "Momokani vaitani na hamaoromuimu, umui ese Taunimanima Natuna hidihona basio ania bona rarana basio inua neganai umui sibomui ese mauri na basio abia."⁵⁴"Lau hidihogu baine ania bona raragu baine inua tauna na mauri hanaihanai baine abia, bona do baine tore-isi nega dokona ai. ⁵⁵Badina be lau hidihogu na una aniani korikori bona raragu ai na inuna korikorina. ⁵⁶Lau hidihogu baine ania bona raragu baine inua tauna na lau lalogu ai baine noho, bona lau danu ia lalonai."⁵⁷Tamada e maurimu ese vada e siaigu, bona lau na maurimu badina be Tamada dainai, bena daika ese lau hidihogu baine abia, ia danu do baine mauri badina be lau daigu ai. ⁵⁸Ina na mauri anianina guba amo vada eme diho, dia tamamui ese e aniva bena e mase anianina. Ina aniani baine ania tauna na do baine mauri hanaihanai. ⁵⁹Iesu ese ini gau na e herevalaidia synagogue lalodiai eha hedibava negadiai, Kaperanauma ai.⁶⁰Bena ena hahediba momo ia murinai e rakava taudia ese ini hereva e kamonaidia bena eto, "Ia ena hahediba herevadia na auka, daika ese do baine abidia-dae toma, a? ⁶¹Badina be Iesu na sibona e diba vaitani ini hahediba memero edia maumau bena ia ese e hamaorodia eto, "Ini ese eha hekwakwanaimuimu, a?⁶²Bena ina na dahaka, bena umui ese Taunimanima Natuna ba itaia baine dae guba ai guna e nohova gabuna, a? ⁶³Ina na Lauma daika be mauri e havaraiamu hidiho na gau ta se namolaiamu. Ini name herevalai henimui na lauma herevadia, bona idia na e maurimu.⁶⁴A doini umui haida ese in hereva na asio kamonaimu. "Badina be Iesu na matamanai vada e diba daidia be ini hereva na basie kamonaidia bona daika be ia taona do baine tore. ⁶⁵Bena ia eto." Bena una dainai lau ese na hamaoromuimu tau ta lau dekegu basinema ela bona Tamagu ese baine duanaia tauna mo.⁶⁶Badina be una dainai, ena hahediba memero momo na e rakatania bona murinai danu asie raka. ⁶⁷Bena Iesu ese ena hahediba memerodia gwauta ruaosi eha maorodia eto, "Umui danu asio uramu ba raka oho, a? ⁶⁸Simona Petero e haere eto, "Lohiabada e, ai be ma daika dekena baiala, a? Mauri hanaihanai hereva-dia na oi emu ai mo, ⁶⁹ai ese ame kamonaidia bona ama ame diba oi na Dirava ena Helaga Tauna."⁷⁰Iesu ese e hamaorodia eto, "Lau ese umui gwauta-ruaosi na asi na daunaimui bona umui ta na diabolo, a? ⁷¹Ia na Iuda Simona Isakariota natuna, badina be ina na ia gwauta ruaosi padadiai daika be Iesu taona baine torea.Translator: Ret/Dk. Lohia GariCompleted on Thursday (29/05/23), time: 3.45 pm. Ready for quality checking

Chapter 7

¹Ini gau muridiai Iesu na ela Galileia asine ura Iudea lalonai bainela badina Ida taudia be ia ihamasena dalana e tahuava. ²Hari Iudea taudia edia Kalaga Ariana eme hori.³Tadikakana ese e hamaoroa eto, "Ina gabu na ba rakatania, bona Iudea aola bena emu hahediba memerodia ese oi o karamu gaudia na do ba itadia. ⁴Badina tau ta na hehuni ai basine gaukaramu, bema ia sibona na e uramu hutuma ese ba dibaia neganai. Bema oi na ini gau ba karadia sibomu ba hedinarai ina tanobadai.⁵Badina ia tadikakana ese danu ia na asie hamomokaniva. ⁶Una dainai Iesu ese e hamaorodia eto, "Lau egu nega na do asine kau, a emui nega na hora iboudiai e horimu. ⁷Ina tanobada ese umui na asine inai henimuimu, a lau e inai henigumu, badina be lau ese na herevalaia hedinaraimu e karamu karadia na didika.⁸Umui hari una aria ba laohenia, lau na basinala una aria badina egu nega na do asine ginidae. ⁹Ini hereva e gwaurai murinai ia na e noho Galileia ai.¹⁰A ia tadikakana na una aria e laohenia murinai ia danu hehuni ai ela ta na asine diba. ¹¹Hari Iudea taudia be una aria lalonai ia e tahuava bona e tomava, "Ia be edeseni ai a?¹²Hutuma bada na e maumauva ia dainai. Haida eto,"Ia na tau namoa."A haida eto, "Lasi, ia ese taunimanima e hakarohodia roho-rohomu." ¹³To idia ese ia na asie herevalaia badabadava badina be Iudea taudia daidiai e gariva.¹⁴Una aria ena doko e kahiva lalonai, Iesu na dubu helaga ela bena e hahediba matama. ¹⁵Iudea taudia na e hoa bena eto, "Ina tau ese buka helaga herevadia be ede e diba toma badina ia na asi ena diba tauna, a?" ¹⁶Bena Iesu ese e haere henidia eto, Lau egu hahediba herevadia na dia lau egu a lau e siaigu tauna ena amo.¹⁷Bema tau ta na e uramu ia ena ura baine kara, ia ena hahediba herevadia na do baine dibadia una na Dirava ena amo eiava lau sibogu egu hereva. ¹⁸Sibona ena hereva e gwauraimu tauna na sibona hairaina e tahuamu tauna, a daika tau na e siaia tauna ena hairai e tahuamu na tau momokanina bona ia enai na kara kerere-kerere ta lasi ia lalonai.¹⁹"Mose ena taravatu asie henimui, a? A doini taravatu na asio badinamu. "Dahaka dainai umui ese lau iha-masegu daladia o tahumu, a? ²⁰Taunimanima e haere eto, "Oi na lauma dika emu ai. "Daika na oi ihamasemu daladia e tahumu, a?²¹Iesu ese e haere henidia eto, "Lau ese kara ta na karaia bena umui na o hoa una kara dainai." ²²Una dainai Mose ese e peritomemui, (una na dia Mose ena amo a tubumui edia amo) bona tau ta na Dina Helaganai baine peritome.²³Bema tauta na Dina Helagana ai peritome baine abi una na Mose ena taravatu asio hamakohiamu neganai, dahaka dainai lau o badu henigumu badina lau ese tauta na hagoevaia guguru Dina Helagana ai, a? ²⁴Basio hahemaoro emu roharoha dainai, a ba hahemaoro maoromaoro.²⁵Bena haida na Ierusalema amo ema eto, "Ina tauna dia ia hari umui ese o tahuamu do ba hamasea a?" ²⁶Aitaia ia na e hereva hedinaraimu, bona idia na hereva ta asie gwauraimu. Hegunalai taudia na momokani ina tau na Keriso, a?" ²⁷A ita na mai dibada ia be ede amo ema. To Keriso bainema neganai tau ta na basine diba ia be ede amo ema.²⁸Bena Iesu na dubu lalonai e tai lolo, e hahedibava bona e hereva eto, "Umui na mai dibamui lau bona ede amo nama. Lau na dia sibogu nama, a lau e siaigu tauna na momokani, a umui na asi dibamui. ²⁹Lau na mai diabagu ia badina be lau na ia ena amo nama bona ia ese e siaigu.³⁰Una dainai idia na e urava ia bae dabaia tao ta ta imana enai asine kau ia bae abia, badina ena nega do se kau dainai. ³¹A haida una hutuma lalonai ese e hamomokania bena eto, "Keriso do bainema neganai, ia na toa momo do basine kara, ina tau ese eme kara hegeregerena baine kara a?" ³²Farasia taudia na e kamonai taunimanima ese hereva maragi ai Iesu e herevalaiava bena helaga taudia bona Farasia taudia ese dubu gaukara taudia haida e siaidia Iesu bae dabaia tao.³³Bena Iesu eto, "Lau na doini ina hora sisina lalonai, bena bainala e siaigu tauna dekena. ³⁴Umui ese do ba tahugu, to do basio davarigu, bona lau bainala gabuna, umui na do basioma diba.³⁵Iudea taudia na sibodia e hereva heheni eto, "Ina tau be edekaha belaomu bena ita ese na basita davaria dibamu, a?" ³⁶Ina hereva anina be dahaka eto, 'Umui ese ba tahugu do basio davarigu, bona lau bainala gabuna umui na do basioma, a?'³⁷Hari una aria dinana orenai, Iesu na e gini tore bona e tai lolo eto, "Bema tau ta na ranu ese e masea, dekegu ainema lau egu ai ranu baine inu. ³⁸Lau e hamomokanigumu tauna na Buka Helaga ai e torea hegeregerena e gwaumu mauri ranuna sinavaidia na bogana amo baine aru lasi.³⁹A ia ena hereva na Lauma e gwauraiava daidia be ia e hamomokaniamu taudia ese do be eabiamu, badina Lauma na do se heni bona Iesu na una hairai na do se abia.⁴⁰Bena taunimanima haidia ese ini hereva e kamonai neganai, eto, "Momokani ia na peroveta tauna. ⁴¹Haida be eto, "Ina na Keriso". A haida na eto, momokani Keriso na Galileia amo basinema diba, a?" ⁴²Buka Helaga ai asine torea eto, "Keriso na Davida garana amo do bainema bona Betelehema amo, Davida e nohova hanuana a?⁴³Bena taunimanima padadiai haheparara vada e vara, badina be Iesu dainai. ⁴⁴Bena haida na e urava ia ba dabaia-tao to imadia ia enai ta se kau.⁴⁵Bena Itorena taudia bona Farasia taudia ese e siaidia taudia na nanadaidia eto, "Dahaka dainai una tau na asio abia asio o mailaia a?" ⁴⁶E siaidia taudia na e haere eto, "Ia e hereva e herevalaiva daladiai na asie herevalai diba."⁴⁷Bena Farasia taudia ese e haere henidia eto, 'Umui danu ia ena hereva ese basieme hakaumu kerere a?' ⁴⁸Lohia taudia ese eiava Farasia taudia ese ia e abiabiraiamu a?' ⁴⁹A taunimanima hutuma taravatu asi dibadia taudia na eme gwau-tubudia.⁵⁰Nikodemo (Farasia tauna ta Iesu dekena ela) ese e hamaorodia eto, ⁵¹Ita eda taravatu ai taunimanima ta na asine hahemaoro henia gunamu, a ena hereva be do asie hakalaia bona asie dibamu ia be dahaka e kara una unu e torea toma a?" ⁵²idia ese e haere henia eto, Oi danu dia Galileia amo a?" Ba tahua bona ba itaia peroveta tauna ta na Galileia amo ema."⁵³Bena idia na ta ta edia ruma e lou henidia.Translation done by: Ret/Dk. Lohia Gari on Wednesda (16/08/23), time: 7.47am. Ready for quality checking.

Chapter 8

¹Iesu na olive ororona ela. ²Daba matana ai ia na dubu e lou lao, bona taunimanima iboudiai ema, Ia na e helai diho bona e hadibadia. ³Itorena taudia bona Farasea taudia ese hahine ta dekena e laohaia heuda hanai ai e davaria. Idia ese bogaragidia ai e haginia.⁴Bena Iesu e nanadaia eto, "Hahediba tauna e, ina hahinena na heuda-hanaina ai vada a davaria. ⁵Hari ina taravatu lalonai, Mose ese vada e haganimai unu bae kara toma taunimanima dia na nadi ai ba hododia mase; Oi be dahaka o tomamu ia enai?" ⁶Idia na unu e hereva toma na ia bae dibagania bena bae habadelaia, a Iesu na e igo diho bona tano ai e toretore imana kwakikwakina amo.⁷Ida ese e nanadaia loulou, ia na e toreisi bona e hamaorodia, eto, "Umui ta bogaragimui ai asi ena kara dika, ia ese nadi matamana baine tahoa ina hahine baine hodoa." ⁸Bena ma e igo diho, bona tano ai e toretore imana kwakikwakina amo.⁹Idia ese ena hereva e kamonai ai, ta ta amo e raka lasi varaguna amo e matamaia. Bena Iesu sibona mo e noho, hari bogaragiai e gini hahinena ida. ¹⁰Iresu ma e tore isi bona e nanadaia eto, "Hahine e, hari e hahebadelaimu taudia be edeseni ai? Ta ese e hadikamu a? ¹¹Hahine na eto, "Lohiabada e asi tauna," Iesu eto, "Lau ese danu asi na hadikamumu. Aola basio kara dika lou.¹²Bena Iesu ese e haroro henidia, lou eto, "Lau na tanobada diarina, daika murigu ai baine raka tauna na dibura lalonai basine loa, a mauri diarina do baine abia." ¹³Farisea taudia ese e hereva henia eto, "Oi na sibomu o hegwauraimu, emu hegwaurai na dia momokani."¹⁴Iesu e haere bona e hamaorodia eto, "Enabe sibogu na hegwauraimu, to egu hegwaurai na momokani. Badina lau na mai dibagu ede amo nama bona ede bainala danu dibagu, a ede amo nama bona ede bainala umui na asi dibamui. ¹⁵Umui na taunimanima edia hahemaoro dalana ai o hahemaoromu, lau ese ta asi na hahemaoro heniamu. ¹⁶Bema bama hahemaoro, edeheto, egu hahemaoro bema momokani badina lau na dia sibogu, a Tamagu e siaigu tauna ese e bamogumu.¹⁷Emui taravatu ai ini e torea toma taunimanima rarua hereva tamona bae gwauraia hebou una na vada momokani. ¹⁸Lau na sibogu na hegwauraimu, bona Tamagu e siaigu Diravana ese e gwauraigumu.¹⁹Una dainai idia ese e nanadaia eto, "Tamamu be ede seniai?" Iesu e haere eto, 'Umui na asi dibamui lau eiava Tamagu danu asi dibamui, boma diba lau, Tamagu danu boma diba." ²⁰Unu hereva be Iesu ese moni ihabouna gabuna ai e gwaurai, dubu helaga lalonai e hahedibava negana ai, bona tau ta ese se dabaia tao badina be ena nega na do se kau.²¹Iesu ese ma e hereva henidia, eto, "Lau na dauha bainala, bona umui ese ba tahugu bona emui kara dika ai vada ba mase. Ba laomu gabuna, umui na basio mai dibamu." ²²Bena Iuda taudia e henanadai heheni eto, "Ina ia be sibona baine heala a? Una dainai e tomu "Bainala gabuna umu na basioma diba?²³Iesu ese ma hamaorodia eto, "Umui na henu amo, Lau na atai amo. Umui na tanobada taumui; Lau na dia tanobada taugu. ²⁴Una dainai, na hamaoromui nato emui kara dika ai vada ba mase. Badina ela bona umui ese lau bavabiabiraigu, emui kara dika ai vada ba mase.²⁵Bena idia ese una dainai e nanadaia eto, "Oi na daika?" Iesu ese e hamaorodia eto, Lau be dahaka na herevalai henimuiva matamana negana amo. ²⁶Lau na herevamui diagau do baina gwaurai bona baina hahemaoro henimui danu. Gau tamona, e siaigu Diravana na momokani; bona iena amo na kamonai herevadia na tanobada na hamaorolaiamu." ²⁷Idia na lalodia asie parara ia ese Tamana e herevalaiava.²⁸Bena Iesu ma eto, umui ese Taunimanima Natuna ba piua isi negana ai vada ba diba LAU NA IA, bona kara ta danu sibogu asi na karaiamu, a Tamagu ese e hadibagumu hegeregerena ai na herevamu. ²⁹E siaigumu Diravana ese e bamogumu, bona ia ese se rakatanigu, badina be iena ura karadia nega idoidiai na karamu. ³⁰Ini hereva e gwaurai negana ai hutuma ese eabiabiraia.³¹Bena Iesu ese Iuda taudia ia eabiabiraia e hamaorodia eto, umu ese egu hereva ba badinaia bena egu hahediba korikori ai baola, ³²bona hereva momokani danu badibaia, bona hereva momokani ese baine ruhamui nege." ³³Idia na e haere eto, "Ai na Aberahamo garana bona ai na tau ta isiaina asi a laoheni, edeheto oi na o tomu, baia heruha nege?³⁴Iese ese e haere henidia eto, "Momokani, momokani, na hamaoromuimu kara dika taudia na dika ese e guidiamu. A idia na dika isiaina e lao henimu. ³⁵To hesiai tauna na ruma ai se noho hanaihanaimu, natuna hari ruma ai e noho hanaihanaimu. ³⁶Una dainai, bema natu ese baine ruhamui nege, umu na ba heruha nege momokani.³⁷Lau mai dibagu umui na Aberahamo garana, to umui na ouramu bavalagu badina be egu hereva na asio abia daemu. ³⁸Lau na tomu, Tamagu enai na itava gaudia na gwauraimu; una dainai umu ese tamamui enai o kamonaiva gaudia o karamu."³⁹Idia ese e haere henia eto "Ai Tamamai be Aberahamo." Iesu eto, bema umui na Aberahamo natuna, umui na Aberahamo ena kara boma kara. ⁴⁰A harihari ouramu bavalagu hereva momokani Dirava enai na kamonaiva na gwaurai henimuimu taugu. Aberahamo na unu se kara toma. ⁴¹Umui ese tamamui ena kara ba kara. Idia eto, "Ai na dia ariara natudia, ai tamamai na tamona, Dirava mo."⁴²Iesu ma eto, Tamamui bema Dirava umu ese lau boma lalokau henigu, badina be Dirava ena amo nama bona lau binai, badina be lau na sibogu asi nama to ia ese e siaigu. ⁴³Dahaka dainai egu hereva lalomui se pararamu? Ina na badina umui ese egu hereva so kamonaimu. ⁴⁴Umui na tamamui diabolo, ena amo oma, bona ouramu tamamui ena hegahusi karadia ba kara. Ia na matamana amo ala-ala tauna bona hereva momokani se badinaiamu badina be ia lalonai hereva momokani na lasi. Ia na hereva koikoidia e gwauraimu neganai, ena kara korikori na bunai badina ia na koikoi tauna bona koikoi idoidiai tamadia.⁴⁵Doini, badina be hereva momokani na gwauraimu, umui ese na asio abidaemu. ⁴⁶Umui daika ese kara dika vada egu ai o davaria? Bena hereva momokani na herevalaiamu, dahaka dainai asio abigudaemu? ⁴⁷Daika Dirava ena amo ema tauna ese Dirava ena hereva e kamonaiamu, badina be ini gau daidiai umui na asio kamonaimu, badina umui na dia Dirava ena amo oma."⁴⁸Bena Iuda taudia ese e haere henia bona eto, "Emai hereva be dia maoro ato oi na Samaria tauna bona lauma dika ese e bolomu a?" ⁴⁹Iesu e haere eto, "Lau na lauma dika ese se bologu, lau ese Tamagu na matauraiamu, bona umui ese lau asio matauraigumu.⁵⁰To lau ese hairagu asi na tahuamu; ta ese e tahuamu bona hahemaoro e karamu. ⁵¹Momokani, momokani, na hamaoromuimu, bema ta ese egu hereva baine badinaia na basine mase diba." (mase na basine e itaia)⁵²Bena Iuda taudia eto, "Harihari vada ame diba momokani lauma dika ese vada e bolomu, Aberahamo bona peroveta taudia vada e mase; a oi na o tomamu, bema ta ese lau egu hereva baine badina na basine mase diba.' ⁵³Tamada Aberahamo vada e mase, o hereaiamu a? Peroveta taudia danu vada e mase. Oi be daika?"⁵⁴Iese e haere eto, " Bema sibogu bama heimodai, egu heimodai na asi anina, Ina na lau Tamagu ia ese e imodaigumu - umui o tomamu ia na umui emui Dirava. ⁵⁵Umui na asi dibamui ia, a lau be mai dibagu. Bema lau bama toma, 'Lau na asi dibagu ia,' bama koikoi, umui hegeregeremui. Edeheto, lau na mai dibagu bona ena hereva na badinaiamu. ⁵⁶Tamamui Aberahamo na e moaleva lau egu nega baine itaia, bona e itaia mai lalo-namona (moalena) ida."⁵⁷Una dainai Iuda taudia ese e hamaoroa eto, Oi laganimu na do dia imahui, bona oi ese Aberahamo vada o itaia a?" ⁵⁸Iesu ese e hamaorodia eto, "Momokani, momokani, na hamaoromuimu, Aberahamo do sevara lau be vada na nohova." ⁵⁹Bena idia ese nadi eabi ia ba hodoa, a Iesu na e komu bena dubu amo e raka lasi.RDKH. ORI KOHU ESE E HAGUGURUA, DINANA: WED (24/07/24), TIME: 8.00 AM.

Chapter 9

¹Iesu na raka hanaina ai tau ta e itaia matana kepulundia ai e vara. ²Bena ena hahediba ese e nanadaia, eto, Rabi e, daika ena kara dika dainai ina tau matana kepuludia ai e vara? Ia eiava tamana sinana?³Iesu e haere eto, "Dia ina tau eiava tamana sinana edia kara dika dainai, to Dirava ena gaukara siahuna iena amo baine hedinarai. ⁴Lau e siaigu Diravana ena gaukara dinai baita kara hanua baine boi ta basine gaukara diba. ⁵Tanobada ai na nohomu negana ai lau na tanobada diarina.⁶Unu e gwau toma murinai bena tano ai e kanudi, kanudina amo kopukopu e manea, bena mata-kepulu tauna matana e dahu laidia. ⁷Bena e hamaoroa, eto, "Aola Siloama gohuna ai ba huria. (Siloama anina na "siaia"). Una dainai ia na ela e digu, bena e lou ema matana vada e papa.⁸Bena dekena taudia bona vaevae e noi hegameva ai e itaiava taudia e henanadai, eto, Ina na vanegai e helaiva e noi hegameva tauna eiava? ⁹Haida eto, gauna bunai. Ma haida eto, Lasi, ina na ia ida-idana. Ia sibona eto, Lau binai.¹⁰Bena idia ese e nanadaia, eto, Matamu ede e papa toma? ¹¹Ia e haere, eto, Tau ta ladana Iesu, ese kopukopu e manea, matagu e dahudia bena e hamaorogu, eto, "Aola, Siloama gohuna ai ba digu." Nala na ha digu bena matagu vada e papa. ¹²Bena idia ese ma e nanadaia, eto, Ia be edeseni ai? Ia eto, Asi dibagu.¹³Idia ese hari matana e papa tauna na Farasea taudia dekedia e hakaua lao. ¹⁴Iesu ese kopukopu e manea bona una tau matana e hapapa dinana be Dina Helaga. ¹⁵Una dainai, Farasea taudia ese e nanadaia, matana ede e papa toma. Ia eto, Ia ese matagu kopukopu amo e dahu, na huri, bena matagu vada e papa.¹⁶Bena Farasea taudia haida eto, "Ina tau na Dirava ena amo sema badina ia ese Dina Helaga se badinaiamu. "Haida eto, "Ede bamonai kara dika tauna ta ese toa unuhetomadia baine kara? Unu amo edia hegogo vada e haheparara. ¹⁷Bena idia ese mata-kepulu tauna ma e nanadaia lou eto, "Oi matamu na ina tau ese e hapapa oi ese be ede o gwauraia tomamu? Mata-kepulu tauna e haere eto, " Ia na peroveta tauna." ¹⁸Iuda taudia hari tau matana vada e kepulu guna gabeai e papa herevana asie abia dae ela bona idia ese tamana sinana e boiridia.¹⁹Bena tamana sinana e nanadaidia eto, "Ina mero be umu natumui a? Matana kepuluna ai e vara o tomu a? O ede bamonai matana vada e papa? ²⁰Bena tamana sinana e haere eto, "Ai dibamai natumai bina matana kepuludia ai e vara. ²¹To harihari matana ede e papa toma, ai na asi dibamai, bona daika ese matana e hapapa, ai na asi dibamai. A nanadaia, ia na bada. Sibona baine hereva."²²Tamana sinana unu e gwau toma badina Iuda taudia garidia e gari. Badina be Iuda taudia na vada e gwaubou bema tau ta ese baine gwauraia Keriso, ia na dubu amo bae tahoa lasi. ²³Una dainai tamana sinana eto, "Ia na bada, ba nanadaia."²⁴Bena idia ese mata-kepulu tauna nega iharuana ma e boiria lou, bena e nanadaia eto, "Dirava ba heatolaia. Ai na vada dibamai una tau na kara dika tauna." ²⁵Ia e haere eto, "Lau asi dibagu ia na kara dika tauna eiava lasi. Gau tamona dibagu, matagu na kekepulu, to hari eme papa.²⁶Bena idia ese ma e nanadaia lou eto, Ia ese oiemu ai dahaka e karaia?Matamu be ede e hapapa toma? ²⁷Ia e haere, eto, vada na hamaoromui vaitani, to asio kamonaimu! Dahaka dainai umui na o uramu ma kamonai lou? Umui danu iena hahediba ai baola o tomamu a?²⁸Bena idia ese e gwau dika henia eto, "Oi hari iena hahedia, A ai na Mose ena hahediba. ²⁹Ai na dibamai Dirava ese Mose e hereva henia, a una tau be ede amo ema asi dibamai.³⁰Matana e papa tauna ese e haere henidia, eto, lau na name hoa, badina be asi dibamui ia na ede amo ema, a ia ese lau matagu e hapapa. ³¹Ai dibamai Dirava ese kara dika taudia ere dia se kamonaimu, to ena ura karadia e karamu tauna hari erena e kamonaimu.³²Tanobada matamana amo ta ese matana kepuludia ai e vara tauna ta matana e hapapa sivaraina asita kamonai. ³³Bema ina tau na Dirava ena amo basinema mai, ia ese gau ta basinema karaia diba. ³⁴Idia ese e haere henia, bena eto, Oi na kara dika ai o vara, bena oi ese ai o hadibamaimu? Bena e tahoa lasi murimuri ai.³⁵Iesu na e kamonai idia ese vada e lulua lasi dubu amo. Bena Iesu ese e davaria e nanadaia, eto, Oi ese Dirava natuna o abiabiraiamu a?" ³⁶Ia e haere bena eto, ia be daika, Lohiabada e, bena baina abiabiraia?" ³⁷Iesu ese e haere henia eto," Vada ome itaia, bona ia na ina harihari e hereva henimumu." ³⁸Bena ia eto," Lohiabada e, vada name kamonai," bena ia ese e toma henia diho.³⁹Iesu eto, Hahemaoro totona ina tanobada nama una dainai mata-kepulu taudia na mailaidia matadia bae papa bona mata-papa taudia na matadia bae kepulu." ⁴⁰Farasea taudia haida na ia dekenai bena idia ese una hereva e kamonai bena e nanadaia eto, "Ai danu matamai kekepulu a? ⁴¹Iesu ese e haere henidia eto," bema matamui kepulu, asi emui kara kerere, to umui na o tomu, 'Ai na mata-papa taumai,' una dainai emui kerere na mia."Translation done by: Rev. Eiwana Zecharaias on Wednesday (29/08/23), time: 3.30pm. Ready for quality checking.

Chapter 10

¹Momokani vaitani, na hamaoromuimu, tau ta mamoe edia magu ikoukouna amo asine vareaimu, to dala idauna ta amo e vareaimu, una tau na henao bona dadidadi tauna. ²A tau ta ikoukou amo e raka vareaimu tauna na mamoe iregudia tauna.³Ikoukou inarina tauna ese ikoukou e kehoamu ia ena mamoe veridia ese erena e kamonaiamu, ladadia e boiridiamu ia ena bona ia ese eha-kaudia lasimu. ⁴Ena mamoe na eha-kaudia lasimu neganai, ia ese e gunalaidiamu bena ena mamoe seridia na ia murina ai e rakamu badina ia erena na mai dibadia.⁵A idia na idau tauna ta murinai basie raka, a ena amo bae raka-oho, badina ina idau tauna erena na asi dibadia. ⁶Iesu ese sivarai hegeregerena ai e hamaorodia, to idia na asie diba ia be dahaka e gwaurai henidia.⁷Bena Iesu ese ma e hamaorodia lou eto, "Momokani vaitani, na hamaoromuimu lau na una mamoe seridia edia ikoukou.⁸Lau vairagu ai vada ema taudia iboudiai na henao tauna bona dadidadi tauna, to mamoe seridia ese asie kamonai henidia.⁹Lau na ikoukouna. Bena tauta na lau egu amo baine raka vareai, ia na do baine mauri bona egu amo baine raka vareai bona baine raka lasi bona laga-ani do baine davaria. ¹⁰Henao tauna na asine mai kavamu, to e maimu baine henao bona ala-ala, bona hahebuatari totona. Lau na nama bena idia na mauri do bae abia bona mauri bae abia lavadae helaoreana.¹¹Lau na mamoe iregudia tauna. Mamoe iregudia tauna namona ese ena mauri e atoa dihomu ena mamoe seridia dainai. ¹²A hesiai tauna mai davana na dia mamoe iregudia tauna bona unu mamoe seridia na dia ia ena. Una tau na uda sisiana e itaiamu e maimu neganai mamoe na e rakatanidiamu, e heau boiomu bona uda sisiana ese mamoe eha-kaudia ohomu bona eha-karohodia rohorohomu. ¹³Ia na e heau boiomu badina ia na hesiai tauna mai davana bona mamoe na asie regudiamu.¹⁴Lau na mamoe iregudia tauna namona bona mai dibagu idia na lau egu, bona lau egu dainai mai dibadia lau. ¹⁵Unu hetomana danu, Tamagu na mai dibana lau bona lau na mai dibagu Tamagu, bona egu mauri na atoa-dihomu ini mamoe serina daidiai. ¹⁶Lau na mamoe seridia haida danu mai egu, idia na dia ina mamoe maguna ai. Lau ese danu baina mailaidia, idia ese eregu do bae kamonai, bona seri ba tamona bona iregudia tauna danu tamona.¹⁷Una dainai Tamagu ese lau e lalokau henigumu, egu mauri baina atoa-diho bena ma baina abia-lou. ¹⁸Tau ta ese lau egu amo basine abia-oho to sibogu ese baina atoa diho. Egu mauri baina atoa diho maorona na lau egu ai bona baina abia lou maorona na lau egu ai. Ina hahegani na Tamagu ena mo vada na abia.¹⁹Ini hereva daidia Iuda taudia padadiai hahe-parara lou. ²⁰Badina be idia momo na eto, "Ia na lauma dika ta ese e rohea, bona eme kavaia. Dahaka umui ese ina tau o kamonai heniamu, a? ²¹Haida e hereva eto, "Ini na dia lauma dikana ese e rohea tauna ena hereva. Lauma dikana na asi ena diba mata kepulu taudia matadia baine hapapa, ia ese hari ani?"²²Bena Dubu ihahelagana neganai, Ierusalema ai na paraka negana, ²³bona Iesu na dubu lalonai, Solomona ena dehe ai e rakava. ²⁴Bena Iudea taudia ese e ginia-hegege bona e hamaoroa eto, "Oi ese daradara lalonai oha-nohomaimu, ela bona edena nega ba-hadibamai a? Bema oi na Keriso mani a hamaoromai hedinarai."²⁵"Vada na hamaoromui, to umui ese na asio hamomokani. Egu gaukara na Tamagu ladanai na karamu, ini ese e gwauraigu hedinaraimu." ²⁶"To doini umui ese na asio hamomokanigumu. Badina umui na dia lau egu mamoe.²⁷Lau egu mamoe na lau eregu e kamonaimu. Lau na mai dibagu idia bona murigu ai e rakamu. ²⁸"Lau ese mauri hanaihanai na henidiamu, bona momokani idia na do basie mase, bona ta ese basie kokidiamu imagu amo."²⁹Lau Tamagu daika be ia ese idiana lau e henigu na haida iboudiai e hereadia. Tamagu imana amo ta ese basine kokidia oho diba. ³⁰"Lau bona Tamagu na tamona." ³¹Bena Iudea taudia na nadi eabi e urava ia bae hodoa.³²Iesu ese e haere henidia eto, "Lau ese Tamagu ena amo kara namodia momo name haheita-lai henimui. Badina be dahaka ini ededia gaukara amo umui ese lau nadi ai ba hodogu, a? ³³Iudea taudia e haere eto, "Ai na oi baia hodomu na dia ini gaukara namodia dainai, a Dirava o hadikaiamu dainai, bona badina oi na taunimanima mo, sibomu Dirava ai o hegwauraimu.³⁴Iese ese e haere henidia eto, "Emui taravatu ai ini asie torea toma. "Umui na dirava, a? ³⁵Bema ia ese e gwauraidia dirava daima be ina hereva na Dirava ena amo ema (bona hereva helaga na basio hamakohidia), ³⁶umui na vada ia o gwauraiamu daika be Tamana e abia oho bona ina tanobada e siaia mai o gwauraiamu. "Oi na Dirava o hadikaiamu badina lau natomu lau na Dirava Natuna a?³⁷Bema lau na Tamagu ena gaukara asina karadiamu neganai, lau na basio hamomokanigu. ³⁸A, bema lau ese na karadiamu, enabe launa asio hamomokanigumu neganai, ini gaukara na ba hamomokani bena unu amo ba diba bona ba lalo-parara una na Tamagu lau lalogu ai, bona lau na Tamagu lalonai. ³⁹Una dainai idia na e urava ia mo bae dabaia tao lou to ia na idia imadia amo e raka oho.⁴⁰Bena ia na e raka oho ela Ioridaena kahana Ioane e bapatiso matam gabua ela bona unuseni ai e nohova. ⁴¹Taunimanima hutuma danu ia dekena ema, bona idia eto, "Momokani, Ioane na toa ta asine karaia to Ioane ese ina tau e herevalai gaudia iboudiai na momokani. ⁴²Bena unuseni aitaunimanima momo herea ese eha-momokania.Translation done by: Ret/Dk. Lohia Gari on Wednesday (19/07/23), time: 3.45 am. Ready for quality checking.

Chapter 11

¹Hari tau ta ladana Lasaro na vada e gorerea. Ia na Betani hanuana amo, Maria bona kakana Mareta edia hanua. ²Una Maria be muramura mai bonana namona amo Lohiabada e dairia bona huina amo aena e dahudia, ia tadikakana Lasaro vada e gorere.³Bena hahine raruosi ese Iesu boiboina e kara, e tomu, "Lohiabada e, aitaia, emu lalokau tauna vada e gorerea." ⁴A Iesu e kamonai neganai, ia eto, "Ina gorere na dia mase gauna, a ina na Dirava hairaina dainai unu amo Dirava Natuna do bae haheatolaia."⁵Hari Iesu ese Mareta bona tadina Maria bona Lasaro na e lalokau henidiava. ⁶Ia e kamonai Lasaro vada e gorerea neganai, Iesu na momokani dina rua ma e noho una e nohova gabunai.⁷Bena gabeamo, hahediba e hamaorodia, eto, "Iudea ma aita lou lao."⁸Hahediba ese e hamaoroa, eto, "Rabi e, ina harihari Iudea taudia na e uramu oi nadi amo bae hodomu, bona oi ma unu bo lou laomu, a?" ⁹Iesu e haere, eto, "Dina ta ena hora be dia gwauta rua, a? Bema tau ta na dina-horana ai e rakamu, ia na basine hekwakwanaimu, badina be ia na ina tanobada diarina amo e itamu.¹⁰Ede bamona, bema tau ta na hanuaboi ai e rakamu, ia na baine hekwakwanai badina be diari na dia ia lalonai." ¹¹Ini gau e gwaurai, bona gabeamo, (ini gau muridiai) ia ese e hamaorodia eto, "ita turada Lasaro na vada e mahuta, a lau na laomu na ia mahuta amo baina haoa dainai.¹²Una dainai, hahediba ese e hamaoroa, eto, "Lohiabada e, bema ia na vada mahuta, ia na do baine noga." ¹³Hari Iesu ese ena mase e herevalaiava, a idia edia lalohadai ia na mahuta laga-anina e hereva laiava. ¹⁴Una dainai Iesu ese e hamaorodia namonamo, eto, "Lasaro na e mase.¹⁵Lau na, umui daimui ai na moalemu, lau na dia unuseni ai, unu amo umui danu bavabidadama. A aitala ia dekena. ¹⁶Bena Toma, ladana e tomava Hekapa, ese bamona hahediba e hamaorodia, eto, "ita danu aitala, unu amo Iesu ida baita hamase hebou."¹⁷Una dainai, Iesu ema neganai, ia vada e diba Lasaro tau-anina na dina hani gara lalonai e mia. ¹⁸Hari Betani na Ierusalema kahanai, edia daudau na maela rua hegeregerena. ¹⁹Iudea taudia hutuma ema Mareta bona Maria dekedia, taudia ihalodia taihudia e mase dainai. ²⁰Bena Mareta, e kamonai Iesu bainema neganai, vada ela baine hedavari henia, a Maria be ruma lalonai helai.²¹Bena Mareta ese Iesu vada e hamaoroa eto, "Lohiabada e, bema oi na vada iniseni ai, lau taihugu na basinema mase. ²²To ina harihari, lau na mai dibagu oi dahaka Dirava enai bo noiamu, ia ese na be henimumu. ²³Iesu ese e hamaoroa eto, "oi taihumu na baine tore-isi lou."²⁴Mareta ese e hamaoroa eto, "Mai dibagu, ia na do baine toreisi-lou nega dokona toreisi-lou lalonai." ²⁵Iesu ese e hamaoroa eto, "lau na toreisi-lou bona mauri; daika ese lau eabiabiraigumu tauna enabe ia na baine mase, ia na do baine mauri;" ²⁶bona e maurimu bona eabiabiraigumu tauna na basine mase, lasi ona lasi vaitani. Oi ese egu hereva o abidaemu, a?²⁷Ia ese e hamaoroa eto, "Oibe, Lohiabada, na abiadaemu oi na Keriso, Dirava Natuna, tanobada ai do bainema tauna. ²⁸Ia ini e gwautoma murinai, ia na ela bona taihuna Maria mo e boiria hehuni. Ia ese e hamaoroa eto, "Hahediba Tauna na vada ema bona ia na oi e boirimumu."³⁰Iesu na hanua lalonai do se raka vareai a ia na dounu Mareta ida e hedavari gabunai noho. ³¹Bena, Iudea Taudia, ia ida ruma lalonai e nohova bona eha marumaruava taudia, ese Maria e itaia vada e toreisi haraga bona e raka lasi murimuri ai neganai, idia ese vada e gavaia, e tomava gara e laova unuseni ai baine ha tai. ³²Bena Mary na Iesu ela gabuna ai e kau, bona vada e itaia, ia na e hetuitui bona e hamaoroa, eto, "Lohiabada e, bema oi na iniseniai, lau taihugu na basinema mase."³³Una dainai Iesu ese mai taina ida e itaia, bona Iudea Taudia danu mai taidia ida ia ida ema neganai, ia na laumanai lalona emetau bona e lalo hisihisi; ³⁴bena ia eto, "Ia be edeseniai o guria?" Idia ese e hamaoroa, eto, "Lohiabada aoma bona ba itaia. ³⁵Iese vada e taiva.³⁶Bena Iudea Taudia, eto, "Aitaia ena lalokau na bada Lasaro enai!" ³⁷A haida be e tomava, "Ina tau, mata kepulu tauna matana e hapapa, ese ina tau ena mase basine lao-ahu diba danu, a?"³⁸Bena Iesu ma, mai lalona metauna ida, e lou lao gara gabuna. Ina be nadi kohuana ta, nadi ta amo e laoa-ahu. ³⁹Iesu eto, "Nadi na avabia-oho." Mareta, e mase tauna taihuna, ese Iesu e hamaoroa, eto, "Lohiabada e, ia tauna na vada e bodaga, badina ina na vada dina ihahanina. ⁴⁰Iesu ese e hamaoroa, eto, "Lau ese oi asina hamaoromu, bema oi vada o abidadama, oi ese Dirava hairaina do baitaia, ani?⁴¹Bena idia ese nadi vada e abia-oho. Bena Iesu e gagaisi bona eto, "Tamagu e, na hanamomumu badina o kamonai henigumu. ⁴²Vada dibagu oi ese nega iboudiai o kamonai henigumu, a badina be hutuma ese e ginigu hegege dainai, lau na ini nagwau tomamu, badina be idia ese bae hamomokania lau na oi ese o siaigu."⁴³Ini e gwautoma murinai, ia na mai erena badana ida e lolo-isi, eto, "Lasaro e, a raka lasi!" ⁴⁴Mase tauna vada e raka lasi; ia aena bona imana be dabua amo e guidia, bona ia vairana be dabua ta amo e guia, Iesu ese e hamaorodia, eto, "Aruhaia bona a kahua nege."⁴⁵Bena Iudea taudia hutuma unu ema Maria dekena bona Iesu dahaka e kara e itadia, ese ia na abiabiraia. ⁴⁶A haida be ela Farasia Taudia dekedia bona Iesu ese vada e kara gaudia e hamaorolaidia.⁴⁷Bena helaga taudia badadia bona Farasia taudia ese edia kaunsolo e haboudia bona eto, "Ita be dahaka baita karamu? Ina tau ese toa momo e karamu. ⁴⁸Bema ita ese ini bamona baita rakataniamu, taunimanima iboudiai ese be abiabiraiamu, bona Roma taudia be maimu eda gabu bona eda bese ruaosi eda amo be abidia ohomu."⁴⁹Vadaeni, a tau ta bogaragidiai, ladana be Kaiafas, ia be helaga tauna badana una lagani ai, ese e hamaorodia, eto, "Umui na gau ta asi dibamui. ⁵⁰Umui ese na so laloamu emui ai namona na tau ta baine mase taunimanima daidiai, bena bese idoinai na do asine eore.⁵¹Ina hereva e gwaurai na dia ia sibona ena amo. To, una lagani ai, ia na helaga tauna badana dainai, ia na e peroveta Iesu na do baine mase bese dainai; ⁵²bona dia bese mo dainai, a Dirava natuna danu unu e hakarohodia na do baine haboudia orea tamonai. ⁵³Bena una dina amo idia ese Iesu ialana dalana vada e tahua.⁵⁴Una dainai, Iesu vada Iudea besedia bogaragidia asine rakaloava, a una gabu e rakatani tano gagaena badina hanua ta ela ladana Efaraim. Unuseni a e noho ena disciples ida. ⁵⁵Iudea taudia edia Lagau-hanai Ariana do sekau ai, idia na do bae hahegoeva guna dainai.⁵⁶Bena idia ese Iesu e tahua, bona Dubu Helaga lalonai ginidiai e hereva heheni, eto, "Umui be dahaka otomamu? Ia be basine maimu ina aria, a? ⁵⁷Helaga taudia badadia bona Farasia taudia ese hereva e halasia, bema ta e diba Iesu be edeseniai, ia ese baine hamaorodia, bena idia ese do bae dogoa tao.Translation done by: Peter English on Wednesday (16/08/23), time: 12.07pm. Ready for quality checking.

Chapter 12

¹Una dainai, dina tauratoi dounu mimia ela bona Lagau-hanai Ariana, Iesu na Betania ela, Lasaro, vanegai Iesu ese mase amo e hatorea isi tauna, ena hanua bunai.²Bena unuseni ai idia ese adorahi anianina e dabaraia. Ia ana, Mareta ese isiaidia e lao heniva, a Lasaro bona taunimanima haida na Iesu ida ege diho. ³Bena Maria ese muramura mai bonana nadi kiama-kiamana amo e karaia gauna e abia, Iesu aena ruaosi e dairilai, bena huina amo ma e dahu kaukau. Ruma na una muramura bonana namona ese e hahonua⁴A Iuda Isakariota, ena hahediba tauna ta, Iesu taona baine torea tauna, eto, ⁵"Dahaka dainai ina muramura mai bonana se hoihoilaia dollar toi-ahu bema abilai bena ogogami taudia bema harihari henidia?" ⁶Ia unu egwau toma, na dia ogogami taudia e bogadia hisiva dainai, a badina be ia na henao tauna. Ia be moni baegena dekenai bona e udava monidia na e vai henaova.⁷Una dainai Iesu eto, "A rakatania. Vada e abia hegaegaemu, lau igurigu dinana gauna. ⁸Ogogami taudia na nega iboudiai dekemui ai nonoho."⁹Iuda taudia hutuma e kamonai Iesu na unuseni ai, bena una gabu ela, dia Iesu mo dainai, to Lasaro, Iesu ese mase amo e hatorea isi tauna, itana totona. ¹⁰To hahelaga taudia e henega bou, Lasaro danu bae alaia eto; ¹¹badina be ia dainai Iuda hutuma danu e raka ohova, Iesu e abiabiraiava.¹²Daba ai, aria dainai e hegogo taudia hutuma bada vada ela. Bena e kamonai Iesu na Ierusalema ai bainea dara dae, ¹³idia ese reta e abi, ia vairana ela, bena e tai lolo, eto, "Hosanna! Lohiabada ladanai e maimu tauna aita hanamoa, Ia na Isaraela edia pavapava. "¹⁴A Iesu ese doniki natuna ta e davaria bena latanai e helai kau; vada e torea hegeregerena. ¹⁵"Siona natuna kekenina e, asio gari: A itaia, emu pavapava na e maimu, doniki natuna doruna ai e helaimu."¹⁶Ena hahediba na unu hereva anidia asi dibadia una negana ai: a Iesu hairaina e abia negana ai, idia vada e helaloune, ini gau iboudiai na ia dainai vada e tore bona idia danu unu e kara toma.¹⁷Taunimanima hutuma na ia ida e nohova, ia ese Lasaro gara amo e boiria lasi bona mase amo e hatorea isi negana ai, bena idia ese harina e piua. ¹⁸Una dainai hutuma bada ia vairana ela, badina be idia na vada e kamonai ia ese una toa e karaia. ¹⁹Bena Farisea taudia na e hereva heheni, eto, "O itaiamu, umui na o dareremu; a itaia, tanobada idoinai be ia enai vada e taomu."²⁰Aria negana ai toma-diho totona e dara dae taudia haida na Helene taudia. ²¹Idia na Filipo, Betesaida Galileia tauna, dekena ela, e hamaoroa, eto, "Gauka e, ai na a uramu Iesu baia itaia." ²²Filipo na ela Anderea e hamaoroa; bena Aniderea, Filipo ida ela, Iesu e hamaoroa.²³Bena Iesu ese e haere henidia, eto, "Negana vada eme gini dae, Taunimanima Natuna ese hairaina vada baine abia. ²⁴Momokani vaitani na hamaoromuimu, uit nadinadina na tano ai basine moru bona basine mase, ia na sibona baine mia kava; a baine mase, anina badana baine dobi.²⁵Ena mauri e ura heniamu tauna ese mauri baine reaia; a ena mauri ina tanobadai e inai heniamu tauna ese mauri baine abia tao ela bona hanaihanai. ²⁶Tau ta baine ura lau isiaigu baine lao henia, ia ese baine gavagu; bena lau baina noho gabunai na egu hesiai tauna danu baine noho. Bema tau ta ese lau isiaigu baine lao henia, Tamagu ese do baine hanamoa.²⁷Harihari kudougu eme hetaha bona dahaka baina gwaurai? Bainato, "Tamagu e, ina hora amo bame hamaurigu." Badina binai hari ina hora ai vada name kau. ²⁸Tamagu e, ladamu a heatolaia. Bena gado ta guba amo ema, eto, "Vada name heatolaia bona ma baina heatolaia." ²⁹Bena hutuma unuseni ai gigini vada e kamonai bena eto, "guba eme rahua. Ma haida eto, "Aneru ta ese e hereva henia."³⁰Iesu na e haere, eto, "Una gado na dia lau daigu ai, a umui daimui ai. ³¹Harihari ina tanobada na e hahemaoro heniamu: harihari ina tanobada lohiana bae lulua lasi.³²Lau na tanobada ai bae piugu isi, unu amo taunimanima iboudiai lau dekegu ai baina veridia." ³³Ia na unu e gwau toma, ena mase dalana e hahedinaraia.³⁴Bena aru taudia ese e haere henia, eto, "Ai taravatu amo vada a kamonai, Keriso na do baine noho hanaihanai. Badina be dahaka oi na o tomu. 'Taunimanima Natuna bae piua isi?' "Ina Taunimanima Natuna be daika?" ³⁵Iesu eto, "Nega sisina diari na doene dekemui ai, ba raka balaheni diari o abiamu negana ai, dibura ese baine butumui tao na garina. Dibura lalonai e rakamu tauna na e lao heniamu gabuna asi dibana. ³⁶Diari o abiamu neganai, diari bavabiabiraia, diari memeromui ai ba hahelao helaoreana." Iesu na unu e hereva toma, bena e raka oho, e noho hehuni.³⁷Ene be Iesu ese toa diagau vairadia ai e karava, to idia ese asie abiabiraiava. ³⁸Una dainai, Isaia, peroveta tauna, ena hereva vada e momokani, eto, "Lohiabada e, daika ese emai hereva eme abia dae? "Bona Lohiabada imana danu daika enai eme hedinarai?"³⁹Una dainai idia ese asie abiabiraia, badina be Isaia ma eto, ⁴⁰"Ia ese matadia vada e hakepulu, lalodia danu vada e haduhu; matadia amo ba ita na garina. Bona lalodia amo bae diba na garina. Bena bae helalokerehai baina hamauridia na garina.⁴¹Isaia na unu e gwau toma, badina be ia ese Iesu hairaina e itaia, bena e herevalaia. ⁴²Hanua lohiadia hutuma ese e abiabiraia, to asie gwauraia hedinarai, Farisea taudia daidiai; dubu amo bae doridia lasi na garina. ⁴³Badina be taunimanima edia heimodai e ura henia bada, Dirava ena heimodai e ura henia maragi.⁴⁴Bena Iesu e tai lolo, eto,"Lau e abiabiraigumu tauna ese dia lau mo, a e siaigu Diravana danu e abiabiraiamu." ⁴⁵Bona lau e itagumu tauna ese e siaigu Diravana danu e itaiamu.⁴⁶Lau na tanobada vada nama, diari na heto; una dainai e abiabiraigumu taudia iboudiai na dibura lalonai basie noho. ⁴⁷Tau ta ese egu hereva baine kamonai to basine abia dae, lau ese basina hahemaoro henia, badina be lau na dia tanobada ihahemaoro henina a tanobada ihamaurina totona nama.⁴⁸E dadaraigumu bona egu hereva se abi daemu tauna, na mai ena hahemaoro, na gwaurai herevadia ese bae hahemaoro henia dina gabena ai. ⁴⁹Badina dia lau sibogu ese egu hereva asina gwaurai, a Tamagu e siaigu Diravana, ese e haganigu dahaka hereva dahaka hereva baina gwaurai, bona ede baina gwaurai toma. ⁵⁰Lau dibagu danu, ena hereva na mauri hanaihanai, una dainai, egu herevana Tamagu ese e haduagu hegeregerenai vada na gwauraimu.

Chapter 13

¹Lagau-hanai dinana vada eme kahikahi, Iesu dibana ena negana vada eme kau ina tanobada baine rakatania Tamana dekena bainela. Sibona e lalokau henidiava taudia ina tanobadai, danu e lalokau henidiava ela bona dokona. ²Aniani lalonai diabolo ese Iuda Isakariota Simona natuna, lalona vada e ania vaitani Iesu taona do baine torea.³Iesu danu dibana Tamana ese gau idoidiai e henia, ia imana lalonai, bona dibana danu Dirava ena amo ema Dirava dekena ma bainela. ⁴Ia na aniani gabuna amo e tore isi bena ena dabua e kokia (dokia) oho. Bena taoele ta eabia e rioa. ⁵Bena disi ai ranu e seia ena hahediba aedia e huri bena taoele e rioa gauna amo aedia e dahu kaukau.⁶Bena Simona Petero dekena ai e kau, bena Petero ese Iesu e hamaoroa eto, "Lohiabada e, oi na lau aegu ba huria a? ⁷Iesu ese e haere henia eto, "Dahaka na karamu harihari lalomu se pararamu, A gabe amo lalomu do baine parara". ⁸Petero eto, "Aegu na basio huri lasi vaitani." Iesu ese e haere henia eto, "Bema basinama hurimu oi na asi ahumu dekegu ai." ⁹Simona Petero e haere eto, "Lohiabada e, dia aegu mo ba huri, a imagu bona kwaragu danu."¹⁰. Iesu eto, "Vada e digu tauna aena mo baina huri na hegeregere tauna idoinai eme goeva. Umui danu gogoeva to dia iboumui ai. ¹¹(Badina be ia na taona baine torea vada dibana una dainai eto, "Dia iboumui ai gogoeva.?"¹²Iesu ese aedia e huri murina ena hahedoki ma e kokia oho bena e helai diho, e hamaorodia, eto, "Vada na karamui karana anina dibamui a? ¹³Umui ese o gwauraigumu 'hahediba tauna' bona 'Lohiabada,' bona umui na hereva maoromu, badina lau bunai. ¹⁴Benaini lau binai, Lohiabada bona Hahediba, aemui name huri, umu danu aemui do ba hehuri heheni. ¹⁵Badina lau ese hahegeregere ta vada na henimui lau ese na karaiamu karana na umui danu ba kara.¹⁶Momokani vaitani na hamaoromuimu, gaukara merona ese biaguna se hereaiamu, eiava hesiai tauna e siaia tauna se hereaimu. ¹⁷Bema oi na ini gau o dibadiamu, boma kara boma namo. ¹⁸Lau na dia iboumui ai asi na gwauraimuimu; na abidia hidi taudia na dibagu - A buka helaga ai e torea herevana na do baine guguru! eto, "Lau ida na aniani heboumu tauna ese aena gedunai amo e lahagu."¹⁹Harihari ela do se vara gauna na hamaoromui gunamu bema baine vara neganai, na ba diba e gwauraia guna tauna na LAU. ²⁰Momokani vaitanai na hamaoromuimu, egu hesiai tauna e abiadaemu tauna ese lau e abigu daemu, bona lau e abigu daemu tauna ese e siaigu Dirava danu eabia daemu.²¹Iesu unu e gwau toma, bena lalona e hekwarahi eto. "Momokani vaitani, na hamaoromuimu umui ta ese taogu do baine torea." ²²Hahediba na e roha heheni, bena e daradara ia be daika e gwauraiamu.²³A Iesu ena hahediba ta, Iesu ena lalokau, na pata badinai ege diho Iesu ohenai. ²⁴Una dainai Simona Petero na hahediba, baine "nanadaidia e gwauraiamu tauna be daika." ²⁵Bena ia na e mede kerehai Iesu kemena ai e tabe kau eto, "Lohiabada e tauna be daika?"²⁶Iesu eto, Ai na dau dobi aniani taina baina henia be ia. Bena aniani taina e abia vasiahu ai e dau dobi Iuda Isakariota, Simona natuna e henia. ²⁷Iuda ese eabia bena Satana ese e boloa bena Iesu ese e hamaoroa eto, ba karaia gauna na ba karaia haraga.²⁸Aniani ai e ege diho taudia na asi dibadia ia na dahaka dainai unu e kara toma. ²⁹ Haida banava eto Iuda ese moni mauana e nariava dainai Iesu ese vada e hanamoa aria negana ai bae ania gaudia na baine hahoi eiava ogogami taudia baine harihari henidia. ³⁰Una dainai, Iuda ese aniani eabia bena e tore isi e raka lasi. Hanua vada e boi.³¹Iuda e raka lasi murina, Iesu eto, "Harihari Taunimanima Natuna eme heatolaia, Dirava danu vada eme heatolaia ia dainai. ³²Dirava na bae heatolaia ia dainai, bona Dirava ese ia baine heatolaia, ina harihari. ³³Natugu e, nega dia daudau lau umui ida ta nohomu. Umui ese do ba tahugu, a Iuda taudia na hamaorodia hegeregerena, nato "Bainala gabuna na basiola diba," umui danu unu na hamaoromui tomamu.³⁴Hahegani matamatana name henimui, be helalokau heheni, lau ese na lalokau henimuimu hegeregerena, umui danu ba helalokau heheni. ³⁵Unu amo taunimanima iboudiai bae diba umui na lau egu hahediba, bae helalokau heheni dainai.³⁶Simona Petero ese e nanadaia eto Lohiabada e, ede baola? Iesu eto Bainala gabuna na harihari murigu amo basiola, a gabeamo vada baola. ³⁷Petero ese ma e nanadaia, eto, Badina be dahaka ina harihari basina gavamu diba? Egu mauri na oi daimui ai baina atoa diho. ³⁸Iesu eto, Emui mauri na lau daigu ai bavatoa diho a? Momokani vaitani, na hamaoromumu kokoroku do basine tai, oi ese hatoi ba goregu. Translation done by: Mrs. Ori. C. Kohu on Thursday (06/07/23), Time: 05.05 am. Ready for quality checking.

Chapter 14

¹Kudoumui na basie hetaha. Umui ese Dirava bavabidadama henia, lau danu bavabidadama henigu.²Tamagu ena ruma ai noho gabudia na momo herea. A bema lasi negana ai, vada nama hamaoromui, badina lau na ba laomu gabu ta baina hahegaegaea umui emui, ³bema bainala gabu ta baina hahegaegaea umui emui, lau na ma balou maimu bona sibogu ese bainame abimui, unu amo lau edeseni ai umui danu unuseniai.⁴Umui na dibamui lau ba laomu (gabuna) dalana. ⁵Toma ese Iesu e hamaoroa, eto, "Lohiabada e, ai na asi dibamai oi be ede bo laomu, ai dala be ede baia diba toma, a? ⁶Iesu ese e hamaoroa, eto, "Lau na dala, bona hereva momokani, bona mauri; Tamagu dekena baema taudia iboudiai (edia dala na lau) na lau egu amo baema. ⁷Bema lau vada boma dibagu, umui ese Tamagu danu vada boma dibaia. Ina harihari amo ela vada ome dibaia bona ome itaia."⁸Filipi ese Iesu e hamaoroa eto, "Lohiabada e, Tamada a haheita laimai, bona emai ai vada baine hegeregere." ⁹Iesu ese e hamaoroa eto, Lau na umui ida nega daudau tame noho bona umui na dounu so dibamu lau be daika, Filipi? vada e itagumu tauna ese Tamagu vada e itaia. Ede bamona ai oi ma otomu, 'Tamagu a haheita laimai?¹⁰Umui ese so abia daemu lau na Tamagu lalonai bona Tamagu na lau laloguai, a? Na herevalai henimuimu herevadia na dia lau sibogu ese na hereva laimu, a Tamagu lau laloguai e nohomu na ena gaukara e karaiamu. ¹¹Bavabigu dae lau na Tamagu lalonai, bona Tamagu lau laloguai, eiava bavabigudae badina na karamu karadia mo daidiai.¹²Momokani, momokani, na hamaoromuimu, e abigudaemu tauna ese na karamu karadia danu do baine kara, bona ia ese kara badadia ini kara daediai baine karadia badina be lau na Tamagu dekena ba laomu. ¹³Ladagu ai gau iboudiai ba noinoi laidia, lau ese na baina karaia, unu amo Tamagu hairaina baine hedinarai Natuna ena amo. ¹⁴Bema gau ta ladagu ai ba noia, lau ese na baina karaia.¹⁵Bema o lalokau henigumu, egu hahegani ba badinadia, ¹⁶bona lau ese Tamagu baina noia, ia ese Hekaha Tauna ta ma baine henimui bena ia na umui ida ela hanaihanai. ¹⁷Hereva Momokani Laumana. Tanobada ese na basine abiadaemu badina be se itaiamu bona se dibaiamu. A umui na dibamui ia, badina ia na umui ida o nohomu bona ia na lalomui ai.¹⁸Lau ese basina rakatanimui ihareha hetomadia; lau na baina loumai dekemui. ¹⁹Nega kwadogi do mia bona tanobada ese vada basine itagu loumu, a umui ese ba itagu. Badina be lau na maurimu, umui danu ba mauri. ²⁰Una dina ai umui na bo dibamu lau na Tamagu lalona ai, bona umui na lalogu ai, bona lau na umui lalomui ai.²¹Egu hahegani e abia daemu bona e badinamu tauna ese lau e lalokau henigumu, bona e lalokau henigumu tauna na Tamagu ese baine lalokau henia, bona lau ese baina lalokau henia bona ienai do baina hedinarai. ²²Iuda (dia Isakariota) ese Iesu e hamaoroa eto, "Lohiabada e, dahaka dainai oi na ai emai ai do ba hedinarai bona tanobada enai be lasi, a?²³Iesu e haere bona e hamaoroa eto, "Bema tau ta ese e lalokau henigumu, ia ese egu hereva do baine badina. Lau Tamagu ese baine lalokau henia, bona ai na baiama ia dekena bona ia ida baia noho hebou. ²⁴Asine lalokau henigumu tauna ese egu hereva na se badinamu. O kamonaimu herevana na dia lauegu amo a Tamagu e siaigu tauna ena amo.²⁵Lau ese ini hereva vada na hamaoromui, dekemui ai na nohova neganai. ²⁶Vadaeni, Hekaha Tauna - ia na Lauma Helaga Tamagu ese lau ladagu ai baine siaia - ia ese gau iboudiai baine hadibalaimui bona ia ese na hamaoromui herevadia iboudiai do baine hahelalomui-une. ²⁷Maino na emui ai na rakataniamu; egu maino na henimuimu. Lau na dia tanobada e henimu hegeregerena umui na henimuimu. Kudoumui na basie hetaha, bona basio gari.²⁸Vada o kamonai na hamaoromui, nato, 'Lau na ba raka ohomu, bona ma baina loumai dekemui?' Bema umui ese lau o lalokau heniguva, umui na ba moale badina launa na laomu Tamagu dekena, badina Tamagu ese lau na e hereagumu. ²⁹Harihari vada na hamaoromui guna karana do sevarai, unu amo karana bae vara, umui ese na bavabia dae.³⁰Lau na umui ida basina hereva daudaumu, badina ina tanobada lohiana na e maimu. Ia na asi ena gau ta lau egu ai, ³¹a tanobada na baine diba maoro lau ese Tamagu na lalokau heniamu, bona Tamagu ese e haduagumu hegeregerenai na karadiamu. Aita toreisi bona ini amo aitala.Translation done by: Mrs. Boio English on Wednesday (16/08/23), time: 5.46pm. Ready for quality checking.

Chapter 15

¹Lau na vine korikori, bona Tamagu na uma biaguna. ²Do basie huahua rigidia iboudiai ia ese baine abidia oho, bona do bae huahua rigidia iboudiai, ia ese baine abidia bena idia na huahuadia momo ma bae vara.³Umui na vada o goeva badina lau ese vada na hamaoromu hereva dainai. ⁴Lau lalogu ai ba noho, bona lau na umui lalomui ai baina noho. Hegeregerena rigi na basine huahua bema sibona neganai ela bona vine lalonai baine mia, bena unuhetomana umui na do basio huahua ela bona lau lalogy ai ba noho neganai.⁵Lau na vine umui na rigi. Daika lau lalogu ai e nohomu bona lau ia lalonai, ia na huahuana momo do baine vara, badina lau lasi neganai umui na gau ta basio karaia. ⁶Bema tau ta lau lalogu ai se nohomu, ia na do ba tahoa oho rigi hegeregerena bena baine kakoro bona rigi bae haboua lahi lalonai ba tahodia vareai bae aradia ore. ⁷Bema umui na lau laloguai bona bema egu hereva danu umui lalomui ai neganai, dahaka ba noi gaudia iboudiai do baina karaia umui emui ai.⁸Tamagu na ba heatolaia ini daidiai umui huahuamu momo daidiai bona umui na lau egu hahediba memerodia. ⁹Tamagu ese e lalokau henig hegeregerena, lau ese umui danu nalalokau henimuimu. Egu lalokau lalonai ba noho.¹⁰Bema lau egu hahegani ba badinadia, umui na egu lalokau lalonai ba noho, lau ese Tamagu ena hahegani na badinamu hetomana bona ena lalokau lalonai na nohomu. ¹¹Ini gau na vada na hamaoro laimui bona unu amo lau egu moale na umui lalomui ai bona unu amo emui moale na baine guguru.¹²Ina na lauegu hahegani umui na ta ta ba helalokau heheni, lau ese na lalokau henimuimu hegeregerena ai.¹³Tau ta na asi ena lalokau herea daena a ina mo - Una ia ese ena mauri e atoa diho ia turana daidiai.¹⁴Umui na lau turagu veridia, bema umui ese lauegu hahegani gaudia ba karadia neganai. ¹⁵Lau ese umui na asina gwauraimuimu hesiai memerodia, badina be hesiai merona na asi dibana ia biaguna be dahaka e karamu. A lau ese umui na lau turagu ai na gwauraimuimu badina be gau iboudiai lau ese na kamonai herevadia. Tamagu ena amo, lau ese umui vada name hadibalaimui.¹⁶Umui ese lau asio abigu-hidi, a lau ese umui na abimuihidi bona na duanaimui bena unu amo umui na baola bona huahuamui ba vara, bona huahua mui do bae mia. Bena unu amo dahaka gau Tamagu enai ba noi, lau ladagu ai, ia ese baine henimui. ¹⁷Ini gau na hamaoromuimu, bena umui na ta ta ba lalokau heheni.¹⁸Bema ina tanobada ese e inai henimuimu, vada ba diba ina na lau e inai henigu guna umui be gabeai. ¹⁹Bema umui na ina tanobada ena, tanobada ese bema ura henimu ia ena na heto.²⁰Ba helalotao, hereva ta lau ese na hamaoromui nato, "Hesiai merona ta ese biaguna na basine hereaia." Bema idia ese lau e dagedage henigumu, umui danu do bae dagedage henimui, bema idia ese lauegu hereva vada bema badina, umui emui hereva danu ba badina. ²¹A ini gau iboudiai na umui do ba kara henimui, badina lau ladagu dainai, badina be asi dibadia lau be daika ese e siaigu. ²²Bema lau na basinama mai bona basiname hereva badina, idia na basiema kara dika, a harihari idia na asi edia ha-hekora edia kara dika daidiai.²³Lau e inai henigumu tauna ese Tamagu danu e inai heniamu. ²⁴Bema lau ese na basinama karadia, una umui padamu ai na ta ese se karadia, neganai idia na asi edia kara dika, a harihari idia ese eme itaia bena lau bona Tamagu e inai henimaimu. ²⁵A ini na bavara dalanai edia taravatu ai e torea herevana baine momokani, "Idia ese lau e inai henigu asi badinata ai.²⁶Tauhalo Tauna lau ese do baina siaia umui dekemu Tamagu ena amo - Ia na hereva momokani Laumana daika be Tamagu ena amo - bainema, ia ese lau do baine gwauraigu hedinarai. ²⁷A umui danu lau o gwauraigu hedinaraimu badina be umui na lau dekegu ai una matamana ai.Translator: Ret/Dk. Lohia GariCompleted on Thursday (22/06/23), time: 3.45 pm. Ready for quality checking.

Chapter 16

¹Ini gau na vada name herevalai henimui bena umui na basio keto. ²Idia ese synagogue amo do bae tahomui lasi. A hora na e maimu umui do bae alamui mase taudia banava baine lalohadai ina na edia boubou gaukarana ta Dirava ena.³Idia na ini do ba kara toma badina be Tamagu na asi dibadia eiava lau danu. ⁴A lau ese ini gau vada name hamaoromui bena unu amo horana do baine ginidae neganai, umui na ba helalotao ini na hamaomui gaudia. To matamana ai lau ese ini gau na asi na hamaoro-laimui, badina be lau na umu ida nonoho.⁵A harihari, lau na e siaigu tauna dekena balaomu, benaini umui ta ese lau na asio nanadaigu, "Oi be ede bolaomu?" ⁶Benaini ini gau name gwaurai henimui, kudoumui na dara doko ese eme hahonua. ⁷A momokani na hamaoromuimu, ina na emui namo dainai lau na bainala dahu ai. Badina be ema lau na basinala dahuai neganai, Tauhalo Tauna na do basinema umui dekemui.⁸Ia, Tauhalo Tauna, bainema neganai, ia ese tanobada na baine hahedinarai henia kara dika na kerere, bona kara maoromaoro bona hahemaoro baine hahedinarai henia, ⁹ kara dika baine hahedinariaia, badina be lau asie hamomokanigu, ¹⁰bona kara maoromaoro baine hahedinaraia badina be lau na Tamagu dekena balaomu, bona umui ese lau na basio itagu, lou, ¹¹bona hahemaoro bame hahedinaraia badina ina tanobada lohiana na vada eme hahemaoro henia -¹²Lau ese gau momo herea nama hamaorolai henimui to harihari basio lalodia taomu. ¹³A Hereva Momokani, Laumana bainema neganai, ia ese do bain hakaumui hereva momokani ai badina be dia ia sibona ena amo baine herevalaidia. A e kamonaimu herevadia baine gwauraidia, bona vaira ai do bae vara gaudia baine gwauraidia. ¹⁴Ia ese lau do baine heatolaigu, badina be lau egu amo baine abi herevadia na ia ese do baine hamaorolaimui.¹⁵Tamagu enai gau iboudiai na lau egu. Una dainai na hamaoromuimu, Lauma ese lau egu amo baine abidia, bona ia ese do baine hamaoromui. ¹⁶Nega sisina lalonai umui ese lau basio itagumu, bona ma nega sisina lalonai umui ese lau bo itagu loumu.¹⁷Bena ena hesiai memerodia haida na sibodia e henanadai eto, "Ina be dahaka ia na ita eha-maorodamu nega sisina lalonai umui ese lau basio itagumu bona ma nega sisia lalonai umui ese lau bo-itagu loumu bona badina be Tamagu dekena bainala, a?" ¹⁸Una dainai idia e hereva eto, "Ina be dahaka ia e gwaumu, nega sisina lalonai a?" Ai na asi dibamai ia be dahaka e gwauraimu.¹⁹Iesu na e diba edia henanadai bena ia ese ehamaorodia eto, "Ini gau daidiai umu na sibomui o henanadai hehenimu, una lau name gwau herevana. "nega sisina lalonai umui ese lau do basio itagu bona ma nega sisina lalonai umui ese bo itagu lou, a?" ²⁰Momokani vaitani na hamaoromuimu umui na bo taitaimu bona bo rohe-ahumu a ina tanobada na be moalemu. Dara doko ese be hahonumuimu, to emui dara doko na moale gauna ai belaomu. ²¹Rogo-rogo hahinena ta ena mara neganai ia na e hisihisimu, badina ena mara horana dainai a natuna e varamu murinai ena hisihisi na se lalodia taomu badina be natuna e vara ina tanobada moalena dainai²²Bema hari umui na o dara dokomu, a lau ese ma baina itamu lou bena lalomui na do ba moale bona tau ta ese una moale na emui amo basine abia oho. ²³Una dina ai umui na lauegu ai gau ta do basio noia. Momokani vaitani na hamaoromuimu bema umui na Tamagu enai gauta do ba noia lau ladagu ai, ia ese do baine henimui. ²⁴Ema bona ina hari umui ese gauta do asio noia lau ladagu ai. Ba noinoi bona do badavaria unu amo emui moale na do baine guguru.²⁵Ini na hereva hegeregeredia ai name hamaoro - henimui, a horana na e maimu lau ese umui na hereva hegeregerenai na basina hereva henimui, a una gabunai, lau ese Tamagu na hereva hedinaraidia baine hamaoromui.²⁶Una dinana ai umui na lau ladagu ai do ba noinoi bona lau na dia asina gwaumu Tamagu enai umui do baina guriguri - laimui, ²⁷badina Tamagu sibona ese umui na e lalokau henimuimu badina be umui ese lau oha-momokanigumu lau na Tamagu ena amo nama. ²⁸Lau na Tamagu ena amo nama, bona ina tanobada nama. Ma na gwau loumu ina tanobada do baina rakatania bona Tamagu dekena ma bainela.²⁹Ena hahediba memerodia vada e hereva eto, "Aitaia, harihari oi na ome hereva maormaoro bona oi na dia hereva hegeregerdia o herevamu. ³⁰Harihari aina ame diba oi na gau iboudiai na odiba vaitani, bona asi tauna ta oi baine nanadaimu badina be ini gau daidiai ai ese aha-momokaniamu oi na Dirava ena amo oma. ³¹Iesu e haere eto, "Harihari umui ese lau oha-momokanigumu a?"³²Aitaia, horana e maimu bona vada eme ginidae umui iboumui na bo raka ohomu emui hanua bo laomu, umui ese lau sibogu mo bo rakatanigumu. A, lau na dia sibogu badina be Tamagu na lau ida. ³³Ini gau na vada na hamaorolaimui unu amo ba maino lau lalogu ai. Ina tanobadai na noho dika lalodia bo vareaimu, a ba gini auka, lau ese tanobada vada name hadarerea.Translator: Ret/Dk. Lohia GariCompleted on Thursday (22/06/23), time: 3.45 pm. Ready for quality checking.

Chapter 17

¹Iesu ese ini gau e herevalaidia murinai matana e roha dae guba e itaia, eto, "Tamague e, hora vada eme kau, Natumu ba heatolaigu bena Natumu ese baine heatolaimu - ²Badina be oi ese siahu vada o henia ia ese taunimanima iboudia ai baine lohiadia bona o henia taudia iboudia ai na ia ese mauri hanaihanai do baine henidia.³Mauri hanaihanai binai: Idia ese oi Dirava korikori tamona, bae dibamu, bona Iesu Keriso danu oi ese o siaia tauna. ⁴Na heatolaimumu tanobada ai. Egu gaukara o henigu baina kara gaudia vada name hagugurudia. ⁵Harihari, Tamagu e, bae heatolaigu oi hairamu amo na abia tanobada do se hekara negana ai.⁶Tanobada ai o henigu taudia na ladamu vada na hadibalaidia. Idia danu oi emu. ⁷Harihari idia na dibadia vada o henigu gaudia idoidiai na oiemu amo ema, ⁸badina be ohenigu herevadia vada na henidia. Ida ese eabi dae bona e diba momokani lau na oiemu amo nama, bona e hamomokaniamu danu oi ese o siaigu.⁹Idia daidiai na noinoimu, dia tanobada dainai asi na noinoimu. A o henigu taudia daidiai na noinoimu, badina be idia na oiemu. ¹⁰Gau iboudiai lau egu na oiemu, bona oi emu danu lau egu, bona idia edia amo lau hairaigu vada na abia. ¹¹Lau na harihari dia ina tanobada ai, to ini taunimanima hari tanobada ai, a launa na vasimu dekemu. Tamagu Helagana e, vada o henigu taudia na ladamu ai ba dogodia tao bena idia na bae tamona, hegeregerena ita raruosi na tamona.¹²Lau do idia dekedia ai, na dogodia taova oi ladamu ai, o henigu ladana bunai. Na gimadiamu, bona idia ta asi e mase, a e baia tauna mo sibona, buka herevana iha-momokanina. ¹³A harihari ba vasimu dekemu, ini hereva na gwauraimu tanobada ai na egu moale baine guguru lalodiai helaoreana. ¹⁴Emu hereva na vada na henidia, bona tanobada ese vada einai henidia badina idia na dia ina tanobada ena.¹⁵Asina noimumu tanobada ena amo bavabidia oho, A tau dikana ena amo ba hamauridia. ¹⁶Idia na dia ina tanobada ena, hegeregerena lau danu dia ina tanobada ena. ¹⁷Hereva momokani ai ba hahelagadia. Emu hereva na momokani.¹⁸Vada o siaigu tanobada ai hegeregerenai, lau ese danu vada na siaidia tanobada ai. ¹⁹Bona idia daidia ai sibogu name helaga, hegeregerena idia danu hereva momokani ese baine hahelagadia helaoreana.²⁰To dia idia daidiai mo na noinoimu, a eabi-abiraigumu taudia daidiai danu na noinoimu edia hereva amo. ²¹Una dainai iboudia ai na bae tamona, una hegeregerena oi, Tamagu e, oi na lau laloguai bona lau na oi lalomu ai. Unuhetomana idia danu ita lalodai bae noho, unu amo tanobada ese bae abia dae oi ese o siaigu.²²O henigu hairanai, idia danu vada na henidia, una dainai idia na bae tamona, hegeregerena ita raruosi ta tamonamu." ²³Lau na idia lalodiai ai, oi danu lau lalogu ai - una dainai idia na ba hatamondia guguru, bena tanobada na baine diba oi ese vada o siaigu, bona oi ese o ura henidiamu lau o ura henigumu hegeregerea.²⁴Tamagu e, oi ese unu o henigu taudia, lau na uramu lau baina noho gabuna ai idia danu bae noho, bena vada o hengu hairaina idia danu ba itaia, badina be oi ese o ura henigumu tanobada do se karaia negana ai.²⁵Kara maoro-maoro Tamagu e, tanobada na asi dibana oi, A lau be mai dibagu oi; bona idia na dibadia oi ese o siaigu. ²⁶Oi ladamu vada na hadibalaidia, bona ma baina hadibalaidia bena o ura henilaigumu ura-henina na idia lalodia ai baine mia, bona lau danu idia lalodia ai."Translation done by: Ret/Dkh. Ori Claudie Kohu on Friday (28/7/23), time: 2.50 pm. Ready for quality checking.

Chapter 18

¹Iesu na unu hereva e gwaurai murinai, ena hahediba ida e raka lasi Kidron kouranai e hanai, unuseni ai imea ta ai e vareai ena hahediba ida. ²Hari Iuda, taona baine torea tauna, una gabu danu dibana, badina Iesu nega momo ena hahediba ida una gabu na e laova. ³Bena Iuda, ese tuari taudia bona Farasea taudia bona hahelaga taudia edia hesiai taudia e abidia bena uma ela mai lamepadia bona kede bona tuari gaudia danu eabi kau.⁴Bena Iesu, na e diba ienai bae vara gaudia iboudiai, vairadia e raka lao bena e nanadaidia, eto, "Umui be daika o tahuamu?" ⁵Idia e haere, eto, "Iesu tau Nasareta" Iesu ese e haere henidia, eto," Lau oina." A Iuda tao tore tauna danu tuari taudia ida gigini.⁶Iesu unu e hereva toma," "Lau oina," bena idia na e raka muri tano ai e keto. ⁷Bena ma e nanadaidia lou, eto, Umui be daika o tahuamu?" Idia ma eto, "Iesu tau Nasareta."⁸Iesu e haere, eto, Vada na hamoromui lau oi na. Bema umui na lau o tahugumu, idia hari baela." ⁹Unu e gwau toma ena hereva ihamomokanina, eto; "vada o henigu, taudia ta asina reaia."¹⁰Simona Petero, na mai ena dare, bena e veria lasi hahelaga tauna badana ena hesiai tauna taia na idibana e utua oho. Una hesiai tauna ladana be Malako. ¹¹Una dainai, Iesu ese Petero e hereva henia eto, ena dare na iudalaina gauna ai avatoa lou. Kehere na Tamagu ese vada eme henigu, na basina inua a?¹²Bena tuari taudia mai biagudia ida, bona Iuda taudia edia hesiai, taudia ese Iesu e dabaia tao bena e guia.¹³Bena e hakaua lao guna Ana dekena, badina ia na Kaiafa ravana, ia na hahelaga tauna bada una lagani ai. ¹⁴Kaiafa ese Iuda taudia danu vada e hamaorodia guna eto "Tau ta baine mase hanua taudia daidiai ihanamomui gauna bunai."¹⁵A Simona Petero na Iesu e gavaia, bona hahediba ta danu. Una hahediba tauna na hahelaga tauna badana mai dibana, bena ia na Iesu ida hahelaga tauna badana ena ruma maguna lalonai e raka vareai. ¹⁶A Petero na iduara badinai gini murimuri ai. Bena hari hahediba, hahelaga tauna badana idia e manada tauna, e raka lasi ikoukou igimana kekeni e hereva henia bena Petero e hakaua vareai.¹⁷Bena ikoukou igimana kekenina, ese Petero e nanadaia eto, oi na una tau ena hahediba ta ani? Ia e haere eto, "Lau na lasi." ¹⁸Gaukara taudia bona hesiai taudia danu unuseni ai gigini, bena lahi e karaia, paraka dainai, bena e heganava. A Petero danu idia ida gigini e heganava.¹⁹Bena hahelaga tauna badana ese e nanadaia ena hahediba bona iena hahedibadiba herevadia. ²⁰ Iesu e haere, eto, taunimanima iboudiai na hereva henidia hedinaraiva. Nega iboudia ai dubu lalodiai bona Dubu Helaga ai na hahedibava Iuda taudia iboudiai e hebouva gabudia ai asina hereva hehuniva. ²¹Dahaka dainai o nanadaigumu? Egu hereva e kamonaiva taudia na ba nanadaidia idia na dibadia ede na hahediba tomava. A itaia, ini taunimanima dibadia dahaka na herevalaiva.²²Iesu unu e hereva toma, bena hesiai tauna ta ese e pataia, eto, hahelaga tauna badana unu o haere henia tomamu a? ²³Iesu na e haere eto, Bema bama hereva kerere, egu kerere na boma gwauraia hedinarai, a bama hereva maoro dahaka dainai o patagu? ²⁴Bena Ana ese mai iguina ida e siaia lao, Kaiafa hahelaga tauna badana dekena.²⁵Simona Petero na dounu lahi badinai e giniva e heganava. Taunimanima ese e nanadaia eto, oi na iena hahediba ta ani? Ia ma e haere eto, Lau na lasi. ²⁶Hahelaga tauna badana ena hesiai tauna ta, Petero ese taia na e utua oho tauna varavarana, eto, Ia ida imea lalonai asi na itamu a? ²⁷Petero ma e hegore lou, bena kokoroku vada e tai.²⁸Bena idia ese Iesu na Kaiafa ena amo ma e hakaua lao gavana ena ruma. To una na daba matana dainai, idia na gavana ena ruma lalonai na asie raka vareai, badina be idia na e helaga Lagau-hanai ariana bae ania dainai. ²⁹Una dainai, Pilato na e raka lasi dekedia ai eto, "Dahaka dainai ina tau o hahebadelaiamu?" ³⁰Idia ese e haere henia bena eto, Bema ina tau na asi ena kara dika, ai ese basiama maialaia dekemu." Una dainai Pilato ese e hamaorodia eto,³¹Sibomui ese avabia, bena ba hahemaoro henia emui taravatu hegeregerenai, "Iuda taudia eto, ai na asi siahumai tau ta baia alaia mase." ³²Unu amo Iesu ena hereva vada e momokani ede baine mase toma na vada e gwauraia hedinarai.³³Bena Pilato na gavana rumana lalonai ma e raka vareai lou bena Iesu e boiria bena ia ese e hereva henia eto, "Oi na Iuda taudia edia Pavapava a?" ³⁴Iesu e haere, eto, "Sibomu ene o hereva tomamu, eiava haida ese unu e hereva laigu toma?" ³⁵Pilato e haere eto, Be lau na Iuda taugu a? Emu taunimanima korikori bona hahelaga taudia ese dekegu e hakaumu mai. "Dahaka o kara?"³⁶Iesu e haere eto, "Egu basileia na dia ina tanobada gauna, Bema egu basileia na ina tanobada gauna, egu hesiai taudia na bema tuari Iuda taudia imadia amo bema hamaurigu. To harihari egu basileia na dia iniseni ai. ³⁷Pilato eto, Benini oi na hanua ta pavapavana a? Iesu e haere eto, Oi na o gwaumu lau na hanua ta pavapavana. Badina binai launa na vara, ina tanobada vada nama, hereva momokani ibadinana taudia iboudia ai ese lau eregu e kamonaimu.³⁸Pilato eto, hereva momokani be dahaka? Unu e gwau toma, bena ma e raka lasi lou Iuda taudia e hamaorodia eto, Kerere ta ina tau enai asi name davaria, ³⁹to vaevae eda Lagau-hanai Ariana neganai tau ta baina ruhaia nege. Umui be o uramu Iuda taumui emui Pavapava baina ruhaia nege a? ⁴⁰Bena idia na e lolo eto, lasi dia ina tau, to Baraba hari. Una Baraba be dadidadi tauna.

Chapter 19

¹Bena Pilato ese Iesu e abia, e siaia lao, tuari taudia ese e dadabaia. ²Bena idia ese havava gauna ginigini na ia kwarana ai e atoa kau bona dabua kakakakana e hakaralaia. ³Bena e raka kahi, e hamaorodia eto, Iudea taudia edia pavapava e, ba mauri, bena e pataia.⁴Pilato ma e raka lasi, eto, a itaia, vairamui amo name hakaua lasi, ba diba, ia ena amo kerere ta asiname davaria. ⁵Bena Iesu na e raka lasi, havava gauna ginigini na kwaranai bona dabua kakakakana danu tauna ai, bena Pilato eto, Ina tau aitaia. ⁶Hahelaga bona hesiai taudia ese e itaia, bena e lolo eto, Ba hasatauroa, ba hasatauroa, Pilato eto, umui sibomui ese avabia, ba hasatauroa badina be lau ese ina tau enai kara kererena ta asi name davaria.⁷Iuda taudia ese e haere henia eto, ai na mai emai taravatu, emai taravatu dainai baine mase, bona ia na sibona e hegwaurai, e tomava ia na Dirava Natuna. ⁸Pilato na una hereva e kamonai neganai na e badu dikadika. ⁹Gavana ena ruma ai e raka vareai lou, Iesu e nanadaia eto, Ede amo oma? A Iesu na se haere?¹⁰Bena Pilato eto, so hereva henigumu a? Asi dibamu lau na mai siahugu baina ruhamu nege bona baina hasatauromu a? ¹¹Iesu eto, Atai amo siahu basinema henigu, asi emu siahu boma noho, taogu e torea tauna ena dika ese oiemu e hereaiamu.¹²Unu amo Pilato ese Iesu iruha-negena dalana e tahua, a Iuda taudia na e lolo eto, ena tau bo ruhaia negemu, oi na dia Kaisara turana. Bema tau ta e gwaumu ia sibona na hanua ta pavapavana, ia ese Kaisara einai heniamu. ¹³Pilato ese ina hereva e kamonai, bena ia ese Iesu ma e hakaua lasi ia na hahemaoro gabuna ai e helai diho, una gabu ladana na Nadi Dehena, Heberu gadodia ai ladana be 'Gabata.'¹⁴Una be lagau hanai ariana eabia hegaegae dinana, negana be dina tubua, Pilato ese Iudea taudia e hereva henidia eto, A itaia, emui pavapava binai. ¹⁵Bena idia e lolo eto, avabia oho, avabia oho, ba hasatauroa Pilato ese e nanadaia eto, asi emai pavapava ta, Kaisara sibona. ¹⁶Bena Iesu vada e heni, bae hasatauroa, idia ese e abia, e hakaua lao.¹⁷Iesu ese ena satauro e huaia lao, gabu ta ladana, Kwara-Koukou gabuna. Heberu gadodiai ladana na 'Golgota.' ¹⁸Unuseniai idia ese e hasatauroa bona tatau rarua danu ta kahanai, ma ta kahanai.¹⁹Bena Pilato ese revareva e torea satauro dorinai e kapaia kau. E torea revareva na be ina. Iesu tau Nasareta, Iudea taudia edia pavapava. ²⁰Iuda taudia hutuma ese una revareva e duduia Iesu e hasatauroa gabuna bona hanua badana padadia na dia daudau. Una revareva na Heberu, Roma bona Helene gadodiai e torea.²¹Iudea bona hahelaga taudia badadia ese Pilato e hamaoroa Basio torea Iudea taudia edia Pavapava ini ba torea toma, Lau na Iudea taudia edia Pavapava. ²²Pilato e haere eto, vada na torea vaitani.²³Bena hari Iesu e hasatauroa taudia ese Iesu ena dabua eabi, e dare, bena haniosi ta ta ese ahudia eabi. A ena hahedoki se turia gauna idoinai vada e hatua. ²⁴Badina sibodia e hereva heheni eto, basita darea, a mari hari baita karaia bena baita diba daika ese baine abia. Unu amo buka helaga ai e torea herevana vada e momokani, eto, Idia ese egu dabua e hari, egu hahedoki na mari amo e abia. Hari tuari taudia na unu e kara toma.²⁵Satauro badinai Iesu sinana bona Maria Kleopa adavana Maria hane Magadala gigini. ²⁶Iesu ese sinana bona e lalokau henia hahedibana na unuseniai ginidiai e itadia, bena sinana e hereva henia eto, Hahine e, a itaia, natumu be ena. ²⁷Hahediba danu e hereva henia, eto, a itaia, sinamu be ena. Unu muridiai, una hahediba ese ena ruma ai e abia dae.²⁸Unu muridiai, Iesu na vada dibana gau iboudiai vada e hagugurudia, bona buka helaga herevana ihamomokanina laina herevana eto, ranu ese vada eme masegu. ²⁹Hodu auta unuseniai, vine ranuna iditana ai e honu bena puta na una vine ranuna iditana lalonai e urua-utu, au ai e iria kau, bena e duduaia dae uduna ai.³⁰Iesu ese vine ranuna iditana e abia, bena eto, vada eore. Bena kwarana e gelo diho, Laumana e henidae.³¹Una dina be lagau hanai ariana iabi hegaegaena dinana, Bena dina helaga ai mase taudia na satauro ai bae mia garina, badina una dina helagana badana, Iuda taudia ese Pilato e noia, e hasatauro dia taudia aedia bae hakwaidudia bona bae abidia oho. ³²Badina bunai, tuari taudia na ela, tau gunana aena e hakwaidudia, ma iharuana aena danu. Iesu ida e hasatauro dia hebou taudia.³³Bena Iesu ma e lao henia, to e itaia vada e mase vaitani. Una dainai, ia aena asie hakwaidudia.³⁴A tuari tauna ese Iesu ohena e togea, rara bona ranu e lohilohi dobi. ³⁵E itaia tauna ese vada eme gwauraia hedinarai, bona ena herevana momokani Iesu dibana ena hereva na momokani, una dainai vada bavabia dae.³⁶Badina be una kara e vara, buka herevan ihamomokani laina eto, turiana ta asie hakwaidua. ³⁷Ma ta danu eto. Idia ese bae togea tauna na bae raraia.³⁸Unu gau muridiai, Iosepa, Arimatea tauna, Iesu enai e hahediba hehuni Iuda taudia garidia tauna ta ese Pilato e noia, Iesu tauna baine abia oho. ³⁹Nikodemo danu gunaguna hanuaboi ai Iesu dekena ela tauna, muro bona aloe muramuradia e hebulo na e abi kau, metaudia na kilogram toi-ahui sisivana.⁴⁰Bena idia raruosi ese Iesu tauna e abia, dabua aukana mai muramura ida e kumilaia, Iuda taudia edia mase iguridia karadia hegaegaedia. ⁴¹Iesu e hasatauroa gabuna ai be imea ta, bona una imea lalonai na gara matamata ta lalonai mase tauna ta do asie atoa. ⁴²Idia ese Iesu unuseniai e atoa, badina be una dina na lagau hanai ariana iabi hegaegaena dinana, bona una gara na kahira-kahira.Translation done by: Dkh. Konio Kila on Wednesday (16/08/23), time: 7.58pm. Ready for quality checking.

Chapter 20

¹Pura dina gini-gunana ai, Maria, hane magadala, na daba vaburana ai gara ela, bena nadi e itaia gara amo vada e hekei oho. ²Bena e heau lou ela, Simona Petero bona Iesu ese e lalokau henia hahedibana dekedia ela, eto, idia ese Lohiabada na gara amo vada e abia oho, edeseniai e atoa na asi dibamai.³Bena, Petero bona hari hahediba ta e raka lasi, gara e heau lao. ⁴Raruosi e heau hebou, bena hari hahediba ta ese Petero e heautania, iana gara ai e kau guna. ⁵Bena ia na e igo vareail, dabua aukadia e ita, tano ai e heato, a gara lalonai se raka vareai.⁶Simona Petero ese e gavaia, ela gara lalonai e raka vareai. Bena ia ese dabua aukadia e ita, tano ai e heato.⁷Bona dabua danu. Iesu kwarana e kumilaia gauna na dabua aukadia ida asi e heato hebou, a idau gabu ai e heloku.⁸Bena gara ela guna hahedibana na e raka vareai, e ita bona e abi dae. ⁹Badina be idia na buka herevana do asie diba, ia na mase amo baine toreisi lou. ¹⁰Bena hari hahediba na edia ruma e lou heni.¹¹Maria na gara murimurinai mai taina ida e giniva e taiva ai, e igo vareai, gara lalona e itaia. ¹²Bena ia ese aneru rarua mai dabua kurokurodia ida e itadia, Iesu tauna e atoa gabunai: Ta be aena gabunai ma ta be kwarana gabunai hehelai. ¹³Idia ese e hereva henia eto, hahine e, dahaka dainai o taimu? Ia ese e haere henidia eto, egu Lohiabada na e abia oho, bona e atoa gabuna na asi dibagu.¹⁴Unu e gwau toma bena e roha hegiro, Iesu na gininai e itaia, to asi dibana una be Iesu. ¹⁵Iesu ese e nanadaia eto, hahine e dahaka dainai o taimu? Daika o tahuamu? Maria banava eto, ia na uma inarina tauna ta. Bena eto, gauka e, bema oi ese ia tauanina o laohaia gabu ta negana ai, a hamaorogu, bena bainala baina ha abia.¹⁶Iesu, eto, Maria e! Maria na e gini hegiro, eto Raboni! (una hereva anina be hahediba taumu). ¹⁷ Iesu ese e hamaoroa eto, taugu ai do basio dau kau. Badina be tamada dekena do asina dae kau. A varavaragu hari dekedia aola. Ba hamaorodia do aina dae kau tamagu bona tamamui, egu Dirava bona emui Dirava dekenai. ¹⁸Bena Maria, hane magadala, na ela hahediba e hamaorodia eto, Lohiabada na itaia. Bena Iesu ese e herevalai henia herevadia na e hamaorodia.¹⁹Una pura dina gini-gunana hanuaboina ai, hahediba ese edia ruma iduarana e koua ahu, Iuda taudia garidia. Bena Iesu na ela idia bogaragidiai e gini eto, maino avabia. ²⁰Unu e gwau toma, bena imana ruaosi bona ohena danu e haheitalaidia bena hahediba e moale Lohiabada e itaia dainai.²¹Iesu ese ma e hereva henidia eto, maino avabia. Tamada ese e siaigu hegeregerena ai lau ese danu umui baina siaimui. ²²Unu e gwau toma bena e hahoho henidia eto, Lauma Helaga avabia. ²³Edia dika ba gwautao taudia iboudiai na edia dika bae hegwau tao. A edia dika basio gwautao taudia iboudiai na edia dika do bae mia.²⁴Toma, gwauta-rua taudia ta, e nemaia hekapa, idia ida asie hebou Iesu dekedia ela hanuaboina ai. ²⁵Badina, hahediba oredia ese e hamaoroa, eto, ai ese Lohiabada na ame itaia. A Toma eto, bema ikoko berodia ia imana ai basina itamu, imagu kwaki kwakina na basina atoa kaumu. Bona imagu na ia ohena ai basina toia vareaimu negana ai, lau ese basina abia daemu.²⁶Dina taurahani e ore, bena ena hahediba na ruma lalonai ma e heboulou, Toma danu idia ida. Ena be iduara e koua ahu, to Iesu na ela bogaragidiai ma e gini eto, maino avabia. ²⁷Bena ia ese Toma e hereva henia, eto, imamu kwaki-kwakina na atoia mai, lau imagu ba daua toho: Bona ohegu ai imamu danu ba toia vareai, bena basio daradara: bavabiabiraigu.²⁸Toma ese e haere henia, eto, egu Lohiabada, egu Dirava? ²⁹Iesu eto, vada ome itagu dainai o abiabiraigumu, ena be asie itagu to e abiabiraigumu be nanamo.³⁰Toa diagau Iesu ese ma e kara, ena hahediba: A idia na ina buka lalonai asi e tore guguru. ³¹A ini hidaosi mo vada e tore, umui ese bavabia dae Iesu na Keriso, Dirava Natuna bena bavabiabiraia mauri bavabia ia ladana ai.Translation done and completed by Dk. Karoho Kila on 15/05/23, Time: 10.35 pm

Chapter 21

¹Una gaudia murudiai esu sibona ma e hedinarai lou hahediba ediai Tiberia davarana ai. Ina na sibona ede e hedinarai toma: ²Idia na e noho hebouva - Simona Petero, bona Toma e Nemaha hekapa, bona Natanaela Galileia Kana amo, bona Sebedeo natuna raruosi,bona Iesu ena hahediba rua danu. ³simona Petero ese e ohamaorodia eto, "Lau na ba haodamu." idia eto, "ai danu oi ida baitala," idia ela bona vanagi auta ai e hagui, a una hanuaboi gauta asie abia.⁴Daba rerena ai, Iesu na kone ai e gini, ena hahediba na asi dibadia una be Iesu. ⁵Bena Iesu ese e nanadaidia eto, "Natugu e, mai amui eiava?" idia e haere eto, "Lasi." ⁶Bena ia ese e hamaorodia eto, "emui reke na ena vanagi na idibana kahana ai, ba torea bona haida ba davari." una dainai idia ese reke e torea bona bae veria eto to asie goada badina gwarume diagau daidiai.⁷A Iesu ese e lalokau henia hahedibana ese Petero e hamaoroa eto, "Una na Lohiabada." Una dainai Simona Petero ese una hereva e kamonaia una na Lohiabada, ena dabua e karaia (badina ena dabua e kokia oho), bona davara ai e pau dobi.⁸A hahediba haida na vanagi ai e diho (badina be kone na dia daudau, a roha imahui sisivana bona idia ese reke gwarume ai e honu e veria. ⁹Una dainai idia na kone ai e toa, bena lahi mai gidana unuseni ai e itaia, bona latanai gwarume haida hehato, bona parao.¹⁰Iesu ese e hamaorodia eto, "harihari oabi gwarume dia haida ma a mailai." ¹¹Simona Petero na vanagi ai e gui kau bona reke kone ai e haroroa, gwarume badadia ai e honu, momoherea, a reke na se hedare.¹²Iesu ese e hamarodia eto, "Aoma bona ame aniani." A hahediba ta ese danu se nanadaia, "Oi be daika?" idia dibada una na Lohiabada. ¹³Iesu ela bona parao eabia bona e henidia, bona gwarume danu. ¹⁴Una na nega ihatoina Iesu sibona ena hahediba ediai e hedinarai mase amo e toreisi lou murinai.¹⁵E aniani vaitani murinai, Iesu ese Simona Petero e nanadaia eto, "Simona Ioana natuna, idia ese e lalokau henigu maragimu, oi ese o lalokau henigu badamu a?" Petero e haere eto, "Oibe Lohiabada, oi dibamu na lalokau henimumu." Iesu ese e hamora eto, "egu mamaoe ba ubudia." ¹⁶Ia ese nega iharuana ma e nanadaia lou, eto, Simona Ioana natuna, "Oi lau o lalokau henigumu?" Petero e haere eto, Oibe Lohiabada, oi dibamu na lalokau henimumu,"Iesu ese e hamaora eto, "Egu mamoe ba regudia."¹⁷Ia ese nega ihatoina ma e nanadaia eto, "Simona Ioane natuna, oi lau o lalokau henigumu a? "Petero na lalona e hisihisi, badina Iesu ese nega ihatoina e nanadaia, "eto oi lau o lalokau henigumu ? Ia e haere eto, "Lohiabada e, oi na gau iboudiai dibamu, vada dibamu na lalokau henimumu." Iesu ese e hamaoroa eto, "Egu mamoe ba ubudia. ¹⁸Momokani, momokani, na hamaoromumu, tauhaumu negana ai, oi ese emu rami o rioava bona emu ura gabudia ai o ha loava, a ba buruka negana ai, imamu ba toia roro bona ta ese rami baine hariolaimu bona basio ura henia gabuna baine laohaimu."¹⁹Hari Iesu unu hereva toma amo ia ese edena mase ai Petero ese Dirava baine heatolai e hahedinaraia. Ia hereva murinai, ia ese Petero e hamaoroa eto, "murigu ai a raka."²⁰Petero e gini kerehai bona Iesu ena lalokau hahedibana e itaia idia e gavadia, anibou ai Iesu kemena ai e tabe kau bona e nanadaia eto, "Lohiabada e, taomu itorena tauna be daika? ²¹Una dainai Petero ese ia e itaia bona Iesu e nanadaia eto, "A Lohiabada, una tau na ede baine heto?"²²Iesu ese e haere henia eto, "bema baina ura ia na do baine noho ela bona lau baina lou mai, una be dahaka oiemu ai? A oi hari murigu ai ame raka." ²³Una hereva na Iesu tadikakana bogaragidiai e piua, una hahediba na basine mase. A Iesu ese Petero se hamaoroa hari hahediba na basine noho ela bona lau baina lou, una be dahaka oiemu ai?"²⁴Hahedibana bina ini gaudia e gwauraidia hedinaraimu, bona e toredia gaudia, bona ita dibada ena hereva na momokani. ²⁵A kara diagua Iesu ese e kara, iboudiai na bema tore lau na tomamu tanobada sibona rumadia na basinema hegeregere unu buka e tore ihanoudia ai.Translation done by: RDK. Lohia Kohu, completed on Friday (24/03/23), Time: 8 am at Ret/Dk. Lohia Gari's place.

Acts

Chapter 1

¹Teophilo, egu buka gunana lalonai na torea, Iesu ena kara iboudiai sivaraidia e kara bona ena hahediba, ²ema bona ia e heabi isi dinana ai, murinai ia ese abidia hidi hahedibadia Lauma Helaga lalonai e haganidia. ³Hisi e ani murinai, ia na maurinai sibona mai toa momokanidia diagau ida edia ai e hedinarai, badina be dina hari-ahui lalodiai ediai hedinarai bona ia ese Dirava ena basileia gaudia e herevalai henidaiava.⁴Bena idia ida e nohobou, ia ese e taravatudia eto Ierusalema basio rakatania, Tamada ese e gwauraia hamata gauna, "Egu amo o kamonaia gauna do bavabia.⁵Una Ioane na ranu amo e bapatisova, a dina dia hoho bae lao bubuni bena Lauma Helaga bapatisona bavabia.⁶Una neganai idia na e hebou tamona, idia ese e nanadaia, eto, "Lohiabada e, basileia ina nega ai Isaraela ba henia lou eiava?" ⁷A ia ese e haere henidia eto, "Tamada sibona ena siahu ai vada e hagaudia dinadia bona negadia umui na basio diba. ⁸A Lauma Helaga latamui ai baine kau bona siahu, bavabia, bena lau igwaurai hedinaraigu taumui ai baola Ierusalema ai bona Iudea idoinai bona Samaria kahana idoinai, ela bona tanobada dokona."⁹Bena idia ese ini gaudia e gwaurai, idia na e roha dae, ia na e heabi-isi, bena ori ta ese e govaia ahu matadiai vada asie itaia lou, ¹⁰idia na guba ai e gaga dae, ena heabi-isi e raraia bena e hoa dagu, tatau rarua mai dabua kurokurodia ida idia dekediai e gini. ¹¹Idia eto, "Galileia taumui e, dahaka dainai oginimu guba ai o gaga daemu? Ina Iesu na emui amo vada eme heabi-isi guba e laomu, na do ma baine lou mai ina harihari, ome itaia eme dae hegeregerena."¹²Bena idia na Ierusalema e lou henia ororo ladana e hatoa olive amo, Ierusalema kahairana ai dina Helaga laolaona sisivana. ¹³Bena idia na e gini dae e dae ela atai daiutuna vaia edia noho ruma bunai, Petero bona Ioane raruosi bona Iakobo bona Aniderea, Fiipo, bona toma, Batolimeo, bona Mataio, Iakobo Alfero natuna bona sinana selote taihuna, bona Iuda Iakobo natuna. ¹⁴Idia iboudiai e guriguri hebou mai lalodia tamona dia ida, hahine haida danu idia ida e hebou, bona Maria Iesu sinana bona Iesu tadikakana danu.¹⁵Una negana ai Petero na tadikakana bogaragidia amo e gini - tore taudia na sinahu ta ruahui sisivana - bena eto, ¹⁶"varavara, tadikakagu e, revareva helagana vada baine guguru, Lauma Helaga ese Davida uduna amo e gwauraia herevana Iuda sivaraina, daika be Iesu idabai taona taudia e hakaua lao.¹⁷Badina be ia na emai orea tauna ta bona emai gaukara ai danu ia na mai ahuna." ¹⁸(hari momokani ina tauna ena kara dika davana, amo tano ta e hoia bena e moru hedagwa, bona nuana e pou, bona bogarauna e hegigi lasi. ¹⁹Ina na Ierusalema ai e nohomu taudia iboudiai e diba bena idia ese una tano ladana na edia gado ai e hatoa "Akeledama," anina be rara tanona."²⁰"Badina be Salamo bukana ai vada e torea eto, Ena tano baine degedege rahu, bona tau ta unuseni ai basine noho,' bona ta ese ena hegunalai dagina baine abia."²¹Ina na momokani, una dainai, ina tau ena amo daika se nega iboudiai ai e bamomaiva Lohiabada Iesu e vareai bona e lasi bogaragi mai amo, ²²matamana una Ioane enai bapatiso eabi dinana amo ema ena heabi-isi ita eda amo - ini ta na basinema Iesu ena toreisi lou igwaurai hedinaraina ai baine bamoda." ²³Idia ese tatau rarua e atodia vada Iosepa e nemaia Barasaba, daika ladana ta danu Iusto, bona Matia.²⁴Bena idia na e guriguri eto, "Lohiabada e, oi, na taunimanima iboudiai lalodia dibamu, ini tatau raruosi idia na oi ese oabidia hidi tauna hahedinaraia. ²⁵hesiai gaukarana bona aposetolo dagina baine abia badina be Iuda ese e ginia muri ela ena gabu korikori vada e abia." ²⁶Idia na mari edia ai e kara, bena mari na Matia enai e moru, bena ia na aposetolo gwauta taosi ida e duahidia lou.RDK. LOHIA KOHU ESE E HAGUGURUA, DINANA (04/08/24), TIME: 12.25

Chapter 2

¹Penticose dinana ai idia iboudiai gabu tamona ai e hebou. ²Bena guba amo rege ta e rege dagu, lai badana huna na heto, e helai bou rumana e hahonua. ³Bona lahi maladia na heheto e heita, idia ta ta tubuadia ai e hururu. ⁴Bena Lauma Helaga ese e hahonudia bona idau gado-idau gado ai e hereva, Lauma ese e henidia hegeregerena.⁵Una negana ai Iuda taudia Ierusalema ai e nohova, Dirava garina e gariva taudia, tanobada tanodia logora amo ema. ⁶Una rege e kamonai ai, hutuma e hebou, bena laumadia e daure, badina be ta ta e gado ena gado e kamonai. ⁷Iboudiai e daradara bona e hoa, eto, ini e herevamu taudia na dia Galileia taudia a?⁸O edeheto ita iboudai tata ena gado ena gado korikori ai eda hereva ta kamonaimu? ⁹Patia amo, Media amo, Elam amo, Mesopatamia amo, ¹⁰Frugia amo, Pamfulia amo, Aigupito amo, bona Kurene amo (Una na Afrika kahana ta). Haida be vadivadi taudia Roma amo, haida be Iuda taumai; haida be Iuda ai e halaodia taudia; ¹¹haida danu Krete taudia bona Arabia taudia. Tatau bini Dirava ena hoa gaudia e herevalai henidamu, eabi gado korikori ai.¹²Iboudiai e hoa bona e daradara, e hereva heheni; eto, Ina na dahaka? ¹³A haida ese e kirikiri laidia, eto, Idia na vine ranuna matamatana e inua, e kekeromu.¹⁴A petero na gwauta-taosi ida e gini tore, erena e habadaia, e haroro henidia, eto, Iudea taumui bona Ierusalema ai o nohomu taumui e, ina na ba haeroa, bona egu hereva ba kamonai.¹⁵Ini na dia kekero, umui o laloamu hegeregerena, badina be ina na doini daba.¹⁶A ina na Joel, peroveta tauna, e gwauraia guna herevana, eto, ¹⁷Dirava eto, tanobada dokona dinadia ai lau laumagu baina seia dobi, taunimanima iboudiai latadiai; bena natumui mamaruanedia bona hahinedia do bae peroveta, bona emui eregabe bae matahanai; bona emui iahu bae nihi.¹⁸Oibe, unu dinadiai egu hesiai taudia bona hahinedia latadiai. ¹⁹Bena hoa gaudia guba ai baina hedinarai, bona toa gaudia tanobada ai, rara bona lahi bona kwalahu.²⁰Dina do baine dibura, hua na rara ai bainela, Lohiabada ena dina badana bona hereadaena baine kahira-kahira negana ai. ²¹A Lohiabada ladana bae hatoa taudia na bae mauri.²²Isaraela taumui e, ina hereva ba kamonai, Iesu, tau Nasareta, Dirava ese dekemui e siaia vasi, bona siahu karadia bona hoa karadia bona toa na bogaragimui ai e hahedinarai, Dirava ese ia imana amo e karava; umui danu dibamui. ²³Ia hari, Dirava ena lalohadai bona ena diba ese e henimui tauna, umui ese murimuri taudia imadia amo vada o hasatauroa. ²⁴A Dirava ese e hatorea isi-lou, mase ena igui e ruha, badina be mase na ia idogo-taona asi dibana.²⁵Davida danu ia herevana e gwauraia; eto, Lohiabada na nega idoinai vairgau ai na itaia, badina be ia na idibagu kahana ai, badina baina marere helaoreana. ²⁶Badina lalogu eme hisi dae, matagu eme moale bada, hidoguna helalo ai baine taruha;²⁷badina be laumagu na mase taudia edia gabu ai basio rakatania, bona emu Helaga tauna na basine pata.²⁸Mauri daladia vada o hadibagu; oi vairamu itana ai egu moale baine guguru.²⁹Varavaragu e, seneda Davaida herevana na hamaoromui; ia na e mase, e guria bona garana doini mia ita dekeda ai. ³⁰To ia be peroveta tauna; dibana danu Dirava vada e gwau henia hamata, ia besena ta ese ena terona ai baine helai kau eto.³¹Una dainai e diba guna herevana e gwauraia, Keriso ena toreisi-lou herevana, ia na mase taudia edia gabu ai baine noho, bona tau-anina baine pata.³²Hari Iesu na Dirava ese e hatorea isi; ai iboumui ai danu dibamai . ³³Bona Dirava ese imana idibana amo e abia isi; bena ia ese Tamana e gwauraia hamata Laumana Helagana vada e abia, bona vada e seia dobi; umu ese harihari o itaiamu bona o kamonaiamu.³⁴Badina be Davida na gubai se daekau, a ia hari eto, 'Lohiabada ese egu Lohiabada e hamaoroa eto, 'Lau idibagu kahana ai ba helai, ³⁵ela bona oi inaimu na Aemu ihadaidia gauna ai baina halaodia." ³⁶Una dainai Israela besena iboudiai na bae diba vaitani Dirava ese Lohiabada bona Keriso au vada e halaoa, ina Iesu, umui ese o hasatauroa."³⁷Hari idia ese ini hereva e kamonai, kudoudia e hetaha, bena idia ese Petero bona apostolo oreana, ida e nanadaidia eto, varavaragu e, ede baia kara toma? ³⁸Bena Petero ese e haere henidia eto, "Ba helalokerehai, na gwaumu, bona iboumui ai bapatiso bavabi, Iesu Keriso ladanai emui dika igwautaona totona, bena Lauma Helaga hariharina do bavabia. ³⁹Badina be gwau-hamata be umui emui ai bona natumui ediai bona dahuai nohodia taudia ediai, Lohiabada eda Dirava ese baine boiridia taudia iboudiai ediai.⁴⁰Hereva diagau amo ma e sisiba henida bona e haduadia eto, uru gageva-gagevana amo ba roho mauri. ⁴¹Bena erena e abiadae taudia na bapatiso e abia bona una dina tamona ai taunimanima daha-toi sisivana na edia orea ai e varea ai. ⁴²Bena idia na apostolo edia hahediba heboudia ai e noho taritariva aniani danu e bitu hebouva bona e guriguri hebouva danu.⁴³Gari ese iboudiai e butudia tao bona hoa karadia bona toa diagau aposetolo ese e kara. ⁴⁴Bena abidadama taudia e noho hebou bona gau iboudiai e abi hebou. ⁴⁵Edia kohu bona edia tano danu e hahoi davadia e hari hagau-hagau, ta ta ena dabu ena dabu hegeregerediai.⁴⁶Dina iboudiai mai lalodia tamonai e hebou Dubu Helaga lalonai. Bona edia rumai e aniani hebou mai moaledia ida bona mai lalodia tamona ida, ⁴⁷Dirava e imodaia bona taunimanima ese e lalo namo henidia, bona Lohiabada ese e hamauridia taudia na dina iboudiai dekedia ai e haboudia.Translation done by: Mr. Igo Kohu Lohia, on Thursday (29/06/23), time: 01.00am. Ready for quality Check.

Chapter 3

¹Nega ta, dina gelona gurigurina negana, Petero Ioane ida dubu helagana ai e dae kau. ²Unuseni ai tau ta ae hedairiki ai e vara, dina iboudiai e huaia laova, dubu helaga iduarana ladana "Hereadae" badinai e hahelaiava, bena dubu helaga ai e daeva taudia ediai e noi hegameva. ³Ia ese Petero bona Ioane e itadia, dubu helaga ai e dae kau negana ai, bena ediai ma e noinoi.⁴A Petero Ioane ida ese e raraia tao, eto, Ba raraimai. ⁵Ia ese una hereva e kamonai, ia banava eto, gau ta bae henia. ⁶A Petero eto, Silver bona gold na asi egu, a dekegu ai e miamu gauna hari na henimumu, Iesu Keriso, tau Nasareta; ladana ai a raka.⁷Imana idibana amo e veria tore, bena aena bona aena komukomuna vada e hedai kunu. ⁸Bena e roho isi, e gini tore, e raka matama. Bena idia ida dubu helaga lalonai e raka vareai, e raka roho isi, Dirava e heatolaia.⁹Hutuma ese e itaia, e raka bona Dirava e heatolaia; ¹⁰bona dibadia ia na vaia dubu helaga iduarana ladana "Hereadae" badibadinai e helaiva bona e noi hegameva tauna; bena e hoa dikadika bona e daradara bada, ienai e vara gauna dainai.¹¹Aena vada e namo tauna ese Petero bona Ioane e dogodia taova ai, taunimanima hutuma ese e heau henidia hebou, dehe ta ai ladana na "Solomona ena dehe" laumadia na e daure. ¹²Petero ese e itadia, bena hutuma e hereva henidia, eto, Isaraela taumui e, dahaka dainai ina gau o hoalaiamu? Bona badina be dahaka o raraimai taomu? O laloamu ai na sibomai emai siahu eiava emai namo daidiai ina tau a hamauria a?¹³Aberahamo bona Isa'ako bona Iakobo edia Dirava, bona tamada edia Dirava ese ia Natuna e heatolaia, to umui ese Pilato o henia, bona Pilato urana e urava baine kahua nege neganai na umui ese o dadaraia. ¹⁴Helaga bona Kara Maoromaoro tauna umui ese o dadaraia, a ala-ala tauna be o noia baine hamauria oto.¹⁵Mauri Biaguna, be umui ese o alaia mase; to Dirava ese mase amo ma e hatorea isi, ini ai be dibamai taumai. ¹⁶Bena ina ia ladana e abidadama henia tauna o itamaimu bona umui dibamui tauna, ia ladana ese vada e hagoadaia; oibe, ia iabidadama henia ese ina tau vada e hamauria umui iboumui ai vairamui ai.¹⁷Varavaragu e, dibagu umui na mai emui lohia ida unu o kara toma na lalomui asie parara dainai. ¹⁸A Dirava ese peroveta taudia iboudiai ududia amo Keriso na hisi baine ani herevadia vada e gwaurai; unu hereva vada e hamomokani vaitani.¹⁹Una dainai, ba helalo lou, ba helalo kerehai, bena emui dika bae heabi oho, bona hahemauri negadia na Lohiabada ena amo baema. ²⁰Bona ia ese Keriso ma baine siaia, gunaguna vada e gwauraia hidi emui Iesu bunai.²¹A guba ai baine heabi dae guna, ela bona gau iboudiai ihamatamatadia negadia. Dirava ese nega gunadia amo ena peroveta taudia helagadia ududia ai vada e gwauraia hegeregerena. ²²Mose ese seneda e hamaorodia eto, Lohiabada emui Dirava ese peroveta tauna ta do baine haginia umui emui, varavaramui edia amo lau bamogu. Ia ese baine gwaurai henimui herevadia iboudiai na ba kamonai. ²³Bona una peroveta tauna basie kamonai henia taudia iboudiai na taunimanima padadia amo bae mase ore.²⁴Oibe, bona peroveta taudia iboudiai danu, Samuela ena amo ema bona hari, ini dina vada e gwauraiva. ²⁵Umui na peroveta taudia natudia, bona Dirava ese umui senemui e gwau henidia hamata, Aberahamo e hanamolaia eto, oi garamu edia amo tanobada besedia iboudiai do bae namo. ²⁶Dirava ese Natuna vada e haginia, bena e siaia guna emui ai, ihamaurimui bona emu dika amo ihaloumui totona.Translation done by Rev. Eiwana Zacharias on Friday (13/09/24), time: 7.16 am

Chapter 5

¹Tau ta ladana be Anania, adavana Sapira ida, tano ta e hoia; ²to idia ese tano davana kahana e moia tao (adavana danu dibana), bena kahana mo e laohaia aposetolo taudia vairadia ai eatoa diho.³Bena Petero eto, "Anania e, dahaka dainai Satani ese lalomu e hahonua, bena Lauma Helaga o koia bena tano davana kahana o dogoatao? ⁴Do asio hoia negana ai, tano na oiemu, bona o hoia negana ai davana na oiemu, hari ina kara be ede o lalohadailaia toma? Oi ese taunimanima some koia, a Dirava." ⁵Una hereva e kamonaia murinai, Anania na e hekida diho bena e mase, bena harina e kamonai taudia iboudiai e gari dikadika. ⁶Bena eregabe e toreisi, dabua ai e hiria, bena e huia lasi, e guria.⁷Hora toi sisivana vada ela, adavana ma e raka vareai, asi dibana dahaka e vara. ⁸Bena Petero ese e hamaoroa eto, " Ahamaorogu umui ese tano o hoia gauna be ina." Bena ia e haere eto, oibe, davana gauna bena."⁹bena Petero ese e hamaoroa eto, Edeheto umui raruosi lalomui o hatamona Lohiabada ena Lauma ba dibagania oto? Adavamu igurina taudia aitadia iduara ai gigini, oi danu ma bae huamu lasi." ¹⁰Bena ia danu e moru Petero aena badinai bena vada e mase. Hari eregabe tatau dia e vareai, masena ai e davaria, bena e huia lasi, e guria adavana dekenai. ¹¹Una negana ai ekalesia idoinai bona harina e kamonai taudia iboudiai gari bada ese e abidia (butudia tao).¹²Toa bona hoa karadia diagau aposetolo ese e karava taunimanima vairadiai. Idia iboudiai danu mai lalodia tamona ida Solomona ena dehe ai e hahebouva. ¹³A taunimanima iboudia ai na asi goadadia idia ida bae hebou; Edeheto taunimanima ese e imodaidiava.¹⁴Dounu hutuma bada Lohiabada e abidadama heniava ena orea ai e hebouva, tatau bona hahine. ¹⁵Gorere taudia danu e huadia lasiva edia bedi ai ariara ai e kurediava, Petero baine raka hanai negana ai ia laulauna ese haida baine hakerukerudia helaoreana. ¹⁶Ierusalema badina hanuadia taudia hutuma bada danu e hebouva, gorere taudia bona lauma dikadia ese e bolodia taudia danu e laohaidia bena ibouboudia ai e hagoevadia.¹⁷A hahelaga tauna e toreisi, bona ia e bamoa taudia (Sadukea taudia edia orea); bena e mama (vagege) henidia, ¹⁸bona aposetolo taudia e dabaidia tao, bena dibura rumana ai eatodia.¹⁹A hanuaboi ai Lohiabada ena aneru toi ese dibura rumana iduarana e kehoa e hakaudia lasi, bena eto, ²⁰aola, bena ba gini dubu lalonai ina mauri herevana idoinai taunimanima iboudiai ba herevalai henidia. ²¹Una hahedua e kamonai bena daba matanai dubu ai e dae kau e hahediba. A hahelaga tauna badana mai bamona ida ela, kaunsolo taudia bona Isaraela tau-badadia iboudiai e boiridia hegogo, bena ena hesiai taudia dibura rumana e siaiadia lao aposetolo taudia bae mailaidia (hakaudia).²²A hesiai taudia ela to dibura rumana ai asie davaridia, bena e lou ela, e haripiu, ²³eto, a ginidae negana ai dibura rumana vada e hekou kunuka-kunuka bona hegima taudia danu iduara badibadidiai gigini, to iduara a kehoa negana ai, ruma lalona na asi tauna.²⁴Hari dubu helaga biaguna bona hahelaga taudia ese ina hereva e kamonai, e daradara bada, asi dibadia unu kara anidia be dahaka. ²⁵Bena tau ta dekedia ela bena e hamaorodia eto, "Aitaia, dibura rumana ai o koudia taudia na dubu lalonai gigini bena taunimanima e hadibadia mu.²⁶Bena dubu helaga biaguna ena hesiai taudia ida ela, aposetolo eha-kaudia lou, to asie dagedage henidia, taunimanima ese nadi amo ba hododia na garina. ²⁷E hakaudia vareai, kaunsolo taudia vairadiai e haginidia. Bena hahelaga tauna badana ese e nanadaidia, eto, ²⁸Ai ese a haduamui, ato "Una tau ladanai basio hahediba." A harihari emui hahediba herevadia ese Ierusalema vada eme hahonua bona o habadelaimaimu, una tau ena mase dainai.²⁹Bena Petero, aposetolo oreadia ida e haere, eto, "Ai na Dirava ikamonai henina be namo taunimanima ikamonai henia be dika. ³⁰Tamamai edia Dirava ese Iesu vada e hatorea isi, umui ese o alaia mase satauro ai o tauadae. ³¹Dirava ese vada e abia dae ia imana idibana ai Lohiabada bona Hahemauri tauna ai vada e halaoa, Isaraela taudia baine hahelalodia kerehai bona edia dika baine gwau tao. ³²Ai na ini gau a gwauraimu, Lauma Helaga danu e gwauraimu, Dirava ese ia ikamonai henina taudia vada e henidia.³³Kaunsolo taudia ese unu hereva e kamonai ai, e badu dikadika e urava aposetolo bae aladia mase. ³⁴A kaunsolo ta Farasea tauna, ladana Gamaliel, taravatu ihahedibalaina tauna, taunimanima iboudiai ese e matauraiava e tore isi bena e haduadia (haganidia) aopsetolo na bae raka lasi nega taina murimuri ai do bae noho.³⁵Bena e hamaorodia eto, "Isaraela taumui e, sibomui nahuamui ba toho bena ini taunimanima ede ba karadia toma. ³⁶Idau nega ai Theuda e ginitore sibona e gwauva ia na herea tauna, bena taunimanima sinahu-hani ia enai e tao. E alaia mase, bona ena orea taudia e hakarohodia bona e haoredia. ³⁷ Ia murinai, Iuda tau Galileia e ginitore taunimanima ladadia itoredia neganai bona taunimanima haida ienai e tao. To ia danu e alaia mase bona ena orea taudia danu e hakarohodia.³⁸Harihari na hamaoromuimu, ini tatau edia amo raka siri, sibodia ba rakatanidia, badina be ini hereva bona kara bema taunimanima edia amo anidia na basiema vara. ³⁹To bema Dirava ena amo, umui na basioma haoredia diba eiava readia sibomu boma hedavari umui danu Dirava o tuari heniamu.⁴⁰Bena aposetolo e boiridia vareai e dadabadia bena e haganidia Iesu ladana ai basie haroro, bena e kahudia nege. ⁴¹Una dainai, aposetolo ese kaunsolo e rakatania mai moaledia ida badina be Iesu ladana bagunai hisi e ani. ⁴²Una murinai, dina iboudia ai, dubu ai bona ruma ta ta lalodia ai, e hahedibava bona Iesu Keriso sivaraina namona iharorolaina asie hadokoa.Translation done by: Mrs. Ori. C. Kohu on Wednesday (09/08/23), time: 4.52am . Ready for quality checking.

Chapter 6

¹una dinadia ai ibadinana taudia eha-hutumava bena Helene gado ai e hereva taudia ese Helene gado ai e hereva taudia e maumauraidia matama badina be edia hahine vadodia na dina iboudiai aniani iharina ai e dabu loulouva.²Bena aposetolo ese Iesu ibadinana taudia hutuma e haboudia eto, Ai ese Dirava ena hereva iharorolaina baia hadokoa aniani iharina totona na dia namo. ³Una dainai varavaramai e, umui na taumui hahitu avabidia hidi haridia namodia taudia Lauma bona aonega ai e honumu taudia bena ina gaukara ba henidia. ⁴A ai ese nega idoinai guriguri bona haroro baia goadalaia.⁵Ina hereva na iboudiai ese e abiadae bena haida e gwauraidia hidi Stefano abidadama bada bona Lauma Helaga ese e rohea tauna Pilipo bona Prokoro bona Nikodemo bona Timona bona Pamena bona Nikolao ia na tau Anitioka Iuda tauna ai e halaoa. ⁶Unu hahituosi na idia ese aposetolo vairadiai e haginidia. Bena aposetolo na e guriguri guna bena imadia latadiai e ato kau.⁷Bena Dirava ena hereva e piua rohoroho bona Iesu ibadinana taudia Ierusalema ai eha-hutumadiava bona hahelaga taudia hutuma ese danu e abiabiraia.⁸Stefano na harihari-bada ai bona siahu ai e honu bona ia ese hoa karadia bona toa badadia taunimanima vairadia ai e karava. ⁹Bena e ruhadia nege oreana edia dubu taudia haida bona Kurene bona Alesanderea bona Kilika bona Asia taudia haida ese Stefano ida e hepapa-ahuahu.¹⁰To idia na asi siahudia bae gwau-tubu badina be ena hereva na aonega bona Lauma ai e hahonua. ¹¹Una dainai idia ese haida lalodia e ani baeto Ai na ena hereva a kamonai Mose bona Dirava e hadikalaidia.¹²Unu amo idia ese hanua taudia bona heitatao taudia bona Itorena taudia e haherou-heroudia bena ia dekena e heau lao vada e dabaia tao Kaunsolo taudia vairadiai e laohaidia. ¹³Bena idia ese hahebade koikoi e haginidia tore, idia eto, Ina tau ese ina gabu helagana bona taravatu ihadika laina herevadia na se hadokomu. ¹⁴Ai ese danu ena hereva a kamonai, eto Iesu, tau Nasareta, ese ina gabu baine rohoa, bona Mose ese e henida karadia danu baina ha-idau." ¹⁵Bena Kaunsolo gabunai e helaiva taudia iboudiai ese e raraia tao, vairana e itaia, aneru ta vairana na heto.Translation done by: Mrs. Ori. C. Kohu on Sunday (13/08/23), time: 12 midday. Ready for quality checking.

Chapter 7

¹Bena helaga tauna badana eto, "Ini gau (hereva) momokani, a? ²Bena Stefano eto, "Tatau, tadikaka, bona tamagu logora, lau a kamonai henigu: Hairai Diravana na ita tamada Aberahamo enai e hedinarai Mesopotania ai, gabe amo ia na Haran ai e nohova, ³bona ia ese vada eha maoroa eto, 'emu tano amo bona emu bese amo baola, bona baoma lau ese baina haheita laimu tanona lalonai.'⁴Bena ia vada Kaldea taudia edia tano amo e raka-lasi bona Haran ai e nohova; unu amo, tamana ena mase murinai, Dirava ese e mailaia ina tano lalonai, ina harihari umui ese o noho laiamu. ⁵A ia ese tano ahuna ta se henia - sisiba taina danu lasi. To e gwauhamata ena tano ta baine henia, bona murina garadia (besedia) danu baine henidia - enabe ia na do asi natuna ta.⁶A Dirava ese vada ini e hereva henia toma, ia garana logora idau tano ai do bae noho, bona unu tano e noholaimu taudia ese hesiai taudiai bae halaodia bona do bae hahisi-hisidia lagani sinahu-hani. ⁷'To lau ese idia isiaidia e lao henimu besedia na do baina hahemaoro henidia,' Dirava eto, 'bona una murinai idia na do bae rakalasi bona lau bae tomadiho henigu ina gabu ai.' ⁸Bena Dirava ese Aberahamo peritome taravatuna vada henia, bona Aberahamo vada Isaak tamana ai ela, bona dina ihataurahanina ai e peritomea; bona Isaak be Jacob tamana ai ela, bona Iakobo be iduhu ikwaradia taudia gwauta ruaosi tamadia ai ela.⁹Badina be iduhu ikwaradia taudia na Iosepa e mama henia, idia ese e hoihoi laia Aikupito ai; a Dirava be ia ida. ¹⁰Bona ia ese e hamauria ena hisihisi iboudiai lalodiai. Ia ese hahenamo bona aonega e henia, Parao, Aikupito Pavapavana vairanai bona ia ese eabia hidi Aikupito bona ena ruma taudia baine lohiadia.¹¹Una nega ai, doe ta vada e kau, Aikupito ibounai lalonai bona Cannan ai, bona hisihisi badaherea bona tamada (seneda) ese aniani se davaria. ¹²A Iakobo e kamonai Aikupito na mai uitina neganai, ia ese tamada (seneda) e siaidia lao edia laolao gini-gunana. ¹³Edia laolao iharuana ai, Iosepa ese tadikakana eha dibadia ia be daika, bona Iosepa ena bese Parao ese vada e dibadia.¹⁴Bena tadikakana e siaidia-lou, Iosepa ena gwaukau tamana, Iakobo bona varavarana iboudiai, taudia hitu-ahu-laima boiboidia e kara. ¹⁵Bena Iakobo vada e diho lao Aikupito ai, bona unuseni ai e mase, ia bona ita seneda. ¹⁶Idia vada e huadia lao Sekem bona gara lalodiai e atodia Aberahamo ese Hamoro natuna edia amo silva monidia ai e hoidia Sekem ai.¹⁷Gwau-hamata negana vada e kahira-kahira neganai - Dirava ena gwau-hamata Aberahamo enai - taunimanima vada e hutuma bona e pere rohoroho Aikupito ai, ¹⁸ela bona pavapava idauna ta ma Aikupito e lohiaia ia na asi dibana Iosepa. ¹⁹Ia ese eda taunimanima e dibaganidia bona seneda eha hisihisidia, eha duadiava natudia karukarudia bae hahedinaraidia bena idia na basie hamauridia.²⁰Una negai, Mose vada e vara; bona ia na rahonamo merona Dirava enai. Ia na hua toi e ubua ia Tamana ena ruma ai. ²¹Ia murimuri ai eatoa neganai, Parao natuna kekenina ese vada e abia bona sibona ese e naria natuna na heto.²²Mose na Aikupito taudia edia aonega idoinai vada eha dibalaia, bona ia na e goada herea ena hereva bona kara lalodiai. ²³A ia laganina e haria-hui hegeregerena ai, lalona vada e hadaia, tadikakana Isaraela taudia, do baine vadivadi dia. ²⁴Isaraela tauna ta e itaia Aikupito tauna ta ese eha dikaiava, Mose ese gwauna egwa, Aikupito tauna e alaia mase, ²⁵badina be eto tadikakana lalodia vada bae parara Dirava na imana amo idia eha mauridiava, to idia na se lalopararava.²⁶Dina iharuana ai, ia na ema Isaraela taudia haida e heaiva dekedia, bona ia ese eha marumarudia bae maino, eto, "Tatau e, umui na tadikaka. Dahaka dainai o hahedika hehnimu, a?" ²⁷A dekena tauna e hadikaiava tauna ese e doria oho, eto, "Oi be daika ese ai emai lohia bona hahemaoro tauna ai eha laomu, a? ²⁸Oi na souramu lau bavalagu, varani Aikupito tauna o alaiava na heto, oi ourama, a?²⁹Bena Mose na ina hereva dainai e heau ela Midiana tanona ai idau tano e e noho taunai ela, unuseni natuna maruanedia rarua eha varadia. ³⁰Lagani haria-hui vada eore, aneru ta enai e hedinarai Sinai ororona tanona gagaenai, au ginigini e araiava hururuna lalonai.³¹Mose ese lahi e itaia neganai, ia na e hoa; bona e raka kahikahi itana totona, unu amo Lohiabada gadona vada eto: ³²Lau na senemui edia Dirava, Aberahamo ena Dirava, Isaak ena bona Iakobo ena.' Bena Mose tauanina idoinai e heude-heude bona seura baine roha kau.³³Bena Lohiabada ese e hamaoroa eto, "Emu tamaka aemu amo a kokidia oho, badina be oi oginimu gabuna na tano helagana. ³⁴Momokani lau ese egu taunimanima Aikupito ai, edia hisihisi vada na itaia bona edia ganagana vada na kamonai, bona lau vada na diho mai idia ihamauridia; una dainai harihari aoma lau ese baine siaimu Aikupito baola."³⁵Ina Mose tamona, idia ese e ihi-ihiraiava, etomu, 'Daika ese emai lohia bona emai hahemaoro tauna ai vada e halaomu?' Tauna ia bunai Dirava ese vada e siaia, edia lohia bona edia hahemauri tauna ai e halaoa - au ginigini lalonai Mose enai e hedinarai aneruna imana amo. ³⁶Ina Mose ese Aikupto amo e hakaudia lasi, hoa karadia bona toa idauidau e karava Aikupito ai bona Davara Kakakana ai bona tano gagena ai, lagani haria-hui lalodiai. ³⁷Ina Mose tamona ese Isaraela natudia e hamaorodia, eto, 'Dirava ese tadikakamui bogaragimui amo emui peroveta tauna ta baine haginia-tore, peroveta tauna ta lau hegeregeregu.³⁸Tauna binai, ia na tano gagaena hegogona lalonai ia Sinai Ororona ai e hereva heniava aneruna ida, bona ia na ita seneda ida; tauna binai mauri herevadia vada eabidia ita baine henida. ³⁹Tauna binai, ita seneda ese ikamonai henina seurava, a idia ese vada e dadaraia, bona kudoudia ai eurava Aikupito ma bae lou lao. ⁴⁰Idia ese Aarona vada e hereva henia, eto, 'ita igunalaida diravadia haida a karadia. Badina ina Mose, ita e hakauda lasi Aikupito tanona amo, ita na asi dibada dahaka vada enai eha vara.'⁴¹Bena una nega ai idia ese boromakau natuna laulauna ta vada e karaia, bona boubou gaudia e laohai kaivakuku e henia bona e moaleva badina edia ima karakara gaudia daidiai. ⁴²A Dirava ese vada e muridia bona e raka tanodia guba hisiudia bae tomadiho henidia, hegeregerena Peroveta taudia edia buka ai vada e torea, eto, 'Isaraela taumui e, lagani hari-ahui tano gagaenai umui ese ala-ala boromakau dia bona boubou gaudia ta vairagu ai o atodia, a?⁴³Umui ese Moleke ena dabua dubuna bona emui hisiu diravana Refan o abidia daeva, bona laulau o karadia bae tomadiho henidia: bona lau ese baina lao haimui Babulonia unukahana.'⁴⁴Dabua dubuna, taravatu ihahedinaraina gauna na seneda ese tano gagaena ai eabia, hegeregerena Mose e hereva henia tauna ese e haduaiava ia ese e itaia oromana hegeregerena ai do baine karaia. ⁴⁵Dabua dubuna binai, ita seneda Iosua neganai ese danu vada eabia bona idia ese vada e mailaia idau besedia lalodiai. Dirava ese vada e luludia lasi seneda vairadia amo ema bona Davida negana ai. ⁴⁶Ia vada Dirava ena hahenamo eabia, bona e noinoiva Iakobo ena Dirava ena noho gabuna ta baine davaria.⁴⁷To, Solomona ese Dirava ena ruma vada e karaia. ⁴⁸To, Herea Mikamika na dia ima karakara rumadiai e nohomu, peroveta tauna ena hereva hegeregerena, eto, ⁴⁹Guba na egu helai gabuna, bona tanobada na lau aegu iato-kauna gauna, Umui be ruma ede bamona ta ba karaia lau egu.' Lohiabada e gwaumu, eiava Egu laga-ani gabuna be dahaka, a? ⁵⁰Ini gau iboudiai be dia imagu ese e karadia, a?⁵¹Umui na aio auka bona kudoumui bona taiamui na do asie peritomedia. Umui ese nega iboudiai Lauma Helaga o laoa ahumu; senemui ese e laoa ahuva hegeregerena. ⁵²Ededia peroveta taudia vada umui senemui ese se dagedage henidia, a? Idia ese Kara Maoromaoro tauna ena mai e gwauraia gunava taudia na e aladia maseva, ina harihari umui na ia taona itorena bona ialana taudiai vada ome lao, ⁵³umui na aneru ese e heni taravatuna vada oabia, to asio badinaiava.⁵⁴Ini hereva e kamonai neganai, kansel taudia na e badu dikadika bona gadigadidia Stefano e gariri henia. ⁵⁵A ia, Lauma Helaga ai e honuhonudae, e gaga-isi Dirava hairaina guba ai vada e itaia; bona ia ese Iesu e itaia Dirava idibana kahana ai e gini. ⁵⁶Stefano, eto "Aroha lao, guba na itaiamu vada e hekeho, bona "Taunimanima Natuna na Dirava idibana kahana ai e gini.⁵⁷Iniseni ai, kansel taudia ese taiadia e koudia bona e lolo mai eredia badadia ida, iboudiai ese ia vada e heau henia. ⁵⁸Bena hanua amo e dabuia lasi murimuri ai, idia ese nadi amo e hodoava. Herarai taudia ese edia (murimuri) dabuadia e atodia diho eregabe merona ta ladana Saulo aena badinai.⁵⁹Idia ese Stefano e hodoava lalonai, ia na e boi lasiva bona e tomamu, "Lohiabada Iesu, laumagu na avabia." ⁶⁰A ia na e hetuitui, e lolo mai erena badana ida eto, "Lohiabada e, ina kara dika davana na basio henidia." Ia ini e hereva toma negana ai, ia vada e mahuta.

Chapter 11

¹Harihari aposetolo bona tadikaka Iudea ai vada e kamonai idau bese taudia ese danu Dirava ena hereva vada e abiadae. ²Harihari Petero vada e dae Ierusalema ai neganai, ia na e peritomedia oreana taudia ese e hepapa-ahu-ahu henia; ³idia eto, "Oi be se peritomedia taudia ida o hebouva bona idia ida o anianiva!"⁴A Petero ese gau iboudiai e hamaorolaidia goevagoeva; ia eto, ⁵lau be Iopa hanuanai na guriguriva, bona egu mata hanai ai lau ese (gau ta - udauda gauna ta) na itaia dabua bada hereana na heto, isena haniosi ai guba amo e tua dobiva. Lau e diho heniguva. ⁶Lau ese na raraiava bona na lalohadai laiava. Lau ese tanobada ai aedia hani ai e rakamu gaudia na itadia, bona e dagedagemu manudia, bona e raumu manudia bona guba ai e rohomu manudia na itadia.⁷Bena ere ta danu na kamonai, e hamaorogu eto, " A tore isi, Petero; avaladia bona bavanidia?" ⁸A lau nato, "Dia unu heto, Lohiabada e; badina lau na dia helaga bona dia namo gauna ta vada na ania ema bona ina nega." ⁹A ere na nega iharuana guba amo ema, eto, "Dirava ese dahaka e gwauraidia nanamo, na basioto didika." ¹⁰Nega ihatoina vada ini e vara toma, bena gau idoidiai guba ai ma eabidae lou.¹¹Aitaia, nega tamona taunimanima tatoi vada ai a nohova rumana vairanai gigini; idia na Kaisarea amo vada e siaidia lau dekegu baema. ¹²Lauma Helaga ese e haganigu idia ida bainala, basina lalo daradara idia ediai. Ini tadikaka tauratoi osi danu lau ida vada ala, bona una tau ena ruma ai a vareai. ¹³Bena ia ese vada e hamaoromai ia ese aneru ta vada e itaia ena ruma lalonai gini bona e tomamu, "Tatau asiaidia Iopa baela bona Simona, ladana Petero, bae boiria. ¹⁴Ia ese hereva ta baine hamaorolaimui unu amo umui na bo maurimu - umui bona emui ruma taudia iboudiai."¹⁵A egu hereva na matamaiava ai, Lauma Helaga na idia latadiai vada e diho, guna ita latadai danu e diho hegeregerena. ¹⁶Bena Lohiabada ena hereva vada na helaloune lai, ia eto, "Ioane momokani ranu amo e bapatisova; a umui na Lauma Helaga lalonai do bae bapatisomui."¹⁷Bena bema Dirava ese idia na harihari gauna tamona e henidia hegeregerena ita ese Lohiabada Iesu Keriso ta abidadama henia neganai vada e henida, lau be vada daika, bena lau ese ?Dirava baina laoa-ahu, a?" ¹⁸Idia ese ini gau e kamonaidia neganai, idia na asi edia halou herevadia, a idia ese Dirava e imodaia, e tomu, "Bena Dirava ese helalokerehai maurina Bese Idaudia danu vada e henidia."¹⁹Harihari momokani unu Stefano negana dagedagena ese e hakarohodia taudia vada ela Fonisia, bona Saiprus, bona Antioka, sivarai namo be dia haida e harorolai henidiava a Iudea taudia sibodia mo. ²⁰A taudia haida be Saiprus bona Sirene amo ema Antioka bona Helena taudia danu e hereva henidiava, Lohiabada Iesu sivaraina namona e harorolaiava. ²¹Lohiabada imana na idia ediai; bona hutuma bada ese edia hereva eabidae, Lohiabada vada e lou henia.²²Harihari idia sivaraidia vada Ierusalema ekalesia dia ese e kamonai bona idia ese Banabas vada e siaia lasi bainela bona Antioka. ²³Ia ema bona Dirava ena hariharibada eitaia neganai, ia vada e moale; bona iboudiai e hagoadadia Lohiabada enai bae noho mai kudoudia iboudiai ida. ²⁴Badina ia na tau namona bona Lauma Helaga bona abidadama ai e honu-honudae, bona Lohiabada ibadinana taudia vada e hutumava.²⁵Bena Banaba vada e raka lasi ela Tasias Saulo itahuna. ²⁶Ia ese e davaria neganai, ia ese e hakaua lao Antioka. Unuseni ai, idia raruosi lagani ta dubu taudia ida e hebouva bona hutuma e hadibadiava. Harihari hahediba taudia na ekalesia dia e gwaurai guna Antioka ai.²⁷Harihari ina nega ai peroveta taudia haida vada Ierusalema amo ema Antioka. ²⁸Taudia ta, ladana Agabus, vada e ginitore bona Lauma ese e hadibaia vairai doe badana ta na baine vara tanobada idoinai latanai. Ina na Klaudio negana ai vada e vara.²⁹Una dainai, hahediba e lalohadai, bema bae karaia diba, idia ta ta edia heduru bae siai lao tadikakadia Iudea ai e nohova taudia ediai. Bena unu vada e kara toma; ³⁰idia ese edia moni Banaba bona Saulo imadiai eato dubu taudia badadia bae henidia.

Chapter 12

¹Harihari una nega ai, Pavapava Heroda ese dubu taudia haida latadiai imana e atoakau e urava baine hakaudia kerere. ²Ia ese Iakobo, Ioane tadikakana, dare amo vada e alaia mase.³Gabeamo Iudea taudia edia moale aitadia amo, ia ma e urava Petero danu baine guia. Harihari una be Parao-setubumu Ariana dinadia ai. ⁴E guia murinai, ia ese dibura rumanai vada eatoa, tuari taudia hani eatodia ia ba itaia tao, e urava Lagauhanai Ariana murinai, baine mailaia taunimanima vairadia.⁵Una dainai, Petero na dibura rumanai eatoa; a dubu taudia ese Dirava e guriava ia dainai. ⁶Una hanauboi ai Heroda ese baine hakau lasi murimuri ai baine hakotaia eto, Petero na tuari taudia rarua padadiai e mahutava, seini rua amo e guia, a vaira iduarana e naraiava taudia danu dibura rumana e nariava.⁷Aitaia, Lohiabada ena aneru ta e hedinarai dekenai, bona dibura rumana danu e hadiaria. Ia ese Petero ohenai e pata bona vada e hanogaia, etomava, "A toreisi haraga," bona ena seini imana amo vada e moru. ⁸Bena aneru ese vada e hamaoroa, eto, "Sibomu emu dabua a karaia bona emu tamaka ba karadia." Petero vada unu e kara toma. Aneru ese vada e hamaoroa, eto," Murimuri dabuana a karaia bona murigu amo baoma."⁹Bena Petero vada aneru e gavaia bona e raka lasi. A ia na sedibava aneru ese dahaka e karava be momokani. Badina ia e tomava ia na e mata-hanaiva. ¹⁰Idia ese hegima tauna ginigunana bona iharuana vada e hanaidia murinai, idia vada ema hanua badana vareaina aurina iduarana; idia daidiai sibona vada e hekeho. Bena idia e raka lasi bona dala ta amo e laovai, bona aneru ese una hora ai vada e rakatania.¹¹Petero e helaloune neganai, ia vada eto, "Harihari name diba momokani Lohiabada ese ena aneru vada e siaia lau baine rauagu Heroda imana amo, bona Iudea taudia ese e naridiava gaudia iboudiai amo. ¹²Ia ese ina gabu e dibaia neganai, ia vada ela Ioane, ladana ta danu Mareko, sinana Maria ena ruma, taunimanima momo e hebouva bona e guriguriva.¹³Ia ruma maguna iduarana ai e kokokoko neganai, hesiai kekenina ta ladana Roda ema iduara ikehona totona. ¹⁴Ia ese Petero gadona e dibaia neganai, ena moale bada amo, iduara na sekehoa; a e heau vareai ruma lalonai, e hamaorodia una be Petero iduara ai gini. ¹⁵Bena idia ese e hamaoroa eto, "Oi na kavakava," A ia na dounu e ura dikava. Bena idia eto, "Una na ia ena aneru,"¹⁶A Petero be dounu e kokokokova, bona idia ese iduara vada e kehoa neganai, idia ese eitaia bona e hoa. ¹⁷Bena Petero ese imanai e hadibadia rege basie habada, bona e hamaorodia Lohiabada ese ede bamonai dibura rumana amo e harakaia lasi. Ia ese vada e hamaorodia, eto, "Ini gau na Iakobo bona tadikakana ba hamaorolaidia." Bena ia ese vada e rakatanidia bona gabu ta ma ela.¹⁸Hari daba e rere neganai, tuari taudia padadiai rege maragina dikana ta sedae una dahaka Petero enai e vara gauna amo. ¹⁹Heroda ese ia e tahuava bona sedavaria murinai, ia ese tuari taudia vada e nanadaidia bona e tamanudia mase ahuna do bae abia. Bena ia vada Iudea amo ela Kaisarea bona unuseni ai vada e noho.²⁰Hari Heroda vada e badu dikadika Taire bona Sidoni taudia ediai. Una dainai idia iboudiai ia dekena vada ela. Idia ese Pavapava iduruna tauna, Balatus lalona vada e hanamodia baine durudia. Bena idia na herohemaino e noinoi laia, badina be edia hanua anianidia na Pavapava ena hanua amo eabidiava. ²¹Unu amo eabiahidi dinana ai, Heroda na pavapava dabuadia e karadia. Ena terona ai helainai, ia ese vada e haroro henidia.²²A taunimanima vada e loloisi, eto, "Ina na dirava ta gadona a dia taunimanima ta gadona." ²³Una hora ai, Lohiabada ena aneru ta ese vada e rahua mase, badina be ia ese Dirava se heatolaiava dainai, bona biluga logora ese vada eania bona e mase.²⁴A Dirava ena hereva vada e bada bona e pere rohoroho. ²⁵Bena Banabas bona Saulo edia gaukara e hagugurudia neganai, idia ma e lou lao Ierusalema, Ioane ladana ta danu Mareko, idia ida ela hebou.

Chapter 13

¹Hari Ekalesia oreana Antioka lalonai, be mai edia perveta bona hahediba taudia. Idia na Banaba bona Simeona (daika be Nigera), bona Lukio Kurene raruosi Manaen (ia na Heroda Gaubada ida e ubua hebou tauna bona Saulo. ²Una neganai idia na Lohiabada e toma henia dihova bona e anivagava, Lauma Helaga ese e hamaorodia eto, "Umui ese Banaba bona Saulo, ida na ba hahelagadia lau egu gaukara ta ikarana vada na abidia hidi." ³Una dainai idia na e anivaga bona e guriguri bona imadia na raruosi latadai e ato kau, bena e kahudia nege.⁴Momokani Banaba bona Saulo na Lauma Helaga ese e siaidia lasi bona kone amo e lasi Seleuka ai, bona unu amo lagatoi ai egui Kupro motumotu e heau lao. ⁵Una neganai idia na Salami hanuana ai e vareai, idia ese Dirava ena hereva Iuda taudia edia Dubu Helaga lalodiai vada e harorolaia matama. Ioane Mareko danu idia raruosi e durudia.⁶Una neganai idia ese una motumotu idoinai e rakaia hegege ela bona Rafo, idia ese babalau, Idua peroveta koikoi tauna ta e davaria, ladana na Bariesu. ⁷Ia na gavana tauna, Seregio Paulo, dekenai e nohova una gavana be lalo-parara tauna. Ina tau ese Banaba bona Saulo e habadelaidia badina ia e ura Dirava ena hereva baine kamonaia. ⁸A Eluma "hari babalau tauna" (ladana ihahegeregerena bunai) raruosi e gwaudia tubu ena ura be gavana ena heabidadama amo baine hakaua oho.⁹A Saulo, daika ladana ta be Paulo, na Lauma Helaga ai e honu, ia ese Eluma e raraia tao ¹⁰bena eto, "Oi na diabolo natuna, koikoi ai o honuhonu dae bona dika idoinai ese e hahonumu. Kara maoromaoro iboudiai o inai henimu. Oi na kara maoromaorodia ihagagevadia, basio hadoko a?¹¹Hari ba itaia, Lohiabada imana na oi latamu ai be atoamu, bona oi matamu na bae kepulu. Oi ese dina basio itaia ela bona nega ta. Una horana ai kahu bona dibura e moru. Eluma enai, e hakepulua bona e loa eva-eva taunimanima e noidia ia imanai baebi bae hakaua. ¹²Gabeai e vara gauna gavana ese e itaia, e abiadae badina ia na e hoa Lohiabada ena hahediba herevadia ai.¹³Hari Paulo mai bamona ida lagatoi amo Pafo e heautania, bena Perega ai e diho una na Pamfulia tanona ai. A Ioane Mareko ese e rakatanidia bena Ierusalema e lou henia. ¹⁴A Paulo mai bamona ida na Perega amo e varai gunika kahana ela bona Antioka ai e kau Pisidia tanona ai. Dina Helaga ai idia na dubu ai e raka vareai bena e helai diho. ¹⁵Taravatu bona peroveta bukadia e duhai murinai, dubu biagudia ese gwaukau na dekedia e siaia lao, eto, "Varavaramai e, bema mai emui hahealo herevadia taunimanima ediai, mani a gwaurai.¹⁶Bena Paulo e tore isi bona imana ai e taodia ahu; ia eto, Isaraela taumui bona umui daika Dirava o matauraiamu taumui e a kamonai. ¹⁷Ina bese Isaraela ena Dirava ese seneda e abidia hidi bona e hahutumadia Aigupito tanona ai e nohova negana ai, bona imana eabia isi amo ia ese e hakaudia lasi. ¹⁸Badina lagani hariahui sisivana tano gagena ai e haheauka henidia.¹⁹Murinai ia ese Kana'ana tanona besedia hitu e habuadia tari; ia ese tano na Isaraela taudia e henidia edia tano korikori ai e halaoa. ²⁰Unuseni ai lagani sinahu hani imahui sisivana ini gau iboudiai e vara. Murinai ini gaudia idoidiai Dirava ese hahemaoro taudia e henidiava ema bona Samuela peroveta tauna ena nega.²¹Bena Isarela taudia ese pavapava ta henanadailaia bena Dirava ese Saulo Kisa natuna, Beniamina ena iduhu tauna, e henidia, lagani hariahui ia ese e pavapava dia. ²²Murinai Dirava ese ia eabia oho pavapava dagina amo, Dirava ese Davida ma e haginia edia pavapava ai e halaoa. Davida dainai Dirava ese e herevalaia, hedinarai eto, lau ese Davida Iese natuna vada name davaria egu lalokau tauna, egu ura karadia iboudiai do baine kara!²³Ina tau garana amo Dirava ese Isaraela edia hahemauri tauna, Iesu, e havaraia ena gwauhamata hegeregerena. ²⁴Ia na do sema negana ai Ioane ese helalokerehai Bapatiso Isaraela taudia iboudiai vairadiai vada e harorolaia. ²⁵A Ioane ena gaukara dokonai ia eto, 'Umui na dahaka o tomamu lau be daika? Lau na dia ia. A kamonai, tau ta murigu ai be maimu, lau na dia namo ena tamaka varona baina ruhaia?²⁶Tatau, varavaragu e, Aberahamo garana logora e, bona Dirava garina o garimu taumui e, ina hahemauri herevna na ita dekeda vada e siaia mai. ²⁷Badina be Ierusalema ai e nohomu taudia, bona edia lohia, ese ia asie dibaia, bona peroveta taudia edia hereva dina Helaga iboudiai e duahi to lalodia asie parara una dainai e revaia mase bona peroveta taudia edia hereva e hamomokani.²⁸Ena be ihamasena badina ta asie davaria, to idia ese Pilato e noia baine alaia mase. ²⁹Ia hereva iboudiai vada e tore guna herevadia na idia ese e hamomokani, idia ese au dorina amo e abia dobi bena gara lalonai e atoa.³⁰A Dirava ese mase amo e hatorea is. ³¹Ia ida Galileia amo Ierusalema ela taudia ese dina diagau lalodiai e itiaia loulou, harihari idia ese taunimanima vairadiai e gwaurai hedinaraimu.³²Una dainai ai ese sivarai namona umui a harorolai henimuimu Dirava ese seneda e henidia gwauhamatana. ³³Badina be Dirava na ena gwauhamata ita eda ai na e hagugurudiamu, ia ese Iesu ihatoreisina ai vada e hamomokania natuna edia, Salamo iharuana lalonai e tore na heto, 'Oi na lau natugu, hari dina Lau na oi tamamu ai name lao! ³⁴Momokani ia na mase amo vada e hatorea isi unu amo e gwauraia eto, 'Davida na henia gwauhamatadia helagadia bona momokanidia do baina henimu.'³⁵Una dainai Salamo ta lalonai ma eto, emu helaga tauna basio kahua nege basine pata gauna baine itaia!³⁶Badina be Davida ese ena uru ai Dirava isiaina e lao heniva, ia na mase, bona senena logora ida e hahebou bona tauanina be e pata. ³⁷ A Dirava ese e hatorea isi tauna na pata asi dibana.³⁸Una dainai umui badiba, bona varavaragu e, ia bagunai dika igwautaodia, bona gaudia amo Mose ena taravatu ai basio heruha diba.³⁹Ia bagunai kamonai taudia iboudiai edia dika logora amo eme heruha.⁴⁰Una dainai nahuamui ba toho peroveta taudia ese e gwaurai gaudia na umui emui ai bae momokani na garina. ⁴¹'Aitaia, heihihirai taumui e, a itaia, bona ba hoa bona ba mase; badina be kara ta emui mauri dinadia ai na kariaia, a karana umui ese na basioma abiadae diba, enabe bema ta ese bema hamaoromui!"⁴²A Paulo bona Banaba e raka lasi taunimanima ese e noidia Dina Helaga gabenai unu hereva tamona na ma bae gwauraia lou idia vairadiai. ⁴³Dubu Helaga hebouna e ore, Iuda taudia hutuma bona Dirava garina e gariva taudia ese Paulo bona Banaba e bamodia, raruosi ese e hereva henidia bona e hahalodia eto, dirava ena hariharibada bae badinaia tarikatarika.⁴⁴Dina Helaga iharuana ai, hanua taudia hutuma bada e hebou Dirava ena hereva bae kamonaia. ⁴⁵A Iuda taudia ese aru taudia e itadia idia na e vagege bona Paulo ena hereva e gwauatubu bona ere dika henia.⁴⁶A Paulo bona Banaba e hereva goadagoada bona eto, "Dirava ena hereva a harorolai henimui guna na mai badina, to umui ese o dadaraiamu bona sibomui o laloamu dia nanamo mauri hanaihanai basio abia o tomamu, Aitaia, ai na idau bese taudia baia hageredia. ⁴⁷Badina be Lohiabada ese vada e haganimai eto, "Lau ese vada na atomui idau bese taudia edia diari ai baola, unu amo hahemauri ai baola ela tanobada dokona."⁴⁸Idau bese taudia ese una hereva e kamonaia, idia na e moale bona Lohiabada ena hereva e imodaia. A hutuma e abidia hidi mauri hanaihanai e abiabiraia. ⁴⁹Unu amo Lohiabada ena hereva na unu tano idoinai e hapiua rohoroho.⁵⁰A Iuda taudia ese lohia hahinedia, hanua tau badadia lalodia eani Paulo bona Banaba na bae dagedage henidia bona edia tano amo e luludia lasi. ⁵¹A Paulo bona Banaba ese aedia palapaladia kahudia e davedave oho idia ihabadelaidia karana, bena ikonio ela. ⁵²Iesu ibadinana taudia na moale ai e honu bona Lauma Helaga ese e rohedia.RDK. LOHIA KOHU ESE E HAGUGURUA. (07/07/24), TIME: 9.10 PM.

Chapter 14

¹Ikonio ai ma e vara lou Paulo bona Banaba na raruosi Iuda taudia edia dubu lalonai e raka vareai bona sivarai namona e harorolaia Iuda taudia bona Helene taudia hutuma bese ese eabia dae. ²To Iuda taudia haida ese asie abia dae Helene taudia lalodia eani bona tadikakadia e dagedage henidia.³Una dainai raruosi na unu seniai taina e noho daudau, Lohiabada dainai e haroro goadagoada, neganai ia ese Lohiabada ena hariharibada hereva mai toadia bona hoa karadia ida Paulo bona Banaba imadia amo e karava.⁴To hanua taudia hutuma na ehehari, taunimanima haida Iuda taudia edia kaha ai, A haida aposetolo taudia ediai e taova.⁵A Helene bona Iuda taudia haida ese edia hanua Lohiadia lalodia eani idia ese Paulo bona Banaba na bae adikadia bona nadi amo bae hododia, ⁶rarusi na ediba bena e heau Lukaonia tanona ela, Lustera bona Derebe hanuadia ai bona una tano idoinai, ⁷unuseniai idia ese sivarai namona e harorolaia hesiriu.⁸Lustera ai ae-hedairiki, tauna ta e helaiva, sinana bogana, amo unu e havaraia toma asi raka dibana. ⁹Ina tau ese Paulo ena haroro e kamonaia. Paulo ese e raraia bona eitaia ena abidadama ese na baine hamauria diba. ¹⁰Bena ia na e lolo eto, "Aemu ai a gini tore." bena ia na e roho isi bona e raka hegege.¹¹Bena aru taudia ese Paulo ena kara eitaia, idia e lolo LUkaonia gaodiai eto, "Dirava be taunimanima heidaidadia vada eme diho ita dekedai." ¹²Idia ese Banaba e hatoa "Deo," bona Paulo "Hereme," Badina ia na hereva herea tauna. ¹³Deo haroro tauna, ena dubu be hanua murinai, boromakau mamaruanedia bona herahera gaudia na ikoukou e laohai, ia bona aru taudia e ura bae haboubou.¹⁴A aposetolo, Banaba bona Paulo, e kamonai, edia dabua e dare bona e heau lasi haraga hutuma bogaragidiai e tai lolo, ¹⁵bona eto, "tatau e, dahaka dainai ini gaudia o karadiamu? Ai danu taunimanima mo umui o hemamimu hegeregerena a hemamimu. Ai ese sivarai namo umui dekemui ai harorolaiamu, umui ese ini gau asi anidia ba rakatani mauri Diravana, daika be guba, bona tanobada, bona davara, bona lalodiai e miamu gaudia idoidiai e kara. ¹⁶Uru gunadia edia nega ai ia ese bese idauidau iboudiai e henidia sibodia edia ura daladia ai bae raka.¹⁷To semarere, sibona ihahedinaraina toadia mo se nege, a hahenamo karadia e karamu bona medu guba amo e henimu bona madinamo negadia, anianidia bogamui e hakunudiamu bona e hamoalediamu. ¹⁸Enabe Paulo bona Banaba na unu e hereva aru taudia e rudia boubou gaudia ihenidia ai.¹⁹A Iuda taudia haida na Antioka bona Ikonio amo ema bona hutuma lalodia eani. Bena idia ese Paulo na nadi amo e hodoa bona hanua amo e veria lasi, e laloa ia na vada e mase. ²⁰A Iesu ibadinana taudia ese e ginia hegege, ia na e toreisi bona hanua e lou henia. Daba ai, ia na Banaba ida Derebe ela.²¹Idia ese hanua lalonai sivarai namona e harorolaia murinai bona Iesu ibadinana taudia hutuma eabidia, idia na e lou Lustera, bona ela Ikonio, bona ela Antioka maragina. ²²Idia ese Iesu ibadinana taudia e hagoadadia bona e hahalodia Iesu bae abiabiraia tarikatarika, bona e hamaorodia eto, "Ita na hisihisi momo lalodia amo Dirava ena basileia lalonai baita raka vareai."²³Una neganai idia ese ekalesia oreadia iboudiai lalodiai heitatao taudia vada eabidia hidi, bona guriguri mai anivagadia, ai e hamomokanidia Lohiabada ena, ia e abiabiraia taudia ena. ²⁴Bena idia Pisidia tanona amo e raka hanai bona Pamfulia tanona amo e lasi. ²⁵Bena idia na Perega ai sivarai namo e harorolaia; ma e diho ela Atalia hanuana.²⁶Unu amo lagatoi auta ai e gui Antioka badana ela, hari vada e ha-orea gaukarana dainai Dirava ena hariharibada lalonai e hahelagadia guna gabuna ai e kau.²⁷Bena ida na Antioka ai e kau bona ekalesia taudia e haboudia, Dirava idia edia ai e kara gaudia idoidiai sivaraidia, bona ia ese abidadama iduarana idau bese taudia ediai ede e kehoa toma herevadia e gwaurai. ²⁸Idia na Iesu ibadinana taudia dekedia ai e noho daudau.RDK. LOHIA KOHU ESE E HAGUGURUA (06/07/24), TIME: 8.10 PM

Chapter 15

¹Tatau haida na Iudea amo e diho ela Antioka. Varavara e hadibadia, eto, basie peritomemui, Mose ena taravatu hegeregerena, umui na hahemauri basio abia. ²Paulo bona Banaba na idia ida e heai bona e hepapa-ahuahu bada herea dainai, idia na e hahedua, Paulo bona Banaba, ma haida danu, Ierusalema baela, aposetolo bona heitatao taudia dekedia, una hereva bae nanadailaidia.³Ekalesia taudia ese edia dala matamana ai e bamodia bena Foenikia bona Samaria tanodia e rakadia hanai, bese idau-idau taudia ese e helalo-kerehai sivaraina e gwauraia bena varavara iboudiai e moale bada. ⁴Idia na Ierusalema ai e ginidae ai, dubu taudia apostolo bona heitatao taudia ese e abidia dae; bena idia na Dirava ida e kara bouva gaudia idoidiai e hamaorolaidia.⁵A Farasia oreana amo Iesu vada eabiabiraia taudia haida na e tore isi, eto: Maorona binai idau taudia danu bae peritomedia, bona bae hadibadia danu Mose ena taravatu bae badinaia. ⁶Bena aposetolo bona heitatao taudia e hebou, una hereva e haeroa.⁷Bena e hepapa-ahuahu daudau, murinai Petero e toreisi, eto: Tatau bona varavaragu e, dibamui Dirava ese umui bogaragimui amo e abiguhidi, lau udugu amo bese idaudia taudia ese sivarai namo bae kamonai bona bae abiadae. ⁸Bona taunimanima kudouna mai dibana Diravana ese idia ediai e hedinarai, bona Lauma Helaga e henidia, ita e henida hegeregerena. ⁹Ita bona idia se-haidauda badina edia abidadama ese lalodia vada e hagoevadia.¹⁰Dahaka dainai Dirava o dibaiamu taumui ese ia ibadinana taudia na maduna metau o ato kaumu. Tubuda bona ita danu ihuana asita hegeregere maduna na. ¹¹Ita ta abia daemu Iesu Keriso ena harihari-bada dainai baita mauri, idia danu unuheto.¹²Hebou taudia iboudiai asi regeregedia. Bena Banaba bona Paulo edia hereva mo e hakala henia; Dirava ese bese idau-idau taudia bogaragidiai toa bona hoa karadia idia imadia amo e karava sivaraidia raruosi ese e gwaurai.¹³Edia hereva e ore, bena Iakobo na e hereva, eto, Bamogu bona varavaragu e, a kamonai henigu. ¹⁴Simona ese e hamaorodia, Dirava ese na gunaguna bese idau-idau e hanamodia, edia bese bae abia hidi ia ladana baine nanoe laia.¹⁵Una na peroveta taudia edia hereva eme hegeregere: E torea, eto, ¹⁶Ini gau muridiai baina lou mai Davida ena kalaga e kohu gauna ma baina haginia lou, e hegigi rohoroho, ma baina hadaia lou bona baina haginia vaitani. ¹⁷Bena taunimanima gabedia ese Lohiabada bae tahua. Oibe, bese idau-idau lau ladagu vada e nemailaidia na bae tahua. ¹⁸Lohiabada e tomamu ini gau e gwaurai hedinaraiva guna negana amo ema hari.¹⁹Bena lau na tomamu bese haida ese Dirava e hagereamu ita ese be basita haraivadia. ²⁰Ai ta tore henidia, baitato, kaivakuku ihaboulaidia gaudia basie ani, bona basie heuda-hanai bona aiodia e taudae gaudia hidodia bona rarana basie ani. ²¹Badina sene negadia amo ema ina hari, Mose na mai ena haroro taudia hanua iboudiai lalodiai bona dina helaga iboudiai ena taravatu na dabu lalodia ai e duahiamu.²²Bena apostolo bona heitatao taudia, ekalesia taudia ida lalodia e hadai edia orea amo haida bae abidia hidi Paulo bona Banaba ida baela Antioka. Taudia be ini Iuda e nemaia Baraseba bona Sila idia raruosi na varavara ikwaradia taudia. ²³Ina revareva imadia ai e torea e laohaia aposetolo taumai bona ekalesia hegunalai taumai bona bese taumui Antioka ai bona Suria ai bona Kilikia ai o nohomu iboumui ai ba namo ba mauri.²⁴Aina vada ame kamonai haida emai amo e vasi, edia hereva amo e haraivamu bona e hadaradaramui to ai ese asia hamaorodia toma. ²⁵Badina be, ai iboumai ai emai lalo-hadai tamona binai tatau haida baia abidia hidi baia siaidia emai lalokau taudia Banaba bona Paulo bae vasi. ²⁶Taudia raruosi bene edia mauri e nege daure, eda Lohiabada Iesu Keriso ladana dainai.²⁷Badina bunai Iuda bona Sila a siaidiamu, ini hereva hegeregeredia mo ududia amo ma bae gwaurai. ²⁸Badina be Lauma Helaga bona ai atomamu ina na baine namo: maduna metaudia na pagamui ai basia ato kau; a ini mai badidia gaudia mo baia ato kau. ²⁹Kaivakuku ihaboulaidia gaudia rara bona aiodia e gigi gaudia hidiodia na basio ani, bona basio heuda-hanai. Unu gau idoidiai na basio abi dae vada ba namo, ba mahuta.³⁰Badina be, e siaidia taudia na Antioka ela, kamonai taudia unuseni ai e haboudia, bena revareva e henidia. ³¹Idia ese e duahia, bona unu hahealo herevadia e moalelai. ³²Iuda bona Sila na peroveta taudia: badina be raruosi ese hereva diagau amo e hadibalaidia bona e hagoada laidia.³³Idia na unuseni ai dina haida ma e noho: Bena varavara ese e tu-dia, mai mainodia ida ela e siaidia taudia dekedia. ³⁴A Sila na ena ura dainai dounu e halaheva. ³⁵Paulo bona Banaba na Antioka lalonai e nohova, e hahedibava bona Lohiabada ena hereva e haroro laiava hutuma ida.³⁶Dina haida vada ela bena Paulo ese Banaba e hereva henia, eto, Aitala Lohiabada ena hereva aita harorolai henidia hanuadia iboudiai baita lou henidia varavara baita itadia ede e hetomu. ³⁷Bena Banaba e urava Ioane Mareko na idia ida ma baela. ³⁸A Paulo ena lalo-hadai be ia bae laohaia na dia namo badina be Pamfulia ai e rakatanidia, edia gaukara ai se bamodia.³⁹Una gwauna raruosi e heai, bena e haheparara Banaba ese Mareko e abia lagatoi auta ai egui Kupro ela. ⁴⁰A Paulo ese Sila e abia hidi, varavara ese Dirava ena harihari-bada ai e hahelagadia bena e tore isi. ⁴¹Suria bona Kilikia tanodia e rakadia hanai ekalesia oreadia e hagoadadia.

Chapter 16

¹Paulo na Derebe bona Lustera ai e lasi, unuseni ai Iesu ibadinana tauna ta e nohova, ladana na Timoteo: sinana be Iuda hahinena sivarai namo e abiabiraia, a tamana be Helene tauna. ²Varavarana Lustera bona Ikonio taudia ese e gwauraiava tau namona. ³Paulo ese e ura henia, ia ida baela: bena eabia e peritomea, Iuda taudia unu gabu ai e nohova daidiai; badina be iboudiai dibadia tamana be tau Helene.⁴Hanua-hanua e rakadia hanai ai, aposetolo bona Ierusalema ekalesiana ita-taodia taudia edia hahegani e henidia, bae badina dia helaoreana, ⁵badina be, ekalesia oreadia iboudiai edia abidadama e goada e laova bona dina iboudiai ekalesia taudia na e hutuma e laova.⁶Bena Paulo mai bamona ida Frugia bona Galatia tanodia e rakadia hanai: badina Lauma Helaga ese e gwaudia ahu, Asia tanona ai sivarai namo basie haroro laia eto. ⁷Idia na Musia hetoana ai e kau, Bitunia baela e tomava, to Iesu Laumana ese e ru-udia. ⁸Bena Musia amo e raka hanai, ma taina ma e raka lao, Troa hanuana ai.⁹Hanuaboina ai Paulo vada e nihi, ena nihi ai Makedonia tauna ta e itaia, ia vairana ai e gini, e noia, eto, Makedonia aoma bame durumai. ¹⁰Una Paulo ena matahanai dainai, ai ese Makedonia ai baia heau hanai dalana a tahua haraga-haraga, ato sivarai namo baia henidia helaoreana Dirava ese vada e boirimai.¹¹Badina bunai, Troa ai lara akidaia isi, bena a heau maoromaoro Samotrake ala, daba ai ma a heau Neapolis ai a hakau. ¹²Unu amo Filipi ala una na Makedonia hanua badana: bona Roma tuari oreana ta ese danu e noholaiava. ¹³Dina helaga ai hanua amo a raka lasi sinavai isena ala: badina a diba guriguri gabuna na unuseni ai, a helai diho bena e hebouva hahinedia a hereva henidia.¹⁴Unseni ai hahine ta ladana Ludia, dabua kakakakadia e hoiva hahinena ena hanua Tuatira ai ⁰na Dirava e toma henia dihova. Emai hereva e kamonai bona Lohiabada ese kudouna e kehoa, bena ia ese Paulo e hakala henia. ¹⁵Ia mai ena ruma taudia ida bapatiso e abi; bena ia ese e noimai, eto, lalomui ai boma gwau lau na Lohiabada iabiabiraina hahinegu, egu ruma baitama lao, unuseni ai boma noho, ia ese e hamaoromai bena ala.¹⁶Nega ta guriguri gabuna a laova ai, babalau laumana ese e roheava kekenina ta vairamai ema, una kekeni biaguna ese kohu momo iena babalau karadia amo eabiva. 17 Ia na Paulo bona ai murimai ai e raka bena e lolo, eto, idia raruosi na herea mikamika Diravana edia hesiai taudia, hahemauri dalana e hamaoro laimuimu.¹⁸Dina momo unu e kara tomava, bena Paulo lalona e hesiku, e gini hegiro. Hari lauma e gwau henia, eto, Iesu Keriso ladanai na haganimumu ena amo a raka lasi. Bena una hora lalonai e raka.¹⁹A biaguna ese e itaia, edia kohu iabilaidia karana e doko bena idia ese Paulo bona Sila e dabaidia tao hoihoi gabuna e laohaidia hanua Lohiadia vairadia ai. ²⁰Hahemaoro taudia vairadia ai e hakaudia lao, eto, ini raruosi na Iudea taudia eda hanua e neneamu. ²¹Bona kara haida, iabi-daedia bona ibadinadia na mai taravatuna ita Roma tauda eda, karadia danu e gwaurai hedinaraimu.²²Aru taudia ese Paulo bona Sila e gonagona laidia bena hahemaoro taudia e haere edia dabua bae dare oho, au amo bae dadabadia. ²³E dadabadia dikadika, bena dibura rumana inarina tauna e hamaoroa baine gimadia namonamo. ²⁴Unu e hamaoroa toma dainai, ia ese raruosi laloma daiutuna ta ai e koudia, aedia danu au matudia ai e kapu tao kunuka-kunuka.²⁵Malokihi ai, Paulo bona Sila e guriguriva bona Dirava ihanamolaina anedia e abiva: dibura taudia ese danu e hakala henidiava. ²⁶Bena tano e marred dagu, dibura rumana e heude-heude, iduara iboudiai sibodia e hekeho bona edia igui iboudiai e heruha.²⁷Dibura rumana inarina tauna na mahuta amo e noga, iduara e ita iboudiai e hekeho: bena ia ese ena dare e veria lasi, sibona baine heala mase eto, badina ia banava dibura taudia e heau lasi eto, ²⁸A Paulo na e lolo badabada, eto, sibomu asio heala badina be ai iboumai ai iniseni ai.²⁹Dibura rumana inarina tau a e boiboi, kede bae mailai: bena e heau vareai, Paulo bona Sila vairadia ai e goru diho mai heude-heudena ida. ³⁰Bena ia ese e hakaudia lasi, eto, Lojiamui e, ede baina kara toma bena mauri baina abia? ³¹Raruosi e haere, eto, Lohiabada Iesu bavabiabiraia bena ba mauri, oi bona emu ruma taudia.³²Bena raruosi Lohiabada ena herevai ia bona ena ruma taudia e hamaoro laidia. ³³Bena hanuaboi lalona ai ia ese raruosi e laohaidia berodia e dairi: bena ia bona ena ruma taudia bapatiso vada e abia. ³⁴Bena ena ruma ai e hakaudia dae, adia e dabaraia, e aniani. Bena ia mai ena ruma taudia ida e moale bada, Dirava e abidadama henia dainai.³⁵Daba ai hahemaoro taudia ese edia hesiai taudia e siaidia, eto, ene tatau ba ruhadia nege. ³⁶Dibura rumana igimana tauna ese Paulo e hamaoroa, eto, hahemaoro taudia edia gwaukau e siaia, baina ruhamui nege e tomu, badina bunai, a raka lasi mai mainomui ida aola.³⁷A Paulo, eto, aina Roma tanona ai a ohomu taumai. Asie hahemaoro henimai guna a taunimanima vairadiai vada e dadabamai kava bona dibura rumana ai e koumai, bena harihari bae ruhamai nege hehuni a? Lasi vaitani, idia sibodia baema, bae hakau mai lasi. ³⁸Bena hesiai taudia ela, unu herevana hahemaoro taudia e hamaoro laidia idia na e kamonai raruosi na Roma ena gabu taudia, bena e gari. ³⁹Bena ela, raruosi e hamarumaru dia, bena e hakaudia lasi, e noidia danu una hanua na bae rakatania, eto.⁴⁰Raruosi na dibura rumana amo e raka lasi, Ludia ena ruma ela, unuseni ai idia na varavara ida e hedavari bona hahealo herevadia amo e hagoadadia bena Filipi e rakatania.

Chapter 17

¹Idia raruosi na Amfipoli bona Apolonia e rakadia hanai. Tesalonika ai e kau, Iuda taudia edia dubu ta be unuseni ai. ²Paulo na dubu ai e dae kau, vaia ena kara hegeregerena, bena dina helaga toi ai buka helaga na idia ida e nohobou laia.³E hadibalaidia goevagoeva Keriso ena hisi-ani bona ena toreisi lou na mai badidia. Bona e hamaorodia, eto, ina Iesu na harorolai henimuimu na Keriso. ⁴Idia haida be e kamonai, bena Paulo bona Sila ida e hebouva; bona Helene taudia, Dirava garina e gariva hutuma bona lohia hahine dia dia gadoi danu idia ida e hebouva.⁵Una dainai Iuda taudia oredia vada e mama. Bena hoihoi gabuna ai e noho kava taudia dikadia haida e abidia, bona hanua taudia hutuma e haboudia. Helogo-helogo bada herea e havaraia. Bena Iason ena ruma e darea, Paulo bona Sila e tahudia. Hanua taudia vairadiai, bae veridia lasi, eto. ⁶To asie davaridia; bena idia ese Iason bona varavarana haida ida, e dabuidia lasi. Hahemaoro taudia vairadiai e veridia lao, e lolo eto. Tanobada idoinai vada e hegiro hedagwamu taudia iniseni ai danu vada eme kau. ⁷Bona Iason ese vada e abidia dae ena ruma ai. Idia ese Kaisara ena taravatu e tata utumu, pavapava ta ma e gwauraiamu ladana Iesu.⁸Aru taudia bona hahemaoro taudia ese una hereva e kamonai neganai na kudou dia e hetaha. ⁹Idia ese Iason mai bamona ida taravatu e henidia, bena e ruhadia nege.¹⁰Varavara ese Paulo bona Sila na hanuaboi ai e siaidia haraga ela Berea raruosi e kau, bena Iudea taudia edia dubu ai ma e dae kau. ¹¹Ini na asi regedia taudia, dia Tesalonika taudia hegeregeredia; badina be idia ese hereva e hakala henia mai lalo-haragadia ida. Bona dina iboudiai buka helaga lalodiai e hetahu, ini gau na momokani eiava lasi. ¹²Badina be hutuma ese edia hereva eabidae, bona Helene lohiadia danu, tatau bona hahine, dia gadoi.¹³A Iuda taudia Tesalonika ai harina e kamonai Paulo ese Dirava ena hereva na Berea ai e harorolaiava, bena unu ela, hanua taudia e raraidia auka-auka bona eha garidia. ¹⁴Bena varavara ese Paulo e siaia lasi haraga kone ai; a Sila bona Timoteo be unuseni ai e noho. ¹⁵A Paulo inarina taudia ese e hakaua lao, Atena ai e rakatani, bona ena hereva e loulaia, Sila bona Timoteo edia, raruosi na ia dekena baela haraga eto,¹⁶Paulo ese Atena ai raruosi e naridiava negana ai lalona e hekwaraiva, badina be una hanua na e itaia, kaivakuku ai e honuhonu dae.¹⁷Bena ia na dubu ai Iuda taudia bona Dirava e toma henia diho taudia ida e hereva herevava, bona hoihoi gabuna ai danu, daba, daba idoidiai, unuseni ai e davaridia taudia ida.¹⁸Bona Epikuro ena orea bona Stoa oreana taudia haida Paulo ida e hepapa-ahuahu. Haida eto, ina hereva kava tauna be dahaka e gwauraimu haida ma eto, ia na Dirava idaudia e gwauraidiamu dahaka. Idia na unu e gwautoma badina be ia ese Iesu bona ena toreisi-lou sivaraina namona e harorolaiava.¹⁹Bena idia ese Areo ororona e hakaua lao; bena eto emu hahediba matamatana na anina mani boma hadibalaimai. ²⁰Badina be emu hereva mamidia na idau a tomamu, una dainai a uramu anidia korikori baia ma dibadia. ²¹Badina be Atena taudia iboudiai bona idau hanua taudia unuseniai e nohova danu edia kara tamona be dina iboudiai hereva matamatadia e gwauraiva bona e kamonaiva.²²Bena Paulo na Areo ororona bogaraginai e gini, e haroro, eto, Atena taumui e, name itamui umui ese emui dirava o matauraidia hereamu. ²³Badina be na raka heniava ai, o toma heni dihomu gaudia na itava negana ai boubou patana ta na davaria, latanai revareva ini e torea toma asi dibada Diravana ena benaini asi diabmui Diravana o toma henia dihomu na lau ese aina dibalaimui.²⁴Tanobada bona lalonai e miamu gaudia idoidiai ikaradia Diravana ese guba bona tanobada na e lohiadiamu: ia na taunimanima imadia ai e karava dubudia lalodiai se nohomu. ²⁵Taunimanima imadia ese danu ia isiaina asie lao henimu, gau ta bema dabu na heto: badina be ia ese mauri bona laga bona gau idoidiai danu taunimanima iboudiai e henidiamu.²⁶Rara tamona ai ia ese taunimanima besedia iboudiai vada e karadia, tanobada kopina idoinai bae noho henia, edia nega bona edia tano hetoadia vada e gwaurai. ²⁷Dirava bae tahua totona: bena bae darahua bona bae davaria readia, gau tamona, ia bona ita ta ta padada na dia daudau.²⁸Badina be ia lalonai ta maurimu, bona ta marere-mareremu bona ta nohomu, emui ane isisibadia taudia haida ese vada e gwauraia hegeregerena, eto, badina be ita danu ia natuna.²⁹Benaini, ita na ia natuna: badina dia maoro lalodia ai baitato Dirava na golo eiava siliva eiava nadi, kwara-herea bona aonega taudia ese e korova gaudia na heto.³⁰Dirava ese unu mata-lahui negadia na selalo taomu; A harihari ia ese taunimanima iboudiai gabu idoidiai e haganidiamu, ba helalokerehai. ³¹Badina be ia ese dina ta vada e gwauraia hidi. Una dina ai ena abihidi tauna ese tanobada idoinai baine hahemaoro henia mai maoromaorona ida: Bona ihamomokanina toana taunimanima iboudiai vada e henidia. Toana binai mase amo e hatorea isi.³²Mase ihatore-isi louna herevana e kamonai negana ai haida ese e kirikiri laia. Ma haida eto, ina hereva na emu ai ma baia kamonai lou. ³³Bena Paulo ese e rakatanidia. ³⁴A haida na ienai e taova. Bona ena hereva e abia dae: ta be Dionusio, Areo ororna tauna ta: Bona hahine ta ladana be Damari: Bena ma haida danu idia ida.

Chapter 18

¹Unu gau muridiai, ia ese Atena e rakatania. ²Unuseni ai ia ese Iuda tauna ta e davaria, Ponto edia bese tauna, ladana na Akula, ia adavana Priskila ida Itali amo ema Klaudio ena hereva hegeregerenai, eto Iudea taudia iboudiai Roma bae rakatania dainai. Bena Paulo na idia raruosi dekedia ela. ³Ia bona idia edia moni idavarina gaukara na tamona dainai. Ia na idia ida e nohova bona idia ida edia moni idavarina gaukarana be tamona dainai, Ia na idia ida e nohova bona e gaukara hebouva. Edia gaukara na dabua rumadia ihuridia.⁴A dina helaga iboudiai ia na dubu ai e harorova, Iuda taudia bona Helene taudia lalodia eani tohova. ⁵Sila bona Timoteo na Makedonia amo e kau una neganai Paulo e haroro goada goadava, Iuda taudia eha dibadia goevagoeva, Iesu na Keriso. ⁶ A idia ese e gwautubu mai ere dikadia ida, bena ia ese ena dabua e odaraia, eto, raramui na sibomui kwaramui ai baine mia, dia lau egu kerere, harihari ela, lau na idau bese taudia dekedia bainala.⁷Bena ia ese una gabu e rakatania, ela, tau ta ladana Titio Lusto ena rumai e nohova, una tau ese Dirava e toma henia dihova. Ia ena ruma danu dubu ida e gini hetabira. ⁸Krispo, dubu biaguna ese Lohiabada eabiabiraiava ena ruma taudia ida Korinto taudia hutuma danu Paulo ena haroro e kamonaia, e abia dae, bona bapatiso eabi.⁹Bena Lohiabada ese hanuaboi ai Paulo nihi ai e hereva henia, eto, asio gari ba hereva, udumu basio daia kapu. ¹⁰Badina lau na oi dekemui ai na nohomu. Tau ta ese basine guru henimu, basine hadikamu, badina be lauegu taunimanima na hutuma ina hanua lalonai. ¹¹Unai dainai, Paulo na lagani ta hua tauratoi unuseni ai e noho, Dirava ena hereva e hadibalaidiava.¹²Galio be Akaia tanona e lohiaia matama negana ai, Iuda taudia ese Paulo e dagedage henia mai lalodia tamona, bena hahemaoro gabuna e hakaua lao, ¹³eto, Ina tau ese taunimanima lalodia e animu, taravatu e tataia utumu dalana amo Dirava bae toma henia diho e tomu.¹⁴Paulo baine hereva etto, to Galio ese Iuda taudia e hamaorodia eto, Iuda taumui e, kara dika eiava kerere badana ta ai boma hahebadelaia, bama kamonai henimui, bema namo. ¹⁵To ene hereva bona lada bona emui taravatu henanadaidia na sibomui ba tahu; lau ese ene gau basina hahemaorolai.¹⁶Bena ia ese hahemaoro gabuna amo e luludia lasi. ¹⁷Bena idia iboudiai ese dubu biaguna, Sostene, e dabaia tao, hahemaoro gabuna vairanai e dadabaia. A Galio na una kara se haerolaia.¹⁸ Paulo na dina hoho, dounu e nohova, bena ia ese varavara logora e hatonidia, lagatoi ai e gui, Suria bainela. Priskila bona Akula ese e bamoa Kenkrea ai huina vada e utua, badina be mai ena gwauhamata. ¹⁹Tatoiosi Efeso ai e heau kau; unuseni ai ia ese raruosi e rakatanidia. Ia sibona dubu ai e dae kau, Iuda taudia ida e hereva-hereva.²⁰Bena idia ese e noia baine noho tari tari; to ia ese edia noinoi se abia dae. ²¹E hatonidia eto, Dirava baine ura, ma baina lou mai dekemu ai. Bena Efeso e heautania.²²Kaisarea ai e diho, bena Ierusalema ai eha dara dae, ekalesia oreana e hahenamo henia. Bena Anitioka ela. ²³Nega taina unuseni ai e noho, bena ma eha laolao, Galileia bona Frugia tanodia ela, ekalesia oreadia e igodia ita, Iesu ibadinana taudia iboudiai e hagoadadia.²⁴Una negana ai Iuda tauna ta, ladana Apolo, na Efeso ela. Ia na Alesandra tauna, mai aonegana, Buka Helaga dibana herea tauna. ²⁵Ina tau na ta ese Lohiabada ena dala vada e hadibalaia; bena ia ese Iesu sivaraina e gwauraia mai siahuna ida, bona e hahedibalaia goevagoeva. Gau tamona bapatiso na Ioane ena bapatiso mo dibana. ²⁶Ia na dubu lalonai e haroro matama mai haheaukana ida. Unuseni ai Priskila bona Akula ese ena hereva e kamonai, bena edia ruma e hakaua lao; bena raruosi ese Dirava ena dala e hadibalaidia maoromaoro.²⁷Ena ura be baine heau hanai, Akaia bainela; una dainai varavara ese Iesu ibadinana taudia unuseni ai e tore henidia, e noidia bae abia dae. Ia na unuseni ai e kau, bena Dirava ena hariharibada dainai vada e kamonai taudia na ia ese e durudia badava. ²⁸Badina be ia ese taunimanima vairadiai Iuda taudia e gwaudia tubu vaitani. Buka Helaga amo vada e hahedinaraia, Iesu na Keriso.

Chapter 19

¹Apolo na Korinto ai e nohova negana ai, gunika kahana amo e lasi Efeso ai e kau, Iesu ibadinana taudia haida unuseni ai e davaridia.²Paulo ese e nanadaidia eto, Iesu o abiabiraia negana ai Lauma Helaga danu oabia a? Idia e haere eto, "Lasi, Lauma Helaga herevana ta asia kamonaia."³Bena Paulo eto, "Dahaka bapatisona o abia?" Idia eto, Ioane ena bapatiso." ⁴Bena Paulo eto, Ioane ese helalokerehai bapatisona mo e heni. E hamaorodia danu ia murina amo bainema tauna danu bae abiabiraia, Iesu bunai."⁵Una hereva e kamonai, bena Lohiabada Iesu ladanai bapatiso ma e abia. ⁶Bena Paulo ese imana na idia latadiai e ato kau, Lauma Helaga na idia latadiai vada e diho, bena idia na gado idauidau ai e hereva bona e peroveta danu. ⁷Taudia iboudiai gwauta rarua sisivana.⁸Bena Paulo na dubu ai e dae kau hua toi davana, e haroro loulouva mai haheaukana ida Dirava ena basileia herevana e hahedibalaiava taunimanima lalodiadia e aniva. ⁹A haida ese lalodia e ha-aukadia e gwau ede-ede, bona dala matamatana e gonagonalaia hutuma vairadiai. Una dainai Paulo ese e rakatanidia Iesu ibadinana taudia danu e hakaudia oho, bena dina iboudiai Turano ena hahediba rumana ai e hahedibava. ¹⁰Lagani rua unu e kara tomava, una dainai Asia tanona ai e nohova taudia Lohiabada ena hereva e kamonaiva, Iuda taudia bona Helene taudia danu.¹¹Dirava ese siahu karadia hereadia danu Paulo imana amo e karava, ¹²bena unu amo muko bona rami Paulo tauanina e dogotao ena amo e laohai gorere taudia dekedia edia gorere e ore bona lauma dikadia ese e rakatanidia.¹³A Iuda taudia haida vaia lauma dikadia ilulu-ohodia karadia e laoalaiva taudia danu una gabu ai. Idia ese Iesu ladana e hatoa matama lauma dikadia ese e bolodia taudia latadiai eto,Paulo ese Iesu e harorolaia tauna ladanai a haganimuimu a raka lasi. ¹⁴Skeva, Iuda tauna bona hahelaga tauna ta, natuna mamaruanedia hahituosi unu e kara tomava.¹⁵Bena lauma dikana ese e haere henia eto. "Iesu na mai dibagu, bona Paulo danu dibagu; a umui be daidia?" ¹⁶Bena hari lauma dikana ese e boloa tauna na idia latadiai e roho kau e hadareredia bona e dadabadia. Ela bona idia na una ruma amo e heau lasi asi dabua dia bona mai berodia ida. ¹⁷Iuda taudia bona Helene taudia Efeso ai e nohova ese harina e kamonai. Bena gari ese iboudiai e butudia tao, bena Lohiabada Iesu ladana e imodaia.¹⁸Bona kamonai taudia hutuma danu iboudiai ema edia kara e gwaurai hedinarai. ¹⁹Bona babalau taudia dia gagadoi edia buka e habou taunimanima iboudiai vairadia ai e gabu. Buka davadia e hagaudia, bona e davariadia siliva monidia gerebu (daha) ima. ²⁰Una dainai Lohiabada ena hereva vada e vara rohorohova bona e kwalimuva.²¹Paulo na ena gaukara e hagugurua Efeso ai, bena lalona Lauma enai e hadaia Makedonia bona Akaia tanodia amo baine raka hanai Ierusalema bainela; eto, "Unu bainala guna, gabeamo Roma baina ha-itaia." ²²Bena ia ese iduruna taudia rarua Timoteo bona Erasto, Makedonia e siaidia lao. A ia sibona Asia kahana ai e nohova.²³Una negana ai helogo-helogo dia maragi e vara, Iesu ena dala dainai. ²⁴Badina tau ta ladana be Demetrio, siliva igaukaralaina tau, Artemis, ena siliva dubu-dubudia e karava unu amo ena gaukara oreana taudia ese moni diagau e abiva. ²⁵Ia ese idia bona gaukara hegeregeredia e karava taudia e haboudia, eto, "Tatau e, dibamui ina gaukara amo eda moni ta abimu.²⁶O itaiamu bona o kamonamu danu, dia Efeso ai mo, to Asia tanona idoinai danu, ina tau Paulo ese taunimanima hutuma bada lalodia e animu. E tomamu taunimanima imadia ese e karamu diravadia na dia dirava korikoridia. ²⁷Ina na ita e hadikadamu, eda moni idavarina gaukarana taunimanima ese bae dadaraia, bona dia una mo a Artemisi (Diana) ena dubu danu bae dadaraia. Oibe, Asia idoinai bona tanobada taudia ibouboudiai e toma henia dihomu diravana dagina herea-daena baine heabi oho."²⁸Idia ese unu hereva e kamonai negana ai e badu dikadika, e lolo loulou, eto, "Efeso diravana herea mikamika." ²⁹Hanua idoinai helogo-helogo vada e bada, bena idia iboudiai e heau ela, herarai rumana. Idia ese Paulo e bamoava taudia Gaio bona Aristako Makedonai amo ema e guidia.³⁰Paulo ena ura baine raka vareai hanua taudia dekediai, to Iesu ibadinana taudia ese e ru-ua. ³¹Asia lohiadia haida Paulo turana ese danu gwaukau e siaia e noia herarai rumana ai basine raka vareai eto. ³² Haida ese hereva ta e lololaiava, ma haida hereva ta, bena hebou na e helogo ahuahuva dainai hutuma na hebou badina asi dibadia.³³Bena hutuma bogaradia amo Alesana ema, Iuda taudia ese taunimanima vairadiai e doria laova. Una dainai Alesana ese imana ai taodia ahu, taunimanima baine haere henidia eto. ³⁴To idia ese e itaia ia na Iuda tauna, bena iboudiai hereva tamona e lololaia loulouva ela bona hora rua sisivana eto, "Efeso diravana Artemisi (Diana) na herea mikamika.³⁵Bena hanua ena toretore tauna ese hutuma e hatuidia, eto, Efeso taumui e, daika tanobada ai asi dibana Efeso na Artemisi (Diana) badana ena dubu igimana, bona deo (heaven) ena amo e moru gauna danu igimana. ³⁶Ini hereva be asi igwau-tubudia, una dainai ba noho namonamo basio kara havara-havara una be namo.³⁷Badina be ini o hakaudia mai taudia na dia dubu ai asie dadidadi eda dirava hahinena danu asie hadikaia.³⁸Una dainai, Demetrio mai ena gaukara taudia ida lalodia baeto tau ta ese vada e hadikadia, hahemaoro rumadia vada eme hekeho gavana danu noho. Benaini bae hahebade heheni. ³⁹A bema idau hereva ta mia, hebou korikori ai bae herevalai. ⁴⁰A hari dina ena helogo-helogo dainai bae hahebadelaida be baita kerere. Badina be ina helogo-helogo dainai bae habadelaida na asi anina bona ina hebou badina na basita gwauraia diba. Ia e hereva vaitani, bena e haganidia bae karoho.DAVAI HENI LOHIA ESE E HAGUGURUA.

Chapter 20

¹Helogohelogo e doko murinai, Paulo ese Iesu ibadinana taudia e heboudia bena e hahealo henidia murinai, e hatonidia bena e rakatanidia Makedonia ela. ²Unu gabu e rakadia hanai bona hereva momo ai e hahealo henidia, bena Akaia ela. ³Hua toi unuseni ai e noho murinai, lagatoi ai baine gui Suria bainela eto, to Iuda taudia haida ihadikana karadia e henegalaia dainai ia ese lalona e hadaia Makedonia amo baine lou.⁴E bamoa ela bona Asia taudia bini Sopatera Puro tau Berea natuna, bona Aristako bona Sekunde, a Tesalonika taudia Gaio tau Derebe, bona timothy, bona Tukiko bona Trofimo Asia amo. ⁵A idia ese e gunalaimai bona Troa ai e narimai. ⁶Bena ai na Flaoa asie hatubua Ariana dinadia e ore murinai Filipi a heautania, bena dina ima Troa ai a heaukau. Idia dekediai a kau dina hitu unuseniai a noho.⁷Bena pura dinana ginigunana, anibou ianina e hebou negana ai, Paulo ese Iesu ibadinana taudia e haroro henidia, badina be daba ai baine heau eto, ena haroro e hadaudaua ela bona malokihi. ⁸Atai daiutuna ai a hebou lamepadia na momo.⁹Eregabe tauna ta ladana na Eutuko, gaba mauruna ai e helaiva. Bena mahuta ese e hametaua matana. Paulo ese ena haroro e hadaudau dainai, e mahuta hedavahue, bena ruma atai harana toi kahana amo e moru dobi bena e aba isi negana ai ia na vada e mase. ¹⁰A Paulo na e diho, latanai e goru, bona e rosia. Bena ia eto, "Asio helogo helogo ia na doini e maurimu."¹¹Bena ma e daekau lou bena Flaoa atagana e bakia bona e anianai. Idia ida e hereva hereva ela bona daba e rere, bena e raka oho. ¹²idia ese eregabe tauna e hakaua lao mai maurina ida bona lalo-namo na e badaherea.¹³A ai sibomai na vada a gui guna bena Aso ai baia heaukau, unuseni ai a laloa Paulo baine gui kau. Ia sibona na uu e hamaoromai toma, badina be ia e laloa tano amo baine raka. ¹⁴Una dainai ai na ia ida Aso ai a hedavari, egui kau bena Mitulene ala.¹⁵Unu amo ma a heau lao bena kerukeru Kioso daenai a hetu vanega Samo ai a heaukau bona vaira negai Mileto ai a heaukau. ¹⁶Badina be Paulo lalona eto Efeso baine heau hanai be namo, nega daudau Asia ai baine halahe na garina. Badina be ia na e gava, bema mai dalana, Pentekose dinana ai Ierusalema ai baine noho eto.¹⁷Bena Mileto amo ia ese gwaukau Efeso e siaia lao bona ekalesia oreana ita taona taudia ia dekena baela.¹⁸Bena idia na dekenai e kau negana ai, ia ese e hereva henidia eto, Asia tanona ai dina ginigunana ai umui sibomui na mai dibamui. ¹⁹Lohiabada isiaina na lao heniva mai manaugu ida bona mai iruru matagu ida bona hisihisi ese e butugu taova badina be Iuda taudia edia henega dikadia daidiai. ²⁰Umui dibamui ihanamolaimui herevadia iboudiai na hamaorolai henimuiva ta asina hunia, bona na hadibamuiva taunimanima vairadiai bona ruma ta amo ela ruma ta, ²¹Iuda taudia bona Helene taudia danu na hereva henidiava Dirava enai bae helalokerehai bona eda Lohiabada Iesu bae abidadama henia.²²Harihari baitaia, lau na Ierusalema bainala, lauma ese vada e guigu dainai, asi dibagu dahaka egu ai baine vara unuseniai. ²³Gau tamona hanua hanua lalodiai Lauma Helaga ese vada e hamaorogu igui bona hisihisi momo vairaigu ai e narimu. ²⁴A sibogu egu mauri na basina laloa gau hereadaena, egu heau baina ha-orea bona hesiai ialo-henina Lohiabada Iesu ese vada e henigu, Dirava ena hariharibada sivaraina namona baina gwauraia hedinarai vada baina haugurua.²⁵Harihari Aitaia, launa mai dibagu emui ai na laloa basileia na harorolai henimui taumui, iboumui ai ese vairagu basio itaia lou. ²⁶Una dainai ina dina ai na hamaoromuimu lau na taunimanima iboudiai raradia amo name goeva. ²⁷Badina be Dirava ena ura idoinai vada na hamaorolaimui sina taina asina moia tao.

²⁹Dibagu lau baina raka oho murinai, uda sisiadia kavakavadia be bogaragimui ai do bae raka vareai bona seri na bae hadikaia. ³⁰Dibagu umui sibomui emui amo tatau haida do bae ginitore hereva goevagoevadia bae gwaurai kamonai taudia bae hakaudia kerere.³¹Una dainai ba gima, ba helalotao lagani toi vaitani umui ta ta isisiba henimui asina hadikoa na sisiba heniui boiva bona na sisiba henimui raniva mai iruru matagu ida.³²Harihari Dirava imana ai bona ena hariharibada herevana ai na atomui taomu ia na mai goadana baine haginimui maoro bona ahumui baine heni ena helaga taudia iboudiai bogaragidiai.³³Tau ta ena silver eiava gold eiava dabua asine hekise hekise heniava. ³⁴Umui sibomui dibamui ini imagu ruaosi gaukaradia amo egu dabu gaudia bona bamogu edia na abiva. ³⁵Ini gaudia iboudiai lalodiai, lau ese dala namona na hahedinarai henimui ita na baita gaukara auka manoka-manoka taudia baita kahadia, bona Lohiabada Iesu ena hereva, balaloa tao ia sibona eto, "Gau ihenina na namo bada gau iabina be namo maragi."³⁶Unu gaudia e gwaurai murinai, tuina e hadai bena idia iboudiai ida e guriguri. ³⁷Idia iboudiai na e tai dika dika, idia ese Paulo aiona ai e hegagui dae bona e harahua.³⁸Idia lalodia e hisihisi bada badina be ena hereva dainai ia vairana basie itaia lou eto, bena dala ai e bamo ela lagatoi.RDK. LOHIA KOHU ESE E HAGUGURUA DINA 23/07/24 (TUE), HORANA: 12.40 AM

Chapter 21

¹Bena edia amo a raka oho neganai a heau, maoromaoro bona Kosa ai a kau, bena dina gabenai ala Roda, bena unu amo ala Patara. ²Unuseni ai Foenikia bainela kadana ta a davaria, bena a guikau a heau.³Kupro a itaia bena laurina kahana ai a rakatania, a heau ala Suria bena Turo ai a diho, badina be kada kohuna unuseni ai bae vaia dainai. ⁴Bena una murinai hahediba a davaridia, idia dekedia ai dina hitu a noho. Lauma ena amo idia ese Paulo e hamaoroa loulouva Ierusalema basinela.⁵Unu dinadia e ore, bena emai laolao ala, idia iboudiai, mai adavadia bona natudia, e bamomai dala ai ela bona hanua isena a rakatania. Bena kone ai a hetuitui, bena a guriguri, ⁶bena a hahetoni heheni. Kada ai gui, bena e lou edia ruma.⁷Emai laolao Turo ai e ore, Tolemaia ai a heau kau. Unuseni ai tadikaka a hahenamo henidia bona dina tamona idia ida a noho. ⁸Bena daba ai ala Kaisarea. Filipo ena ruma ai a vareai, evanelia tauna, ia na hahituosi tauna ta, bena ia ida a nohova. ⁹Ia na mai natuna ulatodia hahani e peroveta va.¹⁰Dina hoho unuseni ai nohomai ai, peroveta tauna ta ladana Agabo Iudea amo e diho ema. ¹¹Bena ema dekemai Paulo ena belta (eiava riorio dabuana aukana) e abia. Sibona aena bona imana e guidia bena eto, Lauma Helaga be ini e gwau tomamu, Iuda taudia ese Ierusalema ai ina belta (riorio dabuana aukana) biaguna ini bae guia toma, bena idau bese taudia bae henidia.¹²Una hereva a kamonai neganai na, ai bona una gabu taudia na Paulo a noiava Ierusalema ai na basine ha dara dae. ¹³Bena Paulo e haere, eto, "Umui be dahaka o karamu, o taimu bona lalogu o hamakohiamu? Lau be vada name hegaegae, dia una mo bae guigu, a baina mase danu Ierusalema ai Lohiabada Iesu ladanai." ¹⁴Paulo lalona ianina asia hegeregere dainai emai noinoi a hadokoa ato, "Lohibada ena ura mo baine karaia."¹⁵Unu dina muridia ai, emai kohu abidia bena ala Ierusalemai a hadara dae. ¹⁶Hahediba haida Kaisarea amo danu ai e bamomai. Idia ese tau ta ladana Nason, tau kupro, Iesu ibadinana tauna gunana ta, ena rumai e abi mai dae baia noho.¹⁷Ierusalema ai a kau neganai, tadikaka ese mai moaledia ida e abimai dae. ¹⁸Dina gabenai Paulo na ai ida ala Iakobo dekena, bona orea ita-taona taudia danu e vaira. ¹⁹Paulo ese e hahenamo henidia, bena Dirava ese bese idau-idau taudia bogaragidiai iena hesiai amo e karava karadia iboudiai sivaraidia e gwaurai.²⁰Idia na e kamonai, Dirava e heatolaia, bena idia ese ia e hamaoroa eto, "Oi itaiamu tadikakagu e, Iuda taudia daha daha ese Iesu vada e badinaiamu. Idia danu taravatu e badinaia tarika-tarikamu. ²¹Idia na vada e kamonai oi ese, Iuda taudia bese idau-idau bogaragidia ai e nohomu na o hadibadiamu Mose bae rakatania, bona natudia basie peritome dia, bona sene karadia basie kara.²²Una dainai, ede baita kara toma? Idia na momokani bae kamonai oi vada oma. ²³Una dainai ini kara ai a hamaorolaimu na ba karaia. Tatau hahani bini hehelaga edia gwauhamata dainai. ²⁴Oi ese bavabidia idia ida ba hahegoeva, bona edia negenege ba davanadia, bena huidia ba utu. Unu amo taunimanima iboudiai bae diba oi harimu e kamonaiva na asi anina, bae diba danu o kara maoromaoromu bona taravatu o badinaiamu.²⁵A bese idau-idau taudia na emai lalo-hadai vada a tore henidia, ato, kaivakuku ihaboulaidia gaudia bona rara bona aiodia e gigi gaudia hidiodia na basie ani, bona basie heuda-hanai. ²⁶Una dainai, Paulo ese hari tatau na e abidia, kerukeru idia ida bae hahegoeva, dubu lalonai e raka vareai, hahelaga taudia bae ore dinadia baine gwaurai hedinarai bona boubou gaudia idia ta ta daidiai baine ato.²⁷Hahegoeva dinadia hituosi kahira-kahira e ore murinai, Iuda taudia haida Asia amo ese Paulo e itaia dubu helaga lalonai, bena idia ese aru taudia lalodia e ani, bena e dabaia tao. ²⁸E lolo eto, "Isaraela taumui e, a durumai. Ina tau ese taunimanima iboudiai gabu idoidiai e hadibalaidiamu ita beseda, bona taravatu, bona ina gabu bae inai henidia. Ina danu, ia ese Helene taudia na dubu helaga lalonai vada e hakaudia vareai, ina gabu helagana vada e hadikaia." ²⁹Badina be idia ese e itadia guna Trofimo, tau Efeso ida, hanua lalonai bena banava eto Paulo ese dubu helaga lalonai vada e hakaua vareai.³⁰Hanua idoinai e haraivaia, bena hanua taudia e aru ela Paulo e dabaia tao. Dubu helaga amo e veria lasi, bena iduara iboudiai e kou. ³¹Idia ese bae alaia mase eto, Ierusalema idoinai e helogo-helogova harina na tuari biaguna badana e kamonai.³²Bena ia ese tuari taudia mai biagudia ida e hakaudia haraga-haraga bena hutuma dekedia e heau lao. Aru taudia ese tuari biaguna badana mai ena orea taudia ida e itadia, bena Paulo idadabana e hadokoa. ³³Bena tuari biaguna badana e raka kahira Paulo e abia, bena ena orea taudia e haduadia gadea rua amo bae guia. Bena e nanadaia ia be daika bona ena kara be dahaka.³⁴A hutuma bogaradiamo haida e hereva ta ma haida e hereva ta e lololai. Bena helogo-helogo dainai ia na hereva maorona idavarina asi dibana. Una dainai, e hahedua, Paulo na tuari kohorona lalonai bae hakaua vareai. ³⁵Vadavada ai e kau ai, tuari taudia ese e huaia dae badina be aru taudia na mai edia dagedage.³⁶Badina be hanua taudia ibouboudiai ese e gavaia e lolo eto, "Aine mase."³⁷Kohoro lalonai bae hakaua vareai eto, Paulo ese tuari tauna badana e noia, eto, "Mani bama hereva henimu a?" Tuari biaguna badana eto, Helene gadodia mai dibamu a? ³⁸Oi na dia hari Aigupito tauna, gunaguna ala-ala e havaraia bona ala-ala taudia daha hani tano gagaena e hakaudia lao a?"³⁹Paulo eto Lau na Iuda taugu egu hanua na Taso Kilikia tanona ai, harina dia maragi hanuana. Una dainai, na noimumu, mani emu kara taunimanima aina hereva henidia. ⁴⁰Tuari biaguna badana e gwau maoro, bena Paulo na vadavada ai e gini imana ai taunimanima e taodia ahu. Idia na asi regeregedia bena ia ese Heberu gadodia ai e hereva henidia eto,

Chapter 22

¹²³⁴⁵⁶⁷⁸

Chapter 23

¹Bena Paulo ese kaunsil taudia e raraidia tao; ben ato, varavaragu e, lau na mai lalo-goevagoevagu ida vada na nohova Dirava vairanai, ema bona harihari. ²Bena hahelga tauna badana, Anania, ese badibadinai e gini taudia e haduadia, uduna bae huaria. ³Bena Paulo ese e gwau henia, eto, Dirava ese oi do baine huarimu; oi na e hakurokuroa habana na heto; Oi na taravatu ai ba hahemaoro henigu totona o helaimu ani? Matona, taravatu o tataia utumu, o haduadiamu bae huarigu.⁴Badibadinai e gini taudia eto, Dirava ena hahelaga tauna badana o gonagonalaiamu a? ⁵Paulo e haere, eto, varavaragu e, asi dibagu ia na hahelaga tauna badana; a dibagu vada e torea, Emu bese lohiana na basio ere dika henia.⁶Paulo ese kaunsil taudia e itadia eto, haida be Sadukea taudia, ma haida be Farisea taudia; bena bogaragidiai e lolo, eto, varavaragu e, lau na Farisea taugu; bona Farisea tauna natuna. Mase taudia edia tore-isi-lou name laroa dainai o hahemaoro henigumu a? ⁷Ia na unu e gwau toma; bena Farisea taudia bona Sadukea taudia e hepapa-ahuahu, edia hebou e haheparara; ⁸badina be Sadukea taudia e tomamu tore-isi-lou na lasi, aneru lasi, lauma danu lasi, a Farisea taudia ese iboudiai e gwauraidiamu.⁹Bena helogo helogo vada e badava; itorena taudia haida Farisea oreana amo e gini tore, e hereva goada goada, eto, ina tau enai kara dika ta asiame davaria; lauma ta eiava aneru ta ese vada e hereva henia dahaka. ¹⁰Hepapa-ahuahu na e habadaia; bena tuari badana e gari, idia ese Paulo bae darea na garina. Una dainai, ia ese ena orea taudia e haduadia, bae diho, bogaragidia amo bae hakaua oho, kohoro lalonai ma ba hakaua vareai.¹¹Hanuaboi ai Lohiabada na Paulo badibadinai e gini, eto, Ba goada balaheni, badina be Ierusalema ai vada o gwauraigu hegeregerena ai Roma ai danu ma ba gwauraigu.¹²Dabai ai Iuda taudia haida e henega, e gwau hamata mai hereva metau dia ida, basie aniani bona ranu basie inua ela bona Paulo bae alaia mase. ¹³Unu e gwau hamata toma taudia na hari-ahui mai dikoana.¹⁴Idia na hahelaga taudia bona hanua tau-badadia dekedia ela, eto, Ai na vada ame gwau hamata mai hereva metaudia ida, basia aniani ela bona Paulo baia alaia mase. ¹⁵Una dainai, umui na kaunsil taudia ida tuari biaguna ba noia, ia ese Paulo ma baine hakaua diho dekemui ai, boma ura ia herevana boma tahua goevagoeva na heto. A ai na baia hegaegae noho, bena dekemui ai do basine raka kahi mai, vada baia alaia mase.¹⁶A Paulo vavana ese edia bani-tao herevana e kamonai, bena tuari taudia edia kohoro ai e raka vareai, Paulo e hamaorolaia. ¹⁷Bena Paulo ese tuari biaguna maragina ta e boiria, eto, Ina tauhau na tuari biaguna badana dekena a hakaua lao, badina be ia na hereva ta aine hamaorolaia e tomu.¹⁸Una dainai, ia ese e hakaua lao, tuari biaguna badana dekena eto, hari mai iguina tauna, Paulo, ese e boirigu, e noigu, ina tauhau na oi dekemu baina hakaua mai eto, badina be ia na hereva ta aine hamaorolaimu e tomu. ¹⁹Bena tuari biaguna badana ese ia imana eabia e hakaua siri, e nanadaina hehuni eto, dahaka ba hamaorogu o tomu?²⁰Ia na e haere eto, Iuda taudia vada e henega bou, bae noimu kerukeru Paulo ba hakaua diho, kaunsil taudia dekediai, bae nanadaia goevagoeva totona. ²¹To basio kamonai henidia, badina tatau haria-hui mai dikoana na Paulo ese e bani heniamu, bona vada e gwau hamata eto, aniani basie eani bona ranu basie inu ela bona bae alaia mase. Idia na harihari e hegaegae nohomu, badina be lalodia e tomamu oi ese edia noinoi bavabia dae.²²Una dainai, tuari biaguna badana ese tauhau na e tuia, e tamanua, eto, tau ta basio hamaoroa oi ese unu gau vada o hamaorolaigu. ²³Bena ia ese tuari biagudia rarua e boiridia, eto tuari taudia sinahu-rua bona hosi ai e guimu taudia hitu-ahui bona io taudia sinahu-rua ba haboudia hegaegae, hari hanuaboi hora taurahani ta Kaisarea baela. ²⁴Hosi ta danu bae henidia, Paulo ena gui gauna. Bena gavana Feliki dekena ba laohaia mai maurina ida.²⁵Revareva danu e torea, ini e torea toma: ²⁶Lau Kludio Lusia ese oi Feliki gavana taumu namo-hereana, na hahenamo henimumu. ²⁷Ina tau be Iuda taudia ese e dabaia tao, bae alaia mase eto; bena lau na tuari oreana ida ala na hamauria, badina be na diba ia na Roma tauna.²⁸Lau na ura e hahebadelaia anina baina diba, una dainai na hakaua diho edia hegogo badana lalonai. ²⁹Unuseni ai na davaria idia ese edia taravatu herevadia ai e habadelaiava, a ihamasena eiava iguina badina ta asie gwauraia. ³⁰A vada eme hamaorogu haida na bae bani tao, bena bae alaia mase; una dainai na siaia vasi haraga-haraga dekemu ai; bona ihabadelaina taudia danu vada bae vasi, oi vairamui ai bae habadelaia.³¹Una dainai e haduadia hegeregerena ai tuari taudia ese Paulo e abia, hanuaboi ai Antipatri e hakaua lao. ³²Kerukeru idia na edia kohoro e lou lao; a hosi ai e gui taudia be Paulo ida ela. ³³Kaisarea ai e lasi; bena hari revareva na gavana e henia, Paulo danu e hakaua vareai ia vairanai.³⁴Paulo ese hari revareva e duahaia vaitani, bena e henanadai eto, Ia be edena gabu tauna? Vada e kamonai ia na Kilikia kahana tauna. ³⁵Bena eto, E hahebadelaimu taudia do baema, bena vairadiai emu hereva idoinai baina kamonai. Bena e haduadia, Heroda ena hahemaoro rumana ai do bae gimaia.Translation done by Rev. Eiwana Zacharias on 08/08/24, time: 8.00 am.

Chapter 24

¹Dina ima e ore ai Ananias hahelaga tauna badana, hanua tau-badadia haida ida, bona haroro mai dibana tauna ta ladana Teretulo unu ela. ²Bena Paulo na governor vairanai e gini, Teretulo ese governor enai e habadelaia matama, eto, "Badina be oi daimu ai maino ai a nohomu, bona emu aonega dainai ina bese ena dala vada eme maoromaro, ³una dainai ai ese nega idoidiai bona gabu iboudiai oi emu hereva abiadaemu bona a hanamomumu.⁴Edeheto, baina haturiamu na garina na noimumu, mani ame bogamai hisi emai hereva kwadogina ba kamonai. ⁵Badina be ai ese ina tau a davaria ia na dika ihavarana tauna Iuda taudia iboudiai tanobada kahadia idoidiai ia ese e hahelogo-helogodiamu ia danu Nasareta oreana ihakauna tauna ta. ⁶Ia ese Dubu Helaga e hadikaia toho, to ai ese a dabaia tao baia hahemaoro henia emai taravatu hegeregerenai ato.⁷A Lusia, tuari biaguna badana ema imamai amo eabia oho mai dagedagena ida. ⁸Mani oi sibomu ese ba nanadaia ini kara idoidiai e habadelaimumu herevadia sibomu ba diba gaudia amo ai ese a habadelaiamu. ⁹Iuda taudia ese ena hereva e abiadae unu hereva iboudiai na mo-momokani.¹⁰Gavana ese Paulo e lodu henia, bena Paulo e haere, eto, "Lau dibagu lagani momo oi ese ina bese vada o hahemaoro henidia, una dainai sibogu herevagu ai na gwaurai mai moalegu ida. ¹¹Boma tahua boma diba dina gwauta-rua vada ela lau na toma-diho totona Ierusalema ai na hadara dae. ¹²Tau ta ida hepapa-ahuahumai ai asie davarigu, eiava hutuma na habadudia, bona dubu ai eiava hanua ariaradiai ai heolog-helogo ta asina havaraia. ¹³Idia danu harihari e habade laigumu herevadia na oi vairamu ai basie hamomokani dibamu.¹⁴A ina-na na gwauraia hedinaraimu oi vairamu ai, idia ese kererena, e gwauraimu dalana ai lau ese senemai edia Dirava na toma henia dihomu. Lau na gau iboudiai taravatu ai bona peroveta bukadia ai e torena na abidaemu danu. ¹⁵Mai egu helaro danu Dirava enai ini hahebade taudia hegeregeredia mase taudia do bae toreisi lou kara maoromaoro taudia bona asi edia kara maoromaoro taudia danu. ¹⁶Ina danu na goadalaiamu lalogu na basine kerere helaoreana Dirava vairanai bona taunimanima vairadiai.¹⁷Lagani haida vada e lao bubuni bena nala harihari gaudia bona boubou gaudia egu hanua baina laohai nato. ¹⁸Unu na kara toma, bena na hahegoeva ai na Dubu Helaga ai, e davarigu aru taudia na lasi, helogohelogo danu lasi. ¹⁹A Iuda taudia haida Asia amo be unuseni ai oi vairmu ai bema mai bema habadelaigu, idia na egu kara dika ta bema diba una na bema maoro.²⁰Eiava, ini vada ema taudia ese bema hamaorogu egu kara dika be edena e davaria Iuda kaunsolo taudia vairadia nagini negana ai. ²¹A ina hereva tamona na gwauraia badabada idia bogaragidia ai ginigu ai nato, "Mase taudia edia toreisi lou herevana dainai, hari dina o hahemaoro henigumu,²²Bena Felix hari 'Dala' vada e diba maoromaoro tainai idia e gwaudia tubu eto, "Bema Lusia tuari biaguna badana bainema neganai emui hereva baina tahua namonamo. ²³Bena tuari biaguna e hagania Paulo baine gimaia, to basine koua kunuka-kunuka, bona basine gwaua tao turana haida ese danu bae igoa ita.²⁴Dina haida muridia ai, Felix na adavana Darusila, Iuda hahinena, ida ema bena Paulo hesiaina e kara bena ia ena amo e kamonai Keriso Iesu iabiabiraina herevana. ²⁵A Paulo ese kara maoromaoro bona boga auka bainema hahemaorona danu e herevalaia, Felix na e gari, eto, Harihari aola nega baine namo ma baina boirimu lou.²⁶Ia danu mai ena helaro Paulo ese moni baine henia ia iruhana davana una dainai ia ese e boiria loulouva, ia ida e hereva-herevava. ²⁷A lagani rua vada e lao bubuni, bona Porokio Festo ese Felix e boloa, A Felix na Iuda taudia lalodia ihanamodia urana e urava dainai, ia ese Paulo na igunai e rakatania.

Chapter 25

¹Festo na baine lohia tanona ai e vareai, bena dina toi murinai, Kaisarea amo ela bona Ierusalema. ²Hahelaga taudia bona Iuda ikwaradia taudia ese Paulo e habadelaia Festo enai, ³bena idia ese e noia bona e nanadaia ia ihadikana ai baine durua - bena Festo ese Paulo na Ierusalema bae hakau mai - badina be idia ese dalai bae bani henia bae alaia mase eto.⁴Festo ese e haere henidia eto, Paulo bae gimaia Kaisarea ai, bona asi vanahana lau danu unu bainala.⁵Ma eto, "Una dainai, umui bogaragimui ai hegunalai taudia danu lau ida bainala. Bema hari tau mai ena kerere, idia ese bae habadelaia."⁶Festo na idia dekedia ai e nohova dina taurahani eiava gwauta dahaka, bena Kaisarea ela. Dina gabenai ia na hahemaoro gabuna ai e helai bena e hahegani (gwau lasi) Paulo na bae hakaua mai ia vairanai. ⁷Paulo na e ginidae, bena Ierusalema amo e diho taudia ese e ginia hegege, hereva metaudia momo e habadelaia, to asie hamomokanidia. ⁸Bena Paulo e haere eto, "Lau na gauta asina karaia kerere, Iuda taudia ediai eiava dubu enai, eiava Kaisara enai, taravatu asi na tataia utu."⁹To Festo, na e urava Iuda taudia lalodia baine hamoaledia dainai, ia ese Paulo e haere henia eto, "O uramu be Ierusalema ai ba hadara dae unuseni ai baina hahemaoro henimu ini hereva daidiai a?" ¹⁰A Paulo eto, "Lau na Kaisara ena hahemaoro gabunai na ginimu ia ese baine hahemaoro henigu." Lau be gau kererena ta asi na karaia Iuda taudia ediai, oi danu mai dibamu.¹¹Bema dounu bama kerere bona mase karana ta bama karaia vada bama mase, basinama gwau ede-ede. A bema edia hahebade asi anina, tau ta ese idia imadia ai basiema tahogu kau diba. Kaisara ladana bama hatoa ia vairanai baina hahemaoro. ¹²Unu amo Festo Kaunsol taudia ida vada e hereva-hereva, bena ia e haere eto, "Kaisara ladana ome hatoa. Kaisara dekena do baola!"¹³Dina haida vada ela, Pavapava tauna Agripa bona Berenike ida Festo ihanamona totona Kaisarea ela. ¹⁴Idia na dina hoho unuseni ai e nohova, Festo ese Paulo herevana na gaubada e hamaorolaia eto, "Tau ta be iniseniai Feliki ese dibura rumana ai e rakatania. ¹⁵Lau Ierusalema nala negana ai hahelaga taudia bona hanua tau-badadia ese ia herevana e hamaorolaigu, bona e noigu danu baina hahemaoro henia. ¹⁶Bena na haere henidia nato Roma taumai na unu asia kara tomamu e hahebadelaiamu tauna na ihabadelaina taudia ida do asie hegaga heheni bona do se haere henidia negana ai asie hahemaoro heniamu.¹⁷Una dainai, idia na iniseni ai e hebou negana ai lau na asi na halahe a kerukeru hahemaoro gabuna ai na helai na gwau isi hari tau bae hakaua mai. ¹⁸A ihabadelaina taudia e ginitore negana ai lau banava kara dikadia bae habadelaia nato to asie gwaurai. ¹⁹Edia tomadiho karadia mo e herevalai bona tau ta ladana Iesu herevana danu ia na vada e mase, a Paulo ese e herevalaia goadagoadava eto, vada eme mauri. ²⁰Bena ini hereva itahudia dalana na daradara laia dainai, na nanadaia Ierusalema bainela unuseni ai baine hahemaoro henia.²¹A Paulo ese e noigu, eto, ihahemaoro henina baine mia ela bona Augusto ese baine karaia una dainai na hahedua ba gimaia ela bona Kaisara dekena baina siaia lao. ²²Bena Agripa ese Festo e hamaoroa eto, Lau danu na uramu hari tau ena hereva baina kamonai. Festo eto kerukeru do ba kamonai.²³Kerukeru Agripa bona Berenike na mai hairaidia ida ela hahemaoro rumana ai e raka vareai tuari biagudia bona hanua tau-badadia ida, Bena Festo e gwau isi Paulo bae hakaua vareai. ²⁴Bena Festo eto, Pavapava Agripa e, bona dekemai ai vada ome hebou taumui iboumui ai ina tau oi taiamu. Iuda taudia iboudiai Ierusalema ai bona iniseni ai danu e noigu e lolo baine mauri na dia namo eto.²⁵To mase karana ta ienai asi na davaria. Bena ia ese Augusto ladana vada e hatoa ia vairana ai baine hahemaoro e tomu. Una dainai na tomamu baina siaia lao. ²⁶A ia herevana biagugu baina tore henia na asi na diba goeva una dainai vada name hakaua mai umui vairamui ai bona oi vairamu ai danu Pavapava Agripa e, baita nanadaia goevagoeva bena ia herevana ta baina davaria baina torea. ²⁷Badina be lau na tomamu dia maoro mai iguina tauna baina siaia lao, a ihahebadelaina herevadia na basine tore hedinarai.

Chapter 26

¹Unu hetomana Agripa ese Paulo e hamaoroa, eto, "mani sibomu daimu ai ba hereva." Bena Paulo na imana e toi roro bena ena helaoahu e karaia. ²"Ini gau iboudiai daidiai lau na Iuda taudia ese e habadelaigumu. Pavapava Agripa e, lau na laloamu, lau sibogu na hegeregere gaudia iboudiai na oi vairamu ai hari dina ai baina herevalai. ³Badina be Iuda taumai emai kara bona hepapa-ahuahu danu iboudiai vada o diba bada, una dainai na noimumu mani a kamonai henigu mai haheaukamu ida.⁴Bena etomamu, tauhaugu negana maurina na maurilaiava dalana e hematama na egu bese taudia bogaragidiai bona Ierusalemai danu, Iuda taudia iboudiai vada dibadia. ⁵Matamana amo idia na dibadia lau bona bema ura bema gwauraigu lau na Farisea taugu, tomadiho orena bunai, ena kara metaudia iboudiai na badinava.⁶Harihari ina hahemaoro gabuna ai name gini, badina be Dirava ena gwauhamata na laroamu senemai e henidia gwauhamatana. ⁷Iduhu gwauta-ruaosi ese una gwauhamata na e laroamu dainai idia ese Dirava e toma diho henia boimu e toma diho henia ranimu mai goadadia ida. Pavapava Agripa e, una helaro dainai Iuda taudia ese e hahebadelaigumu. ⁸Badina be dahaka umui na o tomamu Dirava ese e mase taudia e hatoredia isi herevana na basita abiadae diba?⁹Lau danu lalogu na hadaia, nato, Iesu tau Nasareta ladana ihadikana momo boma kara bema namo. ¹⁰Unu na kara toma Ierusalemai. Bena helaga taudia hutuma dibura rumana ai na koudia ahu, e revadia mase negadiai lau danu nato bae mase. ¹¹Dubu iboudiai lalodiai danu lau ese na hahisihisidia loulouva, na ura dikava bae ere dika. Na badu henidia dikadika dainai, na dagedage henidia ela bona hanua idaudia.¹²Una gaukara dainai Damaseko nala siahu bona maoro hahelaga taudia ese vada e henigu, ¹³bena dala ai, dinatubua neganai, Pavapava, diari ta guba amo na itaia dina hururu-hururuna e hereaia bona e diaridiari lau ida a laolao hebouva taudia e gegemai ahu. ¹⁴Ai iboumai ai tano ai moru neganai, bena gado ta na kamonai Heberu gadodia ai e hereva henigu, 'Saulo e, Saulo e,' dahaka dainai o dagedage henigumu? Emu ai e aukamu dainai ikodo o lahamu.¹⁵Lau nato, 'Lohiabada e, Oi be daika? Lohiabada e haere, 'Lau na Iesu o dagedage henigumu. ¹⁶Harihari a tore isi bona a gini; badina be emui ai vada name hedinarai, badina binai egu hesiai tauna ai baina halaomu bona vada o ita gaudia bona do baina hahedinarai henimu gaudia danu ba gwaurai hedinarai, ¹⁷bona baina hamaurimu taunimanima edia amo bona idau bese taudia edia amo idia dekedia baina saiamu lao, ¹⁸matadia bae papa bona dibura amo bae diari bona Satani ena siahu bae rakatania Dirava ena bae hagerea, unu amo edia dika bae hegwautao bona ahudia do bae abi lau iabiabiraigu ese vada e hahelagadia taudia bogaragidia ai.¹⁹Una dainai, Pavapava Agripa e, guba amo e hahedinarai henigu gauna na asi na gwau ede-ede henia, ²⁰a, Damaseko taudia na haroro hendia guna, gabeamo Ierusalema taudia bona Iudea kahana taudia iboudiai bona bese idau-idau taudia danu na haroro henidia, bae helalo kerehai bona Dirava bae lou henia, bona helalo karadia danu bae kara. ²¹Badina binai Iuda taudia ese e dabaigu tao dubu lalonai bae alagu mase eto.²²Una dainai heduru na davaria Dirava ena amo una nega amo ema harihari, vada na gini tutuka-tutuka kikina badana vada na haroro henidia, gau idauna ta asina gwaurai dia peroveta taudia bona Mose ese gwaurai guna gaudia mo na gwaurai bae vara - ²³Keriso na hisi baine eani guna bena mase amo baine tore isi baine hadiaridia ena taunimanima bona idau bese taudia ediai."²⁴v 24 Paulo na ini hereva e gwaurai murinai, Festo e lolo eto, "Paulo e, oi na o kavamu, emu aonega badana ese lalomu vada e hakavaia." ²⁵A Paulo eto, "Lau na dia kava, namo-herea taumu Festo e, a lau na momokani bona lalo-parara herevadia na gwauraimu. ²⁶Badina be pavapava danu ini gau na dibana, dainai mai goadagu ida na herevalai heniamu, vada name diba ini gau ta ienai na dia hehuni; badina be ina gau na dia daiguni ai asie karaia.²⁷Peroveta taudia o abidia daemu, Pavapava Agripa a? ²⁸Bena Agripa ese Paulo e hamaoroa eto, "Hora kwadoginai lalogu o aniamu Ekalesia (Keriso ibadinana) tauna ai bainala a? ²⁹A Paulo eto, "Dirava na noiamu, bema dala ta ai, enabe hora kwadoginai eiava hora latanai, dia oi mo, to hari dina ai e hakala henigumu taudia iboudiai, lau ihagoigu ai boma lao, a dia igui ai."³⁰Bena pavapava e tore isi, bona gavana danu, bona Berenike, bona idia ida e helaiva taudia iboudiai, ³¹e tore isi, e raka lasi, sibodia e hereva heheni eto, "Ina tau na mase karana ta eiava iguina karana ta se karaia. ³²Bena Agripa ese Festo e hamaoroa eto, "Ina tau na baitama ruhaia nege, bema Kaisara ladana basinema atoa.Translation done by Dkh. Moale Edward, on Tuesday (10/09/24), time: 10.00 am

Chapter 27

¹Lalodia e hadai ai na Italy baia ala, bena idia ese Paulo bona e guidia taudia haida tuari biaguna tauna ladana Julius e henia Augustos ena orea tauna ta. ²Bena a gui lagatoi ta Adramutio amo, ia na Asia konena hanua dia baine heau henidia gauna. Bena a heau. Makedonia tauna ta ladana Aristako, Tesalonika amo, ese e bamomai.³Daba rerena, Sidono ai e heau kau. Unuseni ai Julio ese Paulo e kara namo henia e kahua nege turana dekedia bainela bena dekedia ai baine laga-ani. ⁴Una gabu a heautania Kupro enoenona kahana ai a hanai, badina be lai na vairamai amo e maiva.⁵Kilikia bona Pamfulia daedia amo a heau hanai bena Muro ai, Lukia tanonai a heau kau. ⁶Unuseni ai, tuari biaguna ese Alexandra lagatoina ta e davaria Italy bainela, una dainai e hagu mai hanai una lagatoi ai.⁷Dina hoho a heau metaira-metaira ela bona Kenido daenai a heau kau mai hekwarahimai ida. Unuseni ai lai ese e laomai ahu bena Krete enoenona ai a heau, Salmone idukana daenai. ⁸Bena badibadina amo a heau ela bona gabu ta ai a heau kau, ladana be Ao Namodia, una gabu bona Lasea hanuana padadia na dia daudau.⁹Nega daudau vada ela bubuni, bona una nega heauna be mai garina, badina be anivaga negana vada e ore, una dainai, Paulo ese e sisiba henimai, ¹⁰eto, tatau e, vada name diba eda laolao na do baine dika, gau momo bae boio bona dia kohu mo a lagatoi danu, ita danu baita mase dahaka. ¹¹A tuari biaguna ese lagatoi itarina tauna bona lagatoi biaguna e kamonai henida, Paulo ena hereva se abiadae.¹²Una hetu gabuna na dia namo Lahara neganai, una dainai hutuma na e tomava baia dihotania. Foenikia ai baia heau kau toho, unuseni ai baia noho Lahara negana ai. Foenikia na hanua ta Krete motumotuna.a mai matuna, ta be lasirai matuna, ta be laurabada matuna. ¹³Lahu diho e toa, bena idia banava eto nega namona vada e davaria. Una dainai idia ese dogo e veria bena Krete badibadina amo a heau.¹⁴Asi vanahana, guba badahereana ta, ladana totodae, motumotu kahana amo e toa. ¹⁵Lagatoi guba ese e butuatao neganai bona asi a hegeregere lai lalonai baia heau, guba a lailaia bona a hagogoa. ¹⁶Bena a heau motumotu ta metainai ladana Kauda, bona a hekwarahi una dingi baia ha-aukaia lagatoi ida.¹⁷Idia ese dingi e veria dae neganai, idia ese kwanaudia na e abidia lagatoi gabena na kahanai e mataia bena e veria tao. Idia na e gari hari be Syrtis boe na kuiohona ai bae heau dae, bena idia ese lara (sea anchor) e tua-dobi bena a hagogoa. ¹⁸Ida na e gari guba dikadika dainai, bena daba e rere kohu nege a matamaia.¹⁹Dina ihatoina ai lagatoi memerodia sibodia ese imadia ai lagatoi kohu dia iboudiai e taho dia dobi. ²⁰Dina hoho dina eiava hisiu danu asie hedinaraiva bona guba danu se dokova e odamaiva bena baiama mauri helarona e heabi oho vaitani.²¹Idia na nega daudau asie anianiva bena Paulo na lagatoi memerodia bogaragidiai e gini tore bona eto, "Tatau e, boma kamonai henigu, bona Krete basitama dobitania, bena ina hahedika bona kohu iha-oredia na emui ai basiema vara. ²²A harihari na hamaoromuimu ba goada, badina be padamui ai emui mauri basine boio, a lagatoi mo sibona baine boio.²³Badina be boi hanuaboi ai Dirava ena aneru ta lau na iena bona isiaina na lao henimu, na badibadigu ai e gini ²⁴eto, Paulo e, basio gari, Kaisara vairana ai do ba gini, oi ida o laolaomu taudia iboudiai edia mauri na Dirava ese vada e henimumu. ²⁵Una dainai lalonamo taumui! badina be Dirava na abidadama heniamu natomamu gau iboudiai bae vara, vada e hamaorogu hegeregerena. ²⁶A motumotu ta ai do baita hure kau.²⁷Boi gwauta-hani vada ema neganai, Adira gadobadanai a hure eva-eva, bena malokihi ai lagatoi memerodia eto tano ta vada e kahira-kahira. ²⁸Idia ese davara ena dobu e hahetohoa roha ruahui eabia; asi vanahana ma e hahetohoa lou, roha gwauta-ima eabia. ²⁹Bena lagatoi na nadi ai baine tata negana ai, idia ese dogo au-hani lagatoi gabena na amo e nege dobi bona e guriguri daba e naria.³⁰A lagatoi memerodia ese lagatoi bae pautania eto , bena dingi davara ai e tua dobi, e kara hedibagani, lagatoi idamana ai dogo haida inege-dobidia laona urana na heto. ³¹Bena Paulo ese tuari biaguna mai ena orea ida e hamaorodia, eto, idia na lagatoi ai basie noho, umui na basio mauri diba. ³²Bena tuari taudia ese dingi kwanaudia e rahu utu, bena dingi na davara ai vada e moru.³³Daba e kinia, bena Paulo ese iboudiai e noidia, aniani taina bae ania. Ia eto dina iha-gwauta-hanina binai umui na vada o vagamu, aniani taidia asio animu; ³⁴una dainai, na noimuimu, aniani taidia mani avani, mauri helaoreana. Badina be kwaramui huidia autamona basine boio, lasi vaitani. ³⁵Unu e gwau toma, bena aniani eabia, Dirava e hanamoa idia iboudiai vairadiai bena e baki sisi, e ani.³⁶Bena iboudiai lalodia vada e namo, e aniani danu. ³⁷Lagatoi ai a nohova taumai iboumai ai na sinahu-rua hituahui tauratoi.³⁸E aniani vaitani, bena lagatoi ihaharagana totona uit na davara ai vada e nege dobi.³⁹Daba e rere ai, idia na tano toana asi dibadia. A tabero ta hari e itaia, mai konena, bena lalodia e hadai, eto bema mai dalana lagatoi na una kone ai bae hatataia kau lao eto. ⁴⁰Una dainai idia ese dogo kwanau dia e rahu utu, dogo na davara ai e rakatanidia; tari iguidia kwanau dia e ruha, bona idama larana na lai hoho-hohona ai e kidaia, bena lagatoi e taria diho. ⁴¹A aru e toibolo gabuna ta ai e heau kau, bena lagatoi na moemoe ai e hatataia kau. Lagatoi idamana e tataia kunuka-kunuka a gabenana be hurehure ese vada e hamakohia matama.⁴²Tuari taudia edia lalohadai be mai iguidia taudia bae aladia mase eto, haida bae nahu vareai kone ai bena vada bae heau na garina. ⁴³A tuari biaguna ena ura be Paulo baine hamauria, una dainai ia ese e e gwaudia tao. A nahu mai dibadia taudia be e haduadia, bae pau dobi guna, tano ai bae nahu vareai; ⁴⁴muridiai taunimanima oredia bae diho, haida reirei latadiai, ma haida lagatoi gaudia latadiai. Unu e kara toma, bena iboudiai tano ai e kau mai mauridia ida.Translation done by Dk. Tara Edward on Monday 28/10/24, time: 10.00 pm.

Chapter 28

¹Ai na vada a roho mauri, bena vada a diba una motumotu ladana na Melita. ²Una motumotu taudia edia kara namona e karaia, idia ese lahi eha-araia bona eabimai dae, badina be medu bona paraka dainai.³To Paulo ese au haida e gogo bena lahi ai e atokau ai, gaigai e vero lasi badina siahu dainai, bena imana ai e hetau dae. ⁴Bena una motumotu taudia ese hari gaigai imanai e hetau dae na e itaia, bena e hereva heheni eto, "Momokani ina tau na ala-ala tauna, gadobada amo e roho-mauri to kara maoromaoro na se uramu baine mauri.⁵A ia ese gaigai e davea dobi lahi lalonai bona dika ta se davaria. ⁶Idia ese e itaiatao tauna baine gudu eiava baine hekida dobi baine mase taku. A nega taina e daudau idia ese e itaia ienai gauta se vara, lalodia e ha-idau eto ia na dirava ta.⁷Una gabu tamona lalonai, be motumotu Lohiana ta ladana Pabilio mai ena tano. Ia ese e abimai dae mai gaiho-namona ida dina toi ena vadivadi ai e halaomai. ⁸Unu e vara toma hari Pabilio tamana na hekure gorere taina ese eabia bona rara e kukuva ela bena e guriguri, imana latana ai e atokau bona e hanamoa. ⁹Una kara e vara murinai, motumotu ai e nohova gorere taudia iboudiai danu ema bona namo e davari. ¹⁰Unu taunimanima ese hahenamo bada herea e henimai. A hegaegaeva baia heau oho lalonai, idia ese emai lakwa (aniani) e henimai.¹¹Hua toi ela murinai, bena Alexander kadana ai a guikau una kada toana be Hekapa diravadia. Ia be lahara negana ai una motumotu ai e nohova. ¹²Surakuse ai a heau kau, dina toi unuseni ai a noho.¹³Unu amo a heau Regio ai a kau. Dina ta murinai diho lai na e toa, bena dina iharuana ai Puteola ai a kau. ¹⁴Unuseni ai tadikaka mai haida a davaridia bena idia ese e boirimai dina hitu idia ida a noho. Ina dala amo Roma ai a kau. ¹⁵Unuseni ai tadikaka haida ese harimai e kamonai, bena vada ema e hedavari heni mai hanua maragidia Appius bona Tarven toiosi ai. Paulo ese tadikaka mai e itadia neganai, Dirava e hanamoa bona goada e abia.¹⁶Roma ai a kau neganai, Paulo na e kahua nege sibona baine noho e gimaiava tauna ida. ¹⁷Dina toi vada ela ia ese Iuda ikwaradia taudia e boiridia ia ida bae hedavari. Idia na e hebou, bena ia ese e hereva henidia eto, Tatau, Tadikakagu e, ena be taunimanima asina hadikadia bona seneda edia kara danu asina hadika, to Ierusalema ai e guigu Roma taudia imadia ai e atogu kau. ¹⁸Idia ese e nanadaigu murinai, e urava bae ruhage nege, badina be mase badina ta egu ai asie davaria.¹⁹A Iuda taudia e gwau-gwau, lau na e hagugu-guva Kaisara dekena bainala, gau tamona launa asi egu hahebade ta egu bese taudia basina habadelaidia. ²⁰Una dainai, badina binai, na boirimui baina itamui bona baina hereva henimui, badina doini ini e guigu tomamu badina be Isaraela ena helaro dainai."²¹Idia ese e haere henia eto, oi herevamu Iudea amo ta asia davaria, eiava tadikaka ta danu sema emu kara dika eiava sivaraimu dikana ta se gwauraia. ²²A ai na auramu emu lalo-hadai baia kamonai, badina be a kamonai ina orea na gabu idoidiai e gwautubu."²³Idia ese dina ta e gwauraia hidi bena una dina ai hutuma bada na ema ruma ai e hebou. Ia ese Dirava ena basileia e harorolaia. Iesu herevana, Mose ena taravatu bona peroveta taudia edia buka amo e gwauraia hedinarai, daba amo ela bona adorahi. ²⁴Haida ese ena hereva e herevalai gaudia e abidae, A haida ese asie abidae.²⁵Lalodia na dia tamona, bena e karoho murinai Paulo ese ina hereva tamona ma e hamaorolaidia eto, Hereva momonai na Lauma Helaga ese Isaia peroveta tauna ena amo seneda e gwaurai henidia, ²⁶eto, "aola ina bese taudia dekedia bena baoto, "Kamonai be ba kamonai, to lalomui basie parara; bona ita be ba ita to basio diba.²⁷Badina be ina bese taudia lalodia na duduhu, bona taiadia na kukudima, bona matadia vada e hakapu. Matadia amo bae ita na garina, bona taiadia amo bae kamonai na garina, bona lalodia bae parara na garina bae hegiro, bena baina hamauridia na garina."²⁸Una dainai, do ba diba Dirava ena hahemauri na bese idau-idau dekedia vada e siaia lao, idia na do bae kamonai." ²⁹Ia na unu e gwau toma, bena Iuda taudia na dauha ela, ena hereva e helalolai badava.³⁰Paulo na lagani rua sibona davana e heniva rumana ai e nohova, bena ia dekena ela taudia iboudiai e abidiadae. ³¹Ia ese Dirava ena basileia herevana e harorolai henidiava bona Lohiabada Iesu Keriso sivaraina e hadibalaidiava mai goadana ida. Bona ta ese se gwaua-tao.Translation done by: Mrs. Ori Claude Kohu on Friday (06/10/23), time: 7.10 am, ready for quality checking.

Romans

Chapter 1

¹Paulo, Keriso Iesu ena hesiai tauna ta, vada e boirigu ena apostolo taugu ai nala, bona e hahelagagu Dirava ena sivarai namona iharorolaina dainai, ²ia ese peroveta taudia edia amo vada e gwauhamata laia ena Buka Helaga lalonai, ³ia natuna herevana danu daika be Davida garana amo tauanina ai e vara.⁴Helaga Laumana ena amo e gwauraia mai siahuna Dirava Natuna, e toreisi lou mase amo, Iesu Keriso ita eda Lohiabada. ⁵Ia ena amo ita na hariharibada tame abia bona hesiai dagina danu badina kamonai abidadamana na bese idauidau ese bae abia ia ladana dainai. ⁶Ini bese idauidau lalodiamo umui danu e boirimui Iesu Keriso ena taunimanima.⁷Ina revareva na umui Roma ai o nohomu taumui emui, Dirava ese e ura henimuimu, e boirimui ba helaga taumui. Ena hariharibada na latamui ai, bona maino Tamada Dirava ena amo bona Lohiabada Iesu Keriso ena amo.⁸Ginigunana, egu Dirava na hanamoamu, Iesu Keriso ena amo umui iboumui daimui ai, badina emui kamonai harina na tanobada hegegemadai e herevalaiamu. ⁹Badina Dirava na lau igwauraigu hedinarai, lau ese isiaina na lao henimu laumagu, ai ia Natuna sivaraina namona lalonai, ia na dibana egu guriguri umui daimui ai asine dokomu. ¹⁰Nega iboudiai egu guriguri ai na noinoimu Dirava ena ura ai baina vasi dekemui.¹¹Na ura dikamu baina vasi itamui, unu amo lauma ena harihari haida baina henimui, unu amo umui na ba goada? ¹²Una na nauramu umui bona lau eda kamonai tamona tama hahealo heheni.¹³Hari lau na asina uramu basina hamaoromui, tadikakagu, nega momo na ura dikava dekemui baina vasi, (to e laogu ahuva ema bona hari) umui lalomui ai huahuamui baina davari, lau ese Helene taudia lalodia na davari hegeregerena. ¹⁴Launa na abitorehai Greek taudia, idau taudia, aonega taudia bona kavakava taudia ediai. ¹⁵Una dainai, lau egu ai, launa na hegaegaemu sivarai namo baina harorolaia bona umui Roma taumui emui ai danu.¹⁶Badina sivarai namo na asina hemarailaiamu badina ia na Dirava ena siahu e hamomokaniamu taudia iboudiai ihamaurilaidia, guna Iuda taudia ediai bona Helene taudia ediai. ¹⁷Badina ia lalonai Dirava ena kara maoromaoro na e hahehdinaraiamu kamonai ta amo kamonai ta, bona vada e torea hegeregerena, "momokani, kara maoromaoro tauna do baine mauri ena kamonai dainai.¹⁸Badina be Dirava ena (badu/lalo garagara na guba amo asie helagamu bona asie kara maoromaoromu taudia ediai, edia kara kereredia amo hereva momokani na e dogoa taomu. ¹⁹Madi be Dirava na e dibaia hedinarai ediai. Badina Dirava ese e hahedinarai henidia lalodiai.²⁰Badina be ena hehuai gaudia, ena siahu hanaihanai bona ena helaga karadia na e itadia hedinarai tanobada e karaia matamana amo. Una dainai asi edia hahekora ta. ²¹Ena be Dirava na e dibaia, idia ese na asie heatolaiava ia na Dirava, eiava asie hanamoava. A kahanai, edia lalohadai na vada e kavakava, bona lalodia danu vada e hadiburadia.²²Sibodia e tomava mai aonegadia, a gau be kavakava taudia ai ela. ²³Idia ese Dirava noho hanaihanai hairaina ena amo e raka ohova, a e masemu tauna iha-hegaegaena laulaudia, bona manu, bona aedia hani manudia, bona e raumu gaudia e tomadiho henidava.²⁴Una dainai Dirava ese e tudia nege, lalodia hegahusi uradia mirodia bae gava, bona sibodia tauanidia ihadikadia dainai. ²⁵Idia ese Dirava ena hereva momokani na koikoi gauna ai e halaoa, bona idia ese Ia ese e kara gaudia e tomadiho henidiamu bona isiaidia e lao henimu, a dia ikararana tauna, daika be bae hanamoa hanaihanai. Amen.²⁶Una dainai, Dirava ese e tudia nege tauanidia asie matauraimu karadia mirodia lalodiai, badina edia hahine ese hahine ena kara korikorina eha-idauamu sibodia e hegahusi hehenimu. ²⁷Tatau danu, hahine ihenina karana korikori eha idauamu, tau sibodia ta ta e hegahusi hehenimu. Tatau na sibodia e hegahusi hehenimu bena asie hemaraimu kara readia na sibodia tauanidiai eabimu.²⁸Badina Dirava ilalohadaina na asie uralaiamu, Dirava ese e tudia nege edia lalohadai uradia ba gava, namo karadia amo.²⁹Idia na ini gau ese vada e hahonudia, kara gagevadia, kara dikadia, mata ganigani, bona vagege. Idia na mama, ala-ala, hepapa ahuahu, koikoi, bona ura dikadia ese e hahonudia. Idia na hevaseha koikoi, ³⁰habade koikoi, Dirava e inai heniamu, ere dagedage, hekokoroku, heagi-heagi, kara dika mo e uramu ba havara; sina bona tama asie kamonai henidiamu. ³¹Idia na asi daradia, asi edia kamonai, asi kudoudia, bona asi edia hebogahisi taudia.³²Idia na mai dibadia Dirava ena gwauhamata maorona, daika ini e kara tomamu tauna na do baine mase. A dia ini kara ikaradia ai mo, a haida ini bae kara toma taudia danu e abidiadaemu.

Chapter 2

²To ta dibamu unu e kara tomamu taudia na Dirava ese davadia baine henidia mai maoromaorona ida.

Chapter 3

¹Bena ena namo be dahaka Iuda tauna enai? Eiava ena namo be dahaka Peritome ai? ²Ia na bada herea dala iboudiai lalodiai. Badina be ginigunana, Dirava ese ena hereva Iuda taudia ediai eatoava.³To dahaka dainai bema Iuda taudia haida ediai kamonai na lasi? Una be asi edia kamonai dainai Dirava ena hahemomokani danu lasi a? ⁴Dia unuheto. Dirava be momokani, hegeregerena ena be taunimanima iboudiai na e koikoimu. Buka ai e torea hegeregerena, "Unu amo emu hereva iboudiai bae momokani, bona bae hahemaoro henimu neganai ba kwalimu."⁵To bema eda kara dika ese Dirava ena kara maoromaoro baine hahedinaraia negana ai, ede baita gwau toma? Dirava ese baine badu henida ia na baine kerere a? (Lau ese taunimanima edia hereva kava mo na gwauraimu.) ⁶Lasi dia unuheto! Unu bema heto Dirava ese tanobada ede bema hahemaoro henia toma?⁷To bema egu koikoi ese Dirava ena momokani bona hairai bema habada, dahaka dainai egu kara dika davana bema henigu? ⁸Ai na asi ato, haida ese e habadelaimai koikoimu, e tomamu ai na unu agwau toma "dika baita kara, namo bainema"? edia hahemaoro na latadiai.⁹O edeheto? ai be aha-hekoramu a? Lasi ona lasi vaitani. Badina ai na Iuda bona Helene taudia vada aha-hebadelaidia edia kara dika tamona lalonai. ¹⁰Buka Helaga ai e torea hegeregerena, ta dia namo, ta lasi.¹¹Laloparara tauna ta lasi. Dirava itahuna tauna ta lasi. ¹²Iboudiai vada e raka oho. Iboudiai asi edia gaukara. Kara namo tauna ta lasi - tamona danu lasi.¹³Gadodia na gara ehekehomu na heto. Maladia danu e koikoimu. Mase muramurana na hekori gaigai ese bibinadia henudiai eatoa. ¹⁴"Ududia na heudugurai bona dagedage ai e honumu."¹⁵Aedia e heaumu rara ihahebubuna totona. ¹⁶Hahebua bona hisihisi na edia dala ai mimia. ¹⁷Ina taunimanima na maino dalana na asi dibadia." ¹⁸"Dirava gari asie garimu.¹⁹Hari ta dibamu taravatu ai egwauraimu herevadia iboudiai ese taravatu henunai e nohomu taudia e gwaurai henidiamu, udu iboudiai bae hekou, bona tanobada idoinai Dirava ese baine hahemaoro henia. ²⁰Badina tau ta basine maoro taravatu ibadinana dainai. Badina taravatu ena amo kara dika e varamu.²¹Harihari dia taravatu amo Dirava ena kara maoromaoro eme hedinarai. A taravatu bona peroveta ese vada e hamomokania dalanai, ²²unu hetomana, Dirava ena ena kara maoromaoro na Iesu Keriso e abidadama heniamu taudia iboudiai ese bae davaria. Badina ta dia idau.²³Badina be iboudiai vada e kara dika bona Dirava hairaina vada e reaia, ²⁴to ena hariharibada dainai maorodia e gwauraimu Keriso Iesu ena hahemauri bagunai.²⁵Badina Dirava ese Keriso Iesu eabia hidi herohemaino gaunai e halaoa rarana bae abidadama henia taudia edia. Unu amo ena kara maoromaoro, vada eme hedinarai badina be kara dika gunadia vada eme hegwau tao. ²⁶Dirava ena haheauka dainai. Ena kara maoromaoro na ina negana ai vada eme hedinarai sibona vada eme maoromaoro bona Iesu e abidadama heniamu tauna maorona e gwauraiamu.²⁷Bena heagi na edeseni ai? vada eme hegwautao. Edena taravatu bona edena kara ese egwaua tao? Lasi, abidadama ese egwaua taomu. ²⁸Ita ta tomamu tau ta maorona e gwauraimu be dia taravatu ibadinana dainai, abidadama dainai.²⁹Eiava Dirava be Iuda taudia mo edia Dirava? Ia na dia bese idauidau edia Dirava a? Lasi, ia na idau bese taudia edia Dirava danu. ³⁰Benaini, Dirava na tamona, Ia ese e peritomedia bona asie peritomedia taudia edia abidadama dainai maorodia bae gwaurai.³¹Ita be abidadama dainai taravatu ta negeamu a? Lasi ona lasi vaitani! ita ese taravatu ta dogoatao tarika-tarikamu.

Chapter 4

¹Seneda Aberahamo na ede baita herevalaia toma, Ia ese dahaka gau e davari? ² Bema Aberahamo na ena kara dainai maorona bema gwaurai, ia na bema heagi, to dia Dirava vairanai. ³Badina buka helaga be dahaka e tomamu? "A Aberahamo ese Dirava e abidadama henia dainai maorona e gwauraia."⁴ Hari gaukara tauna ese davana eabiamu, dia harihari gauna, a davana korikori. ⁵A se gaukaramu to kara dika taudia na kara maoromaoro taudia ai e halaodiamu, Diravana e abidadama heniamu tauna, ia ena abidadama dainai maorona e gwauraiamu.⁶ Davida ese danu vada e hanamoa Dirava ese ena kara se duhaimu to maorona e gwauraimu tauna. ⁷ Eto, "Edia kara rea e gwau taomu bona e lao ahumu taudia be nanamo. ⁸Lohiabada ese dikana se gwauraiamu tauna hari namo."⁹Ina hahenamo be e peritome taudia sibodia ese mo bae abia, eiava se peritome dia taudia danu? Badina ta tomamu, "Abidadama dainai Aberahamo na maorona e gwaurai. ¹⁰To edena negai? Ina be Aberahamo e peritomea lalonai, eiava do se peritomea neganai? Dia peritome lalonai, a se peritomea lalonai.¹¹Aberahamo ese peritome toana eabia. Do se peritomea neganai gabeamo e peritomea ena abidadama maoromaorona toana. Una dainai ia na asie peritomea to mai edia abidadama taudia tamadia maorodia e gwauraimu. ¹²Una anina Aberahamo na dia e peritomea taudia mo tamadia, to edia abidadama seneda Aberahamo ena abidadama do se peritomea negana ai e tohotohoamu taudia danu.¹³Badina gwauhamata na Aberahamo e henia ia garana ida tanobada idoinai bae abia taravatu dainai se henia to ena abidadama amo e varava kara maoromaoro dia daidiai e henia. ¹⁴Badina be taravatu ibadinana taudia na dihina ai bema halaodia, abidadama bena asi anina, taravatu danu asi anina. ¹⁵Taravatu ese badu e havaraiamu, badina be bema taravatu lasi, itata-utuna danu lasi.¹⁶Benaini abidadama dainai e abiamu harihari gauna na heto dia taravatu ibadinana taudia mo a Aberahamo ena abidadama e toho-tohoamu taudia iboudiai danu. Ia na ita iboudai tamada, ¹⁷buka ai e torea hegeregerena, " Lau ese bese logora tamadia ai baina halaomu."Aberahamo ese e abidadama henia, Diravana, mase taudia e hamauridiamu bona do asi e vara gaudia e havaradiamu.¹⁸Eda helaro na abidadama dainai e helarova, ia bese logora tamadia ai ela,e hamaoroa hegeregerena ai, "garamu na unu ba hoho toma." ¹⁹Ena abidadama na se manokava, ena be tauanina e haeroava mase tauna na heto (badina laganina na sinahu ta sisivana) - bona Sarah danu mase hahinena na heto.²⁰To badina Dirava ena gwauhamata, Aberahamo ese laloa taova dainai ena abidadama ai e goada bona Dirava e heatolaia. ²¹Ia na diba goevagoeva Dirava ena gwauhamata baine hamomokania. ²²Una dainai maorona e gwauraia.²³Dia ia mo sibona herevana unu se torea toma.²⁴A ita danu, Iesu eda Lohiabada, mase amo e hatorea isi Diravana ta abidadama heniamu tauda, maoroda e gwaurai. ²⁵Ia taona e torea, iseda kara dika daidiai mase amo e tore isi, maoroda baine gwaurai helaoreana.

Chapter 5

¹Eda abidadama dainai, maoroda vada egwaurai Dirava ida ta maino Iesu Keriso iseda Lohiabada lalonai. ²Ia bagunai ita danu ta noholaiamu lalonai ta ginimu, bona mai moaleda ida Dirava hairaina ta laroamu.³Dia una mo, to dounu ta moalemu eda hisihisi lalodia ai. Ta dibamu danu una hisihisi ese haheauka ehavaraiamu. ⁴To haheauka ese namo/gaukara ehavaraiamu bona namo/gaukara ese helaro ehavaraiamu, ⁵bona una helaro na dia badu badina Dirava ena lalokau honuhonu daena Lauma Helaga ena amo vada ehenida.⁶Badina be ita ta manokava, negana ai Keriso e mase e hihi-raiava taudia daidia ai. ⁷Ta bàine mase kara maoro tauna dainai. Readia tata mo unu bae kara toma.⁸A Dirava sibona ese ena lalokau ita edai ehahedinaraia, badina ita na dounu ta kara dikava dainai, Keriso na ita daidai e mase. ⁹Iesu rarana dainai ita na maoroda egwauraimu, Ia ese Dirava ena badu amo baine hamaurida.¹⁰Gunàguna ta inai heniva negana ai, Dirava ida ta herohemaino Ia natuna bagunai, harihari vada ta herohemaino vaitani negana ai, mauri baita abia iena mauri bagunai. ¹¹A dia una mo, ta moalemu Dirava lalonai eda Lohiabada Iesu Keriso bagunai herohemaino vada tame abia.¹²Una dainai tau ta dainai dika tanobada ai e vareai, bona dika ese mase evareailaia, bena mase ese taunimanima iboudiai e butudia tao, badina be iboudiai mai edia kara dika. ¹³Badina be kara dika vada e vara guna tanobada ai, taravatu be gabeamo; asi taravatu kara dika asie hahemaoro heniva.¹⁴Mase vada e kwalimuva, Adam negana amo ema bona Mose negana ai, ena be haida ese Adamu ena kara dika asie tohotohoa, to e mase. Adamu ese bainema tauna ehahedinaraia guna. ¹⁵ A kara dika na idau, hariharibada danu idau. Badina be tau ta ena kara dika dainai hutuma e mase; a harihari, Dirava ena hariharibada dainai, bona ena hariharibada ese ehavaraia herahiana, Iesu Keriso, dainai, hutuma eme mauri.¹⁶Tau tamona ena kara dika be idau, hariharibada be idau; badina be tau tamona dainai hahemaoro ese hahedika egwauraia, a hariharibada ese kara dika taudia hutuma maorodia egwaurai. ¹⁷Tau tamona ena kara dika dainai mase vada e kwalimu; unu hetomana, hariharibada bona kara maoromaoro eabimu taudia na bae kwalimu bona bae mauri, tau tamona, Iesu Keriso dainai.¹⁸Bona tau tamona ena kara dika dainai hahemaoro ese iboudiai e hadikadia; unu hetomana, tau tamona ena kara maoro-maoro dainai taunimani a iboudiai maorodia egwauraimu, vada bae mauri. ¹⁹Bona tau tamona ena gwau ede-ede dainai hutuma na dika taudia ai e halaodiava; unu hetomana, tau tamona ena kamonai dainai hutuma na kara maoro-maoro taudia ai halaodiamu.²⁰Taravatu e gini, bena hekwarahi vada e vara badabada. A kara dika e badamu gabudia ai, hariharibada na e honuhonu daemu. ²¹Kara dika e kwalimuva, mase e havaraiava; unu hetomana kara maoromaoro dainai hariharibada e kwalimumu, Mauri hanaihanai ehavaraiamu, Iesu Keriso iseda Lohiabada bagunai.

Chapter 6

¹Dahaka baita tomamu? Kara dika dia ma baita kara loulou hariharibada ihavarana helaoreana a? ²Lasi vaitani. Ita ese kara dika vada ta mase-tania, dahaka dainai lalonai dounu baita noho? ³Asi dibamui Keriso Iesu lalonai e bapatisoda tauda na ena mase ai vada e bapatisoda?⁴Bapatiso ai Ia ida ta mase bona Ia ida e gurida. Ini e vara toma badina Keriso na tamana hairaina ai e toreisi lou hegeregerena, ita danu mauri matamatana lalonai baita raka. ⁵Badina be Ia ida ta mase hebou, Ia ida danu ta toreisi lou.⁶Dibada, ita tauanida gunadia na Ia ida satauro ai e mase kara dika iha-orena. Unu e vara toma dainai ita na kara dika isiaina ma basita lao heni lou. ⁷Mase tauna na kara dika ena amo vada e roho mauri.⁸To bema ita na Keriso ida ta mase hebou, ta dibadamu Ia ida danu ta mauri hebou. ⁹Dibada Keriso na mase amo vada e toreisi dainai, Ia na basine mase lou; mase na asi siahuna Ia enai.¹⁰Badina be e mase neganai Ia na kara dika enai e mase vaitani, e maurimu be Dirava enai e maurimu. ¹¹Unu hetomana, umui danu sibomui unu na bahelalolai kara dika enai vada omase, Dirava enai vada omauri, Keriso Iesu eda Lohiabada lalonai.¹²Kara dika ese tauanimui basine lohiadia; ena hekise-hekise basio kamonai henia. ¹³Tauanimui regedia na kara dika basio henia, isiaina basio lao heni. A tauanimui na Dirava bahenia, kara maoromaoro ikarana gaudia ai baela. ¹⁴Kara dika ese basine lohiamui. badina be taravatu henunai asio nohomu, a hariharibada henunai enohomu.¹⁵Ede heto? Ita be baita kara dika badina taravatu henunai asita nohomu, to hariharibada henunai a? Lasi ona lasi vaitani. ¹⁶Asi dibamui erena o kamonaimu tauna ena hesiai ài baola, o kamonai heniamu dainai? Kara dika isiaina balao heni, mase bavabia, eiava kamonai korikori isiaina balao heni, kara maoromaoro bavabia.¹⁷Dirava baita hanamoa! badina be gunaguna kara dika isiaina o lao heniva, a harihari ahadibamuiva herevana vada o kamonai mai daramui ida. ¹⁸Kara dika amo vada e ruhamui nege, kara maoromaoro enai vada e guimui kau.¹⁹Na herevamu taunimanima edia hereva kava hegeregeredia ai na gwauraimu, tauanimui edia manoka-manoka dainai. Badina gunaguna tauanimui regedia ese kara dika bona lebulebu isiaidia e lao heniva hegeregerena, harihari tauanimui regedia ba heni, kara maoro-maoro isiaina ilao henina ai bae helaga. ²⁰Kara dika isiaina o lao heniva negana ai, umui na kara maoro-maoro enai o heruha negeva. ²¹Una negana ai, harihari o hemarailaimu karadia o karava negadiai anidia be dahaka emui ai? Unu gau dokodia na mase.²²A harihari kara dika amo vada o heruha nege Dirava ena hesiai ai vada ola, anina emui ai be vada o helaga, bona dokona be mauri hanaihanai. ²³Badina be kara dika davana be mase; a Dirava ena harihari gauna na mauri hanaihanai, Keriso Iesu eda Lohiabada bagunai.

Chapter 7

¹Tadikakagu e, (taravatu mai dibamui taumui na hereva henimuimu), taravatu ese taunimanima e lohiadiamu edia mauri iboudiai lalodiai ani?²Badina headava hahinena na taravatu dainai adavana enai baine tao, to bema adavana baine mase neganai, ia na asi taravatuna. ³Unuhetomana, adavana maurinai, tau ta ma baine abia, ia na heuda-hanai hahinena. To bema adavana baine mase, ia na asi taravatuna tau ta ma baine adavaia, una na dia heuda-hanai.⁴Una dainai, tadikakagu e, umui danu Keriso tau-anina bagunai taravatu enai vada o mase. Unuhetomana tadikakagu e, mase amo e toreisi tauna ese baine abimui, huahuadia Dirava enai bae dobi helaoreana. ⁵Badina be ita ese tau-anina ta badinaiva neganai, kara dika ena laloani taravatuna ena amo e varava bona tauda regedia lalodiai e vareaiva, bena huahuada mase enai e dobiva.⁶A harihari taravatu ese vada e kahuda nege. E dogoda taova gauna enai vada ta mase na heto. Unuhetomana harihari eda hesiai ilao-henina na lauma dainai, dia nega gunadia ai e tore herevadia daladiai.⁷Dahaka ma baita gwaurai? Taravatu be dika a? Lasi vaitani. Ede heto, taravatu basinema hadibagu, lalogu basinema parara kara dika be dahaka. Bona lalogu na basinema parara hekise hekise be dahaka taravatu basinema haduagu, "Basio hekise-hekise." ⁸A taravatu ena hahedua dainai dika ese hekise-hekise idau-idau lalogu ai e havara. Badina be taravatu bema lasi, dika bema mase.⁹A gunaguna lau na taravatu murimurinai na mauriva, a dika egu ai e kau neganai, dika e vara lou, ¹⁰bena na mase. Taravatu na mauri gauna e tomamu lau egu ai na mase gauna ai ela.¹¹Badina be dika ese e haganigu amo e koigu. Hahegani ena amo e alagu mase. ¹²Una dainai taravatu na helaga, bona hahegani danu helaga, bona maoromaoro bona namo.³Matona gau namona na mase gauna egu ai e laomu a? Lasi vaitani. A dika, ena dika baine hedinarai totona gau namona, na mase gaunai egu ai e halaoa. Ina na hahegani ena amo, kara dika toana baine hedinarai ia na dika vaitani. ¹⁴Dibada taravatu na lauma ena, a lau be tau-anina ena. Kara dika ese vada e hoigu ena hesiai ai vada e halaogu.¹⁵Lau na karamu, karadia na asi dibagu. Badina be na ura henimu karadia na asina karamu, bona na inai henimu karadia na karamu. ¹⁶A asina ura heniamu karana na karaiamu negana ai, lau ese taravatu na maorona na gwauraiamu.¹⁷A harihari ikarana na dia lau,a dika lau lalogu ai e nohomu. ¹⁸Lau dibagu , lau na asi egu namo, tau-anigu ai. Badina be lalogu ese kara namo e ura heniamu, to ikarana asina hegergere.¹⁹Na ura heniamu karana namona na asina karaiamu, a asina ura heniamu karana dikana be na karaiamu. ²⁰Hari asina na ura heniamu karana na karaiamu, to ikarana na dia lau, a dika lalogu ai e nohomu hari. ²¹Ta davaria, vada na lalo kara namo baina karaia na tomu, to dika na egu ai e miamu.²² Badina be lalogu ese Dirava ena taravatu e moalelaiamu. ²³A tau-anigu ai taravatu idauna na itaiamu. ia be lalogu ena taravatu e tuari heniamu. Bena e guigumu kara dika taravatuna ena tau-anigu lalonai e nohomu.²⁴Lau madi ihabaigu! Daika ese ina tau-anigu masena amo baine hamaurigu? ²⁵A Dirava na hanamoamu Iesu Keriso eda Lohiabada lalonai! Benaini, lalogu ese Dirava ena taravatu e badinaiamu. Ede heto, tau-anigu ese kara dika taravatuna e badinaiamu.

Chapter 8

¹Una dainai, harihari Keriso Iesu e badinaiamu taudia na dikadia basie gwaurai. ²Badina be mauri Laumana taravatuna Keriso Iesu lalonai ese vada e ruhamui nege, kara dika bona mase taravatuna amo.³Badina be tauani ena manoka dainai, taravatu na asi siahuna ikarana, Dirava ese vada e karaia, Ia ese sibona Natuna vada e siaia, dika tauanina eabia, dika kwaranai ela, bona Ia ese tauani dikana vada e hadarerea. ⁴Ia ini e kara toma badina be taravatu ena kara maoromaoro ita edai na baine guguru, ita dia tauani ena kara ta karamu, to Lauma ena kara ta karamu tauda edai. ⁵Badina be tauani ena kara ekaramu taudia na Lauma gaudia mo elalomu.⁶Badina tauani ilalona be mase; to Lauma ilalona be mauri bona maino. ⁷Una dainai, tauani ilalona na Dirava e inai heniamu, badina ina na Dirava ena taravatu se badinaiamu bona se dibaiamu dainai. ⁸To tauani ai e maurimu taudia ese Dirava na basie hamoalea dibamu.⁹Vadaeni, umui na dia tauani lalonai to Laumai lalonai, bema momokani Dirava Laumana na lalomui ai enohomu. To bema ta ese Keriso Laumana seabia daemu, ia na dia Keriso ena. ¹⁰To bema Keriso na lalomui ai, tauani na mase kara dika dainai, to Lauma na mauri kara maoromaoro dainai.¹¹Bema momokani Dirava Laumana ese Iesu mase amo e hatorea isi na lalomui ai enohomu, Keriso Iesu mase amo e hatorea isi Diravana ese danu tauanimui baine hamauridia, Laumana lalomui ai enohomu dainai.¹²Una dainai, varavaragu, eda imadoa na dia tauani enai, a tauani ena kara ikaranai. ¹³Badina bema tauani ena kara ba karaia, oi na vada bamase, to bema Lauma ena amo, tauani karadia vada o hamasedia, oi na ba mauri.¹⁴Badina be Dirava Laumana ese e hakaudiamu taudia iboudiai na Dirava natudia. ¹⁵Badina be umui ese vada oabia laumana na dia ihametaumui bena umui na gari ai ba mauri lou, to heabidae Laumana vada oabia, unu amo ta taimu, "Abba e! Tamamai e!"¹⁶Lauma sibona ese ita laumada ida e gwau boumu, ita na Dirava natuna. ¹⁷Bona bema ita na Ia natuna neganai, ita na Ia dihina danu, Dirava dihina. Bona ita na Dirava dihina Keriso ida, bema ita na momokani ai Ia ida baita hisihisi hebou bena unu amo ita danu Ia ida hairaida baita abia hebou.¹⁸Lau na gwaumu, ina nega hisihisi dia na dia hegeregere, una vairai edai be hedinaraimu hairaina enai. ¹⁹Badina be e kara gaudia iboudiai edia helaro be Dirava natuna bae hedinarai mo e nariamu.²⁰E kara gaudia iboudiai na mase henunai e atodia, dia edia ura dainai, a eatodia tauna ese ekaraia, helaro ta dainai. ²¹Ekara gaudia sibodia danu mase iguina amo bae ruhadia nege, bona bae mailaidia Dirava natudia edia heruha nege hairaina lalonai. ²²Vada mai dibada, ekaradia gaudia iboudiai na e ganaganamu bona e hisihisi boumu, mara hisihisi na heto, ema bona ina nega.²³Dia una mo sibona, to enabe ita ese Lauma natuna roboana vada ta abia, ita siboda danu doini lalodai ta ganganamu, iabidaeda bona tauanida ihamaurina narina ta nariamu. ²⁴Ina helaro ta lalonai ita vada e hamaurida. Ta laroamu gauna ta itaiamu, ina na dia helaro. Daika ese e itaiamu gauna baine laroa? ²⁵To bema ita na mai eda helaro ta asi taitaiamu gauna enai, ita na baita nari mai haheaukada ida.²⁶To unu hetomana danu, Lauma ese eda manoka-manoka danu e durudamu. Badina be ita na guriguri maorodia asi dibada, to Lauma sibona ese ita daidai e gurigurimu mai ganagana badana ida. ²⁷To taunimanima lalodia etahudiamu Diravana na Lauma ena ura na dibada, badina be Lauma na helaga taudia daidiai e gurigurimu Dirava ena ura dalanai.²⁸Badina dibada, Dirava ese gau iboudiai e gaukaralai heboumu, e lalokau heniamu taudia bona ena abihidi taudia ihanamodia. ²⁹Badina be e dibadia guna taudia, Ia ese danu eabidia hidi guna Natuna oromanai baela, unu amo Ia na vara roboana bagwauraia tadikakana momo padadiai. ³⁰Bona Ia ese eabidia hidi guna taudia, Ia ese danu e boiridia. Bona e boiridia taudia, Iese danu maorodia e gwaurai. Bona maorodia e gwaurai taudia, Ia ese danu hairaidia e gwaurai.³¹Ita be dahaka baita herevalai ini gau daidiai? Bema Dirava na ita ida, daika ese ita baine halo he ida? ³²Ia ese natuna vara edeana serua, to ita iboudai daidai e kahua nege, dahaka dainai ia ese danu gau iboudiai basine henida kava a?³³Daika ese Dirava ena abihidi taudia baine hahebade laidia? Dirava sibona ese ahemaoro ekaraiamu. ³⁴Daika ese ita dikada baine gwaurai? Keriso Iesu na e mase tauna - to una latanai, ma e toreisi lou - bona Ia na Dirava idibanai kahanai enohomu, bona ita daidai e noinoimu danu.³⁵Daika ese Keriso ena lalokau amo baine bibida-oho? Nega aukadia, eiava lalo hisihisi, eiava dagedage, eiava doe, eiava ogogami, eiava mase, eiava dare ese a? ³⁶Vada e torea hegeregerena, "Oi daimuai, ai na dina ibounai e alamaimu. Ai na vada egwauraimai e aladiamu mamoe dia na heto."³⁷To ini gau iboudiai lalodiai, ita na vada ta kwalimu vaitani, e lalokau henidamu tauna bagunai. ³⁸Badina be lau vada na diba vaitani, dia mase eiava mauri, eiava aneru, eiava tanobada lohiadia, eiava ini nega gaudia, eiava do sevara gaudia, eiava siahu gaudia, ³⁹eiava atai gaudia, eiava dobu gaudia, eiava e kara gauna ta ese Dirava ena lalokau, Keriso Iesu eda Lohiabada lalona, amo baine bibida oho diba.

Chapter 9

¹Lau na Keriso lalonai, na hereva momokanimu. Lau na asina koikoimu bona Lauma Helaga danu dibana lalogu aheaukana na e tomamu, ²ena be egu lalohisi na bada herea bona seoremu hisihisina na kudougu ai.³Badina lau nauramu sibogu dikagu bema gwaurai bona Keriso ena amo bema bibigu oho tadikakagu, daidiai unu lau egu tauanina besena taudia. ⁴Idia na Isaraela. Idia na heubu, bona hairai, bona herohemaino, bona taravatu hariharina, bona Dirava itomadiho henina, bona gwauhamata. ⁵Tubu tama danu idia mo edia idia bogaragidiai Keriso na tauanina ai e vara-ia daika be Dirava gau iboudiai daediai. Ia bae hanamoa hanaihanai. Amen.⁶A basitato Dirava ena gwauhamata na vada e moru. Badina taunimanima iboudiai na dia Isaraela daika na Isaraela korikori. ⁷Eiava Aberahamo ena amo evara taudia iboudiai na momokani ia natuna. A "maoromaoro Isaako ena amo oi garamu do bae boiridia."⁸Una dainai, tauanina ena amo evara maragidia na dia Dirava natuna. A gwauhamata maragidia mo ia garana baine halaodia. ⁹Badina ina na gwauhamata herevana. "Lagani vairai lau na baina vasi, bona mero ta na Sara baina henia."¹⁰Dia una mo, A gabeai Rebeka danu tau tamona, ese e harogorogoa ai tamamai Isaac - ¹¹A maragidia do sevara ai bona gau namona eiava dikana ta do se karaia ini heto Dirava ena ura na ena heabihidi helagana ai vada egini, ¹²dia una kara daidiai, A badina ia be daika e boiria - ia ese e hamaoroa, "tau roboana ese tau muritai isiaina baine lao heni." ¹³E torea hegeregerena! "Iakobo na lalokau henimumu, A Esau inai henimumu."¹⁴Dahaka baita gwaurai? Dirava asi ena kara maoromaoro a? Lasi vaitani. ¹⁵Badina ia ese Mose e hamaoroa eto "lau na bogalaidiamu taudia na bogalaidiamu, bona Lau na bogadia hisimu taudia na bogadia hisimu." ¹⁶Una dainai tau ta ena ura, na hereva, eiava tau ta ena heau na herevana. Badina Dirava, ena hebogahisi e hahedinaraia.¹⁷Badina be revareva helagana ai Parao e hamaoroa eto, "Ina mo dainai Lau ese na hatubumu, una dainai egu siahu oi lalomu ai, baina hahedinaraia, bona tanobada idoinai lau ladagu harina bae haripiua. ¹⁸Una dainai, Dirava ena ura hegeregerena haida e bogadia hisi, A ma haida lalodia e ha-aukadia.¹⁹Oi ese ma ba hamaorogu, "Dahaka dainai ia doini kerere e davarimu? Badina ena ura na asine lalo-pararalaiamu. ²⁰Latanai ihamomokanina, tau, oi be daika Dirava ena hereva ogwaua tubumu? E karaia gauna ese ikarana tauna baine nanadaia, baineto "Dahaka dainai ini o karagu toma?" ²¹Uro ikarana tauna asi ena maoro raro amo tabe hegeregerena baine karaia gau namodia igaukaralaidia bona haida na daba ai ba gaukaralai?²²A dahaka bema Dirava, na euramu ena badu bona siahu baine hahedinarai, hisihisi mai haheauka badana ida badu gaudia na hegaegae baine ha-oredia? ²³Dahaka bema ena hahegai ai baine kara ena goada ena taga mai hairai badana baine hahedinarai hebogahisi gaudia ediai, ia ese guna hegaegaea hairaina? ²⁴bona dahaka bema ia ese ita daidai baine karaia, daidia ia ese eboiridia, dia Iudea taudia mo bogaragi amo, A bese idauidau taumui danu?²⁵Ia danu Peroveta tauna Hosea ena toretore lalonai eto. "Lau ese egu bese baina boiridia daika be dia lau egu bese, bona davana e lalokau henia daika be dia ia ena lalokau. ²⁶Egwau henidia eto umui na dia lau egu bese taumui, "gabuna ai mauri Diravana," natuna bae gwauraidia.²⁷A Isaia danu eto " Ena be Isaraela garana ba hutuma kone mirina na heto, to kwabu-kwabudia mo bae mauri. ²⁸Badina be Lohiabada ese ena hereva tanobada ai, baine hagugurua bona basie halahe." ²⁹Isaia ese e herevalaia guna, eto "Bema Iehova Sabaota ese bese kwabu-kwabudia basinema hanohodia, ita na Sodoma bona ita na Gomora" hegeregeredia ai tama lao.³⁰Dahaka baitato? bese idauidau taudia daidia bae kara maoromaoro, asie gavaiamu to kara maoromaoro eabimu, A kara maoromaoro na abidadama dainai. ³¹A Isaraela, daidia be kara maoromaoro, taravatuna e tahua. A taravatu lalonai na asie davaria³²Dahaka dainai? Badina idia ese abidadama, anina se tahua. A gaukarana ikarana mo, idia na ehkwakwanai nadina ai e hekwakwanai, ³³Buka helaga ai e torea hegeregerena eto, "Aitaia, lau na Siona lalonai na hetutuhi bona na hekwakwanai. Nadina na atoamu mai ena abidadama tauna na basine hemarai."

Chapter 10

¹Varavaragu e, lalogu ena ura bona egu noinoi Dirava enai idia na bae mauri. ²Badina lau dibagu idia ese Dirava e ura heniamu, to lalodia asie pararamu. ³Badina be Dirava ena kara maoromaoro asi dibadia, sibodia edia kara maoromaoro e goadalaiamu. A Dirava ena kara maoromaoro asie badinaiamu.⁴Badina Keriso na taravatu ihaguguruna bae abidadama henia taudiai iboudiai maorodia bae gwaurai ia bagunai. ⁵Badina Mose ese e torea kara maoromaoro na taravatu ena amo ema. E karamu taudia na unu gau daidiai do bae mauri.⁶A kara maoromaoro ena heabidadama na ini e gwau tomamu, "Lalomu ai basioto, "Daika baine dae gubai?" (bena Keriso baine diholaia); ⁷bona basioto, daika guba dobunai baine diho)" (bena Keriso mase taudia edia amo baine mailaia).⁸To dahaka e tomu?. "Hereva na dekemui ai, udumui ai bona lalomui ai." Una na abidadama herevana ai ese a harorolaiamu. ⁹A udumui ai Iesu Lohiabada ba gwauraia, bona lalomui ai bavabia dae Dirava ese mase amo e hatorea isi, umui ba mauri. ¹⁰Badina be lalo ena heabidadama amo kara maoromaoro e varamu, bona udu ena hegwaurai amo mauri e varamu.¹¹Badina be buka ai e tomamu, "Ia bae abidadama henia taudia iboudiai na basie hemarai. ¹²Badina be Iudea tauna bona Helene tauna na asi edia idau. Badina iboudiai edia Lohiabada na tamona bona e hahaneamu taudia iboudiai na e harihari henidiamu. ¹³Bona Lohiabada e hahaneamu taudia iboudiai na bae mauri.¹⁴Ede heto se hahaneamu taudia ese bae abiabiraia? bona ede bae abiabiraia toma asie kamonaimu. ¹⁵bona ede bae haroro toma, bema bae siaidia? - Buka ai e torea hegeregerena e tomamu, "Sivarai namo e harorolaiamu taudia aedia dahaka namo!¹⁶A haida ese sivarai namo asie abiadaemu! Badina Isaia eto, "Lohiabada e, daika ese emai hereva vada e abiadae?" ¹⁷Heabidadama badina be kamonai, bona kamonai badina be Iesu Keriso ena hereva.¹⁸A lau tomamu idia na asie kamonai a? Lasi, e kamonai. Eredia na tanobada hegegemadai ai e hapiua, bona edia hereva na tanobada dokodia ela.¹⁹Ma na tomamu, Isaraela asi dibadia a? Matamana ai Mose eto, "Lau ese asi besedia taudia edia emu vagege baina havaraia bona lalo duhu besena enai emu badu baina havaraia.²⁰Bona Isaia e hereva goadagoada eto, "Asie tahugu taudia ese e davarigu, bona asie nanadaigu taudia ediai na hedinarai." ²¹A ia ese Isaraela e herevalaia eto, dina idoinai gwau ede-ede bona gwau tubu besena imagu na pala henidia."

Chapter 11

¹ Ma na gwaumu, Dirava ese ena taunimanima e negedia a? Lasi vaitani. Badina lau danu Isaraela taugu, Aberahamo garana, Beniamena ena iduhu taugu. ²Dirava ese ena taunimanima na se negedia, e dibadia guna dainai. Eiava umui be asi dibamui buka helaga ai Elia be ede e herevalaia toma, ia ese Isaraela taudia e habadelaidia Dirava enai? eto. ³"Lohiabada e, idia ese emu peroveta taudia vada e aladia, emu pata helagadia vada e gigi rohoroho. Lau mo sibogu noho, bona lau danu e tahugumu."⁴To Dirava ena haere be dahaka eto? "Lau egu taunimanima na daha hitu Baal asie toma henia dihomu." ⁵Benaini, ina harihari danu taunimanima kwabu-kwabu dia mo nonoho badina hariharibada ese vada eabidia hidi.⁶A bema hariharibada dainai, gaukara na lasi. Bema lasi hariharibada na asi anina. ⁷Ma dahaka? Isaraela ese e tahuava gauna, do asie davaria, a abi hidi taudia ese vada e davaria. Oredia be lalodia e ha-auka. ⁸Vada e torea: "Dirava ese mahuta laumana e henidia, matadia ai basie eita, bona taiadia ai basie kamonai, ema bona ina harihari."⁹Bena Davida eto, "Edia pata na idoa bona rikiriki, hekwakwahanai gauna bona ahudia. ¹⁰Matadia bae vabura bena basie roharoha bona dorudia bae kwaidu hanaihanai."¹¹Ma na tomamu, "Idia na e hekwakwanai bena vada e keto vaitani a?" Lasi ona lasi vaitani. To, edia keto dainai idau bese ese mauri vada e davaria, bena edia vagege vada e vara. ¹²Gau tamona idia edia keto dainai tanobada bema taga, bona idia edia dabu dainai bese idauidau bema boga kunu, o edia honuhonu dae amo dahaka namona bema vara?¹³A harihari idau bese taumui, na hereva henimuimu badina be lau na apostolo taugu idau bese taumui, emui ai egu dagi danu na heagilaiamu. ¹⁴Readia baina badu mai vagegegu ida egu bese latadiai. Bena haida baita hamauridia.¹⁵A bema edia hedadarai anina ese herohemaino bema havaraia ina tanobada ai, iabidaena ese be dahaka bema havaraia to mase amo mauri baine vara? ¹⁶A bema anina roboana na helaga, taba danu. Bona bema ramu bema helaga, rigi danu.¹⁷A bema rigi haida bema kwaidu, bona oi, na vara kava olive na, bema hirimu kau idia lalodiai, bona idia ida olive ramuna bona todena boma abia hebou, ¹⁸basio heagi rigi korikori daediai. To bema basio heagi, dia oi daimu ai ramu oduruamu, a ramu ese oi e durumu mu.¹⁹Bena baoto, "rigi e kwaidu oho lau bae hirigu kau helaorean." ²⁰Una na momokani. Badina asi edia abidadama dainai e kwaidu oho, a oi hari o ginimu emu abidadama dainai. Sibomu ata ai basio heato, a ba gari. ²¹Bema Dirava ese rigi korikori basine bogadia hisi, oi danu basine bogamu hisi.²²Ba itaia, danu, Dirava ena kara namodia bona lalo-auka idau taudia e keto ediai lalona e aukamu, to Dirava na oi e bogamu hisi, ena hebogahisi o badinaimu dainai. Bema lasi oi danu baine e utumu oho.²³Bona idia danu bema edia hedadarai bae rakatani, bae hiri kau lou. Badina Dirava na mai siahuna baine hiridia kau lou. ²⁴Benaini oi na vara kava olivena ena amo e utumu oho, uma olivena enai e hirimu kau, idau bese be rigi korikori, edia olive korikorina ai basie hiri kau, vada bae hiri kau ani?²⁵Tadikakgu e, Lau na uramu ina hereva hehunina ba diba, sibomui emui aonega ba heagilaia na garina. Isaraela taudia haida lalodia do bae duhu, ela bona bese idau-idau taudia bae didi vareai guna.²⁶Bena Isararela taudia iboudiai do bae mauri, Buka ai e torea hegeregerena: "Siona ena lalona amo hahemauri tauna baine vara. Ia ese Dirava idadaraina karadia Iakobo ena amo baine atodia tabe,²⁷bona ina na egu gwauhamata ediai, "edia dika baina abi oho negana ai."²⁸Umui daimui ai idia ese sivarai namo e inai heniamu, a Dirava ese senedia e abidia hidi dainai e ura henidiamu. ²⁹Badina be Dirava ena hariharibada bona ena abi-hidi na se idaumu.³⁰Gunaguna umui ese Dirava o gwau ede-ede heniava, to harihari hebogahisi vada o davaria idia edia gwau ede-ede dainai, ³¹bona ina dala tamona ai idau taudia na harihari e gwau ede-edemu. Umui emui hebogahisi dainai idia danu harihari hebogahisi do bae davaria. ³²Badina be ita iboudai Dirava ese gwau ede-ede amo vada e kouda ahu, baine bogada hisi helaoreana.³³Dirava ena taga hereadaena amo ena aonega bona ena lalo-parara dahaka dobu! Ena hahemaoro na daika ese baine tahua diba, bona ena dala na daika ese baine davaria!³⁴"Bona daika ese Lohiabada lalona baine dibaia bona baine sisiba henia?³⁵Eiava daika ese gau ta Dirava vada e henia, bena Dirava ese davana ma baine henia? ³⁶Badina be gau iboudiai ihavaradia bona gau iboudiai badidia bona dokodia na ia mo. Ia mo baita imodaia hanaihanai. Amen.

Chapter 12

¹Una dainai na noimuimu, varavaragu, Dirava ena hebogahisi amo, tauanimui ba heni boubou gaudia mauridia, helagadia, Dirava ese baine moalelai (abidiadae). Ina na emui hesiai gaukarana korikorina. ²Ina tanobada oromana basio tohotohoa, a ba idau (hegiro) vaitani lalomui edia matamata amo. Ini ba kara toma amo, umui ese Dirava ena ura namona, bona hairaina (iabidaena), bona hereadaena ida vada ba dibaia momokani.³Badina be vada e henigu hariharibadana dainai, na hamaoromuimu, iboumui ai padamui ai haida basie lalohadai sibodia hereadia bae gwaurai. Unu amo (instead), idia na bae lalohadai namonamo, Dirava ese abidadama ahudia ta ta e henidia hegeregerena.⁴Hegeregerena ita regeda na momo tauani tamona ai, to dia rege iboudiai na gaukara tamona e karaiamu, ⁵unu hetomana danu, enabe ita na momo ita na tauani tamona Keriso lalonai; bona ita ta ta na rege idauidau.⁶A ita na mai eda herahia idauidau dia vada e henida harihari-badana hegeregerediai. Bema ta ena herahia na peroveta herevadia, vada baine karaia ena abidadama hegeregerenai. ⁷Bema ta ena herahia na hesiai ilaohenina, vada hesiai baine laoheni. Bema ta na mai ena hahediba herahiana, vada baine hahediba. ⁸Bona ta ena herahia na hahegoada (hahealo), ia na baine hahegoada (hahealo). Bema ta ena herahia na e henihenimu vada baine karaia mai ura badana ida. Bema ta ena herahia na heregu (hegunalai), vada baine karaia mai lalona ibounai ida. Bema ta ena herahia na hebogahisi, vada baine karaia mai moalena ida.⁹Lalokau ai basita koikoi, dika baita laloa nege; namo gaudia baita dogodia tao. ¹⁰Hetadikaka lalokauna dainai, ta ta ba heura heheni. Hemataurai dainai, ta ta ba hemataurai heheni.¹¹Gaukara namonamo dainai, basio lahedo Lauma dainai ba urabada, Lohiabada dainai, ia isiaina ba lao heni; ¹²Ba moale helaro momokani lalonai, hisihisi ai ba haheauka, guriguri ba goadalaia. ¹³Helaga taudia edia dabu ai ba durudia (herahia henidia). Heabidae daladia momo ba karadia.¹⁴E dagedage henimuimu taudia ba hanamodia; ba hahenamo bona basio heudugurai. ¹⁵E moalemu taudia ida ba moale. ¹⁶Lalomui bae tamona dekemu taudia ediai. Heagi daladia ai basio lalohadai. A manau taudia bavabidia dae. Sibomui aonegamui basio gwaurai.¹⁷Ta ena kara dika davana basio karaia. Kara namodia ba kara taunimanima iboudiai vairadiai. ¹⁸Bema mai dalana, umui sibomui mo daimui ai, maino ai ba noho taunimanima iboudiai ida.¹⁹Lalokau taumui, sibomui ese kara basio hadavaia, A Dirava ena badu dalana ba lailaia. Badina vada e torea eto, "Dava ihalouna na lau egu, lau ese davana baina heni, " Lohiabada e gwaumu.²⁰"Bema inaimu na hitolo, ana ba heni. Bema ia na ranu e masea, ranu ba henia. Badina bema ini na kara toma, umui ese lahi gidadia na kwaranai ba gigikau." ²¹Dika ese basine hadareremu, a namo amo dika ba hadarerea.

Chapter 13

¹Taunimanima iboudiai bae matauraidia, badina be siahu idoinai na Dirava ena amo e maimu. Unu lohia iboudia ai Dirava ese vada ehagini dia. ²Una dainai lohia e laoa-ahumu tauna ese Dirava ena hahegani egwaua tubumu; bona egwaua tubumu taudia ese davadia do bae ani.³Badina be kara namo tauna na lohia garina se garimu, a kara dika tauna hari. Oi ouramu lohia garina basio gari a? ⁴Badina ia na Dirava ena hesiai tauna oi baine hanamomu. A kara dika boma kara, bima gari; badina ia ese dare seabia kavamu. Badina ia na Dirava ena hesiai tauna, kara dika tauna davana baine heni. ⁵Una dainai, ba matauraia, badina badu garina, a lalona dainai.⁶Emui dainai, umui ese tax monidia ohenimu. Badina be idia na Dirava ena hesiai taudia, ina gaukara e karaiamu. ⁷Iboudiai edia gau davadia baheni. Tax gogo tauna tax bahenia, heni tao tauna, heni tao bahenia; garina e garimu tauna ba henia, e matauriamu tauna bamatauraia.⁸Tau ta enai basio ima doa, ba heura heheni. Badina be bamona e ura heniamu tauna ese taravatu idoinai vada e badinaiamu. ⁹Taravatu ai etomu, "basio hueda hanai, basio ala-ala, basio henao, basio hekise-hekise, "bona taravatu oredia iboudiai na ina hahegani tamona lalona vada ehebou: "Dekemu tauna ba lalokau henia, sibomu ohelalokaumu na heto." ¹⁰Lalokau ese dekemu tauna se hadikaiamu; una dainai lalokau na taravatu ihaguguruna¹¹Ini ba kara toma badina nega vada dibamui, hora vada be kaumu mahuta amo ba noga. Badina be harihari ahemauri na vada eme kahikahi matamana ai ta hamomokania negana ai. ¹²Hanuaboi vada eore, bona dina vada eme kahikahi. Una dainai dibura karadia baita nege, diari karadia baita kara, eda kesi ai baita haloa.¹³Eda raka nahuadia baita toho, dina ai, dia lebu-lebu eiava kekero ai, bona basita heuda hanai eiava basita mata bodaga, bona basita vagege, basita mama. ¹⁴A Lohiabada Iesu Keriso baita hahedokilaia, bona tauanimui edia ura dikadia basio abi dae.

Chapter 14

¹A, abidadama ai e manokamu tauna na bavabia dae, basio hahemaoro henia emui hepapa-ahuahu lalodiai. ²Tau ta na mai ena abidadama gau iboudiai baine ani dainai, a e manokamu tauna na uma anidia mo eanimu.³Gau iboudiai e animu tauna ese asine animu tauna na vbasine dadaraia; bona asine animu tauna ese gau iboudiai e animu tauna na basinema hahemaoro henia. Badina Dirava ese ia na vada eabiadae. ⁴Oi be daika, tau ta ena hesiai tauna ta o hahemaoro heniamu? Ina na ia sibona biaguna vairanai do baine gini eiava baine keto. To ia do bae haginia, badina Lohiabada ese baine haginia.⁵Tau ta ese e haeroamu dina ta na dina ta ma daenai. To tau ta ese ma e haeroamu dina iboudiai na hegeregere. Ta ta emui lalohadai ai ba haerodia. ⁶Dina e hagereamu tauna ese e hagereamu Lohiabada ena dainai; bona ea nianimu tauna na e anianimu Lohiabada dainai, badina ia ese Dirava e hanamoamu. Asine anianimu tauna na asine animu Lohiabada dainai, ia danu Dirava e hanamoamu.⁷Badina ta ta na dia sibona dainai e maurimu, bona ta na basine mase sibona dainai. ⁸Badina bema ita na ta maurimu, ita na Lohiabada dainai, ta maurimu, bona bema baita mase, ita na Lohiabada dainai ta masemu. Una dainai baita mauri eiava baita mase, ita na Lohiabada ena. ⁹Badina ina dainai Keriso na e mase bona ma e mauri lou, unu amo ia na e mase taudia bona e maurimu taudia edia Lohiabada.¹⁰To oi, dahaka dainai varavaramu o hahemaoro heniamu? Bona oi, dahaka dainai varavaramu o dadaraiamu? Badina ita iboudai na Dirava ena hahemaoro vairanai do baita ginimu. ¹¹Buka Helaga ai vada etorea, "Lau na maurimu" Lohiabada na e gwaumu, "lau vairagu ai tui iboudiai do bae hadai, bona mala iboudiai ese bae gwau hedinarai Dirava enai."¹²Una daina, ita ta ta eda kara eda kara do baita gwauraidia hedinarai Dirava enai. ¹³Una dainai basita hahemaoro heheni, a lalodia ini tama hadaia toma, varavaradia na basita hekwakwanaidia bona basita idoa henida.¹⁴Lau na dibagu bona Lohiabada Iesu ena laloani lalonai, gau ta na sibona basine miro diba. Ia sibona ese baine laoa una gau na mi mirona, badina ia enai una gau na mai mirona. ¹⁵Badina bema aniani gauna dainai oi varavaramu oha-hisihisiamu, oi na lalokau lalonai asio rakamu. O aniamu gauna dainai bena varavaramu oha dikaiamu a Keriso na ia danu dainai e mase.¹⁶Umui ese o lalodiamu namo gaudia na basio gwaurai hedinarai bena idia ese emu namo na dikadia basie gwaurai. ¹⁷Badina be Dirava ena basileia dia aniani bona inuinu gauna, a kara maoromaoro, bona maino, bona moale gauna Lauma Helaga lalonai.¹⁸Badina ina dalai na Keriso isiaina e lao henimu tauna na Dirava ese ea biadaemu bona taunimanima ese e hamomokaniamu. ¹⁹Una dainai, maino ihavarana gaudia baita gavadia, bona ta ta baita hahegoada heheni.²⁰Aniani dainai Dirava ena gaukara na basio gigia rohoroho. Gau iboudiai na momokani gogoeva, to e aniamu tauna ese dikana e gwauraimu neganai ia sibona e hahekwakwanaimu. ²¹Ina na namo vamu basio ani, eiva vine basio inu, eiava gauta basio karaia varavaramu iha-hekwakwanaina dalanai, eiava kara dika ai basio hakaua vareai, eiava iha manokana.²²Emu heabidadama na baine mia oi bona Dirava padamui ai. Sibona dikana se gwauraimu ena kara dainai, una tau na namo. ²³A e daradaramu tauna sibona e hahedikamu, bema ia ese e aniamu, badina ia na dia ena abidadama amo. Bona dahaka gau dia abidadama amo na kara dika.

Chapter 15

¹Hari ita ta goadamu tauda ese e manokamu taudia edia manoka baita huahai dia, bona dia ita siboda mo baita moale. ²Iboudai ta ta dekeda taudia baita hamoaledia, edia namo bona goada ihavaradiai. Badina be Keriso danu sibona se hahemoale.³Badna buka helaga ai e torea eto, Gwau-gwau herevadia oi e gwau henilaimu na lau latagu ai vada eme kau. ⁴Badina e tore guna gaudia na ita ihadibalaida totona e tore, unu amo buka helaga ese haheauka bona tauhalo bae havara ela bona helaro baita davaria.⁵Bena haheauka bona tauhalo Diravana ese lalomui baine hatamonadia Keriso Iesu bagunai. ⁶Bena mai lalomui tamona bona udumui tamona ida Dirava iseda Lohiabada Iesu Keriso Tamana ba imodaia. ⁷Una dainai bae heabidae heheni, Keriso ese umui e abimuidae hegeregerena Dirava ihanamonai.⁸Bona lau na gwaumu Keriso na hesiai tauna ai e halaoa Dirava ena hereva momokani dainai, tamada e gwauhamata henidia herevadia ihamomokanidia, ⁹. bona bese idauidau ese danu Dirava bae imodaia, ena hebogahisi dainai. Buka Helaga ai e torea hegeregerena, "Una dainai baina hanamomui bese idauidau bogaragidiai o ladamu na egu ane ai baina hanamoa."¹⁰Ma eto, "Ba moale, idau bese taumui, ia ena besena ida." ¹¹Ma eto, "Dirava ba imodaia idau bese taumui iboumui ai; bona taunimanima iboudiai ia ba hanamoa." .¹²Ma Isaia eto, Iese ramuna amo ta baine kau, bese idauidau lohiadia ai bainela; ia lalonai bese idauidau taudia helaro bae abia."

¹⁷Keriso Iesu lalonai! ena gaukara na karaiamu bona na heagilaiamu. ¹⁸Badina lau na gau idaudia haida basina herevalai to Keriso ena gaukara lau daigu ai idau bese taudia vada e kamonai ina gau na hereva bona kara ai e hekaramu (varamu). ¹⁹Toa bona hoa karadia danu vada eme hedinarai Dirava Laumana ena siahu dainai. Ierusalema amo ela bona Iluriko, lau ese Keriso sivaraina na harorolaia guguru.²⁰Ini amo, egu lalohadai na sivarai namo baina harorolaia, to dia Keriso ladana e dibaia gabudiai, asi na uramu ta ena du (foundation) latadiai egu ruma baina hadaia. ²¹A buka helaga ai e tore eto: "Asie hadibalaidia taudia na ba itaia, bona bae kamonai bena bae diba." .²²Una dainai name helao-ahu amo asi na vasi dekemu. ²³To harihari lau na asi egu gabu ini kahai, bona lagani momo na urava dekemu baina vasi.²⁴Na uramu egu laolao ai baina itamui bena Spain bainala, bona ba durugu nega taina baina noho ene seniai. ²⁵A harihari lau na Ierusalema na laomu, helaga taudia ikahadia totona.²⁶Badina be Makedonia bona Akaia taudia ese edia harihari gaudia vada e habou ogogami taudia Ierusalema ai ekalesia na edia . ²⁷Idia na mai moale dia ida unu e kara toma, e haeroa idia na ima-doa taudia na heheto. Badina be lauma gaudia vada e abi, bena tauani gaudia ma bae heni lao eto.²⁸Una dainai, ina gaukara baina hagugurua bona baina diba huahua na vada eabia, bona baina vasi itamui ma Spain bainala. ²⁹To lau dibamu danu baina vasi negana aikeriso ena hahenamo idoinai baina vasilaia.³⁰Na noimuimu, tadikakagu e, eda Lohiabada Iesu Keriso, bona Lauma ena heuraheni bagunai, Dirava ba guria goadagoada lau daigu ai. ³¹Ba guriguri gwau ede-ede taudia Iudea ai imadia amo baine hamaurigu, bona egu gaukara Ierusalema ai helaga taudia ese bae abia dae mai lalonamo dia ida. ³²Ba guriguri baina vasi mai moalegu ida Dirava ena ura hegeregerena, bona baita laga'ani hebou.³³Maino Dirava na ese iboumui aine bamomui. Amen

Chapter 16

¹Lau ese taihugu Foibe na haganiamu, Ia na Kenkerea Dubu na hesiaina baine lao henia. ²Ia na Lohiabada bagunai bavabia dae. Ini ba kara toma Helaga taudia na heto, bona ba gini hebou ia ida emui ura ai, bena ia na sibona umui iboumui ai idurumui ai bona lau danu idurugu.³Ba hahenamo Priskila bona Akula, Keriso Iesu lalonai a gaukara hebouva taumai. ⁴Daidia be lau daiguai mokona bema mase, lau na idia na hanamodiamu, bona dia lau mo to Gentiles Dubuna ibounai danu. ⁵Ekalesia na edia ruma ai ba hanamodia, Epaineto egu lalokau ba hanamoa, daika be aniani roboana Keriso enai asiaia.⁶Maria danu ba hanamoa, Ia na umui daimui ai vada e hekwarahi bada. ⁷Andronika bona Lydia danu ba hanamodia idia be lau ida dibura ruma ai anoho. ⁸Ampilia, egu lalokau Lohiabada lalonai.⁹Bona Urebano, lau ida agaukara hebouva tauna. ¹⁰Apele e hanamoa, Keriso lalonai e hamomokania Aristobulo ena ruma taudia e hanamodia. ¹¹Heroda bahanamoa, egu pavapava, Narakiso ena ruma taudia ahanamodia, daika be Lohiabada lalonai.¹²Trufena bona Trufosa, daika be e gaukara goada Lohiabada lalonai, Peresi lalokau ahanamoa, daika na e gaukara auka Lohiabada lalonai. ¹³Rufo ahanamoa, Lohiabada lalonai eabiahidi, bona ia sinana bona lau. ¹⁴Asunukrito, Flego, Heieme, Patroba, Herema, bona bamona daidia be idia ida ba hanamoa.¹⁵Pilogo bona Iulia, Nerea bona mai taihuna ida, bona Olumupa, bona eabidadamamu taudia iboudiai daidiai be idia ida ba hanamodia. ¹⁶Ba hahenamo heheni ena helaga haherahunai Keriso ena ekalesia iboudiai ese bae hanamomui.¹⁷Harihari lau umui na ura henimuimu, varavaragu, ba lalohadai daidia ese kara bona helao-ahu ehavaramu, kavakava herevadia umui e hadibamui ba raka oho edia amo. ¹⁸Taunimanima unu hetomadia ese na Lohiabada iseda Keriso na isiaina asie lao henimu, a to bogadia korikori edia mo, edia manada bona ahenamo hedibagani herevadia amo asi edia dika taudia lalodia e koidia.¹⁹A emui haheauka na taunimanima iboudia ai ese eabi lau na moalemu, badina binai, oi daimu ai, launa na uramu umui na aonega ai ba namo, to dia dika ai ba kavakava. ²⁰Maino Diravana ese asi vanahana Satani baine moia patapata umui aemui henunai, iseda Lohiabada Iesu Keriso ena hariharibada na latamui ai baine mia.²¹Timoteo, lau ida na gaukara hebou, na hanamoamu, bona Luka Iason, bona Sosipatro, ²²lau, Teretio, daika ini revareva name torea oi na hanamomu Lohiabada lalonai.²³Giao, lau egu hegaegae bona dubu idoinai, na hanamomuimu, Erato, moni inarina tauna hanuai, na hanamoamu, tadikakagu Koato ida. ²⁴Eda Lohiabada Iesu Keriso ena hariharibada na iboumui ai emui ai baine mia. Amen.²⁵Harihari ia daika be e hagoadaiamu oi baine bamomu egu sivarai namona bona Iesu Keriso iharorolaina ai, hegeregerena hereva hehunidia nega gunadia ai. ²⁶To harihari vada eme hedinarai bona eme hamomokani dia peroveta taudia edia toretore ai bese ena hahegani, abidadama kamonai baine mailaia.²⁷Una aonega na Dirava sibona, Iesu Keriso enai mo, hairaina baine mia hanaihanai. Amen.

1 Corinthians

Chapter 1

¹Lau Paulo, Keriso Iesu ese vada e boirigu ia ena apostolo ai vada e halaogu Dirava ena ura dainai, bona tadikakada Sostene ida, ²Dirava ena dubu Korinto ai, Keriso Iesu ladana ai e hahelagadia taudia, e boiridia bae helaga taudia bona gabu iboudiai Lohiabada Iesu Keriso ladana e hahaneamu taudia, edia Lohiabada bona ita eda. ³Hariharibada bona maino na emui ai Dirava ita tamada bona Lohiabada Iesu Keriso ena amo.⁴Lau na nega iboudiai egu Dirava na hanamoamu umui daimui ai badina be ena hariharibada ehenimui Keriso Iesu lalonai. ⁵Badina gau iboudiai lalodiai umui na e hatagamui ia lalonai, hereva ai bona aonega ai, ⁶Keriso igwaurai hedinaraina na oabia daemu bona oha momokaniamu umui bogaragimui ai.⁷Una dainai umui na Lauma ena herahia idauidau lalodia amo na so dabumu eda Lohiabada Iesu Keriso ena hedinarai o naria tarika-tarikamu. ⁸Ia ese danu goada baine henimui ela bona dokona, una dainai umui na asi emui kerere bae gwauraimui Lohiabada Iesu Keriso ena dina ai. ⁹Dirava na momokani, daika be umui e boirimui ia natuna ida bae hebamo, Iesu Keriso ita eda Lohiabada.¹⁰Ina harihari na noimuimu tadikakagu e, ita eda Lohiabada Iesu Keriso ladanai, iboumui ai bagwau hebou, bona padamui ai heiri-heiri basie vara, to baita ahekubou lalo tamonai bona ura tamonai. ¹¹Badina be vada eme hahedinarai henigu umui daimui ai, tadikakagu e, Kloe ena taunimanima ese umui padamui ai na heiriheiri e varamu.¹²Hari lau na dibamu, umui haida na ogwaumu, "lau na Paulo ida," eiava "lau na Apolo ida," eiava "lau na Kefa ida," eiava "lau na Keriso ida." ¹³Be Keriso e hapararaia a? Paulo na dia umui daimui ai e hasatauroa, una ia? eiava umui be Paulo ladanai e habapatiso mui a?¹⁴Dirava na hanamoamu lau ese umui ta asi na habapatisomui, Krispo bona Gaio hari, ¹⁵una dainai ta basieto, umui na lau ladagu ai na bapatisomui. ¹⁶(Lau ese hari Stefana ena ruma taudia na habapatiso dia. Una latanai, lau na asi dibagu lau be haida na bapatisodia eiava.)¹⁷Badina Keriso ese e siaigu na basina hahebapatsio, to sivarai namo baina harorolaia - dia aonega herevadia amo, una dainai Keriso ena satauro siahuna na basine ore.¹⁸Badina be satauro herevana na kavakava mase dalanai e rakamu taudia edia ai, a mauri dalanai tarakamu tauda edai, ia na Dirava ena siahu. ¹⁹Vada e torea, "lau ese aonega taudia edia diba baina hadikadia, bona lau ese diba momo taudia edia laloparara baina hahegonudia."²⁰Aonega tauna be edeseni ai? diba momo tauna be edeseni ai? Ina tanobada e herevalaiamu tauna be edeseni ai? Dirava ese ina tanobada aonegana na vada e giroa kavakava aonegana ai vada ela? ²¹Una negana amo Dirava ena aonega lalonai taunimanima na asi dibana Dirava, badina Dirava na e moale taunimanima na edia kamonai amo e hamauridia haroro kavakava dia lalodia amo.²²Bona momokani Iudea taudia ese toa e henanadailaiamu bona Helene taudia ese aonega e tahuamu . ²³To aina Keriso vada e hasatauroa aharorolaiamu, a Iudea taudia edia ai na hegonu bona Helene taudia ediai na kavakava.²⁴To e boiridia taudia, Iudea taudia bona Helene taudia, Keriso na Dirava ena siahu bona Dirava ena aonega. ²⁵Badina be Dirava ena kavakava ese taunimanima edia aonega e hereaiamu, bona Dirava ena manoka-manoka ese taunimanima edia goada e hereaiamu.²⁶ A Tadikakagu, emui boiboina a laloa, umui momo na asi aonegamui tauani kahanai, momo asi siahumui, bona momo na dia lohia taudia edia amo ovara. ²⁷To Dirava ese ina tanobada amo kavakava gaudia eabidia hidimu ia ese aonega taudia baine hahemaraidia, bona Dirava ese manoka gaudia e hididiamu goada taudia baine hahemaraidia.²⁸Dirava ese henu gaudia bona asie duhaidiamu gaudia ina tanobadai eabidia hidi, bona lasi gaudia, unu amo e mailaidiamu bona gau haidai ai ehalaodiamu, ²⁹una amo ta basine heagi Dirava vairanai.³⁰To badina ia dainai, oi na Keriso Iesu lalonai, daika be ita daidai ehedinarai Dirava ena aonega amo, kara maoromaoro, hahelaga bona hahemauri. ³¹Una dainai, ini e torea toma, "daika e heagimu na, Lohiabada dainai baine heagi,"

Chapter 2

¹Varavaragu e, lau navasi dekemui neganai, lau na dia hereva namo-hereadia eiava aonega herevadiai a Dirava ena hehuni gaudia na harorolai henimuiva. ²Badina be lalogu vada name hadaia vaitani Lau na gauta asi dibagu umui padamui ai, to Iesu Keriso, bona ena mase satauro ai mo.³Lau umui ida neganai na manoka-manoka lalonai, bona gari lalonai, bona heude-heude bada lalonai. ⁴Lau egu hereva bona harorona dia lalo-ani bona aonega herevadiai, a Lauma bona siahu ihahedinaraina amo, ⁵unu amo emui abidadama na dia taunimanima ena aonega lalonai, to Dirava ena siahu lalonai.⁶Harihari taunimanima badadia bogaragidiai aonegai ta herevamu, to dia ina nega uruna aonegana amo, eiava ini nega lohiadia edia aonega amo, ini na vada e boiomu. ⁷Unu amo, ita na Dirava ena aonegai gau hehunidia baita herevalaidia, badina Dirava ese nega gunadiai vada eha hegaegaeda Ia hairaina baita davaria.⁸Ina nega lohiadia ta ese ina nega asie lalopararalaia, to idia ese bema lalopararalaia neganai, hairai Lohiana na basiema hasatauroa. ⁹Buka Helaga ai vada e torea, "dahaka mata ese do asie ita, bona taia ese do asie kamonai, bona do asine toreisi taunimanima kudounai, Dirava ese ini gau iboudiai vada e hahegaegae dia Ia e lalokau heniamu taudia ediai."¹⁰Badina be Dirava ese vada ehahedinarai henida Lauma ena amo. Badina Lauma na gau iboudiai e tahudiamu, Dirava ena dobu herea gaudia danu. ¹¹Badina be daika taunimanima bogaragidiai mai dibana tauta lalona gaudia to ia laumana sibona mo mai dibana Ia lalonai be dahaka? Unu hetomana danu, ta asi dibana Dirava lalona gaudia to Dirava Laumana sibona mo¹²To ita na dia tanobada laumana asita abia, to Dirava ena amo ema Laumana, bona ita danu Dirava ese e henidamu gaudia na baita dibadia guguru. ¹³ Bona ai ese ini gau na a herevalaimu, dia taunimanima edia aonegai ehahedibalai hereva dia amo, to Lauma ese e hahedibalai hereva dia amo, Ia ese Lauma gaudia na baine hahanai dia Lauma lalonai e nohomu taudia ediai.¹⁴To tauani kahanai Dirava ena Lauma, ena amo gauta basie abia badina idia ediai na kavakava. Ia ese basine dibadia badina unu na Lauma ai ba dibadia. ¹⁵To bema Ia na Laumai neganai unu gau iboudiai baine dibadia, a Ia sibona na ta ese basine hadibaia. ¹⁶"Badina daika Lohiabada lalona mai dibana-daika ese Ia baine hadibadibaia?" To ita na Keriso lalona vada tabia.

Chapter 3

¹Varavara mai e, lau na umui basina hereva henimui dia lauma kahanai e nohomu taudia hegeregere dia, to tauani kahanai e nohomu taudia hegeregeredia, a rata inu karukaru dia na heheto Keriso lalonai. ²Rata na henimuiva, dia aniani aukadia, badina umui na do asio goadamu.³Badina umui na doini tauanina kahanai. Badina padamui ai na doini oheriheirimu bona o dagedagemu, umui na dia tauani ikamonai-henina a, bona doini tauani kahanai ai o rakamu taunimanima dia hegeregeredia a? ⁴Badina be ta na baineto, "Lau na Paulo ena," ma ta na baineto, "Lau na Apolo ena," umui na dia tauanina ena kaha ai a? ⁵Apolo be daika? Bona Paulo be daika? Ai na hesiai taumai mo ikamonai-henina ai, ta ta ena gaukara Lohiabada ese e henidia hegeregerenai.⁶Lau ese na hadoa, Apolo ese e dairia, a Dirava ese anina e havaraiamu. ⁷Una dainai, e hadoamu tauna eiava e hapariamu tauna na tamona, a Dirava ese anina e havaraiamu hari.⁸Ihadona tauna bona idairina tauna be hegeregere, ta ta davadia bae abi, edia hekwarahi hegeregerediai. ⁹Badina be ai na Dirava ida a gaukara heboumu, umui na Dirava ena uma bona Dirava ena ruma.¹⁰Dirava ese e henigu ena hariharibada hegeregerenai, ruma ikarana dibana tauna badana na heto, lau ese badina na hadaia ma ta ese latanai ma e haginiamu. To ta ta nahuadia bae toho ede bae haginia toma. ¹¹Badina be ruma e hadaia badina na ta ese ma basine hadaia diba, una na, Iesu Keriso.¹²Una ruma badina latanai tau ta ese gold eiava silver eiava nadi namo hereadia eiava au eiava kurukuru eiava biri baine hadai, ¹³ta ta edia gaukara na bae momokani, badina una dina diarina ese do baine hahedinaraia, badina be ina lahi lalonai do baitaia. Una lahi sibona ese baine tohoa ta ta edia gaukara anidia be dahaka.¹⁴Bema ta ena gaukara ai e haginia na mia, ia na davana do baine abia; ¹⁵A bema ta ena gaukara na lahi ese baine araia ore neganai, ia na do baine dabu, to ia sibona baine mauri, una lahi lalona amo.¹⁶Umui asi dibamu umui na Dirava ena dubu, bona Dirava Laumana na umui lalomu ai a? ¹⁷Bema ta ese Dirava ena dubu baine hadikaia, Dirava ese ia danu do baine hadikaia. Badina be Dirava ena dubu na helaga, umui danu unu bamona.¹⁸Tau ta na sibona basine hekoi. Bema umui padamui ai ta na e laloamu ina uru ai ia na mai aonegana, Ia na "kavakava" ai do bainela bena unu amo ia na do baine he-aonega. ¹⁹Badina be ina tanobada aonegana na kavakava Dirava enai. Buka Helaga ai vada e torea, Ia ese aonega taudia e dabaidia taomu edia dibaka karadia amo. ²⁰Bona ma eto, "Lohiabada na mai dibana aonega taudia edia lalohadai, idia na asi anidia.²¹Una dainai ta ese taunimanima basine heagilaidia badina be gau iboudiai na umui emui. ²²Ena be Paulo, eiava Apolo, eiava Kepa, tanobada, eiava mauri, eiava mase, eiava ini nega gaudia, eiava do bae vara gaudia, iboudiai na umui emui. ²³Bona umui danu Keriso ena, Keriso danu Dirava ena.

Chapter 4

¹Ina na taunimanima ta ese ede bahaeromai toma, ai na Keriso ena hesiai taumai bona Dirava ena hereva hehunidia iregudia taumai. ²Hari heregu taudia ediai ba davaria urana badana gauna na ikamonai heninai.³To lau egu ai ina na gau maragina una na bema umui ese bahemaoro henigu, eiava taunimanima edia hahemaoro gabunai. A lau sibogu ese danu basina hahemaoro diba. ⁴Badina lau sibogu egu ai kerere ta asina davariamu, to ini gau ese lau na maorogu basie gwaurai. To Lohiabada sibona ese lau baine hahemaoro henigu.⁵Una dainai gauta basio hahemaoro henia una negana dounu, Lohiabada ena mai na dounu. Ia ese ena diari amo hehuni gaudia dibura amo do baine veridia lasi bona taunimanima lalodia uradia do baine hahedinaraidia. Unu amo hahenamo Dirava ena amo tata edia bainema.⁶Harihari, varavaragu e, ini gau na lau bona Apolo latamai ai umui daimui ai, unu amo umui na ini gau na badibadia: "Buka Helaga ai e torea hereva dia na basio matadia rea," unu amo ta ese be abiadae mu ta ese be e dadaraiamu. ⁷Daika ese umui na e karamui idau-herea? Umui emui ai be dahaka umui ese so davaria gau na amo? bona bema momokani umui ese o davaria, dahaka dainai umui o heagimu hegeregerena bema umui ese so davaria neganai?⁸Umui na vada ome davana! umui na vada ome taga! umui na vada o lohia dia ai ida, bona launa na uramu umui na momokani vada ba lohia bena unu amo ai danu umui ida ta ma lohia hebou. ⁹Badina na laloamu Dirava ese eme hahedinarai mai ai apostolo na umui murimui taudia, mase ai egwaurai mai kau taudia. Badina ai na tanobada ese bae raraimai tao taudia ai eme halomai-aneru ediai bona taunimanima ediai.¹⁰Ai na kavakava Keriso dainai, to umui na mai aonegamui Keriso lalonai, Ai na mamanoka a umui na gogoada, umui na e matauraimuiva, a ai be asi e matauraimaiva. ¹¹Ema bona ina hari nega aina a hitolomu bona a ranu masemu, bona asi emai karakara dabuadia namo dia, bona edagedage henimaimu, bona asi emai noho gabuna.¹²Ai na gaukara goadamu, sibomai imamai amo a gaukaramu. E hadikamaiva negadiai, a hanamodiava. E dagedage henimaiva negadiai, to aheaukava. ¹³Hereva ai e hadikamaiva, ai ese manau ai ahereva henidiava. Ai na ina tanobada mirona ai e halaomaiva bona momoru dia ai e halaomaiva, ema bona ina hari.¹⁴Ini gau na tore henimuimu na dia umui basina hemaraimui, to iha dibadibamui natugu lalokau dia heto. ¹⁵Badina bema umui inarimui taudia na daha gwauta Keriso lalonai, dounu tamamui na dia momo. Badina Keriso Iesu lalonai lau na umui tamamui ai vada nala sivarai namo ena amo. ¹⁶Una dainai na noimuimu umui na lau itoho-tohogu taumui ai baola.¹⁷Badina bunai, Timoteo na siaia vasi dekemui, Ia na lau natugu lalokauna bona momokanina Lohiabada lalonai. Ia ese baine hahelalomui-tao lau egu dala iboudiai Keriso Iesu lalonai, lau ese gabu iboudiai dubu iboudiai na hahadibalaidia hegeregerenai. ¹⁸Ina hari haida na eme hedadarai, e laloava lau na umui dekemui na basina vasi.¹⁹A lau na hora sisina dekemui ba vasimu, bema Lohiabada baine ura neganai. Bena lau ese baina itadia dia edia hedadarai hereva dia hehunidia daidiai to edia siahu dainai. ²⁰Badina Dirava ena basileia na dia hereva ai mo siahu ai. ²¹Umui be ma dahaka ouramu? Lau baina vasi mai hekwadi auna eiva lalokau ai bona manau laumana ida a?

Chapter 5

¹Sivarai momokani vada e haripiulaia bogaragimui ai na lebulebu bona hegahusi karadia dikadia na evaramu, bona ini kara dikadia na Helene taudia bogaragidiai na asie varamu-tau ta tamana adavana ida e heuda hanaimu. ²A umui na o hekokorokumu! bema namo boma lalo-hisihisi bena una kara e karaia tauna na bogaragimui amo boma atoa tabe.³Ena be lau na tauani ai na dia umu ida, lau na lauma ai umui ida. Lau ese hahemaoro vada na heni vaitani una kara e karaia tauna enai, e kara lau na umui ida. ⁴Bema umui na eda Lohiabada Iesu Keriso ladanai o hegogomu, bona lau na laumai umui ida, eda Lohiabada Iesu siahunai, ⁵ina tau na ba heni hanai Satani enai tauanina ihamasena dainai, bena Ia laumana na Lohiabada ena dinai do baine mauri.⁶Emui heagi na dia namo. Umui asi dibamui una hatubua gauna sisina ese parao idoinai e hatubuamu a? ⁷Hatubua gauna gunana ba negea oi na parao matamatana ai baola, bena oi na asi ihatubuna paraona ai baola. Badina be Keriso, ita eda Lagauhanai ariana mamoe na, boubou gauna ai e halaoa. ⁸Una dainai ina aria baita moalelaia, dia hatubua gauna gunana, eiava dia hatubua gauna haheitalai dikadia bona kara dika amo, to parao asi ihatubuna gauna, maoromaoro bona momokani ai.⁹Egu revareva na tore henimui lalonai lebulebu hegahusi taudia ida na basio gaukara hebou. ¹⁰Asi dalana ta ai lau asi nato dika taunimanima dia iboudiai ina tanobada ai, eiava mata ganigani, eiava dadidadi, eiava kaivakuku e tomadiho henidiamu taudia, hari be umui danu tanobada ena amo bo raka ohomu.¹¹To ina harihari na tore henimuimu bema ta e tomamu ia na tadikaka to bema ia na lebulebu hegahusi, eiava mata ganigani, eiava kaivakuku e tomadiho henidiamu, eiava hereva dika dia e gwauraimu, eiava inu kekero, eiava daidadi taudia. Idia ida na basio gaukara hebou. Taunimanima unu hetomadia ida na basio aniani hebou. ¹²Badina Lau be dahaka baine kara murimuri taudia baina hahemaoro henidia a? A umui be ina laloma taudia be basio hahemaoro henidia a? ¹³To Dirava ese murimuri taudia ehahemaoro henidiamu. "Kara dika tauna na bogaragimui amo na bavatoa tabe."

Chapter 6

¹Bema umui ta ese bamomui obadu heniamu neganai, ia mai goadana bainela kara kerere taudia vairadiai baine hahemaoro henidia, bona dia hahelaga taudia vairadiai a? ²Eiava umui asi dibamui unu helaga taudia ese tanobada na do baine hahemaoro henia a? Bona bema umui ese ina tanobada na bo hahemaoro heniamu, umui vada dia hegeregere ini kara maragidia bahahemaoro henidia a? ³Umui asi dibamui ita ese aneru danu baita hahemaoro henidiamu a? Momokani, ini mauri gaudia danu ani?⁴Benaini bema umui na ini mauri gaudia iboudiai ohabadelaidiamu, dahaka dainai umui ese unu tatau oabidia hahemaoro taudia na heto asi haridia ina dubu lalonai? ⁵Lau na tomu ina na emui hemarai. Bogaragimui ai aonega tauna ta lasi ia ese tadikakana padadiai ina badu do baine hanamoa diba a? ⁶To tadikakana bainela tadikakana ta ma baine hahemaoro henia, bona ini na asie hamomokaniamu taudia vairadiai!⁷Ini daidiai, umui na momokani vada odarere vaitani, doini umui na sibomui padamui ai ohahebade hehenimu. Dahaka dainai kerere hisihisina boma abia? Bona dahaka dainai bae koimu? ⁸To umui na okara kereremu bona umui na o okoikoimu tadikakamui ediai!⁹Eiava umui asi dibamui ina asi edia kara maoromaoro taudia na Dirava ena basileia ai asi ahudia ani? basie koimui, eiava hegahusi bona lebulebu karadia, kaivakuku itomadiho henidia karadia, bona heudahanai taudia bona hahine ai elaomu taudia, sibodia tauanidia ai ehahedikamu taudia, ¹⁰eiava henaohenao, eiava mata ganigani, eiava kekero, eiava hahebade koikoi, eiava dadidadi taudia, ini iboudiai ese Dirava ena basileia ai na asie ahudia. ¹¹Bona umui haida danu guna unu heheto. To umui na vada gogoeva, umui na ehahelagamui, umui na maoromui egwaurai Lohiabada Iesu Keriso ladanai, bona eda Dirava Laumana amo.¹²"Gau iboudiai na taravatu lau egu ai," to dia gau iboudiai na nanamo. "Gau iboudiai na taravatu lau egu ai," to gau haida ese lau na basine lohiagu. ¹³"Aniani na boga ena, bona boga na aniani ena," to Dirava ese ruaosi baine haoredia. Tauani na dia lebulebu bona hegahusi karadia ena, to Lohiabada ena, bona Lohiabada na tauani ena.¹⁴Harihari momokani Dirava ese Lohiabada e hatorea isi, bona ia ese ita danu ena siahu amo baine hatoreda isi. ¹⁵Umui asi dibamui umui tauanimui na Keriso regena a? Bena lau ese ina Keriso regena baina abidia oho bena ariara hahinena regena ai baina halaoadia a? Basine vara diba!¹⁶Eiava umui asi dibamui tamona ariara hahinena ida eheboumu tauanidia e tamonamu a? Badina Buka Helaga ai etorea, "raruosi tauanidia na bae tamona." ¹⁷A ta Lohiabada ida eheboumu na Lauma tamona ia ida.¹⁸Lebulebu bona hegahusi karadia amo ba raka siri! Kara dika haida iboudiai tauani ese e karamu na tauani murimurina ai, a daika lebulebu bona hegahusi kara dikadia na sibona tauanina eha dikaiamu.¹⁹Eiava umui asi dibamui umui tauanimui na Lauma Helaga ena dubu, ia na umui lalomu ai, Dirava ena amo oabia ani? Umui na dia sibomu emui, ²⁰badina be umui na vada ehoimu mai davamui. Una dainai tauanimui ai Dirava ba imodaia.

Chapter 7

¹Hari otore henigu herevadia badadia bini: "Una na namo tau ta ese hahine ta basine dau-atoho." ²A badina lebulebu garina, tau na hahine tamona mo baine adavaia, bona hahine na tau tamona mo baine adavaia.³Headava tauna ese adavana ena headava karadia maorona baine henia, bona unuhetomana danu headava hahinena danu adavana unu baine kara henia toma. ⁴Headava hahinena ese sibona tauanina basine biagua, to adavana ese. Bona unuhetomana danu, headava tauna ese sibona tauanina basine biagua, to adavana ese.⁵Basio hedadarai heheni, to raruosi bagwaubou amo nega sisina mo, unuhetomana danu sibomui bahelaga emui guriguri gaukaradia bagoadalaidia. Bena ma ba hebou lou, unuhetomana danu Satani ese na basine dibaganimuimu badina asi emui boga-auka. ⁶A Ini hereva na gwauraimu na hahealo, dia hahedua. ⁷Lau na laloava umui na vada ohegeregere lau hegeregeregu. To ta ta na sibona mai ena herahia Dirava ena amo, momokani ta be ina dala ai, bona ta be una dala ai.⁸Hari asi adavadia bona vabu ai na hahealo henidia, na tomu una na namo bema unu bae noho toma lau hegeregeregu. ⁹To bema asi edia boga-auka, idia na bae headava. Badina ina na namo bae headava a lalodia lahi ese e aradiamu be dika.¹⁰Hari eheadava taudia ina hahegani na henimu-dia lau, to Lohiabada-headava hahinena adavana ena amo na basine noho pada ¹¹(to ena be bema ia na mai padana, ia na dounu basine eheadava, eiava adavana ida bae herohemaino), bona headava tauna ese adavana na basine dihotania.¹²To haida daidiai ai nato-lau, dia Lohiabada-bema tadikaka ta adavana na murimuri hahinena, bona una hahine ese eabiadaemu ia ida baine noho, ia ese adavana na basine dihotania. ¹³Bona bema hahine ta adavana na murimuri tauna, bona una tau ese eabiadaemu ia ida baine noho, ia ese adavana na basine dihotania. ¹⁴Badina una murimuri tauna na vada e helaga hahinena dainai, bona una murimuri hahinena na vada e helaga tauna dainai. Bema lasi umui natumui na mai mirodia, to harihari idia na hehelaga.¹⁵A bema ina murimuri tauna vada e raka oho, vada bainela. Kara ini bamodia na tadikaka tauna eiava hahinena na asie guidia, to Dirava ese e boirida maino ai baita noho. ¹⁶Badina hahine e, oi be ede bodiba tomamu, adavamu bahamauria? Eiava tau e, oi be ede bodiba tomamu adavamu bahamauria?¹⁷Lohiabada sibona ese ta ta gabumui ai vada e atomui, badina Dirava ese ta ta vada e boirimui, una dainai Ia enai baraka, lau na ini na hahegani tomamu dubu iboudiai lalodiai. ¹⁸Daika e peritomea neganai e boiria? Ia na se peritomea tauna dainai bainela. Daika be se peritomea e boiria? Ia na basie peritomea. ¹⁹Peritome na asi anina, bona basio peritome danu asi anina, to gau badana na Dirava ena taravatu ba badinadia.²⁰Umui tata na e boirimui neganai o nohova hegeregerenai da banoho. ²¹Oi be e boirimu hesiai tauna a? Ina ese basine hahekwakwanaimu. To bema momokani oi na vada oherua nege, bavabia dae. ²²Badina be e boiria tauna Lohiabada lalonai na hesiai tauna ia na Lohiabada enai vada e heruha nege. Unu hetomana, e heruha nege tauna e boiria na Keriso ena hesiai tauna. ²³Umui na vada e hoimui mai davamui; taunimanima edia hesiai taudia ai basiola. ²⁴Tadikaka mai e, ededia dala ai ta ta e borimui hegeregeredia ba noho Dirava ida.²⁵Hari ini rami-hebou ulatodia daidiai, lau na Lohiabada ena amo hahegani ta asina abia. To, Lohiabada ena hebogahisi vada na davaria dainai, lau ese lalo-hadai ta na henimu e kara kamonai bada tauna hegeregerena. ²⁶Una dainai, lau egu lalohadai ai ina na namo, badina ini nega dikadia e maimu daidiai, una namo badina tau ta baine noho na e nohomu dalanai.²⁷Umui mai adavamui a? Basio hadihoa. Adavamui vada e diho a? Ta ma basio tahua. ²⁸To bema momokani oi na oheadava, oi na dia kerere; bona bema haneulato rami-hebou ta na baine headava ia na dia kerere. To headava taudia na do bae hisihisi tauanidia ai, bona lau na uramu basina hametaumui.²⁹A ini na gwau tomamu, tadikakagu e; nega na kwadogi, una dainai hari amo ela, bona oheadava taumui na banoho e kara asi adavamui na heto; ³⁰bona daidia bae tai, e kara asie taitaimu na heto; bona daidia bae moale, e kara asie moalemu na heto; bona daidia bae hoihoi, e kara asi edia kohu na heto; ³¹bona tanobada kohudia e gaukaralaimu taudia danu e kara se gaukaralaimu ai bae noho. Badina tanobada itaitana na vada e boiomu.³²To na uramu lalomui na basio hahekwarahidia. Do se headava tauna ese Lohiabada ena kohu e lalodia badamu, Lohiabada be ede baine hamoalea toma. ³³A mai adavana tauna na tanobada kohudia e lalo badamu, adavana ihamoalena ai, bona lalona na rua. Asi adavana hahinena eiava haneulato rami-hebouna ³⁴ese Lohiabada ena kohu e lalodia badamu, unu amo ia na baine helaga tauaninai bona laumanai. To e headava hahinena ese tanobada kohudia e lalo badamu, adavana ede baine hamoalea toma.³⁵Ini na gwau tomamu na umui sibomui emui namo ihavarana dainai, dia umui ilaoahumui dalanai, to na uramu hemataurai karadia bakara bona Lohiabada isiaina balaoheni, asi dara-daramui.³⁶ Bema tau ta na e lalohadai kereremu ia maohenina enai-bema maohenina na headava gabana bona una na momokani-ia ede be kara tomamu na ia sibona. Ia na se keremu, bae headava hari. ³⁷Bema ta ese sibona lalona vada e hadaia, dia haheduai, to lalona ibounai vada e atoa, bona vada e tomu mai kudouna ida-basine headava-ia na e kara namomu. ³⁸Una dainai, maohenina baine adavaia tauna na baine kara namo, bona ta basine headava ia na baine kara namo herea.³⁹Hahine ese adavana baine badinaia, tau ena mauri idoinai. To bema adavana baine mase, ia na lailai baine headava ia e uraheniamu tauna ida to Lohiabada lalonai baine headava. ⁴⁰A lau egu haero ai una na baine moale herea bema e nohomu dalanai baine noho. Bona na laloamu lau danu Dirava Laumana na abia.

Chapter 8

¹Hari ini Kaivakuku edia ihaboulaina vamudia daidiai, ita na mai dibada, iboudai na mai eda lalo-parara. Lalo-parara na e badamu, to lalokau danu e tubu daemu. ²Bema tau ta ese e lalomu ia na gau ta mai dibana, a gau tabe ia na asi dibana. Unuhetomana ia na dounu baine diba. ³A bema tau ta ese Dirava e lalokau heniamu, una tau na ia ese na e dibaiamu.⁴Una dainai, kaivakuku ihaboulaina vamudia ianina dainai; Ita ta dibadamu ina tanobada ai kaivakuku na asi anidia bona Dirava ta lasi a tamona mo. ⁵Momokani enabe bema egwauraidiamu Dirava dia, guba ai eiava Tanobada ai, unu hetomana danu "dirava-dirava" na momo bona "lohia-lohia" na momo, ⁶to ai emai ai ita tamada Dirava na tamona, Ia ena amo gau iboudiai e maimu bona ia dainai ita danu ta maurimu, bona Lohiabada tamona Iesu Keriso, ena amo gau iboudiai e hedinarai, bona ita danu ia ena amo ta hedinarai.⁷Unu hetomana ina lalo-parara na dia taunimanima iboudiai lalodia ai badina haida na guna kaivakuku gaukaradia lalodiai vada e manada ema bona ina negai; e abimu bona e animu dainai e hamanokadiamu bona e hadikadiamu.⁸To aninai ese Dirava vairana basine laohaida. Ita na basita dika bema basita ania neganai, eiava baita namo bema baita ania neganai. ⁹A nahuamui ba toho badina emui heruha nege maurina namona ese manoka taudia basie e hamanoka dia. ¹⁰Badina bema tau ta ese lalo-parara tauna ta baine itaia, e anianimu kaivakuku edia dubu ai, ia lalona, ena manoka amo basine hatubua una kaivakuku edia vamu eanimu a?¹¹Bena manoka tauna, tadikakada ta Keriso ia dainai e mase, na oi emu lalo-parara amo na vada ohadikaia. ¹²Ini heto, oi tadikakamu okara dika heniamu bona ena lalo-manoka na oha-beroamunegani oina Keriso o kara dika heniamu. ¹³Una dainai, bema aniani ese lau tadikakagu ta ena moru e havaraiamu, lau ese ina vamu basina ani ela hanaihanai, badina tadikakana baine hahekwakwanaia na garina.

Chapter 9

¹Lau be dia ura kwalimu taugu a? Lau be dia apostolo a? Eda Lohiabada Iesu be asi na itaia a? Umui be dia lau egu gaukara anidia Lohiabada lalonai a? ²Bema lau na dia apostolo idau taudia ediai, daba lao lau na umui emui ai hari. Badina be egu Apostolo dagina na umui ese o hamomokania Lohiabada lalonai.³Ina na lau egu haere, e tahugumu taudia ediai. ⁴Ai be asi emai maoro baia aniani bona baia inuinu a? ⁵Ai be asi emai maoro kamonai hahinena ta baia hakaua, hegeregerena Apostolo oreadia, bona Lohiabada tadikakana bona Kefa a? ⁶Eiava Banaba bona lau hari asi emai maoro baia gaukara a?⁷Daika be hesiai e lao henimu tuari tauna na heto ena ura negadiai sibona davana e henimu? Daika be vine imeana e hadomu bona huahua na se animu? eiava, daika be mamoe seridia e naridiamu, bona rata na se inumu, unu mamoe serina edia amo? ⁸Ini hereva na gwauraimu be dia taunimanima edia siahu hegeregerediai a? Eiava taravatu ai danu unu se gwau toma a?⁹Badina vada e torea, Mose ena taravatu bukana ai. "Boromakau uduna na basio koua bema uit e moimoilaiamu neganai." Dirava ese una boromakau na se laloa badamu ani? ¹⁰Eiava, ita daidai unu egwau tomamu a? Badina ita daidai vada e torea, "badina be tano e hamakohiamu tauna na, ta baine hamakohia mai helarona ida, bona uit e kwadiamu tauna na baine hekwadi mai helarona ida, ahudia bae abi edia geigei ai." ¹¹Bema ai ese Lauma gaudia ahadodia lalomui ai, ini na momo herea bema ai ese tanobada gaudia emui amo baiama geidia a?¹²Bema haida ese na unu ekaramui tomava, ai ese be basiama kara badabada a? to ai ese na asi abiagumui. A gau iboudiai lalodia amo na a haheaukava, badina asi aurava Keriso ena sivarai namo ilao-ahuna karadia bae evara. ¹³Umui asi dibamui dubu ai e gaukaramu taudia dubu gaudia eanimu; ihaboulaina patanai e gaukaramu taudia ihaboulaina patana amo ahudia eabimu ani? ¹⁴Unu hetomana danu, Lohiabada na vada ehahegani, Sivarai namo e harorolaiamu taudia na sivarai namo amo adia bae abi.¹⁵To lau ese ini gau maorodia ta asina biagudia. Badina lau ese ini gau asi na tore na dia umui ese unu ba kara henigu toma, unana bema bama mase hari namo, a tau ta ese egu heagi badina bema abia-oho hari dia namo. ¹⁶To bema sivarai namo na harorolaiamu na asi badinai baina heagi, badina vada ehaganigu baina karaia, to madi ihabaigu bema sivarai namo basinama harorolaia neganai!¹⁷To bema lau na egu ura badai baina karaia, lau na mai ahugu. A bema dia egu ura ai, lau na heregu tauna ai vada e halaogu. ¹⁸Benaini ahugu be dahaka? Bema lau na sivarai namo na harorolaiamu asi davana ai, sivarai namo na bama heni, to egu maoro idoinai na basina gaukaralaia sivarai namo lalonai.¹⁹Ena be lau na ura kwalimu taugu taunimanima iboudiai vairadia ai, iboudia ai vairadia ai lau na hesiai tauna ai nala, unu amo hutuma momo ma baina davaridia. ²⁰Iuda taudia edia ai, lau na Iuda tauna ai vada nala, unu amo Iuda taudia baina veridia mauri helaoreana. Taravatu henuna ai e nohomu taudia edia ai, lau na taravatu henuna tauna ai vada nala, unu amo taravatu henuna ai enohomu taudia baina veridia mauri helaoreana, ena be lau na dia taravatu henunai.²¹Taravatu murimurina ai e nohomu taudia edia ai, lau na taravatu murimurina ai e nohomu tauna ai vada nala (Ena be lau na dia Dirava ena taravatu murimurina ai, to Keriso ena taravatu henunai) unu amo lau ese taravatu murimurina ai e nohomu taudia baina veridia mauri helaoreana. ²²Manoka taudia edia ai, manoka tauna ta ai vada nala, unu amo manoka taudia baina veridia mauri helaoreana. Lau na gau iboudia ai nala taunimanima iboudia ai edia ai, dala idauidau iboudia ai lalodia amo haida baina hamauridia. ²³Gau iboudia ai na karamu na sivarai namo dainai, unu amo ina gaukara baita abia hebou taunai nala.²⁴Asi dibamui heau helulu ai heau helulu taudia iboudia ai e heaumu, to tau tamona ese davanbavabia. ²⁵Gadara helulu taudia na e boga auka e abiamu ani? Unu ba heau toma bena davana amu gau iboudiai lalodia ai. Ini e kara tomamu na korona e masemu gauna iabina helaoreana, a ita be, mia hanaihanai gauna iabina helaoreana. ²⁶Una dainai unu na heau tomamu, dia asi aninai; na heatumu, dia hoda-hoda asi na tutuamu. ²⁷A sibogu tauanigu na alaiamu bona na guiamu, badina haida baina haroro henidia murinai, lau sibogu danu mauri basina reaia.sibogu tauanigu na alaiamu bona na guiamu, badina haida baina haroro henidia murinai, lau sibogu danu mauri basina reaia.

Chapter 10

¹Tadikaka mai e, asina uramu baoto umui na asi dibamui, eda sene taudia be ori ta henunai e laolaova bona davara padadia amo danu e raka hanai. ²Idia na iboudia ai vada e bapatisodia Mose lalonai, ori lalonai bona davara lalonai, ³bona iboudia ai ese lauma anianina tamona eaniava. ⁴Idia na iboudiai lauma ranuna tamona e inuava, badina idia na lauma nadina tamona ranuna e inuava bona una lauma nadina ese e gavadiava, bona una nadi na Keriso.⁵To Dirava ese idia momo na se lalonamo henidiava, bena e haoredia tano gagaena ai. ⁶Harihari ini gau na ita ihaheitalaida gaudia ai vada eme lao, unu amo ita ese gau dikadia basita uraheni, idia ese e ura henidiava hegeregerena.⁷Kaivakuku itomadiho henidia taudia ai basiola, idia haida hegeregeredia; Buka Helaga ai e torea hegeregerena, "Taunimanima na e hahelaidia dihova bae aniani bona bae inuinu, bona e toreisiva bae gadara." ⁸Tauani lebulebu dia basio kara, idia momo e lebulebuva hegeregerena, bona taunimanima iboudia ai daha ruahui-toi na eha-moru dia dina tamona ai.⁹Umui ese Keriso basio tohoa, idia momo ese e tohoa hegeregerena, bena gaigai ese eha-mase dia. ¹⁰Basio maumau, idia momo e maumau hegeregerena, bena hahedika tauna ese eha-mase dia.¹¹Hari ini kara e vara idia ediai na haheitalai gaudia. Badina be ini na e toredia ita isisibalai henida, uru dokona edai vada e kau tauda ihadibalaida. ¹²Una dainai ta e lalomu ia na e ginimu, nahuana baine tohoa ia na basine moru. ¹³E butumui taomu hedibaganidia na taunimanima iboudia ai ediai e kaumu hedibaganidia hegeregeredia. To Dirava na momokani. Ia ese una hedibagani amo ba roho mauri dalana baine havaraia, bena umui ese do ba haheaukalaia diba.¹⁴Una dainai, egu lalokau taumui, kaivakuku itomadiho henidia bae heautania. ¹⁵Lau na herevamu na umui lalo-parara taudia bama hereva henimui na heto. Sibomui ese na herevalaimu herevadia ba haerodia. ¹⁶Hahenamo keherena ta hahenamo laiamu, gauna be dia herahia gauna Keriso rarana lalonai a? Ta bituamu paraona, be dia herahia gauna Keriso tauanina lalonai a? ¹⁷Badina be parao idoina na tamona, ita na hutuma tauani tamona lalonai. Badina be ita iboudai una parao-idoina tamona ita ese ta heubulaia heboumu.¹⁸Mani tauanina roharohana amo Isaraela aitaia. Unu boubou gaudia e animu taudia be dia ihaboulaina patana gaukaradia ai e helaoreava a? ¹⁹Lau be vada dahaka na gwauraimu? Una kaivakuku ta ena ihaboulaina anianina be gauta a? Eiava una Kaivakuku be gauta?²⁰To lasi, lau natomamu idau besena ese e bouboulaiamu gauna, idia na lauma dikadia e bouboulai henidiamu bona dia Dirava e bouboulai heniamu. To lau na asi na uramu lauma dikadia ida bae hebou! ²¹Umui ese Lohiabada ena kehere bona lauma dikadia edia kehere basio inua diba. Umui ese Lohiabada ena ihaboulaina patana bona lauma dikadia edia ihaboulaina patana gaukarana ai basio hebou. ²²Eiava ita be Lohiabada ta habaduamu baine mama a? Ita eda goada be Ia ena goada ta hereaiamu a?²³"Gau iboudia ai na mai taravatudia," to dia gau iboudia ai na mai edia hahenamo. "Gau iboudia ai na mai taravatudia," to dia gau iboudia ai ese taunimanima e hatubua dae kaumu. ²⁴Taunimanima ta ese sibona ena namo basine tahua, to haida edia namo danu.²⁵Hoihoi gabunai e hoihoilaimu anianidia iboudiai na bavani diba, asi henanadaimui ida emui lalohadai ia heato maorona dainai. ²⁶Badina be "tanobada na Lohiabada ena, bona anina idoinai danu."²⁷Bema Dirava asine abidadama heniamu tauna ta ese evavemumu ia ida bavaniani hebou, bona ouramu baola neganai, vairamu ai e dabara anianidia na bavani asi henanadaimu ida emui lalohadai ena heato maoro dainai.²⁸A bema taunimanima ta ese baine hamaoromu, "ina aniani na vada e henilao boubou gaudia," neganai basio ania, una e hereva henimu taunimanima na dainai, bona emu lalohadai ia heato maorona dainai - ²⁹dia oi emu lalohadai ena heato maoro dainai, to unu e hereva henimu toma tauna ena lalohadai iha heato maorona dainai. Benaini, dahaka dainai lau egu ura kwalimu na taunimanima ta ena lalohadai e heato dalanai ese baine hahemaorolaia? ³⁰Bema lau na mai hahenamogu ida na anianimu neganai, dahaka dainai egwau henigumu na hanamolaimu gaudia daidiai?³¹Una dainai, bavaniani eiava ba inuinu, eiava dahaka-dahaka ba kara, iboudiai ba karadia Dirava hairaina dainai. ³²Iuda taudia, eiava Helene taudia, eiava Dirava ena dubu basio hahekwakwanai dia, ³³launa na hededegwamu danu gau iboudiai lalodiai taunimanima na hamoalediamu. Lau sibogu egu namo asi na tahuamu, to taunimanima momo edia namo daidiai, badina be ihamauridia helaoreana.

Chapter 11

¹Lau ba tohotohogu, lau ese Keriso na tohotohoamu hegeregerena. ²Harihari na hanamomuimu badina be gau iboudiai olalolaigumu, bona hahediba herevadia, na abi bena na henimui gaudia o badinadia tarika-tarikamu. ³Harihari na uramu badiba, tatau iboudiai kwaradia na Keriso, hahine kwarana na tau, Keriso kwarana be Dirava. ⁴Tatau e gurigurimu eiava e perovetamu, negadia ai kwaradia e koumu, una na kwarana se matauraimu.⁵A hahine e gurigurimu eiava e perovetamu kwaradia asie koumu neganai, ia danu kwarana se matauraiamu. Badina ina na tamona bona hegeregerena kwarana e nauamu. ⁶A bema hahine ta ese kwarana basine koua neganai, huina danu ba-utua oho. A bema ina na mai hemarainai hahine ta enai huina baine utua eiava kwarana baine naua neganai, hahine ese kwarana na baine kumia.⁷A tau ese kwarana baine mukoa na dia namo, badina be Ia na Dirava ihagoina tauna bona Dirava hairaina. A hahine be tau hairaina. ⁸Badina be tau na hahine ena amo sevara, a hahine hari, tau ena amo e vara,⁹Badina tau na sekaraia hahine ena, to hahine be tau ena. ¹⁰Una dainai hahine ena siahu toana kwarana ai baine mia, badina be aneru daidiai.¹¹Gau tamona, Lohiabada lalonai, hahine na dia sibona tau ena amo, eiava tau danu dia sibona hahine ena amo. ¹²Badina hahine na tau ena amo, unu hetomana danu tau na hahine ena amo evara. Badina be hahine na tau dainai vada e vara, a tau be hahine ena amo e varamu. A gau iboudiai na Dirava dainai e varamu.¹³Sibomui ba haeroa. Hahine be kwarana asi ikumilaina Dirava baine guria namo eiava? ¹⁴Lalomui asie pararamu a, tau huina baine lata na hemarai gauna ienai. ¹⁵a hahine huina baine lata na hairai gauna iena? badina be huina latana amo kwarana baine kumia. ¹⁶A ta ese ina hereva baine gwaua tubu, egu haere binai: ai na kara idauna ta asi dibamai, bona Dirava ena ekalesia oreadia danu asi dibadia¹⁷A egu hahedua binai na henimuimu, asina hanamomuimu, badina be emui hebou amo namo ta sevaramu, a dika mo evaramu. ¹⁸Badina matamanai, vada na name kamonai emui hegogo tamona dubu lalonai, haheparara evaramu bogaragimui ai, bona una kahana na abia daemu. ¹⁹Badina be una na momokani bogaragimui ai na orea-orea e varamu, unu amo e hamomokaniamu taudia ese bae hahedinaraia umui bogaragimui amo.²⁰Emui hebou negadia ai, Lohiabada ena anibou asio ania momokanimu. ²¹Badina be tau-ana, tau-ana oanimu, una dainai haida e hitolomu, ma haida e kekeromu. ²² Be! Asi emui ruma a? unuseni ai boma aniani bona boma inuinu. Dirava ena ekalesia ihi-ihiraina bona ogogami taudia ihahemaraidia ouramu a? Ede baina hereva henimui toma a? Baina hanamomui a? Lasi vaitani.²³Badina be Lohiabada ena amo na abia umui na hamaorolaimui dalana binai; taona e torea hanuaboina ai, Lohiabada Iesu ese Flaoa atagana ta eabia, ²⁴e hanamoa, bena e bitua, eto "Lau taugu binai, umui daimui ai baine makohi, ini bakara toma, lau ba lalogu."²⁵Unu hetomana danu, e aniani vaitani murinai ia ese kehere eabia , bena ma eto, "Ina kereher na herohemaino matamatana lau raragu ai, ba inua negadia ai ini bakara toma, lau ba lalogu." ²⁶Una dainai, ina Flaoa atagana bavania bona ina kehere ba inua negadiai iboudiai na umui ese Lohiabada ena mase ba hahedinaraia, ela bona Ia do bainema.²⁷Benaini, tauta ese ina Flaoa atagana baine ania bona ina kehere baine inua kerere, Ia ese Lohiabada tau-anina bona rarana baine hadika. ²⁸Tauta lalona baine tahua guna, bena ataga baine ania bona kehere baine inua. ²⁹Badina be eania kavamu bona einua kavamu, se laloamu una na Lohiabada tau-anina, tauna ese Ia sibona ihahemaoro henina e aniamu bona e inuamu. ³⁰Badina bunai hutuma umui bogaragimui ai e manoka-manokamu bona e gorerediamu, haida danu e masemu.³¹A ita siboda laloda baitama tahu, hahemaoro na edai basinema kau. ³²Gau tamona Lohiabada ese e hahemaoro henidamu, matada ihakanidia, ita bona tanobada baita dika bou na garina.³³Una dainai, varavaragu e, anibou dainai ba hebou negadia ai, ba henari heheni. ³⁴Ta bema hitolo, Ia na ena ruma ai bema aniani, hahemaoro ai ba dika bou na garina. Hereva oredia do bae mia ela bona baina vasi, bena bain hamaoromaoroa.

Chapter 12

¹Harihari Lauma ena herahia, varavaragu, lau na asi nauramu ba kavakava, ²umui dibamui dibura ai o nohova negana ai, e hakaumui negadia iboudiai kaivakuku, asie herevamu diravadia, ese dala ede bamodia ai e hakaumui. ³Badina bina na hadibamuimu, ta dia Dirava Laumana ai e herevamu, tauna ese "Iesu basine uduguiraia," bona tau ta basine eto, "Iesu na Lohiabada." Lauma Helaga ai e herevamu tauna mo sibona.⁴Harihari unuseni ai herahia be idauidau, a Lauma be tamona. ⁵Bona unuseni ai hesiai daladia na idauidau, a Lauma be tamona. ⁶Bona unuseni ai gaukara danu idauidau, a Dirava be tamona Ia ese gau idoidiai taunimanima iboudiai lalodiai e karamu.⁷Harihari Ia ese taunimanima vada ehahedinarai henidia hagauhagau iboudiai bae namo. ⁸Badina be Lauma tamona ena amo ta aonega herevana, eheniamu bona ma ta lalo-parara herevana eheniamu bamona,⁹ma ta abidadama e heniamu Lauma tamona ese, bona ma ta gorere ihanamolaidia siahuna e heniamu, ¹⁰bona ma ta hoa karadia ikaradia siahuna e heniamu, ma ta peroveta siahuna e heniamu, ma ta Lauma idibadia e heniamu, ma ta gado idauidau e heniamu, ma ta gado anidia ihahedinaraidia e heniamu, ¹¹a unu gau iboudiai na Lauma tamona ese taunimanima e henidia hagauhagaumu, ena ura hegeregerenai.¹²Badina be tauanina be tamona to regena na momo, bona rege ena be momo,to iboudiai tauanina tamona regena Iesu danu unu heto. ¹³Badina be Lauma tamona lalonai ita iboudai e bapatisoda tauanina tamona, ai e halaoda ena be Iuda tauda eiava Helene tauda, ena be hesiai tauda eiava ura kwalimu tauda, bona ita iboudai danu Lauma tamona, e hainulaida.¹⁴Badina be tauanina na dia rege tamona, a rege momo. ¹⁵Bema ae palapala baineto, "lau na dia ima palapala, dainai lau na dia tauanina ena," una dainai, ia na dia tauanina ena. ¹⁶Bona bema taia baineto, "lau na dia mata, dainai lau na dia tauanina ena." Asi badina, tauanina regena ta ai. ¹⁷Bema tauanina idoinai na mata mo, kamonai vada edena?¹⁸A Dirava ese rege ta ta tauanina lalonai, vada eato, ena ura hegeregerena. ¹⁹A bema iboudiai rege tamona, tauanina na tamona. ²⁰A rege be momo, tauanina na tamona.²¹Benaini, mata ese ima palapla, na basine hereva henia baineto "asi emu gaukara egu ai." eiava kwara danu ae palapala dia, baine hereva henia baineto, "asi emu gaukara egu ai." ²²Lasi, manoka-manoka ta gwauraimu regedia na mai edia gaukara bada hereadia, ²³bona regedia tauanida ai ta laloamu imatauraidia na mamaragi, ita ese na ta matauraidia badamu bona asi hairaidia regedia ta hanamo badamu, ²⁴a tauanina regedia mai hairaidia na gau ta ai asie dabumu, a Dirava ese rege iboudiai vada eme habou, tauanina tamona ai baela, e dabu regena danu hemataurai bada vada eme henia,²⁵a tauanina basie karoaia, a rege iboudiai bae hedaro boubou bona bae henari heheni. ²⁶a bema rege ta baine hisihisi, rege iboudiai na bae hisihisi hebou, bona bema rege ta bae matauraia, rege iboudia na bae moale hebou. ²⁷Harihari umui na Keriso tauanina bona umui ta ta be ia regena,²⁸bona Dirava ese haida ekalesia lalonai vada eato dia, giniguna dia be Aposetolo, iharuadia be peroveta taudia, ihatoidia be hahediba taudia, idia muridiai hoa karadia ikaradia taudia, ma idia muridiai gorere ihamauridia, hekaha taudia bona gado idauidau taudia. ²⁹Iboudiai be apostolo, a? Iboudiai be peroveta taudia a? Iboudiai na hahediba taudia, a? Iboudiai na hoa karadia e karamu, a?³⁰Dia herahia iboudiai na gorere ihamauridia, ani? Dia iboudiai na gado idaudia ai bae hereva, ani? Dia iboudiai hereva anidia e hahedinaraimu, ani? ³¹A ura momokanina herahia hereadia. Bona harihari, lau ese dala hereadaena aina hahedinarai henimui.

Chapter 13

¹Bema lau baina hereva taunimanima bona aneru gadodiai, to asi egu lalokau, lau na ekara gaba eiava auri e kwadiamu na heto. ²Bona bema lau na peroveta herahia na bona idibana aonegana idoinai bama abia, bona bema egu kamonai bada amo ororo bama kokidia, to asi egu lalokau, launa gauta lasi. ³Bona bema lau na egu kohu iboudiai baina heni, bona bema lau tauanigu baina heni una amo bama heagi, to launa asi egu lalokau, launa gauta basina abia.⁴Lalokau na haheauka bona boga-auka, lalokau na asi ena hesiku, lalokau na seheagimu, asine hekokorokumu. ⁵Asine kara havaramu, sibona sehetahumu, asine badu haragamu, kerere ta se laloa taomu. ⁶Gabu kereredia ai asine moalemu, ta gabu maorodia ai e moalemu. ⁷Gau iboudiai e hua taomu, gau iboudiai eabidaemu, helaro ai gau iboudiai e haheaukalaimu.⁸Lalokau na basine doko. To bema peroveta herevadia, idia na bae ore; bema gado idau-idau idia na bae doko; bema aonega, idia danu bae ore. ⁹Badina be taidia-taidia ta dibamu bona taidia-taidia ta peroveta laimu. ¹⁰To goevadaena be maimu neganai, taidia ta dibamu gaudia na be oremu.¹¹Marakigu neganai, egu hereva bona lalohadai na mamaraki, badina launa maraki dainai. ¹²Ina harihari ta heita valahu-valahu mu hevarivari ai, ta heita hehenimu. Harihari taina name diba, to una neganai baina diba guguru odibagu guguru hegeregerena. ¹³Harihari ini gau toiosi mo mimia: Abidadama, helaro bona lalokau, to hereadaena na lalokau.

Chapter 14

¹Lalokau na ba gavaia balaheni, bona lauma herahiadia na ba ura henidia, to hereadaena be boma peroveta. ²Badina gado idau-idau ai eherevamu tauna na dia taunimanima ehereva henidiamu to Dirava ehereva heniamu; badina ta na sedibamu anidia, to ina na hehuni herevadia e gwauraimu Lauma ena amo. ³A peroveta herevadia e gwauraimu tauna ese taunimanima ehereva henidiamu badina idia iha-tubudia, ihagoadadia bona tauhalo e henidiamu. ⁴Gado idau-idau ai e herevamu tauna na sibona e hahegoadamu, a peroveta herevadia egwaurai hedinaraimu tauna ese dubu ehagoadaiamu.⁵Ina harihari, lau na ura dikamu umui na gado idau-idau ai boma hereva, to ma nauramu bema lasi neganai peroveta herevadia boma gwaurai hedinarai. Ina hari, peroveta herevadia e gwaurai hedinaraimu tauna na gao idau-idau ai e herevamu tauna daenai. (ela bona bema unu gado herevadia anidia baine gwaurai hedinarai neganai, bena unu amo dubu baine goada ihatubuna ai). ⁶To harihari, bamogu e, bema lau na baina vasi bena gado idau-idau ai baina hereva henimui neganai, dahaka gau namona ta do baina havara henimui, ela bona lau ese baina hereva henimui mata hanai herevadia amo, eiava laloparara amo, eiava peroveta amo, eiava hahediba-diba amo?⁷Iha hegeregerena asie maurimu kohudia danu mai regedia - biugili eiava gitara - bema idia regedia na basie ha-idau, ede boma diba toma una be biugili regena eiava gitara regena? ⁸Bema biugili regena na dia tuari boiboina regena, daika na bema diba bena una tuari boiboinai bema hegaegae? ⁹Unu hetomana danu, unu gadi idau-idau ilalopararadia na emui gado amo basio heni neganai, ede boma dibadia toma bona unu be dahaka egwaurai? Badina una na hoda-hoda ehereva heniamu.¹⁰Asia daradaramu ina tanobadai gado idau-idau na momo herea, bona gado ta basio davaria asi anidia. ¹¹Bema lau na gado ta anina asina dibamu, lau na idau tauna ia enai, bona una eherevamu tauna na lau egu ai.¹²Umui danu unu heheto, ema bona ina negai umui na o ura badamu ini lauma herahiadia, ba tahudia bena baine habadalaimui dubu iha-tubuna dainai. ¹³Bena gado idau ai eherevamu tauna na baine guriguri una gado anidia baine hanaidia noinoina. ¹⁴Bema lau na gado idau ta ai na gurigurimu, laumagu danu e gurigurimu, to daragu na sevaramu.¹⁵Una dainai, lau be ede bama kara toma? Lau na laumagu ai baina guriguri, a mai daragu ida danu baina guriguri laumagu ida ane baina abi bona mai daragu ida danu ane baina abi. ¹⁶Ma kahanai, bema lauma ai Dirava o hanamoamu o edena dalai ta na una asie harihari henidia gabuna amo baine gwa "Amen", oi emu hahenamo ai, badina ia na asi dibana oi be dahaka ogwauraimu?¹⁷Badina be hahenamo korikori ohenimu na hegeregere, to haida be asio hagoadadiamu. ¹⁸Dirava na hanamoamu lau na gado idau-idau momo ai na herevamu una ese umui na name hanaimui. ¹⁹ A dubu lalonai, lalogu herevadia ima hona mo nama herevalai bona nama hadibalaidia danu, a dia gado daha-ta herevadia amo.²⁰Varavaragu e, memero maragidia hegeregeredia ai na basio lalohadai. A kara dika enai boma garugaru, to emui lalohadai hari bema lo. ²¹Taravatu bukanai na etorea "gado idaudia taudia edia amo bona idau taudia bibinadia amo, lau ese ini taunimanima baina hereva henidia, to dia ina dalai idia ese lau ba-kamonai henigu", Lohiabada na ini egwau tomamu.²²Bena ini heto, gado idau-idau badina na toa ta, dia eha-momokaniamu ediai, to asie hamomokaniamu taudia ediai, a peroveta herevadia be dia asie hamomokaniamu taudia edia to eha-momokaniamu taudia ediai. ²³Una dainai, bema, dubu idoinai na gabu tamonai bame hebou bena iboudiai na gado idau-idau amo ba hereva, to lalona amo herahia asie abi taudia bona asie-hamomokaniamu taudia danu bae vareai, idia basiema gwau umui na kakava?²⁴To bema iboumui ai na peroveta ai boma hereva, a asie hamomokaniamu eiava asie herahia henia tauna ta bema raka vareai, ia na baudaia roha iboimui ese bona ba tahua umui iboumui ese, ²⁵ia lalonai hehuni gaudia iboudiai bae hedinarai, unu amo ia na baine goru diho bena Dirava baine tomadiho henia, baine gwau hedinarai, "Dirava na momokani ita ida."²⁶Bena ma dahaka, varavaragu e? Emui hahebou tamona negadiai, ta ta mai emui ane, mai emui hahedibadiba, mai emui ihahedinaraina herevadia, mai emu gado, eiava gado ihahanaidia. Ini gau iboudiai na dubu iha-tubuna dainai. ²⁷Bema tau ta na gado idauna ai baine hereva neganai, rarua eiava tatoi hona, ta ta ba hereva, bona ta be gado anidia baine gwaurai hedinarai. ²⁸A, bema gado anidia iha-hedinaraina tauna ta na lasi neganai, ia na asi regeregena baine noho dubu lalonai. Ina gabunai, sibona baine hereva bona Dirava baine hereva henia.²⁹Peroveta taudia rarua eiava tatoi ese hereva ba gwauraidia, bona haida be unu hereva anidia ba gwaurai hedinarai, ³⁰a, bema iha-hedinaraina herevana ta na e helai tauna ta na henia, hari e hereva guna tauna na hereva baine hadokoa.³¹Badina be iboudiai na peroveta herevadia bae gwaurai bena ta ta bae diba bona iboudiai bae goada. ³²Momokani, peroveta laumadia na peroveta taudia e kamonai henidiamu. ³³Badina Dirava na dia hegonu Diravana, a Dirava na maino. Helaga taudia iboudiai edia dubu lalonai,³⁴hahine na dubu lalodiai basie hereva. Badina be egwaudia taomu basie hereva a bae kamonai heheni, taravatu egwaumu hegeregerena ai. ³⁵Bema idia na e uramu gau haida badiba negadiai, idia na rumai adavadia bae nanadailaidia, badina una na dia namo hahine na baine herea dubu lalonai. ³⁶Eiava Dirava ena hereva umui emui amo eiava a? Eiava umui sibomui emui ai mo eme kau, a?³⁷Bema ta na sibona e laloamu, ia na baine peroveta eiava lauma ai eheudaroha neganai, ini na tore henmuimu herevadia na baine abidiadae badina ini na Lohiabada ena haheganu umui emui. ³⁸A bema ta ese e dadaraiamu neganai ia danu do ba dadaraia.³⁹Una dainai, bamogu e, peroveta herevadia igwauraidia ba ura henia bada, bona gado idau-idau herevadia na basio dadaraidia. ⁴⁰A gau iboudiai ba kara namonamo mai maoromaoro dia ida.

Chapter 15

¹Ma na hadibalaimuimu, tadikakagu e, sivarai namona na harorolai henimuiva, oabi daeva, lalonai o gini tutuka-tutukamu, ²Unu amo danu mauri vada oabia, bema ba dogoa tao tarika-tarika sivarai namo na harorolai henimuiva, boma laloa tao basioma abia dae kava.³Badina be na henimui gunava hereva badadia lau ese danu na davaria herevana - Keriso e mase na eda kara dika dainai Buka Helaga ai e torea hegeregerena, ⁴bona vada e guria, bona dina iha-toinai e hatorea isi Buka Helaga ai e torea hegeregerena,⁵bona Kefa enai danu e hedinarai, bona gwauta ruaosi ediai danu. ⁶ Gabe amo e hedinarai tadikakada sinahu-ima mai dikoana ida ediai nega tamona ai. Hutuma na doini e maurimu, a haida na vada e mahuta. ⁷Iakobo enai danu e hedinarai, bona apostolo iboudiai edia ai danu.⁸Iboudiai muridiai, egu ai e hedinarai, e kara maragina ta bema vara hora kererena ai na heto. ⁹Badina be apostolo iboudiai ese lau e hereagumu, lau na dia namo apostolo ai bae gwauraigu, badina be Dirava ena ekalesia oreana na dagedage heniava.¹⁰To Dirava ena hariharibada amo lau ini name heto, bona ena hariharibada danu se henigu kava. Badina, be egu gaukara iboudiai na hekwarahi idia na vada na hereadia, a dia lau mo, a Dirava ena hariharibada na lau ida. ¹¹Una dainai lau eiava idia, ai ese a harorolaiamu bona umui ese oabiadaemu.¹²Harihari bema Keriso na mase amo e hatorea isi e harorolaiamu, ede heto umui haida na otomamu mase taudia na basie toreisi lou? ¹³To bema mase taudia na basie toreisi lou, Keriso danu basinema tore isi lou; ¹⁴bona bema Keriso na se toreisi, emai haroro na asi anina, bona emui abidadama danu asi anina.¹⁵Oibe, ai danu vada bema gwauraimai Dirava idiba-koikoina taumai, badine be Dirava ese Keriso e hatorea isi sivaraina a harorolaiava; a gau be mase na asie hatore dia isi. ¹⁶Bema mase basiema hatore dia isi, Keriso danu basinema hatorea isi; ¹⁷bona bema Keriso na basinema hatorea isi, emui abidadama na asi anina; umui na doini emui kara dika lalodiai boma noho.¹⁸Bona bema Keriso lalonai vada e mase taudia danu bema boio. ¹⁹Bema ina mauri ai eda helaro Keriso lalonai, taunimanima iboudia ai padadiai ita madi mai bogahisida.²⁰To harihari Keriso na mase amo vada e tore isi, mahuta taudia edia tore isi lou roboana. ²¹Badina be tau ta ena amo mase vada evara, ma tau ta ena amo mase taudia ihatoreisi lou dia vada evara.²²Badina be iboudiai Adamu lalonai vada e mase, Keriso lalonai iboudiai do bae mauri. ²³A ta ta ena nega ai: Keriso toreisi lou roboana, bena ia ena mai ai, Keriso ibadinana taudia.²⁴Bena dokona baine kau ai, Keriso ese basileia na tamana Dirava baine e henia hanai, una neganai ia ese gaubada iboudiai bona lohia iboundiai bona siahu danu baine hadareredia. ²⁵Badina be ia na do baine lohia ela bona inai na iboudiai na aena henudiai do baine atodia. ²⁶Ena inai orena be mase baine hadarerea.²⁷Badina be "ia ese gau iboudiai aena henunai vada eatodia." A hereva e tomu "ia ese gau iboudiai vada eato," dibada anina be dia gau iboudiai ia henunai vada eatodia ia, ita tamada na unu seheato toma. ²⁸Hari gau iboudiai ia henunai vada eatodia, natuna danu sibona ia henunai vada eheato, unu amo Dirava na gau iboudiai lalodiai.²⁹Unu basinema heto, mase daidiai vada e bapatisodia taudia vada ede bema heto? Bema mase taudia basiema hatoredia isi, badina be dahaka idia daidiai e bapatisodiamu? ³⁰Dahaka dainai, ita na nega idoidiai hahedika lalonai ta nohomu?³¹Lau na dina iboudiai na masemu! na heagilaimuimu dainai na gwau hedinaraimu, Tadikakagu, Keriso Iesu ita eda Lohiabada ena amo na abia. ³²Dahaka gau namona egu ai, taunimanima edia lalohadai hegeregerena, uda boromadia ida na heatuva Epeso ai? Bema mase na asie toreisimu, "Aita aniani bona aita inuinu, badina kerukeruna baita masemu.³³Basio hekoi: "hebamo dika taudia ese kara namo taudia e hahekwakwanai dia mu. ³⁴Ba noga! kara namo enai! basio kara dika. Badina be umui haida na asi dibamui Dirava - na herevamu umui ihahemaraimu totona.³⁵To ta baine eto, " Ede bamona ai mase e tore isimu, bona tauanidia ede hetomadia ai ma baema? ³⁶Kavakava taumu! dahaka o hadoa gauna na basine mauri ela bona baine mase.³⁷Bona dahaka o hadoamu, gauna na gabe ai baine vara anina, to uhe mo - readia wit eiava uhe idau na ta. ³⁸A Dirava ese anina ehenimu ena ura hegeregerena, uhe ta ta anidia korikori e henidiamu. ³⁹Hidiho iboudiai danu dia hegeregere. ta be taunimanima hidihodia, ma ta be animal hidihodia, bona ta manu hidihodia, bona ta ma gwarume hidihodia.⁴⁰Guba gaudia bona tanobada gaudia danu mimia. A guba hairaina be ta, bona tanobada hairaina be ma ta. ⁴¹Dina hairaina be ta, bona hua hairaina ma ta, bona hisiu hairaina ma ta. Badina hisiu ta ta hairaidia danu idau-idau.⁴²Mase taudia edia toreisi lou na unuheto. Mase ai e hadoamu gauna na, toreisi lou ai e maurimu. ⁴³Hemarai ai e hadoamu; hairai ai e hatorea isimu. Manoka-manoka ai e hadoamu; goada ai e hatorea isimu. ⁴⁴Tauanina ai e hadoamu; lauma ai e hatorea isimu. Badina be tauanina e maurimu, lauma tauanina danu e maurimu.⁴⁵Buka Helaga ai danu e torea, "tau gini gunana Adamu na lauma maurina ai e halaoa." Adamu gini gabena be hahemauri laumana ai vada e halaoa. ⁴⁶A lauma anina na se guna to tauanina, gabe amo lauma anina.⁴⁷Tau gini gunana na tano amo ema, kahu ai e karaia. Tau iharuana na guba amo ema. ⁴⁸Tanobada taudia be tano amo ema tauna hegeregerena, guba taudia be guba amo ema tauna hegeregerena. ⁴⁹Tano amo ema tauna oromana vada tabia na heto, guba amo ema tauna oromana do baita abia.⁵⁰Hari varavargu e, lau na tomamu, hidiho bona rara ese Dirava ena basileia basine abia diba. E masemu gauna ese se masemu gauna basine abia diba. ⁵¹Aitaia! hereva hehunina aina hamaorolaimui: ita iboudai na basita mahuta, to iboudai do baine ha-idauda -⁵²asi kaimana, mata hekunumai tamona ai, kibi gabena ai. Badina be kibi regena ai, mase taudia baine hatoredia isi, basie mase lou, bona ita danu do baine ha-idauda. ⁵³Badina be ina baine pata gauna ese basine pata gauna baine hahedokilaia, bona ina baine mase gauna ese basine mase gauna baine hahedokilaia.⁵⁴Una dainai baine pata gauna na basine pata gauna baine hadokilaia, bona baine mase gauna na basine mase gauna baine hadokilaia negana ai, e torea gauna baine momokani eto, "kwalimu ese mase vada e hadonoa." ⁵⁵Mase e, emu kwalimu be edeseni ai? Mase e, emu hekori be edeseni ai?⁵⁶To mase ena hekori na kara dika, bona kara dika ena siahu na taravatu. ⁵⁷A Dirava baita hanamoa, ia ese e hakwalimuda eda Lohiabada Iesu Keriso bagunai!⁵⁸Una dainai, tadikakagu egu lalokau e, ba gini tutuka, basio marere, Lohiabada ena gaukara lalonai bagoada balaheni nega idoinai, badina be dibamui emui hekwarahi Lohiabada lalonai na asio hekwarahi kavamu.

Chapter 16

¹Ihaboulaina helaga taudia daidiai, lau ese Galatia dubu dia na tore henidia hegeregerena umui danu unu ba kara toma. ²Pura dina ginigunana ai, ta ta ese ohaboumu gaudia haida na bahaboudia, bena lau baina vasi, neganai ihaboulaina gaukara na basio karaia.³Lau baina ginidae neganai, umui ese oabidia hidi taudia, na mai revareva dia ida baina siaidia bena emui harihari gaudia na balaohai Ierusalema. ⁴Bona bema ina na maoro lau danu baiala neganai, Ida na lau ida baiala.⁵A launa Makedonia baina hanai murinai dekemui baina vasi. Badina lau na Makedonia do bainala. ⁶To readia launa umui idia baina noho, eiava ina paraka neganai danu, bena umui ese do ba durugu egu laolao dalanai.⁷Badina launa asi egu ura ta ina hari baina itamui ina egu hanai ai, badina na helaromu umui ida hora taina tama noho, bema Lohiabada ena ura hegeregerena. ⁸ A lau na Efeso ai baina noho ela bona Pentecose, ⁹badina be iduara badana bona gagaena ta eme hekeho egu ai, bona inaigu danu hutuma.¹⁰ Hari bema Timoteo bainema, neganai baitaia umui na basine gari henimui, badina be ia na Lohiabada ena gaukara e karaiamu, lau hegeregeregu. ¹¹Una dainai, ta ese basine dadaraia. A ba durua maino dalanai, bena ina lau dekegu bainema, badina be lau ese ia bona mai bamona ida na naridiamu. ¹²Hari bamoda Apolo dainai, lau na ura dikamu ia mai bamona ida na umui dekemui bae vasi. A ina na dia ia ena ura ia hari bainema. Ede hetomana, ia na bainema ena ura hegeregerenai.¹³Bagima, abidadama ai ba gini auka, eregabe taudia hegeregeredia ba goada. ¹⁴Emui gaukara iboudia ai na lalokau ai ba kara.¹⁵A umui na mai dibamui, varavaragu e Sefani ena ruma taudia ida be Achaia ena roboa anidia bona sibodia helaga taudia isiaidia ilao henidiai na goadamuimu. ¹⁶Umui na idia isiaidia ilao henidia ba tamona bae hekwarahi ina gaukara lalonai.¹⁷Lau na Sefani ena mai na moale laiamu, bona Fortunetus, bona Achaicus danu, badina idia ese emui duu gaudia iboudiai ehavara henimui. ¹⁸Badina be idia ese lau laumagu eme akerua, bona umui danu una dainai taunimanima ini bamodia na bavabidia dae.¹⁹Asia ekalesia oreana na edia hahenamo e siaia emui. Aquila bona Priscilla danu edia hahenamo ehenimuimu Lohiabada lalonai, edia ekalesia oreana edia hanua. ²⁰Tadikaka veridia ese edia hahenamo henimui. Haherahu amo ta ta bahanamolaidia.²¹Ina hahenamo na lau sibogu imagu amo na tore henimuimu-Paulo. ²²Bema taunimanima ta ese Lohiabada se lalokau heniamu, neganai, ia na bema gwau tubu henia eda Lohiabada na e maimu! ²³Eda Lohiabada ena harihari bada ai baine mia. ²⁴Egu lalokau na iboumui ai baine mia Iesu Keriso lalonai baine mia. Amen.

2 Corinthians

Chapter 1

¹Lau Paulo, Dirava ena ura dainai, Iesu Keriso ena aposetolo taugu ai nala, bona Timoteo, ita tadikakada, ese Dirava ena dubu Korinto ai, bona helaga taumui Akaia tanona idoinai a tore henimuimu. ²Dirava ita Tamada bona ita eda Lohiabada Iesu Keriso ena amo harihari bada bona maino avabia.³Dirava aita imodaia, bona iseda Lohiabada Iesu Keriso Tamana, ita danu Tamada, hebogahisi bona tauhalo Diravana, ⁴ia ese tauhalo e henidamu eda hisihisi iboudiai lalodiai, una dainai ita danu haida ma tauhalo baita henidia edia hisihisi lalodiai, Dirava ese tauhalo e henidamu hegeregerena.⁵Badina be Iesu Keriso na ita daidai e hisihisi, una dainai ita eda tauhalo danu Keriso dainai baine vara. ⁶To bema ita na vada ta hisihisi, una na ita eda tauhalo bona hahemauri; bema ita na tauhalo vada ehenida, una na umui emui tauhalo e hahedinaraiamu eda hisihisi iboudiai lalodiai baita haheauka badina ai danu unu a hisihisi toma. ⁷Bona ai emai helaro emui ai na tutuka, dibamai umui danu ai daimai ai ohisihisimu bona tauhalo odavarimu.⁸Tadikakamai, ai na asi auramu umui na basia hadibamui dahaka kerere ai emai ai evara Asia ai. Eha manoka-manoka mai bona emai goada danu eore bona emai mauri danu ato diho. ⁹Momokani vaitani, ai na baia mase, sibomai emai ai asi aheabidadama, to mase taudia eha toredia isimu Diravana enai aheabidadama. ¹⁰Ia ese ehamauri mai una mase dikana amo, bona ma baine hamauri mai. Emai helaro na ia enai atomu dounu ma baine ruhaimai nege,¹¹ai daimai ai o guriguri heboumu, hahenamo danu taunimanima momo ese Dirava bae henia ai daimai ai, ena hariharibada danu haida edia amo ai eme henimai.¹²Asi a daradaramu dainai aheagimu, badina agwau hedinaraimu Dirava ena ura ai arakamu, ai ese helaga ai gau iboudiai a karadiamu bona Dirava euramu daladiai dia tauani ena aonega ai to Dirava ena hariharibada amo, emui evasimu. ¹³Badina gau haida asi atorediamu emui, to umui ese baduahidia bona ba laloparara lai gaudia. Egu helaro na umui ese boma lalopararalai gugurumu, ¹⁴badina umui ese danu kaha ta ai mo vada olalopararalai maiva, una dainai ai be umui emui heagi badina iseda Lohiabada Iesu, ena lou mai dinana ai bena aina umui emui heagi badina.¹⁵Bona asi emai daradara dainai, lau naurava baina vasi, dekemui gabe ai hahenamo iharuana bavabia, ¹⁶bona ene amo bahanaimu Makedonia, bona ma baina loumai Makedonia amo, bena bo siaigumu Iudea ba laomu.¹⁷Una dainai, vanega na laloava ini bainama neganai, lau na asina takutaku, ani? Eiava lau ese na haeroa gaudia na tauani kahanai, una dainai dekegu ai "Oibe, oibe" bona Lasi, "lasi" hora tamonai, a? ¹⁸To Dirava na abidadama, una dainai ai emai hereva emui ai na dia "Oibe" bona "Lasi."¹⁹"Dirava natuna, Iesu Keriso sivaraina a hanamolaia, lau bona Silvanus bona Timoteo ese na dia "Oibe" bona "Lasi" to nega iboudiai "Oibe," Keriso lalonai, ²⁰Dirava ena gwauhamata iboudiai na "Oibe" ia lalonai. Bena ia dainai, "Amen" baita gwauraia Dirava ena hairai dainai.²¹Harihari Dirava ese ita e haginida Keriso lalonai bona Ia ese e horoda, ²²ia ese e nevarida bona Lauma Helaga na egwauraia ita kudouda ai baine taruha.²³Dirava hari lalogu dibana, lau na Korinto asi na vasi badina korikori be na bogamui hisi dainai. ²⁴Ai na umui emui abidadama na asi alaoa-ahumu, badina ita na gaukara hebou tauda aita moale bona eda abidadama ai baita gini tutuka.

Chapter 2

¹Badina be sibogu lalogu vada name hadaia, lalogu mai hisihisina dainai ma basina lou mai. (ina hereva do baitaia namonamo) ²Bema lau ese lalomui na hahisihisi, daika ese lau be hamoalegu mu, to na hisihisia tauna a?³Bona ina hereva tamona na tore henimuimu, baina vasi neganai, reana unu e moalemu taudia padadiai lalo hisihisi ta basina abia, asina daradaramu, egu moale na umui iboumui ai emui. ⁴Vada na tore henimuiva mai lalo hisihisi bona kudou metau ida bona mai taigu ida, na tore henimui, dia iha hisihisimui to egu iuraheni emui ai badibaia dainai.⁵A hisihisi e havaraia tauna ese dia lau mo e hahisigu, to dala haida ai umui danu o hisihisi. ⁶Una tau ena dika davana umui ese ogwauraia vada e hegeregere. ⁷Oi ese ena dika ba gwaudia tao bona ba ura henia. Bema lasi, tamona na ba lalo namo henia, ena hisihisi baine bada herea na garina.⁸Bena na hahegoadamu, oi emu lalokau ia enai ba hahedinaraia. ⁹Momokani lau ese na tore henimuiva umui itoho laimui, ini iboudiai na o badinadiamu eiava lasi.¹⁰Umui ese tau ta ena dika ba gwau tao, lau danu ena dika baina gwau tao. Badina be tau ta ena dika bama gwau tao una na umui daimui ai bona Keriso vairanai bama gwau tao. ¹¹Satani ese basine abida ia ena badina, ai na dibamai ia ena koikoi karadia.¹²Lau nala Troas neganai Keriso sivaraina namona iduarana ta vada e hekeho egu. ¹³Lau na laumagu ai asina laga-ani, badina lau tadikakagu Tito, na asina davaria, unuseni ai, na rakatanidia bena Makedonia nala.¹⁴Dirava na tanikiu heniamu Keriso lalonai nega iboudiai eguna lai maimu bona eha kwalimumaimu, ia sivaraina bonana namona, gabu idoinai e hedinaraimu. ¹⁵Ita Keriso bonana namona Dirava ena, vada ehamaurida bona e boio taudia padadia amo.¹⁶Momokani vaitani, ini idia ediai mase bonana ta amo mase e varamu, to kahanai mauri bonana namona ese mauri ehavaraiamu. Daika be hereadae ini gau ai? ¹⁷Badina ai na dia taunimanima haida hegeregeredia be Dirava ena hereva na ahoihoilaiamu mai davana gauna, to mai momokani mai ida, Dirava ese Keriso lalonai ehenimai mu hegeregerena Dirava vairanai aherevamu Keriso lalonai.

Chapter 3

¹Ita be tauramu siboda ma baita ahenamo lou a? Ai na umui emui amo eiava ai emai amo gwaumaoro revarevadia na asi aura henimu, taunimanima haida ekaramu hegeregere dia, ai be unu heheto a? ²Umui na ai emai revareva, ai kudoumai lalonai vada e torea, taunimanima ese e duahiamu bona e dibaiamu; ³unu ese ehahedinaraiamu umui na Keriso ena revareva ai ese a reguamu, dia ink ai e torea, to mauri Diravana Laumana lalomui ai enohomu ena amo, dia nadi latanai etorea, to taunimanima kudouna lalonai e torea.⁴Ai emai gini auka Dirava enai na Keriso ena amo e varamu. ⁵Dia basioto ai na diba heherea bena gau iboudiai ai emai amo e emaimu, to ai emai diba na Dirava ena amo, ⁶momokani ia ese diba ehenimai ina herohemaino matamatana igaukaralaina taumai ehalaomai, dia revareva amo to Laumana ena amo. Revareva be ehahemasemu, to Lauma be mauri ehenimu.⁷Bema hari ina hesiai gaukarana ese mase ehavaraia - nadi ai e torea revarevana - mai hairaina ida ema una dainai Isaraela memero dia na basie roha mamoromaoro Mose vairana, badina be ia vairana hairaina amo danu vada e valahu-valahumu, ⁸benaini ina Lauma gaukarana basinema hururu a?⁹Badina bema ina hahedika gaukarana na e hururuva, o una kara maoromaoro hairaina be ma ede bema hururu-hururu toma! ¹⁰Momokani vaitani, ina hairai gunana na asine hururumu, badina be ina hairai matamatana ese eme hereaia vaitani. ¹¹Bema ina eveve ohomu hairaina na vada ema, ina hairai mia na be ede baine hururu toma.¹²Ina helaro emai ai dainai mai goada mai ida gaukara akara gugurumu, ¹³bona dia Mose hegeregerena vairana na muko ai ekoua una dainai Isaraela taudia ese una hururu e veve ohova gauna na asie itaiava.¹⁴To idia lalodia na eha aukadia. Ema bona ina hari, una muko na dounu e miamu gwauhamata gunana iduhainai. Una na do se hekoki badina Iesu Keriso sibona ena amo baine veve oho. ¹⁵Ema bona ina hari, ena be Mose ena buka e duahiamu, dounu kudoudia na muko ese ekoudia ahumu. ¹⁶Lohiabada e lou heniamu tauna ena amo una muko na ehe koki ohomu.¹⁷Lohiabada na Lauma, bona Lohiabada Laumana e nohomu gabuna ai, heruha nege na e miamu. ¹⁸Hari ita iboudai vairada asi muko na Lohiabada hairaina, ta hedinaraiamu bona eha idauda ia heidaidana hairai ta amo hairai ta ita eda Lohiabada Laumana ena amo.

Chapter 4

¹Una dainai, ina hesiai lasi gaukarana, bona ina hebogahisi ame abia, kudoumai na asi e hetahamu. ²Ai na hemarai karadia hehunidia vada a nege; dibaka karadia asia loalaimu; Dirava ena hereva asia hagagevaiamu. A hereva momokanidia a gwaurai hedinaraimu Dirava vairanai; unu amo taunimanima lalodia a hanamodiamu emai ai.³Bema ai emai sivarai namona na hehuni, e masemu taudia ediai danu hehuni, ⁴ina nega diravana ese asi ehamomokania mu taudia lalodia na vada ehadiburadia, bena Keriso, hairaina daika be Dirava heida-idana, ena sivarai namo diarina na idia ediai na basine hedinarai.⁵Badina be aina sibomai asi agwau hedinaraimu; to Keriso Iesu na Lohiabada, bona ai na ia ena hesiai taumai mo Iesu dainai. ⁶Badina be Dirava na eto, "Diari na dibura amo baine tara," unu amo ai kudou mai e diarimu, bona ina diari amo Dirava hairaina Keriso ena amo e hedinaraimu.⁷Ina kohu namona na hodu lalona amo abimu, ina siahu hereadaena na dia ai emai amo to Dirava ena amo. ⁸Emai hisihisi na dala idauidau amo e maimu, to asi adareremu. Ai na adaradaramu to daramai na asie dokomu. ⁹Ai na ehahisihisi maiva to asi a manokava. Ai na ehamoru maiva to asi a darereva. ¹⁰Ai na nega iboudiai Iesu ena mase tauani mai ai ahuaia mu, unu amo Iesu ena mauri na ai ese tauani mai amo ahahedinaraiamu.¹¹Badina be dina idoidiai, ai mauri taumai taomai e tore Iesu dainai, Iesu ena mauri ai hidihomai ai baine hedinarai helaoreana. ¹²Una dainai ai lalomai ai mase e gaukaramu, to mauri na umui lalomui ai.¹³To abidadama laumana vada ta abia hebou, vada e torea hegeregerena: na ahamomokania una dainai vada na herevalaia. "Ai ese danu ahamomokania mu, una dainai ai ese danu a herevalaiamu, ¹⁴ta dibamu danu Iesu eha torea isi tauna ese oi bona lau baine hatoreda isi bona umui bona ai Iesu varanai baita ginimu. ¹⁵Ini gau iboudiai na umui daimu ai, una amo Dirava ena harihari badana e habadaiamu hutuma edia ai unu amo ihanamona baine bada Dirava hairaina danu baine bada herea.¹⁶Una dainai basita manoka. Ena be, bema ita tauanida na e dika elaomu to ita laumada na dina iboudiai e matamata loulou mu. ¹⁷Ina nega sisina mo, hisihisi taidia ese e butuda taomu una mia hanaihanai hairaina maduna na ese baine govadia ahu. ¹⁸Ai na dia e itamu gaudia aitamu, to seheitamu gaudia aitamu. Badina aitamu gaudia na dia mia hanaihanai gaudia, to asi ta itamu gaudia be mia hanaihanai gaudia.

Chapter 5

¹Badina ita mai dibada bema ita eda noho gabuna tanobada ai - ta noholaiamu kalaga na - vada e rohoa, Dirava ena amo, mia hanaihanai rumana ta Basileia ai, dia taunimanima imadia amo e karaia. ²Ina kalaga lalonai ta ganaganamu, ede tama kara toma Basileia dabua na tama karaia, eda ruma ta Dirava ese ehenida kalagana ai, badina aina bae davarimai, mai dabuamai ida. ³Badina be momokani bema ita ese ta hedokilaia, ita na basie davarida gagaeda mo.⁴Badina momokani ita na do unu una kalaga lalonai, ta ganaganamu, eha maduna damu, badina ita na asi ta uramu basie hadabuada, to bae hadabuada, mauri ese e dikamu tauanina baine hadonoa. ⁵Hari ita ehahegaegaeda tauna na Dirava, ia ese ia Laumana vada e heni.⁶Una dainai ita na nega iboudiai gogoada bona ta dibamu ita na tauanida ai ta nohomu, ita na Lohiabada ena amo ta raka oho - ⁷Badina ita na abidadama ai ta rakamu, dia roharoha ai - ⁸Ai na asia daradara mu, auramu tauanina ena amo baia raka oho, bena Lohiabada ida baia noho.⁹Una dainai ai emai, lalohadai badana bina, ini seniai eiava unu seniai ia ihamoalena dainai. ¹⁰Ita iboudai na Keriso ena hahemaoro terona na vairanai baita hedinarai, tata tauanida ai ta kara gaudia baita abidia lou, namo eiava dika.¹¹Lohiabada imatauraina na badibaia una dainai taunimanima baita hadibadia ita danu idia lalodia na helaoreamu umui lalomui ai ia badibaia goevagoeva. ¹²Ai na dia sibomai a hegwaurai loumu, to ina nega na a henimu ai daimai ai bae heagi, una na umui mai emui haere murimuri kahanai e heagimu taudia ediai, to dia kudoudia ai.¹³Badina bema ai lalomai na dahuai, una na Dirava mo dainai; bema ai lalomai na mamaoro una na umui daimui. ¹⁴Badina Keriso ena lalokau ese ehaganimai mu, Oreana bina: ita daidai tau tamona e mase! una dainai iboudiai vada ta mase. ¹⁵Bona ia na ita iboudiai daidai e mase, una dainai e maurimu taudia na dia sibodia ediai e maurimu ai, e mase bona ma e toreisi lou tauna dainai. .¹⁶Una dainai, ina hari amo ela ita ese ta basita haeroa tauani kahanai. Ena be Keriso na tauanai ena dala ai, ta haeroava, a harihari unu dalai na asita haeroamu. ¹⁷Una dainai, bema taunimanima ta na Keriso lalonai ia na tau matamatana. Gau gunadia vada e boio vaitani, aitaia gau iboudiai eme matamata.¹⁸Gau iboudiai danu Dirava ena amo; ia ese Keriso bagunai ia ida vada e haheroheda maino; bona herohemaino isiaina ilao-henina taumai ai vada e halomai. ¹⁹Herevana binai: Dirava be Keriso lalonai, tanobada taudia ia ida e haheroheda maino, eda kara dika asine lalo tao. Herohemaino herevana binai ai e henimai.²⁰Ai na Keriso ena hesiai taumai: una dainai a noimuimu, e kara Dirava na ai emai amo egwau lasi mu. Ai na Keriso dainai umui a noimuimu, "Dirava ida bae herohemaino! ²¹Kara dika asi dibana tauna, ita daidai dika ai ehalaoa, unu amo ita na Dirava enai maoromaoro baita abia helaoreana Ia lalonai.

Chapter 6

¹Ia ida a gaukara heboumu, taumai ese a haganimuimu Dirava ena hariharibada basio abia kava. ²Ia na etomu, "nega namonai na kamonai henimui, ahemauri negana ai na durumui." Aitaia, hari na nega namona. Hari dina na ahemauri dinana. ³Taunimanima ta asi a hahekwakwanaia, badina emai hesiai gaukarana ihakoikoina garina.⁴A, emai kara iboudiai lalodiai taunimanima bae diba na Dirava ena hesiai taumai, haheauka lalodiai, hisihisi lalodiai, lalo hisihisi lalodiai, ogogami lalodiai, ⁵hedadaba lalodiai, dibura rumana noho lalodiai, heiri-heiri lalodiai, hekwarahi lalodiai, hegima lalodiai, hitolo lalodiai. ⁶Lalo goevagoeva lalodiai, aonega lalodiai, hebogahisi lalodiai, Lauma Helaga lalonai, lalokau korikori na lalonai, ⁷hereva momokani lalonai, Dirava ena siahu lalonai, kara maoromaoro ena tuari gaudia imamai idibadia ai bona lauridia ai.⁸E heatolaimai bona e hahemaraimai. Namomai e gwaurai, bona dikamai e gwaurai. Koikoimai e gwaurai gau tamona, ai na momokani. ⁹Asi harimai eto, gau tamona mai harimai. Mase taumai etomu, aitaia gau tamona a maurimu. E dadabamaiva to asi e alamai maseva. ¹⁰Daramai e dokomu, to nega idoinai a moalemu. Ogogami taumai, to hutuma ahatagadiamu. Asi emai gau ta to gau iboudiai na ai emai.¹¹Korinto taumui e, hereva iboudiai vada ahamaorolaimui, lalomai anidia eme hedinarai emui ai. ¹²Umui na dia ai ese agwaumui taomu, to sibomui ohegwau taomu emui kara daidiai. ¹³Iha hegeregerena dalanai na hereva henimuimu natugu na heto, sibomui lalomui ba hahedinarai.¹⁴Asi e kamonaimu taudia ida basio hebamo. Badina kara maoromaoro bona kara havara ede bae hetura toma? Eiava diari bona dibura ede bae hetura toma? ¹⁵Keriso bona Beliar be ede bae herohemaino toma? Kamonai tauna ahuna be dahaka asi ena kamonai tauna enai. ¹⁶Dirava ena dubu bona kaivakuku be ede bae hatamona dia toma? Badina be ita na Mauri Diravana ena dubu; bona Dirava ehereva eto, "lau na bogaragidiai baina noho bona baina loa eva-eva; lau na edia Dirava ai bainala, bona idia na egu bese ai baela."¹⁷Una dainai "edia amo bae raka oho, dauhai bae noho," Lohiabada na eherevamu, "miro gauna enai basio daukau, bena baina abimu dae." ¹⁸"Lau na Tamamui ai bainala, bona umui na natugu mamaruanemui bona hahinemui ai baina halaomui," Lohiabada siahu hereadaena eherevamu.

Chapter 7

¹Egu lalokau taumui e, ini gwauhamata tame abi dainai, tauanina bona lauma iha dikadia karadia iboudiai lalodia amo na baita hahegoeva, helaga karadia na baita haguguru Dirava igari heninai.²Bavabimai dae! Ai ese ta asia hadikaiava. Ai ese ta asia hahisiava, ta ena kohu asi abi kavava. ³Lau ese asi na gwau dika henimuimu; badina na hereva guna hegeregerena umui na ai lalomai ai, badina baita mase hebou bona baita mauri hebou. ⁴Egu heabi dadama emui ai na bada herea; na heagilaimui mu. Unu amo ehagoadagu mu. Emai hisihisi lalodia amo egu moale na bada herea.⁵Badina Makedonia ai akau neganai, tauanimai na asie laga'ani. Dounu, dala idauidau amo eha hegonumaiva - murimurimai be heai, lalomai be gari. ⁶To tauhalo e havaraiamu Diravana ese, Tito ena gini dae ai tauhalo ehenimai, ⁷bona dia Ia ena gini dae mo dainai, a umui ese Ia tauhalo ohenia sivaraina danu. Badina be emui helalo, emui taitai, bona emui gosi lau egu ai, dounu na moale bada.⁸Egu revareva dainai lalomui na hisihisiva, asi na helalo loumu (to dounu na helalo lou, badina badiba una revareva ese hora sisina mo lalomui eha hisihisiva). ⁹Hari lau na moale mu, dia lalomu e hishihisiva dainai, to emui hisihisi amo helalo kerehai ehavaraia. Badina be emui lalo hisihisi na Dirava ena amo, una dainai dika ta ena amo asie davaria ¹⁰Badina ina lalo hisihisi na Dirava ena ura unu amo helalo kerehai e havaraia mu bona unu amo hahemauri na evara mu. A tanobada ena lalo hisihisi amo mase e havaraia mu.¹¹A itaia, badina be ini ehavara henimuiva gaudia, Dirava ena ura dalana amo eha hisihisimuiva negadia: Iurahenina dainai, sibomui nahuamui ba toho ura dikana amo, emui lalo hekwarahi amo, emui gari amo, emui helalo amo, emui gosi amo, emui kerere ihadavadia amo, ini gau iboudiai daidiai umui na sibomui o hahemomokanimu. ¹²Ena be na tore henimui guna, una na dia kerere e karaia tauna dainai, eiava una kerere dainai e hisihisi tauna dainai; to emui iurahenina ai daimai ai, Dirava vairanai baine hedinarai.¹³Una dainai ai eme hagoada mai. Hari sibomai emai tauhalo latanai ma amoale badamu Tito dainai, badina be Ia laumana na umui ese o hamatamataiava. ¹⁴A bema gau haida daidiai bama heagilaia umui daimui ai, lau na asina hemarai. Ma kahanai, hereva iboudiai momokani ai aherevalai hegeregerena, Tito iheagilainai vada eme momokani.¹⁵Bona Ia ena hemami namodia na eme bada herea emui ai, emui kamonai karadia na e lalo taomu, Ia ede oabiadae toma, mai garimui ida bona mai magigi mui ida oabiadae. ¹⁶Na moalemu badina be gau iboudiai daidiai egu hahemomokani umui emui ai.

Chapter 8

¹Varavara mai e, Dirava ena hariharibada Makedonia dubu dia ahenidia herevana auramu umui danu baia hadibalaimui, ²edia hisihisi ahetohona lalonai, edia moale na babada bona edia ogogami amo edia heniheni na babada heherea.³Badina be na gwau hedinaraimu edia goada hegeregerena ai eheniva, ma edia goada danu e hereaia, mai ura kwalimu dia ida, ⁴mai hahealodia ida, idia ida a noinoi hebouva helaga taudia ihanamodia edia hesiai gaukarana lalonai. ⁵Bona dia ai ese a laloa dalanai ekaraia, a idia na guna sibodia tauanidia Lohiabada ehenia; bona ai emai ai, Dirava ena ura dainai.⁶Bena ai ese Tito na ahagoadaia, una dainai Ia ese hariharibada karana e matamaia, bona umui emui danu baine hagugurua. ⁷Gau iboudiai umui na so dabu - abidadamai, herevai, aonegai, bona gau iboudiai ikaradiai, bona emai iuraheni umui emui ai, una dainai ina hariharibada karana ai bahonuhonu dae,⁸lau na herevamu na dia hahegani, to latanai umui emui lalokau korikori itohona haida edia goada amo. ⁹Badina be Lohiabada Iesu Keriso ena hariharibada vada o dibaia, bena Ia na ogogami tauna ai ela, ena be Ia na taga, to Ia ena ogogami amo umui na vada ome taga.¹⁰Una dainai egu lalohadai na ini na hedinaraia tomamu, badina be ina na namo emui ai dia una lagani gunanai omatamaia mo, to oura dikava bakaraia. ¹¹A ina gaukara danu ba hagugurua, emui ura okaraia gauna, na baine guguru, emui amo. ¹²Una dainai bema tau ta lalona ehegaegae, harihari gauna iabidaena na ia enai emiamu gauna, dia e dabumu gauna amo.¹³Ina na dia haida bae laga'ani, a umui be bahisihisi, to iboumui ai na bahegeregere. ¹⁴Hari ina negai, emui ai na momo a idia be lasi dainai heduru euramu, unu hetomana danu idia ediai danu bae momo neganai umui danu ma bae durulaimui, una amo umui na iboumui ai bahegeregere, ¹⁵vada e torea: "Ana mana momo egogo tauna na enai bahu semia, a egogo gadoi tauna ana be vada e davana."¹⁶To Dirava ta hanamoamu, Ia ese umui daimui ai Tito lalonai iurahenina vada e havaraia. ¹⁷Dia ai emai noinoi mo se abiadae, to mai iurahenina ida sibona ena urai umui dekemui vada evasi.¹⁸Tadikaka ta ida asiaia vasi dubu iboudiai ese e hanamoava sivarai namo dainai. ¹⁹Dia ina mo, ia danu ta dubu ese e duanaia ai ibamomai ina laolao ai, ina hariharibada karana ai ese aitaia taomu Lohiabada hairaina, bona ai emai hegaegae ihahedinaraina.²⁰Ai na nahuamai atoho, ta ese basie habadelaimai kerere ina herahia gaukarana ai. ²¹Badina be vairai bae vara gaudia alalodia maorodia be ede dia, dia Lohiabada vairanai mo, to taunimanima vairadiai danu²²Tadikaka ta danu asiaia idia ida, dala momo ai atohoa bona lalona adavaria e ura dikadikamu. To harihari e ura dikadikamu badina be ena hahemomokani umui emui ai dainai. ²³A Tito enai, ia na lau bamogu bona umui emui gaukara hebou tauna ta. Ai tadikaka mai haida, idia na dubu ese e siaidia bona Keriso e matauraiamu. ²⁴Una dainai Ekalesia Oreana ese baheitaidia emui iuraheni toana ihamomokanina bona emui heagilai ihahedinaraina.

Chapter 9

¹Ina hari, helaga taudia edia gaukara dainai na asi badina baina tore henidia. ²Badina be emui hegaegae na dibagu, Makedonia taudia vairadiai na heagilaimui, nato Akaia na lagani gunana ai ehegaegae, bona emui gosi na idia haida danu eha goadalaidia.³A varavarada na siaidia vasi, a heagilaimuimu, hari be gau asi aninai bae halaoa, una dainai umui na bahegaegae, na herevalaimui hegeregerena ai. ⁴Hegeregerena, bema Makedonia taudia haida ida baia vasi to umui na do sohegaegae neganai, ai na baia hemarai - umui na ma basia hereva laimui lou - unu bamona. ⁵Bena na laloa varavarada baina noidia idia na bae vasi guna, emui hari-hari gauna ogwauraia hamata gauna bae haboua hegaegae. Ina dala ai, una na baita hahegaegaea hahenamo gauna, to dia hahegugu dalanai.⁶Hari ini na gwau tomamu, baine hado gadoi tauna ese baine gei gadoi, bona mai hahenamona ida e hadomu tauna danu, hahenamo lalonai ma baine geigei. ⁷Ta ta ena heni heni na kudouna amo baine heni, dia hahedua ai eiava dia haheganiai, badina Dirava na mai lalonamona ida ehenimu tauna na eura heniamu.⁸Bona Dirava ena hariharibada oi latamu ai na baine bada, unu amo, gau iboudiai lalodiai, emu dabu gabudiai, emu gaukara namodia iboudiai do baine ha bada laimu. ⁹Badina be vada etorea: "Ia na e gigi momo, ogogami taudia ehenidia ena maoro-maoro na ehesiriu hanai-hanaimu."¹⁰Uhe bona aniani e henimu Dirqava ese uhe baine henimui bona baine hatubu; emui kara maoromaoro huahuadia danu baine hahoho. ¹¹Ia ese baine harihari henimui, bena umui danu ba harihari; bena ai daimai ai Dirava ihanamolaina baine bada.¹²Badina be ina heni-heni gaukarana na dia helaga taudia ihenidiai mo dainai, a Dirava ihanamolaina danu baine bada herea. ¹³Badina be ini gaukarana ihamomokanidia, idia ese Dirava e hanamoamu badina umui emui kamonai ihahedinarainai Keriso sivaraina namona o herahia laiamu idia ediai bona taunimanima idoidiai ediai. ¹⁴Bona idia na umui daimui ai e guri-gurimu, bona e lalomuimu badina be Dirava ena hariharibada hereadaena na umui latamui ai. ¹⁵Dirava ta hanamoamu badina ena herahia na asi ihahegeregerena!

Chapter 10

¹Lau, Paulo, sibogu umui na noimuimu, Keriso ena manau bona manada daidiai. Lau na manau dekemui ai na nohomu, to bema dauhai nama noho lau na mai goadagu! ²Na noimuimu, bema lau na umui ida negadia ai, lau na gau ta garina basina gari, lau na baina goada ena be haida ese egwauraimaimu ai na tauani ena dala ai arakamu.³Ena be tau-anina ena dala ai a rakamu, to emai tuari na dia tau-anina ena amo, ⁴badina be emai tuari gaudia na dia tau-anina ena, a Dirava ena amo emaimu siahuna, kohoro irohodia bona helogo dika dia alaodia ahumu,⁵bona Dirava idibanai e laoa ahumu gaudia iboudiai e haketodiamu, lalohadai iboudiai e guidiamu Keriso ikamonai henina ai. ⁶Bona aina hegaegae ini gwau ede-ede, iboudiai davadia baia heni ela bona emui kamonai na baine guguru.⁷ Ini evaramu gaudia na vada oitadiamu. Bema ta baine eto ia na Keriso ena, ia sibona ese ma baine haeroa lou, ia hegeregerena ita danu Keriso ena. ⁸Bema lau na emai siahu baiama heagi laia, unu na Lohiabada ese ilarebamui helaoreana, a dia iha dikamui, lau na basinama hemarai,⁹egu revareva na basi oto ihagarimui dainai na tore henimuimu. ¹⁰Momokani, haida etomu, "ena revareva na mai metaudia bona mai siahudia, a tau-anina na manoka, bona ena hereva danu asi anidia."¹¹Mani ta ese baine haeroa, ena be ai na dia umui ida, to emai hereva na revareva ai dekemui evasimu, bona bema dekemui ai danu unu baiama kara toma. ¹²Ai na asi a tomamu sibodia ehahenamomu taudia hegeregeredia, to sibodia e hahetohomu, sibodia e hahegeregeremu, bona asi edia laloparara.¹³Ai na, ede heto, basia heagi kava a Dirava ese ehenimai hahetohona benai emui ai vada ekau. ¹⁴Emai hahetoho na asi aha-lataia, ena be asi abimui dae to sivarai namona na avasi laia.¹⁵Emai gaukara hetoana basia heagilaia, aheromu, emui abidadama na lalomui baine tubu hetoana do baine daudau. ¹⁶Bena unu kahadia tanodia ai sivarai namo do baia harorolaia, a idauna ta ena gaukara basia heagilaia.¹⁷A ta baine heagi, ia ese Lohiabada lalonai baine heagi. ¹⁸Badina be sibona ehahenamomu tauna na sibona namona basine gwauraia a Lohiabada ese ehanamoamu tauna hari.

Chapter 11

¹Launa na ura mu egu kavakava sina taina ba haheauka laia, to oi na momokani lau o haheauka henigumu. ²Badina launa na maduna, Dirava ena badu hegeregerena ai na badumu. Badina, launa na gwauhamata oina tau tamona adavana, Keriso baina henia, hane ulato do serami hebou.³To launa na garimu, gaigai ese Eva e koia hegeregerenai, helalo idauidau ese bae koimu, bena emui lalokau momokanina bona goevadaena, Keriso enai ba rakatania, ⁴bema ta ese Iesu idauna bema gwauraia, dia ia ese egwauraiava hegeregerena eiava lauma idauna ta boma abia dae, dia sivarai namo oabiadae, lau na ta asi na abidia dae umui na o kara maoro.⁵Na laloamu lau na dia unu Apostolo badadia ida hegeregere. ⁶Ena be lau na hereva igwauraidia, lau na dia hegergere, to lalogu ena diari na dia unu heto, dala iboudiai lalodiai, na hahedinarai.⁷Lau be na karadika, sibogu na hahemanau, umui bae imodaimui dainai, Dirava sivaraina namona na harorolai henimuiva, asi davagu. Na kerere a? badina be lau ese ura kwalimu ai Dirava ena sivarai namona, na harorolaiamu umui emui. ⁸E kara launa Dubu haida na henao dia edia amo davagu na abi badina ina hesiai gaukarana umui daimui ai. ⁹Dekemui ai na nohova negana ai, gau na urava negadiai na ta asi na ha metaua. Badina varavarada Makedonia amo ema taudia ese egu ura gaudia iboudiai e haguguru dia. Ini gau iboudiai lalodiai, lau na sibogu na hedogotaova asi na urava umui baina hametaumui, bona lau na dounu unu baina kara toma.¹⁰Keriso ena hereva momokanina lalogu ai, una dainai egu heagi regena na basine ore Akaia tanona idoinai lalonai. ¹¹Dahaka dainai? badina asina lalokau henimuimu a? Dirava na dibana, na lalokau henimuimu!¹²Bona dahaka na karamu karadia dounu baina kara, una dainai lau ese ini nega namodia e uramu taudia edia amo baina abidia oho unu amo idia na baita gwauraidia, ita hegeregereda dahaka e heagilaimu lalodia amo. ¹³Badina be idia na Apostolo koikoidia, gaukara koikoi taudia, sibodia Keriso ena Apostolo ai e hahelaomu.¹⁴Bona basita hoalaidia, badina be Satani danu sibona diari aneruna ta ai e hahelao. ¹⁵Una dainai, edia hesiai taudia danu sibodia kara maoromaoro taudia ai e hahelaomu, dokonai edia kara hegeregerediai ahudia bae abi.¹⁶Na gwau loumu: ta ese basine laloa lau na kavakava. A bema unu bakara toma, boma abigudae danu, kavakava tauna na heto bena unu amo lau danu taina bama heagi. ¹⁷Dahaka na herevalaiamu na, lau na herevamu na dia Lohiabada bema hereva dalanai, to ina kavakava lalona amo, na heagi momokanimu. ¹⁸Badina hutuma na tauani kahanai e heagimu, lau danu dounu baina heagi.¹⁹Badina umui, mai aonegamui, na mai moalemui ida kavakava taudia ida bagini hebou . ²⁰Una dainai umui na bagini hebou, bema haida ese hesiai taumui bae halaomui, bema haida ese bae gaukaralaimui, bema haida ese bae biagumui, bema ta na sibona e hahebadamu, eiava bema ta ese vairamu baine pataia. ²¹Egu hemarai amo, na gwaumu aina mamanoka-mamanoka unu daidiai! Ede-heto, edena dala ai ta bema heagi - na hereva kavamu - lau danu baina heagi.²²Idia na Heberu taudia a? Lau danu. Idia na Isaraela taudia a? Lau danu. Idia na Aberahamo garana a? Lau danu. ²³Idia na Keriso ena hesiai taudia a? (Lau na herevamu na e kara kava ta na heto.) Na hekwarahi bada, dibura ruma ai e kougu loulouva, e dadabagu dikadikava, nega momo masegu danu e kahira kahirava.²⁴Nega ima Iuda taudia ese hekwadi "toi-ahui taurahani ta" amo e kwadigu. ²⁵Nega toi auri amo e kwadigu. Nega ta nadi amo e hodogu. Nega toi nagui lagatoidia na e dika. hanuaboi ta dina ta gadobada ai na hure. ²⁶Nega momo na laolao, sinavai dikadika dia amo, henao-henao taudia edia hahedika amo, dadi-dadi taudia edia hahedika amo, idau bese taudia edia hahedika amo, hanua lalodia dikadika dia amo, tano gagaedia dikadika dia amo, gadobada dikadika dia amo, vara-vara koikoi dia edia hahedika amo.²⁷Na hekwarahimu, taugu e boeramu, na noga rani lou-loumu, e hitologumu bona na ranu masemu, na anivagamu, keru ese eha masegumu, dabua ai na dabumu. ²⁸Dia ini tau-anina gaudia mo, to lalogu danu dina iboudiai e hekwarahimu, Ekalesia oreadia iregudia ai. ²⁹Daika na manoka, bona lau na manokamu? Daika be e hekwarahimu, bona lau lalogu se siahumu?³⁰Bema lau bama heagi, lau na egu manoka-manoka bama heagi laia. ³¹Dirava eda Lohiabada Iesu Keriso tamana, bae imodaia hanai-hanai Diravana, ia hari dibana lau na asi na koikoimu!³²Damaseko ai Areta Pavapavana ena Gavana tauna ese Damaseko hanuana e gimaia, lau baine guigu eto. ³³To e tu'ugu dobi bosea lalonai e udagu magu gaba-mauruna, bena na heau mauri, ia imana lalona amo.

Chapter 12

¹A bama heagi na hegeregere, to asi anina. A Lohiabada ena amo matahanai bona ihahedinaraina herevadia hari dounu baina gwauraidia hedinarai. ²Lau dibagu tau ta Keriso lalonai, ia na lagani gwauta-hani vada ela-ia be tauanina lalonai, lau na asi dibagu, eiava tauanina murimurinai, lau na asi dibagu, Dirava sibona hari mai dibana-una tau na e dae laia guba ihatoinai.³Bona lau mai dibagu una tau - tauanina lalonai eiava tauanina murimurinai, lau na asi dibagu, Dirava sibona mai dibana - ⁴ia na e dae laia paradaiso lalonai bona e kamonai herevadia na taunimanima ese basie hereva laidia diba. ⁵Una tau dainai lau na baina heagi. To lau sibogu daiguai na basina heagi, a egu manoka-manoka hari.⁶Bema hegeregere lau baina ura heagi, lau na basina kavakava, badina launa hereva momokani na herevalaiamu. To launa na heveri taomu ini gau amo, bena ta ese lau basine lalohadai laigu bada a egu ai o itamu gaudia bona o kamonaimu gaudia hari. ⁷Una dainai, lau na basina hekokoroku egu matahanai dainai, ginigini ta e henigu tauanigu lalonai - una na satani ena hesiai tauna - lau baine ha hisihisigu, bena unu amo lau na basina hekokoroku.⁸Nega hatoi Lohiabada na noia una gau na egu amo baine abia oho. ⁹To ia ese e hamaorogu, "Egu hariharibada na oi emu ai baine davana, badina be manoka-manoka ai lau egu siahu na herea." Bena lau na mai moalegu ida egu manoka-manoka baina heagilaia, bena Keriso ena siahu na lau egu ai baine mia. ¹⁰Una dainai Keriso baina hamoalea egu manoka-manoka lalodiai, hegwau heni ai, kerere ai, hahedika negadiai bona dika iboudiai lalodiai, badina be na manoka-manokamu neganai, na goadamu.¹¹Launa vada na kavakava! Emui hahegugu dainai, a umui ese na boma hanamogu. Lau na ene "Apostolo-hereadaedia" ese na sehereagumu, ena be lau na gau ta lasi. ¹²Momokani, Apostolo toadia, toa badadia umui lalomui ai a kara hesiriuva - toa bona hoa karadia. ¹³Edena dala ai umui na sehaeromui namonamo dubu haida padadiai, a lau ese umui na asi na hametaumui? Egu kerere na agwau dia tao!¹⁴Aitaia! lau na hegaegae nega ihatoina ma baina vasi dekemu, bona basina ha metaumui. Badina lau na umui emui ai gauta asina tahuamu, to umui hari. Badina be natu ese tama bona sina edia basie habou. ¹⁵Hari-hari launa mai moalegu ida tau-anigu baina heni bona baina heni guguru umui laumamui daidiai. Bema lau ese baina lalokau henimui bada, umui ese lau be ba lalokau henigu maragi a?¹⁶Bema unu baine heto neganai, dia lau ese umui asina ha metaumuimu, to, dibaka taugu dainai, koikoi ai name davarimui. ¹⁷Lau ese umui na asi na dibaganimui dekemui na siaidia vasi taudia daidiai, lau be unu na kara toma a? ¹⁸Tito na noia baine vasi dekemui, bona tadikaka ta danu ia ida na siaidia. Tito ese e dibaganimui a? ai be lauma tamona lalonai asi a rakamu a? ai be ae gabu tamona lalonai asi a rakamu a?¹⁹Umui ese o laloamu ai raruosi na umui emui amo a helaoahumu a? Ai na Dirava vairanai bona Keriso lalonai a herevamu, ini gau iboudiai, emai lalokau taumui, umui ihagoada laimui.²⁰Bona launa na garimu bema ba vasimu neganai baina vasi davarimui, dia lau egu ura hegeregerenai, bona lau danu umui ese bavasi davarigu dia umui emui ura hegeregerenai; reana padamui ai heai, mama, gwau tubu, badu, a heparara, hahebade koikoi, maumau, hekokoroku, bona hahebadu karadia. ²¹Sedira bema lau baina vasi lou neganai, egu Dirava ese baine ha maragi-maragigu vairamui ai, bona karadika taudia hutuma taidia baina tai, badina be edia mata bodaga, heuda hanai, edia lebu-lebu karadia amo, asie helalo-kerehaimu daidiai.

Chapter 13

¹Ina na nega ihatoina na vasimu dekemui, "emui hahebade herevadia iboudiai rarua eiava tatoi ese bae hamomokani dia." ²Vada na hereva guna e kara dikava taudia bona haida danu nega iharuana na vasi neganai, bona ma na gwau loumu: baina vasi lou neganai, basina matadia rea.³Aina hamaoromui badina be toa otahumu Keriso be edena dala ai lau egu amo e herevamu. Ia na dia manoka emui ai. To, Ia na siahu herea umui lalomui ai. ⁴Badina be Ia na manoka-manoka dainai eha satauroa, to Dirava ena siahu dainai Ia na emaurimu. Badina ita danu manoka Ia lalonai, bona ita na baita mauri Ia ida Dirava ena siahu ai umui latamui ai.⁵Sibomui a hetahu bona baheita umui na mai emui abidadama. Sibomui a hetoho. Umui so dibamu Keriso na lalomui ai a? - bema lasi, umui na o moru ina hahetoho ai. ⁶Bona na heabidadamamu umui na bodibamu aina asi a moru ina a hetoho ai.⁷Harihari ai na Dirava a guriamu umui na basio kara kerere. Lau na asi na gurigurimu e kara ita una e hedinarai a hetohona amo na vada ta kwalimu. Unu hetomana Launa na gurigurimu kara maorona hari boma karaia, enabe ita na ehahedinariamu una hahetoamu na ta moru. ⁸Badina ita na gauta basita kara heniamu to hereva momokani sibona.⁹A ita na ta moalemu eda manoka negadiai bona umui na gogoada. Aina ma a gurigurimu umui ba guguru dainai. ¹⁰Ini gau na torediamu badina lau na dia umui bogaragimui ai, bema lau na umui bogaragimui ai, lau na basina kara dage-dage, egu siahu igaukaralainai - Lohiabada ese e henigu dainai, una dainai baina haginimui tutuka bona basina ha ketomui.¹¹Dokona binai, Tadikaka, ba moale! gau ihanamodia dainai ba gaukara, ba hahegoada heheni, lalomui ba hatamona, maino ai ba noho. Dirava ena lalokau bona maino na umui ida. ¹²Mai helagamui ida ba haherahu.¹³E abi-dadamamu taudia iboudiai ese umui na e hanamomuimu. ¹⁴Lohiabada Iesu Keriso ena hariharibada, Dirava ena lalokau, bona Lauma Helaga ena hebamo na iboumui ai emui ai baine mia.2Cor (Chpt 1 - 13) General Checking completed, ready for editing.

Hebrews

Chapter 1

¹Idau negai Dirava ese ita seneda ehereva henidia peroveta taudia edia amo nega momo bona dala idaudia amo. ²To ini dina hidaosi ai, Ia ese ita ehereva henidamu natuna ena amo. Ia ena amo, Ia ena amo danu tanobada evara. ³Ia na diaridiari bona Dirava hairaina ehahedinaraiamu. Ia na gau iboudiai eabi hebou ena hereva siahuna amo. Gabeai Ia ese dika ehagoevaia, Ia na herea mikamika idibana kahanai ehelaimu.⁴Ia na aneru iboudiai daediai bona Ia ese lada hereadaena eabia lada idia iboudiai ladadia e hereadia. ⁵Una be daika ese Aneru na Dirava ese e hereva henia eto, oina lau natugu, hari dina lau na oi tamamu? O na gwau loumu lau na ia tamana ai bainala, bona ia na natugu ai bainela?⁶To na gwau loumu, bona Dirava ese natuna roboana tanobada e mailaia, Ia bema gwau, "Dirava ena Aneru iboudiai ese ba tomadiho henia." ⁷Aneru ai e halaodiamu Ia e gwaumu, "Ia sibona ese ena Aneru, na Lauma ai e halaodiamu, bona Ia ena hesiai taudia lahi hururuna ai e halaodiamu."⁸To ia natuna egwaumu, Dirava, oi emu terona, baine mia ela bona hanaihanai. Oi na Basileiai bahamaoroa badina oi na hahemaoro tauna. ⁹Oi na mai emu lalokau kara maoromaoro taudia ediai, to taravatu asi e badinaiamu taudia na asi oura henidiamu. Una dainai Dirava, oiemu Dirava ese ehahelagamu moale dehorona amo oi bamomu iboudiai daediai.¹⁰"Matamana neganai, Lohiabada, oi ese tanobada o karaia? Guba oi imamuai o karaia. ¹¹Iboudiai bae ore, to oi na banoho hanaihanai. Idia na bae ore dabua ehedare maragi-maragimu na heto. ¹²Oi ese ba lokudia dabua aukana na heto, bona idia na ba idau dabu rimurimu dia na heheto, to oi na basio idau bona oi emu lagani na do basine eore."¹³To edena Aneru Dirava ese e hereva henia edena negai, lau imagu idibana kahanai bahelai ela bona oi inaimu na aemu henunai baina atodia? ¹⁴Dia e gaukaramu Lauma Aneru dia bona basiai dia lao Laumai e ogogamimu taudia dekedia bona bahamauridia lao?

Chapter 2

¹Una dainai ta kamonai herevadia nahuadia baita toho, nega ta baita huretania garina.²Badina be aneru ese e gwaurai herevadia bema momokani, bona kara havara iboudiai bona gwau ede-ede iboudiai bema mai davadia korikoridia, ³ita na ede baita roho mauri toma, ahemauri unu badana baitama dadaraia negana ai? Hahemauri bunai Lohiabada ese e gwaurai guna; bena ia ena amo e kamonai taudia ese vada e hamomokania ita eda. ⁴Bona Dirava danu vada e hahedinaraia, toa ai, hoa karadia ai, siahu karadia idauidau ai, bona Lauma Helaga ena herahia ai, ena ura hegeregerenai.⁵Badina be mauri gabena ai ia ese e herevalaiamu na dia aneru se henidia bae biagua. ⁶Buka itorena tauna ta vada e hereva eto, taunimanima be dahaka oi ese ia o laloamu? Taunimanima natuna be daika oi ese ia o dosiamu?⁷Oi ese o karaia, aneru ese sisina mo e hereaiamu, hairai mai hematauraina idia oi ese kwarana o havavalaia. Oi imamu ai o kara gaudia iboudia ai vada o henia, baine biagudia. ⁸Gau iboudiai ia aena henuna ai vada o atodia, ia ese baine biagudia. Badina be gau idoidiai taunimanima henunai eato dia negana ai, gau ta se rakatania idauhai. To harihari ta itaiamu, gau idoidia ai na dia ia henunai.⁹ A nega sisina mo aneru ese e hereaia tauna, Iesu, harihari ta itaiamu, mase hisihisina dainai hairai mai hematauraina ida kwarana vada e havavalaia. Dirava ena hariharbada ai mase mamina eabia, taunimanima iboudia ai daidiai. ¹⁰Ina na diagau namona, ena, bona ena amo gau iboudia ai e havaramu Dirava na, ia natuna logora hairaina ai bema hakaudia vareai totona ese, eda hahemauri tauna hisihisi amo bema hahairadae.¹¹Badina be hahelaga tauna bona e hahelagadia taudia na iduhu tamona, una dainai ia na asi ena hemarai ia tadina baine gwauraidia. ¹²Eto, oi ladamu baina gwauraia, tadigu vairadia ai; hebou lalonai baina hanamoa egu ane ai.¹³Ma eto, Lau oina bona natugu, Dirava ese vada e henigu, bini. ¹⁴Benaini, natuna be mai hidihodia bona mai raradia dainai, ia ese danu tauanina eabia idia hegeregeredia, mase amo ia ese mase biaguna, una na diabolo, baine hadarerea, ¹⁵bona edia mauri dinadia iboudia ai mase garina ese e guidiamu taudia baine ruhadia nege helaoreana.¹⁶Momokani, ia na dia aneru se kahadia, a Aberahamo garana hari. ¹⁷Una dainai ia na gau iboudiai lalodia ai tadina ida hegeregere, hahelaga tauna badana ai bainela, mai ena hebogahisi bona mai ena kara maoromaoro. Dirava ena gaukara lalonai, taunimanima edia dika iabi-ohona. ¹⁸Ia na hedibagani e mamiamu taudia idurudia mai dibana, badina be ia sibona ese hisihisi bona hedibagani mamidia eabi dainai.

Chapter 3

¹Una dainai varavaragu helagamui, Basileia boiboina vada e ahulaimui, Iesu balaloa, ahediba tauna bona hahelaga tauna ai vada ela dika igwau taona. ²Ia na eabia hidi tauna enai e heabidadamava, bona Mose Dirava ena rumai e heabidadamava hegeregerena. ³Badina be ia ese hairai namo hereana eabia Mose ena ehereaia, hegeregerena ruma ikarana tauna e matauraia bada a ruma be sibona, ⁴ruma iboudiai ikaradia na mai taudia, to gau iboudiai na Dirava ese e kara dia.⁵Mose eabidadamava, hesiai gaukaradia e karava Dirava ena ruma idoinai lalonai, badina bae gwaurai gaudia iboudiai bae herevalai dia vairai. ⁶ A Keriso eabidadamava natuna enai daika be Dirava ena ruma ehabiagulaia, ita na ia ena ruma, bema ita baita haheauka momokani bona eda helaro ai baita heagi.⁷Una dainai, ina na Lauma Helaga e tomu, "hari dina ai, bema oi na ia gadona ba kamonai ⁸kudoumui basio ha-auka, o dadaraia tano gagaenai o tohoa neganai.⁹Unuseni ai umui tamamui ese lau e tohogu, bona lau egu gaukara e ita lagani haria-hui. ¹⁰Una dainai unu taudia ediai na badu. Lau nato, `Idia nega iboudiai kudou dia e kahu, bona idia na egu dala asie diba.' ¹¹Ina na egu badu ai na hereva: "Idia na egu laga-ani ai na basie vareai diba."¹²Nahuamui ba toho, varavaragu, badina be umui ta ese kudoumui dika dia daidiai, Dirava basio ura henia. ¹³A dina iboudia ai ba hahealo heheni, ela bona e boirimu, "hari dina," una ese umui ta bogaragimui ai kara dika ena koikoi ese lalomui basine ha-auka.¹⁴Badina be ita na Keriso ida ta hebamo, bema ita na eda heabidadama baita kahua tarikatarika amo bainela dokona. ¹⁵Ini daidiai vada e hereva, "hari dina, bema oi na ia gadona o kamonaia, kudoumui basio ha-auka, basio dadaraia,"¹⁶badina daika ia gadona o kamonaia bona o dadaraia? O idia iboudiai be dia Mose ese Aikupito amo sehakau dia lasi a? ¹⁷A daidia ia ese e badu henidia lagani-haria hui? asi e kara dika taudia, mase tauanidia, tano gagenai. ¹⁸Bona daidia ia ese egwau hamata henidia taudia na ia ena laga-ani ai basie raka vareai, a daidia egwau ede-ede taudia a? ¹⁹A itaia idia na asi edia kamonai dainai asi e raka vareai.

Chapter 4

¹Una dainai, baita gari una ia ena laga-ani ai baita raka vareai gwauhamatana negana na doini emiamu lalonai, a umui haida ese oitaiamu idavarinai vada ome dabu. ²Badina sivarai namo na e hamaorolaida ma haida danu unu heto. To una sivarai na e kamonaiva a namo ta asie havara idia ediai, badina idia na abidadama e kamonaiva taudia ida na asie tamonava.³A, ahamomokania taumai ese ena laga-ani ai vada ame raka vareai, ena hereva hegeregerenai eto, "egu badu ai na gwauhamta, idia na egu laga-ani lalonai na basie raka vareai." Unu hetomana danu, ena gaukara na e guguru tanobada eha-daia neganai. ⁴Badina dina iha-hituna dainai na ehereva: "Bona dina iha-hituna ai e laga-ani ena gaukara amo." ⁵Ma ehereva eto, "idia na lau egu laga-ani ai basie raka vareai diba."⁶Una dainai, ina nega doini mianai, ini haida danu ma raka vareai, bona matamanai haida ese sivarai namona eha-maorolai henidia na sie raka vareai, badina be dia gwau ede-ede daidiai. ⁷Dirava ese dina ta ma eabia hidi bena egwauraia "Hari dina." Dina momo muridiai ia na Davida ena amo ehereva eto, "Hari dinai, bema ia gadona o kamonaiamu neganai, kudoumui na basio ha-aukadia."⁸A bema Iosua ese laga-ani vada e henidiava neganai, Dirava ese dina tama basinema hereva ina nega murinai. ⁹Una dainai , doini Sabati laga-ani na e siaia Dirava ena taunimanima edia. ¹⁰Badina daika Dirava ena laga-ani ai evareaimu na sibona ena gaukara amo danu laga-animu, Dirava ese e karaia hegeregerena. ¹¹Una dainai, baita heura-dai una laga-ani lalonai baita vareai, unu amo ta na basine moru ina gwau ede-ede lalonai.¹²Badina Dirava ena hereva na e maurimu bona mai siahuna, bona mai ganona bona ganona rua darena e hereaiamu. Lauma bona dara na egwadadia urumu elaomu bona turia haradia bona garugaru danu ehapararadiamu, bona elaomu bona taunimanima lalona ena lalohadai bona ena ura danu eha-hemaoro henidiamu bona eha-hedinaraiamu. ¹³E kara gaudia iboudiai, ta na dia hehuni Dirava vairanai. A gau iboudiai eme ha-ulala bona ia matanai ta na dia hehuni bona do baine hahemaoro henida.¹⁴Una dainai, ema bona hari ita na mai eda Hahelaga tauna badana Iesu Keriso Dirava natuna, guba padadia amo e hanai, ina eda kamonai ta hamomokaniamu gauna na baita dogoatao balaheni. ¹⁵Badina be ita na asi eda Helaga tauna ta daika be eda manoka-manoka dainai basine boga hisi, to tamona daika be dala momo amo e dibagania ita hegeregereda, a taina danu asine kara dika. ¹⁶Una dainai mai goadada ida una hariharibada terona-na aita raka henia, bena unu amo hebogahisi do baita abia bona hariharibada baita davari bena eda dabu negadiai do baine kahada.

Chapter 5

¹Hahelaga taudia badadia na iboudiai, eabi-hidi, taunimanima bogaragidia amo, ia na taunimanima edia ura Dirava baine hamaoroa, bona ia ese boubou gaudia baine hahelagadia bona edia dika iabi-ohodia baine kara. ²Ia na mai manauna ida lalo-duhu bona kerere taudia daidiai ia na e manoka-manokava. ³Unu daidiai, ia ese boubou gaudia baine karadia dika igwautao dia, ia ese taunimanima daidiai bona ia sibona dainai.⁴Ia na dia ia sibona dainai to haida ese ina dagi danu eabimu, una dainai, ia na Dirava ese e boiria, Aaron e boiria hegeregerena. ⁵Una dala tamonai, Keriso na dia sibona eheabihidi hahelaga tauna badana to, ia ehereva henia tauna eto, "oi na lau natugu, hari dinai lau na oi tamamu."⁶Ini na ia ese eherevalai gabudia haida, "Oi na hahelaga tauna nega hanaihanai Mekisedek oreanai."⁷Unu dinadia ia tanobada ai, Keriso na ia dainai e guriguriva bona eura, bena e tai lolo matana ranuna e diho, Dirava dainai badina ia ese mase amo baine hamauria, bona ia e kamonai badina ia na Dirava ena mauri lalonai. ⁸Ena be ia na Dirava natuna, ia e kamonai ena hisihisi amo.⁹Ia na namona egwauraia bona ema, taunimanima iboudiai daika ia kamonai henia, taudia edia mauri hanaihanai ihavarana tauna ai ela. ¹⁰Ia na egwauraia Dirava ese hahelaga tauna badana Mekisedek ena orea ai. ¹¹Emai hereva na momo baia gwaurai, to ini na auka baia herevalai henimui badina taiamui na kukudima.¹²Ena be nega vada eme ginidae to oi na hahediba taumu ai baola, oi na dounu rata oura henia badamu dia aniani aukana! ¹³ Badina be rata e inuamu tauna na mai ena diba hereva momokani, badina be ia na dounu karukaru. ¹⁴To aniani aukana na tauani dia vada e lo taudia adia, bona idia lalodia vada eme manada, namo bona dika toadia na mai dibadia.

Chapter 6

¹Badina bunai, Keriso ena hereva badidia baita rakatani, huahua dia baita gava. Basita hagini lou kara asi anidia ihelalo-kerehai dia Dirava ibadinana ai, ²bapatiso herevadia, ima ato kau ai, mase iha-toreisi dia ai, bona mia hanaihanai hahemaorona ai. ³Ita danu ini na baita kara bema Dirava baine ura.⁴Badina lalodia e aukava taudia ediai e diariva, idia ese guba harihari na e mamiava, bona Lauma Helaga enai ahudia eabiva, ⁵bona Dirava ena hereva namona mauri gabena siahuna e mamiva. ⁶A taudia na bema keto - idia na basiema helalokerehai lou diba. Badina be idia sibodia ese Dirava natuna vada e hasatauroa lou bona taunimanima vairadia ài vada e hahemaraia.⁷Badina be e diho loulou medina e inuamu, bona aniani gaudia namo dia e havarai uma taudia edia, tanona ese Dirava ena hahenamo eabimu. ⁸A au ginigini bona ava ginigini e havaraiamu tanona ese hedadarai bona heuduguirai eabimu. Dokonai lahi ese baine karaia ore.⁹A ena be ini ahereva tomamu, lalokau taumui, to lalomai e tomamu hahemauri badina gaudia namodia na lalomui ai vada mimia. ¹⁰Badina Dirava na asi ena kara gageva-gageva, emui gaukara bona emui lalokau ia ladana dainai vada o hahedinaraia, helaga taudia o durudiava bona o durudiamu ia ese basine lalo boio.¹¹Ai na a ura badamu umui iboumui ai ene ba goada toma, ela bona dokona ai emui helaro ba hagugurua. ¹²Basio hesiku, a edia abidadama bona edia haheauka daidiai ahudia vada eabi taudia ba hagoidia.¹³Badina be Dirava ese Abraham egwau hamata henia negana ai, ta ese ia sehereaia dainai ia sibona ladanai e gwau hamata. ¹⁴Eto, "Lau ese oi baina hanamomu bona lau ese oi garamu baina hutuma dia. ¹⁵Unu hetomana, Abraham na e haheauka taritariva ela bona gwau hamata anina davaria.¹⁶Dokonai edia hepapa-ahuahu herevadia gwauhamata na e hamomokania. ¹⁷Unu hetomana Dirava na e urava gwauhamata dihina taudia bae diba goevagoeva ia ena lalohadai basine idau, una negana ai ia ese hereva helaga na amo egwau hamata henidia. ¹⁸Unu e kara toma badina gau ruaosi na basie idau, bona unu gau ruaosi ai danu Dirava ese na basine koida diba. Ita na hahedika vada ta heautania, bona goada vada ta davaria, ita ese vairadai eme hure helarona baita kahua tao.¹⁹Una helaro na laumada dogona na heto, se idaumu bona se mareremu, seseahu unu kahanai e vareaimu. ²⁰Unuseni ai Iesu vada e raka vareai ita daidai, hahelaga tauna badana Melkisedek ena orea ai vada e hahelao, ela bona hanaihanai.

Chapter 7

¹Bona ina Melkisedek, Salem pavapavana, Dirava herea mikamika ena hahelaga tauna, Aberahamo ese pavapava e aladia mase murinai, ena lou ai ia ida e hedavari bena e hanamoa. ²Aberahamo ese danu gau iboudiai lalodia amo karoa ta e henia. Ia ladana matamatana be "Kara maoromaoro Lohiana," bona ia danu Salem pavapavana," una na "Maino Lohiana. ³ Ia na asi tamana, asi sinana, asi garana, eiavana hematama dinadia bona mauri dokona. Gau tamona, itaitana oromana na Dirava natuna, ia na doini hahelga tauna ela hanaihanai.⁴To mani ina tau ena badaho-badaho mani aitaia, daika be ina hegunalai tauna Aberahamo ese karaoa ta e henia tuari ai ia ese eabi kohudia lalodia amo. ⁵Bona momokani unu Levi natudia hahelaga dagidia eabi na mai edia maoro taravatu ai taunimanima edia amo karoa bae abi, una na tadikakadia edia amo, ena be idia na Aberahamo tauanina amo ema. ⁶To Melkisedek, ia garana idia ediai na lasi, Aberahamo ena amo karoa eabi, bona gwauhamata na ia enai dainai e hanamoa.⁷A gwau tora haida lasi dainai, tau maragina na tau badana ese baine hanamoa. ⁸Ina gabu ai, bae mase taudia karoa eabi, to unu hetomana vada e gwauraia ia na mauri hanaihanai. ⁹Bona ina hereva hegeregerena, Levi, karoa eabiva tauna, Aberahamo ena amo dainai karoa e heniva. ¹⁰Badina Levi be dounu ia dihina tauanina lalonai, Melkisedek bona Aberahamo ehe-davari neganai.¹¹Bema maoromaoro be Levi hahelaga taudia edia amo (badina idia edia amo taunimanima taravatu e dibaiava), dahaka ura haida daidiai hahelaga tauna tama baine toreisi Melkisedek ena orea hegeregerena, bona basie gwauraia Aarona ena orea hegeregerena a? ¹²Badina hahelaga tauna e sensiamu neganai, taravatu isensina danu unu e vara tomamu.¹³Badina ini gau daidiai e herevalaiamu tauna ena Iduhu na idau, unu amo ta ese pata helagana gaukara do se karaia. ¹⁴Bona ina danu hedinarai ita eda Lohiabada garana na Iuda amo, Iduhu ta Mose ese se herevalaia hahelaga taudia daidiai.¹⁵Bona ina na eme hedinarai goevagoeva, bema hahelaga tauna tama baine toreisi Melkisedek heida-idana. ¹⁶Ia na hahelga tauna ai ela, dia tauani eha manokaiamu taravatuna dainai, to mauri hanaihanai siahuna dainai. ¹⁷Badina Buka Helaga ai e torea: "Oi na hahelaga tauna ena hanaihanai Melkisedek ena orea hegeregerena."¹⁸Badina taravatu gunana na eatoa tabe badina be manoka bona asi ena gaukara. ¹⁹(Badina be taravatu ese gauta se hanamoa), bona helaro namona eha hedinaraia, unu amo ita ese Dirava baita hakahi-kahia.²⁰Bona ina be se karaia asi gwau hamatana! badina haida be hahelga taudia ai ela asi gwua hamatamana. ²¹A Iesu na hahelga tauna ai ela mai gwau hamatamana, Dirava ena amo e hereva heniamu, "Lohiabada na e gwau hamata bona ia lalona na basine ha idua: Oi na hahelga tauna ela hanaihanai."²²Ini hetomana danu, Iesu na maoro ai eme lao herohemaino matamatanai. ²³Hahelaga taudia gunadia numerana be namo, to edia gaukara hesiriu lalodia amo mase ese e butudia taova. ²⁴To badina Iesu na baine mauri hesiriu ela hanaihanai dainai, ia na hahelga tauna bainela hanaihanai.²⁵Una dinai ia ese danu Dirava e hakhiamu taudia na baine hamauridia guguru ia bagunai, badina ia na negaiboudiai e maurimu ida daidiai e gurigurimu. ²⁶Badina hahelaga tauna unu hetomana na momokani ita ese ta ura heniamu. Ia na helaga, asi ena kara dika, asi bebeka-bebekana, e haheparara kara dika taudia edia amo, bona guba atai doriva-dorivana ai.²⁷Ia na asi ena ura, hahelaga taudia badadia hegeregeredia, boubou gaudia baine hahelagadia dina iboudiai, guna ia sibona ena dika, bona gabe ai taunimanima edia dika. Badina ina na ia ese nega tamona e karaia iboudiai daidiai, ia sibona boubou gauna ai e hahelao neganai. ²⁸Badina taravatu ai be hahelaga taudia badadia be mai edia manoka-manoka taudia eabidia hidi. To gwauhamata herevana, taravatu murinai ema, natuna eabia hidi, dika be maoro-maoro ai eme halaoa ela hanaihanai.

Chapter 8

¹Ai ese vada ame gwauarai herevadia bini: Ita na mai eda hahelaga tauna edia helai terona na idibana kahanai. Atai doriva-dorivana ai, Guba Basilei ai. ²Ia na helaga taudia edia helaga gabunai, ina korikori kalagana Lohiabada, ena dia tauta ena, Lohiabada ese e duanaidia.³Herahia gaudia bona boubou gaudia, una hegeregerena tauna ena herahia gauna baheni. ⁴Bema Kerios na ina tanobada ai ina helaga tauna ai basinema lao. Una danu taunimanima edia herahia gaudia ehenimu taravatu hegeregerena. ⁵Idia edia gaukara na Guba Basileia ai e karamu gaukarana hegeregerena bona laulai ai. Dirava ese Mose egwau sisiba henia na eto, guriguri kalagana baine karaia neganai Dirava ehereva eto, aroha lao gau iboudiai o kara, ororo ai na haheitalaimu gaudia oromadia hegeregeedia.⁶Harihari Keriso ese heregu dagina vada eabia, dagi gunadia e herediamu ina na iena herohemaino ese taravatu gauna ehereaiamu hegeregerea, badina be gwauhamata herevadia latadiai ehadaia dainai. ⁷Badina be taravatu gini gunana bema asi kererena, taravatu iharuana na asi anina.⁸A Dirava ese kerere taunimanima na e davaria, ia hereva eto, dina vada be maimu. Dirava Lohia herea eto. ⁹Una dia taravatu hegeregerena, lau ese na karaia senedia unu dina, lau ese imadia na abi na gaudia lasi Aikupito tanona dinanai, egu taravatu asie badinanaiva lau ese na dadaraidiava, Dirava Lohiabada eherevamu.¹⁰Dirava Lohiabada eherevamu ina taravatu lau ese baina kara na Isaraela edia ruma ai. Una dainai Dirava Lohiabada eherevamu, lau ese taravatu na lalodiai baina torea bona lau ese kudoudia ai baina torea, lau na edia Dirava bona edia taunimanima ai bainala.¹¹Basie hahediba heheni danu ai varavaramai edia bona ia tadina tamona ediai hereva dibana, Dirava Lohiabada idia iboudiai. ¹²Badina be edia kavakava lalodia ai ese gini gunana taravatauna vada¹³Boiboi taravatu matamatana oi ese matamana ai okaraia taravatuna hereadaena bona dahaka be hereadae bona gunana na baine boio taku

Chapter 9

¹Taravatu gunana na mai ena toma-diho haheganidia bona mai ena dubu tanobada ai. ²Badina be guriguri kalagana helagana e karaia, murimuri daiutuna ai be lamepa iato-kauna gauna bona pata bona Dirava vairanai e atoa flaoana; una na gabu helagana e gwauraia.³Seseahu iharuana lalonai be Helaga Herea daiutuna ta e gwauraia hidi. ⁴Ia lalonai pata helagana ta gold ai e karaia, muramura mai bonana patana bunai; bona taravatu mauana ta danu gold ai e havavaia hegege; bona maua lalonai be gold kibona auta, anina be mana; bona Arona ena itotohi, e gara kau gauna; bona taravatu nadidia danu una maua lalonai. ⁵Maua daenai hairai kerubidia ese hebogahisi teronana e hakerukeruava. To unu gau harihari basia herevalai hagau hagau diba.⁶Unu gau be unu e seu toma; bena hahelaga taudia na murimuri daiutuna lalonai e raka vareai loulou, boubou gaudia e hahelagadia. ⁷A laloma daiutuna be hahelaga tauna badana mo sibona lagani ta lalonai nega tamona e raka vareai, rara e vareailaia, e hahelagaia, ia sibona dainai, bona bese taudia edia kara kerere-kerere daidiai.⁸Ini amo Lauma Helaga ese e hadibadamu: Helaga Herea gabuna iraka-vareaina dalana do se hekeho, murimuri daiutuna dounu gini negana ai. ⁹Una na hereva hegeregerena, ina nega ena. Herahia gaudia bona boubou gaudia vada e hahelagamu, gau tamona idia na asi siahudia toma-diho tauna lalona ihagoevana. ¹⁰Badina be edia siahu badidia be ini mo; aniani gaudia, inuinu gaudia, digu karadia haida, tauanina taravatudia; e hagini, taunimanima ese bae badina ela bona hahematamata negana.¹¹A Keriso ema, vada evara gaudia edia hahelaga tauna badana. Bena guriguri kalagana bada-hereana bona namo-hereana amo e raka hanai, dia taunimanima imadiai e karaia gauna bona dia ina tanobada gauna. ¹²To dia nani bona boromakau, natudia raradia a ia sibona rarana e varealaia Helaga Herea gabunai hahemauri hanaihanai e havaraia.¹³Badina be nani raradia bona boromakau maruanedia raradia bona boromakau natudia lahi ese e gole oho kahudia amo na dika taudia bema gigidia tao, bena tauanidia bema goevagoeva; ¹⁴o Keriso rarana, Noho-hanaihanai Laumana dainai sibona Dirava e henia tauna rarana, asi bebeka-bebekana tauna rarana, siahuna basinema herea a, umui lalomui mase karadia amo bema hagoeva, bona Mauri Diravana ena hesiai taudia ai bema halaomui ani? ¹⁵Una dainai, ia na taravatu matamatana ena herohemaino tauna, taravatu gunana vada e tataia utu taudia na mase ta ai e hamauridiamu, bona e boiridia taudia na mia-hanaihanai ahudia e henidiamu, ena gwauhamata hegeregerena.¹⁶Badina be tau ta dihina ese ahudia basie abi ela bona una tau baine mase momokani. ¹⁷Ena kohu iharidia herevadia na mai siahuna ena mase dainai, a ena mauri negana ai idia na asi siahudia.¹⁸Unuhetomana taravatu gunana danu rara ese e hamomokania. ¹⁹Badina be Mose ena taravatu ena hahegani iboudiai na bese taudia iboudiai e herevalai henidiava, bena boromakau natudia raradia bona nani raradia bona ranu e abi, mamoe huina kakakakna bona husopo danu e abi bena buka bona bese taudia iboudiai e nevarilaidia, ²⁰eto "Ina na Dirava ese vada e haganilaimui taravatuna rarana."²¹Unuhetomana danu ia ese guriguri kalagana bona helaga gaudia iboudiai rara ai nevarida. ²²Oibe; taravatu henuna gaudia momo herea rara ese ehagoevadiamu; bona rara basinema hebubu, dika igwau-taodia bema lasi.²³Benaini, guba gaudia ihahegeregeredia gaudia na ini helaga karadia amo e hagoeva, a guba gaudia korikori na boubou namodia amo bae hagoeva. ²⁴Badina be Keriso vada e raka vareai dubuna na dia taunimanima imadia amo e karaia gauna dubu korikorina ihahegeregerena, a guba ai vada e raka vareai, Dirava vairanai e hedinaraimu ita daidai.²⁵Bona ia na se raka vareai sibona boubou gauna ai bainela loulou, hahelaga tauna badana na heto, ia ese lagani ta ta amo Helaga Herea gabuna lalonai e raka vareai, rara e vareailaia, to dia ia rarana. ²⁶Unu bema heto, Keriso na nega diagau bema hisihisi, tanobada matamatana ema bona harihari. A ia be nega tamona, ina nega dokona ai, vada eme hedinarai, sibona boubou gauna ai vada ela dika iabi-ohona.²⁷Una dainai edia mase na tamona, murinai hahemaoro bae abia; ²⁸unuhetomana Keriso danu nega tamona boubou gauna ai vada a halaoa, hutuma edia kara dika ihuadia. Ma baine hedinarai lou, dia kara dika ihamaoromaorona totona, a mai helarodia ida e nariamu taudia ihamauridia.

Chapter 10

¹Badina be taravatu enai na gau namodia do baema laulaudia mo, dia unu gau sibodia hegeregeredia. Dirava e raka kahira heniamu taudia na basie namo guguru edia boubou gaukaradia na hahelaga taudia ese lagani-lagani e karamu amo. ²Unu basiema heto ina boubou gaukarana basiema doko, a? Badina be tomadiho taudia na hahegoeva tamona amo bema abia bona edia kara dikadia basiema helalolai lou. ³A ini boubou gaukaradia ese eda kara dikadia e hahelalolaida-une mu lagani iboudiai. ⁴Badina be asi dalana ta boromakau maruanena bona nani raradia amo kara dikadia abi oho.⁵Una dainai Keriso ema ina tanobadai, ia na eto, "Boubou gaudia bona herahia gaudia na asio uralai, a tauani ta umui ese o abia hegaegae lau egu; ⁶lahi ese e gole ohomu bouboudia , umui ese asio moalelaidia. ⁷Bena nato, "Aitala, lau be ina Buka Helaga ai vada e torea lau e gwauraigumu - oi emu ura baina karaia, o Dirava."⁸Ena hereva ai na eto, "Boubou gaudia bona herahia gaudia, bona lahi ese e gole ohomu bouboudia, bona kara dika igwautaodia bouboudia umui ese asi o uralai. Umui ese danu asio moalelai." (Ini na taravatu hegeregerena vada e atodia) ⁹bena eto, "Aitaia lau, oina, emu ura ikarana." Ia ese kara gunana e abia ohomu, kara iharuana baine hadaia dainai. ¹⁰Una ura amo, Ia ese vada e hahelagadia Iesu Kerisotauanina boubou gauna eheni nega tamona mo ita iboudai eda.¹¹Bona momokani, hahelaga taudia na dina iboudiai e ginimu Dirava ena gaukara e karamu. Ina boubou gaukarana e karaia louloumu - a kara dikadia na se heabi oho dibamu. ¹²A Keriso na boubou gauna tamona mo e heni ita eda kara dika iboudiai daidiai, ia na Dirava imana idibana kahanai vada ehelai diho. ¹³Una nega amo ema bona hari, ia na e narimu ela bona ia inaina taudia na aena e hadaiamu gauna ai baine halaodia. ¹⁴Badina be ina boubou gauna tamona ia ese e hahelagadia taudia na vada e hanamodia guguru ela bona hanaihanai.¹⁵Bona Lauma Helaga danu e hadibalaidamu.Badina ia na guna eto, ¹⁶Ina na gwauhamata ta lau ese baina karaia idia edia, unu dina muridiai, Lohiabada na e hereva eto, Lau ese egu taravatu kudoudiai baina atodia bona lalodiai danu baina toredia."¹⁷Bona unu amo edia kara dika bona kara havara danu lau ese baina lalodia boio vaitani. ¹⁸Harihari edia kara dika e hegwautaomu ediai kara dika boubouna na asi badina.¹⁹Una dainai, varavaragu e, ita ese ta hamomokaniamu helaga gabunai baita raka vareai Iesu rarana amo, ²⁰Ina na mauri dalana matamatana, ia ese vada e kehoa ita eda, una seseahu amo, bona una na ia tauanina ena amo. ²¹Badina ita na mai eda Hahelaga tauna badana Dirava ena ruma ita taona, ²²aita raka henia kahi mai kudouda ida, mai heabidadamada ida, laloda na mai goevadia lalohadai dikadia amo, bona tauanida na ranu negarina amo eme huridia.²³Eda helaorea igwaurai hedinaraina ai baita dogoatao auka, basita manoka, badina Dirava vada e gwauhamata na mai momokanina ida. ²⁴Bona tama helalo ede bamodiai ta ta tama hahealo heheni lalokau ai bona kara namodiai. ²⁵Eda hegogo karadia basita nege, haida e karamu hegeregeredia. Ini gabudiai, aita hahealo heheni, bona ma latanai ma o itaiamu dinana eme kahikahi.²⁶Badina be boma ita na dounu baita kara dika louloumu, ina hereva momokani vada ta dibaia murinai, kara dika boubou na tama lao. ²⁷Una gabunai mai garina gauna tamonamo ta nariamu hahemaoro dinanai, bona lahi garagarana ese Dirava e inai heniamu taudia iboudiai do baine aradia orea.²⁸Daika ese Mose ena taravatu e dadaraia tauna na do baine mase asi ibogahisina. E diba taudia rarua eiava tatoi edia gwau hedinarai amo. ²⁹Hisihisi dikana davana be ede heto oi ese olaloamu bema tauta ese Dirava natuna baine moia tao, bona baine laloa gwauhamta rarana na dia helaga - una rara na vada helagai - bona una hariharibada Laumana danu (insulted) ?³⁰Badina ita na mai dibada ta ini e gwau toma "Davana ikarana na lau egu; Lohiabada ese ena taunimanima baine hahemaoro henidia." ³¹Ina na mai garina bada gauna e maurimu Diravana imanai baine butumai tao!³²A dina gunadia ba lalo, umui eha-diarimui muridiai, hisihisi bada herea ese e gugubamui to o haheaukava. ³³Nega haida be haheitalai gaudia ai e halaomuiva e gonagonalaimuiva bona e inai henimuiva, bona ma nega haida idia bamodia ma e halaomuiva emui hisihisi lalodiai. ³⁴Badina be umui ese e guidia taudia o bogadia hisiva bona emui kohu e dadiva danu mai moalemui ida oabidiadaeva. Umui sibomui odibava mai emui kohu namo hereadia bona mia hanaihanai kohudia.³⁵Una dainai emui (confidence) basio negea, mai davana bada ida. ³⁶Badina be emu haheauka na mai badina, Dirava ena ura ba karaia guguru murinai ena gwauhamata gauna do bavabia. ³⁷"Badina nega sisinai be maimu tauna na bainema bona basine halahe.³⁸A lau egu kara maoromaoro tauna, ena kamonai dainai baine mauri, bona bema basine kerehai lou, lau laumagu ese do basine lalonamo henia." ³⁹A ta na dia namo una dika kerehai lou tauda. Una gabunai, ita na mai eda kamoai tauda bena Laumada na do bae mauri.

Chapter 11

¹Abidadama na asi laromu gaudia ihamomokanida, bona asi taitamu gaudia ihamomokanidia. ²Una dainai Dirava ese sene taudia eabidiadaeva. ³Ena abidadama amo ta dibamu tanobada na Dirava e hereva amo ehekara, una dainai ta itamu gaudia be asita itamu gaudia amo ekaradia.⁴Abidadama dainai Abela ena boubou gauna namo hereana ese Kaino ena herahia ehereaia, una dainai Dirava ese kara maoromaoro tauna egwauraia bona hereva namodia latanai, e gwauraidia badina ena herahia dainai, ena be emase to doini e herevamu.⁵Abidadama dainai, Enoka na tanobada amo Dirava ese eabia dae, badina baine mase garina, Ia na e tahuava, badina Dirava ese eabia dae, Ia do seheabi oho neganai, Ia na egwauraiava Dirava e hamoaleava tauna. ⁶A asi ena abidadama tauna na auka herea Dirava ihamoalenai. Badina Dirava iraka henina kahi euramu tauna ese eabiadaemu Dirava na emaurimu bona Ia e tahuamu dainai ahuna namodia baine henia.⁷Abidadama dainai Noa na Dirava ese do seita gaudia e sisibalai henia bona mai hematauraina ida Lagatoi ta e raia bona ena ruma taudia ehamauridia.⁸Abidadama dainai Aberahamo e boiria neganai na e kamonai vada ela bona ia baine ahua tanona ai. Ena hanua e rakatania asi dibana ede elaova. ⁹Ena abidadama dainai gwauhamata tanona ai e noho hedoava, Isa'ako bona Iakobo danu ia ida kalaga ai e nohova, idia raruosi danu gwauhamata dihina. ¹⁰Badina ia na e roha laova, Ia e taruha henia hanuana do baine gini tutuka-tutuka, iseuna bona ikarana na Dirava.¹¹Abidadama dainai Sera ena be vada e buruka herea to natuna ta e havaraia, Dirava ese egwauhamata henia hegeregerena. ¹²Una dainai ina tau tamona ena amo - bona kahira-kahira bema mase tauna danu - bese hutuma herea e vara, edia numera na guba hisiu dia na heto eiava kone mirimiri dia asi iduhaidia.¹³Abidadama dainai ini iboudiai na vada emase, gwauhamata iboudiai danu sedavari, to gabunai e itadiamu bona eabidia daemu gabu daudau dia amo bona e gwau hedinaraimu, idia na noho hedoa-hedoa bona e luludia tauda. ¹⁴Unu e hereva tomamu taudia na edia hereva anidia amo e hedinaraimu. Idia na edia tano korikorina ta e tahuamu.¹⁵Bema momokani idia ese e rakatania tanona bema laloa nega namona ta eabia neganai bema lou henia. ¹⁶To hari hegeregerena idia na hanua hereadia bae biagu taudia , una na Dirava e nohova gabuna. Una dainai Dirava na sehemaraiva, idia ese egwauraiamu edia Dirava, badina Ia ese hanua ta vada eabia hegaegae idia edia.¹⁷Abidadama dainai Aberahamo e tohoa neganai, ia ese Isa'ako boubou gauna ai e halaoa. Ena be gwauhamata baine abia tauna to ia ese natuna vara edeana na boubou gauna ai e halaoa. ¹⁸Vada e herevalaia eto, "Isa'ako ena amo oi vevemu ladadia do bae gwauraidia." ¹⁹ Aberahamo ese na vada e haeroa Dirava ese Isa'ako na mase amo baine ha torea isi eto, una dainai ia ese eabia lou unu amo.²⁰Abidadama dainai danu Isa'ako ese Iakobo bona Esau e hanamodia. ²¹Abidadama dainai, Iakobo baine mase eto neganai, ena itotohi kwarana ai e goru kau bena ia ese Iosepa natuna ta ta e hanamodia bona latadia ai e guriguri. ²²Abidadama dainai, Iosepa ena mase vada e kahira-kahira neganai, ia ese Isaraela besena Aikupito amo bae raka lasi vada e herevalaia bona e haganidia ia turiana danu idia ese bae abi kau.²³Abidadama dainai Mose, e vara laganina hua toi neganai, sinana bona tamana ese e itaia mai hairaina dainai, pavapava ena hahegani garina se gari bena e hunia. ²⁴Abidadama dainai Mose e badaho-badaho nenai, asi ena ura, Parao natuna hahinena ena bese ai bae gwauraia. ²⁵To ia ena ura na Dirava ena bese ida bae hisihisi hebou, bona kara dika moaledia be se ura heni badina unu na basie mia daudau gaudia, ²⁶ia ena haero ai Keriso dainai baine lodu hari, taga bada hereana bunai una ese Aikupito tagana iboudiai e hereadiamu. Una dainai ia matana na ina dava ai mo e hagerea.²⁷Abidadama dainai, Mose ese Aikupito e rakatania dia hanua pavapavana ese e badu henia dainai to e haheauka badina e kara ia ese asita itaiamu Diravana vada e itaia. ²⁸Abidadama dainai, ia ese lagau hanai karana e badinaia bona rara danu e nevari, unu ese ala-ala aneru na ese memero roboa dia basine daudia toho.²⁹Abidadama dainai, idia ese Davara kakana e rakaia hanai tano kaukauna amo e raka hanai na heto. Aikupito taudia eto unu bae raka toma, to neganai, davara ese e hadonodia. ³⁰Abidadama dainai, Ieriko maguna e keto, dina hitu e rakaia hegege murinai. ³¹Abidadama dainai, mata bodaga hahinena, ladana Rahaba na egwau ede-ede taudia ida se mase badina ia ese hasinadoa taudia maino ai eabidia dae dainai.³²Ma dahaka baina gwauraia? Badina nega na lasi bema lau ese ini idia baina herevalaidia, Gideon, Barak, Samson, Jephthah, Davida, Samuel danu peroveta taudia, ³³Abidadama amo tanobada basileia dia e hadarere diava, kara maoromaoro e karava, bona gwauhamata eabiva. Idia ese Leona ududia ehakapudiava, ³⁴lahi siahu dia e habodova, dare matadia amo e roho mauriva, edia gorere e hanamodiava, tuari ai goada heherea bona inai dia edia tuari oreadia e hadarerediava,³⁵Hahine ese edia mase e louva badina be e toreisi louva dainai. To haida be e hahisihisi diava, bae ruhadia danu seurava, badina toreisi namo hereana bae dibaia urana, ³⁶bona haida be e kirikiri lai diava bona e kwadidiava, auri ai e guidiava danu bona e hadiburadiava. ³⁷Nadi ai e hodo dia maseva, e hapararadiava iri amo, e tohodiava bona dare amo e aladiava e loava, mamoe kopidia bona nani kopidia e riova, ogogami, e hahisihisi diava bona se karadia namonamova. ³⁸Idia na dia hegeregere tanobada ai bae noho; e loava tano gagaedia ai bona ororo ai, koura ai bona guri ai e nohova.³⁹Ini taunimanima na Dirava ese e hanamodia edia abidadama dainai to gwauhamata na seabia. ⁴⁰Dirava ese gau namo hereana ta e haeroa ita eda, una na idia bona ita na nega tamona baita maoromaoro

Chapter 12

¹Una dainai, badina be hutuma ese eda hereva bona kara eitamu dainai, ita ese ehametauda haragamu karadikadia na baita atodia tabe. Mai aheaukada ida baita heau vairada ai e atoa heau heluluna lalonai. ²Eda lalohada na Iesu, ita eda abidadama e matamaia bona e hagoevagoevaia tauna, enai baita atoa. Iesu na gabeai baine vara moalena dainai, satauro hisihisina hemaraina e haheauka henia, bena gabeai Dirava ena terona idibana kahana ai e helai. ³Una dainai Iesu na ba lalohadailaia, Ia na kara dika taudia edia dagedage Ia enai e haheauka henidia, bena umui na basio manoka kudoumui ai bena ba hebalarea.⁴Umui ese karadika idadaraina hededegwana ai raramui na do asine diho. ⁵Bona umui ese natu hegeregeredia e hagoadamui ahegoadana na vada o laloaboio, eto. "Natugu e, Lohiabada ena matahakani emui ai na basio laloa maragi bona basio manoka bema emui kerere dainai e hahisihisimuimu. ⁶Badina be Lohiabada ese e lalokau henidiamu taudia iboudiai matahakani e henidiamu, bona e abidiadae natuna ai ela taudia iboudiai na Ia ese edia kerere ahudia hisihisina e henidiamu.⁷Matahakani hisihisina na ba haheaukalaia. Dirava ese e kara henimuimu na tama ese natu e kara henidiamu bamona. Be edena natu na tamana ese matahakani asine heniamu? ⁸To bema matahakani basio abi taunimanima iboudiai eabi hegeregerena, umui na dia natu korikori bona umui na dia Ia natuna.⁹Ina latanai danu, ita na tamada, tauanidia ai e havarada taudia, ese matahakani e henida bona ta matauraidia. Ita be vada lauma tamadia enai siboda basita heni lao badabada bena baita mauri? ¹⁰Badina be momokani vaitani ita tamada, tauanidia ai e havarada taudia ese nega sisina ai mo matahakani e henida, idia ese e laloava namo hegeregerenai. To Dirava ese matahakani e henidamu na ita eda namo dainai, unu amo ita Ia ena helaga baita abia herahia. ¹¹Momokani vaitani matahakani iboudiai e henimu negadia ai, na e kara dia lalo-moale gauna a mai hisihisina hari. A - to gabeai matahakani ese kara maoromaoro huahuana mai mainona e havaraiamu, matahakani amo e haheaonegadia taudia eidia.¹²Una dainai imamui e heveriveri imadia na ba hagoadadia bona tuimui e manoka tuidia danu. ¹³Aemui palapaladia edia raka daladia be ba hamaoromaordia bena e magigi ae-palapalana na basine heride to baine goada guguru.¹⁴Taunimanima iboudiai ida maino ai ba noho maurina ba guna henia bona ba helaga, badina bema helaga maurina lasi neganai ta ese Lohiabada basine itaia. ¹⁵Ba heita ta ese Dirava ena hariharibada ai basine dabu, bona heiriheiri ramuna iditana na basine tubudae ihahekwakwanaimui totona, bena ina ese taunimanima momo na do bae hadikamui. ¹⁶Ba heita, taunimanima ta basine matabodaga eiava dia Dirava se hagoiamu taunimanimana Esau hetomana, aniani dainai sibona ese ena vara roboana e hoihoilaia oho. ¹⁷Badina be mai dibamui, Esau na gabeai eheuradai ena maoro hahenamona baine abia neganai na e dadaraia, badina ia na helalokerehai se ura, ena be una hahenamo na mai tai dikadikana ida e uralaiava.¹⁸Badina be umui omai henia gauna na dia imamui ai ba dautoho diba gauna, dia lahina e hururumu, dia dibura-kobo, dibura bona dikadika, ¹⁹bona dia kibi regena ta, eiava dia ere ta, e herevamu herevadiai e kamonaimu taudia ese e noiamu hereva ta ma basine gwauraia erena, ²⁰badina be idia na e hagnidia herevana eto; "Ena be bema manu ta ese ina ororo baine dauatoho, una manu na nadi ai bae hodoa," herevana na asie abia goada. ²¹Ina gabu oromana na mai garina bada dainai Mose eto, "Lau na gari dikadikamu bona na heudeheudemu."²²A to lasi, umui na oma Siona ororona bona oma e maurimu Diravana ena hanua, Ierusalema guba hanuana, bona aneru gerebu gerebu e moale heboumu gabuna oma, ²³bona vara-roboa, ladadia guba ai vada ehetore taudia, edia hegogo gabuna oma, bona taunimanima iboudiai edia Hahemaoro Diravana dekana oma, bona, bona ekara maoromaoro bona vada e hagoevagoevadia taudia laumadia dekedia oma, ²⁴bona Iesu taravatu matamatana ihahemaorolaina tauna dekena oma, bona vada ehenevarilaia rarana - gadona Abela rarana gadona ehereaia rarana omai henia.²⁵Ba heita, umui ese e herevamu tauna basio dadaraia. Bema ina tanobada ai ahegani ehenida tauna erena e dadaraia bena asie roho-mauri, ita be ma ede baita roho-mauri toma bema guba amo ahegani baine henida tauna baita rakaia-muri? ²⁶Bega ta ai na Ia gadona regena ese tanobada e ude-udea to harihari Ia ese vada e gwauhamata henida, etomamu, "Do nega tamona, lau ese dia tanobada mo baina ude-udea to guba danu."²⁷To ini hereva, "Do ma nega tamona," anina na e ude-ude gaudia bae abidia oho, eiava anina na, e karadia ima-karakara gaudia bena asi e ude-ude dia gaudia na bae mia. ²⁸Una dainai badina ita na basie e ude-ude diba basileiana tabiadaemu dainai, aita lalo-namo bena lalo-namonai baita domadiho. Dirava e hamoaleamu dalana ai, mai hematauraida bona mai garida ida. ²⁹Badina be eda Dirava na heara-ore lahina.

Chapter 13

¹Heura-heni na bogaragimui ai baine hesiriu. ²Idau taudia iabidaedia basio lalo boio badina be una kara dainai, haida ese aneru vada eabidiadae, a asi dibadia unu be aneru.³Dibura rumadia ai e hekoumu taudia ba lalodia umui danu idia ida bema koumui hebou na heto. E hahisidiamu taudia danu ba lalodia badina be umui danu mai taunamui. ⁴Taunimanima iboudia ai ese headava bae matauraia, mahuta gedana basie hadikaia, badina be Dirava ese herahe-dadi taudia bona heuda hanai taudia do baine hahemaoro henidia.⁵Lalomui ai moni basio hekise hekise henia, a dekemui ai mimia gaudia na bavabi, badina be Dirava eto, "Lau na basina negemu, bona basina rakatanimu." lasi ona lasi vaitani. ⁶Una dainai mai goadada ida baita ato,"Lohiabada na egu hekaha; Lau na basina gari. Taunimanima ese ede bae hadikagu toma?"⁷Ihakaumui taudia, Dirava ena hereva e hadibalaimui taudia, na ba lalodia. Edia abidadama ba haeroa. ⁸Iesu Keriso the varani, ina harihari dia idau, bona basine idau ela bona hanaihanai⁹Hahediba idau-idau dia ese basie hakaumui kerere. Badina be ina na namo hariharibada ese laloda baine ha-auka dia aniani gaudia ese, unu gau ese e badinava taudia asie hanamodiava. ¹⁰Ita na mai eda pata helagana guriguri kalagana ena hahelaga taudia na unu amo basie aniani diba. ¹¹Badina be mauri gaudia raradia na hahelaga tauna badana ese helaga herea gabuna ai e vareailaia, kara dika iabi-ohodia tau-anidia na taruha murimurinai e gole oho.¹²Unuhetomana Iesu danu ikoukou murimurinai e mase, ia sibona rarana amo bese taudia baine hahelagadia helaoreana. ¹³Una dainai, ita na ia dekena baitala, taruha murimurinai, ia hemaraina danu baita huaia. ¹⁴Badina be iniseni ai ita na asi eda mia-hanaihanai hanuana, a mia-hanaihanai hanuana, gabeai baine hedinarai gauna, ta tahuamu.¹⁵Ia lalonai, nega idoidiai Dirava baita iheatolaia eda boubou gauna ai baita halaoa; ududa bibinadia ese ia ladana bae imodaia. ¹⁶Kara namo bona kohu ireguna na basio rea, badina be Dirava ese helaga karadia ene hetomadia e moalelaimu. ¹⁷Ihakaumui taudia ba kamonai henidia bona ba matauraidia. Badina be idia ese umui laumamui e gimadiamu, edia kara anidia bae gwaurai hedinarai taudia na heheto. Unu bae kara toma mai moaledia ida baine namo; a mai ganaganana ida bae karaia negana ai na emui ai anina taina basine vara.¹⁸Ba guriguri daimai ai, badina ai a tomamu lalomai na gogoeva-gogoeva bona auramu gau idoidiai baia kara maoromaoro. ¹⁹Launa na noimuimu unu ba kara toma bena ma baina vasi haraga-haraga.²⁰Maino Diravana, mamoe iregudia tauna badana, Iesu Keriso, mia hanaihanai herohemainona rarana dainai mase amo e hatorea isi lou Diravana, ese ²¹gau namodia idoidiai baine hanamolaimui guguru; bena umui ese iena ura ba kara, bona ia ese e moalelaimu gaudia na umui lalomui ai baine havara.²²Lau na noimuimu, tadikakagu e, egu hahealo herevadia bavabi dae, badina be hereva dia hoho vada name tore henimui. ²³Ba diba tadikakada, Timoteo vada e ruhaia nege, Ia bema mai haraga, raruosi baiama vasi itamui.²⁴Ihakaumui taudia iboudiai bona helaga taudia iboudiai ba hanamodia. Italy taudia ese e hanamomuimu. ²⁵Hariharibada na iboumui ai emui ai baine mia.

Revelation

Chapter 1

¹Iesu Keriso iha-hedinaraina herevana, Dirava ese e henia asi vanahana bae vara gaudia na ena hesiai taudia baine hamaorolaidia. Bena ena aneru e siaia ena hesiai tauna Ioane e haheitalaia. ²Ioane ese Dirava ena hereva bona Iesu Keriso ena hereva bona e ita gaudia iboudia ai e gwaurai hedinarai. ³Ini peroveta herevadia baine duahi tauna baine namo, bona bae kamonai taudia danu bae namo bona ina buka ai e tore herevadia bae badina taudia danu bae namo badina be ini gau iboudia ai be varamu negana vada eme kahikahi.⁴Lau Ioane, ekalesia oreadia hituosi Asia ai: Harihari bada bona maino bavabi e nohomu, e nohova, bona baine noho, bona ena terona vairana ai e ginimu laumadia hahituosi edia amo,⁵bona Iesu Keriso ena amo, ia na gwau maoro tauna namona, bona tore-isi lou roboana mase amo, bona tanobada pavapava dia biagudia. E ura henidamu eda karadika na rarana amo e huri oho tauna. ⁶Ia ese basileia ta e karaia ena hahelaga tauda ai e halaoda Dirava bona Tamada ena hairai bona siahu bae mia ela bona hanaihanai. Amen.⁷A itaia, ia na ori amo be maimu, mata iboudiai ese bae itaia e gwadaia taudia danu bae itaia. Tanobada bese iboudiai ese ia dainai bae tai. Momokani, Amen. ⁸Lohiabada Dirava na e tomamu (e gwaumu) "Lau na Matamana bona Dokona," Ia na e nohomu, e nohova, bona do baine noho, siahu idoinai Diravana.⁹Lau, Ioane umui tadikakamui hisi-ani ai bona basileia ai bona haheauka ai, Iesu bagunai, motumotu ta ladana Patimo ai na nohova, Dirava ena hereva bona Iesu ena hereva e gwaurai hedinaraiva daidiai. ¹⁰Bena Lohiabada ena dina ai Lauma ese e rohegu bena murigu ai gado badana ta, kibi regena na heto, na kamonai; ¹¹eto, ini ome ita gaudia na buka ai ba tore ekalesia oreadia hituosi dekedia basiai lao, ekalesia dia bini. Efeso, Semurana, Peregamo, Tuatira, Filadelfia, Laodikea.¹²Bena na gini kerehai, e hereva henigu tauna baina itaia nato. Bena gold lamepadia hahitu na ita, ¹³lamepa bogaragidiai ta e gini, e kara taunimanima natuna na heto, ena dabua na lata, ela bona aena, kemena na gold torana e gegea.¹⁴Kwarana bona huina na kuroka-kuroka, mamoe huina na heto, eiava snow na heto. Matana na lahi na heto. ¹⁵Aena na auri labora-labora e kimore-kimore na heto, lahi ai e havevea gauna negana ai gadona na sinavai momo regedia na heto. ¹⁶Imana idibana ai hisiu hitu e abi. Dare ta kahana-kahana mai ganodia gauna, uduna amo e lasi. Vairana na dina e tara na heto.¹⁷Ia na itaia, bena aena badinai na goru diho e kara na mase na heto. A ia ese imana idibana taugu ai e dau kau, eto,"Asio gari. Launa matamana bona dokona,¹⁸bona mauri tauna lau, na mase, to a itaia, na maurimu bona baina mauri hanaihanai! Mase key na bona mase taudia edia gabu key na na imagu ai.¹⁹Una dainai, ome ita gaudia ba tore, bona e maimu gaudia bona do bae vara gaudia bini. ²⁰Hisiu hitu imagu idibana ai o itamu, bona gold lamepadia: Hisiu hituosi na ekalesia hituosi edia aneru, bona lamepa hituosi na ekalesia oreadia hituosi.

Chapter 2

¹Ekalesia oreana Epeso ai ena aneru ini ba tore henia toma: Hisiu hituosi imana idibana ai e dogo taomu bona gold lamepadia auhituosi, bogaradiai e loa tauna ena hereva bini: ²"Mai dibagu emu gaukara bona emu hededegwa bona emu haheauka, bona karadika taudia o dadaraidiamu.³Dibagu oi na o haheaukamu, o hisihisimu badina lau ladagu dainai bona so hesikumu. ⁴To inana na lodulai henimumu emu lalokau gunana vada o rakatania. ⁵Ba laloa vada o morutania gabunai. Ba helalokerehai emu gaukara gunadia ma ba kara. Bema lasi, lau na baina vasi bona emu lamepa gabuna amo baina abia oho - bema oi basio helalokerehaimu neganai.⁶A emu sina bina: Nikolaita taudia edia gaukara o inai henimu, lau ese danu na inai-amu. ⁷Mai taiana tauna ese Lauma ena hereva ekalesia oreana ediai baine kamonai. Kwalimu tauna lau ese maoro baine henia mauri auna amo huahua na baine ania, Dirava ena paradaiso lalonai.⁸Ekalesia oreana Semurana ai ena aneru ini ba torea henia toma: Gini-gunana bona gini-gabena, e mase bona ma e mauri lou, tauna ena hereva bini: ⁹"Mai dibagu emu hisihisi bona emu ogogami (A oi na taga taumu), bona ere dika taudia sibodia Iuda taudiai e hahelaomu, to idia na lasi. A, idia na Satani ena dubu taudia.¹⁰Bavabi hisidia na garidia basio gari. Aitaia! Diabolo na e hegaegaemu umui haida dibura rumanai baine koumui bena baine dibaganimui, bona ba hisihisi dina gwauta. Ba heabidadama ela bona mase, bena mauri ena kwara-havava baina henimu.¹¹Mai taiana tauna ese Lauma ena hereva ekalesia oreana ediai baine kamonai. Kwalimu tauna na mase iharuana ese basine hadikaia.¹²Ekalesia oreana Peregamo ai ena aneru ini ba tore henia toma: Dare kahana kahana e abia tauna ena hereva bini: ¹³"Emu noho gabuna na dibagu, ena terona na eneseniai. Dounu oi ese lau ladagu ba hekamo tarika-tarika bona o abidadama henigumu, egu hereva e gwaurai hedinaraiva mai momokanina tauna, Antipa bogaragimui ai, e alaia mase, Satani ena noho gabunai.¹⁴A gau ta ta na lodulai henimumu: bogaragimui ai haida ese Balaam ena hahediba herevadia e badinamu, una tau ese Balak e hadibaia bena hekwakwanai gauna ta Isaraela taudia, edia dala ai etoa bena idia ese kaivakuku iboulaina vamudia e aniva bona e heuda hanaiva. ¹⁵Haida danu dekemui ai ese Nikolaita taudia edia hahediba herevadia eabi dae.¹⁶A helalokerehai! bema lasi, baina vasi haraga dekemui, udugu darena amo baina tuari henidia. ¹⁷Mai taiana tauna ese Lauma ena hereva ekalesia oreana ediai baine kamonai. Kwalimu tauna na mana e hunia gauna, baina henia bona nadi kurokurona ta baina henia una nadi ai lada matamatana ta e hetore, ta asi dibana herevana a iabina tauna sibona mai dibana.¹⁸Ekalesia oreana Tuatira ai ena aneru ini ba tore henia toma: Dirava Natuna, matana na lahi hururu-huruna na heto bona aena na auri labora-labora e kimore-kimoremu na heto, ena hereva bini: ¹⁹Mai dibagu emu gaukara, emu lalokau, emu abidadama, emu heduru bona emu haheauka. Emu kara gabe dia ese emu kara gunadia danu e hereamu.²⁰To inana na lodulai henimumu: Asio gwaua tubumu hahinena Iesabel, sibona peroveta hahinena ai e hahelaomu. Egu hesiai taudia e hadibadia kereremu bona e hakaudia kereremu bona kaivakuku iboulaidia vamudia e animu bona e heuda hanaimu. ²¹Lau na ena nega vada na heni baine helalokerehai, a ena lebulebu karadia irakatanidia seuramu.²²Aitaia! Lau ese gorere patana ta ai baina tahoa kau, bona ia idia e heuda hanaimu taudia basie helalokerehai negana ai idia danu baina hahisihisidia bada. ²³Lau ese natuna danu baina aladia mase, bena ekalesia oreadia iboudiai na bae diba lau na taunimanima edia lalohadai bona lalodia (kudoudia) na tahumu, bona umui danu ta ta davamui baine henimui ta ta ena kara, ena kara hegeregeredia ai.²⁴A umui hahidaosi Tuatira ai unu hahediba herevadia asio abidae, bona Satani ena dobu gabudia asi dibamui taumui - emu ai na tomu, 'Lau ese maduna idauna ta pagamui ai basina atoa kau.' ²⁵A vada oabia gauna ba kahua tao tarika-tarika ela bona lau baina vasi.²⁶Kwalimu tauna egu kara baine badina ela bona dokona tauna na siahu baina henia. Ia ese tanobada besena baine lohiadia, ²⁷auri itotohina amo baine regudia. Uro e huari kohikohimu na heto ia ese baine huaridia. Lau danu siahu unuhetomana Tamagu ena amo vada na abia. ²⁸Bona hisiu bada danu baina henia. ²⁹Mai taiana tauna ese Lauma ena hereva ekalesia oreadia ediai baine kamonaia.

Chapter 3

¹Ekalesia oreana Sadi ai ena aneru ini ba tore henia toma: Dirava ena lauma hituosi e abimu tauna ena hereva bini: Emu kara na dibagu. E herevalaimumu o maurimu e tomamu, to vada o mase. ²Ba noga bena mia gaudia bona be masemu gaudia, ba regu namonamo badina be emu kara maoro-maorona ta Dirava vairanai asina davaria.³Ba laloa tao, dahaka oabi dae bona o kamonai. Ba badina, bona bahelalokerehai. A bema basio noga (gima), lau na bavasimu henao tauna na heto, bona egu vasi horana danu basio dibamu. ⁴A tata ese eneseni ai (Sadi ai) edia dabua asie hamiro taudia, na lau ida baia raka hebou, dabua kurokurona bae hahedokilai, badina idia na nanamo.⁵Kwalimu tauna ese dabua kurokurona baine hahedokilaia, bona lau ese ladana basina rohoa Mauri Bukana amo, bona ia ladana baina gwauraia Tamagu vairanai, bona ena aneru vairadiai. ⁶Mai taiana tauna ese Lauma ena hereva ekalesia oreana ediai baine kamonaia.⁷Ekalesia oreana Filadelfia ai ena aneru ini ba tore henia toma: Helaga, hereva momokani tauna, Davida ena key e abimu tauna, e kehoamu bona ta ese basine kouamu tauna, bona baine koua bona ta ese basine kehoa, ena hereva bina: ⁸Mai dibagu emu gaukara. Aitaia, iduara ta vada vairamu ai na kehoa tau ta ese basine koua diba. Badina emu goada na dia bada, to egu hereva vada o badina bona ladagu so gorea.⁹Aitaia! lau ese Diabolo ena dubu taudia sibodia Iuda taudia ai e hahelaomu to idia na lasi, idia na koikoi taudia - baina tuidia baema bona bae goru diho oi aemu badinai, bona bae diba lau ese na lalokau henimumu. ¹⁰Egu haheauka herevana vada o badinaia dainai tanobada idoinai baina dibaia bona tanobada taudia baina dibadia negana ai na oi baina hamaurimu. ¹¹Lau na bavasi haragamu. Vada oabia gauna ba dogoa tao tarika-tarika bena tau ta ese havava (crown) emu amo basine dadia.¹²Kwalimu tauna na egu Drava ena dubu duna ai baina halaoa. Unu amo ia na basine raka lasi lou, bona eguDirava ladana na ienai baina torea, egu Dirava ena hanua ladana danu (Ierusalema matamatana guba amo, egu Dirava ena amo, e dihomu), bona ladagu matamatana. ¹³Mai taiana tauna ese Lauma ena hereva ekalesia oreana ediai baine kamonai.¹⁴Ekalesia oreana Laodikea ai ena aneru ini ba tore henia toma: Hereva momokani tauna, dibana tauna bona mai momokanina ida Dirava ese e kara gaudia roboana, ena hereva bini: ¹⁵Mai dibagu emu gaukara, bona oi na dia keru eiava dia siahu! Na lalomu boma keru eiava boma siahu bema namo. ¹⁶Una dainai, oi na maivalo (Lukewarm), dia siahu bona dia keru, lau na udugu amo oi baina lorimu lasi.¹⁷Badina be oi na o tomamu, lau na taga taugu, mai egu kohu momo, bona lau na gau ta ai asina dabumu.' A asi dibamai oi na dika rohoroho, ihareha, ogogoami, kepulu bona gagaemu mo. ¹⁸Lau ese na haduamumu egu ai gold ba hoi lahi ese vada e hagoevaia gauna bena taga taumu ai baola, bona dabua kurokurona danu ba hoia bona ba hahedokilaia bena basio hemarai asi ramimu dainai, bona mata muramurana danu ba hoia, ba dahulai bena gau ba ita.¹⁹Lau na sisiba henidia bona na dadabadiamu taudia na ura heniadiamu. Una dainai lalomu ba siahua bona ha helalokerehai. ²⁰A itaia, lau na iduara badinai na ginimu na pidipidimu. Eregu baine kamonai bona iduara baine kehoa tauna enai baina raka vareai, ia ida baina aniani hebou.²¹Kwalimu tauna na baina abia dae, lau ida egu terona ai, baia helai hebou lau hegeregeregu na kwalimu bena Tamagu ida ena terona ai a helai hebou. ²²Mai taiana tauna ese Lauma ena hereva ekalesia oreana ediai baine kamonai.

Chapter 4

¹Ini gau muridiai na roha lao guba ai iduara ta e hekeho na itaia bona ere na kamonai guna gauna, kibi regena na heto, ese e hereva henigu eto, A dae aoma gabe ai bae vara gaudia baina haheitalaimu. ²Lauma ese e rohegu, bena guba ai terona ta na itaia bona ta latanai e helai kau. ³E helai kau tauna ita-itana na iaspi bona sadio nadi dia na heheto bona kevau ese terona e gegea dae, ita-itana samarago nadina na heto.⁴Terona rau-hui hani ese terona badana e laia hegege bona heitatao taudia rua-hui hani unu terona latadia ai e helai kwaradia na mai havava gaudia gold gaudia. ⁵Terona amo kevaru bona ere guba rahu-rahu e lasi bona terona vairana ai lamepa auhitu e ara mai hururu-hururu dia, Dirava ena Lauma hahituosi gaudia bunu.⁶Bona terona vairanai danu davara hevarivari na heto e mia. Bona terona lalonai bona hegegenai mauri gaudia hani mimia, vairadia kahadia ai, bona muridia kahadia ai matadia na momo.⁷Mauri gauna gini-gunana na leona na heto, iha-ruana na boromakau natuna ta na heto, iha-toina vairana na ta taunimanima vairana na heto, iha-hanina na ugava e rohomu na heto. ⁸Idia haniosi hanidia na tauratoi amo, murimuridia ai bona lalodia ai matadia na momo. Idia na dina hanuaboi lagadia asie animu, e herevamu e tomu, Helaga, Helaga, Helaga Lohiabadana Siahu idoinai Diravana E nohova, e nohomu bona baine noho.⁹Bena hari mauri gaudia ese Mauri Hanaihanai Diravana terona ai e helaimu na e imodaiamu bona e heatolaiamu bona e hanamoamu negadia ai, ¹⁰ heita tao taudia rua-hui haniosi ese terona ai e helaimu Diravana vairana ai e goru dihomu Mauri Hanaihanai Diravana e toma diho heniamu edia havava gaudia na terona vairanai e nege dobimu e tomu. ¹¹Emai Lohiabada emai Dirava e namona binai. Hairai bona hemataurai bona siahu bavabi. Badina be oi ese gau iboudiai o havara. Emu ura dainai o kara dia bona e miamu.

Chapter 5

¹Bena na itaia terona ai e helai tauna imana idibana ai be buka ta lalonai bona murimuri kahana ai danu revareva e hetore bukana e hekou kunuka-kunuka ikouna toadia na hitu. ²Bena aneru goadana ta na itaia e hereva badabada eto, Daika na hegeregere ina buka baine kehoa bona ikoudia toadia baina hamotu.³A guba ai bona tanobada ai bona tanobada henunai ta asi goadana buka baine kehoa bona lalona baine itaia.⁴Bena na tai dikadika badina be ta asi goadana buka baine kehoa bona lalona baine itaia. ⁵Bena heitato tauna ta ese e hereva henigu eto, asio tai Iuda iduhuna ena Leona Davida ramuna vada e kwalimu ia ese buka baine kehoa bona ikouna toadia hituosi baine hamotu.⁶Bena terona bona mauri gaudia haniosi padadia ai heitatao taudia bogaragidiai Mamoe Natuna ginina ai na itaia e kara vada e alaia mase na heto. Doana na hitu matana danu hitu Dirava ena Lauma hituosi tanobada hegegemadai e saidia lao gaudia bunu. ⁷Ia na ema terona ai e helai Tamana idibana amo buka eabia.⁸Buka eabia bena mauri gaudia haniosi bona heitatao taudia ruahui-haniosi na Mamoe Natuna vairanai e goru diho. Idia ta ta mai edia gitara bona mai edia gold urodia, unu uro be e gabumu bena bonadia e daemu muramuradia ai e honuhonu dae helaga taudia edia guriguri bunu.⁹Bena ane matamatana eabia eto:Oina hegeregere buka bavabiabona ikouna toadia ba hamotu.Badina be e alamu mase,bona raramu danu taunimanima o hoilaidia,Dirava ena iduhu iboudiai, gado iboudiai, hanua iboudiai, bese iboudiai amo;¹⁰Pavapava bona hahelaga taudia ai o halaodiaEda Dirava vairana aiBona tanobada ai bae lohia.¹¹Bena na roha lao bona aneru hutuma gadodia na kamonai idia ese terona bona mauri gaudia haniosi bona heitatao taudia e ginidia hegege daha, daha, gerebu, gerebu. ¹²Idia na e lolo badabada eto, "Mamoe Natuna e alaia mase ia hari namo siahu bona taga bona goada bona hemataurai bona hairai bona hahenamo baine abi.¹³Bena e kara gaudia iboudiai guba ai bona tanobadai bona tanobada henunai bona davara ai bona lalodia gaudia iboudiai eredia na kamonai eto, "Terona ai e helaimu Diravana bona Mamoe Natuna na hahenamo bona hemataurai bona hairai bona siahu bae abi hari ela bona hanaihanai. ¹⁴Bena mauri gaudia haniosi eto, 'Amen' Bona heitatao taudia e goru diho e toma henia diho.

Chapter 9

¹Bena aneru iha imana ena kobi vada e hiriria, bona lau ese hisiu ta na itaia guba amo vada e moru tanobada ai. Hisiu be dobu masemase gurina kina vada e henia. ²Ia ese dobu masemase gurina vada e kehoa, bona guri amo kwalahu e dae e karamu amu badadia kwalahudia na heto. Guri amo e lasiva kwalahuna ese dina bona guba vada e havaburadia.³Bena kwalahu lalona amo kwadi vada e lasi tanobada latanai, bona siahu e henidia tanobada doadoadia e henidia siahudia na tanobada siahudia na heto. ⁴Idia vada e hamaorodia, tanobada avadia eiava tanobada ai e tubumu gaudia eiava audia na basie e hadika, a Dirava toana bagudiai lasi taudia toadia mo.⁵Idia na se hamaorodia unu taunimanima bae aladia, a hua ima mo bae hahisihisidia. Edia hisihisi na doadoa ese taunimanima e koridiamu hisidia na heto. ⁶Unu dinadia ai taunimanima ese mase bae tahua, a basie davaria. Idia bae ura dikadika bae mase, a mase edia amo baine heau-oho.⁷Kwadi oromadia be tuari hosidia na heheto. Kwaradiai be e karamu golo korona dia na heheto, bona vairadia be taunimanima vairadia na heheto. ⁸Idia huidia be hahine huidia na heheto, bona isedia na leona isedia na heheto; ⁹idia kemedia be auri na heheto, bona hapedia regedia be kariota bona hosi momo tuari ai e heaumu regedia na heheto.¹⁰Idia iudia be mai duridia, doadoa na heheto, bona iudia lalodia be taunimanima hua ima bae hahisihisidia siahudia eatodia. ¹¹Idia edia pavapava be guri dobu masemasena aneruna. Ia ladana Heberu gadonai be Abaddon, bona Helena gadonai ia ladana be Apolio. ¹²Dika matamana vada e ore, Aitaia! Gabeamo dika rua na dounu be maimu.¹³Bena aneru iha tauratoina ena kibi vada e hiriria. Bona gado ta na kamonai Dirava vairanai e miamu golo patana doadia edia amo e maimu. ¹⁴Gado ese aneru iha tauratoina mai kibina ida, e hamaoroa eto, "Eufrate sinavaina badana ai e guidia anerudia haniosi ba ruhadia-nega." ¹⁵Bena aneru haniosi vada e hahegaegaedia una hora, una dina, una hua, una lagani, vada e ruhadia-nege badina taunimanima kahana toi do bae aladia.¹⁶Tuari taudia hosi ai egui be gerebu sinahu-rua. Lau ese edia numera vada na kamonaia.¹⁷Harihari be lau ese egu matahanai lalonai hosi bona latadiai egui taudia ini na itadia toma, kemedia auridia be (lahi kakakakadia, vaiurivaiuri, sulfur laboralaboradia). Hosi kwaradia be leona kwaradia na heheto, bona ududia amo lahi, kwalahu bona sulfur e lasiva.¹⁸Taunimanima kaha toiosi be ini hahedika toiosi: lahi, kwalahu bona sulfur idia ududia amo e lasi ese vada e aladia mase. ¹⁹Badina hosi edia siahu be ududiai bona iudiai - badina iudia na gaigai mai kwaradia na heheto bona unu amo idia ese taunimanima e haberodiava.²⁰Taunimanima oredia iboudiai, ini hisihisi ese asie hamasedia, na do se helalokerehai edia ima-karakara gaudia amo, unu amo idia ese lauma dikadia bona kaivakuku itomadio henidia daladia amo, bena idia ese golo, siliva, bronze, nadi bona au - ini gau ese basie ita dibamu, basie kamonaimu dibamu, basie raka dibamu. ²¹Bona, idia na edia ala-ala amo, edia babalau amo, edia heudahanai amo, edia henaohenao karadia amo, do asie helalokerahai.Translation done by: Elder Peter English, on Monday (25/09/23), time: 8.09 am, ready for quality checking.

Chapter 10

¹Bena lau ese goadabada aneruna ta ma na itaia guba amo e diho e maiva. Ia be ori e hahedokilaia, kwarana daenai be kevaru ta. Ia vairana be dina na heto bona aena be lahi du-udia na heheto. ²Ia na buka maragina ta vada eabia, una be hekeho ia imanai. Ia aena idibana palapalana be davara latana ai eatoa bona aena laurina palapalana be tano latana ai eatoa.³Bena ia vada gadona badana ai e lolo isi e karamu leona ta e gigiva na heto. Ia e lolo neganai ai, guba-rahurahu hitu-osi sibodia gadodia amo e hereva lasi. ⁴Guba rahu-rahu hitu-osi e hereva lasi neganai, lau nato baina toredia, a gado ta na kamonaia guba amo, e tomamu, "Guba rahu-rahu hitu-osi edia hereva na ba hunidia. Basio torea diho."⁵Bena lau ese na itaiava aneruna davara ai bona tano ai e gini imana idibana vada eabia isi guba e dudui henia.⁶Ia vada e gwauhamata noho-hanai Diravana, guba mai anina idoinai e karaia, tanobada mai anina idoinai, bona davara mai anina idoinai, e karadia ladanai, eto, "Nega halahena na lasi. ⁷A aneru ihahituna erena dinadiai, ena kibi do baine hiriria neganai, Dirava ena hereva hehunina do bae momokani, ena hesiai peroveta taudia sivarai namo e hamorolaidia hegeregerena."⁸Bena gado guba amo na kamonaia ese vada e hereva henigu bona e hamaorogu, eto, "Aola, davara ai bona tano ai e ginimu aneruna imana amo buka hekehona na bavabia." ⁹Bena aneru dekena vada nala bona na hamaoroa buka maragina na baine henigu. Ia eto, "Avabia bona avania. Bogamu na be haiditaiamu, a udumu ai be bada-ranuna digarana na heto."¹⁰Bena buka maragina aneru imana amo vada na abia bona na ania. Udugu ai digarana be bada-ranuna na heto. Vada na ania murina ai, lau bogagu vada e idita. ¹¹Bena taunimanima ta ese e hamaorogu, e tomava, "Oi na taunimanima momo, bese momo, gado momo, bona pavapava momo daidiai ba peroveta lou."Translation done by: Elder Peter English, on Monday (25/09/23), time: 8.09 am, ready for quality checking.

Chapter 11

¹Bena siriho ta vada e henigu baina gaukaralaia hahetoa auna na heto. Vada e hamaorogu, eto, "Atore-isi bona Dirava ena dubu bona pata helagana, ba hahetoadia bona lalonai e tomadihomu taudia ba hagaudia.²A dubu murimurina na basio hahetoaia, badina ina na Bese idaudia taudia vada e henidia. Idia ese hanua helagana na hua hariahui-rua do bae moimoilaia.³Bona lau ese egu hereva igwauraina taudia raruosi siahu baina henidia, bona idia edia puse dabuadia e hahedokilaidia amo dina daha-ta sinahu-rua tauratoi-ahui do bae peroveta." ⁴Ini na olive audia rua bona lamepa rua e atodia kaumu tanobada lohiana vairanai e ginimu. ⁵Bema ta ese ihadikadia urana baine ura, lahi ududia amo bae lasi bona e inai henidiamu taudia do bae hamasedia. Bena ta e uramu baine hadikadia, ia na ini do baine mase toma.⁶Idia na mai edia maoro guba bae koua unu amo medu na basine diho idia edia peroveta dinadia ai. Idia na mai edia siahu ranu bae girodia rara ai baela bona tanobada ai dika gaudia idauidau bae havara edia ura negadiai. ⁷Edia gwaurai lasi herevadia (haroro) vada bae guguru neganai, dagedage manuna guri dobu masemasena amo e daemu ese baine tuari henidia. Ia ese baine tuari henidia bona baine hadareredia bona baine aladia mase.⁸Idia tauanidia badina na hanua badana dalana ai bae mia (anina na Sodoma bona Aikupito toadia) unuseni ai danu edia Lohiabada vada e hasatauroa. ⁹Badina dina toi mai dina kahana taunimanima haida taunimanima idauidau amo, iduhu idauidau amo, gado idauidau amo, bese idauidau amo ese tauanidia do bae itadia, bona gara ai iguridia do bae laodia-ahu.¹⁰Bona tanobada ai e nohomu taudia ese bae moale laidia bona bae hisidae. Idia ese harihari gaudia ta ta bae siai henidia badina be ini peroveta taudia raruosi ese tanobada ai e nohova e hahisihisidiava. ¹¹A dina toi mai dina kahana ai Dirava ena mauri hodahodana ediai do baine vareai, bona idia na aedia ai do bae ginitore, bona bae itadia taudia na gari badaherea ese bae butudia tao. ¹²Bena idia ese gado badana ta guba amo e kamonai e hamaorodia, eto, "Ini a dae mai!" bena idia na ori amo bae dae guba lalonai, inaidia taudia ese e itadiava lalonai.¹³Una hora lalonai tano-laga (heude-heude) badana ta baine vara, bona hanua badadia gwauta-osi amo kaha-ta na baine kohu. Taunimanima daha hitu tano laga (heude-heude) ese baine aladia, bona bae mauri taudia na do bae gari dikadika bona guba Diravana do bae heatolaia. ¹⁴Dikadika iharuana vada eore. Aitaia! dikadika ihatoina na emai haragamu.¹⁵Bena aneru ihahituna ese ena kibi vada e hiriria, bona gado badadia guba amo e hereva, eto, "Tanobada basileiana na vada eda Lohiabada bona ena Keriso ena basileia ai vada eme lao bona ia na do baine lohia ela hanai hanai."¹⁶Bena taunimanima badadia ruahui-hani Dirava vairanai edia terona ai e helaimu taudia, vada e goru-diho bona Dirava e tomadiho henia. ¹⁷Idia vada eto,"Emai tanikiu a henimumu, Lohiabada siahu bada Diravana, o nohomu, o nohova, badina be oi ese emu siahu bada hereana vada oabia bona vada o lohiamu.¹⁸Bese idau-idau taudia vada e badu, a oi emu badu na vada e kau, bona mase taudia ihahemaoro henidia negana, bona emu hesiai taudia, peroveta bona helaga taudia, davadia ihenidia, bona unu oi ladamu garina e garimu taudia, maragidia bona badadia, bona tanobada e hadikaiamu taudia ba hadikadia negadia vada eme kau."¹⁹Bena Dirava ena Dubu Helagana gubai vada e kehoa bona Lohiabada ena taravatu mauana helagana Dubu Helagana lalonai vada e hedinarai. Kevaru diarina, rege bona guba rahu-rahu, tano lagana ta bona guba nadidia lagana ta vada e hekara.Translation done by: Mr. Peter Vai English on Friday (06/10/23), time: 3.44 pm, ready for quality checking.

Chapter 12

¹Bena hoa gauna badana guba ai e hedinarai a hahine ta ena dabua na dina, bona hua na aena henudiai, bona hisiu gwauta rua ai e gegea. ²Ia na e rogorogo, bona ia na e hekamonai hisina dainai e tai lolo bona e hededegwa baine mara.³Bena toa ta ma e hedinarai guba lalonai, aitaia, huala badana kakakakana kwarana na hitu bona doana na gwauta, bona kwarana havava gaudia na hitu kwaradia. ⁴Bena iuna ese guba hisiudia e daro dobi. Hari huala na baine mara hahinena vairanai e gini, una ia baine mara merona na ia ese baina ania eto.⁵Bena hahine na e mara mero eabia maruane, ia ese bese logora iboudiai auri itohona amo baine regudia. Natuna na e kitoa dae Dirava vairanai bona ena terona vairanai. ⁶Bena hahine na tano gagaena e heau lao, Dirava ese e hahegaegae laia gabuna ai e noho unuseni ai ia ese dina daha ta sinahu rua tauratoi ahui bae ubua.⁷Hari guba ai tuari e vara, Mikael bona ena aneru ida ese huala e tuari henia, bona huala bona ena aneru ida e tuari lou, ⁸to ia na se goada e darere, bena edia gabu asie davaria lou guba ai. ⁹Bena hari huala badana idau negai e tahoa dobi gaigaina, ma ladana ta Satani, tanobada idoinai e koiamu gauna na e doria lasi bona e tahoa dobi tanobada ai, bona ena aneru danu ia ida e tahodia dobi,¹⁰bena na kamonai gado badana ta guba ai e hereva eto, "Hari iseda Dirava ena hahemauri bona siahu bona ena basileia bona Keriso ena siahu vada eme ginidae badina be Dirava vairanai varavarada e hahebadelaidia boi e hahebadelaiadia rani, tauna na vada e tahoa dobi,¹¹idia na mamoe natuna rarana dainai bona e gwaurai hedinarai herevadia daidiai, vada e hadarerea edia mauri asie lalokau henia ela bona mase. ¹²Una dainai guba e, bona guba ai o nohomu taumui e! idia daidiai ba moale a tanobada bona davara madi ihabaimui, badina be diabolo vada e lasi! ia na badu ese e hahonuhonua dae badina be ia dibana ena nega eme kwadogi.¹³Hari haida ese e itaia, ia na tanobada ai vada e tahoa dobi, bena ia ese maro eabia hahinena e dagedage henia.¹⁴A hahine na Ugava hanina ruaosi e henia, bena ia ese huadia e rohotania tano gagaena e roho lao ena gabu korikori ela, lagani ta bona lagani rua bona lagani kahana-gaigai vairana amo baine daudau herea.¹⁵Bena gaigai na uduna amo ranu e loria lasi sinavai na heto hahine murina ai, abata ese ia baine arua isi eto. ¹⁶A tanobada ese hahine e durua. Tanobada uduna eha hagaia bena huala ese e loria lasi sinavaina ma e hadonoa. ¹⁷Bena huala ese hahine e badu henia bena ela hahine natuna oreadia eha tuari henidia, daidia Dirava ena hahegani bona Iesu ena hahedua herevadia e badinamu taudia bunu.¹⁸Bena ia na kone murinai e gini.RDK. LOHIA KOHU ESE E HAGUGURUA, THURSDAY (11/07/24), 6.OO PM.

Chapter 13

¹Bena dagedage gauna ta na itaia davara amo e lasi, doana na gwauta bona kwarana na hitu. Doana doridia ai be havava gaudia gwauta, bona kwarana ta ta ai hahedika ladana. ²Hari dagedage gauna na itaia ita itana na taiga na heto, aena be bea na heto, bona uduna na leona na heto. Bena huala ese ena goada, bona ena terona, bona ena heregu siahuna badana na e henia.³Dagedage gauna kwarana ta e hedinarai e kara vada e haberoa dikadika, mase berona na heto, to berona vada e namo. Bena tanobada taudia na una dagedage gauna murinai e raka. ⁴Idia danu una huala e toma henia diho, badina be ena siahu dagedage gauna vada e henia. Idia ese una dagedage gauna, danu e toma henia diho bona eto, "Daika be ina dagedage gauna heida-idana?" bona "Daika ese baine tuari henia?"⁵Udu ta danu unu dagedage gauna e henia hekokoroku bona Dirava hadikana, herevadia e gwaurai lalodika bona siahu danu e henia hua hari-ahui baine lohia. ⁶Bena ta uduna e hagaia Dirava ere dika henia, Dirava ladana, ia e noho gabuna, bona guba ai e nohomu taudia na e hadikadia.⁷Dagedage gauna na maoro e henia helaga taudia baine tuari henidia bona baine hadareredia. Bona siahu danu e henia iduhu iboudiai, taunimanima iboudiai, gado iboudiai, bona bese iboudiai baine lohiadia.⁸Tanobada ai e nohomu taudia iboudiai ese bae tomadiho henia, ladadia asie tore taudia ibouboudiai, tanobada e karaia negana ai, ena Mauri Bukana lalonai, Mamoe Natuna ena, daika be e alaia mase.⁹Bema mai taiana tauna, ia na baine kamonai. ¹⁰Bema ta baine abia mauri, ia na vada bainela. Bema ta dare matana, amo baine alaia mase, vada bae alaia mase. Ini na helaga taudia bae haheauka bona bae abidadama.¹¹Bena dagedage gauna ta na itaia tano lalona amo e dae. Doana na rua mamoe na heto, bona erena na huala erena na heto. ¹²A ia ese dagedage gauna ginigunana ena siahu idoinai e gaukaralaia ia vairanai, bona tano mai inoholaina taudia iboudiai e haganidia dagedage gauna ginigunana hari ena mase berona e namo gauna bae toma diho henia.¹³A hoa karadia badadia danu e kara, ta be lahi guba amo e hadihoa taunimanima vairadiai. ¹⁴A unu hoa karadia dagedage gauna vairanai, e kara siahuna amo ia ese tanobada taudia e koidia. Tanobada ai e noho taudia na e hamaorodia dagedage gauna mai dare, berona to e mauri gauna laulauna ba karaia eto.¹⁵A ia na mai siahuna una dagedage gauna laulauna baine hamauria, unu amo una dagedage gauna laulauna na baine hereva. Bona mai siahuna danu una laulau basie toma diho henia taudia baine aladia mase. ¹⁶Bena taunimanima iboudiai, e hereva henidia auka herea. Kikina bona badana, taga taudia bona ogogami taudia, ura kwalimu taudia bona e guidia taudia, na toa ta e henidia imadia idibana ai eiava bagudia ai e kara. ¹⁷Una dainai, ta basine hoihoi diba hari toa-dagedage gauna ladana, eiava numerana eabi tauna mo sibona.¹⁸Ini seniai aonegana bina: lalona e pararamu, tauna ese ina dagedage gauna numerana baine hagaua badina be ina tau ta numerana bona numerana na 666.RDK. LOHIA KOHU ESE E HAGUGURUA

Chapter 14

¹Mamoe natuna na itaia, Siona Ororonai e gini. Ia ida taunimanima domaga ta gerebu-dahahani, ia bona Tamana ladadia ai e tore taudia. ²Bona gado ta na kamonai guba amo ema sinavai regedia na heto bona guba e rahu dagumu na heto. Una gado danu gitara taudia edia girara e hatimu na heto.³idia na ane matamatadia e abiva terona bona mauri gaudia haniosi bona heitatao taudia vairadiai. Una ane na tau ta basine davaria diba hari taunimanima domaga ta gerehu hani daha hani, tanobada amo e hoidia taudia sibodia. ⁴Idia na hahine ida asie enobou taudia, vada helaga. Idia ese mamoe Natuna murinai e rakamu ena loa iboudiai. Taunimanima padadia amo e hoidia Dirava bona Mamoe natuna anina roboana ai baela taudia bunu. ⁵Koikoi herevana ta idia ududia amo asie lasi, idia na asi bebeka-bebeka dia.⁶Bena aneru ta na itaia guba padanai e roho, mia hanaihanai sivarina namona na tanobada ai e nohomu taudia ediai e laohai - bese, iduhu, gado bona tanobada iboudiai e harorolai henidia. ⁷E hereva badabada eto, Dirava garina ba gari, ia mo ba imodaia badina be ena hahemaoro negana vada be gini daemu. Guba, tanobada, davara bona ranu e lohilohimu gabudia e kara Diravana ba toma henia diho.⁸Aneru iharuana ia murina amo e roho, eto Babulonia badina hanuadia iboudiai na ena heuda hanai baduna vine-ranuna ehe-inulaidia hanuana, vada e kohu.⁹Ma aneru ihatoina, idia muridia amo e roho, e lolo eto, ta ese dagedage gauna mai laulauna ida baine toma henia diho bona ia toana bagunai eiava imanai baine abi. ¹⁰Ia ese Dirava ena badu vine-ranuna ena kehere lalonai vada e seia, ranu kavakava ida asie buloa gauna.¹¹E animu hisidia kwalahuna e dae hanaihanaimu, bona dina hanuaboi lagadia asie animu, dagedage gauna mai laulauna ida e toma henia dihomu bona lalona toana e abiamu taudia ahudia bunu. ¹²Helaga taudia, Dirava ena hahegani e badinamu bona Iesu e abidadama heniamu taudia, do bae haheauka.¹³Bena gado ta na kamonai, guba amo ema, eto, Ini ba torea toma, Lohiabada enai e masemu taudia be nanamo. Ma lauma eto, oibe, edia gaukara amo bae laga-ani badina be edia kara ese e gwauraidiamu.¹⁴Bena na roha lao, ori kurokuro ta na itaia, ori latanai ta helai, ita ita na taunimanima natuna na heto, kwarana ai na gold havava gauna, bona imana ai ilapa ta mai ganona. ¹⁵Bena aneru ta Dubu helaga amo e raka lasi, ori latanai e helai tauna e lolo henia, eto, emu ilapa aine gaukara, a lapalapa badina be uit iutuna negana vada eme kau, tanobada uitina vada e lo vaitani. ¹⁶Ori latanai e helai tauna ese ena ilapa e gaukaralaia, tanobada uitina e lapaia vaitani.¹⁷Bena aneru ta ma guba dubuna amo e raka lasi, ia danu imana ai na ilapa ta mai ganona. ¹⁸Aneru ta pata helagana amo e raka lasi aneru na mai lahi siahuna ema. Bona ia ese aneru imana mai ilapana e lolo henia, eto, emu ilapa baine gaukara, ba utu oho moimoi gabuna tanobada ena vine takodia ba utu, badina be vine huahuadia vada e mage.¹⁹Aneru ese ena ilapa e gaukaralaia tanobadai, tanobada ena vine huahuadia e utu oho bona moimoi gabuna badana, Dirava ena badu be una, lalonai e taho udamu. ²⁰Moimoi gauna na hanua murimurinai, be e moia. Rarana moimoi gabuna amo e lasi e aru ela bona kilomita sinahu toi, ena dobu danu tano ela bona hosi uduna hegeregerena.Translation done by: Mrs Konio Kila on Sunday 17th November, 2023, time: 1.31pm, ready for quality checking.

Chapter 15

¹Bena hoa gauna guba ai na itaia, aneru hitu ese eha-hisi gaudia oredia hituosi e abi, Dirava ena badu ihaguguruna gaudia bunu.² Bona davara na itaia, hevarivarina heto, mai lahina, dagedage gauna bona laulauna mai ladana mai numerana ida vada e hadareredia taudia danu na itaia dia, idia na una davara hevarvarina na heto isenai e gini, Dirava ena gitara imadia ai e abi.³Bena Dirava ena hesiai tauna, Mose, ena ane eabia, Mamoe natuna ena ane danu, eto Lohiabada Dirava e, siahu idoinai Diravana emu gaukara dahaka bada, hoa karadia uru iboudiai edia Pavapava e, emu kara na maoromaoro bona momo-mokani. ⁴Lohiabada e, daika oi garimu basine gari? Daika oi ladamu basine imodaia? Badina be oimo sibomu helaga. Bese iboudiai baema, bae toma hemimu diho. Badina be emu hahemaoro karadia vada eme hedinarai.⁵Vada na itaia, igwaurai hedinaraina kalagana helagana e kehoa guba ai. ⁶Bena aneru hituosi, haheisi gaudia hituosi e abi anerudia na kalaga helagana amo e raka lasi, dabua aukadia goevagoevadia bona kurokakuroka dia eha-hedokilai, kemedia na gold.⁷Mauri gaudia haniosi amo ta ese aneru hituosi gold kibodia auhitu e henidia, unu kibo na noho hanaihanai Diravana ena badu amo e honuhonu dae. ⁸Bena Dirava hairaina bona siahuna kwalahudia ese una dubu e hahonua bona tau ta dubu lalonai basine raka vareai diba ela bona aneru hahituosi ese edia haheisi gaudia hituosi bae ore.Translation done by: Mrs Konio Kila on Sunday 17th November, 2023, time: 1.50 pm, ready for quality checking.

Chapter 16

¹Bena ere badana ta dubu helaga lalona amo na kamonai, aneru hahituosi e hamaorodia, eto, Aola, Dirava ena badu ai e honumu kibodia auhituosi na tanobada ai ba bubu dobi.²Aneru gini gunana ela, ena kibo tanobadai e bubua. Bena dagedage gauna eabia bona laulauna e toma henia diho taudia ediai toto badadia mai hisidia eha dudu.³Aneru iharuana ena kibo davarai e bubua, mase tauna rarana hegeregerenai ela, bena davara lalonai e noho gaudia iboudiai vada e mase.⁴Aneru ihatioina ena kibo na sinavai ai bona ranu lhilohi gabudiai e bubua, bena rara ai ela. ⁵Bena ranu ilohidia aneruna erena na kamonai, eto, Helaga Diravana e, onohova, onohomu. Ini ohahemaoro henidia tomamu na mamaoro. ⁶Badina be helaga taudia bona peroveta taudia raradia e bubudia bena rara ohenidiamu, bae inu, edia kara hegeregerena. ⁷Ere ta ma pata helagana amo na kamonai eto, Lohiabada Dirava e siahu idoinai Diravana momokani, emu hahemaoro na momokani bona maoromaoro.⁸Aneru ihahanina ena kibo na dina latanai e bubua, bena e hasiahua taunimanima baine aradia, lahi na heto. ⁹Bena siahu badana ese taunimanima e aradia, idia ese haheisi e biagudia Dirava na ladana e uduguiraia asie helalokerehai bona asie heatolaia.¹⁰Aneru iha-imana ena kibo na dagadage gauna ena terona latanai e bubua, bena ena basileia e hadiburaia, taunimanima maladia e kori, hisihisi dainai. ¹¹Bena Guba Diravana na e uduguiraia edia hisihisi bona edia toto daidiai asie helalokerehai bona edia kara dika asie rakatani.¹²Aneru ihatauratoina ena kibo na sinavai badana, ladana Eufrate lalonai e bubua, ranuna e kororo, mairiveina kahana hanuadia pavapavadia edia dala e lailaia. ¹³Vada na ita, lauma dikadia tatoi, paroparo na heto, huala bona dagedage gauna uduna amo bona peroveta koikoi tauna uduna amo e lasi. ¹⁴Idia na lauma dika hereadia, hoa karadia e karamu bona tanobada idoinai hanua pavpavadia e lao henidiamu, eha goadadiamu, siahu idoinai Diravana ena dina badana tuarina dainai.¹⁵A itaia, henao tauna na heto be vasimu, Hegima tauna, ena dabua e abi hegaegaemu, asi ramina baine loa ena hemarai baine hedinarai na garina, ia hari namo. ¹⁶Bena lauma dikadia ese e gogodia gabu ta ai, ladana Heberu Gadodiai be Aramagedono.¹⁷Aneru ihahituna ena kibo na guba padanai e bubua, bena guba dubana teronana amo ere badana ta e lasi, eto, vada e ore. ¹⁸Kevaru, ere bona guba rahu e vara. Tano e laga bada, taunimanima tanobadai e noho matama ai ema bona harihari tano na unu se laga toma. ¹⁹Bena hanua badana e parara, karoa toi, bese idau-idau edia hanua logora e hegigi dobi, bona Dirava ese Babulonia badana e laloa ena badu garagarana keherena e henia, ena badu vine-ranuna baine inua ore.²⁰Motumotu iboudiai e heau boio ororo na lasihidia.²¹Medu hetaridia badadia, edia metau na pound sinahu ta mai dikoana, na guba amo e moru taunimanima latadiai. Bena taunimanima ese Dirava e uduguiraia, medu-hetari hetari dainai, badina be ena haheisi na bada herea.Translation done by: Mrs Konio Kila on Sunday 17th November, 2023, time: 2.35 pm, ready for quality checking.

Chapter 17

¹Kibo auhituosi e abi kau anerudia ta dekegu ema, e hereva henigu eto aoma, ariara hahinena badana, ranu momo latadiai e helaimu hahinena, ihahemaoro henina baina haheitalaimu. ²Hanua pavapavadia na ia ida vada e heuda hanai, bona tanobada ai e nohomu taudia ese ena heuda hanai vine ranuna vada e inua kekero.³Bena ia ese lauma ai e laohaigu, tano gagaena ala, unuseni ai hahine ta na itaia, mauri gauna kakakakana ta latanai e helai kau. Una mauri gauna na Dirava ihadikana herevadia amo honu, ia kwarana na hitu bona doana na gwauta. ⁴Hahine na dabua kakakakadia bona mia kakadia eha-dokilai, gola, nadi hururuhurudia bona ageva mai hairadia e heralai. Imana na gold keberena ta, gau dika rohoroho dia bona ena heuda hanai amo e honu. ⁵Ia baguna ai lada ta e torea, anina e hehuni gauna ini e torea toma, Babulona badana, ariara hahinedia bona tanobada ena kara mirodia idoidiai sinadia.⁶Hahine na itaia, helaga taudia bona Iesu dainai e aladia mase taudia raradia e iunu kekero, na itaia neganai na hoa dika dika. ⁷Bena aneru ese e hereva henigu eto, dahaka ohoamu? Ina hanina sivaraina hehunina, mauri gauna, latanai e helai kaumu gauna, kwarana hitu sivaraina hehunina, mauri gauna, latanai e helai kaumu gauna, kwarana hitu doana gwauta gauna sivaraina hehunina aina hamaorolaimu.⁸Hari mauri gauna o itaia be e nohova, to harihari iana lasihia, asi vanahana ia na guri dohu-mase mase amo do baine dae, mase gabuna bainela. Bena tanobada ai e nohomu tanobada na matamatana ai ladadia na mauri bukana lalonai se tore taudia ese hari mauri gauna e nohova, ma lasihia ma bainema gauna, bae itaia bona bae hoa.⁹Aonega tauna na lalona baine parara. Hari kwara hituosi na ororo hitu hahinena latadiai e helaimu. ¹⁰Idia na pavapava hahitu, laima vada e keto. Ta be e nohomu, a ta be do sema, bainema neganai taina baine noho.¹¹A hari mauri gauna , e nohova na ihataura hanina, gau tamona hahituosi ia danu ta bona ia danu mase gabuna bainela.¹²A doa gwauta oi ita gaudia na pavapava gwauta,to edia basileia do asie abia. A hari mauri gauna ida pavapava siahuna do bae abia, hora tamona. ¹³Iboudiai lalodia na tamona, edia goada bona siahu hari mauri gauna ba henia etomamu. ¹⁴Idia ese mamoe natuna bae tuari henia to mamoe natuna na do baine kwalimu, badina be Ia na Lohia edia lohia, Pavapava edia Pavapava bona e bamoamu taudia na ia ese e boiridia bona eabidia hidi, idia ese ia e abidadama heniamu.¹⁵Ma e hamaorogu eto, o ita ranudia ariara hahine ese e helai heni ranudia, na tano orea, bese bona gado idauidau.¹⁶Mauri gauna doana gwauta osi o ita gaudia ese ariara hahinena bae inai henia, kopi kavakava bona hidiona bae abia, lahi ai bae golea oho. ¹⁷Bona Dirava ese eha-uradia, ena lalohadai bae hagugurua, bona lalodia bae tamona, edia basileia na mauri gauna bae henia ela bona Dirava ena hereva baine guguru.¹⁸Hari oi itaia hahinena na hanua badana bona hanua pavapavadia e lohiadiamu hanuana.Translation done by: Mrs Konio Kila on Sunday 17th November, 2023, time: 3.10 pm, ready for quality checking.

Chapter 18

¹Ini gau iboudiai muridiai aneru ta ma na itaia. Mai siahuna ida bona tanobada danu ia hairaina ese eha diaria. ²Bena e lolo badabada, eto, "Babulonia badana vada e kohu! Ia na lauma dikana ena noho gabunai vada ela, lauma dika-hereadia edia kohu ai vada ela, bona manu dikadia bona dagedage manu dia edia ruma ai vada ela. ³Badina bese iboudiai ese ena heuda-hanai baduna vine-ranuna vada e inua. Hanua hanua pavapavadia na ia ida vada e heuda-hanai. Hoihoi taudia ese ena lebulebu tagadia amo edia taga vada e habada.⁴Bena ere ta ma na kamonai guba amo eto, "A raka lasi iena amo, egu taunimanima, ia idia ba kara dika hebou na garina, bona ia ena hisihisi ta basio davaria. ⁵Badina be ena dika vada e senua ela bona guba ai, bona Dirava ese ena kara havara e lalo taomu. ⁶E henia hegeregerena ai ba henia, bona davadia ba henia harua, ena kara daidiai; ena kapusi e buloa hegeregerenai ia ana ba buloa harua.⁷Sibona e heimodaiva bona e lebulebuva hegeregerena hishisi bona tai ba henia. Badina be lalona e hadaia, eto, 'Lau na pavapava hahinena na heto; lau na dia vabu, bona lau na basina tai! ⁸Una dainai dina tamona ai ena hisihisi idau-idau baine kau; mase, taitai, bona doe. Lahi ese baine araia vaitani, badina be Lohiabada Dirava na goada, bona iena hahemaoro tauna."⁹Bona hanua hanua pavapavadia ia ida e heuda hanaiva bona e lebulebu hebouva taudia bae tai bona bae tai lolo ia idouna kwalahuna bae itaia negana ai. ¹⁰Idia na dauhai bae gini, badina be ena hisihisi garina dainai, baeto, "Madi o, madi o Babulonia, hanua bada hereana, goada hanuana! Badina hora tamona ai vada eme hahemaoro henimu."¹¹Bena hoihoi taudia hanua hanua danu ia taina bae tai, bona bae tai dikadika badina be edia hoihoi kohudia tau ta ese basine hoi loumu - ¹²gold, silver, nadi hururu-hururudia, ageva mai hairaidia, dabua aukadia, dabua mia kakakakadia, silka dabuadia, dabua kakakakadia, boto audia bona au namodia idau-idau dia amo e kara gaudia, au namodia, auri lahora-labora amo e kara gaudia, auri bona nadi amo e kara gaudia, bronze, iron, marble, ¹³cinnamon, spice, incense, myrrh, frankincense, vine ranuna, dehoro, flaoa, uit, boromakau bona mamoe, hosi bona kariota, taunimanima tauanidia bona laumadia.¹⁴Digara gaudia, laumamu ese e ura henimu gaudia, ese vada e rakatanimu. Taga bona diari gaudia iboudiai ese vada e heautanimumu, bona basio o davaridia loumu.¹⁵Unu gau e hoiva edia taga e davariva taudia na dauhai bae gini badina ena hisihisi dainai bae gari, bae tai dikadika bae tai lolololo. ¹⁶Baeto, "Madi o, madi o hanua badana dabua aukadia, e hahedokilaiva, mia kakakakadia, bona kakakakadia, bona gold, nadi hururu-hururudia, bona ageva! ¹⁷Hora tamona ai emu taga vada eme ore vaitani." Kada iboudiai kapenadia, guikau taudia iboudiai, hiri taudia, bona davara gaukara dia amo e maurimu taudia, dauhai ai gigini.¹⁸Bena idouna kwalahuna e itaia e tai lolo. Eto, "Edena be hanua badana idaina?" ¹⁹Bena tano gahuna na kwaradia ai e taho kau, bona e tai, e tai lolololo, eto, "Madi o, madi o hanua badana edena taga ese lagatoi e hatagadia. Badina hora tamonai vada eme ore vaitani." ²⁰Guba e, ena vahu ba moalelaia, bona helaga taumui, aposetolo taumui bona peroveta taumui, badina be umui daimui ai Dirava ese davana vada eme henia!²¹Bena aneru goadana ta ese nadi-huro badana ta e abia isi davara ai e tahoa dobi, eto, "Babulonia, hanua badana, unu bae tahoa dobi toma, Bena basine hedinarai lou. ²²Gitara e hataimu, ane e lada isimu taudia, ivilikou e hataimu, bona kibi e hiririmu taudia, Oi lalomu ai basie e kamonai dia lou. Gaukara namodia mai dibadia taudia, oi lalomu ai basie noho lou, Uit ibidina nadina regena na Oi lalomu ai basie kamonai lou.²³Lamepa diarina na Oi lalomu ai basine hururu lou. Headava matamata tauna bona hahinena eredia oi lalomui ai Oi lalomu ai basie e kamonai lou, Badina be emu hoihoi taudia na tanobada lohiadia ai ela, Badina babalau kara dia ese bese iboudiai e koidia.²⁴ Peroveta taudia raradia, Bona Helaga taudia raradia, ia lalonai e davaridia, Bona tanobada ai e aladia mase taudia iboudia raradia ia lalonai e davari.Translation done by: Mr. Davai Heni Lohia on Monday (28/08/23), time 8.00am. Ready for quality checking.

Chapter 19

¹Unu gaudia muridia ai hutuma bada guba a eredia na kamonai gado badana ta na heto, eto, "Aleluia.hahemauri, hairai, bona siahu na iseda Dirava enai mimia.²Badina be ena hahemaoro na momo-mokakani bona mamaoro-mamaoro, badina be ia ese ariara hahinena badana vada e hahemaoro henia daika be ena heuda-hanai amo tanobada e hadikai hahinena bunai. Dirava ena hesiai taudia raradia davana eabi imana amo."³Bena idia na ma nega iharuana e hereva eto:"Aleluia!Ena amo kwalahu e dae hanaihanaimu." ⁴Bena heitatao taudia ruahua-haniosi bona mauri gaudia haniosi e goru diho, eto,"Amen, Aleluia!"⁵Bena terona amo gado ta e lasi eto,"Dirava ena hesiai taumui e,Kikina bona badana."⁶Bena hutuma bada eredia na kamonai gado badana ta na heheto, bona sinavai momo ranudia regedia bona guba rahu regedia na heheto, eto,"Aleluia!Lohiabada eda Dirava siahu idoinai Diravana ia Lohia.⁷Aita moale bona aita hisi dae bona ia mo aita imodaia badina be Mamoe Natuna ena headava negana vada eme gini dae, bona adavana vada e hegaegae vaitani. ⁸Ena dabua aukadia vada e hadokilai goevagoeva bona kuroka-kurokadia" (badina be hari dabua aukadia na helaga taudia edia kara maoromaoro).⁹Bena aneru ese e hamaorogu eto, "Ina atorea: Mamoe Natuna ena headava anibounai e vavedia taudia be nanamo." ma e hamaorogu eto, "Ini na Dirava ena hereva momokanidia." ¹⁰Bena aena badina ai na goru diho baina toma henia diho nato, a ia ese e gwaugu tao eto, "Ene asio kara toma! lau danu hesiai taugu oi bamomu bona varavaramu Iesu ena hereva e badinaiamu taudia bamodia danu. Dirava ba toma henia diho.¹¹Bena guba na itaia e hekeho, bona hosi kuroka-kurokana ta e hedinarai. Latanai e gui tauna ladana na Abidadama, bona momokani, bona ia na kara maoro-maoro ai e hahemaoromu bona e tuarimu. ¹²Ia matana na e kara lahi hururu-hururuna na heto, bona kwarana ai na havava gaudia momo. Ia enai lada ta e torea a e torea herevana ta asi dibana ia mo sibona. ¹³Ia na rara ai e urua diho dabuana e hahedokilaia, bona ladana e hatoa Dirava ena hereva.¹⁴Guba ena tuari oreadia na ia murinai ela hosi kurokurodia ai e gini, daba aukadia goevagoevadia bona kuroka-kurokadia e hahedokilai. ¹⁵Uduna amo dare mai ganona e lasi, unu amo bese idauidau ibotalaidia, bona ia ese auri itotohina amo baine regudia. Siahu idoinai Diravana ena badu garagara vinena gabuna ai baine moidia tao, ¹⁶Ena dabua ai bona mamuna ai lada ta e torea "Pavapava edia Pavapava bona Lohia edia Lohia."¹⁷Bena aneru ta na itaia dina lalona ai e gini guba padanai e rohomu manudia iboudiai gadobada badana ai e lolo lasi henidia eto, "Aoma, Dirava ena anibou badana ai ame hegogo, ¹⁸unu amo Pavapava hidihodia, tuari baigudia hidihodia, goada taudia hidihodia, hosi hidihodia bona hosi ai e guimu taudia hidihodia, bona taunimanima iboudiai hidihodia, ura kwalimu taudia bona e guidia taudia, bona kikina badana hidihodia bavani."¹⁹Bena dagedage gauna, bona hanua pavapavadia mai edia tuari oreadia ida na itadia, e hegogo hari hosi ai e gui tauna bona ena orea ida bae tuari henidia. ²⁰Bena dagedage gauna eabia mauri, bona peroveta koikoina hoa karadia dagedage gauna vairanai e kara dainai, dagedage gauna toana eabi bona laulauna e toma henia diho. Taudia e koidia danu e abia mauri idia raruosi na mauridia ai lahi gohuna teio e aramu gabuna lalonai e tahodia dobi.²¹A oreadia na hosi ai e gui tauna, uduna amo e lasi, darena ese e aladia mase, bena manu iboudiai ese hidihodia e ani bogadia e kunu.RDK. LOHIA KOHU ESE E HAGUGURUA. (21/07/24), 11.58 PM

Chapter 20

¹Bena aneru ta na itaia guba amo e diho. Guri dobu masemasena, Key na bona auri gadeana badana ta na ia imanai. ²Ia ese huala, idau negai gaigaina, gauna diabolo, eiava satani, e dabaia tao bona e guia badina be lagani daha ta baine noho. ³Bena ia ese guri dobu masemasena lalonai e tahoa dobi, bena e koua bona ikouna toana latanai e karaia hanai, una dainai ia ese bese idauidau basine koidia e lou ela bona lagani daha ta bae ore. Una murinai, ia na do ma ba ruhaia nega kwadogina mo.⁴Bena terona haida na itadia. Latadia ai e helai kau-taudia laumadia daidia be kwaradia e utu oho taudia badina be Iesu ena hereva bona Dirava ena hereva, e gwaurai hedinarai dainai, bona daidia be dagedage gauna eiava mai laulauna ida asie tomadiho henidia bona toana bagudia ai eiava imadia ai asie abi-bona hahemaoro na idia e henia. Idia na e mauri lou, bona Keriso ida eha lohia lagani daha ta.⁵(A mase taudia oredia asie mauri lou ela bona lagani daha ta e ore.) ⁶Ina toreisi lou ginigunana lalonai ahuna eabiamu tauna na namo bona helaga! Ini gau e ore mase iharuana na asi siahuna, A Dirava ena hahelaga taudia bona Keriso, ena hahelaga taudia ai baela bona ia ida bae halohia ela bona lagani daha ta.⁷A unu lagani daha ta bae ore, Satana na ena igui amo bae ruhaia nege. ⁸Ia na baine lasi tanobada daigunidia haniosi lalodia e nohomu besedia baine koidia - Gog bona Magog - baine gogodia tuari dainai. Ihagaudia na davara konena mirina na heto.⁹Idia na e dae ela tanobada lababana bona hahelaga taudia edia taruha bona e lalokau heniamu hanuana e daidia hegege. A lahi na guba amo e diho bena e habuadia tari. ¹⁰Bena Diabolo, e koidia tauna, na lahi bona tei gohuna, lalonai e tahoa dobi unuseni ai dagedage gauna bona peroveta koikoina e tahodia dobi guna gabuna. Idia na bae hisihisi boi bona bae hisihisi rani ela bona hanaihanai.¹¹Bena terona kurokurona badana ta na itaia bona e helai kau Diravana danu, Tanobada bona guba na ia vairana amo e puki, to edia gabu ta asie davaria. ¹²Bena mase taudia - Kikina bona badana - na itadia terona vairanai gigini, bona bukadia e kehodia. Bena buka ta ma e kehoa, edena be mauri bukana. Mase taudia na e hahemaoro henidia e kara gaudia bukadia ai e tore, edia kara hegeregeredia.¹³Bona davara ai e mase taudia na davara ese e henidia dae, bona idia danu edia kara hegeregerediai e hahemaoro henidia. ¹⁴Bena mase bona mase gabuna lahi gohuna lalonai e tahodia dobi. Ina na mase iharuna - lahi gohuna. ¹⁵Bema tau ta mauri bukana lalonai ladana se davaria sehetore ia na lahi gohuna lalonai bae tahoa dobi.RDK. LOHIA KOHU ESE E HAGUGURUA, HORANA: 3.08 AM, DINANA: FRIDAY (19/07/24)

Chapter 21

¹Bena guba matamatana bona tanobada gunana na vada e puki oho, bona davara danu lasihia. ²Bona hanua helagana, Ierusalema matamatana, na itaia guba amo e diho Dirava ena amo, be headava ulatona na heto e haheraia adavana ena.³Bena gado badana ta na kamonai terona amo ema eto, "Aitaia! Dirava ena noho gabuna na taunmanima dekedekediai, bona ia na bogaragidiai baine noho. Idia na iena bese ai baela, bona Dirava sibona na idia ida. ⁴Ia ese iruru-matadia iboudiai matadia amo baine dahu oho, bona mase bae ore, eiava daradoko, eiava taitai, eiava hisihisi. Idia na basine noho daudau badina be gou gaudia vada e puki.⁵Bena terona ai e helaimu Diravana eto, "Aitaia! lau ese gau iboudiai baina hematamatadia." Ia ese ma e hamaorogu eto, "A torea diho badina be ini hereva na mamaoro-mamaoro bona momokani." ⁶Ia ese ma e hamaorogu eto, "Ini gau na vada e hekara! lau na Alefa bona Omega, matamana bona dokona. Ranu mase tauna na e lohilohia daemu mauri ranuna baina henia asi davana.⁷A kwalimu tauna ahuna binai, bona lau na ena Dirava ai bainala bona ia na lau natugu ai bainela. ⁸A gari taudia, asie kamonai taudia, kara bodaga taudia, ala-ala taudia, babalau taudia, kaivakuku e toma henidia diho taudia bona koikoi taudia, iboudiai ahudia na lahi bona teio gohuna. Una na mase iharuana buna.⁹Bena aneru hituosi hari kibo hituosi lalodiai hahehisi gobedia hituosi eabi anerudia ta ema, bena e hereva henigu, eto, ini aoma headava matamatana hahinena, Mamoe Natuna adavana baina haheitalaimu." ¹⁰Bena lauma ai e laohaigu ororo badana ta bona dorina ai bena hanua helagana Ierusalema e haheitalaigu guba amo e diho Dirava ena amo.¹¹Ia hairaina na Dirava hairaina, bona diarina na nadi hururu-hururuna davana bada gauna na heto - iaspi nadina na heto e negari-negari. ¹²Ia na bada, habana lababana na bada ikoukouna na gwauta rua, ikoukou badidiai na aneru gwauta-rarua. Ikoukou daediai Isaraela iduhudia gwauta raruosi ladadia e tore.¹³Laurabada kahana ai ikoukou toi, mirigini kahana ai toi, diho kahana ai toi, bona lahara kahana ai danu toi.¹⁴Bona habana badina nadidia na gwauta rua, bona latadia ai Mamoe Natuna ena aposetolo taudia gwauta raruosi ladadia e tore. ¹⁵Bena hari e hereva henigu aneru imana na hahetoho gauna ta gold amo e karaia gauna hanua e hahetohoa, ikoukoudia bona habana.¹⁶Hanua na e hadaia kaha haniosi hegeregere, roha-maorona bona lababana na hegeregere. Ia ese ena hahetoho gauna amo hanua e hahetohoa, maela daha gwauta rua roha-maorona (roha-maorona, lababana, bona harana-latana vada hegeregere.) ¹⁷Ia ese habana danu e hahetohoa, roha hari-ahui taurahani taunimanima hahetohona (aneru edia hahetoho amo.)¹⁸Habana be iaspi nadina amo e larebaia bona hanua na gold hereadaena, to e negari-negari. ¹⁹Hanua habana badina nadidia na nadi hururu-hururudia e haheralaidia. Gini-gunana na iaspi nadina, iharuana na sapairo, ihatoina na kalakede, ihahanina na samarago, ²⁰ihaimana na sodonu, ihatauratoina na sedio, ihahituna na krusolito, ihataurahanina na berulio, ihataurahani-tana na tapasio, ihagwautana na krusoparaso, ihagwauta-tana na huakinto, ihagwauta ruana na ametuso.²¹Bona ikoukoudia gwauta ruaosi na agevadia mai hairaidia ikoukoudia ta ageva mai hairaina ta. A hanua vairana ariarana na gold, negari-negari. ²²Hari hanua lalonai dubu ta asina itaia, badina be Lohiabada Siahu idoinai Diravana bona Mamoe Natuna na una hanua dubuna.²³Dina bona hua danu lasi una hanua asie raraia badina be Dirava hairiana ese e hadiaria, bona ena lamepa na Mamoe Natuna. ²⁴Bese idauidau na una hanua ena diari ai bae raka, bona tanobada pavapavadia ese hairiaidia bae rakalai vareai. ²⁵Dina ai ikoukoudia na basie kou, bona hanuaboi na lasi unuseni ai.²⁶Bese idauidau ese hairaidia bona hematauraidia bae rakalai vareai. ²⁷A hahedika gauna ta eiava lebulebu tauna eiava koikoi tauna unuseni ai basie raka vareai a Mamoe Natuna ena mauri bukana ai ladadia e tore taudia mo.RDK. LOHIA KOHU ESE E HAGUGURUA, HORANA: 2.08 AM, DINANA: FRIDAY (21/07/24)

Chapter 22

¹Bena aneru ese mauri ranuna sinavaina negari-negarina e. Ia na Dirava bona Mamoe Natuna edia terona amo e lasi. ²Hanua bogaragina amo e arua parara. Sinavai kahana kahana mauri auna e gini, huahua na idau idau, bona hua ta ta ai mai huahua dia. Au rau na ese bese idau idau e hamauridiamu.³Bona hahedika na basine vara lou. Dirava ena terona bona Mamoe Natuna edia terona na hanua lalonai, bona ena hesiai taudia danu bae toma henia diho. ⁴Idia ese ia vairana ba itaia, bona ladana na bagudia ai baine e hetore. ⁵Hanua na basine boi lou; idia na lamepa diarina basie abia eiava dina diarina badina be Lohiabada Dirava ese baine hadiaridia. Idia na bae lohia hanaihanai.⁶Aneru ese e hereva henigu eto, "Ini hereva na mamaoro-mamoro bona momo-mokani. Lohiabada, peroveta taudia laumadia edia Dirava, ese ena aneru vada e siaia asi vanahana bae vara gaudia na ena hesiai taudia baine haheitalaidia." ⁷"Ba heita! Lau na bavasimu! Ina buka e gwaurai gunamu herevadia e badinamu tauna na namo."⁸Lau, Ioane, ini gau na kamonai bona na itadia. Na kamonai bona na itadia, na goru diho bena ini gau e haheitalaigu aneruna aena badinai baina toma henia diho nato.⁹Bena e gwaugu tao eto, "Ene basio kara toma! Lau na hesiai taugu oi ida, bona tadikakamu peroveta taudia bamodia, bona ina buka herevadia e badinamu taudia bamodia. Dirava ba toma henia diho!"¹⁰Ma e hamaorogu eto, "Ina buka ena peroveta herevadia basio kou ahu, badina negana vada eme kahikahi. ¹¹Kara dika tauna do baine kara dika, lebulebu tauna do baine lebulebu, kara maoromaoro tauna do baine maoromaoro. Helaga tauna do baine helaga.¹²"Ba heita! lau na ba vasimu. Dava na imagu ai, taunimanima iboudiai edia kara heregeredia davadia baina henidia. ¹³Lau na Alefa bona Omega, gini-gunana bona gini-gabena, matamana bona dokona.¹⁴Edia dabua e huri taudia be nanamo badina be idia ese mauri auna bae lao henia bona iduara amo hanua lalonai bae raka vareai diba. ¹⁵A murimuri ai be sisia bona babalau taudia, heuda-hanai taudia, ala-ala taudia, kaivakuku taudia, bona e toma henidia dihomu taudia, bona koikoi herevadia igwauraidia e moalelaimu taudia.¹⁶Lau, Iesu, ese egu aneru vada na siaia vasi ekalesia oreadia herevadia vada e vasilai. Lau na Davida ramuna bona tuhutuhuna, daba hisiuna mai diarigu.¹⁷Lauma bona headava matamata hahinena e tomamu, "Aoma!" E kamonaimu tauna danu baineto, "Aoma!" Ranu mase tauna, na bainema, bona ranu e uramu tauna, ese mauri ranuna baine inua asi davana.¹⁸Ina buka ena peroveta herevadia e kamonaimu taudia iboudiai na sisiba henidiamu: Bema tau ta ese ini hereva latadiai hereva ta baine atoa kau, Dirava ese ina buka lalonai e tore hisihisidia na ia latanai baine atoa kau. ¹⁹Bema ta ese hereva ta ina peroveta bukana amo baine abia oho, Dirava ese ia ahuna mauri auna enai bona hanua helagana lalonai ina buka ai haridia e tore ahudia na iena amo baine abi oho.²⁰Bena aneru ese mauri ranuna sinavaina negari-negarina e. Ia na Dirava bona Mamoe Natuna edia terona amo e lasi. ²¹Hanua bogaragina amo e arua parara. Sinavai kahana kahana mauri auna e gini, huahua na idau idau, bona hua ta ta ai mai huahua dia. Au rau na ese bese idau idau e hamauridiamu.Rev. Eiwana Zacharias ese e hagugurua, dinana: 20/07/24, Time: 6.30 pm.

Motu Elevala: Bible for 1 Corinthians, 1 John, 1 Peter, 2 Corinthians, 2 Peter, 2 Thessalonians, 3 John, Acts, Colossians, Ephesians, Galatians, Hebrews, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

2 Thessalonians

Titus

Philemon

Hebrews

1 Peter

2 Peter

1 John

3 John

Jude

Revelation