¹ Ndhisih a vhiliipnaan ndhi nin yarkaam laa khi Ndah Jesu Kristi ndhi nhi a laa khi Daviit ndhi nhi a laa khi Abrahaam. ²Abrahaam a nih a ndah Isiik, yakhal Isiik a nhi laa Jacob ndhi ni a ndah Judah khi emnhikhin nnih muh. ³Judah a nhi a ndah Perez khi Zerah khi maat-muuk Tamar. Perez a nhi a ndah Hezron ndhi a ndah Raam.⁴Raam, a nhi a ndah Amminadab ndhi laa Nahshon ndhi a nhi laa Salmon. ⁵Salmon khot ndah Boaz ndhi muu laa khi Rahab, Boaz a nhi a ndah Obed ndhi mu laa khi Ruth, Obed a nih laa Jesse. ⁶Jesse yaghal laa Daviit ndhi a long. Daviit a nhi a ndah Solomon ndhi kat khi maat Uriah.⁷Solomon khot a ndah Rehoboam, yaghal Rehoboam ndhi laa Abijah, yaghal Abijah la Asa. ⁸Asa khot a ndah Jehoshapat, Jehoshapat ndhi la Joraam a nhi a ndah Uzziah.⁹Uzziah a nih khot a ndah Jothan ndhi la Ahaz, Ahaz yakhal khot a da Hezekiah. ¹⁰Hezekiah a nhi a ndah Manasseh ndhi la Amon ndah Jossiah. ¹¹Josiah a nih a ndah Jechoniah khi emnhikinmuk mu ndhi mu shin mu shin yaa Babylon.¹²Khidangkong ndhi muu sheen mu shinyaa nBabylon, bih Jechoniah ji kot a ndah Shealtiel ndhi waji kot a seen Zerubbabel. ¹³Zerubbabel a nhi a ndah Abiud ndho kot a ndah ndhi la Eliakim yakhal nhi la Azor. ¹⁴Azor waji wul bhi kot a ndah Zadok ndhi la Achim ndhi nhi yakhal la Eliud.¹⁵Eliud a nhi a ndah Eleazer ndhi la Malthan, yakhal Malthan la Jacob. ¹⁶Jacob ndah Joseph, miis Mary ndhi laa Ndah Jesu ndhi mu khi yong nhi a Kristi. ¹⁷Khiding seen ndhi yakhal Abrahaam de jii wuul Daviit wuul seen saar shikaa feer, yakhal Daviit jii wuul sheen shinya nBabila wuul seen saar pwo feer, yakhal shenya fe nBabila shinkaaam Kristi wuul seen sarkaa feer.¹⁸Yad ndhi mu laa Ndah Jesu Kristi bih nhi a khipee ndhisih. Nhikin muk Mary ni npee khot a maat Joseph, bih, dang she dii, bhii muu kaat Mary ni khi gaam mhi Riin khi Naan. ¹⁹Miis muk Joseph nhi a gu zeen ndhi ni phi dem shin kaakuul nni khinar-gurum mu ma. Npe ndhi assih bhi ni phi dem yiit nhi nna biyaa.²⁰Ndhi ni phi leng khikaa fee bih la-lep khi Ndah Naan ji nder muk nsukhun nhi phi sihnah "Joseph, la Daviit, ghi nok lukkhut npe mang Mary nmaat sih, npee ndhi bii ndhi nbut muk a bhi ndhi Riin khi Naan den nni. ²¹Nhi npee la-la wumiis, bhi yakhal sim muk npe kot a Jesu, npee ndhi ni pee kot a yarkaam puut khi nyen shikbis muu.²²Mhi-sih khidhing a npee gaam bii ndhi Ndah Naan sat yarkaam mhi jep lep sih nah, ²³ "Guu naa, maat ndhi maan miis mah, ni npee laa-laa wumiis, yakhal muu khi yong sim muk a Immanuel - nin ndhi "Naan khi muun".²⁴Joseph yakhal khiting nsaam yakhal shin khipe ndhi la-lep khi Ndah Naan saat nhi yakhal mang nhi khipe maat muk. ²⁵Ba'ah nhi teer khi nhi mah haar waji laa. Yakhal yong sim fee a Jesu.

¹Khidangkong laa khi Jesu eh Bethlehem ndhi khi yil Judiya nteer ndhi Herod nhi a long, nyen maan dahass muh ndhi muh yikhil khi saar kuul ji muu rhoo eh Jerusalem muh phi sih nah, ²"Gwo ndhi muh sihnah mu laa nhi a long Jewess mu ni anneh? Muh naa taar khisar kuul yakhal muh ji npee dhik yil nni". ³Ndhi long Herod khiling ndhisih bhi bii fee tuwang bhizung muk yakhal khidhing gokhotshii gurummu nJerusalem ndhi muu awukhimeh.⁴Herod yong pee khidhing nnyen kaar fhinni mu khi nyen raan khi gurum muu, yakhal taal shiphimuu "pee ndhi muh npe laa Kristi di? ⁵Yakhal muh sat nni, "A khi yil Bethlehem ndhi nJudiya, npe ndhi a bii ndhi nyen lep khi Ndah Naan gyet muu raan gwe. ⁶Npe nghi Bethlehem, ndhi khi yil Judiya, ghi a wutesmah khinar nyen phitikhim mhi Judiya, npee ndhi nnarguu muu npe kat gwo wuyon npe puut ndhi ni npe tap khi jep Isara'ila muh."⁷Long Herod yakhal nnabiya bhi yong nyen maan muu yakhal taal shi phi mwo yad ndhi zaar fee puut di. ⁸Yakhal lep muu shinyaa nBethlehem, sih nah, "Guu mwan guu bohong pee ndhi laa wullee fee di. Kaat guu kat ni bhi guu sat nnan dee nnan a mwan a dhik yil nni di".⁹Khidangkong ndhi muu khiling bhilip ndhi nhi long fee sat bih muu mang yarkaam, zaar ndhi muu naa khisar kuul taa tikhimmu yakhal ji daar daap khiting nkaa pee ndhi laa fe di. ¹⁰Ndhi muu naa zaar fe bih bhizung muu piya.¹¹Muu dhel ndhikhin lih fee, bih muh naa laa fee nih nsar Mary, nhikhinmuk. Muu ghim yakhal muu dhikyil nnih. Muu shin baam fhut mhi bii wuret ndhi mel-mel, npe ret nyit ndhi muh khi ni. ¹²Ndah Naan biyalmuu nsukkuun yakbaa mu nwaji ndeer Herod, yakhal muu wakyaa khipang lhi-duu nyarkaam wudhik.¹³Khidangkong ndhi muu wahak bih la-lep khi Ndah Naan ji ndeer Joseph nsukkuun phi sih nah, "Ghi yakhal khiting, ghi mang la fe khi nhikhin fe ghi sih ghi yaa nEgypt. Ghi tong di seh a saat bhilip khi ghi npe ndhi Herod ni phi tang yarkaam thi la fee." ¹⁴Nlih-paar bhih Joseph yakhal bhih mang laa fe khi nhikhin fe bhih deel yaa nEgypt. ¹⁵Dee tong di haar Herod ji muut. Mhi-sih gaam a bi ndhi Ndah Naan saat khisaar nyen naa shi kaa, "Ndhikhin Egpyt an npe yong laa fhinn.¹⁶Ndhi Herod naa ndhi jep maan mwo gwam jiin bih bii fee laa nni. Nhi yakhal lep dee mu tiwo jepdaas muh khiding ndhi mu nBethlehem khiding khi mu ndhi khi yil fee ndhi muu deel phi yii vhil ma yad ndhi ni maan ndeer nyen ma'an mu.¹⁷Dih mu gaam bii ndhi guu naa shikaa Jeremiah gyet sat. ¹⁸"Meh dhikhil tong puut nRamah, waal khi baagaa dokor, Racel ni phi wal npe jep fhit muu, yakhal niyang pe dee muu shin mokhor npe ndhi muu di ma."¹⁹Khidangkong ndhi Herod muut bhih jep lep Ndah Naan mu pwaat nsukkuun ndeer Joseeph di nEgypt yakhal saat naa, ²⁰"Ghi yakhal ghi mang laa fee khi nhikhin fee bhih ghi yaa khiyil Israila npe ndhi muu ndhi mu phi tang seen laa fe mu dwaam khidhing. ²¹Joseph yakhal, mang laa khi nhikhin fe, bhi mu wakyaa Israila.²²Ndhi yakhal khiling ndhi Archelaus a ni phi yaa yil Judiya nkop ndah muuk Herod, bhi lukkuut thi ni npe wayaa di. Khidangkong bhih Ndah Ndah Naan biyaal ni bhuut sukkuun bhih yakhal wayaa nGalilee. ²³Yakhal mwan bih tong npe ndhi muu khi yong a Nazareth. Mhisih gaam bi ndhi nyen jagaam mu saat ndhi muu khi yong ni a Nazarene.

¹Nteer ndhi muu deel bhih Jon nguu baptisma ji ni phi saat bhilipnaan ndem khi yil Judiya ni phi sih naa, ²"Guu tihwap, npe ndhi wawuul khi Ndah Naan wul kuss." ³Npe ndhi assih gwo ndhi gujakham Isaiah saat bhilip khikaa muk na assih "Dhikhil ndhi ni phi yong pee ndem, dak sak npe Ndah Naan, ghi tap yarkaam khimuk ndarii."⁴Jon juwal lee ndhi ni khi shoop bhizing yakhal nnaar shinkam mbwon nhi. Sih khimuk a mes khi ndohor nshii. ⁵Assih, Jerusalem, Judiya khidhing yil ndhi neer Kong Jordan mwan ndeer muk. ⁶Muu shin baptisma nmuu dii nKong Jordan dih kat muu fuut tahkat/wubis ndhi mu shin.⁷Ndhi naa nyen maan khi nyen Sadducees bwer muu shoo mu jii npe deh nih shin baptisma nmu di, yakhal saat nmu "Gun jep zeem mu, aweh saat ngun npe jeel ndhi ni khiyar wawul eh? ⁸Guu puut khi sherem ndhi mak naa tahkat deh tang kon. ⁹Tap bhi guu diye khi nargu "mun khi Ibrahim a ni a ndah mu." Npe ndhi Ndah Naan nhi mak yakhal khi Ibrahim muu nyarkam ndhi ni mak shin.¹⁰Asih gwe ndhi sep khi den nni nsen ting muu. Ting ndhi mu la-la ma, bhih mu khi gap nih bhih yakhal mu kon shinsaam nwus. ¹¹A shin baptisma nghi khi amm npe vwang shikbiss. Bhih gwo ndhi ni npe wul khidangkong nih yon met nnan ndhi ba ann a mak deh nan a mang kohkop khimuk mah. Ni npe shin baptisma ngun khi Riin wuret yakhal khi wus. ¹²Bii tap npe ni nsar muk deh ni vuwang ass yakhal thil wuret fe shinyaa buut/mee. Npe ndhi asih ni npe shan wubis fe khi wus ndhi baa mu npe mak thi ni ma."¹³Det bhi Ndah Jesu tong wawul nGalilee dii Kong Jordan dee nJon shin baptisma ni dii. ¹⁴Nhi Jon daar npe deh ni dang ni di, yakhal saat naa, "an phi dem ghi shin baptisma nnan bhi binshin ghi ji nder nah?" ¹⁵Ndah Jesu saat nJon "Ghi yit npe nan khidetsih, npe ndhi ret deh nmun mu gaam shiit wuret" yakhal Jon shin pee nni.¹⁶Khidangkong baptisma ndhi Jon shin nni Ndah Jesu, bhi yakhal la-la bwot amm, bhi yakhal tingnaan ep phi nni. Yakhal naa Riin khi Naan nhi phi saam khipe nkling sih, tong nkhaa nmuk. ¹⁷Guu naa, mee dhikhil ni npe tong saam khitingnaan ni phi sih nah "Mhisih ni a laa fhin ndhi bhizung nih piya khini."

¹Riin mwan khi Jesu ndhem deh sharfom kamni dhi. ²Ndhi tongkhinen mpeh teer yakgurum vhil khi lhipar yakgurum vhil, neen lha nnih. ³Sharfom jhi satni nha "Kat ghi ah lah Naan, bhi ghi villing pang sih shin waya burodi. ⁴Jesu phiring/lap nnhi nah "Awurhiran, "Gurum khi bor akhi burodi det mah, akhi duk meh bhilip ndhi nhi ah mhi Naan.⁵Sharfom shin mangnih shinya khiyil wubang bhi kah khini khiting jong jong nlhina'an, ⁶Bhi sat nhi nah "Kat ghi alah Naan, bhi ghi bhiring ghi wasam nyil, mpe ndhi nih ah wuran 'khi lhi jeplep finih mu tap ghi' mu khi ehp ghi nsar du, yakba ghi shit kwak ghi khika pang.⁷Jesu sat ni nah "Awuriran 'Tapbhi ghi kam Nda Naan ghik ma. ⁸Shinbin sharfom lap nhi shin kah khidikir yakal nhin dhikin yil nhi khi bhi ndhi mudi khiding, ⁹Sat nih nah bhi ndhi ghi nah sih mukot amak duk duk, kat ghi kurum ghi dikyil nnan."¹⁰Nda Jesu piring/lap nnhi na "Ghi bah nder nhi sharfom, mphe ndhi nhi awuriran "Ghi dikyil ah Nda Naan fhik, anih det khime ndhi mu dikyil nnhi. ¹¹Ndhi sharfom yitnidi bhi jeplep khi Ndah Naan mutong sam khiting, mu dikyil nnhi.¹²Ndhi Jesu khiling muh yaa Jon, bhi tenshini mwan ya khi yil Galilee. ¹³Yakal yit yil Nazareth dhi, mwan tong nCapernaum, shiging am teku nGalilee khi yil Zebulum mukhi Naphtali.¹⁴Ndhisih tah ampeh gam sat khi ngu jakam Ishaya. ¹⁵Yil mhi Zebulum khi yil mhi Naphtali, nkwang amteku shinkam nJordan, Galilee mhi Gentiles mu. ¹⁶Gurum ndhi mukhi twakat nkwo munah bhiga pebang, nyen ndhi mu zan kwak phi tukun munah Pebang khi yit du.¹⁷Yakhal shiwuni bhi Nda Jesu kop-bhilip Naan nah "Gu thiwap mpe ndhi wul khi Naan wulkus"¹⁸Ndhi nhi phi mwan phikom am teku mhi Galilee, bhi nah emnikin shak mu vhil, Simon ndhi mukhi yong nih a Peter mukhi Andrew emnikin nih muphi khon teng yak sherep nbut am teku, mpe ndhi mu a nyen yak sherep mu. ¹⁹Jesu satmu nah "Gu ji gu mwan nder nhi bhi ah den gun a nyen yak gurum mu. ²⁰Ndhi sat nmu asih, bhi mu yit teng sherep fut mudi, mu mwan nder muk.²¹Jesu nhi phi yit peh feh dhi bhi naan emnikin shak nkwa mu vhil, James lah Zebedee mukhi Jon emnikin nhi, mu ndikin shii a wukhime khi ndah du Zebedee mu phi taan teng sherep fut yong peh mmu. ²²Bhi mu yit shii feh dhi khi ndha du mu mwan nder muk.²³Jesu ka'at yil Galilee phi kop bhilip Naan, kam bhi mu muh lhinaan, kam pwonaan nmu, lat khi shwal mu shini shini nyen ghok ndhi mudhi nhaarmu. ²⁴Bhilip mwan khi sim muk khiyil Syria, gurum ndhi mu di mu wul khi nyen gok mu ndhi mukhi shwal mu shini shini deh mu kat kaham dhi, nyen ndhi riin wubis bhim mu, nyen dwam kukui mu khi kungkuut mu Jesu lat khi shwal khimu khiding. ²⁵Gurum mu ngam mu wakder muk khiyil Galilee nyen Decapolis, Jerusalem, Judea khi gurum dhi mu deel phi Jordan.

¹Ndhi Jesu nah duh-gurum mu bhi mwan kah mpang ndhi gah pephitong bhi jep shiit khimuk mu ji nder muk. ²Ep pwo yakhal kam mu, nhi phi sihna ³"Nyen ndhi mu kat wuret khi Naan a nyen ndhi mu man tahkat fut uriin, mpe ndhi pe khi tingnaan mumu. ⁴Nyen ndhi mu kat wuret khi Naan a nyen ndhi mu bhizung tikok mpe ndhi Naan khi jwan mu.⁵Nyen ndhi mu sam khi kah a nyen dhi mu mpe kat deltikim khi yil. ⁶Nyen ndhi mukhi rikit mpe kiling bhilip khi Naan, mukhi kat riin. ⁷Nyen ndhi mukhi nah jel, mukhi nah jeel khimu. ⁸Nyen ndhi muphi lukut Naan, mukhi kat Naan.⁹Nyen ndhi mukhi kat wuret khi Naan, a nyen ndhi mu phi dem tong shakap, mpe ndhi mu a jep Naan mu. ¹⁰Nyen ndhi mukhi kat wuret khi Naan, a nyen ndhi mu shuu jeel mpe satzen, mpe ndhi pe khiting ah mumuh.¹¹Nyen ndhi mukhi kat wuret khi Naan, anyen ndhi mu fhilip mu, mu shin jeel nmu, mu kwap dung nkaa nmu mpe bhilip khi Naan. ¹²Gu kat retyit khi bhizung piya mpe ndhi gun khi phishi khiting, mpe ndhi shar shiit khi muk wugyet mu shwa jeel asih.¹³Ah gun a kiin, kat tikok bhi kudi khi shang mah, mukhi kon sih mu tereng/tarang khi kwak. ¹⁴Ah gun apebang ndhi khidhikir ndhi pe sok ma.¹⁵Kat mu den wus mpe nah, bhi mukhi okot nhi ma, mukhi den kidikir deh ngurum ndhi mu dhi ndikin lih feh muna pe khini dhi. ¹⁶Yidi de ngurum muna pebang ndergu, mpe dhi shin asih feh khi ji khi rikit mpe kiling bhilip khi Naan mpe dikyil nhi.¹⁷Yak gu dena a wul ampe bakhi war mah ah wul ampe gam war feh. ¹⁸Zenzen a sat gun har yakal khi yil bhi ba meh bilip khi Naan ndhi khi puta yil ko khime, a tiit nhi gam nook khi Naan dhi.¹⁹Mpe wuni, kat me gurum del khi kah meh war de kam bhi wudik bhi nhi khi diyel khiting. Duk gurum ndhi yah war sih awuret, kam awiuret nhi khi baga phishi nder Naan. ²⁰Asat gun, kat shinzen fuk met mhi nyen shak wap mu khi Pharisees mah bhigu del kiting mah.²¹Gu khiling mu sat nyen wugiyet mu, 'nok tihka sih! Gwo ndhi tihka nhi khi diyel. ²²An phi sat ngun gwo ndhi mang tukurnung khi emnikin nhi, mhi khi diyel ntikim, gwo ndhi yong emnikin nhi ah gurum wubaan, bhi mu khi wakji khini ntikim daskaham mu, gwo ndhi yong megwo awuyokor bhi khi waya nwus ndhi tai-tai.²³Mpe wuni, kat ghi pe shin zukum Naan pe vwang shikbis de ghi khi emnikin ghi nbhizung ghi, ²⁴bhi ghi nok, ghi mwaan nder muk, gu dak dikil suk deshe ghi mwan shin zuhum feh dhi.²⁵Ghi nah bis fhik man gu roh ntikim diyel mah bhi ghi tiwap abet, yakba shar diyel fik khi mwan khi ghi ntikim ngu shandiyel de waya khi ghi lhikwo. ²⁶A satzeen nghi bhi ghi put lhikwo ma seh ghi kwat kaat feh duk duk.²⁷Gu kiling, muna tap bhi mu shin thilet/ngah mah. ²⁸Asat ngun, gwo ndhi na mat de sha bhi shin thwet khini gwe bhizung.²⁹Kat yit ghi lhi nghi ghi shin shikbis bhi ghi shang ghi kon sih, met ndhi ghi waya wus khi ghitshik khiding. ³⁰Kat kwang sar ghi lhi ghi nshin shikbis, ghi gap ghi kon sih, met ndhi ghi waya nwus khi ghitshik khiding.³¹Giyet muna gwo ndhi shen mat nhi bhi shin tikarda bot nnhi. ³²Gwo ndhi bot matni, ba yaa nhi aphi thilet mah bhi kam a yarkam ngah ni, gwo ndhi lapni shin ah gah duk.³³Mu sat bhi bit muna Tap bhi mu shwar sim khi Naan nbut dung ma. ³⁴Mu nok shwar sun sih ko a tingnan mhi ndhi aapetong Naan. ³⁵Mu nok shawar sun khi yil mpe ndhi a shiit sar khi Naan, munok shwarsun khi Jerusalem mpe ndhi a yil long wuyon.³⁶Mu nok shwarsun kha mu mpe ndhi mun awushin ko shop kah khime ma, ko mu lhini de a piya ma bhi atip. ³⁷Yit de kat bhilip ah ee bah ee hai bah hai! Mpe ndhi kat bi ndhi met asih bhi tong ander sharfom.³⁸Muna yit mpe yit, akas mpe akas. ³⁹Asat gun tap yak gu niyang ngu en wubis ma, kat megwo shit kwang ghin ghi bhi ghi shikir wu vhil fe ghi shin nnhi.⁴⁰Kat me gurum mwan khi ghi ntikim diyel deh nni lap leh lep fik dhi, bhi ghi shin zal fik nni duk. ⁴¹Gwo ndhi lhi tiit nghi mwan mwan mel kime bhi gu mwan mwan mel vhil kisuk. ⁴²Gwo ndhi tal/dang nder ghi, ghi nok nim nhi, gwo ndhi tal kaat bhi ghi shin nni.⁴³Giyet gu kiling muna ghi dem ting lhi fik, ghi niyang mu ndhi mu niyang ghi asat, ⁴⁴gu dem mu, gu dang Naan mpe mu ndhi mu niyang yit mu, mu shin jel mun. ⁴⁵Mpe de nmun mu deh a jep khi Dah mu ndhi kiting. Nhi yit npuus yape ngurum wubis khi wuret mu lep khi fwan gurum ndhi mukhi zen mah kiniyen zenmu.⁴⁶Kat mu dem aniyen ndhi mu dem mun det bhi mun ah phishi meye? Nyen shak wap mu phi shin asih duk mingha? ⁴⁷Kat mu tal ah emnikin mu mu det, bhi mu shin ame met gokotshi mu ye? Nyen ndhi man Naan ma mu phi shin asih ma? ⁴⁸Mpe ndhi asih mu dar de mun mu put sar khipe nda mu ndhi kiting sih.

¹Pe gyet di nshee de shee Naan den yil di bih a pwo/bhilip di. Pwo/bhilip fe a wukhime khi Naan. Pwo/bhilip fe a Naan. ²Pwo ndhi sih pegyet di a wukhime khi Naan. ³Naan lih bi mwo a npe muk, kat khi Ni ma, bih ba mebi kihme ndhi mwo dak.⁴Nbut muk bi a seen, seen ndhi sih a ni ji khi peebang ngurum mwo dukduk. ⁵Peebang fe bangpe nbut kwo, bi kwo fe khi muk sih koghorong nkaa ni ma.⁶Naan lep megwo ndhi sim muk a Jon(Yohanna). ⁷Gwo ndhi ji a npe langting sih, de ni shin langting nkaa pebang, de ngurum mwo duk duk mwo shin zeen di. ⁸Jon fe niya peebang ma, wul apee ni shin langting khikaa peebang di.⁹Peebang wu zeen-zeen, ndhi shin peebang ngurum mwo khiding, ni phi ji a ndighin yil.¹⁰Dok nih ndighin yil, mwo den yilsih a npee muk, bih yil fe man ni ma. ¹¹Wul nder nyen min mwo, bih gurum kihmuk mwo lap ni ma.¹²Dang bih duk duk nyen ndhi mwo lap nih, mwo shin zeen khikaa sim khimuk, bih shin bal mwo de a jep kih Naan mwo di. ¹³Ba a kihbii ndhi mwo bee jep mwo ndighin shiitshin ndhi gurum mwo loghot kih nih ma, a pih Naan di.¹⁴Bhilip/pwo fe dee a gurum, bih yaghal gam kih wuret, kih zeen bih tong ndhighin mun gurum, mu naa wuyon khimuk, wuyon ndhi ni a mih laa wutaltwass mhi Nda muk, gam kih wuret kih zeen. ¹⁵Jon shin langting nkhikaa muk bih yaghal wal kih dighil naa, "Ndhi sih a nih, ndhi a sham sat, "Gwon ndhi npee ji khidangkong nih met nnan, npee ndhi dok a ni dang dee shee an di."¹⁶A mpee yon khi wuret khimuk bi mu kat bii mun duk-duk kat bii mwo bwer, wuret khikaa wuret. ¹⁷Mpee ndhi mwo shin waar fe a khi sar khi Musa. Wuret khi zeen a khisar Nda Jesu Kristi. ¹⁸Ba mee gurum sham naa Naan ko lee, a laa khimuk ndhi kihmee, ndhi niya khipee Naan sih - ndhi tong nder Nda ni zak, a nih kampee Naan nmun.¹⁹Misih a langting khi Jon, parmeepuus bih nyen - nan-nan kih nyen Yahudi ndhi mwo nUrushalima, kih pris mwo ki Levai mwo, mwo mwan mwo tal phi Jon naa, "Ghi a we dangye? ²⁰Bih ba Jon niyang lap fe mwo ma, bi yaghal lap dee ni satzeen di naa, "Ba a an a Kristi ma. ²¹Bih shin mwo tal nder muk, "Bih ghi awee dangye? Ghi a Iliya mih? Bih sat naa, "an a ni ma," mwo yaghal sat naa, "Ghi a ngu sat bhilip sih woo? Bih lap mwo naa, "hai yo."²²Bih shin mwo tal shipihmuk, "Ghi a wee, de nmun mwan mu sat nyen ndhi mwo lep mun diwoo? Ghi npee sat amee khikaa sak e? ²³Bih sat naa, "An a dighil mii ngu yongpee ndem, ndhi sat naa, "Gu dak yar khi Nda Naan (khipee ndhi ngu sat bhilip Naan (Ishaya sat sih)."²⁴Kihdet sih mwo lep a pak nyen Farisi mwo. ²⁵Bih tal shipihmuk mwo sat nni naa, "A mee lih dee ghi pih shin baptisma kat ghi a Kristi, ko a Iliya ko ngu sat bhilip Naan e?²⁶Jon lap tal naa, "A shin baptisma khi am. Dangbih megwo kih daar kihnargu ndhi gu man ni ma. ²⁷A nii a gwo ndhi ji kidangkong nih, teng koghop khimuk bih wuret finih mak dee nan a fwon di ma, ²⁸Bii sih mwo duk duk mwo shin a Bethany nkwang yit Kong Jordan, npee ndhi Jon pih baptisma di.²⁹Daa ni bih Jon naa Jesu khi waaji kus kih jin bih sat naa, "Gu naa, laatim khin Nda Naan wu mang shikbis yilsih shin baa: ³⁰Mihsih a ni a gwo ndhi a sat ngun sihna, "Gwo ndhi mpee ji kihdangkong nih met nan yon, mpee ndhi a ni dangsih nnan." ³¹A man ni ma, dee asih a mpee de ni niin shinii nIsaila sinna a an a wul bih an pih shin baptisma kih am.³²Jon shin langting sat naa, "A naa riin kih Naan kih sam khitingnan kihpee laa bul sih, bih sam tong nkaa muk. ³³Dangbih, a naa nih a man ma, bih gwo ndhi lep an mpee shin baptsima ngurum mwo nbut am sat nnan naa, "Gwo ndhi ghi naa riin wubang sam lang nkaa muk, bih a gwo fe ndhi ni mpee shin baptisma ngurum mwo khi riin wubang. ³⁴An anaa, a shin langting zak ndhi gwosih a Laa Naan."³⁵Asih zak, bih dihdaar bih Jon nder jep lep fi ni mwo vil. ³⁶Mwo naa Jesu pih mwan - mwan bih Jon sat naa, "Gu naa Laatim khi Naan."³⁷Jep lep wu vil sih mwo khiling ni pih sat bhilip sih bih yaghal mwo mwan nder Jesu. ³⁸Dangbih Jesu viling yit naa mwo pih ji nder ni, bih sat mwo naa, "Gun pih dem amee? Mmwo lap sat naa, "Rabbi (Kat mwo pring bih pihshii bhilip fe a ngu Kam-kam) Lih fik/peetong fiik a nee ye? ³⁹Jesu sat mwo naa, "Gu ji naa," Bih yaghal mwo ji naa pee ndhi kihtong di, mwo tongpak nder muk parpuus wuni, bih karfe feer shin gwe.⁴⁰Memee khinaar wu vil ndhi khiling Jon lap bhilip de yaghal mwan nder Jesu a Andarawus, emnighin Siman Bitrus. ⁴¹A ni shee kat emnighin Simon bih sat nih naa, "Mu kat Messiah fe gwe" (Kat mwo pring: pishii fe a, "Kristi)." ⁴²Waaji ki ni nder Jesu, bih langyit kih del muk yaghal sat naa, "Ghi Siman Laa Jon, kidetsi mwo mpee yong ghi a Cephas {pihshii fee: Bitrus).⁴³Daar fe zak, Jesu pih dem yitmwo di dee mwan yaa nGalili, bih kat Filibus bih sat ni naa, "Ghi ji nder nih," ⁴⁴Filibus fee tong a Bethsaida waji, a yil mih Andarawus ki Bitrus. ⁴⁵Filibus kat Nathaniel, sat naa, "A ni ndhi Musa ran ran nbut warr khi nyen sat bhilip Naan, mu kat ni, Jesu Laa Yusufu nNazareth."⁴⁶Nathaniel sat nni naa, "Mee bii wuret kih put nNazareth a? Filibus sat nni," ji ghi naa." ⁴⁷Jesu naa Nathaniel kih waaji kus kih ni bih sat kihkaa muk naa, "nGu Isarila, mih zeen - zeen ndhi ba kih sat mee dung ma, " ⁴⁸Nathaniel sat naa, "Ghi shin a nang dee ghi man an diye? Jesu lap sat ni naa, "Dee shee Filibus yong pee ghi, ghi bider ting kon bih a naa ghi."⁴⁹Nathaniel lap sat, Rabbi, ghi a Laa Naan! Ghi a Miskaham Isarila!" ⁵⁰Jesu lap sat nNathaniel, "A mpee ndhi a sat nghi, a naa ghi bider ting kon: ghi shin zeen a? Ghi mpee naa bii wu nan-nan mwo met ndhi sih. ⁵¹Bih yaghal sat naa, "A zeen-zeen, a sat ngun, gun npee naa khitingnan a fung/wu - e - epp, yaghal gu naa jep lep ki Naan mwo pih sam nkaa Laa kih gurum."

¹Khidangkong teer kun, mwo kih bwakhadik nCana khi yil Galili, bih nhihin Jesu ni di. ²Bih mwo yong Jesu kih jep lep fini mwo kihpee diik fee.³Ndhi amshu lat, bih nhighin Jesu sat ni naa, "Mwo kih amshuu ma." ⁴Jesu sat nhighin naa, "Namat, yi ji nder nih a mpee me? Puus nnan wul gwe ma. ⁵Nhighin muk yaghal sat nkwaram khimuk mwo naa, "Duk duk bii ndhi sat ngun, bih gu shin."⁶Khipee fee bih wunangnee mih pang mwo peeme di ndhi Yahudawa mwo pih shin shiit kih ni npee vwang-vwang kowane wangneen khimee bih sih jep dhilang/tulwa mwo peeme-pemee. ⁷Jesu sat nmwo naa, "Gu gring wang am sih mwo khi am." ⁸Bih sat nkwaram sihmwo naa, "Gu kok pak shin pwat kidetsih dee gu shin ngu phitihim naapee." Bih yaghal mwo shin asih wai.⁹Ngu phitihim naapee sham am ndhi bwor a am-shuwa (wine), dangbih man pee ndhi mwo kat am wuni fee di ma (A nyen yakam fee mwo man det) Gwo fee yaghal yongpee ngu bwahatdik fee ¹⁰bih sat naa, "Gurum mwo khi ji akhi am inabi wu shang-shang nshee ngurum mwo shuwa, baa khidangkong bih ji khi wukwa wukwa ndhi met nwunshee fee di. Wughimak ghi sok am inabi wuret see khidetsih.¹¹Ndhi sih a bii fiipwo ndhi nshee ndhi Jesu shin nCana khi yil Galili, bih niin wuyon khimuk, jep kam khimuk mwo shin zeen niih.¹²Khidangkong bisih bih Jesu, nhighinmuk, emnhighin muk mwo, khi jepkam khimuk mwo dhel sam nKafarnahum bih mwo tong di npee mee jep teer mwo.¹³Retnyit yi khi yi mih Yahudawa mwo wul kus, bih Jesu dhel kaa nUrushalima. ¹⁴Bih kat nyen seet kih lede, tim khi bulkuur, yaghal nyen pring shaghal mwo khitong di zak.¹⁵Bih mwan tep ngram teng ndhi khi liss mwo vil dee del sheen mwo kwet-kwet nLih Naan fee, awukhime khi tim khi ledde, yaghal. Fwat shaghal fee, sheen nyen pring shaghal fee mwo bih yaghal bet teebir kihmwo kon sih. ¹⁶Sat nyen seet bullkuur fee mwo naa, "Gu kok bii ndhi sih mwo shin baa nbisih." Gu nok mang Lih Nda (Lih Naan) apee lihtuk sih.¹⁷Jep kam khimuk mwo yaghal kihkder bii ndhi mwo ten ran, "Rihit Lih fik sih phituhup nih tai-tai." ¹⁸Bih Yahudawa mwo lap mwo naa, "A mee bii aapwo ndhi nee ndhi ghi npee niin nmun ye?" ¹⁹Jesu lap sat naa, "Gu rihip Lihnaan sih, an zak a yaghal khi ni nbut teer mwo kun."²⁰Yahudawa mwo sat ni naa, "Mu shin yi yagurum vil kih peeme mun khikaa dak lih, Naan sih, wughimak ghi sat ghi sinaa teer kin bih ghi yaghal khi Lih Naan fee a? ²¹Dangbih, Jesu ni pi lap bhilip a khi kaa Lihnaan mih shishik nii. ²²Khidangkong yaghal khimuk khituhun muut khinaar nyen ndhi mwo duwam, dee shee jeplep khimuk mwo khikder sut di, bih mwo shinzeen nbhilip khi Naan khi sim bhilip ndhi gyet sat.²³Nda Jesu ni nUrushalima khipee retyit yi khi yi, gurum mwo bwer mwo shin zeen ndhihim sim muk khidangkong ndhi mwo naa pak bii aapwo mwo ndhi shin. ²⁴Duk khin ndhi asih bih Jesu shin zeen mwo ma, npee ndhi man mwo duk-duk. ²⁵Mpee ndhi baa nih dem nmeegwo shin laangting - nnii khidel gurum ma, mpee ndhi man engurum.

¹Mee ngu Farisi dii, sim muk a Nikodimu, a ngu pihtihim Yahudawa mwo. ²Gwo fee ji nder Nda Jesu nlihpaar bih nnii naa, "Rabbi, mu man ndhi ghi a ngu kam-kam ndhi ghi tong a nder Naan ghi sam, npee ndhi meegurum makpe shin bii aapwo ndhi pi shin, kat baa a Naan awukhime khi nii ma.³Jesu lap sat naa, "A zeen-zeen kat baa mwo shee laa gurum ma, bih gwo fee khi naa pee wuyon khitingnan ma. ⁴Nikodimu sat nii naa, "khi makpee shin dee laa gurum khidangkong ndhi gya gwe a? Baa khi mal del, del wu vil nbut njerem nhighin nii dee shin mwo nii mak, kot khi shin wo?⁵Jesu lap sat naa, "A zeen-zeen, kat laa mwo laa gurum nbut Riin khi amm mak, bih gwo fee ki del nmulki khi Naan ma. ⁶Bii ndhi agurum laa, a mih gurum, bii ndhi Riin laa zak, a mih Riin.⁷A bii aapwo mak, ndhi a sat a lih mwo khi baa laa ghi di. ⁸Kohom khi put npee ndhi put di, ghi khiling kihkom, dangbih baa ghi manpee ndhi put di khi pee ndhi ni npee mwan di ma. Asih zak khi gwo ndhi mwa laa ni nbut Riin.⁹Nikodimu lap sat naa, "Bii ndhi sih mwo khi shin a? ¹⁰Jesu lap sat ni naam "Ghi a ngu kam-kam nIsarih, duk khi ndhi asih bih ghi man bii ndhi sih mwo maa? ¹¹A zeen-zeen, a sat ghi, mun phi bilip a bhilip ndhi mu man, mun phi shin langting a khidel bii ndhi mu naa. Duk khi wuni fee bih ghi nyang lap langting fumu/fun.¹²A sat bhilip ngun nkaa bii yil sih mwo, gu shin zeen mak, gun npee shin zeen, kat/sat khidel bii mwo ndhi kihting Naan a'a? ¹³Mee gurum sham kaa khitingnaan ma. Kat baa a gwo ndhi tong khitingnaan sam - Laa khi Gurum.¹⁴Kihbii ndhi Musa epp nwoo khiting ndem sih, a ting zak dee mwo epp laa gurum khiting di. ¹⁵Mpee dee nyen ndhi mwo shin zeen ni bih kat seen wu tai-tai.¹⁶Mpee ndhi Nda Naan wal nyil sih, lep khi Laa ni, Laa muk wukhimee, duk gwo ndhi shin zeen nih, khi muut ma, khikat seen dhi tai-tai. ¹⁷Baa Nda Naan lep khi laa ni a npee tok diyel nyil fee ma, a pee dee nyil fee kat brip npee Laa he di. ¹⁸Gwo ndhi shin zeen nih, bih mwo ki tok diyel ni ma, gwo ndhi zeen Jesu ma, mwo tok diyel nih pee ndhi shin zeen nhihin sim mih laa muk ndhi kihmee ma.¹⁹Pihshii diyel fee ni si, peebang wul ndhihin yil, gurum mwo dem kuwo met npeebang npee ndhi shitshin khi mwo a wubis. ²⁰gwo ndhi shiitshin khimuk a wubis bih nyang peebang bih ki ji nbut peebang ma," npee ndhi peebang ki woo shikbis khimuk. ²¹Gwo ndhi ni pih shin shiitshin mih nyen zeen mwo, kih ji kihpee wubang dee gurum mwo naa khida naa ndhi shiit khimuk a mii Naan.²²Lee di zak bih Jesu ki jep lep fini mwo mwan yaa khi yil Yahuza. Nyil Yahuza bih shin pak jep teer mwo ni pih shin baptisma. ²³Yahaya zak pih shin baptisma nAenon kus khi Salim npee am di bwer. Gurum mwo pih ji bih Yahaya pih shin baptisma nmwo, ²⁴npee ndhi man mwo kon ni nlih kuwo (bursna) gwe ma.²⁵Gogharshik baa yaghal khinaar jep kam mih Yahaya khi mee ngu Yahudi khikaa puus retnyit Nwang-vwang. ²⁶Mwo mwan yaa nder Yahaya, mwo sat ni naa, "Rabbi, gwo ndhi dok ni awukhimee khi mi nyit/mkwang kong Urdun, ndhi ghi shin langting khidel muk, gwo fee phi shin baptisma, gurum mwo pih ji nder muk.²⁷Yahaya lap sat naa, "Mee gurum khi lap meebii nnohot npee khin lap bii fee a khitingnaan ma. ²⁸Gun shikaa suk gu makpee shin langting ndhi a sat alih, "A an a Kristi ma, mwo lep - lep an ntihim muk."²⁹Matmuwar a mih mis fee. Khidetsih shaar mis fee ndhi khi daar kihting dee kiling nnii, ni pih shin ret yit bwer npee dighil mis fee. Retnyit fini gam didik. ³⁰A ting ni khi naa a yon det, an zak a naaa a nkat det.³¹Gwo ndhi tongkhiting sam, ni a khiting khikaa gurum mwo duk duk. Gwo ndhi ni a ndhihin yil sih, ni a mih yil fee bih khi lap bhilip a nkaa yil fee zak. Gwo ndhi tong khiting sam bih ni a khiting duk-duk. ³²Ni khi langthing khidel bii naa khi ndhi khiling zak bih baa ngu lap langthing khimuk. ³³Nyen ndhi lap langting khimuk mwo man khime kot-kot ma ndhi Naan a zeen.³⁴Gwo ndhi Naan lep kini sat a bilip mih Naan. Mpee ndhi kih kam Riin a kuyenge/mudu ma. ³⁵Nda wal/dem Laa fee yaghal shin bii mwo duk-duk khi saar muk. ³⁶Gwo ndhi shin zeen nLaa fee bih ni khi seen wu tai-tai, gwo ndhi bak Laa fee zak bih khi na seen khiyit ma, a tukurnung khi Naan tong khikaa muk."

¹Ndhi Nda Jesu man wai Farisiyawa mwo kiling ndhi jin pih kat nyen shin zeen bwer, ni pih shin baptisma nmwo met nYahaya. ²(A Jesu shii kaa shini pih shin baptisma fee ma, a jep lep/jep kam khimuk mwo) ³bih yaghal yit yil Yahudiya wuyon kih yil Galili.⁴Dee a ting det dee ni lem/petyar nSamariya. ⁵Bih ji wul nmee laayil di nSamariya fee, sim laa yil wuni fee a Saikar, kus-kus phi yil ndhi Yakubu shin laani Yusufu.⁶Rijiya mih Yakubu a di. Jesu mwan - mwan doghol dee muutlet tihni bih yaghal tong kus kih Rijiya fee. ⁷Mee mat Samariya ji npee yak amm, bih Jesu sat naa, "Yi shin pak amm nan a shuu." ⁸Mpee ndhi jep kam khimuk mwo dhel yaa ngari pe seet bisih.⁹Bih yaghal mat Samariya fee sat Jesu naa, "A mee kaat mun dee ghi ngu Yahudi, phi tal amm shuu nder mat Samariya ye? Mpee ndhi ba meebi sham kaat Yahudawa mwo kih samariyawa mwo ma. ¹⁰Jesu lap sat nnih naa, "Kat ye yi man bizuhum mih Nda Naan, dee yi man zak, gwo ndhi nih phi sat nyi naa, "Yi shin amm nan a shuu, bih ye yi tal nder gwo fee, bih khi shin amm wu tai-tai nyi."¹¹Mat fee sat nnih, "Ngunan, ghi khi bi yak amm dangbig rijiya fee jurum. Ghi pee kat amm seen fee a nee ye? ¹²Ghi met nda mu Yakubu ndhi anih yit rijiya fee nmun, mih shikaa shinih, khi jepkhimuk mwo, khi longkhimuk mwo ndhi mwo shuu amm fee a?¹³Jesu lap sat nmat fee naa, "Duk nyen ndhi mwo shuu amm sih, shin mwo khi khiling khi amm tih, ¹⁴Ko a wee, ndhi shuu amm ndhi an npee shin fee, bih khi khiling khi amm tih ma. Amm ndhi an npee shin ngurum niya khibi amm pihbuut ndhi tong kih put bul-bul ndhi khi mwan khipee seen wu tai-tai.¹⁵Mat fee sat nnih naa, "Ngurum, ghi shin amm disih nnan yakba amm kih tih an dee nan nok weet nji npee yak amm nbisih." ¹⁶Jesu yaghal sat nmat sih naa, "Yi mwan yi yong mis yi, bih gu wakji sih."¹⁷Na mat sih yaghal nnih, "An khi mis ma; Jesu lap sat zak, "Yi sat anih fee wai, ndhi yi sat yi lih, "An khi mis ma. ¹⁸Mpee ndhi dok yi kih dass mwo paat, gwo ndhi yi kih nih kihdet sih a mis yi ma. Yi sat a zeen fee."¹⁹Bih mat fee sat nnih zak naa, "Ngu pihtihim, A man gwe ndhi ghi a Anabi. ²⁰Nda mu mwo pih dikyil nNaan akihdel pang dangbih wughimak ghi sat ghi lih Urushalima npee ndhi mwo kih dikyil nNaan di.²¹Jesu sat nnih, "Na mat, yi shin zeen nan, ndhi kih dee di lee bih ba gun npee dikyil Naan kihkaa pang sih ko Urushalima. ²²Gun pih dikyil a nbi ndhi gu man ma. Mun phi dihkyil a gwo ndhi mu man, npee ndhi yarkam bam put a nder Yahudawa mwo.²³Dang bit fee npee wul, bih wul gwe ndhi nyen dikyil nNaan wuzeen zeen mwo dihkyil Nda Naan nbut Riin khi shinzeen, npee ndhi Nda Naan bih bong a nyen wuni fee mwo npee dihkyil njin. ²⁴Naan a Riin, gurum ndhi mwo pih dihkyil nnih a ting det dee nmwo dihkyil nbut kih Riin kih zeen.²⁵Mat fee yaghal sat naa, "A man ndhi Masihi nih kihyar wul (Gwo ndhi sihm muk a Kristi). Kat ji wul, bih sat pihshii bi mwo duk-duk nmun." ²⁶Jesu yaghal sat nnih naa, "A an a gwo fee ndhi ni phi lap bhilip khi yi."²⁷Langdi lee bih jep kam khimuk mwo wak-wul. Mwo pih tankoh kihdhel bi ndhi lih dee Jesu pih lap bhilip khi mat, ba megwo sat naa, "yi phi dem a mee?" Ko, a mee lih dee ghi pih lap bhilip khi mat sih ye?"²⁸Mat fee yaghal yit wang am fhit, wayaa ngan; bih sat ngurum mwo; ²⁹"Gu ji, gu naa mee gurum/gwo ndhi bi mwo ndhi a sham fee duk-duk. Ndhi sih a Kristi ma, kot a nih woo?" ³⁰Mwo yit yil fee mwo ji nder muk.³¹Lee bih jep kam khimuk muu phi dang shiphimuk naa, Malim,ghi sih mebi. ³²Bih sat mwo, "An kih sih npee sih ndhi gun gu man ma. ³³Jeplep fee mwo bis bhilip nshak, "Ba mee nyen mwo ndhi mwo ji kih sih nnih pee sih, mwo ji kih niya?"³⁴Jesu sat nmwo naa, "Sih fin a pee shin a dem kih gwo ndhi lep an yaghal a lat shiit kihmuk. ³⁵Gu nok sat sinna: Dee tar mwo feer dee nlukhun bang dih ma? An phi sat ngun, gu epp kaa, gu naa mar mwo di, mwo nuwang dee diip det. ³⁶Ngu diip khi pishii bini, nih pih thil sih shin waji npee kat seen ndhi tai-tai, zak bih gwo ndhi kop-kop khi gwo ndhi diip-diip mwo kat retyit khishak di.³⁷Mbut sim bhilip sih; mee gwo kop, gwo wukwa diip, a zeen. ³⁸A lep gun pee diip bii ndhi gu shin shiit fee ma. Gurum mwo shin shiit, bih ji gu del khinar mwo."³⁹Samariyawa mwo bwer khi yil fee mwo shin zeen nnih npee bhilip mat sih ndhi sat naa, "Gwo fee sat bi mwo bwer ndhi a sham shin fee ma." ⁴⁰Samariyawa mwo yaghal ji nder muk, mwo dang ndeer Jesu dee nih pan tong a wukhime khi mwo, bih yaghal tong npee ter vil.⁴¹Gurum wukwa mwo shin zeen nbhilip khimuk. ⁴²Mwo sat nmat fee, mwo naa, "Mun pih shin zeen apee bhilip fi ndhi sat ma, a npee ndhi mun shii kaa sun mu khiling, bih mun man wai ndhi gwo sih a ngu ban mih yil sih.⁴³Khidangkong ter vil bih, yaghal wayaa nhalili. ⁴⁴Jesu shi kaa shini sat naa, Anabi khit kat yon khi yil finih ma. ⁴⁵Ndhi ji wul nGalili, bih nyen Galili mwo kaat nih. Mwo khi ten naa bi mwo duk-duk ndhi shin Urushalima khipee ret nyit yi khi yi, npee ndhi shi kaa sut mwo mwan di.⁴⁶Shin mwa wakji nCana khi yil Galili, laa yil ndhi Jesu viling amm bwor a aamm Inabi, dangbih mee mlaakop di khi yil Kafarnahun ndhi laa khimu nKaham ma. ⁴⁷Ndhi kiling Jesu yaghal nYahudiya waji khi yil Galili bih, mwan nder Jesu bih dang dee nih sam bhirip khi laa khimuk, ndhi dee a lee det dee nhi muut dhi.⁴⁸Jesu shin sat nih, "kat ghi naa bi pee taa khi bi aapwo ma, bih ghi npee shin zeen ma. ⁴⁹Laa kop sih saat nih naa, "Ghi sam la-la dee shee laa fee muut di. ⁵⁰Jesu yaghal sat nih, "Ghi dhel, laa fik bar." Gwo fee shinzeen nbhilip ndhi Jesu sat nih, bih yaghal dhel bini.⁵¹Nih nbut shii mwan bih kwaram khimuk mwan kaat pihmuk bih mwo sat nih, "Laa ghi nih khi seen." ⁵²Bih tal nder mwo maa shwal fee bwot laa fee a pee nangy? Mwo yaghal sat nih naa a pee karfe khimee bih lapip fee bwot nih.⁵³Nda laa fee yaghal man asih, Jesu shin sat mih, "Laa ghi nih dii khi seen, bih nda fee shiikaa shinih shinzeen, nih khi gurum khimuk mwo duk-duk. ⁵⁴Mhisih a bi pee taa wuvil ndhi Jesu shin khidangkong ndhi yaghal khi yil Yahudi wayaa nGalili.

¹Khidangkong mhisi bhi mu shin retyit khi Yahudawa mu, ba Jesu mwan ka nUrushalima. ²Bhi di Urushalima fee, di phi phili ndhi a mhi thim mu, bhi am gap dar dhi, ndhi sihamm muk mbhilip Yahudawa mwo bhi a Betasda (Bethesda), yaghal ni khi jep li mu paat ndhi mu shep mu. ³Khi sher gurum mu ndhi mu nKakham ma, wuvuhum, khihil ko nyen wukut mu mu khi tyorop di. ⁴(1) Dhihil wusihir ndhi ret fee yit v.4 di, 'sar ndhi la tong der Naan shin bhi tung am nme lokaci dee kat kawe ndhi ruhun kwak di dei-dei ndhi am fee phi yakkal bhi kat kakham nbut kowane shuwal ndhi ni khini.⁵Akwai me gurum di ndhi ni kakham ma npe yi yakgurum khime khi sarpopokokun. ⁶Ndhi Jesu naa ni khi peter, kuma ndhi man ndhi ni khi teer di har mang bit, bhi sat ni, "Ghi phi dem ghi kat bal a?"⁷Gwo ngok lap na, "Nda, an khime gwo ndhi khi den an shin sam an fee nkat am fee yakkal ma. Kat aji, bhi me gurum rhi di de kaa nhi." ⁸Jesu sat ni, "Ghi yakkal, ghi mang bi peter fhik, yakkal ghi mwan mwan."⁹Lala bhi gwo fee kat kakham, yakkal mang bi peter fini bhi mwan mwan. Bit fee bhi shi wu pokovel (bit ndhi shiit warr).¹⁰Bhi yakkal Yahudawa mu sat ngwo ndhi bhirip muna, "shini a bit wu pokovel (bit ndhi shiit warr) ndhi shin yarkaham nghi ghi mang karam fhik ma." ¹¹Bhi sat mu sana, "Gwo ndhi shin kakham nan sat nan sih na, "Ghi mang karram fhik ghi mwan mwan.¹²Mu tal phimuk, "Awe sih ndhi sat nghi na 'Ghi mang ni ghi mwan mwan. ¹³Ama gwo ndhi kat kakham fee man kat awelat khi shuwal fini o ma, sar ndhi Jesu khi ye wa bini nnaabya, sar ndhi khi sher gurum mu di khipe fe.¹⁴Khidangkong bhi Jesu kat ni ndhi Naan bhi sat ni, "Ghi naa, ghi kat khaham gwe! Tap bhi ghi shin shikbis wukwa ma, pe de mebi wu bisbis khat ghi ma. ¹⁵Gwo fee yakkal wa bini bhi mwan sat nYahudawa mu a ndhi a Jesu shin kakham njin.¹⁶Sar bi ndhi sih mu, Yahudawa mu shin jel nJesu sar ndhi shin bhisih mu a par bit wu pokovel (bit ndhi shiit war). ¹⁷Jesu yakkal shin amsa mu na, "Nda fhin ni phi shiit ko khi detsih, yakkal an duk, an phi shiit." ¹⁸Sar ndhi sih, bhi shin ball nYahudawa mu npe tang thi ni sar ndhi ban khi war nhi bit wu pokovel ndhi tep bhi yong Naan a nda ni, bor na mang ka shin abi wukhime khi Naan.¹⁹Jesu lap mu na, "Npeezen, pe zen, laa gurum khi shin mebi mhi kashin ma, sai dai abi ndhi na Nda ni phi shin, sar ndhi bi ndhi nDa phi shin, bhi laa shin duk. ²⁰Sar ndhi Nda ni phi dem laa yakkal nin bi mu duk duk ndhi ni phi shin fee nni, kuma khi nin bii ndhi mu met asih de ni shin bi fiipoo ngun di.²¹Pe ndhi Nda yakkal khi nyen ndhi mu dwam yakkal shin nohok mu, pe ndhi asih laa khi shin nohok ngwo ndhi ni phi dem. ²²Pe ndhi Nda tok dyel khi megwo ma, ama ni khi shin tok dyel laa ni. ²³Pede kowane gurum khi shin yon nlaa yad ndhi mu phi shin yon Nda. Gwo ndhi shin yon nLaa fee ma, bhi shin yon Nda ndhi lep ni ma.²⁴Pe zen, pe zen, gwo ndhi khiling bhilip fhin yakkal shin zen mu ndhi lep an bhi kat petong wurret mhi tai tai yakkal mu khi thikok khi ghi ma, ama khi del phi muut shin waya nmohok wuret.²⁵nPeezen, zeen, a sat ngun, bit fee npe wul, kuma a khi detsih, ndhi nyen wu dwam mu khi khiting dhihil Laa Naan, yakkal nyen ndhi mu khiling mu mkhi dwam ma.²⁶Pe ndhi Nda ni khi seen nshishin, bhi khi shin nlaa pe de ni khi nohok nshishin duk, ²⁷yakkal Nda khi shin izini nLaa npee tok dyel sar ndhi ni a Laa Gurum (Naan).²⁸Tap bhi gu nfiipoo pee bhisih, npee bit ni wul ndhi kowane gurum ndhi ni ntuhun khiling dhihil muk. ²⁹Bhi mu khi pwat: nyen ndhi mu shin ret nyakkal khi gurum, yakkal nyen ndhi mu shin wubis ga yakkal khi tok dyel.³⁰A makpe shin mebi mhi kasan ma. Khipe ndhi a khiling, a tok dyel, kuma tok dyel fhin a wuret pee ndhi an phi tang a bii dem fhin ma, ama abii dem khi gwo ndhi lep an. ³¹In kat a shin langting mhi kaasan, bhi langting fhin kot khi zen ma. ³²Akwai gwo nkwa ndhi shin langting nkaa nhi yakkal a man ndhi langting ndhi shin nkaa nhi a zen.³³Khi ghi lep Yohana, yakkal shin langting ndhi a zen. ³⁴Ama langting ndhi a lap put a derr gurum ma. An phi sat bhisih npe de ngun gu kakham di. ³⁵Yohana get ni a pitila ndhi phi tap yakal naa pe, yakkal get gun phi dem retyit pe nape khi muk npe la bit lee.³⁶Duk khi bii ndhisih, langting ndhi an khi ni met mhi Yohana, sar ndhi shiit ndhi Nda shin nan pe shin, shiit ndhi a shin, shin langting npe nhi a ndhi Nda Naan lep an. ³⁷Nda ndhi lep an, ni shikashin shin langting nkaa nhi. Gu sham khiling dhihil muk ma ko gu sham na yad ndhi shishik muk di ma. ³⁸Gun khi gokoshi bhilip khimuk nshishik gu ma, sar ndhi gun phi shin zen ngwo ndhi lep ni ma.³⁹Gu bong pe nbhilip Naan sar ndhi gun phi naa a ndhi gun khi nohok wuret ndhi tai tai, yakkal a bhilip Naan mhisi shin langting nkaa nhi, ⁴⁰bhi yakkal gun phi dem ji nder nhi de ngun gu kat nohok tai tai di.⁴¹An phi lap saam nder gurum mu ma, ⁴²Ama aman ndhi gun khi den npee Naan shisuk ma.⁴³A wull a sihm Nda nhi, yakkal gu lap an ma. Khat megwo nkwa wul khi sihm ni, bhi gu lap ni. ⁴⁴shinnang gu shin zen, gun ndhi gun phi lap saam nder shak ama gun phi bong saam ndhi put nder Naan ndhi ni khime ma e?⁴⁵Tap bhi gu leng ndhi an shikasan npee shin karaa gu ntihim Nda Naan. Gwo ndhi shin kara gu a Musa, sar ndhi gu den nohok gu a der muk. ⁴⁶Kat gu shin zen Musa, gun pe shin zen an, sar ndhi ran ran nkaa nhi. ⁴⁷In kaat gu shin zen nran khimuk ma, bhi shinnang gun pe shinzen nbhilip fhin di ye?

¹Khidangkong bisih mu, Jesu wuya nukwang teku Galili, ndhi mu khi yong ni a teku Tiberia. ²Khi sher gurum mu phi bii ni nsar ndhi mu naa bii ndhi ni phi shin nyar ndhi mu nkaham ma. ³Jesu mwan kha khidel pang yakkal khat pe mu tong di khi nyen shiit Naan khimuk mu.⁴(Retyit mhi Delphili, ndhi ni a bit retyit khi Yahudawa mu, wull kuss.) ⁵Ndhi Jesu epp khaa ni khiting naape di bhi naa khi sher gurum mu phi wul nder ni, bhi sat n'Filibus (Philip) "mun npee ya me dee mun seet bredi pede mu mu sih di ye? ⁶(Aama Jesu sat mhisih npee kam Filibus (Philip) det, sar ndhi nga man bii ndhi ji pe shin).⁷Filibus yakkal lap ni na, "Bredi mu shakal yakgurum ka sar bhi kih kee ndhi kowane gurum khi khat nlaani lee ma." ⁸Memee khinar nyen shiit Jesu, Andarawus (Andrew), emnhikin Bitrus, sat Jesu naa, ⁹"Me Laa di nbhisih ndhi ni khi nghil bredi mwo paat khi sherep mu vil, bhi mhisih nipe kee ameh khinar shisher gurum mu sih e?"¹⁰Jesu sat mwo naa, "Gu lhi ngurum fee mu yak petong." (Den yon di khipe fee). Yakkal gurum fee mu yak petong, ndhi mu wakrhi dubu paat. ¹¹Bhi yaghal Jesu kok nghil bredi fee, yakkal khidangkong ndhi shin plang nNaan, bhi shin nyen ndhi khi petong fee. Shin abi wukhime khi sherep fee, kuma shin mu bwer yad ndhi kowane gurum khat bii ndhi jin phidem. ¹²Khidangkong ndhi nyen fee mu ihkil, bhi Jesu sat nyen shiit fini mu, "Gu shak kop ndhi mu dee awu trap fee yak mebi de a wu thikok ma."¹³Bhi yaghal mu thil mu gam khishak mu sar pwo vil khi ndhi mu trap nbut bredi mu paat ndhi mu sih mu yit. ¹⁴Khidangkong ndhi gurum fee mu na bisih ndhi shin, bhi mu naa, "Gwosih npe zen a ni a ngu koss ndhi ni mpe wull khi yil." ¹⁵Ndhi Jesu naa ndhi mu peh ji dwan jin de mu shin long nji khirangang di, bhi zaar kashin nkwa waya npang.¹⁶Ndhi kansihin taa, bhi nyen shiit khimuk mu del sam nteku. ¹⁷Mwo del nbut jirgi an, mu phi del khi kaa teku npe wakya nKafarnahum (Capernaum). Pe a wukwo gwe, bhi Jesu kat pee ji rhi nder mwo gwe ma. ¹⁸Kokhom wu baal ni phi del, yakkal teku fee dokhom wullung sat.¹⁹Khidangkong ndhi mu tung jirgi am fee khipe mile yagurum khi paat ko yagurum khime khi sar sih, bhi mu naa Jesu ni phi mwan mwan kihka teku ni phi ji kus khi jirgi am fut, bhi mu lwakat. ²⁰Ama yakkal sat mu, "Ah an! Tap bhi gu lwakat ma." ²¹Duk bhi mu lih en mhi dem lap ni shin del jirgi am, bhi yakkal dar ma bhi mu ji mu ro kjhi yil ndhi ye mu nyaa di.²²Ndhi bit bang, bhi gurum ndhi ye mu khi gyaram wukwang teku mhisih mu naa wukwa jirgi am dima sai dai a wukhime fee det, yakkal Jesu khi riga rhi nbut fee a wu khime kih nyen shiit fini mu ma, ama nyen shiit khi Jesu khi peye mu wakgwe mesut. ²³Ama, wukwa jirgi am ndhi mwo tong Tibariya mu wul ndhi mu kuss khipee ndhi mu sih bredi khidangkong ndhi Nda Naan riga shin plang.²⁴Ndhi gurum mu kat Jesu ko nyen shiit khimuk mu di ma bhi mu shika sut mu ro nbut jirgi am mu del kam Kafarmahum mu phi bong Jesu. ²⁵Khidangkong ndhi mu kat ni nwukwang kwa munteku fee, bhi mu sat mu mu naa, "Ngu kam, ghi jii ndhisih ape ne e?"²⁶Jesu lap mu naa, "Pe zen, pe zen, gun phi bong an, apee ndhi gu naa bii ndhi ashin ma, ama asar ndhi gu sih pak bredi gu ihkhil. ²⁷Tap bhi gu shin shiit npe sih ndhi khi bwar, gu shin shiit apee sih ndhi khi shin petong Naan ndhi Laa grum (Naan) khi shin ngun, pe ndhi Naan ndhi a Nda riga den alama fini khi kaa muk."²⁸Bhi mu sat ni mu naa, "Mu shin ame, de mun shin shiit Naan dye?" ²⁹Jesu lap yakkal sat mu, "Mhisih a shiit Naan: Gu shin zeen ni ndhi Ni (Naan) lep khi ni."³⁰Bhi yakkal mu sat ni, "Ane ndhi ghi shin, di mun mu naa bhi mu shin zeen nghi di ye? Ghi shin ame? ³¹Nda mu mu sih maanma nbut den, khipe ndhi mu ran, 'Ni shin bredi mhi khiting Naan mu sih?"³²Yakkal Jesu lap mu naa, "Pe zeen pe zeen, a Musa shin bredi mhi khiting Naan fee ngun ma, a Nda fhin ndhi ni phi shin bredi wuzen ndhi a mhi khiting Naan ngun. ³³Pe ndhi bredi mhi Naan a ndhi tong khiting Naan sam yakkal shin petong nohot wuret khi yil." ³⁴Bhi yakkal mu sat ni, "sa, ghi shin bredi sih nmun bit shi bit."³⁵Jesu sat mu, "A an a bredi mhi ndhi shin seen ngwo ndhi ji nder nhi bhi khi khat neen ma, yakkal gwo ndhi shin zeen nan bhi khi kat amtih ma." ³⁶Bih a sat ngun a ndhi gu ten gu naa an, bhi gu shin zeen ma. ³⁷Duk gwo ndhi Nda Naan shin nan bhi khi ji nder nhi, yakkal gwo ndhi nder nhi bhi a kon ni shin put ma.³⁸Npee ndhi a tong a khiting Naan a sam, apeeshin bii ndhi a dem ma, abii ndhi gwo ndhi lep khi an. ³⁹Mhisih a bii mhi gwo ndhi lep an, a dhi khinar nyen ndhi ni shin nan khime khi lakham ma, ama khi yakkal khi mu nlat khiyil. ⁴⁰Pe ndhi sih a dem khi Nda fhin, a dhi kowane gurum ndhi man Laa muk, yakkal shin zeen nni bhi khi kat seen wuret ndhi khi lat lat ma kuma a yakkal khi ni nlat khi yil.⁴¹Bhi yakkal Yahudawa mu vokhor gong du npe muk sar ndhi sat na, "A an a bredi ndhi tong khiting Naan sam." ⁴²Mu sat muna, "Mhisih a Jesu Laa Yusufu ma a, ndhi ndaa khi nnhihim muk mu man mu ma? Shinang bhi khi detsih bhi khi sat naa, "A tong a khiting-Naan a sam' eh?"⁴³Jesu lap mwo sat mu naa, "Gu nok vokhor gong gu khinaar suk sih. ⁴⁴Ba megwo ndhi khi mak pe wul nder nhi not npe Nda ndhi lep an del ni, yakkal a yakkal khini nlat khi yil. ⁴⁵A wu nhi ran nder nyen Jaham 'Naan ni npee kamkam nkowane gurum'. Kowane gurum ndhi khiting yakkal kam nder Nda Naan khi ji nder nhi.⁴⁶Ba a duk khi gurum mu naa Nda Naan ma, sai a gwo ndhi tong sam nder Naan - ni riga naa Nda Naan. ⁴⁷Pe zeen, pe zeen, gwo ndhi shin zeen bhi ni khi petong nohok wuret ndhi khi lat lat ma.⁴⁸A an a bredi mhi shin petong nohok wuret. ⁴⁹Nda gu mu sih bredi ndem, bhi mu dwam.⁵⁰Mhisih a bredi ndhi tong khiting Naan sam, pe de megwo kat sih pak bhi khi muut ma. ⁵¹A an a bredi ndhi nkaham ndhi tong khiting Naan sam. In kat megwo sih pak bredi sih, bhi khi kat petong ndhi ni khi lat ma. Bredi ndhi an pe shin ngun bhi a nansihsan npe petong nohok wuret khi yil."⁵²Yahudawa fee mu mang tukhunung kanarshak yaghal mu bakkat mu phi sat sih na, "shinang gwo sih khi shin shin shishin uman mu aa eh?" ⁵³Bhi yakkal Jesu sat mu naa, "Npee zeen, pe zeen, kat ghi arr nan shishik laa Gurum (Jesu) yakkal ghi shu tihkim khimuk ma, bhi ghi npee kat seen petong wuret nsihsak ma.⁵⁴Gwo ndhi arr nan sihsan yakkal shu tihkim fhin bhi ni khi seen wuret ndhi khi lat ma, yakkal an pe yakkal khini nlat khiyil. ⁵⁵Pe ndhi nan nhi a sih wu zeen, yakkal tihkim nhi a bishu wu zeen. ⁵⁶Gwo ndhi arr nansihsan yakkal shuu tihkim sihsan bhi tong nsihsan, yakkal an nshishik muk.⁵⁷Yad ndhi Nda Naan ndhi ni nkakham lep an, yakkal an kakham pe Nda fee, pe ndhi asih gwo ndhi arr an, ni ma mpe tong nkaham sar an. ⁵⁸Mhisih a bredi ndhi tong khiting Naan sam, ba a khipe nda mu sih bhi mu dwam ma. Gwo ndhi sih bredi ndhi sih bhi khi tong har khipe lang ma." ⁵⁹Ama Jesu sat bhisih mu a lhi Naan yakkal ni phi kam kam nKafarmahum.⁶⁰Bhi yakkal bwer khi nyen shiit khimuk ndhi mu khiling biisih bhi mu na, "Mhisih a bhilip wu laapo; a we khi lap ya eh?" ⁶¹Jesu, sar ndhi man ndhi nyen shiit fini mu phi vokhor gong dee mpe bii sih, sat mu na, "Bii mhisih Laa ngun ha?⁶²De kat gu naa Laa Gurum (Jesu) ni phi mwan kaa khipe ndhi dok ni di fee? ⁶³A riin wuret phi shin nohok wurret, Nanshin ni phi kat mebi wuret ma bhilip ndhi a sat ngun a rin wuret, yakkal a nohok wuret.⁶⁴Duk khi ndhi asih, pak gu shin zeen ma" Nsar ndhi Jesu riga man khi pee she nyen ndhi mu pee shinzeen ma yakkal khi gwo ndhi ni npee seet khini. ⁶⁵Jesu na, "Apee ndhi sih ndhi a sat ngun a ndhi ba megwo ndhi mak pe ji nder nhi inkat baa a Nda Naan shinpe ni ma."⁶⁶Pe ndhi sih, khisher nyen shiit khi muk mu wak, bhi baa kudi mu khi mwan nder muk ma. ⁶⁷Yakkal Jesu sat wu sarpovil fee mu, "Gun phi dem wak ma, gun phi dem fee ha?" ⁶⁸Bitrus lap ni, "Nda Naan, mu pe wak a nder we ye? A ghi khi bhilip mhi ndiok wuret, ⁶⁹Yakkal mu shin zeen yakkal mu ji mu man ndhi a ghi a gu shin ret mhi Naan.⁷⁰Jesu sat mu naa, "A an a shwat gun ma, gun wu sarpovil, yakkal me gu a nhi mhiling?" ⁷¹Khidetsih ni phi sat bhilip a khi kaa Yahuza, laa Saminu Iskariyoli (Simon Iscariot) sar ndhi a ni, me khinar wu sarpovel fee mu, ndhi khi seet khi Jesu.

¹Khidangkong bii sih mu, Jesu mwan shipe shipe khi yil Galili, sar ndhi ni phi dem mwan ya khi yil Yahudiya ma npe ndhi Yahudawa mu phi tang npe tih ni. ²Retyit khi yahudawa mu ndhi mu khi yong ni a sheltas wull kuss.³Emnhihin muk mu yakkal mu sat ni, "Gu yit pe sih gu ya Yahudiya, pe de nyen shiit fhik mumaa naa shiit ndhi shin. ⁴Ba megwo ndhi khi shin bi nabya in kat ni shikashin dem de mu man ji kaat pe di. In kat ghi shin bii sih mu, ghi nin kasak ngurum mu.⁵Pe ndhi emnhikin muk mu ma shinzeen ni ma. ⁶Jesu yakkal sat nmu, "Bit fun khi warhi gwe ma, ama bit muk a wuden gwe. ⁷Yil khi nyang yit ghi ma, ama yil nyang yit nhi pe ndhi a shin langthing khi del muk a ndhi shiit khimuk mu a mhi shikbiss.⁸Gu mwan gu ya khipe ret nyit, an pe ya khipe retyit fee ma npe ndhi bit fhin khi mu gamgwe ma." ⁹Khidangkong ndhi sat bii sih mu, bhi tong nGalili.¹⁰Ama khidangkong ndhi emnikhin muk mu ya khipe ret nyit, yakkal ni mwanka di duk, ama baa a khi sat ma, a nabya. ¹¹Yahudawa mu phi bong ni khi pe ret nyit fee yakkal mu sat, "Ni a ne?"¹²Mhi phi shin biben khinaar gurum mu bwer nka muk. Pak mu na, "Ni a gurum wuret." Pak muna, "Asih ma, ni phi gwam gurum mu." ¹³Duk ndhi asih, ba megwo ndhi sat bhilip khi sat nka muk sar ndhi mu lwakat yahudawa mu.¹⁴Ndhi retyit fee warhi khinar, Jesu mwan ka nlhi Naan bhi dokhom kam kam. ¹⁵Bhi Yahudawa mu fiipoo, mu phi sat sih na, "shinang gwo sih man bii mu bwer asih ye? Sham mwan khipe kam man ma." ¹⁶Jesu lap mu naa, "Kam kam fhin a man ma, ama a mhi gwo ndhi lep an.¹⁷Kat megwo ni phi dem shin bii ndhi ni phi dem, bhi khi man mebi nkaa kam khimuk, kot sih put nder Naan o, koo an phi sat bhilip a mhi kaasan o. ¹⁸Gwo ndhi sat bhilip a mhi kashin bhi ni phi tang a saam sihmni, ama gwo ndhi ni phi tang a saam sihm gwo ndhi lep ni, gwo sih a zeen, yakkal ni khi zeen nshin.¹⁹Get Musa shin warrfee ngun ma a? Ama ba a megwo khinar gu ndhi bi warr fee ma. Ame lih de gun phi tang peh tih an diye?" ²⁰Gurum fee mu lap muna, "Ghi khi nih kwarkum. Awe phi tang pe tih ghi he?"²¹Jesu lap yakkal sat mu na, "A shin shiit khime, bhi duk duk fuk gu fiipo npe ni. ²²Musa shin gap dhip ngun (bih a Musa khini ma, put a nder bhikaam mu), bhi yakkal par shi wu pokovel (bit nohok khi Naan) gu gap dhip.²³In kat mis kat gap dhip par shi wu pokovel (par nohok khi shiit khi Naan) npe de war khi Musa tep ma, bhi ame lih de gun phi dokhor khi an pe ndhi a lih ngurum kokham khi gok par shi wu pokovel dye? ²⁴Gunok den dyel khi yad ndhi bii fee di, gu den dyel mhi zeen.²⁵Pak mu ndhi mu tong khi yil Urushalima mu wul mu sat sihna, "Mhisih a dhi mu phi tang ni npe tih fee ma? ²⁶Gu naa, ni phi lap bhilip khi sat, bhi mu sat me bhilip ni ma. Ba daskaham fee mu man ndhi mhisih a ni a Almasihu fe ma ha, kot a sih wo? ²⁷Ama mu man pe ndhi ni put di. Par ndhi Almasihu fee wul, ba megwo ndhi npe man pe ndhi ni put di.²⁸Bhi yakkal Jesu fwa orr nlhi Naan, ni phi kam kam yakkal na, "Duk duk fuk gu man an yakkal gu man pe ndhi a put di. A wul a mhikasan ma, ama gwo ndhi lep an a zeen, yakkal gu man ni ma. ²⁹A man ni pe ndhi a tong a nder muk awul yakkal a ni lep an.³⁰Mu phi dar npe yaa ni, ama ba megwo ndhi den sar nkaa muk sar ndhi bit khimu warhi gwe ma. ³¹Ama gurum mu bwer khinar nyen ndhi mu di mu shin zeen mu, yakkal mu sat mu ma, "In kat Almasihu fee wul, bhi ni pe shin bi fiipo met ndhi gwo sih shin ha?" ³²Mu Farisawa fee mu khiling gurum mu phi bii bii sih mu nka Jesu, yakkal ni wuyon khi nyen shiit Naan a wukhime khi Farisiyawa mu lep soja npe yaa ni.³³Jesu bhi yakkal na, "A kudi nder gu npe lokaci lee, yakkal a mwan nder gwo ndhi lep an. ³⁴Gu bong kop nhi ama gun pe kat an ma, pe ndhi a ya di, gun awumakpe ya di ma.³⁵Yahudawa fee mu sat khinar dersut, "Gwo sih npee yaa ane ye ndhi mu makpe kaat ni ma e? Kot sih ni pe yaa a khinar Yahudawa ndhi mu rang yakkal kam kam mu wo? ³⁶Ame a bhilip sih ndhi sat na, 'Gun pe mong an ama gu kat an ma; Pe ndhi a yaa di, bhi gun pee makpe yaa di ma?"³⁷Bhi yakkal par lat wu mema khi retyit khi Yahudawa mu, Jesu dar bhi laa khi orr ni naa, "In kat megwo ni khi am tih lih, bhi ghi ji ghi kat an de nghi shu am di. ³⁸Gwo ndhi shin zeen nnan, khi pee ndhi bhilip Naan sat bhi kong am mhi del tsen khi tong put nbut muk."³⁹Ama sat mihsih ape rin wuret, de nyen ndhi mu shinzen ni bhi mu khi lap; mu kudi noot shin rin wuret fee, pee ndhi mu saam Jesu gwe ma.⁴⁰Pak di khinaar gurum ndhi mu khiling bhilip sih mu, bhi mu na, "Mhisih a ngu koss fee wai." ⁴¹Pak wukwa mu na, "Mhisih ani a Almasihu fee?" Bhi shin wukwa mu naa, "Almasihu fee khi tong a Galili put ha?" ⁴²Ba bhilip Naan fee mu sat a ndhi Almasihu fee ni npe tong put a but jep puup khi Dauda, yakkal a khi yil Baitalami (Bethlehem), yil ndhi get Dauda ni di ba?"⁴³Pe ndhi asih bhi gurum fee mu gap shak npe muk. ⁴⁴Pak mu ye mu khi yaa ni, ama baa megwo ndhi bhim sar khi kaa muk ma.⁴⁵Yakkal sojoji fee mu wakji mu kat wuyon khi nyen shiit Naan khi Farisiyawa mu, bhi mu sat mu, "Ame lih de gu wakji khini ma ye?" ⁴⁶Sojoji mu lap mu na, "Mu sham kat megwo lap bhilip asih ma."⁴⁷Bhi yakkal Farisawa fee mu lap mu muna, "Gun ma khi mu gwam gun duk ha? ⁴⁸Kot me miskaham shin zeen ni dukwo, kot mme khinar Farisawa fee mu wo? ⁴⁹Ama grum fee mu ndhi mu man war fee ma, mu lang poo shishik muk."⁵⁰Nokodimu (meme khinar Farisawa fee mu, ndhi kat ye mwan kat Jesu dang) sat mu na, ⁵¹"Kat war fun khi gap dyel nkaa grum not pee mu khi khiling nphi muk yakkal mu man bii ndhi shin ha?" ⁵²Mu lap bhi mu sat ni, "Ghi ma ghi tong a khi yil Galili ghi put ha? Gu bong bhi gu naa ndhi ngu koss sham tong khi yil Galili put ma."⁵³(3) Ran wu sihhir wu mama fee den Yohana 7.53 - 8:11 di na. (Yakkal kowane grum mwan ya lih muk.

¹(4) Ghi na laa ran nkaa Yohana 7:53 - 8:11 ndel Jesu mwan yaa npang ndhi mu khi yong ni a Pang Zaitun (Mount of Olives). ²Nbi bit, bhi mwan nkwa ya nlih Naan bhi gurum mu duk duk mu wul; bhi ya pe tong yakkal kam kam mu. ³Attaura (Scribes) khi Farisiyawa mu ji khi nni me mat ndhi mu yaa ni phi korto. Mu den ni khinar.⁴(5) Ghi na laa ran nkaa Yohana 7:53 - 8:11 ndel bhi mu sat ni, "Ngu kam, mu yaa mat sih phi korto. ⁵Khi det sih nbut war, Musa khi den a ndhi mu fiya nkaan ,gurum wuni fee mu; ghi sat ame khi kaa muk e?" ⁶Mu sat bhi sih apee lang gwak ni de nni kat me bi mpe tang dyel khini det, ama Jesu duhum bhi yakkal ran ran nyil khi nmejirap sar ni.⁷(6) Ghi naa laa ran khi kaa Yohana 7:53 - 8:11 ndel. Ndhi mu wet pih tal tal nder muk, bhi yakkal kihting bhi sat mu na, "megwo khinaar gu ndhi ni khi shikbiss ma, bhi ni shee kom mat sih kih pang." ⁸ Jesu shin duhum wukwa bhi ran ran nyil khi nme jirap sar ni.⁹(7) Ghi naa laa ran khi kaa Yohana 7:53 -n 8:11 ndel. Ndhi mu khiling asih, bhi mu sho khime khime, she khi wugyaa gurum fee. Nlat bhi Jesu de meshin, khi mat ndhi ye ni khinar mu. ¹⁰Jesu ep kaa ni bhi sat mat fee naaa, "Na mat, nyen ndhi ye mu phi tang yi khi dyel mu yaa a neye? Ba me mu ndhi gap dyel den nkaa yi a? ¹¹Bhi lap na, "Ba megwo, Nda Naan." Jesu yakkal na, "An ma aa gap dyel a den nkaa yi ma. Yi wa yi nok shin shikbiss wukwa sih")¹²Bhi shin Jesu lap bhilip khi mu na, "A aan aa bi nape mhi khiyil; gwo ndhi bii an bhi khi mwan mwan nkwo ma, ama khi kat bi nape mhi nohok wu ret." ¹³Bhi Farisiyawa mu mu sat ni, "Ghi shin langting npe kaasak; langthing fhik khi zeen ma."¹⁴Jesu yakkal lap mu naa, "Ko ye a shin langthing mhi kaasan, langthing fhin a zeen. Aman pee ndhi a put di yakkal pee ndhi an ya di, ama gun gu man pee ndhi a put di ma, ko pe ndhi an ya di. ¹⁵Gun phi shin dyel a yad ndhi sihsuk na di; A shin dyel megwo ma. ¹⁶Ama kat a shin dyel, bhi gap dyel mfhin khi zeen pee ndhi a an khime ma, an a wukhime khi Nda Naan ndhi lep an.¹⁷Asih, yakkal nbut war fuk bhi mu ran a ndhi langthing khi gurum mu vil bhi a zeen. ¹⁸An a gurum ndhi a shin langthing mhi kassan, yakkal Nda ndhi lep an shin langthing khika nhi."¹⁹Mu sat nni, "Nda fhik a ne? Jesu lap na, "Gu man an ko Nda nhi ma; kat yee gu man an, bhi yee gu man Nda nhi duk." ²⁰Sat bhilip sih mu a but leng fini yad ndhi ni phi kam kam nlih Naan, yakkal ba megwo mndhi yaa ni nsar ndhi bit khimuk warhi gwe ma.²¹Yakkal bhi shin sat mu na, "An pe wa; gu shakop nhi yakkal gu dwam nbut shikbiss fuk. Pe ndhi an yaa di, gun pe makpe yaa di ma." ²²Yahudawa mu na, "Ni pe tih kashin muh? Ani lih de sat sih na pee ndhi an pe yaa di bhi gun npe iya mwan yaa di ma?"²³Jesu yakkal sat mu, "Wu gun muk a mhi yil; aan a tong a khiting a wul. Gun a mhi khiyil sih' an a mhi khiyil sih ma. ²⁴Pe ndhi asih, a sat a ndhi gun pe dwam nbut shikbiss fuk. Pe ndi sai gu shinzeen a ndhi A An, bhi gun pe dwam nbut shikbiss fuk."²⁵Bhi yakkal mu sat ni mu na, "Ghi awe?" Jesu sat mu naa, "Bii ndhi a sat ngun wusheshe. ²⁶An khi bii mu bwer npee bhilip yakkal npee shin dyel khi kaa gu. Ama, gwo ndhi lep an a zeen; yakkal bii ndhi a khiling nder muk, abii sih ndhi an phi sat khi yil." ²⁷Ji khi en mu ndhi ni phi sat bhilip a khi kaa Nda Naan ma.²⁸Jesu sat na, "khidangkong ndhi gu epp Laa Gurum, bhi gu man ndhi A AN, yakkal a shin mebii mhi kaa san ma. Yad ndhi Nda kam nan, an phi sat abii fee musih. ²⁹Gwo ndhi lep an ni nder nhi, yakkal yit an mhisan ma, sar ndhi an phi wet shin abii ndhi ret nyit muk." ³⁰Yad ndhi Jesu ni phi sat bii sih mu, mu bwer mu shin zeen nni.³¹Jesu sat nYahudawa ndhi khi mu shin zeen nni naa, "Kat gu dee nbut bhilip fhin, bhi gun a nyen shiit fhin a zeen zeen; ³²yakkal gun pe man zeen fee, yakkal zeen fee npee bet gun gu tat kwang gu?" ³³Mu lap ni muna, "Mun a jep kop Abraham yakkal mu sham tong kwaram mhi megwo ma; shinnang ghi sat sih naa, 'mu khi bet mun mu tat kwang me e'?"³⁴Jesu lap mu na, "Pe zeen, an phi sat fee ngun, duk gwo ndhi shin shikbiss bhi ni a kwaram mhi shikbiss. ³⁵Kwaram khi tong lih fee wai wai ma; ama laa muk khi tong wai wai. ³⁶Pe ndhi asih, in kat la fee bet ghi shin wa, bhi bet ghi a mhi zeen zeen.³⁷A man ndhi gun a kaan khi Abraham, gun phi tang npe tih an sar ndhi bhilip fhin khat del nder gu ma. ³⁸A sat abii ndhi a naa nder Nda nhi, yakkal gu shin bii ndhi gu khling nder Nda gu."³⁹Mu lap ni muna, "Nda mu a Abraham" Jesu sat mu, katye gun a jep Abraham, bhi ye gu shin shiit Abraham. ⁴⁰Duk kih ndhi asih, bhi gun phi tang tih an, gurum ndhi sat zeen bii ndhi a khling nphi Naan. Abraham shin bii sih ma. ⁴¹Gu shin shiit Nda fuk." Bhi mu sat nni, "Me bak mun a nbut yarkaam wu baan ma; mun khi a khime: Naan."⁴²Jesu sat mu naa, "Kat yee Naan a ndah gu, bhi yee gu dem an, sar ndhi a tong a nder Naan a wul yakkal an nbhi sih; sar ndhi a wul a mhi kassan ma, ani lep an. ⁴³A me lih de gu man bhilip fhin warhi ma diye? A sar ndhi gun phi dem khling fhin ma. ⁴⁴Gun amhi Nda gu, rin wubis (shetan), yakkal gun phi dem shin bii ndhi Nda gu dem. Gett ni a ngu tyo kaa nsheshe yakkal khi dar nbut zeen ma sar ndhi zeen nbut muk ma. In kan sat dung, bhi sat abii ndhi shishik mu sar ndhi ni a dadung yakkal Nda dung mu.⁴⁵Duk khi ndhi asih, sar ndhi an phi sat zeen, bhi gu shin zeen nan ma. ⁴⁶Awe khinar gu ndhi ya an khi dyel npee shikbiss he? In kat a sat zeen, ame lih de gu shin zeen nan ma ye? ⁴⁷Gwo ndhi ni a mhi Naan, bhi khi khiling bhilip Naan; gun phi khling mu ma npee ndhi gun a mhi Naan ma."⁴⁸Farisiyawa mu lap yakkal mu sat ni, "Mu sat a zeen ndhi ghi a Basamariya (Samaritan), yakkal ghi khi mhikwarkum?" ⁴⁹Jesu lap naa, "An khi mhikwarkum ma, ama a shin yon Nda nih, yakkal gun gu shin yon nan ma.⁵⁰An phi tang saam san ma; ngu tang yakkal tok dyel ni di. ⁵¹Pe zeen, pe zeen, a sat ngun, gwo ndhi ya bhilip fhin, bhi khi sham na muut ma."⁵²Yahudawa mu sat ni, "Khidetsih bhi mu man ndhi ghi khi mhikwarkum mu. Abraham khi nyen koss mu dwam, ama gu sat gu lih, "Kat megwo ya bhilip fhin, bhi khi sham naa muut ma." ⁵³Gun gu met nda mu Abraham ndhi muut ma, kot gu met wo? Nyen koss mu na mu dwam. Gun phi mang kaasuk a me ye?"⁵⁴Jesu lap na, "In kat a shin yon nkaasan, bhi shin yon fhin amebi ma; a Nda fhin ni phi shin yon nan - ndhi gun phi yong ni a Naan fuk. ⁵⁵Gun khi man ni ma, ama a man ni. In kat a lih, 'A man ni ma', bhi a dee a khipe gun sih, ngu dung. Ama, a man ni yakkal a yaa bhilip khimuk. ⁵⁶Nda gu Abraham shin ret nyit ndhi na bit fhin; khi na yakkal ret nyit muk."⁵⁷Yahudawa mu sat nni naa, "Gu wa ghi rhi yii yakgurum vel khi sar gwe ma, bhi ghi naa Abraham?" ⁵⁸Jesu sat mu naa, "Pe zeen, pe zeen, a sat ngun, de she Abraham di, bhi A AN." ⁵⁹Bhi yakkal mu dhikin pang mpe fiya ni, ama Jesu sok kashin yakkal del put nlihNaan fee.

¹Ndhi Ndah Jesu phe del yar, mhi nnaah megwo ndhi yahaal la ndhi a wu vuhuum. ²Jep shiit khimuk mu tal mu na, "Rabbi, "Gu kam, a wey shin shikbis yeh, a gwo saa, kot a ndah muk eeh?"³Nda Jesu lap nna "Gwo sih khi ndah nhi mu, baa mhe mu ndhi shin shikbis, ndangbi a phe ndhe shiit khi Ndah Naan nin kha dhi. ⁴A tiit ndhe mun shin shiit gwo ndhi lep mundi shini. Lipar phe wul ndhi mun phe yak shin shiit sih ma. ⁵Phe ndhi a kudi khi yil phe a an a wu saan khi yil fe."⁶Khidangkong ndhe Ndah Jesu sat bhi fe mu ndhi bwak zel nyil, dak mbok khi zel, yahal pwas yit muk. ⁷Bhe sat nhi nna, "Ghi mwan ghi vwang am Silom (ndhi mu villing a lep)." Mbhi gwo fee mwan, vwang, yahal wawul mbhi nnaah phe.⁸Mbhi ting lih khi gwo fee yahal nyen ndhi dok tong mu khi nnaah nhi phe dang-dang muna, "A gwo ndhi tong khi tong sih dang-dang dhi ma'a? ⁹Pak muna a nhi, nkwa muna, "Hii, a gurum lapshak." Ndangbi sat nna "A an fe wai?".¹⁰Mu tal phe muh mu na, "Mbhi shinang ndhe ghi phe nnaah phe diye?" ¹¹Lap mu nna, "Gurum ndhi mu khi yong nhi a Jesu dak nbok pwas yit nhi yahal nna "A mwan a ya Silom dhe a vwang dhi'. A sih ndhe a mwan a vwang mbhi a nnaah phe." ¹²Mu tal phe, "Nhi a nhe." Lap mu nna "A man ma."¹³Mu mwan khi gwo wu dok vuhuum fe Farisa mu. ¹⁴Dok Ndah Jesu dak mbok yahal ep yit fee a par puus nnok khi Naan. ¹⁵Shin Farisa mu tal yar ndhe gwar kat nnaah phe dhi. Sat mu nna "Pwas mbok yit nhi, a vwang yahal a nnaah phe.¹⁶Pak Farisa muna "Gwo sih a gu Naan ma phe ndhi shin shiit par puus nnok khi Naan." Wukwa muna "shinang gu shikbis khi shin bhi ndhi nin sih eh? Asih mbhi bha mu tee/gap shak. ¹⁷Asih mu tal phe wu vuhuum fe nkwa, "Ghi sat a khi kha muk eh nphe dhi ep yit ghi? Wu vuhuum fe nna "A gu jiaam". ¹⁸Nphe ndhi (Jews) (Yahudawa) nyen Yahuda mu shin zeen ndhi wu vuhuum fe kat nnaah phe ma, mbhi mu yong ndah muk mu nphe man nnar fe.¹⁹Mu tal phe ndah fe mu, "Gu lalah sih a wu vuhuum a? Shinang ndhe bar nhi phe nnaah phe diye? ²⁰Mbhi ndah muk muna "A la mu, gyet mu la nhi a vuhuum, ²¹Kot shinang ndhe nhi phe nnaah phi kides sih di-o, mu man ma, yahal kot a wey ep yit muk oh mu man ma. Gu tal phe muk, nhin gwo uyon. Khi lap khi kha shin.²²Nda muk mu sat asih phe ndhe mu phe lughat nyen Yahuda mu. Nphe ndhi Yahuda mu mang gwe a ndhi ka ghi lih nhi a Ndah Kristi, mbhi mu khi shen gwo fe shin phut lih Naan. ²³Nphe ndhi asih ndhe ndah muk muna "Gwar a gwo wa uyon, gu tal phe muk."²⁴Mu yong phe wu vuhuum fe wu vil mu sat nhi muna "Ghi shin plang Ndah Naan. Mu man ndhi gwo fe a gu shikbis." ²⁵Mbhi gwo wudok a wu vuhuum fe nna ji man kot a gu shikbis oh ma. Bhe khime ndhe a man phe, an dok a wu vuhuum yahal khides sih phe an phi nnaah pe.²⁶Mbhi shin mu tal muna, "Shin a mey ghi yeh? Shinang dhe ep yit ghi diye? ²⁷Lap mu nna, "A sat ngun gwe phe gu khiling an ma. Gun phe dem tong a jep lep khimuk duk a?²⁸Mu filip nhi yahal muna "A ghi a la lep khimuk, ndangphe mun a jep lep khi Musa. ²⁹Mu man ndhi Nda Naan lab bhilip khi Musa, ngangphe mu man pe ndhi nhi tong dhi wul ma."³⁰Gwo fe lap yahal nna, "Ndhi sih makha nhi, ndhi gu lih gu man pe ndhi gwar tong dhi wul, ndangphe ep yit nhi. ³¹Mu man ndhi Naan khi khiling nyen shikbis mu ma, ndangphe kat gurum shin zeen yahal shin wuret phe ndhi khiling nhi phe khi kat del.³²Nshe khi yil phe mu sham khiling meh gwo ep yit gurum ndhe mu la a wu vuhuum ma. ³³Kat ye gwo sih a gurum Naan ma, phe ye khi shin mey bhi ma. ³⁴Mu lap yahal mu sat nhi muna "Dok mu la ghi a nbut shikbis, ndangphe ghi phe kam amey mun ye?" Mbhi mu fi nhi shin phut.³⁵Nda Jesu khiling ndhi mu shang nhi phut lih Naan fe. Kat nhi yahal tal peeh muk nna "Ghi shin zeen La Gurum a?" ³⁶Lap yahal tal nna "Nhi a wai, Ndah Naan, ndhe nnan a shin zeen nhi dhi? ³⁷Ndah Jesu sat nhi nna, "khi ghi nnaah nhi yahal nhi phe lap bhilip khi ghi." ³⁸Gwo fe nna "Ndah Naan, a shin zeen", yahal dingyil nhi.³⁹Ndah Jesu nna "A wul phe gap diyel ndikin yil sih ndhe nyen ndhi mu nnaah ma mbhi mu nnaah, yahal nyen ndhi mu nnaah, mbhi mu brin a wu vuhuum." ⁴⁰Pak Farisa mu ndhi nder muk mu khiling bhilip fe yahal mu tal, "Mun a wu vuhuum duk a?" ⁴¹Ndah Jesu sat mu nna, "Kat gun a wu vuhuam, mbhi gun a nyen shikbis, ndangphe khidetsih mbhi gu lih, "Gu nnaah, asih mbhi shikbis fuk ndhe gun.

¹A sat zeen ngun, gwo ndhi rii peoh lih phe ya bong tim mu, ndangbe mang yar nkwa, gwo wuni fe a wat. ²Gwo ndhi rii peo lih mbhi a gu tap phe tim fe mu.³Gu tap peoh lih fe ep nhi. Tim fe mu khiling dikil muk, yahal yong sim mu yahal mang yar mu pwat. ⁴Kat pwat khi min mu duk-duk, mbhi ta ntihim, yahal tim fe mu mwan nder mu, phe ndhi mu man dikil muk.⁵Mu khi mwan nder mizep ma, ndangphe mu khi wul kus khi nhi ma, nphe ndhi mu man dikil mizep mak." ⁶Ndah Jesu tat dramtis sih mu, ndangphe mu man bhi ndhi sat din ma.⁷Mbhi Ndah Jesu sat nkwa nna, "Naan a satzen gun dhi, a an a gu peoh lih tim." ⁸Duas nyen ndhi mu wul dhe she nhi dhi a wat yahal (robbers) mu, ndangphe tim fe mu khiling mu ma.⁹An a peoh lih fe. Kat mey gwo nphe rii phe khi kat an, khi kat del, khi rii ba phut yahal kat siih. ¹⁰Wat khi wul a nphe mang mey mbhi yahal ti yahal tihook khi le mu. A wul a phe ndhe mu kat seen ndhi tai-tai.¹¹An a gu tap tim wuret. Gu tap wuret khi shin kha shin phe tim fin mu. ¹²Kurem/kwaram ndhe wul a wu-wul a gu tap ma yahal nhi khi tim mu ma. Kat nnaah lishim khi ji mbhi si yit tim fe mu dhi yak lishim mu shen mu shin del. ¹³Khi si phe ndhe mu mang nhi a phe tap det, li en nhi phe mu ma.¹⁴An a gu tap wuret, yahal a man mann mu, mann mu man an. ¹⁵Ndah man an, an a man Ndah, yahal a shin kha san nphe tim fin mu. ¹⁶An khi tim ukwa mu ndhe ma a lih tim mu dik mu. A ji khi mu duk yahal ndhe mu bhiling dihil nhi dhi duk mbhi brin a wu khime khi gu tap khime.¹⁷Asih ndhe Nda nhi dem an dhi. A shin kha san ndhe nnan a mang ben ndhi ukwa. ¹⁸Megwo khi mang shinba ma; ndangphe a shin a phe kha san. An khi bal phe shin kha san. An khi bal nphe mang ben. A lap war sih a nder ndah nhi.¹⁹Gapshak ta Yahuda mu ukwa nphe bhilip khi muk mu. ²⁰Mu bwer muna, "Nhi khi riin wubis yahal yer. A mey li ndhe gun phe khiling nhi diye?" ²¹Ukwa mu "Ndhe sih, mbhi a bhilip gu riin wubis a. A gu riin wubis khi ep yit wu vuhuum a?²²Mbhi bhit siih phe mey yil Jerusalem wul. ²³A luhun, yahal Ndah Jesu phe mwan lih Naan khi kwang peoh lih mbhi Solomon. ²⁴Mbhi Yahuda mu ji mu neer nhi mu den khinaar yahal muna, "A teer dang ndhi ghi yit mun phe tanko diye? Kat a ghi a Kristi, mbhi ghi sat mun khi peoh ghi.²⁵Ndah Jesu lap mu nna, "A sat gun phe gu shinzen ma. Shiit ndhe a shin khi sim Ndah nhi, mu nin gwo ndhe an a wey. ²⁶Duk ndhe a sih phe gu shin zen ma nphe ndhi gun a tim fin mu ma.²⁷Tim fin mu khiling nhi, a man mu yahal mu mwan nder nhi. ²⁸A shin seen tai - tai mu, mu nphe dwam ma, yahal megwo khi baam mu shin ba nder nhi ma.²⁹Ndah nhi ndhi shin mu nan, megurum mu kwa mu, yahal megwo ukwa khi baam mu nsar Ndah nhi ma. ³⁰An khi Ndah nhi mun a mbhi wu khime. ³¹Phe Yahuda mu iir pang nphe fia nhi khi ni.³²Ndah Jesu lap mu nna "A nin shiit wuret mu bwer nder Ndah nhi. A phe shiit ndinang ndhi gun nphe fia an yeh?" ³³"Mun nphe fia ghi a phe shiit wuret fik mu ma ndangphe a phe tikook khi sim Naan, nphe ndhi ga a gurum mbhi ghi li ghi a Naan."³⁴Ndah Jesu lap nna, "Mu ran waar fuk, "A sina, gun a naan a?" ³⁵Kat mu yong a naan, nphe ndhe sim Ndah Naan phut dhi (yahal bhilip fe mu tep ma). ³⁶Gun phe sat gu li gurum ndhi Ndah Naan lep khi nhi khi dhikin yil, "Phe yong kha shin a Naan, a phe ndhi a li "An a La Ndah Naan a?³⁷Kat an phe shin a shiit Ndah nhi ma, mbhi gu nnok shin zeen nnan sih. ³⁸Ndang phe kat phe shin a mu, ko kat gu shin zeen ma, mbhi gu shin zeen shiit fe mu ndhe gun gu man ndhi Ndah nhi nder nhi yahal an nder muk. ³⁹Mu daar ndhe mu drass nhi shin phut mbhi zar del nsar mu.⁴⁰Del bin kam nkwang Jordan phe she shin baptisma khi Jon yahal tong dhi. ⁴¹Gurum mu bwer mu ji nder muk yahal muna, "Jon gyet nin mey bhi ndhi gurum mu sham man fe ma, ndangphe duk-duk bhi sat khi kha gwo sih mbhi a zeen." ⁴²Gurum mu bwer mu shin zeen nhi khi phe fe.

¹Asih phe megurum sim muk a Lazarus nhi kaham ma. Nhi a gu Bethany, yil Mary yahal emnihin ndhi Martha. ²A Mary dhi sham tihir mur 'myrrh' yahal pwas kwak Ndah Jesu khi shoop kha dhisih, emnihin muk Lazarus nkaham ma.³Emnihin Lazarus fe mu lep-lep nder Nda Jesu muna, "Ndah, gwo ndhi ghi phe dem fe nhi kaham ma". ⁴Ndhe Ndah Jesu khiling mbhi nna "Gok sih a muut ma, ndangphe a phe riin khi Naan ndhe La Ndah Naan nnaah riin khi muk dhi."⁵Asih mbhi Ndah Jesu dem Martha yahal emnihin dhe mu yahal Lazarus. ⁶Ndhe khiling gok khi Lazarus mbhi shin tong nphe teer vil khi pe ndhi nhi dhi. ⁷Khidangkong, mbhi sast jep kam fin mu nna "Shin mu kam Judia".⁸Jep kam fe muna, 'Rabbi', "Ndah kidesi mbhi Yahuda mu nphe fia ghi khi pang, yahal shin ghi phe dem mun mu ya dhi mu kwa? ⁹Ndah Jesu lap mu nna "Puus tong khi ka har ji ta mbhi pe ndhi wu saan ma? Kat megwo mwan-shi-mwan khipe saan, mbhi khi gap kwak ma, phe ndhi nhi phe nnaah puus dhikin yil.¹⁰Asih mbhi kat mwan-shi-mwan lipar mbhi khi gap kwak nphe ndhi puus dhi ma." ¹¹Ndhe sat bhi fe mu mbhi yahal nna "shaar mu Lazarus ta saam, ndangphe an phe mwan mii nhi.¹²Jep lep khi muk muna, "Ndah kat nhi a phe saam phe khi mii." ¹³Asih mbhi Ndah Jesu sa a bhilip muut fin, ndangphe mu mut mu nden nna nhi phe lap a bhilip saam nnok det. ¹⁴Mbhi Ndah Jesu mu khi yit nna "Lazarus muut.¹⁵Retyit nhi, a phe kha gu, ndhi an dhi ma dhe gun gu shin zeen dhi, mu ya dhi." ¹⁶Tomas ndhi mu khi yong nhi a Didiemus, sat shaar shiit fin mu nna, "yitdhi mun mu mwan dhe mu duwam a wukhime khi Nda Jesu dhi."¹⁷Ndhi Ndah Jesu ji rii, mbhi kat Lazarus khi gam teer feer gwe ntuhun. ¹⁸Asih mbhi Bethany kus khi Jerusalem, sinphe ma. ¹⁹Yahuda mu bwer mu wul phe tal Martha yahal Mary nphe muut emnihindu fe. ²⁰Mbhi Martha ndhi khiling wul khi Jesu, mwan phe kat nhi, ndangphe Mary tong lih.²¹Martha sat Nda Jesu nna "Ndah, kat yeh ghi phe sih mbhi ye emnihin nhi khi muut ma. ²²Ko khi detsi ma a man ndhe kat ghi tal phi Ndah Naan phe khi shin ghi". ²³Ndah Jesu sat nhi nna, "Emnihin par nphe yahaal wukwa".²⁴Martha lap nhi "A man ndhe nhi phe yahaal wukwa nlat khiyil". ²⁵Ndah Jesu nna "A an a yahaal khi yil yahal kahaam, gwo ndhi shin zeen nnan, kat muut mbhi shin khi kahaam. ²⁶Yahal gwo ndhi kahaam, yahal shin zeen nnan, mbhi khi muut ma. Yih shinzeen ndhi sih a?"²⁷Mat mbhi nna "Asih, Ndah, a shinzeen ndhi a ghi a Kristi, La Ndah Naan, ndhi phe wul khidikin yil". ²⁸Ndhe sat a sih mbhi del kam khi yong emnihin dhi Mary bhia sat nhi nna "Gu kam ji rii, nhi phe yong yih." ²⁹Ndhi khiling asih mbhi yahal khiting berber mwan nder muk.³⁰Asih mbhi Ndaah Jesu ji rii khiyil fe gwe maa, ndangphe nhi a phe ndhi Marthaa kat nhi dhi. ³¹Yahuda mu ndhe mu ji nder Mary phe tal muut fee mu nnaah phut berber phe mu tik nder muk, mu dhe nna nhi phe ya a khi ntuhun fe phe wal. ³²Ndhi Mary ji kat Ndah Jesu mbhi pita khi kwak muk yahal sat nhi nna "Ndah, kat ye ghi phe sih mbhi yee emnihin nhi khi muut ma".³³Ndhe Ndah Jesu nnaah nhi phe wal, yahal Yaahuda ndhe nder muk mu, phe mbhi fe bhim nhi ban-ban nriin muk yahal shuwal nnhi. ³⁴Nna "Gu wuhum nhi a nne?" Muna "Ndah Jesu ji ghi nnaah". ³⁵Mbhi Ndah Jesu wal.³⁶Phe Yahuda nna "Gu nnaah ndhe nhi phe dem Lazarus". ³⁷Ndangphe pak muna "Yeh gwo sih ndhe ep yit gu wu vuhuum, yeh khi nnok yit mbbwe/Lazarus muut shi ko?"³⁸Wai ndhi mbhi fe bim Ndah Jesu, phe mwan ya khi sheer fe. Khisheer fe a gohot pang ndhi mu oohot a khi lar/pang. ³⁹Ndah Jesu nna "Gu mang pang fe shin ba. Maartha emnihin nhi Lazarus nna, "Ndah, kidetsi mbhi kot khi wam phe ndhe a teer wu feer shini". ⁴⁰Ndah Jesu nna "Yeh a sat yih ali kat yi shin zeen, mbhi yi nna rii khi Naan ma?"⁴¹Mbhi mu mang pang fe shinba. Ndah Jesu ep yit nhi nnaah phe khiting yahal sat nna "Ndah, a plang ghi phe ndhi ghi khiling nnan. ⁴²A man ndhe ghi gem an, ndangbe phe khivir/khisheer gurum ndhe mu khi diram neer an sih, ndhe mu man ndhe ghi lep an dhi.⁴³Khidangkong ndhe sat a sih mbhi bhe orr khi dhikil nna, "Lazarus, ghi phut". ⁴⁴Gwo ndhi muut fe phut, kwak yahal saar mukawu bwat khi le; yahal yit muh mu bwat khi le duk. Ndah Jesu nna "Gu fohon nhi yahal gu yit nhi wa."⁴⁵Mbhi pak Yahuda ndhe mu ji nder Mary yahal mu nnaah, mu shin zeen. ⁴⁶Ndangphe pak mu ya nder Farisa mu yahal sat mbhi ndhi Ndah JKesu shin duk-duk.⁴⁷Mbhi nyen shin shiit Naan wu nan-nan mu (Chief Priest) yahal Farisa mu khaat nphetong wu yon yahal muna, "Mun phe shinang khini ye? Gwo sih shin shiit mu bwer. ⁴⁸Kat mu yit nhi dhi, mbhi gurum mu khi shinzen nhi, Roma mu khi ji baam mun khi yil fe duk-duk.⁴⁹Asih phe megurum khi naar mu, Kaifas, ndhi nhi a gu shiit Naan phe shiit yi wu ni fe nna "Gu man mebi ma." ⁵⁰Gun khi leng ndhe nwak gu khime muut met yil fe khiding a.⁵¹Asih fe mbhi a nhi shi kha shin sat bhilip fe ma. Phekop fe, a phe ndhi a nhi bhit shiit Naan ndhi gyet koos gwe a ndhi Ndah Jesu phe muut phe yil fe. ⁵²Yahal a phe yil det ma, ndangphe a phe jep Naan mu ndhi mu wak ndhi shipe-shipe. ⁵³Asih phe bhit wuni fe shin kam mbhi mu phe bhong yarkam ndhi du tii Ndah Jesu.⁵⁴Ndah Jesu tong shin mwan kus khi naar Yahuda mu ma, ndangbe del kam ndhikin yil fe, ya ndem shin kam la phe mu yon khi Ephraim. Ndhi phe tong nder jep kam fin mu. ⁵⁵Asih mbhi bhit Retyit yih khi Yahuda mu wul kus, yahal gurum mu bwer mu khaa Jerusalem nkwang phe mu kwa mu ndhe she parpuus fe ndhi phe dak kha sut.⁵⁶Mu phi tang Ndah Jesu, mu phi tal phi shak nlih Naan muna, "Gu kat mang yeh? Nhi phe ji khi phe siih-pe fe ma? ⁵⁷Asih phe nyen shiit lih Naan yahal Farisa mu khi war/yar duk megwo ndhi nnaah Ndah Jesu mbhi sat ndhe mu ya nhi dhi.

¹Retyit yil ndhe teer peameh, mbhi Nda Jesu mwan Bethany, phe ndhi yahaal khi Lazarus ntuhun. ²Mu shet sih kansihin nhi, yahal Marthja phi shin fe mu, ndangphe Lazarus a mey khinaar nyen ndhi muk nder Ndah Jesu. ³Phe Mary mang mor ndhi khi tahaas mu ret-ret tir nkwak Ndah Jesu, yahal pwass khi shoop kha dhi. Dhikin lih fe di kirgiy.⁴Judas Iskarioti, la shiit khi Ndah Jesu, gwo ndhi phe seet khi nhi sat nna, ⁵"A me lih ndhe mu seet khi mor tahaas sih ndanarri (shakal) nini yagurum khime khi saar yahal mu shin shahaal fe wu pia mu ma yeh? ⁶Sat wini fe ba a phe ndhi nhi phi dem nyen wu pia mu ma, ndangphe a phe ndhi nhi a wat; nhi khi daam shakal wat yahal tong mwan wat bhut fe.⁷Ndah Jesu nna "Yit nhi del mbhi ndhi nhi lhi ni phe bhit wum fin. ⁸Ghi phe wet nnaah wu pia mu nder sak. Ndangphe ghi phe wet nnaah an ma."⁹Asih mbhi khi vir/khisher gurum Yahuda mu man ndhi Ndah Jesu dhi, yahal mu ji, ndangphe mu nnah Lazarus duk, ndhi Jesu yahaal khi nhi khinaar nyen ndhi mu duwam gwe. ¹⁰Nyen nan shiit Naan mu kaat peoh ndhe mu tii Lazarus ndhi duk. ¹¹Nphe ndha a li ndhe gurum Yahuda mu bwer mu shinzeen Jesu dhi.¹²Dhar fe mbhi gurum mu bwer mu wul phe Bhit Reetyit Yil, ndhi mu khiling Ndah Jesu phe wul. ¹³Mu bhong shamurbong yahal mu mwan mu kaat nhi yahal mu wal khi dhikil, "Hosanna! Wuret khi kat gwo ndhi wul sim khi Nda Naan, Long khi Isrela."¹⁴Jesu kat nnham yahal tong khidel fe, khi phe dhe wu ri-ran. ¹⁵"Yi nnok lughut, larep Zion, yi nnaah, Long khi waji sih, khi tong khidelguk nnham."¹⁶Jep lep khi muk mu man wuni nshe ma; ndangphe ndhi riin wuret mwan nder Jesu, mbhi mu leng khi mbhi fe ndhe, mu ran yahal bhi ndhe mu shin nhi.¹⁷Asih mbhi khi vir/khi sher gurum mu shin lanting ndhe yahaal khi Lazarus ntuhun. ¹⁸A nphe ni fee ndhe khivir/khisher gurum mu mwan phe kat nhi, mbhi ndhi mu khiling bhi ap peoh ndhi shin. ¹⁹Mbhi Farisa mu sat shak, "Gu nnaah, bha me mbhi ndhi gu shin, dhikin yil fe mwan nder muk gwe."²⁰Asih mbhi pak nyen Greece/"Greeks" mu phe mwan Bhit Retyit fe. ²¹Mu mwan nder Filip, gu Bethsaida, khi yil Galilee yahal mu tal, "Ndah, mun phe dem nnaah Ndah Jesu." ²²Filip mwan sat Andrawus. Andrawus mu khi Filip yahal mu mwan sat Ndah Jesu.²³Jesu lap mu nna "Puus kha'a ndhe La Gurum nnaah ram khi Ndah Naan. ²⁴A zen ndhe an mbhi sat gun, kat iih kipa phita yil ndhe muut ma, mbhi khi ndhe mbisat, ndangphe kat muut, mbhi khi lala.²⁵Gwo ndhe dem kha shin mbhi nhi phe kat wen, ndangphe gwo ndhe niyang kha shin khi dhikin yil shi mbhi kat seen tai-tai. ²⁶Gwo ndhi nhi phe shin shiit, mbhi mwan nder nhi, phe ndhi a yadi mbhi mwan nder nhi, phe ndhi an dhi mbhi la lep fin dhi. Gwo nhi shin shin nnan mbhi Ndah nhi khi shin yon nni.²⁷Khidesi, na dahar mang an yahal an phe shin a mey eh? 'Ndah ghi baam an khidesi' Ndangphe a phe nhi ndhi a wul. ²⁸Ndah Naan, ghi nin ram fi." Asih mbhi mey dhikil tong khiting sam yahal nna "Khi a shin ram fin nhi, yahal a shin ukwa nhi." ²⁹Mbhi nvir/khisher gurum ndhi mu diram ndhi yahal mu khiling dhikil fe muna a naan. Pak ukwa muna a "mey gu lep khi Naan lap bhilip khi nhi."³⁰Nda Jesu lap yahal sat nna "Dhikil fe wul a nnan ma, ndangphe a phe gu. ³¹Khidesi a bhit gap diyel khi dhikin yil shi. Khidesi, mu phe tahaat daskaham khi yilmu.³²Mbhi kat a yit dhikin, phe a dil gurum mu duk-duk shin ji nder san. ³³Sat ndhi sih a phe yarkam muut ndhi phe kat nhi.³⁴Gurum mu lap muna, "Mu dhiking bwaat waar ndhi Kristi khi wul phe tong wai-wai. Shinang ndhe ghi li mu nphe mang La Gurum shin kha khiting a? A wey a La Gurum fe yeh?" ³⁵Ndah Jesu sat mu nna, "Phe wu sa'an nhi phe kudi ndeer gu dangsi le. Gu mwan khi phe wu saan, yak phe wu tib khi shi del kat gun. Gwo ndhi mwan phe wu tib mang phe ndhi jin ya dhi ma. ³⁶Kat ghi khi phe mu saan, mbhi ghi shin zeen nhi, ndhe gun gu tong jep mu saan mu." Ndah Jesu sat mbhi sih mu phe yahal yit pe fe dhi mwan liham sar mu.³⁷Duk ndhi Ndah Jesu shin mbhi aap peoh mu bwer khi yit mu, phe mu niyang shinzeen nhi. ³⁸Ndhe bhilip ndhi mu sat Isaiah wa ri dhi, phe ndhi nna, "Ndah, awey shinzen mbhi ndhi sat eh, yahal a wey ndhi mu nin saar Nda nhi yeh?³⁹Nphe ndhi asih, mbhi mu shinzen ma, phe ndhi Isaaiah shin sat nna, ⁴⁰"Khi vuhuam yit mu, yahal bwat bhizung mu; kat ye asih ma mbhi ye mu nnaah khi yit, yahal mu man khi bhizung mu, yahal mu viling yahal an a dak mu."⁴¹Isaiah sat ndhi sih a phe ndhi nnaah ram khi Nda Jesu yahal bhilip-bhilip khi kha mu. ⁴²Ndangbe daskaham fe mu bwer mu shinzen Nda Jesu, ndangphe a sar Farisa mu, phe mu dem ma yakba mu shen dun lih Naan. ⁴³Mu dem plang ndhi ji nder gurum met ndhi ji a nder Ndah Naan.⁴⁴Ndah Jesu wal khi orr yahal nna, "Gwo ndhi shinzen nan, shinzen a nnan det ma ndangphe a gwo ndhi lep an. ⁴⁵Yahal gwo ndhi nnaah an nnaah a gwo ndhi lep an.⁴⁶A wul a phe saan sih khi dhikin yil, ndhe gwo ndhi shinzen an phe ndhe nkwo ma. ⁴⁷Kat megwo khiling bhilip fin ndangphe ya ma, a tok diyel nhi ma, phe ndhi a wul a phe tok diyel ma khi dhikin yil ma ndangphe a phe bar yil fe.⁴⁸Gwo ndhi niyang an yahal lap bhilip fin ma, nhi khi gu tok diyel njin. Bhilip ndha a sat khi tok diyel bhit wu sihittis. ⁴⁹Phe ndhi a lap bhilip a kwa san ma, ndangphe a Ndah ni ndhi lep an, ndhi shin nwaar kha mbhi ndha a sat yahal a bhilip. ⁵⁰A man ndhi nwaar khi muk a mbhi seen wai-wai, a mbhi ndhi a sat - khipe ndhi Nda nhi sat nnan phe an a sat."

¹Dang deshe retyit mhi yii khi yii, Jesu mandi bhit fin wul mpe yit yil si dhi deh nhi waka nder Nda Naan, khidangkong ndhi dem mhin mu ndhi ndikin yil, dem mu har kat fe. ² Khidet si sharfom kop wubis bhizung Yahuza Iskariyoti lah Simon deh nhi seet khi Jesu dhi.³Mandi Nda Naan shin bimu duk duk khi sar muk mpe ndhi wa nder Naan, shin nhi waya nder Naan. ⁴Ndhi yakal phi sih sih bhi shang riga dhi khibang. Yakal mang tawul n(bhi pwas shih) bhi dhin nshini. ⁵Bhi yakal dhik am nbut basin bhi ya vwang kwak nshar kam shiit fin mu yakal pwas mmu khi tawul ndhi dhin fe.⁶Ndhi waji rhi nder Simon Peter bhi sat nhi na "Ndah ghi mpe vwang kwak nan ah?" ⁷Jesu piring/lap nhi na "Ba ndhi an phi shin fe gu man khidet si ma, de le bhi gu man ntikhim" ⁸Peter sat nhi na "Ghi vwang kwak nhi ma" Jesu piring/lap nhi na "Kat ah vwang ghi ma, bhi ghi khi me bi nder nhi ma." ⁹Simon Peter sat nhi na "Nda ghi vwangg akwak nhi det ma, "ghi vwang sar nhi khi kahni duk".¹⁰Jesu sat nhi nah "Gwo dhi sukup bhiki vwang a kwak mpe dhi nhi awubang, gun awubang ba ahduk duk fuk ma." ¹¹"Mpe dhi Jesu man gwo ndhi mpe seet khi jin asi de nah ah duk duk fuk awubang ma"¹²Ndhi Jesu vwang kwak mu lat bhi mang le fin bhi tong nyil mzak, sat mu nah "Gu man bi ndhi ah shin gun nah"? ¹³Gun phi yong an ah "ngu kam bi ngurum mu" khi "Nda" gu bhilip a wuret mpe ndhi an asi. ¹⁴Kat an dhi ah Nda khi "ngu kam bi ngurum mu, ah vwang kwak gu bhi gun gu vwang kwak nshak. ¹⁵Mpe dhi ana kam gun gwe deh gu shin khibi ndhi ana shin gun si dhi.¹⁶Zen zen ah sat gun ngu shiit khima ngulhi fini mah, mabi ngu mwan lep khi mah gwo ndhi lep jin ma. ¹⁷Kat gu man bisi mu, bhi gu kat wuret nder Naan kat ggu shin mu. ¹⁸An phi lap bhilip ah pe gu duk duk ma, ah man gurum ndhi ana pwan mu, ndhi si ah mpe deh mbhilip khi Naan gam dhi, gwo ndhi sih bjuredi fhin bhini ah wukhime khi an.¹⁹An a sat ndhisi gun dang deshe tah dhi kakder kat tah bhi gu shin zen ndhi ah an dhi. ²⁰Zen zen ah sat ngun gwo dhi lap duk gwo ndhi ah lep nhi bhi lap ah an, duk gwo dhi lap an bhi lap gwo ndhi lep an.²¹Ndhi Jesu sat ndhisi bhi sham mhi nriin bhi sat nah "Zen zen asat gun meh gu mpe seet khi an". ²²Shar kam shiit khimuk muna shak nbut baga leng, kot nhi phi sat awe oh.²³Me nbut shar kam shiit khimuk mu ndhi Jesu dem nhi khi pe teer khika table shikokop Jesu. ²⁴Simon Peter ten kwak shar kam shiit khimuk ndhi nhi nphi dem fe si, nah gwar tal ndun nder muk kot "awe oh". ²⁵Ndi dhikit dangkong nhi shi Jesu bhi na "Nda aweh ye"?²⁶Bhi Jesu piring/lap naa "A gwo ndhi mun phi sih sih nkalang wukhime, ndhi lep buredi fe nbut kofi bhi shin Yahuza Iskariyoti lah Simon Iskariyoti. ²⁷Khidangkong buredi fe bhi shaarfom (shetan) del nhi bhi Jesu sat nhi "Bi dhi ghi mpe shin fe ghi shin lala."²⁸Ba mogwo ndhi khi teer khi ka table fe ndhi man bi dhi lhi de sat asi dhi ma. ²⁹Pak mu phi leng mpe dhi ah Yahuza khi dam shakal, Jesu sat nhi nah "Ghi seet bi dhi mun phi dem fe mpe ret yii khi yii" mabhi kotsi ampe de nhi shin membi wupiya mu dhi. ³⁰Khidangkong ndhi Yahuza lap buredi, bhi put khibang lala. Ah nlhipar.³¹Ndhi Yahuza del bhi Jesu nah "khidetsi lah gurum kat yon, Nda Naan kat yon nbut muk. ³²Naan khi shin yon nhi mhikah shin, khi yon mhi khidetsi. ³³Jep fin mu wudiyen, ana wukhime khi gun mpe di deleh, gu tang an bhi gu nah an ma khibi ndhi asat nYahudawa mu si, alhi pe ndhi an yah dhi mu khi mak ya dhi ma; khidet si ah sat asi ngun duk.³⁴An phi shin war wu pwo ngun, gu dem shak khibi ndhi ah dem gun si, asi fe bhi gu demshak zak. ³⁵Ah mpe wuni bhi gurum mukhi man ndhi gun shar kam shiit fin mu, kat gun khi dem mpe shak."³⁶Simon Peter sat nhi nah, "Nda, ghi ya ane ye? Gu mwan nder nhi khidetsi mah, dele bhi gu mwan nder nhi." ³⁷Peter sat nhi nah, "Nda ame lhi de ah mwan der ghi khidetsi ma dhi ye? Ashin seen nhi mpe ghi." ³⁸Jesu piring/lap nah, ghi shin seen ghi mpe nhi ha? Zen zen a sat nghi dang deshe delko tokshik bhi ghi npe niyang an yit kun".

¹Tap yak gu yit nbhizung gu yakal ma, gu shin zen Nda Naan, gu shin zen nnan. ²Nlhi Nda nhi lo'ot (rooms) mudhi bwer, kat ye asima ye asat gun, mpe ndhi an mpe mwan dak pe gun. ³Kat ah mwan ah dak pe ngun, bhinshin an pe wasam de nnan ah lap gun nder nhi dhi, deh pe ndhi an dhi gun kot adhi.⁴Gu man yarkam ndhi an ya dhi. ⁵Toma sat nJesu, "Nda mu man pe ndhi ghi nya dhi ma, shinnang deh mu man yarkam fe dhi ye? ⁶Jesu sat nhi, "Ana yarkam, ah zen, ah seen ba megwo ndhi khi ji nder Nda Naan kat ba awukhime khi an ma. ⁷Kat ye gu man an ye gu man Nda nhi duk. Yahal shini shin kam ntikim gu man nhi shin gu nah nhi."⁸Filip sat nJesu, "Nda ghi nhin Nda Naan fe nmun, bhi khi mak mun." ⁹Jesu sat nni, "An a wukhime khi gun npe yii mu bwer bhi har gu man an maa, Filip? Gwo dhi naa an bhi naa Nda fe. Shinang deh gu sihna "Ghi nin Nda fe nmun diye"?¹⁰Gu shin zen ndhi an ndhikin Nda, Nda mhi ndhikin nhi? Bhilip ndhi an phi sat ngun, aah sat mu khi bal fin ma, ampe Nda ndhi khitong ndhikin bhizung nhi phi shin shiit fini. ¹¹Gu shin zen ndhi an nbut Nda, Nda nhi nbut nhi mah bhi gu shin zen mpe shiit fe mu shikasut.¹²Zen zen ah sat ngun gwo ndhi shin zen nnan khi shin shiit fe mu ndhi ah shin, khi shin shiit ndhi met man ndhi a shin, mpe ndhi an pe mwan nder Nda. ¹³Duk bi ndhi gu dang khi sim nhi, bhi a shin deh Nda kat yon nbut lah dhi. ¹⁴Duk mbi ndhi gu tang nder nhi khi sim ndhi ah man bhi ah shin ngun.¹⁵Kat gu dem an bhi gu tap war fin. ¹⁶Bhi ah dang phi Nda, deh nhi shin ngu bam nkwa ngun ndhi, de nhi kot awukhime khi gun tai tai dhi. ¹⁷Riin mhi zen, yil fe khi nah nhi ma, mpe ndhi kudi phi nah nhi ko man nhi ma.¹⁸Ah yit gun mbhisuk; An waji nder gu. ¹⁹Mpe wuni, dele bhi yil fe kudi khi na an ma. ²⁰Par puus wumi fe bhi gu man dhi an ndikin Nda nhi, yakal gun nbut nhi, an nbut gu duk.²¹Gwo ndhi nhi khi war fin deh tap mu ah wuret bhi anhi ah gwo dhi dem an, kat gwo ndhi dem an bhi Nda nhi khi dem nhi, bhin ah nhin kahsan nhi." ²²Yahuza (Ba ah ndhi Iskariyoti ma) sat Jesu na "Nda shinnang deh ghi mhin kasak mun ba ah nyil fe maye?"²³Jesu piring/lap nhi nah "Kat gwo ndhi dem jin bhi tap bhilip fini, Nda nhi khi dem nhi, khi ji nder muk bhi mu tang awukhime khi nhi. ²⁴Gwo ndhi phi dem an ma, bhi khi tap bhilip fin ma.²⁵Ah sat misi mu ngun, ndhi anah wukhime khi gun. ²⁶Mpe ndhi asi, ngu bam - nhi riin wubang ndhi Nda khi lep khini khi sim nhi, khi kam bi mu bwer ngun, yahal khi kakder gu khi bhi ndhi ah bhilip mu gun dukduk. ²⁷Ah yit tong shahap ngun, ah shin tong shahap fin ngun. Ah shin nhi akhibi dhi yil phi shin fe ma. Tap bhi gu yit bhizung gu thikok ma tap bhi lukut khi nthi gun.²⁸Gu khiling munah asat ngun "An pe del! Bhi awaji nder gu.' Kat gu dem an, bhi bhizung gu khi piya mpe ndhi an mpe mwan nder Nda, mpe ndhi Nda yon met nnan. ²⁹Khidet si a sat ngun deshe tah dhi, kakder ndhi kat ta bhi gu shin zen.³⁰Kudi ah lap bhilip khi gun bwer ma, mpe dhi ngumbi yil si nhi nwul, nhi khi bal khi kah nhi ma. ³¹Mpe deh yil fe man ndhi ah dem Nda dhi, ah shin abhi ndhi Nda phi dem fe. Mu yikil mu wak mbisi.

¹"A an a thing wuret fe, yaghal Ndah nhi Naan a nhi ah gu tap fe. ²Nhi phi mang duk me sonsokol dhi nbut nhi dhi khi la - la mah, mu khi kwap sar fe muh deh nhi la - la dih.³Ghi kot a gurum wupwo gwe npe bhilip naan dhi a sat ngun gwe. ⁴Yit dhi de ngun gu kot a man yaghal an a muk. Khipe deh sar thing khi la-la mah shikasat sih, tiit deh nhi kot shi-ding fe.⁵An a thing wuret, gun a song sar fe. Gwo ndhi kot nnan bhi an wukhime khini, nhi shin la mu bwer, pe ndhi kat ban dhi an bhi gun npe mak shin mebi ma. ⁶Kat megwo nhi nder nhi mah, bhi mu khi kon khipe song/saar dhi fii bhi mu khi kurmu bhi mu shan mu khi wus. ⁷Kat ghi deh nder nhi yaghal kat bhilip tong nder nih, bhi dhi tal nder nhi bih mu khi shin ngun.⁸Ndah nhi kat yon npe ndhisih, dhi gu la la yaghal nhin dhi gun a jep kam shiit khi Jesu. ⁹Khipe ndhi Ndah fe phi dem an sih, an phi dem gun duk. gu tong khi dem fhin.¹⁰Kat gu den waar fhin bhizung gu, bhi gun npe deltikhim khi kat dem fhin, khipe ndhi a dem waar khi Ndah yaghal nhi ndem an. ¹¹A lap bhilip sih mu khi gun npe deh retyit kot nkha gu dhi de ret yit fuk gam dih.¹²Mhi sih a waar, ndhi na gu dem shak khipe ndhi an phi dem gun sih. ¹³Bah megwo ndhi dhi dem gun met dessih, ndhi khi shin seen nhi npe shar muk mu.¹⁴Gun a shar nhi muh kat gu shin bii ndhi a sat ngun. ¹⁵Ba tong bwer mah ndhi a yong gun a kwaram mu, npe ndhi kwaram man bi ndhi ngu lhih ni phi shin ma. A yong gun a shar nhi mu, npe duk bi ndhi a khiling nder Ndah, bhi an phi sat fe ngun.¹⁶Bah a gun gu yong an ma, bhi a an a yong gun yaghal a den gun deh ngun gu mwan gu bee jep mu ndhi yaghal jep fuk mu npe de a wuret. Nhi npe kot asih npe ndhi kat gu tal mebi khi sim Ndah, bhi nhi npe shin fe ngun. ¹⁷Bhisih mu khiding, a sat ngun, deh ngun gu dem shak di.¹⁸Kat yil fe niyang gun, bhi gu man ndhi gyet niyang an dang de she gun dih. ¹⁹Kat yeh gun a mhi yil sih, bhi yil fe npe dem gun khipe dhi gun a mu muk sih. Npe dhi gun a mhi yil sih ma, bhi yaghal ndhi a yong gun nder nhi, bhi yil fe niyang gun.²⁰Gu khidersuk khi bhilip ndhi a sat ngun, 'La phitong/kwaram ba ni met ngu lhi ma." Kat gyet mu niyang an bhi mu npe niyang gun duk, kat yeh mu lap bhilip fhin, bhi mu npe lap muk duk. ²¹Mu npe shin bi sih mu khiding ngun npe sim fhin, pe de ba mu man gwo ndhi lep an ma. ²²Kat yeh a wul de a lap bhilip khi mu ma, bhi ye mu khi shin shikbis ma, pe de asih bhi mu khi dar nnan npe shin shikbis sih.²³Gwo ndhi niyang an bhi niyang Ndah nhi duk. ²⁴Kat yeh a shin shiit ndhi me gurum shin ma nnaar mu, bhi ye khi kot mu khi shikbis ma, bhi khidetsih mu na, bhi yaghal mu niyang an khi nhi Ndah Naan. ²⁵Mhisih a wuret npe gam bhilip naan ndhi mu khi ten ran den nwar khi mu, 'mu niyang an ba khi me leng wuret ma.'²⁶Kat ngu baam - ndhi an npe lep nhi ji ngun nder Ndah, ndhi ni a Riin mhi zeen, ndhi puut nder Ndah - wul, bhi nhi npe shin langting khi kha nhi. ²⁷Gun phi shin langting npe dih gun a wukhime khi an tun nshe she.

¹"A sat bhilip sih mu ngun yak ba gu pal mah. ²Mu npe shen gun shinput lhi Naan. Bhi puus fe nyar wul dhi gun duk gwo ndhi thi gun bhi nhi npe sihna ji shin a shiit nNaan.³Mu npe shin bhi dihsih npe ndhi mu man Naan mah, kot a an eh. ⁴A sat bhilip sih mu ngun deh kat puus fe wul bhi gun npe khik dersuk dhi a sat ngun gwe. A sat ngun tun nshe she ma npe ndhi dih an a wukhime khi gun.⁵Khidetsih, an nyaa nder gwo dhi lep an bhi gu tal, 'Ghi npe yaa aneh yeh?' ⁶Bhi npe ndhi a sat bi sih mu ngun, bhi bhizung gu thikok. ⁷Npe dhi asih, a sat zeen fe ngun, ret deh nan a yit gun di. Pe ndhi kat a yit gun ma, bhi ngu baam ni npe wul nmun mah, yaghal kat a mwan bhi an npe lep ni ngun.⁸Kat ngu baam fe sam bhi ni npe nhin nyil fe ndhi gap dung shika shikbis, khi kha wuret yaghal gap diyel - ⁹nkha shikbis, npe deh mu shin zeen nnan ma, ¹⁰khi kha wuret, npe deh an a wayah nder Ndah, bhi gun npe naa an nkwa ma; ¹¹yaghal nkha tok diyel, npe ndhi mu gap diyel nyen nan mhi yil sih mu.¹²An khi bi mu bwer npe sat ngun, bhi gu man mu gwe khidet sih mah. ¹³Bhi kat Riin mhi zeen wul, ni npe nhin yar ngun khi yarkam zeen, phi ndhi ni npe lap bhilip mhi kha shin mah. Bih ni npe sat bi ndhi ni khiling, yaghal ni npe sat bhit ndhi ni npe wul. ¹⁴Ni npe saam an, npe ndhi ni npe mang bi ndhi a man yaghal sat ngun.¹⁵Khiding bi ndhi Ndah khi nhi bhi a maan. Pe dhi asih, a sat alih Riin nhi npe mang bi ndhi a man bhi sat ngun. ¹⁶Dih lee bhi gun npe naa an mah, khidangkong la puus bhi gun npe naa an"¹⁷Bhi pak jep kam khi shiit khimuk mu tal phi shak, "Nhi phi sat ameh nmun eh, 'Khi de dih lee bhi gun npe naa an mah yaghal khi deh dhi lee bhi gun npe naa an,' npe ndhi an mwan nder Ndah?" ¹⁸Pe ndhi asih, mu sat naa, "Nhi phi sat ameh assih eh, "Khi de dih lee? Mu man bi ndhi ni phi sat fe mah.¹⁹Jesu man ndhi mu npe tal shiphini, bhi yaghal sat nmu, "A bii ndhi gun phi tal nder suk, bii ndhi an phi sihnaa, 'khi deh dih lee bhi gun npe naa an mah, yaghal bhishin khi deh lee bhi gun npe naa an"? ²⁰Zeen zeen, a sat ngun, gun npe wal ma kot gun shinleng ma, bhi ni npe langyit yil. Gun npe kot khi dokkor bhi yaghal wal/dokkor fuk ni npe villing waji retyit. ²¹Kat meh mat ni npe laa-laa bhi ni khi dokkor npe ndhi puus khimuk wul, bhi kat laa sam gwe, bhi ni npe khik der sat khi shuwal fe ma npe ndhi villing wayah retyit 'npe ndhi laa fe wul khi yil.²²Npe ndhi gun khi dokkor, khidetsih, bhi an npe naa gun nkwa, bhi yaghal a ni npe ret nyit gu, bhi ba mongwo mak deh ni mang retyit fe shin ba nder gu mah. ²³Par puus wuni gun npe tal mebi nder nhi mah. A zeen fe, a sat gun, kat gu tal mebi khi sim Ndah Naan, bhi ni npe shin ngun. ²⁴Har khidetsih bhi gu tal mebi khi sim nhi mah. Kat gu tal bhi gun npe kat fe deh retyit fuk gam dih.²⁵A ten a sat bii sih mu ngun eh ran khi npwo, npe ndhi puus fe ni nyar wawul ndhi an npe lap bhilip khi gun nran khi bhilip mah, nkop fe bhi an npe sat khinar puus nka Ndah Naan.²⁶Par puus fe gun npe tal nsim nhi yaghal bhi an npe sihnaa a dang phi naan npe gun mah, ²⁷pe ndhi Ndah Naan shikashin ni phi dem gun pe ndhi gu dem an yaghal khi ndhi gu shin zeen ndhi a tong a wul nder Ndah Naan. ²⁸A tong a sam nder Ndah Naan yaghal a sam nyil. Assih, an phi yit yil fe bhi an phi wa nder Ndah Naan."²⁹Jep kam khi shiit khimuk mu sat naa, "Khidetssih, gun phi satt bhilip awuret ba gun phi sat bii mu khi sim bhilip mah. ³⁰Khidetssih mu man ndhi gu maan bi mu khiding, yaghal gun phi dem megwo shin tal ngun mah. Npe dhissih, mu shin zeen ndhi ghi tong nder Naan ghi sam." ³¹Jesu lap nmu, "Gu shin zeen khidet sih ah?³²Gu naa, puus fe ni wul, asih, yaghal wul gwe, ndhi mu npe leng gun shikhime ko aweh wayaa lhi fhini, yaghal gun npe an bhisan. Duk khi ndhi asih, an bhisan mah npe ndhi Ndah ni nder nhi. ³³A ten a sat bhilip gwe ngun khi kha bi sih mu deh ngun gu kat bhizung wu zuhum di. Khi yil fe bhi bi wubis mu di, bhi gu mang mokkor: Asih, a mang kumpiya ka yil fe gwe."

¹Khidangkong ndhi Jesu sat bi sih muu, bhi ep yit shinkaa khiting yaghal sat naa, "Ndah, puus fe wul gwe, ghi nhin yon nLaa fhik deh La fhik shin yon nghi di - ²Khipe ndhi ghi shin yon khi kaa muk deh ni shin ndhi mwan tai tai di, duk gwo ndhi ghi shin nni.³Mhi sih a seen ndhi mwan tai tai ndhi mu shin ngun, Naan ndhi ni a zeen fe det, yaghal ni ndhi ghi lep Jesu Kristi. ⁴Aa shin yon nghi nyil, a lat shiit ndhi ghi shin nnan pe shin fe gwe. ⁵Khidetsih, Ndah, ghi shin yon nnan shikasak khi yon ndhi an khini nghi deh she mu dak yil sih dih.⁶A nhin sim ghi ngurum mu ndhi ghi shin mu nnan khiyil sih. Gyet mu a mak, yaghal ghi shin mu nnan, yaghal mu den bhilip fhik nbhizung du. ⁷Khidetsih mu man ndhi duk bi ndhi ghi shin nnan tong a nder ghi sam, ⁸Npe dhi a shin bhilip fhik mu khiding ndhi ghi shin nnan. Mu lap bhilip fe a zeen ndhi tong a der ghi, bhi mu shin zeen ndhi a ghi ghi lep ann.⁹An phi shin plang npe mu. An phi shin plang pe yil mah bhi a npe mu ndhi ghi shin mu nnan npe ndhi mu a mak. ¹⁰Duk bi ndhi a maan bhi a mak, bii ndhi aa mak bhi a maan, yaghal bhi mu shin yon npe ghi. ¹¹A kudih khiyil sish mah, npe ndhi gurum sih mu dih a yil, bhi an khiyar wayah nder ghi. Ndah Wuyon, ghi den mu khi sim ghi ndhi shin mu nnan deh mu dee khime dih, khipe ndhi mun a khime sih.¹²Ndhi an a wukhime khi mu, a yit mu a khi sim ghi, ndhi ghi shin nnan. A yah mu awuret, koh khime tikkok mah, see npe sharfom, deh bhilip naan gam bhilip fhik dih. ¹³Khidetssih, an phi waji nder ghi, bhi an phi sat dhi sih ndhikhin yil deh mu yit retyit fhen gam dih shika sut. ¹⁴A shin bhilip fhik nmu gwe, bhi yaghal yil mu niyang npe ndhi mu a mhi yil mah khipe ndhi an a mhi yil ma sih.¹⁵An phi dem ghi mang mu shin baa nyil fe mah, npe deh ghi dhi den mu yak sharfom nbhim muu. ¹⁶Mu a mhi yil mah, khipe ndhi an a mhi yil ma sih. ¹⁷Ghi den mu dhik nnar nyen zeen mu. Bhilip fhik a zeen.¹⁸Khipe ndhi ghi lep an shin sam yil sih, an a lep muu shinyaa khiyil duk. ¹⁹Pe muu bhi a shin kaa saan npe sat zeen deh mu shin bal fhut yaghal mu shin asih dih duk.²⁰An phi shin dang nphi Naan muu det mah duk khimu ndhi mu npe shin zeen nnan nyar bhilip khi mu, ²¹de mu kot a khime dih, khipe ghi Ndah, ndhi khi ann yaghal an nghi sih. A shin dang phi Naan deh ye khi kot assih di, deh nyil fe shin zeen ndhi a ghi ghi lep an.²²Wuret ndhi ghi shin nnan, a shin muu, deh mu kot khime dih, khipe ndhi mun a khime sih. ²³An dih khimu bhi yaghal ghi khi an - deh ye mu khi waji khimu de mu kot khime di, deh yil man ndhi ghi lep an, yaghal ghi dem mu khipe ndhi ghi dem ann sih.²⁴Ndah, an phi dem mu ndhi ghi shin nnan mu kot awukhime khi an npe ndhi an dih, deh mu naa wuret, khi yon ndhi ghi shin nnan npe ghi dem an dan deh she dak khi yil dih.²⁵Ndah mhi zeen, yil fe ghet man ghi mah, bhi an a maan ghi, yaghal mhi sih mu man ndhi ghi lep an. ²⁶A kop bhilip fhik nmu, bhi an npe deltikhim khi sat fe deh demshak ndhi ghi khini npe muu kot assih di npe mu, bhi yaghal awukhime khi mu dih."

¹Khidangkong ndhi Nda Jesu sat bhilip fe mu, mbhi mu pwat khi jep kam fhini mu, ya nkwam phe tileng kidran,khipe ndhi maar dhi yahal mu ryo dhi. ²A sih phe Judas, ndhi a nhi phe seet khi, Ndah Jesu, man phe fe duk, nphe ndhi nhi Jesu tong khi mwan ya dhi lhi jep kam fhin mu. ³Mbhi Judas, mang tihim pak nyen lyak/soja mu yahal pak nyen nnan shiit lih Naan yahal Farisa mu, mu ya dhi khi wus, mbhi nnaah pe yahal le liak.⁴Mbhi Ndah Jesu, ndhi man duk-duk bhi ndhi phe te khi nhi, tong phut yahal tal phe mu nna, gun phe bhong a wey? ⁵Mu lap nhi muna, "Jesu mbhi Nazaret". Ndah Jesu sat mu nna, "An sih". Judas, ndhi seet khi nhi, der dhi nder nyen lyak/soja fe mu.⁶Ndhe sat mu nna, "An sih" mbhi mu bwak khi khidangkong, yahal mu pwulap nyil. ⁷Mbhi tal wukwa phe mu nna, "Gun phe bhong a wey?" Mbhi shin muna, "Jesu Nazareth".⁸Jesu lap nna "A sat ngun a le a an sih. Kat gun phe bhong a an phe gu yit nyen sih mu wak. ⁹A sih phe ndhe nhi gam bhilip ndhi nhi khi sat, "Khinaar nyen ndhi ghi shin mu nnan, phe mey laham ma."¹⁰Phe Simon Pita, kon nhi khi baga shuk, shang yahal gap kwang kon mu kwaram khi baga gwo wu yon mhi shiit Naan. Sim kwaram fe a Malchus. ¹¹Ndah Jesu sat Pita nna "Ghi lep shuk fe ndhihin pat fhik. A shu am nbut da'a khi Ndah nhi ndhi shin nnan ma?¹²A sih phe khi tus nyen lyak/soja mu, yahal wuyon khi mu yahal wunan Yahuda mu ya Ndah Jesu yahal mu bwaat nhi. ¹³Mu she mwan khi nhi nder Annas, nphe ndhi a sihir Caisphas, ngu shiit lih Naan ndhi a yih shiit khi muk. ¹⁴Kaiafas a gwo ndhi dok shinder Yahuda mu nna wak gu khime muut pekop gurum mu bwer.¹⁵Simon Pita mu khi mey laa kam wu kwa mu mwan nder, Ndah Jesu. La kam wuni fe man mey ngu nnan, dhi lih Naan fe phe del kam khi naarkom khi gwo fe nder Ndah Jesu. ¹⁶Ndangbhi Simon Pita ndar khibang. La lep ndhi ye rii khinaarkom fe shin phut ndhe sat mat ndhi nhi phe lih fe shin yarkam Simon Pita rii dhikin.¹⁷Mbhi mat tap pedhi tal phe Pita nna "Ghi a mey la lep khi Ndah Jesu ma? Pita lap nna, "An a mey ma." ¹⁸Ndhi kwaram fe mu yahal nyen nnan lyak/soja mu diram phe dam wus kursar kut. Pita dar nder mu phe dem wu fe duk.¹⁹Nyen nan shiit lih Naan fe mu tal phe Ndah Jesu kha jep kam khi muk mu yahal kam khi muk duk. ²⁰Ndah Jesu lap nmu nna, "Khi a sat bhilip khibang ndhe dhihin yil man dhi. Du tong wet a kam-kam li Naan yahal jep phe ndhi mu phe sam Naan dhi Yahudawa mu duk-duk phe wul. A sat mey bhi nda wu sisok ma. ²¹A nan ndhe gu tal phi nhi dhi ye? Gu tal phe nyen ndhi mu khilong mbhi ndhi a sat. Gu nnaah, nyen sih mu man mbhi ndhi a sat.²²Ndhi Ndah Jesu sat wu nhi fe det phe mey wuyon mbhi nyen lyak/soja mu nnang nhi yahal nna, "A bhilip ndhi ghi lap phi gwo wuyon mbhi lih Naan a sih a? ²³Ndah Jesu lap nna kat a dung bhi ghi sat zen fe, ndangbhi kat a zen, phe a mey li ndhe ghi nnung an ndhi ye? ²⁴Bhi Annas lep khi nhi shin kam nder Kaiafas, gwo wuyon khi lih Naan fe.²⁵Asih mbhi Siman Pita nder phe den wus. Gurum fe mu tal phi muk muna, "Ghi a mey la lep fe ma? ²⁶Mey kwaram khi ngunnan mbhi lih Naan, emnihin gwo ndhi Pita gap kom fe sat nna, "Yeh a nnaah ghi khinaar kom ma?" ²⁷Pita shishik wukwa, yahal berber phe delkoo tokshiit.²⁸Mbhi mu dhil Ndah Jesu nder Kaiafas shin mwan khi phe wuyon Ndhi sih a shit-bhit, yahal ba mu rhi khi phe wuyon fe ma yak bha mu khi del khidel waar ndang bhi mu phe siih bhit Retyit yii khi yii. ²⁹Bilatus phub kat mu yahal tal nna, "Gu ben a mbhi wubis ddhe nnang khi de gwo sih ye? ³⁰Mu lap muna 'Kat yeh gwo shi a gu shikbis ma phe yeh mu ji khi nhi ghi ma."³¹Bilatus sat mu nna, "Gu mang buk shin del, yahal gu tok diyel nhi mbhi yarkam waar fuk'. Yahudawa mu sat nhi muna, "Waar fun shin phe muu ndhe mun mu tii gurum dhi ma." ³²Mu sat ndhi sih ndhe bhilip Ndah Jesu gam dhi, ndhi sat yarkam muut fin.³³Mbhi Bilatus rhi khi phe wuyon fe wu kwa yahal yong Ndah Jesu tal phi mu, "Kot a nih a long mhi Yahudawa mu ah? ³⁴Nda Jesu lap nna, "A ghi, ghi sat bhik a, kot a mey gwo mu sat bhilip ghi dhi kha nhi yeh? ³⁵Bilatus lap nna, "An a Yahudawa ma, kot a sih ma yeh? Gurum fhik mu yahal nyen nnan shiit lih Naan mu shin ghi nan.³⁶Nda Jesu lap nna, "Wuyon fin a mbhi dhikin yil sih ma. Kat yeh wuyon man a mbhi dhikin yil sih bhi yeh kwaram fin khi lyak phe nhi yah bha mu khi shin an Yahudawa mu ma. Ndang bhi long/wuyon man a mbhi dhikin yil sih ma." ³⁷Bilatus tal phi muk nna "Ghi a long ah? Jesu lap nna "A ghi, ghi bhilip bhik, ghi lih an a long. Nphe ndhi mu laa an a phe nhi. A phe nhi dhe a wul khi dhikin yil dhi, ndhe nnan a shin langting nzen fe dhi. Duk gwo ndhi a gwu zeen khiling dhikil nhi.³⁸tal nna "A mhe a zeen eh?" Ndhi khiling bhilip khi muk, phe shin bwut kat Yahudawa mu yahal sat nmu nna, "A kat mhe wubis nder gwo sih ma. ³⁹Ndangbhi tong a wusihiir gwe ndhe a shin mhe gwo ngun par Bhit Retyit yil. Nphe ndah asih mbhi a shang long mhe Yahudaawamu ngun ah? ⁴⁰Mbhi fwa orr wukwa yahal mang "A gwo sih ma, ndangbhi a Barnabas" Barmabas gyet a wat.

¹Mbhi Bilatus bwap Ndah Jesu. ²Nyen lyak/soja muk ra zung ir. Mu lep nkha Ndah Jesu yahal mu lep lee nni. ³Mu ji kus khi nhi mbhi mung "Hi riri, Long Yahudawa mu", yahal mu bwap nhi.⁴Mbhi Bilatus phut nder mu wukwa yahal sat nna, "Gu nnaah, an a phut nder gu ndhe ngun gu man ndhi a kat nhi khi mey wubis ma." ⁵Mbhi yahal Nda Jesu phut khibang ndhi wran lee wuret mhi shinzeen khi baaga lee wuyon. Bhi Bilatus sat nmu nna, 'Gu naa gurum saah' ⁶Ndhi wu nnan khi lih Naan yahal nyen nnan lyak/soja mu nnaah Nda Jesu mbhi fwa orr bal bal yahal muna, "Gu kaah nhi, gu kaah nhi khidel shep." Mbhi Bilatus sat mu nna "Gu lap nhi shi kha suk yahal gu kaah nhi phe ndhi an a kat nhi khi shikbis ma."⁷Bhi Yahudawa mu lap muna, "Mun khi waar yahal nbwut fe mbhi seh muut, nphe ndhi na jin a La Naan". ⁸Ndhi Bilatus khiling bhilip wuni fe, bhi shin lughut. ⁹Yahal shin del kam lih wuyon yahal tal phi Ndah Jesu nna, "Ghi tong a nhe ghi wul yeh?" Ndangbhi Ndah Jesu lap ma.¹⁰Bhi Bilatus shin tal nna, "Ghi nphe lap bhilip phi nhi ma? Ghi man ndhi an khi bal nphe bwot yahal an khi bal nphe kaa ghi khi shep ah." ¹¹Ndah Jesu lap nna, "Ghi khi bal kaa an met ndhi tong a khiting sam ghi ma. Nphe ndhi asih bhi gwo ndhi shin an nghi nhi khi shikbis wuyon."¹²Nphe tal ndhi Nda Jesu lap, bhi Bilatus phedem bwot nhi, yahal Yahudawa mu fwa orr bal-bal muna, "Kat ghi bwot gwo sih mbhi ghi a shaar Kaisar ma. "Gwo ndhe yong kha shin a long dhel khi del f nKaisar." ¹³Ndhi Bilatus khiling wuni fe, bhi phut khi Ndah Jesu yahal tongkhipe gap diyel ndhi mu khi yong a "Kwang phe", mdamgbhi Yahudawa mu khi yong "Gabbatha".¹⁴A sih phe a jim par Bhit RETYIT KHIYIL, phi kansihin. Bilatus sat Yahudawa mu na, "Gu nnah, long fuk nhi sih." ¹⁵Mu fwa orr bal-bal muna, "Gu del khi nhi, gu del, gu khaa nhi shi shep." Bilatus tal nna, "A khaa long fhuk ah? Nyen nnan lih fe mu lap muna. "Mun khi long ndangbhi a Kaisar." ¹⁶Asih bhe Bilatus shin Ndah Jesu mu ndhe mu khaa nhi dhi.¹⁷Asih wai bhi mu lap Ndah Jesu yahal mu pwat khi nhi bhi ya shep ndhi mu dak gwe gishe shin ya khipe ndhi mu khi yong, "A phe ess kha", ndhi mu khi yong a "Golgota". ¹⁸Mu kha'a Ndah Jesu dhi khi del shep, yahal khi gurum mu vil nder muk, khime shi dahseh, wukwaa shi dakul; yahal Ndah Jesu khinaar.¹⁹Bilatus ran mhe mbhi ndhi khi nin yahal lang khidel shep ndhi mu khaa nhi dhi. Ran fe nna, "JESU MHI NARARET, LONG KHI YAHUDAWA MU". ²⁰Yahudawa mu bwer mu tang mbhi ndhi mu ran lang fe nphe ndhi mu kha'a Ndah Jesu kus khi la yil wuyon. Mu ran bhi fe khi liis Yahudanchi, Remamchi yahal Hellenanchi.²¹Asih mbhi nyen nnan khi lih Naan mbhi Yahaudawa muna Bilatus, nok ran, 'Long khi Yahaudawa", dangbhi wak ran "Gwo sih nna jin a long mbhi Yaahudawa mu". ²²Pilate lap nna, "Bhi ndhi kha ran, mbhi a ran gwe."²³Ndhe nyen lyak/shi tihin/soja mu khaa Ndah Jesu, mbhi mu err le khi muk mu kooh khinar feer, ndhe mu lap khime khime yahal dibam fe. Dibam fe khipe teey ma, nphe ndhi tong ndel wa sam rhi mbider. ²⁴Asih fe mbhi muna "Mu teey ma ndangbhi mu kon pel khidel fe ndhe mun mu man kon a wey sih oh?" Ndisi ta a phe ndhi ran wu gyet wa rhi dhi ndhi nna, "Mu kooh le fin khinaar du yahal mu kon pel nphe dibam fin". Ndhisih a bhi ndhi nyen lyak/shi tihin/soja mu shin.²⁵Nyen ndhi mu diram kus khi shep ndhi mu khaa Ndah Jesu dhi bhi a nihinmuk Mariya, emnihin nihinmuk wumat, Maryamu mat Klopas, yahal Maryamu Magdalin. ²⁶Ndhi Ndah Jesu nnaah nihin nhi yahal nyen kam fin mu ndhi nhi phe dem mu khi diram, mbhi sat nihin nhi nna, "Mat, yih nnaah jep yih mu!" ²⁷Asih zak bhi sat nyen kam mu nna, "Gu nnaah nihin gu", A dhi mhe nyen kaam fe mu mang nhi shin waya khipang.²⁸Khidangkong ndhi mu lat, yahal ndhi ran wu gyet wa rhi ndhi mbhi Ndah Jesu nna, "Am tihi ti an". ²⁹Mey wang gom khi bhi wu dwang khi den ndhi, mbhi mu lep soso bwut am wu dwang fe yahal lep nhi pwo. ³⁰Ndhi Ndah Jesu shu am wu dwang fe mbhi nna, "Lat gwe". Sam khi kha nhi yahal shin nnook nhi.³¹Asih mbhi Yahudawa mu ndhi mu kat a jim Bhit Retyit yit, yahal mu kat kum nhi nphe ndidarma mphe bhit wuyon - Sabbat, bhi mu tal phi Bilatus dhe dun di terep kwak fe yahal mu tihaat mu. ³²Asih mbhi nyen lyak/shi tihin/soja mu mwan yahal mu tarap kwam wu nshe yaahal wu vil fe ndhi mu khaa mu khi phe shak khi Ndah Jesu. ³³Asih mbhi mwan nder Ndah Jesu, mu naah khi muut gwe, mbhi mu tarap kwaak fe ma.³⁴Nphe ndhi asih mbhi mhe gu lyak/shitoihin/soja byang nhi khi kop nkwang tuhur muk yahal berber mbhi tihim phut yahal am phut duk. ³⁵Gwo ndhi naah bhi sih sat, yahal sat khi muk a zeen. Man ndhi bii ndhi sat feh a zeen, ndhe mun mu lap zeen fe ndhi.³⁶Bhi sih mu ta a phe dhe mbhi ndhi mu ran wa rhi dhi, "Mu nphe tep mhe ess muk khime ma". ³⁷Wukwa ran fe nna, "Mu phe nnaah gwo ndhi mu byang khi kop".³⁸Khidangkong bhi sih mu mbhi Yusufu lah khi yil. Arimathia, ndhi tong nhi a mhe la kam khi Ndah Jesu, (dhi a buroos, phe lughut Yahuda mu) tal phi Bilatus kot ji mang kum Ndah Jesu ji del khi nhi. Pilate shin phe nhi. Mbhi Yusufu mwan mang kum fe yahal del khi nhi. ³⁹Nikodamus ji duk, ndhi dok she ji gwe nder Ndah Jesu lipar. Ji khi mor ndhi mu ryep nhi khi myrrh yahal aloe ndhi tikin fe wari litra yakgurum pahat.⁴⁰Mbhi mu mang kum Ndah Jesu yahal mu kup bwut le wu piya khi mor ndhi tahasfeh mbhi khi ret, nphe ndhi a waar khi Yahudawa mu nphe wum kum mu. ⁴¹Asih mbhi nphe ndhi mu khaa nhi dhi mbhi a mar, yahal dhikin mar fe mbhi a tuhun ndhi mu sham wum mhe gwo dhi gwe ma. ⁴²Nphe ndhi a jim khi Bhit Retyit yil ndhi Yahudawa mu den, yahal tuhun fe nhi kus, mbhi mu den Ndah Jesu dhi.

¹Nbit par puus ndhi nshe bhi phe man saam lat maa, bhi Maryamu Magdaliya jhi dhi phi tuhun wum, yahal kat mwo mang alang/pang ndhi mwo ohot phi tuhun khini shin ba. ²Yah nasih mwan nder Siman Bitrus khi gohotshi Jep Kam ndhi mwo a jep dem khi Jesu, bhi sat mwo nnah, "Mwo mang kum Nda Jesu shin put ntuhun wum, dang du man phe ndhi mwo den kum fhe dhi zak maa".³Bhi Bitrus khi gohotshi Jep Kam fhe mwo pwat, yahal mwo yah dhi phi tuhun fhe. ⁴Mwo sho nder shak, yahal pak Jep Kam fhe mwo sho khi mwo del phi Bitrus ba mwo rwo phi tuhun dhe kah muk. ⁵Bhi gim nha phe ntuhun fhe bhi nha lhe wum khi lhi dang bhi kum fhe dhi maa.⁶Siman Bitrus khi nhi kidangkong muk bhi rhi dhi ntuhun fhe, bhi nha lhe wum fhe mwo khi lhi dhi. ⁷dang bhi lhe ndhi dhikit kha nhi khi nhi khi den nder lhe ndhi mwo wum nhi khi nhi maa, khat mwo shihit wuni mwo den dik.⁸Bhi gwo ndhi yhe she khi rhi del dhi ntuhun fe duk bhi khat bhi fhe mwo asih a zehen. ⁹Ah npuus wuni fhe dheshe kik der sut ndhi nhi a wuram nbut bilip Naan ndhe khi yahhaal khidangkong mut khi muk dhi. ¹⁰Bhi Jep Kam khimuk mwo wak yaa lhi dhu.¹¹Dang bhi Maryamu daar khibang nhi phi wal. Ndhi nhi wal bhi gim khi dhi phi tuhun. ¹²Nha Jep Lep khi Naan mwo vhil mwu khi twahat khi lhi piya, bhi khime khi tong khiphe ndhi mwo dem kha muk yahal wu vhil khi khiphe ndhi mwo den gid shohopshik muk. ¹³Mwo sat nnhi mwo nnha, "Mhat sih, yhi phi wal a mhe? Pring nwo nnha, "Nphe ndhi mwo mang khum Nda Naan fhinhi dhe a man phe ndhi mwo den dhi maa."¹⁴Ndhi lat sat fhe det bhi viling yit dhi bhi nha Jesu khi dar, dang bhi man ndhi a Jesu maa. ¹⁵Jesu yahal sat nnhi nnha, "Mhat sih, kanyhi phi wal a mhe yhe? Yhi phi tang a whe yhe? Ni mat phi nah a khipe ndhi gwo fhe a mhe nghi sak mar lohun nbhisih yahal sat nnhi nnha, "Nghuyon, khat a ghi ghi mang kum fhe bhi ghi sat bhe ndhi ghi den dhi ndhe nahan a mang a she phe khi nhi dhi".¹⁶Jesu pring nnhi nnha, "Maryamu, Ndhi viling, bhi sat nnhi khi lhis Yahudawa nnha, "Rabbon." (ndhi phishi fhe a "Ngukam"). ¹⁷Jesu sat nnhi nnha, "Tap yhi bhim an mha, nphe ndhi man a rhi nder Nda nhi gwe mha, dangbhi yhi mwan ndeer emnhihin nhi mwo bhi yhi sat nmwo ndhi an nkha khiting nder Nda nnhi ndhji a Nda yhi, shin nhin a Naan fhinhi khjipe ndhi nhi a Naan fhi." ¹⁸Maryamu Magdaliya jhi, yahal nhi phi sat Njep Kam khimuk mwo nnha, "A nha Nda", khi bhi ndhi sat nnan.¹⁹Ndhi kansihin tha par puus fhe, puus ndhi nshe, yahal Jep Kam khimuk mwo ohot phi lhi ndhi mwo dhi ndhikhin nphe ndhi mwo phi lwahat Yahudawa mwo, det bhi Jesu jhi dar khi nhar mwo, yahal sat nmwo nnha, "tongshahap khat gun". ²⁰Khidangkong ndhi sat asih bhi nhin sahar nhi khi eskohop nhi. Jep Kam khimuk mwo shin retyit ndhi mwo nha nNda.²¹Jesu shin sat nmwo nnha, "tongshahap khat gun. Khipe ndhi Nda Naan lep an bhi an nphe lep gun a sih." ²²Ndhi sat wunhi fhe lat det bhi fhii nhok fhinhi khi dheel mwo yahal sat nmwo nnha, "Ghu lap Riin Wubang. ²³Khat ghu khon khi shikbis nmhe gurum, bhi dhe a wukhon; dhangbhi khat ghu khon khi nhi mha bhi khi dhe dhi asih.²⁴Toma, nmhe mhe nbhut mwo ndhi sarkhavhil sih ndhi mwo phi yong nhi a Jhan nhi nder mhi nhi yhe mwo ndhi Jesu jhi mha ²⁵khi dangkong bhi mwo sat nhi mwo nnha "Mhu nha Nda Jesu", Bhi nhi sat nmwo nnha, "What a nha nhi khi nhi dhe a lep sar nkhop phe fung ndhi mwo pwas nhi dhi mha bhi jhi shin zehen mha".²⁶Khidangkong teher pohokhun ndhi jhep kam khimuk mwo ndikhin lhi a wukhi mhe khi Toma bhi Jesu jhi dheel bhi phi lhi fhe a wu ohot, bhi ndhi khi dhar nnhahar mwo bhi sat nnha, "wuret khat gun". ²⁷Bhi sat nToma, "Ghi lep sahar ghi nfung sahar nnhi yahal ghi nha sahar fhe. Shin ghi lep sahar ghi nfunmg tuhur nhi. Ghi nok nyang shinzehen sih, ghi ndhe a nghi shinzehen.²⁸Toma pring nnhi nnha, "Nda nhi Naan." ²⁹Jesu sat nnhi nnha, "A nphe ndhi ghi nhaa an khi yit ghi bhi ghi shinzehen. Tongshahap khat mwo ndhi mwo nha mha bhi mwo shin zehen.³⁰Det bhi Jesu shin bhi fhii pwo bwer njep kam fhinhi mwo a wuran mha ³¹dangbhi ndhisih mwo ran mwo a nphe dhe ngurum mwo shinzehen ndhi Jesu Kristi a Lah Naan dhi, khat gurum shinzehen nnmhi bhi khi khat bar mhi sehen.

¹Khidangkong bhisih mwo bhi Jesu shin nhin khashin nJep Kam khimuk mwo nTeku Tiberiya. Nhin kha shin nyahar ndhisih mwo: ²Simon Birtus nhi a wukhimhe khi Toma ndhi nhi a Jan, Nataniyel lah khiyil Galili, jep Zabadi mwo yahal mhe jep kam khimuk mwo vhil. ³Simon Bitrus sat mwo nnha, "An nshin mwon yak nsherep fhinhi", Mwo sat nnhi mwo nha, "Mun nwan nder nghi duk". Mwo mwan mwo rwo nshii danggbhi mwo yha mhe sherep khime mha har bit bang .⁴Ndhe bhit bang bhi Jesu jhi dhar phekhorr teku bhi mwo man ndhi a nhi mha. ⁵Dangbhi Jesu sat nmwo nnha, "Dengmahar mwo, gun khi mhe bhi nphe sih mha mhi?" Mwo pring nnhi mwo nnha, "Hai yho". ⁶Nhi sat nmwo nnha, "Ghu khon saharteng fhuk shin wajhi nsahar seeh mhi shii sih bhi ghu khat pak." Bhi mwo khom teng fhut khi phe fhe bhi sherep ndhi mwo wakyha nteng fhe bhi mhi mwo ndhil.⁷Det bhi Lah Kam ndhi Jesu dem met sat Bitrus nnhi, "A Nda Jesu", ndhi Siman Bitrus khiling asih, bwahat phikhom lhe fhinhi (nphe ndhi yhe shang lhe fhe) yahal tah nbut am Teku fhe. ⁸Ghohotshi jep kam fhe mwo dheel nbhut shii fhe (nphe ndhi shii fhe kuss khi phekhom phe ndhi sing khi shii fhe mha) yahal mwo yah dhil teng fhe ndhi sherep gam nhi viyak. ⁹Ndhi khi mwo wal khiting bhi mwo nha mhe phe ndhi mwo bwot wus khi sherep khidheel fhe yahal beredi gwe.¹⁰Jesu sat nmwo nnha, "Ghu wakjhi khi pak sherep ndhi gu yak khidhes fhe sih". ¹¹Siman Bitrus kha khiting yahal dhil teng fhe shin wajhi dhi nder muk khi sherep wunan mwo, 153. Dau khi dhi sherep fhe mwo dohol bhi teng fhe teeh mha.¹²Jesu sat nmwo nnha, "Jhi gu sih sih bhit", bhi jep kam fhe tuhur mwo dwan nphe tahal mhe bhi shi phimuk kot "gwar nphe tahal mhe bhi shi phi muk kot "gwar a weeh mhi". ¹³Jesu yahal mang beredi fhe bhi shin nmwo khi sherep duk. ¹⁴A yit wukun ndhi Jesu nhi phi nhin khashin njep kam fhinhi mwo khidangkong ndhi yahal khi sehen khidangkong mut khimuk.¹⁵Khi dangkong ndhi mwo sih sih bhit, Jesu sat nSiman Bitrus nnha, "Siman lah Yohana, ghi phi dem an met nghohotshi sih mwo ah?" Siman sat nnhi nnha, "Eh Nda, ghi khi man ndhi an phe dem ghi," Jesu sat nnhi nnha, "Ghi shin siih ntim fhi nhi mwo." ¹⁶Shin sat wuvhil nnhi, "Siman Lah Yahaya, ghi phi dem an mhi?" Siman lap nnhi nnha, "Nda, ghi man ndhi a sih shi kho." Jesu sat nnhi nnha, "Ghi tap khi tim fhin mwo."¹⁷Shin sat wukhun nnhi, "Siman Lah Yohana, ghi phe dem an mhi?" Nhi lap nnhi nnha, "Nda, ghi man bhi mwo khiding, ghi man ndhi an phe dem ghi", Jesu sat nnhi nnha, Ghi shin sih ntim fhin mwo. ¹⁸Zehen, an phi sat zehen nghi ndhi ghi kutdhi a denmhar bhi ghi phejwal lhe nkhasak yahal ghi phe mwan yha nphe ndhi ghi phi dem, dangbhi ndhi ghi gyah, ghi dhil sahar ghi dhe nmhe gurum lep lhe nhi nghi yahal mang ghi mwan khinhi khi phe ndhi ghi phi dem mwan yah dhi mha."¹⁹Jesu nhi phe sat bhisih a nphe ndhi nhi man ndhi nkhan mut Bitrus nhi nphe saam sim ndhi nhi a mhi Naan. Khidangkong ndhi sat wunhi fhe bhi sat nBitrus nnha gwar, "mwan ndangkong nhi."²⁰Ndhi Bitrus viling dangkong nhi bhi nha Jep Kam ndhi Jesu nhi phi dem mwo ndangkong dhu khi gwo ndhi yhe ghim dhe nnhi nnha tuhur Jesu ndhi mwo phi siih ndhi tal nnha, "a whe nphe seheet khi gwar dang yhe?" ²¹Bitrus nhaa nhi yahal sat nJesu nnha, "Nda, gwo sih nhi nphe shjin a mhe?"²²Jesu sat nnhi nnha, "kat an phi dem nnhi tong dhe a wawul dang bhi shin a mhe nghi yhe? Wughi mbak ghi mwan nder nhi dhet. ²³Bhilhip sih rhi nkhom jep kam khimuk mwo khjiding a khi phe ndhi nyo nphe dwam mha. dangbhi a nhi a bhi ndhi Nda Jesu sat nBitrus mha, sat khi muk a ndhi, "Kat a yit nhi bhi shin a mhe nghi yeh."²⁴A nhi a lah kam ndhi sat jep bhi sih khiding yahal shin ran mwo. Mun khi man ndhi bhi ndhi sat fhe khiding a zehen. ²⁵Bhi mwo bwer ndhi Jesu shin. Kat ghe a nphe ran mwo khiding bhi yhe mun nphe kat phe ndhikinyil sih nphe den kwak mha.

¹Ghi Tiyofolas fiyar si ndhi nshe ndhi ah ran, bhim jep bi ndhi Jesu she shin fe shi bi ndhi she kam fe. ²Ji rhi puus ndhi mu mang nhi shin waka khiting, khidangkong ndhi sat bhilip bdikin riin wubang nshar kam shiit fini ndhi bun mu. ³Nhin kashin mu nkaham ndangkong ndhi shu wula nwukhime khi nhin bi mu shini shini wu bal mu. Nhin kashin mu nka nka mpe ter yak gurum vhil nhi phi lap bhilip nka wuret khi Nda Naaan khiting.⁴Ndhi nhi a wukhime khi mu bhi sat mu nah tap yak mu khi yikil mu yit yil Urushalima ma nyen diyerem mbisi mpe gam khi bi ndhi Nda sat, ndhi gu khiling shi phi nhi. ⁵Mpe ndhi Yahaya shin batisma khi am, ntikim bhi mukhi shin batisma ngun a riin wubang.⁶Mpe ndhi asih mu kur khishak bhi mu tal phi muk muna "Nda, ghi mpe shin yilwuyon nyen Isarila mwa?" ⁷Bhi sat mu nna maan mhi peh khi bit ndhi Nda Naan den nbut bal ndhi amhin ah muk ma. ⁸Gun mpe kat bal kat riin wubang sam nka gu gun mpe bor ah lanting fhin mu khi yil Urushalima khi yil Yahudiya khi yil Samariya shin kam lang yil.⁹Ndhi sat asi, mu nbut leng det bhi mu mang nhi shin kah kiting, me lhibhin shi mang nhi ka-sikhi nhi khiting bhin shin muna nhi ma. ¹⁰Mu phi nahpe khiting munah nhi phi del kah bhi gurum mu vhil mukhi diyaram kus khi mu khi leh wu piya. ¹¹Bhi mu sat muna, "Gun gurum Galilee mu, gun phi diyaram nah peh khiting ame diye? Jesu ndhi mu mang nhi ndeergu shin kah kiting nhi mba wawul khi bi ndhi gu nah mang nhi shin kah khiting si."¹²Bhi mu wakya Urushalima mpang dhi mukhi yong ah Pang Zaitun, ndhi kus khi Urushalima jong fe akhibi mel khime si. ¹³Ndhi mu roh khi yil eh, bhi mu kah khiting khipe ndhi tong mukhi tong dhi, Bitrus, Yaahaya khi Yakubu khi Andarawus khi Filibus khi Toma, khi Batalamawas, khi Matiu khi Yakubu mhi Kalfa, khi Saminu Zaloti khi Yahuza mhi Yakubu. ¹⁴Duk duk khimu khi leng wukhime mu da'ar dang Naan awukhime khi Mata khi Maryamu nhikin Jesu khi emnikin nhi mu.¹⁵Nteer simu Bitrus yakal dar khiting na'ar emnikin nhi mu (gurum mu wul yakgurum peme nkaat fe) bhi nah, ¹⁶"Emnhikin nhi mu, ah tiit deh nwar dhi riin wubang sat nphi Dauda khika Yahuza ndhi seet khi Jesu."¹⁷Giyet mu phi kun nhi nnar mu, mu shin shiit khimuk nhi nbut shiit si fe. ¹⁸(Gwo si khi phishi shiit fin wubis, seet me baga pe, bhi puta khi kah, but muk piyan yimbut muk mu fuu khiting. ¹⁹Bi ndisi ah wumhi man nder gurum ndhi khi yil Urushalima, mu phi yong sim pe fe a yil Akaldama khi liis lhidu, ndhi phishi fe ah pe tikim).²⁰Mpe ndhi nhi awurhiran nbut Zabura sina, "Lhimuk bor ah wuniniyang, Tapbhi megwo khi tong dhi ma" Yon khimuk megwo lap.²¹Mpe ndhi asi me gurum ndhi nhi wukhime khi mun ko apenang ndhi Nda Jesu nhi khi mun. ²²Yakal shi batisma ndhi Yahaaya shin ji rhi npus dhi mu mang nhi nder mu shin waka khiting, mme khinaar gurum simu ah langting yakal khimuk ntukun awukhime khi mun. ²³Bhi mu mhin gurum mu vhil, Yisufu ndhi sim muk ah Barsaba ndhi mu shin sim nhi khi Yustus khi Matiyas.²⁴Bhi mu dang phi Naan muna, "Nda ngu man bhizung gurum mu duk duk na'ar gurum wu vhil simu ghi mhin gwo ndhi ghi mang nhi mmun. ²⁵De nhi lap shiit mhi kop bhilip dhi amak ndhi Yahuza kon si nde nhi mang kop muk dhi." ²⁶Bhi mu kon peel mmu, Matiyas kat, mu den nhi dhi nbut nyen wu sar pwo khime fe mu.