Bible

Matthew

Chapter 1

¹Nəng vinə vai bya Yeso kristi yi Dauda, yi Birayi. ²Birayi ɨng yi davə Ishaku, Ishaku ɨng davəYakubu, Yakubun davə Yahuda, ɓalei hyiun kə. ³Yahuda kə davə Perez ɓai Zerah sə Tomar, Perez davə Hezron, Hezron davə Ram.⁴Ram ɨng davə Amminadab, Amminadab ɨng davə Nahshon, Nahshon ɨng davə Salomon. ⁵Salomon ɨng davǝ Boaz sə Rahab, Boaz ɨng davə Obed sə Ruth, Obed ɨng Davə Jessi. ⁶Jessi ɨng davə Dauda yivah, Dauda ɨng davə Suleiimanu sə hei Yuriya.⁷Suleimanu ɨng davə Rehoboam, Rehoboam ɨng davə Abija, Abija ɨng davə Asa. ⁸Asa ɨng davə Jehoshaphat, Jehoshaphat ɨng davə Joram, Joram ɨng davə Uzaya.⁹Uzaya ɨng davə Jotham, Jotham ɨng davə Ahaz, Ahaz ɨng davə Hezekiya. ¹⁰Hezakiya ɨng davə manasseh, manasseh davə Amon, Amon ɨng davə Josioya. ¹¹Josiya ɨng davə Jikoniya ɓalei hyiukə fihnəla ai fa ai taka Babilon nə.¹²Nə ai fa ai taka babilon nə, Jikoniya ɨng davə Shealtel, Shealtel ɨng davə Zerubbabel ¹³Zerubbabel ɨng davə Abiud, Abiud ɨng davə Eliakem, Eliakim ɨng davəAzor. ¹⁴Azor ɨng dav Zadok, Zadok davə Achim, Achim ɨng davə Eliud.¹⁵Eliud ɨng davə Eleazar, Eleazar ɨng davə Matthan, Matthan ɨng davə Yakubu. ¹⁶Yakubu ɨng fdavə Yisu ɓu Maryamu nə chi Yeso nə, nə dai ɗukə Kristi nə. ¹⁷Lei bya nəha ieh sə Birayi takə sə Dawuda nə, ni hyua irəu nanya, sə Dawuda takə farə Babilon langɓə bya hyua irəu nanya, sə farə Babilon takə Kristi langɓə hyua irəu nanya.¹⁸Bə chibəvə Yeso kristi chue tangsa nɨnga nə, nahvoh, Maryamu kieh tsanau du ɗɀa Yisu, nəngɓə eih ku chuahai man yiɓui ɓai yihei tangsa kwang a garangrang. ¹⁹Susuenə Yisu yivənə də myem kə ɓunə, yivənə də muabə dənwa vəFihnə, Uh yiɗi bə ɗjaurəleu. Uh yiɗi bə deunəng chuesəku chini zayivəleu. Nəngɓə dəu yiɗi bə ienəngnə uh mua nyi-nyiu ni aikəta yan uh ɗzau.²⁰Dəukem leinəngnə malaika vəFih iukəla tangsa muirə də narə, " Yisu, yi Dawuda, bi a ɓiɓin bə ɗə kə heiman ka, bisi nəngnə tanyuani wulan sə kwang garangrang. ²¹Uhn chi yi kə yiɓui, man ɗukə Yeso, uh wun loh nəng-aɓai vaivə".²²Nəngnə chue hakpəm kə nəngɓə yila nəlei tanwatsum Fih nahnə, dai narəh. ²³"Ɓa leehyimua yihei ɨng ɗəyuaɗǝ, uhn chiyi ain ɗukə Immanuel " Fih chuahai ɓai ɓikə.Yisu ieh nəngnənglue nəngɓə uh chue nəngnə malaika vəFih naulanə, uh baniu bə ku ɓai Maryamu kə heiu. ²⁵Uh lue ɓai uhkəleu, ha uh chi kə yoila. NYiisu nəngɓə ɗji ieungkə Yeso.

Chapter 2

¹Chuasəu ai chi Yeso tangsa Baitalami hyua Yahudiya vinə Hiridus kə yivah, leiɓuika ieh chuila nahua ai muaytua ɗjin wukə tangsa Urshalima. ²Ai ɓi leivə nah, yivənə ai chiu kə yivah vai Yahudawa nə ɓai? Ɓiɓan ɗjin ieh nahua naɓila ai ciuyang, ɓi wu dəɓi yiɗi bə deu bgarə. ³Hiridus yivah leeh nəngnə nyi-nyiu lauleu, sənəngni leiɓuinə də narənə, leivə tangsa Urshalimani nyi-nyi lei langɓə laleu.⁴Hiridus ɗubu llei kulaung agah chuahai ɓaleivə nyinasə nɨng tangsa hua Yahudiya uh ɓilei na pah ai chi kə yivə yuangbənə? ⁵Ai naula a ai ciu lang tangsa Urshalima, hua Yahudiya, nəngɓə nəngnə yivə ɓanə Micah uh vi ɓai chiurəkə. ⁶Mana ku Urshalima, tangsa hua Yhudioya ɓa hihiu, bisi yivə tangsa hua ɓə ai myemukə yivənə muaɓa nani, uhn kaing leivəmnə ku hua Israila.⁷Nəngɓə Hiridus ham ɗubui lei ibənəng ɓilei, ɗjin nə ɗeu ai ɓakə ikə nə. ⁸Uh nalenah, ɓa ta tangsa Baitalami ɓa ɓilei hila npah yimuahang ɓəla? Nẹɓa ciu yang, fawuɓa namla, mi ɓaikkum kə, min ta min deu garə langɓə.⁹Nəngɓə leiɓuiɓə ai ta bapi ɓaihuaɓə tangsa Baitalami chuelei kə səɓi, ɗjin nə ai ɓa leina hua ni pai səlei taji kuvai ni yimua ɓəlanə. ¹⁰Nǝ ai ɓakkən ɗjin ɓǝnə nyi-nyilei la kangah.¹¹Nəngɓə ai ta tangvahɓə taiɓa yimuahan ɓə ɓai navou Maryamu ai ba nwakaɗuan lei hyua ai ɗjam mu. Ai ɓai nwaho ɗjinəng vai, nəngɓə ai deu lei ɓi a hyumrə ɓai mur. ¹²Fih naleibi tangsa muirə na bi ai fa tasə Hiridus ka. Nəngɓə ai fa ai ta huavai nəngah ka ɓainciu.¹³Chuasəu leiɓui nə ɓan ɗjin nə, ai yi Baitalami. Nəngɓə Malaika vəFih ikə Yisu la tangsa muirə. Uh naunah, uh ieh uh ɗə yimuangnə ɓai navoukə ai ta hua Masar. Ɓa kubəbi chuachila nənnaɓa nakə ɓa yibəɓə ɗai. Bisi yivah Hriridus də yiɗi bə tsum lei taɓuivou ta ɓabə yimuangɓə yang ai hyau. ¹⁴Nəngɓə Yiisu ieh tangsa invihɓə, uh ɗə yimuang ɓə ɓai nahvou ai ta hua Masar ɓə. ¹⁵Ku bibi ha yivah Hiridus ɓui yang deukə ai yi hua Masar ɓə. Tangsa nɨngahni Fih nakə yivə ɓanɨng chi Hosihya, Vi wun kə biagang , "ɲɗubu yim nakə uh ieh uh yi hua masar ɓə".¹⁶Viɓə Hiridus ɓa ɓama leivə ibə nəng nə ɗjin nwarən, nyi-nyiu ɓankə ɓai samɓai, nəngɓə uh tsum lei taɓui vou tə hya lei yi a yiɓui tangsa hua Baitalami muakə kulei muang ha na'iu fakə ka hyua. Hiridus zam ha na'uh yimuang ɓə laɓaiukəɓuinə tangsa nəngni leiɓui zamkən ɗjinnə naula vihnə ɗjin ɓə ikənə.¹⁷Nə Hiridus chue nəngnə, nə yivə ɓanɨng chi Irmiya vinkə chuila paikənə, wukə biagang, nə uh viku Baitalami bappi ɓai hua Ramah. ¹⁸Leihei nə tangsa Ramah ni dai tata ɓai wuikə, Rahila ka vai heiɓə du tata bivai muangnə ɓuinə, leivə də deu munyal ai bawau, biski leimuang ɓə ɓuinha.¹⁹Chuasəunə leilan Masar, Hiridus ɓui kənə, Malaika vəFih wukə Yisu la tangsa muirə, uh naula, ²⁰Ieh a ɗə yimuangnə ɓai navou ɓa fa ɓata hua Israila təɓa kubəbi, bisi leivənə də yiɗi bə hya yimuang ɓənə ai ɓuiyang. ²¹Yisu ieh ɗə yimuang ɓə ɓai navou wukə tangsa hua Israila.²²Uh leeh a Archelaus kə yivah hua Yahuda dan davou Hiridus yivangah nəngɓə uh ɓiɓi bə tabəɓə. Nəngɓə Fih nakə Yisu tangsa muirə, nəngɓə Yisu, Maryamu ɓai yimuang ɓə ai wu hua Galili. ²³Ai ta hua Nazareth tei ku bəbi. Nəngɓə kə nəngnə yivə ɓanəng nakə ɓai chuirəkənə wunkə biagang " yang leivə nanah uhlang Nazareth".

Chapter 3

¹LaddaYeso tangsa hyua Nazareth Yohanna yivə hyuemɨng wudə tainwa bivəFih tangsa hua Yahudiya də narə. ² " Ɓa yi nəng-aɓai ɓa wurə vəFih baping uhn laɓanla nəɓa yila sə nəng-aɓai ɓa leun. ³Yohanna baniu bə nabi vəFih, wun kə biagang, nəngnə yivə ɓanəng Ishaya nakə ɓai chuirə. Uh na ah " Tangsa ɓəngvu leivə də leeh yivaka də bwabu na, yivənəha wun, ɓa ku bəgan ɓa mua Fih nə uh wuyang. Ma malenəng bəgang kə uhla.⁴Yohanna yanəng yasə nə ai ma ɓai ɗjuasə giroba. Nə yivə ɓanəng Iliya chue ɓai chuirəkə, uh tsanəng tsaɗi ah leda kaɗiu. Nəngtang vou ɓuasəu sajung ɓai mɨngtuang nə ɓəngvu ni. ⁵Leivə nə ku tangsa hua Urshalima ni, leiva kparə kulang niu lei hua nə tangsa Yahudiya . Ɓalei niu lei vanə ku bappi nəngvai Urdunə wu də leeh bivəFih sə Yohanna. ⁶chuasəu ai leeukənə, ai ɓainən aɓai vai ai naula, nəngɓə uh hueleimɨng nəngvai Urdu.⁷Nəngɓə Yohanna ɓakə lei Farisi ɓalei Sadukiyawa kpala də wusəu, bibə huemɨng, uh naleila nah, ɓalei bia ɗɀeu hom; ɲ'wa naɓa ah vitsing Fihn bwaɓanbwa bisi nəng-aɓai ɓai? Biɓa kem nəɓa ɓang ie-ie tangseung ka. ⁸Nə biagang ɓa yila sənən-aɓai ɓang, yang ɓa chue nəng-agangnə tanalah ɓa yilang nə. ⁹Ɲ'ibəng Fih ganwa kə Ibrahim. Biɓa nakə kuɓala nəɓa ɓang leiyi Ibrahim, yang Fih ba bwaɓau nəɓi chue nəng-aɓai yang. Ɲwa'iu uhn myem leitei nə ainə kə leiyi Ibfrahim.¹⁰Fih susueni nbwaɓanbwa, ɓaman yiɓui nə baniu bə tang ɓuani chirəkanə də leiyi agang leunə. Uhn tang lei ka ɓəha manəngɓəyang uhn ai niu kəta ɗua. ¹¹Mima, min nəna akaleu, dəmin hueɓa mɨng ɓai mɨngtsi ɓuasəu, dəmin chue bisi leivə bi chue nəng-aɓai. Yivaka də wurə chuam susuenə wun chue lei nəng a tsarə. Uh gah uh paim yang, ɓaihuvou nba-nbiu, uhn hueɓa mɨng tangsa kwang agarangrang ɓai tangsa ɗua. ¹²Uhn mua yilang yenəng nau, uhn tsakə tangsa lei nəng-agang ɓai waing. Dəu tsa tangsa lei waing aɓai bənəu ai lei nəngagang, uhn takə leva gang kə vah. ɓaman yivə nəng lanəng ai nəng yiseu vou tangsa kom ɗjinɨng vou. Uhn chuem leivə nəng-aɓai ɓaman yivənə də chuem waingnə tangsa ɗuani ba'iu nə.¹³Nəngɓə Yeso fa wu tangsa Galili, uh ta nəngvai Urdu təung huemɨng sə Yohanna. ¹⁴Yohanna də na ah, " Mi man huemɨng, nəngɓə a wusəm fai?". ¹⁵Yeso gwa-nwa də naurə ah, dim na susuenə, hinhiu lei nəng-agang ɓə yila ha. " Bəbi Yohanna deunah ah wu".¹⁶Chuani uh huemɨngnə, Yeso wu baifa dənaula tangsa mɨng ɓi, dangla ɗuiye ɓaiula, Uh ɓa kwang Fih wula ɓaman go wu kukuh. ¹⁷Nəngɓə wui wu tangsa ɗuiye də narə nah, " Yimnə dəmin yiɗi nə nyi-nyim də la ɓaiukə wanei".

Chapter 4

¹Nəngɓə kwang garangrang ɗə Yeso takə ɓənvuh ta də nyiurə sə munkulum. ²Uh ɗəFih bu hun'iu ɓai vih hun'iu vom də hyaurə. ³Yivə nyibə wu na nah, " Nə mang yi Fih yyang, a myem lei tei nə kən vam. " ⁴Yeso gwa-nwa də narə ah, " Ai viyang, yi zayivə chi hunrə bivam ɓuasəu wau sai ɓai binə eih nwa Fih ni.⁵Nəngɓə munkulum ɗəu takə hua garangrang ɗɀeu kuhkom tayelah. ⁶Uh naula ah, " nə mang yiFihn a cho kumah ah oh hua, bisi ai viyang, uhn nalei malaika vou wun valinva, yang ain ɗaye nalei nə ah ba oh ah gɓabuma sə tei waunə.""⁷Yeso naula ah, " Ai viyang, "Bi ah nyi Fihn ka. ⁸Ahka munkulum ɗəu takə baka tsula tə ta nasə lei nəng fangwam ɓalei hinrəu. ⁹Uh naula ah, lei nəng hakpəm min dangdə nənah banwa ɗuangma hua nah dəm gharə yang."¹⁰Yeso naula ah, " pai bəni sheɗan, bisi ai viyang, " Mang də gharə kə yivangah ma Fih, uh ɓuasəu mang chuela. ¹¹Bibi munkulum yeu, dangla lei malaika wusəu wu deu gharə.¹²Susueni nə Yeso leeh ah ai mua Ylohanna ai lei ɓi naunni, uh fau wu Galili. ¹³Uh yi NAzareth uh tatu kuh tangsa Kapanahum, nə bappi ɓai mɨng teku Galili, ka bə vai Zebulum ɓai Naphtali.¹⁴Nəngnə chue kə chikə nəngnə mongsem vəFih Ishaya nanə. ¹⁵Hua Zebulun ɓai hua Naphtali nə ka teku nə ka bu Urdu, Galili vai zh! ¹⁶Leivənə ku btangsa bəɗji ni ɓa ɗua garə, ɓaleivənə ku ka nəngku ɓwa, kuh ,lei ɗua eih ikə la."¹⁷Bəbi Yeso baniu bə tainwa bivəFih də narə ah, " ɓa yi nəng-aɓai ɓa wurə və Fih bappi yang."¹⁸Dəu horə bu teku Galili, uh ɓaleivə na'iu lei hyiunha, Siman nə dei ɗukə Bitur nə, ɓai Andrawos ah hyui dei lei kah tangsa teku, lein lei mua hyin. ¹⁹Yeso nalei nah, " wu ɓa mua chuam, min myem ɓa kəleivə mua zayivə." ²⁰Dangla ai yi kah vai ai mua chua.²¹Yeso də tarə uh ɓalei hyui ka na'iu, Yakubu yi Zabadi ɓai Yohanna ah hyui, lei tangsa ƒah ɓai Zabadi dahvai dai mah ƙah, uh ɗubu lei, ²²Dangla, ai eih ai yi ƒahɓə ɓai davai wai mua chuau.²³Yeso ho kwam Galili ha, də tainwa bivəFih tangsa kom gu Fih, tainwa bivəFih də ikə nəngzhi tangsa sə leivə. ²⁴Nəngɓə leivənə ku bakai tangsa hua Syria ai leeh nəngnə dəu chuerənə, ai wukə leivənə chueyiɓai tangsa nəngzhi hanə, leivənə chueyiɓai tangsa zhirənə, leivənə hyua tasəleinə, leivənə la ɓai nəngzhi tsainbənə ɓaleivə ɓuisə, Yeso dəlei larə. ²⁵Nəngɓə leivə kpala baniu bə mua chuau, ɲleivənə kuh tangsa hua GAlili, tangsa vah agahnə hua, Tangsa hua Urshalima, niulei hua anə tangsa Juda, na hua mɨng Urdu.

Chapter 5

¹Nə Yeso ɓa jung zayivə, uh ta kutei təu kuhua, nəngɓə uh nakə leivənə də muachuau ai wu bappi ɓaisəu ²Dai liurə, dəu nyileinasənəng dəu narə ah ³Fih də lilarə vaivənə də narə dei yiɗiunə. Bisi uh gwalei nwa, uhn mualei nah tangsa ɗjuiye. ⁴Fih də lilarə vaivənə də bazhi bisi fangwam nəng-aɓai, uhn tsasəleintsa.⁵Fih də lilarə vaivənə ɗəkuleiunə, bisi fangwam ah fuhn avai. ⁶Fih də liularə veivənə də yiɗi bə ku tangsa nəng-abəgang, ɓaman nəngnə yivaka də yiɗi bə tangrə ɓai uhn nwarə, bisi uhn myem leikə leivə nəng-agang. ⁷Fih də lilarə vaivənə də chue nəng-agang kə lei vakala, uhma uhn chuelei nəng-agangla. ⁸Fih də lilarə vaivənə də chue nəngnə uhn lilarə səunə, vi akai ain kubəni Fihlanə ain ɓaurənə.⁹Fih də lilarə leivənə də vali lei vaka də ku lalah.Uhn ɗulei kə leiyiu. ¹⁰Fih də lilarə vreivənə də kuh tangsa biagangni ain deu garə nə biagang vai ku chuahai ɓaleikən, nəngɓə kə bisi nəngnə leivə nəng-aɓai də dailei ɓai eyem ɓai bə ɓangleikərə. Fih də mualei nah tangsa vah ɗuiye.¹¹Fih də lilarə ɓai makə, nə leivaka də dai ɓai eyem, yang dəu gharə nə ai chue ɓa nəngaɓai yang, nə ai na nwa'iu kumai yang, dai narə ah mang yivə nəng-aɓai bisi bə ba-nyima səm. ¹²Nə chue manəngɓəng, a lilarə, bisi Fih ɲda nəng-agang kangah vah ɗuiye. Akem langɓə ai də yiɓai kə leivə tainwa vəFih vinə paikə chuilanə.¹³Ɓakən ɗjikwaing fangwam, nə ɗjikwang nə yi larə vou, uh myem kən ɗjikwaing yang ehen? UH hyi a kau, ain eukəta zayivən tam ɓai bu. ¹⁴Ɓakə ɗua fangwam, vah ai miu kutaini uh ba uh huewau.¹⁵Zayivə ba ɗji ɗua fitila ɓə ɗɀeu hua ɓwani kalo wau, ain ɗji fitila ɓə kunəng ɗjirə vou, nən dəkə ɗua kə tangvah ɓənəha. ¹⁶Ɗuaɓa gah chi zayivə nəngahni ain ɓakə nəng-agang ɓa kə ai də gharə kə dahɓa nə ɗuiye ni.¹⁷Biɓa kem ɓaman wu bə ɓankə bə də-nwa ko lei manəngka. Ɨng wun bibə ɓankərə leu, bi biɓə yila. ¹⁸Dəmin naɓa biabgang laha, ɗuiye ɓai hua wun paikəla, nəng aka tsing tangsa nəngah akain paikərə tangsa bə də-nwani, sai nə leinəng nha yila ɗai.¹⁹Manəngɓəng, yivənəha ouwa nəng tsing tangsa bə də-nwa ni, nəu nyinal kə lei vaka chue manəngɓə leung ain ɗukə yiva chuani ɗuiye. ²⁰Dəmin naɓala sai nə nəng-agang ɓa pai avai və samɓai Farisi leung, nəngah yang ɓang chi ɓan takə ɗuiye.²¹Ɓa leeh nah ai nalei la fangwam veiva vəɓi nah bi ai hyabən ka, yivənəha hyabə yang uhn ku tangsa buatai. ²²Bisi dəmin naɓala, yivənəha bwachi ɓai hyuin langɓə uhn ku tangsa kita. Yivənəha nah hyuin langɓə nah nəu uh yaung ɓai bwatai yang uh ma kita də miurə. Yivənəha nah ah mang wawa yang ɗuang avou.²³Manəngɓəng, yivənəha də tabə dənəng kə Fih, nənah kem nə hyuima la ɓai nəng aka ɓai ma nyi-nyiu yang. ²⁴Ah yila sə nəng dənəngmai tatta ta ma tangsama ɓai hyuima yang ka fa wa dənəngɓə.²⁵A gwanwa nəng-aɓai ma yemla kə yivənə a chue nəng-aɓainə yadda ɓa ta bə chue kita leu, bisi yivənə a chue nəng-aɓai nə ɲchue ɗji na yivə chue kita, yivə chue kita nchue ɗjina yivangah vou, yang ai chue ai le bursina. ²⁶Dəmin nala, a ba a ieh tangsa bursina nəu, nə sai afa nəngnə dai ɓiakənə.²⁷Ɓa leeh ai na ah, biɓa lue ɓai yiheinka. ²⁸Bisi dəmin naɓala, yivənəha ɓa yihei bə ɓabə yiɗing, uh lue ɓaiukən tangsa nyi- nyiu.²⁹Nə nəngma a nahli nən chue mang chue nəng-aɓai yang, ɗu a wakəta. Hihiu bakai səmai tsing yaung da səma han takə ɗua. ³⁰Nə nama nahli nən chue mang chue nəng-aɓai yang a tsum a wakəta. Hihiu baka səmai hyaung da səma han ta ɗua.³¹Ai mai na'nah, yivənəha ɲyam heiu yang uh deu ɗərenwol bə ienah. ³²Dəmin naɓala yivənəha einah kə heiu nəng bi yua a chuerə leung uh myem mukə yivə chue yua yang. Yivənəha ɗjau chua bə einah yang, uh ma chue yua yang ɓaiukə.³³Ɓa leeh ai naka yang nah, leiva ila la, bi a yui nəng famka, ɗə nəng yui nəng ma takə səFih. ³⁴Dəmin naɓala biɓayui nəngka ko ɓai ɗuiye, bisi nəngɓə kə vah Faih. ³⁵KO ɓai hua bisi nəngɓə kə bə tabu vəFih, ko ɓai Urshalima bisi nəngɓə kə hua və yiva angah.³⁶Bi a yui nəng ɓai jamkumang ka bisa a ba a mah jamku aɓi ɓai avou. ³⁷Bə nabi ɓa ɗji kə mn'mn ko mmmh'mmh nəngnəha pai manəngɓən də wulang sə nəng-aɓai.³⁸Ɓa leeh nah, nɨng ɓai nɨng, ie ɓai ie. ³⁹Dəmin naɓala bi a la yivənədə chue nəng-aɓain ka, bisi yivənəha gɓa jingma tsing yang, a myem a tsing a ɗjeu la.⁴⁰Yivənəha də yiɗi bə ta bə chue kita ɓai makə bisi nəng yasə mang, a deu nəng tsa nahma. ⁴¹YIvənə nanah nəɓa nho mile tsing yang a ho mile na'iu ɓaiu kə. ⁴²Dənəng kə yivənəha ɓibə namai bi a myem chua ma a takə yivənə də yiɗi bə mua hyem namai.⁴³Ɓa leeh ai na nah, a yiɗi yivən gyanghima yang ah la yivənə yiɗimau nə. ⁴⁴Dəmin naɓala, yiɗi yivənə yiɗi maunə a gu Fih kə leivənəla də ɗjanɨng la. ⁴⁵Yang kəɓa myem kə lei yi dah ɓa ɗuiye. Uh chue Fih ikə leivə chue nəng-aɓai ɓa leivə chue biagang, uh dəmɨng kə leivah na biagang ɓaleivah nə naunə.⁴⁶Nə dəman yiɗing leivənə də yiɗi mang ɓakən buatai ma? Yang nəngnə lei mua nwaɓi hua də chuerə leu? ⁴⁷Nə a ɗjam ɓuasəung hyuimang, ɲɓa a chue a paikə niu lei vahnə? Yang nəngnə langɓə lei zhi də chuerə leu? ⁴⁸Manəngɓəng, a chue hila yadda dahɓa ɗuiye də chue hila nə.

Chapter 6

¹A kan kuma bi a chue nənng a hinrə kə zayivəla ɓanka, manəngɓə leung a ba mua bbwatai səu sə dahma ɗuiyeu. ²Na də nəng yng bi a ieh chombwa kənwa anə lei yuavah də chuerə kom gu Fih ɓai kuh nəngah nə ai chi kə leivə ɲkaleinə. Dəmin naɓala ai ohnachi ai mua bwatai vai.³Na dənəng yang, bi a yi namah a nami ɓa nəngnə namah a naleeh də dərənəngka. ⁴Yang nəng dənəngma ɗji tangsa yuerə. yang dokə dahma nə də ɓarə tangsa yuerəni da bwatai səu.⁵Nə dəman gu Fih yang, bi a myem kə nwa lei na nwa'iun ka, Bisi ai yiɗi bə ɗji kom agah ɓai ku nəng-gah nən chikə leivən ɓalei kənə. Biagang ɲnaɓala ai ohnachi ai mua bwatai vain. ⁶Ɲnaɓala, nə dəɓa gu Fih yang, a yue tangkom a lam nwama kom ɓi, yang a gu Fihma tangsa yuerə, dahmanə də ɓabə tangsa yuerə nə ɲda bwatai səun də. ⁷Nə dəɓa guFih yang, biɓanabi ɓa faɓa ta ɓwaniu ka kənwa anəlei yuavah də chuerənə bisi dai ɓarə ɓama leivə leeh bibi kparəvai.⁸Manəngɓən bi a myem kə nwaleinka, bisidahma ɗuiye iehbə nəngnə dəman yiɗin ladda a ɓai nwamaleu. ⁹Manəngɓən a gu Fih manəngni, " Daɓi ɗuiye, iying ma mem hinla. ¹⁰Vahma wu, nəngnə hyua m,ai ni chuesə tangsa fangwam kənwa anə cdai chuerə ɗuiye ni.¹¹A dəɓi nəngtang a lyani. ¹²Yafa ɓi hem ɓila kə nwa anə dəɓi yafa kə leivənəla dəɓi ɓilei hem nə. ¹³Bi ataɓikə tangsa bə nyi bəng ka, a ieɓikə tangsa nəng-aɓai hakpəm.'¹⁴Nə ɓi yafa leivə nəng-aɓai vai lang, yang kə daɓi a ɗuiye yafa ɓi la langɓə. ¹⁵Nə na yafa lei nəng-aɓai vei leung, dama ɗuiye yafa ma nəng-aɓai ma lau.¹⁶Akah, nə na ɗəFihn, bi a nuam nəngma kə nwanə lei yuavah də chuerə nə, dai nuam nəng lei kə levə lakə ɓaa dai ɗəfih. Dəmin naɓa biagangla, ai onachi ai mua bwatai səuyang. ¹⁷Nə dəɓa ɗəfihn, ɓa nu nwii kuɓai, ɓa lotangnəng ɓa. ¹⁸Nə ɓa ibə leivəla dəɓa ɗəfihwau. Yang kə daɓa nə tangsa ɗuiye nə; unə də ɓabə tangsa yuerənə uuun da bwatai səu.¹⁹Bzi a ɗji nəngchinəng ma fangwam ka, bənə nəgai ɓai sangshin ɓankərənə, bənə lei nəng ienəng uwanwakom ɓuirənə. ²⁰Manəngɓəng, a ɗzeu ɗuiye bənə nəgai ɓai sangshi ɓankəunə, ɓai bənə lei nəng ienəng ba uwa nwaunə. ²¹Bənə nəngchinəng mala, bəɓə nyi-nyi mala langɓə.²²Nəng kə ɗzuasə,manəngɓəng, nə nəngma hyihyiu yang, səma ha yakə ɗua. ²³Nə nəngma hyiu yang, səma ha kuhtang bəɗzi. ²⁴Yivə yaung chue mongsem və yichuevah na'iu, un la yivə tsing un yiɗi yivə tsing, un ɗzi nyi-nyi sə yiva tsing, un wa nyi-nyi kəta sə yiva tsing. A ba dəgarə kə chuahai ɓai nəngchinəng wau.²⁵Manəngɓəng, dəmin naɓala, bi ɓa bazhee bi hunrə ɓanka, nəngnə ɓang tangrə ɓai nəngnə ɓang nwarə, ɓai bi səɓa nəngnə ɓang yarə. Hunrə ɓa pai nəngtang leu? Səɓa pai nəngyasə leu? ²⁶Ɓaɓa lei yihuĩ ɗuiye ai byanəng, ai ɗzinəng bam mu, daɓa ɗuiye də tang lei kərə, ɓa hyi ɓa pai lei leu?²⁷Ɲwa tangsa ɓai ban lei hunrə ka tsing kə kulai? ²⁸Ɓakə dəɓa də kuɓa zirə bi nəng yasə? Ɓa kem yanda lei vu də gahkərə fanəng. Ai chue nwatsum mu ko ai yanəng yasəu. ²⁹Mi dəmin naɓala, Saminu ɓai garə vou u ya iri nəng yasə vei leu.³⁰Nə Fih ɓang yanəng yasə kə leivu nəla də iehrə lya bəng dai ɓuirə nəng, dəman ɓarə ɓaman un ya ɓala na'un' ɓaleivə ɗzi nyi-nyi a han? ³¹Manəngɓəng, bi ɓa ɗzi kuɓa ɓana-naɓa, ɓaɓan tangrə? ko ɓaɓang nwarə? kon nəng yasə ɓaɓang yarə?³²Lei yuavah də ɓabə lei nəngnə, Daɓa ɗuiye ibə nəngnə dəɓa yiɗi nən. ³³Tangsa nəngha, a ɓabə vah Fih ɓai hunrə kə, nəulei nən hakpəm ain dəɓandə. ³⁴Manəngɓəng, bi ɓa kem bi, bibəngka, bəng kem ku ɓai nau. Vinəha, la ɓai nəng-aɓai veu kpala.

Chapter 7

¹Bi a chue kitan ka, yang laɓə bi ai chue kita. ²Bisi ɓai kita ain chue kə kitala, ɓai taseu nə a nyikənəng ain nyikəla langɓə.³Ɓakə dəma ɓanəng nəng hyuimai, ma'ma aba a ɓanəng nəng mai wai? ⁴Ɓakə dəmnan nakə hyuimala, nəma a ɗu nəng la nəung, yang ayi ama ɗzi nəng mai. ⁵Malei na nwa'iu, ike nəng, nəng mai nawachi yang ka chi bə ɓabə hinla a ɗukə a vəhyuima nəung.⁶Bi a də nəngnə garangrang kə lei yiɗuanka, bi a wa nən muanən ma chi lei hyaw vahnka, leung ain tam ɓai bulei ain myem ain mua ain hyang tangsa hai.⁷A ɓibə ain dan'də, a ɓabə man chi-chi, gɓa nwakom ain ain ɓailan ɓai. ⁸Yivənəha ɓibəng ain deudə, yivənəha ɓabəng un chi-chi, yivənəha gɓa nwakom yang ain ɓaiu lang ɓai. ⁹Tangsa ɓai wa yiu ɓiu bin vam, ɗə kə tai deu? ¹⁰ko u ɓibə hin a ɗəkə ɗzeu a deu?¹¹Manəngɓəng, ɓaleivə nəng-aɓai ma ai inah bə nəng a hinrə kə lei yilei, yang daɓa nə ɗuiye ba dəɓa nəng-agang nə ɓa ɓibə nə wai? ¹²Manəngɓəng, lei nəngnəha dəɓa leivə chue ɓala, ɓama ɓa chue leila, nəngɓə kə nwabi ɓalei ta nwatsum Fih.¹³Taka tangsa nwakom a han, bisi nwakom an gah də takə yivə kə hyarə, bəbi leivə kpala də muala. ¹⁴Nəngah a han chue chuani hiun, u zhi'in bisa dəu takə bə tangsa hunrə, bəbi man chi leivə chuani.¹⁵Ɓa chue hakilo ɓa sə lei ta nwatsum vəFih aɓai, nə ain wusəɓa tangsa ɗzua nəngbungam, aɓai hyiɗua muabəng. ¹⁶Sə nəng chuenəng vei ɓang ielei kərə. Leivə kavin də wai cirəka inabi sə fuaɓəng vu ko ciri kavai sə fuaƒən ahe? ¹⁷tangsa nəng tsing, kah ahinrə də chi kah ahinrə, kah aɓai də chi kah aɓai.¹⁸Kah ahinrə ba chi kah aɓaiu, kah aɓai chi kah agang wau. ¹⁹Kah nə ha ba chi hhinlau yang ai kwaiu ai wa kəta tangsa ɗua. ²⁰Manəngɓəng ɓang ilei sə bə chirə vai.²¹Leivə ha də nanah, Fih-Fih ĩng ta vam leu, leivə nə də muachua nəngnə dam ɗuiye nahnə. ²²Leivə kpala namla fiɓəla nah, yichuevah-yichuevah, ɓi nabi leu tangsa ĩngmai ko bə ikə nəng-aɓai leu, tangsa ĩngmai ɓə chue lei nəng-agang leu? ²³Bəbi mi ɓai nwamkə min nalei nakə, ĩng iɓaleu, fa ɓa yimbə ɓa leivə nəng-aɓai.²⁴Manəngɓəng, yivənəha leeh bim də garə lan, u myem kə yivə ibə nəngnə mii vahvou kutai ni. ²⁵Nə məng naa hyua, məng gɓamrə wu, yua wa gɓaku vaɓə ba oh hyua wau, bisi ai mii vah ɓə lang kutai.²⁶Yivənəha leeh bim də garə laleu yang, u ku man lei nəngɗuinəng nə mii vahvou ku hyuan yuii ni. ²⁷Nə məng naa yang, məng gɓamrə wu, yua wa vahɓən lei hyuan lein.²⁸Wukə ha Yeso təngkə bə nalei binəha, zayivə chue səɓi ɓai bə nyinanəng vou. ²⁹Bisi dəu nyinasənəng man yivənə la ɓai iko nə, kənwa lei Sadukiyawa leu.

Chapter 8

¹Yeso cuihua kutai, jun zaiyivə kpala mua chua. ²Dangla, yivə blai wu ɓa ɗun chi də narə," yichueva, nə nyi-nyi ma ɗing, muem mi kə hila. ³Yeso mike nau tan kə kuh dənarẹ, " nyi-nyi ɗing myem hila, danla, uh loh tangsa blai vou.⁴Yeso nauna, bia na biaka kə yivakalanka, ta tarəma ta tana kuma kə kulau layang, a drənən dənən nə Musa na ai dənə kə na-nwa ma səlei.⁵Nə Yeso yta tangsa Kafarnahum, Jarumi kə wukə səu də ɓiurə. ⁶Nah, " yiochueva, mongsem mi kə lue tangvam kanaku ɓui uh tangsa zhirə. ⁷Yeso naula "min wu min deu larən də".⁸Jarumi ɓə gwau nwa də narə " yichuebva ing kem leu ma wukə səm, nabi ɓuasəu yang mongsem mi chi larə chi. ⁹Mi ma yivə nə kuyua yivakainə, kuman mila ɓai soja laɓə yuam. Nən nakə yivə tangsa lei tsing lei la nakə "pai" deu pairə, kə yivakala " wu" yang dəu wurə, kəmongsem mi chue nɨng nə, dəu chuerə." ¹⁰Da Yeso leeh nənɓə, nyi-nyi lalou, uh nakə leivə nə la də muachuan ə ha, dimin naɓa biagangla, ɲchi yivaka lou ɓai irə ɓə nyi-nyi hua Israila.¹¹Dimin naɓala, leivə kpalan wu lada ɓai nii kə, einh kwai nwa tebur ɓai Birayi, Ishaku ɓai Yakubu tangsa vah ɗkuiye. ¹²Amma lei yi vahɓə eihn walei kətan wa tangsa hyua tanbəɖʒi, bənən eih tatala ɓai bə nam ielei. ¹³Yeso nakə Jarumi ɓəla, "ta yada ɗʒi nyi-nyi mala, chue l a manɨngɓə" nɨngɓə mongsem veu ɓə chi tarə tang hyua ɓə.¹⁴Nə Yeso wu tangvahvə Bitur, uh ɓa ɖʒang Bihtur lue hua ɓai nɨngzhi. ¹⁵Yeso mua kanau, danla nɨngzhi ɓə yeuna. Nəngɓə danla uh ei hua u h banəu bə muachuarə.¹⁶Nə ɗuinɗui wu, leivə wukə Yeso la leivə yua kpala kuleinə. Uh leih kwang a garangrang ɓai bi kə u dəlei larə. ¹⁷Nəngah bə eih cika kənən nə yivə chue nwatsum və Fih Ishaya nanə, " UH ɓai kuh də nənʒi ɓai wakəta.¹⁸Yeso ɓan jung zayivə kwaiu, u dəlei bə lei nwa eih kukə ɓah tsing bu Teku Galili. ¹⁹Nəngɓə lei vənən kwu səu wu nanah, " yivə nyi nanə, min muachua ma min takə bənə ha dəma takə rənə" ²⁰Yeso naula, yanyawa ɓai ɓwakə, lei yihyui ɗuiye la ɓai kah lai ɓəng vei, amma yi zayivə yaung ɓai bənə ɗkji kulanə.²¹Yivah ka tsing tangsa lei muachua nau la nah, " Yinchuevah dəm nɨnga təng chui dam". ²²Nəngɓə Yeso naulana, mua chuam, yilei ɓua chui lei hyuinlei ɓua."²³Yeso ta tangsa ƒah, lei muachua ma muachua ta tangsa ƒah ɓə. ²⁴Dangla hyua ganla ieh tekuha ɓai mɨng lam ƒahɓə. Yeso la tangsa nɨmnglue. ²⁵Lei muachua wu ikə də narə " A yuang ɓi yichuevahɓə tangsa ɓua"²⁶Yeso nalei na, " ɓakə dəɓa ɓiɓi? Ɓa lei və ɗʒi nyi-nyi han? " uh ɗɀi rəbu, uh nabi ɓai tsa kə yua teku, dangla hyua ɗɀihua. ²⁷Səɓi mualei dai narə " wanə irə yiɓuimanɨngɓə yua ma də leeurə?.²⁸Yeso wukə hua Gadarenes kah, lei ɓui naiw yua kulei wu chui. ²⁹Dangla, ai ita dai narə, " ɓa ɓin chue ɓai ma yyiFkih? Ah wu bənə wu man vənɨng ɓi kə vi bə wu?³⁰Jun leiə alade kpala də tangnɨng, chula laleu ɓa lei kə. ³¹Lei yua ɓə ɗɀinwa bə nakə Yeso lana, " nah iɓikəng ah chuoɓi a lai tangsa jun alade nə". ³²Yeso nalei la, " ta, lei yua bə ita tangsa lei jun aladeɓə, dangla liei jun alade ɓə hyui kutai wu ta tangsa ohla ɓui tang mɨng.³³Leivə də gbain lei alade bənə hyui ta tangsa ɓənvah tə nahnən-nə chuesə nə, ɓaman nɨngnə chuesə leivə na'iu nəyua səleinə. ³⁴Dangla, lei yua ɓə wu chi Yeso, da wai ɓau ieh gu nauh yi hyua vei.

Chapter 9

¹Yeso ta tangsa ƒah hyan wu hua vei. ²Dangla, ai wukə yivaka, kanau ɓuiɓuirə, lue ku gih. Ɓarə bə ɗɀi nyi-nyi vei, Yeso nakə yivəkanah ɓuirəla, " yə ku tangsa mam " ai yafa nɨng aɓai ma lan.³Dangla, lei Jarumawa ka nabi tangsa lei, " yiɓui nə də nanəng hyui kuɓai hyang ɓai muachua Fih ɓi". ⁴Yeso inɨngnə dai kemrə nəng, nəngɓə nalei ah" ɓakə də ɓa kem bi aɓai nyi-nyi ɓai?. ⁵Ziu ɓan nakərə, ai mua nɨng aɓai ɓa ai aikətang ko ɓa nah " ieh ah ho". ⁶Yang ɓa ibə, yi yivə la ɓai samɓai fangwam uhn mua nɨngaɓai ɓa aikəta------i ɗɀi ɓaibu, ah dəgih ma ta vahma."⁷Nɨngɓə yiɓuiɓə i ɗji ɓaibu ta vahvou. ⁸Nɨngɓə jung zayivə ɓanɨngnə, ai i ai də garə kə Fih, ai nah yivənə də dəsamɓai kə zayivənə. ⁹Yeso pai bəbi, uh ɓa yiɓui la dai ɗu ah Matiu, yivə ku bəni dai mua nwaɓi hyua lanə. Uh naula na wu wa muachuam" nɨngɓə uh i u ɗji ɓaibu uh muachuau.¹⁰Yeso ku hua dətangnəng tangvai, dangla leivə mua nwaɓi hua ɓai leivə nɨngaɓaika wusəu wu kuhyua ai tangnɨng chuahai ɓaiukə ɓalei muachuau, (mongsem vou). ¹¹Nɨngɓə llei Farisawa ɓa nɨngɓə ai-i ai nakə lei mongsem vou la na " ɓakə nyinanəng ɓa də tanɨng ɓa lei mua nwaɓi hua ɓalei chue nɨng aɓai?¹²Da Yeso li biɓə, uh nanah " leivə ku tsala tangsa yiɗi yivə də uuləu, ɓuasəu leivə nə səlei leu. ¹³Ta təɓa nyi lei nəngnə dai narə, " Dimin yiɗi bə ɓa yiɓai ɨng nən huanən leu; uh wu ɓalei vagang ke wu ai nəng aɓai və kəta, ɨng wu ɓalei və nɨng aɓai.¹⁴Nəngɓə lei mongsem və Yohanna wusəu wu nah, " ɓakə ɓiɓalei Farisawa viha də dəFih kə lei mongsem ma də Fih wai? ¹⁵Yeso nalei lanah " nakə yivə taƒa aure kuɓai bəzhibə nə uh chuahai ɓai yivə ɗjabə ɓə? yiocəlan wurə ne ɗə yiɓui ɓəin paikə səlei, biɓən yang ain də Fih də.¹⁶Yavaka yaung uh ya zanɨng kuh nəng yasə a ɓai, hyanrəu wun hyan nəung, nən yasə ɓən hyan, yang hyangrəu gah ɓə wun məma.¹⁷Ko man leivə lai mɨng inabi tangsa mɨnginabi ah kyui, nəne chue manɨngɓəng inabi ɓəng ɓangkən ɓang. Ɓin ɓau uhn ai mɨng inabi ah fuh tangsa kusəu afuh yang ɨng ɗɀaun ɗɀi".¹⁸feso də nalei nɨngnə la, dangla yivangah ka wu, wu ɓa ɗun hua chiu. Uh nanah" yim a yihei ɓuio susuenə, ah wu wa ɗji nama kuh yang uhn chi hunrənchi. ¹⁹Nɨngɓə Yeso ɓalai mongsem vou muachuau.²⁰Dangla, yihei ka ladə aihn yui ha hua irəu na'iu, wuka chua Yeso wu tam nasə nɨng yasə vou. ²¹Uh nakə kula, " nən tam nam sə nɨng yasə vou min chi larənchi." ²²Yeso myem ɓau uh nah, " yim a yihei də samɓai ɓai bə ɗɀi nyi-nyi ma də larən, dangla yihei ɓə chi larə bəbi.²³Yeso wu tangsa vavə yivangah ɓə, uh ɓa yivə ei kyiu ɓalein jun zayivə də buabə. ²⁴Uh nah, " pai bəni, yimua yihei, nə ɓuileu , dəu luenɨnglue, " ai i ai mammu dai ɗjaməu.²⁵uh jin jung bakai, uh ta tankom uh mnɨngɓua nau, nɨngɓə yomua yihai ɓə ei ji ɓai bu.²⁶Bi vou ya ɗə huaha bəbi.²⁷Yeso yi bəɓə, lei gbamnɨng aka na'iu mua chua. dai babə də narə, a ɓa yioɓai ɓi yi Dawuda". ²⁸Yeso wu tyangsa vah bə lei gɓamnɨngɓə wu chiu, Yeso naleina " ɓa ɗji nyi-nyi ɓa lan mɨn ba mɨn chue-chue? " ai nakə Yeso la "mn yichueivah."²⁹Nəngɓə Yeso tam na nɨng lei, nah, " chuesə nəɓa ɗji nyi-nyi ɓa naɓa lanə." ³⁰Nɨngɓə nɨnglei ɓai, Yeso nalei bi la tsala nah, " ɓa, yivaka yaung ibə nɨngnə. " ³¹Lei nɨng gɓam nɨng ɓə ta tə nabi səu tangsa hua vai.³²Lei ɓui nə na'iu pai, dangla, yiɓui ka, uh nabi yua səu ikə wukə sə Yeso . ³³Ai ikə yua ɓə yiɓui bə kai bi ɓə baneu, lei jun zayivə ɓə chue səɓi də narə " nɨng nə chuesə lou butsing hua Israila. ³⁴Lei Farisawa də narə ah " yivə kuh lei yua nəngɓə də ikə yua."³⁵Yeso ho kwam kə lei vahan ɓalei vahngah, ɓai bə ninasə tyangsa kom gu Fih agah, dətei nwa bvə Fih də dəlarə kə leivənə leeh larə lou nə. ³⁶Nɨngɓə uh ɓan jun zayivə, uh ɓa yiɓai vai bisi səlei ɓuin, leila ɓaman lei nɨngbu nə yivə gɓain lei yaungnə.³⁷Uh nakə lei mongsem vou lanah, " leivə wukə nɨngtang kəvah kpayiung, lei chue nwatsum səu chuani. ³⁸Manɨngɓəng, ɗua ɓai ɗua gu yichuevah wukə nɨngtang. Nɨng uhn cum kə lei chue nwatsum bə gəmrə.

Chapter 10

¹Yeso ɗubu lei mongsem vou, hua irəu na'iu nə chuahai, uh dəlei samɓai ku kwang anə hiunə, ai ilei kə ai də larə kə zhayivə sə leivə nɨngzhiha.²Kanə lei kiying,lei mongsem vounə, hua irəu na'iu nə: Ah tsing Sauma (dai ɗukə Bkitur nə), ɓai Andirawu ah hyuin, Yakəbu ah yi zabadi, ɓai Yohanna ah hyuin. ³Filibu ɓai Batalomi, toma ɓai matiu yivə nwaɓi hua, Yakəbu ah yi Alfansu ɓai Tadawo; ⁴Sauma a Zaloti ɓai Yahuda karioti yivənə də Yeso nə.⁵Uh tsum lei mongsem vou nə hua irəu na'iu nə ta baifa, dəu nalei la ah" bi ɓa ta bənə lei yuavah lanən ka, bi ɓa ta hua vai Samariya ka. ⁶Ta səlei nɨng bungam nə lanə nəva vai Israila. ⁷Nə ɓa tan tei nwa ɓa na " Vih wurə və Fih bapping.⁸Də larə kə leivə nɨngzhi, ɓa ikə leivə nə ɓuinə, lolein blai vaila ɓai bə ɗu yua sə leivə ɓa muan fam, ɓan dən fam. ⁹Biɓa də nwaɓi na tang honka. ¹⁰Biɓa də ho ta ɗuawai ɓanka, biɓa də nɨng yasə akanka, ko hui ko kah muana, bisi hyihyung ai də nɨ nghtang kə yivə chue nwatsum.¹¹Koman vahgah ɓai vah-han ɓa tala, ɓabə yivə hila tangsəuu nə, ɓa kukə bəbi ha ɓa yikə bəɓə. ¹²Nə ɓa tatangvah ɓəg ɓa ɗjambə . ¹³Nə vah ɓə hyihiun ɓa yi a ta'nh ɓa kulei, nə hiun yang ɓa fa ɓai ta'nh ɓa.¹⁴Kə lei vah nə mua ɓa ko leeh biɓa leun nə, ɓa yi vah ɓə ko hyua ɓəng kuh vou buɓa ɓa ai leila. ¹⁵Biagang də min naɓala, ngarə hua Sodom ɓai Gomora ɓai bə chue kita ku hua ɓi.¹⁶Ɓa, ɲtsum ɓa kə nwa lei nɨng bungam tangsa lei ɗuavu, nəngɓə ɓa yiu kə nwa lei ɗɀau yang ɓa la nɨng aɓai kə nwa goh. ¹⁷Ɓabə hila bilei zayivə ɗji ɓa nalei vangah, yang ai gɓa tangsa kom gu Fih angah. ¹⁸Yang ɓa wukə chilei yichue hua ɓalei yi vah, kə banwachua səlei ɓalei yuavah.¹⁹Nəngnə dəɓang, biɓa zhi nɨngnə dəɓanə ɓan narə nən ka, bisi nɨngnə ɓan narə nə ɨng banəun ɓa tang hyua. ²⁰Bisi ɓa ɓan nabi ɓə lou, kwang daɓan nabi lan nah.²¹Hyui ah yiɓui ɨng də hyui yiɓui na ɓwa, manɨngɓəng Dah ɓai yiukə, lei yima langɓə ai kulei davai ha ɗjilei na ɓwa. ²² Leivə han laɓan bi iym, yivənəha ba nyio-nyio takə tənku yang, uhn chi hunrən chi. ²³Nə leivə hua ɓə ɗji ɓa nɨnglan, hyui ɓa ta baka, dimin naɓala, ɓa ɓabə ho tangsa hua Israila nə ha kpəm.²⁴Mongsem pai yivə nyiu na nən laləu ko mongsem pai yichuevahvai leu. ²⁵Hyihyiu lei mongsem ɓə myem kə yivə nyina nəng, yng mongsem kə wa yichue vavou,. Nə nəi ɗu yichuevah və vah Beelzebul, yang, uh ɓairə ɓə ɗu iying leivə vahɓə.²⁶Manɨngɓəng biɓa hyui lein ka, nəng yaung vem-vemrə nei ɓaifwau nə, nɨng yaung hue-huer ə ba iwanə. ²⁷Nɨngnən naɓalatangsa bəɗji, nan tangsa ɗuafi, nən ai na ɓa lee tatan ɓwachui, ain nauna kuh vah ye.²⁸Biɓa ɓiɓi vai vənə də hya ɗjuasə ai hya hunrəu nəu. Ɓa hyui yivənə dəhya ɗjuasə ɓai hunrə nə hakpəm. ²⁹Ain iya lei kadan ku nwaɓi hanleu? hakpəm, nən aka yaung tangsa oh hyua ɓai bə ibə vi daɓa ɗuiye leu. ³⁰Kon ɗɀem kuh ɓa ma eih zam mun. ³¹ Biɓa ɓiɓi ka, ɓa pai lei kadan yang ɓai hirə ha.³²Manɨngɓəng, yivənəha na bim chi zayivə mi ma min nabi vou chi dam nə ɗuiye nə. ³³Yivənə lam chi zayivə, mii ma min launla chi dam ɗuiye.³⁴Biɓa kem ɓaman wukən ta'nh kuh huan ka, ɨng wukən ta'nh leu, ing wukən gafai. ³⁵ Bisi ɨng wu bə ɗɀi yiɓui gaba ɓai daveu, lei yi a yihei gaba ɓai nahvai, lei ɗjang ah yihei də chue gaba ɓalei ɗjang lei yihei. ³⁶Yivə chue gaba yivə lan tang vahvou.³⁷Yivənəha yiɗi daveu ko naveu pai səm nə uh hyi wau səm; yivənə yiɗi yiu a yiɓui ɓai yiu ah yihei pai səm mɨn, uh hyi wau səm. ³⁸Yivənə ha də ka pi yeso veu mua chuam leung, uh hyi wau səm. ³⁹Yivənəha ɓabəng hunrəu yang uh chi wau, yivənəha la hunrəu bimyang, uhn chi-chi.⁴⁰Yivənəha mua ɓang, uh mua mɨn, yivənəha muam yang, mua yivənə tsum mi yang. ⁴¹Yivənəha mua yivə ɓanɨng bisi uhn yivə ɓanɨng yang, uhn chi nɨng agang və yivə ɓanɨng, yivənə ma mua yivə chue nɨng agang bisi uhn yivə nɨng agang yang, uhn bwatai nə də wurə sə yivə nɨmng-agang.⁴²Yivənəha də tsing tangsa lei muan nə ko kofi mɨng tsing, bisi uhn mongsem, dəmin naɓa biagang la, uh la ɓai bwatai kə gahla.

Chapter 11

¹Wukə vi kə Yeso tənkə bə nabi kə lei mongsem vou, uh yilei bəbi təɓen tei nwa bivə Fih ɓai bə nyinasə nəng tangsa hua vai. ²Susuenə, Yohanna tangsa bursəna leeh lei nwatsum və kristi, tsum nwatsum kə lei mongsem vou la. ³Uh nalei nah, ai ɓiu, " makə yivənə ai nah də man wurə nei ko ɓi mii yivakai?.⁴Yeso gwa lei nwa də narə nah, " ta təɓa nakə Yohanna la nəngnə ɓa leeh ɓai anə ɓa ɓanə. ⁵Lei gɓamnɨng də ɓabə, leivə uwakabu də horə, lein blai chi larə, lei gɓamchui də leebə, leivənə ɓuinə ai chi hunnrən, leivənə nəng yaung naleh ni ai chi nəng yang. ⁶Barkan avə yivənə chue nɨngaɓai leu nə.⁷Leivənə pai, nəngɓə Yeso də nalein jung ɓə bivə Yohanna, ɲɓatsin a ta ɓənvu taman ɓarə- lei nəngnə yua wa də yaurənə?. ⁸Ɓatsin ɓa ta baifa təɓan ɓarə-yivənə yanɨng səu ɓuiola nei? manəngɓəng leivənə yang nɨng aɓuirə nə leivah və yivah.⁹Ɓa ɓa ta baifa təɓa ɓa- yivə ta nwatsum və Fih? mmmh, dimin naɓala uh pai yivə ta nwatsum və Fihn ma. ¹⁰Yivənə chue nəng bivou nə nah, " ɓa, dimin tsum mongsem mi chi ɓai, yivə nə wun maɓa nəng-gah lanə.¹¹Dimin naɓa biagang la, tangsa leivə chirə və yihei nə, yivaka yaung pai Yoohanna huemɨng, yivahan ɗuiye paiu yang. ¹²Baniu vi və Yohanna wukə susuenə, vah Fih ɗuiye chue yiɓai ɓai yurrəh, leivə chuye yiurəh də deurə tangsa samɓai.¹³Leivə ɓanɨng ha ɓaleivə tei nwa, ai tei nwa səun kə Yohanna wu. ¹⁴Nə ɓan muan-muang uh kə Iliya nən wurə nə. ¹⁵Yivənə la ɓai ɓwachui leehrəu, leeh.¹⁶Ɓa min nyi kə fangwam ah susue nə? ɓaman leimuang də tsanəng lomu, nə kun də ɗubu hanə. ¹⁷Də narə, " dəɓi iɓa kyi la ɓa ɓwadanleu, ɓi bazhi ɓa tata leu.¹⁸Yohanna wu tangnɨngtang leu uh nwa mɨng inabi leu, nəngɓə ai nanah uh la ɓai yua kə. ¹⁹yi yiovə wu də tangnɨng də nwa mɨng nə ai nah ah, " ɓa, yivə tangnən kpala, ɓai lei nwamɨng kpala ɗji lei mua nwaɓi hua ɓalei chue nɨng aɓai, yiurə də chue kita kuh nəng chuenəng veu.²⁰Nəngɓə Yeso baniu bə nabi tsala kuh vahn gahnə, lei nɨng aɓai də chue la kpala nə, ai mua nɨng aɓai ɓa aikəta leu. ²¹Tən ɓalang Chorazin, tən ɓa kən Bethsheda, nə lei nəngaɓai ahn gah chuesə tangsa Tyre ɓai Sibdon kuma lan tangsa ɓan, ai mhyem kulei sə nɨngaɓai tangsa nɨnga yasə ah hyanrə ɓai veuɗua. ²²Ɲchue kə hua Tyre ɓai Sidon kə hiun vi kita.²³Ma Kafarnahum, də man kem ɓaman ai dahkə nəng aka ɗuiye? Ah-ah eih wukə hua Hades. Tangsa Sidon wu chue lei nɨng agang nə chuesə tangsa mainə, uhn ku manɨngɓə uhn wukə lya nə. ²⁴dimin naɓala, ɨng ta'nh kə Sodom lahyui ma kumai vi chue kita və Fih.²⁵Vəɓi Yieso na nah, " nkah Dah, yichue vah ɗuiye ɓai hua kə, bisi a ma lei nɨngnə ha tangsa bə ibə nɨng mai, ah pai kə leivə nə ai nyilei nah la leu nə, ɓaman leimuang a hang. ²⁶nmmh, Dahm hihiung nɨng mai. ²⁷Lei nəng ha wusəm lan sə Dahm, yivə yaung ieh yiɓi nən dah ɓileu, yiva ka yaung eih daɓi nəu i yi ɓəleung, yivənəha yi ɓə chi də yiɗi bə wula.²⁸Wusəm, ɓaleivə nəng aɓai, min dəɓa hunrə də. ²⁹Də muirə ɓim kuɓah ɓa nyinənsəm, bisi min yivə nyi-nyi a ɓai leu, ɲ ah ta'nh ɓai hunrə. ³⁰Muirə ɓin tətəng, yiɓai ɓin garangrang.

Chapter 12

¹Vi bə Yeso t fi sati tangsa lei fahvu, lei mongsem veu də leeh vəm nəngɓə bani bə oɗwa kuh vu dai tangrə. ²Nəngɓə lei Farisi ɓa nəngɓə ai nakə Yeso la nah, " ah ɓa lei mongsem ma də chue nɨ ngnə ai na bi ai chuenka fi sati "³Yeso na lei la nah, "ɓa zam nəngnə Dauda chue nə leu, nədəu leeh kə vəmkuma leivə chueha ɓa lei kənei? ⁴Uh ya tangvah və Fih t əu tang nəngnə ai wukə Fih lanə, kuman hyui, uh tang laɓə hyui sə leivə nə lei chuahai nə, hihiu ɓwasəu sə lei kunlau.⁵.Ɓa zam tangsa bə tei nwa leu, nah Fi sati lei kunlau tankom hyuenən ɓankə fi sati, ai tyaung ɓai iɓai kə? ⁶Dimin naɓalah yivaka yaung pai kom hyuenəng nə bəniu.⁷Nə ɓa ibə ɓan na nən nə də yiɗiyang, " Dimin yiɗin ta'nh, nəng hyanən leu, da ɓa baɓa yanwa kə leivə nə yaung ɓai nəng aɓai nə. ⁸Yi yivə kə yichue vah fi sati.⁹Nəngɓə Yeso yi bəɓə ta tangkom gu Fih ahn gah vai. ¹⁰Dangla yiɓui akala bəbi kanau ɓuiɓuirə. Lei Farisi ɓia Yeso bi də narə, " Hihiun ai də larə fi sati kə chila ɗjam kə səu ah dai chue nəng aɓai.¹¹Yeso na lei nah, " nwa tangsa ɓai ni la ɓai nɨng bungam tsing, nəngɓə nɨngbungam ɓə oh tangsa ɓwa fi sati, yang uh ba uh ikə tang ɓwa ɓiu wai?. ¹²Hirə uh, yiɓui ɓə uh pai nɨngbungam yang, ɓəmg hya manəngɓə, hihiun ai chue nɨna- agang fi sati."¹³Yeso nah yiɓui ɓə ah, " tsain kana ma" uh tsain nau, nəng ɓə dangla uh chi larə, nau ɓə ie myem kə nwatsing ɓə. ¹⁴Lei Farisi ta baifa tatei ɗjam səu, dai ɓa nɨngah nə ai hya kəkə nə.¹⁵Nɨngɓə Yeso yikə nəngɓə, uh fa yi bəɓə zayivə kpala mua chuau, uh də lei larə hakpəm. ¹⁶Uh də lei nwa nah, bia chue leivə ierən ka. ¹⁷Wun kə biagang, nən nə yivə ta nwatrsum vəFih Ishaya nanə ah--.¹⁸"Ɓa, mongsem mi nən deu nə " yivə nə dimin yiɗi nə, tangsə nyi-nyi də la ɓaikə. Min ɗji kwang kuh, uhn tsumnwa kita kə lei yuavala.¹⁹Uh gɓa vemkə kəuchi kənən wau ko uh tata tsalau, ko yivə leeh wiu kuh nəng gau. ²⁰Uh ba uh oɗua bu tsiun, uh ba uh mui ɗwa kata wau ha sai nə uh oh nəng-agang kəu chi tanrə. ²¹Tangsa iung uh lei yuavah chi kə bə banyi-nyi la.²²Nəngɓə yivaka nwa lam ɓai nɨun gɓam, yua ta kuh ai wukə sə Yeso. Uh deu larə, bəbi yivə nɨng gɓamrə ɓai nwa lamrə də nabi ɓai bə ɓabə. ²³Lei jun zayivə ha chue səɓi də narə, " Yiɓui ɓə uhn yi Dawuda?.²⁴Lei farisi leeh bi nəng chue səɓi ɓə ai na ah, " yiɓui nə ikə yua waunə langsə Beelzebul yivah vai yua leun" ²⁵Yeso ibə bə kkem bivai yang nəngɓə nalei nah, Lei vah nə tsa kun aveu təng, hyua ko vangah nə tsa kun ɓa kuwau,²⁶Nə munkulum ikə munkulum yang, ku tsang yang kə vah veu ɗɀi-ɗɀi? ²⁷Nə dimin ikə lei yua tangsa Belzebul yang, sə wai lei yi ɓa də ikə vai? bi nən nə ai myem kə lei chue kita ɓa.²⁸Nə dimin ikə lei yua tangsa kwang Fih yang vah Fih wu ku mɨn. ²⁹uh yivah kan takə tang vah və yivə samɓai tang ikə nəng bəbi, nəu tsa yivə samɓai nachi leu nəi? yang uh ei nəng tangvah veu langɓəng ieh. ³⁰yivənə chuahai ɓaiu kəleun, uh lam mɨn, yivə nə gəm chuahai ɓaiu kə leu də yarə.³¹Manəngɓəng ɨng naɓa la, ko nɨng aɓai ɓa chue ai muan ai ɓala kətan ai, nən aɓai sə kwang Fih ai mua ai aikətau.³²Yivə ha nabi aɓai sə yi zayivə ain ba ai muan aikətan ai, nə uh nabi aɓai ku kwang yang ai ba ai mua ai-aikətau ko tangsa fangwam anə ko a chi.³³Ma ka ɓai chirəu hila, ko ah ma kah ɓai chirəu hiu, bisi dai ieh kah lan sə chirəu. ³⁴Ɓa lei yio mumu, nə ɓan lei nɨng aɓain, ɓan chue uhn ɓan nakə biagang hye?bisi tangsa kparə nyi-nyiu, nwa də nakə bi. ³⁵yivə biagang tangsa nɨng chuenəng nyi-nyiudəu chi nəng-aɓai.³⁶Dimin naɓala vi chue kita, leivən nabi fam, ai na nah, ³⁷Bi nə də ieh nwamai nəngɓə yəna binə də ieh nwamai nəngɓən hyarə laɓə.³⁸Nəngɓə lei Jarumi ɓa lei Farisi ka gwa nwa də narə, " Yivə ninanən, dəɓi yiɗi bə ɓa alama səmmai. ³⁹Yeso gwa lei nwa də narə, " Fangwam nəng aɓai ɓai bə chue yua də ɗubə alama. Alama ka yaung ain dərə nən ɓwasəu alama yivə ta nwatsum və Fih Yohanna leun. ⁴⁰Yonanna lue bu nata tangsa yuahing,manəngɓəng yiFih lue bu nata ɓai vih nata nyi-nyi hua.⁴¹Leivə neinavi ing ɗji rəbu vi kita ɓa lei vah fangwam nə ain yanwa səun ya. Ain yila sə nəng aɓai bi bivəFih nə yonanna nanə, ɓa-ɓạ yivə aka bəni pai yonanna yang.⁴²Yivah ah yihei nahyua ɨng ɗji rəbu vi kita ɓai lei yivə fangwam ah susuenə ya nwasəu yan. Uh wu nəuku hyua wun leeh bi yuərə simanu, ɓa, ɓa yivaka bənə susuenə pai Simanu yang.⁴³Nə kwang aɓai i sə yivən, uhn pai tangsa bənə mɨng yaung lanə uhn babə bə huirə amma uh chi leu.⁴⁴Nəngbən nasə, " mi fa min vahmnə ɨng wu lanə, nən fan, ɨng chi vahm ɓə ai kaukaurə ai ɗẓau hila. ⁴⁵Nəngɓə uh ieh uh ta chuahai ɓalei yua aɓai ka hyu, iu nə pai nə. Leiha ieh wai ku ɓaiu kə. Yang yivə ɓə bə tangvai a chua pai ah nachi yang. La kə na fangwam aɓai susuenə.⁴⁶Yeso də nabi kə lei jun zayivə la, dangla navou ɓalei hyuin ɗɀi baifa də ɓabə bə nabi ɓai uhkə. ⁴⁷yivaka naula, "ɓa namah ɗji baifa ɓa lei hyuima də yiɗi bə nabi ɓai makə".⁴⁸Yeso gwa nwa də naurə, lei wakə nam ɓai hyiu mai? ⁴⁹Nəngɓə uh tsain nau səlei mongsem vou dəu narə ah, " ɓa, lei nam nə ɓa lei hyium. ⁵⁰Yivənə ha də chue nɨngvə dam ɗuiye yang yivvə ɓə kə hyium a yiɓui, hyium ah yihei ɓai nam.

Chapter 13

¹Viɓi Yeso ieh tangvai ɓə ta kuhka bu teku. ²Jun zayivə kpala wu gæm bu, uh eih uh ta tangsa ƒh tau kula nəngɓə iun zayivə ɓə ɗji nwagwam mɨng,³Nəngɓə Yeso nalei bi la kpala tangsa ɗɀum, uh nah, dangla, yivə lanɨng ta bə ɓya nən. ⁴Da dəu ɓyanən, akah oh ka kum nɨngah lei yihiung wu chi ɗə. ⁵Leivaka oh ku tai bənə ɗɀuɗɀua yaung la kpalau nə, dangla ai eih ai ɗji ɓai bu bisi huua ɗɀuɗɀua yang bəbkiu. ⁶Nəngɓə fi eih ɗjila nom, ai yaung ɓai ɓwanə nəngɓə eih aikəta.⁷Lei bya nən aka oh tangsa ƒuah nəngɓə ai eih dai garə ƒuah ɓə mua lei hya. ⁸Lei byanən aka oh kuh hua a hirə ieh myem a bəgang, lei vaka hun'iu, aka hunta, aka huntsing irəu hyua. ⁹Yivənə la ɓai ɓwaciun yang leeh.¹⁰Lei mongsem wu, wuna Yeso ah, " ɓakə dəman nabi kə jun zayivə la tangsa ɗɀum mai? ¹¹Yeso gwa lei nwa də narə " ai dəɓa nɨngah bə ibəbwanə vah ɗuiye, bisi səlei ai də leu. ¹²Yivənəha laɓaukə kpala ain deudə, yivənəha yaung ɓeukə ain mumua səu.¹³Nəngɓə kə nɨngnə chue dimin nalei bi la tangsa ɗɀum nə, dai ɓarə ah ai ɓau, dai leehrə ah ai leemu, ko ai ibəu, ¹⁴Səlei ɓəyang bivə Ishaya yilang, nəu na nah, " nə dəman leerən, man leeh-leeh amma aba a ibəu. Nə dəman ɓabə man ɓəɓa amma ah ba ye wau.¹⁵Nyi-nyi leivənə myem səurən, ai ji hyui sə bə leeh bi, ai lam nɨnglei nə ai chi ain ɓaɓəu nə ko leeh bi ɓaiɓwacui lei ko ai ibə nɨng ɓai nyi-nyi lei nə ain chi ain myem kərə nə, min də larən də.¹⁶Barkan avaivə nɨng, bisi dai ɓarə,dai leeh bi. ¹⁷Bkiagang dəmin naɓala nakə leita nwatsum Fih, ɓalei vahhirə kpala də yiɗi bə ɓalei nəngnə ɓa ɓanəai ba leou. Dai yiɗi bə leh lei nəngnə ɓa leehnə, ai leeh leu,¹⁸Kan cuiɓa ɓa leeh kə ɗɀum vǝ yivə nən lanən ɓi la bya nən nə. ¹⁹Nə yivənə leeh bi vah uh ibə ləu, yivə nɨngaɓai ɨng wu, wn vi nau nən nə uh bya tang nyi-nyi nə. Nəngɓə kə nən bya nəng nə ai bya bu nɨngah nə.²⁰Nəngnə ai bya ku tai nəngɓə kə yivənə leeh bi və Fih yemla ɓai mam kə. ²¹Uh yaung ɓai yom kuh, dəu mua nyi-nyi a vi chuanyi. Nə ɓanɓə fangwam wu la bi biagang yemla dəu wa bi ɓə kəta.²²Nən byanən anə ai ɓəng ƒuah ni, uh kə yivənə lee bi ɓə, nəngɓə nɨngchinəng fangwam ƒəm mu uh la biɓə. Biɓə myem a fam səu. ²³Nəng anə kuh hua bəgang nə, nəngɓə kə yivə nə leeh biɓə uh muang. Uh chi chirəu hila buy hyun'hyu pai anə ai bya nachi nə, aka bu hunta aka bu huntsing irəu hyua.²⁴Yeso nalei bi akala tangsa ɗɀum nah, " vah ɗuiye la mang yiɓui nə byanəng ah hirə fah. ²⁵Nə leivənə lue nɨng lue, leivə chue ɗɀahai ɓaukə wun bya yisəu tngseu yang pain nənvei. ²⁶Vənə pi iyang ha chin, yang lei vu laɓə ieh- ieh tangseu.²⁷Lei mongsem və yichue hyua ɓə wu naula ah, yichuevah, ɓyan byanən a bəgang fanəng ɓa? ɓa kə iekə vu hakpəm hai?. ²⁸Uhn nah lei la, lei chue ɗɀahai ɓain kə chue nən nə. Lei mongsem ɓə naula ah, dəma yiɗi bə ta təɓi ɗuvu tangsəu?.²⁹Yichuehyua ɓə na nah, ah-ah ɗun ka, lauka garə ɓəɗuvu ɓəɓa ɗukə yisəu bə chihai. ³⁰Yilei ai ɗung chuahai, vi ɗuirəu mɨng nalei ɗuirəu onachi ɗuvu bə. Tsa bayigtsing chom mu, ah gəm nənyəsəu ah takə tangsa bam mi.³¹Nəngɓə Yeso fa nalei ɗɀum aka la, uh na nah, " Vah ɗuoiye laman nɨn mustad nə yiɓui də takə bə byarə fanəng. ³²Nən byanən kkagang chuchonə pai nəu lei byanən, nə uh pi uh gayang uh lei vu fa lambu yang. Dəu myem kə nwa ka, yang lei yihyui ɗuiye wun kukuh ma vah ai bəng vai lan kanau.³³Yeso fa nalei ɗɀum akala ah, " Vah ɗuiye laman yisti nə yihai də lankəha ɓai taso mui nataha sei mui i fuem.³⁴Nəngnəha Yeso nakə lei jun zayivəla tangsa ɗɀum; Uh na lei nən akala leu nən lan tangsa ɗɀum leu. ³⁵Nəngɓə kə nəngnə lei ta nwatskum vəFih nanə, ah, " min ɓai nwa tangsa ɗɀum, min na nəngnəai yue tangsa bə baniu fangwam nə".³⁶Nəngɓə Yeso yilei jun zayivə fa ta tangvah.Lei mongsem veu wusəu wue naula ah ɓai bə kuɓi la sə ɗɀum a vu fanən nə. ³⁷" Yeso gwa lei la ah, " yivənəha byanən a hirə uhn yi yivə. ³⁸Fanən ɓə kə fangwam; bya nən a hirə kəlei vəɓə. Leivu ɓə kəlei yi nəng aɓai. ³⁹Yivə chue ɗɀahai nə bya lei nə kə munkulum, bə ɗuinən bə təngrə fangwam, lei ɗuirəu kə lei Mala'ika.⁴⁰Manəngɓəng, lei lei vu ɓə ai tsa səhai ai lee lei ɓai ɗua nə, nəngɓə nən chuerə təngrə fangwam nə. ⁴¹Yi yivə tsum mala'ika veu wun gəm niu lei nəng vah veu la anə nə kə nəng-aɓai nə. ⁴²Ai walei tangsa ɗua, bənə bə tata la ɓai bə nam ieh. ⁴³Lei chue nəng-agang ɲmammam vah ɗuiye ɓai davei. Yivənə ha la ɓai ɓwachuin uhn leeh.⁴⁴Vah ɗuiye laman nən chinən nei yue tangsa fanəng nə, yiɓui chiu nəngɓə uh ɓau. Tangsa mam veu uh pain, uh lya lei nənha uhla ɓeukənə, uh hya fanən ɓə. ⁴⁵Aka, vah ɗuiye laman yiɓui nə də gafai veu kə lei lua, luai. ⁴⁶Uh chi kə lua,luai bə tsing a hirə uh tatə lya lei nəngha uh la ɓau kənə wu lya lua, luai ɓə.⁴⁷Aka, vah ɗuiye laman kahnə aiu tangsa teku nə, nə dai gəm kə lei nən man-nəng fangwam nə ha. ⁴⁸Nə yillan, yivə mua hing və wukə nwagwam teku ɓə yang ai ku ai gəm a hirə tangsa kalo, anə hyu yang ai aikəta.⁴⁹Tangsa nəngah nə fangwam ɨng wukə təngrəu. Lei mala'ika wun tsa lei va aɓai tangsa leiva hirə ⁵⁰Ai walei vah aɓai tangsa ɗua bənə ain tatala ɓai bə nam ieh kə.⁵¹Ɓa ibə lei nəngnənha? Lei mongsem veu na ah, " o0h" ⁵²Nəngɓə Yeso na lieva ah, manəngɓəng, yivə samɓai nə myem kə mongsem vah ɗuiye uh laman yiɓui vah ɓə, nə vi lei nəng afuh ɓai akyui tangsa nən chinən veu. ⁵³Dangla wu vi kə da Yeso təng kə lei bi ɗɀum veuuh pai uh yi bəɓə.⁵⁴Nəngɓə Yeso ta tangsa hua vei təu nyinasənən kə leivə tangsa kom gu Fih ahn gah. Nənsəu, nəngɓə ai chue səɓi dai narə, pah yiɓuinə chi yiurə la ɓai nən chuesəɓinei? ⁵⁵Yiɓui nə kə lei pikah nə leu? Leiyui kə Yakəbu, Yisu, Sauma ɓai Yahuda leu? ⁵⁶Lei hyui a yihai chuahai ɓai ɓi kəleu? Uzzh chi lei nənnəlan pah?.⁵⁷Nyi-nyi lei ɓankə səu dangla. Yeso nalei la. Yivə ta nwatsum Fih chi bə muabə səlei vaveu ko hyua veu wa. ⁵⁸Uhy nən chuesəɓi kpala bəɓi leu bbisi, ai ɓai bə ɗɀi nyi-nyi la.

Chapter 14

¹Viɓə nə, Hiridus yivah leeh bivə Yeso. ²Uh nah mongsem veu aka, " ɨng Yohanna yivə huemɨng nə; uh eih tangsa leivə ɓuirə. Manəngɓəng, lei samɓei də watsjum ɓaikə.³Hkiridus mua Yohanna tsau lei tangsa bursəna bi hyrudiya ah hei hyiu Filibu. ⁴Bisi yohanna nanah, hyiu, uh deu kə haiu. ⁵" Duɓa Hiridgus hyaung hya, nəngɓə uh ɓ;iɓi zayivə, bisi dai ɓau kə yivə chue nwastum və Fih.⁶Nəngɓə vi chirə və Hiridus wu, yi ah yihei və Hyrudiya ɓwadang tangsa la Hiridus. ⁷Uh gwa nwa nah nəng nə ha dəɓaɓə sərə rən deudə.⁸Chuanə uh mua bi və naveu nə naulah ah, "uh yivah Hiridus la uh da kuh Yohanna huemɨng, nəngɓə fa təu na yivah Hiridus ah " dəm kuh yohanna yuivə huemɨng. ⁹Nəng gunən veu ɓə ɗɀi nyi-nyi yivah Hsiridus yang, bisi uh onachi uh hyunən yang, uh hyunən chi lei vənə də tang nə ɗunɗue ɓa lei kənə, uh də nah na ai chue manəngɓə.¹⁰Hiridus tsum bə tai tsum kuh Yohanna tandsa bursina,. ¹¹Ai wukə kuh ɓə wai də yimua yihei ɓə, nəngɓə uh takə təu də naveu. ¹²Nəngɓə lei mongsem veu wu ɗə niu ɗɀuasəu tai chui, chua nəngɓə ai ta tei nakə Yeso la.¹³Yeso leeh kə nəngɓə, uh fa tangsa fuh təu yue kuh bakai ɓain tsiun. Nəngɓə jun zayivə leeh nəngɓə, ai mua chua ɓai bukə ai takə vahn ga. ¹⁴Nəngɓə Yeso wu chi wu ɓa jun zayivə ɓə. Uh ɓa yiɓui vei, uh də lei larə sə nənzhi vei.¹⁵Ɗuingɗui wu, lei mongsem veu wu nau nah, " bənə hyi wau, viɓi pain. Ya nwa kə jun zayivə nə tngsa vah han tai lya vam ai tang.¹⁶Yeso nalei lanah, " bi ai pain ka ɓa dəlei nɨng aka ai tang. ¹⁷Ai nau la nah, "bənə ɓwasəu ƒəƒəm ni nahyiu ɓai hing na'iu. ¹⁸Yeso na lei nah sai wukə wai dəri.¹⁹Yeso nalei jun zayivə ɓə ai kuh hyua kuvu. Uh ɗə ƒəƒəm nahyiu ɓai hing nə na'iu uh ɓa ɗuiye, uh gu Fih ku, uh oɗwa ƒəƒəm ɓə uh də lei mongsem veu tsakə jumng zayivə ɓəla. ²⁰Lei kpəm ai tang yua lei tsa, lei mongsem və Yeso ɓuiniu oɗwarəu kalo hyua irəu na'iu. ²¹Leivənə tang nən ɓənə leivə dubu nahyiu, lei ɓui, lei hei, ɓa lei muahangha.²²Dangla uh nalei mongsem veu ta tangsa ƒah ai hyan tang gwam a lei, uh veu uh ɗji də yanwa kə jun zayivə. ²³Chua bə yanwa kə jun zayivə ɓə, uh ta kutai ɗuiye təu guFjih. Nəngɓə ɗuinɗui wu, uh uh bəbi ɓain tsiung. ²⁴ƒah ta chuila ɓai hyua ɓə, ɓai mɨng ɓai yua də waurə.²⁵Nwaɗjuaɗi wu Yeso ho kuh mɨng tə chilei. ²⁶Lei moongsem veu ɓaiu dəu ho kuh mɨng, səɓi mualei, dai ɓa ɓaman yuaka, "ai tata tsala tangsa ɓi. ²⁷Yeso nalei bi tanghyua ah, " ɓa tsa nyi-nyi ɲmi, biɓa ɓiɓin ka.²⁸Bitur gwə nwa də narə, jyichuevah nən mang, nabi langɓə ho kənwa ma, kə wun chie. ²⁹Yeso nau nah, "wu" Bitur eih tangsa ƒah ho ku mɨng də tasə Yeso. ³⁰Nəngɓə Bitur ɓa yua də warə, səu ɓiɓi, uh baniu bə layiɗu, uh tata ɓai tsakə ah yichuevah ah valim.³¹Dangla Yeso ɗji nau muakə Bitur, uh nau nah mayivə biagang chuani ɓaka ɓiɓi? ³²Nəngɓə Yeso ɓaiBiyur yta tangsa ƒah, yu8a ɓə ɗjihyua bə warə. ³³Nəngɓə langɓə lei mongsem veu a tang ƒah ɲkaung də narə ah, " biagang mang yiFih".³⁴Ai hnya mɨng ɓə, ai wu hyua Janisarata. ³⁵Lei ɓui bəɓə nyilei ohsə Yeso, ai tsum nwatsum ko ɓaiyahatangsa bəbi, ai wu kə leivə nənzhi laa. ³⁶Ai gu ah uh tam nau sə nənyasə vei ɓwasəu, manəngɓəng, uh tam nau sə nənyasə ɓə leivə kpala chi larə.

Chapter 15

¹Nəngɓə lei Farisi ɓa lei samɓei ahka wusə Yeso eih Urshalima. Eih ai na ah. ²Ɓakə lei muang ma oɗwa nəngnə lei vangah nanei? Ai lo nalei wau nə dai tangnəng yang. ³Uh gwa ;lei nwa ah, "Ɓakə ai oɗwa bə lei nwa və Fih bivai davai.⁴Fzih nah də garə kə nama ɓai dama,. yivənəha na aɓai ku naveu ko daveu yang uh ɓuiɓui. ⁵Ɓa nah yivənəha nah nəng kə naveu ɓai daveu lei nẹng a yuanrənə ha ɓanamua səm suisuenə, nən də nən kə Fih. ⁶Yivə ɓə ba dəgarə kə daveu wau, nəngah ɓa myem bi Fih ka fam bi bivei daɓa nə nahnə.⁷Ɓalei chue nəmg bi zayivə ɓa, Ishaya nah bənyang leu ah. ⁸Leivə nə də dəm garə ɓai llem lei ɓwasəu, nyi-nyi lei chui ha ɨng ɓaiukə. ⁹Dai hyuim fam bisi dai nyinasə nən vai davai kə leivəla.¹⁰Nəngɓə ai ɗuɓulei jun zayivə uh wukə səu, uh nalei ah, " leeh ɓa ibə- ¹¹Nəngnə də ta tan-nwa yivə nəngɓə də ɓaunkərə leu, nəngnə də eih baifa nwa yivə nəngɓə də ɓaunkərə.¹²Nəngɓə lei mongsem və Yeso wu-wu nau nah, " Ah ibən lei Farisi ɓankə yuang nə leeh kə binəi?. ¹³Yeso gwa nwa də narə, " Nəng byanəng ha nəng dam ɗuiye nə bya leu ai ɗu yomun ɗu. ¹⁴Yilei ɓain tsing lei, len leinɨng gɓamnɨng, Yivə nɨng gɓamnɨng ba mua ka kə yivə nɨng gɓamnɨung bisi lei kpəmha tein oh tangsa ɓwa.¹⁵Bitur gwa nwa kə Yeso də narə, ah naɓi bə lein ɗɀung nə la. ¹⁶Yeso na ah ha ladanə bə ibənəng ɓa chuani? ¹⁷Ɓa ibəleu, nəngnəha ta tang nwa də muaka tangyua deukə ta ɓwa ɓəng.¹⁸Bisi lei nəngnə ieh nwa wulang tangsa nyi-nyi, nəngɓə kə lei nəngnə də ɓankə yivənə. ¹⁹Bisi lang tangsa nyi-nyi lei bə kem bi aɓai də illa, bə hya bə, bə chue yua, nəng-aɓai bə lue ɓəleivə, bə inəng, bə nah nwa fam ɓai bə ɓankə yivə. ²⁰Laei nəngnə də ɓankə yivə nə. Bə tang ɓai nah ah lorə leu ɓankə yivə wau.²¹Yeso ta veu bəbi uh fa uh taka baka hyua Tyre ɓai Sidobn. ²²Nəngɓə yihei ka'ana ka wu hyua ɓə laɓə. Uh bwabi ɓai tsa uh nah ah, ɓayiɓaim yichuevah yi Dawuda, yim ah yihei yu8a də chuerə ɓai samɓei. ²³Yeso gwa nwa leu lei mjuang veu wu guh də narə, " ah nyammu uh pai dəu bwabə chuaɓi.²⁴Yeso gwa lei nwa də narə ah, " ai tsummi sə yivakaileu, ai tsum mi lang səlei nəngbungam nə la tangvah Israilanə. ²⁵Yihei ɓə wu ba ɗung hyua chi Yeso də narə, " yichuevah ah yuanm. ²⁶Yeso gwa nwa nah, hyiung a ɗə ƒəƒəm vai muang a wakə yiɗua la.²⁷Yihei ɓə nah, yichuevah, kon lei yiɗua ɓəma də tang la tangsa nəngnə oh tebur vai yichueva vai". ²⁸Nəngɓə Yeso nakə yihei ɓəla ah, " yihei, hirən bə ɗji nyi-nyima, chue manəngɓə nə dəman yiɗi kə" bəbi yi yihei ɓə chi larə.²⁹Yeso yi bəɓə ta bappi bu teku Galili. Nəngɓə uhy ta ye kuh tai təu kuh bəbi. ³⁰Jun zayivə wu chiu chuahai ɓaleivə zauzaurə, lei nɨng gɓam nɨng, lei nabi wau, leivə kabu a ɓuirə, ɓalei vah ka kpala leeh larə leunə, ai wu lei kə chi Yeso wu də larə. ³¹Nəngɓə lei jun zayivə chue səɓi nei ɓakə yivənə nabiu dəu nabirə, leivənə kabu lei yaung dai chi larə, leivə zauzaurə dai ho hyila.Ɓaleivə nə nɨn lei gɓam dai ɓaɓə ai nkah Fih ah Israila.³²Yeso ɗubu lei muang veu nah lei nah, " dəmin ɓa yiɓai vain jun zayivənə, bisi ai kuh ɓaimkə bu nadta kanə, ai tang nən leu, ɨng yiɗi bə nyem ai pai ai tangnən leu, lauka tei oh nəngah. ³³Lei muang veu ɓə naula ah, " ɓin chi ƒəƒəm ɓai kpala bəni ɓin tang kə jun zayivə nei? ³⁴Yeso nalei ah, "ƒəƒəm na'uh ɓala ɓaiu kə? " ai nah ah ƒəƒəm hyu'iu ɓai hing kə chuani". ³⁵Yeso nalei jun zayivə ɓə kuh hyua.³⁶Uh ɗə ƒəƒəm hyu'iu ɓai hing ɓə, uh nkah Fih, uh oɗwa ƒəƒəm uh dəlei muang veu, lei muang veu dəkə lei jun zayivə ɓə. ³⁷Leivəɓə tang yualei tsa, ai ɓui niu yi kalo hyu'iu. ³⁸Leivənə tang nəng ɓənə lei dubu nang-nya, lei ɓui, lei hwwei, ɓalei muang. ³⁹Nəngɓə Yeso nyem leivə ɓə pai, uh ta tangsa fuah uh hya uh ta hyua Magadon.

Chapter 16

¹Lei Farisi ɓa lei Sadukiya aka wusə Yeso wu dai baunrə ɓai bi ah ɓirə ah uh talei nasə nɨngni kuh ɗuiye ni. ²Nəngɓə Yeso gwa lei nwa nah ah, nən ɗuinɗui wun, ɓa nah ɓa kuh ɗuiye vin, bisi kuh ɗuiye ɓə kahen.³Nəngɓə ɓə nwaɗjuaɗi chue, ɓa naɓa kuh ɗuiye ɓa hyiu bisi kuh ɗuiye ɓa kahen ɓai a vou kə, ɓa ina bə nah yadda kuh ɗuiye də iekərə nən, yang ɓa ina bə nah landa vi fangwam ɨng təngkərə la wau. ⁴Fangwam nəng-aɓai ɓai bia aɓai də ɓabə vi yaun ain dəlei nəng nən vi Yonanna leun, nəngɓə Yeso yilei bəbi pai nənveu.⁵Nəngɓə lei muang vəYeso ta kem baka, nyilei ɗji bə tang nən. ⁶Yeso nalei nah, " ɓa ɓa, ɓa chue hakilo ɓai bə yisti vai Farisi ɓai Sadukiya." ⁷Lei muang və Yeso nahala tangsə ah, " bi ƒəƒəm ɓi tang leunə." ⁸Yeso ibə biɓəng nəngɓə uh nah ah, " ɓa leivə ɗji nyi-nyi han, ɓakə dəɓa naha bila tangsa ɓai, bisi ƒəƒəm nə ɓa tangrə nei?⁹Nyi-nyi ɓa ɗjing sə ƒəƒəm nahyiu ɨng tang kə leivə dubu nahyiu nei, kə niu kalo nah'u ɓa gəm hai? ¹⁰Kon a ƒəƒəm hyui'iu ɨng tang kə leivə dubu nang-nya, niu kalo nah'u ɓa gəm hai?¹¹Ɓakə ɓa ibə leu bi ƒəƒəm dəmin narə leu? Ɓa chue hakilo ɓai bi yisti vai Farisi ɓai Sadukiya. ¹²Nəngɓə ai ibə nah dəu nabi bə chue hakilo yisti nə tangsa ƒəƒəm nə leu, bisi dəu nabi bə chue hakilo sə bə nyinən vai Farisi ɓai Sadukiya.¹³Nəngɓə Yeso wuka baka bapi ɓai hyua Kasariya ah Fillibi, uh ɓi lei muang veu ah, " ɓa leivə də narə kuh yizayivə? ¹⁴Ai nah ah " leiva ka ahn Yohanna yivə huemɨng, leiva ka ahn Iliya, leiva ka ahn Irmiya, yiva ka tangsa lei ta nwatsum Fih. ¹⁵Uh nahlei la ah, " Kə ɓaɓan ɓa dəɓa ɗumkərə? ¹⁶Bə gwarə və Sauma Bitur nah ah, " mang Kristi yiFih"¹⁷Yeso gwa nwa naula ah, " hyirən amma, Sauma yi Yonanna, bisin ɗjuasə ɓai hyu kə nəngɓə nah nəngnə lalo, bisi dam nə ɗuiye ni. ¹⁸Mima dəmin nala ma kə Bitur, ln kutai nə min mi vam la, kon lei nwakom Hades ma ba tang nɨng agang kum wau.¹⁹Min dəɓa nɨng ɓainwakon vah ɗuiyen də, nəngnəha ɓa tsa fangwam mɨn, tsan ɗuiye, nəngnəha ɓabie fangwam yang, bie yang ɗuiye. ²⁰Nəngɓə Yeso nakə lei muang veu la ah, " Biɓa nakə yiva kala nəɓa min Kristin ka.²¹Bəbi Yeso baniu bə nakə lei muang veu la ah rən ta Urshalima, rən nwa yiɓai kpala na lei vangah, Lei kunlauahn gah, ɓalei və samɓei, rən ɓuiɓui tangsa bu nadta rən ieh-ieh rən fa wu tangsa hunrə. ²²Nəngɓə Bitur mua fakə takə baka ta ieuhkə ah, " nəngnə ta chuila ɓaimakə yichuevah, bi nəngnə chuesə səmaijn ka. ²³Yeso myem nakə Bitur la ah, " fa chua səm nɨng aɓai, makə tai gɓa bum, bisi ɗji nyi-nyi ma sə nəngvəFih leu, dəman ɗji nyi-nyi ma sə nəngvə Zayivə.²⁴Nəngɓə Yeso nakə lei muang veu la ah, " yivənəha də yiɗi bə muachuam yang, uhn la kuh, uhn ɗə kah pirəm uh muachuam. ²⁵Yivənəha də yiɗi hunrəu yang uhn lunla, yivənəha la hunrəu bisi mi yyang uhn chi-chi. ²⁶Ɓatsin yivən chirə tngsa fangwam nəu chi hunrəu leuyang ahn? Ɓatsin yivən chue uhn chi kə hunrə nei?²⁷Bisi yi yivə wun tangsa hyirə və daveu ɓalei malaiku, yang wun də bwatai kə leivə ha bisi nəngnə ai chue nə. ²⁸Biagang dəmin naɓala, leiva kala ɗji tangsa ɓai bəni, ai ba ai ban ɓwa wau sai ɓa wurə və yi yivə tangsa vah ɗuiye.

Chapter 17

¹Bu hyuichuin chue Yeso ɗə Bitur, Yahuda ɓai Yohanna ah hyui ta lei kə kutai chuahai ɓaiu kə. ²Uh myem chi lei, tang nɨung myem kə nwa fi nə də juirənə, nəng yasə veu myem hinla mang ɗua garə.³Tanghyua lei Musa ɓai Iliya ieh chilei də nabi ɓaiu kə. ⁴Bitur gwea nwa kə Yeso də narə ah, " yichuevah hyihyiu ɓi bənə, ɨng na yiɗin min manəng yasə nadta, ah tsing kə ama, ah tsing kə ah Musa, yang ah tsing kə avə Iliya."⁵Dəu nabi ladda, dangla chi gahla wu lam lei, tanhghyua wui aka ieh tangsa chi ɓi də narə ah, " Yim nə dəmin yiɗi nə, səu nyi-nyim də lala, ɓa leeuh". ⁶lei muang və yeso leeh nəngnə, ai ieh ai oh ɓai tangnən kə səɓi mua le. ⁷Nəngɓə Yeso wu tam nasəlei də narə, " ɓa ieh ɓa ɗji ɓai bu, biɓa ɓiɓin ka." ⁸Nəngɓə ai ieh ai ɓa ye, yivaka yaung nə Yeso ɓwasəu leun.⁹Dai chuin hyua kutai ɓə, Yeso nalei bi la ɓai wui ah tsarə ah, biɓa nah nəngnə ɓa ɓanə kə yivakalan kaha, sainə yi yivə ieh tangsa leivə ɓwa." ¹⁰Lei muang və Yeso ɓiu nah, ɓakə leivə samɓei nahna Iliya də wu nachi?.¹¹Yeso gwa lei nwa ah, " Iliya wuwu kah-gan, wun ɗji ɓinɓau lei nəng hakpəm. ¹²Dəmin naɓala, Iliya onachiu wun, bisi ɓa ieuh leu, ɓinɓau, ain chue nəngnə dai yiɗi kə uh la nəngah ah tsing, yi yivə wun chue yiɓai nalei." ¹³Nəngɓə lei muang və Yeso ibə ah dəu nabi Yohanna yivə huemɨng.¹⁴Nəngɓə ai wusən jun zayivə, yiɓiu wusəu wu ba ɗuaung hyua chiu də narə ah, ¹⁵Yichuevah ɓa yiɓei yim, də li zhirə nənzhi tsainbə, bisi bu kpahyiun dəu oh ɗua ɓai mɨng kə. ¹⁶Ɨng wukən səlei muang mang, bisi ai deu larə leu.¹⁷Yeso gwa nwa ah, " leivə ɗji nyi-nyi wau ɓai fangwam, leivə nəngaɓai, ha ɗeu min kukə ɓai ɓa? ha ɗeu min muakə nyi-nyi ɓai ɓa? wummu kəla bəni. ¹⁸Yeso iehkə yuaɓə, nəngɓə yua ɓə iehsə yimua yiɓui ɓi dangla uh chi larə tanghyua ɓi.¹⁹Nəngɓə lei muang və Yeso wusəu tangsa yuerə wu ɓiu nah, " ɓakə ɓi iehkə bə wai? ²⁰Yeso nah lei la ah, " Bisi bə ɗji nyi-nyi a chuani ɓa dəmin naɓa biagang la, nə ɓala ɓai bə ɗji nyi-nyiah chuani kə nwa nɨng mustad yang, ɓan ba ɓan nakə tainəla, nəɓa uh ieh bəni uh ta balei, uhn ieh-ieh nəng aka yaung pai ɓarə. ²¹Lei yua anə ieh fam musəu sai ɓai bə gu Fih ɓai bə ɗəFih.²²Nəngɓə ai ku tangsa Galili, Yeso nakə lei muang veu la ah, " ain də yi yivən də kanah leivə. ²³Ain hyaun-hya bu nadta, uhn ieh-ieh ." Dangla nyi-nyi lei muang veu ɓankə.²⁴Nəngɓə ai wu Kafarnahum, leivə mua nwaɓi hyua rabi-shekwl wusə Bitur nau nah, " yivə nyina nən ɓa də-də nwaɓi hyua a rabi- shekel la?²⁵Uh gwa nwa ah, "nm" nəngɓə Bitur ta yangvah ɓə, Yeso nubi nachi ah, " Ɓa dəman kemrə Bitur? Lei yivah ah fangwam, səwa dai mua nwaɓi hyua lai? Dai mua lang səlei chueyiɓai hyua vai ko lang səlei ɗuawai?²⁶Nəngɓə Bitur gwa nwa ah, lang səlei ɗuawai, Yeso nau la ah, " yang ai ieh kə lei chue yiɓai veun tangsa bə farəu. ²⁷ Yang ɓi chue leivə mua nwaɓi hyua chue nəng-aɓai, ta teku, ta ai marimari mala ah muakə lei hing nə wu nachi nənə na ɓai nwau yang man chi shekel chi. Ta də kəlei mua nwaɓi hyua nəman ahm ɓai aɓa.

Chapter 18

¹Tangsa viɓə, lei muang və Yeso wu səu, wu ɓiu ah, " wakə yivangah tangsa vah ɗuiye? ²Yeso ɗubu yimua hang aka wu ɗjeu tangsa lei. ³Nəngɓə nalei ah, dəmin naɓa biagang la, yivənə ha nə myem ku kənwa lei muang a han leu, uh ba uh ta vah ɗuiye wau.⁴Manəngɓəng, yivənəha myem ku nwa lei mua hang yang, uh kə yivangah vah ɗuiye. ⁵Yivənəha mua yimua hang manəngni tangsa ing yang, uh muang mi. ⁶Yivənəha chue lei muang nə ɗji nyi-nyi lei səm nə chue nəng-aɓai yang, hyihyiu ai au tai namnəng juiu ai wau tang teku.⁷Hyai kə fangwam nəla bi zamrə, ɲdole lei vinə wukərə, hyai kə yivənəla ka səu vinə wukərənə. ⁸Nən nahma kon kabuma chue nəman zamrən tsum ah wakəta chuila, hyihyiu ah chi hunrə ɓai kanama yaung kon kabuma, nə ain lei kə tangsa ɗua ɓai kanama ɓai kabuma na'iu.⁹Nəng nɨngma chue nəman zamrən ɗu ah wakəta chuila, hyihyiu ah chi hunrə ɓai nɨn tsing nə ain lei kə ɗua ɓai nɨng na'iu hakpəm.¹⁰Ɓaɓa, biɓa ɓankə tsing tangsa lei mua hannki ka. Bisi, ɨng naɓala ɗuiye lei malaiku vai vinəha də ɓa tang nɨnglei sə dam ah ɗuiye. ¹¹Yi yivə wu bibə də hunrə kə leivə nəng-aɓai.¹²Ɓa kem, nə yivaka ha ɓai nəngbungam kə hyun-hyui, nəngɓe ah tsing la tangsa lei, uh ba uh yi niu ah hyun-nya irəu hyuanhyua tau ɓabə ah tsing ɓə wai? ¹³Dəmin naɓala nənəu chi ah tsing nə nyi-nyiu la pai sə niu leivanə hyun-nya irəu hyua nə uh yila nə. ¹⁴Tangsa nəngah ɓiha, lan tangsa nyi-nyi daɓa ah ɗuiye leu, yimuaka tangsa lei mua hang nə ɓankə.¹⁵Nə hyuima chue nəngnə hyiwau yang, ta ta nau nəng-aɓai veu la kuɓa na'iu. Nə uh leeh yang, ah mua kuh hyuima ɓəng. ¹⁶Nə uh leeh leun, ɗə yivaka tsing ko na'iu ɓa ta chuahaiyang, kənwa leivə na'iu kon nadta ɨng na nwama bi dəɓa narə nə.¹⁷Nə uh la bə leeh lein, ɗə biɓə ah takə kom gu Fih, nə uh la bə leeh kom gu Fih laɓəng, ah myem mu kə lei yuavah kon lei mua nwaɓi hyua.¹⁸Biagang dəmin naɓala, nəngnəha ɓa tsa fangwam mɨng, tsang ɗuiye laɓə, nəngnə ha biu fangwam yang ai biung yang ɗuiye. ¹⁹Ɨng naɓa akala nə, leivə na'iu gwaha nwala bisi kon lei nəng ain gun, ain chue lei lan chue sə dam a ɗuiye. ²⁰Manəngɓəng, bə leivə na'iu kon nadta nə gəmla tangsa imyang, mila tsngsa lei.²¹Nəngɓə Bitur wusə Yeso wu naula ah, "yichuevah bu na'uh hyuim chue kə nəngaɓai min mua min au la kəta? Sai bu hyui'iu? " ²²Yeso naula, ɨng naɓa la leu nakə bu hyui'iu ɓwasəu, bu hyui'iu buni hyui'iu, fi tsing.²³Manəngɓəng, vah ɗuiye la man yivah nə də yiɗi bə fa lei mongsem veu buchuem vei. ²⁴Uh baniu bə farə, nəngɓə ai wukə mongsem akala dəu ɓiu nəng nwaɓi ho hyua. ²⁵Bisi uh yaung ɓai nəngah nə uhn fakərə nə, yichuevah veu nah ah ai lya ɓaiu kə ɓa lei heiu, ɓa lei yiu ɓai nəngnə uhla ɓaiukə nə ai farə kə.²⁶Mongsem ɓə oh hyua ɓai ɗuang hyua chiu nah ah, yichuevah ɗə munyal ɓaim kə min falei nəngman faha. ²⁷Yiochuevah və mongsem ɓə ɓa yiɓai veu nəngɓə nah ah, yeunah ai yafau hyem veu lan.²⁸Nəngɓə mongsem ɓə ta tə chi hyium mongsem aka dəu ɓiu yem denari hyuanhyua, nəngɓə uh gəm mu uh mua, ka nijui dəu nau ah fam nəngnə dəmin ɓiakərənə. ²⁹Hyuin mongsem ɓə oh hyua langɓə də gurə wai uh də munyal rən faunfa langɓə.³⁰Mongsem ah nachi ɓə la nəngɓə uh taukə təu le bursəna ah sai nəu farə nəngnə dərə ɓiukərənə. ³¹Nəngɓə lei hyui mongsem ai ɓa nəngnə də tarə nə, yua lei ɓankə, nəngɓə ai ta tai nakə yichuevah vaila nəngnə də tarə nə.³²Nəngɓə yichuevah vai mongsem ɓəɗubu nau nah, " mongsem aɓai ɨng yafa yem mala bisi ah gum yang. ³³Yang a ba a yafa kə yuimala mongsem la laɓə kon bi nə ɓakə yiɓai manə wai?³⁴Yichuevah veu ɓankə hyua, nəngɓə uh ɗjau nalei də yiɓai ah ai deu yiɓai laɓə sai nəu fanəngnə dəri ɓiukənə. ³⁵Manəngɓə dam ɗuiye ɨng chue ɓakərə, nəɓa yafa kə lei hyuiɓala tangsa nyi-nyi ɓai langɓə leun.

Chapter 19

¹Wu fikai, Yeso təngkə bə nabi veu, uh faka hyua Galili uh wuka Yahudiya hyua nənvai Urdun. ²Ɗjun zayivə kpala mua chuau nəngɓə tau dəlei larə bəbi.Yibui Farisi aka wu səu wunau nah. hyihyiun yivə ienahkə heiu kunəngni uh chue hyiune? ⁴Yeso gwa nwa də naunah; "Ɓa zamleu yivənə malei nachi manlei ɓui ɓai yihei?.⁵Yivənə maleinə nah ah, " Manəngɓəng yiɓuin yi daveu ɓai naveu wu kwaha kuha ɓai heiu, yang lei na'iu ain myem kə sə tsing leu? ⁶Lein na'iu leu kanə, ain myem kəsə tsing, Manəngɓəng nəngnə Fih kwakəhanə bi yivə yang ka.⁷Ain nau la ah, " ɓakə Musa naɓi ah ɓi vi ɗərenwal ah yanwa kə lei hei yang ɓi yamlei ai tavai?. ⁸Uh nalei ah bibə tsaku ɓa nəngɓə Musa nahɓa ah ɓa vi dərenwal yanwa kə lei hei ɓa, ɨng naɓala nachi manəngɓə leu. ⁹Dəmin naɓala, yivənə ha ienah kə heiu bibə chue yua leun, nəun ɗɀa yihei akan uh chue yua laɓə. Yiɓiunə ɗɀa yihei nə ai ieunah nəng lanɓə dəu chue yua ɓaukə.¹⁰Lei muang və Yeso naulah ah, " Nə manəngɓəng tangsa yiɓui ɓai yihei, hyiun ma bə ɗɀa bə kanə. ¹¹Yeso nalei ah, " leivə ha mua nən nyinasə nən nileu, leivə ɓwasəju ai dəlei nah ai mua nə. ¹²Bisi leivakala də yiɗi kə ɗja kə yihei leu, leivaka ai chilei manəngɓə, leivakan leivə myem lei kə msanəngɓə, leivaka ɗɀa leu bi vah ɗuiye, yivənəha də yiɗi bə mua bə nyinasə nəngni uh mua.¹³Nəngɓə ai wukə lei muang ah yangsan aka kə səu wun ɗʒi nah kulei kəu gu lei Fih la, nəngɓə lei muang veu iekə lei muang ɓə. ¹⁴ Yeso nah lei ah, " yilei mua yangsan wusəm bisi vah ɗuiye ah vai. ¹⁵Uh tam nau kulei muang ɓə, nəngɓə ai pai bəbi.¹⁶Tanghyua yiɓui ka wusə Yeso wu nau ah, " Yivə nyinanəng" ɓakə lei nəng abəgang nəmin chue min chi kə hunrə nei? ¹⁷Yeso na ɓaka ɓiem bi nəng-abəgang nya? ɓwasəu yivə tsing kə abəgang, nə dəman yiɗi hunrən, ah mua lei bə də nwa nə ha.¹⁸Yiɓui ɓə naula ah, " bə də nwa kai?" Yeso nau la ah, bi ah hyabən ka, bi ah chue yuang ka, bi ah inən ka, bi ah nahnən ku yivə kə nwa'iun ka. ¹⁹Də garə kə dama ɓai nama, ah yiɗi leivə bu gyangyih ma ɓaman kuma".²⁰Yimua yiɓui ɓə naula ah, " lei nəngnə hakpəm ɨng chuen niu aka ɓai? ²¹Yeso naula ah, " Nə dəman yiɗi bə ku hyilan, lya ɓa lei nəngnə mala ɓaukənə ah də kə leivənə yaung ɓaiukənə yang man chi nən chi ɗuiye, yang ka wu wa muachuam. ²²Nəngɓə yiɓui ɓə leeh nəngnə Yeso nah nə, uh pai səu ɓai yua ɓankərə, bisi uh la ɓai nɨng chinɨng kpala.²³Yeso nakə lei muang veu la, dəmin naɓala kə biagang, zhihyiun yivə nɨng chinɨng tavah ɗuiye. ²⁴Dəmin naɓa akala, zhiwau giroba ta ɓwa batal ku yivə nɨngchinɨng takə vah Fih.²⁵Nəngɓə lei muang veu leeh nəngɓə səɓi mualei dai ɓiurə ah, yang wan chi yuangrə?. ²⁶Yeso ɓalei nəngɓə nah ah, " Sə zayivən nəng ah zhirə, sə Fihn nən ah Zhirə leu. ²⁷Nəngɓə gwa naula ah, ah ɓa ɓi yi kon ɓaha ɓi muachua ma, ɓaɓin chirə?²⁸Yeso nalei ah dəmin naɓa biagangla, ttangsa ha fuh yi yivə kuku kaveu ah hinrə, ɓanə ɓa muachuam nə laɓə ɓan kuku kah ah hinrə hyua irəu na'iu, ai chue kita kə lei kavah la hyua irəu na'iu yua Israila.²⁹Yivnəha yivah, lei hyuim yiɓui, leivah yihei, dah, nah, lei yiu, kon hyua tangsa iying yang, wun mua bwatai səun mua bu hyunhyui irəu hyua ɓai hunrə anə təungnə. ³⁰Bisi kpala nachi wun myem chichuan myem, chichua wun myem ma nachi.

Chapter 20

¹Bisi vah a ɗuiye kuman yichue vah nə ieh nwaɗjuaɗi ta bə ɓabə leivə nwatsum takə fanəng vou nə. ²Chuasəu, u gwa nwa bə falei, lei chue nwatsum bə dinarri tsing fanəngɓi.³U fa u inəng fatai ɓi nadta tau chi lei chue nwatsum aka jin fam lomu. ⁴U nalei nah " ɓama ɓa ta fanəng ɓə, nəngnə ha hiyang min dəɓandə, nəngɓə ai ta nwatsum fanəngɓi.⁵U fau ta fah aka ɓi hyuintsung ɓai ɓi hyuanghyua, tau chi lei vaka jin fam u nalei la manəngɓə. ⁶U ibaifa aka ɓi hyua-irəutsing tau chi leivaka u nalei la ah, " ɓakə ɓa jin fam fih də bakərə? ⁷Ai naula ah, bisi yivaka yaung dəɓi nwatsum, u nalei ah ɓa ta fanəng laɓə.⁸Nəngɓə ɗungɗui chue, yichue fanəng ɓə ɗubu yivagang ɓa fanəng vou ah, ɗubu lei chue nwatsum nə a falei nwahem bnwatsum vai, baniu ɓai chua takə nachi.⁹Lei chue nwatsum anə ai dəlei nwatsum ɓi hyuairəutsing nə wu, wai mua dinari tsin-tsin. ¹⁰Nəngɓə lei chue nwatsum a nachi wu, dai ɓa ain mua avei kpala, leima ai dəlei dinarri tsing-tsing leiha.¹¹Wai mua wahem nwatsum vai ai baniu bə tata ɓai ĩng hyichue fanəng ɓə. ¹²Ai na aa, lei chue nwatsum a chichua nə, wai chue ɓi tsing nwa-nwatsum ɓwasəu, ah wu wa faɓə tsing ɓaleikə ɓinə ɓi nwa buchom nwafi nə.¹³Yichue fanəngɓə gwa nwa kə tsing tangsa lei ah, " ɗzuam" ĩng chue ɓa nəng-aɓai leu. Ɓi gwaha nwa ku dinarri tsin-tsinbg leu? ¹⁴A ɗənəngnə ma ɗə kə amanə a tatarəma. Ĩng yiɗi bə dəlei chue nwatsum a chichua nə, nəng tsing ɓai ɓakə.¹⁵Ĩng yaung ɓai samɓai nə min chue kə nəngnə ha yua də yiɗi ɓai nəng mii? Yua ɓa də ɓairə bisi ɨng dəɓa nəngɓə ihai? ¹⁶Manəngɓəng, leiva chichua ĩng myem kə leiva nachi, leivah nachi ɨng kə leivah chichua. Aka na a ain ɗubu leivə kpala, choni ain iekərə.¹⁷Nəngɓə Yeso də ta Urshalima, u ɗə leimmuang vou nə hua-iriu-na-iu nə bakai, lei ku bə tarə nəngɓə u naleila na. ¹⁸Ɓaɓa, dəɓi ta Urshalima, ain də yivən də kanah lei kunlau angah ɓaleivə samɓei, ain chueu kita bə hyabə la. ¹⁹Yang ain deu kana lei yuavah bisi ain chueu hyai, ain gɓau, ain piu səkai bunadta un ieh-ieh."²⁰Yang navə leiyi Zabadi wusə yeso ɓalei yiu a yiɓui na'iu wu ba duang hyua chi Yeso u ɓibə nəng aka chi Yeso. ²¹Yweso naula ah, " ɓa dəman yiɗi"? U naula ah lei yim a na'iu nə ku ɓei makə,atsing nali mai, atsing nami mai tangsa vah ɗuiye.²²Yeso gwa-nwa də na aa, " a ibə nəngnə dəman ɓibərənə leu, ɓan ba ɓang nwa tangsa lii ni dəmin tabə nwarənəng nwa? Ai naula aa "ɓin bəbba". ²³U nalei la aa məng tang liim ɓaang nwu-nwa kaagang. Bə ku naliim ɓai namim mi dəmin dərəleu, aveivə nə dam a ɗuiye ma.lei la nə. ²⁴Nəngɓə lei muang və Yeso nə huanə lii nəngɓə yualei ɓankə ɓalei hyuin nə na'iu nə.²⁵Yeso ɗubulei takə səu ta nalei aa, " ɓa ibə lei yivah kulei yuavah də ɓang leivə chue ku angah, leivangah hyua ɓə də tana sə leivə angah. ²⁶Bisi ba ɗzi manəngɓə tangsa ɓai wau, ɓənɓau, yivənəha də yiɗi mhyyem hinla yang u myem kə muangsem ɓa. ²⁷Ɓai yivənəha dəyiɗi bə myem nachi tangsa ɓai yang, u myem kə mongsem ɓa. ²⁸Kənwa anə yi yivə wu bisi wai chue sem veileu,bisi wu myem kə mongsem, u də hunru u yuang kə leivə kpala.²⁹Nəngɓə u pai u yi Jeriko, jun zayivə kpala muachuau. ³⁰lei gɓamnəng aka na'iu ku nwa nəngah, nəngɓə ai lii na Yeso də pairə, ai bwabu aa, " Yichuevah yi Dawuda, ɓa yiɓai ɓi. ³¹Lei jun zayivə ɓə ileikə də nalei nah, ai kəi, ai laha ai ikə wulei tsala nah, " Yichuevah yi Dawuda, ɓa yiɓai ɓi".³²Nəngɓə Yeso ɗzi bəbi ɗubulei nalei na "ɓa dəɓa yiɗin chue ɓala? " ³³Ai naul na " Yichuevah dəɓi yiɗi nəngɓi ɓabə." ³⁴NəngɓəYeso ɓa yiɓai vei tangsa nyi-nyiu, u tam na nənglei, dangla nənglei ɓai nəngɓə ai muachuau.

Chapter 21

¹Nəngɓə Yeso ɓa lei muang vou bappi Urshalima wukə Betafaji ka butai Zaitun, nəngɓə Yeso chum lei muang vou na'iu. ²Nalei na, " ɓata hyua han nə yang ɓan chi yi vamdein tsətsa bəbi ɓai alahoki kə səu, ɓa bilei ɓa wumkəla. ³Nə yivaka naɓa nəng akalabi səu yang ɓa nauyla naɓa yichuevah də yiɗi lei, yang dangla yivəɓən chum lein chum ɓai ɓaka. "⁴Susuenə wu aka, nəngnə lei ta nwatsum Fih nanə myem bi agang myem. U na ah ⁵Nakə yi a hyihei Zayonla, a ɓa yivah ma də wurə ku vamdei nən alahoki nə.⁶̇Nəngɓə lei muang və Yeso tatə chue kənwanə Yeso nalei lanə. ⁷Ai wukə vamdei ɓai aholaki ɓə ain yau lei nəng yasəla, nəngɓə Yeso chuin la.⁸Jun zayivə ɓə aka pyang nəng yasə vai ku nəngah, lei vaka ga yanka pyang ku nəngah ɓi.⁹Nəngɓə jun zayivə ɓə ochi Yeso ɓalei vanə hyauchuau nə də bwabə na, " Hosanna kə yi Dawuda la! barka kə yivə nə wu tangsa ĩng yichueva nə hosanna tangsa garə" ¹⁰Nəngɓə Yeso wu tangsa Urshalima, leivə vahngah yibə də narə na, " wa manəng mai? " ¹¹Lei jun zayivə ɓə gwa nwa ah, " ĩng Yeso nə, yi ta nwatsum və Fih tangsa Nazaret a Galili.¹²Nəngɓə Yeso ta kom gu Fih a gah, u nyam leivə nəha də lya ɓai nəngkə tangkom ɓi, u mem kasə leivə ɗzinəng ɓaleivə pyem nwaɓi ɓalei lya ɓai go kə, u ai kəta.¹³U nalei na, " ai vi yang " Fihn ɗu vam kə vah gu Fih; ɓa wu ɓa myem kə vahvei nəng ienəng. ¹⁴Nəngɓə lei gɓam nəng wusə tankom gu Fzih a gah ɓi wu də lei larə.¹⁵Nəngɓə lei kunlau angah ɓalei və samɓei ɓa lei nəng chue səɓi nə u chue nə, nəngɓə ai fa ai lii lei muang ahan tankom gu Fih ɓi də bwabə də narə ah, " Hosanna kə yi Dawuda ha, "Yualei ' ieh ɓankə gaala. ¹⁶Ai naula ah, a lii nəngnə leivənə də narə nə yang? Yeso nalei ha a, " oh! ɓa zamleu tangsa nwa lei muang a han, ɓalei muanə də umi nə ɓan lii bə kãbə abəgang ha?" ¹⁷Nəngɓə Yeso yilei bəbi pai yi hyua ɓə ta hyua Betaniya ta lue bəbi.¹⁸Nwaɗzuaɗə chue, u fa u wuka vah angah ɓə, dəu vom də hyaurə. ¹⁹ Bə ɓarə kavai ji nwa nəngah, u tasəu ta chi chirəu leu, yanka ɓwasəu, u nakə kaɓəla ah, " bi a chi akang ka ka'ing" Tanghyua kavai ɓə chi bəbi.²⁰Nəngɓə lei muang vou ɓanənɓə səɓi mualei dai narə ah, " ɓakə kavai nə chi dangla?" ²¹Yeso gwa nwa də nalei ah, " biagang dəmin naɓala, nə ɓala ɓai bə ɗzi nyi-nyi tsala bə nyibi aka yaung tangsa ɓai yang, ɓan chue nəngnə ɓwasəung chue sə kavai ni leu, ɓan nakə tai nəla, naɓa ' u ɗu u oh wam, un chuchue. ²²Nəngnəha ɓa gu tangsa bə gu fih, ɓa ɗzi nyi-nyi la, ɓan mumua'.²³Yeso wu tangsa kom gu Fih angah ɓə, lei kunlau ɓalei vangah vai zayivə wusəu dəu nyilei nasənəng dai narə ah, samɓei aka dəman chue kəlei nəngnə, ɲwa da samɓei ɓəi? ²⁴Yeso gwalei nwa la ah, " mima min biaɓa aka tsing, nəɓa namlang, kən naɓala kon wa dəm samɓeinə dəmin chuekə lei nəngnə.²⁵Bə hueməng və Yohanna wulang pai? Wu ɗuiye ko wulang səleivə? Ai naha bi tangsa lei a, nə ɓi nanakə wulang ɗuiyen, yang u nana ɓakə ɓi ɗzi nyi-nyi səu leu? ²⁶Nə ɓi nanakə lang sə zayivə yang ɓi ɓiɓi jun leivən, bisi dai ɓa Yohanna kə yi ta nwantsum və Fih. ²⁷Nəɓə ai gwa nwa kə Yzeso la ah, " ɓi ibə leu". U nalei laɓə ah, mima ĩnba naɓa ko ɓai samɓei aka dəmin chuie kə lei nəngnəu.²⁸Ɲɓatsing dəɓa kemrəi? Yiɓui aka la ɓalei yi a yiɓui kə na'iu, u tasə yivə nachi tau nau a, " Yim" tatta chuem nwatsum la lyani fanəng. ²⁹Yiuɓə gwa nwa a ĩnban tau, chuasəu nyi-nyiu wu lau leu, u ieh u ta fanəng ɓə. ³⁰Nəngɓə yiɓui ɓə tasə yiu a nəng na'iu, tau nau nəng atsig la. U gwa nwa a rən təta nəngɓə u ta leu.³¹"Tangsa lei muang ni na'iu ĩnyivaka chue nəngnə davei də yiɗi ne?" Ai nana yiva nachi, Yeso nalei la a dəmin naɓala, leivə mua nwaɓi hyua ɓaleivə chue yuan fam wun ta vavə ɗuiye dokə ɓa. ³²Bisi Yohanna wusə ɓa tangsa nəngah gang, nəngɓə ɗzi ny-nyi səu leu. Leivə mua nwaɓi hyua ɓaleivə chue yuan fam ɗzi nyi-nyi lei səu, nəngɓə ɓaha finəla ɓa ɓakə nəngnə, ɓalabə tubi ɓan ɗzi nyi-nyi səu.³³Ɓalii ɗzum aka, yiɓui akala unyichue fanəng, u bya nəng fanəng, u kwai nwau hinla, u mi ɓwa kom məng inabi tang fanəng ɓi, u mi kom ɓafanəng, nəngɓə u ɗzi kana lei nəng lanəng aka. U paiu ta hyua aka. ³⁴Nəngɓə vibə iekənəng nwabəm bappi, u tsum lei mongsem aka səlei nəng lanəng ɓi ai ta ai wurə kə nəng nwabəm ɓəla.³⁵Nəngɓə leivə nənglanən ɓə deilei mongsem ɓə, gɓa yivaka, hya yivaka, aiwa yivakaa ɓai tai kə. ³⁶Yichue fanəng ɓə fa tsum lei mongsem aka paisə leiva nachi, nəngɓə lei nənglanən ɓə ta chue kənwa nachi. ³⁷Chuasəu, yichue fanəngɓə tsum yiu ɓai nau kə səlei nənglanən ɓi, dəu narə a lauka ain də garə kə yirə ɓəndə.³⁸Nəngɓə lei nənglanən ɓə ɓa yiu ɓə, ai nakə hala tangsa lei a, yivənə kə yivə muanəng davou nə. Wu taɓi hyau ɓi ɗzi ,kunəng və davou ɓi. ³⁹Nəngɓə ai ɗəu ai wakəta baifa fanəng ɓi ai hyau.⁴⁰Susuenə, nə yichue fanəng nə wunɓa, ɓaun chuekə lei nənglanən nei?" ⁴¹Ai naula na, " wun də yiɓai kəlei nənglanəngnə kangah, yang u ɗə fanəng ɓə u də kana yivə nənglanəng aka, leivənə ban deu nəng nwabəm ɓəndənə nə visəu wuyang".⁴²Yeso nalei a, ɓa zam leu tangsa bivə Fih? " Tai nə lei nəngminəng lanə, wu myem məng kə tai a bəgang yang, nəngnə wusə Fih, nəng chue səɓi səɓii?⁴³Manəngɓən, dəmin naɓala, ain ɗəvah Fihn naɓai ain dəkə hyua nə iekə nəngsəun ienə. ⁴⁴Yivənəha ohkutai ni un uwa tangsahai yangsangni, yivə taiɓə ohku, ĩn namunnam.⁴⁵Nəngɓə lei kunlau angah ɓalei vangah lii ɗzum veu, ai ibə dəu nabi ɓaleikə. ⁴⁶Dai yiɗi bə muarə, nəngɓədei ɓiɓi jun zayivə, bisi dai ɗəukə yi ta nwatsum vəFih.

Chapter 22

¹Yeso lein dzum aka nalei kẹ bi la'ah, " ²vah duiye lan man yivaka ne chue jinyi be java kə yiu a yibui la ³U tsum lei mongsem veu ta dubu lei vene ai gaichelei ne wu fah aure, bisi eih ba eih wu?⁴Yiivah fa tsum lei mongsem veu aka de nalei ah, bakə leive ne ai gaichele ne, naba- ai ba, ing chue lei bi ningtang lan, lei hyuim ahn gah ing hyalei la, lei nengbe ha kula, dəmin milei kərə fa bə jabə ɓi."⁵Manenɓəng, ai ji nyi-nyi lei səɓileu, ai mua nengah vai ai pai nengvai, yi9vaka ta faneng veu , yivaka ta nwa be lya bai nengveu. ⁶Leiva ka mua lei mongsem ve yivah de lei neng chue siku lya lei. ⁷Yua yiva be banke , nengbe tsum lei ve sambei vei ta hya leive bebi chom hyua vei.⁸Chuaseu nengbe, uh nake lei mongsem veu bela ah, " ai tenke be shiri aure ben amma lei ve ne ai gaichele ne kemleu./ ⁹Manengbe, ba ta ku nengah ta ba leive kpala wu fa be java be. " ¹⁰Lei mongsem be ta ku nengah angah ta gem leive eih chine chuahai, leiva begang balei bai ta tankom be jabebe nengbe ai yi kedui zayive ai dubulei ne.¹¹Nengbe yivabe wu tangsa wu de ba lei duwai ne, ai dubu lei ne, wu ba yibui aka tangsa lei ya neng yase buki beleu. ¹²Yivah be na'ah " dzuam, ah chue uhn a wu tangkom buki ne, neng yase buki be yaung bai makai? Nengbe yibui be kai nabi akaleu, bisi uh ibe nengne uhn narene leu.¹³Nengbe yiva be nake lei mongsem veu la ah" Ba tsa yibui ne bai kabu, ba wau tangsa bedzi bane uhn tata la bai be nau iune." ¹⁴leive kpala eih dubu amma chuani ain bui tangsalei buaseu.''¹⁵Chuaseu nenbe lei farisi tei kwaha nwa ne ain chue ain mua kabu Yeso bai biveu ne. ¹⁶Ai tsum lei mong ve Yeso seu chuahai balei Hirudiya. Tei nake Yeso la ah " yive nyina neng, bi iben man yive abegang, deman nyina se ningah ve Fih begang, deman li bivei ve la kuma a tana se be tsaku tangsa lei ve wau. ¹⁷A nabila, ba deman kemre? Hinhiu ai fa nwabi hyua kaisar ko bibe fan ka ?''¹⁸nengbe Yeso ibe nyi-nyi abai vei dangla nalei la ah" bake deba bangrei lei na nwa'iu? ¹⁹Ba tamnase nwabi ni debfa fake hyua ne; nengbe ai ike dinarri ai tau nala.²⁰Yeso nalei ah, " kwane bai iying wai? ²¹Eih naula ah , Kaisar. Nengbe Yeso nalei la ah, ba deke kaisar lei nengne ke ave kaisar ne, ba deke Fih lei nengne ke ave Fih ne. ²²Da ai li nengne, sebi mualei nengbe eih yeu bebi ai pai ne ngvei.²³Tangsa fibi nengbe lei Sadukiya aka ne nah ah iere yaung ne wuse Yeso wai biu. ²⁴Dai nare ah, " Yive nyinaneng" Musa na ah ne yibui bui ne lei yiu yaung yang, lei yuin a yibui ing dza heiu yang ai chiu yila.²⁵Lei hyuaha ka hyui'iu, nawachi be dza yihei nengbe bui yilei muang leu, uh yi heiu ke hyuiu a tsing . ²⁶Yiva neng na'iu baka kenwa nawachi, manengbeng yivah ah nadta labe chue ha wuke leive hyui'iu. ²⁷Chuaseu kpem, yihei be wu bui. ²⁸Ne fi ieren ba ing hei wa tangsa leive hyui'iu ne? Bisi lei ha dzau yang."²⁹Amma Yeso gwa nwa lei ah, " balang don baibe bifi kon sambai Fih leu. ³⁰Taangsa be ire bibe dza be kon be de yihei be dzabe yaung, benbaiseu lei malaiku duiye.³¹Amma ke bibe iere veive bwa, ba zam nengne Fih nane leu ah. ³² Mike Fih ve Birayi, fih ve Ishaku , bai Fih ve Yakubu? Fihn Fih veive bwa leu amma Fih veive hunre''. ³³nengbe jun zayive leeh nengne sebi mua lei bai be nyina neng bi.³⁴amma da lei Farisi li Yeso pai lei Saduiyan eih gem kulei bayi tsing. ³⁵Yiva ka tsing tangsa lei, yive chue kita biu bi de bankere. ³⁶Ah yive nyinaneng, bake bi angah tangsa lei doka hakpem ha?".³⁷Yeso naula ah, " yidi yichuevah Fih ma bai nyi-nyi ma, bai hunre ma , bai hakilo ma hakpem. ³⁸Nengbe ke nachi doka angah.³⁹Doka a neng na'iu la mang a nachi-yidi yive bju gyangih ma mang kuma. ⁴⁰Kulei doka na'iu ne nengbe kita bai lei yi ta nwatsum Fih mua.⁴¹Bi lei Farisi gem bayi tsing, Yeso bilei bi, ⁴²Ah, '' ba deba kemre ku kristi? Uhn yi wai? " Ai gwa nwa a uhn "yi yivah Dawuda''⁴³Yeso nalei ah, '' uhn Dawuda tangsa kwang de duke yichuevah de nare. ⁴⁴Yichuevah nake yichuevam la ah ku nam ma nalii ne ha gai ne ing myem ke leive leeh bizhibe ma ke be tam bumai?⁴⁵Ne Dawuda de du kristi yichuevah veun, bbakke wu myem ke yi Dawuda? ⁴⁶Yive yaung gwa nwa bi tsing, bebi yivaka yaung sake be nabi bebi tun fibela.

Chapter 23

¹Nengbe Yeso nabi ke lei jun zayive balei muang veu. ²uh na ah, " Leive sambai balei Farisi ku tangsa kave Musa. ³Manengbfen nengne ha eih naba la ah ba chueng, chuelei ne ban balei kere, amma biba nyiwa neng chue re vei ka, don dai nabi amma ai chue wau.⁴Oh, dai tsa lei neng ane muila zhi be derene yang ai dzi lei ku dzue zayive, amma lei bai nalei eih ba eih de nwanen hyuane lei eih dekeu. ⁵Dai chue lei neng ha ke zayive la balei, dai ma jiba kampel vei painla, dai paing nase nwa neng yase vei.⁶Dai yidi be nyue vah biki bai be ku be nye tankom guh Fih angah, ⁷Bai be dzambe agang lomu, eih yidi zayivfe dangah be duilei ke yivfe nyina neng.⁸Amma eih ba eih duake yive nyinaneng wau don mala bai yive nyinaneng tsing bwasu bai hyuima a yibui. ⁹bia duiye yive aka fangwam ma dan ka don mala bai da tsing bwasu kuma uh duiye. ¹⁰Ko eih duake yive nyina neng don yive nyinaneng tsing bcwasu nengbe ke Kristi.¹¹Yive gala tangsa bai h wun myem ke mongsem . ¹²Yive neha gah ku yang eih mhyem muke kahang myem, yive ne takeku ke hyua yang, uhn chi garen chi.¹³"Hyake bala leive sambai balei Farisi lei nawa'iu bi Fih, balan vah duiye chua zayive don ba tala bai naba leu kon ba yilei ve ne de yidi ba tala, neba tala leun. ¹⁴Hyai leive sambei balei Farisi, leive na nwa'iu bi Fih deba chue vavei lei hyeibui ke nwammim, deba tana se be guh Fih a vire, bisi lei nengne ban mua be yanwa kangah. ¹⁵Hyai ke bala leive sambei balei Farisi, leive nawa'iu bi Fih, de bata gwam wam bai hyua ke deba chi yive muachua tsing bwasu ne ba chiyang de myem mu na'iu ke yidua kenwaba.¹⁶Tengbaken ba leive muabe neng bwamre deba naba yive ha hyui neng bai tankom guh Fih ahn gah neng aka leu, amma yive ha hyui neng baitai hyumre tankom guh Fih ahngah, uhn tsa sebe hyuinen bi. ¹⁷Balei wawa balei neng-gbamneng, aka kan gah, tai ah hyuimre kon tankom gu Fih ahn gah ne myem ke tai a hyuimre be gahla ne?¹⁸Bai yiveneha yuineng bai bagadin nen aka leu, ama yivene yuine bai neng deneng kunen, uh tsaku yang se neng yuinen bi. ¹⁹Ba lei nin gbamning kan gahneng deneng bai kon bagadi ne myem neng deneng be gahla ne?²⁰Manengbeng, yive ne yuine bai bagadin, yuinen baukang labe bai nengne ha kunen. ²¹Yivene ha yuingen bai kom gu Fih ahn gahn, yuinen bai uhken labe bai nengne ku kuneng nen. ²² Bai yiveneha yuinen bai duiye, yuinen bai kah kure ve Fih yang bai kane uh kukunen.²³Tengbaken leive vine balei Farisi, leive na nwa'iu bi Fih, deba deneng-deneng tsing tangsa hyua bai yeure, bai Karkashi. bai lamsur amma ba wa bi ah gah ne muela tangso ne ketang, wato be chue hukunci, be ba yibai bai be dzi nyi-nyi, amma lei nengne hyihiu ba chue bawai ba yilei vaka eih chueleu ba. ²⁴ Balei neng gbamning tana nengah deba ieh burtsar bai kwaro bai mitsil, amma diba mi bwa.²⁵Tenbaken leive nen abai Farisi, lei na nwa'iu, deba lo chua kofi bai taseu amma tangseu yike be yidi ku bai be chue mugunta. ²⁶Lei nen gbamning Farisi, lo tangsa kofi bai taseu be nachi yang ke labe chuau be myem.²⁷Tenbaken leive nen bai lei Farisi, lei na nwa'iu, bala man lei lo chua yilang hinla amma tangseu kuku leive ne buene balei nengne ha hiwaune tangseu ²⁸Tangsa nengah tsing ba ma baifa ba,ba ieh hinla ke leive la, amma tangsa bai, ban lei na nwa'iu ba lei chue neng-abai.''²⁹Tengbaken leive neng balei Farisi, lei na nwa'iu, don deba mi bwa kelei ta nwatsum ve Fihla bai be ma bwa veiva begang. ³⁰Ba naba neha bi kung vivei dabi ilang da bi ba ta tangsa bi eih hyui lei ta nwatsum ve Fih chuahai balei keu. ³¹Manengbeng deba nabi ke kubala naba ban lei yilei vene hya lei ta nwatsum ve Fih.³²Bafa ba yiku tangseu neng neneng vei daba ah ilang. ³³Balei dzeu balei bya nuam, ban chue uh ban iekeh na kita dua?³⁴Manengbeng, ba de mən tsum ba lei yi ta nwatsum mi la, balei ve ibənəng baleivə nəng. Leivaka ban hyalei babe pilengpi, leiva ban gbalei bai yuaka tangsa kom gu Fih ban elei ban iekeh baifa tangsa hyua ban wuke hyua. ³⁵Bawatai siu nengbeke hyui a begang ne ba hya fangwam ne ing ji lang kuba, baneu ku hyui yiva begang Bila takesi Zakariya ah yi Barakiya leive ba hya tangsa kom gu Fih bai bagadi ne. ³⁶Bi agang demin nabala, lei nengne ha ing wuwu ku fangwam ahne.³⁷oh, leiva Urshalima, bane ba hya lei yi ta nwatsum mi bawa lei eih tsum sebai ne, bu na'iu demin yidi ke be gem ke yiba bayitsing, kenwa yanda yei de gem ke lei yiu tangsa katsaiun, amma ba yidi wau. ³⁸Ba ane eih yiba vabala yayare. ³⁹Bisi ing naba la, ba bamu baniu susueneun ha sai ba na naba, neng-agang ave yive ne wu tangsa iying yichuevah ni.

Chapter 24

¹Yeso ieh baifa tangkom gu Fih muang nengah veu de pairi lei muanveu wusiu wu de tau nase kom gu Fih bi. ²Amma Yeso gwalei nwa nalei ah, " baba lei nengne ha leu? Bi agang demin nabala, tei aka yaung ne ieh yeuku hyua ne eih ba eih deu ne.³Nengbe uh mkuku tei Zaitun, lei muang veu wuseu tangsa yueri wu naula ah, nabila, deu lei nengnen chuere? Ba ke alama wure ma bai tangre fangwam mai? ⁴Yeso gwalei nwa nalei ah, ba chue hakilo bi yive luiban ka. ⁵Bisa leive kpala ing wuwu tangsa iying wun nabala ah, lei ke kristi, yang ein lui leivve kpalan lui.⁶Ban li bi bui li, ane bapi ne bai ane chuila ne, bi nyi-nyi ba bibing ka, bisi lei nengnen chuesinchue, amma ladda tangre fangwam wuleu. ⁷Leiven gem kulei ein takə bui kəlei və akala, lei yivahn iehku lei yivah, ein chue vom chue, hyua ieku hyua ko baiha. ⁸Lei nengnen chue nachi, amma bəbaniu, ɓaman yihei ne baniu bə li zhire deuke uh chi uh chi yi.⁹Yang ein deba kana leive, nen deba yibai ne hyua barene, zayive lanbeng la bi iying. ¹⁰Zayive kpalan zizam eih fim nwahaeih yidi hyuihau. ¹¹Leive na nwa'iu bi Fih ing eihn bangke leive kpala.¹²Bi neng-abai fyifi, bə yidi be vaive kpala ɨng tətahn. ¹³Amma ne yivene tsa nyi-nyi takə təngrəu uhn chi hunrən chi. ¹⁴Bi vamh duiye nə eih nauna tangsa lei ve fangwam hakpem sai uh myem kə sheda kə fangwam lahakə təngrə fangwam wu.¹⁵Manengbeng ne ba ba lei nengne hiuneng, bai ane de banki nen, Daniel yi ta nwatsum Fih na neng dzi tangsa dzum be gahla" (yive zamereu ibe), ¹⁶Bari leive nge ku tangsa Yahudiya ni hyui ta lei kutei. ¹⁷Bari yive ni ku kuvei ni bi chuihyua ta de neng aka vavein ka. ¹⁸Lanbe bari yive a fah ni bi fa ta de neng yase veinka.¹⁹Amma tənkə leihei nə leimuang nanə ɓa leihei ne bde dəmi kə leimuang nə vi ɓing, ²⁰Ɓa gu Fih bivə dzunn nə oh nwahyukwang dai nta duig ka kon fi satin ka. ²¹Don yebai la kangah , iri nə eih chue irleu baneu vi fangwam ha wukə susuenə, ohoh, eih baeih chue ireu akau ha.²²Nə lei viɓi myem chuanə leung, sə aka yaung chi hunrəu. Amma bi vei vini eih ɗubulei neng viɓi eihn rageun frage.²³Nəngbə nə yivə nəha naɓala ah, ba kristi neng kon kristi lang bi ba dzi nyiu-nyi lanka. ²⁴Don lei kristi abai ba lei ta nwatsum Fih abai ɨng wuwung chue lei neng chue sebi kangahn chue ne chue bake ban yikə nəngam nə, nə chuechue ma ha balei vimnə đubulei nə. ²⁵Ɓa ing onachi naba lang bai nəbikə.²⁶Manengbeng, ne nei naba la ah bau uh lan bunvu, biba iehfa ba gta bunvun ka kon baba uh lang tankom ming bi ba dzi nyi-nyi lang ka. ²⁷Don bama dua gare gahke daga nahyua ha takə ka taing manengbe yi yive wukere. ²⁸Bənəha hyem ma ɓuirə lang bəɓə ma ɓa lei za gemla.²⁹Chuenə chua lei yiɓai vilei ɓing fi ah juirə ɨng badzi ban, hyuhyum ba de gahreveu wau, lei dzing ing uhoh daga duiye, sambei duiye king hyiyeu.³⁰Yang ke alama yi yive ing iehieh ku duiye, yang lei nwa fangwam ne ha ing bazi ba. Eiɓa yiyivə də wurə ku chi duiye bai sambeki bai hinre gahla. ³¹Uhn tsum lei malaika veu bai wui chombwa gahla, eihn gem chuahai, baniu si tengre duiye a tsing takə ah tsing.³²Ɓa tsanyi, ɓa nyinən sə kavei ha nə lei kanau iehn, uh baniu be chue yankang yang be chirə veu bapping. ³³Manəngɓəng nə ba ba lei nəngnə hang, ɓa ibə wurə veu bapping, lang htang nwakom.³⁴Demin naba biagang la, lei bia nə wun pəpaipei kpəm kə le nengne wu chuesə. ³⁵Ɗuiye ɓai fangwam wun pəpai, amma bi mi pai wau.³⁶Yivə yaung, kon lei malaiku duiye kon yim ibe fih kon vi ne lei nengne chuese, Dahbi Fih bwaseu ibe.³⁷Kə nwa yabdda vivei Nuhu la, Manəngɓə wurə və yi yive la. ³⁸Don vilei ne paikə nə kamin bwamrwe wuke dai tangre dai nwari, dai dza yihei rə dai dai də leihei ɓai dzavah ha wuke vine Nuhu takə tanfu nə,. ³⁹Eih ibe neng aka leu ha ming gbamre wukə wu pailei kəhanə, Manengben wuri ve yi yive la.⁴⁰Nengbe leibui na'iu ing dzi fahnəng eih ɗə yive tsing . ⁴¹Leihei na'iu də namnəng eihn ɗə yivah tsing eihn yi yivah tsing. ⁴²Manengbeng kubai nakə don ɓa ibə vi aka yichuevah ɓən wukərə.⁴³Amma ba ibe nengne, ne ha ychuevah ibe bi bai nvine lei neng iehneng di wukere nen da uh kubai nie keng don uh ba uh yi vahveu lei neng iehneng odwa wau. ⁴⁴Manengbeng ba kubai nie kə, don yi yive ing wuwu tangsa bi ne ba dzi nyi-nyi laleu ne.⁴⁵Nengbe, wa kə mongsem dzi nyi-nyi bai bə ibə nengne yichuevaveku dzi ku vaveu nen delei kə nengtang ku bi begang hyai? ⁴⁶Barkan ave mongsem ɓə nə yichue vaveu wun chiu deu chuere neu wun. ⁴⁷Bigang diming nabala yichuevah ɓə wun dzeung dzi ku kom vu hane uh la beukənə.⁴⁸Amma ne mongsem abai na ah yichuevam ta chuau chung, ⁴⁹Nengbeu uh baniu be gba niulei hyuwu mongsem, uh ta uh wa mim chueng. ⁵⁰Nengnbe yichuevah ve mongsem abai iehwu finela uh ibe leu. ⁵¹Yichuevah veu wun tsum mu yangtsang-yangtsang myem mu kəndwa lei nah wa'iu bi Fih, bənə uhn tata bai be nam ieh lanə.

Chapter 25

¹Vah ɗuiye la man lei mua yihei hyua nə də la ɗua kivei tatə chi yiɓui dza yihei fuh nə. ²Nahyu tangsa leivə yiurəleu, nahyu leivə yiure. ³Bisi lei mua yihei nayũ a yiurə leu ɓə ɗə ɗua kivei de nue leu. ⁴Amma lei mua yihei yiurə d ənue na tangsa neng eihreu bai ɗua veinah.⁵Nəngɓə yiɓui dza yihei fuh be wu yemla leu, dadai leeh nenglue nengbe eih lue-neng-lue. ⁶Nyinying nvi tala ieh ah ba, yibui dza yihei fuh! ta fah tei ba chiwu.⁷Nəngɓə leimua yihei ɓə ieh ɓai ɗua ki vei. ⁸Leivah nə yiurə vei yaung nə ieh də narə ah, ɓa dəɓi nũĩ la bisi ƒɗuaki ɓə tabə muirə. ⁹Amma lei mua yihei ah yiurə ɓə gwalei nwa ah, tunda nũĩ ɓi ba loɓi ɓai ɓakəu ɓa pai ɓa tasə leivə lya ɓai nũĩ kə ta ɓa lya kə kuɓa la.¹⁰Nəngɓə eih pai eih ta bə lya nũĩ ɓə, yiɓui dza yihei a fuh be wu, leive chue kubei nyi kənə ta bai uh ke tankom bə dzabe ɓə, nengbe eih lam nwakom ɓə. ¹¹Chuasəu lei mua yihei fa wu langɓə ah yichuevah-yichuevah a ɓai ɓi la lang ɓə. ¹²Amma uh gwalei nwa ah, bigang demin nabala ing iɓa leu. ¹³MNanengbeng ɓaɓa, ba ibə vi kon ɓi ɓəleu.¹⁴" Bisi laɓaman yibui aka de tabə ta hyua aka, uh ɗubu lei mongsem veu aka uh ɗəu nəngchinəng. ¹⁵Yivah ka tsing uh deu talents nahyũĩ, yivah ka na'iu, yivah ka tsing, kon wani tyivaka mua nwaɓi nə uhn bəba nə, yibui ne mua nengah duawai veu. ¹⁶Yivah nə mua talents nahyũĩ nə tatə myem kə kanau chikə talents aka nahyũĩ ku.¹⁷Manengbbeng, laɓə yivah talents na'iu chue uh chi aka na'iu ku anə uh mua nə. ¹⁸Amma mongsem anə mua talents tsing ta nengnveu tau ha bua uh yue nwaɓi və yichuevah veu la.¹⁹Chuaseu chila yichuevah vei mongsem fa wu ɓilei bi nwaɓi ɓə. ²⁰MONGsem nə mua talens nahyũĩ nə wukə mɨng ku nahyũĩ, uh na ah yichuevah ah dəm talents nahyũĩ a ɓa ing myem kanam ing chi aka nahyũĩ yang. ²¹Yichuevah veu naula ah sakko mongsem mi a bəgang, ah chue nəng hinla ɓai nəng chuenə kanə min dza kunəng kpala, ta tangsa mam ɓai larə.²²Mongsem nə mua talents na'iu langbe wu-wu nah ah,yichuevah, a dəm talents na'iu, aɓa, ing chi aka na'iu yang ku. ²³Yichuevah veu naulah, ah sakko mongsem mi abegang ah chue hinla yang ɓai nəng chuani min bamin dzangdzi kunəng kpala, ta tangsa mam ɓai gɓaĩrə və yichuevah ma.²⁴Nəngɓə mongsem anə mua talents tsing nə wu-wu nah ah yichuevah ing ibə yang man yiɓui a zhirə. Də man gem bənə ah bia la leunə. Deman ɗuirə bene ah wui leunə. ²⁵Dəmin ɓiɓi nəngɓəng tatəng yue talents ma hua. Ba mua nengne amane.²⁶Nəngɓə yichuevah veu gwa nwa də naula ah ma mongsem nyi-nyi aɓai ɓai ɓairə ah ibən dəmin gem bənəng ing biala leune, demin dui bene ing wui leune. ²⁷Manəngɓəng daah də nwaɓi kə lei chue nwatsum dzi saide də farə nəng min chi məng kung chi.²⁸Manəngɓəng ɓa ɗə talents ɓə nau ɓa dəkə yivə talents hyua nə. ²⁹Bisi yivənə ha chi kpalang eih deu akan də kpala, amma yivənə chi kpala leung anə nauni eihn ɗəɗə ma. ³⁰Ɓa wa mongsem ahn fam tangsa bədzi bənə uhn tata ɓai bə nam ieh lanə.³¹Nə yi yivə wu tangsa hinrə veu ɓalei malaika veung, yang wun k kuka ah hinrə beu. ³²Chiwu fangwam han gəmla yang wun tsa leivə səhai, ɓamang bi leim nəngɓanəng də tsakə lei nəngbungam səlei nəngbu ɓi. ³³Uhn dzilei nəngbungam naleeh amma lei nəngbu ɓi nami.³⁴Yang yivah ɓə ɨng nakə leivə la naleeh veu nə ɓawu ɓanə ɓa chi barka na dam nə ɓaku tangvah eih maɓa la banəu və fangwam nie. ³⁵Don dəmin leeh vom ɓa dəm vam məng leeh ɓa dem məng nwayang vi anə dəmin leeh leng nə. Nwukə ɗuawai vaɓai ɓa muang ɓa takənvah. ³⁶Dəmin yiɗi nənyasə ɓa dəm yang. Nleeh larə leu ɓa dəm ta'nh yang. Milang takom bursəna, ɓa wu səm yang bəbi.³⁷Nəngɓə leivə nə Fih nalei a lein leivə agang ai na'nah, Yichue vah, nɗeu ɓiɓa dəmang leeh vom nəng ɓə ɓi da nəngtang? Nɗeu leing hya nəngɓə ɓi da mənɗeu a nwa? ³⁸Nɓiɓa kə ɗuawai nəng ɓə ɓi na nakə a wjuh vahɓi? ³⁹Nɗeu a leeh larə leu ko malang bursəna nəngɓə ɓi tasə mai? Ɓi kem nəng tsin leu tangsa a na'nəma ɓi chue lanə. ⁴⁰Nəngɓə yivah nnaleh ah, biagang ɓə kə na chue ke lei hyuima nə lah ma chua hai ɓale kənə ko leivə yau ɓai nəng aka səmai, a chue kə mila.⁴¹Nəɓə uh myam uh nakə leivanə nami ni, ' ɓaleivənə nə Fih iɓaleu nə, pai bəni a taɓakə angsa ɗuanə eih makə shetan laɓalei malaika veunə nəngɓə kə bə kurəɓa. ⁴²Bisə dəmin leeh vom ɓa dəm nəngtang leu, dəmin leng ɓa dəm məng leu, ⁴³Min ɗuawai ɓa də bə lueirə leu, ɨg leisəmfam ɓa dəm nəngyasə laleu, ɨng leeh larə leu ɓai ing ku tangsa bursəna ɓa falə ɓaimkə leu.⁴⁴Yang eihn gwa nwa eihn narə ah, yichuevah, ɗeu ɓiɓa ɓai vom ɓi da vam leu kon leng ɓi da məng leu, kon ɗuawai ko a lei səman fam ko a leeh larə leu, kon tangsa bursina nəngɓə ɓi chue la leu? ⁴⁵Yang uhn gwa lei nwa uh narə ah, biagang dəmin na ɓala nəngnə ɓa chue kə lei hyuim nə laleung ɓa chuem laleu laɓə. ⁴⁶Ɓanə ɓa pai bəni ɓa ta tangsa ɗua ahnə ka'ing amma leivə biagang ing hunrə ka'ing.

Chapter 26

¹Nəngɓə Yesu tənkə leibinəha, unakə lemuangbula' a, ²Ɓa ibəng tangsa bu na'iu nəntsa bəhyarə də wurə, lanfə ain də yi'yivən də ain pirə"³Tangsa viɓi, nəngɓə lei kunlau angah ɓalei vahan bəbi gəm bayitsin tangsa fa vei kunlau angah ni dei ɗu'a Caiaphas. ⁴Ei-nabi chuahai ku bə hamrə Yeso ain hyarə. ⁵Dei narə' a, lan tangsa nəngtsa nələou, bi bwabə ikpala tangsa leivə.⁶Kanə Yeso lang Bethany tangvavə Saminu leinblainə, ⁷Nəngɓə u leisiu səkai, yihei ɓəlawu ɓei ui seidei tangsa ku veu nəngɓə u' ei nui ɓəla ku. " ɓatsaing ɓan dəmrə ndəɓa kə u? ⁸Da leimuangbu ɓa nəngɓə yuale ɓankə, ai na'a, "batsing ɓeibə ɓankənəngnə? ⁹Nəngnə ko ai lyaɓəukə tangsa seidei aidəkə lei chueyiɓei".¹⁰Yeso ibən, u nalei la a, ɓatsəng kə dəɓa səng yihei nə? U chuem nəng-agang lang. ¹¹Vinəha ɓala chuahai ɓalei chue yiɓei, nəngɓə vineha ɓacim'mu!¹²Da u nunui səm ɓama u ibən dəmin taɓə ɓuɓui. ¹³Bi-agang dəmin naɓala, bəneha bivə Yeso talaha fangwam nəngnə yihei nə chuenə ain nabisəunna deukə luekə iying."¹⁴Nəngɓə tsin tangsa hyua iriu na'iu, iung Yahuda iskarioti, utasə lekunlau angah. ¹⁵U na'a, "nɓatsən ɓan dəmrə ndəɓa kə u? nəngɓə ai gwala a ain deu zkinari pamli. ¹⁶ tang hyuaɓi uɓabə kə nənghyanə udəlekə u.¹⁷Nawaci bu nəngtangnənyisti yaung leimuangbu wusə Yeso ei na'a, " Patsing dəmanyiɗi ɓicue nəngtang-hyarələ" ¹⁸U na'a, " ɓata ɓəngvə sə yiɓui-aka banəu naɓa, 'yivə ninasənəng na'a, " Vim ɓading. Minku tangvanmai tangsa hyarənə ɓaleimuangbum". ¹⁹Lemuangbu cue nəngnə Yeso nanə, ei-yui nəngtang bəhyarə.²⁰Ɗəngɗui cue, uku bətangnəng ɓa leimuangbu hyua iriu na'iu. ²¹Nəngɓə ei tənkə bə tangnəng, u na'a, " Biagang dəmin naɓala, Tsing tangsa ɓai nlyamlya ." ²²Səɓi mualei tsing-tsing, ei baniu bə ɓiurə, mileula yichuevah?"²³U gwa'a yivənə banəa tangsa litsing ɓemkənə, ukə yivənə unlyamrənə. ²⁴Ei'na yiyivən ɓuɓuii bisə nǝngnə bi və Fii nakə kum, dəmin naɓala bə nwa yiɓeila sə yivənə tanasəm kəlei buem muam nə, ncuei kə yivə ɓəla da bi ein ciuka. ²⁵Yahuda yivənəng dəkə Yeso nə, ɓi Yeso a mii yivə nyinasə nəng? Yeso nau'a, "Anang ɓei nama".²⁶Nəngɓə dei tangnəng, Yeso ɗə fəƒəm, ɗəɓə gu Fii ku, uatangseu. U dəkə lei muangbu u na'a" ɓamua ɓatang nəngnə kən hywiisəm;²⁷Cua u ɗəməng u gũ Fi, nǝngɓə udəlei u na'a " ɓa nwa, ɓaha. ²⁸Nəngɓəkə hyuim nəngtsanəng nə ei -eikəta biveivə kpala dokə ei-eikənẹngaɓai kəta. ²⁹Dəmin naɓala nba'nwa məng akau, sai finəla nwa afu ɓeiɓakə tangvavə Dam."³⁰Ei leiɓim, nəngɓə eita kutei (olives). ³¹Nəngɓə Yeso nalei a "ɓaha ɓa u'o ingvinə ɓim, eiving manənəngɓə, a "məngɓa leigɓeinəng lanfə lenəngbungam yakətanya. ³²Nə inn min taciɓa tangsa Galili."³³Bitrus nau a' " Nə leivəha yakəta bimang, nban owau." ³⁴Yeso nau'a biagang dəmin nala, ingvinə, ladda ye tataleu, man tsa'nwa bunata." ³⁵Bitrus nau'a " ko min ɓui-ɓui ɓeima, nban tsanwa mau". Niuleimuangbu na ayitsing.³⁶Nəngɓə Yeso taɓəleikə béla dəɗu'a liethsamane u nakə leimuangbu la a' " Ɓaku bəni minta bəlei min gubə." ³⁷Uɗə Bitrus ɓalei yi Zabadi na'iu ɓeukə, nəngɓə u baniu bə ɓiɓi nəngɓə yilau. ³⁸Nəngɓə unale a " tangsasəm yilamməng, ɓei ɓuahea. Ɓaku bəni ɓaɓa ɓemkə."³⁹Utacuila cuani, ubaku hyua ugubə, una'a " Dam nəng cucueng, Aɗəm yiɓeinəla. Ladda, bəyiɗimleu amma bəyiɗəma". ⁴⁰Uwusə leimuangbu nəngɓə biɓatatangsa ɓitsing ? ⁴¹Ɓaɓa ɓagubə biɓata tangsa bənibə. Kwangɓa dəyiɗi kə biagang amma juasəɓan ɓuintsəng wane."⁴²Uta anəng na'iu taugubə. U na'a " Dam, nəngnə peinwa seifənənwa tangseung, nəngnə dəman yiɗi cuesə." ⁴³Uƒa uwu aka ucilei deiluenənglue, juanənglei muinwane. ⁴⁴Uƒa uyilei aka, uta bəgubə anəngnata, unanəng ayitsing.⁴⁵Nəngɓə Yeso wusə leimuangbu unalei a, " Ladda dəɓa luenənglue ɓei bəhũrie? Ɓa'ɓa, biɓə ɓading, lanfə eiɗə yi yivə eidəna leivənəgaɓei. ⁴⁶Ɓa'i ɓita. Ɓaɓa, yivənə lamrənə ɓading."⁴⁷Ladda dunabina, Yahuda, tsing tangsa hyua,irəu na'iu wu. Leivə kpala muakə cua sə leikunlau angăh ɓei levangah veivə. Eiwu ɓei găfăǝn ɓei kikə. ⁴⁸Kaanə, yivənə tənla Yesonə naleibin' a " Yivənəha nəng leiungyang yang nəngɓəkə u. ɓa'muo.⁴⁹Tanghyua u wusə Yeso una'a, " bə dɀambə, Rabbi!" nəng-leiung. ⁵⁰Yeso na'a, "Jua, acue nəngnə awuɓə cuerə." nəngɓə eiwu-eidɀənasə Yeso ei-muokə.⁵¹Aɓa, tsing tangsa leivənə cuahai ɓei Yeso ikə kanau, vəkə găfainvou gakə muasemvə kunlau ăgah ka nəngɓə cum cucuiiu. ⁵²Nəngɓə Yeso nau'a afakə gaəfainma aba⁵³ tangsa juo, leivənəha 54ɗə gaifai nhyalerə. Dəmankem ɓama nbanɗubə dam, tsum lei malaika kpala pei hyua irəu na'iu wai? ⁵⁴Ei-cue-u ɗərenwol kukərə nəngnə cuesə leung' e?.⁵⁵Tanghyuaɓi, Yeso nakə levəla'a, " Ɓawung ɓei leigafain ɓei leka ɓanmuamkərə kənwa le-nəng-inəng'e? Nkwu vineha tangsa komfi-angah dəmin nyinasənəng, lanfə ɓa muam leu. ⁵⁶Lei nəngnə cuesə dokə nəngvinəng və lei ta nwatsum vəFii cuesə". Nəngɓə leimuangbu hyuiha peiyeu.⁵⁷Leivənə mua Yeso nə ɗəutakəsə Kayafas kunlau angah, bənə leinəgvinəng ɓei lei vangah gəmla cuahai. ⁵⁸Bitrus muacuau cuacuila takə tangsalei bəgəmrəvei kunlau angah. Uta, tangsa ukwu ɓaleijicua uɓanəngnə cuesə.⁵⁹Kanə lei kunlau angah ɓei leivənəgəmha dəɓabə yivənə na nəng-aɓai və Yeso dokə eicila eihyaukə. ⁶⁰Eicileu ko tsing, leivəkpala nawa'iu. Nala levaka na'iu iwu. ⁶¹Ei'na'a, " Yiɓuinə na'a 'Minbamin dei komfii angahndei tangsa bunata nmi."⁶²Kunlau angah ijirəbu nau'a " Ayaung ɓei ɓi'akai? ɓatsəng denarə kumai?" ⁶³Yeso kəe-bugamku. Kunlau angah ɓə nau'a dəmin nabi tangsa gărẹvǝFi, Anabila ko makə Kristi yiFi?" ⁶⁴ Yeso fa naula a, "Anang ɓei nama, dəmin naɓala kasusuenə takə ɓanɓa yi yivə ku nalee samɓei vəFi, langƒən wurə tangsa leici ɗuiye."⁶⁵Nəngɓə kunlau angah hyang nəngyasə veu na'a " Unabi aɓein! ɓatsing ɓin ɓabə levənnaku'akaə? ɓaɓei, kanə ɓali bi-aɓeing. ⁶⁶Ɓaɓaɓǝe?" Eigwa eina'a " Ukemməng eihyau".⁶⁷Nəngɓə eicu ɓei cici tangnəung, eigɓau, Lanfə eigɓau ɓei tangnalei, ⁶⁸Ei na'a "Anambila, mang Yeso watsəng gɓa?⁶⁹Kanə Bitrus ku beifa tangsa bəgemrǝ, muaheicue muangsem wusiu nəngɓəu na'a, " măma ɓacuahai ɓei Yeso a Galili? ⁷⁰U tsanwa səleiha una'a n'ibǝ nəngnə dəɓa narənəleu."⁷¹U ibeifa nwanəngavei, muahei cue mongsem aka ɓau nəngɓəu nakə levənəla bəbi'a " Yiɓuine langɓə, ula cuahai ɓei Yeso Banazaret." ⁷²Lanfə u tsanwa aka ɓei nənghyuinəng; a " n'iyiɓuiɓəleu!.⁷³Cua cuani, leivenə ji bəbini wuna Bitrus a" Gɓəɓəng, măma mala tangsa lei, bənabima iəkəng." ⁷⁴Nəngɓə ubani bə hyuinəng ɓei nənghyuinəng; a, "N'i'yiɓuiɓəleu," tanghyua dangla ye ta'ta. ⁷⁵Bitrus kem leibinə Yeso na'a" Ladda ye tatau mang tsanwa bə irəm bunata." Nəngɓə u'ibeifa u tata ɓei nəngməng.

Chapter 27

¹Nəngɓə nwadjuaɗi cue, lei kunlau ɓalei vangah zayivə yiku Yeso ka bə təngkə hyurəu. ² Ei tsakanau ɓei ɓeii ei taukə fahvə gwamna a Roma.³Nəngɓə Yahuda nə deu nə ɓa ei təngkə Yeson, u tubi u fakə Zinariya huntsing irəu hyua ɓə tau dəkə lei kunlau ɓalei vangah ɓə. ⁴U na'a ɨng cue nəng-aɓei nən dǝkə hyunə chue nəng-gaka leunə, ei na a ɓa ka ɓǝ səɓi? Ɓa aɓə kə kumala. ⁵Nəngɓə u wakəta hyuaazurfa ɓə tangsa kom gu Fii u pei tau ei ku.⁶Lei kunlauɓə ɗə azurfaɓə na'a, hinwau ɓǝ ji nwaɓinə tangsa bə djinəng ɓi bisə ing nwaɓi lya hyui. ⁷Ei nabi ɓə ɓwalei ɓei nwaɓi ɓə ei i'fah nən dei chui kəlei ɗuawai la. ⁸Bisəu dei ɗufah ɓə kə "Fan hyui" ha wukə lyani.⁹Binə Irmiya nanə yilang ah " Ein ɗə azurfa huntsing irəu hyua, nwaɓi nəng lyianəng nə lei Israila ɗzi nə, ¹⁰Ei deu kə fah nəng kə nwa yadda yichue vah namkə lanə.¹¹yeso dzi ɓai bu chi gwamna, gwamna ɓiu ah, " Makə yivah vaei Yahudawa?" Yeso gwa'nwa ah, anang manəngɓə." ¹²Nə lei kunlau ɓalei vangah də ɓiukərǝnə una bi aka leu. ¹³Nəngɓə Bilatus nau a' "A lee lei nəngnəha dei narə kumai nəng hai? ¹⁴Uh nabi aka kun djum ha gwamna cue səɓi gahla.¹⁵Tangsa mimgɓang ɓi dama ing nəng səlei nə mingɓang ɓə wungwamna də nakə djung zayivə la a ei ɗu yivə tsing tangsa lei bursina ei yeu nah? ¹⁶Vi ɓə leila ɓei bursins ka ku tsing iuing Barabbas.¹⁷Nəngɓə djung zayivə gəm bayitsing, Bilatus nalei la a' " N'wa dəɓsa yiɗi ei yiɓa nalai? Barabbas ein hyarə kon Yeso nə dei ɗukə Kristi nəi? ¹⁸Uh ibən ein deu Yeso bi dzahai. ¹⁹ladda ulan ku kuka kita, heiu tsum bə səu ah ei naula " Rə yaung ɓei nəngnə rəngcue yiɓuii abəgang nə bisə ing cue yiɓei leu lyani ɓei muirə kəku.²⁰Lei kunlau ɓalei vangah vənən lei djung zayivə ah ɓibə Barabbas ɓə kə ei hya Yeso . ²¹Gwamna ɓə ɓilei "Tangsa leivə ni na'iu nə aka dəɓa yiɗi ? Ei na'a Barabbas". ²²Bilatus nalei la ah, " Ɓamin cue ɓei Yeso nədei ɗu a Kristi nə? Lei kpəm ei gwa' nwa ah ei piu".²³Nəngɓə uh nah ah, " Bi ɓai, nəng-aɓei ɓei uh cue?" Ei ba wulei tsala a ei "piu". ²⁴Bilatus ɓa nəng aka yaung rən cueirə bisə bwabə də irə nəngɓə uh ɗə məngtsing uh lokə lei kanau chi djung zayivəɓə u na'a ɨng lokum məng sə hyuii yivə abəgang nə, yiɓui nə yiva bəgang. Ɓa kə kuɓala.²⁵Leivəɓə gwa a " yi hyuii ɓə dɀi kuɓi ɓalei yiɓi. ²⁶Nəngɓə ei ienah kə Barabbas uh tsa Yeso uh dəlei ah tei piu.²⁷Nəngɓə lei taɓui və gwamna ɓə ɗə Yeso takə helkwata gwamnati ɓalei nilei hyulei taɓui hakpəm. ²⁸Eih chue tumbur la nəngɓə eih tsau ɓai ahye la dzu. ²⁹Eih ɓau fuh la komkə ku nəngɓə eih ɓə ɗəu kala na nalee, eih ba ɗun lei eih chue hyailim dai narə ah "Dəɓi dzam yivə vei Yahuda.³⁰Eih cuii chichi la, ei ɗə ka muana ɓə nau eih gɓa kə ku. ³¹Eih chue hyailim, eih bi'n ɓai ɓə dzu eih yau nəngyasə veu la nəngɓə ei peiukə ei bi piirə.³²Nəngɓə ei ibeifa, nəngɓə wai chi yiɓui gɓamcuii aka iyiung Saminu, cueu kə samɓei a wu ɗəka pirəvə Yeso. ³³Nəngɓə eih wu ɓaka dei ɗu ah golgotta bəɓə dei ɗukə bənə dei eih lei kwanku lanə. ³⁴Eih deu məngg inabi eih lang ɓai məngg aka nyila, nəngɓə u ba u nwau.³⁵Eih piu, nəngɓə eih tsa nəngyasə veu nəngɓə eih hyua dai chue kuri'a ku. ³⁶Eih ku dei ɓaurə. ³⁷Kaku eih tam nəngnə dei deukə ɓei iyem kənə ah' "Yivənəng Yeso, Yivah vei Yahuda"³⁸Leinəng ienəng aka na'iu eih pilei cuahai ɓaukə, yiva tsing nalee, yiva tsing nami veu. ³⁹Leivə də pei bəɓi nə dəu ɓei iyem də gɓakə kulei. ⁴⁰Də narə ah' ma'ananama man deii kom man mimi tangsa bu natta, a yuang kuma nə man yiFii yang ah yuang kuma chuinhyua ku ka pirə ma ɓə mana.⁴¹Nəngɓə ah yətsing laɓə lei kunlau angah də cue hyailim, cuahai ɓa leivənəng ɓai lei vangah kə dei narə ah. ⁴²uh yuang leivakan, uh ba uh yuang ku wau. U yivah vei Israilawa nə uh chuin hyua kukah pirə veu nə yangɓin dzi nyi-nyin dzi sə.⁴³Uh dzi nyi-nyiu səFii, Fi veu ɓə yuang susueni nəma lauka Fi ɓə ing yeuna yi, uh nama a rəng yiFi. ⁴⁴Nənga tsing laɓə lei nəng ienəng ei pilei cuahai də eih emku.⁴⁵Nəngɓə ɓi hyuicung cue bə baji ku hyua ɓiha ha takə ɓii natta a ɗuafih. ⁴⁶Tangsa ɓii natta, Yeso ieɓei wui də narə ah, " Eli,Eli, lamasabatani?" də na'a, " Fim, Fim ɓakə a lam mai?" ⁴⁷Nəngɓə leivənə dzi bəbi leeh biɓə eih na'a dəu ɗubu Iliya."⁴⁸Dangla yivaka tangsa lei ɗə zanəng ba tangsa məngg a amrəɓi dzi səka vai yivah wu deu a u nwa. ⁴⁹Niulei na a ɓa yeu ɓeintsəu, ɓiɓa lauka Iliya ɓə wun yuang -yuang. ⁵⁰Nəngɓə Yeso buabu aka ɓei wuii tsala nəngɓə yinasə kwang pai.⁵¹Dangla, lei nəng tsa'nwakom gu Fi angah tsa tangsahaina'iu, baniu ɗuiye wukə ɓwaniu hyua yəu lei tsaha. ⁵²Lein djum ɓai, lei zayivə nə Fi nə luenənglue nə ei ieying. ⁵³Eih ie tangsa ɓwaɓi cua irəveu ta tangsa hyua Urshalima tei iekə lei vaka kpala.⁵⁴Yivangah vei taɓui ɓalei nəuleivə dəɓa Yeso nə, səlei ɓiɓi ei na a " Ka'agang n'yi Fi nə." ⁵⁵Leihei akala də ɓa yiɓeivə Yeso muacua Galili də ɓa nəngɓə chuela. ⁵⁶Tangsa lei, Maryamu, Magadaliya Maryamu navə Yahuda ɓei Yusufu ɓai navə lei yi Zabadi.⁵⁷Nəngɓə ɗuingɗui wu, yivə nəng chinəng aka u ie Armatiya ieuing Yusufu u la tangsa lei muang və Yeso ⁵⁸U tasə Bilatus tau guh ah ei dərə sə Yeso tarə cuii. Nəngɓə Biklatus na ei deu.⁵⁹Yusufu ɗə səɓə lam ɓei nəngyasə veu ⁶⁰U leiu tangsa dzum ah fuh veu nə uh ma tangsa lei teini. Nəngɓə uh cho tei kangah uh tamkə nwaɓwa ɓə uh mua nəngah veu uh pai. ⁶¹Maryamu Magadaliya ɓei maryamu atsing la bəɓi, ei kuka ɗuiye ɓai dzum ɓə.⁶²Bə gala, nəngɓə kə vi cue nəngɓə wu lei kunlau angah ɓalei Farisa gəm cuahai ɓei Bitrus ⁶³Eih na a yicuevah də kemrə vinə yivə fimbəla ɓei hyurə kə nə uh na a chuabu natta yang rəng ie-ie. Manəngɓəng a nabi ei cue gadi bu natta ɓə wukə manəngɓə leu muang veu wu ieu ⁶⁴paikə ta nakə leivə la ah uh ie yang tangsa leivə ɓwa yang bə fəmbe a chicua ɓən pai a nachi.⁶⁵Bilatus nalei la a ɓuilei cue gadi takə təɓa cue gadin nə hylhyi nə. ⁶⁶Nəngɓə ei tatei chue gadi djum ɓə wi tsalei tei ɓə ei dji gadi səu.

Chapter 28

¹Fiɓə bappi bə barǝn Fi sati, fi bappi barə nə ein muakə vi tsing tangsa sati, Maryamu Magadaliya ɓei Maryamu a tsing wu bə ɓan djum. ²Dangla hyua ɓai galah bisə malaika vəFi wu ɗuiye wu cho tei ɓə nwaɓwa ɓə fakə nəngɓə fa kula.³ɗjuasə də hyuim man ɗuafih, nəngyasə veu vou man fəfəm. ⁴Lei cue gadi djum ɓə ɓi mualei nəngɓə ei ouhyua ɓamang leivənə ɓuinə.⁵Malaika ɓə nabi kə leihei ah biɓa ɓiɓiika bisə n'ibən dəɓa ɗuibə Yeso nə ei piu nə. ⁶U yaung bəni! Fi iukən ɓei hunrə, nə Yeso naɓala narən ie-einə! wu ɓaɓa bənə eilei djuasəu lanə. ⁷Ta yemla taɓa nakə lei muangsem veu la naɓa u ieyang tangsa leivə hunrə, un peisə ɓai un ta Galili.Ɓanɓau bəbi.'ɓadji nyiɓa sənəngni n'naɓala nə.⁸Leihei yemla dangla yi kun djum ɓə ɓei nyi-nyi alarə gahla hyui ta nakə leimuang və Yeso ɓəla. ⁹Dangla Yeso wu chilei nalei ah "Dəmin ɗzam ɓarə" leihei ɓə wu bappi ɓei ukə, wu mua kabu nəngɓə deu gărə. ¹⁰Nəngɓə Yeso nalei la ah' biɓa ɓiɓinka ta taɓa nakə lei hyuim a yiɓuila naɓa ei ta Galili eing ɓamɓa bəbi.¹¹Leihei ɓə də tarə dangla lei cue gadi djum ɓə ta tangsa vaɓə ta nakə kunlau la lei nəngnə ha chuesənə. ¹²Nəngɓə kunlau ɓə kwaha ɓalei vangah nəngɓə ei nabi ei də nwabi kpala kəlei taɓui ɓə. ¹³Eih nalei la a ɓa nakə niu lei zayivə la nəɓa lei muangvə Yeso wu ieh Yeso ei peikən innvii aɓə dəɓi luenənglue.¹⁴Nə binə tasə gwamna ɓin vənəung wunɓui lei taɓui un peikə səɓai. ¹⁵Lei taɓui ɓə mua nwaɓiɓə cue kə nwanə lei kunlau ɓə naleilanə. tei teinwa bi ɓə tangsa lei Yahuda takə manəngɓə ha lyia.¹⁶Lei muang və yeso hyua irəu tsing ɓə ta Galili, ta kuteinə yeso nalei lanə. ¹⁷Nəngɓə ei ɓaunə ei deu garə leivaka gwa ah uleu.¹⁸Yeso wu səlei, wu nalei bi ah lei samɓei ɗuiye ɓei hyuaha ei dəm məng. ¹⁹ Ɓata, taɓa chue nwatsum ɓei samɓeim ɓa nyinasə nəng kə leivəla, leivəha yang dokə eih myem kə muangbum. Ɓa hueleiməng tangsa iing Da, ɓei Yi, ɓei tangsa kwang garangrang.²⁰Nyilei nasənəng naɓa eih mualei nəngnə han naɓa lanə, yang ɓa kem ladda mi cuahai ɓei ɓakə vinəha, ha takə təngrə və ha."

Mark

Chapter 1

¹Bə baniu bi Yeso kristi, yiFih. ²Ɲving tangsa ɗarenwal və Ishaya mongsem Fih. " Ah-ɓah,minchum, mongɓui chiɓai. Yivənə ma nɨng-agang nə. ³Wai na dei ɗubə tangsa bivohnə ɓahman nɨngahvə Fih.⁴Yahaya yivə huemɨng, dəu nabi və Fih kəzayivəla, dəu nalei, a tubi, ai yila sə nɨng aɓei.⁵Leivə hyua, Yahudiya ɓalei hyua Urshalima, ai fuɗi bə wusəu, dei nanɨng aɓei vai, dəu hueleimɨng nɨngvei Urdu. ⁶Yahaya u ya jua- jirauba səu, nɨngɓə u tsakə juasəu, nɨngtang vou sajuing, ɓei mɨngtuang.⁷U nabi Fih, a yivaka də wurə chuam, u paimyan ko ɓeihuvou mah ribari biung. ⁸Mi dəmin huemɨng ɓei mɨngtsi, amma u a vou dəu huemɨng ɓei kwang.⁹Fihla vəɓi, Yeso wu hyua Nazarreth tangsa Galili, Yahaya huemɨng nɨngvai Urdu. ¹⁰Ɓei irə vou tangsa mɨng, nɨngɓə ɗuiye ɓai, kwan wu də chuerəku mang go, wu ku nwagyaun. ¹¹Nɨngɓə ai li wui ɗuiye, də nana, "yivən yimnə dimin yiɗiu nə, dimin lilarə vou nə.¹²Chuelou dangla kwangɓə ɗəu takə ɓəngvu. ¹³U ɓəngvuh bu hun'iu, mungkulum də ɓaunrə, u chuahai ɓəlei hyam ɓəngvuh, lei malaika də deu garə.¹⁴Da ai mua Yahaya,nənɓə Yeso wu Galili dəu chue nwatsum vəFih. ¹⁵Dəu narə na vivəFih chueng, ɓa yila sə nəngaɓei ɓa wu ɓa mua bi agang.¹⁶Dəu pairə nwa teku, nɨngɓə u ɓalei Siman, ɓei Andrawos, hyui Siman də aikah teku, bisi lein leivə muahin. ¹⁷Yeso nalena ɓa muachuam min myem ɓakə lei mua zayivə. ¹⁸Dangla tang hyua ai aikah vai kəta, nɨngɓə ai muatua.¹⁹Nɨngɓə Yeso i də horə, u'tah chuaulalou, nɨngɓə, Yakubu yi Zabadi ɓei hyui Yahaya lei tangsa ƒah dei makah vai. ²⁰Dangla u ɗubəlei nɨngɓə ai-iyi davai Zabadi tangsa ƒah ɓaleivə chuenwatsum, ai muachua Yeso.²¹Da ai - i aita Kafanahum fisati,nɨngɓə ai ta tankom guFih dəu ninasə nɨng kə zayivə. ²²Ai chue səɓi ɓei ɓə ninasə nɨngvou, bisa dəu ninasə nɨng man yivə laɓei iko kunə, ɓaman yivənə vinəngḅənə ko leivə ninasənə attaura.²³Dangla tanghyua, nɨngɓə, yivaka u lah ɓei yua-aɓi tankom gu Fih, dəu bwabu. ²⁴Dəu narə na, ɓacing ɓɨng yiɗiɓi chue maka Yeso Banazarreth? A wu bə hyaɓi? Ɓi ibə wakəman, makə yivah gang və Fih. ²⁵Yeso ikə yuaɓə, unanah" A kei, i tangsa səuni. ²⁶Nɨngɓə dangla yuaɓiɓə gɓau u oh hua, nɨngɓə yuaɓi ɓe isəu ɓei buabə.²⁷Leivə kpəm chuesəɓi, dei ɓihabi, dei nanah, "Ɓa manɨngɓə ? Bə ninasənɨng afu, har u de nwa kə yuaɓi ma də liurə. ²⁸Dangla bivou ɗəbə ko ɓaiha tangsa Galili.²⁹Chua ai i bə guFih, nɨngɓə ai tah vahvə Bitur ɓei Andarawas, chuahaiɓei Yakubu ɓei Yahaya. ³⁰ɗjang Bitur lilarəlou, nɨngɓə zazzaɓi də ziurə, nɨngɓə ai nakə Yeso bivoula. ³¹Nɨngɓə uh tachi tau mua kanau u iukə, nɨngzhi laɓə iunah, nɨngɓə u i yuilei nɨngtangla.³²Nəngɓə ɗuinvi chue, ai wukə leivə nɨngzhi ɓaleivə yua. ³³zayivə vahngahɓəha ai wu wei gəm nwanɨng-gavaiɓi. ³⁴U ikə nɨngzhi ɓei yuakə səleivə, u gualalou yua nabi, leima ai iuyang.³⁵Ɗəchibə, u i utabənə yivəyaungnə nɨngɓə u guFih. ³⁶Bitur ɓaleivə nə chuahai ɓəkanə dai nyam chua. ³⁷Ti ciu nɨngɓə ainauna leivə də ɓabəu.³⁸Nɨngɓə u naleina, ɓita leivahnə ka chinə nchuebiFih bibi bisəu ikə. ³⁹U təngkə hyua Galili ɓai biFih-ha, dəu ikə lei hyuasə zayivə.⁴⁰Yivə blaika wusəu, də gunrə, u baɓai nwaɗuang kə chiu, u nana nəna guan, a lom hinla. ⁴¹Yeso ɓayiɓeivou, nɨngɓə ɗjinaku, nauna ngwan, a mem hinla. ⁴²Tang hyua ɓi yivən blaiɓə yisəu nɨngɓə lo u ,mem hinla.⁴³Yeso ɓai tsakə vəcuicui, nɨngɓə nau tavou. ⁴⁴Yeso na utah, biunakə yivakalanka, u tasə kunlau, u nabiɓə lo-nə, u na bə leinwa Musa nakənə ɓai nɨngnə Fih chueulanə.⁴⁵U pai, nɨngɓəu nabi ɓə fam-fam dəu hokərə, bibi Yeso fatabəɓakalou, u kuɓainchiun bənə yaungnə, leivə i koɓaiha də wusəu.

Chapter 2

¹Nə Yeso fakə Kafanahum tangsa bu na'iu, ailii a u vai. ²Zayivə gəmha bəjirə yaung nwakom. U baniu bə nalei bivə Fihla.³Leiivaka wukə leievə nənzhi kabu aɓuirə leivə nanya ɗəu. ⁴Aiba ai kemsəu wau bisi kparə zayivə, nəngɓə ai hwakukom kə ai chila ai takə yivə nənzhi ɓəkə tangsa ai ɗjeu hyua.⁵Yeso ɓarə jinnyi agangvei, una yivə nəngzhi ɓə a yim, biagang ma iyakən tangsa nəngaɓai ma. ⁶Leivə ibənəngnə ku bibini,dei nyibi tangsa nyi-nyi lei. ⁷Dei narə a, " ɓakə yivənə də nabi manəngɓə? U, gai Fih yang, yivə yaung mua nəng-aɓai və yivən aikəta? Nəng Fih leun?⁸Tanghyuaɓə Yeso ibə nəngnə dei kemrə nyi-nyi lein, u nalei a ɓakə dəɓa kem nəngnə nyi-nyi ɓai? ⁹Ɲɓatsing zhi bəbi man nakə yivə nəng-ɓai la nəma ai mua nəng-aɓai vou ai aikəta nə iyang ko a nau nəma u i u ɗə nəng luerə veu u taveu?¹⁰Yang deukə ɓa ibə yi yivə la ɓai samɓei kə fangwam u mua kə nəng-aɓai un aikəta nə. U nakə yivə kabu a ɓuirə ɓəla. ¹¹"A i a ɗə gima a tavah ma". ¹²Tanghyua ɓi nəngɓə u ɗə giveu u pai tangveiɓi nəng leivəɓi, nəngɓə lei kpəmha ai lilarə nəngɓə ai də garə kə Fih, nəngɓə ai na ah, " ɓi ɓanəng aka manəngni leu kavi."¹³Yeso fa i ta nwa məng, jun zayivə wu chua bəbi dəu nyilei nasə nəng. ¹⁴Dəu pairə nəngɓə, u ɓa Levi yi Alphaeus də mua nwaɓi hyua, Yeso nau ah, i "a muachuam". Nəngɓə u i u muachua Yeso.¹⁵Fikai Yeso ɗə tangnang və levi, lai mu nang wuaɓi yuah, bə levə nangabai dəi tangnin chuehai bəlle mongsem və Yeso, don leivə phaheu də ɗekəchɩ. ¹⁶Da lenang vinang, ɓəlle farisa, eiɓau ɗau tangnang chuehai ɓallekə, ɓəllevə nəngaɓai ɓellevə mu wuaɓi yua, ɓelle mongsəm və Yeso, nəngɓe ɗe ɓibi, nɓəkə deu tangnəng chuehai ɓelevə muawuaɓi yua, ɓelevə chuenəngabai?¹⁷Da Yeso lii nəngnale a levənə jamvai lanə eita wuakomvuwau, nlevənə jamvai yaunnə nəngbə tah wuakomvu,Yeso nale a riwu bivai və nəng-agang leu, riwu bivaivə nəngaɓai.¹⁸Le mongsem və yohana ɓele farisa də ɗəfih, leivəaka wuseu, ɗe ɓiurə nɓakə le mongsem və yohana ɓele farisa də ɗəfih kə le avou ɗəwai? ¹⁹Yeso nale a leɗju yivənə də ɗzayihainə ɗəfində nə le chuehai bəi yivə ɗzayihei? in nə lei chuehaiyən, ei ba ei ɗəfihwau.²⁰Vii də wurə ei ɗəkə yivəɗzayihei tangsələ, nviɓə ein ɗefih. ²¹Yivə yau ɗe zanəng maku afuh ,don akyui nyheng nya fuh,yəng yhengrə ɓən ɓeilau.²²Yivə yau eiməngka afuh tangsə jeu ɓai məngka akyui, nǝ boachin gɓam jeu, seudue eiməngafuh ɓei cheu.²³Fi sati Yeso də hyerə tangsə fah alkama, nəngbə lei mongsem vou ɗe yhuaku alkama. ²⁴Lei farisa ɓiubi a nbəkə leivəma də chue wuachum fisati?²⁵Unale a, ɓə taɓə ɓə zam nəngnə Dauda vinəlou? da vum də heurə ɓelevə chuehei bəikə? ²⁶Da ta' tangkum vəFIH, vinə Abiyata yivangha kunlau, tang vam nə yaung ɓai ɓisənə sai leivangha kunlau, kə tang ,u dəneu kə levənə beiukəne?²⁷Yeso nale a ,"ei ma fisati bi zaivə, zaivə bi fisati lau.²⁸manəngɓə', yi Yivə nəngbə kə Yichueva, bai fisati.

Chapter 3

¹Chuaseu Yeso whuta tangkom ɓeǧuFih, U ɓeyivaka kanau boeboerə. ²Nəngbə levəka də ɓaurə ko undeularəndə fisati achila a ɗzamkəsəu.³/v 3 Yeso nakə yivə kana boerə ɓəla," i ajirəbu tangsa levəni." ⁴Yeso nalevəbə, yhi-ing fisati achue nəng-agang ko nəng-ahbəi? ko ayung hurə ko a hye hurə?. ɓevai gam chuah.⁵Yeso mimɓəlle hah ɓənkə hua bi nini aɓevǝi, nəngbə u'na yivə nəngzi kana boerəɓa, aɗenamaye, nəngɓə u ɗenauye chi larə kanau. ⁶Le farisi ai' kwaha wua ku bǝllevə hiridus də chue hyarəvou.⁷Yeso ɓele mongsem vou paita wua wuam, levə ƥala hyua Galili ɓei hyua Yahudiya mochu, ⁸ɓei Urushelma, ɓei hyua Edom, ɓei gum məng Urdu ɓei Taya ɓei Sidon, ei linəngnə uchue nəng awusəu.⁹Yeso nale mongsemvou, eichue bi ƒah ahang, zaivə pying, ɓita ɗarirə. ¹⁰U də larə kə zaivǝ ing tansə səlei har levə nəngzi də nyambəvou don kyemnasəu ei chi larə¹¹Le yuaɓǝi nəbəu, də orəchua, də boabó, də narə' makə yiFIH." ¹²U nale biɓabwua ingrinka.¹³Da uchui-təi nəngbə duɓa leivənə dəuyiɗinə wusəu. ¹⁴Nəngbə ɗubə leivə huereuna'iu, nəngbə chumle na'ui, na'ui eita bivə FIH. ¹⁵nəngbə u dəle samɓəi ei ekə le yhua. ¹⁶Leivə nə dənə, Bitru.¹⁷Bəi Yakəbu yi Zabadi bəi hupu Yahaya U' dəlei ing Buwanarjis watou leyi gamvou; ¹⁸Bəi Andraw, bəi Filibu, bəi Bartalomi, bəi Matiyu, bəi Toman, bəi Yakub yi Alfansu, bəi Thaddeu, bǝi Simon Bakan'ane, ¹⁹Bəi Juda Iskariyoti yivənən ɓaunkərənə.²⁰Nəngbə fau t vah, zaivə pyala muchua har yemle bi tannəngka, ²¹Da lehyiu libiɓə, eiɓabə bə murə, a u'ing tansa hakilouvou. ²²Levə ibə Attaura nə wu Uroshelimanə wai deu chue wuachum bəi Beebebul' nəngbə chui bəi sambəi yivə vai yua nəngbə deu i'kə le yua.²³Yeso ɗubəle, nalebila tansan ɗjum," monkulum nba'ikə monkulum i? ²⁴Ai nə kuyhua tsa na'iu yang, kuyhua bə ba jiu, ²⁵Manəngbǝ ko vah tsǝ tansǝchi, vahbǝ jiu.²⁶Monkulum nə buochi kǝkulang nau tsehang ubau jiu, yangtang. ²⁷Yivǝ yaung tavah yivə sambəi ɓwue'i nǝngvou, sei ko tseyivə sambǝi ɓǝdai. kyaue ɗe vahvou.²⁸Dimin naɓelah, sei tənǝngabai vaivah fankgwam pyem bai ahu'na nǝna. ²⁹Ɓe i'ba yivǝnə gai dimyang, eitalau fankgwam tangkǝrǝ, u'chue nǝng'abǝi yang. ³⁰Nəngbə nə a'yivǝ nǝ yivǝ labai yuaɓi.³¹Nǝngbǝ leivǝ, navou ɓelle yhui weiji ɓaifah ei'chumbǝseu a'uwó. ³²Zaivǝ kwai phalah kukǝ, nǝngbǝ naulah nama ɓelle yhuimǝ dǝ ɓəbǝma bǝifah,³³Yeso dallaiɓi, lewa kǝle nam bǝlle yu'huimɓei? "³⁴U' mem u ɓeleivǝ nǝ ukubǝlekǝnǝ, u'nale la'aleikǝ nam bǝllei yhuimkǝ. ³⁵Yivǝnǝ chue nǝngnǝ FIH dǝ yiɗinǝng u'kǝ yhuim bǝi nam

Chapter 4

¹U'ta wuawuam deu nyinasǝnǝ, zaivǝ phyala wuseu, u'chui ƒah u kũtanseu, zaivǝ kũn gwam wuawuam. ²U'nyile nasǝnǝ phyala bǝi bǝleiɗzum.³U'nalle a ɓǝli, yivǝka tabǝ bianəng. ⁴U'tangsǝ bǝ bianǝng, lei vaka eibu nǝngha, nǝng le yihyuii chiɓu. ⁵Leivaka eikutei,yhuayaubibi, dǝ i'dǝ pirǝ nǝndbǝ hyuag.⁶Da fihɗjuila, hyummu tahyualeu nǝngbǝ chi'ha. ⁷Lei vaka eiɓãvu, vutangle ei'chue-aganglou.⁸Leivaka o'ku yhua-gang, nǝngbǝ gæh hyila a chuenǝng, leivaka tsa hun'iu(40) hun'iu(40), leivaka hun'ta(60) hun'ta(60), leivaka hun'hui(100) hun'hui(100). ⁹U'nale a yivǝnǝ labǝi ɓuachung u'li.¹⁰Yeso ɓeitseu, leivǝnǝ chuahyai bǝikǝnə, ɓale mongsem vou yhurũna'iu, ei ɓeubi leɗjum nǝ. ¹¹Yeso nale nɓǝ aǧuɓela, ɓa'ibǝ vah FIH, sǝleivǝ bǝifa ein leileɗjum. ¹²Ei-ɓang ɓei nǝng, ɓei ninilou, liirǝ ei'ling, ei'mouku lou, ɓi eifa eimouḍjua FIH.¹³Yeso nalei, ɓe i'bǝ ɗjumnǝlou,? ɓǝnchue'ũ ɓǝn'ikǝ nyeu ɗjum ɓai? ¹⁴yivǝ ɓianǝng, nyivǝnǝ ɓia biFIH. ¹⁵Leivǝnǝ eiku nǝnghani, leiɓe ei ɓebibǝ hvalaina. Danǝi libiɓen chualou, monkulum bweibi hualai.¹⁶Manǝngbǝ levǝnǝ eiɓeh ɓangtei, leiɓe nǝ libiɓang, eimubei ninitsǝ, ¹⁷le'avai ayaungɓǝ yom'kah, eitseu, ko yiɓaichile ɓivǝ ɓiɓǝn, nchue lang ei oo.¹⁸Leivǝka leiɓǝkǝ ɗjumnǝ eitansǝ ƒu'ni, leiɓǝ libibǝ. ¹⁹nǝn larǝ fangwam mǝn nǝngchinǝng fangwam, ɓeibǝ yiɗinǝng, tselai yilai jitse ɓibi. ²⁰Leivǝnǝ ɓang yhuagangnǝ, leibǝkǝ leivǝnǝ libiɓǝn, leivǝnǝ libiɓǝ mona, leiɓǝ kǝ leivǝnǝ chinǝnseunǝ, akah hun'iu(40), akah hun'ta(60), akah hun'hui(100).²¹Yeso ɓǝlei degandu'a bwenǝnku, ko nǝn don gabǝ? ²²Nǝng yaung dǝ huerǝ nǝ eiɓaunǝ, nǝngyaung dǝ ɗjurǝ yhua ba iunǝ. ²³Yivǝnǝ la ɓai ɓuaɗjuan lii nengnǝ.²⁴Yeso nale, ɓǝ moseɓǝ ɓǝ li nǝngnǝ, Tasǝunǝ a nyikǝnǝng, nǝngbǝ ein nyikǝla, har ma eileiɗiu. ²⁵Manǝngbǝ yivǝnǝ laɓaukǝ einleiɗiu, yivǝnǝ yaungnoun, eimoiɗǝ ɓǝi anoukpam.²⁶U' na, Vah vǝ FIH laɓaman yivǝnǝ ɓianǝng yhua, ²⁷U luei inʋi, u'i ɗuafih, ɓianǝng pi ɗe garǝ u'ibǝlou, ²⁸Yua di pikah voh baiku, nǝnwachi pirǝu, yanchuchue, yangag baibyinǝ voh nǝ ha. ²⁹Nǝ gah nǝ ɗung yang ailou wairǝn.³⁰U nakah ɓi ni Vah FIH ɓǝ ɓǝi? ɓeɓi nikarǝ? ³¹Laɓamang nǝng yiseu(mustard) nǝ ɓenǝ. ³²Nǝ ɓeyang nǝgangi, yangtsah, tsǝkanau lei yihyiuɗueye chilla makavah.³³U' lai ɗjum kpala tansǝ bivounǝ unalela ain i'bǝrǝnǝ, ³⁴U' nabi ɓelekǝ famlou sai ɓei ɗjum, nǝ u bǝitseu, nyinala kǝ lei mongsem vou ha.³⁵Fihɓela ɗunɗui chue, u nale a ɓitaka nalee. ³⁶Eiyĩ zaivǝ ,ei ɓǝ Yeso tangtse ƒah, ɗǝ tarǝ chuahai ɓaikǝ. ³⁷Yuanƙi ɗu, tahtansǝƒah, mǝngyiƒah.³⁸Yeso tanseu, u loinǝngloi, eibghanǝung ei i'ukǝ, "yivǝ nyinasǝnǝng aiɓalou dǝɓi bweirǝ? ³⁹Yeso i jirǝbou naɓikǝ yua, nǝngbǝ yua ɗjiyhua chim, yua ɗjiyhua ɓǝinou bǝgam.⁴⁰Nǝngbǝ nalei nɓakǝ dǝɓa ɓiɓi'? ɓayaung ɓei biaghang kǝ'? ⁴¹šiɓi möle ɓei samɓei dei nahabi," nwamanǝngbǝ, yua bǝi wuam ma' dǝ liurǝ?"

Chapter 5

¹Ei wu gum wuam, ku yhua Herasens: ²Yeso dǝ chuirǝ tangsǝ ƒah, tanghuaɓi, yivǝ yuahɓeiseu wuseu.³U' ƙuɓǝ chueiba , yivǝkah yaungɓan tseurǝkah ko bǝi sarkakǝ, ⁴Viɓi dǝ tseurǝ bǝi sarka, bǝi nǝngbǝnǝng, u'wa sarka, yivǝka yaung bǝi sambǝinǝ tseukǝrǝnǝ.⁵Invï, bǝi ɗuafih, ko ɓǝ chueɓǝ ko kutei ɗeu pasǝu bǝi teilamrǝ. ⁶Da uɓa Yeso chuilah, uwusǝubɓei ɗjum uaɓei nwaɗuankǝsǝu,⁷U, tatæ ɓei wikǝ, nɓa mincueɓeima Yeso YiFIHngã? dǝmin gũ ɓei FIh ɓeinoukǝ, biadem yiɓeinka. ⁸U' na'a ei'i tangsa kwang yivǝni ma yuaɓeinǝ.⁹U' ɓiu a' ingmanwä? u'na'a ingrin ɗʒung' ɓikpa'ing'. ¹⁰Nǝngɓǝ u'gũ Yeso la'nyimaha bi'a nyamɓinka yuani¹¹Nǝngɓǝ lei ɗjun hyau'avah de tangnǝng kutei. ¹²Nǝnɓǝ aigũ a aiɓanlei hyau'avahlei ɓitatansǝlei. ¹³Nǝngɓǝ u'yilei, lei yuaɓai i' tatansǝlei hyau'avahɓǝ. Nǝngɓǝ ɗǝƙǝ vua teikpaika tansǝ wuam.¹⁴Nǝngɓǝ leivǝnǝ dǝ dǝnǝngtang kǝlei hyau'avahnǝ pai'ɓeiɗum, eita denarǝ gari nǝngnǝ cuesǝnǝ, har ɓei gum hyuaha. Leivǝ ita dǝ ɓa nǝngnǝ dǝ cuesǝnǝ. ¹⁵Nǝngɓǝ eiwu sǝ Yeso, eiɓa yivǝnǝ yuaɓeisǝuni, ukunfam jamvou, nǝngɓi muale.¹⁶Leivǝnǝ ɓa nǝngnǝ cuesǝ'sǝyivǝ yuaɓeini, zamle ɓuaniula, ei na ɓei bivǝi hyuavaɓǝ. ¹⁷Nǝngɓǝ ei gũ' a uyile yuaveila.¹⁸Da ɗǝu ta'tangsa ƒah, yivǝ yua-viɓinǝ gũ'a nmuacuemei? ¹⁹Yeso guolalou, nau'a atavah ta nalei hyiumala nǝngagangnǝ Fih cuelanǝ tangsǝ bǝleitãvou. ²⁰Nǝngɓǝ upai tau fuɗi bǝna nǝngnǝ Fih cueulanǝ. sǝɓi' mualeha.²¹Nda Yeso fa hyangum wuam, leivǝ ƙpala ƙwaiu wuawam, ²²Nǝngɓǝ yivaka tangsa lei ninasǝnǝg, iun' Yayarus, nda uɓa Yeso nǝngɓǝ uba' ɓeiɗungciu. ²³U' gũ, u manala u gũ, a yim'la kahang, u wua ɓua. in'na dʒanama kuyang , un cilarǝnci, u' ɓuiu. ²⁴Nǝngɓǝ uta cuahei ɓeikǝ, leivǝ kpala muachu, bǝpiseu.²⁵Kanǝng yihei akala bibi hwui dǝ aiseu ha hah hua'irǝu na'iu, ²⁶U'cueyiɓei ing wuakum vöo, u'tǝnkǝ nǝngnau ɓam, u'chi larǝlau, ²⁷Da u'li ɓivǝ yeso, u wu'ka chua tangsa zaivǝh kpala u'tamnasǝ nǝngyasǝ vǝ Yeso,²⁸U'na a'' in nǝn tamnasǝ nǝngyasǝvoun, minci larǝnci. ²⁹nda u'tamnasǝu, wuan-hwuibǝ dʒehua tanhua, u'cilarǝ tangsasǝu.³⁰Nda Yeso li'tangsa sǝu samɓei bǝ larǝ insǝu, nǝngɓǝ u mim tangsa zaivǝi, u'na'a nwa kimnasǝ nǝngyasǝrie? ³¹Le mongsem vou nau'a ''zaivǝnǝ kpalanǝ nǝngɓǝ nama nwa kimnasǝmai? ³²Yeso zambǝ ɓa, nwacue nǝngnǝi.³³Yihei bǝ i'bǝ nǝngnǝ cuesǝsǝu, nǝngɓǝ ɓi'mua, sǝu'dǝ ɓasem. uwuociu, unaubi-aganglaɓam. ³⁴Yeso nau'a," yimuayihei, bi-agangma dae larǝn, ata tangsa yua tä acilarǝ sǝ nǝngʒimai.''³⁵Nda du' nabi, levaka wu' sǝ levangah tankum bǝ ƙaFih nau a yimabǝ ɓuin, nɓakǝ bǝǰuasǝ yivǝninasǝnǝngɓi?''³⁶Yeso li' nǝngnǝ ei nanǝ, U'nale vangäkumFihɓǝ a' biɓa ɓiɓinka, ɓabænila. ³⁷U' yiyivaka a'dʒiriɗjulou, ɓuasǝun Bitru, ɓai Yakub, ɓai Yohana a'hyui Yakub. ³⁸Ei-wu' vavǝ yivangãkumFihɓǝ, nǝngɓǝ u'ɓa zaivǝ kpala dǝ tata ɓaiwï.³⁹Dau u' ta'tangvaɓǝ, u'nale a'' Nɓakǝ dǝɓa ɓankǝhua, dǝɓa tatæ? yimungnǝ dǝ luenǝnglue, u'ɓuilou. ⁴⁰Nǝngɓǝ ei-mam'mu, nǝngɓǝ u'nale a ɓa'iɓǝifa, u ɗubǝ dah,ɓai nahvǝ yinǝ ɓuinǝ ɓǝleivǝna cuahai ɓaikǝnǝ, ei ta'tangsa ɓǝnǝ yimuangɓǝ lanǝ.⁴¹U' muakana yimuangɓǝ, u'nau''talitha, koumi",Nǝngɓǝkǝ,' yimuayihei a i'ajirǝbou." ⁴²tanghuaƁi, yimuamɓǝ i'jirǝbou dǝ horǝ(hæ yimuanɓǝ hua'ǐrǝu'na'iu"12") tanhuaɓi, sǝɓi'mualei. ⁴³U vǝ' cuacualei, bianakǝ yivakalanka, Unale a ei-dou nǝngtang utang.

Chapter 6

¹Nda Yeso i' nǝngɓǝ fa wuvah, lei muangɓuivou muacua langɓǝ. ²Nda fiisaticue, nǝngɓǝ u' nilenasǝnǝng tangsa kumgũFih, leivǝ kpala liu' ha sǝɓi muale ha ei-na'a, U'chi bǝ ninasǝnǝngni ɓai,? U'chi yiurǝ binǝ ɓai,? nǝngcuesǝɓi ɓa deu cue ɓai naunei? ³Nyivǝ pikanǝlou? yi Meri, ɓai yhui Yakubu, ɓai Yahuza, ɓai Saminu, ɓalei yhui a yihei nǝ ɓi cuehainilou?'' hualei ɓaisǝ Yeso.''⁴Yeso nale a ''yivǝ tawuacuamvǝFih ba chigãrǝ vahvouwau, ɓai tangsa le yhui; ⁵Yeso sake bǝ cuenǝng sǝɓi kpalalou, ɓuasǝu du leina kuleivǝ nǝngʒi yang dǝ chi larǝ. ⁶Ei-dʒaninisǝ Yeso lou, nǝngnǝ sǝɓimoo. Nǝngɓǝ Yeso ta'le hua'ahang dǝ ninasǝnǝng.⁷Nǝngɓǝ u ɗubǝ lei hua'irǝu na'iu ɓǝ, u fuɗi bǝ chumlei na'iu-na'iu, nǝngɓǝ u dǝle samɓai ai'ikǝ hua-aɓai. ⁸U' boule a bi ei ɗǝnǝng-aka, kon nǝngtang, kon hou, kon wuaɓi tangsa tarǝvei, ɓuasǝu ƙa bana. ⁹Amma ɓa bahũ, biɓa ɗǝnǝng yasǝbna'iunka.¹⁰U'nale a 'vahnǝha nǝɓatang, ɓakubibi, ha ɓa'ikǝ ɓa paibibi. ¹¹Vahnǝ ha nǝ bamuaɓau, langfǝ baliɓaun, nǝdǝɓa yibǝɓang, ɓa kuhua kabuɓa ɓa'eilela, nǝngɓǝ kǝ shaida.¹²Ei-ta dei narǝ a zaivǝ yilasǝ nǝng-aɓaivei. ¹³Ei-ikǝ lei-hyua-aɓai kpala, nǝng ei-finũi kǝ levǝla kpala ei-chilarǝ.¹⁴yivah Hiridu libinǝ,don ing Yeso ɗabǝngha. Leivǝka dǝ na'a'' Yohana lei'babǝ-mǝng nǝngɓǝ iɓua nǝng dǝ cueleinǝng cuesǝɓinǝ.'' ¹⁵Lei-vaka na'a ''un Iliya. ''Langfǝ leivaka a nyivǝ-nabiFih akanǝ ilanǝ.¹⁶Da Hiridu libibǝ nǝn na'a Yohana nǝ nchumkunǝ u'in ɓua. ¹⁷Don viɓi Hiridu u'chumbǝ, ei-mua yohana ai tseu vahbusǝna, bivǝ hei-hui Filibu nǝ u'kǝ Hiridu u'ʒanǝ.¹⁸Don vlɓi Yohana na Hiridu a ''lankunǝngalou, uʒa hei hui ukukǝ. ¹⁹Yiheibǝ mua Yohana niniu, deu ƙǝbǝ nǝngã hyiarǝvou amma u bau. ²⁰Hiridu dǝ ɓiɓivǝ Yohana un yivǝ nǝng-agang, yivǝ biamla, nǝng u kan'nasǝu. du liurǝn yuodǝ ɓairǝsǝu, langfǝ dǝu liarǝ ɓai nini'alarǝ²¹Vi'aka wu kwaha ɓai fichirǝvǝ Hiridu, u'yuilei nǝngtang kǝ lei levangãvoula, ɓǝlei vangã-taɓuivou, ɓǝlei vangã yhua Galili. ²²Yi'ayihei vǝ Hiriduya wu œ'dang chille, u'lani Hiridu ɓǝlei ɗuwaivou. Nǝngɓǝ Yivah nau'a, ''una nǝngnǝ du yiɗi', rincueulancue.²³U' hyui'nǝng u'na'a ''kon nɓaha dǝma yiɗi mindɑndǝ, ha ɓai wuaƙǝng vahm.'' ²⁴Yimuayiheiɓǝ i'tasǝ nahvou, u'ɓiu' a'nɓaringũrǝsǝu? A'nau, '' ku Yohana yivǝbabǝmǝng.'' ²⁵Tanghuaɓi, u'tasǝ Yivah, u'gũ'a u'dǝriku Yohana yivǝbabǝmǝng sosoenǝ.''²⁶Nǝngnǝ vǝ'huayivahn, u'ba ulau', bivǝ nǝnghyui'nǝngnǝ ɓai leiɗuwaivou. ²⁷U'chum yitaɓui aka, ''utatau wukǝ ku Yohana. Yitaɓuiɓǝ tǝ chumku Yohana tangsa bursǝna. ²⁸U' wukǝ ku Yohana tangsa tǝ'rei, woudǝ kǝ yimuayiheiɓǝ, nǝngɓǝ u'dǝkǝ Navou. ²⁹Nda lei-muangɓuivou libibǝ, nǝngɓǝ weiɗǝ nisǝ Yohana ɓǝ ei cuii.³⁰Lei-tawuacum, fata sǝ Yeso tǝnau nǝngnǝ cuesǝ hakpam bibini. ³¹Yeso nale'a ''ɓawuka ɓãnvunǝ ɓainaɓa wuɓahũ cuoni, Don zaivǝ kpala dǝ wurǝ, dǝ pairǝ, ha ei-chinanǝ eintangkǝ nǝngnǝlou. ³²Nǝngɓǝ ei-pai tangsa fă, ei-taɓavuɓa ɓai nalekǝ.³³Zaivǝ kpala ɓapairǝvǝin, kuma ɓale-ing, nǝngɓǝ nyamchulei ɓaiboukǝ leivah nǝha, ei-wurǝ zaivǝ kuhuanha. ³⁴Nda ei-wu bapi, U ɓa zaivǝ kpala nǝng u ɓa yiɓaivei don lei ɓaman nǝngboungam, yigɓărǝvei yau. Nǝngɓǝ u fuɗibǝ nilenasǝnǝng kpala.³⁵Nda ɗunɗui chue, le-muangɓwevou wusǝu na'a ''Bǝnǝngn ɓǝvu, langfǝ bǝɓin, ³⁶A'nyamlai, ei-ta lai vah'abapi ailianǝng aka eitang.''³⁷U' gwalela u'na'a, ''ɓadǝle nǝngtang ei'tang.'' Ei-nau'a, ''Ɓinba ɓinta taɓin lya kumbam denarii hunhui' na'iu, kǝɓi dǝle' ei-tang?. ³⁸U'nale'a, ''Nauna'ũ'naɓai?'' ta'ɓaɓa.'' Nǝngtai ɓa einau'a ''Nau na'hui ɓai yhing na'iu.''³⁹U' dǝwua kǝ levǝha a'kukurǝ kǝn ɗjung kuvũ. ⁴⁰Ei-kukurǝ kǝn ɗjung; nɗung hunhui, ɓai hun'iu-irǝuhyua. ⁴¹U' ɗǝ na'kumbam na'hui, ɓai yhing na'iu, nǝng u ɗǝ ku ye ugũFih nǝng u'cuĩ kumbambǝ u dǝkǝle muangɓuivou ei-tsakǝ leivǝla. U'tsayhingɓǝ langɓǝ kǝlelaha.⁴²Lekpam ei-tang ha kǝ yuatsarǝ. ⁴³Ei-ɓuiniu le-chuwua kumbam, khalou-yila hyua na'iu ɓai yhingɓǝ langɓǝ. ⁴⁴Zaivǝ nǝ tangnǝnǝng lei Hunhui hyua'na'hui.⁴⁵Tanghyua'ɓi, Yeso nalei muangɓui ei ta tangsa ƒa, ei-hya ei-ta gum'a Bethsaida ei-yiri. U yawua kǝ zaivǝ pai. ⁴⁶Nda ei- pai, U' ta tu tsũ tei u gũFih. ⁴⁷Ɗunɗui cue, ƒa ɓǝ ta nini'mǝng wuam, u ɓain ɗʒau gum.⁴⁸Nda u ɓa dǝi cueyiɓai ɓai ƒa, a'arǝ, bisǝu hyua paisamɓaivai. Ɗǝchibǝ cue tangsa ɓi' nanyã, nǝngɓǝ u hookumǝng u wu kasǝlei, u'cue ɓama dǝu paisǝle. ⁴⁹Nda eiɓua du hookuwuam, dei ɓana'kǝtei hyua nǝngɓǝ ei boubo, ⁵⁰Bisǝu ei-ɓa nǝngɓǝ sǝɓimuale. Tanghyuaɓi u'naɓi ɓalekǝ u'nale a, ''Ɓa tsanini, nmi! Biɓa ɓiɓinka!''⁵¹U' tatangsa ƒa ɗuhei ɓǝlekǝ, nǝng hyua ɗʒihua bǝ warǝ. lekpam sǝɓi muale. ⁵²Ei iɓǝ bi kumbam nǝlau, langfǝ ninile lamǝng.⁵³Nda ei hya ei ta gum wuam, ei-ta hua Janisarata, ei tsa ƒavei wuangwam. ⁵⁴Ei chũ tangsa ƒa, zaivǝ kpala i'bǝle tanghua, ⁵⁵nǝng ei huiɗjum ei talekuhuaha dei wukǝ leivǝ nǝngɗʒi kǝbǝnǝ ei-li sǝulanǝ.⁵⁶Bǝnǝha u talaha, levah-ahang, ko levah-angã, kon kuhuayang, ei ɓuilevǝ nǝngɗʒi dei wukǝ faangã. Dei gũ a u yile tam nǝngyasǝvou, lenǝha nei tanyang dei chilarǝ.

Chapter 7

¹Lei farisi bǝ leivǝ vinǝngnǝ wu jarusalem'ni ai ghamsǝu.²Ai ɓa lei muangsemvou dǝ tangnǝ ɓai na'ɓuisǝ, nǝ ai lólounǝ. ³(Don lei farisi ɓalei'yahudaha ei tangnǝu sei ai lónale ɗyai, don ei muanasǝ nǝngyhïnǝng vai babăvai. ⁴Nǝ lei farisi faalómun, sai ei hwaimǝng kǝ ei tangnǝng nǝngnǝ ei muaɓǝle nǝngyhïnǝng aka ɓaman, bǝ lueli, ɓai ɗʒau, ɓai tasǝu-ɓi, ɓai kãkurǝ tangnǝng.)⁵Lei farisi ɓǝlei vǝvinǝng ai ɓi'Yeso a, ''nɓa kǝle muangsem ma muanǝng yhuinǝng vei babãlou, dei tangnǝng ei'lónalelou?"⁶Nǝngɓǝ u nale'a '' Ishaya nawuabing kuɓai lecue'afam. U vï'a, 'Leivǝnǝ dǝ dǝm gãrǝ tanwualei ɓusǝu, niniie chũhahyiu ɓaimkǝ. ⁷Biafam dei namla, dei niinasǝ wuabi vǝ zaivǝ kǝ nǝnghyuinǝng vai.'⁸Ɓa la bivǝ Fih, ɓamuanasǝ nǝnghyuinǝng vǝ zaivǝ.''⁹U'nale aka a,''ɓa ibǝn ɓala bivǝ Fih yang kǝ ɓamua nǝnghyuinǝngɓǝ! ¹⁰Musa na'a '' adǝ gãrǝ kǝ da'ma ɓai na'ma,'yang, 'Yivǝnǝha na'bi aɓai ku da'vou, kon na'vou, kǝbiagang un ɓouɓui.'¹¹Nǝng ɓa na'naɓa, ''yivǝnǝha na Da'vou ɓai Na'nou a, ''bǝ yungbǝ nǝha ɓan chirǝ semni n'Corban,'''(nǝngɓekǝ, nǝngdǝnǝng Fih')- ¹²manǝngɓǝn, ɓa dǝu nangãn, u'cuenǝng-aka kǝ Da'voula ɓai Na'vou wau. ¹³Ɓa memkǝ bi-Fih kǝ nǝngafam bivǝ nǝnghyuinǝngɓanǝ ɓaɗʒachini ɓǝle nǝngakanǝ dǝɓa cuerǝnǝ.¹⁴U' ɗubou zaivǝha u'nale a, ''ɓa'lim, ɓakpam, ɓa'ibǝ. ¹⁵Nǝng yaung baifa n'tatanghyua yivǝ nɓaukǝrǝ, n'nǝngnǝ i'tanghyua yivǝ nǝng ɓaunkǝrǝ.'' ¹⁶Yivǝnǝ laɓai ɓuachu lirǝn, u'li.¹⁷Nda Yeso yilaivǝɓǝ,nǝngɓǝ tavah, lei muangɓuivou ɓiu ɓuanin ɗjumɓǝ. ¹⁸Yeso na'a, ''ha ɓama ɓa yaung ɓai bǝ i'bǝnǝng? Ɓa ɓalou, nǝngnǝ ta'tanghyua yiivǝ kaɓaifa yang ba ɓaukǝu, ¹⁹don ba'ta niniuwau, ntan'tangsǝ kaɓaihyua nǝng un'nakǝɓǝng?''Ɓai' bi'nǝ Yeso memkǝle nǝngtangha hiila.²⁰U na'a, ''n'nǝngnǝ i'hyuayivǝini nǝngɓǝ ɓaukǝ. ²¹Lantanghyua yiivǝ, tangsa nini' ikǝ, bǝ kembi'aɓai, bǝ cueafam, bǝ i'nǝng, bǝ hyăbǝ, ²²bǝ lueɓaiheiyiivǝ,bǝ yiɗinǝng-fangwam, nini'aɓai, bǝ ƒambǝ, bǝ cuehyua, bǝ cueɗʒahei, bǝ gãku, bǝ dei'em. ²³Lei nǝng-aɓainǝkpam i'lan-tanghyua, nledei ɓankǝ yiivǝ.²⁴U' ibǝbi nǝngɓǝ u taka hua Tere, ɓai Sidon. U'ta-tangva'aka, u yiɗilau yiivaka i'bǝ ulabibi, langfǝ u bauyuiu.²⁵Tanghyuaɓi yiiheika, nǝng hyua-aɓai lasǝ yiu'ahangnǝ, liisǝ Yeso, nǝng u'wu ö chi Yeso. ²⁶Yiiheiɓǝ, u'ihua Girka, nawachi u'langbya Fonishiya. U gũ Yeso a u irikǝ hyua-aɓainǝla sǝ yiimuangni.²⁷Yeso nau a, ''uɗʒua lei-muang tangnǝ nachi ɗai. hyiu a ɗǝnǝngtang vei-muang a eikǝ ,le yiɗuala.'' ²⁸Nǝngɓǝ u'na Yeso a, ''ngwa, Yiicuevah, lei-yiɗuama dǝ tang anǝ ei bu tebur na leimuangni.''²⁹Yeso nau a ''bi nǝngnǝ a nanǝ, manbaman tãmanta. Lei hyua-aɓaiɓǝ iyang sǝyiimai.'' ³⁰U fau tavahvou, tǝuchi yiu lue kunǝng luerǝi, le hyua-aɓaiɓǝ iyangsǝu.³¹Nǝng u'i u yi hua Tere, u muaka Sidon u mua wuam Galili utaka hua Dikafolis . ³²Ei wukǝ yiivaka ɓuachueɓam una'bi hyiilau, ei gũ u leina ku.³³U mua u'ikǝ tangsa zaivǝi, nǝngɓǝ uba nǝnghyãnau ɓuachuǝ, nda u chuchichi, nǝng u tamkǝ lhim'mu. ³⁴U ɓa'ye, u chuhyuii nǝngɓǝ una' a ''Ifatha, watau ɓai!'' ³⁵Tanghuaɓi ɓuachuǝ idǝ liibǝ, nǝngnǝ lamwuanǝ ɓaing, nǝng u fuɗi bǝ na'bi hĩla.³⁶Yeso nale a bi ai nakǝ yiivakalanka. Ɓai binǝ unalelanǝha, ei na'bivau ɗǝkǝbǝha. ³⁷Sǝɓi muale sǝle dǝ ɓasem, ei na'a, ''U cuenǝngkpam hyiila. Ha u memyiivǝ ɓamchuǝ dǝ liibi, yiivǝ wuayaung dǝ nabi.

Chapter 8

¹Vi'ɓini zaivə kpala, ai yaung ɓai nəngnǝ ein tangrǝnǝ, Yeso ɗubou le muuangɓuivou nale'a ²''Dəmin ɓa'yiɓai vaivənə, boule ni'nata ɓaimkə ei-tangnəlau. ³In'nǝng yalei wua nakǝ ei tavahn, lei vakan suman suma nǝngã. Don ei i'chũ-ing. ⁴Le muangɓuivou nau a, ''ɓin chi nəngtang ɓai kpala ɓangkini kəlouwua zaivənəhai?''⁵U'ɓilei a, ''niu'nana'ũ naɓai?'' Ei-nau a, ''Hyui'iu''. ⁶U'na zaivə aɓakukurəhua, u ɗəna kumbamɓə hyui'iu, u kãFih nəngɓə uchũle. U'dəle muangɓuivou ai ɗzə chi zaivəiɓi.⁷Lei-la ɓai yi-ying chuni, nəngɓə u kãFihsəu, u nale muangɓuivou a ei tsakə zaivəla. ⁸Ei-tang hyualei tsa, nəng ai ɓuiniule churə wuanəɓə gwakalou hyui'iu. ⁹kparə zaivəɓə hun'hyuĩ hua bu nanya(4000). Nəng u nale ataavəi. ¹⁰Tanghuaɓi Yeso ɓəlei muangãɓuivou chuə fã ai taka yhua Dalmanuta.¹¹Nəngɓə lei-farisi wu də tsawua ɓaikə. Dei yiɗi u'nilenasə nǝng ɗuiye, ai chila ai niukə. ¹²Nəngɓə u chuhyuĩ tangsa kwau una'a ''Nɓakə levə-a susuenə də yiɗi ai ɓanǝng h? bi-agang dǝmin naɓala, nǝng akayaung ain dǝkǝ levasusuenǝ. ¹³Nəng u yila, u tangsa fã, u taka gwam alei.¹⁴Kanə nile muangɓuivou jĩ ei-ɗə kumbbamlau, niu tsing ɓuasəu tangsa fã. ¹⁵U' nale a ''ɓacue hakilou ɓai yist fai le-farisi, ɓai yist fə Hiridu.''¹⁶Lai muangɓuivou naha'bi ɓualei a' '' nbi kumbam nǝ yaung naleni.'' ¹⁷Yeso i'bǝ nǝngnǝng, nǝng u nale a, ''nɓakǝ dǝɓa banhabila bivǝ kumbamnǝ yaungnei? Ha lada ɓa liilou? ɓa i'bǝlou? Nini'ɓa tsa-ing?¹⁸Nǝngɓa la, ɓa ɓabǝ wei? Bwachuɓa la, ɓa liibǝ wei? ɓakembi wei? ¹⁹Nda tsa kumbam na'hyuinə ndǝkǝ zaivǝ hunhyui'hua bu na'hyui(5000), niu ɓa gammai?'' Ei- nau a, ''hua'irəu'na'iu(12).''²⁰Nda ntsa kumbam na hyui'iu(7) kə zaivǝla hunhyui hua bǝ'nanya(4000), niu' kaloyila na'ũ ɓagammai? Ei-nau a'' hyui'iu(7).''²¹U na, ''Ha lada ɓa ibəlou?''²²Ei-wu Betsaida. Levǝ bǝɓǝ wukǝ yiivǝ nǝngɓamnǝng aka ai gũ Yeso a u tamnasǝu. ²³Yeso muakana yiivə nǝngɓamnǝngɓǝ taukǝ chuavah. Nǝng u chuchichi nǝngyiiɓuiɓi, nǝng u tamnasǝu, u ɓiu'a, '' A ɓa nəng-akan h?''²⁴U' ɓaye, nəng una'a, ''nɓa levə dǝ woo ɓaman le-kaa.'' ²⁵Yeso fa tamna nə-u, yiiɓuiɓǝ ɓai nǝ-u dǝ ɓa lenǝngɓam hyila, u chilarǝn. ²⁶Yeso nau a u tavahvou, ''biuta tangsa levahnka.''²⁷Yeso iɓǝle muangɓuivou ai taka levah ahang Kaisariya Filibi. Lei-nǝngã u ɓi'lemuangɓuivou, ''Zaivǝ dǝ nam'a min wai?'' ²⁸Ei gwala a, ''Yohana yiivǝbabǝmǝng. Lei-vaka na'a, ''Iliya, lei-vaka a yiivǝka tangsa le anabawa.²⁹Yeso ɓi'le a, ''Dǝɓa na'aɓa naɓa min wai?'' Bitru nau a, ''Makǝ Kristi.'' ³⁰Yeso nale a bi'aina yiivǝkalanka biri.³¹U fuɗi bǝ nile nasǝnǝng a Yii Yivǝ ncueyiɓai nǝng kpahiu, le-vangã, ɓǝle kunlau-angã, ɓǝle vĩnǝng nlaunla, ein hyaunhya, chuabou na'ta, un i'i. ³²U nabi ɓa luebaifa. Neng Bitru muatakǝ wuahyua dǝ vǝchuichuiu.³³Nǝng Yeso memɓa le muangɓuivou, U ikǝ Bitru una'a, ''faa tachuela ɓaimkǝ monkulum! A ɗji-ninima sǝ nǝngvǝ Fihlau, a ɗji-ninima sǝ nǝngvǝ zaivǝ.'' ³⁴U' ɗubu zaivǝ ɓaile muangɓuivou , u nale a, ''Yiivǝnǝ dǝ yiɗi bǝ muachuamǝng un lakunla, u ɗǝ gichiyevou, u muachuam.³⁵Yiivənəha dǝ yuaghũrǝu yang u chi-u, yiivǝnǝha ɓuiibim ɓai bivǝ bialarǝn, un yhuakunyhua. ³⁶Nɓa yiivǝn chirǝ, inau chi fangwam kpala, nəngɓǝ uwa hũrǝu? ³⁷Nɓa yiivǝn dǝrǝ, npemkǝwua hũrǝvou?³⁸Yiivǝnǝha dǝ cuesǝkum ɓai bim tangsa fangwam nəng-aɓaini, Yii Yiivǝ ncuesǝkuvou vĩnǝ nǝu wu tangsa garǝvǝ Davou ɓǝle malaika agarə.

Chapter 9

¹U nale la a, ''Bi-agang dǝmin naɓala, leivaka tangsaɓai eiba eibǝn ɓuau ha dokǝ ei ɓa VahvǝFih wu ɓai samɓai.'' ²Chuabou hyuĩ'chung, Yeso ɗǝ Bitru, ɓai Yakubu, ɓai Yahona, cuahei ɓaukǝ ei chuatei. Nǝngɓǝ u pyamsǝu chile. ³Nǝngyasǝvou memkavou, vou'la, vouha yiivǝ nǝnglonǝng yaung an lonǝngvou manǝngɓǝ.⁴Nǝng lei Iliya ɓai Musa i'fũchile, nǝng dǝ nabi ɓai Yeso. ⁵Bitru gwawua nǝng na Yeso a, ''Rabbi, hyi'ing ɓila ɓǝni, ɓinma kum nina'taa, atsing amaa, atsing a Musa, atsing a Iliya.''⁶(Don u bǝnǝngnǝ un narǝnǝlau, don siɓi mualen.)⁷Le'n chĩ, wulamkule, nǝngɓǝ wĩ dǝ nabi tangsa chĩɓi a, ''Yiivǝnǝ kǝ Yiimnǝ dǝmin yiɗi, ɓa liu. ⁸Dangla, eimem eiɓa ɓǝ, eiɓa Yiivakalou, ɓuasǝun Yeso.⁹Nda dai chũrǝ ku teiɓi, nǝngɓǝ u nale a bi'ai nakǝ yiivakalanka nǝngnǝ ai ɓanǝ, sainǝ Yii Yiivǝ i'ɓua ɗǝikǝni. ¹⁰Ai ɗjaɓiɓa ɓuale, langǝ dei nakǝhala a ''nɓakǝ bǝ'iɓuaninǝ'' dǝnufii?¹¹Ei-ɓiubi a, ''Nɓakǝ lei-viinǝng na'a Iliya nwu nawachi?'' ¹²U nale a, ''manǝngɓǝ Iliya wungnachi, wu fakǝ nǝngkpam. Nɓakǝ ei vii' a Yii Yiivǝ ncueyiɓai nǝngkpalau, ein ɗǝu ɓaman nǝng-afam? ¹³Dimin naɓala, Iliya riga wung, nǝng ei cuenǝngnǝha hualei dǝ yiɗi ɓaukǝn, kǝwua yanda kwangɗju na bivounǝ.¹⁴Nda u fauta sǝlei muangɓuivou, ei ɓa zaivǝ kpala kwaile dǝ tsawua ɓalekǝ. ¹⁵Nda ei ɓa Yeso, zaivǝ kpam siɓi muale nǝng ei hwijum ei-wusǝu waijzamu. ¹⁶U ɓile muangɓuivou, ''Nɓa dǝ ɓatsawua kuu?''¹⁷Yiivaka tangsa zaivǝɓi ɓiu a, ''Rabbi, nwukǝ yiim kǝsǝma. U'la ɓaihuakǝ nǝ ubaunabiunǝ. ¹⁸Nǝ vǝuyang lang, ɗǝu kpahya fufuk dǝ'i'wu, dǝu tang-iusǝhai yang sǝutsala. Nnalei muangɓuima nakǝ ai iu'kǝ nǝng ai bau.''¹⁹U nale la a, ''Levǝ fangwam nǝ gwabiunǝ, ha nɗǝu min ku ɓaiɓakǝ?, ha ɗǝu min ɗǝmunya ɓaiɓa? Ɓawukǝ sǝm.''²⁰Ai wukǝ yiimuangɓǝ kǝsǝu. Nda hyuaɓǝ ɓa Yeso, nǝng waukǝta dǝ vǝurǝ. Yiimuangɓǝ ohyua fufuk dǝ i'wua. ²¹Yeso ɓi dahvǝ yiimuangɓǝ, ''ndau fuɗiu-la?,'' dahvǝ yiimuangɓǝ na Yeso a, ''tun'ukǝ yimuahang. ²²Dǝ leula ɗua ɓai mǝng yang lang dǝ yiɗi bǝ hyaurǝ. Nǝ nǝngla mamba mancuecuen, aɓa yiɓaiɓi, a yungɓi.''²³Yeso nau a,'''In nǝ mambǝbǝng'? Nǝnghakpam ncuesǝncue, sǝyiivǝnǝ jza-niniulang.''²⁴Tanghuaɓi dahvǝ yiimuangɓǝ kitaahyua tsala na'a, ''Nbaning, a yung bǝ banimnǝ yaungnǝ. ²⁵Yeso ɓa zaivǝ kpala dǝwurǝ ɓai djum, u nyariku hyuaɓaiɓi una a, ''a i'sǝ yiimuangni bi a sake bǝ wusǝunka.''²⁶U tataa ɓai wei, nǝngɓǝ u gayiimuangɓǝ tsala nǝng u'i. Yiimuang lue ɓama ɓuɓui, ha zaivǝ dǝ ɓana ''u ɓuɓui,''²⁷Yeso muanau jzarǝbou, nǝng yiimuangɓǝ i jirǝbou.²⁸Yeso i'ta tangvah, lei muangɓuivou wu ɓiu tantã, ''Nɓakǝ ɓiba ɓi i'kǝ hyuanǝlau?''²⁹Yeso nale a, ''Nǝng anǝ ba iu' sai bǝi aduwa.''³⁰Ai pai bibi ei-muaka hua Galili. u yiɗi yiivǝka ibǝ bǝnǝ u lanǝlau, ³¹don du ninasǝnǝng kǝlei muangɓuivou. U nale a,''En dǝ Yii Yiivǝn dǝ nale zaivǝ, nǝng en hyaun-hya. nei hyauyang bounataa, un i'i. ''³²Ei-ibǝ biinǝ unanǝlau, langfǝ dei ɓiɓi bǝ ɓiurǝ.³³Nǝng ei wu Kafarnahum. Nda u ta-tangvah u ɓile a, ''nɓa dǝɓa nakǝ hala nǝngã?'' ³⁴Nǝngɓǝ ei-kǝi. Don dei tsahawua nǝngã ku nwa kǝ yiivangã. ³⁵Nǝngɓǝ u kuhua, u ɗuboulei hua-irǝu'na'iu ɓǝ cuahei u nale a, ''Yiivǝnǝ dǝ yiɗi bǝ jichiyang, un fa'un taacuakpam, un memkǝ muangsem veikpam.³⁶Nǝngɓǝ u dǝyiimuang kahang ujza ɓǝle. u ɗǝu kutsǝu nǝng u na a, ³⁷''Yiivǝnǝ mua yiimuangnǝ bi ing yang, u mom yang, u mom ɓuasǝulau, ɓai Yiivǝnǝ cuaminǝ langɓǝ.''³⁸Yohana nau a, ''Rabbi ɓi ɓa yiivaka dǝ i'kǝ hyua ɓai ingmakǝ nǝng ɓi nyamu, bi u yaung ɓangɓi.''³⁹Yeso nalei a, ''Biɓa nyamun ka, yiivǝ yaung ncuenǝng manǝngni ɓai ing ha wun na nǝng-aɓai kum.⁴⁰Yiivǝnǝha laɓilou, un aɓi. ⁴¹Yiivǝnǝha dǝɓa mǝng-awuarǝ tangsa yilang bivǝ Kristi, kǝgang dǝmin naɓala, un chi ladavounchi.⁴²Yiivǝnǝha cue tsing tangsa lei-muangni gwabimnǝ ou, painǝngla ei-tsa teinamnǝng dju, ei wau mǝng wuam. ⁴³Nǝ kanama dǝ cue dǝma cuenǝng-aɓain, a cummu awakǝta. Painǝngla a taa vahvǝFih ɓai natsing, nda mantaa ɗuanǝ ba muiunǝ ɓai na-na'iu. ⁴⁴Bǝnǝ lei sĩsĩsǝu ɓui langfǝ ɗuabǝ muiu.⁴⁵Nǝ kabouma dǝ cue dǝma cue nǝng-aɓaing, a cummu awakǝta. painǝngla ataa vahFih ɓai kaboutsing nda mantaakǝ ɗua. ⁴⁶Bǝnǝ lei sĩsĩsǝu ɓuiu, langfǝ ɗuaɓǝ muiu.⁴⁷Nǝ nǝngma ncue mancue nǝng-aɓain, a ɗũ awakǝtaa. Painǝngla ataa vahvǝFih ɓai nǝngma tsing da manta ɗua ɓai nǝngma na'iu, ⁴⁸Bǝnǝ lei sĩsĩsǝu ɓuiu, langfǝ ɗuaɓǝ muiu.⁴⁹Kon waha ein pyiuwuacuamvou ɓai ɗuakǝ. ⁵⁰Ɗzakwaĩ la-ing, langfǝ nǝ larǝ ɗzakwaĩ yaungyang ,mancue ũ man memmukǝ laalai? Ɓachi ɗzakwaĩ tangsa ɓai, ɓa ku laala ɓǝlevǝha.''

Chapter 10

¹Yeso yibǝɓa, u'taa hua Yahudiya, gwamwuam Urdu. Zaivǝ tasǝu, dǝu nile nasǝnǝng, kǝwua anǝ deu cuerǝ viinǝha. ²Lei-farisi wusǝu wudǝ niurǝ, ai ɓiu'a, ''Hyi'ing yiiɓui inakǝ heiu?'' ³U gwalela a, nɓa Musa naɓala? ⁴Ai nau a, ''Musa gwaɓilang ɓi vĩ kwaɗju ɓiɗǝu taavou.''⁵Langsǝ nini-atsarǝɓa nǝngɓǝcue u naɓala manǝnɓǝ, Yeso nale a. ⁶''Tun ɓaiɓǝ fuɗi fangwam Fih male Yiiɓui ɓai Yiihei.'⁷Sǝbini nǝngɓǝ, yiiɓui nyi dahvou ɓai nahvou ntam kǝheila, ⁸nǝng lei na'iuɓǝ eimemkǝ ɗjusǝtsing.' lei ladan na'iulau, nɗjusǝting. ⁹Nǝngnǝ Fih maɗza tsing yang, bi yiivaka tsatansǝuka."¹⁰Nda lei tanvai, nǝng lei muangɓuivou wu biu bivǝ binǝ. ¹¹U nale a,"Yiivǝnǝha inakǝheiu, ɗzayiihei-akan du cue-afamɓǝukǝ. ¹²In' yiihei inakǝ bũ, nǝngɓǝ taa ɗzayiiɓui akan ɗǝu cue-afam.''¹³Levǝ kpala wukǝ lei-yiilekǝsǝu kǝu ɗzalenala, nǝngɓǝ lei muangɓuivou i'lekǝ a ɓafaɓǝni. ¹⁴Yeso ɓamani, nǝngɓǝ u liilarǝlau, nǝng unale a, ''Ɓa yi lemuang wusǝm biɓa nyamlenka, VahvǝFih n avaivǝnǝ kǝwuavainǝ.¹⁵Bi-agang dǝmin naɓala, yiivǝnǝha ba mua VahvǝFih kǝwu lemuang wou yang u ba u taalau. ¹⁶U ɗǝ lei-muangɓǝ wuangyã nǝngɓǝ u aile barkala nǝ u ɗzana kuleni.¹⁷Nda u fuɗi bǝ pairǝvou, yiiɓuika hyuiɗjum wu ba ɓai nwaɗwongchiu, ɓiu a, ''Yiivǝninasǝnǝng-agang, nɓa mincue minchi hũrǝ kaɗing? ''¹⁸Yeso ɓiu, a nɓa kǝ a ɗumkǝ agang? yiivaka yaun kǝ agang, sain Fih ɓuasǝu. ¹⁹Ɓa i'bǝ lei-nwabin, 'bi-ahyabǝn ka, bi-acueafamka, bi-a inǝgka, bi-a tanwacua nwa'iunka, bi-a yiubǝnka, adǝgãrǝkǝ dahma ɓai nahma'.''²⁰Yiivǝbǝ nau, yivaninasǝnǝng, lai nǝngnǝ gbamha ancueng tun mikǝ yimuang. ²¹Yeso bǝi dǝ yiɗiu, nau, niunǝngtsing man cuerǝ, a liabǝinǝng mahakpam, a dǝkǝ laivǝnǝ nǝngvai yaungnǝ, yang a muachuem. ²²Bi binǝ nǝngɓǝ, hyuaɓǝkǝ,ubochi,don un yivǝ nǝngchinǝ.²³Yeso mem ɓabǝ, nǝngnale muangɓuivou a, ''sang-ing levǝ nǝngchinǝng taa vavǝFih!'' ²⁴Sǝɓi mualei muangɓuivou sǝbinǝ unanǝ. Yeso nale aka a, ''Lei-mong, sang-u bǝ taa vavǝFih! ²⁵Ba zhakǝ joraubalau nmuakǝ ɓua batal, ku yiivǝnǝngchinǝng taakǝ vavǝFih."²⁶Sǝɓi mualei, nǝnd dei nakǝhala a, ''kǝnwa nwa nhyuaku?'' ²⁷Yeso membǝlei, nǝng nale a, ''sang-ing sǝ zaivǝ, amma ɓai Fihlau. Nǝngkpam cuesǝncue sǝFih.'' ²⁸Bitru fuɗi bǝnaubi a, aɓa, ''ɓi yilei nǝngɓin gbam ɓi muacuamang.''²⁹Yeso nale a, ''bia-gang dǝmin anɓala, 'yivǝ yaung yivavou, ko lei hyui-ayiɓui, ko lei hyui-ayihei, ko Nah, ko Dah, ko lei yii, ko lei hua, bim ɓai bivǝ bi-alarǝ, ³⁰u ba u chi ku bǝ huin-hui kpala tangsa fangwam niu; lei Vah, ɓai lei hyui-ayiɓui, ɓai lei hyui-ayihei, ɓai Nah, ɓai lei yii, ɓai le hua, ɓai yibɓai fangwam nǝ nwurǝnǝ, hũrǝ ka-ing. ³¹Amma leivǝ nawachi, enmemkǝ levǝ chichua, levǝ chichua nmemkǝ levǝ nawachi.''³²Leiku nǝngã dǝtaa urushalima, Yeso olei-chi. Lei muangɓuivou sǝɓi muale, ɓǝleivǝnǝ chuahei ɓaikǝnǝ ɓimualei. Yeso ɗubou lei hyua-irǝuna'iuɓǝ taakǝ nwagem dǝ nale nǝngnǝla ncuesǝsǝuni. ³³''ɓǝ, dǝɓitaa urushalima, bǝbi ain dǝ Yii Yiivǝ nale kunlau-angã, ɓǝlei-viinǝng. Ein daunwaɓua, ein daunale hyuavah. ³⁴Ain ɗziuwa, ein chuɓaichichi, ain gbau ɓai yueka, ain hyiun-hya. Amm bounata un i'i.''³⁵Lei Yakubu ɓai Yohana laiyi Zabadi, ai wusǝu wainau a, ''Yiivǝninnasǝnǝng, dǝɓiyiɗi a dǝɓi kunɓaha ɓi gũn.'' ³⁶U ɓilei a nɓa dǝɓayiɗi ncueɓala? ''³⁷Ai nau, ayiɓi ɓiku ɓaima Vahmai, yiivǝtsing nanali,yiivatsing nanami.''Yeso viileila a, ''Ɓa' ibǝ nǝngnǝ dǝɓa gũrǝnǝlau. Ɓan ba ɓan nwa yilangnǝ min nwarǝnǝngnwa, ko ɓan ba ɓan whai batisima nǝ min whairǝn whai?'' ³⁹Ei nau a, ''ɓin bǝba.'' Yeso nale a,''Yilangnǝ minnwarǝnǝ ɓan baɓan nwawa, langfǝ batisǝma ɓǝma ɓan ba ɓan huwhai. ⁴⁰Amma yiivǝnǝ nku nanalim ko nanamim n'mi min dǝrǝlau, n'avaivǝnǝ ai ma bivainǝ.''⁴¹Nda niule muangɓui-huaɓǝ libiɓǝ, ai fuɗibǝ ɓǝngkǝhua kule Yakubu ɓai Yohana. ⁴²Yeso ɗuboulehasǝu nale a, ''Ɓa ibǝ leyiivǝnǝ dǝɓa ɗukǝ leivangã vai hyuavanǝ mualena, langfǝ lei-vangãvei dǝ tamkule ɓai samɓai.⁴³Amma ba cue manǝngɓǝ tangsa ɓaiu. Yiivǝnǝha dǝ yiɗi gãrǝ tangsa ɓain u memkǝ muangsem, ⁴⁴yiivǝnǝ dǝ yiɗi bǝ jichi yang, un memkǝ semvei-kpam. ⁴⁵Yii Yiivǝ wubi ai cuesemvoulau, uwukǝ wu memkǝ sem, u dǝ hũrǝu kǝ u fakǝ hemvaivǝha.''⁴⁶Ai wu Jeriko, Ndadei yi Jeriko ɓǝlei muangɓuivou, ɓǝlei ɗjung-ɗjung zaivǝ, Yi Timawu, Batimawus, u'n le gbamnǝng deu kũnǝng, u ku nwanǝngã. ⁴⁷Nda u lii a nYeso yi-nazaret, u bani bǝbou deu na a, ''Yeso yii Dauda a ɓa yiɓaim!'' ⁴⁸Zaivǝ kpala i'kǝ yiiɓui-nǝngɓamɓǝ a u kãi. U ɓaiwiu tsala unaa, ''Yii Dauda, a ɓa yiɓaim!''⁴⁹Yeso jihua, nǝng nale a ɓaɗubou wu. Ai ɗubou yiiɓui-nǝngbam-nǝngǝ, ei nau a, ''A tsasǝma, a'i, dǝu ɗubouma. ⁵⁰U wa nǝngyasǝvou kǝta tseisǝu, u wusǝ Yeso.⁵¹Yeso gwaula na a, ''Nɓa dǝma yiɗi ncuela? ''yiɓui-nǝngbamnǝngɓǝ nau a, ''Rabbi, dǝmin yiɗi bǝ ɓabǝ.'' ⁵²Nǝng Yeso nau a, '' Ataa. bǝɗza ninima da larǝn.'' Tanghyuaɓi dau ɓabǝ, nǝngɓǝ u muakǝ cua Yeso nǝngãɓi.

Chapter 11

¹Kanǝ ei wu Urushelima, bapi ɓai Betafaji, ɓai Betanya, kutei Zaitun, Yeso chum tangsa le muangɓuivou na'iu, ²u' na lei a, ''Ɓa taa vah-ahangnǝ bapi ɓaiɓi kǝnǝ. Nǝɓatalang, ɓanchi yi vamdeila ai cueulaunǝ. Ɓa biu ɓa wumkǝla. ³Yiivǝnǝha nǝ ɓiɓang, ɓanau naɓa Yicuevah dǝ yiɗi, ain fawkǝ ein wukǝwu.'''⁴Ai pai taichi yivamdei tsa nwanǝngã, nǝng ai biu. ⁵Leivaka jilabibi nale a, ''Nɓa dǝɓa cuerǝnei, dǝɓa bii-yivamdei?'' ⁶Ai nalela kǝnwa anǝ Yeso nale lanǝ. nǝng levǝɓa yile pai.⁷Lei mongɓui na'iuɓǝ wukǝ yivamdei kǝ Yeso la nǝng ai faa nǝngyasǝvai aiku yivamdeiɓi kǝ Yeso la kǝcũ. ⁸Zaivǝ kpala ɓuile sayinka vai piangku nǝngã, laivaka piang yanka nǝ ai cum faa. ⁹Leiva chi ɓǝ leiva ɗũ dǝ boubou, ''Hossana! Barka kǝ yiivǝnǝ wu tangsa ing YiicueVah. ¹⁰Barka kǝ wurǝ vǝ Vah vǝ Dahɓi Dauda! Hosanna tangsa yekpam!''¹¹Nǝngɓǝ Yeso taa tansǝ Urushelima u ta Tangkom gũFii, nǝng u ɓalenǝng kpam. Nda fiba, nǝng u pai utaa Betani ɓale huaruna'iuɓǝ. ¹²Nda bǝgaaka, ai faa Betani, vumdǝ hyaurǝ.¹³U chuila, dauɓa yanjka vai nuila, u wu boukaɓǝ ko rinchi chirǝvainchi, u chi nǝng-akalau ɓuasǝn le yanka, don nvi chirǝ vai lau. ¹⁴U na' a, ''Yiivǝ yaun tang chirǝma aka.'' lei mongɓuivou li-nǝngnǝ.¹⁵Ai wu Urushelima u'ta tangsa kom gũFii, uba ni bǝnya leivǝ lyaɓainǝ, ɓai lei lyarǝu tangkom gũFii ɓi. U memka ɗzanǝng vaivǝ pem-saidei u bai, ɓai kakurǝ vaivǝ lya ɓai goo. ¹⁶U gwalau yiivaka lya ɓai nǝng tangkom gũFii.¹⁷U nale a, ''ai viilau manǝngɓǝi, Vam kǝ bǝ gũFii vai zaivǝh? langfǝ ɓa memmukǝ ɓua vai nǝng-inǝng. ''¹⁸Lei kunlau angã ɓǝlevǝ vĩnǝng lĩ-nǝngnǝ u'na nǝn, nǝngɓǝ dei ɓabǝ nǝngã hyirǝvou. Dei ɓiɓivou bivǝ ɗung-ɗung zaivǝ dǝ lilarǝ bǝ ninasǝnǝngvou. ¹⁹Nda ɗunɗui cue, nǝngɓǝ ai yi vah-agãɓǝ.²⁰Nda dei pairǝ nwaɗjuɗi, nǝng ai ɓa kavaiɓǝ chi-ha takǝn le-yommu. ²¹Bitru kem nǝng na'a, ''Rabbi, aɓa, kanǝ a laniu'nǝ uɓuin.''²²Yeso nale a, ''Ɓa ɗza-ninisǝ Fii. ²³Bi-agang dǝmin naɓala, Yivǝnǝ ha nabi kǝ teinǝ a ,''I' ata ta omǝngwuam, 'u na ɓai nini-tsing langfǝ u gwang a nǝngnǝ rinang cuesǝncue yang, Nǝngɓǝ Fii ncueɓala.²⁴Dǝmin naɓala; Nǝngnǝha ɓa gũ, ɓai nǝngnǝ ɓa ɓibǝn, ɓa ɗzaninila ɓan-chichin, yang memkǝ aɓang. ²⁵Nǝ aji-bi'agang a gũ Fii, yang ayilasǝ nǝng-aɓai tangsa mai yivǝ yang, lanɓǝ Dahma ɗuiyeni lonǝng-aɓaiman loo. ²⁶Nǝ ɓa ainǝng-aɓaiha kǝtan, Dahɓǝ ɗuiye n'ainǝng-aɓai ɓan'aikǝta.²⁷Ai fa, awu Urushelima, nǝngɓǝ Yeso dǝ hũrǝ tangkom gũFii, nǝngɓǝ kunlau-angã, bǝle viinǝ, bǝle vangã wusǝu. ²⁸Ai nau a, ''Ɓai samɓaivǝwa, dǝma cuekǝ lei nǝngnǝ, nwa da samɓai cuerǝu?''²⁹Yeso nale a, ''Min ɓiɓa bi tsing. Nǝɓa namlang, mima min naɓala ɓai samɓai wakǝdǝmin cuekǝ nǝngnǝ. ³⁰Baptisima vǝ Yohana, aɗuiye kon a zaivǝ? ɓa namla.''³¹Ai banhala ɓuahai, nǝ ɓi na nakǝ a ɗuiye yang, u na a nɓakǝ ɓi dǝ bi-agang lalau?' ³²Langfǝ nǝɓina a, lansǝ zaivǝng,...''Dei ɓiɓi zaivǝ, don zaivǝha gwang Yohana nyiitachum. ³³Nǝng ai na Yeso a, ɓi ibǝlau.'' Nǝng Yeso nale a, ''Langɓǝ nba naɓala ko ɓai samɓai vǝwa dǝmin cuekǝ nǝngnǝu.

Chapter 12

¹Nǝng Yeso fuɗi bǝ nale bila ɓai le-ɗjum. U na'a, ''Yivǝka byanǝng, nǝngɓe kwainwa, U' ha ɓuamǝng bapi ɓai fanǝngɓǝ, nǝngɓǝ u yifanǝngɓǝ na'levǝ lanǝngɓi, nǝngɓǝ u taa huaka. ²Vii agang, u chum semvou sǝle lafanǝng, ta tau mua chirǝka nalei u wukǝ. ³Nǝngɓǝ ai muo, ai gbau, ai nyamu, ai dǝu nǝng-akalau.⁴Nǝngɓǝ u chum momgsem aka chualei, ai gbau ai dau nǝngɗua ku, ai cuenǝng cuesǝku. ⁵U chum yiivaka, nǝng yiivanǝ ai hyau. ai cueleivaka kpala manǝngɓǝ ai gba levaka, ai hyia leivaka.⁶U la ɓai ni yivǝ tsing un chumrǝ chualai, Yiinǝ du-yiɗi. U'kǝ yiva chichuanǝ un chumrǝnǝ. U na a, ''Ain dau gãrǝndǝ.''⁷Lei lafanǝngɓǝ nakǝhala a. ''Yivǝ jikunǝngɓǝnǝ. Wu, ɓi hyau, yang fanǝngɓǝ memkǝ a ɓing.⁸Nǝngɓǝ ai mou, ai gbau ai hyia, ai dǝu ai wakǝta. ⁹Kanǝ, nɓa yicue-fanǝngɓǝn cuerǝ? U wu wun hyia leivǝ lanǝngɓǝ un dǝ fanǝngɓǝ kǝ leivaka.¹⁰Ɓa zam kwanɗjunǝlau, teinǝ leivǝ minǝng lanǝ, nǝngɓǝ memkǝ tei a-gang. ¹¹Nǝngnǝn a Fii, yiɗi sǝɓi. ¹²Dei ɗuibǝ moo Yeso a binǝ u na lang kulei, ai ɓiɓi kparǝ zaivǝ nǝng ai pai nǝngvai.¹³Nǝngɓǝ ai chum tangsa lei farisi bǝ leivǝ vǝ Hiridu tasǝu tai langkabou ɓai ɓi. ¹⁴Ai wusǝu ai nau a, ''yivǝ-ibǝnǝng, bi-agang akang bivǝ yivǝu, a yiɗi-ku wau ɓang vaivǝi. Dǝma ninasǝ bivǝ Fii hyila. Langku nǝngã ɓi dǝ nwaɓihua kǝ Kaisa ko biɓi dauka?'' ¹⁵Yeso iɓang dei bangnwa nǝng nale a, ''Nɓakǝ dǝɓa linwa mai?'' Ɓawukǝ dinariɓǝ nɓa.''¹⁶Ai wukǝ tsing kǝ Yeso la ,U na'le a, nkwangwa ɓa ingwa ku? ai na' a Kaisar! ¹⁷Yeso na'le a ɓadǝ Kaisar nǝngnǝn a Kaisarnǝ, ɓa dǝ Fii nǝngnǝn a Fiinǝ. ''sǝɓi mole sǝbini.¹⁸Le sadusi, levǝnǝ na'a bǝ-irǝɓua yaungnǝ, wusǝu. Ai biu ai na'a, ¹⁹''Yivǝninasǝnǝng, Musa viiɓila a, ''Nǝ hyui-yivǝ ɓui, yi heiu langfǝ nǝ yiheiɓǝ chiyilau, yivǝɓǝ ɗzahei hyuiɓǝ, yang chiyi kǝ hyuiɓǝla.'²⁰Lei hyui'ha aka hyui'iu; Yiinachi ɗzayihei nǝngɓǝ ɓui, eichi yiilau. ²¹Yiiva nǝngna'iu ɗzau langɓǝ chiyilau nǝngɓǝ ɓui, manǝngɓǝ yiva nǝngna'ta. ²²Nǝnghyui'iuɓǝ langɓǝ ɓui, nǝng dau yiheiɓǝ ɓui chichua. ²³Sǝbǝ irǝvaivǝɓua, leigbam ain i'i, Nhei wa ɓanlei? don leigbam ei ɗzauyang.''²⁴Yeso nale a, ''Bisǝuɓǝ dǝɓa gaikǝrǝ; ɓa ibǝ bivǝ Fii lau, ɓai samɓaivou lau? ²⁵Nǝ yivǝ ɓui i'yang, bǝ ɗzabǝ yaung, bǝ ɗzaha yaung, ɓa la man lei malaika ɗuiye²⁶Bi vaivǝ nǝ ɓuinǝ, ɓazam kwanɗju vǝ Musa lau, tangsa ɓǝnvu, nǝng Fii nakǝ biɓaikǝ nau a, ''Mikǝ Fii vǝ Ibrahim, ɓai Fii vǝ Ishaku, ɓai Fii vǝ Yajkubu'? ²⁷Un Fii vai ɓualau, nFii vai hũrǝ. dǝ ɓa gaibi.''²⁸Yivǝ-viinǝng aka wu lii binǝ dei narǝnǝ; u ɓa yeso nabi vou kunǝngã. U ɓi'u a, ''Nwabi akatsing kǝ agang gbamha?'' ²⁹Yeso nau'a, ''Agang nǝngɓǝ kǝ, 'ɓalii lei Israla, Yicuevah Fii ɓi,Yicuevahɓi utsing. ³⁰A yiɗi Yicuevah Fiima ɓai ninimaha, ɓai hũrǝmaha, ɓai hakilaumaha, ɓai samɓaimaha.' ³¹A nǝng na'iu naɓǝkǝ, ''A yiɗi yivǝ kwakagima ɓaman kuma.' Nwabi aka yaung gã pai'anǝ.''³²Yivǝ-viinǝng na a, ''Manǝngɓǝ, yivǝ-ninasǝnǝng! kǝbi-agang a na'ma Fii tsing, don yivaka yaung ɓaman u. ³³A yiɗiu ɓai nyinyimaha, ɓai bǝ ibǝnǝng maha, ɓai samɓai maha, yang a yiɗi yivǝkwakagima ɓaman kuma, paile le nǝngdǝnǝng a liirǝn.'' ³⁴Nda Yeso ɓa unabivou ɓaibǝ iɓe, nau a, '' A chuiu ɓai Vahvǝ Fii.'' chua'ani, yivaka yaung ɗjusǝu ɓiubi aka.³⁵Yeso gwa nwa, anǝ du nyinasǝnǝnǝng tangkum gũFii; u na'a, ''Nɓakǝ lei-viinǝng na'a Kristi nyi Dauda? ³⁶Dauda ɓaikukǝ, tangsa kwang garangrang, na'a, Yicuevah nakǝ Yicuevahmla, aku na-nalimni, hasen memkǝ lei boima kǝbǝ tambuma.' ³⁷Dauda ɓaikukǝ ɗukǝ, 'Yicuevah,' kǝcue ũ Kristi memkǝ yi Dauda?'' kparǝ zaivǝ dǝ lilarǝ bǝ liurǝ³⁸Sǝ bǝ nyinasǝnǝngvou Yeso na'a, ''ɓa cuehakilou ɓǝle viinǝng, ai yiɗi bǝ yanǝng angã, langfǝ dei yiɗi bǝ jambǝ nwa lomu. ³⁹Nǝ dei yiɗi bǝ ku kuka angã tangkum gũFii, ɓai ka-angã mimɓang. ⁴⁰Langɓǝ dei ɓankǝ vah vai hei-ɓui, dei gũFii kpala kǝ zaivǝ ɓale. Levǝnǝ nmo ɗuaFii kpahyiu.''⁴¹Yeso ku bapi ɓai bǝ dǝnǝng tangkum gũFii; du ɓa yanda leivǝ dǝ laikǝ saideive tangsa taseuni. levǝ nǝngchinǝng ei saidei kpala. ⁴²Nǝng heiɓui ɓala nǝngvou yaung wu lei mites na'iu, kǝwa penni.⁴³U ɗubou lei mongɓuiovou, u nale a, ''Kǝbi-agang dǝmin naɓala, heiɓui leinǝng kpa pai levǝnǝngha leinǝng tangsa tasǝuni. ⁴⁴Don leikgbam ai lailan tangsa a kparǝvai.amma heiɓuinǝ, tangsa yiɓaivou, u dǝ nǝngnǝha naunin.''

Chapter 13

¹Yeso dǝ hurǝ tangkum gũFii, nǝng mongɓuivou aka wu ɓiubi a, ''Yivǝnyinasǝnǝng, aɓa le-teinǝ hyila, ɓai nǝngminǝngnǝ!'' ²U nau a, ''Aɓa gwa-nǝngminǝngnǝ? Tei yaung tsing nku-kutei akai nǝ ai ba ai deiunǝ.''³U'ku kutei Zaitun bapi sǝ kumgũFii, Bitru, Yakubu, Yohana, ɓai Andrew ai ɓiu tãni, ⁴''A naɓila, nɗwa lenǝngnǝ ncuekǝrei? nɓa ntaɓinala nǝngnǝ bapin h?''⁵Yeso fuɗi bǝ nale la a, ''Ɓa kang, bi yivaka fǝmnwaɓanka. ⁶levǝ kpala nwu ɓai ing ain na'a, mikǝ u,' ain fǝmlevǝ kpalau.⁷Nǝɓa libi ɓui, ɓai le sǝmsǝm ɓuin, biɓa ɓiɓinka; le nǝngnǝn ncuesǝncue, langfǝ ntǝngrǝ fangwamlau. ⁸Zaivǝ nyaha ɓai zaivǝ, Hua n nyaha ɓai Hua. hua nyiyiu le bǝ kpala, ɓai vom. Nǝngnǝ kǝ bǝ fuɗi bǝchi le-ɗzirǝ.⁹Ɓa jibǝgang, ai ɗziɓanɗzi tangsa fada, ain gbaɓangɓa tangkum gũFii. ɓan jiji chile le-gwamna ɓale yiVah bim, bibǝ nabim sǝlei. ¹⁰BivǝFi nta sǝ zaivǝ ntaha.¹¹Nǝ ai moaɓa ai taɓakǝng, bi nyiɓa-ɗu sǝnǝngnǝ ɓan narǝnka. Tangsa viiɓi, nǝngnǝ ɓan narǝ nwu nwaɓan wu; nɓa ɓan nabilau, nKwang garangrang. ¹²Hyuima nɗzanɗza nwaɓua, langfǝ Da ɓai Yi. Leyi n'nyari ku le chirǝvai ha ain ɗzale nwa ɓua. ¹³Zaivǝha nlaɓanla bivǝ-ing. Langfǝ yivǝha dǝ munnya takǝ tǝngrǝn yivǝɓa nchi hũrǝn chi.¹⁴Nǝ ɓa ɓa le nǝng-aɓai ɓai bǝ ɓankǝbǝ jibǝni hyiu ujilanǝngka (yivǝ zamnǝngɓǝ ibǝ), levǝnǝ tangsa Yahudani huita le-kutei. ¹⁵Yivǝnǝ kukum yang biu chuahyuankǝ, bifǝu ɗanǝng-aka tangsauka, ¹⁶langfǝ yivǝnǝha faa-yang, bifǝ ufauwu tangvavauka.¹⁷Nǝngcuesǝɓi sǝlevǝnǝ ɓǝlemongna ɓǝlevǝnǝ dǝ ɗayi, tangsa le vii-aɓini! ¹⁸Ɓa gũ langfǝ binǝngnǝ cuesǝ tangsa nwayhakwangka. ¹⁹Tangsa viini yiɓai-agãla, nǝɓama yaung tunbǝ fuɗi fangwam, viinǝ Fii ma fangwam wukǝ susuenǝ, bafǝcuesǝ akau. ²⁰Lanfənə yicuevah cum nwa lei fih nə leun, ɗjuasə aka yaung hyuaku, bivei vənə u ɗubu, ñlei nəngɓə u cum nwa fih vei.²¹Langfǝ nǝ yivaka naɓa a, ''ɓa'ɓa Kristi nǝ, kon n'uɓa lei!' biɓa gwangka. ²²Lei kristi nwa'iu ɓale Nanwabi nwa'iu ain i'i, ain cuelei nǝngcue sǝɓi, yangkǝ ai lĩũkǝ, nǝngcuesǝncue, kon leinǝ ai ɗuboulenǝ. ²³Ɓajitsa, n'naɓa lenǝngnǝlan hagbam yemla.²⁴langfǝ chua le yiɓai lei-vii-alei-hagbam, fih aboarǝ nbajinba, hyui'hyuim ba dǝ ɗuavouwa, ²⁵lein ɗzang fan o'o ɗuiye, langfǝ lei samɓainǝ ɗuiyeni n'yiyiu. ²⁶N ǝng ain ɓa Yi'Yivǝ dǝ wurǝ tangsa lein ɗzang ɓai gwang samɓai ɓai gãrǝ. ²⁷Nǝngɓǝ u cum lei Malaikavou wu ghamnwa leivǝvou nǝ u ɗubonǝ nwahyua fangwam nanya, takǝ tǝngrǝ hua ɓai ɗuiye²⁸Ɓa i'nau sǝ ka vai. Nǝ u pemyaung akwi, dauba afũn, ɓa ibǝ yung bapi. ²⁹manǝngɓǝ nǝɓa ɓa leinǝngnǝ dǝ fuɗirǝn ɓa ibǝ u bapin, bapisǝ nwakum.³⁰Bi-agang, dǝmin naɓala, fangwam-anǝ bapaiu ha lenǝngnǝ ncuesǝncue. ³¹Ɗuiye ɓai hua ntǝngfam-tang, langfǝ Bim ba tangfamwau. ³²Langfǝ takǝ sǝbivǝ fihɓǝ, bai ɓiɓǝ, yivǝyaung ibǝ, kon lei malaika ɗuiye, kon Yiɓǝ, sen Dah.³³Ɓa kubǝgang, ɓa'ɓa, nǝɓan gũFi, don ɓa ibǝ viiɓǝ lau. ³⁴La ɓaman yivǝnǝ ta ɗuawainǝ--u yi vavau u ɗzale mongsemvouku, legbam ɓai nwacumvai, u na yivǝ ɓanǝngvou a biu uku ɓainǝngtsǝ.³⁵Manǝngɓǝn ɓaku ɓainǝngtsǝ, don ɓa ibǝ nɗau yicuevahɓǝ nwurǝlau; nbancucue ɗungɗui, ningvii, nǝ ye'dǝtaarǝ, kon nwaɗuɗi. ³⁶Nǝ uwu danglang, biɓa gula uchiɓa nǝngnǝngluenka. ³⁷Nǝngnǝ n'naɓalanǝ, n'nakǝ levǝlanha, ɓa'ɓa.

Chapter 14

¹Niubou na'iu, dokǝ mimɓang hyiaku ɓai mimɓang kumbamnǝ yist yaungnǝ. Le kunlau angã ɓǝle viinǝng dǝ ɓabǝ nǝngã bǝ moarǝvou kǝ aihyiu.²Dei na a, ''Lang mimɓangnǝlau, bi zaivǝ ikǝ hakilouvai.''³Yeso lan Betanya tanvah vǝ Siman yivǝ ũwakabo, deu tangnǝ ku tebur, Nǝng yihei aka wu ɓai ku'nui-yelaala aɗzĩrǝ, u ɓainwakuɓǝ nǝng u aiu nuiɓǝla ku. ⁴Langfǝ levaka labibi dǝɓangkǝhyua. Dei nahala ɓuale a, ''nɓakǝ bǝ ɓangkǝ nuinǝi? ⁵ain ba ain lyaɓaikǝ ku dinari huinhyui'nata(300), ai dǝ levǝ yiɓai.'' dei gwaurǝ!⁶Amma Yeso nale a, '' ɓa yau. Nɓakǝ dǝɓa vǝnǝng yiheinǝ? ai u cuem gwangnǝng agangla. ⁷Ɓala chuahai ɓǝlevǝyiɓainǝ kon ɗaukpam, nǝɓayiɗin ɓancuele nǝng-aganglan cue, mi nyaung ɓaiɓakǝ kondau. ⁸U cuenǝngnǝ un bǝbanǝng. u fim-nuila kǝ viichũrǝm. ⁹Kǝ bi-agang dǝmin naɓala, bǝnaha tangsa fangwm ai na bi-alarǝlang, ain nabi vǝ yiheinǝnna.''¹⁰Nǝng Yahuda iskariyoti, tsing tangsa le hyua'irǝu-naiuɓǝ i ta sǝle kunlau-angã dokǝ u lyalaila ɓai Yeso. ¹¹Nda lei kunlau-angã liinǝngnǝ, ai lilarǝ ai gwaunwa a ai dau saidei. U fuɗi bǝ ɓabǝ nǝngã kǝu dǝlekǝ u.¹²Fianachi mimɓang kumbamnǝ yist yaunǝ, Nda ai yhia nǝngbogam mimɓang hyakubǝ le-mongɓuivou nau a, ''Nɓai dǝma yiɗi ɓita tǝɓi mahbǝ tangnǝ mimɓang hyakubǝi? ¹³U cum lei mongɓuivou na'iu a aita tangsa vah-angã ain ɓa yiɓuiaka ɗǝɗzaumǝngku ɓa moɗzua. ¹⁴Vahnǝha utalan, ɓana yicuevahɓǝ naɓa, ''Yivǝnyinasǝnǝng na'a, ''bǝkurǝriɓai nǝ rin tangkǝ nǝng mimɓang hyaku ɓǝle mongɓuiri?¹⁵Un taɓanasǝ gwankum kaye hyila lanbǝɓǝ ɓan maɓila.'' ¹⁶Le mongɓuiɓǝ paita tangsa vah-angã, yǝchi kǝnwa anǝ u nale lanǝ nǝng ai cuebi nǝngtang mimhyakuɓǝ.¹⁷Ɗuinɗui cue nǝngɓǝ uwu ɓǝle hyuairǝ'na'iuɓǝ. ¹⁸Nda dei tangnǝng, Yeso nale a, ''Bi-agang dǝmin naɓala, tsing tangsa ɓaini dǝɓi tangnǝ cueheini ntamcuata.'' ¹⁹Leigbam ai baɗzĩ, tsing tsing ai nau a, ''nmi?''²⁰Yeso nale a , ''tsing tangsa le hyuairǝ na'iu ninǝ, yivǝnǝ dǝɓitang litsing cueheini. ²¹Yi-Yivǝ nta ta kǝnwa anǝ ai vitangsa kwangɗjuni. Tǝngkǝ yivǝnǝha wuntachua kǝ Yi-Yivǝn, painǝngla ma ai chiulau.''²²Le tangsa bǝ tangnǝ, neng u ɗǝ gurasa, u kã Fi, nǝng u chuĩ, u dǝle , u na'a, ''Ungo'' nǝngnǝ sǝm. ²³U ɗǝ lii langɓǝ, u kã Fi, u dǝle leigbam ai nwa. ²⁴U nale a, ''Nǝngnǝ kǝ hyuim a bǝ gwanwa, nǝ ai dǝ bivǝ zaivǝ kpala. ²⁵Bi-agang dǝmin naɓala, Nwa mǝngnǝ aka ɓai ɓakǝ bǝniu, sai dei finǝla min nwa afo vah vǝFi.''²⁶Nda ai leiɓim vǝFi, nǝng ai i'ta kutei Zaitun. ²⁷Yeso nale a, '' ɓahagbam ɓan u'o, don ai vii a, 'Min gɓa yivǝ ɓainǝ gɓa, yang lei nǝngbogam ɓǝn yakǝta.'²⁸Langfǝ nǝn i'yang min painwa ɓa min ta Galili.'' ²⁹Bitru nau a, 'ko levǝgbam o', nba n' o wau.''³⁰Yeso nau a, Ke bi-agang dǝmin nala,' Ingvĩnǝ,kamin gwaye tata bona'iu, man yanwam buna'ta. ³¹Langfǝ Bitru nau a, 'in nǝ minɓuɓui cuahei ɓaima, nba n yanwamau.'' Legbam ai na manǝngɓǝ.³²Ai ta bǝ-aka, dei ɗukǝ Getsamani. U nale mongɓuivou, ''ɓaku bǝni yang nta tang gũFi.' ³³U ɗǝ Bitru, ɓai Yakubu, ɓai Yohana cuahei ɓaikǝ, u faɗi bǝ li yiɓai ɓai ɗzĩrǝ sǝu. ³⁴U nale a, Hũrǝm dǝ cueyiɓai gangang, ɓama min ɓuɓui. Ɓaku ɓai nǝngtsǝ.''³⁵Yeso tachi cuani, nǝng u o'hua, u gũFi a nǝ ncucuen, u ɗǝri viinǝla paisǝri. ³⁶U na'a, ''Abba, Dah, lenǝngha n cuesǝncue sǝmai. A ɗǝm yilangnǝla kum. Langfǝ nbǝ yiɗim lau, n ama.''³⁷U fa u wu wouchile dei luenǝngluǝ, nǝng u na Bitru a, ''Simon dǝ ma luenǝnglue? aba a ku ɓai nǝngtsǝ a awa tsing w? ³⁸Ɓa'ɓa, ɓa gũFi, biɓa ta tangsa bǝ bangnwabǝ. Hũrǝ kǝbi-agang dǝ yiɗi, langfǝ ɗjusǝ ɓuintsin hiu.'' ³⁹U fa u taaka tau gũFi, u na bi ayitsing⁴⁰U faaka wuchile dei luenǝnglue, nǝngluejinǝngle, ibǝ nǝngnǝ ain naula lau. ⁴¹U wu anǝng na'ta, wu nale a, ''ladda dǝ ɓa luenǝnglue dǝɓa hũrǝ? Ɓa'i, viiɓǝ wun. Ɓa'ɓa, ''Ai dǝ Yi'Yivǝn nalevǝ nǝng-aɓai. ⁴²Jirǝbu; ɓita. Ɓa'ɓa, yivǝnǝ ten tamchuanǝ u bapin.''⁴³U ku bǝ nabi, nǝng Yahuda, tsing tangsa lei hyuaruna'iuɓǝ wu chuahai ɓai ɗjung zaivǝ ɓale nǝngɓuivai ɓai kulki nale, sǝle kunlau-angã bǝle viinǝng ɓǝle vangã. ⁴⁴Kanǝ yivǝ-tauchuaɓǝ tsan ɓǝle na'a, ''Yivǝha nǝn ũnwayang, u. Ɓa moakǝmoarǝ ɓa taukǝ.'' ⁴⁵NDA Yahuda wu dangla uwusǝ Yeso u nau a ''Rabbi nǝng u ũnwa. ⁴⁶Nǝng dangla ai ɗzana ai yau'aimoa.⁴⁷Nǝng tsing tangsale nǝ jibibini hyuã nǝngɓivou gacumkǝ cucuamongsem vai kunlau'angã aka. ⁴⁸Yeso nale a, ''Ɓa'i ɓama wuɓan molenǝng'inǝng ɓale nǝngɓuiɓa ɓai kulki wuɓa momkǝ? ⁴⁹Vinǝha micuahei ɓaiɓa dǝmin nyinasǝnǝng tangkum gũFi, ɓamomlau. Nǝngnǝ cuesǝyang kǝ gwanɗju yila. ⁵⁰Lenǝha cuahei ɓai Yesonǝ ai hyui ai paing.⁵¹Yimoabasǝla kwamzanǝ ɓuasǝu sǝu, moachua Yeso vini ai moakǝnǝ. ⁵²U hyiu u yile nǝyasǝvou u pai ɓuaniufam.⁵³Ai takǝ Yeso kǝ sǝle kunlau'angã. Ai gamlabibi lei kunlau'angã, lei vangã, ɓale viinǝng. ⁵⁴Bitru ɗǝcuale ɗuila ɗuila ha nwanǝngãvah kunlau'angã. wu kuɓangle cuegadi deu ɓuiɗua.⁵⁵Kanǝ lei kunlau'angã ɓǝlei fada vai le'yahuda gbam gam dǝ bangbǝ shaida'aɓai ku Yeso ke aichila ai hyiukǝ. Langfǝ ai chinǝngakalau. ⁵⁶Zaivǝ kpala wukǝ shaida anfam ku, langfǝ shaida vaiɓǝ gulau.⁵⁷Leivaka i'jirǝbo na shaida aɓaiku; ai na'a, ⁵⁸''Ɓiliu na'a, 'sairi dei kumgũFinǝ ai miɓainanǝ, yang tangsa bo na'ta rin mi'anǝ ɓai nalaunǝ.'' ⁵⁹Langfǝ shaida vaiɓǝ talalau.⁶⁰Lei kunlau'angã i'jirǝbo ɓǝle ɓi Yeso, ''A yaung ɓai nǝng'anarǝ? Nɓa leivǝnǝ dǝ narǝ kumaini?" ⁶¹Langfǝ Yeso kǝibǝal u nanǝng akalau. Kunlau'angã ɓiuaka na'a, ''Makǝ Kristi, Yi Yivǝ agang?" ⁶²Yeso gwa a, ''Mi; nǝng ɓan'ɓa Yi'Yivǝ ku'nanali ɓai samɓai nwu ɓalen chĩ ɗuiye.''⁶³Kunlau'angãɓǝ hyãng nǝngyasǝvou nǝng na'a, 'Ladda dǝɓi yiɗi le'shaida? ⁶⁴ɓali bǝ gaibivouɓǝ. Nɓa ɓa'ɓa?" Legbam ai cueukita a ai hyiu. ⁶⁵Levaka banibǝ cuchichila yang ai bamnǝu yang ai gbau yang ai nau a, ''A cue Annabci!" Levangã vaitaɓui moanǝng ta gbau.⁶⁶Bitru laka hua faa vahɓǝ, tsing tangsa le mongsem a yihei vǝ kunlau'angã wu sǝu. ⁶⁷Uwu wuji dauɓuiɗua nǝng uɓa Bitru, nǝng u ɓauyila. Nǝng u na'a, ''Macuahei ɓai Yi'nazaren nǝ Yeso." ⁶⁸U yanwa, u na'a, ''I'bǝ langfǝ ganaiku nǝngnǝ dǝma narǝnǝlau.'' u iu pai bibi. Gwaye ɓǝ tatang.⁶⁹Moangsem ayihei ɓǝ ɓau nǝng fuɗi bǝnakǝ levǝnǝ jibibini a, ''Yivǝnǝ u cuahai ɓǝlekǝ!" ⁷⁰U yanwa aka. cuasǝu cuilau levǝnǝ jibibini banibǝ na Bitru a, ''Mala cuahai bǝlekǝ,don mahma man yivǝ Galili.''⁷¹U bani bǝ hwiinǝng a, '' I yivǝnǝ dǝɓa nabivou nǝlau.'' ⁷²Tanghuaɓi gwaye tataa nǝng na'iu. Nǝng Bitru kem bivǝ Yeso nǝ naula nǝ: ''Kamin gwayi tata bona'iu, man yanwam'ya bo na'ta,'' nǝng faw ohua du tata.

Chapter 15

¹Tangnwanɗjuɗi, lei kunlau'angã wukwaha ɓǝle vangã, ɓǝle ve'viinǝng ɓǝle fada vai le'yahuda gbam. Nǝng ai tsa Yeso ai coa ai laichi, teidau kǝ Bilatu. ²Bilatu ɓiu a, 'Makǝ yivah vai le'yahuda?'' U gwaula, ''A na manǝngɓǝ.'' ³ Le kunlau'angã dǝ dǝ le shaida aɓai ku Yeso.⁴Bilatu ɓiu aka, ''A yaung ɓai bi? aɓa le shaida aɓainǝ kpala dei wukǝrǝ kumaini!" ⁵Yeso vĩbi akakǝ Bilatu lalau, nǝngɓǝ dausiɓi.⁶kanǝ lang tangsa mimɓang, Bilatu saba bǝ yinakǝ yivǝbursina tsing nǝ aigũ. ⁷Yivǝ tsakula bursina, tangsa levǝ hyiabǝnǝ ai tsa kǝ nwahem bǝ tsakuvainǝ, i'u Barabbas. ⁸Ɗjung ɗjung zaivǝ wusǝ Bilatu dǝ nau a u cuelela kǝnwa avǝɓinǝ.⁹Bilatu gwalela a, ''Dǝ ɓayiɗi n dǝɓa Yivah vai le Yahuda?" ¹⁰U i'bǝn lansǝ bǝ sǝnbǝ vai kunlau'angã nǝngɓǝ daukǝ kǝ Yeso. ¹¹Langfǝ lei kunlau'angã dǝ boo'ɗjungɗjung zaivǝ a ai yina kǝ Barabbas.¹²Bilatu gwalela aka na'a, ''Ɓa dǝɓa yiɗi ncueɓai Yivah vai le'Yahuda?" ¹³Ai boubo aka, ''A giciyeu!"¹⁴Bilatu nale'a, ''Nǝng'aɓai ɓa'u cue?" Nǝng ai jinwa boubo'a, ''A giciye'u.'' ¹⁵Bilatu dǝyiɗi bǝ lanyinyi zaivǝ, nǝngɓǝ inakǝ Barabbas kǝlela. U gba Yeso ɓai cuei nǝng u dau a ai giciyeu.¹⁶Lei taɓui iukǝ tangsa fãdaɓi (fãdavǝ gwamniti), nǝng ɗubuo niule taɓui'anǝ hagbam. ¹⁷Ai yaunǝnglashi, nǝng ai manǝngbaiku ƒã ai bailaku. ¹⁸Ai fuɗi bǝ ɓourǝ'a, ''Akutsa, Yivah vai le'Yahuda!"¹⁹Ai piku ɓai kakǝ nǝng ai cucicila. Ai baɓainwaɗung kǝci'u ɓama dei ɓounɓoung. ²⁰Nda ai ɗzĩnwa, ai ikǝ nǝngnǝ ai yaulanǝ, ai yaunǝngyasǝvoula, ai taukǝ bǝ giciye'u. ²¹Nǝng yivakala i'vah-ahang wudǝ pairǝ, i'u Saminu Bakurani, davai Iskandari ɓai Rufus, ai sau daule u ɗǝ giciyivǝ Yeso.²²Lei taɓui wukǝ Yeso kǝbǝla dai ɗukǝ Golgota (Bǝvai kwaliku). ²³Ai dau mǝng inabi ai lang ɓai mur, u labǝ nwarǝ. ²⁴Nda ai giciye'u nǝng ai hyãng nǝngyasǝvou ai tsakǝha dei gbakǝ caca aiɓa n aka yi'taɓuin ɗarǝi.²⁵Lang ɓi'nata ai giciye'ukǝ. ²⁶Ai viinǝng-aɓaivou nǝ ai pi'ukǝnǝ kuye a, 'Yivah vai le-Yahuda. ²⁷Cuehai ɓaikǝ ai pi lenǝng-inǝng na'iu, yivatsing nanalivou, yivatsing nanamivou. ²⁸Nǝngnǝ kǝbǝ yilavǝ kwanɗjunǝ na'a, 'Ai zammu tangsa levǝ nǝng-aɓai.''²⁹Levǝnǝ dǝ pairǝ bapinǝ dǝ dǝuɓai iyem, dei yaukule a, ''Ahaa! manǝ nama sai deikum gũFi a ma ami buna'ta nǝla,³⁰ayungkuma a cuhua kukaiɓiwai!"³¹Manǝngɓǝ le kunlau angã dǝ ɗzĩkǝnwa tangsale, cuahai ɓǝlevǝ viinǝng ai na'a, ''U yung levakan, langfǝ uba u yungkuwau. ³²Kristi nǝ ɓai Yivah vai le-Yahuda cuihua ku giciyeni, yang kǝ ɓiɓa yang kǝɓi ɗzanyinyila, ''levǝnǝ ai piu cuahaiɓaikǝnǝ namanǝngɓǝ.³³Ɗuafi, nǝng bǝbaji kuhuagbam ha takǝ ɓi'nata aɗunɗui. ³⁴Nda ɓi'nata, Yeso ikǝ wiu tsala dǝna'a, ''Eloi, Eloi, lama sabachtani?" (Fim, Fim, nɓakǝ a lam ai?") ³⁵Levǝnǝ jibibi lĩnǝngnǝ unanǝ nǝng na'a, '' Ɓa'ɓa, du ɗubǝ Iliya.''³⁶Yivǝtsing tangsale hyuijum ta aimǝng a'amrǝ tangsa kũ, u tanwakai, u dau a u nwa deuna'a, ''ɓiɓa ko Iliya wun cuakǝncua kukaiɓi.'' ³⁷Yeso buobu ɓai wii, nǝngɓǝ ɓui. ³⁸Nǝng laɓulei tangkum'gũFi hyãng na'iu, kaye wukǝ hua.³⁹Mongɓuila jibibi ɓa yanda Yeso ɓuikǝnǝ, nǝng una'a, ''Kǝbi-abǝgang yivǝnǝ n YiFi!" ⁴⁰Leheila jicuila dǝɓarǝ. Tangsale n Meri Magdalin, ɓai Meri (a Navai Yakubu ahang ɓai Yusufu) ɓai Salomi. ⁴¹Vii'anǝ le Galilini ai moacua dei cueu semla. Lehei kpala wuɓaikǝ Urushelima.⁴²Nda ɗunɗui cue, nfi bǝ cue shiri, nfi kamin fisatti, ⁴³Yusufu yivǝ Arimatiya wubǝɓǝ. u, dei daugãrǝ tangsa fãda, uma du miwurǝ vǝ VahFi. U tsa nyinyi u wusǝ Bilatu wu gũ kwamɓui Yeso. ⁴⁴Bilatu lii a Yeso ɓuing nǝng sǝɓimo; U ɗubǝ yimoabasǝɓǝ wuɓiu ko Yeso ɓuing.⁴⁵Nda u lii nwa yimoabasǝɓi a Yeso ɓuing, nǝng u tanasǝ kwamɓui kǝ Yusufu. ⁴⁶Yusufu lyã manti. U cũakǝ Yeso hua nǝng u kwammu ɓai manti, nǝng u cũi ɓuani ai hasǝteini, nǝng u kǝngtei kangã u bamkǝ nwa ɓuaɓǝ. ⁴⁷Le Meri Magdalin, ɓai Meri Navai Yusufu ɓabǝnǝ u cũ Yeso lanǝng.

Chapter 16

¹Nda fisatti pai, le Meri Magdalin, ɓai Meri a Navǝ Yakubu, ɓai Salomi ai lyã lanǝng yelahla kǝwe fikǝ Yeso lashi. ²Fi'anawaci mako, ɗǝcibǝ ai wasǝla kamin bǝgaɗzahua ai tang kuɗjuɓǝ.³Dei nakǝhala a, ''wan kǝngɓi teinǝla nwanɗjumni?" ⁴Nda ai ɗǝkuleye, ai ɓa teiɓǝ riga kǝngsǝn nwaɓuaɓi, ntei angã gãnggãng.⁵Dei ta tangɓuaɓǝ, nǝng ai ɓa yimoabasǝ ɓǝla ku kanali yanǝngyasǝ kavou, nǝng sǝɓi muale. ⁶ U nale a, ''Biɓa ɓiɓinka. dǝɓa ɓabǝ Yeso yivǝ Nazareinǝ ai giciyenǝ. U i'yang! Ɓa'ɓa bǝnǝ ai kǝiulanǝ. ⁷Ɓa' ta, ɓana le'mongɓuivou ɓai Bitru naɓa u pai nǝngã Galili. Langbǝɓa ɓangɓala kǝnwa anǝ unaɓalanǝ.''⁸Ai i'tangsa ɓuaɓi ai paiɓaiɗjum; sǝle dǝ gbamsem sǝɓi mole. Ai nabi ɓai yivakalaudon deiɓiɓi.⁹Fi'anaci tangsa mako, nwanɗuɗi, u banibǝ i'kǝ Meri Magdalin'la, nǝu i'kǝ hyua'aɓai hyui'iu sǝuni. ¹⁰U ta tauna kǝ levǝnǝ vǝɓicuahai ɓaikǝnǝ uchile dei baɗzĩ, dei tata. ¹¹Nda ai lii a Yeso i'n langfǝ u ɓaun, amma ai gwalau.¹²Cua'ani, u i' ɓaintsiu kǝ levǝ la na'iu tangsǝle, le nǝngã dei ta vah-ahang. ¹³Ai ta teinakǝ niule mongɓuivoula, langfǝ ai gwalelalau.¹⁴Cua'ani, Yeso i'kǝ le-hyua'irǝuna'iuɓǝla vianǝ le nwa nǝngtang, Yeso bounǝng kule bibǝ tsakuvai ɓai bǝla bǝɗzinyinyi vai, don ai labǝ gwakǝ levanǝla ɓaunaci vinǝ u i'kǝnǝ. ¹⁵U nale'a, ''Ɓa'ta fangwam gbam, ɓa na bifǝ'Fi kǝ zaivǝla hagbam. ¹⁶Yivǝnǝha gwang ɓa hwei baptisima un cihũrǝnci, yivǝnǝlang u hyuãkuwau.¹⁷Nǝngnǝ n'ta ɓǝlevǝnǝha: Tangsa ing i'kǝ lei hyua-aɓai. Ai nabi ɓai nwa'afũ. ¹⁸Ain moa ɗzeu ɓainakǝ, langfǝ nei nwa'hom hyibǝ yang, ba naunileu. Ain ɗzanale kulevǝ nǝngɗzĩ yang ain cilarǝnci.''¹⁹Cua'biini Yicuevah Yeso nale lanǝ, ai ɗǝu ai takǝ ɗuiye, uku nanali fǝ Fi. ²⁰Lei'moangɓui pai ta dǝ nabi vǝFi bǝhagbam, Yicuevah dǝ cuenwacum baleke, neng du tanwacua bivou sele nengne dei cuerene.

Luke

Chapter 1

¹Levə kpala bangbi nə wuɗeɗe ɓai mi. ²Mangbəi mi chika ika nawachi mi ban mika leyi tawachum. ³Mima nɓa hin tun da ʒam ban ikə nawachi nchoi tarihi ma. ⁴ Binə mangɓəi domici a ibə bi agang bi nən nə a ninala nə.⁵Tangsa fihani Hiridus,yiva Yahudiya,yivaka ding Zakariya le va Abijah.Heu yi Haruna ding yiheɓan Alisabatu. ⁶Le kpem le va gang chi Fih,mo bi Fih wana. ⁷Ẹ yaung ɓai yiu,domici bə chi yi və Alisabatu yaung,le kpem ha ẹ kyuen susueni.⁸Vi ka Zakariya chi Fih də chui wanchum vou. ⁹Bisa alada ve,nəngbə ikə yiva ka piwa,ẹ ikə Zakariya a piwa tangkom Fih. ¹⁰Ni le və ha ji bai fa də guu Fih.¹¹Malaika və Fih wusə Zakariya wu ji ka na na li bənə dəu li nən piwa sə bagadi. ¹²Ɲda Zakariya ɓa Malaika nən bə mi. ¹³Nəngbə Malaika naula, "bi a ɓiɓinka,Zakariya,u li bə piwa mang.Hema Alisabatu ɲchi yi ɓwue la.Ma ɗu ɗiung kə Yohana.¹⁴Ma chi larə,levə kpala wun lilarə ɓai makə bi yua yi Fih. ¹⁵Yi mong ɓai wun mim ka yi vangah chi Fih.Bi u wan mim ka ɓai mɨng a tsarən ka,yan u lei ɓai kuan a garanrang tang yua na vou.17¹⁶ Kparə vevə Israila wun fa nta sə Fih vei. ¹⁷Wun ho nən da Fih ɓai nim ɓai tsamɓai və Iliya.U chue nəngnə dəkə mem nini le dah takə sə le mua hang,yang kə levə chaku ho tangsa yiurə vei vah gang.¹⁸Zakariya nakə malaika la,"rin choi un rin ikə bə nəngne?Rin kue rə niyi ɓwue langbə hei ri kuen. ¹⁹Malaika gua nəngɓe naula,"Mi kə Gabril,nə ji chi Fih.Ẹ chumi a tən nabi,nəng wukə bi larə. ²⁰A li!bəma ngam chuang,a ba nabiu,ha nə vi nə nəngnə ɗəbə.Nəngnə choi nə a la bə gua byim,nə wun ku yemla."²¹Susueni le və də mi Zakariya.Nəngbə de le səbi nə u ku chua chue la tang kom bi. ²²Nə vi nə u ikə nə, u bau nale biu.De kem ah u ɓa nəng a kang vi u tang kom ni.U ji wah bə nale bi ɓai na nəngɓə u kai bəu gam. ²³Nəngɓə wukə manəngɓə vi wachum vou choi yang,u iu pai u ta va vou.²⁴Chua nəngni,heu Alisabatu ɗe yua Fih huem na hue nəngɓə u yue ku.U na a, ²⁵"Ɲnəngnə Fih choi ri la nə vi nə u ɓa yiɓai ri u iri kə səku la chi le və."Tangsa Fi hum huechung,Fih chum malaika Jibrilu tangsa hua Galilee ɗiung Nazareth. ²⁷Malaika wuse Maryamu wu jamu sakko unə Fi də yiɗiu gala bein zayive a fi la beuke. ²⁸Amma səu gbasem u na wanji bei jambei ba manən ma? ²⁹Malaika bə na bia bibi ka Fi yidimang.Aba na də yua dəman ciyike yibui, man deuke Yifi (Yeso) ³¹Yima nə mun wu kangah wumn myem mke yi yivangah, .³²un wu kamgah uang ei ɗukə yi Fi. Yicuevah Fi wun deu nəng baiku yivah vei baba veu. ³³Un cue mulki vave yakubu yang be tengreu yaung vahveu.Nəngbe Maryamu nakə malaika, a '' Cue un cuei kərə lue bei yibui leu? '' malaika be gwa nwa maula a,''kwang Fi garangrang n'wlang wu bei sambei ve yive na ganla n' wusema. Yive ne dei cire ain duike yiFi.A na hwima Elizabe u deyua tangsa ha kuire veu. N' feehyuim hyuitsung yivene be ciyi veu yaung ne. ³⁷Nəng aka yaung pei sambei Fiu.'' ³⁸Maryamu na a, '' A ba min yimua yihei mongsem ve yicuevah. Bare dji kənwa nwatsum nə anamlamə.'' Nəngɓə malaika ɓé pei yeu.Nəngbe Maryamu i fiɓi u ta hyua kutei, tangsa hyua Yahuda.⁴⁰U ta tangvah və Zakariya bei Elizabe.⁴¹Cue nengbe Elizabe lii be djambe ve maryamu ui ne tang yueou ni hyuaanengbe Elizabe lii bei kwang agarngrang.U iekə wu bei tsa, ''Barkan ama tangsa lei hei, barka ave cirə la tangsa yua mai. ⁴³Ɓakə cue navə yicue vam n'wusə mai? ⁴⁴A lii, nə wube djambe ma wu tangsa buacuim, yinə tang yuam ni ie huaa bei larə. ⁴⁵Barkan ave yivenə ba nyi la a be chila leinəngnə nə ai naula sə Fi.''Maryamu na, ''nyi' nyim də də garə kə yicuevah, ⁴⁷Langɓə kwang li larən tangsa Fi yivə yuangrəm.Bise u ba yanayi və mongsem hihein susueni əntakə səlei baba bi ain dumkə Barka. ⁴⁹Bise yivənə ganla u cue nəng hyilang kə mila, iung garangrang.Tãã veu takə səlei yi ha səlei yi səleivənə hyui rənə. ⁵¹U cue sambei bei nwakaceiun, u ya leivənə de ɗəku yangsa bə nyibi nyi'nyi leini.U cue lei yi yivah kubə kurə vei nəngbe u iké leivanə ka hyua ne. ⁵³U tsa hyua leivə né vom hyalei bei nəngang, lei və nwabi u cho lei ai tanangfamU də be valibe ke Yakəbu mongsem yang u cueu tãã ⁵⁵(Nə u nakə daɓila nə) kə Ibrahim balei yiu ha tengkərə.''Maryamu dji bei Elizabe tangsa feehyuim nata deu u fa u ta vah. ⁵⁷Susuenə vii ɓə wun nə Elozabe tabeng ciyiu. ⁵⁸Yivə kwanlagih veu balei hyiu lii a Fi cue nəng agang yang ku nəngbe ai gbein beukə.Wu buni kãkãyang tabein cum nwaha yinuangbe. da ain dukə zakariya kə ing daveu. ⁶⁰Nəngbe naveu gwa nwa a, yaung, ain ɗukə Yohanna.'' ⁶¹Ai naula a yivaka yaung tangsa bai dei ɗukə ingrə.''Nəngɓə ai cue nəngɓə ke da veula yanda ain dukərə nə. ⁶³ Daveu ɗuibə kwandjua nə vĩĩkë iung nə yang u vĩ, ''Iung Yohanna.'' Lei koəmha ai lo larə ɓei nəngnə.Dangla tangyua bi nwa bei nəngbe lyem mu ieh. unabi nəngɓe u kã Fi. ⁶⁵Bi ɓiɓi wukə leivənə laha kukə bəbi. Nəngɓə bi nə ai naké leivénəha ku kutei tangsa hyua Yahuda. ⁶⁶Leivəne ha liinə ai dji nyi'nyi lei na a, ''Ɓakənə yimuanəng myemkərə?'' Bisekana Fi cuahai beiuke.Daveu Zakariya yila bei kwang garangrang bei be ɓanəng, na a, ⁶⁸Gãrən avə Fi avə Yakəbu, bisə u wu deu yiang yang kə u cue lei nəng yuangbe veivə.U ikə kanéng ieh be yuangbeng kə ɓila tangsa vahvə mongsen veu Dauda. ⁷⁰ Nəngbe u nabi tangs wu yivə ɓanəng veu leiva nəvəɓi nə. ⁷¹un wukə yiangrə bi səleinbueɓi ɓalei vənə yiɗi ɓəleu.U cue nəngnə kəu taɓi nasə tã kəlei daɓi yang kə u kemké alkawri veu. ⁷³Nəng huiinəng nə unakə daɓi Ibrahim lanə. ⁷⁴U huiinəng rən debi, nə ɓi ie tangs lei buebi yang, yang bə deu garə bə ɓiɓi yaung. ⁷⁵Tangsa garə ɓei nəng agang ciu tangsa fihɓih⁷⁶ẽẽ, bei ma, yi, ain dukə yivə banəng a yiva ye, bisémang taci Fi yang ma ma nəngah veu, a ma leivə ni wurə veu. ⁷⁷A də bə inanəng a yuangbe kə leivə tangsa bə yafaNəngnə cuerə bisə tã və Fi bisə ɗuafih ieh wu yuang ɓi, ⁷⁹ Yang kə u buaku leivəni ku tangsa bədjini ɓei tang nəngku vəbua. Dəu cue nəngnə kə u ku cuahai yang u taɓi nasə nəngah tã.''SuUeni yiɓə gang u myem tsalang tangsa kwang, yang u ku tangsa ɓəngvuh hakə fih wurə veu tangsa Yakəbu

Chapter 2Susueni vii lei, wu sə kaisar Augutus u cum lei vénə u də nwala, ai viing ing leivə kpem tangsa fangwam.

²Nəngɓə kə be zam ing lei və anaci vii ne kuriniyus kə gwamna hyua siriya. ³Kon waha fata vavei tei vii iung bəbi.⁴Yusufu ta Galilee,hua Nazareth,takə Yahudiya,takə vave David nə de ɗukə Betalami,u kə yivə va ɓə ɓai va və David. ⁵U ta bə ɓə bə viding chua hai ɓai Maryamu,yivənə gwowa a rin zjaurə nə nəngɓə u ɓai yua.⁶Sussueni wung kə bi nəngnə nəngɓə le bəbi,vi wu lang nə u chi kə yiu nə. ⁷U chi kə yibui,yi nawachi vou,u kwammu ɓai zanəng a vi u leu tangsa kwomka ɲwamɨng vai hyiou kom yaun bi vəu.⁸Le nɨng ɓa nɨng lah tangsa hyua ɓi le vənə ji ɲwanəng fatai,də ɓa nəng djam vai ɗin vie. ⁹Malaika və Fih ei le la,nəngbə nəng a gang və Fih ei səle,nəngɓə li səle ɓiɓi.¹⁰Ning ɓə malaika nalle biɓə,"Bi ɓa ɓiɓing ka,ɲwuɓakə bi Fih la nəng wukə larə səɓai levəha. ¹¹Lyani a ci yivə yungbə yang vah və David!U kə Yeso! ¹²Ning ɓə kə ningnə a də ɓa ye: Ɓan ci a kwammu ɓai zanəng a leu tangsa puakai."¹³Dangla le cuahai ɓalai Malaika,lei djung duiye də leiɓim və Fih a, ¹⁴"Ngarə takə sə Fih ni ɗuiye ni,nta wutangsa fangwam kə yivə nə də yiɗi nə."¹⁵Nə lei Malaika fatakə ɗuiye nə,lei gbaining ɓa nakəhala,"Ɓi ta Baitalami ɓi ɓa nəngnə yicueva na ɓi la nə,nəngnə cuesə nə." ¹⁶Ai da yamlai ta bə lai ɓə tai ci Maryamu ɓai Yisu,cuahai ɓai yimong ɓə lue tangsa puakai.¹⁷Cicuasəu nei ɓakə yimong ɓə nə,ai ikə ɓuayi nəng ne li ku yimong ɓi ni. ¹⁸Levənə li ɓi ha nə səɓi muale bi binə levə gbaining nakə nə. ¹⁹Maryamu jinwa bə kem lei nəngnə hau linə,u djə tang nyi-nyiu. ²⁰Levə nəng gbaining ɓə fa,dai də ngarə ɓai nkarə kə Fih bi nəngnə nəng lei ɓa,ɓai nəngnə ɓwacui le linə.²¹Vienə bu kanya-kanya cue kə nə,nə wai cumkə ɲwahau nə,nəng ɓai djau ingla,Yeso.Ingla nə lei Malaika ɗaukə kəwe ciukənə.²²Lei finəla a djikə Fih huwairəu wu pai,kənwa nwabi və Musa nə nakə nə,Yisu ɓai Maryamu wukə kom-Fih nə Urushalima ni bə tanasəu kə yicueva la. ²³Kənwa nəngnə Musa na tangsa nwabi vo ni,"Yimuayiɓui nə ha aiciu nanwacin,ai ɗaukə yicuiva." ²⁴Nəngɓai ɗə nəng-waku,kə nwa nəng nei na tang nwabi və Yicuiva ni,"go-va na'iu ko godjim na'iu."²⁵Yiɓui kala Urushalima,ing-u Simon,yiɓui ɓən yiva bəgang un yivənə də də ku kə Fih nə.Dəu mi fih nə la Israila ci ntarə nə. ²⁶KwangFih garangrang taunala au ɓuiwa sai nəu ɓa Kristi və yicueva ɗa.²⁷KwangFih garangrang,o Siman kəci wukə komFih nə Urushalima ni.Finəla lei davə Yeso ɓai na vau wukə yimong ɓə,kənwa nəngnə nwabi vai nakə nə, ²⁸Siman ɗə Yeso gbangyang nəng ɓəu nka Fih a, ²⁹"Susue nə a yi muangsam pai tangsa nta,Yicueva,kə nwa nəngnə bima na nə.³⁰Kanə nəng ɓa yuangra mang, ³¹Na ma ci ʒaivəi kpəm nə: ³²Ɗua nə man-tanala kə lei-yuava ɓai ngarə kə lei-Israila la."³³Lei nəng nə na ku yimong ɓi də səɓi kə davo ɓai navo. ³⁴Siman lei le nala nəngɓə nakə navola a"A ɓa yimong nə,a djiau bi bə orə ɓai irə vaivə kpəla Israila. ³⁵Ma-ma,ngafain hyiang nyi-nyiman hyiang,yang kə nəngnə levə kpəla də kemrə nyi-nyile inəng fatai."³⁶Yihai-nabi la nabi la bəbi iunkə Anna,davon Fanuwel tangsa ɲwakavavə Ashiy.Yihai ɓə kwing.U dʒava ha hyui-iu cua bə muin-muhai vo nənɓə ɓwua hyia ɓwu. ³⁷Hau hunya inanya un haiɓui.Ko bu cing u meɗayi bə yi va Fih.Viha eingvi ɓai ɗuafih dəu ngu Fih cuahai ɓai bə ɗələng du cuenwacum kə Fih la. ³⁸Nəngɓə dangla wu bapi səlai,dəu də nkarə kə Fih,u nabi ku yimong ɓi kə levənə dji bibini.Levənə də dji nyi-nyi lei səbə yuangbə Urushalima.³⁹Dei tənkə nəngnə ha nwabi və yicueva nakənə,nəngɓai faita Galili,va vai Nazarat. ⁴⁰Yimong ɓə nga tsa ɓai yiurə,tue-hyirə və Fih la cuahai ɓaiukə.⁴¹Lei davo ɓai navo kə hanə ha dai ta Urushalima bi mim-ɓang Hiyarə. ⁴²Vi anə hau hua-iriu na'iu,ai ta mimɓang kəwə vinə dai takərə nə. ⁴³Tarə vai mim-ɓang ɓə nə ai lui bu kpəla,nəngɓai fa cualai dai wu va.Ai ibə lau Yeso nga nəng vo ji cua Urushalima lei-yicirə vo ibə lau. ⁴⁴Ɓarəvai ɓama ula cuahai ɓa levənə dei tarəh cuahaini.Nəng ɓai i dai babəu tangsa lei huilai ɓa lei-jualai.⁴⁵Ai ɓa bəu e ciu lau,nəngɓai faita Urushalima dei ɓabəu. ⁴⁶Tua bu natta səu,nəngɓai ciu kom Fih,ukuə tangsa lei-nyinasə nəng, dəu lile rə nəngɓə dəu ɓile ɓi. ⁴⁷Levə nə li bi vo ha nyibi ɓai bə ibə nəng vo ɓai bi nə dəu gwakərə nə.⁴⁸Vinə ai ɓau kə, səɓi mualai.Navo naula a,"Yim,ɓa cue ɓi kə mang ɓəe?A li,da ma ɓəmkə də darə dəɓi ɓabə ma." ⁴⁹Nəngɓə u nale a,"ɓa cue kə də ɓa ɓabəm mai?Ɓa ibə lau bə ku vavə Dam muam yang ə?" ⁵⁰Ai ibə nəngnə dəu narə lau.⁵¹U fauta Naʒarat cuahai ɓalai yicirə vo,dəu huilerə dəu dəlai ngarə.Na vo dji lai nəngna ha nyi-nyiu. ⁵²Yeso hola də ngarə ɓai yiurə ɓai jua səu.

Chapter 3

¹Tangsa ha hua-iriu-nahui ni,Tibariyus Kaisar kə yiva nə Bilatu Buntu kə Gomna Yudiya,Hiridu kə Yivanga Galili,huiun Filibus kə yivanga Ituriya ɓai Tarakunitis,Lsaniyas mua Abili na, ²Tangsa vinə Annas ɓai Kayafa kə kunlau nə,bi və Fih wusə Yohanna a yi Zakariya ɓəngvo.³U ho ku hua Urdun dəu tai-nwa huaiməng a mem bə wusə Fih kəu mua lei-nəng-a-ɓai U aikəta.⁴Kə nwa nəng nə Ishaya yivə nabi vikə tangsa lei-bi vo,"wui yivə nə də ɗubə ɓəngvo ni,ɓa ma nəngga və yicueva,ɓa ma nənga vo lue ɗar-ɗar.⁵Nəngɓə-bwu kə han-yilang-yi,kutai ka ha ɓai gum ɓai lei-nənga nə gure-gure ha ain mau lue hila, ⁶ɓa lei-ʒaivə ha nɓa yuangra və Fihn ɓa.⁷Yohanna nabi kə leivə nə wu də huai mɨng nə a,"Ɓa lei-yi djau!Nwa naɓala a sə ci a ɓwarə ni də wurə ne?⁸Nə mang ɓəng,ɓa tana sə diku ɓa bəgang nə ɓa mem ka-gang ɓan muacua Fihn.Bi ɓa na nə ɓa ɓan leyi Birayi,mi də min naɓala,Fih nɓa ci leyinci kə Birayi la ɓəng letaini.⁹Susue ni dəmin naɓala,a ba juəm yang ʒumnyi leka ha.Kanə ha ci lau yang ain koiu ain wakəta ɗua."¹⁰Levə nə gam səu ni jinwah bə ɓiurə,a,"Ɲɓa ɓing cuerə? ¹¹Nəngɓəu na le la a,"Yivənə ɓai nəng yasə na'iu,u də cing kə yivə nə yaun ɓaiukə nə,yivə nə la ɓai nəngtang nə u cue mangɓa."¹²Levə nəngnwabi-hua wu bə huai mɨng langɓə,nəngɓai ɓiu,"Yivə nyinasənəng,ɓa ɓin cuerə?" ¹³U na laila a,"bi ɓa mua pai nəng nə ai də ɓa nwa a ɓa mua-nəngka."¹⁴Le soja aka ɓiu mangɓə,a,"Kə ɓi ɓe?Ɓa ɓin cuerə?"U na laila a,"Bi ɓa mua nəng na leivə ɓai canka,bi ɓa na nwa'iu ku yivəni cuenəng aka lau nə.Ɓa jiku nəng nwaɓi bufihuim ɓai.¹⁵Zaiyivə djə nyi-nyi lai də ɓa wurə və Kristi,levə ha də kemrə tansa nyi-nyi lai ɓama Yohanna kə Kristi ɓae. ¹⁶Yohanna na le la kpəm a,"Un huae ɓa mɨng ɓai mɨngci,yivakala də wurə cuam,tsarə vau paiməng,mban byi hun kabuwau.Un huəiɓa mɨng ɓai kwang Fih garangrang ɓai ɗua.¹⁷Yilang yenəng vo lang kanau, un kaukə ɓua-pomnəng nəu ngam kə alkaman unwukə tangsa bam vo.Un chom le finəng ɓai ɗua,nə ba muin wau nə."¹⁸Ɓalai bi kpala,Yohanna tainwa bialarə kə levə. ¹⁹Vinə ai ikə Hiridu bi hai huiu Hirudiya nə un djakənə ɓalai nəng aɓai nə Hiridu cuekə nə, ²⁰U leiɗui lei-nəng aɓaivo ɓai bə takə Yohanna kə Busəna.²¹Susueni wukə bi nə,levə kpəm ha hoi mɨng nə,Yeso langɓə ai hoiu mɨng,dəu ngu Fihrə,nəngɓə ɗuiye ɓai, ²²Kwang Fih garangrang cuinhyua ɓai səu kə ku kə nwa gova,nəngɓə ai li wui də nabi ɗuiye,"Ɲma kə yim,nə nyi-nyim muala nə,nyi-nyim lang səma."²³Vinə Yeso mua nwacum vo nə,hau huncing iriu-hua.Un yi (un dja ɓa ma) Yusu,yi Heli, ²⁴Yi Mattat,yi Levi,yi Malki,yi Jannai,yi Yusu.²⁵Yusun yi Mattatiyas,yi Amos,yi Nahum,yi Ɛsli,yi Nagai, ²⁶Yi Ma'at,yi Mattatiyas,yi Semeyin,yi Josek,yi Joda.²⁷Jodan yi Jowanan,yi Resa,yi Zarubabel,yi Salatiyel,yi Neri, ²⁸Yi Melki,yi Addi,yi Kosam,yi Elmadan,yi Eri, ²⁹Yi Joshuwa,yi Eliyeʒa,yi Jorim,yi Mattat,yi Levi.³⁰Levi yi Siman,yi Yahuda,yi Yisu,yi Jonam,yi Eliyakim, ³¹yi Meleya,yi Menna,yi Mattata,yi Natan,yi Dauda, ³²yi Jesi,yi Obe,yi Boaʒa,yi Salmon,yi Nashon.³³Nashon yi Amminadab,yi Admin,yi Arni,yi Heʒron,yi Pereʒ,yi Yahuda, ³⁴yi Yakəbu,yi Ishaku,yi Birai,yi Tera,yi Naho, ³⁵yi Serug,yi Reu,yi Peleg,yi Eber,yi Shelah.³⁶Shelah yi Kaina,yi Arfakad,yi Shem,yi Nu,yi Lamek, ³⁷yi Metusela,yi Enok,yi Jared,yi Mahalaleel,yi Kainan, ³⁸yi Eno,yi Seth,yi Adamu,yi Fih.

Chapter 4

¹Nəngɓə Yeso hai-yila ɓai kwanfih garangrang facuo nwa-nwam Jodah,kwangfih taukə ɓəngvo, ²bə nə la Mungkulum baung la bu hun'iu.U tangnəng akalau tangsa vieɓi cicuasəu vom muo.³Mungkulum nau la a"Nə man yi Fihng a mem tai nə kən vam." ⁴Yeso mem nau la,"Ai vieng,Yivən hyuaku ɓai nəngtang ɓwasəu lau.⁵Nəngɓə mungkulum ɗəu takə bənə tayela nə nəngɓəu taunasə leinəng fangwam dangla. ⁶Mungkulum naula,"Leinəngnə ha ɓai ngarəu ɓai hirəu,leinəngnə ha ai dəkən mi.Min dəkən yivənə ha yuam gwala nə. ⁷Nə man bai-huia man dəm ngarəng dəng,nmem ka man mem."⁸Yeso mem naula,Ai"ving,man də ngarə kə Fih yicueva ɓwasəu,u ɓwasəu man nkaunrə."'⁹Nəngɓə Mungkulum ɗə Yeso taukə kom bə ngu Fih u dʒau bəni tayela nə,nəngbəu naula,"Nən man yi Fihng,a fa bəni malanə wa o hua. ¹⁰Ai vieyang,"un də-nwa kə leimalaika vo bima,wu tacima, ¹¹ai ɗan ɗa tang kanale,yang bie gɓa kabuma sə taing ka."'¹²Yeso mem naula a,"Ai nang,bie bang-nwa Fih Yicuevang ka."' ¹³Mungkulum lənkə bə nyinasəu,nəngɓau u pai yieu nala ɗakəni.¹⁴Yeso fa wu tangsa Galili ɓai tsərə və KwanFih,bivo yabə ha ku huaɓi. ¹⁵Nəngɓəu onaci dəu nyilai nasə nəng tangsa bəni dai ngu Fih la nə.¹⁶U wu Naʒarat bənəu ngala nə,kə nwa nəngnə dəu cuerə kə viha nə.Nəngɓəu ta kom Fih fi sati,u djiu ʒam ɓai wui. ¹⁷Ɗərangwal vəu nabi Ishaya nəng ɓai ɗəu.U ɓai ɗərangwal ɓə nəng ɓəu ci bənə vie nə,¹⁸"KwangFih garangrang və Yicueva la kum,u fikum kən tainwa bielarə kə levənə nəng ci-nəng vai yaun nə.U cuam tan tainwa kə levə la Pursəna ni ɓai bə ɓai nəng levə nəng gbam nəng, ¹⁹bə ina kə levə nə dai tamlerə nə."²⁰Nəng ɓəu kuam ɗərəngwal ɓə,u də kə yivanga komvə Fih ɓə,leivə ha dji nəng səu də ɓaurə. ²¹U onaci dəu na leila,"Liani bivə Fihnə yilang ɓwacui ɓai." ²²Levə nə ha bəbi ai nyibi dai na nəng a bəgang ku ɓai le bia hirə nə də ikə nwa ni.Nəngɓə dai ɓiɓi,"Yi Yisu nə lau?"²³U na lai la,"Kə biagang,ɓan nam njung nə lang na,'Yivə dəvu,adə larə kə kuma.Lai nəngnə a cue Kapanaum ni,a cue mangɓə vamai."' ²⁴U na laila a,Dəmin na ɓala kagang,yivə nabi yaun də ci ɲgarə vavau."²⁵Midəmin naɓala le haiɓui la kpala Israila vievə Iliya,nə ɗuiye lamkə ha natta ɓai fihuim huicuing,vom anga wu kuhua ɓi ni. ²⁶Fih cum Iliya sə yivakai tangsa lai lau sai haiɓui nə ku Sidon kə Zarafat. ²⁷Vivə anabi Elisha levə blaiv la kpala Israila,yivaka yaun ci larə vo,ɓwasəun Na-aman yiɓui Siriya."²⁸Levə ha tangsa kom Fih ɓini,ɓankə yua nəi likə lei binə. ²⁹Ai ie cuo ɓai tsa,ai iukə baifa ɲwa gləntəng tai bənai mi vavai lanə,yang kai cuo kai wuokəta ɲwagləntəng ɓi. ³⁰U mua tangsa lai u paiuta baka.³¹U ta kapanaum,ku hua ɓəla Galili,nən ɓwu onaci dəu nyilei nasə nəng fi sati. ³²Dai nyibi ɓai nənvo nə dəu nyinalani,dəu nabi ɓai tsakə.³³Tankom bə ngufih bi yiɓui kala ɓai yua-ɓai səu,nəngɓəu bwubə ɓai tsa, ³⁴"Ai! Yeso yiɓui Naʒarat ɓaɓi la ɓai makae?A wu bə tənɓikərə?I mang-wang Yivə Garangrang və Fih!"³⁵Yeso go lei-yuaɓai ɓə,a,"Bi ɓa nabin ka,ɓa i baifa ɓa yi səu!"Yua ɓai ɓə wa yimong ɓə kəta hua ɓəng ʒaivə,nəngɓəu iu yi sə yimongɓə,u də nəngʒhe kə yimong ɓə lau.³⁶Levə nə ji bibi də nyibi ai ji nwa bə nabi ku nəngni cuesə nə kə hala.Nəngɓai na,"Anən lei bi kane?U də nwabi kə lei yuaɓai ɓqi samɓai ɓqi tsarə kə ai i baifa." ³⁷Bi nə dai narə ku ni,i yakəta ta lai kuhuanə bapi nə.³⁸Yeso ikom ngufih nəngɓəu ta tangva və Siman.Djang Siman də nwa yiɓai ɓai nəng-ʒhi iya-tsa,nə ɓai ngu nwavə yihai ɓə. ³⁹U ji bapi səu nəngɓəu go nəngʒhi iya ɓə nəngɓəu yeu.Nwacing dangla u i u jirəbo də cue lai nwacum la.⁴⁰Daidai nə Fih də orə nə,levə wukə yivə nə ha lilarə lau kə Yeso la,ɓalai nəngʒhi kpala.U lai nau ku yivə ni ha lilarə lau nə,levə nə ha u lai nau kulai ni cilarəng. ⁴¹Lai yuaɓai isə leivə kpala,də tarə a,"man yi Fih!"Yeso bwanəng kulai,u gwala lau u yilai ai nabi lai,leima ai ibən wa kə Kristin.⁴²Nəngɓə bəga,uta bənə levə yaun nə.Zaivə kpala də ɓabəu nəngɓai wu bənəb u la nə.Ai ɗuangnəng lai dai yiɗi bə muorə ain djə bayicing biu yilengka. ⁴³U na leila,"min tai nwa bie larə ku vavə Fih kə lei hua la kpala,nbisəu nəngɓai cuom ɲwukə bənə." ⁴⁴U hola ɓai bə tainwa tang lai kom ngu Fih ni Judiya kpam nə.

Chapter 5

¹Nəngnə cuesə nə,ʒaivə wu də gamrə bapi sə Yeso a kang cue lei dei li bi Fih,u ji nwa nwam Gennesaret. ²U ɓa lei fua na'iu nə yua mɨng i də gbalerə nə.Levə mua-hing pinyi hua tangsau də luo lei kă vai. ³Yeso ta tangsa fua tsəng nə kăvə Siman nə,nəngɓəu ngu u cuo fua ɓə,u takə bənə mɨng ɗam ɗuila nə.Bə bi u kula dəu nyinasə nəng kə levə.⁴Nəu tənkə bə nabi,U nakə Siman la a,"A a fua ma a takə ba ɗuirə ɓa ai ka ɓa la ɓa mua-nəng." ⁵Siman gwanwa na,"Yicueva,ɓi cue nwacum ɨngvi ha ɓi mua nəng aka lau,bi bi manə a nakə nə,min lai la kan lai." ⁶Dai cue mangɓə,ai mua lei hing kpala,lei ka vai i də hiyanrə. ⁷Nəngɓai nabi kə lei huin lei nə tangsa fua cing ai wu wai yuanglai.Ai wu ai yi lei fua na'iu ɓai hing kə,nəngɓə lei-fua ɓə fa də darə.⁸Nəngɓə Siman Bitur,vinə uɓa kənə u oci Yeso' ɓai ɗung,u na a,"pai ayi səm,min yivə nəng-a-ɓai,Fih." ⁹Nənɓa dau səɓing,cuahai ɓa levənə bibini,ɓai bə muahing nəi muakənə. ¹⁰Levənə bibini Yakəbu ɓai Yoanna,lei-yi Zabadi,levənə kə lei jua Siman nə.Yeso nakəSiman la,"Bie ɓiɓingka,susueni mang muan ʒaivə." ¹¹Vinə a wukə fua vai kən gwam,ai yila sə lei-nəngvai kpəm ai muacuo.¹²Wukə vinə Yeso lan va ka tangsa nyiu lai va ni,yi ɓui ɓə la bəbi səu han blai.vinə u ɓa kə yeso,nəngɓau fau ba nwa pociu hua u ngu a,Yicueva,"na gwalang a lom hila." ¹³Nəngɓə Yeso takə kanau bang na səu,a,"Ɲgualayang.A mem hila."Tanghua ɓi nbəlai ɓə yi səu.¹⁴U nau la a biu nakə yivaka lanka,nəngɓəu naula,"Ta mua nəngga ma,ta tana kuma kə lai kunlau la yang ka də nəng waku nə Musa də nwabi kuni,kə mem kə nəngnən nalaibi nə.¹⁵Bi nə dai narə ku ni yabə ha ta cuila,zaiyivə kpala wusəu də liurə dəu nyi nasə nəng ɓa levə lilarə lau dəu dəlai larə. ¹⁶Bu kpala lang u paiu ta ɓəngvu u ngu Fih.¹⁷Tangsa fie-kai dəu nyi nasə nəng,bəbi lei Farisi ɓalai vənə ibə nəng gɓa-gɓa tangsa nwabini kula tang-hua bibi a wulan lei vanə kpəla kuhua lei Galili ɓai Yahudiya ɓai Urushalima.Tsamɓai və Yicueva la cuahai ɓaiu kə nən də larə nə.¹⁸Susueni le ɓui ka wu,ɗə yiɓui ku gi nə hue-huerə nə,ai ɓabə bənə la ai ci nənga kəi lai kə yiɓuiɓə ci Yeso. ¹⁹Ai ci nənga lau bi kpərə və ʒaivə,nəng ɓai ta ku kom ye a ɓai bə ai cuo yiɓui bə ku gi vau wu tangsa ʒaivie ci Yeso.²⁰Ɓarə tsarə nyi-nyi le mangni,Yeso na,"Yiɓui,ai mua nəng a ɓai mai aikətang." ²¹Levə nəng-vinəng ɓalai Farisi i də ɓibi na,"ɲwa də dai Fih ɓai em nə?Ɲwang ba mua-nəng aɓai aikəta nəng Fih laun?"²²Nəngɓə Yeso,ibə nəngnə dai kemrə nyi-nyi le,u na lai la,"Ɓa cue kə də ɓa ɓibi tangsa nyi-nyi ɓai? ²³Nə ʒhi bə narau,"Ai mua nəng aɓai mai aikətan,a-ie adjirəbub aho?' ²⁴Nəngnə ɓan ibə yi yivə la ɓai samɓai ku fangwam nə mua kə nəng aɓai aikəta,ɲna lan,'A-ie adjirəbu,aɗə gi ma a tava ma."²⁵Tang-hua ɓi yiɓui ɓə i djirəbu cilai kpəm uɗə gi vonə ulue ku ni.Nəngɓau pai nəng vo utava,dəu də ngarə kə Fih. ²⁶Le kpəm ha nəngɓə dəle səɓi nəngɓə adə ngarə kə Fih.Ɓi yi tangsa nyi-nyi le,na a,"Ɓi ɓa le nəng səɓing lieni."Cuasu lei nəngnə cuesə, Yeso ieh beifa nəngɓə u ɓa yibui mua nwɓi hyua iung Levi uku bə mua nwaɓi ɓi, nəngɓə u nau a muacuam.'' ²⁸Nəngɓə Levi ieh muacuaou, yi leinəng bəbi.²⁹Néngbe Levi de nəng nwabi kə Yeso tang vaveu. Leivə muaɓi kpala tangvaveu ɓaleivaka dei kaubə ku tebur dei tangnəng ɓaleikə. ³⁰Amma lei Farisi ɓaleivə samɓei dei nabi kulei moncsem veu, na, '' Ɓakə dəmang tangnəng ɓei nwarə ɓalei mua nwaɓi ɓaleivə nəngaɓei ka? ³¹Yeso gwalei nwa a, ''Yivənə la ɓei larə nə u yiɗi yivə də vuh leu; ɓuasəun leivəne la bei nengzhi. ³²Ñ wu bisə leivə nənga leu, amma biveivə nəngabei.Nəngɓə ai naula, '' Leimongsem və Yohanna cuasəunə ai ɗəfih ɓei bə guFi, langɓə lei mongsem vei Farisi ai cue manəngɓə. Bisé lei moncsem ma nwa tang.'' ³⁴Yeso nalei a, '' Yivakan ba cue mim djayihei kə yivakala ladda yihei ɓəla bibelie? ³⁵Fihɓə de wurə nə ain ɗəkə yiheiɓə ain peikə səlei ni, yang fih abəlei ai ɗəkə fihɓənə.Yeso sake nabi la tangsa djung. '' Yivaka yaung hyang nəng yasəveu a afuh u makə a kyui nə. Nə u cue manəngɓəng u ba un hyang a fuhɓə hyang u makə a kyui ɓənə.Yivaka yaung de aie mim afuh tangsa ku. Nə u cue manəngɓəng yang mim afuh veu ɓəng gbam kuɓéng gbam yang mim ɓəng aikəta yang kuɓəng gbam'gbam. ³⁸ Amma mim afuh dei aieu tangsa ku afuh.h ³⁹Yivaka yaung nwamim afuh də yiɗi bənwa kyui bisə una a mim akyui ɓə la.''''

Chapter 6

¹Fihkai Fii sati dau gara fan Yeso nan ba kil monsau vau dai zhua Yeso ɓa ai nwa lai dai tanra. ²Laivahkah lai Farisa. ai na ɓaka ɗama cue nanna yiu na Fii sati?³Yeso gwakila, ɓa zamlo nang na Sawuda cuelounaɗa vam yhau laibai dzu hurora vou? ⁴Na taka kum gu Fih na, nau daka niu kanra yiuwam tanka u daniu kah dzu huravou, ba ki vaaka tang, wada sau lai kunlau ka tang. ⁵Nang ɓa u'naki yi yavah u'ka Fii vih sati.⁶Vih-sati kai, u'ta kum gu Fithdau ninasanan, yavah kah tansalui nau na lii ɓuebuira. ⁷Nang ba lai ninasanan vai Farisa ɓai ă'h attaura, ai ɓa da lara daviih-sati, ai chila ai dzam ka sau. ⁸U'ii nan na da kamra nyin nyin lan, u' na yivah nah ɓuiva ɓa, I' dzi ɓaibuh tansa dzaivah ni, Nanɓa yivah I' dji ɓaiɓuh tansalai.⁹Yeso na lai dama ɓiiɓara hyi'ing ai chua nan ăhga'ng ko a'hɓai, ai yhung huara ko hya huara? fih sati? ¹⁰U' mam u'ɓalai hapkam, u' na yivah nan ɓuraba dzinah ma nii, da u'chue ma nangɓa, nang ɓa nau chii lara. ¹¹Nanɓa yhua lai ɓangkah nanɓah dziha ɓihla nang na ai-chuara ɓai Yeso.¹²Tangsa lai ɓuuni, u' chui tai ɓah gufih inveena hah da. ¹³Tang nwadzudi u' ɗu ɓa lai mongbuil voum u' wukasau, u' ɓui tensalai hua'irau na'u, u'dzilai ingla ka lai yi tacum.¹⁴iinglai tacum siman, yivah na da ɗuƙa Bitru na bai yhui, Andrau Yakubu, Yahaya, Filibu, Bartalawus, ¹⁵Matta, Toma, Yakubu yi Halfa, Siman, na dai ɗuka Zaloti, bai Yahuda yi Yakubu. ¹⁶Bai Yahuda yi Iskariyoti, yi vah na launa.¹⁷Yeso chiua yhu kutai balai ka a'i dji ɗu'yi, lai mong buii vou pkalah ɓiiɓi, ɓalai vah kah pkala yhia Yahudiya ɓai Urshalima, bai nwa wam taya, bai sildo. ¹⁸A'i wuh ɓah laura, ai chi ka lava loli tansa lai nangdzi vai. Laivah pikaloh na da chue yibai ɓoi yhua ɓai, ai chi lara. ¹⁹Dzun dzaivah na gam pkala na da yamba ba kamna sau. ɓii samba ba dii lara kubai ka. u' da lai larang.²⁰U'ɓa lai mong samuvou u' na lai ban laivah lara vah Fih ah bah ²¹Ban laivah lara, ba lai lii vam susuanii yhu ɓan tsatsa Ɓa na da ma tata susuana, ban liiran dii chii.²²Ɓa lavah lara, ing lai vah laɓang ing nai labang dai ɗu'ɓa ka laivah ɓai ɓii ing yi yivah. ²³Ɓa chii laranchi Fiɓala ɗama yhuara dama liilara. Fibala ba chi nwa ham ɓa ghala du'ya, ma nangɓa lai ɓaɓah chuii ka lai Annabawa.²⁴Ɓa ba vou laivah nang chinang ba muh ɓa tanyi ɓa vou Făngwam. ²⁵Ɓa ɓa vou laivah yhu tsara, vam yhi bara chi nalah. Ɓa ɓa vou laivah mammam suasue nii Ɓa kambii ba takata cii.²⁶Nibavou laivah daɓa ghăra ɓa ma nang ɓa lai Ɓaba ɓa cue ka lai Annawa nanwa'iu.²⁷Dami naba lah, ɓana daba limre na ɗaɓa yidi lai buiɓa, ɓa cue ning'aghang ka lai vah laɓa na. ²⁸Ɓa da barka ka laivah ɗaiɓa bai dyam. Ɓa gufih ka lai vou na cua ɓa ɓa na.²⁹Yivah na ɓgaɓa na ɓwa cuei tsin ɓa mam mu tsinla. Yivah ka na ɗah guɗu'u mang, ɓi yhuw ɓa saika mangka. ³⁰Yivah na guɓang ɓa dau yivah na ɗa nang ɓang, ɓii ɓa ɓiu Fakanka.³¹Nang na dama yidi laivah cuela a'h cue laila manang ɓa. ³²Na yidi yivah yidi ma, bai tseu yang nang a'h fam, ko laivah cue nang a'h ɓai ma, da yidi laivah yidi lai. ³³Na dama chui nang ah ghang ka laivah cuaɓa nang aghang, ɓaka gadal ma? laivah nang ah ɓai ma da cue ma nang ɓa. ³⁴Na da ɓa da hyam ka laivang bii ɓa dji nyiyi ɓa, fahbang fangka ɓaka ɓutai seu ko laivah cue nang ah ɓai da da hyam dai nyini lei chunii.³⁵Ba yidi lai ɓuiiɓa, ɓa cue lai nang ah ghang la. Ba dalai hyam bii ba, dji nyiniba ai fahɓang Fangka. Lada ɓa mam ah ghang. Ba mamka lai yi-aghang. N'baikuh dau tana sah nang aghang ka laivah na cue ka rauna, ba laivah nang ah ɓai. ³⁶Ba kuka laiva nyitah, ka nwa ahna daɓa duyi la bai tah na.³⁷Ɓii ɓa dji bie ɓai ka halangka bi ɓa ma ah dza ɓa lau. Bi ɓa kem nangabai kuhyeinka yang ɓama ei kem nangaɓai kuɓaiu. Ba mua nangaɓa ɓa eikata yang ɓama ka mua nangaɓai ɓa ei eikata.³⁸Ɓa daka laivahka, ɓama ai ɗaba pikala yinang har da alre. Nangna ɓa yikanang naba ai yikaba lara.³⁹Nan ɓa u' lai dzum maka, yivah gɓam nang, muka, kah yivah gɓam nang, muka, kah yivah gɓam nang muh? Nau cue nang ɓang, lei pam ai o'bwan'o, ko ma nang ɓa lau? ⁴⁰Mongsam, u pai yivah yiu na sa nan wau yivah ʒămvou ɓa gang, mam ka yivah nina sanang ni.⁴¹ɓa ka da ma ɓa yika chuni tang ɓang nang hyui mai nii, Fa ɓa ma yika na ɓang nang mai nii lou? ⁴² Ɓaka dama na hyuima, nama i'u ka kala nang hai? mamah vai kuma ah iɓang kala nang mai Fah ikah ma lau. Ma yivah 'Munatuki' ah' ika puka ɓang nang mai nachi, ah chila ɓaka ba, kah' ika hyui ma.⁴³Kaah yaung yhilah chilai yiikaah ɓunra, ko kaah ɓunre yaung da chii yikaah găngre. ⁴⁴Ma nang ɓa, da i'ba kaah langsa lei hyiu na chika na. Zaivah wai chira vai sa kaah Foui, loung ai ɓuii (Inibi) sa sarkakiya.⁴⁵Yivah ɓa gang, tangsa nyiniu, nang ɓa chiilai yah ɓagang yivah ɓai tangsa ɓa dji nyini ɓai vou, nangɓa dau chue ka nang ah bai, langtongsa nyiniu nanba bii da i nwooh.⁴⁶Dama namka ɓa? Dah, Dah, tsang fa ba lii bim wai? ⁴⁷Yivah na wusam na lii lai ɓim, na chue ka nwadjum mang, mii naba la u' uh. ⁴⁸U'la mang yivah na habwah ɗuila yhua ki ɓwue ni kum voula mii vah vou la na kutai, da mang wuu, ɓa vah ba yau vah ba dailou, don ai miivah yhi'ing.⁴⁹Yivah haa lii bim la ɓa chua ka nwacdjum u'la mang yivah na miivahvou fam haɓwuh sau laou na, da maang gɓamra wuuh gbavah ba, dai yaah aikatahăă, vah ɓa ghahla.

Chapter 7

¹Yeso ɗa nalai nang na nava ha, tah chum zaivah h'h, nanɓa u'ta kafarnahum.²Sam gwan yivanghaka da yidiu, u' lilara lou ɓapii ba ɓuera. ³U' liibii vah Yeso gwang yivahba, djum lai vangha yahudawa ka ah' gu Yeso wuah yaungra dau ɓuara. ⁴Da wuah ɓapii ɓai Yeso, nang ba aigu ka gang, yivah na u' kammang, ah chue ma nangɓa. ⁵U' yivah yidi yhua ɓi, u' mii ɓi kum gufuhla."⁶Yeso pai ta chua hai ba lai ka, da ɓa pii ɓai vah ɓa, gwangyivanghaba u' ɗjum lai szuka ai nau, "Fih ɓeh kem nii, ankam awuh vam lou. ⁷An kam wusama, ko nabii fam sam mii chilaran chii. ⁸Mii mah man yivahgha yivah sambai, mii lah ɓalaivah lai tsadzu tabuah miika yivangha pai lai lang chum mii ɓa mii na lai na ahtah, yang ah tah nakah wung ah wuh, nang na sam niu navah chuinii, lang u'chuii."⁹Yeso lii lai ɓii ba, u' chue (Mamaki) yivah ba, u, mam sa zaivah na gam da ɗaka chuna, u' na lai ko tansa Israila ing chii yivah Bangaskiya mang yivah na lou. ¹⁰Chusau, laivah na djum laina ah fah wun vah ra, samba chilaran.¹¹Fiih kai tchu, Yeso da tah vah ka ɗa ɗu'ka Na'im, lai mongsam vou chu hai ɓaika, ɓai zivah pkalla. ¹²Dau ɓapii bai nwakum vahɓa, u'ɓa ɗa yivah ka ɓuiɓuira, yivah vou, naba hai ɓuih, laivah pkella chuhaibai ka. ¹³Da Fih bai, nangɓa, ɓaghang vou, nau ɓii tatanka." ¹⁴Nangɓa wuh kam nasa nang ɗa bwuhbi laivah dauna naɓa dji hua, nang ɓa nayimuah ɓa saɓa ah'i." ¹⁵nang ɓa ɓuhɓa ii-ii ɗa na bii, Yeso fawka ɗaka navou.¹⁶Laiha pam, mpii mu lai, ai ɗa ghara ka FIH. dai nara ai ika Anabi kan ghangha tansabi, FIh ɓa laiva vou. ¹⁷Bii, ɓi vah Yeso, yan daba hapaim tansa yahudiya, ɓalai yilai vah kau kwalkana.¹⁸Lei mongsam vah Yahaya nau lei anng nah la ha kpam. ¹⁹Nanbe Yahya ɗu'ɓa na i'u tan sa lai mongbuil vaou u' ɗjuum lai sa yichua vah naɓa nau, n maka yivah yivah na dama wurana? ko bii dza nang sa yivah ka? ²⁰Da ɓapii bai Yeso, nanɓa ʒaivah na yahaya yivah yivah hui Bastimas u'chum bi, bi ɓia ma dama wurana ko bi mii yivah ka da wura?²¹Tansa viini na, u' da lara, ka zaivah kpa la tansa lai nang dzee vai balai naang ah zira, ba lai kong ah bai lai nang gbam nan kpala cii ɓa bahbang. ²²Yeso na laila naɓa tayang, ɓa naka na ng na ɓa ba na laina ang gbam nang da dii ɓa bah-ɓa lai vah kabou, ore da hura laivah ɓalai chii laran, lai gbamjua da lii ba,lai vah na buei na da ira dai nabii lara kah laivah yibeila. ²³Yivah barka, yivah dji kuh biighang sam biilei na nang da ma chura na.²⁴Chusau, laivah na Yohanna djum lai na pai, nanɓa Yeso tara ɓa na lai bii vah Yohanna ɗa ba ta ɓatsang ba bah tansa ɓa ng vouh, lai voh yhua da wara da yau ra? ²⁵Dama tah, ɓaching ɓa ɓah? Yivah na ya na ng yhila na? ba bah lai vah na ya naang yhila dji na ai kukura lahla da lii lara nwa nang gha vah vah yiva. ²⁶Amma da ma ta kah na ɓa tsang ɓa bah? yi vah na nwa chum ma? I, da ma na ba lah u'kpai yivah na nwa chum mang.²⁷Nang na nabah na ba ai vechkuh. Ɓa bah da mii chum yivah nwachum mii tsaɓai. Yivah na ma naangha. ²⁸Da mii naɓala tansa vah nii, laihai cii-ciira yivah yaung kam yohanna. ma nang ma kpai, yivah na tansa vah fih nitchue ni, pai yaung bai ghava.²⁹Da lai vah lii ha pai, ɓah lai vah mu nwabi hua, ai gung na FIH yivah ɓaghang lai la tasa lai vanii Yohanna balai maang nii. ³⁰Ama lai Farisa lai vah na i'bah kitah yahudawa na laivah u' hui lai balai maang launa, ai chue fam ɓa bii vah Fih ka bi ku lai.³¹Na ma Yeso na lai, ɓai bah mil gwada Fangwah vai veh na? Ai i'ha ɓai ba? ³²Laila mang leimong na da tsanang lomu nii dai na ha ɓwu lei, ɓih i'khi, ɓa odang lau da mi ɓashi bah tah tah lau.³³Ma nang fa, Yohanna euh u' tang kum bamg bai bi lai, u'[ nwah manka ɓai bilau. Ama ka nwa djum. ³⁴Yi yivah, wuh ɗatengra da nwara ɓa lau, da ma bara, na bah, ɓẽh ɓăh yivah na da chue 'Handama' na lau nwah maang kha kpala un dzu laivah muh nwa bih hua, ba lai vah nang ah ɓei. ³⁵Ama ɓai yiura vah FIH dau nwa ku lai tiu.³⁶Fikai, yivah Bafarisa ka, u' gu Yeso nwa, tang nang chuhai ɓai ra. Da Yeso tah vah Bafarisa ba, u' ku ka tang nang, don tangnang. ³⁷Nang ba yi lai nang ah ɓai ɓah i' tansa vah ghah, nau lika bi Yeso na tang vah yi farisa, dau tang nang yihai ɓa da kuh'nui na da i'ukah alabastar dau da yilahrana. ³⁸U' dji ɓahpii ɓai Yeso dau tahtah nang maang vou bym kabouh Yeso, dau fikabou Yeso bai jamkuh, dau nukabou Yeso, dau Fi turarala.³⁹yi farasi ɓa na, d'ubah Yeso na, nang ɓa kam tansa nyiniu, u'na ah yivah na annabi na ɗah i' bah yi hai nang i' ko ɗa tam nasau ning u'yihai chua fam. ⁴⁰Yeso ɗubou nau ah siman dame yidi bah nala, ah i'bah nan akang hai? U' nau sau na dah.⁴¹Yeso nau yivahka ɗau ɗa yhm, ɗa ɓii leivah ka na'iu yhm n eng nwabi dau bii yivah tsing sule hunhyui, yivah tsing hun'lu ireu hua⁴²Da si ka ai yaung ɓai nwaɓi nah Faukarana, nangbah yilaula, ɓai na'iu vei, tensa lai na'iu wah kpai hyui bah yidi yivah na tansa lai na'iu na? ⁴³Siman na ah wai, ɓarari, yivah na yivah nwabi vai kpalla na, Yesogulla ah na bighang yaung.⁴⁴Yeso fa mam sa yihaibi u' nah siman ah ɓang ɦaa, ntah tang vah ma, ah ɗam maang lau bi kaboum, Ama u' voun ɗam yang, ɓai nang voum u'louka kaboum u' Fi ba i jam kuka. ⁴⁵Ah am'mii lou, u' vou u' chue kang tun an wukah, u' yillah ɓa Fikabou ku.⁴⁶Ali fi nuii kah kum lalu, Ama u' vaou u' fi turara kah kaboulang. ⁴⁷U' na, ɓai nang ah bai kpalla, u' nang ɓa ɗah kpalla, u' yidiba kpalla ama yivah na ai yafaw la chunni u' nang ɓa yidi ba chunni.⁴⁸Bibbi nang ba u' nau ah yafah nang ahbei ma lang. ⁴⁹Laiva na ɓiɓɓi chuihei ɓaiu kha na, nang ɓa tara bah na habi, eatsing na hah dau yafa laivah nang ah ɓei vai lana? ⁵⁰Neng ɓah Yeso na yivaiba bah dji nyinima huũ ng ah ta tansa lara.

Chapter 8

¹Chisau Yeso ɓa lai mongbuii vou, ai huo ɗaka tansa lai vah ghah balai vah hang dai due ɓi Fih ɓai ɓi la ra ɓai ɓivah Fih. ²Leihai kpalla Yeso ɗa lei lara tansa laiyhua nang dzii vai lai cua hai ɓa laika. Tensalai maryam na ɗai ɗu'kah magadaliya, na Yeso i' kah yhua ɓai nii hui' iu sau. ³Ɓai Yuwana hai kuza yuvah ta chum Hiridus, ɓai suzanatu ɓai hai ka kah kpalla. Tansa nang chinang vai ai ɓallalai.⁴Fikai nang ɓa gam laivah kpalla, don laivah kpalla da wura lai vangha di'chii ɓa Yeso. U' nallaiɓi tansa misali. ⁵Yivahka ɓenang kah u'ta benang ɗa dau we ɓanang, lai ɓa nang baka ai kuh nanghah nang ɓah laiva tam lai yi hui chii yiu tang. ⁶Laivaka ai ku tai, ɓa na yhua yaung la kpalla, ɗa pii da ghara, chuku nang ɓa buii don nwakuyaung ɓiɓii.⁷Lai ɓaanang bah kah ai ɓan Fuh, lai piira tuhɓa i'chunai ɓai baanang ɓa na ɓana, lai fuh mulai ai bai gau. ⁸Ama lai ɓaanang ba kah ai ku yhua yhirai, ai gah yilla ai da nang aɓagang kpalla har' rubi" hunyhui (100) da Yeso na lai nang na kpam nanɓa u'du bah lai, "U' na yiva na la ɓai bwuidzui, yang lii."⁹Nangba lai mong buii vah Yeso nau ah nabii nwayi ningagoh nalla. ¹⁰U' nallai nba nang ba, ba i' ba lai nang nah ai yhu ɓi vah Fih na ama nilaiva na, damil na lai bai nwa yi ningagoh ko ɓah ai ɓa i' bau, ko fa ai lii ai yaung ɓai ɓah i'ɓa nang.¹¹U' na lai bii nwayiningagoh ɓa na, ɓaanang nah nangba ka ɓii Fih. ¹²Ɓa nang ai kuh nangha, nangɓava laiva na lii bi Fih, chu saunangba munkulum wuh dabibah nyinilai bita ba ɗa bihgang la don ai chii hura. ¹³Lai vana ai kutai, nang ɓa kah laiva na lii ɓiɓah ai muh ɓai lara, ama huem lai yaung, ai da ɓii ghang la, dzuenii ai i' nalah don ba nyiba, lang lura dalai¹⁴Lai ɓaa nang na ai ɓang yuh nii, nang ɓa ka laiva liibi ba, nang ɓa ai da lara Fangwam ai lai tsalei ɓi lei nang tangwan dai li lara, lara tangwam kpai samɓa vai, ai ɓa da lai yah ɓaghaun da ghara nau. ¹⁵Lai ɓaa nang ai kuh yhua ghang nii nang ɓa kah laiva na liibiba, muh ɓai ɓighang bai nyinilaiha, ai muh ganggang dai daka munyaea bayitsin.¹⁶Yiva young dji ɗu'u, lamku ɓai gwan nang, ko buhkah loiea, ama na tsau ɓai Fah ghaɓa, zaiva ɓabah. ¹⁷nang yaung ɗa ai yuira da ɓa hauna nang a yuiea yaung ɗa i' ba i faw na. ¹⁸Ɓa dzui hakilau ɓai nang na ɗaɓa liira na yivah ɓai nang, u' lai ba lai ɗui. Yivah na ɓai nang ka na cwani dai kamra ah la nara, ai muanua nau dara.¹⁹Navah Yeso balai yhuika, ai wusau ama ai ɓa wuɓaɓi bai kau don laiva kpa'in. ²⁰Nang ɓa yivaka nau na ah nama na ɓa lai yhui ma dji ɓai Fah, ɗai yidi ɓa ɓara. ²¹Yeso gwah, nalai ah nam ɓai yhuim nang ɓa ka laivah na ɗa lii ɓi Fih ɗa cwueka nwa djum na.²²Fikai nangɓa Yeso tah tanfuh mang u' balai mongbuii vau, u' na lei damii yidi ɓi tah ngum măăng (Nguimaang) nang ɓaniu tahra nah ta heer ²³Da dai tahra nangɓa nanloi dah Yeso, yhua-maang ah tsa, ɗu'u dawura ɗang la maang ɓaniu ɓa yi Fuhɓa lai tansa nyi ɗura.²⁴Nangɓa lai mongbuii va Yeso wuh i' kah nang loi, ai nau yivangha-yivangha na i'lou ɓi ɓueɓuei Yeso i' nangɓa nabi, yhua maang ɓa ɗii hua, ɓa gam. ²⁵Nda ɓiɓai nang ɓa Yeso nalai ɓighang ɓa ɓai? lai mongbuiiba pih mulai nang cwui sapihna cwui tang hua nii, Ai na hah ɓi bwulai nang maang hah laura nkara?²⁶Ai wuh nwa hua larasinawa na bapi ɓai hallilana. ²⁷ Nda Yeso cwu hua nangba yivahka nwahua vahni kwuh, yiva ɓa la ɓai yhua ɓai u' chuing yanang sau wui, Fah'ku vaiu dau kulang ku lai djum.²⁸Nda ɓa Yeso, nangɓa ɓuɓuh mai tsa mii chuiva ɓai ma Yeso ɓai wahghah ɓa mii cwuiva ɓai ma Yeso yiFih? Dami ngura bidam yiɓengka! ²⁹Yeso ciila i'ka hua ɓaiɓa sau, civuin lai huaɓa da muara, ko tsa yivah ɓa ɓai ɓitsaba ɓa yitsin, leng wah lai bibahah, lai yhu ɓai ɓa gɓai djiibangvoh.³⁰Nangɓa Yeso ɓiiu, ing ma wa? nangwa, ingra szung, u'na ɓi kpa'ing. ³¹Lai yhuaɓaiɓa ai'gu Yeso, ɓi kpa'ing.³²Lai dzung yhiuva ɗa gbaira kotai, nangɓa lai yhuaɓai ngu Yeso, ah yiɓi, ɓitah tansalei yhiuva na, nangɓa Yeso gwalaila. ³³Lai yhuaɓaiɓa yah yivahɓa, tah tansa ɗzung yhiuvaɓa, nangba zzi takah nanvai,ah lamaang.³⁴Leivah na ɓiɓi da gbai lai yhiuva ah ɓa nangna cwuinang, nanɓa ai hyu dai na lai vah la nang na cwuisana. ³⁵Manangɓa nda zaivah lii, lei vah huaha, da yamba Yeso ɓana u'la na ai ɓa yivah yhuabai i'sau nii, ai ɓai yanangsau u' djika, u' tansa hakilou vou ɓimualai.³⁶Laiva ɓa nang na cwuisana, laiɓa nanɓa ai nava laiva, yivah na yhuabai i'sau ni. ³⁷Laiva nah kapi tensa nwahua garasinawa, ba laiva kwai lei na, ai ngu Yeso taa na huavai don ɓimualai kaghang. Nda ɓibii Yeso ba lei mongbuii vou teh tensa fah maang fahkpai.³⁸Yivah na Yeso i'kah yhuaɓai sau nii u' gu Yeso ah gwumlah tah ɓai ɓa Yeso naula ah ³⁹Tah ma vah, teh na laiva mala lai nang ahghah na Fih cwuila na. Nda ɓiɓi yivah ɓa tah da nakah laivala nang na Yeso cwuira lana.⁴⁰Nda Yeso fawuh, laivaɓa muah, lai kpai dai maura. ⁴¹Nangɓa yivahka i'ung yayiru tsin tansa lai vanghah kum ngutih, u' gu Yeso ah tah varaa. ⁴²Ɓi yiu ba hau hyuerau na'iu (12) u' ɓipi ɓa ɓuaran, u' kah ya yihai tsin nau da ɗau tahra kpara zaivah da taura.⁴³Yihaikag la ɓiɓii hywi da aisau ha hyue reu na'iu (12) u' hya nan nwabi vou ha sah laivah da voh u' chika lara, ama yivakah yaung ɗau lara. ⁴⁴Nanɓa u'mamkah cwu Yeso temna sa sa yikah vou, teng huabi hywi ɓa djihua.⁴⁵Yeso ɓiɓa vah kam na sam ma? laiva na kweina ah i'ɓa lau, Bitru nau yivangha laiva kpa ing ɓa nii dzung zaiva kwai dai tsing da wure ɓaɓii samai. ⁴⁶Yeso nalai ra i'ɓang yivahka kam na sarin, don tsembai ing yang tsari.⁴⁷Nda yihei ɓa i'ɓang u'ɓayhu kuhwai, nanɓa u' sau bai ɓii u' hywehua cii Yeso, u' na lai nang na ha kpai cwuina da taɓai ka tang huabi nangba u' cii lara. ⁴⁸Nanɓa u' nau 'yihai' nangahghang ma da laran, ah tah tensa laea.⁴⁹U' tansa ba nabi, yivakah tang vah yivangha kum nghtihɓa, wusau nau yimah nyinasa nangnin kah. ⁵⁰Nda Yeso lii mananɓa, nangba nau bii ɓipiinka, ah ji nyila, u' hyu kuhyu.⁵¹Nda wuh vah ɓa, u' yi yivah tala ɓaikah lou, sai Bitrus, ɓai Yohanna, ɓai yaku ɓai nachiira va yimongba ɓai davau. ⁵²Laiva kpai biɓɓi da tahtah ɓai sambai dai ɓadzii ɓuira yimongɓa Yeso nalai ba kai tahɓa, u'ɓuilau u'loinangloi. ⁵³Ai mamumamɓa hiuɓa la, ai i'ɓangyimongɓa ɓuin.⁵⁴Nabangu' muh nau u'duɓoh, nah yimo yihai ah i' ⁵⁵Danglang kung hurau fa wusau nanɓa i', nanɓah u' nalai ɓa dau nangkah tang. ⁵⁶Nang cwui saɓi muh lai dah liira vau. Yeso nalai Dah ciire vou ɓiɓa na yivaka lenka.

Chapter 9

¹U ɗubǝ lei mongɓuivou, hyuairǝna'iu(12),ndǝle samɓai i'kǝ lei hyua'aɓai, ai dǝ larǝ koh nǝngɗzĩ vah zaivah.²U' cumlei ai nabi Vah vǝFii ai dǝ larǝ kǝ lei'vǝnǝ dǝ ɗzĩrǝnǝ.³Yeso nale a, ''ɓiɓa ɗǝ nǝng aka naɓai bitarǝ nǝnkǝ. ɓiɓǝ dǝka'munǝ'nka, ko hu', ko nǝngtang, ko nwaɓi, biɓa ɗǝ ko sǝukǝ na'iunkǝ.⁴Vah nǝha kpam ɓa talang, bǝ kunǝ lah cwuini kǝ ɓa pai ɓa tah nwayhuakǝ.⁵Leiva kpei munbeng leung de be kpeiren ɓə kuvou kəɓoɓə nenɓə na nwaba kulei. ⁶nɗəbibi, nengbe lei mongbuii vou ai mua nengha tah vah hang aicwui bi Fih ,ɗəu ɗə larəkə ləiva nendzii ko kpei ha.⁷Ləinə yivah hiridu lii nəngɓə kpəi ɗəu tarənə seɓimua, don ləiva kə də nare ah Yohanna yiva batisma u' fawu ɓəi ⁸Ləiva kə ah annabi iliya fawu ləiva kə ah tansə ləi annabawa nə yiva kə fawu ɓəi hurə. ⁹.Hiridu ah cwui Yohanna lau don chuekuyang , kəh fan wung ɗəmii lii ləi nəngnə kuhnii ?Biɓi nəngɓə u' ocii ɓə ɓaɓə Yeso nəu ɓaukərənə .¹⁰Nda lei yi tacum fii fa ɗuwai wu ah nəkə Yeso lei nəngnə kpəi ah cwui nə, nəngɓə U' nəlei ah tah baitsaida cwuhei ¹¹. Ama da ɗzung zaivah lii ɓanə Yeso tahla nə,nəngɓə yamɓə vou biɓii nəngɓə U' mualei . U' lei bi vah Fihla., U' ɗə larə kə laiva nə ɗə yidi ɓə cii larə ɓə nə.Da fih ɗə ɓaṛə, nənɓə lei mongbuii vou hyuə'ireu na'iu nəngɓə ah wu ai nəu ah , na gun ah yha wukə zaiva nə tah ,tah ɓabɓə nangtanng, bappi lei vah hang nii, ah cii kə ba loirela. ɓi leng ɓẹ nə leiva yaung nə.¹³nəngɓə,u' nəlei ɓa ɗəlei nəngnə ah tangrənə ai gwula nəngnə ɓila ɓəi ƙənə yiu cwuinii kumbam na'hyue bəlei yha yhing na'iu, fiibang mii ɓa mii tah təɓi lya leinəngtang mii de zaiva na hau.v 14 leiva nə ɓiɓinə leibui tanghunyhui nahui 5000,Yeso na lei mongbuii vou, ɓa nə laiva ku kən dzung dzung,zaivah ku kəndzung hun iu'ireu hyue(50).nənɓə lei mongbuii cwui mẹnəngɓə leiva ha ku huan.¹⁶.u'ɗə niu kubamɓə na'hue ɓəi yhingkə naiu u' ɗə nda ɓayi u'guFih nəhgɓə cwui chue chue u'dellei mongbuiivou tsekə zaivaia,¹⁷.lei ha kpəi aitang yhualei tsah.niuɓa lei mongbuiivou buiniuɓa i kalou hyue'ireu na'iuyilla.Yeso da guFih fikai u''ɓəi tsiu nəngɓə lei mongbuiivou wuseu u'ɓilei leiva da nə ah miinwa?

²¹.nəngɓə Yeso delei ɓii ɓəi tsah ɓi ɓa nə yivakə lankə ladə.²².Nəngɓə nə ah yha yiva cwuiyibəi cwuilei kpəlla lei niyibuii ɓəilei vangha firistoci ɓalei ninasenəng attaura ah yhuin hyue cwu bounə tah ai i'u kə ɓəi hureh.. Nəngɓa nəlei kpəm yivanə de yidi ɓa muacwum məng sei laku ɗaƙəgiciye kun ɗau ɗakəcwum.²⁴Yivanə kpəm dayidi kang hureu u'ciiu ,Ama yivanə kpəi da hureubim yang mii kanhureunkang.²⁵Ɓakə ɓutaiva yiva ingnəucii fangwam hakpəm,ama ing nəuciihureu laung hkhe?²⁶.yiva kpem liisekum ɓimyang yha yiva lang ɓə lisekunvoun lii.Nda fawu tanselei,yire vadah, ɓəi ahvei malaikalei kwangarənrəng.²⁷.Deemi nəɓala manəngɓə laiva kə tangseɓai nədjika ɓani ai buii sei ɓa vaFih ɗa..cwubuh kəkəyha na yeso nəkə ɓinə,nəngɓa u'ɗa bitru ɓəi yohanna ɓəi yaku u cwui' kutei ɓaguFih,²⁹.U'tangseɓa guFih puaciiu mem nengɓa sayika vou mem ka vow hah yhem ɗuu.tanghuaɓi laiva na'iu ɗanə ɓi ɓaikə lei musa ɓai iliya,³¹.Néngɓə ai kwei,nengɓa nəɓi yeso ɓitare vounə cwui nə tangse urushalimaBitru ɓai nyiulei mongbuii vou cwui hei ɓəi kə, nəngɓa nangloi ɗallei ɗa nanglei gha,nengɓa ɓa gharevah Yeso ai ɓa laiva nai'udji cwuhei ɓaikə.³³.Ɗə lei laiva ɗə ɓaire nengba bitru neu yivangha meh long natah ɓani? ah tsing ɓima, ahtsingɓi musa,ah tsingɓi iliya Ama i nengnə ɗa nərə lau,.Ɗa deu nə manəngni nəngɓə hyua dzum ,nəngɓə ɓi mualei dzumrə hyua mualei. ³⁵Nəngbə wui aka ie ɗwiyei də narə ,yi n' yim nə də ɓa liunə. ³⁶Nda wuiɓə təngkə bi veu , yeso ɓai tsing'u a ɓai kai ɓa nabiu sə nəngni ɓa ɓa bəni.³⁷Bəgah nəngbə ei cwi kutəi dzung zaivə kpala wusəu. ³⁸ Dangla yiva tangsa leivi ɓi nabi tsala, yivə nyina nəng a cwei nəng aka yung yim USAID tsing'u nam. ³⁹Yua aɓai taku də cweu də bwabu dəu ho ɓai samɓai ha fufuck də ie nwau.Nəngbə yeuna yemlau dəu də gbakəta. ⁴⁰N' gũ lei mongɓwui nakə ei ikə yua ɓəsəu ei ba ləu.⁴¹.Nəngɓa Yeso nəllei ɓalei vah fam,ɓighangɓa yaung deu mi kuɓəiɓakə mi dekamunyare?⁴²nda yimongɓa ɗə wure yhuaɓai deu gba hua ɗeuka yibəi.yeso nyari ku yhua bəiɓi u'ɗalarekə yimong.u' fakə yimongɓa ɗaƙə davou,⁴³.lai kpəm siɓi mulei nəngɓa ɗagharə kəFih,nda siɓi mualei ku lei nengni u' cwui hakpəm nə, nengba u nalei mongbuii ⁴⁴Ɓa lii ɓighang nə mii nəɓalanə cwu-chue ai ɗakə yizaiva nəleiva.⁴⁵Ama lei mongbuiivou iɓa nəngnə deu nəreulou leiɓa ai iɓaɓiɓa ləu ləda,deyidi ɓa ɓiurə,.Yeso i ɓa nəngnə ɗei kyemre nyiyilei,nənɓa u'yimongkəhang u tsa ɓaɓiɓəikə,⁴⁷.nəngɓa u'lei yivanə mua yimongnə kəhang ɓim məng,u'la məng yivanə mumnə. ⁴⁸yiva muməng muayiva cwumiinə,yiva cwuini tanseɓəini nəngla.Yohanna gu nwa ah yivangha ɓiiɓa kəyivakə də i'kəlei yhuaɓai seleiva ɓəi ing mə?nəngɓa ɓinəu u'yila don u'yaung cwuihei ɓəiɓiƙə.⁵⁰.Yeso nələi ɓiɓa yammungkə yivanə ha singɓaloun u' cwuhei ɓəiɓa.nda vina ɓapinə tah ɗwuiyenə u'ɗə nyinium ɗəu tahkə urushalima⁵². u chum lei tahchum ahtah ta maɓa kərewu,ah bəita vahkə kəhang samariya don tah məuɓala.⁵³zaiva ɓibi muhlou yinəu aikah urushalima...tangselei mongbuiivou na'iu lei yohanna bei yakubu ah yibi nabi d'uu wuh dwuyi wuyalai?⁵⁵.nengba mem bunankulai ah yila ⁵⁶.ah tavah kah baitsiu.,laiku nənga dəi təre yivakənəu ahmiimucwuɓa mi tahchuhəiɓəi ɓa ɓanəɗəɓatəlaneə mitəh ɓəiɓa.⁵⁸yeso nau ah lei dwuvo lə ɓaiɓanə ɗeiloilanə.leihyuii lə bəi vavəi.yivaou yaungɓanə.loilare.Yeso ñayivaka ah mucwuri,nenba yivaba nau ah yicwuiva ahyim fantahva tengcwuei dam.⁶⁰nagba yeso nau ah yilei kwabui cwue lei kwambui vai,ah tah tacwui nwadjum vaFih bai ha,.yivaka nau yicwuivah mii tah cwuehei bai ma,ah yim tang yanwakalei van van. ⁶²Yeso nəu yivaɗə lanəng fahnəng voun.nəu gun nəɓacwung u yəungɓai tahva fih.

Chapter 10̇

¹Cua nengni yucuevah fa cweu leivaka hungtaa ireu hyua cumlei na'iu na'iu ei taa vangah ne deu yudi be tare ne. ²U nalei a iekə neng ɓ kpahyui amma lei cue nwatsum seu kpaung manengbeng ba bi ycuevah be iekə nəng nwakaɓəmbe.³Taa tare ba, nwa ɓakə nwalei lei yi ̈nəngɓamnen tangsa lei ɗuaveu. ⁴Ɓi ba de ho nwaɓi, ho ta ɗuawai kon hung ka, biba dzaam yivaka nengah ka.Vahane ha ba tala nacing bana ba ''ntaa tainvenvi Ku ne ⁶Ne yi tã la tangvei bi taan be kuku ku amma ne yaung yang tanh be fang wusə ba. ⁷Ba djihyua tangveibi ba tang ba nwa nengne ha ai debam, hyihiu yive cue nwatsum tang betsuem veu biba ho bei kwam ke kun kaHyua ne ha nengba tala ne muabang ba taneng bibi.⁹Ɓa de lare kə leivə lilare leune ba nalei nengba vah Fi langse bai.Hanə ba ta hyua ne ai mua ba leung, taanh vei fa kunengah vei teba naba. ¹¹Kon bain hyua ne kabuba ba fi bang ái kuɓai anə ba ibe vah Fi bapping. ¹²Vilei ne debi naba la piein bi kita na ai cue kəsaduma la ku hyua¹³Hei ke Korisina la hei ke Baisaida lanne ha lei nwatsum angah ne ba cueune nengbe eiwwung iaya bai Sidon k be tubin tu cuauhhai ikku tangsa zaneng Yeso being djing ɗua. ¹⁴N'peike taya la bei zidon vi kita kubai. ¹⁵Ma kafarnahum bama mang ci gare bei duiye aa ein fake ain wukə hyua.Yivə ni lii bang, lim yang ne la benglang mi yiva ha lam neng la ne cumingneLeive hyua tang bə fa bei mhamkə nwalei yicueva ha bi nengvii labe de degare kebi tangsa ing mai. ¹⁸Yeso nalei a ''demin ba munkulum de oorə duiye kənwa dua hyumre. ¹⁹Bang deba kuneng taba hoku lei dzeu balei hang bai sambei kulei bwei bene aka yaung Ai cue nakere.

²³Nəngɓə u myem sə leimuanbu veu tu nalei la tangsa yueri a barka kə leivi la ɓa nəngnə ba bane ²⁴ Demin nabala lei tatsum balei yiva aka de yidi be ba nengne ai bane ai balei leu, ei lii nengbe ei liileu.Nengbe yive nyina nengbe lei nyina neng agang cue kita kelei va Yahuda akala ieh dzi tangsa bai bu de baure bai be bibi a yive nyinanaeng mang cuere meng cike hunre ka 9ng ai? ²⁶Yeso naula bai cue tangsa kwangdjua? Demang zamu u? ²⁷U gwa nwa a mang yidi yicueva Fii beinyi-nyi ma ha bei hunre ma bei sambei ma lamiri m bei yi9ve gyangi ma bamang kuma. ²⁸Yeso gwa nwa a, a nang hyila a cuelineng mang ci hunre ci.Amma be yidi kuveu u na ysso a n'wa ke yive gyangi mi? ³⁰Yeso nau a yibjui aka ieh tangsa Urshalima de ta Yeriko nengbe tau oonalei neng ieh neng builei nengveu ha gbau yi hunreu nyi cuani.Yibui akala de tare nenga bi, dsa u bau nengbe ga nwa gyang nenbe u pei. ³²Nengbe yibui ka wu bebi wu bau mjua nwagyang ma tsing lebe pei.Amma yibui Samariya bela taa duawai wubene ulane wu bau zhiveu mjuau. ³⁴U taa seu ta tsau lei beni ei nauneu lane eiu njuibai ming inabi, u dzeu ku nengdzam veu u tauke be luere tau dzi nengseu. ³⁵Bega u de dinari na'iu u deke yive mualei ne u a bamjula neu nengne ha a hyang neng fang wa namla m,ing fang fa.Tangsa leive ni natta ne waki yiva gang tangsa lei? yive ghyangi ve yibui neng ineng nei? ³⁷U na a yevi naba yibei veu ne, Yeso nau a taa ta cue manengbe.Da dei ta duawai cwahai taa va aka yihei akala ing, Mata mua take vaveu. ³⁹U labei hyiu a yihei ing Mmerine ku kabu yicuevah de lii lei biveune .Amma Mata ku nwatsum gbengeleu deu cue nengtang ke Yeso la u wu se Yeso wu nau a yicuievah, a damu leu hyuima yihei yim ban tsing de ming cwei nengftang nei? Manengbeng a nau wu dzimnala. ⁴¹Amma yicjuevah gwanwa nau a, Mata, Mmata, a gzi nhyi-nyi ma selei neng kpala. ⁴²Amma neng tsing daule Meri du nengne hyiu ne, ne ei ba ei dwo nau neu.

Chapter 11

¹Fi akai yeso də gubə bakai, vivə aka tsing tansa le muangbwi vou nau a, yicuevah a nii ɓi nasə bə gubəla kə nwa a nə Yahaya nii nala kə le muanɓwi vou nə."Yeso na a, "nə dəɓa gʊbəng bənaɓə ɗa e manəsə ding mai (tsarkake,) bə kurəma wu.³a doɓi nəngtang nə ɓin taure kəvienəha nə a mua nəng aɓai ɓi a ee kəta.⁴ Kə nwanə ɗəɓi mua a ve vənə dəgii birənə, bi ataɓi kə sə nəng a ɓai ka.⁵Yeso nale a, "n watsəng tausa ɓyii nə la ɓai jwa, uh ta siu nininviy uh nau a "jwam, a dəm nəə kumbam ni-nata, ⁶kanə jwam a ka wuu ɗawai tsəm n yaung ɓai nəng nə min dwo tangrə nə. ⁷Yang yivə nə tansai ni, gwa nwa, bi a vənə, bi a vəə-nəng-məngka, kanə iwe hyang, mi ɓale yim kpem ɓi iwe hyang, ṅóci ṅ lam nwakwomming, ɓi ɓale yim ha ɓi iwe hyang, ṅ ba ṅ I ṅ daa na kumbam-mu.⁸ ṅ naɓala, kó fa nəu i nəu da kumbam bə lou-ng bi a-cue səkuhn ka, a nyadi nə mang gʊrə bisə jwa, uh i uhn da kumbam baala a nə dəma yiɗinə.⁹Miam dəmin nabala, ɓa gʊ e də bang də, ɓa păã bə ɓan cicii, pa ga nwakwom e ɓei ɓa lang ɓei. ¹⁰Yivənə ha də gʊ nəng dəu muarə, yivəvə ha də pãã bə dəu cirə, Yivəvə ha də ga nwakwom e ɓaiʊ lan ṅɓaii.¹¹ṅdaka tausaɓai nə yiu gu hying nəu, yang a dwo kə jwaii nwahyem hying? ¹²Lou yang nə uh gʊ ɓəəng yang uh dəu kə hyaaing? ¹³Lo ɓanə kə ləvəcuenəng a ɓaii ɓa ina bə də nəng a gang kə le yi ɓang, ii sə da ɓai nə tausa ɗiviye, uhn də kwoung a ɓə gang ke levə nə gʊ nə?"¹⁴Fi aka yeso də ikə ywa sə yivənə libə bəgang-ʊ nə, nəngɓə hwa ɓə i kənə, yivə bənə liɓə bəgang-ʊ nə bani bə nabi. nənɓə nəng cue səɓi muan dsung zayivənə ji kə bə bii ni. ¹⁵Levə aka tansa la və bi də nəə a, nsamɓə və dəu ikə le hwa nə lou, dəu ikə ɓai sambei Baalzabuba yivə ve hya nəng ɓə dəu ikə le hya nə.¹⁶Levə aka niʊ, dai ɓa bə na uh tale nasə nəng Aka (Alama) ɗwiye.¹⁷ Kanə yeso iɓə bə kyem bi vyeng uh nale a, vah nə ha tsaha, na diʊ, də səngha, dəə yang hóó, vah nə ha tsaha də səng ha vaɓə ṅ u-ó.¹⁸nə nəng a ɓei tsə ku yang, vavou njiuʊʊ? ɓa nəng naɓa dəmini kə le hwa ɓai samɓai və Baalzabuba.¹⁹ Nən mi nəng i kə le hya tansa Baalzabuba. lansə wa lo və a nə də mua cwaɓa nə də ikə le hya? Mang ɓəng ṅle e cue ɓa kita (shena) la.²⁰ kanə nə dəmin i kə le yha lansə fii, yang Bə kurə (mulki) fii wayang.²¹nə yivə sanbə, uh la ɓai nəng ta bwii nə dəu ɓa vavou-ng, le nəngvou ṅ hya kʊ.²² Lanɓə nə yivə aka kanə pəu ɓe sambe voʊ nə nyam-muyang, uhn muã nəng tabwii və yivəɓəle mua nau. u zeem le nəng voʊ zeem. ²³Yivə nə yəu cwahai ɓem kəng, ɗə səngha ɓemkəʊ yang, dəu yaã le kəta.²⁴nə kwoung anə həu i tansa sə yivə yang muakale ɓə angwam dəu paa ɓə ɓənə uhn hu-ʊlanə. nəu ci loung yang uh na a min fa min ta vam na ṅ yilanə.²⁵ Viy anə uh wukənə, wu ci e kau vabə kədək. ²⁶Nənɓə uh ta tau də leyha, aka ni yhiiɗiu levə anə pəu ɓə nini a ɓei, ewu we ku ɓəbi, nə ɓə cwa ɓei basə pəi a ɗila.²⁷Manəbə uh kuɓə nale nəng le nəng ɓə le nə, yihei aka ikə wiiʊ tansə ɗzung ni gəm nə, uh nawa a yha nə a ilanə ṅ hya ɓə gang, ɓəi mingmi nə a ʊwu nə. ²⁸Nənɓə uh nale a, ṅ levə a ɓəgang levə a nə li bi fi de cwe kənwatsum ɓəukənə.²⁹anə la levə də le ɗiu gəmrə uh bani ɓə narə a, levə ngwam a nə ngwam ɓini, dai dwiɓə ɓəəi (Alama) nə lakənə ṅ ɓəəi (Alama) aka yaung e ɗəurə bwasiu ṅ a nə kə nwa a Yonana. ³⁰bisə kə nwa anə Yonana niiam kə ɓəəi (Alama) kə levə a Neneba, manəngɓə lanɓə yiza yivə miam kə ɓəəi (Alama) kə ngwam a nə la.³¹Yiva a yihei (sarauniya) uh i na hua uhn ji uhn cue kita ɓa le və fangwam a nə, uh hya le hya, uh cui hiuʊ yang kə wun li ywʊʊrə və Sulemanu. Lamɓə yivə a kala pəi Sulemanu ɓəni.³²levə a Neneba e ji ci kita ɓa levə fangwam a nə, lanɓə e hya lehya le ma e li bi fi nwa Yonana e ei nəng a ɓei ve katang, lanɓə yivə aka nə pəəi Yonana nə uh la bəni.³³Yivə aka yəʊ nə je dwa yang dəu də hyue, loung uh ɗəu uhba ɓwa kuwang jəjəu, uhn yi ɗivobə bə kurə vou uh yi ɗwabə nəng gahrə kə levənə laha də ta tauvə bənə.³⁴ ningɓa nəngɓə kə ɗwa vəsəə nə ning ɓa də ɓabə lang səə bə hyiihirə lanbə nə ning ɓa ɓaɓəu yang səə bə nmiam kaɓii. ³⁵ɓa cue ɓagang bi hyuʊrə nə səə ɓai ni miam kaɓiing ka. ³⁶nə səə kpəm də hyuʊmrə nə a ɓii yau-ʊ tausəu cwaniu yang, səə kpəm miam kə dwa (fitila) nə də gahrə kuh ba kuravou.³⁷uh nabi də tənrəni, nəngɓə yəəle Farisa (Bafarisə) aka nau a wuvam wa tang (ci) nəng la, nəngɓə yeso ta talakuhya. ³⁸Səə yi le farisa də ɓwarə bisə uh ɓa yeso Iwo nau lo ɗə taukə nəng.³⁹Nəngɓə yicueva nau a "le farisa ɓaɓah də ɓa kang civali ɓai nəng a ɓei. ⁴⁰ɓa levə nə kyem biu nə, yivə ɓənə ma dwa ba nə ṅ uh ma tansa ɓə lau?⁴¹ ɓə dənəng nə laha kə levə anə yau nale ni, lanɓə nəng ha miam ɓala hyiila.⁴²Kanə yiɓei ɓa le Farisa də ɓa mua nəng dənəng nwaɓəm (Zaka) ɓə wai ɓe yanghyăă ɓale yangnə nəha Fanə, lauɓə ɓa e nəng a gang kəta ɓə ɓə yiɗi bə və fi. daule e cue nəng a gang, e yidi Fii. e cue nyiu nəng ha.⁴³ṅ yiɓei ɓa le farisa də yiɗi ɓə kuhrə a gah tang kwom ɓə gʊ fii, e jam ɓə bə jamɓə də gahrə tansa le Iwomui.⁴⁴ Yiɓəi ɓə bala man dzum nə ejə (sheda) nəng aka yalou nə, levə də hwa kule ɓə ɓə Iɓəve lou.⁴⁵Yivə ninasənəng tansa kita(sheria) ve Yahuda nau a "yivə nyinasənəng, nəng nə a nanə də ɓang kə hya bi labə." ⁴⁶nənɓə yeso na a, yiɓei ɓə levə nyinasə kita! ɓajə nəngdənəng muila ku levə nə ɓei samɓe e ɗə kərə nə. Langfa ɓăăɓə kon nwanənghwana ɓa jə ɓa tah kəlau.⁴⁸Yiɓei ɓa dəɓa mee le nəng nə e kyemrə ku dzum le muansəm, le ɓəni ve-ɓəni ɓa nəngɓə hyle,⁴⁸ Manəngɓəng ɓa Iɓə nwadum ve ɓəni ɓang, ṅle e hya le muansəm nə də ɓa kyemlerənə.⁴⁹ɓivə nəng fi ɓai ɓə ibə nəng na a "min civum leyi nwacwum ɓa le nanwa səle e də yiɓəi e hyalevə akave hya tansa le.⁵⁰ Fangwom vəh və aɓə, le e ɗəə aɓei v ə yhui le yi-nwatsum ɓale na-nwa nə e yha kə fangwam ɓaniu nə.⁵¹ Cu-ying ku hyui Habila, wukə səə Zakariya nə a hya tansa Bagadi ɓə a ɓəgang. ṅhn naɓalang e ɓa nwahəm-mu lansə fangwam a nə.⁵²Yiɓəi ɓa levə nina sə kita (sheria) veh Yahuda, bisə ṅɓa ɓa də nəngɓənwakwom, ɓə Iɓə nəng ɓai kuh ɓa ɓatala laʊ, ɓanyem levə tala talau.⁵³Cwasiu yeso yiɓə ɓə, levə viynəng ɓale Farisa de səngurə, nəngɓə ɗai căă nwa ɓəukə kule nəng kpaala. ⁵⁴ɗwangning le e jəu nəng tahyəmla yang kə e maa wiu tansa le ɓi nə ʊ nanə.

Chapter 12

¹Nəla cwuni,aɓə levə kpăala wu gəm mangbə de phii kuha.nenɓə u bam ɓə nabi ɓale mungɓwivou."ɓa cue kan ku ɓa ɓe yisti vehvə farisa nəngɓə yha a ɓe.²Nəng yəung e hyue nə e ɓa e ikə ɓwaniu wa nə.³Bisə manəngɓəng,nəng yəu ɓang nərə ɓan hyeku nə e ɓa ikə ɓwaniu nəngfatai e ləəu nə.nəng anə ɓa jamkəsə ɓwanəng e nəungnə ko ɓeha.⁴Dəmin naɓala le jwam,ɓi ɓa ɓiɓii levənə yha səə nəng kə.cwasəu manəng ɓəng nəng aka yaung e baə cwerəu.⁵Kanə də min və cucwi ɓa ku yivənə ɓan ɓiiɓii vou nə.ɓiiɓii yivə hya yang uh wa tangsə nə ɗwavevənən aɓei (jahannama)n'nh dəmin naɓala ɓa ɓiiɓii vou.⁶E yau ɓə iya ɓe ie yihui?na hui ku anini nahui?ɓə anə ha,ni Fii jəə lou sə yivə aka tsəng ɓəng lou.⁷Bale jəənə kuɓai ni uh ikpăarəu.bə gahrə siu.⁸Dəmin naɓala yivivə nabi agang kũum yang yiʒayivə n'nabi a gang nə kub ci levə nwakantsəi (malaikə)və Fii.⁹Yivənə ha lam cilevəng,e laula cilevə nwakantsə(malaika)və Fii.¹⁰Yivənə ha na a ɓei ku yiyivəna,e mua aɓei vou e eikətang e,lanɓə yivənə ha na aɓei ku kowng agang və Fii e mua aɓei vou e ekətau.¹¹Nə e wuɓəkə ci levənggah kwoum Fii,ko ci levə cue kita(sheria)ko ci levə samɓə,biɓa ɓiiɓii ku nəngni ɓan narə bi nəngnə ɓan ki kə ku ɓa nəng ka.¹²Kwoung Fii agang n'naɓa nəngnə la ɓang narənə na.¹³Nəng ɓə yivə aka tangsə dʒun ɓi,nau a yivəninaɓəng a gang,a na kə hyimla uh tsəə nə ɓwa uh dəm.¹⁴Yeso nau a nwatsəng jəəm kə yivə cwue kita ɓai ɓə nanwa ɓai?¹⁵Nəng bə a, "ɓa cwue hakilou,ɓi ɓa miam levə fumkə,nəng nə yivə la laɓəukə nə hyi pəi hũũrəu lou.¹⁶Nəngbə Yeso nale ɓula tansabi(misali)a fanəng yivə aka i kənəng nwaɓəm kaɓei.¹⁷U kyem bi,u na ɓa min cwuerə.kanə n'yay ii ɓə bənə nə min jəə nəng nwa ɓəm mi lou?¹⁸Nəng ɓə u na a,n ie nəng nə ming cwusiə min de le bam nə vəh ni min mii aka gahla,gahla,min e le nəng nwabəm mi.tangsə ɓe niu le nəng mi ha.¹⁹Yang n'nakə hũũrəm la,nakə mala ɓe nəng nəca jəə kə ku malanə,a hũũ,a tang,a bwăă,a lilarə.²⁰Nəng ɓə Fii nəu a,ma yivə hyuerə,de yiɗi hũũrə ma ɗwunviynə.lenəng nə a gəm a ma kə ku makanə.kənə n 'miam kə amam.²¹Manəng ɓə yivənə ha gəm nəncinəng ku lang ula mangɓə,nəu u taũ ɓẽe nincinəng-u sə Fii.²²Yeso,nale muanɓwi vou a,"manəngɓəng dəmin naɓala,bi ɓa cwei aiɓə ku hũũrə ɓanka,bisə nəng nə bəng tangrə,lanfa anə ɓang yăa jwasəɓaing ka.²³Ba iɓə hũũrə pəi nəng tang,səə langɓə pəi nəng banəng.²⁴Ba ɓale kəngkah e bya nəng,ei kə nəng nwa ɓəm-niu,e yaũ ɓe lebam-mu e yaũ ɓe kwoum jə nəu,lanɓə ɗaveh ɗwiye də tanlekərə.²⁵N'watsəng tangsə ɓai səɓə ina bi vou uh ba u ledwi bwu n'le?²⁶Nə ɓa bə cwue yinəng aka kə kubəlam-ng n'ɓa cue kə dəɓa ɓankə yha ku nile nənh?²⁷Ba băa le fəngrəka bəngvũu kə nwa anə dai gahkərənə,e cwue neachum,mu e ɓalr ekətau,ɗemin naɓala ko sulemanu ɓai hyirə vou,u yhaa nəngnə pəi veh ɓsi hyirə nə lou.²⁸Nə Fii n'banə aɓəgang kə le vuula,nəngnə lya uh la,ɓəngəng e leu ɗwa,e cue uhn u yăa ɓa ɓakə lau,ɓa levənə bi agang ɓa yau nə!²⁹Bi ɓa bazee kuh nəng ni ɓan tanrə nəngja,ko nəng anə ɓan hwarə nə,bi ɓa jə nini (alhini)langka.³⁰Levə fangwam ha də păa ɓə le nəngle,langɓə da ɓa iɓə yang dəɓa păa bə lenəngbə ie.³¹Ba ɗwiɓə vavou,(niwki)le nəng lee leɓa ɗwiu le.³²Bi ɓa pyii pyi-ing kə,le mua nyangsang bisə ɓai larə ɗa ɓə n'ɗeɓa kə vah.(mulki).³³Ba lya ɓe nəng nə ɓala ɓəukənə ɓa də kə levə anə yau naleni ɓa ma hwo a nwa ɓa anə ɓangkəu nə,ɓa jə le nəngɓẽa ɗwiye bə ,təu nə,bə nə le nəng i'yii nəng wu ɓa ɓəu nə.lang fa e ɓa e ɓang kəu.³⁴Bənə ha nəng ci nəng ma lang ninima ɓəbi.³⁵B cum viyrə nəng yasə ɓa,ɓa cuekə dabare,ɗwa ɓa nəng tangrə kəviha.³⁶Ba ku kə nwa levənə yichuevaveh ta min ɓang dai mi farə vou va mimɓang,bisə nəu uh wu uh gahnwa kwoum yang,dabla e ɓeũ la.³⁷N'le a ɓagang,le səm nə,lenə yicuevah wun cilr dai mi wurə vou nə.biagang ɗəmin naɓala,uhn cue yiurə e kuh hya uhn ɗəla nəngtahng ɓai naukə.³⁸Ko nə yicuevəveh wu ɗung viy,ko niniviy wu cile e ma kule dai miurə.le səm bəle n'levə a ɓəgang.³⁹Lanɓə ɓa iɓə nəngnə,nə yicuevah ibə viy anəla ke nəng ei nəng wukə rəng.uh ba u yila e paăm vavou e takau.⁴⁰Ba ku ɓəgang bisə ɓa ibə viy anə la yiʒayivə n'wukərənə lou.⁴¹Nəngɓə bitru nau a yicuevah,n'ɓu dəma naɓi binəlai,kon waha ɓai waha?⁴²Nəngɓə yicuevah na a,n'yivə agang aka,yivə gwacum,lanɓə yivə anə yicuevah n'jə le səm vou năău,yang nəu ɓalerə,uh də le nəngrahng yəmrə?⁴³Yivə aɓəgang kə səmle,anə nə yicuevavou wun ciu dəu cue nəngnə e nau a u cuenə.⁴⁴Biagang dəmin naɓala,uhn də⁴⁵Nə ko səmle,nə u na tangsə niniu.yicuevam ta la wulan,' yang u bani ɓə gpaa lesəm ɓə,leɓwi ɓa lehei le jwa cue nwacum ɓale kənə,u tahng u nwa ta ku-ũ.⁴⁶Yicuevah və səmle n'wũ ku viv anəla səmɓə jəniu lou manɓə.tangsə viv ani uh iɓə lou nə,u aiuũ kulkul kul yang uh jəu ɓale lacum.⁴⁷U i njikuh və yicuevavou,səmbə,u ku ɓə gang u cue nəng nə yicuevavou də yiɗi nə lou,uh nwa nəng ɓa nə ɓe hyuaka.⁴⁸lamɓə yivə anə iɓə lou,fəu cue nəngnə naulounə,uh ba u nwa nəngkpăanəng ɓe yhuaka kpaalau,yivənəha e ɗeu nəng kpăalang,e ɗiviɓənəng kpăala a u muana e ɗwibə nəng a kpăarə nau lanbə.⁴⁹N'wa bisə wun baɗwa fangwam,n'yiɗi mangni ɗwa ɓə mualang.⁵⁰Mila ɓe baptisma nə a cue kərə nə ladda fam ɓa n'cue lou.⁵¹Dəɓa jəni ɓai naɓa n'wu fangwam bisə wun wukə larai?n'naɓa nankə manəng ɓə lou,nyiu ura.⁵²Kanə susueni e ci ləvə na hui tangvatsəng,e tsə kule levə a nata ɗəhaɗwalau ɓalevə a naɗui,naɗui bə langbə dəhala bəlevə anata ɓəu.⁵³Yi ɓe ɗa cirəvou də səəngha,yibə nsəəng ɗavou,năa nsəənghaɓai yiuyihei,yiayihei də səəngha ɓai năavou,dʒəəng a yihəi də səəngha ɓai heiyiu,hei yiu ɓə lanɓə ɗə səəng ha ɓai dʒəəũ.⁵⁴Yeso nakə dʒung ɓəla a,neɓa ɓaə mingvə ladah yha ɗuũ də wurəng danla ɓanaɓa e nahmingna lang wu cue manəngɓə.⁵⁵Nə yhua warə kə nayhuanag lang ɓa naɓa ɓəcuem cu-cuei kə ɓei,manəngɓə lang wu cue.⁵⁶Bale aɓei,ɓə ina ɓə nanəng ku le nənni də cuenəng yhua ɓe ɗwiyeng,lanfa ɓa ba ɓah na-nəng ku le nəngnə də cueni susueninə?⁵⁷N'ɓa cue kəɓa ba ɓa iɓə nəng nəhyuang ɓarəu?⁵⁸Nə də ɓa ta kita ɓai ɓuei man,a ɗuangnəng ma ɓa mahbiɓə ku nəng-gah biu takə sə yivəcuekita bifa yivəcue kita ɗəu ɗə nale jiku bursina yang le jiku bursəna,ɓə ba tana sə ɓə ibə nəu.⁵⁹Dəmin nala,a ba a lũ kənə səi fahlenəngnə de ɓiyakərənə?

Chapter 13

¹Viy abə,levə aka naula bivevə galili aka nə bilatu ehyuile hyua ɓe ɗe kule.²Barə aɓa le galili le e pəi niu le galili a nəng,ɓai nəng a pəi,e nwakə yiɓei mangni ne.³A'a,dəmin naɓala,nə ɓa yila sə nəng aɓei ɓa lou.ɓə kpəm ɓan təngfam təng kə nwa avə.⁴Loung də ɓa ɓaa levənə siluman yhua ɗirəu kanyakanya nə kwoum dei õ kule yhale nə,ɓarə aɓa e pəi neulevə urushalima nəng aɓei?⁵Dənin naɓala manəngɓəlou,yivənəha labə yila sə nəng aɓai loũ,ɓa kpəm ɓang tangfamtang.⁶Yeso nale nwa binəla a"yivə aka la ɓei ka vei uh bya tang fanəng vou,uh wubə kpăa cirəvei ɓə uciyaung.⁷Nəngɓə yivəɓə nakə yivə anəla uh jəku fanəng bi ni,"aɓa kənə nəngsə hanata kənə dəmin wurə lang n'ci leyi kavei nəu.ɓa gau ɓaɓa ɓang yau uhn lamɓə ɓə ɓə a fam mai?⁸Yivə ɓah fanəng nau a,adəu viyaka cwani n'gah ɓui n'eiu takila.⁹Nəu ciyi hah anə də wurə nəng to,nəu ci loung e gau.¹⁰Fi akala Yeso də ninasənəng kwoum ɓə gu Fii fi sati.¹¹Nəngɓə yihəi aka haũ hyuăă ɗirəu kanya kanya ula ɓai kwoung a ɓai,ukwa uba u tsəiu.¹²Yeso ɓau,nəngɓə u ɗuɓəu a yihəi,a ci dahmang sə nəngdʒəə mai.¹³Nəng ɓə Yeso jəna ku,danla uh sah uji ɓeɓə dəu də gahrə kə Fii.¹⁴Nəng ɓə yivə aka kwoun gũ fi ɓwaci bisə Yeso də damakə levə nəngdʒə fi sati.¹⁵Yicuevah nale a,le yiɗi,ɓa yan ɓə ɓyi le vamde ɓa fi sati nwaɓei dəɓa də mɨng lai?¹⁶Kənə yi tanva və ibrahim,nə nəng a ɓeicwaũ hah hyua ɗirəu kanyakanya,kənə e ɓa e ɓyiu fi sati wai?¹⁷Nəu nəkə le nəng lenə,nəng ɓə səkuh mua levənə də laurə nə.dzung ɓə kpəm,də lilarə hyuale ɓale nəng a ɓəgang nə u cue nə.¹⁸Nəngɓə Yeso na a, "nɓah e nyikə kə ɓə kurə və Fii.n'ɓe ɓah e takə nalai?¹⁹Uhla mang nəng mustad nə yevə aka də wa tank lambu vou uh pii gah ha leyihui wu də cuehah tsing ku.²⁰U leɗui narəu a,n'ba min nyi kə vah Fii.²¹La mang yisti nə yihəi aka də lankə mui alkama tasəu nata yang kə haikə.²²Yeso ta vah agah ɓei ɓengvuũ,ku nəng voũ dəu ta urushalima,dəu nile nasə nəng.²³Nəngɓə yivə aka nau a yicuehvah,levənə cwani n'ci hurə?Yeso nau a.²⁴Ba ɗwan-nəng ɓa tala ka nwakwoum a tarə,dəmin naɓala,levə kpăala wan ɓaɓə ɓə tala langfa e ci e talau.²⁵Nə yicuevah ɓə i lam nwakwoum,yang ɓə ji ɓaifah dəbə gah nwakoum dəɓə gah nwakoum ɗəɓa naɓa,yicuevah,yicuevah,a yiɓii bi ta tangsə yang u gwale-nwa a,n ieɓalou ɓai ɓənən ɓa ilanə.²⁶Yang e nau a bi tang bi nwa yang ci mai də ma ninasənəng kule nəng-gah bi ɓengvei.²⁷Uh nale langɓə a, "dəmin naɓala,n'iɓə ɓənə ɓa ilanə lou,ɓa pəi səəm-ni,ɓalevəcue nəng aɓei!²⁸Ehn tata ɓe tsəuɗi amə nə ɓa ɓah ibrahim ɓai,ɓai ishaku,ɓai yakubu,ɓalevə nanwacum,vah Fii ɓa aɓa e wahɓakəta ɓaifa.²⁹Ehn wu ka nii ,la-dah,na-tei,na-hya,e tang nəng kuka tangnə vah Fii.³⁰Ba iɓə,a cicwa wun miam kə a naci,a naci wun miam kə a cicwa.³¹Dang la le farisa aka wu nau a."apəi ɓani hiridus də yiɗi yharə.³²Yeso nale a bata taɓa nakə ɗwavuũ nəla naɓah uh ɓa dəmin ikə le yha,dəmin də tah kə levənə lansə səl jilou nə lya,ɓai ɓəng,bu aka natang,min ləng kə nwacum-mi tang.³³Ko ɓai kwang daule õci ɓai tarəu iya,ɓai ɓəng,ɓai kyie-le,ɓisə hieũ e hya yita-nwacum cuila ɓai urushalima ka.³⁴Urushalima ,urushalima,levə yha leyi tacum,levə də wa levənə a cum sə ɓai ni,bu na ũũ dəmin gəm leyiu ɓwa jəmin,manɓə ha a yiɗi manəngɓə lou.³⁵Ba ɓah e wa vahma kətang,dəmin naɓala ɓa ba ɓa ɓam a kau se ɓa naɓa,yivə a ɓəgang uh nə dəu wu tangsə ɗing yicuevah."

Chapter 14

¹Gi sati aka,u ta tangvah yivangah veh farisawa aka ɓə tangnəng ,levə də jə nəngsiu.²Lamɓə Yivə aka ɓai nəngdzəə piakuh ciu.³Yeso ɓya levənə iɓənəng ku kita ve və farisa,a n'nəng aɓei e ikə nəəngdʒəə sə yivəni fi sati,ko manəngɓəlou?⁴Nəngɓə ekhe Yeso mau-ũikə nəəngdʒəə ɓə dəu nwa u tavou.⁵Yeso nale a wanəla ɓai yi,ko vamde,nəu ö bwamɨng fi sating yang u ɓah uh lukə ɓei yemrə wai?⁶Nəng ɓə e ɓa e lanwa kule nəng ni.⁷Yeso jesiu yha ɓa levənə e ɗəlewanə e oci e də ɓa kurə agah,nəng ɓəu nabi tangsə bi u nale.⁸A yivə aka danwa na wu miam ɗwa yihəi vari bi wa õci ku ɓə a ɓəgangka,də cuela lauka u dəna ka yivə aka nə pəi ɓai gahrəng nə.⁹Yang yivənə dəɓa nanə,wu naa i'a yiɓə kə yivənə ɓə karə ma,yang ma i ɓei səkuh man ta ɓə kurə a cwa.¹⁰Nə e dəɓa nah miam ɓang yang taɓa ku ka cwa,nə jwaɓənə də ɓa nanə ɓaɓang yang naba a jwam a wuci ɓale man ci gahrə nɨng levəni ɓa ku cwahai ɓale kə kukaini.¹¹Yivənəha də gahkə ku yang,e faukə e jə cwa,yivə anə miam kuh kə yimuahan yang ehn dəu gahrə.¹²Yeso nakə yivə ɓənə la nau a wei tang vahrini,a nə dəma dəna kə yivə ɓa tangsə ko mimɓang yang,bi dəna kə le jwamanka.ko levə bu gima anə də ci nəngka,kə nwa anə dai dəkə nanə,laɓama dəma fa hyem.¹³Nə dəma ɗuɓə miam ɓang yang a dəna kə levənə yau naleni ,ɓei levənə ba cuenəunə,ɓalevə kabule ɓei kanale yaũ nə,ɓale nəng kpaamɨng.¹⁴Manci nəng a ɓəganci,nə lakənə e yau ɓe nəngah nə e fahkərəu,e fahfa finəla e ikə levənəng agang nə."¹⁵Yivə aka kunkukai ɓei Yeso,u lile nəngnə,u nah a yivə a ɓəgang kə yivə anə tang nəng tangvah Fii.¹⁶Yeso naula a "yivə akala u cue nəng tang kpăaka u də nwa kə levə taci.¹⁷Aɓə nə e ɓaniu kə langnəng cueng,u cum muanɓwi vou a nalevənə n'dəle nanə nama e wu tangsə kon ɓaha cueng.¹⁸Kon yivə akaha bani ɓə na nwa muũrə,yivə a nawaci nau a rilya fanəng.hreɗing tari ɓa fanəngɓə,dəmin gũ ɓə a dəm nəngah.¹⁹ yivə aka nau a rilya leyihyiu ɓəm na hyii dəmin yiɗi ɓə nile nasə ɓəm,lani a dəm nəng gah la.²⁰Yivə aka na a,n'dʒə yihəi manənɓəng n'ba n'wu-ũ.²¹Yivə nwacum ɓə wu nakə yicuevah vou le nəng nə laha,nəng ɓə haici yila u nau a takunəngah yomla ta ɓəngva a gah a wukə levenə tsale tang tangsə,ɓəlevə ku nihya,ɓale kpăamɨng,ɓale vənə kanale ɓai kabule yaũu nə.²²Mua ɓwivou nau a yicuevah,nəngnə ha ananə mim cu-cue,ladda niu ɓə iweci.²³Nəng ɓə yicuevah ɓə nakə səm voula a fa cwammai a ta nəngfa -nəngfa ɓale kunəng ɓəngvah nə,a fumlevə e wu wue yivam.²⁴Dəmin naɓala ,yivə aka yau tangsə levəni n'ɗəle nwai naci nə n'bang kə mimɓang minə.²⁵Lela n'dʒung nə də hwo cuahai ɓeukə.nəng ɓə u miam u nale a.²⁶Bakin yivənəha də wusəm nəu la davou ɓe nahvou,ɓe heiu,ɓe ɓele yiu,ɓele hywə yiɓui bale hyweyihei-ɓe ku halou.u ba u miam kə muangɓuim wəu.²⁷Yivənə ha dəkah yiɓwei vou mua cwam loung u ba u miam kə muangsəm mi-ũ.²⁸Watsəng ɓənɓai nə yiɗi ɓə mivah a nə tayela,yang u ba ukuhya u ɓalenəng uhyarə naci lau ula ɓe nwaɓi nəng tənkə niku nwacum ɓə rəi?²⁹Bifa u ba bwani kwoum fa u ba u tangkə niku-u levə wu ɓayang ei mam-mu mam.³⁰E ku-nwa narəu,a yivənə bani kwoun lanfau eniku lou.³¹Nəngɓə n'yivah aka nə də ta bə taɓwi ɓai yiva aka,yang u kuhya naci u banɓi bə u ɓa ko u nə ɓale və samɓe ɗubu lyah nə u ba u tabwi ta ɓe yivənə la ɓe leva samɓe ɗubu hwuntsingbnə?³²Nəu baũ yang,ladda yivə ale cwuila yang u cum yivə nwacum wu ɓiu le nəngah kurə larə.³³Manəng ɓə langɓə,yivənə ha yila sə nəngci nəng vou loung,u miam kə muasəm miu.³⁴Dzikwai n'nəng a ɓəgang,langfa nə dʒikwai ɓang kəng,n'ɓa e maukərə?³⁵U yau ɓe buatai aka hya,kobu miam ka taki,ehn eukəta bwasiu,yivənə laɓe bwacui lirəng ũ li.

Chapter 15

¹Lei və mua nwaɓi hyua ɓə lei və cue nən aɓai də liurə .²lei farisa ɓa le və r dei mua nwa ɓa le hywe lekə .de na a'; yivənə də mua levə nəng aɓei.manəngɓə ɗəu tangnəng ɓalevə nəng aɓei .yeso nanənnə ɓai misali. u na a.⁴nə yivə aka naɓe nənbu hunhuie.nənɓə.tsing tansale yau . yan u ba u yila sə niu a yunhuie a tsing yau nə tau ɓaɓə anə la nə wai? ⁵nə u ciu yan u ɗəu nwapəmpang ɗəu lilarə.⁶nəu kyem vang u ɗwuɓə le jwau ɓale və a nə bapi səu ni.a ɓa wu ɓa valam ɓəlilarə.bisə yinənbu u ci yinəngbu ianə.⁷dəmin naɓala. ɓama ɓəng ɓang lilarə ɗwuiye bi yivə sing nə yila sə nəng aɓei vou ni ku levə ani hunhuie a tsing lanə.⁸yihie aka. la ɓei zinari hyua nəng ɓə tsing tangsau lang yang u ba u dze ɗwa sə fitila u kau kə tangvah ɓə. yang nəu ɓə u ci wai? ⁹nəu ciu yang u gəm ie jwau ɓa le və bugivou. u nale a.ɓa balam sə bə lilarə bisə nwaɓim nə lanə n'cing.¹⁰manəngɓəng ɗəmin naɓala,nəng a ɓəgang levə nwakantsəi (malaika) və Fi nə yivə tsing yila sə nəng aɓei voung.¹¹nəng ɓə Yeso na a.'' yivə aka la ɓaleyi na ɗwui kə leɓwui.¹²nəng ɓu yimuahan ɓə na davou a, Da a ɗəm tangsa nəngcinəng amam, nəng ɓə Davou-u tsale nəngcinəng ɓəlaha.

¹⁴u hya le nəngnəng ha u la ɓəukə nə nəng ɓə e ie e cue voum gahla hya ɓi. yiɓei mua-u.¹⁵nəng ɓe u tau ɓa ɓə nwacum na yivə aka hyaɓi.nənɓə u ɗəu nwacum ɓə də nəngtang kə le Alade vou.¹⁶ɗəu lilarə bisə nəu dəle mumui nə ou yha u cila u tang.yivə aka yau ḍəu nəntang.¹⁹n' kyem lou a ɗumkə yi səmai, a miam mi kə nwa le muan ɓui ma.²⁰nəng ɓə u i, dəu wusə Da ɓə, u cuila, nəngɓə Da ɓə ɓau, u ɓa dzee vou, u i ɓəi ɓəjum tau gəmmu u jəngyang dəu ɓyairə.²¹yiu ɓə nau a Da, n' cue nəng aɓəi kə ɗuiyeng ɓai ma, n'kem lou e ɗumkə yi sə mai.²²nəngɓə Da ɓə nale muan səmvou a, ɓẹbu ba wukə nəng yasə a ɓəgan,wuɓa yaula.ɓə wukə nəng phie ɓa baula nau ɓe huu kabu.²³kənə ɓa wukə yi hyiau ɓa fei,ɓi tang ɓililarə.²⁴bisə yim ɓwui yang.kanə ula ɓei huurə, u layang ɗila kanə e ciu yang.²⁵aɓələ,yiu angah lafanəng. u wu bapi vei, u li dai ɓadang dai ɓwarə.²⁶nəng ɓə u ɗuɓə muan ɓwui veh aka tsing, u ɓiu a lenəng anə ḍə cue nəng nə lang ku lumɓa.²⁷muansəm nau a, hywe ma nə ƥai vəɓinə u fa u wuyan.yiu an gah ɓakə yua u la ɓə ta tangvah,Da ɓə i wu də guurə.²⁹nəngɓə yi muangah ɓə na Daɓə a, aɓah ham ɓala ɓei ma dəmin cue nwacumla,n' meɗi la bi malou, a dəm yinənbu lou a naman fei tan ɓale jwam lou.³⁰kanə yimanə tsa nəngma bui takə ta cue kə nəng afam ɓa le hei, u wu-u,nəngɓə a mua nəngɓu anə luila a hyaulaDa ɓə nau a yim,mala ɓemkə kə vinəha,nəngnə am məng ama lanɓə.³²nəng a ɓəgəng gəm levə bi hyanə bi tang bi lilarə bisə hywe ma u bwui nəngɓə u fa u wu ɓei huurə.

Chapter 16

¹Yeso nale mongɓuivou, 'yivǝ nǝngcinǝng aka laɓai wakilivou, nǝngɓǝ ai gbalueilueivou sǝu ai na a wakilivou dǝ iikǝ ɓuani nǝngcinǝngvou. ²Nǝngɓǝ yivǝ nǝngcinǝng ɗuubu nəula, a bii ɓə dərə liivə kũu ni nə?A wukə sakamakon nwacum ma, bisi a back a cue nwacum mi a kau.³Nəng ɓə wakili na tangsə niniu a, rən cue ũ kanə, bisi yicuevəhm u və mua nwacum nari? suswei ni n yang ɓǝ samɓǝ nǝ min lakǝnǝng nǝ, dǝ micue sǝku bǝ gũnǝng. ⁴N ibǝ nǝngnǝ min cuerǝn bisi in nǝ imkǝ nwacum ning, leivǝ muam vahvei.⁵Nǝng ɓǝ wakili ɓǝ ɗubu tsing tangsa leivǝ nǝ yicuevahvou dǝ ɓiilei hyemnǝ, u ɓi yiva na cii, na ũ yicuevahm dǝ ɓii a rǝ? ⁶U na'a, Garwan nui hunlyii(100). yǝmla kuhyua, a vii(50).⁷Nǝng u na kǝ yivah kala, na ũũ dǝ biu kǝrǝ? u na'a Bulu(100) na alkama; u nau la a mua kwanjwama, a vii hun'nyã(80).⁸Nǝngɓǝ yicuevah na wakili a u yang ɓǝ bii aghang bisi yiurǝ vǝu, ama lei yii fangwam a na susweinǝ bǝ kwaha vah ɓǝ lei vǝ fangwam vǝh pai sǝ lei yii a hyũrǝ yiurǝ. ⁹De mi naɓala, muajwa kǝ kũũ mala bisi leivǝ nǝ yaung ɓǝ bii aghang, bisi nǝng nǝ tǝnyan, ai mua bǝ tanvah nǝ kaɗin nǝ.¹⁰Yivǝ nǝ laɓa bii aghang tangsa nǝng nie cuwani, u yivǝ bii ghang tangsa nǝng a kparǝ, yivǝ nǝ yaung bǝ ji bii tangsa nǝng a cuwanie, u yivǝ ji bii ghang lau tangsa nǝng a gha. ¹¹N fa nǝ cue bii ghang bǝ nǝngcinǝng veivǝ nǝ yaung ɓǝ bii ghang nǝ lau yang, n wan gwaɓala ɓa nǝngcinǝng a bǝ ghang?¹²N nǝ ɓa cue bii ghang ɓa nwaɓi vǝ yivah kalau yang, n wan dǝ ɓa nwaɓi ka a ɓa nǝ?¹³Yivǝ yaung ũ cue nwacum kǝ yivah la na iyiu, ɓǝ dǝ u laa yivǝ tsing ko u yiɗi tsing ko kuma u gwakǝ yivǝ tsing la, u sǝam yi yah tsing. Ɓa ba ɓa cue nwacum nǝngcinǝngla ba.¹⁴Da lei farisa nǝ dǝ yiɗi nwaɓi ai lii lai nǝngnǝ kpam, nǝngɓǝ ai zshiu nwa. ¹⁵Nǝngɓǝ u nale a, ɓa dǝ ɓa sǝnkuɓa cii zaivǝ, ama Fii ibǝ nyinyiɓan. Nǝng nǝ leivǝ dǝ dǝ gãrǝ la nǝ nǝng ɓyeu(kiyama) sǝ Fii.¹⁶Nwabi kwanjwan anabawa lei la ha wukǝ vǝ Yohana. Ton sǝi vii nǝ dǝ cuekǝ (bishara) gãrǝ Fii , kon waha dǝ wu bappi tanseu. ¹⁷Manǝngɓǝ ɓa zshiu ɗuiye ɓǝ. Lyua n paikǝrǝ.¹⁸Duk yivǝ nǝha yina kǝ heiu u ɗza yihei akan , ucue nǝng'aɓai yang, yivǝnǝ ɗza yiheinǝ ai ina la nǝ yang dǝu cuenǝng'aɓai ɓaiukǝ.¹⁹Yivǝnǝ cinǝng aka, dǝn yɗa lei nǝng a bǝ ghang nǝzshilanǝ deu lii larǝ viinǝ ha. ²⁰Nǝngɓǝ ai ji yivǝ kǝ nǝ samɓaivou yaung nǝ nwa nǝng gha vah vou, in'u lizam sǝu nǝngɗwaha.²¹U fa dǝu davǝ yuarǝ tsa bisi nǝngnǝ dǝ oo hyua yang kǝ u ci la u tang sǝyivǝ nǝngcinǝng nie ha ma lei yiɗwa wudǝ lǝn nǝngnǝng ɗwavou.²²Leela nǝng ɓǝ yivǝ nǝ samɓǝvou yaung ɓa nǝ u ɓwi, nǝng ɓǝ ai cueũ. ²³U tangsa Hades deu nwa yiɓai, nǝngɓǝ u ɗǝ kuũ ye nǝngɓǝ u ɓa Ibrahim cuiela, ɓa Liyazarus ku nwagyaiu.²⁴Nǝngɓǝ u ɗubu, Dahm Ibrahim, aɓa yiɓaimnǝ, a cum Liyazarus u ba nwa nǝng'hyũnau sǝ mǝng u leemla liyemmi bisi dǝmi cue yiɓai tangsa ɗuaninǝ,²⁵Nǝngɓǝ Ibrahim nau a, ''yimong a keem viinǝ ma fangwam mai, ni nǝ a lilarǝ mayang fangwam mai a riga a mua lei nǝng a ghang ma yang, amma Liyazarus sǝn yiɓai. Amma susueni n larǝ de deurǝ bǝni. Ma fa dǝ ma nwa yiɓai. ²⁶Manǝngɓǝ lau ma, ɓwala ɗwuila bisi leivǝ nǝ dǝ yiɗi bǝ liyaarǝnǝ yang ai ba ai hyiu, leivaka yaung n hyãrǝ nwu sǝɓi bǝ lee.²⁷Nǝngɓǝ yivǝ nǝngcinǝng na'a, ''To dǝmin gũrǝ, Dah Ibrahim, a cum mu uta vahvǝdahm-²⁸bisi mila bǝle hyũimkǝ nahyui (5) kǝ lei ɓui, uta tau vǝ-cuculei bisi kaɗǝ ai wu nwa yiɓainǝ.²⁹Nǝng Ibrahim nau la a, 'leila ɓai Musa ɓǝ le anabawa, bisi ai liilei, yang kǝ ai yila sǝ nǝng-aɓai. ³⁰Nǝngɓǝ yivǝ nǝngcinǝng na'a, 'a'a Dahɓi Ibrahim, in nǝ yivaka tangsa le kwamɓui u ta sǝlee, yang ai yila sǝ nǝng-aɓain yi. ³¹Amma Ibrahim nau la'a, 'n nǝu lii Musa ɓǝle anabawa lau yang, kon yivaka ii tangsa le kwamɓui ma, ai ba ai fãmleeu.

Chapter 17Yeso nakə lei mongsem veu la, bə tsa nwa yaung, lei nəng akala cue ɓən cue nəng aɓai ama nwa'iu yivə n' wukə orə ɓə nə.

²Paiu nəng la ei au təi nəngnamnəng la dzu ei wau məng wam pai sə nəng nə u cue kaɓai kə lei muahang nə.Ɓa mua ku ɓa .N' nə hyui ma cue nəng aɓai yang anau la, n' nəu yila yang a mua a eiu kə ta la .

⁶Yivah na a nə ɓila ɓai biagang ɓama nəəng yisəun yang ɓin nakə kanə la, a ɗu a bya tansa mɨng nwam yang un diɓa garən də.⁷⁸u ba a nən ləu, a cueem nəng a kala bisi n tang yang a tsa-səmu a cuem nwachum har tang ming ɓə ɓə nwavə ha.cwa səu nəng bə a tang a nwa?⁹u ba u ƙaa mongbwi nəu bisi ũ cue nəng a ghang ku nəng nə əi naula a cue nə. ko ũn cue-cue manəng ɓəi? ¹⁰tsa nwa yaung, n nə bə mua nəng nə ha əi nə ɓəla a ɓə cue, yang ɓə na, ɓiin ləi mongsəim nə yaung bə bii a ghang nə. Bə ɓə bi cue nəng nə n dəulə nə bwasəu.¹¹vii a kǝi dəu ta urshelima, nəng bǝ u mua tansa ləi hyau vəu samaliya bǝ galili. ¹²N dǝ dǝu ta tansa vah hang, nəng bǝ lǝin blaii ni hyua(10) ǝi ji cuee la ɓǝu kǝ. ¹³nǝng ɓǝ ǝi ɗǝ wiile yeh ǝi na-a "yeso, yicue vah, a ɓǝ yiɓǝi ɓi.¹⁴da u ɓa lee, u nalee, ɓa ta taɓa taanasǝ ɓǝi sǝ lei farisiyawa.'' n da dǝ pǝivǝ, nǝng bǝ ǝi cii dǝmma. ¹⁵yivǝ tsing tansa lǝi nǝ ǝi cii kǝ dəmma nǝ, nǝ bǝ u fa, u wu dəu dǝ gharǝ kǝ fih ɓǝ wii a tsa. ¹⁶u ö cii yeso, dǝu kaăurǝ. u kuma Basamariya.¹⁷Yeso gwaula a, " Na kǝtǝ kuu ɓa hyua(10) ǝi warka ɓǝ ba kǝ wai, nle lǝi vah hÿuan-hyũa(9) lan pǝii? ¹⁸yi vah kǝ yaung wu wu kăă fih sǝn yi ɗwawai nǝ ɓǝng tsing' u? ¹⁹nǝng ɓǝ u nǝu a.'' A ' i a tatarǝma. nǝng a ghang ma tǝ dă njamu.²⁰dǝ lǝi farisiyawa ɓǝiu bii vii nǝ la nǝng a ghang vǝ fih nwukǝrǝ na. yeso gwaleka a, vah vǝ fih ba wai n bǝ ji hakilo ba. ²¹ba wai ǝi na a nǝng ɓǝ na ko nǝng bǝ lǝi lǝn ba! bisi vah vǝ fih lan tansa sǝ ɓǝ.²²yeso na kǝ lǝi muangbwi vǝu, a vii dǝ wurǝ bǝng jininie ɓavǝ amma ɓa ba ɓǝu wuu. ²³Ai na ɓala, Ba bǝi lǝi! ba bǝ nǝ amma bi ba ta nǝ ɓan ɓarǝn ka, ko bi ɓa nuacuwa lǝin ka. ²⁴kǝ nwa na ɓǝ hyamvǝ dǝ gharǝ tansa ba kai na nǝn ɗuiye nǝ wu ta kǝ ba lǝ nǝ, nǝng ɓǝ yii yivǝn wun kuu kǝrǝ. vii wu vǝvǝu.²⁵ama u nwa yibai nwa ke tsing-tsing ɗǝ kǝni, lǝi vǝ fwangwam a nǝ kuma ǝi lau ²⁶kǝ nwanǝ cue kǝ vii nuhu nǝ, maneng ɓǝ n cuekǝrǝ vii nǝ yii-yi vǝ n wukǝrǝ nǝ. ²⁷de tanrǝ, dǝ nwarǝ, dǝ dja yihei dǝ dja-ha har wukǝ Nuhu n takǝ tansa făă mǝng tufana nǝng ɓǝ wũũ wu tǝnkǝ lǝi ha.²⁸manǝng ma ǝi cue a vii lutu, dǝ taurǝ, dǝ nwarǝ, dǝ lyavǝ, dǝ minǝng fam-fam ²⁹ama vii nǝ la lutu, ii tansa sudum nǝ bǝi ǝi ɗwăa kibiritu tansa duiye nǝng bǝ ǝi tǝn lǝi ka.³⁰Manǝng ɓǝ n cuekǝrǝ vii nǝ vii-yivǝ wukǝrǝ nǝ. ³¹vii bǝ nǝ fa yivǝ dǝ kuku be ɓibii yang biu cuehya bisi bǝ ɗǝ nǝng vǝu tansa vah vǝu/ menǝng ɓǝ kuma yivǝ fanina biu u wuvahn ka.³²ba keem ga ɓǝ bi vǝ leei lutu. ³³Duk yivǝ nǝ dǝ yidi hũrǝu lǝu, amma duk yivǝ nǝ cii hũrǝu lǝu, un ciuci.³⁴Dǝ min nǝ bǝla, tansi ɗun vii nǝ ǝin cii lǝi vǝ na'iu ku gado tsing ǝin ɗǝ tsing, ǝi yila tsing. ³⁵Ai cii lǝi leei na'iu dǝ nǝmni cue hǝi ǝi dǝ tsing a yila tsing. ³⁶( Ai ɓǝ lǝi vǝ na'iu tang faning. Ai ɗǝ tsing ǝi yila tsing.)³⁷Nǝngbǝ ei bǝu, ''bei'', yicuevah una lei a; '' Bǝnǝ sǝla yang, bǝɓǝ mang ci lei zau ku cuahai bǝbi''.

Chapter 18

¹U kuma y na lai nwabi a kala a ka vii kpam ai gũ'ũ Fii sai lai gɓasaim ka, ² U na a, vah kai ywa a ka la u ka yiva cue kita u yanng ɓa ba ɓiɓi va Fii, u kuma u da ghava ka laivau.³Yiheei a ka na ɓu'u yaung gari ɓau wanda dau tasau vana, u nan a, a ballam yanda min cue ka nang a ghang ku lai va na yidimu na. ⁴Ai cueen u yidi ba ballu lau ama cuwasau nang ɓa u na ka tansa ninieu la ka na ma n lyie Fii u, mi kuma n de ghara ka van. ⁵Bisi manang ɓan yi hai ɓwi na bi vanam, min ballau ba bisi u cii ka bii a ghang la. Bii u vaninm ɓa ba wusanmu ka vii hau.⁶Nang ba yicuevah na a ɓa lii fa nang na yiva cuekita na u yanng ɓa bi a gbang nwau niu u na na. ⁷Ka na Fii ba ka lai va vau na la da tau tala ɗunvi ɓa ɗwaf Fi bucuum la wai? un taasa bisi ba balla nai? ⁸ De min naɓala, min Fa lai bucuum van fa yemla. Ama yii-yiva wu, u bau ci bi a ghau ci fangwau ni?⁹U fau na nwabi a ka sa lai va na gwa ka kuulei lan na, ai na lai ka nang a ba ghang, lau ma da saim niu va ha. ¹⁰Lai vah ka na'iu wu ta tansa kuam ba gũũ Fii-tsing bafarise, yivah tsing dau mua haraji.¹¹Nang ba bafarisa ii ji ɓa bu, u gũũ Fii bisi lai nang na kuu ni na, Fii n ƙăă yang, u na mi ka nwa ni9 lai va na iinang ba, ko lai va yaung ba bi a ghang na, ko lai da cue a fam ba lai hai kana ko ɓa ma yiva na dau mua havaji na. ¹²Duk vii sati da min da Fii buna'iu tansau. Da min da tsing bisi lyuaam tansa nang da cii na.¹³Ama yiva mua haraji ba u jira bu cuẽẽla, u yidi lau u da kuu yeh lau, sa da dau gɓa nam gyau, dau na a, Fii a ballam min yiva nang a ɓai. ¹⁴Da min na ɓala, yiva na fa ta vavou ɓa bii a ghang u ka nwa yiva a tsing nalau, bisi ywa na da ghara ka kuun ai miyaam ka kaa hang yi va na da ji kuu hyua na wun cii gharan cii.¹⁵Nang ɓa lai va ba wu ka lai mua ɓyaa bisau u ji lai na la, lai moughbwi vau ɓa nanang ɓa na, nang ɓa ai gwo lai va ɓa ¹⁶Nang ɓa Yeso na lai a, ɓa yi lai mua yangsan wusaim bisi vah va Fii a vai va na ka nwa vai na. ¹⁷Bii a ba ghang da min naɓala, bakui yiva na ha mua vah Fii ka nwan lai mua yangsan lau, bii a ba ghang u talau."¹⁸Nang ɓa yi vangha vai va ɓiu a yiva nia na sinang a ba ghang, ɓa min cue min cii huva ka ding? ¹⁹Yeso nau a "Ba ka da ma duun ka yiva a ba ghang?" yi va a ba ghang a ka yaung'n Fii bwasau. ²⁰Ma- a ma a iiba nang na ai ji nwakuu bii a lwa ba yihein ka, bii hyua bang ka, bii a ii nang ka, bii na nwan'lunka a da ghava ka Dahma ɓa Nahma. ²¹Nang ɓa yiwangha ɓa na a lai nang la n kan lai yang mi ku yi mua hang nina"²²Yeso lii manang ɓa, "Nang tsing a yaug'u ɓau ka a ta taa lyăă ɓa ning ci nang ma a tsa-ka lai va na la yaung ba ka na man ci nang a kan ci yeh-yang a wu wa mua cwaam. ²³ yiva nangcinang ɓa lii manang ɓa na u ɓanka lyua ghaa la bisi u yiva nangcinang.²⁴Yeso ɓau yhuau bang kang u nau a sanding yiva nincinina ɓa Fii! ²⁵Pai nang la jiroban ii bwa batal sa ywa nang cining n' takavah Fii.²⁶Lai va na lii biinabana ai na a na manang bang n wan cii huva kanai?" ²⁷Yeso na a nang na sau sa yiva sa Fii n' cue-ceuu."²⁸Nang ba Bitrus na a kăă na bii yi nang aning ɓii ɓi mua cwa ma "Yeso na lai a bii a ba ghang da ²⁹min na bala yiva yaung n' yiva vau ko laiu, ko lai lyiiu ko lai yii cira vau ko lai yiiu bivah Fii ³⁰U ciining makuhai kuhai'u fangwan na ɓa hũva ka ɗing fang wam a lai da wura na."³¹Nang ɓa u găm lai (12) na u na lai "Ka a na da ɓi ta Urushalima lai nang kpam ai vii kuu yii yiva ni wan jilanji. ³²Kă a na ai jiu kana lai va nang a ɓai da zshiu nwa, ai dan yiɓai, ai cuu cicila. ³³"Ai gɓau ɓa hyakaa, ai hyau tansa louna taa (3) u' nii ii."³⁴Ai iba nang a ka lau ka tsing kuu lai nang ni na lau, bii ba hyũũ-hyũe sa lai.³⁵Da u bappi ba Jericho, yi ɓwi ning gbam ning kukura nwa nang gha dau gũũ ning. ³⁶Da u lii lai va da paira nang ɓa dau ɓiba kon n wai? ³⁷Nang ba ai nan la, Yeso Banazaret dau paira.³⁸yiwi ning gbamra ɓa u dawiiu yeh ɓa tsa ka, u na a, "Yeso yii dauda, a ballam." ³⁹Nang ba lai va ka ciu nanyari ku, da nau a u kaă amma u sake da wiiu yeh ba-la dan na a, "Yii Danda, a ballam.⁴⁰Sai Yeso ii ji u dawii ai wuka sari. Da yiva ning agbamra wu bappi sau nang ba Yeso ɓiu, ⁴¹"N ɓa da man yiɗi n' cuela?" U na a yicuevah da mi yidi ba ɓaba.⁴²Yeso nan la, a mua ba ɓa ba bii a ghang ma da lara sa mai. ⁴³Dan la u cii ɓa ba, u mua cwa Yeso, dau da ghara ka Fii. Bisi manang ba lai va kpam da ghara ka Fii.

Chapter 19

¹Yeso tă ɗa pairo tansa yeriko. ²Yebwoi kala babi ing Zacchaus. u' yivanga vai ɓa Nwua haragi wa bai naama cinaang.³Dau yidi ba ɓa waka Yeso, amma u' ba u' bau bivo na pan la na, yibwel ba u' tantam. ⁴ U' hyeng bai sa levo hai u' cuing ka vaii ntau ba, Yeso taɓang pwai nanmgga ɓi.⁵Da Yeso wo ɓaba, u' ba yo u' nau a, Zachaeus a twain hyemg yamla, lemi damin nya vama. ⁶U' twang hui ɓai yamra tansa lara. ⁷Da levo ha ɓau, a gulau, ai nana u'taɓa ɓa yivo naang a bai.⁸Zachaeus girabu na yicweivo ha, "a ba, yicweiva, tansa naang cinaang ming daka levo yiɓai, cwuci yiva-kam, ming fa ka naang vai ba naanya." ⁹Yeso naula, "liini naang agang wo vamang, u' lemba yii Ibrahim. ¹⁰Amma yii yiva wuban baɓa naang na lana."¹¹Dai lii naangna, u' fidi ba naɓi, kũ badi ɓa ta Jerusalem, ai nana. ¹²U' nana ka, "Yibwui a gang a ka u'ta kuhu a cuira tau mua ba curi nwuatum va.¹³U' ɗuɓa lemong va vou hyei u' ɗale lomu, tsai nau wo va da. ¹⁴Leyi huc-ɓa gubi voi lou cum levaka naaka, ba yi yebwoina ku-kuɓi. ¹⁵Dau u' fanwua, u' mua lei, u ɗa doka ka lemong va vou nau ɗăle saida ɗau yidi iba naang na ai auei ɓai saida ko ai ci mang kuing.¹⁶Yiva naci nwua na, yicwei va saidai na a ɗam nci huă a kang. ¹⁷ Yicwaiyo vou nan, sako yimang va a gang. ɓi naang a gana na a auoi tansa naang na cuna nda na.¹⁸Yimung vah a neiu wu bai nahui, u na a mua nahui a ka yimang a sang mang ci gara ku hui hye. ¹⁹yicwai va vou nau la, a ɗa gara ku hui hyei.²⁰Yivaka tansa la wa nama yicwai va, sadai mana a daum na, nda hyela tansa zanaang. ²¹Damin ɓiɓa ma cum ibana bima zweihyeu ɗamang wua naang a ma lau, ɗamang ki bama a ɓii naang la lau.²²Yi aveiva ba noula, ɗamin cwai kita la kũ ɓima, mayimang vah a ɓai a ibang mi yivah yidi naang, ɗamin bwai naang ɓa naang bya lau ko dzi. ²³ba cwainaang ka dzi sadai ba dzi saidai lau naang won nmua saidaim ɓai mang ko ku?'²⁴Yicwai vah ba navah na dza ɓiɓina, ɓa mua sadai na, ba ɗa ka yivah na lebwai hyue na. ²⁵Ai naula, yicwai u'la ɓai hyue ka.²⁶Damin na bala, yivah na labwei ka a ka ai ɗaung nau ni ai mua nau. ²⁷Lei bwom na yidi lau ing lau vah kulai, ba hyailai.²⁸Dau gama lenaang hah u' mua naang ɗau ta ka Jerusalem.²⁹Cwau tsau naangɓa u' wu Bethphage ɓai Baitanya, sa gwam na ɗai ɗuɓa olivia. ³⁰U'na "A nta vah ka bainvu. Na ba nta lang, ɓang ci yii bou na yivah cwuing ko lau ba baung ba wu ka. ³¹Na yivah ɓiɓang, biba ɗaba bai yii vamda na?" Ba naula yicweiva ɗa yidiu."'³²Levah nau cum la na ai nya chi yii vamde ba ai na yicwaiva ɗa cumɓi. ³³Dai bii yii vamda ba, yicwai vamda ɓil biba ka daɓa bii vamde ba? ³⁴Ai a yicwaivah da yidiu. ³⁵Ai wuka tsa Yeso, ai aii le naang yasa vai ko yivamde ba Yeso kuko. ³⁶Dau nta, ai aii lenaang yasa vai ku naangga.³⁷Da a dau nta bana tei oliviya zila, le maangba pai la mua cwau da lii leaa da gara ka Fii bai wei a garo ɓiva nwuatum a gaa na bana. ³⁸Da na ai a ɓarka ka yivah na da wu tansa yicwai vah na! nta aa tansa duya ba gara duiya.³⁹Lai Farisayawa tansa levo paingla nawla, "yiva nye na sa naang, a nwua ku lei mang ma. ⁴⁰Yeso nelaila "Damin bala, na ba kai lei tai nta ntan ta.⁴¹Da Yeso ta badi bai vahba u' tata biɓa. ⁴²Dau nara, "Na ba iba liing, bama naang na wuka sa tara! sasauna ka sasauni dai naangbai.⁴³bweng gaaga kubai, lebwai ba ai mii le ganuwa ai daba ribwai leba pa'm. ⁴⁴Sai baiɓa ai ji hyui, bale yiba bi ba laba iba ɓa wura va Yeso.⁴⁵Yeso ta tankum Fii u'yam leva na da lei bai naang ka. ⁴⁶Dau nalela, "Ai vaing, ɓa mang ka vam ka bua vaiva naang inaang.⁴⁷Yeso da nyinasa ko dau ha tansa kumva Fii le kung lau bale va viinaang dai yida ba hyauea, levanga vai vah. ⁴⁸Ai jii naangga nai saiinaang a ka lau bi vai va da liiura sausa.

Chapter 20

¹ Wui fiakei byeso da yenrsrnrrug tansa kum ve ti dau Ne bi lere lekumglau be leve viineeng ai wusau bele nyibwei.² dei neu lare,'' Tansa sembai ake deman cwri ke neeng Ndi,wa da sembwai ɗẹi,''³Yeso guleila Ne a, men bibe bii bi be nem la.⁴Ɓaptisama vǝ yohana: lans dui ye kolang se levah?''⁵Ai kwembi tansa lei, ai nǝna,bebi na neke lang dui ye u namǝ cwunkǝ bi gwǝu la law?⁶Nǝ bi Nǝkeǰi tsǝ le vǝrn, levǝha wabi wa bai tǝi, ai ibǝng yohana le Nǝu.''Ai gwala a ai ibe bene eu wula lau.Yeso Na leila,'' NNeba lau lenbe tansa sembei a ke demin cwi ke Neeng Neu.''U ne leve nela baijum ne,'' yibwei a ke beneeg raneeng, uda lev Nwua cum majii, lita ku huike cuila.¹⁰Nǝla u cum Yimong ve vou ne da ma faneng, ai ta tei wuke chireka fanrng ba, ama leve Nwua cum kpeu-ii Yamu Nǝmfam.¹¹U' cwǝi levi leve Nws- cum a ko ai Kpǝu-ii tansa seku, ai yemu Nafam. ¹²U' cunbǝ Yive a nǝǝng Nata, ai Kpǝu-ii seǝu kǝ Nǝǝng nwua ai wuketa.¹³Yi sweivǝ fanmgbe Na, 'nǝmǝng cwǝirǝ? ming cwei byen ɓai ku kǝ Nǝ dǝming Yidinǝ, lakǝ ai liiu lii.¹⁴Da levǝ Nwua tum fanǝǝmg ɓǝu, ai nǝɓi tansa le ai Nǝ yǝyi cweu- Vǝ bi wung, ɓǝ bi hui yang Nǝǝng ve Aavou mim kǝ bi.'¹⁵Ai wukǝta tansafaɲǝɲa ɓa ai hui, nbǝ yicwǝi fanǝng ɓǝng cwǝirǝ?¹⁶U'ng bwaenke leve Nwua tum, ama da faɲǝngbe leve kǝ. dai lii ai Nǝna ba cwǝu!''¹⁷Yeso be le u'ne,'' beke Nǝǝng na vi: bei tei ne le neeng mi eeng lana, mrm ke kutei be?¹⁸Yivena ţǝin sǝi Nuo nyang chiɲg Nyamg chǝing, yivena Nwuaku sǝi Nuo kbǝm,''¹⁹Lei kunglau bei leve viineeng da bebe lei NNa ku bibii, ai i beng dau leɓum kule, ɗǝi ɓibii vǝi vaah. ²⁰.Ɗǝi paure begang, ai cum ce ve hveibe tasau bemang leve agans, dei yidi muo bii vou, diu kǝ taukǝ tsǝ levangge bei se Ciwammti.²¹Ai beu, ai Na,'' lei hyeeng, agang, ayidi kuo, ai yidi leve ke paise leve keu, damang Nabi Fi a gang.²²Hyehyu bi da harasi ke kai sa ko bi be daung kei?''²³Yeso ibe yeure vang, u Ne leila.²⁴'' Tam Nase denari (seide) Kweng beingwa seu? ai nea,'' kasa,''²⁵''U ne leu la, ''ba da N eeng va kasa ke kasa, Neeng ve Fi kǝ fi la.''²⁶Ai ɓa ai ci N eng a ɓeuɲ Na u' nena lau tansa leve, dau Nabi ai kei pam.²⁷Lei sadosi yawa ke wuseu bwuing tens.²⁸Ai beu aiNa,'' leu NNeng, musa veibi a Na yive la bei yihei Nǝu buis, u'ciyilau, hyui muo Ains cwii lela yila.²⁹Le hui hala hyiu yive neuci vau, yilei ɓa ubwui u'ciyilau.³⁰ Hui a Naiu langbe de yihei ba. ³¹Yivǝ Nta bǝ da yihei ba langbe hui hyel' pam hyei pam hyeing vei ha zeu ai kpeui ha.ai ciyilau.³² Yihei be lang be kpei.³³Ɓǝtǝre fangwambei ɓa vǝivah na Nǝǝs irǝ na.'' Awan ke bu? kpem vei huiu eu ke yihei ha.''³⁴Yeso Na leula, '' lei yiifanfwam na zii yihei bei ba da yihei.³⁵ Ama leive Nakhem tansa vina fanswam bei leve bwua da ire ai zii yihei ko ai dayihei wu.³⁶Bwui hylei keu, lebemang le mala yeka lei yii Fi, lei yii na ẽ tse bwua ni.³⁷Ama bwua eing, ko mua ma tanalang, bane cwei bi benvou lane, bena due ba yicweive fi ve Ibrahim bei fi ve Ishaku bei fi ve yakebu. ³⁸Ung Fi ve bwua lau, ama fi hure, leive leineeng ha law t seu. lei ve viineeng gwua a, '' yivah hyena Neeng, agwuabina hyela.''³⁹Lei ve viineeng gwua a,'' vivah hyema Neeng,a gwua bina hyela. ⁴⁰Ai beu bike lau.⁴¹Yeso Nale lea, cwng kei nwne kristi yii Dauda?⁴²Ama dauda lansbe na tansa zabura, yicweive Nake yicuweim la, a ku kenam a Nalii,⁴³Sei mua lei bwui ma tan buma.⁴⁴ Dauda lannabe dua kristi yi cwei ve cwei uo keu meum ke yii dauda?''⁴⁵Da leivah lii mangbe uNake lei monsbei vou la.⁴⁶Ɓǝ cwei hakilau beleva Neeng viineeng, dei yidi ɓa Neeng se veinla ai yidi ɓa zamɓa tansa lomu bǝi ɓa kure a gaen vevah ri bei ɓa cwei biki.⁴⁷Ai bǝmg kǝ lehei na lei bulei bwuina tam vavei, wani ɓa Ngui Ri kpǝnla sǝla, leivah mang nii Neengga ke ɓa tanrǝ vǝi.''

Chapter 21

¹Yeso ɓǝi ye a ɓǝi levǝ Nǝǝɲg ciNǝǝng ɗa dé aii ɓaiko vǝi tansa Nǝǝng ɗa ɓako. ²Ʊ bǝi yihei yibǝi a kǝ ɗa ɗǝ Nukabi vau bei Naeu. " ³U na, bigang damin Naba la, heibwei yibwei na U da neeng pai sele ha. ⁴Leve na da neeng vei tansa neeng Na Nale kpenla ama yiheibwei na da neeng na tansa yibwei vou neeng na nau kpem"⁵Leivǝ kǝ beu biva baguFi, nǝi ma hyela kpǝi tei bǝi nǝǝng ɗanǝǝng, ũnaa, ⁶"Nǝǝng ɗabǝ ɓarǝ na, vii ɗa wurǝ tǝi yau kukũ a kǝi dǝi wulekǝ huĩ."⁷Ai biu,ai NaNǝ, "yIVAH Yenǝǝg, lei nǝǝng na cwai ɗau? kpǝng tanasǝ lei nǝǝng na cwai kǝ. ⁸Yeso gũa, "bǝ cwai hakilo bï yivǝkǝ vǝm bǝ. Leivǝ kpǝnla Nwu tansa ing, Na'a, ming-ũ 'vii bǝɗing.' bibǝ mua lang kǝ. ⁹Nãɓa liibi bwoi bǝi ɓa ikǝ hakilo, ɓiɓǝ ɓiɓiing kǝ, lei nǝǝng Nwuwo Nwuaci,tǝing rǝu sǝsoiNa lau."¹⁰U'Naleila, "Leiva ɓalei ɓalei vali ikuha, hui ɓai hui ɗa bwaha. ¹¹hyua yeyeu le bǝ kpǝnla, bǝi vambǝi Nǝǝng dzii. Nǝǝng cwei sǝbi gala ɗuiye.¹²Ama kemin lei Nǝǝng ha sǝi lana kuɓai ai ɗaɓǝ yibwei ɗa, ai ɗaɓǝ kǝ kum gu fi bǝi prǝsina, ai tabǝkǝ sǝle yivah bǝle gwamna ɓi ing. ¹³Mem kǝ bǝ nǝǝng a gang ɓibǝ kǝ.¹⁴ɓi kwem Nyiɓa Nǝǝng na mang Naǝǝ nǝi ɗubǝ. ¹⁵Ming ɗabǝ yeurǝ bǝibii yang lei bwoi ma kpǝm ɓa lebii bǝu.¹⁶Lei bei bǝ, lei hyeiɓa, lei Ɗabǝ, lei jobǝ ai hya leivǝ kǝ tansa bǝ. ¹⁷Levǝ kpǝm yidi bǝ bi ing. ¹⁸Ama dzamku tsing kpǝng kǝu. ¹⁹Tansa muyeiɓa bǝng ci hurǝn ci.²⁰Naɓǝ ɓǝ wurshalima kwai bǝ lavǝ bwuing, ɓa iɓa Nǝǝng pai bǝɗi. ²¹Levǝna judiya ni bi hui ta ku tain kǝ, levǝna tansa vah agai bǝ levǝna ɓaifa ni bi fai wunkǝ. ²²Vii kǝ vii bǝ ta Nwua cwau, yang le Nǝǝng Na ai vii na yilang.²³Nǝǝng cwei sǝɓi chi leihei bǝi yui balevǝ na ɗa dǝmi kǝ la yii! ama bǝ Nwua a ga la ku hyu bi, bǝi huu bǝng kǝrǝ ku le valɓa. ²⁴ai u-o tansa Nwua gafang, ai sǝleig talakǝ sǝ vǝ, wurshalima ang yiyau cilei Nwuavǝ har yilang.²⁵"bǝng bǝ kwang fingwarǝ, tansa fihym, tansa dzing bǝi hyua kǝ leivǝ ha ank loloi bǝi Nwuam.²⁶ Leibwei gahurǝ bibǝ ɓiɓi bǝi bǝ dzi Nyi Na ɗǝ wurǝ ku fangwamni lei sǝmbǝi fangwan na yiyeu.²⁷ai bǝ yii Fi ɗa wurǝ tansa cii ɓǝi sǝmbǝi bǝi garǝ. ²⁸Na Nǝǝng ɗa farurǝn, ɓa jirǝbu ɓa ɗaku ɓǝ, ɓa iɓi yung! ɓǝɗing"²⁹Yeso Nabe Nwuanjum, "bǝ ɓa kavǝi Na, bǝlǝ ka ha. ³⁰Nǝ ɓa le hyamu, ɓa bǝ kubǝ ɗakwang ɓaɗi. ³¹Manǝnabǝ, Nǝɓa lenǝǝng ɗa farurǝn ɓǝ iɓang vǝvah Fi ɓǝdi.³²ɓigang ɗǝmin Nabala, fangwamna ɓa paiu tsǝi lei Nǝǝng na ha faru (cwai ha). ³³Fangwam bǝi duiye Nta tǝn ama ɓim ɓa kpau.³⁴ɓǝ liiɓa tansa bǝ, Nyi bǝ loi bǝi ɓa Nwua nǝǝng bǝi ɓa Nwuarǝ bi ɗǝnǝǝng bǝng kǝ, vii ɓaɓǝ ɓa wukabǝ bǝǝnangNǝǝngmuaɓa. ³⁵ɗa wurǝ ku levǝ na kpǝm tansa fangwam.³⁶bǝji hyela kon ɗauha, ɗabǝ guFi muaɓǝ sǝila bǝ é tansa leinǝǝng ni ha, yang bǝ ji tsǝ yiyivah."³⁷Vii nǝ ɗau NNǝnǝǝng tangkum Fi, envii ũ ɓana dǝi Nana oliviya Na. ³⁸Leivǝ ha wusǝu ta bǝin liiurǝ tan kum vǝ Fi.

Chapter 22

¹Kanǝ mimɓang nǝngtangnǝ yist yaungnǝ ɓading, nǝ dei ɗu a mimɓang hyakunǝ. ²Lei kunlau angã ɓǝle vĩnǝng dǝ ɓabǝ nǝngãnǝ ai ɗzakǝ Yeso nwaɓuani, don dei ɓiɓi vǝ zaivǝ.³Nǝngɓǝ shaɗan ta tnahyua Yahuda tsing tangsa le-hyuairǝu'na'iu(12). ⁴Yahuda ta sǝle kunlau-angã ɓǝle vangã hua tu nabi nǝngã nǝ un dǝkǝ Yeso nǝ .⁵Nyi-nyi lei lan, nǝngɓǝ a ain dau nwaɓi. ⁶U gwa' nwa dǝu ɓabǝ nǝngã n un dǝuke lei cwa nǝng zaivǝni.⁷Nǝngɓǝ wu vi nǝngtang nǝ yist yaungla nǝ nǝng wei fikǝ nǝngbongam hyaku.⁸Nǝngɓǝ Yeso cumlei Bitru ɓai Yohana nalei a ta ɓa cwei nǝngtang mim hyaku nǝ ɓin tangrǝ nǝ.⁹Ai ɓiu a, 'ɓaiya dǝ ma yiɗi ɓin cwei lai?¹⁰U gwale nwa a, 'ɓa ɓa, nǝɓa tangsa vangah, yiɓuila dǝmǝng ɓai ɗzau kǝ wun ciɓanci,¹¹Yang ɓa nakǝ Yicuevah ɓala naɓa, yǝri nyina nǝng ɓai naɓa a kom vei ɗwawei ɓaiya' ɓaiya min tang nǝngtang mimɓang hyaku ɓalei muang mi ?¹²Un taɓa nasǝ tankom ei ma hyila taɓa cwei lei nǝngɓǝ bibi.¹³Nǝngɓǝ ei ta tei ci lei nǝngɓǝ kǝnwanǝ u nanǝ, nǝngɓǝ ai cwei nǝngtang mimɓang hyaku bǝ.¹⁴Da ɓibǝ wukǝ, u ku hyua ɓalei yitacumFii.¹⁵Nǝngɓǝ u nalei la a n ɗya nyinyim gãla dǝ mong yiɗi bǝ tang nǝngtang mimɓang hyaku nǝ kǝn cwei kǝ ziɓai ¹⁶Don n' naɓa la n' ba n' tang aka ɓai ɓakǝu ha sai nǝ ai yǝku vah Fii yang.¹⁷Nǝngɓǝ u ɗǝ lkop kã Fii na a, ''ɗǝ nǝngnǝ ɓa tsa kǝha tangsaɓai.¹⁸Don dǝmin naɓala n ba n nwa mǝng cirǝka aka ɓai ɓakau ha sai bi va Fii wu.¹⁹U dǝ diyãng u kã Fii sǝu, u owa tansǝu u dǝle dau narǝ a n' semnǝ ai dǝ ɓanǝ, cwei nǝngnǝ kǝ ɓa kem bim.²⁰U dǝ kop bǝ labǝ nǝng a tsing cwa nǝngtang dǝu narǝ a kop nǝbǝ tsanǝng afu tansa hyuim nǝ mǝng eiɓa lanǝ.²¹Ama ɓa ɗza hakilauɓa kana yivǝnǝng dimrǝnǝ la nwa tebur nǝ ²²Don Yi'Yivǝ n' tǝtan kǝ nwanǝ ai nakǝ nǝ ama hyei kǝ yiɓwuinǝ la ka kanau ai muakǝrǝnǝ.²³Ai bani bǝ zamhala tansalei n'wa ɓai samɓai wun cwei nǝngnǝ?²⁴Nǝngɓǝ mua'nwa ai tansa lei bi wa wun ɓa yivagang hei.²⁵U nalei la a lei yivah veivǝ kǝ lei yicuevah kulei, leivǝ nǝ laɓai samɓai kǝ kulei nǝ dai ɗulei a leivǝ cwei nǝng'agang.²⁶Ama ba cwei manǝngɓǝ ɓai ɓau. Bǝnɓari sǝu, ai yi yǝvi nǝ kangã tansa ɓai myem kǝ yimuahang, yang ai yi yivǝ anǝ dzuku vǝu lanǝ myem kǝ cwei watsum. ²⁷Tansa lei wakǝ yivǝ bigang hǝi, yivah nǝ ku nwa tebur hei leon yivah dǝ cwei watsum nǝ, n' yivah nǝ ku nwa tebur nǝ lau? Lara mǝla tansa ɓai kǝ yivǝ cwei watsum.²⁸Ama ɓakǝ leivǝ nǝ ɓan ta cwahyei ɓaim kǝ tansǝ bǝ banbǝn. ²⁹N' ɗziɓa ku vam, kǝ nwanǝdamdzimkǝ ku vam. ³⁰Nǝ ɓan tang ɓa nwa ku tebur tanvamni, ɓan ku kuka a hyirǝ ɓan cwei kita kǝ nwakava hyue irǝu na'iu Israila la.³¹Siman, Siman, ku ɓai ibǝ munkulum ɓibǝ kǝ cikǝ. Kǝ ɗakǝ tangsa alkama. ³²Ama n' gũFii lang da bǝ dza nyinyi ba ookǝu. Cicwa nǝna myem cwamang aka a dǝ samɓai kǝlei hyuima.³³Bitru naula a, 'yicuevah n muatsam mǝng, mii taa ɓaima tansa busina ɓai ɓwaha. ³⁴Yeso gwau'la a, 'dǝmin nala yee ba taata vǝnǝu ha sai a tsa'nwam bu'nata nama a iem lau.³⁵Nǝngɓǝ Yeso nalei la a, 'nǝng cumɓa veifa ɓai ho-hang, ho-leinǝng kon hũlǝun nǝng aka yaun ɓai ɓa? Ai gwa bi okalau. ³⁶U nalei la'a, 'kanǝ yivǝ ɓai ho-hang ɓai ho-leinǝng nǝ ubdǝ. Yasivǝu lyakǝ tsing³⁷Don n' naɓa la, nǝngɓǝ ai cweikum sai yiku, ³⁸Nǝngɓǝ ai na'a yicuevah, ɓa lei gyafei na'iunǝ, u nalei la a loung.³⁹Yeso ta, kǝnwa akavi deu cweirǝnǝ ku kutei nui Zaitun cwahyei ɓalei muangɓuivou.⁴⁰Da ai taa bǝɓǝ, u nalei la'a, 'ɓa gũFii bi ɓa taa tansa bǝ banbǝ.''⁴¹U pai sǝlei u taka bu tei ka tǝu ba ɗung hyua deu gũFii. ⁴²Dau narǝ a, ''Da nǝng bǝ yiɗi mang a ɗǝ kop nǝ sǝm ama bǝ yiɗim lau ama cweisǝ⁴³Nǝngɓǝ lei malaika ɗuiye fu'la dǝu samɓai, ⁴⁴Bǝta bǝ kurǝ veu tansa yiɓai dǝu tsa bǝ gũFii tsala ha bǝcwem dǝ cwi sǝu hyua ɓamang hywi.⁴⁵Da u ie bǝ gũFii veu wu ci lei muangɓuivou dǝ lwei-nǝnglwei bi yiɓai. ⁴⁶U ɓilei a ɓakǝ dǝ ɓa lwei-nǝnglwei? ie ba gũFii nǝ ɓa ba ɓa takǝ tansa bǝ banbǝu.⁴⁷U tansa bǝ nabi danla ɗzung zaivǝ fula ɓai yahuda tsing tansale muangɓuivou hyua irǝu na'iu nǝ oolei kǝ ci wu ɓadi ɓai Yeso wu cweu sumba. ⁴⁸Yeso naula a Yahuda ma dǝma dǝ Yi'Yivǝ ɓai sumba nei?⁴⁹Da leivǝnǝ bu Yeso ɓa nǝngnǝ dǝ cweisǝ, ai na a, ''Yicuevah ɓi galei ɓai gafei?" ⁵⁰Nǝngɓǝ yivaka tsing takǝ nǝng ganǝng kǝ mongsem vǝ kunlau angã akala gau cucui anali cum.⁵¹Yeso na'a, ''lolang'' u tamna ɓwacu yiɓwui ɓǝ u dǝu larǝ.⁵²Yeso nakǝ lei kunlau angã la, ɓa lei vangã tankom gũFii a, 'ɓa wu bi wai ɓa wu veifa nǝng bi lei nǝng'inǝng ɓai gafei balei kagbabǝ naɓai nǝ ?⁵³Da mi Fii angã nǝ ɓa lai beinaɓa kumlǝu. ama ɓi ɓanǝ ɓai uko ɓǝdzi.⁵⁴Muarǝ vou ai cwo ai lai ci ai takǝ vah yivangã vei kunlau, Bitru mua cwalei cuila. ⁵⁵Da ai dzi ɗwa sǝ kii ai dzǝ tansa va kita ai ku cwahyei, Bitru labǝ ku tansa lei⁵⁶Mongsem a yihei aka la bau uku du ɓuiɗwa, u ɓau tangnǝung na'a, 'yiɓwui nǝ labǝ cwahei baukǝ.⁵⁷Ama Bitru tsanwa a, 'a yihei mi cwahei ɓaukǝ lau. ⁵⁸Cwa cunǝ yivah aka ɓau labǝ nau a, 'ma'ma cwahei ɓauikǝ, ama Bitru na yiɓwui a milau.⁵⁹Cwa ɓama ɓi tsing yiɓwui aka labǝ laha a, bi-agang yiɓwui cwahyei ɓau kǝ don u lan Galili. ⁶⁰Ama Bitru na'a, 'yiɓwuinǝ n' ibǝ nǝngnǝ dǝma narǝnǝlau,' danla tǝnkǝ bǝ nabilau yei taata.⁶¹Bǝ myemrǝ yicuevah ɓa Bitru, nǝngɓǝ Bitru kem lei bivǝ yicuevah nǝ naula anǝ lei cwahyei ni a kafi yei taata lya saitsa'nwa bǝ ibǝm bu naata. ⁶²Bitru pai taa veifa tǝ taata muaɓaila.⁶³Nǝngɓǝ lei ɓwuinǝ dǝ ɓa Yeso nǝ zhi'nwa gbau kǝ ⁶⁴Ai lam ku nǝngɓǝ ai ɓiu dei narǝ a, naa wai ci nǝi, ?⁶⁵Ai lei nǝng aka kpala ku Yeso dei zhikǝnwa.⁶⁶Ɓǝgã nǝngɓǝ lei vangã ɓalei gam bayitsing cwahyei ɓalei kunlau angã, ɓalei vĩnǝng. Ai laiu ci ai takǝ fada.⁶⁷Ai nau a n' nǝng mang Kristi yang a naɓila, ama unalei a nǝng naɓalang ma ɓa gwawau. ⁶⁸Nǝng ɓibang ma ɓa ba ɓa gwam'nwa sǝu lau.⁶⁹Ama susuenǝ, Yi Yivǝ kũkũ nali samɓai Fii. ⁷⁰Ai naha a, 'yang mang yi Fii? Yeso gwalei nwa a, ''Ɓa nan, MI'' ⁷¹Lei la ai na, nɓa aka dǝɓi yiɗi yivǝ cwei sheda? ɓiɓai na ɓi'ɓi lii u nan ɓau nwae.

Chapter 23

¹leivǝ ha ie dzi ɓai bu bu wukǝ yeso ci bilatu. ²baniu bǝ nabi, ku a ɓi ci yǝɓwui nǝ dǝ fǝ nwa hyuaɓi a bi ei dǝ nwaɓi, hyua kǝ kaisar ka a rǝ, ɓaikurǝ kǝ kristi yǝvah.³Bilatu ɓi yeso a n ma kǝ yǝvah vei lei yahuda? yeso gwau, nwa a nan manǝnɓǝ.'' ⁴Bilatu nakǝ lei kunlau anga la ɓai zaivǝ a n' ci yǝɓwui bai nǝnga ɓai aka lǝu. ⁵ama dai narǝ a dǝu ikǝ hakilo vǝ zaivǝ bai bǝ nyina nǝng veu yahuda, muakǝ Galli ha wukǝ bǝni.⁶Da bilatu lii nǝngɓǝ, u ɓi yǝɓwui ɓǝ a kon u yivah Galili. ⁷Da u ibe a rǝ lang hyuasǝ hiridu, nǝngɓǝ cwo yeso sǝ hiridu, yǝvi nǝ urushelima tansa fiɓi nǝ.⁸Da balitu ɓa yeso, nyi-nyiu la găla, dama dǝu yǝdi bǝ ɓarǝ karr, u lii biveun nǝnɓi u cwei rǝ nǝ. ⁹Hiridu bi yeso bi kpala, ama yeso gwau nǝng aka la lǝu ¹⁰Nǝngɓǝ lei kunlau anga ɓalei vi nǝng dzi dǝ eim zhila.¹¹Hiridu ɓalei ta ɓwui veu dai yeso dǝ cwo hylim, ei yau nǝng yasi la hyila nǝngɓǝ ei fa cwo takǝ sǝ Bilatu. ¹²Hiridu ɓai bilatu myem kǝ lei dwaha fibila (dama ei gwahau nani).¹³Bilatu ɗa lei kunlau anga ɓa lei ku hya ɓai lei dzung zaivǝ ¹⁴nalei la a ɓa wukǝ yǝɓwui sǝm ɓama yǝvi dǝ fǝm zaivǝ dǝ cwei nǝng a ɓai ni, ɓa ɓan ɓai nǝng n' ɓiu bi ci ɓai nǝng a ɓai ni ɓa dǝukǝrǝ nǝ leu.¹⁵nǝng aka yaun, kon hiridu ma takǝ wukǝ wu dim ɓa ɓan nǝngaka yaun u cwei ha kem n ɓwuikǝrǝ nǝng. ¹⁶manǝng ɓǝm mi bwa ɓwasu min yeu na. ¹⁷Nǝng hywinǝng bilatu yǝna kǝ yǝvi tsing a kǝ lei yahuda la fih mimpang hyauku.¹⁸Ama ei bei wuu lei bai tsa a pai ɓai yǝɓwui nǝ a yǝɓina kǝ barabba la.¹⁹Barabba yǝɓwui nǝ ei lǝu tansǝ busina bi bǝ ikǝ hakilo zaivǝ ɓai bi hyabǝnǝ.²⁰Bilatu fa nalei bi aka dǝ yǝdi bǝ iena kǝ yeso. ²¹Ama ei bwaɓǝ tsala a, ei piu ei piu. ²²u fa nalei bi a na eta, n ɓai? nǝngaɓai ka yǝɓwui nǝ cwei? n' ci nǝngabai ka sǝu nǝng ha u bukǝrǝ nǝlǝu.²³Ama ei laha ɓai wui tsala dai yǝdi ei piu,lei wui ɓǝ mua hakilo Bilatu.²⁴Nǝngɓǝ Bilatu lii ta vei. ²⁵Lena kǝ yǝvi nǝ ei lei busina bi bǝ ikǝ hakilo zaivǝ ɓai bǝ hyabǝ nǝ dǝlei yeso bǝsi nǝngnǝ dǝi yǝdi.²⁶Da ei cwo ei paikǝ, nǝngɓi ei mua yǝvi aka ïng siman cyrene, ie ku hyua dǝ wurǝ nǝngɓǝ ei dzǝu ka pi yeso la ku dǝu muakǝ yeso.²⁷dzung zaivǝ găla ɓa lei hyei nǝ dǝ bazhi nǝ mua cwau. ²⁸Yeso myem nalei a lei ya yǝhyei urushelima, bǝ ɓa ei nǝǝng mǝng bim ka, ɓa tata kǝ kuba la ɓalei yǝɓa.²⁹Lei vi la dǝ wurǝ nǝ ei naɓa kǝ a 'Barka kǝ lei vǝna la bǝ ciyǝ vei yaun nǝ don ei ci kon ei dǝ milou. ³⁰Yang ei bani bǝ nakǝ lei tai la a, ö kubi, yang kǝ tai anga la a lambi. ³¹Nǝ ha ei cwei lei nǝng nǝ laddah nǝ ka la ɓai ɓyǝ kǝn, ɓa wun cworǝ nǝ u' cin hǝi?³²Lei ɓwui ka labǝ na'iu lei nǝng ie nǝng lei cwahyei tǝ bǝ hyalei;³³Da ei wu bǝɓǝ la dai ɗu a ɓǝ ''kwanku' bǝbǝ ei pilei la cwahyei ɓalei nǝng ienǝng bǝ, yǝvah a tsing nalii, yǝvah a tsing namii veu. ³⁴Yeso na-a, da a yafa lei la, do ei ie nǝngnǝ dai cwerǝnǝ lǝu.nǝngɓǝ ei cwei hyau ku nǝng yasi veu ei hăng nǝ.³⁵leivǝ dzi bǝbi dǝ ɓaurǝ lei vanga hyua laɓǝ dzi dǝ cweu hyeilim ɗǝ narǝ a, u yung leivah aka, u yung ku labǝ nǝng u kristi vǝ fih, yǝvi nǝi dǝu nǝng.³⁶Lei ta ɓeui hyua laɓǝ dǝ cweu hyeilim dǝ wukǝ sǝu dǝ dǝukǝ mǝng a amrǝ. ³⁷De nakǝrǝ a, mang yǝvah vei lei vei lei yahuda yang a yung kuma; ³⁸Nǝng aka la labǝ ka ku dǝ narǝ a ''yǝvi nǝ kǝ yǝvah vei lei yahuda.³⁹Tansǝ lei nǝng ienǝng nǝng cwahei ɓaukǝnǝ yǝvah tsing dǝu dǝ narǝ a ''mang kristi lǝu? a yung kuma ɓai ɓi laɓǝ mana. ⁴⁰Ama yǝvi a tsing lekǝ dǝ narǝ a, a hywie fih wau, don kita ɓi tsing ɓau kǝ? ⁴¹Bǝi ɓi ei cwei ɓi kǝ nau, don dǝɓi mua nwahyem nǝngnǝ ɓi cwǝnǝ, ama yǝɓwui nǝ cwei nǝng aka ɓaila lǝu.⁴²Nǝngɓǝ u na-a yeso a kem bim tan vah mai. ⁴³Yeso naula a biagang dǝ mǝng nala, lyanǝ mang ku cwahyei ɓaimkǝ tansa firdausi.⁴⁴N' ɓi hyiucun bǝdzi wuku hyua ha,ha takǝ ɓi hunghyue. ⁴⁵Da fih myem kaɓi, nengɓǝ laɓulei kom fih angă hyăng tansǝu na'iu.⁴⁶Bǝ tatăă ɓai wuikǝ yeso na-a da nama n' dzǝ hyũrǝm lada u nabi bǝ nǝngɓǝ u ɓwui ⁴⁷Da yǝvi samɓai ɓǝla ɓa nǝngnǝ cweisǝ nǝ u kă fih dǝu narǝ z biagang yǝɓwui nǝng yǝvi a biagang.⁴⁸Da lei dzung zaivǝ wu kwaha bayǝ tsing ɓa lei nǝngnǝ cweisǝ nǝ ei fa dǝi gbana nyinyi lei. ⁴⁹Ama lei vǝ nǝ ieing nǝ ɓalei hyei nǝ wu ɓaukǝ Galili dzi cweila dǝ ɓa lei nǝngnǝ.⁵⁰Yǝ ɓwui aka la dǝi ɗu a yusufu u tansǝ lei vanga ă hua yǝvah a bǝgang ɓai yǝvi cwei nǝng agan. ⁵¹Yǝɓwui nǝ gwa lei nǝngnǝ dai cweirǝ nǝ lǝu, u lang Arimatiya hyue vei lei yahuda dǝ ɗwibǝ vah fih.⁵²Yǝbwui nǝ wusǝ Bilatu wu ɓibǝ sǝ yeso. ⁵³ũ ɗǝi u kwam tansǝ manti hyila u lei tansa ɓwa ei ha tansa tǝi ɓǝnǝ ei lei yǝvah aka lǝu butsing nǝ.⁵⁴N vi birǝ mimpang, mimpang vi sati tǝ ta bǝ baniu. ⁵⁵lei hyei nǝ wu cwahyei ɓai yeso Galili nǝ mua cwau tǝ tǝ ba yada ei lei kǝu tansa ɓwani. ⁵⁶Ei fa wei malei nui a yeirǝ la-la ningbǝ ei hei fih sati bǝsi nwaɓi.

Chapter 24

¹Tan nwandwaɗui naci sati bə,ei wu kudzum ɓai nui a yeirə lala nə ei manə.²Wei ci təi nwa ɓwa bə cwo facwang nwaɓwa bə.³Ei ta tang ɓwa bə ama təi ci kwaɓwui yəcuevah Yeso ləu.⁴Lei tangsə ku a tsarə danla lei ɓwui aka naiu dzi bu lei ɓai nəng yasi hyumla.⁵Səbi mua lei hyei ɓə ei ba nakə leihyei ɓək a "ɓakə də babə lewi hyũrə tangsə leivi ɓwa?⁶U yaun bəni u ieng ba kem yada u naɓa kəla,anə u galili nə.⁷Dəu narə a ein də yi yəvin də naleivə nəngaɓai,ein piun pi bu naata u le-ieh.⁸Leihyei kem lei biɓə.⁹Nəngɓə ei fa nəngvei nwa bwaɓi təi na lei nəngnə ha kə lei muangvə Yeso a hyue,irəu tsing ɓalei naulei.¹⁰Lei meri magadaliya,yuwana,meri a navə yakəbu balei nəu leihyei ha ta tə nalei nəngbə kə lei yə cum və Fii la.¹¹Ama bi ɓaman bi a fam səlei yi tacum Fii ɓi don ei gwa bi vei hyei ɓələu.¹²Bitru ie dzi ɓai bu hyuedzum ta kudzum ɓai bə dzəhyua veu də ɓa tangsəu u ɓan manti nə ɓwasəu,Bitru pai ta vaveu də kemrə a ɓa cweinəng həi.¹³A səi leivah aka na'iu tangsə lei də ta hyua bə la dəi ɗu ɨng a imawus nə virəu.¹⁴Dəi zamkə hala bi lei nəngnə cweirə nə.¹⁵Da dəi zambi ɓə dəi ɓikəha nəngbə Yeso ɓai ku fu cilei ta ɓalei kə.¹⁶Ama nəng lei lam ei ɓau ei ielau.¹⁷Yeso ɓilei a lei bi ɓa ɓa naiu nə dəɓa zamrə də ɓa hokərə nə?ei dzi bəbi dəi ɓabə ɓai nəng a numrə.¹⁸Yəvah aka tsing tangsə lei ɨng kiliyobas gwau nwa a "makə yəvi bwasəu ibə leu¹⁹Yeso nalei a lei nəng aka?Ei gwau nwa a,lei nəng bi Yeso yi nazara yi taacum Fii anga ɓai bi a bəgang ci Fii ɓai zaivə ha.²⁰Bai yada lei kunlau anga ɓalei mua hyua ɓi dzəukə kə na ɓwa ei piu kənə.²¹Ama də ɓi dzə nyi-nyi ukə yəvi nə təung yung israila nə,ooh ɓai akang ɓai ,kanə bu năata nə lei nəngnə cweikə sənə.²²Labə leihyei kala ɓi cwahyei ɓalei səɓi mualei nəi ei takə kun dzum bə nwandwaɗiu nə.²³Da ei cikə səu ləu,ei wu wei na a labə ei ɓa lei malaika nə na a u la ɓui hyũrə nə.²⁴lei ɓwui aka la ta cwahyei ɓui ɓikə bəng dzum ɓi tə ɓakə nwanə leihyei nə nanə ama ei ɓau ləu.²⁵Yeso nalei la a o lei lwuirə ɓalei və nyi a cwanə bə dzə nyi-nyi sə nəng nə lei yi taacum Fii nanə.²⁶N'daule ləu kə Kristi la n' nwakə yəɓai sə lei nəngni kəu takə tangsə garəi?²⁷Ba nəu langsə musa takə sə lei yi taacum manə ha,Yeso ɓalei lei nəngla ha biveu nə tangsə kwandwa nə.²⁸Da ɓadi ɓai ɓənvah də tarənə,Yeso cwei ɓama dəu tăaka ci.²⁹Ama ei nau a ku ɓai ɓi.ɗundwi cweing vi ɓadi bə təngrəng,nəngɓə Yeso ta tə kuɓailei.³⁰Cweinəng da u ku hyua u tang nəng ɓalei kə,u ɗə diyang u dzi barka u oõwa u dəlei.³¹Nəngɓə nəng lei ɓaib ei ieukə nəngɓə u badzi səlei.³²Ei nakə hala a "n nyi-nyi ɓi də cwemrə tangsə ɓi nə də nakə bi ani ɓi nəngă nəu u ɓaikə kwandwa nələu?³³Ei ie tangsə ɓi bə ei fa ei tăa urushalima təi ci nəulei hyue irəu tsing gem cwahyei ɓalei vanə cwahyei ɓalei kənə.³⁴Də narə a yəcuevah ieng kagang,u iekə siman lang.³⁵Ei nalei nəng nə cweisə nənga ni ɓai yada ei ieka Yeso kasə bə oowa diyang nə.³⁶Da dəi nakə lei nəngbə Yeso ɓai ku dzi nəngtansalei nalei a "ntaa səɓai?³⁷Ama ei ɓiɓi seɓi yəsə lei dəi ɓa ɓama ei ɓang kwang a ɗurə.³⁸Yeso nalei a ɓakə dəɓa ɓiɓie ɓakə bə ɓiɓi yi tanyua ɓai kum,ɓatam na səm ɓakə bəkə bə ɓibi yi tanyua ɓai?³⁹Ba ɓa nam ɓai k abumin mii ɓai kum,ɓatam na səm ɓa ɓa don kwang a durə yaun ɓai dwasə kon kuku kə nwanə ɓa ɓasəm ni.⁴⁰Da u nakə binə nəngɓə u talei nasəlei nau ɓai kabu.⁴¹Ha lada ei gwaləu bəsi larə nyi-nyilei ɓai səɓi nwalei nə,Yeso ɓillei a ɓala ɓai nəngnə ɓan taurə nəi?⁴²Ei dəu hĩng a wurə.⁴³Yeso mua tang cilei.⁴⁴u nalei a lei nəng nə kə lei bim nə də məng naɓa la anə mi cwahyei ɓai ɓakənə nakə nəngnə haeicwei tangsə nwabi və musa ɓai lei yi tacum Fii ɓai ɓim məng wun yikun yi.⁴⁵U ɓai nyi-nyi lei dokə ei ibə nəngnə kwandwa Fii də narənə.⁴⁶U naleibbla a,ti cweing a Kristi wun cwei yəɓan cwei u ie və a năata ɓea.⁴⁷Tubi ɓai bə na'nwa nəngaɓai tangsə ĩngu ei nakə hyua la ha bənəu urushalima.⁴⁸Bakə lei shedam sə lei nəngnə.⁴⁹Ba də məng cum nəngnə la dam gwaɓa nwa səunə,ama ɓa ku tangsə vangă ɓi ha sai nə ɓa ci samɓai ɗuiyeng.⁵⁰Nəngɓə Yeso lei ci ha ei ɓadi:bataniya,u ɗəm nau ye u dəlei barka.⁵¹Cweisə da ɗəu dəlei kə barka nəngɓeu u yəlei kə ei ɗə ei takə ɗuiye.⁵²Nəngɓə ei hyaukə ei fa nəngvei ei ta urushalima ɓai nyi-nyi larə gəra.⁵³Lei vəniha tankom Fii angă dəi də barka kə Fii.

John

Chapter 1

¹Na nwa ci səu bih la, bih bə twa həi bə Fii kə bih bə Fii.² Uh tcwahai bə Fii kə na nwaci.³ Nngbə aə malan tsiu,le ning kə yang wa ne malan ts'u leou nə.⁴Hwu rə la bəu kə,hwu rə nə mem kə dwa nə də gabə sə le və.⁵ Dwa bə də gabə tangsə bəji, bəji bə pai sambə dwa bə bə leov.⁶Yivəkala Fii tcu mu,ing nwuing yohanna.⁷ Yivənə un nabi ku dwani də garə,dəu kə levə də bi agang kəh tsiu.⁸Yohanna kə yi və bə leov,ung wu dəu kəu u na bi a gang ku dwabi.⁹Ukə dwa bə gang ning də bie gang kəle və lakpəm nə də wu tangse fangwam.¹⁰Ntang sə fangwam,ə ma fangwam bə kah səu fangwam iu leov.¹¹ U wu sə le və vou,le və vou mo leou.¹²Leh və nə ha nəmo,jhi nyi_nyi tsəu ku bi vəou yang,u də le nənggha ə myemkə leh yi Fii.¹³ Le vənəciləi bəi nəngha hwui leou,bə nəngha tsə leou,bə bə kembi və yivə,ə ci əi kə sə Fii.¹⁴Bi bə myem kə sə tangsə bi.Bi və garə vəu,gharə və yi vangha nə wu sə Fii,u bə nəng a gang yi səu.¹⁵ Yohanna na bi agang bə tca rə,də na a,"yi vəng də na bi ku a yi vəng də twuam ni,u tcah,u pem yang,u wu yang dəu kəng wu".¹⁶U lo ga rəng nəng bə,bi muo garə ku garə.¹⁷Bə twui kita wwang sə musa.garə bə bi agang wulang sə Yeso Kristi.¹⁸ Yivəh ba Fii ləu kavie,u kə Fii u tcing,u jhi gangwu sə dah,u ta na səu.¹⁹Ning nə yohanna na a nə le yahudawa tcum kə le lawiyawa ə ta səu,ə biu,"mang nwatcing?"²⁰ U na nəng fa ,u tcah nwa leu,du gwale la a,"mi kə Kristi leu."²¹ Nəng bə biu,"kə fə mang watcing?mang iliya?"u na,"mi ləu" E biu "mang yivə nanwa?"unaa mi ləv.²²Nəng bə nau la, "mang nwatsing,dəu kə bi na kə le və tcum bi nə?də man də kuma mang wei?²³ Una,min wui nə də ɗubə ɓəng vuh,ba ma nəngha və yitwuiva,bəman nəng nə ishaya yina nwa.²⁴Le və nə ə tcum ləi nə le lang tsə lə farisawa.nəng bə ə biu na.²⁵ Bi ba də mə tui baptisma nə nəng Kristi laun,mang iliya ko fəh yivə na nwatcum?²⁶Yohanna gwalela a,də min tue baptisma bəməngkə.yi və kəla tangsə bəi nə bə iu ləu, ²⁷ yivə nə də wurə twam ni kon bəi huo vəu nə mbom nbiwa.²⁸ Le nəng na twui tsə lang baitanya a gwama urdun,bə nə yohanna də twui baftisma nə la.²⁹Gabə səu bə wuka tsəu,na,"bə bnəng bu gam və Fii yi və nə də nəng a bəi fangwam.³⁰ U bə na bə la na kə,yi və nə də wurə twum pəm yang,u wu yang dəu kən wu.³¹ Nng iu ləu,bisə e ta le na israila nəng bəng wuh də min twui baftisma bə məng .³²Yohanna də bi gang,una,"mbə kwang bə ngo duiye,kuka ku.³³ Mima niu ləu,yi və nə tcumi,n'ng wei baftisma tang sə məng,nam la na yivə nə ba kwang pie hyua kung,u bə nəbdu huei baftisma tang sə kwang Fii.³⁴ Bə,ndə nə a gang ku,ung yi Fii".³⁵Bə ga bə səu,yohanna bə le va kə na iu tang sə le mang,³⁶ E ba Yeso də pəirə,yohanna na,"bə bə,yi ming bu'ng gam və Fii!"³⁷Le mong və yesuna iu li duna rə,nəng bə e mua twua Yeso.³⁸ Yeso myem ba əi də e mua twua,nəng bə una," ba də bə yidi?"e gwuo la, e na,"Rabbi (yivə nyi na sə nəng),a ku lan bə?³⁹ U na a,"wu bə bə." nəng bə e wu e bə bə nə ula bə,e ku bəv kə fībə la,bi hyua.⁴⁰Yivə tsing tang sə le li bi yohanna,e muo twua Yeso,u kə Andrawus,hyue siman bitrus.⁴¹ U dubə hyue siman u nau la a,"bi chi yichweivə yang"(yivə də dubə kə "Kristi".⁴² U wu kə sə Yeso bau a,"ma kə siman yi yohanna.e dua kə kefas,"(bəmang Bitrus).⁴³Bə gabə Yeso ta bən ta galili,u ce filibus unaula,"a muo twan.⁴⁴ "filibus bə yivəh baitsaida,va və andrawus bə bitrus.⁴⁵ filibus ai natanailu naula a"bi ciu yang,yi və nə musa vie nəng ku tang sə attaura bə le na nwa.Yeso yi yusufu,yi nazarat."⁴⁶Natana'ilu nau la a,"E chi nəng a gang nci nazarat yang nci."filibus naula a,"A wa bə." ⁴⁷ Yeso bə natanailu də wu səu na bi ku a"baba yivə israila nə bə fum bə yang wa səu."⁴⁸ Natanailu naula a"yivə nyi nasə nəng,mang yi Fii!mang yivəh israila"⁴⁹Natanailu gwa'u,la a yivə nyi nasə nəng,man yi Fii,man yivəh israila.⁵⁰ Yeso gwaula a,"bi bən nalə nakə nɓa bwayi ka vəi,a gwalang ngyeh?ba bə le nəng nə bəi pei le nəng a nə tcarəh".⁵¹ Ka gang dəmin nalə,ma ɗuye bəi,bəi rə,le malaika və Fii də pie də twui rə ku yi yi və.

Chapter 2

¹Bu nata bəi,tangsə kana ku hyua galili,bə jʒa vəla bə na Yeso kə bibi!² E guu Yeso bə le mongbui vəu.³Mang kə tang na və Yeso naula a" məng kha yang wa"⁴ Yeso naula a "yi hyei,nbi bə ka wu səm? lada vim jhilan"⁵ Na vou na kə le və twuei nwatcum la,"bə ̧twuei nəng na ha u nabə la ha."⁶Len jhəu jhə nəng la a səm bi,ni hyie tcung bə nə le yahudawa də twuie nəng hyuinəng a lo nəng a bəi vəi,jhəu tsing ndə tasəu hunhyue hunhyue.?⁷ Yeso na le a,"ba əi məng yila"nəng bə e əi məng hila.⁸ Nəng bə u na leivə tcum nwatcum la a," tangsə tə ba də kə yitwuei mim dua yihei" nəng bə ə twuei ma nəng bə.⁹Yi twuei mim yi yihei bang nəng nə myem kə məng khə nə bnang,u i bə nə ila (le və twuie nwatu bibi mi ə ibəyang).nəng bə u dubə yi bui a fuh.¹⁰ U naula a,''ko nwala bang məng khə ai hyirə na nwaci,nə twua leh və kpəu la nwa yang,kə ci twua nəng bə nə hyie təun kəfə mama a jhi məng khə a gang səmai''.¹¹Nəng nəkə ta na sə nwatcum və Yeso ku hyua kana a galili,u ta na sə ghərə vou,le mongbui vou də bi a gang la.¹²Ci twua səu, Yeso bə na cirə vou bə le hyiu kə,bə mongbni vou e ta kafarnahum,e ku bibu vi twuo ni.¹³Mim bəng hyərə ba pi yang,Yeso pəi ta urushalima.¹⁴ Tu ci le vənə də lyiah le hyua bə le nəng nwa bi ku bibi.¹⁵U ma bə kə hyoka u nyəmlei tang kom və Fii,bə le nəng bu ngam bə le hyeou;u ei lei nəng nwa bi ha,bə le və pem nəng,u ya bə kurə ha.¹⁶ Una le və lya go vah a,''ba i kə le nəng nə bəni.bi ba mem va dam bə lya nəng ka.''¹⁷Le mongbui vou kem a nəng bə e vie-vie,''bə yidi nwacum ma muo nyi-nyim nəng.¹⁸ Le vanghə və yahudawa e gwa lə a,''ba mam ta bina lə bə le nəng nə dəman twue rə nə?¹⁹Yeso gwalela,''bə dəi kom Fii,tangsə bə na ta mim mi a kan mi,''²⁰Nəngbə levangha yahudawa na.'' e də ha hun nya iriu hyie tsing kə tinkə kom Fii nə,ma di bu nata ka mikə?²¹ Du nəh bie kom Fii a tangsə kə.²² Fii nə la ə iu kə tangsə bua,le mongbui vou kem a u na yang maning bə,ə fa ə də bie gang la bə le kwang jua bə bi nə Yeso na n.²³Vi a kə la min bəng hyia ku,le və kpala də bi a gang ku ing'u,də bə nəng twuei a də sibi nə du twuei rə nə.²⁴ Yeso gwala lə kə ui-bə levə yang kpəm,²⁵ U gwala yi va kə də bi gang.ubə kukə,u i bə nəng tangsə yua yi və yang.

Chapter 3

¹Yibui farisa a kə la,də kə,nikodimu,yivangha tang sə le yahudawa.² yibui bə nə wusə Yeso ing vie u naula,''yivə nyi na sə nəng,bi i bəng nə ma yivə nə wu sə Fii leon,yi vaka yang wa nəng twuei nəng nə də ma twuei rə nə,sai Fii bə ma kə''.³Yeso gwaula a ''nəng bie gang, bie gang nə mem nə cia leon,a bom a ba ta va Fii wa.⁴ Nikodimu naula a, en twuie voh en ci kə yi və, nəyi və kwi yang?un fa ka u ta tang sə yua navou dəu kə e ciu kəi,uh bubon mai?⁵Yeso gwa a, nbie gang nə fa ci yi və bə məng bə kwang ləu yang,u ta vavə Fii wa.⁶ Nəng nə e ci kasə,kə,asə,nəng nə e ci bə kwang kə,nəng bə kə kwang.⁷Bie a bə nəng twuie bisə n'na la nakə e manala e cia.⁸ Yuah mimem bə nə də yidi bə,mang li səun li,fa ai bə kpəm yivənə e cui bə kwang kə.⁹Nikodimu gwaula a, uoh kəng twuei manəng bə?¹⁰ Yeso gwaula a,''mang yi və nyinasə nəng a israila,hakpəm a ibə nəng nə leu?¹¹Bie-gang də min nə la,də min naa nəng nə lanə nibəng,bə nzing nə də bi gwaula,bə nəng də bi bərə.ma nəng bə,ba la gwa biebi.¹²Nəng na nəng fangwam a gwaula yang ma twuie vou kən min nə leh məng a yeh la kə mang gwaula.¹³ Yi və kə medi ta duiye sai yi nə phə ka duiye:sai yi və.¹⁴Ba mang musa nə də kə jou bənguu,ma nəngbə e də kə yi və ye.¹⁵ Kəfə le və nə də nyunyi səu ən ci hwurə ka ing,¹⁶Fii də yidi fangwam u də yiu nə e ci tsing bwatcəu yivənə jhi nyinyiu u ci hwurə nci ka ing¹⁷ Ki twum yiu fangwam bi bə hya fangwam ləu,twuei ni dəu kə fangwam kə ci hwurə səu.¹⁸ Yivənə kpəm də nyinyiu səu yang buiu,yivənə kpəm jhi nyinyiu səu ləu yang n bubui,nəng nə twuei nə u də nyinyui sə ing yi Fii tsing.¹⁹Nəng bə kə bi kita bə,dəu kə dua garə kə wu fangwam,le və fa də gwa bə baji pəi sə dua garəi,nwatcum vəi kpəm ah bi nyinyi.²⁰ Yi və nə kpəm də bi nyinyi də la dua garən la, fau ta sə dua garəu wa bifa nwatcum vəu bi i baifang ka.²¹ Yivənə nə kpəm də twuei a bə gang də wu sə dua a garə bivə nwatcum vəu nə du twuei kə Fii la nə,i nəng fatəi.²²Citwuala Yeso bə le mongbui vou e ta kuhyua yahudawa. u ku bə ləi bə le kə dam tui yang du hue baftisma.²³ Yohanna də huei baftisma ainon bapi bə salim kə bəbə məng kpah ing bəbi levə də wu səu du huei baftisma.²⁴ Vibi iə lei yohanna bursəna lada.²⁵Tca nwa i,i tangsile mangbui və yohanna bə yi bui yahuda aka bi ku nəng hyəunəng a hyirə.²⁶ Ei tasə yohanna te na,''yi və nyi nasə nəng ,yi və nə bə makə nwa gwama nəng vəi urdum,ka vhie a ilu yang du huei baftisma, levə hakpəm vəi də ta səu ha.²⁷Yohanna gwa a''yi və bom ci nəng a kawa sai ka duiye.²⁸ Bə bə ku bə ling na kə, mi kə.Kristi ləu, manəngbəng,e tcu mi no ciu dəu kə u.²⁹Yivənə bəi yihəi a. fu,u bə kə yi bui a fu bə,jua yi bui a fu bə ji li,yuo la ing,nəng nə twuei nə u li wie yibui a fu bə,yua lá rəm yi lang.³⁰Un ta ka ci,me mam mim fa tua.³¹Yivə nə wu ka ye pəi levə lang yivə nə i kə duye,u ku le və hakpəm.³² Du na nəngnə bwa cuu li,bə nəng nə u ba bə.yivə ka yang u muo bi a gang vəu.³³ yivə nə kpəm muo nəng nə u na Fii tcum mu nə Fii də nə ei nyinyi rə ləu.³⁴Yivə nə Fii tcum mu nə,u bə du na bi və Fii.kwang Fii də nə ei nyi-nyi rə ləu.³⁵ Da bə də yidi yi bə,u jhi nəng kanau kpəm səu.³⁶ Yi və nə kpəm də bie gang sə yiu,ula bə hwurə bə tang rə,yi vənə ha də yiu gərə ləu yang,u bə hwurə wa ci və Fii lang ku.

Chapter 4

¹Yeso i bə yang a le farisawa li a du ci mongbui bə huei baftisma bəi sə yohanna.² (Yeso fa bə ku kə də tuei baftisma bə ləu,le mongbui vəu də huei kə rə).³ U yi yahudiya u ta galili.⁴U jua wa u mon ka samaria.⁵ U wu vah gha ka samaria,ing bə bə,sika bapi bə bənə yakubu di yəu yusufu lang.⁶Buaməng və yakubu lang bə bə.Tca Yeso ting bə bə ho rə nəng bə u ku nwa bwaməng .Bapi bə bi hyua i rəu na iu a duafi.⁷ Yi həi a ka la, kə le va samaria,u wu bən ta məng,nəngbə Yeso naula a,"Adəm məng nwa."⁸ Le mongbui vəu ta bən lya nəng tang bəng vəi.⁹Yi həi samariya naula a,"Tuei kə ma kə le yahudama də ma bi bi və məng a nwarə sinu,mi nə kə levə samariya?"Ni a ka yau tangsə bi leva samariya bə levə yahudawa.¹⁰ Yeso gwa naula a,"Nə na i bə bə də nəng və Fii,bəi yivə nə də na bi,A dəm nəngi ka ghu yang,u da nəng a hwu rən də."¹¹Yi həi naula a,"yivə nyi nasə nəng,kə fə a yaun bə guga'u,bwaməng fa dui ing.ma chi məng a hwurə bə bəi."¹²A kpəi da bi yakubu ləi,a kpəu yang nghe yi və nə də bi bwaməng ni,maning bə le məng vəu bə le hyeu kə.¹³Yeso gwa naula a,"yivə nə nwa tang nəng ni,un li leng a kan li.¹⁴Yivə kpəm nə nwa məng nə min dəurən,u li leng aka wa.iri məng nə min dəurə nə nin mem kə məng a nə də burə n'n takə hwurə ka ing.¹⁵Yi həi naula a,yivə nyi na sə nəng,a dəm bya məng ma bla,nə leng a ka mom wa,fam wu bənə a ka wa,dəu kən ta məng a ka.¹⁶ "Yeso naula a,a ta dubu ɓu ma ɓa wu ɓə nə twua hai."¹⁷Yi həi bə gwala a "n'n yang 'u bə yiɓui'u."Yeso na,"Ana bi a gang yang ka nama,"bum yang wa.¹⁸"A jha le ɓui ni na hyie,yivənə mə bəu kənə nɓuma ləu.Nəng nə a na nə bie gang."¹⁹Yi həi bə naula a,"yivə nyina sə nəng,ba man yi və nabi.²⁰ Le dabi də hyəu nəng ku tei ni,ɓa ɓa ɓana ɓan urushalima kə nə hyeu nəng."²¹Yeso naula a,"yihəe,a gwabim,nakə vi də wurə bənə ɓa hyeu nəng kə dala wa ku tei ni,ko urushalima.²²Ba də ɓa hyeu nəng nə ɓa i bə ləu.Bie ɓi də ɓi hyeu nəng nə ɓi i bə ba,yaung rə lang sə le ̈ahudawa.²³Vi la də wunə,susounə ma cue yang,bə nən le va hyeu nəng kə ba lə hyei nəng ka gang bə də duibə e hyeu nəng la tang sə kwang və Fii bə bəgang.²⁴Fii nkwang,le və nə kpəm də hyeu'u nəng kə Fii la nədjuou e hyeu tang kwang Fii kagang.²⁵Yi həi naula a,"n'ng i Kristi də wurə (yivənə də ɗu kə Kristi).Vi nə nu wung, un tabi nasə nəng kpəm.²⁶Yeso naula a,."min u, yivənə də nabi nə.²⁷Tang sə vi nə le mongb̃i vəu fa.de .t.wuei siɓhi nə kə du na bi bə yi həi,yivə ka yaung fa na a,"Ba də man yidi?"ko laka,bi ɓa dəu kə man naubi?"²⁸Yi həi bə yi lasə djau vəu,u fau ta bəng va,u nakə levə la a,²⁹"Ba wu ɓa ɓa yyi bui a ka nə namla ha kpəm nəng nən tuei ka vhie ha ɓa.yivə bənə Almasihu bə ləu ci?"³⁰E yi bəng vah e wu səu.³¹Vi bə la nə le mongbui vəu də guorə,de na,"yi və nyi nasə nəng,a tang."³²U na le la a,mi la bə nəng tang nə ɓa i bə nəng ku ləu nə.³³Le mongbui vəu nakə hala a,"yivə ka yaung wukə nəng tangla un tang rə,laka lə?³⁴Yeso na le la a,"nəng tang mi nəng bə twuei nəng və nə tcum mi,tuei nəng nyinyi də nə".³⁵Də ɓan nanə naɓa,nyui fi nanya dəu kə bə i kə nwa bam la?damin na ɓala ɓa nəng ɓa,ɓa ɓa le fanəng nəng yang ha.³⁶Yi və nə də wukə nəng tang kə vah du mo nwa hem nwatcum vəu təng rəu yaung.manəng bə yi nə byarə bə yi və nə də dui rəu.³⁷Manəng bə tangsə bi ni,yi va ka də bye nəng,yi və ka də ɗui rə.³⁸Ntcumɓa ta ɓa ɗui nəng ɓə nə ɓa twuei nwatcum la ləunə.le və ka tcuei nwatcum bə,ɓa ɓa ta tangsə yiɓəi vəi.³⁹Le va samariyawa bə bərə vəi tangsə vha garə də bie gang sə bi vəu bi və yi həi nə na bie a gang ku,"u namla nəng nə kpəm n'n twuei nə."⁴⁰Vi nə le va samariyawa wu səu, e gu'u u ku bə le kə,ta ku bə bu na'iu.⁴¹Leva ka kpəla də bie gang ku bi vəu.⁴²E nakə yi həi bə la a,"Bi də biegang ku bi mai bwasəu ləu,bi bə kuɓi li yang,ɓi i bə yang ka nə u'ng yivə bəbə u ta galili.⁴³Vinə bu na i'u, nyi bəbə u ta galili.⁴⁴Yeso bə kukə na,e də gharə kə yi və nabi a gang ku hyua vəu.⁴⁵U ta galili,le va galili muo na na'iu, e ba nəng nə kpəm u twuei urushalima sə bə hyəu nəng,le ma e ta bə hyəu nəng bə yang.⁴⁶Langfə ta kana ku hyua galili bə nə u myəm məngchə kə məng kha.yiu yi bui a kala nə də twuei nwatcum nwa nəng gha va yivə,səu la wa ku hyua kafarnahum.⁴⁷.U li na Yeso yi yahudiya fa ta galili,nəng bə u ta sə Yeso u gu'u də larə kə yiu nə nwa bua.⁴⁸Yeso naula a,n'n ɓa ɓa le nəng gbasəm bə nəng twuei saɓi ləu yang,ɓa də bie gang la wa.⁴⁹Yi bui le twuei nwatcum bə na,yivə nyi rasə nəng,a wu le bu,teh kəu bui.⁵⁰Yeso naula a,"A tch ma.yi mang hyua kun hyua."yi bui bə gwa'a bə bi nə Yeso naula nə,nəng bə u tah vavəu.⁵¹Vi nə du pie hyrə,le mongsem vəu ta ciu,de narə,yi ma la bə hwurə.⁵²Nəng bə u ɓi lə vi nə u ci dama lenə.E gwala a,"E u,vi a hyie 'iu,sə a la nə yiu yang."⁵³Nəngbə da i bə a tangsə vi a nə bəla nəngbə Yeso naula a," A tah ma.yi mang hyua kun hyua."manəng ɓeng u bə le və tang vavəu də bie gang lang.⁵⁴Nəng nə nəng bə Yeso tah na la,vi na u yhi yahudiya du tah galili.

Chapter 5

¹chuagnnini mimbah veh jewish la ninbe yesu ta urshelima ²kanǝ urshelima kah nwakwam veh nəbuhgam buala bebi he bei n'wayi Aramaic dai bethesda.³nebu leve ne lilarha lau npala lie bəbi le nə nbamrə le hahuea le bwui kana dai min iyi. ⁴Bise maliaka və phee Wu də ba min yivənə ha ha min bi naci bayah unci dama sə ko ninshee bahanə tansə sewu nə də chuerha nəbi.⁵yivə aka la yau bei jamu hau huntsi di diru kan-anya ka-anya.⁶nəbə yesu bau u lue bəbi u dibun chua vihn bəbi u nau a demeyidi bəci jamuw⁷yive ninsheebə gwa wa a yivəhga nyaubei yivənə cuwo le buabin nəminbə baniu bə irhayang nə minwurrhan yivə aka umci yualan.⁸yesu may a la Jbebu a dənə luerrhama a howu.⁹danla yibuibə ci Jammu u kwana gi vau u bani huworrha vi abəla nihurrha.¹⁰nəbə le yahuwa naka yivəbənə ci Jammu bənə a vinə nvi huwurrha Bai nwa fa nama a dəginə ¹¹yivəbə nale a unə u dim Jammunə u nam a da gim nhuwu.¹²nəbə enaw a wa ke yivəbənə na a dəgima a huo bənə? ¹³yivəbənə ci Jammunə u ebə walau yesu esəhua paiyan bəsə zaivənə pahla fadaini.¹⁴chausə yesu wuciu kwamphee nau u a ba a ci Jammu kana bivə a chue nin abai a kanka bisə nə a ka baila ci kau ¹⁵yibuibə nai nakə le yawudawa la Na a yesu deri jammu.¹⁶susuenə bivə nəngnə lei Yahudawa ai dei Yeso bisə u cue lei nəngnə angsa fih sai. ¹⁷Yeso gwalei nwa a "Dam də cue nwa4].sum mima dəmin cue nwas" ¹⁸Bišə nəngnə lei Yahudawa ɓabə də yiɗi bə nhya Yeso bisə un hya fih sai leu, langɓə u Fi mkə daeu, də ɗə ihaa ɓei Fi.¹⁹Yeso gwa'nwa a, "Biagan dəmin naɓala, yi cue nəng aka kə ku lau, ɓuasəung nəngnə u ɓa da4].eu də cuerə, bisə nəngnə da də cuerə yi ma də cuerə langɓə. ²⁰Bisə Da də yiɗi yi deu yiunasə nəngni ha dəu cuerə, yang u au nasəlei nəng hyinla yang deukə u liilarə.²¹Bisə da də ikəlei və ɓuirə də dəlei hunrə, yang langɓə nyi ma un də hunrə kə yivə nə yua gwala. ²²Bisə da ɓə cue kita kə yivaka lau, u dəbə cue kita ɓə kə yiu ²³Yang kon waha də garə kə yiɓə nyanda dei də garə kə daeu. Yinəha də garə kə yi leung, yang langɓə u də garə kə da nə sum mu leu.²⁴Biagang, biagang, yivənəha lii bim yang u ba nyi səu yang yivənə tsuminəng u la ɓei hunrə a ənkərə ai ba ai hya wau. u pei nwa ɓua akə sə hungrəng.²⁵Biagan dəmin naɓala, vii la də wurə, susuenə, leivənə ɓuinə ain lii wui yi Fi, yang leivənə lii nə ain ku ɓei hunrə kə.²⁶Yanda da la ɓei hunrə səu, langɓə u dəkə yu yang. nyang langɓə uma u ci hunrə. ²⁷Da ɓə də yiu samɓei u cue kə lei kita bisə ũn yiyivə.²⁸Biɓa cue səɓi lei nəngnə ka, bisə ii la də wurə leivənə ha tangsa ɓua lii wui lii. ²⁹Leivə nə cue gng ain ieh-ieh ɓua ɓei hunrə. leivənə cue aɓei nə ain talei kə fa kita.³⁰Nba chue nə aka ka nwammu ka Nwana Nlee nəbu dəmin chue kita siu kitam a bəgan bisə dəmin babə a kumlau ama a yivənə chumminə. ³¹nə naka min nabiagan bimle chue a guaw. ³²yivəla də na agang Ebə bi kum bivaule nəbu kə abəgan.³³a chum nwachum sə yohanna nəbu u na biagan ³⁴bi akana dimin muarə nə lansi yivə lau dəmin na nəne bisə ba hyuaku ³⁵Yohanna nhn gabə nə də lee də huimrrha dəba yidi bə lee larrha tanisa huimrrha vua nala.³⁶Ladah biagan nə nla baukanə pai a yohanna yahn nwachumnə dabə dim min take ni thanku nə le nwachumnə dəmin chuerrha də na biagan kum na ndabu chummi. ³⁷dabənə chumminə u bei ku una biaganyan kum lauka ba lee wuin ko kamani vau ko dauha. ³⁸Ba yau being nibivau ka səbai bisə ba Ji nini sə yivənə uchum nə lau.³⁹dəba zam bim də Jinila bisə dəba kem nəbə banci kə hurrhala u bim a tsine nəbu də na biagan kum. ⁴⁰ba yidilam bawa sink bisə ba cike hurrhala.⁴¹nmua gahrrha Na Zayivə-u ⁴²ebang ba yau bei bə yidi bə və Fih nini bai.⁴³nwu bai din dam Ama ba mumlau nə yivə aka wu bai din a wavau ban mohmua. ⁴⁴ban chue uhn ɓan gwakerrha banə dəba mua gahrrha nahai ba bah bə anə si fih bwasiuniu.⁴⁵bi ba kem naba min siumba ci da bika yivənə siumba nə nə-nbu kə musa unə ba Jinilanə ⁴⁶nəba Jəni si musa yang ba Jini sium lambu bisi u vihnə yan kum. ⁴⁷nə ba Jəni sə ninvihnin vau lau ban chue uh ban gwa bim.

Chapter 6

¹chau nəni yesu pai ta nwatin galili lanɓudai duwa bəɓu a min tiberas . ²njun gala Manchua bisə nəbisənə diu chuekə ləvənə yau behn jammunə.³yesu ta diuye kuliteyw tau uwuh beile munbwi vau.⁴kanə mimɓwan hyarrha vəh yahudawa baphing ⁵yesu dəkuye ɓah njun pahla də wu siu wu u na phile a n-pa ɓin liah nətanla biveh vənə wutang. ⁶ama yesu nabinə dokə leey kə philip u bei kuh u ebə nənə uhn chuerrhang .⁷Philip nau a kon nantahn a dinari huhnhui bona e cha lowa levənə-u . ⁸muawangwi vau a tsin adrawus hui siman, bitrus Na yesu a. ⁹yimuahn labəni ɓei nah buorondi na hui bei hying na ɗiu bah fahla?"¹⁰yesu na-a ɓana levəbə uhua vuh la bəbi nəbə levəɓu uhhuahə levə ɓadi dubu na huing. ¹¹yesu də buruondibə chua bə kahbə nəbu u dəkə levənə uwuhauni mangbu u chue lambu bei hyingbu pahla kə wahnə de yidinə. ¹²levə tang yaule chah nəɓu una le muanɓwi vau a ɓah gaum nyile mumuing nə enə bi ɓah yila nyiu nə akangka.¹³E gaumnwa niu nə e kalo hau i naɗiu nə njungbu yi niyu nə ¹⁴nəɓu ləvə ɓah nənə u chue nə e na-a uh yivə nanwa nə e na-a diu wurrha tansa vahngwammni. ¹⁵yesu ebə-hn levənə wun dari bei gyangchah mimyari kə yivə nəɓu u kasiu fau ta ku tey bei nau.¹⁶nəɓu ɗingdi chue le muanbwi vau fa ta nwamin. ¹⁷E ta tan fah dai tarrha ku min dai ta kafanauma bəle bəvə-ng yeso ladda wusə lelou. ¹⁸nəɓu ywah iy bei sembə minbə garrha.¹⁹E ba fah tan kem nah huntsin irrhau na hui being huntsin irrhau huah hi danla E ɓa yeso huwo kuh min də wu bappi sə fah danla səɓi muale. ²⁰neɓu u nale a ɓiba ɓiɓihnka nhnmi." ²¹dai yiɗi a uwa wuh uwah tanfai bə beile beibu danla fah chuiy nwangwam ta bənə dai tala nə.²²bə e gah lenjungnə ji nwamin tekuuini ɓa fah aka fa yau tankuh a nə le muanbwi vau chuiy nə yeso fə talalou ɓale muanbwibə bwasiu lemuabwibə tala phey ɓehntsinle. ²³le fa aka nə le tiberias bapi bei bənə e borundinə yichuevah nkah nə.²⁴Len jungnə ɓah fah yeso lau fahn le muanbwi vau luo ɓəbi lehbei kuhle e chuiy fah e ta kafanahum dai ɓaɓu yeso. ²⁵chuasiu tai ciu ka nwagyan min ɓu ninɓu e nau a rabbi a wu bənə ɗauw?"²⁶yeso miyam make a biagang biagang dəɓa ɓabbum bile ninnnə ɓa ɓah nchuenə lau bisə ɓa tang borundi aka hua ɓa chah. ²⁷ɓi ɓa chue nwachum bing nvam nə də ɓankə-u nə də wukə ni a charrha takə sə hurrha tansa nə yiyivə nhnwu wun dərrhana bisə fih da jə nitengkuh kum."²⁸ninbu e ɓiu a nhn ɓah ɓin chue kə ɓi chuekə nwachum fih?" ²⁹yeso nale a nwachum fih: nəɓu ɓah jəni sə yivənii u chuwm nə."³⁰e nau nhn ɓa manchue ɓin ɓah ɓin jəni səmai ɓa man chuerrha. ³¹Leh daɓi tang manna ɓunvuh lah tansa nəvinin u dile burondi ɗuiye kə e tang."³²ninɓu yeso miyam nale a biagang musa ɗəɓah burondi lau diuye ama nhn damn nəɓu də ɗəɓah burondi a ghang ɗuiye. ³³burondi, və fih nəɓu kə anə wu duiye də wukə hurrha kə fangwam lanə. ³⁴e nau a yivahngha a də iri burondi kon ɗauha."³⁵yeso nale a nhn mi kə burondi hurrha; yivənə ha wutsin ming u lee voum mu u lee lan-u. ³⁶ɗəmin nabala ɓah ɓam, min tansa ninni ama ɓah jəni tsim lau. ³⁷yivənəha da ɗim muhn un wutsim wu nə yivənə ha wutsim min unwa-ukətau.³⁸iy diuye ni nhn wu huanə bi nin a kum la hn bi bə yidi və yivənə chum mi nə. ³⁹Bə yidi bə və yivənə chum mi nə ninɓu bi le ninnə u ɗim nə bi nin-u lahnka bi wurrha vau wu də le u taka duiye vinə tə-nla na. ⁴⁰nənə dam də yidinə ninɓu nə yivənə ha ɓah yiɓu ninɓu u jəniu siuhn un ci hurrha nə ba tuin nə min iwunkə duiye nə vih thenng."⁴¹ninɓule yahudawa bani bə chue tanwa a ɓiba kawa na-a riy kə burondi nə le duiyeh-ai ⁴²dai na-a yeso yi yusufu davau bei navau ha ɓi ihlehn ha?⁴³yeso nale a bah yila tsi bə chue tanwa bwahai. ⁴⁴yivə yau nhn wu tsim bwasiu da nə chummi nə nhn və-u wukərrha min ɗiukə ɗi vih a ci chua. ⁴⁵Ey vivih tansalenawaha ko waha nhn fih.' niu Na tsi ning yivənə ha lee ninɓu mua tsi fih uhn wun tsim.⁴⁶levə ha ɓa da bu lau bwasiu nhn yivənə le sih fih-ni u ninɓu ɓa da ɓə ⁴⁷biagang, biagang, yəvənə jənilahn u la bai huwrrha a nə tanwuhn nə.⁴⁸nhn kə burondi a huwrrha. ⁴⁹le da ɓa tang manna ɓungvuh, nəɓu e ɓuyi.⁵⁰nhn ninnə ninɓu kə burondi nə ɗi duiyeni bisə nə yivə tang aka siwun ɓuyiu uhn huihua. ⁵¹nhn mi kə burondi huakuh nə duiye wu huanə yivənə ha tang aka tansa.nihn un huakuh burondi na min dərrha nə nhn juwasim bisi hurrha fangwam."⁵²bi bani bə zhee le yahuda tansa hai bə tsawuah i'dai na-a en chue uwuh yibwi nə na-a run de Hogan tsi to tey tang. ⁵³ninɓu yeso nale a baigang, biagang nə yivə ha tang hiyam?" yiyivə nwakə huiyiuw lau ɓa ci hurrha tansa ɓai.⁵⁴yivənə ha tang hiyam sihm nwakə huim nhn u lai bei hurrha a nə thəung nə min ɗiukə duiyə ih a chua. ⁵⁵nhn hiyammi ninɓu kə vam a biagang nhn huim nəɓu kə nhn nwarrha a biagang. ⁵⁶yivənə tan hiyammi nwakə yhuim mə un uh tangsa tsin mi lanɓu tangsa siu.⁵⁷kə nwah nə da ɓu la chummi kenə kə nwah a nə mi la bei hurrha bi da ɓunə manɓu yivənə ha tang min u ma uhn yhui yhua bim. ⁵⁸nhn burondi nə wuh ɗiuyeni kə nwa anə le da ɓa tang buyi nə lau yivənə ha tangyam uhn yhuiyhua. ⁵⁹ama yeso Na ninne aɓu uh tang kwam bə gwuh fih a ɓu ɗiu nina tsa nin tangsa kafanahum.⁶⁰le muabwi vau phala le nə-nnə uh nanə e na a shee ɗing nhn wa leerrhai?" ⁶¹yeso iyɓuyam le muanbwi vau də chue tannwa si ninni u nalelanə ninɓu u nale a nin nə nhn na nə. "nhn nin a bey?⁶²nhn ɓa kah anə nə ɓa ɓah yizayive fa də ta duiye bənə u iyla nə? ⁶³nhn kwahn nəɓu hurrha.juwatsi yau bei bwatai kwu big nə nhn naɓala nə nəɓu kə kwahn, la kə hurrha.⁶⁴Ladah nə levə akaɓala jeni lalou si bə baniu yeso iɓung levəla jeni lalau u iyin ɓa kə lehn bei yivenə wun ha bwa vau nə. ⁶⁵Nhn bisiu ninɓu nəɓu nakə yivə yau wu sim sai nə da ɓu dau ningah ɗai.⁶⁶bi və nin nə, le muanbwi vau yhui pai e hou aka lau ɓeukə. ⁶⁷ninɓu yeso nakə hua ɗinadiu nə la a bama lanbu ba yidi bə phairrha lau?" ⁶⁸siman b,nau a ɓin tan si wai? mana bi huwrrha. ⁶⁹ɓi je nini lahn fa wuɓi,Iɓe makə mai tsarki və fih."⁷⁰yeso nale a, Nhn mi. cikuɓa yhua i nadiu nə lau yivəba tsin Nhn nin a bei?" kanə dawuh na abə yahuda yih siman iscarioti Nhn u tansa hua i naɗiu nə Nhn liya ɓai yeso.

Chapter 7

¹Chua siu yeso paid tai Galili u yidi bə ta ka hua yahuda lau le yahudawa də yidi bə jə jummuh. ²kanə mimɓahn mivah vəh yahudawa baphing.³le huiw nau a yiɓənə a ta yahuda duakə le muanbwi ma ɓa nwachum nə a chuenə. ⁴yivə yau də chue nin tanbəji nə dau yidi e iri nanfa lau. Na chue le nə nin, tana kumai kə fangwam ming.⁵kon le huiw ma jəni siu lau. ⁶yeso nale a vim ladah wu lau ama aɓa masium kon dou ha. ⁷fangwam ba la ɓau, uhn lanmi bisi dəmin nabi ku nə a bei vauw.⁸də ɓa ta le mimɓang miam Nhn bah ta mimɓang-u business laddah vim jə lau. ⁹chua nin ni nah hanə ninɓu uh vau Galili.¹⁰le huiw ta mimɓang bə ninbu ham uma u ta ama u le siuw nə fa lau. ¹¹le yahudawa də ɓah ɓau mimɓang dai na" u bei?"¹²Sam ji kuh ɓə gwamhavehɓi levə aka a un yivə." a biagang levə, aka a yau duw yahzayivə kəta. ¹³yivə yau də nabi bei wi dai hui le yahudawa laddah.¹⁴mamɓing ɓu ɓadi ɓə eniku yeso pai ta kuwom və fih ta ɗə nina si nə. ¹⁵sibi mua la yahudawa chue-uhn kə yibwi nə ikəbenə mamɓai? u Zam vuh lau." ¹⁶yeso gwale wah a bə ninasinə-m Nhn amm lau Nhn a yivənə chum nə.¹⁷yevənə ha də yidi bə chue nin nə ɗiu yiɗi nin uhn ibə bə nina cə nin ieh ko fa də wu lansi fih ko fa dəmin na kə a kum mai.¹⁸yivənə ha də nabi kə bi kuhvau ɗau pha bin garrha kuh. yivənə ha da pha bə garrha və yivənə chummunə Nhn yivə a begang e chiu bei nin a ɓeiu.¹⁹musa deɓah doka luo har laddah nə yivə aka yau ɓunɓyai muah. Nhn ɓah kə də pha yidi bə yhiarrha? ²⁰juhng bə gwawah mala ɓa ninvih Nhn nwa fa də yidi bə yhirrha?²¹yeso gwa le nwa a Nhn chue nin aka lou siɓisiu muaɓai. ²²musa chum nwaha bə lau. a kuh ɓai nau Nhn a vəhdaɓi a naci lanɓə də pha chum nwaha yivə vihurrha.²³nə ɓam chum nwaha yivə vih hurrha bisi ɓa kam kə doka və musa ɓi uwah kahn Nhn bə kə ɓa kə yhuaɓa də və simba bi yivənə Nhn yhua vi hurrha ni. ²⁴bi ɓa chue kita bə ɓaha nin kə ɓa chue kita agang."²⁵levə veh aka urshelima də na-a Nhn u yivə dai pha ɓuw kə e yhia nə lou? ²⁶ɓa ɗau nai ninfa e na nin akalou kuh lau levə kubi iɓe lau Nhn u ɓu kə christi Nhn chuchue." ²⁷la dah ɓi ibə yivə a nə ɓei lou ama na christi wuyan yivə aka yau iɓu u wulan pai."²⁸nəɓu yeso tata ɓei wih də na-a ɓa pem pa immin, ba lebənə Nhn ila wuhnə Nhn wuhbi akum lou ama yivənə chummi nə yivə agang ama ɓa iu lou. ²⁹Nhn iuyan Nhn wulansiu Nhn u chummi."³⁰daily yiɗi bə mua ama yivə aka yau kem na su bisi vih murrha jə lou laddah ³¹ləvə phala tansa jung jəni siu dai na-a nə christi whun uhn chue nin aka ɓai a nə yivə a nə chue nai. ³²le farisiyawa Lee Jung nə chuani də na nə kuh yeso ninbu levahngah nabi fih ɓei le farisiyawa e chum levə agah aka a tai mua.³³yeso nale a Mila ɓei ɓa vichuani yang min lasu yivənə chummi nə. ³⁴Ban ɓahɓum ɓa chim mu. bənə Nhn tala nə ɓa ba ɓa talau."³⁵le yahudawa bani ɓə nahala na uhn tanɓa kə ɓi ciu wai n ta si levə yaha tansa levə a Grik un niey le nasi nwa grik ai? ³⁶Nhn nwabi bi nə uhnakə a ɓan phaɓum phaia am ɓa ciem mu bə Nhn tala ɓa ba ɓa wulau'?"³⁷nəɓu vih-angha nə en e niku miambwang ɓe nə yeso ɗieji tatah bei wi na-a yivə ha lahng də yhua u wu sim wuh nwamin. ³⁸yivə nə jəniu sim kə nwa anan dərrhan wul və fih na' nə min a hurrha nəɓu wun zeh tan yhuwau."³⁹ɗuw na nənə lan ku kwah nə levənə jəni siu uhn mua; hurrha kwah ɓu laddah e də lau yeso laddah mua ngharrha lau.⁴⁰levə aka lee mangɓu nə e na-a biagang yivə nə Nhn le nawah. ⁴¹levə aka a u ninɓu kə christi ɓu. levə aka christi də wuh lan galili. ⁴²dreunwul Na lau a christi də ɗie lan bwah biyah dauda ka baitalami vahnə dauda ie lane?⁴³ninɓu kun jungɓə bə chah ha bivou. ⁴⁴levə aka veh də yidi kə mua ama ko yivə tsin ɓunle kem nasiu lou.⁴⁵ninɓu levə charh ɗi fawuh si le vangah bi fih ɓale farsiyawa e ɓile a ɓah kə ɓa wuh kə lou?" ⁴⁶yivə yau də nabi ninɓu.⁴⁷le farisiyawa nale a e fə-m ɓan laɓula? ⁴⁸ɓa ɓah Nhn le yichue hua ko fan la farisiyawa jəni siu. ⁴⁹Jung nə ha iɓu doka lauhn uhn ɓahngkə ɓahng⁵⁰Nikodimus yivə aka tansa le farisiyawa yivə nə wuhsiu nwanjudue nə u nale a doka ⁵¹doka bi nan a Na chue kita kə yivə naci chuasiu ka lee bi vau kə iɓu nin nə u chue nə? ⁵²ninɓu e muabi nwa e nua a lanɓu a wuh lan Galili a bindi a ɓa le na nwah yau Galili.⁵³bə bi nə kon wha fata vah vou.

Chapter 8

¹Yeso ta. much tey olives. ²Tan Mean Nuance uh fa Just u wu Khan phee neɓu leve again ntnɓu uh ɓei le day notice Na si ntn.³Leve viy nẹ ɓasle farisiyawa ẹ will yihei aka né ȩ just u like ɓai yibwi set le ntntasale.⁴ntnɓu ẹ Na yeso a yive missing ''.yihei nə ɓi mua much yibwi lue ɓeuke. ⁵doka vẹ musa Mayans a iri levene ẹ wah le ɓei tey. Nhn ɓah anakuh.⁶dai na douke ẹ niukẹ lauẹnci aiɓa ka kuh kẹ sehmmu Ama yeso ba kuh hua devih ne hua ɓai Nwantnyhuana.7 laha dai ɓiubi ne u iy u ji beibu u nale a yivenaha ɓunɓai yau bei abibai u oci u oci u bani be wa ey si yiheĩ ni.'' 8 Lad day u can u ba my hua dau vihne bei Nwantnyhuana.⁹ȩ lee ntn mtnɓu nẹ e yaha tsi si bamiu si yive agang chua siu yeso bi yihei bwasiu e yila bebi ne ji ne ɓuhnle konẹ.¹⁰Yeso ẹji beibu nau a yihei le.ene dẹ bi Nwama lebei? yive aka ɓunle ɓan ake lau.

¹²ha lada yeso de nale bi a rike hummrrha fangwan yivene mua chuam mtn u wuho t ansa vihnw ama uhla bai huimrrha a hurrha.'' ¹³Lẹ Farisa nau a do ma de sheda kuhma bai nama sheda bo a begang''¹⁴Nən ibe bene nhn wuhlan bai bene fa bene fa mni .alantns Ama bɓaɓɓa ɓa iba bena ba ila bai bənə bẹ ila bai bene ɓan alalou.'' ¹⁵debe chue kita ka a zayavi nhn chue kita lou ke yivebahka tsin. ¹⁶ko fa ne chue kitanh kitam a bagang bisi mi bai tsing lou chnahai bai da ne chummi.¹⁷ manebu tansa doka bai e vievih sheda veh va na iyuw nabu ke begang. ¹⁸minde sheda kum bai nam. bai dane chummi ne lanbe de sheda kum.¹⁹ntnbu e nan a dama bai. yeso nale a ba imiou sakoka ke dam. neba imi konh ban i da bun i. ²⁰duw na bi na tansa treasury ke nwa ne dau ninala tankwom phee ni yive aka muawla bisi lad dah vie vau je lou²¹manbu lad dah ledui bi u nale a demin tamta sibai ban phabum ban bwi tansa ntn a bei bai. ²²le yahudawa na. a uh yhuiakuh? nene hue unah a bene rin tala bi ba bi tau ne?²³yeso nale a bane banle ve a huana mi lar dueye ban a fangwam min a fangwam lou. ²⁴ban bwi tanse ntn a bei bai. bwasiu ne ba jeni nabai miba louhng.²⁵dai nau a kane wah ke ma? yeso nale a batsin nabala nwanduadue. ²⁶mila bai ntn bala min na kubai mi chue kita kuh bai ko nhw ha yivane chummi ne yive bi agang le ntn ne nhn lee siu nebu demin nake. ²⁷e ib lau nale bi lankuh da be.²⁸yeso nale a vineha ne ba le yizayive diliyehn yang ban ebe nhn mi be. chue ntn lau bai kum ke nwane da bu nimnak ntnbe nake le ntnle. ²⁹yeve ne chummi ne ula chuahai baimke u yim li lara siune. ³⁰yeso nake le yahudawa ne jenisiu ni neba kuh tansa bimmin ban le muabwim a begang.³¹yeso nake yahudawa ne jenisiu ni neba kuh tansa bimmtn ban le muabwim a begang. ³²ban ibe biagang. biagang bu ntn bu huaba ke kuh. ³³e gwau nwa a bi le biah Abraham bi medi be cue maugnseum ve yive aka lou chue uhw kanahmah e yuangbi yuang.³⁴Yeso nale a biagang biagang vivene da chue ntn a bei uhn muahngseum ve i ntn a bei. ³⁵Seum kuh tanveh kandiuw Ama yibe de kuh yanveh kanding. ³⁶ne yibe dike nwa yibeng kandin a begams ko douw.³⁷Ibung ban le bia Abraham de ba duibe hyian bisi bim yan bai beka sibai. ³⁸demm na ntn ne bah bei dam ne bama lanbu deba chue ntn ne ba lee Nwa da bai.³⁹E nau a dabi nebe ko Abraham. Yeso nale a neban leyi Abraham yang lau ko ba chue Nwachum ve Abraham yang ⁴⁰Lad dah kane de ba babe yjimriha yivene naba biagang la me nhnlee si phee Abraham chue ntn ne lou. ⁴¹deba chue nwa chumm ve da ba E nau a. E chue a fam nebu ''E cibi kelou dabi tsin bwasiu nebe ke phee.⁴²Yeso nale a. ntn phee ke da sibai lau ko ba yidim mtng. bisi Nhnwuh lansi phee mi la ne: wubbei kum lou. u chummi. ⁴³ba ke ba ibem lou lan chua bim ne ba liw ne. ⁴⁴ban a ve daba ntn abai nebu deba chue ntn ne daba bu de yiding. uhn le yhiabu ka kwue. uh jiku biagauw. bisi uh yaulo bei biaagang. ne u na Nwadiunhn dau na ke Nwa a ne ula kene. bisi unle na Nwadiuw da ve Nwadiuw.⁴⁵Langfǝ nǝng na bi-agang yang ɓa ɗzanyinyila lau. ⁴⁶wa ɓunɓai ɓah nǝng abem? ɓa kǝna naɓa biagam layang ɓa gwawai. ⁴⁷Yivǝnǝ avǝ Fii ɗuw leebi Fii. ɓa lew bisi ɓan a Fii lau.⁴⁸Le yahuda nau a bi nalau kǝ agang ɓinakǝ man le samariya mala ɓai ɗiyang. ⁴⁹Yeso gwalenwa a ri yau bei diyang. ama demm de garǝ kǝ Dam. ɓa yhuim-mu⁵⁰Nan ɓa garǝ kumlau. Yivǝla dǝ phabǝ deu chue kita ⁵¹Bi-agang demin naɓa la yivǝnǝ ha muabim mǝng u ɓa ɓui-u.⁵²Le yahuda nau a kanǝ ɓi ibǝn mala ɓai ɗiyang, brahim ɓale nanwa ɓuing, ma-ama ana ma yivǝnǝ ha muabiman u ba u ɓui.⁵³A pai Daɓi brahim nǝ lau bwi nǝ lau a phaiu? le nanwa bwing. doma dǝ kuhma kǝ ɓai?⁵⁴Yeso nale a, ''nǝngah kumyang nǝng afam nǝng Dam nǝngɓa nǝng daum garǝ kule nǝng ninǝ neɓa nakǝ naɓa un Fii.⁵⁵Ɓa i-wuh lou ama miam nǝng i-wuh yang nǝ mm na nakǝ nǝng i-wuh lawng mila man ɓah. le na nwadiuw . ko u ha, n iu yang demin mua bivou.⁵⁶Daɓa Ibrahim de ɓaiyrrha bisi bǝ ɓa vim, u ɓang lanfa dauw le larrha.⁵⁷Le yahuda nau a laddah ata ha huin-iu'irǝu hyua lau, nǝng nama aɓa Ibrahim yang? ⁵⁸Yeso nale a, ''Bi-agang, bi-agang dimin naɓala laddah ai ci Ibrahin lau mila, Mi'kǝ Mi.⁵⁹Nǝng ai ɓuitǝi de yiɗi bǝ waukǝrǝ, nǝng Yeso huiku, i pai angsa kum gũFii.

Chapter 9

¹Yeso dǝ pairǝ nǝngɓǝ ɓa yiɓui aka nǝ ai ci ɓai nǝng agbamrǝnǝ.²Le mongɓuivou ɓiu bi a, ''Rabbi, nwa cue nǝng-aɓai, nyibuiɓǝ kon, le yicirǝvou, kǝ ai ciukǝ lenǝngbamnǝ?³Yeso nalela a, ''yivǝnǝ cuenǝng-aɓailau langfǝ le yicirǝvoulau, yang kǝ ɓaɓa kana nwacum vǝ Fii sǝu. ⁴Ɓin cue nwacum vǝ yivǝnǝ lcumɓi nǝ on ɓai nibǝ. ai bǝ'n vǝvǝ yivǝ yaung cuenwacum.⁵A nǝ mi la pfangwam ni nmikǝ garǝ fangwam.⁶Yeso ai ni ku bǝ gnale nǝngnǝ, nǝngɓǝ u cu cicihua, u kwaɓa cicibǝ ɓai hua u nunǝng yiɓuiɓi.⁷U nau a, 'ata a lounǝngma mǝng Siluwam (nǝngɓǝ kǝ 'cumbǝ). Nǝng yiɓuibǝ ta tau lounǝu fauwu du ɓabǝ.⁸Nǝngɓǝ levǝnǝ ɓauyang illa dau gũnǝngnǝ na a, 'n yivǝnǝ lang ku dǝ gũnǝngnǝ lau?⁹Levaka na'a, ' u, levaka na'a, 'u lau ai i'ha.'' nǝng u na a 'mi'¹⁰Ai nau a. 'cue'ũ kǝ nǝngma ɓai? ¹¹u nale a yivǝnǝ dai ɗukǝ Yeso nǝ u chuahua u fimla nǝng u nam ah nta Siluwam tan lounǝngmi. nda tan lou, nǝng dǝmin ɓabǝ.¹²Ai nau a, 'u ɓaiya? u na le a, 'i'bǝ lau.¹³Ai wukǝ yiɓui nǝngbam a illabǝ kǝsǝ lefarisa ¹⁴Lan fisati nǝng Yeso ɓaikǝ nǝng yiɓui ɓai hua a muarǝ ǝ cicivouvǝ.¹⁵Le farisa ɓiu u cue'ũ du ɓakǝbǝi. U nale a, ''U fim hua'amurǝla nǝng, tan lou, kanǝ dǝmin ɓabǝ.''¹⁶Le-farisi aka na a, ''Yiɓuinǝ lansǝ Fii lau, don u yhui fisai lau, Levaka dǝ na'a, cue ũ yivǝ nǝng-aɓai cuekǝ nǝng manǝngni? nǝng bǝ tsahaku i' ɓuale.¹⁷Ai ɓiu yiɓui gbamnǝngɓǝ aka, 'nɓa a naku, unda u ɓai nǝngma?'' Yiɓui-gbamnǝng na'a, ''un annabi.''¹⁸Le yahuda ha ladda gwalau a un yivǝ nǝng-gbamnǝng nǝngɓǝ nǝng'u ɓai nǝng ei ɗubu le yicirǝvou.¹⁹Ai ɓi le yicirǝvou, 'n yiɓanǝ ɓa ci'u nǝng'u gbamgbarǝnei? cue'ũ kǝɗu ɓabǝ kanǝ?²⁰Nǝng le yicirǝvou nale a ''Ɓi i;bǝn yivǝnǝ n yiɓi, fǝ ɓi ci'u tangyhua ɓai nǝng'ukǝ gbamgbamrǝ.²¹Cue'ũ kanǝ ɗuɓakǝbǝ, ɓi ibǝlau. ɓa ɓiu, un yimoanglau, u nabin na kǝ kula.''²²Le yicirǝvou nabinǝ don dei ɓiɓi vai le-yahuda. Don le yahuda gwakǝhalanha a yivǝnǝ na'a run kristi yang ai nyamu tangkum gũFii.²³Bisǝu nǝng le yivirǝvou na'a, ''un yimoanglau, ɓa ɓiu.''²⁴Nǝng na'iusǝu, e ɗubǝ yivǝnǝng-gbamnǝng nǝng ai nau a, u dǝ gãrǝ kǝ Fii. bi ɓang yivǝ yivǝnǝng-aɓai.''²⁵Yiɓuiɓǝ villa a, ''n i'bǝlau ko ''un yivǝnǝng-ɓai, nǝngtsing nǝng n i'bǝ nǝngɓǝ: nǝngmi gbagbam, kanǝ dǝmin ɓabǝ.-²⁶Nǝng ai nau a, ''Ɓa u cuela? u cue'ũ u ɓāikǝ nǝngmai?²⁷U gwa'nwa a, ''n Na ɓalan nawaci, fǝ ɓa ɗzaɓaculalau, ɓakǝ dǝɓa yiɗi bǝ liiakǝ? dǝɓa yiɗi ɓa memkǝ le-moangɓuivou laɓǝi?²⁸Ai deiu ɓai iyem a, ''Makǝ moangɓuivou, ɓin le-moangɓui vǝ Musa.²⁹Ɓi i'bǝn Fii nabi ɓai Musa, ɓi ibǝ bǝnǝ yivanǝ ilalau.''²⁸Ai deiu ɓai iyem a, ''Makǝ moangɓuivou, ɓin le-moangɓui vǝ Musa. ²⁹Ɓi i'bǝn Fii nabi ɓai Musa, ɓi ibǝ bǝnǝ yivanǝ ilalau.''³⁰Nǝng yiɓui vĩlela na'a, ''nǝng cuesǝɓi, ɓa ibǝ bǝnǝ u ilallau langfǝ u ɓai nǝngmin.³¹Ɓi ibǝn Fii libǝ gũFii vǝ yivǝ nǝng-aɓai wau, ama yivǝnǝha dǝmuacua, dǝ cuenǝngnǝ du yiɗin un liun'li.³²Tun ɓai marǝ fangwam taɓa lisǝlau a yivaka ɓainǝng yivǝ ai ci'u ɓainǝng gbamrǝ.³³Nǝ yiɓuinǝ lansǝ Fii lau, u bau cuenǝngakau.''³⁴Ai available ai na'a, ''ai cie tangsa nǝng-ɓai nǝng dǝma nyiɓi nasǝnǝng?'' Nǝng ai nyemu.³⁵Yeso lii a ai nyemun tangkum gũFii. nda u ci'u nǝng u nau a, ''a ɗza nyinyima sǝ Yi'Yivǝ ka?³⁶U vi'ula u na'a, ''Un wa, Yicuevah, yang kǝn ɗza nyinyisǝu?''³⁷Yeso nau a, ''A ɓau yang, langfǝ uɓǝ du nabi ɓai manǝ.''³⁸Yiɓui Na;a, ''Yicuevah, n ɗza nyinyilan'' nǝngɓǝ u kau.³⁹Yeso na'a, ''nwu fangwamnǝ bi bǝ tsarǝ yang levǝnǝ ɓalau nǝn ɓa, langfǝ levǝ ɓabǝ mem lenǝng-gbamnǝng.''⁴⁰Le farisi akala cuahai ɓaiukǝ, ɓiu a ''langbǝ ɓin lenǝng-gbamnǝng h?⁴¹Yeso nale a, ''Nǝ ɓan lenǝng-gbamnǝng yang nǝng-aɓai ɓayaung, kanǝ naɓa, dǝɓa ɓabǝ,' yang nǝng-ɓai bǝla.

Chapter 10

¹Begang, begang dạming naba la, yǝvi ha muali kaʌwalcom nəngbungam lʋʊ, cwui ka nənga aka, lei, lei nǝng iehnǝng.² Yǝvi tăla ka nwanǝng gavah nǝ yǝvi gbai lei nǝngbungam bi.³lei ɓi nwalcom ɓi ɓai la, lei nengbungam ɓi lii wui, nǝ ɗubin' lei nǝngbungam veu bai ɲglei uh tanah sǝ nǝngan. ⁴Ŋǝ ieka ʋeu kpwem mǝng ωh oh cɩlei lei nǝngbungam mua cωewʉ, bǝsǝ, eɩli ieh wiu yang.⁵Eih ba eih mua cua lei ɗuawei wa,eih laun la bəsi eih eih wiu lei ɗuawei ləu.⁶Yeso nalei dʒum nə la,ama eih ibə lei nəngbə Yeso ɓi də nalei la nə ləu.⁷Nəngɓi Yeso ma nah aka,bəgang,bəgang,tng naɓi la,mi kə nwakom vei nəngbugam nə.⁸Yəvi na wu cim məng un lei nəng ienəng ɓai nəngiening ɓai nəngɓi, ama lei nəngbugam ɓə i liiəu ləu.⁹Mi kə nwakom,yəvi nə ha tala ka səm mi ci hyurən,u tala ɓai irə u ci bə gbai nən ci.¹⁰Lei nən ienəng wu bə ienəng,hyabə ko yanəng,tng wu dokə eib ci hyurə,ei eiu kpala.¹¹Mi yəvi gbai nən a bəgang,yəvi gbai nən a bəgang də lei hyurəu kə lei nəngbugam veu la.¹²Mongsəm a lyarə yəvi gbai nən a bəgang ləu, u ɓa lei ɗwa u də wurən uhng yəlei nəngbugam veu u hyui hyui,lei ɗwa vu wun mualci ting yalei-ya.¹³U hyui bəsi u mongsəm a lyarə u dʒi nyi-nyui sə lei nəngbugam ɓi ləu.¹⁴Ming yəvi gbai nən a bəgang,tng ieh ăm məng,ăm laɓi ieh məng.¹⁵Da ieh məng tg ieh da yang tng lei hyurəm kə lei nəngbugam məla.¹⁶məla ɓalei nəngbugam aka nə lang tangsə dʒung nəngbugam nələu.məng wulei kən wu labə wei lii wuim dokə a myem ah tsing yəvi gbairə vei tsing labə.¹⁷Nəngnə cue dam də yəɗim kənəi tng lei hyurəm hyua kən ci kə aka.¹⁸Yəvi aka yaung tng ɗi nam,tng lei hyua ɓai namkə,məla ɓai samɓai leirəu hyua,məla ɓai samɓai ɗirəu aka,tng muah nwa lang sə dam.¹⁹Bə tsaha wu tansə lei yahuda bəsi lei bi nə.²⁰Kpala vei nah a u la ɓai nənka kə səu un lei nəng ɗwuining,ɓa kə də ɓa ləurəi?²¹Leivah ka nah a,lei binə,bivə yəni nə nənka səunə ləu yəvi nənka tng ɓai nəng leivə gbam nəng ɓai.?²²Nəngɓə mimpang sarkakewa wu urushalima.²³Aɓi tng kwang,Yeso də ho tankom Fii tangsə loong və samuila.²⁴Nəngɓi lei yahuda kwaiu nau a,tng ɗeu ha ma yəɓi kə tangsə bədʒi?nə makə Kristi yang a ɓai ɓi la wai.²⁵Yeso gwalei la a,tng naɓa ɓa gwaləu.lei nwatsum tng cue tangsə tng dam nə,leikə lei nəng nə də nah nəng kumni.²⁶Ha lada ɓa gwaləu don ɓan lei nəngbugam miləu.²⁷Lei nəngbugam mi də lii wium,tng ieh lein,dəi nua cuem.²⁸tng dəlei hyurə kaĩng,ei ɓwu,yəvə aka yaun dʒu lei nam mu.²⁹Dam nə dəm lei nə,pai nəuləin kpwem yəvi aka yaun tng ba dʒu lei tangna dam.³⁰Mi ɓai dam tng ah tsing.³¹Nəngɓi,lei yahuda bwui təi də yəɗi bə waukərə.³²Yeso gwalei nwa a ,"tng taɓa nasə lei nwatsum ma bəgang sə dam məng,tangsə lei nwatsum a bəgang ɓi aka də ɓa yəɗi bə wam bi səu."³³Lei yahuda gwau-nwa a də ɓi wah bi lei nwatsum ma bəgang ləu bi sabo,bəsi mang yəvi,də mang myem kuma kə nwa Fii.³⁴Yeso gwalei nwa a ei cueləu tangsə kwandʒuah nakə ɓan "lei Fii."³⁵Nəu ɗu lei kə lei Fii yang,bi vei wah bi Fii wulei la?(kwandʒua Fii na nwaiu wau.)³⁶Də ɓa nakə yəvi nə la da kweu cue lei fangwam,naɓa dəu cue sabo bəsi bi tng nakə mi yii Fii nəi?³⁷Nə də məng cue.nwatsum və dam ləu yang ɓi ɓa dʒi nyi-nyi ɓa səm ka.³⁸Ama nə də məng cue lei,ko ɓa dʒi nyi-nyi la ləu,ɓa dʒi nyi-nyi sə lei nwatsum nə cue ɓa ɓan ikə bə,mi tangsə da,da labə tansəm.³⁹Eih fa dəi ɓabə bə mua aka,ama Yeso ta tarəveu,leh nalei.⁴⁰U ta tarəveu ha pai ci nənvei urdun,bə nə yohanna də hyei məng bapkisama la vəɓi nə,təu ku nən veu bəbi.⁴¹Leivə də horə wu ciu bəɓi naula a,yohanna cue băn nəng aka ləu,lei nəng nə ha yohanna naku yəɓwui nə agang.⁴²Zaivə kpala mua bi veu bəbi.

Chapter 11

¹Yəbwui aka la tng lazaru lii larə ləu,u 'lang hyua baitanya,hyua vei meri a hyui mata.²N' meri nə lo kabu Yeso ɓai nũ mur u fi ɓai dʒamku nə,nə hyui lazaru lii larə ləu nə.³Lei hyei bə cum bə kə Yeso la a,yəcuevah,a ɓa,yəvi də ma yəɗi nə lii larə ləu.⁴Yeso lii nəngɓi nah a,"nənẓhi nəng ɓwua ləu,bənbăn səu bə nkă Fii nə yi Fii cikə garə labə bisəu nə.⁵Yeso yəɗi mata ɓai hyui meri ɓai lazaru.⁶Da u liikə a lazaru lii larəu nə,Yeso a ku ka bu na'iu bənə u la nə.⁷Cuesəu u na lei muang veu a ɓi ta yahuda ka.⁸Lei muang veu nah ah,yəcueivəh,susuə nə lei yahuda də yəḍi bə wa ɓai ləi kə nəngɓi dəma yəɗi bə fa bə ta bəbi akai?⁹Yeso gwalei nwa ah,kətəi awa hyue irəu na'iu la fi wei?nəyəvah aka ho ɗwua fin u ba u gba bu sə nəng wau,bəsi dəu ɓa ɗwuafi fangwa la.¹⁰Ama nəu ho tnguĩ yang u gba bugba bəsi ɗwua yaun bəbi də gaula.¹¹U nalei lei nəng nə la ha nəngɓi u nalei a kanə ɗwuaɓi lazaru ta nənglwue,ama mi ta tə məng ikə ieh nəng nənglwue ɓi.¹²Nəngɓi lei muang veu nau a nəu iwue nənglwue ai u ieh-ieh.¹³Yeso nah bi ɓwua veu,ama dai ɓa kyem ɓama u na a dəu lwue nənglwue a hyurə.¹⁴Nəngɓi Yeso ieh ɓailei la ah,lazaru ɓwuing.¹⁵Nyi-nyi layang sə ɓai,nə n yaung kə bəɓi da ɓan gwakəlanə.ɓi ta tə ɓau.¹⁶Toma nə dai ɗukə yənzăi nə nakə lei hyui lemaung və Yeso la ah,"ɓi ta labə təɓi ɓwui cehyei ɓai Yeso kə.¹⁷Yeso wu nəngɓi wu ci eih onachi.eih lei lazaru tan ɓwua ha bu nănyă.¹⁸Batainiya bapi ɓai urushalima curəu ta mang awa hyue irəu nahyui.¹⁹Lei yahuda ɓi kpala wusə mata ɓai meri bə bazhi cuehyei balei kə bə ɓwua hyuilei.²⁰Nəngɓi mata lii a Yeso də wurə u ta ləu ciu,ama mata ku nənveu tanvei.²¹Mata nakə Yeso a,yəcievah da nə mala bəni,da hyuim ba ɓwui wau.²²Kah susue nə ma nəng nə ha na,ɓi Fii u dandə.²³Yeso naula a hyuiman ieh-ieh aka.²⁴Mata naula a,u ba u ieh-ieh aka vinə fangwam tən nə.²⁵Yeso naula ah mikə yəvi də hyurə,yəvi ha dʒi nyi-nyiu səm məng,ko u ɓwui u ci hyurən aka ci.²⁶Yəvi ha ku dʒi nyi-nyi səm məng yang ba ɓwui wau,ɓa gwan nəng nə ei.?²⁷Yəhyei ɓi gwa a,o,yəcueivah,n' gwang nakə mang Kristi yi Fii nə də wu tangsə fangwam nə.²⁸Da u na biveu u tənkə,nəngɓi u pai nənveu təu ɗubi hyui a yəhyei mata ka yuerə.u na a,"yəvi nyina nənh nənla bəni dəu ɗubə ma.²⁹Bai bə liirə u ieh u dʒi rəbu yemla u ta səu.³⁰Yeso lada wu tangsə hyua bələu u ku bənə u lei mata ci lanə.³¹ Da lei yahuda nə ku tanvei ɓai də bazhi ɓai meri,ɓa meri ba dzi rəbu ɓai yemrə də ta veifa,nəngɓi eih ieh mou cwewu dəi ɓa ɓama ɗəu tang kundzum tə bu tătă bəbi.³²Da meri ta bəni Yeso la tə ɓsu,u ohyua kabu dəu narə a,yəcueivah,da ba ɓwui wau.³³Yeso ɓa dəu tătä lei yahuda nə wu ciehyei ɓai kənə ma də tarə,nəngɓi ta tangsə kwau'uh,nəngɓi la nyi-nyi ləu.³⁴U bileiah eih leiu lanpai? eih nau a,yəcueivah,wu wa ɓa.³⁵Yeso tătă.³⁶Nəngɓi lei yahuda na ali," ɓa bə yəɗi bə u yəɗi kə lazaru nə."³⁷Leivah aka na a kətəi yibwui ɓai nən lei gbam nən nə,lauka u cue yəɓwui nə ɓwui ləu?³⁸Nəngɓi fa taba tangsə Yeso,u ieh u ta dʒum ɓi kə lamrə.ɓai təikə.³⁹Yeso na a,ɗə təi nə ɓa fakə.mata a hyui lazaru nə ɓwuinə nakə Yeso a,yəcueivah,ka susenə səu banə bə ɓwanrən don u ɓwui bu na'nyă nə"⁴⁰Yeso naula a, n'nala ləu nakə nə ɓa dzi nyi-nyi yang,ɓan ɓa garə və Fii ɓa leu?⁴¹Nəngɓi eih ɗə təi ɓi eih fakə cua,Yeso ɗə nəung yei na a,dam n' kă yang nə də mang liim kərə nə.⁴²Ng ibəng dəman limrə kə viha,bi ng dʒung ʒaivə nə dji bəni nə nəngbəng nakə nəng nə,yang kəi gwala ma cummi.⁴³Cua nəng nə u na nə,u tata ɓai wui kə tsala a,lazaru.⁴⁴Yəɓwui nə ɓwui nə wu vei fa,eih tsa lei kabu ɓai kanau ɓa zanəng,Yeso nalei a ,eih biu eih cu u pai.⁴⁵Lei yahuda nə kpala wusə meri nə ɓa nən nə Yeso cue nə,eih dʒi nyi-nyi səu.⁴⁶Ama lei vəkah pai nənvei tasə lei farisa tə nalei nən nə Yeso cuenə.⁴⁷Nəngɓi lei kunlau angah ɓa lei farisa ghem bayətsing na a,kənə ɓa ɓin cuerəi?yəɓwui nə cue lei nəng səɓi kpala.⁴⁸Nə ɓi yeu manəngɓin leivə ha wun gwaungwa yang lei Roma wun ɗi bəɓi ɓai hyua ɓi ɗi hakpem.⁴⁹Tangsə lei yəɓwui aka la,kayafas u kə kunləu anga ha ɓi,nalei la a "ɓa ieh nəng aka ləu.⁵⁰Ba ɓaləu,nə yəɓwui tsing n' ɓwuirə,nə lei və kpala hyua n'ɓwuikərə nə.⁵¹U na bi nə tangsə səu ləu,bənbəun,kə kunləu angah ha ɓi,la ɓama u nan nwa ɓwuirə və Yeso kə hyua la.⁵²Kə hyua ɓi la ɓwasəu ləu,ama kə lei yə Fii nə la dama yahanə kə wu ghem bayətsing myem kə tsing.⁵³Baneu və ɓi ha wukə eih babə ningah bə ha Yeso .⁵⁴Mafə Yeso ho tangsə lei yahuda veifa wau,u pai u ta hyua bapi ɓai ɓənvu hyua ka dai ɗu a ifraimu,bəbi u kula ɓalei muang veu.⁵⁵Minpang hyaku vei lei yahuda bapi,zaivə kpala ta urushalima hyua ɓə kə və mimpang hyaku ɓə bibə lou kulei.⁵⁶Dai ɓabə Yeso,eih dʒi dai nabi kə hala tankom Fii a "ɓa ɓa kem mai?u ɓau u wu mimpang nə wai?"⁵⁷Nəngɓi lei kunlau angah ɓa lei farisa də nəngah a yəu,ha ibə bənə Yeso la yang u na dokə eih muau.

Chapter 12

¹Bu hyicum kə mimpang hyaku,Yeso ta batanya,bəni lazaru la,nə Yeso iekə ɓwa nə.²Eih cue nəntang ɗunɗue la bəbi,mata cue nəntang bə dəu,lazaru la tangsə lei vənə ku nwa tebur cuehyei ɓai Yeso.³Meri ɗə ku nui yei la-la nəi mau sə nardi nə,nukə kabu Yeso,fi kabu ɓe ɓai dzamku.tanvah lamkə ɗwau nui yeirə lala bə.⁴Yaduwa karyoti,yəvah aka tsing tangsə lei muang veu,yəu nən wun də.Yeso nə nah a.⁵Bakə ɓa iya iya ɓai nui yei lala nə ku hyunhyiu bə nata ɓa dəkə leivə yəɓai ləu?⁶U na nəngnə bəsi u yəɗi leivə yəɓai ləu aina bəsi u lei nəng iehnəng.u la ɓai huo nwaɓi nə wun iehnəng u dʒi lanə.⁷Yeso na a ɓa yeu u dʒi neu nəngnə lanə bi cui bwaum.⁸Vəni ha ɓan ku cue hyei ɓalei və yəɓai ama ɓa ba ɓa cim vəni hau.⁹Dzung zaivə yahuda lii a Yeso bəbi, eih wu,bi və Yeso bwasəu ləu ama wei ɓa lazaru nə Yeso iukə ɓwani.¹⁰Lei kunlau angah kwaha nu a bayətsing dokə labu eih hyakə lazaru labə.¹¹Don n' biveu lei yahuda aka ta tə gwakə bi Yeso.¹²Ga bə səu,dzung zaivə kpala wu mimpanh ɓi.da eih lii a Yeso də wu urushalima.¹³Eih ɓwue kana kalei jibinu pai eih tafa ləi ciu eih tata ɓai wuie a hossana barka kə yəvi nə wu tangsə ing yəcueivah,yəvah israila.¹⁴Yeso ci yi vamdei ku kuh,kə nwa nə a cuenə.¹⁵Bi a ɓiɓin ka yimua yəhyei sihiyona yəvah mah də wurə ku kuh yi vamdei.¹⁶Leimuang veu iɓə lei nəngɓi ləu naci,da eih Yeso ci gărə,nəngɓi eih kem a dama eih oci eih vĩ lei nəngɓi biveu,lei ma eih cue lei nəngɓi kə uhlang.¹⁷Lei dzung zaivə ɓə na a lei cuehyei nə ɗubə kə lazaru u leukə ɓwa nə.¹⁸Bisəu,nəngɓi lei dzung zaivə ɓə ieh ta ciu,don eih li a u cue lei nəng səɓi nə.¹⁹Lei farisa nabi tabgsə lei a,ɓa ɓa ɓa cue nən'akau,ɓa,fangwam tan cwu.²⁰Lei helina a ka la,tangsə leivə nə də ta bə hyeunəng mimpang ɓi.²¹Lei nəngɓi tasə filibu a nə ieh batanya a galili nə,eih ɓiu a yacuevah ɗẹɓi yẹɗi bə ɓa Yeso.²²Filibu ta tə na andrau lai andrau ta ɓai filibu təi nakə Yeso la.²³Yeso gwalei nwa na a,ɓi wung nə yi zaivəng cikə garənə.²⁴bəgang,bəgang də məng naɓa,sai nə yang alkama o tangsə hyua ɓwui kə dʒi ɓai ku tsing,nəu u ɓwui kə u iekə cirəu kpala.²⁵Yəvi nə də yəɗi hyurə u ciu ,yəvi də ta hyurə fangwam ni ̀u ci hyurə a ka'əng ci.²⁶yəvi ha cue watsum la u,muah cuem,bənə mi lang,bəɓl labə mongsəm mi la,yəu ha cue watsum lang,dam wun dəu garən də.²⁷Kənə nyi-nyim lau kəɓa məng narəi?dam,a yung tangsə ɓinə n ' wukə ɓinə.²⁸Da,a də garə kə ing ma.dəu garən dəməng fa dəməng dəu garə aka.²⁹Nəngɓi lei dzung zaivə dʒi bəɓi nə lii nəngɓi na a u la ɓai wui gəmuə,leivah aka na a, "malaika də nau bi."³⁰Yeso gwa nwa na ah,wui nə wukəng mila ləu wukəng ɓala.³¹Su sue ni nəngɓi kə bə cue kita fangwam susue nə nəngɓi eih wa yəvi ku ku fangwam nə kəta.³²Nə eih ɗim yei tangsə fangwam nə,məng vi leivə ha məng wukə səm.³³U na nən nə kəu takə nasə iri ɓwa wun ɓwui kərə nə.³⁴Lei dzung zaivə gwau nwa a,"Bi lii tangsə nwaɓi a Kristi wun ku ha ka'əng,ɓaka a na nama eih ɗə yi zaivə dən yei.?wa kə yi yəvi nəi?³⁵Yeso nalei la,ɗwa 'n ku-ku ɓai ɓakə ɓi cweni,ho-horə ɓai ɗwa lada bədʒi ɗəɓa ləu,yəvi nə də ho tan bədʒing ie bənə dəu tala ləu.³⁶Lada ɓala ɓai ɗua dzə nyi-nyi ɓa sə ɗwa ɓi kə ɓa myem kə lei yi ɗwa Yeso nalei nəngnə nəngɓi pai nəng veu tə yue.³⁷Yeso cue lei nən səɓi kpala cilei,lada eih dzə nyi-nyi səu ləu.³⁸Kə bi ishaya yi nabi wu yiku,nə nakə a yacueivah nwa dzə nyi-nyi sə binəi,kana wa yacueivah ɓai?³⁹Bisəy eih dzə nyi-nyi la ləu don ishaya năka ah.⁴⁰U lam nəng lei,u tsa nyi-nyi lei,manəngɓi leun da eih ɓaɓa ɓai nənglei eih ibə ieh ba nyi-nyi eih myem yang məng dəlei larən də.⁴¹Ishaya nalei nəngɓi bisə u ɓa a garə və Yeso nəngɓi u na biveu.⁴²Balei nənlei ha lei bə yivah kpala dzə nyi-nyi sə Yeso,ama lei farisa na nwa lei ləu dokə bi eih nyemlei bə ta tankom Fii angan ka.⁴³Dei yəɗi garə nə wusə zaivə pai sanə wusə Fii nə.⁴⁴Yeso ɓai wui tsala nah a,yivə nə dzə nyi-nyi səm məng,dzə nyi-nyiun sə yəvi nə cum mə nə.⁴⁵Yəvi ha ɓam məng ɓa yəvi cu mə nəng.⁴⁶N ' wukə nwa ɗwa tangsə fangwam dukə yəviha dzə nyi-nyiu.səm məng ba ku tangsə bədziu.⁴⁷Yəvi ha lii bim cue ləu n' ba mua ɓai biu.don n' wu bə mua fangwam ɓai bi ləu ama n' yung u.⁴⁸Yəvi laum mualci bim leu laɓai yəvi də mua ɓai binə,bi nə n' nanə muamua vi a ka'əng.⁴⁹Də məng na bi nə kə kumla leu,ama da nə cum mə nə,yəvi nə dəm nəngah nəng nə məng narə ɓai ɓa məng nə a hyurə.⁵⁰n' ibə bə dzi nwa nə a hyurə ka ing,kə nəng nə nanəng,kə nwa nə dam namla nə,nəngɓi məng narə.

Chapter 13

¹Bə anə mimɓan hyarə,Yeso iɓu viy dʒəyan uh fah fangwamni uhn ta sə da u yiɗi le və vau nə fangwam yiɗi le takə nyi təngku.²Munkulum õci ta ninie yahuda iskariyoti ÿi saminu,u dʒəu na le və.³U iɓun đa bə də le nən ha lan kanau,lanbə wu lansə Fii,fan tangsə Fii.⁴U i nwa lee nəntan vau u fah nəng yasəvau,u ɗa nəng ki sə kə kuh.⁵Nənsə u ei ming tan kwansəjə,u bani bə iwo kabu le muahbwi vau,dəu nusə ie ɓai nəng ki sə vau nə u lamkə ku nə.⁶U wusə bitru saminu,bitru nau a,yicweivah,mam lõ kəibum lanɓai?⁷Yesi gwaula a nənnə də min cwei rə nə a ba a iɓuu susueni "cwasiu mang ka iɓə."⁸Bitru nau ä "aba a iwom kabumlau" Yeso gwala a "nən iwo lalau-ng,a yaũ-n ɓai nwalima səm.⁹Bitru nau a,yicweivah "n'kaɓun bwasiu man iworə lau ɓai kanăăm ɓai kum ha.¹⁰Yeso nau la a,yivənə ha wyei ming yang uh yauw ɓai bə hwei-akau,kaɓu bwasiu e iwo la.¹¹Yeso ĩ yivənə liya ɓai-u kə-ng,nəngɓə cwue,u na a nɓa ha ɓai bi agang laũ,"¹²Cwa bə iwo kabule bi,u də gi vau u ũ hyua,u nale a,ɓa ibə nən-nə n'cwe ɓa la nəng nai?¹³Də ɓa ɗwun naɓa,yivəni nasə nəng,ɓai yicweivah;ɓa nan nau,mangɓe milah.¹⁴Nəng mi kə yicweivah ɓai yivə yninala-ng,n' iwo ɓa kabuɓalang,hyi wanə ɓama ɓa iwo kabuɓa kə hala.¹⁵Kăanə n' taɓa nalang,bisə ɓa cwue kə nwa ă nə n cwe ɓa lanə.¹⁶Nə ɓa ibə le nəng le,nə bə cwe le yang ɓam le və a ɓa gang.¹⁷Də min nabi nə lan ku ɓa ha lou,n'ei le vənə n' bwing,yang kə wu õ kuh bi:u nə ũ tang nəng ɓyem kə nə u im kərə.¹⁸Bi agang manɓə dəmin naɓala,səm pye yicweivavau gahrə lou,yi ta nwachum pyei yivənə chum mu nə lou ɓyie gahrə.¹⁹Le nən nə də min naɓala susweni daũ kə wu cwe nəng cwa-nh mangɓũ kə ɓa gwala n'mi.²⁰Bi agang,bi-agang,dəmin naɓala yivənə ha mua yivə nwactum mi,u mua mi,yivənə ha mua-m yang,u mua yivə a nə chum-mi nəng.²¹Cwa nəngni Yeso naă manɓə nə,kwan-u laulo,u dʒə nwa u na a,bi a ɓəgang,dəmin naɓala nakə yivə akaɓu tansaɓai liyă pem.²²Be muanɓwi vau miam də ɓaha e bădzee na a,dəu na nəng nə lang kuh wai.²³Muanɓwi la tsing tangsə le,nə ɗəu yiɗinə u kula kũ tebun,jə kuh gyang Yeso.²⁴Siman bitru nă muanɓwi ɓə ă,"a nabila ɗəu nabinə kuh wai."²⁵U miam u jə siu gyang Yeso,u naula a "yicweivah n'watsə-ei?"²⁶Nənɓu Yeso gwala a ii ɓə kə yivə nə min banam tanli min ɗəkə cyui nwa burodi min dəurə tangsə ɓai ni. nənɓə ubanau tangsə li bi u də kə burodi bə,u də kə yahuda yii siman iskariyoti.²⁷To cwa nəng tang bi nənɓə mumkulum i pah siu,Yeso nau a,"nəng nə dəma cuerə nə a cwue ũ yemla"²⁸Yivə aka yau kuh tebun bi iɓə nəng nə chue u nau kə nəng nə la mangɓə nə.²⁹Le və aka də kyem ɓai ninie na a wai dəu nan yahuda nə də cui hwo nwabi nə.Yeso nau ă "a lya le nəng nə də nəng aka kə be sə le jwa.³⁰Chua burodi bə nə yahuda muah nə,danla ũ i a ɓə kyui kang.³¹Chua yahuda nai,Yeso na ă, "kanə yizaiyinə ci gahrə,laɓu Fii ci gahrə tangsəũ.³²Fii ɓe kuh n' dəũ gahrə,lanɓə cwiu u dəu gahrə.³³Le mua-ă nhyabang,mila cwahai ɓai bə kah viy aks jwani,ɓan ɓah bəm păa kəwă anə n nakə ie yahudawa lanə ibənə min yala ɓa ba tau,kanə nina ɓa nəngnə lang.³⁴Dəmin də ɓa nwa a fuh,ɓa yiɗi ha,kə nwa anə n'yiɗi ɓa kənə,mangɓə ɓan yiɗi kə ha.³⁵Nə də ɓa yiɗi hang levə n'iɓə i a ɓa kə le muansium mi."³⁶Siman bitru nău a "yicweivah də ma ta ɓe-yaih?" Yeso gwău-nwa a,"bə nə dəmin tala,ɓa ba ɓa mua cwam-mu ka nə, ci cwa kənə ɓam mua cwam-mua."³⁷Bitru naula a "yicweivah n' ɓan nyammi ɓə mua cwa ma kənə?min də kum.³⁸Də bi ma."Yeso la hwaũ na man də hurə man də bim-ai,?dəmin nala, anə hye tata man tsaa-nwa bə imrə hyui na-tah.

Chapter 14

¹Bi nyiɓa gbasəm ka,ɓa dzə nyi-nyi sə Fii,ɓa dzə labə səm.²Tanvah və dam kom kpaĩng manəngɓi ləu da n'naɓa la nakə də məng ta tən maɓa bəla.³Nəng ta tən maɓa bəbi lan mə fa məng wuaka wuu muaɓan takə səm,bənə mila ɓama ɓəbi.⁴Ba ie nəngah nə dəməng tala nəng.⁵Toma nakə Yeso la a,yəcuevah ɓi ie nəngah nə dəməng tala nə ləu.ũ ɓin iekə nəngah ɓəi?".⁶Yeso naula a,mi kə nəngah bai bəigang,ɓai hyurə,yəvah ka yaun n'tasə da nə ka səm ləun.⁷Nə da ɓa iem məng da ɓa ie dam məng laɓə ka susue nə ɓa ieu ɓa ɓau lasə.⁸Filibu nakə Yeso la,a yicweivah,taɓi nasə da aɓi ɓwasəu loɓin.⁹Yeso nalei la a,n' kuɓai ɓa cwua cuela ha lada nə ɓa iem ləu filibu?yəvi ha ɓan mən,ɓa da ɓən,ɓakə nakə ɓana naɓa taɓa nasə da?¹⁰Ba gwaləu mi tangsə da da laɓə tangsə mə?lei bi nə dəməng narə nə də mong na tangsə samɓei ləu,ama da nə ku tansəm nə də cue watsum ɓə.¹¹Ba gwa naɓa mi tangsə da,laɓə daɓi tangsəm ko ɓa gwa bisə lei watsum ɓə ɓai kulei.¹²Biagang,biagang də məng naɓa la nakə yəvi nə dzə nyi-nyiu səm məng u cue watsum nə də məng cuerə nə,u cuelei watsun angah bisə də məng tasə da.¹³Nəng nə ha ɓa ɓibə tangsə ing məng min cucue kə fa ɓə lii larə sə yiu.¹⁴Nə ɓa ɓi icon ɓaha tangsə ing məng,min cucue.¹⁵Nə dəɓa yəɗim məng ɓa kang lei bim.¹⁶Yang n' gũ dam u dəɓa yəvi nta nyi-nyi ɓa nən kuɓai ɓa kaĩng nə.¹⁷Kwanh a bəgang.fangwam ba mua wa bisə eih ɓauləu ko eih ieləu,ama ɓa ieuyang don uhn ku cuehyei ɓai bakə u ku tangsə ɓa.¹⁸N' ba n' yəɓa ɓai tsing ɓau mə fa məng wusə ɓan wu.¹⁹Tangsə bi cwueni fangwam ɓam mu ama ɓan ɓamɓa,bəsi n'ci hyũrəu ɓama ɓan ci hyurə ci.²⁰Fiɓi la ɓan ibə la mi tangsə dam,ɓa tangsəm mima tangsə ɓai.²¹Lei və mua bim dzilein kə yəvi də yəɗim nə yəvi yəɗim məng dam məng dam məng yəɗiu yəɗi yang məng yeɗiu yeɗi mi təu nasəm.²²Yahuda kariyoti nakə Yeso la a,ɓakə nama man tana səmai kə ɓi kəng fangwam ləu?²³Yeso gwa nwa naula ah,yəvi ha də yəɗim məng uh mua bim mua.Dam wun yəɗim yeɗi bin wusəu wun wuɓi ma vaɓi cuehyei baukə.²⁴Yəvi nə yəɗim ləu yang uh ba uh mua bim wa,bi nə də ɓa liirənə lang səm ləu lang sə dam.²⁵Də məng naɓa lei nənghə la nə də mənh kukə cuehyei ɓai ɓanə.²⁶Manəngɓi,yəvi nta,kwang garan-garan-rang nə dam wun cum tangsə ing,wun nyiɓa nasə lei nəng ha uh ooɓa nyi-nyi səlei nəng nə ing naɓa lanə.²⁷N' yəɓa tangsə nta,n' dəɓa ntan n' dəkəkə nwanə fangwam dənə ləu bi nyi-nyi ɓankən ka,ɓi ɓa ɓiɓin ka.²⁸Nə ɓa lii n' uɓan lang wu nəkə məng pəpai məng fa məməng wuɓan lang wu nə də ɓa yəɗim lang nyi-nyi ɓa ləla don də məng tangsə da,daɓi gah pain məng. ²⁹Susuenə n' naɓa lang kə wu cuesə dokə nə cuesə kə ɓa dzə nyi-nyila.³⁰N' ba n' nabi aka kpalau don yəvi mua hyua nə də wurə.uh yaun ɓai samɓai kə kum. ³¹Kə fangwam ikə bə ah də məng yəɗi dam məng mi cue nəngnə dam na ah cueni,ie ɓa dzi ɓai bu ɓu pai bənə.

Chapter 15

¹Mi kə kă məng a amrə a bə ghang,ɗahm nəng bə kə yi və nəng lanəng.²Dũu hăkə na tangsə səm nə ba də lei yiu nə,yi və də yi fa du mənəng nə bisi u leiɗui lei yiu.³Bisi bi nəng nə nnəɓala nə ɓa ku yan hila.⁴Ba ku tangsə səm,mi ma tangsə ɓai .Bisi lavə kănə ba də yiu ɓai tsing wun nə sə u ku tangsə kai.Manəng ɓə yan ɓa bawu sə ɓa ku tangsə səm.⁵Mi kə kă amrə,ɓa kə lei harəu yivə nə ku tangsə səm,mi ma tangsə səu,dəu də lei yiu kƥaala,manəng bə ba chuahei ɓai kə leu,ɓa ba bacue nə a kau.⁶Yivə nə ku lansə səu ləu,ei wawu kəta ɓama lar ka,u ci,manəng ɓə ei gəm lei harəu nə ei wa tan ɗwa,ei cwem.⁷In nə ɓa ku tangsə səm yan,ei bim kuma ku tangsə ɓai sə ɓa ɠu nəng nə ha də yiɗi nə,ein cue ɓalen cue.⁸Manəng ɓə də gharə kə ɗah ɓi manəng ɓə ba de lei yii kpăala.ɓa na naɓan ɓakə lei almajirai bə.⁹Bisi yedda ɗan de yiɗi kənə,mi ma di mi yiɗi ɓa manəng ɓə.ɓə ku tangsə bə yidi bəm.¹⁰In nə bə mua dokokin mi yan,ɓan ku tangsə bə yiɗi ha bisi yadda də mi mua dokoki və ɗam,mi ma in ka tangsə bə yiɗi bə vou.¹¹Də mi nə ɓala lei nəng nə bisi hyaherə ku tangsə ɓai,bisi hyurə ɓa ku tangsə ɓai cikake.¹²Nəng nə nəng ɓə kə nəng nə iu naɓala nə,bisi bə yiɗi la lilla bisi yadda ɗahm de yiɗi ɓanə.¹³Yivə yaun ɓə bə yiɗi bə nə pə a nəi u də hurəu bisi lei ɗjwau.¹⁴Ba lei djwam nə in nə də bə cue lei nəngnə in nəɓala nə.¹⁵Bisə a ci nban nə ɓa kə lei səim u bau u ibə nəng nə yi cue vah vəu də cuerə nəu,in ɗubu balei ɗjwam,bisi iu nəɓə lei nəng nə in li sə ɗahm.¹⁶Nɓa bə zabəm ləu,nmi in zaɓə ba,in cum ɓa bisi tə ɓa de lei yii,lei yii ɓa kuma ei ku bə gəng.Nəng nə miyem bisi nəng nə nǧu ɓa ɗahu tangsə inÿiu,un de bə.¹⁷Nde ɓa umurni:bisi ɓa yiɗi hai.¹⁸In nə fangwam nə laɓan,yan ɓa ibə u lam məng kamin ɓa.¹⁹Da nə ɓan a fangwam ƙon,ɗa fangwam yiɗi ɓan kə nwu vəu.mənəng ɓənəng bisi ɓan a fangwam leu,mi kuma in zabe ba tangsə fangwam,nəng ɓə fangwam de laɓarə.²⁰Ba keeu bi nə in naɓa lanə,mongsəim ba ƥə yicuevah vəu ɓə gharəu,in nəi dem yiɓən ɓama ei deɓa yibən de,in nə muabin məng,ei muabin ɓan mua.²¹Ei cue ɓa kon ɓahala kpem bisi ieng,bisi ei ibə yivə nə cum mi nə leu.²²Da ko nə nalei bi lalo yan,da ei cue nəng a ɓaileu,suswei ni,ei yan ɓai hujja kə bisi nəng a ɓaivəh.²³Yivə ha lam məng u laa dahm məng.²⁴Da nəng cue lei nwacum nə yivə kə mədi bə cuevə ləu,da ei cue nəng aɓai leu,suswei ni ei ɓang,ei lam ɓə dahm kəha.²⁵Ei cue nəng nə bisi ei cika bi nə ei vii nə tangsə kita vəh,ei lam ku iwum a kăi ləm.²⁶Səi yivə valibə nə min cumn sə ɓai daga sə dahm,wato,ƙwan bi agang, nə də ivə sə dahm u wu un de na nwaa.²⁷Ba ma deɓa de na bi anghang bisi ɓa cuehei ɓaim kə tun nawau.

Chapter 16

¹Də naɓa nəng nə la,bi tabəɓan cyi səlerə.²E i sakən i kwom Fii.lambə viy akə də wurə,nə yivə aka hya ɓa yang,u ɓa na'a nwachum Fii dai cwerə.³E cwe manənɓə bisə e ie ɗa bə ko mi loũ.⁴Də min na le nəngnə bisə cuenəng yang,kə aw-ni bə n'oci naɓalam.⁵Min fa min tasə yivənə chuim mi nə,tangsə bai ha yivə aka yau ɓim bi,a ɗəmin laɓai?⁶Dəmin naɓa le nəngɓə nə la bisə ɓa li ɓi a dʒərə niniɓai.⁷kanə dəmin naɓa biagang:tarəm ɓə ƥai nənglang sə bai.yivənə nə ta vali bənə nəng taloũ,uh wu sə ɓəu.nəng kyem bəng min chum-mu sə ɓai.⁸Yivə vali bəɓə,nə wu-yang,uh na bi kə fangwam ku nə a ɓai,ɓai nəng agang,ɓai kita.⁹E jə biagang lou sə-m,bi və nəng a ɓai.¹⁰Kə nə dəmin ta sə ɖa,bi nəng abəgang,kə nə ɓa ba ɓa ƥah-m a kaũ.¹¹Kə bi a kita vou nə,e jə bi (kita)bəng kuh yivəni mua fangwam nauni.¹²Nəng la păala min naɓala,kə nə ɓa ba ɓa ibə susuenĩu.¹³Manəngɓəng finəla kwang a gang nə wuhn,uh ta ɓai tangsə biagang kpem,uh ɓa uh naɓi ka kuh a vou.nəng nə uh li nəɓə uh narə uh na wikule nəng nə wun chue nəng cwa.¹⁴Uhn dəm gahrə uh də le nəng nə kamam nə uh naɓala.¹⁵Nəng nə kpem ɗa ɓə la ɓeukə nə n'amm lanɓə.¹⁶Nala cwaning,ɓaba bə ɓam akau,cwasiu cwaning ɓam ɓam ɓa? ɓai lanbə.¹⁷Nənbə le muamɓi vou də nakə ha la,a ɓa tsing kə kə bi nə dəu naɓila a nala cwa ɓa ɓam-mũ,cwasiu cwani ɓam ɓam ɓa? ɓai min ta sə da;?¹⁸Nəngɓə dai na-a, ɓa tsəng kə nəng nə uh na a cwa cuani? bi iɓə nəng nə dəu narə nə lou.¹⁹Yeso ɓa dai yiɗi bə ɓiurə,nəng ɓə uh nale a "də ɓa ɓiha n'bi le nəng nə n'naɓa kəla "nake cwa cwauni ɓa ba ɓa ɓam akau,anala cwa ɓan ɓam ɓa.?²⁰Bi a gang bi a gang,dəming naɓala dəmin naɓala ɓam tata .ɓan bashee,yang fangwam a vou də li larə.²¹Nə yihwe də ci ying dəu li nauɗum .bisə viy nənʒee nyi wuhng.lanfa nəu ci nyile-ng uh ba u kyem.bi nauɗum ɓə akau,ɗəu lilarə e ci yivə akan fangwam.²²Nini ɓa də ʒeerə kanə,min fa min ɓa ɓan ɓa susue-ani,yivə yau də nini a larə nəu naɓai.²³Baɓa ɓa bim nəng a kan fiɓəla,biagan dəmin naɓala,nəng nə ha ɓa gũ sədə bi tangsə ɗing məng uhn dəɓan də.²⁴Ma gũ nəng aka ɓai ding lau ha lyeni.ɓa gũ,ban cicie,yang daũ kə larə ɓa ji manbə.²⁵N' le jum dəmin naɓa kə le nəng nə la tansəu.ɓa də ɓa jəyang,n'lejum aka n'ba naɓa kə bi lauw.bisə manənbə min nale nəng ku ɗa bi nənfatai.²⁶Fi abə le nə ɓan gu ɓə tangsə ɗing lanfa n'naɓa lalou nakə min gũ ka_nwa ɓa sə ɗa ɓi lou.²⁷Da bə bai ku də yiɗi ɓa,ɓa yidim-məng lanɓə,ɓa jə biagang lang n'wu lang sə ɗa bə.²⁸N'wu lansə ɗa bə,n'la tangsə fangwam lansə.ha lyeni min yi fangwam yi n ' fa lasə ɗa.²⁹Le muanbwi vou na a kanə daũ dəma nabi bila nənfatai dəma le jum loũ.³⁰Kanə daũ bi ibə kon ɓahang nəng nə yivə aka bi ɓiarə lou.³¹Yeso gwale nwa na a gəng,gəng ,kanə ɓa gwala yang?³²Ba ɓah viy də wurə,n'hn viyɓə jəng,nə e-ng yaɓakəta,wa ha fa ta vavou lanɓə ba yim ɓai tsəm.manəng ɓə leha mi ɓai tsəm lou,bisə ɗa ɓə la ɓem kə³³Dəmin naɓa le nəng nə la,ɗau kə ɓa ci kə kah səm.tangsə fangwam ɓang cue yiɓe,lanɓə ɓa dʒi ɓai samɓe n'muaku fangwam yang.

Chapter 17

¹Yeso nǝkǝ ie nǝng ie, nǝ, nǝng bǝ uh dǝ nǝʊ uh jǝ ye uh nǝ nǝ a, dea, viy jǝng a dǝ gahrǝ kə yima. Lanbǝng yi bə dǝ gahrə. ²Kǝ nwa a nə a dǝʊ kǝ sambe (iko) kug ie yi zayivǝ ha, u dǝ hurǝ kading kǝ lǝ vǝ nǝ a dǝʊ nǝ.³A nǝ nǝngbǝ kǝ hurǝ kading, yang e i, kǝ fi bai tsǝng ma, yevǝ a gang. ⁴N da gahrǝng fangwam, n tengha nwa chum-nǝng. ⁵A dǝm gahrǝ da a nǝ nlakǝ bai ke kǝ cwahai bai ma dau kǝ mara fangwam.⁶n'ta nǝ sǝ ding mai kǝ levǝ nǝ adǝm tansa fangwam. ieng a ma, ma a dǝm le, e hwo(kiyaye) lanku bi ma. ⁷Kanǝ e ibǝng nǝng nǝ kpǝm a dǝm nǝ i ian sǝ ma. ⁸Bisǝ ie bi nǝ a namla nǝ n'na ie lang, e muang, e jǝ biasans lang, e ibǝng,bi agang n'ma a cum-mi.⁹Dǝmin gʋ bǝ ku ie. Bi fangwaam domin gʋ kǝrə loʊ n'bisǝ ievǝnə a dǝm nǝ ieng a ma. ¹⁰Nǝng nǝ ha ka nwa mam n'a ma, ama n'am, tansa ie e dǝm gahrǝ. ¹¹N yaw-u tansa fangwam mu kanǝ Levǝle lelan tansǝ fangwam, na damla yiva a gang. Mi a mam dǝmin ta sǝ ma na damla a gang.¹²Viy anǝng mi cwahai balekǝ nǝ, n'je ie lang tansa ding nǝ a dǝm nǝ. Bisa e miam tsing kǝ nwa anǝ bi la tsing bai ma nǝ. ¹³Kanǝ jikǝnǝ dǝmin ta sǝ ma, n'je nwa ku le nǝng mi ladda mi fangwam, bisǝ nini a larǝm yi yhau. le.¹⁴ N'dǝlǝ lenga fangwam la ʊ, kǝ nwa ana min a fangwam laʊ, lan bǝ.¹⁵Dǝmm gʊ laʊ nakǝ a dǝle a yikǝ fangwam laʊ, yang kǝ a kie kuh le sǝ yiva a bai ni. ¹⁶Leng a fangwam la naʊ, ka nwa a nǝng lansǝ min a fangwam laǝ na. ¹⁷A ki ku le bai nama tansa biagang mai, bi ma nbi a bǝgang.¹⁸Ka wna a nǝ a chum-mi kǝ tansa fanswan, manǝngba ŋ chum le kǝ tansa fangwam.¹⁹ ŋ jǝ kum sa mai n'bi vǝh, bisǝ le ba. Kule ejǝ le tansa biagang.²⁰dǝmint gu bǝ nǝng n'bi ve anǝ bwasiu laʋ, ba levǝ a nǝ wun jǝnilai sǝm cwa bi mai. ²¹bisǝ e miam tsing le ha, kǝ nwa a nǝ. ma da mala tansa sǝm. Lanbǝ mi tansa sǝ mai. da min gura lanbǝ e ku tansa sǝ bi, bisǝ fangwam gwala n'ma cum-mi.²²Gahrǝ nǝ a dǝm, nǝng bǝ dǝmin dǝ lǝrǝ, bisǝ e main tsing, kǝ nwa a nǝ bi la tsing. ²³Mi tansa ie, ma cwahi bai kǝ, yang kǝ e banile sǝ kurǝ tsing, manǝngbǝ fangwam n'ibǝ n'ma a cum-mi, langbǝ a yidi ie, kǝ nwa a nǝ a yidin kǝ nǝ.²⁴Da levǝnǝ mila. bisǝ ba gahrǝ nǝ a cuem lanǝ. Visa a yidim mǝng daʊ kǝ a ma fangwam.N'nale ding mala-ng, min nale la manǝng nǝ bisǝ bǝ yidi bǝ nǝ a yidim kǝ nǝ ku tansa ie, mi lanbǝ n'ku tansa ie. ²⁶N' cue kə ing ma ai iɓə, yang min cue ain ibən yang deukə bə yiɗi bəma dji tangsa lei, yang mima tangsa lei."

Chapter 18

¹da Yeso nalei bi bǝ, uh pai balei muang veu eih ta kabu nǝng vavu Kidro bǝbin bǝka uh bai lei muang veu tala.² Yahuda dǝbǝ Yeso vǝnihs dǝ kwaha bǝbi balei muang veu.³ Nǝngbi Yahuda oo lei dzung lei tabwui balie vangah aka sǝ lei kunlau angǝh ta balie dwa nwaki, toci bai lei nǝng bwui.⁴nǝngbi Yeso nǝ ie lei nǝng dǝ cuerǝnǝ, taci tǝ bilei ah, dǝ ba dwibǝ wai? ⁵Eih gwau nwa ah Yeso yi nazara. Yeso nalei la ah n'mina Yahuda nǝ dǝʋnǝ balei tabwui dzi bǝbi.⁶Da u'nalei ah n'rǝnǝ, eih ta bai cwua tǝi oohyua. ⁷U' bilei aka ah wa dǝ bu dwuibǝbǝi? eih fa ei fa ei na ah Yeso yi nazarat.⁸yeso gwalei nwa na ah nakǝn minǝ, nǝ dǝ ban dwibong mǝn ba yǝ leivah nǝ pai. ⁹Cue manǝngbi kǝ yiko kubi nǝ ah'' kǝ leivǝ nǝ ah nǝ yiko kubi nǝ ah'' kǝ leive nǝ ah dǝm nǝ klu yǝʋi la lǝu.¹⁰Nǝngbi Siman Bitur la bai gafai na hya gakǝ mong sǝm vǝ kunlau anga cumkǝ cucu'u nalii, ting mongsǝm bǝn malku.¹¹ Yeso nakǝ Bitru la ah fakǝ gafai bǝ ba tansǝ dwo. n'ba n'nwa kuph nǝ dam dǝm nǝ wai?¹²Nǝngah vei bai lei fangah Yahuda mua Yeso tsau. ¹³Naci ei taukǝ tǝi lei ci Annar dzang a yǝbwui sǝ kayafa kunlau angah habi.¹⁴ Kayafa bǝ kǝ yǝvi nǝ nabi kǝ lei Yahuda naxi ah, hyihyiu yǝʋi tsing bwuikǝrǝ nǝ, nǝng zawǝ kpalan bwuikarǝ nǝ.¹⁵Samin Bitur muacwa bai yǝmuang vǝ Yeso aka. Kunlau angah bǝ ie yǝmuang vǝ Yeso, cwahyei bai Yeso ei taka bǝ cue kita vǝ kunlau angah.¹⁶ Ama Bitur dzi nwakom veifa, yǝmuang vǝ Yeso nǝ kunlau angah ieng nǝ ta tǝ nabi ko yavi dzi nwakom bi ah wukǝ Bitur bǝ tansa .¹⁷Nǝngbi mongsǝm a yǝhei yǝvi dzi nwakom, nakǝ Bitur laa mama lang tansǝ lei muang vǝ yǝbui nei? uh na ah mǝ leu?¹⁸ Lei mongsǝm balei vangah dzi bǝbi ei ma dwa bai dzǝng dwa dǝ bwairǝ don bǝ nta hyiu, Bitur labʊ cwahyei balei kǝ dǝ bwuisǝ dwa.¹⁹Kunlanga bi Yeso bivei muang veu bai bǝ nyina nǝngveu. ²⁰Yeso gwau nwa ah, n'nabi baibai rǝ kǝ fangwam ha dǝ mǝng nyina nǝng vǝniha tanko gu fii bai kom gu anga bǝi lei Yahuda dǝ kwaha lanǝ. n'nabi aka tansǝ yuerǝ lǝu. ²¹Ba kǝ a bim mai? a bi lei vǝnǝ lii nǝng nǝ n'nanǝ. Ba leivǝ nǝ ie nǝng nǝ n'nanǝng.²²Da Yeso nabi bi, yǝvangah ka tsing dzi bai bu ci Yeso bai na, na a manǝngbi ma gwakǝ nwa kǝ kunlau anagah? ²³Yeso gwan nwa ah, n'nang nabi nǝ hyui yang ah na nǝngnǝ hyui tansǝu nd, ama nǝ hyihyiun bakǝ a cim mai? ²⁴Nǝngbi Annar cumbǝ bai Yeso tsa-tsari kǝ Kayafa la yǝvah vei kunlau.²⁵Siman Bitur dzi bǝbi dǝ bwuisa d'wa.lei vǝ nau bi ah ma tansǝ leimuang veulǝu?uh tsanwa ah mǝ lǝu.²⁶ Monsǝm vǝ kunlau anga bǝ aka tsing hyuha bai yǝvi nǝ Bitur cum cucu'u nǝ na a n'ba lǝu bǝnka bǝu kai? ²⁷Nǝngbi Bitur fa tsanwa aka danla gwaye tata.²⁸Nǝngbi ei cwo Yeso sǝ kayafa taka vah (fada) gomna nwandwadi eih ta tanvah(fada) bwanna bǝ lǝu, don bi ei cue basin nǝn nyem lei hyiunǝng hyaku nǝ. ²⁹Bilatus ta sǝlei nalei ah nǝʋŋƙʊeng abai a kai dǝba bakǝ yǝbwui nǝi? ³⁰Eih gwau nwa a'da nǝ yǝbwui nǝ nǝng yǝvǝ nǝngabai lǝ da bi wuko Sǝmau.³¹Bilatus naleilaa dǝʋ bai naba tǝbu tsau kǝnwa nǝ doka ba nanǝ lei Yahuda naula'a ei bi yaun bai sambai bǝ dzi yǝvi nwa bwa.³² Ti nabi nǝ, kǝ yǝkǝ ku bi nǝ Yeso nako takǝ nasa nǝngah nǝng wun bwuikǝrǝ nǝ.³³Nǝngbi Bilatu fa ta fada gwanna bǝ aka tǝ dubǝ Yeso bui a,makǝ yǝvah vei lei Yahuda nǝi?³⁴ Yeso gwanwa a, dǝ na bim lei?³⁵ Bilatu gwanwa a mǝng lei Yahuda lǝu, kon mǝngg lei? lei vǝ ma balei kunlau agga wa kǝ wu dim, ba a cwuelai.³⁶Yeso gwanwa a vam a fangwam lǝi, da nǝ vam a fangwam nǝ da ki mongsǝm mǝ gba vem nǝ na ei ba eih dim kǝ tei Yahuda nǝu, ama vam lan bǝnǝ lǝ.³⁷ Bilatunau a, man yevah? Yeso gwanwa cunkǝ bisǝu n' wukǝ fangwam nǝ kǝ wun nakǝ biagang yǝvi ha nǝng a biagang n' lii wui lii³⁸Bilatu bui a'ba biagang hei? da u nabi bi nǝngbi u fa u tasǝ lei Yahuda u nalei a, n'ba Yǝbwui nǝ bai nǝng abai nǝng abai lǝu. ³⁹Ama bala bai bǝ hyuinǝng meng dǝba kǝ yǝvi tsing vǝ hyuinǝng hyaku nǝ kana dǝ ba yǝdi n'ina yǝvah vei Yahuda?⁴⁰ Nangbi ei bwadai ei bai wui ah yǝbwui nǝng lei nǝng ienang.

Chapter 19

¹Nəngɓə bilatu ɗə Yeso tə gbau ɓai hyuaka kə.²lei tă ɓwui ma nəng baiku ɓai fũ baikə Yeso la ku nəngɓi ei yau nəng yasi la kə'nwa lei yəvah.³Ei wu wai naula a də ɓi da garə yəvah lei yahuda nəngɓi ei ciu.⁴Nəngɓi bilatu fa ta veifa ka tə səɓai,n' ciu ɓai nəngaɓai aka ləu.⁵Yeso ie veifa ɓai nəng baiku ɓai nəng tasi vei yəvah ɓə,bilatu nalei la a ɓa ɓa yəɓwui bə nə.⁶Da lei kunlau angah balei fangah ɓa Yeso ei bwabə tsala ɓai wuikə a ei piu,ei piu,bilatu nalei a ɓa ɗiu ɓai naɓa təɓa piu don n'ci nəngɓai aka səu.⁷Lei yahuda bə gwau'nwa a ɓi la ɓai nwa'ɓi kə,nwa'bi bə gwau'nwa də narə a u ɓweu ɓwan don də ɗəku a rən yi Fii.⁸Da bilatu lii bi ɓə səɓi nua.⁹U fau tă tanvah gwamna bə aka təu ɓi Yeso ah lei ɓaiya?ama Yeso gwau nwa ləu.¹⁰Nəngɓə Bilatu nau a "a ba nambi wau la?a iebəng mila ɓai samɓaiv nə məng ikə,na kon pikə nə ko?¹¹Yeso gwa'nwa a yaun ɓai samɓai ka kə kum ɓwasəu nəng anə ei da ɗuiye nə ləu manəngbəng yəvi nə dəm namai cue nəngaɓai angah.¹²Bai bə gwa'nwa nə Bilatu də ɓabə leuna ama lei yahuda ɓai wui ɓai tsa na ah nə na iena kə yəɓwui nəng man ɗwu kaisar ləu.yəvi nə ha myem ku kə yəvah yang saɓa kə kaisar lang.¹³Da Bilatu lii lei bi nə u wukə Yeso wu dzou kuka cwei kila nə dəi ɗu a "fa kita "ɓai nw lei yahuda dəu ɗua gabbata".¹⁴Fi birə mimpang hyaku wu ,ɓama ɓi hyuicum,Bilatu nakə lei yahuda la a, ɓa ɓa yəvah ɓanə.¹⁵Ei ɓai wui lei tsala a,paikə,paikə tə ɓa piu,Bilatu nalei a n'pi yəvah ɓai?vei lei kunlau anga gwau'nwa a ɓi yaun ɓai yəvah aka nəng kaisar ləun.¹⁶Nəngɓə Bilatu də lei Yeso a təi piu.¹⁷Ei ɗə Yeso ei paikə,u ɗə ka pirəveu ɓui nau ei takə bənə dai ɗu a bə kwanliku,bai nwa lei yahuda dəi ɗu a "Golgota".¹⁸Ei pi Yeso bəbi cwuhyei ɓalei ɓwui aka na'iu yəvi a tsing nalii yəvah tsing nami Yeso nəng tangsə lei.¹⁹Bilatu vĩ nəng aka ku ka pirəveu,nəng ei cweinə a Yeso yi NAZARA,YEVAH VEI LEI YAHUDA.²⁰Lei yahuda ka kpala zam lei nəngɓə.don bəɓə bapi ɓai kuhyua.Ei cwei biɓə ɓai nwa lei yahuda,lei Roma ɓai nwa helena.²¹Nəngɓə lei kunlau anga yahuda nakə Bilatu a bi a cwei nama"yəvah vei leiv yahuda ka"mikə yəvah vei lei yahuda."²²Bilatu gwalei nwa nəngnə cwei nəng n' cweing.²³Da leiv tă ɓwui hyua pi Yeso nəngɓə ei ɗə nəng yasi vei eitsa tansəu na'nya tansa lei ɓai alkyabbar veu.Alkyabbar ei man maləu,ei haunha.²⁴Nəngɓə ei nakə hala a bi ɓi hyănka,bənɓăi səun ɓi cwei hyau ku ɓə ɓakə wan kukə rəi.nəng nə cweisə manəngɓə kə yikə ku bi nə kwanɗwu nanə a "ei tsa nəng yasim tangsə lei ei cweikə hyau,nəngɓə lei ta ɓwui hyua bə cwei.²⁵Leivə nə dzi buka pirə Yeso nə n'naveu,hyui naveu a yəhei ɓai meri a hyei kilofa ɓai meri magadali,lei hyei nə dzi bu Yeso ni.²⁶Da Yeso ɓa naveu ɓai lei muang veu nə yəɗi nə dzi bu'u,u nakə naveu na a,yəhei a ɓa yima"²⁷Nəngɓə u fa u nakə,bəbi leimuang və Yeso ɗəu takə veivei.²⁸Cwa nəngnə wu bə ibəng ɓaha yakun,nəngnə kwandwa nanə yiku yang Yeso na a "dzə məng lii leng.²⁹Ku ɓai ming a amrə dzə bəbi,nəngɓi ei ba zanəng tangsə ming a amrə ɓə ei tsa nwakai ei bakə Yeso la nwa.³⁰Da Yeso bang ming a amrə ɓə nəngɓə u na a "tənyang."nəngɓə u baku hyua hyũrəu təng.³¹Lei yahuda bə,bəsing birə mimpang ei yəɗi ləu lei kwanɓwui lei bə dzi nwakai və Asabanci bə(don və asabanci və anga)³²Nəngɓə lei tă bwui hyua wu,wu oo kabu yəɓwui a naci,ɓai yəɓwui a nəng na'iu nəi ei pilei cwahyei ɓai Yeso nə.³³Da ei wusə Yeso nəngɓə wei ciu u ɓwuing nəngɓə ei labə do kabu.³⁴Yəva ka tsing tangsə lei ta ɓwui hyua laɓai hyum kə nwa'iu hya baukə nwa-iua danla hyui ɓai ming kə ie veifa.³⁵Yəvi nə ɓai nəng myem kə yəvi sheda,sheda veu a bəgang,u ibəng nəngnə u nanə a bəgang,doka ɓa dzə nyi-nyi la.³⁶Lei nəngnə cweisə kə ei yəkə ku nəngnə kwandwa nanə a "kuku aka yaun n'oorə.³⁷Kwandwa bə fa naka a "Eing ɓau yəvi ei bau nə."³⁸Cwa lei nəngnə,yusu a arimatiya anə tangsə lei mongɓwui Yeso nə(tangsə yuerə bi vei lei yahuda)ta tə ɓi Bilatu ko rənh ɗə sə Yeso ɗəi.Bilatu ɗəu nənga a u ɗə,yusu ta tə də sə Yeso bə.³⁹Nicodimu laɓə wu ukə yəvi nə naciu wu invĩ ɓai nui a yeirə a mur ɓai aiw nə muirə səu kem hyun hyui nəng.⁴⁰Nəngɓə ei ɗə sə Yeso ei lei tangsə manti cwahyei ɓai nui yeirə alarə,nəngɓə kə nəng hyũnəng vei lei yahuda nə dai cwu ɓwan yang.⁴¹Bəni ei piu lanə lan tangsə bənka,bənkai bi bwa fula ei ha ei cwu yəvah ka bəbi ləu bətsing.⁴²Tunda fiɓila fi birə mimpang vei lei yahuda,bwa bə bapi,nəngɓi ei lei Yeso tangsəu.

Chapter 20

¹Tan nwan djiwadi nawaci lomo,nyiu danguji la,mazyamu magdalinya u wu kun jum,wu ci ei fakə yəə nə lam kə nwa ɓwa nə.²Nəng u ƥəi ɓə bujum u ta sə saminu bitru ɓə lei mongɓwi və Yeso nə də yiɗi nə,u nalei la,"ei ɗei yiceivah tangsə ɓwa yang,ɓə ibə nə ei lən la nə lən."³Nəng bə bitru ɓə lei mongbwi nə ei ii,nəng bə ei ta kunjum bə.⁴Lei kƥem ei ii ɓə bujum cuehei nəng ɓə mongbwi a tsing tangsə lei pəi sə bitru u ta kunjun bə.⁵Nəng bə ɠhanəng kə lyua tangsə,amma u ta tangsə ləu.⁶Nəng bə saminu bitru u wu cwau nəng bə wu ta tangsəu kunjun bə, wu ci ɓwansəu likkafanin lillin iẅi bə bi.⁷Bwasəu nəng ɓə kũu.Ei e lei cwahei ɓə (likkafamin)amma bisi (linkeshi)nəng ɓə ei leiu ɓəng tsie.⁸Sə mongbwi nə pəi ta kunjum nə u ma tu ɓə,nəng ɓə u də bi aghanla.⁹Ha la də nə ei ibə gulbi də nabi a ei iyiu kə ii na ɓwa ni lou.¹⁰Sə lei mongbwi bə fa ta vəh.¹¹Maryamu fə ji bə buu nwa bwan jum də tataa.yayi dəu tata nə,nəng bə u fəu baɓə nwa kaɗwan u ɓə tangsə ɓwa bə.¹²Nəng bə u ɓə(malaiku)ninə iyiu tangsə nəng yăsə a flən.(fari)ku lyua,tsing kă kũu a tsing kă lei kabu bə nə ei lee Yeso la nə.¹³Nəng ɓə ei nən la,yihee nə ɓə cuei de man tata?nəng u nalei,"Bisi ei ɗe yicuevəh mi ma in ibi nə ei ləu la nə ləu.¹⁴Cwa bi u nanə,nəng ɓə u nya danla u ɓa Yeso ji ɓəbu kə u ibə kon Yeso ɓə nəba.¹⁵Yeso naula,"(uwargida)ɓa sa kə də məng tata?nwatsing de məng ɓaa bə?don dəu keemɓa məng yivə nə də ji nəng sə lambu ni nə,nəng bə u naula,"yicuevah in nə manə a dən yang a nəm bənə a taukə la nə,yang tə min dənrə.¹⁶Yeso nəu a,"maryamu" nəng bə u miyeam,u nəula a(armaniyanci)"Rabboni" wato ywə ni na si nəng(mallam).¹⁷Yeso nəu la,bi a keeu sim ka,ladda in npii m taa sə dahm ləu amma a taa si lei lyiem(yar uwana)a nalei la,min taa sə dahm bə dahɓə,fiim ɓə Fii ɓə".¹⁸Maryam magdaliya ũ taa sə lei mongsəim bə,nɓa yicuevah u na rə nəu lei nəng la ha yang kpem.¹⁹Fi bə lei ɗwuin ɗu,fi a na ei tangsə lomm,Ei lam lei mongsəim tan kwun bə lambə bisi ɓiɓi vəh yahudawa,Yeso wu wu ji tangsə lei u na a "Nddasi ɓai(salama agsreku)".²⁰Də u nabi manəng ni,nəng ɓə u ta nasi lei nəu ɓə nəng ɗwa tan nəu m nə.də lei mongsəim nə ɓə yicuevah,nəng bə də lilarə.²¹Yeso miyeam da ləi la,"ndda sə bəi."bisi la nə ɗahm cummi,mi maa min cum ɓa mənəngbə.²²Də Yeso na mənəngbə,nəngbə u lei cuhyui la,u na ləi,"əi mua kwan gharanran.²³Duk yivə nə ɓa loo nəng a ɓai vəu,əi loo lan yang,yivə nə ɓa mua nəng a ɓai vəu,əi hyua irəu.²⁴Toma,tangsə ləi və hyua irəu naiu,yivə nə də ɗu kə ləi yin zəin u yang cuehəi ɓə lei vii nə Yeso wu fuh.²⁵Niu ləi muangsəim nəu la, "ɓi ɓə yicuevah"nəng u ləi la in nə ɓə ləi ɓwa kusa kanəu ləu yang,in nə ba nwa nəng hyuana bwa sə ləi nwa nəng hyuana tangsə ɓwa kusa loo yang,in bə m də bi a ghang lən.²⁶Vii bu kənya wu kə lyəi muangsəim lam tanvah,toma u ma ɓə lei kə,ləi nwakum kpem ləllam,nəng bə əi ɓə Yeso tangsə ləi u nə a, "Ndda sə ɓəi."²⁷Nəng bə u na Toma, "a wu bə nəm nə.a wukə nəma wa bə ɓwa ni nə,bi a miyeam kə ywə nə ba də bi agang nəu,sə də yivə nə də də be a gang nə."²⁸Toma nə ləi la a "yicuevah ɓə Fiim."²⁹Yeso nə ləi la,wato a ɓəm nə,a debə aghang lan?be aghang lansə ləi ve nə əi ɓə ləu nə əi kuma əi də be a ghang la yang.³⁰Yeso taă na sə ləi kə tsing-tsing ci vii tangsə kwun djwa vəu nə.³¹Amma a vii nəng nə,bisi bə də bi a ghang sə Yeso nəng bə kə yi Fii bisi ɓə də be ghang kə bə ci kə hurə tangsə inm.

Chapter 21

¹Cuwa ləi nəng nie,yeso fa wu kə kuu sə lei muangsəim nwa məng (Teku tabariya).a ɓə yadda u wukə kuu.²saminu bitru cuehei ɓə Toma ywə nə də ɗu kə lei yin zəin,ɓə natanailu nə hyua vəh Galili,ɓə yivə nə ka və zabadi,ɓə ləi muangsəim və Yeso ns iyiu.³Saminu bitru ne ləi, "mi cue ləi ɓə ləi"bi ma bin tə cuehəi bə ɓə ma,nəng bə ei tangsə făa,amma ɗunvii ɓə əi mua nəng a kələm.⁴Də,bə digharə,nən bə Yeso ji nwan gwəi,nəng ɓə ləi muangbwi bə ibə kon Yeso ɓə lən.⁵Nəng bə Yeso na ləi, "lei mua basə,bə la ɓə nəng nə ɓəng tanrə nə.nəng ɓə əi gwaləla a "Aa."⁶U nələi "ɓə ləi kaa ɓə ka na na lii ɓə faa kə ɓeng ci nəng a kən ci "nəng bə əi ləi făa vəh əi bəi vəuw bisi kparə hĩng.⁷Nənh bə ləi muaungbwi nə bə Yeso də yiɗi nə u na bitru,yiceuvah nə fă, "də saminu bitru lii əi,yicuevah nə,nəng bə u tsa səu bə ləi nəng yăsə vəu.(bisi u ləi səun fam),u oo məng teku bə.⁸Niu ləi muangbwi bə əi wu tangsə yi făă,(bisi əi cueləu ɓə lyua,ɓə ma əi mua lun lyui nə iyiu təkəyəh əi vəə kăă bə lĩng kə yiila.⁹Bə bə wurə və nwan gwam,nəng bə əi bə nztsing ɗwa bəbbi ɓə lĩng kə kũ,ɓə kumbəm.¹⁰Yeso nə ləi la, "ɓə wukə ləi nəng a ka tangsə ləi lĩng nie ɓə mua suswəi ni nə.¹¹Nə bə saminu bitru cwui,u wu kə kăa kə nwabwau,yiila bə ləi hĩng angha dari da hamsin da uku.(153).nəng bə ɓə kparəu,kăa bə lyang ləufah.¹²Yeso nə ləi la, "ɓə wu bi uwa kumallo."tangsə ləi muangbwi vən yivəh ka yaung bəu bi. "kon ũũ ɓəi?"bisi əi ibə n yicuevəh nə.¹³Yeso wu wu ɗə kunbəm ɓə u dəlləi,manəng bə ɓə ɦĩng kə.¹⁴Nəng nə kə karo a natə nə Yeso wukə kələi muangbwi vəu la bisa nə u iilə ɓwu nie nə.¹⁵Də əi ũwa kumallon,Yeso na kə saminu bitru, "bitru yii yahaya,de man yiɗim pəi sə ləi nəng nie?bitru nəu la, "i yicuevah,a ibən də mi yiɗi "Yeso nəu ləu" a tankə ləi yi nəngbum nə."¹⁶U nəu a kəla nəng na iyiu səu, "saminu yii yahaya,də ma yiɗim la?bitru nən la "i yicuevah,a ibən dimin yiɗi"Yeso nəu la, "a kănm ləi nəngbum h."¹⁷U nəu a kəla,nəng na tăa səu,bitru yii yahaya,də man yiɗime la?bitru liilarə sə nəng Yeso nəula a nəng nə tăa nə ləu, "də man yiɗim la"Yeso nəula,yicuevah a ibə kon bə lan kpəm,a ibə dəmi yiɗi ma"Yeso nəu la"a tankə ləi nəngbum.¹⁸Manəng bə,də min nə bə la,vii a nəng ma kă lan,de man cue kon bə kə kuu ma la,a tăa bənəng də məng də ləi na mayeh kə yivə ma samala,u tăa kə bə nə a yiɗi ləu nə.¹⁹Yeso na manənh bə nə bisi ũ tăa na sə lri bwəirə vəj bitru nə bisi gharə və Fii.cuwa bi nie u na nə,nəng bə nə bitru,a u mua.²⁰Bitru fə miyeam nəng u bə ləi muangbwi nə Yeso də yiɗi nə nəng bə dəu muacuwa lei bisi də gharə kə Yeso vii nə də tankə nə u nanə, "yicuevah wa tsing n da si kuu?"²¹Nəng bitru ɓəu,nəng bə nə Yeso "yicuevah,bə yivə nə də cuevə?²²Yeso nən a,"n nə dəu yiɗi bə ku bə niə kə fən wuyan ɓə kə bii ma bəbe?a mua cuwam.²³Bii nə kwaha tansə ləi hyuii la əi na a,nəng nə muangbwi nə ba bwiu ba,manəng bə Yeso nə kə bitru laləu,nəng nə mauangbwi nə ba bwiu ba,bisi "n nə də mi yiɗi nə kə u kuu bəni har n fən wukə bə kə bii ma tansəu?²⁴Nəng nə kə muangbwi nə də tăa na sə ləi nəng nə u vii ləi nə,bi ibə n bə bə ghang nə.²⁵Nyiu ləi nəng bə kpăa la nə Yeso cue,n nə əi vii tsing-tsing yang,də min nabəla,kon fangwam ba də ləi nəngnə əi vii nəu.

Acts

Chapter 1

¹Darenwoi nanvyi nawacina, Tiyofilos, na nangna Yesu fudi bacuera langfau ninala,²wuka vina eidau takaye, cua badabina uda kasa kwuang garangrang ka lemuanbu-na udana.³Cua yibeivaou, udakeku bei hiira bei nangwara kpãla. bu-hun-iyu u-ilela, langfa unalebi ku bakurava fih.⁴Vina daukwahaa baleika, udawui a bi'eiyi urushelimanka, amma, eimi nangna dah nana, una'a ''baling sam⁵a' Yohana kabiegang dahuemang bei mang, amma einheuba mang bei kwang garang garang tangsa vi-luani.⁶da eigambayitsang eibiu' a ''yiluevaa, nangbaka vina maanfako bakura maandaka Israila?'' ⁷Unalei'a '' m'abalaou ba'iba bi bei vina fih madza tangsa sambeivaou. ⁸Amma banci sambeinci finala kwuang garangrang wukubang, langfa ban'na kumna tangsa Urshelima, Yahudiya, Samariya bei batangra fangwam.⁹da yicueva Yesu nalenangna haa, deiba duiye, nangba eidau-eitaka duiye cyi-langfa yueu tangsa nanglei. ¹⁰ da deiba taravaou tangsa duiye, dangla, leva na'iyu jipilei bei nangyanang-avaou.¹¹Ei na'a '' ba lebui Galili, baka baji bani daba batangsa duiye? Yesona eidausibai eitaka tangsa duiyena, nfa tangsa nanghayitsang kawana babau daukaka tangsa duiyena''.¹²Da eifa-eiwu, tangsa Urshelima sa tei-zaitun, badi bei Urushelima tara asabanciho.¹³Da weifu, nangba eita bakuraaye, bana deikula le Bitrus, Yahaya, Yakubu, Andarawus,Filibus, Toma, Bartalamawus, Matiyu, Yakubu, Yo Alfa, Siman mai tsattsauran ra'ayi, bei Yahuza ya Yakubu. ¹⁴Leikpem bei ninitsang dei gūfih, Cuahai balehei, Maryamu Nava Yesu, bei le-hyū.¹⁵Tangsa viba, Bitrus ijirabu tangsa Le-zahyūi, Lei-hun-hyūicung, Una'a,¹⁶''Le-zahyui, hyi-ing nangna darenwol nana Cuesa, na kwang garang rang na nwua Dauda ku hayuza, yivana o-leiva wumuaka Yesu.¹⁷Ula tangsabi langfa umuang tangsa wualumni.''¹⁸( Yibui lia hyua bei sedei na uci ku- nang-abeivaou, babi, u-o bei niniku, yuo-gbam, langfa Le-kabeiyuo i-eibeifah.¹⁹Levanaha ku Urushelima liyang, nangba eidu-ing baba bei wualei'a ''Akeldama'' nangbaka hyua-hzyui.'')²⁰''Eving tangsa darenwol Zabura'a '' eiyi-hyuavaouba Miyamka kundzangvah, bifa eiyi yivakaa kubabingkaa, Langfa yivakaa piembaeum tangsa gãravaou.²¹Hyi-in, manangbang, tsang tangsa levana cuahai beibika vinala yicueva Yesu dataatangsabi bei ba-irayang,²²Fudi sa bahuemangva Yahaya wutaka finala eidausabi eitaka duiye, langfa babeibi tangsa ba-iravaou.''²³ei-ika lebui nina'iyu, Yusufu deiduka Barnabbas langfa deidukaka justus bei Matayas.²⁴Ei-gufih ei-na'a '' yicueva ma-iba ninilevaha, atabibasa yivana ada tangsa levana nina'iyuna.²⁵npembai tangsa nwuacumna bei bataacumna Yahuza eikataa langfa muaka-nangahvaou.²⁶Eibiule-nala, nangba babuina o-ku Matayas, nangba eizammu tangsa letaacumna hyua-iru-tsang.

Chapter 2

¹Da vi Fentikos wu, leikpem eigam bayitsang.²dangla, wuinang-aka iduiye bama yuangah, cuihyua tanguana bana dekulaa. ³Nangba le'nwa baman dua wu-isalei nangba eitsaleila, eikukuleiha.⁴Lei kpem kwuang garangrang yitangsa salei eibani banabi bei nwuakaavaa kpãla kawana kwuang nilei nala.⁵Viba le Yahudawa la ku tangsa Urshelima, levava fih, tangsa hyua naha fangwam.⁶Da eili wui nangba, levaha gam nangba-yilalei biva leiha eililei denabi bei nwuakavaa vei.⁷Nangba dalei nangmuanawau; eina'a ''hmm, levanaha danabina leva-galililo?⁸Cue'u doka dabili leikpem denabi tangsa nwuana eilibila? ⁹Fisiyawa, bei Mediyawa bei Elimawa, bei Yahudawa, bei Kafadokiya, tangsa fontus bei Asiya.¹⁰Tangsa Firgia bei bamfiliya, tangsa Masar bei gyam-libiya kasa sur bei leduawai Roma,¹¹Le-Yahudawa bei levana tubi tangsa Yahudanci, kiretawa ku nwuacum angah va fih.''¹²Le-hǝakpem nǝngcuesǝbi bei bǝluyiku Mualei; ei-nakǝhǝala a '' nǝngnǝn-baho?''¹³amma levakǝa zyiwa nalei'a '' Mim inabi lasǝleng''.¹⁴Amma Bitrus iji, beiniu hyua-iru-tsangna, ikǝwiu nalela'a, '' Levǝ Yahuda bei levǝnahǝa ku tangsa Urshelima ba-ibǝ nangna; balibim.¹⁵Levǝnǝ mim lasǝleilǝou kǝwanǝ dǝba narǝnǝ, kasusuenǝ, bi-hyuanghyua a wuanjuadi buasǝu.¹⁶Amma nǝngnǝ nǝngbǝkǝ binǝ eina kasǝ le-tawacumfih yowel.¹⁷Fihna'a '' Manǝngbǝn jikǝrǝ tangsa vietǝngkǝrǝ, Min-ei kwuang ku levahǝa, leyǝba ayibui bei ayihei einabi-nǝng-acinna, le-basǝba banang-acinba, bei le-niyabuiba muimuirǝnmui.¹⁸Manǝngbǝ ku lemuangsem'mi ayibui bei ayi hei, tangsa vinǝ min-ei kwuang, langfǝ ein'nabi nǝng-acinna.¹⁹Min-tanasǝ nǝngmuanawa tangsa kuduiye, ei nbǝba tangsa fangwam, hzyui bei dua, bei bubudua.²⁰Duafi nmiyamkǝ bǝngbǝji, fihyum nmiyamkǝ hzyui dokǝ vi-angah vǝ fih wuh.²¹Ncucue yivǝnǝhǝa du-ing yicueva yana nci huranci.²²Levǝ Israila bali lebinǝ: Yesu banazare, yivǝnǝ fih tabanala tangsa nwacum angah, bei nǝngmuanawa, bei nǝng-abarǝnǝ fihcue tangsabai, kǝwanǝ babeinaba ba-ibǝng.²³Biva bǝjirǝ bei bǝ-ibǝnǝng vǝ fih, eidǝau, balangbǝ, na-levǝ tsaku, ba-piu langfǝ ba hyau.²⁴Amma fih iukǝjirǝbu, iukǝ zyirǝbuala, bivǝ bacueukǝ buamodzǝ.²⁵Dauda naku'a ''dǝminba yicuevǝa cim, ulan-gyam-nalim bin-ya-bǝngkǝa.²⁶Manǝngbang, ninim dǝ lilarǝ, liyemmi langba dǝlilarǝ. langfa juansǝm'nku bei bǝdzǝnici.²⁷Aba'ayi sǝm tangsa buawa, aba'ayi yivǝma hyila ba buangrau.²⁸Atamnasǝ nǝngah hurǝng, bei tangnǝngma mǝandǝmkǝ larǝ.²⁹Lezahyui, hyi-ing nnababi ku Dauda, ubui nǝngbǝ ei-cyu, kunjummu labeibika wukǝ liye.³⁰Manǝngbǝ, un-letǝacumfi u-ibǝng fih hyiunǝng bei nǝnghyinǝng' a rindzǝ yivakǝa tangsa le biyau ku bǝkurǝvǝou.³¹uba nǝngnǝn, cuesǝ cining, nǝngbǝ unabi ku bǝ-ira vǝ Kristi 'a eila-kwuambuilaou tangbua, langfǝ Juasǝu buanglǝou.³²Yesona fih iujikǝrǝbu, bihǝabibang.³³Manǝngbǝ, kǝwanǝ eidǝu-eitakǝ nanali vǝ fih, langfǝ umuabi kwuang garangrang sǝ dah, u-ei nǝngnǝ dǝbabarǝ bei nǝngnǝ dǝbalirǝ.³⁴Dauda cuyitǝa duiyelǝou, amma Una'a, 'yicueva nakǝ yicuevamla'a '' aku nalim.³⁵Seifana nmiyam legwa-hyuimau kǝ kadzǝbuma.''³⁶Manǝngbǝ, vavǝ Israila hǝa,ibǝ Yesona bapiunǝ, Fih maukǝ yicueva bei Kristi hǝa.''³⁷Da eilimanǝngni, bibǝ baninilei nǝngbǝ einakǝ Bitrusla bei niu le-tǝacumnǝ' a ''le-zahyi, babin cuerie?''³⁸Nǝngba Bitrus nalei'a ''ba tubi bahǝa ei huebamǝng tangsa ing Yeso Kristi dokǝ eimuakǝ nǝng-abeiba ei-eikǝtǝa yang banmua nǝngdǝnǝng kwuang garangrang.³⁹Bineinanǝ n'aba, bei leiyaba bei levana cuyila, bei levanahǝa yicueva fihbi ndubǝra.⁴⁰Beilebi: aka kpala una langfa utasǝki, una'a '' bayuang-kuba tangsa zaivǝ susueni.''⁴¹Nangba eimuabivǝou, langfa eihueleimǝng, Fibala zaiva ledukulei ho-natǝa.⁴²Eidzǝkulei tangsa bǝninasanang letǝacum bei bakura cuahai, dei'uwara bei nangtǝang tangsa bǝgufih.⁴³Bi mualevǝhǝa, langfa eicue-nǝng cuesibi bei nǝng-abaro kpala sǝ letǝacumfih.⁴⁴Levǝna muabina ku-cuahai langfa nǝnghǝa deicue bayitsǝng, ⁴⁵Nangbǝ eiliya bei nangnalei bei nangnan'aveihǝa eitsakǝhǝa, levǝhǝa bei nǝngnǝ dei yidi.⁴⁶Kǝvinǝhǝa deiwu bei ninitsang tangsa komfih, dei' uwarǝ bei nangtang-vei, langfa deitsahǝa nangtang bei larǝ, bei ninie-larǝ, ⁴⁷Dei dagahrǝ ka fih langfa deici-nǝng-agang sǝ zaivǝhǝa, langfa vinǝhǝa yicueva dǝ ledukulei kulevanǝ ci hurǝ.

Chapter 3

¹Kanǝ Bitrus bei Yahaya dǝtǝa tangkomfih tǝbǝn gufih bintǝa.²Yibui-aka eiciu kabuyaung, deidǝu vinǝhǝa deiwukǝ nwakomfihnǝ deidu'a hyila. deidzǝou bǝbi vinǝhǝa dugunǝng na-levǝnǝ dǝtǝa tangkomfih.³Da uba Bitrus bei Yahaya tǝbǝntǝa tangkomba, nǝngbǝ u-gunǝng nalei.⁴Bitrus bei Yahaya dzǝnǝngsǝu, bitrus na'a '' a babi.''⁵Yivǝnǝkabuyaung, dzenang sǝlei dǝba bamanci nǝng-akanci sǝlei.⁶Amma Bitrus na'a, '' Azurfa bei Zinariya nyaung-beuka, amma nǝgnǝ milabeuka mindandǝ. Tangsa ing Yesu Kristi Banazare ahohorǝ.⁷Bitrus muanalivǝou, dǝudzǝrǝbu; dangla kabu yibuiba bei legulbu ci-sambei.⁸U-hzyuaye, yivana kabuyaung bani bǝhorǝ; nǝngba utǝaluahai bei Bitrus bei Yahaya tangkomfiu, dǝu hora, dǝu hzyuara, dǝudǝgahrǝ kǝ fih.⁹Levahǝa bau dauhzyara, daudagahrǝ ka fih.¹⁰libabagang libakan yibuina dagunana nwakomfihna hyilanǝ, nangba nǝngcuesabi mualei bei nangna-eiba luesa.¹¹Da umuakana Bitrus bei Yahaya levǝhǝa wubadibalei tangsa nǝngminǝng-wakombǝla n'avǝ Suleimanu, nangcuesibi mualei.¹²Da Bitrus ba manǝngni, ugwakǝ levǝla'a '' ba leva Israila baka nangcuesabi muabe? baka badzabi nangla bama bibicue dǝuhorǝ bei sambeibi langfa bei nǝng-agangbie?¹³Fih vǝ Ibrahim, bei Ishaku, bei Yakubu, fih vei dabi dagahra ka muangsemvǝou Yesu. Uka yivǝnǝ badǝ langfǝ bala ci Bilatus nǝdǝu yidi bǝ'yuna.¹⁴Bala yivagarangrang bei yivagang, manangba banaba ei'inaka lehyabǝnǝ ku.¹⁵Bahya yivo dǝhurang, yivanǝ fih-ika tangsa bua-langfa bibang.¹⁶Kanǝ, bajitsa tangsa iung, yibiuna dǝbabara langfa ba'iyung ci sambei tangsa iyingni. bajitsana kasa Yesu dau-Jammu hyila nangbai haǝ.¹⁷Kanǝ, lezahyui, n'ibang bacuenang tangsa ba' ibabalaou kawana levangahba cuena.¹⁸Amma lenangna fihna kǝawa lekunlǝauna, a' kristira nwayibei nwa, kana cuesang.¹⁹Ba tubi, manangban, bamiyam doka eilo-nang-abeiba e-ei kata, biva, vi-miyamrǝ wuyang sa yicueva,²⁰Doka ucum Kristina udzebala, Yesu.²¹Uka yivǝnǝ duiyenmuara wuka finala unfakara bei nanghǝa, ku lenangna fihna ila nwalei-kunlǝau garangrangvǝou.²²Musa kabiegang nang'a '' yicueva n'ika kunloau-aka kǝwam tangsa lezahyibai banli nangnahǝa unabala.²³Ndzǝji yivanahǝa li-kunlǝaunalaoung, e-lukan'i tangsa levavǝou.²⁴Mm, lekunlǝau hǝa banisa Sama'ila bei levanahǝa wucuo nabi lei-vinang tangsǝo.²⁵Baka leya-kunlǝau bei nangtsanangna fihtsa balei-bababa, unaka Ibrahim la'a ''Tangsa lebabamai zaivǝ fangwam hǝa nciki badzanaku.²⁶Cua, fih ikǝ muangsemvǝou, ucummu sǝbai nawǝci, dokǝ udzǝnakubai umiyambahǝa sǝ-niniebeiba.''

Chapter 4

¹Da Bitrus bei Yahaya da nabi kǝleiva, lekunlǝau bei letsa'i komfih bei lesadukiyawa ileila. ²nangbə yilalei bivə Bitrus bei Yahaya dəninasənang kəleivə danənəng ku Yesu bei bə'iravəou tangsa bua.³ei-mualei elei busana bava dangdui wuka wanjuad'i.⁴Amma levakpala nalibiba gwayang; kulevəna gwabinana lei-ho-nahyi.⁵Bagala nangba levangah, leniyibui, bei lenanguyinang wugəm bayitsəng Urushelima. ⁶Anas kunləau angah labədi, bei kayafa bei Yahaya bei iskandari, bei levanahəa nbiya kunləau.⁷Da edza Bitrus bei Yahaya tangsalei, ebilei'a '' bei sambei-akae, langfa tangsa iyingwa ba cueka nangne.''⁸Nangba, Bitrus tangsa kwuang garang rang nalei'a '' ba levanga, baleniyibui, ⁹nadaba bibi liye bivə nang-agang bi cueka yivanəngzyinəla, eicue'u yibiunə cika Jammuyang, ¹⁰ba'iba bahəa bei leva-Israila həa yibuinə ji cibai beijammu tangsa iying Yesu Kristi Banazare, nəbapiu, amma fih iyukə tangsa bua.¹¹Yesu Kristi ka teina balenangminəng bala amma eifaukə-eitaka kunəng minəng. ¹²Bahura yaung tangsa iying yivəakai, iying-akayaung buani duiye edətangsa levə nəkasiu eincika huranə.''¹³Da eiba sambei və Bitrus bei Yahaya, nangbə ei-iba lenlevanfam, kwuangkuleiyang, nəng cuesəbi mualei, langfa ei-ibang Bitrus bei Yahaya la cuhai bei Yesu.¹⁴Biva eiba yibuinə cijammunə ji-cuahai baleika, eyaung bei nəng-aka ein'naku nəngni.¹⁵Cuabə'ika letəacumnə bəfa, ei-nabi bualei.¹⁶Eina'a '' babin cueka lebuyinəe? bəlara yaung, nwacum-nəngcuesabinə cuesə-kasəlei; leva Urushelima həa ibayang, bibabi tsa'nwau'wa.¹⁷Amma bivə eitaka bangzaivəngka, bilamd'ua bidalei bifa einabi kayivaka tangsa iyingninka.¹⁸Nangə, eidubə Bitrus bei Yahaya edəlewuyi bifa einabi langfa eininasənang tangsa iying Yesu-akangka.¹⁹Amma Bitrus bei Yahaya gwa; nalei'a ''hyi-ing nang fih bidaba gahra peisəwo, babatangəo.²⁰Bibabi yilasa banabi ku lenangnə biba,bei nəngna bilinəu.''²¹Cua bə comd'ua aka eidəkə Bitrus bei Yahaya, nangbə ei-ilena-epei, eici-nangnəcue-enamkə vusəleiləou bivə levəhəa də-dagahra kə fih bei nangnə cuesənə.²²Yibuyinə ci nwacum-nangcuesəbi sə bəci-Jammunə hau-hun-'iyu.²³Cua bə'ileina, Bitrus bei Yahaya fawuhsə levəvei wunalei lenəngnahəa lekunləau angah baleniyibui naleila.²⁴Da eilimanəngni ei'ikəwuyilei bei ninitsang səfih eina'a '' yicueva, ma-məa duiye bei fangwam bei nwam, bei lenəngnəhəa tangsau. ²⁵A'nabi sə-kwuang garang rang kasə muangsem'ma, dabi Dauda, anama ''batsang kəleva dəbankəyua, langfa levə dəkembi nəng-afam'e?²⁶Anama' leyiva fangwam wukwahaku, langfə levangah wugəm doka eina-anfam və yicueva bei kristivəou.²⁷Kəbiegang, Hiridus bei Buntus Bilatus, cuahai ba leivə. bei leva Israila, wugam bayitsang tangsa hyuani eina-anfam və muangsam garangrangma Yesu, nə' abəaunuyi.v 28 elwuwegam doka eicue nangnə naməa bei nəngna adzə nawacin cuesa.²⁹Kanə, yicueva aba-bəcamduavei, adə- lemuangsemma sambeinə n'nakəbi ma tangsa sambei.³⁰A' ika na-məa awukə Jammu, bei, lenəng-abarə bei lenəngcuesəbi kasə iying muangsem garangrangma Yesu.'' ³¹Cua bəgufihlei, bəna eigəmlana yeu, kwuang garangrang yitangsa səlei langfa einabi və fih bei sambeihəa.³²Levənə kpala gwabi banə, ninilei həa tsang. yvaka yaung na'a nangnə Rilabeuka n'ara, amma heihəa nəngvei tsang.³³Bei sambei kə gahləa. letəacumnə nabi ku-bə'ira va yicueva Yesu tangsa bua, langfa ku-hyi la jikulei.³⁴Yivaka yaung tangsalei cinəng-akaləou, biva leva hyua bei vəahəa liyabeuka wuka seidei nəngnəhəa' ei liyabeuka,³⁵Nangbə eiwuka seidei bə ci-letəacum. ei-tsaka levəla həa nəngnə dei yidi.³⁶Yusufu, na-letəacum də duka Barnaba. (eimai'naka yəjitsa) balawi, yivə kubrus,³⁷Liya bei hyuavəou nəngba wuka seidei bə ciletəacum.

Chapter 5

¹Yibui- aka iyiung Hananiya bei heu-Safiratu liya bei hyuavei, 2 Nangba yu'e tangsa sedeiba libei ba'ibə və heu), nangba wuka niu-seideiba ci-letaacum.³Amma Bitrus nau'a ''Hananiya, baka munkulum tatangsa ninima' anakə wa'iyukə kwaung garangrangla langfa a' yue niu sedei hyuaba'e? ⁴Finaləa aliyabeukalaou, n'amalo? langfa a liyabeukama. n'amalo? nbaka'akembina ninima'e? Ana' wa'iyukan levaləalaou, ana wa'iyukan Fihləa.''⁵Tanghyua uli manangnii Hananiya gbahyua-o hurau tang, bi-mualevanahəa libiba yang.⁶le muayi basa i da kwambuiu taka tacuyi.⁷Cuasau, binatəa pei, heu, wuh, ibanangna cuesa laou.⁸Bitrus nau'a ''anamləa na'uh baliyaka hyuaba'e? nangba ''una'a manangni.''⁹Nangba Bitrus nau'a, '' baka bagwa bei buma baniyi kwuang yicueva'e? aba, kabu levana tacui buma la'wakomni, langfa ein'da' ei'ikon'i.''¹⁰Dangla ugbahyuau-o hurau tang. lewayi bass ba wuciu, hurautangyang, nangba eidə kwambuiu ei-ikabeifa teicui badi bei bu. ¹¹Bi kpala wuku-leva tangkomfih, bei levanahəa libibayang.¹²Nang-abara bei nangcuesabi kpala cuesa tangsa leva kasa letəacum. lekpem cuahai tangsa nang-minang wakom-və Suleimanu.¹³Amma yiva kayaung ci-sambeinan kwakahəaku baleika; amma leva-hakpem da-dalei gahra.¹⁴Lada lemuabi kpala daleiduku ka yicueva la, lebuyi kpala bei leheyi, ¹⁵Langfa dewuka levanangzyi de'ei-kunangah leiha ku baluyeravei bei bapiyannangvei, doka na Bitrus wuda peirayong, kwuang oku levakai.¹⁶Leva kpala dawura lehyuana badi bei Urushelima, de-wuka levanangzyi, bei levana-yuatasalei langfa eici Jammu.¹⁷Amma kunləau angah 'ibei levanə cuahai-beiuka (Levavei sadukiyawa ho); bizyiba mualei.¹⁸Nangba eimua letəacumna ei-eilei busana.¹⁹Tangsa iyingvyi malaika va yicueva bei wakom busana ileika beifa, nangba na'a.²⁰Batəa, baji tangkomfih banabi kaleva ku bi hurani.''²¹Da eilibiba managni, nangba eitəa tangkomfih wanjuadi ei-nina- sasong. Amma kunləau-angah wu bei levana cuahai beuka nangba duba bagəmra bei majalisa, bei leniyibuyi Israila nangba dawui ei-ika letəacumna busana.²²Amma letsa'i natəana tacileleu busana nangba faka bi wuka, ²³Bici nwakom busona lam'hyila bei levana dabababa ji-nwakom, amma bibei nwakom bici yivakaləou.''²⁴Da yivangah-komfih, bei kunlaau angah lilebina nangba yilalei wanei eina'a nangna-cikanba kane? ²⁵Nangba yivaka wunalei'a, levana balei-busanani, Ji tangkomfih da-ninasanang ka leva.''²⁶Nangba yivangah-komfih bei letsa'i. tamualei fakawuka, bei sambeilaou, biva debibi bi leva walei bei tei.²⁷Da eiwuleika, nangba eidza lei tangsa majelisa, kunləau angah langfa bilei,²⁸A '' kateko bi daba wuiyang beisambei biba ninasənang beiluing nanka? amma balahəa iyingna yitangsa Urushelima bei baninasanang bai daba yidi ba wuka hyi-yibuyina kubi.''²⁹Amma Bitrus bei letəacum gwaleila'a ''binda gahra ka fih nlevalaou,³⁰Fih vei dabi ika Yesu, yivana bahya, ba'au ku kəa,³¹Fih daou-gahra nalivaou doka umiyamka yiva bei yiva da hura, uda Israila ba bakuhyua bei ba mua nang-abei eikatəa.³²biba lenangnayang, langba kwuang garangrang na fih daka levana da-deugahra bayang.''³³Da leva majelisa libinə, yualei bangka wanei, langfa deiyidi ba hya letəacumna.³⁴Amma bafarise aka iyiung hamaliel, yiva ninasa attaura na leva da-deugahrana, iji tangsa mejalisa dewuyi,a ei-ika letəacumna beifa cuani.³⁵nangba unalei'a ''leva Israila, badza hakiloba sa nangna daba yidi bacueka levena.³⁶Viecuana peikana, Tudas i-dadaku baman nang-aka, leva hun-huyi-nan'nya dadaka cuo amma eihyau, levanahəa dadakacuo yakatəahəa eilibi va yivakabou tangsalei.³⁷Cua yibuyinə, Yahuza a Galili i-tangsa vina dei zamkaku wufam levaka dakakacuo. langba utangfam, levanahəa dadeugahra langba yakatəa.³⁸Kana damin nabala batsanangah baleivana, nangna bei nwacumna avazaivayang, ntangfam.³⁹amma nan-afihyang, bababa tangleikanfamwa; bifa miyam bama daba gbavom bei Fih kangka.'' nangba ninilei miyam.⁴⁰Nangba eiduba letəacumna wutangsa, eigbalei langfa dalei wuyi'a bifa einabi beiiying Yesu akangka, nangba ileina'epei.⁴¹Ei-i tangsa majalisa bei gbaira a kulei kala'iying ei'nwayibei tangsa iyingba.⁴²Cuasau, vinahəa, deiwu tangkomfih, bei tangva tangva, dei ni nasanang langfa dei nabi-agang vinahəa'a Yesu nangba ka Kristi.

Chapter 6

¹Tangsa levini, lemuangbu idakpara, nangba le-yahudawa naku tangsa hyua Helenawa fudi ba muasahəa ku le-yahudawa'a Israila, biva eidzanangsa leheibuyi vewa vinahəa sa batsahəa nangtang.²Letəacumna hyua-iru-na'iyu duba lemuangbu bei kparavei salei nangba na'a '' hyiwa biyilasa biva fih bifa dabi cuebi batsahəa nantang.³Manangban, bada, lezahyi, lebuyi hyui-iyu tangsabai, levana deibalei bei nang-agang, kwuangyi tangsa salei, bei kwuangkuna bandza kunangni.⁴Biebievaou.''⁵Bivei laleivayang bei kparavei nangba eida Istifanus, yivana bajitsa bei kwuang garanggrang Yitangsasau, bei Filibus, bei Birokoros, bei Nikanar bei Timan, bei Barminas, bei Nikolas leva antakiya na muabi Yahudanci.⁶Le muabiba langfa dzəleivana li letəacumni, lei-langfa eiguleifih loa, nangba eidzana kulei.⁷Biva fih langfa daka bahəa, bei kulemuangbu tangsa Urushelima ikpala, langfa lekunləau kpala gwabi bajitsaba.⁸Nangba Istifanus, tangsa nang-a hyira bei Sambei, dacue nangcuesabi bei nang-abara tangsa leva.⁹amma levaka, tangsakomfih na dedu'a komfih vevana ei-ileina, ho lekuramiyawa bei Iskandariyawa, bei Levaka tangsa hyua kilikiya bei Asiya levana datsa'nwa bei Istifanus.¹⁰Amma eiba'eiji tangsa kwuangku bei kwuangna Istifanus da nakabinau.¹¹Nangba eifam levaka wuna'a ''bili Istifanus yang danabi anfam ku Musa bei fih.''¹² Nangba eifam leva, leniyibuyi, bei lei nangvyinang wutasa Istifanus nangba muo-wuka ci majalisa.¹³Nangba eiwuka lena' nwa'iyu wuna'a '' yibuyina lada yila sa banabi anfam ku ba'ahyira bei bihyuanalaou.¹⁴Biliyuyang dauna'a Yesu Banazarat na ndeibanandei langfa unpiyem basangfihna Musa dabi.''¹⁵Levanaha ku tangsa majalisa dzaounangla nangba batangnaung bama tangnang Malaika.

Chapter 7

¹Kunlǝau angah na'a '' Lenangnah biegang' e?''²Istifanus na'a ''Lezahyui bei leda, balim: Fih gahra ikǝ dabi Ibrahimla finala u mesofotamiya, doka wuku hyua Haran;³Unau'a '' ayi hyuama bei lebiama, atǝa hyuanǝ mintanala''⁴Nangba uyi kuhyua kaldiyawa wuku Haran; babi, cuabua va davaou, fih wuhka tangsa hyuana bana bakula kana.⁵Amma fih lada daou hyuaba ka nangnan'unciranalaou, nbainbulaouha. Amma unabiyang (alkawarta)- Lada fa'uciyalaou yivana undaou hyuabana, u' bei lebiyau naconi.⁶Fih naubi manangni a ''Lebiyau n'cue duawai tangsa hyua-akai, cuani langfa leva kuhyuaba n'cueleika muangsem langfa ncuelei lau tangsa hǝa-hun-huyi-nahuyi.⁷Amma min'namvusa levana eicue muangsemvei; fih na'a cuasau ein-i-i weidam gahra tangsa bani;⁸Nangba fihda Ibrahim nangtsanang bacum'awahǝa, nangba Ibrahim ci Ishaku, ucum'nwahǝau bu-kayakanya; Ishaku ci Yakubu, Yakubu langfa ci leidah Israila hyua-iru-na'iyu.⁹Bizyiba mualehuyi Yusufu, eiliya beuka muangsem tangsa Masar, amma fihla cuahai beuka.¹⁰Fih'iyuka tangsa yibei hǝa. uda Yusufu kuci (Tagomashi) bei kwuangkuka ci fir'auna, yiva masar. fir'auna langfa dzaouka yivangah ku masar bei nang vavaouhǝa.¹¹Kana, vom'angah ohyua ku masar bei kan'ana, bei yibei gahla, langfa ledabi cinangtanglaou.¹²Amma finala Yakubu lika nangtanglǝa masar, ucum ledabi tarǝa-na'nwaci.¹³Taravei' anang-na'iyu, Yusufu ikaku ci-leihyua, fibala nangba fir'auna ika leihuyi Yusufu.¹⁴Yusufu facum leihyu sa Yakubu davei-wuh Masar bei niyu-lebiyauhǝa, leihǝa leva huntǝa-o-hyua-iru-nahuyi {75}.¹⁵Yakubu taku masar; u' bei biyau bua wuhdalei.¹⁶Eidalei- eitaka teicuyi- Jumna Ibrahim liya-bei seidei Azurfa na-leiya Hamar shekem.¹⁷''Da vina fihnabi ka Ibrahimlǝa badi, leva -ikpala kuhyua masar, ¹⁸langfa yiva-aka iku-hyua masar, yivana i-Yusufulaou.¹⁹Yivana fam lebababi langfa cuelei yuabei deida leyabia deidza-nwanangfatai biva huralei.²⁰Viba nangba-ei cika musa; ubiyem wanei sa fih nangba eideu-mangmi fihyum natǝa tangvahuǝ davaou.²¹Finala ei-wau-kata, ya fir'auna ayihei daugahbeuka kawa yau.²²Bida-ba'ibanang ka Musa tangsa kwuangku masar; langfa ugah tangsa ba'inabi bei tangsa nwacumvaou.²³Amma vinalǝa hǝau-kem hǝa-hun'iyu, nangba-wuh-niniyu tauba lehuyu Isra'ilawa.²⁴Nangba uba yivaka dacue yiva-Isra'ila-aka hyiu, Musa muavom-nwa yiva-Isra'ila nangba hya yiva-masar.²⁵Musa dakem bama lehuyira ibayang fih dayuanglera kasara amma ei-ibalǝou.²⁶Bǝgahla, uba le-Isra'ila na'iyu dǝgbavom bualei; tabǝu mua vomba nangba unalei'a '' lebuyi, ban-lehuyiha; nbakǝ daba-gbavom buabæ?''²⁷'' Amma yivana cue-abei ka huyuna- cuofaka, nangba na'a 'nwadzaka yivangah bei lebatangsabie?²⁸Dǝmanyidi bǝhyam kǝwana ahyakǝ yibuyi-masarna ahya-iyone?'²⁹Musa limanangni nangba huyi pei uta uta kahyna midinawa ka leduavai, babi uciya ka-lebuyi na'iyu.³⁰Da ha-hun'iyu wupei, Malaika iyula bangvu badi bei kutei Sinai, tangsa bubudua bangvu.³¹Da Musa baduaba, nangcuesabimo; uwuhbadi wunbaduaba aka nangba wuyi-yicueva na'a,³²''Mika fih vei dama. fih va Ibrahim, Ishaku bei Yakubu; samusa gbasem langfa uba baba-akalaou.³³Yicueva nau'a, 'a'ika hu-kabuma, bǝnǝ-ajilanǝ hyua garangrang.³⁴Nban-hyila yibeinǝ levam dacuera hyua-masar; nlitaveiyang, nangba nwuh-bayuangleirǝ; kana, awu-wuncumma masar.'³⁵Musanǝ eila, finala eina'a '' nwadzakǝ yivangah bei lebatangsa?'- uka yivǝnǝ fih-cummuka yivangah bei yivayuanglei ha. fih cummu kaso malaikana uba bangvuni.³⁶Musa ileika masar, cua lenangcuesabi bei lenang-abaranǝ ucue masar bei nwam-maliya (Baharmaliya), bei bangvu tangsa lehahun'iyuni.³⁷''Nmusa ayitsangna naka leva Israila a, fih-n'ibaka kunlǝau akala tangsa lehuyibai kawam.'³⁸Yivanǝ kǝ yivanǝ cuahai bei levaka bangvu bei bamuanava malaikana nabibeuka kutei sinai-ni, uka yivana cuahai baleidabi, uka yivǝna mua biva fih-dahuhura wuhdabi.³⁹Amma ledabi laba daougahra; eico-zi'ika tangsalei, langfa tangsa ninilei eifa'deita masar.⁴⁰Fibala einaka haruna la'a ''amabi lefih-akala nan-fabikan taka masar. Musana ibika masar ni, bi'iba nangna cuyelaou;⁴¹Nangba eima dan maraki nangba eiwuhka nangfinang ka kabala, nangba eililara bei nangmanang nalei.⁴²Amma fih miyam, miyamlei dei dagahra kaleidzang ku duiye, la manangba eicue tangsa darenwol ve lekunlǝau, 'badam nangfinang vei nangdzamyang'e tangsa ha-hun'iyuna ba-bangvuni'e Israila?⁴³Bamua luang va molek langfa bei dzang va fihna. Rafem, bei nangna bama daba daougahra; manangban mintabaka muangsem tahyaci Babila.'⁴⁴Lebabadi la-bei luang dǝgahra nangna'eba tangsa bangvu, kawanǝ fih dawuyi finala unabi ka Musa, a, umau kawana eitaunalanǝ,⁴⁵Nala, lebababi, na Joshuwa mua luangba wuka cuahai baleikǝ finala ei-muaka hyuana. Fih mua hyuana na leva nyamlei-i nang lebababi. luangba jila wutaka viva Dauda,⁴⁶Na ci-ku(Tagomashi) sa fih, ubiba'a rin miva ka fih va Yakubula.⁴⁷Amma nsuleimanu miva ka fih-la.⁴⁸''Saidai yivǝaduiye kuhwa tangvana eima bei nah, kawana kunlǝau naka'a.⁴⁹Duiye nbakurǝm, fangwam langfa kadzabum. vaba ban-mimlae? yicueva na, patsang ka bǝnǝ min-hulae?⁵⁰Tsang-n'nam ma-lenangnǝhalo?'⁵¹Ba leva tsahku, bei nininei-cumlaou bei buacuyina Libau, vinhǝa dabala kwuang garang rang; daba cuenang kawana lebababa cuena.⁵²Nwatsang tangsa lekunlǝauna lebabab laulaou? ehya lekunlaou wuh-nanwaci doka wuhra vǝ yivagangna; kana, bama-langba bamiyamka lelaura bei leihyaurayang,⁵³Ba-ka levana mua bihyuana lemalaiku dana, amma ba-kanglaou.''⁵⁴Da Lemajalisa li-lenangna, yualei-bangka, dei-tang' iyilei-sahai sa Istifanus.⁵⁵Amma uh, tangsa kwuang garang rang, udǝnaung ubaka duiye, uba gahra va fih, uba Yesu Ji-nali va fih.⁵⁶Istifanus na'a ''aba, daminba duiye'bei, langfa ya-yiva Ji-nali va fih.''⁵⁷Leva majalisa hǝa lam buacuyile, ei-ibei buaba kpala, ei-iyula bei ninitsang.⁵⁸Ei-iyuka cuagivei nangba efudi bawuau bei tei. Leva bara ika nangyanangvei ei-ci yimuayibasa bala-iyung shawulu.⁵⁹Da deiwa Istifanus, duduba duna'a. '' yicueva Yesu, amma kwuang.'' ⁶⁰Uba'nwaduwaung hyua uduba tsala, una'a ''yicueva, bi'amua nang-abei na adzakuleingk.'' Da una nangna, nangbe uluenanglue.

Chapter 8

¹Shawulu gwa buavaou yang. fibala nangba yibei okuh leva vafihna Urushelima, lemuabi yakatahǝa tangsa kuhyua Yahudiya, bei Samariya, niyun-letǝacum buasau eiyila.²Levana dakulei da-Istifanus tacuyi nangba eitatabuavaou.³Amma Shawulu cuyeyuabei ka leva-va fih. dauta tangvah tangvah dauvah lebuyi bei leheyi daulei busana.⁴Lada lemuabi na yakatǝana lahǝa danabivafih.⁵Filibus ta-samariya tana-iying kristi.⁶Levakpala dzattakilovei sa nangna Filibus nana, bei ninitsang eiliyuka, eiba nangna ucuyenayang.⁷Yua-abei isaleivana tasalei, dei tata beiwuyi, levana sambeivei-yaung bei levana kabulei-yaungha ci-Jammuyang. ⁸Lara wuyang hyuaba.⁹Amma yibuyi-akala hyuabi-iying Siman, na'nwaci dausangfih; dau-danangcuesabi ka leva samariya langfa daudakuh rin yivaka hyila. ¹⁰Leva samariya həa, levangah bei lemuanghəa daliyura; dena'a '' yibuyina nangbaka sambeiva fihna dedu'a kangah.''¹¹Deliyura biva cuyiyang dau-dalei nangcuesabi bei basangfihvaou.¹²Amma da-eigwa bivafihna Filibus naleila ku bakura va fih bei iying Yesu Kristina nangba ei-huweileimang, lebuyi baleheiha.¹³Siman beikuka gwayang, langfa cua-bahuweumang, daukucuahai bei Filibus viahəa. da uba nang-abara bei nwacum-angah, nangcuesabi mo.¹⁴Da letəacumna Urushelimali'a samariya muabivafihyang, eicumlei Bitrus bei Yahaya la.¹⁵Da eiwuh, nangba eiguhlei fihla eici kwuang garangrang.¹⁶Biva, wuka fibala lada kwuang garang rang wukuleilaou. eihuwelei mang buasau tangsa iying yicueva Yesu.¹⁷Nangba Bitrus bei Yahaya dzanakulei nangba eici kwuang garangrang.¹⁸Da Siman ba deida-kwuang garangrang sa-badzanakuvei letəacumna nangba uda seidei.¹⁹Una'a'' badam sambeina, mima, doka yivanaha ndzanakuyang ci kwuang garang rang.''²⁰Amma Bitrus nau'a, ''Azurfa ma tangfam beima, biva damakem bama manci-nangdanang va fih bei seidei.²¹Ayaung bei nang-aka tangsa bini, biva kuhyilalaou bei fih.²²Manangbang, a tubi tangsa yuabeimai, langfa aguhba sa yicueva,doka lakan-cucuye u'eilakata bei bakembi ninima.²³N'ibayang malan tangsa yuabangkara bei nangtsanang nang-abei.''²⁴Siman gwa na'a, '' aguhmbala sa yicueva binang-aka tangsa leinangna-anana wuhkumka.''²⁵Da Bitrus bei Yahaya ba langfa nabiva yicuevayang, nangba eifa'eita Urushelima, kunangah eina bivafih vahbangvu samariya kpala.²⁶Kana, malaika va yicueva nabika Filibus' a '' a'i-atəaka nahyua nangagna ika Urushelima taka haza.'' (nangahna lan-tangsa hamada.)²⁷U'i-utəa uba yibuyi-aka i-Habasha, yivangah gahləaci uku-buani kandakatu yiva'ayi heyi(sarauniya) Habasha. u'kuh nangnauhəa. Uwuh Urushelima wuba dagahra.²⁸Ufahdautəara, ukukuh karussa vaou, nangba dauzam tangsa darenwol kunlaou Ishaya.²⁹Kwuangba naka Filibus'a atabadi bei karussa na.''³⁰Nangba Filibus huyitasau, uliyu dauzam darenwol va kunləau Ishaya, nangba una'a ''a wawuyi nangna daman zamranang'e?³¹Una'a mincue'uwo, na yivaka nimnalalaouyang'e.'' uguh Filibus wuh tangsa karussa ba wukuh-cuahai beuka.³²Bana tangsa darenwol yibuyi bahabashe na dazamra na na'a ''eitauka kawa nangbungam bafira; kawa yanangbungam cilemora bagamkuh; manangba ubeiwolaou.³³Tangsa babakuhyuavaou eicumweiilau; nwatsang nabi-hyila kulebiyam? biva eida-hurauyang fangwami.''³⁴Nangba yivangahna bi Filibus, na'a ''damin-guohra, anamla, lan-kuwa kunləau na danabiləa, beikuhkae, langfa yivaka-bein-tsaung'e?''³⁵Filibus fudi banabi. kuh darenwolva Ishaya, langfa unaubi kuh Yesu.³⁶Lei ku ba təara nangah, eiwuh nwamang-aka nangba yiv angah ba na'a '' aba, mangla bani; batsang cuera ei huivem'mang-wae?''³⁷Filibus na'a, ''nana gwa bei ninitsang yang, ein'huwe manghuwe.'' nangba bahabashe ba na'a ''ngwayang Yesu Kristi nangbaka ya fih.''³⁸Nangba baha bashe ba nabi karussa ba dzahyua. ei-i'eitəa tangsa mangba, Filibus bei bahabashe, nangba Filibus huweumang.³⁹Da ei-i tangsa mangbi, kwuang yicueva da Filibus; yivangahba bau-akalalaou, nangba umuanangahvaou bei lara.⁴⁰Amma Filibus ta'i Azotus. u-gah babi daunabivafih tangsa lehyuabi wuhtəaka kaisriya.

Chapter 9

¹Amma Shawulu danabi, dabi langfa bei bahyaba ka lemuangsem və yicuela, utasa kunləau angah,²Ugah biva nangvinang ritaka tangsa lekomfih Dimashku, doka nanauci yivaka lan-kunangah yang, yibui bei yiheiha, uwuhleika Urushelima wutsa.³Ukuh batarə, ubadi bei dimashkuyang, dangla dua iduiye gahyasau;⁴Nangba ufah-u-ohyua langfa uli-wuyi-aka da nau'a '' Shawulu, Shawulu nbaka daman santim manangbae?''⁵Shawulu gwa'a ''manwae, yicueva?'' yicueva na'a. ''mika Yesuna daman-santirana;⁶Amma a'i atatangsa levah langfa ein'na nangnala mancuerancue.''⁷Levana datacuhaibei Shawulu jibagamkulei eicinangna ein'naralaoi. delih-wuyibara langfa eibayivakau.⁸Shawulu gbamnah-ihyua, ubei naung, naungbanang-akau; nangba eimokanah eitaka tangsa dimashku. ⁹Bunatəa naungbabau langfa utangnangwa, u'nwa mangwa.¹⁰Muangsem akala tangsa dimashku iying Hananiya; yicueva naubi tangsa bababa (wahayi a, '' Hananiya!'' Una'a ''aba, mina yicueva.''¹¹Yicueva nau'a ''a'i, ata nangahna dedu'a tsaila, tangvah və Yahuza abida yibuyina i Tarsus iyung Shawulu, daugufih.¹²Ubayang tangsa bababə yibuyi-aka iyung Hananiya Dawuada dzanaku doka ubaba-aka''¹³Amma Hananiya gwa'a ''yicueva, nliyang nwaleva kpala kuh yibuyina bei yuabeina ucueka levəma Urushelima.¹⁴Eidaou nangahyang sə kunləau angah uwuhbana wumua yivanahəa dadu iyingmayang.''¹⁵Amma yicueva nau'a ''ata, ndauyang ka nang cue'nwacum'mi, unda iyingmi utakə sə levə bei le-yiva bei leyə Israila.¹⁶Mintaunasə yibeina uncuyerə bivə iyingmi.''¹⁷Nangba Hananiya i-pei, tatangvahba udzanaku, una'a ''Zahuyi Shawulu, yicueva Yesu, na'iyela nangahnə damawu kəranə, ucum'mi doka acila ababa langfa kwuang garangrang tasəma.'' ¹⁸Dangla nang-aka baman kwangnang fa'o nang Shawulu, nangba nəung də dabə; u'i nangbə ei-huweumang;¹⁹Langfa utangnang nangba ucisambei. ukwu bei lemuangsem dimashku bukpala.²⁰Tanghyua ufudi bəna'iying Yesu tangsa lekomfih, dauna'a uka yə Fih²¹Levanəha liyunə nəngcuesabi mualei ei na'a '' Katen yibuyinə dəhya leva Urushelima nə dəd'u'iyingna'wae?uwuhbəna langba wundəlei. tcintsara sə kunləau-angah.''²²Amma shawulu miyamci sambei-gahla, langfa dau-leibi(damuwa) tangsa lei-Yahudawa na kuh-tangsa dimashku sə banara'a Yesu nangba ka Kristi.²³Bukpala pei, le-Yahudawa wutsa dəyidi, bahyaurə.²⁴Amma shawulu ibayang, deiba wanangahva duati bei iyingvyi doka eihyau.²⁵Amma lemuang semvaou dəu bəvə iyingvyi hyaka kugihva tangsa kwando.²⁶Da uwuh Urushelima, Shawulu yidi bakwahaku bei lemuangsem, amma leikpem deibibivaou, eigwalaou umalangbə umiyamkə muangsemyang.²⁷Amma Barnabas dau wuka saleitəacum, langfa unaleila' uh Shawulu baka yicueva nangah langfa yicueva naubiyang, bei uh dimashku Shawulu nakəbi bei sambei tangsa iying Yesu.²⁸Ukwaha baleikə tangsa ba'irə batalavei Urushelima. unabi bei sambei ku iying yicueva Yesu.²⁹Dəu tsa'nwa bei leYahudawa Helenanci; amma dei yidi bə hyaura.³⁰Da lezahuyi iba manəngni, nəngba eiwuhka kaisariya, nangbə eicummu Tarsus.³¹Manəngba, levafihna(ikklisiya) Yahudiya, Galili bei samariya citəah, eigah; langfa dei-takarə tangsa babibi və yicueva tangsa lara kwuang garangrang, levafih gah tangsa kparavei.³²Wutaka, Bitrus i-də kwam khyua, ufah-uwuh sə le-muabinə kuh Lidda.³³Babi uciyibuyi-aka iyung iniyasu, uluye ku nangluyerə ha-kaya-kanya, kabuhowa.³⁴Bitrus nau'a ''iniyasu, Yesu Kristi da Jammu yang. a'i-akwam- nangluyerəmə,'' Dangla tanghyua u'i-ujirabu.³⁵Levanə ku-kuhyua Lidda bei sarona ba yibuyibə langfa eimiyam sə yicueva.³⁶Kana, yafa mungsem-ayihei-akala iyung Tabitha (''Dorcas'' ho) yiheina dəcue-nwacum-agang langfa deba yibeiveivənə yaungbeinang-aka.³⁷Wuka leivyibala, uluwe nangzyi nangbə ubuyi da ehweumang nangba eleutangkomaye.³⁸Lidda badi bei yafa, lemuangsemnə li-Bitrus labəbi, eicum leva-na'iyu səu, daguhrə' a ''Awuhsabi bi'atəa sanka.''³⁹Bitrus i-təa-baleika, Da uwuh nangbə eitauka tangkom'aye, leheibuyi həa Ji dətəata dətanah sə lejuasa bei leinang-yanang nə Dorcas maleila vina ucuahai baleika.⁴⁰Bitrus ileika hakpem tangkombi, baduaung hyua, gufih; nangba ufah-umiyam sə kwambuyiba, una'a ''Tabitha, a'i ''nangba ubei naung, da uba Bitrus nangba u'i-ukukura,⁴¹Bitrus ikakanau vəuka-jikarəbu; nangba uduba lemuabi bei leheibuyina, nangba udalei-u bei hura.⁴²nəngnə-cuesənə ei-ibahəa tangsa yafa, langfa levə-kpala muabi yicueva.⁴³Cuesəmanəngbə. Bitrus vi-kpala yafa bei yibuyibələ iyung Saminu, majemi.

Chapter 10

¹Yibuyi-aka kuhyua kaisariya iyung karniliyas, yivangah veh-tsa'i (sojoji) tangsa bakwaha nə dedu'a italiya.²Yibuyiban ledzakusanəng, dəuhuyi fih bei vavaouhəa, dəu danang kpala kə levə, langfa daugufih vinəhəa.³Bi hyuanghyua fibələ, uba tangsa bəbabə Malaika və fih wusau. malaika ba nau'a ''karniliyas!''⁴Karniliyas dzənang sə malaikani bimo nangba una'a ''nbatsəng'e yicueva'' malaikaba na'a ''lebagufihma bei nangdanangma tangye kə nangdənang einkemrə ci Fih,⁵'' Kana a cum leva ta kuhyua yafa teiwukəh yibuyibəla iyung saminu dedukə Bitrus. ⁶Ukwu cuhai bei Saminu majemi nə vahvəou nwawamni.''⁷Da malai kana naubi pei, karniliyas duba lemuangsəm vahvəou na'iyu bei letsa'i nə dəhuyifih tangsa levanə dəcue muangsemvəou.⁸Karniliyas nalei nəngnəlahəa cuesə nangə cumlei yafa.⁹Bəgahla. tangsa bi-huyitsung buarəti. leikubətarə eibadi-bəngvah, Bitrus ta-tangkom' aye təbən gufih.¹⁰Nangbə vomhyau dəubabə nangnə untangrə, lada leva dayuyi nangtang, nangba edəou bababə(wahayi), ¹¹Uba kuduiyebei, nangbə tasəo-akafah da wuhyua,nəng-aka baman nəng kisabə kangah fada-o fangwam, ukuhyua bei kabu nanya.¹²Tangsəou, lenəngdzam kabu-nanyala, bei levanə dəvabeiteiyua fangwam, bei leyihuyi kuduiye.¹³Nangba wuyi-aka nabi beuka; ''a'i, Bitrus, afiatang.''¹⁴Amma Bitrus na'a '' manəngbaləou, yicueva; n'ikənə ntangnəngnə yiwanəu bei n'biyauwa''¹⁵Amma wuyibə fahwuh-anəng'na'iyu; '' nəngnə Fih ma hyilayang bi'a duka biyaungka''¹⁶Nangna cuesə bunatəa; nangbə eifahkə tasəo bə dangla eitakə kuduiye.¹⁷Lada Bitrus tangsa kuoluyirə ku bababənə ubanə batsəng dənarəe, nəngba levənə karniliyas cumnə ji-wanəngahvei, cua bəbibə nəngba eita-tangvahbə.¹⁸Eidubə eibi laka Saminu nədeduka Bitrus, kula bəbi.¹⁹Lada Bitrus dəkembi ku bəbabani, kwuang nau'a ''aba levə natəa dəbabama.²⁰a'i acuyihyna atabaleikə bi'-ala bətabaleikangka, mincumlei.'' ²¹Nangbə Bitrus cuyihyua tasəleivabə nalei'a ''mi kəyəvana daban ba bəranə, bakəbawuh?''²²Eina'a ''yivangah vei tsail iyung karniliyas; yivagang langfa dauhuyi Fih, dei nabi-agangvəou tangsa le-Yahudawa, uh-malaika garang rang və Fih dəoubi'a awuh-vahvəou, wuhli bi nwamai.''²³Nangbə Bitrus dubəlei eiwuh wekuhcuahai. Bəgahla nəngba utacuahai baleikə, langfa lezahuyi-aka yafa tə dzəoucua.²⁴Bəgahla eita kaisariya kaisariya, karniliyas dəmileirə; udubə lehuyu bei lejobadi.²⁵Da Bitrus ta-'tangsa, karniliyas wuhciu, o-hyua kukabu təban dəou-gahrə.²⁶Amma Bitrus muakanau jikərəbu, una'a '' ajirəbu! min yivə langbə.''²⁷Lada Bitrus dənabibeuka, uta-tangsa təuci levə kpala gəembayitsang.²⁸Unalei'a ''babeinaba ba'ibəyang hyiwa yəvə-Yahude kwaha, langfə təba leduawaingka. Amma Fih tamnala'a binduyivaka kə hyiwa bei biyaung ka.²⁹Nangba cuye n'tsa'nwaləou n'wuhkə da bacumkəba-kum. kana dəminbibarə, bakə-bacumbə banwuh.''³⁰Karniliyas na'a ''bunanya nəpeikənə tangsabinə, dəmin-gufih tangsa hyuanghyua vam; nəngbənba, yivəji-cim bei-nəngyasə kavəou.³¹Una'a ''karniliyas, Fih-gwa bəguhbəmayang, langfə nəngdənang ma kəlevə-yibei oninikafihyang bima.³²Manəngbən acumyivaka yafa, uduabə yivakala iyung Saminu dedukə Bitrus. dəukuh vavə Saminu majemi (Tanner) nə nwaməngni, (nə'uwuhyang, un-nabi bei makan'na).³³Tanghyua n'cum bə kumei, acuye hyi-ing awuhkənə. kanə, bikpem bikula hyuani ci Fih bili nəngnəhəa yicueva nahba wanabila.''³⁴Nangba Bitrus bei'nwo na'a ''biegang, n'ibəyang Fih tsatangsalevəwa.³⁵Manəngba, tangsa levahəa yivənə də-dəgah-rə kə Fih langfa dəcuye-nang-agangyang, Fih-n'mon'mua.³⁶Ba'ibə bina ucumkəbə sə leva-Israila-yang, finəla unakə-bi-egang ku kurəlara kasə Yesu Kristi, nəkə yicueva nanghəa.³⁷Ba-beinaba ba'ibə nəngnə-cuyesəyang, nə cuyesə Yahudiya, fudi Galili, cua bəhuweməngnə Yahaya nanə;³⁸Le-nəngnə ku Yesu Banazare, kəwanə Fih bau'nuyi bei kwuang garang rang bei sambei, uta dəucuye nwacum-agang Dauda Jammu kəlevanə munkulum tsanə, bivə Fih-lacuhai beukə.³⁹Biba lenəngnə Yesu cuyenəyang, tangsa hyuavei Yahudawa bei Urushelima. ei-hyau-ei-au kuka,⁴⁰Amma Fih iyukə bunatəa ucuye-debaurə,⁴¹Levahaləou, amma levanə Fih-dəna'nwaci wuba-bi-beinabi-nə bitang, biwa cuahai beukə cua bə'irəvəou tangbua.⁴²Udəbi wuyi, a binabifih kə levəla langfa binaleila rikə yivənə Fih-də ri-batangsa leva-hurə bei lekwambuyi.⁴³Lamkuh lekunləauha nabila, dokə yivənəha dzənini səuyang ucila-eimuanəng-abeivəou-ei-eikəta tangsa-iyung.''⁴⁴Lada Bitrus kubəna-lenəngnə, kwuang garang rang okuh-levənəha dəlibibəna.⁴⁵Levənahəa tangsa bəkwaha (kungiyar) veivənə gwa bəcum'nwaha, levənahəa wuh-bei Bitrus nəngcuesəbi mualei, bivə nəngdanəng kwuang garang rang oku-levəyang al'ummai).⁴⁶Eililevənə dənabi bei n'wakavah-aka dei-kəafih, nəngba Bitrus na'a.⁴⁷''Yivakala nlarə ei-huweiməng kəlevə ne, lema eimua kwuang garang rang kəwabi?'' ⁴⁸Nangbə udəwuyi eihuwelei məng tangsa iying Yesu Kristi. nangbə-eiguh ukuh vicuani baleika.

Chapter 11Kanə leita nwatsum ɓalei zahyuinə Yahudiya li a lei yuavah langɓə mjuabi və Fiyang.

²FinəlaBitru wukə Urshaalima levənə ei-cum nwaha leinə dei ɓei eim, ³Ei na 'a "A kwahaku ɓaleivənə ie cumnwaha lei leu lanfə tangnəng ɓalei kəu.Bitrus fuɗi bə nalei biɓəla tsing-tsing una a, ⁵Dəmin guFi kuhyua yafa, nəngɓə nba ɓəɓaɓə tangseu fade wushyua kənwa nəng kisə bə eidzeou hyua ɗuiye ɓai kabu nənga fadzeu hyua cim ⁶Nəng dzinəng la lanfə demin kembi kuh, nɓa lei nəng dzam kubu nang'ya fangwam. Hhyam ma ɓei ɓunvuh, hyem vei ɓei teihyua ɓalei hyui kjuɗuiye.Nəngɓə nliwuiyi-aka nama ' ai Bitru, ahya atang. ⁸n'nakə manəngɓəleu nəmng akayaung garangrang lanfə u hyui un ta nwam. ⁹Wu yibə fagiva duiye, nəngne cuesə bu nayta ¹⁰nəngɓə fata duiye.Dangla tanghyua leve dji nwa nəng gavei bənə bi lei nə i cumlei kasanya səm. ¹²Kwang ɓə dəm wuyang a anta ɓalei kə langfə be tsa tangsa leinka. Le zahyui hyi tsing tabeimke nengbe bi tatangvavei yiɓui ɓə

¹⁴U nabinə la mang ci ke hunre bei tangvahma ha.Da u fuɗi be naleibi kwang garangrang wu kukule kənwanə wukubi bivei nawaci.¹⁶N ken lei bive yicuevah kenwane una a 'Yahaya biagang de huemeng bei meng amma ein hueɓaməng tangsa kwang garangrang.Manəngɓəng nə Fi delei nəngbəng ayitsing kəwanə dəɓikə finəla ɓi gwakə yicueva Yeso Kristi, minwa kemin tsanwa ɓei Fi? ¹⁸Da ei li lri nengne, ainabi akaleu amma ai de gare ke Fi ai na'a ''Fi de bəba kuhyua hunrə yang kəlevə langɓə.Nəngɓə levənə yakəta bivə yibeine muacua ɓuavə Istfanus ei yakəta eita Finikiya. Kuburus bei Antakiya dei nabi vei Yeso kelei Yahudawa la buasəu. ²⁰Amma leivakan leve Kuburus ɓei kurane, ei wu Antakiya einabi kə lei Helenawa, dei nalei bive yicuevh Yeso la.Sambei ve yicuevah la cuahai ɓaleikə. lanfə leve kpala fa myemsə yicuevah ²²Bivei tabuacui komFine Urshalima nengɓe ei cum Barnabas ta Antakiya . ²³Da uwuh ɓa nengdeneng və Fi uli larə yang nengbe u tsaeəlē eijibei yicuevah bei nyinyi leiha.²⁴Un yivangah tangsa kwang garangrang bei be jitsa lanfə levekpala leduku ke yicuevah ta.²⁵Barnaba ta Tarsus taɓabe Shawulu.²⁶Da u ciu, nəngbe u wuke Antakiya.jimabengbe hatsing eagem cuahai ɓei komFi eininasənəng kə leve kpala. lan Antakiya eifuɗi bə ɗuletaecum kə lei lemuabi.²⁷Tangsa vyini, lei cue nwatsum aka wuh Antakiya .²⁸Tsing tangsa lei iyung Agabus ijirəbu nabi bei sambei kwang garangrang a vam angah a fangwam o nengne cuese vyive Kalaudiya .Nəngɓə leitacum, leha wahabei sambeiveu, cumbe ɓei beyuang biveu kə lezahyuinela, Yahudiya. ³⁰Ei cue manəngɓə eicumbe bei seidei ke lei nyi ɓuila nalei Barnaba bei Shawulu.

Chapter 12Vĩnə yivah Hiridu dzən na mjuakə levəvə Fi aka dokə dəlei yiɓei nə. a

²U nhya Yakəbu hwi Yahaya bəi ganfai.³Uɓa hyi-ing səlei Yahuda, nəngɓə umua Bitru lang langɓə tangsa vi nəngtang-yisti yaung. ⁴Cua bə muarə veu uleu bursəna udji lei tsa nangya debaure, deukem bə wukərə cileivənə cua nəngtsa hyarə .Nəngɓə aii dji Bitru bursena amma le zahyi tangkom Fi də gu Fi bjiveu. ⁶Ingvyinəng bəgahla kə Hiridu wukə səlei vənə, Bitru də luenəng lue nəng tangsa leitsa na iu eitsau ɓei ɓai na'iu; lie tsa i ji nwakom də ɓaku bursena.⁷Bə dzinyi-nyi la nyaung, malaika və yiicue vah dangla iula uh gah una'a bursenaɓə. utamnasə Bitru gyammu uh iukə una'a " A'i yemla," nəng ɓə leɓi kanau eiketaha. ⁸Nə ngɓə malaika nau a, " Ayinəngyanəngma abahunkabu mai." Bitru cue manəngɓə. Malaika ɓə nau'a " aya nəng kisəma amua cuam⁹Nəngɓə Bitru muacua malaika ibeifa. u ibə leu nəngnə malaika cuenə ngongah. deukem ɓama deuba-bəbabə. ¹⁰Leba bursena ana'unwaci ɓei nəng na iu, ewuh nwakomnə emaɓei ɓi nə takətangsa ɓengvah, ɓaleila-ɓeinauke ei edəkə kunəngah, nəngɓə malaikaɓə pei yeu.Da Bitru fawuh tangsa seu, una a' " kanə biagang n'ibəyang yicuevah cum malaika veu wuh imkəna Hiridu, ɓei nəngnə lei Yahuda də dzi nyi-nyila. ¹²Da u ibə nəngnə, uta vavei Maryamu navə Yahaya, iying dareoun Markus, bə nə levə kpala gemla də guFi.Da u gɓa nwakom nwanəng gavah, yimua yihei nə də cue mongsem tangveiɓini iyung Rhoda wuh ɓalei nwakom ɓə ¹⁴Da u ikə bə wu Bitru manəngni; tangsa larə ulabə ɓei nwakomɓə, manəngɓə ufah ɓei bujum utatankom, wuh na'a Bitru vila wanəngavei. ¹⁵Nəngnə ai na "n malaika veu"¹⁶Amma Bitru laha də gɓanwakomɓə, da ei ɓei nwakomɓə eɓan uɓə, nəng cuesəɓi mualei wanəi. ¹⁷Bitru danglei ɓei na ekei, nəngɓə, unalei' u yiicueva iiyukə bursena. U na'a " ɓanakə Yakəbu la ɓei leizahwi nəngnə cuesənə"Bəgala, nəngɓə yila letsa i cuanileu kunəngnə cuesə ɓei Bitru. ¹⁹Cua bəbaɓənə Hiridu ɓakə ɓeu, uciyuleu uɓi leɓa bursena nəngɓə u də wuyi a ehyalei. Nəngɓə u i Yahuda uta kaisariya tankula²⁰Kanə Hiridus ɓankəyua wanei bei levə taya bei sidon. Etasəu cuahai. Eguh Bilastasa, yivə yaung yiva yuanglei. Elabə kurə larə bivei deci nəngtang lan kuhyua veu. ²¹vyinə edzene, Hiridu yanəng yanəng ve yivah veu nəngɓə uku bə kurə, unalei biAmma bive Fi leduku langbe ikpala . ²⁵Cua, Barnaba bei Shaeulu tengke nwatsum vei Urshalima etah dewure ewuh cuahai bei Yahaya ne iying daveun Marku ( Barnaba bei Shawulu fa wu Urshalima).

Chapter 13KAne htngsa kom Fi ne Antakiya ni, leitanwatsuam bei leinyinaseneng lekele BArnaba, Saminu, ( Ne dei duke kabi) Shawulu.

²Lei ku be de gahre ke Fi tangsa bedeleng, nengbe kwang garangrang nalei a, " badzem Barnaba bei Shawulu laechuye nwacumne nduke bulei. ³Cua begemrivei, ei de leu eguFi nengbe edzena ku leihyui ni nengbe eicumleipei .Nengbe Barnaba bei Shawulu bebi eya-ekita kuburus . ⁵Vying lei Kuburus ni ai nabi vei Fi tangsa komFi vei Yahuda leicuahai bei Yahaya Marku keyiveyuanre. Da emiyam tangsa tsibiribi- takə beifasu-Ei ilangse Fi bela, letatsum nwa'iu yive Yahuda iyung Bar-Yeso . ⁷Yive sainFine kwahaku bei Makkadas , uh Sarjus Bulus yive kwangku. Uh dsubu Barnaba bei Shawulu bivei dei yidi baleibiveFi. ⁸Amma Elimas " Yive sainFine ( nene myem iung enayangho) tsa'nwa baleike deuyidi be myem makaddashibe se bejiysa veu .Amma Shawulu ne dei duke Bulu ne, dzenengseu . ¹⁰Nengbe na'a mayi munkulum befembe ketsing-tsing yitangsa yuama bei yuabei man yivegwa nwng abei leu aba a yila se kfwang ma agahve yicuevah ne gtsa lei newai?Kane aba kane yicuevah la kuma, langbe nengman gbfegbam. aba-abafiwau.Tangsa nyi-nyi cuani." DAngla bevi oku Elimas ufudi beheri deubabfe leve kemokanah. ¹²Cua nengbe makaddashine bane; udzenyinyi la bise neng cue sebimjuayang se be nyinaseneng ni mku nyicuevah.Kane Bulu balei juau hya beifa bafusa fiijiya tangsa Bamfsiliya. Amma Yahaya yilei fawuh Urshslima. ¹⁴Bulu baleijua i-firjiya wuh Antakiya a Bisidiya bebi eta tangsa komfih fi asabar aikuhyua. ¹⁵Cua neng zamneng bihyua bei lei cue nwatsum Fi. Leinengah komfih cumbe " lezahyui, nebala bei bi tsase keleivela benyi yang banaNengbe Bulu ijirebu dangla beiniu, una'a " leve Israila levenedehyui Fi, bali. ¹⁷Fih ve Israila de li baba bi lanfe myemlekrkpala vyine lehyuaa Masari, lanfe bei sambei veu ke u ileike tangseu. ¹⁸uh de munya baleike bengvu ha hun'iu .¹⁹cuaseu uhya hyua-hyui-iyu kuhyua Kan'ana, udeleibabebi ku hyuabi ke nengdeneng vei. ²⁰lei nengha cueseng ha hun'hyua nanya hun'hyui bei hyua oku (450) ne pei kene. Cuane leinengn, Fi delei leba tangsa wuke vyine lei cue nwatsum Fi Samaila wukə .Nengbe leveguFi edelei yi9va, Fi delei Saul yi kish yive nwakava binyamin keyiva ha hun'iyu. ²²Fi lanfe iyuke ku kakure yiva, u-ike DAuda yi Yessi, yivene nyi-nyim deyidi, un cue nengne ha demin yidi ucue.Tangsa lebiya yibuine Fi ike Israila la yivedehunre, Yeso, kenwane unake ringcuekere. ²⁴Ladda Yeso wuleu Yahaya nabi behueming baku hyua ke leive Israila la. ²⁵Da yahaya de tengke nwacumveu, una'a deba kem bama minwai mkike uhleu. Amma bali yivaka dewure cuam. huh-kabu nkemleu nbiyi.Lei zahyui leyi tangsa bya Ibgrahim bei levene tangsa bai dehyuiFi, langsebi ecumsebi ecumkebi bei bi hunrene. ²⁷Leive ku tangsa Urshalima baleivangah vei iyuleu, lanfe denabi leicue nwatsum Fine. vyineha de dzamre Fih asabanci ku be hunreveu.Bei ane klpem eci nengne cue hyaukere leu, eguh Bilatu hyau. ²⁹Da etangke lenengneha evyikuni, edeukuka telei tangbua .Amma Fi iyuke tangsa bhua. ³¹Bau-yang vyikpala se levene wuh cuahai beuke hahli wu take Urshalima. Levenekane keleve nabiku cileive.Manengbeng, debi naba biagang la, bine wuse leibababine. ³³Uyibe binela, leyeu se beike Yeso tangsa bua. Kenwane ai vyike tangsa Zabura a na 'iu manyem liyeni nmiyemke dama yang. ³⁴Are iuken tangsa bua bi ufah uwnuka, Fi nabi manengni: mindelei nengne nake Dauda lade garangrang bepiyemreu yang.³⁵Nengbe kabine cue unabi tangsa Zabura aka a"abayi yive garangrang ma buangwa; ³⁶Cua dauda cue mongsem Fi tangsa nyi-nyiu lei nengne deyidiune, ubuiyi yang' ecu baleibabaveu. LAnfe ubangyang. ³⁷Amma yivene Fi ike buangleu.Leihyui ba ibe langse yibui ne ei nabake be muanengabei ain eketa. ³⁹Langse yiveneha dzenyi-nyi n'i-i tangsa bihyuane Musa ibakelaleu.Manengbeng, bakangku ba bi nengne leicue nwatsum Fi nane wuhkubang ka ⁴¹Baba baleisem tibe, tangsa nfeng cue sfebi bang teng fam; demin wuke nwacumre tangsa vyibai nfwatsu ne ba baba gwanwa kofene yivaka nabalaha.Da Bulu bei Barnaba ibeifa, leive gulei a enabalang ayitsing fi asabanci anedewure. ⁴³Cua be irevei komfFi fibela le-Yahuda kpala beileve muabi yahudanci ne mua cua Bulu bei Barnaba, nengve Fi.Da asabanci famiyamui badi hyuabeha iwuh belibive yicueva. ⁴⁵DA le Yahudawa baei kpãrə veivə. bizyibe mualei lanfe denabi abei kubine Bulu nane lanfe dedeubei'iyem.Amma lei Bulu bei Barnaba nabi ɓei sambei a, " Hyi'ing ɓinabi və Fi nawaci. amma ɓakubawaketayang beinaba, ba tanala naba bakemleu beci hure-anetəngwani, baba bin vfa bing tase leivce. ⁴⁷Manengbeng, Fi dəɓi kə kuyi a, " n dzebake dua selei zayive deuke ba wuke hunre wuke tengre fangwam.Da lei yuavah li manengni, aililari langfe ai degare kebive yicueva. leveneha edzelei enci hunreng tenkenwanei ngwayang. ⁴⁹Bive yicuevah yaketa debuanengha kuhyuava.Amma lei Yahudawa fəm lehei aka nedelilarə bei levangah lebuyi-aka kuhyabi e'ike buabe ku Bulu bei Barnaba lanfe evei le e'ike nwaneng iyem ku hyuavei. ⁵¹Amma Bulu bei Barnaba pomveu kabulei ileila. Nengbe eita ikoniya. ⁵²langfe lei mongsem lilari yang, kwang garangrang tangsalei.

Chapter 14Finəla lei Bulu bei Barnaba ta Ikoniya, eta tangsa komfih vei Yahuda enabi ve fih tangsa nengah ni, Lei yahudawa balei Helleninawa kpala gwabibe.

²Amma lei Yahuda ne gwaleun fəm lei yuavah buaci balei zahsyui.Nengne iku bebi vyi kpala de nabi bei sambei ve yicuevah langfe lanfə dudelei nengabei kubi neng agang veu. ⁴Amm leive kuhyuabe tsaha, leivaka de mua cua lei Yahuda lanfe levaka cuahai baletacum.Lei yuavah kuhyuabə bei ,lei Yahuda (cuahai balei vangah vei) de yidi bei kelei Bulu bei Barnaba lanfe waleibeitei, ⁶Da ei ba manengni, nengbe ehyui eta kuhyua Likoniya, Listira bei Darbe bei lekuhyua kwamke bebe. ⁷Bəbi ainabi ve Fi la.Litira yibuiyi akala ku ubang bedjibeibuleu butsing , bjive eciyu tanhyua naveu kabu yaung a yibui ne li Bulu denabi. Bulu dzenengseu nrngbe ibe yibui yi labei bedjitsane.ncikə jammune. ¹⁰Nengbe unaula bei wui-atsa a ai ajiku kabu mai" nengbe yibuyibe ezyau jirebu dehore.DA leve banengne Bulu cuyene, e'ike wuilei denari bei wa kuhyua Likoniya' a lei Fih myem ke nwa zaive fawusebeyang. ¹²Dedsu Barnaba ke, " Zafsa", Langfə Bulu kə " Hamisu" bive udu nabi. ¹³Kunlau Zafsa ne komveu nwavani wuke hiyo na'iu bei yangka ne eihyabameng-kyaene; uh balei ve deyidi Fih neng.Amma da leitacumne Barnaba bei Bulu. limanwngni, ehiyang nengyanengvei bei yemre aita beng leive. ¹⁵De na'a "leve" nbakə debacue leinəngnei? bilangbe binleve kənwaba. Debi naba biagang la ba yilase nengafamni ba wuse Fi, nema duiye, fangwam, meng bei nengneha tangseu. ¹⁶ila uyi leve cue nengne yualei de yidi.Amma ladda uyikumfamleu, bjive dudeilei neng agang, dudeba meng duiye. Vyinfeng agang uyi tang. nyi-nyi bei nengtang bei belilare. ¹⁸balei bine Bulu bei Barnaba dadake nyam levese befile-nəngla.Manəngɓə lei mongsem jibu kwamu lei neng tangse nengbe uh'i u tabenvei begala uta darba bei Barnaba.²¹cua benabiveFi kuhyuabi, eicile mongsem kpala eifah ei wu listira bei Ikoniya bei Antakiya. ²²Detase nyi-nyi lei mngsem emuanase bedjitsa vei etake manengbe, de nalei a " TAngsa betsanyi-nyi kpala bintaka vave Fi, manengbe binwa yibeinwa, "Da ai delei leivangah komFiha, nengbe egufih bei bedeleng, nengbe edzele kana yicue va ei dji nyi-nyi seu ni. ²⁴Nengbe ai hya bisi dei ewuke Bamfilkiya. ²⁵Da enabi Biriya eipeita Iztaliya. ²⁶ahyabei fuaməng eta Antakiya, ai dji kuneng a hyinre ve Fi bive nwacumne. etangkane.Da wefuh Antakiya, egem leve komfiha bayitsing, ai nalei nengnelaha Fi cue baleke lanfe uh- ubeikə nwakom be tsa kə leivela . ²⁸Ekuh-vhyi kpala baleimuang sembe.

Chapter 15

¹levaka i yahudiya wuh antakiya wuh ninasǝ nǝng kǝ lezahuyi 'a nǝne cum nwa ha ma lou yang tangsa bivǝ musa, aɓa aci hurǝwa'' ²Da le Bulus ɓei Barnaba tsa nwale nǝngɓǝ lezahuyi dzǝ le Bulus bei Barnaba ta urushelima teci le teacum ɓalevangah kubini.³lang fǝ nlevǝvǝ fih(ikklisiyawa) cumle, nǝngɓǝ emuaka finikiya ɓei samariya ena ɓǝtubi vei levǝ (al'ummai). wukǝh larǝ wanei kǝ lezahuyi, ⁴Da ewuh urushelima, nǝnɓǝ levǝvǝ fih (ikklisiya), ɓei le tǝa cum ɓalei kanǝ.⁵Amma levaka tangsa le farisi nǝmuabwui nǝ iji na'a '' ɓǝpiyem rǝuyaung, ecum nwa ha lei lang fǝ enale ta ekang bivǝ musa.'' ⁶nǝngɓǝ letǝa cum ɓalevangah gǝem bayitsing dokǝ ɓaɓinǝ.⁷cua ɓǝtsa nwa kpala, bitrus jirǝbu nale a ''lezahuyi ɓa ibǝyang levi cua nǝ peikǝnǝ, fih ɗǝ tangsa ɓai, a lan nwam leva (Al'ummai) ncike bivǝ fih. ⁸fih nǝ iɓǝ nini, talenala sǝ bǝdǝlei kwuang garan rang kǝvanǝ udǝɓikǝnǝ; ⁹utsa tangsa ɓale kǝ lǝou, ulo nini le ɓei bǝjitsa.¹⁰kanǝ ma nǝngnɓǝ nɓakǝ dǝɓa ni fih dǝɓadzǝ lemuangsem nǝng muyila juyile naledaɓi ɓei ḅiha ɓom-dale? ¹¹Amma ɓidzenini layang ɓinci hurǝn ci tangsa nǝng ahyrǝ vǝ yicuevah yeso, kǝwǝnǝ lela mnǝngɓǝ''¹²levǝha keiɓǝgamkule dǝli le barnaba ɓei Bulus dǝna nǝng abarǝ ɓei nǝngluye sǝ ɓir fih cuyekǝ levǝla (Al'ummai) kasǝ lei.¹³cua tǝngrǝ bivei, yakubu gwana'a ''lezahuyi , ɓalim ¹⁴saminu na'uh fih nawaci tangsa ɓǝɓayiɓei vǝou yaung levǝ (Al'ummai) dokǝ ɗǝlevǝ tangsa la ɓivǝ iyung.¹⁵ɓi le cuye nwacum fih gwaɓinǝyang, kǝwanǝ evyinǝ, ¹⁶cua-lenǝngnǝ minfefah, lang fǝ nmiyam-nmi gyangkom sǝu njikǝrǝ ɓ,¹⁷dokǝ niyu levaha ɓabǝ yicuevah, lang fǝ ɓei levǝ (Al'ummai), nǝha deɗukǝ iying. ¹⁸nǝngnǝ yicuevah nanǝ, ucuye le nǝngnǝ e'iɓǝnǝ uyi a'ila.¹⁹manǝngɓǝn, ɓaramam biɓi yuakta levǝ, (Al'ummai), nǝ fawusǝ fih nǝngka. ²⁰Amma ɓinvyilela nakǝ '' e yila sǝ ɓǝmuacum kǝa(gumaka), ɓǝluye ɓaleiheifam, ɓei ɓǝtang hyam nǝ efi lǝou nǝ(mushe), ²¹viye ila levǝ kuhyuahanǝ ɗǝna ɓi vǝ fih ɓei bǝzamnǝng vǝ musa kom fih vyi asabanci ha''²²nǝngɓǝ hyi kǝ letǝacumla iying ɓalevangah, ɓei levẹ fih(ikklisiya), eɗǝ yahuza, ɗeɗukǝ Barnaba ɓei sila lekǝ levangah ve lezahuyi, ecum lei antakiya cuahai ɓei Bulus ɓei Barnaba. ²³nǝngɓǝ edǝ le nǝngvyinǝng(wasika) kanale ''sǝ letǝa cum ɓei levangah le zahuyi ɓa, takǝ la zahuyi ie levǝ(Al'ummai) nǝ antakiya, ɓei suriya ɓei kilikiya, bǝdzambǝ kpala,²⁴ɓi liyang ' alevaka isǝɓi, ɓi dǝle nǝnghalǝou tǝni ɓa nasǝ nǝngnǝ ikǝ hakiloba, ²⁵Hyiɓi la? iying ha ɓigwa ɓidǝ levaka ɓicum sǝ bai cuahai ɓei Bulus ɓei Barnaba. ²⁶levǝnǝ ɗǝ hurǝ le bivǝ iying yicuevah yeso kristi,²⁷manǝngɓǝ bicum yahuza ɓei sila naba lenǝng nǝ la. ²⁸manǝngɓǝ hyi 'ing sǝ kwuang garang rang ɓei ɓikǝ, ɓibi le ɓa nǝng muyi lanka nǝnlenǝng nǝ ɓwasiu leoymg ; ²⁹ɓayila bǝ ɓǝfinǝng kẹ kǝa'la(gumaka)hyam nǝ efi lǝou bei ɓǝ nwamim, ɓei bǝ luye ɓsleheifam. nǝ bakana le nǝngnǝ yang, ɓankuku jammu. ɓaku lalǝa''³⁰Da e'ilena, nǝngɓǝ eta Antakiya cua ɓǝ gǝem levǝ bayitsangha, nǝngbǝ edǝ le nǝngvyinǝng nǝngɓǝ. ³¹cua ɓǝzam nǝngvyi nǝngɓǝ. eli larǝ yang wanei bivǝ ɓǝtsasǝbǝ, ³²yahuza ɓei sila len le cuye' nwacum fih e tsa sǝ lezahuyi ɓei bikǝ-kpala,³³Da ekuh vyi cuani ɓǝbi, nǝngbǝ e ile na tangsa larǝ ewusǝ lezahuyi nǝ cum le nǝ. ³⁴Amma hyi-iying sǝ sila fa kuh ɓǝbi. ³⁵Amma Bulus ɓei barnaba faji Antakiya ɓei niyu lezahuyi dǝ ninasǝ nǝng ɓei bǝnabivǝ yicuevah.³⁶cua vyicuani, Bulus nakǝ Barnaba la' a ''ɓifa ɓihoku lezahuyi nǝ ɓinale bivǝ yicuevah lanǝ ɓiba le uh.'' ³⁷Barnaba ɗǝ yidi bǝɗǝ yahaya naɗe ɗukǝ markus. ³⁸Amma Bulus kembi hyiwa eɗǝ markus, nǝ yile bamfiliya lang fǝ taɓa lekǝ lǝou.³⁹nǝngɓǝ tsa 'nwa itangsa le, nǝnɓǝ etsahanangah Barnaba ɗǝ markus ehya ɓefua eta kuburus. ⁴⁰Amma Bulus ɗǝ sila nǝngɓǝ epei cua, lezahuyi gule bǝla ku nǝng agang vǝ yicuevah. ⁴¹nǝngbǝ uta suriya ɓei kilikiya dutsasǝ levǝ fih.

Chapter 16

¹Bulus langbǝ wuh darbǝ ɓei histira, bǝnǝ muangsem akala iyung Timoti bǝbi, yǝ-yihei akalan yǝvi - heline. ²De nǝbe agang vǝ muabinǝ; da vǝu vǝou langfǝ listira ɓǝi ³bulus dǝ yidi bǝhcua hai beukǝ, nǝngbǝ u ɗǝu- cum'nwa hau bivǝ leyahudawa bǝbǝ bini, e' ibǝ yang davǝoun yǝvǝ-heline⁴Dǝ ta kuhhyua, denale lenǝng vyinǝngnǝ le tǝ a cum bei levangah nǝ kuh urushelima vyinǝ a-ekang. ⁵manǝnbǝ levǝ vǝ fih (ikklisiyawa) ci-sambei tangsa bǝvi tsa langfǝ kuhle dǝkparǝ vyinǝ hǝa.⁶bulus ɓǝ jua'nwacum vǝou ta-tangsa lekuhyua firgiya bei halitiyawa, fǝnǝ, kwang garang rang langfǝ nyam le yang sǝbǝ nabi vǝ fih tangsa kuhyua asiya. ⁷Da ewu badi bei misiya deyidi bǝta-tangsa Bitiniyawa, kwuang yeso nyamle. ⁸nǝngbǝ e gah tangsa misiya nǝnbǝ eta tangsa kuhyua taruwasa.⁹bǝ ba bǝ ikǝ Bulus ta tangsa lyingvyi; yevǝ makidoniya ji- dǝguhrǝ dǝna'a ''awuh makidoniya wayuangbi'' ¹⁰da Bulus ɓamanǝngi, ɗangla ubaɓǝ bǝta- makidoniya, dukembi ɓama fih dǝ yidi etakǝ levǝ makidoniya bivǝh fih la.¹¹ecuyifua manǝnɓǝ ikǝ taruwasa ɓitakǝ samutaraki, bǝghala nǝngǝ bita Niyafolis; ¹²bǝbi bita filibi nǝngkǝ kuhyua makidoniya hyua agang tangsa kuhyua roma,bǝnǝ ɓikula. ¹³fi-asabanci ɓ'ibeifa wanǝngah kuhyuaɓǝ, ka'nwanǝng vei, dayitsǝng bǝci-bǝgufih.ɓikubǝbi ɓinabi kǝ leheinǝ gǝem bayitsǝng bǝbini.¹⁴yihei-aka iyung lidiya ducuye-lomu tangsa kuhyua tiyatira, duguh fih la, ubili. fih ɓeini-niyu udzǝ Hakilo vǝou sǝ mǝngɓǝ Bulus dǝnarǝnǝ. ¹⁵Da ehuweu-mǝng ɓei levǝ vavǝvǝou ha, uguh ɓi' 'a nǝɓaɗǝm min legu fih yang ɓawuh ɓakuh tangvam''. nǝngɓǝ uvǝ hakilo ɓi.¹⁶Tangsa ɓinǝ dǝ bita bǝguh fih, yimuayihei muangsem ɓela, ula ɓei kwuang-bǝɓabǝ kwaha. ɓei-ɓi. yicuye vavǝou dǝcinǝng wanei ɓeukǝ. ¹⁷Duɗǝkǝ cua Bulus ɓei ɓikǝ dubuabǝ 'duna'a ''levǝnǝ, nle muangsem vǝ fih-yivǝmǝ' nwaha. denaɓabi nǝngah ci-hurǝh''. ¹⁸ducuye manǝngɓǝ vyi-kpala amma yua-bulus ɓangkǝ sǝu fahmiyam sǝ kwang ɓǝ na'a ''dǝmin da tangsa iying yeso kristi a'i ayisǝu'' nǝngɓǝ u'i uyisǝu tangsa ɓiɓ.¹⁹Da yi cue vah vǝou ɓa nǝngah ji sǝidei vǝou lamyang, e mua bulus ɓei sila evǝlei etakǝ tangsa lomu ci levangah.²⁰Da ewuhlekǝ kotu ena'a ''levǝnǝ dǝ' ikǝ hakilo ɓi tangsa kuhyua ɓi. len le yahudawa.²¹De ninasǝ lenǝngnǝ ɓimuawa langtǝ hyiwa sǝɓikǝ levǝ Roma''.²²levǝ iji bayitsing kule bulus ɓei sila leɓa tangsa (kotu) hyang nengyanǝng vei nǝnɓǝ dǝwuyi egbale ɓei hzyuaka. ²³cua nǝngɓa nǝngɓi, elelei busǝna nǝngɓǝ edǝwuyikẹ leɓabu sǝ na'a uɓale hyila. ²⁴Da uli bǝ dǝwuynǝ, nǝnɓǝ ulelei tangkom busǝna a tangsa lang fǝ utsakabule ɓei ɓikǝ.²⁵Tangsa ninivyi, bulus ɓei sila dǝ guh fih, dǝ lebim kǝ fih la, langfǝ niyu levǝ busǝna dǝlilerǝ. ²⁶Dangla, ecuye bǝ yio hyua nǝcuye ɓuanikom-busǝna yiou. tang hyua le' nwakom ɓeihǝa, langfa ɓikana levǝ-busǝna eikǝta.²⁷yǝvǝɓa-busǝna ɓǝ inǝngnǝngluye ɓa-le'nwakom busǝna ɓeiɓeirǝ hǝa; u'ikǝ găfai tǝun-hyakǝ ku, bivǝ ɗukemɓama levǝ-busǝna ɓǝ huyiyanghǝia. ²⁸Amma bulus ɓua bǝ ɓei-wuyi, una'a ''bi a hya kuman kǝ ɓila hǝa bǝni''²⁹yevǝɓa-busǝna ɓabǝ ɗua uta tangsa ɓei' yemrǝ sǝu dǝgbasem, u' o ci bulus ɓei sila, ³⁰nǝngɓǝ u'ilekǝ beifa una'a ''levangah, ɓatsǝng min cuyerǝ dokǝn-cikǝ hyuarǝ?''³¹enua'a adzǝninima sǝ yicuevah yeso, mǝanhyuhyua. ma ɓei tangvama,''³²Bulus ɓei sila naubi vǝ yicuevah la, ɓei tangvahvǝou ha. ³³nǝngɓǝ yǝva ɓa-busǝnaɓǝ dǝle-tangsa iyingvyi ayitsing, lo nǝng dua vei nǝngɓǝ uh ɓei tangvahvǝou hǝa ehuwelemǝng tang-hyua. ³⁴nengɓǝ uwuhkǝ bulus ɓei sila tangvahvǝou udǝle nǝngtang, larǝ yitangvah vǝ yǝvǝba-busǝna ɓǝ bivǝ tangvahvǝou muabwui vǝ fih yang.³⁵Bǝgahla levǝɓa tangsa cumbǝkǝ yǝvǝ-busǝnala 'a ''u'inakǝ le-bulus ɓei sila''. ³⁶yǝvǝɓa naɓinǝ kǝ Bulus la 'a levǝɓa tangsa cumbǝsǝm 'a nyiɓana ɓapei. kanǝ manǝngɓǝ ɓa' ɓeifa, ɓata tangsa larǝ.''³⁷Amma bulus nale 'a egba bi nǝngɓanǝng ɓǝn zai vǝ eɓiɓi lou, ɓe anẹ hǝa ɓin lǝvǝ Roma lang fǝ eleɓi tangsa busǝna. kanǝ deyidi bǝ hamhamrǝ kǝe'iɓikae? mm! ewuh ɓei nalei weh iɓikǝ.'' ³⁸levǝ ɓa ɓusǝna ɓǝ fa kǝ bi tǝnakǝ levǝba tangsa la, da elih a le Bulus ɓei sila nlevǝ Roma, sǝ ɓi mua lei. ³⁹levǝ ɓa tangsa bǝwuhguh ɓǝ cilei nǝnɓǝ ilekǝ, nale 'a eyih kuhyua ɓǝ.⁴⁰nǝngɓǝ Bulus ɓei sila i busǝna wuh va vǝ lidiya. Da Bulus ɓei sila ɓa le zahuyi etsasǝlei nǝngɓǝ eyih kuhyua ɓǝ.

Chapter 17

¹Da ehiya tangsə kuhyua amfibolis ɓei aboloniya,ewuh tangsə kuhyua tasalunika bəni komfihvei yahudawa akala bəbi²Bulu,kəwanə duluye kərə-vyihəa tasəlei,langfə nabi asabanci natəa ɓaleikə tangsə ɗarenwol.³Bulu dəɓei tangsə ɗarenwol dənilenala'a manəng Kristi n'wakə yiɓei langfə un'ii tangsə ɓua.una'a Yeso nə dəmin naɓala nə nənɓəkə Kristi.⁴Le-yahudawa aka gwala muacua bulus ɓei sila,ɓei le helenawa aka ɓei levəngah-vehei aka kpala.⁵Amma leyahudawanə gwaləunə,biʒyibə muale,eɗəle ikəvou aka tangsə lomu,gəem levə bayitsing,nəngɓə e'ikə buabə ɓəngvei dedei vahvə yason deyiɗi,bə'kə bulu ɓei barnabas ci levə.⁶Amma da ecilelo,evə-yason ɓei lezahuyui aka ewukəci levangah kuhyua.dena'a "levənə dəikə hakilovevə,kanə ewuhɓilayang.⁷Levənə yason muale ɗuawainə esemti bivə kaisar yang;dena'a yəva-akala iyung Yeso.⁸Nəngɓə yila levə ɓalevangah kuhyuaɓe nəlihlenəngnə.⁹Amma cua bəmua seidei na-yason ɓei niyu-lazahuyi,nəngɓə e'lena.¹⁰Iyingvyiɓə,lezahuyi ikə bulu ɓei sila cumle kuhyua bariya,da wefuh,eta-tangkemfih vei yahudawa.¹¹Levənə kətsəngtsəng ɓaleva tasalunika,emuabi və bulu ɓei ninitsəng deɓa tangsə ɗarenwol vyinəhən dokə eɓa-laka bivə bulu nbiegang.¹²Manəngɓə levə kpala tangsəla muabiɓə,cuahai ɓalehei helenawa akala e'ilewanei ɓei leɓuyikə kpala.¹³Amma da leyahudawa tasalunika ibə bulu dənabivə Fii biriya,etabəɓə ke'ikə hakilo veivə.¹⁴Nəngɓə tanghyua lezahuyi də bulu cummu nwaməng,amma sila ɓei timoti vəou kuhbəbi.¹⁵Levənə ikə bulu nə taukə kuhyua atina.bulu dəlebi wenakə sila ɓei timoti la wuhcirə ɓeiyem rə.¹⁶Lada bulu dəmile sila ɓei timoti atina,yuoɓangkə da uɓa lekəa kpala kuhyuaɓi.¹⁷Unabi ɓale-yahudawanə tangsə kom Fii ɓei levənə ducirə uyinə həu tangsə lomu.¹⁸Amma langɓə le-abikuriyawa ɓei le'ibənəng akala kwaha ɓeukə.levaka na'a "nɓatsəng nəng anfamno dənarəe?"leveka na'a "ɓama duna bivei fi aka ɓentsəung,"bivə dunabivə Yeso ɓei ɓə'irəvəou tangsə ɓua.¹⁹Eɗə bulu ewukə kungum arasə,denaa binbabin- ibəv bəninasənəng afuhnə dəmanarənənnə?²⁰Lenəngnə dəman narənə ma fuh səɓi .manəngɓən,dəɓi yiɗi bə'ibərə nɓatseng'e.²¹(Le_atiniyawa ɓei leɗuawainə tangsəlanə,dədəɓivei enakə nəng-afuh langfə delihala.)²²Nəngɓə bulu ji-nəngtangsə kungum arasa naa balevə atiniya,nɓayang nəngɓa duangwanei sə addini.²³Dəmin kwamrə,nɓa lenəngnə dəɓa dəgahrəlayang,nɓa-bəkurə aka ɓei nəngvyinəng kəkuh a"sə fihnə e'ibələou"nəngnə dəɓa dəgahrəla tangsə bə'bəḅaləou,nəngɓə dəmin naɓala.²⁴Fii nəmah fangwam ɓei lenəngnə həa tangsəu,nəta ukə yicueva ɗuiye ɓei hyua yang,ukwuh tangsə luangnə emiɓeinanəu.²⁵Langfə uɓala bəyu angbəvə yivəkawa,yivakayang nɓa ndəourə.ududə hurə ɓei bəhuhurə kalenənghəa.²⁶Sə yəvə tsəng umakə levə fangwamhəa.utsa langfə udʒə levehəa bənə umale lenə.²⁷Dokə eɓale Fii laka entasəunta lenciyurə kanə langfə ucuyiwa səɓihəa.²⁸Lan tangsəou dəɓi kukərə langfə dəbilikə larə,kəwanə tangsə levə ibənəngɓa na'a ɓin leyəu.²⁹Manəngɓə nəfə-ɓin leya Fii yang,hyiwa ɓinifih ɓei zinariya,azurfa,langfə ɓei-tei ɓei kanə ekikirənəngka.³⁰Manəngɓə Fii peikə levyi bə'ibənəngləouyang,amma udəwuyi kəleva bəhakpem wuh-tubi.³¹Manəngɓə bivə vyila udʒə wun-ɓakətangsə fangwam tangsə nəng-agang kasə yivənə uɗənə.Fii tanasə yivənə sə bə'iyukərə tangɓua."³²Da levə atina lihbi bəirə tangsə ɓua,levaka ʒsyinwa kə bulu,amma leveka na'a "ɓinliekanlih kubini."³³Cua manəngɓə,bulu yilekə.³⁴Amma leɓuyi aka muaco langfə muabi,langha ɓei diyonisiyus yə majalisa kungum arasa ɓei yihei aka iyung damaris ɓei levaka cuahai ɓalekə.

Chapter 18

¹̵Cua lenəngnə bulu yə atiniya ta korint.²Bəbi ukwaha ɓei yəvə-yahuda aka iyung akila,leva kuhyua buntus,uwuh luacuyilou italiya ɓei heukə lyung bslkisu,bivə kalaudiyas dəwuyi'a leyahudawa hakpem yi romai nəngɓə bulu tasəlei.³Bulu kuhcuahai ɓalekə bivə nwacum kanaleng ayitsəng,lentevə,nwacum tanti.⁴Manəng bulu dənabi tangsə komfih vyi-asabancihəa.ɗuyiɗi bəvə hakilo və yahudawa ɓei le helenawahəa.⁵Da sila ɓei Timoti wuh makidoniya,Bulu dʒekuh sə bənabi kəle yahudawa la'a Yeso nəngɓə kə Kristi.⁶Amma finəla leyahudawa iyukəla dədeuɓei ĩyem,Bulu pomvəou sə nəngyanəngvou na'a "hʒyuyiɓa lan kuɓa"nyaungɓei ɗuyisə.kanə minfah mintasə levə (alummai).⁷Nəngɓə uyiɓəɓə uta vavə taitus yustus yəvə dəgahrə kə Fii vavəou ɓadi ɓei komfih.⁸Kiristus yivangah komfih dʒəninisə bivə yicueva uh ɓei vavə ouhəa;levə korantiya kpala lihbivə bulu dʒənini la langfə ehuweleməng.⁹Yicuevah nabi kə bulu tangsə bəɓabə-iyingvyi a,"bi'aɓiɓingka,amma anahbi bi'akei bəgamkuhmaingka.¹⁰Mila cuahai ɓeimakə yivaka yaung nbanahsəmai,mila balevəkə kpala kuhyuani."¹¹Bulu kuhbəbi həa-tsəng ɓei fihuyum huyitsung dəninasə bivə Fii tangsalei.¹²Amma da haliyo miyamkə yivangah kuhyus akaya.le yahudawa iɓei ninitsəng kə bulu la,nəngɓə e wukə ci-kakurə batangsə;¹³E na'a "yiɓuyinə dəfəm levədə dəgahrə kə Fii tangsə bihyuaɓiləou."¹⁴Lada bulu nahbiləou,galiyo nakəle-yahudawa la 'a ɓa leyahudawa,nə kəbiegangkə.ɓiɓa lan kuhnəng aɓei aka găhlayang,min nawvusəunnam.¹⁵Amma nəfə lankuh lebi ɓei le'iying ɓei bi-kuhyuaɓayang,ɓafah təɓanah ɓuaɓai."¹⁶Galiyo nyamle eyəci-kakurə ɓatangsə bə.¹⁷Manəngɓə emua sastanisu,egbaunəngbanənh ci kakurə ɓatangsə.amma galiyo falih ɓei uham etəngkələou.¹⁸Bulu langfə kuh cuacuyila ɓalekə,nəngɓə uyə lezahuyi ucuyi fua uta suriya cuahai ɓei balkisu ɓei akila lada uyə bəgəemvefua nə sankuri yaniləou,utatəu ikuh bivə nəng-hʒyuyinəngnə uɗənə.¹⁹Da ewuh afisa,bulu yə balkisu ɓei akila bəbi,amma uɓeinau uta tangsə komfih dunabi ɓei leyahudawa.²⁰Da ena bulu a ukwu cuacuyila,ugwaləou.²¹Umua nəngahvəou upei uyile,una'a nə Fii gwamlayang minfa minwusəɓanwuh fiyekai."nəngbə ucuyifuaməng afisa.²²Da bulu cuyihyua kaisariya,uta təu dʒam levəvə fihnə(ikklisiya)urushalima nəngɓə uta antakiya.²³Da ukuh cyacuani bəbi,bulu muanəngahvəou talekuhyua galatiya ɓei farsiya bəni utsasə le muangsəm.²⁴Bəni,yiɓuyi yahude akala iyung afolos,nahcirəvəou unleva iskandariya u wuh afisa.u'inabiwanei langfə u'ibə dərenwol yang.²⁵Afolos ci-bəninasənəng yang tangsə bivə yicuevah nəung ɗuanghəa tangsə kwuang,dunabi langfə duninasənəng gbəɓəng kuh Yeso,amma u'ibən bəhuweməngvə yahaya ɓuasəu.²⁶Afolos fuɗi bənabi ɓei samɓei tangsə komfih amma da balkisu ɓei akila liyu,nəngɓə emka jua ɓeukə langfə eniyu nasə nəngahvə Fii hyila.²⁷Da duyiɗi bəhiya uta akaya,lezahuyi tsasəu,evyinəng kə lemuangsəmnə akayani monahna'iyu da uwuh səlei,nəngɓə u tsasə lezahuyirə muabi tangsə nəngagang.²⁸Afolos də nəngcuye səɓi kə leyahudawa ɓei samɓeinə ulaɓeukəi,ɓei bə'inanəng,dutanala tangsə ɗərenwol 'a Yeso nəngɓə kə Kristi.

Chapter 19

¹Vyinala Afolos koranti-ni, Bulus kwamka kuhyua kungum wuh-kuhyua Afisa, bani uci-lemuangsem-aka. ²Bulus nale'a "ɓamua kwuang garang rang-yang'e finala ɓamuakabi?" Enau'a,"ɓilibi kwuang garang rang lau ma."³Bulus na'a "Tangsaba ehuweɓaka mang?" Ena'a "Tangsa bahuwe mang va yahaya." ⁴Nangba paul fanale'a "Yahaya dahuwemang ka leva doka tubi unaka levala'a edzaninisa yavana dawuhra cuara."⁵Da leva lih-nangna ehuwele mang tangsa lying yicueva Yeso. ⁶Nanbɓa da Bulus dzana kuhle, kwuang garang rang wuhkuhle hangfa enabi ɓei nwa-kuhyua-aka langfa enabi nangnan cuyerahi. ⁷Lehaa heva hyua-iru na' iyu.⁸Bulus ta -tangsa komfih nabi ɓei samɓei fihayum nataa dunabi langfa dunila kaleva iba bakuhra Fih. ⁹Amma da lryahudawa tsa-kuh, langfa semtibi ɓa, efudi bana nang-abei kunangahva kristi hi leva manangɓa Bulus peiyile dalemuangsem-aka cuahai ɓeuka danilenasannang tangkomvuh Tira nus. ¹⁰Detakara manangɓa haa-na'iyu, manangɓa levana kuh-Asiya-haa lihbiva yicueva, leyahu-dawa bei le-helenawa-haa.¹¹Fih-cuye nangcuye sabi găhla nah-Bulus. ¹²Leva nangʒshi ci jammu, kwuang abei isale, nane mua n'wazanangfibucom bei nangkisaba sa Bulus yang.¹³Amma leyahudawa akalaa-da'ikakwuang-abei dahorababi. Edu-tangsa lying yicueva Yeso doka ecisamɓei kuh-lekwuang aɓei. ena'a "Bidaɓa-wuyiyang, tangsa lying Yeso na Bulus danabi vau ɓa' i." ¹⁴Levana dacuyenangna le-huyi iyu leya kunlaau-angah akalaa yava-yahude lyung siba.¹⁵Kwuang aɓei, gwalelaa'a "Yeso n'ibayang, Bulus n'ibayang, amma ɓa lewa?" ¹⁶Kwuang-aɓei tangsa yibuyibi cuyikuh le'ikakwuang-aɓeina peisamɓeivei nangɓa gbalei nangɓa ehuyi eya-tangvaɓa ɓei ɓuaninfam ɓei nangdua. ¹⁷Levahaa ibanangna, leyahu dawa ɓei le-helenawanahaa kuh Afisa. Bimualewanei, lying yicueva Yeso langfa ci-gahra.¹⁸Langɓa, leh-muabi kpala wuahnaa nang-aɓeiveina ecuyena. ¹⁹Levana dacuye sihiri wuhka ɗarewolvei wuhcomɓei ɗua ci-leva da ezam' na'uh-nkemrae, eci-kem (dubu Hamsin na Azurfa). ²⁰Nangba bi8vayicueva yadabahaa ɓei samɓei.²¹Da Bulus tangka n'wacum bifihvau Afisa, kwuang dau umuaka makidoniya ɓei Akiya kunangah bata urushalima: una'a "Nanan taabaleyang, mintaa- Roma- ntaa." ²²Bulus cum lemuangsemvaou na'iyu makidoniya Timoti ɓei irastus. Amma Uɓeinau ukuh Asiya uyicuani.²³Tangsa vyini, buaba ikpala kuh binangahna. ²⁴Yava- taɓi- aka iyung Damatrayus, duma kaa (gunki) Azurfa a dayananwacumnahna dawuhka irawanei. ²⁵Nangba ugaem leva nwacumnahna bayitsang un'a "²⁶Ba ɓayang langfə ɓalihyang' a ''lan- Afisa ɓuasǝulau, amma kuhyua Asiyaha Bulu nǝ fǝm levǝ langfǝ miyam levǝ- kpawanei. Duna'a Fii- aka yaung demaɓai kanah. ²⁷Nwacum kanahɓi ɓuasǝu ndzǝ huyalau, amma ɓai komFii ɓi dayana angã nmiyamkǝ nǝng-anfam, manǝngɓǝ garǝvou n'okǝrǝ, unǝ kuhyua Asiya ɓai fangwam.²⁸Da elih manəngni,yuale ɓangkə wanei eɗubə ɓeitsa,denaa nangah dayana və afisa.²⁹Kuhyuaɓəhəa,langfə levə ɓeiyemrə takə bəgəemrə.emua jua horə və ɓei aristacus levə iwuh makidoniya.³⁰Bulu də yiɗi bǝ ta tangsa leive bise lei mongsem veu yuang yang. ³¹Manǝngbeng langbe lang vah gah kuhyua Asiya lei jila Bulu cumbe bei bfe degure a uta tangsa levenmka. ³²leivaka wu de buabe tsing yang leivaka tangsda djung .³³le yahudawa wukǝ iskandari nǝngɓǝ iskandari dǝ kanau ye dǝyidi bǝnabi, kǝlevǝ. ³⁴Amma da e'ibǝ unyǝvǝ yahui dǝ, nǝngbǝ e'ibǝ buale ɓi naiyu dena'a ''na' angah kǝ dayana a Afisa,³⁵Vii nə yive vyineng kju hyua be muaku leive nengbe una balei ve Afisa tangkom ve Fi van bgah hyinla. ³⁶Aba lei nengha yaung btangsa nenabeagang wau. ³⁷bawuke levene tangkom batangsa leinen ineng komfinleu.³⁸Manǝngɓǝ, nǝ Damatrayas ɓai letaɓinǝ laɓaibi -aka kuh-yivakayang komɓatangsa ɓǝɓai langfǝ leɓanǝ lebi-aɓarǝ laeyang tangsa bǝgaemrǝɓi anyinǝhae. ³⁹Amma ne iebiabare layang en'nuana tangsa be gamrebi ai viineha. ⁴⁰Kǝbiebǝgang ɓilan tangsa bǝdǝ' iyevǝ kuhbi aliyeni. ⁴¹Da una nǝngnǝ nǝngɓǝ uya'nwa kǝlevǝ.

Chapter 20

¹Cua bətəngrə buabəɓi,bulu cumbəsə lemuangbu,wuh tsasəle,nəngɓə uya'nwa ɓalekə,u'i-utəa makidoniya.²Da ugah tangsə lekuhyuaɓi unabi tsasəbə kəlemuabiləa,nənɓə uwuh kuhyua helenawa.³Da ucuye fihuyum natəa bəbi leyahudawa na'nwa'iyukuh da təɓəuncuyi fua untəa suriya nəngɓə ufa-umiyam niniu umuaka makidoniya.⁴Levədʒəcuakə bulu takə asiya nənaɓəkəle sobatarus yə burus ulan biriya;aristakus ɓei sakundus,lehəa lemuabi tasalonika,gayus yəvə derba;timoti;ɓei tikikus ɓei trofimus ei asiya.⁵Amma levənə onaci təadəmiɓirə taruwasa.⁶Bicuyi fua filibi cua nəngtang yisti yaung,tangsə bu-nahuyi wukɓi wuhɓicile taruwasa.ɓikuh bəbi bu-huyi'iyu.⁷Uyie na'nwaci tangsə bu huyi'iyu,ɓigəem bayitsəng təɓin uwarə ɓei nəngtang,bulu nabikə lemuabi.duyiɗi bəpeirə nə bəgahlayang:unabi utakə iyingvyi.⁸ɗuala kpala tangsə kom-ayenə egəemla bayitsəngni.⁹Yimuayibasə aka iyung aftikos ukwuh kuh taga,uluyenəngluye ɗuila.lada bulu dənabi cuacuyiləa yimuayibasənə lada kubəluyenəngluye,ufaye kom-anəngnatəa wuh'ohyua eɗəukə kwamɓuyiu.¹⁰Amma bulu fapiyihyua.okuh-tsaila nəngɓə ammuh.nəngɓə una'a "bi-yivaka yilakungka,ulaɓei hurə."¹¹Nəngɓə ufah-utəa kom-aye təutangnəngləa.da unabi cuacuyiləa har wukə nwanjuaɗi,nəngɓə upei.¹²Ewukə yimuayibasənə ɓei hurə langfə ecitəa kpala.¹³Biɓeinaɓi ɓi'ocikə bulu təɓi cuyi fua ɓitakə asos,bəbi deɓiyiɗi bəɗə bulu tangsə fua amma udʒəniniyu duyiɗi bəhorə kuhyua.¹⁴Da wuhciɓi asos.ɓidəu ɓei fua ɓitəakə militus.¹⁵Bəgahla,nəngɓə ɓicuyi fua ɓəbi ɓitəakə kuhyua kiyos.bəgahla langfə ɓitəa kuhyua militus.¹⁶Amma bulu dʒəniniyu duyiɗi bəpei'untəa afisa ɓeifua bivə uyiɗi ləou bəɓangkə vyi-aka asiya.ducuye yemla duyiɗi nəncucuyeyang vyi fentekos ciyu yrushalima.¹⁷Lan militus uhcum levə afisa tə ɗuhbə levangah komfih afisa-la.¹⁸Da ewusəu,unale'a "ɓaɓeinaɓa ɓai ibəyang,na'nwacinə ntam kə kabum asiya,uh-dəɓi kuhkə cuahai uyinəhəa.¹⁹dəmin cuye muangsəm və Fii ɓei mtəala ɓei nəngməngta ɓei yiɓeinə lim bivə yuaɓeive yahudawa.²⁰Bai'ibəyang uh-nlimuyimlaləou n'niɓakə nasənəng ɓənglevə langfə dəmintəa tangvah,tangvah.²¹Dəmin nabikə leyahudawa ɓei le-helenawa həa kuh bətubirə sə Fii langfə ɓei bəjista tangsə yicueva Yeso.²²Kanə,ɓaɓa,dəmintəa urushalima,kwuang garang tamnala ɓeifa,n'ibə nəngnə təncimrə bəbiləou.²³Amma kwaung tamnalayang tangsə lekuhyuanəhəa ɓeiɓi (sarka)ɓei yiɓei dəmimlarənə.²⁴Amma nɗəhurəm nəng-akaləou səm.nəminɓamin təngkə bujumnə ɓei nwacumnə n'muanah yicyevah Yeso,n'nabi Fii kuh-nəng-agang və Fii.²⁵Kanə,ɓaɓa,n'ibəyang ɓahəa,tangsə levənə n'nalebi bəkurə və yicuevalanə,ɓaɓam akawua.²⁶Manəngɓə dəmin naɓala liyeni,hʒyuyi yivaka yaung kum.²⁷Bivə nlimuyimlaləou n'naɓa nəngnəlahəa Fii dəyiɗiyang.²⁸Manəngɓən ɓakang kuɓa,langfə ɓei lemuabinə kwuang garang rang dʒəɓakə leɓakuhlenə.ɓakang ɓagbei levəvəFii nəliya ɓein hʒyuyikə.²⁹N'ibəyang cuabəpeirəm le-kyarketai(wolves)ʒyila nta-tangsəɓanta langfə eyi-lemuabi wa.³⁰N'ibəyang tangsaɓai leɓuyi -akala n'iwun'nabi afam dokə vəkə hakilo və lemuangbu wuhkəsəle.³¹Manəngɓen ɓakang kuɓa.ɓakemɓi həa-natəa nyilaləou səbə nabikuhɓai həa tangsə nəngməng iyingvyi ɓei ɗuafi.³²Kanə ndʒəɓa kanah Fii.ɓei-bi nəng-agangvəou,nə'nɓa-n'miɓanmi langfə ndəɓa nəng cuahai ɓei levənəhəa elolebiyem la.³³Ncuyefəm Azurfa,zinariya,ɓei nəngyasə və-yivakaləou.³⁴Ba-ɓei naɓa ɓa'ibəyang ncuye nwacum ɓei kanamkə bivə nəngnə dəmin-yiɗi ɓei avevənə cuahai ɓeikə.³⁵Tangsə nənghəa nmiyamkə nəng-aɓarə la yang uh-ɓanyuang kə levənə-samɓeive yaung tangsə nwacum,langfə ɓei uh ɓan kemkə lebivə yicueva Yeso,binə uhɓeinau una'a "bədərə pei bə muarə nəng-agangyang?"³⁶Cua bənabivəou manəngni,uba'nwaɗuaung-hyua uguhfih ɓale kəhəa.³⁷Levə kpala dətəatəa,e'am bulu langfə e-sunbaceu.³⁸Nəngɓə una'a,eba'eɓarə akawanə.nəngɓə lehəa teʒəoucua sə fua nwaməng.

Chapter 21

¹Da ɓitsahəa ɓaleka,nəngɓə ɓita tangsə fua-məng ɓimuanəngah manəngɓə ɓitakə kuhyua kos,bəgahha ɓita kuhyua rodusa.bəbi nəngɓə ɓitən kuhyua batara.²Da ɓici fuanən-hyantəa fonisiya,nəngɓə ɓitəaləa.³Da dəbiba kuburus manəngnin,ɓitau ɓidʒə namiɓi ɓinikə suriya,bicuyihyua kuhyua taya,bəbi fuabən cuyikə lenəngtangsəouləa.⁴Da ɓici lemuangbuɓə nəngɓə ɓiku bəbi bu-hyi'iyu tangsə kwuang lemuangbuh nakə bulu la biyutəa urushalimangka.⁵Cua cyicuani,nəngɓə ɓi mua nəngahɓi lehəa ɓaleheile.ɓaleyəle,tədʒəɓi cua cuagivei.nəngɓə ɓiba nwaɗuang hyua n'wa huyanhuyiməng,ɓigufij.⁶Langfə ɓiyahəa'nwa nəngɓə ɓicuyi fuaməng,leve efah'ewuh vah.⁷Da ɓitəgkə horəɓi taya nəngɓə ɓiwuh talamayas.bəbi ɓidʒamhəa ɓalezahuyi nəngɓə ɓikuh bəbi butsəng.⁸Bəgahləa nəngɓə ɓipei ɓitəa kaisariya.ɓitəa-tangvahvə filibus yəvə-nabifihnə(mai bishara)tsəng tangsa huyi'iyuni,nəngɓə ɓiku-cuahai ɓeukə.⁹Yiɓuyinə laɓale yə kə lemuayihei nə'ileɓuyiləou nanya dənabi-nəngaci.¹⁰Da ɓiku vyi-cuani bəbi,lecuye'nwacumfih bəla -i yahudiya iyung agabus.¹¹Uwuh səɓi wuhɗə ɓeitsa'ivə bulu utsakə kabu ɓei kanau nəngɓə una'a "manəngɓə kwuang garang rang nakə,manəngɓə leyahudawa urushalima ntsakə yivə-nə ɓei ɓeitsa'inə langfə edəun'endʒə kanah levə(al'ummai)"¹²Da ɓilihbinə manəngni,ɓihəa ɓalevenə kuh-bəbini guh bulu biyutəa.urushalimangka.¹³Nəngɓə bulu gwah-na'a nɓadəɓancuyerəe.dəɓatəa dəɓa-uwahkə ninim'e nmanjiyang bivə nəngtsanəng ɓuasəu ləou ɓei ɓuyirəa urushalima bivə iying yicueva Yeso."¹⁴Biba bulu bafəmsəu nəngbə ɓikeibəgamkuhɓi ɓinakə,"nəngnə yicueva dəyiɗi cuyesə."¹⁵Cua-levyini,ɓidə hoɓi nəngɓə ɓitəa urushalima.¹⁶Lemuangbu -aka kaisa riya langɓə təacuahai ɓeiɓikə.ewuhcuahai ɓei yiɓuyi-akal iyung manason.yəvə kuburus,yəvəbi ana'nwaci,ɓinku cuahai ɓəukə.¹⁷Da ɓiwuh urushalima,lezahuyi muabi tangsə larə.¹⁸Bəgahla,bulu ɗəɓitəakə sə yakubu,levangahəa lahyua.¹⁹Da udʒamle,nəngɓə unalela tsəng tsəng lenəngnə Fii-cuye tangsə levə(al'ummai)tangsə nwacum vəou.²⁰Da elih manəngni,edəgahrə kə Fii enau'a "aɓa huyi,leho(dubban)yahudawa na'uh gwahbi langfə dʒəyang ninile dəyiɗi,bəmua bihyua.²¹Enale bimala yang,a dəman ninasənəng kə leyahudawanə kuh-tangsə levə(al'ummai) naməa eyi-musa,langfə bi'ecum nwahəa leyəlengka,langfə bi'emua lenəng.aguying ka.²²Babincuyerə?enlilih'a awuhyang.²³Manəngɓən acuye nəngnə ɓin'nala kanə.ɓila ɓaleɓuyikə nanya əhuyinəng.²⁴atəa ɓaleɓuyinə talokuhma biyemla ɓalekə,afah-le seidei nəngvehəa ɓei abə'ikuhue.manəngɓə levəhəa n'ikəbə lenəngnə enakuhmaini nwa'iyu.en'ibəni məama dəman mua-bihyua.²⁵Amma kuh-leva (al'ummai)nəmuabi nə,ɓivyilelayang nakə-eyila səi nəngnəhəa efikə kəalayang(gumaka),ɓei nhuyi,ɓei nəngnə efiləou,ɓei bəluye ɓaleheinfamkə."²⁶Nəngɓə bulu ɗə-leɓuyiɓə,langfə bəgahla təulokuh biyemla cuahai ɓalekə.nəngɓə etəa tangsə komfih,tena'vyinəla.bə lokuhlen təngkərənə,ho-vyinə endəkənəng kuhle-ɓei nanyavehəa,ho-vyinə endəkənəng kuhle-ɓei nanyavehəa.²⁷Da bu-huyi'iyunə təbəng təngrə,leyahudawa aka asiya ɓa bulu komfih,nəngɓə efam levə wuh dʒənahsə bulu mokə.²⁸Debuabə'a "levə isra'ila,ɓayuangɓi.yəvənə nəngɓəkə yiɓuyi dəninasə nəngkə leva-bəheəa nəngnəla-levə,ɓei bihyua ɓei bənəhəa.anəɓuasə ləou,langfə uwuhkə le-helenawa wuhɓangkə bəni hyila nə."²⁹Bivə vyilapeikənə eɓa tarofimas yəvə afisanə cuahai ɓei bulu ɓəngvei,nəngɓə edʒəɓama bulu wuhkə tangkomFii.³⁰Nəngɓə ɓəngvahəa ɓangkə,levəhəa huyi-bayitsəng təmua,bulu.evəu-e'ikə tangkomfi,nəngɓə elam le'nwakomɓə dangla.³¹Da dəyiɗi bəhyaurəho,nəngɓə biwuh o ɓuacuyi yivangahve tsa'l a urushalimahəa jiɓei-buabə.³²Dangla tanghyua uɗə-letəaɓuyi,ɓalevəsamɓei,etəaɓeibujumkə ɓənglevə.da levə ɓa yivangah vei tsa'l ɓei letəaɓuyi.nəngɓə eyilasə bəgba bulu.³³Nəngɓə yivangahɓə tədʒənah muakə bulu,langfə dəwuyi etsəu ɓeiɓikə na'iyu.nəngɓə uɓiyu unvah langfə nɓatsəng ucuye.³⁴Leivaka tangsa djung ɓi dei buabə tangsa nəng kə tsing-tsing. Ne yivanngah vei taɓui ɓə unbau nalei nəng akau bisə buabu, bise u denwa ai ikə Bulu.³⁵Da uwuhkuh-bətambuh,letəaɓuyi ɗəukəɗərə bivə buabəvevə.³⁶Levə muakə cuale dəbuabə'a "ehyau,"³⁷E ɓadi bətakə bulu tangkomyangho nəngɓə unakə yivanganɓəla'a "minci nəngahnci min'nakəbiekaləe?yivangahbə na'a"aina nwa yi helenawa-yang'e.³⁸Tsəng nmakə yəvə masarnə vyilapeikənə a'ikəbuabə langfə aɗə levə ikə buaɓə ho-nanya(dubuhudu)atəakə bəngvuhnələou?³⁹Bulu na'a "min yəvə ibrane tangsə kuhyua tarsus kilikiya min yəvə kuhyua angah agwamla n'nabi ɓalevəkə"⁴⁰Da yivangahɓə dəounəngah,bulu iji-kuh bəjirə ɗəkanau nilenala ekei da bəgam,bulu nalebi ɓei nwayi ibraniyanci una'a.

Chapter 22

¹le za hywe ɓale Da, ɓali ɓə ikəkum nəmin narə ciɓai kanə'' ²nənɓə dzun ɓə li bitur də nabi ɓei nwa levə a Ibraniyawa nənɓə, ɓəgam kule cwang,³min le yahudawa, e cim lan tarsus a kilikiya,kanə kulang bu gamaliya n'zamkəvu.e nyimnasənəng wane tansa nəngah hya ve bababi.mila ɓei nininə min muakə cwa fi kənwa anə bala ɓeukənə. ⁴dəmin ḍəmin də yiɓei kə levə nəngahni ɓəi ɓuahea; dəmin tsa leɓui ɓale hywe ha dəmin le bursənkə .⁵kə nwa anə le kunlau angah ɓale və angah ena bi agan n'na n'ci nənvyinən ve yan bisə lehui nə tansa dimaskus.n'ta ɓəɓəh tamin tsale min wukə urushalima wun namvusəle.⁶ aɓə mi kunəngah n' ɓadi yan ɓe dimashku, dwafi danla n'ɓa ɓə gah-la ɗuiye wu e səmha. ⁷n'fa n' ou hya n' wi aka də nam a Shawulu Shawulu n' bi ɓa kə dəma dəm yiɓei? ⁸n'gwau nwa nakə n'wai yicueva? u nam a Yeso yivə Nazarat nə dəman də yiɓei lanə⁹levə anə cuahai ɓemkənə ɗwa ɓə amma e iɓə wi yivənə ḍə nambi nə lou ¹⁰n'na nakə yicuevah n' ɓa min cuerə? yicuevah nam a '' a i ta tansa Dimashku. lan ɓəle teng na nənnə laha man cuerə nə ¹¹n' ba n' ɓaɓəu bi garə ɗwaɓə levə nə mi cuahai ɓale kənə e muamna e takə tansa Dimashku.¹²ɓəbi nəng ɓə tan ci yiɓui aka ɗiu Ananiya deu hyui fi n' yivə a ɓəgan u ina bing,le Yahudawa nə ku ɓəbi ni də na bi a ga̵nvou. ¹³u wu səm wu ji kum u nam a hywem Shawulu amua ɓəbaɓə tansa ɓəbi n;ɓau¹⁴fi ve babaɓi mua yan a iɓə nənnə ɗəu yidi aɓah levə a ɓə gan, yan kə a li kə winə də irə nwau.¹⁵lanɓə a miamkə yivanə nəu ɓanə ɓei anə a linə ¹⁶ka anə ɓa dəma mirə? a i e hwei Babtisma e lwo nəng aɓei mala a ɗuɓə tansa ɗwiuDa fa wu Urshalimam miku be gufi tankom Fih nəngɓə eidem bebabe. ¹⁸N'ɓau yang una ma "A cue yemla a yi Urshali,ma susueni, bive ai ba ai gwa bə nabima kumwa.¹⁹Nakə yicuevah ɓəla ai ibəyang nlele bursəna lanfe ngb a levene gwabima ngkom Fiɓənə. ²⁰Finǝla ewuyikǝ̀n huyi Istifanau yivǝ-nabima, mila langbǝ Nibǝile langfǝ dǝminɓa nǝngyanǝng vevǝnǝ dǝhyaurǝnǝ.²¹Ama unam'a, 'ataa, bivǝ mincumma sǝlevǝ(Ap,ummai)"²²Levǝɓǝ liyu. unabihea nǝngɓǝ e'ikǝwuyila ena'a ''epaikǝ yivǝnǝ fangwam, eyiyo ɓai hũrǝkǝ'' ²³Da dǝ buabǝ, dǝwakǝtǝa ɓai nǝngyanǝng vǝ langfǝ dǝ'ikǝvou ɓǝngyua.²⁴Yivangãvǝ tsa'idǝwuyia ewukǝ Bulu tangkum. U na'a, ''eɓiye ɓai nẹngɓanǝng dokǝ uɓainau u'ibǝ biɓatsingkǝ buabǝ ikuh.²⁵Cua bǝtsarǝvou ɓai ɓaiɓikǝ, Bulu nakǝ kabusǝnǝ Jiɓadi beukǝ a, ''hyi-ing'e tangsa bihyua egba nǝngbanǝngkǝ yivǝ-Roma la nale da eniyulauyang'e','' ²⁶Da kabasǝnǝ lii manǝngɓǝ, utaasǝ yivangãve tsa'i taunau'a, 'nɓatsing tǝman cuyerǝnǝ? yiɓuiyinǝ nyǝvǝ-Roma²⁷Yivangvahɓǝ wuseu wunau'a, ''Anamla man-yivǝ-Romae?'' Bi na'a, ''Mai'' ²⁸Yivangãve tsa'i gwaula na'a, ''ɓai sǝideikǝ kpala nalan-miyamkǝ yihyua.'' Ama Bulu na'a, ''ecim min-yivǝ kuhyua Roma'' ²⁹Nǝngɓǝ levǝnǝ tǝɓǝn-ɓiyurǝnǝ peiyiyo tanghyua.Yivangãve tsa'i langɓǝ ɓimo dau'ibǝ Bulu nyivǝ-Roma, bivǝ utsauyang.³⁰Bǝgãla yivangã ve tsa'i dǝyiɗi bǝ'ibǝ bi-agangku nwa'iyunǝ le-yahuda dǝnarǝ kuh Bulu. Nǝngɓǝ ubiyunah sǝ beiɓivou, langfǝ unabikǝ lekunlau-angã ɓai lemajahsa we-kwaha.Nǝngɓǝ uwuhkǝ Bulu wuhdzeu nǝngtansale.

Chapter 23

¹Bulu ɗunəng dʒəkə le majalisa la nəngɓə na'a, "lezahuyi,nkuhyang ci Fii ɓei nini agang wukə liyeni".²Kunləau angah hananiya dəwuyi kəlevənə jiɓadi ɓeukə'a egba'nwo.³Nəngɓə Bulu nau'a Fii ngbangba ma-nəngɓei hyam.akuhbəni dəman ɓatangsəmi kuh bihyua langfə lada dəmanəng,egbam kuh bihyua?"⁴Levənə ji gyammuni nau 'a "biede kunləau və Fii angahngka."⁵Bulu na'a "n'ibələou un kunləou lezahuyi,manənɓə evyikə,bi ananəng aɓei kuh yivangah vevəɓang ka."⁶Da bulu ɓa gyam'atsəng le sadukiyawa langfə atsəng le-farisi,nəngbə unabi ɓei samɓei tangsə majalisa, "lezahuyi,min farisi min yə farisi. bivə bə'irə tangsə ɓua nəngɓə dəɓan nimrəe?"⁷Da una nəngnə,tsanwa'l tangsə le-farisi ɓei le-sadukiyawa langfə nəngtangsə levə tsa.⁸Le sadukiyawa na'a bə'irə tangsə ɓua yaung,le malaika yaung langfə le kwuang yauna amma lefarisi na'a lenəngnə la həa.⁹Manəngɓə buabə'i langfə le nəngvyinəng aka nəji cua le farisi iji tsa'nwa,dənarə'a "ɓici nəng aɓei ləou sə yiɓuyini nə lakan kwuang ko nə malaika naubiyangfa?"¹⁰Fa tsa'nwai,yivangahvə tsa'i ɓibi bi'ehyang bulu,nəngɓə udəwuyikə letaaɓuyi təɗəu.ɓei samɓei tangsə majalisa etaukə tangkom.¹¹Iyingvyi,yicuevah ji-gyammu nəngɓə nau'a "atsasəma,kəwanə anakəbim urushalimani,manəngbə man nakəbi aka roma."¹²Da bəgahla,leyahudawa aka tsanəng langfə dʒekule tangsə nənghuyinəng,ena'a "eba'etangnəngwa langfə e'nwaməngwa nəne hya bulu ləou yang.¹³Levə pei hun'iyu yang tsanəngnə.¹⁴Etə asə lekunləau angah ɓei levangah ena'a "biʒhuyinəngyang gahla,ɓibaɓu tangnəngwa nəɓi hya bulu təou yang.¹⁵Kanə,manəng ɓen,majalisa ɓabə nengahsə yivangahve tsa'l ewuhkə səɓa ɓama enkukurə kuh bivəou hyila.ɓieɓievou,ɓijiyang ɓin hyaunhya lada uwuh bənələou."¹⁶Amma yə huyi bulu lih'a demi yurə,nəngɓə utəa tangkomɓə təunakə bulu la.¹⁷Bulu ɗubə tsəng tangsə lekabasəni nəngɓə na'a aɗə yimuayibasənə atəakəsəyivagahve tsa'l ulaɓeinəng'aka unnaula."¹⁸Nəngɓə kabasənə ɗə yimuayi basənə wuhkəsə yivaangahve tsa'l nəngɓə na'a "bulu yəvə busənanə ɗubəmsəu nəngɓə nam'a nwukə yi muayi basə səma.ula ɓei nəngnə un'nala."¹⁹Yivangahve tsa'l monah takə ɓuakom'aka nəngɓə ɓiyu'a nɓatsəng dəman yiɗi bə namlae?"²⁰Yimuayi basəbə na'a "le-yahudawa gwahəala yang engahrə bəng awukə bulu tangsə majalisa,ɓama deyiɗi bə ɓatangsə bivəou.²¹Amma biedəle'ungka,levə pei hun'iyuyang dəmi yurə.edʒə kule tangsə nəngʒhuiyi nəng etangnəng wa langfə e'nwa məngwa nəne hyauləouyang.kanə ejila demi adəle nəngah."²²Nəngɓə yivangahve tsa'iɓə inakə yimuayibasəɓə pei,cua bənaubi'a "bienakə yivakala nəaməa anam lenəngnəlangka"²³Nəngɓə uɗubə le ka basə na'iyu una'a "badʒə letəaɓuyi hun-huyi-na'iyu (dari biyu)ɓei levə-bua huntəa-o-hyua(sabain)ɓei le-ɗə kabuyi hun'huyi-na'iyu eta-kaisariya ɓi-natəas a'iyingvyi."²⁴Una langɓə'a edʒə lenəngdʒammə bulu ncuyikuh jammu ntakə ci yivangah filikus.²⁵Nəngɓə uvyi-nənguyi nəng manəngni:²⁶"Bədʒambə,kuludiya lisiyas takəsə yivangah abəgang filikus.²⁷Le-yahudawa mua-yi ɓuyinə dəyiɗi bə hyaurə fa nwuh kuhle ɓei letəaɓuyi nəngɓə nyuaung,n'ibə yang un-yəvə roma.²⁸Dəmin yiɗi bə'ibə nɓatsəng cuye kəde-deurəe,nəngbə ntaukə tangsə majalisavei.²⁹Wun'ibə de-deu bivə le'bəɓibi aka kuh bihyuavei amma iyem aka yaungkuh nakem entsaukərə ko ehyaukə.³⁰Nəngɓə,tanghyua nckmmu səmai langfə n'nakə levənə də dəurə ewuhkə bivei cimai aku jammu.³¹Nəngɓə letəaɓuyi ɗəbinə enalelanə.eɗa bulu iyinguyi ewukəsə antubatris.³²Bəgahla,letəaɓu yi-aka kpala yi-levə bua taɓeukə nəngɓə leɓei nale eta-ewuh tangkum(far fajiya).³³Da levə bka ne ta kaisariya edə-nəngvyinənkə yivangah nəngɓə edʒə bulu kanau.³⁴Da yivangah zam nənhvyinəngɓə,uɓi bulus lan gyam'aka u'ilae da u'ibə ulan kilikiya,³⁵Una'a,"minliyenlih hyila nəlevənə dəderə wubə nəyang."nəngbə udəwuyi edʒəou i tangvahyəvah-və hiridus.

Chapter 24

¹Cua bu-nahyie, Ananiyas kunlau-angã, Levangã aka ɓai yivǝ'inanǝng akala iyung Tartilus tabǝɓǝ. Leɓuyinǝ takǝbivǝ Bulu ci-yivangã.²Da Bulu ji-ci yivangã, Tartikus fuɗi bǝdǝurǝ langfǝ unakǝ yivangã la'a, 'Bima ɓici kurǝlalayang, langfǝ bǝɓa nǝng-acima ma-kuhyuaɓi yang; ³Manǝngɓǝn ɓimua nǝngnǝha acuyenǝyang ɓai kah'rǝ, yivangã Filikus.⁴Dokǝ ndayiɓai-akawa, dǝmin gũrǝ tangsa nǝng-agangmai ayim n nabi cuani.⁵Ɓici yiɓuinǝ dǝ ɓangkǝnǝng langfǝ deufǝm le-yahuda fangwamha dǝ'ikǝ ɓuabǝ. un yivangã vaiva naa Nazaret.⁶Du yiɗi bǝ semti kumFiiɓi, nǝngɓǝ ɓimo(dǝɓiyiɗi bǝ namuuhsǝu tangsa bihyuaɓi)⁷Ama Lisiyas letsa'inǝ wuhdǝu ɓai samɓai nahbi.⁸Nǝnaɓi Bulu kuhlenǝngniyang, man'ibǝ lenǝngnǝha dǝɓinahrǝ kuhni''⁹Le-yahuda ha dǝdei Bulu a, ''a lenǝngnǝ ha nɓiegang.¹⁰Nda yivangãɓǝ dǝna kǝ Bulu a nabi, Bulu gwa'a, ''n 'ibǝyang ha-kpala man-leɓatangsa kuhyuani. Min liilarǝ bǝ zam'ma ɓuanikumla.¹¹Man ibǝn'i ɓai namakǝ, cwei bou hyua-irǝuna'iu lau nǝ ntakǝ bǝ dǝgãrǝ Urushelima.¹²Da ai cim tangsa komFii, ntsa'nwa ɓai yivakalau langfǝ n'ikǝ buaɓalau ɓǝng levǝ ɓai komFii, ɓai ɓǝng veha.¹³Ai ba ai tanasǝnǝng hyila kuh-iyemnǝ dei demkǝrǝ liyeniu.¹⁴Ama dǝmin nala, ''kuhnǝngni dǝ ɗukǝ darika, manǝngɓǝ langɓǝ dǝmin-dǝgãrǝkǝ Fii-ve babaɓi.¹⁵Ndzǝ-nyinyimsǝ Fii kǝ'nwa levǝnǝ, nakǝ bǝ'irǝ- vevǝ-nǝng-agang ɓai levǝnǝng-aɓaihala tangsa ɓua.¹⁶Manǝngɓǝ dǝmin-darǝ viinǝha, binci-iyemǝngka ci-Fii ɓai levǝha.¹⁷Cua- ha-kpala, nwu-bǝdǝnǝng kǝ-kuhyuam ɓai lenǝngfinǝng.¹⁸Mitangsa bǝcuyenǝngni, le-yahuda aka tangsa nǝngtsah lokuhbǝ cim-tangkomFii ɓai levǝlau langfǝ ɓai buabǝlau.¹⁹Levǝnǝ hyi-ing ewuhcima listening nǝlela ɓai bi-akakumyang.²⁰Nǝma-nǝngɓǝlauyang, leva-yitsing na-aiɓaiɓa eci ɓaimkǝ finǝla njikǝ ci-fada vẹ le-yahuda,²¹ɓuasǝun bi-nǝngnǝ tsing nna-ɓai wiyi'atsa finǝla njikǝ domain liyeni''²²Nǝngɓǝ Fikikus, u'ibǝ nǝngahyang, udǝbi-ɓǝ utǝakǝci. Una'a, ''Nǝ-lisiyas yivǝ dǝwuyinǝ wu-Urushelimayang, mintǝngkǝ-niyubiɓǝ''²³Nǝngɓǝ udǝwuyi kǝ-kabasǝɓǝ'a uɓa Bulu Anna u'nwayuacuani biyunyam lejuo sǝ-bǝ-wusǝu ɓai bǝyuangrǝngka.²⁴Cua-bu-cuani, Fikikus again ɓai heu, un-yivǝ-yahuda, nǝngɓǝ much Bulu wuriliyu kuh bǝjitsa tangsa Kristi Yeso.²⁵Ama da Bulu nabi kuh-nǝng-agang, bǝmuakuh, ɓai bǝɓa tangsa nǝdǝwurǝnǝ, ɓimua Fikikus nǝngɓǝ una,a, ''epaikǝ kasusuenǝ. Ama nǝnci- nahyang nala, mincumbǝ sǝmaincum.''²⁶Tanghyua udzǝnyinyila Bulu ndǝri seidein-dǝ, manǝngɓǝ, cuayang udubu wuhnabi ɓǝukǝ.²⁷Ama ha-na'iu mwupai, Borkiyas festas memkǝ yivangah cua- Fikikus, ama Fikikus dǝyidi bǝ ɓabǝ- ci hyilasǝ le-yahuda, nǝngɓǝ uhyǝ Bulu busǝna.

Chapter 25

¹Da festas tǝa-tangsa kuhyuabǝ, langfǝ cua ɓu-natǝ,u'i kaisariya utǝa urushelim. ²nǝngɓǝ kunlǝau angah ɓei levangah yahudawa-aka wukǝɓi kuh Bulus, nǝngɓǝ eɓi festas kǝ biagang. ³eguhci-sǝu uɗule ɓǝ Bulus-la wuh urushelima ɗoƙǝ eham eɗzǝ nǝngah ehyau.⁴Amma festas gwalela' a,etsa Bulus lan kaisariya, langfǝ juawa ribeinari rintakǝ ɓǝɓǝ. ⁵manǝngɓǝn, '' Levǝnǝ nbǝ ɓayang'' una'a ''etǝa-cuahai ɓeibikǝ. nǝ -aɓei akala ɓei yibuyi bǝyang, ɓdeu''⁶festas kuɓǝbi pei bu-kayankaya ko bu-hyua-lǝou nǝngɓǝ upeutǝa kaisariya. Bǝghala ukwukuh kakurǝ ɓatangsa nǝngbǝ udǝwuyi ewurikǝ Bulus la ⁷ Da uwuh, leyahudawa l-urushelima jibadi, ewukǝ leɓinǝ eɓa'enawa ⁸Bulus ikǝkuh-na'a,'' ncuye nǝng-aɓei kǝ bihyua lǝou, ko kumfih langfǝ kaisar-lǝou.''⁹Amma festas ɗe yidi, ɓicikuh. sǝ le yahudawa nǝngɓǝ gwakǝ Bulus la'a dǝman yidi bǝtǝa- urushelima tǝnɓa tangsa ma kuh lǝnǝngnie?'' ¹⁰Bulus na'a njilanci kakurǝ batangsa vǝ kaisar ɓǝnǝ enɓatangsamla. ncuye nǝng-abeikǝ le yahudawa-lǝou, kǝwanǝ mǝalang- ɓǝ a'iɓǝyang wanei.¹¹nǝ-kǝbiegangnǝn cuye nǝng-aɓei ɓei nǝngnǝ kem bǝ hyaɓǝyang, nlalǝou nɓuyi. Amma nǝivei nwa'iyauyang, yivaka yaung nǝzǝm kanahle. dǝmin dǝbimsǝ kaisar'' ¹²Da festas nabi ɓei Barniki majalisa ug-wa'a ''dǝman-ɗubǝ kaisar sǝ kaisar mantǝarǝ!''¹³cua-vyi cuani, yǝvah-Agarisbas ɓei Barniki ewuh kaisariya wubenɓa festas. ¹⁴Da ekwu ɓǝbi bu-kpala, festas wukǝ bivǝ Bulus sǝ yǝvah; una'a, ''yiɓuyi- akala filikus yeu ɓǝni-ɓusǝna. ¹⁵finǝla mi urushelima, kunlǝau angah ɓei levangah vǝ yahudawa wum kǝbila kuhyiɓuyini, ɗeguh'a ehyau. ¹⁶ngwa lela nnakǝ, yaung tangsa nǝngvǝ Romawa edǝ-yivakǝ; sai nǝyivǝnǝ ewukǝ ɓǝvǝounǝ edǝou nǝnggah u'ikǝ kuh ci levǝnǝ wuhkǝ bivǝou yang.¹⁷manǝgɓǝ, finǝ ha wegǝem ɓǝni, nmilǝeou, amma bǝgahla nkwu-kuh kakurǝ ɓatangsa ndǝwuyi nakǝ ewukǝ yibu yiɓǝ. ¹⁸Da levǝ-nabi kuh naɓive nǝngɓǝ n'ibǝ nǝng aka yang hyila tangsǝou, ¹⁹la ntsa nwa ɓuasǝ tangsale kuh adini vǝ ɓei kuh yeso akala ɓuyi, nǝ Bulus dǝnarǝ'a ula-ɓei hurǝ; ²⁰n'iɓǝlǝou- uhtsǝng minɓikǝ biɓǝ, nǝngɓǝ nɓiyu-nakǝ unɓa' untǝa urushelima ntǝa te ɓatangsau kuh-lenǝngniye?²¹Amma ɗa Bulus ɓabǝ ekangri, kaisar ɓa-tangsari, nǝngɓǝ ndǝwuyi nakǝ edzǝouhyua min cummu sǝ kaiasar'' ²²Agariɓas nakǝ festas-la'a ''dǝmin-yidi langɓǝ nlih yiɓuyinǝ na'a ''mǝanliyunlih ɓǝng''²³Bǝgahla, Agaribas ɓei Barniki wuh ɓei levǝ kpala; etǝa-tangsa kom gǝemrǝ ɓei letsa'i ɓei levangah kuhyuaɓǝ. ɗa festas dǝwuyi. nǝngɓǝ ewukǝ Bulus sǝle. ²⁴festas na'a ''' yǝvah agaribas ɓei levǝnǝhǝa cuaha ɓei-ɓikǝ bǝni, ɓa-ɓaɓyiɓuyinǝng la, le yahudawa hǝa dũɓǝm urushelima ɓei ɓǝnǝ.dǝ-buambǝla'a biyeyeu ɓei hurǝngka.²⁵n'iɓǝyang ucuye nǝng nǝ kem-ɓualǝou; Amma ud'ǝbivǝou utǝakǝsǝ kaisar, ndzǝyang min-cummurǝ. ²⁶Amma nyaung ɓei- aka hyila nǝ-minvyikǝ kaisr-la nǝngɓǝ cuye nwuhkǝ ciba, yaungɓamǝam,-(musamman) yǝvah Agaribas. dokǝ nci nǝngnǝ minvyirǝ kuh. ²⁷ɓaramam hyiwasǝm ncum bǝ ɓei yǝvǝ- busǝna langfǝ n'na lenǝngnǝ kuhni lǝou.

Chapter 26

¹nǝngɓǝ Agaribas nǝa-Bulus' a' a'ikǝ-kuhmah'' nǝngɓǝ BUlus ikǝ-kanau ubani ɓǝ'ikǝkuh. ²dǝmin-lilahrǝ, yǝvah Agaribas min'nabim cimai liyeni kuh-leɓinǝ leyahudawa wukǝ kumni. ³yaungɓamǝama, bivǝ a'ibǝnǝng tangsa lenǝng vǝ yahudawa ɓei nǝngah sǝu hǝa. manǝngɓǝn dǝmin guhrǝ alihm ɓei munyal.⁴kǝ biagang , leyahudawa hǝakpem iɓǝ yang uh-nku kǝ yi muayiɓasǝmi kuhyuam ɓei tangsa urushelima-hǝa ⁵e' iyimyang ɓǝvǝ na'nwaci, nǝne ban'nǝnayang nkuyang kǝ farisi ɓǝkwa hǝakuhnǝ tsapei niyu le' addini nǝhǝa.⁶kanǝ njiɓǝni e'ɓatangsam ɓivǝ nɗzǝninimyang ɓinǝ fih nǝakǝ le daɓi lanǝ. ⁷nbiɓǝ nǝnɓǝ le-kǝa vahɓi hyua-iru na;iyu dzǝninila n'muarǝ vyinǝla dedǝgahrǝ kǝ fih kǝ biegang iying vyi ɓei ɗuafi. bivǝ bǝdzǝnininǝ, yǝvah, nǝngbǝ le yhahudawa dǝdemkǝrǝ. ⁸nɓatsǝng kǝ yivakanǝ.kem-ɓaman nǝngcuye sǝɓi fih ikǝ kwamɓuyie⁹vǝɓi, miɓeinam nkǝembiyang ncuye lǝnǝng-kpala kuh yeso yǝvǝ-nazarat. ¹⁰ncuye nǝng nǝyang urushelima. nlam levǝ fih kpala busǝna bivǝ samɓeinǝ nci sǝ le-kunlau angah; nǝne hyale yang, njicuale. ¹¹n'nam-vuhsǝle bu-kpala tangsa komfih langfǝ ɗǝmin-cuele ɓei samɓei ena'a ɓei vǝ fih. ngwanhyuyi lewa-wanei langfǝ ndole-yiɓei ntǝ akǝ kuhyua-vevahka.¹²mikuh-ɓǝcuye nǝngni,ntǝa Dimashku ɓei samɓei vǝ kunlau angah. ¹³mikuh ɓǝtǝarǝ, ɓuarǝfi, yǝvah, nɓa-ɗua ɗuiye gahpei ɗuati, langfǝ gahɗǝ sǝm ɓei levǝnǝ dǝtǝarǝ cuahai ɓei mkǝ, ¹⁴Da ɓihǝakpem ɓi'ohyua, nlih-wuyi aka dǝnabi-ɓemkǝ ɓei'nwa- ibraniyawa duna'a, shawulu, nɓakǝ dǝman-dǝm yiɓǝ?¹⁵nǝngɓǝ nnakǝ, 'mǝanwae' yicuevah? yicuevah fahnam'a 'min yeso-nǝdǝma dǝ yiɓei lanǝ ¹⁶kanǝ a'i ajirǝbu; bivǝ nǝngnǝ n' iyrla, mindzakǝ muangsem ɓei le-ɓarǝm tangsa nǝngnǝ a' iɓǝ kumni ɓei lenengnǝ mintǝanahla tenala, ¹⁷min' iyekǝ ɓzaivǝ ɓei tangsa levǝnǝ dǝmin cumma sǝle, ¹⁸a' ɓei nǝngle langfǝ amiyamle sǝ-ɓǝngɓǝji awuhkǝ sǝ ɗua ɓei tangsa sambei vǝ munkulum awuhkǝ sǝ fih dokǝ eci- bǝmuanǝng'a bei- e-eikǝta ɓei nǝngnǝ mindǝkǝ levǝnǝ ndzǝkǝkumla tangsa ɓǝjitsa-sem.¹⁹manǝngɓǝn, yevah Agaribas, nsemti nǝng ɓanǝng ɗuiye lǝou. ²⁰Amma , sǝ-levǝnǝ Dimashku, dokǝ urushelima, ɓǝi kuhyua yahudawa hǝakpem, ɓei levǝhǝa (Al'umma) n'nale bi fih layang dokǝ e-tubi emiyamsǝ fih, ecueye' nwacumnǝ kem-ɓǝtubirǝ. ²¹bivǝngnǝ nǝngbǝ le yahudawa muam-tangsa kom fih dǝ yidi bǝhyamrǝ.²²manǝngɓǝ, fih-yuangmi wukǝ liyeni, langfǝ nji min'nǝakǝ peisǝn nǝngnǝ lecuye'nwacum fih ɓei musa na'anci yeso nǝ. ²³ho yeso nwayibeinwa, bivǝ uhkǝ na'anwaci yevǝnǝ e;ikǝ tangɓua un'nabi bagahrǝ kǝ levǝɓila ɓei levǝ (Al'umma).''²⁴Da Bulus tǝngkǝ ɓǝ ikǝ kuh, festas nǝaɓei wuyi'a, Bulus, nǝngɗuyinǝng-kuhmai; bǝ'ibǝnǝngma miyammakǝ lenǝng ɗuyinǝngyang''²⁵Amma Bulus na'a,'' nǝng ɗuyinǝng yuangkum, yivangah festas amma ɓei bǝtsanini dǝminnǝakǝ lebi-abǝgang ɓei aɓǝma-hakilo. ²⁶bivǝ yǝvah iɓǝ lenǝngnǝyang hǝa; nengɓǝ cuye dǝmin nabi ɓei samɓei, n'ibǝyang,nǝng-akayaung ecuweula; ecuye-kǝ le nǝngnǝ.²⁷Agwa le cuye' nwacum fih yang e' yevah Agaribas? n;ibǝyang agwa le yang. ²⁸Agaribus nakǝ Bulus-la;a tangsa ɓi-cuani dǝman-yidi bǝmiyami kǝ le muabi?(kristi).'' ²⁹Bulus na'a dǝmin guh fih, tangsa ɓi-cuani ko kpala nma-ɓeintsing malǝou amma ɓei levǝnǝ-lihmhǝa liyeni, miyamkǝ' nwam, amma ɓei-bi busǝna nǝlǝou.''³⁰nǝngɓǝ yǝvah ijirǝbu ɓei yivangah(gwamna), ɓei Barniki lanɓǝ ɓei levǝnǝ kucuahai ɓalǝkǝ; ³¹Da eyi tangkom gǝemrǝ, dǝnabi muahai dǝna'a, ''yiɓuyinǝ cuye nǝngnǝ enhyaurǝlǝou langfǝ entsaurǝ'³²Agaribas nǝakǝ festas-la'a 'Da yibuyinǝ tǝakǝ bivǝou sǝ kaisar lǝoukong da e'iyunahyang''

Chapter 27

¹Da egwahala ɓintǝa Italiya, edzǝ Bulu ɓai levǝ-busǝna-aka nah kabasǝ aka lyung yuliyas tangsa Batalia vǝ Agustas.²ɓicuyi tangsa fua-mǝng Adramatiya. Nǝdǝ yidi bǝ'irǝn-tǝaka nwamǝng Asiya. Nǝngɓǝ ɓitǝa nwamǝng. Aristakus yivǝ Tasilonika tangsa Makidoniya tacuahai ɓǝiɓikǝ.³Bǝgahla ɓicuyihyua Sidon, bǝbi Yuliyas cuye-agangkǝ Bulu la nǝngɓǝ yeu utǝasǝ Lejuo tǝkaung.⁴Bǝbi, ɓinta nwamǝng tǝɓicuyifua ɓitǝakǝ kuburus. Bivǝ yuanǝ dǝwahɓila tsala.⁵Da ɓihiya kilikiya ɓai Bamfiliya, nǝngɓǝ ɓiwuh Mira kuhyua Lisiya.⁶Bǝbi, Kabasǝnǝ Ci-fuamǝng Iskandariya nǝdǝtǝa Italiya nǝngɓǝ udzǝɓi tangsǝou.⁷Buh-kpala dǝɓitǝarǝ tan'tǝa ɓei yiɓei ɓicuyikǝhyua ɓadi ɓai Sinidus, yua-Labǝyiɓi ɓintǝarǝ, nǝngɓǝ ɓigah Karita ɓadi ɓai Salmina.⁸Bai yiɓei ɓimuaka nwahyuamǝng ɓiwukǝ bakala dǝdua bǝdzǝsǝ-agang nǝɓadi ɓai kuhyua Lasiya.⁹Kanǝ ɓidǝ bu-kpala, Langfǝ vii-bǝdǝlengve le-yahuda pai yang, bǝtǝarǝ ɓi langfǝ miyamkǝ-biyang. Bulu nale bi, ¹⁰unale a, ''Levǝ, n ibǝyang tarǝɓi nwuɓikǝ nǝngduala ɓai nǝnglanǝng kpala, n'lenǝngɓi ɓai fua ɓuasǝulau ama ɓai hurǝɓiha''¹¹Ama kabasǝnǝ dzǝ-Hakilovousǝ yivangahvou ɓai yicuye fua-mǝng paisǝ lenǝngnǝ Bulu dǝnarǝnǝ.¹²Manǝngɓǝ bǝgǝemrǝɓǝ(tasha) balawa tangsa voou(hunturu) levǝ-kpala nabi eyibǝɓǝ,nǝ'nbancucuyeyang ɓitǝa kuhyua Finikiya. Bikubǝɓi sǝnǝ-vou tangyang. Finikiya nbǝ gamrǝve fuamǝng nǝdǝɓa nahyua-kanah tǝetei ɓai niyi-ka- nahtǝetei(southwest & northwest)¹³Da yua -i-nahyua dǝ warǝ tantǝe, nǝngɓǝ dǝɓa-ɓama nyinyile-tǝayang. Nǝngɓǝ ebiyi-ɓǝinǝ etsakǝ fuamǝngɓǝnǝ, nǝngɓǝ emuaka Karita ɓadi ɓai nwaguwemǝng.¹⁴Amma cuacuani, nǝngɓǝ yua-angah nǝdǝdukǝ yurokilidon fudi bǝgbaɓirǝ nwahyuaɓi(tsibirin)¹⁵Da fuamǝngɓǝ batǝaka na-yuawa nǝngɓǝ ɓinikǝ bǝnǝ yua-nikǝla.¹⁶Nǝngɓǝ ɓimuaka yi'nwahyua-akala cuani deɗu'a kauda; ɓai yiɓaikǝ etsakǝ yifuabǝ sǝ fua-angã.¹⁷Da edǝfuaɓǝ-ye, ecuye'nwacum ɓai leɓei etsakǝ fuaɓǝ dǝhuyibici-okuh-hyuanhuyi Sirtis, nǝngɓǝ eyifuaɓǝ lele-ci.¹⁸Ɓiyuankǝ ɓai yuamǝng- cuanilau, da Ɓǝgahla nǝngɓǝ levǝ cuye nwacum ɓai fuaɓǝ bani bǝ'ikǝ lenǝng-tangsa fuaɓǝ¹⁹Bu-anǝng nata, levǝ-cuye nwacum ɓai fuaɓǝ ikǝ' lenǝng tangsa fuaɓi ɓainale.²⁰Bu-kpala ɓiɓa Shari ɓai ledzǝng kuhɓilau. yuamǝng angah ɓuasǝu dǝgbaɓirǝ, ɓi'ikǝ-nyinyiɓiyang ko ɓin' hyu-hyua.²¹Da bu-kpala etangnǝnglau nǝngɓǝ Bulu iji-tangsa-levǝ cuye'nwacum fuaɓi na'a, ''Levǝ, da ɓalimyang, ɓiɓa-hyaka karitangka, yang ɓaci-nǝngduanǝ ɓai bǝlarǝnǝng- manǝngniu.²²Kanǝ dǝmin naɓala ɓatsasǝɓa, yivaka yaung tangsa ɓai hurǝun-tǝngrǝ, Ama nfua ɓuasǝu.Iyingvinǝ paikǝnǝ malaikavǝ Fii nǝdǝmin-muaco langfǝ dǝmin dǝgahrǝlanǝ jingyammi.²⁴Nǝngɓǝ na'a, bieɓiɓingka, Bulu. Manning ci-kaisar, aɓa, Fii tangsa nǝng-agangvou da-levǝnǝha dǝtarǝ cuahai ɓai manǝ-yang'.²⁵Manǝngɓǝn ɓatsasɓa, levǝ! ndzǝnyinyimyang sǝ Fii, ncucuye manǝngɓǝ kǝwan enamlanǝ.²⁶Ama dole enwaɓi tangsa tsibiri-aka.²⁷Da iyingvyi a hyua-iru-nanya cuye, dǝcoɓi bǝni ɓai bǝle tangsa mǝng Adriyat, tangsa ninivyi, levǝ-cuye nwacum fuaɓǝ dǝɓa ɓama eɓadi ɓai nwahyuayang.²⁸Da eni- nǝngɓǝ eci- duyirǝu huntsing; cuacuani nǝngɓǝ eni-aka nǝngɓǝ eci-duyirǝu hyua-iru-nanya.²⁹Bimuale deɓa-ɓama bi-e'okuhtei, nǝngɓǝ ewa-ɓei-tsafua ninanya nwaɓuanifua, eguhFii dokǝ bǝgahyemla.³⁰Levǝ-cuye' nwacum ɓaifuaɓǝ dǝɓabǝ nǝngahnǝ nwakǝfua kǝtǝa langfǝ leifua-ahang tangsa mǝng. Edited ɓama dewa- ɓaimuafua kaci-fuaɓǝ.³¹Ama Bulu nakǝ kabasǝnǝla ɓai letsa'i' a ''N levǝnǝ jitangsa-fuani lǝoung ɓabaɓa hyuawa''³²Nǝngɓǝ letsa'inǝ cumɓai fuaɓǝ nǝngɓǝ yila'-o.³³Da bǝdǝgahrǝ nǝngɓǝ Bulu tsasǝle etangnǝng-aka. Una'a, ''Liyeni bu-hyua-iru-nanyalo ɓatangnǝng-akalau.³⁴Manǝngɓǝn ɓatangnǝng-aka nǝngɓǝkǝ Jammuɓa. Langfǝ yivaka yaung tangsaɓai dzamkun'orǝ''.³⁵Da una-nǝngnǝ, nǝngɓǝ udǝ fefǝm Langfǝ ukanFii nǝng levǝha, nǝngɓǝ ucuyi fǝfǝmɓǝ ubani bǝtǝangrǝ.³⁶Nǝngɓǝ lehǝa e'cisamɓai Langfǝ etangnǝng.³⁷Ɓi-ha levǝ hun-huyi na'iusǝu ɓai huna-o-hyua-iru-huyitsung(276).³⁸Da etangnǝng-yuale-tsa nǝngɓǝ ewuyi- akana kǝta tangmǝng, nǝngɓǝ fuaɓǝ-iye-nala.³⁹Da bǝgah, e'ibǝ kuhyuaɓǝlau, nǝngɓǝ eɓa muanǝng-aka tangsa gacci, langfǝ enabi ɓuale ko e'ahfuaɓǝ etea tangsa ɓuanǝngɓǝ.⁴⁰Nǝngɓǝ ecumɓeifuaɓǝ eyila tangsa mǝng. Tangsa ɓi-ayitsing enjoy leɓeinǝ- dǝmiyamfua-ɓǝnǝ, nǝngɓǝ e'inahkǝ nwaduaduyi fuaɓǝ nǝngɓǝ eniyikǝ nwamǝngɓǝ.⁴¹Amma ewuh bǝnǝ mǝng-na'iu kwahala nǝngɓǝ fuaɓǝ hyangtangsa-hyua. Ci-fuaɓǝ dzǝhyua ɓǝbi bǝtsingrǝ yaung langfǝ nwaɓuani-fuaɓǝ uwah ekǝta bivǝ. ɓei-mǝng.⁴²Letsa'i dǝyidi bǝhya levǝ-busǝna biyivaka i-mǝng. huyi-pai.⁴³Ama kabasǝnǝ dǝyidi bǝyuang Bulu nǝngɓǝ udzǝhyua ɓai bǝ kembivei; langfǝ udǝ, with kǝ-levǝnǝ inah bǝ'imǝngyang cuyi tangsa fuaɓi na'nwaci etae'nwahyua.⁴⁴Dole niyu-leɓuyiɓǝ muacuale . Levaka kuh uwahrǝ-kae, langfǝ levaka kuh-lenǝng-aka tangsa fuaɓi. Cuyesǝ manǝngɓǝ ɓihae ɓitǝa nwahyua Jammu.

Chapter 28

¹Da ɓicuyihyua jammu,nəngɓə ɓilih'a iying tsibiriɓən malita.²Levə kuhyube cue neng agang la wanei, amahbi duala bibyui bjive ming duiye bei duiye ne de tarene.Amma Bulu tagem le'nwaka wuh eidua, nengbe dzeu i bive lare dua wuhkam kanau. ⁴Da leve hyua be ba dzeu ne kwamkanau, enabiala bualei, " Yibui yine kəbiogang yeu bei hurewa"Amma uwuyi dzeube kəta ɗəngɗua neng aka cue yiuleu. ⁶Demre lanka huhyui ko uhgbahyuareu-okə-kombuiyiu.Badi bei be iyung Babiliyas. Umuabi lealeu langfə debi nengdeyidi -a-bunata. ⁸Dahve Babiliyas de cue yibei bei zazabi bei nari da Bulu taseu, uguhFi, udzenaku, nengbe uciyi jammu. ⁹Cua nengni cuesene, niu leveneha lilahrəleu chibirə binji ewung langfə eciyi jammuyang. ¹⁰Levəɓə de gare yang wanei, da tebjinpeirə edebileineng neha debi yidire.Cua Fihyum nata bicuyi fua Iskandireya- nedecuyekə veuhane kula chibirini kwang iha bei yinzayive . ¹²Cua be cuihyua ka hyua Sirakus ɓəcuye bu nata bebi .Debi bipei biteng kuhyua Rigiyum. bilue butsing yua aka ibei sambei ka nahyu tangsa bu na'iu bjiwu kuhyua Butali. ¹⁴Bebi biciyi lei zahyui tangsa nengani bi take Roma. ¹⁵Bəbi lei zahyui li-səm-səm wurə eiweikwakubi nwalomu Abiuyas lueng ane nata da Bulus ba le zahyui, ukah Fi nengbe utasem .DA bita Roma, eyi-Bulu beinau deluye bei letsa debaurene. ¹⁷Nengɓə bila cua bu nata, Bulu ɗube levangah ve Yahuda. Da weei gem bayitsing, unale' a " le zahyui ncue nengbei leu seleve langfe bei nengvə dabi, ai demkə yivə bursəna Urshalima ejwukə na leivə Roma. ¹⁸Cua bebimre deyidi be imnah bive cue nengabei kem bualeu.Ammada lei yahuda jikku bivei neng cue ndebibe nwukəsə Kaisar nbivei mila bei biaka min muake bivei vem leu. ²⁰bive nenge manengbengnbake biba n'nababi tunda nenbive -bedzeininvei Israila nengbe cue etsam bei ɓinə".Bima nengvyineng leu Yahuda kumai, langfe lei zahyui wuleiu bei biekakə ko neng akane nhyiwa kumanji. ²²Amma debi yidi bi nwamai batsing demang kemre kuh darika-niye, bi ibeyang denabi kumai bi hakpem.Da eileuɗuiyi bu leivədewuseu de nalebi la langfe dunalei bi be kureve Fi la. duive. Hakilo veve nwafihne, bive nwadjudi wukeɗəngdui. ²⁴leveka gwabe beyang kuh leinengni enana, lanfe lei vaka gwaleu.Da nwalei ta tsing leu nengbe ai pei cuabine Bulu nake tsing, a "kwang garangrang na hyiwane kas21 cua benabiveFi kuhyuabi, eicile mongsem kpala eifah ei wu listira bei Ikoniyaə Ishaya le cue nwatsum vfe Fih kə lei baba la. ²⁶U na a tasə lei və nə anama, " lilarəveu leu ban bəba amma ɓalisəu leu.Bive nengne leven ibenengwa, langfe bie cuelei elihbewa, lanfe ei lamnfenglei, lanfe ai li bei be cue yileyang ei ibe bei nyi-nyilei lanfe ai myem ming yang min bdelei jammu.²⁸Manengbeng ba ibe wure ve Fih ne tayangse lei yuavah yang einlili. ²⁹Da unaleneng lei Yahuda mjuanengah pei tsanwa itangsalei gahla.Bulu ku hyua na'iu tangvei ni umjua bei sedei lanfe deu mua leveni hya wuseu yang. ³¹ Du nabi bikuri ve Fi bei benyinase-leneng kuh yicuevaa Yeso Kristi bei sambeiha neng aka yaung de yamuri.

Romans

Chapter 1

¹Bulu mongsem və Yeso kristi, ɗubu wu myem kə yivə ta nwatsunm, ɗjeukə yivə nyinasə bi agang vəFih. ²Nəngnə kə biFih gwaɓinwa vəɓi kasə leivənəɓə tangsa biFih garangrang. ³Bivə yiunə wei chiukə tangsa vahvei Dauda wuka tangsa səu.⁴Ierəveu ɓua, nəngɓə ai deu samɓei uh myem kə yiFih tangsa kwang garangrang-Yeso kristi daɓi, ⁵Langsəu nəngɓə ai chikə nəngagang ɓai bə ta nwatsum, bibə də garə tangsa lei hyua hakpəm bivə iun. ⁶Malangɓə ai ɗubu ah myem kə ah Yeso kristi.⁷Ɗərengwual nə ah vaivənə Roma nih, leibə yiɗi vəFih, ai ɗubulei ai myem kə leivə garangrang. Nəng'agang kuɓaiɓa, ɓai kurə larə səFih daɓi, ɓai Yeso kristi daɓiha.⁸Nanwachiha, dəmin nkaFih tangsa Yeso kristi bi ɓəhakpəm, deinah biagang tangsa fangwam hakpəm. ⁹Fih kə yitanwachuam, uhnə dəmin deu garə tangsa kwang sə biagang viha, Klon ɗeuha, dəmin ɗu'ingɓa. ¹⁰Vinəha dəmin ngu Fih nakə ko'unha nchikum susueni səbəyiɗi vəFih nwusəɓah.¹¹Dəmin yiɗi bə ɓaɓarə, yang kə ndəɓa dəranfam və kwangFih, Dokən takə səɓah. ¹²Nɗji nyi-nyi chuila, dəmin yiɗibə kuh chuahai ɓaiɓa tangsa biagangɓi, aɓah ɓai amam.¹³Susueni nyiɗileu ɓaku tangbəɗji, lei hyuim, bukpala dəmin yiɗi bə wusəɓa nəngɓə nchinahleu. Nyiɗi bə chuemanəngɓə kənchi kə leiyi tangsa kwang tansaɓai kənwanə achikə tangsa lehyiivah. ¹⁴Nkuɓai heim kə vvei Hellinawa ɓalei ɗuawai, leivə yuirə ɓaleivənə yiurə vai yaung nə. ¹⁵Milaku nabi bivə Fih kə ɓalei hyui a Roma.¹⁶Minə nchuesəku bə nabi vəFih'u, nəngɓə kə samɓei vəFih səbə hyuang yivənəha tsa nyi-nyiun lang, kə lei Yahudawa nachi yang kəlei Hellinawa. ¹⁷Langtangseu nəngɓə nəng agang və Fih tanalatangsa bə ɗjinyi-nyi ɓai ɗji nyi-nyi hyanda ai vikənə, " Leivə nəngagang nkui ɓai ɗji nyi-nyi".¹⁸Anna chi'aɓuarə vəFih eihfung ɗuiye kulevənə wui Fih'unə ɓaleivənə nəngagang vai yaungnə, leivə nənagang vai yaung nə ai mua biuagang ai tsachua. ¹⁹Manəngɓə don nəngnə ain'ibərə səFihni lue nwanəng fatai səlei. Fih ɓainɨngle yang.²⁰Lei ɗjikuvou nə aibaunəng, aing'lenəng: Samɓaivou nəng təngrə yaungnə ɓai Fihvou mangɓə, ai biyang nəngfatai voɓihha vi marə fangwam, le nəngnə ai manə. Manəngɓəng ai yaung ɓai binarə. ²¹Bisəu, daidə bəma ai'iFih' ai deu kpamang Fihleu, ai kaungleu. Bisəu ai huerə tangsa bə kembivai, nyi-nyile tangsa bəɗji.²²Dai ɓakule ɓamang leivə yuirə, nəngɓə ai myem kə leivə yuerə. ²³Ai pem garə vəFihnə ɓa ɓaunkəunə ɓai bə yiɗi kwang yivənə ɓangkənɓangnə, ɓai yihyiun, ɓai nəngnə kabui nang-nyanə, ɓa leivənə də haɓainahkənə.²⁴Bisəu, Fih yile ɓalei nəngnə nyi-nyi, le aɓai mualanə, ai samsəlei ɓuale. ²⁵Nle ai pem bi agang və Fih ɓai nwa'iu, ai yila səbə muachua yivə nang'ma' nang, dei muachua le nəngnə ai manə. Nə ain deu garə ka'ing, ɗjing.²⁶Bisəu, nəngFih yile dai chuele nəngaɓai nəmuh nyi-nuyi lenə,manəngɓəng leiheivah pem bə luebəha nə manəngɓə ɓai anə manəngɓə leunə. ²⁷Manəngɓə leiɓuivah yila bəlue ɓaleihei, ai myem dei lue ɓaleiɓui.²⁸Bisəu ai ibiFihleu tangsa bə ibənəngvai, u yilla sə luirə hakilovai, ai chuelenəngnə hiunə.²⁹Lei nəngaɓai yi tangsa nyi-nyile ha, hyam aɓai, fəm-nəng fangwam, nyi-nyi'aɓi. Bə ghanyi yiyuale, bə hyabə, bə muanwa, bə fəmbə, ɓai nyi-nyi aɓai. ³⁰Leivə ɗjamsəbə, leivə ɓangkə inbə, leilaFih, leibanyivom, lei ɗəkuh, ɓalei ɗənbam. Lei dei baɓuani nəngaɓai, ai lilei yichirəvaiu. ³¹Ai ibənəngakaleu, abaɗjinyi-nyi səleu, ai yaung ɓai bə yiɗibəu, chue ahinrəvai yaung.³²Ai ibə lebə də nwa vəFih, leivanə chueleəngnə ain ɓuɓui. Ain chue le nəngnə ɓusəuleu, ai gwakə leivakala.

Chapter 2

¹Manəngɓəng ah yaung ɓai nəngnə man narənə, man yivə, manə dəman namabiainchueka, ikəlanbə səmai, nəngnə dəman nema bi ai chuenka nəɓə dəman chuerə. ²Ɓa ibə bə chue kita vəFih ɲbiagang ain naukulevənə dəchue le nəngnə.³Ai ɗji hakilovai səleinəngni, ma yivə, manə dəman naleivə nəma bi ain chueka lei nəngnə də churənrə, yang dəman chue irəu. Man'bah man ikə kuman i tangsa kita vəFih? ⁴Nə dəma kem ɓama kparə nəngagang vou chue cuani ain ha, bə tasə bəvə chuechui ɓai munye vou? A ibəleu nənagang vou ntakə səbə tubi.⁵Langsə tsarə kuɓa ɓai nyi-nyiɓi nə ɓala bə tubirənə dəɓa gəmkəkuɓala buarə fivə buarəvibə tangsa kita vəFih agang. ⁶Uhn fah kon yivakaha loha ɓai nəmgmə uh chue nə: ⁷Sə levanə tangsa bə muakule bə chue nəngagang, ai ɓabə kərə, garə nəngnə ɓikaunə, uhn dəlei hunrə ka'ing.⁸Leivənə də ɓabə garə kə kulelanə, lei ai labə də garə kə biagang dai dəgarə kənəngnə agangleunə, buarə ɓai chi ahairə nwuwuh. ⁹Fih'n wukə yiɓai ɓai zhirə kule hurə levənəha də chue nəngaɓai, kule Yahudawa nachi, yang kələ Hellinawa.¹⁰Ka'nrə, garə, ɓai kurə larə nwusə yivənəha chue nəngagang, kule Yahudawa nachi, yang kule Hellinawa langɓə. ¹¹Bə yiɗikuh yaung sə Fih. ¹²Levənəha chue nəngaɓai vinə nabi yaungnə ain təngfam nwabi yaung, levənəha chue nəng aɓai bə wuabi, ain chue le kita ɓai wuibi.¹³Levənə də leeh wuibi nəngɓə kə levə agang chi Fih leu, nlevənə dəchue nəngnə wuibi nanə, le ain myem agang. ¹⁴Leyuavahnə i wuaɓi leunə, nə dei chue nəngnə wuabi na tangsa kurəvaiyang, ai myemkə kulela wuaɓin ko dama ai yaung ɓai wuaɓi .¹⁵Manəngɓən ai tanala a nəng chuerəvə wuaɓi ai vi tangsa nyi-nyilei, nyi-nyuilema də nalela, bə kembivai də banwachuale ɓai kule. ¹⁶Langɓə səFih. Nɨngnə chuesə vinə Fih' chue kita tang bəɗji vai zayivəkpəm tangsa bivə fih kasə Yeso kristi.¹⁷Nəna ɗu kuma nəma mang lei Yahuda yang, dəma ku tangsa kita, dəman kpaing bə Fih. ¹⁸A ibə nəngnə dəu yiɗinə dəman chue nəng-agang bi mala ɓai wuaɓi; ¹⁹Nə maɓai nama agwang, nəman baman muakha kəle nɨnggɓam nɨng, kə garə kə levənəla tang bəɗji, ²⁰yi malei hyuairə, nyinasənəng kə lei muang, malaɓai bə ibənəng tangsa wuaɓi ɓai biagang, Yang chue uhn nəngnə ɓainkə kurəmai?²¹Manə dəman nyinasənɨng kə leivakala nə, yang bi a nyinala kə kuman ka? Manə dəman nyinasə nəng'inəng ni, dəman inəng hyen? ²²Manə nəma bi yavaka lue ɓai hei yivakanka, dəman lue ɓai hei yivakai? Manə ala nɨngɓuinə, a iəng wau takom Fih?²³manə dəma gɓein tangsa wuaɓi ni, a sem Fihn tangsa bəna wuaɓi mai? ²⁴Lei yuavah də garə kə Fih leu biɓa, " kənwa nəngnə ai vikənə.²⁵Bə cumnwahaɓa valiɓin ing nəɓi dəgarə kə wuaɓin, ing nəɓi dəgarə kə wuaɓi leu, yang bə cum nwahaɓə laɓaman bə cum nwahaɓə leu. ²⁶Ing nə yivənə ai cumnwahahauleun dəu chue nəngnə wuabi nanəng yang ai ba ɗjeu kə yivənə ai cumnwahaunə wai? ²⁷ Yang yivənə nana cumnwahauleu nəng ɗuchue nəngnə wuabi nanə, yng uh deiɓa wai? Mala ɓei wuabi nə irənə ɓai bəcumnwaha nəng a chue nəngnə wuabi nəngleu.²⁸Bisi uhn lei Yahuda dwantsin kə yivagan hyen, ɓuasəu yivə cumnwaha nəngɓə kə yivagang juasə. ²⁹Uhn lei Yahuda tangsa səh, ɓai bə cum nwaha tangsa nyi-nyi, tangsa kwang, ing tangsa ɗəranwal leu. Bə də garə və yivə langsə zayivə leu, də wulangsə Fih.

Chapter 3

¹Ɲɓakə bəpaibənə yivə yahuda laɓeukənə? Ɲɓakə nəngsə bə cumnwaha? ²Gahiun tangsa lei nəng-gaha. Nachiha ai baniu nəngha langsə Fih.³Ɲɓatsin kənə lei Yahudawa kanə yaung ɓai biagaung yang en? Yang bə chue agang vai leu nmyem kə biagang və Fih ah fam hai? ⁴Ba chue manəngɓəu. Manəngɓə yang fih kuɓei biagang, Levəha də nawa'iu kə nwa anə ai vinə; " Yang ai tanala maɓai biagang tangsa bimai, " Yang ai chi kuma vihnə ai wuakə kita".⁵Nə nəng aɓaiɓi tanasə nəng-agang və Fih yang, yang ɓaɓin narə? Yang ɓin nanakə Fihn yivə nəng-aɓai nəngɓə uh buachi kuɓi? (dəmin nabi kənwa zayivə). ⁶bi chue manəngɓəng ka! Nəleung Fih nchue juhn nchue kə kita fangwammai?⁷Nə biagang və Fih tangsa nwa'ium də garə kə Fih'ndə yang ɓakə dəu chuem kita kənwa yivə nəng-aɓai? ⁸Ɲɓa sa bənarə, kənwa nwa'iunə aina kuɓi, nə leivaka gwang ah manəngɓəng ɓinang, " ɓi chue nəng-aɓai, yang agang wai? Kitanə kulei ni agang.⁹Niung ɓa? dəɓi ikə kuɓi? Manəngɓə leu. Bisi ɓi daile Yahudawa ɓalei Hellinawa yang le hakpəm, lei tangsa nəngaɓaih. ¹⁰Kənwa anəai vinə: " Yivaka yaung kə yivə nəng-agaung yaung ko tsing.¹¹Yivaka yaung ibənəngakau. Yivaka yaung ɓabə Fih. ¹²Lekpəmha aimyem aipain. le chuahai ai myemkə nəng'afam. yaung tsing nə chue nəng-agang, yaung, yaung ko tsing.¹³Nijuilei luehyuaɓaman ɓua, lyemle laɓaman bə fəm-nwabə, hom və ɗjeu lan ɗjuanwale. ¹⁴Nwale yilla ɓai bə dai iyem ɓai nirə.¹⁵Nwanəng hyuabule dəta bə ain hui kəta. ¹⁶Nəngvai bə ɓankənəng ɓai yiɓai. ¹⁷Leivəɓəha ibə kurə larə leu. ¹⁸Bə ɓiɓiFih yaung nɨngleu.¹⁹Susueni ɓi ibə yang, nəngnə nwabi nanə, dənabi kulei vəni tangsa nwabi ɓinə. Yang deukə leinwaha lam, yang kə fangwam kpəm gwa nwa chi Fih. ²⁰Lanciu, yivaka yaung ɲikəku a richue nwatsum nwabin. Langsə nwabi nəngɓə ɓi ibə nəngaɓai.²¹Banda nwabi, ai taɓi nasə nəng-agang vəFih, ai tanala kasə nwabi ɓalei tanwatsum vəFih. ²²Nəngɓə kə nəng-agang vəFih kasə bə ɗji nyi-nyi sə Yeso kristi kə leivənə laha banyileilaha. Bə tsaku yaung.²³Leivəha chue nəngaɓein, nə ain kemkə bə dəgarə kə Fih ieu. ²⁴Nəng ai ibəkə hinla kasə tangsa bə yuangbə sə Yeso kristi.²⁵Fih də Yeso kristi nwahem bə yuangbə kasə bə ɗji nyi-nyi sən yui. Udə kristi bisi uhtangsə nəng-agangvau, uh ɗə ɓaman nəng akalou lei nəng-aɓai ɓin ah ila. ²⁶Tangsa munyel vou. Lei nəngnəha uh chue yang tangsa nəngagangvou, vinə susuenə. Manəngɓə yang kəu ikə ku yivanghang, yang uh tanala ɲ'uhn chue agang yivənəha ɗji nyi-nyi tangsa Yeso.²⁷Bə ɗəkui ɓai? Ai ikən. Bwaniung aɓai? Bi lei nwatsum en? Yaung. Langsə bə ɗji nyi-nyi sə biagang. ²⁸Ɓi ainitənku langsə bə ɗji nyi-nyi, langsə nwatsum wuabi leu.²⁹Fihn Fih vai yahudawa bwasəu? Uhn Fih vai yuavah leu? Avai yuavah langɓə. ³⁰Nakə biagang və tsing, uhn chueagang vai cum nwaha tangsa bə ɗji nyi-nyi bi leivənə cum nwaha leleunə langɓə tangsa bə ɗji nyi-nyi.³¹Bə lanwabi bibə ɗji nyi-nyi? Bii chuemanəngɓən ka. Yangma ɓi mua nwabikanə.

Chapter 4

¹Ɲɓa ɓin naku ibrahim, ka ɓi a tangsa sə, ɲɓa uh chi? ²Nə Ibrahim chiku bə nwatsum vou, da uhn gɓain lanchi Fih leu. ³Ɲɓa ɗarenwal və Fioh na? " Ibrahim ɗji nyi-nyiju səFih, nəng ai zamulakə nəng- agang.⁴Yivənəha chue nwatsum nəngnə ai fau kənəng ai zam awai uchi a fam wau, hem ai fau. ⁵Yivənə chue nwatsum leu nəngɓə ɗji nyi-nyi sə yivə yuangbə tangsa nəng-ɓai, bə ɗji nyi-nyi ai zammu kə nəng-agang.⁶Dauda na'a nəng-agang ku yivəha Fih zammu kə yivə nəng agang kule nwatsum vou yang. ⁷Uh na'a nəng agang kuleivənə ieh mua nəng agang vai aikətan, leivənə ieh lanku nəngaɓai vainə. ⁸Ɲ nəng agang sə yivənə Fih zam nəng aɓai ku wanə.⁹Nəng agang nə ieh lanku leivənə cum nwahalenə ɓwasəu koɓa leivənə ieh cum nwahale leu nə? Ɓi nanakə " Bə ɗji nyi-nyi və Ibrahim ieh zam'ula kə nəng agang. ¹⁰Ieh tanala yanda ai zamkənə? A Ibrahim lang tangsa lei cum nwaha, ko lang tangsa lei cum nwaha leu? Lan gtangsa lei cum nwaha leu, lan tangsa levənə ai cum nwahaleleunə.¹¹Ɲɗji cumrəha langsə Ibrahim. Nəngɓə kəɓai nəng agang sə bə ɗji nyi-nyi uhla ɓaiukənə vinə ai cumhau leunə. Nəngɓəchue uh myemkə Dah səlevənəha ɗji nyi-nyi la, kəda ieh cumnwahale leu. Yang nəng agang ain zam kule. ¹²Nəngnə deina'a Ibrahim myemkə Dahvai cumnwaha, kə leivə cumnwaha ɓwasəu leu, ɓaleivənəha muaɗjua bə ɗji nyi-nyi və dahɓi Ibrahim deukə ai cumnwahale.¹³Uh gwanwa kə Ibrahim ɓalei biau, a'nle ain muaku fangwam, wulangsə nwabi leu, langsə nəng agang vou sə bə ɗji nyi-nyi. ¹⁴Nəng levənə kukuh nwabi nəngle ain mua fangwam yang, bə ɗji nyi-nyi myemkə afamɨng, bə gwanwama təngfam yang. ¹⁵Nwabi də wukə chi, bənə nwabi yaung yang, nəng aɓai yaung.¹⁶Ɲbivə nəng agang, nəngɓə chuekasə bə ɗji nyi-nyi, yang kə bə gwanwa myem biagang yang də nəngagang kəle biah Ibrahim-levə a tangsa nwabi ɓwasəu leu, bi levənəha gwan tangsa bə ɗji nyi-nyi və Ibrahim. Uhn dahɓiha. ¹⁷Kənwa anə ai vinə, " Ɲmyem'makə dah vai hyua kpala." Ibrahim langsə yivənə uh tsen nyi-nyiulanə, nFih nə də hunrə kəlevə ɓuinə, nəngnə yaungnə uh myemmukə nəngnə lanə.¹⁸Kənwa anə lanə, Ibrahim ɗji nyi-nyi səFih ɓai samɓai ku nəngni la chini. Nə uh myemkə dah vai hyua kpala, kənwa anə ai nakənə, " Manəngɓəng lein biama". ¹⁹uh ɓui hyua leu sə bə ɗji nyi-nyi sə nəng agang. Ibrahim ibən uhnba uh chiyiu, (bisi hau bappi sə hun-huin) uh ibən Saratu ba chiyiu.²⁰Bisi, bibə gwanwa vəFih, Ibfrahim yiahsəu leu səbə ɗji nyi-nyi, utsasəu səbə ɗji nyi-nyi, dəu dəgarə kə Fih. ²¹ U gwa ana, nəngnə Fih nə gwanwa nanərən chuchue yang uhn chuchue kpəm. ²²Manəngɓən ai zamula kə nəng-agang.²³Ɲbiveu ɓwasəu ai vhinkə leu, ai zam kən biveu. ²⁴Ain vihn biɓi langɓə, bivaivənə ai zam lenə, levənə ɗji nyi-nyile sə yivənə ikə Yeso dahɓiha tangsa levənə ɓuinə. ²⁵Ɲ ukə yivənə aideubile nəngaɓaaiɓi, nə ai iukə bibə yuangrə ɓi.

Chapter 5

¹Kanə ɓi chikuɓin tangsa bə ɗji nyi-nyi, ɓila ɓai kurə larə ɓai Fih kasə dahɓi Yeso kristi. ²Lang kasəu ɓiɓa ɓi chi nəngha səbə ɗji nyi-nyi tangsa agang nəɓi jhikuni. Ɓililarə sə samɓainə Fih dəɓi ku nəng achi, samɓai aɓima ɓin tang tangsa nəng-agang və Fih.³Nəngnə ɓwasəu leu, ɓima ɓililarə tangsa le yiɓaiɓi. Ɓi ibə yiɓai də wukə munyal. ⁴Mjunyal də wukə gwarə, gwarə də wukə samɓai sə nəng achi. ⁵Samɓainə laɓau, bə yiɗibə vəFih ai tangsa nyi-nyiɓi kasə kwang agarangran, nə ai dəɓinə.⁶Vinə ɓi tsaunə, lang vi agang nə kristi ɓui bivaivə nəngaɓai. ⁷Zhihiun yivaka ɓui bivə yivə nəng agang. Lauka yivaka nba nɓui-ɓui bivə yive nəng agang.⁸Fih tanasə bə yiɗibəveu səɓi, vinə ɓi tanasə nəngaɓain, kristi ɓui biɓi. ⁹Bi anama, susueni hui myemɓikə levənəngagang, ɓin hunrən chi sə chivə Fih.¹⁰Vi'anə ɓi gwahaunə, ai ma tangsaɓi ɓai Fih kasə ɓuirə və yiu. Nə nei ma tangsa ɓiyang, ɓin chi yuangrə chi tangsa hunrə veu. ¹¹Nəngnə ɓwasəu leu, ɓililarə tangsa Fih kasə dahɓi Yeso kristi, langsəu nəngɓə kanə ɓi muakə bəmatangsaɓi.¹²Manəngɓən, langsə yivə tsing nəngɓə nəng-aɓai wukə tangsa fangwam, tangsa nəngahni nəngɓə ɓwa takə tangsa nəngaɓai. Ɓwa ɗəkə kulevəha, bisi ai chue nəngaɓain kpəm. ¹³Deukə ai də nwabi, nəngaɓai la fangwam, ai zamu kə nəngaɓai wau, vinə nwabi yaungnə.¹⁴Manəngɓən ɓwa muaku Adamu takə kun Musa, kuleivənəma chue nəngaɓai kənwa Adamu leu, bə lacum yivənənə tanasə yivənə dəwurə chinə. ¹⁵Bə də anfamɓa ɓaman bə lacum leu. Ai nabi nəngaɓai və yivə tsing nə kəlei ɓuirə yang, Manəngɓəng man agang veu səbə də yivə tsing, Yeso krifsti , dəku kpala.¹⁶Dərə anfamɓə nbi yivə tsing nə chue nəngaɓai nəleu. Manəngɓəng nəng kita ɓwanə wu bi nəngaɓai və yivə tsingnə, manəngɓəng nəng dərə anfam ɓi myemkə marə gang yang wu chua nəngaɓai. ¹⁷Nəng nəng-aɓai və yivə tsing ɓwa muaku yivə tsing, yang u kəlevənə muah kpala nəngagang ɓai dərə anfam və nəng-agang muaku kasə hunrə yivə tsing Yeso kristi.¹⁸Kənnwa anə, nəng-aɓaivə yivə tsing wukə ɓwa kə levəlaha, manəngɓəng, chuerə nəng-agang tsing wukə marə hunrəvaivəha. ¹⁹Kənwa anə, nəng-aɓai və yivə tsing myem levəha kəle chue nəngaɓai, manəngɓəng, nəngagang və yivə tsing nəng levə kpala ai chi nəng-agang.²⁰Nwabi wu, nəng chuenəngaɓai kpala. Bənə nəngaɓai kpalan, chue agang langɓə kpala. ²¹Nəngnə chue yang nə nəngaɓai muaka sə ɓwa, yang chue nəngagang muaka sə nəngagang sə hunrə a ka'ing sə Yeso kristi dahɓiha.

Chapter 6

¹Ɓa ɓin narə? Ɓi ɗji kuɓi səbə chue nəngaɓai yang kə agang i kpala? ²Ba chueu. ɓinə ɓi ɓui tangsa nəngaɓai ni, chue uhn ɓin ku tangseu? ³A ibəleu a levənəha ieh huemɨng tangsa Yeso kristi ieh huemɨng yang tangsa ɓuirə veu.⁴Ai cuiɓin, ɓeukə kasə bə huemɨng tangsa ɓuah. Nəngnə chue yang kənwanə kristi iɓuah tangsa levənə ɓuinə bisə gharə və Dah, yang ɓi kukurə afuh. ⁵Nəɓila ɓeukə chuahai kunwa ɓuirə veu, yang, ɓin kwahan kwa ɓai irəvəu ɓuah.⁶Ɓi ibən, niyiɓui ieh ɗjiku harəka chuahai ɓai ukə, yang kə ai ɓankə sə chue nəngaɓai ɓi, nəngnə chue manəngɓəng, yang bi ɓi kukə mongsem və nəngaɓain ka. ⁷Yivənəha ɓui, ienən uhn yivə nəng agang ku nəngaɓai.⁸Nəɓi ɓui ɓai kristi kən, ɓi ɗji nyi-nyiɓi, ɓin huakun hua chuahai ɓei uh kə. ⁹Ɓi ibən ai ikə kristin tangsa levənə ɓuinə, kanə uh ɓuileu. Ɓuah yaung ɓai samɓai kə ku.¹⁰Nbisə ɓuahnə uh ɓuisə nəngaɓai, uh ɓui butsing kə levəlaha. Kurəveunə uh kunə uhn ku a Fih. ¹¹Nə manəngɓəng, aɓakuma ɓama a ɓuisə nəngaɓai, nəngɓə a huaku sə Fih tangsa kristi Yeso.¹²Manəngɓəng biɓa yisəɓa myemkə mongsem və nəngaɓainka ɓi muachua bə yiɗinə. ¹³Bi aɗə nangyang səma aka kə bə chue nəngaɓainka, myem mu ɓaman le nəng chue nwatsum və nəngaɓai. adəkuma kə Fih ɓaman levənə ɓuinə susueni leleɓai hunrə. ɓa də nangyang səɓa aka kə Fih ɓaman lenəngchue nwatsum ieh chue kə nəngagang. ¹⁴Bi a myem kə mongsem nəngaɓain ka. Ɓalan tangsa bə dənwaleu, ɓalang tangsa nənagang.¹⁵Ɲɓa kanə? Ɓi chue nəngaɓai, bi ɓilan tangsa bə dənwaleu, lang tangsa nəng agang? Ɓa chue manəngɓəku. ¹⁶A ibəleu yivənəha dəma ɗjikuma səu ɓaman mongsem a uhn nəngnə man liunə, nə deulema man liu? nəngnən biagang nəman mongsem və nəngaɓai nəngɓən takə ɓuah, ko man mongsem və bəlibə nəngɓəng takə sə nəngagang.¹⁷Ɓi ka'nh Fih yang; vəɓi ɓin lemongsem və nəngaɓai, kanə ɓa muah ɓai nyi-nyiɓa le nəngnə ai nyiɓanalanə. ¹⁸Ai iɓakən səbə chue mongsem və nəngaɓai, ai myemɓakə mongsem və nəngagang.¹⁹Dəmin nabi ɓaiɓa ɓaman yivə bisə ɓuirəsəɓa tangsa juasə. Kənwa anə aɗə nagyang səma kə mongsem ɗjuasə ɓai nəngaɓai, manəngɓə kanə aɗə nanghyang səma kə mongsem və nəngagang bibə yuangrə ɓi. ²⁰Vinə man mongsem və nəngaɓainə, man mongsem leu sə nəngang. ²¹Vəɓinə, nɓatsing ɓachue nəng kanə dəɓa chuesəkusəunə? sakamakosun nwatsum ɓuah.²²Nə kanə ai yuangɓan səbə chuesem və nəngaɓai nəng, ai myem ɓakə sem səFih, ɓala ɓai nwatsum səbə yuangrəɓai. Nwahem mun hunrə ka'ing. ²³Nwahem nəngaɓain nɓuah, dərə anfam və Fih nhunrə ka'ing tangsa kristi Yeso Dahɓi hakpəm.

Chapter 7

¹Ɓa ibəleu lehyium( Dəmin nabi kə levənə i nabinə) ɲnwabi mua yivəna ndeukə chue kə uhku?²Yihei javah lan kana ɓu, in nə ɓula ɓai hunrən, nə ɓu nə ɓuin, yang uh irhn sə nwabi bə javah. ³In nə ɓala ɓai hunrə nəng u'itu kuɓei yiɓui akan, ain ɗukə yihei lang yiɓui. In nə ɓu ɓui uh yaung ɓai nwabi kəku, uhn yiɓui lang yiɓui leu in nə uh ku ɓai yiɓui akan.⁴Manəngɓəng, lehyium, ɓama ɓa ɓuin sə nwabi kasə sə kristi. Nə manəngɓəng, yang kə ai jaɓa səhei, nəng səu nə i'ukə tangsa ɓuah butsing, bisəun ɓi chue nwatsum kə Fih la. ⁵Vinə ɓi tangsa səni, bə yiɗi nəngaɓai itangsə nwabi nə də chue nwatsum tangsa səɓi kəbə chileyi kə ɓuah la.⁶Kanə susuenə, ai yiɓinan sə nwabi. Ɓi ɓuin kasə nəngnə muahɓinə . Nə manəngɓəng ɓi chue tangsa kwang afuh, n'agwiuh avə ɗərenwal leu.⁷Ɲɓa ɓin narə kanei? Ɲ' nwabi ɓai kukən nəngaɓai? Bi chue manəngɓəng ka. Da n'ibə nəngaɓai leu, in nə lang tangsa nwabi leu. Nɓa ain ɗji nyi-nyi nəng fangwam deu nwabi na'ah" bi ɓa ɗji nyi-nyi nəng ka. ⁸Nəngaɓai china kasə nwabi nəngɓə wukə laɓəchueɗuisə nəsəmni. Ɲnə nwabi yaung yang nəngaɓai ɓuin.⁹Vikala nə tsing mila ɓai hunrə chuahai ɓai nwabi leu. Nda nwabi wu nəngɓə nəngaɓai ganəun, nəngɓə nɓui. ¹⁰Nwabinə wukə hunrə myemmikə ɓuahla.¹¹Bisə nəngaɓai china kasə nwabi nəngɓə fəmkə nwam. Kasə nwabi uh hyamkə. ¹²kita garangrang nwabi garangrang, nəng'agang hila.¹³Chuerə nəng'agang myemmikə ɓuah la? Bi chue manəngɓəng ka. Nəng'aɓai itanala kə nəng'aɓai kasə nəngnən agang, wukə ɓuah səm. Nə manəngɓəng yang kasə nwabi, nəngaɓai myem kə nəngaɓai nə ɓə zamrə yaungnə. ¹⁴Ɓi ibən nwabi lang tangsa kwang, myem klang tangsa səh. Ai lyam kə mongsem kə nəngaɓai la.¹⁵Mima ɲibə le nəngnə dəmin chuerənəleu. Nəngnə dəminyiɗi bə chuerə, nəngɓə dəminchuerə leu. Nəngnə la nə, nəngɓə dəmin chuerə. ¹⁶Nəng chue nəngnə in yiɗi bə chuerə leun, ngwang nakə nwabi agang.¹⁷Susueni, nmi dəmin chuerə leu, ɲ' nəngaɓainə ku tangsamni. ¹⁸Ɲibən, tangsa ɗjuasəm nəng'agang yaunglau. Bə yiɗi nəngagang lasəm, ɲba ɲchueu.¹⁹Nəng'agang dəminyiɗi nchue leu, nəngaɓainə nyiɗileunə nəngɓə dəmin chuerə. ²⁰Kanə nchue nəngnə nyiɗi bə chuerə leu, yang kanə nmi dəmin chuerəleu, n'nəngaɓainə ku tangsa səmni. ²¹Ɲchi nəngaka səm nədə yiɗi chue nəng agang, nəngaɓai lei kə biagang la chuahai ɓemkə.²²Bisə ɲlilarə tangsa nwabi vəFih ɓai yivah tangsa. ²³Ɲɓa nəng aka ɓaintsiung sə nagyang səm. Də gɓavom ɓai nəng afuh nə tangsa bə kembim. Də myemmikə mongsem və nəng-aɓainə sə nagyang səmni.²⁴Min yivə yiɓai, nwa ɲyuangrə sə ɓuahni? ²⁵Ɓi dəgharə kəFih, tangsa Yeso kristi Dahɓiha! Nəng kanə dəmin muachua nwabi vəFih ɓai bə kembim. Manəngɓəng ma ngyang akai dəmin muachuah nəngaɓai nə chuahai ɓai ɗjuasəmnə.

Chapter 8

¹manəngɓəng, susuenə, nəngaɓai yaung ku levənə tangsa Yeso kristi. ²Nəngha və kwang ahunrə tangsa kristi yaeso imkən tangsa nənga aɓai ɓai ɓ³Nəngnə nwabi ɓə chueleu bi utsau tangsa səh. Nə Fih chue. U tsum yiu tangsa yiemsəh nəngaɓai kə myemkə nəng dənəng bivə nəngaɓai, u wu uh hya nəngaɓai tangsa sə. ⁴uh chue nəngnə yang kə le nəngnə nwabi də yiɗinə yi tangsaɓi. Ɓinə dəɓihu kənwa kwang Fih. ⁵ Levənə ku tangsa ɗjuasə dai ji hakileu vai sənəng a ɗjuasə, levənə ku tangsa kwang Fih dai ji hakileuvai sə kwangFih.⁶Bə ji nyi-ny sə ɗjuasən ɓuah, bə ji nyi-nyi sə kwangFih hunrə ɓai ta'nh. ⁷Nyi-nyi nə jisə ɗjuasəng gwaha ɓai Fih'u, bə ji nyi-nyi sə ɗjuasə nwabi sə bFihleu, uba uh chue manəngɓəu. ⁸Ləvənə tangsa ɗjuasə ba lakə Fih wau.⁹Manəngɓəng, malang tangsa ɗjuasə leu, langsə kwang Fih, nəɓin agang yang kwang Fih lan tangsa ɓi. Ɲnə yivənə yaung ɓai kwang Kristin, uhn avouleu. ¹⁰Nə kruisti langsəma yang ɗjuasə ɓuisə nəngaɓai, kwang mala ɓai hunrə kasə nən-agang.¹¹Nə kwang unə u'ikə Yeso tangsa levənə ɓuinə la tangsa ɓain, unə u'ikə kristi tangsa levənə ɓuinə uhn dəɓa hunrə langɓə sə ɗjuasə ɓuinə kasə kwaungnə ku tangsa ɓaini.¹²Kanə lehyium, ɓin leivə hyem, n;aɗuasənə ɓin ku tangsa ɗjuasəni leu. ¹³Ɲnə dəɓi ku kənwa ɗjuasə yang, a bapi bə ɓuirən, ɲnə lang kasə kwangFih yang ɓi ɗjisə ɓuah lenəng chuerə vaisə, man hyuakunhyua.¹⁴Bisi kpala kwangFih də ta chuahai ɓalekə, len leyi Fih. ¹⁵Kwang nə ɓi muanə, ɲ' anə myem ɓikə muangsem ɓai bə ɓiɓi leu. Ɓa mua kwang nə ɗjiɓi, nə ɓin takəta " Dah-Dah".¹⁶Kwang Fih ɓai kukə, nawaɓi chuahai ɓai kwang ɓi də narə a ɓin leyi Fih. ¹⁷Nə ɓin leyi Fihn, yang ɓinle muarə, muarə vəFih. Dəɓi muachuahai ɓai kristi, in nə biagang ɓi chueyiɓai ɓəukən ɓiɓa ain dəɓi garə chuahai ɓeukə.¹⁸Dəmin ɓa yiɓai a susuenə kem a aniuku ɓai garə nə ain taɓinala chini leu. ¹⁹Garə bə ɗji nyi-nyi və nəngnə aimanə, dəmin ɓa furə və yiFih.²⁰Bisə le nəngnə ai manə, ai myem lekə nəngafam, nəngnə yuile yiɗi naleu. Ɲ'a yivənə myem lekənə. Lang tangsa bəɗji nyi-nyi ɓa. ²¹Nəngnə ai ma ɓai kukə chiyuangrə bə chuesem takə yhuirə, yang kə ai wukə tangsa bə chiku agang vai yiFih. ²²Ɓi ibən le nəngnə ai manəha də gimrə ɓai bə tanəngzhiyi tangsa zhirə chuahai susuenə.²³Ɲle ɓuasəu leu, ɓiɓai kuɓi, ɓinə ɓila ɓai nəngnə ɗuang nachi və kwang _Ɓima ɓai kuɓi ɓi gim tangsa səɓi, dəɓi mi myemrəɓi, ɓi yuang hyemsəɓi. ²⁴Langsə bə ɗji nyi-nyi nə ai yuang ɓin. Nəngnə ɓi ɗji nyi-nyi nakən chuchuenə ladah ɓi ɓaleu, nwatsin nɗji nyi-nyiung ɗji sə nəngnə uh ɓangne? ²⁵Nəɓi ɗji nyi-nyi sə nəngnə laddah ɓi ɓaleu nə, ɓi mi ɓarə ɓai munyal.²⁶Tangsa nəngah ayitsin, kwang Fih də yuangɓi tangsa sə aɓuirəɓi. Ɓi inabə ngu Fih leu, kwangFih ɓai kukə də ngu Fih biɓi gimreə nəngnə wuah ba naungnə. ²⁷Yivənə də ghabə nyi-nyi nə, u'ibə nəngnə nyi-nyi kwang Fih, unədəu ngu bə kəlevənəla də muachua Fih nə tangsa bə yiɗi və Fzih.²⁸Ɓi ibən Fih də chue lə nwatsum hakpəm chuahai bi nəng-agang vaivənə də yiɗiu, bi vaivənə uh ɗubu le bivə nəngnə nyi-nyiu nə. ²⁹Levənə uh onachi uh ilengnə, leɓə uh onachi uh myem lekə kənwa kwang yiu, yang kəu myem kə nawachi tangsa yhui kpala.³⁰Levənə uh onachi uh ɗjinə, leɓə uh ɗubule, levənə uh ɗubulenə, uhnmyem lekə levə nəng-agang nəngɓə uhyn ghalekə.³¹Ɲɓatsin kanə ɓin naku nəngnə ni? Nə Fih chuahai ɓai ɓikən nwa'nwu kə aɓai kuɓi? ³²Yivənə kainasə yiuleu, uh deukə nwahyem ɓi kpəm, uh chue'uh uhba uh dəɓi lenənghang fam wai?³³Nwantsin wun nanəng aɓai kule yiFih nə uh chilene? Fih kə yivənə də chue bi agang. ³⁴Nwa kə yivənə ɓangkərə? Kristi kə yivənə ɓui biɓinə paisamɓain ma, nəngɓə ai iukə. Uh mua bi agang na chuahai ɓai Fihkə, ɲ'ukə yivənə dəu ngu ɓi Fihla.³⁵Nwa ntsa tasaɓi ɓai bə yiɗi və Kristi? Yiɓai, ka zhirə, kon bə də yiɓai, kon vom, kon bə layin afam, kon nəng-aɓai kon ghafain? ³⁶Kənwa anə ai vinə, " Bin buataima nəngɓə dai hyaɓirə vinəha. Ai myem ɓikə le nəngbungam nə dai tabə firənə.³⁷Tangsa nəngniha, ɓi pai samɓai le nəngha kasəu nə dəu yiɗi ɓinə. ³⁸Ngun nakə kon ɓuah, kon hunrə, kon le kwang agang , kon le yivah, kon nəngnə la, nəngnə nwurə, kon lenəng atsa. ³⁹Kon a taye, kon a ɗuirə, kon le nəngnə ai manə, ba taɓi səbə yiɗi və Fih'u, nə tangsa Kristi Yeso daɓiha.

Chapter 9

¹Dəmin nabi agang tangsa kristi, ɲna nwa'iu leu, bə kembim də nanwan tangsa kwangFih garangrang. ²Nəng myamam, gwang yiɓai ɓai zhirənə təungnə la tangsa nyi-nyim.³Viɓi aina'a ai dem ɓai iyem, inyi kristi bilei hyium, le byam a tangsa ɗjuasə. ⁴Lekə lei Israila. Ai chi muahrən ɓai bə dəgarə, ɓai bə ibə nwabi, ɓai bə gunFih, ɓai bə gwanwah. ⁵Lan ɓuah bile nəng Kristi wu kasə ɗjuasə_Unə kəFih vaivəha. Umuah garə ka'ing. Ɗjing.⁶Bə gwanwah və Fih myem afam leu, ɲle nəngnəha Israila ni lei Israila leu. ⁷Langɓə le bya Ibrahim kə biagang le yiu leu. Bisa lang kasə Ishaku nəngɓə ain ɗule kə le byama.⁸Nəngɓə leiyi a tangsa ɗjuasə ɲle yi Fih leu. Ɲlei yi nə ai gwale nwa, lekə lei bya. ⁹Nəngnəai gwa nwasəunə " Vinə dəmin wurə, ɲdəyi kə Sara".¹⁰Anə ɓuasəu leu, Chuasəu nə Rabeka langɓə dənwa ɓai ɓukə, Daɓi Ishaku. ¹¹Ai chi leiyi ɓəleu ladda nəngɓə ladda ai chuenəngagang ko nəng-aɓai leu, yang kə nəngnə Fih də yiɗi tangsa nyi-nyiu ni ji bəbi chuerə leu, ɲbi unə uɗubunə. ¹²Ai naula a" Yivangah ɲchuesəm yimuahang". ¹³Kənwa anə aivikənə, " Yakəbu ɲyiɗi, Isuwa ɲyiɗi leu.¹⁴Ɲɓa kanə ɓin narə? Nəng agang yaung səFih? Bi chue manəngɓəng ka. ¹⁵Uh nakə Musa la" Min chue agang kə yivənəla min chueu agang lanə, ɓin ɓanwazhi və yivənə ɓin ɓa nwazhi veunə. ¹⁶Kanə, ɲbi yivənə də yiɗi leu, kon ɲyivənə də hyiurə leu, bisa bi Fih, yivə tangsa agang.¹⁷Ɗarǝnwol vəFih nakǝ Firauna la a" Binəngnə nəngɓǝn ɲ'iekə, yang kən tanasə samɓeim səmai, yang deukə ingmi ɗǝkǝ kuhua fangwam hakpəm". ¹⁸Kanə Fih də agang kə yivənə wayiɗinə, yivənə wayiɗiunə uyhn myemkə le tsaɓuaɗui.¹⁹Nəngɓə kanə ɓa namla nəɓa, " ɲɓakə ladda du ɓabə nǝng-aɓai? Ɲwa uhnba uhn tsanwau ɓai bə yiɗiveu? ²⁰Ku nəngha aka, mayivə man nwaman nabi kuFih? Nəngnə ai manə, ɲɓa nabi ku yivəni maunə a ɓakə a mam manəngɓai? ²¹Yivə masəm yaung ɓai samɓai kuhyua, ni uta unmakə səm hyiunə ɓai hyua nə də cumrə vihanə?²²Kanə Fih, uhnə duyiɗi bə tanasǝ chi'abuarəveu yang kə ibǝsamɓai veu, uhku ɓai munyal kpala semchibuarə nə uma bibə ɓangkanəng? ²³Kənə nəu chuenəngnə yang kə ai ibə kparə və nəngagang veu tangsa səm agang, nəuma tangsa garə? ²⁴Kənə uhchuenəngnə biɓi, ɓinə uh ɗubuɓi, tangsa le Yahudawaɓuasəu leu, langɓə tangsa yuavah.²⁵Kənwa anə uhna tangsa ɗǝranwol Yusha'u " Min ɗulekə levəm levənəng levəm leu, ləvənə dəmin yiɗi ləvənəng ɲyiɗi leunə. ²⁶Nəngɓə chue, bənə ainalela a " ɓan levəm leu nə; ɲbəɓə ɗulekə leyiFioh a hunrə".²⁷Ishaya atta bivai Israilawa, " Ko kparə vaimuang Israila kpaman hyua nwawam ɲle nəngɓə ai hyuaku. ²⁸Fih ɲlei ɗuanle ku fangwam kpa bə ɗjihyua yaung. ²⁹Ishaya nang chichua, " Nə yichuevahnə muanənghanə yiniu levə lau də ɓimem kpaman Sodom, ɓin myem kənwa Gomorrah.³⁰Ɲɓa ɓin narə kanə? Kəle yuavah, nǝ ɓabə nəng agang unə, chi nəng-agang, nəngagang kasə bə ɗji nyi-nyi. ³¹Israila nə də ɓabə nwabi agangnə, ai chi leu.³²Biɓai? bi ai ɓabə ɓai bə ɗji nyi-nyi leu, bisi ɓai nwatsum. Ai gɓabule ai zam sətei gɓabu. ³³Kənwa anə ai vinə, " ɓaɓah dəmin lei tei gɓabu Zion ɓai tei bəgaibə yivənə ɗji nyi-nyilan səku chueuwau.

Chapter 10

¹Lei hyium ɲɗji nyi-nyim bi bənabiFihm nakə ai chi yuangrə. ²Nakə ɲdə biagang kulei nakə leila ɓai samɓai səbiFih bisa lang kubə ibə nɨngleu. ³Ai yuang bibə ibənɨng agang vəFih dai ɗji nyilei səbə ibənəng akulei ai də kulei kə biagang və Fih wau.⁴Ɲkristi nəngɓə yilah və nwabi sə biagang yivənəha də biagang yang. ⁵Musa veu vinəng bi nəngagang bə chi kita" yivənənə chue nəng-agang kita uh huyang sə nəng-agang".⁶Ɲnakə nəna agang wusə bi abəgang na a " Biɓa na nyi-nyi nəɓan wa ai tsum tangsa ɗuiye (yivənəng wukə kristi kə hyuanə); ⁷Biɓa na naɓan, nwang hyarə ( ̄manəngɓəng, nwa eikə kristi tangsa ɓuah).⁸Ɲɓatsing dəu narə? " Biɓə bapin tangsa nwamai ɓai nyi-ny ma" Biɓən agangnə dəɓi molahnə. ⁹Nə ɓai nwamah anə nəma Yeso daɓi a ba nyi-nyimah anə nəma Fih iukə tangsa levə ɓuirəyang man chi yuangrən chi. ¹⁰Tangsa nyi-nyi də banyiu sə biagang, tangsa nwau nəɓə dəu ɓabəkə yuangrə.¹¹Bivə Fih narə a " Yivǝnə banyiu səmyang uh ba uh li səku wau. ¹²Bisi nəng a tsing-tsing yaung tangsa lei Yahudawa ɓalei Helinawa wau. Bisan Fih nəɓə kə Fih ɓi kpəm, uhn də nəng chinəng kə yivənəha ɗuku yang. ¹³Yivənəha ɗu'ing daɓi Fih yang uhn chi yuangrə chi.¹⁴Ain chue uhn ain ɗukəbu yivənə ai banyi səuleu? Ain chue uhn ai banyi sə yivənə ai liuleu? Ain chue uhn ai likərə yivakja yaung nyile nala? ¹⁵Ainj chue uhn ain nyikə nala- sai nə ai tsum le? Kənwa anə ai vikənə "uhn hinrə bule vənə muah bi nəng a hinrə".¹⁶Bisa lei kpəmha dai li bivə Fih leu, "bisi Ishaya nang, " Fih, nwatsing banyiu sə nwastum ɓi?" ¹⁷Biagang wulang səbə lirə, bə libivə kristi.¹⁸Ɲna nakə, " ai lileu?" mmmmh, manəngɓə. " wuilei itang tangsa fangwamha, bivai tang təngrə fangwam".¹⁹Ɲnale akala, " Lei Israilawa ibəleu?" nachi Musa nang, " Min ɓangkə yuaɓa ɓang libi zhibə nəngnə yaung tangsa fangwam munə. Manəngɓəng fangwam ba ibəu, min ile kə ɓai chi."²⁰Nəngɓə Ishaya mua nyi-nyi tsala nə uh nakənə, ɲchikum səlevəni ɓabəm leunə.Ɲiekə ləvənəla ɓabəm leunə." ²¹Səlei Israilawa uh nana, " Vinəha dəmin tsainam kulei vəni labi ɓalei və tsaɓuatsui.

Chapter 11

¹Nəngɓəng na nakə Fih lalei vəveu? Ba chueu. Mima lein vah Israila, bya Ibrahim, nwa Benjamin. ²Fih lalei vəveu leu, levanə uyh myem le kəFuh. Ɓa ibə nəngnə bivəFih naku Elijah leu, nə uh gufih kulei Israila? ³" Fih ai hya leivə leinwa mang ai ɓangkə bəjirə mang. Mi ɓuasəu ɓaintsing niu ieh dai ɓabə bə hya hunrəm".⁴Mɓa Fih gwa də naulai? "niu miɓətsing iku leivə dubu hyui'iu nə ai la bə baɗung lei kə baal la". ⁵Manəngɓə ma susuenə, nəngah chini bə yiɗi nəng-agang la.⁶Bisa bi nəng-agang bisa nwatsum leu. Nəɓə leung nəng-agang ba myem kə nəng-agang. ⁷Ɲɓatsing? Nəngnə lei Israilawa d əɓabə nə, nə ai chi leu amma leivah chirənə chiyang, niu leivahnə də chue yiɓai. ⁸Kənwa anə ai vikənə " Fih dəlei kwang a soku, nɨng i ba ai ɓakə bəu, ɓuatui ai ba ai likəbəu, tangsa vini susuenə".⁹Nəngɓə Dauda na'a, " Ka ɗji chinə myem kə ƙah ɓai tarko, tei zambu kə leila. ¹⁰Bari nɨnglei baji ai ba ai ɓabəu, ai tsemtsemrən təngkərə".¹¹nanakə ei gɓa kabu lei sə tei yang ei ou yang? tangsa ourə vei, ta;nh wun kulei yuavah, yang kəɓi chuelei ei chue jahei. ¹²Nə ourə nəngɓə kə nəngchinəng və fangwam yang, yang ourə vei kə nəngchinəng vei yuavah, yng u bə təngrə vei myem kərə.¹³Susuenə dəmin naɓa bi lei yuavah, nə ladda kula ku yitatsum vei yuavahn, yang min ɗəku tangsa nwatsum minə. ¹⁴Yang min cue lei vakan cue jahei tangsa djuasə. Yang lauka ɓinbaɓin yuang leivakan yuang.¹⁵Bisə larə vei wukə ta'nh tangsa fangwam, yang bə gwarə vein myemkə hunrə kəlei ɓwala? ¹⁶Nə leiyi a nwachi kpala vei bəgang yang, nəngnə ciunə myemkə tsing. Nə zuumɓuaniu nə lan,yag harəu ma la.¹⁷Nə lei harəu ɓə aka nə owyang, nə ma, yang agah eikəta, tangsa lei tsaha tangsa lei ka. ¹⁸Biɓa ɗəku bisə lei harəun ka, nəɓa cue yang a djina kə zuniu leu, amma zumniu ɓə djanala.¹⁹Yang ananama, "Lei harə ɓə ouyang, yang ei iemkə." ²⁰Manəngɓə, bisə bə dji nyi-nyi agang vei ouyang, amma ɓa djitsa tangsa biagang. Bi aɗə kuma kpala amma a ɓiɓi. ²¹Bisə nə Fi yila səlei harəka leu yang u ba u yiɓau.²²A ɓa, lei nəngnə i də cuerə. tangsa nakai, lei nəngnə wulang səlei Yahudawa nə ounə. Tangsa nəng ga aka, ta'nh nyi və Fi wu kuɓan, nəɓa djikuɓa tangsa ta'nh veun. Leung yang ɓang u'uwa,²³Nəɓa takə ɓei nəngaɓei ɓa leung, yang ei kwai ein ikən iə. Bisə fi də yiɗi fan taleikə la. ²⁴Nə ei kwai ɓa ei iekə tangsa kaini, ɓei anə kə tsing-tsing ɓei bə kembi a fangwam tangsa ka agang. Yang ein cue u lei Yahuda nə kə harə a fangwam, ein falei kə ein takə tangsa ka gai?²⁵Yiɗi ɓalei ɓaku tangsa bə dzi bivə wani nəng. Ɓa ku ɓai yiurə tangsa bə nyibiɓai. Bi yuerənə nəngɓə kə nəng-aɓei cue lei Israila, nəngɓə zayivə ta tangseu.²⁶Manəngɓəng, lei Israilawa ha ain yuang lei, nə ei vii kə: " tangsa hyua Sihiyona bə yuangbə ɓəng wurə. Un iekə leinəngnə avə Fi leu tangsa yakəbu, ²⁷Nəngnəng myem kə bə gwa'nwam tangsam ɓaleikə, nə mua nəngaɓei vein aikətang."²⁸Nakai də nabi və Fi, lein lei bweɓa, nəngah aka nə bivə Fi nakənə, ei yiɗi han bivei baba vei. ²⁹Bisə nəngdənəng və Fii ɓei bə ɗubu və Fii myem mu.³⁰Bisə naci ɓan leivənə ɓa də garə kə Fiunə, Susuenə ɓa mua ta'nh bisə bə dəgarə ɓaleu. ³¹Sə nəngah ni, niulei Yahudawa aikukə leivanə də garəu nə təngrəu nəngɓə bisə ta'nh nə ɓa chinə langɓə ɓama ɓang ci ta'nh. ³²Bisəu Fi lam lei nəngnə də garəunə yang langɓə deukə ɓa ci ta'nh ha.³³Tangsa nyi-nyi lei və nəngcinəng bə ɓanəng ɓei bə ibənəng və Fi! Un ɓi ikəbə kita veu ɓei nənga veu paisamɓei bə ibərəng. ³⁴Nwatsing arə ibə nyi-nyi fi ko nwa ahrə yivə nabi və Fi?³⁵Nwatsing arə ienaci rə dənəng aka kə Fi yang kə Fi fau? ³⁶Bisə langsəu, tangsa səu wukə səu leinəng. Takə səu ɓai garə təngkərə. Amin.

Chapter 12

¹Dəmin hyuiiɓa nəng, lei hyui, tangsa ta'nh və Fi, ɓa də kuɓa kə nə agang nə garangrang nə Fi də yiɗi. Nəngnə nəngɓə kə bə Fi. ²Biɓa də kuɓa ɓa kə fangwam ka, ɓa myem kafu tangsa nyi-nyi ɓai, ɓa cue nəngnə yang kə ɓa ibə nəngnə hyilanə, gwalla, ɓai hyinla tangsa garə və Fi.³Bisan nang, tangsa tsarə nə eidəm, yang yivənəha tangsa ɓai bi kem ɓaman u pei samɓei, dəmin naɓala ɓa kembi ɓei yiurə, ɓama yadda Fi dəkə tangsa bə dzi tsa.⁴Bisə ɓəla ɓəleivə kpala tangsa sə tsing, amma leivəha la ɓei awastum ayitsing. ⁵Nəngah yitsing, leinəha kpala nə lei lang tangsa sə kristi, leiha konwaha kunkurə aku.⁶Ɓila ɓei nəngdənəng kə tsing-tsing tangsa vii nə ei dəɓi nə. Nə nəngdənəng və yivaka bə yinabi yang, u cue kə nwanə bə jitsa veu deu. ⁷yivənə nəndənəng veu nəng nwatsum yang u cue. Nəngdənəng man bə nyinasə yang u nyinala. ⁸Nə nəngdənəng və yivaka nə bətsasəbə yang u tsasə. Nə yivənə nəngdənəng veu bə dənəng yang u də də ɓei nyi-nyi tsing. Yivənə nəngdənəng veu bə ochi yang, yang u cue ɓei hyinrə. Yivənəha nəngdənəng veu bə ta'nh nyi yang u cue ɓei nyi a ta'nh.⁹Bəɓa bi cue kənwa vei ɗəkunka. Ɓa yi nəngnəng avə munkulum nə; ɓa mua nasə nəngnə hyilanə. ¹⁰Kubə yiɗi bə vei hying, ɓadə kuɓa kəlei hyuinha. Kubə də garə, ɓa də garə kəlei hyuiha.¹¹Kubə sanmɓei, biɓa cue ɓei kuɓan ka. Tangsa kwang, ɓa dzisəɓa la. tangsa Fi, ɓa deu garə. ¹²Ɓa lilarə tangsa bə dzitsa ɓai nə ɓala ɓei ukə chini. Ɓa ɗə munya tangsa yiɓei ɓa. Ɓa dzitsa sə bə gu Fi. ¹³Ɓa tsaha tangsa bə yiɗi vei ba-nyi. cue nəng kpala kə bə yiɗi ɓə.¹⁴Ɓa də a ta'nh kəlei vənə dəɓa yiɓeinə; Ɓa dəlei ta'nh biɓa deilei ɓei iyemka. ¹⁵Ɓa lilarə ɓaleivənə də lilarənə; ɓa tatta ɓaleivənə də tattanə. ¹⁶Niniɓa wutsing səlei hyui. Biɓa nyibi a ɗəku kpalan ka, ɓa mua leivənə wuka hua nə. Biɓa yuii tangsa bə kembinka.¹⁷Biɓa fa nəng-aɓai ɓei nəng-aɓainka. Ɓa cue nəng-agang kə leivəla ha. ¹⁸Nəng cucuein, lang nama, a kukurə ɓei zayivəha.¹⁹Biɓa ta'nwacua kuɓanka leihyui, ɓa dzi nyi-nyi ɓa sə Fi. Eiving, " Bə ta'nwacua amam; min fəfa,' nəngnə Fi na." ²⁰" Nə bweima dəli vom yang, a deu nəngtang. Nə dəu li leng yang, a deu məngg a nwarə, a deu məngg. Nəna cue manəngni, yang a ei cheinɗua yang ku." ²¹Biɓa yi munkulum pi kuku ɓainka, ɓa piɓa kuku munkulum ɓei nəngagang.

Chapter 13

¹Ɓaleivəha ɓadə kuɓa kəbə dəgarə a yenə, bisə samɓei aka yaung sailang sə Fi. Samɓei nəha də cuerəha Fi də dərə. ²Manəngɓəng, yivənə ha la samɓein nəng ula bə də nwavə Fi yang.' yivənəha nə lang dəu cue djahei ɓei bivə Fi ein cueu kita aveu.³Bisə bə muabə na, bə tsaɓuacuii tangsa nəng-agang leu, tangsa nəng-aɓei. Ɓa dji nyi-nyi ɓai ɓa baɓa ɓiɓi yivənə la ɓei samɓeiu? Cue nəng agang, yang ɓa mua buatai səu. ⁴Bisən ukə mongsem və Fi a hyinrə səɓai. Nəɓa cue nəngnə hyiunə, yang ɓa ɓiɓi; Bisə uɗə gãfã bi aka yaung. Bisə ukə mongsem vəFi, yivə ta'nwacua ɓei ku yivəni də cue nəng aɓeinə. ⁵Manəngɓəng, daule ɓan dəkə ganrə, bisə bə buachi leu, bisə nəng agang kuleivə nəng-aɓei.⁶Bisə nəngnə, ɓan fa nwaɓi hua langɓə. Samɓein mongsem və Fi, watsing djikusə nəngni takərə. ⁷Ɓa fa leivənə nəngnəng avei nə: Bə fa nwaɓi hua awa, yang ɓan fafa. Bə fanəng awa ɓan fafa; ɓin awa ɓin cucue; yivənə garə aveun ɓa deu garə.⁸Biɓa yi hyemvə yivaka dji kuɓainka, ɓa yiɗi lei hyuinha. yivənəha yiɗi yivəkwanka giveun u mua bə də nwaɓə. ⁹Bə də nwaɓə a: "Biɓa cue afaməng ka (zina), biɓa hyabən ka, biɓa inəng ka, biɓa dji kunəngni aɓaleunka, " nəbə də nwa akala yang, nəngɓə dei nana: " A yiɗi yivə kwanka gima ɓaman kuma." ¹⁰Bə yiɗiɓə nauni yivə kwanka giu, manəngɓəng, bə yiɗi bəng bə mua bə də nwa.¹¹Bisə nəngnə, ɓa ibə vii ɓəng, nəngɓə kə vii nə wuɓəlang nə ɓan ie tangsa nənglueni. susuenə yuangrə ɓi bappin ku anə ɓi banyi lanə. ¹²Ba vərə pein, ba garə bapping, ɓi ei nwatsum nəng-aɓai ɓi kəta, yang ɓi tsasəɓi ɓalei nəng ɓi garə.¹³Ɓi tatarə hyinla, tangsa vii, lang tangsa bə hyasə ɓei mim leu, lang tangsa bə cue fam leu, ɓei djzhei leu ha. ¹⁴Ɓa ɗə bə kembivə Fi Yeso Kristi, biɓa ɗə bə kembivə yiyivən ka, bisə bə nabi aɓei veu.

Chapter 14

¹Ɓa mualeivənə səlei ɓuiɓuirə tangsa bə djitsa, ei ba ei cue lei kitau tangsa bə tsa'nwa vei. ²Yivə tsing la ɓei sə a tsarə n'tang lei nəng, yivə anə yaung ɓei samɓeun yang un tang lei yuo ɓwasəu.³Yivənəha də tang lei nəng hanə biu sem yivə anə taung nə, yivanə taungnə biu ɓa leifi və yivə nə də tangrə nə. Bisə Fi mualein ha. ⁴Man wa kə man cue kita kə yivaka lai? kofə uji kofə u na, yivah veu nəngɓəng cueu kita. Ei jiukəng ji bisə yiɓui vah yiɗi nəngɓəng jiu kərə.⁵Yivaka də ɗə fi ka pei fi aka. Yivaka ɗəfiɓəha loha. kowani yivə jiku bə kembi veu. ⁶yivənəha də garə kəlei fiha, dəu dəng garə kə Fi. Yivənə də tangnəng, də tangkən Fila, yang u kã Fi. Yivənə tang leu, yang u la bə tangkə Filan, yang uma u kã Fi.⁷Bisə yivaka yaung ku biveu, yivə yaung ɓuii biveu. ⁸Nə ɓi kun, ɓi kukən Fila, nə ɓi ɓuin, ɓi ɓuikən Fila. Nə manəngɓəng, ko ɓi ku ko ɓi ɓui ɓin Fi. ⁹Bisə nəngnə Kristi ɓui u ku aka, bisə bə Fi vei ɓuirə ɓaleivənə la ɓei hunrə.¹⁰Kəfə ɓa, ɓakə dəɓa cue kita kəlei hyuiha la?Bisə ɓi kpem ɓin ji chi Fi vii kita veu. ¹¹Bisə ei viin, "Nə ku," n'li Fi, " chi lei nwaɗuang bahyua, lein lyem də garə kə Fi."¹²Bisə kon waha na nwatsum nə wu cue nə kə Fi. ¹³Manəngɓə, biɓə cue kita kə yivakan ka, manəngɓə ɓa cue nəngnə, yivaka yaung nlei gɓabu ko ha ɓua kə hyuila.¹⁴N' ibəng, ei muakum məng tangsa Fi Yeso, ah nəngaka yaung hyi-yirə ɓei kukə. yivənə ɓuasəu ɓaku ɓamau u hyiu yang. ¹⁵Nəng bisə nəngtang nəngɓə mang ɓei kə hyua hyuimang, yang malang tangsa bə yiɗi bə leu. Biɓa hya kuɓa bi nəngtang sə yivəni Kristi ɓui biveu nə.¹⁶Biɓa gwala nəngnə dei nakuɓai hyinla myem kə aɓain ka. ¹⁷Bisə vahvə Fi bi nəngtang ɓei nwarəleu, bisə nəng-agang, ta'nh, ɓei larə tangsa kwang a garangrang.¹⁸Yivənəha də muacuaFi tangsa nəngah niyang Fi də yiɗiu cuahai ɓaleivəha. ¹⁹Manəngɓəng, ɓi cue nəngnə kə a hyinrənə ɓei nəngnə ga'nh kə lei hyui nə.²⁰Biɓa hya bivə Fi bivə nəngtang ka. Lei nəng kpem ha hyi-nyiu, munkulum kə yivə nə tang cue yivəka gɓa bu sənəng. ²¹Hyiu ɓa tang hyem, ɓa nwa mim wau, ɓei nəngnəha hyuimang tangrə cue kə abei nə.²²Bə djinyi a tsa ɓala ɓeukənə ji tangsa ɓai ɓei Fi kə. Barka jiku yivənə ɓaku kə nəng-aɓei leu nə. ²³Yivənəha dəɓa ɓamang nəngtang dərə tangrə nəng agang leu tangsa bə dji nyi-nyi a tsa yang. Nəngnəha lang btangsa bə dzi nyi-nyi leu nəng-aɓei.

Chapter 15

¹susueni yivənə la ɓei samɓei bə gwa sə a ɓuirə veivə ɓuisə, yang u yiɗi bə də garə kə kuleu.²Ko wani yivəha də garə kə yivə kwanka gi veu nəngɓə kə nəng a hyinrə, yang deukə a miukə ah iekə ye.³kristi ɓei naukə də garə kə kuleu. manəngɓə yada eih vinkə, " Bə dei iyem veivənə də deiɓa kənə də olang kum," ⁴Bisə nəngnə ei vii nachi nə ei vii kə bə də nwa ɓi, yang deukə tangsa munya ɓei tangsa bə tsasə ah bivə Fi yang ɓi ci sə atsarən ci.⁵Susueni Fi tangsa munya ɓei tsarə dəɓa nyi-nyi ieha ha tangsa Kristi yeso. ⁶U cue nəngnə yang deukə nyi-nyi ɓi wu tsing ɓi ka'nh Fi ɓei nwa tsing sə Fi ɓei Da ɓei Yicuevah Yeso Kristi. ⁷Manəngɓəng, ɓa mualei hyui ɓamang yada kristi langɓə mua ɓakə, yang ɓa ka'nh Fi.⁸Bisən naɓalang nakə kristi eih myem mukə mongsem veivə cum nwaha ah bivə biagang və Fi, yang kə eikə bə alkawali eih dəkə Da nə, ⁹Səlei yuavah tangsa garəvə Fi ɓei larə veu. Manəngɓə nə ei vii kə, "manəngɓəng min da garə tangsa lei yuavah yang leiɓim dakə garə tangsa ing mai."¹⁰U na aka ah, " Agɓein, lei yuavah, ɓaleivə veu." ¹¹Aka a, " Ɓa ka'nh Fi, ɓalei yuavah; leivə kpem ha ka'nh'u."¹²Ishaya naka ah, " Zum ɓuani yessi la, yivənəng iehn mua(mulki) lei yuavahn mua. Lei yuavah ɓəng ci tsarəng ci siu."¹³Susueni, Fi ah tsasəbə yi sə ɓei larə ɓei ta'nh tangsa bəba nyi, yang kə səɓa tsa, tangsa samɓei və kwang a garangarang.¹⁴Mi ɓei kumkə ai muakum məng səɓai, lei hyium. Mima langɓə mi ɓei namkə ing ibə ɓala ɓei biagang, yilla ɓei bə ibə nəng. N'ibəng langɓə ɓan də garə kə lei hwĩ ha.¹⁵Dǝmin vĩ gãla kǝ ɓala yang deukǝ tanala ka, bisǝ nǝngdǝnǝng nǝ Fi dǝkǝnǝ. ¹⁶Nǝngdǝnǝng ɓǝ kǝng myem kǝ mongsem vǝ Kristi Yeso ei cum bivei yuavah, yang kǝ deukǝ lei kunlau agã sǝbi vǝFi. Min cue nǝngnǝ yang deukǝ bǝ dǝnǝng vǝFi gwa chilei yuavah, kǝ hyĩla chi kwang agarangrang.¹⁷Lei hwĩm tangsa Kristi Yeso ɓei tangsa nǝng vǝFi. ¹⁸Bisǝng ba nabi akau sai nǝngnǝ Fi cueha sǝm tangsa bǝ dǝ gãrǝ vei yuavah. Lei nǝngnǝng cuerǝ tangsa bi ɓei bǝ cue tsa. ¹⁹Tangsa samɓei a nǝng ɓei nǝng cue sǝɓi, kasǝu tangsa Illikirum, min ɗǝ bivǝ Fi tangsa Kristi.²⁰Tangsa nǝngah ni, bǝ nyibim ĩn nabi vǝ Fi, bǝnǝ ai nabi vǝ Filaleu, yang ba ĩn mivam ku avǝ yivaka. ²¹La ɓama yanda ai vĩĩ kǝnǝ: Lei ei fuɗi bǝ nalei biveu la leu, ain ibǝn ieh, leivǝnǝ lii leu ain ibǝn ieh."²²Nǝngnǝ cue ĩn wusǝ ɓaleu. ²³Bisǝ manǝngɓǝ, bǝ aka yaung rage tangsa hyuani, min ji nyi tangsa ha kpala dǝ wurǝ min tasǝ ɓa.²⁴Nji nyi-nyi dǝmin yiɗi bǝ ɓaɓarǝ nǝ dǝmin pei min ta hyua Asbaniya yang, yang kǝɓa ta tǝɓa djimcua bǝbi, nǝng gama bǝ ɓarǝng. ²⁵Susueni dǝmin ta urshalima taming myem kǝ mongsem veivǝ ba-nyi.²⁶Bisǝ nǝng agang tangsa hyua Makidoniya ɓei Akaya yang deukǝ nabi kǝ leivǝ yiɓei tangsa lei ba-nyi nǝ hyua Urshkilima. ²⁷Manǝngɓǝ, nǝng agang vei, manǝngɓǝ ɓamang hyem kulei. Lei yuavah dǝ tsaha tangsa kwang vei, ei hyuii nyi-nyi lei eih cue tangsa lei nǝng vei.²⁸Manǝngɓǝng, nǝ ainiu tǝnku yang, yang nǝ cue ai mua lei nǝngnǝha ai muarǝnǝ, yang min ta Asbaniya yang muaka sǝɓa tangsa nǝngãm. ²⁹ Ibǝng nǝ wusǝɓan yang min wu tangsa barka kpãla avǝ Kristi.³⁰Suauenǝ dǝmin hyuiɓanǝng, lei hwĩ, tangsa ĩng Fi Yeso kristi, ɓei tangsa bǝ yiɗi vǝ kwang, ɓi dji cuahai ɓi gu Fi bim. ³¹Ɓa gu Fi nǝɓa ain yuang yang tangsa leivǝ ni dǝ gãrǝ tangsa hyua Yahuda, yang bǝ gu Fim mua tangsa Urshalima. ³²Ɓa gu Fi nǝɓa min wusǝ ɓa tangsa larǝ kasǝ daɓi yang deukǝn mi cuahai ɓei ɓaka yang cikǝ hunrǝ.³³Fi tangsa tãã ku cuahai ɓeiɓakǝ kpǝm. Amin.

Chapter 16

¹Dǝmin dǝɓa nwa lei hwim tangsa hyua Fibi lei hwim a yihei, leikǝ lei mongsem eklishiya tangsa hyua a kankiriya. ²Yang deukǝ ɓa mua Fi ɓei na na'iu. tangsa bǝ kembi a gang, yang ɓa vali lei hwi tangsa nǝngni dei ɓabǝ sǝɓai, bisǝ u vali leivǝ kpa wanei ɓeimkǝha.³Ɓa dzam Bikisu ɓei Akila, lei hwim a nwatsum tangsa Kristi Yeso, ⁴Leivǝnǝ dǝ hunrǝ lei bisǝm. dǝmin kã leirǝ, mi ɓuasǝu leu, langɓǝ lei ekilishiya vei yuavah kpǝm. ⁵Ɓa dzam lei ekilishiya nǝ tangsa vah ni. Dzam Afinatus hwim nǝ dǝmin yiɗi, yi na nwatsing tangsa hyua Asiya wukǝ sǝ kristi.⁶Dzam Meri, yivǝnǝ dǝ cue nwatsum tsala. ⁷Dzam Andaranikas ɓei Yuniyas, leivǝ cue yivahm, ɓalei hwim bursǝna. Ain iehlein tangsa lei ta tsum, lein nǝ tangsa Kristi deukǝ mi. ⁸Ɓa dzam Amfiliyas, hwim nǝ dǝmin yiɗi tangsa Fi.⁹Ɓa dzam Urbanas, yivǝ nwatsum mi tangsa kristi, ɓei hwim a yiɗi tangsa Istakis. ¹⁰Yang ɓa dzam Abalis yivǝnǝ tangsa Almasihu. ɓa dzam lei vǝ tangsa Aristobulus. ¹¹Ba dzam lei hwi tangsa Hirudiyan, ɓa dzam lei vǝnǝ avǝ Finǝ. Ba dzam lei hwĩm nǝ tangsa hyua Nakisus,leivǝnǝ tangsa Fi.¹²Ba dzam Tarafina ɓei Tarafua leivǝ Fi. ɓa dzam Barsisa yivǝnǝ cue nwatsum Fi tangsa nyi-nyi agã. ¹³Ba dzam Rufus, yivǝnǝ ai ciu tangsa Fi ɓei naveu ɓeimkǝ. ¹⁴Dzam Asinkiritus, ɓei Filiguna ɓei Hamisa, ɓei Baturobas, ɓei Hamasa ɓalei hwi nǝ lei cuahai ni.¹⁵Dzam Filogus ɓei Juliya, Nariyus ɓei hwi yihei, ɓei Olimfas, ɓaleivǝ dji nyi-nyi cuahai ɓalei kǝ kpǝm. ¹⁶Dzam leihwi ha tangsa larǝ. Lei ekilishiya nǝ kpǝm tangsa Kristi ɓa dzam lei.¹⁷Dǝmin naɓala, leihwim, sǝ leivǝnǝ dǝ wukǝ bǝ tsabǝ ɓei bǝ gɓabu. Dei na nǝngnǝ yaung tangsa bi Fi ɓa myem cuaɓa sǝlei. ¹⁸Bisǝ leivǝ kǝ nwa leivǝnǝ ei dǝ garǝ kǝ Fi Kristi wau, lang tangsa hyua lei ɓwasǝu. Tangsa hyinrǝ vei ɓei bǝ dǝmam vei dei ɓankǝ yualei va gang.¹⁹Bisǝ tangsa bǝ dǝ garǝ tasǝ leivǝng ha. Dǝmin lilarǝ manǝngɓǝng, dǝmin yiɗi ɓa cueyiurǝ sǝleivǝ nǝng agang pei leivǝnǝngnǝ a munkulum. ²⁰Fi tangsa tãã un hya munkulum hya. Larǝ vǝ Fi Yeso Kristi ku cuahai ɓei ɓakǝ.²¹Timoti, hwi cue nwatsum mi n'dzam yang, ɓei Lukiyus, Yason,ɓei sosifata, lei hwim asǝ yvah. ²²Mi Tatus, yivǝnǝ vii washika nǝ, n' dzam ɓang tangsa inFi.²³Gayus, yivǝnǝ mua nǝ ɓalei ekilishiya nǝ kpǝm n'dzam ɓang. Erasitus yivǝnǝ hyuaɓǝ nau tangsa vangah, n'dzam ma yang, ɓei kuwatus hwim. ²⁴Tã vǝ Fi jikuɓai ha takǝ, Amin, Amin.²⁵susueni,garǝ ji kuɓai nǝ cue ɓa ɓan jikǝ tangsa bivǝ Fi, ɓei bǝ nyinasǝnǝng vǝ Yeso kristi, tangsa bǝ ɓabǝ nǝ hyue-hyuerǝ nǝ peikǝ nǝ, ²⁶Susuenǝ ieyang, ɓalei tangsa leivǝ ɓanǝng ai vĩ yang kuma leivǝha ibǝn, tangsa bǝ dǝ nwa vǝ Fi, tangsa bǝ dǝ garǝ tsa.²⁷Sǝ Fi a yiurǝ, tangsa Yeso Kristi, gãrǝng a veun tǝnkǝrǝ. Amin.

1 Corinthians

Chapter 1

¹Bulu, yivə ɗubə Kristi yeso mhyemkə yivə ta'nwatsum vah Fi ɓei hwi Sastanisu ²Wu takə kom vah Fi tangsa Koriinti, wu takə tangsa li və nəai gəmlei tangsa Yeso kristi, leivə hyua ɗubu aib myemkə leivah begang. ɓə dəɓi vii kə leivah ɗubu la mtangsa ing Yeso Kristi ɓeiha, Daɓi ɓei daɓi ha ³Hunrə ɓei larə wu tangsa Fi Daɓi ɓei daɓi Yeso Kristi.⁴Kon ɗeu ha dəmin kã Fi ɓi, biɓə ɓi vah nəng agang Fi ɓei daɓi Yeso cue ɓi la. ⁵U dəɓi nəng chinəng a nəng ga ha ɓei bə nabi ɓei ilimi ha. ⁶Lamang u ɓamang cua sə daɓi nə u tangsa bigang ɓi.⁷Bana ɓə yuang ɓei nəng akaleu tangsa biFi avə yicuevah Yeso Kristi. ⁸Un tsasəng tsa tangsa bə nyiu ha təngrə. Yang ai ba ai ɓa ɓa nəng-aɓei ɓiu tangsa fi və yicuevah Yeso Kristi. ⁹Fi yivə abəgang nə ɗubu ɓanə tangsa bə yiɗi bə yiu Yeso Kristi Daɓi.¹⁰Dəmin hyuiɓanəng, lei hwi, tangsa ing daɓi Yeso Kristi ɓəgwaha, yang bə tsa tangsa ha yaung səɓai ka. Demin gu ɓa myemkə nəng tsing ɓei nyi-nyi tsing. ¹¹Bisəng ibəng, lei hwim, tangsa lei tsanwa la tangsa ɓai.¹²Na nəngnə, leivaka də na'a, ' mi cuahai ɓei Bulu," ko "mi cuahai ɓei Apolo," ko " mi cuahai ɓei Kefas ko " min Kristi." ¹³Kristi tsahan tsa, ai pien Bulu sə kai bji ɓai? Ai hueɓa məng ɓei ing Bulu kə?¹⁴Nkã Fi deu hueməng kə yivakaleu, ɓuasəu Kioribous ɓei Gayus. ¹⁵Cue nəngnə yang yivaka ba na a ai hueɓa məng tangsa ing. ¹⁶N' hue kə leivə və istifanas. cua ni, hueməng kə yivəka leu.)¹⁷Bisə Kristi tsum tang hueməng leu, a tang nabi və Fi. U tsumi nabi və yivə leu ɓei bə ina nəng vei, yang pirəvə kristi ba ain fammu tangsa samɓei veu.¹⁸Bisə nwatsum tangsa ka pibə ɓamang hyuarə tangsa ,leivəni də ɓuirə. lanng tangsa leivənə Fi də yuangrə, samɓei və Fi. ¹⁹Bisə ai vĩ, " Min hya yiurə veivə yiurə. min dei bə inanəng vei və inanəng."²⁰Lei və yiurə ɓei? leivə ina nəng ɓəi? Leivə tsa'nwa fangwam nə ɓei? Fi ikə ɓuani lei yiurə fangwam myem kə nəng afam leu? ²¹Nə fangwam tangsa yiurə veu ieh Fi leung, yang laFin la tamgsa nəng-aɓei tangsa bə nyinasə nəng veivə nə ba nyi lanə.²²Lei Yahudawa də ɓabə nəng cue səɓi, lei Helenawa də ɓabə avein yiurə. ²³Dəɓi nyinasə bi və Kristi nə ai piu nə, yivənə də cue lei Yahudawa də gɓa bulei sənəng.ɓei nəng afam vei Helenaw.²⁴Leivənə Fi ɗubu lei nə, lei Yahudawa ɓalei Helenawa ha ɓi nabi və Kristi tangsa samɓei ɓei yiurə və Fi. ²⁵Bisə nə hyuerə və Fi pei yiurə vei zayivə, sə ɓuirə və Fi pei tsarə vei zayivə.²⁶A ɓa bə ɗubu ma, hwim.Ɓa kpəmha yiurə ɓala hyinla tangsa yivə leu. Ba kpəmha ɓala ɓei samɓei, ɓa kpəm ɓan leivənə ai chi kə abəgang leu. ²⁷Bisə Fi chi nəng cuenəng vei hyuerə deu kə u də səku kə lei və yiurə. Fi chi nəngnə səu ɓuiiɓuirə yang deu kə də səku kə leivə sanɓei.²⁸Fi cue nəngnə ka hyua nə yang deukə də səku kə fangwam. U cue lei nəng kə cue nəng leu, yang deukə wu kə lei nəngnə ai mua ikərə nə. ²⁹U cue nəngnə yang deukə lei nəng aka yaung ain ɗənbam səu wau.³⁰Bisə nəngnə Fi cue, susueni ɓalang tangsa Yeso kristi, yivənə wuɓəkə yiurəla sə Fi. U myem kə nəng agang, galla, ɓei yuangrə. ³¹tangsa nəngni, nə bivə nakə, " Yivənəha də ku, u ɗəku sə Fi."

Chapter 2

¹Nəng wusə ɓa, lei hwi, nwu tangsa yuerə bi ko yiurə ɓei bivə Fi yue-yuerə leu. ²Bisə n' nanakə ibə nəng aka tangsa ɓai, ɓuasəun Yeso Kristi, yivənə ai piu nə.³Mi cuahai ɓeiɓa tangsa sə a ɓuirə ɓei tangsa ɓii, ɓei tangsa sə a ɓuarə(gɓasem). ⁴Bisə bim yaung ɓei bə kwaha tangsa bə cue nəng vei və yiurə leu. lang tangsa nəng və kwang ɓei a samɓei, ⁵Yang bə ba nyi a tsarə ɓa lang tangsa yiurə vei və leu, lang tamgsa samɓei və Fi.⁶Dəɓi nabi a yiurə kə leivənə də ainəng təkunə, lang tagda yiurə vei və fangwam leu, lang səlei mua hyua na leu, leivənvə də pəpei nə. ⁷Langfə, ɓi nabi Fi yiurə tangsa yuerə biagang, tangsa yuerə, tangsa yuerə nə Fi cue chilei ha a larə nə.⁸Tangsa lei lue yivah ni kpəm ei ibə yiurə ɓəleu, lanfə nə ibəng yang, ai ba ai pi Fi tangsa garə veu. ⁹Bisə ai vĩ yang, " Nəngnə nəəng ɓaleu, ɓuacuii ləə leu, nyi-nyi ma kem leu, leli nəngnə Fi cueha kə lei vənə də yiɗiu nə."¹⁰Lei nəngnə Fi taɓi nala tangsa kwang. Bisə kwang də ikənəng ha, ko u ɗuila tangsa nəng və Fi. ¹¹nwatsing ibə bə kembi və yivaka nəng kwang yivənə səu leu? Langɓə yivaka yaung ibə nəngnə ɗuila tangsa Fi nə kwang və Fi leun.¹²Bisə ɓi yaung ɓei kwang a fangwam, kwang anə wusə Fi ni, yang kə ɓi chi nəng dənəng və Fi afam. ¹³Ɓa nabi kulei nəngni, lei nəngnə yiurə və zayiə ba nhyinalau nə, nəngnə kwang də nyi ɓə nala. Kwang də nyinasə nəngnə kwang də narə ɓei yiurə və kwang.¹⁴Yivənə muanəng nə avə kwang və Fi leu, ai yaung ɓei yiurə ka səu. U ba u ilei wau bisə ai yaung ɓei kwang a gang wau. ¹⁵Yivənə la ɓei kwang kə nə un cue kita kə lei nəng la ha, amma u aveu ai ba ai cue kita lau. ¹⁶N'watsing ibə nyi-nyi yicuevah, yang un deu nwa nə? "amma ɓəla ɓei nyi-nyi və Kristi.

Chapter 3

¹Mi lei hwim, ba naɓa bila tangsa kwang lei zayiəu, lanfə lang tangsa djuasə yivə takə sə leei muang tangsa Kristi. ²Dəɓa məngmi ɓa nwang, ĩvam a tsa leu, bisə ɓa dji nyi-nyi la leu; har susueni ɓa yaung ɓei bə dji nyi-nyi lau.³Bisə ɓalang tangsa djuasə. Bənə jahei ɓei nwa muarə dji tangsa ɓai, dəɓa kulang tangsa djuasə leu, ɓei ho tangsa nəng cue nəng və yivə leu? ⁴Nə yivə aka na, " Dəmin muacua Bulu," yang dəɓa kulang tangsa djuasə leu? ⁵Ndwatsing kə Apolo? Mongsem nə ɓa ba nyi səu, kasəu Fi dəlei nwatsum veu la ha.⁶Ĩnbia, Apolo dəməng la, Fi dəlei gãrə. ⁷Manəngɓəng, yivənə bjia ɓei yivənə dəməng la lei nəng akaleu. Fi nəngɓə də gãrə la.⁸Manəngɓəng, yivənə bia ɓei yivənə dəməng la lei tsing, kon waha mua buatai nwatsum veu nə u cue nə. ⁹Bisə ɓin clei və mua cua Fi. ɓan fanəng və Fi, Fi mi.¹⁰tangsa larə və Fi nə dəɓi bə inanəng mi a nyinasə nəng, lei muani nəng minəng, nəngɓə yivaka də minəng ku. Dəmin naɓala, ɓa cue ɓei hakilo ɓei nəng minəng nə dəɓa mirə ku ni. ¹¹Bisə yivaka nyaung lei ɓuani kom mang anə ai lei nə, u kə, yeso kristi.¹²Susueni nə yivənəha dəmi ku ɓuani kom nə ai lei ɓei tei a hyuimrəng, nəng ga ɗua tai agarən, kah, shuci, ɓei kara. ¹³Ai ikə ɓuani nwatsum veun ieh, bisə ba garə ikə ɓuaniu ieh. Bisə ai ikən ieh tangsa ɗua. ɗua ɓə dei nyikən nəng agang nə kowani yivəha cue nə.¹⁴Yivənəha cue nwatsum nə ai deu nəng yang u mua buatai veu mua; ¹⁵yivənəha nwatsum veu nə lii yang, u cue yiɓei , yang ain yuang-yuang, u pei nwa ɗua yang.¹⁶Ɓa ibə leu ɓan bə kurə Fi, kwang Fi ma ku tangsa ɓai? ¹⁷Yivənəha dei bə kurə(kom) və Fi yang, Fin dei yivəɓəng dei langɓə. Bisə bə kurə və Fi garangrang, ɓama manəngɓə.¹⁸Bi yivaka fəmkun ka. yivənəha də kem ɓama rə yiu hyin yang, yang u myem kə yivə "yuerə" yang u myem kə yivə yiurə. ¹⁹Bisə yiurə və fangwam n'hyuarə sə Fi. Bisə ai vĩ, " Dəu mua leivə yiurə ɓei nwatsum veu." ²⁰Langfə, "Yicuevah ibəng bə kembi vei vəivə yiurən afam."²¹Manəngɓəng, bə ɗəku aka yaung səlei və! Bisə lei nənghang aɓai, ²²Kon Bulu, Apolo, kon Kefas kon fangwam, kon hunrə kon ɓuirə, ɓei nəngnə lanə, ɓei anə də wurə. Lei nəng kpəm aɓa, ²³Ɓan Kristi, Kristin Fi.

Chapter 4

¹Manəngɓə leivən ɓaɓikə, lei mongsm və kristi, leivə mua amana a yuerə tangsa Fi. ²Tangsa nəng ni, dei yiɗi ai chi yivənə də mua bi Fi nyi-nyi ni u mua kurə a hyinrə.³Səm aveu nəng cuani, yang ɓa vuem kita ko bə cue kita vei və. Bisə n'cue kita kə kumla leu. ⁴Ibə nəng akaleu tangsa bə mua bə nə ai cue kum ni, yang kumang mi nyang ɓai abeiu ba. Fi cuem kita la.⁵Manəngɓəng, biɓa cue kita kə lei hwiɓa lang ka, deukə yicuevah wu. Lein nəng anə yue-yuerə nə u ikəng ieh yang u ɓei nyi-nyi lei vəng ɓei. Yang kon wahang mua bə də gãrə veu sə Fi.⁶Susueni, lei hwi, wukə lei nəngnə bim ɓei Apolo biɓa, deukə ɓa nyinasə nəng səɓi, nəngnə dei na'a, "Biɓa cue nəng peisə ani ai vĩ nəng ka." yang yivaka yauyng dei yivaka ku nwatsum veu wu. ⁷Wa cue kə tsing-tsing tangsa mai ɓalei hwi mai? ɓatsincg mala ɓeukə nə ai dan də leu nə? Nə ai da dən fam yang, yang ɓakə dəman dəku ɓama a cueleu?⁸Ɓa chi lei nəngnə ha dəɓa yiɗin! ɓa myem kə leivə nəng chinəng yang! ɓa banyiu bə gɓainrə-yang ɓakə tsing-tsing ɓei ɓikə, manəngɓə yang ɓa lii larə, yang lang ɓə li larə ɓei ɓa. ⁹Bisə dji ɓə kəlei tatsum ku nwatsum ɓamang yivənə ai dzeu nwaɓua ni. ɓi myem kə dalinga ɓanəng fangwam kasə lei malaika, ɓalei və.¹⁰Ɓinlei hyuerə avə Kristi, langɓə ɓəla ɓei yiurə tangsa Kristi. Səɓi ɓuiyang amma ɓaɓa ɓala ɓei samɓei. Ai mua ɓa tangsa bə də garə ɓiaɓi ai mua ɓin tangsa bə də garə leu. ¹¹ Ɓa dji ɓei bu tangsa vii ni vom də hyaɓi ɓei leing, ɓi yaung ɓei nəng yasəu, ai gɓaɓi wanei, ha ɓi yaung ɓei vahu.¹²Bi cue nwatsau ɓei tsa, dəɓi cue nwatsum ɓei naɓi, nə ai iehɓi kən yang ai dəɓi barkan. nə ai dəɓi yiɓei yang, ɓi ɗə munya. ¹³Nə dəɓi nwa yiɓei yang ɓi nabi ɓei wui ta'nh, ɓi wung kuma ɓi myem yang kə lei ji cua nəng tangsa fangwam.¹⁴N' cue lei nəngnə yang kə dəɓa səku leu, yang kə yuang ɓa kə lei yium anə dəmmin yiɗi lei yim. ¹⁵Fəma nə ɓala ɓei fanəng (lambu) hunhyii hyua buni hunhyui hyua tangsa Kristi, ɓa yaung ɓei da kə kpala. Bisə mjyemkə daɓa tangsa Yeso Kristi tangsa biveu,. ¹⁶Dəmin naɓala ɓa myem kə lei nyinwa ɓi.¹⁷Nəngnə cue n tsum Timoti, yivənə dəmin yiɗi tangsa bə dji nyi kə yim tangsa yicuevah. U naɓa lei nəngah la kpala tangsa Kristi, nə dəmin nyilei nala ɓei tangsa ekilishiya ha. ¹⁸Leivaka tangsaɓai ai liibəu, dəɓa cue ɓamang ba wusəɓau.¹⁹Dəmin wusəɓa susuenə, tangsa gwarə və yicue vah, yang deu kəng ibə nəngnə lei tsa ɓwatsui də cuerənə, yang deu kə ɓa samɓei vei. ²⁰Bisə vahvə Fi lang tangsa bə nabi nwaleu, lang tangsa samɓei. ²¹ Ɓa dəɓa yiɗi? n' wusəɓa ɓei ɗua ko tangsa bə yiɗi bə kwang a hakilo?

Chapter 5

¹Ɓi ləə nəngnə ai na a ɓala ɓei bə cueng fam tangsa ɓai, yua cuerə nə yaung tangsa lei yuavah hanə. Nəngnə ləə nə, leivaka tangsa ɓai də lue ɓalei hei davei. ²Ɓ a tsa ku wanə! yang ɓa bazhee wai? Yivənəha cue nəngnə yang eih iukən ieh.³N' yaung ɓei ɓakəu tangsa djuasəu, amma mila ɓei ɓakə tangsa kwang, ing cue kita kə leivənə cue nəngnə, bisə mila bəbi. ⁴Nəɓa gəm cuahai tangsa ing yicuevah Yeso, yang kwang la bəbi ɓei samɓeim və yicuevah Yeso. N' cue kita kə yivəɓə lang. ⁵Cue nəng kəng də yivəɓə kana munkulum bibə hyalei djjuasə, yang kə ai yuang kwang tangsa fih və yicuevah.⁶Bə ɗəku ɓa hyiwau. ɓa ibə leu yi nəngyiseu dəyi tangsa kwang? ⁷Ɓa lo kuɓa tangsa nəng yiseu a kwi, ɓa myem ka fuh, yang deu kə ɓa myem kə lei kubam anə hyinla nə. Bisə Kristi, yi nəng bungam ɓi nə ai piu nə. ⁸yang deu kə ɓi cue mimɓang ɓə, lang tangsa nə yiseu a kwi leu, nəng yiseu anə bənyi veu hyiunə ɓalei aɓei. Manəngɓəng, ɓi ɓua ɓei kumbam anə tangsa bi agang.⁹Ñvi ɓala tangsa washikam nakə biɓa kwahaku ɓalei chue nyua kan. ¹⁰Tangsa nəngah ni dəmin nakən leivə cue yua a fangwam, ko leivə tsa na, ko leivə yiurə, ko leinəng hyiaunəng, ɓa ta cuila səlei yang ɓan ieh-ieh tangsa fangwam.¹¹Susueni dəmin viɓala biɓa kwahaku ɓaleivənə dei ɗukə lei hwi nəng ka, amma leivə cue yua, ɓaleivə tsana, ɓalei nəng hyiaunəng, ɓalei de iyem, ɓalei gnwaməng,ɓalei yiurə. Biɓa tangnəng ma ɓaleivə leinka. ¹²Min cue un min cue kə kita kə leivə ai ta ekilishiya nə wai? Ɓakə ɓa cue kita kə leivənə la tangsa ekilishiya lanə wai? ¹³Fi də cue kita kə leivənə la beifa ni. " U ikə leivə nəng aɓai tangsa ɓai.

Chapter 6

¹Nə yivaka tangsa ɓai la ɓei bi ɓei yivakan, bi u ɗəu takə chilei cue kita nə ba-nyi leu sə Fi, u taukə chi lei ba nyi sə Fi? ²Ɓa ibəleu lei ba-nyi nəngɓəng cue kita kə leivə fangwam la? Nə manəngɓəng, ɓang cue kita kə fangwam lan yang ɓa baɓa ma tangsa lei nəngnə hyinla cueni wai? ³Ɓa ibəleu ɓin cue kita kəlei malaika? na'ũ, ɓin cue kita tamngsa lei hunrə ni?⁴Bila tangsa ɓai manənɓəng, ɓakə ɓa ɗə kita ɓə dəɓa takə səlei vənə ibə nəng akaleu tangsa ikilishiya? ⁵Na nakə səku cueɓang. Yivaka yaung tangsa ɓai la ɓei yiurənə ma tangsa lei hwi nə? ⁶Nə lakənə, yivə ba-nyi aka də yivə ba-nyi aka də takə fa kita, yang kita ɓəlang chilei vənə banyi sə Fi leu!⁷Kə biagang, nə bila tangsaɓai lei Krista yang ɓa õng. Ɓakə ɓa yila ɓa nwayiɓei wai? ɓakə ɓa yila ai yiu ɓa wai? ⁸ Ɓa də yiɓein ɓa yiulei vakan, lein ,lei hwi ɓa.⁹Ɓa ibəleu leivə nə nəng agang vei yaung nə ai ba ai chi kurə(gada) vah və Fi ? Biɓa gwa nwa'iun ka. Leivə cue yua, ɓalei hyeunəng, lei lue ɓei yiheinə heiu leu, lei mjua yiɓui cue yua, ¹⁰Lei nəng iehnəng, lei tsana, lei nwa mim, lei ɓankə ing, lei yiurə-yivaka yaung tangsa lein ta vah Fi. ¹¹Manəngɓə leivaka ɓala. Ai loɓang, ai maɓa hyinla, ai ma tangsa ɓan ɓei Fi kə tangsa ing yicuevah Yeso Kristi ɓei tangsa kwang Fi ɓi.¹²Leinəngha hyimla wanə, lei kpəmha min cue kə nwatsum leu. " Lei nəngha hyimla wanə, lanfə ba inaleiha wau. ¹³" Vam nəng tang və tang yua, langɓə tang yua avən vam," Fi ailei kətan ai kpəm. Səɓin bə cue yua leu, səng avə yiicuevah, yicuevah ɓəng dənəng kə sə.¹⁴Fi iekə yiicuevah uma langɓə un iɓəkən ieh tangsa samɓei veu. ¹⁵Ɓa ibə leu lei səɓa sə Kristi? Ĩn ikə djuasə Kristi yang laha ɓalei cue yua? Ba cueu!¹⁶Ɓa ibə leu yivənəha laha ɓalei cue yua yang ai wuyang btsing ? Nə bivə Fi nakə nə, " Na'iun wu tsing." ¹⁷Yivənəha laha ɓei yicuevah, ai wuyang tsing tangsa kwang ɓeiu kə.¹⁸A hyuii (yila) səɓə cue yua! Lei nəng aɓei nəha yivə cue nə lan djuasə beifa, yua cuerənə yivə cue lan tangsa səu.¹⁹A ibə leu səmang kom və kwang a garangrang, nə ku tangsa maini, nə a chi sə Fi nə? A ibə leu mang amma leu? ²⁰Bisə ai lya ɓa ɓei nwaɓəi. Manəngɓəng a də garə kə Fi ɓəi səɓi.

Chapter 7

¹Susuenə kunəngni ɓai vii nə: " hyi-hyiu bi yiɓui tana sə yiheinka. " ²Bisə bə nyibə wuka tangsa yua acuerə, Yiɓuiha chi yihei aku, langɓə yiheiha chi yiɓuivah aku.³Yiɓuivah də nwa nəngnə avə yihei kə u, manəngɓə yihei ma də kə yiɓuivah veu. ⁴Ñyihei yaung ɓei samɓei kə səu wau, yiɓuivah ɓə, manəngɓə yiɓuivah ɓə yaung ɓei samɓei kə ku wau, yihei ɓə laɓeiu kə.⁵Biɓa yiu yivakan ka, sainə gwarə la tangsa ɓai tangsa vii cuani. Dəɓa cue lei nəngnə yang deukə ɓa də kuɓa kəbə gu Fi. Yang wuɓa kwaha aka, yang munkulum ba nyi ɓau bisə bə muaku ɓa yaung. ⁶Dəmin naɓa nəngnə la bə bwabə(shawara) ɓei tangsa bə də nwa leu. ⁷Dəmin yiɗi ɓa kpəm kə nwa mam. Amma ɓa kpəm ɓala ɓei nəngdənəng Fi. Waha la ɓei nəngdənəng, ɓei aka manəngɓə.⁸kə səleivə nə dja yihei leu ɓalei heiɓui hyihyiu nə kuku kə nwamam nə ai ba ai djayiheiu yang. ⁹Fə nənə ai ba ai muaku lei yaung, ai dja yihei. Hyi wanə ai dja yihei nə ai o tangsa bə mua bə.¹⁰Leivənə dja yihei nə dəmin dəlei nwa nə-Mi leu, yicuevah-Yihei ba ieh vahvə ɓu wau, ¹¹( Nə u ieh vahvə ɓu yang, yang biu dja vahnka ko u fa tau narə ɓei ɓukə)-langɓə yiɓui bi inakə heiunka.¹²Dəmin naɓala niuɓa ha-Mi, Yicuevah leu-Nə hwi ma la ɓei yihei yivə ba nyi leu, nə uh gwa u kuɓeikə yang, yang biu iunanka. ¹³Yihei ma langɓə ula ɓei yiɓui nə yivə ba nyi leu yang, nə langɓə gwa dəu ku ɓeiu kə yang, biu yeunanka.¹⁴Bisə yiɓuivah nə ba nyi leu sə Fi ni, ai djeu nwagyang bivə heiu, langɓə yiheinə ba nyiu yang ai djeu nwagyang bivəi hwiu. Leung lei yimang yiu, manəngɓəng ai dji lei nwagyang.¹⁵Nə yiɓuiɓə ko yiheiɓə yivənə banyiu nə də yiɗi bə peirə, a yeu pei. Manəngɓə hwi yiɓui ɓə ko hwi yihei ɓə u mua nəng hyuinəng ɓə leu. Fi ɗubu ɓi, ɓi ku tangsa ta'nh. ¹⁶A cue un a iekə bə ma yihei mang yuang ɓu mang yaung ain? Langɓə a cue un a ubə ma yiɓui man yuang heiman yuang ain?¹⁷Kon waha kukurənə yicuevah deu kənə, Nə Fi ɗukə bunə. Nəngnə kə yivah luerəm ku lei18 ekilishiya. ¹⁸Yivənəha Fi ɗubu nə ai cum nwa hau yang, biu ɓabə bə cum nwa hanka. Yivənə ha nei cum nwahaleu nə ɗukə bu tangsa bə ba nyi? yang biu ɓabə bə cum nwahang ka. ¹⁹Bisə bə cum nwaha ko bə cum nwahaleu. Nəngnə lanə a mua bə də nwa və Fi.²⁰Waha ku tangsa bə ɗubu ni Fi ɗukə u ba nyi lanə. ²¹Ɓan lei muangsem nə Fi ɗukə ɓa ne? Biɓa dji nyi-nyi ɓa manəngɓəng ka. Nə ɓa wulang fam yang, ɓa ɗə nəngsəu. ²²Yivənəha Fi ɗubu kə mongsem veu yang un yivə Fi a fam. Langɓə yivə nə ai ɗubu fam yang un mongsem və Kristi. ²³Ai lyaɓa ɓei nwaɓi, manəngɓəng bi ɓa myem kə mongsem vei və ka. ²⁴Lei hwi bənəha hunrə ɓila nə ai ɗukə buɓi nə, ɓi ku manəngɓə.²⁵Səleivənə dja yihei leu nə, yaung ɓei bə də-nwa sə yicuevah. Dəmin naɓa wuimla yivənə, tangsa yicuevah ɓei larə veu, tangsa bə dji nyi. ²⁶Manəngɓəng, dəmin kem bisə lei bi nə la hyua, hyi-hyiu bisə yiɓui ku yanda ulakə.²⁷Ɓei dja yihei la kumai? Bi a iunanka. Yihei inayang? Bi a ɓabə yiheinka. ²⁸Bisə na dja yihei yang, a cue nəng aɓei leu. Yiheinə djavah leu nə dja yihein yang u cue nəng aɓei leu. Leivənə dja vahn ai chi yiɓein chi, yang mi taɓa min fa kə səlei.²⁹Naɓa la ,lei hwi: Vii cue cuani hyiu. Susueni takərə, leivənə la ɓei yihei ai ku kə nwanə ai ikəbə. ³⁰Leivənə də tatta nə ai cue ɓama tatta leu, leivənə də gɓeinrə nə ai cue ɓama ai gɓei leu, leivənə lya nə ai cue ɓama ai yaung ɓei nəng akau; ³¹Leivənə cue nwatsum ɓei fangwam nə bi ai cue ɓama ai cue kpəmhaleu. Bisə Fangwam ɓei naukə ta təngrəung ta.³²Dəmin yiɗi ɓa yila sə bə kembi. Yiɓuinə dja yijhei leu u djiku sə nəngvə yicue vah, nə un lakə nyi-nyiu nə. ³³Yiɓui nə dja yiheinə nyi-nyiu lang sə lei nəng fangwam nə un lakə nyi heiu nə- ³⁴U tsahan. Yiheinə djavah leu ko yihei nə i yiɓui leu un dji nyi-nyi langsə yicuevah, nə ai dja ka nwa gyang tangsa sə ɓei tangsa kwang. Yihei nə djavah nə dəu cuenəng fangwam ɓei avə ɓu.³⁵Ñna nəngnə la kə amma, bi a dji nəng aka kumain ka. Na nəngnə hyila nə, yang deukə ɓa də kuɓa kə yicuevah bə hyaku yaung.³⁶Nə yivaka kem ɓamang dəu də garə kə yihei djarə ve- nə u pei samɓei bə djavah yang, u cue manəngɓə-U cue nəngnə dəu yiɗi. Dəu cue nəng-aɓei leu u djau. ³⁷Nə dəu dji nyi-nyiu tsala yang, nə dei djeun ɗua la leu yang, u mua ku, nə u dji nyi-nyiu manəngɓəng, yang u yi muahei veu ɓə bi u ikə yihein ka. ³⁸Yivənəha djayihei yang, u cuen hyinla, Yivənə yiɗi bə dja yihei u cue uma hyinla.³⁹Yihein ku cua hai ɓei ɓu ha takərə. Fənə ɓu ɓuiyang, u dja yivənəha yua yiɗi un djarənə, amma lang tangsa yicuevah. ⁴⁰Tangsa bə cue kitam, u myem kə yivə larə nə u kun. Yang km lang ɓə zmila ɓei kwang Fi.

Chapter 8

¹Susuenə sə lei nəngtang dei cue kə lei fih-ɓi ibən ," Bə inanəng də cue də iekərə, bə yiɗi bə də mi də takə ye. ²Nə yivə də kem marə ibə nəng akan, yang yivə ibə nəngnə de na ai ibən nə. ³Nə yivənə hyiɗi Fi yang, yang yivəɓə u iiuyang.⁴Səbə tang nəngni ai hya ai dəkə lei fih nə-ɓə ibəng " Lei fihnə tangsa fangwam nəng leu" ɓa " Ibən Fi aka yaung u tsing ɓuasəu." ⁵yang lauka lei nəngnə dəɓa ɗukə fih nə u ku, lauka ɗuiye ko fanbgwam, ɓama yanda lei "fih" ɓə la kpala ɓalei "yicuevah" kpala. ⁶Yadda səɓi, " Fi Da ɓuasəu tsing, langsəu leinəng ha, langsəu ɓin chi hunrə, ɓei yuicuevah tsing Yeso Kristi, langsa lei nəng ha də cuerə, langɓə langsəu ɓi chi hunvrə."⁷Manəngɓəng, bə inanəng leivəha inau leu. Vii nə peikənə dəɓa mua cua lei fih, dei tang lei nənggtang ɓama lei nəngnə ai hya ai dəkə lei fih. Nyi-nyi lei ɓankən bisə ai tsa wau.Nəngtang taɓi kə sə Fi wau. ɓi baɓi ɓui wau nəɓi tangnəng leu, gara ma biɓi tang ka. ⁹A cue ɓei hakilo bi a fam ma wukə bə mukə sə kə yivakala tangsa bə gɓabu sənəng. ¹⁰kaiko yivaka ɓa, nə ula ɓei bə inanəng, dəu tangnəng nəngtang ɓalei fih tangsa kom Fi. Yang nyi-nyi ɓui leu u tangnəng ɓalei fih?¹¹Bisə bə ibə nəng ɓa hyinla kasə lei fih, leivənə sə lei ɓuinə, lei hwi nə Kristi ɓui bivei nə, ai yalein. ¹²Nə na cue nəng aɓei kə hwima nə a dəlei nəng ɗua sə nyi-nyi lei ɓuirəng, yang a cue nəng aɓei sə Kristi. ¹³Manəngɓəng, nə nəngtang nəɓə cue hwim gɓabu sətai yang, n'tang hyem akau, yang ba cue hwim owau.

Chapter 9

¹Min fam leu? Min yi ta tsum leu? N'ɓa Yeso yicuevahm leu? ɓan leivə cue nwatsum mi tangsa yicuevah leu? ²Nə min yi ta tsum sə leivaka leu, yang milan səɓa. Bisə ɓakə leivənə ɓa na'nwam tangsa bə tatsum və yicuevah.Nəngnə dəmin lam kə kum səleivə nə nyimrənə. ⁴Ɓi yaung ɓei samɓei (iko) tangrə ɓei bə nwarə? ɓi yaung ɓei samɓei nə ɓin ɗəkə yiheinə kə yivə ba nyi, kə nwa vei nyiu lei ta tsum anə, lei hwi tangsa yicuevah, ɓei Kefas? ⁶Ɓuasəu Barnabbas ɓeimkən cue nwatsum mai?nwatsing myem kə mongsem taɓui tangsa bə hya nəng veu? watsing bia fanəng ɓai nəngɓə u tang cirəu leu? wa gɓein lei nəng djam ɓə nəngɓə nwa məngmi ɓə leu? ⁸N'na lei nəngnə tangsa bə inanəng və yivə? langɓə bə də nwa na lei nəngnə leu?Bisə ai vii tangsa bə də nwa və Musa,"Bi a lei nəng ɓuaɗui leiyi hyeung ka." lei yihyeung nəngɓə Fi də ɓalei hyinla? ¹⁰Dəu nabi kuɓi leu? Ai viikən ɓila, yivə nəng lanəng, lanəng ɓei nyi-nyi tsing, yivənə ma də susukanə u susuka ɓei nyi-nyi tsing yang kə waha ikə nəng nwabə veu hyinla. ¹¹Nə ɓi bia nəng kwang tangsa ɓai, yang kpaɓila hyiu ɓi ikə nəng nwatsum kə ɓala.leivaka cue nəngnə hyinla kasə ɓang, yang ɓi yaung ɓeiukə kpalai? ɓi jiku nəngɓi hyinla leu, ɓi də munya kasə lei nəng ha peisə bi və və Kristi. ¹³Ɓa ibə leu leivənə də kã Fi tankom Fi dei chi nəngtang vei lang tangkom Fi? ɓa ibə leu leivə nə dəcue nwatsum ku bagadi ni, dei tsaha nəng ai dəlei bagadi ni? Tangsa nəngah a yitsing, Fi də nwa a də cue bi Fi nə ai chi hunrə tangsa bivə Fi.Bisəng mua lei samɓei nə leu. N'vii lei nəngnə yang deukəng nalei na lei nəng kə chuemla hyinla. Garang n'ɓui nə yivakan mua bə bankwang nə səm. ¹⁶Bisə nə nabi Fi yang, n'yaung ɓei bə ɗəku wau, bisə mi cucue. Nakumlang nənəng nabai Fi leung.!Fənə cue ɓeibə yiɗim yang, yang mi la ɓei buatai. Nəng sə bə yiɗim leung, yang mila ɓei nwatsum kə kum. ¹⁸Ɓatsing kə buataim ha? yang nə nyinalang, yang min nabi Fi nəng aka yaung, bi a də samɓeim tangsa bə nabi Fi ka!.¹⁹Bisə ai iemkən tangsa lei nəng kpəm, myem kə mongsem vein kpəm. ²⁰Səlei Yahuda, myem kə lei Yahuda yang, yang kən pei samɓei vei. Leivənəha tangsa bə də nwani, n'myem ɓamang yivənə tangsa bə də nwa ni yang deukən pei samɓei veivə tangsa bə də nwa ni. Dəmin cue nəngnə mi ɓei kum yaung btangsa bə də nwa niu.Leivanə beifa bə də nwa ni, mila mang lei langɓə, milang tangsa bə də nwa a beifa və Fi leu, tangsa bə də nwa və Kristi. Cue nəngnə deukən peikə samɓei vei. ²²Leiva sə aɓuirə, myem lei ,langɓə, yang deukən pei samɓei vei. Myem kə lei nəng kə leivəla ha, yang ko tangsa nəngah aka yuang leivaka. ²³N'cue lei nəng bisə bivə Fi, yang langɓə kə chi kum tangsa barka veu.Ba ibə leu tangsa djuasə leivə də hyui djuasə ɓa, Sein yivənə ɓuasəu mua buatai? ²⁵Leivənə tsanəng peiha dei buakulei tangsa nənga kpəm, dei cue deukə ai chi buatai anə hyiunə, ɓiaɓi kə ɓi chi kə anəhyinla. ²⁶Dəmin hyuim djum ɓə wurə yaung, dəmin gɓana tangsa yua leu. ²⁷Myem səm kə mongsem, cua nə nabi Fi kəleivəlang. Yang mi ai ba ai nam a inauleu.

Chapter 10Dəmin yiɗi ɓa ibə, lei hwim, Daɓi lang tangsa lei chi yang xdeu pei kasə lei nwam.

²Ei cue ɓi baptisma lang sə Musa tangsa nfwam. ³Dəɓi tang lei nəng ztang a ytitsing btangsa kwang. ⁴Dəɓi nwalei məng tsing ayitsing tangsa kwang. bisə ai nwa lang tangsa tei m kwang də mua cualei nə, teiɓə kə Kristi.⁵Fi lilarə vei wau, kwamɓuiolei ai kə tsing-tsing tangsa ɓəvuh. ⁶Lei nəngnə misali səɓi, yang ɓi cue nəng aɓei tangsa lei nəng ni dei cue .Biɓa myemkə lei mua cua nəng hyuanəng ka, nə leivaka dei cuerə nə. Ai viin, " Leivə ku də tangnəng də nwarə, nəngɓə ai ieh dwei tsanəng." ⁸Biɓi cue yua ka, nə leivə kpala də cuerə nə. Tangsa bu tsing leivə hunhyiu nhyua buni huntsing ɓui.Biɓa nyi Kristi ka, nə leivə kpala cue nə dzeu galei hya.

¹²Manəngɓəng, dəmin naɓala, yivənə də kem rə djidji yang u cue ɓei hakilo yang bi u ong ka. ¹³Bə nyiba aka yaung pei samɓei ɓa, nə leiva ha ibə leu nə. Fi nəngɓə la ɓei bə ba nyi a tsarə. U ba u yila ai nyiɓau tangsa tsarə ɓai. Tangsa bə nyibəɓə u cue nəngah mang hyuikərənə, yang deu kə a ɗə munyal səu.¹⁴Manəngɓəng, ɓanə dəmin yiɗi, ɓa hyui lei fih. ¹⁵Naɓa bi la ɓamang leivə nyibi yang deukə ɓa cuelei kita la. ¹⁶Yilang nwaməng ai deu barka yang, bə tsaha btangsa hyuii Kristi leu? ¹⁷Bisə tsarə na kumbam la tsing, ɓinə ɓi kpala nə ɓilan tangsa djuasə tsing. Dəɓi tang kunbam tsing cuahai.Ɓaɓa leivənə Israila nə: Leivənə də tangnəng nə ai ai takə kuka jirə və Fi nə? ¹⁹Ɓa dəmin narə? lei fih lei nəng aka? ko nəngtang nəai hyui kə fih lanə nəng akai?Dəmin na səlei nəngnə lei ytuavah nə ieh Fi leu nə dei hyarə? Bisə dei dəkən lei yua avə Fi leu. Yiɗi leu ɓa cue nəng cuahai ɓalei yua leu. ²¹A ba nwaməng ɓei nəng nwaməng və Fi ɓei avəi yua bayigtsing wau. Biɓa gu Fi ku tebur a yitsing cuahai ɓalei yua wau. ²²Dəɓa yiɗi ɓei yuai ko ɓa cueu ucue djahei. Ba tsa ɓa peiu?" Lei nəngnha ka hyua," lei nəngha mang cirə leu. " Leinəng nha la," lei nəngha də mi (gina) yivə leu. ²⁴Yivaka yaung ɓəbə nəng agang veu wau. Manəngɓəng kon waha ɓaɓə nəngang kə yivə kwangi veula.A tang lei nəngnə dei lya lomu ni, bi a ɓi yivakan ka. ²⁶Bisə " fangwam Fi, ɓei bə yila səu." ²⁷Nə yivə nə ii leu ɗubu ma bə tangnəng yang, nə dəma yiɗi bə tarən, yang a btang lei nəngnə u da nə bi a ɓiuka.Nə yivaka naɓa a, "nəng tang nə lei və nə i Fi xleu nə nə ai yuileilang, yang bi ɓa tang ka. Bisə yivənə nabala, ɓei bə yiɗi veu. ²⁹Dəmin na bi ɓə yiɗi ɓaleu, amma bibə yiɗi vei vaka. yang ɓakə ai cue ɓa kita la ku nəng afam ɓa.Yang yivaka cuem kita la? ³⁰Nə djiku sə bə tangnəng ɓei nyi agang yang, yang ɓakə dəɓa dei ɓei iyem binəngnə dəmin karə nə?³¹Manəngɓən ko ɓa tang ko ɓa nwa, nəngnə dəɓa cuerə nə zha ɓa də garə kə Fi. ³²Biɓa də nəng aɓei kəlei Yahuda ko ,lei Heleninawa, ko tangsa ,lei ekilishiya və Fi. ³³Dəmin də nanə dəmin ɓəbən na ak səɓai leu, amma aveivə kpala, n cue nəngnə yang deu kə ai ci yuangrə.

Chapter 11Ba nyi nwam, nə yanda dəminnyi nwa Kristi nə.

²Susuenə, n dəgarə bisə ɓa kem mi tangsa lei nəng ha. Dəmin dəɓa garə bisə ɓa mua lei nəng hyuaunəng nə n naɓa la nə. ³Dəmin yiɗi ɓa ibə Kristi kə kulei ɓui ha, yang yiɓui kə ku yihei, yang Fi kə ku Kristi. ⁴Yiɓui nə ha cue anabci ɓei kukəyang u oyang ɓei kukə.Yiheinəha cue anabci ɓei kukə yang, u də garə kə kuleu. Bisə tsing manəngɓə ɓama ai iku yang. ⁶Nə yihei nə lam ku leu yang, yang u gɓa djamku, nə cue səku ing sə yihei nə gɓa djamku yang, to, u lam ku.Bi yiɓui lam kun ka, bisə u lang tangsa kwang ɓei garəvə Fi. Yihei aveu lang tangsa garə və yiɓui. ⁸Bisə ai ma yiɓui lang sə yihei leu. Ai ma yihei lang tangsa yiɓui.Fə ma ai ma yiɓui langsə yihei leu, Yihei nəngɓə ai mau lang tangsa yiɓui.

¹²Nə yihei ilansə yiɓui yang, langɓə yiɓui ilangsə yihei. Lei nəng kpəm ilang sə Fi.Ba cue kita kə kuɓa la: hyi-hyiu yihei gui Fi ɓei ku kə ɓei-ɓeirə? ¹⁴Langɓə kon fangwam ɓeinau kə langɓə nyiɓa nala a yiɓui yi djamku vinla leu, nəng cue səku səu? ¹⁵Fangwam naɓala a wai yiheinə laɓei damku kpala ku yang hyinrə veu leu? Bisə djamkunə ai deu nə kə lam mu kə. ¹⁶sYivənəha də yiɗi bə tsa nwa yang, ɓiyaung ɓei nəng aka dəɓi cuerə, kon ma səlei ekilishiya.Tangsa bə də nwa ni, yang dəɓa garə wau. Nə ɓa wu cuahai, yang tangsa larə ɓei zhee rə leu. ¹⁸Tangsa naci, lii na nəɓa wu cuahai tangsa ekilishiya yang dəɓa tsaha tangsa ɓai, n'gwala yang ha. ¹⁹Bisə bə yiɗi bə yaung tangsa ɓaiu, yang leivə nə ai ilei ain ɓalei tangsa ɓai.Nəɓa wu cuahai yang, ba dəɓa tangnəngnə Fi naɓa a ɓa tang nə. ²¹Nəɓa tang yang kon waha tang yaang chi hwi. Yivaka də livom yivaka məng də cueu rə. ²²ɓa yaung ɓei vahnə ɓan tangnəng la ko ɓa nwaməng lai? ɓa yi kom ehkilishiya dəɓa dei lei vaka ɓei iyem hai? ɓa min naɓalai? Dəɓa yiɗi dəɓa garə? Ba dəɓa garəu!Bisən mua lang sə Fi nəngɓə dəmin dəɓa, a yicuevahn Yeso, tangsa invii nə ai deukə, u ɗə kumbam. ²⁴Cuanə u ka'nh Fi, u uuwa nəngɓə u na' " Nəngnə kə djuasəm, nəng aɓa. Dəɓa cuerə də kem mi kərə."Tangsa nəngah yitsing u ɗə nəng nwaməng cua nəng tang vei, u na a, " Nəngnə kə alkawali hyuiim. Dəɓa cuerə nəɓa nwang dəɓa kemi kərə." ²⁶Finəla nəɓa tang nəngnə ɓei məng nə tangsa nəng nwaməng ni, yang ɓa nabi ɓuirəm wukə viinəla min wukərə.Yivənəha, tang kumbam ko məng nə tangsa nəng nfwaməng və Fi nitangsa bi a fam yang, yang u xla ɓei aibei tangsa djuasə ɓein hyuii yicuevah . ²⁸ Kon waha nyi ku, yang kə u wu-wu tang yang u nwa.²⁹Yivə nə ha tang u nwa tangsa nəngah anə hyiunən, yang u nwa ɓei u tang kitang kə kula. ³⁰Nəngnə cue leivə kpala tangsa ɓai sə lei ɓui kuma li larəlo. Leivaka ɓa nəng lue ɗəlei.³¹Nəɓi nyi kuɓi yang, ai chue ɓi kita lau. ³²Fə nə Fi ɓei nau kə cue ɓi kita lang,. yang ai bua ɓi yang, yang lang ɓə biɓə ta cua hai ɓei fangwam.Manəngɓəng, lei hwim, nəɓa wu cuahai dəɓa tangnəng yang, ɓa mi leivaka. ³⁴Nə yivaka də lii vom yang, yang wu tang vei, bisə nəɓa wu chuahai yang, yang ai cuer ɓa kita lau. Lei nəng anə ɓa viin nə min dəɓa nəngah də nəng wuyang.

Chapter 12Bi lei nəng dənəg kwang, lei hwi, ngwala ,leu ɓa hyui-hyuirə.

²Viɓə nə dəɓa mua cua nəngɓui nə, ɓa ibəng dəɓa muacua lei nəngnə ba nabiu nə, lei nəngnə fəm nwaɓa dəɓa muacua ,lei nə. ³Nəngnə cue dəming yiɗi ɓa ibə, yivaka yaung kwang garangrang ncweu un nabi a eso ɓang kong, Yivaka yaun na'a " Yeson Yicuevah" sain kwang garangrang cuahai ɓeukə.Lei nəng dənəng kə tsing-tsing kfwang ayitsing də. ⁵Lei nwatsum kə tsing-tsing yicuevah ɓə tsing. ⁶Lei bia nwatsum kə tsing-tsing, Fi- yitsing də chuekə.⁷Susueni, kon waha kwang deu nəng dənəng nə un cue kə mnwatsum bi larə vai viha. ⁸A yivaka kwang deu bie-yiurə, yivaka bi bə ibənəng, kwang a yi tysing də kpəm.⁹Kwang a yi tsing də yivaka bədji nyi-nyi, udəyivaka bə ikə nəngzhi ¹⁰yivaka ai deu bə chue nwatsum ɓei tsakə. yivaka bə nabi bəgang, yivakaai deu bə tangsa lei yua, yivaka bə nabi ɓalei leyem.. ¹¹Kwang tsing ɓuasəu deu cue nwatsu tangsa lei nəngni kpəm, deu dənəngnə kə yivanə yua gwala nə.¹²Kə nwa sə tsing lei gul səu kpala, lei gul ɓə ha sa yitsiong, Kristi ma mangɓə. ¹³kasə kwang tsing biha ai dənə ɓi sə yitsing, ko man lei Yahuda ko lei yuavah. ko mongsem ko mongsem leu. ɓiha ɓin mjua kwang xayitsing.Gul sə tsing ɓuasəuleu ai kpHIU,

¹⁶Nə cuicuin nə a "min" nəng leu, manəngɓəng min gul sə leu, gɓa ikə bə myem gul sə wa. ¹⁷Nə gul sə ku ɓaman nəng yang, yang bəlibə nkuka ka? Nə gul sə ku nəng cucui yang, yang ɓei yekə nəng yaung ɓeiu kənə.Fi ma ghul sə dje yang sə kənau-kənau. ¹⁹Nə gul bə kpem tsing yang, yang sən kuka kai? ²⁰Susuenə le gul sə kpala sə bə tsing ɓuasəu.Nəng ɓa naka kana la a" ngwaha ɓei bə tyuangbə ma ko ku nakə kabu la a " ngwaha xla leu ɓei yuangbə ma" ²²Gul sə nə ɓə ma tsarə vo yaung nwacum kula. ²³Balei bgul sə bienə dəɓi kemrə ɓama ai hyin bə gaung, dəɓi dəlei garə pei samɓei, ɓale gul sə bienə ɓi gwala bə ikə nəng fataiunə ɓi dəlei ngarə kangah. ²⁴Le gul sə ɓi nə kanganə, ai onaci eci ngarə, ei yaung ɓei bə də garə. Fi wukə le gul sə nə ha kule-kwaha, nəngɓəu də garə kə levanə yaung ɓeiu kənə.U cue mangɓə bie ci bə cahaku tangsa sənka. U cue bi lei gul sə nən dji hakilo səhai, ɓei bə yiɗi bə. ²⁶Nə gul tsing də nwa yiɓeing, nhyilevanə də nwa cuahai ɓeiu kə. ko nə yivaka ci garə nhyilei ɓə li larə chuahai ɓeiukə. ²⁷Susuenə, ɓin sə Kristi gul səu.²⁸Fi dji le vaka vavə Fi nawaci kə le tacum, naiusə kə le nəngɓiyang, natasəu kə le nhyinasə nəng, nəngɓə levə yaungɓə, levə cue nwatsum yivanga ɓa levə nədə nale nwa kpala nə. ²⁹Levə ha lei tacum nge? leha le nəng nge? De cue.le kpem dei ikə nəngzhi? le kpem dei na nwa le kpem dei. myem nwabi? ³¹Bə ɓaɓə le nəng dənəng anga. Mintkkaɓa nasə nənga agai ɓan cila nə.

Chapter 13Nə dəmin nabi ɓei nwa ɓei malaiku, nəng yaung ɓei yiɗi bə klon, nku ɓəmang kaɓi nə de warə.

²Na mila ɓei nəngdənəng nəngɓəng, yang dəmin ibə le biagang nə yue-yuerənə ɓei bə ibə nəng ha, nə mila ɓei dji nyi-nyi nə min ikəle tai bə djirə vei, nəng yaung ɓei bə yiɗi bəng nəng akaleu. ³Nəng də nəng; nə ha mina ɓeiukə kaə tangkə levə nwa yiɓei, nəng yang gwang ɓeibə yiɗi bəng, ngci nəng'aka leu.Ba yiɗi bə nyi-nyi a ta'nhrə ɓei munya. ɓa yiɗi bə cue djaheiu, kwang ɓa wa. ⁵Də səku kə levəu, bə ɓəɓə nəng ku leu, Buaci yemleu, ngəmle cue ɓei və yivəu. Layua ku nəngni hyiu neu, sai ku nəmgni ka gang nə. ⁷Bə yiɗi bə də mua kon ɓaha, də gwa kom ɓaha, ɓei bə dji nyi-nyi ku nəng ha kpem,. də munya sə le nəng ha kpem.Bə yiɗi bə təung. Nə leɓi ɓəng yang lang wun pəpei bi nabi ɓəng yang hau, ɓi ibə cuani. ¹⁰Nə agang wun, anə kem leu npəpei.¹¹Dedeenə mikə yimog nə, dəmin nabi mang yimong, dəmin kem bi mang yimong, dəmin zam nəng mang yimong, sdusueni, ngarə wun nənmgɓə ai nəng vei yaɓə kəta. ¹²usue ni, dəɓi ɓə lang dərənga, ci yang ɓin ɓa bə nəng ɓei nəng susueni, in'ibə nəngha cisəu yang min ibə nəng iha kə'nhwa nə ai imkə hanə. ¹³Le nəng nə natanə djing mang ɓə: bə dfji nyi-nyi ɓei bə dji nyi-nyi ci ɓei bə yiɗi ɓə. yivanga tangsa lei nəng ɓə kə bə yiɗi bə.

Chapter 14A nyambə bə yiɗi bə ɓei bə nəngdənəng və kwang, yang kə bə nabi ɓəng yang.

²Yivənə də nabi ɓəi nwa yang deu nakən zayivə la leu deu mnakən Fi la. Yivaka nyaung iɓa ɓa deu narə deunə le nəng nə yue-yuerə nə. ³Yivənə dəna'a nəng ɓəng, yang də na nəngnə ma zayivə nə, nleile ntala ɓei nəng nən mileirənə. ⁴Yivənə də nabi ɓəi nwa kə yang deu nəng ku, yivənə də nabi ɓəng yang deu mang zayivə və Fi.⁵Nəngnə dəmin yiɗi kanə, ɓa kpem ɓa nabi ɓei nwa, dəmin yiɗi ha kpem ma ɓei ɓa nabi bəng yang. Yivənə də nabi ɓəng yang pei yivənə də nabi ɓei nwakən, lakə nə yivəka la də membi yang kə ma zayivə. ⁶Leihyui nə wusə ɓə dəmin nabi ɓei nwa kən ɓa ɓan ci larə? Min naɓa nəngnə la ɓa ibə leu nə, ko anə ɓa ibə anə, ko bi nyinasə nəng yang ɓei bənyinasə nəng.Ko tangsa lei nəngnə hunrə lei yaung nə, kə nwa ki ko dang nə dei warəng, yivaka cue un ikə bə nəngtang wui ki ɓei dang? ⁸Nə i cuembua bəgang leun, yivaka cue un ibə ta nwa ɓui cueang? ⁹Bama məngɓə. na nabi nə ku mji leun, yivaka cue uwn ibə nəngnə na nə? Man nabi yivə yaung ibərə!¹⁰Bə-yan'wa yaung, bila ɓalei nwakə kpala fangwam, aka yaung nə hyium yaung nə ¹¹nəng ibə nwa leun, ain memkə ɗuawang sə yivənə də nari nə, yivə narəu ɓə ɓə ma susueni səm¹²Bə ma mangɓə. nə də ɓə haɓə nəng dənəng və kwang yaung ɓə ɗuang nəngɓə bə cue bibə yaung levə və Fi ¹³də nawaka, u ngu Fi deu memrə. ¹⁴Nə dəmin gu Fi ɓa nwakən kwanəng də ngurə, nyi-nyiu ci nəng aka leu.Ba damin cuerə? Min nguFi ɓei kwaning ɓei nyi-nyim. ¹⁶laka nə dəman nka Fi ɓei kwang ma, ɗuawai wu ari gwang nge də mang nka Fi u ibə nəngnə dəmang nare leu?Mangɓəng, də man də nkarə hyila, yivənəsəmain ci larə səu leu. ¹⁸ka'nh Fi npei ɓang ɓei be nabi ɓei nwa ha kpem. ¹⁹Kom Fi yang, min na ,lei bi ɓei bə ibə nə min nyinasə nəng kə levəkə dəmin nalei bi ɓərə hyua ɓei nwakə.Lei hyuim biɓa kembi ɓamang lei mong ka. Nə wuse nəng aɓeing ɓa ku mang le yabia. Bə kembi yang ɓə mang le- vangah. ²¹Ai viin yang tangsa nwabi a ka nwa le ɗuawai nwafu min nabi kə levə nə la. Fi na a mang ɓə ma fai lim ma.Bəna'mnwa nəngtana sənəng kə levə iFi leu nə, leve ifing avei leu. Bə nabi ɓəngyang nəngtang kə levə nə ifi yang, levə ifi leung avai leu. ²³Kanə a levə nifi leun ɓalei yuavah wuci l e nəng ɓəyang bayitsing dəɓi nabi ɓei lei leim ai ɓai naɓa a ɓan leneng duiye ne wung.?Nəɓi kpem debi nabi ɓəngyang nəngɓe duawai ko yiyuavah ka wun ɓamɓa, nəngniu u li n mua nyi-nyiu mnua. Nəngɓə ɓana nəngɓəng muarə. ²⁵Nəngnə nyi-nyiu ni inəng fatai yangsain ɓa piem hyua u hyang Fi. Sai na a Fi la tangsa ɓain.Nyiu ɓa la kanə lei hwi? nə ɓi ɓayi btsing yang yivaka la ɓei ɓi ka'nh Fi yivaka ɓei be nyinasenəng, yivaka ɓei nəngnə Fi taunala. ɓei na na nwa, kə yiove myem nwa ɓei kon ɓaha. ²⁷Nə yivaka də nwa yang leivə na'iu ko nata bi nabi vei yitsing ka. ni yivaka nabingyang yivaka memnəng nə na. ²⁸Nə yivaka yaung membi ɓə yang lei ha ai kei ɓei nwaɓum chi lei və Fi. Kon bwaha nabi kə Fi la kə ku ɓuasəu.Nə lei nəngɓəng yang na'iu ko nata de nabing nyillei vanə kaicui lii nəngne dei narae na. ³⁰Nə Fi ɓei nəng yivaka ɓamang yi9va naci de nabi nə u djeuhyua ɗe.Kon waha tangsa ɓei nban nabi ɓəng yang nə.ɓa nakə tsuing -tsing yang kə levaka ibə nəng ɓei bə buanəng. ³²Le kwang leve de nabi ɓəng yang lang kanale. ³³Fi, Finə lang mku leu, nFi nə de wuke lare nə. nwanəng dəkə levəvə Fi nə de mua cbua nə.Leihei kei ɓei nwaɓum tangle kom gu Fi. Ei dəle na bə nabi ,leu. Ei mua cua nəngnə Fi na tangsa biveiu ni. ³⁵Nə nəngla dei ɓabə bə ibərəng ei ɓi lei ɓuilei vei. Nəng seku yihei nabi tankom gu Fi. ³⁶Bivə Fi wulang sə ɓai? Ba ɓuasə tangsei ɓai?Nə yivaka de kem ku nə Fi, yivəɓə iɓə le nəngnə nvi ɓala nə leu Fi də nwa seu.³⁸Nə yivaka la bə ibə nəng yang bi ɓa iunka.Leihwi, ɓa dji nyi-nyi ɓa ɓei tsasə bə nabi biagang yivənə də nalei nwa'iu yang biɓa nyamunka. ⁴⁰Ɓa cue nəng kənau-nau hyila.

Chapter 15kanə dəmin yidi ba ibe, lehwim, bji lare nəng naɓala anə ɓa dji kuni,

²Kasiu ɓang yuakəku, nə ɓa mua bi nə n'naɓala nəng, nəɓa dji nyi la kə bi a fam məng.Dəmin naɓa nəng a hyirə la kə nwa naci kə nwa anə n'mua kənə Yeso ɓiu bi aɓei kə nwa anə le kwanjua nakəvnə. ⁴Ai cuiiu nəɓə u i tangsa bu nata, kə nwa anə lei kwandjua nakə nə.Yeso fu kə Kefas la ɓalei hyua irəu nata ɓə. ⁶nəngɓə u ci lei hwi, hunhyui bu na'iu nwatsing. Laga;nh le la ɓei hunrə leivaka oci luenəng lueng. ⁷Nəngɓə fuci Yakubu ɓaleivə nwatsun veu.Cuasəu ha u fu cim, ɓamang yivənə ai ciu səu tsaleu nə. ⁹Mikə yi chicua veivə nwatsum n'lola leu ai ɗumkə yivə nwatsum, bisə dəmin də yiɓei kə leivə kom Fi.Lang chua nəng agang və Fi nəɓə mila kə nwa anə mila nə, nəng agang veu səm təng fam leu bisə manəngɓən, dəmin cue nwatsum zhila. Laddan mileu nəng agang və i nə cuahai ɓei kənə. ¹¹Bisə manəngɓəng ko fan mi kon lei manəngɓə ɓi nakə biFi ɓang gwala.Kə anənə dei narə a Kristi i tang ɓua cue ũkə leivaka də narə a irə tang ɓua hyaung ai? ¹³Kanə bə irə tang ɓua yaung yang ko Kristi ileu kunjum. ¹⁴Nə Kristi ileu kunjum yang, yang bə nabi Fi ɓin afam bə dji nyi-nyi ɓin afam.Langɓə ai ciɓin kə leivənən na aɓei ku Fi, ɓi na yang ɓinkə Fi ikə Kristi kunjum mangɓə u mikə leu. Nə langɓə leivənə ɓuinə ileun. ¹⁶Nə langɓə leivənə ɓuinə ileu Kristi langɓə ileu. ¹⁷Nə langɓə Kristi nə ileu bə dji nyi ɓin afam ladda ɓalang tangsa nəng aɓei.Yang leivənə lue nəng lue sə Kristi langɓənə ai təngfaməng. ¹⁹Nə lang tangsa hurə nə ɓi dji nyisə Kristi yiɓeiɓi n'pei aveivənəha.Kanə Yeso i tang ɓua ukə cirəka anachi veivənə lue nəng lue nə. ²¹Nə ɓua wulangsə yivəng, langɓə lang sə yivə ain ikə lleivənə ɓuinə ɓua.Kə nwa anə lan sə Adamu leivə ɓuikə langɓə lang sə Kristi ain ikə leivə ɓei hunrə. ²³Langɓə kon waha ɓei aveu, Kristi kə cirəka anaci, lleivənə tangsa Kristi ni ain ci hunrən ci vi wurə veu.Yang un də vaɓə kə Fi Da ha, vieɓəlei wun ɓankə lei lue yivah kpem,ɓei garə, ɓei samɓei. ²⁵Un lue yiva angah lue, sai nə u tam lei bueveu kpem ɓei bu. ²⁶Bue anə cicua ain ɓaungkərənə nəɓə kə ɓua.Bisəu, u djilei nəng ha lang tang bu nə nei na'a "U dzə lei nəng ha" lang nəngfa aina lang tangsa yivə aɓənə dzə lei nəng ha kə aveu səu. ²⁸Nə leinəng kpem lang naung, yang yiɓə lang naung langɓə lang nə yivə anə dzə leinəg ha kə aveun yang Fi kənəng tangsa nəng hakpem.In nə manəngɓə leu ɓakə dəɓa hue batisma leivənə ɓui nə? in nə ai ikə leivənə ɓuinə leu yang bə hue baptisma kə lei və ɓui bii vei. ³⁰Ɓa tsing kə viiha dəmin i tangsem?N' ibən lei hwim, dəmin ɓankwang tangsaa Yeso yicuevah ɓi kon ɗeu ha n'də hunrəm kə ɓwang. ³²N' na bisi bə kem bi və zayivə ai vii wun dji-dji ai tan ɓua ɓəng nəi dəɓi səu nə.Biɓa gwala ai yiu ɓing ka " Kurə ɓalei vaɓei də ɓankə hakilo vei va gang. ³⁴Ba ganəngɓa bə mua nwatsum a gang bə yila səbə cue nəng aɓei leli vah ka yaung bə ibə Fi. n'na bisə n dəɓa kə səku.Lauka yivakan inɓiɓing ɓi də ikə lei kwamɓui uun? n' sə aka dei ikərə? ³⁶ma yivə ibə nəng ,leu nəngnə a byanə piu, sei ɓui ɗa.Nəngnə a bya nə u nəng ɓə jirə lan, n' neu ɓuasəu kən alakama kon ɓuanəng aka bəng tsing. ³⁸Fi ndə sə aka nə dəu yiɗi nə ko wani byanəng ɓə irə nəng kə. ³⁹Djuase ha tsing leu, leivə ɓa avei lei hyem ɓə avei lei yihyui ɓə avei lei hing ɓei avei.Kanrə Fi a djuerə ɓəing səu kanrə Fi hyium ɓəing tsiung, a djing ma ɓeing tsiung, djing ɓəka kə tsing-tsing bə djing aka kə bə də garə.Manəngɓəng irə vei kwamɓui də byalei bə sə a hyuirə də ilei kə bə sə a gang. ⁴³Dei byalei yiɓei də ileikə bə hyuirə. dei byalei bə sə a ɓwirə də ii bə sə a tsarə. ⁴⁴Dei bya bə sə yivə də lilei kə bə sə a kwang. Manəngɓəng, sə a yivə la sə a kwang la.i vii manəngɓə, yivə a nawaci Adamu u myem kə yivə nə taɓə kwang hunrə kə. ⁴⁶Kwansə naɓə nawai wulau, kwang agang nə ɓə wu cinwa.Yiva nawaci lang fangwam u lan hyua, yiva na'iu u lan ɗuiye . ⁴⁸Manəngɓəng, u a hyua, manəngɓə, bə leiva hyua n' a hyua. ⁴⁹Manəngɓə, yiva nə yehni, manəngɓə leiva yeh nəng a yeh.Dəmin naɓala, lei hwim, ɓa cueu djuasə ɓang hyue ɓa ci bə kurən vah Fiu, manəngɓə sə aɓei ci sə a gaung. ⁵¹Min naɓa yiurə a kala bi kpem ɓin luenəng lue amma ɓi kpem ai myem djuasə kwang ɓin myem.Nwa tsing man ɓə kəmnəng bə ɓi lii cuembua leivə ɓui nə ai myem djuasə lein myem. ⁵³Bisə manəngɓəng, lei və sə a gang ai myem kəsə hyuimrə nə sə anə ɓui nə ai myem sə a ɓuirə nə.Manəngɓə, sə agang myem kə sə a hyuimrə nə. sə a ɓwi leu nə nn' ya sə anə ɓuinə, yang nəng nəai vii wun dji-dji ai tang ɓua ɓəng nə dəɓi səu nə. ⁵⁵Bua ɓə tang ɓə malan pei? Bua bə taah bə malang pei?⁵⁶Bə taah bə ma nə kə nəng ɓə kə nəng aɓei ma, samɓei kita nəng aɓei vei. ⁵⁷Kanrən avə Fi, yivə nə də ɓi tsarə bisə Yeso Kristi.⁵⁸Ɓalei hwim, nə dəmin yiɗi bə ji bə gang kon ɗeu ha, bə djisə ɓi vei Fi təngsə nwa tsum və yicuevah ba təng fam mu.

Chapter 16kanə bibə gem leivə və Fi a garangrang n'dəɓa nwa lei ikilishiya Galantiya yang kəɓa cue.

²Vi anaci bu hyui'iu kon wani yivəha n;dzi nəng aka tankom gem nəng yang kəu cinəng, ɓa cue nəng yang kə gem nəng yaung nəng wun.Nəng wun, yivəha ɓa gwau yang məng deu washika bə taana ku kəleila yang ming cum lei ɓei nəng aka kə Urshalima. ⁴Nə hyuim lanɓə tang ei tanh cuahai ɓeimkə.Amma mkin wusə ɓang wu nəng muaka Makidoniya yang, bisə min muaka Makidoniya. ⁶Lauka min kuɓei ɓakə ha ɓwi hyuin ma yang kə ɓa yuang sə ɗuaim bənə hang talang.N' yiɗi leu n' ɓaɓa ɓuasəu nə dəming peirəng. Dəmin yiɗi bə kuɓei ɓakə cuani nə yicueva də nəngang. ⁸Dəmin kuku Afisa ha takə vi fentikos. ⁹Nwakom gala ɓeim lang, laɓə lein bwei la kpala.Nə Timoti wung ɓa ɓa u cuahai ɓei ɓa biyaung bisə dəu cue nwatsum və yicuevah kə nwanə dəmang cuerənə. ¹¹Bi yivaka leung ka ɓa valiu, nənga veu tangsa nta yang kəu wu səm, bisə dəmin dji nyi-nyi un wu cuahai ɓalei hyui a yiɓui kə. ¹²Kanə bi hyuiɓi Apolo dəmin deu tsa u tasə ɓa ɓalei hwi. Amma ɓei bə yiɗi veu leu u wu susuenə u wuwu nə biɓi cueng.Biɓa yilei ai dji tsala tangsa bə dji nyi-nyi cuenəng kə nwa lei ɓui, ɓa dzi tsala. ¹⁴Kon ɓaha ɓan cuerəng, cue tangsa bə yiɗi bə.Ba ilei va Istifanus yaang a lei kə lei naci akaya ei də kulei bə cue nwatsum veivə vi Fi, kanə dəming naɓala lei hwi ¹⁶Də kuɓa kə irə leivə lei ɓei yivə nəng yuang ɓa tangsa nwatsum ɓeim kənə.Nyi-nyim lang ɓei bə wurə və Istifanus, Furtunatus ɓei Akaikus, ei myem kə bəngbəng ɓang. ¹⁸Ei ganəng kwang ɓei aɓang, manəngɓəng ɓa dji nyi-nyi səleivə kə nwavei.Lei ikilshiya Asiya ɓei Briskila də dzamɓarə tangsa yicueva ɓalei ikilishiya nə tangvavei ni. ²⁰Lei hwi ha də dzam ɓarə, bə dzamha ɓai bə u'nwa agang.Mi Bulu n' cue nəngnə ɓei namkə. ²²Nə yivənəha yiɗi yicuevah leung u myemkə yiva fam məng. Yicuevah də wurə. ²³Nəng agang və yicuevah kuɓei ɓakə. ²⁴Bə yiɗi bə kuɓei ɓakə ha tangsa Kristi Yeso. Amin.

2 Corinthians

Chapter 1

¹Bulu yi la-cum va Yesu kristi lang nyi-nyi va fi ɓa hyin ɓi Timoti taka sa le Ikilisiya va fi ri Koeantiya ni, ɓa lu va mutwa fi na ku hyua akaya ni. ²Lare ɓai nta sa Da ɓi fi ɓai yicueva ɓi Yesu Kristi ku cwahai bai baka.³Fi ɓai Da va yicueva ɓi Yesu kristi ci ngara. U ka da vai nang'a' gang ɓai fi vai nenga'nta. ⁴Ɓi tang yi ɓai, Fi wubi ka nta la, yan ka bi wuko nta la ka levana ha da nwa yi ɓai Da ɓi wuka nta yitsang na Fi da bi na ka leva la na fi da bi kana.⁵Na ɓi nwa yibai tangsa Yeso bin ci laron ci kpala langse Yeso. ⁶Na bi ci ntang yang aba. Nyi-nyi ba bai na bima da ɓi nwa ika nwabana. ⁷Ɓa dza nyi-nyi bi tsabai ye'auwa, ɓi i ɓong, na da ba nwa yiɓai cwahai bai ɓi kam ɓan owa laran nwa ɓai ɓi ka.⁸Le'hyi, ɓi ɓa ku lang ɓajingka ku yibai ne bi nwa asiya ni. ba bazhi pai ɓing bai tsara ba ma huea ɓin tatang. ⁹Da bi li bama abi tang-yang, bwa hyia hyia. Ana cue bɓi, ɓi dza tsara bi ku bi lau, bi dze lang tsa Fi ni da ganang le kwambwi ni. ¹⁰U yuang bi tsa yibai bwa, ung yuang ɓing yuang.¹¹Ung cue nangnag cue, na ɓa ngu bi filan. Mangbang, leva kpala da kara do gu Fi da ɓi tsaea.¹²Nangna cue da ɓi ɓakwang bi na, nyi-nyi bi da na bi la a bi muakubin lang fangwam ni ɓa hyira ɓai ɓa bibi fi. Ɓi dze tsara bi ku ba ibanang va zaiva lau, bi dze lang ku tsara va Fi. ¹³Da ɓi vi ɓa nangna la ban ba ban zam ban ibaaa na, ɓi dze nyi-nyi bi, ɓang zam ban iban i ¹⁴ka nwana ba i ɓa ɓi kana. Ɓang ɓa ɓang ɓang'kwang ɓa fi vo Yeso yicueva, ka nwana bing ɓa, kwang ɓi ɓi ɓa.¹⁵Nangna cueng dza tsaram sa ɓai ni, da min yidi ba wuso ba na'nwaci da, yank ka ba mua nangpna'iu le nang-danang a gang. ¹⁶ngdze nyi-nyim ba nga sa ɓai, na mi ku nagpnga makidoniya'ang. Min yidi min wusa ba kan wu, na mi nanga ma kidoniyang, yang ka ɓa dzamcwa ku nang'nga Judiya.¹⁷Na d min ma ɓa wusa ɓa na ng'cue ba sa ntarange? Da min ma le nang kanwa yivana da cue tangsa-sai ne, yang naba naka a a yes, yes ko a,a no no ku vie yitsang? ¹⁸ka nwa Fi, ɓi a,a ko a lau.¹⁹Yi Fi, Yeso kristi, na silvanu, Timoti bamka da ɓi tai-nwa sau ɓang-bai ni, a ko a,a lau, ka viha a. ²⁰Tangsa Yesu, le ba gwa'nwa va Fi nangb ka a. Kasa Yeso da ɓi na naka dzing mangba Amen, ka ngara ka Fi la.²¹Susuena, fi nangɓa muabi bai ɓaka sze langsa Yeso. U da bi tsa, ²²U dze-na ku bi, u da kwang-Fi nyi-nyi ɓi, nangnan da bi tsa ku nangani wura na.²³Ng duɓa Fi ka yivanan na nyi-nyimna, wura na.²⁴Ɓi gwala lau ɓi memka le-yicueva ku ba muacuafi ɓai. Bin memka leva dzua cue mwacum-cwahai bai baka bi yualara ɓa ɓai ɓa dzira ba tangsa ɓa muacwafi.

Chapter 2

¹Ngdang nyi-nyim, wusa ɓaka bai wura-zhiu. ²Nan daha zhing, yand wang bwamra, yivana dou zhi na?³Nng vyi ɓala ka nwa nang cue na yang nang wusa ɓang, Levana dali lara na bwaci ɓaim kou. Tsaram lam tsa ɓa kpam, yua-laram ka nwaba kpam ha. ⁴Nng vyi ɓa nang na la langsa zhĩ bai nyi-nyie bankara bai le nang-mang kpala. Ngwala lau ba da ɓa zhi. Ngwalang ba yidi na damin yidi bakana.⁵Na yivakala da ʒhing, u kakan mi wasau lau, sa nang akai, ngwala lav nang a muira ku ɓa kpam. ⁶Ɓwara na leva pkara ɓa ka yiva ba lolang. ⁷Susue na, cwa ba bwara, ɓa muanang aɓai vau ɓa aikata, ɓai ba dau nyi-nyi nta. Ɓa cue-na, bi laka u baʒhi kpalang ka.⁸Da min ngabara ba taunasa ba yidiba la. ⁹Nangna cue ngvyi ɓala na, yang kang bangɓa iɓa ba da ngara ɓa langsa le nang ha.¹⁰Na ɓa muanang aɓai vau katang. Nangnang muang'aikatan, muang'aikatang bi ɓa ci kristi. ¹¹Mangni yang mungkulung fam ɓau. Ɓin levana bi iba le nanga ba famba vau na.¹²Yicueva bain nanga lang, nang wuka kuhwyi tura na, ng nabie lara va kristi babi. ¹³Nang'na cue ng yaun ɓai hũra ka nyi-nyim ni ng ɓa hwyi bi. Titu lau ba bi, nangɓan yi lai ng ta Makidoniya.¹⁴Ng' da ngara ka Fing yivana oɓikaci tangsa tsara va Yeso ni, ka sabi u ika iba'nang vau ka nangfatai. ¹⁵Sa Fi bika lara va Yeso tangsa levani ei yuang le na ɓa levana da bwuisa na.¹⁶Kasa levana da bwira na, lara bwa. Taka sa levana ei yuangle na, lara hũra taka hura. Wa kem ba ci le nangna? ¹⁷Ɓi ka nwa levaka na da iyia ɓai bi Fi ka ci nang'nwa la lau. Nangna da ɓin cuera na, da ɓi na bi va Fi tangsa Yeso ɓai nyi-nyie hira ci Fi, ɓaman levana Fi cumle na.

Chapter 3

¹Ɓi banya ba kha ku ɓing ngye? Ɓi yi di nzing vi nang, na bang gwaɓi la sako ka sa bai lau, nang le va ka, manang ba? ²Ʒa ba ku ɓa ka ban nang vie nang ba gwala, e vi tang sa nyi nyi ɓi le va ibang da zamara ha. ³Da ba ta nala ɓan nang vie nang sa kristi, n'n ɓi nang. E vie ba doh ka lav, e vie ba kwansa Fii ɓa huera. E vie ku le tai lav, e vie ku nyinyi le va.⁴ Nang na ka nang to'ara bi ka sa kristi. ⁵Ɓi yaung ɓa ba i na nang a ka ɓa ku ɓi, dau ka nang a ka wu sa bi manag ba yang ba i na sa nang ɓi lan sa Fii. ⁶Fii man ɓi ka le mongsem alkawali afu. Alkawali bana, a vie rau lau, a kwang. Ɓi vienang da hya ɓa, kwang da, da hwura.⁷Nwatcum na ci ka bua, ana e vie ka tai, wu ɓa nang a gharaka, le va Israila e bom e ɓa pwaci Musa lau. Ɓi va khara na pwaciu ni, khara na tang kan, tang. ⁸Ba bana ghara nwarcum ɓa ɓai Fii garang-rang da twuei ra?⁹N,n nwatcum na da wuka bua n'n hyie ing yang, ɓamang kpara hyiera nwatcum a bagang wa kara! ¹⁰Nang na viɓi da daka nang a hyiera, susuena yammg ɓa hyiera ka bani, hyiera a sushena pai yang. ¹¹Kafa a tang ra, la ba ghar'ng, ba ghara a na tangwa ajira kheing twuera!¹²Manang ɓa bi la ɓaɓa jhi nyinyi, ɓi la ɓa sa tiara gbaɓang. ¹³Ba mang Musa lau, nau da nang ki sa u lam ka nang'u, n leva Israila bom ɓa tangra va ghara na tang kan, tang.¹⁴Ba kem ɓi vai e l'lam lieni nang ki sa la, n'ne zham Ahaura (ɓi Fii a kwi). ɓau lau, Almasihu ɓa tcing u ka da au kata. ¹⁵Lie ni ha, ri de zham kwang jwa va Musa, nang ki sa la tang nyi lai. ¹⁶Vina hana giva men kasa yi twei vah, e fa ka nang ki sa bang.¹⁷Yi rwuei vah kia kwang ɓa. Ba na kwang ti twuei vah lah, ba ci ku la. ¹⁸Bi su suena ha, ɓa nang na, nang ki sau yang lau, la ɓi ɓa ghara va yi twuei vah. Da ɓi ci iri ghara na, ka ta ka sa ghara a ɓa ta ka ci, ɓa mang lang sa yikwuei vah, uka kang ɓa.

Chapter 4

¹Manang ba yang, nwatcum na ɓi la ɓa ka na, ɓa ɓa twuei gang, sa ɓi gba sam lau. ²n manang ɓang ɓa yi la nang gha ɓa twuei saku, ba a na yhusyhue ra na. Bi yang ɓa haki lau a ɓai, fa ɓi muo ka ɓi Fii a fam lau. Kasa bie a nana ɓa gang, da da kuɓi ka sa nyinyi le vah ha ka ci Fii.³Nn bi va Fii ɓa l'n lam, da l'n lam chi le va ni da tangf fam. ⁴Ba twuei nang vev, Fii a fang gwam lam nyinyi lei va na da bie agang la lavna. Iri ba twuei nang ɓa e bam e ɓa hyim ra bi va ghara bie va Almasihu wa, u ne ka, yi va i bava Fii.⁵Kavie bi jhi nwa kubi wa, a Alamsihu Yeso yi twuei vah, ɓi mangsam ba biva Yeso. U ⁶Ka Fii una a, hyim ra ngaba tangsa ba baji. "gaɓa tang sa nyinyi ɓi, vi na u da hyimra ka ɓa iba ghara va Fii ci Yeso Alamasihu.⁷Bi la ɓa nang na tang sa jaso hyua, ku mang ghara va Fii nang ɓai fa fang ah bi lau. ⁸Tangsa nang gha na da ɓi twuei yi ɓai, ɓi tang ɓa taing ɓi lav. ⁹Bi lui yang, fa ɓi ɓi, ɓi lau, da ɓi yi ɓai, fa'e nyam ɓi lau; ¹⁰Bi kpam da ɓida ɓua va Yeso sa ɓi.¹¹Bi na la ɓa hwura vieha da jhi ɓi nwabua biva Yeso, dau ka e ɓa nang a gang va yeso da ɓap, ɓap ra saɓi, a tang sa saɓi. ¹²Manang bang, bua da nwatcum ku ɓi, fa hwna da twuei nwatcum tang sa ɓi.¹³Bi la ɓa kwang a jhi nyinyi a bagabgla ɓamang twuei ka nwa na e vei nn: "N'gwalayang, nang bang na bi ku'u." Bi ma ɓi gwalayang ma nag ɓa da ɓi nara, ¹⁴bi i bang yi va na i ka yi va twuei nwatcum Yeso na e ika nwa bua ni u i ba kang i ba Yeso ka. Bi i bang e tau nasa ɓin ta ɓa ɓa ka ka ciu. ¹⁵Je nang ha e twuei biva ɓa, re e pyang nang a gang ka le va kphala ba twuei sakko ta ci yang sa ghara va Fii.¹⁶Manang ɓa, ɓi ɓi, ɓi lau. Ko ka tang sa da ɓi bang kara, ka tengsa da mah ɓi ra kha vie. ¹⁷Bi twuei yi ɓai twuani twuei, da maɓi ra ɓa ta ba ba gang na pai ba nyirawa. ¹⁸Bi va nang na da ɓi ɓara lau bi va nang e ɓa lau ɓa. Le nang na da ɓi ɓara, le nang ka'ing lau, le nang na ha e ɓa wa na, ka ingha.

Chapter 5

¹Ɓi i ɓa yang va na ɓi ku tang sav na gbamang, ɓi la ɓa va ka sa Fii. Va ɓa na le va mi lau, va ɓa ba kura ka'ing diviye. ²Tangsa nang kpomda ɓai gimra, da bi twuei fum ba chi nang lai sa a ba kura ɓi duiye. ³Ɓai bi ɓa ji nang lai sa, tai ka e chi ɓi saɓi lai nfam.⁴Ɓi na tangsa fang gwam ah na da ɓi gim ra tangsa sie ni, ba nyi zhira ai yidi ka ba lei sa ɓi fam lau, da yidua a ka, ɓa nang na ka a ɓua yang ai miu mi. ⁵Yi va na da ṅari ɓi ha na, Fii ha, u da ɓi ka kwang ku sa nang ni dan ta ba wura na.⁶Bi nang ba ku ɓagang vie na ha. Ɓi kang bi ba li lara tang sa sii, da ɓi cui ba Fii ka. ⁷Da ɓi hara ku bi a ɓa gang, ɓa bie ba ɓa nang nfam lau. ⁸Ma nang ba yang ɓi la ɓa tcara. Pai pila ɓi yiba hara a tangsa dav ka bi ka ɓa yi twuei vah.⁹Ɓi myem ka nang twuei ngbei, ko ɓi tang sii, ko chuila, ɓi twuei a gang. ¹⁰Danle ɓi kpam bi ji, ji ci Almasihu ɓi kita, ko nwaha nmoa ngidal nwatcum na u twuei tang sa sii ni, nang a gang ko a gang lau.¹¹N'n maning ɓang , ɓi i ba hyui yi tcuci va, da ɓi fum lava. Fii da ɓara nang fatai. Da mui jhi nyinyi manang ɓa ga nyinyibi. ¹²Di ɓi dung nang ɓi dau kaɓi fum ɓo ka ɓa ɓaɓi ka leva na jhiba tcaraɓa. Mang bang, da bi daɓa ɓi na twuei ɓan gbang gyang ɓa, man ɓi, kaba ci nang a nara sa le va ri ɓan na le ɓi n da gbang gyang lei, ma fa ɓa nang a tang nyinyi lau.¹³Niɓi i tang sa hakilo ɓing, nbi va Fii. Nafa ɓi tang sa hakilobing, nbi ɓa. ¹⁴Ghara va Almasihu twuei ɓi kan daule, ɓi i ɓa yang manang ɓa: Yi va tcing ɓui bi le va ha, bi sa nang na, le va ha bui ha. ¹⁵Almasihu bui bi le va ha, ka nwa yi va ha na la ɓa huarang bi ai meti ai kuu ɓa kura a kulai ka na mannagbang, ai ku kura bi va yi vana bui fa ai iu ka na.¹⁶Ɓi va nang ba na, ka susuena ɓi meti ɓi tcuei kita le va ha sa nang nyinang lev, ka twua sau bi ɓa Almasihu yang manang ka na ɓi meti ɓi tcuei le va kita la wa manang bau. ¹⁷Ka va ma nang ɓang, yi va na ɓa Almasihu, ung afuh. Nang a kwi kpam paing, kpam myem ka fuyang.¹⁸Le nang na ha lan sa Fii. U ma tang sa ɓi ɓa ku ka kasa Almasihu, da ɓi ba tcuei nwatcum ɓa ma tangsa. ¹⁹ Tangsa Almasihu, Fii da ma tangsa le vang fangwang kasau, ɓa zam nang a ɓai vai ku le lau.²⁰Manang ɓa kai tanasaɓi, ɓi myem ka le kan lau Almasihu, ɓamang Fii da duba le va ka saɓi. Daɓi gu'u ba, ɓi va Almsaihu: "Ɓa ma saɓai sa Fii!" ²¹U mem ka Almasihu ka nang gbam ku nang ɓai ɓi. U tami u tcuei nang a ɓai lau. U tcuei manang ɓa lau ka ɓi mem ka nang a gang va Fii.

Chapter 6

¹Na ma nang ɓang, na da ɓi tcuei nwatcum tua'hai, da min gu'u ɓang gu'u bi ɓa yi la na a gang va Fii'ng ka. ²U na a, "Tangsa nang agang, n li ɓa yang, vi ɓa nang gha gang n young ɓa yang." Ka na, ɓa tcuei nang a gang. Ba ɓa susuina ka nang tcuei nang ɓa gang. ³Bi gwala lau yi va ka o tang sa ɓa, ɓi gwala lau nwatcum ɓi bang ka.⁴Na mang nang bang, ɓi gwaka ku ɓi lang, ka sa nwatcum ɓi, ɓi ma ka ɓin mongsam va Fii. Bi nangsam vau ɓa ba tc'ah nyinyi nwa yiɓa, zhii, duera, nang gbanang, ⁵bursana, ɓa i ka hakilo, tangsa nwantcum gang, gang, ba la ba binang lai ing vhie, ɓa ba li vom, ⁶nyi lara, ba iba nang, munya. ba tahnyi, tangsa lara. ⁷Ɓin le mangsam uau tang sa bie agang, ɓa nwatcum a gang va Fii. Bila ɓa nang ɓi a gang, kah na lih ɓa na mih.⁸Da ɓi tcuei nwatcum tangsa nang a gang ɓa nang a ɓai ka, nang le va fum nwa ɓa, fan ɓi a gang. ⁹Da ɓi tcuei nwatcum man le va na ai i lelau, fa ai i ɓi yang. Ɓa man da ɓi ɓuɓɓui, ka ɓi le ɓa hwara ka' Da ɓi tcuei mang le va na de dale yiɓai na, fa ɓi ɓui lau. ¹⁰Ɓa mang le va tcuei yua a ɓai fa da ɓi li lara ɓi: ɓa mang leva na nang ci nang vai yang wa, fa da ɓi da nang ka le va kpala, nang le va na yang ɓa ba kurau, ɓi la kpam ɓanang ha.¹¹Ɓi ra ɓa bie agang lang ha, le vah korintiyawa, nyinyi ha ɓaɓɓai. ¹²Ɓi ɓang ka yua ɓa lau fan ɓa, ɓa ɓangka yua ɓi saɓai. ¹³Da min naɓi na man ɓan le mang ɓa ɓai ɓi nyinyi ɓa la.¹⁴Ɓi ɓa ho ɓa le va muo tua Fii wa na. Ba nang tangsa yi va na da muo tcua Fii'u n ɓa yi va na da muo tcua Fii ba? Ba kwaha tangsa bajhi ɓa dua a gharo? ¹⁵Bakwaha nwa lang ɓa tangsa Almasihu ɓa mung kulum? Ba fa kwaha ɓe le va na da jhi nyi a tcah ɓa le va na jhi nyi a tcau na? ¹⁶Ba hauti kom va Fii ɓa nang bui? Bing kom va Fii ah hwura, mang nang na Fii na a: ming ku tangse le, ming hoea ɓang lei. Ming mem ka Fii vai, len mem ka le vam."¹⁷Manang bang, "Ba i tangsa lai, ba ku kura ba. "Yi tcuei vah na." Bi ɓa kem sa nang a ɓain ka, mina muo ɓan muo. ¹⁸Min mem ka Da sa ɓai, ɓa ka ɓa mem ka le yim, le ɓui ɓa le hai sam," yi tcuei vah na, yi va nang kpam ha.

Chapter 7

¹Je hyui, bila ɓa alkali ɓa na ɓi ma ku ɓi kasa nang ha nda saɓi kan ɓyau ɓa kwang ɓi ka. Ɓi moa nang a ba gang tang sa ba hyui Fii.²Ba da ɓi ɓa la! Ɓi ɓang ka yua yi va ka lau. Ɓitam yi va ka lau ko bi moa nang va yi va ka lau. ³cuemanang ni dau ka ɓa o da min na kara lau. Aan na ɓalang ka vie, na ka ba lang nyinyi ɓi, ka ɓi bui tcua hai, ka fa ɓi ku ka ing. ⁴ Ba le nang na da tara na, mi la ɓa nwa ba nabba tang sa ɓai Da min ba zhi. Da min li laram kpam tang yiɓai na da ɓin tcuei na.⁵Vi a na ɓa wu ka Makidoniya, ɓi hura lav. Nang ɓa ɓi ta tangsa bwa na ɓah ba ɓiɓi hakpam. ⁶Fii, u da tăă ka le va nau dum, u da ɓi tăă ka sa wura va Titus. ⁷Ba bi wura vau ha u da bi tăă la lau. Ka tăă sa na Titus cika ka sa ɓa. U naɓi la-le nang na da ɓa pai tangsau ni, ɓa ba bazhi nyinyi, ɓa ba young bi ɓa kum. N'li larang bagang.⁸Nang vienang bang ka yua ɓa yang nangɓa fa zhim lau. Via na uba nang vienang'um ɓang ka yua ɓa na, n'i ɓa manang ɓa lau. Ba ɓang ka yua ɓa, vi tuani. ⁹Susuena, da min li laram, bi va ba ɓang ka yuaɓa lau, vi na ba ɓang ka yua ɓa fa ɓa ka wu ɓa tubi, ɓan myem ɓan kwa ba hyeu nang, vi kpam, nang chi nang la ɓa lau bi ɓi. ¹⁰Ba ɓang ka yua va Fii da wuka ba tubi nang wuka ba young ba ɓe i ba lau wa. Ba ɓang ka yua afang wam da taka ba bua.¹¹Ba ɓa nang a hyiera va Fii la ɓa ka na ba yua ɓang ka va Fii na wuka tangsa ɓai ni. Ba ghara nang na ɓa jhi ka la da tana la a ba yaung ɓa ayibai'u. Ba ghara va yua a ɓa ɓai, ba ɓi, ɓi ɓa, ɓa ba jhi nyinyi ɓai, ba sa ɓai yemra ɓa ba da twuei a bagang! Tangsa anng ha, da ɓa da ku ɓa ɓamang ɓa yaung ɓa nang a ɓaira wa tangsa bi ni. ¹²N vie ɓa le na, n'vie ɓa la lau, bi va yiva tcuei nang a ɓai lau fam bi va na e tcum nang a ɓai le lau. N'vie ɓa la bi va jhi sa ɓa sa bi, ka h ci sa Fii.¹³Ɓi sa nang ba ne, nang ɓa ɓi ci sanɓa. Citcua sav, ɓi li larang bgabga bi va Titus, kwang a garang, rang vau myem ɓa ka ba ma sa lakpam. ¹⁴Nang da kum njhi man yi va na inanang ka ciu, li saku lau, bi sa manang ɓa, nang na ri na ɓa la na bie a gang, samɓa ɓi ku ɓai sa Titus myem ka bie a bagang yang.¹⁵Ba yi di vau sa ɓai ghaing, ɓa mang fi vau du kem ka ba da ghara kpam, ba muo na sau ɓa jhi ɓa ba ɓiɓi ɓa saa gbasam. ¹⁶Da min li laram gang gang, mi la ɓa ba da gwaraa gha tang sa ɓai.

Chapter 8

¹Da ɓi yidi ɓa i ba, zha hyie, bi va nang a gang va Fii na da le Ikklisiya a makidoniya. ²Vi a yiɓai a gha, nang a li lara vai ɓa le nwa yi ɓai da ba ci nang ɓa ba de nang a na kpala.³Vi na da mi da bie a gang, e da ɓa denang ɓa ba nung nang vai, pai la sa nang na e bom ba tcuei rau ⁴ɓagu'u nang a kpara e jhi ku lei e da le na e gamko nwatsum ka la va muo tcua Fii. ⁵Manang ɓa tcuei nang, man a na ɓi kem na nwaci lau. Nang da manang ɓa de jhi ku lai sa yi nwatsum va Fii e jhi ku sa bi ɓa ba kem bi va Fii.⁶Nang ɓa bi ba Titus, u fudi ɓa tcuei nwatc'um yang u tang ka nwatcum ɓa da nang, tangsa. ⁷Ba cing ɓakpam tangsa ɓa jhi nyinyi a gang, tangsa ba na bi, ɓa ba i nang, ba tcuei nwatcum ɓa la rau, ɓa tangsa nwatcum ni a ba da nang.⁸N'na manang ɓa, da min na ɓa la lau manang ɓa na n'na dau ka nɓa ɓa yi di ba ɓa a gang ɓa a na le va da twuei ra na. ⁹Ba i ba nang agang va yi va na bi agang Yeso Almasihu. Ung yi va nang chi nang, fa u kamang yi va na nang chi ra vau yaun na, kah sa ba chi nang na u chi lau na, nang ba bi ku mang le va chi nang.¹⁰Yangsa nang ni min nabi na maɓara. Ba ma ɓa pai a tcuei nang a ka kulau fa da ɓa yi di ɓa twuei rau. ¹¹Susuena ɓa tang ka ku ba mang na cin na da ɓa yidi ɓa twuei ra na vi ɓi ɓa jhi ku ɓa la ɓa twuei ɓa ba manang ɓa ha. ¹²N'da ɓa yidi ɓa twuei nwatcum ɓa nang a gang da yidi na. Gang nyem ka nang na yi va la ɓaukana, pam ɓa nang na u yang ka na.¹³Ɓi sa nwatcum na bi va yiɓai dau ka le vaka ci ka tăă lau. N'manag bang, ka ci ka ba gwahala. ¹⁴Ba ci nang ɓa ncuei ka nang na ba lara. Manang ɓa ci nang vai nfaɓa nang lang fa dau ka ba gwahala. ¹⁵La man a na e vie ɓa: "Yi va la ɓa a kpara, u faka tua lau, bayi va ne la ba atcuo kana a kpara vau la."¹⁶Ghara u Fii na da ka titus nyinyini ɓa ba muo ɓa na ɓa mang amam na da min twuei ɓa la na. ¹⁷Bó gu'u ɓa ɓwa sau u muo lau, u twuei ɓa bi agang ka. U wu ka saɓa ɓa ba gwara vau.¹⁸Ɓi cum ɓa yi hyie na de kaura tangsa le va Ikklisiya bi va nwatcum vau a nabi a lara. ¹⁹Ana ɓwasau lau, le ikklisiya ta na sau u ta ɓa ɓi ka tangsa ba tcuei nwatcum a gang. Nang ɓa dau ka ɓi da ghara ka yi va nah bie gang va Fii ba ku ka, bi va nungnang ɓi ɓa bali ɓi.²⁰Di ɓi hui bi e laiɓi nang afam la bi nang a gang na ɓi da ku ɓi ni. ²¹Nyinyi ɓi da ɓi yidi ba twuei nang agang, lan ci yi va na bi vie Fii ba ku ka lau, ba le va kpam.²²Ɓi tsum hyie ɓi ɓa le ka Da ɓi nyiura ko dauha, da ɓi ciu ɓa ba dongnang'u tangsa ba tcuei nwatsum kpala. Du dong nang'u ɓa la, ɓa ba gwabi ɓa ghaea na u la ɓau ka sa ɓai. ²³Biva Titus, ung jua ba hora, ung nwatsum mi bi ɓa. Bi va le hyie ɓi, e tsum ka sa le Ikklisiya. Len nang a gang bi Almasihu. ²⁴Manang ba, ɓa ta le na sa ba yidi ba ɓa, ɓa tanasa le Ikklisiya ba bang kwang ɓi, bi ɓa.

Chapter 9

¹Ba bi va le va tcuei nwatsum va Fii, hyi ing min vie ɓa la. ²N' i yemra ɓang, yi va na nyinyim da la sau ci le vah Makidoniya. Nmi ɓa naka le Akaya ma jhi yang ha lai. Bo dong nang ɓa tcuei le va ka ta tangsa nwatsum.³N'tcuo ɓa le hyie daoka nyinyi a lara kuɓai myem a fam, dau ka ɓa ma ɓa kura ɓa, mang nang na ɓala ɓan tcuei ra na. ⁴Na mang ɓa lau yang, na yi va ka tangsa Makidoniya na muo tcuam ta ci ɓa, ɓa ku bagang lau yang, ɓi li sakun li, ɓa yang na nang a kai ku ɓau, nyinyim kpam jhi lang ku ba. ⁵Ba hyie ing n'twuo le yi hwie aka ka wu saɓa dau ka vi tcuei le la, dau ka ɓa kura ɓa ba le alkawali na ɓa tuei ɓa. Ana kuka ma nang ɓa dau ka ɓa ma ɓa kura ka nwa ba ci nang barka, nang ah ɓa muo ra lau.⁶Bie ɓa na: yi va na bie nang tcuo ni n'ika nang nwa bam vau tcuo ni, yi vi na fa bie ɓa nyinyi a gang, n'ika nang nwa bam vau ɓa barka ka. ⁷Ko waha da ɓa yidi vau tangsa nyinyi vau. Biu da ɓa ba ɓang ka nyinyi ɓa mang Toraun, lori. Fii da li lara yi vina da denang ɓa nyinyi a lara.⁸Fii la ɓa, ko dau na, tangsa nang kpam, yang ka ɓa ci ka nang na da ɓan yidi. Manang ɓa twue ra bi va ɓa ka ci nang a ba gang kpah la. ⁹Ba nang ka nwana a vie na: "U tca le nang cinang, u da ka le va yiɓai. Nang a gang vau ta ka ing."¹⁰Yi va na da, da nang tang, u da ɓan da kphala ka nang a biera. U tcuei ba i ka nang nwa bam a gang ɓa ntaci. ¹¹Ba ci nang a ba gang kpha lan ci dau ka ɓa myem ka ;le va da nang. Nang a ma manang ɓa, n tcuei an da khara ka Fii bi ɓi .¹²Ba tcuei nwatsum va Fii n ba fa ba ɓa ɓanang va le tcuei nwatsum a gang bua sau ha lau ta bau tcuei nwatsum kpala a ba kha Fii. ¹³E nyi ɓayang e i ba ɓa jhi gang gang ku nwasum ba vienang va Almasihu. Ban da ghara ka Fii kasa ba danang ba kphala kasa lei ɓa le va kpam. ¹⁴de yidi ba ɓara ɓa yemla, da guo ba Fii la. De tcuei manang ɓa, bi va nang a gang va Fii yi vang gha na ku ɓai. ¹⁵Ba khai Fii bi va da nang vau, ana ɓi ɓom bi na hawa!

Chapter 10

¹Mi, Bullu, ba kum ka da min gu ɓara, ɓaiba tăă nyinyi ɓai hirava Almasihu. N tăă hyiu na min ci ɓaing. Mi la ɓai ysara sam na nang yangwa ɓai ɓakang. ²Da min gu'u, n mi ɓa ɓakayang, n' gwala n ku ka yi va na ɓa ma da da ku'u, ka nwa le va na da da ku lai ci jhi nyinyi lai a da ɓi tangsasai.³Da ɓi hara ka tang sasai, fa ɓi taa bui ɓa sa ka wa. ⁴Le nangna da bi taa ka bui na, a tangsa sa lau manang ɓa, nang tar bui ɓa a va Fii, nan dai kasambai va mung kulum. Bang dai ka bana tia, ycara na.⁵Da bi dai le nang na da ɗa ku ka lana. Da ɓi muo ba kam bi ha ka ba khara va Kristi. ⁶Ɓi ku bagang ɓidai le nang na da wuka ba tiabua chuei. Na ba da ghara ɓa yilang.⁷Ba ɓa nang na ci jhi ci ɓai ba ɓarau. Na yi na ɓang u a Almasihu yang, u yi la u ɓa ku ka u kam, man u ka a Almasihu manang ɓa na, yang ɓi ma manangba. ⁸Na min li lara ɓa samba na ɓiu ka la na, ana yi va na bie agang da ɓi lau ka bi tca ka saɓa, dau ka ɓi dai ɓa ka lau, ri li saku wa.⁹Yi di ba da ba siku lau ɓai le nang vie nang m ¹⁰Le va ka la da na a, "Le nang vie nang vau la ɓa sabi ka, na ɓayang saman ɓui tcing wii bi ɓa nang a ka lav."¹¹Tcuei ka le vana i ba nang na da bi mara tamgsa wii bi nang vie nang ɓi lang. ¹²Ɓi ha, ɓi gan ku bi ɓa yi va a kalau, ko ɓi da ku bi, ɓi jhi ka nwa le va na da kha ku lai. Man da ku lai ba na lai, ai i ba nang a ka wa.¹³Fa ɓi da ku ɓi, bi jhi nang na ri kpai ra nang. N' ma nang ɓang, ɓin tcuei manang ɓangɓin tcuei ɓa ba ina nang na Fii tcuei ɓin tcuei ra na, ɓa a na ntasa ba. ¹⁴Ɓi myam ka ku ɓikan nang a ka lau vi na ɓin ta ka saɓa. Bi ka na nwa ci na ɓi ta ka bi a lara va Almasihu.¹⁵Ɓi da ku ɓi jhi pai sa nwatsum va va ka lau. ka sa na ha, da ɓi jhi nyinyi ba lai dui'u yang, fa nwatsum kan ta ka naka ta ciyang gang gang, jhi ba nwa em manang ɓa. ¹⁶Da ɓi jhi nang ɓa, dau ka ɓi taka bi va Fii ka bana kan ta ka ci ɓa. Ɓi bang kwang sa nwatsum na æ tcuei nwa hyua va yivaka.¹⁷"Yi va na kpam n bang kwang'u, u tcuei tang sa nang a va yi va nabi a gang va Fii." ¹⁸Yi va ka yang wa da ta na ku a ra iba nang. U ɓana, yi va na a gang va Fii na ta na sau.

Chapter 11

¹Da min ɓa ɓamang ɓa ɗa munya ka tcua ni tangsa nang a fam. n' i bang da ɓa ɗa munye ɓam ka! ²Da min bua nwatcua bi ɓa. Ba bua nwatcuam mang a va Fii bi ɓa. Na ka min naɓa la tcua bi va pa ba sa yo ɓui tcing. Fang n tcuei min ta ma sa ɓaisa mong lai mua yi hyai a na yaung wa ɓa nang a ɓaisa Almasihu.³Da mni ɓiɓi, ɓa mang kanwana dʒavna fum ka nwa Hauwa'u ɓa yiu ra vau, ku ɓamang ba kam ɓa ɓa myem nwang gyam tcing ɓa ba jha ku ɓaisa Alamsihu. ⁴Na yi va ka wu da na bi Fii va Yeso a ka ɓa tcing'wka, nan ɓi ɓi na bi va Fii ɓa lau yang, na fa ɓa muo kwang a ka ɓa tcing'u ka, a na ɓa mua lau na nwachi sau, ko bi va Fii a ka ɓa tcing'uka, a na ɓa gwala lau na nw a chi, ɓa duang nyinyi ɓa kpaing!⁵Da min ɓa bamang mi lang tcua lau ku la va na da du'uh ka la va tcsum ba ang ghah. ⁶Ko na fa a nyim nasa nang lau ku ba nabi, an ina bi yang. Tangsa nang hakpam ɓi naɓala yang.⁷N'ng tcuei nang a ɓai yang ngyah, n'ng fa ka kum hyua kaa jhi9 ba ka ci? N'ng naɓa bi va Fii la nfam ni. ⁸Nyi le Ikklisiya a ka la da min mua nang na lai dau kang tcuei ɓa ka nwatsum la. ⁹Vi a na mi ɓa ba ka na, ning ci kum ba yidi nang n'ng jhi nang muira ka yi vaka lau la cha yhie na wuna ku hyua Makidoniya ai fam nang na la damang yiding. Tangsa ha ning jhi kum gyam tcing, ngwalau ning jhi kium sa ɓai, min tcuei manang ɓa.¹⁰Mang bi a gang va Almasihu na yuam ni, n'ng kai nfam waɓa bie gang na kum ni tangsa ku hyua Akaya kpam. ¹¹Ɓi ɓa? Bi na yidi ɓa lau? Fii i ba yang.¹²nang na da min tcuei ra na, n'juwa min tcu, tcuei. Min tcuei manang ɓa kan lau ka nang ghana, levana da yidi ba ci nang gha la na tangsa nang na de jhi kula la na, əa ci lai ɓa mang ɓi. ¹³Iri le va ɓa na le va ba tcuei nwatsumna nwa'iu le va da fum ba ɓa. Da myam ku lai mang la va tsum nwatsum va Almasihu.¹⁴ Ana nang tcuei sibi9 lau, makulum ɓa ku ka da myam ku mang malau ka dua ghara. ¹⁵Nang tcuei sibi a ghara a ka lau na la bwei vau myam ka sa lai lau ka æ ɓala a len bwei a gang. Ntang ra vai, myam ka nang na æ tcuai nang ɓa a ci kara.¹⁶Da min naka: Bi yi vaka ɓa ɓamang hyuhye. Na ɓang dam manang ɓang, ɓa dam ɓa myam ka yi va hyuara ɓa dau kan da kum a bagang tcuo ni. ¹⁷Nang na da man nara gɓagɓa ku bie mi ku yiva na da ɗa ku ɓa ba yidi va yiva na ɓi agang lau, da man nabi mang yi va hyuara. ¹⁸Leva kpala da ɗa kulai ɓamang le va na l na naa kayang tang sa sai, mi ma minda kum manang ɓa.¹⁹Da ɓa li laea ba kwa haku ɓa le va hyuera. Ban le va yhiura! ²⁰Da ɓan ɗa manya ɓa yi va na nda ɓan yiɓai, nau tang na agang bangyang, na'u mua ɓa yang, na'u da ku'u paisa ɓa yang, ko nafa u gbaɓa nang ɓai. ²¹Bi na da man nara na, nang tcuei ɓa la ma nang ɓa. Ba a ba ha na yivakala n'da ku ɓa mang mi yi va hyuea, mi ma min da kum ɓa mang yi va na lna sa nang yang.²²Leng leva Yahudawa? mi ma manang ɓa. leng leva Israilawa? mima manang ɓa. Leng le bia Ibrahim ma? mina manang ɓa. ²³Leng le buoi va Almasihu? (da min nabi ɓa mang yi vana hakilau vau yang ma) n'pai lei yang ha. N'tcuei nwatsum n'pai leiyang ha, n'ta fursuna n'pai le va ha, ɓa ba gba ba, ba narau yang wa, ba fa nwa ɓua ba kpala.²⁴Sa kana le Yahudawa æ gban ɓa hyoka ba na hyie "Huntcing o'li i nanya." ²⁵Ba na ta æ gbam ɓa le ka ka. Ba tcing ai wam ɓa tai ka. Banata ai n bapi ba o'ra tangsafwa mang. Ba vam ɓa ba ba Fii tcuam tangsa nyinyi mang a gha. ²⁶Da min ho ra, tangsa ba o'ea tang mang tangsa le ba hyaba (le nang i nang) tang kana vaa vam, tang kama va yua va, bang vai ha, ba bang vu ha, ɓa tangsa nang vai ang gha (Teku), ɓa tangsa zha hyie le va na nwa'in.²⁷N'a kum da min tcuei nwatsum ba gang tangsa yibai a tcuei ra, lng vieɓa loi nang loi yang wa, ɓang vom ɓa leng ka, tangsa ba da fii, tangsa tăă ɓa sa'a fam. ²⁸Ba a na hakpam, mila ɓa nang a muira kum viniha ku Ikklisiya hakpam. ²⁹N'wa sau ɓaiɓui ra, ka sa a mam ɓui lav? Yiva akala yuo ɓang kara, ka fa amam ɓang ka lau?³⁰Na min jhi nyinyi a lara, min jhi nyinyia lara ku nang na n'ta na sa ba o'ram. ³¹Fii ka Daɓi a yiva nabi agang va Yeso ɓi, yi vana u kam ɓa khara ka'ing, u i bang da mim na nwa i'u lau.³²Yi vana luci yi vangha ku hyua Damasku, ɓwa nyi yiva Aritas u tcuei æ luci vu'u Damasku dau ka mom. ³³N'i nwa kom a hang yang kalo æ im ka tcua'n nwa kom ang gha, n'n i'na lei n pai.

Chapter 12

¹Dau le min li lara, na fa nci mang ku lau. Min ta cii ta ɓa ba i ka nang ka sa kwang va yi va nabue gang va Fii. ²N'i yi va kayang tangsa Almasihu, ka ba ta ha hyua i rau nanya na paila ko bang tangsako lang tangsa aii lau, n'n iba lau, Fii i ba ai dau ai taka duiye a nata.³Fa n'i ba yi va ba na ko lang tangsa sa ko tangsa sa ko tangsa sii lau, n'n i ba lau, Fii iba yang, ai. ⁴Dau ai taka va'a lara, u li le nang fem ku na yi va yang wa nara. ⁵Ɓisa iri yi vana nyinyim n'li lara bi va kum, n'n li laram wa, te ɓa le nang dua.⁶Na da minyidi ba da kum n'jhi kagha yang, nang ba myam ka a fam wa, bie a gang min tcuei min tcuei ba narau. Min hyihyi ba li lara, bi yi va ka ɗam pai sa nang na u ɓaɓa ko u li ka sam. ⁷Min hyihyi sa ba li lara bi va u kwang a ɓai. Bin da kum ghala, ai dam nang yang tangsa sam, nang nwatsum va mung kulum dam yiɓai ing. bin da kum ka ghala.⁸N' gu'u yi va na bi a gang va Fii ba nata dau ka u faka nang ba. ⁹U nan la a, "Tcaram loa lang, kasa tca tang ra sambam da kpara." Biana ɓa n'pai lam pai na min kuɓa ba bang kwang ku o'ram. Bi ghara va Almasihu ka ku tang yuam. ¹⁰Bi va kristi, ng'gwalang ɓai saɓuira, ɓai em, ɓaiyiɓai, ɓai le ʒhi, Daide na mi ɓai saɓuirang damin ci sa'atsara.¹¹N'myam yi va hyuirang! Ba ba ɓa tcuei ka daula n'tcuei manang ba, na manang bang, ɓa kang'am, ba kam ram va tcua lau sa le sa levana da duba lai ka le va na nwatsum agha na fa min nang a ka lau. ¹²Iri le va na nwatsum a na kam yang na da tcuei nang tang sa ɓai, ɓa ba da munya, ba le nang tcuei saɓi ɓa la nwatsum agba. ¹³Ba tcuei u'u ɓa myam ka le va fa tcua ku nyi lai Ikklisiya ha bui a na myam ka yi va da ba yi ɓai lau? Ba lam tăă la ku nang a ɓai ni.¹⁴Ba ɓa! N'ma kum dau kan nwu sa a nang na ta sau. N'wu da man ku nwa ba ku amng kuku sa ɓai'u, nang ɓa damin yidi lau. Baba da min yidi. Le mong kavie n da nang ka la da vai lau, la da ka da nang ka le mong vai. ¹⁵Min li laram ba faɓa nang na da ɓan yidi, ko fa na min damin da hwuram lang. Nan mi na damin yidi ɓa ba gang yang, mi ba ɓan yidim tcuonie?¹⁶Man tcuei sa nang ni ka via, n'jhi ba yiɓai la ku ɓai lau. Leng ɓa, min yi va yiura, min mo ɓa ɓa yuieam. ¹⁷Ko'ng mu ɓa sa la va ni n'tcuo sa ɓai yang gha? ¹⁸N'gu'u Titus n'gu'u naka u ta sa ɓai ka fan n'cou ba yi hyiiaka la. To'ng fa ntcuo Titus ta mu ɓa yang ghe, nang tcing ɓi da la lau? Kabu tcing ɓi hoka lau?¹⁹Da ɓan raɓa ko vi a na ha da ɓin ma ku ɓi ci ɓai? Ka ci Fii, tangsa Almasihu da ɓin na nang kpam dau ka ɓa ci samɓai la.²⁰Da min ɓiɓi na ka nang wuyang, nci ɓa, ɓamang ana n'kam na kan jhi nyinyimlana. Da min ɓiɓi na ka ɓan cim ɓa mang ka na da ɓang kam ra ɓa. Bi fa kuka yura, ba sang ba, nyinyi a buana, ɓa ci ka, ɓa yura, ɓa ba ai Fii, ɓa zha sa ba, ɓai ba huora, ɓa ba i ka ha. ²¹Da min ɓiɓi naka nang fayang, Fii fam ka ka hyua'n fa ci ɓai. Da min ɓiɓi na ka man ɓang ka nyinyim ɓang ɓi le va na tcuai anng a ɓai na kpala ka susuana. La va na tubi launa ka ba tcuai na a ɓai ɓa lue ɓa hei yi va ɓa ba lue ɓa la mong yihai ba nwatsum fum na tcuei ɓa.

Chapter 13

¹Nang nata sau kana na da min tasaba, "Nang nau nzam ku yivai ai li lan sa leva naiu ko nata". ²Na biyang tcua ɓa le vana tcuei nang a ɓai, ɓa nyi leva ka via na mi ɓa ɓakana nang a na'in sau, fa da min naka: nang fa wang wu a ka yang'n yile a kawa.³Damin naɓa la manang ba na bisa ɓa daɓan duba la va da bi a gang ko laka Almasihu da nabi bam ka. Un yi va faka tcua lau sa ɓai manang ɓang, u ka yi va ku ɓai ha. ⁴E yiciye (e piu ku hai) vau tangsa ba fa tcua, u la ɓa hwura ba samba va Fii, ɓi fa ka tcua ing ka sau ɓi yang ku yang bau ka tangsa ghara va Fii na tangsa ɓai ɓa.⁵Ba nyi ku ba, ɓa ba ko laka ɓalang tangsa bie a bagang. Ba nyi ku ba. Ba ɓa ɓagang lau ko laka Yeso Almasihu lang tangsa ɓa lau? U lang tangsa ɓa, n'ko na laka nane ai gwaɓala lau. ⁶Mila ɓa ba gwara naka ai ciɓanci tangsa ba gwaba ɓi.⁷Da min gu'u Fii maka ai ciba sa nang a bai wa. Da min nanaka da min gu'u ɓi dau ka naka ɓi tang ba nyibang nyi lau. ⁸Bi bom ɓi tcuei nang a ka ɓa ba jhi ku bie a gang lau, ɓi tcuei ka bi sa bie agang.⁹Da ɓi la lara ɓi na ɓin o'ran ɓa ɓan jhi ba tca. Da ɓi gu'u Fii (addua0 dau ka ɓa tang ka. ¹⁰Ɓi a na n'vienang nan yang wa ɓa ɓaka, n'vi a na nin mi la tangsa ɓai, bin n' naɓala ba cing ka. N'gwala n'tcuei ka samɓa na yiva nabi agang va Fii dam ang ghaɓa kara, bi tandai ɓa.¹¹Ci tcua sau, le hyie, ɓa li lara ɓa, ɓa tcuei nwatsum ba myam hyihyiɓa, ɓa jhi ba samɓa, ɓa gwaha la, ɓa kutangsa larai. Fii ba yidi ba taăă n'ku ɓa ba kang ku. ¹²Ba jzam kuba ba uoh nwa agang.¹³La zha hyue ha da jzam ɓa ra ¹⁴Nang a bagang va yiva na bi a gang va Fii Yeso Almasihu, ɓa ba yidi Fii, ɓa ba kwaha ku kwang a gang ku tangsa ɓai hakpam.

Hebrews

Chapter 1

¹Vəɓi Fih dǝ nabi kǝ le daɓi la ka kasǝ levǝ cuenwacum vo vi kpala ɓai nǝnga kpala. ²Cicuasǝu U naɓi bi kasǝ Yi nǝu djǝ kǝ yivǝ muanǝng naun ha kapam nǝ. Kasǝu Fi ma fangwam kpam. ³Ukǝ huimra hyira vǝ Fi, Ukǝ hakilo marǝvǝu. U mua kom ɓaha bɓai bi carǝ vǝu U djǝ bayitsǝng. Nǝu lokǝ le nǝng a ɓai ha, nǝngɓǝuku nali vǝ yivanga ɗuiye.⁴U memkǝ yivanga vai malaika, iying nǝ u muanǝ, hyi pǝi ing le. ⁵Wa tangsǝ le malaika Fi nau a "Lieni man yim, ngmenkǝ da'mang," ko a "Min memkǝ da vo un memkǝ yim mem?"⁶Aka, vianǝ Fi wukǝ yina'nwaci tangsǝ fangwam ni, una a, "Le mailaika vǝ Fi ha dǝu ngarǝ ngarǝ." ⁷U nabi kulei malaika a "Rikǝ yivǝnǝ ma kwang le malaika nǝ ɓa lei muangasǝm vo kǝ le liyem ɗua.⁸Fi na ku yiu a, "Kakurǝ ma Fi, bǝ tǝngrǝu yaun. Ka'bana va ma, ka'bana cue'bǝgang. ⁹Agwa nǝng a bǝgang yang nǝng aɓai a gwau. Fi, Fi ma fie nui yualarǝ la paisǝ nyiu le djua mai.¹⁰"Na'nwaci sǝu, Yicueva, ma lai ɓwa'nyi fangwam. Ɗuiye nwacum kanama. ¹¹Eing ɓankǝnɓang, mãma man ta kãci. Le kpam eing hiang kǝ'nwa zanǝng . ¹²Măn kwamlei kǝwa nǝng'ya'nǝng, eing mem kǝ'nwa zanǝng. Mama man dji mangɓǝ, ha tǝngrǝ ma yaun."¹³Wa tangsǝ le malaika, Fi nau fiekai a, "A ku na nalim mem le bwei ma kǝ bǝ tambu ma is"? ¹⁴Le malaika le yua nǝ dǝ cue nwa'wacum lǝu, Len levǝ nǝ ei cum le teing djǝnǝng sǝ levǝni mua yuangrǝ vǝ Fi nǝ lǝu?

Chapter 2

¹Nǝ manǝng'bǝng, ɓi djǝ hakilo bǝgang ku nǝngni ɓi li nǝ, bi laka ɓi yi nǝnganka yila sǝ bi ɓi.²Nǝ bi nǝ le malaika nǝ nǝ dji mangɓǝng, a ko wani nǝng'aɓai ɓai bǝlacum dǝ mua nwa'yiɓai bǝgang kǝ nwa'hyem sǝu, ³yang many cue ụ man ta'acua kǝ bǝ yuangbǝ nǝ kan'nga ne? Bǝyuangbǝ nǝ Yicueva onaci tai'nwa sǝu. Levǝ nǝ linǝ na mangɓǝ. ⁴Vieɓi Fi nabi kã bǝ tanasǝ le nǝng sǝɓi ɓalai nwacum a tsǝ kpala nǝ nyinyiu ɗa ɓai bǝ dǝ le nǝng dǝnǝng Kwang Garangrang.⁵Fangwan nǝ dǝ wurǝ dǝɓi nabi sǝunǝ, Fi djǝ kanale malaika lǝu. ⁶Yivaka na bakai a "Ɓakǝ yivǝ, kǝ dǝman djǝ nyinyima sǝu ne? Kon ɓakǝ yivǝ ƙǝ mang kaung ræ?⁷A ma yivǝ fanahyua cuoni ɓa lei malaika kǝ. A yau hyira la ɓai ngarǝ. ⁸A djǝ le nǝng hakpam tangbu." U nǝngɓǝ Fi djǝ le nǝng hakpam kanau. Nǝng aka yaung Fi yila djǝ kanau lǝu. Susue nǝ, ladda ɓi ɓa le nǝng hakpam ǝi dji kanaun ni lǝu.⁹Ɓi ɓa yivǝ nǝ ǝi maun fanahya cuoni sǝ lei malaika ṇĩng tang vi cuoni, Yeso, ǝi yau ngarǝ la ɓai hyirǝ bi yiɓai ɓai ɓwa vǝu. Susuenǝ tangsǝ nyinyiǝ ntǝ vǝ Fi, Yeso ɓui bi kon wa kpam. ¹⁰Hyi'ɨng sǝ Fi, le nǝng hakpam inǝngfatai bi vǝu ɓai ka sǝu, bi bǝ wukǝ le yi kpala ḅangã. Hyiun la ɨng u mem kǝ yivangã yuangrǝ vai ɗuangla tangsǝ le yiɓai vo.¹¹Ɓai yivǝ nǝ dǝ lobǝ ɓa levǝ na ei lo le nǝ lei kpam ei in bayi cing. Kanǝ, u li sǝku bǝ ɗulei kǝ le hyuiun. ¹²Una a "Min na ingma kǝ lei hyuim la, min kãngkã ɓǝng djung zaivǝ."¹³Ɓai ka, "Min djǝ nyinyim sǝu." Aka, "A ɓa, minǝ ɓa lai yi nǝ Fi dǝm nǝ. ¹⁴Le yi Fi ɓǝ la ɓai sǝ ɓai hywi, Yesu langɓǝ ɗă le sǝ ayicin kǝnwa vai, yang kasǝ ɓuirǝ vo ƙǝu yakǝta ɓai yivǝ mua ɓwa na ni, mungkulum ho. ¹⁵ A nǝ mangɓǝ yang ƙǝu ina ƙǝ levǝ nǝ bi ɓieɓirǝ vǝ bwa dǝ ku vii ha ɓaman muangsǝm tangsǝ kurǝ vai ni.¹⁶Kãgang, bivai malaika dǝu kemrǝ lǝu, le bia Ibirai dǝu kemrǝ. ¹⁷Hĩ wane sǝu, u mem ƙǝ nwa le hwiu tan le nǝnga hakpam yang ƙǝu mem kǝ yicuefie anga a bǝgang ɓai bǝ nta-nyinyi cuahai ɓa lai nǝng vǝ Fi, yang kǝu mua le nǝng aɓai vaivǝu eikǝta. ¹⁸Yeso ɓai kukǝ nwa yiɓai ei banǧ ɓai yiɓai, Un bau yuang levǝ nǝ de bang le nǝ.

Chapter 3

¹Ɓa le hwi nǝ garang'rang tangsǝ bǝ ɗubǝ ni ɓa cikǝ ɗuye ni. Ɓa kem, Yeso, yitacum, gwang kǝnglau nǝ dǝ ɓi na nǝn aɓai ɓi sǝu ni. ²Dau cue nwacum vǝu hyila kǝ Fi nǝ la jdau ku nwacum ɓi ni, kǝ nwa vǝ Musa nǝ cue nwacum hyila va Fi ni. ³Yeso ci ngarǝ pǝi vǝ Musang. Yivǝ nǝ mi vang, u pǝi va ɓǝ ɓai hirǝng. ⁴Kowani va ha yivaka dǝ mirǝ, yivǝ nǝ mi le nǝng ha neng ɓǝ ƙǝ Fi.⁵Aka, Musa, muangsǝm vǝ Fi u cue nwacum kāgang. Ung n̰ǝng nabi ku le nǝngni weng na ci ni. ⁶Kristin Yi, yivanga tangva vǝ Fi. Ɓi ƙǝ va vǝu nǝ ɓi ji tsala ɓai bǝ ɗǝkuo tsa ɓin.⁷Kǝ nwa nǝngnǝ Kwang Fi garang'rang nakǝ nǝ: "Nǝ ɓa li wuiu liǝng, ⁸ɓi ɓa lam nyinyi ɓa, ɓamang cuie'tsarǝng ka, ƙǝ nwa vie ni dei bang ɓarǝ ɓǝngvu ninka.⁹Nǝng nǝ le da ɓa bang tangsǝ cuie'tsarǝ vai nëng ɓakǝ le gwang nwacum mi nǝ tangsǝ ha hũng'iu. ¹⁰Yuam ɓanƙǝ ɓa leva vie ɓi. Ṅa naƙǝ 'nyinyi le yi nengang. Ei i nǝngam le lǝu.' ¹¹Kǝ nwa nǝng'hwyinǝng nǝ hwyi tang cie ɓwarǝm: 'Ei ta tangsǝ hurǝm wa.'"¹²Ɓa kankuɓa le hũi, yang ƙǝ tangsǝ ɓai yivaka yaung ɓai nyinyi nǝng'aɓai nǝ mua Fi wa nǝ, nyinyi nǝng memcuo takǝ Fi nǝ hũhũrǝ nǝ. ¹³Mangɓǝyang, ɓa buaha viha, nǝn nǝngnǝ de ɗuƙǝ a "liyeni," bi laka eici yivaka tangsǝ ɓai nǝ nǝng'aɓa tsa nyinyiu nǝ.¹⁴Ɓi mem kǝ levǝ tarǝ cuahai ɓai Krsti yang nǝ ɓi mua tsala bǝ djǝnyinyi ɓi nǝ ɓi djǝ sǝu nanwaci ɓi takǝ bǝ tǝngrǝu. ¹⁵Ku nǝng ni ei na a, "Nǝ ɓa li wuiu liǝng, ɓi ɓa lam nyinyi ɓa, ɓamang cuie'tsarǝng ka."¹⁶Wa li Fi nǝnɓǝ tsaku? Nlevǝ nǝ Musa ileka ku hyua Masar ni lo? ¹⁷U buaci ɓale wakǝ ha hũng'iu ƙæ? Nlevǝ nǝ cue nǝng'aɓai nǝ lǝu, nǝ kwamɓui le lue ɓǝngvo ni lǝu? ¹⁸U hwyinǝng kǝn le wala a ɓa ta tang bǝ hũrǝm wa, nǝn leva nǝ la nǝ lǝung? ¹⁹Ɓi ɓa, eici bǝ ta tang hũrǝ vo lǝu nǝngnǝ cue bǝ djǝnyinyi vai sǝ Fi yaung?

Chapter 4

¹Nǝ mangɓǝng, ɓi kangku ɓi bǝgang, bi yivaka tangsǝ o fǝ kem bǝne ei gwa ɓi nwala cicua vǝɓi nǝ a ɓa ta tang bǝ hũrǝ vǝu. ²³Ɓi nǝ ɓi mua bi Fi nǝ ɓiɓǝ ɓin ta bǝ hũrǝ ɓǝ, kǝ nwa nǝngnǝu nanǝ a, "Tangsǝ ciebuarǝm ng hwyinǝng yang, ei ta tang bǝ hũrǝm wa." Mangɓǝ ma na'nwaci nǝu tǝngƙǝ le nǝng vǝu nǝu mā fangwam ni.⁴Una mangɓǝ ku bu hywẽ'iu a, "Fi hũ bu hywẽ'iu ku le nwacum vǝu nǝ. ⁵U naka a bakai a, "Ai bai ta bǝ hũrǝm wa."⁶Nǝngnǝ cue, bisǝu ɓǝ u yila sǝ hũrǝ ɓi kǝ levakala wu tala, bi le Israila nǝ kpala li bi larǝ fai la bi bǝ gai nwa. ⁷Fi djǝ fie kala dǝ ɗu a "Lieni." Bu kpala vǝɓi Fi nakǝ Dauda la, kǝ nwa nǝngnǝ ei na nanwaci sǝu a, "Lieni, nǝ ɓa li wiu yang bie tsakunka."⁸ Nǝ ko Joshuwa dǝ lei hũrǝn, Fi ba nabi ku fie kaiu. ⁹ Manəngɓəng, vi hurə fie Sati Fii dji kə leivəvoula. ¹⁰Yivənə chi hurəvə Fii yang , uci hurəyang sə-nwacum vouha. Kəwanə Fii cikə hurə sə'avou. ¹¹Manəngɓəng, ɓicueyemla ɓici hurənə dokə yivaka yaung, o'tangsa bəsemtibə nəeiolanə.¹²Bivə Fii də huhurə, tsala lanfə lempei ngaãfain nwa-na'iu yaung. Ɗəpaisə, ɗətsasə ɓai kwang, lanfə ɓəlahəa ɓai ḅuakuku . Unbaniu bəkembi nyinyiman-i ɓai nəngnə dəma yiɗi bə chuerə. ¹³Nəng-akayaung masə fangwamni yuekə Fiila. nənghakpem lue beifa lanfə ɓeiɓeirə səyivənə ɓin takə bi tɓin naula.¹⁴Manəngɓəng, fənə ɓila ɓei kunlau angah nəhia tangsa ɗuiyeng, Yeso yifi, ɓimuanasə ɓə-ibənəngɓi. ¹⁵Ɓiyaung ɓei kunlau angah nənba ɓayiɓeiɓi ɓei satəngrə ɓiwa. ɓila ɓei yivənə ei-niyu tangsa nəngăha kəwăɓi, yaungtangseu nəngɓəkə, u, yaung ɓei nəng-aɓei. ¹⁶Ɓita, manəngɓə ɓəi samɓeiɓi sə kakurə agang, dokə ɓici bəɓayiɓei ɓei nəng-agang nənyuangbərə nədəɓi yiɗi nəng-akang.

Chapter 5

¹kunlau angah nəha eidə tangsa leivəng, ukə yivənə cu nwacum nwahiem leivə sə nwacum vəFii, Dokə udə nəngdənəng ɓei nəngfinəng ku nəng-aɓei veivə. ²Un baun cue tätä ɓaleivə ibənəngleu ɓalei cuen-afam bivə u ɓai nau langɓə santəngrə kwamkəbu. ³Bivənəngnə, deiyiɗi langɓə udə nəngfinəng ku nəng-aɓei vou kəwanə udə ku nəng-aɓai veivə.⁴Ducuekən akuləou kə yivaka də garəveu. Fii ɗubu kəwanə u ɗukəbu Haruna nə. ⁵Nəngah ayitsing, Yeso dəgarə kə kuleu, sibə miyam kəku kə kunlau angah. teima, yivənə də naubi na'a "Măn yim, liani, nmyemkə daamang."⁶Lamanəngɓə kəwanə unabakai a" Min kunlau kaɗing ɓaci Malkisadaka.⁷Vinə ukukə tangsa juasəunə, Yeso ɗəɓəgũfiiha ɓei bəɓabənəng tangsa witanga nəngməng utakəsə Fii, yivənə yuangsə ɓuani. Eiliu, bivə ɓəɓayiɓeiveu. ⁸Tsənfə un-yə, u-ina bədəgarə tangsa leyiɓeinə uwănə.⁹ei-lo bemla, lanfə umyamkə hurə anətəunə sə leivənə dədeu garə. ¹⁰Fii maudɀə kə kunlau angah ɓaci Malkisadaka. ¹¹Ɓila ɓeinəng kpala ɓinnaku Yeso, amma tsa'ing ɓina, nəɓi nakə ɓuacuii ɓi libəung.¹²Kasəsueni, daɓa myamkə lei nyi nasənəng, lada dəɓa yiɗiyvaka nyiɓa nasə nəngah bivə Fii. Dəɓa yiɗi məmgmi, vam atsaleu! ¹³Yivənəha də nwa məngming, lada ɓuaku ɓeileu ɓei biagang, un yimuang nicuani lada. ¹⁴Amma vam atsa vei vangah leikə leivənə gangnə, ɓuakule langfə ɓein eing tsəokə tangsa nəng-agang ɓei nəng-aɓei.

Chapter 6

¹Mnanəngɓəng, ɓiyilasə nawaci bivə Kristi ɓita kacisə garə. Ɓiɓa lei ɓuani ɓəbakuɓi hua tangsa kwanɓuii nwacum ɓi ɓei bə ji tsaɓi tangsa bivə Fiinka. ²Lanfə ɓəleɓuani ninasə bəhueməng, bəɗzinza, ɓei ikə kwamɓui leivə ɓei bə nabi kaɗing lo. ³Ɓin cuenəngnəncue nə Fii dəɓi nəngagang.⁴Bacueu sə leivənə butsing ibənəng, eibang nəngdənəng ɗuiyeng, ei-tsaha tangsa kwang-a-garangrang, ⁵Lanfə einbang bi-agang və Fii ɓei samɓei hanə dəwurənə, ⁶Fə eifa eio bacuesə eifa-eiwu tangsa bə bakuhyuau biɓi nəngɓə, eipi yifi kəkulelang, lanfə eideu səkun ɓən zayivə.⁷Nə hyuanəha də nwaməng nənakunəng, lanfə cue nwacumm agang kə levənə cue nwacumkung, nəngɓǝkə hua nəngcinəng agang səFii. ⁸Amma nə lanfə pikə ƒua ɓeicum yang, ukəmleu lanfən nənghyunəng aɓei. Təngrəu nəngɓəkə bəcuemrə.⁹Ɓigwang, leinəng akala hyinla sǝɓai, lehuiagang, lenǝngnə nabiku hurə, ɓinang manəngni. ¹⁰Fiin levənəng-agangleu, kənyiu jisə nwacum ɓei bə yiɗəbəna taunala. Bivə, acue muangsem leimuacuaFin, lanfə lada dəmancue muangsemvei.¹¹Dəɓiyiɗi ko, ɓaha ɓa muanasə nəngagang takə təngriu dokǝ ɓaci samɓeiha. ¹²Manəngɓə, dokə yivaka nyaung cue ɓeirə, amma leniu lenwa levənə tangsa ɓəjitsa ɓei munyal cikǝ nǝngnə-einaɓala.¹³Nə Fii nabikə Ibrahimnə, u-hyuinəng ɓeikukə, nəfə u-bau hyuinəng ɓei yivaka yaung galaung. ¹⁴U na'a " Min dzinakumaindzi, lanfə min leɗuman kanga. ¹⁵Tangsa nəngani, Ibrahim ci nəngnə Fii na'a rindeurənə tangsa munyal u mikə.¹⁶Leivə hyuinəng ɓei yivaka gahpeilei tangsa təngrə bətsanwa vaiha nə nghyuinəng jing kəbəgɓanavei. ¹⁷Da fiɓa, nəngɓə tanala hinla kəlekuɓaienəngveu bivəunə-pemisiune, nəngɓə uɗɀə nənhyuinəngku. ¹⁸Ucue mnəngɓən dokə tangsa nəng na'iu pemsiunə-ɓeiukə tsawanə kəfina nwa'iu-ɓi, levənəhyi dəbabə hurə ɓinci ɓətsasə tsalanci ɓimuakə tsala ɓətsasənə dʒeciɓini.¹⁹Ɓila ɓei bətsanənə lemkuɓi miyamɓikə ɓintsa kwangɓila. Ɓətsasənə tatangsa cua ɓənə eitsa nəngtsanwa komla nə. ²⁰Yeso taɓi tangsa ɓəleivə kə lehyuivum, u myamkə kunlau angah kaɗing ɓai Makisadaka.

Chapter 7

¹NMaslkisadaka nə, yiva Salima, " kunlau və Fii ɗuiye, kwahaɓei Ibrahim dəfa nəngfinəng vei yiva nəngɓə dẓənaku. ²Langsiu Ibrahim də tsəntangsahyua a' nənghəa. Iyung " Malkisadaka" nəngɓəkə " Yivə nəng agang". Iyung atsəng nəngɓəke " yiva salima", Nəngɓəkə " yiva kurə lãləa". ³U yaung ɓei da, u yaung ɓei na, u yaung ɓalei baba, u yaung ɓei ɓəfudrə, lanfə ɓətəngrəveu yaung. U-iha ɓei yifii, bivəunkunlau kaɗing.⁴Ăɓasə garəvə yiɓuinə, ɓabaɓi Ibrahim də tsəngtangsa hua nəngnə ha uɗə nwaɓui. ⁵Nəngtsing, leiyi lawi nemua bə cuekunlau laɓei samɓei sə ɓihua nmuakə tsingtangsahua nə leivə ho, leihyuilei, lanfə leima ei-ilangsa Ibrahim. ⁶Amma nəngtsing tangsa Malkisadaka bənəu ilanə ei-ibəleu, mua tsəngtangsa hua na Ibrahim, nəng dɀənaku, yivənə cibiɓəho.⁷Ɓatsa'nwa yaung, yivənə fanahua cibə dɀənaku sə yivangah. ⁸Səɓeilei, zayivə dəɓuirə mua tsəngtngsahua, amma səbielei, eiɓainang a ukwu-kaɗing. ⁹Tangsa bənabi, leivənə dəmua tsəngtangsahua, langɓə tsəngtangsa hyuang kasə Ibrahim, ¹⁰Ɓiɓənəngɓə, lawi langtangsa lebabaveu finəla Malkisadaka kwakəha ɓei Ibrahim nə.¹¹Kanə, nəɓəjihinla lako, tangsa kunlau lawi kong,(lang tangsəu levədə muakə bihyua), biɓatsing ein ikə kunlau aka ɓai malkisadaka lanfə ɓai Haruna lo? ¹²Nənə miyam kunlǝau yang,bihyua langbǝ mimiyam.¹³.Yivǝnǝ einalebinǝha kuni,i-lan kavãkanǝ yivaka yanng tsǝng tangsale cue muangsem bǝkurǝfi.¹⁴.Kanǝ,jibeifa,lansǝ yahuda ei-ci yicuevala,kavanǝ musa nanǝng-akaleu ku bivǝ kunlǝau.15.nǝngnǝ binanǝ luebeifa lada fǝnǝ kunlǝau-aka i-kǝiva malkisadakana.¹⁶.lang tangsa bihyua bagang u-miyamkǝ kunlǝau-lǝau, amma lan tangsa samɓei hurǝnǝ ɓangkǝunǝ.¹⁷.Kwandzua nabiku a ''mankunlǝaukaɗing bai malkisaka''.¹⁸18.ei-hya bihyua a-ilang bivǝ.utsaubei bacuenwacum wa¹⁹.Bihyuabǝ manǝng-aka hĩlaleu.kanǝ,ei-wukǝ nǝng-aka hĩla tsasǝɓi ɓin bakaci lantangsǝu bin takǝ sǝ fi.20.Nǝngnǝ cuesǝ nǝnghũinǝng yaungtangseulo.²¹.Amma gyamnatsǝng,yivǝnǝ hyuikǝ naula'a ''yiceuva hũinǝng fǝba miyam niniuwa;man kunlǝau kading''.22.Sǝ-nǝngni,Yeso langbǝ ɗǝ nǝngtsanǝng abǝgangyaung.

²⁴.Gyamnatsǝng.Yeso kung kaɗing,kunlǝauvǝu langbǝ kung kaɗing.25.Manǝngbǝng,unban yuang levǝnǝ muakasiu kǝtakǝ sǝfinta.Bivǝ, ukwu vinǝha dǝugũbǝ bivei.²⁶.Iri kunlǝau anganǝ hyiɓikǝing.u-yaung ɓei nǝng-aɓei,aibeiyaung,hyila,tsaku ɓei levǝcue nǝng-aɓei, langǝ utǝaye pei ɗviyeng.²⁷.U-yidi nǝng-akaleu kǝwa lekunlǝau-angãna doka udaka nǝngfinǝng vinǝhǝg bivǝ nǝng-aɓeiva,nǝ-udǝkǝ.²⁸.Bihyua dʒǝ kunlǝau anga kǝlevǝlahǝa yaung ɓei samɓeikǝ.Amma bi nǝnghyuinǝng,nǝwu cua bihyua,dʒǝyinǝ,ei-ma hyila kaɗing.

Chapter 8

¹Kanǝ nǝngbinǝ ɗeɓi narǝnǝ nǝngɓǝ: ɓilaɓei kunlǝau-angã nǝku nãli kakurǝvǝ yivangã ɗuiye.²Un-muangsem tangsa bahyirǝ, nwanluang-agang nǝfima, yiʒaiva maleu.³əɗăɓñũĩ angãha eiɗǝu dokǝ udǝ nǝngdǝnǝng ɓei nǝngfinǝng.manǝngɓǝng,kukaing malabei nǝngnǝ mãdǝrǝ.⁴ Na yeso lǝa tangwamkong,ubail miyamkǝ kunlǝau hǝa fǝnǝ levaladǝ dǝnǝngdǝnǝng ku bihyaung.⁵Cicue, mungseum tangsa luangni ihaɓei lenǝng ɗuiye tangsa kwuaung.lakǝwanǝ fi cuomɗua dǝkǝ musa da-uɓidibǝ mika nwanluang:fina'a''aba-acuenǝngha kuhÿuiu kǝnǝ ei-tanala kuteini.''6 Amma kănǝ,yeso ci bǝnwacum abǝgangyang,lamanǝngɓǝ kǝwanǝ ukǝ legũbǝ nǝngtsanǝng abǝgangnǝ jiku bi-abǝgang.

¹¹Eiba-ninala kǝ ledʒǝpiveu,langfǝ ei-ninala kǝ lehyuile.a''i yiceuva.'' leikpem ei-im-i bamu sǝ ahang takǝ sǝ angãveiha.¹² Min ba yiɓeivei tangsa nwacum nǝng-aɓeive,langfǝ nkemɓi nǝng-aɓeiveiwa.¹³Un'a'a ''afu'' u-miyam nǝngtsanǝng anawaci ka-kwui,nǝngnǝ cuing ɓeifǝ kyuing, ɓadai bǝ lanfamyang ho.

Chapter 9

¹Kanǝ nǝngtsanǝng ana'nwacinǝ laɓeibi ku bǝbakuhyua tangsa bǝagang fangwam.² Eimam-luangyang.komana'nwaci bǝnǝeitsa ɗuala,kakurǝ,nǝngtangnǝ einadǝrǝnǝ eiɗukǝ bǝ-agang.³cua nǝngtsanwakom anǝngna'iyu kom-akala eiɗukǝ bǝ-agangha.⁴ Ula ɓei bǝi bǝkurǝ teiɓi eicuomkǝdau-agang.ulaɓei kwuangka nǝngtsanǝng emauha ɓei teiɓi.tangsalaɓei semteiɓinǝ eidʒǝkǝ manna,kavǝ haruna,ɓei puaka nǝngtsanǝng.⁵ Kaye-kwaungkaɓǝ,mailakacuani hyila lamku nǝngnwanǝng,kanǝ ɓinauhawa.⁶Le-nǝngnǝ masǝnha,lekunlǝau vinǝha dǝtatangkom afanluangbǝ dǝcue semvei.⁷ Amma le-kunlǝau angã dǝtatangkum anǝngna'iyu butsang tangsa hǝa ɓei hũing eindǝ bikulei ɓei bi-nǝng-aɓei veivǝha.⁸Kwuang garangrang tanala a nǝngãnǝ takǝsǝ bǝ-agangha lada eitanalalǝsu nǝ-luang ananwaci nǝ lada jilang.⁹ nǝngnǝ eitanala kasǝsue:lenǝngdǝnǝng ɓei nǝngfinǝngha dedǝrǝ kasǝsueno mǝa bǝkembi veivǝ bahyua hyilǝau.¹⁰ De-kembin nvam ɓei mǝngnwuarǝ nǝ deiwukǝ fabǝgǝemrǝ ɓuasiu.nǝngnǝ kǝbinǝla kasǝsuenǝ bihiyamnǝ eiwukǝnǝ bi-afu dǝwurǝci.¹¹Kristi wu kǝ kunlǝau angã tangsa lenǝng--agang nǝwuha.utǝa tangsa luang angã anǝ hyipei levãnǝ ʒainǝma ɓeiknanǝ,eima lantangsa fangwamlǝou.¹² Lan tangsa hyui utakǝ bǝ-agang kǝlevǝlaha u-yuangɓikǝ sǝnǝng-aɓei.¹³Nǝ hyui lenǝngbuɓi bǝi hyoyiɓui ɓei ɓǝwuivəouɗua basǝhiou ku levǝnǝ chuenǝng-abǝi dokǝ lolǝikǝ -i-hĩlang, ¹⁴Hyũi Yeso fǝn chuevǝou-uo,? lan-tangsǝ kwuaung udǝku kǝfi aibǝi-yaung, ulokǝ bǝkembiɓi uikǝ sǝ nǝng-abǝi dokǝ ɓimuakǝ cuaFIH. ¹⁵Bivǝ ɓinǝ, ukǝ lejitangsa nǝngtsenǝng Afu. manǝngbǝ dokǝ, nǝfǝ ɓua ɗǝku nǝng-abǝi vǝivǝnǝ tangsa nǝngtsenǝng a'nanwachi, levǝvǝ eiɗubǝleinǝ cinǝngci kaɗing.¹⁶Bǝnǝ dǝrenwuol - tsenǝngɓua lang , yivǝnǝ cuenǝnnǝna. ¹⁷Dǝrenwuol - tsanǝngɓua ncuewuacum ɓuasǝu nǝ yivǝɓuing, cuenwuacumwa nǝ yivǝnǝ maunǝ la bei hũrǝng.¹⁸18 Nǝngtsenǝng a'na'nwaci eimau bei hyui. ¹⁹Finǝla musa dǝkǝbi kǝ leivǝha, uɗǝ hyui lebasǝhioui ɓei mǝng, munǝng-i a hæ bei( hyssop) u wui ku ɗǝrenwuol ɓei ku levǝha. ²⁰Nǝngɓǝ una'a "nǝngnǝ kǝ hyũi nǝngtsanǝng afunǝ fi dǝɓa''.²¹Nǝngã yitsǝng, uwuinghyui kun luang ɓei leitaseounǝ eicuekǝ nwuacum. ²²Tangsǝ bihyua, nǝngkeem eilo beinhyũi. nǝɓei bǝcinhyui-bǝ einǝngkǝta yaung.²³Hyi-ing lǝnǝng ɗuiye eilo ɓei nǝngfinǝng nei nǝngbzam nǝ. lenǝng ɗuiye ɓeinalei eiloɓei nǝngfinǝng agang. ²⁴Kristi ta tangsa bǝ-ahuirǝrǝ eima ɓei nanǝloou nǝngɓǝ kǝ nǝng-agangho. utan-tangsa ɗuiye ɓeinaukǝ, u-icifi biɓi.²⁵U- tabǝlei dokǝ udǝku bukpălalæu, kǝwanǝ lekunlæu angã dǝcuerǝ, detæ tangsa bǝ-aghang ha nǝhǝa ɓein hyũi. ²⁶Nǝn-nǝng ɓǝ kǝ biɓǝkong, langfǝ hĩu-ing u-nwayiɓei bukpăla bǝvǝ fuɗirǝ fangwam. Amma kanǝ butsǝng ɓuasiu udǝku tangsǝ vi-atǝngrǝnǝ wokǝ nǝng-aɓei veivǝ ha.²⁷Levǝha nɓui butsǝng cuasǝung , bǝɓatangsa. ²⁸Nǝng-ăyitsǝng, Kristi langbǝ nǝ dǝku butsing ɗǝkǝ nǝng-abei veivǝha un-i-anǝng-na'iu, unale ɓei nǝng-aɓeiloou, amma uncue ɓei hũrǝ veivǝnǝ miyu tangsa munyel.

Chapter 10

¹Bihuya nkwuang lenǝng-agangnǝ dǝ wurǝci ɓuasǝu, leɓusǝnǝngɓǝ ɓeinaleleu. levǝnǝ dǝɓadi sǝFIH bakuhĩla tangsa lenǝngfinǝng nǝ lekunlæu dǝwukǝrǝ hanǝhæu. ²Nemanǝngɓǝlouɓa, eidzǝhyua ɓei bǝdǝ nǝngfinǝngleilo? tangsǝ biɓi ,nǝnelolei butsing hang, levǝbakuhuya bafǝ ibǝ nǝng-aɓei wa. ³Amma ɓei lepǝnfinǝnglei, bǝ-oninila sǝ nǝng-aɓei hanǝhǝa. ⁴Bacueu kǝ hyui lehiyouyiɓui ɓei lenǝngbuɓi ɗǝ-nǝng-abei.⁵Finǝla Kristi wukǝ fangwam, una'a ''nǝngfinǝngleu, langfǝ nǝngdǝnǝng dǝma yiɗileu. Teimæn sǝnǝ amãdzǝ bimi. ⁶lanfẹ sǝ nǝngdǝnǝng-cuomɓeiɗua, bei nǝngfinǝng ku nǝng-aɓei deulilarǝ-laleu. ⁷Nǝngɓǝnnakǝ ''aɓa, minǝ, kǝwanǝ eivlkum tangsa dǝrǝngwol , mincue nǝngnǝdǝman yiɗi''.⁸Nanwaci Una'a ''nǝngfinǝngleu, nǝngdǝnǝngleu, nǝngdǝnǝng cuomɓeiɗualeu, langfǝ nǝngfinǝng ku nǝng-aɓei dǝmin yiɗileu. langfǝn lilarǝveivǝ leikǝ nǝngfinǝngnǝ deiɗǝrǝ ku bihuya. ⁹Nǝngbǝ una'a, ''Aba, minǝ mincue nǝngnǝ dǝman yiɗi.'' upeikǝ nǝng-ananwuaci dokǝ uwukǝ a nǝngna-iu. ¹⁰Tangsa manǝngbǝ, eiloɓikǝ biyemla sǝ bǝdǝ Yeso Kristi biɓiha.¹¹Natsing, le kunlæu ji vinǝha dǝcue mongsem FIH. langbǝ dǝudǝ nǝngfinǝng ayitsing, bafǝdǝ nǝng-ɓei eikǝtau. ¹²Gyamnatsing, Yeso dǝ nǝngfinǝngtsing uku nǝng-aɓei kaɗing, ukwu nãnali vǝ FIH. ¹³Dǝu mirǝ saifǝnǝ eimiyam legwanhyuiuwa kǝ kakurǝ dzǝkabu. Tangsa nǝng'dǝnǝng tsing umiyam levǝnǝ¹⁴ eiloleibemla,hïla kaɗing.¹⁵Kwuang garangrang langbǝnnaɓila. nawuaci una'a, ¹⁶''Nǝngnǝ kǝ nǝngtsanǝng nǝ mintsa ɓaleikǝ ïla, yicueva na. mindzǝ bihuyam tangsa ninilei, langfǝ mik vĩlei tangsa bǝkembivei.¹⁷Nbafǝn kem nǝng-aɓeivei ɓei nǝng-anfamveiu. ¹⁸Kanǝ, bǝcikǝtala, bǝdǝ nǝnfinǝng akayaung ku nǝng-aɓei.¹⁹Manǝngɓǝ, hihyui, ɓila ɓei samɓeinǝ ɓintakǝ tangsǝ bǝ-ahĩrǝ tangsǝ hũi Yeso. ²⁰Nǝngbǝ kǝ afu ɓei nǝngã hũrǝnǝ u-ɓei kasǝ nǝngtsanwakom, ho tangsa hiyamu. ²¹Bivǝ ɓila ɓei kunlæu angang, ku vavǝ FIH, ²²Ɓi ɓadisǝ FIH bei nini-agang tangsa bǝjitsa ha, ɓidzǝ niniɓi eilolũla sǝ bǝkembi nǝng-aɓei langfǝ juasǝɓi eilo ɓei mǝng-agang.²³Ɓi muanasǝ bǝnanwuaɓi tsala, biɓuintsǝngka, bivǝ Fihnǝ nanǝ jitsuwanci. ²⁴Ɓidzǝ nǝngnǝn tsasǝha bǝyiɗibǝ ɓei bǝcue nǝng-agang. ²⁵Biɓi dʒǝhuya ɓei bǝkwahanka kǝwuanǝ levaka cuenǝ. ɓatsasǝ ha kpăla, langfǝ ɓacuepeila nǝɓaɓa' vi-ɓading.²⁶Nǝɓicue nǝng-aɓei ɓeibǝ-ibǝ-ɓi cuanǝng-agangnǝ ɓi-ibǝnǝng, nǝngfinǝng ku nǝng-aɓei langfǝ yiaung hyua. ²⁷Bibǝtsǝng, bǝɓatangsǝ, ɓei ɗuanǝnli levǝnǝ yiɗifiunǝ.²⁸Yivǝnǝhala bihyua vǝ musang, ɓui eiɓa yiɓeiveiwa levǝ na'iu, natæ dǝ ɓarǝ. ²⁹Dǝmanɓa ɓama nǝng-gɓanǝng akanpeila kǝ yivǝnǝ tamku kabu yiFIH, uɓangkǝ hyui nǝngtsanǝng- hyuinǝ tangseu eilokǝhĩla langfǝ uɗei kwuang nǝng-ahyïrǝe?³⁰ɓi-i yivǝnǝ na'a , ''famincuekǝ n'amam, min fanfæ''. una'a ka a yicueva nɓatangsa levǝvǝou''. ³¹Nǝngɓǝ cuesǝɓiwanci nǝna ' ona fing!.³²Akembi lǝvinǝpeinǝ, cua nǝngnǝɓa-ibǝnǝ, kǝwanǝ ɓaɗǝkǝ munyel tangsǝ yiɓei. ³³Ei- iɓakǝ ɓǝngʒawǝ tangsǝ -ʒĩnwa, ɓei eim langfǝ dǝɓa tsaha ɓaleivǝnǝ-nang, a'mua ɓeiɓa. ³⁴Aɓayiɓei veivǝnǝ luebusǝnǝng, a'mua ɓei larǝ nǝngnǝ han'amang, a'ibǝng ɓǝinama, mala ɓei bǝkurǝ-agang kaɗing.³⁵Bifǝ awa samɓei makǝ tangka, laɓei nǝng-agang ³⁶aɗǝ munyel dokǝ acinǝngnǝ finanǝ, nǝnacue nǝngnǝdǝuyiɗing. ³⁷"Tangsa vicuani, yivǝnǝ dǝwurǝnǝ juasiu-nwukǝrǝ.³⁸Levǝ neng-agangmi njiji tangsa bǝjitsa nǝnǝu mimcua utayang, nbanlilarǝvouwa. ³⁹Amma ɓin aveivǝnǝ dǝmimcuatanǝlæu, ɓin aveivǝnǝ mua-bǝjitsa dokǝ muakǝ-sǝɓi dʒǝhyua.

Chapter 11

¹Kanǝ, bǝjitsa nǝngbǝ kǝ bǝtsasǝ-asǝ sǝlei nǝngni tangsa ɓetsasǝ ein-ɓǝɓa. nǝngɓǝ kǝ bǝɓarǝ lenǝngnǝ lada eiɓaleu. ²Bivǝ nǝngnǝ, leibabaɓi cimuarǝ tangsa bǝjitsavei. ³Tangsa bǝjitsa ɓi-ibǝng fangwamnǝ masǝ tangsa bivǝ FIH, dokǝ nǝngnǝ dǝɓiɓarǝnǝ masǝ lan tangsa nǝngnǝ dǝɓi ɓarǝnǝlou.⁴Lan-tangsa ɓǝjitsa Habila dǝ FIH nǝngfinǝng-agang peisǝ - avǝ Kainu, lan tangseu eiɓakǝ biagang einakǝ a unyïvǝ-agang, FIH nabi hyila ku peisǝ nǝngdǝnǝngveu, ɓei lan tangsa bǝjitsa Habila nabi ɓei-anǝha uɓuikǝnǝ.⁵Lan tangsa bǝjitsa ei-ɗǝkǝ Enock uɓa ɓualeu. ''ei-ciuleu, bivǝ Fih ɗǝu'' nǝ lada ei-ɗǝukǝleu, eiɓa-einang, FIH lilarǝveung. ⁶Nǝɓei bǝjitsaleung , bacueu ulilarǝ. hyi-ing kǝ yivǝnǝhǝa dǝwusǝ Fih gwa'aula, langfǝ ukǝ yivǝnǝng dǝnǝng kǝ levǝnǝ dǝɓaɓǝu.⁷Lan-tangsa bǝjitsa Nuhu , eidǝoubisǝfi ku lei-nǝngnǝ, ɓei bǝdǝgãrǝ kǝ FIH u-mafua u-yuangkǝ vavǝou. Tangsa bǝcue nǝngnǝ, u-hyakǝ fangwam umemkǝ lekubǝai agang tangsa bǝjitsa.⁸Lan-tangsa bǝjitsa Ibrahim, nǝ-eiɗubu, ugwa u-i-uta bǝnǝ tǝbǝunmuarǝnǝ. u-i-uta, u-ibǝbǝnǝ dǝutarǝleu. ⁹Lan-tangsa bǝjitsa ukwu tangsa luang cuahai ɓei Ishaku ɓei Yakubu lejua cinǝng-ayitsing. ¹⁰Ɗǝuɓaci tangsa hyuanǝla ɓei bǝleiɓuani hyuanǝ levǝ kwuangva ɓei lei minǝngsiu kǝ FIH.¹¹Lan- tangsa bǝjitsa, Saratu langfǝ ɓeinau yaung ɓei bǝciyï, Ibrahim cikǝ sambeinǝ cuekǝ davǝ'yǝ. nǝngnǝ cuesǝ ukyuingwanei, langfǝ udʒǝ yivǝnǝ nabiɓǝnǝ jitsawanei leibǝ ɓibi akalla sǝ lakan bǝjitsavǝ Ibrahim, langfǝn a Saratu deiɓaræ. tangsa bǝjitsa Saratu langfǝ ukyuing, uci samɓeinǝ ucikǝyǝ, langfǝ ukyui. wanei uncikǝyi uɗǝ yivǝnǝ naɓibǝ jitsawanǝ. ¹²Manǝngbǝ, sǝ yivǝ tsingnǝ, ɓadi- bǝɓuirǝha, cici levǝnǝ ɓaman ledʒǝng kuɗuiye bei kpãrǝvei langfǝ ɓama nǝnghyuanhyui nwawuam nǝ-eiba-ʒamwa.¹³Lan-tangsǝ bǝjitsa levǝnǝ ɓuiha, ci-ci binǝ Fihnanǝleu. langfǝ, nǝneɓalei, ɓei ei-dʒamlei cuila , eigwang alenleɗuawai langfǝ levǝnǝ ei-nyamlei fangwam. ¹⁴levǝnǝ nanǝngnǝ nang hyila a' ɗeɓabǝ bǝkurǝ.¹⁵Nǝdǝkembi hyuanǝ ei-ilakong, juau-einci kǝna einfakǝrǝ. ¹⁶Jikǝnǝ, dǝyiɗi hyua-gang, hyua. Ɗuiyeha manǝngɓǝ, FIHcue sǝku ei- ɗukǝ Fihvei, langfǝ u-mahyua bivei.¹⁷Lan-tangsa bǝjitsa Ibrahim, nǝ einiu, udǝ Ishaku. ukǝyiu tsǝngɗoɗo udǝ, yivǝnǝ mua biɓǝnǝ. ¹⁸Ei-nakǝn Ibrahim la a' lan kasǝ Ishaku lebabaman cikǝ-ing' ¹⁹Ibrahim kembi a Fihla ɓeisamɓeinǝbikǝ Ishaku tangsa lei-kwuamɓui, einanarǝ, lan-tangsalei u-muaufakǝ.²⁰Lan-tangsa bǝjitsa sǝ lenǝngnǝ dǝwurǝci Ishaku dʒǝnaku Yakubu ɓei Isuwa. ²¹lan-tangsa bǝjitsa Yakubu ɓadibǝɓuirǝ, dʒǝnaku leiyǝ Yusufu. Yakubu dǝgãrǝ u-leisǝu sǝ kabanaveu. ²²Lan-tangsa bǝjitsa Yusufu, bǝtǝngrǝvou ɓaɗi, unabi ku bǝpeirǝ veiyǝ Israila masar langfǝ udǝleibi ku kukuu.²³Lan-tangsa bǝjitsa Musa , nǝ-ciciu, le daveu yueu fihum nata bivǝ . eiɓa yimuambǝ hyi-ing. eiɓiɓi bǝteinwa vǝ yivaleu. ²⁴Lan-tangsa bǝjitsa Musa, u-gangha, ulǝa-eiɗukǝ yǝ fir'auna a yihei. ²⁵Langfǝ , uɗǝ bǝwuayiɓei ɓeileivǝnǝ Fih ku bǝlilarǝ nǝng-aɓei cuani. ²⁶Ukembi a sǝku bǝ muacua Kristi nǝngcinǝng-gãla peisǝ nǝngcinǝng masar. udʒǝnǝng lansǝ nǝngnǝ-uncirǝ.²⁷Lan-tangsa bǝjitsa Musa yikǝ masar. uɓiɓi- yuaɓangkǝrǝvǝ ƴǝvalæu , u-tsanini ɓama deuɓa yivǝnǝ eiɓaunǝ. ²⁸Lan-tangsa bǝjitsa udʒǝkǝ hyarǝ, ɓei bǝwuinhũi dokǝ yivǝhia leyi na'nwaci kemsǝ leyi nanwaci Israila leungka²⁹Lan-tangsa bǝjitsa ei-hyatangsa nwuam eihya ɓama lankuhyua-acirǝ. le-masarawa byiɗi bǝcue manǝngɓǝ mǝngmilekǝ. ³⁰Lan-tangsa bǝjitsa gyankom Jeriko okǝ nǝci kwuamkǝbu bu-hyui'iu(7) ³¹Lan-tangsa bǝjitsa Rahab lecuen-famnǝ ɓuikǝleu ɓei levǝ semtibǝnǝ bivǝ u-mua levǝnǝ wubǝhǝahyua tangsa larǝ.³²Ɓafǝ min-nakæ ? Vin om'o nabi ku Gedion, Barak, Samson, Jephthah, Dauda, Samailab, ɓei niu-le cuewuacumnǝha. ³³Lan-tangsa bejitsa ei-tangkǝ hyua, cue-nwacum a-gãng, ei-cikǝ nǝngneinanǝ. ei-lamnwa leʒyua, ³⁴ei-hiakǝ samɓei ɗua, ei-hyaku gãfǝai, nǝngɗua,vei ɗuang, ei-mimgãla tangsa ɓui, langfǝ eitangkǝ leitaɓui-aɓeifa.³⁵Leihei mua le kwuamɓuilei sǝ bǝ-irǝ, levaka ɓayiɓei gãla, ei mua bǝ -ileinaleu. dokǝ eici bǝ-irǝ agãng. ³⁶Leivaka ci bǝnibǝ tangsa bǝʒyiwua ɓei nǝng-gbanǝng yuakæ langfǝ ei-tsalei ei-lei busǝna. ³⁷Ei-walei ɓei tei . ei-tsalei na'iu-na'iu, ei-hyalei ɓei gãfǝai. ei-honfam ɓei jua-nǝngbungam ɓei jua-nǝngbuɓi. nǝngyaungnalei, eicuelei-leu langfǝ eicueleihyui ³⁸fangwam hyile kǝleu: eihonfam ɓǝngvu, lekutei, leɓuatei, ɓei tangsa ɓuahyua.³⁹Biegang,Fih ɗǝ levǝnǝng bivǝ bǝjitsavei, eici-nǝngnǝ Fih nanǝleu. ⁴⁰Fih ma nǝng-aka hĩla biɓi, dokǝ nǝɓeibileung, eibainalei hĩlǝau.

Chapter 12

¹Manǝngbǝ , kanǝ langfǝ levǝ kpãla kwambuɓi dǝɓaɓirǝn, ɓi ei nǝng-aɓei nǝmuilaha kǝta ɓi ɗǝmunyel ɓi hyuijũmnǝ ciɓini. ²ɓidʒǝ hakilo ɓi sǝ Yeso , yivǝ fuɗiɓi ɓei yivǝ dʒǝ ɓǝjitsaɓi hyïla. larǝnǝ ei-dʒǝulacini, uɗǝ munyel kæ, ula sǝkusiuha langfǝ ukwu nali kakurǝ vǝ Fih. ³Manǝngɓeng, Akembivou, yivǝnǝ ɗǝmunyel bǝlabǝnǝha sǝ levǝnǝng-aɓeisiu, dokǝ sãɓatang-wa tangsa niniɓai.⁴Ladda ɓalaleu langfǝ ɓadæ bivǝ nǝng-aɓeinǝ takǝ bǝ-einhyuihyua nǝlǝou, ⁵Langfǝ nimajila sǝ bǝtsasǝbǝnǝ naɓa kǝ leiyi a '' yim bi-akembi yicueva cuaningka, langfǝ saɓa tǝngka nǝnǝu maɓang''. ⁶Yicueva dǝ namvusǝ yivǝnǝha deuyiɗi langfǝ dǝu- namvusǝ yinǝha u-muang.⁷Ɓatsanini yiɓei kǝ bǝnamvusǝ. Fih dǝ cueɓeima kǝwa leyï. yï akatsing tangsaɓai daveu namvusiuwe? ⁸Amma nǝfǝ ei-namvusǝmawang, nǝlevǝha dǝtsaha - tangseu, yang, ɓan-leyiyua, langfǝ ɓan leyiuleu.⁹Leɗuiku, ɓila ɓaleidanǝ tangsa sǝ kǝ lenamvusǝ, langfǝ ɓidǝlei gãrǝn. fǝ kanǝ ɓiɓaɓi dǝgãrǝ peila kǝ da tangsa kwuang ɓicikǝ hũrǝwe? ¹⁰Natsing, le-daɓi namvusǝɓi tangsa vicuani nǝ eiɓab hyi-ing sǝle. Amma gyamnatsing, Fih cueɓila hyila dokǝ ɓitsaha tangsa hyirǝveu. ¹¹Ɓǝ namvusǝ yaung hyï-ing tanhyua ,Amma ʒi-ing . nala dǝ wukǝ larǝ ahyirǝ kǝ levǝnǝla ɗuangtangseu.¹²Kanǝ , ɓatsasǝ naɓanǝ ɓuihyuanǝ ɓei kabu-ɓanǝ ɓuihyuaha. ¹³Ɓamæ nǝng-agang kǝ kabuɓala dokǝ nǝngnǝ kǝ nǝngɗua bi-nyanalanka amma cilaɗuang.¹⁴Aɓabǝ kurǝlarǝ ɓei levǝha ɓei kurǝ hyila ɓeiukǝ leung yivaka , ɓayicuevau. ¹⁵Ɓa kangkuɓa dokǝ yivaka yaung ci-nǝng-agang vǝFihleung-ka, langfǝ ɓuanivu akayaung nyilan-igãrǝ ɓabǝbin dʒǝɓalaku, dokǝ langfǝ levǝyaung kpãlan ɓankǝrǝ.¹⁶ Ɓakangkuɓa dokǝ eici- lecueyuau ɓei levǝnǝ ɓiɓi Fih ɓaman Isuwanǝ bivǝn vam liaɓei yivangãveu. ¹⁷A'iɓǝng cuasiu, dǝuyiɗi ɓǝdʒǝnaku, eilau, bivǝ ucinanǝ unbakǝkuhyualeu, ɓei-anǝ uɓabǝ ɓei nǝngmǝngta.¹⁸Awusǝ teinǝ ein- tamnasiunǝleu, teinǝ dǝliɓeiɗua, ɓǝngbǝji, ɓǝngɓǝji-angã, ɓei yuankÿi. ¹⁹Awusǝ cuombwaleu, langfǝn wiyinǝ nabi levǝ-lirǝ guɓǝ na'a bifǝ ei-naleibi akalangka. ²⁰Ei-bafǝ eitsanini nǝngnǝ - einaleilanǝlǝou.''nǝ nǝngdʒam Fihsǝteiɓǝng, ei-wauɓeiteikǝ''.²¹Nǝngcuesiɓi cuesǝ bǝni musa na'a''nɓiɓing, langfǝ sǝmdǝ - ghasem''²²Langfǝ , ɓawusǝn tei sihiyona ɓei hyuavǝ Fih yivǝ-hũrǝ, urushelima a ɗuiyǝ, ɓei leihua tangsa leihovei malaika dǝhũrǝ. ²³Awung tangsa ɓegǝmrǝ vei yinanwaci, nǝ eivyi-englei ɗuiye, awusǝn Fih, yivǝ ɓatangsa nǝngha, ɓei kwuang leivǝ-agangnǝ ei-malei hyila. ²⁴Awusǝn Yeso , yivǝ jitangsa nǝngtsanǝng afu, ɓei bǝwinhyuinǝ dǝna nǝng-agang pei hyui habila.²⁵A'ɓa bifǝ ala yivǝnǝ dǝ nabi. fenǝ eihyasǝ yivǝnǝ dǝcuomɗua dǝdǝlei fangwamnileu, levǝkpau hyarǝ nǝ ɓamiyamnǝngɓa, ɓa eibakai sǝ yivǝnǝ dǝcuomɗua dǝdǝrǝ ɗuiye. ²⁶Vitsing , wiu yeu hyua. Amma kanǝ unabi'a ''bu aka tsing min yeu hyua ɓuaseulou, amma ɓei ɗuiyeha''.²⁷Lei-binǝ, ''bu-aka-tsing'' nǝngnǝ dǝnarǝnǝ, nǝngɓǝ kǝ, ɓǝ-ikǝ leinǝngnǝ ban- yiousinyiou, ho leinǝngnǝ eimanǝ , dokǝ leinǝngnǝ ba yiousiunǝ dʒǝhyua. ²⁸Manǝngbǝng, bǝmua hyuanǝ yiousiunǝ , ɓikã Fih langfǝ tangsa nǝngãni ɓidǝ gãrǝkǝ Fih ɓei bǝdǝgãrǝ ɗuila ɓei bǝdǝgãrǝ langla ɓeiɓi. ²⁹Fihɓin ɗuanǝ dǝ lirǝnǝ.

Chapter 13

¹Bǝ- yiɗibǝɓa leihyui takǝ. ²Bi niɓa jĩla sǝ ɓǝmua leɗuawaingka. lan tanseu manǝngbǝ levaka muakǝ le-malaika tangsa ɓei bǝ ibǝveilou.³Akembi levǝbusǝnǝ, ɓama etsaɓa cuahai. akembi levǝnǝ ecuelehyiu. ɓama manlei tangsa sǝ. ⁴Levǝnǝ dǝ gãrǝkǝ bǝ dʒava. nǝngluerǝ bǝdʒaɓa kuhyila, Fihn ɓatangsa levǝnǝ dǝ yiɗibǝ lueɓaleheifam ɓei levǝrǝ dǝ lueɓalehei levǝ.⁵Hakilouɓa i-ku bǝ yiɗi seidei. amua-nasǝ nǝngnǝ malaɓeukǝnǝ. Fih ɓeinau na'a ''nban-yau, langfǝ nlau''. ⁶ɓi muanasǝ nǝngnǝ, ɓilaɓeukǝ dokǝ ɓici samɓei nakǝ ''yicuevakǝ yivǝ yuangɓi; nɓan ɓiɓiu. ɓatsing yivǝn cuemkǝrǝ?"⁷Ɓa kembi levangãɓa, levǝnǝ dǝnaɓa biFihla, langfǝ ɓakembi nǝngnǝn-irǝ tang hakilouɓai. ɓaniwa ɓǝjitsave. ⁸Yeso kristi la manǝngɓǝ iou, lieni, ɓei kaɗing.⁹Bi bǝninasǝnǝng anfam ɗǝhakilouɓangka. Hyi-ing niniɓa ci -samɓei sǝ nǝng-a hyirǝ, lansǝ nvamlou nǝ yuang levǝnǝ dǝbho tangseulou. ¹⁰Ɓila ɓei bǝkurǝnǝ bǝnǝ levǝnǝ dǝcue muangsem tangsan luang yaung ɓeinanǝn tangkǝnǝng. ¹¹Hyui lehyamnǝ eihya binǝng -aɓeinǝ, lekunlæu ɗǝ dǝwukǝ ba hyirǝ langfǝ dǝcuom kwuamɓuile bǝifa.¹²Yeso langɓǝ nwayiɓei cuagivei dokǝ ulo levǝ hyila tangsa hyuiu. ¹³Kanǝ manǝngɓǝng, ɓitasiu cuagivei ɓiɗǝ sikuvǝou. ¹⁴Kanǝ ɓiyaung ɓei hyuanǝ jibayitsing. langfǝ, dǝɓi ɓabǝ anǝ dǝ wurǝnǝ.¹⁵Kaseu, kanǝ, vinǝha ɓidǝ nǝngfinǝng dǝlarǝ ƙǝ Fih, larǝnǝ dǝ-iwuaɓi langfǝ dǝ ɗu-iung ¹⁶bi niɓi jilasǝ ɓǝcue nǝng-agang kǝ hyuihalangka, lan tangsa bǝdǝkunǝ Fih dǝyiɗi. ¹⁷Ɓagwa ɓa takǝ kuɓa sǝ levanghaɓa, deɓa kuɓa. kǝ levǝnǝ fakǝbin takǝrǝnǝ. ɓagwa dokǝ levangãɓa cuenǝngnǝ ɓei larǝ langfǝ ɓei ɓǝmuanasǝleu, nǝngnǝ -cuesiu sǝɓaiho.¹⁸Ɓa gũɓi bǝla, ei dʒǝɓikala ɓuani' a ɓila ɓei bǝkembi hyila langfǝ dǝɓi yiɗi kurǝ hyila tangsa nǝng'hǝa ¹⁹dǝmin tsasǝɓa ɓacue pei manǝngni, dokǝnfan wusiɓa ɓei yemrǝ.²⁰Kanǝ Fihnǝ dǝ yiɗi kurǝ larǝ, yivǝnǝ fakǝwukǝ tangsa lekwuamɓui yivǝ gɓai lenǝngbungam-angha, yicuevaɓi Yeso, tangsa hyui nǝngtsanǝng a kaɗing, ²¹U maɓahyila ɓei nǝng-ahyirǝhæ. acuekǝ nǝngnǝ duyiɗi. ucue nwacum tangsaɓi nǝngnǝ ɗuɓa hyi-ingsiu, kasǝ Yeso kristinǝ gharǝn- avæu kaɗing. ɓigwang.²²Kanǝ, dǝmln tsasǝɓa lehyui ɓadʒǝ niniɓasǝ bǝ tsasǝnǝ ncueɓala nicuaninǝ. ²³Kanǝ, hyuiɓi Timoti ei-iunang, ɓeukǝ minwuɓin ɓaɓarǝ nǝnǝuwung.²⁴Dʒammibǝ le- vanghãɓalaha ɓei le- muacuabihæ. levǝnǝ Itali dǝ dʒambǝɓa. ²⁵Nǝng-ahyirǝ ji ɓeiɓakǝhæ.

Revelation

Chapter 1

¹Bǝ ɓa yivǝ Yesu kristi; nə fih deu utanla kəlei muasem vou. Leinənə chuesə susueni. ²Yohanna nabi kubi və Fih, tansa biagang nə Yeso klristi, lei nəngnə kpəmha uɓanə. ³Biagang ɗji kulei vənə də zam ɓei wuii,ɓaleivənəha də liirə bi ɓan'yvi, ɓaleivənə də ngarə kə nəngvinə tangseu ni. Bisə nvii ɓə bapping.⁴Yohann, takə səlei komfih nə hywii'iu tangsa Asiya: Biagang kuɓai ɓakə ɓai ta'nvəfih sə yivənə susueni, ɓai yivənə də wurə chua, ɓai yivənə wurə, tangsa lei kwang nə hyuii'iu bəkurə vou. ⁵Sə Yeso kristi, yivə nabi agang kunəng, yivənə iinachi tangsa leivə ɓwiirə, yivənə mualei yivah fangwam kukənə. Takə sə yivə də yiɗi ɓi lo nəng-aɓaiɓi ɓain hwuii. ⁶U maɓi kə vah angah, yivangah tangsa Fih davou-bi'agang ɓai samɓai ji ɓai'ukə tənkrə.Amin.⁷Aɓa dəu wurə ɓalein chii; lei nəngha ɓaunɓa, ɓalei vənəha də gɓadang bə chue nəng-aɓai. Lei hyua nəha fangwam ntata bivou. ẽẽ, amin. ⁸"Mikə nachi ɓai chichua", ẽnlee fih, yivənə u susuenə, ɓai nachi, ɓai yivənə də wurə, tangsa garə vou."⁹Mi, Yohanna-hyuii ɓa yivənə də chue yiɓai ɓai vah-angah ɓai muyan tangsa Yeso-tangsa hyuanə də ɗukə Patǝmo bisə bivə fi ɓai bi agang nə ku Yeso. ¹⁰Mila tangsa kwang viivə Fii. N'lii chua wuii ɓamang chombwa. ¹¹Ei na'a, " A vẽẽ nəngnə a ɓa tangsa ɗǝrenwol, yang a dǝkə lei kom fii nǝ hyui'iu-tangsa hyua Afisu, takǝ Smyrma, takə Perghamum, takǝ tiyatira, takǝ Sardis, takə Philadelphia ɓai Layodisiya."¹²Nmyem ɓa wuii watsing dǝ nambii, nǝngɓǝng myem nɓa lei ɗua agarǝ ni hyuii'iu. ¹³Tangsa ɗua agarǝ ɓi nɓa yi yivǝ, ya nəng yasǝ viila wukǝ kukabu, ɗuaɓǝ ga eingyaung.¹⁴Ku ɓai ɗɀamku kavou ɓamang munǝng'ii-vou ɓamang mǝngnǝn yuatei, nəng ɓamang lyem ɗua. ¹⁵Nwanǝng hyuabu dǝ hyuim ɓamang kaɓi, ɓamang kaɓi anǝ ei myem mu kafu nǝ, wuiiu ɓamang mǝngnə dǝ eirǝnǝ. ¹⁶U muan ɖjin hyui'iu nau analee, ɓai muam nwau lemla nina'iu dǝ ii tangsa nwau. puachiu dǝ hyuim ɓamang ɗuafii nǝ dǝ bua tsala nǝ.¹⁷Nǝn ɓaukǝ nǝ, n'ochiu ɓamang yivǝnə ɓuinə. U ɗji nau analee kum nǝngɓǝ u na'ah, " Bi aɓiɓinka. Mikǝ nachi mikə chichua, ¹⁸yivənə kunə u ɓuɓuii, amma aɓa min ku ha ntakərə! Mila ɓai nǝng ɓai nwakom ɓua ɓalei tsaku.¹⁹Manngɓǝng, a vii nǝngnǝ a ɓanǝ, nɓatsing susueni, nɓang wu nala chua ani. ²⁰Kasǝ bi anǝ hyuehyuerǝ tangsa jing nǝ aɓa nam a nalee ni, ɓai ɗua nǝ aɓa hyui'iu: Nɖjing nǝ hyui'iu nǝ nlei malaika hyui'iu tangsa kom gu Fii, lei ɗua nǝ hyui'iu nǝ leikǝ kom gu Fii.

Chapter 2

¹Takǝ sǝlei malaika tangsa kom gu Fii nǝ Afisu viikǝ: Nǝngnǝ kǝ bivǝ yivǝnǝ mua lein ɗjin tangsa nau analee ɓai yivǝnǝ dǝ ho tangsa lei ɗua zinariya hyui'iu, ²" N'ibǝ nǝngnǝ ɓa chuai ɓai nwatsum samɓei ɓai munyãã. N'ibǝn ɓabaɓa ji nyinyi ɓa sǝlei chue nǝng-abai. N' ibǝn ɓa nyi leivǝnǝ eina'ah lein leivǝ ta tsum vǝ fii, lein lei leu, ɓa ɓalein lein leivǝ nwa'iu.³N'ibǝn ɓala ɓai muyang, ɓa chue yiɓai wanǝ bisǝ iim, biɓa ɓiɓinka. ⁴Hyuam dǝ ɓairǝ bisǝ ɓa yi bǝ yiɗi bǝɓa nachi chua. ⁵Ba kem manǝngɓǝng bǝnǝ ɓa olanǝ. Ba tubi ɓa chuei nǝngnǝ dǝɓa chuerǝ nachi nǝ. Nǝ ɓa tubi ,leun, min wu min iikǝ ɗuanǝng dji tangsa ɓaini.⁶Amma ɓala ɓalei nǝngnǝ: Hyua ɓa dǝ ɓai sǝlei nǝngni Nikolatiya chue nǝ, langɓǝn yiɗi leu. ⁷Yiivǝnǝha la ɓai ɓwacuii lii nǝngnǝ kwang dǝ nakǝ lei kom gu Fii la. Leivǝha chue agang min dǝlei larǝ ein tang tangsa kanǝ la ɓai hurǝ, nǝ vavǝ Fii ni.""⁸Takǝ sǝlei malaika nə kom gu Fii tangsa Smyrna ñvii, " nəngnəkə bivǝ Fii, yivǝnǝng ukə naci ukǝ cicua, yivǝnǝ ɓuii ĩ tangsa ɓua. ⁹N'ibən dǝɓa nwa yiɓei, amma ɓan leivǝ nwaɓi. N'ibǝleivǝnǝ dei na'a lein lei Yahudawa nǝng. amma lein leileu. Lein lei dǝ bgarǝ kǝ mun,kuluim.¹⁰Biɓa ɓiɓi kan tangsa nǝngnǝ taɓan cue yiɓei sunǝngka. Ɓaɓa! munku.lum de yiɗi bǝ taakǝ .lei vaka kǝ bursǝna hyang dokǝ u nyiɓa, yang dokǝ ɓa chue yiɓei tangsa buni hyua. Ɓa tsani ɓa dǝ biagang wukǝ viinǝla ɓan ɓuikǝrǝnǝ, yang mkin d mhur anǝtǝngkǝrǝnǝ. ¹¹Yivǝnǝha la ɓai ɓuacuii un lii nǝngnǝ kwang dǝ nakǝ lei kom gu Fii. Yivǝnǝha ĩtangseu yang u ba'u lii zhǝǝrǝu tanghsa ɓuirǝ a nǝng na'iu.""¹²"A vii kǝ lei malaika nǝ tangsa kom gu Fii nǝ Birgamas manǝngni, nǝngnǝ kǝ bivǝ Fii nǝ la ɓai nwamauam na'iu. ¹³n'ibǝnǝ dǝɓa kulang, bǝnǝ langɓǝ munkulum kula. Amma mua nasǝ iim tsala. Ibǝn ɓa mua nasǝ biagang ɓaib tanghsa viivǝ Antibas yivǝ nabiagang mi, leiva gang minǝ eihya tangsa ɓaini bǝɓǝ munkulum kula.¹⁴Lei nǝngla nliilarǝ leu ɓai makǝ, mala ɓalei vaka la dǝ mua bǝ nyinasǝnǝng vǝ Blil'amu tsala, nǝn u nyinala ka Balak nǝ ulei tei ɠɓabu ci leiva Israilanǝ, yankǝ ei tangnǝngtang nǝ ei dǝkǝ (gumaka) yang ei chue hyua. ¹⁵Manǝngɓǝng, leivakala mjua bǝ nyinasǝ nǝng vǝ Nikolatawa tsala.¹⁶Manǝngɓǝng, ɓa tubi! Nǝ nalang min wu ɓai yemrǝ sǝmai min taɓuii aleikǝ ɓai ɗuakǝ tangsa nwam. ¹⁷Yivǝnǝla ɓei ɓuacuii ulii nǝmgnǝ kwang dǝ nakǝ lei eklishiya la nǝ! Yivǝnǝha cue takǝrǝu yang min deu nǝng-agang, lanfǝ min deu htei avou ɓai iin afuh ei nvii kutei, iinɓǝ yivǝka yaung ibǝu, yivǝ ɓuasǝu dǝ biagang sǝuni.""¹⁸Takǝ sǝlei malaika tangsa eklishiya Tiyatira nǝ, vii ; lei nǝngnǝ ,kǝ bivǝ yi Fii, yivǝnǝ la ɓai nǝng man lyem ɗua, kabu ɓaman ɓii a hyumrǝ. ¹⁹N' ibǝnǝngnǝ ɓacue nǝng: Bǝ yiɗibǝɓa ɓai bi'agangɓa ɓei bǝ dǝku ɓai munya ɓa. N' ibǝng nǝngnǝʋɓa cue susueni pei anǝ naci nǝng.²⁰Nǝnglang liikǝlarǝ ɓai makǝ leu: Dǝman ɗǝ munya ɓai yiheinǝ kǝ Jezebel, nǝ dǝu ɗuku kǝ yivǝ ta nswacum. Tangsa bǝ nyinasǝnǝng vou u ƒǝm leivǝm ,myemkǝ leivǝ cue hyua yang ei tangnǝngtang nǝ ei hyuii kǝ (giumaka) la. ²¹N'deu vii nakǝ u tubi, uu yiɗi bǝ tubio rǝleu tangdsa nǝngaɓai vou.ɓ²²A'lee! min wau ku nǝngluerǝ nǝngzhee, yang leivǝnǝ lueɓeukǝnǝ eincue yiɓei wanei, seinǝ eitubi tangsa nǝng-aɓai ɓaukǝnǝ. ²³Min gɓa leihyuii ɓei ɓua min hyarǝ, yang deukǝ lei eklisiya ibǝ mikǝ yivǝnǝ ibǝ kembi ɓei nyi-nyi. Min dǝ kowani yivǝ bisǝ nǝngnǝ ucuenǝ.²⁴Amma wukǝsǝ niuɓanǝ tangsa hyua Tiyatira, Yivɛnǝha muabǝ nyinasǝ nileu, ɓaleivǝnǝ ibǝ nǝngnǝ deɗukǝ nwacum vǝ munkulum leunǝ-Dǝmin naɓala, ndzǝɓa yiɓei akala kuɓaiu'. ²⁵Tangsa nǝngah aka fa, ɓa muanasǝ biagang ɓai htsaladeukǝn wu.²⁶Yivǝnǝha mua biagang vou tsala yang cue nǝngnǝng cuenǝng wukǝ tǝnkǝrǝun, u min deu samɓai fangwam ha. ²⁷Unmualeina ɓei kana ɓii, ɓaman sem hua un ualei tangsa hai cua-cua; ²⁸yadda Dam dǝmkǝnǝ, mima min deu djing a nwadjuaɗi. ²⁹Yivǝnǝ la ɓai ɓuacuii linǝngnǝ kwang dǝ nakǝ eklisiya lanǝ,

Chapter 3

¹Takǝ sǝlei malaika nǝ eklisiya Sardis ni nvii: Nǝngnǝkǝ bivǝ yivǝnǝ mua kwangh ni hyui'iu avǝ Fii ɓeilein djing nyi hyui'iu," N'ibǝ nǝngnǝ ɓa cue nǝng. Bǝniɓa hyin wanǝ nǝngɓǝ cue ɓala ɓei hunrǝ amma ɓa ɓuiin, ²Ba'i ɓa cue nyiu nǝngɓǝ, bisǝ u bappi bǝ ɓuirǝn. bisǝ n'ɓa nwacum ɓaɓa tǝnkǝleu ci Fi.³Ɓa kem, leinǝngnǝ ɓa mua nǝ ɓa leeha. Ɓa deu garǝ, ɓa tubi. Nǝfǝ ɓa ileun yang, min wu ɓamang leinǝng innǝng, Ɓa baɓa ibǝ viinǝ min wuɓa kǝlau. ⁴Dǝmin naɓala innlei vaka la kpawau tangsa Saridis leivǝnǝ nǝngyasǝ vei cue ɓisǝ leu. Ein hocuahai ɓeimkǝ, ein yanǝngyasǝ avou, bisǝ lein leiva agang.⁵Leivǝnǝ chikuleinǝ lein ein yanǝ yasǝ avou, nba ɓankǝ iunn tangsa ɗǝrenwol a hurǝ wau, min na kiunn kǝ damla ɓalei malaikuvou. ⁶Yivǝnǝha la ɓai ɓuacuii leenǝngnǝ kwang dǝ nakǝ lei eklishiya la."""⁷takǝ sǝlei malaika nǝ tangsa eklishiya nǝ Filidefiya in vii: ''Nǝngnǝ bivǝ yivǝnǝn ukǝ garǝ ɓei biagang-umjua nǝngɓeinvwakom vǝ Dauda, uɓai yivǝka yaung lamrǝ, ulam yivaka jyaung ɲlamrǝ. ⁸N'ibǝng nǝngnǝ ɓa cue nǝng, n'lei chi ɓai nwakom a ɓairǝ hyivǝ yaung n'lamrǝ, n'ibǝn ɓala ɓei samɓei a chuoni, amma dǝɓa muakǝ (girmamawa) bim n'tsa'nwa inyǝm leu.⁹Baɓa leivǝ ɗji nyilei sǝkom gu Fii vǝ munkulum, leivǝ a lein Yahudawa lanfǝ lein leu, deki nangnwa'iu ha. Min cuelei einwu wei baɗuang lei hyua chiɓai, yang ei wu wein ibǝ dǝmin yiɗi ɓa. ¹⁰(Tunda) nǝɓa mualei bǝ dǝ nwayang ɓa kukurǝ munya, mima min muaɓa na hyinla tangsa bǝ ƒǝmbǝ ni dǝ kulei vǝnǝng avǝ fangwam nǝ. ¹¹Dǝmin wurǝ ssusueni. Ba mua nǝngnǝ ɓala ɓeukǝnǝ tsala, yang hyivaka yaung n'ɗǝ naɓaiu.¹²Min chuei yivǝnǝha tan (nasara) tangsa bǝ gu Fim yang, u ba u ieu yilau. Min vii ku iying Fimku, iying vah angah vǝ Dam (Urshalima afuh, nǝ wu ɗuiye sǝ Fii), ɓai inying afuh. ¹³ Yivǝnǝ mha ,la ɓei ɓuacuii lee nǝngnǝ kwang dǝ nakǝ lei eklishiya lanǝ.""¹⁴Wukǝ sǝlei malaika nǝ tangsa hyua Layodikiya ni vii: Nǝngnǝ kǝ bivǝ ngwang, yivǝnǝ nawa'iu ɓei bǝ nabi agang kunǝng, ɓei yivǝ muakunǝngnǝ Fi manǝ. ¹⁵N' ibǝ nǝngnǝ ɓa cue nǝng, ɓa lǝlla leru ɓa tǝta'nh leu. N' yiɗi ko ɓa tǝta'nh ko ɓa lǝlla! ¹⁶Nǝng nǝ cue nǝ a dzi nǝngtangsai, ɓang lărǝ lǝu fǝn ntarǝ lǝu, min ɗəmɓan ɗem nwam.¹⁷Ana nǝma, 'nǝng ci nǝng ma la, le nǝng ci nǝm kpa ing, ng gwa nǝng a ka lǝu.' A ibǝ lǝu man yivǝ nǝ nǝng ma kpam yaun nǝ, yiɓai ma kpa ing, man yivǝ nǝ nǝng ma yaun nǝ, man yivǝ nǝng gbamnǝng, nyi ma lueng fǝm. ¹⁸A kan cui ma li bim: A lyia tai hwyimrǝ nǝ ei mamarǝ nǝ kanam, yang ka mem kǝ yivǝ nǝng ci nǝng, ɓai le nǝng'yasǝ a vǝu, yang ka kikǝ bwa'nyi ma bi sǝku muangka, ɓai djikwain ka fie nǝng mai ka ɓabǝ ɓai nǝngma.¹⁹ Yivǝnǝ ha dǝmin nyi, uɓǝ dǝmin nyiu nasǝ nǝnga kurǝ. Nǝ manǝngɓǝng, a cue kagan a mem. ²⁰A ɓǝ, ng djila nwakom dǝmin gba nwakom ɓǝrǝ. Nǝ yivǝnǝ ha li wuim nǝ ɓai nwakom yang, min wu tangva vǝu, min tang cwahai ɓaiu kǝ, u cwuhai ɓaimkǝ.²¹Yivǝnǝ ci kung, min dǝu na ung ku cwahai ɓaim kǝ ku bǝ kurǝm, kǝ nwa mam nǝn ng ci kum ng'ku cwahai ɓai Dam ku kurǝ vǝu. ²²Yivǝnǝ ha la ɓai ɓwacwing, li nǝngnǝ Kwang Fi dǝ narǝ kǝ le ikǝlishiya la nǝ.

Chapter 4

¹Cwa le nǝngni mɓa, nǝngɓǝng ɓa ɗuiye ɓai. Wui nǝn li na'nwaci nǝ dǝ nabi ɓaim kǝ ɓaman cwumbwua, a, "A wusǝm bǝni yang kǝng tanasǝ le nǝng nǝ djwau wurǝ nǝ." ²Mi tangsǝ Kwang Fi, nǝngɓǝng ɓa bǝ kura ei djǝ ɗuiye, yivaka la ku ku. ³Yivǝnǝ ku ku ni u ihala ɓa jaspa ɓai karneli. Nyam la bǝ kuri ɓi. Nyam ɓǝ ɓaman emera.⁴Bapi bǝ kurǝ ɓi le nǝngkurǝ la hyua iriu nanya, ɓa le vanga la hyua iriu nanya ku ku, ai ya le nǝng'yanǝng a vǝu, ɓa lei nǝng'baiku a hyumrǝ vai yiva. ⁵Ku nǝngkurǝ ɓi, le hyimrǝ ɗua i bǝbi, ɓai le bwabǝ, ɓai gamvau dǝ gbamrǝ. Le ɗua la hyĩiu dǝ ngarǝ ci bǝkurǝ ɓi, le ɗua bǝng le kwang vǝ Fi hyĩiu.⁶Ci bǝ kurǝ ɓi, gǝlass la hyumla ɓaman kristal. Bapi ɓai tangsǝ bǝ kurǝ ɓi, le nǝng aka la hurǝ lei la, nǝng lei dǝ ɓabǝ ci ɓai cwa.⁷Tangsǝ le nǝng ni, a na'nwaci sǝu ɓamang hywia, nǝng na'iu sǝu ɓaman hĩau, nǝng nata sǝu, pwaciu ihala ɓai yivǝ, a nǝng nan'nya sǝu ihala ɓai zhĩnzhĩ nǝ dǝ yaye ni. ⁸Le nǝngnǝ hũhũrǝ kule nan'nya nǝ, kon aka cing ha tangsǝ le la ɓai kantsæ kǝ hyicwung, nǝng yisǝ le hyua ɓai ye kǝ. Ingvyĩ ɓai ɗuafi ei kǝi lǝu de na a, "Garangrang, garangrang, garangrang kǝ Fi ang'nga nǝ la vǝɓi nǝ ́ɓai susue nǝ, yivǝnǝ la ɓai yivǝnǝn wurǝ nǝ.⁹Nǝ le nǝng nǝ hũhũrǝ nǝ dǝ ngarǝ, ei kă, ei nga kǝ yivǝnǝku kukai ni, yivǝnǝ ku ka'ing bǝ tǝngrǝu yaun, ¹⁰yang le vang'nga ɓǝ fa bai hyua ci yivǝni ku ku kai ɓini. Ei bai hyua ci yivǝni hũhũrǝ ku ka'ing bǝ tǝngrǝ vau yaun nǝ, e ai le nǝngbǝiku yiva kule ci bǝ kuri ɓi a, ¹¹"A kem yang bǝ mua ngarǝ ɓai kărǝ ɓai tsarǝ Yicueva ɓi ɓai Fi ɓi. Ma mă le nǝng kpam, yua ma dǝ, nǝng ɓǝi fuu nǝng ɓai mă le.

Chapter 5

¹Nǝng ɓǝng ɓa na nali vǝ yivǝnǝ ku kukai ni, kwandjua la ei vyi nǝng ciu ɓai cwu. Ei vai le nwõ ɓalai nǝng-vai-nǝng. ²Nɓa gwang malaika bǝla dǝ nabi ɓai wui tsa, "Wang ban ɓai kwandjua ɓǝ ɓa le nǝng vai nwõ?³Yivaka yau tang ɗuiye ko fangwam ni bang ɓai kwangdjua ɓǝ ko zam. ⁴Ng tata zhĩ la, yivaka yaun ei ciu nbang ɓai kwangdjua ko bǝ zamrǝ. ⁵Yivaka tsing tangsǝ le vanga ɓi nambi a, "Bi tatang ka. A ɓa Hwiaɓ vai nwakava vai Yahuda, Yũam'nyi Dauda cikung. Ung bau ɓai kwandjua ɓai le nǝng vai nwõ hyi'iu.⁶Ng ɓa Nǝngbungam dzi nǝngtangsǝ kakurǝ ɓai lai nǝngnǝ hũhũrǝ nǝ tangsǝ le vanga ɓǝ. Nǝngbungam ɓa ɓaman ei hyaun hyia. Le iko hyi'iu ɓai le nǝung hyi'iu; leɓi kǝ le kwang Fi hyi'iu nǝ cum tangsǝ fangwam hakpam. ⁷Uta tau mua kwandjua nǝ na nali vǝ yivǝni kukǝ kukai ni.⁸Nǝngbungam ɓai kwangdjua ɓǝ nǝngɓa le nǝngnǝ nang'nya hũhũrǝ nǝ ɓa lai vang'nga nang'nya fabaiciu. Kon akaha tangsǝ le mua molo nau ɓai yilang zinariya yila ɓai bǝ ngũrǝ vai vǝ vǝ Fi.⁹A lei ɓim a fu, "A kem bǝ dǝ kwangdua nǝ man ɓai le nǝngnǝ evaikǝ nwõ nǝ. Ma ei fie nǝngɓǝ a li'a zaivǝ kǝ Fi la tangsǝ le nwa, liem, zaivǝ ɓa le hyua. ¹⁰A mem le kǝ hyua ɓa le kunlau nǝng hyĩau Fi ɓi nǝ, lein mua fangwam na."¹¹Ng ɓa nǝngɓǝng li wui le malaika bapi sǝ kakurǝ ɓi ɓa le nǝngnə hũhũrǝ nə ɓa le vang'nga ɓa. Kparǝ vai hunhyĩ-hyua bǝ hyua ɓa le hunhyĩ-hyua le hunhyĩ-hyua. ¹²Ei na ɓai wui tsarǝ, "Nǝngbungam efiu nǝ, U kem bǝ mua tsarǝng, nǝngcinǝng, yiurǝ, samɓai, ngarǝ, ɓai nkărǝ."¹³Ng li le nǝngnǝ ha ei ma nǝ ɗuiye ɓai hyua ɓai nyi hyua ɓai ku nwãm dǝ narǝ a, "Tsǝ yivǝnǝ ku ku kakurǝ ɓai Nǝngbungam, nkãrǝ, ngãrǝ, hyĩrǝ ɓai tsarǝ bǝ muabǝ, fangwam bǝ tǝngrǝu yaun." ¹⁴e nǝngnǝ hũhũrǝ nan'nya nǝ na a, "Nji mangɓǝ!" nǝngɓǝ le vang'nga fa luehyua ɓai kule nǝngɓǝi ei hyĩu bǝ.

Chapter 6

¹Mɓa, vie nǝ Nǝngbungam ɓǝ ɓai tsing tangsǝ le nǝngni hyui'iu avai nwõn nǝ, nǝngɓǝng ng li tangsǝ le nǝng ni hũhũrǝ ni nang'nya nabi ɓai wui ɓaman ganvǝu a, "Awu!" ²Mɓǝ, nǝnɓǝ bua ka la kavǝu. Yivanǝ pĩ bua nǝ kantãun la naun, ei dǝu nǝngmuaku. U wu un yivǝnǝ ciku kǝu cikuu.³Nǝngbungam ɓǝ ɓai nǝngvai nwa a na'iu, ng li nǝng a hũhũrǝ a na'iu na a, "Awu!" ⁴Bua kala i kahyĩ (red). Yivǝnǝ dǝ arǝ ai dǝu nwa u ɗǝ larǝ fangwam, yangkǝ zaivǝ hyia ha. Yivǝnǝ dǝ arǝ ei dǝu gwang gãfang.⁵Nǝngbungam ɓǝ ɓai nǝngvai nwa a nata, nǝngɓǝng li nǝng a hũhũrǝ a nata na a, "Awu!" mɓa bua ɓi, yivǝnǝ dǝ arǝ mua le kwang na'iu kanau. ⁶Nli nǝng'akala ihala ɓai wui tangsǝ le nǝng ni nang'nya hũhũrǝ nǝ na a, "Nǝng'nyi alkama ku dinari tsǝng, ɓa le nǝng'nyi nǝng barli nata ku dinari. Bie ɓa nauni nuĩ ɓai mǝngka.⁷Nǝngbungam ɓǝ ɓai nǝngvai nwa a nanya, nǝngɓǝng li nǝng a hũhũrǝ a nanya na a, "Awu!" ⁸Nǝngɓǝng ɓǝ bua ɓǝla sǝu vyĩvyĩrǝ. Yivǝnǝ dǝ a bua bǝnǝ iung Bwa, Hade muakǝ cwu. Ei dǝ le tsarǝ ku fangwam bǝ nang'nya, ai hyia bǝ ɓai hyium, ɓa vuom ɓai nǝngzhĩ ɓa le hyiam ɓǝngvu fangwam.⁹Nǝngbungam ɓǝ ɓai nǝngvai nwa a nahyĩ, mɓa ɓwanyi bagadi hũrǝ vaivǝ nǝ ei hyia bi bivǝ Fi ɓai bi bǝ nabi vai nǝ ei mua. ¹⁰Ei tata ɓai wui, "Nkem ɗau, Yicueva kunəng kpam, garangrang ɓai ka'gang, sai na cue kita kǝ levǝnǝ la ku fangwam ni kǝ wa fa nwahem hwyĩ ɓi? ¹¹Kon wa ha tangsə le ei dǝu nǝng'yasǝ'ǝ vau, ei nale la ai'mi nala cuani sai nyile hyile le muangsam ɓale hyile levǝnǝ ei hyile bi Fi nǝ ne hyiale ɗakǝni.¹²Nǝngbungam ɓǝ ɓai nǝngvai nwa a hwĩtsung nǝngɓǝng ɓa hyua yǝu ɓai tsa. Fie ʤ‌ũrə mem kaɓi ɓaman zanǝng bazhĩ, fihwĩm mem ɓaman hwyĩ. ¹³Le ‌ʣǝng nǝ ɗuiye ni o hyua ɓaman ka vai ei yanka nǝ ɗuanglǝu kǝta daidenǝ yua dǝ wõrǝnǝ. ¹⁴ Ɗuiye kwam ɓaman kwangʣua nǝ ei kwam-kwamrə nǝ.Le tai ha ɓalai gwam nwam yibənə le la nə.¹⁵Nəngɓə le yiva fangwam, ɓale vanga, ɓale gwa le soja, levǝ nǝngcinǝng, ɓa levǝnǝ tsatsarǝnǝ, ɓai kon waha, le mongtsǝm ɓa levǝ ei yilei na nǝ ei yue bwa tai ɓa le ɓǝng tai, ¹⁶ei nakə le tai la ɓa le ɓamtai a, "Ɓa o ku ɓi! Ɓa lam ɓi nǝng yivǝ ni ku kukai ni ɓai bǝ bwaci vǝ Nǝng'bungam. ¹⁷Fi bǝ bwaci vai wung. Nwang ban dzirǝ?"

Chapter 7

¹ Ci cwasǝu, mɓa le malaika nang'nya dzi nwa le lungrǝ fangwam nag'nya, ei mua le yua ni nang'nya yang bi le yua ɓǝ wang ku nwãm ko ku ka kai. ²Nɓa malaika ka la i nyi dǝ wurǝ, u mua nǝngvai'nwa vǝ Fi nǝ hũhũrǝ nǝ. U tata'a ɓai wuie tsarǝ kǝ le malaika nǝ nang'nya levǝnǝ ei dǝ le nwa ei nauni hyua ɓai nwam ka nǝ: ³ "Ɓi ɓa nauni hyua ɓai nwam ɓa le ka kǝ, sai ne tam nǝng nwangpwaci le mongsǝm vǝ Fi ɓi.⁴Ng li pkarǝ vai vǝ nǝ ei tam nəng nwapwaci ni: 144,000 ei tamǝng nwapwaci le nwakava vai Israila ha pkam. ⁵hunhwĩ hyua hyua irǝu na'iu (12,000) tang nwaka va vai Juda ei van nwapwaci le, hunhwĩ hyua hyua irǝu na'iu (12,000) tang nwaka va vai Ruben ei van nwapwaci le, hunhwĩ hyua hyua irǝu na'iu (12,000) tang nwaka va vai Gad ei van nwapwaci le, ⁶hunhwĩ hyua hyua irǝu na'iu (12,000) tang nwaka va vai Asher ei van nwapwaci le, hunhwĩ hyua hyua irǝu na'iu (12,000) tang nwaka va vai Naftali ei van nwapwaci le, hunhwĩ hyua hyua irǝu na'iu (12,000) tang nwaka va vai Manassa ei van nwapwaci le,⁷hunhwĩ hyua hyua irǝu na'iu (12,000) tang nwaka va vai Simion, hunhwĩ hyua hyua irǝu na'iu (12,000) tang nwaka va vai Levi, hunhwĩ hyua hyua irǝu na'iu (12,000) tang nwaka va vai Issaka, ⁸hunhwĩ hyua hyua irǝu na'iu (12,000) tang nwaka va vai Zebulun, 12,000 tang nwaka va vai Yisu, hunhwĩ hyua hyua irǝu na'iu (12,000) tang nwaka va vai Benjami ei van nwapwaci le.⁹Cua le nǝngni nǝngɓǝng ɓa, gwang ʣung zaivǝ kpala nǝ yivǝ nǝ ban zamrǝ nǝ yaung tangsǝ le ku yua, le nwakava, zaivǝ ɓa le nwa dzi ci kakurǝ vǝ Nǝngbungam. Ei ya nǝng'yasǝ'ǝ vau ɓa le yanka dibino le, ¹⁰de ɗubǝ ɓai wui tsa a, "Yuangrǝng a Fi ɓi nǝ ku kukakuri ni ɓai Yinǝngbungam!"¹¹Le malaika ʤi bapi ɓai kakurǝ nǝ ɓai bapi ɓa le vang'ngã ɓa le nǝngnǝ hũhrǝ nang'nya, nǝngɓ ei bǝi hyua ɓai nwaku le ci kakurǝ ɓi. Ei hwĩun Fi ¹²a, "Dzing mangɓǝ! nkãrǝ, yiurǝ, bǝ dǝ nkãrǝ, hyĩrǝ, tsarǝ ɓai samɓai a vǝ Fi ɓi ka'ing ka'ing! "Dzing mangɓǝ!¹³Yivaka tangsǝ le vang'nga ɓi ɓim a "Lewa yanǝng kavau ne, ei i lampa? ¹⁴Ng nau la, "Baba, ma ibǝ," nəngɓəu namla a, "Leɓi kə levənə wu tangsə yiɓai ang'nga ni. Ei lo le nǝng'yasǝ vai mem kavǝu ɓai hwyĩ Nǝngbungam.¹⁵Nǝngnǝ cue ei ji ci kakurǝ vǝ Fi de nkãurǝ ingvĩ ɓsi ɗuafi nwakom Fi. Yivǝnǝ ku kakurǝ ni un lamble bai ngãrǝ vo. ¹⁶Vom ɓai ling'mǝng mua le kau. Fie djũrǝ ɓai ɗuaka gbale wa. ¹⁷Nǝngbungam nǝ ku ɓǝng kakurǝ ni, ung memkǝ yivǝ gbã le rǝ. Ung olekǝci, ung ta le kǝ bǝ nǝ mǝng hũrǝ dǝ ɓula nǝ. Fi n'fii le nǝngmǝng nǝng le fi ha kpam.

Chapter 8

¹Nǝngbungam ɓǝ ɓai le nǝngvai nǝng a hwĩ'iu, nǝngɓǝ bǝ gam ɗuiye a awa tsing. ²Nǝngɓǝng ɓa le malaika hwĩ'iu dzi ci Fi ni, nǝngɓai ei dǝu le cuambwa ni hwĩ'iu.³Malaika ka mua basǝin cwum turare ku bagadi na. Ei dǝu le turare kpala yang kǝu dǝ ɓai bǝ ngũ Fi vai vǝ mua cwa Fi ku bagadi turare zinariya ci kakurǝ. ⁴Hwyĩ-ɗua turare ɓǝ ɓai bǝ ngũfi vai vǝ mua cwa Fi, i ci Fi kana malaika ɓi. ⁵Malaika ɓǝ ɗǝ basǝin yila ɓai ɗua ku bagadi. Nǝngɓǝu wa wu fangwam, nǝngɓǝ gamvau gbam, bwuabǝ, hyĩm le ɗua nəngɓə hyua yeu.⁶Le malaika hyĩ'iu nǝ mua tsuambua nauni, masǝ le bǝ ta bǝ irǝ. ⁷Malaika na nwaci i tsuambua vau, nǝngɓa nǝng'hwyũatai ɓai ɗua kwaha ɓai hwyĩ ei wakǝta ku fangwam yang kǝi cum bǝnata, ei cum le ka bǝnata ɓa le yankaɓia.⁸Malaika a nǝng na'iu i tsuambua vau nǝngɓa nǝng'aka ɓaman taing ngã ɗua dǝ lirǝ, ei wuo kǝta ku nwãm. Nǝngɓǝ nwãn bǝnata mem kǝng hwyĩ, ⁹nǝng nata vai nǝngnǝ tangsǝ nwãn ni ɓwi ɓa le nǝng nata vai fua'mǝng ɓankǝ.¹⁰Malaika a nǝng nata i tsuambua vau, nǝngɓǝ gwang djǝng ɓǝla dǝ hwĩmrǝ ɓaman ɗua fa o ɗuiye ku nǝng nata vai mǝng ɓa le bǝ ɓurǝ vai mǝng. ¹¹Ing djǝng ɓǝ nǝngɓǝ kǝ Ka'nyirǝ. Le mǝng bǝnata mem nyi-nyirǝ. Levǝ kpala ɓui tsǝ le mǝng ni nyi-nyirǝnǝ.¹²Malaika nǝng nang'nya i tsuambua vau nǝn ɓǝ ei gba nǝng nata vǝ fie'djũrǝ ɓai nǝng nata vǝ fihwĩm ɓa le djǝng. Nǝng nata vai cue danguji. Nǝng nata vǝ ƒi ɓai nǝng nata ingvyĩ ci ɗua lǝu.¹³Mɓa , nǝngɓǝng lizhĩngzhĩ dǝ yarǝ ɗuiye dǝ ɗubǝ ɓai wui tsarǝ a, "Aɓa tǝng'yang, Aɓa tǝng'yang, Aɓa tǝng'yang ɓa levǝ nǝ ku fangwam ni bi nyiu le tsuambua nǝ lei malaika nata irǝ nǝ.

Chapter 9

¹Malaika a nahwĩ i tsuambua vau. Na djing ɓǝ la ɗuiye o hyua, djing ɓǝ ei dǝu nǝngɓai nwakom ɓua bǝtǝngrǝu yaun nǝ. ²U ɓai ɓua nǝ bǝ tǝngrǝu yaung nǝ, nǝngɓǝ hwyĩɗua i ɓua ɓi ɓaman ɗua tang ɓua. Fiedzũrǝ ɓai hyua mem kaɓi bi hwyĩɗua ni dǝ i bua ni.³Tang ɓua ɓi nǝngɓǝ hwyĩɗua i bǝ bi, ei dǝ le tsarǝ kǝ'nwa le hyĩng fangwam ⁴Ei na le la a bie ɓangkǝ vu, le yangka ko ka-nka sai levǝ nǝ ei tamnǝng vǝ Fi nwapwaci vai lǝu nǝ.⁵Ei dǝ le na bǝ hyia levǝ ɓǝ lǝu, eing dǝyiɓai kǝ levǝ fihwĩm nawhĩ. Zhĩrǝ bǝ tabǝ vai ɓaman zhĩrǝ bǝ tabǝ vǝ hyĩng nǝ ta yivǝng. ⁶Fieɓi, zaivǝn ɓabǝ bwa ciu wa. Eing ɓa bǝ bǝ ɓuirǝ, bwan hwing yileng'yi.⁷Le kulung ɓǝ ihala ɓa le taaɓui. Nǝngɓǝ la ku le ihala ɓa le nǝngbaiku ɓi. Pwacile ihala ɓa le pwaci zaiyivǝ. ⁸Djãmku le ihala ɓai djãmku lehai. I le ihala ɓa i le hwyũ. ⁹Lela ɓa le nǝng'yasǝ ɓaman le nǝng'yasǝ ɓi. Wuing nwakantsãng le ɓaman wui kalo vai bua ɓaman le bua nǝ hwie dǝ taa nwaɓui nǝ.¹⁰Le la ɓai kahĩng tabǝ kǝnwa vai hyĩang. Kahĩng le, lela ɓai tsarǝ nǝ eing nauni zaivǝ fihwĩm nahwĩ. ¹¹Malaika bwa nǝ bǝ tǝngrǝu yaung nǝ ku ɓaman yi kule. Ing'ng ɓai nwa'yi Hibǝru nǝngɓǝ kǝ Abaddon, ɓai nwa'yi Grik nǝngɓǝ kǝ Apollion. ¹² Ɓa ɓaa! Yiɓai ana'nwaci pai. Cua sǝu le yiɓai aka la na'iu dǝ wurǝ na.¹³Malaika a hwĩtsũng i tsuambua vau, nǝngɓǝng li wui a ka dǝ irǝ tsǝ le iku bagadi ɓi (golden), nǝngɓǝ kǝ bǝnǝ Fi la nǝ. ¹⁴Wui ɓǝ nabi kǝ malaika a hwĩtsũng nǝ mua tsuambua nǝ a, "Ɓa yinǝ kǝ le malaika nǝ ei tsaa le tsǝ nwãn Yufureti ni." ¹⁵Le malaika nang'nya nǝ ei ma le bi awa ɓǝ, fi ɓi, fihwĩm ɓi, ha ɓi ei yilena wei hyia le nǝng'nata vǝ zaivǝ.¹⁶Ng l kparǝ vai soja nǝ ku ku cua bua ni, kule 200,000,000. ¹⁷Manǝng ni nǝngɓǝng mɓa le bua nǝ tangsǝ vyĩm (my vision) ni ɓa levǝnǝ dǝ a bua ɓǝ nǝ: Nǝng'yatsǝ vai kăhhyĩ ɓaman ɗua (red), ɓama kaɓi, kavau , dǝ hwĩmrǝ ɓaman mǝngɗui. Ku le bua ɓa ihala ɓai ku le hwyã nǝngɓǝm, ɗua ɓai hwyĩɗua ɓai ɗuavau dǝ irǝ nwa le.¹⁸Ei hyia levǝ nǝng'nata ɓa le nǝngzhĩ nǝ: ɓai ɗua, ɓai hwyĩɗua ɓai ɗuavau nǝ dǝ le nwa le ni. ¹⁹Tsarǝ vai bua ɓǝ lang le nwa le ɓa le kahing le. Kahing le ɓamang le dzǝu, le la ɓa le kunǝ de dǝ le nǝngzhĩ kǝ levǝnǝ.²⁰Nyiu le zaivǝ, levǝnǝ nǝngzhĩ ɓa hyia le lǝu nǝ, ei la bǝ taacua kǝ le nwacum vai lǝu, ei yila tsǝ bǝ hyiau le ĩyang (demons), ɓa le nǝngɓui kaɓie (gold), kabie-vau (silver), kabie-hyĩ, ɓa le tai ɓa le ka, le nǝngnǝ ei ɓai ɓa li ɓǝu, ɓa bǝu, ba howa. ²¹Ei taacua kǝ bǝ hyiabǝ vai lǝu, ɓai bǝ ɓabǝ vai lǝu, ɓai le nwacum bǝ cueyua vai lǝu.

Chapter 10

¹Nǝngɓǝng ɓa gwang malaika ka la dǝ wurǝ ɗuiye. Ei kiu ɓǝng ci. Nyam la ka ku. Pwaciu ɓaman fiedzũrǝ nǝngɓǝ ka bu ɓaman le ka-ta ɗua. ²U mua yi kwandjua ɓǝ la ɓaiɓairǝ nãun nǝngɓǝu u tam kabu a nali ku nwã a nami ku hyua.³Nǝngɓǝu bwabǝ ɓai wui ɓaman taa vǝ hwyĩa. Nǝu tataa ni, nǝngɓǝ le gamvau ni hwĩ'iu nabi tangsǝ le wui le. ⁴Le gamvau nǝ hwĩ'iu nabi, tamin vyĩrǝ, nǝngɓang li wui ɗuiye dǝ na a, "A yue le nǝngnǝ le gamvau nǝ hwĩ'iu nanǝ. Bie vyĩng ka."⁵Malaika nǝ ɓai tam bu ku nwãm ɓai hyua ni, ɗǝ nau ɗuiye. ⁶U hwyĩnǝng ɓai yivǝni ku ka'ing ka'ing ni, yivǝnǝ ma ɗuiye ɓa le nǝngnǝ hyua ni ɓa le nǝngnǝ tangsau ni, le nwãng ɓa le nǝngnǝ tangsau ni. Nǝngɓǝ malaika ɓǝ na a, "Bǝ dzurǝ yaun. ⁷"Fi nǝ la malaika a nǝng hwĩ'iu tabǝ i tsuambua vau, bǝ bi nǝngɓǝ nǝng a yuerǝ vǝ Fi yilarǝ.⁸Wui nǝn li ɗuiye ni nam bi ka la: "Ata ta mua kwangdjua nǝ ɓaiɓairǝ na malaika nǝ djã kabu ku nwãm ɓai ku hyua." ⁹Nǝngɓǝng ta sǝ malaika ɓǝ, ng'naun nakǝ u dǝm yi kwangdjua ɓa. U nam la a, "A ɗǝ a tang. Tang nwa main man li larǝun li, tang yua main man li nyirǝung li."¹⁰Ng ɗǝ yi kwandjua ɓa na malaika ɓi nǝngɓǝng tang, Ng li lalarǝ nwam ɓaman cwang, nǝngɓǝ cicwasǝu nǝngɓǝng li tang yuam nyi-nyirǝ. ¹¹Yivaka, nam bi, "Djũa man nabi kan na ku zaivi, le hyua, le nwã ɓa le yiva."

Chapter 11

¹Ei dǝm ki ɓǝ la ɓaman ka nyi nasǝ nǝng. Ei nam la a, "A i a a nyi kom vǝ Fi ɓai bagadi, ɓa le vǝ nǝ dǝ hyĩaunǝng tangsǝu ni. ²Bie nyi cwa kom ɓǝ baifang ka, bǝ ɓǝ ei dǝ kǝ le Yuavang. Ei tam van'ngã garǝ bu fihwĩm hung'iu iriu na'iu.³Min dǝ tsarǝ bǝ nabi kǝ le na nwam na'iu bu 1,260 ei ya nǝng'yasǝ nyibi." ⁴ Le na nwa bi ɓǝ kǝ le ka zaitun na'iu ɓa le ka'djĩ-ɗua nǝ dji ci Yicueva fangwam ni. ⁵Nǝ yivaka la dǝ yiɗi bǝ nauni le rǝng, ɗua i nwa le li le buei vai. Yivǝnǝ ha gwala tan hyia le rǝng ng'ɓui mangɓǝ.⁶Le na nwa nǝ la ɓai tsarǝ nǝ eing lam ɗuiye yan mǝng ba nãun daide nǝ de nakǝ bi nǝ. Le la ɓai tsarǝ nǝ ei mem mǝng kǝng hwyĩ yang ei gba fangwam ɓai le nǝngzhĩ ha yua le dǝ ɗǝ nǝ. ⁷Nǝ ne tǝngkǝ bǝ nabi vǝing, yang hyĩam-ɓǝngvu nǝ i bua ni bǝ tǝngrǝu yaun nǝ wun ta ɓui ɓa le kǝ. Un tang leng tang ɓai ɓui kǝ.⁸Kwamɓui leng ei ku nǝng'ngã vang'ngã (Nǝ dǝ ɗu a Sodom ɓai Masar) ɓǝ nǝ ei pi Yicueva vai la nǝ. ⁹Bu nata ɓai cũrǝ nwã, le vaka tangsǝ le zaivǝ, ɓa le nwãkava, ɓa le nwã ɓa le hyia ng ɓa le kwamɓui le, ei gwala ei cui le kwamɓui ɓǝ dzum wa.¹⁰Levǝnǝ ku fangwam nǝ ng li larǝn li, ei gbǝ-gbãn ku le. Eing cuo le nǝngdǝnǝng kǝ hala nǝngnǝ cue nǝ le na'nwa nǝ na'iu nǝ nauni levǝnǝ ku fangwam ni. ¹¹Cue bu nata ɓai ka cuani, hũrǝ tsǝ Fi wung ta sǝ leng ta yang ei i eing djirǝbu dji. Bǝ ɓiɓi tsala o ku levǝ ni ɓa le nǝ. ¹²Yang eing li wui ɗuiye dǝ na le la a, "Ɓa wu bǝnǝ! Yang eing i ǝng ta ɗuiye ɓǝng le ci, le buei vai mɓa le ɓai nǝng.¹³Vie ɓi, hyuan yiyău ɓai tsakǝ, hyua nwã tangsǝ va ɓi dei, nyi levǝnǝ i bǝbi ni, ɓi mua le, ei dǝ ngãrǝ kǝ Fi nǝ ɗuiye ni. ¹⁴Ɓa ɓaa! Yiɓai ana'iu pai. Yiɓai anata dǝ wurǝyemla.¹⁵Malaika a hwĩ'iu i tsuambua vau, wui ɓǝ la nabi ɓai tsa a, "Va fangwam memkǝ va vǝ Yicueva ɓing ɓai Kristi vaung, ung muana ka'ing ka'ing."¹⁶Nǝngɓǝ le vangã nǝ ku ku le kakurǝ ci Fi ni, ei fa ebai hyua ei hyĩau Fi. ¹⁷Nǝngɓǝ ei na a, "Ɓi daa nkãrǝn, Yicueva Fi Angã, yivǝnǝ la ɓai yivanǝ la nǝ. A ɗǝ ngãrǝ ma a tsang, a banyi bǝ lue yiva mang.¹⁸Yua le kuhyua ɓankǝng, ci ma wuyang. Vie wung nǝ man cue kita kǝ levǝ nǝ la ɓui nǝ, le muangsǝm ma nǝ dǝ na nwamanǝ, levǝ nǝ dǝnyi-nyi le tsǝ mai ni, ɓa levǝ nǝ dǝ ɓiɓi ĩng ma nǝ, levǝ vangã ɓa le mong. Vi wung nǝ man nauni kǝ levǝ nǝ ɖ nauni fangwam nǝ.¹⁹Nǝngɓǝ va Fi ɗuiye ɓai , nǝngɓǝ ei ɓa akwama (ark) gwanwa vau tangsǝ va Fi. Le ɗua hyĩm, dǝ wa ɓai tsa, gamvau gbam, hyua yeu, nəngɓə mǝng nǝng hwãtai na ɓai tsa.

Chapter 12

¹Gwang nǝngɓǝ la ei ɓa ɗuiye: yihai ɓǝ tsăsǝ ɓai fiedjũrǝ ɓai fiehwĩm kabu ɓa le nǝngbaikun djǝng ni hyua iriu na'iu ku. ²U ɗǝ yua nǝngɓǝ dǝu tataa nǝngzhĩ ci yi.³Nǝngɓǝ nǝng aka i ɗuiye: A ɓa! Gwang dzau ka ka hyĩ ɓai le iku hwĩ'iu ɓa le nǝngmuaku ni hyua. ⁴Kahĩng'u gba le djĩng ɗuiye walekǝta hyua. Djǝu ɓǝ dji ci yihaini dǝ tanǝngzhĩ yi nǝ, yang nǝu ci yi ɓǝng kǝri tang yimong ɓǝ.⁵U ci yă yiɓui, yivǝ nǝn mua leva hapkam fangwam ɓai kaɓi vau. Ei ɗǝ yi yihai ɓǝ ei takǝ tsǝ Fi ɓai ka kurǝ vau, ⁶nǝngɓǝ yihai ɓǝ hwii ta ɓǝngvu, bǝnǝ Fi mau la nǝ, yang kǝ djinǝng sǝu bu 1,260.⁷Nǝngɓǝ ɓui i ɗuiye. Mikailu ɓa le malaika vau iku djau ɓi, djau ɓǝ ɓale malaika vau iku le. ⁸Djau ɓa tsa bǝgang nǝn tangkǝ ɓui ɓǝ lau. Ba ka yaung ɗuiye bi vau ɓa le malaika vau. ⁹Gwang djau ɓǝ, djau a kwi nǝ de ɗu kǝ, yivǝ nǝng aɓai kon Mungkulung nǝ djǝ nwa fangwam kpam nǝ, ei wuo kǝta fangwam ɓa le malaika vau ei wale kǝta hyua.¹⁰li wui ɗuiye bai tsa kǝ, "Susue nǝ yuangrǝ Fi, ɓai tsarǝ, ɓai va vǝ Fi ɓi ɓai tsarǝ vǝ Kristi vau wung. Yivǝnǝ dǝ dei le hwĩ ɓi nǝ ei wokǝtang hyua, unǝ dǝu dei le kǝ viha ci Fi ni.¹¹Ei taung ɓai hwyĩ vǝ Nǝngɓungam bai bi vai. Le nwa bwa yiɗi hũrǝ le lau. ¹²Ɓa li larǝ ɓa nǝ le ɗuiye ni ɓa le vǝ nǝ ku bǝ bi ni. A ɓa tǝng'yang ɓa levǝ nǝ ku fangwam ni, ɓai nwãm, yivǝ nǝng aɓai wung sǝ ɓa, ɓai ci buarǝ, u ibǝng nyi bu kpaun.¹³Djau ɓa ibǝ ei wau kǝta hyua, u nyam cwa yihai nǝ ci ya yiɓui nǝ. ¹⁴Ei de yihai ɓǝ le nwakangtsãin na'iu nǝun yakǝ ye ɓaman zhĩngzhĩ nǝ, yang kǝu ta bǝ nǝ ei mau la ɓǝngvu ni. Bǝ ɓa nǝngɓǝ eing djining sǝu bǝ bi a vie cuani bai nwõ bǝ ni djau ɓǝ yaun nǝ.¹⁵ Djau ɓǝ pãm mǝng kǝta nwã ɓaman nwãm yang kǝu ikǝ mǝng gbamrǝ nǝ wun hyia yihai ɓǝ nǝ. ¹⁶Nǝngɓǝ, hyua yung yihai ɓǝ. Hyua ã nwõ mi nwãm nǝ djau ɓa pãm kǝta nwõ ni. ¹⁷Nǝngɓǝ djau ɓǝ i ɓai ci ta bǝn taɓui ɓa le yi yihai ɓǝ. Levǝ nǝ mua bi vǝ Fi nǝ ɓa le vǝ de nabi Yeso nǝ. ¹⁸Nengɓǝ, djau ɓǝ dji ku hyuang'hwyĩ.

Chapter 13

¹Nǝngɓǝng ɓa hyĩamɓungvu dǝ i nwãm. U la ɓa le iku hyua bai ku hwĩ'iu. Le iku bǝ nǝngɓǝ kǝ le nǝngbaiku hyua, kon ku aka ha dǝ dei Fi ɓai em kǝ. ²Hyĩamɓungvu nǝng ɓa nǝ ihala ɓai hwyĩ. Kabu ɓamang kabu ɗuavu, nwõ bamang nwã hwyã. Djau ɓǝ dǝu ngãrǝ, ɓai kakurǝ vau ɓai tsarǝ muabǝ na.³Hyĩamɓǝngvu ɓǝ ka i ɓama ei hyiau hyia, nǝngɗua vau nǝ pai samɓai nǝ cilarǝng. Tsǝɓi mua levǝ fangwam kpam nǝ ei mua kǝ cwa hyĩamɓǝngvu ɓǝ nǝ. ⁴Ei hyĩau djau ɓǝ. Djau ɓǝ dǝ tsarǝ vau kǝ hyĩamɓǝngvu ɓǝ. Ei hyĩau hyĩamɓǝngvu ɓǝ dǝ na a, "Wa kǝ nwã hyĩamɓǝngvu ɓǝi?" "N'wang mba gbaha ɓaiu kǝ?"⁵Hyĩamɓǝngvu ɓǝ ei dǝu nwã nabie ɓai tsa le ɓai eim Fi. Ei yeu nabi ɓai tsa fihwĩm hung'iu iriu na'iu. ⁶Hyĩamɓǝngvu ɓǝ ã nwõ dǝ dai Fi ɓai em: dǝu dei ing Fi, ɓai bǝnǝ Fi ku la nǝ ɓa levǝ ku ɗuiye ni.⁷Hyĩamɓǝngvu ɓǝ ei dǝuna bǝ taɓui ɓa levǝ muacua Fi, u tangle ɓai ɓui kǝ. E dǝu tsarǝ ku le nwãkava, zaivǝ, le nwã ɓa le kuhyua. ⁸Levǝnǝ kpam fangwam ni hyĩau u, yivǝnǝ ha ei cue i'ung tang Kwangdzua Hũrii vǝ Yinǝngbungam ni ei fiu tun bǝ marǝ fangwam lǝu,⁹Yivǝna la ɓai ɓuacui, u li. ¹⁰Yivǝnǝ ei djǝ kǝ bǝta muangsǝm un tang muangsǝm. Yivǝnǝ eng hyiaurǝ, eng hyiau ɓai ngãfãin. Anǝ dǝ ɓabǝ bǝ ɗa mu munya tsǝ levǝnǝ dǝ muatua Fi nǝ.¹¹Nǝngɓǝng ɓa hyĩamɓǝngvu ka dǝ irǝ tang hyua. U la ɓai iku ɓaman avǝ yinǝngbungãm. Dǝu nabi ɓaman djǝu. ¹²U tsa man hyĩamɓǝngvu a na nwaci nǝ. U cue fangwam ɓa levǝnǝ ku tangsǝu ni hyĩau hyĩamɓǝngvu a na nwaci nǝ gwang nǝngɗua ku u ci larǝ nǝ.11 Ke ama zang ingur-beke omi olu esi ti kitsi ra ba. Ke le yi ezin ipa ereng fu itaan, ilok kilang ereng uzur. ¹²Itok itu kazak ni ingur-beke ami ni kitabri lilang obr ngyi, ke anda kayang eyi bangyi abe ele mbe anda ingur-beke nyi bolib arak ki--ami kibang ngyi onyong meng.¹³U cue le nǝng ɓisǝ kpala. U cue ɗua o ɗuiye ku fangwam ci zaivǝ. ¹⁴U djǝ nwã levǝ ku fangwam ni kpala bi le nǝngsǝɓi nǝ ei dǝu nǝ u cue kǝnǝ. U na le ai manǝng nǝn dǝ ngãrǝ kǝ hyĩamɓǝngvu nǝ nauni ɓai ngãfang nǝ ku nǝ.¹⁵Ei dǝuna u dǝ hũrǝ kǝ kwang hyĩamɓǝngvu ɓǝ yang kǝ kwang ɓǝ nabi, cue levǝvǝ la hyĩau hyĩamɓǝngvu ɓa ei hyia le. ¹⁶U cue le vangã ɓa le muahang, le nǝngcinǝng ɓa le v yiɓai, le muangsǝm ɓa levǝ nǝ ei ile nanǝ, ei mua nǝngtamnǝn vǝ na nali ko nwanpwaci le. ¹⁷Nǝ yivǝnǝ yaun ɓai nǝngtamna ɓin, u bau lia ko u lia ɓai nǝng wa. Ing lamba ɓǝ nǝngɓǝ,¹⁸Ana dǝ ɓa bǝ yiurǝ. Yivǝnǝ la ɓai bǝ ibǝnǝng yang, u zam lamba vǝ hyĩamɓǝngvu ɓǝ. Lamba vai vǝ. Lamba ɓǝ nǝngɓǝ kǝ 666.

Chapter 14

¹nǝng mɓa Yinǝngbungam dji ku Tai Zayon. Levǝ la cuahai ɓaiukǝ ni 144, 000, levǝnǝ ei ing vyĩ ing Da vau nwãku le. ²Nli wui ɗuiye dǝ gwa ɓaman wui le mǝng kpala ɓa le wui gamvau. Wui nǝng li nǝ ɓaman yivǝ bga garaya dei bgarǝ.³Ei lei ɓim a fu ci kakurǝ ɓai ci le nǝngnǝ hũhũrǝ nang'nya nǝ, ɓa le vangã ni. Yivaka yaun ina ɓim ɓǝ sai levǝnǝ ei lia le tangsǝ fangwam ni. ⁴Leɓi kǝ levǝnǝ ɓankǝ sǝ le ɓa le hai lau. Ei mua kule sǝ bǝ cue nǝng afam tang fangwam. Leɓi kǝ levǝnǝ muacua Yinǝngbungam bǝ ha dǝu tala nǝ. Leɓi kǝ levǝnǝ ei lia le na'nwaci ɓǝng zaivǝi kpam kǝ Fi la bai Yinǝngbungam. ⁵Ei ci le ɓai nwã'iu lǝu; nǝng'aɓai vai yaun.⁶Mɓa malaika ka dǝ yarǝ ɗuafi, yivenǝ la ɓai bie larǝ nǝ bǝ tǝngrǝu yaun nǝ, u tai nwã kǝ levǝnǝ la ku fangwam ni, leva kuhyua, nwãkava ɓa levǝ. ⁷U ɗubǝ ɓai wui, "Ɓa ɓiɓi Fi ɓa dǝu ngãrǝ. Finǝ la ung cuekǝ kita vau nǝ wung. Ɓǝ hyĩau, yivǝnǝ ma ɗuiye, fangwam, wãm, ɓa le bǝ ɓurǝ vai mǝng."⁸Malaika nǝng na'iu muacua dǝ na a, "Ong, Ong Babilon angã, yivǝnǝ djǝ nwã le kuhyua kpam ei nwã mǝngka mua nyi-nyi aɓai."⁹Malaika nǝng nata muacua dǝ na ɓai wui a, "Nǝ yivaka la hyĩau hyĩamɓǝngvu ɓǝ ɓai kwang'u nǝ mua nǝngtamnǝng nwã pwaciu ko kanau, ¹⁰Ung nwã mǝngka ci vǝ Fing nwã, mǝngka nǝ ei ai tangsǝ yilang'mǝng vǝ Fi. Yivǝnǝ nwã, ung nwã yiɓai tang ɗua ɓai bwaɗu ci Fi ɓa le malaika vo ɓai ci Yinǝngbungam.¹¹Hwyĩɗua nǝ dǝ le yiɓai nǝ i ta ɗuiye ka'ing ka'ing. Ei yang'wa ɓai hũrǝ ɗuafi ɓai ingvyĩ, leɓi kǝ levǝ hyĩau hyĩamɓǝngvu ɓai kwang'u. Lebi kǝ levǝne mua nǝngtamnǝng ing'u. ¹²Bǝnǝn dǝ ɗubǝ tsarǝ munya vai vǝ kǝ levǝnǝ dǝ muacua Fi nǝ, levǝnǝ mua bivǝ Fi ɓa levǝnǝ djǝ nyi-nyi sǝ Yeso ni.¹³wui ɗuiye na a, "A vyĩ: Levǝ nǝ ɓui tangsǝ Yicueva ni levǝ larǝ." "Ã," KwangFi na, "yang kǝi ci hũrǝ ku nwacum vai, nǝngnǝ cue nǝ, nmuacualen mua."¹⁴Mɓa nǝngɓa ci la kavau. Yivǝnǝ ku ku ni ihala ɓai Yi Yivǝ. U la ɓai nǝngbaiku zinariya ku nǝngɓǝu mua hwyãm kanau. ¹⁵Malaika ka i kom vǝ Fi, u ɗubǝ ɓai wui kǝ yivǝnǝ la ku ku ci ni: "A ɗǝ hwyãm ma anaci ɓǝ kinǝng. Vi bǝ kinǝng wuyang, le nǝng nwãbǝm ɗuang'yang fangwam." ¹⁶Nǝngɓǝ yivǝnǝ ku le ku ci ni yinasǝ hwyãm vau ku fangwam, nǝngɓǝ ei ki fangwam.¹⁷ Mɓa malaika la i komfi ɗuiye, u la ɓa hwyãm a lemrǝ. ¹⁸Malaika ɓa ka i ku bagadi turare, yivǝnǝ dǝ la ɓai tsa ku ɗua ni. U ɗubǝ ɓai wui kǝ yivǝnǝ la ɓai hwyãm a lemrǝ naun ni, "A ɗǝ hwyãm a lemrǝ ma a gam kǝ le mǝngmi ka inabi fangwam, le mǝngmi kaɓǝ ɗuang."¹⁹Malaika ɓǝ yi nasǝ hwyãm vau fangwam, nǝngɓǝu ki kǝ le nǝng'nwã kabǝm fangwam. U wa tang fangwam gwang bǝ dei kãm mǝng inabi vǝ cieburǝ vǝ Fi. ²⁰Ei tam bǝ kãm inabi ɓǝ cua vai, hwyĩ dǝ ɓurǝ bǝ ni dei kãm inabi ɓǝ la nǝ, takǝ vyĩrǝ nǝng nwãɓi ɓua, kem mel 1,600.

Chapter 15

¹Mɓa nǝɓngɓa ka la ɗuiye kan'ngã dǝ de tsǝɓi: Le malaika na ni hwĩ'iu ɓa le nǝngzhĩ, nǝnɓǝ kǝ le yiɓai a cicwa, leɓi nǝngɓǝ Fi yiku ci vau.²Mɓa nǝng akala i ɓaman nwããm glass langha ɓai ɗua. Bapi bǝbi levǝnǝ cikule ku hyĩamɓungvu ɓi ɓai kwang'u, lamba ing'u. Ei mua garaya nǝ Fi dǝ le nǝ.³De lei ɓim vǝ Musa, muangsǝm vǝ Fi ɓǝi vǝ Yinǝngbungam: "Le nwãcum ma ngã'ing, hyĩ'ing Yicueva Fi Angã. Le nǝngãman a bǝgang hyĩ'ing, Yiva vai kuhyua kpam. ⁴Ng wa ɓiɓi ma da ngãrǝ kǝ ing mawa Yicueva? Ma tsǝng agarangrang. Levǝ ha wusǝma wun ci ma wun hyĩau. Le nwãcuma a hyĩrǝ i fataing."⁵Cwa le nǝngni mɓa, tang komfi garangrang ɗuiye ɓaiɓairǝ. ⁶Tangsǝ bǝ ni garangrang ni, nǝngɓǝ le malaika ni hwĩ'iu ɓai yiɓaikǝ ni hwĩ'iu na lai. Ei ya nǝng sǝ le hyĩla kăvau ɓai nǝng'yasǝ zinariya sǝ ngyãng le.⁷Yivaka cing tangsǝ le nǝngni nang'nya hũhũrǝ nǝ dǝ le basain zinariya kǝ le malaika hwĩ'iu nǝ, yila ɓa le ci vǝ Fi nǝ ku ka'ing ka'ing nǝ. ⁸Hwyĩ ɗua yǝ komfi nǝ ɗuiye ni tang hyĩrǝ vǝ Fi ɓai ngãrǝ vau. Yivaka yaun talarǝu sai nǝ le yiɓai hwĩ'iu vai malaika nǝ hwĩ'iu tǝng ɗakǝni.

Chapter 16

¹Ng li wui ka ɗubǝ ɓai tsa tang komfi, nǝngɓǝ nabi kǝ le malaika hwĩ'iu nǝ, "Ɓa ta taɓa ei le yiɓai hwĩ'iu a ci vǝ Fi ku fangwam."²Malaika ana'nwãci ta ta ei basain vau ku fangwam; nǝngɗua ɓai peku i sǝ levǝni la tam nǝng vǝ hyĩamɓǝngvu nǝ, levǝnǝ hyĩau kwang'u nǝ.³Malaika ana'iu ei basain vau kǝta tang nwããm, nǝngɓǝ memkǝ hwyĩ, ɓaman hwyĩ vǝ yivǝnǝ bui nǝ, le nǝngnǝ ha dǝ hũhũrǝ tang nwãam ɓui.⁴Malaika anata ei basain vau tang le mǝng ɓa le bǝ ɓurǝ vǝ mǝng memkǝ hwyĩ. ⁵Nng li malaika mǝng na, "Man yiva gang, maɓǝ bǝni, maɓǝ ba le, Yivǝ Garangrang, ma ɓa tangsǝ le nǝngni. ⁶Le eing hwyĩ le muacuama ɓa le na'nwã ma. A dǝ le hwyĩ ei nwã. Nǝngnǝ ei kem bǝ cirǝ nǝ. ⁷Nng li bagadi ɓǝ nabi, "Ẽ, Yicueva Fi Angã, nǝngcue nǝngma a gang hyĩ'ing."⁸Malaika a nanya ei basain vau ku fidjuirǝ, ei dǝu na u vǝm levǝ ɓai ɗua kǝ. ⁹Ei vǝm le ɓai ɗua larǝ paisamɓai nǝ nǝngɓǝ de dei ing Fi, u yivǝnǝ la tsa ku le yiɓai ni. Ei tacwa kǝ nǝng aɓai vai lau. Ei dǝ ngãrǝ kǝ Fi lau.¹⁰Malaika a nahwĩ ei basain vau ku kakurǝ vǝ hyĩamɓǝngvu ɓi nǝngɓǝ dangbǝdji kwai va vo. Bi Zhĩ ɓǝ dei tang i le sǝ hai. ¹¹Ei dei Fi ɓai em bi le nǝngɗua ɓai zhĩ vai. Ei la bǝ tacua kǝ nǝng'aɓai vai nǝ la ei chue nǝ.¹² Malaika a hwĩtsụng ei basain vau tang nwããn Ufǝret. Mǝngɓǝ ci kǝ ma nǝnga kǝ le yiva nǝ la dǝ wurǝ nyi ni. ¹³ Mɓa le nyẽng ɓǝ la iha ɓai le mangbǝng dǝ irǝ le nwã djǝu ɓai hyĩamɓǝngvu ɓã le na'nwã nwã'iu. ¹⁴Le kwang le ĩyang nǝ dǝ le nǝng cuenǝng sǝɓi. Dei ta sǝ le yiva fangwam kpam yang kǝi gam kǝi taɓui fi ku vi vǝ Fi Angã.¹⁵("Ɓa ɓa dǝmin wurǝ yǝm la kǝ yivǝ'nǝng'inǝng! Yivǝnǝ ku hyĩla yang ung yiva bǝgang. Yivǝnǝ ya nǝngyasǝ vau yang u ho ɓwayĩu fam wa, bi zaivǝ ɓa ɓwanyiu.") ¹⁶Ei wu le kǝ bǝnǝ de ɗu ɓai nwã yi Hibru kǝ .¹⁷Malaika a hwĩ'iu ei basain ku yua. Nǝngɓǝng ng li wui i komfi ku kakurǝ vǝ Fi ɗuiye dǝ na a, "Tǝng'yang!" ¹⁸Nǝngɓǝu le ɗua yĩamrǝ, le bwuabǝ, gamvau gbam, nəngɓə hyua yeu ɓai tsǝ pai le hyua nǝ dǝ yeurǝ fangwam ni tun fi nǝ la ei makǝ zaivǝ wukǝ fangwam nǝ. ¹⁹Vaangã ɓai tsa tangsǝ nata, nǝngɓǝ le vaangã di. Fi kem Babilon angã, u dǝu mǝngka tang yilang nwãmǝng yila ɓai ci vǝ Fi.²⁰Le ngwam mǝng ha baji la, le tai bǝ cirǝ vvaika yaun. ²¹Gwang nǝng hwĩytai ɓǝ la muinrǝu kem talenti tsǝng yang o ɗuiye. De dei Fi ɓai em bi nǝnghwyĩtai yiɓai sǝu zhĩ'ing.

Chapter 17

¹Tsǝng tangsǝ le malaika hwĩ'iu nǝ mua le basain hwĩ'iu nǝ wu nam bi, "A wu min taa nasǝ kitani ei cue kǝ gwang yihai gbaka ni ku kule mǝng ni. ²Le yiva fangwam cueyua ɓaiu kǝ. Mim cueyua vauɓǝ nǝngɓǝ hyia levǝnǝ ku fangwani."³Nǝngɓǝ malaika ɓǝ ɗǝm tangsǝ KwangFi takǝ ɓǝngvu, nǝngɓǝng ɓa yihai la ku ku hyĩamɓǝngvu ɓǝ la kahyĩe le ing a ɓai le hi sǝu. Hyĩamɓǝngvu ɓǝ iku ku ni hwĩ'iu. ⁴Yihai ɓa yanǝng sǝ baman ɗuo ɓǝi ka kahyĩe. U ya nǝng zinariya, le tai hyirǝ, ɓa le tai vau. U mua yilang nwămǝng zinariya naun yila ɓa le nǝng-aɓai ɓa le ɓiyǝu cueyua vau. ⁵Nwãku ei vyĩ ing akala bǝ ibǝrǝ zhĩ'ing: "Babilon angã, yicirǝ vai cueyua ɓa le nǝng ɓieu nǝ fangwam ni."⁶Mɓa yihai ɓǝ nwă hwyĩ vai nǝ levǝ nǝ dǝ muacua Fi nǝ ɓa levǝnǝ ɓui bi Yeso nǝ. Mɓau nǝngɓǝ tsǝɓi muam. ⁷Malaika ɓǝ nambi, "Ɓa cue kǝ tsǝɓi mua? Min n ɓuanyi yihai ɓǝ la ɓai hyĩamɓǝngvu nǝ ɗǝurǝ nǝ, hyĩamɓǝngvu nǝ ku hyĩ'iu, iku hyua nǝ.⁸Hyĩaɓǝngvu nǝ a ɓa nǝ viɓi u la, susuenǝ u yaun, u bapi bǝ irǝng tang ɓua ni bǝ tǝngrǝu yang nǝ. Yang unta bǝ nǝuniu levǝ nǝ ku fangwam ei vyĩ ing le lǝu tangsǝ Kwangdzua Hũrǝ ni kǝi bakǝ ɓuanyi fangwam nǝ, tsǝɓin mualeng mua nǝ ne ɓai hyĩaɓǝngvu nǝ la vǝɓi, susue nǝu yaun bapi bǝ irǝ nǝ sai sǝɓi muale.⁹Anǝ dǝ ɓabǝ nyi-nyi yiurǝ. Le ku hwĩ'iu ɓǝ le ɓi kǝ le gum hwĩ'iu nǝ yihai ɓǝ ku ku ni. ¹⁰Lekǝ le yiva hwĩ'iu. yiva nahwĩ, yivǝ tsǝng la ɓai yivaka tsǝng wulau lada, nǝ wung un dzi cwuni bwasǝu.¹¹Hyĩamungvu nǝ la vǝɓi, u yaung susuenǝ, u ɓu kǝ yiva a nǝng hwĩ'iu, ung tang bǝ ɓuirǝ vǝunta¹²Le iku hyua na ɓanǝ le ɓi kǝ yiva hyua nǝ mua hyuaa na lau, tang awa tsǝng ei mua tsǝrǝn mua a ei memkǝ le yiva cwahai bai hyĩamɓǝngvu ɓǝ. ¹³Ɓai nyi-nyi tsǝng le kpam ei dǝ ngãrǝ ɓai tsarǝ vai kǝ hyĩamɓungvu ɓǝ. ¹⁴Eing taɓuii ɓai Yinǝngbungam ɓǝ, Un tangleng tang ɓai ɓui ɓǝkǝ, nǝngnǝ cue Ung Yicueva vai yicueva, Yiva vai yiva. Cwahai ɓaiu leva ɓǝgang nǝ u ɗubǝ nǝ ɓa levǝnǝu u ci le nǝ.¹⁵Malaika ɓǝ na a "Mǝngnǝ ɓa lyihai ku ku ni nǝngɓǝ kǝ levǝ, le djung, le hyua, le nwa.¹⁶Le iku hyua na ɓa nǝ, lei ɓai hyĩamɓǝngvu ɓǝ ei la yihai ɓǝ. Eing deiung dei, ei yanǝng ɓwua'nyĩm. Eing tang hyĩam sǝu, eing tsuam mu ɓai ɗua kǝ. ¹⁷Fi djǝ nyi-nyi le ei cue nǝngnǝ yua ngwala nǝ, ei gwala ei dǝ tsarǝ vai kǝ hyĩamɓǝngvu ɓǝ muale na sai bivǝ Fi yila ɗakǝni.¹⁸Yihaina ɓa nǝ uɓu kǝ vangã nǝ mua le yiva fangwam na ni.

Chapter 18

¹Cwa le nǝngni nǝngɓǝng ɓa malika i ɗuiye dǝ wurǝ. Ula ɓai tsarǝ, ɗua vau ga djǝ fangwam bi hyĩrǝ vau. ²U taata ɓai wui tsa a, Ong, Ong Babilon vangã! U memkǝ bǝ kurǝ vai ĩyang, bǝ aivao vai yua ɓai, bǝ aivao vai nǝngnǝ hyĩu nǝ ɓa le yihwĩnǝ hyĩunǝ. ³Zaivǝ kpam nwã mǝngka nǝng'aɓai vau yang. Le yiva fangwam cue nǝng'aɓai yang ɓaiu kǝ. Le tanglomu fangwam cinǝng ɓai nǝng kurǝ larǝ vau.⁴Ng li wui ka ɗuiye a, "Ɓa i ɓa yibǝ tsǝu levǝm. Bi ɓa tsǝha nǝng'aɓai vaun ka, bi ɓa mua le nǝngzhĩ vau. ⁵Bǝ gai'nwã taye ɓaman ɗuiye. Fi kem le nǝng'aɓai vaun. ⁶Ɓa fau kǝ'nwã nǝun fakǝ levǝnǝ, ɓa fau bǝ na'iu le nǝngnǝu cue nǝ. Tang yilang'nwãmǝng vau nǝu kwakǝha nǝ, ɓa kwakǝha bǝ na'iu ɓa dau.⁷Nǝu ɗa kǝ ku, u kukǝ tangsǝ lari ni, ɓa dau yiɓai ɓai zhĩ kpãla. U nakǝ kula a, 'Ng ku ɓaman yihaiva (queen); min haiɓui lau, mban bazhĩu.' ⁸Fieyitsǝng nǝngzhĩ vaun wuwu: ɓua, bǝ bazhĩ ɓai vom. Ɗua ng liunli. Fi Yicueva ngã'ing, u ɓu kǝ yivǝ cue kita."⁹ Le yiva fangwam nǝ cue yua nǝ, ei mua kule lau, eing taatanta ku nǝ ne ɓa hwyĩ ɗua vau de lirǝn. ¹⁰Ei dji cuila, ei ɓiɓi yiɓai vau ei na a, "Tǝngngǝ'yang, Tǝngngǝ'yang vangã, Babilon, va tsarǝ! Tang vi cuani yiɓai ma wakǝla."¹¹ Levaka yaun dǝ lia le nǝng vau nǝngɓa levǝ cue lomu taata bazhĩ kukǝ bi vau, ¹²levǝ nǝ bai zinariya, azurfa, le tai hyĩrǝ, tai hyĩe, linin a ɓǝgang, ɗuo, silki, ɗuo hyĩe, ɓa le ka nǝ ye laala nǝ, ɓa le basãin ka, ɓa le basãin nǝ ei ma ɓa le ka hyĩrǝ nǝ, le ɓi hyĩe, ɓai ɓie ɓi, ɓa le tai nǝ dǝ hyĩmrǝ, ¹³ɓai sinnamo, le nǝng haɗua, turare, mir, le nǝng pamsǝ, mǝngka, nui, mui hyĩrǝ, alkama, le hyĩaun ɓa le nǝngbungam, le bua ɓa le bua'kalo (chariots), le muangsǝm ɓa le hũrǝ zaivǝ.¹⁴Le nǝngnǝ dǝ man yidi bǝ cirǝ ɓai samɓai ma kpam paiyang. Le larǝ ɓai hyĩrǝ ma bajilang bǝ cirǝ vo ka yaun.¹⁵Levǝ lia ɓa le nǝngnǝ ci nǝng bi vau nǝ ei wu ei ji tsuela ɓaiu kǝ dei ɓiɓi yiɓai vau, dǝu taata dǝu bǝzhĩ ɓai wui kǝ. ¹⁶Ei nau la, "Tǝngɓalang, Tǝngɓalang vangã nǝ ya linin hyĩla sǝu ni, ɓa le nǝng'yasǝ ɗuo, ɓa le tai hyĩe. Yivǝnǝ la ɓai zinariya, ɓa le tai hyĩrǝ ɓa le tai hyĩmrǝ. ¹⁷Tangsǝ awa tsǝng le nǝngcinǝng ɓa la ɓankǝ. "Levǝ fwa, ɓa le pirǝu, ɓa le arǝu, ba levǝnǝ ha dǝ cinǝng nwa nwãm, dji cuila.¹⁸Ei i ɓai ta nǝ ɓakǝ hwyĩɗua vau dǝ lire nǝ. Ei na a, "Wa ɓaman gwan va nǝ? ¹⁹Ei vǝu ku le dei bwabǝ dei taarǝ dei bǝzhĩ, "Tǝngɓalang, Tǝngɓalang vangã bǝnǝ levǝ la ɓa le fwa vai ci nǝng ɓa le nǝngcinǝng vau, ei deiu tangsǝ awa tsǝng." ²⁰"Ɓa li larǝ ku ɓa levǝnǝ ɗuiye ɓa le muatsua Fi, le yitacum, le na'nwã Fi, Fi wukǝ yibai nǝ ku.²¹Malaika ngã ɗǝ tai ɓǝ la ɓaman nyi nǝngɓa wa nwãm a, "Ei wa Babilon vangã mangɓǝ ɓai ci ei ba ei ɓau akau. ²²Levǝnǝ dǝ gba garaya, le laiɓim, le i ki, le i tsuambua ei ba ei li le ka wa tangsǝ mai. Yivǝ kineng aka yaun eing cirǝ tangsǝ mai. Ei li wui bǝnamnǝng ɓǝng maiun.²³Ei ɓa hyĩamrǝ ɗua ɓǝng maiun a kawa. Ei li wui le yiɓuie fu ɓai yihai fu tangsǝ maiun a kawa. Le tang lomu le ɓi kǝ le yiva fangwam. ²⁴Tangsǝu nǝngɓǝ le hwyĩ le muatsua Fi bǝbi ɓa le hwyĩ levǝ ei hyia le fangwam ni."

Chapter 19

¹Cwa nǝng ni nǝngɓeng li nǝng aka wa ɓaman wui dzung zaivǝ ɗuiye dǝ na a, "Haliluya. Yuangrǝ, ngãrǝ, bai tsarǝ avǝ Fi ɓi. ²Nǝngnǝu na nǝ hyĩ'ing, agang. U cue kita kǝ gwang yihai cueyua ne la ɓangkǝ fangwam ɓai neng'aɓai vau. U fa nwãhem hwyĩ le muangsǝm vau nǝ ei aikǝta."³Ei na nǝng na'iu, "Halliluya! Hwyĩɗua i ɓwa ka'ing ka'ing." ⁴Le vangã nǝ hũngtsǝng iriu nan'nya ɓa le nǝng'nǝ hũhũrǝ nan'nya nǝ fa bai hyua ei hyĩau Fi nǝ ku ku kakurǝ ni. Dei narǝ a, "Halliluya! Amin."⁵Nǝngɓǝ wui kǝ i kukai ɓi a, "Ɓi nkã Fi ɓi ɓa le muangsǝm vau, ɓa levǝ nǝ dǝ ɓiɓi vau nǝ le vangã ɓa le muahang.⁶Nǝngɓǝng li wui ka ɓaman wui leva kpãla, ɓaman vǝm mǝng, ɓaman gamvau dǝ gbamrǝ a, "Halliluya! Fi lue vang, u mua fangwam kpam.⁷Ɓi li larǝ ɓi gbãin ɓi dǝ ngãrǝ bi mimɗuayihai vǝ Yinǝngbungam wung, hǝu masǝu yang. ⁸Ei dǝu na yang u yanǝng linin kavau hwĩm-hwĩmre" (linin ɓǝ nǝngɓǝ kǝ nwãtsum a hyĩrǝ vaivǝ vǝ Fi).⁹ Malaika ɓa namla a, "A vyĩĩ nǝ: Levǝ larǝ, levǝ nǝ ei ɗuba le sǝ mimɗuayihai vǝ Yinǝngbungam." U namla a, "Le bi vǝ Fi a gang nǝ." ¹⁰Ng fang bai ciu ta min hyĩaurǝ, nǝngɓǝ u na a, "Bie cue nǝngnǝng ka! Ming muangsǝm kǝ nwãma ɓai hwĩ ma nǝ dǝ nabi Yeso nǝ. A hyĩau Fi, bi nǝ naku Yeso nǝngɓǝ kǝ kwang na'nwã bi¹¹ Nǝngɓǝng ɓa ɗuiye ɓai, ng ɓa bua ka la kavǝu. Yivǝnǝ dǝ arǝ nǝ dei ɗu kǝ Yiva cue gang ɓai Yiva bǝgang. Ka'gang, u cue kita u takǝ ɓui. ¹²Nǝung ɓaman liem ɗua, le nǝng muaku la ku kpãla. U la ɓai ing nǝ ei vyĩ ku ni, yivaka yaun ibǝ sai u ɓai kukǝ u ibǝ. ¹³U yanǝng sǝu ei ba nǝng'yasǝ tangsǝ hwyĩ. De ɗu ing'u ke Bi vǝ Fi.¹⁴Le soja ɗuiye dǝ mucua ɓa le bua vau, ei ya linin bemla, kavau, hyĩla. ¹⁵Tangsa nwã gãfain la lemla, nǝ dǝu hyia ka le zaivǝ nǝ, yang un mua le na. Un tam le sǝ bǝ kãmrǝ ci vǝ Fi Angã. ¹⁶Ula ɓai ing nǝ ei vyĩ sǝ nǝng'yasǝ vau ɓai sǝ tsǝu: "Yiva vai yiva ɓa Yicueva vai yicueva."¹⁷Mɓa malaika dji tangsǝ fi. U ɗubǝ ɓai wui angã kǝ le yi hyuĩ nǝ dǝ yarǝ ye ni, "Ɓa wu ɓa gam cuahai ɓi tang nǝng'tang vǝ Fi. ¹⁸Ɓa wu ɓa tang hyĩamsǝ le yiva, sǝ le vangã soja, le vangã, sǝ le bua ɓa le arǝu, sǝ levǝ kpam, le muangsǝm ɓa le ɓa levǝ nǝ ei ile nanǝ, le vangã ɓa le muahang."¹⁹Mɓa le hyĩamɓǝngvu ɓa le yiva fangwam ɓa le soja. De gamrǝ bǝ ta ɓui ɓa yivǝ nǝ dǝ a bua nǝ ɓa le soja vau. ²⁰Ei mua hyĩamɓǝngvu ɓǝ ɓa le na'nwã'iu nǝ cue le nǝngɓisǝ nǝ ciu ni. Ɓa le nǝngɓisǝ ɓǝ nǝngɓǝ u fǝm nwã levǝnǝ mua nǝngtamnǝng vǝ hyĩamɓǝngvu ɓa levǝ nǝ hyĩau kwang ɓǝ nǝ. Le ɓǝ na'iu vai e ei le ɓai hũrǝkǝ tang nwãm ɗua dǝ li ɓai ci nǝ.²¹Nyiu le ei hyia le ɓai ngãfãn nǝ i nwã yivǝ ni dǝ a bua nǝ. Le yihwĩ ha tang hĩam

Chapter 20

¹Nǝngɓǝng ɓa malaika dǝ wurǝ ɗuiye. Ula ɓai nǝngɓai'nwakom bua nǝ bǝ tǝngrǝun yaun nǝ, u la ɓai sarka naun. ²U mua djǝu ɓǝ, djǝu kwii, uɓa ke yivǝneng aɓai ko mungkulum, u tsǝu le ha hũng'hwĩ i hyua. ³U wo tangsǝ ɓua ni bǝ tǝngrǝu yaun nǝ, u lam u vai nwõ. Anǝ yang, u fǝm levǝ akau sai nǝ ha hũng'hwĩ i hyua pai ɗǝ kǝ ni. Cua sǝu yang ein yauna yi cuani.⁴Nǝngɓǝng ɓa le kakurǝ. Levǝnǝ ku ku ni, levǝnǝ ei dǝ le tsarǝ cue kita nǝ. Ng ɓa levǝ nǝ ei cum kule bivǝ bi Fi nǝ ɓai bi bǝ nabi vǝ Yeso. Ei hyĩau hyĩamɓǝngvu ɓai kwan'u ɓa ei la bǝ mau nǝngtamna ko nwãku le ko kana le. Nǝng le ga, eing memke yiva cuahai ɓai Kristi.⁵Nyi levǝ nǝ ɓui nǝ i lau lada sai le ha hũng'hwĩ i hyua tǝng dǝ. Nǝngɓǝ kǝ irǝ a na'nwaci. ⁶Larǝ ɓai hyĩrǝ a vǝ yivǝ nǝ ta tangsǝ levǝne i na nwaci nǝ! Ku levǝ ni, ɓua na'iu yaung ci tsa ku le wa. Eing memkǝ le kunlau vǝ Fi ɓai Kristi kǝ, ei muabǝ cuahai ɓai Kristi kǝ le ha hũng'hwĩ i hyua.⁷Nǝ le ha hũng'hwĩ i hyua wu bǝ tǝngrǝu yang, ei yina kǝ mungkulum tang prisǝna vau. ⁸Unta un yiu levǝ le nwã'yua fangwam na'nya, God ɓai Magog, yang kai wule kǝ bǝ ta ɓui. Eing mem kpãla ɓaman hyuan'hwĩ nwããm.⁹ Ei ta nǝngfavu fangwam ei kwam bǝ gamrǝ vai muacua Fi ɓai va nǝ dei yiɗi nǝ. Ɗua wu ɗuiye wu li le. ¹⁰Mungkulum nǝ djǝ nwale nǝ, ei wo kǝta tang nwãm ɗua nǝ dǝ lirǝ nǝ bǝ nǝ hyĩamɓǝngvu ɓǝ la ɓa le na'nwã'iu ei e le tang ɗua ɓi. Eing dǝ le yiɓai ingvyĩ ɓai ɗuafi ka'ing ka'ing.¹¹Nǝngɓǝng ɓa kakura ka kavau, yivǝnǝ ku ku ni, nǝngɓǝ ɗuiye ɓai hyua ga yeu bǝ ciu, baka yaun ein talarǝ. ¹²Mɓa levǝnǝ ɓui le vangã ɓa le muahang dji ci kakuri, nǝngɓa ei ɓai le kwangdua ɓǝ la. Ei cue kita kǝ levǝne la ɓui nǝ ku nǝngni ei vyĩ tang le kwangdjua ɓi ni, ku nwacum vai nǝ ei cue kǝ nǝ.¹³Nwãm dǝ levǝnǝ tang nǝ. Bwai ɓai Hade dǝ levǝ nǝ ɓui tangsǝu ni. Ei cue kita kǝ levǝnǝ bwa hyĩa nǝ ku nǝngni ei cue nǝ. ¹⁴Bwa ɓai Hade kǝ e ei le nwã-ɗua. Nǝngɓǝ kǝ ɓuirǝ na'iu, nwãm ɗua. ¹⁵Yivǝnǝ ei ci iung ei vyĩ tang Kwangdjua a Hũrǝ lau ei wau tang nwãm ɗua.

Chapter 21

¹Nǝngɓǝng ɓa ɗuiye fu ɓai fangwam a fu. Fangwam a na'nwaci pai ɓai ɗuiye a na'nwaci pai, nwãm aka yaun. ²Mɓa va hyĩrǝ, Urushalima a fu, ne de wurǝ ɗuiye sǝ Fi, ei maun ɓaman yiheifu nǝ masǝu kǝ ɓu la nǝ.³Ng li wuie ka kangã kukai ɓi dǝ narǝ a, "Ɓa ɓa! Bǝ kurǝ vǝ Fi cuahai ɓa le vǝ kǝ, ung ku cuahai ɓa le kǝ. Eing memkǝ levǝ vau, Fi ɓai kukǝ ung memkǝ Fi vai. ⁴Ung fie nǝngmǝng kpam fi nǝng le. Ɓua ka yaun, bǝ bazhĩ yaung, ta yaung, zhĩ yaung. Le nǝng a vǝɓi paing.⁵Yivǝnǝ ku kukai ɓi na a, "Ɓa ɓa! Dǝmin ma le nǝng hakpam ka fu." U na a, "A vyĩ le nǝngnǝ, le binǝ bie hyĩrǝ bie bǝgang." ⁶U namla a, "Le nǝngnǝ tǝng'yang! Mi kǝ Alfa Mikǝ Omega, na'nwaci ɓai cicwa. Yivǝ nǝ ling mǝng mua yang, min dǝu mǝngnwãrǝ fam farǝu yaung bǝni mǝng dǝ ɓu la nǝ.⁷Yivǝnǝ ciku yang ng le nǝng nǝ na yang min mem kǝ Fi vo uma ung memkǝ yim. ⁸Levǝ bairǝ, nǝngtsa, levǝ cueng ɓeu, le hyiabǝ, le cue yua, saɓui (sorcerers) le muacuae nǝngɓui, le na nwa'iu, bǝvai lang tang nwãm ɗua nǝ dǝ lirǝ nǝ. Nǝngɓǝ kǝ ɓwa neng na'iu.⁹ Tsǝng tangsǝ le bi malaika wusǝ, yivǝ la ɓai basain kǝ hwĩ'iu a le yiɓai nauni, nǝngɓǝ, "A wu bǝ nǝ! Min tanasǝ yihai fu, hai Yinǝngbungam ɓǝ. ¹⁰dǝm tangsǝ kwang u takǝ sǝ tai ngã ɓai vyirǝ u tam nasǝ Urushalima va hyĩrǝ dǝ tsũrǝ ɗuiye sǝ Fi.¹¹Urushalima la ɓai ngãɓai hyĩrǝu ɓaman tai hyĩrǝ, ɓaman tai vau. ¹²Kwang'gagi vau garǝu la, vyĩrǝu la, nwakom sǝu hyua iriu na'iu cuahai ɓa le malaika hyua iriu na'iu. Nwako bi ei vyĩ ing le nwakava Israila la hyua iriu na'iu. ¹³Ka nyi le nwakom nata, ka lany nwakom le nwakom nata, ka lada nwakon nata, ka da le nwakom nata.¹⁴Kwankagi va ɓǝ la ɓa le zũmnyi ni hyua iru hwĩ'iu. Ku le nǝngɓǝ ei vyĩ ing le yitatsum hyua iriu na'iu vǝ Yinǝngbungam. ¹⁵Yivenǝ nabi ɓaim kǝ nǝ la ɓai kanyi nasǝnǝng naun ne ma ɓai zinariya kai nyi kǝ nasǝ va ɓi, ɓa le nwanǝngã vǝ ɓǝ ɓa le kwangkagi sǝu.¹⁶ Ei le ɓuanyi va ɓa kwai bǝ nanya, vyĩrǝu ɓai pengrǝu tsǝng. U nyi nasǝ va ɓi ɓa ka nyinasǝ nǝng, ngrǝu meta vyirǝu hunghyĩ hyua hyua iriu na'iu (vyĩrǝu, pengrǝ, ɓai vyĩrǝ ayitsǝng). ¹⁷U gba le kwngkagi na 144 muirǝ nǝng nyinǝng vǝ yivǝ (nǝ malaika ɓa gbanǝ).¹⁸ Ei mi kwangkagi ɓai jaspa vaɓǝ ɓai zinariya ɓai glass kǝ. ¹⁹Zumnyi vaɓǝ ei mi ɓai tai hyĩrǝ. A na'nwaci jaspa, a na'iu safira, a nata agate, a nan'nya emeral, ²⁰a nahwĩ ɓǝ kǝ onix, hwĩtsung nǝng nǝ ɓǝ karneliya, a hwĩ'iu nǝngɓǝ kǝ krisolat, a kanya,kanya nǝngɓǝ kǝ beril, a hyiuang'hyua nǝngɓǝ kǝ topa, a hyua nǝngɓǝ kǝ krisopa, a hyua iriu tsǝng nǝngɓǝ kǝ jasint a hyua iriu na'iu nǝngɓǝ kǝ ameti.²¹Le nwanǝngã va ɓa ɗuo hyua iriu na'iu. Le nwanngã ɓǝ ei male ɓai ɗuo. Le nǝngã ɓǝ ei male nǝngã ɓai zinariya, dǝ ɓa bǝ ɓaman glassi. ²²Mɓa komfi yaun bǝ bi, Yicueva Fi Angã ɓai Yinǝngbungam kǝ komfi va.i²³ Va ɓǝ gwa ɗua fiedzũrǝ ko fihyium dǝ ɗua lǝu ngãrǝ vǝ Fi ɓǝ nǝngɓǝ dǝ ga ɗua bǝ bi Yinǝngbungam kǝ yivǝ ga ɗua bǝ bi. ²⁴Leveng ho tang ɗua garǝ vai ɓi. Le yiva fangwam wukǝ hyĩrǝ vai vaɓi. ²⁵Ei lam le nwanǝngã ɗuafiu, ingvyĩ yaun bǝbi.²⁶Ei wukǝ hyĩrǝ ɓai ngãrǝ vai kuhyua tangsau ²⁷nǝng aka yaun hyĩu ng talarǝ. Yivaka yaun cue nǝngnǝ hyĩun, cue sǝku, ko dǝ fǝmbǝ ng ta lare, levǝnǝ ɓwasu ei cue ing le tangsǝ Kwangdjua Hũrǝ vǝ Yinǝngbungam

Chapter 22

¹Nəngɓə malaika ɓə tamnasə nengvei məng hunrə də hyuim ɓamang chi. Də zeirə sə kakurə vəFi ɓei ayi nəngbungam ²Tangsa nəngah va angah. Nwagyang nəngvei ɓi ɓei na'iu ka hunrə de ci chirəka irəu hyua irəu na'iu, dəu chi fihyuim-fihyuim. Lei yangka ɓə kə bə də larə və zayivə.³Niunəng bə ɓangkərə aka yaung. Ka kurə və Fi ɓei anəngbugam ku tangsa lei, lei mongsem veu n'deu garə. ⁴Ain ɓa tangnəung, yang iung vii nwapuachilei. ⁵Invii aka nyaung; ai ɓiɓuani dua garə kau kon afih buarə. Fin gasə lei. Ain ku kading-kading.⁶Malaika ɓə namna," Binə bi agang. Yicueva Fi vei kwang lei nawabi tsumlei malaika veu sə semveu uɓa nəngnə cuesəng cue cuiu nə. ⁷Baɓa dəmkin wurə yemla! barka kuku leivənə muacua bim tangsa kwang djuani."⁸Mi Yohanna, min lii, lanfə min ɓa lei nəngnəha. Vii nə liikə fən ɓakənə nəngɓə fan ochi malaikaɓi nə də tamnala nə nəngɓə hyueunəng. ⁹Nəngɓə u nam a kul bi a cue manəngɓəng ka, mi ma min djua hyueunəng ɓa maɓəlei niu lei hywima lei nawabi, ɓei njiu leivənə də mjuachua bi tangsa kwangdjua nə. N' Fi nəngɓə ma nhyuenəng la."¹⁰U namla a, " Bi a lamku bi tangsa kwangdajuanəng ka, bivii ɓə bapping. ¹¹Yivə nəng aɓei ku nwa nəng aɓei veu. Yivə ɓei hyem kunwa hyem aɓei veu, yivə nəng agang kunwa bə cue nəng agang veu, yivənə galla kuinwa garə veu.¹²Baɓa dəmin wurə yemla ɓei nwahyem və kon waha, min faɓa nwahyem nəngnə ɓa cuenə. ¹³Min Alfa min Omega, mikə anachi mikə a chi cua.¹⁴Barka kulei vənə lue lei nəng yasə vei nə yang kə ai cikəla ai wai lei cirəka hungrə yang kə ai takə tangva ka nwakom. ¹⁵Leivənə aki nyemla lei bə tava ɓənə, leivə hyem aɓei, lei ɓue (sihiri) lei cue yua, lei hyabə, lei muacua lei fih, ɓaleivənəha də nawa'iu.¹⁶Mi, Yeso, ncum malaikam səmai ɓei sheda nə kəlei ekləshiya la. Mi mikə yuem Dauda, ɓalei biau, djing a hyimrə."¹⁷Kwang ɓei yihei afuh də na a, " wu!" Yivənə hali yang na a"wu!" Yivənəha lein də hyaurəng wu, yivənə la ɓei bə yidi yang u cue məng hunrə afam.¹⁸Dəmin nakə yivənə laha libi tangsa kwangdjuanəng, bji u aika mkunka lanfə biu fakə nwau ka. Yivənəha aikaku yang Fin aiu lei nəng aɓei nə laha ai vii tamngsa mkwangdjuanə. ¹⁹Nə yiovaka fakə nwau tangsa bi kwangdjuani, Fin fakə nwahyem veu səka nhunrə ɓei vah gang nə ai vii tangsa kwangdjuani.²⁰Yivənə nabi kulei nəngni, na a, " Kə bji agang demin wurə susueɓə. "Amin! A wu yicuevah Yeso. ²¹Nəng agang və Yicuevah Yeso djikuɓai ha, amkin.

Mingang Doso: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation