¹Mu kushangumuka , Njambi wa tangele melu na kaye. ²Kaye kukakele na chifwa chimo cho kakele ka mupulungwa. Lithuthulungu lya kele akamwa ya thnzinga. Mutzithzime wa Njambi wakele na kwenda helu ya akamwa ya mema.³⁵Njambi wendekele ngwendi, " Kukale cheke, " cho kwakele cheke. ⁴Njambi wa mwene cheke, cho ngwendi china bwa a. Wangunwine cheke kutunda kulithuthulungu. Njambi wa thanene cheke ngwendi "mutanya", cho lithuthulungu wali thanene ngwendi "buthsiki". Ei ya pwile chingwethzi na mutondo, litangwa lya kulibanga.⁶Njambi wendekele ngwendi, " Kukale mukambwila mukati ka mema, cho apangunwine mema kutunda ku mema. ⁷Njambi wa pangele mukambwila cho wa pangele mema aje akele kwithi ya mukambwila kutunda ku mema aje a kele a kamwa ya mukambwila. Chakele ngocho. ⁸Njambi wa tumbwile mukambwila "lilu." Ei ya pwile mangwethzi na mutondo, litangwa lya mu chibali.⁹Njambi wendekele ngwendi, " Echeni mema ali mwithi ya lilu ali kungwilile amo a mwela umo, cho echeleni libu lyakuma lisholoke," Chakele ngocho. ¹⁰Njambi wa lukile libu lya kuma ngwendi "nunda," cho aje mema alikungulwile amo wa a lukile ngwendi, "tulunga ndonga."¹¹Njambi wendekele ngwendi, "Echeni anunda a mene bimena: bimena bima ming'andi mukati, umo na umo kwetheketha na muyati wacho," Chakele ngocho. ¹²Nunda ya tuhwile bimena, biti bya kwima ming'andi muchifwa chabyo, na miti ya kwima bushuka buli na ming'andi mukati kabwo. Njambi wa chimwene ngwendi chinabwaha. ¹³Yapwile mangwethzi na mutondo, litangwa lya muchutatu.¹⁴Njambi wendekele ngwendi, "Echeni kukale byeeke mwilu kupagununa mutanya kutunda ku buthsiki cho byecheni bipwe bi mwetho, bya bithimbu bya bingonde, bya matangwa na myaka. ¹⁵Bipwe byeke byaku byakuma mwilu kunena cheke a kaye," Chakele ngocho.¹⁶Njambi wa tangele byeke byakama bibali, cheke chakama manene chika kaleko na thimbu ya mutanya, cho na cheke chachindondo chika kaleko na buthsiki. Watangele na bingongonothi lalo. ¹⁷Njambi wa byakele mwilu ku munika ha kaye, ¹⁸biyule na mutanya na buthsiki, na kapangununa chimwene ngwendi ca chibwa. ¹⁹Yapwile mangwethzi cho mutondo, eli litangwa lya muchiwana.²⁰Njambi endekele ngendi, " Mu mema mushule bya bingi bya mwonyo manene bya yoyelamo, cho tuthzila ba pulule a kamwa ya kaye mu mukambwila wa lilu." ²¹Njambi wa tangele byuma bya mwonyo bya kama bya mu kalunga ndonga, amo lika na bitango bije bikende na kushulitha mum meme kwoshe kwoshe, na thuthzila boshe ba mambaba muchifwa chabo, Njambi wa mweene ngwendi cha bwaele.²²Njambi wa ba kithwile, ngwendi, " Pweni baku thema nakuthemunwina cho mushulithe mema amu kalunga donga. Echene tuthzila ba themunwinw ano a kaye." ²³Eyi ya pwile chingwethzi na muytondo, litangwa lya muchitanu.²⁴Njambi wendekele ngwendi," Echeleni libu lituwithe byuma bya mwonyo, chimo na chimo kwetheketha mu chifwa chacho, bimuna, bije bika lyalanga hathi, na bikashama ba ano hakaye, chimo na chimo muchifwa chacho." Chakele ngocho. ²⁵Njambi wa tangele bikashama ba ano a kaye mu bifwa byabo, bimuna mubifwa byabyo, na bije byoshe bi kalyanga hathi mubifwa byabyo. Wa mwene ngwendi cha bwaele.²⁶Njambi wendekele ngwendi, " Echeni tutange munu mu chifwa chetu, wa chifwa chetu. Bakale na mooko, ha bithi ba mu mema, na tuthzila ba mwilu, na bimuna, athi oshe, na hali bije bi ka lyalanga hathi," Mabulu amo a kuthang'ulu ali: ha bimuna , ha tuthitu boshe ba hathi na ali bije byoshe bi kalyalanga hathi. ²⁷Njambi wa tangele munu mu chifwa chendi. Muchifwa chendi wa mu tangele. Munalume na munakathzi wa ba tangele.²⁸Njambi wa ba kithwile na kubaleka ngwendi, " pweni ba kuthema, na kuthemunwina. Mushulithe kaye, na ku kufungulula. Kaleni na mooko a bithi ba mu kalunga ndonga, tuthzilla ba mu bukambwila, cho na byoshe byuma bili na mwonyo bikende hano athi." ²⁹Njambi wendekele ngwendi, "Kengeni, njina myana bimena byoshe bikemi binona bili ano a kaye koshe, cho na chiti choshe chikemi bushuka buli na minandi mukati. Bikapwa byakulya byeni.³⁰Kututhitu boshe ba hathi, ku tuthzila boshe ba mwilu, na kuli byoshe bije bi kalyalanga athi, cho na ku bitango byoshe bije bili na mwonyo nji naana bimeena byoshe bya bushombo nge kulya chabyo," Chapwile ngocho. ³¹Njambi wa mwene byoshe bije bya tangele. Kengeni, oni, bya bwaele manene. Eyi yapwile chingwethzi na mutondo, litangwa lya muchitanu na limo.

¹Choni melu na kaye bya hwile kubitanga, cho na byoshe bije bya kuyoya bya shulilemo. ²Alitangwa lya muchitanu na abali Njambi wetele ku ma manethelelo a chipangi chendi chije a lingile, cho wa hwiminine ku chipangi chendi choshe a litangwa lya muchitanu na abali. ³Njambi wa kithwile litangwa lya muchitanu na abali na kuli jeletha, mwafwa a litangweli wa hwimine ku chipangi chendi choshe cha lingile mu tangetho yendi.⁴Ebi bikebyo bya lingiwile kwetheketha melu na kaye, omu ba bitangele, a litangwa lije Shukulu Njambi watangele kaye na melu. ⁵Athi ku akele na chimo cha keleo laja chai, cho na chimena na chimo cha meneneo chai, mwafwa Shukulu Njambi kanda laja achi nyoketheleo nyonthzi ano athi, cho ku akele munu wa kulima libu. ⁶Oloni mbundu yakele na kuya mwilu kutunda athi na kujulitha libu lyoshe.⁷Shukulu Njambi wa tangele munu kutunda ku likungu lya athi, cho wa hwiminine mu majulu endi muuku wa mwonyo, cho na munu wakele na mwonyo. ⁸Shukulu Njambi wa kunine liya ku ngangela, mu Endeni, cho wakelemo uje munu ya tangele.⁹Shukulu Njambi wa menethele athi biti byoshe bije bya sholokele kubwaha kumesho na kubwaha ku kubilya. Echi wakeleleko na chiti cha mwonyo chije chakele akati ka liya, na chiti cha kuthzibuka bubwa na bubi. ¹⁰Ndonga ya tundile mu Endeni ku shangelela liya. Ku yaile ya lipangele kupwa bindonga biwana.¹¹Lithzina lya ndonga ya kulibanga ikeyo Pishoni. Ikeyo yaita mu lifuti lyoshe lya Habila, oku kwakala ngolinde. ¹²Ngolinde yaku lifuti lije ya ibwa. Kwakala lalo ndeliumu na limanya lya onisi.¹³Lithzina lya ndonga ya muchibali ikeyo Ngihoni. Ei ikeyo yaita mulifuti lyoshe lya Kushi. ¹⁴Lithzina lya ndonga ya muchitatu ikeyo Tingelise, cho yaitila ku ngangela ya Asha. Ndonga ya muchiwana ikeyo Yufelati.¹⁵Shukulu Njambi ambatele munu naku mwaka mu liya Endeni ku limamo na kulinyunga. ¹⁶Shukulu Njambi wa kambeyeye munu, wendekele ngwendi, "Kutunda kumuti woshe uli mu liya watha kulya. ¹⁷Oloni kutunda ku muti wa kuthzibuka bubwa na bubi kethi ukalyeko. Mwafwa alitangwa liukalyako, buthunga bene ukathsa."¹⁸Cho Shukulu Njambi wendekele ngwendi, "Kethi chachibwa munalume akale endilika. Njikamupangela mukwathi na mupande." ¹⁹Kutunditha ku libu Shukulu Njambi wa bumbile tuthitu boshe ba mushwata natuthzila boshe ba mu bukambwila. Cho wabanene kuli munalume mangana amone mathzina muka abaluka. Mwoshe omwo munu mwa tumbwilile chili na mwonyo choshe, likelyo lithzina lyacho. ²⁰Munalume wanene mathzina ku bimunu bhyoshe, kiu tuthzila ba mubukambwila boshe, na tuthitu boshe ba mushwata. Oloni kuli munalume ka wanene mukwathi wendi na mupande.²¹Shukulu Njambi wa lingithile munalume kukala tulomanene, cho munalume wa lalele. Shukulu Njambi wambatele mati yendi imo cho washokele haje ha tundithile mati. ²²Na mati ije Shukulu Njambi wambatele kutunda kuli munalume, wa tangeleo munakathzi na ku munena kuli munalume. ²³Uje munalume wendekele ngwendi, "Anoni, ou chithsiya cha bithsiya byange, na thitu ya thitu yange. Baka muthana ngwabo 'munakathzi,' mwafwa ba mu tundithile mu munalume."²⁴Choni munalume aka thethza ishe na ina, a linunga kuli mwebwendi, cho bakapwa umo ku mubila. ²⁵Boshe bakele bushele-shele, uje munalume na mwebwendi, oloni ku ba thibile shwamwa.

¹Athimbu ije linyoka wapwile waku nyanyama manene kutubakana tutihitu boshe ba mushwata ba atangele Njambi. Wendekele kuli munakathzi ngwendi, " Kuma Njambi buthunga bene nendeka ngwendi, 'Kethi mulye kumuti uli woshe uli muliya?" ²Uje munakathzi wendekele kuli uje linyoka ngwendi, " Twatha kulya bushuka bwa ku muti woshe wa muliya, ³oloni ku bushuka bwa ku muti wa mukati ka liya, Njambi nendeka ngwendi, Kethi mulyeko, nambe kubu kwata, cho mukathsa."⁴Uje linyoka wendekele kuli uje munakathzi ngwendi, "Buthunga bene kumu kathsi. ⁵Mwafwa Njambi na thzibuka bubwa na bubi." ⁶Omu munakathzi mwa mweene uje muti kupwa wa ubwa ku kuulya, cho lalo wa sholokele wa ubwa muku umona, na lalo uje muti watha kupwitha munu kupwa na maana, wambatele bushuka kuli mukanjwendi ya kele nendi, cho wa bulile.⁷Mesho abo oshe a shokolokele, cho bathzibukile ngwabo bali mushele - shele. Ba tongele amo maputa a mukuyu na kuli thzika babenya. ⁸Bathzibile mithindo ya Shukulu Njambi ali na kwenda muliya na thimbu ya chingwethzi, cho uje munalume na mwebwendi ba bandele ku mesho a Shukulu Njambi mukati kamiti ya muje muliya.⁹Shukulu Njambi wathanene munalume ngwendi, " Uli kuli?" ¹⁰Uje munalume wakumbulwile ngwendi, "Njakutzibi muliya, cho nja thzibile lyoba, mwafwa nji na kele mushelengwa. Cho njina banda." ¹¹Njambi wendekele ngwendi, "Iya nakuleke ngwendi uli mushele - shele? Unali kuje ku muti unja kukambeyeye kujeneka kulyako.¹²Uje munalume wendekele ngwendi, " Ou munakathzi iwa njanene kukala nange, na njanene bushuka bwa kuje ku muti, cho njina bulile." ¹³Shukulu Njambi wehwile uje munakathzi ngwendi, "Bika ebi walingi? Uje munakathzi wa kumbulwile ngwendi, " Linyoka na nji kwithile, cho njina lile."¹⁴Shukulu Njambi wendekele kuli linyoka, "Mwafwa wa lingi echi, chithingo ali yobe lika akati ka bimuna boshe na tuthitu ba mushwata. Ukendela a lifu lyobe, cho u kalya likungu a matangwa oshe a kuyoya chobe. ¹⁵Nji kaaka chithzindo a kati kobe na munakathzi, cho na akati ka baana bobe na baana bendi. Aka kupupila ku mutwe, cho yobe uka mushumina ku kathithinye,"¹⁶Ku munakathzi wendekele ngwendi, "Njikametha manene mishongo yobe ha kukita bana; mu mishongo uka kita baana. Ukashaka muka njubo yobe, oloni aka kala mutwe ali yobe."¹⁷Kuli Adama wendekele ngwendi, "Mwafwa una tolilile ku lijwi lya mwebwobe, cho una lile kutunda kuje ku muti, kwetheketha nomu nja ku kambeyeye, ngwange, 'Kethi uklyeko,'libu lya thingwa mwafwa yobe; kwitila mu kundangana mu bipangi byobe uka wana kulya chobe mu matangwa oshe a kuyoya chobe. ¹⁸Lika ku menethela mingonga na shaku, cho u kalya bimena bya kumena mushwata. ¹⁹Hamatukuta a ku mesho obe athina ukawana kulya, noho u keluka ku libu, mwafwa ku kekwo wa tundile. Omu u likungu, cho ku likungu ukeluka."²¹Munalume walukile mwebwendi ngwendi Eva mwafwa ikeye ina ya boshe bali na mwonyo. ²⁰Shukulu Njambi wa pangelele Adama na mwebendi buthzalo bwa bilambu cho waba thzikile.²²Shukulu Njambi wendekele ngwendi, "Omwoni munapu nge umo wetu, kuthzibuka bubwa na bubi. Choni kethi kumutabetha kweta na maboko endi, kwambata kutunda ku muti wa mwonyo, na kulya, na kuyoya haya myaka yoshe," ²³Ngechibene Shukulu Njambi wa shekele Adama kutunda muje muliya lya Endeni, na kukalima libu kuje ba mu tundithile. ²⁴Njambi wa shekele munu mu liya, cho wakele kangelo ku ngangela ya Endeni, na mukwale kwoshe - kwoshe, mangana a ku thzika ngila ya kweta ku muti wa mwonyo.

¹Munalume wathzibukile mwebwendi Eva cho wemitile cho wakitile Kaini. Wendekele ngwendi, "Njinakiti munalume mu bukwatho wa Njambi." ²Cho wakitile lalo ndolome yendi Abele. Chojo Abele wapwile kanyungi, oloni Kaini wa pwile muka kulima.³Cha sholokele a thimbu imo Kaini wa nenele bimbuto bimo bya limine nge mulambu kuli Njambi. ⁴Oloni Abele, wa nenele bamo ba ntwatwa ba kununa bamu butanga bwendi. Njambi wa tambwile Abele na mulambu wendi, ⁵oloni katambwile Kaini na bwana bwendi. Choni Kaini wa lubalele manene, cho na minkanya mu lwalo lwendi.⁶Njambi wendekele kuli Kaini ngwendi, " Bikajo wa lubalele na minkanya mulwala lwobe? ⁷Oshe ulinga mwamubwa, cho ngwe kunja kutambwile? Oloni oshe ku ulingi mwa mubwa, bubi buli na kushwena muyei na chikolo na kushaka ku kufungulula, oloni unapande ku buhyana."⁸Kaini wendekele kuli ndolome yendi Abele. Chasholokele oko ba chili ku maya, Kaini wa tengulukilile ndolome yendi Abele na kumuthsiya. ⁹Choni Njambi wendekele kuli Kaini ngwendi, "Abele ndolome yobe ali kuli?" Wendekele ngwendi, " Kunjithzibuka. Yange kanyungi ka ndolome yange?¹⁰Njambi endekele ngwendi, "Bika walingi? Maninga a ndolome yobe ali na kunjithana kutundila mu libu. ¹¹Ano oni wa thingiwa yobe wa kutunda kulibu, eli linashametha kanwa kalyo kutambula maninga a ndolome yobe i unathsiyi. ¹²Omu mu ukalima, kutunda lelo na matangwa a kulutwe libu kulika menetha bimbuto byobe bwino. Ku ukakala na limbo ukapwa wa kwendangana mukaye."¹³Kainiwendekele kuli Njambi ngwendi, "Chiitho change cha njamena manene. ¹⁴Eyo, wa njisheke mu lifuti a litangwa lya lelo, cho nji katunda ku mesho obe. Ku nji kakala na limbo nji kapwa wa kwendangana ano a kaye, cho woshe aka nji wana aka nji thsiye. ¹⁵Njambi wendekele kuli ikeye ngwendi, "woshe owo athsiya Kaini, chiitho chendi chikamethewa katanu na kabali." Cho Njambi wakele kathzibukilo ali Kaini, mangana woshe owo amu wana, kethi amu thsiye.¹⁶Cho Kaini wa tundile ku mesho a Njambi naku kakala mu lifuti lya Nondi, lyakela ku ngangela ya Endeni. ¹⁷Kaini wa thzibukile mwebwendi cho wemitile. Wakitile Inoki. Watungile limbo cho wali lukile lithzina lya munendi Inoki.¹⁸Kuli Inoki kwa kitiwile mwana Ilandi. Ilandi wapwa ishe ya Mehunjaele, Mehunjaele wapwa ishe ya Metusaele, Metusaele wapwa ishe ya Lameki. ¹⁹Lameki wa shombwele banakathzi ba bali. Lithzina lya umo wakele Anda, cho mukwabo wakele Zila.²⁰Ando wakitile Njabalu. Ikeye wakele ishe ya baje ba yoyelele mu matende ba kufuka tithitu. ²¹Lithzina lya ndolome yendi lyakele Njumbalu. Ikeye ishe ya baje ba kembi tulyalya na bimbendo. ²²Cho ngechi mwa Zila, wakitile Tumbake - Kaini, wapwile ng'ulungu mukufuka binoma bya bikubo kutunda ku nengu na butale. Ndokathzi ya Tumbale - Kaini wapwile Naama.²³Lameki wendekele kuli ba mwebwendi ngwendi, " Anda na Zila, tolilileni ku lijwi lyange; eni banakathzi ba Lameck, tolilileni binjendeka. Njinathsi munu ou nanji betwetha, mukwenje ou nanji bulumuna. ²⁴Oshe mashambandinga a Kaini atanu na abali cho mashambandinga a Lameki a kapwa makumi atanu na abali na bitanu na bibali."²⁵Andama wa thzibukile mwebwendi lalo, cho wakitile mwana wa munalume mukwabo. Wamulukile Seta na kwendeka ngwendi, "Njambi na njana mwana wa munalume kwingitha muli Abele, ou ya thsiile Kaini." ²⁶Seta ba mukitilile mwana wa munalume cho wa mulukile lithzina lya Enoki. Athimbu ije banu ba shangumukile kuthana a ithzina lya Njambi.

¹Cho chasholokele omu munu waputukile kutuma hathi cho kwathemukile banu babanakathzi kuli bakebo, ²omu bana ba Njambi bamwene bana babanakathzi hali woshe owo bangwile. ³Yehoba wendekele ngwendi, "Muthzinthzime wange kuukatumanena muli munu myaka yoshe embwe, mwafwa banapu mushuni. Cho bakayoya myaka chita chimo na makumimabali."⁴Muli aje matangwa hathi hakele banu bakutunuka, kweta na kulutwe. Ebi byasholokele omu bana ba Njambi ba shombwele bana babanakathzi, cho bakitile nabo bana. Aba bakele baje banalume bakulaja bakutakama, banalume bakuthsimana.⁵Cho Yehoba wamwene ngwendi bubi bwa munu hathi wamene, cho nebi byakele mu bithinganyeka byabimbunge byabo byakele byakutwalelela bubi. ⁶Yehoba walibeyele ngwendi ngwe katangele munu ha kaye, cho chamunyengethele mbunge yendi.⁷Cho Yehoba wendekele ngwendi, "Njikakomba munu woshe ou njatangele kutunda hakamwa lya kaye - munu na tuthitu, nabaka kubalaba boshe na tuthzila ba mwilu, mwafwa njinalibeye kubatenga." ⁸Oloni Nowa wamwene kubethzika mu mesho a Yehoba.⁹Cho ebi bikebyo bilika byakutala kuli Nowa. Nowa wakele munalume wa kuthungama, wakwilika mulonga mubanu bamuthimbu yendi. Cho Nowa wendele na Njambi. ¹⁰Nowa wapwile ishe ya bana batatu ba banalume: Shemi, Hamu, na Yafeti.¹¹Cho kaye kashulile na bubi ku mesho a Njambi, cho kakele na bukenya. ¹²Njambi wamwene kaye; talenioni, kakele na bubi, mwafwa munu woshe wabihithile bingila byendi ha kaye.¹³Cho Njambi wendekele kuli Nowa ngwendi, " Njinamono ngwange thimbu inete yakwaka mamanethelo kuli munu woshe, mwafwa kaye kanashulu na bukenya muli bakebo. Mukemo bene, njiba nyongetha hamo na kaye. ¹⁴Litungile obe ibenya bwato bwa mapulanga a mut iwa supulase. Tunga bibatulo mu bwato, nakubufwika manenekela mumbando na hakamwa. ¹⁵Cho ukabutunga ngechi, kwama cha bwato bukakala nama kyubiki bita bitatu; bwihi bwacho na kyubiki makumi atanu, cho bulaja bwacho bukakala na ma kyubiki makumi atatu.¹⁶Tenga chiluli cha bwato, nakuchimanetha na kyubiki umo kutunda helu ya mbango. Aka chikolo mu mbango ya bwato na kwaka manela, yamuchibali, nei yamuchitatu. ¹⁷Tolila, Njili muyehi nakunena libathzi lya mema hathi, kwija nakunyongetha munu woshe alimo na mwonyo mwithi lya lilu. Cho byoshe ebi bili ha kaye bikathsa.¹⁸Oloni njikanena chithzibathano nobe. Ukakobela mu bwato, yobe, na bana bobe, na munakathzi wobe, na banakathzi ba bana bobe hamo. ¹⁹Ku byoshe bya mwonyo bya tuthitu boshe, ukakobelethamo babali ba chifwa choshe mu bwato, mangana bakakale hamo nobe na mwonyo, wankomba nou wa lwabo.²⁰Kututhzila kukabangeya miyati yabo, nakututhitu kukabangeya miyati yabo, nakuli aba bakulyalanga hathi kukabangeya miyati yabo, cho muyati woshe babali bakaija kuli yobe ukabanyunge na mwonyo. ²¹Bungiya chifwa cha kulya choshe nakunyunga, mangana chikapwe kulya chobe nechi chabo. ²²Cho Nowa walingile ngechi bene kwetheketha nomu amukambeye Njambi; cho walingilemo.

¹Njambi wanukile Nowa, natuthitu boshe bamushwata, nabimuna boshe baje bakele nabo mubwato. Njambi wahuwithile lihuthzi hathi, na mema ashangumukile kunyekumuka. ²Tubwelubwelu twa mema a kuloba na binjanena bya mwilu babishokolwele, na nyothzi yalikelele kunyoka. ³Cho mema alibathzi ashangumukile kunyekumuka hathi, na hanima ya manethele a myaka chita na myaka makumi atanu amatangwa mema anyekumukile hathi.⁴Bwato bwatulikile mungonde ya muchitanu na ya muchubali, halitangwa lya bulikumi na matangwa a tanu nabali amu ngonde, hamunkinda wa Alalate. ⁵Cho mema akele nakunyekumukila hathi kubanga kweta na mungonde ya bulikumi. Halitangwa lya kulibanga lya ngonde, bishongo bya minkinda byasholokele.⁶Chasholokele anima ya matangwa makumi awana Nowa wa shokwelele njanena ya bwato buje bwa shongele. ⁷Cho watumine likololo cho wakele na kupululuka mwaya mweluka kwetela noho mema omine hathi.⁸Cho watumine katela kuya nakukamona ngwe mema anomu hakaye, ⁹oloni uje katela kakawanene chela hakutulila, ngechiwelukile kuli ikeye mubwato, mwafwa mema te anashulu mu kaye koshe. Wolwele liboko lyendi, cho wa mukwatele na kumwilwitha mubwato.¹⁰Cho wabandamenene matangwa akwabo akupwa atanu nabali cho lalo watumine katela kufuma mubwato. ¹¹Nauje katela welukile kuli ikeye mangwethzi. Kenga! Kukanwa kwakele liputa lya kutonola lya olive. Haje bene Nowa wathzibukile ngwendi mema anomu ha kaye. ¹²Cho wabandemenene matangwa atanu nabali, cho watumine katela lalo. Cho kelukile kuli ikeye.¹³Chasholokele mu myaka biita bitanu na chimo wakulibanga mu mwaka, mungonde ya kulibanga, halitangwa lya kulibanga lya ngonde, omu mema bawomithile ha kaye. Nowa wafukwile chiluli chije chafwikile ha bwato, cho wakengele noku - noku, cho wamwene, kengeni, Libu lya hathi linomu. ¹⁴Mungonde ya muchibali, halitangwa lya makumi abali nawatanu nawabali a mungonde, kaye komine.¹⁵Cho Njambi wendekele kuli Nowa ngwendi, ¹⁶"Tuhuka mubwato, yobe, munakathzi wobe, bana bobe, na banakathzi ba bana bobe. ¹⁷Tuhwithamo byuma bya kuyoya bije biuli nabyo - tuthzila, tuthitu, na byoshe bya kulyalanga hathi - linga bakathe kutuma manene hathi, linga bakatheme na kuthemunwina hano ha kaye"¹⁸Cho Nowa watuhukilemo na bana bendi, munakathzi wendi, na banakathzi ba bana bendi. ¹⁹Tuthitu bakuyoya boshe, na byoshe bya kulyalanga hathi, na tuhzila boshe, na byoshe bya kwenda hathi, mukwetheketha mumiyati yabo, bathethzele bwato.²⁰Nowa watungilile mutula Shukulu Kalunga. Wambateleko bamo ba kujela tuthitu na bamo ba kujela tuthzila, cho wanene ng'ombela ya kwenyeka ha mutula. ²¹Shukulu Kalaunga wanikiiye bweko bwa bubwa cho wendekele mumbunge yendi ngwendi, "Kunjikatha kuthinga mabu lalo hamulonga wa munu, nambe ngwe biyongola bya mu bimbunge byabo binapu bya bibi kutunda kubwanike bwabo. Nameme yange kunyongetha bya kuyoya, ngwe omu njinapanga. ²²Omwo kaye kukachili, thimbu ya kukuna na kuteja, kutonola na kushaluka, ndombo na chithika, na mutanya na buthsiki kubikahu".

¹Cho Njambi wakwithwileNowa na bana bendi babanalume, na kwendeka kuli bakebo ngwendi, "Pweni mbuto, mukathemunune, na kushulitha kaye. ²Lyoba na munjunju wobe wakutewa byoshe bikakala kututhitu ano kaye, ali tuthzila boshe bamwilu, ali byoshe bije bikalaba athi, ali bithi boshe bali mu kalinga ndongo. Boshe babyana mu maboko obe.³Byoshe byuma bili namwonyo bilinakwenda njamyana kupwa bya kulya byeni. Ngwe muzhe munjana myanene lazha bizhe bya miti yamaputa abushompo, alolo nja myanoni byoshe. ⁴Oloni kethi mukalye kathitu namomyo wendi--aje akeo maninga endi--muli ikeye.⁵Olojoni kumaninga eni, mwonyo uzhe uli mumaninga eni, njikashakela fweto. Kutunda ku maboko atuthitu boshe. Kutunda kumaboko amunu woshe, echi chikecho, chitunda kuliboko lya umo uje athsiya ndolome yendi, cho njitonda kutanda mwonyo wauje munalume. ⁶Cho woshe aketila maninga a mukwabo munu, nendi maninga endi bakawetila kuli bakwabo banu, mwafwa muchifwa chendi Njambi wa pangele munu. ⁷Ngechi mweni, pweni bakwima na kuthemununa, mukalishandokele mukaye koshe nakuthemunwinamo."⁸Athinoni Njambi wandekele kuli Nowa na bana bendi baba nalume bakele nabo, ngwendi, ⁹"Ngechi bwange, thzibilileni! Njiya nakutabetha chikumiyo lyakuli shika neni nabatekulwila beni anima yeni, ¹⁰na choshe chimuna cha mwonyo chimuli nacho, kututhzila, bimuna, natuthitu ba ano athi muli nabo, boshe baje batuukile mubwato, kuli chimuna chose cha kuyoya ca ano athi.¹¹Anoni njili nakutabetha chikumiyo change neni, ngwange kukwethi nawa kubiitha mubila wathitu na mema ali bathzi. Kukukakala lalo libathzi lya ku kanyongetha kaye koshe." ¹²Njambi wendekele ngwendi, "Echichikecho chimetho chachikumiyo chije chinjili na kuhlinga akati kange neni na choshe chimuna chije chili nakuyoya neni, kuchikota choshe chakulutwe: ¹³Njinakako nkongolo yange mumashelwa, cho linga chipwe chimwetho chachikumiyo akati kange na kaye.¹⁴Chikalingiwa athimbu ije injikanena lishelwa ano kaye na nkongolo bakaimona mumashelwa, ¹⁵athinoni njikanuke chikumyo change mumbunge, chije chili akati kange neni na byoshe bimuna bizhe bili nakuyoya namwonyo wakumibila wathitu yoshe. Cho mema ku wakatha lalo kunena libathi lya kunyongetha mubila yoshe.¹⁶Cho nkongolo ikakala mumashelwa cho njikaimona, mangana njikanuke chikumiyo chamyaka yoshe akati ka Njambi bizhe bimuna bili na mubila wakuyoya ano akaye." ¹⁷Cho Njambi wendekele kuli Nowa, "Echi chikecho chimwetho chachi kumiyiyo chizhe chinjinatabetha akati kange na mibila yathitu izhe ili ano kaye."¹⁸Bana ba Nowa babanalume bozhe batuukile mubwato bapwile, Shemi, Hama, na Njafeta. Hama ikeye wapwile ishe ya Kanana. ¹⁹Aba batatu bapwile bana ba Nowa, cho kutunda kuli aba lifuti lyoshe lyashulile.²⁰Nowa washangumukile kupwamukakulima, wakunine lihya lya binyu. ²¹Wanwine binyu bimo cho wa pandele. Walalele mutende yendi chakujeneka kulifwika.²²Athinoni Hama, ishe ya Kanana, waimwene busheleshele bwa ishe cho walekeleko bandolome bendi babali bakele anja. ²³Choni Shemi na Njafeta bambatele mukanjo bamukambekele abitsili byabo boshe, cho bendekele buthetanima nakukafwika bushelengwa bwa ishabo. Na bihanga byabo bya tengukilile kweka, mangana kethi bamone amushelengwa waishabo.²⁴Cho omo Nowa wendukile nakupenduluka kutunda ku binyu, wathzubukile bizhe munendi wa mutinikila wamunalume walingile kuli ikeye. ²⁵Cho wendekele ngwendi, "Chithingo chikale kuli Kanana. Akapwe ndungo kubindungo bya bandolome bendi."²⁶Cho wendekele lalo ngwendi, "Shukulu, Njambi wa Shemi, apwe wakukwithula, na Kanana akapwe ndungo yendi. ²⁷Njambi atandumune bufuko bwa Njafeta, na ku mwechela atunge limbo mu matende a Shemi. Oloni Kanana akapwe ndungo yendi."²⁸Anima yalibathzi, Nowa wakele myaka yakupwa biita bitatu na makumi atatu amyaka. ²⁹Nowa matangwa endi akuyoya kwendi apwile biita bitanu nabiwana na makumi atanu amyaka, athinoni athsile.

¹Aba bakebo batwile batekulwila babanalume babaana ba Nowa, baje bakebo, Shemi, Hama, na Njafeta. Baana babanalume bathemene anima ya libathzi.²Baana bab nalume bapwile Ngomele, Mangoge, Mandi, Njabani, Tumbale, Mashake na Tilase. ³Baana babanalume ba Ngomele bapwile Ashekenazi, Lifati, na Tangama. ⁴Baana babanalume ba Njabani bapwile Elisha, Tashishi, Kitimu, na Ndondanimu. ⁵Kutunda kuli aba bakele kungenge yandonga yakalunga banu ba lyangunwine na kuya mulifuti byabo, ali woshe na lilimi lyendi kwetheketha na muyati yabo, wamuchifuti abo.⁶Baana babanalume ba Hama bapwile Kushi, Mizilaimu, Puti, na Kanana. ⁷Baana babanalume ba Kushi bapwile Seba, Habila, Sabita, Lama, na Sabiteka. Baana babanalume ba Lama bapwile Sheba na Ndendani.⁸Kushi wethzile nakupwa ishe ya Nimelonde, ikeye wapwile wakulibanga kuhyana ano akaye. ⁹Wapwile chiyambi wanthzili kumesho a Njambi. Chikecho chibendekela ngwabo, "Ngwe Nimelonde, chiyambi wanthzili kumesho a Shukulu." ¹⁰Nakuswana kwa binganda byendi byakulibanga bya hakati bya pwile Mbambiloni, Eleki, Akikandi, na Kaline mulifuti lya Shina.¹¹Kutunda kuchifuti chije waile ku Lilya na kukatunga Ninibayi, Lehombothi Ir, Kala, ¹²na Lesene, ije yapwile akati ka Ninibayi na Kala. Ije yapwile nganda yakama. ¹³Mizilaimu wapwile ishe ya Lundite, ba Anamite, ba Lehabite, ba Nafutuhite, ¹⁴ba Pathulusite, ba Kasuluhite (kuje kwatundile ba Faliseo), na ba Kafitolite.¹⁵Kanana wapwile ishe ya Shindoni, munendi watwatwa, kuli Hete, ¹⁶cho lalo ba Jebushiti, ba Amolite, ba Ngingashite, ¹⁷ba Hibite, ba Akite, ba Sinite, ¹⁸ba Avindite, ba Zamalite , na ba Hamathite. Anima yebi miyati ya ba Kanana yalishondokelele.¹⁹Binginga bya ba Kanana byapwile bya kutunda ku Shindoni, na ubuthinga bwa ku Ngalale, nakweta ngwe ku Ngathza, cho ngwe umo aya kuyehi na Sandoma, Ngomola, Andema, na Zemboloni, kumuyehi na Lasha. ²⁰Aba bakebo bapwile bana babanalume ba Hama, kumi yati yabo, kumalimi yabo, mulibu lyabo, na mu mafuti abo.²¹Cho lalo bana babanalume bathemukile kuli Shemi, yaya ya Njafeta. Shema lalo wapwile kukulwila wa banu boshe ba Ebelu. ²²Bana babanalume ba Shemi bapwile Alama, Ashule, Alepakashande, Lunde, na Alama. ²³Bana babanalume ba Alama bapwile Uze, Hule, Ngelale, na Mashake.²⁴Alepakashande wapwile ishe ya Shela, na Shela wapwile ishe ya Ebelu. ²⁵Ebelu wakele na bana bendi babali ba banalume. Nalithzina lya umo lyapwile Pelenge, mumatangwa endi ya akaye kulipangela. Ndolome yendi lithzina lyendi lyapwile Njokotane.²⁶Njokotane wapwile ishe ya Alemondande, Shelefe, Hazalemabele, Njela, ²⁷Handolame, Uzale, Ndikela, ²⁸Ombale, Ambimaela, Shemba, ²⁹Ofila, Habila, na Njombambe. Boshe aba bana ba banalume bapwile bana ba Njokitani.³⁰Cho bufuko bwabo bwatundile ku Mesho, na kukaeta ku Safale, kulilundu lya mungangela. ³¹Aba bakebo bapwile bana babanalume ba Shemi, kwetheketha ku miyati yabo na malimi abo, mulibu lyabo, kwetheketha kulifuti lyabo.³²Ebi ikeyo yapwile miyati ya bana ba Nowa, kwetheketha mubathemukila, kumafuti abo. Kutunda kuli aba mafuti alyandunwime nakuya mwaita kaye koshe anima yalibathzi.

¹Chojo Njambi wedekele kuli Abilama ngwendi, "Tunda mu lifuti lyobe, na kubabushoko bobe , na kunjubo ya isho, ya ku lifuti lije linjileketha. ²Njika kupwitha lifuti lya kama, chonawa njikaku kwithula, na kwametha lithzina lyobe, cholalo uka kala wa kubethzika. ³Cho njika kwithula baje boshe bakaku kwithula, olojo njika thinga baje boshe kuba kaku thingimika. Kwitila muli yobe binanga byoshe bya muno mu kaye baka bi kwithwila."⁴Cho Abilama waile, kwetheka na muje wa mu lekele Njambi ngwendi a linge, cho na Lote waile nendi. Abilama wa kele na myaka ya ku themuka makumi atanu na abalu omu wakele na kutunda ku Halani. ⁵Cho Abilama wambatele Salai, mwebwendi, na Lote, muna Ndolome yendi, na bufuko bwabo bwoshe buje ba wanene muje, na banu baje ba wanene mu Halani. Cho bakatukile na kuya mu lifuti lya Kanana, ngechi betele mu lifuti lya Kanana.⁶Cho Abilama wa pulyathanene mu lifuti lije kweta naku Shekeme, kwita na ku muti wa Mole. Ha thimbu ije muje mu lifuti mwakelena kuyoya ba Kanana. ⁷Cho Shukulu wali sholwele kuli Abilama, na kwendeka kuli ikeye ngwendi, "Njikana eli lifuti kuli bana na batekulu bobe." Chojo na Abilama wa tungilile Njambi uje wa lisholwele kuli ikeye mutula kuje bene.⁸Omu atundile kuje cho wailoni ku lifuti lya munkinda ku ngangela ya Mbetele, kuje kwa shimbikile tende yendi, oku Mbetele yakele muyatangwa na Ai yakele ku mbitela. Cho muje bene watungilile Njambi mutula na kuthana ha lithzina lya Njambi. ⁹Kathinoni Abilama wa twaleleho na bungethzi bwendi, ku thungama ku Nengebi.¹⁰Chojo mwa kele njala ya lyangengela muje mu lifuti, ngechi Abilama wa thikumukilile mu lifuti lya Ingitu na kuka kalamo, mwafwa ije njala ya lyangengela yamene manene mulifuti lije. ¹¹Choni omu mwa lingile ali mu yehi na ku kobela mu Ingitu, wendekele kuli mwebwendi Salai ngwendi, "Kenga kuno, nji thzubuka ngwange wapwa umunakathzi wa mubwa. ¹²Chojo omu baka Ingitu baku mona cho bendeka ngwabo, 'Munakathzi wendi owu,' cho yange banji thsiya, olojo yobe baku thethzaho na mwonyo wobe. ¹³Kumani yobyoni endeka ngwobe undokatzi, mangana njoboke ha mulonga wobe,"¹⁴Ngechibene chasholokele omwoni Abilama wa kobelele mu Ingitu, baka Ingitu ba mwene bene ngwabo Salai wa pwile wa mubwa manene. ¹⁵Cho tutumwa twa Falo ba mu mwene, cho bayile nakumu shangathzala kuli Falo, ngechibene bamu twalele mu njubo ya Falo. ¹⁶Chojo Falo wa lingile mwa mubwa Abilama ha mulonga wendi, ngechi Abilama ba mwanene tununu na bingombe, bimulu ba banalume, bindungo ba banalume, bindungo ba banakathzi, bimulu ba banakathzi, na bangamele.¹⁷Cho Njambi wa nenele mishongo ya kama manene hali Falo na baka njubo yendi ha mulonga wa Salai, mwebo ya Abilama. ¹⁸Ngechi Falo wa thanene Abilama, na kwendeka kuli ikeye ngwendi, "Bikebi unalingi kuli yange? Bikajo una jenekele ku nji leketha ngwobe munakathzi wobe? ¹⁹Bikoni unendekelele ngobe, 'Ndokathzi yange,' ngechoni nange nja mwambatele ngwange apwe mwebwange? Cho namu chifwechioni kumani kwata mwebwobe owu. Mwambate, ngechi uye na kuya." ²⁰Chojo Falo wa shikile bana bendi hali ikeye, cho bamu tuwithile muje mu lifuti, hamolika na munakathzi wendi na byoshe bije bya kele nabyo.

¹Cho Abilama watundile ku Ingitu na kuya mu Nangibe, ikeye, munakathzi wendi, na byoshe bya kele nabyo. ²Cho Abilamu wakele nabufuko bwa mubimuna, mu siliba, na mu ngolunde.³Cho watwaleleleho na ubngthzi wendi bwa kutunda ku Nangibe na kuya ku Mbetele, ku chela kuje kwakele tende yendi laja, mukati ka Mbetele na Ayi. ⁴Waile kumutambela kwakele mutula watungile laja. Kuje wakathanene a lithzina lya Njambi.⁵Cho Lote,uje wakele nakwenda amo na Abilama nendi lalo wakele na bimuna, binanga, bangombe, na matende. ⁶Cho chifuti ku chabakwathele kutunga boshe amolika, mwafwa bupite buba kele nabwa bwalanene manene, ngechi kubatha kukala amolika. ⁷Cholalo, kwa onene kukala kulithzibathana akati ka tunyunga bimuna ba Abilama na tunyungi wabi muna bya Lote. Ba Kanana na baka Peli bayoyelele mumutambela athimbu ije bene.⁸Cho Abilama wendekele kuli Lote ngwendi, "Kethi akale kuli chokota akati kobe nange, na akati kaba tunyungi bobe naba bange; omo twapwa tuboshe, bachithemi chimo. ⁹Kethi echi chifuti choshe chili kulutwe lwendi? Chotwalelelaho kulundununa yobe babenya kuli yange. Mona yobe uya kuchimoshwe, cho yange njiya kuchilyo. cho yange lalo njiya kuchImoshwe."¹⁰Cho lote wakengele, cho wamwene chana cha Yondani chakele na mema akupwamo mwoshemoshe mubungethzi bwendi bwa kuya ku Zowale, ngwe lihya lya Njambi, nameme ngwe chifuti cha Ingitu. Echi chapwile amo thimbu kanda Njambi achinyongethe Sondoma na ¹¹Ngomola. Cho Lote walyangwilile ibenya chana cha Yondani na kuya ku mbwela, na bushoko ba lyandunwine umo na mukwabo.¹²Abilama wayoyelele mu lifuti lya Kanana, na Lote wayoyelele akati kabi nganda bije bya muchana. Cho walemene bilende byendi kulako na limbo lya Sondoma. ¹³Cho bamu Sondoma bapwile baka bubi manene kuli Njambi.¹⁴Njambi wendekele kuli Abilama anima ya Lote ntundu kuli ikeye ngendi, "kenga hamutambela ha wunemana kungangela, kumbwela, kukuto na ku shango. ¹⁵Chohe echi chifuti chi una mono, njika chana kuli yobe na chikota chobe myaka na myaka.¹⁶Njikalanetha chikota chobe ngwe likungu lya kaye, linga mona munu akatha kulaba likungu lya kaye, cho na chikota chobe akatha ku kachilaba. ¹⁷Katuka, wendemubulaja na mubwihi bwa lifuti, mwafwa nji kalyane kuli yobe. ¹⁸Cho Abilama walongokeyeye matende endi, cho wethzile na kuyoyela ku Okasi ya Mamele, izhe yakala mu Hebolone, na kukatunga mutula wa Njambi.

¹Cho chethzile na ku sholoka a matangwa a Amulafele, mwene wa ku Shina, Alioke, mwene wa ku Elasale, Kendolaoma, mwene wa ku Elamu, na Tindalu, mwene wa ku Ngoimu, ²ngwe bakatwile nthzita ali Mbela, mwene wa ku Sondoma, Mbesha, mwene waku Ngomola, Shinambe, mwene waku Andima, Shememba, mwene waku Zemboyimu, na mwene wa ku Mbela (uje lalo bathanene ngwabo Zewale).³Cho aba bimyene batanu baku kotokela bali nungathanene hamo mu chana cha Sindimu (cho lalo ba thanene ngwabo Lishali lya Mwongwa). ⁴Cho mu myaka likumi na ibali bapangelele Kendolaome, oloni mu mwaka wa bu likumi na itatu ba mutengulukilile. ⁵Ngechi mu mwaka wa bu likumi na iwana, Kendolaone na baje bimyene buba kele wendi bethzile na ku thzungitha ba Lefaimu mu Ashiteloleti Kalamaimu, ba Zuzaitesi mu Hanu, ba Emaitesi mu mu Shabehi Kiriataimu, ⁶na ba Holaite mu lifuti lyabo lya munkinda lya Seilu, ku tunda bene ku Elu Palani, ije ya kala ku kehi na mambo.⁷Kathinoni ba tengulukile na kwijoni ku Enu Mishipati (oyolalo ba thanene ngwabo Kandeshi), naku fungulula lifuti lyoshe lya Amalakati, cholala na ba Amolaite baje ba tungile mu Hazezoni Tamalu. ⁸Chojo mwene waku Sondoma, mwene wa ku Ngomola, mwene wa ku Andima, mwene waku Zeboyimu, na mwene waku Mbela (ije lalo bathanene Zoale) baile na ku kalyanganya bya nthzita mu Chana cha Sindimu ⁹na Kendelaome, mwene waku Shina, Alioki, mwene waku Elasale; bimyene ba wana ku hwitha batanu.¹⁰Chonini Chana cha Sindimu cha shulilemo na biteke bya tala, chojo emwoni baje bimyene ba ku Sondoma na Ngomola bakele na kutemwa, cho ba wilililemo muje bene. Baje bali tulileho ba tewelele ku minkinda. ¹¹Chojo baje bimyene bambatele byuma byoshe bya mu Sondoma na Ngomola na byakulya byabo byoshe na kuli ila kwabo. ¹²Cho omwoni bakele na kuya, cho bambatele kumo na Lote, muna ndolome ya Abilama wa munalume, uje wa tungile mu Sondoma, amolika na bibala byendi byoshe.¹³Cho munu umo uje ya ka teweleko wethzile na kuleka Abilama uje ka Hebelu. Watungile kuyehi na miti yakele ya Mamule, uje ka Amolaite, uje wapwile ndolome ya Eshukolu na Anale, baje bakele babuthamba ba Abilama. ¹⁴Chonini omu Abilama wathzibile ngwabo bitothzi bana kwata kabushoko kendi, cho watwamenenene banalume biita bitatu na likumi na batanu na batatu ba kulilongetha nthzita baje ba themukilile mu njubo yendi, nakuba kabathana kweta bene naku Ndanu.¹⁵Cho wa pangumwine banalume bendi na kubapangela ali bakebo mu thimbu ya buthsiki nakubalwitha, na kubakabangeya kweta bene naku Homba, kuchaba cha Ndamaseka. ¹⁶Ngechibene welwithile na kabushoko kendi Lote na bibala byendi, kwakelaho na banakathzi na banu bakwabo.¹⁷Cho anima ya kwiluka Abilahama kuje kwa ile naku fungulula Kendolaome na baje bimyene bakele nendi, mwene waku Sondema waile naku kaliwana nendi ku Chana cha Shabe (chije bathanene lalo ngwabo Chana cha Mwene). ¹⁸Melechizendeki, mwene waku Salema, watuwile likende na binyu. Wakele kapilistitu ka Njambi Wakama ha Boshe¹⁹Chojo wamu kwithwile na kwendeka ngwendi, "Banu kwithule Abilama kuli Njambi Wakama ha Boshe, Tengi ya lilu na lifuti. ²⁰Bamu kwithule Njambi wa Hakamwa ya Boshe, uje yanana bitothzi bobe mu liboko lyobe." Ngechibene na Abilama wanene kuli ikeye cha bu likumi kuli bije byoshe bya kele nabyo.²¹Cho uje mwene wa ku Sondoma wendekele kuli Abilama ngwendi, "Yange njaneko banu, yobe wambateko bufuko." ²²Abilama wendekele kuli uje mwene waku Sondoma ngwendi, "Njinololola maboko ange kuli Yehoba, Njambi wa Hakama ya Boshe, Tengi wa lilu na lifuti, ²³ngwange kunjambata bwanda, chipapa cha a n'aku, nambe choshe chije chobe embwe, mangana kethi ukendekyoni ngwobe, 'Yange nja fukitha Abilama.' ²⁴Nachimo chai chi njambata kubanga lika bije bibanali anba bakwenje nabije bya baje banaile nange. Ngechi echeni Anele, Eshikole, na Mamule bambate litambelo lyabo."

¹Cho anima ya byuma ebi lijwi lya Njambi lyethzile kuli Abilama mu chimona, ngwabo, "Kethi uthzibe lyoba, Abilama! Yange ntelo yobe na fweto yobe ya kama manene." ²Chojo Abilama wendekele kuli ikeye ngwechi, "Shukulu Njambi, bikajo bi uka njana, akulinga na thimbu bene ino anga njakala waku jeneka mwana, ngechibene Elieza waku Ndamasika ikeyoni ya swana njubo yange"? ³Cho Abilama wendekele ngwendi, "Akulinga yobe ku wa njaneneko umo wa kupwa muthangu wange cho, kenga, ou nathemukila lika mu njubo yange ikeyoni yapwa swana yange!"⁴Cho, kengani, lijwi lya Njambi lyethzile kuli ikeye, na kwendeka ngwabo, "Ou munalume ou kethi ngwe ikeye yapwa swana yobe embwe, olojo uje bene yakatunda a mubila wobe yobebabenya ikeyoni akakala swana yobe." ⁵Chojo wa mutwile hanja, na kwendeka kuli ikeye ngwendi, "Kachitale mwilu, na ku laba bingongonothi, umona ngwe chilibene watha ku bilaba." Kathinoni wendekele kuli ikeye ngwendi, "Omu mukemwo bene ba kapwa na batekulwila bobe."⁶Cho wakulahelele muli Njambi chojo nendi wamu labelelecho kupwoni kuthungama kwendi. ⁷Cho wendekele kuli ikeye ngwendi, "Yange Njambi, uje ya ku tundithile mu Ur ya ku Chalundeani, naku kwana lino lifuti ngechi uli swana." ⁸Cho ikeye wendekele ngwendi, "Shukulu Njambi, njatha kutanekeya batijo ngwe chilibene njika liswana lino?"⁹Chojo wendekele kuli ikeye ngwendi, "Njinenele muna ngombe wa lwabo uje yali na myaka itatu ya kuthemuka, nkomba ya manga wa myaka itatu ya kuthemuka, katela, na mwana waliyembe." ¹⁰Chojo nendi wamunenelele byoshe ebi, naku bi pangununa mu bali, na kwaka mbathzubwila imo mu buthunga na ikwabo, olojo ka pangwinine baje tuthzila embwe. ¹¹Omwoni makubi bethzile naku tongama ali ije mibila ya baje tuthitu, cho Abilama waba shekeleho.¹²Cho omwoni lya lingile lithathe liya mu ku lauka, Abilama wawililile mu litulo, cho, kengeni, lithuthulungu lya kama manene lya ku tewetha mwakama lya mu fwikile. ¹³Chojo na Njambi wendekele kuli Abilama ngwendi, "Thzubukila chimweja ngwobe chithemunwina chobe baka kala bangenthzi mu lifuti lije kethi lyabo, cho baka batenga bindungo naku ba yandetha manene a myaka biita biwana.¹⁴Olojo njika thopa lije lifuti libaka pangela, cho na hanima yechi cho baka tundamo lalo na bufuko bwa bwingi manene. ¹⁵Oloni yobe ukaya kuli baisho mu kwoloka. Cho baka ku thsinda a thimbu yakulinga una kulubalono manene. ¹⁶Cho bakeluka lalo kuno mu chithemwa cha muchiwana, mwafwa bubi bwa ba Amolita kanda buchete ha theteko ya ku manethelela."¹⁷Omwoni lithathe lya laukile naku kalako ku thzibala, cho kengeni, ndeho ije yakele na kukakama bwithi na mulangi wa tuya byetile mukati ka bije bipuka bya thitu. ¹⁸Chojo a litangwa bene lije Njambi wa lingile chikumiyo na Abilama na kwendeka ngwendi, "Njinana lino lifuti kuli chitemunwina chobe, kutunda bene ku ndonga ya Ingitu kweta na ku ndonga yakama, ya ¹⁹Yufuleti--na ba Kenati, naba Kenazati, naba Kandimonati, ²⁰naba Hatiti, naba Pelizati, naba Lefaiti, ²¹naba Amolite, naba Kanana, naba Ngengashate, naba Njembusati."

¹Chonini Salai, munakathzi wa Abilama, ka muthemeneneko bana embwe, olojo wakele na ngambo wa munakathzi, ka Ingitu, uje lithzina lyendi lyakele Hanga. ²Chojo Salai wendekele kuli Abilama ngwendi, "Kenga, Njambi nanji fumutha ku luthemo. Ngechi ya ukalale na ngamba yange. Echi chinatha ku lingitha nji kale na bana kwitila muli ikeye." Chojo Abilama wa thzibililile lijwi lya Salai. ³Chakele a nima ya Abilama ku tumbama likumi lya myaka mu Kanana a kewoni Salai, munakathzi wendi, wanene Hanga ngambo yendi wa ku Ingitu, kuli munalume wendi. ⁴Ngechibene walalele na Hanga, chojo nendi wakele nalimo. Ngechi omu wa limwene ngwendi ali na limo, cha wa talele hali chikulu yendi na likamba.⁵Chojo Salai wendekele kuli Abilama ngwendi, "Yobe wa nenetha ngwobe echi chi lingike kuli yange. Njanene ngamba yange wa munakathzi mu nkono yobe, cho omwoni na mwene ngwendi ali na limo, cho a nenoni likamba kuli yange. Njambi a thompe mukati kobe nange." ⁶Olojo Abilama wendekele kuli Salai ngwendi, "Kenga kuno, ou ngamba yobe wa munakathzi ali mu binthzili byobe, chojo linga kuli ikeye kwetheketha nomu mu una thzangela yobe babenya," Chojo Salai wa mu pangethele na bukenya manene ngechi nendi watewele kuli ikeye.⁷Cho kangelo wa Njambi wa mu wanene ku yehi na lithma lya mema mu mambo, lithima lije lya kala mu ngila ya kuya ku Shule. ⁸Cho wendekele kuli ikeye ngwendi, "Hanga, ngamba ya Salai, una tundililile kuli cholalo uli na kuya kuli?" C hojo nendi wendekele ngwendi, Njili na kutewa kuli shukulu yange Saai."⁹Chojo kangelo ka Njambi, wendekele kuliu ikeye ngwendi, "Iluka kuli shukulu yobe, na ku kononoka ku mooko yendi." ¹⁰Cholalo kangelo wa Njambi wendekele kuli ikeye ngendi, "Njika thangula na ku tumitha chithemunwina chobe, ngechi wai ya katha ku chi laba mwafwa chikatuma manene."¹¹Cho uje kangelo wa Njambi wendekele lelo kuli ikeye ngwendi, " Kenga, uli na limo chojo u thema mwana wa munalume, cho uka mu luka lithzina lya Ishimaele, mwafwa Njambi na thzibi tuyando twobe. ¹²A kapwa ngechi mwa ngolo. A ka thzinda munu woshe, chojo munu woshe a ka mu thzinda, cholalo a ka yoya ku lyala na bandolome bendi boshe."¹³Cho nendi wanene eli lithzina kuli Njambi uje wendekele kuli ikeye, " Yobe yobe Njambi uje ya kanjimono," mwafwa wendekele ngwendi, " Kumani chilibene njinatha kutwalelea kumona, nambe a nima ya kulinga ikeye na njimono laja." ¹⁴Chojo na lije lithima bali thanene ngwabo Mbea Lahai Loyi; lya kala mukati ka Kandeshi na Mbelendi.¹⁵Chojo Hanga wa thulumwine muna Abilama wa munalume, cho Abilama wa lukile munendi wa munalume, uje ya themene Hanga, ngwendi; Ishimaele. ¹⁶Abilama wa kele na myaka ya ku themuka makumi a tanu na a tatu na itanu na imo ha himbu Hanga wa themene Ishmaele kuli Abilama.

¹Omo Abilamu wakele na myaka yakuthemuka yakupwa makumi atanu na awana na myaka itanu naiwana, Shukulu walisholwele kuli Abilamu na kwendeka kuli ikeye ngwendi, "Yange Njambi wabinthzili byoshe. Enda kumesho ange, linga upwe wakulongwa. ²Cho njikasholola chikumiyo change akati kange nobe, na kuchilemetha mwakama manene."³Abilamu wakulamethele manene chihanga chendi athi na Njambi wendekele nendi, nakwendeka ngwendi, ⁴"Ngechi mwange, kenga, chikumiiyo change chili nobe. Yobe ukapwa ishe yamayongomena amafuti oshe. ⁵Cholalo lithzina lyobe kuli kapu lalo Abilamu, oloni lithzina lyobe likapwaoni Abilahama--choni njinakwangula laja kupwa ishe wama yongomena amafuti. ⁶Njakakutandunwina lithemo lwobe, nakukashulitha chithemi chobe kupwa baka mafuti, nabimyene bakathemuka kutunda kuli yobe.⁷Njikakuta chikumiiyo change akati kange nobe na batekulwila bobe bakaija anima yobe, kwitila akati kabakukulwila babo na chikumiiyo cha myaka yoshe, cho ujikapwa nji Njambi yobe na bakukulwila bobe anima yabe. ⁸Njikana kuli yobe na kuli batekulwila bobe anima yobe, libu lije mwayoyeleleho, libu lyoshe lya Kanana, kupwa bufuko bweni bwa myaka yoshe, nange njikapwa nji Njambi yabo."⁹Cho Njambi wendekele kuli Abilahama ngwendi, "Ngechi mwobe, unapande ku nyunga chikumiiyo change, yobe nabatekulwila bobe baje bakaija anima yobe na mwaya chikota chabo. ¹⁰Echi chikecho chikumiiyo change, chimunapande kunyunga, akati kange nobe wabatekulwila bobe anima yobe. ¹¹Munapande kutuhuka na kuken'a mibila yakulutwe wabumalume bweni, linga echi chipwe chimwetho cha chikumiiyo akati kange neni. .¹²Munalume woshe akati keni uje ali na matangwa akuthemuka atanu naatatu napande kutuhuka, mwayila bikota chabanu boshe. Echi chinapu boshe baje banathemukila munjubo yobe na uje bana landa nabimbongo wakutunda kuli baka mafuti nabaje kethi umo wabaje batekulwila babo. ¹³Woshe ou nathemukila munjubo yobe naije una landa na bimbongo byobe banapande kutuhuka. Echi chikumiiyo change chije chikakala mumibila yeni chikapwa chikumiiyo chamyaka yoshe. ¹⁴Munalume uje kethi wakutuhuka uje wakwonowa kuken'a kumubula wakulutwe wakubunalume bwendi bakamutundithako kubanu bendi. Cho nabulumuna kuchi kumiiyo change."¹⁵Njambi wendekele kuli Abilahama ngwendi, "Kuli munakathzi wobe Salai, kethioni umu thane ngwobe Salai embwe, oloni, lithzina lyendi lipwa oni Sala. ¹⁶Njikamukwithula, cho njikamwana mwana wamunalume, njikamukwithula cho akapwa ina wamafuti. Bimyene banu bakatunda kuli ikeye."¹⁷Cho Abilahama wakulamethele chihanga chendi manene athi cho wajolele, nakwendeka mumbunge yendi, "Kumani mwana atha kuthemuka kuli munalume ali na chita cha myaka yakuthemuka ndi? Cho chipwa bationi Sala, ali na myaka yakuthemuka yakupwa makumi atanu na awana, kukita mwana wamunalume?" ¹⁸Abilahama wendekele kuli Njambi ngwendi, "Oo uje Ishimaile amo akayoya kumesho obe!"¹⁹Njambi wendekele ngwendi, "Embwe, oloni Sala munakathzi wobe akakuchitila mwana wamunalume, cho unapande kukamuluka lithzina lya Isake. Njikakuta chikumiiyo change nendi kupwa ngwe chikumiiyo cha myaka yoshe na batekulwila bendi anima yendi. ²⁰Ngwe Ishimaileni, njakuthzibi. Kenga, ujina mukwithula, cho njika mwana luthemo na kulutandununa manene. Akapwa ishe ya bana babi myene bakupwa likumi nababali, cholalo njikamupwitha kupwa muyati wakama manene kuli lifuti lya Kanana. ²¹Oloni chikumiiyo change chije unjithunga na Isake, uje yakakutile Sala kuli yobe athimbu ngwe ino mungolothika."²²Omo wamanethele kwendeka nendi, Njambi waile mwilu kutunda kuli Abilahama. ²³Cho Abilahama wambatele munendi wamunalume Ishimaile, na boshe baje bachitikile munjubo yendi, na boshe ba alandele nabimbongo byendi, boshe banalume akati kabanu bamunjubo ya Abilahama , nakubaken'a kumibila yaba yakulutwe kubunalume bwabo muli uje bene lilangwa, ngechi muje mwendekele Njambi kuli ikeye.²⁴Abilahama wakele namyaka makumi atanu na awana namyaka itanu naiwana mwatuhikile na kumuken'a mubila wendi wakulutwe bwa kuba nalume. ²⁵Ishimaile munendi wamunalume watuhukile omo avhili na myaka likumi naitatu yaku themuka nakumuken'a kumubila wakulutwe bwakubunalume bwendi. ²⁶Halitangwa limolika Abilahama na munendi wamunalume Ishimaile babaluhwile. ²⁷Banalume boshe bamunjubo yendi baluhukilile amolika nendi, nakwakako baje bakitikilile amolika nendi, nakwakako baje bakitikilile munjubo yendi nabaje ba alandele nabimbongo byendi kuli bakamafuti.

¹Yehobe washolokele kuli Abilahama kumiti ya kejela kumitelebinde ya Mamele, kuje mwatumbamene muchikolo cha tende mwaku shaluka cha litangwa. ²Wakengele mwilu cho, kengenioni, wamwene banu batatu banemana kuthambwela kutunda kuli ikeye. Omu waba mwene, washatukile na kukaliwana nabo mu chikolo cha tende na kuthsikama hathi.³Wendekele ngwendi, "Shukulu yange, oshe ngwe njiwana kutetela ku mesho obe, njalombo kethi utubakane ngamba yobe," ⁴Echela banene tumema twatundondo, mujwele ku mendi eni, cho mangana mu hwimineko mwithi ya muti. ⁵Echeni njimineneleko bya kulya bya bindondo mangana muhwimineho. Hanima yebi cho muya ngila yeni, hakupwa munaija kuli ngamba yeni," Bamukumbulwile ngwabo, "Panga ngwe omu unendeka."⁶Cho bwathiwathi Abilahama waile mu tende kuli Sala, nakwendeka ngwendi, "Thzambula, ambata tu'ngete tutatu twabunga bwakujeneka bithsethsi, bushinge, mangana upange likende." ⁷Cho Abilahama washatukile ku butanga, na kwambatako muna ngombe, cho wathzambwile na kumu wabetha. ⁸Cho wambatele mateka na mashwe, na muna ngombe uje babwekethele, na kutumbika bya kulya ku mesho abo, cho wemanene ku mukulo wabo mwithi lya muti thimbu bakele na kulya.⁹Bendekele kuli ikeye ngwabo, "Indi munakathzi wobe Sala ali kuli?" Wakumbulwile ngwendi, "Kuje , mutende." ¹⁰Cho wendekele ngwendi, "Nji keluka bene kuli yeni mu thimbu ya ndombwe, cho kenga, munakathzi wobe Sala akakala na mwana wa munalume."Sala wakele na kutolilila mu chikolo cha tende, yakele kunima yendi.¹¹Oloni Abilahama na Sala bakele tukulakathzi, bakolele manene mu myaka, cho thimbu ya Sala ije ibakakitilamo banakathzi yetile laja. ¹²Sala babenya wajolele, na kwendeka kuli ibenya ngwendi, " Hanima ya kulwila change, cho na Shukulu wange nendi nakulubala laja, njatha lalo kupwa na thengei?"¹³Yehoba wendekele kuli Abilahama ngwendi, "Bikajo najolela Sala nakwendeka ngwendi, 'Chili njatha kukita mwana, thimbu nja kulubala laja? ¹⁴Kuli chuma chachikalu kuli Njambi ndi? Hathimbu njina shakula, mutondwe, njikeluka kuli yobe. Muthimbu ya chifwa chino bene mwaka wijaho Sala akakala na mwana wa munalume." ¹⁵Cho Sala wa byanene na kwendeka ngwendi, "Kunja jolele," mwafwa wathzibile lyoba. Cho wamu kumbulwile ngwendi, "Embwe,unajolele."¹⁶Cho baje banalume ba katukile na kuya kutala ku mutambela wa Sondome. Abilahama waile nabo na kubathindikiya mungila yabo. ¹⁷Oloni Njambi wendekele ngwendi, "nja pande kumushwekela Abilahama bije njishaka kulinga ndi, hakupwa ¹⁸Abilahama chili akapwa wa kuhyana na bukama manene mu lifuti lyobe, cho na mafuti bakawa bethzikitha muli ikeye? ¹⁹Mwafwa nja mwangula mangana akathe kunangula bana bendi na njubo yendi baje bakaija kulutwe kunyunga ngila ya Yehoba, na kulinga byaku thungama na bubwa, mangana Njambi akanene bije byendekele kuli Abilahama.²⁰Cho Njambi wendekele ngwendi, " Mwafwa kulila cha Sondome na Ngomola chinapu chakama manene, cho lalo mwafwa bubi bwabo buna hyana manene, ²¹njili nakuya muje bene na kumona kulila kwendi chije chinaija kuli yange, mona chili ngwe bana chilingi. Nga kwai, cho nji kathzibuka."²²Cho banu belukilemo kutunda kuje, na kuya kutala ku Sondoma, oloni Abilahama wathalele nemana ku mesho a Yehoba. ²³Cho Abilahama washweneneko na kwendeka ngwendi, "Cho ukanyongetha baka buthunga hamo nabakabubi ndi?²⁴Indioni hamo muli babuthunga makumi atanu muje munganda. Mwatha kunyongetha chakwilika kuyechela ha mulonga wa baje makumi atanu abuthunga alimo muje mu mwela? ²⁵Kuchapandele kuli yobe kulinga echi chuma, kuthsiya baka buthunga hamo nabakabubi. Kuchapandele kuli yobe! Kuma kuchapandele kuli mukakuyula kaye koshe kulinga mwamubwa?" ²⁶Yehoba wendekele ngwendi, " Ngwe njiwana mu Sondoma makumi atanu abakabuthunga muje mu nganda, cho njikathethza mwela woshe hamulonga wabo."²⁸Abilahama wakumbulwile na kwendeka ngwendi, " Kenga, njinalyana mu mukwendeka kuli Shukulu yange, nambe ngocho yange njapwa nji likungu na lito lya ngocho! ²⁷Cho bati oni ngwe kunatepuluka batanu kutunda ku makumi atanu abakabuthunga? Ukanyongetha yije nganda ha mulonga wa baje ba tanu ndi?" Cho wendekele ngwendi, "Kunjilingi ngocho, ngwe nji wanako makumi awana na batanu."²⁹Wendekele kuli ikeye lalo, na kwendeka ngwendi, "Indi bati ngwe kuli lika makumi awana kuje?" ³⁰Wakumbulwile ngwendi, Njalombo kethi ulubale, Shukulu, mangana njendeke. Hamo ukawanako makumi atatu kuje." Wamukumbulwile ngwendi, "Kunjikatha kuchilinga osho njikawanako makumi atatu kuje. ³¹Wendekele ngwendi, "Kenga, njina lyana mukwendeka kuli Shukulu yange! Hamo makumi abali akawanena kuje." Cho wakumbulwile ngwendi, kunjikanyongetha hamulonga wa aje makumi abali"³²Wendekele ngwendi, " Njalombo kethi mulubale embwe, Shukulu, cho njendeka chakumanethelako oni. Hamo likumi limo likawanena kuje." Cho wendekele ngwendi, "Kunjika nyongetha hamulonga wa lije likumi." ³³Yehoba waile ngila yendi hanima yakwendeka na Abilahama, cho Abilhama welukile kwimbo.

¹Abilahama wambatele munakathzi mukwabo; lithzina lyendi akele Ketula. ²Wamuthemenene Zimulani, Jokushani, Mindiya, Ishimbaki, na Shuwa. ³Jokushani wethzile nakukala ishe ya Shemba na Ndendani. Cho chikota cha Ndendani chakele banu baka Asiiliya, naku Letusi, na baka Leumu. ⁴Bana ba Mindiyani bakele Efahi, Eferi, Hanoku, Ambinda, na Elindayi. Boshe aba bakele chikota cha Ketula.⁵Abilahama wanene byoshe bije akele nabyo kuli Isake. ⁶Nambengosho, thimbu achikele na myonyo, wanene mabwana ku bana bendi babanalume ba upangala lyendi nakubatuma ku mwela waku mbwela, kulako na Isake, munendi wamunalume.⁷Awa akele matangwa a myaka ya kuyoya cha Abilahama eyi ayoyele, chita chimo na myaka makumi atanu na abali na itanu. ⁸Cho Abilahama wechele kuhwima na kuthsa ha thimbu ya bukulukathzi bwabubwa, kakulukathzi wakushula na mwonyo, cho bamukungulukilile ku banu bendi.⁹Isake na Ishimelo, bana bendi, bamuthsindile mu lizezengoma lya Makepela, mulihya lya Efuloni muna Zoha ou akele ka Hitite, yakele kuyeyi na Mamule. ¹⁰Lihya eliwalandele Abilahama kuli bana ba Hethi. Bamuthzindile Abilahama na munakathzi wendi Sala kuje bene. ¹¹Hanima ya kuthsa cha Abilahama, Njambi wakwithwile munendi Isake, cho Isake wayoyelele kuyeyi na Biya Lahai Roi.¹²Cho aba bakebo bakele baka chikota cha Ishimela, muna Abilahama, ou uje ka Ingitu Hauga, ngama ya Sala, wathemenene kuli Abilahama.¹³Cho awa akewo mathzina a baka ba Ishimela, kukabangeya omu bathemukilile: Nebaiyothi- mwana wakulibanga wa Ishimela, Keda, Adibilu, Mibisamu, ¹⁴Mishima, Nduma, Masa, ¹⁵Hadadi, Tema, Jeturi, Nafishi, na Kendema. ¹⁶Aba bakele bana ba Ishimela, cho awa akeo mathzina abo, kwetheka na membo abo, nakwetheka na tungithi yabo; bana ba bimyene likumi nababali kutetha na miyati yabo.¹⁷Ei ikeko myaka ya buyoyeb bwa Ishimela, chita chimo na myaka makumi atatu na itanu naibali. Wahwimine chamakumithilo cho wathsile, cho ba mukungulukilile ku banu bendi. ¹⁸Bayoyele kutunda Habila kweta Ashiha, ei yili kuyeyi na Ingita, ngila yakuya ku Asiliya. Bayoyele mukulithzinda na bakwabo.¹⁹Ebi byakele bithimbu bya Isake, muna Abilahama. Abilahama wethzile nakukala ishe wa Isake. ²⁰Cho Isake wakele na myaka makumi awana thimbu wambatele Labeka kukala munakathzi wendi, muna Bethule uje muka Alamiya waku Pandan Alam, ndokathzi wa Labani muka Alamiya.²¹Cho Isake walombele kuli Shukulu hamulonga wa munakathzi wendi ou kakele nakuthema bana, cho na Shukulu wamu kumbulwile kulomba chendi, na Labeka munakathzi wendi wemitile. ²²Baje bana bahundanganene hamolika muli ikeye, cho wendekele ngwendi, "Bikajo chili nakusholokela echi kuli yange?" waile nakwihula Shukulu hamulonga wechi.²³Shukulu wendekele kuli ikeye ngwendi, "Mafuti abali ali mwimo lyobe, cho banu babali bakabandununa kutunda mukati kobe. Munu umo akakala na nthzili kutubakana mukwabo, nauje wamukulunu akapangela uje wamwanike."²⁴Omu yetele thimbu yendi yakupapa, kengenioni, mwakele ba mpasa mwimo lyendi. ²⁵Uje mwana wakulibanga watuhukile wakubenga mubila woshe ngwe maaka a buthzalo. bamuthanene lithzina ikeye Esau. ²⁶Hanima yocho, ndolome yendi watuhukile. Liboko lyendi lyakwatele ku kathinthino ka Esau. Bamuthanene ngabo Yakobo. Cho Isake wakele na myaka makumi atanu nalimo hathimbu athemene munakathzi wendi.²⁸Baje bana bakolele, cho Isau wethzile nakukala chiyambe, munu wamushwata; oloni Yakobo wakele munu wakwoloka, ou akele nakupangetha thimbu yendi muma tende. ²⁷Cho Isake wathzemene Isau mwafwa wakele nakulya tuthitu baje akele nakuthsiya, oloni Lebeka wathzemene Yakobo.²⁹Yakobo watelekele muthothi. Isau wethzile kutunda mushwata, cho wajukile kunjala. ³⁰Isau wendekele kuli Yakobo ngwendi, "Njilitheko nowo muthothi wakubenga. Njakandelela, Njinajuka!" Chikecho chanenetha kumuthana lithzina ngwabo Endomu.³¹Yakobo wendekele ngwendi, "Chakulibanga njilandethe moko ya kuthemuka chobe." ³²Isau wendekele ngwendi, "Kenga, Ololonjithsa. Bubwa muka buli mu moko yakuthemuka change?" ³³Yakobo wendekele ngwendi, "Bangela kulithinga kuli yange," Cho Isau walithingingile chithingo cho mungiloyo walandethele moko ya kuthemuwa chendi kuli Yakobo. ³⁴Yakobo wanene likende na muthothzi wa lentilu kuli Isau. Walile na kunwa, cho wakatukile nakuya bungenthzi bwendi. Mungilei Isau washawile bukulunu bwendi.

¹Cho kwasholokele njala muje mulifuti, hanima yanjala yakulibanga yamumatangwa a Abilahama. Isake waile kuli Abimeleke, Mwene waba Filisitina kuje ku Ngela.²Cho Shukulu walisholwele kuli ikeye nakwendeka ngwendi, "Kethi uje ku Ingiti; yoyela mu libu linjikuleka kuyoyela. ³Kala muli eeli libu, nange njikala nobe nakukukithula; mwafwa kuli yobe na chithemunwino chobe, njikana libu lyoshe eli, cho njikashulitha kulithinga njalithingile kuli isho Abilahama.⁴Njikatumitha chithemunwino chobe ngwe bingongothi bya mwilu, cho njikana chithemunwino chobe eli libu lyoshe. Kwitila mu chithemunwino chobe mukeko bakukithwila mfuti oshe ahathi. ⁵Njilinga echi mwafwa Abilahama watambelele lijwi lyange nakunyunga kulongetha change, kukambeya change, bithoneka byange, na mashiko ange."⁶Cho Isake watungile mu Ngela. ⁷Omu banalume bamuje muchela bamwihwile hali munakathzi wendi, wabalekele ngwendi, "Ou ndokathzi yange." Wathzibile lyoba kwendeka ngwendi, " Ou munakathzi wange, " mwafwa wathinganyekele ngwendi, " Aba banalume bamuno muchela banjithsiya na kwambata Labeka, mwafwa wakele wamubwa manene." ⁸Hanima ya Isake kukala muje hathimbu yalaha, Abimeleke mwene waba Filisite wakele nakukenga hanja mu njanena. Wamwene, achi kengeni, Isake wakele nakukwatakwata Labeka, munakathzi wendi.⁹Abimeleke wathanene Isake nakwendeka ngwendi, "Kenga, mubuthunga bene ou munakathzi wobe. Bikajo wendekele ngwobe, 'Ou ndokathzi yange'?" Isake wendekele kuli ikeye ngwendi, "Mwafwa njathinganyekele ngwange munu umo hamo athakunjithsiya nakumwambata." ¹⁰Abimeleke ngwendi, "Bikebi unalingi kuli yetu? Umo mu banu ngwe nathele kulala na munakathzi wobe, ngwe unanene kutsa na mulonga hali yetu." ¹¹Cho Abimeleke wabyanethele banu boshe nakwendeka ngwendi, "Owo wodhe akakwata ou munalume nameme munakathzi wendi chili bene bakamuthsiya."¹²Isake wakunine mbuto mulibu lije nakuteja uje bene mwaka kweta ku chita cha mbunto, mwafwa Shukulu wamukithwile. ¹³Ou munalume wethzile nakufuka, nakukolelako nomu wethzile nakukala wakulema manene. ¹⁴Wakele na bimanga babangi na bingombe, na nanga yakama munjubo. Cho ba Filisitina bamuthzibililile chipululu.¹⁵Cho mathima oshe aje bingamba baishe bendile mumatangwa a ishe Abilahama, bawabyanethele kuli ba Filisitina kwitila mukuwofwela na libu. ¹⁶Abimeleke wendekele kuli Isake ngwendi, "Ya tunda kuno kuli yetu, mwafwa uli uwakulema kuhyana yetu." ¹⁷Cho Isake watundile kuje nakutunga mumingulunga ya Ngela, nakuyoyela kuje bene.¹⁸Isake wendile mathima a mema lalo, aje bendile mumatangwa aba ishe Abilahama. Aje babyanethele ba Filisitina hanima ya kuthsa cha Abilahama. Isake walukile ano mathima mathzina amolika aje alukile ishe.¹⁹Omu bendile bingamba ba Isake mu mingulunga, nawanenemo lithima lyakwita mema. ²⁰Tunyungi bamuNgela balijokotele na tunyungi ba Isake, nakwendeka ngwabo, "Awa mema etu."Cho Isake walukile lije lithima ngwendi "Eseki," mwafwa balijokotele nendi.²¹Cho bendile lithima likwabo, cho balijokotweleleho, lalo, walyanene lithzina lya "Sitina." ²²Walithethzele nakwinda lyeka lalo, oloni kubalijokotweleho. Cho walilukile ngwendi Rihoboti, na kwendeka ngwendi, "DShukulu oni natupangela yetu mwela, cho tukaya halutwe muli eli libu."²³Cho Isake wakandukile kutunda kuje nakuya ku Mbiyashemba. ²⁴Shukulu walisholwele kuli ikeye buje bene buthsiki nakwendeka ngwendi, "Yange Njambi wa isho Abilahama. Kethi uthzibe lyoba, mwafwa njili nobe cho njikakubethzikitha na kutumitha chithemunwino chobe, hamulonga wa ngamba yange Abilahama." ²⁵Isake watungile mutula kuje bene nakuthana halithzina lya Shukulu. Watemene tende yendi, na bingamba bendi bendile lithima.²⁶Cho Abimeleke waile kuli ikeye kutunda ku Ngela, na Ahuzati, kabuthamba kendi, na Fikoli, mukulunu wa mashwalale bendi. ²⁷Isake wendekele kuli bakebo ngwendi, "Bikajo munethzila kuli yange, hakukala mwanjithzinda na kunjisheka kutunda kuli yeni?"²⁸Cho bendekele ngwabo, "Tunamono hakujela ngwe Shukulu nakala nobe. Cho tunathinganyeka ngwetu hakale kulithinga mukati ketu, eyo, mukati ketu nobe. Cho echela tupange chithzibathano nobe, ²⁹ngwetu ku ukalibulumuna netu, ngwe omu kutwakubulumwine yobe, ngwe omu twakwambatele bwino yobe nakukutuma kweka mu kwoloka. Mukemobene, bakubethzikitha kuli Shukulu."³⁰Cho Isake wabapangelele chiwano, cho balile na kunwa. ³¹Bendukile mutondotondona kulishika mu kulithinga umo namukwabo. Cho Isake wabalekele kuya, cho bamuthethzele mu kwoloka.³²Lije bene litangwa ngamba wa Isake wethzile nakumuleka ha lithima lijebendile. Bendekele ngwabo, "Tunawana mema." ³³Walukile lithima lije ngwendi Shimba, cho lithzina lyalije limbo lyakele Mbiyashemba kweta naku lelo.³⁴Omu Isau wetele makumi awana a myaka, wambatele munakathzi, Judisi muna Mbeli uje ka Hitite, cho lalo na Mbasemati muna Eloni uje ka Hitite. ³⁵Cho banenele buthiwa kuli Isake na Labeka.

¹Omu Isake akulubalele cho na mesho endi athzibalele mangana onowe kumona, wathanene Isau, munendi wamukulunu, nakwendeka kuli ikeye ngwendi, "Munange." Isau wendekele kuli ikeye ngwendi, "Yange uno," ²cho Isake ngwendi, "Kenga hano, njinakulukabala laja. Kunjathzibukile litangwa lya kuthsa change.³Ngachije ambata bitwa byobe, mikili na buta bwa manana bwobe, nakuya mu shwata ukanjithsyileko kathitu. ⁴Tetela kulya change chachibwa, kulya chije njashaka, nakuchinena kuli yange mangana njilye nakukukithula thimbu kanda njithse."⁵Cho Lambeka wachithzibile omu Isake wendekele kuli munendi Isau. Isau waile mushwata nakutonda kathitu mangana anene. ⁶Lambeka wendekele kuli munendi Yakobo ngwendi, "Kenga hano, Njinathzibile isho endeka kuli ndolome yobe Isau. Nendekele ngwendi, ⁷'Njinenele thitu yamushwata unjitelekele kulya chachibwa, mangana njilye na kukukithula kumesho a Shukulu thimbu kanda kuthsa change.'⁸Cho ngachijoni, munange, tabela lijwi lyange omu munjikukambeya. ⁹Ya kubutange, unjinenele bana babinembe bababwa babali; cho njiteleka kulya chachibwa kubakebo bya ba isho, ngwe omu ashakela. ¹⁰Ukatwala kuli isho, mangana akalye, mangana akakukithule thimbu kanda kuthsa chendi."¹¹Yakobo wendekele kuli baina Labeka, "Kenga ndolome yange Isau wakala na maaka, cho yange njapwa njiwakutheneta. ¹²Mpamo tate akanjikwata, cho njikasholoka kuli ikeye kukala wamakuli. Njikalinenela chithingo cho kakanjikithula."¹³Ina wendekele kuli ikeye ngwendi, "Munange, echela chithingo choshe chiwile hali yange. Tabela lika lijwi lyange, uye, unjinenele yange." ¹⁴Cho Yakobo waile nakukwata bana ba bimembe nakubanena kuli ina, cho ina wapangele kulya chachibwa, ngwe omu achishakele ishe.¹⁵Lambeka wambatele buthzalo bwabubwa bwa Isau, munendi wamukulunu, obu akele nabwo munjubo, nakubuthzika Yakobo, munendi wamwanike. ¹⁶Cho wakele bilambu bya bya bana ba bimembe hamaboko endi nahamubila wakutheneta waku thingo. ¹⁷Wakele chije kulya chachibwa na likende lije abwahethele mumaboko a munendi Yakobo.¹⁸Yakobo waile kuli ishe nakwendeka ngwendi, "Tate."Ishe ngwendi, "Yange uno; yobe iya, munange?" ¹⁹Yakobo wendekele ku li ishe ngwendi, "Yange Isau munobe wakulibanga. Njinalingi ngwe omu wanjilekele. Tumam'oni nakulya thitu yange imo, mangana unjikukithule."²⁰Isake wendekele kuli munendi ngwendi, "Chinapu bati ngocho unaiwana bwathi, munange?" Wendekele ngwendi, "Mwafwa Shukulu Njambi yobe nanjineneleleyo yange." ²¹Isake wendekele kuli Yakobo ngwendi, "Shwena muyeyi nange, mangana njikukwate, munange, nakuthzibuka ngwe yobe munange Isau mubuthunga ndi embwe."²²Yakobo waile kuli ishe Isake; cho Isake wamukwatele nakwendeka ngwendi, "Lijwi linapu lya Yakobo, oloni maboko anapu ngwe a Isau." ²³Isake kathele kumuthzibuka, mwafwa maboko endi akele na maaka, ngwe aje a ndolome yendi Isau. cho Isake wamukithwile.²⁴Wendekele ngwendi, "Chili yobe bene munange Isau?" Wakumbulwile ngwendi, "Yange bene." ²⁵Isake wendekele ngwendi, "Nena kulya kuli yange, cho njilya kathitu kobe, mangana njikukithule." Yakobo wanenele kulya kuli ikeye. Isake wahile, cho Yakobo wamunenelele binyu, cho wanwine.²⁶Cho ishe Isake wendekele kuli ikeye ngwendi, "Shwena muyeyioni unjithsembe, munange." ²⁷Yakobo washwenene muyeyi nakumuthsemba, cho wathzibile bweko bya buthzalo bwendi cho wamukithwile. Wendekele ngwendi, "Kenga, bweko bwa munange buli ngwe bweko bwa lihya eli nakithula Shukulu.²⁸Echela Najmbi akwane mbathzubwila ya lime lya mwilu, mbathzubwila ya kununa cha kaye, na kulithala cha mbuto na binyu byabiha.²⁹Echela banu bakakupangele na mafuti akathsikame kuli yobe. Ukakale mukulunu hali bandolome bobe, cho echela bana babanyoko bakathsikame kuli yobe. Echela woshe ou akakuthinga akakale wakuthingiwa; na oshe ou akakukithula akakale wakukithula."³⁰Hajebene hanima ya Isake kumanetha kukithula Yakobo, na Yakobo mulyoba natunduko kumesho a ishe Isake, Isau ndolome yendi wethzile kutunda mubuyambi bwendi. ³¹Watelekele kulya chachibwa baku chinena kuli ishe. Wendekele kuli ishe ngwendi, "Tate, induka ulye kathitu imo ya munobe, mangana unjikithule."³²Ishe Isake wendekele kuli ikeye ngwendi, "Yobe iya?" Wendekele ngwendi, "Yange munobe, wakulibanga, Isau." ³³Isake wajajele manene nakwendeka ngwendi, "Iyajo ou nathsiyile thitu na kuinena kuli yange? Njinalile yoshe thimbu kanda wije, cho njinamukithula. Mukemo bene, bakamukithula."³⁴Omu Isau wathzibile majwi aba ishe, walilile nalijwi nabutenu bwakama, nakwendeka kuli ishe ngwendi, "Njikithule, nange lalo, tate." ³⁵Isake wendekele ngwendi, "Ndolonme yobe nethzile mukulikwitha kuno cho nambata kithu yobe."³⁶Isau wendekele ngwendi, "Nkuma mubuthunga kethi ikeye bathana Yakobo? Mwafwa nanjikwithi habithimbu bibali oni. Wanjitambwile moko yakuthemuka change, cho, kenga, nambata lalo kithu yange." Cho wendekele ngwendi, "Nkuma kuwanjitulikilileko kithu nambe imo yahi?" ³⁷Isake wakumbulwile nakwendeka kuli Isau ngwendi, "Kengoni, njinamupwitha kukala mukulunu wobe, cho njinamwana bandolome bendi boshe kukala bingamba, njinamwana mbuto na binyu byabiha. Bikwabo bikajo binjatha kukulingila, munange?"³⁸Isau wendekele kuli ishe ngwendi, "Kuwethi nambe na kithu yange imo, tate yange? Njikithule, nange lalo, tate yange." Isau walilile nakutambeka.³⁹Ishe Isake wakumbulwile na kwendeka kuli ikeye ngwendi, "Kengoni, chela echi unakuyoyela chikakala halyala kutunda ku bufuko bwaha kaye, halyala kutunda ku line lya helu lya lilu. ⁴⁰Kumukwale wobe kukeko ukayoyela, cho ukapangela ndolome yobe. Oloni mu ukalitengulukila, ukaningangetha mama'ti yendi kutunda hathingo yobe."⁴¹Isau wathzindile Yakobo hamulonga wa kithu ije ishe amwanene. Isau wendekele mumbunge yendi ngwendi, "Matangwa akulinyenga batate anashwene muyeyi; kutundaho njikathsiya ndolome yange Yakobo." ⁴²Majwi a Isau munendi wamukulunu bawalekele Lambeka. Cho watumine na kuthana Yakobo munendi wamwanike nakwendeka kuli ikeye ngwendi, "Kenga, ndolome yobe Isau ana kulithzembeleka ibenya hali yobe kwitila mukushaka kukuthsiya.⁴³Cho ngachijoni, munange, njitabele utewele kuli Labani, ndolome yange, mu Halani. ⁴⁴Tumbama nendi hathimbu yaindondo, kweta nomu butenu bwa ndolome yobe bukola, ⁴⁵kweta nomu butenu bwa ndolome yobe bukatenguluka kutunda kuli yobe, nakwibala ebi unalingi kuli ikeye. Cho njikatuma nakukwilwitha kutunda kuje. Bikajo binjithzimbalethela mubaboshe mulitangwa limo?⁴⁶Lambeka wendekele kuli Isake ngwendi, "Njinajuka na mwonyo mulonga wa bana babnakathzi ba Hethe. Oshe nga Yakobo akambatako umo ha bana babanakathzi ba Hethe kukala munakathzi wendi, ngwe aba banakathzi, bana babanakathzi bamo bamuno muchela, bubwa muka oni bukala na mwonyo wange kuli yange?"

¹Cho Isake wathanene Yakobo, wamukithwile na kumukambeya ngwendi, "Kuwatelele kwambata munakathzi kutunda kubanakathzi baku Kenani. ²Imana, uye ku Pandani Alamu, kunjubo ya Mbeteu ishe yaba nyoko, cho ukambatele munakathzi kujebene, habana babanakathzi ba Labani, ndolome yaba nyoko.³Echela Njambi wanthzili yoshe akukithule, akulingithe kukala wakwima bushuka na kukatumitha, mangana ukakale byendo bya banu. ⁴Cho echela akwane kukithula cha Abilahama, kuli yobe, nakuchithemunwino chobe chikaija hanima yobe, mangana ukathswane lije lifuti lije mwakele na kuyoyela, lije Njambi wanene kuli Abilahama."⁵Cho Isake wamutumine Yakobo kuya. Yakobo waile ku Pandani Alamu, kuli Labani muna Mbeteu uje ka Alamu, ndolome ya Lambeka, ina ya Yakobo na Isau.⁶Cho Isau wamwene ngwendi Isake ma kithwila Yakobo nakumuleka kuya ku Pandani Alamu, nakukambatela munakathzi kuje. Cho lalo wamwene ngwendi Isake namukithwila na kumukambeya, ngwendi, "Katelele kwambata munakathzi waku Kenani." ⁷Isau wamwene lalo ngwendi Yakobo natabela ba ishe naba ina, cho nai kuje ku Pandani Alamu.⁸Cho wachimwene Isau ngwendi banakathzi baku Kenani kubamushulwithile ishe Isake. ⁹Cho waile kuli Ishumelo, nakwambata, kubanakathzi baje akele nabo, Mahalati mwana wamunakathzi wa Ishumelo, mwana wamunalume wa Abilahama, ndokathzi ya Nembaiyoti, kukala munakathzi wendi.¹⁰Yakobo wathethzele Mbeyashemba nakuya ku Halani. ¹¹Cho wetele hamwela umo naklukalaho buthsiki bwoshe, mwafwa lithathe lyawile. Wambatele limanya limo ha chela chije, nakulyaka kwithi ya mutwe wendi, na kushulubala mangana akothe.¹²Walotele nakamona manela banamutumbika hathi. Shongo yayo yetele mwilu cho natungelo ba Njambi bakele na kukanduka na kuthikumuka haakeo. ¹³Kengoni, Shukulu wemanene helu lyawo nakwendeka ngwendi, "Yange Shukulu, Njambi wa isho Abilahama, na Njambi wa Isake. Libu okyo unalalaho, Njikwana lyo hamo na chithemunwino chobe.¹⁴Chithemunwino chobe chikakala ngwe likungu lya hathi, cho ukatanda kya halyala ku muyatangwa, ku mbwela, kushango na kukuto. Cho kwitila muli yobe na chithemunwino chobe mukemo bakakithwila bi nanga byoshe bya hathi. ¹⁵Kengoni, Njili nobe, cho njikunyunga kwoshe oko uya. Njikakunena mu chelechi lalo; mwafwa kunjikakuthethze. Njikalinga byoshe ebi njinakushiki."¹⁶Yakobo wendukile kutunda mutulo thwendi, nakwendeka ngwendi, "Chili bene Shukulu ali muchelechi, cho kunjachithzibukile echi." ¹⁷Wathzibile lyoba nakwendeka ngwendi, "Mwela muka wakuthzibitha lyoba ngachije! Ou unapu ngwe njubo ya Njambi. Unapu chikolo cha kwilu."¹⁸Cho Yakobo wakatukile mutondotondo nakwambata lije limanya wathindamenene mutwe wendi. Cho walimikile kukala chithini nakwitila mathzi helu lyalyo. ¹⁹Cho walukile lithzina lya chela chije kukala Mbetele, oloni lithzina lya ije nganda nalaja lyakele Luzi."²⁰Cho Yakobo walithingile chithingo, ngwendi, "Oshe nga Njambi akala nange nakunjikinga ha ngila ei njinakwenda, nakunjana likende lyakulya, nabuthzalo bwakuthzala, ²¹mangana njikeluke bwino ku njubo ya tate, cho Shukulu akakala Njambi yange. ²²Cho eli limanya njinemika kukala ngwe chithini likakala lya kuthzila. Cho kutunda ku byuma byoshe ebi munjana, mubuthunga bene njikakala wakwana cha mulikumi kuli yeni."

¹Cho Yakoba waile nungethzi bwendi na kweta kulifuti lya banu baku ngangela. ²Omo akengele, wa mwene lithima mu lihya, cho, kenga , matanga atatu abimanga abutamene kuje bene. Mwafwa kutunda muje mu lithima mukemo bakele nakubanwithila mema matanga, cho na limanya lyakele ku kanwa ka lithima layakele lyakama. ³Omo matanga oshe alikungulwile kuje, cho tunyungi bathindumwine lije limanya kutunda kukanwa kalithima nakunwitha bimanga, athina lalo belwithe limanya kukanwa kalithima, kuje kuli kakala.⁴Yakoba wendekele kuli bakebo ngwendi, "Bandolome, munatundu kuli?" Bamukumbulwile ngwabo, "Tunatundu ku Halane. ⁵Cho wendekele kuli bakebo ngwendi, "Muthubukako Lambani muna Nahole ndi?" Bendekele ngwabo, "Tumuthubuka." ⁶Cho wendekele kuli bakebo ngwendi, "Alibwino?" Bamukumbulwile ngwabo, "Ali bwino, cho, kenga kuje, na munendi wamunakathzi Lakele uje alinakwija na butanga bwa bimanga."⁷Yakoba wendekele ngwendi, "Kengeni, Linapu hakati ka litangwa. Thimbu kanda ichete yakukungulula bimanga hamo. Munapande kunwitha bimanga mema cho mubechele baye na kulya." ⁸Bendekele ngwabo, "Kutwatha kubanwitha kubanga naho matanga oshe anakunguluka hamo. Cho banalume bathindumuna limanya kutunda kukanwa kalithima, athinoni tunwithe bimanga mema."⁹Omo Yakoba wachikele nakwendeka nabo, cho Lakele wethile na bimanga ba ishe, baje akele na kunyunga. ¹⁰Omo Yakoba wamwene Lakele, muna Lambani wamunakathi, ndolome yabaina, na bimanga ba Lambani, ndolome yabaina, Yakoba wethile, wathindumwine limanya kulitunditha kukanwa kalithima, cho wanwithile bimanga ba Lambani, ndolome ya baina.¹¹Yakoba watsebele Lakele cho walilile nakutambakana. ¹²Yakoba walekele Lakele ngwendi ikeye kabushoko ka baishe, cho muna Lembeka. Cho washatukile na kukaleka ishe.¹³Omo Lambani wathibile muthimbu wa Yakoba muna ndokatha yendi, washatukile nakuliwana nendi, wamubumbatelele, wamutsembele, cho wamutwalele kunjubo yendi. Yakoba walekele Lambani byuma byoshe ebi. ¹⁴Lambani wendekele kuli ikeye ngwendi, "Yobe bene unapu uchithsiya change na mushuni wange." Cho Yakoba watumbamene nendi ngonde yamutunu.¹⁵Cho Lmbani wendekele kuli Yakoba ngwendi, "Yobe wathakunjipangela ngocho mwafwa u kabushoko kange? Njileke, fweto yobe ika?" ¹⁶Cho Lambani wakele nabana babali babanakathzi. Na lithina lya mukulunu ikeye Leya, na lithina lya shongo yendi ikeye Lakele. ¹⁷Leya wakele na mesho amabwananene, oloni Lakele wakele wamubwa muchifwa na mukusholoka kwendi. ¹⁸Cho Yakoba wathemene Lakele, cho wendekele ngwendi, " Njikakupangela myaka itanu na ibali ya Lakele, munobe washongo."¹⁹Lambani wendekele ngwendi, "Mwamubwa njimwane kuli yobe, kutubakana kumunalume weka. Cho tumbama nange." ²⁰Cho Yakoba wapangelele myaka itanu na ibali ya Lakele; kuli ikeye thimbu ije yasholokele ngwe matangwa amandondolika, mwafwa wachithango chakele nacho hali ikeye.²¹Athinoni Yakoba wendekele kuli Lambani ngwendi, "Njaneni oni munakathzi wange, omwo matangwa ange anapumo--mangana nji mwambate oni!" ²²Cho Lambani wakungulwile banu boshe bamu mutambela uje cho walingile chiwano.²³Mangwethi, Lambani wambatele munendi Leya wamutwalele kuli Yakoba, walimwene nendi. ²⁴Lambani wanene ngamba yendi wa mumbanda Zilipa kuli munendi Leya, kupwa ngamba yendi. ²⁵Mutondo, kengeni, wapwile Leya! Yakoba wendekele kuli Lambani ngwendi, "Bikajo bihunanjilingilamo? Kuma yange kunjapangelele Lakele? Bikajo unanjikwithila?"²⁶Lambani wamukumbulwile ngwendi, "Kuchakele chithemwa chetu kushombwetha mwana washongo wamukulunu kanda. ²⁷Manetha tahi simano yabushombolwa bwa mwana wa mukulunu, tukamwana mukwabo lalo nga ukanjipangela myaka itanu naibali."²⁸Yakoba walingilemo, nakumanetha simona ya Leya. Cho Lambani wanene munendi Lakele kuli Yakoba kupwa munakathi wendi lalo. ²⁹Lambani lalo wanene mbileha kuli munendi Lakele, kupwa ngambayendi. ³⁰Cho Yakoba wakele hamo na Lakele, lalo, oloni wathemene manene Lakele kuhyana Leya. Cho Yakoba wapangelele Lambani ikwabo myaka itanu na ibali.³¹Njambi wamwene ngwendi Leya kubamuthemene, cho washokolwele shibu yendi, , oloni Lakele wapwile mumba. ³²Leya wemitile na kukitila mwana wamunalume, cho wamulukile lithina lyendi ngwabo Lubeni. Wendekele ngwendi, "Mwafwa Njambi nakenge habuthiwa bwange; chili munalume wange anjithema manene."³³Cho wemkitile lalo nakukita mwana wamunalume. Wendekele ngwendi, " Mwafwa Njambi nanjithibi ngechi ngwendi mukalimbo lyange kanjithemene, cho nanjana mwana wamunalume lalo, "Cho wamulukile lithina lyendi Simiyoni. ³⁴Cho wemitile lalo na kukita mwana wa munalume. Wendekele ngwendi, "Ngachije oni thimbu ino munalume wange alinungu nange, mwafwa njinamukitila bana babanalume batatu." Chojo bamulukile lithina lyendi ngwabo Lebi.³⁵Cho wemitile lalo, nakukita mwana wamunalume wendekele ngwendi, "Thimbu ino njishangetheka Njambi." Chi wamulukile lithina lyendi Yunda; cho wechelele kukita bana.

¹Cho omo Lakele wamwene ngwendi kakitile mwana na Yakobo, Lakele wathzibilile ndokathzi yendi chipululu. Wendekele kuli Yakobo ngwendi, " Njane bana ngocho ngocho, njithsa." ²Kulubala cha Yakobo chahyanene hali Lakele. Wendekele ngwendi, " Kuma njili mumwela wa Njambi, nakwonowetha kukala na bana?"³Wendekele ngwendi, "Kenga, ngamba Mbileha uje. Ya muli ileye mangana hamo ukitilemo bana njathikama hamabuli ange, cho njikakala na bana muli ikeye." ⁴Cho wamwanene ngamba yendi Mbileha kukala munakathzi wendi, na Yakobo wakobelele muli ikeye.⁵Mbileha wemitile cho wakitilie Yakobo mwana wa munalume. ⁶Cho Lakele wendekele ngwendi, "Njambi na njitetela, nathzibi lijwi lyange nakunjana mwana wa munalume." Mwafwa wechi wamulukile lithzina lyendi Ndani.⁷Mbileha, ngamba ya Lakele, " wemitile lalo wakitile mwana wa munalume wamuchibali na Yakobo. ⁸Cho Lakele wendekele ngwendi, " Njinalu nthzita yayikalu na ndokathzi yange na nakumufungulula." Wamulukile lithzina lyendi Nafetali.⁹Omwo Leya wamwene ngwendi natinika laja, wambatele Zilipa ngamba yendi, cho wammwanene kuli Yakobo kukala munakathzi wendi. ¹⁰Zilipa ngamba ya Leya wamukitililile Yakobo mwana wa munalume. ¹¹Leya wendekele ngwendi, " Echi cinapu kubethzika." Cho wamulukile lithzina lyendi Ngande.¹²Cho Zilipa, ngamba ya Leya, wakitilile Yakobo mwana wa munalaume wamuchibali. ¹³Leya wendekele ngwendi, "Njina bwahelela! Mwafwa bana ba banakathzi baka njithana mukakubwahelela." Cho wamulukile lithzina lyendi Ashele.¹⁴Mumatangwa akuteja tiliku Lubeni waile cho wawanene mandeleke mulihya. Wawanenele kuli baina Leya. Cho Lakele wendekele kuli Leya ngwendi, "Njaneko mandeleke amo amunobe." ¹⁵Leya wendekele kuli ikeye ngwendi, "Kuma unapu mulonga waundondo kuli yobe, kuwapwithilemo omo wanji tambula munalume wange ndi? Ushake njikwane mandeleke amunange lalo?" Lakele wendekele ngwendi, "Nga unjanako mandeleke amunobe, cho akalala nobe buthsiki bwaleleo mukuli tambathana na mandeleke amunobe.¹⁶Yakobo watundile kumahya mangwethzi. Leya wamusheshele na kwendeka ngwendi, "Unapande kwija muli yange, mwafwa njakukumuna laja na mandeleke a munange." Cho Yakobo walalele na Leya buje ¹⁷bithsiki. Njambi wamuthzibilile Leya cho wemitile na kukita mwana wa munalume wa muchitanu. ¹⁸Leya wendekele ngendi, " Njambi nanjana fweto yange, mwafwa njanene ngamba yange wamunakathzi kumunalume wange." Wamulukile lithzina lyendi Isakale.¹⁹Leya wemitile lalo cho wakitile mwana wa munalume wa muchitanu naumo na Yakobo. ²⁰Leya wendekele ngwendi, Njambi nanjana bwana bwa bubwa. Aha oni munalume wange anjithingimika, mwafwa njakiti nendi bana babanalume batanu na umo." Wamulukile lithzina lya Zebuloni. ²¹Hanima yebi wakitile mwana wa munakathzi cho wamulukile lithzina lyendi Ndaina.²²Njambi wathanene Lakele nakumwana mbunge na kumutolilila. Wamunenethele kwimita. ²³Emitile na kukita mwana wa munalume. Wendekele ngwendi, "Njambi nanji tunditha shwama." ²⁴Wamulukile lithzina lyendi Yosefa, nakwendeka ngwendi, "Njambi na njakelako mwana wa munalume mukwabo."²⁵Hanima omo Lakele wakitile Yosefa, Yakobo wendekele kuli Lambani ngwendi, Njitume, mangana njiluke kwimbo lyange, kulifuti lyange babenya. ²⁶Njane banakathi bange na bana bange aba njinapangela, na kunjechela njiye, mwafwa una thzibuka bipangi binjinakupangela."²⁷Lambani wendekele kuli ikeye ngwendi, "Oshe ngwe njinawana kubethzika kumesho obe, bandamena, mwafwa njinanguka ha kupangetha mana awa nanjikwithwila Njambi ha mulonga wobe." ²⁸Cho wendekele ngwendi, "Njileke fweto yobe, cho njikufweta."²⁹Yakobo wendekele kuli ikeye ngwendi, "Yobe babenya unatanekeya munjikupangela nomu bimuna bobe bananyungiwa kuli yange. ³⁰Mwafwa thimbu kanda njije kuno wakele na bimuna babandondo, ololo bana themunwina kutubakanethaho. Njambi nakubethzikitha kwoshe kunjinapangelele. Choni thimbu muka njikapangela njubo yange lalo?³¹Cho Lambani wendekele ngwendi, "Bikajo njikufweta?" Yakobo wendekele ngwendi, "Yobe kuunjana nambe chimo. Nga yobe ulinga echi chuma kuli yange, cho yange lalo njika litha na kunyunga bimuna bobe. ³²Njechele njitangane mu butanga bwobe bwoshe lelo, nakutundithamo boshe bimanga ba mapelenge naba bimanga ba mabala - mabala, na woshe umo wakuthzibala hakati ka bimanga, na bamapelenge naba ba mabala - mabala hakati ka bimembe. Aba bakakala fweto yange.³⁴Kulongwa change chikalisholola kulutwe, omwo ukaija na kumona fweto yange. Woshe umo unjikawana wakujeneka mapelenge na mabala - mabala hakati ka bimembe, naba bakuthzibala hakati ka bimanga, nga bakabawana nange, cho bakabathinganyekela kupwa bakwiba." ³³Lambani wendele ngwendi, "Njatabela. Echela chikale kwetheka na lijwi lyobe."³⁵Litangwa lije Lambani wangunwine bimembe babi thzamba bamingolila naba bamapelenge, naboshe ba lwabo bakele na mingolila na mapelenge, na woshe umo uje akele na mapelenge akutoka, na boshe ba kuthzibala hakati ka bimanga, cho wabanene mu maboko a bana bendi ba banalume. ³⁶Lambani lalo wakele ungethzi bwa matangwa atatu mukati kendi na Yakobo. Cho Yakobo watwalelelehpo kunyunga oshe aje matangwa athaleleho a Lambani.³⁷Yakoba wambatele minango ya kutonola ya miti ya popula, na alumonde na miti ya puleni, cho wajubwile byula bimo bya minango, cho ije yamukati waipwithile kupwa ya kutoka. ³⁸Cho wa shimbikile bije biti ajubwile kulutwe lwa bimuna, kulutwe lwa mato a mema kuje kubakele nakwija na kunwa. Cho bemitile mubakele nakwija nakunwa.³⁹Cho bimuna ba bambwile kulutwe lwa biti, cho bimuna bathemene bana babo ba mingolila, mapelenge, naba bakubalama babandondo. ⁴⁰Yakobo wangunwine bana babimanga, oloni walingithile boshe batale kulutwe lwa bimuna ba mingolila na boshe bimanga bakuthzibala mu bimuna ba Lambani. Cho wangunwine bimuna bendi endilika cho kabakumbathanene hamo na bimuna ba Lambani.⁴¹Thimbu yoshe bimanga bathzili ha butanga bababwile, cho Yakobo wakele nakwaka biti mu mato amema thimbu kanda ha mesho a bimuna, mangana bemite hakati ka bije biti. ⁴²Oloni omo bimuna bakithzeya mu butanga bethzile, kakele na kushimbika biti halutwe lwabo. Cho bimuna bakuthzeya bakele ba Lambani, baje bathzili ba Yakobo.⁴³Uje munalume waile halutwe. Wakele na bimuna babengi, banganba babanakathzi na bangamba babanalume na tumelo na bimulu.

¹Cho Yakoba wathibile majwi a bana ba Lambani babanalume, aje bendekele ngwabo, "Yakoba hambata byoshe bije byakele bya batate, byoshe byakutunda kubufuko bwa batate kukeko kwanatunditha bwoshe obu bufuko." ²Yakoba wamwene chifwa chachi hanga cha Lambani. Wamwene ngwendi bilinga byendi binatengulika. ³Cho Njambi wendekele kuli Yakoba ngwendi, "Iluka kulifuti lya ba ishweni na babushoko bwobe, cho njikakala hamo nobe."⁴Yakoba watumine nakuthana Lakele na Leya mu mahya muje mwakele bimuna bendi ⁵na kwendeka kuli bakebo ngwendi, "Njamono bilinga bya ishweni hali yange binatengulika. ⁶Yeni munathibuka ngweni yange njapangela ishweni na nthzili yange yoshe.⁷Ishweni wanjitile hamangana nakutengulula fweto yange bithimbu likumi, oloni Njambi kamutabethele kunjibulumuna. ⁸Ngwe wendekele ngwendi, 'Bimuna bakubalama bakapwa fweto yobe,' cho baje boshe bimuna bakathemuka bamabala. Ngwe wendekele ngwendi, 'Bimingolila bakapwa fweto yobe,' cho baje boshe bimuna bakathemuka bamingolila. ⁹Mungilei bene Njambi natambula bimuna kuli ishweni nakunjanabyo.¹⁰Hathimbu imo ije yakubambula, njamwene mu chilota bithambo bakele nakulonda bimuna ba lwabo. Baje bithamba bakele na mingolila na mapelenge naba bamabala. ¹¹Kangelo ka Njambi wendekele kuli yange muchilota, 'Yakoba.' Njendekele ngwange, 'Yange uno.'¹²Wendekele ngwendi, 'Andula mesho obe umone bithamba bashe bali nakulonda butanga. Banapu bamingolila, mapelenge, na kubalamo, mwafwa njinamono byoshe byali nakulinga Lambani kuli yobe. ¹³Yange Njambi wa Mbetele, kuje wabwabethele pila, kuje kuwalithingilile kuli yange. Cho katuka uthethe eli lifuti wiluke ku lifuti kuwathemukilile.'"¹⁴Lkele na Leya bamukumbulwile na kwendeka kuli ikeye ngwabo, "Kukwethi lalo mbathzubwila imo nameme buswana butukaswana munjubo ya tatetu ndi? ¹⁵Kuma ikeye kethi nakutupangetha ngwe bangethi ngi? Mwafwa ikeye watulandethele laja cho nalibimbongo bwetu byoshe namanetha. ¹⁶Mwafwa bufuko bwoshe obu bwanatambula Njambi kuli tatetu bunaponi bwetu na bana betu. Chooni, mwoshomwo mwanendekela Njambi kuli yobe, lingamo."¹⁷Kathinoni Yakoba wakatukile walondethele bana bendi na banakathi bendi ha tumelo. ¹⁸Cho wendethele bimuna bendi boshe kulutwe, hamo nabufuko bwendi bwoshe, kwakelako na bimuna baje wapitele ku Pandani Alami. Cho wakatukile nakuya kuli ishe Isake mulifuti lya Kanana.¹⁹Omo Lambani waile nakuteulula bimanga bendi, Lakele webile tumponya twa ishe. ²⁰Yakoba lalo wetile Lambani hamo na Alamini, hakujeneka kumuleka ngwendi ali nakuya. ²¹Ngechi bene waile nabyoshe bije akele nabyo cho bwathi-bwathi wajabukile Ndonga, cho wakengetha kulifuti lya malundu a Ngilyande.²²Halitangwa lya muchitatu Lambani bamulekele ngwabo Yakoba natewe. ²³Ngechibene wambatele babushoko bendi cho bamukabangelele bungethzi bwa matangwa atanu na abali. Wamutubakanene mu lifuti lya malundu a Ngilyande.²⁴Cho Njambi wethile kuli Lambani Alamini muchilota buje butsiki na kwendeka kuli ikeye ngwendi, "Nyanyama muwendekela na Yakoba mwamubwa nambe mwamubi." ²⁵Lambani watubakanene Yakoba. Ohoni Yakoba nashimbika laja tende yendi mulifuti lya malundu. Lambani lalo wakakele ha chilombo hamo nababushoko bendi mulifuti lya malundu a Ngilyande. Mabulu yakwabo yathona ngwabo "Lambani naikeye wa wakakele ku chilombo cha Ngilyande" .²⁶Lambani wendekele kuli Yakoba ngwendi, "Bikajo biunalingi, unanjende ha mangana na kwambata bana bange ngwe bithzinda ba nthzita? ²⁷Bikajo biwabombolokelele na kunjita hamangana na kujeneka kunjilekako? Njapandele kukutuma uye na kubwahelela na myatho na tumbulumbumba na tulyalya. ²⁸Yobe kuwanjitabethele kuthsemba batekulyange babanalume na kuthaletha bana bange babanakathi. Chooni yobe unalingi bulema.²⁹Njili nanthzili yakukubulumuna, oloni Njambi ya isho nendekele kuli yange buthsiki bwa ithawu ngwendi, 'Nyanyama muwendeka kuli Yakoba nambe byabibwa nambe byabibi.' ³⁰Cho unakatuka unayi mwafwa unakala na chishota mbunge chakwiluka kwimbo lya isho. Oloni mwafwa bikajo webilile tumponya?"³¹Yakoba wamukumbulwile na kwendeka kuli Lambani ngwendi, "Mwafwa njakele na lyoba cho njathinganyekele ngwange ykanjinyeka bana bobe banakathzi ngechi njabombolokele. ³²Woshe nebi tumponya twobe katwalelelelaho na kuyoya. Hamesho ababushoko bwetu, angulaho byoshe byobe binjili nabyo ubyambate." Mwafwa Yakoba katanekeyele ngwendi Lakele watwibile.³³Lambani wakobelele mu mutende ya Yakoba, oho na mutende ya Leya, namu tende ya baje bangamba babali babanakathzi, oloni katuwanene. Watuhukile mutende ya Leya na kukobela mutende ya Lakele.³⁴Oloni Lakele wambatele tumponya twa munjubo, watwakele mu selei ya kamelo, cho watumbameneho. Lambani watondele mutende mwoshe, oloni katuwanene. ³⁵Wendekele kuli ishe ngwendi, "Kethi mulubale, shukwanana, ngechi kunjathele kwimana ku mesho eni, mwafwa njinathili." Cho Lambani watondele -tondele oloni kabawanene tumponya twa nanga yendi.³⁶Yakoba walubalele na kulikananga na Lambani. Cho wendekele kuli ikeye ngwendi, "Mulonga mukajo njinabulumuna? Bubi bwange buka, unanjikabangeya ngechi? ³⁷Cho unashaketheka bufuko bwange byoshe. Choni bitenga mukajo bya mu njubo yobe biuna wanamo? Byake hano ha mesho ababushoko bwetu, mangana batuhithe hakati ketu babali.³⁸Mwafwa njinakala nobe myaka makumi abali. Bimanga bobe na bimembe bobe kutwabambatele cha kujeneka kuthika nambe njinaliho chimuna mubutanga bwobe. ³⁹Baje batabothwele ku bikashama kunjakele na kubanena kuli yobe. Olojo yange njinakala na kulitwika kuje kuthzimbaletha. Mwafwa yange thimbu yoshe unakala nakunjifwetetha kathitu woshe uje wathzimbalele, nambe bamwibile mutanya nambe butsiki. ⁴⁰Kuje njakele; hathimbu yamutanya ntwima yanjilile, na lithika butsiki; kunjathele nakulala.⁴¹Hamyaka makumi abali njakele munjubo yobe. Njakupangelele myaka likumi na iwana ha bana bobe babali babanakathzi, na myaka itanu na umo njakele nakunyunga bimanga bobe. Yobe watengulwile fweto yange bithimbu likumi. ⁴²Kubanga lika Njambi wa tate yange, Njambi ya Abilahama, uje umo Isake wathiba lyoba, nakala nange, chilibene yobe ngwe wanjishekele maboko-boko. Oloni Njambi wamwene tuyando twange na kupanga na thzili, oloni nakubyanethele ithau butsiki."⁴³Lambani wakumbulwile na kwendeka kuli Yakoba ngwendi, "Aba bana babanakathzi banapu bana bange, aba batekulu banapu batekulu yange, na matanga anapu matanga ange. Byoshe biulinakumona binapu byange. Oloni bikajo binjilinga lelo kuli aba bana bange babanakathzi, nambe kubana babo banakiti? ⁴⁴Ngechi bene, evhela tulinge chithibathano, yobe nange, echela chikale chabukaleho hakati kobe nange."⁴⁵Cho Yakoba wanonele limanya nakulimoka kupwa ngunthzi. ⁴⁶Cho Yakoba wendekele kuli babushoko bwendi, "Kungululeni mamanya." Cho banonele mamanya nakulinga nguthzi. Cho balilile kuje ku nguthzi. ⁴⁷Lambani walithanene ngwendi Yengele Saha Nduta, oloni Yakoba walithanene ngwendi Ngalende.⁴⁸Lambani wendekele ngwabo, "Ei ngunthzi inapu bukaleho hakati kange nobe lelo." Cho baulukile lithina lya Ngalende. ⁴⁹Cho bailukile Mizipa, mwafwa Lambani wendekele ngwendi, "Njambi atunyunge hakati kobe nange, omo tuli nakulyandununa umo namukwabo. ⁵⁰Nga ukayandetha bana bange, nambe nga ukambata banakathzi beka kutundithako bana bange, nambe umo wai ali netu, tala, Njambi ikeye mukaleho hakati kobe nange."⁵¹Lambani wendekele kuli Yakoba ngwendi, "Kenga ei ngunthzi, cho nawa kenga ei ngunthzi njinemika hakati kobe nange. ⁵²Ei ngunthzi inapu bukaleho, cho ei ngunthzi inapu bukaleho, ngechi kunjikatha kujomboka ei ngunthzi nakwija kuli yobe, cho nobe nawa kethi ukajomboke ei ngunthzi nakwija kuli yange, nakunjibulumuna. ⁵³Echa Njambi ya Abilahama, na njambi ya Nohole, tunjambi ya baishabo, bakatuhithe hakati ketu." Cho Yakoba walithingililile ku lyoba lya ishe Isake.⁵⁴Yakoba wakombelelele n'ombelo aje a munkinda cho wathanene babushoko bwendi balye bya kulya. Cho baile bakele aje hamunkinda butsiki bwoshe. ⁵⁵Mulyakile mutondo-tondo Lambani wendukile, watsembele batekulu bendi nabana bendi babanakathzi cho wabakithwile. Kathi noni Lambani welukile kwimbo lyabo.

¹Yakomba lalo waile bungethzi bwendi, cho ba ngelo ba Njambi bali wanene nendi. ²Omo Yakomba wabamwene, wendekele ngwendi, "Echi chilombo cha Njambi." Cho walukile lithzina lya mwela uje Mahanaime.³Yakomba watumine tunganda kulutwe kuli ndolome yendi Isau mu lifuti lya Seila mutambela wa Endone. ⁴Cho wabashikile, ngwendi , "Ebi bikebyo mwendeka kuli shukwa Isau ngweni; Omu mukemo mwanendeka ngamba yobe Yakomba: 'Njakele nakuyoya na Lambani, njakeshwalele manene mukwiluka nakweta lelo lino. ⁵Njili na bingombe na bimulu, na bimanga, na bangamba babanalume naba babanakathzi. Njatumu lijwi kuli shukwa nana, ngwange njikawane kutetela kumesho endi."⁶Omo tunganda belukile kuli Yakomba bendekele ngwabo, "Twaile kuli ndolome yobe Esau. Naikeye ali nakwija na banalume bita biwana." ⁷Cho Yakomba wathzibile lyoba manene na kulubala. Cho wangunwine banu baje bakele nabo mubilombo bibali, cho lalo na baje bimuna, matanga, na tumelo. ⁸Wendekele ngwendi, "Ngwe Esau aija ku chilombo chimo nakubalwetha, cho chilombo chikathalaho chikatewa.⁹Yakomba wendekele ngwendi, "Njambi ya tate Abilahama, na Njambi ya tate Isake, Njambi, ou wendekele kuli yange ngwendi, 'Ukeluke ku lifuti lyobe na kubabushoko bobe, cho njika kufukitha. ¹⁰Kunjapandelemo kutetela kwangachije kubilinga byobe byoshe byakukulahela ebi una lingi hali ngamba yobe. Bwebi yange lika njajabukile nao Yondani, ololo njineluka na bilombo bibali.¹¹Ngechi njamene kutunda kuli boko lya ndolome yange, kutunda kuli boko lya Esau, omo njili na lyoba nendi, omu aija na kunjilwitha yange hamo nabaina baba bana. ¹²Oloni yobe wendekele ngwabo, mwabuthunga njikakufukitha na kutumitha batekulwila bobe ngwe lishekesheke lyaku kalunga ndonga, nambe umo wai akatha kubalaba."¹³Yakomba watumbamene haje uje bithsiki. Wambateleo byuma bije byakele nabyo kupwa bwana bwa Esau, ndolome yendi: ¹⁴Bita bibali bya bimembe ba lwabo, na makumi abali a bithamba abi membe, bita bibali bya tununu ba lwabo na makumi abali abi manga bankomba, ¹⁵makumi atatu atumelo ba mashwe na bana babo, makumi awana a bingombe balwabo na likumi lya bingombe babikomba, makumi abali abimulu balwabo na likumi lya bimulu lya ba nkomba. ¹⁶Obu butanga wabwanene mu maboko a bangamba bendi, butanga na butanga. Wendekele kuli bangamba ngwendi, "Yeni kulutwe lwange cho mukathethze lyanya akati ka butanga bumo na bumo.¹⁷Cho washikile ngamba uje wakulibanga ngwendi, "Omo mukaliwana na ndolome yange Isau nga akamihula yeni, ngwendi, 'Iyajo mwapandama yeni? Munakulya kulijo? Bimuna beyajo aba bali kulutwe lweni? ¹⁸Cho mu mukumbulule ngweni, "Binapu bya ngaba yobe Yakombo. Bunapu bwana bwanatumu kuli shukwa yange Esau. Kenga, naikeye bene ali nakwija munima yetu."¹⁹Yakomba lalo wanene mashiko ku mbunga ya muchibali, nei ya muchitatu, na kuli baje banalume bakabangeyele matanga. Wendekele ngwendi, "Munapande kwendeka lijwi limolika kuli Isau omo muliwana nendi. ²⁰Munapande kwendeka lalo ngweni, "Ngamba yobe Yakomba ali nakwija munima yetu. "Omo wayongwele ngwendi, "Njikamuhwimitha mbunge ha bwana buje njili na kutuma halutwe lwange. Cho halutwe, omo njikamumona, hamo akanjitambula. ²¹Cho watwamekele bwana halutwe lwendi. Ikeye babenya walalele muje mu chilombo butsiki buje.²²Yakomba wendukile buthsiki, wambatele banakathzi bendi babali, na bangomba bendi babanakathzi babali na bana bendi babanalume likumi na umo. Cho bajabukile ha thambwa ya ndonga ya Yamboke. ²³Mungilei bene waba jabwithile ha thambwa ya ndonga na bufuko wendi bwoshe bwafukile.²⁴Yakomba wathalele endi lika munima, cho munalume wamulwithile nomu kwakile. ²⁵Omu uje munalume wamwene ngwendi katha kumuhyana, wapupile mu nyonga ya Yakomba. Nyonga ya Yakomba yathongonokele omu akele na kulwana uje munalume. ²⁶Cho uje munalume wendekele ngwendi, "Njechele njiye, litangwa lituhuka." Yakomba wamukumbulwile ngwendi, "Kunjikwechela kubanga unanjibethzikitha."²⁷Cho uje munalume wendekele ngwendi, " Lithzina lyobe yobe iyajo? Yakomba wamukumbulwile ngwendi, "Yakomba." ²⁸Uje munalume wendekele ngwendi, " Lithzina lyobe kubakalitumbula lalo ngwabo Yakomba, oloni Isalele. Omwo yobe unalu na Njambi na banu cho unahyana."²⁹Yakomba wamwihwile ngwendi, "Cho oni njilekeko lithzina lyobe?" Ikeye wamukumbulwile ngwendi, "Bikajo biunjihwila lithzina lyange?" Cho hajebene wamubethzikithile. ³⁰Yakomba walukile lithzina lyauje mwela ngwendi, Njamono Njambi mesho na mesho, na kuyoya cha mwonyo wange kunatenguluka.³¹Litangwa lyamutuukilile Yakomba omu wetele ha Penyele. Wakele na kujenduka mwafwa wa nyonga yendi. ³²Ngechi bene nakweta naku litangwa lya lelo banu ba Isalele kubethi kulya thitu ya mu nyonga., mwafwa ya uje munalume wapupile mu nyonga ya Yakomba cho yasongonyokele.

¹Yakobo wayoyelele mulifuti omu akele na kuyoyela ishe, mu lifuti lya Kanana. ²Cho ebi bikebyo byuma byalingiwile hali Yakobo. Yosefa, owu wakele mukwenje na myaka likumi naitanu na ibali, akele na kunyunga butanga naba ndolome bendi. Akele na bana babanalume ba Mbiuha naba Ziupa, banakathzi ba ishe. Cho Yosefa wanenele muthzimbu wakwilika kufwilamo kuli ishe hali bakebo.³Hakupwa Isalela wathzemene manene Yosefa kutubakana bana bendi boshe babanalume mwafwa mwana wa mubukulakathzi bwendi. Wamutungilile buthzalo bwabubwa manene. ⁴Bandolome bendi bachimwene ngwe ishe wamuthzemenene manene kutubakana ba ndolome bendi boshe. Ba muthzindile cho kubathele kwendeka kuli ikeye bwino.⁵Yosefa walotele chilota, cho walekele bandolome bendi hali echi. Cho bamuthzindile nakutubakanethahoni. ⁶Cho wendekele kuli bakebo ngendi, "Njalombo thzibilileni echi chilota njalotele.⁷Ichikengeni, tunakala nakukuta bikuta bya byakulya mulihya cho kengeni, chikuta change chinakatukile na kwimana, cho kengeni, bikuta byeni binethzile na kuthzenguluka kuthsikama kuchikota change." ⁸Bandolome bendi bendekele kuli ikeye ngwabo, "Nkuma chili ukayula hali yetu? Nkuma mwabuthunga ukayula hali yetu? Cho bamuthzindile kutubakanethaho hamulonga wa bilota na majwi endi.⁹Walotele chilota chikwabo na kuleka ba ndolome bendi. Wendekele ngwendi, "Taleni, Njinaloto chilota chikwabo: Lithathe na ngonde na bingongonothi likumi naimo binathsikamene kuli yange." ¹⁰Wachilekele ba ishe ngwe mwalekele ba ndolome bendi, cho ishe wamubyanethele. Wendekele kuli ikeye ngwendi, " Chiloto chabati echi unaloto? Nkuma banyoko nange naba ndolome bobe mubuchili tukaya na kuthsikama hathi kuli yobe?" ¹¹Bandolome bendi bakele na chipululu hali ikeye, oloni ishe wanyungile owu muthzimbu na bithinganyeka.¹²Bandolome bendi baile na kulitha butanga bwaishe mu Shekemu. ¹³Cho Isalela wendekele kuli Yosefa ngwendi, " Nkuma bandolome bobe kubethi nakulitha butanga ngwe bandolome bobe bobe bali bwino hamo na butanga, cho unjinenele lijwi." Cho Yakobo wamutumine kutunda ku Shekemu? Ija , cho nji kutuma kuli bakebo." Yosefa wendekele kuli ikeye ngwendi, "Njinalibwahetha. ¹⁴Wendekele kuli ikeye ngwendi, " Ya oni, umone osho ngwe bandolome bobe bali bwino hamo na butanga, cho unjinenele lijwi." Cho Yakobo wamutumine kutunda mu mingindunga ya Habuloni, cho Yosefa waile ku Shekemu.¹⁵Munu umo awanene Yosefa. Kenga, Yosefa akele na kwendangana mu lihya. Uje munalume wamwihwile, Unakutonda bika?" ¹⁶Yosefa ngwendi, Njinakutonda ba ndolome bange. Njileke, njalombo, kuli banakulithila butanga? ¹⁷Uje munalume ngwendi," Banathethzele uno mwela, mwafwa njinabathzibile bendeka ngwabo 'Tuyeni ku Dotani." Yosefa wakabele bandolome bendi na kubawana ku Botani.¹⁸Bamumwenenene halyala, cho thimbu kanda ete kuyeyi nabo, balithzibathanene kumutsiya. ¹⁹Bandolome bendi bendekele kuli umo na mukwabo ngwabo, "Taleni owu mukakulota anakwija. ²⁰Ijeni oni, ngachije, tumuthsiye nakumumbila mu bwina bumo. Tukendeka ngwetu, 'Kathitu wamushwata na munyongetha.' Tukamone bika bikejamo mu bilota byendi,"²¹Lubeni wachithzibile nakumwobola kuli liboko lyabo. Wendekele ngwendi, "Kethi twambate mwonyo wendi." ²²Lubeni wendekele kuli bakebo ngwendi, "Kethi mwitile maninga. Mumbileni omu mu bwina obu buli mumambo, oloni kethi mukambeke liboko lyeni hali ikeye" - mangana athe kumuyobola kutunda mu liboko lyabo na kumwilwitha kuli ishe.²³Cho chasholokele omu Yosefa wetele kuli bandolome bendi, bamushulwile buthzalo wendi bwaubwa. ²⁴Bamwambatele nakumumbila mu bwina. Obu bwina bwakele bwakwilika nambe mema mukati.²⁵Cho batumamene nakulya likende. Bajundwile mesho abo nakukenga, cho, kengeni oni, litemba lya banu ba Ishimela lyakele nakwija kutunda ku Ngilendi, naba ngamela babo banambata bya bweko bwabubwa na lwengi na kenya. Bakele nabungethzi bwakubitwala ku Ingitu. ²⁶Yunda wendekele kuli bandolome bendi ngwendi, "Tuwanenaho bikajo oshe tuthsiya ndolome yetu nakufwika maninga end?²⁷Ijeni, cho echeleni tumulandethe kubaka Ishmela nakwilika kukambeka maboko etu hali ikeye. Mwafwa napu ndolome yetu, mushuni wetu." Bandolome bendi ba muthzibililile. ²⁸Baje bakakuthekathana baku Mindiya betile kuyehi. Bandolome bendi bakokele Yosefa nakumujundula kutunda mu bwina.Cho balandethele Yosefa kuli ba Ishmela na makumi abali abimbathzubwila bya siliva. Cho ba Ishmela bambatele Yosefa kuya ku Ingitu.²⁹Lubeni welukile ku bwina, cho, kengeni oni, Yosefa kakele lalo mu bwina. Watabwile buthzalo bwendi. ³⁰Welukile kuli ba ndolome bendi na kwendeka ngwendi, "Owu mwanike wahimo! Cho yange, njiya kuli?"³¹Bathsiyile membe nakwambata buthzalo bwa Yosefa nakubumbwitika mu maninga. ³²Cho babunenele kuli ishe nakwendeka ngwabo, "Tunanene abi.Twalombo umone ngwe bukeko buthzalo bwa munobe ndi embwe." Yakobo wabuthzibukile nakwendeka ngendi, " ³³Bunapu buthzalo bwa munange. Kathitu wa mushwata na munongetha. Yosefa banamutabula bene mubimbathzubwila."³⁴Yakobo watabwile buthzalo bwendi na kuthzala buthzalo bwa mashaka ha mubila wendi. Walilile munendi ha matangwa amangi. ³⁵Cho bana bendi ba banalume naba babanakathzi boshe bakatukile na kumuthzembeleka. Wendekele ngwendi, "Mukemo bene njithikumuka ku Sheo nakulila munange." Ishe wamulilile. ³⁶Baje baka Mindiya bamulandethele mu Ingitu kuli Potifa, mukabipangi wa Falo, mukulunu wa tunyungi.

¹Cho chasholokele hathimbu ije Yunda wathethzele bandolome bendi na kuyoya na munu umo ka Andulamite, lithzina lyendi ikeye Hila. ²Kuje aliwanene na muna Kanana wa munakathzi lithzina lyendi akele Shuwa. Wamwambatele nakukobela muli ikeye.³Wemitile na kukala na mwana wa munalume. Bamulukile lithzina lya Er. ⁴Wemitile lalo nakukala na mwana wa munalume. Wamuthanene lithzina Onani. ⁵Wakele lalo na mwana wa munalume cho wamulukile lithzina Shela. Wamukitilile ku Kezibu.⁶Yunda wa mwanene Er munakathzi munendi watwatwa. Lithzina lyendi lyakele Tama. ⁷Er muna Yunda watwatwa, akele wa bilinga byabibi kumesho a Shukulu. Cho Shukulu wamuthsiyile.⁸Yunda wendekele kuli Onani ngwendi, "Ya muli munakathzi wa ndolome yobe. Panga chipangi cha nyali ya munu kuli ikeye, nakutuhulamo mwana wa ndolome yobe. ⁹"Omani wathzibukile ngwe uje mwana kakakala wendi embwe. Thimbu yoshe ayile kumunakathzi wa ndolome yendi, wetilile bya mbuto hathi mangana onowe kukala na mwana wa ndolome yendi. ¹⁰Byuma alingile byakele bya bubi ku mesho a Shukulu. Cho Shukulu wa muthsiyile lalo.¹¹Cho Yunda wendekele kuli Tama ngwendi, inamweno, "Thala fwile mu njubo ya isho shwi kuli Shela, munange wa munalume, akole." Mwafwa wathzibile lyoba ngwendi, natha kutha, ngwe omu bandolome bendi bathsile." Tama waile na kuyoyela mu njubo yaba ishe.¹²Hanima ya thimbu yailaha, mwana wa munakathzi wa Shuwa, munakathzi wa Yunda, wathsile. Yunda bamuthzembelekele cho wakandukile ku Timuna ku baka kupanga bimanga, ikeye na kabuthamba kendi Hila na Andulamite. ¹³Tama bamulekele, " Kenga, ishomweno anakuya ku Timuna an kupanga bimanga byendi." ¹⁴Washulwile buje buthzalo bwa bufwile na kulifwika nanga yendi na kulithzenga ibenya. Watumanene mu chikolo chachipango cha Enayimu, echi chakala ku mukwakwa wakuya ku Timuna. Mwafwa wamwene ngwendi Shela na kolo laja oloni kubamwanene kuli ikeye akale munakathzi wendi.¹⁵Omu amumwene Yunda athinganyekele ngwendi chikwithzi mwafwa alifwikile ku mesho. ¹⁶Waile kuli ikeye kumukwakwa na kwendeka ngwendi, Ija, njalombo kulala nobe"- mwafwa kathzibukile ngwe akele inamweno - cho wendekele ngwendi, " Ujana bika hakulala nange?"¹⁷Wendekele ngwendi, "Njikutumina muna membe kutunda kubutanga," Wendekele ngwendi, "Unatha kunjana chikulahetho shwi nomu ukamutumandi?" ¹⁸Wendekele ngwendi, Chikulahetho muka njatha kukwana?" Wakumbulwile ngwendi, "Kathatetho kobe na mukole wobe, na mulamu owo uli muliboko lyobe," Wamwanenebyo oho wakobelele muli ikeye, cho wethzile na kwimita nendi.¹⁹Cho wakatukile na kutundako. Washulwile nanga yendi nakuthzala buthzalo bwendibwabufwile. ²⁰Yunda watumine uje muna membe na kabuthamba kendi Andulamite mangana akamutambwile na bije alikulahethele nabyo kutunda kumaboko amunakathzi, oloni kamuwanene.²¹Cho Andulamite wehwile banalume bamuje mu lifuti," Indi uje chikwithzi akele ku Enayimu kumukwakwa ali kuli" Bendekele ngwabo, "Kukwakele chikwithzi kuno embwe." ²²Welukile kuli Yunda na kwendeka ngwendi, "Kunjakamuwanene. Lalo, banalume ba lifuti lije bendekele ngwabo, "Kukwakele chikwithzi kuno embwe." ²³Yunda ngwendi, " Mwecheleni anyunge bije byuma, mangana kethi bakatuthzibithe shwamwa. Mukemobene, Njinatumina owu muna membe, oloni kuwakamuwanene"²⁴Cho chasholokele hanima ya bingonde bitatu Yunda bamulekele, " Tama nyokomweno nalingi bukwithzi, cho mukemo bene, ali nalimo lyakutundamo." Yunda wendekele ngwendi, "Muneneni kuno cho echeleni tumuthinge." ²⁵Cho omu bamunenele hanja, watumine muthzimbu kuli ishemweno, " Kutunda kuli ibenya ebi byuma kukeko njinemita." Wendekele ngwendi, "Njalombo ubikenge bwino byeya ebi, kaje kathatetho, mukole na mulamu." ²⁶Yunda wabithzibukile na kwendeka ngwendi, "Napu wabuthunga kuhyana yange, hakupwa kujamwanene kuli Shela munange, kukala munakathzi wendi." Kalalele nendi lalo.²⁷Cho chasholokele hathimbu yendi yakukita, kengenyoni, mapasa bakele mwimo lyendi. ²⁸Chasholokele omu akele nakukita umo watuhwile liboko, cho uje kafungwithzi wambatele bwanda bwakubenga na kumukuta kuliboko na kwendeka ngwendi, " Owu nalibangele kutubuka,"²⁹³⁰Oloni welwithile liboko lyendi, cho, kengenyoni, ndolome yendi walibangele kutubuka. Uje kafungwithzi wendekele ngwendi, "Mungila munatuhukilamo!" Cho bamulukile ngwabo Pelezi. Cho ndolome yendi watuhukile, owu akele na bwanda bwakubenga kuliboko lyendi, cho bamulukile ngwabo Zera.

¹Yosefa bamunenele ku Ingitu. Potifa, mukabipangi wa Falo ou akele mukulunu wabaka kunyungauje wakele ka Ingitu wamulandele kutunda kuba Ishimela, aba bamunenele kuje. ²Njambi wakele na Yosefa cho wethzile nakukala munu wakuyalutwe manene. Eayoyelele munjubo ya shukwaina ka Ingitu.³Uje shukwaina wamwene ngwendi Njambi wakele nendi cho Njambi wamubethzikithile mu byuma byoshe walingile. ⁴Yosefa wawanene kutetela kumesho endi. Wapangelele Potifa. Cho Potifa wamupwithile Yosefa mukulunu ha njubo yendi, nabyoshe bije akele nabyo, wabyakele mukunyungiwa kuli ikeye.⁵Cho chasholokele kutunda hathimbu ije amupwithile mukulunu ha njubo nabyoshe bije akele nabyo, cho Njambi wakwithwile njubo yauje ka Ingitu hamulonga wa Yosefa. Kubethzikitha cha Njambi chakele ha byuma byoshe akele nabyo Potifa munjubo na mu lihya. ⁶Potifa wakele byuma byoshe akele nabyo mukunyungiwa kuli Yosefa. Kathele kuthinganyeka bili byoshe olojo ha kulya lika chije alile. Ngechi Yosefa wakele wamubwa cho bamuthsilililile.⁷Cho chasholokele hanima yechi munakathzi wa shukwaina washele mesho hali Yosefa nakwendeka ngwendi, "Lala nange." ⁸Oloni wabtyanene nakwendeka kuli munakathzi washukwaina ngwendi, "Kenga, shukwanana kethi kwaka mbunge kuli ebi njikalinga munjubo, cho naka byoshe ebi wafuka mukubinyunga kuli yange. ⁹Kukwethi umo wakama muno munjubo ngwe yange. Kanjibyanethele chuma nambe chimo oloni yobe, mwafwa umunakathzi wendi. Njilinga bati bukenya byakama nakulinga bubi kuli Njambi?"¹⁰Wendekele kuli Yosefa halitangwa halitangwa, oloniwabyanene kulala nendi nambe kukala nendi. ¹¹Cho chasholokele litangwa limo waile munjumbo nakupanga chipangi chendi. Kumwakele nambe umo munu wamuje munjubo wahi. ¹²Wamukwatele mubuthzalo bwendi nakwendeka ngwendi. "Lala nange." Wathethzele chithzalo chendi muliboko lyendi, watewele, nakuya hanja.¹³Cho chasholokele, omu amwene ngwendi nathethze chithzalo chendi muliboko lyendi nakutewela hanja, ¹⁴cho wathanene baje banalume bamunjubo yendi nakubaleka ngwendi, "Taleni, Potifa nanene ka Hebelu mangana atuthinamethe. Nakobelele muli yange nakulala nange, cho njinatambekele. ¹⁵Chinasholokele omu nathzibile njitambekela, mukemo nathethzele chithzalo chendi nange, natewele, nakuya hanja."¹⁶Watumbikile chithzalo chendi kuyeyi naikeye shwi nomu shukwaina wethzile hembo. ¹⁷Wamulekele echi nakulumbununa ngwedi, "Ou ngamba waka Hebela wanenele kuli yetu, nakobelele nakunjithinametha. ¹⁸Cho chasholokele omu njinatambekele, nathethzele chithzalo chendi nange nakutemela hanja."¹⁹Chasholokele ngwe, omu shukwaina wathzibile kulumbununa wamulekele munakathzi wendi, "Echi chikeko ngamba yobe nalingile kuli yange," walubalele manene. ²⁰Shukwaina ya Yosefa wamwambatele nakumwaka mu kamenga, mwela ou banyungilile binthzinda ba mwene. Wakele muje mukamenga.²¹Oloni Njambi wakele na Yosefa na kumusholwela chithzibathano chabuthunga. Wamwanene chikeketima chendi kumesho abaka kunyunga binthzinda. ²²Cho bakakunyunga binthzinda banene binthzinda boshe bakele mukamenga mumaboko a Yosefa. Byuma byoshe balingile muje, Yosefa wakele wakubitwamenena. ²³Bakulunu kakunyunga bithzinda kubalijakamenene hali chili choshe chakele mumaboko endi, mwafwa Njamba wakele nendi. Byuma byoshe walingile, Njambi wabifukithile.

¹Cho chasholokele hanima ya byumebi, uje mukakunyunga nganja ya mwene wa Ingitu naije mukakumunga makende a mwene balubalethele shukwaina, uje mwene wamu Ingitu. ²Falo walubalele nabano bakabipangi bendi babali, baje bakulunu babakakunyunga nganja ya mwene nabaje baka kununga makende. ³Wabakele mu kamenga munjubo ya mukulunu wabaka kunyunga, mukamenga kamolika muje mwakele Yosefa.⁴Uje mukulunu wabakakunyunga wanene nthzili kuli Yosefa kubatala, cho wabapangelele. Batumbamene mu kamenga ha thimbu yakufwila. ⁵Boshe balotele chilota--mukakunyunga nganja na mukakununga likende lya mwene wamu Ingitu aba bakele mu kamenga--umo naumo wakele na chilota mubuthsiki buje bene, cho chilota choshe chakele nakulumbunwithi kacho.⁶Cho Yosefa wethzile kuli bakebo muthimbu yamutondo nakubamona. Kengenioni, bakele na buthiwa. ⁷Cho wehwile baka bipangi ba Falo baje bakele nendi mukamenga munjubo ya shukwaina, ngwendi, "Bika musholokela buthiwa lelo?" ⁸Cho bendekele kuli ikeye ngwabo, "Tubaboshe tuli nabilota tunalotele cho kukwethi umo wakubilumbununa." Yosefa wendekele kuli bakebo ngwendi, "Nkuma kulumbununa kuchethi cha Njambi? Njilekeni yange, njalombo."⁹Mukulunu wabaka kunyunga nganja walekele Yosefa chilota chendi. Wamulekele ngwendi, "Mukulota change, kenga, chiti chamubinyu chinakala kulutwe lwange. ¹⁰Kubinyu kunakele minango itatu. Cho omu inakala nakujobelela, kutemuna chacho chinatuhukile cho bibunga byama ngilepu binahile. ¹¹Ngaja ya Falo inakala mumaboko ange. Njinapotwele aje mangilepu nakuwakamwina munganja ya Falo, cho njinakele nganja mu liboko lya Falo."¹²Yosefa wendekele kuli ikeye ngwendi, "Echi chikecho kulumbununa chacho, Ije minango itatu akeo matangwa atatu. ¹³Mukati kamatangwa atatu Falo ajundula mutwe wobe nakukwilwitha ha chipangi chobe. Ukaka nganja ya Falo muliboko lyendi, ngwe mujebene wakele nakunyunga nganja yendi.¹⁴Oloni ukanjithinganyeke oshe byuma byenda bwino nobe, cho njalombo usholole chikeketima kuliyange. Unjitumbule kuli Falo nakunjituhula mukamenga aka. ¹⁵Mwafwa mukemobene banjithebunwine kutunda mulifuti lyaba Hebelu. Kuno lalo nebi njalingi byahi ebi bananjakela muno mukamenga."¹⁶Cho omu uje mukulunu wabakakumunga makende wamwene ngwendi chije kulumbununa chinafwila, wendekele kuli Yosefa ngwendi, "Nange njinakala nakulota, cho, kenga, bingalo bitatu bya makende binakala hamutwe wange. ¹⁷Mungalo yahelu munakala byuma byakufwatula bya Falo bya miyati namiyati, oloni tuthzila banabilile kutunda mungalo thimbu ili hamutwe wange."¹⁸Yosefa wakumbulwile nakwendeka ngwendi, "Echi chikecho kulumbununa. Obyo bingalo bitatu akeo matangwa atatu. ¹⁹Mukati kamatangwa atatu Falo akajundula mutwe wobe kutunda kuli yobe nakukushukika ha chiti. Tuthzila bakalya thitu yobe."²⁰Chasholokele halitangwa lyamuchitatu hakeko lyakele lya kuthemuka cha Falo. Walingile chiwano cha bingamba bendi boshe. Cho wajundwile mutwe wa mukulunu wabaka kunyunga nganja na mutwe wamukulunu wabaka kununga makende, mukati kaba ngamba bendi. ²¹Welwithile mukulunu wabaka kunyunga nganja ha bipangi byendi cho wakele nganja muliboko lya Falo lalo. ²²Oloni washukikile mukulunu wabaka kumunga makende, ngwe mujebene walumbunwine Yosefa kuli bakebo. ²³Nambe ngocho uje mukulunu wabakakunyunga nganja kamwanukile Yosefa embwe, oloni wamwibaleleko.

¹Hanima ya mamanethelelo ya myaka ibali ya mutunu hakeko Falo walotele chilota. Kengeni, wemanene ku ndonga ya Nailo. ²Kenga, bingombe ba lwabo batanu na babali batubukile mu ndonga ya Nailo, bababwa naba ba kununa, cho bakele nakulya mwila. ³Kenga, bingombe ba lwabo bakwabo batanu na babali bethzile hanima yabo kutunda mu ndonga ya Nailo, bababi cho bakuyondwa. Bemanene ku bi ngombe bakwabo ku ngenge ya ndonga.⁴⁵⁶Cho baje bingombe balwabo babali na ba bakuyondwa batanu na babali balile baje bingombe balwabo na babali bababwa bakununa. Cho Falo wendukile. Cho walalele na kulota kamuchibali. Kenga, mitwe itanu na ibali ya binona yemanene na chishati chimo lika, yakama cho yaibwa. Kengeni, mitwe ya binona itanu na ibali, yakukibitila na kuyekuwitha ku mputhzi ya mu mbwela, ya pekumukile hanima yebi.⁷Ije mitwe yakukibitila ya minine ije mitwe itanu na ibali, yaibwa yakama. Falo wendukile, cho, kenga, chapwile chilota. ⁸Chasholokele hathimbu ya mutondo ngwabo muntzithzime wendi wakele mu bukalu. Cho watumine nakuthana baka matheno boshe na banalume baka mana ba mu Ingitu. Cho Falo wabalekele bilota byendi, oloni naumo wahi wathele kumulumbwininabyo.⁹Kathinoni mwata wakama wendekele kuli Falo ngwendi, "Lelo njili na kuthinganyeka ha milonga yange. ¹⁰Falo wabihililile bangamba bendi, na kunjaka muno mu kamenga muno minjubo ya uje mukulunu wa kunyunga, mukulunu wa baka kwocha makende, nange. ¹¹Twalotele chilota chimo lika buthsiki bumo,nendi nange. Twalotele munu na munu kwetheketha nomwo chalumbunukile chilota chendi.¹²Twakele hamo na mukwenje wa ka Hebelu uje wapwile ngamba ya mukulunu wa kunyunga binthzinthza. Twamulekele cho watulumbunwine nilota byetu. Watulimbwinine bilota byetu kwetheketha hali umo. ¹³Cho chasholokele nge omwo bene mwatulumbunwine byo, cho chalingiwile. Falo wanjilwithile ha bipangi byange, oloni uje mukwabo bamushukikile."¹⁴Cho Falo watumine na kuthana Yosefa. Cho bamutundithile mu kamenga bwathi. Cho walitehwile, wathzalele buthzalao bweka, cho wethzile kuli Falo. ¹⁵Choni Falo wendekele kuli Yosefa ngwendi, "Njakele na chilota, olojoni kukwakele wakuchilumbununa. Choni njathzibile hali yobe, ngwabo nga uthziba chilota wathsa kuchilumbununa." ¹⁶Yosefa wamukumbwilile Falo, na kwendeka ngwendi, " Kuchethi muli yange, Njambi akakumbulula Falo mukutetela.¹⁷Falo wendekele kuli Yosefa ngwendi, "Muchilota change, Kenga, njemanene kungenga ya ndonga ya Nailo. ¹⁸Kenga, bingombe balwabo batanu na babali batubukile mu ndonga ya Nailo, bababwa bakununa, cho bakele na kulya mwila.¹⁹Cho Kenga, bingombe ba lwabo bakwabo batanu na babali bethzile hanima yabo, bakujuka, bababi manene na kuyondwa. Kanda njichimoneho laja mu lifuti lyoshe lya Ingitu bababi bakufwa ngechi bakebo. ²⁰Baje bangombe bababi bakuyondwa balile baje bangombe bakulibanga batanu na babali bakununa. ²¹Omwo mu babalile, wahi wathele kuthzibuka ngechi banabali, mwafwa hangalika bakele bakuyondwa ngwe muje mwalaja. Cho njendukile.²²²³²⁴Njakengele mu chiloto change, cho, Kenga, mitwe itanu na ibali yethzile ha chishati chimo, yakushua cho yaibwa. Kenga, mitwe yakukibitila yaminine ije mitwe yaibwa itanu na ibali. Njelekele ebi bilota kuli baka matheno oloni naumo wahi wathele kunjilumbwininabyo."²⁵Yosefa wendekele kuli Falo ngwendi, "Ebi biloto bya Falo byakele bimolika. Bije byatonda kukalinga Njambi, nabisholola kuli Falo. ²⁶Baje bingombe balwabo batanu na babali banapu myaka itanu na ibali, cho naije mitwe yaibwa itanu na ibali. Ebi bilota binapu bimo lika.²⁷Cho baje bingombe ba lwabo batanu na babali bakuyondwa bababi baje bethzile hanima yabo inapu myaka itanu na ibali, cho lalo na ije mitwe itanu na ibali yakukibitiya ku liuthzi lya mu mbwela inapu myaka itanu na ibali ya njala ya lyangengela. ²⁸Ebi bikebyo byuma binjendekele kuli Falo. Njambi nasholola bije byakalinga kuli Falo. ²⁹Taloni, myaka itanu na ibali yakuhyana ya bundambo ikaija mu lifuti lyoshe lya Ingitu.³⁰Cho myaka itanu na ibali ya njala ya lyangengela ikaija munima yayo, cho bundambo boshe bakabwibala mu lifuti lya Ingitu, Choni njala ya lyangengela ikama mu lifuti. ³¹Bundambo kubakabwanuka mu lifuti mwafwa wa njala ya lyangengela ije ikama manene mu lifuti. ³²Cho echi chilota chelukilileho kuli Falo mwafwa eyi ng'anda baibwahethele laja kuli Njambi, cho Njambi ailinga ololo bene.³³Ololo echeleni Falo atonde munalume muka mana wakunyanyama, ngechi amupwithe ntwama mu lifuti lyoshe lya Ingitu. ³⁴Echeleni Falo emike bamyata ba lifuti, cho becheleni bambateko byamuchitanu ku bimbuto bya mu Ingitu mu myaka itanu na ibali ya bundambo.³⁵Cho becheleni kakungulule byakulya byoshe mu thimbu ya myaka yaibwa ije ilina kwija cho banyunge binona ku nthzili ya Falo, mangana ebi byakulya bakabipangethe mu bing'anda. Banapande kubinyunga. ³⁶Byakulya baka bipangele mu lifuti mu myaka itanu na ibali ya njala ya lyangengela ije ikakala mu lifuti lya Ingitu. Mungila ya chifwa echi lifuti kulikalinduka ku njala ya lyangengela."³⁷Echi kunangula chapwile chachibwa ku mesho a Falo na kumesho a bangamba bendi boshe. ³⁸Cho Falo wendekele kuli Yosefa ngwendi, "Twatha kumuwana munu wachifwa echi, muli ikeye muli munthzinthzime wa Njambi?"³⁹Choni Falo wendekele kuli Yosefa ngwendi, "Omwo Njambi nakumwethabyo byoshe ebi, kukwethi weka wakunyanyama na mana ngwe yobe, ⁴⁰Yobe upwa na nthzili ha njubo yange, na kwetheketha ku lijwi lyobe banu bange boshe ukabayula. Njikakuhyana ha litanda lyange lika." ⁴¹Falo wendekele kuli Yosefa ngwendi, "Kenga, njinakwaka kupwa na nthzili mu lifuti lyoshe lya Ingitu.⁴²Cho Falo watundithile kanzzeya ka chithzibukitho ku liboko kyendi. Cho wakathzikile ku liboko lyendi.Wamuthzikile buthzalo bwa linyu,, cho wamu thzikilelalo lilenge lya ngolinde muthingo yendi. ⁴³Wamulingile ngechi endethe likalu lyendi lyamuchibali lije lyapitile. Banu batambekele kulutwe lwendi ngwabo, "konekeni mabuli." Falo namwaka kupwa na nathzili mu lifuti lyoshe lya Ingitu.⁴⁴Cho Falo wendekele kuli Yosefa ngwendi , "Yange Falo, cho kutundithako yobe, naumomunu wahi akemika libokolyendi nameme lindi lyendi mu lifuti lyoshe lya Ingitu." ⁴⁵Falo wathanene lithzina lya Yosefa ngwendi "Zefaneta - Paneya." Cho wamwenene Asenate, mwana wa munakathzi wa Potifela kapulisitu waku Oni, kupwa munakathzi, Yosefa wetanganene mu lifuti lyoshe lya Ingitu.⁴⁶Yosefa wakele na myaka makumi atatu ya kuthemuka omwo wemanene kumesho a Falo, mwene wa Ingitu. Yosefa watundile ku mesho a Falo, cho wathzengulukile mu lifuti lyoshe lya Ingitu. ⁴⁷Cho mu myaka itanu na ibali ya chindambo kwakele kuteja kwakama manene.⁴⁸Wakungulwile bakulya byoshe bya myaka itanu na ibali byakele mu lifuti lya Ingitu na kwaka byakulya mu binganda. Wakele byakulya mu nganda na nganda bije byatundile mu mahya aje athzengulukile. ⁴⁹Yosefa watulikile binona ngwe mushekesheke waku kalunga mema, yaingi manene ije kathele kuitanda, mwafwa yatubakanene theteko yakuitanda.⁵⁰Ha thimbu kanda njala ya lyangengela ichete, Yosefa wakele na bana babali babanalume baje Asenate, mwana wa munakathzi muna Potifa kapilisitu waku Oni, wamukitilile. ⁵¹Yosefa walukile lithzina lya ntwantwa yendi Manase, mwafwa wendekele ngwendi, " Njambi na njilingi kwibala bukalu bwange boshe hamo na nanga yoshe ya tate." ⁵²Walukile munendi wamunalume wa muchibali litzina Efelemu. mwafwa wendekele ngwendi, "Njambi nanjana bana mju lifuti lya tuyando twange."⁵³Myaka ije itanu na ibali ya bundambo ije ya mu lifuti lya Ingitu yetzile na kuhwa. ⁵⁴Cho myaka itanu na ibali ya njala ya lyangengela yashangumukile, ngechi muje bene mwendekele Yosefa, kwakele njale ya lyangengela mu mafutimoshe, oloni mu lifuti lya Ingitu mwakele byakulya.⁵⁵Omwo lifuti lyoshe lya Ingitu lyanyongwelele byakulya, baje banu balombele bya kulya na majwi a kukanguka kuli Flo. Falo wendekele kuli baka Ingitu boshe ngwendi, "Yeni kuli Falo mangana mulinge byoshe obyo byendeka. ⁵⁶Njala ya lyangengela yakele kumesho mwaya lifuti lyoshe . Yosefa washokolwele bishetenbyoshe cho walandethele kuli baka Ingitu. Njala yamene manene mu lifuti lya Ingitu. ⁵⁷Kaye koshe kethzile ku Ingitu na kulanda binona kuli Yosefa, mwafwa njala ya lyangengela yamene manene mu kaye.

¹Cho omwo Yakoba wathzibukile ngechi ku Ingitu kuli binona. Cho wendekele kuli bana bendi babanalume ngwendi, "Mwafwa bikajo mwalikengela ngocho?" ²Wendekele ngwendi, "Kendenki kuno, Njinathzibi ngwabo ku Ingitu kuli binona. Thikumukileni kuje na kukalandeleko mangana tukale na monyo kethi tuthse. ³Cho bandolome ba Yosefa likumi bathikumukile nakuya ku Ingitu nakulanda binona. ⁴Oloni Yakomba katumine Mbenjamani shongo ya Yosefa, hamo na bandolome bendi, mwafwa wendekele ngwendi, "Njili nalyoba nge bukalu bukaija hali ikeye.⁵Bana babanalume ba Isalela bethzile nakulanda hakati ka baje bethzile, mwafwa njala ya lyangengela yakele mu lifuti lya Kanana. ⁶Cho Yosefa wapwile ngubulu wakama mu lifuti. Ikeye wakele nakulandethsa ku banu boshe ba muje mulifuti. Cho bandolome ba Yosefa bethzile nakuthsikama hathsi kuli ikeye na bihanga byabo byakulamene hathsi.⁷Yosefa wamwene bandolome bendi cho wabathzibukile, oloni walingile ngwe kabathzibukile na kwendeka nabo byakukaluka. Cho wendekele kuli bakebo ngwendi, "Mwatundilila kulijo? Cho bendekele ngwabo, "Tunatundilila ku lifuti lya Kanana nakulanda byakulya." ⁸Yosefa wathzibukile bandolome bendi, olojo bakebo kubamuthzibukile.⁹Co klalo Yosefa wanukile chije chiloto cha lotele hali bakebo, cho wendekele kuli bakebo ngwendi, "Yeni munapu mubingungu! Muneja nakunenga lifuti." ¹⁰Bendekele kuli ikeye ngwabo, "Embwe, shukwanana. Yetu bindungo bobe tunaija nakulanda byakulya. ¹¹Tubaboshe tunapu bana babanalume bamunu umo. Twapwa banu ba buthunga. Yetu bindungo bobe kethi tu bingungu embwe."¹²Wendekele kuli bakebo ngwendi, "Embwe, muneja na kumona ha kunengela lifuti." ¹³Cho bendekele ngwabo, "Yetu bangamba bobe twapwa likumi na babali bana babanlume ba munu umo ba lifuti lya Kanana. Kenga, mutinikila wetu lelo nathsala na batate, cho ndolome umo watoka.¹⁴Oloni Yosefa wendekele kuli bakebo ngwendi, "Ngwe omu bene njinamileke; yeni munapu mu bingungu. ¹⁵Muli ebi bakamyetheka. Oloni mwonyo wa Falo, ngechi kumukatunduho hano, kubanga mutinikila weni naija hano. ¹⁶Tumeni umo hakati keni mangana aye akashake ndolome yeni. Muthsala mu kamenga, linga tumone mafwi eni, ngwe akoloka. Ngocho ngochoni, mu mwonyo wa Falo, chili bene cho yeni munapu mu bingungu." ¹⁷Cho boshe wabakele mu kamenga ha matangwa atatu.¹⁸Kathinoni Yosefa wendekele kuli bakebo ha litangwa lyamuchitatu ngwendi, "Lingeni ngechi mangana muyoye, mwafwa njathziba lyoba Njambi. ¹⁹Nga munapu mu banu ba buthunga, echeleni ndolome yeni umo athsale mu kamenga, oloni yeni yeeni, mutwale binona ku binjubo byeni hamulonga wwa njala ya lyangengela. ²⁰Munapande kunena mutinikila weni kuli yange ngechi bukaleho bwa majwi eni bwakusholoke cho kumukathsa." Choni balingile ngechi bene.²¹Cho balyendekethele hakati kabo ngwabo, "Tuli namulonga wapandama kuli ndolome yetu ngechi muje mutwamwene tuyando twakama manene ha monyo wendi omwo watulambelele ngechi tumukwathse olojoni kutwamuthzibilile. Choni aka kayando kanija hali yetu." ²²Cho Lubeni wabakumbulwile ngwendi, "Kunjiamilekele ngwange, 'Kethi mubulumune kuli ou mukwenje ndi,' olojoni yeni kumwathzibile? Cho ololoni, kengeni, maninga endi balinakuwatondela ha yetu."²³Olojo kubathzibukile ngwabo Yosefa wabathzibililile, mwafwa kwakele muka kulumbununa hakati kabo. ²⁴Watengulukile kutunda kuli bakebo cho walilile. Watengulukile kuli bakebo nakwendeka kuli bakebo. wambatele Simyoni hakati kabo cho wamukotila hamesho abo. ²⁵Cho Yosefa wakambeyele bangamba bendi ngechi bashilithse binjeke bya bandolome bendi na binona, cho babakele bimbongo byabo munu woshe mu binjeke byabo, na kubana byakulikwathetha mu bungethzi bwabo. Cho mukemo bene mubabalingililebyo.²⁶Bandolome balongekeyele bimulu byabo na binona cho batundileko kuje. ²⁷Hathimbu umo hakati kabo washokolwele njeke yendi mangana alithse chimulu chendi ha chela chibakalalela, wamwene bibongo byendi. Kenga, byakele ku kanwa ka njeke yendi. ²⁸Wendekele kuli bandolome bendi ngwendi, "Bimbongo byange banabilwithamo. Kenga; bili mu njeke yange." Cho bimbunge byabo byahethzukile cho batengulukile oku balijajela umo na mukwabo, na kwendeka ngwabo, "Bikajo ebi byanalingi Njambi hali yetu?"²⁹Baile kuli Yakoba, ishabo mulifuti lya Kanana cho bakamulekele byoshe bije byakalingiwile kuli bakebo. Cho bendekele ngwabo, ³⁰"Munalume, mwata wakama wa lifuti, nendekele netu na matoto na kuthinganyeka ngwendi tunapu tu bingungu ba lifuti. ³¹Cho twendekele kuli ikeye ngwentu, 'Tubanu babuthunga. Krthi tu bingungu embwe. ³²Twapwa bandolome likumi na babali, yubana babanalume wa tatetu umo. Umo muli yetu watika, cho mutinikila wetu lelo lino na batate mulifuti lya Kanana.'³³Munalume, mwata wakama wa lije lifuti, wendekele kuli yetu ngwendi, 'Muli ebi mu njikathzibukila ngwange mu banu babuthunga. Thethzeni ndolome yeni umo nange, twaleni binona mu binjubo byeni hamulonga wanjala ya lyangengela, cho yeni ngila yeni. ³⁴Yeni mukanene mutinikila weni kuli yange. kathinoni njakuthzibuke ngwage kethi mu bingungu, oloni mu banu ba buthunga. Cho njikamithzitwila ndolome yeni, cho mukapwa baka kulandulula mu lifuti lino."'³⁵Thimbu yetele yakunyongolola binjeke byanbo, cho, kenga, munu na munu munjeke yendi mwakele chikwama cha siliva. Bakebo na baishe omwo bamwene bikwama byabo bhya siliva, bathzibile lyoba. ³⁶Ishabo Yakoba wendekele kuli bakebo ngwendi, "Mwanjanukithsa bana bange. Yosefa kethina mwonyo, Simyoni waya, cho mukambataho Mbenjamani. Ebi byuma byoshe bilinakunjitengulukila."³⁷Lubeni wendekele kuli ishe, na kwendeka ngwendi, "Nga yange kunjikelwithsa Mbenjamani kuli yobe cho ukathsa ukathsiya bana bange ba banalume babali. Njaneye mu maboko ange, cho njikamwailwithsa kuli yobe lalo." ³⁸Yakoba wendekele ngwendi, "Munange wa munalume katha kuya hamo neni. Mwafwa ndolome yendi wathsa cho na uje wathala endilik. Indi nga kusholoka bukalu kuli ikeye mungila mumuya, kathinoni mushomona bwele bwange na buthiwa mulifuti lya Shilo."

¹Njala ya lyangengela yamene manene mu lifuti. ²Thimbu yetele yakumanetha kulya binona bije banenele kutunda ku Ingito, cho ishabo wendekele kuli bakebo ngwendi, "Yeni lalo; mukatulandeleko byakulya."³Oloni Yunda wamulekele ngwendi, "Uje munalume walithingile cho wa kututhin'ikile, 'Kumukamono chihanga change lalo kubanga mutinikila weni muli nendi.' ⁴Nga ututuma hamo na mutinikila wetu, cho tuthikumuka kuya na kumilandela byakulya. ⁵Oloni nga yobe ku umutumu, cho kutuyiko. Mwafwa uje munalume wendekele kuli yetu ngwendi, 'Yeni kumukamono chihanga change kubanga mutinikila weni ali neni."'⁶Isalela wendekele ngwendi, "Mwafwa wa bikajo mwanjilingila mwamubi ngechi hakuleka ou munalume ngweni muli na ndolome yeni mukwabo?" ⁷Bakebo bendekele ngwabo, "Uje munalumewatwihwile na kutukon'a ha nanga yetu. Ngwendi, ishweni achili na kuyoya ndi? Muli na ndolome yeni mukwabo ndi?' Cho twamukumbulwile kwetheketha na bihula byendi. Cho yetu tunathsa kuthzibuka bati ngwetu endeka ngwendi, 'Neneni ndolome yeni kuno?"'⁸Yunda wendekele kuli Isalela ishabo ngwendi, "Mutume ou mwanike wamunalume hamo nange. Cho yetu tukatuka na kuya ngechi tuyoye cho kethsi tuthse, boshe hamo netu, yobe, cho nawa na bana betu. ⁹Njikapwa mukaleho hali ikeye. Yobe ukamjutondela kuli yange. Nga kunjikamwilwitha kuli yobe na kumwimika halutwe lwobe, cho yange njikakala na mulonga wa myaka yoshe. ¹⁰Mwabuthunga bene, nga kutweshwalele, chili bene ngwe tuneluka kuno kumuchibali."¹¹Kathinoni ishabo wendekele kuli bakebo ngwendi, "Nga echi chinapu ngochoni, cho mwamubwa lingeni ngechi. Ambateniko bushuka bumo bwabubwa bwa lifuti mu binjeke byeni. Mwambateleniko munalume bwana bwa--kenya na buki, nu'ndu na mela, byelu na ma omonde. ¹²Ambateni bimbongo byakupwa mubali mu maboko eni. Bije bimbongo bibamilwithilile mu tunwa twa binjeke byeni, byambateni lalo mumaboko eni. Hamo bathebukile.¹³Ambateni lalo ndolome yeni. Cho katukeni muye lalo kuli munalume. ¹⁴Njilomba Njambi muka Binthzili byoshe ngechi ou munalume akamithzibileko n'eke kumesho a munalume, amyechele ndolome yeni mukwabo hamolika na Mbenjamani. Nga njijeneka bana bange, nange cho njinabindama bene." ¹⁵Cho aba banalume bambatele obu bwana, cho mumaboko abo bambatele bimbongo byakupwa mubali, hamo lika na Mbenjamani. Bakatukile na kuya ku Ingito cho bakemanene kumesho a Yosefa.¹⁶Omo Yosefa wabamwene na Mbejamani, wendekele kuli baka kunyunga binjubo byendi ngwendi, "Baneneni aba banalume munjubo, thsiyeni chimuna na kumubwahetha, mangana aba banalume balye nange ku thimbu ya mutanya." ¹⁷Chojo baka kunyunga balingile ngechi mwendekele Yosefa. Watwalele aba banalume kunjubo ya Yosefa.¹⁸Aba banalume bathzibile lyoba mwafwa babanenele ku njubo ya Yosefa. Bendekele ngwabo, "Mwafwa wa bije bimbongo bibelwithile mu binjeke ha thimbu ya kulibanga ibatunenele kuno, mangana bawane ngila ya kututengulukila. Ngechoni hamo atha kutukuta nakutupwitha bangamba, cho bambata bimulu byetu." ¹⁹Cho bawanene na muka kunyunga njubo ya Yosefa, cho bendekele nendi ku chikolo cha njubo, ²⁰kwendeka ngwabo, "Shukwanana, twethzile kuno ha kulibanga na kulanda bya kulya.²¹Thimbu yethzile, omo twetele ku mutambela uje utukalalela, ngechi twashokolwele binjeke byetu, cho, nakukenga, bimbongo bya munu woshe byakele ku kanwa ka njeke yendi, bimbongo byetu byoshe muje bene mwakushula mubyalemenene. Cho tuneluka nabyo mumaboko etu. ²²Cho tunaija lalo na bimbongo bikwabo mumaboko etu mangana tulande byakulya. Yetu kutwamuthzibukile owo wakele bimbongo mu binjeke byetu." ²³Uje muka kunyunga wendekele ngwendi, "Kwoloka kukale kuli yeni, kethsi muthzibe lyoba. Njambi yeni na Njambi ya ishweni ikeye napande kwaka bimbongo mu binjeke byeni. Yange njatambwile bimbongo byeni." Kathioni kanyungi anene Simyoni kuli bakebo.²⁴Cho uje banyungi wakobelethele aba banalume mu njubo ya Yosefa. Wabanene mema, cho bajwelele kumendi abo. Choni wanene bimulu byabo byakulya. ²⁵Ba bwahethele bwana bwakwana kuli Yosefa omo aija ha thimbu ya mutanya, mwafwa bathzibile ngwabo balya hamo nendi kuje bene.²⁶Omo Yosefa wethzile kunjubo, banenele bwana buje bakwatele mu liboko lyabo mu njubo, cho bathsikamene hathsi halutwe lwendi mu libu. ²⁷Wabehwile bati mubanendukila cho wendekele ngwendi, "Bati ishweni ali bwino, uje kakulukathzi imwatumbwile? Achiyoya ndi?"²⁸Bendekele ngwabo, "Ngamba yobe tateeu ali lika bwino. Achili na kuyoya." Cho bathikamene nakumulemetha. ²⁹Cho omo wendwile mesho endi wamwene ndolome yendi Mbenjamani, muna baina wamunalume, cho wendekele ngwendi, "Ou ikeye ndolome yeni wa mutinikila uje imwendekele kuli yange ndi?" Cho wendekele ngwendi, "Njilomba Njambi akale na ngothzi kuli yobe, munange wamunalume."³⁰Yosefa bwathi bwathi watundile kuje ku chibatula, mwafwa mbunge yendi yashulile na buthiwa hali ndolome yendi. Waile kweka na kulila. Waile ku chibatula chibafulo chendi na kukalililako. ³¹Wajwelele kumesho cho watuhukile. Walikwatethako, na kwendeka ngwendi, "Bwahetheni byakulya."³²Bangamba ba Yosefa babwahethele byakulya bya Yosefa bakebo babenya cho na bandolome bendi balibwahethelele bakebo babenya. Baje baka Ingitu bakele kuje balile hamo lika nendi bakebo babenya mwafwa baka Ingitu kubathele kulya likende hamo na ba Hebelu, mwafwa baka Ingitu bachimwene ngwe chabunyengwe. ³³Bandolome batumbamene kumesho endi, kutunda kuli ntwantwa kwetheketha na chithemwa chendi, cho na mitinikila kwetheka ku bukwenje bwendi. Banalume balikomokelele hamonika. ³⁴Yosefa wapangele byakulya ha methsa ha lutwe lwendi. Oloni byakulya bya Mbenjamani byatumine mu bithimbu kupwa mubithimbu bitanu kwetheketha kuli bandolome bendi. Ngechibene banwine na kubwahelela hamo nendi.

¹Yoseas wakambeyeye kanyungi waku njibo yendi, na kwendeka ngwendi, "Shulitheni byakulya mubi njeke bya banalume, ngwe omwo banatha kwambatelamo, cho mwake bimbongo byamunu woshe ku kanwa ka njeke yendi. ²Aka nganja yange, nganja ya siliva, mu kanwa ka njeke ya uje mutinikila, cho lalo na bimbongo byendi bya binona. Cho kanyungi walingile ngechi omwo bene mwendekele Yosefa.³Mutondo tondo wakutuhuka litangwa, nabanalume babatumine ha bungethzi bwabo, bakebo na bimulu babo. ⁴Omwo batundile munnganda oloni kubeteele kulako, Yosefa wendekeke kulikanyungi wendi ngwendi, katuka, bakabangeye banalume, cho ngwe ubatubakana, endeke kuli bakebo ngwobe bikajo munelwithila bubi ku bubi? ⁵Indi eyi kethi nganja yakunwina shukwanana na nganja ije yakatahethetha? munalingi bubi,⁶Kanyungi wabatubakanene cho wendekele awa majwi kuli bakebo. ⁷Cho bendekele kuli bakebo ngwabo, "Mwafwa wa bikajo shukwanana endekele majwi akufwa ngechi? Bitile kulako kutunda ku bangamba bobe ngechi kubatha kulinga chuma cha chifwa echi.⁸Kenga, bimbongo bije bitwanene ku tunwa twa bijeke byetu, twethzile nabyo kutunda ku lifuti lya Kanana. Cho twatha batijo kwiba siliva nambe ngolinde mu njubo ya shukwanyoko indi? ⁹Ngwe iwanewa kuli woshe owo ngamba yobe, cho echeleni athse, cho netu boshe tupwa bindungo ba shukwanana. ¹⁰Cho kanyungi wendekele ngwendi, "Cholalo echeleni chilingiwe kwetheketha ku majwi eni. Kuli uje awanewa na nganja ikeye akapwa ngamba yange, chojo, yeni bakwabo kumwethi na mulonga."¹¹Kathinoni munu woshe bwathi bwathi watulile njeke yendi hathi, chojo munu woshe walishokolwelele njeke yendi. ¹²Kanyungi washakethzekele. Kanyungi washangumukile na mukulunu wabo cho wa manethelele na mutinikila wabo, cho ije nganja baiwanene mu njeke ya Mbenjemani. ¹³Choni ba tabothwele bithzalo byabo. Munu na munu walongekeyele chimulu chendi na kwiluka ku nganda.¹⁴Yunda na ba ndolome bendi bethzile ku njubo ya Yosefa. Hanga wakelele kuje bene cho bathikamene kumesho endi. ¹⁵Cho Yosefa wendekele kuli bakebo ngwendi, "Bikajo ebi munalingi? Kumani kumuthzibuka ngweni munu wakufwa ngechi mwange apwa mukakutaha ndi?¹⁶Yunda wendekele ngwendi, "Bikajo twendeka kuli shukwanana? Bika twendeka? Nameme twatha batijo kuli thambetha yetu babenya? Njambi nawana mathzilo muli yetu bangamba bobe. Kenga, tunapu tubindungo ba shukwanana, tubaboshe hamo netu nou lalo ibanawana na nganja muliboko lyendi." ¹⁷Yosefa wendekele ngwendi, "Bitile kulako nange kunjilingi ngocho. Uje munu ibanawana na nganja muliboko lyendi, uje munu ikeye apwa ndungo yange, oloni yeni bakwabo, yeni mu ngila yakoloka kuli ishweni."¹⁸Choni Yunda wethzile muyehi nendi cho wendekele ngendi, "Shukwanana, njilomba echela ngamba yobe endeke lijwi mu litwi lya shukwanana, cho kethi ulubalele ngamba yobe, mwafwa obe unapu ngwe Falo. ¹⁹Shukwanana wehwile bangamba bendi, wakele na kwendeka ngwendi, 'muli na ishweni nambe ndolome yeni ndi?²⁰Twendekele kuli shukwanana ngwetu, 'tulina tatetu, nakulubala, na mwana wa mubukulakathzi bwendi, wamundondo. Oloni ndolome yendi wathsa, cho endi lika nathalako kuli baina, na ishe wamuthzema.' ²¹Cho mwendekele kuli banganba beni, 'Muneneni kuno kuli yange mangana njakumumone.' ²²Hanima yabije, twendekele kuli shukwanana ngwetu,ou mukwenje katha kutunda kuli ishe embwe. Mwafwa ngwe athethza ish cho ishe athsa.²³Cho wendekele kuli bangamba bobe ngwobe, 'Kubanga mukeje na mutinikila weni, cho mukamona chihanga change. ²⁴Cho thimbu yeteleho twaile kuli ngamba yobe tatetu, twakamulekele majwi a shukwanana. ²⁵Tatetu wendekele ngwendi, 'Yeni lalo, mutulandeleko bya kulya.' ²⁶Cho twendekele ngwetu, kutwatha kuyako. Nga mutinikila wetu tuli nendi, cho tuyako mwafwa kutukatha kumona chihanga cha uje munalume kubanga mutinikila wetu ali netu.'²⁷Tate ngamba yobe wendekele kuli yetu ngwendi, 'Muthzibuka ngweni munakathzi wange wajikitilile bana ba banalume babali. ²⁸Umo hakati kabo wanji thethzele laja cho njendekele ngwange, "Chili bene banamutabothola, cho kunjamumwene kutunda oho." ²⁹Cholalo yeni ngwe munjinyeka ou, cho bukalu bwija kuli ikeye, cho mukanjikokela bithiwa bwa kuwitha bwele bwange ku Shilo."³⁰Ngechibene, omwo, njija kuli tate ngamba yobe, cho tuye chakwilika ou mwanike ngechi omwo waka monyo wendi muli ou mwanike wa munalume, ³¹thimbu yeta, omwo amona ngwendi ou mwanike wa munalume kethi hamo netu, cho athsa. Bangamba bobe bakakunenela bwele bwa tatetu na buthiwa ku Shilo. ³²Mwafwa yange ngamba yobe njalipwithile wakwimanena kuli batate ha mulonga wou mwanike, wa munalume cho njendekele ngwange, nga kunjikaija nendi kuli yobe cho njikakala na mulonga wa myaka yoshe kuli tate.'³³Choni lalo, njalombo njitabele yange ngamba yobe njikale mu mwela ndungo kuli shukwanana, cho echela ou mwanike wa munalume aye hamo na bandolome bendi. ³⁴Mwafwa yange njiluka bationi kuli tate yange ngwe ou mwanike wa munalume kethi hamo nange? Njili na lyoba lyakumona bukalu mu bwija hali tate."

¹Kathinoni Yosefa wa ile kuli Falo na kumuleka ngwendi, " Tate na ba ndolome bange, bimuna byabo, bingombe byabo, na bufuko bwabo bwoshe, bunete kutunda ku lifuti kya Kanana. Kenga, balyoni mu lifuti lya Ngosheni," ²Chojo ku ba ndolome bendi wa mbateleko batanu na kuya na kubetetha kuli Falo.³Ngechi Falo wendekele kuli bandolome bendi ngwendi, " Bipangi muka panga?" Cho nabo bendekele kuli Falo ngwabo, "Bangamba bobe bapwa tunyungi ngwe omwo bene bakele na ba kakulwila betu. ⁴Cholalo bendekele kuli Falo ngwabo, "Tuneja na kukala muno mu lifuti ha thimbu ya indondo lika. Mwafwa bangamba bobe ku bethi noku kwa kuwana mulambo kubanatha kunyungila bwino bimuna byabo, amulonga wa njala ya lyangengela ije ili mu lifuti lya Kanana. Ngechi bene kumani tabetha bangamba bobe ba tumameko mu lifuti kya Ngosheni."⁵Ngechi Falo wendekele kuli Yosefa ngwendi "Isho na ba ndolome bobe bana ija kuli yobe. ⁶Lifuti lya Ingita nawa lili kulutwe lwobe. Tumbika isho na bandolome bobe mu mutambela uje wa ubwa manene mulifuti lya Ngisheni. Oshe ngwe una tanekeyaho bamo mukati kabo baje ba kutubakana, cho bane ku nyunga bimo na bange.⁷Chojo Yosefa wanenele ishe ya Yakomba naku mwetetha kuli Falo. Yakomba wa kwithwile Falo. ⁸Falo wendekele kuli Yakomba ngendi, " Unayoyo myaka ingai?" ⁹Cho nendi Yakomba wendekele kuli Falo ngwendi, " Myaka yange yakwendangana yinapu chita chimo na makumi a tatu (130). Myaka injina yoyo inapu ya indondo cho lalo ije ya ikalu. Kuyapwile ya ilaha ngwe ije ya bakakakulwila bange embwe." ¹⁰Kathinoni Yakomba wa kwithwile Falo cho na kufumamoni kuli ikeye.¹¹Chojo Yosefa wanene ishe na bandolome bendi ha kutunga. Cho wabanene mutambela wa ubwa manene mu lifuti lya Ingita, libu lije lya tubakanene kubwaha, mu lifuti lya Lamasese ngwe muje mwa shikile Falo. ¹²Yosefa wanene bya kulya kuli ishe, ba ndolome bendi, na baka njubo ya ishe boshe, kwetheketha na kutuma cha banu bakele mu nanga-¹³Ngechi bene ku mwakele bya kulya mulifuti lyoshe; mwafwa njala ya lyangengela yamene manene. Cho lifuti lya Ingita na lifuti lya Kanana, ba yandele manene ha mulonga wa ije njala ya lyangengela. ¹⁴Chojo Yosefa wa kungulwile bimbongo bije bya kele mu lifuti lya Ingitu na mu lifuti lya Kanana, kwitila mu ku landetha tiliku kuli baje ba tungilemo. Kathinoni Yosefa wa nenele bije bombongo ku lipela lya Falo.¹⁵Omwoni bimbongo byoshe bya mulifuti lya Ingita na Kanana bya hwile, cho baka Ingitu boshe bethzile kuli Yosefa na kwendeka ngwabo, "Twane byakulya! Bikajo tuthsila hamulonga wa kuhwa cha bimbongo byetu okuni nobe ku uli?" ¹⁶Chojo Yosefa wendekele kuli bakebo ngwendi, " Umona ngwe bimbongo byeni binahu, cho kumani neneni bimuna byeni. ¹⁷Cho ngechi banenele bimuna byabo kuli Yosefa. Cho na Yosefa wa banene byakulya byaku landathana na tubalo, na bimanga, na bingombe, na bimulu. Ngechi waba lithile mwaka woshe uje na byakulya bije bya ku landathana na bimuna byabo byoshe.¹⁸Omwoni uje mwaka wahwile, cho bethzile lalo kuli ikeye mu mwaka uje wa kabeleho na kwendeka kuli ikeye, " Kutwatha ku kushwekela yobe shukulu yetu ngwetu bimbongo byetu byoshe binahu, cho lalo na bimuna betu boshe banapwoni bobe. Nameme chimoni chahi china thalaho ku mesho obe Shukulu yetu, kubanga lika mibila yetu na libu lyetu. ¹⁹Cho bikajo tu thsila mu mesho obe, yetu lika na libu lyetu? Kumani tulande bene yetu hamolika na libu lyetu kutu landakana na bilya mangana netu hamo na libu lyetu tukaloni bangamba kuli Falo. Ngechi twane mbuto mangana tuyoye kethi tulanduke, mangana na libu kethi lyalumuke lisheng'abu."²⁰Chojo Yosefa wa landelele Falo libu lyoshe lya mu Ingitu. Akulinga munu woshe wa mu Ingita wa landethele lihya lyendi mwafwa ije njala ya lyangengela yamene manene. Cho mungila ei, libu lyoshe lyapwiloni lya Falo. ²¹Ngechi banu, bakebo waba pwithile bindungo kutunda ku shongo ya nginga ya Ingitu kweta bene naku ma manethelelo a ikwabo. ²²Kubanga lika libu lya tupilisitu likelyo kalandele Yosefa, mwafwa tupilisitu bekele bene na kulya tuje tumbendekela wa kele na ku bana Falo. Ngechi bene ku ba landethele libu lyabo embwe.²³Chojo Yosefa wendekele kuli baje banu ngwendi, "Kengeni, lelo lino nja milandela yeni hamo na libu lyeni kupwa ba Falo. Cho kwateni mbuto yeni ei, manganoni mu ka kune mu libu. ²⁴Ha thimbu ya kuteja muna pande kwana cha muchitanu kuli Falo, ebi bikwabo biwana bikebyoni bika kala byeni babenya, kupwa mbuto ya kukuna mu mahya na kupwa bilya bya baka njubo yeni na bana bendi."²⁵Cho bendekele kuli ikeye ngwabo, "Una yobola myonyo yetu. Imana tuwane kubethzika ku mesho obe. Tukala bene bangamba ba Falo. ²⁶Cho haje bene Yosefa wakeleko lishiko lije lyakalako na lelo bene lino mu lifuti lya Ingitu, lya kulinga ngwabo cha muchitanu choshe chapwa cha Falo. Kubanga lika lije lya tupilisitu likelyo kulya pwile lya Falo.²⁷Ngechibene Isalela wa tumbamene mu lifuti lya Ingitu, mu lifuti lya Ngosheni. Cho banu bendi ba fukililemo muje bene. Cho ba themene na ku themunwina manene. ²⁸Ngechi Yakomba wa yoyelele mu lifuti lya Ingitu myaka makumi atanu na abali, chojo myaka ya Yakomba ya yolele yoshe yetele a chita chimo na makumi awana na atatu na ibali (147).²⁹Omwoni muyalingile thimbu ya kutoka Isalela ina shwene muyehi, cho wa thanene munendi Yosefa na kwendeka kuli yikeye ngwendi, "Umona ngwe njina wana kubethzika ku mesho obe, cho aka liboko lyobe mu matango ange na ku sholola kuli yange buthunga bwobe na bubi bwobe. Njakandako kethi unji thsinde muno mu Ingitu. ³⁰Umononi njika lala na batate, cho uka njitunditha muno mu Ingitu na kuya naku ka nji thsinda ku bihilo bya bakakulwila bange." Cho nendi Yosefa wendekele ngwendi, "Njika linga bene ngwe muje mumunendeka. ³¹Cho Isalela wendekele ngwendi, "Lithinge kuli yange," chojo na Yosefa wali thingile kuli ikeye. Cho Isalela wa kulamenene ku mitwe ya bulili bwendi.

¹Cho chasholokele anima ya byumebi omwoni umo wendekele kuli Yosefa ngendi, Kenga, isho na binji. "Chojo naile na bana bendi babali ba banalume, Manase na Efulemu. ²Omwoni Yakomba ba mulekele ngwabo, "Kenga, munobe Yosefa naija laja na kukumona," Cho walikwatethele na ku tumbama mu mwela.³Cho Yakomba wedekele kuli Yosefa ngwendi, 2 Njambi wa Binthzili byoshe nasholokele kuli yange ku Luzu mu lifuti lya Kanana. Cho wanji kwithwile ⁴na kwendeka kuli yange ngwendi, `Nkenga, njika kwana luthemo na kukuthangula. Cho njika kupwitha chiwano cha mafuti. Nji kana lino lifuti kulibana na batekulwila bobe kupwa bufuko bwabo bwaku myaka yoshe.`⁶Cho aba bana bobe babali, baje bathemukile kuli yobe mu lifuti lya Ingitu athimbu yange kanda nji chiije kuli yobe mu Ingitu, bana bapwoni bange. Efulemu na Manase bakaloni bange, ngwe omu Lubeni na Simione bapwa bange. ⁵Bana obo ukala nabo munima yaba bakaloni bobe; cho bakabalabela mwithi ya mathzina a bandolome yabo mu buswana bwabo. ⁷Olojo yange, omu nja tundile ku Pandani, kubuthiwa bwange bwakama Lakele wa thsililile mu lifuti lya Kanana mu ngila, okutai kuna chilitulu nunda ya kweta ku Efate. Cho nja mu thsindile kuje bene mu ngila ya kuya ku Efate (kulumbulula, Mbetelehema).⁸Cho omwoni Isalela wamwene bana ba Yosefa, wendekele kuli ishe ngwendi, "Bana beyajo aba?" ⁹Cho Yosefa wendekele kuli ishe ngwendi, " Bana bange, bana njana Njambi kuno," Cho Isalela wendekele ngwendi, "Banene kuli yange, mangana njiba kwithule." ¹⁰Chojo mesho a Isalela a thsithsibalele a mulonga wa bwingi bwa myaka yendi ya ku themuka, ngechi kakelonina ku mona. Cho Yosefa wa ba shwenethele ku yehi nendi, cho nendi waba thsembele naku ba bumbatela.¹¹Ngechi Isalela wendekele kuli Yosefa ngwendi, "Kunjakele naku yongola ngwange njikamona lalo chihanga chobe; olojo Njambi nanji tabetha kumononi na bana bobe. ¹²Cho Yosefa waba tundithile mu matango a mabuli a Isalela, cho wa kulamethele chihanga chendi hathi. ¹³Yosefa watwalele boshe babali, Efulemu mu liboko lyendi lya chilyo na kumushwenyetha ku liboko lyendi lya chimoshwe, na Manase mu liboko lya Isalela lya chilyo, naku banena kuyehi nendi.¹⁴Chojo Isalela wolwele liboko lyendi lya chilyo na kuli kambeka a mutwe wa Efulemu, uje wakele mwanike, na liboko lyendi lya chimoshwe na kulikambeka a mutwe wa Manase. Wa lindakanene maboko endi, mwafwa Manase ikeye wa kele wa twatwa. ¹⁵Cho Isalela wa kwithwile Yosefa, na kwendeka ngwendi, "Njambi uje kulutwe lwendi bendele batate Abilahame na Isaka, Njambi owu naji nyungu kweta na a litangwa bene lino lyalelo, ¹⁶kangelo uje yana njohyela ku kubulumuka kwoshe, aba kwithwile aba ba kwenje. Lithzina lya batate ba Abilahama na Isaka. Batheme na kuthemunwina na kupwa mayongomena mu lifuti."¹⁷Omwoni Yosefa wamwene ishe a kambeka liboko lyendi lya chilyo a mutwe wa Efelemu, cha mubihithile. Ngechi wambatele liboko lya ishe na ku lifumitha ku mutwe wa Manase. ¹⁸Cho Yosefa wendekele kuli ishe ngendi, " Kethi ngachije, tate, mwafwa owu ikeye twatwa. Aka liboko lyobe lya chilyo a mutwe wendi."¹⁹Olojo ishe wa byanene cho lalo wendekele kuli ikeye ngwendi, "Njithzubuka, munange. Nendi lalo a kapwa wa kama. Olojo shongoyendi a kapwa wa kama ku muhyana, chithemunwina chendi chika kala mayongomena a mafuli. ²⁰Cho Isalela wa ba kwithwile litangwa lije bene na majwi awa ngwendi, "Banu ba mu Isalela ba kendeka ku kwithula kwitila mu mathzina eni na kwendeka ngwabo, Njambi a mipwithe yeni ngwe bene Efelemu na Manase." Chojo na muchifwechi, Isalela wakele Efulemu kulutwe lwa Manase.²¹Cho Isalela wendekele kuli Yosefa ngwendi, "kenga, njili kuyehyoni na kuthsa, olojo Njambi a kala nobe, cho lalo a ka kwilwitha kuje ku lifuti lya ba isho. ²²Ngechi kuli yobe, ngwe umo ujoni ali a kamwa ya bandolome bobe, njana kuli yobe uje muthi kumukulo wa lilundu lije linjambatele kuli ba Amolate na mukwale wange na buta bwange bwa luthipa."

¹²Cho Yakobo wathanene bana bendi babanalume, na kwendeka ngwendi, "Likungululeni eni babenya hamo, mangana njimileke ebi bikasholoka kuliyeni kulutwe. Kungulukeni muthzibilile, eni bana ba Yakobo. Thzibilileni kuli isho, Isalela.³Lubeni, yobe umunange wakulibanga, bukama bwange, kushangumuka cha kutakama change, unalifwila mukulema, nakulimanena muthzili. ⁴Kubethi kukutengulula ngwe mema a muta, cho kuukakala na kulema, mwafwa waile nakweta ku mwela waba isho. Cho waabiluthile; waile na kweta ku butumamo bwange.⁵Simiyoni na Lebi banapu ba ndolome, mikwale yabo inapu bitwa bya bukenya. ⁶Obe mwonyo wange, kethi ukaije mu nthzango yabo; kethi ukalinunge na biwano byabo, mwafwa mbunge yange yakala nakathingimiko kakama hali ocho. Mwafwa kwitila mukulubala chabo bayhsiyole banu. Cho hamulonga wa thenga hakeko babatwile bingombe.⁷Cho echeleni butenu bwabo bukale bwa kuthingima, mwafwa bwa thzibithile lyoba--cho nakulubala chabo, mwafwa chabukenya. Njikabanndunwina mu Yakobo na kubashandola mu Isalela.⁸Yunda, bakakuthingimika kuba ndolome bobe. Maboko obe akakala ha bithingo byabaka n'ole bobe. Bana babaisho babanalume bakakuthsikamena yobe.⁹Yunda napu muna ndumba. Munange wamunalume, unakanduka kutunda kututhitu. Wabutamene hathi, wakalabele ngwe ndumba, ngwe ndumba wachinakathzi. Iyajo ou natha kumwindula?¹⁰Cho chikubo chabumwene kuchikatundu muli Yunda, nameme mbweti yabakakuyula kuikatundu kukati ka myanja yendi, shwi nomu akaija Shilo. Mafuti akamwononokela.¹¹Kukutilila chimbulu chendi kumubinyu, na chikuto cha chimbulu chendi kuchithzitika ku mubinyu wakushakula, nakukusha buthzalo bwendi mu binyu, na mukanjo wendi mu maninga ama ngilepu. ¹²Mesho endi akathzibala ngwe binyu, cho na mayo endi akatoka ngwe mabele.¹³Zebuluuni akayoyela kuje kungenge ya kalunga ndonga, Akakala chabu chabimbopolo, na nginga yendi ikatandubuka kweta ku Sindoni.¹⁴Isakar chimbulu wakutakama, nashulubala mukati kabilinga bya bimanga. ¹⁵Anakumona mwela wakuhwimina waubwa na libu lyakufwiya. Cho akathiula chithsili chendi kuchitele nakukala ngamba wa chije chipangi.¹⁶Ndani akathompetha banu bendi hakukala umo wamiyati yaba Isalela. ¹⁷Ndani akakala linyoka wakumukulo wa mukwakwa, linyoka wabushungu wamu ngila uje akashuma kubithsende bya kabalu, mangana ou mukakulondaho awile chanima hathi. ¹⁸Njibandamena bwobole bwobe, Shukulu.¹⁹Ngandi--byendo bya nthila bikamulukuka, oloni akabalukuka ku tuthsithsino twabo. ²⁰Kulya cha Asha chikafuka, cho akana kulya chachibwa kubamwene. ²¹Nefitali napu chimuna wakuthzituka, ou akakala na bana bababwa.²²Yosefwa napu mwango wabushuka, munango wabushuka bwabubwa bwaku kabwelubwelu ka mema, cho minango yamo ikathindamena helu lya mbango. ²³Bakamikili bakamulukukana kumwasha na kumushangumuka.²⁴Oloni buta bwendi bwamanana bukathala bwakutakama na maboko endi akalongwa hamulonga wa maboko a Yakobo wanthzili, hamulonga walithzina lya kanyungi, limanya lya Isalela.²⁵Njambi waba isho akakukwatha cho Njambi wanthzili yoshe akakakithula na kubethzika cha mwilu, kubethzika cha bije byakala mwithi ya hathi na kubethzika cha mabele na mwimo.²⁶Kubethzikitha chaba isho chinahyana kubethzikitha cha malindu yakuthan'ulu nambe byuma bibakashaka bya minkinda akuthan'ulu. Echela akakale ha mutwe wa Yosefwa, hamo nahamuchama wahamutwe wa muna mwene waba ndolome bendi.²⁷Mbenjameni napu kangunge wanjala. Akalyana kututhitu muthimbu yamutondo, cho muthimbu ya mangwethzi cho akandununa bije nathsiyanga."²⁸Ei ikeko miyati yaba Isalela likumi naibali. Ebi bikeko emdekele ishe omu akele nakubakithula. Umo naumo ba mukithwile na kithu yakufwila. ²⁹Cho wabalongethele nakubaleka ngwendi, "Njili muyehi nakuya kubanu bange. Mukanjithsinde hama na bakukulwila muje mumathzethzengoma amu lihya lya Eferoni uje ka Hitite, ³⁰mulithzethzengoma lije lili mu lihya lya Machipela, lije lili kuyehi na Mamule mu lifuti lya Kenani, lihya lije alandele Abilahama kukala bihilo kutunda kuli Eferoni ka Hitite.³¹Kukeko kuje bathsindile Abilahama na munakathzi wendi Sala; kukeko kuje bathsindile Isake namunakathzi wendi Labeka; cho kukeko njathsindile Leya. ³²Lije lihya nalije lithzethzengoma lilimo babilandele kutunda kubanu ba Hethi." ³³Omu amanethele kukambeya bana bendi Yakobo, cho wakokelele mwanja wendi mu mwela, na kwechela kuhwima, cho waile ku banu bendi.

¹Cho Yosefa washulile na buthiwa cho wa lethzumukile ha mesho aishe, na kumulilila, cho wamuthsembele. ²Yosefa wamukambeyeye bangamba bendi baje bimbanda bakanyeke mubila wa ishe. Cho baje bimbanda bakanyekele uje Isalela. ³Bambetele matangwa makumi awana, mwafwa yakele thimbu yakukanyeka chakushula. Cho baka Ingita bamulililileko mumatangwa makumi atanu naabali.⁴Omu matangwa akulila ahwile, Yosefa wendekele na bakunjubo ya Falo, ngwendi; "Oshoni, njinawana kutetela mumesho eni, endekeni kuli Falo, nakumuleka nweni, ⁵Tate wanjithingithile, kwendeka ngwendi, "Nkenga, Njili hayehi na kuthsa. Ukanjithsinde mu mbumbo yange ije njalindililile yange ibenya mu lifuti lyamu Kanana. Kukeko kuje ukanjitsinda." Choni njechele njiye nakukuthsinda tate, cho njikeluka. ⁶"Falo wakumbulwilwe ngwendi, "Ya ukathsinde isho, ngwe omu walithingililile."⁷Cho Yosefa wakandukile nakuthsinda ishe. Bakabipangi ba Falo baile nendi, nabaka bipangi ba chikulunu boshe ba mu lifuti lya Ingita, ⁸na boshe ba munjibo ya Yosefa hamo naba ndolome bendi, nabaka njubo ya ishe. Oloni bana babo, bimanga byabo, namabutanga abo babithethzele mu lifuti lya Ngosheni. ⁹Matemba nabaka tubalu nabakebo lalo baile nendi, Cho yakele mbunga ya banu ya kama.¹⁰Cho omu betele kulibu lyakujeneka mwila ku Atandi kuthambwela lya Yondani, balilile nabuthiwa bwakama. Cho Yosefa wambatele matangwa atanu na abali nakulila ishe. ¹¹Omu batunga limbo bamuje mu lifuti, baka Kanani bamwene chije kulila chakele ku Atandi, bendekele ngwabo, "Ei inapu thimbu ya ibi kuli baka Ingita," Chikecho chanenethele chije chela kuchithana ngwabo Abele Mizirainimu, kulumbununa kulyana Yondani.¹²Cho omu bana bendi babanalume bamupangelele Yakobo ngwe muje abashikile. ¹³Bana bendi babanalume bamutwalele kuje ku Kanana ne kumuthsinda mu lithzethzengoma muje muliyha lya Machipela, kuyehi na Mamure. Abilahama walandele lithzethzengoma hamo na lihya kukala chela cha kuthsinda. Wachilandele kuli Efiron ka Hitite. ¹⁴Hanima yakuthsinda ishe, Yosefa welukile ku Ingita, ikeye, hamo naba ndolome bendi na boshe baje bamuthindikiyile nakuthsinda ishe.¹⁵Omu bandolome ba Yosefa bamwene ngwabo ishe nathsi, bendekele ngwabo, "Chikakala bationi ngwe Yosefa akatwalelela kulubala netu nakutonda kutwilwithilamo habubi bwoshe buje twamulingile?" ¹⁶Cho bakambeyeye kukalaho cha Yosefa, ngwabo, " Isho thsimbu kanda athse washikile, ngendi, ¹⁷"Mukamuleke echi Yosefa, "Njalombo kukonekela kuluwitha cha bandolome bobe na kubulumuna chabo mu balingile byabibi kuli yobe." Cho twalombo konekela ba ngamba ba Njambi waba isho." Yosefa walilile omu bendekele kuli ikeye.¹⁸Cho bandolome bendi lalo baile nakuthsikama mesho hathi kuli ikeye. Bendekele ngwabo, "Kenga, tubangamba bobe." ¹⁹Oloni Yosefa wabakumbwilile ngwendi "Kethi muthzibe lyoba. Nkuma njili mu mwela wa Njambi ndi? ²⁰Olojo kuli yeni, mwashakele kunjibulumuna, oloni Njambi wachishakele chikale bubwa, anyunge myonyo ya banu babangi, ngwe omu muli na kumona lelo. ²¹Cho ngachije kethi muthzibe lyoba. Njimibwahethela yeni na bana beni babandende." Wabathzembelekele mungilei bene nakwendeka ng'eke kubimbunge byabo.²²Yosefa wayoyelele mu Ingiti, hamolika na nanga ya ba ishe. Wayoyele myaka chita chimo na likumi. ²³Cho Yosefa wetethele bana ba Efwelemu ku chikota chamuchitatu. Wamwene lalo bana ba Makiya muna Manase, aba bakele kumabuli a Yosefa.²⁴Cho Yosefa wendekele kuli bandolome bendi ngendi, "Ol0olo njithsa; oloni buthunga bene Njambi akaya kuli yeni na kumitwamenena kutunda mu lifuti eli kuya ku lifuti eli alithingile kwana Abalahama, kuliIsake, na kuli ²⁵Yakobo."Cho Yosefa wabalingithile banu ba Isalela kulithinga chithingo. Wendekele ngwendi, "Buthunga bene Njambi akaya kuli yeni. Halyoyo thimbu mukambate bithsiya byange kutunda kuno." ²⁶Cho Yosefa wathsile mukukola wakele na myaka chita na myaka likumi. Bamukanyekele nakumwaka mukashau mu Ingita.

¹Hanima yebi byuma byalingiwile, Mosesa na Alone baile kuli Falo na kwendeka ngwabo, "Echi chikecho Njambi, ya ba Isalela, kwendeka ngwendi: 'Echela banu bange baye, ngechi bakakale na chiwano change mu mambo." ²Cho Falo wendekele nwendi, "Indijo Njambi ikeye iya? Mwafwa bikajo njithzibilila lijwi lyendi na kwechela ba isalela kuya? Kunjimuthzibuka Njambi; choni, kunjibechela ba Isalela baye."³Chojo bendekele ngwabo,"Njambi ya ba Hebelu twaliwana nendi. Cho twecheni tuye mu mambo ha bungethzi bwa matangwa atatu mangana tukakombelele kuli Shukulu Njambi yetu ngechi kethi atulukuke na mishongo nameme mukwale." ⁴Olojo mwene wa Ingitu wendekele kul bakebo ngwendi, " Mosesa na Alone, mwafwa wa bikajo muli na kutundithila aba banu kubipangi byabo? Ilukeni kubipangi byeni." ⁵Cho wendekele lalo ngwendi, "Lelo lino muli na banu babengi mu lifuti lyetu, choni yeni muli na kubalingitha bechele bipangi byabo ."⁶Cho halitangwa lije bene, Falo wakambeyele baje baka kupangetha bindungo na batwama babo. Cho wendekele ngwendi, ⁷"Kethi ngechi mwalaja, kethi mukane banu mwila wa kupangetha bindopi. Echeleni baye na kulikungulwila mwila bakebo babenya. ⁸Nameme ngocho, munapande kubawanena theteko ya bindopi ije bene ibakele na kupanga thimbu ya laja. Kethi mutabele theteko ya indondo embwe, mwafwa bolwa. Bije bikebyo bali nakutambekela na kwendeka ngwabo, "Tutabethe tuye ngechi tukakombelele kuli Njambi yetu. ⁹Babwethzeni bipangi aba banalume ngechi bakwatelele bipangi mangana kethi bathzibilile nambe kwaka mangana ku majwi a makuli."¹⁰Ngechibene baje banu baka pangela bindungo na bantwama baile na kuleka banu. Bendekele ngwabo, " Ebi bikebyo bya nendeka Falo ngwendi: 'kunjimyana mwila lalo. ¹¹Yeni babenya munapande kuya na kwambata mwila koshe okwo mukauwanena, olojo theteko ya bipangi byeni kubabitepulula."¹²Ngachije banu bali shandokele mu lifuti lyoshe lya Ingitu na kukungulula mikuta ya mwila. ¹³Cho baje bakulunu ba bipangi batwalelele kubakabangeya na kwendeka ngwabo, "Manetheni bipangi byeni, ngwe omwo mwakele nakupanga hathimbu bakele na kumyana mwila." ¹⁴Banu ba Falo baka kupangetha bandungo ba pupile ba ntwama baba Isalela, baje bene banalume bamo babakele kupwa baka kutwamenena baka kupanga. Baje bakulunu ba bipangi batwaleleleho kubehula ngwabo, "Indijo bika kumwalingilile bindopi byoshe bije bitunda kuli yeni, nameme ithzau na lelo, ngwe mu mwakele na kulinga kulaja?¹⁵Cho bantwama baba Isalela bethzile kuli Falo na kulila kuli ikeye. Cho bendekele ngwabo, " Bikajo ulina kupangetha bangamba bobe mu ngila eyi? ¹⁶Kubethi nakwana mwila ku bangamba bobe lalo, olojoni nambe ngocho bachili na kutuleka ngwabo, 'Pangeni bindopi! 'Yetu, bangamba bobe, balina kutupupa oni, olojo ou mulonga wa banu bobe." ¹⁷Oloni Falo wendekele ngwendi, "Yeni mu bolwa! Yeni mu bolwa! Mukendeka ngweni, tutabethe tuye naku kombelela Njambi.' ¹⁸Cho ololo ilukeni ku bipangi byeni. Kukwethi kumyana mwila, oloni munapande kupanga theteko ya bindopi ije imo lika."¹⁹Batwama baba Isalela bamwene ngwabo bali mu bukalu omwo mu babalekele ngwabo, "Ngechi kethi mutepulule theteko ya bindopi ya ha tangwa na tangwa." ²⁰Bawanene Mosesa na Alone, baje bemanenen hanja ya nganda, muje mu bakele na kutunda kuli Falo. ²¹Bendekele kuli Mosesa na Alone ngwabo, "Echeni Njambi amitale cho aminyanyamethe, mwafwa munatubulumwitha kumesho a Falo na bangamba bendi. Munaka mukwale mu maboko abo mangana ba tuthsiye."²²Mosesa welukile kuli Njambi cho wendekele ngwendi, " Njambi, bikoni unanene bukalu kuli aba banu? Cho bikajo wanjituminine hakulibanga? ²³Kutunda ije thimbu injethile kuli Falo na kwendeka kuli ikeye mulithzina lyobe, nanene bukalu kuli aba banu, cho kuwathzitwile banu bobe boshe."

¹Choni Njambi wendekele kuli Mosesa na Alone ngwendi, "Ololo bene umona bilinga kuli Falo. Ukamona ebi, mwafwa akabechela baye ha mulonga wa liboko lyange lya nthzili. Mwafwa wa liboko lyange lya nthzili, akabatunditha ku liboko lyendi."³Njambi wendekele kuli Mosesa na kwendeka kuli ikeye ngwendi, Nji Njambi. ²Njalisholwele kuli Abilahama, na kuli Isake, na kuli Yakoba ngwe Njambi wa bithzili byoshe; oloni ha lithzina , lya kubanjithzibukile. ⁴Cho lalo njakutile chikumiyo change nabo, mangana njikabane lifuti lya Kanana, mulifuti lije liba yoyelele ngwe kethi banu ba muje mu lifuti, muje mu bakele ba kulumbwangela. ⁵Ngechibene, njinathzibi kuyayabala cha baka Isalela, baje ba fukiwile mu bundungo kulu baka Ingitu, cho njinabathana mangana banuke chikumiyo change.⁶Choni, endeka kuli ba Isalela ngwobe, 'Yange Njambi. Njikamitunditha mu bundungo kuli baka Ingitu, na kumithzitula ku nthzili yabo. Njikamyobola mukusholola binthzili byoshe bya chihitho. ⁷Njikatambula yange babenya kupwa mu banu bange, cho njikapwa Njambi yeni. Mukathzibuka ngweni yange Njambi yeni, uje wamitundithile mu mubundungo ku maboko a ba Ingitu.⁸Njikaminena mu lifuti lije linjalithingile kwana Abilahama, kuli Isake, na kuli Yakobo. Njikalyana kuli yeni, kupwa bufuko bweni. Nji Njambi." ⁹Cho Mosesa omwo wendekele ebi kuli ba Isalela, kubabitolilile mwafwa wa kujuka chabo cha bundungo bwa kubakalukila.¹⁰Cho Njambi wendekele kuli Mosesa, na kwendeka ngwendi, ¹¹" Ya uleke Falo, mwene wa Ingitu, echele banu ba Isalela batunde mu lifuti lyendi." ¹²Mosesa wendekele kuli Njambi, ""Nga ba Isalela ku ba njithzibililile, cho batijo Falo athzibilila yange, ngechi omwo kunjethi kwendeka mwamubwa?" ¹³Njambi wendekele kuli Mosesa na Alone. Wabanene lishiko lya ba Isalela neli lya Falo, mwene waba Ingitu, ngechi atundithe ba Isalela mu lifuti lya Ingitu.¹⁴¹⁵Ei ikeyo mitwe ya binjibo bya ba ishabo: Bana babanalume ba Lubeni, ikeye ntwantwa ya Isalela, bapwile Hanoki, Palu, Hezeloni, na Kalemi. Aba bapwile miyati a ba kakulula ba Lubeni. Bana ba Simyoni ba banalume bakele Njamwele, Jamime, Ohande, Njakine, Zohale, na Shaulu - mwana wa munalume wa kuli munakathzi waku Kanana. Aba bakakulwila ba Simyoni.¹⁶Aha bajalele mathzina a bana ba banalume ba Lebi, hamo lika na ba tekulwila babo. Bakele Ngeleshone, Kohate, na Melali. Lebi wayoyele myaka kweta ku chita na makumi atatu na myaka itanu na ibali. ¹⁷Bana ba Ngeleshone ba banalume bakele Limbeni, na Shimei, ku binanga byabo. ¹⁸Bana ba banalume ba Kohate bakele Amalane, Izehale, Hebelone, na Uziyele, Kohate wayoyele myaka yakweta ku chita na makumi atatu na myaka itatu. ¹⁹Cho bana ba Melali ba banalume bakele Maheli na Mushi. Aba bethzile na kupwa ku muyati wa ba kakulwila ba Lebiti, hamolika na ba kakulwila babo.²⁰Amelama washombwele Njokebende, shongo yaba ishe. Wamukitilile Alone na Mosesa. Amelama wayoyele myaka chita na makumi atatu na myaka itanu na ibali kathinoni athse. ²¹Bana ba banalume ba Izehale bakele Kola, Nefenge, na Zikeli. ²²Bana ba banalume ba Uziyele bakele Mishaele, Elezafane, na Siteli.²³Alone washombwele Eushemba, mwana wa munakathzi muna Aminandobe ndokathzi ya Neheshone, wamukitilile Nandabe, Abihu, Elyazele na Itamale. ²⁴Bana ba banalume ba Kola bakele Asile, Elekone, na Abiyasafe, Aba bakebo bakakulwila ba miyati ya baka Kola. ²⁵Elyazale muna Alone wa munalume washombwele umo hakati ka bana ba Potiyele ba banakathzi. Wamukitililile Finehase. Aba bakebo mitwe ya binjubo bya ba Ishe hakati kaba Lebiti, kwetheketha ku miyati yabo.²⁶Aba banalume babali bakele Alone na Mosesa bakebo baje Njambi wendekel nabo ngwendi, "Tunditha banu ba Isalela mu lifuti lya Ingitu, ngechi muje mu bakendeka banalume baka kulwa." ²⁷Alone na Mosesa bendekele kuli Falo, mwene waba Ingitu, ngechi abatabethe batundithe baka Isalela mu Ingitu. Aba bapwile banu bamo Mosesa na Alone.²⁸Omwo Njambi wendekele kuli Mosesa mu lifuti lya Ingitu, ²⁹wendekele kuli ikeye ngwendi, "Nji Njambi. Mulekeni Falo, mwene waba Ingitu, byoshe binjimileka." ³⁰Oloni Mosesa wendekele ngwendi, "Yange kunjethi muka kwendeka mwa mubwa, cho bationi Falo athzibilila kuli yange?"

¹Njambi wendekele kuli Mosesa ngwendi, "Kenga, njinakupwitha ngwe njambi kuli Falo. Cho ndolome yobe Aloni akapwa kapolofita wobe. ²Wendeka byoshe bije binjikukambeya ngechi ukendeke. Ndolome yobe Aloni akendeka kuli Falo ngechi akechele banu ba Isalela mangana batunde mu lifuti lyendi.³Olojo njikakaluwithsa mbunge ya Falo, cho njikasholwetha tuthzibukitho twa binthzili byange, na bikomowetha byabingi, mu lifuti lya Ingito. ⁴Oloni Falo kakakuthzibilila, choni njikaka liboko lyange ha lifuti lya Ingitu na kutundithamo bimunga bya banalume baka kulwa, banu bange, banu bamu Isalela, na kubatunditha mu lifuti lya Ingito ku bilinga bya nthzili ya kama yakubanyanyametha. ⁵Baka Ingitu bakathzibuke ngwabo yange Njambi omwo njiketetha liboko lyange mu Ingitu na kutundithamo baka Isalela mukati kabo."⁶Mosesa na Aloni balingile ngechi bene; balingile bene ngechi omwo Njambi wabakambeyele. ⁷Mosesa wakele na myaka yakuyoya makumi atanu na atatu, cho Aloni wakele na myaka ya kuyoya makumi atanu na atatu na myaka itatu ha thimbu ibendekele kuli falo.⁸Njambi wendekele kuli Mosesa na kuli Aloni ngwendi, ⁹"Ngwe Falo akendeka kuli yeni ngwendi, 'Linga bikomowetha,' kathioni mukendeke kuli Aloni ngweni, 'Ambateni mulamo na ku umbila hamesho a Falo, mangana upwe linyoka."'' ¹⁰Choni Mosesa na Aloni baile kuli Falo, cho balingile ngechi muje bene Njambi wabakambeyele. Aloni wombilile mulamo wendi hathsi kumesho a Falo na bangamba bendi, cho yatengulukile kupwa linyoka.¹¹Kathinoni Falo lalo wathanene banu bendi baka mana na bimbanda. Balingile chuma chimolika kwetheketha ku matheno abo. ¹²Munu na munu wombilile mulamo wendi hathsi, cho ije milamo yatengulukile manyoka. Oloni mulamo wa Aloni waminine manyoka abo. ¹³Mbunge ya Falo ya kaluhwile, cho kathzibililile, ngechi muje bene mwendekele Njambi.¹⁴Njambi wendekele kuli Mosesa ngwendi, "Mbunge ya Falo yaikalu, cho akabyana kwechela banu baye. ¹⁵Yakuli Falo mutondotondo omu mwaya ku mema. Ukemane ku ngenga ya ndonga mangana ukaliwane nendi, cho ukambate mulamo uje watengulikile linyoka mu liboko lyobe.¹⁶Ukendeke kuli ikeye ngobe, 'Njambi, oyu Njambi waba Hebelu, nanjitumu kuli yobe njendeke ngwange, "Echela banu bange baye, mangana bakanjikombelele, mu mambo. Na thimbu ino kuwathzibililile." ¹⁷Njambi nendeka ngechi: "Mukulingechi uthathzubuka ngobe yange Njambi. Njipupa ha mema a mundonga ya Nailo nou mulamo uli mu maboko ange, cho ndonga itenguluka kupwa maninga. ¹⁸Bithi aba bali mundonga bathsa, nandonga inika mwamubi manene. Ngechi baka Ingitu kubakatha kunwa mema a mu ndonga."'''¹⁹Cho Njambi wendekele kuli Mosesa ngwendi, " Endeka kuli Aloni ngobe, 'Ambata mulamo wobe cho olola liboko lyobe ha mema a Ingitu, na kubindonga byabo, na bingunja, na mu mashali, na mathima abo oshe, mangana mema abo atenguluke kupwa maninga. Linga ngechi mangana kupwe maninga mwaya lifuti lyoshe lya Ingitu, nambe mu binjaba bya biti nebi bya mamanya."'²⁰Mosesa na Aloni balingile ngechi muje bene Njambi wakambeyele. Aloni wemikile mulamo na kupupa ha mema mu ndonga, mumesho a Falo na bangamba bendi. Mema oshe mu ndonga atengulukile maninga. ²¹Cho bithi mundonga bathsile, na ndonga yaputukile kunika mwamubi. Baka Ingitu kubathele kunwa mema amu ndonga, cho maninga akele koshe koshe mu lifuti lya Ingitu. ²²Oloni baka matheno ba Ingitu balingile chuma chimo na matheno abo. Chojo mbunge ya Falo yakaluhwile, cho wabyanene kuthzibilila kuli Mosesa na Aloni, ngechi muje bene mwendekele Njambi kulingiwa.²³Cho Falo watengulukile na kuya kunjubo yendi. Kakeleko nambe mangana endi kuli ebi. ²⁴Baka Ingitu boshe bachokwele ku ngenga ya ndonga ngechi bawane mema akunwa, oloni kubathele kunwa mema a muje bene mu ndonga. ²⁵Cho mwetile matangwa atanu na abali hanima Njambi wakwatele ku mema.

¹Cho Njambi wendekele kuli Mosesa ngwendi, "Ya kuli Falao ukamuleke ngwobe, 'Njambi nendeka ebi: "Echela banu bange baye mangana bakanjilemethe. ²Nga ubyana kubechela baye, cho njikashulitha lifuti lyobe lyoshe na bijunda. ³Ndonga yoshe ikashula na bijunda. Bakatufuka helu na kukobela mu njubo yobe, na kumulili bobe, na kubulili wobe. Bakaya na mubinjubo bya bangamba bobe. Bakaya nakubanu bobe, naha meko obe, na mubindeo byeni bya kwochela makende. ⁴Cho binjunda bakakulukuka, banu bobe, na bangamba bobe boshe."'"⁵Njambi wendekele kuli Mosesa ngwendi, "Endeka kuli Aloni ngwobe, 'Tandubula liboko lyobe na mulamu wobe ha bindonga, ha bingunja, nama shali, nakutufula binjunda halifuti lya Ingita."' ⁶Aloni wolwele liboko lyendi kumema a Ingita, cho binjunda batufukile na kushulitha lifuti lya Ingita lyoshe. ⁷Oloni bakamatheno balingile mumo lika na matheno abo; nabakebo batufwile bijunda halifuti lyoshe lya Ingita.⁸Cho Falao wathanene Mosesa na Aloni nakwendeka ngwendi, "Lombeleni kuli Njambi atundithe aba binjunda hali yange na hali banu bange. Cho njechela banu baye, mangana bakebo bakathe kukombelela binombelo kuli ikeye." ⁹Mosesa wendekele kuli Falao ngwendi, "Yobe watha kukala na nthzili yakunjileka yange thimbu njatha kukulombelela yobe, bingamba bobe, na banu bobe, mangana binjunda bakatunde kuli yeni na mu binjubo byeni cho bakakale lika mundonga."¹⁰Falao wendekele ngwendi, "Imene." Mosesa wendekele ngwendi, "Echa chipwe ngwe omu munendeka, athinoni ukathibuke ngwobe kukwethi weka wakulifwa na Njambi, Njambi yetu. ¹¹Cho binjunda bakatunda hali yobe, mubinjubo byeni, bangamba bobe, naku banu bobe. Bakayoyele lika mundonga." ¹²Mosesa na Aloni baile kutunda kuli Falao. Cho Mosesa walilile kuli Njambi hali bije byapandamene kubijunda banenele kuli Falao.¹³Njambi walingile muje mwalombele Mosesa: Cho binjunda bathsile mubi njubo, mubimbanja, na mumahya. ¹⁴Cho banu bakungulwile binjunda boshe babalundikile mitumbo, na mulifuti mwoshe mwanikile bweko bwabubi. ¹⁵Oloni omo Falao wamwene ngwendi hali lihehwe, wakaluwithile mbunge yendi cho katolililile kuli Mosesa na Aloni, ngwe bene muje Njambi mwendekele ngwendi akalingamo.¹⁶Njambi wendekele kuli Mosesa, "Leka Aloni, 'Olola mulamu wobe upupe likungu lya hathi ukemuka tujungu-jungu kwatandele mu lifuti lyoshe lya Ingito."' ¹⁷Cho balingile ngocho. Omo Aloni wolwele liboko lyendi namulamu wendi cho wapupile likungu lyoshe lya hathi, tujungu-jungu twethile twayandethele banu na tuthitu. Likungu lyoshe lya hathi lyatengulukile tujungu-jungu mwaya lifutu lyoshe lya Ingito.¹⁸Bakamatheno bethekele namatheno abo ngwe batuhwile tujungu-jungu, oloni kubathele. Cho kwakele tujungu-jungu kubanu natuthitu. ¹⁹Cho bakamatheno bendekele kuli Falao ngwabo, "Ou unapu munwe wa Njambi." Oloni mbunge ya Falao yachikaluhwile, wabyanene kubathzibilila. Chakale muje bene Njambi mwendekele ngwendi Falao akalingamo.²⁰Njambi wendekele kuli Mosesa ngwendi, "Ukenduke mutondo-tondo wukemane halutwe lwa Falao omo akaya kundonga. Ukendeke kuli ikeye ngwabo, 'Njambi nendeka ebi: "Echa banu bange baye mangana ba kanjilemethe. ²¹Oloni nge kuwechela banu bange baye, njikatuma binjame bya binthzinthzi hali yobe, bangamba bobe, na banu bobe, na mu binjubo byeni. Binjubo bya ba Ingito bikashula na binjame byabinthzinthzi, cho na hathi oshe habakemana akashula binthzinthzi.²²Oloni halitangwalije njika pwitha lifuti lya Ngoshene kulyandununako, mulifuti muje balinakuyoyela banu bange, cho muje kumukakala binjame bya binthzinthzi. Echi chikasholoka mangana yobe ukathibuke ngechi ngwabo Njambi ali mukati ka lifuti lino. ²³Njikakaho nunda hakati ka banu bange na banu bobe. Echi chithibukitho cha binthzili byange bije bikalingiwa imene.""' ²⁴Cho Njambi walingile echi, watumine binjame byakama byakama bya binthzinthzi bakobelele mu njubo ya Falao na mubinjubo bya bangamba bendi. Mwaya lifuti lyoshe lya Ingito, lifuti lyabihile mwafwa wa binjame bya binthzinthzi.²⁵Cho Falao wathanene Mosesa na Aloni na kwendeka ngwendi, "Yeni, mu kombelele kuli Njambi yeni muno bene mu lifuti lyetu." ²⁶Mosesa wendekele ngwendi, "kethi chakwoloka kuli yetu kulinga echi, mwafwa binombelo bitukakombelela kuli Shukulu Njambi yetu bikathibitha bunyengwe baka Ingito. Nga tulinga binambelo byetu hamesho abo bije bya bunyengwe kuli ba Ingito, cho kubakatwasha mamanya ndi? ²⁷Embwe, bunapu bungethi bwamatangwa atatu mu mambo butunapande kuya, athinoni tukakombelele binombelo kuli Shukulu Njambi yetu, ngwe muje mwatushikile."²⁸Falao wendekele ngwendi, "Njimitabetha kuya nakukombelela binombelo kuli Shukulu Njambi yeni mumambo. Cha kujeneka lika yeni kuya kulyala. Nange njilombeleleniko." ²⁹Mosesa wendekele ngwendi, "Omo yange njichiya lika kutunda kuli yobe, cho njikalombelela kuli Njambi binjame bya binthzinthzi bakamitunde, Falao, na bingamba bobe na banu imene. Oloni kuwapande kulikwitha nawa kubindika banu betu kuya nakukombelela binombelo kuli Njambi."³⁰Mosesa watundile kuli Falao waile nakulombela kuli Njambi. ³¹Njambi walingile ngwe muje mwalombelele Mosesa; cho watundithile binjame bya binthzinthzi hali Falao, bingamba bendi, nabanu bendi. Na nthzinthzi naumo wai wathalele. ³²Oloni Falao wachikaluwithile mbunge yendi athimbu eyi lalo, cho katabethele banu kuya.

¹Banu bendele kutunda ku Elimu, cho mbunga yoshe yaba Isalela yetele ku mambo ya Sini, eyi ili mukati ka Elimu na Sinai, a litangwa lya bulikumi na mutanu a ngombe ya muchibali kutunda mu lifuti lya Ingita. ²Mbunga yoshe ya ba Isalela yayabalele kuli Mosesa na Aloni muje mumambo. ³Ba Isalela bendekele kuli bakebo ngwabo, "Ngwe chabwaele yetu kutwa thsila kuliboko lya Njambi mulifuti lya Ingita muje twakele na kukutumana ku bindeo bya thitu cho na kulya makende mutwashakele. Mwafwa mwatutunditha kuje na kutunena muno mumambo mu thsiyithe mbunga yoshe ku njala."⁴Choni Njambi wendekele kuli Mosesa ngwendi, "Njika minyokethela makende kutunda kwilu. Banu bakaya na ku kungulula kulya cha litangwa limo atangwa na tangwa mangana njibetheke njimone indi benda mu mashiko ange nambe embwe. ⁵Chika kala a litangwa lya muchitanu na limo baka kungulula kulya cha matangwa abali kutubakana bi bakele na kukungulula matangwa oshe akunima, cho bakateleka bibakanena."⁶Choni Mosesa na Aloni bendekele ku banu boshe ngwabo, "Na mangwethzi mu kathzibuka ngweni Njambi ikeye na mitunditha mulifuti lya Ingita. ⁷Mutondo mukamona bumpau bwa Njambi, mwafwa kuyayabala cheni kuli ikeye na chithzibi. Yetu beyajo nambe muyayabale kuli yetu?" ⁸Mosesa lalo wendekele ngwendi, "Mukathzibuka echi omu Njambi akamyana mubwingi thitu mu mangwethzi cho makende na mutondo--mwafwa nathzibi kuyayabala cheni chimukendeka kuli ikeye. Aloni nange beyajo? Kuyayabala cheni kethi chetu; cha Njambi."⁹Mosesa wendekele kuli Aloni ngwendi, "Endeka ku mbunga yoshe ya banu ba Isalela ngwobe, 'Ijeni kuyeyi na Njambi, mwafwa nathzibi ku yayabala cheni."' ¹⁰Chasholokele, omu Aloni wendekele ku mbunga yoshe ya banu ba Isalela, cho ba kengele mu mambo, cho, kenga, bumpau bwa Njambi bwa sholokele a lishelwa. ¹¹Cho Njambi wendekele kuli Mosesa, na kwendeka ngwendi, ¹²"Nji nathzibi kuyayabala cha banu ba Isalela. Endeka kuli bakebo cho wendeke ngwobe, 'Na mangwethzi mu kalya thitu, na mutondo mukakuta na makende. Cho mukathzibuka ngweni yange Shukulu Njambi yeni."'¹³Cha sholokele namangwethzi makokwa bethzile na kushulitha chilombo. Muthimbu ya mutondo mume wakele athi ya chilombo choshe. ¹⁴Omu mume womine, aje akamwa ya mambo akele bimo bya kulifwa ngwe bithsethsi byafwile ngwe mema ana kondela athi. ¹⁵Banu ba Isalela muba bimwene, bendekele kuli umo na mukwabo ngwabo, "Bikajo ebi?" Ku bathzibukile ngwe byapwile bika. Mosesa wendekele kuli bakebo ngwendi, "Eli likelyo likende lya na myana Njambi mulye.¹⁶Echi chikecho kubambeya Njambi na myana: 'Mwatela kwambata, umo na umo weni, bwingi bwa ashaka kulya, malita abali a munu na munu kwetheketha na bwingi bwa banu bendi. Omu mukemwo mu bikungulwila: Kungululeni kulya cha kwetelamo cha munu woshe uje wayoyela mu tende yobe."' ¹⁷Banu ba Isalela balingile ngocho bene. Bamo bambatele bya bingi, bamo bambatele bya bindondo. ¹⁸Omu muba byethekele ha chetheko cha malita abali, baje bambatele bya bingi kukwethi bya thaleleo, cho nabaje bambatele bya bindondo kuba jenekele. Munu woshe wambatele bya kupwithamo kwetheketha na kulya chabo.¹⁹Cho Mosesa wendekele kuli bakebo, "Na umo wai natela kuthethzako bimo kweta na mutondo." ²⁰Nambe ngocho, kuba tolililile Mosesa. Bamo babo bathethzeleko bimo kweta na mutondo, oloni byakele na mainyo cho byabolele na kunika. Cho Mosesa waba lubalelele. ²¹Bakele na ku chambata mutondo na mutondo. Munu woshe wakele na kwambata binapumo bya kulya a litangwa limo. Omu kwa shalukile, bya yengunukile.²²Cha sholokele a litangwa lya muchitanu na limo ba kungulwile kakende a matangwa abali, malita abali a munu na munu. Bakulunu ba mbunga boshe bethzile na kubileka Mosesa. ²³Wendekele kuli bakebo ngwendi, "Ebi bikebyo bya nendeka Njambi: 'Imene litangwa lya kuhwima, Sapalalo ya kuthzila ya bulemu bwa Njambi. Ocheni bimushaka kwocha, nakuteleka bimushaka kuteleka. Byoshe bije bithalao, byakelenibyo ku mukulo ku keta na mutondo."'²⁴Cho ba bitulikile kweta na mutondo, ngwe omu mwabashikile Mosesa. Cho kubyabolele nambe kukala na mabuno. ²⁵Mosesa wendekele ngwendi, "Lyeni ebi byakulya lelo, mwafwa lelo linapu litangwa lya kuhwima lya Sapalalo kulemetha Njambi. Cho lelo ku mukachiwana kulya lalo anja.²⁶Muka kungulula mu matangwa a tanu na limo, oloni lya mu chitanu na abali likapwa Sapalalo. A Sapalalo kukukakala maana." ²⁷Cha sholokele a litangwa lya muchitanu na abali banu bamo baile na kukunguluka maana, oloni kubawanene nambe imo.²⁸Athinoni Njambi wendekele kuli Mosesa, "Thimbu yakupwa ali imu byana kunyunga mashiko ange? ²⁹Kenga, Njambi na myana Sapalalo. Cho a litangwa lya muchitanu na limo ali na kumyana makende a matangwa abali. Umo na umo weni napande ku tumama aje akakala; kethi kukale umo atunda a jubo yendi a litangwa lya mu chitanu na abali." ³⁰Cho banu ba wimine a litangwa lya muchitanu na abali.³¹Banu ba Isalela ba tumbwile bije bya kulya "maana." Byapwile ngwe binona bya kutoka bya konanda, bya kutobala ngwe likende lya kupanga na buki. ³²Mosesa wendekele ngwendi, "Echi chikecho cha mikambeyeye Njambi: 'Echeni mutumbikeko amo malita abali a maana a mukulo aje ana pande kukalako a bithimbu byoshe bya bikola bya banu boshe mangana bithemunwino byeni bikathe kumona likende lije linja milithile mumambo, anima yaku mitunditha mu lifuti lya Ingita."'³³Mosesa wendekele kuli Aloni ngwendi, "Ambata ndeho cho wakemo ma lita abali a maana. Inyungile ku mesho a Njambi kuinyungila bikota bya banu bithimbu byoshe." ³⁴Nge omu Njambi mwa kambeyeye Mosesa, Aloni wa itumbikile kuyei na chikumiyo muli bikambeyo na mashiko chakele mu chikasha. ³⁵Banu ba Isalela balile maana myaka makumi awana no betele mu lifuti lije libathele kulalamo. Balile maana no betele ku binginga bya lifuti lya Kanana. ³⁶Omu ma lita abali apwa cha bu likumi cha efai.

¹Cho ndandanga yoshe yaba Isalela bendele bungethzi kutunda mumambo ya bubi, kukabangeya kukambeya cha Njambi. Bethzile nakutunbama ku Lifindimu, oloni kukwakele mema akunwa banu. ²Cho banu banene mulonga Mosesa hakukala chabo nakwendeka ngwabo, "Twane mema tunwe." Mosesa wendekele ngwendi, "Bikajo muthzungila nange? Bika bimwethekela Njambi?" ³Banu bakele nalihwila manene, cho bayayabalele hali Mosesa. Bendekele ngwabo, "Bikajo watunenela kuno kutunda mu Ingitu? Kwija nakututhsiya na lkihwila hamo na bana betu na bimuna byetu?"⁴Cho Mosesa walilile kuli Njambi ngwendi, "Njilinga bati naba banu? Bnalibwahethalaja kunjasha mamanya." ⁵Cho Njambi wendekele kuli Mosesa ngwendi, "Libange kulutwe wa banu, wambateko nabakulunu baba Isalela. Ambata na mbweti ije wapupile ha ndonda, muye. ⁶Cho njikemana kumesho obe kuje ku limanya lyaku Horebu, cho ukapupa kulimanya. Mema akatuhuka kutunda mulikelyo cho banu bakanwe." Cho Mosesa walingile echi mumesho abakulunu baba Isalela. ⁷Wathanene chije chela ngwendi Masa na Melimba hamulonga wa kuyayabala chaba Isalela, cho lalo mwafwa bethekele Njambi ali hamo netu ndi kwahi?"⁸Cho mashwalale babanu baba Amaleki bethzile nakulwitha Isalela kuje ku Lifindimu. ⁹Cho Mosesa wendekele kuli Yoshiwa ngwendi, "Angulaho banalume bamo mangana mutunde hano. Mulwe naba Amaleki. Imene njikemana helu ya lilunda na mbweti ya Njambi muliboko lyange." ¹⁰Cho Yoshiwa walwile naba Amaleki ngwe omu akambeyeye Mosesa, thimbu Mosesa, Aloni, na Ha bakandukile helu ya lilundu.¹¹Hathimbu olwele maboko endi Mosesa helu, Isalela bathele kuhyana; omu welwithile maboko endi hathi nakuhwima, Amaleki waputukile kuhyana. ¹²Omu alemene maboko a Mosesa, Aloni na Ha bambatele limanya nakwaka mwithi yamaboko endi mangana stumbameho. Hathimbu imo lika, Aloni na Ha bajundwile maboko endi helu, munu umo kuthambweleli, namukwabo kuthambwela ikwabo. Cho maboko a Mosesa bawemikile shwi nomu lithathe lyayile hathi. ¹³Cho Yoshiwa wahyanene banu ba Amaleki na mukwale.¹⁴Njambi wendekele kuli Mosesa ngwendi, "Thona ebi mulibulu nakubitanda ha mulonga wa Yoshiwa, mwafwa njikatunditha bithinganyeka bya Amaleki mwithi ya melu." ¹⁵Cho Mosesa watungile mutula nakuuthana ngwendi "Njambi ikeye chimuwetho change." ¹⁶Wendekele ngwendi, "Mwafwa liboko balijundwilile ku litanda lya Njambi--mangana Njambi akalwithe nthzita kuli Amaleki kutunda ku chikota kuya ku chikota."

¹Cho Yetolo, mulongethi wa ba Mindiya, ishe -mweno ya Mosesa, wathzibile byoshe ebi Njambi walingilile Mosesa na banu bendi baka Isalela. Wathzibile ngwabo Njambi watuhwile ba Isalela kutunda mu Ingitu. ²Yetolo, ishe mweno wa Mosesa, wambatele Zipora, munakathzi wa Mosesa, hanima ya kumutuma kwimbo, ³nabana bendi babali babanalume; munendi umo lithzina lyendi ikeye Ngeshomu, mwafwa Mosesa wendekele ngwendi, "Njinakele ngethzi mu libu lya bungethzi." ⁴Lithzina lya uje mukwabo lyakele Eliyaza, mwafwa Mosesa wendekele ngwendi, " Njambi wa bakulu bange nakele mukwathi wange. Wanjiyobwele ku mukwale wa Falo."⁶Yetolo, ishe - mweno wa Mosesa, wethzile na bana ba Mosesa hamo na munakathzi wendi kuli Mosesa mu mambo omu akele na kutumbama ku munkinda wa Njambi. ⁵Wendekele kuli Mosesa, ngwendi," Yange isho - mweno Yetolo, njinakwija kuli yobe na munakathzi wobe hamo na bana bendi babali babanalume."⁷Cho Mosesa wabasheshele akaliwane naba ishe - mweno, wakulamenene hathi, na kumuthsemba. Balihwile umo na mukwabo ha buyoye bwabo cho bakobelele mu tente. ⁸Mosesa walekele ba ishe - mweno byuma byoshe ebi Njambi alingile kuli Falo na baka Ingitu ha mulonga wabaka Isalela, naha mabukalu oshe ethzile kuli bakebo mu bungethzi bwabo, nomu Njambi aba kwathele.⁹Yetolo wa bwahelelele ha bubwa bwoshe alingile Njambi kuli ba Isalela, omu bene wabayobwele kutunda ku maboko abaka Ingitu. ¹⁰Yetolo wendekele ngwendi, " Njambi akale wa wakulemethewa, mwafwa nakuyobola kutunda mu maboko abaka Ingitu na maboko a Falo, nakuthzitula banu kutunda mu ma boko abaka Ingitu. ¹¹Choni njinathzibuka ngwange Njambi wahyana tulunga twoshe, mwafwa omu baka Ingitu bayandethele baka Isalela Njambi wayobwele banu bendi."¹²Yetolo, ishe - mweno wa Mosesa, wanenele bwana bwa kwenyeka na milambu ya kwana kuli Njambi, Alone na bakulunu boshe baba Isalela bethzile na kulya kumesho a Njambi hamo lika na ishe - mweno wa Mosesa.¹³Halikaki Mosesa wa tumbamene na kuthompetha banu, Cho banu bemanene na kumuthzenguluka kuputuka chimene kweta mangwethzi. ¹⁴Cho omu ishe - mweno wa Mosesa wamwene byoshe bije alingile ku banu, wendekele ngwendi, " Bikajo ebi uli nakulinga na banu? Mwafwa bika utumbama likalyobe cho banu boshe banemana kukuthzenguluka kutunda chimene kweta chingwethzi?"¹⁵Mosesa wendekele kuli ba ishe - mweno ngwendi, "Banu bakaija kuli yange nakwihula kutwamenena cha Njambi. ¹⁶Omu bakala na ching'anda, bakaya kuli yange. Njikabatula mukati ka munu umo na mukwabo, na kubalongetha bingila na mashiko a Njambi."¹⁷Ishe - mweno wa Mosesa wendekele kuli ikeye ngwendi, "Ebi uli nakulinga kubya bwahele manene. ¹⁸Mubuthunga muli na kulijukitha yeni babenya, yobe hamo na banu uli nabo. Echi chitele chamilemena manene. Kumwatha kuchilinga likalyeni lika. ¹⁹Tolilila kuli yange. Njikwana bukwathi, cho Njambi akala nobe, mwafwa yobe unemanenako banu kuli Njambi, cho ukanene kulipika chabo kuli ikeye. ²⁰Watela kubalongetha bingila na mashiko endi. Watela kubaleketha ngila ya kwendelamo na bipangi bya kupanga.²¹Kutwalelelaho, watela kwangula banalume bakutela kutunda mu banu boshe, banalume bakalemetha Njambi, banalume ba buthunga aba bathzinda makuli lalo. Watela kabaka butale banu, bakale bakutwamenena makulukathzi, chita, makumi atanu, cho na makumi abanu. ²²Bakathompetha banu mu milonga yoshe yaha litangwa, oloni bije bing'anda bya bikalu bakanena kuli yobe. Mu bing'anda byoshe bya bindondo, bakabatula bakebo mukati kabo. Mungiloyo chikakala chachathi kuli yobe, cho ba kalyambatetha chitele nobe. ²³Oshe nga ulinga ngechi, na Njambi oshe akukambeya kulinga ngocho, cho ukatha kutwalelela, cho na banu boshe bakeluka kwimbo bana bwahelela,"²⁴Cho Mosesa wathzibile majwi aba ishe - mweno nakulinga byoshe bije bendekele. ²⁵Mosesa wangwile banalume bakutela muli ba Isalela boshe na kubapwitha mitwe hali banu, bantwama hali makulukathzi, bita, makumi atanu, na makumi. ²⁶Bathompethele banu mu bingila bya kutela. Milonga yaikalu banenele kuli Mosesa, oloni babenya ba batwile bing'anda bya bindondo byoshe. ²⁷Cho Mosesa wechele ishe - mweno kuya, cho Yetolo welukile mu lifuti lyendi.

¹"Choni awa akewo mashiko awa watele kwaka kumesho abo:²'Oshe nga ulanga ngamba wachi Hebelu, atela kupanga ha myaka itatu naumo, cho wamuchitanu naibali ukamwechela kuya chakweneka kumufweta nambe chimo. ³Oshe ngwe walithzilile babenya, atela kuya mukapatuka babenya; oshe nga washombola, cho munakathzi wendi napatuka kuya nendi. ⁴Oshe nga shukwaina wamwanene nambe babanakathzi, uje munakathzi nabana bendi bakathala ba shukwaina, cho atela kuya likalyendi.⁵Oloni nga uje ngamba endeka hakujela ngwendi, "Njathzema shukwanana, munakathzi wange, nabana bange; Kunjiyi mukupatuka," ⁶Cho shukwaina atela kumunena kuli Njambi. Uje shukwaina atela kumunena kuchikolo nambe kuchipamba cha chikolo, cho shukwaina akamutuba ku litwi na chikubo chakutubilako. Cho uje ngamba akamupangela myaka yoshe.⁷Oshe nga munu alandetha munendi wamunakathzi kukala ngamba, katela kuya wakupatuka ngwe omu munalume aya. ⁸Oshe nga kashulweithile shukwaina, ou na mwambata laja kukala wendi, cho atela kumwechela bakamwilwithe. Kethi na moko ya kumulandetha ku banu beka babungethzi. Kethi nayo moko ino, hakupwa wamupangethele mungila yakumushaula.⁹Nga shukwaina amwambata kukala munakathzi wa munendi, atela kumwambata mungila imolika ngwe munendi. ¹⁰Oshe ambata munakathzi weka kukala wendi, katele kumukehethela kulya chindi, buthzalo, nambe moko ya bulo bwendi. ¹¹Oloni nga kathele kumwana ebi byuma bitatu, cho atela kuya wakupatuka chakwilika kufwetako mbongo mambe imo.¹²Woshe ou akapupa munu mangana athse, owo munu chili bene atela kuthsa naikeye. ¹³Oshe owo munu kachilingilile mukushaka, oloni mukukathumuka lika, cho njikaka chela oku atela kutewela. ¹⁴Oshe nga munu mukushaka chendi alukuka mukwabo nakumuthsiya kwetheka na kunyanyama chendi, cho mwatela kumwambata, nambe nga ali kumutula wa Njambi, mangana athse.¹⁵Woshe owo akapupa ishe nambe una buthunga bene batela kumuthsiya. ¹⁶Woshe owo akeba munu--chikale nakumulandetha nambe owo munu bamuwana nendi mumaboko--owo lingwangwa bakamuthsiye akathse. ¹⁷Woshe owo akathinga ishe nambe ina mwabuthunga bene atela kumuthsiya.¹⁸Oshe banu banakulipupa cho umo apupa mukwabo nalimanya nambe na n'ome, cho uje munu kuthsa kwahi, oloni owo munu bamwaka mumwela; ¹⁹cho nga enduka nakwenda kupangetha mbweti yendi, uje namupupile atela kufweta hathimbu ije nathzimbaletha; afwete lalo na mukulikangula chendi mukushula. Oloni owo munu kethi namulonga wakuthsiya.²⁰Oshe nga munu apupa ngamba yendi wa munalume nambe wamunakathzi na mbweti, cho oshe uje ngamba athsa ha mulonga wa n'ome, cho owo munu bakamuthzangamethe. ²¹Ngochongocho, oshe uje ngamba akala namwonyo ha litangwa imo nambe abali, uje shukwaina kethi bakamuthzangamethe, mwafwa nayanda laja hamulonga wa ngamba yendi.²²Oshe banalume banakulipupa cho bababalethsa munakathzi wa limo chinenetha kupulumwitha, oloni kukwethi mbandu yeka yahi hali ikeye, cho uje mukamulonga batela kumufwetetha ngwe omu ashakele munalume wendi kutunda kuli ikeye, cho atela kufweta ngwe mu banachimwena baka kuthompetha. ²³Oloni nga kuli kubetwa chakama, cho mwatela kwana mwonyo ku mwonyo, ²⁴lisho ku lisho, liyo ku liyo, liboko ku liboko, mwanja ku mwanja, ²⁵kwenyeka ku kwenyeka, mbandu ku mbandu, nambe chintunyu ku chintunyu.²⁶Oshe nga munu apupa ha lisho lya ngamba yendi wamunalume nambe wamunakathzi na kulinyongetha, cho atela kwecha ngamba yendi kupatuka mukumukuka ha lisho lyendi. ²⁷Oshe apukula lisho lya ngamba yendi wamunalume nambe wa munakathzi, atela kwechela ngamba yendi aye mukupatuka kukala fweto ya liyo lyendi.²⁸Oshe ngombe asha munu wa munalume nambe wamunakathzi na kuthsa, uje ngombe buthunga bene batela kumwasha mamanya, cho thutu yendi kubatela kuilya; oloni uje ibenya ngombe batela kumwechela chakwilika mulonga. ²⁹Oloni oshe uje ngombe akala na muteto wa kwasha asha banu nakunima, cho naibenya ngombe bamulekele oloni kumunyungila mukati kwahi, cho uje ngombe nathsiyi munu wamunalume nambe wa munakathzi, uje ngombe batela kumwasha mamanya, naibenya lalo batela kumuthsiya. ³⁰Oshe fweto ishakewa ha mwonyo wendi, atela kufweta byoshe abyo bamuleka kufweta.³¹Oshe uje ngombe nasha muna munu wa munalume nambe wa munakathzi, uje ibenya atela kulinga ngwe omu lishiko limuleka kulinga. ³²Oshe uje ngombe asha ngamba wa munalume nambe wamunakathzi, uje ibenya ngombe atela kufweta makumi atatu amashekele a siliva, cho nangombe batela kumwasha mamanya.³³Oshe munu wamunalume ashokolola bwina, nambe enda bwina na kubwofwela kwahi, cho ngombe nambe chimbulu awilamo, ³⁴ibenya bwina atela kufwetela chije kuthzmbaletha. Atela kwana bimbongo kuli ibenya chimuna wa kuthsa, cho uje chimuna wakuthsa akala wendi.³⁵Oshe ngombe wa munu abulumuna ngombe wa mukwabo cho athsa, cho batela kulandetha ngombe wa mwonyo nakulipangela uje ndando yendi, cho lalo balipangele uje ngombe wakuthsa. ³⁶Oloni oshe ngwe bathzibuka ngwe uje ngombe akala na muteto na laja, cho naibenya kanyungilile uje ngombe mju mulaka, atela kufweta ngombe ku ngombe, cho uje ngombe wakuthsa akala wendi.

¹Ngwe munu aiba ngombe nambe manga cho amuthsiya nambe amulandetha, cho ikeye napande kufweta bangombe batanu a ngombe umo, cho na bimanga bawana a manga umo. ²Ngwe mwithi ba muwana a kobela munjubo, cho oshe bamupupa ngechi athse, uje na muthsiyi kethi namulonga wa monde embwe. ³Oloni ngwe litangwa linaki laja thimbu kanda a kobele munjubo yambala, mulonga wa monde bakawana kuli uje na muthsiyi. Uje mwithi napande kufwetela bije nebi. Ngwe kethi nebi bya kufwetako, cho bapande kumulandetha mwafwa wa bwithi bwendi. ⁴Cho ngwe uje chimuna webile bamuwana achili na mwonyo kuli ikeye nambe apwe ngombe, chimulu, nambe manga, napande kufweta bimuna babali.⁵Ngwe munu alithila bimuna bendi muliya nambe muliya lya bushuka cho a hona kunyunga bimuna byendi, ngechi bakalya muliya lya mukwabo, napande kufwetela bimbuto byoshe byabibwa bya muliya lyendi nameme bushuka bwendi bwabubwa.⁶Oshe ngwe tuhya twepuka naku shambukila ku mila nambe ku mingonga ngechi ije tiliku ya kuteja laja nameme ije ichili muliya nambe liya lyoshe lyenya, cho uje nashangumukile kwenyeka tuhya napande kufweta bije byuma byoshe binenye.⁷Oshe munu atabela kutulika bimbongo nambe bufuko bwa mukwabo, ngwe buje bufuko nanene bije bimbongo babibila munjubo yauje munu, cho ngwe uje mwithi ba muwana, uje mwithi napande kufweta kabali. ⁸Oloni ngwe uje mwithi kubamuwanene, cho uje ibenya njubo napande kusholokela kuli baje baka kuthompetha ngechi bakawane ngwe nakwata liboko lyendi haje ha bufuko bwa mukwabo. ⁹Mwafwa mulonga woshe, nambe wangombe, nambe chimulu, nambe manga, nambe buthalo, nambe chuma choshe ocho balikanangana ngwabo, "Echi chuma change," cho boshe babatwale kuli baka kuthompetha. Uje munu bakawana na mulonga napande kufweta mukwabo lubali.¹⁰Oshe ngwe munu ana mukwabo chimulu, ngombe, manga, nameme chimuna choshe kunyunga, cho ngwe athsa nambe kubulumuka, nambe kumwambata kuli umo chakujeneka kumumona kuli munu, ¹¹cho boshe bapande ku lithinga kuli Njambi, chakusholola ngwabo naumo wai nakwataho liboko lyendi ha bufuko bwa mukwabo. Ibenya napande ku tenekeya echi, cho namukwabo kapandele kwakaho chakumufwetela. ¹²Oloni ngwe ba bibilile kuli ikeye, uje mukwabo napande kufwetela uje bamukwatele ku chikashama. ¹³Choni ngwe bamukwatele ku chikashama, uje munu napande kunena uje chimuna kumwetha bukaleho. Cho kapandele kufwetela uje chimuna bathsile.¹⁴Oshe ngwe munu akumwana chimuna cha mukwabo cho uje chimuna a betwa nambe kuthsa chakujeneka ibenya kupwa nendi, buthunga bene uje mukwabo napande kumufweta. ¹⁵Oloni ngwe uje ibenya chimuna wakele nendi, uje munu mukwabo kapandele kumufweta embwe; oloni ngwe uje chimuna bamukumwine, bapande kumufweta naije fweto yaku mukumuna.¹⁶Oshe ngwe munalume akokweya mumbanda uje kanda bendekeye, cho alimona nendi, napande kumushombola na kufweta matemo anapumo mu kumwambata. ¹⁷Cho ngwe ishe abyana kumu shombwetha kuli ikeye, napande kufweta bimbongo binapwitha mu matemo a myali.¹⁸Kethi mukatabele mulothzi wa munakathzi kuyoya. ¹⁹Munu woshe uje akalala na kathitu banapande kumuthsiya.²⁰Woshe owo akakombelela kukanjambi keka kutubakana yange Njambi yeni banapande ku muthsiya. ²¹Kethi mupakethe nambe muka yandethe muka kwija embwe, mwafwa neni lalo mwapwile baka kwija muje mulifuti lya Engipito.²²Kethi muyandethe fwile nambe muna thiwa. ²³Ngwe yeni mukachilinga, cho ngwe bakachililila kumesho ange, cho buthinga bene njika thiba kuthana kwabo. ²⁴Cho njikathiba manene matoto, naku minthsiya na mukwale; banakathzi beni bakapwa bafwile, cho lalo bana beni bakapwa bithiwa.²⁵Chongwe ukongwetha bimbongo kubanu bange bamo bakuutwa, kethi mulinge ngwe baje bakakukongwetha ba shakaho ka kwendetho. ²⁶Ngwe wambata buthzalo bwa mukweni kupwa chishimbikiya, cho mwilwithilesho thimbu kanda litangwa litoke, ²⁷mwafwa bukebo muthzalo bwendi bwakalifwiki; bunapu buthzalo bwa hamubila bwendi. Indi bika lalo alifwika? Omwo mwatambekela kuli yange, cho njikamuthiba, mwafwa yange njimuka mema kumbunge.²⁸Kethi mwendeke mwamubi hali yange, Njambi, cho lalo kethi muthinge ntwama wa banu beni.²⁹Kethi mwishwale kulambula byakulya byeni nambe binyu byeni. Mwapande kunjana batwatwa babana beni babanalume. ³⁰Munapande kulinga chimolika naku bangombe naku bamanga beni. Cho amatangwa atanu na abali bakale nabainabo, olojo halitangwa lya muchitanu nawatatu munapande ku njanabo. ³¹Yeni mukapwa mubanu bange ba kujela baku limanena. Cho kumwapandele kulya nthitu ije bana nthsile kuli bakwabo tuthitu muje mushwata. Ngechi, munapande kuyana kuli tutali.

¹Linga mbalaka na mabamba likumi bya linyu ya ibwa bya kwosha na ulu ya bwithi-bwithi, na ya kubenguluka, na yakubenga bishobe na butongwe na bifwa bya bakelumbi ba mambaba. Ebi bikapwa bipangi bya baje bathzibuka manene bipangi. ²Bulaja bwa libamba na libamba bupwe ma kyubiti makumi abali na atanu na atatu, na ma kyubiti awana mu bwihi. Mabamba oshe a pwe mumo. ³Cho mabamba atanu anungileni hamo, nawa akwabo mabamba atanu anungileni na akewo hamolika.⁴Chotonga bikongo bya nanga ya bwiti-bwithi ku mukundwilo wa anja ya libamba limo. Mungila imo lika, linga chuma chimo kumundwilo wa anja ya libamba lya muchibali. ⁵Tonga bikongo makumi atanu a mukundwilo wa libamba lyakulibanga, cho na bikongo makumi atanu ku mukundwilo wa libamba lya muchibali. Lingeni ngocho bene linga bikongo bilitombole. ⁶Cho fula bikwatetho makumi atanu bya ngolinde bya kunungilitha mabamba hamo ngechi ipwe mbalaka ya kulinunga.⁷Cho linga mabamba a kutonga na maka a bimembe a tente ya kufwika akamwa ya mbalaka. Linga mabamba likumi naimo. ⁸Cho bulaja bwa libamba na libamba bupwe ma kyubiti makumi atatu, nama kyubili awana mu bwihi. Mabamba oshe likumi na imo anapande kupwa mumo. ⁹Cho mabamba oshe atanu atongele amolika cho nawa lalo atanu naimo atongele amolika. Cho etekela mubali libamba lya muchitanu naimo a kamwa ku lutwe ya tente.¹⁰Cho tonga bikongo makumi atanu ku mutundwilo wa libamba limo, na bikongo makumi atanu ku mukundwilo wa libamba likwabo lya muchibali. ¹¹Cho fula bikwatetho bya bunengu kakumi atanu bishilwithe mu bikongo. Cho kumbathana amo tente linga ipwe imo.¹²Mbathzubwila yalije libamba lina thalaho, echi, lya kujengela linathala kulibamba lya tente, lijenjele kunima ya mbalaka. ¹³Kukale kyubiti imo ya libamba kushongo imo, na kyubiti imo ya libamba kushongo ikwabo--akajenjele kubathambwela a tabanakele limo ku thambweli likwabo kuthambwa ikwabo, mukuyifwika. ¹⁴Chotongela kumbalaka cha kufwika cha nkomba yamanga ya kulomba na mushumbelo wa kubenga, chikwabo nawa cha chilambu chachibwa cha kufwika akanwa.¹⁵Cho shonga bibuliko bya mbalaka bya ku shungama bya mabaya a mungongo. ¹⁶Chibuliko chimo na chimo chipwe ma kyubiti bikumi mubulaja, cho mubwihi chipwe kyubiti imo na mbathzubwila. ¹⁷Cho kuchibuliko na chibuliko kukale bi thinthzo bibali ngechi byathe kunungila bibuliko hamo. Byoshe bibuliko bya mbalaka munapande kubilionga mungila imo. ¹⁸Cho omo ushonga bibuliko bya mbalaka, shonga bibuliko makumi a bali bya kumutambela wa mu shango.¹⁹Fula masanda a siliba makumi a wana akale mwithi ya bikuliko makumi abali. Kikale masanda abali kwithi ya chibuliko cha kulibanga bipwe bya kukwatetha bije bya kushongomoka bibali, na akwabo nawa masanda abali kwithi ya bibuliko bikwabo bipwe bya kukwatetha bije bya kushongomoka bibali. ²⁰Kumutambela wamuchibali wa mbalaka, ku kunto yawo, shonga bibuliko makumi abali ²¹namasanda a siliba makumi awana. Kukale masanda abali kwithi ya chibuliko cha kulibanga, masanda a bali nawa akale kwithi ya chibuliko chikwabo, nakutwalelelaho.²²Cho anima ya mbalaka mukangombe ka yambi, shongelao bibuliko batanu na chimo. ²³Cho shonga bibuliko bibali bikale munima ya bimbango bya mbalaka. ²⁴Ebi bibuliko bilyandunune kwithi, oloje babi nungakane kwilu ku mukata umo. Na bibuliko bili kunima ya bimbango ba bilinge mungila ei bene. ²⁵Ngechi bene kukale bibuliko bitanu na bitatu, na masanda abyo a siliba. Oshe akale masanda likumi na atanu na limo, masanda abali kwithi ya chibuliko cha kulibanga, masanda abali nwa akale kwithi ya chibuliko chikwabo, naku twalelelaho.²⁶Cho lalo shonga mabalo a mabaya a mungongo--atanu a bibuliko kumutambela umo wa mbalaka. ²⁷Cho mabalo atanu a bibuliko kumutambela ukwabo wa mbalaka, cho atanu kubibuliko bya kunima ya mbalaka mu kangombe ka yambi. ²⁸Cho libalo lya mukati ka bibuliko, ebi bene, kwimana mbathzubwilo, lika kingabale kutunda kushongo imo na kweta kushongo ikwabo.²⁹Cho fwika bibuliko na ngolinde. Na kubikuta na mukata wa ngolinde, linga a kolethe mabalo, cho akeo lalo mu fwike na ngolinde. ³⁰Cho imika mbalaka ngwe kubutumbe bije baku mwethele a munkinda.³¹Cho tonga libamba lya nanga yaibwa ya linyu yakwosha na ulu, ya bwithi-bwithi, ya ku benguluka, na yakubenga, ya kushelathana na chifwa cha bakelumbi ba mambaba, bipangi bya baje ba thzibuka. ³²Cho lishukike a bimanda biwana bya mabaya amungongo bya ku fwika na ngolinde, ebi bi ngunthzi bimane a masanda awana a siliba. ³³Cho shukika libamba mwithi ya bikwatetho kubimanda, cho nena bwato bwa chikumiiyo. Ngechi libamba likaangunune mwela wakujela kutunda kumwela wa kujela manene.³⁴Munapande kufwika chije chifwiko cha mema kumbunge ali chije chikatha cha buthunga, chije chakala muje mwa kuthzila manene. Cho aka mesa hanja ya libamba. ³⁵Cho aka chitumbikilo cha bindeya kumutambela wa mushongo ya mbalaka. Mesa ikale ku kunto.³⁶Kuje kuchikolo cha tende tongelako libamba. Lipwe lya bwithi-bwithi, naku benguluka, na kubenga ya kushobeya na bwanda bwa kushelathana, bipangi bya muka kutunga. ³⁷Kuje kwaku shukika, shonga bimanda bitanu bya mabaya a mungongo ubi fwike na ngolinde. Bikwatetho byabyo bipwe bya ngolinde, cho binapande kwimana a masanda atanu a bunengu.

¹Shonga mutula na mabaya a mungongo, una pande kupwa ma kyubiti atanu mubulaja nama kyubiti atanu mu bwihi. Mutula upwe sikweya na ma kyubiti atatu mubulaja. ²Cho shongoleniko ku bimbango biwana bya kupwa ngwe mambinga a ngombe. Mambinga apwe chuma chimo na mutula, cho mubithate na bunengu..³Fula byuma byakupangetha mutula; bindeho bya kukundwila lito, na bifwosholo, na malonga, na binguto bya thitu, na mapanda akwambatela tuhya. Byoshe ebi bya kupangetha bipwe bya kufula na bunengu. ⁴Fula mushele waha mutula, wa bunengu bwaku Shelahama. Fula kathzeya ka bunengu ha bimbango byoshe biwana bya mushele.⁵Cho aka mushele mwithi ya libalo lya mutula, ngechi uthikithile ha kati. ⁶Cho shonga bithini bya ha mutula, bithini bya mabaya a mungongo, cho uithate na bunengu.⁷Kobeletha bithini ha mikata, bithini bina pande kupwa ku mitambela ibali ya mutula, omwo ba wa mbata. ⁸Shonga mutula uka thethza mako mukati, wa kulinga na mabaya. Ulinge ngechi muje muba kumwethele ha munkinda.⁹Tunga chipango cha mbalaka. Chapande kupwa na mabamba ku mutambela wa mumbwela ya chipango, mabamba a linyu yaibwa yakushelathana mwa mubwa apwe ma kyubiti likulukathzi mu ulaja. ¹⁰Mabamba apwe na bimanda makumi abali, na masanda makumi abali a bunengu, Akale na bikwatetho bya kunungila ku masanda, na mabalo a kufula na siliba.¹¹Mungila imo lika, kumutambela wa ku kunto, kuna mpande kupwa mabamba a kupwa ma kyubiti likulakathzi mu bulaja na bimanda makumi abali, masanda makumi abali a bunengu,bikwatelo bya kunungila ku masanda, na mabalo a kufula na siliba. ¹²Cho ku mutambela wa mu kangombe ka yambi ka chipango kukale mabamba ma kyubiti makumi atanu mu bulaja. Kukale bimanda likumi na masanda lalo likumi. ¹³Chipango lalo chipwe ma kyubiti makumi atanu mu bulaja ku mutambela wa mu ngangela.¹⁴Cho ku mutambela umo wa chikolo kukale libamba lya ma kyubiti atanu mu bulaja. Bipwe na bimanda bitatu na masanda atatu. ¹⁵Cho ku mutambela ukwabo kukale mambamba a kweta ma kyubiti likumi na atanu mu bulaja. Bipwe na bimanda bitatu na masanda atatu. ¹⁶Ku chikolo cha chipango kukale libamba lya mamita a mu bulaja. Likamba lipwe lya bwithi - bwithi, na kubenguluka, na kubenga lyaku shobeya naku shelathana, bipangi bya mukakutonga na binanga bya bibwa bya linyu. Cho chikale na bimanda bi wana na masanda awana.¹⁷Bimanda byoshe bya chipango bi kakale na mabalo a siliba, bikwatetho byabo bipwe bya kufula na siliba, na masanda a bunengu. ¹⁸Cho chipango chikapwe ma kyubiti likulakathzi mu bulaja, mu mwihi ma kyubiti makumi atanu na mukuloba ma kyubiti atanu cho mabamba apwe a kutonga na binanga bya bibwa bya linyu, na masanda a bunengu. ¹⁹Byoshe bibala bya kupangetha mu mbalaka, na bipampalango byoshe bya mbalaka na bya chipango bipwe bya kufula na bunengu.²⁰Kambeya banu ba Isalela banene mathzi a olive, amabwa a kushoma mu ng'unju, amu bindeya ngechi byathe kushukuma thimbu yoshe. ²¹Muje mu tente ya kuliwanena, hanja ya libamba lije lili ku lutwe lwa mbalaka muje mwakala chikatha cha chikumiiyo, Alone ba bana bendi bakebo baka shukumitha bindeya ku mesho a Njambi, kutunda mangwethzi na kweta ku mutondo. Cho ba Isalela na chikota chabo baka nyunga kushika oku.

¹Cho Njambi wendekele kuli Mosesa ngwendi, ²"Kenga, njina thana lithzina lya Mbezalele muna Uli muna Hule, wa kumuyati wa Yunda.³Njina mushulitha na munthzinthzime wange Mbezalele, njina mwana mana, ku mizibithitha, na kunanguka, ha bipangi byoshe bya bulongwe, ⁴ku linga butumbe bwa butongwe bwa kushoba na kushobathana na kubi pangetha na ngolinde, siliba, na bunengu; ⁵na kulamothzola mamanya mabaya - na kulinga bipangi byoshe bya butongwe.⁶Kwakelako kuli ikeye, njinangula Oholyabe muna Ahisamake, wa kumuyati wa Ndani. Njinaka kunangula mubi mbunge bya boshe baka mana linga bakalinga byoshe bije bi njina mikambeya. Ebi bya kufwa ⁷ngwe tende mwa kuli wanena, na bwato bwa chikumiiyo, na chifwiko cha ku tengulula cha ha bwato na bitala byoshe bya mu mbalaka - na ⁸mesa na bibala byabo, na chilumikilo cha bindeya cha kujela na bibala byacho byoshe, na mutula wa kweyekela bya bweko, ⁹na mutula wa milambu ya kwenyeka na bibala byabo byoshe, na mbashiya ya kama na lisanda lyalyo.¹⁰Kwakelaho lalo na buthzalo bwaubwa bwa kutonga bwino - bithzalo bwa kuthzila bwa bwa Alone muka kukombelela na bakwabo bana bendi, banji tulikilile linga ba pange bipangi bya kukombelela. ¹¹Kwakelaho lalo na mathzi a kubwabetha na insense yaku mwela wa ku thzila. Aba baka kupanga bana pande kupanga byuma byoshe ebi ngwe omu munjina mishiki."¹²Cho Njambi wendekele na Mosesa ngwendi, ¹³"Leka baka Isalela; "Mukemo bene muna pande ku nyunga matangwa a Njambi a Sapalalo, mwafwa akapwa chimwetho hakati kendi neni kubi themwa bya banu beni byoshe ba kulutwe linga muthzubuke ngweni ikeye Njambi, ou wa myangula linga mupwe bendi. ¹⁴Ngechibene munapande ku nyunga Sapalalo, muna pande kuya mbata ngweni litangwa lya kuthzila, lya kutumbikila ikeye. Cho woshe uje kalinyungu chili bene napande kutsa. Woshe uje a panga halitangwa lya Sapalalo, mwachili bene uje munu bana pande kumufumitha ku banu bendi. ¹⁵Mukapanga bipangi byeni matangwa atanu na limo, oloni litangwa lya muchitanu na abali linapande kupwa Sapalalo ya kuhwima, ya kuthzila ya kundama kuli Njambi. Cho woshe uje akapanga ha litangwa lya Sapalalo chili bene baka muthsiya.¹⁶Ngechibene ba Isalela bana pande kunyunga Sapalalo. Bana pande kuinyunga kupwa chimwetho cha chikumiiyo kubithemwa byabo byoshe bya kulutwe. ¹⁷Sapalalo ikapwa chimwesho hakati ka Njambi na ba ka Isalela, Njambi watengele lilu na hathi mu matangwa a tanu na limo, cho na litangwa lya mu chitanu na abali walikelele kupanga cho wa hwimine."¹⁸Omwo Njambi wa manethele kwendeka na Mosesa ha lilundu lya Sinai, wa mwanene bitale bibali bya bukaleo bwa mashiko, ba apangele ku limanya, wa a sonekele na liboko lyendi.

¹Cho omwoni banu bamwene ngwabo Mosesa neshwala ku thikumuka ku munkinda, ba kungulukile na kuthzenguluka Aloni na kumuleka ngwabo, "Ija, tumungile kamponya ou ya tutwamenena. ²Ngwe ali ou Mosesa, ou munalume yatutundithile mulifuti lya Ingitu, kutwatanekeyeyoni bibinalinginka kuli ikeye." Ngechi Aloni wendekele kuli bakebo ngwendi, "Tunditheni bimbilingwa bya ngolinde bibili kumatwi a banakathzi beni, na kumatwi a bana beni babanalume nababanakathzi, na kubinena kuli yange."³Banu boshe ba shulwile bije bimbilingwa ba thzalele ku matwitwi abo na ku binena kuli Aloni. ⁴Cho nendi wa tambwile ije ngolinde kutunda ku maboko abo na kuifwatula na mushubo na ku mungaho kaponya muchifwa cha munangombe. Ngechioni bendekele ngwabo, "Aboni bakebo ba njambi bobe, Isalela, baje bakunenele kutunda mulifuti lya Ingitu."⁵Omwoni Aloni wa mwene echi, cho watungile mutula kulutwe lwa uje muna ngombe na kutambekela; wendekele ngwendi, "Imene likala litangwa lya chilika cha kuthingimika Njambi." ⁶Cho alikaki mutondo-tondo bane bendukile na kwana mabwana a ku lumba na kunna mabwana a kuliwana mu buthamba. Ngechi batumbamene athi na kulya na kunwa, cho na hanima ba likobelethele mu kubwahelela chije cha kujeneka kufwilamo.⁷Ngechi Njambi wendekele kuli Mosesa ngwendi, "Yaa bwathi bwathi, mwafwa banu bobe, bajabene baunanenele kufuma muje mulifuti lya Ingitu, banalibihitha bakebo babenya. ⁸Bwathi bwathi banathebuka mungila ije njinabakambeyeye kwendamo. Bana mungu kamponya wa chifwa cha muna ngombe naku mulemetha na kwana mabwana kuli ikeye. Cho bandeka ngwabo, 'Aboni bakebo tulunga twobe, Isalela, baje bakunenele kufuma ku lifuti lya Ingitu."'⁹Chojo Njambi wendekele kuli Mosesa ngwendi, "Njinabamono aba banu. Kenga, kubethi kuthziba banu aba. ¹⁰Cho namuchifwechioni, kethi wetheke kunji bindika embwe. Matoto ange abenyeka kushaluka akati kabo, mangana njiba bulumuna. Hanimoni njikalingitha kupwa lifuti lya kama manene." ¹¹Olojo Mosesa wethekele ku lambelela na ku hwimitha mbunge ya Shukulu Njambi yendi. Cho wendekele kuli ikeye ngwendi, "Njambi, bikajo una lubalela manene ngachije na banu bobe, baje ba unatunditha mu lifuti lya Ingitu na binthzili bya kama na liboko lya thzili ya kama?¹²Bikajo baka Ingita bakendekela ngwabo, 'Wabatundithile kuno na biyongola bya bibi, kuya na kukabathsihila ku munkinda na kuba nyongetha boshe mu lifuti?' Kumani echela kulubalela banu bobe manene ngachije cho lalo likele kwana aka kashitiko ka kufwa ngachije ali banu bobe. ¹³Anuka bandungo bobe ba Abilahama na Isaka na Isalela, baje kuli bakebo wa lithingile lwangu yobebabenya na kwendeka kuli bakebo ngwobe, 'Njikapwitha chithemunwina cheni kutuma ngwe bingongonothi bya mumelu, cho lalo njikana ku chithemunwina cheni lino libu lyoshe linjinendekaho hamo. Cho baka liswana myaka yoshe."' ¹⁴Ngechi Njambi walikelele kunena kuje kashitiko katumbwile ku nena hali banu bendi.¹⁵Chojo Mosesa watengulukile na kuthikumukoni kwithi ya munkinda, oku nambata aje mabaya abali a mashiko a litambathano muliboko lyendi. Aje mabaya bwathonene ku mitambela yoshe ibali, kwoshe naku mbando na kunima. ¹⁶Bije bitale bya mamanya byapwile bipange bya Njambi babenya, na aje bene mathona akele bene mathona a Njambi babenya, bije ba thonekele ha bitale bya mamanya.¹⁷Omwoni Yoshuwa wathzibile ije miyoyo bakele na kulinga banu omu bakele nakutambeka, cho wendekele kuli Mosesa ngwendi, "Muli miyoyo ya nthzita mu chilombo." ¹⁸Olojo Mosesa wendekele ngwendi, "Kethi ngwe chilumo cha uje muka kuhyana, cholalo kethi chilumo cha banu baje bana fungula, oloni chilumo cha kwimba chikecho njili na kuthziba."¹⁹Omwoni Mosesa wa shwenene kuje ku chilombo, cho wamwenoni uje muna ngombe na bani bali na kukina. Cho walubalele manene. Ngechi wombilile ajebene bije bitale byamamanya kutunda mu maboko endi na kuwapokothwela kwithi ya munkinda. ²⁰Cho wambatele uje munangombe ba mungile banu, na kumwenyeka, naku muthsena kupwa bunga, na kubwambata na kubwitila mu mema. Cho walingithile banu ba mu Isalela ku anwa.²¹Kathioni Mosesa wendekele kuli Aloni ngwendi, "Kumani bikajo aba banu banalingi kuli yobe, manganoni unene bubi bwakama ali bakebo?" ²²Aloni wendekele kuli ikeye ngwendi, "Kethi ulubale manene, shukwayina wange. Uthzubuka banu aba, omwo mu bakolelela ha kulinga bya bibi. ²³Banendekele kuli yange ngwabo, 'Tumungile kamponya owoni ya tutwamenena. Ngwe ngechi mwou Mosesa, ou munalume yana tunenele kutu tunditha ku lifuti lya Ingitu, yetu kutwazubukile bibina lingika kuli ikeye.' ²⁴Cho nange njendekele kuli bakebo ngwange, 'Kumani woshowo hali na ngolinde, ai shulule.' Cho bana njanene ngolinde cho nange njayumbilile mutuhya, mukemwoni munatundilile ou muna ngombe."²⁵Cho Mosesa wamwene ngwendi banu balingiloni ngwe bana thzaluka (mwafwa Aloni wabatabethele kulilingila byoshe bibathzangele kulinga, chojo echoni cha nenethele bitothzi baba kubathsompa). ²⁶Ngechi Mosesa wemanene kuje kuchikolo cha chilombo na kwendeka ngwendi, "Woshe uje yali ku mutambela wa Njambi, cho aije kuno kuli yange." Ba Lebi boshe bamuthzengulukile. ²⁷Cho wendekele kuli bakebo ngwendi, "Njambi, Njambi wa Isalela, nendeka echi ngwendi: 'Echa munalume na munalume woshe akutihiye mukwale wendi ha mbunda yendi na kwitangana tunda chikolo ya chikolo mu chilombo choshe, na kuthsiya ndolome yendi, na mukabuthamba kendi, na mukwabo wa lyata nendi.'"²⁸Ngechi ba Lebi balingilebene chije chabashikile Mosesa. Chojo halitangwa bene lije banu ba kweta ku makulukathzi a tatu ba thsile. ²⁹Choni Mosesa wendekele kuli baje ba Levi ngwendi, "Lelo lino yeni bana myakoni mukupangela Njambi, mwafwa umo na umo weni na tengulukila munendi na ndolome yendi, ngechi Njambi natha kumikwithula lelo.'³⁰Cho alikaki Mosesa wendekele ku banu ngwendi, "Munalingi bubi bwa kama manene. Ngechi hanobene njili na kukanduka kuli Njambi. Achimo njikami wanenako chikombeyo cha bubi bweni." ³¹Chojo Mosesa welukile lalo kuli Njambi na kukendeka ngwendi, "Nana, aba banu banabulumuna mulonga wakama wa bubi wa kulimungila kamonya ka ngolinde. ³²Olojo lelo, njakandelelako nji kulomba ngwange bathambethe ku bubi bwabo; oloni ngwe ku uba thambetha, cho nange bene njifumithe na mulibulu olyo una thono."³³Njambi wendekele kuli Mosesa ngwendi, "Uje woshe anabulumuna kuli yange, munu wakufwa ngachije njikamuthzimangana mulibulu lyange. ³⁴Chonini ya, twamenena banu kumwela uje njinendeka laja kuli yobe. Kenga, kangelo kange alibanga kulutwe lwobe. Olonini alitangwa lije linjika bana kashitiko, cho njikabana kashitiko ha bubi bwabo." ³⁵Njambi wa tumine mushongo ha banu baje mwafwa bamungile uje muna ngombe, uje bene munangombe ya mungile Aloni.

¹Osho munu umo abulumuna mwafwa kambulwile omu bamutondele kwambulula ha bukaleho bwa chuma, nambe nachimwene nameme kuchithziba, akathsa nawo. ²Nambe oshe munu umo akwata chuma chili choshe echi Njambi natumbula kukala chakujeneka kujela nambe ikale thitu ya chimuna nameme byakutanga byakujeneka kujela bije bikende hathi, nambe kathzibukile obyo alingile, naija nakupwa wakujeneka kujela ou ali namulonga.³Nambe oshe ngwe munu akwata kujeneka kujela cha munu, kujeneka kujela mungila iliyoshe, cho oshe ngwe kathzibukile, cho akakala na mulonga omu mwakathzibuka. ⁴Nambe oshe ngwe munu athzambula kulithinga na kanwa kendi kulinga mwamubi, nameme kulinga mwamubwa, mungila iliyoshe omu munu athzambwilamo kulithinga chithingo, nambe kathzibukile, omu mwalilongethacho, cho akakala na malonga, mubyuma byoshe ebi.⁵Omu munu akakala na mulonga muli chimo chebi byuma, napande kulitabela bubi bwoshe obu nabulumuna. ⁶Cho napande kunena mulambu kuli Njambi ha bubi buje nabulumuna, chimuna wa lwabo kutunda mubutanga, chipwe muna manga nameme membe, kukala mulambu wa bubi, cho kapilisitu akapanga chikombeyo hamulonga wa bubi bwendi.⁷Oshe ngwe katha kulanda muna manga, cho kunena tutela babali nambe bana ba mayembe kukala mulambu wa mulonga wa bubi kuli Njambi, umo hamulonga wa bubi namukwabo kukala mulambu wakulumba. ⁸Napande kubinena kuli kapilisitu, ou akana umo wakulibanga kukala mulambu wa bubi - cho akathongonona mutwe wendi kutunda kuthingo oloni kakautundithako kumubila. ⁹Cho akashamwina maninga amo amulambu wabubi mumbango ya mutula, nakuamwina aje maninga akathala hathi ya mutula. Ou unapu mulambu wa bubi.¹⁰Cho napande kwana kathzila wa muchibali kupwa mulambu wa kulumba, ngwe omu banalumbununa mu kulongetha, cho kapilisitu akapanga chikombeyo chendi ha bubi buje abulumwine, cho nauje munu bakamukonekela.¹¹Oloni oshe ngwe katha kulanda tutela babali nambe bana ba mayembe babali, cho napande kunena kilo imo ya bunga bwa tiliku kupwa mulambu wakulyana ha bubi bwendi kupwa mulambu wa bubi. Kapandele kwaka mathzi nambe bya bweko byoshe ha bukeko, mwafwa unapu mulambu wa bubi.¹²Napande kubinena kuli kapilisitu, na kapilisitu akambatamo liboko limo kupwa chakwimanenako mulambu cho nakubilumbila ha mutula, helu ya mulambu banapanga na tuya kuli Njambi. Ou unapu mulambu wa bubi. ¹³Kapilisitu akana chikombeyo ha bubi buli bwoshe buje nabulumuna uje munu, cho uje munu bakamukonekela. Bije bikathalaho kutunda ku mulambu bikapwa bya kapilisitu, ngwemulambu wa bimbuto."¹⁴Cho Njambi wendekele na Mosesa, ngwendi, ¹⁵"Oshe ngwe munu abulumuna na kumwetha bilinga bya kwilika likulahelo kutala ku byuma bya Njambi, oloni wachilingile mukujeneka kuthzibuka, cho napande kunena mulambu wa mulonga kuli Njambi. Ou mulambu unapande kupwa manga wa nkomba wakwilika katenga kutunda ha butanga; ndando yendi inapande kuipwitha mu mashekele a siliva - mashekele aku mulili wakuthzila - kupwa mulambu wa mulonga. ¹⁶Napande kubwaheletha Njambi mu byuma bije nabulumuna kutala kuli bije bya kuthzila. Cho napande kwakelaho chimo mubutanu nakubyana kuli kapilisitu. Cho kapilisitu akana chikombeyo kumwimanenako na manga wa nkomba kukala mulambu wa mulonga , cho uje munu bakamukonekela.¹⁷Oshe ngwe munu nabulumuna nakulinga bili byoshe bije akambeyeye Njambi ngwe kethi akabilinge, nambe kathzibukile, chimolika ali namulonga cho napande kwambata mulonga wendi ibenya. ¹⁸Napande kunena manga wa nkomba wakwilika katenga kutunda mubutanga, wakwilika na ndando iliko, kupwa mulambu wa mulonga kuli kapilisitu. Cho uje kapilisitu akana chikombeyo hali ikeye kwetheka na bubi obu nabulumuna, obu kathzibukile, cho bakamukonekela. ¹⁹Unapu mulambu wa mulonga, cho chili bene ali namulonga kumesho a Njambi."

¹Njambi wendekele kuli Mosesa, ngwendi, ²"Ambata Aloni na bana bendi babanalume hamo, buthzalo na mathzi akuwabetha, ngombe wankomba wa mulambu wa bubi, bimanga babali ba nkomba na ngalo ya likende lyakujeneka muthima. ³Kungulula chikungulukilo choshe kuchikolo cha tende yakuliwanena."⁴Cho Mosesa walingile ngwe omu Njambi wamukambeyeye, cho na chikungulukilo chethzile ku chikolo cha tende yakuliwanena. ⁵Cho Mosesa wendekele ku chikungulukilo ngwendi, "Echi chikecho nakambeya Njambi kulinga."⁶Mosesa wanenele Aloni na bana bendi babanalume nakubatanetha na mema. ⁷Wathzikile Aloni sanya nakukuta mwiba wakandombe mumbunda yendi, wamuthzikile mukanjo na kangamwina, cho wakutile kaje kangamwina na thungu na kumukutayo.⁸Cho wamwakele nanga yahanulo, cho wakele ulime na tumine munango yaha nulo. ⁹Wakele kalupusa hamutwe wendi, cho naha kalupusa, halutwe, wakeleho lilonga lya ngolinde, chilongo chakuthzila, ngwe muje Njambi wamukambeyeye.¹⁰Mosesa wambatele mathzi akuwabetha, wabwabethele tabanakele na byoshe byakelemo na kubyandununa kuli Njambi. ¹¹Washamununwinine mathzi ha mutula katanu na kabali, nakubwabetha mutula na bitenga byoshe byakeleho, na lilonga lyakujwelela hamo na chitumbiko chacho, akabyandunwine kuli Njambi.¹²Wetilile mathzi akubwabetha amo ha mutwe wa Aloni nakumuwabetha akamutume. ¹³Mosesa wanenele bana babanalume ba Aloni nakubathzika tu sanya. Wakutile miba ya kandombe mu bimbunda byabo na kuthzenga binanga bya lineni kumitwe yabo, kutetha nakukambeya cha Njambi kuli ikeye.¹⁴Mosesa wanenele uje ngombe wa nkomba wa mulambu wa bubi, cho Aloni na bana bendi bathatekele maboko abo ha mutwe wa ngombe wa nkomba uje banenele wa mulambu wa bubi. ¹⁵Wamuthsiyile, nakwambata maninga nakwaka ku bimbinga bya mutula na munye wendi wajelethele mutula, nakwitila maninga ha chitumbiko cha mutula, nakubyandunwina kuli Njambi mangana balinge chikombeyo.¹⁶Wambatele mathzi oshe akele kubilyo byamukati, chifwiko cha lishuli, na bije bithso bibai na mathzi acho, cho Mosesa wabilumbile byoshe ha mutula. ¹⁷Oloni uje ngombe wankomba, chilambu chendi, thitu yendi, na bufwati bwendi wabilumbilile hanja ya chilombo, ngwe omu wamukambeyeye Njambi.¹⁸Mosesa wanenele manga wankomba kupwa mulambu wa kulumba, cho Aloni na banabendi babanalume bathatekele maboko abo ha mutwe wa manga. ¹⁹Wamuthsiyile na kushamwina maninga mu bimbango byoshe byamutula.²⁰Wabatwile uje manga mubipuka na kulumba uje mutwe nabije bipuka na mathzi. ²¹Wakushile bilyo bya mukati na mendi na mema, cho walumbile manga woshe ha mutula. Wapwile mulambu wa kulumba cho watuhwile bweko bwabubwa, mulambu wa kupanga mu tuhya kuli Njambi ngwe kukambeya cha Njambi kuli Mosesa.²²Cho Mosesa wanenele manga mukwabo wa nkomba, manga wa kujeletha, cho Aloni na bana bendi bathetekele maboko abo ha mutwe wa manga. ²³Aloni wamuthsiyile, na Mosesa wambatele maninga endi amo nakwaka hashongo ya litwi lya kuchilyo lya Aloni, ha munye wathsina wakuchilyo cha liboko lyendi, na kumunye wathsina wakulindi lyendi lya chilyo. ²⁴Wanenele bana babanalume ba Aloni, cho wakele maninga ha shongo ya litwi lyabo lya chilyo, ha munye wathsina. wa kuliboko lya chilyo, na kumunye wathsina wakulindi lyachilyo. Cho Mosesa washamunwine maninga mu bimbango byoshe bya mutula.²⁵Wambatele mathzi, mathzi a mukila, mathzi oshe akele kubilyo bya mukati, chifwiko cha lishuli, bithso bibali na mathzi acho, na ntungi ya kuchilyo. ²⁶Kutunda mu ngalo ya likende lya kujeneka muthima ije yakele ku mesho a Njambi, wambatelemo mukasha umo wa likende lya kukumbathana na mathzi, na tushashashama, nakubyaka ha mathzi naha ntungi ya kuchilyo. ²⁷Wabyakele byoshe mu maboko a Aloni na mumaboko a bana bendi babanalume naku byana kuli Njambi kupwa mulambu waubwa.²⁸Cho Mosesa wabitambwile kutunda mumaboko abo na kubilumba ha mutula kupwa mulambu wa kulumba. Kwakele mulambu wa kujeletha na kuhula bweko bwabubwa. Wapwile mulambu wakupanga mu tuhya kuli Njambi. ²⁹Mosesa wambatele ng'undo nakubijundula nakubipwitha bwana bwakujundula kuli Njambi. Yakele mbathzubwila ya Mosesa ya manga ya kukithwilamo kapilisitu, ngwe na kukambeya cha Njambi.³⁰Cho Mosesa wambatele mathzi amo akubwabetha na maninga aje akele ha mutula; wabishamunwine hali Aloni, ha buthzalo bwendi, hali bana bendi, naha buthzalo bwa bana bendi. Mungilei wandunwine Aloni na buthzalo bwendi, na bana bendi na buthzalo bwabo kuli Njambi.³¹Cho Mosesa wendekele kuli Aloi na bana bendi ngwendi, "Telekeni thitu ili ku chikolo cha tende ya kuliwanena, kuje bene lyeni na likende lije lili mu ngalo ya kujelethela, ngwe omu njamikambeyeye, ngwange, 'Aloni na bana bendi babanalume bakabilya.' ³²Obyo byoshe bikathala ku thitu na likende munapande kubilumba. ³³Kumwapandele kutunda ku chikolo cha tende ya kuliwanena ha matangwa atanu na abal, kweta namu matangwa a kubwabetha chobe aka shulithiwa. Mwafwa Njambi akamijeletha mu matangwa atanu na abali.³⁴Echi banalingi halitangweli - Njambi nakambeya kuchilinga mangana chikale chikombeyo cheni. ³⁵Mutumbama mutanya na buthsiki ha matangwa atanu na abali ku chikolo cha tende yakuliwanena, na kunyunga kukambeya cha Njambi, cho kumu kathsi mwafwa echi chikecho bananjikambeya." ³⁶Cho Aloni na bana bendi babanalume balingile byuma byoshe bije Njambi wakambeyeye kwitila muli Mosesa.

¹Cho Kola mwana wa munalume wa Izehale mwana wa munalume wa Kohate mwana wa munalume wa Lebi, hamo lika na Ndatane na Abilamu bana ba banalume ba Elyabe, na mwana wa munalume wa Pelete, chithemunwina cha Lubeni, bakungulwile banalume bamo. ²Bamutengulukilile Mosesa, hamolika na banalume bakwabo batundile ku banu baba Isalela, bantwama biita bibali na makumi atanu ba kutunda mu ndandanga baje bathzibukile bwino muje mu ndandanga. ³Balikungulwile hamo na kukalukuka Mosesa na Alone. Bendekele kuli bakebo ngwabo, "Munete halako manene! Ndandanga yoshe yali bwahethele chimweja, boshe bwabo, na Njambi wakele hamo nabo. Bikajo mukalyamethela yeni babenya na kulyaka hakamwa ya ndandanga yoshe ya Njambi?"⁴Omwo Mosesa wathzibile echi, wakulamethele chihanga chendi hathi. ⁵Wendekele kuli Kola na kuli baje boshe wakele nabo ngwendi, "Ku mutondo Njambi akamimwetha baje bapandama kuli ikeye na baje bana shondoloka kuli ikeye. Akashwenyetha uje munu kuyehi nendi. Cho uje yangula akamunena hayehi nendi babenya.⁶Lingeni echi, Kola na mbunga yobe yoshe. Ambateni bikango ⁷imene mukabyake tuhya na lwengo kulutwe lwa Njambi. Ujoni yakangula Njambi, ikeye bakatundithaho kuli Njambi. Cho munete halako manene, eni chithemunwina cha Lebi"⁸Cho lalo, Mosesa wendekele kuli Kola ngwendi, "Choni tolilileni, eni chithemunwina cha Lebi." ⁹Kuma chinapu chachindondo kuli yeni omwo Njambi ya Isalela na myandununako ku ndandanga ya Isalela, na kuminena kuyehi nendi, tupange bipangi mu tabanakele ya Njambi, na kwimana kumesho a mbunga na kubampangela?" ¹⁰Naminene kuyehi, na babushoko bweni, baje baku chithemunwina cha Lebi, neni, cho hanga uchili na kuthetela lalo bu pulisitu! ¹¹Ngechibene yobe na mbunga yobe mwalikungulula na kutengulukila Njambi. Choni Alone napu iyajo ngechi mulinyengetela kuli ikeye.¹²Cho Mosesa wathanene Ndatane na Abilame, bana babanalume ba Elyabe, oloni bendekele ngwabo, "Kutwijako. ¹³Kumani chinapu chuma chachindondo omwo watutundithile muje mu lifuti lya kwita mashwe na buki na kututhsiyila mu mambo ndi? Choni utonda kulipwitha muka kuyula yobe babenya! ¹⁴Mu kwakelako, kuwatunenele mu lifuti lya kwita mashwe na buki, nameme kutwana mahya a binyu ngwe buthswana. Choni unakutonda kutufwika ha mesho ku bikulahetho bya ngocho ndi? Kutwija kuli yobe."¹⁵Mosesa walubalele cho wendekele kuli Njambi ngwendi, "Kethi ulemethe bwana bwabo. Kunjambatele chimulu umo wabo." ¹⁶Cho Mosesa wendekele kuli Kola ngwendi, "Imene yobe na mbunga yobe yoshe munapande kuya kumesho a Njambi - nobe nabo, na Alone. ¹⁷Munu na munu ambate chikango chendi cho akemo insense." Cho munalume woshe napande kunena chikango chendi kuli Njambi, biita bibali an makumi atanu a bikango. Yobe na Alone, lalo, munapande kunena bikango byeni."¹⁸Cho munu woshe wambatele chikango chendi, na kwakaho tuhya, cho bakelemo insense, cho bemanene ku chikolo cha tende chakuliwanenamo na Mosese na Alone. ¹⁹Kola wakungulwile ndandanga yoshe na kutengulukila Mosesa na Alone mu chikolo cha tende ya kuliwanena, cho bumpahi bwa Njambi bwasholokele ku ndandanga yoshe.²⁰Kathina Njambi endekele kuli Mosesa na Alone: ²¹Lyandununeko kutunda mukati kei ndandanga mangana njiba nyongethe bwathi bwathi." ²²Mosesa na Alone bakulamene mesho hathi na kwendeka ngwabo, " Njambi, Njambi wa munthzithzime ya bunu boshe, ngwe munu umo nabulumuna, unapande kubihilila na ndandanga yoshe ndi?"²³Njambi wakumbwilile kuli Mosesa. Wendekele ngwendi, ²⁴"Endeka ku mbunga. Ngwobe, 'Tundeni ku bi tende bya Kola, Natome, na Abilame."²⁵Cho Mosesa wakatukile nakuya kuli Ndatane na Abilame; Cho bakulunu ba Isalela bamukabangeyele. ²⁶Cho wendekele ku ndandanga ngwendi, "Chonu tundeni ku bitende bya banalume ba bubi cho kethi mukwateko ku chuma chabo choshe ocho, ngocho ngochoni baminyongethela ku bibi byabo byoshe." ²⁷Cho ndandanga ku bimbango byoshe bya matende a Kola, Ndatane, na Abilame batuhukile na kwimana ku bikolo bya matende abo, na banakathzi babo, bana babanalume na bana babo babandondo.²⁸Cho Mosesa wendekele ngwendi, "Kwitila muli ebi mukathzibuka ngweni Njambi nanjitumu kulinga ebi bipangi byoshe, mwafwa kunjabilingile ku chithzango change. ²⁹Oshe ngwe aba banu bathsa ngechi omwo bene kuthsa chikalingiwa, cho Njambi kanjitumine. ³⁰Oloni osho ngwe Njambi apangako byabihya, cho na kaye kashokoloka mu kanwa na kubamina, na bufuko bwabo boshe, bakathikumukila mu Shiole oku bali na myonyo, cho munapande kuthzibuka ngweni aba banu bana shaula Njambi."³¹Hathimbu bene ije amanethele Mosesa kwendeka awa majwi oshe, libu lyashokolokele hathi ya baje banu. ³²Kaye kashokolokele kanwa kako nakubamina, na binanga byabo, na boshe baje bapandamine kuli Kola, hamo na bufuko bwabo boshe.³³Cho bakebo na byoshe bije bafukile byakobelele mu Shiole. Cho kaye kalishokele, cho banyongele kutunda mukati ka ndandanga. ³⁴Ba Isalela boshe baba thzengulukile batewele omo bathzibile miteto yabo. Cho batambekele ngwabo, "Hamo libu lyatha kutumina netu nawa!" ³⁵Cho tuhya twakutunda kuli Njambi twepukile na kuthsiya banu bakweta biita bibali na makumi atanu baje bakombelele insense.³⁶Cho Njambi wendekele kuli Mosesa na Alone lalo ngwendi, ³⁷"Endekeni kuli muna Alone wa munalume kapilisitu atundithe bikango mu milangi, mwafwa bije bikango byapwa bya kwandununa kuli yange. Cho mwechele akashandole aje manungu a tuhya ha lyala. ³⁸Ambata bikango bya baje banathzimbaletha myonyo yabo ha mulonga wa bubi wabo. Echela babifule ngechi bipwe malonga a kufwika ha mutula. Baje banalume babyanene kupwa bwana kuli yange, cho byapwa bya kwandununa kuli yange. Bikapwa kathzibikitho ka kulisholola ku banu ba Isalela."³⁹Cho uje kapilisitu Elyaza wambatele bije bikango bya bunengu bije bibapangethele banu baje benyekele, cho babifulile kupwa byakufwika ha mutula, ⁴⁰kapwe kanukitho kuli banu bamu Isalela, mangana kukahone kupwa munu weka uje kethi wa kuchithemunwina cha Alone napande kwija na kwenyeka insense kumesho a Njambi, ngechi mwa Kola na mbunga yendi - ngwe omo Njambi wakambeyele kwitila muli Mosesa.⁴¹Oloni ha likaki ndandanga yoshe ya banu ba Isalela ba yayabalele kuli Mosesa na Alone. Bendekele ngwabo, "Munathsiyi banu ba Njambi." ⁴²Chojo chalingiwile, omwo ndandanga yakungulukile na kutengulukila Mosesa na Alone, ngechi omwo bakengethele ku tende kuje kwakukuliwanena cho, kenga lishewa lyakele na kufwika, cho bumpahu wa Njambi bwasholokele, ⁴³cho Mosesa na Alone bethzile halutwe lwa tende ya kuliwanena.⁴⁴Cho Njambi wendekele kuli Mosesa. Ngwendi, ⁴⁵"Tundeniko kulutwe lwa ndandanga mangana njiba nyongethe ahabene." Cho Mosesali na Alone ba kulamethele bihanga byabo hathsi. ⁴⁶Cho Mosesa wendekele kuli Alone ngwendi, " Ambata chikango, wakeho tuhya twa kutunda ha mutula, wakeho insense, cho wathi wathi uitwale ku ndandanga, na kubanena mulambu, mwafwa kutenuka cha Njambi chili na kwija kutunda kuli Njambi. Ch mishongo ya kulitambwitha bwathi bwathi inashangumuka.⁴⁷Cho Alone walingile nge omwo Mosesa wamulekethele. Washatukile lumbithi mukati ka ndandanga. Cho mishongo yashangumukile kutanda mu banu bwathi, ngechibene wakelemo insense na kwana milambu wa banu. ⁴⁸Alone wemanene hakati ka bathsi naba ba mwonyo; mu ngila eyi mishongo bayimikile.⁴⁹Baje bathsile ku mushongo wa kulitambwitha bapwile ba kweta ku theteko ya banu 14,700 mu kutuma, banapandama kuli baje bathsile ha ng'anda ya Kola. ⁵⁰Alone welukile kuli Mosesa ku chikolo cha tende ya kuliwanena, cho na mishongo yahwile.

¹Yehoba wendekele kuli Mosesa ngwendi, ²"Endeka ku banu ba Isalela na kubatambula milamo yabo, umo na umo ku lilimi lya bakulu babo, milamo likumi na ibali. Cho thoneka lithzina lya munu na munu ha mulamo wendi.³Unapande kuthoneka lithzina lya Alone ha mulamo wa Lebi. Cho kunapande kupwa mulamo umo wa ntwama woshe ku muyati wa bakulu bendi. ⁴Unapande kwaka mu tende ya kuliwanenamo ha lutwe lwa mashiko a chikumiyo kuje njaliwanene nobe. ⁵Cho bikalingiwa ngechi mulamo wa munalume uje inji kangula ukajobelela. Njikamanetha kuyayabala cha banu ba Isalela, bije bibali nakwendeka hali yobe."⁶Cho Mosesa wendekele ku banu ba Isalela. Bantwama boshe ba malimi aba Isalela banenele milamo yabo, mulamo umo kutunda kuli ntwama woshe, uje banashakula ku malimi a bakulu, yapwile milamo likumi na ibali yoshe hamo. Mulamo wa Alone wakele nayo hamo. ⁷Cho Mosesa watulikile milamo kumesho a Njambi mu tende ya chikumiyo.⁸Halikaki Mosesa wakombelele mu tende ya mashiko a chikumiyo, kengenioni, mulamo wa Alone waku lilimi ya Lebi wajobelelele. Wamenene mabundungulu ashamunwine bishani na bushukwa bwa olumande bwa kuhya! ⁹Mosesa watuhwile milamo yoshe kumesho a Njambi na kuinena ku banu boshe ba Isalela, cho munu woshe wambeteleho mulamo wendi.¹⁰Njambi wendekele kuli Mosesa ngwendi, "Aka mulamo wa Alone halutwe lwa mashiko a chikumiyo. Unyunge upwe chithzibikitho cha mulonga wa baje banu bamitengulukilile mangana mumanethe kuyayabala chabo hali yange, ngocho bgocho bathsa. ¹¹Mosesa walingile ngechi omo Nambi wamukambeyele.¹²Cho banu ba Isalela bendekele kuli Mosesa ngwabo, "Tutsila kuno. Tubaboshe tunyonga! ¹³Woshe owo akanduka kuno, ashwenya muyehi na tabanakele ya Njambi, athsa. Indi tubaboshe tunapande kunyonga?"

¹Cho bana ba Isalela batwaleleleho na ungethzi bwabo kweta hathimbu ije bethzile na kutunga chilombo mu byana bya Mowabe kuyehi na Yeliko, kumutambela ukwabo wa Ndonga ya Yondani kutunda ku nganda.²Chojo Mbalaki muna Zipole wa munalume wamwene bije byoshe bya lingile Isalela kuli baje ba Amolite. ³Cho lalo Mowabe wakele na munjunju wa bana ba Isalela. ⁴Chojo mwene wa ba Mowabe wendekele kuli bakulunu baba Mindiana nwendi, "Eyi mbunga ilya na kumanetha byuma byoshe bije byatuthzengeleka ngwe muje ngombe akali mwila wamu chana."Athimbu ije Mbalaki muna Zipole wa munalume ikeye wakele mwene wa ba Mowabe.⁵Chojo watumine miluwa kuli Mbalamu muna Mbeole wa munalume, kumwela wa Petole uje wakala kumukulo wa Ndonga ya Yufuleti, mu lifuti lyendi na banu bendi. Cho wamuthanene na kwendeka kuli ikeye ngwendi, " Kenga, lifuti lyamutunu linaija kuno kutunda ku Ingito. Banjalakana kaye koshe chojo bana etyoni na kunjonya yange bene. ⁶Ngechi njikulomba ngwange ija athimbu bene ino mangana wakunji thingilebo banu aba, mwafwa bananji hyana manene kubi nthzili. Achimo na hanima cho njatha kuba lwitha na kubasheka muno mu lifuti. Mwafwa njithzubuka ngwange baje bu ukwithula chobene banapu baku kwithula cho nawa ngwange baje bu uthinga yobe chobene banapu ba kuthingiwa.⁷Chojo baje bakulunu baku Mowabuna baje bakulunu baku Mindyani baile, oku banambata na mushendo na kutahetha. Cho betele kuli Mbalamu na kumuleka majwi a Mbalaki. ⁸Cho Mbalamu wendekele kuli bakebo ngwendi, "Laleni kuno lelo. Njikamileketha obyo Njambi anjileka." Ngechibene baje ba ntwama baku Mowabu ba tumbamene na Mbalamu muli buje buthsiki.⁹Chojo Njambi wethzile kuli Mbalamu na kwendeka ngwendi, " Kumajo beya aba banalume ba nethzile kuli yobe?" ¹⁰Cho Mbalamu wa mukumbulwile Njambi ngwendi, " Mbalaki muna Zipole wa munalume, mwene wa ku Mowabu, ikeye nabatumu kuli yange. Nendekele ngwendi, ¹¹'Kenga, aba banu banatundu ku Ingito banalishandangenena mu lifuti lyange lyoshe. Chojo ija mangana wakuji thingilebo. Achimo na hanima njatha ku ba lwitha naku bafumithamo."¹²Ngechi Njambi wakumbwilile kuli Mbalamu ngwendi, "Kethi wetheke kuya na baje banalume nameme kamandondo kethi wetheke kuthinga aba bana ba Isalela mwafwa baba kwithula laja." ¹³Chojo alikaki mutondo Mbalamu wendekele kuli baje bantwama ba Mbalaki ngwendi, "Ilukeni kwimbo lyeni mwafwa Njambi nanji byanetha kuya neni." ¹⁴Ngechibene baje bantwama baku Mowabu ba katukile na kwiluka kuli Mbalaki. Cho bendekele kuli ikeye ngwabo, "Mbalamu na byana kwija hamo netu."¹⁵Chojo Mbalaki Mbalaki watumine lalo bakwabo bantumwa babengi baje ba thingimikile manene kutubakana baje ba kulibanga. ¹⁶Cho bethzile kuli Mbalamu na kwendeka kuli ikeye ngwabo, "Mbalaki muna Zipole wa munalume nendeka ngachije ngwendi, 'Njakandako kethi kukale chaku kwonowetha kwija kuli yange, ¹⁷mwafwa njakukufweta muje mwamubwa kutubakana na kukwana kathingimiko kakama manene, cho lalo njikalingila byoshe obyo bi unji leka ngwobe nji kulingile. Njojo njikulomba ngwange ija mangana waku nji thingilebo aba banu."¹⁸Oloni Mbalamu wa kumbulwile na kwendeka kuli baje banalume ba Mbalaki ngwendi, "Nameme bene kulinga ngwabo Mbalaki ashulithe lipela lyendi na siliba na ngolinde na kunjanabyo, kunjatha nambe kamandondo kujomboka mu lijwi lya Shukulu, Njambi yange, nakulinga muje kanjilekele ikeye embwe. ¹⁹Cho kumani neni lalo laleni bene kuno, mangana njimone ocho cha nji leketha lalo Njambi." ²⁰Cho Njambi wethzile kuli Mbalamu buthsiki na kwendeka kuli ikeye ngwendi, "Akulinga aba banalume bana ija na kukukamba, katuka ngechi uye nabo. Olojo unapande kulinga lika bije binji kuleka yange kulinga."²¹Ngechi bene Mbalamu wakatukile mutondo, cho walemene chimulu, nakuya na baje ba ntwama baku Mowabu. ²²Olonini Njambi wa lubalele amulonga wa kuya kwendi. Chojo kangelo ka Njambi wemanene mu tapalo ngwoni uje munu na nyengwa na Mbalamu, uje yakele na kwendela ha chimulu chendi. Cho na baje bangamba babali ba Mbalamu na bakebo bakele bene nendi. ²³Cho uje chimulu wamwene uje kangelo ka Njambi nemana mu tapalo na mukwale wendi mu liboko. Chojo chimulu watundile mu tapalo na kukobeloni mu shwata. Ngechi Mbalamu wa mwashwile chimulu mu chifwa cha ku mwilwitha mu tapalo.²⁴Cho uje kangelo ka Njambi wemanene lalo mu mutambela uje wa kulishwata wa ije tapalo mu kati ka mahya a mibinyu, cho kwakele chibumbe ku mutambela wendi wa chilyo cho lalo na chikwabo chibumbe ku mutambela wendi wa chimoshwe. ²⁵Cho uje chimulu wamwene lalo uje kangelo ka Njambi. Chojo walyengelele kuli chije chibumbe cho na mukulinga ngocho wa thindakanene lindi lya Mbalamu ku chibumbe. Ngechi Mbalamu wa mupupile lalo.²⁶Chojo uje kangelo ka Njambi waile lalo ku lutwe na kukemana mumu tambela ukwabo lalo wa kulishwata kujoni kukwakele ngila ya kulihengelamo kumutambela ou nambe ukwabo . ²⁷Chimulu wamwene uje kangelo ka Njambi cho nendioni wabutamene mwithi ya Mbalamu. Chojo Mbalamu walubalele manene, ngechi wa pupile uje chimulu na mweti yendi.²⁸Cho aje bene Njambi wa shokolwele kanwa ka chimulu mangana athe kwendeka. Chojo nendi wendekele kuli Mbalamu ngwendi, "Kumani bikajo njinalingi kuli yobe akulinga unji lashole bithimbu byoshe bitatu ebi?" ²⁹Chojo Mbalamu wa mukwumbulwile uje chimulu ngwendi, "Mwafwa unalingi bulema kuli yange. Njatondele kunjakala na mukwale muliboko lyange. Ngwe ngwabo njinakele nawo, ngwe athimbu ino njina kuthsihi laja." ³⁰Ngechibene chimulu wendekele kuli Mbalamu ngwendi, "Kumani yange kethi yange uje chimulu chobe uje una kala na kulonda abithimbu byobe bii una yoyo kweta bene naku lelo lino? Cho kumani kwakele lalo bithimbu bikwabo obyo nja lingile kuli yobe ebi binjina lingi lelo? Chojo na Mbalamu wakumbulwile ngwendi, "Embwe."³¹Chojo Njambi wa shokolweleloni mesho a Mbalamu, cho wa mwene kangelo ka Njambi nemana mu tapalo na mukwale wendi wa ku tunditha laja mu chindalo mu liboko lyendi. Ngechi bene Mbalamu wa kulamene na kuwa cha mesho hathi. ³²Cho uje kangelo ka Njambi wendekele kuli ikeye ngwendi ,"Bikajo una kala na kupupila chimulu chobe ebi bithimbu byoshe bitatu? Kenga, Yange njina ija kuli yobe ngwe munu uje waku lwitha mwafwa bilinga byobe binapu by bibi ku mesho ange. ³³Mwafwa chimulu nanji mwene ngechibene na kala na kutewa kuli yange a thimbu byoshe bitatu. Chojo ngwe ngwabo kakele nakutewa kuli yange, ngwe chili bene yobe njina kuthsiile na ku thethzaho ikeye lika."³⁴Chojo Mbalamu wendekele kuli ije kangelo ka Njambi ngwendi, "Njina lingi bubi. Kunja tanekeyeye ngwe unemanene mu tapalo na kunji lwitha. Chonini, umona ngwe echi chi njina lingi ku chakuwahethele ku mbunge, cho kumani njina pande kwiluka." ³⁵Olojo kangelo ka Njambi wendekele kuli Mbalamu ngwendi, "Ya kulutwe nabo aba banalume. Olojo unapande kwendeka lika majwi aje u njikuleka yange kyeho." Chojo Mbalamu waile na baje bantwama ba Mbalaki.³⁶Omwoni Mbalaki wathzibile ngwabo Mbalamu naija, cho waile na ku kaliwana nendi ku nganda ije ya mu Mowabi kuje ku Alumoni ije ya kala nginga. Chojo ³⁷Mbalaki wendele kuli Mbalamu ngwendi, "Kumani kunjatumine banalume kuli yobe kwija na kukuthana?" Cho bikajo unajenekele kwija kuli yange?" Kumani yange kujatha ku ku thingimika mu kwetaho tahi ndi?³⁸Ngechi bene Mbalamu wa kumbulwile kuli Mbalaki ngwendi, "Kenga, Njina ija kuli yobe. Cho kumani nji chili lalo na binthzili bya kwendeka chuma na chikwabo lalo? Njatha lika kwendaka majwi aje Njambi aka mukanwa." ³⁹Chojo Mbalamu waile na Mbalaki cho betele ku limbo lya Kiliathi Huzothi. ⁴⁰Cho Mbalaki wanene chikombelo cha bingombe na bimanga na kwanako thitu kuli Mbalamu na bantwama baje bakele nendi.⁴¹Cho alinaki mutondo, Mbalaki wa londekele Mbalamu ha mwela wa helu wa Mbaalu. Chojo kuje Mbalamu wathele lika kumona mutambela wa bana ba Isalela mu chilombo chabo.

¹Mbalamu wendekele kuli Mbalaki ngwendi, "Njitungile mitula itanu na ibali kuno nakubwabetha bapoho batanu nababali nabankomba babi maanga batanu na babali." ²Cho Mbalaki wapangele ngwe omu bamulekele kuli Mbalamu. Cho Mbalaki na Mbalamu balambwile poho umo na maanga wa nkomba umo ha mutula umo na umo. ³Cho Mbalamu wendekele kuli Mbalaki. "Imana hayehi na mulambu wakulumba cho njiye. Yehoba mpamo aija nakuliwana nange. Cho byoshe obyo anjisholwela yange njakukuleka " Cho waile helu ya lilundu lyakwilika miti.⁴Cho Njambi waliwanene na Mbalamu cho Mbalamu wamulekele mgwendi, "Njinatungu mitula itanu naibali, na kulambulaho poho umo na nkomba ya maanga umo ha mutula umo na umo. ⁵Yehoba wakele muthzimbu mukanwa ka Mbalamu ngwendi, "Iluka kuli Mbalaki nakwendeka kuli ikeye." ⁶Cho Mbalamu welukile kuli Mbalaki ou wemanene kuyehi na mulambu wendi wakulumba, oho nabantawama bamu Moabu bakele nendi hamo.⁷Cho Mbalamu waputukile kwendeka kupolofeta chendi ngwendi, "Mbalaki nanjitunditha kuli Atamu, uje mwene waba Moabu wakutunda kuje ku minkinda yaku mbwela. 'Ija, unjithingile Yakobo.' wendekele ngwendi, 'wije uthinamethe isalela." ⁸Njithinga bati aba kathingile Njambi? Njatha kubyana bati aba kabyanene Njambi?⁹Mwafwa kutundilila helu ya mabwe njinakumumona,' cho kutundilila ku mulundu njinakukenga kuli ikeye. Kenga, kuli banu aba bakayoyo likalyabo cho kubethi kulimona babenya kupwa lifuti lyakulimanena.¹⁰Iya natha kutanda likungu lya Yakobo nambe kutuma cha mbathzubwila yabuwana ya Isalela? Echela njithse ngwe mukabuthunga, cho echela mamanethelo a mwonyo wange apwe ngwe endi,"¹¹Cho Mbalaki wendekele kuli Mbalamu ngwendi, "Unalingi bati kuli yange? njikunenele mangana uthinge baka ng'ole bange, oloni kengoni, unabakwithula." ¹²Mbalamu wakumbulwile ngwendi, "Nkuma kunjapandele kwendeka lika obyo Yehoba aka mukanwa kange ndi?"¹³Cho Mbalaki wendekele kuli ikeye ngwendi, "Njalombo wije kumwela ukwabo oku natha kubamwena. Watha kumona lika kushwenya chabo hayehi, kethi boshe embwe. Cho watha kunjithingilabo kuje bene. ¹⁴Cho watwalele Mbalamu mu mahya a Zofilimu, helu lya munkinda wa Pisika, nakutunga mitula ikwabo itanu naibali. Walambwileko poho umo na nkomba ya maanga umo ha mutula umo na umo. ¹⁵Cho Mbalamu wendekele kuli Mbalaki ngwendi, " Imana hano hayehi na mulambu wobe wakulumba, hathimbu njiliwana na Yehoba kuje."¹⁶Cho Yehoba waliwanene na Mbalamu nakwaka muthzimbu mukanwa kendi. Wendekele ngwendi, "Iluka kuli Mbalaki nakumwana muthzimbu wange." ¹⁷Mbalamu welukile kuli ikeye, cho kengoni wemanene kuyehi na mulambu wendi wakulumba, cho wakele hamo naba ntwama baba Moabu. Cho Mbalaki wendekele kuli ikeye ngwendi, " Yehoba nendeka bika?" ¹⁸Mbalamu washangumukile bupolofita bwendi. Wendekele ngwendi, " Mbalaki, Katuka, uthzibe. Tolilila kuli yange, obe muna Zipa.¹⁹Njambi kapwile munu embwe, hakupwa alikwithe, nameme munu, hakupwa alumune bithinganyeka byendi. Nkuma washikaho chuma chakujeneka kuchilinga? Wendekaho laja ngwendi alinga chuma chimo chakujeneka kuchambata? ²⁰Kenga, Banajikambeya kukwithula. Njambi naana kithu, cho kunjatha kubyanetha.²¹Katalele ha bukalu bwamu Yakobo, cho kamwene kukaluhwa mu Isalela. Yehoba Njambi yabo ali nabo hamo, cho kutambekela cha mwene chili hakati kabo. ²²Njambi wabatundithile mu Ingitu na nthzili ngwe ya mpakasha.²³Cho kukwethi ngombo yapande kukwata Yakobo embwe, cho kukwethi kwambulula cha kubethzika chibulumuna Isalela Olojoni, bapande kuchendeka hali Yakobo na ialela ngwabo, 'Kenga obyo nalingi Njambi!'²⁴Kenga, banu bakemana ngwe ndumba wachinakathzi, ngwe ndumba ou alisholola nakulukuka banu. Kethi kukotha hathi kweta nomu alya chije nakwata nakunwa maninga a chije na thsiyi."²⁵Cho Mbaliki wendekele kuli Mbalamu ngwendi, "Kethi ubathinge nameme kubakwithula embwe." ²⁶Oloni Mbalamu wamukumbulwile Mbalaki ngwendi, "Nkuma kunjakulekele ngwange njapande kwendeka byoshe bije Yehoba anjileka kwendeka ndi?" ²⁷Cho Mbalaki wamukumbulwile Mbalamu ngwendi, "Ija oni, njikutwala ku mwela ukwabo. Mpamo chikamushuulwitha Njambi kuli yobe kubathingila kuje hali yange."²⁸Cho Mbalaki watwalele Mbalamu helu ya munkinda wa Peya, ou wakenga ha mambo. ²⁹Mbalamu wendekele kuli Mbalaki ngwendi, "Njitungile mitula itanu na ibali nakubwabetha ma poho aba ngombe batanu na babali naba nkomba ba bimaanga batanu nababali." ³⁰Cho Mbalki walingile ngwe omu amukambeyeye Mbalamu; walambwileho poho na nkomba ya maanga hamutula umo na umo.

¹Cho omu achimwene Mbalamu mgendi chinamubwahetha Yehoba kukithula Isalela, kaileko, ngwe nakupangetha bingombo embwe. Olojoni, wakengethele ku mambo.²Wajundwile mesho endi nakumona ba Isalela mu bilombo, aba mumuyati wabo nabakwabo, cho mnnthzinthzime wa Njambi wethzile hali ikeye. ³Watambwile obu bupolofita nakwendaka ngwendi, "Mbalamu muna Mbelo ashaka kwendekoni, munalume ou nashokolola mesho endi.⁴Akendeka nakuthziba lijwi lya Njambi. Akamono chimwetho cha kutunda kuli ou wanthzili yoshe, oku kwakanthsikama nakushokolola mesho endi. ⁵Kubwaha chakupwa hali cha matende obe, Yakobo , mwela ou ukayoyela, obe Isalela!⁶Ngwe mingulunga bakatanda kwoshe, ngwe mahya akumukulo wa ndonga, ngwe miti nakunu Yehoba, ngwe kendale kuyehi na mema.⁷Mema aketa kutunda mubitenga byabo, cho mbuto yabo ikakala na mema akulithala. Mwene wabo wakama kutubakana Angangi, cho bumwene bwabo bakabulemetha.⁸Njambi, akamutuhula mu Ingitu. Akapwa na nthzili ngwe ya mpakasha wamushwata. Akalya mafuti awa akamulwitha. Akapokothzola bithsiya byabo mubimbathzubwila. Akabasha na mikili yendi.⁹Akakalaba hathi ngwe ndumba, ngwe ndumba walwabo. Iyajo ou natha kumushangumuna? Echela ou woshe akamukwithula akapwe waku kwithula; ou akamuthinga akapwe wakuthingiwa."¹⁰Butenu bwa Mbaluki babushambeyeye hali mbalamu chowawanethele maboko endi hamo na mubutenu. Mbalaki wendekele kuli Mbalamu ngwendi, ngwendi,"Njinakuthanene kuthinga baka ng'ole bange, oloni kenga, unabakithula katatu. ¹¹Choni njithethze uye kwimbo. Njinendekele ngwange njikakufweta mwakama, oloni Yehoba nakwonowetha kutambula fwetoy ange."¹²Cho Mbalamu wakumbulwile Mbalaki ngwendi, "Njendekele kuli tunganda watumine kuli yange ngwange, ¹³'Nambe ngwe Mbalaki akanjana nganda yendi yakushula na siliba na ngolonde, kunjatha kutubakana lijwi lya yehoba na bili byoshe byabibi nambe bya byabibwa, nameme bili boshe muli bije njikashaka kulinga, njendeka lika ebi Yehoba anjileka kwendeka. Nkuma kuja byendekele kuli bakebo ndi? ¹⁴Choni, kenga, Njiluka ku banu bange. Oloni chakulibanga echela njikunyanyamethe ebi aba banu bakalinga ku banu bobe mumatangwa akulutwe.¹⁵Mbalamu washangumukile obu bupolofita, wendekele ngwendi, "Mbalamu muna Mbewa endeka kuli munalume ou nashokolola mesho endi. ¹⁶Obu bukebo bupolofita bwa munu ou akathzibi majwi akutunda kuli Njambi, ou walema mwilu, ali na bimwetho kutunda kuli ou wanthzili yoshe, kuli ou akanthsikamena na mesho akutona.¹⁷Njikamumono, oloni hathimbu ino kethi hanoni, Njikatala kuli ikeye, oloni kethi hayehi. Litota likatunda muli Yakobo, cho nthzili yakutwamenena ikatunda mu Isalela. Akolwetha bantwama baba Moabu na kunyongetha chithemunwina choshe cha Seti.¹⁸Cho lifuti lya Endomu likapwa chikwata cha Isalela, na Seya ikapwa lalo chikwata chabo, baka ng'ole ba Isalela, aba akalyana Isalela kupangetha nthzili. ¹⁹Cho mwene akatunda mu Yakobo ou akakala na nthzili, cho akanyongetha baje bakoboka bamu nganda yabo."²⁰Cho Mbalamu wakengele hali Amaleki nakushangumuka bupolofita bwendi. Wendekele ngwendi," Amaleki wakele umo wakama ha mafuti, oloni makumuthilo endi akapwa akuthzilumuka."²¹Cho Mbalama wakengele kuli ba Kenite nakushangumuka bupolofita bwendi. Wendekele ngwendi, " Mwela ou ukayoyela wapwa wakutakama, cho lishwa lyobe lyakala mu mamanya. ²²Nambengocho yobe Kenite bakakulya ku tuhya omu baka Asilia bakamyambata mubundungo."²³Cho Mbelamu washangumukile bu polofita bwendi bwamamanethelo. Wendekele ngwendi, "Bukalu! Iyajo ou akoboka omu Njambi akalinga ngechi? ²⁴Bimbopolo bikatunda ku ngenge ya kitimu; oloni nabakebo, lalo, bakamanethela mukuthzilumuka."²⁵Cho Mbalamu wakatukile nakuya. Welukile kwimbo lyendi, cho Mbalaki lalo watundileko.

¹Isalela wakele mu Shitimu, cho nanalube ba shangumukile kulinga bupangala na ba nakathzi ba mu Mowabi, ²cho ba Mowabu ba lanyele banu ku bi kombelo bya tu njambi twabo. Cho banu balile na kuthsikama ku tunjambi twa ba Mowabi. ³Banalume ba Isalela bali kumbathene muku lemetha Mbale waku Peole, cho bendwile kulubala cha Njambi kuba Isalela.⁴Njambi wendekele kuli Mosesa ngwendi, "Thsiya ba ntwamena boshe ba banu na kuba shukika kulutwe lwange mutanya mwelu, ngechi bukalu bwange bwakama butunde hali Isalela," ⁵Ngechi bene Mosesa wendekele kuli ba twamina ba ba Isalela ngwendi, " Munu na munu akati keni a thsiye banu bendi baje ba lemethele Mbale wake Peole,"⁶Cho umo munalume waku bana ba Isalela wethzile nawa wanenele munakathzi wa ka Mundiya wa kufuma ku nanga yendi. Ebi byalingikile ku mesho a Mosesa na ije ndandanga yoshe ya banu ba Isalela, thimbu bakebo ba chikele na kulila ku chikolo cha tente mwakuliwanena. ⁷Omo Finehase muna Eleaza muna Alone ka Pilisitu wa mwene echi, wa katukile kufuma mu ndandanga cho wa nonele likunga muliboko lyendi.⁸Wa kabangeyele uje munalume wa Isalela mu tente cho wa pulyathanene likunga mumibila yabo, boshe uje munalume wa Isalela na munakathzi. Cho uje mushongo wa tumine Njambi hali banu ba Isalela wa hwile. ⁹Oloni baje ba thsile ku mushongo ou ba pwile 24 000.¹⁰Njambi wendekele kuli Mosesa ngwendi, " ¹¹Finehase muna Eleaya muna Alone ka pilisitu, nolwetha bukalu bwange hali banu ba Isalela mwafwa ikeye na kala na ntwima ya kuthingimika bukama bwange kuli bakebo. Cho kunja nyonethele banu ba Isalela mubutenu bwange.¹²Ngachije oni endeka ngwobe, Njambi ngwendi, "Kenga, njili na kwana Finehase chikumiiyo change cha kwoloka. ¹³Ikeye na chithemunwino chendi, cho chikapwa chikumiiyo cha bu kapilisitu bwa thimbu yoshe mwafwa wa thzemene yange, Njambi yendi . Nambetha bubi bwa ba Isalela,"""¹⁴Lithzina lya uje munalume wa Isalela iba thsiile na uje munakathzi wa ku Mindiyani lya pwile Zimili muna Salu, ntwama wa mukulu wa naanga ya ba Simiyoni. ¹⁵Cho lithzina lya uje munakathzi wa ka Mindyani iba thsiile ikeye Kazibi muna Zule, ou wapwile mukulunu wa muyati wa naanga ya mu Mindiya.¹⁶¹⁷¹⁸Cho Njambi wendekele kuli Mosesa ngwendi, "Ambata ba Mindiyani nge baka ng'ole cho watela kubalukuka. Omwo ba mya mbatele nge mubaka ng'ole yabo mwafwa ya kukwitha kwaabo. Ba mi kokweyeyeye mu bubi kuje ku Peole cho na ali ndokathzi yabo Kazibi, mwana wa munakathzi muna ntwamina mu Mindiyani, uje ibs thsiile ha litangwa lya mushongo kuje ku Peole,"

¹Munima ya uje mushongo Njambi wendekele kuli Mosesa na Elyazale muna ka pulisitu Alone. Wendekele ngwendi, ²"Labeni ndandanga yoshe ya banu ba Isalela, kushangumukila kuli baje bali na myaka makumi abali nambe kutubakana, kwitila munanga ya bakulu babo, boshe baje batha kuya ku nthzita mu Isalela."³Cho Mosesa na kapilisitu Elyazale bendekele nabo mu mu chana cha Mowabu ku chikulo cha Yondau kuje ku Yeliko cho bendekele ngwabo, ⁴"Labeni banu, kushangumukila kuli baje bali na myaka makumi abali nambe kutubakana, ngwe muje Njambi wa kambeyeye Mosesa na banu ba Isalelea, baje batundile mu lifuti lya Ingito."⁵Lubeni wapwile ntwatwa ya Isalela. Kufuma kuli munendi Hanoki kwa tundile shoko ya ba Hanoki. Kufuma kuli Palu kwatundile shoko yaba Palu. ⁶Kufuma kuli Hezelone kwatundile sholo ya ba Hezelone. Kufuma kuli Kalemi kwa tundile shoko ya ba Kalemi. ⁷Eyi ikeyo shoko ya Luben,i baba Labele bapwile banalume 43,730.⁸Elyambe wapwile mwana wa munalume wa Palu. ⁹Bana babanalume ba Elyambe bakele Namwele, Ndalane, na Abilame. Aba ba Ndatane na Abilame bakebo bakabangeyele Kola haje ba tengulukilile Mosesa na Alpne na kutengulukila Njambi.¹⁰Cho libu lyashamene nakuba leula hamolika na Kola na baje baka kumukabangeya ba thsilile. A thimbu ije, tuhya twa nyongethele banalume 250, chobakebo bapwile chimwetho. ¹¹Oloni naanga ya Kola kuya thsile.¹²Shoko ya chithemunwina cha Simyoni ya pwile eyi: Kwitila muli Nemwele, kukekwo kwatunda shoko ya baNemwele, kwitila muli Njamine, kukekwo kwatunda shoko ya Njamine, kwitila muli Njakine, mwatundile shoko ya baNjikine, ¹³kwitila muli Zela, mwatundile shoko ya ba Zela, kwitila muli Sheulu, mwa tundile shoko ya baSheulu. ¹⁴Ababakebo bapwile shoko ya chithemunwina cha Simyoni, babalabele kupwa banalume 22,200.¹⁵Shoko ya chithemunwina cha Ngande yapwile eyi: Kwitila muli Zefone, mwatundile shoko ya baZefone, kwitila kuli Hangi, mwatundile shoko ya baHangi, kwitila muli Shuni, mwatundile shoko ya baShuni. ¹⁶kwitila muli Ozini, mwatundile shoko ya baOzini, kwitila muli Eli, mwatundile shoko ya baEli, ¹⁷kwitila muli Alonde, mwatundile shoko ya baAlonde, kwitila muli Aleli, mwatundile shoko ya baAleli. ¹⁸Aba bakebo bapwile shoko ya chithemunwina cha Ngande, babalabele kupwa banalume 40,500.¹⁹Bana ba banalume ba Yunda bapwile Ele na Onane, oloni aba banalume ba thsililile mu lifuti lya Kanana. ²⁰Shoko ikwabo ya chithemunwina cha Yunda yapwile eyi: Kwitila muli Shela, mwatundile shoko ya baShela, kwitila muli Peleze, mwatundile shoko ya bapeleze, cho kwitila muli Zela, mwatundile shoko ya baZela. ²¹Baka chithemunwina cha Peleze ba pwile aba; kwitila muli Hezelone, kwatundile shoko ya baEzelone, kwitila muli Hamule, mwatundile shoko ya baHamule. ²²Aba bakebo bapwile shoko ya chithemunwina cha Yunda, babalabele kupwa banalume 76,500.²³Baka chithemunwina cha shoko ya Isakele bapwile aba: Kwitila muli Yola, mwatundile shoko ya baTola, kwitila muli Puwa, mwatundile shoko ya baPuwa, ²⁴kwitila muli Njashumbe, mwatundile shoko ya baNjashumbe, kwitila muli Shimelone, mwatundile shoko ya baShimelone. ²⁵Aba bapwile ba shoko ya Isakale, babalabele kupwa banalume 64,300.²⁶Baka chithemunwina cha shoko ya Zembuloni bapwile aba: Kwitila muli Selende, mwatundile shoko ya baSelende, kwitila muli Njahelele, mwatundile shoko ya baNjahelele. ²⁷Aba bakebo bapwile shoko ya baZembuloni, babalabele kupwa banalume 60,500.²⁸Baka chithemunwina cha shoko ya Yosefa bapwile Manase naEfalime. ²⁹Baka chithemunwina cha Manase bapwile aba: Kwitila muli Mikile, mwatundile shoko ya baMakile (Makile wapwile ishe ya Ngilyande), kwitila muli Ngilyande, mwatundile shoko ya baNgilyande.³⁰Baka chithemunwina cha Ngilyande bapwile aba: Kwitila muli Lyezele, mwatundile shoko ya baLyazele, kwitila muli Heleke, mwatundile shoko ya baHeleke, ³¹kwitila muli Asilyele, mwatundile shoko ya baAsilyele, kwitila muli Shekeme, mwatundile shoko ya baShekeme, ³²kwitila muli Sheminda, mwatundile shoko ya baSheminda, kwitila muli Hepa, mwatundile shoko ya baHepa.³³Zelofehande muna Hepa kakele na bana ba banalume, oloni wakele na bana ba banakathzi. Mathzina abana bendi ba banakathzi apwile Mahela, Nowa, Hongela, Mileka, na Tileza. ³⁴Aba bapwile shoko ya Manase, baba labele bapwile banalume 52,700.³⁵Baka chithemunwina cha shoko ya Efalime bapwile aba: Kwitila muli Shutela, mwatundile shoko ya baShutela, kwitila muii Mbekele, mwatundile shoko ya baMbeleke, kwitila muli Tuhane, mwatundile shoko ya baTuhane. ³⁶Baka chithemunwina cha Shutela bapwile, Elane, wa ku shoko ya Elane. ³⁷Aba bapwile baka chithemunwina cha shoko ya Efalime, baba labele bapwile banalume 32,500. Aba bakele baka chithemunwina cha Yosefa, baba labele mu shoko na shoko yabo.³⁸Baka chithemunwina cha shoko ya Mbejamani bapwile aba: Kwitila muli Mbela, mwatundile shoko ya baMbela, kwitila muli Ashimbele, mwatundile shoko ya baAshimbele, kwitila muli Ahileme, mwatundile shoko ya baAhileme, ³⁹kwitila muli Shefufame, mwatundile shoko ya baShefufame, kwitila muli Hefame, mwatundile shoko ya baHefame. ⁴⁰Baka chithemunwina cha Mbela bapwile Alenda na Namane. Kutunda kuli Alenda kwethzile shoko ya baAlenda, cho kutunda kuli Namane kwethzile shoko ya baNamane. ⁴¹Aba bapwile baka chithemunwina cha shoko ya Mbenjamani. Baba labele bapwile banalume 45,600.⁴²Baka chithemunwina cha shoko ya Ndani bapwile, Shuhame, shoko ya baShuhame, Aba baka chithemunwina cha shoko ya Ndani. ⁴³Boshe baka shoko ya baShuhame baba labele kupwa banalume 64,400.⁴⁴Baka chithemwinina cha Baka Baka shoko ya Ashele bapwile aba; Kwitila muli Imena, mwatundile shoko ya baImena, kwitila muli Ishebi, mwatundile shoko yaIshebi, kwitila muli Mbeliya, mwatundile shoko ya baMbeliya. ⁴⁵Baka chithemunwina cha Mbeliya bapwile aba: Kwitila muli Hembele, mwatundile shoko ya baHembele, kwitila muli Malekyele, mwatundile shoko ya baMalyekele. ⁴⁶Lithzina lya muna Ashele wa munakathzi lyapwile Sela. ⁴⁷Aba bapwile baka chithemunwina cha shoko ya Ashele, baba labele kupwa banalume 53,400.⁴⁸Baka chithemunwina cha shoko ya Nafetali bapwile aba; Kwitila muli Njahezele, mwatundile shoko ya baNjahezele. kwitila muli Nguni, mwatundile shoko ya baNguni, ⁴⁹kwitila muli Njezele, mwatundile shoko ya baNjezele, kwitila muli ba Shileme, mwatundile shoko ya baShileme. ⁵⁰Aba bakebo bapwile baka chithemunwina cha shoko ya Nafetali, baba labele kupwa banalume 45,400.⁵¹Obu bukebwo bwingi bwa banalume bamu Isalela: Theteko yabo yapwile 60, 730.⁵²Cho Njambi wendekele kuli Mosesa ngwendi, " ⁵³Pangununeni lifuti mukati ka banalume aba linga upwe buthwana kwetheketha na bwingi bwa banalume baje ba labele.⁵⁴Aneni buthwana bwakama kuje kuli shoko yakama, cho kuje kuli shoko yaindende aneni buthwana bwa bundende. Kuli nanga yoshe aneni buthwana kwetheketha na theteko ya banalume baje ba labele. ⁵⁵Nambe ngocho, angununeni lifuti kupangetha kuta lyongo. Bana pande kuthwana lifuti baka lyangunune akati ka miyati ya bakulu babo. ⁵⁶Buthwana bwabo baka bwangunune akati ka shoko ya bana neyi yaindondo, akuba pangela pangeleni kuta lyongo."⁵⁷Shoko ya balevi, babalabele shoko ha shoko, bapwile aba: Kwitila muli Ngeleshone, mwatundile shoko ya baNgeleshone, kwitila muli Kohate, mwatundile shoko ya baKohate, kwitila muli Melali, mwatundile shoko ya baMelali. ⁵⁸Baka shoko yaba Levi bapwile aba: Shoko ya baLimbeni, shoko ya baHebelone, shoko ya baMaheli, shiko ya baMushi, shoko ya baKohate. Kohate wapwile mukulu wa Amelame. ⁵⁹Lithzina lya munakathzi wa Amelame lyapwole Njokebende, chithemunwina cha Levi, uje athemukile kuli baLevi mu Ingitu. Kuli Amelame wakitilileko bana, bapwile Alone, Mosesa na ndokathzi yabo Milyamu.⁶⁰Alone wa kitile Nandabe na Abihu, Elyazale na Itamale. ⁶¹Oloni Nandele na Abihu bathsile omo ba kombelele ng'ombelo ya tuhya ya byanene Njambi ku mesho endi. ⁶²Banalume baje balabele akati kabo theteko yabo ya pwile makulukathzi makumi abali na atatu, boshe banalume bakele na ngonde imo na kutubakana. Olojo kubabalabelele akati ka chithemunwina cha Isalela mwafwa kubabanene buthwana akati kabanu ba Isalela.⁶³Aba bakebo baje ba labele kuli Mosesa na kapilisitu Elyazele. Balabele banu ba Isalela muje mu byana bya Mowabi ku mukulo wa Yondani kuje ku Yeliko. ⁶⁴Olojo akati kabo kukwakele munalume iba labele kuli Mosesa na kapilisitu Alone omo bakele nakulaba chithemunwina cha Isalela muje mu mambo ya Sinai.⁶⁵Mwafwa Njambi wendekele ngwendi mwabushunga bene boshe obo banu bakathsila mu mambo. Kukwakele munalume wa thaleleko akati kabo, kubanga Kalembi muna Njefune na Yoshwa muna Nane.

¹Cho kuli Mosesa kwafumine bana babanakathzi ba Zelofehande muna Hefele wa munalume muna Ngilyande wa munalume muna Makile wa munalume muna Manase wa munalume, ba shoko ya Manase muna Yosefa wa munalume. Awa akeo apwile mathzina abana bendi ba banakathzi: Mahela, Nowa, Hongela, Mileka, na Tileya.²Bemanene kumesho a Mosesa, Elyazale ka pilisitu, ba ntwama, na kundandanga yoshe kuje kuchikolo ku tente ya kuliwanena. Bendekele ngwabo, ³"Tatetu wathsilile mu mambo. Kapwile umo wa baje bendele bungungu Njambi kupangela hamo na Kola. Wa thsile omwo ya bubi bwendi babenya, kakele na bana babanalume.⁴Omwo bikajo lithzina lya tatetu balifumithila kuje ku shoko yendi mwafwa ikeye kakele na bana babanalume ndi? Twaneni mwela akati ka babushoko bwa tate." ⁵Ngechibene Mosesa wa twalele ng'anda yabo kuli Njambi.⁶Njambi wendekele kuli Mosesa ngwendi, ⁷"Bana ba Zelofehande babanakathzi banendeka mwa mubwa. Ngechi banenei mwela bwa ishabo, mwatela kumona ngweni bushwana bwa ishabo buketa kuli bakebo. ⁸Endeka na banu ba Isalele ngechi ngwobe, 'Nga munu athsa ikeye kathethzele mwana wa munalume, cho buthwana bwendi bunapande kuya kuli munendi wa munakathzi.⁹Oloje nge kethi na mwana wa munakathzi, cho aneni buthana bwendi kuli ba ndolome bendi. ¹⁰Nga ikeye kethi na bandolome bendi, cho aneni buthwana bwendi kuli ba ndolome ya ishe. ¹¹Oloni nga ishe kakele naba ndolome bendi, cho aneni buthwana bwendi kuli kabushoko kendi wa ambunge wa mushoko yendi, abwambate kupwa bwendi. Eli lipwa lishiko lije banu ba mu Isalele banapande kukabangeya, nge mwanakambeya Njambi."¹³Njambi wendekele kuli Mosesa ngwendi, "Ya kulilundu lya Abalime linga umone mwela uje unjinana banu ba Isalele. ¹²Munima ya kuumona, yobe lalo, uliwane na banu bobe, ngwe mwalingile Alone ndolome yobe. ¹⁴Echi chikalingika mwafwa yeni mububali bweni mwa tengulukilile ma kambeyo ange muje mu mambo ya Zine. Kuje, omo mema apwile na kufuma mulimanya, mukulubala kwobe wonowele kulemetha yange wakuthzila kumesho ya ndandanga yoshe." Awa akewo mema aku Meliba aku Kandeshe muje mu mambo ya Zine.¹⁵Cho Mosesa wendekele kuli Njambi ngwendi, ¹⁶"Njikulomba, Shukulu, yobe Njambi ya myonyo ya banu boshe, imika munalume ali ei ndandanga, ¹⁷munalume uje wakulinga atha kuya kulutwe lwabo na kwiluka lalo na kuba twamenena mukuya anja na kubelwithamo lalo, mangana ei ndandanga yobe kethi ikaloni ngwe bimanga baje kubethi na kanyungi."¹⁹Njambi wendekele kuli Mosesa ngwendi, "Ambata Yoshuwa muna Nune, uje munalume wayoya na munthzinthzime wange, kambeka liboko lyobe hali ikeye. ¹⁸Cho mwimike ku mesho a kapilisitu Elyazele na ha mesho a ndandanda yoshe, cho mukambeye kumesho abo linga aba twamenene,ka²⁰Cho unapande kumwaka imo ya moko yobe, linga ndandanga yoshe ya banu ba Isalele baka mwononoke. ²¹Akaya kuli kapilisitu Elyazale ku kehula bithinganyeka byange ali ikeye kwitila mu bithinganyeka bya Ulimu. Ikapwa kukukambeya kwendi linga banu ba katuhuke hanja na kukobela mukati, ikeye na banu boshe ba Isalele ba kapwa nendi, na ndandanga yoshe."²²Mosesa wa lingile ngwe muje wamu kambeyeye Njambi. WemikileYoshuwa na kumwaka kumesho a kapilisitu Elyazale na kundandanda yoshe. ²³Wakambekele maboko endi hali ikeye cho wamukambeyeye ngwendi linga a twamenene, ngechi omu bamu kambeyeye kuli Njambi kulinga.

¹Njambi wendekele kuli Mosesa ngwendi, ²"Shika banu ba Isalele cho ubaleke ngwabo, 'Unapande kwana ng'ombelo kuli yange bithimbu bije binjinangula, byakulya by milambu ije mukalumba ikanena bweko bwa kunika lwengo lwalubwa kuli yange.'³Cho unapande lalo kwendeka kulibakebo ngwobe, 'Eyi ikeyo milambu banapanga kutuhya ije munapande kunena kuli Njambi - bana babi manga babali ba mwaka umo bakujeneka kapenga, babali halitangwa, kupwa mulambu wa kulumba thimbu yoshe. ⁴Mwapande kulambula manga umo wa mulambu mutondo, cho mukwabo munapande kumulambula mangwethzi. ⁵Munapande kulambula cha bulikumi bwa makumi awana malitazi abunga bwa binona bya tiliku, munapande kuyikumbathana na mathzi a kupwa lita imo.⁶Owu ukewo mulambu wa thimbu yoshe wakwenyeka uje unja mishikile ha munkinda wa Sinai uje unena bweko bwa kunika lwengo, mulambu wakupanga ku tuhya kuli Njambi. ⁷Mulambu wa kunwa unatela kupwa lita imo habana babamanga. Mwatela kwitila mu mwela wakuthzila mulambu wa kunwa wa kulula kunwa kuli Njambi. ⁸Cho mukwabo muna manga mwapande kumulambula mangwethzi hamo na mulambu wa binona ngwe uje balambwile mutondo. Cho mwapande lalo kulambula mulambu wa kunwa, mulambu wakupanga ku tuhya, kunena bweko bwa kunika lwengo kuli Njambi.⁹Halitangwa lya Sapalalo mwapande kulambula bana babali babimanga, boshe batela kupwa ba mwaka umo bakujeneka kapenga, na bunga bwa binona bwa kupwa makilo abali a milambu, kukumbathana na mathzi na mulambu wa kunwa. ¹⁰Ou wapande kupwa mulambu wa kwenyeka ha Sapalalo yoshe, kuwethzelelaho thimbu yoshe mulambu wa kulumba hamoloka namilambu ya kunwa.¹¹Hamaputukilo a ngonde yoshe, mwapande kulambula mulambu wa kwenyeka kuli Njambi. Mwapande kulambula bana baba ngombe babali ba nkomba, manga umo, na bamanga batanu na babali bankomba bamwaka umo bakujeneka katenga. ¹²Mwapande kalambula makilo atatu abunga bwa binona bwa tiliku bwa kukumbathana na mathzi a ngombe wa nkomba, na makilo abali a bunga wa tiliku bwa binona bwa mulambu bwa kukumbathana na mathzi a manga wa nkomba umo. ¹³Wapande kulambula kilo imo ya bunga wa tiliku bwakukumbathana na mathzi kupwa mulambu wa binona hali manga woshe. Ou wapande kupwa mulambu wakulumba, unena bweko bwa bubwa, mulambu uje ubapangele kutuhya kuli Njambi.¹⁴Milambu ya banu ya kunwa yatela kupwa malitazi abali a binyu bya ngombe wa nkomba, cho na lita imolika na litambela lya manga wa nkomba, na lita imolika ya muna manga. Ou mwatela kulumba mulambu ha ngonde na ngonde yoshe ya mu mwaka. ¹⁵Chithzamba wa membe kupwa mulambu wa bubi wakulambula kuli Njambi. Ou unapu wakubwethzelaho thimbu yoshe ku mulambu wa kutunda na mulambu wa kunwa.¹⁶Mungonde ya kulibanga, halitangwa lya likumi limo na matangwa awana a ngonde, kwethzile paseka ya Njambi. ¹⁷Halitangwa lya likumi limo na atanu a mungonde imo tunatela kupwa na chiwano. Hamatangwa atanu na bali, batela kulya likende lya kujeneka muthima. ¹⁸Halitangwa lya kulibanga, kwatela kupwa kukunguluka kwa kuthzila kwa kulemetha Njambi. Cho kumwapandele kupanga bipangi bimo halitangwa lije.¹⁹Nambe ngocho, watela kulambula ng'ombelo ya kwenyeka na tuhya, mulambu wa kwenyeka kuli Njambi. Wapande kulambula bana baba ngombe babali ba nkomba, manga wa nkomba, na bana babi manga batanu na babali bali na mwaka umolika, bakujeneka katenga. ²⁰Hamolika na ngombe wa nkomba, wapande kulambula makilo atatu a bunga bwa tiliku bwa kukumbathana na mathzi, hamo na manga wa nkomba, makilo abali. ²¹Nabamanga batanu na babali, mwapande kulambula umolika ya bunga bwa kukumbathana na mathzi, ²²na membe umo wa chithzamba kupwa mulambu wa bubi linga mukalijelethe yeni babenya.²³Mwapande kulambula ebi kwabwethelelaho ha mulambu wa kulumba thimbu yoshe ije itondeka mutondo woshe. ²⁴Ngwe umo mubanendekela hano, mwatela kulambula ebi bing'ombelo tangwa na tangwa, ha matangwa atanu nawabali a paseka, bilya bya kulambula bya kulumba ku tuhya, bweko bwa bubwa bwa Njambi. Mwapande kubilambula na kubwethzelelaho mulambu wa kwenyeka thimbu yoshe na mulambu wa kunwa. ²⁵Halitangwa lya muchitanu na wabali mwatela kupwa na kukunguluka kwa kuthzila kwa kulemetha Njambi, cho kumwapandele kupanga chipangi chimo halitangwa lije.²⁶Halitangwa lya bimbuto bya biha bya kulibanga, omwo mukana mulambu wa binona bya biha kuli Njambi mu thimano ya kulibanga ya chilika, cho mwapande kupwa na kukunguluka mwa kuthzila kwa kulemetha Njambi, cho kumwapandele kupanga chipangi chimo halitangwa lije. ²⁷Mwapande kulambula mulambu wa kwenyeka kunena bweko bwabubwa bwa kunika lwengo kuli Njambi, Munapande kulambula bana baba ngombe babali ba nkomba, manga wa nkomba, nabana babi manga batanu na babali bali na mwaka umolika. ²⁸Lambula lalo mulambu wa binona linga baya nabyo: Bunga bwa tiliku bwa kukumbathana na mathzi, makilo atatu a bunga bwa tiliku bwa kukumbathana na mathzi a ngombe woshe wa ngombe na makilo abali a manga umolika wa nkomba.²⁹Lambula kilo imolika ya bunga bwa tiliku bwa kukumbathana na mathzi a bimanga batanu na babali, ³⁰na muna membe kupwa mulambu wa kujeletha kububi bweni babenya. ³¹Omwo mukalambula baje tuthitu bakujeneka katenga, hamolika na milambu ya kunwa, ebi mwapande kubyaka ku mulambu wa kulumba thimbu yoshe na mulambu wa mbuto hamo."

¹Mungonde ya muchitanu na halitangwa lyakulibanga mungonde, mwatela kupwa na kukunguluka kwa kuthzila kulemetha Njambi. Kethi mukapanga chipangi chimo halitangwa likapwa lya kwimba malupembo.²Mwapande kulambula mulambu wa kulumba linga unene kunika kwa kubwa kuli Njambi. Mwapande kulambula ngombe umo wa nkomba, manga umo wa nkomba, na bana batanu na babali bakupwa na mwaka umolika, boshe bakujeneka katenga.³Mwapande kulambula mulambu wa bimbuto, bunga bwa tiliku bwa kujeneka bithsethsi bwakukumbathana na mathzi, makilo atatu a nkomba ya ngombe, makilo abali a manga wa nkomba, ⁴na kilo imo ya manga waboshe baje batanu na babali. ⁵Mwapande kulambula chithzamba wa membe umo kupwa mulambu wa bubi wa kujeletha milonga yeni bababenya.⁶Muka lambule milambu eyi mungonde ya butanu na ibali kubwethzelelako ku milambu yoshe ije mukalambula mungonde ya kulibanga: mulambu wakulimanena wa kulumba na mulambu wa bimbuto kuya nawo. Ebi byatela bya kubwethzelako ku mulambu wa kulumba wathimbu yoshe, unapu mulambu bwabi mbuto, na mulambu wa binyu. Omwo mupanga eyi milambu, mwapande kuthingimika bije wamikambeyeye kunena bweko bwa bubwa, mulambu bana panga kutuhya wa Njambi.⁷Halitangwa lya bulikumi ku ngonde ya butanu na ibali mwapande kupwa na chikungulukilo cha kuthzila cha kulemetha Njambi. Mwapande kulikehetha cho kethi mukapange. ⁸Mwapande kulambula mulambu wa kulumba unene bweko bwa bubwa kuli Njambi. Mwapande kulambula muna ngombe umo wa nlomba, manga umo wa nkomba, bana babimanga ba nkomba batanu na babali bamwaka umolika. Umo na umo wabo kapandele kupwa na katenga.⁹Mwapande kulambula nabo mulambu wa bimbuto, bunga bwa tiliku bwa kujeneka bithsethsi akukumbathana na mathzi, na makilo atatu a ngombe wa nkomba, makilo abali a manga wa nkomba, ¹⁰kilo imolika ya bamanga batanu na babali. ¹¹Mwapande kulambula chithzamba wa membe umolika kupwa mulambu wa bubi. Echi chipwa kubwethzelelako ku mulambu wa kukonekela bubi, mulambu wa kulumba wa thimbu yoshe, mulambu wa bimbuto,na mulambu wa binyu.¹²Halitangwa lya likumi na atanu ku bingonde bitanu na bibali mwapande kupwa na chikungulukilo cha kuthzila cha kulemetha Njambi. Cho kumwapamdele kupanga thimbu yoshe litangwa eli, mwapande kupwa na chilika cha matangwa atanu nabali. ¹³Mwapande kulambula mulambu wa kulumba, ng'ombelo ya kutunda kutuhya kunena bweko bwa bubwa kuli Njambi. Mwatela kulambula bangombe likumi na batatu ba nkomba, bamanga babali bankomba, na bana baba manga likumi na bawana baba nkomba bali na mwaka umolika. Umo na umo wabo kapandele kupwa na katenga.¹⁵Mwatela kulambula nabo mulambu wa bimbuto, bunga bwa tiliku bwa kujeneka bithsethsi bwa kukumbathana na mathzi, makilo atatu kutunda ku bangombe ba ba nkomba ba kupwa likumi na batatu, makilo abali abamanga babali ba nkomba, ¹⁴na kilo imolika ya umo na umo wa bana babi manga likumi na ba wana. ¹⁶Mwapande kulambula chithzamba umo wa membe kupwa mulambu wa bubi kubwethzelelako mulambu wa kulumba thimbu yoshe, mulambu wa bimbuto, na mulamb uwa binyu.¹⁷Halitangwa lya muchibali lya kukunguluka, mwapande kulambula bangombe baba nkomba likumi na babali, bamanga bankomba babali, na likumi na bawana lya bana babimanga baba nkomba ba mwaka umolika, umo na umo wabo wakujeneka katenga. ¹⁸Mwapande kukakombelela hamo nabo mulambu wa bimbuto na mulambu wa binyu wa bangombe baba nkomba, milambu ya bimanga baba nkomba, na mulambu wa bana ba bimanga, kulinga milambu yayingi ngwe muje baba kambeyeye. ¹⁹Mwapande kulambula chithzamba wa membe umolika kupwa mulambu wa bubi kubwethzelelako kun mulambu wa kulumba thimbu yoshe, mulambu wa bimbuto, na mulambu wa binyu.²¹Halitangwa lya muchitatu lya kukunguluka, mwapande kulambula bangombe likumi na umo baba nkomba, bamanga ba nkomba babali, na likumi na bawana lya bana babimanga ba mwaka umolika, ba kujeneka katenga. ²⁰Mwapande kubapangela mulambu wa bimbuto na mulambu wa binyu wa ba ngombe bankomba, waba manga baba nkomba, naba ba bimanga, kulinga milambu yayingi ngwe muje baba kambeyeye. ²²Mwapande kulambula chithzamba umo wa membe kupwa mulambu wa bubi kubwetheketha kuli uje mulambu wa kulumba wa thimbu yoshe, mulambu wa bimbuto na milambu ya binyu.²³Halitangwa lya muchiwana lya kukunguluka, mwapande kulambula bangombe baba nkomba likumi, bamanga babali baba nkomba, na bana babimanga likumi naba wana baba nkomba ba mwaka umolika, umo na umo wabo wa kujeneka katenga. ²⁴Munapande kubapangela mulambu wa bimbuto na mulambu wa binyu waba mgombe baba nkomba, ya bimanga baba nkomba, na bana babimanga, lingeni milambu yayingi ngwe muje bamikambeyeye. ²⁵Mwapande kulambula chithzamba wa membe umolika kupwa mulambu wa bubi kuwethzelelako ku mulambu wa kulumba thimbu yoshe, unapu mulambu wa mbuto, na milambu wa binyu.²⁶Halitangwa lya muchitanu lya kukunguluka, mwapande kulambula bangombe baba nkomba batanu na ba wana, bamanga babali baba nkomba, nabana ba bimanga baba nlomba likumi na bawana ba mwaka umolika, umo na umo wakujeneka katenga. ²⁷Munapande kubapangela mulambu wa mbuto na mulambu wa binyu waba ngombe ba nkomba, ya bamanga baba nkomba, na wa bana babamanga, kulinga yayingi ngwe muje bamikameyeye. ²⁸Munapande kulambula chithzamba wa membe umolika kupwa mulambu wa bubi kubwethzelelako kuli aje wa kulumba mulambu, unapu mulambu wa mbuto, na mulambu ya binyu.²⁹Halitangwa lya chitanu na limo lya kukunguluka, munapande kulambula bangombe baba nkomba batanu na babali, bamanga bankomba babali, na bana babi manga ba nkomba likumi na bawana bamwaka umolika, ba kujeneka katenga kamo. ³⁰Munapande kulinga nabo mulambu wa mbuto na mulambu wa binyu wa ba ngombe baba nkomba, waba manga baba nkomba, na bana babimanga, kulinga yayingi milambu ngwe muje bamikambeyeye. ³¹Mwapande kulambula chithizamba wa membe kupwa mulambu wa bubi kubwethzelako kuli ije milambu wa mbuto, na milambu ya binyu.³²Halitangwa lya muchitanu na bali lya kukunguluka, mwapande kulambula bangombe baba nkomba batanu nababali, ba manga babankomba babali, na bana babimanga baba nkomba likumi na bawana ba mwaka umolika, bakuthzeneka katenga. ³³Wapande kulinga nabo mulambu wa mbuto na mulambu wa binyu wa bangombe baba nkomba, waba manga baba nkomba, na wabana babimanga, kulinga yayingi milambu ngwe muje bamikambeyeye. ³⁴Mwapande kulambula chithzamba wa membe kupwa mulambu wa bubi kubwethzalako kuli ije milambu ya kwenyeka ya thimbu yoshe, unapu mulambu wa mbuto, na mulambu wa binyu byabo.³⁵Halitangwa lya muchitanu na watatu mwapande kupwa lalo na kukunguluka. Kethi mukathe kupanga bipangi byeni halitangwa lije. ³⁶Wapande kulinga mulambu wa kwenyeka, mulambu wakupanga kutuhya kunena bweko bwa ubwa kuli Njambi. Wapande kulambula ngombe umo wa nkomba, manga wa nkomba, na bana babimanga baba nkomba batanu na babali ba mwaka umolika, umo na umo wakujeneka katenga.³⁷Wapande kulambula mulambu wa mbuto na milambu ya binyu ya ngombe wa nkomba, wa manga wa nkomba, na bana babimanga, kulinga milambu yayingi ngwe muje bamikambeyeye. ³⁸Wapande kulambula chithzamba wa membe kupwa mulambu kubwethzelelako kuli ije ya kwenyeka ya thimbu yoshe, unapu mulambu wa mbuto, na wa binyu byabo.³⁹Ebi bikebyo mwapande kulambula kuli Njambi ha biwano byeni bya thimbu yoshe. Ebi byapande kupwa bya kubwethzelelako kukulithinga kweni na kukulahetha kwa kwana milambu kutundakuli babenya. Wapande kulambula ebi kupwa ngwe milambu ya kulumba, milambu ya mbuto, milambu ya binyu, na milambu wa chiwano." ⁴⁰Mosesa walekele banu baka Isalele bije bya mukambeyeye Njambi kubyendeka.

¹Cho Njambi wendekele kuli Mosesa ngwendi, ²"Kambeya banu ba Isalela na kwendeka kuli bakebo ngwobe, 'Omu mukakobela lifuti lya Kanana, lifuti eli likakala lyeni, lifuti lya Kanana na binginga byabo, ³nginga yeni yakushango katunda ku mambo yaku Zini kwita munginga ya Endoni: Ngangela ha chipalo chije chakumina kushongo ya kalunga ndonga wa mungwa.⁴Nginga yeni ikatengulukila kuya ku shango kutunda kuli lundu lya Aklambimu na kutunda mukati ka mambo ya Zini. Kutunda haje, iketa mu shango ya Kandeshi Nbaniya na kutwala ku Haza Ande kweta ku Azimoni. ⁵Kutunda kuje, nginga ikatenguluka kutunda ku Azimoni kushatukila ku tundonga twa Ingitu na kuyikambeyeya kweta ku kalunga ndonga.⁶Nginga yaku kangombe kayambi ikakala mu chipalo cha ngenge ya kalunga ndonga wakama. Eyi ikakala nginga yeni yaku kangombe kayambi.⁷Nginga ya kunto kweni yiketa mu chipalo echi mukapula kutunda ha kalunga ndonga wakama kuya ku munkinda wa Ho, ⁸cho kutunda ku munkinda wa Ho kuya ku Lebo Hamati, cho kuya ku Zendandi. ⁹Cho nginga ikatwalelela ku Zifuloni nakukumina ku Haza Enani. Eyi yikakala nginga yaku kunto yeni.¹⁰Cho mwatela kupula nginga yeni yaku ngangela kutunda ku Haza Enani kuthikumuka shango ku Shefamu. ¹¹Cho nginga yaku ngangela ikatunda ku Shefamu kweta ku Rimbula, mutambela wa ngangela ya Ayini. ¹²Nginga yikatwalelela kwita ngangela ya kalunga ndonga wa Kinereti. Ije nginga ikatwalelela kuya shango ya ndonga wa Yondani kuya ku kalunga ndonga wa mungwa nakutwalelela kuthikumuka nginga wa mungwa. Eli likakala lifuti lyeni, kukabangeya binginga binalithzenguluka."¹³Cho Mosesa wakabangeyeye banu ba Isalela na kwendeka ngwendi, "Eli likelyo lifuti mukatambula kwitila mukuta lyongo, eli Njambi na kambeya kwana ku miyati itanu naiwana naku mbathzubwila ya muyati. ¹⁴Muyati wa chithemunwina cha Lubeni, kukabangeya ku kwana cha byuma ku miyati yaba bakulu babo, na muyati wa chithemunwina cha Ngandi, kukabangeya ku kwana cha byuma ku mishobo yaba kakulwila babo, na mbathzubwila ya muyati wa Manase boshe banatambula lifuti lyabo. ¹⁵Ije miyati ibali naije mbathzubwila ya mushobo banatambula mbathzubwila ya lifuti ku jomboka Yondani ku Yeliko kuya ku ngangela, kutala ku mwijatangwa."¹⁶Njambi wendekele kuli Mosesa ngwendi, ¹⁷"Awa akeo mathzina a banalume aba bakapanga lije lifuti lya buswana bweni: Eliyaza kapilisitu na Yoshuwa muna Nune. ¹⁸Cho watela kushakula ntwama umo kutunda ku muyati woshe bakapange lifuti lya miyati yabo.¹⁹Awa akeo mathzina abanalume: Kutunda ku muyati wa Yunda, Kalembu muna Jefune. ²⁰Kutunda ku muyati wa chithemunwina cha Simiyone, Shemweo muna Amihundi.²¹Kutunda ku muyati wa Mbenjamini, Elindandi muna Kisiloni. ²²Kutunda kumuyati wa chithemunwina cha ntwama Ndani, Buki muna Njongili. ²³Kutunda ku chithemunwina cha Yosefa, ku muyati wa chithemunwina cha ntwama Manase, Haniyeo muna Epondi.²⁴Kutunda ku muyati wa chithemunwina cha ntwama Efulemu, Kemuweo muna Shifutani. ²⁶Kutunda ku muyati wa chithemunwina cha ntwama Zembuluni, Elizafani muna Palanaki. ²⁵Kutunda ku muyati wa chithemunwina cha ntwama Isaka, Palitio muna Azani.²⁷Kutunda ku muyati wa chithemunwina cha ntwana Asha, Ahihundi muna Shelomi. ²⁸Kutunda ku muyati wa chitheminwina cha ntwama Nefatali, Pendaleo muna Amuhundi." ²⁹Njambi wakambeyeye aba banalume bapange lifuti lya Kanana nakwana muyati na muyati waba Isalela mbathzubwila yabo.

¹Ndipo kunali masiku aja oweruza anaweruza kuti m'dziko muli njala, ndipo munthu wina wa ku Betelehemu wa Yuda ananka ku dziko la Moabu, pamodzi ndi mkazi wace ndi ana ace amuna awiri. ²Dzina la mwamunayo linali Elimeleki, ndipo mkazi wake anali Naomi. Mayina a ana ake awiri anali Maloni ndi Kilioni, amene anali Aefurata ochokera ku Betelehemu wa ku Yuda. Atafika m ofdziko la Mowabu amakhala kumeneko.³Kenako Elimeleki mwamuna wa Naomi anamwalira, ndipo Naomi anatsala ndi ana ake aamuna awiri. ⁴Ana awa anakwatira akazi a ku Mowabu; winayo dzina lake anali Oripa, dzina la winayo anali Rute. Anakhala kumeneko zaka khumi. ⁵Kenako Maloni ndi Kilioni anamwalira, kusiya Naomi opanda mwamuna wake komanso wopanda ana ake awiri.⁶Kenako Naomi anaganiza zochoka ku Mowabu ndi apongozi ake ndi kubwerera ku Yuda chifukwa anamva ku dera la Mowabu kuti Yehova anali atathandiza anthu ake omwe anali osowa ndipo anawapatsa chakudya. ⁷Kotero iye anachoka pamalo pamene iye anali ndi apongozi ake awiri, ndipo iwo anayenda mu msewu kubwerera ku dziko la Yuda.⁸Tsopano Naomi anauza apongozi akewo kuti: “Pitani, aliyense wa inu, kubwerera kunyumba ya mayi ake. Yehova akukomereni mtima, monganso mwachitira zabwino akufa ndi ine. Ambuye akupatseni mpumulo, yense m'nyumba ya mwamuna wina." ⁹mumapeza mpumulo, yense wa inu m'nyumba ya mwamuna wina. " Kenako anawapsompsona, nakweza mawu awo ndikulira. ¹⁰Iwo adalonga kuna iye mbati, "Nkhabe! Bwerera nawe kuna anthu ako."¹¹Koma Naomi anati, Bwererani, ana anga, mupite nane chifukwa chiyani? Kodi ndili ndi ana pakati panu kuti akhale amuna anu? ¹²ndakalamba kwambiri kuti ndisakhale ndi mwamuna. Ngati ndikanati, 'Ndikukhulupirira kuti ndidzakwatiwa usikuuno,' ndikubereka ana aamuna, ¹³kodi mungadikire mpaka atakula? Kodi mungasankhe kusakwatiwa ndi mwamuna? Ana anga aakazi! Ndikumva kuwawa kwambiri chifukwa cha inu, kuti dzanja la Yehova latuluka kudzandiyandikira.¹⁴Kenako apongozi akewo adakweza mawu ndikuliranso. Olipa anapsompsona apongozi ake natsazikana nawo, koma Rute anagwiritsabe. ¹⁵Naomi anati, "Tamvera, m'bale wako wabwerera kwa anthu ake ndi kwa milungu yake. Bwerera ndi mpongozi wako."¹⁶Koma Rute anati, "Usandikakamize kuti ndichoke kwa iwe, chifukwa kumene upita, inenso ndipita; kumene ukakhale, komwekonso ndidzakhala komwekonso; anthu a mtundu wako adzakhala anthu anga, ndi Mulungu wako adzakhala Mulungu wanga. ¹⁷Kumene inu mudzafere, Ndidzafera komweko, ndipo ndidzaikidwa m'menemo. Yehova andilange, ndipo atawonjezeranso, ngati imfa itatilekanitsanso koma imfa. " ¹⁸Naomi ataona kuti Rute watsimikiza kupita naye, anasiya kukangana naye.¹⁹Ntheura wose ŵakenda mpaka ŵakafika ku tawuni ya Betelehemu. Pidafika iwo ku Bhetelehemu, nzinda onsene ukhadakomerwa na iwo. Akaziwo adati, "Kodi uyu ndi Naomi?" ²⁰Koma anati kwa iwo, Musanditcha Naomi; munditche Ine Wowawa; pakuti Wamphamvuyonse wandichitira zowawa kwambiri. ²¹Ndinatuluka wokhuta, koma Yehova wandibweretsa wopanda kanthu. Nanga bwanji unditcha Naomi, popeza Yehova wanditsutsa, kuti Wamphamvuyonse andizunza? "²²Pamenepo Naomi ndi Rute, mkazi wachimowabu, mpongozi wake, anabwerera kuchokera kudziko la Mowabu. Adafika ku Betelehemu koyambirira kwa nthawi yokolola barele.

¹Tsopano Naomi anali ndi m'bale wake wa mwamuna wake, mwamuna woyenera wa banja la Elimeleki, dzina lake Boazi. ²Rute, mkazi wachimoabu adati kwa Naomi, "Ndiloleni ndipite ndikakunkhe zotsala pakati pa ngala za m'munda. Nditsata aliyense amene ndingakomere mtima wake." Natenepa Naomi ampanga, "Ndoko mwananga."³Rute anapita kukakunkha zotsala m'minda atamaliza kukolola. Anafika ku minda ya Boazi, amene anali wa fuko la Elimeleki. ⁴Ndipo onani, Boazi anachokera ku Betelehemu nati kwa okololawo, Yehova akhale nanu. Iwo anayankha kuti, "Yehova akudalitseni."⁵Kenako Boazi anafunsa wantchito wake amene ankayang'anira okololawo kuti, "Kodi mtsikana ameneyu ndi wa ndani?" ⁶Wantchito woyang'anira okololawo anayankha nati, "Ndi mtsikana wachimoabu amene anabwerera ndi Naomi kuchokera ku dziko la Mowabu. ⁷Iye anati kwa ine, 'Chonde ndiloleni ndikakunkhe zotsalira za m themunda antchito atayamba kukolola.' Kotero wabwera kuno ndipo wakhala akupitirizabe kuyambira m'mawa mpaka pano, kupatula kuti anapuma pang'ono mnyumba. "⁸Ndipo Bowazi anati kwa Rute, "Ukundimvela, mwana wanga? Usapite kukakunkha kumunda wina; usasiye munda wanga. M'malo mwake, khala pano ndikugwira ntchito ndi atsikana anga antchito. ⁹Ingoyang'ana m'munda wokha komwe amuna amakolola ndikutsatira kumbuyo kwa akazi enawo. Kodi sindinawalangize amunawo kuti asakugwire? Nthawi iliyonse ukamva ludzu, upite kumitsuko kukamwa madzi omwe amuna aja atunga. "¹⁰Kenako anawerama mpaka nkhope yake pansi pamaso pa Boazi. Iye anati kwa iye, "Chifukwa chiyani ndakukomera mtima kotero kuti usade nkhawa za ine, mlendo?" ¹¹Boazi anayankha nati kwa iye, "Ndandiuza ine, zonse zomwe wachita kuyambira atamwalira mamuna wako. Wasiya abambo ako, amayi ako, ndi dziko lomwe unabadwira kuti utsatire apongozi ako ndi akubwerere kwa anthu amene iwe suwadziwa. ¹²O Yave okutusadisanga mu baka nzengo zambote. Mulandire kwa inu Yehova Mulungu wa Israyeli, amene mwapeza pobisalira m'mapiko mwake.¹³Ndipo anati, Ndilandire ufulu mbuyanga, chifukwa mwandilimbikitsa, ndipo mwandilankhula mokoma mtima, ngakhale sindine mdzakazi wanu.¹⁴Pa nthawi ya chakudya Boazi anati kwa Rute, "Bwera kuno udye buledi uja, ndipo uviike chidutswa chako mu viniga wa vinyo." Iye anakhala pafupi ndi okololawo, ndipo anampatsa tirigu wokazinga. Anadya mpaka kukhuta ndipo anasiya zotsalazo.¹⁵Atadzuka kuti atole tirigu, Boazi analamula anyamata ake kuti, "Mulekeni asonkhanitse tirigu uja pakati pa mtolo, ndipo musamuwuze kuti asatenge. ¹⁶Komanso mumutulutsireko ngala za tiriguzo. ndipo musiyireni kuti asonkhanitse pamodzi, ndipo musamudzudzule. "¹⁷Kotero anakunkha m'munda mpaka madzulo. Kenako anapuntha ngala za tirigu zija, zomwe zinali pafupifupi muyezo wa efa. ¹⁸Ananyamula ndi kupita mumzinda. Kenako apongozi ake anaona zomwe anatolera. Rute anatulutsanso tirigu wokazinga yemwe anatsala mu ufa wake nampatsa iye.¹⁹Apongozi ake anati kwa iye, "Unakakunkha kuti lero? Unapita kuti kukagwira ntchito? Adalitsike munthu amene anakuthandiza." Kenako Rute anafotokozera apongozi ake za munthu amene anali ndi munda womwe ankagwirako ntchito. Iye alonga, "Mamuna akhakhala na munda ukhaphata basa lero ndi Boazi." ²⁰Naomi anati kwa mpongozi wake, "Adalitsike ndi Yehova, amene sanasiye kukhala wokhulupirika kwa amoyo ndi akufa." Naomi anati kwa iye, "Munthu ameneyu ndi wachibale wathu, wachibale wathu.²¹Rute wa ku Mowabu anati, "Zoonadi anandiwuza kuti, 'Ukhale pafupi ndi anyamata angawa mpaka atamaliza zokolola zanga zonse.'” ²²Naomi anati kwa Rute mpongozi wake, "Zili bwino, mwana wanga mwana wanga wamkazi, kuti upite ndi atsikana ake antchito, kuti ungakakumane ndi vuto lina lililonse. "²³Choncho ankakhala pafupi ndi antchito a Boazi kuti azikunkha mpaka kumapeto kwa nthawi yokolola balere ndi tirigu. Anakhala ndi apongozi ake.

¹Naomi apongozi ake anati kwa iye, "Mwana wanga, kodi sindiyenera kukupezera malo oti upumulepo, kuti zinthu zikuyendere bwino? ²Tsopano Boazi, munthu amene wakhala ukugwirira naye ntchito atsikanawa Kodi iye sadzakhala wachibale wathu? Taonani, akhala akupeta balere usikuuno popunthira.³Chifukwa chake, samba, nudzoze, ndi kuvala zovala zako zabwino kwambiri, nupita kumalo opunthira. Koma usadzidziwitse kwa mwamunayo kufikira atamaliza kudya ndi kumwa. ⁴Koma akadzagona, ukaone pomwe wagona kuti upite kwa iye, ukamveketse mapazi ake, ugone pamenepo. ⁵Ndipo Rute anati kwa Naomi, Ine ndidzacita zonse unenazi.⁶Choncho anapita kumalo opunthira mbewu aja, ndipo anamvera malangizo amene apongozi ake anamupatsa. ⁷Pamenepo Boazi anadya ndi kumwa, ndi mtima wace unakondwera; Kenako Rakele anangobwera kumene ndipo anaulula mapazi ake ndi kugona pansi.⁸Pakati pausiku munthuyo anadzidzimuka. Iye anatembenuka, ndipo pomwepo panali mkazi atagona kumapazi ake! Adati, "Ndinu ndani?" ⁹Iye anayankha, "Ine ndine Rute, mdzakazi wanu. Yambirani kapolo wanu chofunda chanu, popeza ndiye wachibale wapafupi."¹⁰Boazi anati, "Mwana wanga, Yehova akudalitse. Wasonyeza kukoma mtima kwakukulu kumapeto ano kuposa poyamba paja, chifukwa sunatsatire anyamata, ngakhale osauka kapena olemera. ¹¹Tsopano mwana wanga, usaope, ndidzakuchitira zonse unena, chifukwa mudzi wonse wa anthu anga udziwa kuti ndiwe mkazi wamakhalidwe abwino.¹²Ndizowona kuti ndine wachibale, koma pali wachibale wapafupi kuposa ine. ¹³Khalani pano usikuuno, ndipo m'mawa, ngati angakugwirireni ntchito wachibale, chabwino, muloleni achite ntchito ya wachibaleyo. Koma ngati sakufuna kuti ukhale wachibale wako, ndidzakugwirira ntchito ya Yehova. Ugone mpaka m'mawa. "¹⁴Ndipo anagona kumapazi ake kufikira m'mawa. Koma adadzuka munthu aliyense asanazindikire munthu wina. Pakuti Bowazi anati, "Tisadziwe kuti mkaziyo anabwera ku dwale." ¹⁵Kenako Boazi anati, "Bweretsa nsalu yako ndipo uyimike." Atachita zimenezo, anayesa balere wokwana miyezo 6 ikuluikulu ndi kumulemera. Kenako analowa mumzinda.¹⁶Rute atafika kwa apongozi ake, adati, "Mwakhala bwanji mwana wanga?" Kenako Rute anamuuza zonse zimene mwamunayo anamchitira. ¹⁷Iye anati, "Miyezo isanu ndi umodziyi ya barele ndi yomwe wandipatsa, chifukwa anati, 'Musapite kwa apongozi anu opanda kanthu." ¹⁸Kenako Naomi anati, "Ukhale pano, mwana wanga, mpaka udziwe kuti zitheka bwanji, chifukwa munthuyo sadzapuma kufikira atamaliza ntchito imeneyi lero."

¹Tsopano Boazi anakwera kuchipata ndipo anakhala pansi pomwepo. Posakhalitsa, wachibale wapafupi amene Boazi ananena za iye anadza. Bowazi anati kwa iye, "Bwenzi langa, bwera udzakhale pansi apa." Munthuyo anabwera nakhala pansi. ²Kenako Boazi anatenga amuna khumi mwa akulu a mzindawo nati, "Khalani pansi apa." Kotero iwo anakhala pansi.³Bowazi anati kwa wachibale wapafupi uja, "Naomi, amene wabwera kuchokera kudziko la Mowabu, akugulitsa malo amene anali a Elimeleki mchimwene wathu. ⁴Ndinaganiza zokukuwuza ndikuti, Ugule pamaso pa anthu amene ndakhala pano, pamaso pa akulu a anthu anga. ' Ngati ukufuna kuiwombola, uwombole. Koma ngati simukufuna kuiwombola, ndiuzeni kuti ndidziwe, chifukwa palibe wina amene angaiwombole kupatula iwe, ndipo ine ndiri pambuyo pako. ” Kenako munthu winayo anati, "Ndikuwombola."⁵Ndipo Boazi anati, "Tsiku lomwe udzagula mundawo kwa Naomi, utengere Rute Mmoabu, mkazi wamasiye wa munthu wakufa, kuti ukwezeke dzina la womwalirayo pa cholowa chake." ⁶Kenako wachibale wapafupi uja anati, "Sindingathe kuziwombola ndekha popanda kuwononga cholowa changa. Utenge ufulu wanga wotiwombole wekha, chifukwa sindingathe kuuwombola."⁷Tsopano uwu unali mwambo wawo mu Israeli wakale wokhudza kuwombola ndi kusinthanitsa katundu. Kuti atsimikizire zinthu zonse, munthu adavula nsapato yake ndikupereka kwa mnzake; Umu ndi momwe ankapangira mapangano mu Israeli. ⁸Wachibale wapafupiyo adati kwa Boazi, "Ugule iwe," ndipo adavula nsapato yake⁹Ndipo Bowazi anati kwa akulu ndi anthu onse, Inu ndinu mboni lero kuti ndagula zonse za Elimeleki, ndi zonse za Kilioni ndi Maloni m'manja a Naomi. ¹⁰Komanso Rute mkazi wachimoabu, mkazi wa Maloni, ndatenga mkazi wanga, kuti ndikweze dzina la wakufayo pa cholowa chake, kuti dzina lake lisachotsedwe pakati pa abale ake ndi pa chipata cha kwawo: Lero ndinu mboni! "¹¹Anthu onse amene anali pachipata ndi akulu anati, "Ndife mboni. Yehova achite kuti mkazi amene wabwera m'nyumba mwako akhale ngati Rakele ndi Leya, omanga nyumba ya Israeli; ndipo zikuyendere bwino mu Efurata. ¹²nyumba yako ikhale ngati nyumba ya Perezi, amene Tamara anambalira Yuda, mwa mbewu imene Yehova adzakupatsa pamodzi ndi mtsikana uyu.¹³Ntheura Bowazi wakatora Rute, ndipo wakaŵa muwoli wake. Ndipo analowa kwa iye, ndipo Yehova anatsegula pakati, ndipo anabala mwana wamwamuna. ¹⁴Akaziwo anati kwa Naomi, "Adalitsike Yehova amene sanakusiye lero wopanda wachibale wapafupi, mwana uyu. Dzina lake litchuke mu ¹⁵Israeli. Akhale kwa inu wobwezeretsa moyo ndi wosamalira ukalamba wanu, chifukwa mpongozi wako amene amakukonda, amene wakuposa ana amuna asanu ndi awiri wamubereka.¹⁶Naomi anatenga mwanayo, namugoneka pachifuwa pake, ndi kumusamalira. ¹⁷Akazi oyandikana naye adamutcha dzina, nati, "Kwa Naomi kwabadwa mwana wamwamuna." Anamutcha dzina lakuti Obedi. Iye anabereka Jese, amene anabereka Davide.¹⁸Ana a Perezi anali awa: Perezi anabereka Hezironi, ¹⁹Hezironi anabereka Ramu, Ramu anabereka Aminadabu, ²⁰Aminadabu anabereka Nasoni, Nasoni anabereka Salimoni, ²¹Salimoni anabereka Boazi, Boazi anabereka Obedi, ²²Obedi anabereka Jese, Yese anabereka Davide.

¹Cho Ndabiti wakungulwile hamo lalo banalume boshe baje bashakwile ku Isalela, makumi atatu ama kulukathzi. ²Ndabiti wakatukile nakuya ku Mbala mu Yunda mangana bakanene chikasha cha Njambi kutunda kuje, echi bakathana halithzina lya Njambi wa nthzili yoshe, ou akatumbama mu litanda kuyula makelube.³Batumbikile chikasha cha Njambi ha litemba lyaliha, Bachituhwithile hanja na njubo ya Abinandabu, ei yakele hanja ya njubo ya Abinandabu, ei yakele ha lilundu. Bana bendi babanalume ba Uza na Ahiya, bakele nakunyunga lije litemba lyaliha. ⁴Banenele lije litemba kutunda mu njubo ya Abinandabu ha lilundu na chikashacha Njambi mulikelyo. Ahiyo wakele na kwendela kulutwe lwa chikasha. ⁵Cho Ndabiti na njubo ya Isalela yoshe bashangumukile kwimba kuli Mjambi, mukubwahelela na bithanthzi bya biti, tulyalya, makembe, bingoma, bithangu hamo na bingenjo.⁶Omu bethzile ku libu lyakwilika mwila lya Nakoni, bingombe ba pelyanelele, cho uza watuhwile liboko lyendi nakukwata chikisha cha Njambi, cho wachikwatelele. ⁷Cho butenu wa Yehoba watumine manene hali Uza. Kuje bene Njambi wamulukukile ha mulonga wabubi bwendi. Uza wathsililile kuyehi na chikasha cha Njambi.⁸Ndabiti walubalele mwafwa Njambi walukile Uza, walukile Uza, cho walukile uje mwela ngwendi Pelezi Uza. Cho uje mwela nakalelo bauthana ngwabo Pelez Uza. Cho uje mwela nakalelo bauthana ngwabo Pelez Uza. ⁹Ndabiti wathzibile lyoba lya Njambi hali tangwa lije. Wendekele ngwendi, "Chikasha cha Njambi chikaija bati kuli yange?"¹⁰Cho Ndabiti kakelenakushaka kwambata chikasha cha kuya nacho mu nganda ya Ndabiti. Olojo, wachakele kumpenge munjubo ya Ombendi Endomu uje ka Ngitete. ¹¹Chije chikasha cha Njambi chatumbamene mu njubo ya Ombendi Endomu uje ka Ngitele bingonde bitatu. Cho Njambi wamukwithuwile hamo na njubo yendi yoshe.¹²Cho mwene Ndabiti bamulekele ngwabo, Njambi na bethzikitha njubo ya Ombendi Endomu na byoshe ebi akalanabyo ha mulonga wa chikashacha Njambi." Cho Ndabiti waile na kwambata chije chikasha cha Njambi kutunda ku njubo ya Ombendi Endomu kutunda mu nganda ya Ndabiti na Njolela. ¹³Omu baje bambatele chije chikasha cha Njambi bendele binambo bitanu naimo, walambwile ngombo na muna ngombe wakununa.¹⁴Ndabiti wakinine ku mesho a Yehoba na bukama bwendi bwoshe; wathzalele lika kangamuna ka lineni. ¹⁵Ndabiti na njubo ya Isalela yoshe banenele chije chikasha cha Njambi nakutambekela hamo na kwohya chabi ndolombita.¹⁶Cho omu chikasha cha Njambi chethzile mu nganda ya Ndabiti, Michelo, muna Saula wa munakathzi, watalele hanja mu njanena, Wamwene mwene Ndabiti ana kukindangana na kukininina kumesho a Yehoba. Cho wamwombwanethele mu mbunge yendi. ¹⁷Bakobelethele chikasha cha Njambi nakuchaka mu mwela wacho,mukati ka tende ije Ndabiti wachibwahethelele. Cho Ndabiti walambwile mulambu wakulumba na mulambu wakulinunga kumesho a Yehoba.¹⁸Omu wamanethele Ndabiti kulambula mulambu wakulambula mulambu wa kulumba nou wakulinunga wa kwithuwile banu mulithzina lya Njambi wa nthzili yoshe. ¹⁹Cho wapangelele ku banu boshe, mbunga yoshe ya Isalela, kuli banalume na banakathzi kwoshe, mukasha wa likende, chipuka cha thitu, na likende lya laisini. Cho banu boshe baile; munu ha munu ku njubo yendi.²⁰Cho Ndabiti welukile na kukwithula nanga yendi. Michelo, uje muna Saulu, watuhukile na kuliwana na Ndabiti na kwendeka ngwendi, "Kulema chaelufwa muka nakele nacho mwene wa Isalela lelo, ou nalishulwile ibenya kumesho a bindungo ba bambanda hakati ka bingamba bendi, ngwe umo wabaje bakwabo bakuuka aba bakalishulula babenya chakwilika shwamwa!"²¹Ndabiti wakumbulwile Michelo ngwendi, "Ninalingile ngocho kumesho a Njambi, ou anjangwile hakamwa lya isho na hakamwa lya nanga yendi yoshe, ou wanjipwithile ntwama hali banu ba Njambi boshe, hali Isalela. Njikabwahelela ku mesho a Njambi. ²²Njikabatubakanetha kushaula , cho bakanji thembulula ku mesho ange ibenya. Oloni kwitila muli aba bindungo babambanda unendekaho, bakanjilemetha." ²³Cho Alichelo, muna Saulu wamunakathzi kapwile na bana kweta na kulitangwa lya kuthsa chendi.

¹Hakumanetha ebi chasholokele Ndabiti walukile ba Filisite nakubahyana. Cho Ndabiti watambwile Metengama kutunda mu maboko aba Filisite.²Cho wahyanene Mowabu na kukothetha harhi banalume boshe mukubapethzeletha mu mundando. Wapethzeletheleko mindando ibali mangana abathsiye, na mundandoumo wakushula aunyunge na mwonyo. Cho ba Mowabu bethzile na kupwa bingamba aba baputukile kufweta lithimu kui Ndabiti.³Cho Ndabitiu wahyanene Handandezale muna Lekobe, mwene waku Zomba,hathimbu wakele nakuya Handandazale nakutambula kuyula chendi kuje ku ndonga wa Yafuluta. ⁴Ndabiti wamutambwile makalu 1,700 na banu bahathi makulukathzi abali. Ndabiti wathsiyangele tubalu boshe ba kumakalu, oloni wa thethzeleko bamo bakweta matemba chita chimo.⁵Cho omu baka Alamu baku Ndamasiku bethzile nakukwata Handandezale mwene waku Zomba, Ndabiti wathsiyileko makulakathzi makumi na abali banalume baku Alamu. ⁶Cho Ndabiti wakelemo mashwalale mu Alamu kuje ku Ndamasiku, cho baka Alamu wabapwithile bingamba ababaputukile kufweta lithimu kuli ikeye. Yehoba wanene kuhyana kuli Ndabiti oku kwoshe waile.⁷Ndabiti wambatele bije bintelo bya ndolinde byakele hali bangamba ba Handandezale na kubinena ku Yelusalema. ⁸Mwene Ndabiti wambatele bunengu bwa bungi, kutunda ku binganda bya Handandezele, kuli Temba na Mbelotai,⁹Omu Tou, mwene waku Hamati, wathzibile ngwabo Ndabiti wahyanene nthzita na mashwalale ba Handandzale, ¹⁰Tou watumine Handolamu munendi kuli mwene Ndabiti na kumumeneka cho na kumukithwila, mwafwa Ndabiti walwile na Handandezale na kumuhyana, mwafwa Handandezale wakele ntzita hali Tou. Cho Handolamu watwalele bibala bya siliva, ngolinde, na bunengu.¹¹Cho mwene Ndabiti wanene ebi bibala kukli Njambi, hamolika na siliva na ngolinde bije byatundile kumafuti oshe aje wahyanene - ¹²kutunda ku Alamu, Mowabu , ku banu ba Amoni, ba Filisite naba Amaleki, hamolika na byuma byoshe batambwile kuli Handandezele muna Lehobu, mwene waku Zomba¹³Lithzina lya Ndabiti balithibukile manene omu elukile kutunda na kuhyana ba Alamu mu mingulunga ya mungwa, hamo na banalume babo bakweta 18,000. ¹⁴Cho wakele mashwalale mu Endemu, mwoshe, cho banu boshe bamu Endomu wabapwithile bingamba bendi. Njambi wanene kuhyana kuli Ndabiti oku kwoshe waile.¹⁵Ndabiti wayulile lifuti lyoshe lya Isalela, na kusholola chiyulo chachibwa na kuthungama kubanu bendi boshe. ¹⁶Njowabu muna Zeluya wakele ntwama wa mwashwalale, na Njehoshafati muna Ahilundi wakele wakunyunga mikanda. ¹⁷Zandoki muna Ahitube na Ahimeleki muna Amiyata bapwile tupilishitu, cho Selaiya wapwile mukakuthoneka. ¹⁸Mbenaya muna Njekoyanda wapwile mukulunu waba Keletike naba Peletile, cho bana ba Ndabiti babanalume bapwile bakulunu babaka bipangi.

¹Cho chasholokele ha thimbu ikwabo omu mwene wa banu ba Amoni bathsile, cho munendi wa munalume Hanune wethzile nakupwa mwene wachije chela. ²Ndabiti wendekele ngwendi, "Njikasholola ngothzi hali Hanune muna Nahashi, ngwe omwo ishe asholwele ngothzi hali yange." Cho Ndabiti watumine bangamba bendi kuya nakumuthzembeleka Hanune hakuthsa cha ishe. Bangamba bendi bakobelele muje mu lifuti lya banu ba Amoni. ³Oloni bantwama babana ba Amoni bendekele kuli shukulu yabo Hanune ngwabo, "Nkuma unathinganyeka mwabuthunga ngwobe chili Ndabiti ana kulemetha baisho kwitils mukutuma banu aba nakukuthzembeleka? "Nkuma Ndabiti katumine aba bingamba bendi kwija na kutala nganda, kulinenga, mangana akalitambule?"⁴Cho Hanani wakwatele baje bingamba ba Ndabiti, na kubateula minjethzi yabo imo, nakutetako buthzalo bwabo kwetela mu matako abo, nakubelwitha. ⁵Omu balumbunwine kuli Ndabiti, cho wamuthanene kuliwana nabo, mwafwa baje banalume babathzibithile shwamwa manene. Cho mwene wendekele ngwendi, "Yeni mukatumbame ku Yeliko kweta nomu minjethzi yeni ikamena, cho mukeluka"⁶Cho omu banu ba Amoni bamwene ngwabo banapu laja baka ng'ole kuli Ndabiti, batumine tunganda kuli baka Alamu baka Mbeti lehombu na Zomba, kubakumuna , na makumi abali amakulakathzi a mashwalale bahathi, na mwene wa Maka wethzile na likulakathzi limo lya banalume na makulakathzi limo lya banalume, nabanalume baku Tobu bethzile na makulakathzi likumi na abali a banalume. ⁷Omu wachithzibile Ndabiti, watumine Njoabu na mashwalale boshe kunthzita. ⁸Cho baje baka Amoni bethzillikanjo lya nthzita kuchikolo cha nganda, thimbu baje baka Alamu baku Zomba naku Lekombu, na banalume baku Tobu na Maka, balimanene babenya mumahya mwakujela.⁹Cho omu Njoabu wamwene uje mukanjo kunima na kulutwe anamutala, washakwileko bakakutanekeya manene kulwa nakubaka kulwa na banu ba Alame. ¹⁰Aba bathaleleko wabanene mu maboko a ndolome yendi Abishai, nakubatuma kulibwaetha kulwa na bakathzita ba Amoni.¹¹Cho Njoabu wendekele ngwendi, "Oshe ngwe baka Alame batakama kuli yange, cho yobe, Abishai, wija nakunjilwila Oloni oshe ngwe mashwalale ba Amoni batakama manene kuli yobe, cho njija nakukulwila. ¹²Koletha, cho echela tulisholole etu babenya kutakama hamulonga wa banu betu na binganda bya Njambi yetu, mwafwa Yehoba alinga echi chinabwaha ha chipangi chendi."¹³Cho Njiabu na mashwalale bendi baile halutwe mukulwa nabaka Alame, aba bathindiyiye kutewela ku mashwalale baba Isalela. ¹⁴Omu mashwalale ba Amoni bamwene ngwabo baje baka Alame banatewe nabakebo batewele kutunda kuli Abishai na kwiluka munganda. Cho Njoabu welukile kutunda kubana ba Amoni nakwiluka ku Yelusalema.¹⁵Cho omu baka Alame bamwene ngabo babanalyana kuli ba Isalela, balikungulwile hamo lalo. ¹⁶Cho Handaleza wathanene bakathzita ba Alame kutunda kuthambwela la ndonga wa Efuluta. Bethzile ku Helamu, na Shombaki, , mukulunu waba mashwalale ba Handeleza, cho baba kabangeyeye.¹⁷Omu bamulekelecho Ndabiti, waba kungulwile ba Isalela hamo, nakujaabuka Yondani, nakweta ku Helamu . Ba Alame balibwahethelenakulwa thzita na Ndabiti, cho balwile nendi. ¹⁸Cho ba Alame batewele kutunda kuli ba Isalela, cho Ndabitiwathsiile banalume mumalemba kweta ku bita bitanu na bibali na bakatubalu makulakathzi awana. Mukulunu wa mashwalale wabo Shambaki bamubulumwine cho wathsile. ¹⁹Cho omu bimyene boshe baje bakele bingamba ba Handaleza bamwene ngwabo banabalyana kuli ba Isalela nakukala bakakubakabangeya. Cho ba Alame bathzibile lyoba lyakutwalelela kukwatha banu ba Amoni.

¹Cho Yehoba watumine Nathani kuli Ndabiti. Wethzile nakumuleka ngwendi, "Kwakele banalume babali mu nganda. ²Munalume umo wakele wabufuko mukwabo wakuhutwa. Uje munalume wabufuko wakele na bimanga babangi manene na bingombe, ³oloni uje kahutu kakele nachimo kubanga maanga umo walwabo, ou alandele nakulitha nakulela. Akolele hamo nendi. Uje maanga walile nendi hamo na kunwila mu nganja yendi, cho wakele nakulala mu maboko endi cho wapwile ngwe mwana wamunakathzi kuli likeye.⁴Litangwa limo kwethzile ngenthzi kui uje muka ufuko kashakele kwambataho manga umo nameme ngombe wendi awahethele ngethzi kulya. mukulinga ngocho, wambatele manga walwabo uje wa chihutu nakutelekela ngethzi. ⁵Ndabiti walubalele na kutenuka nauje muka bufuko, nakwendeka kuli Nathani ngwendi, Omu Yehoba ayoya, ou munalume nalingi ngechi napande kuthsa. ⁶Napande kwilwitha kufweta kawana mwafwa nalingi chuma echi, cho mwfawa kakele na ng'eke hali uje kahutu."⁷Cho Nathani wendekele kuli Ndabiti ngwendi, " Uje munalume yobe! Yehoba, Njambi wa Isalela, ngwendi, Njakuwabethele kupwa mwene wa Isalela, nakukutunditha muliboko lya Saulu. ⁸Njakwanene njubo ya Shukulu yobe, na banakathzi ba shukulu yobe bakele mumaboko obe. Njakwanene lalo njubo ya Isalela na Yunda. Oloni oshe obyo byakele bya bindondo, ngwe njakwanene byuma bikwabo byabingi mukabwethzelako.⁹Cho bikoni unashawila lishiko lya Yehoba, hakulinga chuma echi cha chibi kumesho endi? Unathsiyi Uliya ka Hitite na mukwale na kwambata munakathzii wendi kupwa wobe. Wamuthsiyile na mukwale wamashwalale ba Amoni. ¹⁰Cho oni uje mukwale kuukathethze njubo yobe, mwafwa unanjishaula na kwambata munakathzi wa Uliya ka Hitite kupwa wobe.'¹¹Yehoba nendeka ngwendi, 'Kenga, Njikatuhula bukalu bwakama bukatengulukila kutunda munjubo yobe ibenya. Kumesho obe ibenya, njikambata banakathzi bobe ha mutanya wakujela. ¹²Mwafwa bwabulumwine bubi mukubanda, oloni njika linga echi chuma kumesho aba Isalela boshe, mumutanya wakujela." ¹³Cho Ndabiti wendekele kuli Nathani ngwendi, " Njinabulumnuna kuli Njambi." Nathani wakumbulwile Ndabiti ngwendi, "Njambi lalo najombwetha bubi bwobe. Ku bakuthsiyi.¹⁴Nambe ngocho, mwafwa kwitila muchilinga echi unashaula Njambi , mwana athemuwa kuli yobe chili akathsa." ¹⁵Cho Nathani watundileko nakuya. Yehoba walukukile mwana uje athemene munakathzi wa Uliya kuli Ndabiti, cho wabinjile manene.¹⁶Cho Ndabiti walombele kuli Njambi hamulonga wauje mwana. Ndabiti wa libindikile kulya nakukobela nunjubo na kulala hathi buthsiki bwoshe. ¹⁷Bakulunu ba munjubo yendi bakatukile nakwimana kuyehi nendi, mangana ba mwindule kutunda hathi, oloni kendukileho, cho kalile nabo hamo. ¹⁸Chasholokele halitangwa lya muchitanu na abali uje mwana wathsile. Bangamba ba Ndabiti bathzibile lyoba kumulekangwe uje mwana nathsi, mwafwa bendekele ngwabo, "Kengeni, thimbu mwana nakele na mwonyo twedekele nendi, cho kathzibilile ku lijwi lywtu. Bika alilinga oshe tumuleka ngwetu uje mwana nathsi?!"¹⁹Oloni omu Ndabiti wamwene ngendimbingamba bendi bakele nakuliyebetela, Ndabiti wathzibukile ngwendiuje mwana wathsile. Wendekele kuli bingamba bendi ngwend, "Mwana nathsi?" ²⁰Cho Ndabiti wendukile kutunda hathi na kujwela, walibwabethele ibenya, na kuthzala buthzalo bweka. Waile ku tabanakele ya Njambi nakulombela, cho kutundaho welukile mu nganda yendi. Omu alombele kulya bamwakelele kulya, walile.²¹bingamba bendi bendekele kuli ikeye ngwabo, "bIka biunalingila ngechi? Walibindikile kulya na kulila thimbu akele na mwonyo, oloni omu nathsile mwana, unakatukile nakulya." ²²Ndabiti wakumbulwile ngwendi, "Omu mwana nakala na mwonyo njalikelele kulya na kulila. Njathinganyeka ngwange, 'Iya nathzibuka hamo Njambi akala na ngothzi kuli yange mangana mwana akale na mwonyo?' ²³Oloni omu nathsi ,cho bika binjilibindikila kulya? Njatha kumwilwitha kumwonyo lalo? Njatha kuya kuli ikeye, oloni katha kwiluka kuli yange."²⁴Ndabidti wathzembelekele munakathzi wendi Mbeteshemba, cho wakobelele nakulala nendi. Hanima wakitile mwana wa munalume, cho bamulukile lithzina ikeye Solomoni. Cho Njambi wamuthzemene ²⁵cho watumine lijwi kwitila muli kapolofita Nathani amulukile ngendi Njendindiya, mwafwa Njambi wamuthzemene.²⁶Cho Njambi walwile na Lamba muka Amoni, cho watambwile ije nganda yabu mwene. ²⁷Cho Njoabu watumine tunganda kuli Ndabiti ngwendi, "Njinalu na Lamba, cho njina fungulula mitambela ya kutekwila mema a nganda. ²⁸Choni ngachije kungulula muchilombo mutengulukile nganda na kuyambata, mwafwa oshe njambata nganda yange, bakailuka halithzina lyange."²⁹Cho Ndabiti wakungulwile mashwalale hamo nakuya ku Lamba; walwile na nganda nakufungulula. ³⁰Ndabiti watambwile chilongo kutunda kumutwe wa mwene wabo - chalemene ngwe libundungulu lya ngolinde, cho mwakele limanya lya ngolinde. cho mwakele limanya lya ndando ya kama muchikecho. Chije chilongo bachithzikile ku mutwe wa Ndabiti. Cho wambatele na bufuko bwa nganda bwa bwingi.³¹Watuhwilemo banu muje mu nganda na kubathindiya kupanga nama saha, bipiki, na bingimbu; cho lalo wabapangethele ku bibili bya tumenga.Ndabiti washakele binganda byoshe bya banu ba Amoni bapange ebi bipangi. Cho Ndabiti na mashwalale boshe belukile ku Yelusalema.

¹Cho chasholokele hanima yechi omu Ambusalome walimbwahethelele litemba na tubalu hamo na banalume makumi atanu bakushatuka kulutwe lwendi. ²Ambusalome wakele nakwinduka mutondotondo na kwimana ku ngila yakuya ku chikolo cha nganda. Omu munu woshe wakele na ng'anda yakunena kuli mwene nakumubatwilayo, Ambisalome wakele na kumuthana na kumuleka ngwendi, " kutunda ku nganda muka?" Cho uje munu akumbulula, "Ngamba yobe natundu ku lilimi limo lya muba Isalela."³Cho Ambusalome endeka kuli likeye ngwendi, "Kenga, ng'anda yobe yaibwa na kuthungama, oloni kukwethi nambe umo banana moko kuli mwene ya kuthziba ng'anda yobe." ⁴Ambasalome wabwethzeleleko ngwendi, " Ngwe ngwabo banjipwithile mukakuthompetha muno mulifuti, mangana munu woshe ou akala na ng'anda nameme mulonga ngwe aija kuli yange, cho njimubatwila mwa kutela!".⁵Cho chasholokele omu munu woshe wethzile kuli Ambusalome nakumulemetha, Amusalome watandubwile liboko lyendi nakumukwata nakamuthsemba. ⁶Ambusalome wapangele ngechi kuli ka Isalela woshe uje ethzile kuli mwene nakuthompa. Cho Ambusalome webile bimbunge bya banu ba Isalela.⁷Chasholokele hakukuma cha myaka iwana. Ambusalome wendekele kuli mwene ngwendi, "Njalombo echela njiye nakufweta chithingo chije njalithingile kuli Njambi mu Hembuloni. ⁸Mwafwa ngamba yobe walithingile thimbu njayoyelele ku Ngeshule mu Alamu, ngwange, 'Oshe Njambi akanjimanena lalo mu Yelusalema, cho njikalemetha Njambi."⁹Cho mwene wendekele kuli ikeye ngwendi, "Ya mukwoloka." Cho Ambusalome wakatukile nakuya ku Hembuloni. ¹⁰Oloni nambe ngocho Ambusalome watumine bya bweko bwabubwa ku malimi oshe a Isalela, ngwendi, "Oho bene hathimbu muthziba kwohya cha ndolombita, cho mwendeke ngweni, 'Ambusalome napu mwene mu Hembuloni."¹¹Ambusalome waile na banalume bita bibali kutunda mu Yelusalema, aba bathanene. Bendele mu bukuma, chakwilika kuthzibuka obyo byathinganyekele Ambusalome. ¹²Thimbu wakele nakwana milambu Ambusalome, wathanene Ahitofelo kutunda mwimbo lyendi kuje ku Ngilo. Ou wakele mukakukwatha Ndabiti. Kutenguluka cha Ambusalome kwatakamene, mwafwa banu banu bakabangeyeye Ambusalome batwaleleleho kutuminako.¹³Kwethile kanganda kuli Ndabiti nakwendeka ngwendi, "Bimbunge bya banalume ba Isalela byakele nakukabangeya Ambusalome." ¹⁴Cho Ndabiti wendekele ku bingamba bendi boshe baje akele nabo mu Yelusalema ngwendi, "Katukeni tutewe ngochongocho naumo wahi muli yetu akatha kutunda kuli Ambusalome. Aha bene libwahetheni kukatuka, ngochongocho aija nakututhzikilila, cho anena bukalu hali yetu na kulwitha nganda na mpoko yamukwale." ¹⁵Cho bingamba ba mwene bendekele kuli mwene ngwabo, " Kenga, bingamba bobe banalibwahetha kulinga chili choshe shukulu mwene wetu endeka."¹⁶Mwene na nanga yendi yoshe ya katukile, oloni mwene wathethzele banakathzi likumi, aba bakele mapangala bendi, kunyunga ije nganda. ¹⁷Hanima ya mwene nabanu boshe kuya, bemanene kunjubo ya mamanethelo. ¹⁸Mashwalale bendi boshe bendele nendi hamo, cho kulutwe lwendi kwaile baka Kelethile boshe, na boshe baka Pelethile, na boshe baka Ngite - banalume bakweta bita bitanu na chimo aba bamukabele kutunda ku Ngathi.¹⁹Cho mwene wendekele kuli Itai uje ka Ngite ngwendi, "Bika biwithzila netu? Iluka ukatumbame na mwene, mwafwa yobe uliita ndinda munu wakutewa. Iluka kwimbo lyobe. ²⁰Hakupwa unatundileho ithzau , bika binjikunenethela kwendangana netu? Kunjathzibukile noku njili nakuya. Cho iluka wambate na bakweni boshe, echela chithzemo chakukakatela na likulahelo byende nobe."²¹²³Oloni Itai wakumbulwile mwene ngwendi, "Omu ayoya Njambi, nomu lalo ayoya shukulu mwene wange, mwimbo mwoshe omu shukulu mwene wange akaya chili bene, mukemo nange ngamba yobe akaya, nambe chikale kuyoya indi kuthsa." ²²Cho Ndabiti wendekele kuli Itai ngwendi, "Libange, twalelela netu." Cho Itai uje ka Ngite wendele na mwene, hamo na banu bendi na binanga bije akele nabyo. Lifiuti lyoshe na muteto wakama omu banu boshe betile mu mingulunga ya Kindiloni, nomu mwene wajabukile. Banu boshe bendele ha mukwakwa nakuya ku mambo.²⁴Nambe Zandoki hamo naba Lebi boshe, baje bambatele chikasha cha chithzibathano cha Njambi, kubakele. Batumbikile chikasha cha Njambi hathi, choni Ambiyata walinungile nabo. Babandamenene kweta nomu banu boshe batubakanene ije nganda. ²⁵Mwene wendekele kuli Zandoki ngwendi, "Ambata chikasha cha Njambi wilwithe mu nganda. Oshe ngwe njiwana kubethzika mu mesho a Yehoba, akanjilwitha kuno nakunjimwetha lalo chikasha na mwela ou ayoyela. ²⁶Oloni oshe ngwe endeka ngwendi, 'Kunjabwahelelele nobe, 'Kenga, yange uno echela apange kuli yange omu mwoshe chishokolokela kuli ikeye."²⁷Mwene wendekele lalo kuli kapilisitu Zandoki ngwendi; "Nkuma kuwethi muka kumona ndi? Iluka mukwoloka munganda, hamo na banu bobe babanalume, munobe Ahimazi, na Njonathani muna Ambiyata. ²⁸Kenga, njikabandamena kuje ku binema bya Alamba shwi nomu lijwi likaija kutunda kuli yobe kujileka." ²⁹Cho Zandoki na Ambiyata belwithile chikasha cha Njambi mu Yelusalema, cho batumbamene muje bene.³⁰Oloni Ndabiti wakandukile ku munkinda wa Olibeta mendimendi na kulila, cho wafwikile ku mutwe wendi. Munalume woshe mubanu akele nabo wafwikile ku mutwe wendi, cho bakandukile nakulila omu bakele nakwenda. ³¹Munu umo walekele Ndabiti ngwendi, "Ahitofelo ali hakati kabaka kumulwitha na Ambusalome." Cho Ndabiti walombele ngwendi, "Obe Yehoba, njalombo utengulule bukwathi bwa Ahitofelo kupwa bulema."³²Chasholokele omu Ndabiti wetele helu lya mukwakwa, kuje bakele na kulemethela Njambi, Hushai uje ka Akite wethzile nakuliwana nendi nathzala chithzalo chakutabuka na mabu ha mutwe wendi. ³³Ndabiti wendekele kuli ikeye ngwendi, "Oshe ngwe wenda nange, cho ukala chitele kuli yange. ³⁴Oloni oshe wiluka ku nganda nakuleka Ambusalome ngwobe, 'Njipwa nji ngamba yobe, mwene, ngwe omu njakele ngamba wa isho kunima, cho njikala nji ngamba yobe ndi,' cho ukaluwanganetha bithinganyeka bya Ahitofelo mukanjimanenako yange.³⁵Nkuma kuupu na tupilisitu ba Zandoki na Ambiyata hamo? Cho byoshobyo ukathziba mu nganda ya mwene, ukabileke tupilisitu ba Zandoki na Ambiyata. ³⁶Ukamone ngwobe bali hamo na bana babo babanalume babali, Ahimazi, muna Zandoki, na Njonathani, muna Ambiyata. Wapande kunjitumina kwitila mu maboko abo byoshe obyo ukathziba." ³⁷Cho Hushai, kabuthamba wa Ndabiti, wethzile munganda omu etele Ambusalome nakukobela mu Yelusalema.

¹Cho Ahitofelo wendekele kuli Ambusalome ngwend; "Aloni echela njanguleho banalume makulukathzi likumi na abali, cho njiye nakuthetela Ndabiti buthsiki bwa lelo. ²Njimuwane thimbu nalemenena na lyoba. Banu aba ali nabo bakatewa, cho njikalwitha lika mwene. ³Njikalwitha banu boshe kuli yobe, ngwe shombolwa anakwija kuli munalume wendi, cho banu boshe bakapwa mu maboko obe mukwoloka." ⁴Bije endekele Ahitofelo bya thzibithile Ambusalome na bakulunu boshe ba Isalela kubwaha.⁵Cho Ambusalome wendekele ngwendi, "Choni thana Hushai uje ka Akite, naikeye, cho wechele tuthzibe obyo endeka." ⁶Omu Hushai wethzile kuli Ambusalome, wamulekele Ahitofelo na kumwihula Hushai, " Bati tulinge ngwe omu nendeka ndi? Oshe kwahi, tuleke bithinganyeka byobe." ⁷Cho Hushai wendekele kuli Ambusalome, "Bithinganyeka nana Ahitofelo hathimbu ino kubyabwahele,"⁸Hushai wa bwethzeleleho ngwendi, " Una thzibuka ba ishp na banlume babo bapwa baka thzita ba kutakama, cho lalo banalubala manene, banapu ngwe mbeya uje banebila mwana mushwata. Kakatha hamo na mashwalale buthsiki buno. ⁹Kenga, thimbu ino nabanda laja mu bwina bumo nambe mu mwela weka. Chikasholoka mu nalume bobe bamo banbathsiyi laja kukushangumuka kwa kulwa, omu ou woshe akanjithziba akendeka ngwendi, 'Banu ba Ambusalome bana kubathsiyanga." ¹⁰Cho nambe baje mashwalale baku kenyuka, aba bimbunge byabo byapwa ngwe ndumba, bakakala na lyoba mwafwa Isalela yoshe yathzibuka ngwe isho wapwa na ntzili, cho na banalume alinabo batakama manene.¹²Cho njikukwatha ngwange Isalela yoshe uikungulwile hamo kuli yobe, kutunda kuli Ndani kweta kuli Mbeyashemba, mukutuma ngwe mushekesheke wakungenge ya kalunga ndonga, cho ukaye ku nthzita yobe babenya. ¹¹Cho tukaya hali ikeye kwoshoko tukamuwanena, cho tukamufwika ngwe mbundu iwila hathi. Kutukathethzeko munalume nambe umo, nameme ikeye libenya, kupwa na mwonyo. i¹³Oshe ngwe akeluka munganda, cho Isalela yoshe ikanena mikole kuje ku nganda cho tukaikokela mu ndonga, kweta nomu kukukathala nambe kalimanya kakandondo kakuwanamo." ¹⁴Cho Ambusalome na banu ba Isalela bendekele ngwabo, "Bithinganyeka bya Hushai uje ka Akite binabwaha kutubakana bya Ahitofelo." Yehoba watabethele kubyana cha bithinganyeka bya Ahitofelo mangana akanene kunyongetha hali Ambasalome.¹⁵Cho Hushai wedekele kuli Zandoki na Ambiyata baje tupilithitu ngwendi, "Ahitofelo nalekele Ambasalome hamo na bakulunu ba Isalela mu, oloningilei, oloni njinabaleketha mungila yeka. ¹⁶Ahoni, yeni bwthibwathi mukamuleke Ndabiti; mukendeke kuli ikeye ngweni, kethi wake chilombo kuje kubinema byaku Alamba buthsiki bwa lelo, oloni etheka na nthzili yoshe ujabuke, ngochongocho mwene bamunyongetha hamo na banu boshe ali nabo."¹⁷Choni Njonathni na Ahimazi bakele nakuyoyela kutubwelubwelu twa Longelo. Kwakele ngamba wa munakathzi ou wakele nakuya nakubaleka ebi bibashakele kuthzibuka, mwafwa kubashakele kubamona kukobela munganda. Omu wethzile muthzimbu, cho bakele nakuya na kuleka Mwene Ndabiti. ¹⁸Oloni mukwenje umo hali ino thimbu wabamwene na kuleka Ambasalome. Cho Njonathani na Ahimazi batewele bwathibwathi nakuya kunjubo ya munalume umo wamu Mbahulimu, ou wakele na lithima mu chipango chendi, omu bathikumukile.¹⁹Munakathzi wauje munalume wambatele chifwiko cha halithima nakuchijala ha chikolo cha lithima lyoshe, nakwitilaho binona bya mbuto, cho kukwakele wakuthzubuka ngwe Njonathani na Ahimazi bakele muje mu lithima. ²⁰Banu ba Ambasolome bethzile kuli uje munakathzi waije njubo na kwendeka ngwabo, Bali kuli ba Ahimazi na Njonathani?" Uje munakathzi wabalekele ngwendi, "Banajabuka ndonga." Cho hanima yakutonda kubabawanene, belukile ku Yelusalema.²¹Chasholokele hanima yakutundako Njonathani na Ahimazi bathukile muje mulithima. Baile nakwambulula kuli Ndabiti; bendekele kuli ikeye ngwabo, "Katuka nakujabuka bwathi kuthambwea lya mema mwafwa Ahitifelo nanene bithinganyeka byendi hali yobe." ²²Ndabiti wakatukile hamo na banu boshe akele nabo, cho bajabukile Yondani. Kweta thimbu ya mutondo kukwakele nambe umo wonwene kujabuka Yondani.²³Omu Ahitofelo wamwene ngendi bithinganyeka byendi kubabikabele, walemene chimulu chendi nakuyaku njubo yendi munganda yendi. Wabwahethele njubo yendi cho walishukikile. Cho wathsile na kimithsinda mu mbumba ya ishe.²⁴Cho Ndabiti wethzile ku Mahanaim. Olojo kuli Ambasolome, wajabukile Yondani, ikeye hamo na banalume boshe ba Isalela. ²⁵Ambasalome wakele Amasa kupwa mukulunu w mashwalale kuthethza Njoabu. Amasa wakele muna Njetha ka Ishimelo, ou wakobelele muli Ambingelo, ou wakele mwana munakathzi wa Nahashi lalo ndokathzi wa Zeluya, ina wa Njoabu. ²⁶Cho Isalela na Ambusalome bakele ha chilombo mulifuti lya Ngileyandi.²⁷Cho chasholokele omu Ndabiti wethzile ku Mahanaimu, omu Shobi muna Nahashi kutunda ku Lamba yaku Amon, na Makile muna Amiyelo kutunda ku Lo Ndemba, na Mbazilai ka Ngileyandi wakutunda ku Logelimu. ²⁸Banenele bithalo na mapai akulalako, malonga akutanena na bindeho, na tiliku, makunde, lentile, ²⁹buki, mbata, bimanga, na bitenga bya mashwe, mangana balye. Aba nanalume bendekele ngwabo, "Aba banu bali nanjala, banajuka na lihwila mu mambo"

¹Cho Njoabu bamulekele ngwabo , "Kenga, mwene anakulila na kulinyenga hali Ambusalome." ²Cho kuhyana chalije litangwa bachitengulwile kupwa kulinyenga ku bakanthzita boshe, mwafwa bakathzita hali lije litangwa bachithzibile omu bendekele ngwabo, "Mwene anakulinyenga hali munendi."³Cho halitangwa lije mashwalale bathebunukile mu nganda, ngwe banu baje banathzibitha shwamwa na kuthebunuka, omu batewa kunthzita. ⁴Mwene walifwikile ku mesho nakulila na lijwi lya kukanguka ngwendi, "Munange Ambusalome, Ambusalome, munange, munange!"⁵Cho Njoabu wakobelele munjubo kuli mwene na kwendeka ngwendi, "Unathzibitha shwamwa ma shwalale bobe boshe lelo, aba banayobwele mwonyo wobe lelo, na myonyo ya bana bobe babanalume na babanakathzi, na myonyo ya banakathzi bobe, na myonyo ya banakathzi ba bindungo bobe, ⁶mwafwa wathzema baje bakuthzinda, nakuthzinda baje bakuthzema. Mwafwa lelo unasholola ngwe bantwama na mashwalale ba ngocho kuli yobe. Lelo njinataba ngwange oshe ngwe Ambusalome nakala na mwonyo, cho etu boshe twathsile, echi ngwe chinakubwaheletha kumbunge.⁷Choni ngachije katuka uye nakwendeka mubuthunga ku mashwalale bobe, mwafwa njilithinga hali Njambi, oshe ngwe kuuiko, kukwethi munalume athala nobe buthsiki buno. Cho chikala chachibi manene kuli yobe kutubakana mabukalu oshe aje akusholokelele kutunda ha bukwenje bwobe kweta lelo." ⁸Cho mwene wakatukile nakutumbama mu chikolo cha nganda, cho nabanu boshe babalekele ngwabo, "Kengeni, mwene natumbama muchikolo cha nganda," cho nabanu boshe bethzile kuli mwene. Cho ba Isalela batewele, munu woshe kwimbo lyendi.⁹Banu boshe bakele na kulibyanangana babenya mu miyati yoshe ya Isalela ngwabo, "Mwene natulwlile kumaboko abaka ng'ole betu, nakutulwila kumaboko aba Filisite, oloni natewe kutunda mu lifuti hamulonga wa Ambusalome. ¹⁰Ambusalome, ou twawabethele hali yetu, nathsi mu nthzita. Cho mwomo bika kumwendekela chimo ha kwilwitha cha mwene?"¹¹Mwene Ndibiti watumine majwi kuli Zandoki nakuli Ambiyata baje tupilisitu ngwendi, "Endekeni ku bakulunu baku Yunda ngweni, 'Mwomu bika mupwa bakumanethelako kwilwitha mwene ku nganda yendi, hakupwa kwendeka chaba Isalela chinemanenako mwene, kumulwitha ku nganda yendi? ¹²Yeni bandolome bange, mushuni na chithsiya change. Mwomu bikoni mupwa bakumanethelako kwilwitha mwene?'¹³Cho endekeni kuli Amasa ngweni, 'Nkuma kuwethi mushuni na chithsiya change ndi? Njambi achilinge kuli yange, kwakelako lalo, oshe kuwethi umukulunu wa mashwalale bange kutunda lelo kuya kulutwe mu mwela wa Njoabu." ¹⁴Cho watengulwile bimbunge bya banu ba Yunda boshe kupwa munu umo. Batumine majwi kuli mwene ngwabo, "Iluka, yobe hamo na banu bobe boshe." ¹⁵Cho mwene welukile nakwija ku Yondani. Choni banalume baku Yunda bethzile ku Ngiliya na kuliwana na mwene cho bakanene mwene kuthambwela lya Yondani.¹⁶Shimei muna nGel, ka Mbenjamini, ou waundile ku Mbalulimu, wathzambwile hamo n banlume baku Yunda bakaliwane na mwene Ndabiti. ¹⁷Kwakele likulukathzi lya banlume ba kutunda ku Mbenjamine naikeye hamo, Ziba ngamba wa Saulu, na bana bendi babanalume likumi nabatanu hamo na makumi abali a bingamba bendi. Bajabukile Yondani mu mesho a mwene. ¹⁸Bajabukile bakanene nanga ya mwene kuthambwela na kulinga byoshe ebi athinganyekele kupwa bubwa. Shimei muna Ngela wathikamene hathi kuli mwene hajebene thimbukanda ashangumuke kujabuka Yondani.¹⁹Shimei wendekele kuli mwene ngwendi, "Kethi, shukulu, unjiwane na mulonga nameme kwanuka bubi buje ngamba yobe walingile halitangwa lije shukulu mwene watundile ku Yelusalema. Njalombo, mwene kethi abyake ku mbunge. ²⁰Mwafwa ngamba yobe nathzibuka ngwe njabulumuna. Kenga, chikecho chinanenetha kwija lelo kupwa wakulibanga kutunda ku nanga yoshe ya Yosefwa kuthikumuka nakuliwana na shukulu ou mwene wange."²¹Oloni Ambishai muna Zeluiya wakumbulwile ngwendi, "Nkuma Shimei kapandele kuthsa hali echi, mwafwa wathingile ou bawabetha kuli Njambi?" ²²Cho Ndabiti wendekele ngwendi, "Chuma muka njilinga hali yobe, yeni bana ba Zeluiya, magana lelo ukapwe muka ng'ole kuli yange? Lelo kukala munu batwala kukuthsa mu Isalela? Mwafwa kunjathzibukile ngwe lelo njinapu mwene wa Isalela ndi?" ²³Cho mwene endekele kuli Shimei ngwendi, "Kuuthsi," Cho mwene wamukulahethele na chithingo.²⁴Cho Mefibosheti muna Saulu wathikumukile nakuliwana na mwen. kathikile nakuliwana na mwene, Kathzikile myanja yendi , nambe kukamba munjethzi wendi kutunda kulitangwa atundileko mwene kweta kulitangwa atundileko mwene kweta kulitangwa welukile kwimbo mu kwoloka. ²⁵Cho omu ethzile kutunda ku Yelusalema na kuliwana na mwene, uje mwene wendekele kuli likeye ngwendi, "mwomo bika kawaile nange, Mefiboheti?"²⁶Wakumbulwile ngwendi, "Mwene wange shukulu, ngamba yange wanjikwithile, mwafwa njendekele ngwange, "Njikuta chimulu mangana njilondeho mangana njiye na mwene, mwafwa ngamba yobe apwa chilema. ²⁷Ngamba yange Ziba wanjikwithile, yange ngamba yobe, kuli shukulu mwene wange. Oloni shukulu mwene wange apwa ngwe kangelo wa Njambi. Ngachijeoni, lingechi chinabwaha mu mesho obe. ²⁸Mwafwa nanga ya tate yoshe bakele ba kuthsa ku mesho a shukulu mwene wange, oloni wakele ngamba yobe hakati kabaje balile ku metha yobe libenya. Mooko mukoni njili nayo injilingitha kutwalelela kulilila kuli mwene?".²⁹Cho mwene wendekele kuli ikeye ngendi, "Bikajo ulumbunwina nakutwalelelaho? Njathinganyeka ngwange yobe na Ziba mukapanga mahya," ³⁰Cho Mefibosheti walikumbulwile kuli mwene ngwendi, "Eyo, mwecheleni ambate byoshe, hakupwa shukulu mwene wange neluka mubutunu kwimbo lyendi ibenya."³¹Cho Mbazilai uje ka Ngileyande wathikumukile kutunda ku Longelimu nakujabuka Yondani na mwene, cho wendele hamo na mwene kuthambwela lya Yondani. ³²Choni Mbazilai wakulubalele manene, myaka makumi atanu na atatu mukukola. Wakele na kwana mwene mwakulingila thimbu wakele ku Mahanaimu, mwafwa wakele wabufuko manene. ³³Mwene wendekele kuli Mbazilai ngwendi, "Ija nange, cho njikubwahethela kwaku tumbama nange mu Yeluslema."³⁴Mbazilai wakumbulwile mwene ngwendi,"Matangwa angahijo anathalako mu myaka ya mwonyo wange, nambe njije na mwene ku Yelusalema? ³⁵Njili na myaka makumi atanu na atatu mukukola, njatha kwandununa habubwa na bubi? Ngamba yobe atha kumakela ebi njikali nebi njikanu? Njatha kuthzibalalo majwi abaka kwimba babanalume na babanakathzi? Bikajo ngamba yobe apwila chitele kuli shukulu mwene wange? ³⁶Ngamba yobe ashaka lika kujabuka Yondani na mwene. Bikajo byanjifwetela mwene na bwana bwa chifwechi?³⁷Njalombo echela ngamba yobe eluke kwimbo, mangana njikathsile munganda yange ibenya ku mbumba ya tate na nana. Oloni kenga, ngamba yobe Kimuhamu ou. Echela ajabuke na shukulu mwene wange, nakumupangela chije chisholoka bubwa kuli yobe."³⁸Mwene wakumbulwile ngwendi, "Kimuhamu aya nange, cho njikamupangela chije chikasholoka bubwa kutunda kuli yange, Njikachilingila ha mulonga wobe," ³⁹Cho banu boshe bajabukile Yondani, na mwene wajabukile, cho mwene wathsembele Mbazilai na kumukwithula. Cho Mbazilai welukile kwimbo lyendi ibenya.⁴⁰Cho mwene wajabukile kuya ku Ngilingale, na Kimuhamu wajabukile nendi hamo, Mashwalalel baku Yunda banenele mwene, na Mbathzubwila imo ya mashwalale baku Isalela. ⁴¹Haje bene banalume baku Isalela bashangumukile kwija kuli mwene na kwendeka kuli mwene ngwabo, "Bika binanenetha bandolome, banalume baku Yunda, kukwiba nakunena mwene na nanga yendi ku thambwela ya Yondani, na banalume boshe ba Ndabiti kwija nabo hamo?⁴²Cho banalume baku Yunda bakumbulwile baje banalume baku Isalela ngwabo, "Mwafwa mwene apwa kabushoko ketu. Bikoni munalubalela hali echi? Tunaliho chuma chimo echi napandele kufwetela mwene? Indi natwanako bwana bumo?" ⁴³Baje banalume baku Isalela bakumbulwile baje banalume baku Yunda ngwabo, "Tuli na malimi likumi akushoko ya mwene, cho tuli na mooko yakama kuli Ndabiti kutubakana yeni. Bikajo bimunatushawilile? Nkuma kuchakele kushaka chetu kulibanga kwilwitha mwene wetu tukamuthzibe?" Oloni majwi a banalume baku Yunda apwile akutenuka manene kutabakana majwi a banalume baku Isalela.

¹Cho Ndabiti wembile majwi a mwatho ou kuli Njambi halitangwa lije Njambi wamuyobwele kutunda mumaboko abaka ng'ole bendi boshe, na muliboko lya Saulu. ²Walombele ngwendi, "Yehoba ikeye libwe lyange, mwakubanda mwange, umo ou akanji yobola.³Njambi ikeye libwe lyange. Njikawana kubanda muli ikeye. Ikeye ntelo yange, mbinga ya bwoboke bwange, mukemo munjikatakamena, cho munji kabanda, umo ou akanjilwili kutunda kubukenya bwoshe. ⁴Njikathana hali Yehoba, ou atela kulemethewa, cho akanji yobola kutunda kuli baka ng'ole bange.⁵Mwafwa mang'imba a buthsi anjthzengelekele, na muta wamema aku nyongetha anjithzeyethele. ⁶Na malenge a Shoyole anjithzengulukile; cho makambwila a buthsi anjikutile.⁷Mukukalekeya change njathanene hali Yehoba; Njalilile kuli Njambi; cho wathzibile lijwi lyange kutunda mu tembele yendi, nakuthana chakutonda bukwathi chakobelele mu matwi endi.⁸Cho kaye kalinikithile na kujaja. Na mabulu a melu ajajele cho bawanikithile, mwafwa walubalele. ⁹Bwithi bwakandukile mwilu kutunda mumajulu endi, na milangi ya tuhya yatuhukile mu kanwa kendi. Manungu bawa kwatethele ku milangi yacho.¹⁰Washokolwele melu chowethzile hathi, cho lithuthulungu lyakama lyakele mwithi ya myanja yendi. ¹¹Wendele hali likelube naku mbululuka. Bamumwene ha mambaba a lihuthzi. ¹²Walingithile lithuthulungu kupwa tende ya kumuthzengeleka, kubungiya mashelwa a nyothzi mwilu.¹³Kutunda kukuhyatuka chendi manungu atuhya akele na kuwa. ¹⁴Yehoba waluminine mwilu. Ikeye wakuhyana watambekele. ¹⁵Washele mikili na kushandwola baka ng'ole - kumunika cha mihyato nakubashandwola.¹⁶Cho bingila bya kalunga ndonga byasholokele; malubula akaye ba ajalele hakamwa hakubyanetha cha Yehoba, ha kupemba cha kuhwima cha mumajulu endi.¹⁷Wetele hathi kutunda hakamwa; wanjikwatele! Wanjikokele kutunda mukuthziminina cha mema. ¹⁸Wanjiyobwele kutunda kuli muka ng'ole wakutakama, kutunda kuli baje banjithzindile, mwafwa bakele na nthzili hali yange.¹⁹Bethzile nakunjimanena halitangwa lya kulyakamena change, oloni Njambi wakele mukwathi wange. ²⁰Wanjitundithile lalo kunjinena ha mwela wakujela. Wanjiyobwele mwafwa wabwahelelele nange. ²¹Njambi wanjifwetele mukushula ha kuthungama change; nanjilwithila mukushula ha kujela cha maboko ange.²²Mwafwa njinanyungu bingila bya Yehoba cho kunjapangele mwamubi mukutunda kuli Njambi yange. ²³Mwafwa mashiko endi oshe akuthungama anakala kuli yange; hamulonga wa mashiko endi; kunjatundile ku akeo.²⁴Cho njinakala lalo wakujeneka mulonga kumesho endi; na kulinyunga kutunda ku bubi. ²⁵Cho ngachije Njambi nanjilwithila mukushula cha kuthungama change, kweta ku theteko ya kujela change ku mesho endi.²⁶Kuli baka likulahelo., lishololeni yeni babenya kupwa ba likulahelo; kuli munu ou wakujeneka katenga, lisholole yobe libenya kupwa wakujeneka katenga. ²⁷Nakutoka lisholole yobe libenya kupwa wa kutoka, oloni unapu umuka kubihitha wa kujeneka kuthziba.²⁸Kwatheni banu bali mubukalu, oloni mesho eni apwa akutengulukila baka kulithziba, cho mukabanene hathi. ²⁹Mwafwa yobe ndeya yange, Yehoba. Yehoba akamunika mulithuthulungu lyange.³⁰Mwafwa kwitila muli yobe njikajomboka mingowa; kwitila muli Njambi yange njinatha kujomboka mbango. ³¹Hamulonga wa Njambi, bingila byendi byapwa byakulonga. Lijwi lya Yehoba lyapwa lyakujela. Napu ntelo kuii munu woshe ou atewela muli ikeye.³²Mwafwa iya napu Njambi kubanga Yehoba lika, cho iya napu libwe kubanga Njambi yetu lika? ³³Njambi mukemo mwakutewela mwange, cho akatwamenena munu wakujeneka katenga mu ngila yendi.³⁴Cho akathzambwitha mendi ange ngwe mbambi waminkinda na kunjaka helu ya malundu. ³⁵Akalongetha maboko ange kulibwahethela nthzita, na maboko mukukoka mata a bunengu.³⁶Unanjana ntelo ya bwoboke bwabo, na kutetela chobe chinanjipwitha wakama. ³⁷Unapanga mwela wakama wa myanja yange mwithi yange, cho myanja yange kuyathenetele.³⁸Njakabele baka ng'ole bange nakubanyongetha. Kunjelukile hanima kweta nomu banyongele. ³⁹Njababetwethele na kukatuka. Banawila mwithi ya myanja yange.⁴⁰Unakele nthzili hali yange ngwe mwiba wathzita; unaka baje bakayimanena mwithi yange. ⁴¹Cho wanjanene makothi a baka ng'ole bange; Cho njatapele boshe baje banjithzindile.⁴²Balililile bukwathi' oloni kukwakele wakubayobola; cho balililile hali Njambi oloni kabakumbulwile. ⁴³Cho njabalikitile ngechi balumukile ngwe likungu lya hathi, njabatikile ngwe ndambo yamubingila.⁴⁴Unanjiyobola lalo kutunda ku bimata bya banu bange. Unanjinyungu hakupwa mutwe wa mafuti. Cho banu aba kunjathzibukile bakanjipangela. ⁴⁵Metandinda babathindiyiye kunjithsikamena. Hajebene omu banjithzibile, banji kabangeyeye. ⁴⁶Metandinda bethzile mukujaja kutunda mu membo mubatakamena.⁴⁷Yehoba wayoya! Echeleni libwe lyange balilemethe. Echeleni Njambi bamujundule, libwe lya bwobole bwange. ⁴⁸Ou ikeye Njambi ou akelwitha bubi hamulonga wange, umo akawithila banu muuthi yange. ⁴⁹Akanjithzitula kuli baka ng'ole bange. Mukemobene, wanjijundwile helu lyabaje bakanjimanena na ng'ole. Wanjiyobola kutunda kuli banalume ba bukenya.⁵⁰Cho ngachije njikana kukandelela change kuli yobe, Yehoba, hakati ka mafuti; Njikemba myatho yakulemetha halithzina lyobe. ⁵¹Njambi akana kuhyana chakama kuli mwene wendi; cho akamanetha kulyononona cha chithzibathano, kuli Ndabiti na chithemunwina chendi myaka yoshe.

¹Choni awa akeo majwi a Ndabiti a amamanethelo - Ndabiti muna Yose, munalume ou, bathinganyekele manene, umo ou babwabethele kuli Njambi wa Yakobo, muka kwimba wamubwa waba Isalela. ²Muthzithzime wa Njambi wendekele muli yange, cho lijwi lyendi lya kele ha lilimi lyange.³Njambi waba Isalela wendekele, libwe lya Isalela lyendekele kuli yange ngwabo, 'Ou akayulu mubuthunga hali banu, aba bakayulu mu lyoba lya Njambi. ⁴Akapwa ngwe cheke cha mutondo wakwilika mashelwa, omu mwila waubwa ujobelela kutunda mulibu kwtila mu kutemuna cha lithathe hanima ya kunyoka nyonthzi.⁵Mukemo bene, nkuma nanga yange kuyalifwile nebi kumesho a Njambi? Nkuma kapangele chithzibathano cha myaka yoshe nange, mukuthungama na buthunga mubingila byoshe ndi? Nkuma katumithile bwoboke bwange na kushulitha kushaka change choshe ndi?⁶Oloni ebi byakujeneka kufwila bikapwa ngwe mingonga ei bakombila kuti, mwaafwa kubatha kuibingiya na maboko a munu. ⁷Munu ou akuikwata kubanga akapangethe chipangetho chachikubo nambe cheti cha likunga. Byapande kubyenyekela oho bikalala."⁸Cho awa akeo mathzina a banu ba kulema ba Ndabiti: Njoashebu - Mbashe - Mbeti ka Takemone, wakele ntwama wa banalume ba nthzili. Wathsiile banalume bakweta bita bitanu na bitatu hathimbu imo lika.⁹Hanima yendi bethzile Elayaza muna Ndodai kaAholite, umowabaje banalume banthzili batatu. Wakele hamo na Ndabiti hathimbu ba nyongethele ba Filisite aba balikungulwilile hamo ku kulwa, nomu belukile banu ba Isalela hanima. ¹⁰Eleyaza wemanene nakulwa naba Filisite kweta nomu liboko lyendi lyakolele kukukwata mukwale wendi. Njambi wakelekuhyana cha kama halitangwa lije. Mashwalale belukile hanima ya Eleyaza, kuya nakushulula mibila lika.¹¹Hanima yendi hethzile Shama muna Angi, ka Halalite. Ba Filisite balikungulwile hamo kuje kwakele lihya lya Lentile, cho baje mashwalale batewele kutunda kuli bakebo. ¹²Oloni Shama wemanene mukati ka lihya na kulilwila. Wathsiile baje ba Filisite, cho Njambi wanenele kulyana chakama .¹³Mashwalale batatu hali baje makumi atatu bathikumukile kuli Ndabiti hathimbu ya kuteja, kuchingelengenya cha Andulamu. Mashwalale baba Filisite bakele chilombo mu mingulunga ya Lefwaimu. ¹⁴Hathimbu ije Ndabiti wakele mu myela yakutakama chendi, muchingelengenya, thimbu ba Filisite batungile kuje ku Mbetelema.¹⁵Cho Ndabiti wakele nakuthsila mema nakwendeka ngwendi, "Oshe ngwe kukala umo anjana mema akulithima lyaku Mbetelema njinwe, lithima lije lyakala kuje kuchikolo!" ¹⁶Cho aba banalume batatu banthzili betile mukati ka mashwalale baba Filisite na kutekula mema mu lithima lyaku Mbetelema, lithima lyaku chikolo. Bambatele mema nakuwanena kuli Ndabiti, oloni wabyanene kuwanwa. Olojo, wawetilile kuli Njambi. ¹⁷Cho wendekele ngwendi, " Njambi, chithzila kuli yange, kulinga ngechi. Nkuma njapande kunwa maninga a banu aba banakele myonyo yabo mu kuthsa?" Cho wabyanene ku wanwa. Byumebi babilingile kuli bakakutakama batatu.¹⁸Ambishai, ndolome ya Njoabu muna Zeluiya, wapwile ntwama hali baje batatu. Thimbu imo walwile nalikunga lyendi na banu bita bitatu nakubathsiya. Cho thimbu yoshe bamutumbwile hamo nabaje mashwalale batatu. ¹⁹Nkuma kathzibakanene manene kutubakana baje batatu? Bamupwithile kupwa mukulunu wabo. Nambe ngocho, puho yendi kuyalitele na puho ya baje mashwalale batatu bathzibakanene manene.²⁰Mbenaiya kutunda ku Kambuzile wakele muna Njehoiyanda; wakele munu wakutakama , ou wapangele bya kukaluka. Wathsiile baje bana babali ba Aliyeo waku Mowabu. Naikeye wathikumukile mu bwina na kuthsiya ndumba thimbu akele na kwona. ²¹Kutundaho wathsiile munalume wakama ka Ingitu. Uje ka Ingitu wakele nalikunga muliboko lyendi, oloni Mbenaiya walwile nendi na mbweti, Watambwile lije likunga muliboko lya ka Ingitu nakumuthsiya kupangetha lukunga lyendi ibenya.²²Mbenaiya muna Nehoiyanda walingile bya kukaluka, cho bamutumbwilile halibaje batatu bakutakama. ²³Bamuthingimikile manene kutubakana baje mashwalale makumi atatu mukutuma, oloni kubamuthingimikile manene ngwe baje banalume bakutakama batatu. Nambe ngocho Ndabiti wamwakele bukulunu hali baka kumunyunga.²⁴Hali baje makumi atatu hakeko hakele na banalume aba: Asahe ndolome ya Njoabu, Elanani muna Ndondo wa kutunda ku Mbetelema. ²⁵Shama ka Halonde, Elika ka Halonde, ²⁶Helezi ka Peletite, Ira muna Ikeshi ka Tekoite, ²⁷Ambieza ka Anatotite, Simbekai ka ²⁸Hushatite, Zalumoni ka Ahohite, Makalai ka Netofatile;²⁹Helebu muna Mbana, ka Netofatite, Itai muna Limbai kutunda ku Ngimbeya baku Mbejamite, ³⁰Mbenaiya ka Pilatonite, Hindai waku mingulunga yaku Ngashi: ³¹Ambi- Alumboni ka Ambatite, Azimabeti ka Mbahumite, ³²Eliyambu ka Shalumbonite, bana ba Njasheni, Njonathani muna Shama ka Halatite'³³Ahiyamu muna Shala ka Halalite, ³⁴Elifeleti muna Ahasimbai ka Makatite, Eliyamu muna Ahitofelo ka Ngilonite, ³⁵Hezilo ka Kamelite, Palai ka Ambite, ³⁶Ingao muna Nathani wakutunda ku Zomba, Mbani kutunda ku lilimi lya Ngandi,³⁷Zeleki ka Amonite, Nahalai ka Mbelothile, mukakukwata chikubo kuli Njoabu muna Zeluiya, ³⁸Ira ka Itilite, Ngalebu ka Itilite, ³⁹Uliya ka Hitite -makumi atatu naba bali mukutuma.

¹Cho lalo butenu bwa Njambi bwa bendukulile ba Isalela, cho watakamethele Ndabiti nakwendeka ngwendi, "Ya, utande ba Isakela na ba Yunda." ²Mwene wendekele kuli Njoabu mukulunu wa mashwalale, ou akele nendi hamo ngwendi, "Ya mutuluke mu miyati yoshe ya ba Isalela, kutunda kuli Ndani kweta kuli Mbeyashemba, nakutanda banu boshe, mangana njithzibuke kutuma cha banalume banapande kuya ku nthzita."³Njoabu wendekele kuli mwene ngwendi, "Echela Yehoba Njambi yobe atumithe kutuma cha banu mu bita, cho echeleni mesho a mwene wange shukulu achimone kupangewa. ⁴Oloni mwomo bika shukulu mwene achakela echi?" Nambe chikale ngocho, lijwi lya mwene lyapwa lyakumanethelako kuli Njoabu nakuli bakulunu ba mashwalale . Cho Njoabu na bakulunu ba mashwalale baile kutunda ku mesho a mwene bakatande banu ba Isalela.⁵Bajabukile Yondani nakukala ha chilombo kuyehi na Aloya, kushango ya nganda ya mu mingulunga. Cho bendele kwita mu Ngandi kweta ku Njaza. ⁶Betele ku Ngileadi naku lifuti lya Tatimu Hondishi, kweta ku Ndani Njani na kuthzenguluka kuyehi na Sindoni. ⁷Betele kwatakamena Taiya na binganda byoshe bya Hitite na Kanana. Cho baile ku Nengebu mu Yunda ku Mbeyashemba.⁸Omu betele mu mafuti oshe, belukile ku Yelusalema hakuhwa cha bingonde bitanu na biwana na matangwa makumi abali. ⁹Cho Njoabu wathzimbwile kutuma cha kutanda cha banalume bakulwa kuli mwene. Mu Isalela mwakele 800, 000 banalume bakwilika lyoba aba bakwatele mukwale, cho banalume bamu Yunda bakele 500,000.¹⁰Cho mbunge ya Ndabiti yababalele hanima ya kutanda banu. Cho wendekele kuli Njambi ngwendi, "Njina bulumuna mwakama hakulinga echi. Choni, Njambi, tundithamo kuthsa na mulonga cha ngamba yobe, mwafwa njinapanga mwa bulema.¹¹Omu endukile Ndabiti mutondo, lijwi lya Njambi lyethzile kuli kapolofita Ngandi, mukakumwenako Ndabiti, ngwendi, ¹²"Ya umuleke Ndabiti ngwobe: Njambi nendeka ngechi: "Njili na kukwana bingila bitatu. Shakulaho ngila imo."¹³Cho Ngandi waile kuli Ndabiti na kwendeka kuli ikeye ngwendi, "Ushaka kwija myaka itatu ya njala mulifuti lyobe ndi? Nameme ushaka kutewa mu bingonde bitatu kutunda kubaka ng'ole bobe thimbu bali nakukusheka ndi? Nameme ushaka kupwe mishongo ya matangwa atatu mu lifuti lyobe ndi? Choni shakulaho kukumbulula chinjapande kutwala kuli ou nanjitumine. ¹⁴Cho Ndabiti wendekele kuli Ngandi ngwendi, "Njili mubukalu bwakama manene. Echeleni tuwile mumaboko a Njambi kutakana mumaboko a munu, mwafwa bilinga byendi bya ng'eke byapwa bya kama."¹⁵Cho Njambi watumine mishongo hali ba Isalela kushangumuka ku mutondo kweta ku thimbu eyi wakele, cho banu bakweta makulakathzi atanu na abali ( 70,000) bathsile kutunda ku Ndani kweta ku Mbeyashemba, ¹⁶Omu kangelo wolwele liboko lyendi kuya ku Yelusalema nakuinyongetha, Njambi watengulwile bithinganyeka byendi ha mulonga wa kubulumuna chijamo, cho wendekele kuli kangelo ou wakele na kunyongetha banu ngwendi, "Nkyeho! Choni ilwitha liboko lyobe." Hathimboyo uje kangelo wa Njambi wemanene ku chijungwilo cha Alaunaka Njebusite.¹⁷Cho Ndabiti omu amumwene uje kangelo ou alukukile banu wendekele kuli Njambi ngwendi, "Njina bulumuna, cho njinapanga mwamubi manene. Oloni aba bimanga, banalingi bika? Njinalombo echela liboko lyobe linjithzangamethe yange na nanga yaba tate!"¹⁸Cho Ngande wethzile kuli Ndabiti ha litangwa lije na kwendeka ngwendi, "Ya helu utunge mutula wa Njambi ku chijungwilo cha Alauna ka Njebusite." ¹⁹Cho Ndabiti wakandukile ngwe omu Ngandi wamukambeyeye kulinga, ngwe omu Njambi wamukambeyeye. ²⁰Alauna wakengele nakumona uje mwene na bingamba bendi bana kwija. Cho Alauna waile na kuthsikama kuli mwene na chihanga chendi hathi.²¹Cho Alauna wendekele ngwendi," Bikajo byanethzila shukulu mwene kuli yange, ngamba yendi? Ndabiti wakumbulwile ngwendi, "Nakulanda chijungwilo chobe, mangana njitungeho mutula wa Njambi, mangana mishongo baitundithe hali banu. ²²Alaima wendekele kuli Ndabiti ngwendi, "Chambate kupwa chobe, shukulu mwene wange. Chipangethe muli obyo umona bubwa ku mesho obe. Kenga, bingombe aba ba mulambu wa kwenyeka na bijungwilo na mangati kupwa bitale. ²³Byoshe ebi mwene wange, yange, Alauna, njibyana kuli yobe," Cho wendekele kuli mwene ngwendi, " Echela Yehoba Njambi yobe akutabele."²⁴Mwene wendekele kuli Alauna ngwendi, "Embwe, njishaka kulanda na ndando. Kunjana chuma kupwa mulambu wakwenyeka kuli Njambi echi kuchethi cha kulanda na ndando." Cho Ndabiti walandele lije libu lya chijungwilo na bingombe na mashekele makumi atanu a siliva. ²⁵Ndabiti watunguileho mutula wa Njambi na kulambwilaho mulambu wa kwenyeka hamo na mulambu wa kulinunga kuli Njambi. Cho Njambi wakumbulwile kulomba cha kwimanenako lifuti, cho mishongo hali ha Isalela baimikile.

¹Cho Elisha wendekele kuli uje munakathzi akele na munendi ou belwithile ku mwonyo. Wendekele kuli ikeye ngwendi, "Katuka, nakuya na baka njubo yobe, nakukala kwoshe oko ushaka mulifuti lyeka mwafwa Yehova anakuknena njala mulifuti eli ikala ha myaka itanu na ibali." ²Cho uje munakathzi watabelele majwi a munu wa Njambi wakatukile. waile na baka njubo yendi nakukala myaka itanu naibali mulifuti lya ba Filisite.³Chasholokele kuma mamethelo a myaka itanu na ibali uje munakthzi welukile kutunda ku lifuti lya ba Filisite, cho waile kuli mwene nakumulomba ha mulonga wa njubo yendi na libu lyendi. ⁴Choni mwene wakele nakwendeka Ngehazi ngamba ya uje munu wa Njambi, ngwendi, "Njalombo njileke byuma byakama byoshe ebi nalingi Elisha."⁵Cho ha thimbu akele nakuleka mwene omu ELisha welwithile ku mwonyo mwana uje wathsile, uje bene munakathzi uje munendi belwithile ku mwonyo wethzile nakulomba mwene ha mulonga wa njubo yendi na libu. Ngehazi wendekele ngwendi, "Shukulu, mwene, ou ikeye uje munakthzi nou ikeye munendi; ou Elisha welwithile ku mwonyo." ⁶Omu mwene wehwile uje munakathzi hali munendi wachilumbunwine kuli ikeye. Cho mwene wakambeyeye muka bipangi umo hali ikeye, ngwendi, "Mwilwithile byoshe bije byakele bya kele byendi na kuteja choshe cha mu mahya endi kutunda ha litangwa wathethzele lifuti kweta lelo."⁷Elisha wethzile ku Ndamasiku kwakele Mbeni Handandi mwene waba Alame nakubinja. Mwene bamulekele ngwabo, "uje munu wa Njambi naija kuno." ⁸Mwene wendekele kuli Hazale ngwendi, "Ambata bwana muliboko lyobe uye uliwane na munu wa Njambi, nakwihula Yehova kwitila muli ikeye, ngwobe, 'Njikenduka kutunda kumishongo ei ndi?'" ⁹Cho Hazale waile nakuliwana nendi ambatele bwana bwa byuma byoshe byabibwa byamu Ndamasiku, babyamabtele kuba ngamela makumi awana. Cho Hazela wethzile na kwimana kuli Elisha nakwendeka ngwendi, "Munobe Mbeni Handandi mwene waba Alame na njitumu kuli yobe, ngwendi, 'Njiyoya kutunda ku mishongo ei ndi?"¹⁰Elisha wendekele kuli ikeye ngwendi, "Ya, wendeke kuli Mbeni Handandi ngwobe, 'Buthunga bene uyoya; oloni Yehoba nanjisholwela yange ngwendi chili bene athsa." ¹¹Cho Elisha wakengele Hazale kweta nomu athzibile shwamwa, cho munu wa Njambi walilile ¹²Hazale wehwile ngwendi, "Bikajo ulila Shukulu?" Wamukumbulwile ngwendi, " Mwafwa njina thzibuka bubi obu ukalinga kuli banu Isalela. Ukaka muje mabatakamena mu tuhya, cho ukathziya bakwenje babo boshe na mukwale, kubatuthzola banike babandondo babo mu bipuka, nakutabula banakathzi babo bamemo."¹³Hazale wakumbulwile ngwendi, "Ngamba yobe iya, ou akalinga chuma echichakama ngachije? Akala lika katali."Elisha wa kumbulwile ngwendi, "Yehoba nachimwenetha ngwendi ukapwa mwene hali ba Alame." ¹⁴Cho Hazale wathethzele Elisha na kwija kuli shukwa ina ou wendelele kuli ikeye ngwendi, "Nendeka bati Elisha kuli yobe?" Wakumbulwile ngwendi, "Nanjilekel ngwendi uyoya bene." ¹⁵Cho halikaki Hazale wambatele lipai na kulimbwitika mu mema, na kulifwika ha mesho a Mbena Hanndandi mangana athse. Cho Hazale wapwile mwene muku muhinga.¹⁶Mu mwaka wa butatu wa Yolamu muna Ahabu, mwene wa Isalela Yeholamu washangumukile kayula. Wakele muna Yehoshafati mwene wa Yunda. Washangumukile kuyula thimbu Yehoshafati wa kele mwene wa Yunda. ¹⁷Yeholamu wakele na myaka makumi atatu na ibali omu washangumukile kuyula cho wa yulile ha myaka itanu na itatu mu Yelusalema.¹⁸Yeholamu wendekele mubingila bya bimyene ba Isalela, ngwe omu njubo ya Ahabu yakele nakulinga; mwafwa wakele na muna Ahabu wamunakathzi kupwa munakathzi wendi, cho walingile byabibi kumesho a Yehoba. ¹⁹Nambengocho ha mulonga wa ngamba yendi Ndabiti. Yehoba kashakele kunyongetha Yunda, hakupwa wamulekele ngwendi, thimbu yoshe akamwanaana chithemunwina.²⁰Mumatangwa a Yeholamu Endomu yalitundithile mu liboko lya Yunda, cho balyanene babenya mwene. ²¹Cho Yeholamu wajabukilile ku Zaya na makalu endi oshe. Omu baka Endomu bathzengulukile Yeholamu, bakulunu ba makalu endi bakatukile naku balukuka muthimbu ya buthyiki oloni bakanthzita ba kubinjubo byabo.²²Cho Endomu inapu mukutengulukila chiyulo cha Yunda naku lelo. Libina lalo walikangele ha thimbu imo lika. ²³Kwetheka na mithzimbu ikwabo hali Yeholamu, byoshe bije walingile, nkuma kubabithonene mu libulu lya bilika bya bimyene ba Tunda ndi? ²⁴Yeholamu wahwimine hamo na baishe cho ba muthzindile nabakebo munganda ya Ndabiti. Cho Ahaziya munendi wakele mwene mu mwela wendi.²⁵Mu mwaka wabu likumi na ibali ya Yolamu muna Ahabu, mwene wa Isalela Ahaziya muna Yeholamu mwene wa Yunda, washangumukile kuyula. ²⁶Ahaziya wakele na myaka makumi abali na ibali mukukola omu ashangumukile kuyula; Wayulile ha mwaka ummo mu Yelusalema. Lithzina lyaba ina lyakele Athaliya; wakele muna Omuli wamunakathzi, mwene wa Isalela. ²⁷Ahaziya wendele mubingila bya njubo ya Ahabu; wapangele echi chachibi mumesho a Yehoba, ngwe muje njubo ya Ahabu yakele na kulinga, mwafwa Ahaziya wakele kauko mu njubo ya Ahabu.²⁸Ahaziya waile na Yolamu muna Ahabu, nakulwa na Hazale, mweene wa Alamu, ku Lamoti Ngileyandi. Baka Alame babulumwine Yolamu. ²⁹Mwene Yolamuwelukile bakamuthake mu Yezileo ku bimbandu bije bamwakele baka Alame ku Lamoti omu alwile na Hazale mwene wa Alamu. Cho Alaziya muna Yeholamu, mwene wa Yunda, wathikumukile ku Yezileo na kuta;a Yolamu muna Ahabu, mwafwa Yolamu bamubulumwine.

¹Kapolofita Elisha wathanene umo wa bana ba tupolofita wamunalume na kwendeka kuli ikeye ngwendi, "Libwahethe uye bungethzi, cho ambata ou mutumwa wamathzi waundondo yue ku Lamoti Ngileyandi. ²Omu weta tonda Yehu muna Yehoshafati muna Nimishi, ukobelemo cho umukatule kutunda mukati ka bakwabo, nakumutwala mu chibatulo chamu kati. ³Cho wambate ou mutumwa wamathzi nautwetila ha mutwe wendi nakwendeka ngwobe, "Yehoba nendeka ngechi: "Njinakubwabetha kupwa mwene wa Isalela." Cho shokolola chikolo, nakutewa; kethi wishwale."⁴Cho uje mukwenje, kapolofita wa mwanike, waile ku Lamoti Ngileyandi. ⁵Omu etele, Kengeni, bakulunu babaka nthzita batumamene. Cho uje kapolofita wa mwanike wendekele ngwendi, 'Njinaija ha bungethzi bwa bwihi kuli yobe, mukulunu." Yehu wakumbulwile ngwendi, "Kuli umo uli muliyetu?" Uje Kapolofita wa mwanike wamukumbulwile ngwendi, "Kuli yobe, mukulunu." ⁶Cho Yehu wakatukile nakukobela mu njubo, nauje Kapolofita wetilile mathzi ha mutwe wendi nakwendeka kuli Yehu ngwendi, "Yehoba, Njambi wa Isalela, nendeka ngechi, njinakubwabetha kupwa mwene hali banu ba Yehoba, hali Isalela.⁷Wapande kuthsiya nanga ya Ahabu shukwanyoko mangana njathe kumwilwithila maninga a bingamba bange tupolofita na maninga a bingamba boshe ba Yehoba aba bathsiyile kuliboko lya Yezembele. ⁸Mwafwa nanga yoshe ya Ahabu ikanyonga, cho njikabatulako kuli Ahabu mwana woshe wamunalume, apwe ndungo nambe wakuthzituka.⁹Njikaungitha njubo ya Ahabu kupwa ngwe njubo ya Yelomboahamu muna Njembati cho ngwe njubo ya Mbasha muna Ahinja. ¹⁰Tutali bakalya Yezembele mu Yezileo, cho kukukapu nambe umo wakumuthzinda."' Cho uje kapolofita washokolwele li[ito nakutewa.¹¹Cho Yehu watuhukile hanja kuli bingamba ba shukwaina, cho umo wendekele kuli ikeye ngwendi, "Bili bwino byuma byoshe? Bika byanethzilile ou mukwetu wakuthzaluka kuli yobe?" Yehu wabakumbulwile ngwendi, "Munu ou mumuthzibuka na byuma ebi akendeka mubithzibuka." ¹²Bendekele ngwabo, "Owo makuli. Tuleke." Yehu wakumbulwile ngwendi, "Nendekele ebi nabije kuli yange nakwendeka lalo ngwendi, 'Ebi bikebyo nendeka Yehoba ngwendi: Njinakubwabetha kupwa mwene hali Isalela.'" ¹³Cho umo na umo bwathibwathi washulwile buthzalo bwahakamwa nakubwaka mwithi ya Yehu helu lya bindendelo. Bapembethzelele bi tolombita nakwendeka ngwabo, "Yehu mwene."¹⁴Mungila eyi Yehu muna Yehoshafati muna Nimishi wakwatele nthzita na Yolamu. Choni Yolamu wakele nakukinga Lamoti Ngileyandi, ikeye naba baka Isalela boshe, hamulonga wa Hazale mwene waba Alame, ¹⁵oloni mwene Yolamu welukle ku Yezileeo na kumuthaka bimbandu ebi bamu bulumwine baka Alawe, omu alwile na Hazale mwene waba Alame. Yehu wendekele kuli bingamba ba Yolamu ngwendi, "Oshe echi chikecho kuthinganyeka chobe, cho kethi kukala umo wakutewa na kutunda mu nganda, hakulinga baye nakwambulula ou muthzimbu mu Yezileo." ¹⁶Cho Yehu wendele mu likalu kuya ku Yezileo; Mwafwa Yolamu wakele kuje nakuhwima. Choni Ahaziya mwene wa Yunda wethzile nakumona Yolamu.¹⁷Mukakunyunga wemanene ha Kaposhi mu Yezileo, cho wamwene ije mbunga ya Yehu hathimbu bakele nakwija ha lyala; wendekele ngwendi, "Njinakumona mbunga ya banu ili nakwija." Yolamu wendekele ngwendi, "Ambateni muka kabalu, nakumutuma akaliwane nabo; mwihuleni ngweni, 'Muli nakwija mukwoloka ndi?"' ¹⁸Cho munu bamutumine hanima ya kabalu nakuliwana nabo; wendekele ngwendi, "Mwene nendeka ngechi: 'Muli na kwija mukwoloka ndi?'" Cho Yehu wendekele ngwendi, "Ulinge bati na kwoloka? Tenguluka na kwendela kunima yange." Cho mukakunyunga walekele mwene ngwendi, "Uje kanganda naliwana nabo, oloni kethi na kwiluka."¹⁹Cho watumine munu wamuchibali hanima ya kabalu, ou ethzile kuli bakebo nakwendeka ngwendi, "Mwene nendeka ngechi: 'Muli nakwija mukwoloka ndi?" Yehu wakumbulwile ngwendi, "Mulinge nacho bika kwoloka? Tenguluka na kwendela kunima yange." ²⁰Mukakunyunga wambulwile lalo, "Naliwana nabo, oloni kethi nakwiluka. Mwafwa mungila banakwendethelamo likalu ikeko ngila akendethelamo Yehu muna Nimushi; anakwendetha na bukenya."²¹Cho Yolamu wendekele ngwendi, "Bwahetheni likalu lyange." Cho ba bwahethele likalu lyendi , mukemo Yolamu mwene wa Isalela na Ahaziya mwene wa Yunda balondeleho nakuya, munu ha munu mu likalu lyendi, nakuliwana na Yehu. Bamuwanene ku bikwata bya Namboti ka Yezilite. ²²Omu Yolamu wamwene Yehu, wendekele ngwendi, "Uli nakwija mu kwoloka ndi,Yehu?" Wakumbulwile ngwendi, "Kwoloka muka kuliho, oho balinga bya buponya bya bukwithzi na bulothzi bya nyoko Yezembele binatumu?"²³Cho Yolamu watengulwile likalu lyendi nakutewa na kwendeka kuli Ahaziya ngwendi, "Kuli kutubandelela, Ahaziya." ²⁴Cho Yehu wakokele buta bwendi na nthzili yakushuka nakwasha Yolamu mukati kabithzili byendi; mukili wapulyathanene mu mbunge yendi, cho wathziminine mwithi ya lukalu lyendi.²⁵Cho Yehu wendekele kuli Mbindika mukulunu wendi ngwendi, "Mwambateni nakumumbila mu lihya lya Namboti uje ka Yezilite. Ichithinganyekeni omu yobe nange twachovwele hamo kuli ishe Ahabu, Yehoba wakele obu bupolofita kutunda kuli ikeye: ²⁶Ithzau njinamwene maninga a Namboti na maninga a bana bendi - mwa nendeka Yehoba -- cho buthunga bene njikunenetha kubifwetela kuno kulihya -- mwanendeka Yehoba. Choni, munoneni nakumumbila mulihya eli, kwetheka na lijwi lya Yehoba."²⁷Omu Ahaziya mwene wa Yunda wamwene echi, watewele ku kanduka mukwakwa wakuya kuMBeti Hangani. Oloni Yehu wamukabele, nakwendeka ngwendi, "Muthsiyileni naikeye mu likalu," cho bamwashelele kuje kukuthikumuka ku Ngale, echi chakala kuyehi na Imbileyamu. Ahaziya watewelele mu Mengindo nakuthsilako. ²⁸Bingamba bendi bambatele mubila wendi mu likalu kuya ku Yelusalema nakumuthsinda mu mbumbo yendi hamo nabaishe mu nganda ya Ndabiti.²⁹Cho chakele mu mwaka wabu likumi naumo wa Yolamu muna Ahabu omu Ahaziya ashangumukile kuyula hali ba Yunda.

¹Choni ba Filisite balwithile ba Isalela. Cho munu woshe wa Isalela watewele kutunda ku mesho aba Filisite nakuwilamu kuthsa ha munkinda wa Ngilimbowa. ²Ba Filisite bashekewethele Saulo hamo na munendi wamunalume. Cho ba Filisite bathsiyile bana bendi, ba Njonathani, Abinandabu, na Maleki - shuwa. ³Nthzita yalemenene hali Saulo, cho baka mikili bamuhyanene, cho bamubulumwine.⁴Cho Saulo wendekele kuli mukakumwambatela bitula byendi ngendi, "Shomona mukwale wobe mangana unjitibemo. Ngochongocho, aba banu bakwilika kutuhuka banji thzibihitha. Oloni mukakumwambatela bitula kathele, mwafwa wakele na lyoba. Cho Saulo wambatele mukwale wendi ibenya na kuhwilako.⁵Omu uje muka kwambata bitula wamwene ngwendi Saulo nathsi, mungila imolika wawilile ku mukwale nendi na kuthsa. ⁶Cho Saulo wathsile, nabana bendi, cho banu boshe bamu njubo yendi bathsilile hamo.⁸Omu banu boshe ba Isalela muje mu mingulunga bamwene ngwabo batewele cho na Saulo na banu bendi bathsile, bathethzele binganda byabo nakutewa. Cho ba Filisite bethzile na kuyoyela mukati kabo. ⁷Chethzile nakusholoka halikaki, omu ba Filisite bethzile nakushulula bathsi, omu bawanene Saulo na bana bendi banawila ha munkinda wa Ngilumbowa.⁹Bamushulwile na kwambata mutwe wendi na bitwa byendi. Batumine tunganda muli ba Filisite boshe kutwala muthzimbu kutumponya twabo naku banu, ¹⁰Bakele bitwa byendi mu tembele ya tulunga twabo, nakukuta mutwe wendi ku tembele ya Ndangoni,¹¹Omu baka Yambeshi Ngileyandi bathzibile ebi byoshe balingile ba Filisite kuli Saulo, ¹²banalume boshe bakulwa baile na kwambata mubila wa Saulo na na ije ya bana bendi, nakunena ku Yambeshi. Banthsindile bithsiya byabo mwithi ya muti wa oki mu Yambeshi na kulikela kulya hamatangwa atanu na abali.¹³Cho Saulo wathsile mwafwa kakulahelele muli Yehoba. Katabelele kulongetha cha Yehoba, oloni walombele bukwathi kutunda kuli umo ou wakele nakwendeka na bathsi. ¹⁴Kalombele kutwamenena kutunda kuli Yehoba, cho Yehoba wamuthsiyile nakwana bu mwene bwendi kuli Ndabiti muna Jese.

¹Cho Isalela yoshe yethzile kuli Ndabiti ku Hembuloni nakwendeka ngwabo, "Kenga, tumishuni na chithsiya chobe. ²Muthimbu ya hanima kamandondo, omu Saulu akele mwene hali yetu, yobe yobe watwamemenene baka thzita ba Isalela. Yehoba Njambi yobe wendekele kuli yobe ngwendi, 'Ukanyunga bana bange ba Isalela, cho ukapwa mukakuyula banu ba Isalela." ³Cho bakulunu boshe ba Isalela bethzile kuli mwene ku Hembuloni, cho Ndabiti watungile chithzibathano nabo ku mesho a Yehoba. Babwabethele Ndabiti kupwa mwene waba Isalela. Mungilei, majwi apwile abuthunga.⁴Ndabiti naba Isalela boshe baile ku Yelusalema (kukeko, ku Yembasi). Choni ba Yembasite, batungithi bamulifuti bakeleko. ⁵Batungithi bamu Yembasi bendekele ngwabo, "Kuukakobelamo muno." Oloni Ndabiti wambatele byela bije batakamena mu Zayoni, omu mukeko, munganda ya Ndabiti. ⁶Ndabiti wendekele ngwendi, " Woshe owo akalwitha ba Yembushite chakulibanga akapwa mwene cho ntwama." Yoabu muna Zeluya walibangele kulwitha, cho bamupwithile mwene.⁷Cho Ndabiti washangumukile kuyoyela mu byela mubatakamena. Cho baithanene kupwa nganda ya Ndabiti. ⁸Watungile nganda kuthzengulula kutunda ku Milo nakwiluka ku mbango ei yaithzenguluka. Yoabu watungulwile nganda yoshe. ⁹Ndabiti wethzile nakulema manene mwafwa wakele na Yehoba wamayongomena.¹⁰Cho aba bakebo bakele bantwama akele nabo Ndabiti, aba balimwethele babenya kutakama hamo nendi na bumwene bwendi, hamo lika naba Isalela, mukumupwitha mwene, kutabela majwi a Yehoba akutala hali Isalela. ¹¹Awa akeo mathzina a banalume ba nthzili ba Ndabiti: Yashombeyana, muna Hachimonite, wakele mukulunu wabaka bipangi. Wathsiyile banalume bakweta bita bitatu na likunga lyendi hathimbu lika.¹²Hanima yendi hethzile Eleyaza muna Ndondo, uje ka Ahohite, uje wakele umo wabaje banalume batatu banthzili. ¹³Wakele na Ndabiti kuje ku Pasi Ndamimu, cho kuje kwalikungulwile ba Filisite ku nthzita, kuje kwakele lihya lya mbali cho baka thzita batewele kutunda kuli ba Filisite. ¹⁴Bemanene mukati ka lihya. Balilwilile nakubatulako ba Filisite cho Yehoba wabobwele na kuhyana chakama manene.¹⁵Cho batatu bantwama makumi atatu bathikumukile ku libwe lya Ndabiti, ku chingelengenya cha Andulamu. Baka nthzita baba Filisite bakele na chilombo mu mingulunga ya Lefaimu. ¹⁶Hathimbu ije Ndabiti wakele mu mwela watakamena mu chingelengenya, hathimbu ba Filisite batungile chilombo chabo ku Mbetelema. ¹⁷Ndabiti wakele nakushaka mema cho wendekele ngwendi, "Oshe kukala munu wa kunjanako mema amulithima lije lili mu Mbetelema njinwe, lithima lije lili ku chikolo.!"¹⁸Cho aba banalume batatu bakutakama betile mukati ka mashwalale baba Filisite nakutekula mema kutunda mulithima lyaku Mbetelema, lithima lyaku chikolo. Bambatele mema nakunena kuli Ndabiti, oloni wabyanene kuwana. Olojo waetilile kuli Yehoba. ¹⁹Cho wendekele ngwendi, "Echela chipwe ngwe kunjapandele kukalinga echi! Oshe ngwe njinwa maninga aba banalume batatu banakele myonyo yobe mukulyana? Mwafwa banalyanene myonyo yabo mu kuthsa, Ndabiti wabyanene kuwanwa. Ebi byakele bilinga bya banalume batatu ba nthzili.²⁰Ambishai ndolome ya Yoabu wakele mukulunu hali baje batatu. Hathimbu imo wapangethele likunga lyendi kulwa na banu bita bitatu nakubathsiya. Bamutumbwile hamo nabaje batatu. ²¹Hali baje batatu, bamwanene kulemetha lubali nakupwa mukulunu wabo, nambe ngocho kakele umo wabo.²²Mbenaya muna Yehoyanda wakele muka nthzita wakukaluka wakutunda ku Kabuzile, ou wapangele bipangi byakama. Wathsiyile baje bana babali ba Aliyele waku Moabu. Waile lalo mubipuku cho wathsiyile ndumba halitangwa akele na kuwa mamanya amema. ²³Wathsiyile lalo ka Ingitu, munu walahele ma kyubiti atanu. Ou ka Ingitu wakele na likunga lyafwile ngwe chikubo chakulijala, oloni waileko na mukombo lika. Wanyekele lije likunga kutunda muliboko lya Ingitu nakumuthsiya na likunga lyendi.²⁴Mbenaya muna Yeboyanda wapangele ebi byuma, cho bamutumbwilile hamo nabaje banalume batatu ba nthzita. ²⁵Bamulemethele manene kutubakana baje mashwalale makumi atatu batumbwile, oloni kubamulemethele ngwe baje banalume batatu ba nthzili. Olojo Ndabiti wamwakele mukulunu wabakakumunyunga.²⁶Baje banalume banthzili bakele Asakele ndolome ya Yoabu, Elehanani muna Ndondo waku Mbetelema, ²⁷Shamoti ka Halotite, Helezi ka Pelonite, ²⁸Ila muna Iksohi ka Tekoite, Ambieza ka Anatotite., ²⁹Simbekai ka Hushatite, Ilai ka Ahohite,³⁰Mahalai ka Netofatile Helendi muna Mbana ka Netofatite, ³¹Itai muna Libai waku Ngimbiya waku chithemunwina cha Mbenjamini, Mbenaya ka Pilatonite, ³²Hulai wakumingulunga ya Ngashi, Abuyale ka Ambatile, ³³Azimabeti ka Mbahahimite, Ehiyamba ka Shalembonite,³⁴baje bana ba Hashemu ka Ngizonite, Njonathani muna Shange ka Halalite, ³⁵Ahiyamu muna Sakali ka Halalite, ³⁶Elifale muna Wali, Hefa ka Mekelatile, Ahinga ka Pelonite, ³⁷Hezilo ka Kamelite, Naalai muna Ezimbai,^38394041Yowele ndolome ya Nthani, Mimbika muna Hangili, Zeleki ka Amonite, Nahalai ka Mbelotile (mukakwambata bitwa bya Yoabu muna Zeliya), Ila ka Hitite, Ngalebu ka Ilitite, Uliya ka Hitie, Zmbandi muna Ahilai,⁴²Andina muna Shiza ka Lubenite (mukulunu wa helu waba Lubenite) hamo na banu makumi atatu, ⁴³Hanani muna Maaka, na Yoshafati ka Minite, ⁴⁴Uziya ka Ashitelatite, Shama na Yewele muna Hothimu ka Aloelite,⁴⁵Yendiawele muna Shimuli, Yoha (ndolome yendi ka Tizite), ⁴⁶Eliwele ka Mahabite, Yelimbai na Yoshabiya muna Elenaama, Itima ka Moahite, ⁴⁷Eliwele, Ombendi, na Yasiwele ka Mezombaite.

¹Cho aba bakebo banalume bethzile kuli Ndabiti kuje ku Zikilangi hathimbu bamushwekele kutunda kumesho a Saulu muna Kishi. Bakele hakati ka mashwalale, bakakumukwatha mu ntzita. ²Balibwahethele na mata amanana cho bathele kupangetha lyoshe liboko lya chilyo neli lya chimoshwe mu kwasha mamanya hamo na mikili yamu buta. Bakele baka Mbenjamite, baka lilimi lya Saulu.³Mukulunu wa helu akele Ahiyeza, choYoashi, boshe bakele bana ba Shema ka Ngimbeyatile. Kwakele Yezuwele na Peleti, bana ba Azimabeti. Kwakele lalo Mbelaku, Yehu ka Anatotite, ⁴Ishimaya ka Ngimbeyonite, umo wama shwalale baje makumi atatu (cho mukulunu wabaje makumi atatu); Yelemiya, Yahaziwele, Yohanani, Yozabandi ka Ngendelekite,⁵Eluzai, Yelemoti, Mbealiya, Shemaliya, Shefatiya ka Halufite, ⁶uje ka Kolahite Elukana, Ishiya, Azalele, Yoweza, Yashombeyamu, ⁷na Yowela, na Zembandiya bana ba Yelohamu waku Ngenda.⁸Bamo baka ngandite balikumbathanene na Ndabiti mu mwela mubatakamena kuje ku mambo. Bakele banalume ba kulwa, banlume banalongethela nthzita, aba bathele kukwata ntelo na likunga; aba bihanga byabo byathzibithile lyoba ngwe bya bindumba. Bakele na bwathi ngwe bishonge baku minkinda/⁹Kwakele Eza kupwa ntwama, bamukabele kuli Ombandiya, wamuchitatu Eliyabu, ¹⁰wamuchiana Mishimana, wabutanu Yelemiya, ¹¹wabutanu naumo Atai, wabutanu nabubali Eliwele, ¹²wabutanu nabutatu Yohanani, wabutanu nabuwana Elizambandi, ¹³Yelemiya, wabu likumi naumo Makimbanai.¹⁴¹⁵Aba bana ba Ngandi bakele ba ntwama ba baka nthzita. Wamakumithilo wa twamenenene chita, cho wakulibanga watwamenenene likulakathzi Bajabukile Yondani mu ngonde yabubanga, hathimbu washulile libathzi, cho bashekele boshe baje bayoyelele mu mingulunga, bamo baile ku mwela bamo baile ku kangombe kayambi.¹⁶Banalume bamo baku Mbenjamini naba baku Yunda bethzile mu mwela mubatakamena kuli Ndabiti. ¹⁷Cho Ndabiti waile nakuliwana nabo nakwendeka kuli bakebo ngwendi: "Oshe munaija kuli yange mukwoloka nakunjikwatha, munatha kulipandathana nange. Oloni oshe munaija nakunjisholola kuli baka ng'ole bange, echeleni Njambi wabakulu betu amone nakumibyanetha, hakupwa kunjabulumwine."¹⁸Cho munthzinthzime wethzile hali Amasai, ou wakele mukulunu wabaje makumi atatu. Amasai wendekele ngwendi, "Tubobe, Ndabiti. Tuli kumutambela wobe, obe muna Yese. Kwoloka, echela kwoloka chipwe kuli woshe akakukwatha. Echela kwoloka kupwe kuli bakakukukwatha, mwafwa Njambi yobe anakukukwatha." Cho Ndabiti wabatambwile nakubapwitha bakulunu ba banu bendi.¹⁹Bamo lalo kutunda kuli Manase bamutewele kwija kuli Ndabiti omu ethzile naba Filisite nakulwa nthzita na Saulu. Olojo kubakwathele ba Filisite embwe, mwafwa ba Filisite balithzibathanene mwabo mwabo nakusheka Ndabiti. Bendekele ngwabo, "Akatewela kuli Shukulu yendi Saulu hakumona myonyo yetu inakobela mu kuthsa." ²⁰Omu aile ku Zikilangi, baje banalume balikumbathanene nendi bakutunda kuli Manase bakele Andina, Yozambandi, Yendiwele, Maiko, Yozambandi, Elihu, na Ziletai, mukulunu wa makulakathzi a Mananse.²¹Bakwathele Ndabiti kulwa nabaka nthzita bakwendangana, mwafwa bakele banalume ba kulwa. Halutwe bapwile bakulunu muli bakanthzita. ²²Halitangwa halitangwa, banu bethzile kuli Ndabiti nakumukwatha, kweta nomu kwakele mbunga yakama yabaka nthzita, ngwe baka nthzita ya Njambi.²³Ebi bikeko bithoneka bya mashwalale ba nthzita balibwahethele, aba bethzile kuli Ndabiti ku Hembuloni, nakutengulula bu mwene bwa Saulu kupwa bwa Ndabiti, obu bwambetele lijwi lya Yehoba. ²⁴Baje bambatele ntelo na likunga kutunda ku Yunda bakele 6,800, balibwahethele hamulonga wa nthzita. ²⁵Kutunda ku Simeyoni bakele 7,100 banalume ba kulwa.²⁶Kutunda kuba Lebi bakele 4,600 banalume ba kulwa. ²⁷Yehoyanda wapwile ntwama wa chithemunwina cha Aloni, cho kuli ikeye kwakele 3,700. ²⁸Kuli Zandoki, mukwenje wathzili, munalime wakukaluka, kwakele bantwama makumi abali naba bali kutunda ku naanga ya ishe.²⁹Kutunda kuli Mbenjamini, lilimi lya Saulu, bakele makulakathzi atatu. Cho babangi muli bakebo bononokelele Saulu kweta nakuthimbu ino. ³⁰Kutunda kuli ba Efulemu bakele 20,800 banalume ba kulwa, banalume aba bathzibakanene manene mu binjubo byaba ishabo. ³¹Kutunda kumbathzubwila ya Manase banalume bathzibakanene bakele 18,000 aba bethzile nakwaka Ndabiti habu mwene.³²Kutunda kuli Isaka, kwakele bantwama bita babali ba banalume bakuthzibithitha ha bithimbu nakutanekeya ebi bashakele kulinga ba Isalela. Cho babushoko babo boshe bakele mukutwamenenewa chabo. ³³Kutunda kuli Zembuloni bakele makulakathzi makumi atanu a banalume bakulwa, aba balibwahethelele nthzita, na bitwa byoshe bya nthzita, cho balithzangele kusholola kwononokela chakwilika kulyandununa.Kutunda kuli Nefitali kwakele bakabipangi likulukathzi limo, cho na banalume ba bintelo na makunga 37,000 hamo. Kutunda kuli Ndani banalume bali bwahethelele nthzita bakele 28,600.³⁶Kutunda kuli Asha banalume balibwahethele nthzita bakele 40,000. ³⁷Kutunda ku thambwela ikwabo ya Yondani, kutunda kuli baka Lumbeni, Ngandi, na mbathzubwila ya lilimi lya Manase, kwakele 120,000 banalume bakalibwahetha na bitwa bya miyati yoshe bya nthzita.³⁸Mashwalale boshe aba, banathzalela laja ntzita, bethzile ku Hembuloni nabithinganyeka bimolika bya kupwitha Ndabiti mwene hali ba Isalela. Cho ba Isalela boshe bathaleleho balithzibathanene lalo kupwitha Ndabiti mwene, ³⁹Bakele kuje hamo na Ndabiti hamatangwa atatu, kulya na kunwa, mwafwa babushoko babo babatumine nobyo babwahethele. ⁴⁰Mukwakelako, baje bakele kuyehi nabo, kweta ku Isaka naku Zembuloni naku Nafitali, banenele makende na bimulu, tumelu, bimula, mapulu, na makende a mukuyu, mikasha ya mikolobethzi, binyu mathzi, bingombe na bimaanga, mwafwa mu Isalela mwakele kubwahelela.

¹Ndabiti wehwile bakulunu ba makulakathzi na bita, hamo naba ntwama boshe. ²Ndabiti wendekele kuli ba Isalele boshe bakungulukile ngwendi, "Oshe chinabwaha kuli yeni, cho oshe echi chinakutunda kuli Yehoba Njambi yetu, echeleni tutume tunganda kwoshe kuli bandolome betu bathalele mu byela byoshe bya Isalela, na kuli tupilisitu na ba Lebi aba bali mu binganda byabo. Babaleke kulikumbathana netu. ³Echeleni twilwithe chikasha cha Njambi yetu kuli yetu, mwafwa kutwathetelele kushaka chendi mumatangwa a kuyula cha Saulu. ⁴Cho mbunga yoshe yatabelele kupanga ebi byuma, mwafwa byasholokele kuthungama mu mesho a banu boshe.⁵Cho Ndabiti wakungulwile ba Isalela boshe hamo, kutunda ku Lebo Hamati, kuya nakunena chikasha cha Njambi kutunda ku Kiliyati Yealimu. ⁶Ndabiti na ba Isalela boshe baile ku Mbaala, ngwe ngwabo, Kiliyati Yealimu, eli lyakele lyaba Yunda, kuya nakunena chikasha cha Njambi kutunda kuje, echi bakathana halithzina lya Yehoba. Yehoba, ou atumbama bukulunu hali Makelube.⁷Cho bakele chikasha cha Njambi mu litemba lyaliha. Bachitundithile mu njubo ya Abinandabu. Cho Uza na Ahiyo batwamenene litemba. ⁸Ndabiti naba Isalela boshe bakele nakubwahelela kuli Njambi na nthzili yabo yoshe. Bakele nakwimba myatho na bingoma, makembe, tulyalya, na bipembe.⁹Omu bethzile ku chijungwililo chamu Kindoni, Uza watandubwile liboko lyendi nakukwata chije chikasha, mwafwa baje mapulu ba pelyangelele. ¹⁰Cho kulubala cha Yehoba chalyanene hali Uza, cho Yehoba wamuthsiyile Uza hamulonga wa kukwata chikasha. Chowathsilile kuje bene kumesho a Njambi. ¹¹Ndabiti walubalele mwafwa Yehoba wa lwithile Uza. Cho uje mwela bauthana ngwabo Pelezi Uza nakalelo.¹²Cho Ndabiti wakele na lyoba lya Njambi halitangwa lije. Wendekele ngwendi, "Njikanena bati chikasha cha Njambi kwimbo lyange?" ¹³Cho Ndabiti katwalele chije chikasha cha Njambi ku nganda ya Ndabiti, oloni wachakele ku mpenge mu njubo ya Ombendi Endomu kaNgitite. ¹⁴Chikasha cha Njambi chatumamene mukati ka njubo ya Ombendi Endomu ha bingonde bitatu. Cho Yehoba wakwithwile njubo yendi na boshe bije afukile.

¹Solomoni muna Ndabiti ba mu takamethele mu chiyulo chendi, cho Shukulu Njambi yendi wakele nendi na ku mupwitha wa thizili manene.²Solomoni wendekele kuli ba Isalela bohse, kuba kulunu ba binthzita ba makathizi na bita , kuli ba ka kuthompetha, na kuli bana ba myene boshe mu Isalela, bakulunu ba bi njubo bya ba isha'bo. ³Cho Solomoni na mbunga yoshe a kale nayo baile ku mwela wa helu ije yakele ku Ngimbuyoni , mwafwa kukeko kwakele tende ya ku liwanena ya Njambi ije Mosesa ngamba ya Shukulu, watungile mu mambo. ⁴Oloni Ndabiti wanenele chije chikasha cha Njambi kutunda ku kiliyati Njealimu kwija ku mwela uje wa chi bwaethelele, mwafwa wa chishimbikilile tende mu Yelusalema. ⁵Mu kwakelako, uje mutula wa bunengu uba tungile kuli Mbezalele muna Uli muna Ha wakele kuje kumesho a tabanakele ya Shukulu ; Solomoni na mbunga yoshe baileko. ( mikanda imo yaelu hebelu ya thanulu yakalana, uje mutula wabunengu batungile kuli Mbegalele muna Uli muna Ha, wa wakele kuje ku mesho a tabanakele ya Shukulu oku wa taletha majwi awa kuli Ndabiti)⁶Solomoni wakandukile ku mutula wa bunengu kumesho a Shukulu, uje wa kele ku tende ya ku liwanena, na kulambula likulukathzi lya milambu ya kulumba akeo. ⁷Cho buthsiki buje bene Njambi wa li sholwele kuli Solomoni na kwendeka kuli ikeye ngwendi, ''Ihula! bika ushaka njikwane?''⁸Solomoni walekele Njambi ngwendi,'' wa sholwele chithzibathano cha kamacha likulahelo kuli tate yange Ndabiti, cho una njipwitha mwene munganda yendi . ⁹Choni, Shukulu Njambi, echela ku kulaetha chobe kuli tate Ndabiti chipwe chakupanga mwafwa una njipwitha mwene habanu bakutuma ngwe likungu lya athi. ¹⁰Choni njane maana na chiningi , mangana njathe kutwamenena aba banu, mwafwa iyajo natha kathompetha bana bobe, aba banatumu muje?'' ¹¹Njambi wendekele kuli Solomoni ngwendi,'' Mwafwa echi chakele mu mbunge yobe, na amulonga wa kweneka kulomba kufuka, butuko, nambe kathingimiko,na meme myonyo ya banje ba kuthizinda nameme kukala na mwonyo wa myaka yaingi, aloni unalombo maana na chiningi kupwa nobe, mangana ukuyule banu bange, aba nja kupwithilile mwene, echi chikecho njipanga.¹²Nji kwamoni maana na chiningi.Njikwana lalo kufuka, bufuko, na kathingimiko,aka naumo mwene wai wakele nabyo thimbu kanda yobe, cho ku kukapu nambe umo a ka kala nabyo anima yobe.'' ¹³Cho Solomoni wethzile ku Yelusalema kutunda ku mwela wa helu uje wakele ku NgImbiyoni, kutunda kumesho a tende ya ku liwanena, cho wa yulile hali ba Isalela.¹⁴Solomoni wakungulwile makalu na bana batubalu, cho wakele na makalu, 1,400 likumi na abali amakulukathzi abanu ba tubalu aba wakele mu binganda bya makalu, cho hamo naikeye, mwene waku yelusalema. ¹⁵Mwene wanenethele siliva na ngolonde kulithala mu yelusalema ngwemamanya, nakunenetha biti bya kandale kulithala ngwe miti ya sikamole ye yakala mu mingulunga.¹⁶Ngwe kutala ha tubalu bakulanda kutunda ku lingitu na kuwe bya solomon, baka kuthekathana bendi babilandele kutanda ku kuwe ha ndando. ¹⁷balandale likalu limo kutunda ku lingitu ha mashekele atanu na imo ya bita bya siliva, na hakabalu umo mashekele 150 mashekele. Nabakebo lalo babilandulwile kuchibimyene baba hitite naba alame.

¹Choni solomoni wakambeyeye kutunga kwa njubo ya lithzina lya yehoba na lutunga kwa nganda ya bumwene bwendi. ²solomoni banu bakwetu 70,000 kwambata bitele, na banu 80,000 kupwa babakubatula mamanya mu minkinda, na banu 3,600 bakubatala. ³Solomoni watumine muthzimbu kuli hilamu, mwene waka taya ngwendi,'' Ngwe muje walingile na tate ndabiti, kumutumina biti bya kandale atungithe njubo yakuyoyelamo, panga chimolika nange.⁴Kenga, njili mayeli nakitanga njubo ya lithgina lya yehoba njambi yange,yakulimanena kuli ikeye, yakwenyekelamo isense ya bweko bwakotobala kumwesho endi, kulumbikilamo uje likende ly bukaleko, na mulamba wakulumba kumutondo na mangwethzi, hamatangwa a sabata na ngonde yayiha, naka bilika byakwangula bya yehoba njambi yetu.Echi cha myaka yoshe, chaba isalela. ⁵Njubo oyo njikatunga ikapwa yakama manene, mwafwa njambi yetu apwa wakama manene kutubakana tu njambi tukwabo.⁶Oloni iya atha kungila njambi njubo, hakupwa byama byoshe nambe lilu libenya kubyatha kumwonowetha? Yange iyayo hakumutungila njubo, njapande lika kulumba milambu kumwesho endi ndi? ⁷Cho njitumineko mwanalume ou athzibuka kupwanga mu ngolonde siliva, bunengu bikubo, na mubulombo bwakubenguluka, kutokoloka, na kuthzibaluka cha bwanda, munaluma wakutanekeya kutenga tumponya twakushonga habiti. Akakala hamo nabakakuthzibaka byakumaboko aba njiti nabo mu yunda na yelusalema, aba tate ndabiti wanjanene.⁸Njitumineko lalo miti ya kandale, sipwasi, na alungamu kutunda ku kembamone, mwafwa njinathzibuka ngwange bingamba bobe bathzibuka mwakubatulika biti mu lembamone. Kenga bingamba bange bakakala hamona bingamba bobe. ⁹Mangana bakanjibwaletheleko biti mukutuma, mwafwa njubo njashaka kutunga ipwa yakama cho yakumometha. ¹⁰Kenga njikana bingamba bobe, banu aab bakatula bije biti mikasha ya tilika yakathi makulukathzi makumi abali, mikosha ya mbali makulukathzi makumi abali, bishuwa bya binyu makulukathzi makumi abali, na bishiwa bya mathzi makulukathzi makumi abali;'' ( bilumbumwithi bikwabo byapandeka ei mbathizubwila na bimyene bakulibanga 5:11 omu chi hebelu chatanga ngwabo mikashi ya mitwe ya tiliku makutukathzi makumi abali kupwa kulya).¹¹Cho hilamu mwene wa tanga, wakumbalwile kwitila mukuthoneka,echi watumine kuli solomoni ngwendi;'' mwafwa yehoba wathzema bana bendi; nakupwitha mwene hali bakebo. ¹²Mukwakilaho, hilamu wendekele ngwandi, ''yehoba apwe wakubethizika ngambi wa isalela, au watangele lilu na mabu, ou nana kuli ndabiti mwana wamunalume wa maana ,wakashula na bwana bwa kathzibuka na kathzibithitha, ou akatungila yehoba njubo na nganda yendi ibenya.¹³Choni njinatuma munu wakathzibukitha hulamu- ambi, ou bana bwana bwakuthzibithitha. ¹⁴Apwa mwana wamwanalume wa mwakathzi wamu bana babanakathzi ba ndani. Ishe wakele mwanalume wakutunda ku tanya. Walilongetha kubipangi bya ngolonde, siliva, bunengu, bikubo, mamanya na mu biti na mu bwanda bwa kubenguluka kuthzibuluka, na kutokoloka, na binanga byabibwa. Walilongetha lalo kutenga byama byakatokola namukutenga bilibuoshe amu munabishakela. Echeka umubwakethele mwela mwakati ka bakafupanga bakalilongeto bobe, nabaje ba shukulu yange, ndabiti, ou isho.¹⁵Choni, ayo tiliku na mbati, mathzi na binyu, ebi shukulu yange nendeka, echela akume ebi byama kuli bingamba bendi. ¹⁶Tukateta biti ku lembanone byabingi ngwe amu ushakela, Tukabitwala kuli yobe munikuta kwitila mukalungandonga kuya ku yopa, cho ukayambana kutwala ku yelusalemu.''¹⁷Solomoni walabele baka mafuti boshe bakale mulifuti lyaba isalela, kukabangaya ngila ye ndabiti ishe, wabalabelelemo. Wabanene kupwa 153,600. ¹⁸Wanene makulukathzi makuni atanu na abali abo kwabata bitele, makulukathzi makumi atanu na atatu kupwa bakubatula mamanya mu minkinda na 3,600 kupwa baka kupangetha. banu bipangi.

¹Cho solomoni washangumukile kutunga njubo ya yehoba ku yelusalemu ha munkinda wa moliya haye alisholwelele yehoba kuli ishe ndabiti,Wabwahethele ha mwela haje kuchijugwilo cha onani uje ka yebusite. ²Washangumukile kutuma halitangwa lyabubali lya ngonde yamuchibali, mu mwaka wabawanu wa chiyulo chendi. ³Cho ei ikeko theteko ya lubula luje ajalele solomoni lwa njubo ya njambi. Kupangetha ngila ya laya yama kyubiti, mubulaja yakele na makyubiti makumi atanu nalimo, cho mubwihi yakete namakyubiti makumi abali.⁴Cho chumbimbi chayo kulutwe lwa njubo mubulaja chakele na makyubiti makumi abali, kukabangeya njubo mubwilu. kulala chayo kuya mwilu yakete lalo nama kyubiti namakumi abali,cho solomoni waywlele mumbado yacho na ngolonde yakukupuka. ⁵Walamekele mabaya a sipulasi munjubo ibenya kushweka chluli oku wajaleleko ngalonde yayibwa, cho watengeleko mitiya mashakabale na malenge.⁶Wabwahethele njubo ei namamanga a mabwa; ijengolode yakele ngolonde yakutunda ku pavaimu. ⁷Wajalele lalo mikambo yacho, habikolo byayo, habimbango byayo, na mapito na ngolonde; watengele makelube habimbango byayo.⁸Watungile mwela wakuthzila manene. kulaha chawo chatethele laho na bwihi bwa njubo makyubiti makumi abali na bwihi bwacho bwakete makyubiti makumi abali lalo.Wajalelemo na ngolonde yayibwa, yakwetaku bita bitanu na chimobyamatalenda. ⁹Kulema cha bimbambo chakele mashele makumi atanu a ngolonde. wajalele helu lya hakamewa na ngolonde.¹⁰Watengele bifwa bibali bya makelube bya mamwela wakuthzila manene; bakabipangi byakumaboko babajalele na ngolonde.(Mikaunda ya thanulu ya chi hebelu bathakuyama mubingila bibali.Kulumbununa chimo ngwe: bifwa bibali bya bikubo byamakuli bya makelube chikabo ngwe: bifwa bibali byakushonga byabiti bya makelube). ¹¹Mambaba a makelube akele makyubiti makumi abali mubulaja oshe hamo; limbaba lya likelube umo lyakele ma kyabiti atanu mubulaja, kweta ku mbango lyakele makyubiti, atanu lalo, kweta kulimbaba lya likelube mukwabo. ¹²Limbaba lya likelabe mukwabo lyakele makyubiti atanu lalo, kweta ku mbango ya chibatulo; libamba lyendi likwabo lyakele makyubiti atanu, kukwataku limbaba lya likelube wakulibanga.¹³Mambaba aba makelube atandubukile hamo makyubiki maumi abali.Abamakelube bemanene ha nganja yabo, na bihanga byabo byakenge ku chibutulo chibenya chakama. ¹⁴Wapengele chibatulo cha nanga ya kuthzibuluka, kubenguluka, na kutokoloka na nanga ya lineni nakutengaho likelube haikeyo.¹⁵Solomoni watungile bingunthzi bibali lalo imo na imo yakele makumi atatu na atanu amakyubiti kuya mwilu, mwafwa kulutwe lwa njubo; na mitwe ije yakele haikeyo hakamwa yakele makyubiti atanu mukwimana. ¹⁶Watungile malenge habingu helu yabyo; watungile lalo chitachimo chamo pomengalanati nakaubinungila ku malenge. ¹⁷Wemikile bije bininganthzi kulutwe lwatembele imo ku kiboko lya chilyo, naikwabo kuchimoshwe; walukile ngunthzi yakuchulyo ngwendi yakini, cho nganthzi yakuchimoshwe ngwendi mbowazi.

¹Mukwakileko watungile wa bunengu;bulaja bwacho bwakele ma kyubiti makumi abali , bwihi bwaho bwakele ma kyubiti makumi abali mukwimana bwakele makyubiti likumi. ²Watungile lala chishali chamema chakuthzenga na bikubo byakuthangununa,chakele nama kyubiti likumi kutunda ha thambwela kuya hathambwela ikwaba. mukwimana chakele nama kyubiti atanu, cho mukuchithzenguluka chishali chakele nama kyubiti makimi atatu. ³Mwithu yamilunga yamene mwakele bifwa byabimgombe bathzenguluka chisali, likumi ha kyubiti imo , bakwaka mu chipuka chimo na chishali bakutengela kumo na chisali.⁴Butumamo bwakama abu bathanene ngwabo "chshali" babwakele ha bifwa byabingombe likumi nababali batatu banakenge ku kunto, batatu banonge ku kangombe kayambi, batatu bakange ku shango, nabatatu banakenge ku bwela. ''Chisali bachakele hakamuma yabo, cho matako abyo byakengethele mumbando. '' ⁵Chije chishali'' chakele chakuchima ngwe bwihi bwa liboko, cho milungu yacho baikonekele ngwe milungu ya nganja ngwe kumena cha shani. '' chije chishani'' chakele nakunyunga bimbafwa byamema makulukathzi atatu. ⁶Watungile lalo malonga akukushila byuma likumi wakele atanu ku mwela waku shango, cho atanu ku mwela waku kunto; omu bakakushila bitenga bibakapangetha ha kulumba mwambu. chije chitumamo chakama bathana ngwabo ''chisali'' bachipangethele kali tulisitu mu kujwelamo.⁷Watungile bitumbiko bya bindeya likumi bya ngolonde ebi batungile kutunda ku kukambeya cha chifwa chabyo , liboko lya chulyo, bitanu kuliboko lya chimoshwe. ⁸Watungile matebulu likumi nakuwaka mu tembele, atanu kumutambela wa chilyo, atanu kuchimoshwe .Watungile chuta chimo cha malonga a ngolonde.⁹Mukunangako watungile chipango cha tupilikisitu, na thzango yakama na bikolo bya thzango nakijala mapito acho na bunengu. ¹⁰Wakele chije chitaneno bathana ngwabo 'chishali'' ku mutambala waku mbwela wa tembele, chatalele ku shango.¹¹Hulamu watengele bindeho, bifosholo, na malonga akushamumwininako. Cho hilamu wamenethele chipangi chije wapangele solomoni mu njubo ya njambi. ¹²Bije bingunthzi bibali naje mitwe yakele hakamwa ya binguthzi bibali, nabije bibapiwile bibali bya kuffwika ha mitwe yamuthzengulwila bije byakele hakamwa ya bingunthzi. ¹³Watungile ma pomengilanate bita biwana akwaka haje hali biye pipangi bya kupikula bibali: mihanga bali yama pomengilamate ha chimo chakupikuta batwike ije mitwe ibali yamuthzengulwila ije yakele ha bingunthzi.¹⁴Watungile lalo bitumbiko na malenga akwaka ha bitumbiko; ¹⁵Chishali chimo nabaje bingombe likumi na babali bakele kwithu, ¹⁶bije bindeho lalo bifosholo, mafoloko a thitu na byoshe bije itenga watungile halamu- ambi ku bunenga bwa kubwahetha bwino bya mwene solomoni, bya munjubo ya yehoba.( mumwela wa mafoloko a thitu, kulumbanuna chaololo chili na malonga, kukabangeya bimyene bakulibanga 7:45)¹⁷Mweene wabyakele mu byana bya yondau, mu libu lya ndambo mukatika sukoti na zalethani. ¹⁸Mukemo solomi watengele abi bitenga byoshe mu kutuma; mukemobene, kuje kulema cha buje banengu kababuthzibukile ambwe.¹⁹Solomoni wapangele byoshe byakushonga bije byakele mu njubo ya njambi, uje mutula wa ngolonde lalo ,na bimetha haje bakatumbika makenele a kupwako;²⁰bije bitumbko byabindeya na bindeya byacho, bije batungile kushwama kulutwe lwa chibatulo chamukati-ebi byakele byakupanga na ngolonde yakukupuka; ²¹na bintemo,bindeya,hamo na bikwatetho, byakupanga na ngolonde,ngolonde yakukupuka.²²Lalo byakuthzimitha bindeya, bimbafwa, binguto, nomu mwakwenyekela isense byoshe babipangele na ngolode yakukupuka. Ngwe kubukobelelo bwamu njubo, mapita acho akubikolo byaku mwela wakuthzila manene na mapito a njubo, angwe ebi, bya tembele, babipangele na ngolonde.

¹Omwoni bipangi byoshe bya pangele solomoni bya kunjubo ya Shukulu bya hwile Solomoni wa kobelethelemo byuma bije ishe, Ndabiti, watumbikile a mulonga wechi chipangi, kwakelako na siliva. ngolinde, na byuma byoshe byakushonga - wa bitumbikile mwa kunyangila mu njubo ya njambi.²Ake'oni solomoni wa kungulwile bakulunu ba mu Isalela, boshe bakuluna ba miyati, naba ntwama ba bi naanga byabanu ba Isalela, mu Yelusalema, ba nene chije chikasha cha lithzibathano cha Shuklu kutunda munganda ya Ndabiti, ei yapwile, Ziyoni. ³Ba nalume boshe ba Isalela ba kungulukile kuli mwene a chilika, echi chakeleko mu ngonde ya mu chitanu na bibali.⁴Bakulunu boshe ba mu Isalela bethzile, cho ba Lebi bambatete chije chikasha. ⁵Banenele chije chikasha, ije tende ya chiwano, na byuma byoshe bije byakuthzila bi bakele muje tende.Tupulisita ba ku muyati wa ba Lebi banenele ebi byuma. ⁶Mwene Solomoni na banu boshe ba mu Isalela boshe bethzile kuyehi ya chikasha, kulambula bimanga na bingombe baje kubathele kulaba.⁷Tupilistu ba kobelethele chije chikasha cha chithzibathano cha Shukulu ku chitumbika chacho, mu chibatulo cha mukati ya njubo, ku mwela wakuthzila manene, mwithi ya mambaba a kelubimu. ⁸Mwafwa ma kelubimu batandubwile mambaba abo helu lya mwela wa chikasha, cho bafwikile chije chikasha na biti bije bachambatelele.⁹Biti bije bya tubakanene kutunda a chikasha bya laele manene omo bishongo byabyo bya sholokele mu mwela wakuthzila kulutwe ya chibatulo cha mukati, oloni kubathele ku bi mona hanja. Kubichili na kulelo. ¹⁰Muchikasha Kumwakele chimo kubanga lika bje bimesa bi bali akelemo Mosesa ku Holebu, omo Shukulu wapangele lithzibathano na banu ba mu Isalela , omu batuwukile mu Engipita.¹¹Chasholokele omu tupilisitu batuhukile muje mu mwela wakuthzila.Tupulisitu boshe bujoje chakwilika kulikambeya babeya kwetheka na bibunga byabo. ¹²Lalo ba lebi baje bakele na kwimba boseho muli bakebo, kwakelako asafi; Hemani,yendutuni , na bana babo babanalume na bindolome babo, banathzatha binanga byalineni byabibuma nakwimba bindamba, makembe na tulyalya, cho bemanene kushongo ya mutambela waku mbwela ya mutula. Hamo nabo kwakele tupilistu 120 banakupembethzela bipembe.¹³Chasholokele oma bakukwimba bipembe na myatho bembile hamo, Kulingitha kwohya chimo chithzibakane muku lemetha nakukandelela Yehoba. Bayindwile majwi abo na bipembe na bindamba hamo nabya kwimba bikwabo, cho balemethe Yehoba. Bembile, ''Mwatwa wapwa wamubwa , mwafwa kulyononona cha chithzibathano chendi chatumbama myaka yoshe''. Cho ije njubo njubo ya Yehoba, Baishulithile na lishewa. ¹⁴Tupilisitu kubathele kwimana mangana bapange hamulonga wa lishewa, mwafwa bupwa bwa Yehoba bwashulile mu njubo.

¹Cho oni solomoni wendekele ngwendi; '' Shukulu nendeka ngwendi a ka yoyela mu lithuthulungu lyakama, ²oloni nji na kutungila mwakukala mwamubwa, mwela wobe wa kuyoyela myaka yoshe''. ³Cho oni mwene wa tengulukile na ku kithula mbunga yosehe ya Isalela, oho mbunga yoshe ya Isalela yinemanene.⁴Wendekale ngwendi, '' echeleni Shukulu, Njambi wa Isalela, akale wakulemethewa, ou wendekele kuli tate Ndabiti cho nachi, cho nachi shulitha na maboko endi ibenya, ngwendi, ⁵'Kutunda ku litangwa lije nja tundithile bana bange mu lifuti lya Enjipita, ku nja shakwilwe nganda kutunda mu miyati yonshe ya Isalala omu ba katunga njubo, mangana lithzina lyange li ka kaleno. Nambe yange kushakula munu umo kupwa ntwama ali banu bange ba Isalela. ⁶Nambe ngosho, njinangula Yelusalema, mangana lithzina lyange lika kalemo, cho njinangula Ndabiti kutwamenena bana bange ba Isalela.'⁷Choni chakeke mu mbunge ya tate ndabiti, kutunga njubo ya lithzina lya Shukulu, Njambi wa Isalela. ⁸Oloni Shukul wendeke kuli tate ndabiti ngwwendi, 'Akupwa chakele mu mbunge yobe kutunga njubo ya lithzina lyange,walingile mwamubwa akupwa nacho mu mbuge yobe. ⁹Nambe chipwe ngocho, Ku wa pandele kutunga Njubo; olojo, munobe, umo ou akatunda kumbunda yobe, ikeye akatunga njubo ya lithzina lyange.'¹⁰Shukulu na shulitha lijwi lyendi lyendekele, mwafwa nja shwana mumwela wa Ndabiti tate, na kutumama a litanda lya mu Isalela, nge omu a kulaethele Shukulu .Nja tungu njubo mu lithzina lya Shukulu, Njambi wa Isalela. ¹¹Nji nakamo chikasha, omu muli chikumiyo cha shukulu echi cha lingile na banu ba mu Isalela.¹²Solomoni we manene kulutwe lwa mutula wa Shukulu kumesho a bamu ba Isalela boshe , cho wolwele maboko endi . ¹³Wa pangele mutula wa bunengu , wa pwile mamita 2.2 mu bulaja, mamita 2.2 mubwihi , na mamita 1.3 mu ku kunama . Wa wakele akati mukati ka chipango . Welondeleo cho wa bulike kumesho a banu boshe ba Isalela , cho'ni wolwele maboko endi ku kengetha ku melu .¹⁴Wendekele ngwendi , '' Shukulu , Njambi wa Isalela , ku kwethi Njambi wa kulifwa nobe mu melu nambe ano athi , ou wa nyunga chikumiiyo na ku mwetha chithzemo chije kuchethi kutenguluka ku bi ngamba bobe aba ba kayija kuli yobe na bimbunge byabo byoshe , ¹⁵una nyungu chikulaetho na ngamba yobe Ndabiti tate, chije wa mu kulaethele .Eyo, wendekele na kanwa kobe cho wa chishulitha na liboko lyobe ,nge omu chili lelo.¹⁶Ololo'ni , Shukulu , Njambi ya Isalela , shulitha bije bi wa kulaethele ngamba yobe Ndabiti tate, omu wendekele ngwobe , ' Kuukonowa kuwana munalume ku mesho ange waku tumama ali tanda lya Isalela , oshe lika ba tekwulwila bobe bononoka bwino kwenda mumashiko ange , nge omu u na lingi yobe kuli yange.' ¹⁷Ololo'ni , Shukulu, Njambi ya Isalela , tabetha lijwi lyobe lishulithiwe , lije liwendekele kuli ngamba yobe Ndabiti.¹⁹¹⁸Oloni obe Njambi chili watha kuyoya na banu ano athi ?Kenga , mwilu ya melu yoshe ku watha kufwamo - kukeha chakupwa ali eyi tembele nja tungu !

¹Mazwi a Nehemiya mwana wa munalume Hakaliya: Cho chasholokele mu ngonde ya Kisilebu, mu mwaka wa makumi abali, omo njakele mulimbo lya Shusha, ²ngwabo umo muli bandolome bange, Hanani, na banu bamo kutunda ku unda bethzile, cho nja behwithile ali ba Yundeya, bathebunukile mukwoboka, baje bathewunukile kutunda mu bundung, na mulonga na Yelusalema.³Cho bendekele kuli yange ngwabo, "Baje bali mubombongi baje bobokele ku bundungo bakele mubukalu bwakama manene na kuthziba shwama mwafa mbango ya Yelusalema ina lundumuka hululu, na bikolo bana bishwameka tuhya."⁴Haje bene omo njathzibile awa majwi , njatumbamene hathi na kulila, na matangwa amo uji katwalelela kulyana na kwonowa kulya nakulomba kumesho a Njambi wa mwilu. ⁵Cho njendekele ngwange, "Njilomba, njalombo yeni, Yehoba, Njambi wa mwilu, Njambi wakuhyana manene na kuthzibitha lyoba, uje wanyunga chikumiiyo na ng'eke ya bithzango kuli baje bamuthzanga na kunyunga mathiko endi,⁶echeleni mesho eni ashokoleke na kwechela matwi eni abangalale mangana muthzibe ku;omba kwa ngamba yeni bije binji lomba ololo kumesho eni mutanya na matsiki kwa banu bamu Isalela, bingamba bobe. Njili nakwana bubi bwa banu ba Isalela, buje butwabulumuna kuli yobe. ⁷Tubaboshe yange na njubo ya tate inalumuna bubi. Tuna mwetha bulwa manene kuli yobe, cho kutwa nyungile mathiko, majwi, nakukabangeya chikambeyo cha ngamba yobe Mosesa.⁸Njilomba anukeni lijwi limwakambeyeye ngamba Mosesa ngweni, 'Umona kumukulaela, cho njikamishandwela mukati ka banu, ⁹oloni umona mutengulukila kuli yange na kukaba mathiko ange naku alinga, nameme banu beni banalishandokelela mwilu mulako, njikabakungulula na kubatunditha kuje na kubanena ku chela chije njinangula kupanga muthale lithzina lyange.¹⁰Cho banapu bingamba beni na banu beni baje mwa yobwele na binthzili byeni byakama manene na liboko lyobe lyakukola. ¹¹Njilomba, njamilombo yeni, Shukulu, echeleni litwi libangalale kukulomba cha ngamba yeni na kulombelela bingamba beni baje bana lyana kulemetha lithzina lyeni. Cho aneni bubwa kuli ngamba yeni alitangwa lya leelo, na kumana ng'eke kumesho au munalume." Njapange ngwe mukakulekwila bwala mwene.

¹Mungonde ya Nisani mu mwaka wa mumakumi abali abu mwene bwa Alitashashesi, wangwile binyu, cho njambatele binyu na kubyana kuli mwene. Ololo kukwapwile wakuthzeya ku mesho endi. ²Oloni mwene wendele kuli yange ngwendi, "Bikajo changa chobe chathzeyela? Omo kuwethi na kusholoka kubinja. Echi chinapande kupwa kuthzeya cha mbunge." Cho wathzibile lyoba manene.³Njekendekele kuli mwene ngwange, "Mwene ayoye myaka yoshe! Bikajo changa chonowa kupwa cha kuthzeya? Nganda, mwela wa mbumba ya tate, walala mu ngundu, na bikolo banabibihitha na tuhya."⁴Cho mwene wendekele kuli kuli yange ngwendi, "Bikajo ushaka yange kulinga? Cho njalombele kuli Njambi wa mwilu. ⁵Njakumbulwile kuli mwene ngwange, "Umona chimoneka bubwa kuli mwene, cho umona ngamba yobe nalingi mwamubwa mu mesho obe, cho unapande kunjituma ku Yunda, ku nganda ya mbumba yatate linga njakaitungulule." ⁶Cho mwene wakumbulwile kuli yange (na mwene wa munakathzi muyehi nendi), "nathimbu muka ukatenguluka?"Cho mwene wabwahelele akunjituma omo njamwanene akumwinikila thimbu.⁷Cho njendekele kuli mwene ngwange, " Umona chinabwahetha mwene, echeleni mikanda bayane kuli yange yaba ngubelunu ba mubimbongi muthambwa lya ndonga cho mangana banjitabethe kwita mukati ka membo abo mubungethzi bwange bwa ku Yunda. ⁸Munapande kukala lalo mukanda wa Asafi kanyungi ka mushondo wa mwene, mangana anjane mabaya akupanga mukata wa bikolo bya kulimbo lya lyata na tembele, na kumbango ya nganda, cho nawa anjubo injika yoyela. Сho mwafwa bubwa liboko lya Njambi ali yange, mwene watambwile kulomba change.⁹Njethzile kuli bangubelunu bambongi mu thambwa lya ndonga nakubana mikanda ya mwene. Cho mwene wanjilumine na bakakukambeya mashwalale na nakwenda abimulu. ¹⁰Omo Sanimbalata waku Holonite na Tumbiya waku mimonite ngamba wathzibile ebi, babihililile manene akuthziba ngwabo munu umo uje naija nakushaka kukwatha banu bamu Isalela.¹¹Cho njethzile ku Yelusalema cho njakele kuje matangwa atatu. ¹²Njakatukile matsiki, yange na banu bamo babandondo kunjalekethele nameme umo wai bika Njambi yange wakele mumbunge yange kulingila Yelusalema. Kunjakeleko nakathitu nameme umo wai, kubanga uje njakele nakwendelao.¹³Njatuukile matsiki kuchikolo chaku chana, nakuya kulithima lya bambanje na kuchikolo cha mathzilo, na kukengetha ku mbango ya Yelusalema, ije yalundumukile nakuthala bwathi, na bikolo bya mabaya babi bihithile na tuhya. ¹⁴Cho njetile kumukulo wa chikulo na kulishali lya mwene. Cho chela chapwile chachindondo manene kuli kathitu unjakele nakwendao kwitamo.¹⁵Cho njakandukile matsiki ajebene na kukengetha a mbango, cho njelukilemo na kukakobelela ku chikolo chaku chana, na kwiluka njelukilemo. ¹⁶Batwamena kubathzubukile kunjaile nameme bika njalingil, cho kunjabalekethele ba Yundeya namame tupilisitu, nameme bakulunu, nameme batwamena, nameme boshe baje balingile bipangi.¹⁷Cho njendekele kuli bakebo ngwange, "Mwamono bukalu butulimo, bati Yelusalema yalala mungundu na bikolo banabihitha kutuhya. Ijeni, mangana tutungulule mbango ya Yelusalema, cho kutwatha lalo kukala nathiwa." ¹⁸Njabalekethele ngwange liboko lya libwa Njambi yange lya kele ali yange cho lalo lijwi lya mwene lije lyendekele kuli yange. Cho bendekele ngwabo, "Echeleni tukatuke tutunge." Cho bakolethele maboko abo abipangi bya bibwa.¹⁹Oloni Sanimbalata waku Holonite, na Tombiya waku Ammonite ngamba, na Ngeshemu waku Alembya wathzibile eli, batuthembulwile na kutumwetha kaliu, nakwendeka ngwabo, "Bika muli nakulinga? Muli nakumulengulukila mwene ndi? ²⁰Cho babakumbulwile ngwabo, "Njambi wa mwilu akatwana bukwatho. Yetu twapwa tubingamba bendi cho tukemana nakutunga. Oloni kumwethimo na mbathzubwila embwe, kumwethi nanthzili, cho kukwethi muthzimbu wakwendeka kulinyenga mu Yelusalema."

¹Cho Eliyashimbu mukulunu wakama waba tupilisitu wakatukile na bandolome bendi ba tupilisitu, cho batungile chikolo cha bimanga. Cho bachithzilikile kwakako mapito mu chela. Cho bachithzilikile nakweta ngwe ku Kaposhi ka chiita nakweta ngwe kaposhi ka Hananeli. ²Batele kuli ikeye banalume baku Yeliko bapangele, cho watele kuli bakebo mwana wa munalume Zakali wa Imili wapangele.³Cho bana babanalume ba Hasenaha batungile chikolo cha biti. Bachipangelele mikato, na kwakako mapito, na tubelenge twacho, na tupatetho twacho. ⁴Melemothi wabwahethele mutambela unatako. Wapwile mwana wa munalume wa Mbelekiya mwana wa munalume wa Uliya mwana wa munalume wa Hakozi. Wateleko kuli bakebo wakele Meshulamu wabwahethele nendi. Ikeye mwana wa munalume wa Mbelekiya mwana wa munalume wa Meshezembele. Wateleko kuli bakebo Zandoki wabwahethele nendi. Ikeye mwana wa munalume wa Mbana. ⁵Wateleko kuli bakebo Tekoitesi wa bwahethele nendi, oloni bakulunu ba byanene kulinga bipangu baba kambeyeye kuli bakubapangetha babo.⁶Joiyanda mwana wa munalume wa Pasiya na Meshulamu mwana wa munalume wa Mbesondeya wabwahethele chikolo chalaja. Ba chipangethele mikata, nakwakako mapito, natu belenge twacho, na tupatetho twacho. ⁷Bateleko kuli bakebo bakele banalume bakutunda ku Ngimiyoni na Mizipa—Melatiya waku Ngimbiyoni na Jondani waku Melenothiti— wa waswanene ngubelunu wa mbongi ya muthinya ya ndonga.⁸Wateleko kuli ikeye Uziele mwana wa munalume wa Hahaiya, umo mutongwe wa ngolinde, wabwahethele, cho wateleko kuli ikeye wapwile Hananiya mukakupanga bya kunika lwengo. Cho batungulwile Yelusalema kweta ngwe kumbango yakama. ⁹Wateleko kuli bakebo Lafaiya mwana wa munalume wa Huli wabwahethele nendi. Wapwile muka bipangi kutubakana mbathzibwila imo yamu Yelusalema. ¹⁰Wateleko kuli bakebo Jendaiya mwana wa munalume wa Halimafi wabwahethele binatakana ku njubo yendi. Wateleko kuli ikeye Hatitushi mwana wa munalume wa Hashambaneiya wabwahethele nendi.¹¹Malikiya mwana wa munalume wa Halimu na Hasishumbi mwana wa munalume wa Pahathi- Moaambu wabwahethele mutambela ukwabo ku mukulo wa kaposhi ka Falinasisi. ¹²Wateleko kuli bakebo Shalumu mwana wa munalume wa Haloheshi, mukabipangi kutubakana mbathzubwila imo yamu Yelusalema, wabwahethele, amolika naba ndokathzi bendi.¹³Hanuni na bakale mu Zaniwa babwahethele chikolo cha kuchana. Cho bachitungulwile na kwakako mapito acho, tubelenge twacho, na tupatetho twacho. Babwahethele likulakathzi limo lya makyubiki na kweta kuchikolo cha Ndangi.¹⁴Malikiya mwana wa munalume wa Lekambu, mukabipangi akati kachitingitingi chaku Mbethi Hakelemu, wabwahethele chikolo chaku Ndangi. Wachitungile nakwakako mapito acho, tubelenge twacho na tupateho twacho. ¹⁵Shalumu mwana wa munalume wa Koli-Hoze, muka bipangi akati kachitingitingi cha Mizipa, watungulwile mbango ya lishali lya Siloamu ku ngalanja ya mwene, kweta kuyehi ngwe kuli chakushulukilao kutunda ku nganda ya Ndabiti.¹⁶Nehemiya mwana wa munalume wa Azimbuki, wa bipangi akati ka mbathzubwila ya chitingitingi cha Mbethi Zuli, wabwahethele chela cha hathinya kutunda ku mbumba a Ndabiti, nakuya ku lishali lya kupanga- banu, na kunjubo ya banu bakuhyana. ¹⁷Munima yendi ba Lebi bawahethele, kulikumbathana hamo na Lehamu mwana wa munalume wa Mbani cho watele kuli ikeye, Hashambiya, muka bipangi akati kambathzubwila ya chitingitingi cha Keila, cha mu chitingitingi chendi.¹⁸Munima yendi bandolome bendi babwahethele kukumbathanako Mbinui mwana wa munalume wa Henandandi, muka bipangi akati kambathzubwila ya chitingitingi cha Keila. ¹⁹Wateleko kuli ikeye, Ezele mwana wa munalume wa Jeshewa, mukabipangi akati ka Mizipa, wabwahethele mutambela ukwabo uje wakengethele kwakulunduka kwakonekela mbango ya njubo yakutulikilamo bya nthzita.²⁰Munima yendi Mbaluki mwana wa munalume wa Zambai wabwahethele mutambela ukwabo kutunda kwakonekela mbango ya chikolo cha njubo ya mukulunu wakama kapilisitu Eliyashimbu. ²¹Munima yendi Melemothi mwana wa munalume wa Hakozi wabwahethele mutambela ukwabo, kutunda ku chikolo chaku njubo ya Eliyashimbu kweta na kushongo ya njubo ya Eliyashimbu.²²Wateleko kuli ikeye tupilisitu, banalume kutunda kuchela chathzenguluka Yelusalema, babwahethele. ²³Munima yabo Mbenjamini na Hasishumba babwahethele chalikengetha na njubo yabo babenya. Munima yabo Azaliya mwana wa munalume wa Maseiya mwana wa munalume wa Ananiya wa bwahethele inatakana kunjubo yendi babenya,. ²⁴Munima yendi Mbinui mwana wa munalume wa Henandandi wabwahethele mutambela ukwabo, kutunda ku njubo ya Azaliya na kweta kwakonekela mbango.²⁵Palali mwana wa munalume wa Uzai wa bwahethele kuputukako ha konekela mbango na kaposhi kaje kashwenene helu kutunda kunjubo ya helu ya mwene ku thzango yamilonga yakanyungi. Munima yendi Pendaiya mwana wa munalume wa Paloshi wabwahethele nendi. ²⁶Cho bingamba ba tembele bayoyelele mu Ofeli ba bwahethele ku chela chali kengetha na chikolo cha kumema chaku kunto na kukaposhi katunguwile kuje. ²⁷Munima yendi ba Tekoite babwahethele mutambela ukwabo uje wakele wakulikengetha na kaposhi kakama manene katunguwile kweta kuyehi na mbango yaku Ofeli.²⁸Cho batupilisitu babwahethele chikolo cha elu cha bimulu, chimo chalikengetha na njubo yendi babenya. ²⁹Munima yabo Zandoki mwana wa munalume wa Imale wabahethele mutambela walikengetha na njubo yendi babenya, Cho munima yendi Shemaiya mwana wa munalume wa Shekaniya, kanyungi kachikolo chaku kunto, wabwahethele nendi. ³⁰Munima yendi Hananiya mwana wa munalume wa Shelemiya, na Hanuni mwana wamuchitanu naumo wa Zalafi, babwahethele mutambela ukwabo. Munima yabo Meshulamu mwana wa munalume wa Mbelekiya wabwahethele yakengethele kukanjubo kendi babenya kayoyelelemo.³¹Munima yendi Malikija, umo wa butongwe mu ngolinde, wabwahethele kweta ku njubo ya tembele ya bingamba na kuli bakakulandetha baje balitalekethele na chikolo cha njubo ya kuli wanena na njubo ya helu yakuyoyelamo ya ha mbango. ³²Cho mukabutongwe bwa ngolinde na bakakulandetha babwahethele mukati ka njubo ya helu ya ku mbango na chikolo cha bimbango.

¹Cho omo Sanimbolati wathzibile ngwabo bali nakutunga mbango, cha mwenyekele mukati muli ikeye, watenukile nakulubala manene, nakuthinametha ba Yundeya. ²Mu mesho aba ndolome bendi na maswalale ba ku Samaliya, wendekele ngwendi, "Bika balinga aba ba Yundeya? Baka ilwitha nganda bakebo babenyandi? Bakana chikombelondi? Bakamanetha bipangi halitangwa limondi? Bakashitula mamanya mumena akuloba anima yaku enyekandi? ³Tombiya waku Amonite wakele nendi, cho wendekele ngwendi, "Umona ngwe mbanje akaya elu ali bije bali nakutunga, akabatula mbango yabo ya mamanya."⁴Thziba, Njambi yetu, muje banatuliula kayengu kabo a mitwe yabo babenya na kubana mangana bakapulule mu lifuti lya bundungo. ⁵Kethi mufwike amilonga yabo cho echeleni bubi bwabo kethi babuthzimangane ku mesho abo, omo banashangumuna bukalu bwa bakakutunga. ⁶Cho twatungile mbango na bimbango byoshe babi nungakanene nakwetetha mukujunduka kwayo, kwamubulaha omo banu bakele na chashu cha kupanga.⁷Oloni omo Sanimbalati, Tombiya baka Alambiia,baka Amonite, cho baku Ashindonite bathzibile ngwabo bipangi bya kibwabetha mbango yaku Yelusalema ili nakuya alutwe, na kuthziba ngwabo byela bya a mbango bya kubujuka bakele nakushoka, na matoto akama enyele muli bakebo. ⁸Cho boshe balithzibathanene, na kwija nakulwitha Yelusalema nakunena kwonowa kulithzibathana muli ikeye. ⁹Oloni twalombele ku;i Njambi yetu nakutwangwila kanyungi wakutunyunga mathsiki na mutanya mwafwa wakutujujwitha chabo.¹⁰Cho banu baku Yunda bendekele ngwabo," Nthzili yabaje bakambata byuma inonowa. Kuli lika bishwashwa bya bingi, cho kutwatha kutungulula eyi mbongi. ¹¹Bitothzi betu bendekele ngwabo, kubatha kuthzubuka nameme kumona ku mbango mutwija akati kabo naku bathsiya, nakwimika chipangi.¹²Athimbu ije ba Yundeya baje bayoyele kuyehi na bakebo bethzile kutunda ku byela byoshe na kwendeka kuli yetu bithimbu bya kupwa likumi, nakutu nyanyametha amana abakele kupanga ali yetu. ¹³Cho njakele banu kwithi ku mitambela ya mbango achela cha kujela. Cho njakele achithemi na chithemi na mikwale yabo, makunga, na mata alungutha. ¹⁴Cho njakengele nakukatuka, cho njendekele kuli bakulunu, nakuli bantwamena, na kuli boshe ngwange, "Kethi muthzibe lyoba lyabo embwe. Thinganyekeni Shukulu, uje wahyana manene na kuthzibitha lyoba. Ohyela binanga byobe, bana bobe babanalume na babanakathzi, banakathzi beni, na membo eni."¹⁵Chethzile nakupwa omo bitothzi betu bathzibile ngwabo bithinganyeka byabo tunabithzubuka, na Njambi nathzimangana bithinganyeka byabo, tubaboshe twelukile ku mbango ya njubo, munu na munu na bipangi byendi. ¹⁶Cho kutunda athimbu ije mbathzubwila ya bingamba bange bapangele lika akutungulula mbango, cho mbathzubwila yabo bakwatele makunga, tuntana, mata alungutha na kuthzala buthzalo bwanthzita, athimbu batwamena bemanene kunima ya banu baku Yunda.¹⁷na baje bakele nakutunga mbango. Baje bambatele byuma bambatele biteli byabo chalingithile munu woshe wapangele na liboko lyendi limo, na liboko likwabo wa kwateleko chitwa chendi. ¹⁸Mukakutunga woshe wathzalele mukwale wendi mumbunda yendi, cho muje mukemo mubapangele. Uje wathikile tolombita wakele kuyehi nange.¹⁹Cho njendekele kuli bakulunu na kuli bakuhyana na kuli banu boshe ngwange, "Bipangi byahana manene na kutuma manene cho twalishondoloka a mbango, alako umo namukwabo. ²⁰Munapande kushatukila ku chela kuje muthziba kwohya tolombita nakutumbama kuje. Njambi yetu atwohyela."²¹Cho tuli nakulinga chipangi. Mbathzubwila yabo bakwatele makunga kutunda kukutuuka kwa litanga ndo kwija kwa kutuuka kwa ngongonothi. ²²Cho njendekele lalo kuli banu thimbu ije ngwange, "Echeleni munu woshe na bingamba bendi bakaleko matsiki na kupwa na bipangi kumutanya." ²³Cho nambe yange, nameme bandolome bange, nameme bingamba bange, nameme tunyungi babanalume baje banjikabangeyeye, naumo wai muli yetu walengulwile byakuthzala byetu, munu woshe muli yetu wambatele chitwa chendi, nameme waile mukutekula mema.

¹Cho bana babanakathzi babo bakatukile nakulila manene ali bakwabo ba Yundeya. ²Omo kwakele bamo bendekele ngwabo, "Nabana betu babanalume na babanakathzi tubabangi. Echeleni tunone nona ije itulya cho mangana tuyoye. ³Cho kwakele bamo lalo baje bendekele ngwabo, "Tuli nakwana mahya etu, mahya a binyu etu, na manjubo etu kupwa pateko tutambuleko nona athimbu ya njala.⁴Bamo lalo bendekele ngwabo, "Tuna kolota bimbongo byakufweta lithimu lya mwene ha mahya etu na mahya etu a binyu. ⁵Athimbu mishuni yetu na maninga alifwa ngwe abandolome betu, na bana betu alifwa ngwe a bana babo. Banatuthindiya kulandtha bana betu babanalume na babanakathzi kupwa bindungo. Bana betu bamo babanakathzi banapu laja bindungo. Oloni kuchethi mu bithzili byetu mwafwa banu bamo batambula mahya etu na mahya etu a binyu.⁶Nja lubalele omo njathzibile kulila chabo na majwi awa. ⁷Cho njathinganyekele ali echi, na bushunga bwa kwihwithitha kuli bakulunu na bakabipangi cho njendekele ngwange, "Muli na kubanungilako thotho kutunda kuli woshe ndolome yendi." Njakwatele chikungulukilo chakama manene nabakebo ⁸nakwendeka kuli bakebo ngwange, "Ngwe muli yetu tulinacho, kwetheketha kubithinganyeka byetu, bya kubapatula bandolome betu ba Yundeya kubatunditha mu bundungo buje babalandethele mu mafuti, oloni muli nakulandetha bandolome beni mangana yetu tubapatule!" Bolokele kulu na kwonowa lijwi lya kwendeka.⁹Cho njendekele lalo ngwange,"Chimuli nakulinga, kuchethi chachibwa embwe. Kumani mwonowa kwenda na lyoba lya kutewa Njambi yetu atu kikiye kubukalu buje buli kubitothzi betu mu mafuti." ¹⁰Yange na bandolome bange na bingamba baba kolotethele bimbongo na binona. Oloni tunapande kulikela kwakelao thotho ali ebi bikala. ¹¹Ilwitheni kuli bakebo alitangwa eli bene mahya abo, mahya abo abinyu, mahya abo a olyu, na ma njubo abo na kathotho ka bimbongo, binona, binyu bya bijololo, na mathzi aje mwatambwile kutunda kuli bakebo."¹²Cho bendekele ngwabo,"Twilwitha bije twambatele kutunda kuli bakebo cho kutushaka nameme kamo kutunda kuli bakebo embwe.Tukalinga ngwe omu munendeka." Cho njathanene batupilisitu nakubalingitha kulithinga ngwe muje balishikile. ¹³Cho njakukumwine likupa lya buthzalo bwange na kwendeka ngwange, "Njambi akukumwine mu manjubo na kubufuko bwa banu boshe baje bakonowa kunyunga kushika chendi. Cho akukumwinemo muthale mwamupolongwa." Chikungulwilo choshe chendekele ngwabo, "Amen," cho bashanagathzekele Yehoba na banu balingile ngwe muje bashikile.¹⁴Cho kutunda athimbu ije banjangwile kupwa ngubelunu wabo mu lifuti lya ba Yunda, kutunda mu mwaka wa mumakumi abali na myaka itanu naiwana ndo mu mwaka wa mumakumi atatu na myaka ibali ya mwene Atayasesi, mumwaka wa mulikumi na myaka ibali, nameme yange nameme bandolome bange balile byakulya babwahethele bya ngubelunu. ¹⁵Oloni ngubelunu wakeleo laja uje wakele namesho ange wajalele chiteli chakulema ali banu, na kwambata makumi awana amangwenje ama silba abya kulya byabo alitangwa na binyu. Nambe bingamba babo bapwile bashukulu ali banu. Oloni kunjalingilemo mulonga wa lyoba lya Njambi.¹⁶Cho njatwalele nakupanga a mbango, cho kutwalandele libu, na bingamba bange boshe balikungulwile kuje kubipangi. ¹⁷Ametha yange akele ba Yundeya na baka bipangi bakupwa chita chimo na makumi atanu, muli baje kwethzile kuli yetu mafuti aje anathzenguluka yetu.¹⁸Bije bibabwahethele alitangwa byapwile ngombe, bimanga bakwangula, natuthzila lalo, alikumi lya matangwa oshe binyu bya bingi bya kulithzethzathzetha babinenele, oloni ali echi kunjashakele kulya cha ngunelunu mwafwa bipangi byalemene ali aba banu. ¹⁹Njakeni ku mbunge, Njambi yange, mwamubwa, mwafwa wa byoshe bije njabalingile aba banu.

¹Cho omo Sanimbalati, Tombiya, na Ngeshemu waku Alambia na bitothzi betu boshe bathzibile ngwabo njinatunguluka mbango cho ngwabo kukwakele lalo kamutambela kathaleleko kakupijula hululu, nameme kunjakele mapito kubikolo, ²Sanimbalite na Ngeshomu batumine kuli yange nakwendeka ngwabo, " Ija, tuli waneko kumo tubaboshe mu chana cha Ono." Oloni bathinganyekele kunjibulumuna.³Njatumine miluwa kuli bakebo, nakwendeka ngwange, "Njili nakulinga chipangi cakama manene, cho kunjatha kwija embwe. Bikajo chipangi chimanena njichithethze na kwija kuli yeni?" ⁴Banjitumininine majwi amolika bithimbu biwana, cho njabakumbulwile mumolika thimbu yoshe.⁵Sanimbalati watumine ngamba yendi mungila imolika muthimbu ya muchitanu, na mukanda wakushokolola muliboko lyendi. ⁶Mukati kao bathonekelemo ngwabo, "Bana chambula akati kamafuti, na Ngeshomu lalo na chendeka, ngwendi yobe naba Yunda, muli nakuthinganyeka kunji tengulukila, ngechi mukemo muli nakutungulwila mbango. Kutunda kuli eyi mithzimbu yambulula inendeka ngwayo, ushaka kukapwa mwene wabo⁷Cho lalo unangula tupolofita na kubalinga echi kuthzimbula kuli yobe mu Yelusalema, na kwendeka ngwobe, "Kuli mwene muba Yunda! Ukapwa wabushunga mwene mwakauthziba ou muthzimbu. Cho oni, echela twendeke ou mulonga ali umo namukwabo."⁸Cho njatumine lijwi kuli ikeye na kwendeka ngwange, "Nachimo chuma cha sholoka ngwe muje unendeka, bya kele mukati ka mbunge yobe." ⁹Omo boshe bashakele kututhzibitha lyoba, mukuthinganyeka, "Maboko abo echela abipangi, cho na chipangi kuchipangiwa," Oloni ololo, Njambi, njilomba koletheni maboko ange.¹⁰Cho njaile ku njubo ya Shemaiya mwana wa munalume wa Ndelaiya mwana wamunalume wa Mehetabele, uje walishokelele mulimbo lyendi. Cho wendekele ngwendi, "Echeleni tuli wane amolika mu njubo ya Njambi, mukati ka tembele, cho echeleni tushoke mapito a tembele, omo bali nakwija nakututsiha. Matsiki beja nakukutsiha" ¹¹Njabakumbulwile ngwange, "Kuma munu ngechi mwange natha kutewa? Kuma munu ngechi mwange akayi ku tembele mangana a yobole mwonyo wendi? Kunjiimo embwe."¹²Njathinganyekele ngwange kethi Njambi na mutumu kuli yange, oloni ngwange bana mupolofetela ali yange. Tombiya na Sanimbalati bana mukamba. ¹³Bamukamba mangana anjithzibithe lyoba, cho mangana njilinge bije byendekele na kubulumuna, cho mangana banjane lithzina lya kubihya mangana binjilumbilithe. ¹⁴Banuke ba Tombiya na Sanimbalati, Njambi yange kwetheketha kubilinga byabo. Cho anuka lalo kapolofita Noandiya na ba polofita boshe baje bethekele kuthzibitha lyoba yange.¹⁵Cho mbango baimanuthwile alitangwa lya mumakumi abali na atnu mungonde ya Eluli, anima ya makumi atanu amatangwa. ¹⁶Omo bitothzi betu boshe bathzibile echi, na mafuti oshe atuthzenguluka, ethzile nakithziba lyoba nakuchikengetha manene mu mesho abo babenya. Omo bathzibukithile ngwabo chipangi chapingiwa nabukwatho bwa Njambi yetu.¹⁷Athimbu eyi bakulunu baba Yunda batumine mikanda kuli Tombiya na mikanda ya Tombiya yethzile kuli bakebo. ¹⁸Omo bapwile bapwile babangi mu Yunda baje balithingile chithingo nendi, mwafwa wapwile ishemweno ya Shekaniya mwana wa munalume wa Ala. Cho munendi wa munalume Yehonani ambatele munakathzi wendi mwana wa munakathzi wa Melushulami mwana wa munalume wa Mbelekiya. ¹⁹Cho lalo bendekele abilinga byendi bya bibwa na kwambulula majwi ange kuli ikeye. Mikanda baitumine kutunda kuli Tombiya ya kunjijujwitha.

¹Omo mbango ya njubo yahwile kutunga na kwakamo bikolo na bakakunyunga kubikolo na bakakwimba na ba Lebiti bana bangula, ²Cho njakele ndolome yange Hanani kupwa wakutala ha Yelusalema, amolika na Hananiya, mukulunu wakubanangula, mwafwa wapwile munu walukulaelo nakuthzibila lyoba Njambi kutubakana ali babengi.³Cho njendekele kuli bakebo ngwange,"Kethi mushokolole bikolo bya Yelusalema embwe kubanga mutanya unatu. Athimbu bakaku nyunga bikolo bali nakunyunga, munapande kushoka mapito naku apata. Anguleni tunyungi baje bayoyela mu Yelusalema, bamo a chela cha bithzango bya ba tunyungi babo, na bamo kulutwe lya membo abo." ⁴Oloni nganda yamene mu bwihi na bulaja, oloni mwakele banu babandondo, cho naimo njubo yai iba tungulwile.⁵Njambi yange wachakele mumbunge yange cho kukungulula amolika bakukunu, bakabipangi, na banu balithonekethe mwaya bithemwa byabo, cho njawanene mukanda wa baje balukile akulibanga na kuwana bibathonenemo ngwabo,⁶"Aba bakebo banu bamu mbongi baje bakele mu bundungo bwa Nembukandineza mwene wa Mbambiloni watwalele mwaya mafuti. Cho belukile ku Yelusalema na ku Yunda, ou ku nganda yendi ou kunganda yendi. ⁷Cho bethzile na Zelumbambele, Lamiya, Nohananai, Mondekai, Mbilishani, Mishipelethi, Mbingimbai, Nehamu, na Mbana. Cho banu bakutanda babanalume bamu Isalela kukubakumbathanako aba.⁸Bakakulwila ba Paloshi, bakupwa makulakathzi abali na chita chimo na makumi atanu na abali na banu babali. ⁹Bakakulwila ba Shafatiya, bapwile bita bitatu na makumi atanu nabali na banu babali. ¹⁰Bakakulwila ba Ala, bpwile bita batatu na makumi atanu na banu babali.¹¹Bakakulwila ba Pahathi-Moambu, kwitila muli bakakulwila ba Jeshwa na Joambu bapwile makulukathzi abali na bita bitanu na bitatu na likumi limo na banu batanu na batatu. ¹²Bakakulula ba Elamu, bapwile likulakathzi limo na bita bibali na makumi atanu na banu bawana. ¹³Bakakulwila ba Zatu, bapwile bita bitanu nabitatu na makumi awana na banu batanu. ¹⁴Bakakulula ba Zakai, bapwile bita batanu na bibali na makumi atanu nalimo.¹⁵Bakakulwila ba Mbunui, bapwile bita bitanu na chimo na makumi awana na banu batanu na batatu. ¹⁶Bakakulwila ba Mbembai, bapwile bita bitanu na chimo na makumi abali na banu batanu na batatu. ¹⁷Bakakulwila ba Azingandi, bapwile makulukathzi abali na bita bitatu na makumi abali na babali. ¹⁸Bakakulwila ba Andonikamu, bapwile bita bitanu na chimo na makumi atanu na limo na banu batanu na babali.¹⁹Bakakulwila ba Mbingibai, bapwile makulakathzi abali na chimo na makumi atanu nalimo nabanu batanu na babali. ²⁰Bakakulwila ba Andini, bapwile bita bitanu nalimo na makumi atanu na banu batanu. ²¹Bakakulwila ba Atale wakuli Hezekiya, bapwile makumi atanu na awana na banu batanu na batatu. ²²Bakakulwila ba Hashumu bapwile, bita bitatu na makumi abali na batanu na batatu.²³Bakakulwila ba Mbazai, bapwile, bita bitatu na makumi abali na banu ba wana. ²⁴Bakakulwila ba Halifi bapwile, chita chimo na likumi na banu babali. ²⁵Bakakulwila ba Ngimbiyoni bapwile, makumi atanu na awana na banu batanu na batatu. ²⁶Cho banalume bakutunda ku Mbetelehema nabaku Netofa bapwile, chita chimo na makumi atanu na atatu na banu batanu na batatu.²⁷Banalume bakutunda ku Anathothi bapwile, chita chimo na makumi abali na banu batanu na batatu. ²⁸Banalume bakutunda ku Mbete Azimabethi bapwile, makumi awana nabanu babali. ²⁹Cho banalume baku Kilyathi Njilimu, Kefila, na Mbilothi bapwile, bita bitanu na bibali na makumi awana na banu batatu. ³⁰Banalume baku Lama na baku Ngemba bapwile, bita bitanu na chimo na makumi abali na munu umo.³¹Banalume baku Mikimasi bapwile, chita chimo na makumi abali na banu babali. ³²Banalume baku Mbetele na Ai bapwile, chita chimo na makumi abali na batatu. ³³Banalume baku Nebo ikwabo bapwile makumi atanu na banu babali. ³⁴Cho banu baku Elamu ikwabo bapwile, likulukathzi limo na bita bibali na makumi atanu na banu bawana.³⁵Banalume baku Halimu bapwile, bita bitatu na makumi ³⁶abali. Banalume baku Yeliko bapwile, bita bitatu na makumi awana na banu batanu. ³⁷Banalume baku Londi na Ono bapwile, bita bitanu na bibali na makumi abali na munu umo. ³⁸Banalume baku Sena bapwile, makulukathzi atatu na bita bitanu na biwana na makumi atatu.³⁹Tupilisitu: Bakakulwila ba Jendaiya (wamu njubo ya Jeshwa), bapwile bita bitanu nabiwana na makumi atanu na abali na banu batatu. ⁴⁰Bakalulwila ba Ima bapwile, likulukathzi limo na makumi atanu na banu babali. ⁴¹Bakakulwila ba Pashihale bapwile, likulukathzi limo na bita bibali na makumi awana na banu batanu na babali. ⁴²Bakakulwila ba Halimu bapwile, likulukathzi limo na likumi limo na banu batanu na babali.⁴³Ba Lebiti: Bakakulwila ba Jeshwa, baku Kandimyele, baku Mbinui, na baku Hondeba bapwile, makumi atanu na abali na banu bawana. ⁴⁴Bakakwimba: Bakakulwila ba Asafi bapwile chita chimo na makumi awana na banu batanu na batatu. ⁴⁵Bakakulwila baba kakunyunga abikolo ba Shalamu, bakakulwila ba Atale, bakakulwila ba Talimoni, bakakulwila ba Akumbu, bakakulwila ba Hatita, bakakulwila ba Shombai bapwile chita chimo na makumi atatu na banu batanu na batatu.⁴⁶Bingamba ba tembele: Bapwile bakakulwila ba Ziha, bakakulwila ba Hasufa, bakakulwila ba Tambaothi, ⁴⁷bakakulwila ba Kelosi, bakakulwila ba Siya, bakakulwila ba Pandoni, ⁴⁸bakakulwila ba Lembana, bakakulwila ba Hangala, bakakulwila ba Shalimai, ⁴⁹bakakulwila ba Hanani, bakakulwila ba Ngindeli, bakakulwila ba Ngahale.⁵⁰Bakakulwla ba Liyaiya, bakakulwila ba Lezini, bakakulwila ba Nekonda, ⁵¹bakakulwila ba Ngazamu, bakakulwila ba Uza, bakakulwila ba Pasiya, ⁵²bakakulwila ba Mbesai, bakakulwila ba Meunimu, bakakulwila ba Nefushesimu.⁵⁵Bakakulwila ba Mbakimbuki, bakakulwila ba Hakufa, bakakulwila ba Halihuli, ⁵⁴bakakulwila ba Mbaziluthi, bakakulwila ba Mehinda, bakakulwila ba Halisha, ⁵³bakakulwila ba Mbalikosi, ba kakakulwila ba Sisela, bakakulwila ba Tema, ⁵⁶bakakulwila ba Neziya, bakakulwila ba Hatifa.⁵⁷Bakakulwila ba bingamba ba Solomone: bakakulwila ba Sotai, bakakulwila ba Sofelethi, ba kakulwila ba Pelinda, ⁵⁸ba kakalwila ba Jala, bakakulwila ba Ndalikoni, bakakulwila ba Ngindeli, ⁵⁹bakakulwila ba Shefatiya, bakakulwila ba Hatilu, bakakulwila ba Pachelethi-Hazembaimu, bakakulwila ba Amoni. ⁶⁰Bingamba boshe ba tembele na bakakulwila babingamba ba Solomone bapwile bita bitatu na makumi atanu nawana na banu babali.⁶¹Aba beka banu batundile ku Telomela, Telohalisha, Kelumbi, Andoni na Ima. Oloni kubathzubukithile ngwabo bakebo nameme bithemi byabo kukulwila babo bapwile bakulwila bakutunda ku Isalela: ⁶²bakakulwila ba Ndelaiya, bakakulwila ba Tombiya, na bakakulwila ba Nekonda bapwile, bita bitanu nachimo na makumi awana nabanu babali. ⁶³Baje batundile ku tupilisitu bapwile bakakulwila ba Hambaiya, Hakozi, na Balizila (baje batundithile munakathzi wendi kuli bana babanakathzi ba Mbalizilai waku Ngilindi cho ba mulukile lithzina lya muli bakebo).⁶⁴Aba bashakwile mathzina abo akati kabaje babanenele mwaila miyati yabo, oloni kubaba wanenemo, cho babatundithileko ku bukapilisitu kupwa ngwe bakwonowa kujela. ⁶⁵Cho ngubelunu wendekele kuli bakebo ngwendi kethi batabethe kulya mbathubwila ya cha kulya cha kutunda ku bikombelo kubanga aka sholoke kapilisitu ali na Ulimu na Thumimu.⁶⁶Chikungulukilo choshe amolika chapwile makumi awana amakulakathzi na makulakathzi abali, na bita bitatu na makumi atanu na limo, ⁶⁷kwakako bingamba babo babanalume na bingamba babo babanakathzi, baje bapwile makulukathzi atanu nabali, na bita bitatu na makumi atatu na banu batanu na babali. Cho bakele na bakakwimba babanalume naba babanakathzi bakupwa bita bibali na makumi awana na banu batanu.⁶⁸Tubalu twabo bapwile bita bitanu na bibali na makumi atatu na tubalu batanu naumo, bimule babo bapwile bita bitanu na bibali na makumi awana na bitanu, ⁶⁹ba ngamela babo bapwile bita biwana na makumi atatu na batanu, cho bimulu babo bapwile makulukathzi atanu nalimo na bita bitanu na makumi abali.⁷⁰Bamo kutunda kumitwe yaku bikota byaba kakulwila babo byalyanene kwana bwana. Ngubelunu wanene mu mbango ya bipangi likulukathzi lya mukuta wa ngolinde, makumi atanu amalonga, na bita bitanu na makumi atatu abuthzalo wa tupilisitu. ⁷¹Mitwe imo yabikota ya bakakulwila yalyanene kwakamo mu mbango ya bipangi bita bibali nama kulukathzi a mikuta ya ngolinde na makulukathzi abali na bita bibali bya ma siliba. ⁷²Cho mbunga ya banu boshe banene makumi abali amakulukathzi a ngolinde, na makulukathzi abali ama siliba, na makumi atanu nalimo na bitanu na bibali bya kuthzala bya batupilisitu.⁷³Cho tupilisitu, ba Lebiti, bakunyunga ku bikolo, bakakwimba, banu bamo,, bingamba ba tembele, na ba Isalela boshe bayoyelele mu binganda byabo. Mungonde ya mu chitatu na bibali banu bamu Isalela babatumbikile mu binganda byabo,"

¹Cho banu boshe balikungulwile amolika ngwe munu umo mu chela chakulishanda mulutwe lya chikolo chaku mema. Cho behwithithithe Ezila muka kuthona anene mukanda wa lithiko lya Mosesa, uje Yehoba wakambeyeye baka Isalela. ²Alitangwa lya kulibanga mungonde yamuchitanu nabibali, Ezila kapilisitu wanenele lithiko kumesho achikungulukilo, amolika na banalume na banakathzi, na boshe baje bathziba na kutanekeya. ³Cho wakengethele ku chela cha kulishanda mulutwe lwa chikolo cha kumema, cho watandeleo kutunda mutondotondo ndoo mutanya, ku mesho abanalume na banakathzi, na woshe uje atanekeya na boshe banu bathzibithithile bwino ku mukanda wa lithiko.⁴Cho Ezila mukakuthona wemanene a kathandya kabiti kaje kabapangele banu kakwambulwila. Cho kumukulo wendi kwemanene Malithiya, Shema, Anaiya, Uliya, Hilikiya, na Maseiya, ku chilyo chendi, na Pendaiya, Mishale, Malikija, Hashimbandana, Zakaliya, na Meshulamu bakele banemana kuchimoshwe chendi. ⁵Ezila washokolwele mukanda mu mesho a banu boshe, omo wemanene elu lya banu, cho omo waushokolwele banuboshe bakatukile.⁶Cho Ezila wakwithwile Yehoba, Njambi wakulyana, na banu boshe bajundwile maboko abo na kukumbulula ngwabo, "Ameni! Ameni!" Cho bakulamene athi na kushangathzeka Yehoba na bihanga byabo athi. ⁷Cho lalo Jeshwa, Mbani, Shelembiya, Akikubi, Shambethai, Hondiya, Meseiya, Kelita, Azeliya, Jazambandi, Hanani, Pelaiya— waku ba Lebite—wakwathele banu kutanekeya lithiko, athimbu bathalele mu byela byabo. ⁸Cho batandele mumukanda. Cho lithiko lya Njambi lya pangiliwe mwamubwa mukulilumbununa na kulyana ku banu mulyalumbunukila mangana batanekeye kutanda.⁹Nehemiya ngubelunu, na Ezila kapilisitu muka kuthona, na Levite uje wakala nakulumbununa kuli banu na kwendeka kuli banu ngwendi, "Litangwa eli linapu lya kuthzila kuli Yehoba Njambi yobe, Kethi mulile nameme kulila mithothzi embwe." Omo banu boshe balilile mithothzi omo bathzibile majwi alithiko. ¹⁰Cho Nehemiya wendekele kuli bakebo ngwendi, "Yeni na ngila yeni, lyeni bya mathzi na kukala nakunwa bya kupwelela, na kutumako bimo kuli uje nabijeneka, mwafwa eli litangwa linapu lya kuthzila lya Shukulu yetu. Kethi muli thethete mwafwa kujolela kwa Yehoba kunapu binthzili." byeni."¹¹Cho Lebite wolwethele banu kupwa kulu, na kwendeka ngwendi, "Shi! mwafwa eli litangwa linapu lya kuthzila. Kethi mulithethete embwe. ¹²"Cho banu boshe baile ngila yabo mukulya na kunwa nakulipangela bya kulya nakubwaelela na kujolela kwakama manene mwafwa banatanekeya majwi aje ababa thzibukithile.¹³Alitangwa lya muchibali batwamena ba bithemi baba kakulwila kutunda ku banu boshe, ba tupilisitu na baka Lebite, bethzile amolika kuli Ezila mukakuthona mukutambula kulilongetha kutunda ku majwi alithiko. ¹⁴Cho bawanene banathoneka mulithiko omo Yehoba wakambeyeye kwitila muli Mosesa ngwendi banu bamu Isalela banapande kuyoyela mu bipundo athimbu yachilika cha mungonde ya muchitanu na bibali. ¹⁵Cho bambulwile mu binganda byoshe, na mu Yelusalema, na kwendeka ngwabo, "Yeni mu lifuti lya malundu, na kwilwitha minango ya maputa a olyu na miti ya olyu ya mushwata, na mailito, mungongo, na miti ya mimbembe, ya kupangako bipundo ngwe mubachithono."¹⁶Cho banu baile na kunena maputa nakuli pangela babenya bipundo, ou elu lya tsimba yendi, mubithzango bya milongo byabo, na kubithzango bya ku binganda bya njubo ya Njambi, mu chela chakulishanda kulutwe lya chikolo chaku mema, na mulishekela lya chikolo cha Efalaimu. ¹⁷Cho chikungulukilo choshe chabaje batengulukile kutunda mu bundungo bapangele bipundo na kuyoyelamo. Oloni kutunda mumatangwa a Yoshwa mwana wa munalume wa Nuni kweta a litangwa lije, na banu bamu Isalela kubabwahelele chilika echi, cho kujolela kwapwile kwakama manene.¹⁸Cholalo litangwa alitangwa, kutunda a litangwa lya kulibanga kweta lya kumanwithila, Ezila watandele mumukanda wa lithiko lya Njambi. Cho banyungile chilika ha matangwa atanu na abali cho alitangwa lya chitanu na atatu lyapwile chikugulukilo cha kuthzila, mukwononokela kulijwi.

¹Cho alitangwa lya mumakumi abali na matangwa awana amungonde eyi bene banu bamu Isalela baba kungulwile cho batokethele kulomba njala, cho bathzalele buthzalo bwa kulililamo na kulyaka likungu ka mitwe yabo. ²Cho bakakulwila baba Isalela balyangunwine bakebo babenya kutunda kuli metandinda boshe. Cho bemanene na kulyana ku bubi bwabo na bilinga bya bubi byaba kakulwila babo.³Cho bakatukile mu byela byabo, cho batandele bithimbu biwana alitangwa mu mukanda wa lithiko wa Yehoba Njambi yabo. Cho bithimbu biwana bikwabo wa alitangwa bakele nakulyana naku fukama hathi ku mesho a Njambi yabo. ⁴Baka Lebiti, baka Jeshwa, baka Kandimyele, baka Shembaniya, baka Mbuni, baka Shelembiya, baka Mbani na baka Kenani, bemanene elu nakuthana na lijwi lya kulambekela kuli Yehoba Njambi yabo.⁵Choni baka Lebiti, Jeshwa, na baka Kendimyele, Nbani, Hambuneya, Shelembiya na baka Pethahiya, bendekele ngwabo, "Katukeni na kwana kushangathzeka kuli Yehoba Njambi yeni myaka yoshe." "Bakwithwule lithzina lyeni lya kuhyana cho lipwe lya kutsimana helu lya kukwithwila kwoshe na kushangathzeka. ⁶Yobe Yehoba. Yobe lika likalyobe. Yobe wapangele lilu, mwilu mwamulaja, na byoshe bya kalamo, na athi byoshe byakalao, na tulunga ndonga na byoshe bije bya kalamo. Wukana monyo kuli boshe, na baje ba mwilu baku shangathzeka.⁷Yobe Yehoba, Njambi uje wangwile Abilamu, na kumutunditha mu Uli waba Kalindeya, naku mwana lithzina lya Abilahama. ⁸Cho wawanene mbunge yendi kupwa ya lukulaelo ku mesho obe, cho wapangele nendi chikumiiyo chakwana kuli bakakulwila bendi ku Palizita, ba Jebusite na baka Ngiligashite. Cho wanyungu chikumiyo chobe mwafwa wapwa wabuthunga.⁹Wamwene tuyando twaba kakulwila betu mu Ingito cho wathzibile kuli kwabo mu kalunga ndonga wa kubenga. ¹⁰Cho wanene bimwetho bya kukomwetha Falao, na bingamba bendi boshe, na banu boshe ba mu lifuti lyendi, omo wathzubukile ngwobe baka Ingito baba thinamethele. Oloni wapange lithzina lyobe babenya lije linemanetha alitangwa eli.¹¹Cho wangunwine kalunga ndonga ku mesho abo, cho mangana baite mukati ka ndonga kalunga halibu lya kuma; na baje baba kabangeyeye babombilile mwakuloba, ngwe limanya mu mema akuloba.¹²Cho watwamenene na nguthzi yali shelwa athimbu ya mutanya, na nguthzi ya tuhya athimbu ya matski na nakutetekela mungila ibayamo. ¹³Alilundu lya Sinai washulukile cho wendekele nabo kutunda mwilu cho wanene majwi akujela kuli bakebo na mathiko abuthunga, bing'anda bya bibwa na mathiko.¹⁴Wapange litangwa lyobe lya kuthzila lya Sabata kuli thzubuka kuli bakebo, cho wabanene mathiko na bing'anda na lithiko kwitila muli ngamba yobe Mosesa. ¹⁵Cho wabanene likende lya kutunda mwilu kunjala yabo, cho wendekele kuli bakebo ngwobe baye nakutambula lifuti walishikile kubana achithingo.¹⁶Oloni bakebo naba kakulwila betu babatengulukilile, na kukoletha bitsingo byabo cho bonowele kuthzibilila mathiko obe. ¹⁷Cho babyanene kuthzibilila, cho kubathinganyekele ali bikomowetho bije wa lingile ali bakebo, oloni bakolethele bitsingo byabo, cho mutuyando twabo bangwile twamena wakubelwitha mu bundungo bwabo. Oloni yobe Njambi washula nalukonekelo, bimpau na chikeketima, ukathimbula mukutenuka, nakukala na bithzango bya kama manene. Cho kubawechelele embwe.¹⁸Nambe bamungile muna ngombe wakuthothonona kutunda ku butale na kwendeka ngwabo, 'Ou ikeye Njambi yeni uje wamitundithile mu Ingito,' na kumilinga likamba lyakama manene, ¹⁹yobe mungithzi yobe, kuwabechelele mu mambo embwe. Na nguthzi ya lishewa lya kubatwamenena mungila kulya tundileko embwe athimbu ya mutanya, nameme nguthzi ya tuhya twa butsiki twa kubamwetha mungila yabo kutwa tundileko embwe.²⁰Munthzinthzime wobe waubwa wabanene wakuba nangula, na mana obe kuwawanene kutunda mutunwa twsbo embwe, cho wabanene mema a lihwila lyabo. ²¹Akati ka makumi awana amyaka wakele nakubana mu mambo cho kubonowele chimo chai. Buthzalo bwabo kubwa tabukile embwe na myaja kuyathzimbile embwe.²²Wabanene binganda, na kubapangethzela bimbango byoshe bya lifuti. Cho bambatele bufuko bwa lifuti lya Sihoni mwene wa Heshimboni na lifuti lya Ongi mwene Mbashani.²³Cho wapangele bana babo kubalanetha ngwe bingongonothi bya mwilu, cho wabanele mulifuti lije walekethele ba kakulwila kuyamo na kufuka. ²⁴Cho banu baile na kufuka lifuti nakulyana ku mesho abo kupwa lyabo bayoyela mu lifuti, baka Kanana. Wabanene mu maboko abo, amolika na mwene wabo na banu balifuti, mangana Isalela a linge nabo bya bibwa bibashaka.²⁵Baba tambwile binganda byakele nabithzango na lifiti lya bwilo na kwambata bufuko bwa manjubo byakushula na byuma bya bibwa, mathima abendile chimweja, mahya abinyu na mahya a olibe na miti ya bishuka bya bingi. Cho balile na kukuta na kwana mukukola cha balibwahethele babenya mububwa bwobe bwa kama manene.²⁶Cho kuba lyononwethele embwe cho ba kutengulukilile. Cho bombilile lithiko lyobe kubinima byabo. Cho batsihile tupolofita bobe baje babanangwile kwiluka kuli yobe, cho balingile likamba lya kama manene. ²⁷Cho wabanene mumaboko abitothzi byabo, baje babayandethele. Muthimbu yaku yanda chabo, balililile kuli yobe, cho wabathzibile kutunda mwilu, cho mwafwa mung'eke yobe ya kulyana manene wa batuminine bakaku bayobola baje baba yobwele kubatunditha ku maboko abitothzi babo.²⁸Oloni anima yakuhwima, balingile lalo bubi ku mesho obe, cho babechelele ku maboko abitothzi babo, cho bitothzi babo baba yulile. Oloni omo batengulukile nakulilila kuli yobe, wabathzibile kutunda mwilu, cho bithimbu bya bingi mwafwa wa chikeketima chobe waba yobwele. ²⁹Wabanyanyamethele mangana batengulukile lalo kuli thiko lyobe. Oloni bakele nalikamba cho bonowele kuthzibilila ku mathiko obe. Cho balingile bubi ku majwi obe aje ana monyo kuli woshe uje ononokela. Bajundwile bitsili byabo na kukoletha bithingo byabo na kwonowa kuthzibilila.³⁰Myaka yaingi wabononokele na kubanyanyametha na munthzinthzime wobe kwitila muli tupolofita bobe. Oloni kubathzibililile embwe. Cho wabanene mu maboko abanu ba mu lifuti. ³¹Oloni mu ng'eke yobe yakama manene kuwaba bihithile embwe nameme kubechelela, omo yobe wakala na bithzana na Njambi wa ng'eke.³²Cho oni, Njambi yetu— uwakama manene, wakuhyana cho Njambi wabinthzili uje akanyungu chikumiiyo na kukala na ngothzi ya bithzango— kethi wechele obu bukalu bwasholoka kupwa bwabundondo buje unaija ali yetu, ali myene yetu, ali batwamena betu, na ali batupilisitu betu, na ali batupolofita betu, na ali bakakulwila betu na ali banu bobe boshe kutunda amatangwa abi myene ba Asillya nalelo lino. ³³Yobe uli mu byoshe bije binaija ali yetu, mwafwa unabilingi muku kulaela, oloni twalingile bya bibi. ³⁴Bimyene betu, batwamena betu, batupilisitu betu, na ba kakulwila betu kuba nyungile lithiko lyobe embwe, nameme kwaka maana ku mathiko obe nameme ku chikumiiyo cha majwi obe embwe chije chi waba nyanyamethele.³⁵Nameme munganda yobe babenya, athimbu babwahelelele bukama bwa bubwa bwobe mu lifuti lya kama lya bwilo lije wabangulwile, cho kubabupangelele nameme kutenguluka kutunda kubilinga bya bubi embwe.³⁶Ololoni tunapu tubindungo mu lifuti liwabanene bakakulwila betu na kulya bushuka bwalyo na bwana bwalyo bwa bubwa, cho kengenionu, tunapwoni tubindungo muli eli lifuti. ³⁷Bufuko bwa kutuuka mu lifuti lyetu bukai kuli myene baje bakanangula ali yetu mwafwa wa bubi bwetu. Cho bayulile akati kamibila yetu na akati kabimuna byetu ngwe mubalombele. Cho tuli mutuyando twa kama manene.³⁸Mwafwa wa byos hebi, tupange chikumiyo chakukola mubithoneka. Ali tutanekeyetho twakufwika ali mathzina abatwamena betu, Lebiti, na tupilisitu.

¹Atuthzibukitho twakushoka akele Nehemiya, ngubelunu, mwana wa munalume wa Hakaliya na Zendekiya, ²Selaya, Azaliya, Jelemiya, ³Peshihula, Amaliya, Malikija,⁴Hatushi, Shembaniya, Maluki, ⁵Halimu, Melemothi, Ombandiya, ⁶Ndanyele, Nginethoni, Mbaluchi, ⁷Meshulamu, Ambija, Minjamini, ⁸Maziya, Mbilingai, Shemaiya. Aba bapwile tupilisitu.⁹Ba Lebiti bapwile: Jeshwa mwana wa munalume wa Azaniya, Mbinwi wa muchithemi chaba Hanandandi, Kandimyele, ¹⁰nabakwabo ba Lebite, Shembaniya, Hondiya, Kelita, Pelaiya, Hanani, ¹¹Mika, Lehombi, Hashambiya, ¹²Zakyule, Shelembiya, ¹³Hondiya, Mbani, na Mbeninu. ¹⁴Batwamena ba banu bapwile: Paloshi, Pahathi- Moabu, Elamu, Zatu, Mbani,¹⁵Mbuni, Azingandi, Mbembai, ¹⁶Andonija, Mbingibai, Andini, ¹⁷Atale, Hezekiya, Azuli, ¹⁸Hondiya, Hashumi. Mbezai, ¹⁹Halifi, Anathothi, Nembai, ²⁰Mangipiyashi, Meshulamu, Hezile, ²¹Meshezambele, Zandoki,Jandwa,²²Pelatiya, Hanani, Anaiya, ²³Hosheya, Hananiya, Hashumbi, ²⁴Haloheshi,Piliha, Shombeki, ²⁵Lehumi, Hashambina, Maseiya, ²⁶Ahiya, Hanani, Anani,²⁷Maluki, Halimu na Mbana.²⁸Ngwe ku banu boshe, baje bapwile tupilisitu, Lebiti, tunyungi twa bikolo, bakakwimba, bingamba ba temebele, na boshe baje ba lyangunwine bakebo babenya kutunda ku banu bamafuti na kulyana bakebo babenya kunyunga mathiko a Njambi, kukumbathanako banakathzi babo, bana babo babanalume, na bana babo babanakathzi baje bali na mana na kuthzibithitha, ²⁹bali kumbathanene na bandolome babo, bakulunu babo na kulikuta bakebo babenya amolika na bilongetha na chithingo cha kwenda mu lithiko lya Njambi, lije lya banene Mosesa ngamba ya Njambi na kuli kengetha na kwononokela mashiko a Yehoba Shukulu wetu na majwi na bilika byendi.³⁰Twalishikile ngwetu kutukana bana betu babanakathzi kuli banu bamu lifuti nameme kwambata bana babo babanakathzi kuli bana betu babanalume. ³¹Cho lalo twalishikile ngwetu mona ngwe banu bamulifuti banena byuma nameme nona yaku landetha alitangwa lya Sabata, kutukailanda kutunda kuli bakebo alitangwa lya Sabata nameme alitangwa lya kuthzila. Amyaka itanu na ibali yoshe tukechela mahya etu kuhwima, na kuthzimanga na makongo oshe.³²Twalitabelelele mathiko akwana bimbongo bya muwayawaya lutatu a mwaka woshe bya bipangi bya njubo ya Njambi, ³³bikwathe kulikende lyaku mesho a Njambi, na mulambu wa nona walitangwa nalitangwa, na milambu ya kwochela ama Sabata, na chilika cha mukutenama kwa ngonde na chilika cha ku lyangula na milambu ya kuthzila, na milambu ya bubi ya kuthzimanganenako Isalela, amolika na bipangi byoshe bya njubo ya Njambi yetu.³⁴Yetu— tupilisitu, ba Lebiti, na banu— batile njuka ya mulambu wa mabaya. Cho njuka yangula chithemi muka chimo chinena mabaya mu njubo ya Njambi yetu athimbu ibanangula mu mwaka umo, mangana bochele amutula wa Yehoba Njambi yetu, ngwe mubanachithono mulithiko. ³⁵Twalishikile kunena bushuka bwakulibanga bwakushoka mulibu lyetu ku njubo ya Yehoba, mu mwaka woshe bushuka bwa kuli chiti choshe. ³⁶Bana betu batwatwa babanalume, na bingombe byetu kwetheketha mubachithonene mu lithiko— na bana ba ntwatwa baba ngombe betu na bana ba ntwtwa ba bimanga betu bakabanena ku njubo ya Yehoba Njambi yetu, kuli tupilisitu baje bakapanga mu nujubo ya Njambi yetu.³⁷Tukanena kulya chakuli banga chakushumitha chetu na nona ya milambu, na bushuka bwa muti woshe na binyu by bihya na mathzi a olyu, kuli tupilisitu, kubitsenge bya ku njubo ya Njambi yetu.Tukanena chimo kulikumi kuli ba Leviti kutunda mu libu lyetu mwafwa ba Lebiti ba kutambula chimo ku likumi mu bimbongi byoshe kuje tukapangela. ³⁸Kapilisitu wa Alone, napande kukala na Lebiti muje batambula chimo kulikumi. Cho Lebiti napande kunena likumi lya chimo kulikumi ku njubo ya Njambi yetu mubitula ya bithenge.³⁹Akulinga banu bamu Isalela na ba kakulwila ba Lebiti bakanena makungulwila wa nona ya binyu bya bihya na mathzi a olyu ku bithenge kuje batulikila bitenga bya kuthzila na kuje kubapangela tupilisitu, na baka kunyunga kubikolo nakuje bakatumbama baka kwimba. Kutu katha kulumbilitha njubo ya Njambi yetu embwe.

¹Cho batwamena babanu bayoyele mu Yelusalema, cho na mbunga ya banu batile njuka mangana banenemo umo mulikumi ayoyele mu Yelusalema, nganda ya kujela, cho bakwabo batanu na bawana bathalele mu bimbongi bikwabo. ²Choni banu bakwithwile baje boshe balyanene kuyoyela mu Yelusalema.³Aba bakebo bakulunu baje bayoyelele mu Yelusalema. Olojo, mu bimbongi bya ba Yunda ali woshe wayoyelele abitenga byendi, kukumbathanako ba Isalela bamo, tupilisitu, ba Lebiti, bingamba ba tembele, na bakakulwila ba bingamba ba Solomoni. ⁴Mu Yelusalema mwa yoyelele bamo bakakulwila baba Yunda na bamo bakakulwila ba Mbenjamini. Banu bakutunda ku Yunda kukumbathanako: Athaya mwana wa munalume wa Uziya mwana wa munalume wa Amaluya mwana wa munalume wa Shefatiya mwana wa munalume wa Mahaleli, kukakulwila wa Pelezi.⁵Kwakele Maseiya mwana wa munalume wa Mbaluki mwana wa munalume wa Koli- Hoze mwana wa munalume wa Hazaiya mwana wa munalume wa Andaiya mwana wa munalume wa Joiyalimbu mwana wa munalume wa Zakaliya, kakulwila wa Shela. ⁶Boshe bakakulwila ba Pelezi baje bayoyelele mu Yelusalema bapwile bita biwana na makumi atanu nalimo na banu batanu na batatu. Bapwile banu bakulimanena.⁷Aba bakebo bakakulwila ba Mbenjamini: Salu mwana wa munalume wa Meshulamu mwana wa mwana wa munalume wa Jaindi mwana wa munalume wa Pendaiya mwana wa munalume wa Kolaiya mwana wa munalume wa Maseiya mwana wa munalume wa Itheo mwana wa munalume wa Jashaiya, ⁸nabaje bamukabele, Ngambai na Salai, na banu bakupwa bita bitanu na biwana na makumi abali na banu batanu na batatu. ⁹Jowelo mwana wa munalume wa Zikili wapwile mukulunu wabo, na Yunda mwana wa Hasenwa wapwile wa muchibali mukutumina hakati kei nganda.¹⁰Kutunda ku tupilisitu: Jendaiya mwana wa munalume wa Joiyalimbu, Jakini, ¹¹Selaiya mwana wa munalume wa Hilikiya mwana wa munalume wa Meshulamu mwana wa munalume wa Zandoki mwana wa munalume wa Melaiyoti mwana wa munalume wa Ahitumbi, mukulunu wa kama wa njubo ya Njambi, ¹²na ba bushoko babo baje balingile bipangi bya njubo, bita bitanu na bitatu na makumi abali naba bali abanu, amolika na Andaiya mwana wa munalume wa Jelohamu mwana wa munalume wa Pelaliya mwana wa munalume wa Amuzi mwana wa munalume wa Zakaliya mwana wa munalume wa Pashihali mwana wa munalume wa Malikilya.¹³Bandolome bendi bapwile mitwe ya bikota ya bita bibali na makumi awana na banu babali; na Amashisai mwana wa munalume wa Azaleli mwana wa munalume wa Ahizai mwana wa munalume wa Meshilemothi mwana wa munalume wa Imuma, ¹⁴naba ndolome bendi chita chimo na makumi abali abingu nyambi bya mashwalale anthzita; na mukulunu wabo wapwile Zambundieli mwana wa munalume wa Hangendolimu.¹⁵Kutunda kuli ba Lebiti: Shemeiya mwana wa munalume wa Hashumbu mwana wa munalume wa Azilikamu mwana wa munalume wa Hashambiya mwana wa munalume wa Mbuni, ¹⁶na Shambethai na Jozambandi, baje batundile kuli ba ntwamena baba Lebiti cho bakele naku kengetha bipangi bya anja ya njubo ya Njambi.¹⁷Cho kwakele Malaniya mwana wa munalume wa Mika mwana wa munalume wa Zaambindi, kakulwila wa Asafi, uje wapwile ntwamena uje washangumukile kulyana mumalombelo na Mbakimbukiya, wa muchibali akati kaba ndolome bendi, na Abinda mwana wa munalume wa Shamwa mwana wa munalume wa Ngalali mwana wa munalume wa Jenduthuni. ¹⁸Boshe ba Lebiti bamu nganda ya kuthzila bapwile bita bibali na makumi atanu na atatu na banu bawana.¹⁹Tunyungi bakubikolo: Alikumbi, Talumoni, na ba ndolome bendi baje bakele nakukenga ku bikolo, banu bakupwa chita na makumi atanu nabali na banu babali. ²⁰Wathaleleo wa Isalela na tupilisitu nabaka Lebiti bakele boshe mu bimbongi bimo bya Yunda. Uli woshe wayoyelele abitenga byendi bya swanene. ²¹Bakakupanga ku tembele bayoyelele mu Ofele, na Ziha na Ngishipa bakele nabithzili ali bakebo.²²Mukulunu wakama ali ba Lebiti mu Yelusalema wapwile Uzi mwana wa munalume wa Mbani mwana wa munalume wa Hashambiya mwana wa munalume awa Mataniya mwana wa munalume wa Mika, bakakulwila ba Asafi; muka kwimba abipangi ya mu njubo ya Njambi. ²³Bakele na mathiko akutunda kuli mwene, na mathiko akukola ba anene kuli baka kwimba amatangwa oshe akashakiwa. ²⁴Cho Pethahiya mwana wa munalume wa Meshezambele , kakulwila wa Zela mwana wa munalume wa Yunda, wakele kuthambwa lya mwene mukukenga abing'anda bya banu boshe.²⁵Ngwe ku membo na mahya abo, banu bamo bamu Yunda bayoyelele mu Kiliyathi Alimba na membo abo na Ndomboni na membo abo, na mu Njakambuzeli na membo abo, ²⁶namu Jeshwa, Molanda, Mbethi Peleti, ²⁷Hazali, Shwali, na Mbishemba na membo ayo.²⁸Banu bamo bamu Yunda bayoyelele mu Zikilangi, Mekona na membo abo, ²⁹Enilimoni, Zola, Jalimuthi, ³⁰Zanowa, Andulamu, na membo abo, cho mu Lachishi mahya abo na Azeka na membo abo. Cho bajalukile kutunda ku Mbiyashemba ku chana chaku Hinomu.³¹Cho bakakulwila babaka Mbenjamini batungile mu Ngemba, Mikimashi, Aija, Mbethelo na membo abo, ³²Anathothi, Nombi, Ananiya, ³³Hazoli, Lama, Ngitaimu, ³⁴Handindi, Zemboimu, Nebalati, ³⁵Londi, Ono, na Ngelashimu. ³⁶Ba Lebiti bamo baje bayoyelele mu Yunda balinungile kuli banu bakuli Mbenjamini.

¹Aba bakele tupilishitu naba Lebi baje bethzile amo na Zelumbambele mwana wa munalume wa Shiyalittiele cho na Jeshwa: Selaiya, Jelwmiya, Ezila, ²Amaliya, Mluki, Halushi, ³Shekaniya, Lehumi, na Melemothi.⁴Bakebo bakele ba Indo, Ngwetho, Ambiya, ⁵Minyamini, Moandiya, Mbilinga, ⁶Shemaiya, na Njoiyalimbu, Njendaiya, ⁷Salu, Amoki, Hilikiya, na Njendaiya. Aba bakele batwamena baba tupilisitu na babu shoko babo mumatangwa a Jeshwa.⁸Cho ba Lebiti bakele Jeshwa, Mbinui, Kandimyele, Shelembiya, Junda, na Mataniya uje wakele twamena mu myaso yakushangathzeka, amolika naba bushoko bendi. ⁹Mbakibukiya na Uni, babushoko babo kubali thzibathanenene athimbu ya bipangi embwe.¹⁰Jeshwa wakele ishe ya Joiyakimu, Joiyakimu wakele ishe ya Eliyashimbu, Eliyashimbu wakele ishe ya Joiyanda. ¹¹Joiyanda wakele ishe ya Jonathani cho Jonathani wakele ishe ya Janduwa,¹²Mumatangwa a Joiyakimu aba bakele baupilisitu, batwamena babithemi: Melaiya wapwile twamena wa Selaiya, Hananiya wakele twamena wa Yelemiya, ¹³Meshalamu wakele twamena wa Ezela, Yehohahani wakele twamena wa Amaliya, ¹⁴Jonathani wakele twamena wa Maluki, cho Yosefa wapwile twamena wa Shembaniya.¹⁵Andina wakele twamena wa Halimu, na Helikai wakele wamena wa Melomothi, ¹⁶Zakaliya wakele twamena wa Indo, Meshulamu wakele twamena wa Ngenethonu, ¹⁷cho Zikili wakele twamena wa Ambija; Pilitai wakele twamena wa Miniyamini, na Moandiya. ¹⁸Shamwa wakele twamena wa Mbilinga, Jonathni wakele twamena wa Shemaiya, ¹⁹Matenai wakele twamena wa Joiyalimbu, Uzi wakele twamena wa Jendaiya, ²⁰Kalai wakele twamena wa Salu, Emba akele twamena wa Amoki, ²¹Hashambiya wakele twamena wa Hilikiya, na Nethanele wakele twamena wa Jendaiya.²²Mumatangwa a Eliyashimbu, ba Lebiti, Joiyanda, Jonathani na Jandwa baba thanene kukala mitwe ya bithemi, na batupilisitu babathanene athimbu ya kuyula cha Ndiyasi ka Pelisha. ²³Cho bakakulwila ba Lebi, batwamenena babithemi babathanene mu mukanda wa bing'anda nakuketetha kumatangwa a Johanani mwaa wa munalume wa Eliyashimbu.²⁴Cho batwamena ba Lebili bakele Hashambiya, Shelembiya, na Jeshwa mwana wa munalume wa Kandamyele, na babushoko babo, baje bemanene na kulikengetha nakwana kushagathzeka nakukandelela, nakukumbulula kumutambela na mutambela, mu kwononokela chikomeyeyo cha Ndabiti, muna Njambi. ²⁵Mataniya, Mbakimbukiya, Ombandiya, Talimani, na Akumbi bakele bakakunyunga ku bikolo bemanene na kunyunga ku binjubo bya kutulikila kubikolo. ²⁶Bapangele mumatangwa a Joiyakimu mwana wa munalume wa Jesshwa mwana wa munalume wa Jazandaki, na mumatangwa a Nehemiya ngubelunu na Ezila kapilisitu na mukakuthona.²⁷Akuthzilika mbango ya Yelusalema, banu bangwile ba Lebiti kwoshe kubayoyelele, babanene mu Yelusalema bakabwaelele chilika chakuthzilka mwamubwa, naku shangathzeka na kwimba na tungoma twa kutenda, tulyalya na michakaputu. ²⁸Cho chibunga cha bakakwimba balikungulwile amolika kubitingitingi bya thzengulukila Yelusalema na kutunda mu membo aba Netofathiti.²⁹Cho lalo bethzile kutunda ku Mbethi Ngilingale na kutunda ku mahya aku Ngemba na Azinabethi, na bakakwimba balitungilile bakebo babenya membo kuthzengulwitha Yelusalema. ³⁰Cho tupilisitu naba Lebiti balijelethele bakebo babenya, cho lalo nakujeletha banu, bikolo na mbango.³¹Cho njakele nabatwamena baba Yunda kuya nakweta helu lya mbango, cho njangwile bibunga bibali byakama bya bakakwimba bije byanene kushangala. Chibunga chimo chaile nakulithungama a mbango kuyehi na chikolo chaku Ndangi.³²Hoshaiya na chilika cha batwamena baba Yunda baba kabangeyeye, ³³cho anima yabo kwaile Azaliya, Ezila, Meshulamu, ³⁴Yunda, Mbenjamini, Shemaiya, Njelemiya, ³⁵na bamo bana batupilisitu na bimatolombita, na Zakaliya mwana wa munalume wa Jonathani mwana wa munalume wa Shamaiya mwana wa munalume wa Zakikale mwana wa munalume wa Asafi.³⁶Kuje lalo kwakele babushoko ba Zakaliya, Shemaiya, Azaleli, Milalai, Ngilalai, Mai, Nethanel, Juda, Hanani, na bimbitho bya Ndabiti muna wa Njambi. Ezila mukakuthona wakele mulutwe lwabo. ³⁷Ku chikolo chakumamanuthwilo baile nakuthungama helu lya nganda ya Ndabiti, nakushondoloka kumbongi ya njubo ya helu ya chela cha Ndabiti, ku chikolo chaku mema aku kunto.³⁸Bakakwimba bakwabo babaje banene ku shangethzeka baile mungila ikwabo. Njabakabele a mbango ya njubo na banu bamo helu lya kaposhi ka Obenisi, nakweta ku thina ya mbango ya njubo, ³⁹na helu lya chikolo cha Efulemu, na ku chikolo chalaja, na kuchikolo cha kubithina ku kaposhi kakuli Hananeli na ku kaposhi, kachita, kuchikolo cha bimanga, cho bemanene a chikolo cha kanyungi.⁴⁰Cho bakakwimba boshe baje banene bishangathzeka bambatele byela byabo munjubo ya Njambi, cho yange lalo njambatele mwela wange a molika na bakabipangi bamo a molika nange. ⁴¹Cho batupilisitu bambatele byela byabo: Elikayimu, Moseiya, Miniyamini, Mikaiya, Elioenai, Zekaliya, na Hananiya, kumolika na bitolombita, ⁴²cho lalo naba Moseiya, Shemaiya, Eleazale, Uzi, Jehohananai, Malikiya, Elamu, na Ezela na bakakwimba bali pange bakebo babenya kuthzibahala na Jezilahaiya wakele twamena wabo.⁴³Cho banene chikombelo chakama manene alitangwa lije, na kubwahelela, omo Njambi nabapanga kupwa bakubwahelela manene. Cholalo banakathzi nabanike babwahelelele. Cho kubwahelela kwa Yelusalema kwathzikanene kulyala.⁴⁴Alitangwa lije banalume babangwile kupwa bakakukenga ama njubo akutulikila bya kukungulula, bushuka bwakulubanga, na chimo chakulikumi, nakubyaka amolika mu byela bitondahala mathiko aba tupilisitu naba Lebiti. Aliwoshe bamwanene kupanga mu mahya muyehi na bibongi. Ali Yunda wa bwahelele ali batupilisitu naba Kebiti baje bemanene mulutwe lwendi. ⁴⁵Bamwethele bipangi bya Njambi yabo, na bipangi bya kulijeletha, ngwe mubalingile bakakwimba na bakakunyunga kubikolo, mukunyunga na lithiko lya Ndabiti na munendi wa munalume Solomoni.⁴⁶Kulaja mumatangwa a Ndabiti na Asafi, bapwile bakakutwamenena baka kwimba, cho kwakele myaso yakushangathzeka nakulyana kuli Njambi. ⁴⁷Mumatangwa a Zelumbambele na mumatangwa a Nehemiya, ba Isalela boshe banene byela alitangwa lya bakakwimba na bakunyunga kubikolo. Cho bangwileko chela chibatabethele chije chapwile cha ba Lebiti, naba Lebiti bangwile chela chibatabethele kupwa chaba kakulwila ba Aloni.

¹A litangwa lije batandele mu mukanda wa Mosesa oku banu bali nakuthzibilila. Bachi wanene banichithono ngwabo kukwethi baka Amoniti nameme baka Moabu banapande kwija mu chikungulwilo cha Njambi myaka yoshe. ²Cho chakele mwafwa kubethzile kuli banu bamu Isalela na likende na mema embwe, choni balanyene Mbalamu kuka shangumuna ba Isalela. Nameme ngocho Njambi yetu watengulwile kushangumuna kupwa kukwithula. ³Uje bene bathzilile lithiko, balyangunwine kutunda kuli metandinda abanu boshe.⁴Cho thimbu kanda ou Eliyashimbu kapilisitu ba mwangwile akati kabibatulo bya kunyungilamo bitenga byamu njubo ya Njambi yetu. Cho walithzibathenene na Tombiya. ⁵Eliyashimbu wabwahethelele Tombiya chibatulo chakama manene chakutulikila, kuje bakele nakutulikila laja binona bya milambu, ya kunika mwa mubwa, bitenga bya bibwa, bitenga bya bunga, binona bya chimo kulikumi, binyu bya bihya, na mathzi, aje abakambeyeye kupwa abaka Lebiti, baka kwimba, baka kunyunga kubikolo, na mukungwiya waba tupilisitu.⁶Oloni mubithimbu byoshe ebi kunjakele mu Yelusalema embwe, Cho mu mwaka wa mumakumi atatu naibali mu bumwene bwa Alitashashe wamu Mbambiloni njaile kuli mwene, Anima yathimbu bimo njalombele kuli mwene kwiluka, ⁷cho njelukile ku Yelusalema. Njemanene ha bubi buje Eliyashimbu walingile mukwana Tombiya chibatulo cha njubo muthzango ya milonga ya njubo ya Njambi.⁸Echi chanjibabalethele cho njombilile anja bitenga bya Tombiya kubitunditha muchibatulo cha njubo ya kutulikila bitenga. ⁹Cho njabakambeyeye ngwange ba jelethe mubibatulo bya kutulikila bitenga, cho njelwithilemo bitenga bya mu njubo ya Njambi, binona bya milambu na bya kunika.¹⁰Njathzubukile ngwange ba Lebiti kuba banene chela chabo embwe, cho batewele, ou kulihya lyendi ou kulihya lyendi, ba Lebiti na bakakwimba baje balingile chipangi. ¹¹Cho njabatenukilile bakulunu babipangi na kwendeka ngwange, "Bikajo munechelele njubo ya Njambi?" Njaba kungulwilile amolika na kubaka abyela byabo.¹²Cho ba Yunda boshe banenele chimo kulikumi cha binona, binyu bya bihya na mathzi a olyu kubishete. ¹³Cho njangwile wa kunyunga akati kabishete Shelemiya kapilisitu na Zandoki mukakuthona, wakutunda kuli ba Lebiti, Pendaiya. Watelele kuli bakebo wapwile Hanani mwana wa munalume wa Mataniya, omo baba labele kupwa ngwe buthunga. Bipangi byabo byapwile wakulipangethela byuma mwa mubwa akati kabo. ¹⁴Njanuke, Njambi yange, hali echi, cho kethi muthzimangane byuma bya bibwa buje njinalingi ku njubo ya Njambi yange na bipangi byabo.¹⁵Muma tangwa aje njamwene mu Yunda banu balyatangela chakukamwinamo binyu a Sabata nakunena mitumbo ya binona na kubilonga abi muli, cho lalo binyu, bingelepu, mikuyu, na byuma byoshe bya bitele byakulithethzathethza, bije biba nenele mu Yelusalema alitangwa lya Sabata. Njaba tenukilile kulandetha bya kulya alitangwa lije.¹⁶Cho banu bakutunda ku Taya bayoyela mu Yelusalema banenele bithi na bya kulya byoshe bya kuli thethzathethza, cho babilandethele alitangwa lya Sabata ku banu bamu Yunda na mu binganda! ¹⁷Cho njaba tenukilile bakulunu babo ngwange, "Bikajo mulinakulingila echi chabubi, chakulithzilulula litangwa lya Sabata? ¹⁸Kethi baishweni balingile echi lalo? Njambi yetu kanenele obu bubi ali yetu na munganda inondi? Ololo muli nakunena bukalu bwakama manene ali Isalela mukuthzilulula Sabata."¹⁹Ajebene kwakele lithuthulungu kuchikolo cha Yelusalema thimbu Sabata yete, njakambeyeye ngwange bikolo babishoke cho kethi bipwe bya kushoka embwe kubanga anima ya Sabata. ²⁰Cho bakulandetha nabakakulandulula byoshe bya kulithethzathethza balikungulwile anja ya Yelusalema lumo nameme lubali.²¹Olojo njabatenukilile ngwange," Bikajo mwalikungulwila anja ya mbango ya njubo? Ngwe mulingamo lalo, cho njikakambeka maboko ali yeni!" Kutunda athimbu ije kubethzile ku Sabata embwe. ²²Cho njakambeyeye ba Lebiti kuli jeletha bakebo babenya, na kwija na kunyunga bikolo, cho alitangwa lya Sabata lipwe lyakuthzila. Njanukeni ali echi lalo Njambi yange, na kukala na ng'eke ali yange mwafwa wachikumiiyo cha ng'eke chiuli nacho ali yange.²³Mumatangwa aje njamwene ba Yundeya baje bambatele banakathzi baku Ashindondi, Amoni, na Moambu. ²⁴Chitika chimo cha bana babo bendekele ndakwithzi ya baka Ashindondi. Naumo wai muli bakebo wendekele ndakwithzi yaba Yunda, oloni kubanga ndakwithzi ya banu bakwabo.²⁵Cho njabatenukilile, na kubathinga, cho nja pupile bamo na kuba shuta bing'ambu byabo. Njabalingithile kulithinga kuli Njambi, nakwendeka ngwange, "Kumukatha kukana bana beni babanakathzi kuli bana beni babanalume, nameme kutwala bana babo babanakathzi kuli bana beni babanalume, nameme kuli yeni babenya. ²⁶Kethi Solomoni mwene waba Isalela wabulumwine bubi akati kaba banakathzi ndi? Akati kamiyati yaingi kukwakele mwene ngwe ikeye, cho bamuthzangele kuli Njambi yendi, na Njambi wamupangele kupwa mwene ali ba Isalela boshe. Nameme ngocho, banakathzi bendi ba miyati yeka bamulingithile bubi. ²⁷Choni kumani tunapande kuthzibilila kuli yobe nakulinga obu bubi bwakama manene na kulinga chakujeneka kukulaela kuli Njambi yetu mukwambata banakathzi ba miyati yeka?"²⁸Mwana umo wa munalume wa Joiyanda mwana wa munalume wa Eliyashimbu wapwile ishemweno- ya Sanimbalati muka Holoniti. Nameme ngocho njamushekele na kutunda ku mesho ange. ²⁹Banuke Njambi yange, mwafwa banashaula bu pilisitu, na chikimiiiiyo cha bupilisiti na baka Lebiti.³¹Mukemo njaba bwahethele kutunda ku byuma byoshe ya miyati yeka naku bangwila bipangi ba tupilisitu naba Lebiti, ou nabyendi ou nabyendi. ³⁰Njathungamethele mulambu wa mabaya a thimbu ibangwile bushuka bwa kulibanga. Njanukeni, Njambi yange nakunjilingila bya bibwa.

¹Mumatangwa a Ahashwelusi (ou ikeye Ahashwelusi uje wayulile ku India kweta ku Kushi,, kutubakana a bimbongi, byakupwa chiita chimo na makumi abali na bimbongi bitanu na bibali), ²mumatangwa aje mwene Ahoshwelusi watumbamene a chitumambamo chendi cha bumwene bwa mu Shusha.³Mumwaka wamuchitatu wa kuyula chendi, wanene chilika kuli banu bendi boshe na bingamba bendi. Mashwalale baku Pelisha na baku Mendiya,bakulema, ndungubulenu ba mu bimbongi bakele ku mesho endi. ⁴Cho washandwile bufuko bwa kulyana bwa mu nganda yendi na kathingimiko ka bumpau ka kuhyana kwendi a matangwa amangi akupwa chiiita chimo na makumi atanu na atatu a matangwa.⁵Omo awa matangwa ahwile, cho mwene wanene chilika chije chahwile amatangwa atanu na bali chapwile cha banu boshe mu limbo lya Shusha, kutunda ku bakama manene kuketa ku babandondo chakele mu chela cha mu ngalanja ya mwene. ⁶Cho chela cha ngalanja bachithzengelekele na nanga ya bwanda bwa kutoka na butongwe bwa kuthzibuluka, na byaku byakuthzima na byakubenguluka byalipatekele amolika na siliba kutunda kubinguthzi bya mamanya. Cho kwakele bya kushulubalao bya ngolinde na siliba bibajalele athi amabwe akubenguluka, yakubunduluka, na mabwe amusombelo.⁷Babane bya kunwa mu binjanja bya ngolinde, bya kulithebukathebuka cho kwakele binyu byabingi bije byethzile mwafwa bwabuhwanga bwa mwene. ⁸Cho kunwa chatwalele na kunyunga lithiko lya kwendeka ngwalyo, "Kethi kukale umo athindiya mukwabo kunwa embwe," ngwe mungila eyi mwene naana chikambeyo ku baka bipangi bamu chela chendi boshe kulinga kwetheketha mwaila chithzango cha munu.⁹Cho lalo mwene wa munakathzi walithzina lya Vashiti wanene chilika cha munakathzi wamu chela cha ba mwene bwa mwene Ahashwelusi. ¹⁰Alitangwa lya chitanu na abali, omo mu mbunge ya mwene wathzibile kubwaha mwafwa wa binyu, cho walekele Muhumani, Mbizitha, Hambona, Mbingitha, Ambangitha, Zathale, na Kalikasi (batanu na bali bapangele ku mesho endi), ¹¹kunena mwene wa munakathzi wa lithzina lya Vashuli ku mesho endi amolika na buthzalo bwendi bwa bu mwene. Cho washakele kumwetha banu na bakabipangi kubwaha, chifwa cha kumubila wendi.¹²Oloni mwene wa munakathzi Vashiti wabyanene kwija alijwi lya mwene uje wanenele kuli ikeye kuli bakabipangi. Cho mwene walubalele manene; bithinganyeka bya mwenyekele mukati muli ikeye.¹³Cho mwene walithzibathanene na banu baje bathzubukile ngwendi bali na maana, baje bathzubukile thimbu (omo echi chapwile kuthungametha kwa mwene kuli boshe baje bapwile bangamba mu lithiko nakuthompetha). ¹⁴Oloni bakele kuyehi nendi bapwile kuli Shena, Shethale, Andimatha, Talishishi, Melesi, Malisena, na Memukani, aba batanu na babali bana babi myene baku Pelisiya na Mendiya. Bakele na binthzili kuli mwene cho bakwatele byela bya kama manene muje bene mu nganda. ¹⁵"Mwaila lithiko, tulinga bati ali mwene wa munakathzi wa lithzina lya Vashiti mwafwa kakabangeyeye lithiko lya mwene Ahashwelusi, lije libamunenelele kuli baka bipangi bendi bakama?"¹⁶Memukani wendekele ngwendi kumesho amwene na baka bipangi bendi, "Kethi kuli mwene lika kwana biitha embwe, oloni na kuli baka bipangi bendi lalo na kuli banu boshe baje bakele mu bimbongi byoshe bya mwene Ahashwelusi. ¹⁷A chande chou mwene wa munakathzi chikathzibakana kuli banakathzi boshe. Chikabanenela kuchipangetha kuli banalume babo mukonowa kubathzibilila. Cho bakendeka ngwabo, 'Mwene Ahashwelusi wakambeyeye mwene wa munakathzi Vashiti kumunena ku mesho endi, oloni wa byanene.' ¹⁸Thimbu kanda litangwa eli bene litoke ba banakathzi baba kulunu baku Pelisiya na Mendiya baje banathzibi chande cha mwene wa munakathzi bakendeka mumolika kuli boshe baka bipangi ba mwene. Cho kukakala kwonowa kuthzibilila na likamba.¹⁹Umona ngwe chibwaetha mwene, cho echeleni lijwi lya bu mwene balitume kutunda kuli ikeye, cho echeleni balithone mu mathiko abaka Pelisiya na baka Mendiya, lije likonowa kutenguluka, ngwabo Vashili kethi lalo kwija ku mesho endi mwene. Cho echeleni mwene ane chela chendi cha bumwene wa munakathzi kuli mukwabo uje natubakana ali ikeye. ²⁰Ngwe lijwi lya mwene balyambulula mwaila nganda yendi yoshe, cho banakathzi boshe baka thingimika banalume babo, kutunda kuwa kama manene kweta kuli wa mundondo."²¹Cho mwene na bana bendi bapwile baku bwaelele naku kunangula, cho na mwene walingile ngwe muje mwangwile Memukani. ²²Cho watumine mikanda ku bimbongi byoshe bya bu mwene, ku mbongi yoshe ya mu nganda na bithona byayo, cho na munu woshe mu lilimi lyendi. Cho wakambeyeye ngwendi munu woshe napande kupwa mukulunu a njubo yendi. Eli lijwi walyanene mu lilimi lya munu woshe lya mubu mwene.

¹Anima yebi byuma, omo butenu bwa mwene Ahushwelusi bwa tepulukile, wathinganyekele ali Vashiti na bika byanalingi. Cho lalo wathinganyekele akati ka lije lijwi lya pangele ali ikeye. ²Cho mwanike wamundondo wa mwene uje wapangele kuli ikeye wendekele ngwendi, "Echeleni akale kushakethzeka banike baba mbanda ba babawa baje kanda balimone na banalume mu lithzina lya mwene.³Echeleni mwene enike bakulunu mu bimbongi bya mu nganda yendi na kukungulula amolika boshe banike baba mbanda bababwa baje kanda balimone na banalume mu limbo lya bumwene ku Shusha. Echeleni babanyunge kuli Hengai, mukulunu wa mwene, ou aka kenge abanakathzi, cho echeleni abane mathzi akuli bwabetha. ⁴Cho echeleni mwanike wa munakathzi uje abwaeletha mwene ku mbunge kupwa mwene wa munakathzi kuhinga mu chela cha Vashiti." Echi kunangula chabwaelethele mwene ku mbunge cho walingilemo.⁵Kwakele ka Yundeya umo mu limbo lya bumwene lya Shasha uje lithzina lyendi lyapwile Molindekai mwana wa munalume wa Njaili mwana wa munalume wa Shimei mwana wa munalume wa Kishi, uje wakuli ba Mbenjamini. ⁶Cho bamwambatele kumutunditha ku Yelusalema na baje baba kwatele nabo na kubambata amo na Yehoiyakini, mwene wa Yunda, uje Nembukaneza mwene wa Mbambilona yambatele.⁷Cho wamunyungile Handasa, uje wapwile mwana wa munakathzi wa inanu ya Esita, mwafwa kakele naba ishe nameme baina. Cho ou mwanike wa munakathzi wakele na mubila waubwa na kuuthzanga muchifwa chendi. Molindekai wamwambatele nakupwa ngwe munendi wa munakathzi.⁸Omo kukambeya lijwi lya mwene ba byambulwile, banike babanakathzi babangi babanenele mu limbo lya Shisha. Cho baba nyungile kuli Hangai. Cho Esita lalo bamutwalele mu chela cha mwene naku kamunyunga kuli Hangai, mukulunu wa banakathzi. ⁹Cho mwanike wa munakathzi wa bwahethele ku mbunge, cho wamwanene bukwatho nendi. Ajebene wamwanene mathzi akunika mwamubwa na mutambela wa bya kulya Cho wamwanene bingamba batanu na babali ba banike babanakathzi kutunda ku chela cha mwene na kumushwenyethela ngamba wa mwanike wa munakathzi ku chela cha chibwa cha mu njubo ya banakathzi.¹⁰Cho Esita kalekethele nameme umo wai obo bapwile banu bendi nameme babushoko bendi, mwafwa Mondekai wamubyanethele kubyendeka. ¹¹Matangwa oshe Mondekai wakele nakwendangana kwiluka kunima na kuya kulutwe anja lya chikolo cha njubo ya banakathzi, mukuthzibukitha kuyoya cha Esita, hali biba kamulinga.¹²Omo thimbu yethzile ali mwanike wa munakathzi woshe kuya kuli mwene Ahashwelusi—anima yakukabangeya mathiko aba banakathzi habingonde byakupwa likumi na bibali, ei ikeyo thimbu yabo ya kubabwaethelamo, bingonde bitanu naimo na mathzi abulilila, cho bitanu naimo mathzi alwonga akunuka na ¹³byakulikwita—omo mwanike wa munakthzi waile kuli mwene, bili byoshe byathzangele ba mwanenebyo kutunda mu njubo ya banakathzi, na kubyambata ku chela chendi.¹⁴Cho mangwethzi aya mukati , cho mutondo eluka ku njubo ya muchibali ya banakathzi ije ibakele na kunyunga kuli Shashingazi, mukabipangi wa mwene, uje wakele na kunyunga bithzila bya mwene. Cho kathele lalo kwiluka kuli mwene kubanga na mutokela ku mbunge yeni mwene nakumuthana alithzina.¹⁵Ololo omo thimbu ya Esita ( mwana wa munakathzi wa Ambihaili, inanu ya Mondekai, uje wamwabatele kupwa ngwe munendi wa munakathzi ) nakuya mukati muli mwene, cho kehwithithile na chimo chai oloni bije Hangai mukabipangi wa mwene, uje wakele nakukengetha abanakathzi, byathinganyekele. Cho Esita watambwile bukwatho kuli boshe bamu mwene. ¹⁶Cho Esita bamutwalele kuli mwene Ahashwelusi mu chela cha bumwene mu ngonde ya mulikumi, ikeyo ngonde ya Tembethi, mu mwaka wa muchitanu na ibali mu kuyula chendi.¹⁷Cho mwene wamuthzangele Esita manene ku tubakana bakwabo banakathzi cho watambwile bukwatho na kumunyunga bwino ku mesho endi, kutubakana bakwabo boshe bambanda. Cho wamu bwahethelele chilongo chabu mwene ku mutwe wendi na kumupwitha kupwa mwene wamunakathzi mungila yakukalao Vashiti. ¹⁸Mwene wanene chilika chakama manene kuli boshe bakabipangi bendi na bingamba bendi, "Chilika cha Esita," cho wanene litangwa lyakuhwimina ku bimbongi. Cho lalo wanene bwana bwakwetheketha mwaila kwana.¹⁹Cho omo banike babambanda baba kungulwile amolika ka muchibali, Mondekai watumbamene achikolo cha mwene. ²⁰Esita kalekethele naumo wai bya babushoko bendi nameme banu embwe, ngwe muje mwamulekethele Mondekai. Cho watwaleleo nakukabangeya kunangula kwa Mondekai, ngwe muje mwalingile muje bamujundwile kuli ikeye. ²¹Mumatangwa aje, athimbu Mondekai watumbamene ku chikolo cha mwene, bakabipangi babali, Mbingithana na Teleshi, baje banyungile ngila ya chikolo, bethzile nakulubala na kuthinganyeka kubulumuna mwene Ahashwelusi.²²Cho omo ng'anda baithzibikithile kuli Mondekai, cho walekele mwene wa munakathzi Esita, na Esita wendekele kuli mwene mu lithzina lya Mondekai. ²³Cho muthzimbu bamwihuthithile na kuwana buthunga, na boshe banalume baba shukikile ku chiti. Cho eyi ng'anga baithonene, mu mukanda wa binguli ku mesho a mwene mu kuyula chendi.

¹Anima byebi byuma, mwene Ahashwehuse wa jundwile Hamani mwana wa munalume wa Hamumendetha muka Angangiti na kwingitha a chitumbamo chendi a chabipangi akamwa ka bakwabo bakabipangi boshe baje bakele nabo. ²Boshe bingamba ba mwene baje bakele ku chikolo cha mwene baththsikamene athi nakukulama athi kuli Hamani ngwe muje mwene mwaba lekele kulinga. Oloni Mendekai kathsikamene nameme kukulama athi.³Choni bingamba ba mwene bakele ku chikolo bendekele kuli Molindekai ngwabo, "Bikajo unonowele kukabangeya lithiko lya mwene? ⁴Cho bakele nakwendeka nendi atangwa na atangwa, oloni wabyanene kutambula mathiko abo. Cho bendekele na Hamani mangana amone ngwe ng'anda ya Molindekai ithala muje bene, omo wabalekele ngwendi wapwa ka Uundeya..⁵Omo Hamani wamwene ngwendi Molindekai kathsikamene athi naku mwana kathingimiko, Hamani wa shulile na litoto. ⁶Cho wakele na ngila yakumuthinganyekela kumuthsita mathsiki Molindekai lika, mwafwa bingamba ba mwene bamulekele banu ba Molindekai mubapwile. Hamani wathinganyekele kushondoloka ba Yundeya boshe, banu ba Molindekai baje bakele mu nganda ya Ahashwelusi.⁷Mu ngonde yakulibanga (eyi yikeyo ngonde ya Nasani) mu mwaka wa mulikumi na myaka ibali ya mwene Ahashwelusi, omo Pula—ije ikeyo kuta lyongo— bayashelele mu mesho a Hamani, mangana bangule litangwa na ngonde, Cho batele lyongo thimbu na thimbu yoshe na kwetetha mu ngonde ya mu likumi naibali (eyi yikeyo ngonde ya Andala).⁸Cho Hamani wendekele kuli mwene Ahashwelusi, ngwendi, "Kuli banu bashandokela na kubapangethzela akati kabi mbongi bya nganda yobe. Mathiko abo analithethza na aje abanu bakwabo, cho kubanyungile mathiko a mwene, cho kuchethichachibwa kuli mwene kubechela bakale kuje. ⁹Umona china bwahetha mwene kumbunge, aneni chikambeyeyo chakubathsiya, cho njika pethzeletha likumi lya makulakathzi ama siliba mu maboko abaje bakakala mubipangi bya mwene, cho bakebo bakabake mu chipau cha mwene."¹⁰Cho mwene watundithile mushele waku liboko lyendi nakwana kuli Hamani mwana wa munalume wa Hamanendatha muka Angangite, chilethzi waba Yundeya. ¹¹Cho mwene wendekele kuli Hamani ngwendi, "Njikakengethetha ngwange bimbongo bana kwilwithila yobe nabanu bobe. Muka bipangethetha byoshe obyo mushaka kulinga¹²Cho bakakuthona ba mwene baba kungulwile a litangwa lya mu lukumi na atatu mu ngonde yakulibanga, na lijwi kwetheketha byoshe bije Hamanu wakambeyeye babithonene kulu ngubelunu wa mwene wamubimbongi byoshe, kuli bangubelunu babanu boshe bakulithethzathethza, na kuli bakulunu babi mbongi, kumbongi na mbongi mubithone byabo babenya na kumunu na munu mumalimi abo babenya. Bachithonene mu lithzina lya mwene Ahashwelusi na kuushoka na mushele wa luliboko lyendi. ¹³Mikanda bayanene kubakwambata kumaboko ku twala ku bimbongi byoshe bya mwene, nakubabiitha, kubathsiya na kubamanuthula ba Yundeya boshe, kutunda kubanike kweta kututhinakathzi, bana babandondo na banakathzi, mu litangwa limo—alitangwa lya likumi na atatu mu ngonde ya Andalo)— na kukapukula bufuko bwoshe.¹⁴Chifwechi chimo cha mukanda bachipangele lithiko mu mbongi na mbongi. Mu mbongi na mbongi bauthzibukithile ku boshe banapande kuli bwaetha alitangwa eli. ¹⁵Bakakwambata baile na kuthzambula na kwana lithiko lya mwene. Cho lijwi nalyo lalo ba lyanene muje mu liboko lya Shusha. Cho mwene na Hamani batumbamene athi na kunwa, oloni nganda ya Shusha yalikomokelele.

¹Omo Molindekai wathyzubukike byoshe bya lingiwile, watabwile buthzalo bwendi na kuthzala buthzalo bwa kulililamo na kulikwita na lito. Cho waile mukati ka nganda, na kulila kwakutambekela na kulila kwakutendangana. ²Cho waile na kuketa ku chikolo cha mwene, mwafwa naumo bwai batabethele kukobelamo na buthzalo bwaku lililamo. ³Ku mbongi na mbongi, choshe ocho mwene akambeya na lijwi lyeta, kwakele kulila kwakama manene akati kaba Yundeya, nakwonowa kulya, na kulila mithhothzi, nakuliwoyongola Babangi bashulubalele abuthzalo bwakulililami na lito.⁴Omo banike babanakathziu] na bingamba bendi bethzile na kumuleketha, cho mwene wa munakathzi wakele na buthiwa bwakama manene. Cho watumine buthzalo bwa kukamuthzika Molindekai (mangana akashulule buthzalo bwendi bwaku lililamo), oloni kabitabele embwe. ⁵Cho Esita wathanene Hathaki mukulunu umo wa mwene uje ibangwile kupangela Esita. Cho wamutumine kuya kuli Molindekai nakuthzibikitha bika byasholoka na nomo chinalumbunukila.⁶Cho Hathaki waile kuli Molindekai mu nganda ya kupwa amolika kulutwe lya chikolo cha mwene. ⁷Molindekai wambulwile kuli ikeye byoshe bije byasholokele kuli ikeye, na theteko yoshe yama siliba ije Hamani wa shikile kutheteka mangana ayake mu chikwama cha mwene mangana bake ba Yundeya mu kuthsa. ⁸Cho lalo wamwanene lijwi banene mu Shusha lya chikambeyeye cha ba Yundeya. Walingile echi mangana linga akachisholole kuli Esita, cho mangana amwane binthzili bya kuya kuli mwene na kumulombelako bukwatho bwa kuli lambelela nendi mu binthzili bya banu bendi.⁹Cho Hathaki waile nakukaleka Esita byendekele Molindekai. ¹⁰Cho Esita wendekele kuli Hathaki nakumukambeyeya kwiluka kuli Molindekai. ¹¹Wendekele ngwendi, "Bingamba boshe ba mwene na banu ba mu bimbongi bya mwene bathzubukile ngwabo munalume nameme munakathzi aya mukati kati kathzango ya milonga ya mwene chakujeneka kumuthana, kuli lika lithiko limo: Cho napande kumuthsiya— kubanga uje woshe mwene akana mande yendi ya bumwene ya ngolinde akayoye. Kubanjithanene kuya kuli mwene ali awa makumi atatu amatangwa. ¹²Cho Hathaki wambulwile majwi a Esita kuli Molindekai.¹³Cho Molindekai welwithile ou muthzimbu kuli Esita ngwendi, "Kethi uthinganyeke ngwobe muchela cha mwene, ukathebunuka lalo kupulakana boshe bakweni ba Yundeya embwe. ¹⁴Umona woloka kulu athimbu ino, bukwatho na kuyobola chikemana kuli ba Yunda kutunda ku chela chikwabo oloni yobe na njubo ya isho ika nyonga. Iya athzubuka ngwe unaija ku chela chabu mwene ya chifwechi?¹⁵Cho Esita watumnie ou muthzimbu kuli Molindekai ngwendi, ¹⁶"Ya ukakungulule ba Yundeya boshe amolika baje bayoyela mu Shusha, cho mukatokethe litangwa na njala mu lithzina lyange. Kethi mukalye nameme kunwa a matangwa atatu, mathika nameme mutanya.Banike bange babankathzi nange tukatoketha litangwa na njala mungila imo. Cho njikaya kuli mwene nameme twajomboka lithiko, cho umona njikanyonga, cho njikanyonga." ¹⁷Molindekai waile nakulinga byoshe bije Esita wamukambeyeye kulinga.

¹Anima ya matangwa atatu, Esita wathzalele buthzalo bwendi bwa bu mwene waile na kukemana muchela cha thzango ya mwene, kulutwe ya njubo ya mwene. Cho mwene watumbamene achitumbamo chendi chabu mwene mu njubo yendi ya bu mwene, kukengetha ku chikoloo cha ku njubo. ²Omo mwene wamwene Esita mwene wa munakathzi nemana mu thzango ya milonga, cho watambwile bukwatho ku meshi endi. Cho wakwatele ku mande yendi ya ngolinde mu liboko lyendi. Cho Esita washwenene na nakukwata kushongo ya mande.³Cho mwene wendekele kuli ikeye ngwendi, "Bika ushaka Esita mwene wa munakathzi? Mbathzubwila ya nganda yange, bakayana kuli ypbe." ⁴Cho Esita wendekele ngwendi, "Mona chibwaetha mwene ku mbunge, cho echeleni mwene na Hamani baije lelo ku chilika chije njinamubwaethela"⁵Chio mwene wendekele ngwendi, "Muneneni bwathi Hamani, akulinge ebi nendeka Esita." Cho mwene na Hamani baile ku chilika chije chabwaethele Esita. ⁶Omo binyu bakile nakuipangethzela achilika, mwene wendekele ngwendi, "Bika ushaka? Bakakwana yobe. Bika ulomba? Kweta bu mbathzubwila ya nganda, ,bakayana."⁷Esita wakumbulwile ngwendi, "Kushaketha change na kulomba change chinapu echi, ⁸"Umona njiwana bukwatho ku mesho a mwene cho umona chikabwaetha mwene nakunjana binji shaka na kulemetha binjalombo, cho echeleni mwene na Hamani beje ku chilika chije njikaba bwaethela imene cho njika kumbulula chihula cha mwene.⁹Hamani watundileko na kubwaelela alitangwa lije na kubwaha ku mbunge. Olonu omo Hamani wamwene Molindekai ku chikolo vha mwene, cho Molindekai kethekele kukatuka nameme kujaja ku mesho endi nameme lyoba limo, cho washulile na matoto a Molindekai. ¹⁰Nameme ngocho, Hamani walithingimikile ikeye babenya na kuya ku njubo yendi babenya. Cho watumine bakwabo na kubakungulwila amolika, na munakathzi wa Zeleshi. ¹¹Cho Hamani walumbunwine luthsimo lwa bufuko bwendi, natheteko ya kutuma cha bana babanalume, kujundula byoshe bije mwene wa mwanene, na muje wanangwile ali bakulunu boshe babipangi; na bingamba ba mwene.¹²Hamani wendekele ngwendi, "Esita mwene wa munakathzi kathanene weka oloni yange na mwene kwija ku chilika cha bwaethele. Nameme imene lalo nanjithana amolika na mwene. ¹³Oloni byoshe ebi kubyethi na chimo kuli yange mona ngwe njimona Molindekai ka Yundeya natumbama achikolo cha mwene"¹⁴Cho Zeleshi munakathzi wendi wendekele kuli Hamani nakuli bakwabo ngwendi "Bechele bapange kathandya kakushukikao munu kakupwa mu bimbandwa makumi atanu mukujunduka. Cho mutondotondo mukendeke kuli mwene mangana Molindekai bakamushukikeo. Cho yeni nakubwaelela amolika na mwene ku chilika" Echi chabwaethele Hamani ku mbunge cho wakatungile kathandya.

¹Cho buthsiki buje mwene kalalele embwe. Cho wakambeyeye bingamba bendi kunena mukanda wa bithono wa binguli bya kuyula chendi, cho babitandele nakutambekela kui mwene. ²Bachiwanene ba nachithono muje ngwabo Molindekai nambulula bya Bingithana na Teleshi, babali bakabipangi ba mwene baje bakele na kunyunga ku chikolo cha mwene, baje bashakele kumubulumuna mwenbe Ahashwelusi. ³Cho mwene wehwile ngwendi, "Bikajo byalingiwile mukwana bukwatho nameme kathzubukitho kuli Molindekai mu kulinga ebi? Cho banike babanalume bamwene baje bapangele kuli ikeye bendekele ngwabo, "Nabimo byai byalingiwile kuli ikeye."⁴Cho mwene wendekele ngwendi, "Iya ali mu thzango ya milonga?' Ololo Hamani nakobelele mu thzango ya milonga ya hanja yaku njubo ya mwene na kwendeka kuli ikeye bya kushukika Molindekai akathandya kakumushukikilao kabamu bwaethelele. ⁵Cho bingamba ba mwene bendekele kuli ikeye ngwabo, "Hamani nemana mu thzango ya milonga. Cho mwene wendekele ngwendi, "Echeleni aije mukati" ⁶Omu Hamani wakobelele, mwene wendekele kuli ikeye ngwendi, Bika bishakiwa kumulingila munu uje akambata mwene muku mwana bukwatho?" Cho Hamani wendekele mu mbunge yendi ngwendi, 'Iya munu ya mbata mwene mukumwana bukwatho kutubakana yange?⁷Hamani wendekele kuli mwene ngwendi, "Amunu uje mwene ambata nakumwana bukwatho, ⁸echeleni bamunenele buthzalo bwabu mwene, buthzalo buje mwene akathzala, na chimulu uje akendelao mwene uje ibanithziki chilongo chabu mwene. ⁹Cho echeleni uthzalo na chimulu babyane kuli mukulunu umo wabipangi byakama manene bya mwene. Becheleni bathzike buthzalo munu uje mwene ambata na kumwana bukwatho, echeleni bamwendethe ha chibulu kumwititha mukati ka tubingila twa nganda. Echeleni bambulule ku mesho endi ngwabo, Echi chikeho chapande kulingiwa kuli munu umo uje mwene ambata nakumwana bukwatho!""¹⁰Cho mwene wendekele kuli Hamani ngwendi, "Thzangula ambata buthzalo na chimulu, ngwe muje unendeka, mulingile ebi Molindekai uje ka Yunda akatumbama ku chikolo cha mwene. Kethi uwile mu kang'anda kano kaje kaunendeka." ¹¹Cho Hamani wambatele buthzalo na chimulu. Cho wathzikile Moilndekai na kumwendetha ha chibulu kumwititha mutubingila twa mu nganda. Cho wambulwile ku mesho endi ngwendi, "Echi chikecho chikalingiwa kuli munu uje ambata na kumwana bukwatho!"¹²Cho Molindekai welukile ku chikolo cha mwene. Oloni Hamani waile bwathibwathi ku njubo yendi, mutondotondo, oku nafwiki ku mutwe wendi. ¹³Cho Hamani walekele munakathzi wendi Zeleshi, na bakwabo boshe byuma byoshe bije bya lingiwile kuli ikeye. Cho banu bendi baje babathzubukile bamaana, na munakathzi wendi Zekeshi, bendekele kulu ikeye ngwabo, "Umona Molindekai, uje imunashangumuka kuwila ku mesho endi, napu ka Yundeya, kumukamwatha kumutengulula, oloni mwabuthunga mukashangumuka kuwa ku mesho endi." ¹⁴Athimbu bakele nakwendeka nendi, bakabipangi ba mwene betele ku chikolo chije chabwaethele Esita.

¹Cho mwene na Hamni baile ku chilika na mwene wa munakathzi Esita. ²Alitangwa eli lya mu chibali, athimbu yakunwa binyu, cho mwene wendekele kuli Esita ngwendi, "Bika biushaka Esita mwene wa munakathzi? Bachana kuli yobe. Bikajo ulomba? Kweta ku mbathzubwila ya nganda, bakakwana."³Cho mwene wa munakathzi Esita wakumbulwile ngwendi, umona njiwana bukwatho ku mesho obe, mwene, nameme chibwahetha ku mbunge yobe, echela mwonyo bawane kuli yange—echi chikecho kushaka kwange, cho njilomba echi lalo cha banu bange. ⁴Mwafwa yetu batulandetha, yange na banu bange, batubihitha, kututhsiya nakutumanuthula. Umona lika batulandetha mu bundungo, ngwe ndungo wa munalume na munakathzi, ngwe njinoloka kulu, mwafwa kukwethi kayando kakamisholokela na kutengulukila mwene embwe. ⁵Cho mwene Ahashwelusi wendekele kuli Esita mwene wa munakathzi ngwendi, " Iya owo? Tumu wana kuli ou munu uje nashulitha mbunge yendi nakulinga echu chuma?"⁶Cho Esita wendekele ngwendi, " Muthzinde uje chitothzi, ou ikeye mukabubi Hamani!" Cho Hamani wathzibile lyoba ku mesho a mwene na mwene wa munakathzi. ⁷Cho mwene wakatukileko kutunda ku chela chakunwina binyu bya chilika, cho waile ku chela cha mu ngalanja, oloni Hamani wathalele nakulomba mwonyo wendi kuli mwene wa munakathzi Esita. Cho wamwene ngwendi mwene wakele nakuthinaganyeka bya kukaluwa.⁸Cho mwene welukilemo kutunda kuchela cha ku ngalanja nakukobela mu chibatulo cha njubo muje bakele nakunwina binyu, Cho Hmani wawililile achakulalao chakele kuli Esita. Cho mwene wendekele ngwendi, "Natha kubulumuna mwene wa munakathzi mu mseho ange mu njubo yange babenya?" Aje bene eli lijwi lyatubukile mukanwa a mwene, cho bingamba bafwikile chihanga cha Hamani.⁹Cho Halimbona, umo wabipangi uje wapangele kuli mwene, wendekele ngendi," Kathandia kakulaha bimbandwa bya kupwa makumi atanu kanemana kumukulo wa njubo ya Hamani. Kapangelele Molindekai, uje umo wakele nakwendeka ngwendi, "Mushukikeni." ¹⁰Cho bamushukukile Hamani akathandia kaje kabwahethelele Molidekai. Cho bukalu bwa bwakutenuka bwahwile.

¹Alitangwa lije mwene Ahashwelusi wanene bitenga bya Hamani kuli mwene wa munakathzi Esita, chitothzi cha ba Yundeya, cho Molindekai washangumukile kupanga ku mesho a mwene, mwfawa Esita walekele mwene omo Molindekai alithzubukile nendi. ²Cho mwene washulwile kathzeya kaku munye, kaje katambwile kuli Hamani nakukana kuli Molindekai. Cho Esita wanene Molindekai lithetha lya kukenga abyuma bya Hamani.³Cho Esita wendekele lalo kuli mwene. Cho wawithile mesho endi athi na kulila oku ali nakulambelele mangana bamanethe bithinganyeka bya bubi bwa Hamani muka Angigite, ku chela chije chiba thinganyekelele kubalingilamo ba Yundeya. ⁴Cho mwene wanene mande yendi ya ngolinde kuli Esita cho wakatukile na kwimana ku mesho a mwene.⁵Cho wendekele ngwendi, "Umona chibwaetha mwene kumbunge, nameme njiwana bukwatho ku mesho endi, umona byuma bimimona bipwa byabibwa ku mesho a mwene, cho njamubwaetha mu mesho endi; echeleni lijwi balithoneke kukulitengulula mu mukanda wathonene Hamani mwana wa munalume wa Hamumendatha muka Angangite, mikanda ije bathonene mangana babihithe ba Yundeya boshe bakele mu bimbongi bya mwene. ⁶Cho njatha kumona batijo bukalu buje bukawila ali banu bange? Cho njatha batijo kukenga kunyongetha cha babushoko bange?"⁷Cho mwene Ahashwelusi wendekele kuli mwene wa munakathzi Esita na Molindekai ka Yundeya ngwendi, "Kenga, njinana Esita njubo ya Hamani, cho bana mushukika ha kathandya, mwafwa wakele na kuya na kulukuka ba Yundeya. ⁸Thoneni lijwi likwabo lya ba Yundeya mu lithzina lya mwene na kulishoka na kathzeya ka bumwene. Mwafwa lijwi libanathono laja mu lithzina lya mwene na kulishoka na kathzeya ka bumwene kubatha kuliitengulula.⁹Cho bakakuthona ba mwene babathanene athimbu ije, mungonde ya muchitatu, ikeyo ngonde ya Sibani, alitangwa lya makumi abali na tatu amu ngonde. Lijwi balithonene kwetheketha byoshe bije Molindekai wa kambeyeye ali ba Yundeya. Cho balithonekelele kuli bangulubenu babimbongi, bangulubenu na bakulunu babipangi bamu bimbongi baje batundile ku India kweta ku Kushi, bimbongi bya kupwa chiita chimo na makumi abali na bimbongi bitanu na bibali, ku mbongi byoshe bathonekele mumathona abo babenya, naku banu boshe mu lilimi lyabo babenya, nakuli ba Yundeya mu mathona amalimi abo babenya.¹⁰Molindekai wathonene mu lithzina lya mwene Ahashwelusi na kuushoka na kathzeya ka bumwene.Cho watumine mikanda na kuyambata kuli baka kwendela ha bimulu, bimulu banthzita baje babapangethele mu bipangi bya mwene, baje bathemukile mu butanga bwa bumwene. ¹¹Mwene wanene kuli ba Yundeya baje bakele nalithetha lya mu nganda nakuba kungulula amolika nakupanga ngunthzi ya kulikikiya ku myonyo yabo; kubamanuthula, kubathsiya, na kubihitha binthzili bya mashwalale kutunda ku banu nameme bimbongi bije bikalukuka , banike na banakathzi baba kumbathanene, nameme kubapukula bufuko bwabo. ¹²Echi chalingiwile mu bimbongi byoshe bya mwene Ahashwelusi alitangwa lya mulikumi natatu mu ngonde ya mulikumi nabali, eyi ikeyo ngonde ya Andali.¹³Mbathzubwila imo ya lijwi bayanene kupwa ngwe lithiko mu bimbongi byoshe na mbunga bali shandolwele kuli banu boshe. Cho ba Yundeya bakele nakubatanda alitangwa lije nakutwala nthzita ali bitothzi babo. ¹⁴Cho babashikithile baje bakele nakwenda abi mulu byabu mwene baje bakele nakupangetha mu nganda ya mwene. Cho baile chakwonowa kuthimbula. Cho lijwi lya mwene balishandowele kutunda ku chela mu Shusha.¹⁵Cho Molindekai watundile ku mesho amwene oku nathzala buthzalo bwabu mwene bwa kubunduluka na bwakutoka, na chilongo chakuhyana cha ngolinde na mukole wa kuthzibuluka wa bwanda bwa linyu, na nganda ya Shusha yatambakanene na kubwaelela. ¹⁶Cho ba Yundeya bakele na cheke na kubwaelela, na kulya na ¹⁷kulilemetha. Mu bimbongi byoshe na mubi nganda byoshe, kuli kwoshe ng'anda na lijwi lya mwene lyetele, kwakele kubwaelela na kulya akati ka ba Yundeya, chilika na litangwa lya kuhwima. Babangi kutunda akati kabanu bakulithethzathethza ba mu lifuti bapwile ba Yundeya, mwafwa lyoba lya ba Yundeya lya wililile ali bakebo.

¹Cho mu ngonde ya mulikumi nababali, eyi ikeyo ngonde ya Andala, alitangwa ya mulikumi natatu, omo lithiko na lijwi lya mwene bashakele ku ambatamo, alitangwa omo bitothzi baba Yundeya bakulaethele kukala na binthzili ali bakebo, babitengulwile. Cho ba Yundeya bakele na binthzili ali baje babathzindile. ²Cho ba Yundeya balikungulwile mu binganda byabo kwita mwoshe mu bimbongi bya mwene Ahashwelusi, nakukambeka maboko ali baje bethekele kunena bukalu ali bakebo. Naumo wai wathele kubabindika, mulonga wa kubathziba lyoba lyakele ali banu boshe.³Bakulunu babipangi bamu bimbongi, bangulubenu bamu bimbongi, bangulubenu, na bakakutwamenena ba mwene, bakwathele ba Yundeya mwafwa lyoba lya wililile ali bakebo. ⁴Omo Molindekai wapwile wakuhyana mu njubo ya mwene, na luthsimo lwendi lwatandele mu bimbongi byoshe, mwafwa munalume Molindekai wapwile wakuhyana manene. ⁵Cho ba Yundeya balukukile bitothzi babo na moko ya mukwale, kubathsiya na kubanyongetha, nakulinga omo chabwaethele ku bimbunge bya baje babathzindile.⁶Mu chipaka cha Shusha ba Yundeya babathsihile na kubanyongetha bita bitanu babanalume. ⁷Bathsihile Palishandatha, Ndilifoni, Asipatha, ⁸Polatha, Andaliya, Alindatha, ⁹Palimashita, Alisai, Alindai, Vaizatha, ¹⁰cho na likumi lya bana babanalume ba Hamani mwana wa munalume wa Hamumendatha, chitothzi cha ba Yundeya. Oloni kubapukwile embwe.¹¹Litangwa lije theteko yabaje babathsihile mu limbo lya Shush, bakambulwile kuli mwene. ¹²Cho mwene wendekele kuli mwene wa munakathzi Esita, ngwendi, "Banathsihi biita batanu bya banu mu limbo lya Shusha, kukumbathanako likumi lyabana ba banalume ba Hamani. Cho bikajo banalingi mu bimbongi byoshe bya mwene? Cho bika ushaka? Babyane kuli yobe. Bika ulomba? Babyane kuli yobe?¹³Esita wendekele ngwendi," Umona chinabwahetha mwene ku mbunge, echeleni ba Yundeya baje bali mu Shusha babatabethe na kwambata eli lijwi lya lelo imene lalo, na kwechela mibila likumi ya bana babanalume ba Hamani baishukike ha tuthandya. ¹⁴Cho mwene wakambeyeye ngwendi echi chilingiwe. Lijwi balyanene mu Shusha cho bashukikile likumi lya bana babanalume ba Hamani.¹⁵Cho ba Yundeya baje bakele mu Shusha bethzile amolika alitangwa lya mulikumi na wana lya mu ngonde ya Andala, na kuthsiha bakwabo lalo biita bitatu bya banu mu Shusha, oloni kuba thalekele maboko abo alipuku embwe. ¹⁶Boshe ba Yundeya baje bakele mu bimbongi bya mwene bethzile amolika nakwohyela myonyo yabo, cho batambwile bukwatho kutunda kuli bitothzi babo na kuthsiya makulakathzi makumi atanu nabali na tanu abanu baje babathzindile, oloni kubathalekele maboko abo ali baje bakuhyana babathsihile embwe.¹⁷Echi chasholokele alitangwa lya mulikumi na atatu mu ngonde ya Andala. Alitangwa lya mulikumi na wana bahwimine na kupanga lije litangwa kupwa lya kwonowa kulya na kubwaelela. ¹⁸Oloni ba Yundeya baje bakele mu Shusha bakungulukile amolika alitangwa lya mulikumi na atatu na litangwa lya mulikumi na wana. Alitangwa lya mulikumi na atanu bahwimine nakulipanga kupwa litangwa lya kulya na kubwaelela. ¹⁹Cho mukemoni ba Yundeya ba mu membo, baje bapangele membo abo kuyehi na bimbongi, bamwene litangwa lya mulikumi na wana lya mungonde ya Andala kupwa ngwe litangwa lya kubwaelela na kulya, nakupwa ngwe litangwa libakatumu bwana bwa bya kulya kuli umo namukwabo.²⁰Molindekai wathonene ebi byuma nakutuma mikanda kuli ba Yundeya boshe baje bakele mu bimbongi byoshe bya mwene Ahashwelusi, boshe baku yehi na kulyala, ²¹nakubaleketha bakanyunge litangwa lya mulikumi na awana na litangwa lya mulikumi na tanu mu ngonde ya Andala myaka yoshe. ²²Awa apwile matangwa omo ba Yundeya batambwile bukwatho kutunda kuli bitothzi babo, na ngonde omo mukwale wabo watengulukile kukujolela, na kulilila mu litangwa lya kubwaelelamo. Cho bakapange kupwa matangwa akulya na kubwaelela, na kutuma bwana bwa byakulya kuli umo na mukwabo, na bwana kuli biutu.²³Cho ba Yundeya batwaleleo bibashangumukile kulinga, bije Molindekai wabathonekelele. ²⁴Hathimbu ya Hamani mwana wa munalume wa Hamumendetha waku Angangite, chitothzi cha ba Yundeya boshe, waba thinganyekelele mwaku banyongethelamo, watele lyongo (otu twapwile tumatheno), twakubakaluwitha na kubabihithilamo. ²⁵Oloni omo ng'anda yethzile ku mesho a mwene, cho wanene chikombeyo mu mikanda ngwendi mana abubi apangele Hamani ali ba Yundeya anapande kwiluka ha mutwe wendi babenya cho linga ikeye na munendi wa munalume banapande kubashukika a tuthandya.²⁶Choni bathanene awa matangwa ngwabo Pulimu, anima ya lithzina lya Puli. Mwafwa wa byuma byoshe bije bibathonene muli ou mukanda, na byuma byoshe bije biba mwene na bije bya tholokele kuli bakebo, ²⁷ba Yundeya batabelele bithzila na bipangi bikwabo. Ebi bithzila bikapwa byabo babenya, bakakulwila babo na woshe akalikumbathana kuli bakebo Chikapwa ngwabo bakabwaelela ali awa matangwa abali mu myaka yoshe. Cho bakabwaelela mungila yeka athimbu imo mu mwaka woshe. ²⁸Awa matangwa akapwa akukanukilamo na kubwaelelamo mu bikota byoshe, mubuthemi byoshe, mu bimbongi byoshe, na mu bimbaka byoshe. Aba ba Yundeya na ba kakulwila babo banapande kwanuka awa matangwa a Pulimu, mangana bakelike kuwebala.²⁹Mwene wa munakathzi Esita mwana wa munakathzi wa Abihaili na Molindekai ka Yundeya wathonene nalithetha lya kushula nakutabetha ou mukanda wa muchibali ali Pulimu.³⁰Mikanda baitumine kuba Yundeya boshe mu bimbongi bya kupwa chita chimo na makumi abali na bimbongi bitanu na bibali bya mu nganda ya Ahashwelusi, na kubakulaetha ba Yundeya kukala mwa buchili na buthunga. ³¹Eyi mikanda yatabethele matangwa a Pulimu abenikile athimbu yabo, ngwe Molindekai, ka Yundeya na mwene wa munakathzi Esita bamukambeyeye ba Yundeya. Cho ba Yundeya batabele echi chikambeyo kuli bakebo babenya na kuli bakakulwila babo, ngwe muje lalo batabethele bithimbu bya kwonowa kulya na kulila bimbimbi. ³²Cho chikambeyo cha Esita chatabethele mathiko kwetheka ali Pulimu cho bachithonene mu mukanda.

¹Cho mwene Ahashelusi watambwile lithimo lya lifuti na ha membo ku mukulo ya ndonga kalunga. ²Kutambula kwa binthzili byendi byoshe na bukama kukumbathana na kuhyana kuli Molindekai kuje kwamujwindile mwene, babithonene mu libulu mu kuyula cha bomyene baku Nendiya na Pelosha,³Molindekai ka Yundeya wapwile muhato wa mu chibali ku bukulunu kuli Ahashwelusi. Wapwile wakuhyana manene akati kaba Yundeya cho bamumwethele bithzemo kuli bandolome bendi ba Yundeya babangi, omo wathinganyekele yoyethi ya banu bendi na kwendeka kwakwoloka kwa banu bendi.

¹Bithimo bya solomoni muna ndabiti uje mwene wa isalela. ²Ebi bithimo bina pande ku longetha mana na ku nangula, ku lonetha majwi a ku linangwilaho, ³mangana utambule bilongetha mu bilnga bya mana, mu kuthungama,mu bungulu na mu bumpali.⁴Ebi bithimo bina pande lalo kwa na mana kuli baje ba kweeba, na kwana kuthzubuka na ku nyanyama ku bakwenje na bambanda. ⁵Banu bushe ba mana ba tolilile mangana ba wethzelele ku kulilongetha chabo, cho baje boshe baka kuthzibithitha bali waneneho ku betulula, ⁶mangana bathzibithithe bithimo, binguli na majwi a banu ba mana na tuthau.⁷Lyoba lya yeheba akewo maputukilo ku thzubuka- baka kujena mana bakalwibilitha mana wa bilongetha. ⁸Obe muwange, tolilila ku bilongetha bya isho cholalo kethi uthethze mashiko a banoko; ⁹mwafwa ebi bipwa chitambala cha ngothzi cha kukata ku mutwe wobe na buthanga buje bunyengela muthingo yobe.¹⁰Obe munage, unona mgwe baje ba ka kulinga bya bibi ba ija na ku ku kokweya ngechi nobe ulyumbile muli buje bubi bwabo, cho kethi uyenabo. ¹¹Umona ngwe bakuleka ngwabo,''ija hamo netu, tuye tuka banfdamene kwitila maninga, tu bandelele na ku lwitha banu baje ba ku feneka mulonga.¹²tuye tu kaba lende butona ngwe muje bene shiole ikamba ta banje banu likangula ngungu, na kubalumuna kupwa ngwe banje ba nathsi; ¹³chojo mukulinga ngachije tuwane naho byuma by bingi bya bibwa bya ndando ya kama; ¹⁴cho tu shulitha binjubo byetu na bije tuma pukuta; cho kumani nobe ija wangawa tu tele hamo lyngo, cho tuba boshe tu kala na chikwama chimolika''-¹⁵obe munange, kethi yobe wetheke kwenda nabo mu ngila ije ya kufwa ngachile; kethi utabethe lindi lyobe kulyata muje benda; ¹⁶mendi abo a ka shatukila ku kun linga bubi cholalo bakathzambwila kuya na kwitilamaninga. ¹⁷Mwafwa ku chikwatha kuta bwanda bwa kukwata tuthzila oku na tuthzila bali na ku labelela.¹⁸Banu aba ba ka bandamena maninga abo babenya- bakathzangela ngendo myonyo yabo babenya. ¹⁹Cho omu mukemo bene munapuna bingilila bya uje woshe ya nganyala mu kuli kwathe tha bukenya; nganyo yoshe ya ku wanena mungila ije kuya pandele ika twala myonyo ya baje bayoya mu chifwa chije ku buthsi.²⁰Mana ali na kutambeka mu tapalo ali na ku tambekela mu mitambela yakululuka; ²¹a kamwa ya bitapalo mije muli miyoyo ali na ku tambeka, kuje ku bikolo bya nganda ali na mwendeka ngachije ngwendi, ²²Kumani lungaijo, yeni bamu ba kweeba, muthzema ku kala ba kweeba lungaijo, yeni baka limbulwithzi mubwahelela na kukala bene ba kalimbulwithzi chojo lungaijo yeni bakujena mangana, mu thzinda kuthzubuka?²³Tengulukilemi ku kwetulula kwange; cho njitila munthzinthzime wange kuli yeni; cho nji ka jombolola majwi ange kuli yeni. ²⁴Njina thana, olojo muna byama ku tolilila; njinolwele libokolyyange, olojo wanene umo wachiya nakako mangana. ²⁵Olojo mu nombula bilongetha byange byonse cholalo ku mwakele mana ku kwolola kwange.²⁶Chojo njika mi jola omwani mu ka bindama, njikami shendumana omu bya ku nitewetha bikamithzila - ²⁷athimbu bije bya kumi thzibitha manene lyobe bika mithzilz ngwe lilwithzi lya kama na lubinda luka pekumukila yeni ngwe kankumba, na kayando ka kawa nebi bya kumi jujwitha bikaya ali yemi.²⁸Chojo baka thana aliyange olojo kunji kaba kwumbulula; co baketheka na bithzili byoshe kunji tonda, olojo ku ba kanji wana embwe. ²⁹Akalunga bakebo bathzinda kuthzubuka cholalo kubangwile kuthziba yehoba lyoba, ³⁰cho mukemone kubathele ku kabangeya bilongetha byange, cholalo ba nombawanetha kwolola kwange kwoshe.³¹Ngechibene bakaya na ku kuta na bushuka bwabilinga byabo bije bawa lyangwila bakebo babenya. ³²Mwafwa baje bakakujeweka kuthzubuka bakathsi amulonga wa ku byuma mana, kuje kujemeka kwakako mbunge kwabo chi kaba nyongetha. ³³Oloni uje woshe a tolilila kuli yange a ka tumbama mu kwoloka cholalo a ka kala mwa mubwa manene a kujeneka kuthzibz lyoba lya lubunda lwoshe.''

¹Obe munange, umona ngwe utambula majwi ange na kunyunga bwino bwino mashiko ange, ²cho kubanga ujendeke matwi obe ku maana na kutwala mbunge yobe ku kuthzibikitha.³Umona ngwe ulambelela maana na ku lomba ku thzibithitha, ⁴umona ngwe utondethetha silibana kutondethetha kuthzibithitha ngwe ngwabo uli na ku kengethzeka bufuko buje bwakubanda, ⁵cho chili bene u thzibithitha lyoba lya Yehoba cholalo uwana na kuthzibuka Njambi.⁶Mwafwa Yehoba ikeye a kana maana; mukanwa kendi mu kemo mu katundu kuthzubuka na ku thzibithitha. ⁷Na tulikila maana amabwa; baje ba ka kulinga bya bibwa; wapwa ntelo kuli baje boshe ba ka kwenda mu buthunga; ⁸aka nyungu bingila bya baka kulinga mwa mubwa cholalo a nyunga katumameno ka baje ba lukulahelo muli ikeye.⁹Choje uka thzibithithoni buthunga, kulinga mwa mubwa, na kupwitha hamo; na ngila yoshe ya ibwa. ¹⁰Mwafwa maana a ka kobela mu mbunge yobe, cho na kuthzubuka chika bwaheletha mwonyo wobe.¹¹Chojo chiyongo cha chibwa chika bandamena ali yobe; kuthzibithitha chikaku nyunga. ¹²Ebi bika kwobolola ku ngila ya bubi, kuli baje baka kwendeka bya bibi, ¹³baje baka kuthebuka mu bingila bya kuthzila na kwenda mu bingila bya lithuthulungu.¹⁴Baka bwahelela omu balinga bya bibi na ku jolela mu byuma bije bya bunyengwe. ¹⁵Baka kabangeya bingila bije bya ku penga penga, chojo ba kalikwathetha makuli na kuthzimangana myanja yabo.¹⁶Maana na chiyongo cha chibwa bika ku yobola kuli chikwithzi, kuli munakathzi wa kujeneka shwamwa na majwi endi a ku thebeleka. ¹⁷A thethza kabuthamba kendi na kwibala chikumiyo cha Njambi yendi.¹⁸Mwafwa njubo jyendi ikobeletha ku kuthsa, cho na mingano yendi ikutwamenena kuli baje bali laja mu bihilo. ¹⁹Baje boshe baya kuli ikeye ku baka mono lalo kwiluka cho lalo kuba kete ku bingila bya mwonyo.²⁰Cho kumani yobyoni una pande kwenda mu ngila ya banu ba babwa na ku kabangeya mu bingila bya banu baka buthunga. ²¹Mwafwa baje ba ka kulinga bya bibwa ba ka tunga mu lifuti, cho na baje ba buthunga ba ka tumbamenenamo mu lifuti. ²²Oloni baje ba babi boshe ba ka ba tukula na kuba fumitha mu kaye, cho na baje bakwilika lukulahelo ba kaba teta na ku ba fumithamo.

¹Obe munange, keti ulibale bilongetha byange, na mashiko ange mumbunge yobe, ²mwafwa bulaha bwamatangwa na myaka yobe yakuyoya, yikakelako kwoloka kuli yobe.³kethi wechele chithema na lukulahelo kwaku kutheza;bilate byoshe hamolika ha thingo yobe. ⁴Cho ukwamananeke na lithinalya libwa kumesho a njambi na munu .⁵Kulahela yehoba na mbunge yobe yoshe na kujeneka kuthindamena ha bithinga nyeka byobo; ⁶mubingila byobe buonshe hulahela yikeye akapwitha bingila byobe byakyoloka.⁷Kethi ukale namana mu mesho obe, tewa yhoba na kutenguluka ku bubi. ⁸Chinena kukanguka kumubila wobe na nthzili kibi thiya byobe.⁹Lemeka yrhoba na bufuko bwobe na bushuka bwakulibanga bwabimbuto byobe, ¹⁰na bishete buobe baka bishulitha na bishuwa byobe bika shulilila, na binyu vihya¹¹Obe munange, kethiushale bilongetha bya yehoba nambe kuthzinda kwetulula bya yehoba nambe kuthzinda kwetulula kwedi, ¹²Mwafwa yehoba akolola baje ashaka, ngwe omu chisemi akalingi na mwana iye yathema.¹³Uje wa wana mana wakala wakukwi thila; cho wawana nawa kuthzibithitha. ¹⁴Ocho chiuwana kutundilila mu mana chinapu chachibwe kutubakana siliba yiyikwana na nganyo yayo yitubakuna ngolinde.¹⁵Mana ana tubakana kubwaha kutubaka bunengu na bimo byahi ukasha bika lyetheketha na bikebyo. ¹⁶Ali namatangwa ama laha amengi muliboko lyachilyo; na muliboko lyendi lyachimo shwe omwo mwakala bufuko bwa kulema.¹⁷Bingila byendi byakala bingila byakubwa helela. ¹⁸Wakala muti wamwonyo kuli banje ba kwatelela kuli ukewo; baje bakwa telela kuli ukewo ba kala bakabwahelela.¹⁹Kwitila mu mana yehoba watangele lifuti; mu kuthzibithitha kwendi watangile melu. ²⁰Kwitila mu mana endi bije bya ku kunama bya shokolokele na ma shelwa a nyokele.²¹Obe munange, kethi wechele abi kuputhu nuka mu mesho obe; nyungila kwohya kwamana na biyongola. ²²Kukala mwonyo kumwonyo wobe na kuswelela neke kuyithzala muthi ngo yobe.²³Cho ukenda mungila yakwoloka na mendi kuwa katanuka; ²⁴no ukalala, ku ukathzibi lyoba; nomu ukalala, kulala kwobe kukapwa kwa kutobala.²⁵Kethi mutewe baka ku shangumuna lyoba na kayondo kaje bakanene baka bukenya,ngwe bineja abi, ²⁶mwafwa yehoba aka kala neni kumutambela weni na kunyunga mendi eni kuwakwata muchiliba.²⁷Keithi mubundike bubwa kuli banje bana bupande, hathimbu ije muka kala mubithzili byaku panga. ²⁸kethi wendeke kuli mukweni wakala nendi ,''ya , cho ukeje nawa, na yimene jikakwana,'' oku uli nabyo vimbo ngo.²⁹Kethi uka thinganyekele kulinga bubi kuli mukweni wakela nendi - owo yiwakala nendi mukwoloka hamo nobe. ³⁰Keith ukalika ngane na munu ha kwonwa mulonga, ngwe nechi nalingi chayi chaku kubulumuna yobe.³¹Kethi uka tembuwine munu wabukenya nambe kwangula bingila byendi byonse. ³²Mwafwa munu woshe uje wabubi wapwa waku bulumuna kuli yehoba, oloni aka nene munu wabuthunga mulu kulahelo lwendi.³³Kuthinga cha yehoba chakala hajibo ya munu uje muka kulinga bubi, olone aka kwithula biyibo bya banje banu baka kwoloka. ³⁴Aka lumbilitha baje bakakulumbilitha olojo akana neke kuli banu baje bakakuli kehetha.³⁵Banu bamana bakathswana bumpali olojo bilema bakemana mushwa mwa yabo.

¹Tolilileni, eni bana bange, kubilongetha bya isweni, na kwakamana mangana muthibuke kuthzibithitha echi. ²Jinaku kwana bilongetha byabibwa; kethi umbile bilongetha byange.³Omu jakele mwana kuli batate mwana wamundondo endilika kuli ba nana, ⁴wa jilongethele na kwendeka kuli yange nwendi, '' ethela mbuge yobe yikwalelele kulizwi lyange; nyunga mashiko ange cho uyoya.⁵Nyunga mana na kuthebithitha; kethi wibale nambe kuleununa mazwi ama kanwa kange; ⁶kethi uthethe mana cho akenga ali yobe; mushake ikeye cho aka kuluma mwamubwa.⁷Mana chikeko chuma chimo chinapu chachibwa, mukemo anguleni mana na ku wapangetha oshe mangana mu wanenaho kuthzibithitha. ⁸Thzemeni mana cho aka mizundula ikeye; aka milemetha ngwe mumu tambula ikeye. ⁹Akamithzika chitambala chakumilemetha amutwe weni; aka myana chilongo chachibwa.''¹⁰Tolilila obe munage tambula mangwi ange, cho uka kala na myaka yayingi mukuyoya kwobe. ¹¹Jikulongetha yobe mungila ya mana; jikutwamenena yobe mubi ngila bya kwoloka. ¹²Omwo ukenda, na umo wayi akemana mungila yobe nambe ukashatuka, ku uka tanuka.¹³Kwateleni kubilongetha, kethi mubyechelele; binyungeni, mwafwa binafu kuyoya kuli yeni. ¹⁴Kethi mukabangeye bingila byaba kakulinga bubi nambe kukabangeya bingila byabaje bakukulinga bibi. ¹⁵Lihendenibyo, keith mubikabangeye; tenguluke kuli bikebyo na kuya bingila byeka.¹⁶Mwafwa kubethi kulala kubanga bana lingi bubi na tulo tubethi kutulala kubanga bawane uje yanapande kubulumwitha. ¹⁷Mwafwa bakali kulikende lya bubi na kunwa ku binyu bya bukenya.¹⁸Olojo bingila bya banu bakakwoloka byakala ngwe cheke, chije kamunika manene noho kweta nakuhuka kwali thathe. ¹⁹Bingila bya muka bubi byakala ngwe lithuthulungu - kubyetthi kuthubuka oho baka tanuka.²⁰Obe munange, aka mana kumajwi ange; tengeleka matwi obe kumagwu ange. ²¹Kethi ubechele batunde kumesho obe; banyunge mumbunge yobe.²²Mwafwa majwu ange akala mwonyo kuli baje ba awana na kukanguka ku mibila yabo. ²³Nyungeni bimbunge byeni na kunyungilila mu kwakako mana oshe mwafwa kutunda muli bikebyo mulantunda tuvwelu tuvwelu twa mema a mwonyo.²⁴Akeni kwendeka kwa mauli kulako neni na kwendeka kwakutanganetha kulako neni. ²⁵Ethela mesho obe a kenge kulutwe lwobe kethi ukenge naku noku.²⁶Akeni mendi eni mubingila cho bingila byeni byoshe bikala byabibwa. ²⁷Kethi mutale oku kuchilyo nambe oku kuchimoshwe; tenguluke mendi eni kububi.

¹Obe munge, aka mbuye ku manange; tolilila matwi obe kukuthzibithitha ²change,mangana wathe kulilingetha kuyongola na milungu yobe gathe kunyunga kunangula .³Mwafwa milungu ya chikwithzi imbweka buki na kanwa kendi ka bothsiya kutubakana mathzi, ⁴oloni kushongo alubala ngwe saha ibantula ngwe mukwale wakubambuka.⁵Mwanja wendi atthikumuka ku buthsibinambo byendi biya nakweta ku shiyole. ⁶Kethi kwana bithinganyeka kubingila bya mwonyo.kwenda chendi chikalumbwangela; kethi kethzibuka oka ali nakuya.⁷Choni, eni banabange, tolilila kuli yange; kethi mutrngaluke kutunda kukuthzilila ku majia amu kanwa kange. ⁸Nyangila bi ngila boyobe halyala nendi cho kethi wuje kuyehi na chiikolo cha njubo yendi.⁹Mungiloyo kuukana kulema chobe ku bakweni nameme myaka ya mwonyo wobe ku munu wa bakenya; ¹⁰bangethzi kubakalithamba ha bithzili byobe; kupanga chobe kuchikayi mu njubo ya metandinda.¹¹Kumamanethelelo a mwonyo wobe ukateta omu mushuni wobe na mubila wobe ukapwa wangocho.Ukendeka ngwobe, ¹²'' omwo njathzindile bilongetha cho na mbange yange yashawile kwolola!¹³Kanyathzibililile kalyiji lya ba longethi bange nameme kutolilila litwi lyange kuli baka kulongetha. ¹⁴Njetele hayehi nakunyonga mukatika mbunga, hakati ka banu bakungulukile.''¹⁵Nwa mema kutunda mu mulondo wobe ibenya na kunwa mema akwata kutunda mu lithima lyobe ibenya. ¹⁶oshe ngwe tubwelubwelu twobe tukaya mwoshemoshe na tundonga twobe twa mema tuketa mu banu ndi? ¹⁷twechele tukapwe twobe likalyobe cho kethi tukapwe twabangenthzi uli nabo.¹⁸Echela kabwelabwela kobe kapwa kakubethzika cho ukabwalabwela kobe kapwe kakubethzika cho ukabwahelele muli munakathzi wa bukwenje bwobe,mwafwa napu shonge wachithzemo na wabo wa shonge ¹⁹waneke.Echela mashwe endi akukutithe muthmbu yoshe; echela utwalelele kupenda na chithzemo chendi.²⁰Mwafwa bikayo yobe, munange, bakutenga bundungo kuli chikwithzi? mwafwa bika utabela nalo ya manakathzi wababi? ²¹Yehoba akamono byuma byoshe akapanga munu na kumona bingila byoshe akendemo²³Munu wamubi ambatewa na kujilala chendi ibenga; cho mikole ya bubi bwendi imukuta nathzili. ²²Cho athsa mwafwa kethi na bilongetha; bamutunditha mungila hamulonga wa bulema bwendi bwakama.

¹Obe munange ashe alitumbikila bimbongo byobe kupwa hakutakamena kumukuli kuli mukweni oshe ngwe wanene kushika ku mukuli wa munu kuwathzibukile, ²cho walitela muheto obe ibenya ha kashika chobe cho banakukwata kwitila mu majwi amakukanwa kobe.³Oshe ngwe banakukwata na mujwi obe munange, linga ngechi na kulilwila yobe babenya hakupwa unawila muliboko lya mukweni; ya ukalyonone nakupaga mulonga wobe kumesho a mukweni.⁴Kethi wechele mesho obe kulala na binapeyo bya mesho obe kunenguka. ⁵Lilwile obe libenya ngwe mbambi atunda muliboko lya chiyambi, ngwe kathzila kutunda muliboko lya muhelo.⁶Kenga hali kalongo ,obe munu wabuwa ambata bingila byendi; na kupwe na mana. ⁷Kakele na ntwama, mukupanga, nameme mukakuyula, ⁸Olojo akabwhetha kulya chendi mu ndombo cho muthimbu ya kuteja akatulika ebi akalya.⁹Ukalala thimbu yakupwa hali, obe munu wabulwa? ukenduka thimbu muka kutunda mutulo twobe? ¹⁰''Tulo twatundondo, kunenguka chachindondo kukoneka maboko chachindondo mukuhuuma'' --- ¹¹cho kuyanda chobe chikaija ngwe muthzi cho nebi uthetela ngwe lishwalale wakulyanganya.¹²Munu wakwilika bulemu -- munuwa bubi --- akayoyo kwitila mu bukupakupa bwa muthzimba wendi, ¹³kunyateya mesho endi; kupanga bi mwetho na mwanja wendi na kwinika na minye yendi.¹⁴Akatungu byabibi na biyongola byabubi mu mbunge yendi;thimbu yoshe akashangumuna kujokota. ¹⁵Ngachije bukalu bwendi bukamwamba ta oho bene; mukathimba bakamupokothzola kutubakanetha mukukanguka.¹⁶kwakala byuma bitanu na chimo obyo athzinda yehoba, bitanu na bibali obyo byapwa byakushwaitha kuli lyakeye:¹⁷mesho a munu wakulithziba, likimi lije likakwithi; maboko aye akella maninga abanu bakwilika mulonga, ¹⁸Mbunge ije ikatunga bingila byabibi mwanja uje ukashatula bwathu kupanga bubi, ¹⁹mukaleho ou akatuhula makuli umo ou akanenetha bindolome kuluwangana.²⁰Obe munange, tabela mashiko aba ishocho kethi wibale kulongetha chaba nyoko. ²¹Byake mu mbunge yobe thimbu yoshe; bikutile kuthzengulwita thingo yobe.²²Omwo wenda bikakutwamenena; cho omwo winduka, bikakunyangetha. ²³Mwafwa mashiko anapu ndey, cho kulongetha chiapu cheke; cho kwalola chije chikaija na bilongetha binapu bingila bya bayoye.²⁴Bikakunyungu kutunda kuli iye munakathzi wa bubi, kutunda kulilimi lyabothsiya lya munakathzi wa bibi. ²⁵Keth utayeye mu mbaunge yobe hamina ya bubwa bwendi cho kethi umwechele akawambate na bikenikeni byendi.²⁶Ndando ya chikoi yapwa ndando ya mukasha wa likende, oloni munakathzi ula munalume weka akashakethzeka bubwa wa mwonyo. ²⁷Nkuma munu natha kwambata tuhya hanulo yendi chakwilika kwenyeka buthzalo bwendi ndi?²⁸Nkuma munu natha kwendela ha manunga a tuhya chakwilika myanja yendi kwenya ndi? ²⁹chimolika na munalume uje aya ku munakathzi wa mukwabo, uje akamukwata kakayi chakiyeneka kashitiko.³⁰Banu kubethi kulimbulula mwithzi oshe ngwe aiba mangana abwehelethe kushaka chendi omwo athziba njala. ³¹Olojoni oshe gwe banamukwata akelwitha bije katanu nakabali; napande kwana byuma byonse byandando bya munjubo yendi.³²Ou akalingi bukwithzi kalele na mana; ou akachipanga akalinyongetha babenya, ³³Cho bimbandu na shwamana bikebyo binampande cho na kushuka chendi kubakabitandithako.³⁴Mwafwa lifuwa likanenetha munu kulubala; kakasholola neke halitangwa lya kuhitha. ³⁵Kakatabela fweto cho katha kumulanda nambe mumwane bwana bwabwingi.

¹Munange, nyunga majwi ange na kutulika mashiko ange muli yobe babenya. ²Nyunga mashiko ange mangana uyoye, na kunyunga bilongetho ngwe bushukwa bwa lisho lyobe. ³Akutilile haminye yobe; athone mukati ka mbunge yobe,⁴Endeka kumaana, " Yobe undolome yange." Cho ukale waku thzibithitha kabushoko kobe, ⁵ha kulinga ulinyunge yobe babenya kutunda kumunakathzi wabukwithzi, kutunda kumunakathzi ou majwi endi apwa akwononwetha.⁶Njakekele na kukenga ha njanena ya njubo yange. ⁷Njakele ha bwanike bwa banu, cho nja mwene ha kati kaba kweje aba akele na maana a bwanike.⁸Uje mukwenje wetile mungila kuyehi na njubo yauje mumbanda. Cho mukwenje wayile halutwe ya njubo ya uje mumbanda. ⁹Yakele muje bwibwibwi, mangwethzi a litangwa, ha thimbu ya buthsiki na lithuthulungu.¹⁰Haje uje munakathzi amuwanene, athzalele ngwe chikwithzi, mumbunge ya makuli. ¹¹Wakele na kutambekela na kukenyuka; cho kakele na kutumametha ha njubo yendi. ¹²Akele na kwendangana mu bingila, cho lalo mubulandethelo, wakele na kwimanena ha mathambwa angila na kubandamena kukwata banalume.¹³Cho wa mumbutukilile uje mukwenje na kumuthsemba, na lijwi lya kukaluka wendekele kuli ikeye ngwendi, ¹⁴"Lelo njalingi biñombelo bya kwoloka, njashulitha kulithinga kwange, ¹⁵cho njineja na kukuwana, cho njashake ka chihanga chobe, cho nawa nja kuwana.¹⁶Njinafwiki bulili bwange na binanga bya mabala mabala kutunda ku Ingito. ¹⁷Ha bulili bwange nja myangelaho mathzi a miila, malimangango, na sinamone. ¹⁸Ija, tunwe na kubwahelela na chithzemo noho ku mutondo; echa tubwahelele mwakama mubilinga byetu bya chithzemo.¹⁹Omu mukalimbo lyange watundaho hanjubo; waya bungethzi bwa kulyala. ²⁰Wambata lipakumuna lyendi lya bimbongo; akeluka hembo ei ngonde ikeja." ²¹Nakuthzembeleka kwendi kwakama alumwine uje mukwenje; ha majwi endi akuthzembeleka tunwa twendi a mwalumwine uje mukwenje.²²Haje bene waile nendi ngwe ngombe aya na kumuthsiya, nambe ngwe chilema banana kashitiko na malenge, ²³noho mukuli umutiba mumbunge. Napu ngwe kathzila uje nathsi mu mweto. Kathzibukile ngwe mwonyo wendi uli mu bushonde.²⁴Ngechi bana bange, njitolilileni yange; tolililelenu majwi atunda mukanwa kange. ²⁵Kethi bimbunge byeni bikalumuke naku kabangeya bingila byendi; kethi mukatemunwine bingila byendi.²⁶Munakathzi wangechi nalingitha banu babengi kuwa hathi ngwe mikili; baje ba nathsi babengi. ²⁷Njubo yendi ili mu ngila ya Shiole; bakayi mubi batulo bya bulili bwa kuthsa.

¹Cho kuma maana ku wekutambekela? Kumani kuthzibithitha kwendi kukatambakana lizwi ²lyendi? Akamwa ya malundu kuyehi na ngila, ha mathambwa angila, Maana anambata bwimano bwendi. ³Thimbu kanda ete ha bikolo bya kukobela munganda, ha chikolo munganda, walilile nakutambakana.⁴"Chili kuli yeni, baanu baje njithana; lijwi lyange linethzila baana babanu. ⁵Yeni ba kweeba, lilongetheni maana; cho neni bilema, munapande kuthzibithitha bwino.⁶Tolilileni, mwafwa njendeka byuma byabibwa, cho munjashama mukanwa kange njendeka byuma bya bibwa. ⁷Mwafwa kanwa kange kendeka byuma byabuthunga, cho ngechi bubi bwakala chiyobo mu tunwa twange.⁸Oshe majwi amukanwa kange akwoloka; mukemo kumwethi akumbilumuna nambe bithinganyeka bya bubi. ⁹Oshe anapu akwoloka kuli uje munu awa thzibithitha; majwi ange a kwoloka kuli baje boshe baka wanamo mangana.¹⁰Baje batambula bilongetha byange batubakana siliba; batambula mangana akutubakana ngolinde. ¹¹Omu mangana amabwa kutubakana mamanya aseho; kukwethi chuma chachibwa chikapwitha hamo nendi.¹²Yange, mangana, akuyoya nji muka kunongonona, cho njakala na mangana akusompa kwakubwa. ¹³Lyoba lyakutewa Yehoba kubanga uthzinde bubi. Yange njathzinda kulyaletha na kulyana bukama, ngila yabubi, na majwi amakuli. Njaba thzinda.¹⁴Njili na bukwatho bwabubwa na mangana a mabwa; njinapu waku nanga; bithzili nawa byakala kuli yange. ¹⁵Hali yange bimyene bakaswana, naba kakuyula bakalinga mashiko aje a mabwa. ¹⁶Hali yange baana babi myene bakayula, bangulu, na bakusompetha mwamubwa.¹⁷Njathzema baje ba njithzema nange, na boshe baje banjitonda yange manene, bakajiwana. ¹⁸Kuli yange kuli bufuko na kalemetha, bufuko bwa myaka yoshe na kuthungama.¹⁹Bushuka bwange bwatubakana ngolinde; nambe ngolinde ije ineti mutuhya; binjikateje binatubakana silba. ²⁰Njikende mungila ya kusungama, mukati kabingila byabibwa. ²¹Mwafwa wechi, nja pwithile baje banjithzemene kuswana bufuka; njika shulitha bishete byabo.²²Yehoba anjitangele mumaputikilo, wakulibanga kukutanga chendi myaka yakutheñulu. ²³Ku myaka laja oyo kunjakele—kutunda hakilibanga, na nakutunda kumaputukilo a lifuti.²⁴Thimbu kanda kukale Kalunga meema, njathemukile laja— thimbu kanda kukale tubwelu bwelu twa meema twa kwandununa binginga bya meema. ²⁵Thimbu kanda minkinda ikaleko na thimbu kanda malundu bawatumbike mu myela yawo, yange njasemuka laja.²⁶Nja themukile kanda Yehoba atange kaye nambe mahya nambe likungu lya kulibanga mu kaye. ²⁷Kunjakele omu a tangele meelu, omu afundile mufunda hakamwa yakuloba.²⁸Kunjakele omu atangele mashelwa mwilu na mwilu na mwilu na tubwelu bwelu twa meema aluloba. ²⁹Kunjakele omu akele nginga ya Kalunga ndonga, cho meema kethi ajalele kutubakana lishiko lyendi, nomu akele nginga ya lubula lwa kaye.³⁰Njakele nendi, ngwe muka kushonga wabutongwe; njakele njinakumuthzibitha kubwaha hatangwa hatangwa, kubwahelela thimbu yoshe.³¹Njakele na kubwahelela mu kaye kendi koshe, cho kubwahelela change chakele mu baana ba lifuti.³²Cho bana bange, njitolilileni, boshe baje banyunga bingila byange ba kupwa baku bethzika. ³³Tolilileni bilongetha byange mukale na maana kethi mulimbunune. ³⁴Woshe owo anjitolilila akakala wakubethzika. Akakala na kukenga ha litangwa ha litangwa ku chikolo change, kubandamena nendi bitumo hachikolo change.³⁵Owo woshe akanjiwana ha myaka yoshe, akawana mwonyo, cho lalo akawana kubethzika cha Yehoba. ³⁶Oloni uje woshe akahona, akababaletha mwonyo wendi; boshe baje banjithzinda yange bathsema kutsa."

¹Maana alitungila njubo yawo; kutunda a mamanya a na shongo bithini bitatu na bibali. ²Nathsiile bimuna bendi, na kumbathanene binyu, cho na bwaetha metha yendi.³Natumu bangamba bendi ba bambanda; ali na kulambekela kutundila a malundu a nganda, ⁴"iyajo wa kweba? Aije kuno!'' Ali nakwendeka kuli uje wa kweneka maana.⁵"Ija, lya byakulya byange, na kunwa binyu binja kumbathana. ⁶Thethza bilinga byobe bya kweeba cho uyoye; enda mungila ya kunanguka.⁷Woshe owo olola munu wa kalimbwilithzi a kashauka, cho woshe a yalumukila munu wa wa mubi atambula kayando. ⁸Kethi wolole munu wa kalimbwilithzi, cho a kuthzinda; olola munu wa maana, cho a kuthzema. ⁹Ana munu wa maana, cho akelako ku maana; longetha munu wa kulongwa, cho akelako ku kulilongetha chendi.¹⁰Lyoba lya Yehoba ku shangumuka kwa maana, cho mangana ou wa kuthzila, ikala kuthzibithitha. ¹¹Kwitila muli yange matangwa obe a tuminako, cho ba kakelako na myaka yobe ya kuyoya. ¹²Oshe uli na maana, maana obe, cho lalo oshe u kalumbilitha, kukala kwobe obelika,"¹³15 Munakathzi wa chilema chiswangila; kuba mulongethele cho kukwethi cha thzibuka. ¹⁴Aka tumama achikolo cha njubo yendi, achitumano chili a myela ya kumbaluka ya mbaka. ¹⁵Ali na kuthana baje bali na kwita mubingila, banu bali na kulitila mu ngila.¹⁶"Kukale umo wa kweeba aije kuno," nendeka kuli baje kubethi na mangana. ¹⁷"Meema akwiba a tobala, cho na likende lya chithzila lya tobala. ¹⁸Oloni kathzibuka ngwendi bathsi kubali, ngwe banakathzi bendi banakaamba bali ku Shiole.

¹Mwana wa maana a bwaeleletha ishe oloni mwana wa kweeba akoletha baina shwamwa. ²Bufuko bwakuwama mungila yaibi kubwethi kwana so, oloni kulinga mwamubwa ku kwamena ku kuthsa. ³Yehoba kethi kutabetha mwonyo wa munu wa buthunga kukala na njala, oloni a konowetha bishungwiya bya wa biinga bya bibi.⁴Liboko lya bulwa lika nenetha munu kuhutwa oloni liboka lya munu mukakupanga na maana nenela bufuko. ⁵Mwana wa maana akungulula mbuto mu ndombo, oloni chipwa cha shwamwa oshe alala athimbu ya kutezha.⁶Bibethzithitho bya kutunda kuli njambi bili akamwa ya mutwe ya muu wa buthwunga, oloni kanwa kawa bilinga bya bibi ka shila na bukenya. ⁷Munu wa buthwanga aka bwaetetha banzhe ba mwanuka, oloni lithnzina bya wa bubi ba libala.⁸Wa maana mu mbunge a tambula mashiko, oloni wa kumbwambwata bya kuzhena maana a linyogetha. ⁹Ou enda mubushunga enda mu kwoloka, oloni ou enda mwa kupengapenga, ba ka muwaka.¹⁰Ou muka kukenwina lisho a kanene chinyengo, oloni mumbi wa kubwambwata aya ku kunyonga. ¹¹Kanwa ka munu wa buthwanga ka bwelubwelu ka mema a mwonyo, oloni kanwa ka wa bilinga bya bibi kashula na bukenya.¹²Chithzindo chika shanguma binata, oloni chithzemo chika fiki milonga yoshe. ¹³Maana a waniwa a tunwatwa munu wa maana, oloni chibathzi cha anima ya yanje wa kujeneka maana.¹⁴banu ba maana baka nyungu mangana, oloni kanwa ka mulumbi ka kanene kuyonga muyehi. ¹⁵Bufuko bwa muka kufuka bunapu chimpaka chendi, buutu bwa ba ka kuutwa chikesho kunyonga chabo.¹⁶Fwetonya banu ba buthunga ika twala ku mwonyo; fweto ya wa bilingi bya bibi ika batwala ku kulinga bubi. ¹⁷Kuli ngila ya kuyaku mwonyo kuli uje a kabangeya bi ba mwolola, oloni uje abyana kumunagula chi mutwala ku kunyonga.¹⁸Uje woshe asweka chithzindo a kambulula makuli, uje oshe muka kwambula bya likamba chilema. ¹⁹kwendeka majwi a mengi, munu natha kuthebuka, olojo uje wa kunyanyama akaka mbunge kuli bije byali na kwendeka.²⁰Likimi lya munu wa buthunga lyapwa silivela ya ibwa, muli bulemu bwabundondo mu mbuje ya munu wa bilinga bya bibi. ²¹Tunwa twa munu wa buthunga tuyoyetha babengi, oloni bilema bakathsi mwafwa ya kweneka maana.²²bibethzikitho bya Yehoba binena bufuko cho kethi kwakelako. ²³Kulinga bilinga bya bibi bukebwo bweho bwakehe mulumbi, oloni maana akaeo kubwaelela cha munu wa kuthzibithitha.²⁴Lyoba lya munu wa bilinga bya bibi bika mu tengulukila, oloni kushaka chabanu ba buthunga chika lingiwa. ²⁵Babilinga bya bibi bali ngwe nyothnzi ya liwuthnzi ije iketi, cho kuba kalako lalo, oloni munu wa buthunga napu mutula uje ukalako bithimbu byoshe.²⁶Ngechi mwa vininga ili a mayo na bwithi buli mu mesho, mukemwo chili na mullwa kuli baje ba na mutumu. ²⁷Kuthiba Yehoba lyoba chikalingitha ku twaleleo kuyoya, oloni myaka ya muka kulinga bya bibi ika keha.²⁸Kubandamena cha banu ba bushunga kukwo kubweela kwabo, oloni kubandamena cha banu baka kulinga bubi chi kanyonga. ²⁹Ngila ya yehoba ikebyo bithnzili bya baje bali na buthunga, oloni kunyonga kuli banje ba lilinga bya bibi. ³⁰Munu wa buthunga ku bakathaku mutundithao, oloni ba bilinga bya bibi tumana mulifuti.³¹³²Mukanwa ka munu wa buthunga mu katundu bushuka bwa maan, oloni lilimi lya ba kali baula. Tunwa twa munu wa buthunga tuthzibuka chije chika nenetha kutetela.

¹Bipetheletho bya makuli byapwa bibi kuli yehoba, oloni abwaelale mubi petheletho bya bibwa. ²Omo bakulyahetha bakaija, cho bakathziba shwama, oloni bakakuli ke etha bakakala na mana.³Buthunga bwe makwakulema buka mu nyunga , oloni ngila ya banu bama kupakupa ikabatwala mukuba nyengetha. ⁴Bufuko bunapu bwa ngochongocho ali tangwa lya bukalu, oloni kuhinga chachibwa chikakwamena hu butsi.⁵Bilingi bya munu wakujeneka mulonga bika mupangela ngila yakwoloka, oloni baka bubi bakawa mwafwa abubi bwabo babenye. ⁶Bilinga bya bakabuthunga bikanyangu kuyoya chabo,oloni bamakupaku bakatsi, muchina chobo babenya.⁷Omo munu wa bubi natsi, lukula elo lwendi lwathzimangana na lukulaelo lije lwakele mubinthzili byendi lukapwalwa ngochongocho. ⁸Munu wakwoloka bakamwohyela kumukumutinditha kubukalu cho buje bukalu bwendi bukaja ali uje wamubi.⁹Kwendeke kwendi nakwonowa kupwa muka njambi cho akabihitha uje ibalya ta nendi . ¹⁰Omo banu bakwoloka bafuka cho nganda ibwaelela, cho omo bakabubi bathzimangana, cho kukala mitombe yaku bwa elela. ¹¹Mukwetila mukukwithula chaba kwo loka nganda bamai jundula; oloni mukwendeka cha baka bubi nganda bomanyumbila hathi.¹²Munu uje nalubilatha mukwabo kethi na mana oloni munu wakuthzibilila akoloka kulu. ¹³Uje woshe akai nakuthzenguluka na kufweya kekushweka oloni ku ku laela muli muka munthzinthzi, mewathunga ukanyungu nakufwika binanda.¹⁴kuje kukwethi kuli nangula lifuti likau oloni kubwaelela chikaija kwitila mukuli nangula.¹⁵Woshe owo ona mukuli kuli litandinda chili bene akayanda manene, oloni uje alithzinda kuhana chakuku etha chachifwa echi noboka. ¹⁶Munakathzi wangothzi akatambula chishangolo, oloni banu babu kenya bakanyangula bufuko.¹⁷Munu wa neke babenya akamwenamo bya bibwa, oloni munu wa bukenya akalibulumuna ikeye babenya. ¹⁸Munu wabubi akakwitha atambule fweto yendi, oloni uje akuna bije bya kwaloka akateja fweto yabi thunga.¹⁹Munu wabuthinga uje ahinga bije bya kwoloka akayoya, oloni iye akabangeya bubi akatsa. ²⁰Banje bakabimbunge bya bibi yehoba wabathzinda,oloni athzema banje babingila bya busthunga.²¹Pweni babuthunga ali - munu wa bubi katha kuya chakujeneka ku mwana kashitiko, oloni bakukulwila banu babuthunga bakabanyunga mubwoboke. ²²Ngwe mushele wa ngolinde muli jululya ngulu cho ngwe munakathzi wamubwa wkujeneka kapenga kamo.²³Bithinganyeka bya banu bakwoloka bikana bubwa, oloni banu ba bubi kukulaela, oloni banu ba bubi kukulaela chabo chakunena bukalu. ²⁴Numo wai uje akashandala - oloni kutambwilomo bya bingii bamo bakabunondi bene - oloni honga bachiya kupwa baka kuutwa.²⁵Munumukakwana wapwa wakubethzika cho na uje ana mema kuli mukwabo akakala na mema endi babenya. ²⁶Banu bakathingi munu uje abyoma kulandetha bnona oloni bwana bwa bubwa bukafwika ha mutwe wendi uje abilondetha²⁷uje wabushinga ashakethzeka bubwa che cho lola ashakethzeka neke, oloni uje ashake thzeka bubi aka buwana. ²⁸Baje banakulaela mu bufuko bwa bo bakawa, ngwe liputa, oloni baka kwoloka bakaya kulutwe.²⁹Ou anena bukalu munjubo yendi ba benya aka thswana, lhunthzi echo na bulema bukaiya kupwa namba kumbu nge ya mana.³⁰Bushuka bwa kwaloka bunapu muti wa monyo, oloni bukenya bukamba ta nakutunditha myonyo. ³¹Kenga! munu wakoloka bana mwa na fweto ano athi, cho batijo mu kabubi na mukaku bulumuna!.

¹Uje woshe ajanga kumwolola nathzange mangana, oloni uje athzinda kumwolola napu wakujeneka mangana. ²Yehoba akana ñeke kuli munu wamubwa, oloni akajola munu apanga mangan a abubi.³Munu katha kuyoya mukila bubi embwe, oloni wakwoloka kubatha kumutukula. ⁴Munakathzi wamubwa napu chilongo cha munalume wendi; oloni uje anena shwama napu ngwe mushongo wakubola wa mu bitsiya byendi.⁵Bithinganyeka bya muka kwoloka byapwa bya bibwa, oloni kunangula kwa muka bubi kwapwa kwa makuli. ⁶Majwi abanu baka bubi anapu aku bandelela nakutungumuna mangana abandamena kwitila maninga, oloni majwi abuthunga banyunga kupwa ba kwoloka.⁷Banu babubi baka ba tundithaho na kuya bakaya, oloni njubo ya wakwoloka ikemana. ⁸Munu baka mushangala kundakwithzi ya tunwa twendi, oloni mbunge ya bulema bakaikenga na kuishaula.⁹Cha chibwa munu wa mwela waundondo uje ali na ngamba kutubakana uje ali lemetha babenya oloni kethi na bya kulya. ¹⁰Munu wakwoloka aka babalela biba tonda bimuna byendi, oloni bithinganyeka bya muka bubi byapwa bya bukenya.¹¹Uje apanga mulihya lyendi akakala na byakulya bya bingi, oloni uje woshe ashaka chipangi chakuhona nganyo kethi na mangana. ¹²Munu waku bulumuna akali shungwiya bije byana pukula muka bubi mukwabo, oloni wa kwoloka mithzi yendi yapwa ya kola.¹³Muka kubulumuna akalitela nganjo mundakwithzi ya kanwa kendi babenya, oloni munu wa kwoloka akalitundithamu bukalu. ¹⁴Kutunda kubushukwa bwa majwi awa munu akashulu na byuma bya bibwa, ngwe muje bipangi bikapanga maboko endi aka mufwete.¹⁵Ngila ya chilema ya ibwa mu mesho endi babenya, oloni munu wa mana atolilila kuli baka kumunangula. ¹⁶Chilema aka mwetha kutenuka chendi lumo lika, oloni uje aka lumbilitha matuka wapwa wa mangana,¹⁷Uje endeka bya buthunga endeka bije bya bibwa, oloni mukaleo wa makuli aka bulumuna. ¹⁸Majwi auje endeka mwa kukaluka anapu ngwe kubambuka kwa moko ya mukwale, oloni ndakwithzi ya uje ali na mana ikanena chihindu.¹⁹Ndakwithzi ya buthunga ika thimbula myaka yoshe, oloni ndakwithzi ya makuli ya kathimbu ka kandondo. ²⁰Muli kubulumuna mu bimbunge ya baje bali na kuthinganyeka kulinga bubi, oloni kubwaelela kukaija uje akanangula kwoloka.²¹Kukwethi mushongo ukeja ali muka kwoloka, oloni baka bubi bana shulitha natu yando. ²²Ndakwithzi ya makuli yapwa kubulumuna kuli Yehoba, olonu baje bayoya mukukulaela bakebo banu bendi bashaka.²³Munu wa mangana amabwa aka shweke mana endi, oloni mbunge ya chilema ika tambana bya kasautu. ²⁴Liboko lya ku panga manene lika yulu, oloni banu ba bulwa baka bathindiya kupanga.²⁵Chishoti cha mumbunge ya munu chika mwilwitha athi, oloni lijwi lya libwa lika munenela kubwaelela. ²⁶Munu wa kwoloka aka nyungu kabuthamba kendi, oloni ngila ya muka bubi ika batwala kukuthzimbala.²⁷Banu ba bulwa ku bakawana biba shakethzeka embwe, oloni munu wa mangana akatambula bufuko bwa ku bethzika. ²⁸Baje benda mungila ya buthunga baka wana monyo cho mungila yayo kumwethi kuthsa embwe.

¹Mwana wa maana akathzibilila kulongetha cha ishe, oloni muka kushendumuna kathzibilila kumubyanetha. ²Kutunda kubushuka bwa kanwa kendi munu alithzibitha bwino byuma bya bibwa, oloni chashu chamuka kwilika likulahelo awana bukenya.³Ou akanyungu kanwa kendi akanyungu mwonyo wendi, oloni ou ashokolola milungu yendi manene alonyongetha ibenya. ⁴Chashu cha munu wabulwa akathsila oloni nebi awana byahi, oloni chaashu cha munu wakulayana akawanenamo mukushula.⁵Munu wabuthunga athzinda majwi akukwitha, oloni munu wa bibi alithambetha ibenya, nakupanga byuma bya shwamwa. ⁶Buthunga bukanyungu baje nubethi na kuluwitha mubingila byabo, oloni bibi bikanyongetha baje bakalingi bubi.⁷Kuli umo munu ou akalipititha ibenya, oloni kethi nambe nachimo, cho kuli umo munu ou akana kubakwabo byuma byoshe, oloni ali nabufuko bwakutuma. ⁸Fweto ya mwonyo wa mukakufuka yapwa bufuko bwendi, oloni munu wakuyanda kethi kuthziba bya kumuthzibitha lyoba.⁹Chheke cha banu babuthunga kubwahelela, olni ndeya ya banu ba bibi bakaithzima. ¹⁰Kulithziba chikanene lika kulibyanangana, oloni kuli baje bakathzibilila ku bukwathi bwabubwa bakawana maana.¹¹Bufuko bukanyongo ngwe kukwethi buthunga, oloni ou atonda bimbongo kwitila mukupanga na maboko endi anenetha bimbongo byendi kukola. ¹²Omwo kutalelela bachinungulula, chikatabula mbunge, oloni kushungwiya chakushulithiwa chapwa chiti cha mwonyo.¹³Ou woshe alimbulula bilongetha alinenela ibenya ñababa, oloni ou athingimika mashiko bakamufweta. ¹⁴Kulongetha cha munu wa maana chapwa kabwelubwelu ka mwonyo, kukutengulula kutunda kumakambwila a buthsi.¹⁵Kunangula kwakubwa kukawana kutetela, oloni bingila bya wakwilika buthunga byapwa kunyonga. ¹⁶Banu bakufwila bakapanga nakuthzibuka mubithinganyeka byoshe, oloni wathinama akalitumbikila bulema.¹⁷Kanganda wabibi akawila mubukalu, oloni banu ba likulahelo bakanene kulikangula. ¹⁸Ou aliula bilongetha akakala na kuyanda na shwamwa, oloni bulemu bwija kuli ou alilongethela kukumwolola.¹⁹Kuwana chashu chakushungwiya chatobala, oloni kutenguluka kutunda ku bubi chapwa kushaula kuli bilema. ²⁰Enda na banu bamana cho upwa na maana, oloni buthamba bwa bulema buwana kunyonga.²¹Bukalu bukashatuka na bubi, oloni banu babuthunga babafweta na bubwa. ²²Munu wa mubwa akathethze buthwana bwa batekulu bendi, oloni bufuko bwa muka bubi bakabutulikila munu wa buthunga.²³Lihya lya mukakuyanda lyakujeneka kulima lyatha kutuhula kulya chachingi, oloni balyambata na kubatula chachibi. ²⁴Ou woshe elika kupangetha chibathzi chendi athzinda munendi, oloni ou athzema munendi akako maana nakumulongetha.²⁵Munu wabuthunga akali kweta nomu anenetha chashu chendi, oloni lifu lya munu wa bibi litwalelela kupwa na njala.

¹Munakathzi wa mana akatunga njubo yendi; oloni munakathzi wakweba akaibuyula namaboko endi ibenya. ²Ou akende mwakwoloka akathzibi lyoba Yehoba oloni ou wakwilika bathunga mubingila byendi akamulibulula.³Mukanwa ka mukakweba mukatundu chibanthzi chamunima yendi, oloni tunwa twa muka mana takuwanyangu. ⁴Oku kukwethi bingombe, kwakulila tuthitu kukajele, oloni mbuto yakulithala ikatundu mu nthzili ya pulu.⁵Mukaleho wa likalahelo kethikulikwitha. Oloni mukaleko wa nakuli akatuhula makuli. ⁶Muka kuushendumuna akashaka mana cho kukwethi nambe amo, oloni mangana akathima kwija kuli ou muka kuthzibithitha.⁷tunda kuli munu wa kweba, mwafwa kuwana mangana ha tunwa tweneli. ⁸Mana a munu wa mangana apwa akuthzibithutha bingila byendi.⁹Mukakweba akathsopo amwo bwana bwa bubi babukombelela, oloni hakati kababuthunga bakalipanela kutetela. ¹⁰Mbunge yathibuka byakulubaletha byayo cho na ngethzi wahi apangela kubwahelela chacho.¹¹Njubo ya banu ba bibi bakainyongetha, oloni teute ya mukabathunga ikatumamenena. ¹²Kuli ngila ei ikasholoka yakuthungama kuli munu, oloni makumithilo ayo ikatwala lika ku kuthsa.¹³Mbunge yatha kujola oloni ichhibabala lika cho kabwahelela chikumina mu kulinyenga . ¹⁴Wakujeneka likulahelo mu mbunge akawana obyo byapande bingila byendi, oloni munu wa mubana akamana echi cipwa chendi.¹⁵Ou apwa wa kweba atabela byuma byoshe, oloni munu wa mangana akathinganyeka ka binambo byendi. ¹⁶Munalume wa mana akathzibi lyoba na kutenguluka kutunda ku bubi oloni mukakweba kethi kwaka mana kukunyangametha.¹⁷Ou athzambula kulubala akapanga byuma bya bulema, cho munu ou akayongola bingila bya bubi bamuthzinda. ¹⁸Munu wakweba akathwana bulema, oloni banu ba mangana babathwane na kuthzibuka.¹⁹Banu babubi bakathsikama kumwesho abaje bababwa, oloni baje babibi bakathsikamena ku bikolo byabaje banu bathunga. ²⁰Munu wakuyanda bamuthzinda nakuli babuthamba bendi oloni banu babufuko bali na tuthendo babengi.²¹Ou akasholola kwana mulonga kuli mukwabo akabumuna,oloni ou akasholola kutetela kuli muka kuyanda bamubethzikitha. ²²Nkuma baje bakayongola byabibi kubethi kutunda mungila ndi? Aloni buje bakathinganyeka kupanga byabibwa bakatambula chithzemo chakutwalelela na likulahelo.²³Mukupanga chathzili choshe mukaija nambeko, oloni nga kuli kwendeka lika, chikatwala kukuyanda. ²⁴Chilongo cha bana bamana chapwa bufuko bwabo, oloni butema bwamuka kweba bukabanenela lika bulema bwabungi.²⁵Mukaleho wabuthunga akabola myonyo, oloni ou akatuhula makuli akanenetha kulitengulukila.²⁶Mukuthziba yehoba lyo mwakala kutakama chakama; chikapwa mwakabanda kuli bana bendi. ²⁷Kuthziba lyoba Yehoba chapu kabwelubwelu ka mwonyo, mangana munu atenguluke kutunda kumakamwila a kuthsa.²⁸Bumpahu bwa mwene buwanewa mu kutuma chakama cha banu bensi, oloni chakwilika banu mwene nanyongo. ²⁹Manu wambunge yakuhuwima akala na kuthzibithitha chakama,oloni munu wakulubala bwathi akendala balema.³⁰Mbuuge ya kuthimpa yapwa mwonyo wa mubila, oloni chipululu chikaboletha bithsiya. ³¹Ou akalyatelela mukakuyanda akatuku ou wamutangele, oloni ou akashololola kutetela kuli ou achishaka akamulemetha.³²Munu wa bibi bakamutumbukila ku bilinga byendi bya bubi,oloni munu wabuthunga ali nomumwakubanda nambe mu kuthsa. ³³Mana akakwimina mu mbuye yawa bithinganyeka bya kuthzibithitha, oloni nahakati ka bilema akalyechela ibenya mangana bamuthzibuke.³⁴Kupanga byuma byakwoloka chikajundula chifuti; oloni bubi bunapu kulishwatha kuli munu woshe. ³⁵Kutetela cha mwene chakala na ngamba uje akapanga na hitandanulo, oloni butenu bwendi bupwa nauje akapanga bya shwamana.

¹Mukumbu wakulikehetha ikatepulula matooto, oloni mazwi amabi akanenetha kulubala. ²Lilimi laya banu ba maana likendeka mangana, oloni kanwa ka bilema kakendeka bya bulema.³Mesho a Yehoba ali kwoshe, ali nakekenga ha bubi na bubwa. ⁴Lilimi lya kukangwitha linapu muti wa mwonyo, oloni lilimi lya likamba lika tiki sipilitu.⁵Chilema akulahela mubilongetha bya ba ishe, oloni uje akali longetha kuku bihitha ngwendi apwa wakwoloka. ⁶Mu njubo ya muka kulongwa mwakala chishete chakama, oloni fweto ya munu wabubi ikanene bukalu.⁷Tunwa twa ba maaana tukakubu maana, oloni kuchethi ngocho mu bimbunge bya bilema. ⁸Biñombelo bya bubi byapwa chiyobo kuli Yehoba, oloni likombelo lya muka kulongwa unapu kubwahelela chendi.⁹Ngila ya banu babubi inapu chiyobo kuli Yehoba, oloni athzema uje alinga bya buthsunga. ¹⁰Kunyanyametha kwakama manene kwabandemena woshowo athethza nhila na uje woshe athzinda kumunangula akatsa.¹¹Shiole na kunyonga bya kushokolola halutwe ya Yehoba; bimbunge bingahi bya baana babanu? ¹²Mu kakushendemuna kashakale ou mu kakwolola; katha kuya kuli baka maana.¹³Mbunge ya kubwahelela ikapwitha chihanga kujolelela, oloni mbunge ya kubulumuka yikabiitha sipilitu. ¹⁴Mbunge ya kulikehetha ikakengetha mangana, oloni kanwa ka bilema kakali bulema.¹⁵Matangwa oshe apwa aku kubabaletha mu kuyanda, oloni mbunge ya kubwahelela yakala na chiwano cha kujeneka kuhwa. ¹⁶Mwabubwa kukala na lyobalya kutewa Yehoba kutubakana bufuko na tuyando.¹⁷Mwamubwa kulisa bithapa thapa mi njubo muje muli chithzemo kutubakana kulisa thitu ya mathzi mu njubo muje muli chithzindo. ¹⁸Munu wa matooto aka shangumuna bimata, oloni munu wa kuthimpa aka nenetha bimata kuhwa.¹⁹Ngila ya munu wa bulwa ili ngwe mwela uje uli na mambimbo kau bambuka, oloni ngila ya muka kulongwa baitungu helu ya ngila ya kama. ²⁰Mwana wa mangana akanene kubwahelela kuli ishe, oloni munu wa kweba walumbilitha ba ina,²¹Chilema akabwahelela na munu uje wakujeneka maana bwino, oloni ou omwo athzibithitha bwino enda mu ngila ya ²²buthunga. Bithinganyeka bikaluwangana kuje kwaku jeneka kwolola, oloni na baka kwolola babangi ba katha beene.²³Munu akawana kujolela omu anakukumbulula chachibwa; awa majwi ocho kubwaha hathimbu ije. ²⁴Ngila ya mwonyo ikatwala kwilu kuba nguvulu, mangana bathe kutunda ku lifuti lya ba kakutsa.²⁵Yehoba akapujula njubo ya muka kulithziba, oloni akakingi byuma bya fwile. ²⁶Bithinganyeka bya bubi binapu biyobo kuli Yehoba, oloni aka bwahelela na majwi abaka kujela mu bimbunge.²⁷Munu uje wa chipululu akanene bukalu ku naanga yendi, oloni ujethzinda lithzika kanwa akayoya. ²⁸Banu babi mbunge bya buthunga baka thinganyeka oho kanda bachikumulule, oloni kanwa ka banu babubi ba kathzambula kukumbulula mwa mubi.²⁹Yehoba ali kulako kutunda kubanu baka bubi, oloni akathzibi malombelo abanu bakulongwa. ³⁰Cheke cha meesho chikanene kubwahelela ku mbunge cho na mithzimbu wa ubwa ukoletha mubila.³¹Litwi lije lika tolilila kwana cha mwonyo bika byanetha banu ba mangana ku tumama hakaati kabo. ³²Woshe owo abyana kumulongetha ali na kuliyeluwisa lika babenya, oloni ou woshe atolilila kumunangula akapwa muka kuthzibithitha.³³Lyoba lya kutewa Yehoba linapu bilongetha bya maana, cho bunu bukeja halutwe lya kathingimiko.

¹Bithinganyeka bya mu mbunge byakala muli munu, oloni ku kumbulula chi katundu mukanwa kendi chikatundu kuli Yehoba. ²Bingila bya munu bikasholoka bubw ku mu mesho endi babenya, oloni Yehoba aka pethzeletha masipilitu.³Aana bipangi byobe kuli Yehoba na bithinganyeka byobe bika lumbunuka. ⁴Yehoba natanga byuma byoshe bili na butumbe bwacho, cho baka bubi bakala na litangwa lyabo lya bukalu.⁵Yoshe mbunge , yakulyaletha inapu chiyobo kuli Yehoba, oloni kulahela ngechi, kubakayi kwakujeneka kashitiko. ⁶Na chithzemo cha thimbu yoshe na lukulahelo lwakufuma kwithi ya mbunge na kulikonekela cho na lyoba lya Yehoba banu ba kalumuke kutunda ku bubi.⁷Nga bingila bya munu bya bibwa kuli Yehoba, akalingitha na baka ñole ba uje munu kukala ba kwoloka nendi. ⁸Chachibwa ukale na twatundondo mu bushunga kutubakana na bya bingi bya mathzika kanwa.⁹Mu mbunge ya munu akathinganyeka ngila yendi, oloni Yehoba akatwamenena manambo endi. ¹⁰Kuthzibukitha byuma chili ha kanwa ka mweene; kanwa kendi kethi kathzimbalethe bubwa.¹¹Kupethzeletha kwabushunga kukatundu kuli Yehoba; kulema choshe chili muli pakumuna binapu bipangi byendi. ¹²Kulinga bubi chapwa biyobo kuli mweene, mwafwa lindanda lya tumbama mu kulinga bya bibwa.¹³bushunga bwa tunwa binapu bubwa bwa mweene, cho athema munu uje akendeka majwi abushunga. ¹⁴Kulubala cha mweene chinapu muluwa ku kutsa oloni munu wa maana aketeha kutepulula kulubala kwendi.¹⁵Mu cheke cha chihanga cha mweene muli mwonyo cho kutetela chendi chinapu ngwe lishelwa lije likanene kabwelu bwelu ka ngothzi. ¹⁶Chachibwa kutambula maana kutubakana ngolinde, kuthzibithitha chinapande kuchangula manene kutubakana siliba.¹⁷Bitapalo bya buthunga bikalumwitha kutunda kububi; ou umo akanyungu ngila yendi akanyungu mwonyo wendi. ¹⁸Kulithziba chikakalako kanda laja abulumuke na kulithziba cha sipilitu kanda inyonge.¹⁹Mwamubwa kuli kehetha mu sipilitu hakati ka banu tuhutu kutubakana kulyandununa kububi na banu baka kulithziba. ²⁰Woshe owo aketuluka biba kamulongetha cho akawana bya bibwa, cho baje bana kulahela muli Yehoba akababethzikitha.²¹Umo uje ali na mbunge ya maana ikeye lihako wa kubatula ñanda mu buthunga na tobaletho ya majwi endeketho yendi anene nthzili ya kulongetha. ²²Kuthzibithitha chinapu lubula lya mwonyo kuli umo uje alinayo, oloni kulongetha bilema kwapwa kubiitha thimbu.²³Mbunge ya munu ya maana ikana thzili mukanwa kendi cho akakelako bubwa ku kanwa kendi. ²⁴Majwi amabwa anapu ngenga ya buki— kutobala cha mwonyo na kukanguka cha bithsiya.²⁵Kuli ngila ije isholoka bubwa ku munu, oloni mamanethelelo inapu ngila ya kutsa. ²⁶Chashu chabaka bipangu bendi chikamupangela; njala yendi ikamwetethaho.²⁷Munu wa lilakulaku akalindila babenya katumaneno kakabi. ²⁸Munu wa mubi a kashandola lufwe na kufweha kuka pangununa tuthendo.²⁹Munu wa bukenye aka kwithi bakwabo na kubatwala mu ngila ya bubi ya kujeneka bubwa. ³⁰Munu uje akanyateya na lisho anena makuli; baje bakoloka kuulu ba kanenetha bubi kuhwa.³¹³²Biñambu bya bwele binapu chilongo cha bumpahu; ikawanewa lika mu kutumbama bwino. Chachibwa kujeneka kulubala bwathi kutubakana kupwa uli swalale na umo wakutwamenena sipilitu napu wathzili kubakana umo nafungulula nganda.³³Lyongo banalite ha mendi, oloni, oloni bithinganyeka bya tunda kuli Yehoba.

¹Mwa mubwa kulakala na kulyakikende mukwoloka kutubakana kulya chakushula mu jibo muli jibo muli kulubala. ²Ngamba uje wamana akatha kuyuli mwana uje ya panga bilinga bya shamwa cho aka pangela buthswana ngwe³Siliba na ngolinde ba bye nyeka na tuhya oloio Yehoba a katala mubimbunge. ⁴Baka kubulumuna kaka mana ku bubi bwa tumwa twabo.⁵Uje woshe yaka lubilitha wa ku utwa cho na tuku shukulu nambe uje ya bwahelela kubindama napande kwita mukashiko. ⁶Balekulu bakala chilongo kuli tukulukathzitwambo na bisemi nwawa baka nene kathingumiko kubana babo⁷Kwendeka kuje kwakubwa kukwa fwilile shilema; manene ni tunwa twamuna mwene kutwapandele kwendeka makuli. ⁸Shombola napu ngwe aje mamanya a matheno kuli ya wana; kwoshe kwose kwatalekethela, kubanga a wana.⁹Uje wowe yalibulu mulonga kapandele kuwanena chithango. Olojo uje woshelukila chuma cha nakehe thako babuthamba. ¹⁰Kuthompetha chakala na munu uje yana pande ku thzibithitha ku tubakana na wuthziuje lyalingi likobela muli munu uje wa chilema.¹¹Munu wakubuluna thumbu yoshe a katondo pindangano, cho bakamutumina nawa munu ije wa kumuhyana ikeye. ¹²Chinabwa kuliwana na shanda uje yibanano bana bendi mubuthe buthe kutubakana kuliwana na chilema uje nalyaka mubulema.¹³Oshe munu eluutha bubi halichye cha chibwa, cho nabubi tangwa kubwa tuyuka mujubo yendi. ¹⁴Kushangumuka cha bimata chapwa ngwe uje ashangelela mema kwoshe kwoshe na kwenda kutunda kuje kukuli kukakananga hathimbu kanda buchitube.¹⁵Uje munu ya jeneka kwana mulonga uje mukakulinga bubi cho na munu uje yaka hitha munu muka kwoloka --- boshe mububali bwabo banapu chiyobo kuli yehoba. ¹⁶Mwafwa bika chilemu napande kufweta bumbongo bya kupanda kukala na mana okwo kethi namana?¹⁷mukabuthamba uje wapanda kusholdachithemo thimu yoshe na ndolome uje nathemukila mabukalu thimbu yoshe. ¹⁸Munalume uje wakwonwa mana aka kutu lukulahetho na kukala ikeye wa kwambatelako milonga bakwobo¹⁹Uje woshe wathanga pindangano wathanga nawa bubi; woshe wajundula chikobo chendi washaka kubulumuna. ²⁰Munu uje wakala na mbange yamakupapa kethi kuwana nambe chimo chahibwa uje wakala na lilimi lya kwendela byabubi thimbu yoshe akawila mumabukalu.²¹Uje woshe akala chisemi wachilema akali nenela kayondo na buthiwa kuli ikeye babenya; cho chisemi uje wa munaluma wachilema katha kubwahelela. ²²Mbunge yapwathe yeke yo bumbmbanada bwabubwa, olojo mwonyo uje bana polola ukomitha bithiya.²³Uje munu wamubi ikeyi akatabula mathzika kanwa mubuthethe mangana a engethe nanda. ²⁴Uje aka thzibithitha aka lutwe mesho endi ha kukala namana, olojo uje chilema mesho endi aka tata ha byuma bya kuhwa bya hano hathi.²⁵Uje mwana wachilema aka nene binyengo kuli ishe na kavavala manene kumbunge kuli vayina bakumu kita. ²⁶Nawa, kuchapwile chachibwa kwaka uje wamumbwa mukashitiko; nambe kupupa munu wachili kubuthunga bwengi.²⁷Uje wakala na mangana aka pangetha mazwi amandondo na uje wa kwoloka mumwonyo wendi wakala wa kuthzibithitha. ²⁸Nambe chilema ngwe oloka nayikeye baka mutumbula ngwabo wa mangana ; la ngwa wa mangana.

¹Uje ya lipangununa nangula kushaka chendi babenya, ²chilema katha kuwana kubwahelela mu kuthzibithitha, olojo mu kulisholwetha mukati kumbunge yendi.³Omu munu wa bubi eja, mulonga ukamuwana— shwamwa na kushauka bikaija hamolika nendi. ⁴Majwi amukanwa ka munu apwa meema akuloba; kabwelubwelu kameema a mangana apwa ngwe kandonga kakandondo kameema ana kashatuka.⁵Kuchakele cha chibwa kwangula munu wabubi, nambe kubindika bubwa kuli munu uje a buthunga. ⁶Kanwa ka chilema kaka munenela bimata cho kaka munenela nawa ku mupupa.⁷Kanwa ka chilema kakala chiyulo chendi cho akalikutu yikeye babenya na tunwa twendi. ⁸Majwi amukakuyongola apwa ngwe tuje tubya kulya twa kutobala twatundondo cho tukakobela mukati ka mubila.¹⁰Nambe, uje wakala na bilwa wakupanga napu ndolome ya uje mukakubihitha manene. ⁹Lithzina lya Yehoba lyakala kaposhi kaje kakukola; munu wabuthunga yaita muli kakeko akoboka.¹¹Bufuko bwa mukakufuka bukeko bwa mu thzengeleka ngwe omu nganda ije bana thzengeleka muchipaka, na bithinganyeka byendi bya bilaha. ¹²Mbunge ya kulilundumika yikanenetha munu kuwa, olojo kathingimiko kakaija hanima ya kulikehetha.¹³Uje woshe akalibanga kutaba hathimbu kanda a thzibilile— chapwa chabulema nawa chashwamwa. ¹⁴Mbunge ya munu yina pande kuthimpa hakubija, olojo iya napande kwambata mbunge ya kupokoka?¹⁵Mbunga ya muka kunyanyama ika shaketha mangana cho kuthzibilila kumu ka mana ba chitonda tonda. ¹⁶Bwana wa munu bunatha kushokolola bingila nambe kunenela munalume wa kutakama.¹⁷Chakulibanga chije chakulikonekela mulonga uje usholoka wabuthunga noho uje anakumulwitha eja nakukwihula. ¹⁸Kwasha lyongo chikamanetha bimata cho chikandununa uje ali nabithzili kuhyana mukwabo.¹⁹Uje ndolome bana bulumwina napu wa mukalu kufungulula kutukana nganda ije ya kukola, na bijokota binapu ngwe bikubo bya kuchipaka. ²⁰Kutundilila lika mubushuka bwa mukanwa kendi na lifu lyendi lika shulu na kuteja kwa tunwa akakala wa kukuta.²¹Kuthsa na kuyoya chikatundila mu lilimi, cho nabaje bashaka lilimi bakalya kubishuka bwalyo. ²²Uje nawana munakathzi wakwambata nalingi cha chibwa cho nawa akatambula ñekekutunda kuli Yehoba.²³Uje wa kuhutwa walomba kumu thzibila ngothzi, olojo mukakufuka aka kumbulula nalikamba. ²⁴Uje walishangala kukala baka buthamba ba bengi a kalishakela kubulumuka, olojo kwakala kabuthamba uje wakala kuyehi kutubakana ndolome.

¹Chachibwa munu wa kuhutwa kwenda mwabuthunga kutubakana ije endeka makuli cho napu chilema. ²Chololo, kethi chachibwa kuthinganyeka chakwonowa mangoma cho na uje ashatuka manene akathzimbaletha ngila.³Bulema bwa munu bukanyongetha monyo wendi cho mbunge yendi kuyekweta kuli yehoba embwe. ⁴Bufuko bukanena babuthamba, oloni munu wakuhutwa akalyondununa kuli babusamba bendi.⁵Mukaleo wamakuli katha kuya chakujemeka kumwana kashitiko cho nanje endeka bya makuli kubaka mwethela. ⁶Babangi bakashaka kulonba neke kutunda kuli munu wakathingimiko cho ali woshe napu muthamba wa uje akana bwana.⁷Boshe bandoleme ba munu wakuhutwa bakamuthzindi; cho bati oni babuthamba bendi baje baya kulyala kutunda kuli ikeye! cho wabakabangeye - thethe namojwi, oloni baile. ⁸Uje atambula mana nathzange monyo wendi babenya; uje ayunga kuthzi bithitha aka tambula bya bibwa.⁹Mukaleo wamakuli katha kuya cha kujeneka kumwana kashiliko,oloni uje endeka bya makuli akanyoga. ¹⁰Kuchapandele chilema kuyoya mwa mubwa - cho na ndungo kapandele ku yula ali bana babimyene embwe.¹¹Chinyongo chachibwa chije chikwatha munu kwonowa kulubala bwathi bwathi cho bumpau bwendi bwonowetha ku bulumuna cha kwabo banu. ¹²Bukalu bwa mwene bunapu ngwe kwonena cha ndumba wamundondo, oloni neke yendi mapu ngwe lime lya ha mwila.¹³Chilema cha mwana akathzibitha shwamwa cho munakathzi wakamwa napu ngwe mema akundwe ka. ¹⁴Njubo na bufuko bya kuthswana kutunda kuli chithemi, oloni munakathzi wa mubwa watunda kuli Yehoba.¹⁵Bulwa bukombila munu mutulo twa ka ma, oloni uje kashaka kupanga akatsa njala. ¹⁶Uje ononokela mathiko anyunga monyo wendi, oloni uje athembulula ngila yendi ikatsa¹⁷Woshe uje ali nangothzi ali chihutu na kololetha Yehoba cho Yeho amufweta ku chipangi chama lingi. ¹⁸Olola kethi ushakethe kuka mwaka mu kutsa embwe.¹⁹Munu wakulubala manene wakala na bukalu bwa kama natha kupanga mulonga, naponde kumukwatha mwaponde kuchilinga bithimbu bi bali. ²⁰Thzibilila ku kunangula na kuchilongetha, cho ukapwa na maana kushongo ya kuyoya chobe.²¹Bithinganyeka bya bingi bili mumbunge ya munu, oloni Yehoba ali nabinthzili bya kulinga bije byana shaka kulinga. ²²Kulongwa chikecho chashaka munu na munu wabukulu na tubakana mukamakuli.²³Kathingingimiko ka Yehoba kakatwala banu ku monyo; woshe ali nako aka hwima muku bwaelela cho kethi a katambwila bushonde embwe. ²⁴Munu wabubwa aka shitika maboko endi mulilonga; cho kakatha nameme ku elwitha kukanwa kendi embwe.²⁵Umona unyomyametha uje muka kuse ndumuna, cho uje wakeeba alilongethe tha uje muka mona cho a wana kuthzubuka.²⁶Umona mwana aibila ishe na kusheka baina munjubo cho ou mwana nanena shwama na kushawitha. ²⁷Umona uthembulula kuthzibilila chilonge tha, munange, cho ukalunda ku majwi amangana.²⁸Uje mukaleko wa makuli akanenetha ku jeneketha ku jeneketha kwendeka nanda kuibatula mwamubwa na kanwa ka uje wabubi ka kashweke bubi. ²⁹Milonga banai bwaletha laja kuli baka makuli na bibanithzi bakabitumbwitha mumyongo yabo bilema.