¹Kihitabu kya ukolu wa Yesu Kilisito mwana wa Daudi, mwana wa Iblahimu. ²Iblahimu awelili tati wa Isaka, na Isaka tati wa Yakobo, na Yakobo tati wa Yuda na walongo ghaki. ³Yuda awelili tati wa Pelesi na Sela kwa Tamali, Pelesi tati wa Hezeloni, na Hezeloni tatiwa Lamu.⁴Lamu awelili tati wa Aminadabu, Aminadabu tati wa Nashoni, na Nashoni tati wa Salimoni. ⁵Salimoni awelili tati wa Boazi kwa Lahabu, Boazi tati wa Obedi kwa Lusi, Obedi tati wa Yese, ⁶Yese awelili tati wa nkosi Daudi. Daudi awelili tati wa Sulemani kwa mhumbu wa Ulia.⁷Sulemani awelili tati wa Lehoboamu, Lehoboamu tati wa Abiya, Abiya tati wa Asa. ⁸Asa awelili tati wa Yehoshafati, Yehoshafati tati wa Yolamu, na Yolamu tati wa Uzia.⁹Uzia awelili tati wa Yothamu, Yothamu tati wa Ahazi, Ahazi tati wa Hezekia. ¹⁰Hezekia awelili tati wa Manase, Manase tati wa Amoni na Amoni tati wa Yosia. ¹¹Yosia awelli tati wa Yekonia na wahaja ghaki lipindi lya kutolwa kuyenda ku Babeli.¹²Na badili gha kutolwa kuyenda ku Babeli, Yekonia awelili tati wa Shatieli, Shatieli awelili mbuyi wa Zelubabeli. ¹³Zelubabeli awelili awelili tati wa Abiudi, Abiuditati wa Eliakimu, na Eliakimu tati wa Azoli. ¹⁴Azoli awelili tati wa Zadoki, Zadoki tati wa Akimu, na Akimu tati wa Eliudi.¹⁵Eliudi awelili tati wa Elieza, Elieza tati wa Matani na Matani tati wa Yakobo. ¹⁶Yakobo awelili tati wa Yusufu mngwana wa Maliamu, mweni kuwela kupitila mweni Yesu awelekili, mweni kukemwa Kilisito. ¹⁷Viwelekwa vyogha kuhuma Iblahimu mbaka Daudi viwelili viwelekwa ikumi na njechi, kuhuma Daudi mbaka kutolwa kuyenda kubabeli viwelekwa ikumi na njechi, na kuhuma kutolwa kuyenda ku Babeli mbaka Kilisito viwelekwa ikumi na njechi.¹⁸Kuwelekwa kwa Yesu Kilisito kuwelili kwa ndambu hai. Nyongu ghaki, Maliamu, aposilwi na Yusufu, ila pambila gha weni konganika, awonikanili yiwa kana ndumbu kwa uwesa wa Mpumulo wa Sapanga. ¹⁹Mlumi ghaki Yusufu, awelili mundu mweni haki alemili kumpughanyisa lipala lipala. Akalamula kupyata uposu hau kwa kifisu.²⁰Paawelili akiliwachila kunani gha mighalu hai, Mtumikila wa kundumba wa Bambu akamuhumila kundotu, akilonga, "Yusufu mwana wa Daudi, ukotoho kutila kumtola Maliamu handa muhumbu ghaku, kwaikiva ndumbu yaaweli nayu ni kwa uwesa wa Mpumulo wa Sapanga. ²¹Atejiwpola mwana mlumi na wenga utemkema lihina lyaki Yesu, kwaikiva atewalokola wandu ghaki na sambi syau."²²Hagha hyogha yahumilile kutimiliswa kila kilongelilwi na Bambu kwa njila gha mlota, akilonga, ²³"Uloli bikila atetola ndumbu na kulela mwana mlumi, na watemkema lihina lyaki Imanueli"- ingumaanisa, "Sapanga pamonga na twenga."²⁴Yusufu ayimukili kuhuma mlwonu na kughola handa mtumikila wa Bambu amlongilile na akamtola handa mhumbu ghaki. ²⁵Hata nagha awonjili nayu ng'ogha mbaka paaiwopolile mwana mlumi na akamkema lihina lyaki Yesu.

¹Baadili gha Yesu kuwelekwa ku Betelehemu gha Uyahudi kmachuwa gha nkosi Helode, wandu wasoma kuhuma kumashaliki gha kutali wakahika Yelusalemu wakilonga, ²"Kakugha hayu mweni kuweleka nkosi wa Wayahudi? Tulolile ndondwa ghaki kuhuma mashaliki hinu twenga tuhika kumtundamila." ³Lipindi nkosi Helode pakayoghanila hagha aliholile nesu, na Yelusalemu hyogha pamonga namweni.⁴Helode akawakonganisa wakulu wa watambika wogha na wayandika wa wandu, namweni akawakonya, "Kilisito atewelekwa kugha?" ⁵Wakamlongela, "Kubetelehemu gha Uyahudi, kwaikiva havi ndiwa iyandikilwi na mlota, ⁶Nawenga Betelehemu, kumlima wa Yuda, kwa msokombi ng'oha paghati gha vilongosi wa Yuda, kwaikiva kuhuma kwa wenga atehika kilongosi atewahunga wandu ghangu Izilaili."⁷Hinu Helode akawakema wala wasoma kwa kufisa na kuwakonya ni lipindi ghani nesu nesu ndondwa iwelili iwoneka. ⁸Akawalaghila ku Betelehemu, akilonga, "Myendi kwa kulolesa mkamhakuli mwana mweni kuwelekwa. Lipindi pamtemlola, mniyegheli habali ili hilahila na nenga niwesi kuhika na kumtundamila."⁹Badili gha kuwela wamyoghanila nkosi, wayendelelili na mwanja ghau, na ndondwa hila wawelili wakiilola masaliki iwelili ikiwalongola mbaka paigholoka kunani gha mahala pala mwana mweni kuwelekwa aiwelili. ¹⁰Lipindi pawailolile ndondwa, wahekelelili kwa luheku lukulu nesu.¹¹Wakayingila mkyumba na kumlola mwana mweni kuwelekwa na Maliamu nyongu ghaki. Wakamtundamilila na kumkwinila. Wakawopola ngoku zyau na kumpegha hupo zya zahabu, ufumba na manemane. ¹²Sapanga awakanisili kundotu yiwa wakotoho kuhuyila kwa Helode, Hinu, wakahuya kumlima wau kupitila njila ghangi.¹³Badili gha kuwela wahuka, mtumikila wa Bambu akamuhumila Yusufu kundotu na kumlongela, "Uyinuki, na umtoli mwana pamonga na nyongo ghaki na mtuwili ku Msili. Mhighali haku mbaka panitewalongela, kwaikiva Helode atemhakula mwana ili amyalamisi. ¹⁴Uhiku hau Yusufu akayimuka na kumtola mwana na nyongo ghaki na kutuilila ku Misili. ¹⁵Alikalili haku mbaka Helode paahovile. Hai itimilisili kila Bambu akilongile kupitila mlota, "Kuhuma ku Misili nimkema mwana ghangu."¹⁶Hinu Helode, pailolile yiwa kapughanywa na wandu wasoma, akahyoma nesu. Akalaghila kukomwa kwa wana wogha walumi weni kuwela ku Betelehemu na wogha kumahala pala weni kuwela na lipindi lya machuva maivili na pahi ghaki kukovekelana na lipindi awelili kahighilisa kala kuhuma kwa wandu wala wasoma.¹⁷Haku ndiwa kukawela kutimila kwa lila lilando lyeni kulongelwa na mlota Yelemia, ¹⁸Lilowi liyoghanilika Lamah, kililo na malumbililo makulu, Laheli akiwalilila wana ghaki, na akanili kutaywa moyu, kwaikiva wahuka kala."¹⁹Helode paahovile, hinu mtumikila wa Bambu akamhumila Yusufu kundotu haku Misili na kulongela, ²⁰"Uyimuki na umtoli mwana na nyongo ghaki, na myendi kumlima wa Izilaeli kwaikiva wala weni kuwela wakihakula ukomu wa mwana wahova kala." ²¹Yusufu akayimuka, akamtola mwana pamonga na nyongu ghaki, na wakahika kumlima wa Izilaili.²²Ila pakayoghanila yiwa Alikelau awelili akilongosa ku Yuda mahala kwa tati ghaki Helode, atilili kuyenda haku. Badili gha Sapanga kumkanila kundotu, akahuka kuyenda kumbwani wa Galilaya, ²³na ayendili kulikala kumlima weni kukemwa Nazaleti. Hai itimilisili kila kila kiwelili kilongwa kala kwa njila gha walota, yiwa atekemwa Mnazaleti.

¹Kumachuwa ghala Yohana Mbatisa ahikili akitangasa kumwitu gha Yuda akilonga, ²"Mleki sambi kwaikiva unkosi wa kundumba wa pabehi." ³Kwaikiva hayu ndiwa mweni kulongelelelwa na mlota Isaya akilonga, "Lilowi lya mundu mweni kughuta kuhuma mluvagha; 'myandali njila gha Bambu, mnyoloshi njila zyaki.'"⁴Hinaa Yohana awelili kavala mapuku gha ngamia na mkanda wa ngozi mkibulubulilo kyaki. Mulyo ghaki uwelili nzige na bhuche gha mwitu. ⁵Hinu Yelusalemu, Yuda yogha, na kumahala kogha kweni kutindila lweni Yoludani wakayenda kwa mweni. ⁶Wawelili wakibatiswa na mweni kumlweni Yoludani kunu wakileka sambi zyau.⁷Ila paawawonile watangala wa mafalisayu na masadukayu wakihika kwa mweni kubatiswa, akawalongela, "Mwenga kiwelekwa kya njoka weni sumu ghani kawakanisa muwesi kuwela kutali na mahakilo yeni kuhika? ⁸Mleli matungula yeni kuwaghola mleki sambi. ⁹Na mkotoho kuliwachila na kulongelana paghati gha mwenga, 'Tuvile na Iblahimu handa tati wa wenga.' Kwaikiva ninguwalongela yiwa Sapanga anguwesa kumuyinulila Iblahimu wana hata kuhuma kumaganga hagha.¹⁰Lihuka liyandalwa kala kuvikwa kumikegha gha mibiki. Hinu kila libiki lilela ng'ogha matungula maha lingudumulwa na kutaghwa kulyoto. ¹¹Ninguwabatisa kwa masi kwaikiva gha kuleka sambi. Ila hayu mweni kuhika badili gha nenga ni mkulu kupiti nenga na nenga nipalilwi ng'ogha hata kupapa vilat vyaki. Mweni atewabatisa kwa Mpumulo wa Sapanga na kwa lyoto. ¹²Na luselu lwaki likala kumawoku ghaki kughulula mbandi ghaki na kukungula nganu ghaki kungoku ghaki. Ila atelungusa yala makapi kwa lyoto lyeni kuwesa ng'ogha kujimika.¹³Hinu Yesu akahika kuhuma ku Galilaya mbaka lweni Yoludani kubatiswa na Yohana. ¹⁴Ila Yohana apalili kumkanisa akilonga, "Nenga ningupala nibatiswi na wenga, na wenga unguhika kwa nenga?" ¹⁵Yesu akayanga akalonga, "Ujumili iweli nagha hinaa, kwaikiva ndiwa ingutupala kutimilisa haki hyogha," Hinu kuulongolo Yohana akamlekesela igholwi nagha.¹⁶Badili gha kuwela kabatiswa kala, bwitu Yesu akahubhuka kumasi, na uloli, Kundumba kukagubutuka kwa mweni. Na akamlola Mpumulo wa Sapanga akihuluka kwa mlandanu wa ngunda na kuhulukila kunani ghaki. ¹⁷Uloli, lilowi likahumila kuhuma kundumba likilonga, "Hayu ni mwana ghangu mpalwa. nihekeleswa nesu na mweni."

¹Hinu Yesu alongosilwi na Mpumulo mbaka kulivagha ili ayeswi na lihyukana. ²Paawelili kawopa mulyo kwa lipindi lya machuwa ialobaini pamuhi na uhiku akolilwi na njala. ³Myesa akahika na kumlongela, "Ikiva wenga ni Mwana wa Sapanga, uyalaghili maganga hagha yaweli libumunda." ⁴Ila Yesu amyangili na kumlongela, "Iyandikwa, 'Mundu atelama ng'ogha kwa libumunda weka yaki, ila kwa kila lilando lyeni kuhuma kumlomo wa Sapanga."⁵Hinu lihyukana likamyegha kummbwani uyandalwa kwaikiva gha Sapanga na kumvika mahala pakunani nesu kulighuta lya Sapanga, ⁶na kumlongela, "Ikiva wenga ni Mwana wa Sapanga, ujumbi pahi, kwaikiva iyandikwa, 'Atelaghila watumikila ghaki wa kundumba wahiki wakudaki,' na, 'watekuyinula kwa mawoku ghau, ili ukotoho kulikwala maghulu ghako kuliganga."⁷Yesu akamlongela, "Kangi iyandikwa, 'Ukotoho kumuyesa Bambu Sapanga wa wenga,"' ⁸Hinu, lihyukanaakamtola na kumyegha mbandi gha kunani nesu akamlangiha unkosi wogha wa mlimawogha na unaisa wogha. ⁹Akamlongela, "Nitekupegha hindu vyogha havi paukinitundamila na kuniyupa."¹⁰Hinu Yesu akamlongela, "Uyendi zyako uhuki panenga, Lihyukana! Kwaikiva iyandikwa, 'Ungupalwa umtundamili Bambu Sapanga ghako, na umumikili mweni weka yaki.'" ¹¹Hinu lihyukana likamleka, na uloli, watumikila wa kundumba wa Sapanga wakahika wakamtumikila.¹²Hinu Yesu pakayoghanila yiwa Yohana kakamulwa, akahuka mbaka ku Galilaya. ¹³Ahukili ku Nazaleti akayenda na kulikala ku Kapelinaumu, yeni kuwela mmbalimbali wa bahali gha Galilaya, kumimbaka gha mimbwani gha Zabuloni na Nafutali.¹⁴¹⁵¹⁶Hai ihumilili kutimilisa kila kilongelilwi na mlota Isaya, "Kumlima wa Zabuloni na mlima wa Nafutali, kuyendela kubahali, ng'wambo gha Yorudani, Galilaya gha wandu wammaya ng'ogha Sapanga! Wandu walikalili mlwisa waulola mhana mkulu, na wala weni kuwela walikala kumahala na kisisi kya kihu, kunani ghau mhana uwalangasila."¹⁷Kuhumila lipindi hali Yesu akatumbula kutangasa Habali Maha na kulonga, "Mleki sambi, kwaikiva unkosi wa kundumba wapabei."¹⁸Paawelili akityanga mmbaimbali gha bahali gha Galilaya, awawonili walongo waivili, Simoni mwenikuwela akikemwa Petelo, na Andelea mhaja ghaki, wakitegha nyafu mbahali, kwaikiva wawelili walopola wa homba. ¹⁹Yesu akawalongela, "Mhiki mnikovekeli, nitewaghola kuwela walopola wa wandu." ²⁰lipindi lilalila wakaleka nyafu na kumkovekela.²¹Na Yesu paawelili akiyendelela kuhuka pala akawalola walongo waivili waghangi, Yakobo mwana wa Zebedayo, na Yohana mhaja ghaki. Wawelili kuwato pamonga na Zebedayo tati ghau akisona nyafu zyau. Akawakema, ²²na lipindi lilalila wakaleka wato na tati ghau na wakamkovekela.²³Yesu atyangili na kuleka mbandi mayaghani kuhikila Galilaya hyogha, akivula kumaghuta gha kukonganikila Wayahudi, akitangasa Habali Maha gha unkosi, na akilamisa kila ndambu gha kulwala na mavina paghati gha wandu. ²⁴Habali zyaki zkalandala ku Silia hyogha, na wandu wakawayegha kwa mweni wala wandu wogha wawelili wakivina, wakiwela na mavina wekaweka na maumifu, wenikuwela na mahoka, na weni ulwala wa KIFAFA na weni kupola vikongonu. Yesu awalamisili. ²⁵Lipinga likulunga lya wandu likamkovekela kuhuma ku Galilaya, na Dekapoli, na Yelusalemu na Uyahud na kuhuma kung'wambu gha Yoludani.

¹Yesu paalolile lipinga, akahuka na kuyenda Kulitombi. Paawelili kalikala pahi, wavulwa ghaki wakahka kwa mweni. ²Akagubutula mlomu ghaki na akawavula, akilonga, ³"Wahighilwa weni kuwela wangali kindu wa mpumulo kwaikiva unkosi wa kundumba ni waweni. ⁴Wahighilwa weni kuwela na unyengemalo, kwaikiva watetaywa moyu.⁵Wahighilwa weni unyalinyali, kwaikiva hagha watelihi mlima. ⁶Wahighilwa weni njala na kuyumilila kwa haki, kwaikiva weni wateyukutiswa. ⁷Wahighilwa wala weni luhungu kwaikiva weni watepokela luhungu. ⁸Wahighilwa weni moyu maha kwaikiva weni watemlola Sapanga.⁹Wahighilwa wagholesa ndulumu, kwaikiva weni watekemwa wana wa Sapanga. ¹⁰Wihighilwa wala weni kuhakilwa kwaikiva gha haki, kwaikiva unkosi wa kundumba ni wa weni.¹¹Mhighilwa mwenga weni kuwela wandu watewalighu na kuwahakila, au kulonga kila ndambu gha uhakata kwa mwenga kwa uhwangi kwaikia gha nenga. ¹²Mhekeleli na kuhina, kwaikiva hupo gha mwenga ni ngulu kunani kundumba. Kwaikiva havi ndiwa wanduwawahakilile walota walamil pambila gha mwenga.¹³Mwenga ni munyu gha mlimawogha. Ila paikawela munyu uyalamisa umunyu ghaki, itewesa ghuli kugholeka munyu chakaka kangi? Katu itewesa ng'ogha kuwela maha kwa kindu kighangi chochosi kangi, ila ni kutaghwa panje na kutimbangwa na maghulu gha wandu. ¹⁴Mwenga ni mhana wa mlimawogha. Mlima weni kuchengwa kunani gha litombi uwesa ng'ogha kufiswa.¹⁵Hata wandu wangukosa ng'ogha limbamba na kuvika pahi gha kibea, ila kweni mesa, na lyeni linglangasa wogha weni kuwela mghati gha kyumba. ¹⁶Uleki mhana wa mwenga ulangasi kuulongolo gha wandu kwa njila yenikuwela, wayaloli matendu gha mwenga gha maha na kumkwilikiha Bambu wa mwenga mweni kuwela kundumba.¹⁷Mkotoho kuliwachila yiwa nihika kuyaghamila selia hata walota. Nihika ng'ogha kuteyaghamilaila kutimilisa. ¹⁸Kwa chakaka ninguwalongela yiwa mbaka kundumba na mlimawogha vyogha viyendi kwahela yodi imonga hata nukuta imonga gha laghililo litehumiswa kuselia maka pala kila kindu pakitewela kitimilswa kala.¹⁹Hinu yeyosi mweni kutenyula amuli isokombi paghati gha amuli hazi na kuwavula waghangi kughola nagha atekemwa msokombi kuunkosi wa kudumba. Ila yeyosi mweni kukola na kuvula atekemwa mkulu kuunkosi wa kundumba. ²⁰Kwaikiva ninguwalongela yiwa haki gha mwenga paiwela ng'ogha ngulu kupiti gha wayandika na Mafalisayu, kwa njila yoyosi hila mteyingila ng'ogha kuunkosi wa kundumba.²¹Myoghanila ilongilwi haku dahili yiwa, "Ukotoho kukoma" na 'yeyosi mweni kukoma kakuhatali gha kulamulwa.' ²²Ila ninguwalongela yeyosi mweni kumhyomela mlongo ghaki atewela kuhatali gha kulamulwa. Na yeyosi mweni kumlongela mlongo ghaki yiwa, 'Wenga kwamundu wa maha ng'ogha!' atewela kuhatali gha njenga kaya. N yeyosi mweni kulonga, 'Wenga kwa ndyungi! atewela kuhatali gha lyoto lya kujehanamu.²³Hinu handa unguyegha litambiku lyaku kuluhanja lweni kuchengwa kwa maganga na kunu ungukumwiki yiwa mlongu ghako kana mghalu wowowsi na wenga, ²⁴ulileki litambiku hali kuulongolo gha lihanja, na hinu uyendi. Kajumilai nayu hayu mlongu ghako, na hinu uhiki kuyegha hali litambiku lyako.²⁵Ujumilani na msitaki ghako kwa kuloposela, ukiwela pamonga nayu kunjila kuyendela kuulamulo, kihyetu na hagha msitaki ghako anguwesa kukuleka kumawoku gha mlamula, na mlamula akuleki kumawoku gha watovangondu, na wenga utetaghwa mlighuta lya wawopwa. ²⁶Ukwinili ninguwalangela, katu utevikwa ng'ogha pekesu mbaka uweli uhipa sendi gha mwihu gha mapesa ghala ungupalwa kuhipa.²⁷Myoghanila ilongwa yiwa, 'Ukotoho kughola ngongola.' ²⁸Ila nenga ninguwalongela yoyosi mweni kumlola mdala kwa luhujulu hayu kaghola kala ngongola na hayu mdala.²⁹Na paikawela lisu lyako lya kuliyila lingukuyambusa ulikwali, ulitupuli na ulitaghi kutali na wenga. Kwaikiva ni mbaha kikongonu kimonga kuhigha ghako kiyalamiki kupiti mhigha wogha kutaghwa kulyoto. ³⁰Napaikawela liwoku lyako lya kulume lingukuyambusa ulikwali, ulidumuli na kulitaghila kutali na wenga. Kwaikiva ni mbaha kikongonu kimonga kuhigha ghako kiyalamiki kupiti mhigha wogha kutaghwa kulyoto.³¹Iyandikwa hilahila, yeyosi mweni kumuwinga mhumbu ghaki, na ampehi lihamba lya mlekano,' ³²Ila nenga ninguwalongela, yeyosi mweni kumleka mhumbu ghaki, ila weka kwaikiva gha ngongola, angumghola kuwela mngongola. Na yeyosi mweni kumposa badili gha kupeghwa lihamba lya kulekana hayu angughola ungongola.³³Kangi, myoghanila ilongilwi kwa wala wa dahili, 'Mkotoho kulapa kwa uhwangi, ila myeghi vilapo vya mwenga kwa Bambu.' ³⁴Ila nenga ninguwalongela, mkotoho kulapa hata mayaghani, ama kwa kundumba, kwaikiva ni ukwilikihi wa Sapanga; ³⁵wala kwa mlimawogha, kwaikiva ni mahala pakuvika kikalilo kya kukobeka lyayo ghaki, ama kwa Yelusalemu, kwaikiva ni mlima wa nkosi mkulu.³⁶Hata ukotoho kulapa kwa mutu ghako, kwaikiva wenga uwesa ng'ogha kughola hwila imonga kuwela mbuleti au nditu. ³⁷Ila milando gha mwenga iweli, 'Hina, hina, ng'ogha, ng'ogha.' Kwaikiva yeni kupiti hagha yanguma kwa yula mhakata.³⁸³⁹Myoghanila ilongwa yiwa, 'lisu kwa lisu, na lino kwa lino.' Ila nenga ninguwalongela, mkotoho kusindana na mundu mhakata; ila mundu pakakutova lishavu lya kuliyila umghalambulile na lighangi hilahila.⁴⁰Na paikawela yeyosi angupala kuyenda na wenga kuulamulo na akakupoka lihabiti lyako, umlekeli na mghololi ghako hilahila. ⁴¹Na yeyosi mweni kukulasimisa kuyenda na wenga maili imonga, uyendi na mweni maili imbili. ⁴²Kwa yeyosi mweni kukuluwa umpeghi, na ukotoho kumhyeta yeyosi mweni kupala kukukopa.⁴³Myoghanila ilongwa, 'Umpali mundu wa pabei ghako, na umhyomeli mhakata ghako. ⁴⁴Ila nenga ninguwalongela, muwapali wahakata wa mwenga, muwayupili wala weni kuwahyomelesa, ⁴⁵ili muwesi kuwela wana wa Tati wa mwenga mweni kuwela kundumba. kwaikiva angughola lijuwa liwalangasili wandu wahakata na wandu maha, na anguwatonyela mvula wahakata na wandu maha.⁴⁶Ikiva munguwapala wala weni kuwapala mwenga, mngupokela hupo liki? Kwani wakungula usulu wangughola ng'ogha nagha? ⁴⁷Napaikawela mnguwajambusa walongu wa mwenga weka yaki mngupokela liki kupiti waghangi? Ghuli!, wandu wa mlimawogha wangughola ng'ogha nagha? ⁴⁸Hinu mngupalwa kuwela mtimila, handa Tati wa mwenga mweni kuwela kundumba vila kawela katimila.

¹Uyangali kukotoho kughola matendu gha haki kuulongolo gha wandu ili ujilangihi, kihyetu na hali utepokela ng'ogha hupo kuhuma kwa Tati mweni kuwela kundumba. ²Hinu paupegha ukotoho kutova lipembi na kulitutumula mweni handa wambindingu vila waighola kumaghuta gha kukonganila Wayahudi na kunjila, ili wandu wawesi kuwayinula. Chakaka ninguwalongela, weni wapokela kala hupo ghau.³Ila wenga paupegha, liwoku lyako lya sotu likotoho kumanya kila kingugholwa na liwoku lya kuliyila, ⁴ili hupo ghako ihumiswi kwa kifisu. Ndiwa Tati ghako mweni kuwona ghala gha mkifisu atekupatila hupo ghako.⁵Na pauwela unguyupa, ukotoho kuwela handa wambindingu, kwaikiva wangupala kugholoka na kuyupa kumalighuta gha kukonganikila Wayahudi na njila zya kumaghuta wekaweka, ili wandu wapati kuwalola. Chakaka ninguwalongela, wapokela kala hupo ghau. ⁶Ila wenga, pauyupa, uyingili mkyumba. Uwopi mlyangu, na uyupi kwa Tati ghako mweni kuwela mkifisu. Ndiwa Tati ghako mweni kuwona mkifisu atekupatila hupo ghako. ⁷Na pauwela ukayupa, ukotoho kuhuyila huyila milando ivile ng'ogha na fwaida handa wandu wa milima ghangi vila waigholile, kwaikiva wanguliwachila yiwa wateyoghanilwa kwaikiva gha milando ghau mitangala wanguilongela.⁸Kwa nagha, ukotoho kuwela handa weni, Kwaikiva Tati ghako angumanya kila ungukipala hata pambila ukali kumyupa. ⁹Hinu uyupi nagha: Tati mweni kuwela kundumba, ulikwilikisi lihina lyako. ¹⁰Unkosi ghako uhiki, mapalo ghako yagholeki haku kumlimawogha handa haku kundumba.¹¹Utupatili lelo libumunda lya twenga lya kila lelo. ¹²Utulekeseli lideni lyetu, handa tenga vila tunguwalekesela wala tunguwela na lideni nau. ¹³Na ukotoho kutuyegha kumayeso, ila utuviki kutali na yula mhakata.'¹⁴Ikiva mtewalekesela wandu mahakata ghau, Tati ghako mweni kuwela kundumba hila hila atewalekesela mwenga. ¹⁵Ila paikawela muwalekesela ng'ogha mahakata ghau, hata Tati wa mwenga atewalekesela ng'ogha mahakata gha mwenga.¹⁶Kupiti hyogha, pauwela uwopa mulyo, ukotoho kuwonesa wuso gha kunyengemala handa wambindingu vila waigholile, kwaikiva wanguwonesa wuso unyengemala ili wandu wamanyi yiwa wawopa. Chakaka ningukulongela, wapokela kala hupo ghau. ¹⁷Ila wenga, pauwela uwopa, upakali mahuta mutu ghako na uwofuli wuso ghako. ¹⁸Hinu itekuwonesa ng'ogha kuulongolo gha wandu yiwa uwopa, ila itewoneka hela kwa Tati ghako mweni kuwela mkifisu. Na tati ghako mweni kulola mkifisu, atekupegha hupo ghako.¹⁹Ukotoho kuivikila ngoku ghako mweni haku kumlimawogha, kweni kuwela nondu na kutu wangukuloghanya, kweni kuwela wihi wangu wangubomola na kuhija. ²⁰Badili ghaki, jivikili ngoku ghako mweni kundumba, kweni kuwela nondu na kutu viwesa ng'ogha kukologhanya, na kweni kuwela wihi wawesa ng'ogha kubomola na kuhija. ²¹Kwaikiva ngoku ghako kula iwela, ndiwa na moyu ghako kula utewela hilahila.²²Lisu ni limbamba lwa mhigha. kwa nagha, ikiva lisu lyako ni likomu, mhigha wogha utememeswa na mhana. ²³Ila paikawela lisu lyako ni likomu ng'ogha, mhigha ghako wogha umema lwisa totolo. Kwa nagha, ikiva mhana weni kuwela mghati mwa wenga ni lwisa nesu, ni lwisa ngulu kwa ukulu ghani! ²⁴Kwahela hata mmonga mweni kuwesa kuwatumikila mabambu waivili, kwaikiva atemhyomela mmonga na kumpala mghangi, au paikawela ng'ogha nagha atejitola kwa mmonga na kumpughanya mghangi. Muwesa ng'ogha kumtumikila Sapanga na hindu.²⁵Kwa nagha ningukulongela yiwa ukotoho kuwela na holu kulongela kulama kwa wenga, yiwa utelyegha niki au utenywegha niki, au kulongelela mhigha ghako, utevala niki. Ghuli! Kulama ng'ogha kukulu kupiti mulyo na mhigha kupiti nguu? ²⁶Uloli wambongu weni kuwela kunani. Wangutukutula ng'ogha na hilahila wangubena ng'ogha na wangukungula ng'ogha na kuvika mngoku, ila Tati wa mwenga wa kundumba anguwapegha mulyo. Ghuli mwenga ng'ogha wa samani kupiti weni?²⁷Na ni ghani paghati gha mwenga kwa kuighasa anguwesa kuyongesa kindu kuukomu wa ngalilu ghaki? ²⁸Na kwakyani mnguwela na holu kulongela nguu? Mliwachili kwa maua kumatawa, vila yangukula. Yangughola ng'ogha lihengu na yanguwesa ng'ogha kuivalisa. ²⁹Nambila ninguwalongela, hata Sulemani kuukwilikihi ghaki wogha kavaliswa ng'ogha handa amonga gha hagha.³⁰Ikiva Sapanga anguvalisa manyahi kumatawa, yakiva yangulikala lichuwa limonga na kilau ghaki yangutaghwa kulyoto, ghuli ni kwa ukulu ghani atewavalisa mwenga, mwenga weni ukwinila msokombi? ³¹Kwa nagha mkotoho kuwela na holu na kulonga, 'Ghuli tutelyegha niki?' au "Ghuli tutenywegha niki?" au "Ghuli tutevala nguu liki?"³²Kwaikiva milima inguhakula mighalu hai, na Tati wa mwenga wa kundumba angumanya yiwa mngupala hagha. ³³Ila mtumbulo mhakuli unkosi ghaki na haki ghaki na hagha hyogha yatepeghwa kwa wenga. ³⁴Kwa nagha, ukotoho kulola holu kwaikiva gha kilau, kwaikiva kilau itejighola yeni. Kila lichuwa lingutosa kuwela na uhakata ghaki lyeni.

¹Ukotoho kulamula, ili nawe ukotoho kulamulwa. ²Kwa ulamulo hau unguughola, na wenga utelamulwa. Na kwa kipimilo kila ungukitumila na wenga hilahila utepimilwa haki haki.³Na kwa kyani ungulola kipandi kya libiki kyeni kuwela mlisu lya mlongo ghako, ila ungumanya ng'ogha kipandi cha mhimbati kyeni kuwela mlilsu lya wenga? ⁴Unguwesa ghuli kulonga kwa mlongo ghako, ulindili nikuhumisi kipandi kyeni kuwela mlisu lyako, naikiva kipandi kya mhimbati kiwela mghati mwa lisu lyako? ⁵Mbindingu wenga; utumbuli kuhumisa mhambati weni kuwela mlisu lyako, na ndiwa utewesa kulola maha na kukihumisa kipandi cha libiki kyeni kuwela mlisu lya mlongo ghako.⁶Ukotoho kuwapegha ghalu kyeni kuwela kimbuleti, na ukotoho kuwataghila nguluwi lulu kuulongolu gha weni. Kihyetu na hagha watekiyalamisa na kuvitimbanga kwa maghulu, na kangi watekuhyukila wenga na kukulalula vipandi vipandi.⁷Uluwi na wenga utepeghwa. Uhakuli na wenga utepokela. Ubisi hodi, na wenga utewoposelwa. ⁸Kwa yeyosi mweni kuluwa, angupokela. Na kwa yeyosi mweni mweni kubisa hodi, atewoposelelwa. ⁹Au kuvile na mundu paghati gha mwenga mweni kuwela mwana ghaki kamluwa kipandi lya libumunda atempegha liganga? ¹⁰Au ikiva atemluwa homba, na mweni atempegha njoka?¹¹Kwa nagha, ikiva mwenga weni kuwela wahakata mngumanya kuwapegha wana wa mwenga hupo maha, ghuli! Ni kwa ukulu ghani Tati mweni kuwela kundumba atewapegha vindu maha wala weni kumlowa mweni? ¹²Kwaikiva gha nagha, paupala kugholelwa kindu chochosi na wandu waghangi, na wenga hilahila utepalwa kuwagholela nagha nagha weni. kwaikiva hai ni selia na walota.¹³Myingili kwa kupitila mlyango ukombala, kwaikiva ligeti na lipana na njila ni pana yenikulongosa kweni uyalamiso, na kuvile na wandu watangala weni kupitila njila hai. ¹⁴Mlyangu ni ukombala, njila ikombala ni njila yeni kulongosa kweni ukomu na ni mayaghani weni kuwesa kuilola.¹⁵Mlikali mihu na walota wa uhwangi, wenikuhika kunu wavala ngozi gha kondolu, ila chakaka ni ghalu mwitu wakalipa. ¹⁶Kwa matughula ghau mtewamanya. Ghuli wandu wanguwesa kubena matungula kulibiki lya mihomi, au mtini kumbeyu gha mbaluti? ¹⁷Kwaikiva gha nagha, kila libiki lya maha litelela matungula gha maha, ila libiki lihakata lingulela matungula mahakata.¹⁸Libiki lya maha linguwesa ng'ogha kulela matungula mahakata, hata libiki lihakata liwesa ng'ogha kulela matungula maha. ¹⁹Kila libiki lyeni kulela ng'ogha matungula maha litedumulwa na kudangwa kulyoto. ²⁰Hinu kwa nagha, utewamanya kukovekelana na matungula ghau.²¹Ng'ogha kila mundu mweni kunongela nenga, 'Bambu, Bambu,' ateyingila kuunkosi wa kundumba, ila ni yula weka mweni kughola mapalo gha Tati ghangu mweni kuwela kundumba. ²²Wandu watangala watenilongela lichuwa lila, 'Bambu, Bambu, tughola ng'ogha ulota kwa lihina lyako, tuhumisa ng'ogha mahoka kwa lihina lyako, na kwa lihina lyako tugholile matendu matangala makulu?' ²³Ndiwa nitewalongela lipala,' niwamanyile ng'ogha mwenga! Mhuki kwa nenga, mwenga weni kughola mahakata!'²⁴Kwa nagha, kila mmonga mweni kuyoghanila milando ghangu na kuyitikila atelandana na mundu mweni luhala mweni kuchenga lighuta lyaki kunani gha mghomba. ²⁵Ndonya ikatonya, mafulilu yakahika, na liyegha likahika na likatova lighuta hali, ila iwesa ng'ogha kuguwa pahi, kwaikiva iwelili ichengwa kunani gha mghomba.²⁶Ila kila mundu mweni kuyoghanila lilando lyangu na akotoho kuliyitikila, atelandaniswa na mundu msihisihi mweni kuchenga lighuta lyaki kunani gha mhanga. ²⁷Ndonya ikahika, mafuliko yakahika, na liyegha likahika na kutova lighuta hali. Na likaguwa, na uyalamiso ghaki ukatimila."²⁸Likahika lipindi livile Yesu pakayomola kulongela milando hai, konganiko likakangaswa nesu na mavulo ghaki, ²⁹kwaikiva avulile handa mundu mweni ulongosi, na ng'ogha handa wayandika ghau.

¹Lipindi Yesu paahulukili pahi kuhuma kulitombi, lipinga likulunga likamkovekela. ²Uloli, mkalawa akahika na kutundama kuulongolo ghaki, akalonga, "Bambu, ikiva uliyandala, unguwesa kunighola niweli maha." ³Yesu akalangiha liwoko lyaki na kumyavisa, akalonga, "Niliyandala kala. Uweli maha." Bahala akaghululwa ukalawa ghaki.⁴Yesu akamlongela, "Uloli yiwa ukotoho kulonga kwa mundu yeyosi. Ukoli njila ghako, na ujilangihi mweni kwa mtambika na upeghi litambiko lila Musa alaghilili, kwaikiva gha uhighiliso kwa weni."⁵Lipindi Yesu pakahika ku Kapelnaumu, Jemedali akahika kwa mweni na kumkonya ⁶akilonga, "Bambu, mtumikila ghangu kawonja ukaya kapola na mhigha ungutama nesu." ⁷Yesu akamlongela, Nitehika na kumlamisa."⁸Jemedali akayanga na kumlongela, "Bambu, nenga ng'ogha wa samani hata uhiki na kuyingila mghati gha dali lyangu, ulongi lilando hela na mtumikila ghangu atelamiswa. ⁹Kwaikiva nenga hilahila ni mundu mweni ulongosi, na niwela na watovangondo weni kuwela pahi ghangu. Panitelonga kwa hayu "uyendi, 'na anguyenda, na kwa mghangi 'Uhiki' na mweni anguhika na kwa mtumikila ghangu, 'Ghola nagha,' na mweni angughola nagha" ¹⁰Lipindi Yesu pakayoghanila hagha, alikangasilwi nesu na kuwalongela wala wawelili wakimkovekela, "Chakaka ninguwalongela, Nipatiti ng'ogha kulola mundu mweni ukwinila handa hayu ku Izilaeli.¹¹Ninguwalongela, watangala watehika kuhuma kumasaliki na magalibi, watelikala kumesa imonga na Ablahamu, Isaka na Yakobo kuunkosi wa kundumba. ¹²Ila wana wa unkosi watetaghwa kulwisa lya panje, kuvile kutewela na kulila na kuhyagha malino." ¹³Yesu akamlongela Jemedali, "Uyendi! handa vila ukwinila kala, na igholeki nagha kwa wenga." Na mtumikila alamisilwi kulipindi lilalila.¹⁴Lipindi Yesu paahikili kulighuta lya Petelo, amwonile nyongo mkwahano ghaki na Petelo kawonja akiva mvina wa kulwala. ¹⁵Yesu akamyavisa liwoku lyaki, na kulwala ghaki kukamleka. hinu akayinuka akatumbula kumtumikila.¹⁶Na paihika lumihi, wandu wakamyeghela Yesu wandu watangala weni kukolwa na mahoka. Akawawinga mahoka na wala weni kuwela wavina akawalamisa. ¹⁷Kwa nagha yakawela yatimila yala yalongelwa kala na Isaya mlota, "Hayu mweni atolili mavina gha twenga na apapili kulwala gha twenga."¹⁸Hinu Yesu pakalilola lipinga limtindila, akawapegha milando gha kuyenda mbandi ghangi gha Bahali gha Galilaya. ¹⁹Hinu myandika akahika kwaki na kumlongela, "Mvula, nitekukovekela poposi paunguyenda," ²⁰Yesu akamlongela, "Ghalu mwitu wavile na mbangu, na mbongu wa kunani wavile na vijaka, ila Mwana wa Adamu kahela mahala pakuwonjesa mutu ghaki."²¹Mvulwa mghangi akamlongela, "Bambu, unilekeseli huti niyendi kumsika Tati ghangu." ²²Ila Yesu akamlongela, "Unikovekeli, na uwaleki wahovili wasiki wahovili wayau"²³Yesu pakayingila kuwato, wavulwa ghaki wakamkovekela kuwato. ²⁴Uloli, likayinuka liyegha likulu kunani gha bahali, kikaghola hata wato igubikwi na mawimbi. Ila Yesu awelili kawonja. ²⁵Wavulwa wakahika kwa mweni na kumlongela wakilonga, "Bambu, utulokoli twenga, tunguhova.!"²⁶Yesu akawalongela, "kwa kyani mngutila, mwenga weni ukwinila msokombi?" Ndia akayimuka na kukemela liyegha na bahali. Hinu kukawela na kuponga kukulu, ²⁷walumi wakakolwa na mkangaso wakalonga, "Hayu mundu ni mundu liki, yiwa hata mahoka na bahali vingumyitikila mweni?"²⁸Lipindi Yesu paawelili kahika kumbandi ghangi wa mlima wa Magadala, walumi waivili weni kulongoswa na mahoka wakakongana na mweni. Wawelili wakihumila kumamambi na wawelili wakighola mkologhanyu nesu, ikaghola mbaka isindikani mweni kuwela na mwanja apiyi njila hila. ²⁹Uloli, watovili lilowi na kulonga, "Tuvile na niki kya kughola kwa wenga, Mwana wa Sapanga? Uhika haku kutuhakila pambila gha lipinga kuhika?"³⁰Hinaa lipinga likulunga lya ghuluwi liwelili likihunga, pawelili ng'ogha kutali nesu na pala wawelili, ³¹mahoka wayendelelili kumlalamikila Yesu na kulonga, "Ikiva utetulaghila kuhuka, tuyeghi kulipinga lya ghuluwi," ³²Yesu akawalongela, "Myendi" Mahoka wakamuhuka na kuyenda kwa ghuluwi. Na uloli, lipinga lyogha likahuluka kuhuma kulitombi kuyendela kubahali na lyogha likahovila mbahali.³³Walumi wenikuwela wakihunga ghuluwi watuwili mbilo. Na pawayendili kumbwani wakalongela kila kindu, nesu nesu kila kihumila kwa walumi wakolilwi na mahoka. ³⁴Uloli mbwani wogha ukahika kukonganika na Yesu. Pawamlolile, wamluwili ahuki kumbwani ghau.

¹Yesu akayingila kuwato, akahubhuka na akahika kumlima awelili angulikala. ²Uloli, wakamyeghela mundu mweni kupola kawonjeswa kulihinda. pakalola ukwinila ghau, Yesu akamlongela mundu mweni kupola, "Mwana ghangu, uweli na luheku, sambi syako silekeselwa."³Uloli, amonga gha wavula wa selia wakalongelana weni kwa weni, "Hayu mundu angulighu" ⁴Yesu akamanya mawachilo ghau na kulonga, "Kwa kyani mnguwachila mahakata kumioyu gha mwenga? ⁵Niki kiwela kiyuyughu kulonga, 'Sambi syako silekeselwa' au kulonga, 'ugholoki na utyangi?' ⁶Ila mmanyi yiwa Mwana wa Adamu kana uwesu wa kulekesela sambi...'" hinu akalongela kwa yula mweni kupola, "Ugholoki, utoli ligodolu lyako, na uyendi ukaya ghako."⁷Ndiwa yula mundu akagholoka na kuhuka kuyenda ukaya ghaki. ⁸Makonganilo pawawonile hagha, walikangasili na kumuyinula Sapanga, avile kawapegha uwesa hau wandu. ⁹Na Yesu paawelili akityanga kuhuma pala, amlolile mundu avile akikemwa kwa lihina lya Matayo, avile kalikala mahala kwa wakungula usulu. Na mweni akamlongela, "Nikovekeli nenga" na mweni akagholoka na kumkovekela.¹⁰Na yula paatamili ili alyeghi mulyo mghati mwa lighuta, wakahika wakungula usulu watangala na wandu wahakata wakakonganika kumulyo pamonga na Yesu na wavulwa ghaki. ¹¹Ndiwa Mafalisayu pawailolile nagha, wakawalongela wavulwa, "Kwa kyani mvula wa mwenga angulyegha pamonga na wakungula usulu na wandu wahakata?"¹²Yesu pakayoghanila hagha, na mweni akalonga, Wandu weni kuvina ng'ogha wangumpala ng'ogha mganga, ila wala wenikuwela wavina. ¹³Mngupalwa myendi mkaivuli ingumaanisa niki, "Ningupala luhungu na ng'ogha zabihu" Kwaikiva nihikili, ng'ogha kwa mweni haki kuleka sambi, ila kwa weni sambi.¹⁴Ndiwa wavulwa wa Yohana wakahika kwa mweni na kulongela, "Kwa kyani twenga na Mafalisayu tunguwopa mulyo, ila wavulwa ghako wanguwopa ng'ogha mulyo?" ¹⁵Yesu akawalongela, ghuli wakovekela mhambu wa uposo wanguwesa kuwela na unyengemalo lipindi Bambu wa mhambu pakawela pamonga na weni? Ila machuwa yanguhika pavile Bambu wa mhambu atetilwa kuhuma kwa weni, na ndiwa watewopa mulyo.¹⁶Kwahela mundu mwenikuvika kipandi kya nguu hyonu kunguu gha dahile, kidabwada kitebaluka kuhuma kunguu na mbaluko mkulu utehumila.¹⁷Kwahela wandu wenikuvika uyimbi hyonu kukyombu kya uyimbi wa dahile, paikawela wakaghola, ngozi itebaluka, uyimbi utemwahika na ngosi iteyalamika. Badili ghaki, wanguvika uyimbi mhyonu kungozi hyonu na vyogha vitewela maha.¹⁸Lipindi Yesu paawelili akiwalongela mighalu hai, uloli, afisa akahika akagondama kuulongolo ghaki. Na mweni akalonga, "Mhinja ghangu kahova hinaa, ila uhiki na uviki liwoku lyako kunani ghaki na mweni atelama kangi. ¹⁹Ndiwa Yesu akagholoka na kumkovekela na wavulwa ghaki hilahila.²⁰Uloli, mdala awelili na uvina wa lighovela kwa lipindi lya machuva ikumi na ivili, akahika pabehi na Yesu akayavisa mbandi gha luviniku lya nguu ghaki. ²¹Kwaikiva alongili, "Paikawela niyavisa nguu ghaki, na nenga nitepokela kulama." ²²Yesu akahyuka na kumlola na kumlongela. "Biti, uipeghi moyu, ukwinila ghako ukughola ulamiswi," Na lipindi lilalila mdala akapokela kulamiswa.²³Na Yesu paahikili kulighuta lya afisa, na mweni awawonili watova mbembi na lipinga lya wandu liwelili likitova lilowi. ²⁴Namweni akalonga, "Mhuki haku, kwaikiva biti kahova ng'ogha, ila kawonja. Ila weni wahekili na kumpughanya.²⁵Na wala wandu pawahumiswa panji, na mweni akayingila mkyumba na kumkola liwoku na mhinja akayimuka. ²⁶Na habali hazi zikalandala kumbwani wogha.²⁷Ndiwa Yesu paawelili akityanga kuhuma pala, walumi waivili wangali mihu wakamkovekela. Wayendelelili kutova lilowi wakilonga, "Tunguluwa utuwoneli luhungu, Mwana wa Daudi." ²⁸Lipindi Yesu pakahika kulighuta, wala wangalimihu wakahika kwa mweni. Yesu akawalongela, "Mngukwinila yiwa ninguwesa kughola?" Na weni wakamlongela "Hina, Bambu."²⁹Ndiwa Yesu akayavisa mihu ghau na kulonga, "Na igholeki nagha kwa mwenga handa ukwinila wa mwenga vila uwela." ³⁰Na mihu ghau ikawoposoka. Ndiwa Yesu akavika mkasu akawalongela na kulonga, Mloli mundu yeyosi akotoho kumanya habali gha mghalu hau." ³¹Ila wandu hagha waivili wakahuka na kutangasa habali hazi kumahala kogha gha mbwani.³²Ndiwa wala walumi waivili pawawelili wakiyenda zyau, Uloli, mundu mmonga angali kulonga mwenikukolwa na mahoka akayeghwa kwa Yesu. ³³Na mahoka pawamuhuka, yula mundu angalikulonga akatumbula kulonga. Lipinga likalikangasa na kulongela, "Hai iwoneka ng'ogha kuizilaeli. ³⁴Ila Mafalisayu wawelili wakilonga , "Kwa wakulu wa mahoka, anguwinga mahoka."³⁵Yesu akayenda kumbwani wogha na vimbwani. Na mweni akayendelela kuvula kumaghuta gha kukonganikila Wayahudi, akitangasa Habali Maha gha unkosi, na kulamisa mavina gha wekaweka na ulepelelu wa njila zyogha. ³⁶Lipindi pakalola lipinga, na mweni awawonelili luhungu, kwaikiva waghasikili na kutenyuka moyu. Wawelili handa kondolu wenikuwela ng'ogha na mhungaji.³⁷Na mweni akawalongela wavulwa ghaki, "Mabeno yatangala, ila waghola lihengu ni mayaghani. ³⁸Hinu mumluwi njenji Bambu wa mabeno, ili yiwa alahili waghola lihengu kumabeno ghaki."

¹Yesu akawakema wavulwa ghaki ikumi na ivili pamonga na kuwapegha uweso kunani gha mahoka wahakata, kuwakemela na kuwawinga na kulamisa mavina wekaweka ndambu zyogha zya kulwala.²Mhina gha wandumindumi ikimi na ivili na hagha. La mtumbulo Simeoni (avile hilahila angukemwa Petelo), na andelea mhaja ghaki, Yakobo mwana wa Zebedayo, na Yohana mhaja ghaki: ³Filipo, na Bartelemayo, Thomaso, na Matayo mkungula usulu, Yakobo mwana wa Alfayo, na Tadeo, ⁴Simoni mkananayo, na Yuda iskaliote, avile amhyukili.⁵Hagha ikimi na ivili Yesu awalaghilili. Na mweni awalongilile akilonga, "Mkotoho kuyenda kumahala wangulikala wandu wammanya ng'ogha Sapanga na mkotoho kuyingila mimbwani gha wasamalia. ⁶Badili ghaki, myendi kwa kondolu wayaghamilile wa lighuta lya Izilaeli. ⁷Na pamyenda, mtangasi na kulonga, unkosi wa kundumba wapabehi.'⁸Mlamisi wavina, mhinduli wahovili, mghululi weni ukalawa na muwingi mahoka. Mpokela yaghi yaghi, muwapeghi yaghi yaghi. ⁹Mkotoho kutola sahabu, alimasi au saba kumihaku gha mwenga. ¹⁰Mkotoho kutola mhaku kumwanja gha mwenga, au nguu zya nyongesa, vilatu au hyatu, kwaikiva mghola lihengu angupalwa apeghwi mulyo.¹¹Mmbwani wowosi au kimbwani mteyingila, muhakuli yula mweni kuwesa kuwatanga na mlikali pala mpaka pamtehuka. ¹²Pamyingila kulighuta mjambusi, ¹³ikiva lighuta linguwonesa mkonganiko, upongu wa mwenga uhighali pala, ila paikawela lighuta liwonesa ng'ogha mkongano kwa mwenga, upongu wa mwenga uhuki na mwenga maweni.¹⁴Na kwa wala wenikuwapokela ng'ogha mwenga na kuyoghanila milando gha mwenga, lipindi pamuhuka kulighuta au mmbwani hau, mjipyati malihu gha lwayu kumahala pala. ¹⁵Chakaka ninguwalongela, itewela gha kufumilila mimbwani gha Sodoma na Gomola lichuwa lya kulamuwla kupiti mlima hau.¹⁶Uloli ninguwalaghila handa kondolu paghati gha ghalu wa kumanyaghi, kwa naha iweni na umanyi handa njokana wanyalinyali handa ngunda. ¹⁷Muweli mihu na wandu, watewayegha kunjenga kaya, na watewatova kumighuta gha kukonganikila Wayahudi, ¹⁸Na mteyeghwa kuulongolo gha wakulu na wankosi kwaikiva gha nenga, handa uhighilisu kwa weni na kwa milimahyogha.¹⁹Lipindi pawatewasitaki, mkotoho kuwela na holu yiwa niki au mtewayanga, kwaikiva kindu kya kulongela mtepeghwa kwa lipindi hali. ²⁰Kwaikiva ng'ogha mwenga mteelongela, ila mpumulo wa tati wa mwenga ndiwa atelongela.²¹Mlongo atemyimukila mlongo ghaki kumkoma, na tati kwa mwana ghaki, Wana wateyimuka kwa walela ghau, na kuwayambusila kihu. ²²Na mwenga mtehyomelwa na kila mundu kwaikiva gha lihina lyangu. Ila yeyosi atefumilila mpaka kumwihu mundu hayu atelokolwa. ²³Lipindi wanguwahakila kummbwani hau, mtuilili kummbwani wa kuulongolo, kwa chakaka ninguwalongela, mteyenda ng'ogha kumimbwani hyogha gha Izilaili pambila gha Mwana wa Adamu kuhika²⁴Mvulwa ng'ogha mkulu kupiti mvula ghaki, hilahila muhusutu mwenikuwela kunani gha bambu ghaki. ²⁵Ingukwila kwa mvulwa aweli handa mvula ghaki, na mtumikila handa bambu ghaki. paikawela wamkema Bambu wa lighuta Belizabuli, ni kwa ukulu ghani kupiti watewapughanya wa lighuta lyaki!²⁶Hinu mkotoho kuwatila weni, kwaikiva kwahela mghalu uvile utegubutulwa ng'ogha, na kwahela lijihighili livile litemanyikana ng'ogha. ²⁷Kila ninguwalongela mlwisa, mkilongeli kumhana, na kila mkiyoghanila kwa upyeku kumapulukilo gha mwenga, mkitangasi mkiwela kunani gha lighuta.²⁸Mkotoho kuwatila wala wavile wangukoma mhigha ila wawela ng'ogha na uweso wa kukoma mpumulo. Badili ghaki, mumtili yula mweni kuwesa kuyalamisa mhigha na mpumulo kula kumamambi. ²⁹Ghuli kasuku waivili wanguwuswa ng'ogha kwa sendi mayaghani? Hata naha kwahela mweni kuwesa kuguwa pahi pambila gha Tati wa mwenga kumanya. ³⁰Ila hata isabu gha hwila zya mwenga zivalwangwa. ³¹Mkotoho kuwela na holu, kwaikiva mngupala nesu kupiti kasuku watangala³²Hinu kwa nagha kila yula atenijumila kuulongolo gha wandu, na nenga hilahila nitemjumila kuulongolo gha Tati ghangu mwenikuwela kundumba. ³³Ila hayu atenikanila kuulongolo gha wandu na nenga hilahila nitemkanila kuulongolo gha Tati ghangu mwenikuwela kundumba.³⁴Mkotoho kuliwachila yiwa nihika kuyegha upongu kumlimawogha. nihika ng'ogha kuyegha upongu, ila lipanga. ³⁵Kwaikiva nihikili kumvika mundu angingamani na tati ghaki, na biti kwa nyongu ghaki, na mkwahanu kwa nyongu mkwahano ghaki. ³⁶Mhakata wa mundu atewela wa kukaya ghaki.³⁷Hayu mweni kumpala tati au nyongu nesu kupiti nenga hayu wa maha ng'ogha kwa nenga. Na hayu mweni kumpala mhongolo au biti kupiti nenga hayu kamaha ng'ogha kwa nenga. ³⁸Yula avile atepapa ng'ogha lipingika na kunikovekela nenga kamaha ng'ogha. ³⁹Hayu atehakula kulama atekuyalamisa. Ila hayu ateyalamisa ukomu ghaki kwaikiva gha nenga atepokela.⁴⁰Yula atewakema ukaya atewela kangema nenga ukaya ghaki, na yula mweni kungema nenga atewela kamkema yula mweni kunilaghila nenga. ⁴¹Na yula mweni kumkema mlota kwaikivani mlota atepokela hupom gha ulota. Na yula atemkema mweni haki kwaikiva ni mundu wa haki atepokela hupo gha mundu wa haki.⁴²Yeyosi atempegha mmonga wa wanung'una hagha, hata kikombi kya masi gha kunywegha ghapongili, kwaikiva mweni ni mvulwa, chakaka ninguwalongela, hayu kawesa ng'ogha kusindwa kupokela hupo ghaki

¹Ikiva badili gha Yesu kumalila kuwalongela wavulwa ghaki ikumi na ivili ahukili pala kuyenda kuvula na kutangasa kumimbwani ghau, ²na Yohana akiva mgelesa pakayoghanila akiwela kunani gha matendu gha Kilisito, ayeghili ujumbi kupitila wavlwa ghaki, ³na wakamkonya, "Wenga ni yula tumlindilile, au kuvile nga mghangi tuvile tungupalwa kumlindila?"⁴Yesu akayanga na kulonga kwa weni, "Myendi mkamlongeli Yohana yala mnguyalola na yala mnguyayoghanila. ⁵Wandu wangali kulola wangulola, walemafu wa maghulu wangutyanga, weni ukalawa wangughululika, wandu weni kuyoghanila ng'ogha wanguyoghanila kangi wandu wahovili wanguhindulwa kupokela ukomu, na wandu weni kulepelelwa wangutangasilwa Habali Maha. ⁶Na kahighilwa yula kawela ng'ogha na holu kunani gha uwela ghangu.⁷Lipindi wandu hagha pawahukili, Yesu atumbulili kulonga na lipinga kumlongelela Yohana, "Ni kyani myendili kulola kuluvagha- mdengi ukihukumulwa na liyegha? ⁸Ila niki myendili kulola- mundu avalili nguu maha? Chakaka, wala wenikuvala nguu maheli wangulikala kumighuta gha wankosi.⁹Ila mhukili kulola niki- Mlota? Ndiwa, ninguwalongela, na kupiti Mlota. ¹⁰Hayu ndilwa yula ayandikilwi, 'Uloli, ningumlaghila mjumbi ghangu kuulongolo gha wuso ghako, avile ateyandala njila ghako kuulongolo ghako.¹¹Nenga ninguwalongela chakaka, paghati gha wenikuwelekwa na wadala kwahela mwenikuwela mkulu kuoiti Yohana Mbatisa. Ila mwenikuwela mngung'una kunkosi wa kundumba ni mkulu kupiti mweni. ¹²Kuhuma machuva gha Yohana Mbatisa mbaka hinaa, unkosi wa kundumba ni wa makakala, na wandu weni makakala, wanguutola kwa makakala.¹³Kwaikiva walota na selia, wawelili wakihumisa ulota mbaka kwa Yohana. ¹⁴Na handa muliyandala kujumila, hayu ni Eliya, yula ahika. ¹⁵Mwenikuwela na mapulukilo gha kuyoghanilila na ayughanili.¹⁶Nikilandanisi na kyani kiwelekwa haki? Ni mlandanu wa wana wenikuhina mahala gha kusoku, wenikulikala na kukonyana, ¹⁷na kulongela, 'Tuwa tovilili lindenda na mhana ng'ogha. Tulumbililili, na mhina ng'ogha.'¹⁸Kwaikiva Yohana ahikili akileka kulyegha libumunda au kunywegha uyimbi, na wakawela wangulonga, 'Kana lihoka.' ¹⁹Mwana wa Adamu ahikili akilyegha na kuywegha na kulonga. 'Uloli, ni mundu mweni kulyegha na walowela, ghanja wa wakungula usulu na weni sambi!' Ila luhala lunguhighiliswa kwa matendu ghaki."'²⁰Yesu atumbulili kukemela mimbwani ivile amonga gha matendu ghaki gha kukangasa yagholekili, kwaikiva wawelili waweka ng'ogha sambi, ²¹Chondi wenga, Kolazini, Chondi Betisaida! Handa mighalu mikulunga ingaligholeka ku Tilo na Sidoni yala yagholekili haku, wangaliwela waleka kala sambi hahile kwa kuvala magunila na kujipakala malifu. ²²Ila itewela ufumilifu kwa Tilo na Sidoni lichuwa lya ulamulo kupiti kwa wenga.²³Wenga, Kapelinaumu, unguliwachila uteyinulwa mbaka kundumba? Ng'ogha utehuluswa mbaka pahi kumambi. Handa kwa Sodoma kungaligholeka matendu makulu, handa yaigholilwe kwa wenga, ingaliwela mbaka lelo. ²⁴Ila ningulongela kwa wenga yiwa itewela yuyughu kwa mlima wa Sodoma kugholoka lichuwa lya ulamulo kupiti wenga.²⁵Kulipindi hali Yesu ailongile, "Ningukuyinula wenga, Tati, Bambu wa kundumba na mlima, kwaikiva uwafisili mighalu hai weni luhala na umanyi, na kuyagubutula kwa wenikuwela ng'ogha na malangu, handa wana wanung'una. ²⁶Tati kwaikiva ikupalile nagha kumihu ghako. ²⁷Mighalu hyogha ipeghilwi kwa nenga kuhuma kwa Tati. Na kwahela mweni kummanya Mwana ila Tati weka yaki, na kwahela mwenikummanya Tati ila Mwana weka yaki, na yeyosi avile Mwana kana luhujulu lwa kumugubutulila.²⁸Muhiki kwa nenga, mwenga wogha wenikughasika na wenikuhinyikilwa na mihighu mitopa, na nenga nitewapumulisa. ²⁹Mjiviki nila ghangu na mjivuli kuhuma kwa nenga, kwaikiva nenga ni mnyenyekela na mnyalinyali wa moyu na na mtepokela mbumulilo gha nafusi zya mwenga. ³⁰Kwaikiva nila ghangu ni pyeku na mhighu ghangu ni myuyughu.

¹Lipindi hali Yesu ayendili lichuwa lya sabato kupitila kumitawa. Wavulwa ghaki wawelili na njala na wakatumbula kutenyula mihoji na kulyegha. ²Ila Mafalisayu pawalolile hagha, wakamlongela Yesu, "Uloli wavulwa ghako wangutenyula selia wangughola yapalilwi ng'ogha lichuwa lya Sabato."³Ila Yesu akawalongela, "Msoma ng'ogha vila Daudi aigholile, lipindi paawelili na njala, pamonga na wandu awelili nau? ⁴Vila kayingila mghati mwa lighuta lya Sapanga na kulyegha mibumunda gha mawoneso, ivile angupalwa ng'ogha kulyegha na wala kawela nau, ila ilekeselwa kwa watambika?⁵Mwambila kisoma kuselia, yiwa kulichuwa lya Sabato Watambika mghati gha lighuta lya Sapanga wanguitaya ndaka Sabato, ila wanguwela ng'ogha na uhakata? ⁶Ila ningulongela kwa mwenga yiwa mwenikuwela mkulu kupiti lighuta lya Sapanga kabaha.⁷Handa mngalimanya hai ingumaanisa niki; ningupala luhungu na ng'ogha sabihu; mngaliwalamula ng'ogha wenikuwela ng'ogha na mahakata, ⁸Kwaikiva Mwana wa Adamu ndiwa Bambu wa Sabato."⁹Hinu Yesu akahuka pala akayenda kulighuta lya kukonganikila Wayahudi lya weni. ¹⁰Uloli kuwelili na mundu mwenikupola liwoku. Mafalisayu wakamkonya Yesu, wakilonga. "Ghuli, nimaha kulamisa lichuwa lya Sabato?" Ili yiwa wawesi kumsitaki kwa kughola sambi.¹¹Yesu akawalongela, "Ghani paghati gha mwenga, avile pakawela na kondolu mmonga, na hayu kondolu akawela kadubukila mghati gha lihumba lichuwa lya Sabato, atemkola ng'ogha na kumuhumisa panje kwa makakala? ¹²Ghuli, ni niki kyeni kuwela maha, nesu kwaikiva ng'ogha kupiti kondolu! Kwa nagha ni maha kughola gha maha lichuwa lya Sabato."¹³Hinu Yesu akamlongela yula mundu, "Ulangihi liwoku lyako" Akalinyolosha, na ukawela mkomu, handa hula mghangi. ¹⁴Ila Mafalisayu wakahuma panji na kuchenga njila gha kumyalamisa wayendili panje kuchenga kihyetu kyaki. Wawelili wakihakula njila gha kumkoma.¹⁵Yesu pakamanya hali ahukili pala. Wandu watangala wakamkovekela, na akawalamisa wogha. ¹⁶Awalaghilili wakotoho kumghola amanyiki kwa waghangi, ¹⁷Yiwa itimili hila chakaka, iwelili ikilongwa na mlota Isaya, akilonga,¹⁸"18 Uloli, mtumikila ghangu nimuhaghulile, mpalwa ghangu, kuhayu nafusi ghangu ihekeleswa. Nitevika mpumulo ghangu kunani ghaki, na atetangasa ulamulo kwa milima."¹⁹Ateghasika ng'ogha wala kulila kwa makakala; wala yeyosi kuyoghanila lilowi lyaki mnjila. ²⁰Atelitenyula ng'ogha liteti lichubulwa; atejimisa ng'ogha undambi wowosi weni kuhumisa lihu, mbaka paateyegha ulamulo ikasinda. ²¹Na milima watewela na makakala kupitila lihina lyaki.²²Mundu mtenu angalimihu na angali kulonga, mweni kukolwa na mahoka ayeghilwi kuulongolo gha Yesu. Akamlamisa, pamonga na kuwonisa yiwa mundu angalikulonga alongile na kulola. ²³Lipinga lyogha lilikangasili na kulonga, "Anguwesa mundu hayu kuwela Mwana wa Daudi?"²⁴Ila lipindi Mfalisayu pawayoghanila mkangaso hau, wakalonga, "Hayu mundu anguhumisa ng'ogha mahoka kwa makakala ghaki mweni ila kwa makakala gha Belizebuli, mkulu wa mahoka. ²⁵Ila Yesu amanyile mawachilo ghau na kuwalongela, "Kila unkosi weni kulekanika weni unguyalamika, na kila mmbwani au lighuta lyeni kulekanika lyeni litegholoka ng'ogha.²⁶Paikawela Lihyukana, litemuhumisa lihyukana, hinu angulingingama kunafusi ghaki mweni. ²⁷Ni kwa ukulu ghani unkosi ghaki utegoloka? Na handa ninguhumisa mahoka kwa makakala gha Belizebuli, watumikila wa mwenga watehumisa kwa njila ghani? Kwaikiva gha hali watewela walamula wa mwenga.²⁸Na paikawela ninguhumisa mahoka kwa makakala gha Mpumulo wa Sapanga, hinu unkosi wa Sapanga uhika kwa mwenga. ²⁹Na mundu ateyingila ghuli kulighuta lya mweni makakala na kuhija, bila kumuwopa mweni makakala huti? Ndiwa atumbuli kuhija hindu kuhuma mghati gha lighuta. ³⁰Yeyosi mwenikuwela ng'ogha na nenga kakihyetu na nenga, na yula mweni kukungula ng'ogha pamonga na nenga hayu angulandala.³¹Kwa nagha ningulonga kwa mwenga, yiwa kila sambi na malighu wandu watelekeselwa, ila kumlighu Mpumulo wa Sapanga watelekeselwa ng'ogha. ³²Na yeyosi mweni kulonga lilando kihyetu kya Mwana wa Adamu, hali atelekeselwa. Ila yeyosi mweni kulonga kihyetu na Mpumulo wa Sapanga, hayu atelekeselwa ng'ogha, kumlimawogha hau, na hata hula utehika.³³Au agholi libiki kuwela maheli na litungula lyaki maheli, au uylamisi libiki lya litungula lyaki, kwaikiva libiki lingumanyika kwa litungula lyaki. ³⁴Mwenga kiwelekwa kya njoka, mwenga ni wahakata, mnguwesa ghuli kulonga milando maha? Kwaikiva mlomo ungulonga kuhuma kungoku gha yala yawela mmoyu. ³⁵Mundu maha kungoku maha gha moyu ghaki yanguhuma gha maha, na mundu mhakata kuhuma kungoku ihakata gha moyu ghaki, inguhumisa kihakata.³⁶Ninguwalongela yiwa kulichuwa lya ulamulo wandu watehumisa mavalangu gha kila lilando liwela ng'ogha lya maha wakalilongela. ³⁷Kwaikiva kwa milando ghako utevalangililwa haki na kwa milando ghako utelamulwa."³⁸Hinu amonga gha wayandika na Mafalisayu wakamyanga Yesu wakilonga, "Mvula, tungalipala kulola vilangihi kuhuma kwa wenga." ³⁹Ila Yesu awayangili na kulonga, "Kiwelekwa kihakata na kya ngongola kinguhakula kilangihi. Ila kwahela kilangihi itehumiswa kwa weni ila kila kilangihi kya Yona mlota. ⁴⁰Handa vila mlota Yona vila kawela mghati gha mtima wa homba mkulunga kwa machuwa maitatu pamuhi na uhiku, havi ndiwa Mwana wa Adamu atewela mghati mwa moyu wa mlima kwa machuwa maitatu pamuhi na uhiku.⁴¹Wandu wa Ninawi wategholoka kuulongolo gha ulamulo pamonga na kiwelekwa kya wandu hagha na watekilamula. Kwaikiva walekili sambi kwa kutangasa kwa Yona, na uloli, mundu mtenu mkulu kupiti Yona kabaha.⁴²Malikiya wa kusini ateyinuka kweni ulamulo pamonga na wandu wa kiwelekwa haki na kukilamula. Ahikili kuhuma kumwihu gha mlimawogha kuhika kuyoghanila luhala lwa Selemani, na uloli, mundu mtenu mkulu kupiti Selemani kabaha.⁴³Lipindi lihoka lihakata palimuhuka mundu, linguyenda mahala pawela ng'ogha na masi akihakula kupumulila, ila kapalola ng'ogha. ⁴⁴Hinu angulonga, 'Nitehuya kulighuta lyangu nihukili.' Paahuya angulilola lila lighuta liwofulwa na liyandalwa maha. ⁴⁵hinu anguhuya na kuwayegha waghangi mpumulo wahakata isaba weni kuwela wahakata kupiti mweni, wanguhika kulikala wogha pala. Na ndyangilu ghaki gha kumwihu inguwela ihakata kupiti hila gha mtumbulo. Hinu ndiwa itewela kwa kiwelekwa haki kihakata.⁴⁶Lipindi Yesu paawelili akilongela na lipinga uloli, nyongo ghaki na walongo ghaki wagholokili panji, wakihakula kulongela na mweni. ⁴⁷Mundu mmonga akamlongela, "Uloli nyongo ghako na walongo ghako wagholoka panji, wanguhakulakulongela na wenga."⁴⁸Ila Yesu ayangili na kumlongela yula ampwghili habali, "Nyongo ghangu ni ghani? Na walongo ghangu ni akina ghani?" ⁴⁹Na mweni akalangiha liwoko lyaki kwa wavulwa na kulongela, "Uloli, hagha ni nyongo na walongo ghangu! ⁵⁰Kwaikiva yeyosi mweni kughola mapalo gha Tati ghangu mwenikuwela kundumba, mundu hayu ndiwa mlongu ghangu, mhacha ghangu na nyongo ghangu."

¹Kulichuwa hali Yesu ahukili ukaya na kulikala mmbali gha bahali. ²Lipinga likulunga likakonganika kwa kumtindila, akayingila mghati gha wato na kulikala mghati ghaki. Lipinga lyogha likagholoka mmbali gha bahali.³Hinu Yesu akalonga milando itangala kwa mlandano, akilonga, Uloli, mkulila ayendili kukulila. ⁴Paawelili akikulila amonga gha mbeyu ziguwili mmbali gha njila na mbongu wakahika na kuzilyegha. ⁵Mbeyu ghangi ziguwili kunani gha mghomba, kuvile zipatili ng'ogha lutupi lya kukwila. Bwitu zikamela kwaikiva lutupi luwelili ng'ogha litangala. ⁶Ila lijuwa palihomoka zihomilwi kwaikiva ziwelili ng'ogha na mikegha, na ziyumili.⁷Mbeyu zighangi ziguwili paghati gha mibiki yeni mihomi. Mibiki yeni mihomi ikayenda kunani ikaitindila. ⁸Mbeyu zighangi ziguwili pahi kulutupi maha na kumela mbeyu, zighanu mianja imia imonga kupiti, zighangi isitini na zighangi iselasini. ⁹Mwenikuwela na mapulukilo na ayughanili.¹⁰Wavulwa wahikili na kumlongela Yesu, "Kwa kyani ungulongela na makongano kwa milandano?" ¹¹Yesu akawayanga na kuwalongela, "Mwenga mpendelelwa kumanya kifisu kya unkosi wa kundumba, ila weni wapeghilwi ng'ogha. ¹²Ila yeyosi mwenikuwela nachu, kwa hayu ateyongeswa kupiti, na atepokela hupo ngulu. Ila yula mweni kuwela ng'ogha nachu atepokwa.¹³Hinu ningulongela na weni kwa milandano kwaikiva pamonga na yiwa wangulola, wakotoho kulola chakaka. Na pamonga na yiwa wanguyoghanila wakotoho kuyoghanila ili wakotoho kumanya. ¹⁴Ulota wa Isaya utimila kwa weni, hula wenikulonga, "Pamyoghanila myoghanili, ila kwa njila yeyosi mtemanya ng'ogha; lipindi pamlola muwesi kulola, ila kwa njila yeyosi hila mkotoho kumanya.¹⁵Na mioyu gha wandu hagha iwela lwisa, ni yuyughu ng'ogha kuyoghanila, na wagubika mihu ghau, ili wakotoho kulola kwa mihu ghau, au kuyoghanila kwa mapulukilo ghau, au kumanya kwa mioyu ghau, wakawesa kunihyukila kanga, na ningaliwalamisa,'¹⁶Ila mihu gha mwenga ihighilwa, kwaikiva yangulola, na mapulukilo gha mwenga kwaikiva yanguyughanila. ¹⁷Chakaka ninguwalongela walota watangala na wandu wenihaki wawelili na luhujulu lwa kuyalola mighalu hila mnguilola, na wawesili ng'ogha kuilola. Wpalile kuyughanila mighalu hila mnguiyoghanila, waiyoghanila ng'ogha.¹⁸Hinaa myughanili mlandanu wa mkulila. ¹⁹Lipindi lolosi paanguyughanila lilando lya nkosi na akotoho limanya, ndiwa mhakata anguhika na kulitola lila likulilwi mghati gha moyu ghaki. Hai ni mbeyu hila ikulilwi mmbali gha njila.²⁰Yula mweni kupalwa kumighomba ni yula mweni kuyoghanila lilando na kulipokela njenji kwa luheku. ²¹Kambila kahela mikegha mghati ghaki, ila anguvumilila kwa lipindi lihupi. Lipindi lung'ai au mahakilo payahumila kwaikiva gha lilando angulikwala mbwitu.²²Mweni kukulilwa paghati gha ibiki gha mihomi, hayu ni yula mwenikuliyoghanila lilando ila maghasu gha mlima wogha na uhwangi wa unaisa vingulitindila lila lilando likoto kulela matungula. ²³Mwenikukulilwa kulutupi maha, hayu ni yula mweni kuyughanila lilando na kulimanya. Hayu ni yula mweni kulela monga kupiti mianja imia, ghangi isitini, ngangi iselasini."²⁴Yesu awapeghili mlandano mghangi. Akilonga, "Unkosi wa kundumba ungulandaniswa na mundu mweni kukulila mbeyu maha kulitawa lyaki. Ila ²⁵wandu pawasinzila, mhakata ghaki akahika hilahila akakulila magugu paghati gha nganu na hinu akayenda zyaki. ²⁶Kuulongolo nganu paimela na kuhumisa masau ghaki, ndiwa magugu yakahumila hilahila.²⁷Na watumikila wa mweni litawa wakahika wakamlongela, 'Bamb, ukulilili ng'ogha mbeyu maha kulitawa lyako? hinaa iwela ghuli liwoneka na magugu? ²⁸Akawalongela, Mhakata kaghola hali.' Watumikila wakamlongela, "Kwa nagha ungupala tuyendi tukayaputuli?"²⁹Mweni litawa akilongela, 'Ng'ogha, lipindi mnguputula magugu mteputula pamonga na nganu. ³⁰Myaleki yakuli pamonga mbaka lipindi lya mabeno. Lipindi lya mabeno nitelongela kwa wenikubena, 'Mtumbulo muyatupuli magugu na muyawopi malundila malundila na kunyanya, ila mkunguli nganu kungoku ghangu.'"³¹Hinu Yesu akawapegha mlandanu mghangi. Akalonga, "Unkosi wa kundumba ungulandana na mbeyu gha haladali ivile mundu aitolili na kuikulila kulitawa lyaki. ³²Mbeyu hai kwa uchakaka ni nzokombi kupiti mbeyu zighangi zyogha. Ila paimela inguwela ngulu kupiti mimela hyogha gha kulitawa, inguwela libiki, inguwesesa mbongu wa kunani kuhika na kuchenga vijaka kumaputila ghaki."³³Akawalongela mlandanu mghangi kangi. "Unkosi wa kundumba ni handa simika hila itolwa na mdala na kuhanganya kwa vipimu viitatu kwa ukowa mbaka vitutumuki.³⁴Hagha hyogha Yesu ayalongile kukonganilo kwa milandano. Na kaleka ng'ogha milandanu kukulongelela chochosi kwa weni. ³⁵Hai iwelili yiwa kila kilongelwa kala kupitila kwa mlota kiwesi kutimila, pala pailongile, "Nitefumbula mlomu ghangu kumilandanu. Nitelongela mighalu hila iwelili ifiswa kuhuma mighomba gha mlimawogha."³⁶Hinu Yesu awalekili makongano na kuyenda ukaya. Wavulwa ghaki wamyendelili na kulongela, "Tughalambulili mlandanu wa magugu gha mlitawa." ³⁷Yesu akawalongela na kulonga, "Mweni kukulila mbeyu maha ni Mwana wa Adamu. ³⁸Litawa ni mlimawogha; na mbeyu maha, hagha ni wana wa unkosi. Magugu ni wana wa yula mhakata, na mhakata mweni kuzikulila ni Lihyukana. ³⁹Na mabeno ni mwihu wa mlimawogha, na wenikubena ni watumikila wa kundumba wa Sapanga.⁴⁰Handa vila magugu yangukungulwa na kunyanywa lyoto, havi ndiwa itewela mwihu wa mlimawogha. ⁴¹Mwana wa Adamu ateyegha mtumikila ghaki, na kukungula kuhuma kunkosi ghaki mighalu hila iyambusilile sambi na wala wenikughola mahakata. ⁴²Watewatagha wogha kulitanulu lya lyoto, kuvile kutewela na kililo na kuhyagha malino. ⁴³Ndiwa wandu weni haki wateng'anyima handa lijuwa kuunkosi wa Tati ghau. Hayu mwenikuwela na mapulukilo gha kuyughanlila na ayughanili.⁴⁴Unkosi wa kundumba ni handa ngoku yeni kufiswa kulitawa. Mundu akailola na kuifisa. Kuluheku lwaki akayenda kuwusa vyosi kawela navyu, na kuhemela litawa. ⁴⁵Kangi, unkosi wa kundumba ungulandana na mundu menikughola biasala mweni kuhakula lulu yeni samani. ⁴⁶Lipindi paailolile hila yeni samani, ayendili akawusa kila kindu kawela nachu na akaihemela.⁴⁷Unkosi wa kundumba ni handa nyafu yenikuwela mghati gha bahali, na yiwa ingukungula viumbi vya wekaweka. ⁴⁸Paimema walopola wakakwegha kuufuku. Hinu wakalikala pahi wakakungula vindu maha mghati gha vyombu, ila viwela ng'ogha na samani vidangilwi kutali.⁴⁹Itewela nagha kumwihu gha mlimawogha. Watumikila wa kundumba wa Sapanga watehika na kuwabaghula wandu wahakata kuhuma paghati gha weni haki. ⁵⁰Na kuwatagha mghati gha litanulu lya lyoto, kuvile kutewela na malumbililo na kuhyagha malino.⁵¹Mmanya mighalu hyogha hai? Wavulwa wakamyanga, "Ndiwa." ⁵²Hinu Yesu akawalongela, "Kila myandika avile kawela mvulwa wa unkosi angulandana na mweni lighuta mwenikutola kulighuta lyaki vindu vihyonu na vihakala." ⁵³Ikawela Yesu pakayomola milandanu hyogha hai, akahuka kumahala pala.⁵⁴Hinu Yesu akahika kummbwani ghaki na akawavula wandu kumaghuta gha kukonganikila Wayahudi. Kumwihu ghaki ni yiwa walikangasili na kulongela, "Ni kugha mundu hayu paapatile luhala hai na makangaso hagha? ⁵⁵Mundu hayu ng'ogha mwana wa selemala? Maliamu ng'ogha nyongo ghaki? Na walongu ghaki ng'ogha Yakobo, Yusufu, Simoni na Yuda? ⁵⁶Na wahacha ghaki tuwela nau baha? Hinu mundu hayu kapokela kugha mighalu hai hyogha?"⁵⁷Awahyomesili. Ila Yesu awalongelili, "Mlota kalepelela ng'ogha kuwela na utundamilu ila ukaya weka. ⁵⁸Na kawesa ng'ogha kughola makangaso matangala kwaikiva wawelili ng'ogha na ukwinila nayu.

¹Kwa lipindi hali, Helodi ayoghanilile Habali kulongelela Yesu. ²Akawalongela watumikila ghaki, "Hayu ni Yohana Mbatisa kahinduka kuhuma ku kihu. Kwa nagha makakala hagha yawela kunani ghaki."³Kwaikiva Helode awelili kamkamula Yohana akamuwopa na kumtagha mgelesa kwaikiva gha Helodia, mhumbu wa Filipu mhaja ghaki. ⁴Kwaikiva Yohana amlongelili, Ng'ogha maha kumtola mweni kuwela mhumbu ghaki." ⁵Helode angalimkoma ila awatilili wandu kwaikiva wamlolile Yohana kuwela mlota.⁶Ila lipindi lya kuwelekwa Helode paihikili biti wa Helode ahinili paghati gha wandu na kumhekelesa Helode. ⁷Kukuyanga kila alaghilili kwa kilapo yiwa atempegha chochosi ateluwa.⁸Badili gha kusauliwa na nyongo ghaki, alongile, "Nipeghi nenga baha kukombi mutu wa Yohana Mbatisa." ⁹Nkosi awelili na unyengemalu kwa kuluwa kwa biti, ila kwaikiva gha kilapo kyaki, kwaikiva gha wogha weni kuwela kumulyo pamonga na mweni alamulili yiwa ingupalwa igholeki.¹⁰Akalaghila Yohana ayeghwi kuhuma mgelesa, ¹¹ili adumulwi mutu ghaki na ukayeghwa kunani gha lisinila na akapeghwa biti na akakiyegha kwa nyongu ghaki. ¹²Hinu wavulwa ghaki wakahika kuutola hula mhigha na kuusika, badili gha hali wakayenda kumlongela Yesu.¹³Na mweni Yesu pakayoghanila hagha, akijilekanisa kumahala pala akakwela mghati gha wato akayenda kumahala kwa weka. Lipindi mkongano pawamanyile kula kawela, wakamkovekela kwa maghulu kuhuma mmbwani. ¹⁴Hinu Yesu akahika kuulongolo ghau akalola lipinga likulunga. Akawawonela luhungu na kulamisa mavina ghau.¹⁵Lumihi paihika, wavulwa wakahika kwa mweni na kulongela, "Haku ni mahala paluvagha, na lichuva liyenda kala. Wahuyisi makongano ili wayendi kuvimbwani wakahemeli mulyo kwaikiva gha weni.¹⁶Ila Yesu akawalongela, "Wavile ng'ogha na lukani lwa kuyenda zyau. Muwapehi mwenga mulyo" ¹⁷Wakamlongela, "Baha tuvile na mibumunda miitano na homba waivili weka,'" ¹⁸Yesu akalonga "Muiyeghi kwa nenga."¹⁹Hinu Yesu akalaghila makongano kulikala pahi gha manyahi. Akatola mibumunda miitano na homba waivili. Akalola kunani kundumba, akahighila na kumetula mibumunda na kuwapegha wavulwa. Wavulwa wakawapegha makongano. ²⁰Wakalyegha wogha na kuyukwite. Hinu wakavikungula vipandi vyogha vya mulyo na kumemesa vibeja ikumi na ivili. ²¹Wala walyeghili wawachililwi kuwela utangala wa walumi ielufu mhano wakileka kuvalanga wadala na wana.²²Bwitu akawalaghila wavulwa wayingili mghati gha wato, lipindi hali mweni akawataula makongano wayendi zyau. ²³Badili gha kuwataula makongano kuyenda zyau, akakwela kunani kulitombi kuluwa weka yaki. Lipindi paiwela lumihi awelili haku weka yaki. ²⁴Ila hinaa watu paiwela paghati gha bahali ikiyumbila kwaikiva gha mawimbi, kwaikiva liyegha liwelili litopehu.²⁵Kuuhiku gha zamu gha inne Yesu awahikilili pabehi, akityanga kunani gha masi. ²⁶Lipindi wavulwa ghaki pawamlolile akityanga kunani gha bahali, watilili na kulonga, "Ni ligelawima," na kutova lilolwi kwa makakala kunu wakitila. ²⁷Yesu akawalongela lianja limonga, akilonga, "Muipeghi moyu! ni nenga! mkotoho kutila."²⁸Petelo amyangili kwa kulonga, "Bambu, handa niwenga, nilaghili nihiki kwa wenga kunani gha masi." ²⁹Yesu akalongela, "Uhiki." Hinu Petelo akahuma mghati gha wato na akatyanga kunani gha masi kuyenda kwa Yesu. ³⁰Ila Petelo paalolile mawmbi, atilile, na kutumbula kudidimila mmasi, akakema kwa lilowi na kulongela, "Bambu, nilokoli!"³¹Kwa kuloposela Yesu akalangiha liwoko lyaki akamuyinula Petelo, na kumlongela, "Wenga mweni ukwinila msokombi, kwa kyani uwelili na holu?" ³²Ndiwa Yesu na Petelo wkayingila kuwato, liyegha likaleka kuwumba. ³³Wavulwa muwato wakamtundamila Yesu na kulongela, "Chakaka wenga ni Mwana wa Sapanga."³⁴Na pawahubuka kala, wakahika kumlima wa Genesaleti. ³⁵Na wandu kumahala pala pawammanyile Yesu, wayeghili ujumbi kila mahala gha mmbali, na kuyegha kila mwenikuwela mvina. ³⁶Wamluwili yiwa wawesi kuyavisa luvinko lwa nguu ghaki, na watangala walamisilwi.

¹Ndiwa Mafalisayu na wayandika wakahika kwa Yesu kuhuma ku Yelusalemu. Na kulongela, ²"Kwa kyani wavulwa wangungingama mapokelo gha wagogolo? Kwaikiva wanguwofola ng'ogha mawoko ghau pawangulyegha mulyo." ³Yesu akawayanga na kuwalongela, "Mwenga- kwa kyani mngungingama selia gha Bambu kwaikiva gha mapokelo gha mwenga?⁴Kwaikiva Sapanga alongile, Mutundamili tati ghako na nyongo ghako; na 'Mweni kulonga uhakata kwa tati ghaki na nyongo ghaki, chakaka atehova,' ⁵Ila mwenga mngulonga, 'Kila mwenikumlongela tati ghaki na nyongo ghaki, '" Kila mtanga uvile angalipokela kuhuma kwa nenga hinaa ni hupo kuhuma kwa Sapanga,"' ⁶"Mundu hayu kana lukani ng'ogha lwa kumtundamila tati ghaki. Kunjila hai mlitenyula lilando lya Sapanga kwaikiva gha mapokelo gha mwenga baha.⁷Mwenga wambindingu, ni maha handa Isaya vila kalota kunani gha mwenga paailongile, ⁸Wandu hagha wangunitundamila nenga kwa milomu ghau, ila mioyu ghau iwela kutali na nenga. ⁹Wanguniyupa yaghi yaghi, kwaikiva wanguvula wavulo yenikuwela malaghilo gha wandu."¹⁰Ndiwa akawakema makongano na kuwalongela, " Myughanili na mmanyi- ¹¹Kwahela kindu kyeni kuyingila kumlomu mwa mundu na kughola ndaka. Ila, kila kyeni kuhuma kumlomu, haki ndiwa kyei kumghola mundu kuwela ndaka."¹²Ndiwa wavulwa wakamuyendela na kulonga na Yesu, "Ghuli, Ungumanya Mafalisayu pawaliyoghanila lila lilando wahyomili nesu?" ¹³Yesu awayangile na kulonga, "Kila mmela uvile tati ghangu kautkulila ng'ogha utetupulwa. ¹⁴Muwaleki weka, weni ni vilongosi wangali kulola. Handa mundu angalikulola atemulongosa angalikulola myaki, wogha waivili wateguwila mulyumba."¹⁵Petelo akayanga na kumlongela Yesu, "Tulongeli mlandanu hau, ¹⁶Yesu akayanga, "Na mwenga hilahila mwambila kumanya? ¹⁷Mwenga mlola ng'ogha yiwa kila kyeni kuyingila kumlomu kinguyingila mumtima na kuyenda kuchou?¹⁸Ila vindu vyogha vyenikuhuma kumlomu vinguhuma mghati gha moyu. ¹⁹Ndiwa vindu vyenikumtaya mundu ndaka. Kwaikiva kumoyu kunguhuma mawachilo mahakata, ukoma wandu, ungongola, udukisi, wihi, uhighilisu wa uhwangi, na malighu. ²⁰Hagha hyogha ndiwa mihalu yeni kumtaya mundu ndaka. Ila kulyegha kwa kukotoho kuwofula mawoku kungumghola ng'ogha mundu kuwoneka ndaka.²¹Ndiwa Yesu akahuka kumahala pala na akajivika weka kuyendela mbandi zya Tilo na Sidoni. ²²Uloli akahika mdala mkanani kuhuma mbandi hazi. Akatova lilowi akilonga, "Niwoneli luhungu, Bambu, Mwana wa Daudi; biti ghangu angughaswa nesu na lihoka, ²³"Ila Yesu kamyanga ng'ogha lilando. Wavulwa ghaki wakahika wakamluwa, wakilonga, "Muhumisi ayendi zyaki, kwaikiva angututovela lilowi."²⁴Yesu awayangili na kulonga, "Nilaghilwa ng'ogha kwa mundu yeyosi ila kwa kondolu wayaghamikili wa lighuta lya Izilaeli." ²⁵Ila akahika na kugondama kuulongolo ghaki, akilonga, "Bambu nitangi." ²⁶Amyangili na kulonga, "Ng'ogha maha kutola mulyo wa wana na kuwadangila ghalu."²⁷Akalonga, hata nagha ghalu wanung'una wangulyegha mulyo weni kuguwa mmesa gha Bambu wau." ²⁸Ndiwa Yesu akayanga na akilonga, "Mdala, ukwinila ghako ni mkulu. Na igholeki kwa wenga handa vila ungupal." na biti ghaki awelili kalamiswa kulipindi lila.²⁹Yesu ahukili kumahala pala na kuyenda pabehi na bahali gha Galilaya. Hinu akayenda kunani gha mitombi na kulikala haku. ³⁰Lipinga likulunga likahika kwa mweni. Na kumyeghela walemafu, wangali kulola, wangali kulonga, na walemafu waghangi wa wekaweka, wenikuwela wavina. Wawavikili kumaghulu gha Yesu na akawalamisa. ³¹Na makongano wakalikangasa pawalolile wangalikulonga wakilonga, na walemafu wakilamiswa, viweti wakityanga, na wangali kulola wakilola. Wamyinulile Sapanga wa Izilaeli.³²Yesu akawakema wavulwa ghaki na kulongela, "Niwawonela luhungu konganiko, kwaikiva wawela na nenga kwa lipindi lya machuwa itatu walyegha ng'ogha chochosi. Nitewataula ng'ogha wayendi ukaya wakiva walyegha ng'ogha, wakotoho wakahyunga mnjila." ³³Wavulwa ghaki wakamlongela, "Ni kugha tunguwesa kupokela mibumunda gha kukwila haku kumanyahi kughola lipinga likulunga handa nagha likayukwite?" ³⁴Yesu akawalongela, "Mvili na mibumunda mininga?" Wakalonga, "Isaba, na himba wanung'una mayaghani." ³⁵Yesu akawalaghila lipinga litami pahi.³⁶Aitolile hila mibumunda isaba na homba, na badili gha kushukwile, akaimetula na kuwapegha wavulwa. Wavulwa wakawapegha lipinga. ³⁷Wandu wogha wakalyegha na kukwila. Na wakakungula mahighalo gha vipandi vya mulyo vihighalile vipandi vipandi, vimemili vibeja isaba. ³⁸wogha walyeghili wawelili walumi ielufu inne ukileka wadala na wana. ³⁹Hinu Yesu akalitaula lipinga wayendi zyau na akayingila mghati gha wato na kuyenda kumahala gha Magadani.

¹Mafalisayu na Masadukayu wakamuhikila na kumyesa Yesu awalangihi kilakihi kila kinguhuma kunani. ²Ila Yesu awayangili na kuwalongela yiwa, Ikiva ni lumihi mngulonga yiwa kuchia na mahindu, kwaikiva kunani ni kungeli.³Na malawila mngulonga, 'Lelo kuchia ng'ogha maha kwaikiva kunani kuwela kwa langi gha ngeli na mahindu yagubika kunani kogha.' Mngumanya kuwela na mwanja pakunani kuwoneka havi, ila muwesa ng'ogha kuwela na mwanja kwa kulola kilangihi kya lipindi. ⁴Kiwelekwa kihakata na kya ungongola kinguhakula kilangihi, ila kwahela kilangihi chochosi kiteyeghwa, ila kila kya Yona. Hinu Yesu akawaleka na kuyenda zyaki.⁵Wavulwa wakahika mbando gha ivili, ila wawelili waliwasuwa kutola mibumunda. ⁶Yesu akawalongela, "Mlikali mihu na simika gha Mafalisayu na Masadukay." ⁷Wavulwa wakakonyana weni kwa weni na kulongela, "Ni kwaikiva titila ng'ogha mibumunda." ⁸Yesu amanyili hali na kulonga, "Mwenga weni ukwinila msokombi, kwa kyani muliwachila nagha na kulongelana paghati gha mwenga yiwa ni kwa kyani mpapili ng'ogha mibumunda?⁹Ghuli mwambla kumanya wala kukumbwike hila mibumunda mihitano kwa wandu ielufu itano, na vibeja vininga mvikungulile? ¹⁰Au mibumunda isaba kwa wandu ielufu nne, na ni vibeja vininga mtolili?¹¹Iwela ghuli hata mkotoho kumanya yiwa niwelili nilonga ng'ogha na mwenga kulongelela mibumunda? Mjiviki maha na mjiviki kutali na simika gha Mafalisayu na Masadukayu." ¹²Hinu wakamanya yiwa awelili kawalongela ng'ogha kulikala mihu kwa habali gha mibumunda yeni simika, ila kulikala mihu na mavulo gha Mafalisayu na Masadukayu.¹³Lipindi Yesu paahikili kumahala gha Kaisalia gha Filipi, akawakonya wavulwa ghaki, akilonga, "Wandu wangulonga yiwa Mwana wa Mundu ni ghani?" ¹⁴Wakalonga, "Waghangi wangulonga yiwa ni Yohana Mbatisa; waghangi, Eliya; na waghangi Yelemia, au mmonga wa walota. ¹⁵Akawalongela, hinu mwenga mngulonga yiwa nenga na ghani? ¹⁶Akiyanga Simoni Petelo akalonga, "Wenga ni Kilisito Mwana wa Sapanga mwenikuwela mkomu."¹⁷Yesu akamuyanga na kumlongela, "Uhighilwa wenga, Simoni Bar Yona, kwaikiva mwahi na liwondu likugubutulila ng'ogha hali, ila tati ghangu mwenikuwela kundumba. ¹⁸Na nenga hilahila ningukulongela yiwa wenga ni Petelo na kunani gha mghomba hau nitelichenga lipinga lya wamkwinila Kilisito. Milyangu gha kumambi itelisinda ng'ogha.¹⁹Nitekupegha wenga funguu zya unkosi wa kundumba. Chochosi utekiwopa kumlima kitewela kiwopwa kundumba, na chochosi utekiwoposola kumlima kitewela kiwoposolwa kundumba." ²⁰Hinu Yesu akawalongela wavulwa wakotoho kumlongela mundu yeyosi yiwa mweni awelili ni Kilisito.²¹Kuhuma lipindi lila Yesu atumbulile kuwalongela wavulwa yiwa ni lasima ayendi Yelusalemu, kuhakilwa kwa mighalu itangala kumawoku gha wagogolo na wakulu wa watambika na wayandika, kukomwa na kuhindulwa lichuwa lya itatu. ²²Hinu Petelo akamtola Yesu mmbali na kumkalipila, kwa kulongela, "Mghalu hau na uweli kutali na wenga, Bambu, hali likotoho kuhumila kwa wenga. ²³Ila Yesu akahyuka na kumlongela Petelo, "Uhuyi kuyetu kwa nenga lihyukana! Wenga ni kingingamu kwa nenga, kwaikiva wenga ungulolesa ng'ogha mighalu gha Sapanga, ila mighalu gha wandu."²⁴Hinu Yesu akawalongela wavulwa ghaki, "Paikawela mundu yeyosi kapala kunikovekela nenga, ni lasima alikani mweni, atoli lipingika lyaki, na anikovekeli. ²⁵Kwaikiva mweni kupala ukomu ghaki ateuyalamisa, na kwa yeyosi mwenikuyalamisa ukomu ghaki kwaikiva gha nenga ateulokola. ²⁶Ghuli! Hupu ghani atepokela mundu pakapokela mlima wogha ila akayalamisa ukomu ghaki? Ghuli! Ni niki atetola mundu kukupeghana nan ukomu ghaki?²⁷Kwaikiva Mwana wa Adamu atehika kuukwilikihi wa Tati ghaki na watumikila ghaki wa kundumba. Na mweni atemhipa kila mundu kukovekelana na matendu ghaki. ²⁸Chakaka ninguwalongela kuvile na amonga gha mwenga mwenga mgholoka baha wateyesa ng'ogha kihu mbaka pawamlola Mwana wa Adamu akihika kuunkosi ghaki.

¹Machuwa isita kuulongolo Yesu awatolile pamonga na mweni Petelo, na Yohana, na Yakobo mlongu ghaki, na akayenda nau mbaka kunani gha litombi litali. ²Aghalambulilwi kuulongilo gha weni. wuso ghaki ukang'anyima handa lijuwa, na nguu zyaki ziwonekanili zyeni kung'ala handa mhana.³Uloli, pala wahumilili Musa na Eliya wakilongela na mweni. ⁴Petelo akayanga na kumlongela Yesu, "Bambu, ni maha kwa twenga kuwela mahala baha. Handa paupala, nitechenga haku vibimilo viitatu- kimonga kya ko, na kighangi kwaikiva gha Musa, na kimonga kwaikiva gha Eliya."⁵Lipindi angulongela, uloli lihindu mbuleti likawataya kisisi, na uloli, likahumila lilowi kuhuma kumahindu, likilonga, "Hayu ni mwana ghangu mpalwa ninguhekeleswa nayu. Mumyoghanili mweni." ⁶Wavulwa pawayoghanila hagha, wakaguwa kifulifuli na wakatila nesu. ⁷Hinu Yesu akahika akawayavisa na kulonga, "Myinuki na mkotoho kutila." ⁸Na weni wakayinula wusu ghau kunani wamlolile ng'ogha mundu ila Yesu weka yaki.⁹Na pawawelili wakihuluka kulitombi, Yesu akawalaghila, akilonga, "Mkotoho kulongela habali gha mawonu hagha mbaka pala Mwana wa Adamu lipindi atehindulwa kuhuma kukihu." ¹⁰Wavulwa ghaki wakamkonya, wakilonga, "Ni kwa kyani wayandika wangulonga yiwa Eliya atehika mtumbulo?¹¹Yesu akawayanga na kulongela, "Eliya atehika chakaka na atehuyisa mighalu hyogha. ¹²Ila ninguwalongela mwenga, Eliya kahika kala, ila wammanya ng'ogha. Badili ghaki, wamgholilile mighulu wapalile weni. Na havi ndiwa Mwana wa Adamu atehakilwa kumawoku ghau." ¹³Ndiwa wavulwa wakamanya yiwa awelili akilongela habali gha Yohana Mbatisa.¹⁴Pawahika kulipinga lya wandu, mundu mmonga amyendelili, akatova manung'una kuulongolo ghaki, na kumlongela, ¹⁵"Bambu, umuwoneli luhungu mwana ghangu, kwaikiva kawela na kifwafwa na kughasika nesu. Kwaikiva mianja itangala anguguwa mlyoto au kumasi. ¹⁶Nimyeghili kwa wavulwa ghako, ila wawesili ng'ogha kumlamisa.¹⁷Yesu akayanga akilonga, Mwenga kiwelekwa kikwinila ng'ogha na kiyalamika, nitelikala pamonga na mwenga mbaka ligha? Nitefumililana na mwenga mbaka ligha? Myeghi kwa nenga." ¹⁸Yesu amkalipilili, na lihoka likamuhuka. mhongolo alamisilwi kuhuma liaa lila.¹⁹Hinu wavulwa wakamuhikila Yesu kwa kifisu na kumkonya, "Kwa kyani tusindilwi kumuwinga?" ²⁰Yesu akawalongela, "Kwaikiva gha ukwinila wa mwenga msokombi. Chakaka ninguwalongela, handa mtewela na ukwinila hata msokombi handa mbunji gha mbeyu gha haladali, mtewesa kuulongela litombi hali, uhuki kuhuma baha na uyendi kula, na lweni litehuka na kutewela ng'ogha na kindu chochosi kya kusindikana kwa mwenga. ²¹(uwiki mkasu: Milando gha msitali wa 21 "Ila ndambu hai gha lihyukana litehuka ng'ogha, ila kwa mayupo na kuwopa mulyo" yawonekana ng'ogha ku mayandiko gha dahile).²²Lipindi pawambila ku Galilaya, Yesu akawalongela wavulwa ghaki, "Mwana wa Adamu atekamukwa mumawoku gha wand. ²³Na wahusutu, na lichuwa lya itatu atehinduka," Wavulwa wanyengemangili nesu.²⁴Na weni pawahikili ku Kapenaumu, wandu weni kukungula kodi gha nusu shekeli wakamuyendela Petelo na kulongela, "Ghuli mvula wa mwenga anguhipa kodi gha nusu shekeli?" ²⁵Akalonga, "Hina" Ila Petelo pakayingila mghati gha lighuta, Yesu akalongela na Petelo mtumbulo na kulongela, "Unguliwachila niki Simoni? Wankosi wa mlimawogha, wangupokela kodi au usulu kuhuma ghani? Kwa wala wenikuwalongosa kuhuma kwa wahenja?²⁶Na lipindi Petelo pailongile, "Kuhuma kwa wahenja" Yesu akamlongela, hinu weni kulongoswa wahumiswa kukuhipa kodi. ²⁷Ila tukotoho waghola wakungula usulu wakaghola sambi, uyendi kubahali, utaghi ndoana, na umtoli yula homba mweni kuhika mtumbulo. Badili gha kuwoposola mlomu ghaki, utelola mula shekeli imonga. Itoli na uwapeghi wakungula usulu kwaikiva gha nenga na wenga.

¹Lipindi lilalila wavulwa wakahika kwa Yesu na kumlongela, "Ni ghani mweni kuwela mkulu kuunkosi wa kundumba?" ²Yesu akamkema mwana mnung'una, akamvika paghati gha weni, ³na kulongela, "Chakaka ninguwalongela, pamleka ng'ogha sambi na kuwela handa wana wanung'una mtewesa ng'ogha kuyingila kuunkosi wa kundumba.⁴Hinu yeyosi mweni kujihulusa handa mwana mnung'una, mundu hayu ni mkulu kuunkosi wa kundumba. ⁵Na yeyosi mwenikumpokela mwana mnung'una kwa lihina lyangu kanipokela nenga. ⁶Ila yeyosi mwenikuyambusa mmonga paghati gha waning'una hagha weni kunikwinla kuhyuka, itewela maha kwa mundu hayu liganga likulu lya kuhyaghila likawopwa muntandala ghaki, na kudubukizwa mmasi gha kina kitali mbahali.⁷Chondi kwa mlimawogha kwaikiva gha lipindi lya kuhyomelwa! kwaikiva kuwela ng'ogha na mhyeto wa lipindi hali, la chondi kwa mundu yula lipindi hali litehika kwaikiva gha mweni! ⁸handa liwoku lyako au lighulu lyako palikuyambusila kuhyoma, lidumuli na kulitaghila kutali. Ni mbaha nesu kwa wenga kuyingila kuukomu ukawela ng'ogha na liwoku au mlemafu, kupiti kutaghwa kulyoto lya machuwa yayendelala ukawela na mawoku hyogha au maghulu hyogha.⁹Handa lisu lyaku palikuyambusa uguwi, ulitupuli na ulitaghi kutali na wenga. Ni maha nesu wenga uyingili kuukomu na lisu limonga, kupiti kutaghwa kulyoto lya machuwa yayendelela ukiva na malisu ghako hyogha maivili.¹⁰Mloli yiwa mkotoho mkampughanya mmonga wa wanung'una hagha. Kwaikiva ninguwalongela yiwa kundumba kuvile na watumikila wa kundumba wa Sapanga weni machuwa hyogha wanguulola wuso wa Tati ghangu mwenikuwela kundumba. ¹¹(Uwikili mkasu: Milando yeni kuwoneka handa musitali wa 11, "Kwaikiva Mwana wa Adamu ahikili kulokola kila kiwelili kiyalamika" yawoneka ng'ogha kumayandiko maha gha dahile)¹²Mnguliwachila niki? Paikawela mundu kana kondolu imia imonga, na mmonga wa weni akayaghamika, ghuli atewaleka ng'ogha itisini na itisa kulitombi na kuyenda kumuhakula mmonga mweni kuyaghamika? ¹³Na pakamkola, chakaka anguwalongela, angumuhekelelela kupiti wala itisini na itisa weni kuyaghamila ng'ogha. ¹⁴Hilahila, ng'ogha mapalo gha Tati gha mwenga wa kundumba kuwela mmonga wa wanung'una hagha ayaghamili.¹⁵Handa mlongu ghako kakuhakila, uyendi, ukamlangihi uhakata uwelili kakugholela mkiva weka yenu. Handa pakakuyoghanila, utewela umuhuyisa mlongu ghaku. ¹⁶Ila paikawela kakuyoghanila ng'ogha, umtoli mundu mmonga au waivili kupiti pamonga na wenga, kwaikiva kwa milomu gha wandu waivili au waitatu kila lilando linguwesa kuhighiliswa.¹⁷Na paikawela kapughanya kuwayoghanila, uwalongeli lipinga lya wamkwinila Kilisito mghalu hau, handa akapughanya hilahila kuyoghanila lipinga lya wamkwinila Kilisito, hinu na aweli handa mundu wa mlima na mkungula usulu.¹⁸Chakaka ninguwalonge, chochosi kila mtekiwopa kumlimawogha na kundumba kitewopwa. na chochosi mtekiwopola kumlima na kundumba kitewoposolwa. ¹⁹Kangi ninguwalongela yiwa handa wandu waivili paghati gha mwenga pawajumilana kunani gha mghalu wowosi kumlima lila wanguliypa, hali tati ghangu wa kundumba atelighola. ²⁰Kwaikiva waivili au waitatu pawakonganika pamonga kwa lihina lyangu, nenga niwela paghati ghau.²¹Kangi Petelo akahika na kumlongela Yesu, "Bambu, ni mianja mininga mlongu ghangu pakanikakila nanenga nimlekeseli? Hata mihanja isaba?" ²²Yesu akamlongela, "Nikulongela ng'ogha mianja isaba, ila hata isabini mianja isaba.²³Kwaikiva gha nagha unkosi wa kundumba ni handa na unkosi utenu mweni kupala kulekebisa mbandi kuhuma kwa wahusutu ghaki. ²⁴Paatumbulili kulekebisa mavalangu, mhusutu mmonga akayeghwa kwa mweni avile angumdai talanta ielufu ikumi. ²⁵Kwaikiva kawela ng'ogha na njila gha kuhipa, bambu ghaki alahilili awuswi, mhumbu ghaki pamonga na wana ghaki na kila kindu kawela nachu, na mahipo yagholeki.²⁶Hinu mhusutu aguwili, akatova manung'una kuulongolo ghaki, akilonga, 'Bambu, uweli na ufumilifu pamonga na nenga, na nitekuhipa kila kindu.' ²⁷Hini yula bambu wa yula mhusutu, kwaikiva ahukumilwi nesu na luhungu, amlekili na kumlekesela lideni hali.²⁸Ila mhusutu yula ahukili na kumlola mmonga paghati gha wahusutu wayaki, awelili angumdai dinali imia imonga. akamkola na kumtova lingaka, na kumlongela, 'unihipi kila ningukudai.' ²⁹Ila yula mhusutu myaki aguwili na kumluwa nesu, akilonga, 'Uweli na ufumilifu na nenga, nitekuhipa.'³⁰Ila mhusutu yula wa mtumbulo akanili. Badili ghaki, ayendili na kumtagha mgelesa, mbaka pala paatempegha kila angumdai. ³¹Na pawalolile wahusutu wayaki kila kihumilile. Wang'ung'ulikili nesu. Wakahika na kumlongela Bambu ghau kila kindu kihumilile.³²Ndiwa yula Bambu wa mhusutu yula akamkema, na kumlongela, 'Wenga mhusutu mhakata, nikulekeselili wenga lideni lyangu lyogha kwaikiva uniluwili nesu. ³³Ghuli! Upalilwe ng'ogha kuwela na luhungu kwa hayu mhusutu myako, handa nenga vila nikuwonelile luhungu?³⁴Bambu ghaki ahyomili na kumyegha kwa wala wenikuhakila mbaka paatehipa lideni lyogha apalilwe kuhipa. ³⁵Hinu ndiwa tati ghangu wa kundumba vila atewagholela, handa kila mmonga wa mwenga atemlekesela ng'ogha mlongu ghaki kuhuma kumoyu."

¹Ihumilie lipindi Yesu paayomolile milando hila, akahuka Galilaya, na akayenda kumimbaka gha Yudea kuulongolo gha mlweni Yoludani. ²Lipinga likulunga likamkovekela, na akawalamisa.³Mafalisayu wakamuhikila, wakamuyesa, wakamlongela, "Ghuli ni maha kwa mundu kumleka mhumbu ghaki kwa lukani lolosi?" ⁴Yesu akamuyanga na kulonga, "Msoma ng'ogha, yiwa hayu mweni kuwalumba mtumbulo alumbili mlumi na mdala?⁵Na kangi akalonga, 'Kwaikiva gha nagha mlumi atemleka tati ghaki na nyongo ghaki na kukongine na mhumbu ghaki, na weni waivili watewela mhigha mmonga?' ⁶Hinu ng'ogha waivili kangi, ila mhigha mmonga. Hinu, kila kakikonganisa Sapanga, mundu yeyosi akotoho kukilekanisa."⁷Wakamlongela, "Hinu kwa kyani Musa atulaghilile kuhumisa lihamba lya mlekanu na kumleka?" ⁸Akawalongela, "Kwa ugangamalu wa mwenga wa moyu Musa akawalaghila kuwaleka wahumbu gha mwenga, ila kuhuma mtumbulo iwelili ng'ogha nagha. ⁹Ninguwalongela, yiwa yeyosi atemleka mhumbu ghaki, ila kwaikiva gha ngongola weka, na akamposa mghangi, kaghola kala ngongola. Na mlumi atemposa mdala alekilwi kaghola ngongola."¹⁰Wavulwa wakamlongela Yesu, "Handa ndiwa inguwela kwa mngwana na mhumbu, ng'ogha maha kuposa." ¹¹Ila Yesu akawalongela, "Ng'ogha kila mundu anguwesa kupokela mavulo hagha, ila ni kwa wala weni kulekeselwa kupokela. ¹²Kwaikiva wawela wambendi wenikuwelekwa kuhuma kumtima wa nyongu ghau. Na hilahila kuvile na wambendi wagholilwe na wandu. Na kuvile na wambendi wajigholile wambendi kwaikiva gha unkosi wa kundumba. Mweni kuwesa kupokela mavulo hagha na ayapokeli."¹³Hinu akayeghelwa amonga gha wana wanung'una ili awavikili mawoku kunani ghau na kuluwa, ila wavulwa ghaki wakamlalipila. ¹⁴Ila Yesu akalonga, "Muwalekeseli wana wanung'una, hata mkotoho kuwalemesa kuhika kwa nenga, kwaikiva unkosi wa kundumba ni wa wandu handa hagha. ¹⁵Na mweni akavika mawoku ghaki kunani kwa weni, na hinu akahuka pala.¹⁶Uloli mundu mmonga akahika kwa Yesu kusema, "Mvula, ni kindu ghani kya mahaeli ningupalwa kughola ili mbati kuwela na ukomu wa machuwa yayendelela?" ¹⁷Yesu akamlongela, "Kwa kyani ungunikonya ni kindu ghani kya maha? Kuvile na mmonga hela mwenikuwela mmaha, ila handa paupala ukomu kupokela ukomu, ukoli selia zya Sapanga."¹⁸Yula mundu akamkonya, "Ni selia ghani?" Yesu akalonga, "Ukotoho kukoma, ukotoho kughola ngongola, ukotoho kuhija, ukotoho kulongela uhwangi, ¹⁹watundamili tati ghako na nyongo ghako, na umpali mundu wa pabehi na wenga handa nafusi ghako."²⁰Mundu yula akamlongela, "Mighalu hyogha hai niighola kala. Nambila kupala niki? ²¹Yesu akamlongela, "Handa paupala kuwela utimila, uyendi ukawusi vila uwela navyu, na uwapeghi wangali hindu, na utewela na ngoku kundumba. na hinu uhiki unikovekeli." ²²Ila mhongolo yula pakayoghanila yala Yesu amlongilile, akahuka kwa kunyengemala, kwaikiva awelili kakola hindu itanagala.²³Yesu akawalongela wavulwa ghaki, "Chakaka ninguwalongela, ni yuyughu ng'ogha kwa mundu mnaisa kuyingila kuunkosi wa kundumba. ²⁴Kangi ninguwalongela, ni yuyughu kwa ngamia kuyingila kulilanga lya sindanu, kupiti kwa mundu mnaisa kuyingila kuunkosi wa Sapanga."²⁵Wavulwa pawayoghanila nagha, walikangasili nesu na kulonga, "Ni ghani hinu atelokoka?" ²⁶Yesu akawalola na kulongela, "Kwa wandu hali linguwesekana ng'ogha, ila kwa Sapanga hyogha yanguwesekana." ²⁷Hinu Petelo akamuyanga na kumlongela, "Uloli, tuleka vyogha na kukukovekela wenga. Ni hindu ghani tutepokela?"²⁸Yesu akawalongela, "Chakaka ninguwalongela, yula mweni kunikovekela nenga, kuuwelekwa hyonu lipindi Mwana wa Adamu paatetama kukikalilo kya ukulu kya ukwilikihi ghaki, mwenga hilahila mtetama kunani gha vikalilo ikumi na ivili vya ukulu, kuwalamula makabila ikumi na ivili.²⁹Kila mmonga wa mwenga mweni kuleka lighuta, mhaja, mhacha, tati, nyongo, wana, au litawa kwaikiva gha lihina lyangu, atepokela mianja imia na kulihi ukomu wa machuwa yayendelela. ³⁰Ila watangala wenikuwela wa mtumbulo, watewela wa kumwihu na wenikuwela wa mwihu watewela wa mtumbulo.

¹Kwaikiva unkosi wa kundumba ungulandana na mkola litawa, mwenikulamuka malawila njenji ili kuajili waghola lihengu kulitawa lyaki lya misabibu. ²Badili gha kuwela kajumilana na waghola lihengu dinali imonga kwa lichuwa lyogha, awalaghilile kuyenda kulitawa lyaki lya misabibu.³Ayendili kangi badili gha maisa maitatu na awonili waghola lihengu waghangi wakiwela wagholoka bila lihengu kumahala gha soku. ⁴Akawalongela, 'Mwenga hilahila, myendi kulitawa lya misabibu, na chochosi kyeni umaha nitewapegha.' Hinu wakayenda kughola lihengu.⁵Akayenda kangi badili gha masaa isita na kangi kulisaa lya itisa, na agholile nagha nagha. ⁶Lianja lighangi kangi paihika lisaa ikumi na imonga, ayendili na kuwalola wandu waghangi wagholoka mahala wakiva ng'ogha na lihengu. Awalongilile, 'Kwa kyani mgholoka baha bila lihengu lyoyosi kwa lichuwa lyogha? ⁷Wakamlongela, kwaikiva kwahela mundu yeyosi mwenikutupegha lihengu. Akawalongela, 'Na mwenga hilahila myendi kulitawa lya sabibu.'⁸Lipindi lya lumihi palihika, mweni lighuta lya misabibu akamlongela mgholokela ghaki, 'Uwakemi waghola lihengu na uwahipi misahala ghau, kwa kutumbula na wa kumwihu mbaka wa mtumbulo.' ⁹Pawahikile wala weni kuajiliwa lisaa lya ikumi na imonga, kila mmonga wa weni apokelili dinali. ¹⁰Pawahikile waghola lihengu mtumbulo, waliwachilile yiwa watepokela kupiti, ila hilahila wapokelili kila mmonga dinali imonga.¹¹Badili gha kupokela mapesa ghau, wamlalamikile mkola wa lila litawa. ¹²Wakalonga, 'Hagha waghola lihengu wa kumwihu watumilile lisaa limonga hela kukughola lihengu, ila uwapeghili handa twenga, twenga tupapa mhighu kwa lichuwa lyogha na kukongine na lyoto ukamala.'¹³Ila mweni litawa akayanga na kulongela kwa mmonga wa weni, 'Ghanja, nighola ng'ogha mghalu mhakata. Ghuli! tujumilana ng'ogha na nenga kwa kupeghana dinali imonga? ¹⁴Upokeli kila kyenikuwela ungupalwa kupokela na uyendi zyako. Ni mhekelelu ghangu kuwapegha hagha waghola lihengu niwapatile kumwihu handa wenga.¹⁵Ghuli! Ng'ogha haki kwa nenga kughola kila nikipalile na hindu ghangu? Au lisu lyako ni lihakata kwaikiva nenga ni mmaha? ¹⁶Hinu wa kumwihu atewela wa mtumbulo na wa mtumbulo atewela wa mwihu."¹⁷Yesu paawelili akikwela kuyenda Yelusalemu, awatolile wavulwa ghaki ikumi na ivili mmbali, na kuwalongela, ¹⁸"Mloli tunguyenda ku Yelusalemu, na Mwana wa Adamu atevikwa kumawoku gha wakulu wa watambika na wayandika. Watemlamula kihu ¹⁹na watemyegha kwa wandu wa milima ili kumpughanya, kumtova na kumvamba. Ila kulichuwa lya itatu atehinduka."²⁰Hinu nyongo wa wana wa Zebedayo ahikili kwa Yesu na wana ghaki. Atovili manung'una kuulongolo ghaki na kumluwa kindu kuhuma kwa mweni. ²¹Yesu akamlongela, "Ungupala niki?" Akamlongela, "Ulaghili yiwa hagha wana ghangu waivili walikali, mmonga liwoku lya kuliyila na mmonga liwoku lya soto kuunkosi ghako."²²Ila Yesu akayanga na kulonga, "Ungumanya ng'ogha kila ungukiluwa. Ghuli! unguwesa kunyweghela kikombi kivile nitekinyweghela?" Wakamlongela, "Tunguwesa." ²³Akawalongela, "Kikombi kyangu chakaka mtekinyweghela. Ila kulikala mbandi ghangu gha liwoku lya kuliyila na sotu lihengu lya nenga ng'ogha kuwapegha, ila ni kwa wala wayandalilwa kala na Tati ghangu." ²⁴Wavulwa waghangi ikumi pawayoghanilile hagha, wakanyengemala nesu na wala walongu waivili.²⁵Ila Yesu awakemili mweni na kuwalongela, "Mngumanya yiwa walongosa wa milima wanguwagholesa, na wakulu wau wangughola kila wapeghilwi na wakulu ghau. ²⁶Ila ikotoho kuwela nagha kwa mwenga. Badili ghaki, yeyosi atepela kuwela mkulu paghati gha mwenga ni lasima aweli mtumikila wa mwenga. ²⁷Na mwenikupala kuwela wa mtumbulo paghati gha mwenga lasima aweli mtumikila wa mwenga. ²⁸Handa vila Mwana wa Adamu kahika ng'ogha kutumikilwa, ila kutumikila, na kuhumisa ukomu ghaki kuwela ukombola kwa watangala."²⁹Lipindi wakihuma Yeliko, lipinga likulunga limkovekelili. ³⁰Na wawalolile wangali kulola waivili watama mmbali gha njila. Pawayohanila yiwa Yesu awelili angupita, wakatova lilowi nam kulonga, "Bambu, Mwana wa Daudi, utuwoneli luhungu." ³¹Ila lipinga likawakalipila, na kuwalongela mnyamali. Hata nagha, weni wakatova lilowi kupiti na kulongela, "Bambu, Mwana wa Daudi, utuwoneli luhungu."³²Hinu Yesu agholokili na awakemili na kuwakonya, "Mngupala niwagholeli niki?" ³³Wakamlongela, "Bambu yiwa mihu gha twenga iwoposolwi." ³⁴Hinu Yesu, akiva kakweghwa na luhungu, akayavisa mihu ghau, lihanja lilalila wakapokela uweso wa kulola na wakamkovekela.

¹Yesu na wavulwa ghaki wakahika pabehi na Yelusalemu na wakayenda mbaka ku Besfage, kulitombi lya mizeituni, hinu Yesu akawalaghila wavulwa waivili, ²akiwalongela, "Myendi kukimbwani kila kya kuulongolo, na bwitu mtemlola punda kawopwa pala, na mwana punda pamonga na mweni. Muwawoposoli na kuwayegha kwa nenga. ³Ikiva mundu yeyosi pakawalongela chochosi kwa habali gha hali, mtelonga, 'Bambu anguwapala, na mundu hayu bwitu atewalekesela muhiki pamonga na weni."⁴Mghalu hau uhumilili ni hula ulongelilwi kupitila kwa mlota lasima litimili. Akawalongela, ⁵Walongeli biti Sayuni, uloli nkosi ghako anguhika kwa mwenga, mnyenyekela na akiva kamkwela punda, na mwana punda mlumi, mwanapunda mng'enya.⁶Hinu wavulwa wakahuka na kughola handa Yesu vila kawalaghila. ⁷Wakamyegha punda na mwanapunda, na na kuvika nguu zyau kunani ghau, na mweni Yesu akatama pala. ⁸Watangala kukongamano walandalili nguu zyau mnjila, na waghangi wadumulile maputila kuhuma kumibiki na kuyandasa mnjila.⁹Lipinga lyeni kumlongola Yesu na wala wamkovekelile watovili lilowi, wakilonga, "Hosana kwa Mwana wa Daudi! Ni mhighilwa mweni kuhika kwa lihina lya Bambu. Hosana kunani nesu!" ¹⁰Yesu paahikile Yelusalemu, mmbwani wogha ulikangasili na kulonga, "Hayu ni ghani? ¹¹"Lipinga likayanga, "Hayu ni Yesu Mlota, kuhuma ku Nazaleti gha Galilaya."¹²Hinu Yesu akayingila kulighuta lya Sapanga akawawinga panji wogha wenikuwela wakiwusa na kuhemela kulighuta lya Sapanga. Hilahila aghalambulili mesa sya waghalambula mapesa na vikalilu vya wawusa ngungda. ¹³Akawalongela, "Iyandikwa, 'Lighuta lyangu litekemwa lighuta lya mayupo, ila mwenga mlighola kuwela mbangu gha wapokola." ¹⁴Hinu wangali kulola na walemafu wakamuhikila kulighuta lya Sapanga, na mweni akawalamisa.¹⁵Ila lipindi wakulu wa watambika na wayandika pawalolile makangaso yalaayagholile, na pawayoghanile wakitova lilowi kulighuta lya Sapanga na kulongela, "Hosana kwa Mwana wa Daudi," Wakolilwe na lilaka. ¹⁶Wakamlongela, "Uyoghanile kila kingulongelwa na hagha wandu?" Yesu akawalongela, "Hina! Ila myesa ng'ogha kusoma, 'Kuhuma kwa milomu gha wana na wana wang'enya wenikuyonga mvile na kuyinulwa kula kutimila?" ¹⁷Hinu Yesu akawaleka na kuyenda panji gha mmbwani ku Besania na kuwonja haku.¹⁸Malawila paawelili akihuya kummbwani, awelili na njala. ¹⁹Alolile libiki lilela tini mmbali mbali gha njila. Akaliyendela, ila kalola ng'ogha kindu kunani ghaki ila mahamba weka yaki. Akaulongela, "Kukotoho kuwela na matungula kwa wenga machuwa yayendelela kangi." Na bwitu lila libiki likanyala.²⁰Wavulwa pawalolile, wakalikangasa na kulonga, "Iwela ghuli libiki lilela tini linyala lihanja limonga?" ²¹Yesu akayanga na kuwalongela chakaka ninguwalongela, handa pamkawela na ukwinila na bila holu, mteghola ng'ogha kila kigholikili kwa hali lilela tini hela, ila mtelongela hata hali litombi, utolwi na ukataghwi kubahali, na itegholeka. ²²Chochosi mtekiluwa kwa mayupo, kunu mkikwinila, mtepokela."²³Yesu paahikile kulighuta lya Sapanga, wakulu wa watambika na wagogolo wa wandu wakamuhikila lipindi paawelili akivula na kumkonya, "Ni kwa ulongosi ghani ungughola mighalu hai? Na nighani mweni kukupegha kughola hali?" ²⁴Yesu akayanga na kuwalongela, "Na nenga hilahila nitewakonya kindu kimonga. pamkanilongela, na nenga hilahila nitewalingela ni kwa ulongosi ghani ningughola mighalu hai.²⁵Ubatiso wa Yohana- uhumili kugha, kundumba au kwa wandu?" Wkakonyana weni kwa weni, wakilonga, patutelonga uhumili kundumba, atetulongela kwa kyani mumkwinila ng'ogha? ²⁶Ila patulongile, uhumile kwa wandu, tunguwatila makongano, kwaikiva wogha wangumlola Yohana handa mlota." ²⁷Hinu wakamyanga Yesu na kulonga, "Tungumanya ng'ogha" Akawalongela hilahila, "Hata nenga nitewalongela ng'ogha ni mkwa ulongosi ghani ningughola mighalu hai.²⁸Ila mnguliwachila niki? Mundu mweni wana waivili. Akayenda kwa mmonga na kumlongela, Mwana ghangu, uyendi ukagholi lihengu kulitawa lya misabibu lelo. ²⁹Mwana akayanga na kulongela, niteyenda ng'ogha, Ila kuulongolo akaghalambula mawachilo ghaki akayenda. ³⁰Na mundu yula akayenda kwa mwana wa ivili na kulongela kindu kilakila. mwana hayu akayanga na kulongela, niteyenda bambu, ila kayenda ng'ogha.³¹Ni ghani paghati gha wana waivili mwenikughola mapalo gha tati ghaki? Wakalonga, "Mwana wa mtumbulo." Yesu akawalongela, "Chakaka ninguwalongela, wakungula usulu na wangongola wateyingila kuunkosi wa Sapanga pambila gha mwenga kuyingila. ³²Kwaikiva Yohana ahikili kwa mwenga kwa njila gha lipala, ila mumkwinila ng'ogha. Na mwenga, pamlola hali likigholeka muyesili ng'ogha kuleka sambi ili kuulongolo mumkwinili.³³Myoghanili mlandanu mghangi. Kuwelili na Mundu, mundu mweni mahala kukulu ku mlima. Akalulila misabibu, akaivikila likuta, akaghola na kyombu kya kukamulila divai, akachenga na kindangawala kya wagholokela, na akalikodisa kwa wavika sabibu. Hinu akayenda kumlima mghangi. ³⁴Lipindi lya mabeno gha misabibu palihika pabei, awalaghilile amonga gha watumikila kwa watukutula wa misabibu kutola lihomosi lyaki.³⁵Ila watukutula wa sabibu wakawatola watumikila ghaki, wakamtova mmonga, wakamkoma mghangi, na wakamtova mmonga kwa maganga. ³⁶kwa lianja lighangi, mgholokela awalaghilile watumikila waghangi, watangala kupiti wala wa mtumbulo, ila watukutula wa misabibu wakawagholela vilavila, ³⁷Badili gha pala bambu yula akamlaghila mwana ghaki, akilonga, "Watemtundamila mwana ghangu."³⁸Ila watukutula wa misabibu pawamlolile mhongolo yula, wakalongelana, "Hayu ni mlihi, Muhiki, tumkomi na tukamuli ntwenga ulihi." ³⁹Hinu wakamtola, wakamtagha panje gha litawa lya misabibu na kumkoma.⁴⁰Ghuli mkola wa litawa lya misabibu paatehika, atewaghola niki watukutula wa misabibu?" ⁴¹Wakamlongela, "Atewayaghamila hagha wandu wahakata kunjila gha ukalipa nesu, na hinu atelikodisa kwa watukutula waghangi wa misabibu, wandu wavile watehipa kwa lipindi misabibu paipia."⁴²Yesu akawalongela, "Msoma ng'ogha kumayandiko, 'Liganga walilemili wachengaji liwela liganga likulunga lya mghomba. Hali lihumile kwa Bambu, na ingukangasa kumihu gha twenga?'⁴³Hinu ninguwalongela, Unkosi wa Sapanga utetolwa kuhuma kwa mwenga na kupeghwa mlima hula ungulola lihengu lyaki. ⁴⁴Yeyosi ateguwa kunani gha liganga hali atetenyulwa vipandi vipandi. Ila kwa yeyosi ateguwilwa na hali litemhyagha."⁴⁵Wakulu wa watambika na Mafalisayu pawayoghanile mlandanu ghaki, akalola yiwa anguwalongelela weni. ⁴⁶Ila kila pawapalile kulangiha mawoku kunani ghaki, watilile makongamano, kwaikiva wandu wamlolile handa mlota.

¹Yesu akalongela kangi na weni kwa milandano, akilonga, ²"Unkosi wa kundumba ungulandana na nkosi mweni kuyandala mhambu gha uposo wa mwana ghaki. ³Akawalaghila watumikila ghaki kuwakema wala wawelili wakemililwi kuhika kumhambu gha uposo, ila wahikile ng'ogha.⁴Nkosi awayeghili kangi waghangi, akilonga. "Muwalongeli wogha wenikukemwa, mloli, niyandala mulyo. Likambaku na ndama ghangu weni mahuta wahinjwa, na mighalu hyogha iwela kala, mhiki kumuhambu wa uposo."⁵Ila wandu hagha wayakolile ng'ogha hagha kwa upabehi mkemu ghaki. Amonga wahuyili kumatawa ghau, na waghangi wahuyile kumahala ghau gha biasala. ⁶Waghangi wawayinukilile watumikila wa nkosi na kuwapughanisa na kuwakoma. ⁷Ila nkosi ahyomili. Akalaghila watovangondu ghaki, akawakoma wala wenikukoma na kuuyaghamisa mlima ghau kwa lyoto.⁸Hinu awalongilile watumikila ghaki, "Mhambu uwela kala, ila weni kukemwa wapalilwe ng'ogha. ⁹Kwa nagha myendi kumakongano gha njila kulu, muwakemi wandu watangala ila ingupalwa wahiki kumhambu wa uposo." ¹⁰Watumikila wayendile njila ngulu na kuwakema wandu wowosi wawalolile, wa maha na wahakata. Hinu kyumba kya uposo kimelile wahenja.¹¹Ila nkosi pakayingila kuwalola wahenja, amlolile mundu mmonga avile kavala ng'ogha ng'uu gha mhambu! ¹²Nkosi amkonyile, 'Ghanja, uwesa ghuli kuhika haku mghati ukiva uwela ng'ogha na nguu gha mhambu?' Na mundu hayu kayanga ng'ogha chochosi.¹³Ndiwa nkosi paawalongela watumikila ghaki, "Mumuwopoli mundu hayu mawoku na maghulu na mumtaghi panje kulwisa, haku kuwela kutewela nakililo nakuhyagha malino. ¹⁴Kwaikiva wandu watangala wangukemwa, ila wahaghulwa ni mayaghani."¹⁵Ndiwa Mafalisayu wahukile na kuyandala vila watemkamula Yesu kumilando ghaki mweni. ¹⁶Ndiwa pawawalaghila wavulwa wau pamonga na Mahelode. Na wamlongilile Yesu, "Mvula, tungumanya yiwa wenga ni mundu wa chakaka, na yiwa unguvla mighalu gha Sapanga kuuchakaka. Ungulolesa ng'ogha mawachilo gha mundu mghangi na unguwonesa ng'ogha upendeleu kwa wandu. ¹⁷Kwa nagha tulongeli, unguliwachila niki? Ghuli, ni maha kiselia kuhipa kodi kwa Kaisali au ng'ogha?"¹⁸Yesu amanyile uhakata ghau na akalonga, "Kwa kyani mnguniyesa, mwenga wambindingu? ¹⁹Mnilangihi mapesa yangutumika kuhipila kodi." Ndiwa wakamyeghela dinali.²⁰Yesu akawakonya, "Wuso na lihina hali ni vya ghani?" ²¹Wakamyanga, "Vya Kaisali." Ndiwa Yesu akawalongela, "Mumpeghi Kaisali vindu vyeni kuwela vya mweni hayu na vya Sapanga mumpeghi Sapanga." ²²Pawayoghanila nagha wakalikangasa. hinu wakamleka na kuyenda zyau.²³Lichuwa hali amonga gha Masadukayu wahikile kwa Yesu, wala wala wenikulonga kwahela uhinduko wa kihu. Wakamkonya, ²⁴wakilonga, "Mvula, Musa alongili, paikawela mundu kahova akiva kalela ng'ogha wana, mlongu ghaki na amlihi hayu mdala na ampatili mwana kwaikiva fha mlongu ghaki.²⁵Kuwelili na walongo isaba. Wa mtumbulo aposili na hinu akahova bila kulela mwana. Akamlekela mhumbu mlongo ghaki. ²⁶Hinu mlongo ghaki wa ipili na mweni akaghola handa ngagha, hinu yula wa itatu, ikawela nagha mbaka kwa yula wa isaba. ²⁷Badili gha kughola nagha wogha, yula mdala na mweni akahova. ²⁸Hinu kuuhinduko ahu mdala atewela mhumbu wa ghani kuwalongo hagha isaba? Kwaikiva wogha wamposili."²⁹Ila Yesu awayangile na kuwalongela, "Mngukosela, kwaikiva mmanya ng'ogha mayandiko hata makakala gha Sapanga. ³⁰Kwaikiva kuuhinduko, wandu wanguposa ng'ogha hata kuposwa hilahila. Badili ghaki wandu wanguwela handa watumikila wa kundumba wa Sapanga.³¹Ila kulongelela uhinduko wa wahovili, myesa ng'ogha kusoma kila kivile Sapanga akilongilile kwa mwenga, akilonga, ³²Nenga ni Sapanga wa Ibulahimu, Sapanga wa Isaka, na Sapanga wa Yakobo? Sapanga kang'ogha Sapanga wa wahovili, ila ni Sapanga wa weni kuwela wakomu." ³³Lipindi konganiko pawayoghanila hali, wakalikangasa na mavulo hagha.³⁴Ila Mafalisayu pawayoghanila yiwa Yesu kawanyamalisa Masadukayo, wakajikungula weni kwa pamonga. ³⁵Mmonga wa weni, akiwela mundu wa seli, akamkonya lilando kwa kumyesa. ³⁶"Mvula, ni amuli ghani yeni kuwela ngulu kupiti zyogha kuselia?"³⁷Yesu akamyanga, "Lasima umpali Bambu kwa moyu ghako wogha, kwa mpumulo ghako wogha, na kwa malangu ghako hyogha. ³⁸Hai ndiwa amuli ngulu na gha mtumbulo.³⁹Na gha ipili ingulandana na hai- Ni lasima kumpala mundu wa pabehi na wenga handa ungujipala mweni. ⁴⁰Selia zyogha na Walota wanguwachilila nesu amuli hazi imbili."⁴¹Na Mafalisayu pawawelili wambila wajikungula pamonga, Yesu akawakonya lilando. ⁴²Akilonga, "Ghuli, mnguliwachila niki kunani gha Kilisito? Mweni ni Mwana wa ghani?" Na wweni wakamyanga, "Ni Mwana wa Daudi."⁴³Yesu akawayanga, "Ni kwa ndambu niki Daudi ku Mpumulo angumkema Bambu, akilonga, ⁴⁴'Bambu amlongelili Bambu ghangu, "Ulikali liwoku lyangu lya kulumi, mbaka panitewaghola wahakata ghako wavikwi pahi gha maghulu ghako?"'⁴⁵Handa Daudi angumkema Kilisito "Bambu," kwa ukulu ghani atewela mwana ghaki?" ⁴⁶Kwahela awesili kumyanga lilando kangi, na kwahela awesili kuyesa kangi kumkonya kangi kuhuma lichuwa lila na kuyendelela.

¹Kuulongolo alongelili na lipinga lya wandu na wavulwa ghaki. Akalonga, ²"Wayandika na Mafalisayu wangukalila kikalilo kya Musa. ³Kwa nagha chochosi wangukilaghila kughola, mgholi kunu mkiwalolesa. Ila mkotoho mkatola matendu ghau, kwaikiva weni wangulonga mighalu hila wawesa ng'ogha kuighola.⁴Chakaka, weni wanguwopa mihighu mitopa ivile ni yuyuyghu ng'ogha kuipapa, na hinu wanguwapapisa wandu kumakombi ghau. Ila weni wangusoelesa ng'ogha hata kyala kuipapa. ⁵Matendu ghau hyogha wanguyaghola ili walolwi na wandu. Kwaikiva weni wangutanula ukulu wa masanduku ghau na kuyongesa ukulu wa miviniku gha nguu zyau.⁶Weni wangupala kulikala kumahala kwa wandu wanaisa kumhambu na kuvikalilo vya utundamilo mghati mwa maghuta gha kukonganikila Wayahudi, ⁷na kujambuswa kwa utundamilo kumahala gha kusoku, na kukemwa "Wavulwa" na wandu.⁸Ila mwenga mngupalwa ng'ogha kukemwa "Wavulwa," Kwaikiva mvile na Mvula mmonga, na mwenga woghani walongo. ⁹Mkotoho kumkema mundu yeyosi haku kumlima kuwela tati gha mwenga, kwaikiva muwela na Tati mmonga weka, na mweni kakundumba. ¹⁰Wala mkotoho kemwa 'Wavula,' Kwaikiva muwela na Mvula mmonga hela, ingumaanisa Kilisito.¹¹Ila mwenikuwela mkulu paghati fha mwenga atewela mtumikila wa mwenga. ¹²Yeyosi mweni kujiyinula atehuluswa. Na yeyosi mweni kujihulusa ateyinulwa.¹³Ila chondi mwenga wayandika na Mafalisayu, wambindinngu! Mnguwawopila wandu unkosi wa kundumba. Na mwenga muwesa ng'ogha kuuyingila, na muwalekesela ng'ogha wenikuyingila kughola nagha. ¹⁴(Uwikili mkasu: Musitali wa 14 unguwoneka ng'ogha kumayandiko maha gha daile. Amonga gha mayandiku yanguyongesa musitali hau badili gha msitali wa 12. Msitali wa 14" Chondi mwenga Wayandika na Mafalisayu wambindingu! Kwaikiva mnguwamila weni kuhovilwa na walumi ghau"). ¹⁵Chondi mwenga Wayandika na Mafalisayu, wambindingu! Mnguhubuka kungwambu gha bahali kuhika kumghola mundu mmonga akwinili ghala mnguyavula, na pakawela handa mwenga, mngumghola mianja ivili mwana wa kulihiwa lya lyoto handa mwenga weni vila muwela.¹⁶Chondi mwenga vilongosi wangali kulola, mwenga mweni kulonga, yeyosi mweni kulapa kwa lighuta lya Sapanga, ng'ogha kindu. Ila mwenikulapa kwa sahabu gha lihuta lya Sapanga, kawopwa na kilapu kyaki. ¹⁷Mwenga wangalikulola wandyungi, niki ni kikulu kupiti kighangi, sahabu au lighuta lya Sapanga livile lighulula sahabu kwa Sapanga?¹⁸Na yeyosi mwenikulapa kwa sahabu, ng'ogha kindu. Ila mwenikulapa kwa litambiku liwela kunani ghaki, kawopwa na kilapo kyaki. ¹⁹Mwenga wangali kulola, niki ni kikulu kupiti kighangi, litambiku au kuhanja kya maganga kyeni kughulula litambiku lyeni kuyeghwa kwa Sapanga?²⁰Kwa ngagha, hayu mwenikulapa kwa kihanja kya maganga angulapa kwa hai na kwa vindu vyogha vyeni kuwela kunani ghaki. ²¹Na mwenikulapa kwa lighuta lya Sapanga, angulapa kwa hali na kwa yula mwenikulikala mghati ghaki. ²²Na hayu mweni kulapa kwa kundumba, angulapa kwa kikalilo kya ukulu kya Sapanga na kwa hayu mweni kutama kunani ghaki.²³Chondi mwenga, Wayandika na Mafalisayu, wambindingu! Kwaikiva mnguhipa zaka kwa bizali, mnaanaa na msusa, ila mnguleka mighalu mitopehu gha selia- haki, luhungu, na ukwinila. Ila hagha mngupalwa kuwela myaghola, na ng'ogha kuleka maghangi kuyaghola. ²⁴Mwenga vilongosi wangali mihu, mwenga mvile mnguchuja mng'ongolo mnunguna ila mngumesa ngamia!²⁵Chondi mwenga Wayandika na Mafalisayu, wambindingu! Kwaikiva munguwofula panje gha vikombi na panje gha lisinila, ila mghati pamema upokola na kukotoho kuwela na kuikanila mweni. ²⁶Mwenga Mafalisayu wangali kulola, mghululi huti mghati gha kikombi na mghati gha lisinia, ili mbandi gha panje na yeni iweli maha.²⁷Chondi mwenga, Wayandika na Mafalisayu, wambindingu! Kwaikiva mngulandana na mamambi yeni kupakalwa chokaa, yavile kwa panji yanguwoneka ya maha, ila kwa mghati yamema mihupa gha wahovili na kila kindu kyeni kuwela kindaka. ²⁸Hilahila, na mwenga kwa panji munguwoneka weni haki kuulongolo gha wandu, ila kwa mghati mmema umbindingu na upokola.²⁹Chondi mwenga, Wayandika na Mafalisayu, wambindingu! Kwaikiva mnguchenga mamambi gha walota na kuyavikila malembu mamambi gha weni haki. ³⁰Mwenga mngulonga, handa tungalikala machuwa gha watati wa twenga, tungaliwela ng'ogha tukongine pamonga na weni kuyita mwahi gha walota. ³¹Kwa nagha mhighilisa weni yiwa ni wana wa hagha wenikuwakoma walota.³²Hilahila mwenga mngutimilisa kumemesa mahala kungupalwa sambi sya watati wa mwenga. ³³Mwenga njoka, wana wa vipilibao, kwa njila liki mtehyeta ulamulo wa jehanamu?³⁴Kwa nagha, uloli, ninguwalaghila kwa mwenga walota, wandu weni luhala, na Wayandika. Amonga gha weni mtewakoma na kuwavamba. Na amonga gha weni mtewatova hyatu mghati gha maghuta gha kukonganiila Wayahudi gha mwenga na kuwawinga kuhuma mmbwani mmonga mbaka mghangi. ³⁵Mwihu ghaki ni yiwa kunani gha mwenga patehumila mwahi wogha wa weni haki weni kuyitwa kumlima, kutumbula na mwahi gha Habili mweni haki mbaka kwa mwahi gha Zakalia mwana wa Balakia, mumkomili paghati gha pakwilikihi na kihanja kya maganga. ³⁶Chakaka, ninguwalongela, mighalu hai hyogha iteikola kiwelekwa haki.³⁷Yelisalemu, Yelusalemu wenga mweni kuwakoma walota na kuwatova magaga wala weni kulaghilwa kwa wenga! mianja mininga nikungula wana ghako pamonga handa vila nguku paangukungula wana ghaki paghi gha mbawatilo ghaki, ila ujumilili ng'ogha! ³⁸Uloli, lighuta lyako ihighala lipala. ³⁹Na nenga ningukulongela, kutumbula hinaa na kuyendelela utenilola ng'ogha, mbaka pautelonga, 'Kahighilwa hayu mweni kuhika kwa lihina lya Bambu.'"

¹Yesu ahukili kulighuta lya Sapanga na kuyenda zyaki. Wavulwa ghaki wakamyendela na kumlangiha maghuta gha lighuta lya Sapanga. ²Ila awayangile na kuwalongela, "Ghuli, muilola ng'ogha mighalu hai hyogha? Chakaka ninguwalobgela, kwahela liganga litehighala kunai gha lighangi likalekwa kubomolwa."³Na paatamili kulitombi lya mzeituni, wavulwa ghaki wamyendelili kwa uweka na kulonga, "Utulongeli, mighalu hai itehumila ligha? Niki kitewela kilangihi kya kuhika kwa wenga na mwihu gha mlimawogha?" ⁴Yesu awayangile na kuwalongela, "Muweli mihu yiwa akotoho kuhika mundu na kuwabyodosa. ⁵Kwaikiva watangala watehika kwa lihina lya nenga. Watelonga, 'Nenga ndiwa Kilisito,' na watewabyodosa watangala.⁶Mteyoghanila ngondu na malongelo gha ngondu. Mloli mkotoho mkawela na holu, kwaikiva mighalu hai ingupalwa ihumili; ila hila mwihu utewela wambila. ⁷Kwaikiva mlima uteyinuka kwa mlima mghangi, na unkosi kwa unkosi mghangi. Kutewela na njala na mahighimilo gha mlima kumahala wekaweka. ⁸Ila mighalu hai hyogha ni mtumbulo weka wa utungu wa kuiwopola⁹Ndiwa watewatola kwaikiva gha mahakilo na kuwakoma. Mtehyomelwa na milima hyogha kwaikiva gha lihina lyangu. ¹⁰Ndiwa watangala watelikwala na kuhyukwa na watehyomelana weni kwa weni. ¹¹Walota watangala wa uhwangi watehumila na kuwangonga watangala.¹²Kwaikiva uhakata uteyongeseka, upalo wa wandu watangala utepola. ¹³Ila yulamatefumilila mpaka kumwihu, atelokolwa. ¹⁴Hai Habali Maha gha unkosi itetangaswa kumlimawogha handa uhighilisu kwa milima hyogha. Na ndiwa hula mwihu utehika.¹⁵Kwa nagha, pamtelola uhakata wa uyalamiso, hula ulongelilwi na mlota Danieli ligholoka kumahala pakwilikihi (mwenikusoma na amanyi), ¹⁶ndiwa wala wenikuwelaku Yuda watuilili kulitombi. ¹⁷Na yula mweni kuwela kunani gha lipaghala lyam lighuta awesi ng'ogha kuhuluka pahi kutola kindu chochosi kuhuma mghati gha lighuta lyaki, ¹⁸na yula mweni kuwela kulitawa akotoho kuhuya kutola nguu ghaki.¹⁹Ila chondi kwa wala weni mwana na wala weni kuyonga kumachuwa hagha! ²⁰Mluwi yiwa kutuwa kwa mwenga kukotoho kuwela lichuwa lya lupepo, wala lichuwa lya Sabato. ²¹Kwaikiva kutewela na lung'ai ngulu, ivile iwoneka ng'ogha kuhuma kulumbwa kwa mlimawogha mbaka hinaa, na hata itewoneka ng'ogha kangi. ²²Handa machuwa hagha yangaligholwa ng'ogha kuwela mahupi, kwahela mweni kuwesa lulokoka. Ila kwaikiva gha wahaghulwa, wachuwa hagha yategholwa yaweli mahupi.²³Hinu paikawela mundu yeyosi atewalongela, 'Uloli, Kilisito kahaku! au, 'Kilisito kakula' mkoto kukwinila milando hai. ²⁴Kwaikiva Makilisito wa uhwangi na walota wamuhwangi watehika na kulangiha kilangihi kikulu na makangaso, kwa lukani lwa kubyodosa, paikawesekana hata na wahaghulwa. ²⁵Mloli, niwayandala kwa hali pambila gha mighalu hai kuhumila.²⁶Kwa nagha, paikawelawatewalongela, "Kilisito kakuluvagha," mkotoho kuyenda haku kuluvagha. Au, 'Mloli, kamghati gha lighuta,' mkotoho kukwinila milando hai. ²⁷Handa vila ladi inguvika lumuli kuhuma masaliki na kulangasa mbaka magalibi, ndiwa itewela kuhika kwa Mwana wa Adamu. ²⁸Kokosi liwoneka likokolu lihova, haku ndiwa wanguwoneka kapungu.²⁹Ila bwitu badili gha lung'ai lukulungha machuwa ghala, lijuwa litetaywa lwisa, mwehi utehumisa ng'ogha mhana ghaki, ndondwa ziteguwa kuhuma kundumba, na makakala gha kundumba yatetikanyika.³⁰Ndiwa kilangihi kya Mwana wa Adamu itewoneka kunani, na makabila hyogha gha kumlimawogha watelumbilila. Watemlola Mwana wa Adamu akihika kumahindu gha kunani kwa makakala na ukwilikihi mkulu. ³¹Atewalaghila watumikila wa kundumba wa Sapanga ghaki kwa lilowi likulunga gha lipembi, na weni watewakungula pamonga wahaghulwa ghaki kuhuma mbandi inne zya mlima, kuhuma mwihu mmonga wa kundumba mbaka mghangi.³²Mjivuli somu kukovekelana na libiki lya mtini. Lipindi bwitu liputila palitumbula kuchipula na kuhumisa mahamba, mngumanya yiwa kilangasi kya pabehi. ³³Hinu hilahila, pamtelola mighalu hai hyogha, mngupalwa kumanya yiwa kapabehi, pabehi na mlyangu.³⁴Chakaka ninguwalongela, kiwelekwa haki kiteyenda ng'ogha, mbaka mighalu hyogha hai itehumila. ³⁵Kundumba na mlima vitewela vityanga, ila milando ghangu iteyenda ng'ogha katu.³⁶Ila kulongelela lichuwa lila na lisaa kwahela mundu mweni kumanya, hata watumikila wa kundumba wa Sapanga, hata Mwana, ila Tati weka yaki.³⁷Handa vila iwonekelili lichuwa lya Nuhu, ndiwa itewela kuhika kwa Mwana wa Adamu. ³⁸Kwaikiva kumachuwa hagha pambila gha lung'ai wandu walyeghili na kunywegha, wakiposa na kuposwa mbaka lichuwa lila livile Nuhu ayingilili ku safina, ³⁹na wamanyile ng'ogha kindu chochosi mbaka lung'ai palihika na kuwakungula wogha- ndiwa itewela kuhika kwa Mwana wa Adamu.⁴⁰Ndiwa wandu waivili watewela kulitawa- mmonga atetolwa, na mghangi atelekwa kuhyetu. ⁴¹Wadala waivili watewela wanguhyagha pamonga- mmonga atetolwa, na mmonga atehighala. ⁴²Kwa nagha muweli mihu kwaikiva mmanya ng'ogha ni lichuwa ghani ivile atehika Bambu wa mwenga atehika.⁴³Ila mmanyi yiwa, ikiva bambu mweni lighuta angalimanya yiwa ni lichuwa ghani livile mwihi atehika, anagalikala mihu na angalilekesela ng'ogha lighuta lyaki kuvamilwa. ⁴⁴Kwa nagha, hilahila mngupalwa kuliyandala, Kwaikiva Mwana wa Adamu atehika kulisaa mliwachila ng'ogha.⁴⁵Hinu ni ghani mwenikuwela mchakaka, mhusutu mweni malangu, avile bambu ghaki kampegha ulongosi kwa wala wenikuwela mlighuta lyaki, ili awapeghi mulyo kwa lipindi lipalilwi? ⁴⁶Kahighilwa mtumikila hayu, avile bambu ghaki atekungini nayu akighola ngagha lipindi paahika. ⁴⁷Chakaka ninguwalongela yiwa bambo atemvika kunani gha kila kindu kyaki.⁴⁸Ila handa mhusutu muhakata pakalonga kumoyu ghaki, 'Bambu ghangu kakawila,' ⁴⁹na akatumbula kuwatova watumikila ghaki, na akalyegha na kulowela uyimbi, ⁵⁰Bambu wa muhusutu hayu atehika kulichuwa livile iwachililwa ng'ogha, na kulisaa kalimanya ng'ogha. ⁵¹Bambu ghaki atemdumula vipandi viiwili na kumvika kufwasi imonga ilandine na wambindingu, kuvile kutewela na kililo na kuhyagha malino.

¹Ndiwa unkosi wa kundumba utelandaniswa na wakawali ikumi wenikutola malimbamba ghau na kuhuka kuyenda kumpokela bambu wa uposo. ²Waitano paghati gha weni wawelili wandyungi na waitano waghangi weni malangu. ³Wakawali wandyungi pawatolile mimbamba ghau, watolile ng'ogha mahuta yoyosi. ⁴Ila wakawali weni malangu wakatola vyombu vyeni mahuta pamonga na mimbamba ghau.⁵Hinu lipindi bambu wa uposo kakawila kuhika, wogha wakolilwe na lughonu na wakawonja. ⁶Ila lipindi lya uhiku wa mandandu kuwelili na lilowi, 'Uloli, bambu wa uposo! mhuki panje mkampokeli,'⁷Ndiwa hagha wakawali wakayimuka na kukosa mombamba ghau. ⁸Wala wandyungi wakawalongela wala weni malangu, 'Mtupatili mayaghani hagha mahuta kwaikiva mimbamba gha twenga ingujimika.' ⁹Ila wala weni malangu wakawayanga na kuwalongela, 'Kwaikiva yatekwila ng'ogha twenga na mwenga, badili ghaki myendi kwa weni kuwusa mjihemileli mayaghani kwaikiva gha mwenga.'¹⁰Lipindi wayenda kula kuhemela, bambu wa uposo akahika, na wogha wenikuliyandala wakayenda nayu kumhambu gha uposo, na mlyangu ukawopwa. ¹¹Kuulongolo wala wakawali waghangi hilahila wakahika na kulonga, 'Bambu, bambu, utuwoposeleli.' ¹²Ila ayangile na kulonga, 'Chakaka ninguwalongela, Nenga niwamanya ng'ogha.' ¹³Kwa nagha muweli mihu, kwaikiva mmanya ng'ogha lichuwa hata lisaa.¹⁴Kwaikiva ingulandine na mundu paapalile kuwela na mwanja kuyenda mmbwani mmghangi. Awakelimi wahusutu ghaki na kuwapegha unaisa ghaki. ¹⁵Mmonga wa weni ampeghili talanta itano, mghangi amoeghili ivili, na yula mghangi ampeghili talanta imonga. Kila mmonga apokelili kukovekalana na uwesa ghaki, na yula mundu akayenda kumwanja ghaki. ¹⁶Njenji yula mweni kupokela talanta itano akayenda kughola biasala, na kumelesa talanta zighangi itano.¹⁷Hilahila yula mweni kupokela talanta ivili, amelilsili zighangi ivili. ¹⁸Ila yula mhusutu apokelili talanta imonga , ayendili zyaki, akahimba liwumba kumlima, na kuifisa talanta gha bambu ghaki.¹⁹Na badili gha lipindi litali, bambu wa wahusutu hagha ahikile na kughola mavalango. ²⁰Yula mhusutu mweni kupokela talanta itano ahikili na kuyegha talanta zighangi itano, akalonga, 'Bambu, umbeghili talanta itano. Uloli, nipokela fwaida gha zighangi itano.' ²¹Bambu ghaki akamlongela, 'Ughola maha, mhusutu mmaha na mchakaka! Uwela mchakaka kwa vindu mayaghani. Nitekupegha ulongosi kunani gha vindu vitangala. Uyingili kuluheku gha bambu ghako.²²Muhusutu mwenikupokela talanta ivili akahika na kulonga, 'Bambu, umbeghili talanta ivili. Uloli, mbokela fwaida talanta zighangi ivili, ²³Bambu ghaki akamlongela, 'Ughola maha, muhusutu wa maha na mchakaka! uela mchakaka kwa vindu vinung'una. Nitekupegha ulongosi kunani gha vindu vitangala. uyingili kuluheku lwa bambu ghako.'²⁴Kuulongolo muhusutu mweni kuwela kapokela talanta imonga akahika na kulonga, Bambu, ningumanya yiwa wenga ni mundu mkalipa. ungukonyola mahala ukulila ng'ogha, na ungubena mahala ukulila ng'ogha. ²⁵Nenga nitilili, nikayenda kuhigha talanta ghako kulutupi. Uloli, niwela nayu hila unipeghili hinu nikupeghi,'²⁶Ila Bambu ghaki ayangile na kulonga, 'Wenga kwa muhusutu muhakata na mpweli, umanyili yiwa ningukonyola kumahala kuvile nikulila ng'ogha. ²⁷Kwa nagha upalilwi kuwapegha mapesa ghangu wandu wa kubenki, na lipindi lya kuhuya kwa nenga ningaliipokela hila ghangu na fwaida ghaki.²⁸Kwa nagha mumpokoli hai talanta na mumpeghi yula muhusutu mwenikuwela na italanta ikumi. ²⁹Kila mundu mwenikuwela nachu, ateyongeswa kupiti- hata kwa kuyongeselwa nesu. Ila kwa yeyosi mwenim kuwela ng'ogha na kindu, hata kila kawela nachu atepokolwa. ³⁰Mumtaghi panje kulwisa hayu muhusutu wa maha ng'ogha, kuvile kutewela na kililo na kuhyagha malino.'³¹Lipindi Mwana wa Adamu paatehika kuukwilikihighaki, na watumikila wogha wa kundumba wa Sapanga pamonga na mweni, ndiwa atelikala kunani gha kikalilo kyaki kya ukwilikihi. ³²Milima hyogha itelikungula kuulongolo ghaki, na mweni atewalekanisa wandu, handa vila mhungaji anguwalekanisa kondolu na mbuhi. ³³Atewavika kondolu liwoku lyaki lya kuulumi, ila mbuhi atewavika liwoku lya sotu.³⁴Hinu nkosi atewalongela wala wenikuwela kuliwoku lyakimlya kuliyila, 'Mhiki, mweni kuhighilwa na Tati ghangu, muulihi unkosi weni kuyandalwa kwaikiva gha mwenga kuhuma kuvikwa kwa mighomba gha mlomawogha. ³⁵Kwaikiva niwelili na njala na mnipeghili mulyo; Niwelili mhenja mnikemili kuukaya; ³⁶Nniwelili ngelengi, na mnivalisili nguu; Niwelili mvina na mkanivika maha; Niwelili mkihungu na mkanihikila.'³⁷Ndiwa weni haki watemuyanga na kumlongela, 'Bambu, ligha tukulolile yiwa uwelile na njala, na kukupegha mulyo? Au uvile na uyumililo na tukakupegha masi? Na ³⁸ligha tukulolile ukiva mhenja, tukakukema ukaya? Au uvile ngelengi na tukakuvika nguu? ³⁹Na ligha tukulolile ukiva mvina, au mukihungu, na tukakuhikila? ⁴⁰Na nkosi atewayanga na kuwalongela, 'Chakaka ninguwalongela, kila mkighola haku kwa mmonga wa walongo ghangu wanung'una, mnigholilile nenga.'⁴¹Ndwaatewalongela hagha wenikuwela liwoku lyaki lya sotu, 'Muhuki kwa nenga, mwenga mlapililwi, myendi kulyoto lya machuwa yayendelela lyeni kuyandalwa kwaikiva gha lihyukana na mahoka ghaki, ⁴²kwaikiva niwelili na njala ila mnipeghili ng'ogha mulyo; Niwelili na uyumililo na mnipeghili ng'ogha masi; ⁴³Niwelili mhenja iala mnikemili ng'ogha kuukaya; nikiva ngelengi mnpeghili ng'ogha nguu; nikiva mvina na nikiva mkihungu mwenga mnivikili maha ng'ogha.'⁴⁴Ndiwa na weni hilahila watemuyanga na kulonga, 'Bambu, ligha tukulolile ukiva na njala, au uyumililili, au muhenja, au ukiva ngelengi, au ukiva mvina, au ukiva muwopwa, na tukutumikilila ng'ogha? ⁴⁵Hinu atewayanga na kulongela, 'Chakaka ninguwalongela, kila mvile mkighola ng'ogha kwa wanung'una hagha, mnigholela ng'ogha nenga.' ⁴⁶Hagha wateyenda kuuhakilo wa machuwa yayendelela ila weni haki kuukomu wa machuwa yayendelela."

¹Lipindi Yesu pakamalila kulonga milando hyogha hai, awalongilile wavulwa ghaki, ²"Mngumanya yiwa badili gha machuwa maivili kutewela na mhambu wa Pasaka, na Mwana wa Adamu atetolwa ili ahakiliwi."³Kuulongolo wakulu wa watambika na wagogolo wa wandu wakonganili pamonga kumahala gha Mtambika Mkulu, mwenikuwela ngukemwa Kayafa. ⁴Kwa pamonga wayandalile mighalu gha kumkamula Yesu kwa kuhigha na kumkoma. ⁵Kwaikiva walongile, "Ikotoho gholeka lipindi lya mhambu, lukani kukotoho kuhumila fuju paghati gha wandu."⁶Lipindi Yesu paawelili ku Besania kulighuta lya SImoni Mkalawa, ⁷paawelili kalinyolosa kumesa, mdala mmonga akahika kwa mweni akiva kapapa mkebi wa alabasita yeni kuwela na mahuta gha mapesa yatangala, na akayitila kunani gha mutu ghaki. ⁸Ila wayitikila ghaki pawalolile mghalu hau, wahyomile na kulonga, "Niki lukani lwa hasala hai? ⁹Hagha mahuta yangaliwesa kuwuswa kwa mapesamyatangala na kupeghwa wangali hindu."¹⁰Ila Yesu, akiva angulimanya hali, akawalongela, "Kwa kyani mngumghasa mdala hayu? Kwaikiva kaghola kindu maha kwa nenga. ¹¹Wangali kindu muwela nau machuwa hyogha, ila mtewela ng'ogha na nenga machuwa yayendelela.¹²Kwaikiva pakayita mahuta ghala kunani gha mhigha ghangu, agholile nagha kwaikiva gha kusikwa kwa nenga. ¹³Chakaka ninguwalongela, kokosi Habali Maha hai paitetangaswa kumlimawogha, kitendu akigholile hayu mdala, hilahila kitewela kingulongelwa kwaikiva gha ngumbungumbu."¹⁴Ndiwa mmonga wa wala ikumi na waivili, mweni kukemwa Yuda Isikalioti, ayendili kwa wakulu wa watambika ¹⁵na kulonga, "Mtenipegha niki panimhuka?" Wakampimila Yuda vipandi selasini vya feza. ¹⁶Kuhuma lipindi lila ahakulile fwasi gha kumhyuka.¹⁷Hata lichuwa lya mtumbulo lya mibumunda itaywa ng'ogha simika, wavulwa wamuyendeliliYesu na kulonga, "Kugha ungupala tukuyandalili ulyeghi mulyo gha Pasaka?" ¹⁸Akawalongela, "Muyendi mbwani kwa mundu mtenu na mumlongeli, Mvula angulonga, " lipindi lyangu lipabehi. Nitetimilisa Pasaka pamonga na wavulwa ghangu kulighuta lyako."' ¹⁹Wavulwa wagholile handa Yesu vila kawalaghila, na wayandalile mulyo gha Pasaka.²⁰Paihika lumihi, akatama kulyegha mulyo pamonga na wala wavulwa ikumi na ivili. ²¹Pawawelili wangulyegha mulyo, ailongile, "Chakaka ninguwalongela yiwa mmonga wa mwenga atenihyuka." ²²Wanyengemangili nesu, na kila mmonga atumbulile kumkonya, Ghuli, chakaka ng'ogha nenga, Bambu?"²³Akawayanga, "Yula avile anguchwika liwoku lyaki pamonga na nenga kulibakuli ndiwa hayu atenihyuka. ²⁴Mwana wa Adamuatehuka, handa iyandikilwi. Ila chondi kwa mundu atemhyuka Mwana wa Adamu! Ingakiwela maha kwa mundu hayu handa angaliwelekwa ng'ogha." ²⁵Yuda, avile angalimhyuka akalonga, "Ghuli, Ni nenga Labi??" Yesu akamlongela, "Ulongile mghalu hau mweni."²⁶Pawawelili wakilye gha mulyo, Yesu akatola libumunda, akalihighila, na kulipetula. Akawapegha wavulwa ghaki akilonga, "Mtoli, mlyeghi. Hau ni mhigha ghangu."²⁷Akatola kikombi na kushukwile, akawapegha na kulonga, "Mnyweghi wogha kuhaki. ²⁸Kwaikiva hau ni mwahi gha lilaghano lyangu, weni kuyitwa kwaikiva gha watangala kwa mlekeselo wa sambi. ²⁹Ila ninguwalongela, nitelyegha ng'oghamkangi matungula gha msabibu hau, mbaka lichuwa lila nitenywegha hyonu pamonga na mwenga kunkosi wa Tati ghangu."³⁰Pawawelili wayomola kuyimba uyimbo, wakahuka kuyenda kulitombi lya mzeituni. ³¹Hinu Yesu akawalongela, "Uhiku hau mwenga wogha mtelikwala kwaikiva gha nenga, kwaikiva iyandikwa, nitemtova mhungaji na kondolo wa lipinga watelekanika. ³²Ila badili gha kuhinduka kwa nenga, nitewalongola kuyenda Galilaya."³³Ila Petelo amlongelile, "Hata paikawela wogha wtekulema kwaikiva gha mighalu itekukola, nenga nitekulema ng'ogha." ³⁴Yesu akamyanga, "chakaka ningukulongela, uhiku hau pambila gha njogholu kuguta, utenikanila mianja itatu." ³⁵Petelo akamlongela, "Hata ningalipalwa nihovi na wenga, nitekukanila ng'ogha." Na wavulwa waghangi wogha wakalonga handa ailongile Petelo.³⁶Kuulongolo Yesu ayendili nau kumahala wangukukema Getisemane na awalongilile wavulwa ghaki, "Mlikali haku lipindi panihuka kula kuyupa." ³⁷Akamtola Petelo na wanga waivili wa Zebedayo na akatumbula kunyengemala na kung'ung'ulika. ³⁸Hinu akawalongela, "Mpumulo ghanu uvili na unyengemalo mkulu nesu, hata kuwesa kuhova. Mhighali haku na mkesi pamonga na nenga."³⁹Akayenda kuulongolo mayaghani akaguwa kifulifuli, na kuluwa. Akalonga, "Tati ghangu, handa paiwesekana , ila handa vila ungupala wenga." ⁴⁰Akawayendela wavulwa na akawalola wawonja lughonu, na akamlongela Petelo, kwa kyani muwesa ng'ogha kukesa na nenga kwa lisaa limonga? ⁴¹Mkesi na mluwi lukani mkotoho kuyingila mmayeso. Mpumulo ungupala, ila mhigha uvile na ulepelelu."⁴²Akayenda zyaki lianja lya ivili na kuluwa, akalonga, "Tati ghangu, handa mghalu hau uwesa ng'ogha kutyelembulika na ni lasima nikinywegheli kikombi haki, mapalo ghako yatimili." ⁴³Akahuya kangi na kuwalola wakiva wawonja lughonu, kwaikiva mihu ghau iwelili mitopeu. ⁴⁴Hinu akawaleka kangi akayenda zyaki. Akaluwa lianja lya itatu akilonga mighalu hilahila.⁴⁵Kuulongolo Yesu awayendelili wavulwa ghaki na kuwalongela, "Mwambila muwonja hela na kulipumulisa? Mloli, lisaa lya pabehi, na Mwana wa Adamu anguhyukwa kumawoku gha weni sambi. ⁴⁶Myimuki, tuhuki. Uloli, yula mweni kunihyuka kapabebi."⁴⁷Lipindi paawelili ambila angulongela, Yuda mmonga wa wala ikumi na ivili, akahika. Lipinga likulunga likahika pamonga na mweni likihumila kwa wakulu wa watambika na wagogolo wa wandu. Wahikili na mapanga na vimbonga. ⁴⁸Kangi mundu mweni kuliwachila kumuhyuka Yesu awelili kawapegha kilangihi, akilonga, "Yula nitembusi, ndiwa mweni. Mumkamuli."⁴⁹Bwitu akahika kwa Yesu na kulongela, "Jambu, Mvula!" Na akambusi. ⁵⁰Yesu akamlongela, "Ganja, ugholi lila livile likuyegha." Ndiwa wakahika, na kumunyolosela mawoku Yesu, na kumukamula.⁵¹Uloli mundu mmonga mweni kuwela pabehi na Yesu, alangilile liwoku lyaki, akahomola lipanga lyaki, na akamtova mtumikila wa mtambika mkulu, na kumuhinja lipulukilo ghaki. ⁵²Ndiwa Yesu akamlongela, uhuyisi lipanga lyako pala ulitolile, kwaikiva wogha wenikutumila lipanga wateyalamika kwa lipanga. ⁵³Mnguliwachila yiwa niwesa ng'ogha kumkema Tati ghangu, na mweni akaniyeghela watovangondu wapiti ikumi na ivili gha watumikila wa kundumba wa Sapanga? ⁵⁴Ila ng'ogha ni kwa uwesa ghani mayandiko yangaliwesa kutimiliswa, havi ndiwa ingupalwa kuhumila?"⁵⁵Lipindi hali Yesu akalilongela lipinga, "Ghuli! mhika na mapanga na vimbonga kunikamula handa mpokola? Kila lichuwa nitamili kulighuta lya Sapanga nikivula, na mnikola ng'ogha! ⁵⁶Ila hagha hyogha yagholeka ili mayandiko gha walota yatimili." Ndiwa wavulwa ghaki wakamleka na kutula mbilo.⁵⁷Wala wamkamulile Yesu wakamyegha kwa Kayafa, Mtambika mkulu, mahala kuvile wayandika na wagogolo wawelili walikungula pamonga. ⁵⁸Ila Petelo amkovekelile kwa kuhyetu kwa utali mbaka kulyugha lya Mtambika mkulu. . Akayingila mghati na kutama pamonga na wagholokela aloli kila kitehumila.⁵⁹Hinu wakulu wa watambika na njengakaya hyogha wawelili wakihakula uhighilisu wa uhwangi kwa Yesu, lukani wapati kumkoma. ⁶⁰Pamonga na yiwa wajiyeghili wahighilisa watangala, ila wapatile ng'ogha njila njila yoyosi. Ila kuulongolo waivili wajiyeghili kuulongolo ⁶¹na kulongela, "Mundu hayu alongile, "Ninguwesa kubomola lighuta lya Sapanga na kulichenga kangi kwa lichuwa limonga."⁶²Mtambika mkulu akagholoka na kumkonya, "Uwesa ng'ogha kuyanga? Hagha wanguhighilisa niki kwa wenga?" ⁶³Ila Yesu atamili nuu. Mtambika mkulu akamlongela, "Handa Sapanga vila angulama, ningukulaghila utulongeli, handa wenga ni Kilisito, Mwana wa Sapanga." ⁶⁴Yesu akamuyanga, "Wenga mweni ulonga kala mghalu hau. Ila ningukulongela, kuhuma hinaa na kuyendelela utemlola Mwana wa Adamu katama liwoku lya kuliyila lyeni makakala, na paatehika kumahindu gha kundumba.⁶⁵Ndiwa mtambika mkulu akabalula nguu zyaki na kulonga, "Kalighu! Ghuli, tungupala kangi uhighilisu wa nki? Mloli, myoghanila kala malighu. ⁶⁶Ghuli! Mnguliwachila niki? Wakayanga na kulongela, "Angupalwa ahovi."⁶⁷Hinu wakamuhunyila mata kuwuso na kumtova mbandi, na kumtova na mawoku kumlomu kwa mawoku ghau, ⁶⁸na kulongela, "Uloti, wenga Kilisito. Ni ghani kakutova?"⁶⁹Lipindi hali Petelo awelili kalikala panji kulikuta, na mtumikila mdala amyendelili na kulonga, "Wenga hilahila uwelili pamonga na Yesu wa Galilaya." ⁷⁰Ila akanili kuulongolo gha wogha, akilonga, nikimanya ng'ogha kila mkilongile."⁷¹Paayendili panje gha mlyangu, mtumikila mghang mdala amlole na kumlongela wawelili pala, "Mundu hayu hilahila awelili pamonga na Yesu wa Nazaleti." ⁷²Akakanila kangi kwa kilapo, "Nenga nimmanya ng'ogha mundu hayu."⁷³Lipindi lihupi kuulongolo, wala wawelili wagholoka pabehi, wamyendelli na kulongela na Petelo, "Kwa chakaka wenga hilahila nimmonga wa weni, kwaikiva hata vila ungulongela ni uhighilisu." ⁷⁴Ndiwa akatumbula kulapa, "Nenga nimmanya ng'ogha mundu hayu," na lipindi lilalila njogholu akatova lilowi. ⁷⁵Petelo akakumbwika milando alongililwi na Yesu, "Pambila gha njogholu kutova lilowi utenikanila mianja itatu."

¹Lipindi lya malawila palihika, wakulu wogha wa watambika na wagogolo wa wandu wachengili njila kwa Yesu wapati kumkoma. ²Wakamuwopa, na kumvika kuulongolo kumyegha kwa mlamula Pilato.³Hinu lipindi Yuda, avile awelili kamhyuka, alolile yiwa Yesu kalamulwa kala, akalijutila na kuhuyisa vipandi iselasini vya feza kwa mkulu wa watambika na wagogolo, ⁴na akalonga, "Nighola sambi kwa kuhyuka mwahi uwela ng'ogha na uhakata." Ila wakayanga, "Ingutufwaa niki twenga? Uyaloli hagha mweni." ⁵Hinu akatagha pahi vila vipandi vya feza kulighuta lya Sapanga, na kuhuka zyaki na kuyenda kuikoma kwa ng'oi.⁶Mkulu wa watambika akatola vila vipandi vya feza na kulonga, "Ng'ogha maha kuvika feza hai kungoku, kwaikiva ni mahipo gha mwahi." ⁷Wakalongelana kwa pamonga na feza hila wakaitumila kuhemela litawa lya lutupi likemwa mfinyanzi lya kusikila wahenja. ⁸Kwaikiva gha nagha litawa hali likawela likikemwa, "Litawa lya mwahi" mbaka lelo hai.⁹Hinu lila lilando liwelili lilongelwa na mlota Yelemia likatimila, kulonga, "Watolile vipandi isilini vya feza, mahipo yayandalwa na wandu wa Izilaeli kwaikiva gha mweni, ¹⁰na watumilile kwa litawa lya lutupi lingukemwa mfinyanzi, handa Bambu vila awelili kanilongela¹¹Hinu Yesu agholokili kuulongolo gha mlamula, na mlamula akamkonya, "Ghuli! Wenga ni nkosi wa Wayahudi?" Yesu amyangili, "Wenga ungulonga nagha." ¹²Ila lipindi pakasitakiwa na wakulu wa watambika na wagogolo, kayanga ng'ogha chochosi. ¹³Hinu Pilato akamlongela, "Uyughanile ng'ogha masitaka hyogha kwa wenga?" ¹⁴Ila kamyanga ng'ogha hata lilando limonga, hinu mlamula akamemwa na kulikangasa.¹⁵Hinu kumhambu iwelili ni ndyangilu ghau mlamula kumuwoposola muwopwa mmonga mweni kuhaghulwa na lipinga. ¹⁶Lipindi hali wawelili na muwopwa mkola mlima lihina lyaki Balaba.¹⁷Hinu lipindi pawawelili walikungula pamonga, Pilato awakonyile, "Ni ghani mngupala tumuwoposoli kwaikiva gha mwenga?" Balaba au Yesu mweni kukemwa Kilisito?"' ¹⁸Kwaikiva amanyile yiwa wamkamula kala kwaikiva gha umbindingu. ¹⁹Lipindi paawelile akitama kukikalilo kyaki kya ulamulo, mhumbu ghaki akamyeghela lilando na kulonga, "Ukotoho kughola mghalu wowos kwa mundu hayu mweni kuwela ng'ogha na uhakata kwaikiva nihakilwa nesu hata lelo kundotu gha uhiku kwaikiva gha mweni."²⁰Ndiwa wakulu wa watambika na wagogolo wakawachongesela makongano wamluwi Balaba, na Yesu akomwi. ²¹Mlamula akawakonya, "Ni ghani paghati gha waivili mngupala nenga nimlekeseli kwa mapalo gha mwenga?" Wakalonga, "Balaba." ²²Pilato akawalongela, "Nimgholeli niki hayu Yesu mweni kukemwa Kilisito?" Wogha wakayanga, "Avambwi."²³Na mweni akalonga, "Kwa kyani, ni uhakata ghani kaghola?" Ila wayenendelelili kutova lilowi hata kunani nesu, "Umhakili." ²⁴Hinu Pilato pakalola kanguwesa ng'ogha kughola lolosi, ila badili ghaki ni fuju ziwelili zitumbula, akatola masi akawofula mawoku ghaki kuulongolo gha lipinga, na kulongela, "Nenga nivile ng'ogha na uhakata kwa mwahi gha mundu hayu mweni kuwela ng'ogha na uhakata. Myaloli hagha weni."²⁵Wandu wogha wakalonga, "Mwahi ghaki uweli kunani gha twenga na wana wa twenga." ²⁶Hinu akamuwoposola Balaba kwa weni, ila amtovili hyatu Yesu na kumyegha kwa weni kuyenda kuhakilwa.²⁷Hinu watovangondu wa mlamula wakamtola Yesu mbaka Ploitolio na lipinga likulunga lya watovangondu wogha wakalikungula. ²⁸Wakamuwoposola nguu zyaki na kumvika lihabiti lya langi ngeli. ²⁹Hinu wakaghola likokoma lya mihomi na kulivika kunani gha mutu ghaki, na wakamvikila lidengi kuliwoku lyaki lya kulumi. Wtovili manung'una kuulongolo ghaki na kumpughanya, wakilonga, "Jambu, Nkosi wa Wayahudi"³⁰Na wakamuhunyila mata, na watolile lidengi na kumtova kumutu. ³¹Lipindi pawawelili wakimpughanya, wamuwoposolili lila lihabiti na kumvika nguu zyaki, na kumlongosa kuyenda kumhakili.³²Pawahuma panji, mundu kuhuma Kilene lihina lyaki simeoni, avile wamlasimisili ayendi pamonga na weni ili apapi lipingika lyaki. ³³Pawahikili kumahala wangupakema Goligota, kungumaanisa, "Mahala gha fufu lya mutu." ³⁴Wakampegha siki yeni kuhaghanywa na nyongo anyweghi. Ila paaiyesili, kawesa ng'ogha kuinywegha.³⁵Lipindi pawawelili wangumuhakila, wakapeghana nguu zyaki kwa kuvalangilana vindu wanguvikema mihu gha mlungu. ³⁶Na wakatama kumlola. ³⁷Kunani gha mutu ghaki wavikili masitaka ghaki yakisomeka, "Hayu ni Yesu, nkosi wa Wayahudi."³⁸Wapokola waivili wavambilwi pamonga na mweni, mmonga mbandi gha kuliyila na mghangi mbandi gha soto ghaki. ³⁹Wala wenikuwela wangutyanga mnjila wampughanyili, wakitika mutu ghau ⁴⁰na kulongela, "Wenga mwenikuwela ungupala kubomola lighuta lya Sapanga na kulichenga lipindi lya machuwa maitatu, ujilokoli mweni! Handa ni Mwana wa Sapanga, uhuluki pahi uhuki lulipingika!"⁴¹Ku hali hilahila wakulu wa watambika wawelili wakimpughanya, pamonga na wayandika na wagogolo, na kulonga, ⁴²"Alokolili waghangu, ila kawesa ng'ogha kujilokola mweni. Mweni ni Nkosi wa Wayahudi. Na ahuluki pahi kuhuma kulipingika, ndiwa tutemkwinila.⁴³Amtumainili Sapanga. Uleki Sapanga amlokoli hinaa handa angupala, kwaikiva alongile, 'Nenga na Mwana wa Sapanga."' ⁴⁴Na wala wapokola wawelili wavambwa pamonga na mweni hilahila walongile milando gha kumpughanya.⁴⁵Hinaa kuhuma isaa isita kuwelili na lwisa kumlima wogha mbaka isaa itisa. ⁴⁶Paihikili isaa itisa, Yesu akalila kwa lilowi likulunga, 'Eloi, Eloi, lama sabakitani?" Akimaanisa, "Sapanga ghangu, Sapanga ghangu, kwa kyani unileka?" ⁴⁷Lipindi lila amonga gha weni wawelili wagholoka pala wayoghanile na wakalonga, "Angumkema Eliya."⁴⁸Bwitu mmonga mmonga wa weni akatula mbilo kutola sifongo na kuimemesa kumlomu kikalipa, akaivika kunani gha libiki na kumpegha apati kunywegha. ⁴⁹Na wala wahighalile wakalonga, "Mumleki weka yaki, mleki tuloli handa Eliya atehika kumlokola." ⁵⁰Hinu Yesu akalila kangi kwa lilowi likulunga na kuhumisa mpumulo ghaki.⁵¹Uloli, lipazila lya lighuta lya Sapanga libalukili mbandi ivili kuhumila kinani mbaka pahi. Na mlima ikahihimila na mighomba ikabaluka vipandi. ⁵²Mamambi yakawoposoka, na mindumbi gha wambuleti watangala weni kuwela wawonjile lughonu wahindulililwi. ⁵³Wakahuka kuhuma mmamambi badili gha uhindulo ghaki, wakayingila mlima mmbuleti, na wakawoneka na wandu watangala.⁵⁴Hinu yula mlamula na wala wenikuwela wakimlola Yesu walolile mhihimilo na mighalu yenikuwela ikihumila, wakamemeswa na holu nesu na kulongela, "Chakaka hayu awelili mwana wa Sapanga." ⁵⁵Wadala watangala wenikuwela wakimkovekela Yesu kuhuma ku Galilaya ili kumtumikila wawelili pala wakilola kuhuma kutali. ⁵⁶Paghati ghau awelili Maliamu Magdalena, Maliamu nyongo ghaki Yakobo na Josefu, na nyongo wa wana wa Zebedayo.⁵⁷Paihikili lumihi, ahikile mundu mnaisa kuhuma ku Alimatayo, mweni kukemwa Yusufu, avile hilahila awelili mvulwa wa Yesu. ⁵⁸Amyendelili Pilato na kuluwa mhigha wa Yesu. Hinu Pilato akalaghila apati kupeghwa.⁵⁹Yusufu akatola mhigha akauwopa na nguu gha Sufi maheli, ⁶⁰na akauwonjesa kulimambi lihyonu lyaki awelili kalihongola kumghomba. Hinu akabimbilisa liganga likulu likawopa mlyango wa limambi na akayenda zyaki. ⁶¹Maliamu Magidalena na Maliamu mghangi wawelili pala, walikala kwa kulola limambi.⁶²Lichuwa lyahika ivile iwelili lichuwa badili gha mayandalo, wakulu wa watambika na Mafalisayu wakonganikili kwa pamonga kwa Pilato. ⁶³Wakamlongela, "Bambu, tungukumbwiki yiwa lipindi yula mhwangi paawelili mkomu, alongile, 'Badili gha machuwa itatu atehinduka kangi.' ⁶⁴Kwa nagha , ulaghili yiwa limambi ligholokelwi maha mbaka lichuwa lya itatu. kihyetu kyaki, wavulwa ghaki wanguwesa kuhika na kumuhija na kulongela kwa wandu, 'Kahinduka kuhuma kukihu.' Na uhwangi wa kumwihu utewela mhakata kupiti hula wa mtumbulo."⁶⁵Pilato akawalongela, "Mtoli wagholokela. Myendi mkagholi hali gha usalama handa vila mnguwesa kughola." ⁶⁶Hinu wayendili na kughola limambi kuwela maha, liganga litovilwi muhuli na kuvika wagholokela.

¹Kuulongolo lumihi lichuwa lya Mbumulilo, lijuwa paliwelili likichia kuyendela lichuwa lya mtumbulo lya lijuma, Maliamu magadalena, na yula maliamu mghangi wahikili kulolile limambi. ²Uloli kuwelili na mhihimilo mkulu. kwaikiva mtumikila wa kundumba wa Sapanga ahulukili na kulibingilisa lila liganba, na hinu akatama kunani ghaki.³Wuso ghaki uwelili handa umemi, na nguu zyaki ziwelili mbuleti handa seluji. ⁴Wala wagholokela wamemesilwi na holu na kuwela handa wahova.⁵Yula mtumikila wa kundumba wa Sapanga akawalongela wala wadala akilonga, "Mkotoho kutila kwaikiva ningumanya yiwa mngumuhakula Yesu, mweni kuvambwa. ⁶Kang'ogha haku, ila kahinduka handa awalongilile. Mhiki mloli mahala pawelili Bambu awonjili. ⁷Myendi kwa kuloposela mkawalongeli wavulwa ghaki, 'Kahinduka kuhuma kukihu, uloli kawalongola ku Galilaya. Haku ndiwa mtemlola.' Uloli nenga niwalongela."⁸Wala wadala wahukili pala kumamambi kwa kuloposela wakiwela na holu na luheku lukulungwa, na wakatula mbilo kuwalongela wavulwa ghaki. ⁹Uloli Yesu akakongine nau na kulongela, "Jambu." wala wadala wakahika na kukola maghulu ghaki, na kangi wakamtundamila. ¹⁰Hinu Yesu akawalongela, "Mkotoho kutila, myendi mkawalongeli walongu ghangu walongoleli ku Galilaya. haku watenilola.¹¹Lipindi wala wadala pawawelili wakiyenda, uloli amonga gha wagholokela wayendili kumbwani na kuwalongela wakulu wa watambika mighalu hyogha iwelili ihumila. ¹²Na weni watambika pawawelili wakongine na wagogolo na kulongelela mghalu hau pamonga, wakayegha mapesa ghatangala kwa wala watovangondo ¹³na kuwalongela, "Muwalongeli waghangi yiwa, 'Wavulwa wa Yesu wahikili uhiku wakauhija mhigha wa Yesu lipindi twenga tuwolili tuwonja.'¹⁴Handa mghalu hau utemuhikila mlamula, twenga tutemkwegha na kuwahumisila mwenga holu hyogha." ¹⁵Hinu wala watovangondo wakatola ghala mapesa na kughola handa vila walongelilwi wagholi. Habali hai ikalandala nesu kwa Wayahudi na ikawela nagha mbaka lelo.¹⁶Ila wala wandumindumi ikumi na mmonga wayendili ku Galilaya, kweni lila litombi awelili kawalaghila. ¹⁷Na weni pawamlolile, wakamtundamila ila amonga gha weni walolile holu.¹⁸Yesu akahika kwa weni akawalongela akilonga, "Nipeghwa ulongisi wogha kumlima wogha na kundumba. ¹⁹Hinu muyendi mkawagholi milima hyogha kuwela wavulwa. Muwabatisi ku lihina lya Tati, na lya Mwana, na lya Mpumulo Mmbuleti.²⁰Muwavuli kutundmila mighalu hyogha niwalongilile, na uloli, nenga na pamonga na mwenga machuwa yayendelela., hata mbaka mwihu wa mlimawogha

¹Hau ni mtumbulo wa Habali Maha gha Yesu Kilisito, Mwana wa Sapanga. ²Handa iyandikwa na mlota Isaya, Uloli, ningumlaghila mjumbi ghangu kuulongolo ghako, mmonga ateyandala njila ghako. ³Lilowi lya mundu mweni kughuta mwitu, "Muitimilisi njila gha Bambu; mzinyolosi njila zyaki."⁴Yohana ahikili, akibatisa mumwatu na kutangasa ubatiso wa kuleka sambi kwa habali gha kulekeselwa sambi. ⁵Mlima wogha wa Yudea na wandu wogha wa Yelusalemu wayendili kwa mweni. Wawelili wakibatiswa na mweni kuluweni Yoludani, wakileka sambi syau. ⁶Yohana awelili akivala nguu gha mapuku gha ngamia na likanda lya ngozi kukiulibulilo kyaki, na awelili angulyegha nzige na bhuche gha kumanyahi.⁷Atangasili na kulonga, "Kuwela na mmonga mweni kuhika badili gha nenga mweni makakala nesu kupiti nenga, na nenga niwelang'ogha na uweso wa kugondama pahi na kuwopola ngoyi zya vilatu vyaki. ⁸Nenga niwabatisili kwa masi, ila mweni atewabatisa mwenga kwa Mpumulo wa Sapanga.⁹Ihumilili kumachuwa hagha yiwa Yesu ahikili kuhuma ku Nazaleti gha Galilaya, na abatisilwi na Yohana kulweni Yoludani. ¹⁰Lipindi Yesu paayinukili kuhuma mmasi, akalola kundumba kulekanilana lipala na Mpumulo akihuluka pahi kunani ghaki handa ngunda. ¹¹Na lilowi likahika kuhuma kundumba, "Wenga ni Mwana ghangu mpalwa. Ninguhekeleswa nesu na mwenga."¹²Hinu lipindi lilalila Mpumulo akamlasimisa kuyenda kumwitu. ¹³Awelili haku kumwitu kwa lipindi lya machuwa ialobaini, akiyeswa na lihyukana. Awelili pamonga na mikokolu gha mmwitu, na watumikila wa kundumba wa Sapanga wamtumikilili.¹⁴Hinu badili gha Yohana kukamulwa, Yesu akahika ku Galilaya akitangasa Habali Maha gha Sapanga, ¹⁵akilonga, "Lipindi litimila kala, na unkosi wa Sapanga upabehi. Mleki sambi na kukwinila ku Habali Maha."¹⁶Na akityanga mmbali gha bahali gha Galilaya, amwonile Simoni na Andelela mlongu wa Simoni wakitagha nyafu zyau mmbahali, kwaikiva wawelili walopola homba. ¹⁷Yesu awalongilile, "Mhiki, mnikovekeli, na nitewaghola walopola wa wandu." ¹⁸Na lipindi lilalila wakaleka nyafu zyau wakamkovekela¹⁹Lipindi Yesu paatyangili utali msokombi, amwonili Yakobo mwana wa Zebedayo na Yohana mlongo ghaki; wawelili muwato kakighola nyafu. ²⁰Bwitu awakemili na weni wakamleka tati ghau Zebedayo mghati mwa wato na waumikila weni kuyeghwa kwa lipindi hela, wakamkovekela.²¹Na pawahikili ku Kapelinaumu, lichuwa lya Mbumulilo, Yesu ayingilili kweni lighuta lya kukonganika Wayahudi na kuvula. ²²Walikangasili na mavulo ghaki, kwaikiva awelili akiwavula handa mundu mweni ulongosi na ng'igha handa wayandika.²³Lipindi lilalila wawelili na mundu kulighuta lyau lya kukonganikila Wayahudi mweni kuwela na mpumulo mhakata, na atovile lilowi, ²⁴akilonga, "Tuvile na kyani kya kughola na wenga, Yesu wa Nazaleti? Uhika kutuyalamisa? Ningukumanya yiwa wenga kwa ghani ni Mhaghulwa wa weka wa Sapanga!" ²⁵Yesu akamkemela hayu lihoka na kulonga, "Unyamali na uhuki mghati ghaki!" ²⁶Na hayu mpumulo mhakata akamguwisa pahi na akahuka kwa hayu mundu lipindi akilila kwa lilowi lya kunani.²⁷Na wandu wogha walikangasili, hinu wakakonyana kila mmonga, "Hai ni liki? Livulo hyonu lyeni uwesa? Hata lingulaghila mahoka wahakata na weni wangumuyitikila!" ²⁸Na habali zyaki zingulandala kila mahala mghati mwa mmbwani wogha wa Galilaya.²⁹Na lipindi lilalila badili gha kuhuka kwa panji gha lighuta lya kukonganikila Wayahudi, wayingilili ukaya kwa Simoni na Andelea wakiwela na Yakobo na Yohana. ³⁰Hinaa nyongu mkwahanu wa Simoni awelili kawonja mvina wa ulwala, na bwitu wakamlongela Yesu Habali zyaki. ³¹Hinu akahika, akimkola kwa liwoku, na kumwinula kunani; uvina ukahuka kwaki, na akatumbula kuwatumikila.³²Lumihi hai lipindi lijua lihonga kala, wamyeghilili wogha weni kuwela wavina, au weni kukolwa na mihoka. ³³Mlima wogha walikungulile pamonga kumlyango. ³⁴Awalamisilili wogha weni kuwela wavina wa uvina wekaweka na kuhumisa mahoka wayangala, kunu kawaleka ng'ogha mahoka kulongela kwaikiva wammanyile.³⁵Ayimukili malawila pee, lipindi iwelili pambila lwisa; akahuka na kuyenda maghala pakulihigha na ayupile haku. ³⁶Simoni na wogha weni kuwela pamonga na mweni wamhakulile. ³⁷Wampatili na kumlongela, "Kila mmonga angukuhakula"³⁸Awalongilile, "Tuyendi mahala kughangi, panji kumimbwani yeni kutindila, ili niwesi kutangasa haku hilahila. Ndiwa kwaikiva nihikili haku." ³⁹Ayendili akityangila ku Galilaya hyogha akiyangasa Habali Maha kumighuta gha kukonganila Wayahudi gha weni na kukalipila mahoka.⁴⁰Mweni ukalawa mmonga ahikili kwa mweni. Awelili akimluwa; ativili manung'una na akamlongela, "Ikiva ungupala, unguwesa kunighola niweli mbuleti. ⁴¹Akihukumulwa na luhungu, Yesu anyolosili liwoku lyaki na kumyavisa, akimlongela, "Ningupala uweli mbuleti." ⁴²bwitu ukalawa ukamuhuka, na agholilwe kuwela mbuleti.⁴³Yesu akamkanila kwa kukalipa na kumlongela ayendi kwa kuloposela, ⁴⁴Amlongilile, "Uhighilisi ulonga ng'ogha lilando lolosi, ila uyendi, ujilangihi kwa mtambika, na utoli litambiko kwaikiva gha mughululo handa vila Musa alaghilili, handa uhighiliso kwa weni."⁴⁵Ila ayendili na kutumbula kumlongelakila mmonga na kulandala lilando nesu hata Yesu akasindwa kangi kuyingila mmbwani kwa uyuyughu. Hinu akalikala mahala pakulihigha na wandu wakahika kwa mweni kuhuma kila mahala.

¹Paahuyili ku Kapelinaumu badil gha machuwa mayaghani, iyoghanikili yiwa awelili ukaya. ²Wandu watangala nesu wawelili walikungula pala na pawelili ng'ogha na fwasi kangi, hata hila gha pala pamlyango, na Yesu alongilile lilando kwa weni.³Hinu amonga gha wandu wakahika kwa mweni weni kumyegha mundu mwenikupola vikongonu; wandu wanjechi wawelili wampapa. ⁴Lipindi pawasindilwi kumhikila pabehi kwaikiva gha utangala wa wandu, wakapoyola mbandu gha lipaghala gha pala awelili. Na pawamalila kala kupoyola pala, wakahulusa kindanda kila awelili kawonja mundu mweni kupola.⁵Paaulolile ukwinila ghau, Yesu amlongilile mundu yula mweni kupola, "Mwana ghangu, sambi zyako zilekeselwa." ⁶Ila amonga gha wayandika wala wawelili walikala pala wakajikonya kumioyu ghau, ⁷"Kanguwesa ghuli mundu hayu kulonga nagha? Angulighu! Ghani kanguwesa kulekesela sambi ila ni Sapanga weka ghaki?"⁸Bwitu Yesu amanyili kumpumulo ghaki kula wawelili wangukiwachila paghati gha weni. Awalongilile, "Kwa kyani mnguliwachila nagha kuioyu gha mwenga? ⁹Niki ni yuyughu nesu yiwa kulonga kwa mundu mweni kupola, 'Sambi sako zilekeselwa' au kulonga, 'Ugholoki, utoli kindanda kyako, na utyangi?'¹⁰Ila ili wapati kumanya Mwana wa Adamu kana uweso wa kulekesela sambi kumlimawogha, amlongelili yula mweni kupola, ¹¹"Ningukulongela wenga, uyinuki, utoli lihinda lyako, na uyendi ukaya kwako." ¹²Agholokili na bwitu akatola lihinda lyaki, na ayendili panji gha lighuta kuulongolo gha kila mundu, hinu wogha walikangasili na wakampegha Sapanga ukwilikihi, na wakalonga, "Katu twenga tulola ng'ogha mghalu handa hau."¹³Ayendili kangi mmbali mwa lihiwa, na lipnga lyogha lya wandu lihikili kwa mweni, na akawavula. ¹⁴Paawelili akityanga amuwonili Lawi mwana wa Alfayo kalikala kumahala kumahala pakukungulila kodi na akamlongela, "Ungovekeli." Ayimukili na kumkovekela.¹⁵Na lipindi Yesu paawelili akilyegha mulyo kulighuta lya Lawi, wakungula kodi watangala na wandu weni sambi wawelili wakilyegha na Yesu na wavulwa ghaki, kwaikiva wawelili watangala na weni wamkovekelili. ¹⁶Lipindi wayandika, weni wawelili Mafalisayu, pawawonili yiwa Yesu awelili akilyegha na wandu weni sambi na wakungula kodi, wawalongilile wavulwa ghaki, "Kwa kyani angulyegha na wakungula kodi na wandu weni sambi?"¹⁷Lipindi Yesu pakayoghanila nagha awalongilile, Wandu weni kuwela na afiya kumhigha wampala ng'ogha dakitali; ni wandu wavina weka yaki ndiwa wangumpala. Nihika ng'ogha kuwakema wandu weni haki, ila wandu weni sambi."¹⁸Wavulwa wa Yohana na Mafalisayu wawelili wakiwopa mulyo. Na amonga gha wandu wahikili kwa mweni na kumlongela, "Kwa kyani wavulwa wa Yohana na Mafalisayu wanguwopa mulyo, ila wavulwa ghako wenga wanguwopa ng'ogha mulyo? ¹⁹Yesu awalongilile, "Ghuli wala weni kukonganika kumhambu wa uposo wanguwesa kuwopa lipindi Bambu wa uposo ambila kuwela na weni? Kwa njila yoyosi hila Bambu wa uposo pakawela ambila pamonga na weni wanguwesa ng'ogha kuwopa."²⁰Ila machuwa yatehika lipindi bambu wa uposo paahumiswa kwa weni, na kumachuwa hagha weni watewopa. ²¹Kwahela mundu mweni kusona kipandi kihyonu kya nguu kweni nguu ihakala, kihyetu na hagha kipandi haki kitehuka kuhuma kuhali, kihyonu kuhuka kuhuma kunguu ihakala, na patewela na mbalulo mhakata.²²Kwahela mundu mweni kuvika divai hyonu kuvihela vikulukulu, kihyetu na hagha divai itebalula vihela na vyogha viivili divai na vihela viteyalamika. Badili ghaki, uwiki divai hyonu kuvihela vihyonu."²³Kulichuwa lya Kupumlila Yesu apitili ku amonga gha matawa, na wavulwa ghaki watumbulile kutola amonga gha mihoji gha ngano. ²⁴Na mafalisayu wamlongilile, "Uloli, Kwa kyani wangughola kindu kivile ni kihyetu na selia kulichuwa lya Kupumulila?"²⁵Awalongilile, "Msomili ng'ogha kila agholile Daudi paawelili na njala- mweni pamonga na wandu awelili pamonga nau? ²⁶Vila kayenda kulighuta lya Sapanga lipindi Abiathali paawelili mtambika mkulu na akalyegha libumunda lyeni kuvikwa kuulongolo- ikiva ni kihyetu na selia kwa mundu yoyosi kulyegha ila watambika weka yau- na awapeghili hata amonga ghaweni weni kuwela pamonga na mweni?"²⁷yesu alongili, "Mbumulilo igholilwi kwaikiva gha mundu, ng'ogha mundu kwaikiva gha Mbumulilo. ²⁸Kwa nagha, Mwana wa Adamu ni Bambu, hata kwa Mbumulilo."

¹Na kangi ayingilili mghati gha lighuta lya kukonganikila Wayahudi na mula muwelili na mundu mweni liwoku lipola. ²Amonga gha wandu wawelili wakimkovekela kwa upabehi kolola handa atemlamisa lichuwa lila lya Kupumulila ili wawesi kumsitaki.³Yesu akamlongela mundu mweni liwoku lipola, "Uyinuki na ugholoki paghati gha lipinga hali." ⁴Hinu akawalongela wandu, "Ghuli ni maha kughola lilando maha lichuwa lya Kupumulila au kughola yala ya maha ng'ogha; kulokola ukomu au kukoma?" Ila wahighalile jii.⁵Akawalola kwa lilaka, akinyengemala kwaikiva gha ugangamalu wa mioyu ghau, na akamlongela yula mundu, "Unyolosi liwoku lyako." ⁶Mafalisayu wakayenda panji na bwitu wakaghola njama pamonga na Mahelode kwa mweni ili kumkoma.⁷Hinu Yesu pamonga na wavulwa ghaki, wakayenda kubahali, na lipinga likulunga lya wandu ukawakovekela wakihumila ku Galilaya na Uyahudi, ⁸na kuhuma ku Yelusalemu na ku Idumaya na kuulongolo gha Yoludani na pabehi gha Tili na Sidoni, lipinga likulunga, paliyoghanila kila kindu akawelili angujighola, wakahika kwa mweni.⁹Na awalongilile wavulwa ghaki kuyandala wato sokombi kwaikiva gha mweni kwaikiva gha lila lipinga, ili wakotoho kumtindila kwa pabehi. ¹⁰Kwaikiva alamisilili watangala, ili kila mundu mweni kuwela na mahakilo awelili na luhujulu lya lwa kumhikila ili amyavisi.¹¹Kokosi mipumulo mihakata pawamlolile, waguwili pahi kuulongolo ghaki na kulila, na wailongile, "Wenga ni Mwana wa Sapanga." ¹²Awalaghilile kwa mkasu wakotoho kughola amanyiki.¹³Ayendili kunani gha litombi, na akawakema wala awapalile, na wakayenda kwa mweni. ¹⁴Akawahaghula ikumi na ivili (awakemili wandumindumi), ili waweli pamonga na mweni na awesi kuwalaghila kutangasa Habali Maha, ¹⁵na kuwela na uweso wa kuhumisa mahoka. ¹⁶Na akawahaghula ikumi na ivili: Simoni, ampeghili lihina lya Petelo,¹⁷Yakobo mwana wa Zebedayo, na Yohana mlongo ghaki Yakobo, mweni kupeghwa lihina lya Bonagesi, weni ni, wana wa mhihimo, ¹⁸na Andelea, Filipo, Bartholomayo, Mathayo, Tomaso, Yakobo mwana wa Alfayo, Tadayo, Simoni Mkananayo. ¹⁹na Yuda Isikaliote, avile atemhyuka.²⁰Hinu ayendili kuukaya, na lipinga lya wandu wakahika pamonga kangi, hata wawesi ng'ogha kulyegha libumunda. ²¹Familiya ghaki pawayoghanila habali hazi, wayendili kumkamulka, yiwa wakilonga, "Kayalamika malangu." ²²Wayandika weni kuhika kuhuma ku Yelusalemu wailongile, "Kakologhanyika na Beelzebuli," na, "Kwa mlongosi wa mahoka anguhumisa mahoka."²³Yesu awakemili kwa mweni na kulonga na weni kwa mlandano, "Ghuli Lihyukana linguwesa kumuhumisa lihyukana? ²⁴Paikawela unkosi ulekanila weni, unkosi hau utewesa ng'ogha kugholoka. ²⁵Handa lighuta palilekanika lyeni. lighuta hali litewesa ng'ogha kugholoka.²⁶Handa lihyukana liteyimuka kihyetu kyaki lyeni na kulekanika, litewesa ng'ogha kugholoka, na litewela lihika mwihu ghaki. ²⁷Ila kwahela hata mmonga mweni kuwesa kuyingila mghati gha lighuta lya mundu mweni makakala na kuhija vindu vyaki akaleka huti kumuwopa mweni makakala, na hinu kukungula kila kiwela mlighuta.²⁸Chakaka ninguwalongela, sambi zyogha zya wana wa wandu zitelekeselwa, pamonga na malighu wanguyalongela, ²⁹Ila yeyosi atemlighu Mpumulo wa Sapanga hatelekeselwa katu, ila kana uhakata wa sambi gha machuwa yayendelela," ³⁰Yesu alongili hali kwaikiva wawelili wakilonga, "Kana mpumulo mhakata."³¹Hinu nyongo ghaki na walongo ghaki wakahika na kugholoka panji. Wakamlaghila mundu, kumkema. ³²Na lipinga lya wandu lyeni kuwela litama pabehi na mweni wakamlongela, "Nyongo ghako na walongo ghako wapanji, na wangukuhakula wenga."³³Akawakonya, "Ni ghani nyongo ghangu na walongo ghangu?" ³⁴Akawalola wala weni kuwela walikala na kumtindila, na akalonga, "Uloli, hagha ndiwa wanyongo ghangu na walongo ghangu! ³⁵Yeyosi mweni kughola mapalo gha Sapanga, mundu hayu ni mlongo ghangu, na mhacha ghangu, na nyongo ghangu."

¹Kangi atumbulili kuvula mmba mbali gha bahali. Na lipinga likulunga likalikungula na kumtindila, akayingila mghati gha wato mbahali, na kulikala. Lipinga lyogha liwelili mmbali mwa bahali kuufuku. ²Na akawavula mighalo itangala kwa milandano, na kumavulo ghaki akalonga nagha,³myoghanili, mtukutula ayendili kukulila. ⁴Paawelili akikulila, amonga gha mbeyu ziguwili mnjila, na wambongu wakahika wakalyegha. ⁵Mbeyu ghangi ziguwili kumghomba, kweni kuwela ng'ogha na lutupi lutangala. Bwitu zikayuma, kwaikiva ziwela ng'ogha na lutupi litangala.⁶Ila lijuwa palihomokili, zinyalili, na kwaikiva ziwelili ng'ogha na mkegha, zikayuma. ⁷Mbeyu zighangi ziguwili kumihomi. Mihomi ikakula na kuitindila tindila, na zikalela ng'ogha matungula yoyosi.⁸Mbeyu zighangi ziguwili kulutupi lya maha na zikalela matungula kunu zikikula na kuyongeseka, zighangi zikalela mianja iselasini kupiti, na zighangi isitini, na zighangi imia." ⁹Na akalonga, "Yeyosi mweni mapulukilo gha kuyoghanilila na ayughanile!"¹⁰Yesu paawelili weka yaki, wala wawelili pabehi na mweni na wala ikumi na ivili wamkonyili kulongelela milandano. ¹¹Akalonga kwa weni, "Mwenga mpeghwa kumanya kifisu kya unkosi wa Sapanga. Ila kwa weni kuwela panji kila kindu ni mlandano, ¹²ili pawakilola waloli nesu, ila wakotoho kulola, na pawayoghanila wayoghanili nesu, ila wakotoho kumanya, kihyetu kyaki wangalihyuka na Sapanga angawalilekesela,"¹³Na akalonga kwa weni, "Ghuli mmanya ng'ogha mlandano hau? Mtewesa ghuli kumanya milandano mighangi? ¹⁴Mkulila akulilili lilando. ¹⁵Amonga ni wala weni kuguwa mmbali mwa njila, mahala lilando likulilwa. Na pawaliyoghanila, bwitu Lihyukana likahika na kulitola lilando livile likulililwi mghati mwa weni.¹⁶Na amonga ni wala wakulililwi kunani gha mghomba, wavile, pawaliyoghanila lilando, kwa kuloposela wangulipokela kwa luheku. ¹⁷Na wavile ng'ogha na mikegha yoyosi mghati mwau, ila kufumilila kwa lipindi lihupi. Kuulongolo lung'ai na maghaso pavihika kwaikiva gha lilando, bwitu wangulikwala.¹⁸Na waghangi ni wala wenikukulilwa kumihomi. Wanguliyoghanila lilando, ¹⁹ila maghaso gha mumlima, kundangwa kwa kuwela na hindu, na lumatamata lwa mighalu mighangi, yanguwayingila na kulitindila lilando, na lingusindwa kulela matungula. ²⁰Hinu kuvile na wala wavile wakulilwa kulutupi lya maha. Wanguliyoghanila lilando na kulipokela na lingulela matungula: amonga iselasini, na amonga isitini, na amonga imia moja."²¹Yesu akawalongela, "Ghuli tunguyegha limbamba mghati gha lighuta na kulivika pahi gha kibeja, au pahi gha kibeja, au pahi gha kindanda? Tunguliyegha mghati na kulivika kunani gha mesa. ²²Kwaikiva kwahela chochosi kilifisa kivile kitemanyika ng'ogha, na kwahela kifisu chochosi kivile kitevikwa ng'ogha lipala. ²³Pakawela mweni mapulukilo gha kuyoghanila, na ayughanili!"²⁴Akawalongela, "Muweli mihu kwa kila mkiyoghanila, kwaikiva kipimu kila mkitumila, ndiwa hakihaki mtepimilwa, na iteyongeswa kwa mwenga. ²⁵Kwaikiva yula mweni kuwela nachu, atepokela kupiti, na yula mweni kuwela ng'ogha nachu, kuhuma kwa mweni vitetolwa hata vila kawela navyu."²⁶Na akalonga, "Unkosi wa Sapanga ulandaniswa na mundu mweni kukulila mbeyu kulutupi. ²⁷Paawonjili uhiku na kuyimuka malawila, na mbeyu zikamela na kukula, pamonga na yiwa kamanya ng'ogha vila zihumila. ²⁸Mlima unguhumisa mbeyu yeni; mtumbula manyahi, hinu uluwa, na kuulongolo mbeyu zyeni kukomala. ²⁹Na lipindi mbeyu paitewela ipia njenji inguyeghwa mundu, kwaikiva mabeno yapabehi.'³⁰Na akalonga, "Tulandanisi unkosi wa Sapanga na kindu niki, au tutumili mlandanu ghani kuulongela? ³¹Ni handa mbeyu gha haladali, ivile paikulilwa ni isokombi nesu kupiti mbeyo zyogha kumlima. ³²Hata lipindi paikulilwi, ingukula na kuwela ngulu kupiti masau hyogha kulitawa, na ingughola maputila makulu, hata wambongu wa kundumba wanguwesa kughola vijaka vyau kweni maputila ghaki."³³Kwa milandano itangala avulili na alongile lilando kwa weni, kwa vila wayendelili kumanya, ³⁴na kalonga ng'ogha na weni akileka milandano. Ila lipindi paawelili weka yaki, akawalongela kila kindu wavulwa ghaki.³⁵Kulichuwa lila, lipindi lya lumihi palihika, akalonga kwa weni, "Tuyendi mbandi gha ivili." ³⁶Hinu wakalileka lipinga, wakamtola Yesu, lipindi hali awelili kala mu wato. Wato ghangi ziwelili pamonga na mweni. ³⁷Na liyegha litopehu lya liyegha na mawimbi yawelili yakiyingila mghati gha wato na wato iwelili imema kala.³⁸Ila Yesu mweni awelili kushetili, kawonja ku mhaghamilo. Wakamuyimusa, wakilonga, "Mvula, wenga uloling'ogha twenga tunguhova?" ³⁹Na akayimuka, akalikalipila liyegha na akailongela bahali, "Ipongi, kulikala kwa kukotoho kutovana," Liyegha likaponga, na kukawela kutulila kukulu.⁴⁰Na akalongela kwa weni, "Kwa kyani mngutila? Ghuli mmbila ng'ogha na ukwinila?" ⁴¹Wakamema na holu ngulu mghati mwa weni na wakalongelana weni kwa weni, "Hayu ni ghani kangi, kwaikiva hata liyegha na bahali vingumuyitikila?"

¹Wakahika mbaka mbandi ghangi gha bahali, kummbwani wa Gelasi. ²Na bwitu lipindi Yesu paawelili akihuka panji gha wato, mundu mweni mpumulo mhakata akahika kwa mweni kuhuma mmamambi.³Mundu hayu alikalili kumamambi. Kwahela mundu mwenikuwesa kumkamula, kwahela hata kwa minyololu. ⁴Awelili kawopwa mianja itangala kwa pingu na minyololu. Adumulili minyololu na pingu zyaki zibomolilwi. Kwahela hata mmonga mweni kuwela na makakala gha kumsinda.⁵Uhiku na pamuhi akiva kumamambi na umatombi, alilili na kujihinja mweni kwa maganga makalipa. ⁶Pakamlola Yesu kwa utali, akatuilila kwa mweni na kugondama kuulongolo ghaki.⁷Alilili kwa lilowi likulunga, "Ungupala nikugholeli niki, Yesu, Mwana wa Sapanga avile kunani nesu? Ningukuluwa kwa Sapanga mweni, ukotoho kunihakila," ⁸Kwaikiva awelili kamlongela, "Uhumi kwa mundu hayu, wenga mpumulo mhakata."⁹Na mweni amkonyili, "Lihina lyako ni ghani?" Na mweni amyangili, "Lihina lyangu ni Legioni, kwaikiva tutangala." ¹⁰Akamluwa kangi na kangi akotohokuwayegha panji gha mmbwani.¹¹Hinaa lipinga likulunga lya mighuluwi liwelili likipeghwa mulyo kunani gha litombi, ¹²na weni wamluwili, wakilonga, "tulaghili kwa ghuluwi; tuyingili mghati mwau," ¹³Hinu awalekeselili; mpumulo mihakata ikahuka na kuyingila mghati gha ghuluwi, na weni wakatuilila pahi gha litombi mbaka mubahali, na paghati gha ghuluwi ielufu imbili wakadubukila mubahali.¹⁴Na wala weni kuwela wakiwapegha mulyo watulili mbilo na kuyenda kutola habali gha kila kihumilili kummbwani na kumlima . Ndiwa wandu watangala wakahuka kuyenda kulola kila kihumila. ¹⁵Ndiwa wakahika kwa Yesu na kumlola mundu akolilwi na mahoka- mwenikuwela na watovangondu- kalikala pahi, kavaliswa na akiwela na malangu ghaki yatimila, na weni wakatila nesu.¹⁶Wala wawelili walola kila kihumila kwa mundu yula akolilwi na mahoka wakawalongela kila kihumilili kwa mweni na kwa ghuluwi hilahila. ¹⁷Na weni wakatumbula kumluwa ahuki kummbwani ghau.¹⁸Na paawelili akiyingila mghati gha wato, mundu yula awelili kakolwa na mahoka amluwili yiwa wahuki pam,onga na mweni. ¹⁹Ila kamlekesela ng'ogha, ila amlongelile, "Uyendi ukaya ghako na ukaya gha wandu ghako, na ukawalongeli kangolela Bambu, na luhungu lula akupeghili," ²⁰Hinu ayendili na kutumbula kutangasa mighalu mikulunga ivile Yesu agholile kwaki ku Dekapoli, na kila mmonga akalikangasa.²¹Na lipindi Yesu paahubukili kangi mbandi ghangi, mghati mwa wato, lipinga likulunga likialikungula kumtindila paawelili mmbali gha bahali. ²²Na mmonga wa vilongosi wa lighuta lya kukonganikila Wayahudi, mweni kukemwa Yailo, ahikili, na paamlolile, akaguwila kumaghulu ghaki. ²³Akamluwa kangi na kangi, akilonga, "Mhinja ghangu msokombi kapabehi n kuhova. Ningukuluwa, uhiki na uviki mawoku ghako kunani ghaki ili awesi kupokela ukomu na kulama." ²⁴Hinu akayenda pamonga na mweni, na lipinga likulunga likamkovekela na weni wamtindilili pabehi.²⁵Kuwelili na mdala mweni kuwela mwahi ghaki uwelili unguhuma kwa lipindi lya machuva maivili. ²⁶Aghasikili nesu pahi gha waganga watangala na atumilili kila kindu awelili nachu. Hata nagha vimtangili ng'ogha, ila badili ghaki ayendelelili kuhighala na ndyangilu gha uvina ihakata. ²⁷Ayoghanilili habali imlongela Yesu. Hinu ahikili kuyetu ghaki lipindi paawelili akityanga paghati gha lipinga, na mweni akayavisa nguu ghaki.²⁸Kwaikiva alongili, "Handa niteyavisa nguu ghaki hela, nitewela mkomu." ²⁹Paamyavisili, kuhumisa mwahi kukaleka, na ayoghanilile kumhigha ghaki yiwa kalamiswa kuhuma kumahakilo ghaki.³⁰Na bwitu Yesu akamanya yiwa mghati mwaki mweni makakalamyamuhuka. Na akahyuka haku na haku kulipinga lya wandu na kukonya, "Ni ghani mweni kuyavisa nguu ghangu?" ³¹Wavulwa ghaki wakamlongela, "Ungulola lipinga hali vila ukutindila, na wenga ungulonga, 'Ni ghani mweni kuniyavisa?'" ³²Ila Yesu akalola haku na kula kulola yula mweni kughola hali.³³Mdala, akimanya kila kihumila kwa mweni, atilili na kuhighimila. akahika na kuguwa pahi kuulongolo ghaki na kumlongela uchakaka wogha. ³⁴Ailongile kwa mweni, "Biti ukwinila ghako ukughola uweli mkomu. Uyendi kwa umaha na ulamiswi kuhuma kuuvina ghako."³⁵Paawelili akilonga, amonga wa wandu wakahika kuhuma kwa kilongosi wa lighuta lya kukonganikila Wayahudi, wakilonga, "Biti ghako kahova. Kwa kyani unguyendelela kumghasa mvula?"³⁶Ila Yesu pakayoghanila kila wawelili wakikilongela, akamlongela kilongosi wa lighuta lya kukonganikila Wayahudi, "Ukotoho kutila. Ukwinili weka." ³⁷Kamlekesela ng'ogha yeyosi kulongosana nayu, ila petelo, Yakobo, na Yohana mlongo ghaki Yakobo. ³⁸Wakahika ukaya kwa kilongosi wa lighuta lya kukonganikila Wayahudi na mweni akalola mkologhanyu ukiyendelela, kulila kutangala na kulumbilila.³⁹Pakayingila ukaya, akamlongela, "Kwa kyani mngung'ung'ulika na kwa kyani mngulila? Mwana kahova ng'ogha ila kawonja." ⁴⁰Wakamheka, ila mweni, akawahumisa wogha panji, akamtola tati wa mwana na nyongo na wala wawelili pamonga na mweni, na akayingila mghati muwelili na mwana.⁴¹Akatola liwoko lya mwana na akamlongela, "Talitha koum," yeni kumaanisa, "Biti mnung'una, ningukulongela, uyimuki." ⁴²Bwitu mwana akayimuka na kutyanga (kwaikiva awelili na machuva ikumi na ivili gha kuwelekwa). Na bwitu wakolilwi na mkangaso mkulu. ⁴³Awalaghilile kwa makakala yiwa kwahela mweni kupalwa kumanya mghalu hau. Na akawalongela yiwa wampeghi yula biti mulyo.

¹Na akahuka pala na kuyenda kumbwani kwau, na wavulwa ghaki wakamkovekela . ²Mbumulilo paihika, atumbulili kuvula kulighuta lya kukonganikila Wayahudi . Wandu watangala wamyoghanilili na wakakangaswa. Wakalonga, "Katola kugha mavulo hagha?" "Ni luhala ghani hali kapeghwa?" "Angughola ghuli makangaso hagha kwa mawoku ghaki?" ³"Ghuli hayu ng'ogha yula selemala, mwana wa Maliamu na mlongo ghau kina Yakobo, Yose, Yuda na Simoni? Ghuli wahacha ghaki ng'ogha wangulikala haku haku pamonga na twenga?" Na wahekeleswa ng'ogha na Yesu.⁴Yesu akawalongela, "Mlota kangupokela utundamilu, ila kangupokela ng'ogha utundamilu kumlima ghaki na paghati gha walongo ghaki na ukaya ghaki." ⁵Kawesa ng'ogha kughola makangaso pala ila awavikilili mawoko wavina mayaghani akawalamisa. ⁶Alikangasili nesu kwaikiva gha kukotoho kukwinila kwa weni. Hinu akavityangila vimbwani vya pabehi akivula.⁷Akawakema wala wavulwa ikumi na ivili akatumbula kuwalaghila waivili waivili. Awapeghili uweso kunani gha mahoka wahakata, ⁸na akawalaghila wakotoho kutola chochosi kula wanguyenda ila hyatu weka. Wakotoho kutola likate, hata mhaku, hata mapesa pachikwinda; ⁹ila wavali vilatu, na ng'ogha lihabiti ivili.¹⁰Na akawalongela, "Lighuta lolosi mteyingila, mlikali baha mbaka pamtehuka. ¹¹Na mlima wowosi pauleka kuwapokela hata kuwayoghanila, muhuki kwa weni, mpundi malifu gha maghulu gha mwenga, iweli uhighilisu kwa weni."¹²Na weni wkayenda wakitangasa wandu waleki sambi syao. ¹³Wawawingili mahoka watangala, na wawapakalili mahuta wavina na wakalamiswa.¹⁴Nkosi Helode pakayoghanila hagha, kwaikiva lihina lya Yesu liwelili limanyikana nesu. Amonga wailongile, "Yohana mbatisa kahinduka na kwaikiva gha nagha, hagha makakala gha makangaso yaangughola mahengu mghati mwaki." ¹⁵Amonga gha weni wakalonga, "Hayu ni Eliya," na waghangi wakalonga, "Hayu ni mlota, handa mmonga wa wala walota wa dahile."¹⁶Ila Helode pakayoghanila hagha akalonga, "Yohana, yula nimhinjili mutu kahindulwa." ¹⁷Kwaikiva Helode mweni alaghilili Yohana akamulwi na amuwopili mgelesa kwaikiv gha Helodia(mhumbu wa mhaja ghaki Filipo) kwaikiva mweni awelili kamposa.¹⁸Kwaikiva Yohana amlongelili Helode, "Ng'ogha maha kumposa mhumbu wa mhaja ghako." ¹⁹Ila Helode atumbulili kumhyomela na awelili akipala kumkoma, ila asindilwi, ²⁰kwaikiva Helode amtilili Yohana; amnyili yiwa ni mweni haki mundu mmbuleti, na amlekili nyanyi. Na ayendelelili kumyoghanila anyengemalili nesu, ila ahekelelili kumyoghanila.²¹Hata palihika lipindi lipalilwi ikiva liwela pabehi lichuwa lya kuwelekwa Helode akawayandalila watumikila ghaki mhambu, na watovangondo, na vilongosi wa Galilaya. ²²Ndiwa miti wa Helodia akayingila na kuhina kuulongolo gha weni, akamhekelesa Heloe na wahenja weni kulikala lipindi lya mulyo wa lumihi. Ndiwa nkosi akamlongela biti, "Uniluwi chochosi na nenga nitekupegha."²³Akamlapila na kulonga, chochosi uteniluwa, nitekupegha, hata nusi gha unkosi ghangu nitekupegha." ²⁴Akahuka panji na kumkonya nyongo ghaki, "Niluwi niki?" Akalonga, "Mutu wa Yohana mbatisa." ²⁵Na bwitu akayingila kwa nkosi akatumbula kulonga, "Ningupala unipatili mghati mwa lisinila, mutu wa Yohana Mbatisa."²⁶Nkosi anyengemalili nesu, ila kwaikiva gha kilapo kyaki na kwaikiva gha wahenja, akasindwa kulema kuluwa kwaki. ²⁷Hinu, nkosi akayegha watovangondo paghati gha watovangondo ghaki a kuwalaghila kuyenda kumyeghela mutu wa Yohana. Mtova ngondo ayendili kumhinja mutu akiwela mkihungu. ²⁸Akayegha mutu ghaki mlisinila na kumpegha biti, na biti akampegha nyongo ghaki. ²⁹Na wavulwa ghaki pawayoghanila hagha, wakayenda kutola mhigha ghaki na kuyenda kuusika mlimambi.³⁰Na wandumindumi, walikungulili pamonga kuulongolo gha Yesu, wakamlongela hyogha wayagholile na ghala ayavulile. ³¹Na mweni akawalongela, "Mhiki weni mahala pakifisu na tupumlili kwa lipindi." Wandu watangala wawelili wanguhika na kuhuka, hata wapata ng'ogha fwasi gha kulyegha. ³²Hinu wakakwela wato ngulu wakayenda kumahala pa kifisu weka yau.³³Ila wawalolile wakihuka na wandu watangala paghati gha weni wakawamanya, kwa pamonga watuwili mbilo kwa maghulu kuhuma mimbwani hyogha, na weni wakahika pambila gha weni. ³⁴Pawahikili ku pwani, alolile lipinga likulunga na akaliwonela luhungu, kwaikiva wawelili handa kondolu wawela ng'ogha na mhungaji. Na akatumbula kuwavula mighalu itangala.³⁵Lipindi paliyenda nesu, wavulwa wakamuhikila na kumlongela, "Haku ni mahala pa kifisu na lijuwa lihonga kala. ³⁶Uwaleki wayendi mbwani gha pabehi na vimbwani ili wajihemeleli mulyo."³⁷Ila akawayanga akilonga, "Muwapeghi mwenga mulyo." Wakamlongela, "Tunguwes kuyenda na kuhemela mibumunda gha samani gha dinali imia ivili na kuwapegha walyeghi?" ³⁸Akawalongela. "Mvili na mibumunda mininga? Myendi mkalolesi," pawapata wakamlongela, "Mibumunda mhano na homba waivili."³⁹Akawalaghila wandu walikali kumalipinga kunani gha manyahi mavihi. ⁴⁰Wakawatamalisa kumapinga; mapinga gha wandu imia kwa iamsini. ⁴¹Hinu akatola mibumunda mimhano na homba waivili, na kulola kundumba, akahighila hinu akawapegha wavulwa waviki kuulongolo gha lipinga. Na hinu akawagawila vipandi vya homba wala waivili wandu wogha.⁴²Walyeghili wogha mbaka wabakili. ⁴³Wakakungula pipandi vya mibumunda ihighalile, vikamema vibeja ikumi na ivili, na hila hila vipandi vya homba. ⁴⁴Na wawelili walumi ielufu mhano weni kulyegha mibumunda.⁴⁵Bwitu akawolongela wakweli kuwato ngulu wayendi mbandi ghangi, mbaka ku Besisaida, lipindi mweni akiwatahula lipinga. ⁴⁶Pawahuka kala , akayenda kulitumbi kuluwa. ⁴⁷Iwelili lumihi, na wato ghau kwa lipindi lila iwelili paghati gha bahali na mweni awelili weka yaki kumlima.⁴⁸Na awalolile wakitova pondu kwaikiva liyegha liwangingamili. Paiwela pabehi na malawila akawayendela, akityanga kunani gha masi, na apalili kuwapita. ⁴⁹Ila pawamlolile akityanga kunani gha masi, wakayingilwa na holu wakiliwachila yiwa ni mahoka hata wakatova lilowi. ⁵⁰Kwaikiva wamlolile wakamemeswa na holu. Bwitu akalonga na weni akawalongela, "Muweli na makakala! Ni nenga! Mkotoho kuwela na holu."⁵¹Akayingila mghati mwa wato ngulu, na liyegha likaleka kupunga, na weni wakalikangasa nesu. ⁵²Hinu wawelili wamanya ng'ogha hila mibumunda imanisili niki. Kwaikiva malangu ghau yawelili na umanyi msokombi.⁵³Na weni pawahubuka kala kumwambu, wahikili kumlima wa Genesaleti, wato ikavika nanga. ⁵⁴Pawahukili panji gha wato, bwitu wakammanya. ⁵⁵Wakatuwa kutangasa kumbwani wogha na wakatumbula kuwayegha wavina kuvindanda, kila pawaiyoghanila yiwa anguhika.⁵⁶Kokosi pakayingila kuvimbwani, au mbwani, kumlima, wawavikili wavina kumahala gha soku, na wakamluwa awalekeseli wayavisi luviniko lya nguu ghaki. Na wogha wala wamyavisili walamisilwi.

¹Mafalisayu na amonga wa wayandika weni kuwela wamuhumila ku Yelusalemu walikungulili kumtindila mweni.²Na walolile yiwa amonga gha wavulwa ghaki walyeghili libumunda kwa mawoku yeni ndaka; ivile iwofulilwi ng'ogha. ³(kwa Mafalisayu na Wayahudi wogha wangulyegha ng'ogha mbaka wawofuli mawoko ghau maha; wangukola ndyangilu gha wagogolo. Lipindi ⁴Mafalisayu wanguhuya kuhuma kumahala pa soku, wangulyegha ng'ogha mbaka wayoghi huti. Na kuvile na selia zighzngi zivile wanguzikovekela nesu, ikiva ni pamonga na kuwofula vikombi, masufulila, vyombu vya shaba, na hata vikalilo wangutumila lipindi lya kulyegha⁵Mafalisayu na wayandika wamkonyili Yesu, "Kwa kyani wavulwa ghako wangulikala ng'ogha kukovekelana na ndyangilu gha wagogolo, kwaikiva wangulyegha libumunda wakiva waliwofula ng'ogha mawoku?"⁶Ila mweni awalongilile, "Isaya alotili maha kulongelela mwenga wambindingu, ayandikili, 'Wandu hagha wangunitundamila kwa milomu ghau, ila mioyu ghau ikutali na nenga. ⁷Wangunigholela mayupo yawela ng'ogha na fwaida, wakivula selia za wandu handa mapokelo ghau.'⁸Mleka selia zya Sapanga na kukola kwa uyuyughu ndyangilu zya wandu." ⁹Na akalonga kwa weni, "Muilema amuli gha Sapanga kwa uyuyughu ili mkoli ndyangilu zya mwenga weni! ¹⁰Kwaikiva Musa ailongile, 'mtundamili tati ghako na nyongo ghako,' na 'Yula mweni kulonga mahakata kunani gha tati ghaki au nyongo ghaki chakaka atehova.'¹¹Ila mngulonga, 'handa mundu pakailonga kwa tati ghaki au nyongo, "Mtanga wowosi uvile mngaliupokela kuhuma kwa nenga ni ngoku gha Lighuta lya Sapanga,"' (hai ni kulonga yiwa, 'inguhuma kwa Sapanga') ¹²hinu ungumlekesela ng'ogha kughola mghalu wowosi kwaikiva gha tati au nyongo ghaki. ¹³Mnguighola amuli gha Sapanga kuwela yaghi yaghi kwa kuyegha ndyangilu zya mwenga baha. Na mighalu itangala gha nagha."¹⁴Awakemili lipinga kangi na kuwalongela, "Mniyughanili nenga, mwenga wogha, na mnimanyi. ¹⁵Kwahela chochosi kuhuma panji gha mundu kivile kinguwesa kumtaya ndaka pakiyingila kwa mweni. Ila ni kila kyeni kumuhuma mundu ndiwa kyeni kumtaya ndaka. ¹⁶(Uloli kwa maha: msitali hau, "handa mundu yoyosi kana mapulukilo gha kuyughanilila, na ayughanili" hau uwoneka ng'ogha kumayandiko gha dahili).¹⁷Yesu pakalileka lipinga na kuyingila ukaya, wavulwa ghaki wakamkonya kulongela mlandano hau. ¹⁸Yesu akalonga, "Na mwenga hilahila mwambila kumanya? Mlola ng'ogha yiwa chochosi kyeni kumuyingila mundu kinguwesa ng'ogha kumtaya ndaka, ¹⁹kwaikiva kiwesa ng'ogha kuyenda kumoyu ghaki, ila kinguyingila kumtima ghaki na kuulongolo kuyenda kuchou." Kwa malongelo hagha Yesu agholile yiwa milyo hyogha kuwoneka mbulete.²⁰Ailongile, "Ni kila kyeni kumuhuma mundu ndiwa kyeni kumtaya ndaka. ²¹Kwaikiva kinguhuma mghati mwa mundu, panji gha moyu, yanguhuka mawachilo mahakata, ngongola, wihi, ukomawandu, ²²mihu kopikopi, lumatamata luhakata, uhakata, uhwangi, kuwonjana, wifu, umbindingu, makwina kwina, undyungi. ²³Mahakata hagha hyogha yanguhuma mghati, ndiwa yala yeni kumtaya mundu nddaka."²⁴Ayinukili kuhuma pala na kuhuka kuyenda kumbwani wa Tilo na Sidoni. Ayingilili mghati na kapala ng'ogha mundu yeyosi amanyi yiwa kawela pala, ila iwesekanili ng'ogha kumhigha. ²⁵Ila bwitu mdala, mwenikuwela mwana ghaki msokombi kana lihoka lihakata, ayughanilile habali zyaki, akahika, na akaguwa kumaghulu ghaki. ²⁶Mdala hayu awelili Myunani, wa likabila lya Kifoeniki. Amluwili mweni amwingi lihoka kuhuma kwa biti ghaki.²⁷Yesu akamlongela mdala, "Waleki wana wapeghwi mulyo huti, kwaikiva ng'ogha maha kutola libumunda lya wana na kuwataghila ghalu." ²⁸Ila mdala akamyanga na kulonga, "Hina Bambu, hata ghalu paghi gha mesa wangulyegha masyeghilo gha mulyo wa wana."²⁹Akamlongela, "Kwaikiva ulonga nagha, uwela pekesu kuyenda. Lihoka limuhuka kala biti ghako." ³⁰Mdala akahuya ukaya na akamlola biti ghaki kawonja mukindanda, na lihoka liwelili lihuka.³¹Yesu ahukili kangi panji gha mmbwani wa Tilo na kupitila ku Sidonikuyendela bahali gha Galilaya mbaka mbandi gha Dikapolisi. ³²Na wakamuyeghela mundu mweni kuwela majoghu,na awelili kawesa ng'ogha kulonga maha, wamluwili Yesu aviki mawoku kunani ghaki.³³Akamtola panje gha lipinga kwa kifisu, na akavika fyala vyaki kumapulukilo ghaki, na badili gha kuhunya mata, akayavisa lulimi ghaki. ³⁴Akalola kunani kundumba, akapumula na kumlongela, "Efata," hai ni kulonga ³⁵"Uwopoki!" Na lipindi lilalila mapulukilo yakawoposoka, na kila kyeni kuwela kingingama lulimi kiyalamililwi na akawesa kulongela maha.³⁶Na awalaghilili wakotoho kumlongela mundu yoyosi. Ila kwa vila awalaghilili, ndiwa watangasili habali zila kwa utangala. ³⁷Chakaka walikangasili, na kulonga, "Kaghola kila kindu maha. Hata kawaghola majoghu kuyughanila na wangali kulonga kulongela."

¹Kumachuwa hagha, kuwelili kangi na lipinga likulunga, na wawelili ng'ogha na mulyo. Yesu akawakema wavulwa ghaki akawalongela, ²"Ninguliwonela luhungu nesu lipinga hali, wayendelela kuwela pamonga na nenga kwa machuwa maitatu na wavili ng'ogha na mulyo. ³Nikiwalekanisa wahuyi kuukaya kwau wakiva walyegha ng'ogha watewesa wakahyunga mnjila kwa njala. Na amonga gha weni wahika kuhuma kutali nesu," ⁴Wavulwa ghaki wakamuyanga, "Tutepatila kugha mibumunda gha kutubaka kuwaghola wandu hagha wabakwi wandu ku mahala haku kulekilwi?"⁵Akawakomya, "Mvili na vipandi vininga vya mibumunda ?" Wakalonga, "Isaba." ⁶Akalilaghila lipinga likali pahi. Akatola mibumunda isaba, akamshukwile Sapanga, na kuivetula. Akawapegha wavulwa ghaki waiviki kuulongolo ghau, na weni wakaivika kuulongolo gha lipinga.⁷Hilahila wawelili na homba wanung'una mayaghani, na badili gha kushukwile, akawalaghila wavulwa ghaki wawagawili havi hilahila. ⁸Walyeghili na kubakwa. Na wakungulili vipandi vihighalile, vibeja vikulunga viisaba. ⁹Wawelili pabehi na wandu ielufu njechi. Na awalekeselili wayendi. ¹⁰Bwitu akayingila kuwato na wavulwa ghaki, na wakayenda kumbandi gha Dalmanuta.¹¹Hinu Mafalisayu wakahuka panji na kutumbula kusindana kwa milando na mweni. Wapalile awapeghi kilangihi kuhuma kundumba, kwa kumyesa. ¹²Akaliwachila kwa utali mmoyu ghaki akalonga, "Kwa kyani kiwelekwa haki kinguhakula kilangihi? Ninguwalongela mwenga chakaka, kwahela kilangihi kiteyeghwa kwa kiwelekwa haki." ¹³Hinu akawaleka, akayingila mghati mwa wato kangi, akahuka kuyenda mbandi ghangi.¹⁴Lipindi hali wavulwa waisemwili kutola mibumunda. Wawelili ng'ogha na mibumunda kupiti kipandi kimonga kyeni kuwela muwato. ¹⁵Awakanisili na kulonga, "Muweli mihu na mjigholokeli na simika gha Mafalisayu na simika gha Helode.¹⁶Wavulwa wakalongelana weni kwa weni, "Ni kwaikiva tuwela ng'ogha na mibumunda." ¹⁷Yesu amanyili hali na akawalongela, "Kwa kyani mngulongelana kulongelela kukotoho kuwela na mibumunda? Mmanya ng'ogha pambila? Mmanya ng'ogha? Mioyu gha mwenga iwela miyuyughu?¹⁸Mvili na mihu, mlola ng'ogha/ Mvili na mapulukilo, myoghanila ng'ogha? Mwenga mkumbwiki ng'ogha? ¹⁹Panilekanisa mibumunda mhano kwa wandu ielufu mhano, mtolili vibeja vininga vyeni kumema vipandi vya mibumunda?" Wakamyanga, "Ikumi na ivili."²⁰Na panilekanisa mibumunda isaba kwa wandu ielufu inne, tolili vibeja vininga? " ²¹Wakalonga, "Isaba." Akawalongela, "Mbila kumanya?"²²Wakahika ku Besisaida. Wandu hagha wamyeghili kwa Yesu mundu angali mihu na wakamluwa Yesu amyavisi. ²³Yesu akamkola kwa liwoko yula angali mihu, na kumlongosa panji gha kimbwani. Ahunyilili mata kunani gha mihu ghaki na kunyolosa mawoku ghaki kunani ghaki, amkonyili, "Ungulola chochosi?"²⁴Alolile kunani na akalonga, "Ningulola wandu wanguloleka handa mibiki ingutyanga, " ²⁵Ndiwa akalangiha kangi mawoko ghaki kunani gha mihu ghaki, mundu yula akagubutula mihu ghaki, akalola kangi, na akalola kila kindu kwa umaha. ²⁶Yesu amlekili ayendi ukaya na akamlongela, "Ukotoho kuyingila kumbwan."²⁷Yesu ahukili na wavulwa ghaki kuyenda kuvimbwani vya Kaiselia gha Filipi. Wakiwela mnjila awakonyili wavulwa, "Wandu wangulonga yiwa nenga na ghani?" ²⁸Wakamyanga wakalonga, "Yohana mbatisa. Waghangi wangulonga, 'Eliya' na waghangi, 'Mmonga wa Walota."²⁹Akawakonya, "Ila mwenga mngulonga yiwa nenga na ghani?" Petelo kamlongela, "Wenga ni Kilisito." ³⁰Yesu akawakanisa wakotoho kumlongela mundu yeyosi kumlongelela mweni.³¹Na akatumbula kuwavula yiwa Mwana wa Adamu ni lasima ahakilwi kwa mighalu itangala, na atekanilwa na vilongosi na watambika wakulu, na wayandika, na atekomwa, na badili gha machuwa maitatu atehinduka. ³²Alongile hagha lipala. Ndiwa Petelo akamtola mmbali na akatumbula kumkalipila.³³Ila Yesu akahyuka na kuwalola wavulwa ghaki na akamkalipila Petelo na kulonga, "Upiti kuhyetu kwa nenga Lihyukana! Ungulolela ng'ogha mighalu gha Sapanga, ila mighalu gha wandu," ³⁴Hinu akalikema lipinga na wavulwa ghaki pamonga, na kuwalongela, "Ikiva kuvile na mundu kangupala kunikovekela, alikanili mweni, atoli lipingika lyaki, na anikovekeli.³⁵Kwaikiva yeyosi mweni kupala kulokola ukomu ghaki ateuyalamisa, na yeyosi ateyalamisa ukomu ghaki kwaikiva gha nenga na kwaikiva gha Habali Maha, ateulokola. ³⁶Anguwela na fwaida gani mundu, kuwela na mlima wogha, na hinu kupokela hasala gha ukomu ghaki? ³⁷Mundu anguwesa kutola niki badili gha ukomu ghaki?³⁸Yeyosi mweni kuniwonela honi na milando ghangu kukiwelekwa haki kya wangongola, na na kiwelekwa kya weni sambi, Mwana wa Adamu atemwonela honi paatehika kuunkosi wa Tati ghaki pamonga na watumikila wa kundumba wa Sapanga wambuleti.

¹Na alongile kwa weni, "Chakaka ningulonga kwa mwenga, amonga gha mwenga kuvile na wandu weni kugholoka baha wateyesa ng'ogha kihu pambila gha kuulola unkosi wa Sapanga ukihika kwa makakala." ²Na badili gha machuwa isita, Yesu awatolile Petelo, Yakobo na Yohana pamonga na mweni kulitombi, weka yau. Ndiwa atumbulili kughalambuka kuulongolo ghau. ³Nguu zyaki zikatumbula kung'anyima nesu, mbuleti nesu, mbuleti kupiti yeni kung'anyima yeyosi kumlima.⁴Ndiwa Elia pamonga na Musa wakahumila kuulongolo ghau, na wawelili wakilongela na yesu. ⁵Petelo ayangili akamlongela Yesu, "Mvula, ni maha twenga kuwela baha, na tuchengi vibimilo viitatu, kimonga kwaikiva gha wenga, kimonga kwaikiva gha Musa na kimonga kwaikiva gha Elia." ⁶(Kwaikiva kamanya ng'ogha niki kya kulongela, watilili nesu.)⁷Lihindu likahumila na kuwagubika. Ndiwa lilowi likahika kuhuma mmahindu likilonga, "Hayu ni mwana ghangu mpalwa. Mumyoghanili mweni." ⁸Bwitu, pawawelili wakilola wakilola wamwonili ng'ogha yeyosi pamonga na weni, ila Yesu weka yaki.⁹Pawawelili wakihuluka kuhuma kulitombi, awalaghilili wakotoho kumlongela mundu yeyosi ghala hyogha wayalolile, mpaka Mwana wa Adamu paatehinduka kuhuma kuwafu. ¹⁰Ndiwa wavikili mighalu hai weni. Ila walongenalili weni kwa weni ingumaanisa liki, "Kuhindulwa kuhuma kuhova."¹¹Wamkonyili Yesu, "Kwa kyani wayandika wangulonga ni lasima Elia ahiki huti? ¹²Akawalongela, "Chakaka Elia atehika mtumbulo kulokola vindu vyogha. Kwa kyani iyandikwa Mwana wa Adamu lasima apeghwi mahakilo matangala na ahyomelwi? ¹³Ila ningulonga kwa mwenga Eliya ahikili kala, na wamgholile handa wapalile, handa vila mayandiko yangumlongela mweni."¹⁴Na pawahikili kwa wavulwa, walolile lipinga likulunga liwatindilili na Masadukauo wawelili wakisindana nau kwa milando. ¹⁵Na bwitu pawamlolile lipinga lyogha likalikangasa na kumtuwila kumjambusa. ¹⁶Awakonyili wavulwa ghaki, "Mngusindanila niki na weni?"¹⁷Mmonga wa weni kulipinga akamyanga, "Mvula, nimyeghili mwana ghangu kwa wenga; kana mpumulo mhakata mwenikumghola awesi ng'ogha kulongela, ¹⁸na angumuyambusila kuhihimila na kumguwisa pahi, na kuhumisa pofu kumlomu na kuhyagha malino na kukakamala. Niwaluwili wavulwa ghako kumuhumisa lihoka, ila wawesa ng'ogha. ¹⁹Awayangili, "Kiwelekwa kikwinila ng'ogha, nitelikala na mwenga mpaka lipindi ligha? Nitewatetela mbaka ligha? Munyegheli nenga."²⁰Wamyeghili mwana ghaki. Mpumulo mhakata paamlolile Yesu, bwitu ilimtaya kuhihimila. Mhongolo akaguwa pahi na kuhumisa pofu kumlomo. ²¹Yesu akamakonya tati gha mwana, "Kawela kundyangilu hai kwa lipindi ligha, ?" Tati akayanga, "Kuhuma uwana. ²²Lipindi lighangi anguguwa kulyoto au kumasi, na kuyesa kumyalamisa. Ikiva unguwesa kughola chochosi utuwoneli luhungu na ututangi."²³Yesu akamlongela, "Ikiva uliyandala? Kila kindu kinguwesekana kwa yeyosi mweni kukwinila." ²⁴Bwitu tati wa mwana akalila na kulongela, "Ningukwinila! Nitangi kukotoho kukwinila kwa nenga." ²⁵Lipindi Yesu paailolile lipinga lingutuilila kwa weni, akamkemela mpumulo mhakata na kulongela, "Wenga mpumulo ungali kulonga na majogu, ningukulaghila umleki, ukotoho kuyingila kwaki kangi."²⁶Akalila kwa makakala na kumghasa mwana na mpumulo hayu akamuhuka. Mwana awonekanili handa kahova, Ndiwa watangala wakalonga, "Kahova." ²⁷Ila Yesu akamtola kwa liwoko akamyinula, na mwana akagholoka.²⁸Lipindi Yesu pakayingila mghati, wavulwa ghaki wakamkonya kwa kifisu, "Kwa kyani tuwesa ng'ogha kumuhumisa?" ²⁹Akawayanga, "Kwa nagha kanguwesa ng'ogha kuhuma ila kwa mayupo."³⁰Wahukili pala na kupitila ku Galilaya. Kapala ng'ogha mundu yoyosi amanyi kula wawela, ³¹kwaikiva awelili anguvula wavulwa ghaki. Akawalongela, "Mwana wa Adamu ateyeghwa kumawoko gha wandu, na watemkoma. Paatewela kahova, badili gha machuwa maitatu atehinduka kangi." ³²Ila wamanyili ng'ogha milando hila, na watilili kumkonya.³³Ndiwa wakahika ku Kapelinaumu. Lipindi akiva mghati mwa lighuta awakonyili, Muwelili mkikonyana niki kumnjila?" ³⁴Ila watamili nuu. Kwaikiva wawelili wakikonyana mnjila yiwa ghani yiwa ghani awelili mkulu kupiti. ³⁵Akalikala pahi akawakema ikumi na ivili pamonga, na alongile na weni, "Ikiva pavile na yeyosi angupala kuwela wa mtumbulo, ni lasima aweli wa mwihu na mtumikila wa wogha."³⁶Akatola mwana mnung'una akamvika paghati gha weni. akamtola kumawoku ghaki, akalonga, ³⁷"Yeyosi mweni kumpokela mwana handa hayu kwa lihina lya nenga, hilahila kanipokela nenga, na paikawela mundu kanipokela, kanipokela ng'ogha nenga weka, ila hilahila yula mweni kuniyegha."³⁸Yohana amlongilile, "Mvula tumlolile mundu anguhumisa lihoka kwa lihina lyako na tukamkanisa, kwaikiva katukovekela ng'ogha twenga." ³⁹Ila Yesu akalonga, "Mkotoho kumkanisa, kwaikiva kwahela ateghola lihengu likulu kwa lihina lyangu na kuulongolo ndiwa alongi lilando llolosi lihakata kwa nenga.⁴⁰Yeyosi mweni kuwela ng'ogha kihyetu na twenga kambandi gha twenga. ⁴¹Yeyosi atekupegha kikombi kya masi gha kunywegha kwaikiva uwela na Kilisito, chakaka ninguwalongela, ateyalamisa ng'ogha hupo ghaki.⁴²Yeyosi mweni kuwaghola hagha wanung'una waguwi weni kunikwinila nenga, ingaliwela maha kwa mweni kuwopwa liganga lya kuhyaghila kuntantala na kutaghwa kubahali. ⁴³Ikiva liwoku lyako likuguwisa hinu lidumuli. Ni mbaha kuyingila kuukomu ukiva ng'ogha na liwoku kupiti kuyingila kuulamulo ukiva na mawoku hyogha. kulyoto, "Lijimika ng'ogha." ⁴⁴(Ukoli: Misitali hai, "Mahala pavile funja wanguhova ng'ogha na lyoto lyeni kujimika ng'ogha." uwela ng'ogha kumayandiko gha dahile).⁴⁵Ikiva lighulu lyako ukakuguwisa, lidumuli. Ni maha kwa wenga kuyingila kuukomu ukiva ungali lighulu, kupiti kutaghwa kuulamulo na maghulu maivili. ⁴⁶(Ukoli: Musitali hau, "Mahala pavile funja wanguhova ng'ogha na lyoto liwesa ng'ogha kujimika" uwela ng'ogha kumayandiko gha dahile).⁴⁷Handa lisu lyako litekuguwisa ulitupuli. Ni maha kwa wenga kuyingila kuunkosi wa Sapanga ukiva na lisu limonga, kupiti kuwela na malisu maivili na kutaghwa kumamambi. ⁴⁸Mahala pawela na funja wawesa ng'ogha kuhova, na lyoto lijimika ng'ogha.⁴⁹Kwaikiva kila mmonga atechochelwa na lyoto. ⁵⁰Munyu ni maha, handa munyu pauyalamisa umunyu ghaki, uteghola ghuli iweli na umunyu ghaki kangi? Muweli na munyu paghati mwa mwenga weni, na muweli na kulikala kwa kukotoho kutovana kwa kila mmonga."

¹Yesu akahuka mahala pala na akayenda kumbwani wa Wayahudi na mahala pa kuulongolo gha lweni Yoludani, na lipinga likamkovekela kangi. Akawavula kangi, handa iwela ndyangilu ghaki kughola nagha. ²Na Mafalisayu wakahika kumyesa na wakamkonya, "Ni maha kwa mngwana kulekana na mhumbu ghaki?" ³Yesu akawayanga, "Musa awalaghilili niki?" ⁴Wakalonga, "Musa alekesili kuyandika lihamba lya kulekana na hinu kumuwinga mhumbu."⁵Ni kwaikiva gha mioyu gha mwenga kuwela ikamala ndiwa kwaikiva akawayandikila selia hai," Yesu akawalongela, ⁶"Ila kuhuma mtumbulo wa kulumba, 'Sapanga awalumbili mlumi na mdala.'⁷Kwaikiva gha nagha mlumi atemleka tati ghaki na nyongo ghaki na atekongine na mhumbu ghaki, ⁸na hagha waivili watewela mhigha mmonga; Kwaikiva ng'ogha waivili kangi, ila ni higha imonga. ⁹Kwa nagha kila kakikonganisa Sapanga, mundu akotoho kukilekanisa."¹⁰Pawawelile mghati gha lighuta, wavulwa ghaki wakamkonya kangi kulongelela hali. ¹¹Akawalongela, Yeyosi mweni kumleka mhumbu ghaki na kuposa mhumbu mghangi, angughola ungongola kwa mweni. ¹²Mdala hilahila pakamleka mngwana ghaki na kuposwa na mngwana ghangi, angughola ngongola."¹³Na weni wamyeghilili wana wanung'una ili awayavisi, ila wavulwa wakawakalipila. ¹⁴Ila Yesu pakamanya hali, kahekeleswa ng'ogha nalu, akawalongela, "Muwalekeseli wana wanung'una wahiki kwa nenga, na mkotoho kuwangingama, kwaikiva weni kuwela handa hagha unkosi wa Sapanga ni waweni.¹⁵Uchakaka ninguwalongela, yeyosi mweni kuupokela ng'ogha unkosi wa Sapanga handa mwana mnung'una chakaka kawesa ng'ogha kuyingila kuunkosi wa Sapanga. ¹⁶Hinu akawatola wana kumawoku ghaki na akawahighila akiwavikila mawoko ghaki kunani ghau.¹⁷Na paatumbulili mwanja ghaki mundu mmonga akamtuwililila na akatova manung'una kuulongolo ghaki, akamkonya, "Mvula Mmaha, nigholi kyani ili niwesi kulihi ukomu wa machuwa yayendelela ?" ¹⁸Na Yesu akalonga, "Kwa kyani ungunikema mmaha? Kwahela mweni kuwela mmaha, ila Sapanga weka yaki. ¹⁹Ungzimanya amuli: 'Ukotoho kukoma, ukotoho kughola ngongola, ukotoho kuhija, ukotoho kuhighilisa uhwangi, ukotoho kungonga, mtundamili tati ghako na nyongo ghako.'"²⁰Mundu yula akalonga, Mvula, hagha hyogha niyaghola kuhuma niwela mhongolo." ²¹Yesu akamlola na kumpala. Akamlongela, "Ungupungulwa kindu kimonga. Ungupalwa kuwusa vindu vyogha uwela navyo na uwapeghi wakali navyo, na utewela na ngoku kundumba. Ndiwa uhiki unikovekeli." ²²Ila atenyukili moyu kwaikiva gha milando hai; akahuka akiwela kanyengemala, kwaikiva awelili na hindu itangala.²³Yesu akalola mbandi zyogha na kuwalongela wavulwa ghaki, "Ni yuyughu ng'ogha kwa naisa kuyingila kuunkosi wa Sapanga! ²⁴Wavulwa walikangasili kwa milando hai. Ila Yesu akawalongela kangi, 'Wana, ni yuyughu ng'ogha kuyingila kuunkosi wa Sapanga! ²⁵Ni yuyughu kwa likokolo walikema ngamia kuyingila kutundu lya sindanu, kupiti mundu mnaisa kuyingila kuunkosi wa Sapanga."²⁶Walikangasilwi nesu na wakalongelana, "Hinu ni ghani atelokoka." ²⁷Yesu akawalola na kulonga, "Kwa mundu iwesekana ng'ogha, ila ng'ogha kwa Sapanga. Kwaikiva ku Sapanga hyogha yanguwesekana." ²⁸"Petelo akatumbula kulongela na mweni, "Uloli tuleka vyogha na tukukovekela."²⁹Yesu akalonga, "Uchakaka ninguwalongela mwenga, kwahela yula kaleka lighuta, au mhaja, au mhacha, au nyongo, au tati, au wana, au mlima, kwaikiva gha nenga, na kwaikiva gha Habali Maha, ³⁰avile atepokela ng'ogha mianja imia kupiti hinaa haku kumlima: lighuta, mhacha, nyongo, wana, na mlima, kwa mahakilo, na mlima hula utehika, ukomu wa machuwa yayendelela. ³¹Ila watangala weni kuwela wa mtumbulo watewela wa kumwihu na weni kuwela wa kumwihu watewela wa mtumbulo."³²Pawawelili mnjila, kuyenda ku Yelusalemu, Yesu awelili kawalongola kuulongolo ghau. Wavulwa walikangasili, na wala weni kuwela wakikovekela kuhyetu wakatila. Ndiwa Yesu akawayegha mmbali ghangi wala ikumi na waivili na akatumbula kuwalongela kila kitemhumila hapa pabehi: ³³Uloli, tunguyenda mbakaku Yelusalemu, na Mwana wa Adamu ateyeghwa kwa watambika wakulu na wayandika. Watemulamula ahovi na watewayeghela wandu wammanya ng'ogha Sapanga. ³⁴Watempughanya, watemhunyila mata, watemtova hyatu, na watemkoma. Ila badili gha machuwa maitatu atehinduka."³⁵Yakobo na Yohana, wana wa Zebedayo, wahikili kwa mweni na kulonga, "Mvula, tungukukema utugholeli chochosi kila tngukuluwa," ³⁶Awalongilile, "Mngupala niwagholeli niki?" ³⁷Wakalonga, "Tulaghili tulikali na wenga kuukwilikihi ghako, mmonga kuliwoku lyako lya kulumi na ghangi liwoku lyaku lya sotu."³⁸Ila Yesu awayangili, "Mngumanya ng'ogha kila mkiluwa. Mnguwesa kukinyweghela kikombi kila nitekinyweghela au au kugholoka kuubatiso uvile nitebatiswa?" ³⁹Wakamlongela, "Tunguwesa" Yesu akawalongela, "Kikombi nitekinyweghela, mtekinyweghela. Na ubatiso uvile kwa weni nibatiswa, mtegholoka. ⁴⁰Ila atelikala kuliwoku lyangu lya kuliyila au liwoku lyangu lya sotu ng'ogha nenga wa kulongela, ila kwa wala wavile iyandalwa kala kwa weni."⁴¹Wala wavulwa waghangi ikumi pawayoghanila hagha, wakatumbula kuwahyomela Yakobo na Yohana. ⁴²Yesu akawakema kwa mweni na kulonga, "Mngumanya yiwa wala weni kuwachililwa yiwa ni walongosi wa wandu wa mlima wanguwalongosa, na wandu ghao wakolamlima wanguwalangila uweso kunani ghau."⁴³Ila ingupalwa ng'ogha kuwela nagha paghati gha mwenga. Yeyosi mweni kupala kuwela mkulu paghati mwa mwenga ni lasima awatumikili, ⁴⁴na yeyosi mweni kupala kuwela wa mtumbulo paghati gha mwenga ni lasima aweli mhusutu kwa wogha. ⁴⁵Kwaikiva Mwana wa Adamu kahika ng'ogha kutumikilwa ila kutumikila, na kutola ukomu ghaki kufidila wandu watangala.⁴⁶Wakahika ku Yeliko. Paawelili akihuka ku Yeliko na wavulwa ghaki na lipinga likulunga, mwana wa Timayo, Batimayo, angali kulola mluwa luwa, alikalili mmbali gha njila. ⁴⁷Pakayoghanila yiwa ni Yesu Mnazaleti, akatumbula kutova lilowi na kulonga, "Yesu, Mwana wa Daudi, uniwoneli luhungu!" ⁴⁸Watangala wakamkalipila yula angali kulola, wakimlongela anyamali. Ila alilili kwa lilowi likulonga kupiti, "Mwana wa Daudi, uniwoneli luhungu!"⁴⁹Yesu agholokili na kulaghila akemwi. Wakamkema yula angali kulola, wakilonga, "Uweli na makakala! Yesu angukukema." ⁵⁰Akalidanga mmbali lihabiti ghaki, akatula mbilo nesu, na kuhika kwa Yesu.⁵¹Yesu akamyanga na kulonga, "Ungupala nikugholeli niki?" Yula mlumi angali kulola akamyanga, "Mvula, ningupala kulola." ⁵²Yesu akamlongela, "Uyendi ukwinila ghako ukulamisa kala." Bahala mihu ghaki ikalola; na akamkovekela Yesu kunjila.

¹Lipindi hali pawahika ku Yelusalemu, pawawelili pabahi na Besthfage na Bethania, ku Litombi lya Mizeituni, Yesu awalaghilili waivili paghati gha wavulwa ghaki, ²na awalongilile, "Myendi kukimbwani kiwela pabehi na twenga. Bwitu pamteyingila hamu, mtemlola mwanapunda mweni kuwela kakwelwa ng'ogha. Mumuwopi na mumyeghi kwa nenga. ³Na paikawela kuvile na yeyosi mweni kuwakonya, 'Kwa kyani mngughola nagha?' mngupalwa kulonga, 'Bambu angumpala na njenji atemuhuyisa baha.'"⁴Wayendili na kumlola mwanapunda kawopwa panji pamlyangu kweni kumahala pawela lipala, na weni wakamuwoposola. ⁵Na amonga gha wandu wawelili wagholoka pala na wawalongilile, "Mngughola kyani, kumuwopola mwanapunda hayu?" ⁶Wakawalongela handa Yesu awalongilile, na wandu wakawaleka wayendi.⁷Wavulwa waivili wakamyegha mwanapunda kwa Yesu na wa wayanjasili nguu kunani ghaki ili Yesu awesi kumkwela. ⁸Wandu watangala waka yanjasa nguu zyau mbalabal, na waghangi wakayanjasa miputila hila wadumulili kuhuma mmatawa. ⁹Wala wayendili kuulongolo ghaki na wala wamkovekelili watovili lilowi, "Uyinulwi! Kahighilwa mweni kuhika kwa lihina lya Bambu. ¹⁰Uhighilwi unkosi weni kuhika wa tati wa twenga Daudi! uyinulwi mweni kuwela kunani"¹¹Ndiwa Yesu akayingila ku Yelusalemu na akayenda kulighuta lya Sapanga na akalola kila kindu. Hinaa, lipindi liwelili liyenda kala, ayendili ku Besania pamonga na weni ikumi na ivili. ¹²Kilau ghaki, lipindi pawawelili wakihuya kuhuma ku Besania, awelili na njala.¹³Na akalola libiki lya mtini lyenikuwela na mahamba kwa kutali, akayenda kulola yiwa handa atepokela chochosi kunani ghaki. Na lipindi paayendili kwa hali kapata ng'ogha chochosi ila mahamba weka, kwaikiva liwelili ng'ogha lipindi lya mtini. ¹⁴Akaulongela, "Kwahela atelyegha matungula kuhuma kwa wenga kangi." Na wavulwa ghaki wakayoghanila.¹⁵Wakahika ku Yelusalemu, na mweni akayingila kulighuta lya Sapanga na kutumbula kuwahumisa panji weni kuwusa na weni kuhemela mghati mwa lighuta lya Sapanga. Aghalambulili mesa zya weni kughalambula mapesa na vikalilo vya wala weni kuwela wakiwusa ngunda. ¹⁶Kamlekesela ng'ogha yeyosi kupapa chochosi mlighuta lya Sapanga kiwesa kuwuswa.¹⁷Awavulili na akalonga, "Ghuli iyandikwa ng'ogha, 'lighuta lyangu litekemwa lighuta lya mayupo kwa milima hyogha?' Ila mlighola kuwela mbangu gha wapokola." ¹⁸Watambika wakulu na wayandika wayoghanili vila ailongili, na weni wahakulile njila gha kumkoma. Hata nagha wamtilili kwaikiva lipinga likangasilwi na mavulo ghaki. ¹⁹Na kila lipindi lumihi paihika, wahukili kumbwani.²⁰Pawawelili wakityanga malawila, walolile libiki lya mtini liyuma mbaka kumikegha ghaki. ²¹Petelo akwimbilili na kulonga, "Mvula! Uloli, libiki lya mtini ulilapilili liyuma."²²Yesu awayangili "Muweli na ukwinila ku Sapanga. ²³Chakaka ninguwalongela yiwa kila mwenikulilongela litombi hali, 'Uhuki, na ukajitaghi mweni kubahali,' na paakawela kahela holu kumoyu ghaki ila angukwinila yiwa kila kakilongela kitehimila, havi ndiwa Sapanga ateghola.²⁴Kwa nagha ninguwalongela; kila kindu mkiluwa na kukonya kwaikiva gha mweni, mkwinili yiwa mpokela kala, na vyeni vitewela vya mwenga. ²⁵Lipindi pamgholoka na kuyupa, mngupalwa mlekeseli chochosi muwela nachu kwa yeyosi, ili yiwa Tati wa mwenga mweni kuwela kundumba awalekeseli hilahila mwenga mahakata gha mwenga. ²⁶(Ukamuli: Musitali hau, "Ila pamlekesela ng'ogha, hata Tati wa mwenga wa kundumba atewalekesela ng'ogha mwenga sambi msighola" uwela ng'ogha kumayandiko gha dahile).²⁷Wakahika ku Yelusalemu kangi. N a Yesu paawelili akityanga kulighuta lya Sapanga, watambika wakulu, wayandika na wagogolo wakahika kwa mweni. ²⁸Wakamlongela, "Kwa ulongosi ghani ungughola mighalu hai?" Na ni ghani mweni kukupegha uweso kughola hagha?"²⁹Yesu akawalongela, "Nitewakonya lilando limonga. Mnilongeli na nenga nitewalongela yiwa kwa ulongosi ghani ningughola mighalu hai. ³⁰Ghuli, ubatiso wa Yohana uhikili kuhuma kundumba au uhumili kwa wandu? Mniyangi."³¹Wakalongelana paghati gha weni na kusindana na kulongela, "Handa patutelonga, 'Kuhuma kundumba,' atelonga, 'Kwa kyani hinu mumkwinilili ng'ogha?' ³²Ila patutelonga, 'Kuhuma kwa wandu,' ..."Wawatilili wandu, kwaikiva wogha wakamulili yiwa Yohana awelili Mlota. ³³Ndiwa wakamyanga Yesu na kulonga, "Tungumanya ng'ogha. Ndiwa Yesu akawalongela, "Hata nenga nitewalongela ng'ogha ni kwa ulongosi ghani ningughola mighalu hai.

¹Hinu Yesu akatumbula kuwavula kwa milandano. Akalonga, "Mundu akulili litawa lya mizabibu, akalitindilila likuta, na akahimba mahala pakukamulila divai. Akachenga kindangawala na hinu akalipegha kwa mundu ampeghi mapesa kwa lipindi kwa watukutula wa mizabibu. Hinu akawela na mwanja wa mahala kutali. ²lipindi palihika, akamlaghila mtumikila kwa watukutula wa mizabibu kutola lihomosi lyaki kuhuma kwa weni. ³Ila wamkamulili, wakamtova, na wakamuwinga bila chochosi.⁴Akamlaghila kwa weni mtumikila ghangi, wakamuhakili kumutu na kumghola mighalu gha honi. ⁵Pambila akamyegha mghangi, na hayu mmonga wakamkoma. Wakawagholela waghangi watangala mighalu handa hai hai, wakiwatova na waghangi kuwakoma.⁶Awelili ambila na mundu mmonga kangi wa kumlaghila, mwana mpalwa. Na mweni awelili wa mwihu mweni kulaghilwa kwa weni. Akilonga, "Watemtundamila mwana ghangu." ⁷Ila wala wenikupanga pala wakalongelana weni kwa weni, Hayu ndiwa mlihi. Mhiki, na tumkomi, na ulihi utewela wa twenga."⁸Wakamvamila, wakamkoma na kumtagha panji gha litawa lya mizabibu. ⁹Kwa nagha, ghuli! ateghola kyani mweni litawa lya mizabibu? Atehika na kuwayalamisa watukutula wa mizabibu na atelipegha litawa lya mizabibu kwa waghangi.¹⁰Mpata ng'ogha kusoma liyandiko hali? "Liganga livile wachenga walilemili, liwela liganga lya mmbali. ¹¹Hali lihumili kwa Bambu, na ni la kukangasa kumihu gha twenga." ¹²Wahakulie kumkamula Yesu, ila wawatilili mapinga, kwaikiva wamanyile yiwa awelili kalonga mlandano hau kwa weni. Hinu wamlekili na kuyenda zyau.¹³Hinu wakalaghila amonga gha Mafalisayu na mahelodia kwa mweni ili kumtegha kwa milando. ¹⁴Pawahikili, wakamlongela, "Mvula, tungumanya yiwa wenga ulolile ng'ogha mighalu yoyosi na uvile ng'ogha na ubaghula paghati gha wandu. Unguvula njila gha Sapanga kuuchakaka. Ghuli ni haki kuhipa kodi kwa Kaisali au ng'ogha? Ghuli! Tunguwesa kuhipa au ng'ogha? ¹⁵Ila Yesu amanyile umbindingu ghau na kuwalongela, "Kwa kyani mnguniyesa? Mnipeghi hai dinali niwesi kuilola."¹⁶Wakayegha imonga kwa Yesu, Akawalongela, "Ghuli! ni wuso gha ghani na mayandiko yeni kuwela hamu ni gha ghani? Wakalonga, "Gha Kaisali." ¹⁷Yesu akawalongela, "Mumpeghi Kaisali vindu vya Kaisali na Sapanga vindu vya Sapanga." Wakalikangasa.¹⁸Hinu Masadukayo, weni kulonga yiwa kwahela uhinduko, wamyendelili. Wakamkonya, wakilonga, ¹⁹"Mvula, Musa atuyandilili yiwa, Ikiva mlongo wa mundu kahova na kumleka mhumbu kuyetu ghaki, ila kaleka ng'ogha mwana, mundu atemtola mhumbu wa mlongo ghaki, na kuipatila wana kwaikiva gha mlongo ghaki.'²⁰Kuwelili na walongo isaba, wa mtumbulo aposili mhumbu na hinu akahova, kaleka ng'ogha mwana. ²¹Hinu wa ivili akamtola na mweni akahova, kaleka ng'ogha mwana . Na waitatu vilavila. ²²Na waisaba ahovili kaleka ng'ogha mwana. Kumwihu na mdala hilahila akahova. ²³Lipindi lya uhinduko, pawatehinduka kangi, ghuli! atewela mhumbu wa ghani? Kwaikiva wala walongo wogha waisaba wawelili wangwana ghaki."²⁴Yesu akawalongela, "Ghuli! Hai ng'ogha njila yiwa mbyodoswa, kwaikiva mmanya ng'ogha mayandiko hata makakala gha Sapanga?" ²⁵Lipindi lya kuhinduka kuhuma kukihu, wateposa ng'ogha hata kuyingila kuuposo, ila watewela handa watumikila wa kundumba wa Sapanga.²⁶Ila kulongelela wahovili weni kuwela wanguhindulwa, ghuli! Msoma ng'ogha kuhuma kukihitabu kya Musa, kuhabali zya kiputila, vila Sapanga ailongile na kumlongela, 'Nenga na Sapanga wa Abulamu, na Sapanga wa Isaka, na Sapanga wa Yakobo?' ²⁷Mweni ka Sapanga ng'ogha wa wahovili, ila wa wenikuwela wakomu. Ni lipala mmebyodoka."²⁸Mmonga wa wayandika ahikili na kuyoghanila milando hila; alolile yiwa Yesu kawayanga maha. Akamkonya, "Ghuli! ni amuli ghani yenikuwela maha nesu ku zyogha?" ²⁹Yesu akamyanga, "Yeni kuwela gha maha kupiti ni hai, "Yoghanila, Izilaeli, Bambu Sapanga wa twenga, Bambu ni mmonga. ³⁰Lasima umpali Bambu Sapanga ghako, kwa moyu ghako wogha, kwa mpumulo ghako wogha, kwa malangu ghako hyogha, na kwa makakala ghako hyogha.' ³¹Amuli gha ivili ni hai,' Lasima umpali mundu wa pabehi ghako handa vila ungujipala mweni.' Kwahela amuli ghangi ngulu kupiti hazi."³²Myandika akalonga, "Maha Mvula! Ulongile chakaka yiwa Sapanga kammonga, na yiwa kwahela mghangi kupiti mweni. ³³kumpala mweni kwa moyu wogha, na kwa umanyi wogha na kwa makakala hyogha, na kumpala mundu wa pabehi handa mweni, ni maha nesu kupiti mapegho na matambiko gha kulungusa." ³⁴Lipindi Yesu paawonile kayanga kwa luhala, akamlongela, "Wenga uwela kutali ng'ogha na uunkosi wa Sapanga." Badili gha pala kwahela hata mmonga mweni kuyesa kumkonya Yesu kindu.³⁵Na Yesu akayanga, lipindi paawelili akivula kulighuta lya Sapanga, akalonga, "Ghuli! wayandika wangulonga niki yiwa Kilisito ni mwana wa Daudi? ³⁶Daudi mweni ku Mpumulo wa Sapanga, alongile, 'Bambo alongile kwa Bambu ghangu, ulikali kuliwoko lyangu lya kulumi, mbaka niwagholi wahakata ghako kuwela pahi gha maghulu ghako.' ³⁷Daudi mweni angukema Kilisito, 'Bambo' Ghuli! ni mwana wa Daudi kwa njila liki?" Na konganiko likulu limyoghanilile kwa luheku.³⁸Kumavulo ghaki Yesu alongile, "Mlikali mihu na wayandika, weni kupala kutyanga na lihabiti litali na kujambusa kumasoku, ³⁹na kulikala kuvikalilo vya wakulu kumalighuta gha kukonganikila Wayahudi na kumihambu kwa mahala gha wakulu. ⁴⁰Hilahila wangulyegha kumaghuta gha wadala wahovitiliwi na wanguluwa mayupo matali ili wandu wawaloli. Hagha wandu watepokela ulamulo mkulu."⁴¹Hinu Yesu akalikala pahi pabehi na lisanduku lya litambiko mghati mwa mahala gha lighuta lya Sapanga; awelili akilola wandu wenikuwela wakitaya mapesa ghau mghati mwa lisanduku. Wandu watangala wanaisa wavikili mapesa yatangala. ⁴²Hinu mdala ahovitiliwi na mgwana angali kindu akahika na kuvika vipandi viiwili, samani ya sendi.⁴³Hinu akawakema wavulwa ghaki na kuwalongela, "Chakaka ninguwalongela, mdala hayu ahovitiliwi na mngwana ghaki kataya mapesa yatangala kupiti wogha wenikuwela wavika kala mapesa kulisanduku lya ;iyambiko. ⁴⁴Kwaikiva wogha wapegha kwaikiva gha utangala wa mapesa ghau. Ila mdala ahovitiliwi na mngwana ghaki hayu, kuhuma kuungali na hindu ghaki, kavika mapesa hyogha yenikuwela yamtangi kutumila kwa kulama kwaki."

¹Yesu paawelili akityanga kuhuma kulighuta lya Sapanga, mmonga wa wavulwa ghaki akamkonya, "Mvula, uloli maganga hagha gha kukangasa na maghuta!" ²Akamlongela, Ungulola maghuta hagha makulu? Kwahela hata liganga limonga litehighala kunani gha liganga lighangi livile litaguwiswa ng'ogha pahi."³Na mweni pakawela kalikala kunani gha Litombi lya Mzeituni kuyetu gha lighuta lya Sapanga, Petelo, Yakobo na Andelea wakamkonya kwa kuhigha. ⁴Tulongeli, mighalu hai itehumila ligha? Ni niki kilangihi kya mighalu hai kuhumila?"⁵Yesu akatumbula kuwalongela, "Muweli mihu yiwa mundu yeyosi akotoho kuwabyodosa. ⁶Watangala watehika kwa lihina lya nenga wakilonga, 'Nenga ndiwa,' na watewabyodosa watangala.⁷Pamteyoghanila ngondu na malongelano malongelano gha ngondu, mkotoho kutila; mighalu hai ingupalwa ihumili, ila kumwihu pambila. ⁸Mlima uteyinuka kihyetu na mlima ghangi, na unkosi kihyetu na unkosi. patewela na mahihimilo kumahala wekaweka, na njala. Hau ni mtumbulo wa utungu.⁹Muweli mihu. Watewayegha mpaka kunjengakaya, na mtekanilwa kumaghuta gha kukonganikila Wayahudi. Mtegholokeswa kuulongolo gha walongosa na wankosi kwaikiva gha nenga, handa uhighilisu kwa weni. ¹⁰Ila Habali Maha ni lasima mtumbulo itangaswi kwa milima hyogha.¹¹Pawatewakamula na kuwayegha, mkotoho kutila kulongela kila mtelitetela. Mghati gha lipindi hali, mtepeghwa niki cha kulongela; mtewela ng'ogha mwenga wa kulongelela, ila Mpumulo wa Sapanga. ¹²Mlongo atemsitaki mlongo kukomwa, tati na mwana ghaki. Wana wategholoka kihyetu na tati zyau na kuwayambusila kukomwa. ¹³Mtehyomelwa na kila mundu kwaikiva gha lihina lyangu. Ila yula atefumilila mpaka kumwihu, mundu hayu atelokoka.¹⁴Pamtelola uhakata wa uyalamiso ugholoka pala lipalwa ng'ogha kugholoka (mweni kusoma na amanyi), ndiwa weni kuwela mghati gha Yuda watuwili kulitombi, ¹⁵na yula mweni kuwela kunani gha lighuta akotoho huluka pahi gha lighuta, au kutola chochosi kyeni kuwela panji, ¹⁶na mweni kuwela mmatawa akotoho kuhuya kutola nguu ghaki.¹⁷Ila chondi kwa wadala weni ndumbu na weni kuyunga kumachuwa hagha! ¹⁸Mluwi yiwa kukotoho humila lipindi lya lupepo. ¹⁹Kwaikiva patewela na maghaso makulu, yavile yatumbula ng'ogha kuhumila, kuhuma Sapanga alumbili mlima, mbaka hinaa, kwahela, wala itehumila ng'ogha kangi. ²⁰Mbaka Bambu paatepungula machuwa, kwahela mhigha utelokoka, ila kwaikiva gha wahaghulwa , atewahaghula, atepungula namba zya machuwa.²¹Lipindi hali handa mundu yeyosi atewalongela, Uloli, Kilisito ka haku' Uloli, ka kula' mkotoho kukwinila. ²²Kwaikiva Wakilisito wa uhwangi na walota wa uhwangi watehumila na wateyegha vilangihi na makangaso, ili yiwa, wawangongi, yakini hata wahaghulwa. ²³Muweli mihu! Niwalongela kala hagha hyogha pambila gha lipindi.²⁴Ila badili gha maghaso gha machuwa hagha, lijuwa litetaywa lwisa, mwehi utehumisa ng'ogha mhana ghaki, ²⁵ndondwa ziteguwa kuhuma kunani, na makakala yeni kuwela kundumba yatehihimila. ²⁶Ndiwa watemlola Mwana wa Adamu akihika kumahindu kwa makakala makulu na ukwilikihi. ²⁷Ndiwa ateyegha watumikila wa kundumba wa Sapanga ghaki na atewakungula pamonga wahaghulwa ghaki kuhuma mbandi ngulu njechi zya mlima, kuhuma mwihu gha mlima mbaka mwihu gha kundumba.²⁸Kwa libiki lingukemwa mtini mjivuli. Handa liputila linguwesa kuhumisa na kuvika kwa kuloposela mahamba ghaki, ndia mtemanya yiwa kilangazi kya pabehi. ²⁹Ndiwa inguwela, pamtelola mighalu hai inguhumila, mmanyi yiwa kapabehi, na mlyango.³⁰Chakaka, ninguwalongela, haki kiwelekwa kiteyenda ng'ogha kutali pambila gha mighalu hai kuhumila. ³¹Kundumba na mlima viteyenda, ila molando ghangu itepita ng'ogha katu. ³²Ila kulongelela hali lichuwa au hali lisaa, kwahela mweni kumanya, hata watumikila wa kundumba wa Sapanga, hata Mwana, ila Tati.³³Muweli mihu, Uloli, kwaikiva mmanya ng'ogha ni lipindi ligha yatehumila. (Ukoli: Musitali hau, "Muweli mihu, Mloli na mluwi kwaikiva hau uwela ng'ogha kumayandiku gha dahile). ³⁴Ni handa mundu mweni kuyenda kumwanja: akaleka lighuta lyaki, na kumvika mhusutu ghaki kuwela mlongosi wa lighuta, kila mmonga na lihengu lyaki. Na kumlongela mgholokela kulikala mihu.³⁵Kwa nagha muweli mihu! kwaikiva mmanya ng'ogha ni ligha Bambu wa lighuta atehika ukaya, inguwesekana ni lumihi, uhiku wa mandandu, lipindi njogholu paatetova lilowi, au malawila. ³⁶Handa akahika bwitu, akotoho kukulola yiwa uwonja luwonu. ³⁷Kila ningikilongela kwa wenga ningukilonga kwa kila mundu: Mkesi!"

¹Iwelili machuwa maivili badili gha mhambu wa Pasaka na Mibumunda itaywa ng'ogha simika. W atambika wakulu na wayandika wawelili wakihakula njila gha kumkamula Yesu kwa uhakata na kumkoma. ²Kwaikiva wailongile, "Ng'ogha lipindi hali lya mhambu, wandu wakotoho wakaghola magombi."³Lipindi Yesu paawelili kubesania ukaya kwa Simoni mkalwa, na awelili akiyenda kumesa, mdala mmonga akahika kwa mweni akiva na supa gha manungilo gha nalido maha gha mapesa yatangala nesu, akabalula supa na kuyita kunani gha mutu ghaki. ⁴Ila kuwelili na amonga ghau weni kugyoma. Wakalongelana weni kwa wei wakilonga, "Ni kyani kiyambusa uyalamisu hau? ⁵Manungilo hagha yangaliwesa kuwuswa kwa dinali kupiti imia tatu, na wakapeghwa wangali kindu." Na weni wamkemelili.⁶Ila Yesu alongili, "Mumleki weka yaki. Kwa kyani mngumghasa? Kaghola mghalu maha kwa nenga. ⁷Machuwa hyogha wangali hindu muwela nau, na lipindi lolosi pampala mnguwesa kughola mighalu maha kwa weni, ila mtewela ng'ogha na nenga lipindi lyogha. ⁸Kaghola kila kanguwesa kughola; kapakala mhigha ghangu mahuta kwaikiva gha masiko. ⁹Chakaka ninguwalongela, kila mahala Habali Maha ingutangaswa kumlima wogha, kila kakighola mdala hayu kitelongwa kwa kumkumbwiki mweni.¹⁰Hinu Yuda Isikalioyi, mmonga wa wala ikumi na ivili, akayenda kwa wakulu wa watambika ili apati kuwayeghela. ¹¹Lipindi wakulu wa watambika pawayoghanila nagha, wakahekelea na kuhighilisa kumpegha mapesa. Akatumbula kuhakula fwasi gha kumyegha kwa weni.¹²Kulichuwa lya mtumbulo gha mibumunda itaywa ng'ogha simika, lipindi pawatola mwanakondolu wa pasaka, wavulwa ghaki wakamlongela, "Ungupala tuyendi kugha tukayandali ili upati kulyegha mulyo wa Pasaka?" ¹³Akawalaghila wavulwa waivili na kuwalongela, "Myendi kumbwani, na mlumi avile kapapa limbundi atekongine na mwenga. Mumkovekeli. ¹⁴Lighuta atelingila, mumkovekeli na mumlongeli mweni lighuta hali, 'Mvula angulonga, "Kya kugha kyumba kya wahenja mahala nitelyeghela Pasaka na wavulwa ghangu?"¹⁵Atewalangiha kyumba kya kunani kikulu kyeni samani kyeni kuyandalwa kala. Mgholi mayandalo kwaikiva gha twenga pala." ¹⁶Wavulwa wakahuka wakayenda kumbwani; wakakongine na kila kindu handa awelili kawalongela, na wakayandala mulyo wa Pasaka.¹⁷Lipindi paiwela lumihi, akahika na wala ikumi na waivili. ¹⁸Na pawawelili wakiva pabehi na mesa na kulyegha, Yesu akalonga, "Chakaka ninguwalongela, mmonga paghati gha mwenga mweni kulyegha pamonga na nenga atenihyuka," ¹⁹Wogha wakanyengemala, na mmonga badili gha mghangi wakamlongela, "Chakaka ng'ogha nenga?"²⁰Yesu ayangili na kuwalongela, "Ni mmonga wa kumi na waivili paghati gha mwenga, mmonga avile hinaa anguchwika litongi kulibakuli pamonga na nenga. ²¹Kwaikiva Mwana wa Adamu ateyenda handa vila mayandiko yangulonga kunani ghaki. Ila chondi kwa mundu yula avile kupitila mweni Mwana wa Adamu atehyukwa! Ingawela maha nesu kwa mweni handa mundu hayu angaliwelekwa ng'ogha."²²Na pawawelili wangulyegha, Yesu akatola likati, akahighila, na kumegha. Akawapegha akilonga, "Mtoli. Hau ni mhigha wa nenga." ²³Akatola kikombi, akashukwile, na akawapatila, na wogha wakakinyweghela. ²⁴Akawalongela, "Hau ni mwahi ghangu gha lilaghano, mwahi weni kuyitika kwaikiva gha watangala. . ²⁵Chakaka ninguwalongela, nitenywegha ng'ogha kangi kusau hali lya mzabibu mbaka lichuwa lila nitenywegha hyonu kuunkosi wa Sapanga."²⁶Pawamalila kuyimba uyimbo, wakayenda panji kulitombi lya Mzeituni. ²⁷Yesu akawalongela, "Mwenga wogha mtelekanila kutali kwaikiva gha nenga, kwaikiva iyandikwa, 'Nitemtova mhungaji na kondolu wogha watelekanila.'²⁸Ila badili gha kuhinduka kwa nenga, nitewalongola kuulongolo gha mwenga ku Galilaya." ²⁹Petelo akamlongela, "Hata ikawela wogha watekuleka, nenga nitekuleka ng'ogha."³⁰Yesu akamlongela, "Chakaka ningukulongela, uhiku hau, pambila gha njogholu kughuta mianja ivili, utewela unikanila mianja itatu," ³¹Ila Petelo akalonga, "Hata itenipala kuhova pamonga na weng, nitekukanila ng'ogha, "Wogha wakalonga handa myau.³²Wakahika kumahala wangukukema Gethsemane, na Yesu akawalongela wavulwa ghaki, "Mlikali haku lipindi ninguyupa." ³³Akawatola Petelo, Yakobo, na Yohana pamonga na mweni, akatumbula kunyengemala na kughasika nesu. ³⁴Akawalongela, "Nafusi ghangu ivili na unyengemalu nesu, hata kuhova mhighali baha na mkesi."³⁵Yesu akayenda kuulongolo mayaghani, akaguwa pahi, akaluwa, handa ingaliwesekana, yiwa lisaa hali lingalinihyeta. ³⁶Akalonga, "Aba, Tati, Mighalu hyogha kwa wenga inguwesekana. Unihumisili kikombi haki. Ila ng'ogha kwa mapalo ghangu, ila mapalo ghako."³⁷Akahuya na kukongini nau wakiva wawonja, na akamlongela Petelo, "Simoni, ghuli uwonja? Umisindwa kukesa hata lisaa limonga? ³⁸Mkesi na mluwi yiwa mkotoho mkayingila kumayeso. Chakaka mpumulo ungupala, ila mhigha ni mpweli." ³⁹Akayenda kangi na kuluwa, na akatumila milando hilahila.⁴⁰Akahika kangi na kuwalola kangi wanguwonja, kwaikiva mihu ghau iwelili mitopa na wamanyile ng'ogha niki kya kumlongela. ⁴¹Akahika lihanja lya itatu na kuwalongela, "Mmbila muwonja na kupumulila? Ingubaka! Lisaa lihika kala. Uloli! Mwana wa Adamu atehyukwa kumawoko gha weni sambi. ⁴²Myimuki, Uloli, tuyendi. Uloli, ula mweni kunihyuka kapabehi."⁴³Bwitu paawelili ambila akilongela, Yuda, mmonga wa wala ikumi na ivili, akahika, na lipinga likulunga kuhuma kwa wakulu wa watambika, wayandika na waogolo weni mipanga na vimbonga. ⁴⁴Lipindi hali mhyuka ghaki awelili kawapegha kilangihi, akilonga Yula nitemnonela, ndiwa. Mkamkamuli na kumyegha paghi gha ugholokela." ⁴⁵Lipindi Yuda paahikili, monga kwa monga akayenda kwa Yesu na kulonga, "Mvula!" Na akamnonela. ⁴⁶Hinu wakamtaya pahia gha ugholokela na kumkamula.⁴⁷Ila mmonga paghati gha gha weni mwenikuwela kagholoka pabehi na mweni akahomola lipanga lyaki akamtova mtumikila wa mtambika mkulu na kumdumula lipulukilo. ⁴⁸Yesu akawalongela, "Mhika kunikamula kwa mipanga na vimbonga handa mpokola? ⁴⁹Ikiva kila lelo niwelili pamonga na mwenga na nikivula kulighuta lya Sapanga, mnikamula ng'ogha. Ila hali ligholeka ili mayandiku yatimili. ⁵⁰Na wala wogha weni kuwela na Yesu wakamleka na kutula mbilo.⁵¹Mhongolo mmonga amkovekelili, mweni kuwela kvala mgololi weka awelili kaigubika kumtindila; wakamkamula ila ⁵²akawatyelembuka akileka mgololi pala akatula mbilo ngelengi.⁵³Wakamlongoza Yesu kwa mtambika mkulu. Pala wakalikungula pamonga na mweni watambika wakulu wogha, wagogolo na wayandika. ⁵⁴Petelo na mweni amkovekelili Yesu kwa kutali, kuyenda kulikuta lya mtambika mkulu. Akalikala pamonga na wagholokela, weni kuwela pabehi na mwana wakiwota lyoto ili wakotoho kuihimila.⁵⁵Lipindi lila watambika wakulu wogha na njengakaya hyogha wawelili wakihakula uhighilisu kwa Yesu ili wapati kumkoma. ila wapatili ng'ogha. ⁵⁶Kwaikiva wandu watangala wayeghili uhighilisu wa uhwangi kwa mweni, ila hata uhighilisu ghau ulandinili ng'ogha.⁵⁷Amonga wakagholoka na kuyegha uhighilisu wa uhwangi kwa mweni; wakilonga, ⁵⁸"Tumyoghanilile akilonga, 'Niteyalamisa lighuta lya Sapanga hali lyeni kuchengwa kwa mawoko, na mghati gha machuwa maitatu nitechenga lighangi liwesa ng'ogha kuchengwa kwa mawoko.'" ⁵⁹Ila hata uhighilisu ghau ulandini ng'ogha.⁶⁰Mtambika mkulu akagholoka paghati gha weni na akamkonya Yesu, "Ghuli, uvuli ng'ogha na kya kuyanga? Wandu hagha wangukulongelela niki wenga?" ⁶¹Ila atamili nuu na kayanga ng'ogha chochosi. Bwitu mtambika mkulu akamkonya kangi, "Ghuli wenga kwa Kilisito, mwana wa mhighilwa?" ⁶²Yesu akalonga, "Nenga ndiwa. Na utemlola Mwana wa Adamu katama liwoku lya kuliyila lyeni makakala akihika na mahindu gha kundumba."⁶³Mtambika mkulu akalalula nguu ghaki na kulonga, "Ghuli, twambila tungupala wahighilisa? ⁶⁴Myoghanila malighu. Ulamula wa mwenga ni niki?" Na wogha wakamlamula handa mmonga mweni kupalwa ahovi. ⁶⁵Amonga wakatumbula kumuhunyila mata na kumgubika wuso na kumtova na kumlongela, "Uloti!" Wagholokela wakamtola na kumtova.⁶⁶Na Petelo paawelili ambila kawela pahi kulikuta, mtumikila mmonga wa kidala wa mtambika mkulu akahika kwa mweni. ⁶⁷Akamlola Petelo akiva kagholoka akiwota lyoto, na akamlola kwa kumhikila pabehi. Hinu akalonga, "Na wenga hilahila uwelili na Mnazaleti, Yesu." ⁶⁸Ila akanili, akilonga, "Nimanya ng'ogha hata mayaghani kila ungukilongela!" hinu akahuka na kuyenda panji kulikuta. (Ukoli; msitali hau, "Na njogholo akaguta" uwela ng'ogha kumayandiko gha dahile).⁶⁹Ila mtumikila mdala pala, amlolile na kutumbula kuwalongela kangi wala wawelili wagholoka pala, "Mundu hayu ni mmonga wa weni!" ⁷⁰Ila akanili kangi. Kuulongolo mayaghani wala wawelili wagholoka pala wkawela wakimlongela Petelo, "Chakaka wenga ni mmonga wa weni, kwaikiva wenga hilahila ni Malilaya."⁷¹Ila atumbulili kuivika mweni pahi gha ulapilo na kulapa, "Nimmanya ng'ogha mundu hayu mumlongelela." ⁷²Hinu njogholo akaguta lihanja lya ivili. Hinu Petelo akakumbwiki milando ivile Yesu awelili kamlogela: "Pambila gha njogholo kaghuta lihanja lya ivili, utenikanila mianja itatu." Na akaguwa pahi na kulila.

¹Malawila pee wakulu wa watambika wakakongine pamonga na wagogolo na wayandika na njengakaya hyogha gha wagogolo. Hinu wakamuwopa Yesu wakamyegha kwa Pilato. Pilato akamkonya, Wenga ni nkosi wa Wayahudi?" ²Akamyanga, "Wenga ungulonga nagha." ³Wakulu wa watambika wakalongela masitaka yatangala kwa Yesu.⁴Pilato akamkonya kangi, "Unguyanga ng'ogha chochosi? Ulola ng'ogha vila wangukusitaki kwa mighalu itangala? ⁵Ila Yesu kamyanga ng'ogha Pilato, na hai ikamkangasa.⁶Kwa ndyangilu ghau lipindi lya mhambu wangumuwoposola muwopwa mmonga, muwopwa wamluwili. ⁷Kuwelili na wahakata mgelesa, paghati gha wakoma wandu, paghati gha wenikuhyuka wenikutumikila mahakata ghau. Awelili mundu mmonga wangumkema Baraba. ⁸Lipinga likahika kwa Pilato, na kumluwa agholi handa agholile haku kuhyetu.⁹Pilato akawayanga na kulonga, "Mngupala niwawoposeleli nkosi wa Wayahudi?" ¹⁰Kwaikiva amanyili ni kwa wifu wakulu wa watambika wamkamulili Yesu na kumyegha kwa mweni. ¹¹Ila wakulu wa watambika wawajongeselili lipinga kutova lilowi likulu yiwa wamuwoposoli Balaba badili ghaki.¹²Pilato akawayanga kangi na kulonga, "Nimgholi niki Nkosi wa Wayahudi? ¹³Wakatova lilowi kangi, "Umhakili!"¹⁴Pilato akalonga, "Kaghola mghalu niki mhakata?" Ila wakayangala kutova lilowi nesu kupiti, "Umuhakili." ¹⁵Pilato akipala kuwahekelesa lipinga, akawawoposelela Balaba. Akamtova Yesu hyatu hinu akamuhumisa ili ahakilwi.¹⁶Watovangondu pawamlongosa mbaka mghati mwa likuta (lila liwela mghati gha kambi) na wakakonganika pamonga lipinga lya watovangondu. ¹⁷Wakamvika Yesu lihabiti lya langi sambalu, na wakahuluka likokoma lya mihomi wakamvalisa. ¹⁸Wakatumbula kumpughanya kwa kulonga, "Jambu, Nkosi wa Wayahudi!"¹⁹Wakamtova kumutu kwa mdengi na kumuhunyila mata. Wakatova manung'una kuulongolo ghaki kwa kumtundamila. ²⁰Hata pawamalila kumpughanya, wakamuwoposola lila lihabiti lya langi gha zambalau na kumvalisa nguu zyaki, na wakamuhumisa panji kuyenda kumhakila. ²¹Wakamkukula mtyanga mbalabala kumtanga, mweni kuwela akiyingila kumbwani kuhuma kulitawa. Mweni kukemwa Simoni Mkilene (tati ghaki Isikanda na Rufo)'; wakamkukula kupapa lipingika lya Yesu.²²Watovangondo wakamyegha Yesu mahala wangupakema Goligota (ingumaanisa, mahala palifufu lya mutu). ²³Wakampegha divai ihanganiliwi na Manemane, ila kanywegha ng'ogha. ²⁴Wakamuvamba na wakapeghana nguu zyaki, wakatovila kula kulamula kipandi atepokela kila mtovangondu.²⁵Iwachililwi kuhika saa itatu malawila pawamvambili. ²⁶Wakavika kunani ghaki ubau weni kuyandikwa sitaka ghaki, uwela "Nkosi wa Wayahudi." ²⁷Wamvambili pamonga na wapokola waivili, mmonga mbandi ghaki gha kuliyila na mghangi soto ghaki. ²⁸(Ukoli: Msitali hau, "Na mayandiko yakatimila yeni kulongelwa," uwela ng'ogha kumayandiko gha dahile).²⁹Na weni wenikuwela wakityanga wakamlighu, wakitika mutu ghau wakilonga, "Ah! ndiwa wenga utebomola lighuta lya Sapanga na kulichenga kwa machuwa maitatu, ³⁰ujilokoli umweni na uhuluki pahi kuhuma kulipingika!"³¹Kwa nila hilahila wakulu wa watambika wampughanyili wakilongelana, pamonga na wayandika na kulongela, "Awalokolile waghangi, ila kawesa ngogha kujilokola mweni. ³²Kilisito Nkosi wa Izilaeli, uhuluki pahi hinaa kuhuma kulipingika, ili tuwesi kulola na kukwinila." Na wala weni kuwela wavambilwi pamonga na mweni hilahila wampughanyili.³³Paihikili isaa isita, lwisa likahika kunani gha mlima wogha mpaka isaa itisa. ³⁴Lipindi lya isaa itisa, Yesu atovili lilowi likulunga, "Eloi, Eloi, lama sabakitani?" Ikimaanisa "Sapanga ghangu, Sapanga ghangu, kwa kyani ungunileka?" ³⁵Amonga gha wala wawelili wagholoka pawayoghanila wakalonga, "Uloli, angukemwa Eliya."³⁶Mundu mmonga akatula mbilo, akamemesa siki kusponji na kuivika kunani gha libiki lya mdengi, akampegha ili anyweghi. Mundu mmonga akalonga, "Ulindili tuloli handa Elia atehika kumhulusa pahi." ³⁷Hinu Yesu akalila kwa lilowi likulunga na akahova. ³⁸Lipazila lya lighuta lya Sapanga likalekanika vipandi viivili kuhuma kunani mbaka pahi.³⁹Ofisa mmonga mwenikuwela kagholoka akimlola Yesu, paailolile kahova kwa nagha, akalonga, "Chakaka hayu mundu awelili Mwana wa Sapanga," ⁴⁰Wawelili hilahila wadala wenikuwela wakilola kwa utali. Paghati gha weni awelili Maliamu wa kuhuma Magdala, Maliamu (nyongo ghaki Yakobo mnunguna wa Yose), na Salome. ⁴¹Lipindi paawelili ku Galilaya wamkovekelili na kumtumikila. Na wadala waghangi watangala hilahila wakovekelenili na mweni mbaka ku Yelusalemu.⁴²Paihika lumihi, na kwaikiva liwelili lichuwa lya mayandalilo, lichuwa pambila gha Sabato, ⁴³Yusufu wa Alimataya akahika pala. Awelili ni mjumbi wa njengakaya mweni kutundamilwa mundu mweni kulindila kuulola Unkosi wa Sapanga. Kwa makakala akayenda kwa Pilato, na kuuluwa mhigha wa Yesu. ⁴⁴Pilato akalikangasa nesu yiwa Yesu kahovakala; akamkema yula afisa akamkonya handa Yesu kahova.⁴⁵Paapatili uhighilisu kwa afisa yiwa kahova, akamlekesela Yusufu kutola higha. ⁴⁶Yusufu awelili kahemela sanda. Akamhulusa kuhuma kulipingika, akamuwopa kwa sanda, na kumvika mghati gha limambi lyeni kuhimbwa kumghomba. Hinu akaliviligisa liganga kumlyangu wa limambi. ⁴⁷Maliamu Magidalena na Maliamu nyongo ghaki Yose walolile mahala asikilwi Yesu.

¹Lipindi Mbumulilo paipela, Maliamu Magdalena na Maliamu nyongo ghaki na Yakobo, na Salome, wahemilili manungilo gha maha, ili wawesi kuhika na kupakala mahuta mhigha wa Yesu kwaikiva gha kumsika. ²Malawila pee lichuwa lya mtumbulo lya juma, wayendili kumamambi lipindi lijuwa palihomoka.³Wakilongelana weni kwa weni, "Ghani ateliviligisa liganga kwaikiva gha twenga ili tuyingili mlimambi? ⁴Lipindi pawalolile, wamlolile mundu kaviligisa kala liganga, livile liwelili likulunga nesu.⁵Wakayingila mlimambi na wakamlola mhongolo kavala lihabiti mbuleti, kalikala mbandi gha kuliyila, na wakalikangasa. ⁶Akawalongela, "Mkotoho kutila. Mungumhakula Yesu, wa Nazaleti, "mweni kuhakilwa. Kahinduka! Kabaha ng'ogha. Uloli mahala pala wawelili wamvika. ⁷Myendi, mkawalongeli wavulwa ghaki na Petelo yiwa kawalongola kuyenda ku Galilaya. Haku mtemlola, handa awelili kawalongela."⁸Wakahuka na kutuwa mbilo kuhuma kulimambi; wahighimilili na wakakangaswa. Wakalonga ng'ogha kindu kwa mundu yeyosi kwaikiva watilili nesu.⁹(Ukamuli: Mayandiko gha Dahile yavile ng'ogha na Maliko 16:9-20) njenji kulichuwa lya mtumbulo lya juma, badili gha kuhinduka, amuhumilili mtumbulo Maliamu Magdalena, avile kuhuma kwa mweni amuhumisili mahoka maisaba. ¹⁰Ahukili na kuwalongela wala wavile wawelili pamonga na mweni, lipindi pawawelili wakinyengemala na kuhumisa masosi. ¹¹Wayoghanilile yiwa kamkomu na kawoneka nayu, ila wamkwinila ng'ogha.¹²(Ukamuli: Mayandiko gha dahile yavili ng'ogha na Maliko 16:9-20) Badili gha hagha, akajiwonesa kwa nila gha weka kwa wandu waghangi waivili, lipindi pawawelili wakityanga kuhuma kumlima. ¹³Wayendili na kuwalongela wavulwa waghangi wahighalile, ila wawakwinilili ng'ogha.¹⁴(Ukamuli: Mayandiko gha dahile yavile ng'ogha na Maliko 16:9-20) Yesu kuulongolo aliwonesili kwa wala ikumi na mmonga pawawelili wahyagamila ku mesa, na akawakalipila kwa kukotoho kukwinila kwa weni na gangamalo wa mioyu, kwaikiva wawakwinilili ng'ogha wala wamlolile badili gha kuhinduka kuhuma kuwahovili. ¹⁵Akawalongela, "Myendi kumlima wogha, na kutangasa Habali Maha kwa viumbi vyogha. ¹⁶Yeyosi mweni kukwinila na kubatiswa atelokolwa, na yula mweni kukwinila ng'ogha atelamulwa.¹⁷(Ukamuli: Mayandiko gha dahile yavile ng'ogha na Maliko 16:9-20) Vilangihi havi viteyendana na wogha weni kukwinila. Kwa lihina lya nenga watehumisa mahoka. Watelonga kwa luga hyonu. ¹⁸Watekola njoka kwa mawoko ghau, na hata paikawela wanywegha kindu chochosi kya kukoma kitewakoma ng'ogha. Watevika mawoko kwa wavina, na weni watewela wakomu."¹⁹Badili gha Bambu kulonga na weni, akatolwa kunani kundumba na katama liwoku lya kuliyila lya Sapanga. ²⁰Wavulwa wakahuka na kutangasa kila mahala, lipindi Bambu akighola lihengu pamonga na weni na kulihighilisa lilando kwa makangaso na vilangihi vikikovekelana na weni.

¹Lipindi handa Yesu pawelili apetili amuwonili mundu angalikulola kuhuma kuwelekwa kwaki. ²wavulwa ghaki wakamkonya"mvula, nighania ghoku sambi ni mundu haya au walelighaki hata awelekwi angali kulola?³Yesu akawayanga wala hayu mundu wala waleli ghaki wagholili sambi ila lihengu lya Sapanga ili sipati kumanyika kupitila kwa mweni tungupalwa .⁴kughola lihengu lyaki mweni atutumili lipindi likali ni pamuhi,uhiku unguhika ikiva kwake atewesakughola. ⁵lipindi paniwela pa mlima hau,nenga ni mhanu wa mlima wa hauwagha!⁶Badili gha Yesu kulonga milandu hayi akahunga mita kualisi,akaghola mandakali kwa mita na ⁷Akamtyeka yula mundu mmihu na yala mandakali. aakamlongela uyendi ukayowi ku litepu lya siloamu(ingumanyika handa hatumilwi) kwa naha haya mundu ayendili akalipembula kumihu ghaki na akaghuya kangu lola.⁸wandu wapabehi na yula mundu wammanyili na wala wamuwonili dohii handa mundu wa kuluwalu wa wakakonyana ghuli!hayu ng'ogha yula awelili akiva kangu ukala na kuluwalowa waghangi luakalo na hayu mwen''i. ⁹Nawaghangi wakalonga hayu ng'ogha kangu landama na haya ila alikiva akilonga ni nenga.¹⁰wakamlongela hinu mihughako ghagubutuliki ghali? ¹¹Aakayanga,mundu akemilwi Yesu agholiti mandakali na kunityeka kumihughangu na kunilongela nyendi nikalipembuli mihughangu na nipatili kulola kangi. ¹²wakamlongela "kakugha''?ayangili manyang'olu.¹³Wakamyegha yula mundu mweni kuwela angali mihu haku mtumbulo kwa Mafalisayu. ¹⁴Na lyeni liwelili lichuwa lya Sabato lipindi Yesu paagholile mandakali na kufumbula mihu ghaki. ¹⁵Ndiwa kangi Mafalisayu wakamkonya awesili ghuli kulola. Akamlongela, "Avikile mandakali kumihu ghangu, nika nikayowesha wuso, na hinaa ninguwesa kulola."¹⁶Wamonga gha mafwalisayu wakalonga mundu haya kahuma ng'ogha kwa Sapanga kwa ikiva kaikovekela ng'ogha sabatu waghangi wakalonga inguwesekan ghuli mundu handa hayu mweni sambi kughola maolosa handa hagha kwa naha kukawela na mlekana oaghati ghao pala weni kwa weni. ¹⁷ndiwa pawamkonyili yula angali kulola kangi kungulonga ghuli kwa ikiva wenga akugubutulili mihu ghku angali kulola akalonga nimlota. ¹⁸Hata lipindi hali wayhudi wamkwinilang'ogha awelili angali kulola na mweni awesili kulola mbaka awakemili waleli ghaki na kuwakonya mweni apatili kuloha.¹⁹Wawakonyili waleli ghaki ghuli hayu ni mwana wa mwenga mumlongili kawele kwa angali kulola "hinu kawesa ghuli kulola"? ²⁰"hinu waleli ghaki wakayanga tungumanya hayu ni mwana wa twenga na yiwa awelekilwi angali kulola. ²¹ghuli hinaa kangulola twenga tumanya ng'ogha na mweni amugubutulili mihu ghaki tummang'ogha mumkonyi mweni ni mundu mkulu hayu kawesa kujilongelela mweni.²²waleli ghaki walongili mihalu hayi kwa ikiva wawatilili wayahudi kwa ikiva wawelili wajumila yiwa pakawela mundu yoyosi patitikila yiwa Yesu Kristo, atevaghulwa na tighuta. ²³Kwaikiva naa,waleli ghaki walengili ni mundu mkulu mumkonyi mweni.²⁴kwa ikiva naa, kwa lyanjalya ipili wamkemili kangi yula mundu awelili angali kulola na kumlongela mumpeghi sapanga ukwilikihi tungamanya yiwa mundu hayumi mweni sambi! ²⁵Hinu yula mundu akayanga awelini mweni sambi nengamanya ng'ogha kimdukimonga ningumanya nenga ni ngalimihu na hinaa ningulola''²⁶Hinu pawamlongilili kakugholela kyani ayagubutulili ghuli mihu ghaku? ²⁷"awayangili mbela kala kuwalongela kala na mwenga mniyughanila ng'ogha kwa kyani mngupala kuyughanila kangi na mwenga mpala ng'ogha kuwela wavulwa ghaki hinu? ²⁸wakamligha na kulonga wenga ni mvulwa ghaki ila twenga ni wavulwa wa musa. ²⁹tungu manya yiwa Sapanga alongili na musa ila kwa hayu mundu tumanyang'ogha kula kwa humili.³⁰Yula mundu akayanga na kuwalongela kwa kyani hali ni muhalu wa kukangasa, kwaikiva mmanyang'ogha kahuma kugha na akali kayafumbula mihu ghangu. ³¹Tungumanya yiwa Sapanga kawayaghanila ng'ogha weni sambi,ila ikiva mundu yoyosi kangu mkwinila sapanga na kughola ayapalili sapanga humuyaghanila mundu hayu.³²Hinu kuhuma utumbula wa mlima wogha wu ihumila ng'ogha kuyughanilwa yiwa yoyosi kayafumbula mihu gha mundu awelekilwi angalikulola. ³³Iikiva mundu hayu kahuma ng'ogha kwa Sapanga angagholili ng'ogha chochosi. ³⁴wamuyangili na kumlongela uwelekilwi ku sambi na wenga ungutuvula twenga ndiwa pawa mvingili kuhuma ku lighuta lya kukonganila wayahudi.³⁵Yesu ayughanilili yiwa wamughusiya kulighuta lya kukonganila wayahudi amkovekili na kumlongela ³⁶"ungumkwinila mwana gha mungu" akayangili na kulonga ³⁷"ni ghani Bambu ili ghani nenga mbati kumkwinila mwana gha mundu. Y esu akamlongela "umuwonili kala na mweni ungulonga na mweni ndiwa. ³⁸Yula mundu akalonga Bambu ningumkwinila ndiwa akamtundamilila manung'una.³⁹Yesu akalonga kwa kulamula nenga hika kumlima hau wogha ili yiwa wala wawesili ng'ogha kulola ili wapati kulola na wala wawelili na wenga ungali kulola! ⁴⁰wamonga gha mafalisayu awelili pamonga na mweni wakayughanila milandu hayi na kumkonya natwenga ni tungali kulola!? Yesu akawalongela " ⁴¹mngawilili mngali mihu, mngawelili ng'ogha na sambi hata naha, hinu mngulonga tungu manya sambi ya mwenga ingutama''.

¹Chondi chondi ninguwalongileni yula ayingililing'ogha mlyangu wa kupitila mlyangu wa uhungulu lya kondolu,ila kangu kwela kwa njila ghangi, mundu hayu mwihi mia mpokola. ²mweni kuyingila kumlyangu ni muhungakondolu.³kwa mwolokela wa mlyangu humfughulila kondolu pawaiyugha ni lilovi lyaki na huwakema kondolu ghake kwa mahina,ghau na kuwahumi sapanji. ⁴pawachumisa panji wala waweli ghaki huwakongulela na kondolu humkovikela kwaikiva wanguimanya lilovi lyaki.⁵watemkovikela ng'ogha mhenja ila badili ghaki watemhyeta,kwaikiva wasimanya ng'ogha lilovi lya wahenga. ⁶Yesu alongili mlandamu hau kwa weni,ila wamanyili ng'ogha mihalu hagha ayalongili kwa weni.⁷Yesu akalonga kangi na weni mkwiniki ninguwalongela nenga ni mlyangu wa kondolu. ⁸wogha wanilongulili ni hwighi na wapokolo, ila kondolu wawayughanilili ng'ogha.⁹Nenga ni mlyangu yoyosi mweni kuyingila kupitila kwa nenga atelokolwa atenyingila kupitila kwa nenga atelokolwa, atenyingila mghati na kuhuma na mweni atejipegha mulyu. ¹⁰Mwihi kahika ng'ogha ila kuyiwa,kukoma na kuyalamisa.nenga hika ili yiwawapati ukomu na waweli na ungenju.¹¹nenga ni mhungaji wamaha mhunga wa maha huu humisa ukomu ghaki kwa ikivagha kondolu. ¹²mtumikila apeghilwi lihengu hela na awelili mhengajing'ogha akiva kondolu wakiva wamwening'ogha,kanguwalola handa galu wakumhitu pawahika galu wa mhitu huwaleka na kutuwa mbilu na kuwaleka kondolu. ¹³Nagalu mwitu huwa kamula na kuwaghola kila kondolu ayendikila mmonga njila ghaki,hutwa mbilu kwa ikiva ni mtumikila wa kukemwa hela na kawawonela luhungu ng'ogha kondolu.¹⁴Nenga ni mhungaji wa maha na nunguwamanya wawelili wa nenga, na weni wangu nimanya nenga. ¹⁵Tati kangu manya na nenga ningummanya tati na nenga ningu uhumisa ukumughangu kwa ikivagha kondolu. ¹⁶Nikiva na kondolu ghangi wakiva ngogha walihungu ali; hagha kangi ningupalwa kuwayegha, na weni watelyughanila lilovi lyana na ili pangupalwa paweli na lipinga limonga na mhunga mmonga.¹⁷Hayi ikiva ndiwa tati kangu ni pala nenga; niuhumisi ukomughangu nenga ili kangi ni utoli kangi. ¹⁸kwa hela mweni kuutola kwa,ila nenga ningu uhumisa mweni nikivana ukululu wa kutolakangi luhiulu alini kuhuma kwa tati.¹⁹mlekanu kangi ukahumila paghati gha wayahudi kwa ikiva gha milandu hayi. ²⁰watangala wakalonga kana mahoko na kana lukwati,kwa kyani mngumyughanila? ²¹waghangi wakalonga hagha ndiwa milandu ng'ogha gha mundu akolitwi na mahoka mahoko awesili kugubutula mihu gha mundu angali kulola?²²Ndiwa ikahika luchuwa gha kuvikwa kuulongosi ku Yerusalemu. ²³uwelili lipindi lya mhihimu na awelili akityanga kulighuta kulyugha lya Selemani. ²⁴Ndiwa wayahudi pawamtindilili na kumlongela mpaka lighu kumawachilo ghaholu handa wenga ni kristo utulongeli hela.²⁵Yesu akawayanga mbelaka kuwalongela ila mwenga mngukwinila ng'ogha lihengu lya Tati ghangu ,hasi singulongilela nenga. ²⁶Hata naha mngumkwinila ng'ogha kwa ikiva ng'ogha kondolu wa nenga.²⁷Kondolu ghangu wanguliyoghanila lilowi lyangu; na weni wangunikovekela nenga. ²⁸Niwapegha ukomu wa machuwa yayendelela; wateyalamika ng'ogha katu, na kwahela hata mmonga atewanyakula kuhuma kuliwoku lya nenga.²⁹Tati wa nenga anipeghili hagha, ni mkulu kupito waghangi wogha, na kwahela hata mmonga mwenikuwela na uweso wa kuwanyakula kuhuma kumawoko gha Tati. ³⁰Nenga na Tati twa mmonga." ³¹Wakapapa maganga ili wamdundi kangi.³²Yesu akawayanga, "Niwalangila kala mahengu yatangala maheli kuhuma kwa Tati. Kwa mahengu ghani paghati gha hagha mngupala kunitova maganga?" ³³Wayahudi wakamyanga, "Tungukutova ng'ogha maganga kwa lihengu lolosi liwela mahaeli, ila kwa kulighu, kwaikiva wenga, mwenikuwela mundu, ungujighola yiwa kwa Sapanga."³⁴Yesu akawayanga, "Iyandikwa ng'ogha kuselia gha mwenga, Nilongile, "Mwenga kwa milungu?"' ³⁵Paikawela awakemili milungu, kwa wala wavile Lilando lya Sapanga liwahikilile (na mayandiko yanguwesa ng'ogha kutenyulwa), ³⁶mngulongela kunani gha yula avile Tati amuhumisili na kumlaghila kumlimawogha, 'Ungulighu,' kwaikiva nilongile, 'Nenga na Mwana wa Sapanga?'³⁷Paikawela ningughola ng'ogha mahengu gha Tati wa nenga, mkotoho kunikwinila. ³⁸Hata nagha, paikawela ninguyaghola, pamonga na yiwa mngunikwinila ng'ogha, myakwinili mahengu ili yiwa muwesi kumanya na imanyikani yiwa Tati kamghati gha nenga na nenga niwela mghati gha Tati." ³⁹Wakayesa kangi kumkamula Yesu, ila ayendili zyaki kuhuma mumawoku ghau.⁴⁰Yesu akayenda zyaki kangi kung'wambu gha Yoludani mahala pavile Yohana awelili akibatisa haku mtumbulo, na akalikala haku. ⁴¹Wandu watangala wakahika kwa Yesu. Wayendelelili kulonga, "Yohana chakaka agholile ng'ogha kulangihi chochosi, ila mighalu hyogha ailongile Yohana kunani gha mundu hayu ni gha chakaka." ⁴²Wandu watangala wakamkwinila Yesu pala.

¹Hinu mundu mmonga libina lyaki Lazalu awelili mvina ahimilili mbwani wa Bethania kukimbwani kya Maliyamu na mhaeha ghaki Martha. ²Awelili Maliamu yulayula ampakalili mahuta Bambu mahuta gha malihamu kumpukuta maghulu ghaki kwa hywila ghaki ikiva mlongu ghaki lazalu awelili ni mvina.³Ikiva mhacha hagha wamtumili ujumbi kwa YESU na kulonga'Bambu, uloli yula umpalili kangu lwala. ⁴Yesu payaghandi akalonga uvina huu ng'ogha wa kuhwegha,ila badili ghaki ni kwa ikiva ni ukwilikihi wa Sapanga ili yiwa mwana wa Sapanga apati kuhighilwa kuhau uvina.⁵Yesu ampalili nesu Martha na mhacha na Lazalu. ⁶Payughanilili yiwa lazalu ni mvina Yesu atamilili machuwa ivili kuulongolu mahala pawelili. ⁷Hinu badili gha hali awalongili wavulwa ghaki 'tuyendi ku uyahudi kangi'.⁸Wavulwa ghaki wakamlongela 'mvula wayahudi awawelili wangu yesu kukutova maganga,na wenga kungupala kangi kughuya kangi naku kangi?. ⁹Yesu akawayanga lipindi lya pamuhi kang'oghu lipindi lya lumihi? mundu pa tyanga pamuhi kapala ng'ogha kujikwala kwa ikiva kangulola mhana wa pamuhi.¹⁰Hatanahu ikiva atetyanga uhiku,atejikwala kwa ikiva mhana kwa hela mghati ghaki. ¹¹Yesu akalonga mihalu hayi na badili gha mihalu hayi,akawalongela ghamnda ili yiwa mbati kumyumusa kuhuma ku ng'onu''¹²Hinu wavulwa ghaki wakamlongela ''Bambu handa kawonja ateyimuka. ¹³lipindi hali Yesu awelili akiyowela mihalu gha kuhwegha kwa lazalu,ila weni waliwala chili kangu yowelela kuwonjakwa kuwonu. ¹⁴Ndiwa Yesu akayowe na weni kwa lipala lipala Lazalu kahwegha.¹⁵Ningu hekelela kwa ikiva gha mwenga yiwa niwelili ng'ogha kula ili ikiva mpati kukwinila tuyendi kwa mweni! ¹⁶''Hinu Tomasu akemilwi mavila awalongilili wavulwa wayaki natwenga tuyendi na twenga tukahavi pamonga na Yesu.¹⁷Lipindi yesu pahikili awonili yiwa Lazalu awelili kasikwa kala kulimambi machuwa gha mchechi. ¹⁸Na mbwani wa Bethania uwelili pabehi na mbwani wa Yelusalemu handa utali wa kilomita ialobaini na mhanu naha. ¹⁹Watangalili paghati gha wayahudi wakahika kwa Martha na Mariamu kuwatayamoya kwa ikiva gha mlongu ghao Lazalu. ²⁰Hinu Martha payughamili yiwa Yesu kanguhika ayendiliki kongana na mweni, ila Maliamu ayendelili kutama ukaya.²¹ndiwa martha akamlongela Yesu ''Bambu,handa angawelili baha, mhacha ghangu angahoviling'ogha. ²²Htahina ningumanya yiwa chochosi cha kupala kuyupa kuhuma kwa Sapanga. ²³Yesu akamlongela, mhacha ghako atehindu kangi''.²⁴''Martha akamlongela mngumanya yiwa atehinduka kuuhinduku lichuwa lya mwihu. ²⁵Yesu akamlongela''nenga ndiwa uhindulo na ukomu mweni kunikwinila, hatapa hova, hatanaha atewela mkomu; ²⁶na mwani kulama na kunikwinila nenga atehova ng'ogha ungulikwinila hali?²⁷Akamlongela hina Bambu ningukwinila yiwa wenga ni klisto,mwana wa Sapanga mweni kuhika kumlima wogha. ²⁸payomolili kulonga hali ayendili zyzki na kumkema mhacha ghaki Maliamu pambai akamlongela mvula kaboha na angu kukema' ²⁹Maliamu paayughanilili hagha akayimuka kwa kilopuselama kuyenda kwa Yesu.³⁰Namweni Yesu awelili akali akahika ng'ogha awelili kambila mghati ghaki mbwani,ila awelili mahali akali paakonganikili na Martha. ³¹Hinu wayauhudi wawelili na Maliamu kunyumba na wala wawelili wakimtaya moyu, pawamu wonili patanda muka kwa kuloposela na kuhuma panji, wakamkovikela waliwachili yiwa kanga yenda kulimambi ili akalili haku na kumlongela,''Bambu handa ungawelili baha mlongu watwenga angahweghili ng'ogha'' ³²Ndiwa Maliamu pafikili pala Yesu pawelili amuwonili na akaguwa pahi gha maghulu ghaki na kumlongela ''Bambu,handa ungawelili bahu mlongu watwenga angahovili ng'ogha''.³³Yesu pamuwanili kangulila na wayahudi wakahika pamonga na mweni wawelili wangulila pamonga na mweni akalumbila moyu ghaki ³⁴na kuukangasa'' akalonga''muumuwonjesa kugha?wakamlongela Bambu,uhiki uloki'' ³⁵Yesu akalila.³⁶Hinu wayahudi wakalonga uloli pampalili Lazalu. ³⁷Ila waghangi paghati gha wala wakalonga hayu ng'ogha mundu amfumbulilu mihu yula angalikulola kamgolili hayu ng'ogha mundu akotokuhova?³⁸Hinu Yesu akiva akilumbilila mmoyu ghaki kangi,ayendi kulimambi hina liwelili nimbaku na liganga livikilwi kunani ghaki. ³⁹Yesu akalonga mlighusii ligaha Martha mhacha ghaki na Lazalo, mweni ahovili akamlongela Yesu Bambu kwa lipindi hali atewela kawola, kwa ikiva kawela kala lindumbi kwa machuwa mchechi. ⁴⁰Yesu akamongela''nenga mikulongili ng'ogha paunginila,ute ulola ukwilikihi wa Sapanga?⁴¹kwa ikiva naha wakalighusya liganga Yesu akayinula mihu ghaki kunani na kulonga''Tati ningu kuyupa kwa ikiva unguniyughanila. ⁴²Nimanyili yiwa ungu niyughanila lipindi lyogha ila ni kwa ikiva lipinga lyeni liwaloka kunitindila kwa ikiva nilongili hagha, ili yiwa wapati kukwinila yiwa wenga undumili''.⁴³Badili kulonga hagha akalila kwa lilovi likulunga lazalo umipanji! Ahovili ahumili panji awopilwi ⁴⁴munawoku na mawulu kwa sanda gha kusikila,na wasughaki unopili na kimbendela Yesu akawalongela mumuwopoli mukamleki ayendi zyaki.⁴⁵Hinu wayahudi watangala wahilili kwa Maliamu kulola Yesu akigholili wamkwimili. ⁴⁶Hinu wamonga gha wayendili kwa mafalisayu na kuwalongela mihalu agholili Yesu.⁴⁷Hinu wakulu wa makuhani au watambika na mafalisayu wakalikungula pamonga kumjenga kayama kulonga ''tugholi kyani mundu hayu kangu ghola vilangihi vitangala. ⁴⁸Ikiva tutemleka naha weka ghaki, wandu wogha watemkwinila warumi watehikana na kutoza fyogha kumahala patwenga na mlima watwenga.⁴⁹Hata naha mundu mmonga paghati mwa weni kayata awelili mtambika mkulu lichuva hali, akawalongela mmanya ng'oha chochosi kila. ⁵⁰Mnguwachilang'ogha yiwa ya maha kwa kivagha mwenga yiwa mundu hayu mmonga kangupalwa kuhova kwa ikiva gha wandu walili kumlima wagha kuyalamika.⁵¹Hagha kayalongili ng'ogha kwa ikivagha mweni wekahela,kwa ikiva awelili mtambika mkulu lichuva lila alotiliyiwa Yesu atehova kwa ikiva gha mlima; ⁵²na ng'ogha kwa mlima wekaghaki ila Yesu apati hila hila kuwakungula wana wa Sapanga wakiva walekanika mbandi wekaweka. ⁵³kwanaha kihumela lichuwa lila na kuyendelela wakakonganika na kulonga ghuli tutemkoma Yesu.⁵⁴Yesu katyanga ng'ogha lipala lupala paghati gha wayahudi ila aghukili pala na kuyenda mlima uwelili wapabehimi, kulivagha ku mbwani ukamilwi Eflaimu hinu akatama na wavulwa ⁵⁵ghaki. Hinu pasaka gha wayahudi paiwelili pabehi na watangala wakayenda ku Yelusalemu panjigha mbwani yabila gha pasaka ili wapati kujihuluta weni wekahela.⁵⁶Wawelili wakimhakula Yesu na kumkonyaki la mmonga pawawelili pawawolokili kulighuta''mnguliwachila kyani yiwa hatehika ikilimhambu? ⁵⁷Lipindi hali wakulu wa watambika na mafalisayu wawelili wavika kahilitiyiwa mmonga kamaoya Yesu kakugha pawelili kangupalwa kulonga ili wapati kumkamula.

¹Hinu paifikili lichugha lya isita yabila gha kufikila pasaka Yesu ayendili mbwani mwa Bethania pawelili lazalu, mweni awelili kamhindula kuhuma kuwahovili. ²Hinu wakamtanda mulyu wa lumihi haki, na Martha akamtumikila lipindi hali lazalu awelili mmonga wawala wala watamili pamulyunpamonga na Yesu. ³Hinu Maliamu akatola Supa gha manungilwi ghagholilwi kwa nando yamaha yeni mbiya ngulu, akampakala Yesu mumang'ulu ngaki, na kumpukuta maghalu ghaki kwa hwila ghaki,nyumba hyogha ikamema manungilu gha kunungila.⁴Hinu Yuda Iskalioti awelili mmonga wa wala wavulwa ghaki mweni ndiwa atemlema Yesu akalonga, ⁵kwa kyani mamangilu hagha yanga husilwi kwa dinali imiaetatuma wanapeghilwi kapuku? ⁶Namweni alongili na mweni ni kwa ikiva ng'ogha kwa kuwawonela luhungu wala kapuku ila kwa ikiva awelili mwihi;mweni ndiwa akolili mhaku wa mbiyama awelili kangutola hindu viwelili milu kangatola mweni vilaapalili mwenihela.⁷Yesu akalonga''mumleki aviki akitolili kwa ikiva gha lichuwa lya kunisika menga. ⁸Kapuku mtawela nau machuwa ghoha ila mtewelana nenga ng'oghu machuwa ghoha;⁹Hinu lipinga likulungwa lyawandu wa wayahudi wapatili kumanya ikiva Yesu awelili haku,na weni wakahika kwa ikivagha Yesu hela,ila wamlohi na lazalu awelili Yesu amhindulili kuhuma kuwahovili. ¹⁰Hinu na weni wakulu wa watambika wakaghola mihalu gha kumkoma lazalu; ¹¹kwa ikivagha mweni watangalili paghati gha wayahudi wayendili zyauna wamkwimili Yesu.¹²Nalichuwa lya kilau ghaki lipinga likulunga wahikili kumhambu pawayughanili ikiva Yesu kanguhika Yelusalemu. ¹³watolili miputila gha mibiki gha mitendi na kuhuma panji na kuyenda kumpokela na wakatova vilulu''hosana kuhighilwa mweni kuhika kwa lihina lya Bambu mkosiwa israeli.¹⁴Yesu ampatili mwana mbunda na akamkwela na handavila iyandikilwi, ¹⁵''ukoto kutila bindi sayuni uloli nkosi ghaku kanguhika kakwela mwana mbunda.''¹⁶wavulwa ghaki wayamanyili ng'ogha ghila mihalu hakudahili,ila Yesu patutumulilwi, ndiwa pawakumbakili gha kuwela nihalu hayi iyandikilwi mweni na yiwa waghola mihalu hayi kwa mweni Yesu.¹⁷Hinu lila lipinga lya wandu waluelili pala pamonga na Yesu lipindi pamkemili lazalu kuhuma kulimambi wanouwonili kwa mchughao wawalonongili kwa wandu ghangi. ¹⁸Na kwa ikiva na lipinga lya wandu wayendili kumpokela kwa ikiva wayughanili yiwa kaghola kilangi haki. ¹⁹Mafalisayu wakalongelana weni kwa weni uloli hinumtewesa ng'ogha kughola kindu chochosi kila;mloli, wandu wayenda kwa mweni'²⁰Hinu wamonga gha wayunani wawelili pamonga na walu wawelili wangu mkumyupa lipindi lya muhambu wa pasaka. ²¹Hinu hagha wakamyendela filipo awelili kangu humila mbwani wa Bethsaida gha galilaya wakamlu wa wakilonga''Bambu twenga tungupala kumlola Yesu''. ²²Filipo akayenda akamlongela Andrea na Filipo wakayenda na kumlongela Yesu.²³Yesu akawayanga akalonga,''lipindi litimila ku ikivagha mwana wa mundu kikwilikiwa. ²⁴Mkwinili ninguwalongela mbunji gha nganu paikuli kwa ng'ogha pahi ku mlima na ikahova itehighala hilahila ila paihova kwa kukwilwa itelela matungula yatangala.²⁵Mwani kumpala ukomghaki ateulamisa ila mweni kuhakila ukomo ghaki atelyalamisa ukomu ghaki hata ukomu ghaki mumahau utemlamisa hata ukomu wa machuwa ghoha. ²⁶Mundu yoyosio pandumikila nenga na mweni kunikovikela nenga paniwelili na mtumikila ghangu atewela baha mindu yoyosi pamtumikila Tati atemtundamila.²⁷Hinu mayu ghangu unamang'ang'uliku; na nenga nangi ghuli Tati unilokoli kulipindi hali ila ni kwa ikiva na vikila lipindi hai. ²⁸Tati, alihighili lihina lyaku''hinu lilovi likahika kuhuma kundumba na kulonga, nihighilwa na nenga nitelihighila kangi. ²⁹Hinu lipingalya wandu uwawolokili pabehi na mweni wakayughanila, wakalonga ikiva kukawela na mlindimu ghangi walongili mtumikila wa kundumba wa Sapanga kaloma na weni.³⁰Yesu akayanga na kulonga lilovi hali lihika ng'ogha kwa ikiva gha nenga ia kwa ikiva gha mwenga. ³¹Hinu ulanula wa mlima hauwoghu yabaha hinu mkulu wa mlima waughau utetaghwa panji au utedangwa panji.³²Nanenga nitehighilwa kunani gha mlima nitewakema wogha kwa neng''a. ³³Awalongili hagha akilangi hami lindumbi liki litehova.³⁴Lipinga lya wandu likamyanga twenga tuyughanila kusewa gha kilistu atelama machuva ghoha.nawenga ungulonga ghuli mwana wa mundu ingupalwa ahighilwi kunani hayu mwana wa mundu ni ghani? ³⁵Hinu Yesu akawalongela mhana ukiva pamonga na mwenga lipindi lya mayaghani miyendi kwa ikiva muwelama muhana, ili yiwa lwiha likoto likawakola mweni kuyenda kulwisa kamanyang'ogha kanguyenda kugha. ³⁶Mkivana mhana mumkwinili mhana chao ilimpati kuwela wanawa mhana Yesu ayalongili hagha akaghukama akayenda zyaki kujihigha wakoto kumloweni.³⁷Ikiva Yesu ang'olili vilangihi vitangala na weni wawonili kwa mihughao ila wamkwinili ng'ogha. ³⁸Ili litimili lilandu lya mlota isaya alilongili;Bambu ni ghani asiju,ilili mihalu gha twenga ?na liwoku lya Bambu likabutulwa na nenga?³⁹Ndiwa kwa ikiva weni wamkwinila ng'ogha kwa ikiva isaya alongili kangi; ⁴⁰Kawaghola wakoto kulola na kaighola miyoyu ghao ikamala wakoto wakalola kwa mihu ghao na wakamanya kwa miyoyu ghao na wakalokoka na nenga nikawalamisa.⁴¹Isaya alongili kangi kwa ikiva auwonili kwa ukwilikihi wa Yesu na akalonga kwa milandu ghaki. ⁴²Ila, hata wakulu watangala wamkwinili Yesu ila kwaulivagha mafalisayu wakwinili ng'ogha na nyumba gha kuukongamili. ⁴³Wapelili kwilikihi zya wandu kuluku kwilikihi zya kuhuma kwa Sapanga.⁴⁴Yesu akatova lilovi na kulonga''Yesu akalonga mweni kunikwinila nenga,kamkwinilana mweni andumili nenga. ⁴⁵Namweni kanilola nenga kangumlola mweni anitumili nenga.⁴⁶Na mweni kuniwona nenga nihuka handa mhana kumlima hau wogha ilikila mundu mweni kunikwinila nenga akoto kutama kulwisa. ⁴⁷Ikiva mundu yoyosi ateyayaghanila hagha milandu ghangu ila akoto kuyakola, nenga ningu mlanula ng'ogha kwa ikiva nihikili ng'ogha ili ni ulamili mlimahau wagha,ila niukomboli mlima hau ghoha.⁴⁸Yula mweni kunilema nenga na mweni kujumila milandu ghangu mweni kuwalanula, lilandu hali nililongili halindi litekulamula lichuwa lya mwihu. ⁴⁹Ikiva nenga nongili kwa nipalili nengahela, ila ni tati aniyeghili mweni kanilahilila niteyalonga na niteyalonga. ⁵⁰Na nenga ningumanya yiwa lahililu lyaki ni ukomu wa machuwa nghohu,hinu hagha nungu yalonga nenga handa tati anilongilili,ndiwa ningulonga kwa mwenga.

¹ukoto kuupegha mayungha maghasu ungumkwinila Sapanga unikwinili na nenga. ²Kunyumba nga Tati ghangu kuvile na fyumba vitangala fyakutana;handa ingawelili na maghaghu nangawelili na ng'ogha ningakulongilili,kwa vila ninguyenda kukutanda mahala kwa ikivagha wenga. ³Handa panyenda na kuwatanda mahala ,nitehika kangi kuwakemela kwa nenga,ili mahali paniwelili nenga na mwenga muweli baha.⁴Mungumanya njila mahali paniyenda. ⁵Tomasu akamlongela Yesu''Bambu tumanya ng'ogha mahalu kuyenda;tunguwe saghali kukumanya twimanya ng'ogha njila? ⁶Yesu akawalongela nenga ndiwa njila, gha chakaka na ukomu;kwa hela mweni kuwesa kuhika kwa Tati ghangu kapitilang'ogha kwa nenga. ⁷Handa mngamanyili nenga mngammanyili na tati ghangu kangi;kukanda hinaa na kuyendelela mngumanya na mumuwonili kala mweni.⁸Philipu amlongilili Yesu Bambu utulangihi na tati na hinu itewela itekwila. ⁹Yesu akamlongela, niwelili ng'oghu na mwenga pamonga kwa lipindi litali,na yambila kumanya ng'ogha nenga,Philipu yoyosi aniwonili nenga kamlola tati; ikiva naalingulonga,utulungii tati?¹⁰Mkwinila ng'ogha yiwa nenga ninamghati mwa tati?milandu ninguyalonga kwa mwenga ningulonga ng'ogha handa nipalalili mweni badili ghaki, ni Baba kangutama mghati mwa nenga kangu ghola lihengu lyaki. ¹¹Mnikwinili nenga kwa ikiva nikamghati ghaki na Tati kamghati ghangu hilahila mnikwinili nenga kwa ikiva lihengu lyangu lyanaha.¹²Mkwinili,ningawalongela,mweni kunikwinila nenga kwa lila lihengu nigholili atesighola mahengu haghu na mweni na ateghola hata lihengu likulunga kwa ikiva nunguyenda kwa Tati. ¹³Chochosi pamluwa kulihina lyangu,niteghola ili yuwa Tati awesi kuhighilwa kwa mwana ghaki. ¹⁴Handa panluwa kindu chochosi ku lihina lyangu hali nitegholu.¹⁵Handa pamnipala, mtesikola malahililo ghangu. ¹⁶Nanitemlawa Tati na mweni atewapegha wakawatanga ghangi ili yiwa awesi kuwela pamonga na mwenga machuva ghoha. ¹⁷Upumulo wa chakaka mlima wogha uwesa ng'ogha kuyangamweni kwa ikiva mumuwonili ng'oghu au kunywegha mweni hutanaha mwenga mngamanya mweni kwa ikiva angutana pamonga na mwenga na mtawela mghati mwamwenga.¹⁸Nitewaleka ng'ogha wekayenu;niteghuyu kwa mwenga. ¹⁹Kwa lipindi litali mlima woghu utenilola ng'ogha kangi ila mwenga mtenilala kwa ikiva ningulana na mwenga kangi. ²⁰Kulichuwa hali mtemanya yiwa nenga ni vile mghati gha Tati,na kwa ikiva mwenga mkiva muwela mghati mwa mwenga na yiwa nenga ni vile mghati gha mwenga.²¹Yoyosi mweni kusikovekela lahililu lyangu na kusinhola,ndiwa mmonga akiva kangu nipala nenga na ikiva kangu nipala nenga ate atati ghangu na nitempala na nitejilamgiha nenga na mweni. ²²Yuda(ng'ogha isikalioti) akamlongela Yesu Bambu ghuli ni kyani ninguhunila yiwa utejilangiha umweni kwa twenga ng'ogha kwa mlima wogha.²³Yesu akayanga akamlonge,''handa yoyosi anipala likola lilandu lyangu Tati ghangu atempala,na tutehika kwa mweni na tuteghola pakatama twenga na mweni. ²⁴Yoyosi akiva kangu ni pala ng'ogha nenga kakovikela ng'ogha milandu ghangu lilandu lyeni minguyaghanila lyanenga ng'ogha lilandu lanenga ila Tati ikiva anitumili.²⁵Niyalongili mihalu hayi kwa mwenga,lipindi yambila ningutana pamonga na mwenga ²⁶Hatanaha wakanitayamoyo mpumulo mkwilikihi akiva tati atemyegha kwa lihina lyangu utewavula mihalu yogha nautewaghola mkumbaki yogha niyalongili kwa mwenga. ²⁷Mkwinili ninguwapegha utundamilu ghangu mwenga ninguwapegha ng'ogha hali handa unawogha unguwapegha mkotomyo gha mwenga inguyaghanika na kutila.²⁸Myughanili vila niwalongilili,ninguyenda zyangu na niteghuya kwa mwenga handa mya mipaliki nenga mngama luheku kwa ikiva ninguyenda kwa tati kwa kuwela Tati ni mkulu kupiti nenga. ²⁹Hinu ipelekala kuwalonge yambilu kuhumila ili yiwa lipindi pahumila muwesi kukinunila. ³⁰Nitelonga ng'ogha na mwenga milandu imema kwa ikiva mkulu gha mlima wogha au kanguhika mweni kahela makakala kunani ghaki. ³¹Ila ili yiwa mlima waghau apati kumaniwa ningumipalatati ningu ghola kyeni ukipalili Tati ungunulahilila nenga handa vila paunipeghili lahililu mayimuki na tughuki mahala baha.

¹Niwalongili mihalu hayu mkotoo kuwaghasa. ²Watewahumisa njumba za kukunganila mayahudi,hinu inaha ambayu kila atekoma atehola kasi yamaha kwa ikiva ya Sapanga .³Watewatendea mihalu hayu kwa ikiva wa mmanyili ng'ogha tati wala hawanimanyili ng'ogha nenga. ⁴Niwalongili mihalu hayu ili kwamba lipindi palifika pahagha yateumila,mnawesa kuyakubwike jisi niliwalongililwi muwese ghako. Sikuwalongili kwa ikiva mihalu hayu kuhuma daili kwa ikiva iwelili pamonga mweni.⁵Kwaikiva hinaa ninguyenda kwa yula anitumili ikiva hakuna kati ghenu mwini kungoni,kuyenda kugha. ⁶Kwa ikiva nimilongili milandu hayi kwa mwenga muwachila ghamema mioyuni mweni. ⁷Kwaikiva nawalongili uchakaka ni vyema mweni pamihuka kwa ikiva pamihuka ng'ogha wakukovelakela atehika mweni ikiva nikiyenda nitemtuma gheni.⁸Ateika huyo mkokela atehuhihilisa mlima wogha ikiva na sambi ikiva na haki na ikiva ulamulu. ⁹Kwa ikiva na sambi kwa ikiva mkwinila ng'ogha nenga. ¹⁰Kwa ikiva na haki kwa ikiva niyendili kwa tati na mtenilona ng'ogha kangi. ¹¹Na kwa ikiva na hukumu kwa ikiva mkulu wa mlima wogha huu ulumulu.¹²Nivili nayu yatangala ya milandu ya kuwalongela ikiva mteyamanya ng'ogha hinaa. ¹³Ikiva mweni upumulo wa chakaka akija atewalongosa kuuchakaka ghote kwa kuwa walongili kwa ajili ghake mweni,ikiva yoyosi payughanila alongili mihalu hayu na ateyahihilisa mweni mihalu yatekuyekuja. ¹⁴Mweni ateninikwilikila nenga kwa ikiva ateyatola mihalu ghangu na kuyatangala kwenu.¹⁵Vindu vyogha alivyonavyo tati ni ghangu kwa ikiva nilongili ikiva Roho atechukua mihalu ghangu na hatehihilisa kweni. ¹⁶Yambila lipindi mfupi mtanimanya tenu,nabadili ya lipindi mfupi tenu mteniloli.¹⁷Wamonga gha wavulwa ghake wakilingilana ni kyani kangu tulongela,lipindi limyaya ghani na amteniloli tenu na hinu lipindi limyaghani ateniloli na kwa ikiva nayenda kwa tati? ¹⁸Kwa ikiva wakalongili ni kindu ghani alicholongili bado lipindi lya ghani tumanya ng'ogha alongili.¹⁹Yesu aliloli kuwa wapalili kumkonya nayu akawayambila mnguji konya mweni ikiva hila nililongili badu lipindi ghani hamtenimanya tenu na badili ghake muda lya ghani mteniloli? ²⁰Amina amina nawayambila mtelilana kuumbilila ikiva mlima wogha utehekelela iwelili na huhusuni ghenu ikiva husuni ghenu itegeuka kuwa kuhekelela. ²¹Mdala awelili na husuni lipindi iwelili na utungu kwa ikiva lipindi wa kuwopola umefika ikiva ujiwopola mwana hakumbwiki tenu maumifu kwa ikiva ya luheku ghake ikiva mwani kalekwa mlimawogha.²²Mweni pia mnahusuni hinaa ikiva nitawaloli tenu na mioyu ghenu kuhekelelwa na atekayewesa kuihusia kuhelelwa ghenu. ²³Lichuwa hinu hamteniulisa maswali amin amin natiwambila pamluwa chochosi kwa tati awapili kwa jina la Sapanga. ²⁴Ikiva hinaa pamluwa chochosi kwa jina la Sapanga mluwa nanyi mtepokeleli ili ikiva kuhelekwa ghenu kutimisa.²⁵Nilongili na mweni kwa lugha imanyimanyika ng'ogha ikiva hinaa itewika ikiva ilongilwi kwa lugha imanyili ngogha ikiva badili ghake itewaimbila lipala lipala ikiva tati.²⁶Lichuwa hiyo mtaomba kwa jina la nenga na sitewayambila ikiva nitepamluwa kwa tati kwa ikiva ghenu. ²⁷Kwa ikiva tati mweni panguwapala kwa ikiva mngupalwa nenga na kwa ikiva mmenikwinili kuwa ni huma kwa tati. ²⁸Nihuma kwa tati na nihika mlima ng'ogha tenu ungu hukamlima hogha na niteyenda kwa tati.²⁹Wavulwa ghake watemwambili uloli hina ulongili lipala lipala na hungu higha ng'ogha. ³⁰Hinaa tunajuwa ikiva unajua mihali ghote na hungu pala ng'ogha mundu yoyosi akuulize maswali kwa ikva ihitu ukwinili kuwa unatoka kwa Sapanga. ³¹Yesu akawayanga hinaa mkwinili?³²Mloli hinaa itewika ndiyo na naaikiva mtelekana kila mmonga na kwao atenilekela mweni,ikiva naweka yangu ng'ogha kwa ikiva tati yupo nenga. ³³Niwalongili mihalu hayu ili kwa ikiva mghati hangu na mtami maha mkotoo kutovanya mlima hogha nna mnguhakilwa ikiva mjipehi mioyu niwesili ng'ogha mlimahogha.