¹Kitabu cha ukolo lwa Yesu Kiristo m-i- nyi wakwe Daudi, Muinyi wakwe Iburahimu. ²Iburahimu ne aba wakwe Isaka, ne Isaka aba wakwe Yakobo, ne Yakobo aba wakwe Yuda na vabahu ku-u. ³Yuda ne aba wakwe Peresi na sera hakwe Tamari,Peresi aba wa Hezeroni, ne Hezeroni aba wakwe Ramu.⁴Ramu ne aba wa Aminadabu, Aminadabu aba wakwe Nashoni, ne Nashoni aba wakwe Salimoni, ⁵Salimoni ne aba wakwe Boazi hakwe Rahabu, Boazi aba wakwe Obedi hakwe Ruth, Obedi aba wakwe ⁶Yese ne aba wa Dilao Daudi. Daudi ne aba wakwe Sulemani he mlage wakwe Uria.⁷Sulemani ne aba wakwe Rehoboamu, Rehoboamu aba wakwe Abiya, Abiya aba wakwe Asa. ⁸Asa ne aba wakwe Yehoshafati, Yehoshafati aba wakwe Yoramu, ne Yoramu aba wakwe Uzia.⁹Uzia ne aba wakwe Yothamu, Yothamu aba wakwe Ahazi, Ahazi aba wakwe Hezekia. ¹⁰Hezekia ne aba wakwe Manase, Manase aba wakwe Amoni ne Amoni aba wakwe Yosia. ¹¹Yosia ne aba wakwe Yekonia ne kaka kini wakati wa kudoriwe kuso Babeli.¹²Baada ya kudoriwe kuso Babeli, Yokonia ne aba wake Shatieli, Shatieli ne Ka-aka ku-u Zerubabeli. ¹³Zerubabeli ne aba wakwe Abiudi, Abiudi aaba wakwe eliakimu, ne eliakimu aba wakwe Azori. ¹⁴Azori ne aba wakwe Zadoki, Zadoki aba wakwe Akimu, ne Akimu aba wakwe Eliudi.¹⁵Eliudi ne aba wakwe Elieza, Elieza aba wa Matani ne Matani aba wa Yakobo . ¹⁶Yakobo ne aba wakwe Yusufu muagiru wakwe Mariamu. ambaye kwa u Yesu e-a-hoiwe esewe Kristo. ¹⁷Vizazi vikabuna kuvoka Ibrahimu mpaka Daudi ne vizazi ikado na vihai, na kuli Daudi mpaka kudoriwe kuso Babeli vizazi ikado na vihai, na tangia kudoriwe kuso Babeli mpaka Kristo vizazi ikado na vihai.¹⁸Kuahowe kwa Yesu Kristo kwe kwaeto. Lage kini, Mariamu, ehashiwe ni Yusufu, mira vesina heiana, eka ahoika ite elo maso kwa uwezo wa Swaho Takatifu, ¹⁹Muagiru ku-u Yusufu, ne mhe elo haki teedumuye kumbutu sisine he vahe. ekaamua kuro kumhasha kwa siri.²⁰Ee kufikiri kwa ka mburi, Malaika wa Dilao ekamlianyija he kuoshwa, ekuba, "Yusufu m-inyi wakwe Daudi, usioko bughu kumdori Mariamu sa mlage ke, kwaite maso elonayo ni kwa uwezo wa Swaho Mtakatifu. ²¹Enesa Inyi wa kibwange na unemse ilhe ku-u Yesu, kwa ite enevaokoa vahe ku-u na makusa kini.²²Makabuna ya yelianye kutimija hu che-e yoiweni Dilao kwa kwalhi ya ulotezi, ekuba, ²³"Wesia, mbora enedori masona kusa m-inyi wa kiagiru, na venemse ilhe ku-u Imanueli-maana ku-u "Kiumbi hawe na nne."²⁴yusufu ekaka he luireno na kuboi sacho Malaika wa Dilao cho emsughae na ekemdori sa mlage ku-u. ²⁵Hata ata, tezebodi nau mpaka aresa m-inyi wa kiagiru na ekamse ilhe ku-u Yesu.

¹Baada ya Yesu kuahowe he Bethelehemu ya Uyahudi he ma-aze ya Mfalme Herode, vahe vasomi kuli mashariki ya uda vekahe Yerusalemu vekuba, ²"Eata le ka eahoiwe mfalme wa Vayahudi."? Twe e iahoe ntondwe ku-u ya mashariki na ine twaalita kumtasa. ³Ata Mfalme Herode areko ka ekasanuiwa na Yerusalemu kabuna hawe na u.⁴Herode ekavase vagiru va kutasa vakabuna na vegonda va vahe, nau ekavalhasu, "Kristo eneahowe le?" ⁵Veka-m-ba. "He Bethelehemu ya Uyahudi, kwa ite ya ndicho chiggondiwe ni mlotezi, ⁶Na ari Bethelehemu, he idi la Yuda, tu mgitutu he hawe na vadilao vya Yuda , kwa ite kuli hake enelita dilao enevazeu vahe gho Israel.⁷Kwato Herode ekavase hu vasomi kwa siri na kuvalhasu ni wakati mina hasa ntondwe yee a hoike. ⁸Ekavasugha Bethelehemu, ekuba, "Soni kwa agh'au mzemdaa m-inyi eahoiwe. Wakati mkune muaho, nigerieni mburi ili na ani iji nimuru kulita na kumtasa.⁹Baada ya ku-m-ko dilao, vekaendelea na ntambo kini, na ntondwe kini, na ntondwe hu veiahoe mashariki yeva-kaee mpaka ire-u-ma ana hodi m-inyi eahoiwe ho eata. ¹⁰wakati vareiaho ntondwe, vekakwa na kinyemi kigiru sha.¹¹Vekabuu minda na kumuaho m-inyi eahoiwe ni Mariamu lage kini. Vekamsujudia na kumtasa. vekage vishau kini, na kum-o zawadi za zahabu,uvumba na manemane. ¹²Kiumbi ekavasigira he kuoshwa wasikirii hakwe Herode, kwato vekahaka na kukirii he idi kini kwa kwalhi hali.¹³Baada ya kukwa waahaka, Malaika wa Dilao ekamlianyija Yusufu he kuoshwa na kuba, "Ka, mdori m-inyi ne lage kini na muuguluye Misri. Mheme are mpaka nivabaye, kwa ite Herode emdaa m-inyi ili amga-a. ¹⁴Ki a-ma ka Yusufu ekaka na kumdori m-inyi ne lage kini na kuguguluya Misiri. ¹⁵Eka hema are hadi Herode are ga. Ya iretimija hu chiyoiwe ni Dilao cho ee yoe kutahoya mlotezi, "kuli Misri naamse m-inyi gho.¹⁶Halafu Herode, are aho ite anyagahwa ni vahe vasomi,ekasanuiwa sana. ekasugha kuga-a-we Va-inyi vakabuna va kiagiru ve ata Bethehemu na vakabuna he ieneo hu ambavyo ve-e-lo umri wa miko minu na kudimi di kusoiana na wakati hu esibitishe kuli he hu vahe vasomi.¹⁷Niho ikatimijwa hu mburi ye yoiwe kwa m-o wa mlotezi Yermia, ¹⁸"Sauti ikakoika Ramah, kizoi na maombolezo magiru, Raheli ekuvazoiya va-inyi ku-u, na ekalhi kufarijiwa, kwa ite tevehata wa."¹⁹Herode arega, wesia malaika wa Dilao ekamlianyija Yusufu he kuoshwa are Misri na kumba, ²⁰"Kaa mdori m-inyi ne lage kini, mso he idi la Israeli kwa ite hu vekudaa uzime wa m-inyi vaa ga. ²¹"Yusufu ekaka, ekamdori m-inyi hawe ne lage ku-u, vekalita he idi la Israeli.²²Mira areko ite Arikebu ekutawala Yuda hodi ha aba kini Herode, ekaogoha kuso are. Baada ya Kiumbi Kiumbi kumsigira he kuoshwa, akahaka kuso mkoa wa Galilaya na ²³ekaso kuhema he mwang'a usewe Nazareti. Ya litetimija hu chee yoiwe kwa kwalhi ya ulotezi ite enesewe Mnazareti.

¹He hu ma-aze Yahana Mbatizaji ekalita ekubirikira he roro ya Yuda akuba, ²"Votekeni kwa ite Udilao wa mbinguni uata sina. ³"Kwa ite ya ni-u ee-yoiwe ni mlotezi Isaya ekuba, "Sauti ya mhe ese kuli jangwani; 'keni tayari kwalhi ya Dilao, bo-ini hoenetahoya u.⁴Iji Yohana e-oroye mafoya ya ngamia na mkanda wa bulhe he kiuno ku-u. Viaghu ku-u nee nzige na na-a ya ngweza. ⁵Halafu Yerusalemu, Yuda kabuna, na ieneo ikabuna lijunguluka mharaza wa Yordani vekaso haku-u. ⁶Vee kubatijwa ni-u he mharaza Yorodani ilai vekuvoteka makusa kini.⁷Mira are vaaho vakumure va mafarisayo na masadukayo vekulita haku-u kubatijwa, ekavabaiya, "Kune uzao wa bome ilo sumu niji evasigire kugugulu malhaha inelita? ⁸Sani matunda yedumu kuvoteka. ⁹Na msifikiri na kubaiana hawe kune, "tulo Ibrahimu sa aba kanu; kwa ite nimubaya Kiumbi emuru kumka-a ya Ibrahimu vainyi hata kuli he masaheru ya.¹⁰Tayari ihoya laakewe he majindo ya mhatu. Kwato kila mhatu usisa matunda makulho unetewe na kubibiwe he mwalha. ¹¹Niva batija he mai kwa kwalhi ya kuvoteka. Mira ka enelita baada ya ani ni mgiru kuliko ani na ani sistahili hata kuti-i viratu ku-u. Ka enevabatija kwa Swaho takatifu na kwa mwalha. ¹²Na iheteo ku-u li ata hemheregha ku-u na kuonti kabisa uwanda ku-u na kukusanya ngano ku-u heighala. Mira eneyalhaha makapi kwa mwalhaambao teumuru kuga.¹³Halafu Yesu ekalita kuli Galilaya mpaka mharaza Yordani kubatijwa ni Yohana. ¹⁴Mira Yohana ekadumu kumzuia ekuba, "Ani nidumu kubatijwa ni ari, na ari ulita hagho?" ¹⁵Yesu ekajibu ekaba, "Robi ikwato wajiji, kwa ite ndicho chidumuwe kuitimiza haki kabuna." Halafi Yohaha ekadumu¹⁶Baada ya kubatijwa, Yesu ekali he mai, na wesia, Mbingu jikaghubuka haku-u. Na ekamuaho Swaho wa Kiumbi ekudimi kwa mfano wa sua na kuta-a ana ku-u. ¹⁷Wesia, sauti ikali mbinguni ikuba, "Ya ni m-inyigho nimdumuye. Ni mlhamuiwe sana u.

¹Halafu Yesu eka kaeijwa ni Swaho mpaka jangwani ili agaliwe ni Ibilisi. ²Elhatie kwa ma-a-ze mirongo mihai na-a-ma na chakako ekapata kela. ³Mzaghesha ekalita na ku-m-baya, Kai ari um-inyi wakwe Kiumbi, yabae ya masaheru yakwa mkate, ⁴"Mira Yesu ekamlandula na ku-m-ba,"Hegondiwe, 'Mhe tekaheme kwa mkate mjenye bi, mira kwa kila mburi ineli he m-o wa Kiumbi."⁵Halafu ibilisi ekamti-i he mwanga mtakatifu na kum-ke hodi ha ana sha he minda ya Kutasia, ⁶na kum-ba, "kai ari um-inyi wa kiumbi, "Kubibi di, kwaite hegondiwe , 'enevabaya malaika ku-u valita vakusamate, ' na kukuti-i na miheregha kini ili use-e kuhiri musame ke hei saheru.⁷Yesu ekam-ba, 'Usimgheshe Dilao Kiumbi ke. ⁸"Halafu ibilisi ekamdori na kumti-i hodi ha ana sha ekam-a ija udilao mkabuna wa idi na mahiku ku-u makabuna. ⁹"Ekam-baya. "Nineku-o vigi vikabuna ya ukunisujudia na ukunitasa."¹⁰Halafu Yesu eka-m-baiya, So ke uhaka i-i, Shetani! kwaite hegondiwe, "Tudumuwe kumtasa Dilao Kiumbi ke, na unyamarikie ubi mwenye. ¹¹"Halafu ibilisi ekamro, na wesia malaika vekalita vekamnyamarikia.¹²Basi yesu areko ite Yohana a darawe, akahaka mpaka Galilaya. ¹³Ekahaka Nazareti ekaso na kuhema Kaperanaumu, iata kakera ya Bahari ya Galilaya, he mihaka ya majimbo ya Zabuloni na naftali.¹⁴Ya lilianye kutimija hu che-yoiwe ni Mlotezi Isaya, ¹⁵"He mwang'a waabuloni na mwang'a wa naftali, kuso baharini, chaouju ya Yorodani, Galilaya ya wamataifa! ¹⁶Vahe vezokodie he kidughu vauaho mwangaza mgiru, na hu vee zokodie he maeneo ya kijue cha kigato, ana kini mwangaza wavamurikia.¹⁷Kuanzia wakati ka Yesu ekavoka kubirikira na kuba, "Votekani, kwa ite Udilao wa mbinguni uata sina."¹⁸Ata ekudaha kakerakakera ya Bahari ya galilaya, ekava aho vabahu vanu, Simoni ee kusewe Petro, ne Andrea kaka ku-u, vekulowa nyavu baharini, kwa ite ne vavuvi va samaki. ¹⁹Yesu ekavaba, "Litani mnidose, ninevaboi kukwa vavuvi va vahe. ²⁰"Mara we vekaro nyavu na kumdosa.²¹Ne Yesu ata ekuendelea kuli ata ekava aho vabahu vanu vahali, Yakobo m-inyi wakwe Zebedayo, ne Yohana kaka ku-u. Vee ata he mtumbwi hawe ne Zebedayo, ne Yohana kaka ku-u. vee ata he mtumbwi hawe ne Zebedayo aba mkini vee kushona nyavu kini. Eka vase, ²²na mara we vekaro mtumbwi ne aba mkini nau vekamdosa.²³Yesu eesoe karibia Galilaya kabuna, ekuhiniza he masinagogi kini, ekubirikira injili ya udilao, na eku-uti kila aina ya vurukao na marukao hasi hasi he vahe. ²⁴mburi ku-u jikaenea he siria kabuna, na vahe vekavagera haku-u hu vakabuna ve-e kuru vurukao mbalimbali na kulhaiwa, velo marukao makumure na kulhaishishwa, ve-elo m'pepo na velo kifafa na vesaruishishwe Yesu ekava uti. ²⁵Vahe vakumure vekamdosa kuli galilaya, na Dekapoli, na Yerusalemu na Uyahudi na kuli chaoju ya Yorodani.

¹Yesu are aho ukumure, ekahaka na kuso he ngori. Ata ezokodie di, vahina ku-u vekalita haku-u. ²Ekaghubula m-o ku-u na kuvahinisha, ekuba, ³"Keba ve masikini va shwaho kwaite udilao wa mbinguni ni mkini. ⁴Keba velo vuhuye, kwa ite venekengerejwa.⁵Keri velo upole, kwaite venepala idi. ⁶keba velo kela na kasu ya haki, kwaite ka venekutiwe. ⁷keba velo rehemakwaite venepata Rehema. ⁸keba velo shwaho i-akue kwa ite venemuaho Kiumbi⁹Heba vapatanishi, kwaite ka venesewe vai-inyi va Kiumbi. ¹⁰Keba hu venyamarishwa kwa mburi ya haki, kwaite Udilao wa mbinguni ni mkini.¹¹Keba kune ambavo vahe vene mu-olhu na kumutesa, au kuba kila aina ya ukusa hakaghu kwa mambeza kwa ajili gho. ¹²Lhamuiwani na kinyemi, kwaite thawabu kaghu ni giruana mbinguni. Kwaite ya nicho vahe vevasumirije valotezi vehemie kabla kaghu.¹³Kune ni mnaro wa dunia. Mira iji mnaro ukulahati kulhamu ku-u, inemuruika kimomo kuwa mnaro hu mjenye? Neri teika muru kukwa kulho kwa kigi kihali chochose kahali, ila bi kubibiwe kaga na kudahawe na masame ya vahe. ¹⁴Kune ni nuru ya idi. Mwang'a ukwaiwe ana he ngori teukufisika.¹⁵Neri vahe tevekati kijari na kuchike di he kiteju, mira he kinara, nacho chivaangaza vakabuna veata za minda. ¹⁶Roni nuru kaghu iangaze mbele ja vahe kwa namna ambayo ite, veneoaho miboire kaghu mikulho na kumtogola Aba kaghu eata mbinguni.¹⁷Msifanyanye nilitie kuioni sheria wala Valotezi. Silitie kuoni mira kutimija. ¹⁸Kwa kweri nimubaya ite mpaka mbingu na dunia kabuna jitaho tehelo yodi we neri nukta we ya sheria ineka-awe he sheria hadi ata kila kigi chinekwa cha-akita kutimijwa.¹⁹Kwato wowose enepu amri kitutu neri we ya amri ya na kuvahiniza vahali kubo-i kacho enesewe mgitutu he udilao wa mbinguni. Mira wowose enejidara na kuhinisha enesewe mgiru he udilao wa mbinguni. ²⁰Kwaite nimubaya haki kaghu ikusa-azidi haki ya vegonda na mafarisayo, kwa vyovyose hu temkabuu he udilao wa mbinguni.²¹Mkoe iyoiwe kae ite, "usiga-a" na 'wowose ega-a eata he hatari ya hukumu.' ²²Mira nimubaya wowose emsanuiwa mbahu ku-u enekwa he hatari ya hukumu. na wowose em-baya mbahu ku-u ite , ' Ari u mhe usiye!' enekwahe hatari ya baraza. Na wowose eba, 'Ari kirundu' enekwa he hatari ya mwalha wa jehanamu.²³Kwato kai ugu sadaka ke he madhabahu na ukahulha ite mbahu ke elo mburi yoyose na ari , ²⁴iro sadaka mbele ya madhabahu, halafu dara kwalhi ke. Mze patana ini na mbahu ke, na halfu ulita kugu sadaka ke.²⁵Patana na mshitaki ke upesi, mwe-ata hawe kwalhi kuso mahakamani, kaisicho mshitaki ke emuru kukuro he miheregha ya hakimu, ne hakimu akuro he miheregha ya asskari, na ari unebibiwe he igereza. ²⁶Amini nimubaya, neri tukarowe huru mpaka ukwa waa riha senti ya mwisho ya hera udaiwa.²⁷Mwaako iyoiwe ite, 'usizini.' ²⁸Mira nimubaya wowose enemuwesia mlage kwa kumtamani enekwa a-azini na-u he shwaho ku-u.²⁹Na kai i-ila ke la kuume likubo-i kukuma kisatu, limg'ofule na ulibibi uda na ari. Kwa ite ni keba kigi kiwe hemsa ke kionike kuliko msa mzime kubibiwe he jehanamu. ³⁰Na kai mheregha ke wa kuume ukuboi kuhiri, ute halafu uze ubibi uda na ari. Maana ni keba kigi kiwe he msake kionike kuliko msa mzime kubibiwe jehanamu.³¹Iyoiwe kahali, wowose enemu-uguluti mlage ku-u, na am-o hati ya talaka. ' ³²Mira ani nimubaya, wowose ane mro mlage ku-u, komobi kwa mburi yazinaa, embo-i akwa mzinzi. Ne wowose enemdoribaada ya kuowe talaka ebo-i uzinzi.³³Kahali, mwa-ako heyoiwe kwa hu va kae, 'Msiape kwa mambeza, bali ti-i-ni viapo kaghu hakwe Dilao. ³⁴'Mira nimuba, msiape hata kabwesu, chikwa he mbingu, kwaite, ni enzi ya Kiumbi; ³⁵wala kwa dunia, maana ni hodi maana ni hodi hakukeya kikire cha kudahaya majato ku-u, au he jerusalemu, kwaite ni mwang'a wa mfalme mgiru.³⁶Neri usiape kwa m-a ke,kwaite tumuru kubo-i lu-alhu muwe kuwa u-aku kana mkuhame. ³⁷Mira miyoiye kaghu ikwa, 'eee,eee, hai, hai.' kwaite yenetaho ka yeli hehu mkusa.³⁸Mwaako iyoiwe ite, 'I-ila kwa i-ila, na i-iki kwa i-iki. 'Mira ani nimuba, msihimane na mhe mkusa; ³⁹Mira mhe ekukuma he ishavu la kuume mkiritie na ihali nalo.⁴⁰Na kai wowose edumu kuso na ari mahakamani na ekakula nkanzu ke, mroe na ijoho nalo. ⁴¹Na wowose enekulazimisha kuso na-u maili we, so na-u maili nu. ⁴²kwa wowose enekuombeja m-oe, na usee m-i wowose edumu kukuopa.⁴³Mwaako heyoiwe, 'Umdumu jirani ke, na umsanuiwe adui ke.' ⁴⁴Mira nimubaya, vadumuni maadui kaghu, Vatasieni ve muuzi, ili kuba mukwa va-inyi va kwe aba kaghu eata mbinguni. ⁴⁵Kwaite ebo-i ka-aze keangaza vakusa na vakulho, na evasi-ijija mare vakusa na vakulho.⁴⁶Kai mkuvadumu vevadumue kune, mnepata thawabu mina? Mbona vezadara ushuru tevebo-i to? ⁴⁷Na kai mkuvaholu vabahu kaghu bi mnepata kiahoni kuliko vahali? He! vahe va mataifa tevebo-i to-to? ⁴⁸Kwato mudumuwe mukwa vakamirifu, se Aba kaghu wa mbinguni cho emkamirifu.

¹Wesi-ishisha usiboi vigi vikulho he vahe ili kukuaija, kwa kuboito tukapate thawabu kuli he Aba eata mbinguni. ²Kwato iji ukugu usima tarumbeta na kukutogola mwenye sa vanafiki cho vebo-i he masinagogi na he mitaa, nesa ite vahe vavatogole. Kweri nimubaya vaaheja kudoria thawabu kini.³Mira ari ukugu, mheregha ke wa kumoso usi-ile chibo-iwe ni mheregha wa kuume, ⁴Nesa kuba zawadi ke zawadike iguwe kwa siri. Niho Aba -mke eaho sirini eneku-o thawabu ke.⁵Na ukukwa utasa, usikwa sa vanafiki, kwa ite vedumu ku-uma na kutasa he masinagogi na he kona ja mitaani ili kuba vahe vavawesie. Kweri nimubaya vaaheja kudoria thawabu kini. ⁶Mira ari, ukutasa, buu chumbani. Lhati luhige, na utase hakwe Aba mkaghu eata sirini. Niho Aba mke eaho sirini eneku-o thawabuke. ⁷Na ukukwa utasa, usikirie-kirie mburi jisilo maana sa mataifa cho vebo-i, kwa ite vefanyanya ite venesikijwa kwa ite velo mburi kumure jo veyo.⁸Kwato, usikwa sa vo, kwaite Aba mke, ereile cho udumu hata usinaso kwa ombeja haku-u. ⁹kwato tasa to: Aba mkanu uata mbinguni, ulitogole ilhe ke. ¹⁰Udilao ke ulita, hucho udumuisha chibo-ike i-i duniani sa are mbinguni.¹¹Utu-o wa-i mkate kanu wa kila i-aze, ¹²utuhereje madeni kanu, sa nne cho tuvahereja vadeni kanu. ¹³Na usitugera he maghesho, mira utuhakanyishe kuli hehu mkusa.¹⁴Kai mnevahereja vahe makusa kini, Aba mke eata mbinguni na-u enevahereja kune. ¹⁵Mira kai temkavahereje makusa kini, neri Aba mkaghu tekamuhereje makusa kaghu.¹⁶Kutaho vikabuna, ukunekwa ulhatie, usiaije vubasa vya vuhuye sa vanafiki cho vebo-i,n kwa ite vekoma vubasa kini ili ite vahe vava-ile ite velhatie. Kweri nikubaya, vaaheja kudoria thawabu kini. ¹⁷Mira ari ukukwa ulhatie, lhomi malhoma he m-a ke na u-onti vubasa ke. ¹⁸Kwato techikakuaije ha vahe ite ulhatie, mira bi inekwa he Aba ke eata hekufisie. Ne Aba mke e-aho hekufisie, eneku-o thawabu ke.¹⁹Usikukee hazina ke mwenye i-i duniani, kwaite nondo na nkutu ji-oni, na vagwalovepu na kugwa. ²⁰Badala ke jitunzie hazinake mwenye mbinguni, kwaite nondo neri nkutu tejimuru ku-oni, neri vagwalo tevemuru kupu na kugwa. ²¹Kwaite hazina ke ho iata, niho na shwaho ke inekwa iata naho.²²I-ila ni kijari cha msa. kwato, kai i-ila ke ni izime, msa mkabuna uneangajwa ni nuru. ²³mira kai i-ila ke ni ibovu, msa ke mkabuna uhue kidughu kigirusha. Kwato, kai nuru iata za hake ni kidughu kweri, ni kidughu kigirusha kimomo? ²⁴Tehelo neri muwe enemuru kuvatumikia madilao vanu,kwaite enemsanuiwa muwe na kumdumuisha mhali, kana sicho enekuguisha he muwe na kumnyagaha mhali. Temkamuru kumtumikia Kiumbi na Uzuri.²⁵Kwato nikubaya,usikwa na futofuto he kuhema ke, ite une-a ahoni kana unewaha ahoni, kana ite msake, uneoro ahoni. He kuhema si zaidi ya vi-aghu nazaidi ya mioroire.? ²⁶Wesia madeghe eata ana. Tevelha neri te-e-luka na te-ekusanya na kuke hemaghala, Mira Aba kaghu wa mbinguni evapasi vo. He kune siva samani sha kutaho vo?²⁷Ivi niji hakaghu kune kwa kukunyamarisha emuru kukuongeja dhiraa we he uzime wa kuhema ku-u? Na iji kwa ahoni mlo futofuto he mioroire? ²⁸Fanyanya he malua he mbuva, cho yekwae. teebo-i nyamalo na teemuru kuku oroija. ²⁹Bado nimubaiya, hata Sulemani he utukufu ku-u teoroijwe sa neri iwe laya.³⁰Kai Kiumbi e-oroja mahako he mbuva, ambayo yedumu I-aze iwe na lhenu yebibiwe he mwalha, he kwa kiasi mina enemuoroija kune, kune mlo imani gitutu? ³¹Kwato msikwa na futofuto nakuba, 'He tunea ahoni?' kana "He tunewaha ahoni?" kana "He tune-oro gomae mina?"³²Kwa ite mataifa vedaa mburi ya, na Aba kaghu wa mbinguni ereile ite mdumue kayo. ³³Mira kabosi da-ani Udilao ku-u na haki ku-u na ya makabuna uneyaowe. ³⁴Kwato, usiaho futo kwa ajili ya lhenu, kwaite lhenu inekunyamarikia njenye. Kila I-aze litosha kukwa na mburi ku-u njenye.

¹Usipa-aye, na ari usee pa-aiwa. ²Kwa mipa-aire yo upa-a, na ari unepa-aiwa. Na kipimo cho unepima na ari unepimijiwa kacho kacho.³Na kwa ahoni uwesia kabasi ka mhatu keata he i-ila la m-bahu ke, mira tuilie kihindi cha igogo ambalo liata he i-ila ke? ⁴Umurumo kuyo he m-bahu ke, ro nikuka-aiye kihindi chiata he i-ila ke? ⁵Mnafiki ari; bosi ka-a ihindi liata he i-ila ke, niho iji unemuru kuaho kikulho na kuchika-a kihindi cha mhatu chiata he i-ila la mbahu ke.⁶Usiva-o madie hu kitakatifu, na usijibibie gu-a lulu mbele kini. kahali veneji-oni na kujidaha kwa masame, na iji jinekukiria na kukukwara kwara vihindi hindi.⁷Ombeja, na ari uneowe. Daa, na ari unepata. Uba mbwanye, na ari unelhaiwa. ⁸Kwa wowose eneombeja, edoria. Na kwa wowose edaaija, epata. na he mhe ambaye eba mbwanyeni enelhaiwa. ⁹Kana helo mhe hehakaghu kaghu, m-inyi ku-u enemwombeja kipande cha mkate enem-o isaheru? ¹⁰Kana kai enemwombeja samaki, na u enem-o bome?¹¹Kwato, kai kune muvakusa mreile kuva-o va-inyi kaghu zawadi kulho, he ni kiasi mina sha Aba eata mbinguni enemu-o vigi vikulhohu vemuombeja u? ¹²Kwa sababu ka, ukunedumu kubo-iwa kigi chochose ni vahe va hali, na ari iji inekudumu kuvabo-ia wato-oto. Kwa ite ka ni sheria na valotezi.¹³Buuni, kwa kutahoya, he igeti isisiri. Kwaite igeti igiru na kwalhi giru inemuerekeja he kuonika, na helo vahe vahe vangi vetahoa kwalhi kayo. ¹⁴Igeti ni isisiri. Igeti isisiri ni kwalhi ierekeje he uzime na ni vaghere vemuru kuiaho.¹⁵Mkwa chonjo ne valotezi va mambeza, velita ve-oroe bulhe ya i-alu, mira kweri mangugwa makai. ¹⁶Kwa matunda kini mnevaile. He vahe vemuru kudaa matunda he mihatu ya ilo milhae, kana mtini ulo mbeyu ya mbaruti? ¹⁷Kwa mburi ka, kila mhatu mkulho unesa matunda makulho, mira mhatu mkusa unesa matunda makusa.¹⁸Mhatu mkulho teumuru kusa matunda makusa, wala mhatu mkusa teumuru kusa matunda makulho. ¹⁹Kila mhatu hu usisa matunda makulho unetewe na kubibiwe he mwalha. ²⁰Kwato iji, unevaile kutahoya matunda kini.²¹Sio kila mhe enise, 'Dilao,Dilao,' enebuu he udilao wa mbinguni, mira ni hubi ebo-i huchidumuwe ni Aba gho eata mbinguni. ²²Vahe vangi veneniba ka i-aze, Dilao, Dilao, tetugue ulotezi kwa ilhe ke, tetugue m'pepo kwa ilhe ke, na kwa ilheke tukabo-i miboire mikumure migiru? ²³Niho ninemuba wazi, 'sivailie kune! Hakani hagho, kune m-bo-i makusa!'²⁴Kwato, kila muwe ikoe mburi gho na kuidosa ene toti sa mhe elo viugho ekakwa minda ku-u ana ya mwamba. ²⁵Mare ikasi, mafuriko yekalita, na sa-a ikalita na kui-ma minda ka, mira teimuruye kulhu, kwa ite yeekwaiwe ana ana he mwamba.²⁶Mira kila mhe ekoye mburi gho ekaro-kuidosa, enetotijwa na mhe kirundu ekwae minda ku-u ana he mpulhe. ²⁷Mare jikalita, mafuriko yekalita na s-a ikalita na kuima minda ka. Na ikalhu, na kuonika ku-u kukaheja.²⁸Ukahe wakati ambao Yesu erefi kuyo mburi ya, makutano vekashangajwa ni mahinizi ku-u, ²⁹kwa ite ekuhiniza sa mhe elo udilao, na si sa vaandishi kini.

¹Too Yesu aredimi di kuli he ngori, umati mgiru ukamdosa. ²Wesia, mkoma ekalita na kusujudu mbele ku-u, ekaba, Dilao kai unedumu, unemurukunibo-i nikwa ni-aku". ³Yesu ekanyoosha mheregha ku-u na kumdoa, ekuba, "na-adumu. U-aku." Ata ata ekautiwe ukoma ku-u.⁴Yesu ekavaba, "Wesia ite usiyo he mhe wowose. Dori kwalhi ke, na uze-kuaija mwenye he kuhani na uzegu zawadi, kwa ajili ya ushuhuda hakini.⁵Ata Yesu areahe Kapernaumu, Jemedari ekamlitia na kumlhasu ⁶ekuba, "Dilao, mnyamalo gho ebodie ang'a apooza na elhaishishwa kikusa." ⁷Yesu ekam-ba, "Ninelita kum-uti".⁸Jemadari ekalandula na kum-ba, "Dilao, ani si wasamani hata ulita na kubuu za he mi-a gho, yo mburi bi na mnyamalo gho ene-utiwe. ⁹Kwa ite hata ani ni mhe nilo ugiru, na nilo vaaskari ve-ata digho. Nikuba heya "So" na etaso, na hemhali "lita" na-u elita, na he mnyamalo gho, 'Bo-i to; na u eboi to" ¹⁰Too Yesu areko ya, ekashangazwa na kuvaba, sineraa-aho mhe elo imani sa ya he Israel.¹¹Nimubayani, vakumure venelita kuli mashariki na maghaeibi, venezokodi he mea hawe ne Abrahamu, Isaka, ne yakobo, he udilao wa mbinguni. ¹²Mira va-inyi va udilao venebibiwe he kidughu cha gana, henekwa na kuzoia na kushagha ma-iki." ¹³Yesu ekam-ba Jemaedari, "So! Sacho uhejije kuamini, na chiboike sacho hake". Na mnyamalo ekautiwe he saa wa hu.¹⁴Too Yesu arehe he minda yakwe Petro, akamwaho mkora ku-u ne Petro ebodie nee mrukao elo ihoma. ¹⁵Yesu ekamdoa mheregha ku-u, na ihoma likamro. halafu ekaka ekavoka kuvahudumia.¹⁶Na irehe chamagheri, vahe vekamgeria Yesu vakumure vetawaliwe ni m'pepo. Ekajiuguluti M'pepo na hu varukao ekava-uti. ¹⁷Kwa mburi ya yekatimijwa hu ye-eyoiwe ni Isaya mlotezi, "Hu mwenye edoria marukao kanu na ekati-i vuhuye kanu.¹⁸iji Yesu are-aho ikusanyiko la-amjunguluka, ekagu maerekejo ya kuso bwa hali wa Bahari ya Galilaya. ¹⁹Halafu mzagonda ekalita haku-u na kum-ba, "Mhinizi, nnekudosa hohose uneso." ²⁰Yesu ekamba, "Mangugwa velo mashimo, na madeghe ya ana yelo mashasha, mira m-inyi wakwe Adamu telo hodi hakubodija m-a ku-u.²¹Mhina mhali ekam-ba, "Dilao, niruhusu ini niso kumjika aba gho." ²²Mira Yesu ekam-ba, "Nidose, na uvaro vegae vajike vegae kini."²³Yesu arebuu he mtumbwi, Vahini ku-u vekamdosa he mtumbwi. ²⁴Wesia, ikalianya dhoruba giru ana he bahari, ite mtumbwi ukaghubikwa ni mawimbi. Mira Yesu eete gosha. ²⁵Vahini vekalita haku-u na kumka-a vekuba "Dilao, tuokoe nne, tunega!"²⁶Yesu ekavaba, "Kwa ahoni mko bughu, kune mlo imani gitutu?" Niho ekaka na kukemea hu sa na bahari. Halafu hekakwa na utulivu mgiru, ²⁷va-agiru vekadarawe mshangao vekaba, "Ya mhe niwa namna mina, ite hata sa-a na bahari vim-koya?"²⁸Kipindi Yesu ata arelita bwa mhali wa idi la magadala, va-agiruvanu ve-ekutianywa ni m'pepo vekahe na-u. Ata ve-ekulianya he makaburi na vekuboi vurugu kumure, kiasi ite tehelo mntambo enemuru kutaho he ka kwalhi. ²⁹Wesia, vekamabirikira na kuba, "Tulo ahoni cha kubo-i hake, m-inyi wa Kiumbi? Waalita i-i kutunyamarisha wakati usinahe?"³⁰Iji ikundi igiru la gu-a le-ekuta zeu, teve-ata udasha naho veata, ³¹M'pepo jikaendelea kumdengerekea Yesu na kuba. "Kai unetuamuru kuli, tuti-i he ikundi la gu-a. ³²"Yesu ekavaba, "Soni'' m'pepo jikavali na kuso he gua. Na wesia, ikundi ikabuna likadimi kuli hengori na kudimia baharini na kabuna jikagaya he ma-i.³³³⁴Va-agiru veekuzeu gu-a vekaugulu. Na vareaso hemwang'a vekayo kila kigi kigiru huchilianye he vaagiru vetawaliwe ni mapepo. Wesia ,mwang'a mzime ukalita kuhe ne Yesu. Varemwaho, vekamsemba ahaka mkoa kini

¹Yesu ekabuu he Iboti, ekataho na kuhe he mwang'a ho e-ekuhemaa. ²Wesia, vekamgeria mhe epooze ebodijwe hei tandiko, areiaho imani kini, Yesu ekambaya hu epooze, "Mui-nyi, ukwa na kinyemi, Makusa ke ya-aherejwa"³Wesia, Vahali va vahinishi va mi-iko vekabaiana vo kwa vo, "Ya mhe etakufuru" ⁴Yesu ekaile fanyanyi kini na kuba, "Kwa ahoni mfanyanya makusa he shwaho kaghu? ⁵Kihama ni kirahisi kuba, 'Makusa ke ya-aherejwa" kana kuba "Uma na udaha?' ⁶Mira m-ile ite mui-nyi wa =kwe Adamu elo uwezo wa kuhereja makusa..." eya yoe ya hehu epooze, "Uma, dori itandiko ke, na uso anng'a hake"⁷Niho hu mhe ekauma na kuhaka kuso ang'a ku-u. ⁸Makutano vare aho kayo, vekashangaa na kumtogola Kiumbi, ka evaoe uwezo ka vahe. ⁹Ne Yesu ata ekutaho kuli ata, ekamu-aho mhe ambaye ekusewe kwa ilhe la Matayo, ambaye ezokodiye hodi ya vedara ushuru. Nau ekam-ba, "Unidose ani" Nau ekauma na kumdosa.¹⁰Ne Yesu arezokodi ite a-a vi-aghu za he minda, vekalita vedara kodi vakumure na vahe vakusa veka-a vi-aghu hawe ne Yesu na vahini ku-u. ¹¹Niho Mafarisayo wereaho to, vekavaba vanafunzi "Kwa ahoni mhinizi kaghu e-a vi-aghu hawe na vedara ushuru na vahe vakusa?"¹²Yesu areyako ka, nau ekaba "Vahe velo na afya kulho tevedaa mkura, mira ehu varukao. ¹³Imudumu muso mrekuhiniza maana ku-u, "Nidumuishisha rehema na sio dhabihu" Kwaite ne-elitie, si ha velo haki vavoteke, mira he velo makusa.¹⁴Niho vahina vakwe Yohana vekamlitia na kuba, "Kwa ahoni nne na mafarisayo tulhati, mira vahini ke tevelhati" ¹⁵Yesu ekavaba, He vebabahaija harusivemuru kukwa na huzuni kai Mwagiru wa harusi ve-ata hawe? Mira ma-aze elitie to Mwagiru wa harusi enedoriwe kuli hakini, na niho venelhati.¹⁶tehelo mhe ebutu kiraka cha gomae sha he gomae ya kae, Kiraka chineka-aika kuli he gomae na kuka-aika kugiru kunelijanya.¹⁷Tehelo vahe veke mvinyo mvinyo msha he kikolhe cha mvinyo wa kae, kai venebo-i, bulhe ineka-aika, mvinyo unesuika na bulhe ineonika.Badala ku-u, kuke mvinyo msha he bulhe sha na vikabuna vinekwa salama.¹⁸Too Yesu ekuvabaya mburi ka, wesia, afisa ekalita ekasujudu mbele ku-u, Nau ekaba, "Mbora gho a-aga wa-i jijito, mira lita nesa uke mheregha ke ana ku-u na-u enehema wa. ¹⁹Niho Yesu eka-uma na kumdosa na vahina ku-u navo.²⁰Wesia, mlage ekuliwe ni sako kwa muda wa miko ikado na minu, ekalita sina he Yesu na ekamdoa hodi he ipindo la gomae ku-u. ²¹Kwaite e-ebae, "Kai nikumdoa gomae ku-u, na ani nineoaho uzime. ²²"Yesu ekageuka na kumwesia na kumba. "M-bora, ku-o shwaho, imani keyaakuboi u-u," Na muda ka-aka mlage ekapata uzime ata.²³Ne Yesu arehe he minda ya afisa, nau ekava-aho vema tarumbeta na umati wa vahe we-kutama kilondo. ²⁴Na u ekaba, "hakani i-i, kwa ite m-bora tegae, mira etegosha. mira vo vekasisi na kumkebehi.²⁵Na hu vahe vareguwe gana, nau ekabuu chumbani na kumdara mheregha ne m-bora ekaka. ²⁶Na mburi ya jikaenea he mwang'a mzime.²⁷Niho Yesu ekutaho kuli too, vaagiru vanu vipofu vekamdosa. Vekuta birikira kwa sauti vekuba, "Tukusemba uturehemu, M-inyi wakwe Daudi. ²⁸"Na too Yesu arehe he minda , hu vipofu vekamlitia. Yesu ekavaba, "Mniamini ite nimuru kubo-i?" Navo vekamba "Ee, Dilao"²⁹Niho Yesu ekadoa ma-ila kini na kuba" Naikwa hakaghu sa imani kaghu ikwae" ³⁰Na ma-ila kini yekaghubuka. Niho Yesu ekasigira ekavaamuru na kuba "Wesiani mhe wowose asi-ile mburi ya." ³¹Mira vahe ya vanu veka-haka na kubirikira mburi ya hodi hakabuna he mwang'a³²Niho hu vaagiru vanu veekutaso kini, Wesia, mhe muwe ibubu epagawe ni ipepo ekagerawe he Yesu. ³³Na m'pepo jiremli, hu mhe ibubu ekavoka kuyo. Umati ukashangazwa na kuyo" Ya teinara lijanya he Israel. ³⁴Mira mafarisayo veekutaba "Kwa vagiru va M'pepo euguluti mapepo.³⁵Yesu ekaso he miang'a mikabuna na vijiji. Na-u ekaendelea kuhiniza he masinagogi, ekubirikira Injili ya udilao, na ku-uti marukao ya kila aina na ubovu wa aina kabuna. ³⁶Too arewesia umati, na-u ekava-ahoya mbazi, kwaite ve-ekunyamrika na kupuika shwaho. Ve-ekwae sa ma-alu esilo mzemo.³⁷Na-u ekavabaya vahini ku-u. "Uluko ni mgiru, mira vanyamalo ni vaghere. ³⁸Kwato iji upesi mwombeni Dilao wa uluki, ili ite asugha vanyamalo he uluki ku-u.

¹Yesu ekavase vahini ku-u ikado na vanu hawe na kuvao mamlaka he m'pepo kusa, kujikemea na kujiuguluti na ku-uti mbari kabuna ja vurukao na marukao.²Malhe ya mitume ikado na minu niya. la bosi Simeoni(ambaye esewe Petro), ne Andrea kaka ku-u, Yakobo m-inyi wakwe Zebedayo, ne Yohana kaka ku-u: ³Filipo, ne Batelomayo, Tomaso, ne Matayo mzadara ushuru,Yakobo m-inyi wakwe Alfayo ne Tadeo, ⁴Simoni mkananayo, ne Yuda Iskariote, ambaye emsalitie.⁵Ya ikado na vanu Yesuekavasugha. Na-u ekavasigira ekuba "Msiso hodi vezoko vamataifa na mseebuu he mi-ang'a ya vasamaria. ⁶Badala ku-u, mso he ma-alu elahae ya minda ya Israel. ⁷Na mkuneso, birikirani na kuba, 'udilao wa mbinguni uatasina.'⁸Utini varukao, Fufuani vegae, takaseni velo ukoma na gugulutini m'pepo. Mmdoria bule, otini bule. ⁹Msidori dhahabu, almasi kana shaba he pochi kaghu, ¹⁰Usitii mfuko he ntambokaghu, kana gomae za jineshighala, viratu kana ndate, kwaite mnyamalo estahili viaghu ku-u.¹¹Mwang'a wowose kana, kijiji cho mnebuu, daani e-ye na mheme ata mpaka mkuhaka. ¹²Mkunebuu he minda holuni, ¹³na kai minda i-ye, amani kaghu iheme ata, mira kai minda tei-ye, amani kaghu ihaka hawe na kune.¹⁴Na he hu vesimudorie kune au kumusikija mburi kaghu, wakati mkuso he minda kana mwang'a ka, kuhum'punteni mavumbi ya nyayo kaghuhodin ata. ¹⁵Kweri nimubaya, inekwa ya kuye zaidi miang'a ya Sodoma na Gomora iaze la hukumu kuliko mwang'a ka.¹⁶Wesia, nimusugha sa ma-alu hasi na hasi he madie ya ngweza, ¹⁷kwato mukwa vaerevu sa bome na vapole sa huwa. Mukwa va angalifu na vahe, venemuti-i he mabaraza, na kumuma he masinagogi. ¹⁸Na mnegerawe mbele ya vagiru na Madilao kwa ajili gho, sa ushuhuda hakini na hemataifa.¹⁹Na to vekunemushutumu, msikwa na futofuto namna mina kana niahoni cha kuyo, kwaite kigi cha kuyo mne-owe kwa wakati waka. ²⁰Kwa ite sio kune neayo, mira Roho ya kwe Aba kaghu eneyo za kaghu.²¹Mbahu enemkaya mbahu ku-u kumga-a, ne aba he m-inyi ku-u. Vai-nyi veneka-aya veva-ahoye, na kuvasababishija kiga. ²²Na kune mnesanuwe ni kila mhe kwa sababu ya ilhe gho. Mira wowose enegumirija mpaka mwisho mhe ka eneokolwa. ²³Ata vekune mutesa he mwang'a ya, guguluni he mwang'a udosa, kwa kweri nimubaya, temkakwa mwaaso he miang'a mikabuna ya Israeli kabla M-inyi wakwe Adamu tenakirii.²⁴Mhini si mgiru kushinda mhinizi ku-u, neri mzasughawa eata ana ya Dilao ku-u. ²⁵Itosha he mhina kukwa se mhinizi ku-u. Na mzasughawa se Dilao ku-u. Kai va-amsee Dilao wa minda ya Belzabuli, ni kwa kiasi mina sha venevakashifu va minda ku-u!²⁶Kwato iji msivaogohe vo, kwaite tehelo mburi ambayo teikaghubulwe, na tehelo linematuika ambalo telika-ilike. ²⁷Hucho nimubaya he kidughu, mchiyo hee nuruni, na chomko kwa ulaini he malama kaghu, mchibirikire mkukwa ana he minda.²⁸Msivaogohe hu vega-a msa mira tevelo uwezo wa kuga-a swaho. Badala ku-u, mwogoheni huambaye emuru kuangamiza msa na swaho twai kujimu. ²⁹He kasuku vanu tejidiwe kwa senti kitutu? Hata to tehelo emuru kulhu atadi bila Aba kaghu kuile. ³⁰Mira hata idadi ya alhu kaghu jitariwe. ³¹Msikwa na futo, kwa ite mlo thamani kumure kutaho kasuku kumure.³²Kwato iji kira muwe enenikiri mbele ja vahe, na ani ninemkiri mbele ja Aba gho eata mbinguni. ³³Mira ka enenikana mbele ja vahe, na ani ninemkana mbele ja Aba gho eata mbinguni.³⁴Msifanyanye ite nilitie kugera amani duniani. silitie kugera amani, mira luhamba. ³⁵Kwaite nilitie kumke mhe ama-ane ne abaghe, na m-bora amaane ne mame kini. ³⁶Nkuru ya mhe inekwa vahe va ang'a ku-u.³⁷Ka emduishishe aba kana lage zaidi kuliko ani ka teniye. Na ka emdumuye mbwange kana m-bora sha kutaho ani ka teniye. ³⁸Ka esika ti-i msalaba na kunidosa ani teniye. ³⁹Ka enedaa uzime eneulahati. Mira ka eneyalahati uzime kwa ajili gho eneyapata.⁴⁰Ka enemukaribisha anikaribisha ani, na ka enikarishe ani amkaribisha ⁴¹mlotezi kwa ite ni mlotezi enedoria thawabu ja mlotezi. Na ka enemkaribisha elo haki kwaite ni mhe wa haki enedoria thawabu ja mhe wa haki.⁴²Wowose enempatia muwe wa vagitutu ya, hata kilita kiwe cha mai ya kuwaha isarue, kwaite u ni mhina, Kweri nimubayani, ka temuru kubeni kwa kwalhi yoyose thawabu ku-u.

¹Ikakwa baada yakwe Yesu kufi kuvaelekaja vahina ku-u ikado na vanu ekaka too kuso kuhiniza na kubirikira he miang'a kini, ²ne Yohana eeta he i gereza arekoiya mburi ja mibo-ire yakwe Kristo, ekasugha ujumbe kutahoya vahina ku-u, ³na kuvalhasu, "Ari ni hu elita, kana helo mhali tudumuwe tum-la-a?⁴Yesu ekalandula na kuba kini "Soni mze mtaarifu Yohana hu mya-ahoe na yomkoiya. ⁵Vahe vesiaho vemuru kuaho, viwete vedaha, vakoma vetakaswa, vahe vesiko, vekowa, vahe vegae vefufuliwa na kupata uzime, na vahe vehitaji vebirikiwa mburi kulho. ⁶Na keba hu esiaho futo he ani.⁷Too bi vahe ya varehaka, Yesu akavoka kuyo na umati ana yakwe Yohana, "Ni ahoni msoe kuaho he jangwa__tete likukushwa ni Sa-a? ⁸Mira niahoni mwesoe kuaho__mhe e-oroe gomae mololo? Kweri, hu veoro-o gomae mololo huhemaa he minda ja madilao.⁹Mira mkae kuaho ahoni-Mlotezi? Eee, nimubaiya, na zaidi ya Mlotezi. ¹⁰Ya ni-u e-egondi-iwe, 'Wesia, nimsugha mjumbe gho mbele ya vubasa ke, ambaye eneandaa kwalhi ke mbele ke.¹¹Ani nimubaya kweri, he ve-ahoiwe ni valage tehelo emgiru kutaho yohana Mbatizaji. Mira emgitutu he udilao wa mbinguni ni mgiru kutaho u. ¹²Kuvokia ma-aze ya kwe Yohana mbatizaji mpaka wai-jiji, udilao wa mbinguni niwa nguvu na vahe velo nguvu, veudori kwa nguvu.¹³Kwa ite valotezi na sheria, vekatabiri mpaka he Yohana. ¹⁴Na kai muata tayari kudumu, ya ni Eliya, hu enelita. ¹⁵Elo na malama ya kukoiya na ako.¹⁶Nichifananishe na kiahoni kizazi ya? Ni mfano wa va-inyivelhalhaha hodi ha kihoja, vezokodi na kuseana ¹⁷na kuba, 'Twe-evamae zomari na techezie. Twaa omboleza, na temrezo.¹⁸Kwa ite Yohana elitie te a-e mkate kana kuwaha mvinyo, na vekaba veba, 'Elo m'pepo.' ¹⁹M-inyi wa kwe adamu elitie eku-a na kuwaha na vekaba 'Wesia, ni mhe mkoko na mlevi, msaho wa vedara ushuru na velo makusa' Mira viugho viaijwa he mibo-ire ku-u.²⁰Yesu evokie kuijoghoya miang'a ambayo miboire kini mihali mikusa yekubo-ika, kwa ite teve-ena voteka, ²¹Si ile mwenye, Kolazini,si-ile Bethsaida! Kai mibo-ire migiruyetebo-ika Tiro na Sidoni hu yeboike i-i, nanga vana-voteka kae kwa kuoro magunia na kukulhomi ma-ore. ²²Mira inekwa sumiriji he Tiro ne Sidoni iaze la kupa-aiwa kutaho hake.²³Ari, Kapernaumu, ufanyanya uneka-awe mpaka mbinguni?Hai unedimiriwe mpaka di kujimu. Kai Sa he sodoma he tebo-ika m, ibo-ire migiru. kai iboike hake, yeseekwae sa hakeyeseekwae iata mpaka wa-i. ²⁴Mira niba hake ite inekwa rahisi he idi la Sodoma ku-uma iaze la kupa-aiwa kutaho ari.²⁵He muda ka yesu ekaba, ''Nikutogola ari, Aba, Dilao wa Mbingu na di, kwaite weva-fisie mburi ya velo vi-ugho na kuile, na kuyaghubula he vesilo elimu, Sa va-inyi vagitutu. ²⁶Aba kwaite yekupendeze to he maila ke. ²⁷Mburi kabuna jikabiziwe hagho kuli ha kwe Aba. na tehelo em-ililiye M-inyi mira Aba, na tehelo em-iliye Aba mira M-inyi, na wowose ambaye m-inyi elo kise cha kum-aija.²⁸Litani hagho, kune vakabuna mnyamarishwa na mlemewa ni mijigho migiru, na ani ninemupunzija, ²⁹Kuoroni nira gho na mkuhine hagho, kwa ite ani ni mnyenyekeri na mpole wa shwaho na mnepata pumzikola nafsi kaghu. ³⁰Kwa ite nira gho ni laini na mjigho gho uhuha.

¹Wakati ka Yesu ekaso i-aze la sabato kutahoa he mbuva. Vahina ku-u ve-elo na kela na vekavoka kuyapu masuke na kuya-a. ²Mira mafarisayo vare-aho to, vekam-ba Yesu "Wesia vahini nke ve-oni sheria vebo-i esidumuijwa iaze la sabato"³Mira Yesu ekavaba, "Temsomie hucho Daudi cho ebo-iye, to elo na kela, hawe na vahe eelo navo? ⁴Hucho ebu-uye za he minda ya Kiumbi na ku-a mikate ya wonyesho, ambayo teyekudumuwe u ku-ia na hu eelo navo, ila ni halali he makuhani.?⁵Bado temna soma he sheria, ite he i-aze la Sabato makuhani za ya Ihekalu veinajisi Sabato, mira tevelo hatia? ⁶Mira naba hakaghu ite em-giru kutaho hekalu eata i-i.⁷Nanga mwe-eiliye ite ya imaanisha kiahoni; nidumu rehema na sio dhabihu; Temwesee vapa-aya vesilo hatia, ⁸Kwa ite M-inyi wa kwe Adamu ni-u Dilao wa sabato."⁹Halafu Yesu ekali to ekaso he sinagogi kini. ¹⁰Wesia heelo mhe epooze mheregha. Mafarisayo vekamlhasu Yesu, vekuba. "he ni halali ku-uti i-aze la Sabato?" ili ite vamuru kumshitaki kwa kubo-i makusa.¹¹Yesu ekavaba, "niji hakaghu, ambaye kai elo i-alu iwe, na ka i-alu likalhu za he ishimo iaze la sabato, tekalidara na kuligu kwa nguvu za heishimo? ¹²He, nikiahoni cha samani, zaidi kwani, si zaidi ya i-alu! Kwato ni halali kubo-i makulho i-aze la Sabato.¹³Halafu yesu ekamba hu mhe, "Nyoosha mheregha ke" Ekaunyoosha, na ukapata afya, sa hu mhali. ¹⁴Mira mafarisayo vekali gana na vekapanga jinsi ya kumwangamiza, vekaso gana kupanga kinyume ku-u. vekakwa vedaa jinsi ya kumga-a.¹⁵Yesu areile ya ekahaka ata. Vahe vakumure vekamdosa, na ekava u-ti vakabuna. ¹⁶ekavasigira waseero ekai-likana he vahali, ¹⁷Nesa itimie hu kweri, yeeyoiwe ni mlotezi isaya ekuba,¹⁸Wesia mtumishi gho nimsaghure, mzadumuwa gho, he u nafsi gho yaapendejwa. Nineke Swaho gho ha ku-u, enebirikira kupa-aiwa ha Mataifa.¹⁹Tekanyamarike wala kuzo kwa nguvu; wala enekwa wowose kuko sauti ku-u mitaani. ²⁰Tekapu tete lizubulwe; tekaga-a utambi wowose ugu moshi, mpaka ekunegera hukumu ikushinda. ²¹Na mataifa venekwa na ujasiri he ilhe ku-u.²²Mhe fulani kipofu na ibubu, epagawe ni m'pepo ekagerawe mbele ja yesu. Ekam-uti, hawe na matokeo ya ite mhe bubu akayo na ku-aho. ²³Makutano vakabuna vekamawe ni lundolo na kuba, "Imuruika mhe ya kukwa m-inyi wakwe Daudi?"²⁴Mira halafu Mafarisayo vareko muujiza ya, vekaba, "Ya mhe tegu m'pepo kwa nguvu ku-u mwenye mira kwa nguvu ja Belzebuli, mgiru wa m'pepo. ²⁵Mira Yesu ee-iliye fikra kini na kuvabaya, "Kila udilao ukakanyike mjenye u-onika, na kila mwang'a kana minda ikakanyika njenye teika uma.²⁶Kai Shetani, enemka-a Shetani, basi ekupinga he nafsi ku-u mwenye. ²⁷Ni namna mina udilao ku-u une-uma? Na kai nigu m'pepo kwa nguvu ja Belzebuli, vemudosa kaghu muvagu kwa kwalhi mina? kwa ajili ya venekwa mahakimu kaghu.²⁸Na kai nigu m'pepo kwa nguvu ja Roho ya Kiumbi, basi udilao wa Kiumbi walita hakaghu. ²⁹Na mhe emurumo kubuu za ya minda elo nguvu na kugwa, esina m-oro elo nguvu ini? Niho anagwamari ku-u kuli za he minda. ³⁰Wowose esiata hawe na ani eata kinyume na ani, nau esi tutanya hawe na ani ka etawanya.³¹Kwato niyo hakaghu, kila kukusa na kubera vahe mnevotekeshwa. ila kum-bera Roho Mtakatifu temkavoteshwe. ³²Wowose eyo Mburi kinyume na M-inyi wakwe Adamu, ka enevoteshwa. Mira wowose eyo kinyume na Roho Mtakatifu, ka tekarevoteska, he ulimwengu ya kana hu ulitie.³³Kana uboi mhatu kukwa mkulho na itunda ku-u ikulho, kana u-uoni mhatu na itunda ku-u, kwa ite mhatu u-ilika kwa itunda ku-u. ³⁴Kune kizazi cha bome, kune ni vakusa, m-murumo kuyo mburi ji-ye? Kwaite m-o uyo kuli he hakiba ya yeata he swaho. ³⁵Mhe mkulho he hakiba ya makulho ya swaho ku-u heli makulho, na mhe mkusa he hakiba ya ukusa wa swaho ku-u, egu kikwae kikusa.³⁶Nimubaya ite he i-aze la hukumu vahe venegu hesabu ya kila mburi isilo maana yo veyoe. ³⁷Kwa mburi ke unetaraiwa haki na kwa mburi ke unepa-aiwa."³⁸halafu baadhi ya vaandishi na Mafarisayo vekamjibu Yesu vekuba "Mhinizi, tweekudumu kuaho ishara kuli hake," ³⁹Mira Yesu ekalandula na kuvaba, "Kizazi cha ukusa na cha zinaa chidaaiaja ishara. mira tehelo ishara ineguwe hakini mira hu ishara yakwe yona mlotezi. ⁴⁰Sa hucho mlotezi Yonaeata za he maso ya samaki mgiru kwa ma-aze makai chakako na kia-ma, katokato m-inyi wakwe Adamu enekwa za ya swaho la idi kwa maaze makai chakako na kia-ma.⁴¹Vahe va ninawi veneuma mbele ya hukumu hawe na kizazi cha vahe ya na venechipa-ai-ya. Kwaite veetubuye kwa mabirikiri yakwe yona, na wesia, mhe fulani mgiru kutaho Yona eata i-i.⁴²Malkia wa kusini eneka he kupa-a hawe na vahe va kizazi ya na kuchipa-ai-ya. elitiye kuli miisho ya idi kulita kuko viugho vyake Selemani, na wesia, mhe fulani mgiru kuliko Selemani eata i-i.⁴³Too m'pepo mkusa ekumli mhe, etaho hodi hesilo na ma-i ekudaa kupumzika, mira teha-aho. ⁴⁴Halafu etaba, 'ninekirii he minda gho niliye.' Ekukirii ehelha hu minda ilhalhamiwe na iata tayari. ⁴⁵Halafu eso na kuvagera hali roho kusa saba eva kusa sha kutaho u, kulita kuhema vakabuna too. na hali ku-u ya mwisho ikwa kusa sha kutaho hu ya bos. Ka ndicho inekwa ite kwa kizazi ya kikusa.⁴⁶Too Yesu eekurayo na umati wesia, lage kini na vabahu ku-u veka-uma gana, vekudumu kuyo na u. ⁴⁷Mhe muwe ekam-baya, "Wesia lage ke na vabahu ke veumae gana, vedaa kuyo na ari.⁴⁸Mira Yesu ekajibu na kum-ba hu em-baye, "Lage gho ni ji? Na vabahugho vaji?" Na ⁴⁹u ekanyoosha mheregha ku-u he vahini ku-u na kuba, "Wesia, ya ni lage na vabahu gho! ⁵⁰Kwa ite wowose eboi hucho Aba gho eata mbinguni, mhe ka ni u mbahu gho, dada gho ne lage gho.

¹He iaze ka Yesu ekahaka ang'a na kuzaa hema kakera ya bahari. ²Umati mgiru ukakusanyika kwa kumjunguluka, ekabuu za ya mtumbwi na kuzokodi za. Umati mkabuna uka-uma kakera ya bahari.³Halafu Yesu ekayo mburi kumure kwa mifano, Ebae, "Wesia, mzalha eesoe kulha. ⁴Ekulha baazi ya mbeyu jikalhu kakera ya kwalhi na madeghe ekalita ekaji-a ⁵Mbeyu hali jikalhu ana ya he isaheru, ambaho tejipatie mpulhe utosha. Gafla jikashuka kwaite mpulhe ne-e mghere. ⁶Mira ka-aze kare li jikalhahawe kwaite tejeelo majindo, na jikahala.⁷Mbeyu hali jilhue hasi ya mihatu ilo milhae. mihatu ilo milhae ikakua ana ikaisonga. ⁸Mbeyu halijikalhu he mpulhe mkulho na kusa mbeyu, hali kawe kagi igana iwe na zidi, Hali mirongo sita na hali mirongo mikai. ⁹Elo malama na ako.¹⁰Vahina vekalita na kumba Yesu, "Kwa ahoni uyo na makutano kwa mifano?" ¹¹Yesu ekajibu kuvaba, "mwa-owe upendeleo wa ku-ile siri ja udilao wa mbinguni, bali vo teveoiwe. ¹²Mira wowose elonacho, u eneongejwa zaidi, na enepata faida giru. mira isilo hata hu elo nachoenelawe.¹³Kwato niyo kwa mifano kwaite ingawa veaho, vasiaho kweri. Na ingawa veko vasiko kweri wala kuile. ¹⁴Ulotezi wakwe Isaya waatimia hakini, hu ubao, "Mkuneko msiko, mira kwa namna yoyose temkaelewe; Halafu mkuaho mumuru kuaho, mira kwa namna yoyose msi-ile.¹⁵Na swaho ja vahe ya ya-akwa kidughu, ni vigumu kuko, na ghubika ma-ila kini, ili vasimuru kuaho kwa maila kini, kana kuko kwa malama kini, kana kuile kwa swaho kini, kwato vese nikiriiya wa na nesee va-uti.¹⁶Kwaite maila kaghu yelo keba, kwaite yeaho, na malama kaghu kwaite yeko. ¹⁷Kweri nimubaya Valotezi vakumure na vahe velo haki ve-edumuishe kujiaho mburi ya jo muaho, na tevemuruye kuya-aho. Vetamanie kuko mburijo mko, tevekoe.¹⁸Kwato sikijani mfano wa mzalha. ¹⁹Wakati wowose ekuko mburi ya udilao na asi-i-ile, niho mkusa elita na kulinyakua hu chilhaiwe za he swaho ku-u. Ya ni mbeyu hu ilhaiwe kakera he kwalhi.²⁰Ka elhaiwe he miamba ni hu ekoia mburi na kuidoria upesi kwa kinyemi. ²¹Bado tenasa majindo kwa za ku-u, mira egumirija kwa kitambo bi kifuhi. He matatizo kana mateso yekulianya ka sababu ya mburi eku-konta ghafla.²²Elhaiwe hasi ya mihatu ya milhae, ya ni hu ekoo mburi mira masumbuko ya idi na kutawe ni uzuri huisonga hu mburi lisee-za sa matunda. ²³Elhaiwe he mpulhe mkulho, ya ni hu ekoo mburi na kuli-ile. Ya ni hu esaa matunda na kuendelea kusa iwe zaidi ya kagi miongo ikado, hali miongo sita, hali salasini."²⁴Yesu ekavao mfano mhali. ekuba, "Udilao wa mbinguni utotijwa na mhe elhaye mbeyu kulho he mbuva ku-u ²⁵Mira vahe vare gontira , mnkru ku-u ekalita na u ekalha hasihasi ya ngano halafu ekaso ku-u. ²⁶Baadae ngano ireli na kugu mazao ku-u, niho magugu yekali nayo.²⁷Na vanyamalo va mwenye mbuva vekalita vekam-baya, "Dilao, tulhae mbeyu kulho he mbuva ke? Ikwaemo iji lilo magugu? ²⁸Ekavaba, Mnkru a-abo-i to, ' Vanyamalo vekamba, "kwato udumu tuso tuzeyang'ofula?"²⁹Mlo mbuva akaba, 'Hai, wakati mkune ng'ofula magughu mneng'ofula na ngano. ³⁰Yaroni yalheru hawe mpaka wakati wa uluki. Wakati wa uluki nineyo na valuki, 'Bosi ya ng'ofuleni magughu na ya-oroni mafunge funge na kuyalhaha, mira kusanyani ngano he ghala gho."³¹Halafu Yesu ekavaguya mfano mhali. ekaba, "Udilao wa mbinguni ufanane na mbeyu ya haradali ambayo mhe ekuidori na kuilha he mbuva ku-u. ³²Mbeyu ya kwa hakika ni gitutukutaho mihatu kabuna he bustani, ukwa mhatu, kiasi ite madeghe ya ana yelita na kukwa vishasha he matambi ku-u.³³Ekavabaya mfano mhali wa. "Udilao wa mbinguni ni sa chachu hu idoriwe ni mlage na kuikwari he vipimo vikai he unga hadi viumuke.³⁴Kayo makabuna Yesu eya-yoe he umati kwa mifano. Na bila mifano teyoe nchochose hakini. ³⁵Ya yeekwae ite chihejije kuyowe kutahoya mlotezi chimuru kulijanya, too areba, "Nneghubula m-o gho he mifano. Nineyo mburi jihejijwe kufiswa tangu misingi ya idi."³⁶Halafu Yesu ekavaro makutano na kuso ang'a. Vahini ku-u vekamsoya na kuba, "Tufafanu-iye mfano wamagughu ya hembuva. ³⁷"Yesu ekavajibu na kuba, "Elhae mbeyu kulho ni M-inyi wa Adamu. ³⁸Mbuva ni ulimwengu; na mbeyu kulho, ya ni vainyi va udilao. Magughu ni va-inyi va hu mkusa, na mnkuru ejilhae ni ibilisi. ³⁹Na uluki ni mwisho wa ulimwengu, na valuki ni malaika.⁴⁰Sa hucho magughu cho yetutwa hawe na kulhahawe mwalha, ka nicho inekwa mwisho wa ulimwengu. ⁴¹M-inyi wa Adamu enesugha malaika ku-u, na kututa kuli he udilao ku-u mburi jose jisababishe makusa na hu vebo-i yesiye. ⁴²venevabibi vakabuna he tanuru la mwalha, ambaho henekwa na kuzo na kusaga ma-iki. ⁴³Niho vahe velo haki veneng'ara sa ka-aze he Udilao wa Aba kini. Ka elo malama na akoie.⁴⁴Udilao wa mbinguni ni sa hazina ifisiwe he mbuva. Mhe ekaiaho na kuifisa. He kinyemi ku-u ekaso kudi vikabuna e-elo navyo, na kuiwe mbuva. ⁴⁵Kahali, udilao wa mbinguni ni sa mhe ebo-i biashara edaa lulu ilo samani. ⁴⁶Ata areiaho hu ilo samani, ekaso ekadi kila kigi e-elo nacho na kuiwe.⁴⁷Udilao wa mbinguni ni sa nyavu iata za he bahari, na ite ituta viumbe vya kila aina. ⁴⁸Ire-hu vavuvi vekahuru ufukweni. Halafu vekazokodi di vekaumbika vigi kikulho za he vikolhe, mira visilo samani vikabibiwe uda.⁴⁹Inekwa sa to he mwisho wa idi. Malaika venelita na kuvatenga vahe vakusa kuli he velo haki. ⁵⁰Na kuvabibi za jhe tanuru ya mwalha, ambaho henekwa na maombolezo na kusaga ma-iki.⁵¹mwa-aile mburi kabuna ya? Vahini vekamjibu , "Ee." ⁵²Halafu Yesu ekavaba, "Kila mzagonda aakwa-a mhini he udilao efanane ne mzalo minda eguu kuli he hazina ku-u na vigi viku-a na vya kae. ⁵³Irekwa Yesu arefi mifano mikabuna ka, ekahaka hodi ata.⁵⁴Halafu Yesu ekahe he mkoa ku-u na ekavahinisha vahe he sinagogi. matokeo ku-u ni ite vekakwa na lundolo na kuba, "Ni le ya mhe epatie viugho ya na miujiza yaa? ⁵⁵Mhe ya sihu m-inyi wakwe seremala? Mariamu siu lage ku-u? Na vabahu ku-u sio Yakobo, Yusufu, Simoni ne Yuda? ⁵⁶Na va wau ku-u tulo navo i-i hakanu? Basi mhe ya eyaguye le ya makabuna?".⁵⁷Ekavasanuija. mira Yesu ekavaba, "Mlotezi tekosa kukwa na heshima mira hakini na he idi kini. ⁵⁸Na teze muru kuboi miujiza mikumure kwa ite teve-elo na imani na-u.

¹Kwa wakati ka, Herode ekako mburi ana ya Yesu.. ²Ekavaba vanyamalo ku-u, "Ya ni Yohana Mbatizaji afufuka kuli ha vegae. Kwato nguvu ya jiata nau.³Kwa ite Herode eem-darae Yohana ekam-oro na kum-bibi gerezani kwaite Herodia, mlage wakwe Filipo kaka ku-u. ⁴Kwa ite Yohana em-baye, Si halali kumdori u kukwa mlage ku-u. ⁵"Herode esemga-a mira ekavaogoha vahe kwa sababu Vemwahoe Yohana ite ni Mlotezi.⁶Mira he iaze lo eahoiwe Herode lirehe m-bora wa kwe herode ekacheza hasihasi ya vahe na kumlhamuija Herode. ⁷He kujibu ya eka ahidi kwa kiapo ite enem-o chochose cho eneombeja.⁸Baada ya kushauriwa ni lage kini, ekaba, "Nigerie i-i he ikombe m-a wa Yohana Mbatizaji." ⁹Dilao ekwakwa na masikitiko kwa ka maombi ya m-bora, mira kwa ajili ya kiapo ku-u, Kwa mburi ya vakabuna vee-ata he ku-a viaghu hawe na u eka-amuru ite idumuwe iboike.¹⁰Ekasugha Yohana agerawe kuli he gereza ¹¹ili apa-awe m-a ku-u na kikagerawe ana ya isinia na ekaowe mbora na ekamti-iya mame ku-u. ¹²Halafu vahini ku-u vekalita kuudori hu msa na kuza ujika, baada yaya vekaso mum-baya Yesu.¹³Ne Yesu areko ya, ekahema mwenye hodi to ekakutu za he mashua ekaso hodi itengiwe. Too umati ureile ho eata, vekamdosa kwa masame kuli hemwang'a. ¹⁴Halafu Yesu ekalita mbele kini ekauaho umati mgiru. Ekava-ahoa mbazi na kuva-uti marukao kini.¹⁵Chamagheri chirehe, vahini vekamlitia na kuba, "Yaa ni hodi he jangwa, na iaze la taho. Vatawanyishe makutano ili vaso he vijiji vazewe viaghu kwa ajili kini.¹⁶Mira Yesu ekavaba, "Tevelo haja ya kuso are. Va-oni kune vi-aghu" ¹⁷Vekamba, "I-i tulo mikate mikoi na samaki nu bi." ¹⁸Yesu ekaba, "igerani hagho."¹⁹Halafu yesu ekauamuru umati kuzokdi di he mahako. Ekadori mikate mikoi na samaki nu. Ekawesia ana mbinguni, ekabariki na kupa-a mikate ekava-o vahini. Vahini vekavao umati. ²⁰Veka-a vakabuna na kuku. Halafu vekaviumbika vipande vikabuna vya viaghu na kuhuti viteju ikado na vinu. ²¹Hu ve-ae vekadiriwe ite vaagiru elfu koi bila kutara valage na vainyi.²²Mara we ekavaamuru vahini ku-u vabuu minda he mashua, too ekava-aghanya umati vaso kini. ²³Baada ya kuvaaghanyaumati kuso kini, ekakutu he lungori kutasa mwenye bi. ²⁴Mira iji mashua yee ata hasi na hasi ya bahari iku-kushwa kushwa kwa sababu ya mawimbi, kwaite nisa ya mbisho.²⁵He ki-ama cha zamu ya kahai Yesu ekavaba, ekudaha ana ya mai. ²⁶Too vahini ku-u varemwaho ekudaha ana he bahari, vekakwa na futo na kuba, "Ni mzuka," na kuguta kwa bughu. ²⁷Yesu ekavaba mara we, ekuba, "Ku-oni shwaho! ni ani! msiogohe."²⁸Petro ekamjibu na kuba, "Dilao, kai ni ari, niamuru nilita nilita ata ana he ma-i." ²⁹Yesu ekaba, "Lita." Kwato Petro ekali za he mashua na ekadaha ana ya ma-i kuso hakwe Yesu. ³⁰Mira Petro areaho mawimbi, ekaogoha sana, na kuanza kuzama, di, ekase kwa sauti na kuba, "Dilao, niokoe!"³¹Upesi Yesu ekanyoosha mheregha ku-u ekamka-a Petro, na kum-baya, "Ari ulo imani gitutu, Kwa ahoni ukasa futo?" ³²Niho Yesu ne Petro vekabuu he mashua, Sa ikaro kuvuma. ³³Vahini he mashua vekamtogola Yesu na kuba, "Kweri ari ni M-inyi wa Kiumbi."³⁴Na vareheja kutaho, vekahe he idi la Genesareti. ³⁵Na vahe he ieneo hu varem-ile Yesu, Vekasugha ujumbe kila hodi ja kakera na kugera kila emrukao. ³⁶Vekamsihi ite vamuru kudoa ipindo la gomae ku-u, na vakumure vemdoie veka-utiwe.

¹Niho Mafarisayo na vaandishi vekalita hakwe Yesu kuli Yerusalemu. Na kuba, ²Kwa ahoni vahini veoni mapokeo ya vazee? Kwaite teve-onti mihereghabkini veku-a viaghu." ³Yesu ekavajibu na kuvabaya, "Kune __kwa ahoni m-oni sheria ya Dilao kwa ajili ya mapokeo kaghu?⁴Kwaite Kiumbi e-baye, 'Mheshimu aba ke ne lage ke; na 'Eneyo ukusa he he aba ku-u ne lage ku-u, kweri enega.' ⁵Mira kune mwaba, 'Ka enem-ba aba kini ne lage kini, "kila msaada ambao esepata kuli hagho iji ni zawadi kuli ha kiumbi," ⁶"Mhe ka telo haja ya kumheshimu aba ku-u. Kwa namna ya mwa-aioni mburi ya Kiumbi kwa ajili ya mapokeo kaghu.⁷Kune vanafiki, nee kikulho kai Isaya ere loteza hakaghu ekaba, ⁸"Vahe ya veniheshimu ani kwa mi-o kini, mira swaho kini iata uda na ani. ⁹Venitasa bule, kwaite vehiniza mafundisho ya maagizo ya vahe.¹⁰Niho ekavase makutano na kuvabaya, Nikoni na muile__ ¹¹Tehelo kigi chibuu he m-o wa mhe na kum-boi najisi. Mira, hu chili he m-o, ya nicho chim-bo-i mhe kukwa najisi.¹²Niho vahini vekamsoa na kuyo ne Yesu, "He!, ureile mafarisayo vareako hu mburi vaa sanuiwa?" ¹³Yesu ekavajibu na kuba, "Kila mmea ambao Aba gho wa mbinguni teulhae uneng'ofulwa. ¹⁴Varoni venye, ka viongozi vipofu. Kai mhe kipofu enemuerekeja kipofu m-aro, vakabuna vanu venelhu he ishimo."¹⁵Petro ekajibu na kum-ba Yesu, " Tubaye mfano ya hakanu, ¹⁶Yesu ekajibu, "Hata kune bado nem-iliwe? ¹⁷Kune temuaho ite chiso he m-o chitaho he maso na kuso he choo?¹⁸Mira vigi vikabuna vili he m-o vili za he swaho. nivyo vigi vimbutu mhe unajisi. ¹⁹Kwaite he swaho heli mawazo makusa , kuga-a, uzinzi, uasherati, ugwalo ushuhuda wa mambeza, na kuolhu. ²⁰Kajo nijo mburi jim-butu mhe unajisi. Mira ku-a bila ku-onti miheregha tekum-bo-i mhe kukwa najisi."²¹Niho Yesu ekahali hodi too na ekakutenga na kuso hodi ja miang'a ya Tiro na sidoni. ²²Wesia ekalita mlage Mkanani kuli bwa-aka Ekabirikira ekuba, Nikoe mbazi, Dilao, M-inyi wakwe Daudi; m-bora gho enyamarishishwa ni m'pepo." ²³Mira Yesu temlandule mburi. Vahini ku-u vekalita vekamsihi, vekuba, "Mka-a aso ku-u, kwaite etumaya kilondo."²⁴Yesu ekavalandula na kuba, Si sughaiwe he mhe wowose mira he ma-alu elahae ya minda ya Israel." ²⁵Mira ekalita na kukodeka mbele ku-u, ekuba, "Dilao nilha-ari." ²⁶Ekalandula na kuba, "Si kikulho kudori vi-aghu vya va-inyi na kuyabibia madie,"²⁷Ekaba, "Eee" Dilao, hata to madie magitutu e-a viaghu vilhu he meza ya Dilao kini." ²⁸Niho Yesu ekalandula na kuba "Mlage, imani ke ni giru. Na ibo-ike hake sa cho udumu." Na m-bora ku-u ekakwa a-utiwe he wakati ka.²⁹Yesu ekahaka hodi too na kuso sina na bahari ya galilaya. Halafu ekaso ana he ngori na kuzokodi are. ³⁰Ikundi igiru likamlitia. Na kumgeria viwete, vipofu,mabubu, virema na vahali vangi, ee varukao. Vekavake he masame yakwe Yesu na ekavauti. ³¹Na ka umati ukakwa lundolo vareaho mabubu vekuyo, na virema vekuboiwe vazime, viwete vekudaha, na vipofu vekuaho. Vekamtogola Kiumbi wa Israeli.³²Yesu ekavase vahini ku-u na kuba, "Na-ava ahoya mbazi umati, kwaite vaakwa na ani kwa ma-aze makai bila ku-a kigi chochose. Sikava aghanye vaso hakini bila ku-a, vasee zimia kwalhi." ³³Vahini ku-u vekam-ba, "Nile tumuru kupata mikate ya kutosha ilai ngweza kukuti umati mgiru too? ³⁴Yesu ekavaba, "Mlo mikate mime?" Vekaba, "Saba, na samaki gitutu ngere." ³⁵Yesu ekava amuru umati uzokodi di.³⁶Ekaidori hu mikate saba na samaki, na baada ya kushukuru, ekaipa-a na kuva-o vahini. Vahini vekava-o umati. ³⁷Vahe vakabuna veka-a na kutosha. Na veka umbika vipande vishighale vya viaghu vihindi hindi, vikahu viteju saba. ³⁸Vakabuna ve ae vee-ata vaagiru elfu hai bila valage na va-inyi. ³⁹Halafu Yesu ekauaghanya umati vaso kini na ekabuu za he mashua na kuso hodi ja Magadani.

¹Mafarisayo na masadukayo vekamlitia na kumghesha Yesu avaaije ishara ili ana. ²Mira Yesu akavalandula na kuvaba itekai ni chamagheri mtaba ite hali ya hewa ni kulho, kwaite ianga libayu.³Na chalhenu mtaba 'Hali ya hewa si kulho kwa ite ianga libayu na majumbi yaghubika ianga ikabuna.' Muilie kulag'honi miahoikike ya ianga, Mira tem-muru kulag'honi ishara ja nyakati. ⁴Kizazi kikusa na cha uzinzi chidaa ishara, mira tehelo ishara yoyose chineowe, sa hu ya kwe Yona. Halafu Yesu ekavaro na ekaso ku-u.⁵Vahini vekalita kwa bwa wa kanu, mira vekwae vaazi kudori mikate. ⁶Yesu ekavaba " Muwesi-ishishe na mukwa makini na vikusa vya mafarisayona masadukayo." ⁷vahini vekahojiana vo kwa vo na kuba. "Ni kwaite tetudorie mikate." ⁸Yesu ekaile ka na kuba Kune ml;o imani ja gitutu, kwa ahoni mwafanyanya na kuyoiyana kune kwa kune na kuba ite kwa ite temdorie mikate?⁹He bado tem-iliye neri temhulha hu mikate mikoi he vahe elfu koi, na viteju vime vyo mtutie? ¹⁰Kana mikate saba na vahe elfu hai, na ni viteju vime mdorie?¹¹Ikwaemo hata temuelewa ite nikwae siyo na kune ja mikate? Hinani na lag'honini na chachu ya mafarisayo." ¹²Halafu vekaile ite te-ekuvabaya mburi ja kulang'honi na mikate ilo chachu, mira kulang'honi na mahinizi ya mafarisayo na masadukayo.¹³Too Yesu arehe hodi ja Kaisaria ya Filipi, ekavalhasu vahini ku-u, ekuba, "Vahe veba ite M-inyi wa Mhe niji?" ¹⁴Vekaba ,"Vahali veba ite ni Yohana Mbatizaji; vahali, Eliya; na vahali, Yeremia, kana muwe wa valotezi. ¹⁵Ekavaba, kune muba ani ni ji? ¹⁶Ekalandula, Simoni Petro ekaba, "Ari ni Kristo M-inyi wa Kiumbi eata swaho"¹⁷Yesu ekalandula, "Keba ari, Simoni Bar Yona, Kwaite sako na nihena tevikughubulie ya, mira Aba gho eata mbinguni. ¹⁸Na ani nikubaya ite ari ni Petro, na ana ya isaheru ya ninelikwa ikanisa gho. Maluhige ya kujimu teikalishinde.¹⁹Nineku-o ari funguo ja udilao wa mbinguni. Chochose unechilhatia duniani chinekwa cha lhatiwe mbinguni, na chochose unechilhaya duniani chinelhaiwa mbinguni. ²⁰"Halafu Yesu ekavaamuru vahini vasimbaye mhe wowose ite nee-u Kristo.²¹Kuvokia ka iaze Yesu ekavoka kuvaba vahini ite ni lazima aso Yerusalemu, kusumirijwa kwa mburi kumure he miheregha ya vazee na vagiru va makuhani na vaandishi, kuga-awe na kufufuka iaze la kakai. ²²Halafu Petro ekamdori Yesu kakera na kumjoghoya , kwa kumba, "Mburi ya na ikwa uda na ari, Dilao, ya lisilianye hake. ²³Mira Yesu ekageuka na kum-ba Ptro, "kirii mzungure gho shetani! Ari u kizingiti hagho, kwaite tuilie mburi ya Kiumbi, mira mburi ja vanadamu."²⁴Halafu Yesu ekavaba vahina ku-u, "Kai mhe wowose ekudumu kunidosa ani, ni lazima akukane mwenye, audori msalaba ku-u, na anidose. ²⁵Kwa ite edumuishe kuokoa maisha ku-u eneyalahati, na kwa wowose elahati maisha ku-u kwa mburi gho eneyaokoa. ²⁶He! ni faida mina enepata mhe ekupata dunia kabuna mira ekalahati maisha kuu? He Ni kigi mina enegu mhe he kubadirisha na maisha ku-u?²⁷Kwa ite M-inyi wakwe Adamu enelita he utukufu wakwe Aba ku-u na malaika ku-u. Nau enemriha kila mhe kuwesia na miboire ku-u. ²⁸Kweri nimubaya helo vahali ve-umaye i-i tevekae gali kuga mpaka ho venemuahoya m-inyi wa Adamu ekulita he Udilao ku-u.

¹Ma-aze sita baadaye Yesu ekavadori hawe Petro ne Yohana ne Yakobo ne Yohana m-bahu ku-u, na ekavadori mpaka ana helungori lugiru vo venye. ²Ekabadirishwa mbele kini. Vubasa ku-u uka-aaku sa ka-aze, na gomae ku-u jika ahoika jiakuisha jiangaa sa nuru.³Wesia, to vekalianya Musa ne Eliya vekuyo nau. ⁴Petro ekalandula na kum-baya Yesu, "Dilao, ni kikulho hakanu nne kukwa hodi i-i. Kai udumu, ninekwa i-i viba-anda vukai- Kawe kake, na kawe kakwe Musa, na kawe kakwe Eliya."⁵Too ekuyo, wesia ijunde liaku likavabutu kijui, na wesia, ikaliajanya sauti kuli he ijunde, ikuba, "Ya ni M-inyi nidumuye niagizwe ni-u. Mkoni u." ⁶Vahina vareko to, vekalhu kifudifudina vekaogoha sha. ⁷Halafu Yesu Yesu ekalita ekavadoa na kuba, " kani wala msiohe." ⁸Navo vekaka-a vubasa kini ana mira tevezeaho mhe mira Yesu bi mwenye bi.⁹Na atavekudimi kuli he ngori, Yesu ekavasugha, akaba, "Msigu mburi ya maono ya mpaka M-Inyi wakwe Adamu ho ekunefufukakuli he vegae." ¹⁰Vahina ku-u vekamlhasu, vekuba, "Ni kwa ahoni vaandishi vekuba ite Eliya enelita ini?¹¹Yesu ekalandula na kuba, "Eliya enelita kweri na enekiriti mburi kabuna. ¹²Mira nimubayani kune, Eliya alita pere, Mira tevem-iliye. badala ku-u, vekamboiya mburi jo vedumuye vo. Na ka ndicho M-inyi wa Adamu enesurumijwa he miheregha kini. ¹³Niho vahina vekaile ite ekwae ekuyo mburi ja kwe Yohana Mbatizaji.¹⁴Varehe he umati wa vahe, mhe muwe ekamsoya, ekama magoti mbele ku-u, na kum-baya, ¹⁵"Dilao, mkoe mbazi m-inyi gho, kwaite elo kifafa na kunyamarika sha. Kwaite kagi kakumure elhu he mwalha kana he ma-i. ¹⁶Ne-emgerie he vahina ke, mira tevemuru kum-uti.¹⁷Yesu ekalandula ekuba, "Kune kizazi chisiamini na chionike, ninehema na kune mpaka ami? Ninegumirijana na kune hadi ami? Mgera i-i hagho." ¹⁸Yesu ekamjoghoa, na m'pepo likamli. M-bwange ekautiwe kuvokia saa hu.¹⁹Halafu Vahina vekamlitia Yesu kwa siri na kumlhasu, "kwa ahoni tetumuruye kumuuguluti"? ²⁰Yesu ekavaba, "Kwamburi ya imani kaghu gitutu. Kweri nimubaya, Kai mnekwa na imani hata gitutu sa m'puluzi ya mbeyu ya haradali, mnemuru kulubaya lungori ya, bale kuli i-i uso twai, nau unebale na tehekalo na kigi chochose chinekwasika hakaghu. ²¹(Daraija: mburi ya "Mira, mbari ya ya m'pepo teimuruika kuli, ila kwa kutasa na kulhati" teyeahoika he nakala kulho ja kae).²²Too vereata Galilaya, Yesu ekavabaya Vahina ku-u, "M-inyi wa Adamu enebutuwe he miheregha ya vahe. ²³Na venemga-a, na i-aze la kakai enefufuka." Vahina vekahuzunika kweri.²⁴Navo vaehe kapernaumu, Vahe vedara kodi ya nusu shekeli vekamsoya Petro na kuba, " He mhinizi kaghu erihaa kodi nusu ya shekeli?" ²⁵Ekaba, "Eee" mira Ptro arebuu za ya minda, Yesu ekayo ne Petro ini na kuiba , " Ufanyanya ahoni Simoni? Vadilao va dunia, vedoria kodi kana ushuru kulile? Hehu vevatawa kuli he vagalho?²⁶Na too Petro areyo, "kuli he vagalho" Yesu ekam-baya. Kwato vetawaliwa vaaka awe he kuriha. ²⁷Mira tusevabo-i vedara ushuru vekabo-i ukusa, so baharini, bibi ndoano, na umdori hu samaki enelita wa bosi. Baada ya kughubula m-o ku-u, uneya ata shekeli we. Idori na uvao vedara ushuru kwa ajili gho na ari.

¹Muda wa ka aka vahina vekalita he Yesu na kum-baya, "Ni ji emgiru he udilao wa mbinguni?" ²Yesu ekamse m-inyi mgitutu, ekamke hasihasi kini, ³na kuyo, "Kweri nimubaya, mkusavoteka na kukwa sa va-inyi vagitutu temkamuru kubuu he udilao wa Kiumbi.⁴Kwato wowose ekudimirijija sa m-inyi mgitutu, mhe ka ni mgiru he udilao wa mbinguni. ⁵Wowose emdoria m-inyi mgitutu kwa ilhe gho enidoria ani. ⁶Mira wowose eneroija muwe he vagitutu ya veniamini kubo-i ukusa,inekwa ni kikulho he mhe ka kuoroiwa isaheru igiru la kushaghia lika-orowe he waka ku-u, na kuzabutuwe hasi hasi he bahari.⁷Si ile hajenye kwaite he wakati wa wakusanuijwa! Kwaite tehelo budi kwa nyakati ka kulita, mira si ile haku-u he mhe ka kwaite nyakati ka ji nelita kwa mburi ku-u. ⁸Kai mhereghake kana kusame ke ukuro usanuiwe, upa-a na uze-ubibi uda na ari. Ni kikulho sha hake kubuu he uzime wa ukukwa tulo mheregha, kutaho kubibiwe he mwalha wa ma-aze kabuna ilai ulo miheregha mikabuna kana masame makabuna.⁹Kai i-ila ke likukusa uboi makusa, ligu na ulibibi uda na ari. Ni kikulho shahake ari kubuu he uzime na i-ila iwe, kutaho kubibiwe he mwalha wa maaze makabuna ilai ulo ma-ila makabuna.¹⁰Wesia ite mse-emnyagaha muwe wa vagitutu ya. Kwaite nimubaya ite mbinguni helo malaika kini ma-aze makabuna veku-uwesia vubasa vywa Aba gho eata mbinguni. ¹¹(Daraisha: Mburi jiahoika sa mstari wa11, "Kwa ite M-inyi wakwe Adamu e-elitie kuokoa hu chee lahae" teyeahoike he nakala kulho ja kae).¹²Mufanyanya kiahoni? Kai mhe elo ma-alu igana iwe, na iwe likalaha, he teka-aro hu mirongo kenda na kenda ya he ngori na kuso kuzadaaija iwe lilahae? ¹³Na ekura liaho, kweri nimubayani, enelilhamuiwa kutaho hu mirongo kenda na kenda esilahae. ¹⁴Kwato oto, sicho kudumuwe ni Aba kaghu wa mbinguni ite muwe wa vagitutu ya aangamie.¹⁵Kai mbahu ke ekukuboia ukusa, so, kam-aije cho to ho mtahoane kune na u ekukwa mwenye bi. ¹⁶Mira kai tekusikija, mdori m-bahu muwe kana vanu hawe na ari, Kwaite kwa mi-o ya mashahidi vanu kana vakai kila mburi ineilika.¹⁷Na kai ekulhi kumuko, libaiyani ikanisa mburi ka, kai ekulhi tooto kuliko ikanisa, basi na nakwa sa mhe wa mataifa na mzadara ushuru.¹⁸Kweri nimubaya, chochose hu mnechilhati duniani na mbinguni chinelhatiwe. Na chochose mnechilha duniani na mbinguni kinelhawe. ¹⁹Ka hali ni mubaya ite kai vahe vanu he kune vera-kubaliana he mburi yoyose duniani vekulitasa, kalo Aba gho wa mbinguni enelibo-i. ²⁰Kwaite vanu kana vakai vekuku-umbika hawe kwa ilhe gho, ani ninekwa hasihasi kini.²¹Kahali Petro ekalita na kumbaya Yesu, "Dilao, ni kagi kame mbahu gho ekuniboia ukusa ani nimvoteshe? Hata kagi saba?" ²²Yesu ekam-baya, "Sikubaya kagi saba, mira hata kagi mirogo saba kwa kagi saba.²³Kwa mburi ka udilao wa mbinguni utotie na dilao fulani edumuye kusahihisha hesabu kuli he mnyamalo ku-u. ²⁴Arevoka kusahihisha hesabu, mnyamalo muwe ekagerawe haku-u ambaye ekumdai talanta elfu ikado. ²⁵Kwa ite te-elo kwalhi hali ya kulhanuija, dilao ku-u ekasugha adiwe, mlage ku-u hawe na va-inyi ku-u na kila kigi elonacho, na mariho yabo-ike.²⁶Kwato Mnyamalo ekalhu,ekama magoti mbele ku-u, ekuba, 'Dilao, ukwa na m'porere hawe na ani, ninekulhanu kila kigi. ²⁷Kwato dilao wa hu mnyamalo, kwaite aahinkawe shaa ni mbazi, ekamlhamaya na kumvotesha ideni ka.²⁸Mira mnyamalo hu areka na kumheya muwe he va nyamalo va aro, ekumdai denari igana. Ekamhuru, ekamdaranya waka, na kumbaya, 'Nilhanu hu cho nikudai," ²⁹Mira hu mnyamalo m-aro ekalhu na kumsembereja, ekuba, 'Ukwa na m'polele ani nnekuriha.'³⁰Mira hu mnyamalo wa bosi ekalhi. Badala ku-u, ekaso na kum-bibi gerezani, mpaka ho eneriha hucho emdai. ³¹Na vare aho vanyamalo va-aro hu chilijanya. Veka hiriwe swaho,. Vekalita na kum-baya dilao kini chilijanye.³²Niho hu dilao wa mnyamalo hu ekamse, na kum-baya, 'Ari mnyamalo mkusa, neekuvoteshe ari ideni gho ikabuna kwaite we tenisemba sha. ³³He tweedumuiwe kukwa na mbazi he mnyamalo m-aro, sa ani cho nikukoe mbazi ari?³⁴Dilao ku-u ekasanuiwa na kum-oti he hu vanyamarisha mpaka ho eneriha kiasi kikabuna cho edaiwa. ³⁵Ka ndicho Aba gho wa mbinguni enemubo-ia, kai kila muwe kaghu tekamvoteshe mbahu ku-u kuli he swaho kaghu.

¹Ilianye too Yesu arefi mburi ka, ekahaka Galilaya, na kuso mhakani ha Yudea kara ya mharaza waJordani. ²Umati mgiru ukamdosa, na ekava-uti are.³Mafarisayo vekamlitia, vekamghesha, vekam-baya, "He ni halali he mhe kumro mlage ku-u kwa mburi yoyose?" ⁴Yesu eka landula na kuba, "temsomie , ite ka evaumbiye bosi evaumbiye muagiru na mlage?⁵Na kahali ekaba, 'Kwato mwagiru enemro aba ku-u ne lage kini na veneungana na mlage ku-u, navo vanu venekwa msa muwe? Kwato si vanu wa, mira msa muwe. ⁶Kwato, hu echiunganishe Kiumbi, Mhe wowose asee vitanija.⁷Vekambaya, Iji kwa ahoni Musa eetubaye kugu hati ya talaka na kumro?" ⁸Ekavabya, "Kwa ukuji kaghu wa swahoMusa eevaroe muro valage kaghu, Mira kuvokia bosi techekwae to. ⁹Nimmubaya, ite wowose enemro mlage, mira kwa mburi ya uzinzi, na ekamdori mhali, ezini. Na mwagiru enemdori mlage eroiwe aazini."¹⁰Vahina vekam-ba Yesu, "Kai ndicho chikwae he mwagiru na mlage ku-u, si kikulho kudori." ¹¹Mira Yesu ekavaba, "Si kila mhe enemuru kudoria mahinizo ya, mira ni he hu bi weruhusiwe kuyadoria. ¹²Kwa ite helo matowasi veahoiwe kuvokia he maso ja lage kini. Na tooto helo matowashi vekubo-iye matowashi kwa mburi ya udilao wa mbinguni. Emuruye kudoria mahinizi ya na ayadorie."¹³Halafu ekageriwa vainyi vaghere vagitutu ili avakee miheregha ana kini na kutasa, mira vahina ku-u vekavajoghoya. ¹⁴Mira ayesu ekaba, "Varoni va-inyi vagitutu, neri msivalhiije kulita hagho, Kwa ite udilao wa mbinguni ni wa vahe sa vo. ¹⁵Na-u ekake miheregha ku-u ana kini, na halafu ekahaka too.¹⁶Wesia mhe muwe ekalitahakwe yesu na kuba, "Mhinizi, ni kigi mina kikulho cho nidumuwe kubo-i nesa niowe uzime wa miaze mikabuna?" ¹⁷Yesu ekam-ba, "Kwa ahoni unilhasu ni kigi mina kikulho" Helo muwe bi emkulho, mira kai ukudumu kuowe uzime, dara sheria ja Kiumbi.¹⁸Hu mhe ekamlhasu , "ni sheria mina?" yesu ekaba, "Usiga-a, Usizini, usigwa, usiyo mambeza, ¹⁹vavoteke aba ke ne lage ke, na mdumu mhe wasina sa cho ukudumu mwenye.²⁰Mhe hu ekam-ba, "Mburi kabuna ka nijidaraye. Nishighaje ahoni? ²¹"Yesu ekam-ba, "Kai ukudumu kukwa mkamirifu, So, uzedi ulo navyo, na uvao vahuye, niho unekwa na hazina mbinguni. halafu ulita unidose. ²²"Mira m-bwange hu areko to Yesu cho em-baye, ekahaka kwa vuhuye, Kwaite ne mhe elo mari kumure.²³Yesu ekavaba vahina ku-u, "kweri nimubaya, ni kukumure he mhe mzuri kubuu he udilao wambini. ²⁴Kahali nimubaya, ni rahisihe ngamia kutaho he itundu la singano, kutaho mhe mzuri kubuu he udilao wa Kiumbi.²⁵Vahina vareko to, vekakwa na lundolo lugiru na kuba, "Ni jika eneokoka?" ²⁶Yesu ekavawesia na kuba, "He vahe ka telimuruika, mira he Kiumbi makabuna yemuruika." Halafu Petro ekalandula na kum-baya, ²⁷"Wesia, twa-ari vikabuna na kukukaetiana na ari. Ni kigi mina cho tunezapata?"²⁸Yesu ekavabaya, "Kweri nimubaya, ka ekaetiane na ani, he kuahowe kusha wakati M-inyi wa Adam ekune zokodi he kikire cha utukufu mu-u, hata kune mnezokodi ana ya vikire ikado na vinu vya enzi, kuvapa-aya makabila ikado na manu ya Israel.²⁹Kila muwe kaghu eroye minda, kaka, wau, aba, lage, va-inyi, kana mbuva kwa mburi ya ilhe gho, enedoriya kagi igana na kuupala uzime wa milele. ³⁰Mira vakumure eva bosi waijiji, venekwa va mwisho, na veata mwisho venekwa va bosi.

¹Kwa ite udilao wa mbinguni utotie ne elo mbuva, ekae chalhenu na mapema nesa ake vanyamalo he mbuva ku-u ya mizabibu. ²Baada ya kukwa va kudumuijana na vanyamalo dinari we kwa kutwa, ekavasugha kuso he mbuva ku-u ya mizabibu.³Ekeso wa baada ya masaa makai to na eka-aho vanyamalo vahali vekukwa ve-umaye bila nyamalo he kihoja. ⁴Ekavaba, 'na kune, soni he mbuva ya mizabibu, na chochose cha halali ninemu-o. 'Kwato vekaso kubo-i nyamalo.⁵Ekaso wa baada ya masaa sita na kahali he saa kenda, na ekabo-i to-oto. ⁶Kagi kahali wa he saa ikado na we, ekaso na kuvahelha vahe vahali ve umaye i-i tevelo nyamalo, Ekavaba, "Kwa ahoni mu-umaye i-i bila nyamaloyoyose i-aze izime? ⁷Vekamba, kwaite tehelo mhe wowose etuajirie. Ekavaba, 'Na kune muso he mbuva ya mizabibu.'⁸Wakati wa chamagheri urehe, mzalo mbuva ya mizabibu ekam-ba hu evaumaya, 'Vase vanyamalo na uvalhanu mishahara kini, kwa kuvoka na wa bosi mwisho hadi wa bosi.' ⁹Varelita hu veajiriwe saa ikado na we, kila muwe kini ekadoria dinari. ¹⁰Varelita vanyamalo va bosi, vekafanyanya ite venedoria chitahoe, mira vekadoria navo kila muwe dinari we kila mhe.¹¹Baada ya kudoria mariho kini, Vekamnung'unikia mzalo mbuva. ¹²Vekaba, "Ya vanyamalo va mwisho vetumia muda mghere kubo-i nyamalo, mira uva-aghaghatie na nne, nne tututie mijigho kwa iaze izime na kulhaha na iru-u.'¹³Mira mzalo mbuva ekalandula na kuba he muwe kini, "msaho, sibo-iye mburi kusa. He! tetwedumuijane na ani kwa dinari we? ¹⁴Doria hu cha halali kaghu na uso ke. Ni kinyemi gho kuva-o ya vanyamalo veajiriwe mwisho chiaghae na ari.¹⁵He! si haki gho kubo-i hu cho nidumu he mari gho? Kana i-ila ke ni ikusa kwaite ani ni mkulho? ¹⁶Kwato wa mwisho enekwa wa bosi na bosi enekwa mwisho.¹⁷Yesu eekukutu kuso Yerusalem, ekavadori vahina ku-uikado na vanu kakera, na kwalhi ekavaba, ¹⁸"Wesia tutaso Yerusalemu, ne M-inyi wakwe Adamu enebutuwe he miheregha ya vagiru va kirurumo na vaandishi. Vene mpa-aya kuga ¹⁹na venemgu he vahe va mataifa ili vamdhihaki, kumchapa na kumsulumija. Mira he i-aze la kakai enefufuka."²⁰Halafu lage wa vainyi vakwe Zebedayo ekalita hakwe Yesu na va-inyi ku-u. Ekama mamuro mbele ku-u na kumwombeja kigikuli haku-u. ²¹Yesu ekamba, "Udumu ahoni?" Ekamba, "Sugha ite ya va-inyi gho vanu vazokodi, muwe mheregha ke wa kuume na muwe mheregha ke wa kumoso he udilao ke."²²Mira Yesu ekalandula na kuba, "Tuilie cho udumutye. He! unemuru kuchiwahaya kikombe ambacho ninechiwahaya?" vekam-ba, "Tumuru." ²³Ekavaba, "Kikombe gho kweri mnechiwahaya. Mira kuzokodi mheregha gho wa kuume na mheregha gho wa kumososi mburi gho kumuo, mira ni he hu veesaghurwe na kukeiwa ni Aba gho." ²⁴Vahina vahali ikado vareko ka, vekahiriwe swaho sana ni hu vabahu vanu.²⁵Mira Yesu ekavase na kuvabaya, "Mreile ite vatawala va mataifa veva nenekereja, na vagiru kini veboiya mamlaka ana kini. ²⁶Mira isikwa to hakagu. Baada ku-u, wowose edumu kukwa mgiru hakaghu ni lazima akwa mzasughawe kaghu. ²⁷Na enekwa wa bosi he vakaghu lazima akwa mzasughawe kaghu. ²⁸Sa hucho m-inyi wakwe Adamu telitie kunyamarikiwa, mira kunyamarika, na kugu uzime ku-u kukwa ukombo ha vakumure."²⁹Too vekuli Yeriko, umati mgiru ukamdosa. ³⁰Na vekava-aho vipofu vanu vezokodie kakera ya barabara. Vareako ite Yesu ekuta taho, Vekama kilondo na kuba, "Dilao, M-inyi wakwe Daudi, utukoe mbazi." ³¹Mira umati ukavajoghoya, na kuvaba ta-ani. Hata to, vo vekama kilondo na kuba, "Dilao, m-inyi wakwe Daudi, tukoe mbazi.³²Halafu Yesu eka-uma na kuvalhasu, "Mdumu nimubo-ie ahoni?" ³³vekam-ba, "Dilao ite maila kanu yaghubulwe." ³⁴Iji Yesu ekukwa adarawe ni mbazi, ekayadoa ma-ila kini, wa too, vekadoria uzime wakuaho na vekamdosa.

¹Yesu na vahina ku-u vekahe sina na Jerusalemu na vekaso mpaka Bethfage, he lungori mizeituni, halafu Yesu ekavasugha vahina ku-u vanu, ²ekavabaya, "Soni he kijiji chidosa, na kagi kawe mneheya m'punda ioroiwe too, na m-inyi na hara ku-u. jigeni na kujigera hawe. ³kai mhe wowose ekumubaya chochose kwa ka, mneba, 'Dilao ejidumu,' na mhe ka kagi kawe enemuro mlita hawe najo.⁴Mburi ya ilianye ni hu iyoiwe kutahoya he mlotezi lazima litimijwe. Ekavaba , ⁵Vabani vabora Sayuni, wesia, dilao ke elita hakaghu, mnenekeri na ekutue m'punda, na hara ya kiagiru, na hara gitutu.⁶Halafu vahina veka-ka na kuzabo-i sacho Yesu evasigire. ⁷Vekagera m'punda na hara, na kuke gomae kini ana kini, nau Yesu ekazokodi too. ⁸Vakumure he mkusanyiko veka nagha gomae kini kwalhi, na vahali vekate matambi kuli he mihatu naku nagha he barabara.⁹Umati umka-eye Yesu ukama kilondo,vekuba, "Hosana he m-inyi wakwe Daudi! Ni keba elita kwa ilhe la Dilao. Hosana ana sha!" ¹⁰Yesu arehe Yerusalemu, mwang'a mzime ukaituka na kuba, "Ya ni ji? ¹¹"Umati ukalandula, "ya ni Yesu Mlotezi, kuli Nazareti ya Galilaya."¹²Halafu Yesu ekabuu he ihekalu la Kiumbi. Ekavauguluti gana vakabuna ve-ekuwe na kudi he ihekalu. Na ekabidula meza ja vevunja hera na vikire vya vyazadi sua. ¹³Ekavaba , "hegondiwe, "Minda gho inesewe minda ya kirurumo, mira kune mwaibo-i m'panga ya vagwalo." ¹⁴Halafu vipofu navilema vekamlitia he ihekalu, nau ekava-uti.¹⁵Mira vagiru va kirurumo, na vaandishi vareaho, maajabu yo ebo-iye, na vareko va-inyi vekuma kilondo he ihekalu na kuba, "Hosana he M-inyi wakwe Daudi." Vekadarewe ni malhaha. ¹⁶Vekambaya, "Ukoe ka chiyowe niya vahe?" Yesu ekavaba, "Eee! Mira temnaraa soma, 'kuli he mi-o ya va-inyi na va-inyi wagitutu vegosiwe, mlo sifa kamiri?" ¹⁷Halafu Yesu ekavaro na kuso gana ya mwang'a he Bethania na kugosha are.¹⁸Chalheni ekukwa ekirii he mwang'a, ekakwa elo kela. ¹⁹Eka aho mtini kakera ya barabara, Ekaudosa, mira teahoe kigi ana ku-u, mira mahako bi. Ekaubaya, "Use-ezakwa na matunda hake kahaliwa." Na kagi ka mtini ukanyuluka.²⁰Vahina vare aho, vekashangaa na kuba, "Chikwaemo mtini uwanyaluka kagi kawe?" ²¹Yesu ekalandula na kuvabaya, "Kweri ni mubaya, kai mnekwa na imani isilo futofuto, temkabo-i hucho chibo-ike he hu mtini to. Mira mneubaya hata hu lungori, Udoriwe na uzebibiwe baharini, na inebo-ika. ²²Chochose cho mnetasa he kirurumo, ilai mkuamini, mnedoria."²³Yesu areahe hekaluni, vagiru va kirurumo na vazee va vahe vekamlitia too ekuhiniza na kumlhasu, "Ni kwa mburi ya kweji ubo-i mburi ya? Na niji ekuoe mamlaka ya?" ²⁴Yesu ekalandula na kuvabaya, "Na ani kahali nimulhasu iswali iwe. Kai mkunibaya, na ani wato-oto ninemubaya ni kwa mburi ya mina nibo-i mburi ya.²⁵Ubatijo wa Yohana- ulie le, mbinguni kana ha vahe? " Vekalhasuana venye, Vekuba, tukuba, twaraaba , ulie mbinguni,venetuba , kwa ahoni temu-muaminiye? ²⁶Mira twara-aba , ulie he vahe, tuogoha makutano, kwaite vakabuna vemwaho Yohana sa mlotezi." ²⁷Halafu vekamlandula Yesu na kuba, "Tetuiliye," Ekava baya naho, "Neri ani sikamubaye ni kwa mburi mina nibo-i mburi ya.²⁸Mira mfanyanya ahoni? Mhe elo va-inyi vanu, Ekaso he muwe na kumbaya, 'M-inyi gho, so urebo-i nyamalo he mbuva ya mizabibu ²⁹wai. M-inyi ekalandula na kubasikaso,' baadaye ekabadirisha fanyanyi ku-u ekaso. ³⁰Na hu mhe ekaso he m-inyi wa kanu na kuyo kigi wa hu-uhu. M-nyi ekaba, 'Nineso dilao', mira tesoe.³¹Ni mhama he va-inyi vanu ebo-iye chidumuwe ni aba kini? Vekaba, "M-inyi wa bosi." Yesu ekavaba, "Kweri nimubayani. Vezadara ushuru na makahaba venebuu he udilao wa Kiumbi venemuka-eya msinabuu. ³²Kwa ite Yohana eelitie hakaghu kwa kwalhi ya isikomborike, mira temu-muaminiye. Na kune mreza-aho ka likubo-ika, temze muru kuvoteka ili baadaye mumuamini.³³Sikijani mfano mhali. He-elo mhe, mhe elo mbuva kiru. Ekalha mizabibu, ekake lwigo, ekabo-ina chombo cha ku-ulea divai, ekakwa na mnara wa valinzi, na ekalikodisha he vatunza zabibu. Halafu ekaso he idi ihali. ³⁴He uluki wa mizabibu urehe sina, ekavasugha vanyamalo vaghere he vazakuru va mizabibu kudori mizabibu ku-u.³⁵Mira vazakuru va mizabibu vekavadori vanyamalo ku-u, Vekam-ma muwe, vekamga-a mhali, na vekam-ma muwe kwa masaheru, ³⁶Kwa kagi kahali, Mwenye ekavasugha vanyamalo vahali, vakumure kutaho hu va bosi, mira vazakuru va mizabibu vekavabo-i to-oto. ³⁷Baada ya ata dilao hu ekamsugha hakini m-inyi ku-u, ekuba, "Venemheshimu m-inyi gho."³⁸Mira vazkuru mizabibu varemuaho mbwange huye, vekaba-yana, "Ya ni u mpaji. Litani, tumga-a na tudori upaji. ³⁹Kwato vekamdori, vekam-bibi kana ya mbuva ya mizabibu na kumga-a.⁴⁰He mzalo mbuva ya mizabibu ekunelita, enevasamo vazakuru va mizabibu?" ⁴¹Vekam-ba, "Enevaoni ka vahe vakusa kwa kwalhi ya ukai sha, na halafu enei-kodisha mbuva ya mizabibu he vazakuru vahali va mizabibu, vahe vene-lhanu kwa mburi ya mizabibu ikune-aasi.⁴²Yesu ekavaba, "Temsomie he magondo, 'Isaheru lilhiiwe ni vekwa, laakwa isaheru igiru la msingi. Ya lee-lie he Dilao, na ligera lundolo he ma-ila kanu?⁴³Kwato nimubaya, Udilao wa kiumbi unedoriwe kuli hakaghu na kuowe taifa linewesia matunda ku-u. ⁴⁴Wowose enelhu ana he isaheru ka enepuika vibesubesu. Mira he wowose linemlhuiya, linemshagha.⁴⁵Vagiru va kirurumo na mafarisayo vareko mifano ku-u, veka-aho veyoiwa vo. ⁴⁶Mira kila varedumu kuka-a mheregha ana, vekakoya bughu makutano. kwa ite vahe vekumuwesia sa mlotezi.

¹Yesu ekayo navo kahali kwa mifano, ekuba, ²Udilao wa mbinguni utotie na dilao eandae kinyemi cha m-inyi ku-u kudori. ³Ekavasugha vanyamalo ku-u kuvakaribisha vee rarikwe kulita he kinyemi cha harusi, mira tevelitie.⁴Dilao ekavasu wa vanyamalo vahali, ekuba. Vabayani vakabuna verarikwe, Wesiani, na-andaa via-ghu. Churu na harangho kulho jaa-chinjwa, na mburi kabuna jaita kikulho, Litani he kinyemi cha harusi."⁵Mira vahe ka teve-daraishe mburi ja kurarika ku-u. Vahali vekaso he mbuva kini, na vahali vekakirii he hodi kini ja biashara. ⁶Vahali vekavajoghoya vanyamalo va dilao na kuvabutu susune na kuvaga-a. ⁷Mira dilao ekasanuiwa. Ekasugha ijeshi ku-u, ekava ga-a hu vega-ae na kuuteketeza mwang'a kini kwa mwalha.⁸Halafu ekavabaya vanyamalo ku-u., Harusi iata tayari, mira verarikwe tevestahili, ⁹Kwato soni he makutano ya kwalhi giru, vararikeni vahe vakumure kwa kila chimuruika valita he kinyemi cha harusi." ¹⁰Vanyamalo vekaso he kwa giru na kuvakaribisha vahe vovose veva-ahoye, vakulho na vakusa. Kwato lukumbi lwa harusi lukahu vagalho.¹¹Mira dilao arebuu kuvawesia vagalho, ekamuaho mhe muwe teoroye gomae ja harusi. ¹²Dilao ekamlhasu, 'M-aro, umurue kimomo kuhe i-i minda tulo gomae ja harusi?' Na ka mhe telandule kigi chochose.¹³Niho dilao ekavabaya vanyamalo ku-u, "M-oroni mhe ya miheregha na masame na mze mbibi ga-hana he kidughu, are ambaho henekwa na kuzo na kushagha ma-iki. ¹⁴Kwa ite vahe vangi vesewe, mira veteuliwe ni vaghere."¹⁵Niho Mafarisayo vekahaka na kufanyanya cho venemdara Yesu he mburi ku-u mwenye. ¹⁶Niho vekavasugha vahini kini hawe na Maherode. Na vekam-ba Yesu, "Mhinizi, tureile ite ari u mhe wa kweri, na ite uhiniza chidumuwe ni Kiumbi he ukweri. Tuwesia maoghe ya mhe mhali na tuaija upendeleo he vahe. ¹⁷Kwato tubaiye, ufanyanya ahoni? He ni kikulho kisheria kulhanu kodi hakwe Kaisari kana hai?"¹⁸Yesu eeiliye ukusa kini, "Kwa ahoni mnighesha, kune vanafiki? ¹⁹Niaijani hera yitumika kulhanu kodi." Niho Vekamgeria Dinari.²⁰Yesu ekavalhasu, "Vubasa na ilhe ya ni vya kweji?" ²¹Vekalandula, "Vyakwe Kaisari." Niho Yesu ekavabaya, "M-oni Kaisari vigi vikwae viu-u na vya Kiumbi m-oni Kiumbi." ²²Vareako to vekakwa nalundolo. Halafu vekamro na kuso kini.²³²⁴I-aze ka Masadukayo vahali vekalita he Yesu, hu vebaa ite tehelo ufufuo wa vegae. Vekamlhasu, vekuba, "Mhinizi, Musa e-ebae, kai mhe egae bila kusa m-inyi, mbahu ku-u na amrithika mlage na amsaije m-inyi kwa ajili ya m-bahu ku-u.²⁵Veeata vabahu saba. Wa bosi ekadori na halafu ekaga tenasa va-inyi. Ekamroya mlage m-bahu ku-u. ²⁶Halafu Mbahu ku-u wa kanu nau nau ekabo-i to-oto, halafu hu wa kakai, ikakwato mpaka hu wa saba. ²⁷Baada ya kuboi to vakabuna, hu mlage nau ekaga. ²⁸Iji he ufufuo ka mlage enekwa niwa kweji he vabahu ka saba? Kwaite vakabuna vemdorie.²⁹Mira Yesu ekavalandula na kuvaba, "Mkose, kwaite tem-iliye magondo neri nguvu ja Kiumbi. ³⁰Kwaite he ufufuo, vahe tevedori neri kudoriwe. Mira vahe vekwa sa malaika are mbinguni.³¹Mira kwa ufufuo wa vegae, temze soma hu cho Kiumbi e-echiyoe hakaghu, ekuba, ³²Ani ni kiumbi wa kwe Ibrahimu, Kiumbi wakwe isaka, na Kiumbi wakwe Yakobo? Kiumbi si kiumbi wa vegae, mira ni kiumbi wa vahe ve hema." ³³Too ikusanyiko lireko ya, vekamawe lundolo ni mahini ku-u.³⁴Mira mafarisayo vareko ite Yesu avata-aija Masadukayo, Vekakututana venye hawe. ³⁵muwe kini, ekukwa ni mhe wa sheria, Ekamlhasu mburi kwa kumghesha. ³⁶Mhinizi, ni amri hama egiru kuktaho kabuna he sheria?"³⁷Yesu ekalandula, "Udumuwe, umdumu Dilao kwa swaho ke kabuna, kwa roho ke kabuna, na kwa akiri ke kabuna. ³⁸Ya ni u amri mgiru na ya bosi³⁹Na yakanu itotie na ka- Udumuwe kumdumu jirani ke sa cho ukudumu mwenye. ⁴⁰Sheria kabuna na valotezi vetegemea amri ya nu."⁴¹na Mafarisayo veecheri vekututie hawe, Yesu ekavalhsu iswali. Ekuba, ⁴²"He ! mufafanya ahoni ana ya Kristo? Ye ni M-inyi wa kweji?" Navo vekam-landula, "Ni m-inyiwakwe Daudi.⁴³Yesu ekavalandula, "Ni kwa namna mina Daudi He Roho emse ⁴⁴Dilao gho, "Zoko he mhegha gho wa kuume, mpaka hodi ninevabo-i vankru ke vakewe di he masame ke."?"⁴⁵Kai Daudi emse Kristo "Dilao," ni mburi mina enekwa m-inyi ku-u?" ⁴⁶Tehelo emuruye kumlandula mburi hali wa, na tehelo egheshije kahali kumlhasu maswali mahali tangu ka i-aze na kuendelea.

¹Baadaye ekayo na umati wa vahe na vahina ku-u, Ekaba, ²"Vaandishi na mafarisayo vezokodia kikire cha kwe Musa. ³Kwato chochose cho vevadumu kuboi, bo-ini ilai mkuvachunguza. Mira msedori mibo-ire kini, kwaite vo veyo mburi vesijibo-i.⁴Kweri, vo veoro mimaru iyahi ambayo ni mikumure kuiti-i , na halafu vevatwisha vahe hevituro kini. mira vo venye teveshweghija neri kisatu kuti-i. ⁵Miboire kini mikabuna, Veyabo-i ili vawesi-iwe ni vahe. Kwa ite vo vepanua masanduku kini na kuyaongeja ugiru wa mapindo ya gomae kini.⁶Vo vedumue kuzokodi hodi ha kifahari he vinyemi na he vikire vya heshima za he masinagogi, ⁷na kuholuwe kwa heshima are he maeneo ya kihoja , na kuswe "Mhini wa vahe.⁸mira kune temdumuwe kusewe "Vahinizi", Kwaite mlo mhinizi muwe na kune vakabuna mu vabahu. ⁹Msimse mhe wowose i-i duniani ite aba kaghu, kwaite mlo Aba Muwe bi, nau eata mbinguni. ¹⁰Neri msi sewe 'vahinizi,' kwaite mlo mhinizi muwe bi hu Kristo.¹¹Mira hu emgiru hakaghu enekwa mnyamalo kaghu. ¹²Wowose enekukuturu enedimiriwe. na wowose ekudimirija nau enekuturuwe.¹³Mira ole kaghu vaandishi na mafarisayo, vanafiki! Mvalhatia vahe udilao wa mbinguni. na kune tem-muru kuza-ubuu, na temdumuija vebuu kubo-i to. ¹⁴(Daraisha: msitari wa 14 teuahoika he nakala kulho ja kae. nakala hali jiongeja mtarari wa 12. mtarari wa 14 "Ole kaghu vaandishi na mafarisayo vanafiki! Kwa ite mvaghuju va jane") ¹⁵Ole kaghu vaandishi na mafarisayo, vanafiki! mtaho cha oju ya bahari na kuhe kumbo-i mhe muwe aamini huyo mhiniza, na ekukwa sa kune, mbo-i kagi kanu M-inyi wa jehanamu sa kune venye mkwae.¹⁶Ole kaghu viongozi vipofu, kune mbao, wowose eapa he hekalu, sikigi. Mira eapa he dhahabu ya hekalu, aorowe ni kiapo ku-u. ¹⁷Kune vipofu vapumbavu, kihama ni kigiru kutaho kihali, dhahabu kana hekalu ka likeye wakfu dhahabu ya Kiumbi.¹⁸Na wowose eapa he madhabahu, si kigi. Mira eapa kwa sadaka iata ana ku-u, aaorowe ni kiapo ku-u. ¹⁹Kune vipofu,kihama ni kigiru kutaho kihali, sadaka kana madhabahu niu ike wakfu sadaka jiguwe he Kiumbi.²⁰Kwato, ka eapa he madhabahu eapa he ka na kwa vigi vikabuna viata ana ku-u. ²¹Na eapa he hekalu, eapa he ka na kwa heka ezoko za ku-u. ²²Na eapa he mbingu, eapa he kikire cha enzi cha Kiumbi na he hu ezokodie ana ku-u.²³Ole kaghu, vaandishi na Mafarisayo, vanafiki! kwa ite mriha zaka kwa bizali, mnaanaa na mchicha, mira mro mburi giru ya sheria-haki, rehema, na imani. Mira ya mdumuwe mkwa mwayabo-i, na si kuyaro mahali neri temyabo-i. ²⁴Kune viongozi vipofu, kune mchuja kanyongolo kagitutu mira mghuju ngamia!²⁵Ole kaghu, vaandishi na Mafarisayo, vanafiki! kwa ite m-onti gahana ya vikombe na gahana ya sahani, mira za he-hue uzulumisho na kubeni kiasi. ²⁶Kune Mafarisayo vipofu, ontini ini za ya kikombe na za ya sahani, nesa bwa wa gana naho ukwa uakue.²⁷Ole kaghu vaandishi na mafarisayo, vanafiki! kwa ite mtotie na makaburi yelhomiwe chokaa, kwa gahana yeahoika makulho, mira kwa za yehue mafwara ya vegae na kigi chikandane. ²⁸Kwato oto, nakune kwa gahana muahoika mlo haki he vahe, mira kwa za unafiki na ukusa.²⁹Ole kaghu vaandishi na mafarisayo, vanafiki! kwa ite mkwa makaburi ya valotezi na kuyapamba makaburi ya velo haki. ³⁰Kune mwaba, kai twe-ete hema he ma-aze ya aba kanu, tweteseekwa twaashiriki hawe navo kusu sako ja valotezi. ³¹Kwato mukushuhudia venye ite kune ni va-inyi va ka vevaga-aye valotezi.³²Hata kune mheja kuhuti hodi hestahili makusa ya aba kaghu, ³³Kune boome, va-inyi va vipiribao, kwa mburi mina mnehepa hukumu ya jehanamu?³⁴Kwa to, wesia, nivasugha hakaghu valotezi, vahe velo viugho, na vaandishi. Vahali kini mnevaga-a na kuvasulumija. Na vahali mnevachapa are za hemasinagogi kaghu na kuvauguluti kuli hemwang'a muwe mpaka mhali. ³⁵Chinelijanya ni kuba ana kaghu henelijanya sako kabuna ja velo haki jisuiwe duniani, kuvokia sako yakwe Habili elo haki mpaka he sako yakwe zakaria m-inyi wakwe Barakia, mum-ga-aye hasi ya hatakatifu na madhabahu. ³⁶Kweri, nimubayani, mburi ya yose jinechipata kizazi ya.³⁷Yerusalemu, Yerusalemu, ari uvaga-a valotezi na kuvama masaheru hu vesughawe hake! kagi kame navatuta va-inyi ke hawe sa hucho nkweno eshushutija vusio ku-u di he mbawa ku-u mira ukalhi. ³⁸Wesia, minda ke ishighale njenye. ³⁹Na ani nikubaya, kuvokia waijiji na kuendelea tukaeniaho, mpaka ukuneyo, "Keba ka elita kwailhe la Dilao."

¹Yesu ekali hekaluni na kuso ku-u. Vahina ku-u vekamsoya na kum-aija minda ya hekalu. ²Mira ekavalandula, "He, tumuaho mburi kabuna ya? Kweri namubaya, tehelo isaheru lineshighala ana ya ihali bila kupuwe.³Na arehema he Lungori lwa Mizeituni, vahina ku-u vekamdosa venye na kuba, "Tubaye, mburi ya jinelianya ami? Ni kigi mina chinekwa dalili ya kulita ke na mwisho wa dunia?" ⁴Yesu ekalandula na kuvabaya, "mukwa chonjo ite mhe asee-mta. ⁵Kwaite vakumure venelita kwa ilhe gho. Veneba, 'Ani nihu Kristo', na venevata vakumure.⁶Mneko nkondo na mburi ja nkondo. Wesiani msee kwa na futofuto, kwaite buri ya jinelijanya bi; mira hu hu mwisho unekwa teunahe. ⁷Kwaite itaifa lineka kukwe na itaifa ihali, na udilao kukwe na udilao. He nekwa na kela na kuzingizika kwa ardhi hodi hakumure. ⁸Mira mburi ka kabuna nija bosi bi he uchungu wa kusa.⁹niho venevagu kwa masulumijo na kuvaga-a. Mnesanuiwa ni mataifa makabuna kwa mburi yailhe gho. ¹⁰Niho vakumure vekuhiri na kusalitiana na venesanuiana vo kwa vo. ¹¹Valotezi vakumure va mambeza venelijanya na kuvata vakumure.¹²Kwaite makusa eneongejika, udumuisho wa vakumure unesaru, ¹³Mira enesumirija mpaka mwisho, eneokolwa. ¹⁴Ya Injili ya udilao inehubiriwa he idi izime sa ushuhuda he mataifa makabuna. Na niho hu mwisho unehe.¹⁵Kwato mkuneaho malha ya ku-oni, liyoiwe ni mlotezi Daanieli la-auma hodi hatakafu [esoma na ile], ¹⁶niho veata Yuda vauguluye mangori. ¹⁷Na hu eata ana he mi-a ya minda asidimi dori kigi chochose kuli za ya minda ke, ¹⁸nahu eata he mbuva asikirii kudori gomae ku-u.¹⁹Mira ole kini velo va-inyi na hu vegosija he ma-aze ka. ²⁰Tasani ite kugugulu kaghu kusikwa he sa, kana i-aze la sabato. ²¹Kwa ite henekwa na dhiki giru,teyenaralijanya kuvoka kuumbwa kwa ulimwengu mpaka wa-i, na neri teikalijanya wa. ²²Kai ma-aze te-ete fupishwa, tehelo esemuru kuokoka. Mira kwa mburi ya vesaghurwe, ma-aze ka enefuhijwa.²³Halafu kai mhe wowose enemuba 'Wesia, Kristo eata i-i! kana, 'Kristo eata twai " msimuamini mburi ka. ²⁴Kwa ite Makristo va mambeza na valotezi va mambeza venelita na kuaija ishara giru na maajabu, kwa mburi ya kulahatianya, kai cheku-muruika hata vesaghurwe. ²⁵Wesiani, naa-mubaya mburi jisina lijanya.²⁶Kwato, kai venemubaya, "Kristo eata jangwani,' msieso are jangwani. Kana, 'Wesiani, eata za he minda,' msiamini mburi ka. ²⁷Sa radi cho imurika kulia mashariki na kumurika mpaka magharibi, nicho chinekwa hekulita he M-inyi wakwe Adamu. ²⁸Hohose uata mzoga, are niho tai jikusanyika.²⁹Mira baada ya dhiki giru ja maa-ze hu, I-aze line butuwe kidughu, Mlhihe teukagu mwangaza ku-u, ntondwe jinelhu kuli ana, na nguvu ja mbinguni jinesingiza.³⁰Niho ishara ja m-inyi wakwe Adamu ineahoika ana, na makabilamakabuna ya dunia yeneomboleza. Venemwaho M-inyi wakwe Adamu ekulita he majunde ya ana kwa nguvu ya utukufu mgiru. ³¹Enevasugha malaikaku-u ya tarumbeta, navo venevatuta hawe vasaghurwa ku-ukuli bwa hai ja dunia, kuli mwisho muwe wa mbingu mpaka mhali.³²Hinani isomo kuli he mtini. Too bi itambi likushuka na kugu mahako, mraile ite kiangazi kiata sina. ³³Kwato iji, mkuneaho mburi ya kabuna, mdumuwe kuile ite aahe sina, eata sina na luhige.³⁴Kweri nimubaya, kizazi ya techikataho, mpaka mburi kabuna ya jinekwa ja lijanya. ³⁵Mbingu na di jinetaho, mira mburi ho tejikataho neri.³⁶Mira mburi ya i-aze hu na saa tehelo mhe eiliye, neri malaika va mbinguni, neri M-inyi, mira Aba mwenye u.³⁷Sa cho che kwae he ma-aze ya kwe Nuhu, Nicho chinekwa kulita he M-inyi wa Adamu. ³⁸Kwaite he ma-aze ka gharika vahe ve-eku-a na kuwaha, vekudori na kudoriwe mpaka hu i-aze nuhu ekabuu he safina, ³⁹Na teve-iliye kigi chochose mpaka gharika irehe na kuvati-ianya vakabuna- nicho inerakwa kulita kwa M-inyi wakwe Adamu.⁴⁰Niho vahe vanu venekwa hembuva- muwe edoriwe, na muwe erowe mzungure. ⁴¹Valage vanu venekwa veshagha hawe- muwe enedoriwe, na muwe eshighala. ⁴²Kwato mukwa ma-ila kwaite tem-iliye i-aze mina yo enelita Dilao kaghu.⁴³Mira m-ile ite, Kai dilao elo minda nanga eiliye ni saa me mgwalo enelita, eseehema maila na teseero minda ku-u kuvamiwa. ⁴⁴Kwato mdumuwe kuhema tayari, kwaite M-inyi wa Adamu enelita he saa msii-la-aye.⁴⁵Kwato niji e mwaminifu, mzasughawe elo akiri, Hu dilao ku-u em-o madaraka ana ya veata he minda ku-u, nesa ava-o viaghu he muda u ye? ⁴⁶Keba na mhe ka, enehelhawe ni dilao ku-u enemheya ekubo-i to wakati ekulita. ⁴⁷Kweri nimubaya ite dilao enemke ana ya kila kigi eki ku-u.⁴⁸Mira kai Mzasughawa mkusa ekuyo he swaho ku-u, 'Dilao gho aacheri,' ⁴⁹na ekavoka kuvama vanyamalo ku-u, na eka-a na kuengeli va kuwaha, ⁵⁰Dilao wa mzasughawa ka ekulita he ma-aze esi-iliye, na he saa esi-iliye. ⁵¹Dilao ku-u enemte vihindi vinu na kumke he nafasi we sa vanafiki, ambaho henekwa na kizoi na kushagha ma-iki.

¹Niho udilao wa mbinguni utotijwa na na vabora ikado vedorie vijari kini na kuhaka kuso kumdoria dilao wa harusi. ²Vakoi he vo nee vapumbavu na vakoi vahali ne vaerevu. ³Vabora vapumbavu varedori vijari kini, tevedoria malhoma yoyose. ⁴Mira vabora vaerevu vekadori vikolhe vilo malhoma na vijari kini.⁵Iji too dilao wa harusi arelheeti kuhe, vakabuna veka darawe ni lu-ireno na kugosha. ⁶Mira wakati wa ki-ama kigirusha hekakwa na kilondo, 'Wesia, dilao wa harusi! Lini kahana mzemdoria.'⁷Niho hu vabora veka-ka vakabuna na kukati vijari kini. ⁸Hu vapumbavu vekavaba hu vaerevu, 'Tukaka-yani malhoma maghere kwaite vijari kanu vita-ga. ⁹'Mira hu vaerevu vekavalandula na kuvaba, ' Kwaite teeka tutoshe kune na nne, badala ku-u sonihe vezadi mzewe kibwesu kwa ajili kaghu.¹⁰Too vareeso are kwa awe, Dilao wa harusi ekahe, na vabuna veeta tayari vekaso nau he kinyemi cha harusi, na luhige lukalhatiwe. ¹¹Baadae hu vabora vahali, navyo vekalita na kuba, 'Dilao, dilao, tu-lhae.' ¹²Mira ekalandula na kuba, 'kweri nimubaya, ani simuiliye.' ¹³Kwato wesiani, kwaite temiliye i-aze kana saa.¹⁴Kwa ite ni sa mhe edumue kuso he idi ihali. Ekavase vanyamalo ku-u na kuva-o uzuri ku-u. ¹⁵Muwe ekam-o talanta koi, mhali ekam-o nu, na mhali ekam-o we. kila muwe eka-owe ku-agha na cho emuru mwenye, na hu mhe eka ekabari na kuso. ¹⁶Too bi hu edorie talanta koi, ekaso kujikeija, na kujizalisha talanta hali ko-i.¹⁷Too-to hu edorie talanta nu, ekajizalisha hali nu. ¹⁸Mira mnyamalo edorie talanta we, ekaso ku-u, ekatu ishimo he mpulhe, na kuifisa hera ya dilao ku-u.¹⁹Na baada ya muda mueza, dilao wa vanyamalo ka ekakirii na kubo-i mahesabu kini. ²⁰Hu mnyamalo muwe edorie talanta koi, ekalita na talanta hali koi wa, ekaba Dilao, weni-oe talanta koi.' Wesia, naa-aho faida ya talanta hali koi. ²¹Dilao ku-u ekaba, 'Hongera, mnyamalo mkulho na mwaminifu! Waakwa mwaminifu! he vigi vigitutu. ninekuo ugiru he vigi gho vikumure. Buu he kinyemi cha dilao ke.'²²Mnyamalo edoriye talanta nu ekalita na kuba, 'Dilao, wenioe talanta nu. Wesia naa-aho faida ja talanta hali nu,' ²³Dilao ku-u ekam-ba, 'Hongera, mnyamalo mkulho na mwaminifu! Waakwa mwaminifu he vighere. Ninekuo ugiru ana he vigi vikumure. Buu he kinyemi cha Dilao ke.²⁴Baadaye mnyamalo hu edorie talanta we, ekalita na kuba, 'Dilao, nireile ite ari umhe mkai. Uchuma hodi usilhae, uluka hodi usinyunyije. ²⁵Ani nikaogoha, nikaso gho na kuimatu talanta ke he mpulhe, Wesia, yayo i-i nihu e-ke.²⁶Mira dilao ku-u ekalandula na kuba, "Ari mnyamalo mkusa na mzembe, we-eiliye ite nichuma hodi ambaho silhae na kuluka hodi nisi nyunyije. ²⁷Kwato wedumuiwe kuva-o hera gho vahe va benki, na nikukirii neseidori hu gho hawe na faida.²⁸Kwato mlani ka talanta na m-oni hu mnyamalo elo talanta ikado. ²⁹Hu mhe elo nacho, enesusuwe vvihali hata kwa kuowe vitahoye sha. Mira kwa wowose esilo na kigi enelawe. ³⁰Mbibini gana ka mnyamalo esiye, ambaho henekwa na kizoi na kushagha ma-iki.³¹Too M-inyi wakwe Adamu ekunelita he giru ku-, na malaika vakabuna nau, niho enezokodi he kikire cha cha utukufu. ³²Mataifa makabuna yenekututa mbele ku-u, nau ene kaka-anya vahe, sahucho mzemo cho e-kaka-anya ma-alu na afa. ³³Eneke ma-alu mheregha wa wa kuume, mira afa enejike mheregha wa kumoso.³⁴halafu dilao enevaba hu veata mheregha ku-u wa kuume, 'Litani, kune mbarikiwe ni Aba gho, upaleni udilao ukeiwe kwa ajili kaghu, kuvokia are misingi ya ulimwengu. ³⁵Kwa ite neelo na kela na mkani-o viaghu; nee mgalho mkanikaribisha; ³⁶See oroye gomae, mkani-oro gomae; Nee mrukao mkanilha-ari; nee oroiwe mkanilitia.³⁷Niho velo haki venemlandula na kum-baya, 'Dilao, ni ami tweekuahoye ulo kela,na tukakupasi? kana ulo kasu na tukaku-o mai? ³⁸Kana ni ami tukuahoye umgalho, tukakukaribisha? Na niami tukuahoye we mrukao, kana he ku-orowe, ³⁹na tukakulitia? ⁴⁰Ne dilao aevalandula na kuvabaya, 'Kweri nimubaya, cho m-boiye i-i he muwe wa vabahu gho vagitutu, mnibo-iye ani.⁴¹Niho enevabaya ka veata he mheregha ku-u wa kumoso, 'Hakani hagho, m-busuiwe, soni he mwalha wa milele ukeiwe kwa ajili ya shetani na malaika ku-u. ⁴²Kwaite neelo kela mira temnioe viaghu; Neelo kasu mira temzenio mai; ⁴³Nee mgalho mira temnikaribishe; See oroye mira temnio-oye gomae; neemrukao na neeta he kuorowe, mira temniwesie.⁴⁴Niho navo iji venemlandula na kuba, ' dilao, ni ami tukuahoye ulo kela, kana ulo kasu, kana umgalho, kana tulo gomae,kana umrukao, kana uoroiwe, na tetukuhudumie? ⁴⁵Halafu enevalandula na kuba, 'kwei nimubaya, hucho msibo-iye he muwe waya vagitutu, temnibo-iye ani. ⁴⁶Ya veneso he masurumizi ya milele mira velo haki he uzime wa milele."

¹Too Yesu arefi kuyo mburi kabuna ka, ekavaba vahina ku-u, ²"Mreile ite baada ya ma-aze manu tunekwa na siku nkulu ya pasaka, na M-inyi wakuu Adamu eneguwe asurumijwe."³Baadae Vagiru va kirurumo na vazee va vahe vekahe hawe hodi edie mgiru wa kirurumo, Ekasewe Kayafa. ⁴Kwa hawe vekake njama ya kumdara Yesu kwa siri na kum-ga-a. ⁵Kwa ite veeyoe, "Isiboike wakati wa siku nkulu, nesa iseegera ghasia he vahe.⁶Too Yesu eata Bethania he minda ya Simoni mkoma, ata ⁷ekunyooshe he meza, mlage muwe ekamlitiya eeti-iye mnkebe wa alabasta weelo malhoma ya samani giru, na ekayasu he m-a wa ku-u. ⁸Mira vahina ku-u varezaaho ka mburi, vekasanuiwa na kuba, "Ni mburi mina ya hasara ya? ⁹Ya yesemuruwe kudiwe kwa kiasi kigiru na kuotiwe he vahuye."¹⁰Mira Yesu, ilai eiliye ya, ekavaba, "Kwa ahoni mumnyamarisha mlage ya? Kwaite aabo-i kigi kikulho hagho. ¹¹Vahuye mlo navo ma-aze kabuna, mira temka kwa hawe na ani daima.¹²Kwaite arekufuntu malhoma ana ya msa gho, ebo-ie to kwa ajili ya majiko gho. ¹³Kweri nimubaya, Hohose injili ya inehubiriwa he ulimwengu mzime, ya mburi eboiye ya mlage, nacho chinekwa chiyowe kwa kum-hulha."¹⁴Niho muwe wa hu ikado na vanu, esewe Yuda Iskariote, ekaso he vagiru va kirurumo ¹⁵na kuba, "Mnenio ahaoni nikumsaliti?" Vekampimia Yuda vipande mirongo mikai vya hera. ¹⁶Kuvokia muda ka ekadaa nafasi ya kumsaliti Yesu.¹⁷Hata i-aze la bosi isibutuiwe chachu, vahina vekamsoya Yesu na kuba, "Nile udumu tukuandae u-a viaghu vya pasaka?" ¹⁸Ekavaba, "Soni he mwang'a he mhe fulani na mumbaye, Mhinizi eba, "Muda gho wahe sina. ¹⁹Nineitimija Pasaka hawe na vahina gho he minda ke." Vahina vekabo-i sacho Yesu evabaye, na veka-andaa viaghu vya pasaka.²⁰Irehe chamagheri, ekazokodi ku-a viaghu hawe na hu vahina ikado na vanu. ²¹Ata vee ku-a viaghu, ekaba, "Kweri nimubaya ite muwe kaghu enenisaliti." vekazika ²²Vekadungurika na kila muwe ekavoka kumlhasu, "He, kweri siyo ani, Dilao?"²³Ekalandula, "Hu enebutu mheregha ku-u hawe na ani he ibakuri ni-u enenisaliti. ²⁴M-inyi wakwe Adamu enehaka, sacho egondiwe. Mira ole ku-u mhe ka enemsaliti M-inyi wa Adamu! Chesekwae kikulho he mhe ka nanga teahoiwe." ²⁵Yuda, hu anemsaliti ekaba, "He!, ni ani Rabi?" Yesu ekam-ba, "Uyoe mburi ka mwenye."²⁶Ata vekuuchera a viaghu, Yesu ekaudori mkate, ekaubariki, na ku-pa-a. Ekavao vahina ku-u ekuba, "Dorini, m-a. ya ni msa gho."²⁷Ekadori kikombe na kushukuru, ekava-o na kuba, "Wahani vakabuna he ya. ²⁸Kwaite ya ni sako ya iaghano gho, isuwe kwa mburi ya vakumure he msamaha wa makusa. ²⁹Mira nimubaya, sikawaha wa matuunda ya mzabibu ya, mpaka i-aze hu nikunewaha sha hawe na kune he udilao wakwe Aba gho.³⁰Vare-heja kuimba lwimbo, vekali kuso he lungori lwa mizaituni. ³¹Halafu Yesu ekavaba, "Kiama ya kune vakabuna mnekukonta kwa mburi gho, kwaite hegondiwe, Ninem-ma mzemo na ma-alu he ikundi enetawanyika. ³²Mira baada ya kufufuka gho, ninemuka eya kuso Galilaya.³³mira Petro ekavabaya, "Hata kai vakabuna venekulhi kwa mburi jinekukupata, ani sika kulhi." ³⁴Yesu ekalandula, "Kweri nikubaya, kiama ya too nkuruve isinazo, unenikana kagi kakai." ³⁵Petro ekam-ba, "Hata kai ye kunitara kuga na ari, sikakukane." Na vahina vahali vakabuna vekayo to-oto.³⁶Baadaye Yesu ekaso navo hodi hesewe, Gethsemane na ekavaba vahina ku-u, "Zokoni i-i too nikuso are na kutasa." ³⁷Ekavadori Petro na va-nyi vanu vakwe Zebedayo na ekavoka kudungurika na kuhiri swaho. ³⁸Halafu ekavaba, Swaho gho ihirisha, sina na kuga. Hemani i-i na mcherije hawe na ani."³⁹Ekaso kara habwesu, ekalhu kifudifudi, na kutasa. Ekuba, "Aba gho, kai chimuruika, kikombe ya kiniepuke. Isikwa sa cho ni dumu ani, Mira sa hucho udumu ari." ⁴⁰Ekavadosa vahina na ekaheya vaagosha lu-ireno, na kumbaya Petro, "Kwa ahoni tem-muruye kucherija na ani neri isaa iwe? ⁴¹Cherijani na kutasa nesa msibuu he maghesho. Swaho idumu, mira msha ni m-bovu.⁴²Ekaso ku-u kagi ka kanu na kutasa, ekaba, "Aba gho, kai mburi ya teimuruika kuepukika na lazima nikiwahae kikombe ya, cho udumu ari na chikwa. ⁴³Ekakirii wa ekavaheya vaagosha luireno, kwaite ma-ila kini ye kuyahi. ⁴⁴Halafu ekavaro wa ekaso ku-u,. Ekatasa kagi ka- kakai ekuyo mburi wa hu-uhu.⁴⁵Baadaye Yesu ekavasoya vahina ku-u na kuvabaya, "Mcherie gosha na kupumzika? Wesiani, saa yaahe, na M-inyi wakwe Adamu etasalitiwa he miheregha ya velo makusa. ⁴⁶Kani, tuhaka. Wesia, hu enenisaliti aahe sina."⁴⁷Too eekuchera yo, Yuida muwe va hu ikado na vanu, ekahe,. Vahe vakumure veelitiye nau vekuli he vagiru va kirurumo na vazee va vahe. Vekalita mahamba na maboi. ⁴⁸Kahali mhe edumuye kumsaliti Yesu eevaoe ishara, ekuba, "Hu ninem-ma Ibusu, niu ka. Mdarani."⁴⁹Upesi ka ekalita hakwe Yesu na kuba, "Nikuholu, Mhinizi!" na ekam-ma ibusu. ⁵⁰Yesu ekam-ba , "M-aro, libo-i hu likugerae," Niho vekalita, na kum-ku-utuia miheregha Yesu, na kumdara.⁵¹Wesia mhe muwe eata ne yesu, ekanyoosha mheregha ku-u, ekagu luhamba ku-u na kumte ilama ku-u. ⁵²Niho Yesu ekam-ba, kiriti luhamba ke to ho uluguye, Kwa ite vakabuna vetumia luhamba veneangamizjwa kwa luhamba. ⁵³Mfanyanya ite ite simuru kumse Aba gho, nau ekanisughaya majeshi zaidi ya ikado na manu ya malaika? ⁵⁴Mira iji mina magondo yamuru kutimijwa, Ya nicho chidumuwe kulijanaya.?⁵⁵Wakati ka Yesu ekaubaya umati, "He !Mlitie na mahamba na Viboi kunidara sa mgwalo? Kila i-aze nizokodi hekaluni nikuhiniza, na temnidaraye! ⁵⁶Mira kabuna ya yebo-ika nesa magondo ya valotezi yatimie." Niho vahina ku-u vekamro na ku-ugulu.⁵⁷Hu vemdaraye Yesu vekam-tii hakwe kayafa, Mgiru wa kirurumo, Hodi ambaho vaandishi na vazee veeku-umbike hawe. ⁵⁸Mira Petro ekamdosa mzungure kwa uda mpaka he ikole lwa mgiru wa Kirurumo. Ekabuu za na kuzokodi hawe na valinzi a-aho chinelijanya.⁵⁹Nesa vagiru va kirurumo na Baraza kabuna vekudaa ushahidi wa mongo he Yesu, Nesa vamuru kumga-a. ⁶⁰Hata kai veelijanye mashahidi vakumure, Mira tevepatiye sababu yoyose. Mira baadaye mashahidi vanu vekalijanya mbele ⁶¹na kuba, "Mhe ya eebaye, "Nimuru kulipu ihekalu la Kiumbi na kulikwa wa kwa ma-aze makai."⁶²Mgiru wa kirurumo ekauma na kumlhasu, "Tumuru kulandula? Ya vekuyop ahoni ana ke?" ⁶³Mira Yesu ekata-a chwi. Mgiru wa Kirurumo ekambaya, "Sa kiumbi cho ehemka, nakubaya utubaye, Kai ari ni Kristo, M-inyi wa Kiumbi" ⁶⁴Yesu ekalandula, "Ari mwenye waayo mburi ka. Mira nikubaya, kuvoka waijiji na kuso unemuaho M-inyi wakwe Adamu ezokodie mheregha wa kuume ulo nguvu, na ekulita he majunde ya mbinguni."⁶⁵Niho mgiru wa kirurumo ekararura gomae ku-u na kuba, "Aakufuru! He! tudumu ushahidi mhali wa ahoni? Wesia, Mwaako ekukufuru. ⁶⁶He! mufanyanya kiahoni? Vekalandula na kuba, "Estahili kigato."⁶⁷Halafu vekam-busuya mapae he vubasa na kum-ma mchapa nkundi, na kuchapa makofi kwa miheregha kini, ⁶⁸na kum-ba, "Tulotijie, ari Kristo. Niji ekuchapie?"⁶⁹Wakati ka Petro e-ezokodiye gana he ikole, na mnyamalo wa kilage emsoye na kumbaya, "Na ari weata hawe ne Yesu wa Galilaya." ⁷⁰Mira ekakana mbele kini vakabuna, ekuba, "Si-iliye kigi cho uyo."⁷¹Areso gana ya luhige, mnyamalo mhali wa kilage ekamuaho na kuvabaya veata ta, "Mhe ya nau eata hawe ne yesu wa nazareti" ⁷²Ekakana wa kwa kiapo, "Ani similiye mhe ya"⁷³Muda mfuhi baadaeye, hu vee=umaye sina, vekamsoya na kuyo ne petro, "Kwa uhakika na ari ure muwe kini, kwaite hata miyoire ke iaija. ⁷⁴Niho ekavoka kubusu na kuapa, "Ani similiye mhe ya," na wangu bi nkuruve ikazo. ⁷⁵Petro ekahulha mburi yoebaiwe ni Yesu, "I-i nkuruve isinazo unenikana kagi kakai."

¹Muda wa chalhenu urehe, vagiruvakabuna va kirurumo na vbazee va vahe veka-a njama yakwe Yesu ili vam-ga-a. ²vekam-oro, vekamkaetija, na kumheti hakwe liwali Pilato.³Halafu too Yuda, hu emsalitiye, eka-aho ite Yesu a aheja kupa-aiwa, ekajuta na kukiriti vibesu mirongo mikai, vay hera he mgiru wa kirurumo na vazee, ⁴na ekaba, "Naabo-i ukusa kwa kuisaliti sako isilo na hatia." Mira vekalandula, "Itutara kiahoni nne? Yawesie mwenye. ⁵Halafu ekavibibi di hu vibesu vya hera he ihekalu, na kuhaka na kuso kwa kufufa mwenye.⁶Mgiru wa kirurumo ekavudori hu vubendo vywa hera na kuba, "Si halali kuike hera ya he hazina, kwaite ni gharama ya sako. ⁷"Vekayoijanya kwahawe na hera ikatumika kuweya mbuva ya mfinyanzi la kujikia vagalho. ⁸Kwaite ya mbuva ka yeekwaye ikusewe, "Mbuva ya sako" mpaka wa-i.⁹Halafu hu mburi ye yoiwe ni mlotezi Yeremia likatimia, kuba, "Vedorie vipande mirongo mikai va hera, gharama ikeiwe ni vahe va israel kwa ajili ku-u, ¹⁰na vekatumia kwa mbuva ya mfinyanzi, se Dilao cho enierekeje."¹¹Iji Yesu ekauma mbele ya liwali, ne liwali ekamlhasu, "He!ari ni dilao wa Vayahudi?" Yesu ekalandula, "Ari waayo to." ¹²Mira too areshitakiwa ni vagiru va kirurumona vazee, telandule kigi. ¹³Halafu Pilato ekambaya, "Tuyakoe mashitaka ke makabuna make"? ¹⁴Mira telandule neri mburi we, kwato liwali ekahuwe ni lundolo.¹⁵Iji he sikunkulu nee desturi yakwe liwali kumlamaya mza-orowe muwe enesaghurwa ni vahe. ¹⁶Wakati ka heelo na mzaorowe sugu ilhe ku-u Baraba.¹⁷Too varekwa vaatutana hawe, Pilato ekavalhasu, "Niji mdumu tumlhamaye kwa ajili kaghu? Baraba kana Yesu esewe Kristo?" ¹⁸Kwa ite e-eliye ite vaamdara kwa mburi ya chuki. ¹⁹Too ekuzokodi he kikire ku-u cha kupa-aya, mlage ku-u ekamsughaya mburi na kuba, "Usibo-i mburi yoyose he mhe ka esilo na hatia. Kwa ite naanyamarishwa sana mpaka wa-i he kuoshwa kwa sababu ku-u.²⁰Niho Vagiru va Kirurumo na vazee vekavashawishi makutano vamwombeje Baraba, ne Yesu aga-awe. ²¹Liwali ekavalhasu, "Ni mhama he ya vanu mdumu nimlhama hakaghu? Vekaba, "Baraba." ²²Pilato ekavabaya, "Nimsamo ahoni Yesu esewe Kristo"? Vakabuna vekalandula, "Msulubishe"²³Nau ekaba, "Kwani, ni ikosa mina ebo-iye?" Mira vekazika ma kilondo kwa sauti ya ana sha, "Msurumije." ²⁴Kwato too Pilato areaho temuru kubo-i chochose, mira badala ku-u vurugu jaanavoka, ekadori ma-i ekaonthimiheregha ku-u mbele ya umati, na kuba, "Ani silo hatia ana ya sako ya mhhe ya esilo hatia. Wesiani ya kune venye."²⁵Vahe vakabuna vekaba, "Sako ku-u ikwa ana kanu na va-inyi kanu." ²⁶Halafu ekamlhamaya Baraba hakini, mira ekam-ma mijeledi Yesu na kum-oti hakini kuso kumsurumija.²⁷Halafu askari va liwali vekamdori Yesu mpaka Praitorio na ikundi igiru la maaskari vakabuna vekamtutikia. ²⁸Vekam-gu goma ku-u na kum-oroija nkanzu ya rangi ibayu. ²⁹Halafu vekabo-i taji ya milhae na kuike ana he m-a ku-u, na vekamkea mwanzi he mheregha ku-u wa kuume. Vekakoma mamuro mbele ku-u na kumtera, vekuba, "Tukuholu, Dilao wa Vayahudi?³⁰Na vekambusuya mapae, na vekadori mwanzi vekam-ma he m-a. ³¹Too vekumtera, vekamgu nkanzu na kum-oroija gomae ku-u, na kum-kaetija kuso kumsurumija.³²Vareli gana, vekamwaho mhe kuli Krene ilhe ku-u Simeoni, vekamlazimisha kuso navo nesa auti-i msalaba ku-u. ³³Varehe hodi hesewe Golgotha, maana ku-u, "ieneo la ifwara la M-a." ³⁴Vekam-o siki ikwarianywe na nyongo awaha. Mira areigali, temuruye kuiwaha.³⁵Too vare msurumisha, veka kakaana gomae ku-u kwa kujimaya kura. ³⁶Na vekazokodi kumwesia, ³⁷Ana he m-a ku-u vekake malaho ku-u yekasomeka, "Ya ni Yesu, dilao wa vayahudi."³⁸Vanyang'anyi vanu veesulumijwe hawe na u, muwe bwa wa kuume ku-u na mhali wa kumoso. ³⁹Hu veekutaho vekam-bera, veku-kusha mi-a kini ⁴⁰na kuyo, "Ari we kudumu kulioni ihekalu na kulikwa he ma-aze makai, kuokoe mwenye! Kai u M-inyi wa Kiumbi, dimi di uli he msalaba.⁴¹He hali huhu vagiru va kirurumo vekuta mtera, hawe na vaandishi na vazee, na kuba, ⁴²Evaokoe vahali, mira temuru kukuokoa mwenye. U ni Dilao wa Vayahudi. Na adimi di kuli he msalaba, niho tunemwamini.⁴³Emwarire Kiumbi. Ro Kiumbi amwokoe iji kai edumu, kwaite eebaye, 'Ani ni M-inyi wa Kiumbi. ⁴⁴Na hu vanyang'anyi veesulubiwe hawe na u navo vekayo mburi ja kumtera.⁴⁵Vaijiji kuli saa sita heelo kidughu he idi ikabuna mpaka saa kenda. ⁴⁶Irehe saa kenda, Yesu ekazo kwa sauti giru, "Eloi, Eloi. lama thamakithan?" ekumaanisha, "Kiumbi gho, Kiumbi gho, kwa ahoni waaniro?" ⁴⁷Wakati ka vahali kini vee-umaye too vekako, vekaba, "Etamse Eliya."⁴⁸Upesi muwe kini ekaugulu kudori sifongo na kuihuti chakuwaha chinyera, ekaibutu he mhatu na kuibutu nesa awaha. ⁴⁹Naka veeshighale vekaba, "Mroni mwenye, roni tuaho ite Eliya enelita kumwokoa." ⁵⁰Halafu Yesu ekazo wa kwa sauti giru na kuigu swaho ku-u.⁵¹Wesia, Pazia la hekalu lika-ka-aika hodi hanu kuli ana mpaka di. Na idi likazingiza na miamba ikabasuka vihindihindi. ⁵²Makaburi ekalhaika, na misa ya vatakatifu vakumure vee-bodiye luireno vekafufuliwa. ⁵³Vekali he makaburi baada ya ufufuo kini, vekabuu mwang'a mtakatifu, na veka-ahoika he vakumure⁵⁴Basi hu akida nahu veekumuwesia Yesu veka-aho izingizo na mburi je kulijanya, vekahuwe ni bughu giru na kuba, "Kweri ya ne M-inyi wa Kiumbi." ⁵⁵Valage vakumure ve-ekumdosa Yesu kuli Galilaya ili kumyamarikia, veeta too vekumuwesia kuli uda. ⁵⁶He vo nee Mariamu Magdalena, Mariamu lage kini Yakobo ne Josefu, ne lage wa va-inyi vakwe Zebedayo⁵⁷irehe chamagheri, ekalita mhe mzuri kuli Arimathayo, eekusewe Yusufu, nau ne mhina wakwe Yesu. ⁵⁸Ekamsoya Pilato na kuombeja Msa wakwe Yesu. Halafu Pilato ekasugha aowe.⁵⁹Yusufu ekadori msa ekauoro na gomae ya sufi iakue, ⁶⁰na kuubodija he kaburi isha ku-u lo elituye he isaheru. Halfu ekadongorosha isaheru igiru likalhati luhige lwa kaburi na ekaso ku-u. ⁶¹Mariamu Magdalena ne Mariam mhali vee ata too, vezokodie kuwesiana na kaburi.⁶²I-aze lidosie nee iaze la maandalio, vagiru va kirurumo na mafarisayo vekakututa hawe hakwe Pilato. ⁶³Vekam-ba, "Dilao turahulha ite too hu mza-ta bado e-ekuhema, ebae, 'Baada ya ma-aze makai enefufukawa. ⁶⁴Kwato sugha ite ikaburi liwesiiwe kikulho mpaka iaze la kakai. Kai sicho, vahina ku-u vemuru kum-gwa na kuyo ha vahe, "Afufuka kuli ha vegae. 'na kutawe kwa mwisho kunekwa kukusa kutaho hu wa bosi."⁶⁵Pilato ekavaba, "Dorini valinzi. Soni mzeboi hali ya usalama sacho mmuru. ⁶⁶"Kwato vekaso na kuboi ikaburi kukwa salama. isaheru likakontwa mhuri na kuke valinzi.

¹Baadae chamagheri ya Sabato, kaaze karehokwa kuoija iaze la bosi la wiki, Mariamu Magdalena, na hu mariamu mhali vekalita kuliaho ikaburi. ²Wesia heelo izingizo igiru, kwa ite malaika wa Dilao edimiye na kubingirisha hu isaheru, halafu ekalizikodiaya.³Vubasa ku-u vweekwae sa lumeme, na gomae ku-u jeekwae jiakue sa theluji. ⁴Hu valinzi vekahuwe ni futo na kukwa sa vegae.⁵Hu malaika ekavafafanulia hu valage ekuba, "Msiogohe kwa ite nireile ite mumdaa Yesu, esumirijwe. ⁶Tehata i-i. mira afufuka sacho emubaye. Litani muaho hodi ho Dilao e-ebodie. ⁷Soni fiafia mzevabaya vahina ku-u, 'Afufuka kuli ha vegae, Wesiaavakaeya Galilaya. Are niho mnemwaho.' Wesia ani namubaya."⁸Hu valage vekahaka too heikaburi upesi velo futofuto na kinyemi kigiru, na vekaugulu kuvabaya vahina ku-u. ⁹Wesia Yesu ekahe navo na kuba, "Nimuholu" hu valage vekalita na kudara masame ku-u, na halafu vekamtasa. ¹⁰Halafu Yesu ekavabaya, "msiogohe, soni mzevabaya vabahu gho vakae Galilaya. Are veneniaho.¹¹Too hu valage ata veekuso, wesia valinzi vahali vekaso he mwang'a na kuvabaya vagiru va kirurumo mburi kabuna jilijanye. ¹²Navo va giru va kirurumovarehe na vazee na kuiyo mburi ka hawe navo, vekagu kiasi kigiru cha hera hehu askari ¹³na kuvabaya, "Vabayani vahali ite, 'vahina vakwe Yesu vaalita na-ama vekaugwa msa wakwe Yesu wakati too nne tweebodie.¹⁴Kai mburi ya inemhea liwali, nne tunemkengereja na kuvaka-aya kune futofuto kabuna. ¹⁵Kwato hu askari vekajidori hu hera na kubo-i na kuboi sa hucho veebaiwe. Mburi ya ikaenea sana he vayahudi na ikakwa to mpaka wai.¹⁶Mira hu mitume ikado na muwe vekaso Galilaya, he hu lungorilo e-evaerekeje. ¹⁷Navo varemuaho, vekamtasa, Mira vaghere kini veka-aho futo.¹⁸Yesu ekavalitia ekuba, "Na-aowe ugiru mkabuna duniani na mbinguni. ¹⁹Kwato soni mzevaboi mataifa makabuna kukwa vahina. Vabatijeni he ilhe la Aba, la M-inyi na la Roho Mtakatifu.²⁰Vahinizeni kudosa hu mburi kabuna jo nimubaye, Na wesia, ani niata hawe na kune maaze kabuna, mpaka mwisho wa dunia.

¹Ya ni kulholhoshi kwa injili yakwe Yesu Kristo, M-inyi wa Kiumbi. ²Sacho igondiwe ni mlotezi Isaya, "Wesia, nimsugha mjumbe gho mbele ke, muwe enetayarisha kwalhi ke. ³Sauti ya mhe ese ngweza, "ikamirisheni kwalhi ya Dilao; zinyosheni kwalhi ku-u."⁴Yohana e-elitie, ekubatiza are ngweza na kubirikira ubatizo wa toba wa kuvoteka kukusa. ⁵Idi lose la Yudea na vahe vose va Yerusalemuvekaso haku-u. Vee kubatizwa ni-u he mharaza wa Yordani, Veu-voteka makusa kini. ⁶Yohana e-ekuorogomae ja mafoya ya ngamia na mkanda wa bulhe he kiuno ku-u, na eku-a mahalala na na-a ya ngweza.⁷Ekabirikira na kuba, "Helo muwe enelita baada ya ani elo nguvu kumure kunitaho ani, na silo hadhi neri ya kukodeka di na kuge mulhu ja viratu ku-u. ⁸Ani neemubatije na ma-i, mira u enemubatija kwa Roho mtakatifu."⁹Ilianye ka i-aze ite Yesu elitie kuli Nazareti ya Galilaya, na ekabatijwa ni Yohana he mharaza wa Yordani. ¹⁰Too Yesu areka kuli he ma-i, eka-aho mbingu jaa-kaka-ana ghubu ne Roho Mtakatifu ekadimi di ana ku-u sa sua. ¹¹Na sauti ikali mbinguni, "Ari ni m-inyigho mzadumuwe. Niagizwe sha ni ari."¹²Halafu mara we Roho ikamti-i kuso he roro. Eata roro ma-aze mirongo mihai, ekagheshwa ni Shetani. ¹³Eata hawe na vanyama va ngweza, na malaika vekamnyamarikia.¹⁴Iji baada yakwe Yohana kudarawe, Yesu ekalita Galilaya kubirikira Injili ya Kiumbi, ¹⁵ekaba, "Muda waahe, na udilao wa Kiumbi uata sina. Votekani na kuamini he injili.¹⁶Na ekutaho kakera ya Galilaya,Ekamuaho simoni ne Andrea mbahu wakwe Simoni vekubibi nyavu kini he bahari, kwaite nee valowa. ¹⁷Yesu ekavaba, "Litani, nidoseni, na ninemubo-i valowa va vahe. ¹⁸Na kagi kawe vekaro nyavu na vekamdosa.¹⁹Too Yesu aredaha kauda kabwesu, ekamuaho Yakobo M-inyi wakwe Zebedayo ne Yohana mbahu ku-u; Veeata he Mtumbwi vekubo-i nyavu. ²⁰Ekavase navo vekamro aba kini Zebedayo za he mtumbwi na vanyamalo vekodishwe, vekamdosa.²¹Na varehe kaperinaumu, i-aze la sabato, Yesu ekabuu he sinagogi na kuhiniza. ²²vekakwa na lundolo he ihinizi ku-u. Kwaite ekuhiniza sa mhe elo ugiru sio sa vaandishi.²³Wakati ka-aka heelo mhe he sinagogi kini eelo na roho kusa, na ekama kilondo, ²⁴ekuba, "Tulo ahoni cha kubo-i na ari, Yesu wa Nazareti? Utelita kutuangamiza? Nikuilie uji. Ari umtakatifu mwenye wa Kiumbi!" ²⁵Yesu ekamjoghoya m'pepo na kuba, "ta-a na uli za ku-u!" ²⁶Na roho kusa ikamlhuku di na likali ha-ku-u too ekuzo kwa sauti ya ana.²⁷Na vahe vakabuna vekamawe lundolo, kwato vekalhasuana kila muwe, "Ya ni ahoni? ihinizi isha lilo mamlaka? Hata kujiba m'pepo kusa najo jimtii!" ²⁸Na mburi ku-u kagi kawejikasambaa kila hodi za ya mkoa mkabuna wa Galilaya.²⁹Na kagi kawe baada ya kuligana ya sinagogi, vekabuu minda hakwe Simoni ne Andrea vekukwa ne Yakobo ne Yohana. ³⁰Iji lage mkora wakwe Simoni eebodie, mrukao wa ihoma, na kagi kawe Vekambaya Yesu mburi ku-u. ³¹Kwato ekalita ekamdara kwa mheregha, na kumka-a ana; homa lika-ka haku-u, na ekavoka kuvanyamarikia.³²Chamagheri ka too ka-aze kareheja kubuu, vekamgeria haku-u vakabuna ee varukao, kana vepagawe ni m'pepo. ³³Mwang'a mzime ukatutana hawe he luhige. ³⁴Ekavauti vakumure ee varukao va marukao makumurekumure na kugu m'pepo kumure, mira tejidumuije m'pepo kuyo kwaite jee-m-iliye.³⁵Ekaka chalhenu na mapema, too heerelo kidughu; ekahaka na kuso hodi ha faragha na ekatasa are. ³⁶Simoni na vakabuna veeata hawe nau vekamdaa. ³⁷Vekamwaho na kum-baya, "Kila muwe ekudaa"³⁸Ekavabaya. "Tusoni hodi hahali, kana he miang'a ijunguluka, nesa nimuru kubirikira are naho. Nicho chinigeriye i-i." ³⁹Ekaso ekutaho Galilaya kabuna, ekubikira he masinagogi kini na kujonghoya m'pepo.⁴⁰Elo ukoma muwe ekamlitiya. Eekumsemba; ekama mamuro na ekambaya, ""Kai udumu, umuru kunibo-i nikwa safi." ⁴¹Ekuhinkawe ni mbazi, Yesu eka-ka-a mheregha ku-u na kumdoa, ekumbaya, "Nidumu. Ukwa msafi." ⁴²Kagi kawe ukoma ukamli, na ekaboiwe kukwa safi.⁴³Yesu ekamkanyisha na kumbaya aso fia, ⁴⁴Ekambaya, "Wesi-ishisha usiyo mburi he mhe wowose, mira so, uzekuaija he mkirurumo, na ugu dhabihu itara utakaso hu Musa ebae, sa ushuhuda."⁴⁵Mira ekaso na kuvoka kumbaya kila muwe na kueneza mburi hadi Yesu temurue wa kubuu he mwang'a kwa uhuru. Kwato ekahema hodi he kufisie na vahe vekamlitia kuli kila hodi.

¹Arekirii kapernaumu baada ya maaze maghere, ikakoika ite eata ang'a. ²Vahe vakumure sha vee tutikane too na teheelo nafasi hali, neri hu ya too he luhige, ne Yesu ekayo mburi navo³Halafu vahe vahali vekalita haku-u vemgerie mhe epooze; vahe vahai vee mti-iye. ⁴Too vareherwa kumheya kwa mburi ya umati wa vahe, Veka ka-a mi-a ya hodi too ho veata. Na vareheja kubovora itundu, vekadimiri lusazi hu mhe epooze ee bodie.⁵Areiaho imani kini, Yesu ekam-ba hu mhe epooze, "M-inyi, makusake yavoteshwa." ⁶Mira vaandishi vahali hu vezokodie too vekakulhasu he swaho kini, ⁷"Emuru kimomo mhe ya kuba too? Etakufuru! Niji emuru kuvotesha makusa mira Kiumbi mwenye bi?"⁸Kagi Yesu ekaile he swaho ku-u cho veekufanyanya hevo venye. Ekavaba, "Kwa ahoni mfanyanyato he swaho kaghu? ⁹Ni ihama lihuhisha kuyo he mhe epooze, 'Makusa ke yavoteshwa' kana 'Uma, dori lusazi ke, na udaha?'¹⁰Mira nesa vamuru kuile ite M-inyi wakwe Adamu elo ugiru wa kuvotesha makusa he dunia, ekam-ba hu epooze, ¹¹Nikubaya ari, ka, dori mkeka ke, na uso ang'a hake. ¹²Ekauma na kagi kawe ekadori mkeka ku-u, na ekaso gana ya minda mbele ya kila mhe, kwato vakabuna vekadarawe ni lundolo na vekam-o kiumbi utogolo, na kuba "Neri, tetunere-aho mburi sa ya."¹³Ekaso wa kakera ya idiwa, na umati mkabuna vekalita haku-u, na ekavahinija. ¹⁴At ekutaho ekamuaho Lawi m-inyi wakwe Alfayo ezokodie hodi ha kudoria kodi na ekambaya, "Nidose". Ekauma na kumdosa.¹⁵Ne Yesu ata eku-a viaghu he minda ya kwe Lawi, Vedoria kodi vakumure na vahe velo ukusa veeku-a ne Yesu na vahina klu-u, kwaite ne vakumure navo vekamdosa. ¹⁶Too vaandishi, hu ee-va Mafarisayo, vareza -aho ite Yesu eeku-a na na vahe velomakusa na vedoria kodi, vekavaba vahina ku-u, "Ni ahoni e-a na vedoria kodi na vahe velo makusa?"¹⁷Too Yesu areako to ekavabaya, "Vahe evazime he msa tevedaa mkura; ni vahe varukao bi nivo vedaa. Silitie kuvase vahe velo haki, mira velo makusa.¹⁸Vahina vakwe Yohana na Mafarisayo vekukwa velhati. Na vahe vaghere vekalita hakuu na kum-ba, "Kwa ahoni vahina vakwe Yohana na Mafarisayo velhati, mira vahina ke tevelhati? ¹⁹Yesu ekavaba, "He velitie he kinyemi cha harusi venemuru kulhati ku-a too mwagiru wa harusi vecheri ata na-u? Kwa chochose mwagiru wa harusi ekukwa echeri ata hawe navo tevekamuru kulhati ku-a.²⁰Mira maaze elitie too mwagiru wa harusi eneka-awe hakini, na he ma-aze ka vo venelhati. ²¹Tehelo mhe ehi kipande cha gomae he gomae isakae, kwaite kilaka chine ka kuli heka, Kisha chinegomoka kuli he kisakae, na henekwa na mka-aiko mkusa.²²Tehelo mhe ebutu divai sha he viriba visakae, kwaite divai inevipu-uti viriba na vikabuna vinu divai na viriba vinelaha. badala ku-u, butu divai sha he viriba visha."²³He i-aze la Sabato Yesu ekataho he mbuva ngere, na vahina ku-u vekavoka kudori masuke ya ngano ngere. ²⁴Na mafarisayo vekam-ba, "Wesia, Kwa ahoni vebo-i kigi hu chilhiijwe ni sheria he iaze la sabato?"²⁵Ekavaba, "Temsomie hu cho ebo-iye Daudi too arekwa elo kela-u hawe na vahe veata na-u? ²⁶Cho esoe he minda ya Kiumbi too Abiathari ne mgiru wa kirurumo eka-a mkare ukeiwe mbele - Hu ne kikusa cha sheria he mhe wowose ku-a mira vekaeija Kirurumo bi- na ikava-o na vahali elo navo hawe na u.?"²⁷Yesu Ekaba, "Sabato ibo-iwe kwa mburi ya mwanadamu, mira siyo mwanadamu kwa mburi ya Sabato. ²⁸Kwato, M-inyi wakwe Adamu ni Dilao, hawe na Sabato."

¹Kahali ekabuu za he sinagogi na too heelo na mhe elo mheregha upooze. ²Vahe vahali veekumdosirija kwa sina kuaho ite enem-uti i-aze la Sabato nesa ite vam-lahe.³Yesu ekambaya mhe elo mheregha upooze, "Ka na u-uma hasihasi ya umati ya." ⁴Halafu ekavaba vahe, "He ni halali kubo-i mburi kulho i-aze la Sabato kana kubo-i yesiya haki; kukiriti uzime,kana kuga-a?" Mira vekata-a chwi.⁵Ekavawesia kwa malhaha, Ekahuzunika kwa ukuji wa swaho kini, na ekam-ba hu mhe, "kumura mheregha ke". Ekakumurune ne Yesu ekamu-uti mheregha ku-u. ⁶Mafarisayo vekaso gana na wangu vekabo-i njama hawe na maherode nesa vamga-a.⁷Halafu Yesu, hawe na vahina ku-u, vekaso baharini, na umati mgiru wa vahe ukamdosa ukuli Galilaya na Uyahudi ⁸na kuli Yerusalemu na kuli Idumaya ne kara ya Yordani na sina ya Tiro na Sidoni, umati mgiru, ureako kila kigi choekubo-i, vekalita haku-u.⁹Na ekavaba vahina ku-u kuke mtumbwi mgitutu kwa ajili ku-u kwa mburi ya umati, ili nesa vasee mfinta. ¹⁰Kwaite ee-utiye vakumure, nesa kila mhe elo manyamariko eelo kise ya kumheya na kumdoa.¹¹Hohose roho kusa jiremuaho, jikalhu di na kuzo, jikuba, "Ari Um-inyi wa Kiumbi". ¹²Ekavaba kwa kukiriiya msibo-i nikai iliika.¹³Ekaso ana ya Lungori,na ekavase evadumuye, na vekaso haku-u. ¹⁴Ekavasaghura ikado na vanu (Evasee mitume) ili nesa vakwa hawe na u, nesa amuru kuvasugha kubirikira, ¹⁵na kukwa na ugiru wa kugu mapepo. ¹⁶Na ekavasaghura ikado na vanu: Simoni, em-oye ilhe la Petro,¹⁷Yakobo m-inyi wakwe Zebedayo, ne Yohana mbahu ku-u Yakobo, eoiwe ilhe la Bonagesi,ka ni, va-inyi va ngurumo, ¹⁸ne Andrea, Filipo, bartholomayo,Mathayo, Tomaso,Yakobo m-inyi wakwe Alfayo,Thadayo Simoni Mkananayo, ¹⁹ne Yuda Iskariote, hu enemsaliti.²⁰Halafu ekaso ang', na umati wa vahe ukalita hawe wa, mpaka vasimuru ku-a mkate. ²¹Familia ku-u ireko mburi ka, vekaso kumdara, kwani vebaye, "Aakwa mkilalu". ²²Vaandishi velitie kuli Yerusalemu vekaba. "Aapagawa ni Beelzebuli," na "Mgiru wa m'pepoegu m'pepo".²³Yesu ekavase haku-u ekayo navo kwa mifano, "Namna mina Shetani emuru kum-gu Shetani? ²⁴Kai Udilao ukukaka-ana mjenye, udilao ka teumuru ku-uma. ²⁵Kai minda ikukaka-anya njenye, minda ka teimuru ku-uma.²⁶Kai Shetani eneka kimzungure ku-u mwenye na kukakanyika, temuru ku-uma, na enekwa aahe mwisho ku-u. ²⁷Mira tehelo neri muwe enemuru kubuu za ya minda ya mhe elo nguvu na kugwa vigi ku-u neri asim-oro hu elo nguvu ini, niho atute chiata minda.²⁸Kweri nimubayani, Makusa yose ya vainyi va vahe evoteshwa, hawe na kufuru jo veneyo, ²⁹mira wowose enemkufuru Roho Mtakatifu tekavoteshwe neri, Mira enesa hatia ya ukusa wa ma-aze ose. ³⁰Yesu eliyoe ya kwaite veekuyo, "Elo swaho nkyafu."³¹Halafu lage kini na vabahu ku-u vekalita na ku-uma gana. Vekamsugha mhe, kumse. ³²Na umati wa vahe weezokodie sina nau vekambaya, "Lage ke na vabahu ke veata gana, na vekudaa ari."³³Ekavalandula, "Ni ji lage gho na vabahu gho?" ³⁴Ekavawesia vezokodie vemjunguluke, na kuba, "Wesia, ya ni lage gho na vabahu gho! ³⁵Wowose ebo-i hu vidumuiwe ni Kiumbi, mhe ka ni mbahu gho, na va-wau gho, na vala-age gho".

¹Kahali ekavoka kuhiniza kakerakakera ya bahari. Na umati mgiru ukatutana ukamjunguluka, ekabuu zaya mtumbwi baharini, na kuzokodi. Umati mkabuna weata kakera ya bahari ufukweni. ²Na ekavahiniza mburi kumure kwa mifano. Na ekavaba kwa mahinizo ku-u.³Sikijani, Mzalha eesoe kwaa lha,ekulha, ⁴Ata Eekuralha, mbeyu hali jikalhu kwalhi, na madege ekalita na kujia. ⁵Mbeyu hali jikalhu he masaheru, hesilo na mpulhe mkumure. Halafu jikanyuluka, kwa ite tejeelo na mpulhe utoshije.⁶Mira ka-aze karelijanya,jikanyuluka, na kwaite tejeelo majindo, jikanyuluka. ⁷Mbeyu hali jilalhu hasihasi ya milhae. milhae ikalheeru na ikajifinta na tejizesa manduunda o-ose.⁸Mbeyu hali jikalhu he mpulhe mkulho na jikasa matuunda too jikulheru na kuongejika, Hali jisae kagi mirongo mikai sha, na hali mirongo sita, na hali mirongo ikado." ⁹Na ekaba, "Wowose elo malama ya kukoiya, na akoiye!"¹⁰Yesu too eata mwenye, hu veata sina nau na hu ikado na vanu vekamlhaasukwa hu mifano. ¹¹Ekavabaya, "Kune mwaa owe siri ja udilao wa Kiumbi. Mira kwa vo veata gahana kila kigi ni mifano, ¹²nesa vekuwesia, niho vewesia, mira tevekaile, kai sicho vesemkiriiya Kiumbi esevavoteshe.¹³Na ekayo navo, "He tem-iliye mfano ya? Mnemuru mo kuile mifano mihali? ¹⁴Mzalha elhae mburi. ¹⁵Vaghere ni hu velhue kakera he Kwalhi, hodi mburi ilhawe. Na vareko, Wangu Shetani ekalita na kudori hu mburi ye lhaiwe za kini.¹⁶Na vahali nihu velhaiwe ana ya Isaheru, hu, vareko mburi, kwa wangu vekalidoria kwa kinyemi. ¹⁷Na tevelo majindo yoyose za kini, mira ve gumirija kwa muda mfuhi. Too masurumijo na manyagaho ekunelita kwa hu mburi, wangu vetakukonta.¹⁸Na vahali ni hu velhawe he milhae. Vekakoiya mburi, ¹⁹mira manyagaho ya dunia, kutawe ni uzuri, na kudumuisha vigi vihali, jivadara na kuifinta mburi, na itaherwa kusa matuunda. ²⁰Halafu helo hu velaiwe he he mpulhe mkulho. Vekako mburi na kuidoria na kusa matuunda: Hali Mirongo mikai, na hali mirongo sita, na hali wa mirongo ikado.²¹Yesu ekavaba, "He mkwa mgera kijari za minda na kchike di he he kiteju, kana shanja he lusazi? Uigeza za na kuike ana he kiango. ²²Kwa ite tehelo chochose chinekumatu chisika ilike, na tehelo siri ambayo teika kewe heangae. ²³Kai helo elo malama ya kukoiya, na akoiye!"²⁴Ekavaba "Mkwa chonjo kwa hucho mkoiya, kwaite kipimo mnepima, waka-aka nicho mnepimiwa, na kuongejwa kaghu. ²⁵Kwaite ka elo nacho, enedoria vikumure, na hu esilo nacho, haku-u vinedoriwe hata hu elonavyo."²⁶Na ekaba, "Udilao wa Kiumbi utotijwe na mhe elhae mbeyu he mpulhe. ²⁷Aregosha na ama areaka chalhenu, na mbeyu jikashuka na kulheeru, hata kai teiliye chochikwae. ²⁸Dunia igu mbeeyu njenye; bosi mahako, nesa malua, nesa mbeeyu jikwae kuji. ²⁹Na too mbeeyu inerakwa yaasi halafu etiya luhamba, kwaite uluki waahe."³⁰Na ekaba, "Tuutotije udilao wa Kiumbi na kigi mina, kana tubo-i mfano mina kuyoija? ³¹Ni mbeyu ya Haradali, too irelhawe ni gitutu sha kutaho mbeeyu kabuna he dunia. ³²Mpaka too irelhawe, ikalheeru na kukwa giru kutaho vimae vikabuna he bustani, Na ikabo-i matambi magiru, mpaka madeghe ya ana yemuru kuboi mashasha kini he kijue ku-u³³Kwa mifano mikumure ehinije na ekayo mburi navo, Kwa hucho vemuruye kuile, ³⁴na tezeyo navyo bila mifano. Mira too eata mwenye, ekavabaya kila kigi vahina ku-u.³⁵Kwa ka i-aze, nee chamagheri chirehe, ekavaba, "Tusoni bwa wa kanu". ³⁶Kwato vekavaro umati, Vekamdori Yesu, Too tayari eata za ya mtumbwi. Mitumbwi mihali yeata hawe nau. ³⁷Na sa nkai ya dhoruba na mawimbi yekutabuu za ya mtumbwi na mtumbwi weehuwe.³⁸Mira Yesu mwenye eata he shetri, egoshije ke mto. Vekamka-a, vekuba, Mhinizi,tuwesia nne tuga?" ³⁹Niho ekaka, ekajoghoya hu sa na ekaibaya bahari, "Ikwa kulho, m'polele" Sa ikaro, na hekakwa na m'polele giru.⁴⁰Na ekayo navo, "Kwa ahoni mlo bughu? He temlo imani kana? ⁴¹Vekabuuwe ni futofuto giru za kini na vekayojanya vo kwa vo, "Ya ni jiwa, kwaite mpaka sa na bahari vimkoya?"

¹Vekalita mpaka bwa mhali wa bahari, he mkoa wa Gerasi. ²Na ghafla too Yesu ekuli gana ya mtumbwi, mhe elo roho chafu ekamlitiya kuli he makaburi.³Mhe ya eheemie makaburini. Tehelo emuruye kumlhiija ,teri kwa minyoror. ⁴EEoroiwe muda mueza kwa m'pingu na minyororo. Ekaipa-a minyororo na m'pingu ku-u zikapa-a. Tehelo neri muwe eelo nguvu ja kumtaho.⁵Na-ama na chakako ekukwa makaburini na he mingori., atazo na kukute mwenye kwa masaheru ekoa. ⁶Aremwaho Yesu kwa uda, ekamuuguluya na kukodeka mbele ku-u.⁷Ekazo kwa sauti giru, "Udumu nikubo-iye ahoni, Yesu, M-inyi wa Kiumbi eata ana sha? Nikusemba kwa Kiumbi mwenye, usinisurumije." ⁸Kwaite em-baye, "Mli mhe ya, ari swaho kusa.⁹Nau ekamlhasu, "Ilhe ke niji?" Na-u ekalandula," Ilhe gho ni Legion, kwa ite tuata vakumure." ¹⁰Ekamsemba kahali na kahali asivatii gana ya mkoa.¹¹Iji ikundi igiru la gu-a lekuze-uwe ana ya kangori, ¹²navo vekamsemba, vekuba, "Tusugha he gu-a; tubuu za kini. ¹³Kwato ekavaro; roho chafu vekavali na kubuu za he gu-a, najo jikaugulu di he kangori mpaka baharini, na jee kuhe sa gu-a elfu nu jikabuu baharini.¹⁴nahu veekuzeu gu-a vekaugulu na kuzayo chilijanye he mwang' na he idi. Niho vahe vakumure vekali kuso kuaho chilijanye. ¹⁵Niho vahe vekalita hakwe Yesu na vekamwaho mhe epagawe ni m'pepo-- eekwae na ijeshi ezokodie di, e-oroiwe gomae, na ekukwa he akiri ku-u ndime, navo vekako bughu.¹⁶Hu vee ahoe chilijanye he mhe elalukwe ni m'pepo vekavabaya chilijanye haku-u na kwa mburi ya gu-a. ¹⁷Navo vekavoka kumsembereja ahaka he mkoa kini.¹⁸Na ata ekubuu za he mtumbwi, mhe eelalukwe ni ni m'pepo ekamsemba ite aso hawe na-u. ¹⁹Mira temdumuije, mira ekam-ba, "So ang'a ke na he vahe va hakaghu, uzevabaya cho ubo-iiwe ni Dilao, na mbazi jo ekuoye." ²⁰Kwato ekaso na ekavoka kuvabaya mburi giru jo Yesu ejibo-iye haku-u are Dekapoli, na kira muwe ekamawe lundolo.²¹Na too Yesu aretaghanika wa bwa mhali, za he mtumbwi, umati mgiru ukatutana kumjunguluka, eata kakere ya bahari. ²²Na muwe wa wa vagiru va sinagogi, eseiwe Yairo, ekalita, na aremwaho, ekalhu he masame ku-u. ²³Ekamsembereja kahala na kahali, ekuba, "Mbora gho mgitutu eata sina na kuga. Nikusemba, lita na umkeye miheregha ke ana ku-u nesa ite amuru ku-u nikusemba" ²⁴Kwato ekaso hawe na u, na umati mhgiru ukamdosa na vekamfinta sina vekumjunguluka.²⁵Heeelo mlage ka sako ku-u yeekumli kwa miko ikando na minu. ²⁶Enyamarike vaya kutosha hekuhoiwe ni kukumure na ekatumia kira kigi eelo nacho. Hata to telha-arike kwa chochose, mira badala ku-u ekazika kwa hali kusa. ²⁷Ekakoiya mburi jimlanga Yesu. Kwato ekalita kwa mzungure ku-u too ekudaha hawe na umati, nau ekadoa gomae ku-u.²⁸Kwaite eebaye, "Kai ninedoa gomae ku-u bi, nine u." ²⁹Aremdoa, kuliwe sako kukoro, na ekakuko he msa ku-uite aautiwe kuli he manyamarisho ku-u.³⁰Na ghafula Yesu ekaile za ku-u mwenye ite helo nguvu ja mli. Na eka wesia ilai na ilai he umati wa vahe na kulhaasu, "Niji enidoiye gomae gho?" ³¹Vahina ku-u vekam-ba, "Ureaho umati ya ukufinta ukukujunguluka, ari uba, ' Niji ekudoiye?"' ³²Mira Yesuekawesia ilai na ilai kuaho ka eeboiye to.³³Mlaage, ereile chilijanye haku-u, Ekako bughu na kuzingiza. Ekalita na kulhu di mbele ku-u na kuyo ukweri mkabuna. ³⁴Ekayo haku-u, "M-bora, imani ke yaakubo-i ukwa mzime. So kwa m'polele na u-utiwe kuli he urukao ke."³⁵Ata eekurayo , baazi ya vahe vekalita kulihe mgiru wa sinagogi,vekuba, "M-bora ke a-aga. Kwa ahoni kushinda mnyamarisha mhinizi?"³⁶Mira Yesu areako hu veekuyo, ekamba mgiru wa sinagogi, "usiogohe. Aminibi." ³⁷Temdumuije wowose kuerekejana na u, mira Petro,Yakobo ne Yohana mbahu wakwe Yakobo. ³⁸Vekalita ang'a hakwe mgiru wa sinagogi na-u eka aho vurugu,kuzo kukumure na kuomboleza.³⁹Arebuu mbinda, ekavaba, "kwa ahoni mnung'urika na kuzo? M-inyi tegae mira etegosha. ⁴⁰Vekamsisi, mira u, ekavagu vakabuna na gana, ekamdori Egii wa m-inyi ne lage na huveeta hawe na u. niho ekabuu za hoeata m-inyi.⁴¹Ekaudori mheregha wa m-inyi ekamse, "Talitha koum," ni sa kuba, "Mbora mgitutu, nikuba uka." ⁴²Fia m-inyi ekaka na kudaha (kwaite eelo na miko ikado na minu) Na fia vekadarawe lundolo lugiru. ⁴³Ekavabaya kwa ugiru ite tehelo wowose edumuwe kuile ya mburi. Na ekavaba vam-o hu mbora viaghu.

¹Na ekahaka ata na kuso he mwang'a kini, na vahina ku-u vekamdosa. ²Sabato irehe, ekavoka kuhiniza he sinagogi. Vahe vakumure vekamko vekadarawe ni lundolo. Vakaba, "Eyadoriele mahinizi ya?" "Ni viugho mina ya yo e-oiwe? Ebo-imo miujiuza ya kwa miheregha ku-u?" ³"He ya si hu seremala, m-inyi wake mariamu na vabahu kini siva Yakobo,Yose, Yuda ne Simioni? He va umburia ku-u teveradi wa-i-i hawe na nne? Na tevelhamuijwe ni Yesu.⁴Yesu ekavaba, "Mlotezi tebeni heshima, mira he mwang'a kuu na he vabahu ku-u vahali na vahe va minda kini" ⁵Tezemuru kubo-i miujiza ata, mira ekavakea miheregha varukao vaghere ekava-uti. ⁶Ekamawe lundolo sha kwa mburi ya kusaamini kini. Halafu ekavisoya vijiji vya sina ekuhiniza.⁷Ekavase hu vahina ku-u ikado na vanu. Ekava-o ugiru ana ya m'pepo chafu, ⁸na kuvaba vaseedori chochose vekuso mira ndate bi. Vasidori mkate, kana mkoba,kana hera jo venematu; ⁹mira vaoro viratu, na si nkanzu nu.¹⁰Na ekavaba, "Minda yoyose mnerabuu, zokoni ata mpaka mkuneka. ¹¹Na mwang'a wowose ukusaamudoriya neri kuvasikija, hakani hakini, kunkuntani mavumbi ya masame kaghu, ikwa ushuhuda hakini."¹²Navo vekaso vekubirikira vahe vavoteke na kuro makusa kini. ¹³Vekauguluti m'pepo kumure, na vekavalhomi malhoma varukao na vekautiwe.¹⁴Dilao Herode areko to, kwaite ilhe lakwe Yesu laakwaa la ilikikisha. Vakuwe vekaba, "Yohana mbatizaji aka kuli ha vekae na kwa mburi ka ya nguvu ya miujiza ibo-i nyamalo za ku-u. ¹⁵Vahali kini vekaba, "Ya ni Eliya," na vahali vekaba, "ya ni mlotezi, sa muwe wa hu valotezi va kae."¹⁶mira Herode areako ya ekaba, "Yohana, nimpa-aye m-a ali kuli hevegae." ¹⁷Kwa ite Herode mwenye eebaye Yohana adarawe na kuorowe gerezani kwa ite Herodia (Mlage wa kaka ku-u Filipo kwa ite u emdorie.¹⁸Kwa ite Yohana embaye Herode, "Si kikulho kumdori mlage wa kaka ke. ¹⁹"Mira Herodia ekavoka kumsanuya na ekudumu kumga-a, mira tezemuru, ²⁰Kwaite Herode eekumogoha Yohana; ereile bi ite elo haki mhe mkulho na ekamro mzime. Na are endelea kabwesukumsikija ekahuunikisha. Na areendelea kumsikija ekahunikisha , mira ekalhamuiwa kumsikija.²¹Too irehe wakati mwafaka ikukwa yaahe i-aze la kuahowe Herode ekavaandaa maofisa ku-u kinyemi, na makamanda, na vagiru va galilaya. ²²Niho m-bora wa Herodia ekabuu na kucheza kara kini, ekamlhamuija Herode na vabahu vezokodie too veku-a viaghu vya chamagheri. Niho dilao ekamba m-bora, "Niombeje chochose unedumu na ani nineku-o."²³Ekamwapia na kuba, chochose uneniombeja, nineku-o, hata nusu ya udilao gho." ²⁴Ekali gahana ekamlhaasu mame ku-u, :Niombeje kiahoni?" Ekaba, "M-a wakwe Yohana Mbatizaji." ²⁵Na fia ekabuu hakwe dilao ekavoka kuyo, "Nitumu uni-o Hesahani, M-a wakwe Yohana Mbatizaji."²⁶Dilao ekahiriisha swaho,mira kwa mburi ya kiapo ku-u na kwa mburi ya vagalho, tezemuru kumlhiija iombi ku-u. ²⁷Kwato dilao ekasugha askari hehu valinzi ku-u na kuvasugha kuso kwaamgeria m-a wakwe Yohana. Mlinzi ekaso kwaamte m-a ekukwa eata he kuorowe. ²⁸Ekaugera m-a ku-u he sahani na kum-o m-bora, ne m-bora ekam-o mame ku-u. ²⁹Na vahina ku-u vareako kayo, vekaso kuudori msa ku-u wekaso kuza ujika he ikaburi.³⁰Ne mitume, vekatutana hawe mbele yakwe Yesu, vekambaya makabuna vebo-iye nayo vehinije. ³¹Na-u ekavaba, "litani venye hodi hekumatue na tupumzike habwesu," Vahe vakumure veekulita na kuhaka, mpaka vekabeni muda wa ku-a. ³²Kwato vekakutu mashua vekaso hodi ha venye bi.³³Mira vareva aho vekuhaha na vakumure vekavaile, kwa hawe vekaugulu kwa masame kuli miang'a mikabuna, navo vekahe kabla kini. ³⁴Varehe pwani, eka aho umati mgiru na ekava ahoya mbazi, Kwaite veekwae sa ma-alu esilo mzemo. Na ekavoka kuvahiniza mburi kumure.³⁵Harevoka kuhokwaisha, Vahina vekamlitia vekamba, "I-i hodi hafaragha na muda wa soisha. ³⁶Vaaghanye vaso he miang'a ya sina na vijiji nesa vazekuweiya viaghu."³⁷Mira ekavalandula ekuba, "Vaoni kune viaghu". Vekam-ba, "Tumuru kuso na kuwe mikate ilo bei ya dinari magana manu na kuva-o va-a?" ³⁸Ekavalhasu, "Mlo mikate mime? Soni mzewesia. "Vareile vekambaya, "mikate mikoi na samaki nu."³⁹Ekavaba vahe vazokodi he makundi ana he mahako mailhe. ⁴⁰Vekavazokodija he makundi; makundi a magana kwa hamsini. ⁴¹Halafu ekadori mikate mikoi na samaki nu, na kuwesia mbinguni, ekaibariki halafu ekava-o vahina ku-u vavaoije umati. Na halfu eka kaka-anya samaki nu he vahe vakabuna.⁴²Veka-a vakabuna mpaka vekaku. ⁴³Vekatuta vipande vya mikate vishighale, vikahu viteju ikado na vinu. na vipande vya samaki. ⁴⁴Na veekwae vaagiru elfu koi. veae mikate.⁴⁵Fia ekavabaya vakutu he mashua vaso hodi hahali, mpaka Bethsaida, too U ekava aghanya makutano. ⁴⁶Vare heja kuhaka, ekaso he lungori kutasa. ⁴⁷Harekwa chamagheri, na mashua kini too ikukwa hasihasi ya bahari, na-u eata mwenye he gana ya ma-i.⁴⁸Na ekavaaho vekunyamarika kuyama makasia kwaite sa ye kuvakindija. Irehe sina na chalhenu ekavasoya, ekudaha ana he ma-i, na ekadumu kuvataho. ⁴⁹Mira vare muaho ekudaha ana he ma-i, vekabuuwe ni futofuto vekuba hangi ni mjimu mpaka vekama kilondo. ⁵⁰Kwaite veemuahoye vekahuwe futo. Fia ekayo navo ekavaba, "Mukwa vajasiri!ni ani! msikwa na futofuto."⁵¹Ekabuu za ya mashua, na sa ikararo kuvuma, navo vekamawe lundolo lugiru. ⁵²Kwato tevee iliye mburi ya hu mikate. Kwaite akiri kini jeelo na uiliisho mgitutu.⁵³Na vo varetaho chaoju, vekahe he idi la Genesareti mashua ikabutu nanga. ⁵⁴Vareli gana he mashua, too vekam-ile. ⁵⁵Vekaugulu kubirikira he mkoa mzime na kuvoka kuvagera varukao na machela, kila ho vekoe elita.⁵⁶Hohose hoerebuu he vijiji,kana miang'a kana he idi, vekavake varukao hodi he kihoja, na vekamsemba avaro vamdoe ipindo la gomae ku-u. Na vakabuna vemdoiye vekautiwe.

¹Mafarisayo na baadhi ya vaandishi hu veeliye Yerusalemu vekatutana kumjunguluka u.²Na vekaaho baadhi ya vahina ku-u ve-ae mikate na miheregha najisi; Hu isiontiiwe. ³(he mafarisayo na vayahudi vakabuna teve-a mpaka vaonti miheregha kikulho; Vedaraisha miiko ya vazee. Too ⁴Mafarisayo vekukirii kuli hodi ha kihoja, teve-a mpaka vaonti ini. Na helo sheria hali ambajo vejidosirija pere, ikukwa ni hawe na kuonti vikombe, masufuria,vikolhe vya shaba, na hata vikire vitumika too veku-a.)⁵Mafarisayo na vaandishi vekamlhasu Yesu, "Kwa ahoni vahina ke tevedi kwa kudosana na tamaduni ja vazee, Kwaite ve-a mkate neri kuonti miheregha?"⁶Mira u ekavaba, "Isaya eloteze kikulho kuhusu kune vanafiki, eegondie, 'Vahe ya veniheshimu kwa mio kini, mira swaho kini jiata uda na ani. ⁷Venibo-iya kirurumo chisilo na maana, vekuhiniza sheria ja vahe sa mapokeo kini.'⁸Mwaairo sheria ya Kiumbi na kudaraisha kwa wangu tamaduni ja vahe." ⁹Na ekayo hakini, "Mwailhi miiko ya Kiumbi kwa fia nesa ite mjike tamatuni kaghu! ¹⁰Kwaite Musa eebaye, "Mheshimu aba ke ne lage ke; na u eyo makusa yemtara aba ku-u kana lage ku-u kweri enega;¹¹Mira muba, 'kai mhe ekuyo he aba ku-u kana lage ku-u, "Kulha-ariwe kwokwose hu mnedoria kuli hagho ni hazina ya hekalu, "(ka ni kuba ite, 'yaaguwe he Kiumbi') ¹²Kwato temdumuija kubo-i mburi yoyose he aba kana lage ku-u. ¹³Muibo-i amri ya Kiumbikukwa ya bule kwa kugera tamaduni kaghu. Na mburi kumure ya namna ka yo muyabo-i."¹⁴Ekavase makutano kahali na kuvaba, "Mnisikije, kune vakabuna, na mni-ile. ¹⁵Tehelo chochose kuli gana ya mhe chinemuru kumkandanya mhe chikubuu haku-u. Mira ni hu chinemli mhe nicho kinemkandanya. ¹⁶(Daraisha: mtarari y, "Kai mhe wowose elo mailima ya kuko, na akoiye" teuhata he nakala ja kae).¹⁷Yesu arevaro makutano na kubuu minda, vahina ku-u vekamlhaasu mburi ya mfano ka. ¹⁸Yesu ekaba, "Na neri kune tem-iliye? Temuaho ite chochose chim-buu mhe techimuru kumkandanya, ¹⁹Kwaite techimuru kusohe swaho ku-u, mira chibuu he maso ku-u na halafu chitataho kuso he choo."Kwa miyoire ya Yesu ekavibo-i viaghu vikabuna kukwa vikulho.²⁰Ekayo, "Nihu chimli mhe nicho chimkandanya. ²¹Kwaite kuli za ya mhe, gana ya swaho, heli fanyanyi kusa, zinaa, ugwalo, kuga-a, ²²uasherati, tamaa kusa, uovu, kuta, Ku-i na mlage, wizu, kashfa, kukukoiya, urundu. ²³Makusa ya makabuna yeli za, niyo ka yemkandanya mhe."²⁴Ekaka kuli too na kuhaka kuso he mkoa wa Tiro na Sidoni. Ekabuu za na tedumue mhe wowose a-ile ite eata ata, mira teimuruike kum-matu. ²⁵Mira wangu mlage, ake m-inyi ku-u elo roho mchafu, ekako mburi ku-u, ekalita, na ekalhu he masame ku-u. ²⁶Mlage ka nee myunani, wa kabila la Kifoeniki. Ekamsemba u auguluti m'pepo kuli ha mk-bora ku-u.²⁷Yesu ekam-baya mlage, "Varo vainyi vapasiwe ini, Kwaite si kikulho kuudori mkate wa va-inyi na kuyabibia madie." ²⁸Mira mlage ekalandula na kuba, "Eee Dilao, hata madie di he meza ea mashighajo ya viaghu ya vainyi."²⁹Ekam-baya, "Kwaite waayo to, uata huru kuso. M'pepo laamli m-bora ke." ³⁰Mlage ekakirii ang'a ku-u na ekamheya m-bora ku-u ebodiye helusazi, na m'pepo leekwae lamli.³¹Yesu ekali kahali gana ya mkoa wa Tiro na kutahoya Sidoni kuso bahari ya galilaya mpaka kanda ya Dikapolisi. ³²Na vekamgeria mhe eekwae kiziwi na teekumuru kuyo kikulho, Vekamsemba Yesu amkee miheregha ana ku-u.³³Ekamgu gana he ikusanyiko kwa kukumatu, na ekake visatu ku-u he malama ku-u, na areheja kubusu mapae, ekadoa lu-anda ku-u. ³⁴Ekawesia ana mbinguni, ekahema na kum-ba, "Efata," ka nikuba "Lhaika!" ³⁵Na muda wa huu huu malama yekaghubuka, na hu cheekindije luanda chikaoniwe na ekamuru kuyo kikulho.³⁶Na ekavaba vaseem-baya mhe wowose. Mira cho evabaye, niho vekazika birikira mburi ka havahe kwa ukumure. ³⁷Kweri vekamawe lundolo na kuba, "aboi kila kigi kikulho. Mpaka avabo-i viziwi kuko na mabubu kuyo."

¹He ma-aze ka, Heelo kahali na umati mgiru, na teveelo viaghu. Yesu ekavase vahina ku-u ekavaba, ²"Nivakoya mbazi umati ya. vaa kwaa na ani ma-aze makai na tevelo viaghu. ³Vikuvaba vakirii ang'a kini vesiaye vemuru vekazimia are kwalhi kwa kela. Ba vahali kini velie udasha." ⁴Vahina ku-u vekamlandula, "Tunepatiale mikate inetosha kuvakuija vahe ya he ieneo ya liroiwe?"⁵Ekavalhasu, "mlo vibesu vime vya mikate?" Vekaba, "Saba". ⁶Ekavaba umati uzokodi di. Ekadori mikate saba, Ekamshukru kiumbi, na kuipu. Ekava-o vahina ku-u vaike mbele kini, navo vekaike mbele ya umati.⁷Kahali veelo na vusamaki vubwesu vughere, na areza shukuru, ekavaba vahina ku-u vavakaka-anyije ya najo. ⁸Veka-a na kuku. Na vekaumbika vibesu vyeeshighaje, viteju vigiru saba. ⁹Veekuwae vahe sina na elfu hai. Niho ekavaro vaso. ¹⁰Fia ekabuu he mashua na vahina ku-u, na vekaso he ukanda wa Dalmanuta.¹¹Halafu Mafarisayo vekali gana na kuvoka kubishana na u. Veekudumu ava-o ishara kuli mbinguni, kwa kumgali. ¹²Ekafanyanya kwa ugiru he swaho ku-u ekaba, "Kwa ahoni kizazi ya jidaa ishara? Nivabaya kune kweri, tehelo ishara ineguwe he kizazi ya." ¹³Halafu ekavaro, ekabuu za he mashua kahali, ekahaka kuso bwa mhali.¹⁴Wakati ka vahina veezie kudori mikate. Teveelo mikate chitaho kibesu kiwe cheata he mashua. ¹⁵Ekavakanya na kuyo, "Mukwa maila na kumkuwesia dhidi ya chachu ya Mafarisayo na chachu ya Herode.¹⁶Vahina vekayojanya vo kwa vo, "Ni kwa mburi tetulo mikate." ¹⁷Yesu ekali-ile ya, na ekavaba, "Kwa ahoni myojana kwa mburi ya kubeni mikate? Temna ile? Tem-iliye? Swaho kaghu jaakwa jihuha?¹⁸Mlo maila, temuaho? Mlo malama, temko? Temhulha? ¹⁹Too nire kaka-anya mikate mikoi he vahe elfu koi, mweedorie viteju vime? Vekalandula, "Ikado na vinu."²⁰Na nireikaka-anya mikate saba he vahe elfu hai, mweedorie viteju vime," ²¹Vekaba, "Saba". Ekavaba, "Bado temuelewa?"²²Vekalita Bethsaida. Vahe ka vekamgera hakwe Yesu mhe kipofu na vekamsemba Yesu amdoe. ²³Yesu ekamdara kwa mheregha hu kipofu, na kumkaetija gana ya kijiji. Arebusu mapae ana he maila ku-u na kunyoosha miheregha ku-u ana ku-u, ekamlhaasu, Uaho chochose?"²⁴Ekawesia ana na kuba, "Niaho vahe veahoika sa mihatu idaha. " ²⁵Niho ekaka-a miheregha ku-u ana he maila ku-u, mhe hu ekaghubula maila ku-u eka aho wa, na eka-aho kila kigi kikulho. ²⁶Yesu ekamro aso ang'a na ekam-baya, "Usibuu he mwang'a."²⁷Yesu ekahaka na vahina ku-u kuso vijiji vya Keisaria ya Filipi. Veata kwalhi ekavalhasu vahina, "Vahe veba ani niji?" ²⁸Vekalandula vekuba, "Yohana mbatizaji. Vahali veba, 'Eliya' na vahali, 'muwe wa Valotezi."²⁹Ekavalhasu, "Mira kune mba ani niji?" petro ekam-baya, "Ari ni Kristo." ³⁰Yesu ekavakanya vasim-baye mhe wowose jimtara u.³¹Na ekavoka kuvahiniza ite M-inyi wakwe Adamu lazima anyamarishwe kwa mburi kumure, na enelhiiwe ni vagiru na vagiru va kirurumo, na vaandishi, na enega-awe, na baada ya ma-aze makai eneli ha vegae. ³²Eeya yoe ya kwa uwazi. Niho Petro ekamdori kakera na ekavoka kumjoghoya.³³Mire Yesu ekageuka na kuvawesia vahina ku-u na ekamjoghoya Petro na kuba, "Taho mzungure gho Shetani! Tuwesia mburi ja Kiumbi, mira mburi ja vahe. ³⁴"Halafu ekause umati na vahina ku-u hawe, na kuvabaya, "Kai helo mhe edumu kunidosa, akukane mwenye, adoori msalaba ku-u, na anidose.³⁵Kwaite wowose eneyaokoa maisha ku-u eneyalahati, na wowose eneyalahati maisha kuu kwa mburi ya injili, eneyaokoa. ³⁶Inemlha-ari ahoni mhe, kupata ulimwengu mkabuna, na halafu kupata hasara he kuhema ku-u? ³⁷Mhe emuru kugu ahoni badala ya kuhema ku-u?³⁸Wowose eniahoya susune na mburi gho he kizazi ya cha vazinzi na kizazi chilo makusa, M-inyi wa Adamu enemwahoya susune ekunelita he udilao wa Aba ku-u hawe na malaika vatakatifu.

¹Na ekayo hakini, Kweri niyo hakaghu, he kune helo vahe veumaye i-i tevekagali kuga vesina uaho udilao wa Kiumbi ukulita kwa nguvu." ²Baada ya ma-aze sita, Yesu ekavadori Petro, Yakobo ne Yohana hawe na u helungori, vo venye. Niho ekavoka kubadirika mbele kini. ³Gomae ku-u jikavoka kuangaja sha, jiakue sha, jiakue pee kutaho m-akuishaji wowose he dunia.⁴Niho Eliya ne Musa vekalianya mbele kini, na veekuyo ne Yesu. ⁵Petro ekalandula ekam-baya Yesu, "Mhinizi, ni kikulho nne kukwa i-i, na tukwa vuminda vukai, kiwe chikwa kike, kiwe cha kwe Musa na kihali chakwe Eliya." ⁶(Kwaite teeiliye cha kuyo, vekaogohesha.)⁷Ijunde likalijanya na kuvaghubika,. Niho sauti ikali he majunde ikuba, "Ya ni m-inyi gho nimdumuishe. Mkoeni u." ⁸Wangu, veekutawesia, tevemuahoye wowose hawe navo, mira Yesu bi.⁹Ata veekudimi kuli helungori, ekavakanya vasimbaye mhe wowose hu makabuna veya-ahoye, Mpaka M-inyi wakwe Adamu ekune fufuka kuli ha vegae. ¹⁰Niho vekajike venye mburi ka venye. Mira vekayo vo kwa vo nio kiahoni maana ku-u "Kufufuliwa kuli ha vegae"¹¹Vekamlhasu Yesu, "Kwa ahoni vaandishi veba lazima Eliya alita ini?" ¹²Ekavaba, "Kweri Eliya enelita ini kuokoa vigi kabuna. Kwa ahoni igondiwe M-inyi wa Adamu lazima apate manyamarisho makumure na asanuwe? ¹³Mira niyo hakaghu Eliya aahejaa kulita, na vekambo-i sa cho edumuye,sa hucho magondo cho eyo kumtara u.¹⁴Na varekirii he vahina, vekaaho ikundi igiru livajunguluke na Masadukayo veekuta lahana navo. ¹⁵Na wangu varemwaho, ikundi ikabuna likamawe lundolo na kumu-uguluya kumholu. ¹⁶Ekavalhasu vahina ku-u, "Mlahana he mburi mina?¹⁷Muwe hehu ikundi ekamlandula, "Mhinizi, neemgerie m-inyi gho hake; elo roho chafu ka imbo-i asimuru kuyo, ¹⁸na imgeria kuzingiza na kumlhuku ata di, na kuli mafuo he m-o na kushagha ma-iki na kugangamala. Nikavasemba vahina ke ku-gu m'pepo, mira tevemuruye. ¹⁹Ekalandula, "Kizazi chisiamini, ninezoko na kune mpaka ami? Ninedorijana na kune mpaka ami? mgerani hagho."²⁰Vekamgera m-inyi ku-u. Roho kusa iremwaho Yesu, fia ikambutu he kuzingiza. Mbwange ekalhu di na kugu ifuo he m-o. ²¹Yesu ekamlhaasu aba ku-u, "Aakwa he hali ya kwa muda mina?" Aba ekaba, "Kuvokia u-inyi. ²²Kagi kahali elhu he mwalha kana he ma-i, na kugali kumwangamiza. Kai umuru kubo-i chochose tukoe mbazi na utulha-aari."²³Yesu ekam-ba, "Kai uata tayari? Kira kigi chimuruika hehu wowose eamini." ²⁴Wangu aba wa m-inyi ekazo na kuba, "Niamini! Nilha-ari kusaamini gho.? ²⁵Too Yesu areaho ikundi livauguluya, ekaijoghoya roho chafu na kuba, "Ari roho ya ibubu na kiziwi, nikuba mro, useebuu haku-u kahali.²⁶Ekazo kwa nguvu na kumnyamarisha m-inyi na roho kusa ikamli. M-inyi eka-ahoika sa egae, Niho vakumure vekaba, "Aaga," ²⁷Mira Yesu ekamdori he miheregha ekam-ka-a, na m-inyi eka-uma.²⁸Too Yesu areza-buu minda, vahina ku-u vekamlhaasu kwa siri, "Kwa ahoni tetumuruye kumgu>" ²⁹Ekavabaya, "Kwa namna hu teli mira kwa mataso."³⁰Vekali too na kutahoya Galilaya. Teedumuye mhe wowose aile ho veata, ³¹kwaite eekuhiniza vahina ku-u. Ekavaba, "M-inyi wakwe Adamu enehetiwe he miheregha ya vahe, na venem-ga-a. Ata eegae, baada ya maaze makaienefufuka wa. ³²Mira tevemwelewe maelezo ya, na vekaogoha kulhaasu.³³Niho varehe Karperinaumu. Too veata za ya minda vekalhaasu, "Mweekuyo ahoni kwalhi"? ³⁴Mira vekata-a chwi. Kwaite veekulahana kwalhi ite niji eemgiru sha. ³⁵Ekazokodi di ekavase ikado na vanu hawe, na ekayo navo, "Kai wowose edumu kukwa wa bosi, ni lazima akwa wa mwisho na mzasughawa wa vakabuna."³⁶Ekamdori m-inyi mgitutu ekamke hasi na hasi kini. Ekamsamata he miheregha ku-u, ekaba, ³⁷"Wowose emdoriya m-inyi sa ya kwa ilhe gho, Nau enidoriya ani, na kai mhe anidoriya, tenidoriya ani bi, mira nahu enisughaye."³⁸Yohana ekam-baya, "Mhinizi twamuaho mhe egu m'pepo kwa ilhe ke na tukamlhiija, kwaite tetudosa." ³⁹Mira Yesu ekaba, "Msimlhiije, kwaite tehelo enebo-i nyamalo giru kwa ilhe gho na niho baadaye ayo mburi yoyose kusa he ani.⁴⁰Wowose esiata kinyume na nne eata bwa kanu. ⁴¹wowose eneku-o kikombe cha ma-i ya kuwaha kwaite uata ne kristo, kweri nimubaya, tekalahati thawabu ku-u.⁴²Wowose eneva-i ya vagitutu veniamini ani, cheseekwae kikulho haku-u kuoroiwa isaheru la kushaghia hewaka na kuza bibiwe baharini. ⁴³Kai mheregha ke ukui upa-a. Ni keba kubuu he uzime tulo mheregha kuliko kubuu he kupa-aiwa ukukwa na miheregha ke mikabuna. He mwalha "Usiga-aika". ⁴⁴(Daraisha: mitarari ya ya, "Hodi ho vidudu teviga na mwalha usiga-aika." Teuhata he makala ja kae).⁴⁵Kai kusame ke ukukukosesha, upa-a. Ni kikulho hake kubuu he uzime ukirema, kutaho kubibiwe hekupa-aiwa na masame manu. ⁴⁶(Daraisha: mstari ya, "Hodi ho vidudu teviga na mwalha usimuruika kuga-awe" teuhata he nakala ja kae).⁴⁷Kai i-ila ke likukosija ligu. Ni kikulho kubuu he Udilao wa Kiumbi ukukwa na i-ila iwe, kuliko kukwa na ma-ila manu na kubibiwe kujimu. ⁴⁸Hodi helo vidudu visiga, na mwalha usiga-aika.⁴⁹Kwaite kila muwe enekatiwe mwalha. ⁵⁰Mnaro ni mkulho, kai mnaro ukulahati kulhamu ku-u, uneisamo nesa ikwa na kulhamu ku-u wa? Mukwa na mnaro he kune venye, na mukwa na m'polele kila muwe."

¹Yesu ekahaka ieneo ka na ekaso he mkoa wa Uyahudi na eneo la kara ya mharaza wa Yorodani, na makutano vekamdosa wa. Ekavahiniza wa, sacho cheekwae kawaida kubo-i. ²Na Mafarisayo vekalita kumghesha na vekamlhaasu, "Ni halali he mwagiru kuroana na mlage ku-u?" ³Yesu ekavalandula, "Musa eemubaye ahoni? ⁴Vekaba "Musa edumuije kuandika cheti cha kuroana na halafu kumu-uguluti mlage."⁵Ni kwa mburi ya swaho kaghu kuji nicho ite ekamugondia sheria ya," Yesu ekavabaya. ⁶"Mira kuli bosi ya kiumbi, 'Kiumbi eumbie mwagiru na mlage.'⁷Kwa mburi ya mwagiru enemro aba ku-u ne lage ku-u na venekwariana na mlage ku-u, ⁸na kavo vanu venekwa msa muwe; Kwaite si vanu kahali, mira msa muwe. ⁹Kwato ichikwarianya Kuimbi, mwanadamu aseechitanya."¹⁰Ata veeta za he minda, vahina ku-u vekamlhaasu kahali heya. ¹¹Ekavaba, wowose emro mlage ku-u na kumdori mlage mhali, eboi uzinzi haku-u. ¹²Mlage na-u ekumro mwagiru na kudoriwe ni mwagiru mhali, ebo-i uzinzi."¹³Navo vekamgeria va-inyi kini vagitutu nesa avadoe, mira vahina vekavajoghoya, ¹⁴Mira Yesu areile ka, telhamuijwe nika neriekavaba, "Varoeni va-inyi vagitutu valita hagho, na msivalhiije, kwaite vekwae sa vo udilao wa kiumbi ni mkini.¹⁵kweri nimubaya, wowose esiudoria udilao wa Kiumbi sa m-inyi mgitutukweri temuru kubuu he udilao wa Kiumbi. ¹⁶Halafu ekavadori va-inyi he miheregha ku-u na ekavabariki ekuvakeya miheregha ana kini.¹⁷Na arevoka ntambo ku-u mhe muwe ekamu-uguluya na ekama magoti mbele ku-u, ekamlhasu, Mhinizi mkulho, nibo-i ahoni nesa nimuru kupala uzime wa milele?" ¹⁸Ne Yesu ekaba, "Ni ahoni unise mkulho? Tehelo emkulho ,mira kiumbi mwenye bi. ¹⁹Ure-ile miiko: 'Usiga-a, usizini, usigwa, usishuhudie mambeza, usita, mheshimu aba ne lage ke'."²⁰Mhe hu ekaba, "Mhinizi,ya makabuna niyadaraishe kuvokia ugitutu." ²¹Yesu ekamwesia na kumdumu. Ekam-ba, "ushighaje kigi kiwe. Udumuwe uzedi vikabuna ulo navyo na uva-o vahuye, na unekwa na hazina mbinguni. Niho ulita unidose." ²²Mira ekagawe ni swaho kwa mburi ya ebaiwe. ekaso ilai elo huzuni, kwa ite eelo na uzuri mkumure.²³Yesu ekawesia bwa kabuna na kuvabaya vahina ku-u, "Ni namna mina cho ekukumure he mzuri kubuu he udilao lwa Kiumbi! ²⁴Vahina vekadarawe ni lundolo kwa mburi ka. Mira Yesu ekavabaya wa, "Va-inyi, ni namna mina cho ekukumure kubuu he udilao wa Kiumbi! ²⁵Ni keba he ngamia kutaho he itundu la singano, kutaho mhe mzuri kubuu he udilao wa Kiumbi.²⁶Vekamawe lundolo lugiru na vekayojanya, "Kwato niji eneokoka" ²⁷Yesu ekavawesia na kuyo, "He vahe techimuruika, mira sio he Kiumbi. Kwa ite he kiumbi vikabuna vimuruika." ²⁸"Petro ekavoka kuyo na-u, "Wesia twaaro vikabuna twa-akudosa."²⁹Yesu ekaba, "Kwerinimubaya kune, tehelo eroe minda, kana kaka ku-u,kana wau ku-u, kana lage, kana aba ,kana va-inyi kana mbuva kwa mburi gho na kwa Injili, ³⁰hu esikadorie kagi kagi igana sha ya waijiji i-i duniani: minda,kaka, wau, lage, wa-inyi na mbuva, kwa masurumijo, na ulimwengu ulitie, uzime wa mi-aze yose. ³¹Mira vakumure evabosi venekwa va mwisho na ehu va mwisho venekwa vabosi."³²Ata veata kwalhi,kuso Yerusalemu, Yesu yesu eekwae eevakaee kara kini, Vahina vekakwa na lundolo, na hu veekukwa vedosa mzungure vekaogoha. Niho Yesu ekava-ka-a kakera hu ikado na vanu na ekavoka kuvabaya hucho chinelijanya i-i sina. ³³"Wesia, tutaso mpaka Yerusalemu, ne M-inyi wakwe Adamu enehetiwe he vagiru va kirurumo, na vaandishi, Venem-pa-aya aga na venemgu ha vahe va mataifa. ³⁴Venemnyagaha, venem-busuya mapae, venem-a ndate, na venemga-a. Mira baada ya ma-aze makai enefufuka.³⁵Yakobo ne Yohana, Va-inyi vakwe Zebedayo, vekalita haku-u na kuba, "Mhinizi, tukudumu utubo-iye chochose tuneombeja." ³⁶Ekavaba, "Mdumu nimubo-iye kiahoni?" ³⁷Vekaba " Turo tuzokodi hawe he utukufu ke, muwe he mheregha ke wa kuume na mhali mheregha ke wa kumoso."³⁸Mira Yesu ekavalandula, "Tem-iliye cho mchiomba. M-muru kuchiwahaya kikombe hucho ninechiwahaya kana kugumirija ubatijo ka ninebatijwa?" ³⁹Vekam-ba, "Tumuru" Yesu ekavaba, "kikombe cho ninechiwahaya, mnechiwahaya. Na ubatijo ka nibatijwe, mneugumirija. ⁴⁰Mira enezokodi mheregha gho wa kuume kana mheregha gho wa kumoso si ani wa kugu, mira ni he hu ihejiie kukeiwa.⁴¹Hu vahina vahali ikado vareako ya, vekavoka kuvasunuiya Yakobo ne Yohana. ⁴²Yesu ekavase na kuvaba, "Mreile ite hu hu vefanyanywa kukwa vagiru he vahe va mataifa vevatawala, hawe na vahe vagiru kuva-aija ugiru mkini."⁴³Mira techidumuwe kukwa to he hakaghu. Wowose edumu kukwa mgiru he hakaghu lazima avanyamarikie, ⁴⁴na wowose enekwa wa bosi he hakaghu ni lazima akwa mzasughawe wa vakabuna. ⁴⁵Kwaite M-inyi wakwe Adamu telitie kunyamarikiwa mira kunyamarika, na kugu uzime ku-u kukwa ukombo he vakumure.⁴⁶Vekalita Yeriko. Ata eekuhaka Yeriko na vahina ku-u na ikundi igiru, m-inyi wakwe Timayo, Batimayo,kipofu eombeja, eezokodia kakera he balabala. ⁴⁷Areako ite ni Yesu Mnazareti, ekavoka kuma kilondo na kuba, "Yesu, M-inyi wakwe Daudi, nikoe mbazi!" ⁴⁸Vakumure vekamjoghoya hu kipofu, vekum-baya ata-a. Mira ekazoisha kwa sauti girusha, "M-inyi wakwe Daudi, nikoe mbazi!"⁴⁹Yesu ekauma na kuvaba asewe. Vekamse hu kipofu, vekuba, "Kuhime! uka! Yesu ekuse." ⁵⁰Ekalibibi kakera ikoti ku-u,ekauguluisha, na kulita hakwe Yesu.⁵¹Yesu ekalandula na kuba, "Udumu nikubo-iye ahoni?"Hu mwagiru kipofu ekalandula, "Mhinizi, nidumu kuaho." ⁵²Yesu ekam-ba, "so. Imani ke yaaku-uti." Ata-ata ma-ila ku-u eka-aho; na ekamdosa Yesu he balabala.

¹Too varealita Yerusalemu, vareahe sina Besthfage na Bethania, he Lungori lwa mizaituni, Yesu ekavasugha vanu vahu vahina ku-u ²na ekavabba, "Soni he kijiji chiwesiana na nne. Too mkunehe, mneheya m-inyi wa m'punda isina kutuwe. Igeni na muigera hagho. ³Na kai wowose ekumuba, 'kwa ahoni mubo-i to'", mdumuwe kum-ba, 'Dilao eidumu na wangu eneikiriti i-i'."⁴Vekaso na kuheya M-inyi wa m'punda eoroiwe kana he luhige he mtaa usilhatiiwe, navo vekaige. ⁵Na vahe vahali vee-umaye too na vekavaba, "Mbo-i ahoni, kumge m-inyi wa m'punda ka?" ⁶Vekavaba Sacho yesu evabaye, na vahe vekaro vaso.⁷Vahina vanu vekamgera m-inyi wa m'punda hakwe Yesu na vekanagha gomae kini ana ku-u nesa Yesu amuru kukutu. ⁸Vahe vakumure vekanagha gomae kini he balabala, vahali vekanagha matambi veyapuye kuli he mbuva. ⁹Hu vemkaee na hu wemdosa mzungure vekama kilondo, "Hosana!Ebarikiwe elita kwa ilhe la Dilao. ¹⁰Ubarikiwe udilao ulitiye wa aba kanu Daudi! Hosana he ka eata ana."¹¹Niho Yesu ekabuu Yerusalemu na ekaso hekaluni na ekawesia kila kigi. Iji,muda weekwae waaso, ekaso Bethania hawe navo ikado vanu. ¹²I-aze lidosie, too veekukirii kuli Bethania, eelo kela.¹³Na eka-aho mhatu wa mtini weelo mahako kwa uda, ekaso kuwesia kai esee muru kupata chochose ana ku-u. Na too areso heka, tezeaho chochose mira mahako, kwaite see ma-aze ku-u ya mtini. ¹⁴Ekaubaya, "Tehelo wowose ene-a itunda kuli hake wa". Na vahina ku-u vekako.¹⁵Vekalita Yerusalemu, nau ekabuu he ihekalu kuvoka kuvagu gana vachuluji na vaweme za ya hekalu. Ekabidula meza ja vebadirisha hera na vikire vya hu veekudi sua. ¹⁶Temdumuije wowose kutii chochose he hekalu chimuruike kudiwe.¹⁷Ekavahiniza na ekaba, 'minda gho inekwa minda ya kutasa kwa mataifa makabuna'? Mira mwaaibo-i m'panga ya vagwalo". ¹⁸Vagiru va kirurumo na vaandishi veekoe cho eekuyo, navo vekadaa kwalhi ya kumga-a. hata wato veekumuogoha kwa ite umati weekudarawe ni lundolo ni mahinizo ku-u. ¹⁹Na kila chamagheri ikuhe, vekahaka he mwang'a.²⁰Ata veekudaha chalhenu, vekauaho mhatu wa mtini waahala mpaka he majindo ku-u. ²¹Petro ekauhulha na kuba, "Rabi! Wesia, mhatu wa mtini uubusuye waahala".²²Yesu ekavalandula, "Mukwa na imani he Kiumbi. ²³Amini nimubaya ite kila eneubaya mlima ya, 'Haka, na uzekubibi mwenye baharini, 'na kai telo futofuto he swaho ku-u mira eamini ite cho eyoe chinelijanya, Watooto Kiumbi enebo-i.²⁴Kwato nimubaya:kila kigi muombeja na kulhaasu kwa ajili ku-u, muamini ite mwaadoria, navyo vinekwa vikaghu. ²⁵Too mku-uma na kutasa, mdumuwe kusamehe chochose cho mlo nacho na mhe wowose, nesa ite Aba kaghu eata mbinguni amusamehe na kune makusa kaghu. ²⁶(Daraisha: Mtarari ya, "mira mkusaa samehe makusa kaghu" teuhata he nakala ja azeto.)²⁷Vekalita Yerusalemu wa. Ne Yesu ata eekudaha hekaluni, vagiru va kirurumo, vaandishi na vazee vekalita haku-u. ²⁸Vekam-ba, "Kwa mburi ya mina ubo-i to?" Na niji ekuoe ugiru wa kuboi to?"²⁹Yesu ekavaba, "Ninemulhaasu mburi we. Nibayani na ani ninemubaya kwa mburi ya kwe ji nibo-i mburi ya. ³⁰He, ubatijo wakwe yohana weeliye mbinguni kana weeliye he vanadamu? Nilanduleni."³¹Vekayojana kwa vo na kulahana na kuyba, "Kai tukuba, 'Kuli mbinguni,' eneba, 'Kwa ahoni temumuaminiye?' ³²Mira kai tukuba, 'Kuli ha vanadamu,'.........." Vekavaogoha vahe, kwaite vakabuna veedaraishe ite Yohana ekwae Mlotezi. ³³Niho vekamlandula Yesu na kum-ba, "Tetuiliye. Niho Yesu ekavabaya, "Neri ani sikamubaye ni kwa mburi ya kweji nibo-i mburi ya.

¹Halafu Yesu ekavoka kuvahiniza kwa mifano. Ekaba, "Mhe eelhae mbuva ya mizabibu, ekajungulusha lwigo, na ekatu ishimo la kubo-iya mvinyo. Ekakwa mnara na halafu ekapangisha mbuva ya mizabibu heva kurume va mizabibu. Halafu ekabari ntambo ya uda. ²Wakati urehe, ekamsugha, mnyamalo he vakurume va mizabibu kudori kuli hakini matuunda maghere ya mbuva ya mizabibu. ³Mira vekavadara, vekavama, na kuvauguluti bila chochose.⁴Ekavasughaya mnyamalo mhali, vekamhiri he m-a na kum-boiya mburi ja susune. ⁵Bado ekamsugha mhali, na ya muwe vekamga-a. vekavaboiya vahali vakumure mburi sa ka-aka, vekuvama na vahali kuvaga-a.⁶Eelo bado na mhe muwe wa wakumsugha, m-inyi emdumuishe. Nau ka nee wa mwisho eresughawe hakini. Ekuba, "Venemheshimu m-inyi gho". ⁷Mira vapangaji vekayotijana vo kwa vo, "Ya ni-u mpaji. Litani, Hebu na tumga-a upaji unekwa mkanu."⁸Vekavamia, vekamga-a na kum-bibi kana ya mbuva ya mizabibu. ⁹Kwato, He! Enebo-i ahoni mzalo mbuva ya mizabibu? Enelita kuva-angamija vakurume va mizabibu na kuva-o mbuva ya mizabibu he vahali.¹⁰Temzemuru kusoma igondo ya?" Isaheru hu vezakwa velilhiye, laakwa isaheru la kakera. ¹¹Ya leliye he Dilao, na nila ajabu he maila kanu." ¹²Vekadaa kumdara Yesu, Mira vekaogoha makutano, kwani vee iliye ite eyoe mfano ka kwa vo. Kwato vekamro na kuso kini.¹³Halafu vekavasugha baadhi ya Mafarisayo na maherodia haku-u ili vamteghie kwa mburi. ¹⁴Varehe, vekam-ba, "Mhinizi, tureile ite tuwesia maoghe ya wowose na tuaija upendeleo he vahe. Uhinija kwalhi ya Kiumbi he kweri. He! ni haki kuriha kodi hakwe Kaisari kana sicho? He! Tumuru kulhanu kana hai? ¹⁵Mira Yesu eereile unafiki kini na ekavaba, "kwa ahoni mnighesha? Nioni dinari nimuru kuiwesia."¹⁶Vekagera we hakwe Yesu, Ekavaba, "He! ni vubasa niji na magondo yeata i-i niji? Vekaba, "Yakwe Kaisari." ¹⁷Yesu ekavaba, "M-oni Kaisari vigi vyakwe Kaiisari na Kiumbi vigi vya Kiumbi." Vekakwa na lundolo.¹⁸Halafu Masadukayo,vebaa tehelo ufufo, vekamsoya. Vekamlhaasu, vekuba, ¹⁹"Mhinizi, Musa etuandikie ite, 'Kai mbahu wa mhe aaga na kumro mlage mzungure ku-u, mira tezero m-inyi, mhe enemdori mlage wa mbahu ku-u, na kusa va-inyi kwa ajili ya m-bahu ku-u.'²⁰Heelo vabahu saba, wa bosi eedoriye mlage na halafu ekaga, teeroe va-inyi. ²¹Halafu wa kanu ekamdori nau ekaga, tezero va-inyi. Na wakakai nau sacho. ²²Na wa saba ekaga neri kuro m-inyi. Mwishoiji na mlage na-u ekaga. ²³Wakati wa ufufuo,vekunefufuka wa, He! Enekwa mlage wa kweji? Kwani hu vabahu vakabuna saba veekwae vaagiru ku-u."²⁴Yesu ekavaba, "He!Ya si mburi ite mwalahatianywa, Kwaite tem-iliye maandiko neri nguvu ja Kiumbi? ²⁵Wakati wa kufufuka kuli he vegae, tevekadori neri kubuu he ndoa, mira venekwa sa malaika va mbinguni.²⁶Mira, kuhusu vegae ka veneguwe ha vega-e,He! Temsomie kuli hekitabu chakwe Musa, he mburi ja kishafi, hucho Kiumbi cho eyoe na kum-baya , ' Ani ni Kiumbi wakwe Iburahimu, na Kiumbi wakwe Isaka, na Kiumbi wakwe Yakobo?' ²⁷U si Kiumbi wa vavegae, mira wa wavera hema. ni kweri mwalahatianyika.²⁸Muwe wa vaandishi ekalita na kuko vyo vyeekuyowe nivo; eka-aho ite yesu evalandule kikulho. Ekamlhasu, "He! ni amri hama eya muhimu kutaho he kabuna?" ²⁹Yesu ekkalandula , "Eya muhimu ni ya, "Kiya, Israeli,Dilao Kiumbi kanu, Dilao ni muwe. Ni ³⁰lazima umdumu Dilao Kiumbi Ke, kwa swaho ke kabuna, kwa roho ke kabuna, kwa akiri ke kabuna, na kwa nguvu ke kabuna.' ³¹Amri ya kanu ni ya, 'Nilazima umdumu wa sina kesacho ukudumuye mwenye.' Tehelo amri hali giru itaho ya."³²Mwandishi ekaba, "Kikulho mhinizi! waayo kweri ite kiumbi jni muwe, na ite tehelo mhali kutaho u. ³³Kumdumu u kwa swaho kabuna, na ku-ile ke kabuna na kwa nguvu kabuna, na kumdumu jirani sa ari mwenye, ni muhimu sana kutaho viguwe he madhabahu ja kuteketezwa," ³⁴Too Yesu areaho aagu ijibu la viugho, ekam-ba, "Ari tuata uda na udilao wa Kiumbi. Baada ya ata tehelo neri muwe egheshije kumlhaasu Yesu Maswali yoyose.³⁵Ne Yesu ekalandula, too eekuhiniza he ihekalu, ekaba, "He! vaandishi vebamo ite Kristo ni m-inyi wa Daudi? ³⁶Daudi mwenye he Roho mtakatifu, ekaba, 'Dilao ekaba he Dilao gho, zokodi he mheregha wa kuume, mpaka nivabo-i vankru ke kukwa di ya masame ke, ³⁷Daudi mwenye emse Kristo, 'Dilao' He! ni m-inyi wakwe Daudi kwa namna mina?" Na ikusanyiko igiru likamsikija kwa kinyemi.³⁸He mahinizo ku-u Yesu eebaye, "Ogohani vaandishi, vetamani kudaha na nkanzu ndeza na kuholuwe he vihoja ³⁹na kuzokodi he vikire vya vagiru he masinagogi na he sikunkulu he maeneo ya vagiru. ⁴⁰Naho ve-a minda ja vajane naho vetasa mitaso mieza nesa vahe vava-aho. Ya vahe vedoria hukumu hue giru.⁴¹Halafu Yesu ekazokodi di sina na sanduku la sadaka za ya ieneo la hekalu, eekuwesia vahe veekugu sadaka za hesanduku. Vahe vakumurevazuri vekake kiasi kigiru cha hera. ⁴²Halafu mlage mjane mhuye ekalita na kubutu vipande vinnu, samani ya centi.⁴³Halafu ekavase vahina ku-u na kuvabaya, "Amini nimubaya, mlage ya mjane ebutue kiasi kigiru kutaho vakabuna ka vegue he sanduku la sadaka. ⁴⁴Kwaite vakabuna vegue kuwesiana na ukumure wa vyovelo navyo. mira mjane ya, kuli he uhuye ku-u, ebutue hera kabuna ambaayo ekudumuwe kuitumioa he kuhema ku-u."

¹Yesu ataekudaha kuli hekaluni, muwe wa vahina ku-uekamlhaasu, "Mhinizi, wesia masaheru ya yebutu lundolo na majengo!" ²Ekam-baya, Mreaho majeengo ya magiru? tehelo neri isaheru iwe lineshighaja ana he isaheru ihali lisikalhukuwe di.³Na-u ata eezokodie ana helungorilwa mizaituni lukumbi he hekalu, Petro, Yakobo, Yohana ne Andrea vekamlhaasu kwa siri , ⁴Tubaye, mburi ya jinekwa ami ? ni ahoni dalili ya mburi ya kulijanya?⁵Yesu ekavoka kuvabaya, "Mukwa makini ite mhe wowose asimulahatianye. ⁶Vakumure venelita kwa ilhe gho vekuba, 'Ani nihu', na venevalahatianya vakumure.⁷Mkuneko kumaiana na tetesi ja vita, msiogohe; mburi ka teyelo budi kulijanya, mira mwisho teunahe. ⁸Itaifa lineka kimzungure na ntaifa ihali, na udilao kimzungure na udilao. henekwa na mazingizo hodi kumurekumure, na kela. Ya ni kuvoka kwa utungu.⁹mukwa ma-ila. venemuti-ihe mabaraza, na nna mnepingwa he masinagogi. Mneumatiwe mbele ya vagiru na madilao kwa mburi gho, sa ushuhuda hakini. ¹⁰mira injili lazima ini ibirikirwe he mataifa makabuna.¹¹Vekune mudara na kum-oti, msiko bughu kwahu cho mneyo. Za yaka muda, mkneowe kiahoni cha kuyo; temkakwa kune mneraayo, mira roho mtakatifu. ¹²M-bahu enemlaha m-bahu kuga-awe, aba na m-inyi ku-u. Va-inyi vene uma kimzungure ne aba kini kusababisha kuga-awe. ¹³Mnesanuijwa ni kira mhe kwa mburi ya ilhe gho. mira enegumirija mpaka mwisho, mhe ka eneokoka.¹⁴Mkuneaho ichukizo la ku-oni laa-uma too hesidumuwe ku-uma (esoma naa ile), ¹⁵Niho veata za ya Yuda vauguluye he mingori, na-u eata ana ya minda asidimi di he minda, kana kudori chochose chiata gaana, ¹⁶na eata he mbuva asikirii kudori gomae ku-u.¹⁷Mira ole kini valage velo maso na vegoija heka nma-aze ka! ¹⁸Ombani ite isilianye heelo sa. ¹⁹Ake henekwa na manyamarisho magiru, ambayo teyenaza lijanya, kuvokia Kiumbi areumba ulimwengu, mpaka wa-ijiji, tehelo, neri telikarelijanya kahali. ²⁰Mpaka Dilao ho enepunguja ma-aze, Tehelo msa unevoteka, mira kwa mburi ya vateule, enevasaghura, enepunguja namba ja maaze.²¹Wakati kaa kai mhe wowose enemubaya, Wesia, Kristo eata i-i! kana wesia, eata too! mseemwamini. ²²Ake Kristo wa mambeza na valotezi va mambeza venelijanya na venegu ishara na maajabu, ite nesa, vavata, kahali hata vateule. ²³Mukwa ma-ila! naamubaya pere makabuna yesina lijanya.²⁴mira baada ya manyamarisho ya ma-aza ka, ka-aze kenebutuwe kidughu, mlhihe teukagu mwangaza ku-u, ²⁵ntonde jinelhu kuli are ana, na nguvu jiata mbinguni jinetingishikia. ²⁶Niho venemuaho m-inyi wakwe Adamu ekulita hemajumbi kwa nguvu kumure nautukufu. ²⁷Niho enesugha malaika ku-u na enevatutanya hawe vateule kuu kuli pande giru hai jan dunia kuli mwisho wa dunia mpaka mwisho mpaka, kuli mwisho wa mbingu.²⁸He mtini hinani. Kai itambi cholimuru kugu na kuke wangu mahako, ku-u, niho mneile ite kiangazi chiata sina. ²⁹Nicho chikwae, mkune aho mburi ya jikulijanya. Ileni ite aeta sina, na luhige.³⁰Kweri, Nimubaiya, ya kizazi techikataho uda mburui ya jisina lijanya. ³¹Mbingu na di zinetaho, mira mburi gho tejikataho neri. ³²Mira kwa ka-iaze kana saa, tehelo eiliye, neri malaika va mbinguni, neri, M-inyi, mira Aba.³³Mukwa ma-ila, Wesia, ake temiliye ni muda mina yenelijanya. (Daraisha: Mtarari ya, "Mukwa chonjo,Wesiani na tasani kwa ite...... " teuhata he nakala ja kae). ³⁴Ni sa mhe ebari ntambo: ekaro minda ku-u, na kumke mnyamalo ku-u kukwa mgiru wa minda, kila muwe na nyamalo ku-u. Na kum-ba mlinzi kukwa ma-ila.³⁵Kwato mukwa ma-ila! Kwaite tem-iliye ni ami dilao wa minda enekirii minda, imuruika ni chamagheri,kiama cha manane, too nkuruve ikuzo, kana chalhenu. ³⁶Kai ekulita wangu, aseekuheya ugoshije. ³⁷Hucho nichiyo hake nichiyo hakira mhe. Keshani"!

¹Yeekwae ni ma-aze manu bi baada ya pasaka na ya mikate isibutuiwe chachu. Vagiru va kirurumo na vaandishi veekudaa namna ya kumdara Yesu kwa hila na kumga-a. ²Kwaite veebaye, "Sio wakati ya wa sikunkulu, vahe vaseeboi nkru."³Too Yesu eeata Bethania minda havo Simoni mkoma, naata eekuso he meza, mlage muwe ekalita haku-u eelo nchupa ya marashi ya nardo makulho yelo gharama giru sha, Ekaipu nchupa na kuisu ana he m-a wa ku-u. ⁴Mira heelo na vahali kini vekasanuiwa. Vekabaiyana vo kwa vo vekuba, "Nikiahoni ya kulahati to? ⁵Manukato ya yeseemuru kudiwe kwa zaidi ya dinari magana makai, na vekaowe vahuye." Navo vekamjoghoya.⁶Mira Yesu ekaba, "Mroni mwenye. Kwa ahoni mumnyamarisha? Aabo-i mburi kulho hagho. ⁷Ma-aze kabuna vahuye mrelo navo, na muda wowose ho mnedumu m-muru kubo-i makulho hakini, mira temka kwa na ani muda mkabuna. ⁸Aabo-i hucho emuruye: aau-lhoomi msa gho malhoma kwa ajili ya majiko. ⁹Kweri nimubaya, kila hodi injili ho inebirikirwa he ulimwengu mkabuna, hucho ebo-iye mlage ya chineyowe kwa kuhulhawe.¹⁰Halafu Yuda Iskariote, muwe vahu ikado na vanu, ekaso he vagiru va kirurumo nesa ite amuru kum-oti hakini. ¹¹Too vagiru va kirurumo vareako to, vekalhamuiwa vekam-o kilagha kum-o hre. Ekavoka kudaa nafasi ya ku-oti hakini.¹²He i-aze la bosi la mikate isibutuiwe chachu, too vareagu kulele ya i-alu la pasaka, vahina ku-u vekam-ba, "udumu tuso nale tuzeandaa ili nesa upate ku-a viaghu vya Pasaka?" ¹³Ekavasugha vahina ku-u vanu na kuvabaya, "Soni he mwang'a, na mwagiru eti-iye sange eneahoana na kune. Mdoseni. ¹⁴Minda yo enebuu, mdoserejeni na mum-baye elo minda ka, 'Mhinizi eba, "Chiatale chumba cha vagalho hodi nine-aya Pasaka na vahina gho?"¹⁵Enemuaija chumba cha ana kigiru chilo vigi viata tayari. Bo-ini maandalizi kwa mburi kanu too. ¹⁶Vahina vekahaka vekaso hemwang'a; vekaheya kira kigi sacho eevabaiye, vekaandaa viaghu vya pasaka.¹⁷Too irehe chamagheri, ekalita nahu ikado na vanu. ¹⁸Natoo varehe sina na meza nesa va-a,Yesu ekaba, "Kweri nimubaya he vakaghu ea hawe na ani enenisaliti." ¹⁹Vakabuna vekasikitika, na muwe baada ya mhali vekam-ba, "Mira sio ani?"²⁰Yesu ekalandula na kuvabaya, "Ni muwe wahe ikado na vanu he kune, muwe ambaye waijiji eginta itonge he ibakuri hawe na ani. ²¹Kwaite M-inyi wakwe Adamu eneso sacho hu maandiko yebaye ana ku-u. mira ole ku-u mhe ka ktahoya u M-inyi wakwe Adamu enesalitiwa! Cheseekwae kikulhosha haku-u kai mhe ka tezesawe.²²Naata veeku-a, Yesu ekadori mkate, ekaubariki. na kuupa-a. Ekava-o ekuba, "Dorini. ya ni msa gho." ²³Ekadori kikombe, ekashukuru na ekava-o vakabuna vekachiwahaya. ²⁴Ekavabaya, "Ya nisako gho ya iaghano, sako isuika kwa mburi ya vakumure. ²⁵Kweri nimubaya, sikawaha kahali he izao ya la mzabibu mpaka iaze hu nikunewaha sha he udilao wa Kiumbi."²⁶Vareaheja kuimba luimbo, vekali gahana he Lungori lwa mizaituni. ²⁷Yesu ekavaba, "Kune vakabuna mnekumatu uda kwa mburi gho, kwaite igondiwe, 'Ninem-ma mzemo na ma-alu yenelahatiana.'²⁸Mira baada ya kufufuka gho, ninemukaya galilaya." ²⁹Petro ekamba, "Hata kai vakabuna venekuro, ani sikakuro."³⁰Yesu ekam-ba."Kweri nikubaya, ki-ama ya, neri nkuruve teina zo kagi kanu, unekwa waanikana kagi kakai." ³¹Mira Petro ekaba, "Hata ikunidumu kuga hawe na-ari , sikakukane. "Vakabuna vekagu kilagha sa huu hu.³²Vekalita hodi hebawe Gethsemane, ne Yesu ekavaba vahina ku-u, "Zokoni i-i wakati nitasa." ³³Ekavadori Petro,Yakobo, ne Yohana hawe na-u, ekavoka kuhuzunika na kunyamarikisha. ³⁴Ekavaba, "Swaho gho ilo huzuni sha, sina na kuga. Hemani i-i mkwa ma-ila."³⁵Yesu ekaso kara habwesu, Ekalhu di, ekatasa, kai cheekumuruika, ite saa ya yeseeniepuke. ³⁶Ekaba, "Aba, Aba, mburi kabuna hake yemuruika. Nika-aye kikombe ya. Mira sicho kwa kudumu gho, mira kwa kudumu ke."³⁷Ekakirii na kuvahelha vaagosha, Na ekavabaya Petro, "Simoni, he waagosha? Tuzemuru kukesha hata isaa iwe? ³⁸Keshani na mutase ite mseebuu he maghesho. Ni kweri swaho idumu, mira msa ni mdhaifu." ³⁹Ekasowa kutasa, na ekatumia miyoire hu-uhu.⁴⁰Ekalita wa ekavaheya vaagosha, Kwaite ma-ila kini yeekwae yeyahie na teveiliye ni kiahoni cha kum-baya. ⁴¹Ekalita kwa kagi ka kakai na kuvabaya, "Mrecheri bodi na kupumzika? Yaatosha! saa yaahe. Wesia! M-inyi wakwe Adamu etasalitiwa he miheregha ya velo makusa. ⁴²Kani, tusoni. Wesia, hu enisaliti eata sina."⁴³Kagi bi eekurayo, Yuda, muwe wa hu ikado na vanu, ekahe, na ikundi igiru kuli he vagiru va kirurumo, vaandishi na vazee velo mahamba na maboi. ⁴⁴Wakati ka msaliti ku-u eevaoye ishara, ekuba, hu nine m-o ibusu, ni-u. Mdarani na kumke di ya ulinzi." ⁴⁵Too Yuda arehe, we kwa we ekaso hakwe Yesu na kuba, "Mhinizi! " Na kum-ma Ibusu. ⁴⁶Halafu vekamke di ya ulinzi na kumdara.⁴⁷Mira muwe he vakini eumaye sina nau ekagu luhamba ku-u ekam-ma mnyamalo wa mgiru wa kirurumo na kumte ilama. ⁴⁸Yesu ekavaba, "Mwalita kunidara kwa mahamba na maboi sa mgwalo? ⁴⁹Wakati kila i-aze neeata na kune nikuhiniza hekaluni, temnidaraye. Mira ya libo-ika nesa magondwe yatimie. ⁵⁰Nahu vakabuna veata ne Yesu vekamro na ku-ugulu.⁵¹Mbwange muwe ekamdosa, eeoroye ishuka bi eekughubike kujunguluka; vekamdara mira ⁵²ekavachopoka ekairo shuka too ekaugulu neri gomae.⁵³Vekamkaeti Yesu hakwe mgiru wa kirurumo. Too vekaumbikanahawe nau vagiru vakirurumo vakabuna., vazee, vaandishi. ⁵⁴Petro nau ekamdosa Yesukwa kauda, kusoija he ikole la mgiru wa kirurumo. Ekazokodi hawe na valinzi, veeata sina na mwalha veekuota nesa va-aho iru-u.⁵⁵Wakati ka vagiru va kirurumo vakabuna na ibaraza lose veekudaa ushahidi umtara Yesu nesa vamuru mumga-a. Mira teveahoye. ⁵⁶Kwaite vahe vakumure veegerie ushahidi wa mongo kumtara u, mira neri ushahidi kini teutotie.⁵⁷Vaghere veka-uma na kugera ushahidi wa mongo kumtara u; vekuba, ⁵⁸Tweemkoye ekuba, 'Ninelioni ihekalu ya libo-iwe na miheregha, na za ya ma-aze makai nielikwa ihali lisibo-iwe kwa miheregha."' ⁵⁹Mira neri ushahidi teutotie.⁶⁰Mgiru wa kirurumo ekauma hasihasi kini na kumlhaasu Yesu , "He, ulo la kulandula? Vahe ya veyo ahoni chikutara ari? ⁶¹Mira ekata-a chwi na telandule chochose. Fia mgiru wa kirurumo ekamlhaasu kahali,"He ari ni Kristo, M-inyi wa Mkeba?" ⁶²Yesu ekaba, Ani ni-u. Na unemuaho M-inyi wakwe Adamu Ezokodie mheregha wa kuume wa nguvu ekulita na majunde ya mbinguni."⁶³Mgiru wa kirurumo ekajikaa gomae ku-u na kuba, "He, bado tudumu mashahidi? ⁶⁴Mwaako ekukufuru. Uamuzi kaghu ni kiahoni? na vakabuna vekam-pa-aya sa muwe estahili kuga. ⁶⁵Vahali vekavoka kumbusuya mapae na kumghubika vubasa na kum-ma na kum-baya, "Loteza!" Vagiru vekamdori na kum-ma.⁶⁶Ne Petro eerecheri ata di he lukumbi, mnyamalo muwe wa vabora va mgiru wakirurumo ekamlitiya. ⁶⁷Ekamwaho Petro ataho eeumaya ekuota mwalha, na ekamwesia na kumdosa sina. Halafu ekaba, "Na ari weeata ne Mnazareti, Yesu". ⁶⁸Mira ekalhi, ekaba, "Si-iliye kacho uyoija!" Halafu ekali ekaso gana lukumbi. (Daraisha; mtarari ya, "Na nkuruve ikazo" teuhata he nakala ja azeto).⁶⁹Mira mnyamalo wa kilage too, ekamwaho na ekavoka kuvabaya kahali hu vee umaye too,"Mhe ya ni muwe kini!" ⁷⁰Mira ekakana wa. Baadaye kabwesu hu vee umayetoo veekum-baya Petro, "Kweri ari ni muwe kini, kwaite na ari um Galilaya."⁷¹Mira ekavoka kukuke mwenye di ya lupae na kuapa, "Similiye mhe ya mumyo." ⁷²Halafu nkuruve ikazo kagi ka kanu. Halafu Petro ekahulha mburi hu Yesu yo em-baye: "Isinazo nkuruve kagi kanu, unenikana kagi kakai." Na ekalhu atadi na kuzo.

¹Chalhenu na mapema vagiru va kirurumo vekahe hawe na vazee na vaandishi na baraza izime la vazee. Halafu vekam-oro Yesu vekamti-i hakwe pilato. Pilato ekamlhaasu, "Ari u Dilao wa Vayahudi?" ²Ekalandula,"Ari waayo to." ³Vagiru va kirurumo vekayo malaho makumure yemtara Yesu.⁴Pilato Ekamlhaasu kahali, "Tulandula chochose? Tuaho cho vekulaha kwa mburi kumure? ⁵Mira Yesu temlandule Pilato, na ka ikam-ma lundolo.⁶He kawaida wakati wa sikunkulu vemlhamaa mzaorowe muwe, mzaorowe vemwombeje. ⁷Heelo veoniye heigereza, hevo vegayaye hevo veoniye venyamarikia makusa kini. Heelo mhe muwe esewe Baraba. ⁸Umati ukalita hakwe Pilato, na kumwombeja abo-i sa cho eboiye are maaze mahali.⁹Pilato ekavalandula kwa kuba, "Mdumu nimlhamaye Dilao wa Vayahudi?" ¹⁰Kwaite ereile ni mburi ya wizuwa vagiru va kirurumo veemdaraye Yesu na kumgera haku-u. ¹¹Mira vagiru va Kirurumo vekavasonganya umati kumaisha kilondo kwa sauti ite alhamawe Baraba badala ku-u.¹²Pilato ekavalandula wa na kuba, "Nimsa kiahoni Dilao wa Vayahudi? ¹³Vekama kilondo kahali, "Msurumije!"¹⁴Pilato ekaba, "Eboiye mburi mina kusa?" Mira vekazikaisha kumaisha kilondo "Msurumije" . ¹⁵Pilato ekudumu kuvalhamuija umati, ekavalhamaija Baraba. Ekam-ma Yesu mijeledi halafu ekamgu nesa asurumijwe.¹⁶Askari vekamkaetija mpaka za ya lwigo (hu uata za ya nkambi) na vekaumbika hawe na kikosi cha askari. ¹⁷Vekam-oro Yesu Nkanzu ya rangi ya zambarau, na vekaluka taji ya milhae vekam-oro. ¹⁸Vekavoka kum-bera na kuba, "Tukuholu, Dilao wa Vayahudi!"¹⁹Vekam-ma he m-a na mwanzi na kum-busuya mapae. Vekakoma mamuro mbele ku-u kwa kumheshimu. ²⁰Hata kuheja kum-bera, vekamgu hu nkanzu ya rangi ya zambarau na kumroika gomae ku-u, na vekamgu gana kuso kwa msurumija. ²¹Vekamkungumija mzataho kwalhi kumlhaari, eekubuu he mwang'a kuli he mbuva. Eekusewe Simoni Mkirene (aba ku-u Iskanda ne Rufo); Vekamkungumija kuti-i msalaba wakwe Yesu.²²Askari vekamti-i Yesu hodi hesewe Golgotha (Maana ya tafsiri ya ni, Hodi ya ifwara la m-a). ²³Vekam-o mvinyo ukwariiwe na manemane, mira tewahaye. ²⁴Vekamsurumija, na veka kaka gomae ku-u. Vekayamaya kura kuile kipande cho enepata kila askari.²⁵Nee saa kai chalhenu varemsurumija. ²⁶Vekake ana ku-u kibala chiandikwe ilaho, "Dilao wa Vayahudi." ²⁷Vekamsurumija hawe na vagwalo vanu, muwe bwa ku-u wa kuume na mhali kumoso ku-u. ²⁸(Daraisha: Mtarari ya, "Na magondwe ikatimia yeeyoiwe" teehata he nakala ja kae).²⁹Navo ka veekutaho vekamheya, vekakusha mi-a kini vekuba, "Aha! ari unepu ihekalu na kulikwa kwa ma-aze makai, ³⁰kuokoe mwenye na udimi di kuli hemsalaba!"³¹Kwa namna wa hu uhu vagiru va kirurumo vekamtera vekubaiyana, hawe na vaandishi na kuba, "Evaokoe vahali, mira temuru kukuokoa mwenye. ³²Kristo Dilao wa Israel, dimi di wa-ijiji kuli he msalaba, ili nesa tumuru kuaho na kuamini." Na hu vesulubiwe hawe nau vekamtera.³³Irehe saa sita, kidughu chikalhu he idi ikabuna mpaka saa kenda. ³⁴Too saa kenda,Yesu ekama kilondo kwa sauti giru, "Eloi,Elii, lama sabaktani?" ikukwa na maana ite "Kiumbi gho,Kiumbi Gho, Kwa ahoni waaniro?" ³⁵Vahali hehu vee-umaye vareako vekaba, "Wesia, etamse Eliya."³⁶Mhe muwe ekaugulu, ekahuti sikihe sponji na kuibutu ana he mhatu wa mwanzi, ekam-o nesa awaha. Mhe muwe ekaba, "Ro tuaho kai Eliya enelita kumdimiri di." ³⁷Halafu Yesu ekazo kwa sauti giru ekaga. ³⁸Ipazia la hekalu lika-ka-aika vipande vinu kuli ana mpaka di.³⁹Mgiru muwe eumaye ekumuwesia Yesu, areaho aaga kwa namna hu, ekaba, "Kweri ya mhe nee M-inyi wa Kiumbi. ⁴⁰"Vereata na valage veekumuwesia kwa kauda. Hevo eata Mariamu Magdalena, Mariamu (lage ku-u Yakobo mgitutu wa kwe Yose), ne Salome. ⁴¹Too eata Galilaya vekamdosa kumnyamarikia. Na valage vahali vakumure navo vekadosirijana na-u mpaka Yerusalemu.⁴²Hareakwa chamagheri, na kwaite yeekwae iaze la kuandaa, i-aze kabla ya Sabato, ⁴³Yusufu wakwe Arimathaya ekalita too. Nee mjumbe wa ibaraza eheshimiwa ni mhe eula-a Udilao wa Kiumbi. Bila bughuekaso hakwe Pilato, kuombeja msa wakwe Yesu. ⁴⁴Pilato ekadarawe ni lundolo ite Yesu kave aaga; ekamse hu mgiru ekamlhaasu ite Yesu aaga.⁴⁵Areowe uhakika he afisa ite aaga, Ekamro Yusufu kuudori msa. ⁴⁶Yusufu eeweye Sanda. Ekamdimiri kuli he msalaba, ekam-oro kwa na sanda, na kumke za he ikaburi leetuiwe he mwamba. Halafu ekadongolosha isaheru he luhige lwa ikaburi. ⁴⁷Mariamu Magdalena ne Mariamu lage ku-u Yose vekaaho hodi ejikiwe Yesu.

¹Too Sabato ireakita, Mariamu ne Mariamu lage ku-u ne Yakobo, ne Salome, vekawe mihem'pe mikulho, ili nesa vamuru kulita kuulhomi malhoma msa wakwe Yesu kwa mburi ya majiko. ²Chalhenu na mapema iaze labosi la wiki, vekaso he kaburi too kaaze kekuvoka kulijanya.³Vekuyojanya vo kwa vo, "Niji enelidongolosha isaheru kwa ajili kanu nesa tubuu he ikaburi?" ⁴Too varewesia, vekamuaho mhe aaheja kulidongolosha isaheru, lee kwae igirusha.⁵Vekabuu he ikaburi na vekamuaho m-bwange eeoroye ijoho liaku, ezokodie bwa wa kuume, niho vekadarawe ni lundolo. ⁶Ekavabaya, "Musiogohe. Mumdaa Yesu, wa-areNazareti, esurumijwe. Aafufuka! Tehata i-i. Wesia hodi too ho veemkee. ⁷Soni, mzevabaya vahina ku-u ne petro ite aavakaeya kuso Galilaya. Are mnemwaho, sacho emubayee."⁸Vekahaka na kugugulu kuli he ikaburi; vekasingiza na kudarawe ni lundolo. Teveyoe chochose he m,he wowose kwa ite veelo bughu sha.⁹(Daraisha: Nakala ja azeto tejilo Marko 16:9-20) Mapema he iaze la bosi la wiki, baada ya kukfufuka, ekamlianyija ini Mariamu magdalena, hu ake kuli haku-u emguye m'pepo saba. ¹⁰Ekahaka na kuzavabaya hu veeata na-u, too veekuhuzunika na kugu ma-ilima. ¹¹Vekako ite ni mzime na ite aa-ahoana na-u, mira tevezemuamini.¹²(Daraisha: Nakala ja azeto tejilo Marko 16:9-20) Baada yaka, ekakulijanya he namna tofauti he vahe vahali vanu, too veekudaha kuli he idi. ¹³Vekaso na kuvabaya vahina vahali veshighale, mira teveaminie.¹⁴(Daraisha: Nakala ja azeto tejilo Marko 16:9-20) Yesu baadae ekalijanya hehu ikado na muwe,ata vee-eghamire he meza, na ekavajoghoya kwa kusaamini kini na ukuji wa swaho, kwaite teve vaamini hu vemuahoye baada ya kufufuka kuli ha vavegaye. ¹⁵Ekavabaya, "Soni he madi makabuna, na kubirikira injili he viumbe vikabuna. ¹⁶Wowose eneamini na kubatijwa eneokolewa, na hu esika amini enehukumiwa.¹⁷(Daraisha: Nakala ja azeto tejilo Marko 16:9-20) Ishara ya jinedo sirijana na hu vakabuna veamini. He ilhe ghovenegu m'pepo. Veneyo kwa lugha ku-a. ¹⁸Venedara bome kwa miheregha kini, na kai vekuwaha kigi chochose cha kuga-a techikavahiri. Veneke miheregha he varukao, navo venekwa vazime."¹⁹Too Dilao areheja kuyo navo, ekadoriwe ana mbinguni na ezokodie mheregha wa kuume wakwe Kiumbi. ²⁰Vahina vekahaka na kubirikira kila hodi, ake Dilao ekubo-i nyamalo navo na kuthibitisha mburi kwa miujiza na ishara jidosirianija navo.

¹vakumure vaakutahidi kuke he mnyururiko simulizi kwa hu mburi hu jitimijwe hasi kanu, ²Sacho vetuo nne, ake tangia bosi tu mashahidi va maila na vanyamalo va mburi. ³Kwato hata na ani, baada ya kuchunguza kwa kuwesiishisha mivokiire ya ya mburi ya kulijanya bosi- nikaaho ni kikulho hagho kukugondia he mnyururiko ku-u - Mgirusha Theofilo. ⁴Ili nesa umuru kuile ukweri wa mburi uhinizwe.⁵He ma-aze yakwe Herode, dilao wa Yudea, heelo mgiru wa kirurumo eekuswe Zakaria, wa mbari yakwe Abiya. Mlage ku-u he vabora vakwe Haruni, na ilhe ku-u eekusewe Elizabeti. ⁶Vakabuna ee vahe va haki mbele ya Kiumbi; veedahaye vesilo ilaho he mburi ya Dilao. ⁷Mira teesae m-inyi, Kwaite Elizabeth nee tasa, na he wakati ka mkabuna nee vazee sha.⁸Iji yeelianye ite Zakaria eata sina kiumbi, ekuendelea na balo ya kirurumo he urataibu wa kirurumo, he utaratibu wa balo ku-u. ⁹Kusojanya na desturi ya kusaghurwa ni mgiru mhama eneumaya kirurumo, eesaghurwe ni kura kubuu he ihekalu la Dilao na to esee esee funkija uvumba. ¹⁰Ikundi ikabuna la vahe veekuta tasa gana too vekufunkija uvumba.¹¹iji malaika wakwa Dilao ekalianyija na eka-uma bwa wa kuume wa kirurumo ya kufunkija. ¹²Zakaria ekaogohesha aremuaho; bughu ikamdaraisha. ¹³Mira malaika ekamba, "Usiogohe Zakaria, Kwaite mitaso ke yaakoika. Mlage ke Elizabeth enekusaya M-inyi. Ilhe ku-u unemse Yohana.¹⁴Unekwa na kinyemi na kushangalala, na vakumure venelhamuiwa kwa kuahowe ku-u. ¹⁵Kwaite enekwa mgiru mbele ya ma-ila ya Dilao. Tekazewaha Divai kana Kuwaha chiengelija, na enekwa ehutiwe Roho Mtakatifu kuvokia he maso ya lage ku-u.¹⁶Na vahe vakumure va Israel venekiritiwe hakwe Dilao Kiumbi kini. ¹⁷Eneso mbele ja vubasa vwa Dilao he swaho na nguvu ja Kwe Eliya. Enebo-i to ili nesa kukiriti swaho ja aba heva-Inyi, ili nesa vesikoiya vasoije he viugho vya velo haki. Enebo-i to ili nesa kuke tayari kwa Dilao vahe hu veandaiwe kwa ajili ku-u.¹⁸Zakaria ekam-ba malaika, "Ninemuru mo kuile ya? Ake ani ni mzee na mlage gho miko ku-u yaakwa mikumure sha." ¹⁹Malaika ekalandula kum-baya, "Ani ni Gabriel, hu euma mbele ja Kiumbi. Neeshughaiwe kukubaya, kukugeria mburi ya kulho. ²⁰Na wesia, tukazeyo, uneta-a chwi, tukamuru kuyo mpaka hu i-aze mburi ya inelijanya. Ya nikwaite waahejwa kuamini mburi gho ambayo jinelijanaya he wakati ukuhe.²¹Iji vahe veeata vekumla-a Zakaria. Vekadarwe ni lundolo ite adori-ishia muda mueza he hekalu. ²²Mira areali gana, tezemuru kuyo navo. Vekaile ite aapata maono are eata hekaluni. Ekakwa eaija ishara na ekakwa etae chwi. ²³Ikalijanya ite maaze ya huduma ku-u yareakita ekahaka kukirii ang'a ku-u.²⁴Baada yakwe Zakaria kukirii he ang'a kuu kuli he huduma ju-u he ihekalu, mlage ku-u ekakwa na maso. Nau tezeli ang'a ku-u kwa milhihe mikoi. Ekaba, ²⁵"Ya nicho hu Dilao eboiye hagho arewesia kwa upendeleo nesa kuika-a susune gho mbele ja vahe."²⁶Iji he mlhihe wa sita wa maso yakwe Elizabeti, Kiumbi ekam-ba malaika Gabrieli kuso he mwang'a wa Galilaya hesewe Nazareti, ²⁷He M-bora eehashijwe ni mwagiru hu ake ilhe ku-u nee Yusufu. Ka nee wa mbari yakwe Daudi, na ilhe ku-u m-bora ka leekusewe Mariamu. ²⁸Ekamlitiya na ekaba, "Nikuholu, ari uoiwe Neema giru! Dilao aalhamuijwa ni ari ." ²⁹Mira mburi jakwe malaika ekamchanganya na teyailiye kwa ahoni malaika eholuye, miholuye ya ajabu haku-u.³⁰Malaika ekam-baya, "Usiogohe, Mariamu, kwaite waaowe neema kuli he Kiumbi. ³¹Na wesia, uneti-i maso he maso ke na unesa m-inyi. Na ari unemse ilhe ku-u 'Yesu'. ³²Enekwa mgiru sha na enesewe m-inyi wa waeta ana sha. Dilao Kiumbi enem-o kikire cha enzi chakwe Daudi aba kini. ³³Enetawala ana ya mbari yakwe Yakobo milele na udilao ku-u teukakwa na mwisho.³⁴Mariamu ekambaya malaika, ya linelijanya kwa namna mina, Kwa ite sinara-a bodi na mwagiru wowose? ³⁵Malaika ekalandula na kum-baya, "Roha Mtakatifu enekulitiya ana, na nguvu ja ya Eata ana sha jinelita hake. Kwato, mtakatifu eneza ahowe enesewe M-inyi wa Kiumbi.³⁶Na wesia, m-bahu ke Elizabeti elo maso ya m-inyi he he miko ku-u ya uzee. ya ni mlhihe wa sita haku-u, eekusewe esisa. ³⁷Kwaite tehelo lisimuruika he Kiumbi." ³⁸Mariamu ekaba, "Wesia, ani ni mnyamalo wa kilage wa Dilao. Ro naichikwato hagho sacho mburi ke iyoe." halafu malaika ekamro.³⁹Niho he ma-aze ka Mariamu ekahaka na kwa upesi ekaso he idi la vungori, mwang'a he idi la yudea. ⁴⁰Eesoe ang'a hakwe Zekaria na ekamholu Elizabeti. ⁴¹Iji, ilijanye ite Elizabeti areakoiya miholuiye yakwe Mariamu, m-inyi he maso ku-u ekatorika, ne Elizabeti ekahutiwe ni Roho mtakatifu.⁴²Ekama kilondo na kuyo kwa sauti girusha, "Waabarikiwa sha ari he valage, na m-inyi eata he maso ke aabarikiwa. ⁴³Na chikwaemo hagho ite, lage wa Dilao gho chidumuiwe alita hagho? ⁴⁴Kwaite wesia, ireakoika he malama gho sauti ya kuholu ke, m-inyi he maso gho ekatorika kwa kinyemi. ⁴⁵Na ebarikiwe mlage hu ake eaminiye ite useelianya ukamirifu wa mburi hu ebaiwe kuli he Dilao."⁴⁶Mariamu ekaba, Nafsi gho imtogola Dilao, ⁴⁷na swaho gho yaa-lhamuiwa he kiumbi mwokoji gho.⁴⁸Kwaite aaiwesia hali gho ya di ya mnyamalo ku-u wa kilage. Wesia, kuvokia waijiji he vizazi vikabuna venenise mbarikiwa. ⁴⁹Kwaite ka emzamuru abo-i mburi giru hagho, na ilhe ku-u ni takatifu.⁵⁰Rehema Ku-u inehema kuli kizazi mpaka kizazi hehu vemheshimu u. ⁵¹Aa aija nguvu kwa mheregha ku-u avatawanya hu ambavo vekukoiya ana ya mawazo ya swaho kini.⁵²Avadimiri di va-inyi va dilao kuli he vikire kini vya enzi na kuvakuturu ana velo hali ya di. ⁵³Ekavakuuti velo kela na vigi vikulho, mira vazuri avauguluti miheregha bule.⁵⁴Aagu msaadahe Israeli mnyamalo ku-u, nesa kuhulha kuaija mbazi ⁵⁵(Sacho eyoe he aba kanu) he Abrahamu na uzao ku-u milele.⁵⁶mariamu ezokodie ne Elizabeti ihe sa milhihe mikai to niho ekakirii ang'a ku-u. ⁵⁷Iji wakati wekwae waahe he Elizabeti kusa m-inyi ku-u na ekasa m-inyi wa kiagiru. ⁵⁸Vasina naku-u na vabahu ku-u vekakoiya cho dilao eilherutie mbazi haku-u, na vekalhamuiwa hawe na u.⁵⁹Iji yeelianye ma-aze mnane ite vekalita kum-butu elha m-inyi. Yeekuvadumu kumse ilhe ku-u, "Zekaria," kwa kuwesia ilhe la aba kini, ⁶⁰Mira lage kini ekalandula na kuba, "Hai; enesewe Yohana." ⁶¹Vekam-baya, tehelo neri muwe he vabahu ke esewe kwa ilhe ya."⁶²Vekambo-iya ishara aba ku-u kuaija ite u eekudumu ilhe asewe ji. ⁶³Aba ku-u ekadumu lubala lwa kugondia, na ekagonda, "Ilhe ku-u ni Yohana." Vakabuna vekamakishwa ni ya.⁶⁴Wangu m-o ku-u ukaghubulwa na luanda ku-u ukalhamawe. Ekayo na kumtogola kiumbi. ⁶⁵Bughu ikavalitia vakabuna veekuhema navo sina. Mburi ya jikaenea he idi izime na vungori vwa Yudea. ⁶⁶Na vakabuna veyakoe vekayake he swaho kini, vekuba, "M-inyi ya ite niwa namna mina?" Kwaite mheregha wa Dilao weeata na-u.⁶⁷Aba ku-u Zekaria ekahutiwe Roho mtakatifu na ekagu ulotezi, ekaba, ⁶⁸"Atogolwe Dilao, Kiumbi wakwe israeli, kwaite ailha-ari na ainyamarikia wokovu wa vahe ku-u.⁶⁹Aatuka-aya m'pembe ya wokovu he minda ya mnyamalo ku-u Daudi, kuli he va mbari ya mnyamalo ku-u Daudi, ⁷⁰sacho eeyoe kwa m-o wa valotezi ku-u veeata he nyakati ja azeto. ⁷¹Enetuokoa kuli he vankuru kanu na kuli he miheregha ya vakabuna vetusanuiya.⁷²Enebo-i to kuaija mbazi he aba kanu, na kuhulha iaghano ku-u takatifu, ⁷³kiapo cho echiyoe he Abrahamu aba kanu. ⁷⁴Eeapie kuthibitisha ite yeseemuruike munyamarikia u bila bughu, baada ya kuokolewa kuli he miheregha ya mnkuru kanu. ⁷⁵He utakatifu na haki mbele ku-u ma-aze kanu makabuna.⁷⁶Ee, na ari m-inyi, unesewe mlotezi wa Eata ana sha, Kwaite enesojanya mbe he vubasa vwa Dilao nesa kumwandaiya kwalhi, Kuvaandaa vahe kwa militiire ku-u, ⁷⁷Kuvailiija vahe ite, veneokolewa kwa kwalhi ya kuvoteshwa makusa kini.⁷⁸Ya linelijanya kwa mburi ya mbazi ja Kiumbi kanu, mburi ambayo ka-aze kulia ana kenetulitia, ⁷⁹kuangaja hakini vedii he kidughu na he kijui cha kuga. Enebo-i to kuerekeja masame he kwalhi ya m'polele.⁸⁰Iji, hu m-inyi ekalheeru na kukwa elo nguvu rohoni na ekahema he ngweza mpaka iaze la kulijanya ju-u he israel.

¹Iji he ma-aze ka, ikalianya ite kaisari Agusto eegue iagizo ekuba ite idoriwe sensa ya vahe vakabuna vehema he dunia. ²Ya yeekwae ni sensa ya bosi iboike he Krenio eekwae gavana wa Siria. ³Kwato kila muwe ekaso he mwang'a ku-u kutarwa sensa.⁴Na-u Yusufu ekaso nau he mwang'a wa Nazareti arai galilaya na ekabari Yudea he mwang'a wa Bethlehemu, uiliike sa mwang'a wakwe Daudi. kwaite eeliye he mbari yakwe Daudi. ⁵Ekaso arai kukuandikisha hawe ne mariamu, hu emhashije na eekula-arija m-inyi.⁶Iji ikalijanya ite, veeata twai wakati ku-u wa kusa m-inyi ukahe. ⁷Ekasa m-inyi wa kiagiru, Muinyi kuu wa bosi, ekamoroija gomae he msa ku-u kumkindija na sa m-inyi. Niho ekamke he kihori cha kuaya wa, kwaite teheelo hodi he minda ja vagalho.⁸He hodi ata, heelo vazemo veekuhema he mabuva vekuwesia makundi kini ya ma-alu kini na-ama. ⁹Wangu, malaika wa dilao ekavalinyaija, na utukufu wa Dilao uka-angaja kuvajunguluka, na vekakwa na bughu sha.¹⁰Niho malaika ekavaba, Msiogohe, kwaite nivageria mburi kulho ake inegera kinyemi kigiru havakabuna. ¹¹Wa-i Miokoji aa-ahowe kwa ajili kaghu he mwang'a wakwe Daudi! Ka ni-u Kristo Dilao! ¹²Ya niyo ishara yo mneowe, mnemheya m-inyi eoroiwe gomae na egoshije he izizi la ku-aya wa."¹³Fia hekakwa na ijeshi igiru la mbinguni likaungana na malaika ka vekamtogola Kiumbi, Vekuba, ¹⁴"Utukufu ha Kiumbi eata ana sha, na m'polele ikwa duniani ha vahe vakabuna ve agizwe nivo.¹⁵Ikakwa ite malaika vareheja kuhaka kuso mbinguni, vazemo vekayojanya vo kwa vo, "Tusoni waijiji twai Bethlehemu, tuzeaho ya kigi ambacho chilijanye, ake Dilao atubaya. ¹⁶Vekaboi fia twai, na vekamhelha Mariamu ne Yusufu, na vekamuaho M-inyi egoshije he hori la ku-aya wa.¹⁷Na vareeaho to, vekavabaya vahe hu choveebaiwe kumtara m-inyi. ¹⁸Vakabuna vekoiye mburi ya vekapata lundolo na hu chiyoiwe ni vazemo. ¹⁹Mira mariamu ekaendelea kufanyanya kwa mburi kabuna jo ehejije kuko, ekayake he swaho ku-u. ²⁰Vazemo vekakirii vekumtogola na kutogola Kiumbi kwa mburi ya kila kigi cho vehejije kuko na kuaho, sacho bi cheehejije kuyowe hakini.²¹Lireahe i-aze la mnane na neewakati wa mkum-butu elha m-inyi, vekamse ilhe Yesu, ilhe lo ehejije kuowe nihu malaika esina buu maso.²²Kini jidumuiwe ja utakasojiretaho, kuwesiana na sheria jakwe Musa, Yusufu ne Mariamu vekamti-i hekaluni tai Yerusalemu kumke he miheregha jya ²³Dilao. Sacho igondiwehe sheria yakwe Dilao, Kila mwagiru enelha maso enesewe eguiwe wakfu he Dilao." ²⁴Vo wato otovekalita kugusadaka kuagha na hucho chiyoiwe he sheria ya Dilao, "Jozi ya njiwa kana vusio vunu vwa sua.²⁵Wesia, heelo na mhe he Yerusalemu ka ilhe ju-u eekusewe Simeoni. Mhe ya eekwae elo haki na emheshimu Kiumbi. U ekwae ekula-a nesa amfariji Wa Israel, ne Roho mtakatifu eata ana ku-u. ²⁶Yeekwae yaakita kughubulwa haku-u kutahoya Roho Mtakatifui ite nanga tezega esina muaho Krisro Dilao.²⁷I-aze iwe ekalita za hekaluni, ekukaetiwe ni Roho mtakatifu. Ake vazazi ku-u veemgeriye m-inyi, Yesu, Kumbo-iya hu yeekudumuwe ni sheria, ²⁸Niho Simeoni ekamdoria he miheregha ku-u na ekamtogola Kiumbi na kuba, ²⁹Iji mro mnyamalo ke aso kwa m'polele Dilao, Kusojanya na mburi ke.³⁰Kwaite maila gho yau-aho wokovu ke, ³¹ambao uahoike na ma-ila ya vahe kabuna. ³²U ni nuru kwa ajili ya ughubulo he mataifa na utukufu wa vahe Israeli."³³Aba ne Lage wa m-inyi vekamawe ni lundolo kwa mburi jo jiyoiwe ana ku-u. ³⁴Niho Simeoni ekavabariki na kuba he Mariamu lage ku-u, ?Sikija kwa kudaraisha! M-inyi ya enekwa mburi ya kulaha na kuokoka kwaite vahe vakumure veneipinga. ³⁵Naho ni luhamba unekutunga he nafsi ke mwenye, ili nesa fanyanyi ja swaho ya vakumurejilamuiwe.³⁶Mlotezi wa kilage eekusewe Ana nau eata hekaluni. U nee m-bora wakwe Fanueli kuli kabila lavo Asheri. Eelo miko mikumure sha. Na-u eezokoye ³⁷na mwagiru ku-u kwa miko sababaada ya kudoriwe, na noho ekakwa mjane kwa miko semanini na mihai. Nau tenerahaka hekaluni na eekwae ekuendelea kumtasa Kiumnbi hawe na kulhatina kutasa, ki-ama na chakako. ³⁸Na he wakati ka, ekalita too veata ekavoka kumshukuru Kiumbi. Ekayo kumtara M-inyi kwa he kira mhe eekula-a ukombo.Ekayo kumtara m-inyi he kira mhe ekula-ajira ukombo wa Yerusalemu.³⁹Varefi kila kigi cho veekudumuwe kubo-i kuagha na sheria ya Dilao, vekakirii Galilaya, he mwang'a kini, Nazareti. ⁴⁰M-inyi ekalheru, na ekakwa na nguvu, ekuongejika he viugho, na neema ya Kiumbi ikukwa ana ku-u.⁴¹Vazazi ku-u kila mko veekuso Yerusalemu kwa mburi ya siku nkulu ya pasaka. ⁴²Areakwa na umri wa miko ikado na minu, vekaso wa he wakati huu hu sa desturi kwa ajili ya siku nkulu. ⁴³Vareahema ma-aze kabuna kwa ajili ya siku nkulu, Vekavoka kukirii ang'a. Mira mbwange Yesu ekashighala mzungure too Yerusalemu na vazazi ku-u tevee-iliye ya. ⁴⁴Veebaye ite eata he ikundi lo veekubari navo, Kwato vekabari ntambo ya iaze. Niho vekalholhosha kumdaa he vabahu na vasaho kini.⁴⁵Vareehejwa kumuaho, vekakirii Yerusalemu na vekavoka kumdaa ata. ⁴⁶Ikalianya ite baada ya maaze makai, vekamuaho hekaluni, ekukwa ezokodie hasihasi ya vahinizi, ekuvasikija na kuvalhasu vyakuvalaasu. ⁴⁷Vakabuna vemkoye vekamawe lundolo ni ufahamu ku-u na malandulo ku-u.⁴⁸Vareamuaho, vekastaajabu,. Lage ku-u ekam-baya, "M-inyi gho, kwa ahoni utubo-iye to? Sikija,aba ke na ani tweekuta kudaarija kwa futofuto giru. ⁴⁹Ekavabaya, "Kwa ahoni mweekunidaarija? Tem-iliye ite nidumuwe nikwa he minda ya Aba gho? ⁵⁰Mira tevezeile ite ni kiahoni cho emaanishe kwahu miyoiye ka.⁵¹Niho ekaso hawe navo mpaka ang'a Nazareti na ekwae mtii hakini. Lage ku-u ekake mburi kabuna he swaho ku-u. ⁵²Mira Yesu ekaendelea kulheeru he viugho na ueza, na ekazidi kudumuishwa ni Kiumbi na Vahe.

¹Iji he mko wa ikado na koi wa utawala wakwe kaisari Tiberia, too Pontio Pilato ee gavana wa Uyahudi, Herode nee mgiru wa mkoa wa Galilaya, ne Filipo m-bahu ku-u nee mgiru wa mkoa wa Iturea na Trakoniti, ne Lisania nee mgiru wa mkoa wa Abilene, ²na too he ugiru wa kirurumo wa Anasi ne Kayafa, Mburi ya Kiumbi ikamlitiya Yohana m-inyi wakwe Zakaria, Jangwani.³Ekabari he mkoa mkabuna kujunguluka mharaza wa Jordani, ekubirikira ubatijo wa toba kwa ajili kuvoteka kwa makusa.⁴Sacho igondiwe he kitabu cha mburi ya kwe Isaya mlotezi, "Sauti ya mhe izo he ngweza, "Ibo-ini pere kwalhi ya Dilao, bo-ini mitahoire ku-u yanyooke.⁵Kila kidaru chinehutiwe, kila lungori na kangori vunesawazishwa, balabala jikomborike jine-kurutiwe, na kwalhi jiparazwe jine lainishwa,. ⁶Vahe vakabuna veneuaho wokovu wa Kiumbi."⁷Kwato, Yohana ekavabaya makutano magiru ya vahe vemlitiye kubatizwa ni u, "Kune ni uzao wa bome jilo sumu, niji emukanyije kugugulu malhaha yelitiye?⁸Sani matuunda yesoyana na toba, na msivoke kuyo za kaghu, "Tulo Ibrahimu ake ni aba kanu; Kwan ite nimubayani ite, Kiumbi emuru kumgeria Ibrahimu va-inyi hata kuli he masaheru ya.⁹Tayari ihoya laakewe he majindo ya mihatu. Kwato, kila mhatu usisa matuunda makulho, utewe na kubibiwe he mwalha.¹⁰Halafu vahe he makutano vekamlhaasu vekuba, "Iji tudumuwe kubo-i kiahoni?" ¹¹Ekalandula na kuvabaya, "Kai mhe elo nkanzu nu edumuwe agu nkanzu we ha mhali esilo neri, na hu elo viaghu na abo-i too to.¹²Halafu baadhi ya vazadara ushuru vekalita navo kubatijwa, na vekam-ba, "Mhinizi, tudumuwe kubo-i kiahoni? ¹³Ekam-baya, "Msidori magwala makumure kutaho chomdumuwe kudara."¹⁴Baadhi ya maaskari navo vekalhaasu vekuba, "Na nne he? Tudumuwe tubo-i kiahoni?" Ekavabaya, "Msidori magwala he mhe wowose kwa kumla, na msimtuhumu mhe wowose kwa kuta. Mtoshijwe nimishara kaghu."¹⁵Iji, kwaite vahe veelo kise ya kumla-a Kristo enelita, kila muwe eekufanyanya he swaho ku-u kuhusu Yohana kai ite u ni u Kristo. ¹⁶Yohana ekalandula kwa kuvabaya vakabuna, "Ani nimubatija kune kwa ma-i, mira helo muwe enelita ake elo ngu kutaho ani, na sistahili neri kuge mulhu jka viratu ku-u. Enemubatija kune kwa Roho Mtakatifu na kwa Mwalha.¹⁷Iheteo ku-u liata he mheregha ku-u nesa kusafisha kikulho hodi ku-u hakuhetea ngano na kuituta ngano ku-u he ighala ku-u. Mira, eneyalhaha makapi kwa mwalha hu usimuruika kuga-aika.¹⁸Kwa maoghe mahali makumure, ekabirikira mburi kulho he vahe. ¹⁹Yohana ekamjoghoya Herode mgiru wa mkoa kwa kumdori herodia, mlage wa m-bahu ku-una kwa makusa mhali makumure ake herode yo eebo-iye. ²⁰Mira baadae herode ekabo-i ukusa mhali mkusa sha. Ekam-oro Yohana heigereza.²¹Halafu ikalianya ite, too vahe vakabuna veekubatijwa ni Yohana, ne Yesu ekabatijwa na-u. Too eekutasa, Mbingu jikaghubuka. ²²Roho Mtakatifu ekadimi ana ku-u kwa mfano wa Kiwiliwili sa hua, Wa tooto sauti ikalita kuli mbinguni ikuba, "ari ni M-inyigho udumuwe. Nilhamuishishwa ni ari."²³Iji Yesu mwenye, areavoka kuhiniza, eekwae na umri wa miko mirongo mikai. Eekwae ni M-inyi(Sacho chee fanyanywe) Yusufu, M-inyi wakwe Eli, ²⁴m-inyi wakwe Mathati, m-inyi wakwe Lawi, M-inyi wa kwe Melki, nm-inyi wakwe Yana, m-inyi wakwe Yusufu,²⁵m-inyi wakwe Matathia, m-inyi wakwe Amosi, m-inyi wakwe Nahumu, m-inyi wakwe Esli, m-inyi wakwe Nagai, ²⁶m-inyi wakwe Maati, m-inyi wakwe matathia, m-inyi wakwe Semeini, m-inyi wakwe Yusufu, m-inyi wakwe Yuda.²⁷m-inyi wakwe Yoanani, m-inyi wakwe Resa, m-inyi wakwe Zerubabeli, m-inyi wakwe Shealtieli, m-inyi wakwe Neri, ²⁸m-inyi wakwe Melki, m-inyi wakwe Adi, m-inyi wakwe kosamu, m-inyi wakwe Elmadamu, m-inyi wakwe Eri, ²⁹m-inyi wakwe Yoshua, M-inyi wakwe Eliezeri,, m-inyi wakwe Yorimu, M-inyi wakwe Matathi, m-inyi wakwe Lawi,³⁰m-inyi wakwe Simeioni, m-inyi wakwe Yuda, m-inyi wakwe Yusufu, m-inyi wakwe Yonamu, m-inyi wakwe Eliyakimu, ³¹m-inyi wakwe Melea, m-inyi wakwe Mena, m-inyi wakwe Matatha, m-inyi wakwe nathani, m-inyi wakwe Daudi, ³²m-inyi wakwe Yese, m-inyi wakwe obedi, m-inyi wakwe Boazi, m-inyi wakwe Salmoni, m-inyi wakwe Nashoni,³³m-inyi wakwe Abinadabu, m-inyi wakwe Aramu, m-inyi wakwe Hesroni,, m-inyi wakwe Peresi, m-inyi wakwe Yuda, ³⁴m-inyi wakwe Yakobo, m-inyi wakwe Isaka, m-inyi wakwe Ibrahimu, m-inyi wakwe tera, m-inyi wakwe nahori, ³⁵m-inyi wakwe Seruig, m-inyi wakwe ragau, m-inyi wakwe Pelegi, m-inyi wakwe Eberi, m-inyi wakwe Sala.³⁶m-inyi wakwe kenani, m-inyi wakwe Arfaksadi, m-inyi wakwe Shemu, m-inyi wakwe Nuhu, m-inyi wakwe Lameki, ³⁷m-inyi wakwe Methusela, m-inyi henoko, m-inyi wakwe Yeredi, m-inyi wakwe Mahalalei, m-inyi wakwe kenani, ³⁸m-inyi wakwe Enoshi, m-inyi wakwe Sethi, m-inyi wakwe Adamu, m-inyi wa Kiumbi.

¹Halafu Yesu eehue Roho Mtakatifu, ekakirii kuli mharaza wa Yordani, na ekakaetiwe ni Roho Jangwani ²kwa ma-aze mirongo mihai, na are ekagheshwa ni Ibilisi. Wakati ka teae chochose, na mwisho wa wakati ka ekalhawe ni kela.³Ibilisi ekam-ba, "Kai ari Um-inyi wa Kiumbi, liba isaheru ya likwa mkate." ⁴Yesu ekalandula, "Hegondiwe; mhe tekaheme na mkate mjenye."⁵Halafu Ibilisi ekamkaetija ana he kilelel cha cha lungori, niho ekam-aija dilao kabuna ja dunia he muda mfuhi. ⁶Ibilisi ekam-ba, "Ninekuo ugiru wa kutawala dilao ya kabuna hawe na ukinyemi ku-u. Nimuru kubo-i to kwaite vikabuna nivioiwe ani nivitawale, na nimuru kum-o wowose nidumuye kum-o. ⁷Kwato, kai unenikodekia na kunitasa, vigi ya vikabuna vinekwa vike."⁸Mira yesu ekalandula, "Hegondiwe, "lazima umtase Dilao Kiumbi ke, na lazima umnyamarikie u mwenye bi."⁹baadae ibilisi ekamkaetija Yesu mpaka Yerusalemu na kumke hodi ha ana sha ya ijeengo la hekalu na kum-baya, "kai ari Um-inyi wa Kiumbi, kubibi ata di kuli i-i. ¹⁰Ake hegondiwe, "Enevasugha malaika ku-u vakuke na kukuwesi-ishisha, ¹¹na venekuka-a ana he miheregha kini ili nesa useehiri masae ke ana he isaheru."¹²Yesu ekalandula ekam-baya, "Iyoiwe, "Usimgheshe Dilao Kiumbi ke." ¹³Ibilisi arefi kumghesha Yesu, ekaso ku-u na kumro mpaka wakati mhali.¹⁴halafu Yesu ekakirii Galilaya kwa nguvu ja Roho, na mburi jimtara u jkaenea na kusambaa he mikoa jirani mikabuna. ¹⁵Ekahiniza he masinagogi kini, na kila muwe ekamtogola.¹⁶I-aze iwe ekaso Nazareti, mwang'a ambao eshughiwe na kulheruya. Sacho chee kwaye desturi kuu ekabuu he sinanagogi iaze lasabato, na ekauma magondo. ¹⁷Ekaowe Igombo la mlotezi Isaya, kwato ekalighubula ka igombo na ekadaa hodi , igondiwe.¹⁸Roho ya Dilao, iata ana gho, kwaite enilhomie malhoma kubirikira mburi kulho he vahuye. Enisughaye kuyo uhuru he vazaorowe, na kuvabo-i vesiaho vamuru kuaho kahali. kuvalhamaya hu vekandamijwe, ¹⁹kuubirikira mko hu Dilao eneaija ukulho ku-u.²⁰Halafu ekalikoma igombo, ekamkiritiya mgiru wa sinagogi, na ekazokodi di. Ma-ila ya vahe vakabuna veeata he sinagogi vekamwesia u- ²¹Ekavoka kuyo navyo ekuba, "Wa-i igondo ya laahe he malama kaghu." ²²Kila muwe too akashuhudia hucho echiyoe |Yesu, Na vakumure he vakini vekamawe lundolo ni mburi ja viugho yo yeekuli he m-o ku-u. Vekakwa veba, "Ya ni M-bwange wakwe Yusufu, kana sito?²³Yesu ekavaba, Ni kweri mnenibaya simo ya, "mkura, kuhoi mwenye. Chochose cho tukoye ukubo-i Kapernaumu, chibo-i i-i naho he kijiji ke. " ²⁴Naho ekaba, "Kweri nimubaya kune, tehelo mlotezi edumuishwa he idi ku-u."²⁵Mira nimubaya kune kweri ite heelo vajane vakumure Israeli he kipindi cha kwe Eliya, too mbingu jirelhatiwe hasikwa na mare kwa miko mikai na nusu, too heelo kela giru he idi ikabuna. ²⁶Mira Eliya tesughaiwe he wowose muwe kini, mira he mjane muwe bi ehemiye Sarepta sina na mwang'a wa Sidoni. ²⁷Naho, heelo vakoma vakumure he Israel he kipindi chakwe Elisha mlotezi, mira tehelo neri muwe kini eutiiwe mirabi Naamani mhe wa Siria.²⁸Vahe vakabuna za he sinagogi vekakawe ni malhaha vareako ya makabuna. ²⁹Vekauma na kumhinkaija gahana ya mwang'a, na kumkaetija mpaka he kidinghino cha lungori lwa mawanga kini ukwaiwe ana ku-u, ili nesa vamuru kum-bibi di. ³⁰Mira ekataho kikulho hasihasi kini na ekaso ku-u.³¹Halafu ekadimiya Kapernaumu, he mwang'a wa Galilaya. Sabato we ekuuhiniza vahe za he sinagogi. ³²vekamawe lundolo ni mahinizi ku-u, kwaite eekuhiniza kwaugiru.³³Iji i-aze ka za he sinagogi, heelo na mhe eelo na m'pepo kusa, na ekazo kwa sauti ya ana, ³⁴"Tulo ahoni na ari, Yesu m-Nazareti? Waalita kutuangamija? Nireile ari niji! Ari ni mtakatifu wa Kiumbi!"³⁵Yesu kalijoghoya m'pepo ekaba, "Ta-a chwi, na umli mhe ya!" Hu mpepo arembibi hu mhe ata di hasihasi kini, ekamli hu mhe neri temroye na helhaiwa hohose. ³⁶Vahe kabuna vekamawe lundolo, na vekakwa veyo mburi ka kila muwe na m-aro. Vekuba, "Ni mburi ja namna mina ya?" Ejiba mpaka roho kusa kwa mamlaka na nguvu na jikaka." ³⁷Kwato, mburi jimtara Yesujikaso kila hodi he maeneo yejunguluka mkoa ka.³⁸Halafu Yesu ekahaka he mwang'a ka na ekabuu he minda yakwe Simoni. Iji, lage mkora ku-u ne Simoni eekulhaiwa ni ihoma ikai, na vekamsemba kwa niaba ku-u. ³⁹Kwato iji, Yesu ekashwegha sina, ekalijioghoya ihoma na likamro na ekau-ma ekalankoni kuvanyamarikia.⁴⁰Kaaze kareavoka kufili, vahe vekamgeria Yesu kila muwe eemrukao wa marukao ya aina kumure. Ekakeya miheregha ku-u ana yakila mrukao na ekava-uti vakabuna. ⁴¹M'pepo jikavali vakumure kini yekuzo kwa sauti na kuba, "Ari um-inyi wa Kiumbi!" Yesu ekajijoghoya m'pepo na tejiroye kuo, kwaite yee-iliye ite ni U Kristo.⁴²Too hareshangalala, ekaso hodi hesilo vahe. Makutano ya vahe veekumdaa vekalita hodi ho eata. Vekaghesha kumkindija asivaro ekuso uda navo. ⁴³Mira ekavabaya, "Hatato nidumuwe nibirikire mburi kulho ja udilao wa Kiumbi he miang'a mihali mikumure, kwaite ya ni u chiroye nikasughawe i-i." ⁴⁴Halafu ekaendelea kubirikira za he masinagogi he uyahudi mkabuna.

¹Basi ikalianya too vahe varemtutanikia na kumjunguluka Yesu na kukoiya mburi ya Kiumbi, ata eeumaye kakera ya ziwa Genesareti. ²Ekaaho mashua nu jikeye nanga kakera he ziwa, Valowa veekwaye veliye na veekujionti nyavu kini. ³Yesu ekabuu he we kini jahu mashua, nee yakwe Simoni na kumwombeja aitii he ma-i uda kidogo na hesilo ma-i. Halafu ekazokodi na kuhiniza kuli hemashua.⁴Kuyo, ekam-ba simoni, "Iti-i mashua ke mpaka he kilindi cha ma-i na uzejidimiri nyavu ke ili kulowa samaki." ⁵Simoni ekalandula na kuba, Dilao, twaabo-i nyamalo ki-ama kikabuna, naho tetudaraye chochose, mira kwa mburi, ninejidimiri nyavu. ⁶Varebo-i to vekatutanya kiasi kigiru cha samaki na nyavu kini jikavoka kuka-aika. ⁷Kwato vekavase va-aro kini he mashua hali nesa valita na kuvalha-ari. Vekalita vekahuti mashua kabuna, mpaka jikavoka kufili.⁸Mira simoni Petro, areza-aho to, ekama magoti he Yesu ekuba, "Haka hagho, kwa ite ani ni mhe nilp ukusa Dilao." ⁹Ake eemaiwe lundolo, na vakabuna veelo navo hawe na-u., Kwa ulowo wa samaki vo veubo-iye. ¹⁰Yaa leevakwarianye Yakobo ne Yohana va-inyi va kwe Zebedayo, hu veekwae va-aro vakwe Simoni. Ne Yesu ekam-baya Simoni, "Usiko bughu, kwaite kulholhosha wa-ijiji na kusoija unekwa mlowa vahe." ¹¹Vareheja kujigera mashua kini hesilo ma-i vekaro kiola kigi na kumdosa u.¹²irelianya ite eeata he mwang'a muwekini, mhe eehuiwe ni ukoma eata are. Too aremuaho Yesu, ekalhu ekukodesha vubasa ku-u mpaka di kumsemba, ekuba, "Dilao, kai udumu, umuru kuniuti." ¹³Halafu Yesu ekaku-uti mheregha ku-u na kumdoa, ekuba, "Nidumu. Takasika." na saa wa huu hu ukoma ukamro.¹⁴Ekam-ba aseem-baya mhe wowose, Mira ekam-baya, "So ke, na uzekuaija he vagiru va kirurumo na ugu sadaka ya utakaso ke, itoti ns hucho Musa choebaye, kwa ushuhuda hakini."¹⁵Mira mburi jimtara u jikaenea uda sha, na umati mgiru wa vahe ukalita hawe kumsikija ekuhiniza na ku-uti marukao kini. ¹⁶Mira kila kagi ekakutenga hodi ha mwenye na kutasa.¹⁷Yeelijanye i-aze iwe he ka ma-aze ekuhiniza, na vereata mafarisayo na vahinizi va sheria vezokodiye ata ambaho velitiye vekuli vijiji vikumure tofauti he mkoa wa Galilaya na yudea, naho kuli he mwang'a wa yerusalemu. nguvu ya Dilao yeeata hawe nau ku-uti.¹⁸Vahe kadhaa vekalita, vemti-iye he mkeka mhe epooze, niho vekadaa kwalhi ya kumbutu za nesa vam-bodije di mbele yakwe Yesu. ¹⁹Tevepatiye kwalhi ya kumbutu za kwa mburi ya umati, kwato vekakutu ana he ipau la minda na kumdimiri hu mhe di kutahoya he vigae, ana he mkeka ku-u hasihasi ya vajhe, mbele kabisa he yesu.²⁰Ekuwesia imani kini, yesu ekaba, "Msaho, makusake yaavoteshwa." ²¹Vaandishi na Mafarisayo vekalholhosha kulilhaasu ka, vekuba, "Ya niji eyo kukufuru? Ni ji emuru kuvotesha makusa mira ni Kiumbi mwenye bi.?"²²Mkira Yesu, ekuile niahoni cho veekufanyanya, ekavalandula na kuvabaya, "Kwa ahoni mlhasuana ya he swaho kaghu? ²³Kihama ni kirahisi kuyo, 'Makusake yaavoteshwa' kana kuba 'Uma udaha?' ²⁴Mira m-ile ite M-inyi wakwe Adamu elo mamlaka duniani ya kuvotesha makusa, Nikubaya ari, 'Kaa, dori mkeka ke na uso ang'a hake."'²⁵Wakati kaa ka ekaka mbele kini na ekadori ekadori mkeka ku-u wo eubodiye. Halafu ekakirii ang'a ku-u ekumtogola Kiumbi. ²⁶Kila muwe ekadarawe ni lundolo na vekamtogola Kiumbi. Vekahuwe ni futofuto, vekuba, "Twaaho mburi esija kawaida wa-i."²⁷Baada ya mburi ya kulijanya, Yesu ekali are na ekamwaho mzadara ushuru esewe Lawi ezokodie hodi ha kudaraya kodi. Ekambaya, "Nidose." ²⁸Kwato Lawi ekahaka na kumdosa, ekuro kila kigi mzungure.²⁹Halafu Lawi ekaandaa minda ku-u kinyemi kigiru kwa ajili ya kwe Yesu. Veeata vazadara ushuru vakumure twai na vahe vakumure veezokodie he meza veku-a hawe navo. ³⁰Mira Mafarisayo na vaandishi vo veekudungurikia vahina, vekuba, "KLwa ahoni m-a na kuwaha na vedara ushuru hawe na vahe vahali velo makusa?" ³¹Yesu ekavalandula, "Vahe eevazime tevehitaji mkura, ni hubi velhaiwa nivo venedaa mkura. ³²Silitiye kuvase velo haki va-muru kutubu, mira kuvase velo ukusa vamuru kutubu."³³Vekambaya, "Vahina vakwe Yohana kagi kakumure velhati na kutasa, na vahina va Mafarisayo navo vebo-i too to. Mira vahina ke ve-a na kuwaha." ³⁴Yesu ekavabaya, "Imuruika mhe wowose ekavabo-i velitiye he harusi ya Dilao wa Harusi kulhati too Dilao wa harusi bado echeri ata hawe navo? ³⁵Mira ma-aze elitiye Dilao wa harusi enezaka-awe hakini, niho he ma-aze ka venelhati."³⁶Halafu Yesu ekayo navo kwa mifano. "Tehelo eka-a kikumbi cha gomae kuli he gomae sha na kuchitumiakuboiya gomae ya kae. Kai ekubo-i to, eneika-a gomae sha, na kakukmbi ka gomae kuli he gomae sha kesikafae kutumika na gomae ya kae.³⁷nato, tehelo mhe eke divai ku-a he viriba visakae. Kai ekubo-i to, divai sha iseeka-a hu kikolhe, na divai iseesuika, na viriba viseeonika. ³⁸Mira divai sha idumuwe ibutuwe he viriba visha. ³⁹Na tehelo mhe baada ya kuwaha divai ya kae, esikadumu sha, kwaite eneba, 'Ya kae ni kulho."

¹Iji yeelijanye he Sabato ite Yesu eekutaho he mbuva ya nafaka na vahina ku-u vekakwa vedaa masuke, vekayanyukulanyukula hasi ya miheregha kini veka-a nafaka. ²Mira baadhi ya Mafarisayo vekaba, "Kwa ahoni m-bo-i kigi ambacho si halali he sheria kuchibo-i i-aze la sabato"?³Yesu, ekavalandula, ekuba, "Temnaraa soma hu Daudi ebo-iye eelo kela, u na vaagiru veeata hawe nau? ⁴Eesoye he minda ya Kiumbi, niho ekadori mikate mitakatifu na ku-i-a baadhi, na kuigu baadhi ha vahe eelo navo kui-a, hata kai nee halali he makuhani kui-a." ⁵Halafu ekavabaya, " M-inyi wakwe Adamu ni Dilao wa Sabato."⁶Ilianye he Sabato hali ite ekabuu minda he sinagogi na kuvahiniza vahe are. Heelo mhe ambaye mheregha ku-u wa kuume weekwae waapooza. ⁷Vaandishi na Mafarisayo veekumuwesia kwa umakini kumuaho ite eseemu-uti mhe i-aze la Sabato, iji nesa vamuru kupata mburi ya kumlaha kwa kubo-i kikusa. ⁸Mira ekaile nikiahoni veekufanyanya niho ekam-ba hu epooze mheregha, "Ka, uma i-i hasihasi ya kila muwe." Kwato ka mhe ekaka na ku-uma too.⁹Yesu ekayo navo, "Nimulhaasu kune, ni halali i-aze la Sabato kubo-i makulho kana kubo-i makusa, kuokoa maisha kana kuya-oni? Halafu ekavawesia vakabuna na kum-baya hu mhe, ¹⁰Kumuru mheregha ke." Ekaboi to, na mheregha ku-u weekwae waa-utiwe. ¹¹Mira vekakutuwe ni malhaaha, vekayo-ijana vo kwa vo ni kiahoni vedumuwe kum-bo-i Yesu.¹²Yeelijanye i-aze ka ite eesoe helungori kutasa. Ekaendelea ki-ama kizime kutasa he Kiumbi. ¹³Ireakwa hachalhenu, ekavase vahina ku-u, na ekavasaghura ikado na vanu he vo, ambavo ekavase "mitume".¹⁴Malhe ya hu mitume yeekwa Simoni (ambaye naho ekamse Petro) ne Andrea m-bahu ku-u, Yakobo, Yohana, Bartholomayo, ¹⁵Mathayo, Tomaso ne Yakobo m-inyi wakwe Alfayo, Simoni, ambaye eeseiwe Zelote, ¹⁶Yuda m-inyi wakwe Yakobo ne Yuda iskariote, ambaye eekwae msaliti.¹⁷Halafu Yesu ekadimi hawe navo kuli he lungongo na ku-uma hodi tambarare. Idadi kumure ya vahina ku-u veekwae are, hawe na idadi giru ya vahe kuli Uyahudi na Yerusalemu, na kuli pwani ya Tiro na Sidoni. ¹⁸Vekalita kumko na ku-utiwe marukao kini. Vahe veekunyagahwa ni ni m'pepo kusa veka-utiwe naho. ¹⁹Kila muwe heka iumbiko ekaghesha kumdoa kwaite nguvu ja ku-uti jeekulijanya za ku-u, na ekava-uti vakabuna.²⁰halafu ekavawesia vahina ku-u, na kuyo, "Keba kune eva huye, kwaite udilao wakwe Kiumbi ni mkaghu. ²¹Keba kune mlo kela waijiji, kwaite mnekutiwe. Keba kune mzo waijiji, kwaite mnesisi.²²Keba kune ambao vahe vekunevasanuiya na kuvatenga na kuvalaha kune ite muvakusa, kwa mburi ya m-inyi wakwe Adamu. ²³Lhamuiwani he i-aze ka kwa kutorikatorika kwa kinyemi, Kwaite kweri mnekwa na thawabu giru mbinguni, kwaite aba kini veevabo-iye tooto valotezi.²⁴Mira ole kaghu eva zuri! kwaite mwaaheja kuaho m'polele kaghu. ²⁵Ole kaghu mkuye waijiji! kwaite mneaho keela baadae. Ole kaghu msisi waijiji! kwaite mneomboleza na kuzo baadaye.²⁶Ole kaghu, mkunetogolwa ni vahe kabuna! Kwaite aba kini veevabo-iye valotezi va mongo tooto.²⁷Mira niyo hakaghu kune mnisikija, vadumuni vankuru kaghu na kubo-i makulho he vevasanuiya. ²⁸Vabarikini hu veva busu kune vatasieni hu vevaonelea.²⁹Haku u ka ekumaye bwa muwe, mkeye bwa mhali wa kanu. Kai mhe ekukula ijoho ke usimlhiije na nkaanzu. ³⁰M-oe kila ekusemba. Kai mhe ekukula kigi ee mari ke, usimdaaje akukiritiye.³¹Sacho mdumuisha vahe vavabo-iye, kune vabo-iyeni tooto. ³²Kai mkune vadumu vahe vevadumuye bi, ka ni thawabu mina hakaghu? Kwaite hata vakusa vevadumu hu vevadumuye. ³³Kai mkuvabo-iya makulho hu vevabo-iya kune makulho, ka ni thawabu mina hakaghu? Kwaite hata velo makusa veboi tooto. ³⁴Kai mkunekopesha vigi he vahe ambavo muarira venemukiritiya, ka ni thawabu mina hakaghu? Hata velo makusa vevakopesha velo makusa, na kuarira kudoriya kiasi waka-aka wa.³⁵Mira vadumuni vankuru kaghu na vabo-iyeni makulho. Vakopesheni na mseekwa na bughu mburi ya kukiritiiwa, na thawabu kaghu inekwa kumure. Mnekwa va-inyi va Eata ana, Kwaite u mwenye ni mkulho he vahe vesilo na shukrani na vakusa. ³⁶Mukwa na mbazi, se aba kaghu cho elo mbazi.³⁷Msipa-aye, nakune temka pa aiwe. Msibusu, nakune temkabusuwe. Voteshani vahali na kune mnevoteshwa.³⁸Vaoni vahali, na kune mneowe. Kiasi cha ukarimu- chiteshindiliwa, kusukwasukwa na kusuika- kinesuika he magoti kaghu. Kwaite kipimo chochose mnetumia kupimia, kipimo kaaka chinetumika kumupimia na kune.."³⁹Halafu ekavabaya mfano naho, "He mhe ee kipofu emuru kumkaeti mhe mhali kipofu? Kai ebo-iye to, basi vakabuna veseebuuye he ishimo, je teveseerabuu? ⁴⁰Mhina tekwa mgiru kutaho mhinizi ku-u, mira kila mhe araaheja kuhinizwa kwa ukulho enekwa sa mhinizi ku-u.⁴¹Na niahoni iji uchiwesia kibasi chiata za he i-ila la m-bahu ke, na boriti iyata za he i-ila ke tuiwesia? ⁴²Unemurumo kum-baya m-bahu ke, 'M-bahu, ro nichika-a kibasi chiata za he i-ila ke,' na ari tuwesia boriti iata he i-ila ke mwenye? Mnafiki ari! Bosi ika-a boriti he i-ila ke mwenye, niho uneaho kikulho kugu kibasi he i-ila la m-bahu ke.⁴³Kwaite tehelo mhatu mkulho usa matuunda makusa, neri tehelo mhatu mkusa usa matuunda makulho. ⁴⁴Kwaite kila mhatu u-iliika he matuunda ku-u. Kwaite vahe tevedaa tini kuli he milhae, neri tevedaa zabibu kuli he misongoma.⁴⁵Mhe mkulho he hazina kulho ya swaho ku-u egu ye makulho, na mhe mkusa he hazina kusa ya swaho ku-u egu makusa. Kwaite m-o ku-u uyo yehuti swaho ku-u.⁴⁶Kwa ahoni mnise, 'Dilao,Dilao', na na temnabo-i hu niyayo? ⁴⁷kila mhe elita hagho na kukoiya mburi gho na kuyabo-iya nyamalo, ninemuiaja cho ekwaye. ⁴⁸Enetotiijwa na mhe ekwaye minda ku-u, ambaye etuye di sana, na kukwa msingi wa minda ana he mwamba mkuji. Mafuriko yarealita, maporomoko ya ma-i yekaima minda, mira teyemuruye kuikusha, kwaite yeekwaiwe kikulho.⁴⁹Mira wowose ekoiya mburi gho na teidosiye; mfano ku-u ni mhe ekwaye minda ana he mpulhe hesilo msingi, mharaza ureidimiya kwa nguvu, minda hu ikaonika hagirusha.

¹Too Yesu arefi kira kigi cho eekuyo he vahe veekumsikija, ekabuu Karnaumu.²Mzasughawe fulani wakwe akida, eekwaye wa samani giru haku-u, eekwaye mrukao sha na eata sina na kuga. ³Mira eekwaye ekoye kuhusu Yesu, hu akida ekamsugha kiongozi wa kiyahudi, kumsemba alita kumwokoa mzasughawe ku-u nesa asiga. ⁴Vareahe sina ne Yesu, vekamsemba kwa bidii vekuba, "estahili ite udumuwe kubo-i to kwa ajili ku-u, ⁵kwaite elidumuye itaifa kanu, na ni-u ekwaye sinagogi kwa ajili kanu".⁶Yesu ekasoija na na ntambo ku-u hawe navo. Mira i-i esinaso uda na minda, afisa muwe ekavasugha vasaho ku-u kuyo na-u. "Dilao, usikunyamarishe mwenye kwaite ani sistahiloi ari kubuu di he mi-a gho. ⁷Kwaite ya hata ani sifanyanyanye neri ani mwenye ite niye kulita hake, mira yo bi mburi bi na mnyamalo gho ene-u. ⁸Ake ani naho ni mhe nikeiwe he mamlaka na nilo askari di gho. Niyo heya "So" na eso, na he mhali, "Lita" nau elita, na he mnyamalo gho 'bo-i to', na u ebo-i.⁹Yesuareako to ekamawe lundolo, na kuvageulkia makutano veekumdosa na kuba. "Nimubaya, neri he Israeli, sinara-aho mhe elo imani giru sa ya. ¹⁰Halafu hu veesughaiwevekakirii ang'a na vekmhelha mnyalo aakwa mzime.¹¹Fulani baada ya ya, ikalianya ite Yesu ekutabari kuso he mwang'a usewe Naini. Vahina ku-u vekaso hawe na-u vekusojanya na umati wa vahe. ¹²Arehe sina na Ihige la mwang'a wesia, mhe egaye eti-iwe , na ni m-inyi wa kaaka bi he lage kini, Ee mjane, na umati wa vawakilishi kuli he mwang'a veeata na-u. ¹³Areamuaho, Dilao ekamshweghia kwa mbazi giru sha he u na ekam-baya , "Usizo" ¹⁴Halafu mbele ekashwegha ekalidoa ijeneza ambalo veetiye msa, na ju veeti-iye veka-uma ekaba "Mbwange nikubaya ka" ¹⁵Egaye ekaka na kuzokodi di na ekalholhosha kuyo. halafu Yesu ekam-oti he lage ku-u.¹⁶Halafu futo ikavahuya vakabuna. vekaendelea kumtogola Kiumbi vekuba "Mlotezi mgiru he vakaanu aakewe " ne Kiumbi avawesia vahe ku-u" ¹⁷Ya ni mburi kulho jakwe Yesu jikaenea Yudea kabuna na he miko mikabuna ya sina.¹⁸Vahina vakwe Yohana vekam-baya mburi ya kabuna. ¹⁹Niho Yohana ekavase vanu he vahina ku-u na ekavasugha he Dilao na kuba " Ari ni-u hu enelita, kana helo mhe mhali tumlaarije? ²⁰Vareahe sina ne Yesu ya vekaba, "Yohana mbatizaji atusugha hake tuiba, 'Ari ni hu enelita kana helo mhe mhali tumra-alije?"²¹He wakati ka evautiye vahe vakumure kuli he marukao na manyamarisho, kuli he roho chafu, na he vahe velo upofu ekava-o kuaho. ²²Yesu ekalandula na kuyo hakini. "Baada ya kukwa mwaaso ho-mliye mnem-baiya Yohana cho mchiahoye na kuchiko,. Velo upofu veowe kuwesia na viwete vedaha, velo ukoma vetakasika, viziwi veko, vegaye vefufuliwa na kukwa vazime wa, masikini vebaiwa mburi kulho. ²³Na mhe ambaeye esikaro kuniamini ani kwa mburi ya mibo-ire gho enebarikiwa²⁴Baada ya hu vesughaiwe ni Yhana kikirii ho veliye, Yesu ekavoka kuyo na makutano kumtara Yohana, "Mweesoye gana kuaho kiahoni, Mwanzi ukukwa ukushwa ni sa? ²⁵Mira mweesoe kaga kuaho kiahoni, mhe eoroye kikulho? Wesia vahe hu veoro gomae ja kidilao na kuhema he kinyemi veata he nafasi ja dilao? ²⁶Mira mso gana kuaho kiahoni, Mlotezi? Ee, niyo hakaghu na zaidi sha kutaho mlotezi.²⁷Ya nihu egondiiwe, "Wesia, nimsugha mjumbe gho mbele ja ma-ila kaaghu, eneandaa kwalhi kwa ajili gho. ²⁸Niyo na kune, he hu veahoiwe ni mlage, tehelo mgiru se Yohana, mira mhe esilo umuhimu sha enehema ne Kiumbi hodi eata u, enekwa mgiru kutaho Yohana."²⁹Na vahe vakabuna vareako ya hawe na vedara ushuru, vekabirikira ite Kiumbi ni wa haki. Veata hevo hu vebatijwe kwa ubatijo wakwe Yohana. ³⁰Mira Mafarisayo na vataalamu va sheria ja Kiyahudi, hu vesibatijwe ni u vekalhi viugho vya Kiumbi kwa mburi kini venye.³¹Kahali nimuru kumuaghati na kiahoni vahe va kizazi ya? Veata mo hasa? ³²Vetotiye na va-inyi velhalhaha he kihoja, vezokodi na kuseana muwe baada ya mhali vekuba, 'Twaa ufu firimbi kwa ajili kaghu, na temlhalhahaye. Twaaomboleza na temzoye.'³³Yohana Mbatizaji eelitiye teaye mkate neri tewahaye divai, na mkaba "elo m'pepo. ³⁴M-inyi wa mhe ekalita e-a na kuwaha na mkaba, "Wesiani mkoko na mlevi, msaho wa vedara ushuru na velo makusa! ³⁵Mira kiugho cha ilika ite chilo haki he va-inyi ku-u kabuna³⁶Muwe wa Mafarisayo ekamsemba Yesu aso ku-a hawe na-u. Baada ya Yesu kubuu he minda yakwe Farisayo, ekagemira he meza nesa a-a. ³⁷Wesia heelo Mlage muwe he ijiji ka eelo makusa. Ekaile ite eezokodiye ne Farisayo, ekagera n'chupa ya mhem'pe. ³⁸Ekauma mzungure ku-u sina na masame ku-u ilai ekuzo. Kahali ekavoka kuodosha masame ku-u kwa ma-ilima, na kuifuta kwa alhu ja m-a ku-u, ekuima ibusu masame ku-u na kuilhomi mihem'pe.³⁹Na hu Farisayo, ee mrarike Yesu areaho to, ekafanyanya mwenye ekuba, "Kai ya mhe nee mlotezi, esee ile ya ni ji naaina mina ya mlage emdoa, ite mzalo makusa. ⁴⁰Yesu ekalandula na kum-baya, "Simoni nilo kigi cha kukubaya. "Ekaba" "Chiyo bi mhinizi!"⁴¹Yesu ekaba "Heelo na vedaiwa vanu he mkopeshaji muwe. Muwe eekudaiwa dinari magana makoi na wa kanu eekudaiwa dinari mirongo mikoi, ⁴²Na vareekwa tevelo magwala ya kulhanu ekavasamehe vakabuna. Iji niji enemdumuisha? ⁴³Simoni ekalandula na kuyo, "Nifanyanya hu esameheiwe sha. "Yesu ekam-baya, "Waapa-aiya kwa ukulho."⁴⁴Yesu ekamkeuiya mlage na kum-ba Simoni, "Uramuaho ya mlage. Nabuu he minda ke. Tunioye ma-i kwa ajili ya masame gho, mira ya, kwa ma-ilima ku-u, ekaodosha masame gho na kuifuta kwa alhu ku-u. ⁴⁵Tunimayebusu, mira u, tangu areabuu i-i tezero kunibusu masame gho.⁴⁶Tuilhomiye malhooma ghomalhooma, mira alhoomi masame gho manukato. ⁴⁷Kwa mburi ya, nikubaya ite eelo makusa makumure na asamehesha, na edumuishesha. Mira esameheishishwe kabwesu, edumu kabwesu bi.⁴⁸Baadaye ekam-baya mlage, "Makusa ke yavoteshwa" ⁴⁹Hu veezokodiye he meza hawe na-u vekavoka kuyojanya vo kwa vo, "Ya niji mpaka avoteshe makusa?" ⁵⁰Ne Yesu ekambaya mlage, "Imani ke yaakuokoa. So kwa amani"

¹Ikalijanya muda mfuhi baadaye ite Yesu ekavoka kubari he miang'a na majiji mbalimbali, ekuhubiri na kubirikira mburi ja kulho ja udilao wa Kiumbi na hu ikado na vanu vekaso na-u, ²too to valage fulani veeutiwe kuli he roho chafu na marukao mbalimbali. Veekwae ni Mariamu eseiwe Magdalena ambaye eeeguiwe m'pepo saba. ³Yoana mlage wakwe Kuza ne Meneja wakwe Herode, Susana, na valage vahali vakumure, Veguye mari kini kwa ajili kini venye.⁴Na baada ya umati wa vahe kututana hawe, vekukwa na vahe velitiye haku-u kuli miang'a udauda, ekayo navo kwa kutumia mifano. ⁵Mzalha eesoe kulha mbeeyu, ataekukwa eljila, baazi ya mbeyu ka jikalhuiya kakera he kwalhi jikadahawe di hemasame, na madeghe ya ana ekajia. ⁶Mbeyu hali jikalhu ana he mpulhe wa masaheru na jireali nakukwa mishe jikapooza kwa ite teheelo kuodoka.⁷Mbeyu hali jikalhuya he mihatu ya ilhae, nayo ka mihatu ya milhae ikalheeru hawe na hu mbeeyu na jikafin'twa. ⁸Mira mbeeyu hali jikalhuya he mpulhe uye na jikasa misaire kagi igana sha. "Baada ya Yesu kuyo mburi ya, ekabirikira kwa sauti, "Wowose elo ma-ilima ya kukoiya na akoiye."⁹Kahali vahina ku-u vekamlhaasu maana ya mfano ka, ¹⁰Yesu ekavabaya, "Mwaaowe upendeleo wa kuile siri ja udilao wa Kiumbi, mira vahe vahali vehinijwa bi kwa mifano, iji nesa 'vekuwesia vasiaho na vekusikija vasi-ile.'¹¹Naya niyo maana ya mfano ya. Mbeeyu ni mburi ya Kiumbi. ¹²Mbeeyu hu jilhuye kakera he kwalhi nivo hu vahevekoiyaa mburi, na baadaye mkusa shetani ekalidori uda kuli he swaho, iji nesa vasiamini na kuokolewa. ¹³Halafu nahu jilhuiye he masaheru ni hu vahe vekoiyaa mburi na kuidoriya kwa kinyemi mira tevelo majindo o-ose, veamini bi kwa muda mfuhi, wakati wa maghesho vetalhu.¹⁴Na mbeeyu hu jilhuiye he milhae ni vahe vekoiya mburi, mira vekuendelea kulheeru vedaraishwa ni nyamalo na uzuri na ukulho wa maisha ya na tevezasa matuunda. ¹⁵Mira hu mbeeyu jilhuiye he mpulhe mkulho nihu vahe, ambao vanyenyekeji na swaho kulho, baada ya kukoiya mburi veidaraisha na ikakwa hakulho na kusaisha matuunda ya ugumiriji.¹⁶Iji tehelo neri muwe, ekati kijari na kuchighubika na Kibakuri kana kuike di he lusazi. Badala ya kuike he kinara cha taa ili nesakila muwe enebuu amuru kuiaho. ¹⁷Kwaite tehelo chinemuru kukumatu chisika-ilike, kana chochose chikufisiye chikumatuye chisikaahoike chikukwa he mwangaza. ¹⁸Kwato ukwa chonjo ukukwa usikija. Kwaite elo nacho, haku-u eneongejwa sha, mira esilo nacho hata hu kibwesu elo nacho chinedoriwe."¹⁹Baadaye lage kini yesu na vabahu ku-u vekamlitiya tevemheye sina kwa mburi ya umati wa vahe. ²⁰Na ekabaiwa, "Lage ke na vabahu ke veata too gana vedumu kuahoana na ari. ²¹Mira Yesu ekalandula ekaba "Lage gho na vabahu gho ni hu vekoiya mburi ya Kiumbi na kuidosa.²²Ikalijanya i-aze iwe hehu ma-aze Yesu na vahina ku-u ekakutu he mtumbwi, na ekavabaya, na tutaho chaoju ya kanu ya ziwa." Vekaandaa mashua kini. ²³Mira vareavoka kuhaka, Yesu ekagosha luireno, dhoruba nkai ilo sa, na mashua kini ikavoka kuhu ma-i na veeata he hakusa sha.²⁴Baadaye vahina ku-u vekamlitiya na kumka-a, vekuba, "Dilao mgiru! Dilao mgiru! tuata sina na kuga!" Ekaka na kuijoghoya hu sa na mawimbi ya ma-i vikata-a na hekakwa na m'polele. ²⁵Kahali ekavaba, "Imani kaghu iata le?" Vekako bughu, vekamawe lundolo, vekayojanya kila muwe na m-aro, "Ya niji, kiasi ite eibaya hata sa, na ma-i na vimkoiya?"²⁶Vekahe he mwang'a wa Gerasini uata bwa wa mzungure ya Galilaya. ²⁷Yesu aredimi na kudaha he ardhi, mhe fulani kuli he mwang'a, ekahe na-u, na ya mhe eelo na nguvu ja kidughu. kwa muda mueza teekuoro gomae, na teekuhema he minda, mira eekuhema he makaburi.²⁸Aremuaho Yesu ekazo kwa sauti, na ekalhu di mbele ku-u. Kwa sauti ekuba, Niboiye kiahoni hake, Yesu m-inyi wakwe Kiumbi eata ana? Nikusemba, usinihiri ani" ²⁹Yesu ekaiba roho kusa imli mhe hu, kwaite kagi kakumure empagae hata kai eeoroiwe minyoror na kubanwa na kukewe di ya ulinzi, ekavipa-a vim-oroye na kuendeshwa ni m'pepo mpaka jangwani.³⁰Yesu ekamlhaasu, "Ilhe ke niji?" ekalandula ekuba, "Legioni" Kwaite m'pepo kumure jibuuye haku-u. ³¹Vekaendelea kumsemba usituba tuso he ishimo.³²Ikundi la gu-a leekuzeuwe ana helungori, vekamsemba avaro vabuu heka gu-a. Na ekavaroya kubo-ito, ³³Kwato hu m'pepo jikamli mhe hu na kuzabnuu hehu gu-a, na hu ikundi likaugulu he kidunda cha lungori kuso ziwani na jikafili ata.³⁴hu vahe veekuzeu hu gu-a vareza aho chilijanye, vekagugulu na kuzagu mbuiritoo he mwang'a na ganahe miang'a ivajunguluke. ³⁵Vahe vareako to vekaso kuaho chilijanye, na vekalitahakwe Yesu na vekamwaho mhe ambaye m'pepo jeekwaye jaamli. Eeoroye kikulho na elo akiri ndime, ezokodiye he masame yakwe Yesu, na vekako bughu.³⁶Niho muwe kini eahoye chilijanye ekalholhosha kuvasimorija vahali hucho ya mhe eekukaetie ni m,'pepo cho e-utiiwe. ³⁷Vahe kabuna va mkoa wa Gagerasi na maeneo yejunguluka vekamsemba Yesu ahaka hakini kwaite veelo futofuto giru. Na ekabuu he mtumbwi iji nesa akirii.³⁸Mhe hu eeliiwe ni m'pepo ekamsemba Yesu kuso na-u, mira Yesu ekam-baya aso na kum-ba, ³⁹"Kirii he minda ke na utare hu makabuna ambayo Kiumbi ekubo-iye" Ya mhe ekahaka, ekubirikira hakabuna huyo ambayo Yesu eyabo-iye kwa ajili kuu.⁴⁰Ne Yesu ekakirii, Makutano vekamkaribisha, kwa ite vakabuna veekuta mla-a. ⁴¹Wesia ekalita mhe muwe esewe Yairo nin muwe he vagiru he sinagogi. Yairo ekalhu he masame hakwe Yesu na kumsemba aso ang'a ku-u. ⁴²Kwaite eelo m-inyi m-bora muwe bi, elo umri wa miko ikado na minu, na eata he hali ya kuga. na ata eekuso, makutano veekuta fin'tana dhidi kuu-.⁴³Mlage ekuzaliwe ni sako kwa miko ikado na minu eato too na etumie magwala kabuna he vakura, mira tehelo em-utiye neri muwe, ⁴⁴Elitiye mzungure he Yesu na kudoa pindo la gomae ku-u, na fia kuliwe ni sako kukamro.⁴⁵Yesu ekaba, "Niji enidoiye?" Varealhi vakabuna, Petro ekaba, Dilao mgiru, umati wa vahe ukuhinkhaanya na ukukufinta." ⁴⁶Mira Yesu nekaba, "Mhe muwe eenidoiye, Ake ni-iliye nguvu jaanili hagho.⁴⁷Mlage areaho ite temmuru kukumatu cho ebo-iye, ekavoka kuzingiza, ekalhu di mbele ja Yesu ekabirikira mbele ja vahe kabuna hu chimroye amdoe na hucho e-utiiwe fia. ⁴⁸Halafu ekaba, "M-bora, imani ke yaakubo-i ukwa mzime. So kwa amani."⁴⁹Eekucheri endelea kuyo, mhe muwe ekalita kuli he minda ya mgiru wa sinagogi, ekuba, "M-bora ke aaga. Usimnyamarishe mhinizi." ⁵⁰Mira Yesu areako to, ekalandula , Usiogohe. Amini bi, na eneokolewa."⁵¹Halafu areabuu heka minda, tedumuije mhe wowose kubuu hawe na-u, mira Petro, Yohana ne Yakobo, aba wa m-bora, ne mame ku-u. ⁵²Iji vahe vakabuna veekuomboleza na kugu sauti kwa ajili ku-u, mira ekaba, "Msima kilondo, tegaye, mira etegosha bi." ⁵³Mira vekamsisi kwa kumfwa, vekuile ite egaye.⁵⁴Mira u ekamdara m-bora mheregha , ekase kwa sauti, ekuba, "M-inyi, ka" ⁵⁵swaho ku-u ikamkiriiya, na ekaka wakati kaaka. Ekavaba ite , aowe kigi fulani nesa a-a. ⁵⁶Vazazi ku-u vekamawe ni lundolo, mira ekavaba vaseem-baya mhe chilijanye.

¹Ekavase hu ikado na vanu hawe, ekava-o umuruisho na mamlaka ana ya m'pepo kabuna na ku-uti marukao. ²Ekavasugha vaso kubirikira udilao wa kiumbi na ku-uti marukao.³Ekavaba, "Mseedori chochose kwa ajiili ya ntambo kaghu kana ndate, neri mkoba, neri mkate, neri magwala, neri mseedori nkaanzu nu. ⁴minda yoyose yomne buu, hemani mpaka mkunehaka hodi ata.⁵Na hehu vesimudoria, mkune hali mwang'a ka, kuhum'pun'teni ivumbi he masame kaaghu ukwa ushuhuda ana kini." ⁶Vekahaka na kuso kutahoya vijijini, vekubirikira mburi kulho na ku-uti vahe kila hodi.⁷iji Herode, mtawala, ekako makabuna yekuralijanya ekanyamarikisha, Ake yeeyoike ite baadhi ite Yohana Mbatizaji aafufuka kuli ha vegaye, na ⁸baadhi ite Eliya aaheja kulijanya, na he vahali ite muwe wa valotezi va azeto aafufuka ha vegae wqa. ⁹Herode ekaba, "neemchinjije Yohana, mira ya niji nimko mburi ku-u? Ne Herode ekadaa kwalhi ya kumwaho Yesu.¹⁰Too vareakirii hu veesughaiwe, vekam-baya kila kigi cho vebo-iye. Ekavadori hawe, ekaso mwenye he mwang'a usewe Bethsadia. ¹¹mira makutano vekaoiya kuhusu ya vekamdosa, ekavakaribisha, na ekava-uti hu veedumuye ku-utiwe.¹²I-aze likavoka kutaho, na huikado na vanu vekamsoya na kum-ba, "Vaba makutano ite vaso he vijiji vya sina na miang'a vazedaa haku-ina viaghu, ake ho tuata ni rorobi." ¹³Mira ekavaba, "Kune va-oni kigi cha ku-a." Vekaba "Tetulo zaidi ya vibesu vikoi vya mikate na samaki nu, mira tweseesoe kuzawe viaghu kwa ajili ya itutanyiko ya la vahe." ¹⁴Heelo na vaagiru vehe elfu koi too. Ekavabaya vahina ku-u. "Vazokodijeni di he makundi ya vahe vehe mirongo mikoi kwa kila ikundi.¹⁵Kwato vekaboi to na vahe vekazokodi ata di. ¹⁶Ekadori mikate mikoi na samaki nu na ekawesia mbinguni, ekavibariki, na kuvipa-a he vibesu, ekava-o vahina ku-u nesa vavike mbele ya makutano. ¹⁷Vakabuna veka-a na kuku, na vibesu vya viaghu vishighale vikadodoliwe na kuhuti viteju ikado na vinu.¹⁸Nacho chikakwa ite, ata ekutasa mwenye, vahina ku-u veata hawe na u, na ekavalhaasu ekuba, "Vahe veba ani niji?" ¹⁹Vekalandula, vekaba, "Yohana mbatizaji, mira vahali veba Eliya, na vahali veba muwe wa valotezi va nyakati ja azeto aafufuka wa."²⁰Ekavabaya, "Mira kune mwaba ani niji?" Ekalandula Petro ekaba, "Kristo kuli he Kiumbi." ²¹Mira kwa kuvakanya, Yesu ekavaerekeja kusaam-baya wowose mburi ya. ²²Ekaba ite m-inyi wakwe Adamu lazima anyamarike kwa mburi kumure na kulhiiwe nivazee na vagiru va kirurumo na vaandishi, na enega-awe na i-aze la kakai enefufufuka.²³Ekavabaya vakabuna, " Kai mhe wowose ekudumu kunidosa, chidumuwe akukane mwenye, auti-i msalaba ku-u kira i-aze, na anidose. ²⁴Wowopse egali kuyaokoa maisha ku-u eneyalahatio, mira wowose elahati maisha ku-u kwa mburi gho, eneyaokoa. ²⁵He chinemlha-ari kiahoni mwanadamu, kai ekupata ulimwengu mkabuna, mira ekalahati kana ekapata hasara ya nafsi ku-u?²⁶Wowose eneniahoya susune ani na mburi gho, haku-u u m-inyi wakwe Adam enemuahoya susune ekunekwa he utukufu ku-u, na utkufu wa Aba na malaika vatakatifu. ²⁷Mira nimubayaukweri, helo vahali kaghu veumaye i-i Tevekagali kuga mpaka vauaho udilao wa Kiumbi."²⁸ikalijanya ipata ma-aze mnane baada ya Yesu kuyo mburi ya ite ekavase hawe nau Petro, Yohana ne Yakobo, vekakutu helungori kutasa. ²⁹Na eata he kutasa, kuwesiika he vubasa ku-u ukabadirika, na gomae ku-u jikakwa jiaku na kuang'ara.³⁰Na wesia, veeata vaagiru vanu vekuyo na-u! Veekwaye ni Musa ne Elia, ³¹Vekaahoika he utukufu,.Veeyoe kutara kuhaka ku-u, mburi ambayo iata sina kutimijwa Yerusalem.³²Iji Petro na hu veeata hawe na-u veeata he lu-ireno mgiru. Mira vareaka, vekauaho utukufu ku-u na vaagiru vanu vee-umaye hawe na-u. ³³Ikalijanya ite, ata veekuhaka hakwe Yesu, Petro ekam-baya, "Dilao, ni kikulho hakanu kuhema i-i na itudumu kukwa minda ja vahe vakai. Tukwa we kwa ajili ke, we kwa ajili yakwe Musa, na we kwa ajili yakwe Eliya." Teechi-iliye cho eekuchiyoya.³⁴Ata ekurayo ka, likalita ijumbi na likavaghubika; na vekaogoha varezaaho vaajungulukwa na vaazingirwa ni ijumbi. ³⁵Sauti ikali he ijumbi ikaba, "Ya ni m-inyi gho msaghurwa. Msikijeni u. ³⁶Sauti ireata-a, yesu eata mwenye bi. Vekata-a chwi, na he ma-aze ka tevezem-baya wowose he lolose hehu yoveahoye.³⁷Iaze lidosiye, baada ya kuli he lungori, ikusanyiko igiru la vahe likahe na-u. ³⁸Wesia, muagiru kuli he ikusanyiko ekazo kwa sauti, ekuba, "Mhinizi nikusemba umwesia m-inyi gho, kwaite ni m-inyi wa kabi. ³⁹Waaho roho kusa imdara, na fia ema kilondo, naho im-boi akwa mkilalu na kuliwe ni ifuo he m-o. Nayo imlianyija kwa vwasi, ikumgeria kulhaishishwa. ⁴⁰Neevasembie vahina ke kuijoghoya nesa ili, mira tevemuruye.⁴¹Yesu ekalandula ekaba, "Kune kizazi chisiamini na chilahaye, mpaka amininehema na kune na kusoijanya na kune? Mgera m-inyi i-i." ⁴²Mbwange ata eekulita, roho kusa ikamlhuku di na kumkusha kwa fujo. Mira Yesu ekaijoghoya hu roho kusa, ekamu-uti mbwange, na ekamkabidhi ha aba ku-u.⁴³vakabuna vekamawe lundolo ni ugiru wa Kiumbi. Mira ata veekushangala vakabuna kwa mburi kabuna jibo-iike, ekavaba vahina ku-u, ⁴⁴"Mburi jivaheme he malama kaghu, kwaite m-inyi wakwe Adamu eneotiwe he miheregha ya vanadamu." ⁴⁵Mira teveelewe maana ya mburi ka, na yeematuiwe he ma-ila kini, nesa vaselita kuli-ile. Vekaogoha kum-lhaasu chitara mburi ka.⁴⁶Halafu mgogoro ukavoka kulijanya hevo kutara ite niji enekwa mgiru. ⁴⁷Mira Yesu area ile cho vekuyoijana he swaho kini, ekamdori m-inyi mgitutu, na ekamke bwa ku-u, ⁴⁸na ekaba, "kai mhe wowose ekumdoriya m-inyi mgitutu sa yakwa ilhe gho, enidoria na ani, na wowose ekunidoria anin, aamdoria nahu enisughaye, kwaite em-gitutu hehakaghu vakabuna ni-u emgiru.⁴⁹Yohana ekalandula ekaba, Dilao, tweemuahoye mhe eku uguluti m'pepo kwa ilhe ke na tukamlhiija, kwaite tedosana na nne." ⁵⁰Mira Yesu ekam-baya, "Msimlhiije, kwaite esiata kinuyme na kune ni mkaaghu."⁵¹Ikalijanya ite, kuagha na ma-aze cho ehe sina ma-aze ya kuso mbinguni, Kwa uimara ekawesiija vubasa ku-u Yerusalemu. ⁵²Ekasugha vajumnbe mbele ku-u, navo vekaso na kubuu he kijiji cha Vasamaria nesa vamtayarishije hodi. ⁵³Mira vahe are tevemdoriiye, kwaite eewesiije vubasa ku-u Yerusalemu.⁵⁴Vahina ku-u Yakobo ne Yohana varealiaho ya, vekaba, "Dilao udumu tuse mwalha udimi di kuli mbinguni uvateketeze?" ⁵⁵Mira ekavawesia ekavajoghoya. ⁵⁶Halafu vekaso kijiji kihali.⁵⁷Ata veekuso he kwalhi kini, mhe muwe ekavabaya, "Ninekudosa hohose uneso." ⁵⁸Yesu ekam-baya, "Mbweha jilo mashimo, madeghe elo mashasha, Mira m-inyi wakwe adamu telo hakuiija m-a ku-u."⁵⁹Niho ekam-baya mhe mhali, "Nidose." Mira u ekaba, "Dilao, niroye ini niso nize mjika aba gho," ⁶⁰Mira u ekam-baya, "Varo vegaye vavajike vegaye kini, mira ari so uze ubirikira udil;ao wa Kiumbi kila hodi."⁶¹Naho mhe mhali ekaba, "Ninekudosa, Dilao, mira uniro ini nize aghanyaveata he minda gho." ⁶²Mira Yesu ekambaya tehelo mhe, ebutu mheregha ku-u kukuru na kuwesia mzungure eneye he udilao wa Kiumbi."

¹Baada ya mburi ka, dilao ekasaghura mirongo saba, na kuvasugha vanu vanu vamkaeye he kila mwang'a na hodi eedumuye kuso. ²Ekavaba, "Uluki ni mkumure, mira vanyamalo ni vaghere. Kwato iji msemberejeni Dilao wa uluki, nesa ite asugha fia vanyamalo he uluki ku-u.³Soni he miang'a. Wesiani, nimusugha sa ma-alu hasihasi he madiye ya ngweza. ⁴Msiti-i mfuko wa magwala, neri mkoba wa vasafiri, neri viratu, neri msimholu wowose kwalhi.⁵He minda yoyose yo mnebuu, bosi muba, 'M'polele ikwa he minda ya'. ⁶Kai mhe wa m'polele eata too, m'polele kaghu ineshighala ana ku-u, mira kai sicho, inekirii hakaghu. ⁷Hemani he minda ka, ani na muwaha cho venechigu, kwaite mnyamalo estahili mshahara ku-u. msibale kuli minda ya kuso hali.⁸Mwang'a wowose m-buu, na vekamudoriya, ani chochose chinekewe mbele kaghu, ⁹na muva-uti varukao veata ata. vabani, 'Udilao wa Kiumbi waalita sina kaghu.¹⁰Mira he mwang'a wowose mnebuu, na vasimudoriye, soni gana he balabala na bani, ¹¹'Neri ivumbi he mwang'a kaghu lidaraye he masame kanu tutalihum'punta kwa kune! mira ilani to, Udilao wa Kiumbi uata sina.' ¹²Nimubayani ite i-aze la kupa-aiwa linekwa ni ugumiriji sha he Sodoma kutaho mwang'a ka.¹³Ole ke Korazini, ole ke Bethsaida! kai nyamalo giru jibo-iike za hake jitebo-iika Tiro ne Sidoni, Veseeheja kuvoteka kae sha, vekuhema za he gomae ja magunia na ma-ora. ¹⁴Mira inekwa ugumiriji sha iaze la kupa-aiwa he Tiro ne Sidoni kutaho kune. ¹⁵Ari Kapernaumu, ufanyanya uneka-awe mpaka mbinguni? Hai, unedimiriwe di mpaka kujimu.¹⁶Ene musikija kune enisikija ani, na wowose ene valhi enilhiiye ani, na wowose enilhiiye ani aamlhi enisughaye".¹⁷Hu mirongo saba vekakirii kwa kinyemi, vekuba, "Dilao, Hata M'pepo jitukoiya he ilhe ke." ¹⁸Yesu ekavaba, "Neemuahoye Shetani ekulhu kuli mbinguni sa radi. ¹⁹Wesia, naamuoiya umuruisho wa kudaha bome na nge, na nguvu kabuna ja adui, na tehelo chochose kwa kwalhi yoyose chinemuhiri. ²⁰Hata to msilhamuiwe bi he ya, ite roho jimukoiya, mira lhamuiwani sha ite malhe kaaghu yegondiwe mnbinguni."²¹he muda wa huu hu ekalhamuishishwa he Roho Mtakatifu, na kuyo, "Nikutogola awi, Aba, Dilao wa mbingu na dunia, kwa ite waamatu mburi ya kuli he velo viugho na akiri, na kuyaghubula he vesi hinizwe, sa va-inyi vagitutu. Ee, Aba, ake cheekuagize he ma-ila ke."²²Kila kiwe chikeiwe di gho ni Aba gho, na tehelo eiliye M-inyi ni ji mira Aba, na tehelo eiliye Aba ni ji mira m-inyi, na wowose hu m-inyi hoedumu kukuaija haku-u.²³Ekavakiriiya vahina, ekayo havenye bi, "Vaabarikiwa veyaaho ya ambayo kune muyaaho. ²⁴Nimubaya kune, ite valotezi vakumure na madilao vee dumuishishe kuaho mburi mjiaho, na tevezeyaaho, na kukoiya yo mkoiya, naho teveyakoiye."²⁵Wesia, mhinizi fulaniwa sheria ja kiyahudi eka-uma na kumghesha, ekuba, "Mhinizi, nibo-i ahoni niupale uzime wa milele?" ²⁶Yesu ekam-baya, Hegondiwe ahoni he sheria? Uisoma mo?" ²⁷Ekalandula ekaba, "Unemdumu Dilao Kiumbi ke he swaho ke kabuna, he roho ke kabuna, he nguvu ke kabuna, na he akiri ke kabuna, na m-aro ke sa ari mwenye." ²⁸Yesu ekaba, "Waalandula kwa ukulho. Bo-i to naho unehema."²⁹Mira mhinizi, edumuiye kukutaria haki mwenye, Ekam-baya Yesu, "Naho m-aro gho niji?" ³⁰Yesu ekalandula ekuba, "Mhe fulani eekudimi kuli Yerusalemu kuso Yeriko. Ekalhuya he vagwalo, vekamla mari ku-u, na vekam-ma na kum-ro sina ekukwa nusu ya kuga..³¹Na bahati mzarurumija fulani eekudimihe kwalhi ka, areamuaho ekataho bwa mhali. ³²Tooto Mlawi na-u, areahe hodi too na ekamuaho, ekataho bwa mhali.³³Mira Msamaria muwe, ata eekubari, ekataho too areamuaho too ho eata mhe hu. Aremuaho, ekahinkawe ni mbazi. ³⁴Ekamsoya sina ekavoro vionda ku-u, ekambutu malhooma kna divai ana ku-u. Ekamkuturu ana he mnyama ku-u, niho ekamti-i he minda ya vagalho na ekanyamarikia. ³⁵I-aze lidosiye ekadori dinari nu, ekam-oya mzalo minda ya vagalho naho ekam-baya, Mhudumie na chochose chineongejika unechinyamarikia, ninekulhanu nikukirii.'³⁶Ni mhama heya vakai, ufanyanya, nee m-aro ku-u he hu elhuuye hasi ha vagwalo?" ³⁷Mhinizi ekaba, "ni hueaije mbazi haku-u." yesu ekam-baya, "So na uzebo-i tooto."³⁸Iji ata veekubari, vekabuu he kijiji fulani, na mlage muwe ilhe ku-u Martha ekamkaribisha minda haku-u. ³⁹Eelo wau eseiwe Mariamu, eezokodiye he masame ya Dilao na kusikija mburi ku-u.⁴⁰Mira Martha ekakuo nyamalo kumure ja kuandaa viaghu. Ekaso hakwe yesu na ekaba, "Dilao, tuwesia ite wau gho aaniro ninyamarika mwenye bi? Kwato iji m-baye anilha-ari." ⁴¹Mira Dilao ekamlandula, "Martha, Martha, unyamarishwa ni mburi kumure, ⁴²mira ni kigi kiwe bi cha muhimu. Mariamu aasaghura ekikulho, ambacho techikaka awe kuli haku-u.

¹yeelijanye too Yesu ekutasa hodi fulani, muwe he vahina ku-u ekam-baya, "Dilao, tuhinije kutasa se Yohana ehinije vahina ku-u".²Yesu ekavabaya, Mkutasa, bani, 'Aba, ilhe ke litogolwe. Udilao ke ulita.³Utuo mkate kanu wa kila i-aze. ⁴Utuvoteshe makusa kanu, sa nne cho tuvavotesha vakabuna vetuoniiye. Useetukaetija he maghesho."⁵Yesu ekavabaya, "Ni mhama hakaghu enekwa msaho, hu enemsoya na-ama, na kum-baya, M-aro ni-o mikate mikai. ⁶Kwaite msaho gho aanilitiya waijiji kuli ntambo, na ani silo cha kum-o.' ⁷Na hueata minda ekalandula, usininyamarishe, Luhige waaheja kulhaatiwe, na va-inyi gho, hawe na ani twaaheja kugosha he lusazi. Simuru kuka na kuku-o ari mikate. ⁸Nimubaya, hata kai tekaka kukuoya mikate sa msaho ke, Kwa mburi ya kuendela kum-maya luhige bila susune, eneka na kukuo vibesu vikumure vya mikate kuwesiana na cho udumu.⁹Na ani nimubayani, Tasani, na kune mneowe; daani,nakune mneaho, bani i-i nakune mnelaiwa. ¹⁰Kwaite kila mhe etasa enedoriya, na kila mhe edaa eneaho, na kila mhe eba i-i, luhige lunelhaawe haku-u.¹¹ni aba mhama he kune, m-inyi ekumuombeja samaki ene-m-o bome badala ku-u.? ¹²Kana ekumuombeja ikokoha enem-o kisuse badala ku-u? ¹³Kwato, kai kune evakusa mreile kuva-o va-inyi kaghu zawadi kulho, he si zaidi sha he Aba kaghu wa mbinguni ite enemu-o Roho Mtakatifu ka vemtasa?"¹⁴Baadaye, Yesu ekakwa ejoghoya m'pepo, na mhe elo m;pepo nee ibubu. Ikakwa m'pepo liremli, mhe ka ekamuru kuyo. Umati ukadarawe ni lundolo sha. ¹⁵Mira vahe vahali vekaba, ya egu m'pepo he Beelzebul, mgiru wa m'pepo.¹⁶Vahali vekamghesha na kumdumu ava aije ishara kuli mbinguni. ¹⁷Mira Yesu ekaji-ile fanyanyi kini na ekavaba, "Kila udilao unekakainyika inekwa ukiwa, na minda ine kakainyika inelhu.¹⁸Se Shetani enekwa aakakainyika, udilao ku-u une-uma kimomo? Kwa ite muba nigu m'pepo he Beelzebuli. ¹⁹Kai ani nigu m'pepo he va-aro kaghu vegu m'pepo kwa kwalhi mina? Kwa mburi ya, vo venemupa aya kune. ²⁰Mira, kai nigu m'pepo kwa kisatu cha kiumbi, basi udilao wa Kiumbiwaavalitiya.²¹Mhe elo nguvu na elo silaha ekuwesia minda ku-u, vigi ku-u vinehema kikulho. ²²Mira ekuvamiwa ni mhe elo nguvu kumure kumtaho. Hu mhe elo nguvu enela silaha ku-u, na kujidoori mari ku-u kabuna. ²³Hu esiata hawe na ani aeata kimzungure na ani, na hu esiumbika hawe na ani etapanya.²⁴M'pepo mchafu ekumli mhe, eso na kuaaija hodi hesilo na ma-i ili akupumzishe. Ekukwa aabeni, itaba, 'Ninekirii ho neeata. ²⁵Ekukirii na kuheelha minda ilhalhamiwe na izokoye kikulho. ²⁶Kwato etaso kudaaija m'pepo saba velo makusa kutaho hu mwenye na kuvagera valita vaheme hodi too. na ho hali ya mhe ka ikwa kusa kutaho cho yeekwaye too bosi.²⁷Yeelianye ite eekuyo mburi ka, mlage fulani ekapaza sauti ku-u kutaho vakabuna he mkutano wa vahe na kuyo "Ibarikiwe maso ikusae na maasemu yo ugoye" ²⁸Mira u ekaba, vebarikiwe hu vekoiya mburi ya Kiumbi na kuidaraisha.²⁹Too umati wa vahe vekututanika na kuongejika, Yesu ekavoka kuyo, "Kizazi ya ni kizazi cha ukusa. chidaa ishara, na tehelo ishara mneowe kutaho hu yakwe Yona. ³⁰Kwaite sacho Yona eekwaye ishara he vahe va Ninawi, nicho na M-inyi wakwe Adamu enekwa ishara he kizazi ya.³¹Malkia wa are nkusini eneuma i-aze la kupa-aya na vahe va kizazi ya na kuvapa-aya vo, ake u eliye mwisho wa idi alita asikije vugho vyakwe Solomoni, na i-i eata em-giru kutaho Solomoni.³²Vahe va ninawi veneuma he kupa-aya hawe na vahe va kizazi ya i-aze la kupa-aya, ake vo vetubuye he mabirikiro yakwe Yona, na Wesia, i-i helo emgiru kutaho Yona.³³Tehelo mhe wowose, ekatii kijari na kuchike hodi ha di helo kidughu isiahoika kana di he kiteju, mira ekati na kuchike ana he kigi nesa kila mhe enebuu amuru kuaho mwangaza. ³⁴I-ila ke ni taa ya msa. I-ila ke likukwa ikulho basi msa ke mkabuna unekwa na mwangaza. Mira i-ila ke likukwa ikusa basi na msa ke mkabuna unekwa na kidughu. ³⁵Kwato mkuwesie nesa mwanga uata za hakaghuuseebutuwe kidughu. ³⁶Kwato iji, Kai msa ke mkabuna uata mwangaza, na tehelo iata he kidughu, basi msa ke mkabuna unekwa sawa na taa ika na kugu mwangaza hakaghu.³⁷Arefiriti kuyo,Farisayo akamrarika aze-a viaghu ang'a ku-u, na-u Yesu ekabuu minda na kukwa hawe navo. ³⁸Na Mafarisayo vekashangaa kwa hucho te-ontiye ini esina-a viaghu vya chamagheri.³⁹Mira Dilao ekavabaya, "Kune Mafarisayo m-onti gana ya vikombe na bakuri, mira za kaghu mhuye tamaa na ukusa. ⁴⁰Kune vahe msilo na ufahamu, He ka eumbiye gana teuumbiye na za naho? ⁴¹Va-oni vahuye yeata za, na mburi kabuna jinekwa kulho hakaghu.⁴²Mira ole kaghu Mafarisayo, ake mgu zaka ja mnanaa na mchicha na kila aina ya mbuka ja bustani. Mira mwaaro mburi ja haki na kumdumu Kiumbi. Ni muhimu sha kubo-i hawe na ka mahali nayo.⁴³Ole kaghu Mafarisayo, kwaite mdumuisha kuhema he vikire vya mbele he masinagogi na kuholuwe kwa miholuire ya heshima he kihoja. ⁴⁴Ole kaghu, ake mtotiye na makaburi yesilo na alama ambayo vahe vedaha ana ku-un neri teve-iliye.⁴⁵Mhinizi muwe wa sheria ja kiyahudi ekalandula na kum-baya, "Mhinizi, kacho uyo chitu kararisha hawe na nne," ⁴⁶Yesu eka.ba, "Ole kaghu vahinizi va sheria! Kwaite muva-o vahe mijigho migiru vesimuru kuiti-i, miraiji kune temdoa neri mijigho ka neri kwa we ya visatu kaghu⁴⁷Ole kaghu, kwaite mzakwa na kuke kumbukumbu he makaburi ya valotezi' ambao veega-aiwe ni vakakaa kaghu, ⁴⁸Kwato kune mwaashuhudia na kudumuijana na nyamalo jo veboiye vakaka kaghu, Kwaite kweri veevagaaye Valotezikavo mkwaya kumbukumbu he makarikini.⁴⁹Kwa mburi ka naho, Viugho vya Kiumbiviba, Ninemu sughaia valotezi na mitume navo venemunyarisha na kumuga-a baadhi kini. ⁵⁰Kizazi ya chinewajibika kwa sako ya valotezi vevaga-aye kuvokia kwa dunia. ⁵¹Kuli sako yakwe Abeli mpaka Sako yakwe Zakaria. ega-aiwe hasi na hasi ya madhabahu na patakatifu. Ee, nimubaya kune , Kizazi ya chinewajibika.⁵²Ole kaghu vahinizi va sheria ja Kiyahudi, kwaite mwaadori funguo ja ufahamu; kune venye tembuu , nahu vedumu kubuu mvakindija."⁵³⁵⁴Too Yesu arehaka too, vaandishi na Mafarisayo vekampinga na kulahana na u ana ya mburi kumure. Vekughesha kumdara kwa mburi ku-u.

¹he wakati ka, maelfu makumure ya vahe vekatutanika hawe, kiasi cha kulholhosha kudaha-ana, ekavoka kuyo na vahina ku-u ini, "Mukwa chonjo na chachu ya mafarisayo ambayo ni unafiki"²na teheezaekwa na siri ikumatuye isika ghubulwe, neri mburi imatuiwe ambayo teika iliike. ³Na lolose mliyoye he kidughu, linekoika he mwangaza. Na o-ose myayoye he malama za he vyumba kaghu vya za vilhatiiwe yenebirikirwa ana he paa ja minda.⁴Namubayani vasaho gho, msivako bughu hu vega-a msa na halafu tevemuru kigi kihali cha kubo-i, ⁵Mira nitamukanya munemko bughu. Mkoni bughu hu ambaye baada ya kukwa aamuga-a, elo mamlaka ya kumubibi jeham=namu. Ee, nimubaya kune, mkoni bughu ka.⁶He Shomoro vakoi,tevediwe kwa Sarafu nu? neri to tehelo neri muwe kini eneziiwe mbele ja Kiumbi. ⁷Mira m-ile ite, alhu ja mi-a kaghu jitariwe. Msiko bughu. Kune muva samani kutaho Somoro.⁸Nimubaya, wowose enenikiri Ani mbele ja vahe, M-inyi wakwe Adamu enemkiri mbele ja malaika va Kiumbi. ⁹Mira Wowose enenikana mbele ja vahe nau enekanwa mbele ja malaika va Kiumbi. ¹⁰Wowose eneyo mburi kusa he M-inyi wakwe Adamu, enevoteshwa, mira wowose enemkufuru Roho Mtakatifu, tekavoteswe.¹¹Vekunemuti-i mbele ja vagiru va masinagogi, na vatawala, na velo Kisatu, msiko bughu he namna ya kuyo he kujitetea kana nikiahoni mneyo, ¹²Kwaite Roho Mtakatifu enemuhinija miyoire he wakati ka."¹³Mhe muwe heikusanyiko ekam-baya, "Mhinizi, m-baye m-bahu gho anikakaye hodi ha upaji gho," ¹⁴Yesu ekamlandula, ni ji enikeye kukwa mzapa-aiya na mzagera m'polele he kune? ¹⁵Niho ekam-baya, mukwa chonjo na kila namna ya tamaa, kwaite uzime wa mhe teuhata he vikumure wa vigi elo navyo."¹⁶Yesu ekavabaya mfano, ekuba, mbuva ya mhe muwe mzuri leesae sha, ¹⁷na eke-akulhasu mwenye za ku-u, ekuba, ninebo-i mo ake silo hodiha kuke mazao gho? ¹⁸Ekaba, ninebo-i to. Ninepu ghala gho gitutu na kukwa egiru, na kuyake mazao gho makabuna na vigi vihali. ¹⁹Nineibaya nafsi gho, "Swaho, waakukeya hakiba ya vigi vikumure he miko mikumure. Pumzika, ua, uwaha na kustarehe."²⁰Mira kiumbi ekam-baya, ari mhe kirundu, kiama cha wa-i veidumu swaho ke kuigu hake, na vigi vikabuna vyo ukukee vinekwa vya ahoni? ²¹Nicho chinekwa he kila mhe ekukeya mari na sio kukuandaa he mburi ya Dilao.²²Yesu ekavabaya vahina ku-u, Kwato namubayani msiko futo ana ya kuhema kaghu__kuba mne-a ahoni kana ana ya misa kaghu__ite mne-oro ahoni. ²³Ake kuhema kutaho viaghu, na msa utaho gomae.²⁴Wesiani madeghe ya are ana, teyekuru neri teveluka. Te yelo chumba neri ghala ya kukeya, mira Aba kaghu evapasi. kune si vakulhosha kutaho madeghe! ²⁵Ni mhama hakaghu ambaye ekukunyamarisha enemuru kususu dhiraa we he kuhema ku-u? ²⁶Kai iji tem-muru kubo-i ka kigi kigitutu ee kirahisi niahoni iji kunyamarika heka mahali.?²⁷Wesiani maluwa- cho yelheeru. teyebo-i nyamalo neri teyeluka. Mira nimubaya, hata Sulemani he utukufu ku-u mkabuna tezeeoroijwe sa iwe heya, ²⁸Kai Kiumbi eyaoroija kikulho mahako ya hembuva, ambayo wa-i yeata, na lheenu yebibiwe he mwalha. He si zaidi enemuoroija kune? kune va imani gitutu!²⁹Msinyamarike ite mnea ahoni kana mnewaha ahoni, neri msikwa na futo. ³⁰Kwaite mataifa makabuna ya dunia yenyamarikia mburi waka. Ne Aba kaghu ereile ite myadumu ka.³¹Mira daani udilao ku-u ini, na ka mahali mnesusuwe. ³²Msiko bughu, kune ikundi igitutu, kwaite Aba kaghu elhamuiwa kumu-o kune ka udilao.³³Dini mari kaaghu na mzevakakaya vahuye. Mkubo-iye mifuko isikitiiwa__ hazina ya mbinguni isipa-a, hodi ambaho vagwalo tevekahe sina neri nondo tejikamuru ku-oni. ³⁴Kwaite helo hazina ke, niho swaho ke inakwa.³⁵Gomae kaghu ndeza jikwa jioroiwe na mkanda, na taa kaghu jiwesiiwe ite jiraendelea kuka, ³⁶na mukwa sa vahe vemla-a Dilao kini kuli he kinyemi cha harusi, nesa ite ekulita na kuba hodi, venemuru kumlhaya luhige fia.³⁷vebarikiwe hu vanyamalo, ambavo Dilao enevahelha veata ma-ila. Kweri enekoma gomae ku-u ndeza na mkanda, halafu enevazokodija di vaa viaghu, na halafu enevanyamarikia. ³⁸Kai Dilao enelita he balo ya kanu ya ulinzi wa kiama, kana neri balo ya kakai ya ulinzi, na kuvaheeya vekae tayari, inekwa keba hakini ka vanyamalo.³⁹Kutaho ka, mli-ile ya, kai dilao elo minda eteile saa hu mgwalo enelita, teseedumu miinda ku-u ilhatiwe. ⁴⁰Mukwa tayari naho ake tem-iliye wakati mina m-inyi wakwe Adamu enekirii.⁴¹Petro ekaba, "Dilao, utubaya nne venye ya mifano, kana uvabaya kila mhe.? ⁴²Dilao ekavabaya, "Niji mnyamalo mwaminifu kana elo viugho ambaye dilao ku-u enemke ana ya vanyamalo vahali, nesa avakakaye viaghu kini he wakati udumuwe? ⁴³Keba mnyamalo hu, ambaye dilao ku-u ekunelita enemheeya ekubo-i yoebaiwe. ⁴⁴Kweri namubaya kune ite enemke ana ya mari ku-u kabuna.⁴⁵Mira mnyamalo hu ekuyo mwenye he swaho ku-u, "dilao gho enelheeti kukirii; kwato ekavoka kuvama hu vanyamalo va kiagiru na vakilage, halafu ekavoka ku-a, kuwaha na kuengeeli, ⁴⁶Dilao ku-u hu mnyamalo enelitahe i-aze esi-li-iliye na saa esi-iliye, na-u enemte vihindi vihindi na kumke he hodi hawe na esiva aminifu'.⁴⁷Mnyamalo, e-iliye chidumuwe ni dilao ku-u, nau ekuandaa neri tebo-i sa hucho chidumuwe, anemawe ndate kumure. ⁴⁸Mira mnyamalo esi-iliye chidumuwe ni dilao ku-u, mira ekabo-i yedumu adhabu, enemawe ndate ngere. Kwaite eoiwe vikumure, vikumure vinedumuwe kuli haku-u, na hu eaminiwe he vikumure, haku-u vinedumuwe.⁴⁹Nilitiye kukati mwalha duniani, na nitamani ikwa waaheja kuka. ⁵⁰Mira nilo ubatijo ambao ninebatijwa, nilo huzuri mpaka ukune kamirika!⁵¹He mufanyanya ite nilitiye kugera m'polele duniani? Hai, Namubayani, badala ku-u nigerie mkakaniko. ⁵²Kuvokia waijiji na kuendelea henekwa na vahe vakoi he minda we vekakanike, na vakai venekwa kinyume na vanu. na vanu venekwa kinyume na vakai. ⁵³Venekakanyika, aba enekwa kinyume na m-inyi, na m-inyi enekwa kinyume ne abaghe, lage enekwakinyume na m-bora ku-u, na m-boraenekwa kinyume ne mame ku-u, lage mkora enekwa kinyume na mkora ku-u na mkora enekwa kinyume ne lage mkora ku-u.⁵⁴Yesu ekakwa evabaya makutano naho, "Mkuneaho majunde yekulianya magharibi, muba nyakati ja mare jaahe; na nicho chikwa, ⁵⁵Na sa ya kusini ukuvuma, muba, henekwa na iru-u ikai, na nicho chikwa. ⁵⁶Kune vanafiki, mramuru kutafsiri miahoikire ya idi na ianga, mira ikwamo tem-muru kuutafsiri wakati uata.⁵⁷Ni kiahoni kila muwe kaghu asipambanue eikulho haku-u kulibo-i wakati too eelo na nafasi ya kubo-i to? ⁵⁸Kwaite mkubo-i to? Kwaite mkuso na ekulahiye ke mbele yakwe hakimu, manga hima kuyafi na mlahi ke i-i bado msinahe muata kwalhi aseekuti-i he hakimu, ne hakimuekakuti-i he ofisa, ne ofisa ekakubibi gerezano. ⁵⁹Nikubaya, tukali are mpaka ukwa waariha mpaka senti ya mwisho.

¹He wakati wa kaaka, heelo na baadhi ya vahe veem-baye mburi ya Galilaya ambao Pilato eevaga-aye na kukwari sako kini na sadaka kini. ²Yesu ekalandula na kuvabaya, "He mufanyanya ite Vagalilaya ka veelo na makusa kutaho Vagalilaya vahali vakabuna nicho ite vaapatwa ni makusa kayo? ³Hai, nimubaya, mira mkusaa voteka, kune mneangamia sacho ocho.⁴Kana hu vahe ikado na mnane he Siloamu ambao mnara ukalhu na kuvaga-a, mfanyanya vo veekwae na makusa kutaho vahe vahali he Yerusalemu? ⁵Hai, ani niba, mira kai mkusaavoteka, kune vakabuna naho mneangamia.⁶Yesu ekavabaya mfano ya, "Mhe muwe eelo na mtini ulhaiwe he mbuva ku-u na ekaso kudaa matuunda ana ku-u mira tezepata. ⁷Ekam-baya mzake bustani, 'Wesia, kwa miko mikai naalita na kughesha kudaa matuunda he mtini ya mira sipatiye. Uute. Kwaite ugera kuonika kwa mbuva.⁸Mzake bustani ekalandula na kuba, 'uro mko ya ili niukajie na kuuke mbolea ana ku-u. ⁹Kai ukusa matuunda mko ulitiye, ni kikulho;m mira kai teukasa, uute.!"¹⁰Iji Yesu ekuhiniza he iwekini la sinagogi he Sabato. ¹¹Wesia, heelo na lage muwe ambaye kwa miko ikado na mnane eelo na roho mchafu wa ubovu, na u eekwaye ekomborike na telo umuruisho neri waku- uma.¹²Yesu areamuaho, ekamse, ekam-baya, "Mlage, waarowe huru kuli he ubovu ke." ¹³Ekake miheregha ku-u, na fia msa ku-u, ukakumuru na kumtogola Kiumbi. ¹⁴Mira mgiru wa sinagogi ekesanuiwa kwa ite Yesu eem-utiye he i-aze la Sabato. Kwato mtawala ekalandula ekuvabaya makutano, "Helo ma-aze sita yo mdumuwe kubo-i nyamalo. Litani mu-utiwe iji, si he i-aze la Sabato.'¹⁵Dilao ekamlandula na ekaba, "Vanafiki!Tehelo kila muwe kaghu kulhaya m'punda ke kana wa kuli he idewa na kuiti kuiwahari i-aze la sabato? ¹⁶Kwato nahu m-bora wakwe Abrahamu, hu Shetani em-oroye kwa miko ikado na mnane, He teyeekuye kifungo ku-u chikulhawe i-aze la sabato?"¹⁷Ata eekurayo mburi ka, hu vakabuna vempingiye vekako susune, mira makutano vakabuna wa vahali vekashangilia kwa mburi ya ajabu yo abo-i.¹⁸yesu ekaba, "Udilao wa Kiumbi utotiye na ahoni, na umuru kuaghatiwe na kiahoni? ¹⁹Nisa mbeeyu ya Haradali eidoriye mhe muwe na kuilha he mbuva ku-u, na ikalheeru ikakwa mhatu mgiru, na madeghe ya mbinguni yekakwa mashasha kini he matambi ku-u.²⁰Kahali ekaba, "Niutotiije na ahoni udilao wa Kiumbi? ²¹Ni sa chachu ambayo mlage eeidoriye na kuikwarianya he vipimo vikai vya unga ukayaahi."²²Yesu ekaso kila mwang'a na kijiji kwalhi ekuso yerusalemu na kuvahinija. ²³Mhe muwe ekalhaasu, "Dilao, ni vahe vaghere bi veneokolewa?" Kwato ekavaba, ²⁴"Kuhimeni kubuu kwa kutahoya luhige lusisiri, kwaite vakumure veneghesha na teveka muru kubuu.²⁵Fia baada ya mzalo minda ku-uma na kulhati luhige, basi mneuma gana na kuba hodi he luhige na kuba, Dilao, Dilao, tulhaye u enelandula na kuvabaya, siva-iliye kune neri ho mli.' ²⁶Niho mneba, Twee aye na kuwaha mbele ke na ari ukutuhiniza he mitaa kanu." ²⁷Mira u enevalandula, "Namubaya, simuiliye ho mli, hakani hagho, kune msa makusa!'²⁸henekwa na mizoire na kushagha ma-iki too mkune vaaho Abrahamu,isaka, yakobo na valotezi vakabuna he udilao wa Kiumbi, mira kune venye munebibiwe gana. ²⁹Venehe kuli Mashariki, Magharibi, kaskazini na kusini,n na kupumjika he meza ya viaghu vya chamagheri he udilao wa Kiumbi. ³⁰Nireile ya, wa mwisho niwa bosi nawa bosi enekwa wa mwisho."³¹muda mfuhi baadaye, baadhi ya Mafarisayo vekalita na kum-baya, "So na uhaka i-i kwaite Herode edumu kukuga-a." ³²Yesu ekaba, "Soni mzembaya hu ikala, 'Wesia nitauguluti m'pepo na kubo-i u-utijaji wa-i na lheenu, na i-aze la kakai ninetimija ilengo gho. ³³He hali yoyose, ni muhimu kwa mburi gho kuendelea wa-i na lheenu, na i-aze lidosiye, kwaite teidumuika kumga-a mlotezi uda na yerusalemu.³⁴Yerusalemu,Yerusalemu, niji evaga-a valotezi na kuvama masaheru hu vesughaiwe hakaghu. Kagi kame nidumuye kuvatutanya va-inyi kaghu sahu nkweno ishushutija vusio ku-u di he mabawa ku-u, mira temlidumuye ya. ³⁵Wesia, minda ke yaarowe. Na ani nimubaya, tem-muru kuniaho hata mkuneba, Ebarikiwe ka enelita kwa ilhe la Dilao."'

¹Yeelianye i-aze la sabato, eekuso ang'a he muwe va giru va Mafarisayo ku-a mikate, navo veekumchunguza kwa sina. ²Wesia, too mbele ku-u eekwaye mhe ambaye enyamarishwa ni heyahiye. ³Yesu ekalhaasu vataalamu he sheria ja vayahudi na Mafarisayo, "He ni halali kum-uti i-aze la sabato kana sicho?"⁴mira vo veekwaye chi, Kwato, Yesu ekamdara, ekam-uti na kumro aso ku-u. ⁵Nau ekavabaya, "Ni ji he kune ambaye elo m-inyi kana wa inebuu he kisima i-aze la sabato esika mhuru gana kagi kawe?" ⁶Vo teveelo umuruisho wa kugu ilandulo la mburi ka.⁷Too Yesu areile hucho hu verarikwe ite vaasaghura vikire vya heshima, ekavabaya mfano, ekuvaba, ⁸"Too mkunerarikwa ni mhe he harusi, msizokodi he nafasi ja heshima, kwaite imuruika erarikwe mhe ni mheshimiwasha kutaho ari. ⁹Too mhe evararike kune vanu ekuhe, enekubaya ari, "Mhakanye mhe ya nafasi ke," na halafu kwa susune utavoka kudori nafasi ya mwisho.¹⁰mira ari ukune rarikwa, so uzezokodi hodi ha mwisho, nesa too hu ekurarike ekulita, amuru kukubaya ari, 'Msaho, so mbele sha."Niho unekwa waaheshimiwa mbele ja vakabuna vezokodiye hawe he meza. ¹¹Kwaite kila enekukuturu enedimiriwe, na hu ekudimiri enekuturuwe.¹²Yesu naho ekam-baya mhe emrarike, 'Ukugu viaghu vya chakako kana vya chamagheri, usivararike vasaho ke kana vabahu ke kana jamaa ke kana vahe vasina ke vazuri, nesa ite vo vaseeza kukurarika ari ukaowe mariho.¹³badala kuu, ukubo-i kinyemi, vararike vahuye, virema,viwete na vipofu, ¹⁴na ari unebarikiwa, kwaite tevemuru kukulhanu. Kwaite unelhanuwe he ufufuo wa velo haki."¹⁵Wakati muwe he hu vezokodie he meza hawe ne yesu areako ka, nau ekambaya, "Ebarikiwe hu ene-a mkate he udilao wa Kiumbi!" Mira ekam-baya, ¹⁶"Mhe muwe eandae kinyemi kigiru, ekararika vahe vakumure. ¹⁷Too kinyemi chirekwa tayari, ekamsugha mnyamalo ku-u kuvabaya hu verarikwe, 'Litani, kwaite vigi vikabuna vaaheja kukewe pere.'¹⁸Vakabuna vekavoka kuombeja radhi. Wa bosi ekam-baya mnyamalo, 'naawe mbuva, nidumuwe niso kuiavua. Tafadhali unisamehe.' ¹⁹Na mhali ekaba, '' Naawe jozi koi ja wa, na ani niso kwaa jighesha. tafadhali uniwie raadhi,' ²⁰Na mhe mhali ekaba, 'Naadori mlage, kwato simuru kulita.'²¹mnyamalo ekakirii na ekam-baya dilao ku-u mburi ka. Hu mzalo minda ekasanuiwa ekam-baya mnyamalo ku-u, 'So fia mitaani na he vichochoro vya muang'a uzevagera i-i vahuye, virema,vipofu na valemavu." ²²Mnyamalo ekaba, 'Dilao, kayo uyoe yaaheja kubo-iika, na hata waijiji hecheri lo nafasi.'²³Dilao ekam-baya mnyamalo, 'So he kwalhi giru na vichochoro na uvakengereje vahe vabuu, nesa minda gho ihu. ²⁴kwaite nimubaya, he hu verarikwe va bosi tehelo enegali kinyemi gho.'²⁵Iji umati mkumure ukakwa uso hawe na-u, nau ekageuka na ekavabaya, ²⁶Kai mhe ekulita hagho na-u temsanuiwa aba ku-u,lage ku-u, mlage ku-u, va-inyi ku-u, vabahu ku-uva kiagiru na vakilage- ee, na hata kuhema ku-u naho- temuru kukwa mhina gho. ²⁷Mhe ekusaadori msalaba ku-u na kulita mzungure gho temuru kukwa mhina gho.²⁸Kwaite niji he kune, ambaye etamani kukwa mnara esikazokodi ini atare gharama ja mahesabu kai elo hu chidumuwe nesa kufiriti ka? ²⁹Kai sicho, baada ya kukwa msingi na kukwahawe kufiriti ka?, vakabuna veahoye venevoka kumdhihaki, ³⁰vekuba, mhe ya evokiye kukwa, ekakwa telo nguvu ja kufiriti.'³¹Kana dilao mina, ekudumu kuso kwaa maana na dilao mhali he vita, ambaye tekazokodi ini na kudori ushauri ite enemuru, hawe na vahe elfu ikado kumaiana na dilao mhali enelita ana ku-u na vahe elfu mirongo minuu? ³²Na sicho, too ijeshi la vahali licheri ata uda, etasugha balozi kudumu masharti ya m'polele. ³³Kwato iji, wowose he kune ambaye esikaro vikabuna elo na vyo, tekamuru kukwa mhina gho.³⁴Mnaro ni mkulho, mira kai mnaro waalahati kulhamu ku-u, ni namna mina inemuru kukwa mnaro wa? ³⁵Teulo matumizi he mpulhe kana neri mbolea. ni kubibiwe uda. Ka elo malama ya kuko, akoiye."

¹Iji vezadara ushuru vakabuna na vahali velo makusa veemlitiye Yesu na kumsikija. ²Mafarisayo vakabuna na vaandishi vekanung'urika vekuba, "Mhe ya evakaribisha velo makusa na hata ku-a navo."³Yesu ekayo mfano ya hakini, ekuba ⁴"Niji hakaghu, kai elo ma-alu igana iwe na ekalahatiiwa ni iwe ku-u, esikaaro hu mirongo kenda na kenda ngweza, na kuso azelidaa hu lilahaye mpaka aliaho? ⁵Na-u araaheja kuliaho elike he kituro ku-u na kulhamuiwa.⁶Ekuhe he minda, evase vasaho ku-u na vasina ku-u ekavabaya lhamuiwani hawe na ani, kwaite naaliaho ialu gho leelahaye.' ⁷Nimubaya tooto henekwa na kinyemi mbinguni kwa mburi elo makusa muwe ekutubu, kutaho velo haki mirongo kenda na kenda vesilo haja ya kutubu.⁸kana helo mlage mina elo sarafu ikado ja magwala, ekulahati-iwa ni sarafu we, esika kati taa na na kulhalhami minda na kuidaa kwa bidii mpaka ekune iaho? ⁹Na ekuheja kuiaho evase vasaho ku-una va sina ku-u ekavabaya lhamuiwani hawe na ani, kwaite naiaho wa kahali sarafu gho neilhahatiye. ¹⁰Hata to nimubaya helo kinyemi mbele ja malaika va Kiumbi kwa mburi ya elo makusa muwe ekutubu.¹¹Ne Yesu ekaba, "Mhe muwe eelo na vainyi vanu, ¹²hu mgitutu ekam-baya abaghe, Aba nioye hodi ya mari gho initara kupata. Kwato ekaka-anya mari ku-u he vo.¹³Ma-aze si makumure hu mgitutu ekatutanya vikabuna vimtara ekaso he idi la uda, na are ekatapanya magwala ku-u, he kuwe vigi esilo na nyamalo navyo, na kutapanya magwala ku-u kwa anasa. ¹⁴Na-u areaheja kujifiriti kabuna kela giru ikabuu hehu idi nau ekavoka kukwa he kudumu.¹⁵Ekaso na ekazaowe nyamalo he muwe wa raia wa hu idi, nau ekamtii he mbuva ku-u kupasi gu-a. ¹⁶Na ekwa hekudumu kukuija he makanda yo veaye gu-a kwaite tehelo mhe em-oye kigi chochose cha ku-a.¹⁷Ila hu m-inyi mgitutu areahula he swaho ku-u, ekaba 'ni vanyamalo vame vakwe aba gho ve-a viaghu vikumure vya kutosha na ani niata i-i, niga na kela! ¹⁸Ninehaka na kuso hakwe aba gho, na ninem-baya, "Aba naa-oni are ana mbinguni na mbele ja ma-ila ke. ¹⁹Sidumuwe kusewe m-inyi ke kahali; nibo-i sa muwe wa vanyamalo ke."²⁰Niho ekahaka ekaso he aba ku-u. Eericheri bado ata uda aba ku-u ekamuaho ekamwahoya mbazi ekaso kumuuguluya na ekamkumbatia na ekam-ma ibusu. ²¹Hu m-inyi ekam-baya, 'Aba naaoni are ana mbinguni na mbele ya ma-ila ke sidumuwe kusewe m-inyi ke.'²²hu aba ekavabaya vanyamalo ku-u, 'Gerani fia gomae ekulho, mumoroije, m-oroijeni na m'pete he kisatu na viratu he masame. ²³Halafu gerani hu hara iginiye mzeichinja tua tulhamuiwe. ²⁴Kwaite m-inyi gho eegaye nau aeata mzime. Ekwaye elahaye na-u a-ahoikira, vekavoka kushangilia.²⁵Basi hu m-inyi eata he mbuva. Ata eekulita na kuhe sina na minda ekakoiya sauti ja nyimbo na michezo. ²⁶Ekase mnyamalo muwe ekamlhaasu mburi ya maana ku-u ni ahoni? ²⁷Mnyamalo ekambaya, mgitutu ke aalita ne aba ke aachinja hara iginiye kwaite aakirii mzime.'²⁸M-inyi mgiru ekasanuiwa ekalhi kubuu minda na aba ku-u ekali gana kumsemba. ²⁹Mira ekamlandula aba ku-u ekuba, 'Wesia ani naakunyamarikia miko mikumure, neri siroe kukuko amri ke, mira tunioye kulele ya afa, nesa nimuru kusa kinyemi na vasaho gho. ³⁰Mira arelita ya m-inyi ke etapanye mari ke kabuna hawe na makahaba waamchinjiya hara iginiye.³¹Aba ekam-baya, 'M-inyi gho, ari uata hawe na ani ma-aze kabuna na vikabuna nilo navyo ni vike. ³²Mira cheekwaye kikulho hakanu kubo-i kinyemi na kulhamuiwa, ya m-bahu ke eegaye, na iji aeta mzime, eekwaye elahaye nau a-ahoika."

¹Yesu ekavabaya vahina ku-u, "Heelo mhe muwe mzuri e-ekwaye meneja, na ekabawe ite meneja ya etapanya mari ku-u. ²Kwato mzuri ekamse, ekam-baya, "Ni kiahoni ya cho niko chikutara? Gu hesabu ja umeneja ke, ake tukamuru kukwa meneja kahali.'³Hu meneja ekayo he swaho ku-u, Nibo-i kiahoni, ake dilao gho anika-aya nyamalo gho ya umeneja? Silo nguvu ja kukuru, na kuombeja niko susune. ⁴Nireile lo ninebo-i nesa nikune ka-awe he nyamalo gho ya uwakili vahe vanikaribishe ang'a kini.⁵Kwato wakili ekavase vadeni va dilao ku-u kila muwe ekam-baya ini, "udaiwa kiasi mina ni dilao gho? ⁶Ekaba vipimo igana iwe vya malhoma ekam-baya' dori hati ke zokodi fia andika andika mirongo mikoi.' ⁷Halafu ekam-baya mhali na ari udaiwa kiasi mina?' ekaba 'vipmo igana iwe vya mdufu wa ngano.' Ekam-ba 'dori hati ke andika mirongo mnane.'⁸Hu dilao ekamtogola meneja dhalimu kwa hucho ebo-iye kwa werevu. Kwaite va-inyi va ulimwengu ya ni vaerevu kumure na kunyamarika kwa ujanja na vahe va bwa kini kutaho cho vekwaye va-inyi va nuru. ⁹Na ani nimubaya kubo-iyeni vasaho kwa mari ja udhalimu ili ikunebeniika vavakaribishe he makao ya milele.¹⁰E mwaminifu he chikwaye kigitutu sha ekwa mwaminifu hehu kigiru nacho. Na emdhalimu he igitutu ekwa mdhalimu hehu igiru naho. ¹¹Kai kune temkwa vaaminifu he mari ya udhalimu ni jienemuamini he mari ya kweri? ¹²Na kai temkwae vaaminifu he kutumia mari ya mhe mhali na niji enemuo ye kaghu venye?¹³Tehelo mnyamalo emuru kunyamrikia madilao vanu, ake enemsanuiya muwe na kumdumu mhali, kana enedaraiyana na ya na kumfwa ya. Temkamuru kunyamarikia Kiumbi na mari."¹⁴Basi Mafarisayo, hu veekudumu magwala vekayakoiya ya makabuna vekamtera. ¹⁵Na ekavabaya, "Kune nikune mdumu haki mbele ja vanadamu, mira Kiumbi eji-iliye swaho kaghu. Kwaite litogolwe ni vanadamu likwaa lisanuiwa mbele ja Kiumbi.¹⁶Sheria na valotezi vyeereata mpaka yohana arealita. Tangu wakati ka, mburi kulho ja udila wa Kiumbi ubirikirwa, na kila mhe eghesha kukubutija kwa nguvu. ¹⁷Mira ni rahisi he mbingu na idi vilaha kutaho neri herufi we ya sheria iazaghane.¹⁸Kila emro mlage ku-u na kudori mlage mhali aazini, na-u emdori ka eroiwe ni mwagiru ezini.¹⁹heelo mhe muwe mzuri eoroye gomae ja rangi ya zambarau na kitani kikulho na eekwaye elhamuiwa kila i-aze uzuri ku-u mkumure. ²⁰Na mhuye muwe ilhe ku-u Lazaro eekeiwe he luhige ku-u, na elo vionda. ²¹Na-u ekutadumu kukutiwe na makombo ye lhuye he meza yahu mzuri niho madiye yekalita kumsona vionda ku-u.²²Ikakwa hu mhuye ekaga na ekadoriwe ni malaika mpaka hi kifua chakwe Ibrahimu. Hu mzuri na-u ekaga ekajikwa. ²³Na twai kujimu eata he manyamarisho ekayaka-a ma-ila ku-u ekamuaho Ibrahimu kwa uda ne Lazaro he kifua ku-u.²⁴Ekazo ekaba, 'Aba Ibrahimu, nikoye mbazi umsugha lazaro abutu incha ya kisatu ku-u he ma-i, aulhamuije luanda gho; kwaite ninyamarishwa he mwalha ya.²⁵mira Ibrahimu ekaba, 'M-inyi gho hulha ite he kuhema ke weedoriye mburi ke kulho, ne Lazaro nau eepatiye makusa. Mira iji eata i-i etafarijiwa na ari utahiriwe. ²⁶Na kutaho ka., hekeiwe ishimo igiru na ieza hasi kanu, nesa hu vedumu kuli ilai kuso hakaghu wasimuru neri vahe va hakaghu vasitaho kulita hakanu.²⁷Hu mzuri ekaba, 'nikusemba Aba Ibrahimu, ite umsugha ang'a hakwe aba mgho ²⁸kwaite nilo vabahu vakoi nesa avakanye, kwa futo ite navo venelita hodi i-i ha manyamarisho.²⁹Mira Ibrahimu ekaba, 'Velo Musa na valotezi. Vaaro vavasikije vo. ³⁰Hu mzuri, ekaba, 'Hai, Aba Ibrahimu, mira kai ekuvasoya mhe eliye ha vegaye venetubu.' Mira Ibrahimu ekam-baya, ³¹'Mira Ibrahimu ekam-baya, 'Vekusaa-vakoMusa na valotezi tevekashaishike hata ekufufuka ha vegaye.

¹Yesu ekavaba vahina ku-u, "mburi jimuru kum-boi mhe ekabo-i makusa teyelo budi kulijanya, mira ole ku-u mhe esababisha! ²Cheseekwaye keba kai mhe ka eteoroiwa isaheru liyahiisha la kushaghia hewaka na kubibiwe baharini, kutaho kum-boi muwe wa ya vagitutu abo-i makusa.³Kuwesieni. kai m-bahu ke ekukukose mkanye, na-u ekuvoteka mvoteshe. ⁴Kai ekukukosea kagi saba he i-aze iwe na kagi sab ekalita hake ekuba, 'Naavoteka,' mvoteshe!"⁵Mitume ku-u vekam-ba Dilao, "Tususu imani kanu." Dilao ekaba, ⁶"Kai mweelo na imani sa m'puluzi ya haradari, mseemuru kuubaya mhatu ya wa mkuyu, 'ng'ofuka na uzelheeru he bahari,' nawo weseeko.⁷Mira niji he kune, ambaye elo mnyamalo ekuru mbuva kana ezeu ma-alu, enem-baya ekunekirii he mbuva, 'Lita fia na uzokodi u-a vi-aghu? ⁸He tekam-baye, 'nikeye viaghu nia, na uku-oro na uninyamarikie mpaka nikunefi ku-a na kuwaha. Baada ya ata une-a na kuwaha.?⁹Teka mshukuru mnyamalo ka kwaite a-atimija huyonesughaiwe? ¹⁰Watoo to kune mwaraaheja kubo-ivyo msughaiwe muba 'Nne tu vanyamalo tusistahi. Tuboiye bi hucho tudumuiwe kubo-i.'¹¹yeelijanye ite ataekubari kuso Yerusalemu, ekataho mpakani ha Samaria na Galilaya. ¹²Areakwa ebuu he kijiji kiwe, are ekahe na vahe ikado veelo ukoma, vekau-ma uda ¹³vekabirikira kwa sauti vekuba "Yesu, Dilao tukoye mbazi."¹⁴Areavaaho ekavabaya, "Soni mzekuaija he giru va kirurumo." navo vareakwa veso vekatakasika. ¹⁵Muwe kini areaho ite a-a-u , ekakirii kwa sauti giru ekumtogola Kiumbi. ¹⁶Ekakoma mamuro he masame ya kwe Yesu ekamshukuru u eekwaye msamaria.¹⁷Yesu ekalandula, ekaba, "He tevetakasike vakabuna ikado? Veata le vahali kenda? ¹⁸Tehelo neri muwe eahoike kukirii nesa kumtogola kiumbi, mira ya mgalho?" ¹⁹Ekam-baya, "ka na usoke imani ke yaaku-uti."²⁰Arealhasuwe niMafarisayo udilao wa Kiumbi unelita ami, Yesu ekavalandula ekuba, "Udilao wa Kiumbi si kigi ambacho chimuru kuahoikana. ²¹Neri vahe tevekaba, "Wesia i-i!' kana, 'Wesia twai!' kwaite udilao wa Kiumbi uata za kaghu.²²Yesu ekavabayavahijna ku-u, "Wakati unezaahe ambaho mnedumu kuiaho we ya ma-aze ya m-inyi wakwe Adamu, mira temkaiaho. ²³Venemubaya, 'Wesiani, twai! Wesiani, i-i' Mira msiso kuawesia, neri kuvadosa, ²⁴sa lumeme lwa radi umurika he ianga kuvokia bwa muwe mpaka bwa mhali. Kwato hata m-inyi wakwe Adamu enekwa to he i-aze ku-u.²⁵Mira ini inemdumu kunyamarika he mburi kumure na kulhiiwe ni kizazi ya. ²⁶Sa cho cheekwaye he ma-aze yakwe nuhu, nicho chinekwa, he ma-aze ya m-inyi wakwe Adamu. ²⁷Veka-a, vekawaha, vekudori na kudoriwe mpaka hu i-aze ambalo Nuhu arebuu he safina na gharika ikalita na kuvaangamija vakabuna.²⁸Nicho cheekwaye he ma-aze yakwe lutu, vee-aye, kuwaha, vekuwe na kudi, kukuru na kukwa. ²⁹Mira i-aze hu Lutu areahaka sodoma, ikasi mare ya mwalha na kibiriti kuli mbinguni ikavaangamija vakabuna.³⁰Ka nicho chinekwa i-aze hu la M-inyi wakwe Adamu ekuneghubulwa. ³¹I-aze ka, usimroe eata he mi-a ya minda adimi kudori vigi ku-u za he minda. na useemro eata hembuva kukirii ang'a.³²Mhulha mlage wakwe Lutu. ³³Wowose eneghesha kuyaokoa maisha ku-u eneya lahati, mira wowose eneya lahati maisha ku-u eneyaokoa.³⁴nakubaya, kiama ka henekwa na vahe vanu he lusazi luwe. muwe enedoriwe, na mhali eneroowe. ³⁵Henekwa na valage vanu veshagha nafaka hawe, muwe enedoriwe na mhali enerowe."³⁷Vekamlhaasu, "Le, kiumbi?" Ekam-baya, "Too helo chigaye, niho tai jikusanyika kwa hawe."

¹Halafu ekavabaya mfano wa namna cho vedumuwe kutasa daima, na vasiga swaho. ²Ekaba, "Heelo hakimu he mwang'a fulani, ambaye teekumuogo9ha kiumbi na kuvaheshimu vahe.³Heelo na mjane he ijiji ka, na-u ekamsoya kagi kakumure, ekum-ba, Nilhaari kupata haki heya mnkuru gjho,' ⁴He muda mueza teeata tayari kumlhaari, mira baada ya muda ekayo he swaho ku-u, Hata kai ani simwogoha Kiumbi kana kumheshimu mhe, ⁵mira kwa hucho ya mjane eninyamarisha ninemlha-ari kupata haki ku-u, nesa asee nikwahari kwa kunilitiya kagi kwa kagi."⁶Halafu Dilao ekaba, "Sikija cho eyoe ka hakimu dhalimu. ⁷He Kiumbi nau tekagera haki he hu evasaghure ambao vemzoya chakako na ki-ama? He, u tekakwa mgumiriji hakini? ⁸Nimubaya ite enegera haki hevo fia. Mira too m-inyi wakwe Adamu ekunelita, he, eneheya imani he dunia?'⁹Niho ekavabaya mfano ya he baadhi ya vahe ambavo vekuaho venye ite velo haki na kuvafwa vahe vahali, ¹⁰Vahe vanu veekutuye kuso he hekalu kwaatasa: muwe mfarisayo mhali ni mzadara ushuru.¹¹Farisayo ekauma ekatasa mburi ya ana ku-u mwenye, 'Kiumbi, nikushukurukwahucho ani si sa vahe vahali ambavo ni vagwalo, vahe vesi vaadilifu, vazinzi, kana sa ya mzadara ushuru. ¹²Nilhaati kagi kanu kira wiki. Nigu zaka he mapato kabuna nipata.¹³Mira hu mzadara ushuru, ekauma uda, neri temuruye kuka-a ma-ila ku-u mbinguni, ekakonta kifua ku-u ekuba, 'Kiumbi. nirehemu ani nilo makusa.' ¹⁴Namubayani, mhe ya ekiriiye ang'a ekukwa etariiwe haki kutaho hu mhali, kwaite kila ekukuturu enedimiriwe, mira kila mhe enejinyenyekeja enekuturuwe.'¹⁵Vahe veemgerie va-inyi kini vagitutu, nesa amuru kuvadoa, mira vahina ku-u vareaho to, vekavalhiija. ¹⁶Mira Yesu ekavase haku-u ekuba, "varoni va-inyi vagitutuvalita hagho, neri msivakiondije. Ake udilao wa Kiumbi ni wa vahe sa vo. ¹⁷Amini, nimubaya, mhe wowose esiudoria udilao wa Kiumbi sa m-inyi ni dhahiri tekaubuu.¹⁸Mtawala muwe ekamlhaasu, ekuba, 'Mhinizi mkulho, nibo-i kiahoni nesa niupale uzime wa milele?' ¹⁹Yesu ekam-baya, 'Kwaahoni unise mkulho? Tehelo mhe emkulho, mira Kiumbi bi. ²⁰Ureji-ile amri-useezini,useega-a, useegwa, useeshuhudia mongo, vaheshimu aba ke ne lage ke. hu mtawala ekaba, ²¹'Mburi ya kabuna nijidaraishe kuvokia neecheri kijana.'²²Yesu areako kayo ekam-baya, "Waapungukiwa ni kigi kiwe. udumuwe udi vikabuna ulonavyo na uvakakaye vahuye, na ari unekwa na hazina mbinguni- halafu lita, unidose. ²³Mira mzuri areako kayo, ekanughurika sha, kwaite nee mzuri sha.²⁴Halafu yesu ekamwaho cho enughurike sha ekaba, "Ni namna mina chinekwa kikuji he mzuri kubuu he Udilao wa Kiumbi! ²⁵Ake ni rahisi sha he ngamia kutaho he itundu la singano, kutaho he mzuri kubuu he udilao wa Kiumbi.'²⁶hu vekoye kayo, vekaba, 'Niji iji enemuru kuokolewa?' ²⁷Yesu ekalandula, 'Mburi jisizamuruika he vanadamu ha Kiumbi jizamuruika."²⁸Petro ekaba, 'Eee, nne twaaro kila kigi na twaakudosa ari.' ²⁹Halafu yesu ekam-ba, Amini, nimubayani ite tehelo mhe eroye minda, kana mlage, kana bahu, kana vazazi, kana va-inyi kwa ajili ya udilao wa Kiumbi, ³⁰ambaye tekadoriye makumure sha he ulimwengu ya, na he ulimwengu ulitiye, uzime wa milele.³¹Baada ya kuvatutanya hu ikado na vanu, ekavabaya, 'Wesia, tutakutu kuso Yerusalemu,na mburi kabuna ambajo jigondiwe ni valotezi kumtara M-inyi wakwe Adamu yenetimijwa. ³²Kwaite enebutuwe he miheregha ya vahe va Mataifa na eneboiwa matero na jeuri na kubusuiwa mapae. ³³Baada ya kuchapa ndate venemga-a na i-aze la kakai enefufuka.'³⁴Teveyjielewe mburi ya, na mburi ya yeekwaye imatuiwe hakini, na teveji-iliye mburi jiyoiwe.³⁵Ireakwa yesu arehe sina na yeriko, mhe muwe kipofu ekwaye ezokodiye kakera ya balabala ekuombeja kulha-ariwe, ³⁶areako umati va vahe ukutaho ekalhaasu ni kiahoni chilijanya. ³⁷Vekam-baya ite Yesu wa-are nazareti etaho.³⁸kwato hu kipofu ekazo kwa sauti, ekuba, 'Yesu, M-inyi wakwe Daudi, unirehemu. ³⁹Hu veekudaha vekam-joghoya ka kipofu, vekam-baya ata-a. Mira u ekazika kuzo kwa sauti, 'm-inyi wakwe Daudi, unirehemu.⁴⁰Yesu eka-uma ekaba hu mhe ati-iwe haku-u. Halafu hu kipofu arehe sina, Yesu ekam-lhaasu, ⁴¹'udumu nikubo-iye ahoni?" Ekaba, "Dilao, nidumu kuaho."⁴²yesu ekam-baya, 'uaho kuaho. Imani ke yaaku-uti.' ⁴³Kagi hu ekapata kuaho, ekamdosa yesu ekumtogola Kiumbi. Vareaho ya vahe vakabuna vekamtogola Kiumbi.

¹yesu ekabuu na kutaho hasihasi ya Yeriko. ²Na ata heelo mhe muwe eeseiwe Zakayo. Nee mgiru wa vezadara ushuru kahali mhe mzuri.³Eekuta ghesha kumwaho Yesu ni mhe wa namna mina, mira temuruye kuaho kwa mburi ya umati wa vahe, ake nee mfuhi kwa ueza. ⁴Kwato, eka-ka-e kwa kuugulu mbele ja vahe, ekakutu ana he mkuyu nesa amuru kumuaho, Kwaite yesu eata sina kutaho kwalhi kayo.⁵Too Yesu areahe too hodi, ekawesia ana ekam-baya, 'Zakayo, dimi fia, ake wa-i ni lazima nilhaha ang'a ke.' ⁶Ekabo-i fia, ekadimi na ekamkaribisha kwa kinyemi. ⁷Vahe kabuna vareaho kayo, vekadungurika, vekuba, 'Aaso kwaa muavurira mhe elo makusa.'⁸Zakayo eka-uma ekam-baya Dilao, wesia Dilao nusu ya mari gho nivao vahuye, na kai naamla mhe wowose kigi, ninemkiritiya kagi kahai. ⁹Yesu ekam-baya, 'Wai wokovu waahe he minda ya, Kwaite u na-u ni m-inyi wakwe Ibrahimu. ¹⁰Kwaite m-inyi wa mhe elitiye kudaa na kuokoa vahe velahaye.'¹¹Vareako kayo, ekaendelea kuyo na ekagu mfano, Kwaite eata sina na Yerusalemu, na vo veebaye ite udilao wa Kiumbi weeata sina kuahoika kagi kawe. ¹²Kwato ekavabaya, 'Ofisa muwe eesoye idi la uda ili adorie udilao na halafu akirii.¹³Ekavase vanyamalo ku-u ikado, ekava-o mafungu ikado, ekavaba, 'Bo-ini uchuluji mpaka nikune lita. ¹⁴Mira vananchi ku-u vekamsanuiya na kwato vekasugha vajumbe vaso kumdosa na kum-ba. tetudumu mhe atutawale.' ¹⁵Ikakwa areakirii ang'a baada ya kubo-iwe dilao, ekaamuru hu vanyamalo vo eevaroye magwala vasewe haku-u, amuru kuile faida mina veipatiye kwa kuboi uchuluji.¹⁶Wa bosi ekalita, ekaba, ifungu ke laaboi mafungu ikado mahali.' ¹⁷Ka ofisa ekam-baya, Kikulho, mnyamalo mkulho. Kwaite weekwaye mwaminifu he mburi gitutu, unekwa na kisatu ana ya mianga ikado.¹⁸Wa kanu ekalita, 'Dilao, ifungu ke laabo-i mafungu makoi.' ¹⁹Ka Afisa ekam-baya, ' Dori kisatu ana he miang'a mikoi.'²⁰Na mhali ekalita, ekaba, 'Dilao ya i-i magwala ke, ambayo neejikeye hakulho he kitambaa, ²¹Kwaite neeteogoha ake ari umhe mkai. Uka-a hu cho usichikee na kuluka usichilhaye.'²²Ka Ofisa ekam-baya, 'Kwa mburi ke mwenye, ninekupa-aya, kukwa mnyamalo mkusa. Wee-iliye ite ani ni mhe mkai, nidori nisichikeye na kuluka nisichilhaye. ²³Iji mbona tukeye magwala gho he benki, nesa nikukirii niidori hawe na faida?²⁴Ofisa ekam-baya vahe veekwaye veumaye ata, 'mlani ka ifungu na kum-o hu elo mafungu ikado.' ²⁵Vekam-baya, 'Dilao, u elo mafungu ikado.'²⁶nimubaya, kila mhe elo nacho eneowe kutaho, mira hu esilo, hata hucho elo nacho chinedoriwe. ²⁷Mira ya vankuru gho, ambavyo tevedumuye nikwa Dilao kini, vagerani i-i na kuvaga-a mbele gho."²⁸Baada ya kuyo ka, ekaso mbele ekukutu kuso yerusalemu.²⁹Ireakwa aahe sina na bethania, sina na Lungori lwa Mizeituni, ekavasugha vahina ku-u vanu, ³⁰ekuba: 'Soni he kijiji cha sina. mkubuu, mneheya hara ya m'punda teina pakiwa. Igeni, mzeigera hagho. ³¹Kai mhe ekumulhaasu, 'mbona muige? Bani, "Dilao eidumu."³²Hu veesughaiwe vekaso kuaho hara ya m'punda se yesu cho eevabaye. ³³Ataveekuige hara ya m'punda mwenye m'punda ekavaba, 'Kwa ahoni mge hara ya m'punda ya? ³⁴Vekaba 'Dilao eidumu. ³⁵Iji, vekamti-iya Yesu, vekanangha gomae kini ana he m'punda na vekampakija yesu ana ku-u. ³⁶Areakwa eso vahe vekanagha gomae kini he balabala.³⁷Areakwa edimi lungori lwa mizeituni, jumuiya kabuna ya vahina vekavoka kushangilia na kumtogola Kiumbi kwa sauti giru, kwaite mburi giru vaajiaho. ³⁸vekuba, 'Ni-u mbarikiwa Dilao elita kwa ilhe la Dilao! M'polele mbinguni na utukufu ukwa ana!.³⁹Baadhi ya Mafarisayo he mtutanyiko vekam-baya, Mhinizi, vata-aije vahina ke. ' ⁴⁰Yesu ekalandula, ekuba, 'Namubayani, kai ya vekuta-a, masaheru yenepaza sauti.⁴¹Yesu areuheya mwanga ekauzoya, ⁴²ekuba, kai we-eiliye hata ari, he i-aze ya mburi ambajo jinekugeriya m'polele! Mira iji yaamatuwe he ma-ila ke.⁴³Kwaite ma-aze elitiye ambaho vankuru ke venekwa iboma sina na ari, kukujunguluka, na kukukandamija kuli kila bwa. ⁴⁴Venekulhuku di ari na va-inyi ke. Tevekakuroye neri isaheru iwe ana ya ihali, Kwaite teveiliye wakati Kiumbi ereakwa eghesha kukuokoa'.⁴⁵Yesu ekabuu Hekaluni, ekavoka kuvauguluti hu veekudi, ⁴⁶ekuvabaya, "igondiwe, 'Minda ho inekwa minda ya mitaso,' mira kune mwaibo-i kukwa m'panga ya vagwalo".⁴⁷Kwato, Yesu ekuhinija kila i-aze hekaluni. Vagiru va kirurumo na vahinizi va sheria na viongozi va vahe veedumuye kumg-a, ⁴⁸mira tevemuruye kuaho kwalhi ya kubo-i to, ake vahe kabuna veekumsikija kwa makini.

¹Ikakwa i-aze iwe, Yesu eekuhiniza vahe Hekaluni na kubirikira Injili, vagiru va kirurumo na vahinizi va sheria vekamsoya hawe na vazee. ²Vekayoijana, vekum-baya, 'Tubaye ni kwa kisatu mina ubo-i mburi ya? kana ni ji ka ambaye ekuoye kisatu ya?"³Na-u ekalandula, ekavabaya, ' Na ananinemulhaasu mburi. Nibayeni ⁴ubatijo wakwe Yohana. He, weeliye mbinguni kana ha vahe?'⁵Mira vekayojana vo kwa vo, vekuba, "Tukuba, 'leliye mbinguni, enetulhaasu, 'Iji kwaahoni tem-muaminiye?' ⁶Na twaraaba; yeeliye ha mwanadamu; vahe kabuna i-i venetuma masaheru, kwaite vakabuna veiliye ite Yohana nee mlotezi.'⁷Iji, vekalandula ite teveiliye yeeliye houliye. ⁸Yesu ekavabaya, "Neri ani sikamubaye kune ni kwa kisatu cha kweji nibo-i mburi ya."⁹Ekavabaya vahe mfano ya, "Mhe muwe eelhaye mbuva ya mizabibu, ekalikodisha he vakurume va mizabibu, na ekaso idi ihali kwa muda mueza. ¹⁰He muda ukeiwe, ekasugha mnyamalo he vakurume va mizabibu, ite vam-o hodi ha matuunda ya mbuva la mizabibu. Mira vakurume va mizabibu vekam-ma, vekamkiriti miheregha bule.¹¹Halafu ekasugha kahali mnyamalo mhali na vo vekam-ma, nakum-boiya vikusa, na kumkiriti miheregha-bule. ¹²Ekasugha kahali vahe vakai na vo vekamhiri na kum-bibi gana.¹³Kwato dilao wa mbuva ekaba, 'Ninesamo? Ninemsugha m-inyi gho mzadumuwe. ¹⁴Hangi venemko.' mira vakurume va mizabibu vareamuaho, vekayoijana vo kwa vo vekuba, 'Ya niu mpaji. Tumga-a, nesa upaji ku-u ukwa mkanu.'¹⁵vekam-gu gana he mbuva ya mizabibu na kumga-a. he dilao wa mbuva enevasa kiahoni? ¹⁶Enelita kuvaangamija vakurume va mizabibu, na eneoti mbuva ka vahali". Navo vareako kayo, vekaba, 'kiumbi aalhi'¹⁷Mira yesu ekavawesia, ekaba, "He iandiko ya lilo maana mina?" isaheru velilhiiye vajenzi, laakwa isaheru la kakera'? ¹⁸Kila mhe enelhu ana ya isaheru kalo, enepuika vibesubesu. mira hu linemlhuya, linemshinta.,¹⁹Kwato vaandishi na vagiru va kirurumo vekadaa kwalhi ya kumdara wakati huu hu, vekaile ite eekuyo mfano ya kuvatara vo. Mira vekako bughu vahe. ²⁰Vekamuwesi-ishisha vekasugha vapelelezi vekuboiye ite ni vahe va haki, nesa vaaho ikosa he miyoire ku-u, nesa vamti-i he vatawala na velo kisatu.²¹Navo vekamlhaasu, vekuba, "Mhinizi, tureile ite uyo na kuhinija mburi ja kweri na si kumkengereja mhe wowose, mira ari uhinija ukweri utara kwalhi ya kiumbi. ²²He, ni halali hakanu kulhanu kodi hakwe Kaisari, kana hai?"²³Mira yesu ekaile mtegho kini, ekavabaya, ²⁴"Niaijani dinari. Vubasa na chapa ya kweji iata ana ku-u?" Vekaba,' "yakwe Kaisari."²⁵Na-u ekavabaya, 'Basi, m-oni Kaisari ye maku-u Kaisari, ne Kiumbi ye maku-u kiumbi.' ²⁶Vaandishi na vagiru va kirurumo teveelo na umuruisho wa kukararija hu eechiyoe mbele ja vahe. vekamawe lundolo kwa malandulo ku-u na tevezeyo chochose.²⁷Baadhi ya Masadukayo, vekamsoya, hu ambavo veba ite tehelo ufunuo, ²⁸vekamlhaasu, vekuba, "mhinizi,musa eetugondiye ite mhe ekugaiwa ni m-bahu elo mlage esilo m-inyi iji edumuwe kumdori mlage wa m-bahu ke na kusa na-e kwa aijili ya kaka ku-u.²⁹Heelo vabahu saba Wa bosi ekadori, ekaga neri kuro m-inyi, ³⁰na wakanu naho. ³¹wa kakai ekamdori watooto wa saba tezero m-inyi niho ekaga. ³²Baadaye hu mlage nau ekaga. ³³He ufufuo enekwa mlage wa kweji? Kwaite vakabuna saba veekwaye veemdoriye.'³⁴Yesu ekam-baya, "Va-inyi va ulimwengu ya vedori na kudoriwe, ³⁵Mira hu vestahili kudoria ufufuo wa vegaye na kubuu uzime wa milele tevedori neri tevedoriwe. ³⁶Neri tevemuru kuga kahali, kwa ite vekwa vetotiye na malaika na ni vainyi va kiumbi, va-inyi va ufufo.³⁷Mira to vegaye veaijwa, hata Musa eaije hodi he mburi ja kashafi. too ekamse Dilao se kiumbi wakwe ibrahimu na kiumbi wakwe isaka na kiumbi wakwe Yakobo. ³⁸Iji, u si Kiumbi wa wavegaye, mira wa verahema, kwa ite vakabuna vehema haku-u.³⁹baadhi ya vahinizi va Sheria vekamlandula, 'Mhinizi, waalandula kikulho.' ⁴⁰Tevegheshije kumlhaasu malhasuisho mahali sha.⁴¹Yesu ekavabaya, "kimomo vahe vetaba ite kristo ni M-inyi wakwe Daudi? ⁴²Kwaite Daudi mwenyebi eyo he Zaburi : Dilao eem-baye Dilao gho: Zokodi mheregha wa kuume, ⁴³mpaka nivake vankuru ke di he masame ke. ⁴⁴Daudi emse kristo "Dilao", iji enekwamo m-inyi wakwe Daudi?"⁴⁵Vahe vakabuna vareakwa vemsikija ekavabaya vahina ku-u, ⁴⁶Kwani chonjo na vaandishi, vedumua kudaha veoroye gomae ndeza, na vedumuye kuholuishwa he kihoja na vikire vya heshima he masinagogi, na hodi ha heshima he vinyemi. ⁴⁷Navo naho vea he minda ja vajane, vekubo-i kutasa mitaso mieza. Ya venedoria mipa-aiye migiru sha.

¹Yesu ekawesia ekavaaho vaagiru vazuri veekuke zawadi kini he hazina. ²Ekamuaho mjane muwe mhuye ekuke senti ku-u nu. ³Kwato ekaba, "Kweri namubayani, ha mjane mhuuye aake vikumure kutaho vahali vakabuna. Ya vakabuna veguye ya zawadi kuli he vikumure kutaho vahali vakabuna. ⁴Ya vakabuna vaguye ya zawadi kuli he vikumure velo navyo. Mira ya mjane, he uhuye ku-u, eguye magwala makabbuna eelo nayo he kuhema ku-u."⁵Too vahali veekurayo ana kutara ihekalu, cho leekwaiye lipambiwe ni masaheru makulho mamiguire, ekaba, ⁶"kwa mburi ya mburi jo muaho, ma-aze elitiye ambayo tehelo Isaheru iwe ambalo lineroowe ana ya Isaheru ihali ambalo telikabomolwe."⁷Kwato vekamlhaasu , vekuba, "Mhinizi, mburi ya jinelianya ami? na nikiahoni chinekwa ishara ite mburi jiata sina kulijanya? ⁸Yesu ekalandula, "Mukwa chonjo ite msitawe. Kwaite vakumure venelita kwa ilhe gho, vekuba, 'Ani niu, na 'Muda waahe sina'. Msivadose. ⁹Mkuko nkuru na kukwe-ekwe msiogohe, kwaite ya mburi lazima jilijanye ini, mira mwisho teunalijanya."¹⁰Halafu ekavabaya, "Itaifa lineka kumaiyana na itaifa ihali, na udilao ana ya udilao mhali. ¹¹Henekwa na mazingizo magiru, na kela na tauni he hodi mbalimbali. henekwa na matukio ya kuogohija na ishara ja kuogohija kuli mbinguni.¹²Mira he cheri mburi ya kabuna, veneke miheregha kini ana kaghu na kumunyarisha,kuvati=i he masinagogi na magereza, kuvati-i mbele ja dilao na velo kisatu kwa mburi ya ilhe gho. ¹³Ya inevalhaya fursa ya ushuhuda kaghu.¹⁴Kwato amuani he swaho kaghu kusaandaa utetezi kaghu heecheri, ¹⁵Kwa ite ninemuo mburi na viugho, ambavyo vankuru kaghu vakabuna tevekamuru kuilhi kana kuikana.¹⁶Mira mnelhiiwe naho na vazazi kaghu, vabahu kaghu, vasina kaghu na vasaho kaghu, na venemuga-a vahali kaghu. ¹⁷Mnesanuwe ni kila muwe kwa mburi ya ilhe gho. ¹⁸mra tehelo neri lualhu muwe wa m-a kaaghu lunealaha. ¹⁹He kugumirija mneji-uti nafsi kaaghu.²⁰Mkuneaho Yerusalemu yaajungulukwa ni majeshi, basi ilani ite kuoniwe ku-u kwaahe sina. ²¹Ata hu veata Yudea vauguluye he lungori, na hu veata hasihasi ya ijiji vahaka, na msivaro veata he vijiji kububuu. ²²Kwaite ya ni ma-aze ya nkuru, nesa ite mburi kabuna yegondiwe yamuru kulijanya.²³Ole hehu veti-iye maso na hu vegoija he ma-aze ka!Kwaite henekwa na manyamarisho makumure he idi, na malhaha he vahe ya. ²⁴Na venelhu kwa ncha ya luhamba na venedoriwe mateka he mataifa makabuna, na Yerusalemu inedahawe ni vahe va mataifa, mpaka too vahe va mataifa ukunekamirika.²⁵Henekwa na ishara he ka-aze, mlhihe na ntondwe. Na he idi henekwa na dhiki ya mataifa, he kuga swaho kuwesiana na mzoire wa bahari na nawimbi. ²⁶Henekwa na vahe vekuzimia kwa futo na he kuwesia mburi jinelijanya he dunia. Kwaite nguvu ja mbingu jinekushwa.²⁷Halafu venemuaho m-inyi wakwe Adamu ekulita he majunde he nguvu na utukufu mgiru. ²⁸Mira mburi ya jikunevoka kulianya, umani, mka-aije mi-a kaaghu, kwaite ukombo kaaghu waashwegha sina."²⁹Yesu ekavabaya kwa mfano, "Uwesieni mtini, na mihatu mikabuna. ³⁰Ikugu mashukizi, mrakuahoya venye na kuile ite kiangazi tayari chiata sina. ³¹Watooto, mkuneaho mburi ya jilijanya, kune ilani ite udilao wa mbinguni waahe sina.³²Kweri namubayani, kizazi ya techikataho, mpaka mburi ya kabuna yekunelijanya. ³³Mbingu na Idi jinetaho, mira mburi gho tejikataho neri.³⁴Mira kuwesieni venye, nesa ite swaho kaghu iseeyahiiwa ni ufisadi, ulevi, na manyamariko ya maisha ya. Kwaite hu iaze linemulitiya fia ³⁵sa mtegho. Kwaite linekwa ana ya kila muwe ehemiye he vubasa vwa dunia ndime.³⁶Mira mkwa sawa wakati wowose, Mtase ite mnekwa imara vya kuagha kuyaugulu ya makabuna yenelijanya, na ku-umambele ja M-inyikwe Adamu."³⁷Kwato wakati wa chakako ekukwa ehinija hekaluni na naama ekali gana, na kuso kuza kesha lungori usewe Mzaituni. ³⁸Vahe vakabuna vekamlitiya chalhenu na mapema nesa kumsikija za ya hekalu.

¹Basi sikunkulu ya Mkate usibuiwe chachu yeekwaye sina, ambayo isewe Pasaka. ²Vagiru va kirurumo na vaandishi vekayoijana namna ya kumga-a Yesu, kwaite veevaogohe vahe.³Shetani ekambuu Yuda Iskariote, muwe wa vahina ikado na vanu. ⁴Yuda ekaso kuyoijana na vagiru va kirurumo na vagiru namna ya cho enemkabizi Yesu hakini⁵vekalhamuiwa, na vekakubaliana kum-o magwala. ⁶U ekadumu, na ekadaa kwali ya kumkabizi hyesu hakini uda na ikundi la vahe.⁷I-aze la mikate isibutuiwe chachu ikahe, niho ia-lu la pasaka lazima liguwe. ⁸Yesu ekavasugha Petro ne Yohana, ekaba, "Soni mzetuandaiya viaghu vya pasakanesa tulita tuchi-a. ⁹Vekamlhaasu, "nile udumu tubo-i ka maandalizi?"¹⁰Ekavalandula, "Sikijani, mmkunekwa mwaabuu he mwang'a, mwagiru ambaye eti-iye sange ya ma-i enehe na kune. Mdoseni mzalo minda huyo enebuu. ¹¹Halafu m-bayeni dilao wa minda, "Mhinizi ekuba, "Chiata le chumba cha vagalho, hodi ambaho nine-a pasaka na vahina gho?"¹²Enemuaija chumba ccha he goroga chiata tayari. bo-ini maandalizi ata." ¹³Kwato vekaso, na kuheeya kila kigi sacho eevabaye. Halafu vekaandaa viaghu. vya Pasaka.¹⁴Muda ureahe ekazokodi na hu mitume. ¹⁵Halafu ekavabaya, "nilo kise kigiru ya ku-a sikunkulu ya ya Pasaka na kune kabla ya masurumijo gho. ¹⁶Kwaite namubayani, sika-a kahali mpaka ikunetimijwa he udilao wa Kiumbi."¹⁷Halafu Yesu ekadori kikombe na areheja kushukuru, ekaba, "Dorini ya na mkakaane kune kwa kune. ¹⁸Kwaite nimubaya, sikawaha kahali mazao ya mzabibu, mpaka udilao wa Kiumbi ukunelita.¹⁹Halafu ekadori mkate, na areheja kushukuru, ekaupa-a, na kuva-o, ekuba, Ya ni msa gho ambao uguiwe kwa ajili kaghu. Bo-ini to kwa kunihulha ani." ²⁰Ekadori kikombe to oto baada ya viaghu vya na ama ekuba, "Kikombe ya ni Iaghano isha he sako gho, ambayo isuike kwa ajili kaghu.²¹Mira wesiani. Hu enisaliti eata hawe na ani he meza. ²²Kwa iteM-inyi wakwe Adamu kwa kweri eso ku-u sacho cheehejije kuyowe. Mira ole ku-u he mhe huambaye kutahoya u m-inyi wakwe adamu enesalitiwa!" ²³Vekalholhosha kulhasuana vo kwa vo, niji he vo ambaye eseabo-i mburi ya.²⁴Halafu hekalijanya malaho hasihasi kini ite niji efanyanywa kukwa mgiru kutaho vakabuna. ²⁵Ekavabaya, "Madilao wa vahe va mataifa velo udilao ana kini, nahu vbelo kisatu ana kini vesewe vaheshimiwa vetawala.²⁶Mira techidumuwe neri kukwa to hakaghu kune. badala ku-u, ro hu ambaye ni mgiru he kune akwa sa mgitutu. na hu ambaye ni wa muhimu sha akwa sa enyamarika. ²⁷Kwaite mhama mgiru, hu ezokodii he meza kana hu enyamarika? He si hu ezokodi he meza? Na ani nicheri ata hasi kaghu sa enyamarika.²⁸Mira kune nivo muendelea kukwa ana ani he maghesho gho. ²⁹Ni muo kune udilao, sa hucho Aba enioye ani udilao, ³⁰Ite mumuru kua na kuwaha he meza gho he udilao gho. Na mnezokodi he vikire vya enzi mkujipa-aya kabila ikado na nu ja Israel.³¹Simoni, Simoni, Ile ite, Shetani aaombeja amupate kune nesa avahete sa ngano. ³²Mira naakuombiya, ite imani ke isiherwe. Baada ya kukwa waakirii kahali, vaimarishe vabahu ke."³³Petro ekam-baya, "Dilao, niata tayari kuso na ari he igereza na hata he kuga." ³⁴Yesu ekalandula, "Nakubaya, Petro, Nkuruve teikazo wai, kabla usinanikana kagi kakai ite uni-iliye."³⁵Halafu Yesu ekavabaya, "Nireamuti-i kune bila mifuko, kiteju cha viaghu, kana viratu, he mweebeniye kigi?" Vekalandula "Tehelo". ³⁶Halafu ekavabaya, "Mira iji, kila elo mfuko, na audori hawe na kiteju cha viaghu. Hu esilo luhamba imdumu adi joho ku-u awe luwe.³⁷Kwaite nimubaya, makabuna yegondiwe yenitara ani lazima yatimijwe,' Kwaite hu chitabiriwe kwa ajili gho chitatimijwa." ³⁸Halafu vekaba, "Dila, Wesia! Ya i-i mahamba manu." na ekavaba "yetosha"³⁹Baada ya viaghu vya na-ama, Yesu ekahaka, sacho eekuboii kagi kakumure, ekaso lungori lwa mizeituni, na vahina vekamdosa. ⁴⁰Varehe, ekavaba, "Tasani ite msibuu he maghesho."⁴¹Ekaso uda na vo sa mbibiisho wa Isaheru, ekakoma mamuro ekatasa, ⁴²ekuba, "Aba, kai udumu, nika-aye kikombe ya ya. mira si sacho nidumu ani, mira choudumu ari chibo-ike.⁴³Halafu malaika kuli mbinguni ekamliyanyija, ekembutu nguvu. ⁴⁴Ekukwa he kugumirija, ekatasa kwa dhati zaidi, na ijasho ku-u likakwa sa madofe ya sako yekulhu di.⁴⁵Too areaka kuli he mitaso ku-u ekalita he vahina, na ekavaheya vegoshishije mburi ya uhuye kini, ⁴⁶na ekavalhaasu, "kwa ahoni mtagosha? Kani mutase, ite mseebuu he maghesho.⁴⁷Too ekucheri yo, wesia, ikundi igiru la vahe likalijanya, ne Yuda, muwe wa mitume ikado na vanu ekavakaeti. Ekalita sina ne Yesu nesa am-ma ibusu, ⁴⁸mira Yesu ekambaya, "Yuda, he utamsaliti M-inyi wakwe Adamu kwa kumbusu?"⁴⁹Too hu veata sina ne Yesu areaho ka yelianye, ekaba, Dilao, he tuvama kwa luhama? ⁵⁰Halafu muwe kini ekam-ma mnyamalo wa mgiru wa kirurumo, ekamte ilama ku-u la kuume. ⁵¹Yesu ekaba, "Yaa ibesha. Na ekadara ilama ku-u, ekam-uti.⁵²Yesu ekayo na mgiru wa Kirurumo, na hevagiru va hekalu, na vazee velitiye kimzungure ku-u, "he mtalita sa ite mlita kukwe na mgwalo, na maboi na mahamba? ⁵³Neata hawe na kune maaze kabuna he ihekalu, temkeye miheregha kaghu hagho. Mira iji ni saa ke, na mamlaka ya kidughu."⁵⁴vekamdara, vekamkaeti, vekagera ang'a hakwe mgiru wa kirurumo. Mira petro ekamdosirija kwa uda. ⁵⁵Baada ya kukwa vaaheti mwalha he hu kivanda wa za na vareheja kuzokodi di hawe, Petro ekazokodi hasihasi kini.⁵⁶Mnyamalo muwe wa kiareta ekamuaho Petro ata hoezokodiye he mwangaza ulianya he mwalha, ekamwesia ekam-baya, "Ya mhe nau eata hawe na-u." ⁵⁷Mira Petro ekalhi, ekaba, ''mlage, ani sim-iliye." ⁵⁸Baada ya muda mbwesu, mhe mhali ekamuaho ekaba, "Ari naho ni muwe kini". Mira Petro ekalandula, "Mwagiru, ani siu."⁵⁹Baada ya kutaho sa isaa iwe to, mwagiru muwe ekayoisha ekaba, "Kweri kabisa ya mhe naho eata hawe na-u. kwaite ni mgalilaya." ⁶⁰Mira Petro ekaba, "Mwagiru, si-iliye cho uyo." Na too to eekuyo, nkuruve ikazo.⁶¹Ekageuka, Dilao ekamuwesia Petro. Ne Petro ekaihulha mburi ya Dilao, too aream-ba, "Nkuruve isinazo wai, unenikana ani kagi kakai." ⁶²Ekaso gana, Petro ekazoisha kwa uchungu mkumure.⁶³Halafu hu vaagiru veekumuwesia Yesu, vekamtera na kum-ma. ⁶⁴Baada ya kumghubika ma-ila, vekamlhaasu, vekuba, "Loteza ! Niji ekumaye? ⁶⁵Vekayo viome vihali vikumure kinyume ne Yesu na kumtera u.⁶⁶Fia ireakwa chalhenu, vazee va vahe vekakuumbika hawe, vagiru va kirurumo na vaandishi. Vekamti-i he ibaraza, ⁶⁷vekuba, "kai ari ni Kristo, tubaye," mira uekavabaya, "Kai nikuvabaya, temkaniamini, ⁶⁸na kai nikumulhaasu temkanilandule."⁶⁹Mira kulholhosha waijiji na kuso, M-milo wakwe Adamu enekwa ezokodie mheregha wa kuume wa nguvu ja Kiumbi." ⁷⁰Vakabuna vekaba, "Kwato ari u M-milo wa Kiumbi?" Ne Yesu ekavaba, ''Kune mwaaba ani ni-u." ⁷¹Vekaba, "Kwa ahoni bado tushinda dumu ushahidi? Kwaite nne venye twaako kuli he m-o ku-i mwenye."

¹Kiame kikabuna kika-uma,, vekamti-i Yesu mbele yakwe Pilato. ²Vekalholhosha kumyoya mongo, vekuba, "Tumhelhaye mhe ya ekulita taifa kanu, kwa kulhiija tuseegu kodi he Kaisari,na ekuba ite u mwenye ni Kristo, Dilao."³Pilato ekamlhaasu, ekuba, "He ari ni Dilao wa Vayahudi?" Ne Yesu ekamlandula ekuba, "Ari waayo to". ⁴Pilato ekam-baya mgiru wa aresi na kiome, "Siaho cho eoniye mhe ya." ⁵Mira vo vekasisitiza, vekuba, "Aakwaa ekuva-azaghanya vahe, ekuhinija he Uyahudi kabuna, kulholhosha, kuvokia Galilaya na iji waijiji eata i-i.⁶Pilato areako ya, ekalhaasu kai mhe ka ni wa Galilaya? ⁷Areaile ite eata di ya kisatu cha kwe Herode, ekamti-i, Yesu hakwe Herode, ambaye eata Yerusalemu he ma-aze ka.⁸Herode aremuaho Yesu, ekalhamuishishwa kwaite eedumuye kwa ma-aze makumure. Ekako mburi ku-u na ekadumu kuaho we ya miujiza ikuboi-iwe ni u. ⁹Herode ekalhaasu Yesu kwa viome vikumure, mira Yesu telandule chochose. ¹⁰Vagiru va aresi hawe ne vaandishi vekauma kwa ukai vekumlaha.¹¹Herode hawe na maaskari ku-u, vekam-olhu na kumtera, na kum-oroti gomae kulho, halafu ekamkliriti yesu hakwe Pilato. ¹²Herode ne Pilato vekakwa vasaho kulholhosha i-aze ka, (Kabla ya ata nee vankuru).¹³Pilato ekavase hawe vagiru va aresi na vatawala na kiome cha vahe, ¹⁴Ekavabaya, "Mnigerie mhe ya sa mhe evasugha vahe vabo-i makusa na wesia, baada ya kukwa naamlhasu mbele kaghu, Siahoye chi-onike he mhe ya chitara mburi khabuna hu kuni mumlaha u.¹⁵Hai, neri Herode, kwaite am-kiriti hakanu., na wesia tehelo chochose echibo-iye chistahili adhabu ya kigato. ¹⁶Kwato iji ninemuazibu na kumlhamaya. ¹⁷(Iji, Pilato edumuiwe kumlhamaya mzaorowe muwe ha vayahudi wakati ya wa sikunkulu.¹⁸mira vakabuna vekama kilondo, vekuba, "Mka-a kaye, na utulhaiye Baraba!" ¹⁹Baraba nee mhe ambaye eekeiwe he igereza kwa mburi ya mioniire he Ijiji na kuga-a.²⁰pilato ekam-baya wa, Ekudumu kumlhamaya Yesu. ²¹Mira vo vekama kilondo, vekuba, "Msurumije, msurumije." ²²Ekavalhaasu kwa kagi ka kakai, "Ni kiahoni, ya mhe eboiye kikusa chikwaemo?²³Mira ekasisitija kwa sauti ya ana, vekudumu asulubiwe. Na sauti kini jikamshawishi Pilato. ²⁴Kwato Pilato akaamua kuvaoya cho vedumu. ²⁵Ekamlhamaya hu veemdumuye ambaye eeoroiwe kwa kugera akwe na kuga-a. Mira ekamgu Yesu sa cho vedumuye vo.²⁶Ata veekumti-i, vekamdara mhe muwe asewe Simoni wa Ukirene, ekuli he idi, vekamtwisha nesa ati-i, ekumdosa Yesu.²⁷Kiome kigiru cha vahe, na valage ambao vehuzunike na kuomboleja kwa mburi ku-uveekura mdosirija. ²⁸Mira ekavawesia, Yesu ekavabaya, Vabora va Yerusalemu, msinizoye ani, mira kuzoiyeni kune venye na kwa mburi ya va-inyi kaaghu.²⁹Wesia, ma-aze elitiye ambajo veneba, "Vebarikiwe vekwae ntasa na maso kini vesisa, na maasemu yesize goija. ³⁰Niho venelholhosha kui-uguluya mingori, "Tulhuyeni," na vungori, "Tughubikeni'. ³¹Kwaite vekuboi mburi ya kai mhatu ni m-ilhe, chinekwamo kai uhalaye?"³²Vaagiru vahali, veoniye vanu, vekati-iwe hawe na-u nesa vaga-awe.³³Vareahe hodi hebawe Ifwara la m-a, niho vekamsurumija hawe na hu vezaoni, muwe bwa wa kuume na mhali bwa wa kumoso. ³⁴Yesu ekaba, "Aba, uvaka-aiye, kwaite teveiliye cho vebo-i. "Navo vekama kura, kukaka gomae ku-u.³⁵Vahe veekwaye ve-umaye vekuwesia ilai vatawala vekum-tera, vekuba, "Eevaokoe vahali. Iji akuokoe mwenye, kai u ni Kristo wa Kumbi, Mzasaghurwa".³⁶Askari navo vekamfwa, vekamsoya sina u na kum-o siki, ³⁷vekuba, "Kai ari u Dilao wa Vayahudi kuokoe mwenye" ³⁸Heelo naho na kibala ana ku-u yeandikwe, "YA NI-U DILAO WA VAYAHUDI".³⁹Muwe wa vazaoni esurumijwe ekam-olhu ekuba, "Ari si Kristo? Kuokoe mwenye na nne" ⁴⁰Mira hu mhali ekalandula, ekumjoghoya na kum-ba, "He ari tumwogpha Kiumbi, na ari uata he kupa-aiwa sato oto? ⁴¹Nne tuata i-i kwa haki, Kwaite nne tudoriyahu chitustahili kwa mibo-ire kanu. Mira mhe ya tebo-iye chochose kikusa."⁴²Na ekaongeja, "Yesu, unihulha ukunebuu he udilao ke". ⁴³Yesu ekam-baya, wa-i ya unekwa hawe na ani Paradiso."⁴⁴Ata yeekwaye sina na saa sita, kidughu chikalhu he idi izime mpaka kenda, ⁴⁵Mwanga wa ka-aze ukaga. Halafu pazia la hekalu likakanyika hasihasi kulholhosha ana.⁴⁶Ekuzo kwa sauti giru, Yesu ekaba, "Aba he miherekha ke naike swaho gho," areayo ya, ekaga. ⁴⁷Too akida areaho yebo-i-ike ekamtogola kiumbi ekuba, "Kweri ya eekwaye mhe elo haki."⁴⁸Too wakati kiome cha vahe velitiye hawe kushuhudia vareaho mburi jibo-iike, vekakirii ilai vekuma kia kini. ⁴⁹Mira vasaho ku-u, na valage veemdosije kuli Galilaya, veka-uma kwa uda vekuwesia mburi ka.⁵⁰Wesia, heelo na mhe eekusewe yusufu, ambaye ni muwe wa baraza, mhe mkulho na elo haki, ⁵¹(eekwaye tedumuiyane na maamuzi kana mibo-ire kini), kuli Armathaya, mwang'a wa Kiyahudi, ake weekurala-airija udilao wa Kiumbi.⁵²Mhe ya, ekamdosa Pilato, ekaombeja aowe msa wakwe Yesu. ⁵³Ekamdimirija, ekam-oroija shanda, na ekauke he kaburi lee peiwe he isaheru, ambalo tehe-elo eejikiwe.⁵⁴Cheekwaye ni i-aze la maandaliji, na Sabato i ata sina. ⁵⁵Valage, veelitiye navo kuli Galilaya, vekamdosa, na vekaaho kaburi na hucho msa ku-u cho ubodijwe. ⁵⁶Vekakirii na kulholhosha kuandaa mihem'pe na marashi. Halafu iaze la sabato vekapumzika sa sheria jidumu.

¹Chalhenu sha iaze la bosi la wiki, vekalita he kaburi, vekugera mihem'pe ambayo veekwaye vaaya andaa. ²vekahelha isaheru lidongoloshwe uda na ikaburi. ³Vekabuu za, mira teveheye msa wa Dilao Yesu.⁴Yeelijanye ite, too veekwarianywe niya, fia, vahe vanu veka-uma hasihasi kini veoroye gomae ja kung'aa. ⁵Valage vekukwa velo futo na vekukodekesha vubasa kini di, vekavabaya valage, "Kwa ahoni mumdaa mhe eata mzime he va vegaye?⁶Tehata i-i, mira afufuka! Hulhani cho eyoe nakune too eecheri ata ata Galilaya, ⁷ekuba ite m-inyi wakwe Adamu lazima aotiwe he miheregha ya vahe velo makusa na asumirijwe, na iaze la kakai, afufuke wa.⁸Hu valage vekahulha viome ku-u, ⁹na vekakirii kuli he ikaburi na vekavabaya mburi ya kabuna hu ikado na muwe na vahali kabuna. ¹⁰Iji Maria Magdalena, joana, Maria lage wavo Yakobo, na valage vahali hawe navo vekagu taarifa ya he mitume.¹¹Mira mburi ya ika-ahoika sa ibero bi he mitume, na teveaminye hu valage. ¹²Hata to Petro ekaka, na ekagugulu kuso he ikaburi, na ekusungirija na kuwesia za, ekaaho shanda njenye bi. Petro halafu ekahaka ekaso ang'a ku-u, ekustaajabu ni kiahoni chilijanye.¹³Na wesia, vanu he vo veekuso i-aze ka ka he mwang'a muwe usewe Emmau, ambao weata maili mirongo sita kuli Yerusalemu. ¹⁴Vekayojijana vo kwa vo kwa mburi kabuna jilijanye.¹⁵ikalijanya ite, too veekuyojana na kulhasuana mburi, Yesu ekashwegha sina ekakwariana na vo. ¹⁶Mira ma-ila kini yeefingijwe he kum-ile u.¹⁷Yesu ekavabaya, "Ni kiahoni kune vanu mchiyoya ilai mdaha? Vekauma too vekuahoika vahuye. ¹⁸Muwe kini, ilhe ku-u Cleopa, ekalandula, "He ari u mhe mwenye i-i Yerusalemu usi-iliye mburi jilijanye are ma-aze ya?¹⁹Yesu ekavabaya, "Mburi mina?" Vekalandula, "Mburi jimtara Yesu wa are Nazareti, ambaye ee mlotezi, mzamuru he miboire na viome mbele ja Kiumbi na vahe kabuna. ²⁰Na hucho vagiru va Kirurumo na viongozi kanu vemguye kupa-aiwa kuga na kusurumijwa.²¹mira veeiliye ite hu niu enevalhamaya va Isiraeli. Nicho, uda na nya makabuna, iji i-aze la kakai kuvokia mburi ya jilijanye.²²Mira iji, baadhi ya valage kuli he ikundi kanu vaatu-o lundolo, baada ya kuso he ikaburi chalhenu sha. ²³Vareaubeni msa ku-u, vekalita, vekuba ite veahoye naho maono ya malaika vebaye ite ni mzime. ²⁴Vahali vaagiru veeata hawe na nne vekaso he ikaburi, na kuheeya ni sahucho valage veyoye. Mira tevezemuaho u.²⁵Yesu ekavabaya, "Kune vahe vajinga na velo swaho kuji ja kuamini makanbuna yo valotezi veyoye! ²⁶He techeekwaye lazima Yesu kusurumijwa kwa mburi ya, na kubuu he utukufu ku-u? ²⁷Halafu kulholhosha kuli he Musa na valotezi vakabuna, Yesu ekavatafsiria mburi jihusu u he maandiko makbuna.²⁸Vareahe sina na mwang'a, are ho veekuso, Yesu ekabo-i saite etasoisha mbele. ²⁹Mira vekamkengereja, vekuba, "Hema hawe na nne, kwaite itakwa chamagheri na i-aze nsaba laataho." Kwato Yesu ekabuu kuso kwaahema navo.³⁰yeelijanye ite, too eezokodie navo ku-a, ekadori mkate, ekaubariki, na kuupa-a, ekava-o. ³¹Halafu ma-ila kini yekaghubulwa, vekam-ile, na ekalha fia mbele ya ma-ila kini. ³²Vekayojijana vo kwa vo. "kwato swaho kaghu tejikaye za kanu, too areayo na nne are kwalhi, too ekutughubulia maandiko?"³³Vekaka saa kaaka, na kukirii Yerusalemu. Vekavaheya hu ikado na muwe veumbikane hawe, na huveata hawe navo, ³⁴vekuba, Dilao aafufuka kwerikweri, na amlianyija Simoni." ³⁵Kwato vekavabaya mburi jilijanye kwalhi, hucho Yesu ekudhihirishe hakini he kuupa-a mkate.³⁶Too vekurayo mburi ka, Yesu mwenye ekauma hasihasi kini, na ekavabaya, M'polele ikwa na kune." ³⁷Mira vekaogoha na kuhuwe ni futo, na vekafanyanya ite veahoye swaho.³⁸Yesu ekavabaya, Kwa ahoni mnungurika? Kwa ahoni mlo malhasuisho yekwa he swaho kaghu? ³⁹Wesiani miheregha gho na masame gho, ite ni ani mwenye. nidoeni na muaho. Kwaite swaho teilo nihi na mafwara, sa cho mniaho ani nilo. " ⁴⁰Areaheja kuyo to, ekava-aija miheregha ku-u na masame ku-u.⁴¹Veecheri bado na kinyemi ikwarianyike na kusaamini, vekastaajabu, Yesu ekavabaya, "He mlo kigi chochose cha ku-a? ⁴²Vekam-o kibesu cha samaki chilha-haiwe. ⁴³Yesu ekachidoria, na kuchi-a mbele kini.⁴⁴Ekavabaya, "Neata na kune, vikamubaya ite makabuna yeandikwe he sheria yakwe Musa na valotezi na Zaburi lazima yatilike."⁴⁵Halafu ekalha akiri kini, ite vamuru kuyaile maandiko. ⁴⁶Ekavabaya iandikwe, Kristo lazima anyamarishwe, na kufufuka wa kuli ha vegaye i-aze la kakai. ⁴⁷na kuka-aiwa kwa makusa lazima ibirikirwe kwa ilhe ku-u he mataifa makabuna kuvokia yerusalemu.⁴⁸Kune muvashahidi va mburi ya. ⁴⁹Wesia, nimuti-iya kilagha ya Aba gho ana kaghu. Mira laani i-i jiojini, mpaka mkuneowe nguvu kuli ana.⁵⁰Yesu ekavakaeti gana mpaka vareahe sina Bethania. Ekaka-a miheregha ku-u ana, na ekavabariki. ⁵¹Ikalijanya ite, too ekuvabariki, ekavaro na ekatiiwe ana kuso mbinguni.⁵²Basi vekamtasa, na kukirii yerusalemu na kinyemi kigiru. ⁵³Vekaendelea kukwa Hekaluni, Vekum-bariki Kiumbi.

¹Bosi heeloo Kiome, na Kiome cheeata hawe na Kiumbi, na Kiome nee Kiumbi. ²Ya, Kiome, bosi cheeata hawe na Kiumbi. ³Vigi vikhabuna vibo-iike kutahoya u, na esihata u tehelo neri kiwe chibo-ike.⁴Za ku-u heelo uzime, na ka uzime, na ka uzime na luatame he vahe kabuna. ⁵Luatame luka he kidughu, neri kidughu teluga-aiwe.⁶Heelo mhe eesughaiwe kuli ha Kiumbi, ake ilhe ku-u eekusewe Yohana. ⁷Eelitiye sa mzaila kuyo kigi ericho, kwa mburi ya hu luatame, nesa ite vakabuna vamuru kudarisha kutahoiya u. ⁸Yohana see u hu luatame, mira elitiye nesa a-aije hu luatame.⁹Ka neehu luatame lwa kweri lukwaye lulita he idi na ka luatame lumbuu kila muwe.¹⁰Eeata heya idi, na ya idi liumbiwe kutahoya u, na ya idi telim-iliye. ¹¹Eelitiye he vigi ku-u, na vahe ku-u tevemdariiye.¹²Mira hehu vakumure vemdariiye, hu vedariishe he ilhe ku-u, kwaka aava-o haki ya kukwa vainyi va Kiumbi, ¹³Eu veakhoike, si kwa sako, neri kwa hemidumuire ya msa, neri midumuire ya mhe, mira kwa Kiumbi salakhu.¹⁴Na ka Kiome ekabo-ika msa ekahema chikadi he nne, twaa u-aho kulombolwa ku-u. Kulombolwa sa kwa mhe elitiye kuli hakwe Aba, ehuye mbazi kweri. ¹⁵Yohana ee-ahoye kumtara u, eka-ka-a lugwalhu ekaba, "Ya ni u neeyoye mburi ku-u nikuba, "Hu elitiye baada gho ni mgiru kutaho ani, Kwaite e-ereata nisinalita.¹⁶Kwa ite kuli he utimilifu ku-u, nne vakhabuna twaadoriya bule kipawa baada ya kipawa. ¹⁷Kwaite sheria yeegeriiwe kutahoya Musa. Neema na kweri vyeelitiye kutakhoiya Yesu Kristo. ¹⁸Tehelo mwanadamu eemuahoye Kiumbi he wakati wowose. Mhe bi ambaye ni Kiumbi, eata he kia cha Aba, ebo-iye u a-iliike.¹⁹Na ya nihu Yohana eahoye he miaze ya makuhani na valawi veesughaiwe haku-u ni Vayahudi kumlhaasu, "Ari u ji? " ²⁰Neri kugugumika na telhiiye, mira ekalandula, "Ani si Kristo." ²¹Kwato vekamlhaasu, Kwato iji ari uji iji?" Ari ni Eliya? Ekaba, "Ani siye." Vekaba, Ari u mzaaho? Ekalandula, "Hai."²²Naho vekam-baya, "Kwato ari ni ji, nesa ite tuzevalandula vetusughaye"? Ukuahoiyamo ari visalaghe?" ²³Ekaba, "Ani nihu lughwalu luzoiya heroro: Khurutuni kwalhi ya Dilao,' se mlotezi Isaya cho eeyoye."²⁴Heelo vahe veesughaiwe too kuli ha Mafarisayo. Vekamlhaasu vekuba, ²⁵Kwa ahoni ubatija kai ari si Kristo neri Eliya neri Mlotezi?"²⁶Yohana ekalandula ekuba, "Nibatija kwa ma-i hata to, he kune eneuma mhe msi-miliye. ²⁷Ya niu enelita baada ya ani. Ani nisiye kuge neri lumulhu lwa viratu ku-u. ²⁸Mburi ya jeebo-iike are Bethania, chaoju ya Yordani, hodi ambaho Yohana eekubatija.²⁹I-aze lidosiye Yohana ekamwaho Yesu ekumlitiya ekaba, "Wesia M-inyi wa Ialu wa Kiumbi eyadoriya makusa ya idi! ³⁰ya niu neeyoye mburi ku-u nikuba, "Ka enelita mzungure gho ni mgiru kutaho ani, kwa ite ereata kabla ya ani.' ³¹Seem-iliye u, mira cheebo-iike to nesa ite aghubulwe he Israel, ite neelitiye nikabatija kwa ma-i."³²Yohana aaza-akho, "Neeahoye Swaho ikudimi kuli mbinguni itotiane na sua, na ikahema ana ku-u. ³³Ani seem-iliye mira u eenisughaye nesa nibatije kwa ma-i eenibaye, ' hu unezaoaho Swaho ikudimi na kuhema ana ku-u, Ka ni-u abatija kwa Swaho Mnyakhare.' ³⁴Naaho na naawesia ite ya ni Mu-inyi wa Kiumbi.³⁵Kahali i-aze lidosiye Yohana ee-umaye hawe na vahina ku-u vanu, ³⁶vekamwaho Yesu ekudaha ne Yohana ekaba, Wesia, Mu-inyi wa i-alu wa Kiumbi!"³⁷Vahina vanu, Vekamko Yohana ekuyo ya vekamdosa Yesu. ³⁸Naho Yesu ekakherii na kuvaaho hu vahina vekumdosa, na ekavabaya, "Mdumu akhoni?" Vekalandula, "Rabbi, (kiome ka "Mhinizi,' udiele?" ³⁹Ekavabaya, "Litani na muaho." naho vekaso na kuaho hodi eekudi; Vekazoko hawe nau i-aze ka, kwaite yeekwae sa saa ikado to.⁴⁰Muwe hehu vanu vemkoye Yohana ekuyo naho vekumdosa Yesu nee Andrea m-bahu ku-u Simoni Petro. ⁴¹Ekamwaho m-bahu ku-u Simoni na ekam-baya, "Twaa-amwaho Masihi" ⁴²(nihu ibawa Kristo) Ekamgera hakwe Yesu. Yesu ekamwesia na kuba, Ari ni Simoni mu-inyi wakwe Yohana" unesewe Kefa," (Maana ku-u 'Petro').⁴³I-aze lidosiye too Yesu areadumu kuka kuso Galilaya, Ekamse Filipo ekam-baya, "Nidoseni ani." ⁴⁴Filipo nee mhe wa Bethsaida, mwang'a wakwe AAndrea ne Petro. ⁴⁵Filipo ekamwaho Nathanaeli na kum-baya, Twaamuaho hu ambaye Musa eandike mburi ku-u he sheria na valotezi. Yesu mu-inyi wakwe Yusufu kuli Nazareti.⁴⁶Nathanaeli ekam-baya, "He kigi kikulho chimuru kulianyija Nazareti?" Filipo ekam-baya, Lita uwesie." ⁴⁷Yesu ekamwaho Nathanaeli ekulita haku-u na ekaba, "Wesia, Mwuisrael kwerkweri esilo ulame za ku-u. ⁴⁸Nathanaeli ekam-baya, "Uni-iliye kimomo ani?" Yesu ekalandula na ekam-baya, "Filipo esina kuse weata di he mtini, nerekuaho.⁴⁹Nathanaeli ekalandula, "Rabi ari u Mu-inyi wa Kiumbi! ari Udilao wa Israeli"! ⁵⁰Yesu ekalandula ekam-baya, Kwa mburi nikubaye 'neekuahoye di ya mtini' He uamini, ? ⁵¹Yesu ekaba, Amini,amini nimubayani mnejiaho mbingu jikughubuka na kuaaho malaika vekukutu na kudimi ana ya Mu-inyi wakwe Adamu."

¹Baada ya ma-aze makhai, heelo vedoriana are Kana ha Galilaya ne lage wakwe. ²Yesu eakha are. Yesu na vahina ku-u na uveerarikwe heka elha.³Naho irevakitiya divai,lage ku-u Yesu ekam-baya, "Tevelo divai." ⁴Yesu ekalandula, "Mlage ka initara ahoni ani? muda gho ani teunaniheya." ⁵Lage ku-u ekavabaya vanyamalo, "Chochose enemubaya bo-ini."⁶Naho heelo sange sita ja masaheru too njeekeiwe ja kuontiya he elha ja vayahudi, kila iwe leelo ujazo wa nzio nu, kai. ⁷Yesu ekavabaya, "Jihutini ma-i sange ja masaheru," Vekahuti mpaka ana. ⁸Naho ekavabaya hu vanyamalo, "Dorini kiasi iji na mu-iti-i he mgiru wa meza. " Vekabo-i sacho vebaiwe.⁹Mgiru wa aregali hu ma-i yeekwaye yaabadirika na kukwa divai, mira tee iliye ho yeliye (Mira vanyamalo veebukuye ma-i vee-iliye ho yeliye). Naho ekamse mza dori na ¹⁰Ekam-baya, "Kila muwe kulholhosha kuvaoiya vahe divai kulho na vekuheja kuengeli niho uva-o divai isikulho. mira ari ari waaike divai kulho mpaka saa ya.¹¹mhirimo ya wa Kana ha Galilaya, weekwaye niwo wa bosi he kuasa mihirimo ebo-iye yesu ekughubula unyakhare ku-u, Kwato vahina ku-u vekamdaraisha.¹²Chireakwa to Yesu, Lage ku-u, vabahu ku-u na vahina ku-u vekaso he mwang'a wa Kapernaumu na vekasoko kwa ma-aze maghere.¹³nihu pasaka ya vayahudi yeheyesina, kwato yesu ekaso Yerusalemu. ¹⁴Ekavaheya vezadi wa, ma-alu, na sua za ya M-aresi. Naho na vebadirisha magwala veekwaye vezokodiye za he M-aresi.¹⁵Yesu ekabo-i mjeledi ulo m'pundo, ekavagu vakhabuna veeata he m-aresi, ekukwarianya wa na ma-alu. Ekasu mihaku ya hu vekukoranya naho ekahinka meza kini. ¹⁶He vazadidi sua, ekavaba, "Guni vigi ya uda na hodi i-i, roni kuibo-i minda ya Aba gho kukwa hodi ha kihoja."¹⁷Vahina ku-u vekahulha ite heegondiwe, "Rukhasi wa minda ke ¹⁸unenilha."Vagiru va Kiyahudi vekalandula, vekam-baya, Ni ishara hama une-iaja kwa ite ubo-i mburi ya?" ¹⁹Yesu ekalandula, puni mu-aresi ya ya na ani ninelikwa he ma-aze makai.''²⁰Naho vagiru va Vayahudi vekaba, "Ledoriye miko mirongo mihai na sita kukwa muaresi ya na ari uba unelikwa he ma-aze makai? ²¹Mira u eyoye minda ya muaresi kave eyoye msa ku-u. ²²Niho baadaye baada ya kufufuka ku-u kuli ha vegaye, vahina ku-u vekahulha ite eeyoye to, vekadaraisha maandiko na kiome hu cho Yesu eehejije kuchiyo.²³Iji ata eata Yerusalemu he Pasaka, he siku nkulu vahe vakumure veedarishe ilhe ku-u, vareaho ishara ja miujiza eibo-iye. ²⁴Mira Yesu teevadarishe vo kwa ite eevailiye vahe khabuna. ²⁵Teedumuye mhe wowose kum-baya chivatara vahe kwaite eeiliye chiata za kini.

¹Iji heelo Farisayo ilhe ku-u Nikodemo, muwe wa vajumbe va baraza la Vayahudi. ²Mhe ya eemsoye Dilao Yesu na-ama na ekam-baya, "Rabi, tureile ite u mhinizi kuli ha Kiumbi, kwaite tehelo mhe emuru kubo-i ishara ya khabuna Kiumbi esiata hawe na-u."³Yesu ekalandula, "Amini,amini, mhe temuru kubuu he udilao wa Kiumbi ekusaa-ahowe kagi kakanu." ⁴Nikodemo ekaba, " Mhe emurumo kuahowe ekwae mzee? Temuru kubuu he maso ya lage ku-u kagi ka kanu na kusawe, he enemuru?"⁵Yesu ekalandula, Amini,amini mhe ekusaa-sawe kwa ma-i na he Swaho, temuru kubuu he udilao wa kiumbi. ⁶Chisaiwe he msa ni msa, na chisaiwe he Swaho ni swaho.⁷Usimake kwaite naakubaiya, 'udumuwe usawe kakanu.' ⁸Sa-a ikung'kuta kira hodi ho idumu na lugwalhu ku-u muukoiya, mira tem-iliye ho ulijanya neri ho uso. Nicho chikwaye he kira esaiwe he swaho.⁹Nikodemo ekalandula, kwa kuba, "Mburi ya jimuruika mo?" ¹⁰Yesu ekalandula, "Ari u mhinizi wa Israeli, neri tuiliye mburi ya? ¹¹Amini, amini, nakubaya, hucho tuchi-iliye tuchiyo he hu giti tuchiahoye. Mira temdoriya chotuyoiye.¹²Kai nimubaiya mburi ja i-i he dunia na temudarisha, mnemurumo kudarisha kai nikumubaiya mburi ja mbinguni? ¹³Kwaite tehelo ekutuye ana kuli mbinguni mira u edimiye, Mu-inyi wakwe Adamu.¹⁴Sa hucho Musa eika-aiye na ana bome he ijangwa, Wachoo ocho M-inyi wakwe Adamu chidumuwe aka-awe ana. ¹⁵nesa ite vakhabuna venemdarisha va-aho uzime wa milele.¹⁶Kwa mburi ya Kiumbi eedumuishe idi, ite ekamgu mu-inyi ku-u wa kabi, nesa ite mhe wowose enemdarisha asilakhae mira akwa na uzime wa milele. ¹⁷Kwaite Kiumbi temsughaye mu-inyi ku-u he dunia nesa ahukumu mira niite idi lika-aiwe he vikusa kutahoiya u. ¹⁸Enemdarisha u tekahukumiwe. Ka esikamdarishe chinekwa aahukumiwa pere kwaite telidarishe ilhe la mu-inyi wa kabi wa Kiumbi.¹⁹Ya ni hucho helo hukumu, ite luatame lulitiye he idi, mira vahe vekadumu kidughu kutaho luatame kwaite mibo-ire kini yeekwaye mikusa. ²⁰Kira mhe eboiye makusa esanuiwa ni luatame neri telita he luatame nesa mibo-ire ku-u isee-ghubulwa. ²¹Mira, hu ebo-i kweri elita he luatame nesa mibo-ire ku-u iahoike ite yebo-iiwe kwa kumdarisha Kiumbi.²²Baada ya yaya, yesu hawe na vahina vekaso he idi la Yudea. Are etumie muda hawe navo na ekubatija. ²³Iji Yohana naho ekubatija are Ainea sina na Salim ake heelo ma-i kumure too. Vahe veekulita haku-u na kubatijwa, ²⁴Kwaite Yohana teenabibiwe he igereza.²⁵Naho hekalijanya kutahoiyana vahina ku-u Yohana na Myahudi mburi ja elha ja kusariwa. ²⁶Vekaso hakwe Yohana vekam-baya, "Rabi, huye weeata nau chaoju ya mharaza Yordani, huye wemuyoye mburi ku-u, wesia, etabatija na vakhabuna vetaso vetamdosa."²⁷Yohana ekalandula mhe temuru kudoria kigi chochose mira chikwa kai eoiwe kuli mbinguni. ²⁸Kune venye mwaa-aho ite niyoe ite, 'ani si Kristo', mira neebaye, 'nisughaiwe kumkaeya u.²⁹Huye elo na mwai ni agiru wa elha. Iji msaho wa agiru wa elha, e-umaye na kusikija, elhamuishishwa kwa mburi ya lughwalhu lwa agiru wa elha. Ya iji ni kinyemi gho chikamirike. ³⁰Edumuwe kutaho, na ani nidumuwe kukudimiri.³¹Hu eliye ana, eata ana ya vikhabuna. Hu ewa idi eliye he idi na eyo mburi ja ki-idi. ³²Huye eyo huyo eya-ahoye na kukoiya, mira tehelo edarisha kuwesia ku-u. ³³Huye edoriye kuahoiya ku-u ahakikisha ite kiumbi ni Mkweri.³⁴Kwaite huye esughaiwe ni Kiumbi eyo viome vya Kiumbi. Ake tem-o Swaho kwa kipimo. ³⁵Aba emdumu Mu-inyi na am-o vigi vikhabuna he miheregha ku-u. ³⁶Huye enemdarisha mu-inyi elo uzime wa milele, mira he huye esimdarisha Mu-inyi tekauaho uzime, mira malhaha ya Kiumbi yenemdosirija ana ku-u.

¹Iji Yesu area ile ite Mafarisayo vaakoiya ite Yesu eekubo-i vahina na kuvabatija kumtaho Yohana, ²(Naho Yesu teekubatija mira vahina ku-u), ³ekali Judea na ekaso Galilaya.⁴Kwato cheekwaye chidumuwe kutahoya Samaria. ⁵Na ekahe he mwang'a wa Samaria,usewe Sikari, sina na hodi ambaho Yakobo em-oye Mu-inyi ku-u Yusufu.⁶Na kisima chakwe Yakobo cheeata ata. Yesu eekwaye ekwahaye kwa hu ntambo na ekazokodi sina na kisima. Yeekwaye ni chakako. ⁷Mlage Msamaria ekalita kubuku ma-i, Ne Yesu ekam-baya, "Ni-o ma-i niwaha." ⁸Ake vahina ku-u veekwaye veesoye kini he mwang'a kuwe viaghu.⁹Hu mlage ekam-baya, "Chikwayemo ari Myahudi, kuniombeja ani mlage Msamaria, kigi cha kuwaha?" Kwaite Vayahudi na tevekwarianyika na Vasamaria. ¹⁰Yesu ekalandula, "Kai wee-iliye karama ya Kiumbi, na huye ekubaya 'Ni-o ma-i,' weseemuombeja, na eseeku-o ma-i ya uzime."¹¹Mlage ekalandula, "Dilao tulo ndoyo ya kubukuya, na kisima ni kieza. Uneahoya le ma-i ya uzime.? ¹²He ari umgiri, kutaho aba kanu Yakobo, ambaye ni-u etuoye kisima ya, na u mwenye na va-inyi ku-u hawe na mifugo ku-u vewaha ma-i ya kisima ya?"¹³Yesu ekalandula, "Wowose ewahae ma-i ya eneaho kasu kahali, ¹⁴mira hu enewaha ma-i yo ninem-o teka aho kasu kahali. Mira iji ma-i ninem-o yenekwa chemchem ibubujika hata milele.¹⁵Hu mlage ekam-baya, "Dilao, niyaombeja ma-i kayo nesa nisiaho kasu, na nisinyamarike kulita i-i kubuku ma-i." ¹⁶Yesu ekam-baya, "So kamse mwagiru ke, naho ukirii."¹⁷Mlage ekam-baya, "Silo mwagiru." Yesu ekalandula, "Waayo kikulho, "Silo mwagiru;' ¹⁸Kwaite waakwa na vaagiru vakoi, na muwe ulo na-u waijijisi mwagiru ke. he ya waayo kweri."¹⁹Mlage ekam-baya, "Dilao niaho ite ari umlotezi. ²⁰Aba kanu veeku aresi he lungori ya. Mira kune muba ite Yerusalemu niho hodi ambaho vahe vedumuwe kuaresi."²¹Yesu ekalandula, "Mlage, nidarishe, wakati unelita ambaho temka aresi Aba he lungori ya kana Yerusalemu. ²²Kune vahe muaresi hucho msichi-iliye, mira nne tuaresi tuchi-iliye, Kwaite wokovu uli ha Vayahudi."²³Naho iji, wakati ulitiye, na iji uata i-i, hu vearesi kweri venemwaresi Aba he swaho na kweri, Kwaite Aba evadaa vahe vekwae to vakwa vahe ku-u vemwaresi. ²⁴Kiumbi ni Swaho, na hu vemwaresi vedumuwe kumwaresi he swaho na kweri."²⁵Mlage ekam-baya, "Nireile ite Masihi enelita, (Esewe Kristo). Ka ekunelita enetubaya makhabuna." ²⁶Yesu ekam-baya, "Ani uyo na ani ni-u.²⁷Wakati huu hu vahina ku-u vekakirii. Navo vekamaka kwa ahoni eekuyo na mlage, mira tehelo egheshije kumlhaasu, "Udumu ahoni?" kana "Kwa ahoni uyo nau.?"²⁸Kwato mlage ekairo sange ku-u na ekaso he mwang'a na ekavabaya vahe , ²⁹"Litani muaho mhe enibaye mburi gho kabuna nibo-iye, je techikakwa ekakwa ni-u Kristo?" ³⁰Vekahali he mwang'a vekalita haku-u.³¹He chakako vahina ku-u vekamsemba vekuba, "Rabi u-a viaghu." ³²Mira u ekavabaya, "Ani nilo viaghu msivi-iliye kune." ³³Vahina vekayojana, tehelo emgeriye kigi chochose ku-a," He veegeriye?"³⁴Yesu ekavabaya, "Viaghu gho ni kubo-i vidumuwe ni-hu enisughaye na kutimija nyamalo ku-u. ³⁵He, tem-ba, 'Icheri milhihe mikoi na uluki unekwa waaye?' Nimubayani wesiani mbuva jiata pere kwa uluki! ³⁶Huye eluka edoria mihaku na kuumbika matuunda kwa mburi ya uzime wa milele, nesa ite huye elhaye na huye eluka valhamuiwe kwa hawe.³⁷Kwa ite kiome ya nicha kweri, "Muwe elha na mhali eluka,' ³⁸Neevasughaye kuluka msichinyamarikiye, vahali veboiye nyamalo na kune mubuuye he kinyemi cha nyamalo kini."³⁹Vasamaria vakumure he mwang'a hu vekamdarisha kwaite mburi ja hu mlage eekujiyo, "Enibaiye mburi khabuna nijibo-iye." ⁴⁰Kwato Vasamaria varealita vekamsemba aheme hawe navo na ekahema hakini kwa ma-aze manu.⁴¹Na vakumuresha vekamdarisha kwa mburi ya kiome ku-u. ⁴²Vekam-baya hu mlage, "Tudarisha sio bi kwa viome ke, kwaite nne venye twaakoiya, na iji twaa-ile ite kweri huye ni mwokoji wa idi."⁴³Baada ya ma-aze ka manu, ekahaka na kuso Galilaya. ⁴⁴Kwaite u mwenye eekwaye ebirikire ite mlotezi telo heshima he idi ku-u mwenye. ⁴⁵Arelita kuli Galilaya, Vagalilaya vekamkaribisha. Veekwaye veahoye mburi khabuna ebo-iye Yerusalemu he elha, kwaite na vo naho veekwaye veereata he sikunkulu.⁴⁶Ekalita kahali Kana ya Galilaya are hoebadirishe ma-i kukwa divai. Heelo na ofisa ambaye mu-inyi ku-u eekwaye mrukao are Kapernaumu. ⁴⁷Areako ite Yesu eliye Judea na kuso Galilaya, ekaso hakwe Yesu na kumsemba edimi am-uti mu-inyi ku-u, eekwaye sina kuga.⁴⁸Niho Yesu ekam-baya, "Kune mkusaaho ishara na vimako tem-muru kudarisha. ⁴⁹Mgiru ekaba, " Dilao dimi di i-i mu-inyi gho esinaga." ⁵⁰Yesu ekam-baya, "So mu-inyi ke ni mzime." Hu mhe ekadarisha kiome echiyoye Yesu na ekaso ku-u.⁵¹Areakwa edimi, vanyamalo ku-u vekamdoriya na kum-baya mu-inyio ke ekwaye mzime. ⁵²Kwato ekavalhaasu ni muda mina eahoye tawetawe. Vekakiriti, "Osa muda wa saa saba ihoma likamro."⁵³Niho aba ku-u ekaile ite ni muda huu uhu Yesu eyoe, "M-inyi ke ni mzime." Kwato huye na familia ku-u vekadarisha. ⁵⁴Yaa yeekwaye ni ishara ya kanu eibo-iye Yesu areali Yudea kuso Galilaya.

¹Baada ya atahekakwa naelha ya Vayahudi, ne Yesu ekakutu kuso Yerusalemu. ²Na twai Yerusalemu heelo na birika he luhige lwa ma-alu, leekwaye lisewe kwa kiebrania Bethzatha, nalo lilo matambi makoi. ³Idadi kumure ya varukao ikukwarianywa, vipofu, viwete kana vepoooze veekwaye vebodiye he matambi kayo. (Darisha: Viome vya mtarari wa 3 teyeahoika he magondo mahali makulho yaazeto. "Vekula-a ma-i ya tibulwe. ⁴Kwato, huye ambaye ekwaye wa bosi kubuu za baada ya ma-i kutibulwa ekautiwe kuli he chochose cheemdaraye he wakati kao.⁵Na mhe muwe eekwaye eruye kwa muda wa miko mirongo na mnane eeata za he itambi. ⁶Yesu aremwaho ebodiye too kwa muda mueza Yesu ekambaya, "He udumu kukwa mzime?"⁷Hu mrukao ekalandula, "Dilao silo mhe, wa kunike he birika too ma-i yekutibulwa. Too nikughesha kubuu mhe mhali enikaeya." ⁸Yesu ekambaya, "Ka na udori itandiko ke na uso."⁹Fia hu mhe ekautiwe, ekadori lusazi ku-u na kuso. Na i-aze ka yeekwaye i-aze la Sabato.¹⁰Kwato Vayahudi vekam-baya hu mhe e-utiwe, "Wa-i ni i-aze la sabato, na tudumuwe kuti-i itandiko ke." ¹¹Ekalandula, huye eniu-tiye ni-u enibaye, "Dori itandiko ke na uso.¹²Vekalhaasu, "Ni ji ekubaye "Dori itandiko ke na uso?" ¹³Hata kai,huye eutiiwe tezem-ile, ake Yesu eekwaye ahaka kwa kukumatu. Kwaite heelo na vahe vakumure he hodi hayo.¹⁴Baada ya atan Yesu ekamheya hu mhe he m-aresi na ekam-baya, "Wesia, waa-u! "Useebo-i wa makusa kahali usee heiwa ni mbnuri kusa sha." ¹⁵Huye mhe ekaso na kuzavabay Vayahudi ite Yesu ni-u em-utiye.¹⁶Kwato, kwa mburi kayo Vayahudi vekamnyamarisha ¹⁷Yesu, Kwaite eebo-iye mburi kajo i-aze la Sabato. Yesu ekam-baya, "Aba gho ebo-i nyamalo hata wa-ijiji na ani nibo-i nyamalo." ¹⁸Kwa mburi ka Vayahudi n vekazika mdaaisha nesa vamga-a sio bi ite aipu Sabato, mira kwa kumse Kiumbi Aba ku-u, Ekukuaghati sa Kiumbi.¹⁹Yesu ekavalandula, "amini, amini, Mu-inyi temuru kubo-i kigi chochose mira hucho emuahoye Aba ku-u echibo-i , Kwaite chochose Aba echibo-i nicho na M-inyi enechibo-i. ²⁰Kwaite Aba emdumu M-inyi, na em-aija kila kigi choebo-i naho enem-aija mburi giru kutaho yajo nesa ite mzike maka."²¹Kwaite sahucho ambavyo Aba evafufua vegaye na kuva-o uzime , watoo to M-inyi naho em-o wowose emdumuye. ²²Kwaite Aba temhukumu wowose , mira am-o m-inyi kupa-aiya kukabuna. nesa vakabuna ²³nesa ite vakabuna vamkoiye m-inyi sa hucho M-inyi emkoiya Aba. huye esimkoiya M-inyi temkoiya Aba emsughaye.²⁴Amini amini, hu ekoiya kionme gho na kumdarisha huye enisughaye elo uzime wa milele na tekahukumiwe. Mira iji, ataho kuli he kigato na kubuu he uzime.²⁵Amini,amini, nimubayani wakati unelita na iji ureata ake vegaye venekoiya kiome cha mu-inyi wa Kiumbi, na vakhabuna venekoiya venehema.²⁶Kwaite sa hucho Aba elo na uzime za ku-u mwenye, ²⁷naho ekam-o M-inyi kukwa na uzime za ku-u, ne Aba am-o M-inyi kisatu nesa ite ahukumu kwaite ni M-inyi wakwe Adamu.²⁸Msimakijwe ni ya, kwaite wakati unelita ambaho vegaye veata he makaburi venekoiya kiome ku-u ²⁹navo veneli gana: Ha veboiye makusa kwa ufufuo wa hukumu.³⁰Simuru kubo-i kigi chochose kuli hagho mwenye bi. Sacho nikuko, nicho nihukumu na hukumu gho niya haki kwaite sidaaija kudumu gho, mira chidumuwe ni nihu enisughaye. ³¹Kai nikukuyoya mwenye, kukuyoiya gho wesee sikwaye wa kwri. ³²Helo mhali eyoya kunitara ani na nireile kwa kweri cho eniyoya ni kweri.³³Mwaasugha hakwe Yohana na-u aiyo kweri. ³⁴Hatacho, kuyoiya niudoriya teuli he mhe. Niyayo yayo nesa ite mumuru kuokolwa. ³⁵Yohana ekwaye ni taa yeekwaye ikuka na kuangaja, na mweekwaye pere kuilhamuiya he muda mbwesu luatame ku-u.³⁶ushuhuda wo nilo nawo ni mgiru kutaho hu wakwe Yohana, he nyamalo ambajo Aba enioye kujikamirisha, kajo nyamalo nijibo-i jikuyoija njenye ite ³⁷Aba aanisugha. Aba enisughaye u mwenye bi aaniyoya kunitara ani. tevezee raako kiome ku-u neri kuaho msa ku-u i-aze lolose. ³⁸Tehelo kiome ku-u chikuhema za kaghu kwaite temdarisha huye esughaiwe.³⁹Mrayawesiisha maandiko mkufanyanya za ku-u helo uzime wa milele, na kayo magondo yeyoija mburi gho na ⁴⁰temdumu kulita hagho nesa muaho uzime wa milele.⁴¹Sidoriya ntogolo kuli ha vahe, ⁴²mira nireile ite tehelo ludumuisho wa Kiumbi za kaghu kune venye bi.⁴³Nilitiye ha ilhe lakwe Aba gho, temzemuru kunidoriya. Kai mhali ekulita kwa ilhe ku-u mweseemdoria. ⁴⁴He mumurumo kudarisha kune ake mdoriya ntogolo kuli he kila muwe kaghu mira temdaa ntogolo ili hakwe Kiumbi wa kabi?⁴⁵Mseefanyanya ite ani ninemulaha mbele jakwe Aba. Evashitaki kune ni Musa, huye kune kukeye fanyanyi kaghu haku-u. ⁴⁶Kai nanga mweekumdarisha musa, mweseenidarisha ani ake eegondiye mburi gho. ⁴⁷Kai temdarisha maandiko ku-u, mnemuru mo kudarisha viome vigho?

¹Baada ya mburi ya, Yesu ekaso bwa ja Bahari ya Galilaya, Naho isewe Bahari ya tiberia. ²Mkutano mgiru weekumdosa kwa ite veeahoye ishara jo ebo-iye hehu eevarukao. ³Yesu ekakutu ana mpaka bwa wa ana he lungori na ekahema are na vahina ku-u.⁴(Na Pasaka, elha ya Vayahudi yeekwaye iata sina). ⁵Yesu arewesia ana maila ku-u na kuaho umati mgiru utalita haku-u, ekam-baya filipo, "Tuneso nale kuzaawe mikate nesa ya vamuru ku-a"? ⁶(Mira Yesu eeyayoye ya hakwe Filipo he kumghesha kwaite u mwenye ereile cho enechibo-i).⁷Filipo ekamlandula, "Hata mikate ya samani ya dinari magana manu teyekatoshe neri kila muwe kupata neri kibesu kigitutu." ⁸Andrea, muwe wa vahina ku-u m-bahu ku-u Simoni petro ekam-baya ⁹Yesu, "Helo m-buratu i-i elo mikate mikoi na samaki nu, mira yaa ineye kiahoni he vahe vakumure namna ya?"¹⁰Yesu ekavabaya, "Vazokodijeni vahe di" (Heelo mahako makumure too hodi). Kwato vaagiru veekuhe elfu koi vekazokodi di. ¹¹Naho Yesu ekadori hu mikate mikoi ekashukuru ekavakakaya hu veezokodiye. Too to ekavakakaya samaki sahucho veedumuye. ¹²Vahe vareaku, ekavaba vahina ku-u "Vituteni vibesu vishighajwe, vishighale nesa ite chiseelaha chochose.¹³Iji vekavituta na kuhuti viteju ikado na vinu, vibesu vya mikate mikoi na shayiri-vibesu vishighajwe ni hu ve-aye. ¹⁴Naho vahe vareaho ishara ya eibo-iye vekaba, "Kwri ya ni-u huye mlotezielita he idi." ¹⁵Yesu area-ile ite veekudumu kumdara nesa vambo-i kukwa Dilao kini, ekakumatu, kahali na ekaso he lungori u mwenye bi.¹⁶Ireakwa chamagheri, vahina ku-u vekadimi kuso he iziwa. ¹⁷Vekakutu he mtumbwi na veekwaye vekutaho kuso Kapernaumu. (Kidughu cheekwaye chabuu ne Yesu ekwaye tenalita hakini). ¹⁸Wakati ka sa-a nkai yeekukwa ikunkunta, na bahari yeekuraendelea kukandana.¹⁹Kahali vahina ku-u veekwaye vekuhuru makasia sa mirongo minu na makoi kana mirongo mikai, vekamwaho Yesu ekudaha ana ya bahari kuuheya mtumbwi, na vekako bughu. ²⁰Mira ekavabaya, "Ni ani msiko bughui." ²¹Kahali veeata pere kum-ti he mtumbwi, na fia mtumbwi ukahe he idi hodi ho veekuso.²²I-aze lidosiye, mkutano weekwaye u-umaye bwa wa bahari vekaaho ite tehelo mtumbwi mhali mira hubi Yesu na vahina ku-u veekwaye teveukutuye mira vahina ku-u veekwaye vesoye venye. ²³(Mira heelo na baadhi ya mitumbwi iliye Tiberia sina na hodi ho veaye mikate too Dilao areagu shukran).²⁴Wakati makutano vareaile ite si Yesu neri vahina ku-u veeata twai, vo venye vekakutu he mtumbwi vekaso Kapernaumu vekumdosa Yesu. ²⁵Baada ya kumpata bwa mhali wa iziwa vekamlhaasu, "Rabi ulitiye ami ilai?"²⁶Yesu ekavalandula, ekavabaya, Amini,amini, mnidosirija ani, si ite mujiahoye ishara, mira kwaite mweeaye mikate na kukuiya. ²⁷Roni kuchibo-iya nyamalo viaghu vimuru kuonika, mira m-boiye nyamalo viaghui chisionika mpaka milele hucho ambacho m-inyi wakwe Adamu enemuo, kwaite kiumbi Aba aake mhuri ana ku-u.²⁸naho ekavabaya, "Nikiahoni tudumuwe kuchibo-i nesa kujibo-i nyamalo ja Kiumbi?" ²⁹Yesu ekalandula, "Ya niyo nyamalo ya Kiumbi: ite mumdarishe uye enisughaye."³⁰Iji vekam-baya, " Ni ishara mina unebo-i, ite tunemuru kujiaho na kukudarisha? Unebo-i kiahoni? ³¹Aba kanu veeaye mana he ijangwa, sacho chiandikwe, "Eevaoye mikate kuli mbinguni nesa va-a."³²Naho Yesu ekalandula, "Amini,amini, Si Musa emuoye mikate kuli mbinguni, mira Aba gho ni-u emuoye mkate wa kweri kuli mbinguni. ³³Kwaite mkate wa kiumbi nihu udimi kuli mbinguni na kuotirija uzime he ulimwengu. ³⁴Iji vekam-baya, "Dilao tuoye ya mkate wakati mkhabuna."³⁵Yesu ekavabaya, "Ani ni-u mkate wa uzime, huye enelita hagho tekazeaho keela na huye enidarisha teka-aho kasu neri." ³⁶Mira neemubaye ite, mwaaniaho, na neri temdarisha. ³⁷Vakhabuna Aba enenioya venelita hagho, na wowose enelita haghosikam-bibi gahana neri.³⁸Kwaite nidimiye kuli mbinguni, sio kwa mburi ya kubo-i cho nidumuye ani, mira chidumuwe nihu enisughaye. ³⁹Naya nicho chidumuwe nihu enisughaye, ite nisimlakhaati neri muwe wa huvo enioye, mira, mira nivafufue i-aze la mwisho. ⁴⁰Kwaite ya nicho chidumuwe ni Aba gho, ite wowose enemuwesia M-inyi na kumdarisha apate uzime wa milele; ani ninemfufua i-aze la mwisho.⁴¹Naho Vayahudi vekamnung'nikia kumtara u kwaite ebaye, "Ani ni mkate udimiye kulia mbinguni." ⁴²Vekaba, "Ya siu Yesu m-inyi wakwe Yusufu, ake aba ghe ne lage kechi turem-ile? Chikwaye mo iji eba, "Nidimiye kuli mbinguni.?"⁴³YEsu ekalandula, ekavabaya,"Msinung'rikiane he kune venye. ⁴⁴Tehelo mhe elita hagho esihuruiwe ni Aba gho enisughaye, ani ninemfufua i-aze la mwisho. ⁴⁵Kwaite heandikwe he valotezi, 'Venehinijwa ni kiumbi,' Kila ekoiye na ekahina kuli he Aba, elita hagho.⁴⁶Sio ite helo mhe emwahoye Aba, mira huye eliye hakwe Kiumbi-emwahoye Aba. ⁴⁷Amini, amini huye edarisha elo uzime wa milele.⁴⁸Ani ni mkate wa uzime. ⁴⁹Va-aba kaghu veeaye mana heijangwa, na vekaga.⁵⁰Ya ni-u mkate udimi kuli mbinguni, nesa ite mhe aua hodi ku-u nesa asiga. ⁵¹Ani ni mkate uhema ake udimiye kuli mbinguni. Kai mhe wowose eku-a mkate ya, enehema milele. mkate nineugu ni msa gho kwa ajili ya uzime wa ulimwengu."⁵²Vayahudi vekasanuiwa venye kwa venye na vekalholhosha kuyojanya vekuba, "Mhe ya emurumo kutuo msa ku-u tuu-a?" ⁵³Niho Yesu ekavabaya, Amini, amini, mkusaa-u-a msa wa M-inyi wakwe Adamu na kuiwaha sako ku-u, tekakwa na uzime za kaghu.⁵⁴Wowose e-uaye msagho na kuiwaha sako gho elo uzime wa milele, ani ninemfufua i-aze la mwisho. ⁵⁵Kwaite msagho ni viaghu vya kweri, sako gho ni kiwahari cha kweri. ⁵⁶Huye euaye msagho na kuiwaha sako gho ehema za gho, ani za ku-u.⁵⁷Sa Aba elo uzime enisughaye, na sahucho nihema kwaite Aba, na u naho enehema kwa mburi gho. ⁵⁸Ya ni-u mkate udimi kuli mbinguni. si sahu ma-aba veaye vekaga. Huye eneu-a mkate ya enehema milele. ⁵⁹Yesu ejiyoye mburi ya za he mu-aresi ekuhinija are Kapernaumu.⁶⁰Niho vakumure va vahina ku-u vareako ya, vekaba, "Ya ni ihinizo ikuji naho niji enemuru kulidoriya?" ⁶¹Yesu kwaite ereile ite vahina ku-u vekuranung'rikia mburi ya, ekavabaya he mburi ya limuhiri swaho?⁶²Iji inekwamo mkunemwaho m-inyi wakwe Adamu ekudimi kuli ho eata bosi? ⁶³Ni Swaho niyo igu uzime. Msa teulha-ari kigi chochose. Mburi jo niyoe hakaghu ni swaho na ni uzime.⁶⁴Bado helo vahe he kune vesidarisha, "Kwaite Yesu ereile kulholhosha azeto huye esimuru kudarisha na huye ambaye esemsaliti. ⁶⁵Ekavabaya, nikwa ite ya neemubaye ite tehelo mhe emuru kulita hagho mira chikwa a-owe ni Aba."⁶⁶Baada ya ya vahina ku-u vakumure vekakirii mzungure na tevezemdosirija wa kahali. ⁶⁷Yesu ekavabaya hu ikado na vanu, "He na kune mdumu kuhaka?" ⁶⁸Simoni Petro ekalandula, "Dilao tuso hakweji ake ari ulo viome vya uzime wa milele, ⁶⁹na twaadarisha na kuile ite ari Umnyakhare wa Kiumbi."⁷⁰Yesu ekavabaya,"He ani simusaghure kune, na muwe kaghu ni ibilisi? ⁷¹Iji eekuyo kumlanga Yuda, m-inyi wakwe Simoni Iskariote, kwaite eekwaye ni uye ekukwa muwe wahu ikado na vanu ambaye niu enesmsaliti Yesu.

¹Na areafiija mburi ya Yesu eteso to kuso Galilaya, Kwaite, teedumuye kuso uyahudi kwa ite vayahudi veekuboi njaama ja kumga-a. ²Iji i-aze igiru la vayahudi, i-aze la vibanda, leata sina.³Niho vabahu ju-u vekambaya, "haka hodi i-i uso Uyahudi, nesa ite vahina ke navo vaa-aho mibo-ireke yo ubo-i. ⁴Tehelo ebo-i mburi kwa kukumatu kai u mwenye edumu ku-iliika heangae. Kai ubo-i mburi ya kuaije Salaghe he vaidi.⁵Na vabahu ku-u nau tevemdarishe. ⁶Niho yesu ekavabaya, "Wakati gho teunahe bado, mira wakati kaghu kira kagi uata sina. ⁷Idi telimuru kumusanuiya kune, mira unisanuiya ani kwaite niubaya miboire ku-u mikusa.⁸kutuni kuso he sikunkulu; ani siso he sikunkulu ya kwaite muda gho teunacheri kuhe. ⁹Areafi kuyo viome kavyo, ekashighala galilaya.¹⁰Hata to, vabahu ku-u vareakwa vaaso he sikunkulu, niho na-u ekaso, si kwakuahoika mira kwa kukumatu. ¹¹Vayahudi veekumdaa he sikunkulu na kulhaasu, "Eata le?¹²Heekwaye na kuyojanya kukumure he vo he makutano kumtara u. Vahali vekaba, "Ni mhe mkulho." Vahali vekaba, ¹³"Hai, evalahatianya makutano." Naho cho tehelo ereyoya heangae ana ku-u kwa kuvako bughu vayahudi.¹⁴Too sikunkulu ireahe hasihasi, yesu ekakutu kuso He Muaresi na kulholhosha kuhinija. ¹⁵Vayahudi vekakwa vemaka na kuba, "Ni kimomo mhe ya eiliye mburi kumure? Neri tezesoma." ¹⁶Yesu ekavabaya, "Mahinizo gho si magho, mira niya huye enisughaye.¹⁷Ikunekwa wowose enedumu kuboi hu chidumuwe ni u, ene-ile kutaranya na mahinizo ya, kai yeli he kiumbi, kana kai niyo kuli hagho salaghe. ¹⁸Kila eyo yeli haku-u salaghe edaaija unyakhare ku-u, mira kila adaaija unyakhare ku-u u enisughaye, mhe ka niwa kweri, na za ku-u tehelo kubo-i haki.¹⁹Musa tezemu-o kune sheria? mira tehelo neri muwe he kune ebo-i sheria. Kwa ahoni mdumu kuniga-a? ²⁰Makutano vekalandula, "Ulo m'pepo. niji edumu kukuga-a?"²¹Yesu ekalandula na ekavabaya, "Naabo-i nyamalo we, nakune vakabuna mwaamakijwa kwa mburi ku-u. ²²Musa emuyo elha (Siyo ite iliye hakwe Musa, mira hu iliye hakwe Ma-aba), na he Sabato mumtahonti elha mhe.²³Ikukwa mhe edoriya elha he i-aze la Sabato nesa ite sheria yakwe Musa isipuwe, Ni kiahoni mnisanuaiya ani kwa ite naabo-i mhe kukwa mzime sha he i-aze la sabato? ²⁴Msihukumu kuwesiana na miahoikire, mira hukumuni kwa haki.²⁵Vahali kini kuli Yerusalemu vekaba, "Si mhe ya vedaa kumga-a? ²⁶Na wesia, eyo perepere, na teveyo chochose ana ku-u. Teimuru kukwa ite vagiru veiliye kweri ite ya ni Kristo, chimuru kukwa? ²⁷Tureile ya mhe hoeliye ni le. Kristo ekune lita, hatacho, tehelo eneile nile hoeliye."²⁸Yesu ekwaye ekubirikira lugwalhu hemuaresi, ekuhiniza na kuba, "Kune vakabuna mreni ile ani na mreile ho niliye. Silitiye kwa kudumu gho bi, mira huye enisughaye ni wa kweri, na temum-iliye u. ²⁹Nirem-ile huye kwaite niliye haku-u na enisughaye."³⁰Veekutaghesha kumdara, mira tehelo neri muwe eku-urutiye mheregha ku-u ana ku-u kwaite saa ku-u yeecheri teinahe. ³¹Naho to, vakumure he makutano veemdarishe. Vekaba, "Kristo ekunelita, enebo-i ishara kumure kutaho jo ebo-iye mhe ya?" ³²Mafarisayo vekavako makutano vekuyojana mburi ya kumtara Yesu, na vagiru va makuhani na mafarisayo vekasugha maafisa nesa vamdare.³³Niho Yesu ekaba, "Herecheri ata muda mbwesu nireata hawe na kune, naho baadaye nineso haku-u huye enisughaye. ³⁴Mnenidaaija neri temka niaho; twai ho niso, temkamuru kulita."³⁵Kwato iji Vayahudi vekayojijana vo kwa vo, "Mhe ya eneso nale ite tusimuru kumuaho? Eneso he veazaghane hasi ha Vayunani na kuvahiniza Vayunani? ³⁶Ni kiome mina ya choeyoye, "Mnenidaa neri temkaniaho; twai ho niso temkamuru kulita'?"³⁷Iji he Iaze la mwisho, i-aze igiru la sikunkulu, Yesu ekauma eka ka-a lugwalhu, ekuba, "Kai wowose elo kasu, na alita hagho awaha. ³⁸Huye enenidarisha ani, ka maandiko cho yeyo, kuli za ku-u inedimi miharaza ya ma-i ya uzime.³⁹Mira eyayoye ya kutara Sawaho, huye vo venemdarisha venemdoria; Swaho teeneba kulijanyakwaite Yesu teenacheri kutogolwa.⁴⁰Baadhi ya makutano, vareako mburi ya, vekaba, "Kweri ya ni mlotezi." ⁴¹Vahali vekaba, Yaye ni Kiristo." Mira vahali vekaba, "Kiahoni, Kristo emuru kuli Galilaya? ⁴²Maandiko teyebaye ite Kristo enelianyija he lukolo lwakwe Daudi na kuli Bethlehemu, mwang'a hu Daudi eata?⁴³Kwato, too hekeka mkakaikanyo hasihasi ha makutano kwa mburi ku-u. ⁴⁴Vahali he vo veseemdaraye, mira tehelo ekumuruye mheregha ku-u haku-u.⁴⁵Niho hu maafisa vekakirii heva giru va muaresi na Mafarisayo, navo vekavabaya, "Ni ahoni temumgeriye?" ⁴⁶Maofisa vekalandula, "teheelo mhe eeyoye sa mhe ya kabla."⁴⁷Niho Mafarisayo vekalandula, "Na kune naho mwaa-tawe? ⁴⁸Helo wowose he vadilao emdarishe, kana wowose he mafarisayo? ⁴⁹Mira niya makutano vesi-iliye sheria- vebusuiwe."⁵⁰Nikodemo ekavabaya (Huye emsoye Yesu azeto, ekukwa he muwe va Mafarisayo), ⁵¹"He sheria kanu imhukumu mhe mira asikijwa ini na kuile choechibo-i?" ⁵²Vekalandula na kum-baya, "Na ari naho uliye Galilaya? Daa na tuaho ite tehelo mlotezi elianyije Galilaya."⁵³(Darisha:Baadhi ya viome vyakwe Yohana 7:53-8:11 teyekhaata he nakala kulho ja azeto). Naho kila mhe ekaso ang'a ku-u.

¹(Darisha: Wesia ufafanuzi wakwe Yohana 7:53-8:11 ata ana) Yesu eesoye lungori lwa mizaituni. ²Mapema chalhenu ekalita kahali he muaresi, na wahe vakabuna vekamsoya, ekazokodi na kuvahiniza. ³Vaandishi na Mafarisaye vekamgeriya mlage edaraiwe he kuboi uzinzi. vekamke hasihasi.⁴(Darisha: Wesia ufafanuzi wakwe Yohana 7:53 - 8:11 ata ana). Niho vekam-baya Yesu, "Mhinizi, mlage ya edaraiwe he uzinzi, he kubo-i pere. ⁵Iji, he sheria, Musa etubaye, kuvama masaheru vahe sa ya, ubamo ana ku-u? ⁶Veyoye to nesa kumteghia nesa ute vaaho mburi ya kumshitaki, mira Yesu ekakodeka di ekaandika he mpulhe kwa kisatu ku-u.⁷(Daraisha: Wesia ufafanuzi wakwe Yohana 7:53-8:11 ata ana). Vareendelea kumlhaasu, eka-uma na kuvabaya, "Huye esilo makusa he kune, akwa wa bosi kum-shinta masaheru." ⁸Ekakodeka kahali di, ekaandika he mpulhe kwa kisatu ku-u.⁹(Daraisha: Wesia ufafanuzi wakwe Yohana 7:53-8:11 ata ana).Vareako kayo, vekahaka muwe muwe baada ya mhali, kulholhosha emzee. Mwishoiji Yesu ekarowe mwenye bi, hawe na mlge hu eata hasihasi kini. ¹⁰Yesu eka-uma na kum-baya, "Mlage, vekushitakiye veatale? Tehelo neri muwe ekuhukumuye?" ¹¹Ekaba, "Tehelo neri muwe Dilao." Yesu ekaba , "Neri ani sikuhukumu. So kwalhi ke; Kulholhosha waijiji na kuendelea usibo-i makusa kahali."¹²Kahali Yesu ekayo na vahe ekuba, "Ani ni luatame lwa idi; huye enidosa tekadaha he kidughu mira enekwa luatame lwa uzime." ¹³Mafarisayo vekam-baya, "Ukuyoija mwenye; kuaho ke mwenye si kweri."¹⁴Yesu ekalandula, "Naho kai nikuyoiya salaghe, ushuhuda gho ni kweri. Nireile hodi ho niliye na twai ho niso, mira kune temiliye hodi honiliye kana twai honiso. ¹⁵Kune muhukumu kimsa; ani simhukumu wowose. ¹⁶Ani neri sihukumu, hukumu gho ni kweri kwaite siata mwenye, mira niata hawe na Aba enisughaye.¹⁷Eee, na he sheria kaghu iandikwe ite ushuhuda wa vahe vanu ni kweri. ¹⁸Ani ni-u nikushuhudia, ne Aba enisughaye enishuhudia."¹⁹Vekam-baya, "Aba mke eatale?" Yesu ekalandula, "Ani temni-iliye neri Aba gho temum-iliye; mweseekwaye muni iliye ani, mweseem iliye Aba gho nau." ²⁰Eyoye viome ya ekukwa sina na hazina eekuhiniza he muaresi, na tehelo neri muwe emdaraye kwaite saa ku-u bado teyeenahe.²¹Iji ekavabaya kahali, "Nitaso gho; mnenidaa naho mnega he makusa kaghu. Twai ho niso, temkamuru kulita." ²²Vayahudi vekaba, "Enekuile mwenye, huye ebaye, 'twai ho niso temkamuru kulita'?"²³Yesu ekavabaya, "Mli di, ani nili ana. Kune niva idi ya; ani sio wa idi ya. ²⁴Kwato, neemubayeni ite mnega he makusa kaghu. Kai sicho mudarishe ite ANI NI-U, mnega he makusa kaghu"²⁵Kwato vekam-baya, "Ari ni ji? yesu ekavabaya, Huyo nimubaye kuvokia bosi. ²⁶Nirelo mburi kumure ja kuyo na kuhukumu ana kaghu. Hata to, huye enisughaye ni wa kweri; na mburi jo nikoye kuli haku-u, mburi ya nijiyo he idi." ²⁷Tevezeile ite eekuyo navo kumtara Aba.²⁸Yesu ekaba, "Mkune mka-a ana M-inyi wa Mhe, niho mneile ite ANI NI-U, na ite siboi lolose kwa kudumu gho. Sa Aba enihinize, niyo mburi ya. ²⁹Huye enisughaye eata hawe na ani, na huye tenirooye salaghe bi, Kwaite kira kagi nibo-i huyo yemlamuija." ³⁰Too Yesu ekuyo mburi ya, vakumure vekamdarisha.³¹Yesu ekayo hehu Vayahudi vemdarishe, "Kai mnehema he kiome gho, niho mnekwa vahina gho kweri, ³²kune mneile kweri, na kweri inemuke huru." ³³Vekamlandula, "Nne ni uzao wakwe Ibrahimu na neri tetuzekwa di he uzasughawa ni wowose, ubamo, "Tunerowe huru?"³⁴Yesu ekalandula, "Amini, amini, nimubayani, kila ebo-i makusa ni mzasughawa wa makusa. ³⁵Mzasughawa tezikodi ang'a wakati mkabuna; m-inyi ehema ma-aze kabuna. ³⁶Kwato, kai M-inyi ekumuke huru, mnekwa huru kweri pere.³⁷Nireile ite kune mu uzao wakwe Ibrahimu; mdaa kuniga-a kwa mburi ya kiome gho techilo ntafasi za kaghu. ³⁸Nitayo mburi ambajo nitejiahaho hawe ne Aba gho, na kune to oto mtabo-i mburi ambajo mjikoye kuli he aba kaghu."³⁹Vekalandula na kum-baya, "Aba kanu Ibrahimu." Yesu ekavabaya, Kai mweekwaye va-inyi vakwe ibrahimu., mweseebo-iye nyamalo jakwe Ibrahimu. ⁴⁰hata waijiji mdaa kuniga-a, mhe emubaye ukweri ite nikoye kuli he Kiumbi. Abrahamu tebo-iye to. ⁴¹Murabo-i nyamalo ja aba kaghu." Vekam-baya, "Tetusaiwe, he uzinzi, tulo aba muwe, Kiumbi."⁴²Yesu ekavabaya , "Ikukwa Kiumbi ni Aba kaghu, mwaanidumu ani, ake niliye ha Kiumbi; neri silitiye kwa kudumu salghe bi, mira huye enisughaye. ⁴³Ni ahoni tem-iliye viome gho? Kwaite tem-muru kugumirija kukoiya viome gho. ⁴⁴Kune muva aba kaghu, Shetani, na mdumu kujibo-i tamaa ja aba kaghu. Eekwaye mzaga-a tangia azeto na temuru ku-uma he kweri kwaite kweri teihata za ku-u. Ekurayo mongo, eyo kuli he asili ku-u kwaite ni mongo na aba wa mongo.⁴⁵Hata waijiji, kwaite niyo huyo ekweri, temdarisha. ⁴⁶Ni mhama he kune enishuhudia ite nilo makusa? ikukwa niyo huyo ekweri, niahoni temdarisha? ⁴⁷Huye ewa Kiumbi eyakoiya viome vya Kiumbi; kune temyakoiya kwaite kune si va kiumbi."⁴⁸Vayahudi vekamlandula, na kum-baya, tetuyoye Kweri ite ari u msamaria na ulo m'pepo?" ⁴⁹Yesu ekalandula, silo m'pepo; mira nimkoya Aba gho, kune temnikoya.⁵⁰Sidaaija unyakhare gho; helo muwe edaa na kuhukumu. ⁵¹Amini,amini, nimubaya, kai wowose enechidara kiome gho, tekazeaho kuga neri.⁵²Vayahudi vekam-baya, "Iji twaa ile ite ulo m'pepo. Abrahamu na valotezi vegaye; mira uba, 'Ikukwa mhe enechidara kiome gho, tekagali kigame'. ⁵³Ari tumgiri kutaho aba kanu Abrahamu egaye, sicho? Valotezi navo vegaye. Ari ukubo-i kukwa ji?"⁵⁴Yesu ekalandula, "ikukwa ninekutogola salaghe, unyakhare gho ni bure; ni Aba gho enitogola- huye mumyo ite ni Kiumbi kaghu. ⁵⁵Kune temnam-ile huye, mira ani nirem-ile huye. Ikukwa nineba, 'Sim-iliye', ninekwa sa kune, mlame. Hata cho, nirem-ile na viome ku-u nividaraye. ⁵⁶Aba kaghu Abrahamu eefaruiye ekuneliaho i-aze gho. eliahoye na kulhamuiwa."⁵⁷Vayahudi vekam-baya, "teunaheeti umri wa miko mirongo mikoi neri, na-ari wamuaho ibrahimu?" ⁵⁸Yesu ekavabaya, "Amini,amini, nimubayani, echeri Abrahamu esina ahowe, ANI NIATA." ⁵⁹Niho vekadodoli masaheru vapate kum-ma, mira yesu ekakumatu na ekali gana ya Muaresi.

¹Too sa yesu ekukwa etaho, ekamwaho mhe kipofu kulholhosha kuahowe ku-u. ²Vahina ku-u vekamlhaasu, "Rabi, ni ji eboiye makusa, mhe ya kana vazazi ku-u, hata aahowe kipofu?"³Yesu ekavalandula, "Si ya mhe neri vazazi ku-u veboiye makusa, mira nyamalo ja kiumbi jimuru kughubulwa kutahoya haku-u. ⁴Tudumuwe kubo-i nyamalo ku-u huye enisughaye i-i hecheri chakako. kiama chilita too ambaho tehelo enemuru kubo-i nyamalo. ⁵Too nierata he idi, ani ni luatame lwa idi."⁶Areafiriti yesu kuyo viome ya, ekabusu he mpulhe, ekabo-i kisalo kwa mapae, na ekamlhoomi hu mhe he ma-ila na hu kisalo. ⁷Ekambaya, so uzeonti he kisima cha Siloamu (Chitafsiriwa sa 'esughaiwe') kwato huye mhe ekaso, ekaonti, na ekakirii, ekuaho.⁸Vasina na huye mhe na hu vemuahoye bosi sa eombeja vekaba, He! haye si huye mhe ekukwa ezokodi na kuombeja?" vahali vekaba, "Ni huye." ⁹Na vahali vekaba, "Hai, mira etotiye na-u."Mira ekwaye ekuba, "Ni ani."¹⁰Vekam-baya, "Iji ma-ila ke yeghubulwe kimomo?" ¹¹Ekalandula, mhe esewe Yesu etebo-i kisalo na kulhoomi ma-ila gho na ekanibaya, 'So Siloamu uzeonti.' Kwato nikaso, nikaonti, nikamuru kuaho kahali." ¹²Vekam-baya, "Eatale?" Ekalandula,"Si ile."¹³Vekamti-i huye mhe ekwaye kipofu he Mafarisayo. ¹⁴Naho yeekwaye i-aze la Sabato too Yesu areabo-i kisalo na kuyaghubula ma-ila ku-u. ¹⁵Niho wa Mafarisayo vekamlhaasu emuruye mo kuaho. Ekavabaya, "Etebutu kisalo he ma-ila gho, nikaonti, na waijiji nimuru kuaho."¹⁶Baadhi ya Mafarisayo vekaba, "Mhe ya teliye he Kiumbi kwaite Teidara Sabato." Vahali vekaba, "Chimuruika mo mhe elo makusa kubo-i ishara sa kajo?" kwato hekakwa na mkakaishano he vo. ¹⁷Niho vekamlhaasu huye e Kipofu kahali, "Ubamo ana ku-u kwaite eeyaghubule ma-ila ke?" kipofu ekaba, "Ni mlotezi." ¹⁸Mpaka wakati ya Vayahudi tevemdarishe ite nee kipofu naho aamuru kuaho mpaka vekavase vazazi ku-u huye emuruye kuaho.¹⁹Vekavalhaasu vazazi, he, ya ni m-inyi kaghu muba eahoiwe kipofu? emuruemo iji kuaho?" ²⁰Kwato vazazi ku-u vekalandula, "Tureile ite ya ni m-inyi na ite eahoiwe kipofu. ²¹Ni namna mina hucho iji eaho, tetu-iliye, Mlhasuni u. Ni mhe mzime. Emuru kujieleza salaghe."²²Vazazi ku-u vekayo kiome ya, kwaite veteko bughu Vayahudi. Kwa hucho Vayahudi veekubaliane ite, ikukwa wowose eneba ite Yesu ni Kristo, enetengwa na muaresi. ²³Kwato iji vazazi ku-u vekaba, "Ni mhe mzime, mlhasuuni uye.²⁴Kwato kwa kagi kakanu, vekamse hu mhe eekwaye kuwa kipofu na vekambaya, "M-o Kiumbi unyakhare. Tureile ite mhe ya ni mzalo makusa." ²⁵Niho huye mhe ekalandula, "Chikwa ni mzalo makusa, ani si-iliye. Kigi kiwe ni iliye: neekwaye kipofu, na waijiji niaho."²⁶Niho vekambaya, "Ekubo-iye kiahoni? Eeyaghubule ma-ila gho?" ²⁷Ekalandula, "Naaheja kumubaya tayari na kune temsikije! Ni kiahoni mdumu kukoiya kahali? Na kune temdumu kukwa vahina ku-u naho, sicho? ²⁸vekam-olhu na kumba, "Ari um hina ku-u, mira nne tuvahina vakwe Musa. ²⁹Tureile ite Kiumbi eyoye ne Musa, mira heya mhe, tetuiliye twai hoeliye.³⁰Huye mhe ekalandula na kuvabaya, "Kwa ahoni, ya ni mburi la kumakija, ite tem-iliye hoeliye, na iji ayaghubula ma-ila gho. ³¹Tureile ite Kiumbi tesikija velo makusa, mira kai mhe wowose emuaresi Kiumbi na kubo-i midumuire ku-u, Kiumbi emsikija.³²Tangu kulholhosha kwa idi tezeelijanya neri kukowe ite wowose eyaghubule ma-ila ya mhe eahoiwe kipofu. ³³Ikukwa mhe ya teliye he Kiumbi, Teseebo-iye chochose." ³⁴Vekalandula na kum-baya, "Wee ahoiwe he makusa pere, an ari utuhinija nne?" Niho vekamuuguluti kuli he muaresi.³⁵yesu ekakoiya ite vaamgu he muaresi. Ekamuaho na kum-baya, "Uramdarisha M-inyi wa Mhe?" ³⁶Ekalandula na kuba, "Ni ji, Dilao, nesa na ani nimuru kumdarisha?" ³⁷Yesu ekam-baya, "Waaheja kumuaho, nau uyo na-u niu." ³⁸Huye mhe ekaba, "Dilao, Nidarisha." Niho ekamsujudia.³⁹Yesu ekaba, "he hukumu nilitiye he idi ya nesa ite he vesiaho vamuru kuaho na hu veaho vakwa vipofu." ⁴⁰Baadhi ya Mafarisayo veata hawe na u vekakoiya mburi kayo na kumlhaasu, "Na nne naho ni vipofu?" ⁴¹Yesu ekavabaya, "Kai mweekwaye vipofu, temweseezakwa na makusa. Hata cho, waijiji muba, 'tura-aho,' makusa kaghu yehema."

¹Amini, amini nimubayani, huye esibuu kwa kutahoya luhige lwa izizi la ma-alu, mira ekutu he kwalhi hali, mhe kaye ni mgwalo na mzalati. ²Huye ebuu he luhige ni mzemo wa ma-alu.³Haku-u bawabu wa luhige emlhaiya. Ma-alu vekoiya lugwalhu ku-u na eyase ma-alu ku-u kwa malhe kini kuyagu kahana. ⁴Ekuneyagu gana huyo emaku-u, yevakaeya, na ma-alu yemdosa, kwaite veluiliye lugwalhu ku-u.⁵Teyekamdosirije mgalho mira badala ku-u yenemuepuka, Kwaite teyeiliye lugwalhu lwa vagalho." ⁶Yesu ekayo mfano ya hakini, mira teveiliye mburi ya ambajo ekujiyo hakini.⁷Yesu ekayo navo kahali, "Amini, amini, nimubayani, Ani ni luhige lwa ma-alu, ⁸Vakabuna venikaeye ni vagwalo na vezalayani, mira ma-alu teyezevakoiya.⁹Ani ni Luhige. Wowose enebuu kutahoya hagho, eneokolewa; enebuu za na kuli, nau ekuahoya mahako. ¹⁰Mgwalo telitamira kugwa, kuga-a, na kuangamija. Nilitiye nesa ite vaaho uzime na vakwa nao mkumure.¹¹Ani ni mzemo mkulho. Mzemo mkulho eegu uzime ku-u he ma-alu. ¹²Mnyamalo eajiriwe na si mzemo, hu eu ma-alu si mari ku-u, ekuaho madiye ya ngweza yekulita na etaaro na kugugulu ma-alu. ¹³Na madiye ya ngweza yeyadara na kuya-azaghanya. Eyaugulu kwaite ni mnyamalo wa kuajiriwa na tewesiisha ma-alu.¹⁴Ani ni mzemo mkulho, nireile evagho, navo evagho veneni-ile ani. ¹⁵Aba ereni-ile, na ani nirem-ile Aba, na ani niugu uzime gho kwa ajili ya ma-alu. ¹⁶Nilo ma-alu mahali esiya izizi ya. Naka nayo, yenidumu kuyagera, nayo yekoiya lughalu gho nesa ite hakwa na ikundi iwe na mzemo muwe.¹⁷Ya niyo Aba enidumu: Niugu uzime gho naho niudori kahali. ¹⁸Tehelo eudori kuli hagho, mira ani nitaugu mwenye. Nilo kisatu cha ku-ugu, nilo kisatu cha kuudori naho. Nidoriye kuzasughawa to kuli hakwe Aba."¹⁹Mkakanyiko mhali ukalijanya he Vayahudi kwa mburi ya viome ya. ²⁰Vakumure kini vekaba, " Elo m'pepo na ni kilalu. Kwa ahoni kumsikja?" ²¹Vahali vekaba, "Hayo si viome vya mhe epagawe ni m'pepo. M'pepo kimuru imuru kughubula ma-ila ya Kipofu?"²²Niho ikalita sikunkulu ya kukewe wakfu Yerusalemu. ²³Weekwaye wakati wa sa-a, ne Yesu ekukwa edaha he muaresi he lukumbi lwakwe Suleimani. ²⁴Niho Vayahudi vekamjunguluka na kum-baya, "Mpaka ami unetuke he futo? kai ari ni kristo tubaye pere.²⁵Yesu ekalandula, "Naaheja kumubaya mira temdarisha. nyamalo nijibo-iye kwa ilhe la Aba gho, kajo jiyoya ana gho. ²⁶Hata cho temdarisha kwaite kune si ma-alu gho.²⁷Ma-alu gho vekoiya lugwalhu gho, Nirevaile, navo venidosa ani. ²⁸Nivaoye uzime wa milele; teveka-angamie neri. na tehelo neri muwe eneyakwapula kuli he miheregha gho.²⁹Aba gho, enioye kavo, ni mgiru kutaho vahali vakhabuna, na tehelo neri muwe elo na kisatu cha kuvanyakula kuli he miheregha yakwe Aba. ³⁰Ani ne Aba tu kiwe." ³¹Vekati-i masaheru nesa vampa kahali.³²Yesu ekavalandula, "Naheja kumuaija nyamalo kumure kulho kuli hakwe Aba. He nyamalo hama he kajo mdumu kunima masaheru? ³³Vayahudi vekamlandula, "Tetukuma masaheru he nyamalo yoyose ekulho, mira kwa kukufuru, kwaite ari, umhe, ukubo-i ite Kiumbi."³⁴Yesu ekavalandula, "Teigondiwe he sheria kaghu, "Neebaye, "Kune mu viumbi"? ³⁵Chikukwa emuseye viumbi, he huvo Kiome cha Kiumbi cheevalitiye ( na magondo teyemuru kupuwe,) ³⁶muyo ana ya hu ambaye Aba emguye na kumsugha he idi, "Ukufuru,' Kwaite neebaye, 'ani ni M-inyi wa Kiumbi'?³⁷"Chikukwa sibo-i nyamalo ja Aba gho, msinidarishe, ³⁸Naho cho, chikukwa nijibo-i, neri kai temdarisha, jidarisheni nyamalo nesa ite mumuru ku-ile na kuiliisha ite Aba eata za hagho na ani za yakwe Aba" ³⁹Vekaghesha kahali kumdara yesu, mira ekaso ku-u kuli he miheregha kini.⁴⁰Yesu ekaso ku-u kahali chaoju ya Yordani hodi ambaho Yohana ekubatijaa bosi. na ekahema are. ⁴¹Vahe vakumure vekalita hakwe yesu. Vekaendelea kuyo, "Yohana kweri tebo-iye ishara yoyose, mira mburi kabuna ejiyoye Yohana ana ya mhe ya ni kweri." ⁴²Vahe vakumure vekamdarisha yesu ata.

¹Iji mhe muwe ilhe ku-u Lazaro nee mrukao. Eeliye Bethania, mwang'a wakwe mariamu ne wau ku-u Matha. ²Nee mariamu huyehuye emlhomiye Dilao Marhamu na kumfuta masame ku-u kwa alhu ku-u, huye m-bahu ku-u Lazaro nee mrukao.³⁴Niho vadada ya vekasugha lugwalu hakwe yesu na vekaba, "Dilao, wesia huye umdumuye elhaiwa." yesu areako ekaba, "Urukao ya si wa kuga, mira, badala ku-u ni kwa ajili ya unyakhare wa Kiumbi nesa ite M-inyi wa Kiumbi apate kutukuzwa he kao urukao."⁵Yesu emdumuye Martha ne wau ku-u ne Lazaro. ⁶Areako ite lazaro ni mrukao, Yesu ekahema ma-aze manu mahali hodi ho eata. ⁷Niho baada ya yalo ekavabaya vahina ku-u, "Tusoni uyahudi kahali."⁸Vahina vekam-baya, "Rabi, Vayahudi veekughesha kukuma masaheru, na ari udumu kukirii are kahali?" ⁹Yesu ekalandula, "Saa ja chakakp si ikado na nu? mhe ekudaha chakako temuru kukukonta, kwaite eaho wa luatame lwa chakako.¹⁰Hata cho, ikukwa enedaha na-ama, enekukonta kwaite luatame tehelo za ku-u." ¹¹Yesu ekayo mburi ya, na baada ya mburi ya, ekavabaya, "Msaho kanu Lazaro aagosha, mira nitaso nesa ite nimuru kumka-a kuli he luireno."¹²Niho vahina vekam-baya, "Dilao, kai aagosha, eneka. ¹³Wakati ya Yesu eekuyomburi ja kigato chakwe lazaro, mira vo veefanyanye eyoya mburi ja kugosha luireno. ¹⁴Niho yesu ekayo na pere, "Lazaro aaga.¹⁵Nilo kinyemi kwa ajili kaghu, ite sika ata twai nesa ite mwaho kudarisha. Tusoni haku-u." ¹⁶Iji Tomaso, eseiwe Pacha, ekavabaya vahina va-aro, "Na nne tusoni naho tuzega hawe ne Yesu."¹⁷Too Yesu arelita, ekaheya ite lazaro tayari aaheja kukwa he kaburi maaze mahai. ¹⁸Naka bethania yeekwaye sina na yerusalemu sa kilomita mirongo mihai na koi to. ¹⁹Vakumure he vayahudi vekalita hakwe Martha ne Mariamu kuvahani kwa ajili ya m-bahu kini. ²⁰Niho Marha areakoiya ite Yesu etalita, ekaso kuhe na-u, mira Mariamu ekaendelea kuhema ang'a.²¹Niho Marha ekam-baya yesu, "Dilao, kai nanga weata i-i, kaka gho teseegaye. ²²Hata waijiji, nireile lolose uneombeja kuli he Kiumbi, eneku-o." ²³Yesu ekam-baya, kaka ke enefufuka kahali."²⁴Marha ekam-baya, nireile ite enefufuka he ufufuo i-aze la mwisho." ²⁵Yesu ekam-baya, "Ani ni ufufuo na uzime; huye enidarishe, hata kai enega, hata cho enekwa ehema; ²⁶na huye ehema na kudarisha ani tekaga. Udarisha ya?"²⁷Ekam-baya, Ee, Dilao nidarisha ari ni Kristo, M-inyi wa Kiumbi, huye elita he idi." ²⁸Areaheja kuyo ya, ekaso ku-u na kumse wau ku-u Mariamu kakera. Ekaba, "Mhinizi eata i-i ekuse." ²⁹Mariamu areako yayo, ekaka fia na kuso hakwe yesu.³⁰Ne Yesu teena cheri kulita za he mwang'a, mira eereata hodi eehee ne marth. ³¹Niho Vayahudiveata ne mariamu he minda na hu veekumhani, vareamuaho ekuka fia na kuli gana, vekamdosa, vekufanyanya ite etaso he kaburi nesa arezoya are. ³²Niho Mariamu, arehe too Yesu arekwa ekamuaho na, ekalhu di he masame ku-u na kum-baya, "Dilao, kai weata i-i, m-bahu gho teseega."³³Yesu aremuaho ezo, na Vayahudi velitiye hawe na-u vekwaye vezo navo, ekaombileja he swaho na ekafadhaika; ³⁴ekaba, "Mumbodije le? vekam-baya, Dilao, lita uwesie." ³⁵Yesue ekazo.³⁶Niho vayahudi vekaba, "Wesia cho eemdumuye Lazaro!" ³⁷Mira vahali hevo vekaba, "Siya, mhe eyaghubule ma-ila ya huye eekwaye kipofu, temuruye kum-bo-i ya mhe asiga?"³⁸Niho Yesu, hekuomboleza he swaho ku-u kahali, ekaso he ikaburi. Iji leekwaye ni m'panga, na isaheru likeiwe ana ku-u. ³⁹Yesu ekaba, "Lika-ani isaheru." Martha, wau ku-u Lazaro, huye egaye, ekam-baya Yesu "Dilao, he muda ya, msa unekwa waabo, kwaite aaheja kukwa maiti he ma-aze mahai." ⁴⁰Yesu ekam-baya, "Ani seekubaye ite, kai ukdarisha, uneuaho unyakhare wa Kiumbi?"⁴¹Kwato vekalika-a isaheru. Yesu ekaka-ari ma-ila ku-u ana na kuyo, "Aba, nikushukuru kwaite uniko. ⁴²Neereile ite unisikija kagi kakabuna, mira ni kwa mburi ya ikusanyiko ambalo liumaye kunijunguluka ite niyoye ya, nesa ite vapate kudarisha ite ari utenisugha.⁴³Baada ya kuyo ya, ekazo kwa sauti giru, "Lazaro, li gana!" ⁴⁴Egaye ekali gana eoroiwe miheregha na masame kwa shanda ja kujikiya, na vubasa ku-u weoroiwe na kitambaa." Yesu ekavabaya, "Mgeni mumlhama aso."⁴⁵Niho vayahudi vakumure velitiye hakwe Mariamu na kuaho Yesu cho eboiye, vekamdarisha, ⁴⁶Mira baadhi kini vekaso he Mfarisayo na kuvabaya mburi ebo-iye Yesu.⁴⁷Niho vagiru va muaresi na Mafarisayo vekatutanyika hawe he baraza na kuyo, "Tunesamo? mhe yaye ebo-i ishara kumure. ⁴⁸Ikukwa tunemro to salaghe bi, vakabuna hodi hakanu na itaifa kanu.⁴⁹Yayo teyayoye, mhe muwe he vo, kayafa, ekwaye mgiru wa kuaresi mko ka, ⁵⁰Temfanyanya ite chiye kwa ajili kaghu ite mhe muwe chimdumu kuga he mburi ya vahe kuliko itaifa izime kuangamia.⁵¹Yayo teyayoye kwa mburi ku-u mwenye, mira, kwaite nee mgiru wa kuaresi mko hu., eeloteze ite Yesu enega kwa mburi ya taifa; ⁵²naho si he itaifa bi ijenyemira Yesu apate tooto kuvatutanya va-inyi va Kiumbi ambavo vekakanyike hodi uda uda. ⁵³Kwato kulholhosha i-aze kalo na kuendelea vekapanga namna ya kumga-a Yesu.⁵⁴Yesu tedahaye kahali waziwazi hasi he Vayahudi, mira ekahaka ata na kuso idi liata sina na ijangwa he mwang'a usewe Efraimu. Ata ekahema na vahina. ⁵⁵Iji Pasaka ya Vayahudi yeata sina, na vakumure vekakutu kuso Yerusalemu gana ya mwang'a isinahe pasaka nesa vapate kukunyakhare salaghe.⁵⁶Veekwaye vemdaa Yesu, na kuyo kila muwe veekwaye veumaye hemuaresi, "Mufanyanya kiahoni? ite tekalita he sikunkulu?" ⁵⁷Wakati ya vagiru va kirurumo na Mafarisayo veekwaye veguye amri ite ikukwa muwe eneile ite yesu hoeata, edumuwe kugu taarifa nesa ite vapate kumdara.

¹Ma-aze sita isinahe Pasaka, Yesu ekaso betham=nia, hoeta Lazaro, huye emfufue kuli ha vegaye. ²Iji Vekamwandaiya viaghu vya chamagheri are, ne Martha ekamnyamarikia, wakati ka lazaro eekwaye muwe kini wa hu vezokodiye he viaghu hawe ne Yesu. ³Naho Mariamu ekadori rati ya mihem'pe yebo-iiwe kwa nardo kulho, ilo thamani giru, ekamlhoomi Yesu he masame, na kumfuta masame kwa alhu ku-u; minda kabuna ikahu mihem'pe ya manukato.⁴Yuda Isakariote, muwe wahu vahina ku-u, ake ni-u enemsaliti Yesu ekaba, ⁵"Ni niahoni mihem'pe ya yekusaadiwe kwa dinari magana makai na kuzaowe vahuye?" ⁶Na-u eyayoye kayo, si kwa kuvaahoya mbazi vahuye, Mira kwaite eekwaye mgwalo: Uye nee-u eedaraye mfuko wa magwala na eekuwaye edori baadhi ya vikeiwe ata kwa mburi ku-u salaghe.⁷Yesu ekaba, "Mroni abutu elo nacho kwa ajili ya i-aze la majiko gho. ⁸Vahuye mnekwa navyo maaze kabuna, mira temkakwa na ani ma-aze kabuna.⁹¹¹Iji umati mgiruwa vayahudi vekapata kuaho ite Yesu eata ate, navo vekalita, si kwa mburi ya Yesu bi, mira vamuaho ne Lazaro huye Yesu emfufue kuli havegaye. ¹⁰Navo vagiru va muaresi vekaboi shauri nesa vamga-a Lazaro; Ake kwa mburi ku-u vakumure he Vakumure he Vayahudi vekaso kini na vekamdarisha Yesu.¹²Na i-aze la kanu ku-u umati mgiru vekalita he sikunkulu. Vareako ite Yesu elita Yerusalemu, ¹³Vekadori matambi ya mihatu ya mitende na kuli gana kuso kumdoria na vekama vilondo, "Hosana! Aabarikiwa huye elita kwa ilhe la Dilao, Dilao wa Israeli."¹⁴Yesu ekapata m-inyi wa M'punda; sa hucho chiandikwe, ¹⁵"Usiogohe, mualeta Sayuni; wesia, Dilao ke elita, ekutuye m-inyi wa m'punda."¹⁶Vahina ku-u teveejiliye mburi ya ata bosi; mira Yesu ereatogolwa, niho vekayahulha ite mburi yajo jeandikiwe uye na ite vebo-iye mburi haku-u.¹⁷Basi hu ikundi la vahe veeata hawe ne Yesu ekumse Lazaro kuli he ikaburi, vekavabaiya vahali. ¹⁸Na chikakwa mburi ya naho vahe vahali kuso kwamdoriya ake veekoye ite aibo-i ishara kayo. ¹⁹Mafarisayo vekayoiyana vo kwa vo , "Wesia, iji tem-muru kubo-i lolose; wesia, idi laaso haku-u.²⁰Iji baadhi ya vayunani veekwaye he vo hu veekuso kuaresi he sikunkulu. ²¹Yavo vekamsoya Filipo, ambaye eliye Bethsaida ya Galilaya, vekamuombeja vekuba, "Dilao, nne tudumu kumwaho Yesu." ²²Filipo ekaso kum-baya Andrea; Andrea ne Filipo ekaso na ekam-baya Yesu.²³Yesu ekavalandula ekaba, "Saa yaahe kwa ajili ya m-inyi wakwe Adamu kutogolwa. ²⁴Amini,amini, namubayani, m'puluzi ya ngano ikusaalhu he idi ikaga, inehema sato oto njenye bi; mira ikuga, inesa matuunda makumure.²⁵Huye eudumuye uzime ku-u eneulahati, mira huye eusanuiya uzime ku-u he idi ya eneu-uti hawe na uzime wa milele. ²⁶Mhe wowose ekuninyamarikia ani, na anidose; ani niata, niho na mnyamalo gho enekwa. Mhe wowose ekuninyamarikia, Aba enemheshimu.²⁷Iji swaho gho yaafadhaika: na ani nibamo iji? 'Aba, uniokoe he saa ya'? Mira nikwa ikusudi ya naaheya saa ya. ²⁸Aba, ulitogole ilhe ke." Naho kiome chikalita kuli mbinguni na kuba, "Naalitogola naho ninelitogola kahali." ²⁹Iji mkutano weeumaye sina na-u vekakoiya, vekaba ite haakwa na ngurumo. Vahali vekaba, "Malaika aayo na-u."³⁰Yesu ekalandula na kuyo, "Sauti ya teilitiye kwa mburi gho, mira kwa mburi kaghu. ³¹iji hukumu ya idi ya ireata: Iji mgiru wa idi ya enebibiwe gana.³²Na ani nikunekaawe ana ya idi, ninevahuru vakabuna hagho." ³³Eeyayoye kayo ekuaija ni kigame mina enega.³⁴Mkutano vekamlandula, "Nne twaakoiya he sheria ite Kristo enehema hata milele. Na ari wabamo, 'M-inyi wa mhe ni ji?" ³⁵Iji Yesu ekavabaya, "Luatame lweereata hawe na kune muda mgitutu. Sonikomo bi mlo luatame, nesa ite kidughu liseee mumuru. Huye eso he kidughu teiliye ho eso. ³⁶Kwa hucho luatame lureata, darishani luatame kao nesa mukwa va-inyi va luatame." Yesu eyayoye ya na naho ekaso ku-u ekakumatu vasimwaho.³⁷ingawa Yesu eeboiye ishara kumure namna kajo mbele kini, mira tevemdarishe ³⁸nesa chilijanye kiome cha mlotezi Isaya, choeyoye: "Dilao, niji ejidarishe mburi kanu? Na mheregha wakwe Dilao eghubuliwe ji?³⁹Nicho iji vo tevedarishe, ake Isaya eeyoye kahali. ⁴⁰"Evapofuija ma-ila, na ajibo-i kuji swaho kini; vaseeza aho kwa ma-ila kini na veka-ile kwa swaho kini, na vekaongoka ani nikava-uti."⁴¹isaya eyoye viome kavyo kwa ite euahoye unyakhare qakwe Yesu naho ekayo mburi ku-u. ⁴²Mira, neri vagiru vakumure vekamdarisha Yesu; mira kwa mburi ya Mafarisayo, tevezeyoye nesa vaseetengwa na muaresi. ⁴³Veedumuishe ntogolo ja vahe kutaho ntogolo jili ha Kiumbi.⁴⁴Yesu ekaka-a lugwalhu ekaba, "Huye enidarisha ani, tenidarisha ani bi mira na huye enisughaye ani, ⁴⁵na huye enihayoye ani emuaho huye enisughaye.⁴⁶Ani nilitiye sa luatame he idi nesa kila mhe enidarisha ani asiheme he kidughu. ⁴⁷Chikukwa mhe wowose enekoiya mburi gho mira asijidara, ani sikamhukumu; Kwaite silitiye nesa nilihukumu idi, mira niliokoe idi.⁴⁸Huye enilhi ani na tevidumu viome gho, na huye emhukumu: kiome kacho nichiyoye nicho chinemhukumu iaze la mwisho. ⁴⁹Kwaite ani sichiyoye kwa kudumu mwenye bi. Mira ni aba eniti-iye, U salaghe etenisugha nineyayo na huyo ninemubaya. ⁵⁰Na ani nireile ite mburi ku-u ni uzime wa milele; kwato kayo niyo ani -sa Aba enibaye, nicho niyo hakini."

¹iji i-i isinahesikunkulu ya Pasaka, Kwaite Yesu eiliye ite saa ku-u yaahe huyo eneli heya idi kuso hakwe Aba, chikukwa evadumuye vahe ku-u ambavo veata duniani, eevadumuye kutaho chimanyerwe. ²Ne Ibilisi eekwaye ekeiwe pere he swaho yakwe Yuda Iskariote, m-inyi wakwe Simoni, Kumsaliti Yesu.³Yesu eereile ite aba eekeye vigi vikhabuna he miheregha ku-u na ite eliye hakwe Kiumbi na ite eekuso kahaliwa hakwe Kiumbi. ⁴Ekaka he ku-a na ekanagha ata di gomae ku-u ya gana. Naho ekadori itaulo na ekaku-o-ro salaghe. ⁵Naho ekabutu ma-i he ibakuri naho ekalholhosha kuvaonti masame vahina ku-u na ekavafuta na itaulo ambalo eekuoroye uye salaghe.⁶Ekalita hakwe Simoni, ne Petro ekam-baya, "Dilao, Udumu kunionti masame gho?" ⁷Yesu ekalandula n a kumbaya, "Chonibo-i tuchi-iliye waijiji iji, mira uneile baadaye." ⁸Petro ekam-baya, "Tukanionti masame gho neri." Yesu ekalandula, "Chikukwa sikakuonti, tukakwa hodi hawe na ani." ⁹Simoni Petro ekam-baya,"Dilao, usinionti masame gho bi, mira naho na miheregha na m-a gho."¹⁰Yesu ekam-baya, "Huye ehejije kuonti techidumu kuonti mira masame ku-u, na aakwa safi msa ku-u khabuna; kune mwaakwa safi, mira si vakhabuna." ¹¹Kwaite Yesu ereila huye enemsaliti; ya nichomburi eebaye, si vakhabuna mukwaye safi."¹²Too Yesu arekwa aavaonti masame kini na ekuheja kudori gomae ku-u na kuzokodi kahali, ekavabaya, "He mwaaile hucho nimubo-iye? ¹³Munise "Mhinizi" na Dilao ya myo kweri, kwaite nicho nikwaye. ¹⁴Chikukwa ani Dilaona mhinizi, naavaonti masame kaghu, kune naho chimudumu kuvaonti va-aro masame. ¹⁵Kwa ite naamuo mifano nesa ite kune naho mubo-i sa ani cho nibo-iye hakaghu.¹⁶Amini, amini,namubayani,mzasughawa si mgiru kutaho dilao ku-u; neri huye esughaiwe ni mgiru kutaho huye emsughaye. ¹⁷Chikuwa ureile mburi yajo, waabarikiwa ukuyabo-i. ¹⁸Siyo kuhusu kune vakhabuna, kwaite nireile huvo nivasaghure- mira niyo yajo nesa ite maandiko yamuru kutimijwa. 'Huye e-a mkate gho aanika-aya kihaga ku-u.'¹⁹Nuimubaya yayo waijiji i-i lisinalijanya nesa ite likunelijanya, mumuru kudarisha ite ani NI-U. ²⁰"Amini,amini, nimubayani, enidoria ani emdoria huye nimsugha, na huye enidoria ani emdoria huye enisughaye ani."²¹Too Yesu areayo yayo, eenyamarike he swaho, eeyoye na kuba, "Amini, amini, namubayaniite muwe kaghu enenisaliti, " ²²Vahina ku-u vekawesiana, vekumaka nikwa ajili ya kweji eyoye.²³Heelo he meza, muwe va vahina ku-u eegamire he kia cha kwe Yesuhuye ambaye Yesu emdumuye. ²⁴Simoni Petro ekamlhaasu mhina ya na kuba, "Tubaye ni mhama ambaye haku-u emyoya, ²⁵"Mhina huye eegamire he kia chakwe Yesu na ekam-baya, Dilao,ni ji?"²⁶Naho Yesu ekalandula, "Ni haku-u huye nineginta kipande cha mkate na kum-oya." Kwato areakwa aaginta mkate na kum-oiya Yuda m-nyi wakwe Simoni Iskariote. ²⁷Naho baada ya mkate, Shetani ekambu. Naho Yesu ekam-baya, "hucho udumu kuchiboi chibo-i fia."²⁸Iji tehelo mhe he meza eereile hucho chiroye Yesu ayo mburi ya haku-u. ²⁹Vahali hevo vekafanyanya ite, Kwa hucho Yuda eedaraye mfuko wa magwala, Yesu ekam-baya, "We vigi tuvidumu kwa mburi ya sikunkulu," kana ite edumuwe kugu kigi he vahuye. ³⁰Baada ya Yuda kudoriya mkate,ekali gana fia naho heekwaye na-ama.³¹Too Yuda areakwa aahaka, Yesu ekaba, "Iji m-inyi wakwe Adamu atogolwa, na Kiumbi aatogolwa he uye. ³²Kiumbi enemtogola he uye salaghe, na enemtogola fia. ³³Va-inyi vagitutu, niata hawe na kune kitambo kigitutu. Mnenidaa, na sa hucho nimvabaye Vayahudi, 'Ho niso, temkamuru kulita'. Iji nimubaya kune, naho.³⁴Nimuoiya amri ku-a, ite mdumuane; sa hucho ani nimudumuye kune, huchohucho na kune naho imudumu kudumuana kune kwa kune. ³⁵Kwa mburi ya vahe veneile ite kune ni vahina gho, chikukwa mlo udumuisho he kila muwe na mhali."³⁶Simoni petro ekam-mbaya, "Dilao, uso na le?" Yesu ekalandula, "Hodi niso kwa waijiji tukamuru kunidosa, mira unenidosa baadae." ³⁷Petro ekam-baya, Dilao, ni kiahoni nisikudose neri waijiji? Ani nineyagu maisha gho kwa ajili ke." ³⁸Yesu ekalandula, "He uneyagu maisha ke kwa ajili gho? Amini, amini nikubaya, nkuruve teikazo usina nikana kagi kakai."

¹Usidumuije swaho ke kuwa he manyamarisho. Umdarisha Kiumbi nidarishe naho na ani. ²He minda ya Aba gho helo hakuhemia hakumure; kai seecho, neseekwaye naakubaya, kwa hucho nitaso kukuandaia hodi kwa ajili ke. ³Kai nikuso na kuva-andaia hodi, ninelita kahali kuvakaribisha hagho, nesa hodi nineata haho nakune muata.⁴Mreile kwalhi hodi ho niso." ⁵Tomaso ekam-baya Yesu, "Dilao, tetuiliye hodi houso; He tunemuru mo kuile kwalhi? ⁶Yesu ekam-baya, "Ani ni-u kwalhi, Kweri, na uzime; tehelo enemuru kulita hakwe AAbaekusaatahoya hagho. ⁷Kai mweeni-iliye ani, mweseekwa mwa-am-ile Aba gho naho; kulholhosha waijiji na kuendelea murem-ile na mwaaheja kumuaho huye.⁸Philipo eembaye yesu, "Dilao, tuaije Aba, na kacho chinekwa chaa tutosha. ⁹"Yesu ekam-baya, "Sikwaye hawe na kune he muda mueza, na bado tuni-iliye ani, Philipo? Wowose eniahoye ani amuaho Aba; Jinsi mina uba ,"Tuaije Aba'?¹⁰Temuamini ite ani za yakwe Aba, ne Aba eata za hagho? Viome vyo niviyo hakaghu siviyo kwa kudumu salaghe; mira iji, ni Aba ehema za hagho eboi nyamalo ku-u. ¹¹Nidarishani ani, ite niata za hakwe Aba, ne Aba eata za hagho; naho nidarishani ani kwajo nyamalo gho hasa.¹²Amini, amini, nimubayani, huye enidarisha, ani nyamalo hujo nijibo-i, enejibo-i nyamalo yajo naho; na enebo-i hata nyamalo girusha kwaite niso hakwe Aba. ¹³Chochose mkuaresi he ilhe gho, ninebo-i nesa ite Aba amuru kutogolwa he Mu-inyi. ¹⁴Kai mkuaresi kigi chochose he ilhe gho, kalo ninelibo-i.¹⁵Kai mkunidumu, mnejidara amri gho. ¹⁶Naho ninemuombeja Aba, na-u enemu-o Mzamulhaari mhali nesa ite amuru kukwa hawe na kune milele, ¹⁷Swaho wa kweri. Idi telimuru kumdoriya huye kwaite teumuaho, kana kum-ile huye, hatacho kune, murem-ile huye, ake ehema hawe nakune naho enekwa za kaghu.¹⁸Sikamuro salaghe bi; Ninekirii hakaghu. ¹⁹He muda mgitutu, idi telikaniaho kahali, mira kune mniaho. Kwaite nihema, nakune mnehema naho. ²⁰He i-aze kalo mneile ite ani niata za ha Aba, na ite kune muata za gho, na ite ani niata za kaghu.²¹Wowose ejidara amri gho na kujibo-i, ni-u muwe enidumu ani; na huye enidumu ani enedumuwe ni Aba gho, naho ninemdumu naho ninekuaija haku-u salaghe haku-u." ²²Yuda (sihuye Iskariote) ekam-baya Yesu, "Dilao, He! ni kiahoni chinelijanya ite unekuaija salaghe hakanu na sihe idi?²³Yesu ekalandula akam-baya, "Kai wowose enidumuye, enedaraisha viome gho. Aba gho enemdumu naho tunelita haku-u na tunebo-i mihemire kanu hawe na-u. ²⁴Wowose ambaye tenidumu ani, tedara mburi gho. Mburi jo mko si gho mira Aba enisughaye.²⁵Niyoye mburi ya hakaghu, Wijiji nicheri hema na kune. ²⁶hata cho, Mfariji, Swaho mnyakhare, ambaye Aba enemsugha kwa ilhe gho, enemuhinija mburi khabuna naho enemubo-i mhulha makhabuna ambayo niyayoye hakaghu. ²⁷Amani nimu-o amani gho kune. Simu-o yayo sa idi cho ligu. Msijibo-i swaho kaghu kukwa manyamarisho, na bughu.²⁸Mweekoye hucho nimubaye, 'Nisogho, na ninekirii hakaghu.' Kai mweseenidumuye ani, mweseekwaye na kinyemi kwaite niso hakwe Aba, kwaite Aba ni mgiru kutaho ani. ²⁹Iji naaheja kumubaya isinalijanyanesa ite, ikunelijanya, mumuru kudarisha. ³⁰Sikayo na kune viome vikumure, kwaite mgiru wa idi ya enelita. Huye telo nguvu ana gho, ³¹mira ite idi lipate kuile nimdumu Aba, nibo-i hucho ba enierekeja ani, sa hucho enioye amri. Kani, na tuhaka hodi i-i.

¹Ani ni mzabibu wa ya ukjweri, ne Aba gho ni mkurume wa mzabibu. ²Kila itambi za hagho lisisa itunda, na kulika-a kila itammbi ambalo lisa itunda elika-ayanesa ite limuru kusaisha.³Kune tayari mwaakwa safi kwa hu mburi ambayo nihejije kumubaiya. ⁴Mzoko za hagho, na ani za kaghu. Sa itambi lisimuru kusa ijenye likusaakwa he mzabibu, naho nakune, mkusaa hema za gho.⁵Ani ni mzabibu; kune muma tambi. Enehemisha za gho na ani za haku-u, mhe yaye enesa matunda makumure, kwaite nesite ani temkamuru kubo-i mburi yoyose. ⁶Charaakwa mhe tekaheme za hagho, enebibiwe sa itambi na kuhala; vahe vetutanya matambi na kuyabibi he mwalha, na kuteketea. ⁷Chikukwa mnehemisha za hagho, na hucho viome vigho vikuhema za kaghu, ombejani lolose mdum, kune mnebo-iiwa.⁸He yalo aba ghoaatogolwa, ite msa matuunda makumure na ite muvahina gho. ⁹Sa aba gho choenidumuye ani, ani naho naamudumu kune; hemani he udumusho gho.¹⁰ikunekwa mnejidara ari gho, mnehema he udumuisho gho sa hucho nijidaraye amri jakwe aba gho na kuhema he udumuisho ku-u. ¹¹Niyoye viome ya hakaghu nesa ite kinyemi cho chikwa za hakaghu na nesa ite kinyemi kaghu jibo-ike kukwa kikamirifu.¹²Ya niyo amri gho, ite mdumuane kune kwa kune sa hucho nimudumuye kune. ¹³Tehelo mhe elo na udumuisho mgiru kutaho yao, ite ayagu maisha ku-u kwa ajili ya vasakho ku-u.¹⁴Kune muva sakho gho chikukwa mnebo-i huyo nimubayani. ¹⁵Simuse vazasughawa, kwaite mzasughawa teiliye hucho ebo-i dilao ku-u. Nimuseye kune vasakho, kwaite naamubayani mburi khabuna ambajo nijikoye kuli hakwe Aba.¹⁶Temnisaghure ani, mira ani neemusaghure kune na kumuke muso mzesa matuunda , naho ituunda kaghu limuru kuhema. Ya likwaye to nesa ite chochose muombeja hakwe Aba he ilhe gho, amuoye. ¹⁷Mburi yajo nimusugha, ite mdumuane kila mhe na m-aro.¹⁸Kai idi likumusanuiya, muile ite leenisanuiye ani kabla telimusanuiye kune. ¹⁹Kai mweekwaye vaidi, idi leseemudumuye sa vakini.; Mira kwaite kune si va idi na kwaite neemusaghure kuli he idi, ni kwa mburi ya idi limusanuiya.²⁰Hulhani kiome hucho nimubaye, "Mzasughawa si mgiru kutaho dilao ku-u.' chikukwa veeninyamarishe ani, venemunyamarisha na kune naho. ²¹Venemubo-iya mburi yajo khabuna kwa mburi ya ilhe gho ake tevem-iliye huye enisughaye. ²²Kai sitelita na kumubaya, teveseebo-iye makusa; mira iji tevelo udhuru he makusa kini.²³Enisanuiya ani emsanuiya Aba naho. ²⁴Chikukwa sibo-iye nyamalo he vo ambajo tehelo muwe eibo-iye, teveseekwaye velo makusa; mira iji vaabo-i makhabuna manu vaa-aho na vaanisanuiya ani na Aba gho. ²⁵Yalo lilijanye nesa ite kiome chitimie ambacho chiandikwe he sheria kini: 'Venisanuiya ani nerihesilo mburi.²⁶Too mfariji alita, huye ninemsugha hakaghu kuli hakwe Aba, yaye ni-u, Swaho wa kweri, huye eliye hakwe Aba, eneniyoya. ²⁷Kune naho mneniyoiya kwaite mwaakwa hawe na ani kuvokia azeto.

¹Naamubaya mburi yajo nesa msimuru kusanuijwa. ²Venemugu gana ya muaresi; Kweri saa ilitiye huyo kila enemuga-a enefanyanya ite ebo-i nyamalo kulho kwa mburi ya Kiumbi.³Venemubo-iya mburi ya kwaite tevem-iliye Aba neri teveni-iliye ani. ⁴Naamubaya mburi yajo nesa ite too ikunehe wayayo kulijanya, mnemuru kuyahulha na hucho nimubaye mumuru kini. Simubaye kuhusu mburi yajo kuvokia azeto kwaite neecheri ata hawe na kune.⁵Hatacho, waijiji niso he huye enisughaye; mira tehelo hekune enilhaasu, "Uso nale?" ⁶Kwaite niyoye mburi ya hakaghu, huzuni ihuye he swaho kaghu. ⁷Hatacho, nimubay ukweri: ni kikulho nikuhaka; kwaite nikusaa haka, mfariji tekalita hakaghu; mira nnemsugha hakaghu.⁸Ekunelita ka mfariji enelibaya idi kuhusiana na makusa, kuhusiana na haki na hukumu. ⁹Kuhusiana na makusa, kwaite tevenidarishe ani, ¹⁰kuhusiana na haki, kwaite niso hakwe aba, na tevekazeniaho kahali; ¹¹naho kuhusiana na hukumu kwa ite mgiru wa idi yalo aahukumiwa.¹²Nirelo makumure ya kumubaya, mira temkayaile waijiji. ¹³Mira, kaye, Swaho wa kweri, ekunelita, enemukaeti he kweri khabuna; kwaite tekayo kwa kudumu salaghe; mira yoyose eneyakoiya, enejiyo mburi kajo; naho enemubaya kune mburi jinelijanya. ¹⁴Kaye enenitogola ani, kwaite enejidori mburi gho naho enejibirikira hakaghu.¹⁵Vigi vikhabuna elo navyo Aba ni vigho; kwato, naaba ite Swaho enedori mburi gho na enejigera hakagu. ¹⁶Heshighale muda mgitutu, temkaze niaho kahali; na baada ya muda mgitutu mhali, mneniaho.¹⁷He vahina ku-u vekabaiyana, "Ni kiahonicho etubaya, "Muda mgitutu, naho temkaniaho kahali,' naho, muda mgitutu mneniaho,' na kwahucho niso hakwe Aba?" ¹⁸Kwato vekaba, "Ni kigi mina cho eyo, "Heshighale mda mgitutu'? Tetuiliye choeyo."¹⁹Yesu ekaaho ite veedumuye kumlhaasu, na-u ekavabaya, "Mkulhaasu venye kuhusu yayo, niyoye, 'Heshighale muda mgitutu, temkaniaho kahali; na baada ya muda mgitutu mneniaho'? ²⁰Amini, amini, nimubaya, mnezo na kuomboleza, mira idi lineshangilia, mnekwa na huzuni mira huzuni kaghu inekirii kukwa kinyemi. ²¹Mlage enekwa na huzuni too ekukwa elo uchungu kwaite wakati wa kusa waahe; Mira ara-asa m-inyitehulha kahali maumivu kwa mburi ya kinyemi nku-u ite m-inyi a-ahowe he idi.²²Kune naho mlo huzuni waijiji, mira niinemuaho kahali; na swaho kaghu jinelhamuiwa na tehelo enemuru kuchika-a kinyemi kaghu. ²³I-aze kalo temkanilhaasu milhasuire. Amini, Amini, nimubaya, mkuombeja lolose hakwe Aba, enemu-o he ilhe gho; ²⁴Mpaka waijiji temuombeje lolose he ilhe gho; ombejani, kune mnedoria nesa ite kinyemi kaghu chikamirike.²⁵Naayo nakune kwa lugha isi-iliika, mira saa ilitiye ho sikayo he lugha isi-iliika mira badala ku-u ninemubaya perepere kuhusu Aba.²⁶I-aze kalo mnearesi he ilhe gho, naho simubaya ite niaresi hakwe Aba kwa mburi kaghu; ²⁷Kwaite Aba salaghe emudumuye kwaite mwaanidumu ani na kwaite mwaanidarisha ite niliye hakwe Aba. ²⁸Neeliye hakwe Aba naho naalita he idi; kahali, nihaka he idi naho nitaso hakwe Aba".²⁹Vahina ku-u vekam-baya, "Ureaho, waijiji uyo pere pere na tutumia viome. ³⁰Iji twaaile ite ureile mburi khabuna, naho tudumu mhe wowose akulhaasu milhasuire. He mburi ya twaadarisha ite uliye hakwe kiumbi. ³¹Yesu ekavalandula, "Iji mwaadarisha?"³²Wesia, saa inelita, ee na kweri yaahe, ake mnekusoira kila muwe na wava hakini mneniro salaghe. Mira siata salaghe bi kwaite Aba eata na ani. ³³Nimubaya mburi yajo nesa ite za gho mukwa na m'polele. He idi mlo manyamariko, mira kubutuni swaho, naalitaho idi.

¹yesu eejiyoye mburi yajo; naho ekaka-a maila ku-u kuwesia mbinguni naho ekaba, "Aba, saa yaahe; mtogole m-inyike nesa na m-inyi nau akutogole ari_ ²Sahucho weem-oye kisatu ana ya vikhabuna vilo msa nesa ava-o uzime wa milele huvo vakhabuna uvam-oye.³Yao niu uzime wa milele: ite vakuile ari, kiumbi wa kweri naho wa ka bi, na huye umsughaye, yesu kristo. ⁴Neekutogole i-i he idi, naho nakuifiriti nyamalo youni-oye niibo-i. ⁵Iji, Aba, unitogole ani hawe na ari salaghe he Unyakhare hu nirelo nawo hawe na ari ata idi ya kuumbwa.⁶Neelighubule i-ila ke he vahe unioye i-i he idi. Nee vahe vake; mira weevanioye ani. Navo vaadaraisha viome vike. ⁷Kwato vereile ite kila kigi cho unioye chili hake, ⁸Kwa mburi hujo unioye ani--Naaheja kuvaoiya vo mburi kajo. Vaayadoria naho kweri vekaile ite ani niliye hake, naho vaadarisha ite ari ni-u unisughaye.⁹Niva-aresia vo. Siliaresia idi mira huvo unioye kwaite vo niva hake. ¹⁰Vigi vikhabuna huvyo evigho ni vya hake, naho huvyo ulo navyo ari ni vya hagho; ani nitogolwa he kavyo. ¹¹Ani sihata kahali he idi, mira vo veata he idi, na ani iji nilita hake. Aba Mnyakhare, uvahemije he ilhe ike hulo ani na ari cho tulo na uhawe.¹²Ata neeta navo, neevawesiishe kwa ilhe lo unioye; Neevawesiishe, naho tehelo neri muwe kini elahaye ni hubi m-inyi wa kulaha, nesa ite maandiko yaheiwe. ¹³Waijiji nilita hake; mira niyayo yayo he idi nesa ite kinyemi gho chikamirishwe za hakini salaghe. ¹⁴Naava-o mburi ke; idi laavasanuiya kwaite vo si vaheidi, sahucho ani nisikwaye wa heidi.¹⁵Siva aresia ite uvagu he idi mira uvawesie hehu mkusa. ¹⁶Vo si vaya idi sahucho ani nisikwaye wa idi. ¹⁷Uvake wakfu hake salaghe he kweri; kiome kike ee kweri.¹⁸Weenisughaye he idi. na ani naavasugha he idi. ¹⁹Kwa mburi kini ani nitaku-oti hake nesa ite naho navo vaku-oti hake he huyo kweri.²⁰Sire yabi niva-aresia, mira na huvo veneadarisha kutahoya kiome kike ²¹nesa ite vo na vo vakwa na uwe, sahucho ari Aba, ukwaye za hagho na ani za hake. Niva aresia nesa ite navo vamuru kukwa za kanu nesa idi limuru kudarisha ite ari ni-u unisughaye²²Unyakhare huo unioye ani- naava-o vo, nesa ite vamuru kukwa na uwe, sahucho nne tukwaye na uwe- ²³Ani za kini, na ari za hagho, nesa vamuru kukamirishwa he uwe; nesa idi li-ile ite kweri ari ni-u weenisughaye, na kuvadumu, sahucho ari unidumuye, ani.²⁴Aba, hucho unioye ani- Nidumu ite vo naho vamuru kukwa hawe ani hodi niata nesa vamuru kuaho unyakhare mgho, huo unioye: kwaite ari weenidumuye ani nisina umbwa he misingi ya idi.²⁵Aba ulo haki, idi telikuiliye ari, mira ani niku-iliye ari ite weenisughaye. ²⁶Neelibo-iye ilhe ike li-iliike hakini, naho ninelibo-i li-iliike nesa ite huo udumuisho huo kwakao weenidumuye ani udumu kukwa za hakini, na ani nimuru kukwa za hakini.

¹Baada yakwe Yesu kuyo mburi yajo, ekahaka na vahina ku-u kusoija he idaru la Kidroni, ambaho heelo bustani, ambaho huye na vahina ku-u vekabuu za ata. ²Iji huye Yuda, eedumuye kumsaliti, na-u ee-iliye mburi kayo, ake Yesu eekukwaa eso ata hodi kagi kakumure eelo na vahina ku-u. ³Ne Yuda, baada ya kukwa aapata ikundi la vaaskari na maofisa kuli he vagiru va muaresi, vekalita vekwaye na taa, tochi na silaha.⁴Ne Yesu nau ekukwa e-iliye kila kigi cheekura bo-iika haku-u, ekakulianyija naho ekavalhaasu, "Ni ji mumdaa?" ⁵Navo vekalandula, "Yesu mnazareth." Yesu ekavabaya, "Ani ni-u" Ne Yuda emsalitiye, eata eumaye hawe nahu askari.⁶Kwato areavabaya, "Ani ni-u" vekakirii kimzungure na kulhu di. ⁷Naho vekalhasu kahali, "Niji mumdaa? navo vekalandula kahali "Yesu Mnazareti."⁸Yesu ekalandula, "Naaheja kumubaya ite Ani ni-u; kwato kai munidaa ani, varoni yavo vahali vaso." ⁹Yayo yeekwaye to nesa hucho kiome chitimie; too areaba; "He huvo unioye, simlakhatiye neri muwe."¹⁰Niho Simoni Petro, eelo na luhamba, ekalufuta naho ekamte i-lama la kuume mnyamalo wakwe mgiru wa muaresi. Na ilhe ku-u mnyamalo huye leekwaye Malko. ¹¹Yesu ekambaya Petro, "Kiriti luhamba luke he ala ke. Ni kiahoni nisichiwahaiye kikombe hucho echinioye Aba?"¹²Iji hu ikundi la askari n jemedari, na vanyamalo va Vayahudi, vekamdara Yesu naho vekam-oro. ¹³Navo Vekamkaeti ini mpaka hakwe Anasi, kwaite uye nee mkora wakwe Kayafa, huye nee mgiru wa muaresi he mko kao. ¹⁴Iji Kayafa nee-u eekwaye evaoye ushauri Vayahudi ite cheekudumuwe mhe muwe aga kwa ajili ya vahe.¹⁵Simoni Petro ekamdosa Yesu, na watoo tovahina vahali. Na huye mhina eiliike he mgiru wa muaresi, Nau ekabuu, hawe ne Yesu he ibehewa la mgiru wa muaresi; ¹⁶mira Petro ekwaye eumaye gana he luhige. Iji hu mhina eeiliike ni mgiru wa muaresi, ekali gana ekaso kuyo na huye mlage mnyamalo eekuwesia luhige na kumbutu Petro za.¹⁷Iji huye mnyalo eekukwa elinda luhige, ekam-baya petro, "He ari ni muwe va vemdosa ya mhe?" Na-u ekaba, "Ani si-u." ¹⁸Na huvo vanyamalo na vagiru veekwaye veumaye hodi too; vekatiye mwalha kwaite, heelo sa-a, naho kwato veekuota mwalha nesa vaaho iru-u. Na-u Petro eata navo, ekuota mwalha ekukwa eumaye.¹⁹Mgiru wa muaresi ekamlhaasu Yesu ana ya vahina ku-u na mahinizo ku-u. ²⁰Yesu ekalandula, "Nalibaya pere idi; Ani neehinije kagi kakumure he masinagogi nahe hekalu hodi are Vayahudi vetutanyika. Na ani siyoye chochose he kukumatu. ²¹Ni kiahoni mweenilhasuye? Valhasuni venikoye he jucho nichiyoye. Yavo vahe vereile mburi hujo nijiyoye.²²Yesu areaheja kuyo to, muwe wa vagiru eekwaye eumaye ekam-ma Yesu na mharegha ku-u naho ekaba, "He, kacho nicho chidumuwe kumlandula mgiru wa muaresi?" ²³Ne Yesu ekalandula, "Kai niyoye mburi yoyose kusa iji ukwa ushahidi kwa ajili ya ukusa, na kai nimlandule kikulho ni kiahoni unima? ²⁴Niho Anasi ekamti-i Yesu hakwe kayafa mgiru wa muaresi ekwaye e-oroiwe.²⁵Iji Simoni Petro ekwaye eumaye ekukukasa iru-u salaghe. Naho huvo vahe vekam-baya. "He, ari naho si muwe wa vahina ku-u?" Ekaalhi ekuba "Ani si-u." ²⁶Muwe wa vanyamalo va mgiru wa muaresi, huye eekwaye m-bahu wa huye mwagiru ambaye petro empa-aye ilama, ekaba, "He si ari nikuahoye na-u twai he bustani?" ²⁷Petro ekalhi kahali, na fia Nkuruve ikazo.²⁸Naho vekamdori yesu kuli he miheregha yakwe Kayafa mpaka he Praitorio. yeekwaye chalhenu naho hecheri. Vo venye tevebuuye he Praitorio nesa vaseenajisika na ku-i-a Pasaka. ²⁹Kwato Pilato ekavasoya ekuvaba. "Ni mburi mina imtara ya mhe?" ³⁰Vekalandula na kumbaya, "Kai yaye mhe teseekwaye mza bo-i makusa , tetweseemgera hake."³¹Pilato ekavabaya, "Mdorini kune salaghe, mzemhukumu kuwesiana na sheria kaghu." Navo Vayahudi vekam-baya, "sheria teitudumuija nne kumga-a mhe wowose." ³²Veeyoye yacho nesa kiome cha kwe Yesu chitimie, kiome ambacho eehejije kuchiyo ana ya aina ya kigato ku-u.³³Iji Pilato ekabuu kahali Praitorio ekamse Yesu; ekam-baya, "He ari u dilao wa Vayahudi?" ³⁴Yesu ekalandula, "Je, ari unilhaasu mburi yayo kwaite udumu kuile kana kwaite vahali vaakusugha nesa unilhaasu ani?" ³⁵Na-u Pilato ekalandula, "Ani si Myahudi, kana sicho?" Itaifa ke na mgiru wa muaresi nivo vekugerie hagho; ari uboiye kiahoni?³⁶Yesu ekalandula; "Udilao gho si wa idi yalo, kai udilao gho weseekwaye na hodi he idi yalo vanyamalo gho veseenimaiya nesa nisiguwe hava Yahudi. Kwa kweri udilao gho teuli i-i" Iji ³⁷Pilato ekam-baya, "He ari iji udilao?" Yesu ekalandula, "Ari nicho uyoye ite ani ni dilao, Kwa buri ya ani neeahoiwe kwa mburi ya ani nilitiye he idi nesa nikwa shahidi wa huyo kweri. Wowose ewahu kweri eisikija sauti gho.³⁸Pilato ekam-baya, "Kweri ni kiahoni?" Na-u areafiriti kuyo yayo ekaso he Vayahudi na kuvabaya "Siahoye he lolose he mhe ya. ³⁹Kune mlo utamaduni uniro nimlhamaye mzaorowe muwe too he Pasaka. He mdumu nimlhamaye dilao wa Vayahudi." ⁴⁰Naho vekama kilondo vekuba, si yaye, tulhamaiye Baraba." Na-u Baraba eekwaye mgwalo.

¹Iji Pilato ekamdori Yesu naho ekam-ma. ²Huvo maaskari wekasokota milhae na kubo-i itaji. Vekalike ana he m-a wakwe Yesu na kumoroija gomae ja rangi ya zambarau. ³Vekamlitiya na kum-baya, "Ari dilao wa Vayahudi! naho vekam-ma kwa miheregha kini.⁴Naho Pilato ekali gana na kuvabaya vahe, "Wesia namugeriani yaye mhe kaghu nesa m-ile ite ani siahoye hatia yoyose za haku-u." ⁵Kwato Yesu ekali gana; eekwaye eoroye itaji la milhae na gomae ja zambarau. Niho Pilato ekavabaya, "Wesiani mhe yaye i-i!" ⁶Kwato too mgiru wa muaresi na vagiru varemuaho Yesu, vekama kilondo vekuba, "Msurumije, msurumije." Pilato ekavabaya, "Mdorini kune salaghe mzemsurumija, Kwaite ani siaho hatia za haku-u."⁷Vayahudi vekamlandula Pilato, "Nne tulo sheria, na heka sheria imdumu kuga kwaite uye ekuboiye kukwa M-inyi wa Kiumbi." ⁸Pilato areako mburi yajo ekazika ko bughu, ⁹ekabuu Praitorio kahali na kum-baya Yesu, "Ari uliye nale? Naho cho, Yesu telandule.¹⁰Naho Pilato,ekam-baya, "He, ari tuyo na ani? He, ari tuiliye ite ani nilo kisatu cha kukugeya na kisatu cha kukusumirija?" ¹¹Yesu ekalandula, "Tweseekwa na nguvu kunitaho ani kai tuteowe kuli ana. Kwato, mhe eniguye hake elo makusa magiru."¹²Kuwesiana na kulandulwa to, Pilato ekadumu kumlhama akwahuru, mira vayahudi vekama kilondo vekuba, "Kai unemlhamaya huru basi ari si msaho wakwe Kaisari." ¹³Pilato areako viome kavyo, ekamgera Yesu gahana naho ekazokodi he kikire cha hukumu hodi too heilikane sa sakafu, mira Kiebrania, Gabatha.¹⁴I-aze la maandalizi ya Pasaka,ireahe, he madao ya saa sita. Pilato ekavabaya Vayahudi, "Wesiani dilao kaghu yaye i-i!" ¹⁵Vekama kilondo, "Mka-a, mka-a, msurumije!" Pilato ekavabaya, "He, nimsurumije dilao kaghu?" Nahu mgiru wa muaresi ekaba, "Nne tetulo dilao erihu Kaisari." ¹⁶Niho Pilato ekam-oti Yesu hakini nesa asurumijwe.¹⁷Navo vekamdori Yesu, na-u ekali, ekukwa euti-iye msalaba ku-u salaghe mpaka hodi hesewe Ifwara la m-a he Kiebrania hesewe Golgotha. ¹⁸Niho vemsurumije Yesu, hawe na-u vaagiru vanu, muwe bwa yao na mhali bwa yao, ne Yesu hasihasi kini.¹⁹Naho Pilato ekagonda alama naho ekaike ana ya msalaba. Ata heegondiwe: YESU MNAZARETH, DILAO WA VAYAHUDI. ²⁰Vakumure va Vayahudi vekasoma alama kayo ake hodi too esurumijwe Yesu heata sina na mwang'a. Alama kayo yeegondiwe he Kiebrania, he Kirumi na he Kiyunani.²¹Naho vagiru vamuaresi va Kiyahudi vekam-baya Pilato, "Usigonde, 'Dilao wa Vayahudi; mira uye ekaba ani ni dilao wa Vayahudi." ²²Na-uye Pilato ekavalandula, "Chonigondiye naagonda."²³Vareaheja kumsurumija Yesu, vekadori gomae ku-u na kuyakaka he mafumba mahai, kira askari ifumba iwe, watooto na nkanzu, Iji hu nkanzu teeyeekwaye ishoniwe mira mira yeekwaye ite lukwa kuli ana. ²⁴Naho vekayojanya vo kwa vop, "Tusiika-a, nmira tumani kura kuaho inekwa yakwe ji." Ya leelijanye nesa hulo iandiko litimijwe, hulo libaye veekakanye gomae gho, na gomae gho vekaimaya kura.²⁵Askari vebo-iye mburi yajo, Lage ku-u Yesu, wau wakwe lage ku-u, Mariamu mlage wakwe Kleopa ne Mariamu Magdallena-valage havo veekwaye veumaye sina na msalaba wakwe yesu. ²⁶Yesu areamuaho lage ku-u hawe na huye mhina emdumuye veeumaye sina, ekam-baya lage ku-u, "Mlage, wesia, mwaho m-inyike yaye i-i!" ²⁷Naho ekam-baya hu mhina, "Wesia, yaye i-i ni lageke. Kulholhosha waijiji huye mhina ekamdori kugale ang'a ku-u.²⁸Baada yakalo, Yesu ereile ite makhabuna yaaheja kukita nesa kutimija maandiko, ekaba, "Niko kasu." ²⁹Kikolhe cheehuye Siki cheekwaye chikeiwe too, Kwato vekake sifongo ihuye siki ana ya ukombosha wa hisopo, vekamkeya he m-o ku-u. ³⁰Na-u Yesu areaigali kayo, ekaba, "Yaakita." Naho ekakodesha m-a ku-u, ekaioti swaho lku-u.³¹Kwaite yeekwaye ni muda wa maandalio, naho kwaite misa teidumuwe kushighala ana he msalaba wakati wa Sabato (ake sabato yeekwaye -aze la muhimu), Vayahudi vekamuombeja Pilato ite masame kini huvo veesurumijwe ipuwe, naho ite misa kini idimiriwe. ³²Niho maaskari vekalita na kupu masame ya mhe wa bosi na wakanu eesurumijwe hawe ne Yesu. ³³Varemheya Yesu, vekamheya pere aaga, kwato tevezerepu masame ku-u.³⁴Hata cho, muwe va askari ekamtunga yesu he lunabo na iguha, na fia yekali ma-i na sako. ³⁵Naho huye eahoye yalo ekayo, naho kuyo ku-u ni kweri. Huye eiliye ite eechiyoye nicha kweri nesa kune mudarishe.³⁶Mburi yajo jikwaye nesa hucho kiome cheeyoiwe chimueu kutimia, "Tehelo neri mku-u muwe unepuwe." ³⁷Kahali iandiko ihali liba, "Venemuwesia huye vemtungiye"³⁸Mburi ya jireataho Yusufu wakwe Arimathaya, kwa hucho nee mhina wakwe Yesu, mira kwa kukumatu kwa bughu ya Vayahudi, ekamuombeja Pilato ite audori msa wakwe Yesu. Na-u Pilato ekamdumuija. Kwato Yusufu ekalita kuuka-a msa wakwe Yesu. ³⁹Na-u Nicodemo huye ata bosi emdosiye Yesu na-ama na-u ekalita. Uye eegeriye mkwarianyo wa manemane na udi, yeekuhe kuyahi he ratili igana iwe.⁴⁰Kwato vekaudori msa wakwe Yesu vekau-oro he shanda ya kitani naho hawe nahu manukato, sahucho cheekwaye desturi ya vayahudi he kujika. ⁴¹Hodi ambaho yesu eesurumijwe heelo bustani; za hehu bustani heelo ikaburi isha ambalo tehelo mhe ewahiye kujikwa ata. ⁴²Iji, kwaite yeekwaye ni i-aze la maandaiyo ya he Vayahudi, na kwahucho hu ikaburi leata sina, iji vekam-bodija yesu za ku-u.

¹Mapema i-aze la bosi la wiki, hecheri lo kidughu, Mariamu Magdalena ekalita he ikaburi; ekaliaho hu isaheru laaka-awe he kaburi. ²Kwato ekaugulu fia kuso hakwe Simoni Petro naho hahuye mhina mhali huye Yesu emdumuye, Naho ekavabaya, "Vaamdori Dilao he Kaburi, na nne tetuiliye twai vembodiije."³Naho Petro na huye mhina mhali vekali, kuso he kaburi. ⁴Vakhabuna vekagugulu kwa hawe; huye mhina mhali ekagugulisha kutaho Petro na kuhe he kaburi wa bosi. ⁵Eka-uma naho ekawesia he kaburi, eka-aho huyo shanda ya kitanio ibodiye, mira tezebuu za.⁶Simoni petro nau ekale ekabuuto za hembira kaiyo kilo hu shanda ya kitani iboedi to. ⁷Nahulesa yaaha he mua kuu teyebochi mahu shanda ya kitani mira u yeboedi khakhera khoke⁸Niu hu mhila hali nau etebuu to hehu mbira ekaakho na kuamini. ⁹Kwa ite miaze hu tevenaba kualila magonde itechekundumu yesu akahe vegaye. ¹⁰Niu wahina vekaso angakini¹¹Hatato mariamu ekakhwa eumaye hehu mbira ezo arekhwa esacsha kuzo ekauma ekawewsia hu mbira. ¹²Ekaakho malaika wanu velo inaikuwa vezokhoedi muwe he mua na mhali he masaamu to hodi yesu ebo jiwedi. ¹³Nehonemuba an mage ni akhoni vezo? mau ekavaba ni kwaite va mdoni duao koo maano sielie hodi vemkeye.¹⁴Arefuja kuayoka etekheri na kumnkho yesu ekukhuwa eumaye mira teilie ni ite ni yesu. ¹⁵Yesu ekamube "lage niakhoni uzo? umdaaje?ile ekutoti ite ni mkulaara wa bustani akamba"duao keimiari umdorie nibawa hodi umkeye maani nizemdosi.¹⁶Yesu ekamuba manamu mau ekakherii saghuu na kumuba kwa kiarabu,"roboni yanikuba mwarimu "Yesu ekamuba "usinibabate sina pururika kuso heabakoo ereu abakaghuu. ¹⁷kiumbi koo ni kiumbikaghu. ¹⁸Mariamu magdalena ekazavabaiya wahina namuakho Duao waho amubai vegiya.¹⁹Irekhwa chamagheri azeka aze wabosi wa ijuma mahuhige ekakhwa ekhwaijijwe hodi wahima veaha kwa kuva bughehu vayahudi yesu akalita wasihasi hevo ekavaba amani ikhwa makuni. ²⁰Arefiija kuayoka ekavaaja miheragha na hunabo kuu na huvahima narenuakho dulao vekalhamuwa²¹Niho yesu ekavabawa amani ikhwa na kuni sahu kigi aba enisughaye ani mire toto naani nimusughajkuni. ²²Yesu arefieja kuayo ka ekavakhu khuliya ekavaba dariaani swaho munyakhare. ²³Muhe mmemkaia makusudia makusa akaiwa na muhe mmemuoro na makusa aoriwa²⁴Thomaso muwe wahu khado na vanu esewa didimas tekhwaye na walina waaro ata yesu ekulita. ²⁵Hu vahina hali vekamba twaamuakhoo dilao nau ekavaba kei sikaakho mgojuja misumari hemiharegha na he lumabo sikaamini²⁶Hodi namiaze mnane wahina veaha minda wa me thomasi ereahe hawana wanu madamo ka maluhige ekhwaikijijwe yesu ekauma hasiha si hevo ekaba amani maikhwanakumi. ²⁷Ncho emuba thomaso gera kisatu kechi waho wakho muharekha koo na ubabate lunabo koo usikhwa auamini nidumu nukhwa uamini.²⁸Niu thomasi ekamkherti na kumuba dilao koo na kiumbi koo. ²⁹Yesu ekamuba kwa ite waniakho waamini vabarikiwa huveamini vesiakhoye.³⁰Niu yesu ekaboi vehirimo vekumure he vahima vegi vyasaila kuboiwa wa kugondwa he kitabu ya. ³¹Miva ya vigondiwa kalo ite muamini ite yesu miu kiristo ungewa kiumbi waho mukuameamini mukhwa wa uzima he ilhe kuu

¹Baada ya mburi kajo Yesu ekakuaija kahali he vahina he Bahari ya Tiberia; yavyo nicho ekuaije salaghe: ²Simoni Petro eata hawe ne Thomaso aseiwe Didimas, Nathanaeli waare Kana ya Galilaya, va-inyi vakwe Zebedayona vahina vahali vanu vakwe Yesu. ³Simoni Petro ekam-baya, "Ani niso kuloa Samaki." Navo vekambaya, "Nne , nahotuneso na ari." Vekaso vekabuu he mashua, mira kiama kacho vakhabuna teveahoye neri kigi.⁴Naho Chalhenu harealhe, Yesu ekau-ma he ufukwe navo vahina teveiliye ite nee Yesu. ⁵Naho Yesu ekavaba, "Vaburatu, mlo chochose cha ku-a?" Na-u vekamkheriti "Tetulo" ⁶Ekavabaya, "JIdimirini, lwavu bwa wa kuume wa mashua, nakune mneaho kiasi," Kwato vekadimiri lwavu navo tevemuruye kujihuru kahali kwa ukumure wa Samaki.⁷Hu mhina Yesu emdumuishe ekam-baya Petro, "NI Dilao." Ne Simoni Petro areako ite ni Dilao, ekakuoro gomae ku-u (Kwite tehelo eeoroye kikulho), Naho ekakubibi he bahari. ⁸Hu vahina vakhali vekalita he mashua ( Ake teveata uda na are Pwani, yekwaye sa mita igana iwe kuli he ufukwe), navo veekuhuru hujo nyavu jeekwaye jihuye samaki. ⁹Vareahe he ufukwe, veka-aho mwalha wa mkale too na ana ku-u heelo na samaki hawe na mkate.¹⁰Yesu ekavabaya, "Gerani ka samaki jo mvulule waijiji." ¹¹Iji simoni Petro ekakutu na kuuhuru hu lwavu weehuye samaki giru, kiasi cha samaki 153; neekumure, hu lwavu teluka-aike.¹²Yesu ekavabaya, "Litani muaho kilha m-o." Tehelo neri muwe wa vahina egheshije kumlhaasu, "Ari niji?" Vekaile ite nee Dilao. ¹³Yesu ekalita, ekadori hu mkate, naho ekava-o, ekabo-i too to naho hehu samaki. ¹⁴Yayo yeekwaye kagi ka-kakai he Yesu kukuaija he vahina ku-u area fufuka kuli ha vegaye.¹⁵Vareakwa valha m-o, Yesu ekam-baya Simoni Petro, "Simoni m-inyi wakwe Yohana he, unidumuye ani kutaho yavo?" Petro ekalandula, "Ee, Dilao; "Ari ureile ite ani nikudumuye." Yesu ekambaya, "Zeu kulele gho." ¹⁶Ekam-baya kagi kakanu, "simoni m-inyi wakwe yona, he, unidumuye?" Petro ekam-baya, "Ee, Dilao; ari ureile ite nikudumuye. "Yesu ekam-baya, "Zeu ma-alu gho."¹⁷Ekam-baya wa kagi kakai, "Simoni, m-inyi wake Yohana, He unidumuye?" Na-u petro ekahuzunika kwahucho elhasuiwe kagi kakai, "He ari unidumuye?" Na-u ekam-baya, "Dilao, urile vikhabuna; ureile ite nikudumuye." yesu ekam-ba, Zeu ma-alu gho. ¹⁸Amini, amini nikubaya, weekwaye muaburatu weemanyere kuoro gomae salaghe naho kuso hohose ho udumuye; mira ukuneakwa mzee, uneku-uruti mheregha ke, naho mhali enekuoija gomae na kukuti-i housidumu kuso."¹⁹Yesu eeyoye to nesa lkuaija ite ni aina mina ya kigato hucho Petro eseemtogola Kiumbi. Areafiriti kuyo kayo, ekam-baya Petro, "Nidose."²⁰Petro ekakirii na kumwaho huye mhina hu Yesu emdumuishe ekavadosa- Yaye neehu ekuegamire he kia chakwe Yesu too he kua viaghu vya chamagheri naho ekamlhaasu, "Dilao, ni ji enekusaliti?" ²¹Petro ekamwaho naho ekamlhaasu Yesu , "Dilao, Yaye mhe enebo-i kiahoni?"²²Yesu ekalandula, "KAi nidumu aheme mpaka nikunelita, kalo limutara kiahoni? Nidose." ²³Kwato mburi ya ikayowe he hu vabahu, ite mhina kaye tekaga. Mira Yesu tem-baye Petro ite, mhina kaye tega, "Kai nidumu uye aheme mpaka nikunelita chimutara kiahoni?"²⁴Yaye ni-u mhina eyoya huvyoeahoye mburi yajo, na ni-u eandike mburi yajo, naho tureile ite ushuhuda ku-u ni kweri. ²⁵Helo mburi hali kumure jo Yesu ebo-iye. Kai kira kiwe chesee gondwa, nifanyanya ite idi teseleetosha kuvike vitabu huvyo vyeseeandikwa.