¹Ninzho muzoka waaba musongo kubaala banyama boonse ba mumuunnda walo Yaave Leza mbaakalenga. Wakaambila mukaintu, ''Sa Leza nchobeni wakaamba, 'Twelele kulya kuvwa ku chisamu mu muunda?'' ²Mukaintu wakambila muzoka ati, ''Tulakonzha kulya muichelo ivwa kushisamu sha mu muunda, ³pele ku muchelo uvwa ku chisamu chiliakati ka muunda, Leza wakaamba, 'Tamwelele kuchikwata, ati mulakafwa.⁴Muzoka wakambila mukaintu, ''chini chini tufwi. ⁵Nkaambo Leza ulizhi ati buzuba mbukakoolya menso ako alayaluka, alimwi ulaaba ukoya Leza, kwizhiba chibotu uchibiyabi. ⁶Pele mukaintu nakabona ati chisamu nchibotu kuchilya, alimwi chakamwinina ku menso, alimwi ati chisamu nchebeshi u kupa busongo muntu, mukaintu waabweza muchelo woolya. Ngoona mukaintu wakapa umwi muchelo mulumyaakwe ngubakakuli aze, walya.⁷Menso abo boonse akayaluka, alimwi bakazhiba ati bali chintanda. Ngoona batunga matuhu a mukuzu antoomwi ukupanga shakusama. ⁸Baatelela kushobaila kwa yaave Leza mu muunda kakuchitontola umbuzuba bobo ninzho mulombwana u mwinakwe bakazuba kuhwa kubushu bwa Yaave akati ka masamu ali umona mu muunda.⁹Yaave Leza wakoompolola mulombwana ukumushimwina ati, ''Sa ulikwi?'' ¹⁰Mulombwana wakaamba ati, ''Ndakutelela u muunda, ulimwi ndatiya, nkaambo ndaakuli chintanda. Ninzho ndazuba ndimwini.'' ¹¹Leza wakaamba, ''Nguni wakushimwina ati ulichintanda? Sa walya kuchisamu nchindaka kulailila utalyiko?''¹²Mulombwana wakaamba, ''Mukaintu nguwakampa ati tube aze, nguwampa muchelo wahwa kuchisamu, alimwi ndoolya.'' ¹³Yaave wakambila mukaintu, "Nchiinzhi chechi nchiwachita?" Mukaintu wakaamba, "Muzoka wanengaulila, alimwi ndoolya.''¹⁴Yaave Leza wakaambila muzoka, ''Nkaambo wachita chechi, washinganyiwa uwe iche akati ka banyama boonse basungwa alimwi u banyama boonse bali mu muunda. Inzho ulakakukalaba iifu alimwi ulakakulya lufuko umbumi bwako boonse. ¹⁵Ndabika kutatelezhanya akati kako u mukaintu, alimwi aakati ka luhubo lwako u luhubo lwa mukaintu balakakuuma kumutwi aze ulakuluma ku shishindi.''¹⁶Ku mukaintu wakaamba, ''Ndakahuzha chichisa akutumbuka; chilakuchisa akutumbuka. Choonse chuzanda chilakuli cha mulombwana, pele ulaaba ngukweendelezha.¹⁷Kwa Adamu wakaamba, nkaambo waatelela izwi lya mwinako, alimwi nkaambo walya chivwa kuchisamu, nchichona nchindakakulailila ati utakali, Ndeshinganya inshi nkaambo kako; kwiita umilimo mizumu muti ukakuyanina chakulya mu mazuba oonse amubumi bwako. ¹⁸shilakakuzhala michelo ya meya, alimwi ulakakulya shishango shakushanga umuunda. ¹⁹Kuvwa ibe kubushu bwako nukayana chinkwa, chita wabweela ku bulongo, nkaambo kubulongo nkuwakavwila, ubobo uli lufuko, nkukona ku lufuko nkukaabweela.''²⁰Mulombwana wamulika izhina mwinakwe ati, Eva nkaambo waaba mutumbu washintu boonse bapona. ²¹Yaave Leza wapangila Adamu u mwinakwe shakusama shamasalu ukubasamika.²²Yaave Leza wakaamba, ''Ninzho muntu waba ukoya waakati kesu, kuzhiba shibotu ushibyaabi. Uninzho tahumizhiwa kushika itashi kuchela ku chisamu cha bumi, kuchilya, ukupona kwa Lyoonse.'' ²³Ngoona awo Yaave Leza waamutuma kuzunka mu muunda wa Edeni, kuya kulima kunshi koko nkwakatolwa. ²⁴Ubobo Leza waamutanda u muunda, ukubika mungelo kwiwe kwa muunda wa Edeni, alimwi icheba lya mulilo uzaka kalizhinguluka kukasha kushika ku chisamu cha bumi.

¹Chakachitika kwaamba ati bantu nubakatalika kuhula ano anshi alimwi banabashimbi bakazhaiwa kwabo. ²Ubobo bana baleza balombwana bakabona bashimbi kwaamba mbebeshi. Bakabatwala kuba bamenabo kufumbwa umwi wezo ngwasala. ³Yaave wakaamba, "Moza wangu wiina nukakalilila lyoonse u lyoonse mu muntu nkaambo ngwa nyama. Balakakala myaka ili mwaanda u makumi obile.⁴Ba Nephilim kabali mo muchishi shaanshi umazuba azo, ulimwi kumana kwa mazuba amwi. Chechi chakachitika kubana baleza balombwana kutwala bakaintu bakakuzhelwe ku balombwana, ndilyona bakakwata abo bana. Baba kabali balombwana bashomwa uba kale kale, u balombwana ba mpuwo.⁵Yaave wakabona kwamba ati bubiyabi bwa muntu bwakomena anshi, alimwi u shoonse shakuli mu mizezo kuvwa ku myozo yabo kabuli bubi bwalo chiindi choonse. ⁶Yaave chamiubiila kwamba wakalenga muntu ano anshi, alimwi chakamuchisa kumozo wakwe.⁷Inzho yaave wakaamba, "Ndaazonauna muntu woonse ngundakalenga anshi ano mushobo wabantu alimwi u banyama. Ushikalaba ubazuni bamwizeulu, ukuti ndausa kwaamba ati ndakabalenga.'' ⁸Pele Noah wakazandwa mu menso a Yaave⁹Bobu mbubuponi bwa Nowa. Nowa kali mulombwana ushomeka alimwi wiina kampenda a bantu boonse muchiindi chakwe. Nowa wakeenda u Leza. ¹⁰Nowa wakazhala bana botatwe: Shemu, Hamu u Jafeti.¹¹Inshi yanjila makulo kubushu bwa Leza, alimwi yakanjilwa kuzwangana. ¹²Mwami Leza wakabona inshi; amulange, yaba ya makulo, bantu boonse banjilwa makulo mubuponi bwa anshi.¹³Leza wakaamba kwa Nowa, "Ndabona kwaamba chashika chiindi chakubika mamanino abumi bwa bantu boonse nkaambo kachishi chazula kuzwangana muli mbabo. Chini chini, nkandabazonauna babo antoomwi iinshi. ¹⁴Lipangile bwato bwa mapulanga a Cypress. Upange shipinda mukati ka bwato, ulimwi ububambe kusebezha shizumu mukati aansengwe. ¹⁵Mbubolya mbukaabupanga: Bulamfu bwa bwato bulyeelele kuba myaanda yotatwe ya ma cubits, umbufwaafwi bulyeelele kulampa makumi osanwe 50cubits, alimwi bulamfu kuya mwizeulu makumi otatwe 30cubits.¹⁶Upange chiluli cha bwato, alimwi umanizhe chingaine u cubit womwi kuvwa mwizeulu ku mumbali. Ubike mulyango mu mabali a bwato alimwi upange chifwalwi chakulizila, uchabili, u chatatu chakushokela bwato. ¹⁷Telela, ndakuleta izambangulwe lya meenzhi anshi awo, ukuzonaula shoonse shizoza anshi awo. shoonse shili anshi shilakafwa.¹⁸Pele ndabamba chivuminano aze. Ulaanjila mu bwato, uwe, alimwi ubanako balombwana, alimwi u mwinako, alimwi ubamuka banako mbumuli abo. ¹⁹Uchili choonse chipona, shobile shobile mushobo washo, ulyelele kushinjizha mu bwato ukushisunga kashipona aze, shilombwana u shikaintu.²⁰Bazuni mu mishobo yabo, banyama mu mishobo yabo, boonse banyama bakalaba mu mishobo yabo, Shobile shobile mu mishobo yasho shilakeza kwako kwaamba ukashisunge bulanga. ²¹Ubunjike mishoobo yoonse ya shakulya shiliwa uzobole kwaamba shikabe shakulya shako u shabo.'' ²²Inzho Nowa wakachita bobo. Mbubona Leza mbwakamulailila kuchita, wakachita.

¹Nowa wakaamba kwa Nowa, "Kweza uwe ulimwi u bashimukobo noko, mi bwato, nkaambo ndabona ati ulilume kubushu bwangu ku musela wezu. ²Ku mishobo ya banyama boonse basalala ukalete bachende bali chiloba uku bazhazhi ukalete bali chiloba. Kubanyama batasalali ulete bobile bobile, bachende ulimwi ubazhazhi, ³Alimwi u bazuni bauluka, kalete bali chiloba bakombwe, ulimwi asho inseke shili chiloba, kwaamba tusunge imbuto shabumi achishi chaanshi.⁴Ukuti kwa mazuba ali chiloba nkandakawisha imvula ya muyoba chishi choonse kwa mazuba ali makumi one u mashiku ali makumi one. Ndakazonauna shoonse shipona anshi nshindakalenga.'' ⁵Nowa wakachita shesho shoonse Yaave nshakamulailila.⁶Nowa kakwete myaka ili myaanda ili chisambomwe muyoba nuwakashika anshi. ⁷Nowa, banakwe, mwinakwe, u bamuka banakwe bakanjila mu bwato nkaambo ke zamangulwe lya meenzhi.⁸Banyama basalalaulimwi u batasalali, u bazuni ulimwi u boonse bakalaba anshi, ⁹shobile shobile, chilombwana u chikaintu, shakeza kwa Nowa ukunjila mu bwato, umbona Leza mbwakamulailila Nowa. ¹⁰Nakashika mazuba ali chiloba, meenzhi akazula chishi choonse.¹¹Mu myaanda ili chisambomwe yamyaaka ya kupona ya Nowa, mu mwezhi wabili, mu buzuba bwa ikumi u mazuba ali chiloba bwa mwezhi, mubuzuba bobo mbubona tulonga twa meenzhi twakayuka. Ulimwi shipulo shakwizeulu shakayuka. ¹²Imvula yatalika ulimwi yakawa kwa mazuba u mashiku ali makumi one.¹³Mubuzuba bobu mbubona Nowa u banakwe ba, Shem, Ham, u Jafeti u mwinakwe Nowa, u bamuka banakwe botatwe bakenjila boonse mu bwato. ¹⁴Bakenjila antoomwi u banyama bamusokwe kwendelena u mishobo yabo, asho shihubwa mbubona mumishobo yanshisho, shikalaba anshi asho mbubona mumishobo, alimwi abo bazuni bauluka abo mumishobo ushimwi shilenge shuuluka.¹⁵Shobile shoonse shakuzoza shakeza kwa Nowa ukunjila mu bwato. ¹⁶Banyama bakanjila mu bwato kabali bachende u bazhazhi ba mishobo ya nyama yoonse; Bakanjila mbubona Leza mbwakamulailila. Ngoona Yaave wakooyala mulyango.¹⁷Ngoona izambangulwe lya meenzhi lyakashika anshi kwa mazuba ali makumi one, ulimwi meenzhi akahula kushikila bwato bwaya ezeulu. ¹⁸Meenzhi akezuzha inshi yoonse ubobo bwato bwakeempa ezeulu a meenzhi.¹⁹Meenzhi akahula anshi chansana chakuti yoonse mapili oonse ali anshi ano akebila. ²⁰Meenzhi akebizha milindu kulampa kuya mwizeulu.²¹Shoonse shipona shakuli anshi shakafwa - bazuni, shifuwiwa, banyama ba mwisokwe, shoonse shipona shakukala butanga anshi ano, u bantu boonse. ²²Shoonse shizoza shakuli anshi, shakuzozela mu manango shakafwa.²³Ubobo choonse chakupona ezeulu aanshi shakatolwa u meenzhi, bantu u banyama kubikilzha u shintu shikalaba u bazuni bauluka. shoonse shakazonaunwa kuvwa anshi. Chita buyo Nowa ubabo mbakuli abo mu bwato mbubakashaala. ²⁴Meenzhi akakala anshi kumana kwa mazuba ali mwaanda u makumi osanwe.

¹Inzho Leza wakamulongezha Nowa alimwi u banakwe, amane wakaamba kwaabo ati, "Amuzhalane mwizuzhe inshi yoonse.'' ²Kutiya uwe kwabikwa mu banyama bali anshi, mu bazuni bauluka mwizeulu, ushintu shoonse sheenda anshi ano, alimwi inswi sha mumeenzhi. Shapewa mu matashi ako.³Shonse sheenda shikwete bumi chilakaba chilyo chako. Mbubona mbundakakupa shisamu shishuuka, ndakupa shoonse. ⁴Pele twelele kuya kulya buzani bukwete bumi-bulowa mbubukwete bumi.⁵⁶⁷Pele ku bulowa bwako, nku kwaamba bumi buli mu bulowa bwako, ndakazanda kulipilwa.

¹Ndulolu lunungu lwa banaba Nowa, Shemu, Hamu, U Jafeti. Bakazhala bana izambangulwe nilyakaita.²Banakwe Jafeti kakuli Goma, Magogi, Mandayi, Javani, Tubali, Mesheki u Tilasi. ³Banakwe Goma kakuli Ashikenazi, Lifati, alimwi u Togama. ⁴Banakwe Javani kakuli Elisha, Tashishi waku Kiti u Doda. ⁵Kuvwa awo bantu bakumbali ku Lwatele kabandeene ukuya ku mashi abo, bamwi u mushobo wabo, kwendelana u mikwashi yabo, kuvwa mushishi shabo.⁶Banakwe Hamu kakuli Chushi, Mizilaimu, Puti u Kenani. ⁷Banakwe Chushi kakuli Seba, Havila, Sabuta Laama alimwi u Sabuteka. Banakwe Laama kabali ba Sheba u Dedani.⁸Chushi wakaba baushi Nimulodi, walo wakuli shinsana ano anshi. ⁹Kali muwezhi mukando kubushu bwa Yaave. Nchichechi nchikwaambwa ati, "Ukoya Nimulodi, muwezhi mukando kwa Leza." ¹⁰Matalikilo a bwami bwakwe kali Babiloni, Uluki, Akkadi, alimwi u Kaline munshi ya Shina.¹¹Nibakavwa koko bakaya ku Asiliya amane wazaka Ninive, Lehoboti iya, Kala, ¹²u Leseni, walo munzhi wakuli akati kati ka Ninive u Kala. Koli munzhi mukando. ¹³Mizilaimu wakaba ushi waba Luditesi u Anamitesi u Lehabitesi, Nafituhesi, ¹⁴ba Patulusitesi, ba Kasuluhitesi( kwalo kwakavwila ba Filisiti), uba Kafuto.¹⁵Kenani wakaba baushi Sidoni, mwanakwe mutaanzhi, u Heti, ¹⁶alimwi uba Jebusi, ba Amoli, ba Gigashi, ¹⁷ba Hiti, ba Aki, ba Sini, ¹⁸ba Avadi, ba Zemalialimwi uba Hamati. Kuvwa awo mikwashi ya bana kenani yakazandaala.¹⁹Munyinza wa ba Kenani kotalikila ku Sidoni kutozha ku bukungu bwa Gela, kushikila ku Gaza, alimwi ukuya ku Sodoma, Gomola, Adama, alimwi u Zeboyima, kushikila uku Lasha. ²⁰Baba kabali banakwe Hamu, mu mikwashi yabo, mu mishobo yabo, munshi alimwi u mashi abo.²¹Bana bembezhi abo bakazhalwa kwa Shemu, mukando wakwe Jafeti. Shemu alimwi inguwe wakuli shakaale wa bantu boonse bana Eba. ²²Banakwe Shemu kakuli Elamu ,Ashu, Afakizadi, Ludi, u Alamu. ²³Banakwe Alamu kakuli Uzi, Hulu,Geta, u Mesheki.²⁴Afazadi wakaba ushi Shela, aze Shela wakazhala Eba. ²⁵Eba kakwete bana bembezhi bobile. Umwi wakatewa Pelegi, ukuti mu mazuba akwe luundu kalwandeene. Munina izhina lyakwe kali Jokutani²⁶Jokutaniwakaba ushi Alumodadi, Shelefi, Hazamaveti, Jela, ²⁷Hadolamu, Uzalu, Dikila, ²⁸Obalu, Abimaeli, Sheba, ²⁹Ofa, Havila, u Jobabu. Boonse baba kabali banakwe Jokotani³⁰Busena bwabo kabukankila ku Mesha, kushikila mpaka ku Sepa, Lupili lwa kwiwe. ³¹Baba kabali banakwe Shemu, kwendelana u mishobo alimwi u milaka yaambwa mu shishi shabo³²Yezhi keeli mikwashi ya banakwe Nowa, kwendelanya u mazhalane, mu mashi abo. Kuvwa ali baba mashi akandaana ukumwaala luundu loonse nilyakaita izambangulwe.

¹Inzho Abulahamu wakakuvwa ku Ejipiti ukuya ku Negevu, walo, mwinakwe ulimwi ushesho shoonse shakakukwete. Loti aze wakaya abo. ²Inzho Abulahamu kali muhubi chini chini mushihubwa, mu siliva, u mu goludi.³Wakaitilizha lweendo lwakwe kuya ku Bethel kuhwa ku Negevu, kubusena koko kwakakuli ka tente kakwe akutaanguna, akati a Bethel u Ai. ⁴Wakaya koko kwakakuzakilwe chipaililo kale kale. Awa wakoomplola izhina lya Yaave.⁵Inzho Loti, waka kweenda u Abulamu, aze kakwete matanga a mbelele u matanga a n'gombe u matente. ⁶Inshi yakacheya kwaamba bakonzhe kukala antoomwi, nkaambo shihubwa shabo shakakuli shinji, chakuti kachitabi kwaamba bakale antoomwi. ⁷Ulimwi kwakaba kuzwangana akati ka bembezhi ba Abulamu u Loti. Bana Kenani u bana Pelezi kabakala munshi yezho kuchiindi chelya.⁸Ubobo Abulamu wakambila Loti ati, "Akubule inkondo akati kesu, alimwi akati ka beembezhi besu; akuli, tuli ba mukowa. ⁹Sa inshi yezhi yoonse teeli yako? Koya kumbele wandaane ame. Na ulaya kuluya lwa chimwenshi, ume ndaya ku luya lwa chilyo. Kuti ulaya ku chilyo, ati ume ndaya ku chimwenshi."¹⁰Inzho Loti wazhingulusha menso, ukubona ibanda lyoonse lya Jodani kwaamba kalili ibotu kushikila ku Zowa, ukoya muunda wa Yaave, ukoya inshi ya Ejipiti. Chechi kachili chiindi Yaave natakuna kuzonauna munzhi wa Sodoma u Gomola. ¹¹Ubobo Loti wakasalabusena bwa Jodaniboonse ukuya kwiwe, ubobo bakandaana.¹²Abulamu wakakala munshi ya Kenani, pele Loti wakakala mwibanda akati ka minzhi mikando ya mwibanda. Wakazaka matente ku Sodoma. ¹³Inzho bantu ba mu Sodoma kabali ba shimuchita shibi ku bushu bwa Yaave.¹⁴Yaave wakamwambila Abulamu bamane kwandaana u Loti ati, "Langa kuvwa abusena nguzhimine kushika kwiwe, kumbo, kumbala ukuchibizhi. ¹⁵Yoonse yezhi inshi njiwabona, ndakupa uwe uba mukowa wako lyoonse u lyoonse.¹⁶Ndakachita ba mukowa wako kuba ukoya musenga wa anshi, kwaamba nakuti kuli ukonzha kubala musenga waanshi ati uba mukowa wako balakakonzha kubalwa. ¹⁷Zhimuka weende umbulamfu umubwamba bwa nshi, nkaambo ndakupa." ¹⁸Ubobo Abulamu wakabweza itente lyakwe, ukuya kukala mu masamu a Mamre ali mu Hebuloni, amane wakazakila Yaave chipaililo.

¹Nikwamana sheshi shintu, izwi lya Yaave lyakashika kwa Abulamu mu chilengaano, ulyaamba ati, "Utatiyi, Abulamu! Ndime intobo yako alimwi ndime bulumbu bwako bukando.'' ²Abulamu wakaamba, "Mwami Yaave, Nchiinzhi nchukaampa, nkaambo ndakalisha ndiina mwana, alimwi shimulya izhina wa n'ganda yangu ngu Eliyeza waku Damasikasi? ³Abulamu wakaamba, ubobo mbuwatampa lunungu, bona, umwi wazhalilwa mun'ganda yangu ngukaakona.''⁴Inzho, amubone, izwi lya Yaave lyakeza kwakwe, lilaamba, "Wezu mulombwana takabi shilukono lwako; pele wezo ukaavwa mu mubili wako inguwe ukaakona.'' ⁵Ngoona wakamukusha ansengwe u kwaamba, ''Langa kwizeulu, shibale intongwezhi, nakuti ulalozha kushibala.'' Ngoona wakamwaambila ati, "Mbubona u lunungu lwako mbulukaaba.''⁶Wakamushoma Yaave, alimwi wakamubalila ku bululami. ⁷Wakaamba kwakwe ati, "Ndime Yaave wakakukusha ku chishi cha ur cha bana Chaludi, kukupa inshi yezhi kwaamba wikone.'' ⁸Wakaamba, ''Mwami Yaave, mbubuti mbwinkezhiba ati ndakekona?''⁹Ngoona wakamwaambila ati, ''Ndetela in'gombe inchilile, impongo impwizhi ikwete myaka yotatwe yakuzhalwa, muchende wa mbelele ukwete myaka yotatwe yakuzhalwa, inzhiba alimwi u mwana wa Nkwilimba.'' ¹⁰Wakamuletela shoonse sheshi, ukushikosola shipanzha shobile, amana ukushibika bulangene, pele bazuni wiina nakabandaanya. ¹¹Bashikube nibakaseluka kulya mitunta, Abulamu wakabatanda.¹²Kumabililo ezuba, Abulamu wakoona mutulo, inzho mushinze utizha wakamuhumba, ¹³Ngoona Yaave wakamwambila Abulamu at, "Uzhibe kwaamba lunungu lwako balakaba beenzu muchishi chitali chabo, alimwi balakaba bazhike ukupenzhewa kwa myaka ili myaanda yone¹⁴Ndakachibeteka chishi checho nchibati bakasebezele, ulimwi kumamanino balakavwa u lubono lunji lunji. ¹⁵Pele mulakaya ku bamaushenu mu luumuno, almwi mulakazhikwa kabotu mubuchembele. ¹⁶Alimwi kulakaita mazhalane one kwaamba ba lunungu lwako bakapiluke alimwi kono, nkaambo shibi sha ba Amoli tashina kumaninina.''¹⁷Izuba nilyakebila kwakashiya, bona, impoto ifuka bushi u muzenge shakaita akati. ¹⁸Mubuzuba bobo Yaave wabaamba chivuminano u Abulamu, ulaamba, "Ku lunungu lwako loonse ndapa inshi yezhi, kuvwa ku Lweenje lwa Ijipiti kushika ku lweenje lukando lwa Ufuleti (Euphrates) ¹⁹ba Kenaiti, ba Kenazati, ba Kadomo, ²⁰baHiti, ba Pelizi, ba Lefa, ²¹ba Amoli, bana kenani, ba Gigash, u ba Jebu.''

¹Abulamu nakukwete myaka ili makumi ifuka ifuka , Yaave wakalibonya kwa Abulamu wakaamba kwakwe, ''Ndime Lezashinsaana shoonse. Weende munzhila yangu, ulimwi chakutabisha. ²Ndakapa chihuminanoakatikangu aze, alimwi ndakamuhuzha mubunji bunji.''³Abulamu wakahuntama u bushu bwakwe anshi ngoona awo Leza wakabandika aze, wakaamba, ⁴''Pele ume, bona, chihuminano changu chili aze. ulakaba ushi wa mashi manji manji. ⁵Izhina lyako talikakutewa linji ati Abulamu, pele izhina lyako ulaba Abulahamu - ukuti ndakusala kwaamba ukabe ushi wa mishobo minji minji. ⁶Ndakahuzha lunungu lwako, ndakakupa mushobo munji munji, bami balakavwa ku lunungu lwako.⁷Ndakabamba chihuminano akati kangu aze u lunungu lwako ukuhwa kwako, kwaamba chikabe chihuminano chitakaamana kwaamba nkabe Leza wako alimwi u luhubo lwako lukaachilila. ⁸Ndakakupa uwe, alimwi u lunungu lukaachilila uwe, inshi njuuli mweenzu, yoonse inshi ya kenani, ilakaba yako lyoonse, alimwi ndakaba Leza wabo.''⁹Amana Leza wakaambila Abulahamu ati, ''Uwe, ulyelele kubamba chipanaganochangu, uwe u lunungu kuvwa kwako lyoonse uumazhalane aabo. ¹⁰Chechi nchichihuminano changu nchuukabamba, akati kangu aze u balunungu lwako lukaachilila: Boose bembezhi akati kenu balyelele kupalulwa. ¹¹Mulyelele kupalulwa ku kakanda kakumbele, chechi chilakaba chitondezho cha chihuminano akati ali ume amwe.¹²Kufumbwa mwembezhi akati kenu ukwete mazuba ali lusele kuvwa kukuzhalwa ulyelele kupalulwa, kubantu bako umazhalane abo boonse. Kubikilizha u wezo wazhalilwa mu n'ganda yako aze wezo wakaulwa u mali kuvwa kuvwa kunji utali wa lunungu lwako. ¹³Wezo wazhalilwa mu mukwashi wako aze wezo wakaulwa u mali ako balyelele kupalulwa. Nkukwaamba chihuminano changu chilakaba mu lukanda lwako kwaamba chikabe chihuminano chitakaamana. ¹⁴Kufumbwa mwembezhi utapalulilwe kakanda ka kumbele ulakakushiwa kuvwa ku bantu bakwe. Wakombola chihuminano changu.''¹⁵Leza wakambila Abulahamu, ''Mwinako Salai, utamwiti linji ati Salai, Ubobo izhina lyakwe ulaba Sala. ¹⁶Ndakamulongezha, Ndakakupa mwana mwembezhi kuhwa kwakwe. Ndakamulongezha, ulakaba muzhali wa mashi. Bami ba bantu balakavwa kwakwe.''¹⁷Ngoona Abulahamu wakalanga anshi, amane wakaseka, ukulyambila mu mozo wakwe ati, ''Sa mwana ulakonzha kuzhalwa ku muntu ukwete mwaanda wamyaka yakuzhalwa? Mbubuti Sala ukwete myaka yakuzhalwa ili makumi ali ifuka, mbwakonzha kuzhala mwana?'' ¹⁸Abulahamu wakamwambila Leza ati, ''Welya Ishimaili apone ku bushu bwako!''¹⁹Leza wakaamba ati, ''Peepe, pele Sala mwinako ulakakuzhalila mwana, ulakamuulika izhina lya Isaki. Ndakapanga chipangano aze chikabe chipangano chitakaamana ku luhubo lwakwe alimwi ukuvwa kwakwe. Kwa Ishimaili, ndakutelela. ²⁰Bona, ndamulongezha akazhalulule ukuhuzhanya. Ulakaba ushabo bami bali ikumi u bobile, ndakamuchita ati akabe mushobo mukando. ²¹Pele chipangano changu chilakaba u Isaki, wezo Sala ngwati akazhale kwako achiindi cheno ku mwaka ushika.''²²Nakamanizha kwaamba aze, Leza wakakuvwa kwa Abulahamu. ²³Ngoona awo Abulahamu wakabweza Ishimaili mwanakwe , ubabo boonse bakazhalilwa mu n'ganda yakwe, ubabo boonse mbakaula u mali akwe, woonse mwembezhi a balombwana ba mukwashi wa Abulahamu bakapalulwa ku buzuba bobo mboona mbwakamwambila Leza.²⁴Abulahamu kakwete myaka ili makumi ifuka u myaka ifuka chiindi nakapalulwa. ²⁵Ishimaili mwanakwe kakwete myaka ikumi u yotatwe chiindi nakapalulwa. ²⁶Mbubona buzuba bobo Abulahamu u mwanakwe Ishimaili, bakapalulwa. ²⁷Boonse balombwana ba mukwashi wakwe bakapalulwa antoomwi aze, kubikilizha u babo boonse bakazhalilwa mu n'ganda yakwe u babo mbakaula kuli bavwa mashi.

¹Abulahamu wakaya amushinzo Kuchishi cha Negevu, u kukakala akati kati ka Kadeshi u Shur. Kali mweenzu mukukakalkwakwe mu Gela. ²Abulahamu wakaamba chikwatikizha mwinakwe Sala, ''Wezu mukwesu'' Inzho Abimeleki mwami wa Gela wakamutumina bantu bombweza Sala. ³Pele Leza wakeza kwa Abimeleki mashiku mu chiloto, wamwambila ati, "Langa uli muntu mufu nkaambo ka mukaintu nguwabweza nkaambo ngu muka muntu.''⁴Awo Abimeleki katana ku musena Amubili wakaamba, ''Mwami, sa ulayaya nichiba chishi chiluleme? ⁵Sa ingwe mukamwini wakenta ati, 'Mukwesu?' Aze lwakwe mukaintu wakaamba 'mukwesu mulombwana.' Ndachichita chechi muchiimo cha mozo wangu alimwi ukubula mulandu kwa matashi angu.''⁶Amane Leza wakamwambila muchiloto ati, ''Ee, Ndizhi ati muchiimo cha mozo wako wakachichita chechi, alimwi ndakakutantumuna kuvwa kukumbishizha ume. Ubobo ndiina kukakuvumizha kumukwata amubili. ⁷Ubobo ninzho awa, umubweezhe muka muntu, nkaambo mulumi mushinshimi. Ulakakukombela, wamana ulakapona. Pele kuti utamuzhola, zhiba buyo kwaamba ati uwe lwako antoomwi ubabo banamuzenu mulafwa kutabeya.''⁸Abimeleki wakabuka chifumo fumo ngoona waboompolola basebezhi bakwe boonse. Wakabaambila oonse makani aza ngoona balombwana bakafwa bukandu. ⁹Ngoona Abbimeleki wakamutumina bantu Abulahamu kwaamba ashike amane wamwaambila ati, ''Chiinzhi nchiwachita kwesu? Nchinzhi nchindakubishizha kwaamba ulete chibi chikando ali ume alimwi bwami bwangu. Wanchitila chintu chitelele kuchitwa.''¹⁰Abimeleki wakamwita Abulahamu ati, ''Nchiinzhi chaka kunjila kwaamba uchite chintu chechi." ¹¹Abulahamu wakaingula ati, ''Nkaambo ndakakutelaika ati, 'Kono kwiina kutiyi Leza alimwi balanjaya nkaambo ka mwinangu,' ¹²Kunze kwabobo, bwini mbwakuti mukwesu, mwanakwe taata, pele tali mwanakwe baama; amane wakaba mwinangu¹³Chiindi Leza nakapa kwaamba nshiye munzhi wa bataata ukuya bweenda kuvwa mu busena bobu kuya bunji busena, ndakamwambila ati, ' ulyelele kuntondezha bushomeshi bobu mbuuli mwinangu: Kufumbwa busena mbutwaya, ulyelele kubaambila ati ''Tulazhalwa aze.'''''' ¹⁴Ngoona Abimeleki wakabweza imbelele alimwi iin'gombe, u bazhike balombwana u bakaintu, wakamupa Abulahamu. Kumane wakamubweezha Sala, Muka Abulahamu, u kwakwe.¹⁵Abimeleki wakaamba, "Langa, inshi yangu uliibwene. Kala awo kufumbwa akubotela.'' ¹⁶Ukwa Sala wakaamba, ''Bona, Ndamupa munyoko shuulu sha siliva. Chechi nchakwaamba njale mulandu kufumbwa kwako mu menso ababo boonse mbumuli abo, alimwi ku bushu bwa bantu boonse, uwe uli lulikilwe.''¹⁷Amane Abulahamu wakakomba kwa Leza, ngoona Leza wakamuponya Abimeleki, mwinakwe u bazhike bakwe bakaintu, chakuti bakakonzha kukwata bana. ¹⁸Ukuti Yaave kayalile shizhalilo shoonse sha ban'ganda ba Abimeleki nkaambo ka Sala, mukaintu wa Abulahamu

¹Sala wapona myaka ili mwaanda omwi umyaka ili makumi obile u chiloba. yezhi nji myaka njakapona Sala mubumi bwakwe. ²Sala wakafwila mu Kiliathi Arba, momo mu mu Hebuloni, muchishi cha Kenani. Abulahamu wakamulila Sala.³Amane Abulahamu wakazhimuka kuvwa a mutunta wa mwinakwe, ukubambila banakwe Heth, ati, ⁴"Ume ndi mweenzu u shilweendo akati kenu. Ndakumbila mumpe busena bwa kwaamba ndukuzhikila bazazhima."⁵Banakwe Heth bakamwingula Abulahamu ati, ⁶''Pulala kwesu, mwami wangu. Uwe uli mwana a mwami Leza akati kesu. Zhika mufu wako mubusena busale bwa shuumbwe shesu. Akati kesu kwiina naaba womwi ukonzha kukukasha chuumbwe, kwaamba uzhike mufu wako.''⁷Abulahamu wakazhimuka ngoona wabakotamina bantu ba muchishi, banakwe Heth. Wakaamba kwabo, ulaamba, ⁸''Kuti umwe mwanhumizha kwaamba nzhike mufu wangu, inzho amuntelele, amunkumbilile kwa Efuloni, mwanakwe Zoha. ⁹Amunkumbilile kwaamba anguzhe bwina bwa Makipela bwalo butewa mbwakwe, ubuli kumamanino a muunda wakwe. Ku muulo woonse anguzhizhe antangalala kwaamba bube busena bwa kuzhikila.''¹⁰Inzho Ephron wakakushite akati kabanakwe Heth, ulimwi Ephron mu Hiti wakamutaba Abulahamu mu matwi a banakwe Heth, u babo boonse bakwizile ku mulyango wa munzhi wakwe, ulaamba, ¹¹''Peepe, mwami wangu, mpupulala. Ndakupa muunda, alimwi u bwiina buli mo. Ndakupela abushu bwa bana ba banangu. Ndakupa kwaamba uzhike mufu.''¹²Kumane Abulahamu wakakotama anshi kubantu bachishi. ¹³Wakaamba kwa Ephron kabateleleboonse bantu ba muchishi, kwaamba, ''Kuti na ulilyaabile ndalomba nteelela. Ume ndolipilila muunda. Bweza mali kuvwa kwangu, ndamana ndamuzhika mufu wangu kolya.''¹⁴Ephron wakamwiingula Abulahamu, ulaamba, ¹⁵''Ndalomba mwami, Mpupulala ume. Kasena kashoonto kaulwa myaanda yone ya siliva, nchinzhi checho chili akati kangu aze? muzhike mufu wako.'' ¹⁶Abulahamu wakatelela kwa Ephron amane Abulahamu wakapimina Ephron mweelwe wa Lubulo lwa siliva lwlo ndwakaamba kabatelele banakwe Heth, myaanda yone ya siliva, kwendelana u muulo waba shimakwebo.¹⁷Ubobo muunda wa Ephron wakuli ku Machpelah, walo wakuchilila Mamre, wezu muunda, bwiina bwakuli mu muunda, u masamu akakuli mu muunda u mumbali, shakapewa ¹⁸kwa Abulahamu kwiita mu kuula mu menso a banakwe Heth, kumbele lya babo boonse bakeza ku mulyango wa Munzhi wakwe.¹⁹Kuvwa awo, Abulahamu wakamuzhika Sala mwinakwe mubwina bwakuli mu muunda wa Machpelah, kumbali ku Mamre, mu Hebron munnshi ya Kenani. ²⁰Inzho muunda u bwiina bwakapewa kwa Abulahamu kwaamba bube busena bwakwe bwakuzhikila bantu kuvwa ku banakwe Heth.

¹Leza wakaambila Jakobo ati, "Buka ku Bethel, alimwi ukakale kolya. Ukazake chipaililo kwa Leza, wezo wakalibonya kwako chiindi nuwakutiya munyoko Esau.'' ²Ngoona Jakobo wakaambila Mukwashi wakwe u babo mbakuli abo, ''Amukwishe ba leza banji bali akati kenu, amulisalazhe ukuchincha shisani shenu. ³Atuzhimuke tukuya ku Bethel. Ndakazaka chipaililo kolya Kwa Leza walo wezo wakantaba muchiindi changu cha mapenzhi angu, alimwikali ame kufumbwa nkundakuya.''⁴Inzho bakamupa boonse ba leza bakupanga bakuli mumatashi abo alimwi u shakuli ku matwi abo. Jakobo wakashizhika kunshi kuchisamu chitewa ati oak kufwaafwi uku Shekemu. ⁵Nibakeenda, Leza wakabapa bukandu bantu bakuli mu minzhi imwi, ubobo baina nibakamuchilila ba Jakobo u banakwe.⁶Jakobo wakashika ku Luz( koko ku Bethel), kunshi ya Kenani lwakwe mwini ubabo mbakakuli abo. ⁷Wakazaka chipaililo amane waabulika busena ati, El Bethel, nkaambo koko Leza wakalitondezha kwakwe, nakakuya bulukanaka kutiya munina. ⁸Debola, mushilishi wa Labeka wakafwa. Wakazhikwa ku Bethel munshi lya chisamu cha Oak, bakabuulika busena bobo ati, Allon Bakuth.⁹Jakobo nakazhoka kuvwa ku Padani Alam, Leza wakalibonya wakwe alimwi wakamulongezha. ¹⁰Leza wakamwaambila ati, "Izhina lyako ndiwe Jakobo, pele izhina lyako talichitewa linji ati Jakobo. Izhina lyako ulakutewa ati, Izilayili.'' Inzho Leza wakamupa izhina lya Izilayili¹¹Ndime Leza Shinsana. alimwi Amuzhalane ukuhuzhanya. Chishi utubunga tulakavwa mwako, bami balakavwa mu lunungu lwako. ¹²Inshi njindakapa Abulahamu u Isaki, Ndakeepa kwako. Ukuli ba Lunungu lwako beshika munshi lyako ndepa inshi.'' ¹³Leza wakamushiya abusena awo ngakakubandikila aze.¹⁴Jakobo wakazhimika chizhibalusho ku busena bobo Leza nkwakamwambilila. Chizhibalusho chebwe. Wakatilaila chipaizho chakunwa alimwi u mafuta ali nchicho. ¹⁵Jakobo wakaulika busena kolya Leza nkwakamwambilila ati, Bethel.¹⁶Bakeenda kuvwa ku Bethel, KKabachili kulaale kushika ku Ephrath, Lacelo wakaya ukutumbuka. Wakapenga mukutumbuka kwakwe. ¹⁷Nakakuli mu mishika mizumu, umulindila wakamwambila ati, "Utatiyi ukuti in zho ukalakwata mwana unji mweembezhi.'' ¹⁸Nakakuzanda kufwa, pelekachipefula wakamuulika mwana izhina ati Ben-Oni pele ushi wakamulika lya Benjamini. ¹⁹Lachelo wakafwa ngoona wakazhikwa mumbali a nzhila iiya ku Ephrath(ku Betilehemu). ²⁰Jakobo wakabika wakabika chizhibalusho achuumbwe cha kwe. Nchizhibalusho cha a chuumbwe cha Lachelo u bono buzuba.²¹Izililayili u lweendo lwakwe ngoona wabamba itente lyakwe kumbali a chilindililo cha butanga. ²²Izilayili nakakuchishite mu busena bolya, Lubeni wakoona u Bilhah mumambe waushi ngoona Izilaili wakaatelela makani. Inzho Jakobo kakwete banabalombwana bali ikumi u bobile.²³Banakwe kwa Leya kali, Lubeni, ngumutaanzhi, u Simiyoni, Levi, Juda, Isaka, Zebuluni. ²⁴Banakwe kwa Lachelo, kabali ba Josefa, u Benjamini. ²⁵Banakwe Biliha, musebezhi mukaintu wa Lachelo, kabali ba Dani u Nafutali.²⁶Banakwe Zilupa, musebezhi mukaintu wa Leya kali Gadi u Asha. Boonse baba kabali banakwe Jakobo mbakazhalila ku Paddani Alamu. ²⁷Jakobo wakashika kwa Isaki, ushi, ku Mamare mu Kiliyati Arba(chilikozenye u Hebuloni) kwalo koko abulahamu u Isaki nkubakakala²⁸Isaki wakapona kwa mazuba ali mwaanda makumi ali luseleu. ²⁹Isaki wakazoza chamamanino ngoona wakafwa alimwi alimwi bakamubunganina ba shakaale, Mulombwana wakuchembeele. Esau u Jakobo, banakwe, bakamuzhika.

¹Jakobo wakakala munshi momo ushi mwakakuli mweenzu, munshi ya Kenani. ²Ngaaza mazhalane aka Jakobo. Josefa, walo wakuli mwembezhi wa myaka ili ikumi u chiloba, keembela imbelele u banina. Kali antoomwi u banakwe Biliha u banakwe Zilupa, bamuka ushi. Josefa wakaleta kaambo katabavuna banina kwa Ushabo.³Inzho Izilaili kamufwini Josefa kubaala banakwe boonse nkaambo kali mwana wo mbuchembele bwakwe. Wakamubambila chikobelo chebeshi. ⁴Banina bakabona kwaamba ushabo ulimufwini kubaazha banina boonse. Bakamusula ubobo kwiina nibaka kukanana aze ca luumuno⁵Josefa wakalota ciloto, amane wakabashimwina banina ncakalota. Ubobo bakamusulisha. ⁶Wakabashimwina ati, "Akaka amutelele ciloto ncindalota.⁷Amubone, Twakuli mu muunda twa kwaanga misunte ya maila ngoona, musunte wangu wakazhimuka wasuumana, kumane, misunte yenu yakazhinguluka ukukotamina musunte wangu." ⁸Banina bakamwaambila ati, "Sa cini cini uwe ulakonzha kutweendelezha?" Bakamusulisha nkaambo ka shiloto u mazwi akwe.⁹¹⁰¹¹Wakalota ciloto cimwi amane wakabaambila banina

¹cakacitika ku ciindi cimwi lelyo Juda nakashiya banina ukukala u muna Adumite wakutewa ati Hila. ²Koko wakaswangana uumwi kamwale mwanakwe umwi mulombwana wa ku kenani wezhina lya Shua. Wakamutwala ulimwi bakaswangana.³Wakamita ukuzhala mwana mwembezhi wakamulika izhina lya Er. ⁴Wakamita alimwi ukuzhala mwana mwembezhi wakamulika izhina lya Onani. ⁵Ulimwi wakazhala mwana mwembezhi ngwakaulika izhina lya Shela. Wakamuzhalila ku Keziba.⁶Juda wakamutwalila Er, mwanakwe mutanzhi. Izhina lyakwe kali Tama. ⁷Er mwanakwe Juda mutaanzhi, katasalali kubushu bwa Yaave. Yaave wakamuyaya.⁸Juda wakaamba kwa Onani ati, "Koya ku muka munyoko. Kosebeze mulimo wa bulamwe, kwaamba umuzhalile mwana munyoko. ⁹Onani kezhi kwaamba mwana takabi wakwe. Kufumbwa nibaswangana u mulamwakwe, kasowela anshi ubobo wiina nakamuzhalila mwana munina. ¹⁰Nchakachita kachitaluleme kubushu bwa Yaave. Yaave wakamuyaya aze.¹¹Inzho Juda wakamwambila Tama ,muka mwanakwe ati, "Kala bu muka mufwu mun'ganda ya bauso kushikila mwanangu Shela, akomene."Nkaambo wakakutiya ati, Aze ulafwa, mbubona mbubakafwa banina."Tama wakaya kukala mu'ganda ya baushi.¹²Nikwaaita ciindi cilamfu, mwanakwe Shua, mwinakwe Juda, wakafwa. Juda wakaumbulizhiwa amane wakaya ku bashikubamba imbelele shakwe ku Timuna, walo u mwenzhiina Hila mu Adumite.. ¹³Tama wakambilwa ati, "langa uso zhala ulakuya ku Timana kuya kubamba imbelele shakwe." ¹⁴Wakasamununa shisani sha bu mukamufwu amane walivumba isani ngoona walivwanga. Wakakala ku manjililo a Enaimu, kumbali ya nzhila iya ku Timana. Nkaambo wakabona kwaamba Shela wakomena pele wina nakmupa nguwe kwaamba abe mwinakwe.¹⁵Lelyo Juda nakamubona wakatelaika muhule nkaambo wakalihumba ku menso. ¹⁶Wakamwiila ukumwaambila ati, "Kweza, akakainzhize kwako" - Ukuti wiina nakazhiba ati ngu muka mwanakwe amane wakaamba ati, Nchinzhi nchukampa mukuti uzhize kwangu.¹⁷Wakaamba ati, "Ndaakutumina impongo inshoonto." Wakaamba ati, "Sa ulampa cishomezho nzhi kushikila ukaitume?" ¹⁸Wakaamba, nchishomezho nzhi ncinkakupa? Wakaingula ati, "cinamatizho cikwete izhina lyako u lutambo alimwi u musako wezo uli mu matashi ako." Wakamupa amana wakaya kwakwe ndilyona wakemita.¹⁹Wakazhimuka ngoona wakaya. Wakalihumbula cisani ngoona wasama shisani sha bumuka mufwu. ²⁰Juda wakatuma mwenzhina mu Adumite kutola impongo kwaamba abweze chishomezho chakwe kuvwa ku mukaintu, pele wiina nakamuyana.²¹Inzho mu Adumite wakabuzha bantu babusena bobu ati, "Ulikwi muhuule wakakuli kumbali ya nzhila ya ku Enaim?'' Bakaamba ati, "Kakwiina muhuule kono.'' ²²Wakazhoka ukumwaambila Juda ati, "Ndiina kumuyana ulimwi ubantu bakubusena bolya balaamba, 'Kwiina nikwakakuli ko muhuule kono.''' ²³Juda wakaamba ati, "Kashikwete buyo shintu, kwaamba tutasampuki. Chini chini ndatuma kaka kapongo pele wiina kumuyana.''²⁴Chakachitika nikwakaita myezhi yotatwe nibakamushimwina Juda ati, Tama muka mwanako wachita buhuule, ulimwi ukuli checho wemita. Juda wakaamba ati, "Noomulete kono atentwe.'' ²⁵Chiindi nakaletwa, wakatuma u mulumbe kwa baushi zhala, u amba ati, ''Ndemita ku mukamwini shintu sheshi.'' wakaamba shihibe akaka na nshaani, lnshimbi u lutambo u musako.'' ²⁶Juda wakashihiba u kwaamba ati, ''Uliluleme kubaala ume, nkaambo ndiina nindakamupa kwa shela, mwanangu kuba mwinakwe.''²⁷Chakachitika kwaamba nichakashika chiindi chakutumbuka, Kwakayanwa kwaamba mwifu lyakwe kamuli bana bobile. ²⁸Nichakaba chiindi chakutumbuka umwi mwana wakakusha itashi lyakwe, ubobo shikutumbusha wakamwanaga katambo ukwaamba, ''Wezu nguwatanguna kuvwa.''²⁹pele wakabweezha itashi lyakwe, ngoona, langa, munina wakatanguna kuvwa. Shikutumbusha wakaamba, "Mbubuti mbuwavwa. Ubobo wakaulikwa ati, Pelezi. ³⁰Amane munina wakahwa, walo wezo wakakukwete katambo kwitashi kasubila ngoona wakaulikwa izhina lya Zela.

¹Chakachitika bobo nikwakaita sheshi shintu, bashikubweza makapu aMwami Ejipiti u bashikupanga shinkwa bakamulemeka shimalelo wabo, Mwami wa Ejipiti. ²Falawo wakalemanina basebezhi bakwe bobile, shikupanga shinkwa u shikubweza makapu. ³Wakababika mu ntolongo mun'ganda ya musololi mulangilizhi wa ntolongo, momo u Jozefu mwakakuzobwelwe.⁴Musololi wa balindizhi wakabika Jozefu kubalanga, ubobo wakabalanganya. Bakakala muntolongo kwa mazuba ali mbwabele. ⁵Boonse bobile bakalota shiloto - Shikupanga shinkwa u shikubweza inkapu wa mwami wa Ejipiti babo bakakuzobwelwe muntotlongo - Umwi uumwi wakalota chiloto chakwe mu bushiku bomwi alimwi uchimwi chiloto kachikwete busanduluzhi bwanchicho.⁶Jozefu wakahiza kubabona machifumo. Ubobo, kabazhingilwe. ⁷Wakababuzha basebezhi ba Falawo mbakakuli abo muntolongo mun'ganda ya shimalelo akwe, ati, ''Nchinzhi nchimulibonya kuusa bwasunu?'' ⁸Bakaamba kwakwe ati, ''Toonse twalota shiloto pelekwiina u pandulula.'' Jozefu wakaingula ati, Sa bupanduluzhi tabuvwi kwa Leza? Amunshimwine.''⁹Mukando wabashikubweza inkapu wakamwambila Jozefu chiloto chakwe. Wakamwambila ati, ''ndabona musaansakooli kumbele lyangu. ¹⁰Mumusaansa kamuli mitabi yotatwe, niyakakula maluba luba akavwa u tupanzha tupanzha twa masaansa twakabizwa. ¹¹Inkapu ya Falawo keeli mu matashi angu. Ndakabweza misaansa ukutyankila munkapu ya Falawo.''¹²Jozefu wakaamba kuli nguwe ati, ''Mbubobu busanduluzhi. Mitabi yotatwe mazuba otatwe. ¹³Kwaita buyo mazuba otatwe, Falawo ulakuzhola a mulimo wako nguwena. Ulakabika inkapu mwitashi lya Falawo alimwi, mbubona mbuwakakubweza inkapu yakwe.¹⁴Pele ukanzhibaluke shintu shakakwendela kabotu, ulimwi ukamfwile luse. Ukampandulule kwa Falawo kwaamba muvwe mono muntolongo. ¹⁵Ukuti ndakakwatwa kuvwa muchishi cha ba Hebulu. Ako kono kwiina nchindakalubizha kwaamba ndyelele kubikwa mono muntolongo.''¹⁶¹⁷Aze shikupanga shinkwa nakabona kwaamba shintu sheenda kabotu, wakaamba kwa Jozefu ati, Ame mbubona ndakukwete chiloto, inzho, ndabona, shinzuma shotatwe shikwete shinkwa kashili amutwi wangu.¹⁸Jozefu wakamwingula ukwaamba ati, "Mbubobu busanduluzhi. Shinzuma shotatwe mazuba otatwe. ¹⁹Kwaita mazuba otatwe Falawo ukwaanga achisamu. Bazuni balakalya mubili wako.''²⁰Chakachitika mubuzuba bwatatu kabuli buzuba bwakuzhalwa bwa Falawo. Wakabamba ipobwe lya bazhike bakwe. Wakakusha mukando wabashikubweza ma kapu u mukando wabashikupanga shinkwa akati kabazhike bakwe. ²¹Wakamubweezha mukando wabashikubweza ma kapu a mulimo wakwe, ulimwi wakabika inkapu mumatashi a Falawo. ²²Pele wakaanga mukando wabashikupanga shinkwa achisamu umbona mbwakapandulula Jozefu kuli mbabo. ²³Nikuba kuti mukando wabshikubweza inkapu wina nakamuzhibaluka Jozefu, pele wakamuluba.

¹Uninzho Jakobo wakazhiba kwaamba ku chishi cha Ijipiti kwakakuli chakulya (museke) . Wakaamba kubanakwe, ''Nonkaambo nzhi mula langa umwi umwi?'' ²Wakaamba amubone kono, ndakatelela kwaamba kuli chakulya muchishi cha Ijipiti. Kamuya ko mukatulile chakulya tupone kubaazha kwaamba tufwe.'' ³Banina Jozefu bali ikumi balombwana bakaya kuula chakulya ku Ijipiti. ⁴Pele Jakobo wiina ukamutuma Bejamin, munina Jozefu u banina mbuli mbwa kaambaati, ndatiya chibiyabi inga chamuchitikila .⁵Banakwe Izilaili bakeza kuula akati kababo bakeza,nkaambo inzala yakakuli muchishi cha Kenani. ⁶Uninzho Jozefu wakakuli mwendelezhi mukando mubusena bobo. Inguwe wakakuuzha ku bantu boonse muchishi. Banina Jozefu bakeza ukufugama kwakwe nashu aabo kafuleme anshi.⁷Jozefu wakababona banina ukubazhiba, pele wakalisoseka ukwaamba abo chalunya. Wakaamba kwabo ati, ''Mwavwa Kwi?" Bakaamba ati, "Twavwa ku chishi cha Kenani tweza kuula chakulya.'' ⁸Jozefu wakabazhiba banina pele balo baina kukamuzhiba.⁹Amane Jozefu wakazhibaluka shiloto nshakabalotela, amana wakabaambila ati, "Muli bashikweena! Mweza kweena masena atakwabililwe.'' ¹⁰Bakamwambila ati, "Peepe mwami wangu. Bazhike bako beza kuula chakulya. ¹¹Tuli bana ba muntu womwi . Tuli balombwana bashomeka. Bazhike bako tabali bashikweena.''¹²Wakabaambila ati, "Peepe, mweza kubona masena atakwabililwe muchishi.'' ¹³Bakaamba, "Uswe tubazhike bako tuli ikumi u bobile bana balombona ba muntu omwi muchishi cha Kenani. Bona, mushoontosha bono buzuba uli u bataata, alimwi umwi munyokwesu tachiponi.''¹⁴Jozefu wakabambila ati, "nchichecho nchindamwaambila; muli bashikweena. ¹⁵Kuli chechi mulasunkwa. Kubumi bwa Falawo, tamukvwi kono, chita mwini mucheche wenu mushoontosha ashike kono. ¹⁶Amutume umwi wenu aakuya akamulete. Mulashaala muntolongo, kwaamba mazwi eenu asunkwe, na muli meni - meni muli ngawo. Ubuyo, kubumi bwa Falawo, chakushinizha muli bashikweena.'' ¹⁷Wakababika boonse muntolongo kwa mazuba otatwe.¹⁸Jozefu wakabaambila mu buzuba bwatatu, ''Amuchite bolya kwaamba mupone, ukuti ndamutiya Leza. ¹⁹Kuti na muli balombwana bashomeka, akube omwi wenu ushaala muntolongo, pele bamwi muye, mutole shakulya ku maanda enu aina chakulya. ²⁰Mukamulete muchehche wenu mushontosha ashike kwangu kwaamba mazwi enu akabonwe na meni - meni mwamana tamukafwi.'' Ubobo bakachita bobo.²¹Bakaamba kuli umwi - uumwi, "Twazulwa ku kaambo ka mukwesu kalo nkutwakabona kupenga kwa bumi bwakwe walo wakatulomba chini chini pele twiina kukatelela. Ubobo, koku kusampuka kwatuzhokela.'' ²²Lubeni wakabataba ati, "Sa ndiina inda kamushimwina ati, 'Mutamubishizhi mwembezhi,' pele mwiina nimwakatelela. Uninzho, amubone, bulowa bwakwe bwazanda uswe.''²³Baina nibakazhiba kwaamba Jozefu wakabatelela, nkaambo kakuti kwakakuli musanduluzhi akati kabo. Wakalanga kunji amana wakalila. ²⁴Wakabachebuka amana wakaamba abo. Wakabweza Simiyoni akatikabo amana wakamwaanga u menso abo. ²⁵Amana Jozefu wakambila bazhike bakwe kwaamba bazuzhe masaka chakulya abanina, ukubweezha mali abo mukati mu masaka alimwi ukubapa shakulya a mushinzo wabo. Bakachilwa bobo.²⁶Banina bakabika shakulya shabo a mbongolo bamane bakeenda kukuvwa kolya. ²⁷Umwi wabo nakayalula isaka lyakwe kwaamba ape imbongolo chakulya abusena bwamapumunino, wakaabona mali akwe, Langa, kaali ezeulu e saka lyakwe. ²⁸Wakabaambila banina ati, "Mali angu abwezhewa. Amwabone; ali mwisaka lyangu. Myozo yabo yakausa bamane bakatalika kuzhangama babuzhanya ati, "No nchinzhi chechi Leza nchatuchitila?''²⁹Bakaya kwa Jakoba , ushabo mu chishi cha Kenani ukumushimwina shoonse shakabachitikila. Bakaamba, ³⁰''wezo mulombwana, mwami wa chishi, wakatunyenaukila alimwi ukuzunga ati twakakuli bashikweena chishi. ³¹Twakaamba kuli nguwe ati, 'Tuli balombwana bashomeka. Tatuli bashikweena. ³²Tuli babunina balombwana bali ikumi u bobile, bana baushesu womwi. Womwi wakafwa, alimwi mushoontosha bwasunu uli u taata muchishi cha Kenani.'³³Mulombwana, mwami wa chishi, wakaamba kwesu, "Kuli chechi, ninti nkezhibe ati anu muli balombwana bashomeka. Amunshiile mulombwana womwi munyokwenu mwamana mubweze chakulya mutole kumaanda kwenu ukuli inzala. ³⁴Mukamulete munyokwenu mushoontosha kwangu. Lelyo ume ninti nkezhibe ati anu umwe tamuli bashikweena pele anu muli balombwana bashomeshi. Ndamana ndakamwangulula munyokwenu mulakaba aze, alimwi mulakachita makwebo muchishi.'''³⁵Chakachitika kwaamba nibaka kulaulula masaka abo, kwakayanwa ati, toola twa mali twabo boonse balombwana katuli mu masaka abo. Balo antoomwi u ushabo nibakatubona toola twa mali abo bakatiya. ³⁶Jakobo ushabo wakabeta ati, ''Mwandetela buusu nubanangu. Jozefu tachiko, Simiyoni waya, alimwi mulaanda kutola Benjamini. Shoonse sheshi shilalwana ume.''³⁷Lubeni wakaamba kwa ushi, ati, "Ukabayaye banangu bobile kuti intakamuleti Benjamini kwako. Amumubike mu matashi angu, alimwi ndakamuzhola kwenu. ³⁸Jakobo wakaamba, "Mwanangu tamuyi aze. Munina wakafwa amana walo ngusheele iche. Kuti chiyaya chashika kwakwe munzhila njimwiita, mulakatola isusu lyangu lituba muchuumbwe.''

¹Inzala yakakuli inkando muchishi. ²Yakashika nibakalya maila ngubakaletelezha kuvwa ku Ijipiti, ushabo wakabaambila ati, "Kamuya ulimwi mukatuulile cakulya."³Juda wakamwambila ati, "Wezo mulombwana wakambisha kwesu ati, 'Mwiina nimukaabona bushu bwangu chita munyokwenu mukaakuli aze. ⁴Kuti ututume antoomwi umunyokwesu.' tulaya tukakuulile chakulya. ⁵Pele kuti na tumutumi, tatukayi. Ukuti welya mulombwana wakatushimwina ati, 'Tamukabuboni bushu bwangu chita munyokwenu mukaakuli aze.'''⁶Izilayeli wakaamba ati, "Nchinzhi nchimwampenzhela bolya ume, kushika ukumushimwina wezo mulombwana ati mulikwete munyokwenu unji?'' ⁷Bakaamba, "Wezo mulombwana wakatubuzhishisha ukuzanda kuzhiba makani a mukowa wesu. Wakaamba, 'Sa ushenu uchipona? Sa mulikwete munyokwenu unji? Twakamwingula kwendelana umibuzho yezhi. No nitwakazhiba buti ati ukalatwaambila, 'Mukamuletelele munyokwenu?'''⁸Juda wakamwambila Izilayeli ushi, "Tutume umwembezhi wezu. Tulazhimuka ukuya kwaamba tukapone kubaala kufwa, toonse, aze aze , antoomwi ubanesu. ⁹Ume ndime inkaamuzhiminina. Amana ndime inkaataba twaambo. Kuti intakamuzhola ukumuleta kubushu bwako, inkatongaukwe shikwense. ¹⁰Kuti nikwatakaba kumuka koku, nitwakupilukile lwabili."¹¹Ushabo Izilayili wakabashimwina ati, "Nakuti bobo mbwabele, amuchite bobo. Amutolelele mushoola shenu shintu shimwi shibotu shivwa mono muchishi. Amutole ku mulombwana wezo chipo - mafuta ongaana u buchi, tununkilizho twa mushilyo u Mili, Inyemu sha Pisitasho u Malumondi. ¹²Bweza mali ayita kobile mwitashi lyako. Mali ngumwakazhola nitwakayula masaka eenu, Waabweza ulimwi mwitashi lyako. Ambweni kwakaba kulubizha.¹³Amumutole u munyokwenu. Amuzhimuke kamuya ulimwi ku mulombwana. ¹⁴Inzho Leza Shinsana amupe luse luse kumulombwana wezo, kwaamba ati akamuleke munyokwenu umwi u Benjamini. Kuti ndafwilwa banangu, Ndafwilwa." ¹⁵Balombwana bakatola chechi chipo, amane bakatolelezha u mali mumatashi abo ayita kobile, kubikilizha u Benjamini. Bakazhimuka kuya ku Ijipiti baya bazhima kumbele lya Josefa.¹⁶Chiindi Josefa nakamubona Benjamini akati lyabo, wakambila musebezhi wa mun'ganda yakwe ati, "Balete balombwana mun'ganda, muyaye munyama wamana u mubambe, ukuti balombwana tulalya abo muunza." ¹⁷Musebezhi wakachita mbubona Josefa mbwakamulailila. Wakabaleta balombwana ku 'nganda ya Josefa.¹⁸Balombwana bakatiya nkaambo bakatolwa ku n'ganda ya Josefa. Bakaamba ati, "Chechi cheza nkaambo ka mali akabwela mu masaka esu lweendo lutaanzhi nitwakaletw a, kwaamba atuyanine kaambo. Ulakonzha ukutwaanga u kututola u mbuzhike, alimwi ukushibweza imbongolo shesu.'' ¹⁹Bakaya ku musebezhi wa mun'ganda ya Josefa, ngoona bakamwambilila a mulyango wa n'ganda, ²⁰balaamba, Mwami wangu, twakwizhile lweendo lutaanzhi kuula chakulya.²¹Chakachitika ati, nitwakashika ku busena bwa kupumunina, twakayula masaka esu ngoona, kwakalibonya kwaamba oonse mali aabo balombwana akalibonya nibakayalula masaka ku muntu u muntu, oonse mali esu akwene twaazhola ngaaza mu matashi esu. ²²Twaleta amwi mali mu matash akuula chakulya. Tatumwizhi wezo wakababika mali mu masaka esu." ²³Musebezhi wakaamba ati, "Luumuno lube amwe, mutafwi bukandu. Leza wenu alimwi Leza wa ma ushenu ulyeele kuba nguwe wakaabika mali mu masaka enu. Ndakaatambula mali enu." Musebezhi ngoona wakamuleta Simiyoni kuvwa kwabo.²⁴Musebezhi wakabatola balombwana mun'ganda ya Josefa. Wakabapa meenzhi, bamane bakasamba ku matende abo. Wakasanina imbongolo shabo. ²⁵Bakalibambila shipo sha kupa Josefa ciindi cha muunza ashika, nkaambo bakatelela ati inkuko nkubati bakalile shakulya.²⁶Chiindi Josefa nakeza kun'ganda, bakaleta shipo nshibakakukwete mu n'ganda, bamane bakakotama anshi kumbele lyakwe. ²⁷Wakababuzha makani a buponi amane wakaamba, "Sa ushenu uli kabotu, mudaala walo ngumwakaamba? Sa uchipona?"²⁸Bakaamba, Musebezhi wako ushesu uli kabotu. Uchipona'' Bakakotama anshi ukumupa bulemu. ²⁹Nakasansula menso akwe wakabona Benjamini munina, mwanakwe baina mwembezhi amane wakaamba, "Sa wezu inguwe mwembezhi mushoonto mucheche wenu welya ngu mwakaaamba kwangu?" Ngoona wakaamba , Mwami Leza akufwile luse, mwanangu."³⁰Josefa wakafwambaana kuvwa mubakubele, nkaambo wakanjilwa inkumbu nkaambo ka munina. Wakakapula busena bwa kulilila. Wakaya mwakakoona ngoona wakalila. ³¹Wakasamba ku bushu bwakwe amane wabwela. Wakacikwata chamba, ulaamba, "Sengela chakulya."³²Basebezhi bakamusengelela Josefa iche abo banina lwabo beni. Bana Ijipitibakalya aze lwabo beni nkaambo bana Ijipiti kabatakonzha kulya chinkwa antoomwi u ba Hibulu, Nkaambo chechi kachitavumizhiwa ku bana Ijipiti. ³³Banina bakakala kumbele lyakwe. Mukando bakachilizhanya kwendelana umbubakazhalwa kushikila ku mushoonto. Balombwana bakazhingilwa antoomwi. ³⁴Josefa wababaabila shakulya shakuli kumbele lyakwe. Pele shakulya sha Benjamini shakuli shiindi shosanwe kubala kuhula kuli sha banina. Bakanwa chakwaanguluka ukubotelwa aze.

¹²Chakachitika kwaamba nishakaita shintu sheshi, umwi wakaambila

¹Ngoona awo Jakobo wakompolola banakwe, ulimwi wakaamba: "Amubungane nubeni antoomwi kwaamba mwambile chikaamuchitikila kembele. ²Amubungane nubeni ukupupulala, umwe nubanakwe Jakobo. Amupulalekwa Izilaeli, ushenu.³Lubeni, ndiwe mwanangu mutaanzhi, bushinsana bwangu, matalikilo a bukando bwangu, wandeene mu bulemu, alimwi iinsana. ⁴Wiina buchindulule ukoya meenzhi akunka, wiina nukaakwata busumpushi, nkaambo wakanjila kubulo bwa uso. Umane wakabusofwaazha; wandetela masampu.⁵Simiyoni u Levi mbabunina. Shilwanyo sha lumamba ngu macheba abo. ⁶U moza wangu, utenjili munsangano yabo; U moza wangu, utenjili miswangano yabo, nkaambo mozo wangu ulizwile bulemu kuli azo. Ukuti mu bukali bwabo bakayaya bantu. Kakuli mukulibotezha nchimwakayaila basune.⁷Bukali bwabo bushinganyiwe, ukuti kabutizha - alimwi u bulemane bwabo, bwakaitilila. Ndakabandaanya mu bu Jakobo ukubasabalanganya mu bu Izilayeli.⁸Juda banyoko balakakutembaula. Itashi lyako lilakaba anshingo sha bashinkondonoko. Banyoko balafukama kumbele lyako⁹Juda mwana wa shuumbwa. Mwanangu, wabazunda ba shinkondo noko. Wakaseluka, Wakalaba ukoya shuumbwa, ukoya shuumbwa muzhazhi. walo wiina umubusha ?¹⁰Musako wa bwami kwiina nuti ukavwe mu matashi a Juda, nikuba kuvwa mwivwa lyakwe, kushikila Shilo akashike. Mashi alakamulemeka.¹¹Kwaanga imbongolo yakwe ku musaansa, u mwana wa mbongolo ku musaansa musale, wasanzha chikobelo chakwe mu wainialimwi u chakusama chakwe mu bulowa bwa michelo ya musaansa. ¹²Meso akwe alakashiya ukoya oukoya waini, alimwi u meno akwe alakatuba ukoya mukupa¹³Zebuluni ulakakala ku muuma wa lwatele. Ulakaba ngu mulando wa mato, alimwi munyinza wakwe ulakashika uku Sidoni¹⁴Isaka ni mbongolo ikwete insana, yalo ilele akati ka matanga a mbelele. ¹⁵Ulakabona busene bubotu bwa mapumunino alimwi iinshi ibotelezha. Walo ulakateya mafunzhi akwe ku mikuli alimwi ulakaba musebezhi wa bamwi.

¹Inzho Josefa wakatempwa ukuwila abushu bwa baushi, ulimwi wakalila ukumushonta. ²Josefa wakalailila basebezhi u bashilishi kwaamba bobambe mubili wa baushi. Ubobo bashilishi bakobamba mubili wa Izilaili ³Bakatola mazuba ali makumi one, nkaambo ngu mazuba ngubakutola kubamba mubili. Bana Ijipiti bakamulila kwa mazuba ali makumi chiloba.⁴Mazuba akulila nakamana, Josefa wakambila bashin'ganda ya Falawo, wamba, "naninzho ndayana luse kubushu bwenu, ndalomba mu mwambile Falawo kwaamba, ⁵Bataata bakampa kupinga kwaamba, "Bona, ndili afwaafwi kufwa. Mukanzhike muchuumbwe nchindakalishila muchishi cha Kenani. Ukanzhikile nkuko.'' Inzho niinje nkabazhike ba taata, alimwi ndakazhoka.''' ⁶Falawo wakataba ati, "Koya ukazhike bauso, mbubona mbuwakashomezha.''⁷Josefa wakaya kuzhika baushi. Boonse basebezhi ba Falawo bakaya aze - bakando bakando ban'ganda yakwe, boonse u bakando kando ba milawo bachishi cha Ijipiti, ⁸ubabo boonse bashinganda yakwe Josefa alimwi u banina balombwana, alimwi ubashin'ganda yakwe kwaushi. Pele banabo, matanga a mbelele akashaala ku Gosheni. ⁹Shikochi ubashikweenzha imbizhi bakaya asho. Yakakuli inkamu inkando ya bantu.¹⁰Nibakashika a lubanza lwa atadi ku mutala umwi wa Jodani, bakoomoka cheetezha. Kolya Josefa wakakosola mazuba ali chiloba akulila baushi. ¹¹Inzho bamukamwini chishi bana kenani, nibakabona kulila ku lubanza lwakumina butebuzhi ku Atadi, bakaamba, "Chechi nchiindi chibiyabi chakuusa kuli bana Ijipiti.'' Nchichecho busena nchubwakaulikilwa izhina lya Abelo Mizilamu, bwalo buli kubaala Jodani.¹²Ubobo banakwe Jakobo bakamuchitila mbubona mbwakabalailila. ¹³Banakwe bakamutola ku chishi cha Kenani ukuya ku muzhika muchuumbwe chili mu muunda wa Machpelah, kumbali ku Mamre. Abulahamu wakaula lupako lwebwe u muunda kwaamba bube busena bwa kuzhikila. Wakabuula kwa Ephron mu Hiti. ¹⁴Nakamana kuzhika baushi, Josefa wakapiluka ku Ijipiti, walo u banina, alimwi ubabo bakamushindikila kuya kuzhika baushi.¹⁵Inzho banina Josefa balombwana nibabona kwaamba ushabo wafwa, bakaamba, ''No kuti Josefa atolelele bukali kuli uswe ulimwi azande kubweezha bubiyabi boonse mbutwakachita kwakwe?'' ¹⁶Ubobo bakazanda kwaamba Josefa abe abe wo, balaamba, ''Bauso bakalailila kabatana kufwa, ati, ¹⁷'Mukamushimwine Josefa kwaamba, "Ndalomba abalekelele banina ku bubiyabi boonse alimwi u chibi nchibakachita kwako.''' inzho bakwatile basebezhi ba Leza wa bauso.'' Josefa wakalila chiindi nibakaamba kwakwe.¹⁸Banina bakaya alimwi ukufulika mashu abo kumbele lyakwe. Bakaamba, ''Bona, tuli batwanga bako.'' ¹⁹Pele Josefa wakabaingula ati, "Mutatiyi. Sa ndi mubusena bwa Leza? ²⁰Ukoya umwe, mwakakuchita kwaamba chinchise, pele Leza wakachipanga bubotu, kuhuna bumi bwa bantu banji banji ukoya mbumwabona bwasunu. ²¹Ubobo mutafwi bukandu. Ndamuyovwa umwe antoomwi ubanenu bashoonto.'' Wakabaumbulizha munzhila yezhi ukubaambila cha luse ku myozo yabo.²²Josefa wakakala mu Ijipiti, antoomwi u mukwashi wabaushi. Wakakala kwa Myaka ili mwaanda iikumi. ²³Josefa wakabona banakwe Efulemu kushika kumazhalane otatwe Alimwi wakabona banakwe Makir mwanakwe Manase, balo bakubikilwe a manungo akwe Josefa.²⁴Josefa wakaamba ku banina ati, "Ndili afwaafwi kufwa; Pele Leza ulakashika kwenu ukumusololela kumukusha muchishi cheno kumutola ku chishi nchakashomezha kumupa Abulahamu, u Isaki,alimwi u Jakobo.'' ²⁵Inzho Josefa wakashimwina bana ba Izilaili kwaamba bapinge. Wakaamba, Chini chini Leza ulakashika kwenu. Kuchiindi checho mulyelele kuya kubweza mafuw a angu kuvwa kono.'' ²⁶Inzho Kosefa wakafwa u myaka ili mwaanda u ikumi. Bakoobamaba mubili bamane bobika mwikwati mu Ijipiti.

¹Ngaaza mazhina a banakwe Izilaili bakaya ku Ijipiti antoomwi u Jakobo, umwi uumwi u mukwashi wakwe: ²Lubeni, Simiyoni, Levi, u Juda, ³Isaka, Zebulani, u Benjamini, ⁴Dani, Nafitali, Gadi, u Asha. ⁵Bantu boonse bakaakuli ba luhubo lwaka Jakobo kabali makumi chiloba. Jozefu kali kale mu Ijipiti.⁶Inzho Jozefu, u banina boonse, alimwi u mazhalane woonse bakafwa. ⁷Pele bantu Ba Izilaili bakazhalana chini chini, bakahwuzhanya mu mweelwe, bakaba bashinsana, alimwi bakaba, insana shinji shinji; inshi yoonse bakeezuzha.⁸Kumane bobo kwakaba mwami umwi mu Ijipiti, wezo walo watakaakumwizhi Jozefu. ⁹Wakaamba ku bantu ati, "Amulange, baba bantu ba Izilaili bahwulisha alimwi baba bashinsana kutubaala. ¹⁰Amuzhize kono, atubasubule cha busongo, twatachita bobo balaakuchiya buhwula ku mweelwe wabo, amana kwabuka inkondo, balaba nibasangana u bashinkondo nokwesu, kwaamba batulwishe, bamana balukanke inshi beeshiye."¹¹Inzho bakababikila bashikubapezha u kubapa milimo milemu. Ba Izilaili bakamuzakila Falawo shizobwelo mu minzhi mikando: ya Pitomu u Lamesesi. ¹²Pele nikuba kuti ba Ijipiti bakaakubafwundilizha ku milimo mizumu, ba Izilaili bakabaazha kuhwula ku mweelwe alimwi u kuzandaala. U bobo bantu ba Ijipiti bakatalika kubatiya chini chini bantu ba Izilaili.¹³Ba Ijipiti bakabashinikizha cha lunsunsu bantu ba Izilaili kusebeza. ¹⁴Alimwi bakabazuminya bumi ku milimo mizumu ya kubweza bulongo u tutina, alimwi kabasebeza kufwumbwa mulimo mu myuunda. Kufwumbwa mulimo ngubazanda kababasebezha cha lunsunsu.¹⁵Inzho mwami wa Ijipiti wakaambila bakaintu bachi Hebulu baakakutumbusha; inzhina lya umwi kali Shifila, alimwi umwi kali Puwa. ¹⁶Wakaamba ati, "mwaakutumbusha bakaintu bachi Hebulu, kamulangisha baakutumbuka. Naakuti mwana mweembezhi, mulyeelele kumuyaya; pele naakuti mwana mushimbi, mutamuyaya." ¹⁷Pele bashikutumbusha bakaakumutiya Leza bayina nibakachita mbwaakabaambila mwami wa Ijipiti; ubobo bakaakubaleka bana beembezhi kabatabayaya.¹⁸Inzho mwami wa Ijipiti wakaboompolola bashikutumbusha amane wabeta ati, "Kaambooyi mwachita chechi, mwabaleka bana beembezhi kupona?" ¹⁹Bashikutumbusha bakamwiingula Falawo ati, "Bakaintu bachi Hebulu tabali ukoya bakaintu ba Ijipiti. Tabapengi a kutumbuka pe tulayana batumbuka kale shikutumbusha katana kushika."²⁰Leza wakabakwabilila baba bashikutumbusha. Bantu bakahwula ku mweelwe alimwi bakaba bashinsana. ²¹Kaambo kakuti bashikutumbusha kabamutiya Leza, wakabapa bana banji banji. ²²Falawo wakalailila bantu bakwe boonse ati, "Kamubasowa bana boonse beembezhi bazhalwa mu lweenge, pele bana bashimbi kamubaleka bapone."

¹Inzho mulombwana wa mushobo wa chi Levi wakatwala mukaintu wa chi Levi. ²Wezu mukaintu wakamita amane wakazhala mwana mweembezhi. Awo naakabona kwaamba ati mwana kali mubotu, wakamusoseka kwa myezhi yotatwe.³Pele naakabona kwaamba ati ninzho talozha linji kumusoseka, wakabweza chinzuma chakalukwa u mabu amane wakachibumba u bunhwuka. Amane wakamubika mo mwana waya kuchibika akati ka mabu mu meenzhi kumbali ku lweenje. ⁴Mukando wakwe mukaintu wakaakuzhimine alaale kubona chikozha kuchitika nkwaabele.⁵Inzho mwanakwe Falawo wakaya kuya kusamba ku lweenje u mbaakuyaabo bashikumulangilizha kabaya bweendeenda kumbali ku lweenje. Wakabona chinzuma akati ka mabu amane wakatuma umwi wa babo kuya kuchibweza. ⁶Naakachiyalula, wakamubona mwana. Wakazoowa, mwana wakaakulila. Wezu mushimbi wakeetezhiwa amane wakaamba ati "Wezu mwana nkukuti ulyeelele kuba wachi Hebulu."⁷Inzho munina mukando wa mushimbi wezo wakaamba ku mwanakwe Falawo ati, "Saa nje nkakulangile mukaintu wachi Hebulu kwaamba akulelele mwana wezu?" ⁸Mwanakwe Falawo wakaamba kwakwe ati, "koya." Inzho wezu mwana mushimbi wakaya kuleta nguwena baina mwana.⁹Inzho mwanakwe Falawo wakaamba kwa bayina mwana ati, "Mubweze wezu mwana u kandelele kabotu, ndakakupa bulumbu ku mulimo wezu." Inzho mukaintu wezu wakamubweza mwana waya kumulela. ¹⁰Naakakomena mwana, wakamutola ku mwanakwe Falawo, amane wakaba mwanakwe. Wakamuulika inzhina lya Mozesi waamba ati , "Kaambo ndakamukusha mu meenzhi."¹¹Inzho lelyo Mozesi naakakomena, wakaya kuswaya bantu ba mushobo wakwe kuya kubona mbubakaakusebezhiwa milimo mizumu. Wakabona muna Ijipiti ulauma umwi wachi Hebulu, uumwi wa bantu bakwe mwini. ¹²Wakalanga langa koku ukoku, naakabona kwaamba ati kakwiina naaba womwi wakaakuliko, wakamuyaya muna Ijipiti amane wakoozhika mubili wakwe mu musenga.¹³Nibwakacha wakabweela ko, alimwi, inzho, balombwana bobile bachi Hebulu bakaakulwa. Wakaamba kuli wezo wakaakulubizhizhe ati, "Kaambooyi ulauma mweenzhinoko?" ¹⁴Pele wezo mulombwana wakaamba ati, "Nguni wakakubika kuba musololi alimwi u mubeteshi wesu? Saa ulazanda kunjaya mbubona mbuwakayaya welya muna Ijipiti?" Inzho Mosezi wakafwa bukandu amane wakaamba ati, "Nkukuti nchindakachita chazhibwa ku bantu."¹⁵Inzho Falawo naakaateelela aza, wakakanza kumuyaya Mozesi. Pele Mozesi wakaloboka kuhwa kwa Falawo waya kukala munshi ya Midiyani. Ashike wakakala kufwaafwi u mukalo. ¹⁶Inzho mupayizhi wa Midiyani kakwete bana bashimbi bali chiloba. Bakashika, bateka meenzhi, bakazuzha shinwino sha butanga bwaka ushabo. ¹⁷Inzho beembezhi bamwi bakazhiza ku batanda, pele Mozesi wakaya kubahwuna bashimbi babo. Amane wakabanwishizha butanga bwabo.¹⁸Inzho bashimbi nibakabweela kwa ushabo Luweli, wakaamba ati, "Kaambooyi mwazhoka kufwambaana bwasunu?" ¹⁹Bakaamba ati, "Umwi muntu muna Ijipiti watuhwuna ku beembezhi. Watutekela u meenzhi amane watunwishizha u butanga bwesu." ²⁰Wakaamba ku banakwe ati, "No ulikwi? Mwamushiilaayi wezu mulombwana? Amumwite azhize alye tulye chakulya.²¹Mozesi wakahwumina kukala u wezu mulombwana, wezo walo wakamupa mwanakwe wezhina lya Zipola kwaamba ati atwale. ²²Wakazhala mwana mweembezhi, amane Mozesi wakamuulika inzhina lya Geshomu; waamba ati, "Ume ndi mweenzu munshi ya beni."²³Nikwakayita chiindi chili mbuchibele, mwami waku Ijipiti wakafwa. Alimwi bantu ba Izilaili bakalilauka u kaambo ka busebezhi bwa buzhike. Bakalila kuzanda kuyohwiwa, ako kulila kwabo Leza wakakuteelela u kaambo ka mapenzhi abo. ²⁴Lelyo Leza naakateelela kutongela kwabo, Leza wakazhibaluka chihwuminano nchaakabika u Abulahamu, Ayizeki, alimwi u Jakobo. ²⁵Leza wakababona bantu ba Izilaili, amane wakabazhiminina ku mapenzhi abo.

¹Inzho Mozesi keembela butanga bwa mukwaakwe Jetulo, mupayizhi wa Midiyani. Mozesi wakatola butanga kulaale mulukula waya kushika ku Holebu, lupili lwa Leza. ²Mungelo waka Yaahwe wakabulika kwakwe ukoya mulimo uzaka muchisoko. Mozesi wakalanga, wakabona, chisoko chilahwilima, pele chisoko kachitapiyi pe. ³Mozesi wakaamba ati, "Ninje nkabone chechi chintu chizhinga, kaambooyi chisoko tachipiyi."⁴Inzho Yaahwe naakabona kwaamba ati ulazanda kuswena afwaafwi kuti a bone, Leza wakamoopolola kuhwa mu chisoko wakaamba ati, "Mozesi, Mozesi,"Mozesi wakaamba ati, "Ndime." ⁵Leza wakaamba ati, "Utabi nuushika afwaafwi! kusha impato shako ku matende, kaambo busena bobo mbuuzhimine ninshi yezho isalala." ⁶Wakazungila ati, "Ume ndime Leza waka uso, Leza wa Abulahamu, Leza waka Ayizeki, alimwi Leza waka Jakobo." Ngoonaawo Mozesi wakahwumba bushu bwakwe, kaambo wakafwa bukando kulanga kwa Leza⁷Yaahwe wakaamba ati, "Inzho chini chini ndakubona kupenga kwa bantu bangu bali mu Ijipiti. Ndakuteelela kulila kwabo u kaambo kaba shikubasebezha, kaambo ndikubwene kupenga kwabo. ⁸Ndaseluka kwiza kubahwuna kuhwa kunsana shabana Ijipiti kwaamba mbalete kuhwa kunshi yezho kuya kunshi imbotu, inshi inkando, kunshi ikunka mukupa alimwi u buchi; ku busena bwa bantu baku Kenani, Hititi, Amoliti, Peliziti, Hiviti, alimwi ubwaba Jebusiti.⁹Inzho kulila kwa bantu ba Izilaili kwashika nkumbele. Nikuba bobo, Ume ndakubona bana Ijipiti mbubabapenzha. ¹⁰Inzho ubobo, ndakutuma kwa Falawo kwaamba ati u kabalete bantu bangu, bantu bana Izilaili, kuhwa mu Ijipiti."¹¹Pele Mozesi wakaamba kwa Leza ati, "Ndimeni Ume, kwaamba ati ume nje kwa Falawo kuya kuleta bantu bana Izilaili kuhwa mu Ijipiti?" ¹²Leza wakamwiingula ati, "Ume chini chini ndaakuli aze. Chechi chilaakuli chitondezho kwako kwaamba ati ndakutuma. Wakabakusha bantu kuhwa mu Ijipiti, mulakankomba alupili lolu."¹³Mozesi wakaamba kwa Leza ati, "Inzho ndakashika ku bantu ba Izilaili amana ndakabashimwina ati, 'Leza waba shakale benu wantuma nkumubele,' no bakaamba kwangu ati, 'Nguni inzhina lyakwe?' ndakaamba buti nkubabele?" ¹⁴Leza wakaamba kwa Mozesi ati, "UME NDIME UME." Leza wakaamba ati, "Ulyeelele kuya kwaamba ku bantu ba Izilaili ati, 'NDIME UME nguwantuma kulyuumwe."' ¹⁵Leza wakaamba kwa Mozesi ati, "Ulyeelele kwaamba ku bantu ba Izilaili ati, 'Yaahwe, Leza waba shaakale beni, Leza waka Abulahamu, Leza waka Ayizeki, alimwi u Leza waka Jakobo, nguwantuma kulyuumwe. Leli ndiizhina lyangu kwa lyoonse, alimwi imbubo bobo mbubaya kuntelaika ba mazhalane woonse.'¹⁶Koya u kababunganye antoomwi bakando kando baba Izilaili. U kabashimwine bolya, 'Yaahwe, Leza waba shaakale benu, Leza waka Abulahamu, waka Ayizeki, u waka Jakobo, wakambulikila amane wakaamba ati, "Ume ndalangisha alimwi u kubona checho chichitika nkumubele mu Ijipiti. ¹⁷Ndashomezha kumukusha kuhwa mu Ijipiti mu mupenzhewa u kumutola muchishi cha bantu baku Kenani, ba Hititi, ba Amoliti, ba Peliziti, ba Hiviti, alimwi uba Jebusiti, chishi chikunka mukupa u buchi.''' ¹⁸Balakakuteelela nchuuyakwaamba. Uwe uba bakando kando baba Izilaili mulyeelele kuya ku mwami wa Ijipiti, mwamana mukamwaambile ati, 'Yaahwe, Leza waba Hebulu, wakatuswaangana uswe, inzho twakukumbila utuleke tuye lweendo lwa mazuba otatwe mulukula, kwaamba ati tukape mulumbo kwa Yaahwe, Leza wesu.'¹⁹Pele ndizhi kwaamba ati mwami wa Ijipiti takamuhwumizha kumuhwa chita nkamushinikizhe. ²⁰Ndakasebezha insana shangu uku basubula bana Ijipiti ku maleele woonse ngwinjakuchita akati kabo. U bobo, ulakamuleka mulakaya. ²¹Ndakapa kwaamba ba Ijipiti bakamulemeke, mwakamuhwa, mutakamuhwi bulyo bwiina shintu nshimukwete. ²²Mukaintu umwi uumwi ulakalomba insiliva u goludi u shakusama kuhwa kushimukobonina muna Ijipiti nikuba ku bakaintu mbubakala abo bashimukobonokwabo. Mulakashibika shintu sheshi a banenu beembezhi u bashimbi. Munzhila yezhi ati mwabasaala bana Ijipiti."

¹Mozesi wakayingula ati, "No kuti batakanshomi naa nkuteelela nshinjakwaamba pele bakaambe ati, 'Yaahwe wiina naakakubulikila'?" ²Yaahwe wakaamba kwakwe ati, "Nchiiyi checho chili mwitashi lyako?"Mozesi wakayingula ati, Musako." ³Yaahwe wakaamba ati, "Uwaale anshi." Mozesi wakauwaala anshi musako, umane wakasanduka kuba muzoka. Abone bobo Mozesi wakasesuluka.⁴Yaahwe wakaamba kwa Mozesi ati, "Tambika itashi mukwate nkwaali ku muchila." Ubobo wakatambika itashi wakamukwata muzoka nkwaali ku muchila. Umane wakaba musako alimwi mwitashi lyakwe. ⁵"Chechi chilakaba bolya kwaamba ati bakashome kuti Yaahwe, Leza waba shaakale babo, Leza waka Abulahamu, Leza waka Ayizeki, alimwi u Leza waka Jakobo, wakalibonya kulyuuwe."⁶Yaahwe wakamwaambila Mozesi alimwi ati, "Inzho bika itashi lyako mukati muchikobelo chako." Mozesi wakalibika itashi muchikobelo. Naakalikusha, limane, itashi lyakakwata chinsenda, lya katuba bu ukoya lukobo. ⁷Yaahwe wakaamba ati, "Libike itashi alimwi muchikobelo." Mozesi wakalibika alimwi itashi muchikobelo chakwe, inzho naakalikusha , wakayana kwaamba ati lyapona lyaba kabotu alimwi, lyakaba mbubona mbuwakaakubele mubili wakwe.⁸Yaahwe wakaamba ati, "Naakuti batakakushomi--batakabikili muzeezo ku chitondezho chitaanzhi chansana shangu nikuba kutachishoma, nkukuti balakashoma ku chitondezho chabili. ⁹U bobo naakuti batakashomi ku shitondezho sheshi shobile shansana shangu, nikuba kuteelela nchuuti u kaambe, u kabweze meenzhi kuhwa mu lweenge wamana u kaatile anshi inzumu. Meenzhi azo alakaba bulowa."¹⁰Inzho Mozesi wakamwaambila Yaahwe ati, "Mwami, Ume nshichilonzha kwaamba kabotu, nchili mbubona kuhwa nuwakatalika kwaamba u musebezhi wako. Ndakakamizha alimwi mulaka wangu mulemu." ¹¹Yaahwe wakaamba kwakwe ati, "Saa nguni wakapanga mulomo wa muntu? Nguni upa muntu kutaamba naa bu chimpama naa kubona nikuba kuba moofwu? Saa nshili Ume, ndi Yaahwe? ¹²Inzho ubobo koya, ndakakuyohwa kwaamba alimwi ndakakuyiisha checho nchuuya kwaamba." ¹³Pele Mozesi wakaamba ati, "Mwami, akaka tuma umwi, kufwumbwa wezo nguuzanda kutuma."¹⁴Inzho Yaahwe wakamulemanina Mozesi. Wakaamba ati, "No mbuti Aloni, munyoko, mu Levi? Ndizhi kwaamba ati ulalozha kubandika kabotu. Inzho bolya, uli munzhila kwiza kwaamba ati muswaangane, amana a kubona, ulabotelwa chini chini mu monzo wakwe. ¹⁵Ulakamwaambila mazwi ngaati a kaambe, ndakamwaambila cha kwaamba, alimwi ndakamuyiisha chakuya kuchita. ¹⁶Walo ulakaakukwaambilila ku bantu. Ulakaba ngu mupanduluzhi wako, alimwi ulakaba ukoya ndiwe Leza wakwe. ¹⁷Ukootolelele musako wezu mwitashi lyako, nguukaachisha shitondezho."¹⁸Inzho Mozesi wakabweela kwa Jetulo mukwaakwe waya kumwaambila ati, "Ndakumbila unhwumizhe nje mbweele ku bakwesu babo bali ku Ijipiti kwaamba nkabone naa bachipona." Jetulo wakaamba kwa Mozesi ati, "Koya mu luumuno." ¹⁹Yaahwe kamwaambilile Mozesi naakaakuchili mu Midiyani ati, "Koya, piluka ku Ijipiti, kaambo boonse bakaakuzanda kukuyaya bakafwa." ²⁰Ubobo Mozesi wakabweza mwinakwe u banakwe beembezhi amane wabalizika ambongolo. wakabweela kwi Ijipiti, wakoobweza u musako waka Leza mwitashi lyakwe.²¹Yaahwe wakamwaambila Mozesi ati, "Bolya mbuwabweela kwi Ijipiti, u kachite shizoosha shoonse kwa Falawo shesho shindakupa munsana shako. Pele ndakoozumya monzo wakwe, takabaleka bantu kwaamba baye. ²²Ulyeelele kuya kwaamba kwa Falawo ati, 'Mbubolya mbwaamba Yaahwe ati, Izilaili ngu mwanangu, mutaanzhi, ²³ubobo Ume ndaamba kwako ati, "Muleke mwanangu aye, kwaamba a kalozhe kumpayila." Pele mbuwakaka kwaamba ati aye, ndamuyaya mwanako mweembezhi wako, mutaanzhi.'''²⁴Inzho nibakaakuya bweenda, lelyo nibakakala mashiku, Yaahwe naakamuswaanganya Mozesi kakanza kumuyaya. ²⁵Inzho Zipola muka Mozesi wakabweza ibwe ikwange u koya intipa amane wakakosola lushoti lwa mwanakwe mweembezhi, amane kakanda wakakabika ku matende wakwe. Amane wakaamba ati, "Chini chini uli shibwinga wa bulowa kulyuume." ²⁶Ubobo Yaaahwe wakamuleka Mozesi. Zipola wakaamba ati, "Uli shibwinga wa bulowa" u kaambo ka kupalulwa.²⁷Yaahwe wakaamba kwa Aloni ati, "Koya mulukula u kaswaangane u Mozesi." Ubobo wakaya, bakaswaanganina ku lupili lwa Leza, ashike wakamushonta. ²⁸Mozesi wakamushimwina woonse mazwi ngaakaamba Yaahwe a kuti wakamutuma kuya kwaamba alimwi u shitondezho shoonse shansana shaka Yaahwe shesho nshaakamulailila kuya a kachite.²⁹Ngoonaawo Mozesi u Aloni bakaya kuswaanganya bakando kando ba bantu ba Izilaili. ³⁰Aloni wakaamba woonse mazwi azo Yaahwe ngaakaamba kwa Mozesi. Amane wakachita shitondezho shansana shaka Yaahwe a bushu bwa bantu. ³¹Bantu bakashoma. Lelyo nibakateelela ati Yaahwe wababona bantu ba Izilaili kwaamba waabona mapenzhi abo, bamane bakakotamika mashu abo u kumukomba.

¹Nikwakamana kuchitika sheshi, Mozesi u Aloni bakaya kwa Falawo baamba ati, "Mbubolya Yaahwe, Leza wa Izilaili, mbwaamba: 'Baleke bantu bangu baye, bakanchitile ipobwe mulukula.''' ²Falawowakaamba ati, "Nguni anu Yaahwe? Kaambooyi nchinkonzha kupupulala kwizwi lyakwe alimwi u kuleka ba Izilaili kwaamba baye? Ume nshimwizhi wezo Yaahwe; nikuba bobo, Nshibaleka ba Izilaili kwaamba baye."³Bakaamba ati, "Leza waba Hebulu wakatuswaanganya. Inzho tuleke tweende mushinzo wa mazuba otatwe kuya mulukula kwaamba tukachite chipayizho kwa Yaahwe Leza wesu kwaamba ati atakabi naatuma luuwo lubiyabi niliba icheba." ⁴Pele mwami wa Ijipiti wakaamba kwa Mozesi u Aloni ati, "Kaambooyi mulazanda kubatola bantu baba u kubalesha kusebeza milimo yabo? Amubweele ku milimo yenu." ⁵Alimwi Falawo wakaamba ati, "Baba bantu bahwulisha kubaala uswe mono muchishi chesu, mwamana mulazanda kubalesha kusebeza."⁶Mu buzuba bobo mbubona, Falawo wakalayilila babo baakusebezha bantu alimwi u balangilizhi boonse. wakaamba ati, ⁷"Kuleka mbuli mbumwaakuchita lyoonse, Inzho mulyeelele kuleka kubapa bantu baba bwizu bwa kutesha chitina. Amubaleke baakubungika bwizu lwabo beni. ⁸U bobo, mulyeelele kubona kwaamba ati bachuuma mweelwe welya nguwena wa chitina ngubaakuuma lyoonse. Mutabi nimuhwumina kwaamba baakuuma chitina chongaana pe, ati kaambo mbakata. Nkukaambo kako nchibaambila ati, 'Amutuleke tuukuya tukape chipayizho kwa Leza wesu.' ⁹Amubasebezhe baba balombwana chibaala mubone kwaamba ati balyuukwatishe mulimo wezo lyoonse alimwi mutaateeleli linji mazwi abo a bubeshi pe."¹⁰Ngoonaawo bashikubasebezha alimwi u balangilizhi bakaya kubaambila bantu. Bakaamba ati, "Mbubolya mbwaamba Falawo: 'Ndiina ninkaamupa linji bwizu. ¹¹Umwe lwenu nubeni mulyeelele kuya kulanga bwizu kufwumbwa koko nkumuya kubuyana, pele busebeze bwenu tabuchincha pe.'''¹²U bobo bantu bakamwaala chishi choonse cha Ijipiti kuya bubungika bwizu. ¹³Bashikubasebezha kababukwete kubashinikizha kabaamba ati, "Amumanizhe mulimo wenu, mbubona mbumwakaakusebeza chiindi nitwakaakumupa bwizu." ¹⁴Bantu baka Falawo bashikubasebezha kabauma balangilizhi, babo bakaakuli baba bantu ba Izilaili, mbubona balombwana babo mbubakabika kusololela basebezhi. Bashikubasebezha kabataleka kubabuzha ati, "Kaambooyi mwiina nimwauma matina ngu mweelele kuuma, uzona lyayita naaba bwasunu, u koya mbumwaakuuma lyoonse kunshi koku?"¹⁵Inzho balangilizhi, bakaakuli baba bantu ba Izilaili, bakaya kwa Falawo kuya kutongauka. bakaamba ati, "No kaambooyi watuchita bolya tubasebezhi bako? ¹⁶Kwiina linji bwizu buchipewa kubasebezhi bako, pele bachibukwete kutushinikizha ati, 'Amuume chitina!' Uswe, tubasebezhi bako, tulaumwa kwa ninzho, pele nkubisha kwa bantu bako beni." ¹⁷Pele Falawo wakaamba ati, "Muli bakata umwe! Muli bakata umwe! Mulaamba ati, 'Tuhwumizhe tukuya tukape chipayizho kwa Yaahwe.' ¹⁸Uninzho bolya kamubweele ku mulimo. Kwiina linji nikukaapewa bwizu nkumubele, Pele mulyeelele mbubona kuuma mweelwe nguwena wa chitina."¹⁹Balangilizhi, babo bakaakuli baba bantu ba Izilaili, nibakaambilwa bobo bakabona kwaamba ati ninzho baba mwipenzhi ikando, "Tamweelele kuuzhola munshi mweelwe wa chitina pe." ²⁰Bakabaswaanganya ba Mozesi u Aloni, balo bakaakuzhimine ansengwe, chiindi nibakaakuhwa kwa Falawo. ²¹Bakaamba bolya kwa Mozesi u Aloni ati, "Yaahwe naamubone alimwi amupe chisubulo, kaambo mwatuchita kuba babiyabi kubushu bwaka Falawo alimwi u basebezhi bakwe. Mwabika icheba mu matashi abo kwaamba ati batuyaye."²²Mozesi wakabweela alimwi kwa Yaahwe waamba ati, "Mwami, kaambooyi waleta ipenzhi ku bantu baba? No wakantuminaanzhi? ²³Choonse chiindi ndaya kwa Falawo kuya kwaamba aze mwizhina lyako, watalika kubapenzha bantu baba, amana wiina kubahwuna bantu bako."

¹Pele Yaahwe wakaamba kwa Mozesi ati, "Inzho ulachibona nchinkamuchita Falawo. Ulachibona chechi, kaambo ulabaleka baye u kaambo kansana shangu. U kaambo kansana shangu, ulabatanda kuhwa munshi yakwe."²Leza wakaamba kwa Mozesi ati, "Ndime Yaahwe. ³Ndakalibonya kwa Abulahamu, u Iyizeki, alimwi u Jakobo ukoya Leza shinsana shoonse; pele kaambo kezhina lyangu, lya Yaahwe, Ume ndiina indakalizubulula nkubabele. ⁴Alimwi ndakachita chihwuminano changu nkubabele, kwaamba ati a bape inshi ya Kenani, inshi yezho njibakaakushite ukoya beenzu. ⁵Nikuba bobo, ndakuteelela kutongela kwa bantu ba Izilaili babo bantu ba ijipiti mbuba chita buzhike, u bobo ndachitelaika chihwuminano changu.⁶U bobo, baambile bantu ba Izilaili ati, 'Ndime Yaahwe. Ndamukusha kuhwa ku mikuli milemu ya bantu ba Ijipiti, alimwi ndakamuhwuna kuhwa kunsana shabo. Ndakamunununa kutondezha insana shangu, alimwi u kusebezha insana sha lubeta. ⁷Ndakamuchita kuba bantu bangu, alimwi ndakaba Leza wenu. Mulakazhiba ati ndime Yaahwe Leza wenu, wezo wakamukusha kuhwa ku mikuli milemu ya bantu ba Ijipiti.⁸Ndakamutola munshi yezho njindakapa chakushinizha kwa Abulahamu, u Iyizeki, alimwi u Jakobo. Ndakamupa kwaamba chikabe chikono chenu. Ume ndime Yaahwe.''' ⁹Awo Mozesi naakabashimwina bantu ba Izilaili, bayina nibakamuteelela u kaambo kakutyompwa kwabo ku kaambo kamapenzhi a buzhike bwabo.¹⁰Ngoonaawo Yaahwe wakamwaambila Mozesi, waamba ati, ¹¹"Koya u mwaambile Falawo, mwami wa Ijipiti, a baleke bantu ba Izilaili bamuhwe munshi yakwe." ¹²Mozesi wakamwaambila Yaahwe ati, "Bantu ba Izilaili bayina kunteelela, no Falawo ulakanteelela buti, Ume mbwindi shichikukuma?" ¹³Yaahwe wakaambila Mozesi u Aloni ati. Balailile bantu ba Izilaili u Falawo, mwami wa Ijipiti, kwaamba a bakushe bantu ba Izilaili munshi ya Ijipiti.¹⁴Baba mbubakaakuli basololi bamu maanda a maushabo: Banakwe Lubeni, mwana wakutaanguna waka Izilaili, kabali ba Hanoki, Palu, Heziloni, u Kami. Baba mbuba lunungu lwaka Lubeni. ¹⁵Banakwe Simiyoni kabali ba Jemuwelu, Jamini, Ohadi, Jakini, Zoha, u Shau---mwana wa mukaintu waku Kenani. Baba mbuba lunungu lwaka Simiyoni.¹⁶Aza ngu mazhina a banakwe Levi, kwiingayina u mazhalane abo. Kabali ba Geshoni, Kohati, u Melali. Levi wakapona myaka iili mwaanda u makumi otatwe u myaka chiloba. ¹⁷Banakwe Geshoni mbuba Libini u Shimeyi, kwingayina u mikwashi yabo. ¹⁸Banakwe Kohati mbuba Amulamu, Iziha,Hebuloni, u Uziyeli. Kohati wakapona myaka iili mwaanda u makumi otatwe u myaka yotatwe. ¹⁹Banakwe Melali mbuba Mahili u Mushi. Baba mbubakaba ba lunungu lwaba Levi, antoomwi u mazhalane abo.²⁰Amulamu wakatwala mucheche, waka ushi Jochebedi. Wakazhala Aloni u Mozesi. Amulamu wakapona mwaanda u makumi otatwe u myaka chiloba amane wakafwa. ²¹Banakwe Izha mbuba Kola, Nefegi, u Zikili. ²²Banakwe Uziwelu mbuba Mishelu, Elizafani, u Sitili.²³Aloni wakatwala Elisheba, mwanakwe Aminadabu, mucheche waka Nashoni, wakazhala Nadabu u Abihu, Eliyeza u Itama. ²⁴Banakwe Kola mbuba Asi, Elikana, u Abiyasafu. Baba mbuba lunungu lwa bantu Kola. ²⁵Eliyeza, mwanakwe Aloni, wakatwala umwi mwanakwe Putiyeli. Wakazhala Finehasi. Baba mbubakaakuli basololi bang'anda ya maushabo akati kaba Levi, kwiingayina u mikowa yabo.²⁶Baba balombwana bobile ba Aloni u Mozesi imbabo Yaahwe mbaakaambila ati, "Amubakushe bantu ba Izilaili munshi ya Ijipiti, u bamwi mu mukwashi wabo." ²⁷Aloni u Mozesi mbuba kaambila Falawo, mwami wa Ijipiti ati, a bahwuminye bantu ba izilaili kuhwa mwi Ijipiti. Baba mbubona mbuba Mozesi u Aloni.²⁸Mu buzuba bobo Yaahwe naakaambila Mozesi munshi ya Ijipiti, ²⁹wakamwaambila ati, "Ndime Yaahwe. Umwaambile Falawo, mwami wa Ijipiti, shesho shoonse Ume nshindakwaambila." ³⁰Pele Mozesi wakaamba kwa Yaahwe ati, "Ume nshaamba kabotu ndakukumizha, mbubuti Falawo mbwaaya kunteelela?"

¹Yaahwe wakamwaambila Mozesi ati, "Bona, ndakakuchita uwe kuba ukoya leza kwa Falawo. Aloni munyoko ulakaba mushinshimi wako. ²Uwe ulakaamba shoonse shesho nshinkaakulailila kuya kwaamba. Aloni munyoko ulakamushimwina Falawo kwaamba ati a baleke bantu ba Izilaili kuhwa mu chishi chakwe.³Pele ndakoozumya monzo waka Falawo, amana ndakachita shitondezho shinji shinji shansana shangu, u shizoosha shinji shinji, mu chishi cha Ijipiti. ⁴Pele Falawo takakuteeleli uwe pe, ubobo ndakabika itashi lyangu mu Ijipiti u kukusha balemu, bantu bangu, bantu ba Izilaili, kuhwa munshi ya Ijipiti kwiita munsana sha bubeteshi. ⁵Bana Ijipiti balakanzhiba ati ndime Yaahwe ndakachita insana shangu mu Ijipiti a kukusha bantu ba Izilaili a kati kabo."⁶Mozesi u Aloni bakachita bobo; bakachita mbubona Yaahwe mbwaakabalailila. ⁷Mozesi kakwete myaka makumi lusele ya kuzhalwa, aze Aloni kakwete myaka makumi lusele u myaka yotatwe ya kuzhalwa nibakaakwaamba u Falawo.⁸Yaahwe wakaamba kwa Mozesi u Aloni ati, ⁹"Naakuti Falawo a kaambe kulyuumwe ati, 'Amuchite maleele,' u kamwaambile Aloni ati, 'Bweza musako wako u waale anshi ku bushu bwaka Falawo, kwaamba abe muzoka.''' ¹⁰U bobo Mozesi u Aloni bakaya kwa Falawo, bakachita mbubona Yaahwe mbwaakalailila. Aloni wa koowaala musako wakwe ku bushu bwaka Falawo u basebezhi bakwe, ngoonaawo wakaba muzoka.¹¹Inzho Falawo aze wakoompolola bantu bakwe basongo u bang'anga. Bakachita mbubona kwiita mu mabibo abo. ¹²Umwi uumwi wakakoowaala musako wakwe anshi, misako yakaba bazoka. Pele musako waka Aloni wakabamina bazoka babo. ¹³Falawo wakoozumya monzo wakwe, wiina naakabateelela pe, mbubona Yaahwe mbwaakaamba.¹⁴Yaahwe wakamwaambila Mozesi ati, "Monzo waka Falawo muzumu, wakaka kubaleka bantu kwaamba baye. ¹⁵U kaye kwa Falawo chifwumo fwumo a kaya ku lweenje. U kazhime a lukonka lwa lweenje kwaamba u kamuswaanganye, u kabweze u musako wako mwitashi lyako wezo wakasandukile kuba muzoka.¹⁶U kaambe kwakwe ati, 'Yaahwe, Leza waba Hebulu, wantuma kwako kwaamba ati, "U baleke bantu bangu, kwaamba ati bakampayile mulukula. Kushika uninzho tuteeleli pe." ¹⁷Yaahwe u laamba bolya: "Muli chechi mulakazhiba ati ndime Yaahwe. Ndakauma meenzhi a mu lweenje lwa Nailo u musako wangu wezo uuli mwitashi lyangu, lweenje lulakasanduka kuba bulowa. ¹⁸Inswi shoonse shili mu lweenje shilakafwa, lweenje loonse lulakanunka. Bantu ba Ijipiti tabakachilozha kwaanwa meenzhi kuhwa mu lweenje lolu.'''''¹⁹Alimwi Yaahwe wakaamba kwa Mozesi ati, "Mwaambile Aloni ati, 'Bweza musako wako utambike itashi lyako a meenzhi amu Ijipiti, a nyenje, milonga, alimwi u tuzhiba twabo, kwaamba ati meenzhi abo abe bulowa. U kachite bobo kwaamba ati kukabe bulowa inshi yoonse ya Ijipiti, u mushitesho sha shisamu alimwi u mabwe.²⁰Mozesi u Aloni bakachita mbubona mbwaakabalailila Yaahwe. Aloni wakatandabika musako wakwe amane wakaauma meenzhi a mu lweenje, a bushu bwaka Falawo u basebezhi bakwe. Woonse meenzhi aali mu lweenje a kasanduka kuba bulowa. ²¹Inswi mu lweenje shakafwa, alimwi alo lweenje lwakatalika kununka. Bantu bamu Ijipiti bakakakilwa kwaanwa meenzhi kuhwa mu lweenje, alimwi bulowa bwakaba mu masena woonse a mu chishi cha Ijipiti. ²²Pele ba shimabibo bamu Ijipiti abo bakachita mbubona u mabibo abo. Ubobo monzo waka Falawo wakazuma, wakakaka kubateelela ba Mozesi u Aloni, mbubona Yaahwe mbwaakaamba ati chilakaba.²³Ngoonaawo Falawo wakachinduluka wabweela mung'anda yakwe. Wiina naakachibika ku monzo chechi. ²⁴Bana Ijipiti boonse bakasha mikalo kumbali ku lweenje kulanga meenzhi a kunwa, pele kabataalozha kwaanwa meenzhi amu lweenje mwini. ²⁵Kwakayita mazuba aali chiloba kuhwa Yaahwe naakauma lweenje lwa Nailo.

¹Inzho Yaahwe wakamwaambila Mozesi ati, " Koya kwa Falawo u kamwaambile ati, 'Mbubolya mbwaamba Yaahwe: "Baleke bantu bangu baakuya kwaamba ati bakalozhe kumpayila. ²Naakuti wabakasha kwaamba baakuya, ndachizuzha chishi chako choonse u ba kabombwe. ³Lweenje lulakazula ba kabombwe. Balakeza kunjila mung'anda yako, u kubulo nkuuwona, alimwi a bulo bwako. Balakanjila mu maanda a basebezhi bako. Balakaya ku bantu bako, u muma oveni a yikila, alimwi u mushibiya shikandila shinkwa. ⁴Bakabombwe balakamupezha, u bantu bako, alimwi u basebezhi bako boonse.'''''⁵Yaahwe wakamwaambila Mozesi bolya, Aamba kwa Aloni ati, 'Tandabika itashi lyako u musako wako a nyenje, u tulonga, alimwi u tuzhiba, u chite bobo kwaamba ba kabombwe bazule inshi yoonse ya Ijipiti.''' ⁶Aloni wakatandabika itashi lyakwe a meenzhi a Ijipiti, kumane kwakahwa bakabombwe bakeezuzha inshi ya Ijipiti. ⁷Pele bashimabibo bakachita mbubona u mabibo abo; bakahuzha bakabombwe bakeezuzha inshi ya Ijipiti.⁸Ngoonaawo Falawo wakaboompolola Mozesi u Aloni waamba ati, "Amukombe kwa Yaahwe kwaamba a bakushe bakabombwe kuhwa kulyuume alimwi u ku bantu bangu. Ndamana ndabaleka bantu baakuya, kwaamba bakamuchitile chipayizho." ⁹Mozesi wakaamba kwa Falawo ati, "Upe bulemu alyuume. Ndililiye ninjaku kukombela, basebezhi, alimwi u bantu bako, kwaamba ati bakabombwe bakakushiwe kuhwa kulyuuwe umu maanda enu bakashaale bulyo mu lweenje?"¹⁰Falawo wakaamba ati, "Uzona bolya." Mozesi wakaamba ati, "Akube mbubona mbuwaamba, kwaamba uzhibe kwaamba ati kwiina uumwi uuli ukoya Yaahwe, Leza wesu. ¹¹Bakabombwe balakakuhwa kwako, ku maanda enu, ku basebezhi bako, alimwi u bantu bako. Balakashaala bulyo mu lweenje." ¹²Mozesi u Aloni bakakuhwa kwa Falawo. Ngoonaawo Mozesi wakalilila kwa Yaahwe ku kaambo kaba kabombwe babo mbaakaleta kwa Falawo.¹³Yaahwe wakachita mbubona Mozesi mbwaakakumbila: Bakabombwe bakafwa baakuli mu maanda, mu lubanza, alimwi umu myuunda. ¹⁴Bantu bakababungika ba kabombwe antoomwi milwi milwi, inshi yoonse ya kanunka. ¹⁵Pele lelyo Falawo naakabona kwaamba ati waubilwa ipenzhi lyamana, wakoozumya monzo alimwi wiina naakamuteelela linji Mozesi u Aloni, mbubona Yaahwe mbwaakaamba ati ulakachita.¹⁶Yaahwe wakaambila Mozesi ati, "Aamba kwa Aloni, 'Tandabika musako wako anshi kuhwe lufwuko lwaanshi, kwaamba ati lusanduke kuba injina inshi yoonse ya Ijipiti.''' ¹⁷Bakachita bobo. Lelyo Aloni naakatandabika itashi lyakwe lili u musako amane wauma lufwuko lwaanshi, injina shakaba a bantu u banyama. Lufwuko loonse lwaanshi lwakaba injina inshi yoonse ya Ijipiti.¹⁸Bashi mabibo bakasoleka u mabibo abo kwaamba bapange injina, pele bakakakilwa. Ubobo kwakaba injina a bantu alimwi a banyama. ¹⁹Inzho ba shimabibo bakamwaambila Falawo ati, "Sheshi ninsana shaka Leza." Pele wakazuma monzo waka Falawo, ubobo wakakaka kubateelela. Chakaba mbubona Yaahwe mbwaakaamba ati Falawo ulakachita.²⁰Yaahwe wakamwaambila Mozesi ati, "Bwacha chifwumo fwumo u kazhime kumbele kwa Falawo a kaakuya ku lweenje. U kaambe kwakwe ati, 'Yaahwe waamba ati: "Baleke bantu bangu baakuya kwaamba ati bakampayile. ²¹Pele naakuti utabaleka bantu bangu kuti bakuuya, Ndakatuma inzhi shinji shinji aali uwe, basebezhi bako, u bantu bako, alimwi umu maanda enu. Maanda a bantu ba Ijipiti alakazula inzhi shinji shinji, alimwi aanshi ngu baya kuzhima alakazula inzhi.²²Pele ku buzuba bobo kwiina chiya kushika ku Geshomu, inshi yezho bantu bangu mu bakala, kwaamba ati takukabi inzhi shiya kushika ko. Chechi chilakachitika kwaamba ati mukazhibe kuti Ndime Yaahwe akati kanshi yezhi. ²³Ndakaandaanya bantu bangu u bantu bako. Chechi chitondezho chansana shangu chilakachitika zona.''''' ²⁴Yaahwe wakachita bobo, makata makata anzhi akanjila mung'anda yaka Falawo u maanda a basebezhi bakwe. Inshi yoonse ya Ijipiti, yakachakana chini chini u kaambo kanzhi shinji shinji.²⁵Falawo waketa Mozesi u Aloni amane wakaamba ati, "Kamuya, mukape shipayizho kwa Leza wenu mono mumona munshi yesu." ²⁶Mozesi wakaamba ati, "Tachili kabotu kulyuuswe kuchita bobo pe, kaambo shipayizho nshituchita kwa Yaahwe Leza wesu nchintu chilozha kubabiila bantu bamu Ijipiti. Kuti twachita shipayizho shesu a bushu bwabo shesho shilozha kubabiila bantu ba Ijipiti, saa tabakatuyasi mabwe? ²⁷Tulyeelele, kuya kwa mazuba otatwe mulukula, kwaamba ati tukape chipayizho kwa Yaahwe Leza wesu, mbubona mbwaakatulailila."²⁸Falawo wakaamba ati, "Ndakamuhwuminya kuya kupa chipayizho kwa Yaahwe Leza wenu mulukula. Pele bulyo tamweelele kuya kulaale. Amukankombele ame." ²⁹Mozesi wakaamba ati, "Ngoonaawa ndakuhwa bulyo kwako, Ndakakomba kwa Yaahwe kwaamba ati inzhi sheshi shinji shinji shikamuleke, u Falawo, u bantu bako. Pele tweelele kutuchenga linji pe kukasha bantu besu kwaamba baye kupa chipayizho kwa Yaahwe."³⁰Mozesi wakakuhwa kwa Falawo amane wakakomba kwa Yaahwe. ³¹Yaahwe wakachita mbubona Mozesi mbwaakakumbila; wakashikusha inzhi shoonse kuhwa kwa Falawo, u basebezhi bakwe, alimwi u bantu bakwe. Kwiina inzhi yakashaala niiba yomwi. ³²Pele Falawo wakoozumya alimwi monzo wakwe, wakabakasha alimwi bantu kwaamba baakuya.

¹Inzho Yaahwe wakamwaambila Mozesi ati, "Koya kwa Falawo u kamwaambile ati, 'Yaahwe, Leza waba Hebulu, ulaamba ati: " Baleke bantu bangu baakuya kwaamba ati bakampayile." ²Pele naakuti wabakasha kwaamba baakuya, waakuchibakasha, ³ati insana shaka Yaahwe shilaleta mwiika mubiyabi a shifwiiwa shako shesho shili mu myuunda---ku matanga manga a mahosi, ma donki, inkamela. ⁴Pele Yaahwe u lakaandaanya shifwiiwa shaba Izilaili kuhwa kushifwiiwa shaba bantu ba Ijipiti, kwaamba ati kwiina munyama wabo bantu ba Izilaili uuya kufwa.⁵Yaahwe wakabika chiindi; checho nchaakaamba, "Ati ndi zona ninkaachita bobo munshi yezhi.''''' ⁶Yaahwe wakachita bobo ni bwakacha: Ing'ombe shoonse sha Ijipiti shakafwa, pele kwiina banyama baba Izilaili bakafwa, kwiina naaba womwi munyama pe. ⁷Falawo wakabuzha buzha, bakayana, kwiina, naaba chomwi chifwiiwa cha bantu ba Izilaili chakafwa pe. Pele monzo wakwe wakoozumya alimwi, u bobo wiina naakabahwuminya kwaamba baakuya.⁸Inzho Yaahwe wakaambila Mozesi u Aloni ati, "Amuzole itwe lizuzha itashi kuhwa munhwondo. Uwe, U Mozesi, ulyeelele kuya kulifwusa itwe mu muuwo Falawo a kaakulangilile. ⁹Lilakaba itwe lya lufwuko ilamushi anshi yoonse ya Ijipiti. Bantu lulakabapa kukwata mabobela u shilonda alimwi u banyama inshi yoonse ya Ijipiti." ¹⁰Ubobo Mozesi u Aloni bakalibweza itwe kuhwa munhwondo bazhima ku bushu bwaka Falawo. Ngoonaawo Mozesi wakaliwaala itwe mu muuwo. Itwe lyakabasasha mabobela u shilonda bantu u banyama.¹¹Bashi mabibo bayina nibakamukaka linji Mozesi u kaambo ka mabobela a shilonda, kaambo abo mabobela kaabakwete alimwi u bana Ijipiti bamwi boonse. ¹²Yaahwe wakoozumya alimwi monzo waka Falawo, ubobo Falawo wiina naakabateelela ba Mozesi u Aloni. Chechi chakaba mbubona Yaahwe mbwaakaamba kwa Mozesi mbwaaya kuchita Falawo.¹³Ngoonaawo Yaahwe wakamwaambila Mozesi ati, "U kabuke chifwumo fwumo, u kaye kuzhima ku bushu bwaka Falawo, u kamwaambile ati, 'Yaahwe, Leza waba Hebulu, waamba ati: "baleke bantu bangu baakuya kwaamba ati bakampayile. ¹⁴Ku chiindi cheno ndakatuma miika yangu shoonse aali uwe lwako umwini, a basebezhi bako alimwi u bantu bako. Ndakachita bolya kwaamba ati u kazhibe kuti kwiina umwi uuli u koya ume inshi yoonse yeno.¹⁵Kwa ninzho ndaakweelele u kulwisha kusebezha insana shangu u bantu bako ku mwiika, amana indaakumukushizhe kuhwa anshi ano. ¹⁶Pele u kaambo kako ndakakuleka kuti upone: Kwaamba ati nkutondezhe insana shangu, kwaamba inzhina lyangu likananwe inshi yoonse. ¹⁷U chilisumpula ku bantu bangu ulabakasha kwaamba ati baakuya.¹⁸Teelela! Uzona ku chiindi cheno ndakaleta muuwo mukando wekunku, wezo u tanabwenwe mu Ijipiti kuhwa buzuba nichakabambwa chishi kushika bwasunu leno. ¹⁹Inzho, tuma balombwana babungike shifwiiwa shenu u shesho shoonse nshimukwete shili mu myuunda ku masena aali kabotu. Muntu woonse alimwi u banyama babo bali mu myuunda kuti shiina kuletwa u munzhi--inhwula ya chihwula mabwe ilakawa, shamana shilakafwa.'''''²⁰Ngoonaawo bamwi basebezhi baka Falawo bakootiya mulumbe waka Yaahwe bakalukankila kuya kuzhola bazhike babo alimwi u shifwiiwa shabo mu maanda. ²¹Pele babo batakachilila mulumbe waka Yaahwe chakushinizha bakabaleka bazhike babo u shifwiiwa shabo mu myuunda.²²Ngoonaawo Yaahwe wakamwaambila Mozesi ati, "Tambika itashi lyako mwizeulu kwaamba ati kube chihwula mabwe inshi yoonse ya Ijipiti, a bantu u banyama, a shisamu shoonse shili mu myuunda yanshi ya Ijipiti." ²³Mozesi wakatambika musako wakwe mwizeulu, amane Yaahwe wakatuma makali, chihwula mabwe, u iindabo anshi. Kwakawa chihwula mabwe inshi yoonse ya Ijipiti. ²⁴Kwakaba chihwula mabwe alimwi indabo shihwelene u chihwula mabwe, chibaala, checho chitanabele inshi yoonse ya Ijipiti kuhwa mbuchakabela chishi.²⁵Inshi yoonse ya Ijipiti, chihwula mabwe chakazonauna shishango shoonse mu myuunda, bantu u banyama. Chakauma shisamu shoonse mu myuunda u kombaula mitabi ya masamu. ²⁶Muchishi bulyo cha Geshomu, momo bantu ba Izilaili mubakaakukala, mu mwatakashika chihwula mabwe.²⁷Ngoonaawo Falawo wakatuma balombwana kuya kwita Mozesi u Aloni. Wakaamba nkubabele ati, "Unizho ku cheno chiindi ndazhiba kuti ndabisha. Yaahwe uliluleme, ume alimwi u bantu bangu tulibishizhe. ²⁸Amukombe kwa Yaahwe, kaambo kakuti makali alimwi u chihwula mabwe shakomenesha. Ndamuleka muukuya, mwiina nimukakala linji mono muchishi."²⁹Mozesi wakamwaambila Falawo ati, "Ngoonaawa ndamuhwa mu munzhi mukando, Ndatambika matashi angu kwa Yaahwe. Makali a laleka, alimwi takukabi linji chihwula mabwe pe. Muli chechi ulakazhiba kwaamba ati inshi yezhi njaka Yaahwe. ³⁰Pele uwe u basebezhi bako, mulizhi kwaamba ati tamumulemeka Yaahwe Leza."³¹Inzho chisamu chipazha butonge shakazonauka alimwi u chanseke shipazha chinkwa makunka kaakomenene, abo butonge kabupasaukile. ³²Pele maila a Wiiti ayina naakazonauka u kaambo kakuti kaatana kubizwa. ³³Awo Mozesi naakamushiya Falawo u kumuhwa mu munzhi mukando, wakatandabika matashi akwe kwa Yaahwe; makali u chihwula mabwe shakaleka, ayo inhwula yakaleka.³⁴Awo Falawo naakabona kuti inhwula, u chihwula mabwe, alimwi u makali amana, wakachita chibi alimwi wakoozumya monzo wakwe, antoomwi u basebezhi bakwe. ³⁵Monzo waka Falawo wakoozumya, ubobo wiina naakabaleka bantu ba Izilaili kuti baakuya, mbubona Yaahwe mbwaakaamba ati kwiita mwitashi lyaka Mozesi.

¹Yaahwe wakamwaambila Mozesi ati, "Koya kwa Falawo, ndoozumya monzo wakwe alimwi u myonzo ya basebezhi bakwe. Ndakachita bolya kwaamba ati mbatondezhe shitondezho shansana shangu akati kabo. ²Alimwi ndakachita bolya kwaamba ati mukabashimwine banenu alimwi u bazhikuzhi benu shintu shesho nshindakachita, mbuli mbundakabachita cha lusunsu bantu ba Ijipiti, alimwi mbuli mbundakabapa shitondezho shishiyene shiyene shansana shangu akati kabo. Muli chechi mulakazhiba ati ndime Yaahwe."³Inzho Mozesi u Aloni bakaya kwa Falawo bashike bakaamba ati, "Yaahwe, Leza waba Hebulu, u laamba bolya: 'Anu u lakalibonzha liliye kwangu? Baleke bantu bangu baakuya kwaamba ati bakampayile. ⁴Pele kuti u tahwumina kubaleka bantu bangu baye, teelela, uzona mabala ndakaleta chikwikwi mu chishi chako.⁵Chikwikwi chilakahwumba inshi yoonse kwiina u kaalozha kwiibona inshi. Chilakalya shoonse chakashaala ku chihwula mabwe. Alimwi chilakalya masamu enu woonse ngu mwakashanga ali mu myuunda. ⁶Chilakazula mu maanda ako, u basebezhi bako, alimwi u bantu ba Ijipiti boonse---chintu checho bauso nibaba bankambo yako nchibatana bwene, tabana chibwene kuhwa nibakaba anshi ano kushika u bwasunu bolya.''' Ngoonaawo Mozesi wakakuhwa kwa Falawo.⁷Inzho basebezhi baka Falawo bakaamba ati, "Nchilafwu buti chiindi nchaakatupenzha wezu muntu? Baleke bantu ba Izilaili baakuya bakamukombe Yaahwe Leza wabo. Saa uwe tukonzha kuzhiba kwaamba ati Ijipiti wazonauka?" ⁸Mozesi u Aloni bakabatola alimwi kwa Falawo, wakabaambila ati, "Kamuya mukamukombe Yaahwe Leza wenu. Pele mbubani beelele kuya?"⁹Mozesi wakamwiingula ati, "Tulaya u bashoonto besu antoomwi u bakando boonse, banesu beembezhi u bashimbi. Tulabweza matanga ambelele alimwi ing'ombe, kaambo tulyeelele kuya kuchita ipobwe lyaka Yaahwe." ¹⁰Pele Falawo wakabaambila ati, "Yaahwe naabe amwe, naakuti ndamuhwumizha kuti muukuya antoomwi u banenu bashoonto kwaamba baakuya. Bona, chilalibonya ati mulikwete makanze mabiyabi mu mizeezo yenu. ¹¹Pe pe! kamuya, naakuti checho nchimuzanda a kuye bulyo balombwana akati kenu, bakamukombe Yaahwe." Ngoonaawo Mozesi u Aloni bakakushiwa ku bushu bwaka Falawo.¹²Inzho Yaahwe wakamwaambila Mozesi ati, "Tandabika itashi lyako anshi ya Ijipiti kwaamba chikwikwi chizhize, kwaamba ati chilye inshi yoonse ya Ijipiti chilye kufwumbwa chisamu chilimo, checho choonse chakashaala ku chihwula mabwe." ¹³Mozesi wakatandabika musako wakwe anshi ya Ijipiti, amane Yaahwe wakaleta iwuwo kuhwa kwiwe inshi yoonse muunza u mashiku. Nibwakacha chifwumo fwumo, iwuwo lyakahwa kwiwe lyakaleta chikwikwi.¹⁴Chikwikwi chakaya inshi yoonse ya Ijipiti chakaazulizha masena woonse. Takunabele makamu makamu a chikwikwi aali bolya mu chishi, alimwi kwiina linji chilibolya chikakazhiza pe. ¹⁵Chikwikwi chakeehwumba inshi yoonse chakuti ya kashiya chaloolona. Chakalya shisamu shoonse inshi yoonse alimwi u michelo ya shisamu yezho yakashaala ku chihwula mabwe. Inshi yoonse ya Ijipiti, kwiina chisamu chisonsele chakashaala pe, nichiba chisamu nikuba chishango chilibuti mu myuunda.¹⁶Ngoonaawo Falawo waketa Mozesi u Aloni wabaambila ati, "Ndabishizha Yaahwe Leza wenu alimwi amwe. ¹⁷Inzho, amundekelele ku chibi changu ku cheno chiindi, amukombe kwa Yaahwe Leza wenu kwaamba ati alukushe lufwu kwangu." ¹⁸U bobo Mozesi wakakuhwa kwa Falawo waya kukomba kwa Yaahwe.¹⁹U bobo Yaahwe wakaleta iwuwo ikando kuhwa kumbo lyalo lya kabweza chikwikwi kuya kuchizumbila mu lwaatele lwa mabu; kwiina nichiba chomwi chikwikwi chakashaala inshi yoonse ya Ijipiti. ²⁰Pele Yaahwe wakoozumya alimwi monzo waka Falawo, wiina naakabaleka bantu ba Izilaili kwaamba baakuya.²¹Ngoonaawo Yaahwe wakamwaambila Mozesi ati, "Tandabika itashi lyako mwizeulu, kwaamba kube mushinze inshi yoonse ya Ijipiti, mushinze u tizha." ²²Mozesi wakatambika itashi lyakwe mwizeulu, kumane kwakaba mushinze u shiya mbi inshi yoonse ya Ijipiti kwa mazuba otatwe. ²³Kwiina wakaakulozha kubona uumwi; kwiina wakaakulozha kwaahwa ang'anda yakwe kwa mazuba otatwe. Nikuba bobo, balo bantu ba Izilaili ka bakwete mumuni ku busena nkubaakukala.²⁴Falawo wakamwita Mozesi wakaamba ati, "Kamuya mukamupayile Yaahwe. Kamuya u banenu boonse, pele matanga a mbelele a ng'ombe mulyeelele kwaashiya." ²⁵Pele Mozesi wakaamba ati, "Tuhwumizhe tukape shipo alimwi u shipayizho sha kutenta kwaamba ati tukashipe kwa Yaahwe Leza wesu. ²⁶Ing'ombe shesu tulyeelele kuya asho; kwiina niluba lufwumba lomwi lwasho lweelele kushaala, kaambo tulyeelele kuya asho kuya kupayila Yaahwe Leza wesu. Kaambo tatuchizhi nchituya kumupayizha Yaahwe kushikila tukashike nkutuya."²⁷Pele Yaahwe wakoozumya monzo waka Falawo, alimwi wiina kubahwumizha kuya. ²⁸Falawo wakamwaambila Mozesi ati, "Ahwe awa! pele uzhingashile chintu chomwi, kwaamba ati u takazhoka linji kwiza kumbona, ku buzuba mbuuya kububona bushu bwangu, ulakayayiwa." ²⁹Mozesi wakaamba ati, "Uwe u mwini waamba kale. nshikabuboni linji bushu bwako pe."

¹²³Inzho Yaahwe wakamwaambila Mozesi ati, "Kuchisheele alimwi chisubulo chomwi checho nchinkaleta kwa Falawo u bantu ba Ijipiti.

¹Aza ngu masena alo bana ba Izilaili nguba kakona mu chishi cha Kenani walo mupaizhi Eliyeza, Joshiwa mwanakwe Nani, u basololi ba mikowa ya bana ba Izilayili njibakabapa.²Lukono lwabo lwakasalwa kuvwa kuli bali ifuka uchisela cha mishobo, mbubona mbwakalailila Yaave kuvwa mwitashi lya Mozesi. ³Nkaambo Mozesi wakakupele lukono ku mishobo yobile ukomwi kwiitilila Joodani, pele ku a Levi kwiina nakapa lukono. ⁴Mushobo wa Josefa wakakuli mishobo yobile, Manase u Efulemu. Ba Levi baina nibakapewa chipanzha cha lukono muchishi, chita buyo minzhi imwi yakukala mo, ushifuwiwa shabo u shintu shabo shimwi. ⁵Bana ba Izilaeli bakachita mbubona mbwakamulailila Yaave Mozesi, ubobo bakayabanya inshi.⁶Amane mushobo wa Juda wakashika kwa Joshua ku Giliga. Kalebi mwanakwe Jefune muna Keni, wakamwambila ati, "Uwe ulizhi Yaave mbwakamwambila Mozesi muntu wa Leza kukwatikizha uwe ame ku Kadeshi Baniya. ⁷Ndakakukwete myaka ili makumi one yakuzhalwa chiindi Mozesi nakantuma kuvwa ku Kadeshi Baniya kuya ukweena inshi. Ndakamuzholela makani akakuli mu mozo wangu.⁸Pele bakwesu balombwana mbutwakaya abo bakapa kwaamba myozo ya bantu ifwe bukandu. Pele ndakamaninina kuchilila Yaave Yaave Leza wangu. ⁹Mozesi wakalumbila buzuba bobo, ulaamba ati, 'Nchobeni, inshi njiwalyata ukwiyenda ilakaba lukono lwako uba lunungu lwakokushikila kukabe kutamana, nkaambo wamaninina kumuchilila Yaave Leza wangu.'¹⁰Inzho, bona! Yaave wansunga mukupona kwamyaka yezhi ili makumi one u myaka ili yosanwe, mbubona mbwakaamba - kuvwa Yaave nakaamba mazwi aza kwa Mozesi, chiindi Izilaeli nakuyabweenda mulukula. Inzho, Langa! Bono buzuba ndikwete myaka ili makumi lusele u myaka yosanwe. ¹¹Inchili muzumu mbubona ukoya mbundakuli muzumu chiindi Mozesi nakantuma kuya. Insana shangu shili mbubona buyo mbushakakubele lelyo, kuya ku nkondo ukuzhoka.¹²Inzho ubobo umpe ishi ya malundu, Yaave njakanshomezha buzuba bolya. Ukuti wakatelela bolya buzuba ati bana Anakimu kabaliko balikwabililwe u minzhi. Chalakaba kwaamba ati Yaave tulakakuli aze ubo ndakabakusha, mbubona mbwakaamba Yaave.''¹³Amane Joshua wakamulongezha ukumupa Hebuloni kuba lukono lwa Kalebi mwanakwe Jefune. ¹⁴Ubobo Hebuloni wakaba lukono lwa Kalebi mwanakwe Jefune muna Keni kushika ubuzuba bono, nkaambo wakamaninizha kuchilila Yaave, Leza wa Izilaeli. ¹⁵Inzho Hebuloni katewa ati Kiliyati Aba. (Aba kali muntu shinsana akati kabantu bana Anakimu.) Ngoona inshi yakapumuna kuvwa ku nkondo.

¹Boompolole bwakaya ku balombwana ba Efulemu; Bakaita mu Zafoni alimwi ukwambila Jefuta ati, "Nkambonzhi mwaita kwaamba mulwishe bana Amoni alimwi mwiina nimwakatoompola kwamba tuye amwe? Tulamutentela mu maanda." ²Jefuta wakabambila ati, "Ume u bantu bangu twakuli mu nkondo inkando u bana Amoni. Nindakamompolola mwina kukeza kumvuna .³Nindakabona ati mwiina kukamvuna, ndakabubika bumi bwangu mu matashi angu ndimwini ukwiita muli bana Amoni, ubobo Yaave wakampa kuzunda. Mwezila nzhi kundwana bwasunu?" ⁴Jefuta wakababunjika boonse balombwana ba mu Giliyadi ngoona walwisha Efulemu. Balombwana bana Giliyadi bakabalwana bana Efulemu nkaambo bakamba ati, "Umwe nu bana Giliyadi tamuli bamono muchishi cha bana Efulemu u Manase."

¹Ibuka lyabuzhalwe bwaka Jeso Kilisito, mwanakwe Devidi, mwanakwe Abulahamu. ²Abulahamu wakazhala Iyizeki, Iyizeki wakazhala Jakobo, Jakobo wakazhala Juda u banina. ³Juda wakazhala Pelezi u Zela ukwa Tama, Pelezi wakazhala Heziloni, Heziloni wakazhala Lamu.⁴Lamu ngu wakazhala Aminadabu, Aminadabu wakazhala Nashoni, Nashoni wakazhala Salumoni. ⁵Salumoni ngu wakazhala Bowazi kwa Lahabu, Bowazi wakazhala Obedi kwa Lute, Obedi wakazhala Jese. ⁶Jese ngu wakazhala Mwami Devidi. Devidi ngu wakazhala Solomoni ku mwinakwe Uliya.⁷Solomoni ngu wakazhala Lehobowamu, Lehobowamu wakazhala Abija, Abija wakazhala Asa. ⁸Asa ngu wakazhala Jehoshafati, Jehoshafati wakazhala Jolamu, Jolamu wakazhala Uziya.⁹Uziya ngu wakazhala Jotamu, Jotamu wakazhala Ahazi, Ahazi wakazhala Hezekiya. ¹⁰Hezekiya ngu wakazhala Manase, Manase wakazhala Amoni, Amoni wakazhala Josiya. ¹¹Josiya ngu wakazhala Jekoniya u banina kuchiindi nibakatandwa kuhwa ku Babuloni.¹²Nibakamana kutandwa kuhwa ku babuloni, Jekoniya ngu wakazhala Shetewu, shetewu ngu wakazhala Zelubabelu. ¹³Zelubabelu ngu wakazhala Abiwudi, Abiwudi,wakazhala Elikimu, Elikimu wakazhala Azo. ¹⁴Azo ngu wakazhala Zadoki, Zadoki wakazhala Achimu, Achimu wakazhala Eliwudi.¹⁵Eliwudi ngu wakazhala Eliyeza, Eliyeza wakazhala Matani, Matani wakazhala Jakobo. ¹⁶Jakobo ngu wakazhala Jozefu mulumi Maliya, momo mwaakazhalwa Jeso, utewa ati Kilisito. ¹⁷Woonse mazhalane kuhwa kwa Abulahamu kushikila kwa Devidi kaali ikumi umazhalane one, kuhwa kwa Devidi kuya ku kutandwa kuhwa ku Babuloni ikumi umazhalane one, alimwi kuhwa ku kutandwa kuhwa ku Babuloni kushika kwa Kilisito ikumi u mazhalane one.¹⁸Kuzhalwa kwaka Jeso Kilisito kwakachitika bolya. Baina, Maliya, wakaakutangilwe kutwalwa kwa Jozefu, pele kabatana kuba antoomwi, wakayanwa ulimishi ku moza usalala. ¹⁹Pele Jozefu, waakuli mulumi, kali mulombwana mululami amana katazanda kwaamba amuubaule, ubobo wakazanda kumuleka kumali.²⁰Kachitelaika ku twaambo totu, mungelo wa Mwami wakalibonya kwakwe muchiloto, waamba ati, "Jozefu mwanakwe Devidi, utabi nuutiya mubweze Maliya abe mwinako, kaambo wezo uu mitilwe mwakwe wakamita umoza usalala. ²¹Ulakazhala mwana mweembezhi, amana mulakamwita izhina ati Jeso, kaambo ulakahwuna bantu bakwe kuhwa kushibi."²²Inzho choonse chechi chakachitika kuzuzukizha checho chakaambwa kuhwa Mwami kwiita mu mushinshimi, kwaamba ati, ²³"Bona, kamwale ulakamita amana ulakazhala mwana mweembezhi, alimwi balakamwita izhina lya Emanuweli"---lyalo lipandululwa ati, "Leza uli aswe."²⁴Jozefu naakashinshimuka kuhwa mutulo wakachita mbubona angelo wa Mwami mbwaakamushimwina, wakamubweza kuba mwinakwe. ²⁵Pele nikuba bobo katamwizhi kushikila lelyo naakatumbuka mwana mweembezhi.Amane wakamuulika izhina ati Jeso.

¹Amane kuzhalwa Jeso mu Betelehemu waku Judeya ku mazuba aka Mwami Helodi, Balombwana basongo bahwa kwiwe bakashika ku Jelusalemu baamba ati, ²Ulikwi wezo wazhalwa Mwami waba Juda? Tweebona intongwezhi yakwe kwiwe twezhiza kumukomba." ³Lelyo Mwami Helodi naakateelela bobo, wakapengana, uba mu Jelusalemu boonse.⁴Helodi wakoompolola boonse antoomwi bapayizhi bakando u balembi ba bantu,amane wakababuzha, "Ulikwi Kilisito uu kazhalwa?" ⁵Bakaamba kwakwe ati, "Ku Betelehmu waku Judeya, ukuti nchichechi nchakalembwa u mushinshimi, ⁶'Pele uwe, Betelehemu, muchishi cha Juda, sa indiwe mushoonto akati kabaleli baba Juda, u kuti mwako mulakahwa umwi uulela, wezo uukakeembela bantu bangu bamu Izilaili."⁷Ngoonaawo Helodi wakoompolola balombwana bayiile kubabuzha chiindi chini chini intogwezhi niyakalibonya. ⁸Wakabatuma ku Betelehemu, waamba ati, "Kamuya mukakapule kabotu kabotu mwana mushoonto nkwaabele. Mwakamuyana, mundetele makani kwaamba ati Ame ndukuya nkamukombe."⁹Nibakamana kumuteelela mwami, bakakanka kuya buya, intongwezhi njibakaakubwene kwiwe yakaakuya abo mpaka niyakashika yakazhima awo mwana ngaakakubele. ¹⁰Lelyo nibakeebona intongwezhi, bakabotelwa chakubotelwa kukando.¹¹Bakanjila mung'anda babona mwana u Maliya baina. Bakawa anshi bakamukomba. Bakayalula nshibakatola u kumupa shipo sha ngolida, utwakununkilizha tukwete muulo mukando. ¹²Leza wakabachenjezha muchiloto kwaamba batapiluka kwa Helodi, bakapiluka kuchishi chakwabo kusebezha izhila iimwi.¹³Awo nibakaya, angelo wa Mwami wakamubulikila Jozefu muchiloto waamba ati, "zhimuka, mubweze mwana u baina, ulukankile ku Ijipiti. Ukakale kolya Mpaka nkakushimwine, kaambo Helodi ukalakapula mwana kwaamba amuzonaune." ¹⁴Azo mashiku Jozefu wakazhimuka wabweza mwana u baina waya ku Ijipiti. ¹⁵Wakakala kolya kushikila naakafwa Helodi. Chechi chilazuzukizha checho chakaamba Mwami kwiitila mushinshimi, kwaamba ati, "Kuhwa mu Ijipiti Ndoompolola mwanangu."¹⁶Awo Helodi, lelyo naakabona kwaamba bamulimbusha balya balombwana basongo, wakalemana chini chini. Wakatuma wayaya boonse bana beembezhi babo bakaakuli mu Betelehemu alimwi u mubusena boonse bakaakukwete myaka yobile kuya munshi, kuhwa kuchiindi checho nchakaakutelaikila kuhwa ku balombwana basongo.¹⁷Awo chakazuzukizha checho chakaamba mushinshimi Jelemiya, kwaamba ati, ¹⁸"Izwi lyakateelelwa mu Lama, kukwiila u kulila kunji kunji, Lachelo wakalila banakwe, wakakaka kuumbulizhiwa, kaambo kwakabulila limwi."¹⁹Lelyo Helodi naakafwa, ngoonaawo angelo wa Mwami wakabulika muchiloto kwa Jozefu mu Ijipiti waamba ati, ²⁰"Zhimuka bweza mwana u baina wamana ukuya kunshi yaku Izilaili, kaambo babo baakukapula bumi bwamwana bamana kufwa." ²¹Jozefu wakazhimuka, wabweza mwana u baina, wakaya kunshi ya Izilaili.²²Pele lelyo naakateelela kwaamba ati Achelasi nguulela mu Judeya mubusena bwakaushi Helodi, wakatiya kuya ko. Naakamana Leza kumuchenjezha muchiloto, wakaya kubusena bwaku Galili ²³wakaya kukala mumunzhi mukando wa Nazaleta. Chechi chilazuzukizha chakaambwa kwiita mubashinshimi, kwaamba ulakatewa ati muna Nazalini.

¹Kumazuba azo Johani mupapatizhi wakazhiza uleza bukambauka mulukula lwa Judeya kaamba ati, ²"Amusanduke, kaambo bwami bwakwizeulu buli afwaafwi." ³Kaambo wezu nguwakaakwaambwa u mushinshimi Izaya, kaamba ati, "Izwi lyakwe wezo shikoompolola mulukula, 'Amululamike inzhila ya Mwami, amushisuumike inzhila shakwe."'⁴Inzho Johani kasama shisani shaboza bwa nkamela u lutambo lwa chikanda muchibuno chakwe. Chakulya chakwe kashili inkwikwi alimwi u buchi bwa mwisokwe. ⁵Awo Jelusalemu, woonse u Judeya, u busena boonse buzhingulukile mulonga wa Jodani bakaya kwakwe. ⁶Bakapapatizwa nkwabele mumulonga wa Jodani, bakalilekelela shibi shabo.⁷Pele lelyo naakabona Ba Falisi uba Saduki banji banji baleza kwakwe kwiza kupapatizwa, wakaamba kwabo ati, "Umwe nubana bachipile, nguni wakamuchenjezha kwaamba mukuhwe kubukali bobo buzhiza? ⁸Amutondezhe muchelo uyingaina ukulilekelela. ⁹Mutabi numutelaika u kwaamba lwenu nubeni ati, 'Tulikwete tatesu Abulahamu.' Ume ndaamba kwenu ati Leza ulalonzha kubusha bana baka Abulahamu nikuba kuhwa mumabwe aza.¹⁰Keembe kakabikwa kale akati kamizanda ya masamu. Isamu lyoonse lelyo liteezha muchelo mubotu lilakosolwa u kuwaalwa mumulilo. ¹¹Ume ndamupapatizha u meenzhi aalubebo. Pele wezo uzhiza munshi lyangu ulikwete insana kubaala Ume, Amana Ume nshilozha u kwaangulula impato shakwe. Walo ulaka mupapatiza umwe u moza usalala alimwi u mulilo. ¹²Chuululuzho chakwe chili mwitashi lyakwe kwaamba abambe kabotu kabotu a chitebulilo chakwe alimwi u kubungika Wiiti mung'anda yachizobolelo. Pele ulakatenta ikwishi kwishi mumulilo wezo walo u takakazhimi pe."¹³Inzho Jeso wakahwa ku Galili waya ku mulonga wa Jodani kwaamba a kapapatizwe kwa Johani. ¹⁴Pele Johani wakasoleka kumukasha, waamba ati, "Ume ndyeelele kupapatizwa kwako, alimwi uleza buti kwangu?" ¹⁵Jeso wakayingula waamba kwakwe ati, "Chihwumine ninzho, kaambo chilyeelele kwesu kwaamba tuzuzukizhe bululami boonse." Ngoonaawo Johani wakamuhwuminina.¹⁶Awo naakamana kupapatizwa, Jeso wakamuhwa mumeenzhi chakufwambaana, ngoonaawo, mazeulu a kayaluka kwakwe. Wakaubona moza wa Leza uleza anshi ukoya inzhiba u mane wakapumunina aali nguwe. ¹⁷Ngoonaawo, izwi lyakahwa kwizeulu lyaamba ati, "Wezu ngu mwanangu ngwizandisha. Ndabotelwa mwakwe."

¹ngoonaawo Jeso wakabwezwa kwa moza usalala wakaya mulukula kwaamba a kasukushiwe ku mubiyabi. ²Lelyo naakamana kuliimwa kulya kwa mazuba makumi one u mashiku makumi one, wakafwa inzala. ³Shikumusunka wakashika kwakwe waamba ati, "Naakuti uli Mwanakwe Leza, shimwina mabwe aza kwaamba chibe chinkwa." ⁴Pele Jeso wakamwiingula waamba kwakwe ati, "Kulilembelwe ati, 'Muntu taponi kuchakulya chalo, pele kuzwi lelyo lihwa kumulomo waka Leza.'''⁵Ngoona shatani wakamutola mumunzhi mukando usalala amane wakamubika ezeulu sha a bwaanda bwachikombelo, ⁶amane waamba kwakwe ati,"Naakuti uli Mwanakwe Leza, liwaale anshi, kaambo kulilembelwe ati, 'Ulakatuma baangelo bakwe kukukwabilila,' Balakakubweza mumatashi abo, kwaamba utakabi nulyuuma itende kwibwe.'''⁷Jeso wakaamba kwakwe ati, "Alimwi kulilembelwe ati, 'Utabi nusukusha Mwami Leza wako.''' ⁸Alimwi, shatani wakamubweza aluulu lulafwusha amane wakamutondezha mami woonse a muluundu ubulemu bwawo boonse. ⁹Waamba kwakwe ati, "Shoonse shintu sheshi ndakupa, kuti wawaanshi wamana u nkombe."¹⁰Ngoonaawo Jeso wakaamba kwakwe ati, "Kuhwe kwangu, satani! Kaambo kulilembelwe, 'Mulyeelele bulyo kukomba Mwami Leza, alimwi ngumwelele kusebezela bulyo.''' ¹¹Amane satani wakamushiya, ngoonaawo, baangelo bakazhiza kumusebezela.¹²Uninzho awo Jeso nakateelela kwaamba ati Johani bamupa bamukwata, wakabweela ku Galili. ¹³Wakakuhwa ku Nazaleta amane waya kukala mu Kapenaumu, koko kuli kufwaafwi ku lwaatele lwa Galili mumasena a Zebuloni u Nafutali.¹⁴Chechi chakachitika kuzuzukizha checho chakaambwa u mushinshimi Ayizaya, ¹⁵Inshi ya Zebuluni alimwi inshi ya Nafitali, kuya muya lwaatele, kwiitilila Jodani, u Galili wa bahwamashi! ¹⁶Bantu babo bakaakushite mumushinze babona mumuni mukando, alimwi kuli babo baakushite mubusena u kutiya chinhwule chalufwu, aali mbabo alibonya mumuni."¹⁷Kuhwa kuchiindi checho Jeso wakatalika kukambauka kaamba ati, "Amusanduke, kaambo bwami bwa kwizeulu buli afwaafwi."¹⁸Awo naakakuya bweendeenda kulwaatele lwa Galili, wakabona babunina bobile, Simoni utewa ati Pita, alimwi u Andulu munina, kabawaala kanyandi mulwaatele, kaambo kabali bazezhi. ¹⁹Jeso wakaamba nkubabele ati, "Amuzhize, munchilile, amana Ume ndamuchita kuba bazezhi ba bantu." ²⁰Kufwambaana bakatushiya tunyandi bamane bakamuchilila.²¹Alimwi Jeso kachiya buya kuhwa awo wakabona alimwi babunina bobile, Jemusi mwanakwe Zebede alimwi u Johani munina. Kabali mubwato u Zebede ushabo kabasasa tunyandi. Wakaboopolola, ²²ngoonaawo chakufwambaana bakabushiya bwato alimwi ushabo bamane bakamuchilila.²³Jeso wakanjilauka moonse mu Galili, kayiisha muma sinagogi abo, kukambauka mulumbe wabwami alimwi u kuponya mishobo mishobo yamalwazhi u shilwazhi akati ka bantu. ²⁴Twaambo twakwe twakateelelwa moonse mu Siliya, alimwi bantu bakaakuletwa kwakwe babo boonse bakaakusata malwazhi ashiyene shiyene u shichisa, babo bakaakunjililwe basangushi, bawa chaku mutwi, alimwi u balema. Jeso wakabaponya. ²⁵Mabunga mabunga a kamuchilila kuhwa ku Galili, Dekapolisi, Jelusalemu, alimwi uku Judeya, alimwi u kwiitilila ku Jodani.

¹Lelyo Jeso naakabona makamu makamu, wakaya ezeulu alupili. Awo lelyo naakakala anshi, bashichiiya bakwe bakashika kwakwe. ²Wakayalula mulomo wakwe wakatalika kubayiisha, waamba ati, ³"Mbalonjezhe bapushi ku moza, kaambo bwami bwakuzeulu mbubwabo. ⁴Mbalonjezhe babo balila, kaambo balakaumbulizhiwa.⁵Mbalonjezhe babonhu, kaambo balakakona inshi. ⁶Mbalonjezhe babo bafwu inzala alimwi iinyota yabululami, kaambo balakakuta. ⁷Mbalonjezhe bashiluse, kaambo balakatambula luse. ⁸Mbalonjezhe basalala mumonzo, kaambo balakamubona Leza.⁹Mbalonjezhe baleta luumuno, kaambo balakatewa ati mbana ba Leza. ¹⁰Mbalonjezhe babo bakapenzhewa u kaambo kabululami' bwalo, balo chabo mbwami bwakwizeulu.¹¹"Mulibalonjezhe umwe lelyo bantu nibamutuka u kumupenzha u kwaamba mishobo yoonse ya shintu shibiyabi shakubeya kaambo kangu. ¹²Amusekelele u kubotelwa, kaambo bulumbu bwenu mbukando kwizeulu. Munzhila yezhi njiyona bantu bakapenzha bashinshimi umwe kamutana kubawo.¹³"Umwe ndimwe mwino wa anshi, Naakuti mwino wasabuluka, no ulapangululwa buti kuba mwino alimwi? Kwiina linji nuukabota chita bulyo kuusowa u kuulyatauka bantu u matende abo. ¹⁴Muli mumuni wa luundu. Munzhi mukando uuli aluulu tookonzha kusesekwa pe.¹⁵Naaba bantu kusonsa ilambe bamana balibika kunshi ku chibbakete, pele chita alya achikalilo chelambe, ukupa mumuni kuli woonse uuli mung'anda. ¹⁶Chita kwaambo mumuni wako umunike kubantu munzhila yezhi baleebona michito yako mibotu u kutembaula Ushenu walo uuli kwizeulu.¹⁷"Mutabi nimutelaika ati Ume ndeza kuzonauna mulawo naa bashinshimi pe. Ndiina kwiza kwiizonauna, pele kwiza kwiizuzukizha. ¹⁸Chini chini Ume ndamwaambila inshi iizeulu shilakamana, kwiina kabala kashoonto na kapazha kashoontosha kako kati kakakuhwe ku mulawo, chita shoonse shintu shikazuzukizhiwe.¹⁹Ubobo kufwumbwa uu kasotoka malaile u kuyiisha bamwi kuchita bobo ulakatewa ati ngumushoonto mubwami bwakwizeulu. Pele kuli woonse uuwabamba u kwayiisha ulakatewa ati ngumukando mubwami bwakwizeulu. ²⁰Ubobo ndamwaambila chita bululami bwenu bubaale a bululami bwabalembi uba Falisi, mwiina mbumukakalozha kunjila mubwami bwakwizeulu.²¹"Mwakateelela kuti kwakaambwa nkubabele kuchiindi chakale kale ati, 'Utabi nuukayaya,' alimwi, kufwumbwa wezo ukakayaya ulalangilwa kuya kubetekwa.' ²²Pele Ume ndamwaambila kuti woonse wezo ulemanina munina ulalangilwa kuya kubetekwa,' alimwi woonse uwaamba kumunina, 'Uwe u muntu uuyiina nchaakwete!' ulalangilwa kutolwa kukabunga; alimwi kufwumbwa uuwaamba ati, 'Uwe umuntu mulimbushi!' ulalangilwa kuya mulambwe lyamulilo.²³Naakuti ulazanda kupa chipo chako achipayililo wamana watelaika kwaamba ulikwete kaambo u mweenzhinoko, ²⁴chishiye chipo chako ambele lya chipayililo, koya bweela. Kutaanguna amuteelezhanye u munyoko, wamana koya ukape chipo chako.²⁵Amuteelenzhanye kufwambaana uwezo nguukwete aze kaambo kamutana kushika kunkuta, u bulyo wezo uukukwatile kaambo ulakutola umatashi aa mubeteshi, aze mubeteshi ulaba nakutola mumatashi aa mushilikani, alimwi ukalaba nuukawaalwa muntolongo. ²⁶Chini chini ndakwaambila, wiina nuukakamuhwa momo chita ukalipile ipeni lyamamanino ndyuwakakweleta.²⁷Mwakateelela kwaamba chakaambwa ati, 'Utabi nuuchita bumambe,' ²⁸Pele Ume ndaamba kwenu ati woonse wezo uulangilila mukaintu chakumulikumbuzha ati wachita kale bumambe mumonzo wakwe.²⁹Naakuti linso lyaku chilyo lilakupa kulifwumpula, likushe wamana ulisowe likuhwe kwako. Chabota kwako kwaamba chipazha chimwi chako kufwa kubaala mubili wako woonse ukawaalwe mumulilo. ³⁰Naakuti itashi lyako lyalulyo lilakufwumpuzha, likosole wamana ulisowe kuhwa kwako. Chabota kwako kwaamba chipazha chimwi chako kufwa kubaala mubili woonse kuya kupiya mumulilo.³¹Alimwi kwakaambwa ati, 'Woonse wezo uutanda mwinakwe, naamupe chipepa chakulekana,' ³²Pele Ume ndaamba kwenu ati woonse wezo uuleka mwinakwe, wamuchita kuba shimamambe. Woonse wamutwala lelyo naalekelwe ati aze wachita bumambe.³³Alimwi, mwakateelela kuti kwakaambwa kuchiindi chakale kale ati, 'Utabi nuupinga chakuchenga, pele tola kupinga kwako ku Mwami.' ³⁴Pele Ume ndaamba kwenu ati, utabi nuulipinga pe, nikuba mwizeulu, kaambo nchichuuna chaka Leza; ³⁵nikuba anshi, kaambo ngumalyatilo aamatende akwe; nikuba ku Jelusalemu, kaambo ngu munzhi mukando wa Mwami mukando.³⁶Nikuba kulipinga amutwi wako, kaambo tulozha kupanga kasusu kako kutuba naa kushiya. ³⁷Pele kwaamba kwako nakube 'Eeye, eeye,' na 'Pe pe, pe pe.' Choonse checho chibaala aali chechi ati chahwa kumubiyabi.³⁸Mwakateelela kuti chakaambwa ati, 'Linso ku linso, alimwi lino ku lino.' ³⁹Pele Ume ndaamba kwenu ati, utabi nuumukaka wezo mubiyabi. Naakuti, kuli wakuuma kwitama lya chilyo, mupe ukoku kumwi ako.⁴⁰Nakuti kuli wezo uuzanda kukunanga chakusama chako, muleke wezo muntu abweze uchakusama cheezeulu. ⁴¹Naakuti kuli wakushinikizha kuya maile womwi, amuye aze bamaile bobile. ⁴²Mupe woonse wezo wakukumbila, Wamana utakaki kuli wezo uzanda kulomba kwako.⁴³Mwakateelela kwakaambwa ati, 'Ulyeelele kufwuna shimukobonoko u kusula shinkondonoko.' ⁴⁴Pele Ume ndaamba kwenu ati,amufwune bashikondonokwenu alimwi amukombele babo boonse bamupenzha umwe, ⁴⁵kwaambaati umwe mukabe banakwe Ushenu wezo uuli kwizeulu. Wezo uupa izuba kubala ababiyabi u babotu, alimwi utuma inhula a beni beni alimwi u batali beni beni.⁴⁶Naakuti wafwuna babo bakufwini, mbulumbuuyi mbuukayana? Inta abo babwezelelela mutelo balachita chintu chomwi mbubona? ⁴⁷Naakuti ulaanzha bulyo bazhinoko, nchiiyi nchuuchita kuli bamwi? Inta abo bahwa mashi balachita chintu chomwi mbubona? ⁴⁸Ubobo mulyeelele kuba beni beni, ukoya Ushenu uuli kwizeulu mbwaali mwini mwini.

¹Bona kwaamba ati utabi nuuchita michito yabululami a bantu kwaamba ulibonye nkubabele, naakuti mbubobo mulakabula bulumbu kuhwa kwa Ushenu uuli kwizeulu. ²Lelyo wapa chintu, utabi nuulizha impeta lwako umwini ukoya bashikoopoopa amenso mbubachita muma sinagogi umu mazhila, kwaamba ati batembaulwe kubantu. Chini chini Ume ndamushimwina, batambula kale bulumbu bwabo buzulile.³Pele lelyo wapa shintu, utachiti kwaamba itashi lyachimonsho lizhibe nchilichita itashi lya chilyo ⁴Kwaamba ati nshintu nshiwapa shipewe mukutezhiba bamwi. Kwamana Uswenu uu bonena kumabali ulaka mulumbula.⁵Lelyo nuukomba, utabi ukoya bashikoopoopa amenso, kaambo balazandisha kuzhima u kukomba mu masinagogi u mumazhila kwaamba babonwe kubantu. Chini chini Ume ndamushimwina ati, babutambula kale bulumbu bwabo. ⁶Pele umwe, mwatalika kukomba, amunjila mukati kang'anda. Yala chitendele u kukomba kwa Uswenu, wezo uuli kumabali. Ngaawo Ushenu uu bonena kumabali ulakamulumbula. ⁷Lelyo waakukomba, utabi nuuyituluka shakwaamba ukoya buchita bakomba baleza banji, balo balazunga ati nibakateelelwa ukaambo kakuhwuzha mazwi⁸Ubobo, utabi ukoya mbubale, kaambo Uswenu ulizhikale shintu shimuzanda kamutana kumukumbila. ⁹Ubobo amukombe bolya: 'Ushesu uuli kwizeulu, inzhina lyako alilemekwe mukusalala. ¹⁰Abuzhize bwami bwako. Luzando lwako aluchitwe ano anshi umbona buli mbukubele kwizeulu.¹¹Tupe bwasunu shilyo shesu shalyoonse. ¹²Tulekelele milandu yesu, mbubona aswe mbutubalekelela batukwatile milandu. ¹³Utatutoli mukutepaulwa, pele tuhwune kuwezu mubiyabi.'¹⁴Ubobo kuti mwabalekelela bamubishizha, Ushenu uuli kwizeulu ulakamulekelela amwe. ¹⁵Alimwi naakuti tamulekelela bamubishizha, aze Ushenu takamulekelela nshimwakabisha.¹⁶"Lelyo waakuliimya kulya, utabi nuukwata bushu bukali ukoya bashikoopoopa amenso mbubachita, kaambo balabisha amenso abo kwaamba bali bonye kubantu ati balaliimya kulya. Chini chini Ume ndamwaambila, batambula kale bulumbu bwabo buzwile. ¹⁷Pele umwe, lelyo nimuliimya kulya, amulishobe kumutwi ukusanzha bushu bwenu ¹⁸kwaamba mutalibonya kubantu kwaamba mwaakuliimya kulya. pele bulyo Ushenu uuli kumabali; amana umwe Ushenu uu bonena kumabali ulakamulumbula.¹⁹"Mutabi nimulizobolela lubono lwenu nubeni ano anshi, awo bupuka u senke kushizonauna, alimwi awo batewu ngubayaya u kwiba. ²⁰Unizho, amulizobwele lubono lwenu kwizeulu, koko kwalo kwiina bupuka naa senke shizonauna, alimwi kwiina mutewu ulozha kuyaya u kwiba. ²¹Kaambo koko kuli lubono lwenu, nkukukaakubele umyonzo yenu.²²Linso ndilambe lya mubili. Ubobo, naakuti linso lyako lili kabotu, mubili woonse ulaakuzwilile mumuni. ²³Pele kuti linso lyako talili kabotu, woonse mubili wako ulaakuzwile umushinze. Ubobo, naakuti mumuni wezo uuli mwako ulashiisha, nomukando buti wezo mushinze! ²⁴Kwiina naaba womwi ukonzha kusebezela bashimalelo bobile, naabulyo ulasula womwi naakuzanda umwi, naabulyo kulemeka naa kusampaula umwi. Tukonzha kusebezela Leza u lubono.²⁵Ubobo Ume ndaamba kwenu ati, mutabi nimulibilika kubumi bwenu, kuli checho nchimukalya na checho nchumukanwa; na shamubili wenu, na nshimukasama. Sa takuli kuti bumi bulabaazha kubaala chakulya, awo mubili ulabaala ali shakusama? ²⁶Amulange ku bazuni bali mwizeulu. Taba shangi na kutebula na kubungika mumatala, pele Ushenu uuli kwizeulu ulabasanina. Sa umwe tamukwete bulemu kubaala mbabo?²⁷Nguni womwi wenu aali umwe uzandisha walo uukonzha nikaba kantu komwi kuzungila kubumi bwakwe? ²⁸Kaambooyi umwe mulalibilika aali shakusama? Amutelaike buli maluba aa mumyuunda, alo mbwaakula. Taasebezi, alimwi taapangi shakusama. ²⁹Ubobo Ume ndamwaambila, naaba Solomoni mubulemu bwakwe boonse wiina nakasamikwa shili bolya.³⁰Naakuti Leza ulalonzha kusamika bwizu mumyuunda, chalo chipona lya bwasunu uzona bwacha chaswewa munhondo, chili buti walo kuli umwe mbwakonzha kumusamika, umwe nuba shilushomo lushoonto? ³¹Ubobo mutabi numupenga u kwaamba ati, 'Nchiiyi nchitukalya?' naaba Nchiiyi nchitukanwa?' naaba 'Nchakusama chili buti nchitukasama?'³²Abo bahwa mashi balakapula shintu sheshi, aze Ushenu wa kwizeulu ulizhi kwaamba mulashizanda sheshi. ³³Pele amutaangune kukapula bwami bwakwe u bululami bwakwe, amana shoonse sheshi shintu shilapewa kwenu. ³⁴Ubobo, mutabi nimupenga kuli sha zona, u bwa zona bulali bambila bwini. Buzuba u buzuba bulikwete bubi bukwene kuli mbubo bwini.

¹"Utakosoleli, kwaamba aze utakakosolelwa. ²kaambo bukosozhi mbuukosola, aze ulakakosolelwa mbubona, alimwi uchipimyo nchuupimyo, nchichona chilakasebezhewa kwako mbubona.³Kaambooyi uwe nchuulanga kasanga kashoonto kali mulinso lya mweenzhinoko, pele uwe tulilanganya isanga lili mulinso lyako umwini? ⁴No ulakonzha kwaamba buti kumweenzhinoko ati, 'kweza nkakushe kako kantu kali mulinso lyako, aakuli isanga ikando mulili mulinso lyako umwini? ⁵Umwe nubashikuupaupa amenso! Taanguna likushe isanga lili mulinso lyako, ndilelyo nuukabona kabotu kwaamba ulozhe kukusha isanga lili mulinso lyamweenzhinoko.⁶Utabi nuupa checho chisalala ku babwa, alimwi utafwusila chintu chibotu ku ngulube. Ubulyo ati shilachilyatauka, shamana shileza kumuzapaula mutupanzha panzha.⁷Kumbila, amana chilapewa kwako, kapula ulachiyana. Konkomona, wamana ulayalulilwa. ⁸Kaambo uli woonse uukumbila, ulatambula; woonse wezo uukapula, ulayana; ulimwi kuli wezo muntu uukonkomona, ulayalulilwa. ⁹Sa nguni wenu awa, mwanakwe amukumbila chinkwa , amupe ibwe? ¹⁰Nikuba kuti akumbila inswi, umupe muzoka?¹¹Ngaawo, umwe nubabiyabi mulichizhi kupa shipo shibotu ku banenu, mbuti walo Ushenu uuli kwizeulu mbwalozha kupa shintu shibotu kuli babo bamukumbila? ¹²Ngaawo, kufwumbwa bulyo shintu shoonse bantu nshuuzanda kwaamba bakuchitile, ulyeelele aze u bachitile, kaambo wezu mulawo ulimwi u bashinshimi.¹³Amwiite mukalyango kashoonto. Kaambo manjililo makando ninzhila itola kukuzonauka, alimwi mbanji banji bantu bayita mumo. ¹⁴Pele kanjililo kashoonto nkazhila kashupa kako katola ku bumi, alimwi mbashoonto bakayana.¹⁵Amuchenjele ku bashinshimi babeshi, babo bezhiza mushisamwa sha mbelele kakuli mubwini mbubaumpe baluma. ¹⁶Kwiita mumichelo yabo mulakabazhiba. Sa bantu balakozha kuchela magileepusi kuhwa kuchisamu chameya na inkuzu kuhwa kuchisamu chimwi? ¹⁷Mumona muzhila yezho yomwi, choonse chisamu chibotu chilazhala michelo mibotu, pele chisamu chitali kabotu chilazhala michelo itali kabotu.¹⁸Chisamu chibotu tachilozha kuzhala michelo mibiyabi, nikuba chisamu chibiyabi kuzhala michelo mibotu. ¹⁹Kufwumbwa chisamu chitalozha kuzhala michelo mibotu chilatemwa ukusowelwa mumulilo. ²⁰Inzho ubobo, mulakabazhibila kwiita kumichelo yabo.²¹Tabali boonse babo baamba, Mwami, Mwami,' balakanjila kubwami bwaku kwizeulu, pele bulyo babo bachita luzando lwaka Taata walo uuli kwizeulu. ²²Bantu banji banji balakaamba kwangu mubuzuba bobo ati, 'Mwami, Mwami, sa twiina nitwakashinshima mwizhina lyako, mwizhina lyako mutwakaakukushizha bashikanzwa, mumona mwizhina lyako twakaakuchitila mumo maleele manji manji?' ²³Ngoonaawo ndakaamba atuba nkubabele ati , 'Ndiina indakamuzhiba umwe! Amukuhwe kwangu, umwe nimuchita shitali mumulawo!'²⁴Ubobo, wezo woonse uuteelela mazwi aangu u kwaachilila ulaba ukoya mulombwana musongo uzaka ing'anda yakwe ebwe. ²⁵Inhula yakawa, meenzhi akazula, awo muuwo wakaunga ang'anda yezho, pele iina niyakawa anshi, kaambo keezakilwe ebwe.²⁶Pele woonse uuteelela mazwi angu u kutaachilila uli ukoya mulombwana wezo uzaka ing'anda yakwe amusenga. ²⁷Inhula yakawa, meenzhi a kazula, awo muuwo wakaunga u kuuma ing'anda yelya, yakawa, ngoonaawo yakawa yakamaninina."²⁸Lelyo awo Jeso naakamanizha kuyiisha mazwi aza, makamu makamu akazoowa buyiishe bwakwe, ²⁹ubobo wakabayiisha ukoya ukwete insana, u kuchita butali mbubachita balembi.

¹Lelyo Jeso naakaselemuka kuhwa a luulu makamu makamu akamuchilila. ²Ngoonaawo, ushichinsenda wakashika kwakwe u kumukotamina, waamba ati, "Mwami, naakuti ulazanda, ulakonzha kunsalazha." ³Jeso wakahwungulula itashi lyakwe u kumwaampa, waamba ati, "Ndalozha. Salala." Ngoonaawo wakasalazhiwa kuchinsenda chakwe.⁴Jeso wakaamba kwakwe ati, "Bona kwaamba ati kwiina mulombwana nguukashimwina naaba omwi. Koya uukuya, ukalibonye kumupayizhi, ukupa chipo checho Mozesi nchaakamushimwina, bukabe bumboni nkubabele.⁵lelyo naakashika mu Kapenaumu, mushilikani mukando wakashika kwakwe, wamulomba ⁶u kwaamba ati, "Mwami, muzhike wangu ulilele wazuminina ulimwi chilachisa." ⁷Amane Jeso wakaamba kwakwe ati, "Ndezhiza kumuponya."⁸Mushilikani mukando wakayingula u kwaamba ati, Mwami, Ume nsheelela kwaamba uwe unjile mung'anda yangu. Amba bulyo izwi muzhike wangu ulapona. ⁹Kaambo ame ndimuntu uupelwe insana, ulimwi Ume ndikwete bashilikani mbwinyendelezha. Ume ndaamba kuli wezu, 'koya,' ulaya, ulimwi ukuli umwi, 'kweza,' uleza, ulimwi ukumuzhike, 'chita chechi,' ulachichita." ¹⁰Lelyo Jeso naakateelela bobo, wakazhingwa u kwaamba kuli babo bakaakumuchilila ati, "Chini chini ndaamba nkumubele, Ume nshina kuyana naaba womwi uukwete lushomo luli bolya mono mu Izilayeli.¹¹Ndamwaambila umwe, banji banji balakahwa kwiwe u kumbo, bamana balakeza kwitebulu lyaba Abulahamu, Iyizeki, u Jakobo, mubulelo bwakwizeulu. ¹²Pele bana beembezhi balakasowelwa kunze mumushinze, koko kukakaba kukwiila u kulumanya meno." ¹³Jeso wakaamba kumushilikani mukando ati, "Koya! Mbubona mbuwashoma, mbubona bobo achichitwe kwako." Ngoona awo muzhike wakaponyiwa achiindi checho nchichoona.¹⁴Lelyo Jeso naakenjila mung'anda yaka Pita, wakabona mukwaakwe Pita ulilele mulwazhi. ¹⁵Jeso wakamukwata kwitashi, bulwazhi bwakamuleka. Ngoona wakazhimuka wakatalika kubasengelela shakulya.¹⁶Lelyo nikwakaba kumangolezha, bantu bakaleta kwa Jeso banji banji bakaakunjililwe bashikazwa. Wakeekusha myoza kwizwi u kubaponya boonse baakuli balwazhi. ¹⁷Chechi kakuli kuzuzukizha kuli chakaambwa umushinshimi Izaya, kwaamba ati, "wakabweza shilwazhi shesu u malwazhi esu."¹⁸Lelyo ninzho Jeso naakabona mabunga mabunga aakumuzhingulukile, wakabalayilila kwaamba baye mumutala wa Lwateele lwa Galili. ¹⁹Ngoona awo mulembi wakazhiza kwakwe u kwaamba ati, "Mwiiyi, Ndakuchilila koonse nkuukaya." ²⁰Jeso wakaamba kwakwe ati, Bamwaba balikwete mumena mwakukala, ulimwi ubazuni bamwizeulu balikwete shitaanto, pele Mwanaa Muntu wiina aakooneka mutwi wakwe."²¹Uumwi wabashichiiya wakaamba kwakwe ati, "Mwami, nhwumizha ntaangune kazhike bataata." ²²Pele Jeso wakaamba kwakwe ati, 'Nchilila, u baleke bafwu balizhike beni."²³lelyo Jeso naakenjila mubwato, bashichiiya bakwe bakamuchilila abo mubwato. ²⁴Ngoonaawo, kwakaba muuwo mukando a lwaatele, ubobo bwato bwakaumwa mankwishita, Walo Jeso kali mutulo. ²⁵Bashichiiya bakwe bakaya kwakwe u kumubusha, baamba ati, "Tufwutule, Mwami; tukalamana!"²⁶Jeso wakaamba nkubabele ati, "Kaambooyi mulatiya, umwe nubashilushomo lushoonto?" Ngoonaawo wakazhimuka u kulemanina myuuwo u luwatele. ²⁷Ngoona kwakaba kuliinza. Baba balombwana bakazoowa baamba ati, Muntu ulibuti wezu, uuteelelwa kumyuuwo ulimwi uluwatele?"²⁸Uninzho Jeso naakashika kubusena bumwi ku chishi chaba Gadala, balombwana bakaakunjililwe bashikazwa bakamuswaanganya. Bakahwila munamaumbwe ulimwi kabali bakali, kakwiina uuyenda uyelele kwiita inzhila yezho. ²⁹Ngoonaawo, bakapozomoka kulila u kwaamba ati, "Nchiinzhi checho chitukonzha kuchita kwako, Mwanaa Leza? Saa wezhiza kutupenzha chiindi chibikilwe chitana kushika?"³⁰Inzho butanga bwa ngulube kabuchela, kaatali alaale unkubaakubele. ³¹Bashikazwa bakalikombelezha kwa Jeso bakaamba ati, "Watukusha mono, tutume molya mubutanga bwa ngulube." ³²Jeso wakaamba kwabo ati, "Kamuya!" Bashikazwa bakahwa baya kunjila mungulube; amana ngoonaawo, butanga boonse bwakalukanka bwakunkuluka kuhwa aluulu kuya kuliwaala muluwatele u kufwa mumeenzhi.³³Babo bakaakweembela ingulube bakalukanka baya kunjila mumunzhi mukando u kuya kwaamba makani woonse, akando kuli chakachitika ku balombwana bakaakunjililwe bashikazwa. ³⁴Ngoonaawo, woonse munzhi mukando wakahwa kuya kumuswaanganya Jeso. Inzho nibakamubona, bakamukumbila kwaamba amuhwe mubusena bwabo.

¹Jeso wakanjila mubwato, waya mumutala, amane wakaya mumunzhi wakwe mukando. ²Ngoonaawo, bakamuletela mulombwana uuzuminine wakaakulele amuseme. Naakabona lushomo lwabo, Jeso wakaamba ku mulombwana uuzuminine ati,"Mwanangu, zuma. shibi shako shalekelelwa."³Ngoonaawo, bamwi balembi bakaamba lwabo beni ati, "Wezu mulombwana ulasampaula." ⁴Jeso keezhi mizeezo yabo wakaaamba ati, "Kaambooyi mulatelaika shibiyabi mumyonzo yenu? ⁵Nchichiliye chuubauba, kwaamba ati, 'shibi shalekelelwa,' nakwaamba ati, 'zhimuka uyende'? ⁶Pele bulyo kwaamba muzhibe ati Mwanaa Muntu ulikwete insana anshi ano shakulekelela shibi, ... "Wakaamba kumulema ati, "Zhimuka, bweza museme wako koya kung'anda yako."⁷Ngoonaawo mulombwana wezo wakazhimuka waya kung'anda yakwe. ⁸Inzho mabunga mabunga naakabona chechi, bakafwa bukandu bakalumbaizha Leza, walo wakapa insana shili bolya ku bantu. ⁹Awo Jeso naakakwiita kuhwa koko, wakabona mulombwana uukwete izhina lya Matayo kashite kwitente lyashikubwezelela mutelo. Wakaamba kwakwe ati, "nchilila." Wakazhimuka wamuchilila.¹⁰Awo Jeso naakakala mung'anda kwaamba balye, ngoonaawo, bashikubwezelela mutelo banji banji u bashishibi bakazhiza kulya u Jeso antoomwi u bashichiiya. ¹¹Lelyo ba Falisi nibakachibona chechi, bakaamba kubashichiiya bakwe ati, "Kaambooyi mwiiyi wenu ulalya ubashikubwezelela mutelo alimwi u bashishibi?"¹²Inzho Jeso naakateelela bobo, wakaamba ati, "Bantu batali balwazhi tabakapula mushilishi, chita bulyo babo balwazhi. ¹³Mulyeelele kuya mukachiiye nchichaamba chechi: 'Ume ndazandisha luse kutali shakulyaaba.' Ndiina kwiza kwita baluleme kwaamba bachileke nchibachita, pele bashishibi."¹⁴Inzho bashichiiya baka Johani bakazhiza kwakwe baamba ati, "Kaambooyi uswe uba Falisi tulaliimwa kulya, pele bashichiiya bako tabaliimwa kulya?" ¹⁵Jeso wakaamba kwabo ati, "Saa bana bamung'anda yabwinga balalila lelyo nabwiinga naachili abo? Pele mazuba alakazhiza lelyo shibwiinga naati akabwezwe kuhwa kwabo, awo ninzho balakaliimya kulya.¹⁶Kwiina muntu ubika chisani chipiya achisani chakale kale, kaambo chikamba chilazapuka ukwaahwa, amana kulaba chipulo chikando.¹⁷Mbubona bantu mbubatabiki waini mupiya muchisaka cha waini chakale kale. Naakuti bachita bobo, shisaka shilaanduka, ati waini ulatika, shisaka sha waini shilazonauka. Ubobo, balabika waini mupiya mushisaka shipiya, shoonse ati shilakalilila."¹⁸Awo Jeso naakaakuchaamba sheshi shintu kwabo, ngoonaawo, umwi mushilikani wakashika wamukotamina. waamba ati, "Mwana mushimbi wangu nachihwa kufwa, pele kweza umubike matashi, amana ulabuka." ¹⁹Ngoonaawo Jeso wakazhimuka amane wakabachilila, u bashichiiya abo bakamuchilila.²⁰Ngoonaawo, mukaintu wakaakusata kusesa bulowa kwa ikumi umyaka yobile wakazhiza kumanuma kwa Jeso amane wakwata kweela isani lyakwe. ²¹Kaambo wakaamba lwakwe mwini, "kuti ndachikwata chisani chakwe, Ati ndaba kabotu." ²²Pele Jeso wakachinduluka wamubona, waamba ati, "Mwanangu, yana kuzuma; lushomo lwako lwakuponya." Ngoonaawo mukaintu wakapona achiindi checho nchichona.²³Awo Jeso naakashika mung'anda ya mushilikani wezo,wakabona baakulizha tulumbu iinkamu yaakulila. ²⁴Wakaamba ati, "Amumuhwe, wezu mwana tafwile, uloona bulyo." Pele bakamuseka u kumulimbusha.²⁵Lelyo inkamu niyakaya kumabali, wakanjila mung'anda wamukwata kwitashi, mwana wakabuka. ²⁶Makani aza akachitika a kamwaala mubusena boonse.²⁷IInzho Jeso naakaakwiita kuhwa momo, boofwu bobile bakamuchilila. Kabapozomoka kabaamba ati, "Tufwile luse, Mwanakwe Devidi!" ²⁸IInzho Jeso naakanjila mung'anda, baba balombwana boofwu bakazhiza kwakwe. Jeso wakaamba kwabo ati, "Saa mulashoma kwaamba ndachichita chechi?" Bakaamba kwakwe ati, "Ee, Mwami."²⁹Ngoonaawo Jeso wakabakwata kumenso waamba ati, "Achichitwe kwenu kwiingaina u lushomo lwenu," ³⁰amane menso abo akayaluka. Ngoonaawo Jeso wakabashimwina waamba ati, "mubone kwaamba ati kwiina naaba womwi u wezhiba aza." ³¹Pele baba balombwana bobile bakaya bautola mulumbe wakachitika mubusena boonse.³²Checho chiindi balombwana bobile baba nibakaya, ngoona, muntu wataakwaamba wakaakunjilwe musangushi wakaletwa kwa Jeso. ³³Lelyo musangushi naakakushiwa, wezu mulombwana wataakwaamba wakatalika kwaamba. Mabunga mabunga a kazoowa bamane baamba ati, "Chechi chiina nichakabawo mono mu Izilaili!" ³⁴Pele ba Falisi bakaamba ati, "Kwiita mumuleli wabasangushi, ulatanda basangushi."³⁵Jeso wakanjilauka muminzhi mikando yoonse u mutunzhi tushoonto. Wakatolelela kuyiisha muma sinagogi abo, kukambauka mulumbe wabwami u kuponya mishobo yoonse ya shilwazhi alimwi u mishobo yoonse ya malwazhi. ³⁶Lelyo naakabona mabunga mabunga, wakabafwila inkumbu, kaambo kabapengele u kubula chakuchita. Kabali ukoya imbelele shiina mweembezhi.³⁷Wakaamba kubashichiiya bakwe ati, "Butebuzhi mbunji bunji, pele batebula mbashoonto. ³⁸Ubobo chakufwambaana amukombe ku Mwami wa butebuzhi, kwaamba atume basebezhi mubutebuzhi bobu."

¹Jeso wakoompolola bashichiiya bakwe bali ikumi ubobile antoomwi wabapa insana a myoza mibiyabi, kwaamba baakuyikusha, kwaamba baakulozha kuponya mishobo mishobo yamalwazhi alimwi u mishobo mishobo yashilwazhi.²Uninzho mazhina a babo bali ikumi ubobile batumwa ngaaza. Wakutaanguna, Simoni (wezo waakutewa ati Pita), u Andulu munina; Jemusi mwanakwe Zebede, u Johani munina; ³Filipu, u Batelomeo; Tomasi, u Matewo shimutelo; Jemusi mwanakwe Alufiyasi, u Tadeyasi; ⁴Simoni waku Zeloti, u Judasi Sikaliyoti, uukaka mwaaba.⁵Babo bali ikumi ubobile mbaakatuma Jeso. Wakabashimwina waamba ati, "Mutabi nimuya kufwumbwa busena koko kukala bahwa mashi, alimwi mutabi nimunjila kufwumbwa munzhi waba Samaliya. ⁶Pele kamunaya koko kuli imbelele izhiminine yamung'anda ya Izilaili; ⁷amana mwaakuya buya, amukambauke mwaambe ati, 'Bwami bwakwizeulu buli afwaafwi.'⁸Kuponya balwazhi, kubusha bafwu, kusalazha bashichinsenda, u kukusha basangushi.Mwapewa bulyo, amwe amukape bulyo. ⁹Mutabi nimubweza ingolida, siliva, naaba kopa uuli mulutambo lwenu. ¹⁰Mutabi nimubweza chinzuma a mushinzo, nikuba chakusama chamukati, nishiba impato, nuuba musako, kaambo musebezhi ulyeelele kupewa chakulya.¹¹Kufwumbwa munzhi mukando naa munzhi mushoonto ngumukakanjila, amukalange nguuliye muhubi, mukakale koko mpaka mukakuhwe. ¹²Mwakanjila mung'anda, amukabaazhe. ¹³Naakuti ing'anda ileelela, luumuno lwenu lube aalinjiyo. Pele naakuti talweelele,Luumuno lwenu aluzhoke kwenu.¹⁴U kuli babo bati batakamutambuli na kwaateelela mazwi enu, lelyo mwakamuhwa mung'anda yezho na mumunzhi mukando, amukakunkumune lufwuko lwenu kumatende. ¹⁵Chini chini Ume ndamushimwina, chilakaakuli chuubauba kunshi ya Sodoma u gomola kubuzuba bwa lubeta kubaala munzhi mukando welya.¹⁶"Amulange, Ume ndamutuma ukoya imbelele akati kaba mwaaba, ubobo amuchenjele ukoya muzoka mulilemeke buli inkwilimba. ¹⁷Amubalangishe bantu! Balakamutola kutubunga, amana balakamuuma muma sinagogi abo. ¹⁸Mwamana mulakatolwa kubaleli uku bami kaambo kezhina lyangu, bukabe bumboni nkubabele alimwi u kubahwashi.¹⁹Awo bakamutola koko, mutabi nimuya kulibilika kuli chimwi naaba nchimuya kwaamba, kaambo chakwaamba chilakapewa kwenu achiindi checho nchichona. ²⁰U kuti indimwe nimuya kwaamba, pele moza waka ushenu nguuya kwaamba mwenu.²¹Munuina ulakatola munina ku lufwu, alimwi aze ushi ku mwanakwe. Bana balakabukila babazhele u kuya kuchita kwaamba bafwe. ²²Umwe mulakasulwa kuli bamwi u kaambo kezhina lyangu. Pele kufwumbwa uu kaatolelela kushika kumamanino, wezo muntu ulakafwutulwa. ²³Awo bakamupenzha umwe momu mumunzhi mukando, amukaye kuli umwi, u kuti Ume ndamwaambila, mwiina nimukakaita muminzhi mikando ya Izilaili katana kushika Mwanaa Muntu.²⁴"Shichiiya tali mukando aali mwiiyi wakwe, naaba musebezhi aali shimatwangaakwe. ²⁵Chilyeelele ku mutumwa kwaamba abe ukoya mwiiyi wakwe, alimwi aze musebezhi ukoya shimatwangaakwe. Naakuti bakamwita shimatwanga wa ng'anda Belizebu, alakabiya buti mazhina ngubabanda bankamu ba mung'anda yakwe!²⁶Ubobo mutakabatiyi, u kuti kwiina chihwumbilwe chitakaazubululwa, alimwi kwiina chisosekelwe checho chitakaazhibwa. ²⁷Checho nchindakushimwina umushinze, chaambe ishikati, alimwi checho nchuwateelela mukabotu kabotu u matwi ako, kachaambe aatuba.²⁸Mutabi nimutiya babo bayaya mubili pele tabalozha kuyaya moza. Ubobo, amutiye ulozha kuzonauna shoonse moza u mubili mwilindi lyamulilo. ²⁹Saa tuzuni tobile tatuulwa ipeni ishoonto? Nikuba bobo kwiina naaba womwi wabo uuwila anshi chakubula Ushenu luzhibo. ³⁰Pele woonse masusu aali ku mutwi alikwete mweelwe. ³¹Utabi nuutiya. Muli bazandishi kubaala tuzuni tunji tunji.³²Ubobo woonse wezo uwaamba meni meni aangu kubantu, Ame mbubona ndakaamba meni meni kwa Taata wezo uuli kwizeulu. ³³Pele woonse wezo unkaka ume kubantu, Ame mbubona ndakamukaka ambele kwa Taata wezo uli kwizeulu.³⁴Mutabi nimutelaika kwaamba ati Ume ndezhiza kuleta luumuno ano anshi. Ume ndiina indezhiza kuleta luumuno, pele ndaleta icheba. ³⁵Ume ndakeza kuchita muntu kulwisha ushi, mwana mushimbi ulakalwisha baina, mukwe ulakalwisha baina zhala. ³⁶Bashinkondonina muntu balakaba babo bamung'anda yakwabo.³⁷Wezo woonse uuzandisha baushi naa baina kubaazha ume teelela mwangu; Wezo woonse uuzandisha mwanakwe mweembezhi naa mwana mushimbi kubaala ume teelela mwangu. ³⁸Wezo woonse utabwezi chichinkano chakwe u kunchilila teelela mwangu. ³⁹Wezo woonse uuyana bumi bwakwe ulakabuluza. Pele woonse wezo uuluza bumi bwakwe kaambo kangu ulakabuyana.⁴⁰Wezo woonse uukamutambula wantambula ame, alimwi wezo woonse uuntambula ume ati watambula u wezo wakantuma. ⁴¹Wezo woonse uutambula mushinshimi mwizhina lyangu ku mushinshimi ulakatambula bulumbu bwa mushinshimi, alimwi wezo woonse uutambula muntu mululami mwizhina lyangu kwiita mumuntu wezo mululami ulakatambula bulumbu bwa wezo muntu mululami.⁴²Woonse wezo uupa babo bashoonto shoonto inkapu ya meenzhi atontola aakunwa mwizhina lya shichiiya, chini chini ndamushimwina, kwiina mbwaaya kuluza bulumbu bwakwe."

¹Inzho lelyo Jeso naakamana kubalayilila bashichiiya bakwe bali ikumi ubobile, nakakuhwa koko wakaya kuyiisha ukukambauka muminzhi yabo mikando. ²Ngaawo lelyo Johani naakateelela shesho nshakaakuchita Kilisito, wakatuma mulumbe kubashichiiya bakwe. ³U kuya kwaambaati, "Sa ndiwe wezo uzhiza, natuukuchilindila umwi?"⁴Jeso wakayingula ukubaambilaati, "kamuya mukamushimwine Johani checo nchimwabona ukuteelela. ⁵Boofwu balabona, balema baleenda, bashichinsenda balasalazhiwa, ubatateeleli batalika kuteelela alimwi, bafwu babushiwa alimwi kubumi, alimwi awo mulumbe wakambaukwa kubapushi. ⁶Mulongezhe wezo woonse utayani kubishizhiwa mwangu."⁷Iiyo baba balombwana nibakaya, Jeso wakakanka kwaamba kumabunga mabunga twaambo twaka Johani, "Nkaambooyi nkumwakaila mulukula kwaamba mukabone---lubu luzungaana ukaambo kamuuwo? ⁸Inzho nchiiyi nchimwakaya kuya kubona---sa mulombwana wakaakusamine shisani shibonhu? Chini chini, babo basama shisani shibonhu balakala mumaanda' a bwami.⁹Anu nchiiyi nchimwakaya kubona--sa mupolofita? Eeye, ndaamba kumubele, ulimwi kubaalisha aa mupolofita. ¹⁰Wezu inguwe uuli shakalembwa, 'Bona, kandatuma mutumwa kubushu bwenu, wezo ukakabamba inzhila kumbele kwenu.'¹¹Chini chini ndaamba kwenu, kwiina naaba womwi akati kababo bazhale kubakaintu mubulemu kubaala Johani mupapatizhi. Nikuba bobo uubaala kucheya muntu mu bwami bwakwizeulu mulemu kubaala nguwe. ¹²Kuhwa kumazuba aka Johani mupapatizhi u bwasunu, bwami bwakwizeulu bwanjila mumakondo, amana balombwana bashinkondo bachibweza musana.¹³Abo bashinshimi u mulawo kabashinshima kushika Johani naakashika; ¹⁴Nikuba kwaambaati ulazanda kuchihumina, ngu Elija wakaakweelele kuzhiza. ¹⁵Wezo ukwete matwi aatelela, naateelele¹⁶Nkukuchintuuyi checho nchinkakozhanya kumusela wezu? chili ukoya bana basobanina ukusobanina mubusena bwa mushika, ukoompolola uumwi umweenzhiina ¹⁷ukwaambaati, 'twakalizha mitoolilo kwenu, pele mwiina nimwakazhana. twakalila mwiina nimwakalila.'¹⁸Johani wakezyiza katali chinkwa ukunwa wayini, ulimwi bakaambaati, 'ulikwete shikanzwa.' ¹⁹mwana amutu wakeza ulalya ukunwa mwaambaati, 'Bona, wezu muntu mulyato ulimwi nguchakolwa, mweenzhina ba shimutelo ubashishibi!' pele busongo bulalibonya mumichito yakwe.''²⁰Ngoonaawo Jeso wakakanka kulemanina minzhi mikando momo mwaakachitila shizoosha, ukaambo kakuti baina nibakachincha. ²¹''Maawe uwe, kolanzini! maawe uwe betisayida! kuti maleele aaka chitilwa mu taya u sidoni kuli azo aaka chitilwa mwenu, nibaakuchinchile bulyo kale kale ukusama masaka ukulibuwa itwe. ²²pele chilakaba mbubo mbubo kuli baku Taya ubaku sidoni kubuzuba bwalubeta kubaala umwe.²³Uwe, Kapenaumu, sa ulatelaika ati ulakalemekwa kwizeulu? Pe pe, ulakazholwa anshi kuli bakafwa. Nakuti mu Sodomu muli maleele aakachitika ukuli azo aakachitwa mwako,nichaakuliwo ubwasunu. ²⁴Pele ndaamba kuli umwe ati chilakaba chuuba kunshi ya Sodomu kumazuba aalubeta kubaala umwe."²⁵Achiindi checho Jeso wakaambaati, "Ndakutembaula uwe, Taata, Mwami wamazeulu u inshi, kaambo wakazubulula sheshi shintu kubasongo u bateelelesha, ukwaazubulula kubana bashoonto. ²⁶Eeye, taata, ukuti chechi chakakubotela a bushu bwako. ²⁷Shoonse shintu shakabikwa mwangu kuhwa kwa Taata; ulimwi kwiina naaba womwi umwizhi Mwana chita bulyo Taata iche, ulimwi kwiina naaba womwi umwizhi Taata chita bulyo Mwana iche ulimwi chita bulyo wezo Mwana ngwaasala ukumuzubululila.²⁸Amuzhize kwangu, noonse umwe numupenga ukuzemuna shilema, amana mupe kulyookezha. ²⁹Bweza ijoko lyangu wamana wiiye kwangu, mbwindi shichamba ulimwi mubonhu monzo, mwamana mulayana kulyookezha ku myoza yenu. ³⁰Ukuti ijoko lyangu nduubauba u mukuli wangu muubauba."

¹Kuchiindi checho Jeso wakaya mubuzuba bwa Nsabata wakayita mu myuunda ya maila. Bashichiiya bakwe bakafwa inzala bakatalika kupulula mitwi ya maila bakakanka kuya bulya. ²Pele lelyo ba Falisi nibakabona bobo, bakaamba kwa Jeso ati, "Bona, bashichiiya bako balachita chitali mumulawo munsabata."³Pele Jeso wakaamba kwabo ati, "Saa mwiina nimwakabala nchaakachita Devidi lelyo naakafwa inzala, u balombwana mbuba kaakuli abo? ⁴Wakanjila mukati mung'anda ya Leza wakalya chinkwa bulangene, u chata kaakuli mumulawo walo kwaamba alye alimwi chitali mumulawo kuli babo mbuba kaakuli abo, pele chili bulyo mumulawo ku bapayizhi.⁵Saa mwiina nimwakabala mumulawo kwaamba ati mu nsabata bapayizhi muchikombelo bakalubizha mu nsabata pele bakabula mulandu? ⁶Pele Ume ndaamba kwenu ati wezo mukandosha kubaala chikombelo nguweno.⁷Kuti umwe nimwaakwizhi chechi nchichaamba, 'Ume ndazandisha luse kutali kupa mulumbo,' nimwatalozha kubisha bisha bayiina mulandu. ⁸Kaambo Mwanaa Muntu ngu Mwami wa nsabata,"⁹Awo Jeso wakakuhwa koko amane wakaya kunjila muma sinagogi abo. ¹⁰Ngoonaawo, kwakaakuli mulombwana wezo walo wakaakuzuminine itashi. Ba Falisi bakamubuzha Jeso, baamba ati, 'Saa chili mumulawo kuponya mu nsabata?" kwaamba ati ambweni balamupa mulandu wakuchita chibi.¹¹Jeso wakaamba kwabo ati, "Nchiiyi mulombwana nchaakonzha kuba akati kenu, kuti kakwete bulyo imbelele yomwi, amana yezho imbelele yawila muchilindi mu nsabata, saa talozha kwiikwata u kwiikusha muchilindi? ¹²Saa nchibotu buti, inzho, ku muntu kubaala imbelele! Nkukuti chili mumulawo kuchita kabotu mu nsabata."¹³Ngoonaawo Jeso wakaamba ku mulombwana wezo ati, "Hwungulula itashi lyako." Wakali hwungulula, lyakazhoka mbubona mbulyakaakubele, mbubona ukoya itashi limwi. ¹⁴Pele ba Falisi bakaya ansengwe bakanka kuweza. Bakatalika kukapula bwakwaamba bamuzonauna.¹⁵Jeso, wakazhiba bobo, amane wakakuhwa koko. Bantu banji banji bakamuchilila, amane wakabaponya boonse. ¹⁶Wakabashimwina kwaamba atabi naanzhibwa kuli bamwi. ¹⁷kwaamba chechi chizuzukizhiwe, checho chakaambwa ku0 Iyizaya mushinshimi, kwaamba ati,¹⁸"Bona, musebezhi wangu Ume ngundakasala; wezo ngunzandisha, momo moza wangu muubotelwa. Ume ndakabika moza wangu u mwakwe, amana ulakapandulula bwini kuba hwamashi.¹⁹Wiina naati akalwane abo nikuba kulilisha; nikuba naaba muntu kuteelela izwi lyakwe mumazhila. ²⁰Ulakaba kabotu kubantu bayiina insana; wiina naati akakashe naa kuyaya, mpaka ulakatola bwini kuya kunzunda, ²¹alimwi mwizhina lyakwe bahwamashi balakakwata bulangizhi."²²Inzho umwi moofwu waakuliinzile, waakunjililwe musangushi, wakaletwa kwa Jeso. Wakamuponya, mukuchita bobo mulombwana wataakwaamba wakaamba u kubona. ²³Woonse mabunga mabunga a kazoowa a kaamba ati, "Saa wezu mulombwana ulakonzha kuba Mwanakwe Devidi?"²⁴Pele lelyo Ba Falisi nibakateelela ku maleele aza, bakaamba ati, "Wezu mulombwana takusha basangushi chita kwiita mwa Belizebule, muleli wa basangushi." ²⁵Pele Jeso wakeezhiba mizeezo yabo wakaamba kwabo ati, "Boonse bwami bwaandeene kuhwa kumweenzhiina bulakashaala bwini, alimwi woonse munzhi mukando naaba ing'anda iyandeene kuhwa kumweenzhiina teelozha kulizhimina ini.²⁶Naakuti Satani ulakusha Satani, ati ulalyaandaanya mwini. Nokayi bobo bwami bwakwe bulaba buti? ²⁷Alimwi naakuti Ume ndatanda basangushi kwiita mwa Belizebule, no umwe banenu balabatanda kwiita mwani? Kwiita mukaambo kaka balaba bakosozhi benu.²⁸Pele naakuti Ume ndakusha basangushi kwiita mu Moza wa Leza, nkukuti bwami bwaka Leza bwashika aali umwe. ²⁹Saa umwi ulalozha buti kunjila mung'anda ya muntu ukwete insana ukubweza shintu shakwe kutataanguna kumwaanga wezo mulombwana shinsana? Amana naati ebe shintu shakwe kuhwa mung'anda yakwe. ³⁰Woonse wezo utali ame ati nguundwisha, alimwi wezo walo ngututabungiki aze ati ulamwaya.³¹Ubobo Ume ndaamba kwenu ati, chibi choonse alimwi u kutalemeka bantu balakalekelelwa, Pele kutalemeka Moza tamukalekelelwa pe. ³²Woonse wezo u waamba izwi kukazhanya u Mwanaa Muntu, checho wezo ulakalekelwa. Pele woonse wezo u waamba kukazhanya u Moza Usalala, wezo takalekelelwa, naaba mono muluundu, nikuba kuli wezo uzhiza.³³Chichite chisamu chibote u muchelo ulabota, naa wachichita chisamu ati chibiye ati u muchelo ulabiya, kaambo isamu lilazhibilwa ku muchelo wandilyo. ³⁴Umwe nubana ba chipile, mbumuli babiyabi, mulakonzha buti kwaamba shintu shibotu? Kaambo shili mumonzo mulomo nshuuwamba. ³⁵Mulombwana mwini mwini kushintu nshaachita mumonzo wakwe kulahwa shintu shibotu, Alimwi aze mulombwana shichibi kuhwa kubu bambe bwakwe buli mumonzo wakwe bulakusha shibiyabi.³⁶Ume ndaamba kwenu kwaamba ati mubuzuba bwa lubeta bantu balakabetekwa kuli shesho nshibakachita u mazwi woonse ngubakaamba. ³⁷Kumazwi ako woonse ulakabambulula, alimwi kumazwi ako ngoona ulakasubulwa."³⁸Awo bamwi balembi uba Falisi bakamwiingula Jeso baamba ati, "Mwiiyi, tulazandisha kubona chitondezho kuhwa kwako." ³⁹Pele Jeso wakayingula wakaamba kwabo ati, "Bubiyabi alimwi u musela wabumambe ulakapula bulyo shitondezho. Pele kwiina chitondezho checho chikaapewa chita bulyo chitondezho chaka Jona mushinshimi. ⁴⁰Umbuli Jona bwakakala mazuba otatwe u mashiku otatwe mwifwu lyanswi ikando, aze mbubona Mwanaa Muntu ulakakala mazuba otatwe u mashiku otatwe mukati kanshi.⁴¹Balombwana baku Ninive balakazhimuka kulubeta u musela wa bantu amana ulakabishiwa bishiwa. Kaambo kakuti bakasanduka kukukambauka kwaka Jona, alimwi amubone mukandosha kubaala aali Jona uli ano.⁴²Muleli mukaintu waku chibizhi ulakazhimuka a lubeta antoomwi u balombwana ba musela wezu uku babisha bisha. Wakahwila kumamanino anshi kwiza kuteelela busongo bwaka Solomoni, alimwi amubone mukandosha aali Solomoni uli ano.⁴³Lelyo moza mubiyabi wamuhwa mu muntu, ulaita molya mumasena mwiina meenzhi muuya bukapula mwakupumunina, pele kwiina tooyani pe. ⁴⁴Ngoonaawo ulaamba ati, 'Ume ndapiluka bulyo kung'anda yangu koko nkwindakahwila.' Awo wapiluka, ulayana kwaamba ing'anda mwiina chilimo---yakapeelwa ilasalala alimwi imambe kabotu. ⁴⁵Wamana ulaya kuletelela imwi myoza ili chiloba ibaala kububi aali nguwo, yamana yoonse ileza kukala momo mumona. Uninzho kumamanino bube bwa mulombwana wezo bulabaala kubiya kubaala kumatalikilo. Chilakaba mbubona ukoya buli musela wezu kubiya."⁴⁶Awo Jeso naakaakuchaamba kumakamu makamu, ngoonaawo, baina u banina kabazhimine ansengwe, kabakapula kwaamba babandike aze. ⁴⁷Umwi wakaamba kwakwe ati, "Bona, banoko alimwi u banyoko balizhimine ansengwe, balakapula kwaamba babandike aze."⁴⁸Pele Jeso wakamwiingula waamba kuli wezo wakamushimwina ati, "Anu nguni baama alimwi mbubani bakwesu?" ⁴⁹Amane wakatandabika matashi akwe kubashichiiya bakwe waamba ati, "Amubone mbubaba baama alimwi u bakwesu! ⁵⁰Kaambo woonse wezo uchita luzando lwaka Taata walo uli kwizeulu, wezo muntu ati ngu mukwesu, ngu muchizhi, alimwi ngu baama."

¹Ku buzuba bobo Jeso wakamuhwa mung'anda waya kukala kumbali kulwaatele. ²Imbunga inkando yakabungana yamuzhinguluka, wakanjila mubwato wakala pele imbunga yoonse keeli amuuma.³Awo Jeso wakaamba shintu shinji shinji nkubabele mutwaambyo. Wakaamba ati, "Amubone, mulimi waya kushanga imbuto, ⁴Lelyo naakushanga, imwi imbuto yakawila kumabali anzhila, pele bazuni bakazhiza kwiilya. ⁵Imwi yakawila amabwe, awo a kakwiina bulongo bunji bunji. Shakahwa chakufwambaana kaambo bulongo kabutali bunji bunji. ⁶Pele lelyo izuba nilyakabala, shakakusa kaambo kakwiina mizanda, shakakusila limwi.⁷Shimwi imbuto shakawila mumeya. Meya akakula a kashiyasa. ⁸Shimwi imbuto shakawila mwihwu ibotu shakamena kabotu, shimwi shakamena shiindi shili mwaanda, shimwi makumi chisambomwi, alimwi shimwi makumi otatwe. ⁹Wezo walo u kwete matwi, naateelele."¹⁰Bashichiiya bakazhiza baamba kwa Jeso ati, "Kaambooyi ulaamba kumabunga mutwaambyo?" ¹¹Jeso wakayingula waamba kwabo ati, "Mwakapewa chiindi chakuteelelesha masoseke aku bwami bwakwizeulu, pele kuli balo baina kupewa. ¹²Woonse wezo uzandisha ulapewa shinji shinji, amana ulakwata shinji shinji. Pele woonse wezo wiina, choonse checho nchaakwete ulakanangwa acho kuhwa kwakwe.¹³Nkukaambo kako Ume ndaamba mutwaambyo: Nikuba kwaamba balabona, taba boni; alimwi nikuba kwaamba balateelela, tabateeleli, naaba kuteelelesha. ¹⁴Nkubabele bushinshime bwaka Izaya bwazuzukizhiwa, chaamba ati, 'Kupupulala, ulakateelela, pele mwiina nimukakateelelsha; kubona, mulakabona, pele mwiina nimukakazhiba.¹⁵Kaambo myonzo ya bantu baba teeteelelesha, alimwi u matwi abo kwiina tabateeleli, bamane baayala menso abo, Nikuba bobo balakonzha kubona u menso abo, naa kuteelela u matwi abo, alimwi u kukonzha kuteelelesha u myonzo yabo u kulonzha kupiluluka alimwi, amana ndakabaponya."¹⁶Pele malongezhe menso enu, kaambo a labona; alimwi u matwi enu, a lateelela. ¹⁷Chini chini Ume ndamwaambila kuti bashinshimi banji banji alimwi u balombwana baluleme balazanda kubona shintu shesho nshimubona amana tamushiboni. Balazandisha kuteelela shintu shesho nshimubona amana tabashiteeleli.¹⁸Amuteelele ninzho ku kaambyo ka mulimi wezo ushanga imbuto yakwe. ¹⁹Naakuti umwi waliteelela izwi lya bwami amana taliteelelesha, u satani uleza kunanga checho chishange mumonzo wakwe. Yezhi njiimbuto yezho yakashangwa kumbali kunzhila.²⁰Checho chakashangwa munshi yamumabwe muntu wezo uteelela izwi ngoona walitambula mukubotelwa, ²¹nikuba bobo wiina minzanda mukati kakwe amana ulakala kwakaindi kashoonto. Lelyo masunko u mapenzhi abako u kaambo kezwi, kufwambaana lilamuhwa mwakwe.²²Shesho shakashangwa akati a meya, wezu muntu uteelela izwi, pele kuzandisha shaluundu alimwi ukuzandisha lubono chilakazhanya izwi, amana ulaba shikuteezha muchelo. ²³Imbuto yezho yakashangwa a bulongo bubotu, wezu muntu uteelala izwi ukuliteelelesha. Uleezha muchelo u kuzhala shinji shinji, kutebula ambweni mwaanda, u mumwi makumi chisambomwi, alimwi mumwi shiindi makumi otatwe kwiingaina buli bwakashangwa."²⁴Jeso wakaleta alimwi kaambyo nkubabele, waamba ati, "Bwami bwakwizeulu buli ukoya mulombwana wezo ushanga imbuto imbotu mumuunda mwakwe. ²⁵Pele bantu nibakaakoona, bashinkondonina bakashika abo bakashanga insaku akati ka wiiti bamane bakakuhwa. ²⁶Lelyo imbuto niyakamena imane yakakusha shishango, ngoona awo insaku yakabulika ayo.²⁷Basebezhi bamukamwini muunda bakashika baamba kwakwe ati, 'Mwami, saa wiina niwakashanga imbuto imbotu mumuunda wako? No nkaambooyi ninzho kuli insaku?' ²⁸"Wakaamba kwabo ati, 'U shinkondo nguwachichicta chechi,' "Basebezhi bakaamba kwakwe ati, 'Saa ulazanda kwaamba tuye tukashizhulaule?'²⁹"Mukamwini muunda wakaamba ati, 'Pe pe. Kaambo lelyo mwatalika kuzhulaula insaku, mulaba nimukazhula antoomwi u wiiti. ³⁰Amushileke shikule antoomwi kushikila tukatebule. Kuchiindi chakutebula Ume ndakaamba kuli batebula, "Amutaangune mukushe insaku mushaange antoomwi kwaamba shitentwe, pele amubike antoomwi wiiti mumubike mumatala angu.'''''³¹Alimwi Jeso wakabapa kaambyo u kamwi. Waamba ati, "Bwami bwakwizeulu buli ukoya kaseke ka masitaadi kako muntu nkaabweza amana wakashanga mumuunda wakwe. ³²Kaka kaseke chini chini nkashoontosha kutuseke toonse. Pele lelyo kuti kakomena, nkakandosha kubaala shisamu shili mumuunda. Lilaba isamu, kwamana bazuni bamwizeulu balazhiza kubika shitaanto mumitabi."³³Jeso wakabaambila alimwi kaambyo kamwi, "Bwami bwakwizeulu buli ukoya bumena bobo mukaintu mbwaabweza wabusanganye shiindi shotatwe bwa fwulawa kushika mpaka chikande choonse chafwutumuka."³⁴Shoonse sheshi shintu Jeso kaamba kumabunga mutwaambyo; amana kwiina nchaakwaamba nkubabele chitali mutwaambyo. ³⁵Chechi kachili bobo kwaamba checho chakaambwa kwiita mumushinshimi chizuzukizhiwe, Lelyo naakaamba ati, "Ume ndakayalula mulomo wangu mutwaambyo. Ndakaamba shintu shesho shisosekelwe kuhwa kuchiindi nilwakabambwa luundu."³⁶Amane Jeso wakaashiya mabunga mabunga waya kunjila mung'anda. Bashichiiya bakwe bakaya kwakwe baamba ati, "Tupandululile kaambyo kansaku yamu muunda." ³⁷Jeso wakayingula waamba ati, "Wezo ushanga imbuto imbotu ngu Mwanaa Muntu. ³⁸Muunda mumono muluundu; alimwi imbuto imbotu, baba mbana ba bwami. Insaku baba mbana baba shishibi, ³⁹amana shinkondo nguwezo wakabashanga ngu shatani. Butebuzhi nkumana kwa musela, alimwi batebuzhi mbuba angelo.⁴⁰Ngoonaawo, mbuli insaku mbwiiya kubikwa antoomwi u kutentwa mumulilo, mbubona bobo mbuchiya kuba kumamanino a musela. ⁴¹Mwanaa Muntu ulakatuma baangelo bakwe, amana balakabungika mubwami bwakwe boonse bashinkilizha alimwi ubabo bachita shitali mumulawo. ⁴²Balakaba sowela munhondo ya mulilo, momo muti mukaakuli kulila u kulumanya meno. ⁴³Kwamana lelyo bantu baluleme balakamweka u koya izuba mubwami bwaka ushabo. Wezo ukwete matwi , naateelele.⁴⁴"Bwami bwakwizeulu buli u koya chintu chibotu chisoseke mu muunda. Checho mulombwana a chiyana amana wachisoseka. Mukubotelwa kwakwe amana waya, waya kuuzha shoonse nshaakwete, amana waula muunda wezo. ⁴⁵Alimwi, bwami bwakwizeulu buli u koya mulombwana usambala ukapula shintu shikwete muulo mubotu. ⁴⁶Awo ayana chomwi chintu chili muulo uli kabotu, ulaya kusambala shintu shakwe amana waya kuchuula.⁴⁷"Alimwi, bwami bwakwizeulu buli u koya kanyandi kawalwa mulwaatele, kamana kakwasha mishobo yoonse ya nswi. ⁴⁸Lelyo nikakezula , bazezhi bakakakwela kuya kumuuma. Bakakala anshi bamane bakabungika imbotu botu mushingomo, pele shataakuli kabotu bakashisowa.⁴⁹Chilakaba bolya mbubona kumamanino a musela. Baangelo balakazhiza kwiza kwaandaanya babiyabi kuhwa akati kabalulami. ⁵⁰Balakabasowela mwibibi lya mulilo. momo mukakaba kulila u kulumanya meno.⁵¹"Saa mwateelelesha shintu sheshi shoonse?" Bashichiiya bakaamba kwakwe ati, "Eeye." ⁵²Amane Jeso wakaamba kwabo ati, "Ubobo balembi boonse baba bashichiiya kubwami bwakuzeulu buli u koya muntu mukamwini ing'anda, u kusha shintu shakale kale u shipiya kuhwa a shintu shibotu." ⁵³Amane chakaba bobo lelyo Jeso nakaamana twaambyo, wakakuhwa koko kubusena.⁵⁴Ngoonaawo Jeso wakanjila mubusena bwakabo wakayiisha bantu muma sinagogi abo. U chakayanwa nchakwaamba kuti boonse bakazoowa bamane baamba ati, "Nkukwi anu wezu muntu nkwayana bobu busongo bwakwe alimwi usheshi insana shamalele? ⁵⁵Saa wezu muntu tali mwanakwe shikubeza? saa baina tali Maliya? Saa banina tabali ba Jemusi, Jozefu, Simoni, alimwi u Juda? ⁵⁶Taali u banina bashimbi tuli abo? Wakashibweza kwi shoonse shintu sheshi?"⁵⁷Bakabiilwa kwiita mwakwe. Pele Jeso wakaamba kwabo ati, "Mushinshimi wiina bulemu chita muchishi chakwabo alimwi u kumukowa wakwe mwini." ⁵⁸Wiina nakachita maleele manji manji koko kaambo kakutahwumina kwabo.

¹Kuchiindi checho, Helodi muleli wakauteelela mulumbe waka Jeso. ²Wakaamba kubasebezhi bakwe ati, "Wezu ngu Johani mupapatizhi; wabuka kuhwa kubafwu. Ubobo sheshi insana shilasebeza muli nguwe."³U kuti Helodi kamwaangile Johani, wamwaanga intambo, amane wamubika muntolongo u kaambo ka Helodiyasi, mwinakwe Filipu. ⁴Kaambo Johani wakaamba kwakwe ati, "Tachili mumulawo kwako kwaamba u mubweze kwaamba abe mwinakwe." ⁵Helodi naakamuyaya, pele wakaakutiya bantu, kaambo kabamukile kwaamba ati mushinshimi.⁶Lelyo buzuba bwakuzhalwa bwaka Helodi nibwakashika, mushimbi mwanakwe Helodiyasi wakazhana akati kabo wakazhana chakumubotezha Helodi. ⁷Mukuchita bobo, wakamushomezha chakulipinga kwaamba kufwumbwa checho nchaakalomba ulamupa.⁸Nakamana kumulayilila bayina, wakaamba ati, "Mpa kono, a mutuba, mutwi waka Johani mupapatizhi." ⁹Mwami wakapenga mbuli kuli checho nchaakuzanda mushimbi, pele kaambo kakulipinga kwakwe alimwi u kaambo kababo mbubakaakuli abo boonse kusekelela, wakabeta kwaamba chibe mbubona mbwaakaamba.¹⁰Wakatuma wamukosola mutwi Johani muntolongo. ¹¹Amane mutwi wakwe wakaletwa a mutiba u mushimbi wakootola kwa bayina. ¹²Ngoonaawo bashichiiya bakwe bakazhiza, bakaubweza mubili, boozhika. Kumane bobo, bakaya kwa Jeso bamushimwina.¹³Ngoonaawo Jeso naakateelela aza, wakakuhwa koko mubwato wakaya kubusena bwiina chiliko. Awo mabunga mabunga naakateelela chechi, bakamuchilila u matende kuhwa muminzhi mikando. ¹⁴Jeso wakashika balo kabatana kushika amane wakabona mabunga mabunga. Wakabafwila inkumbu wakabaponya balwazhi babo.¹⁵Lelyo mangolezha naakashika, bashichiiya bakazhiza kwakwe baamba ati, "Bobu mbusena bwiina bahwawo, amana iwoola kaliitile kale. Wakaamwaazha mabunga mabunga, kwaamba baye mumunzhi balyuulile beni shakulya."¹⁶Pele Jeso wakaamba kwabo ati, "Takuzandika kwaamba baye. Amubape chakulya." ¹⁷Bakaamba kwakwe ati, "Tulikwete bulyo shinkwa shosanwe u tuswi tobile." ¹⁸Jeso wakaamba ati, "Amushilete kono kwangu."¹⁹Ngoonaawo Jeso wakashimwina baakubungene kwaamba bakale anshi a bwizu. Wakabweza shinkwa shosanwe u tuswi tobile. Wakalyaalala mwizeulu, wakalongezha washikomauna shinkwa amane wabapa bashichiiya, abo bashichiiya bakaabanya mabunga mabunga. ²⁰Boonse bakalya alimwi boonse bakakuta. Bamane bakabwezelela bufwefwelenga bwakashaala bwachakulya---shinzuma shili ikumi u shobile shakazula. ²¹Babo bakalya kabatandila ku shuulu shosanwe balombwana, kutali bakaintu u bana.²²Chakufwambaana wakachita bashichiiya kwaamba banjile mubwato amana a bachilile kumutala umwi, awo kachimwaazha mabunga mabunga. ²³Naakamana kumwaazha mabunga mabunga, wakaya ezeulu a lupili mwini kuya kukomba. Naakaba mangolezha, kachili koko iche mwini. ²⁴Pele bwato kabuli kale alale u muuma, bwakaumwa u mankwishita, u kuti muuwo koounga kuhwa nkubaakuya.²⁵Kabutana kucha bushiku Jeso wakaya nkubabele, kaya bweenda a lwaatele. ²⁶Lelyo bashichiiya nibakamubona uleza bweenda a lwaatele, bakazhingwa baamba ati, "Wezu musangushi," bamane bakakwiila chakutiya. ²⁷Pele Jeso wakaamba kwabo ngoona ngoona waamba ati, "Amuzume! Ndime! Mutabi nimutiya pe."²⁸Pita wakamwiingula waamba ati, "Mwami, naakuti ndiwe, nshimwina kwaamba nzhize kwako a meenzhi." ²⁹Jeso wakaamba ati, "Kweza." Ngoonaawo Pita wakamuhwa mubwato wakeenda a meenzhi waya kwa Jeso. ³⁰Pele awo Pita naakabona muuwo wakomena, wakafwa bukandu. Naakatalika kubila, wakakwiila waamba ati, "Mwami, nfwutula!"³¹Jeso chakufwambaana wakatandabika itashi lyakwe, wakamukwata Pita, waamba kwakwe ati, "Uwe u shilushomo lushoonto, kaambooyi wazuluzha?" ³²Awo lelyo Jeso u Pita nibakanjila mubwato, muuwo wakaleka kuunga. ³³Ngoona bashichiiya baakuli mubwato bakamukomba Jeso baamba ati, "Chini chini uli Mwanaa Leza."³⁴Awo nibakalanduka, bakaya a muuma waku Genesaleti. ³⁵Awo balombwana bamolya mubusena bakamuzhiba Jeso, bakatuma milumbe kumasena woonse a zhingulukile, bakaleta kwakwe woonse wezo wakaakuli mulwazhi. ³⁶Bakamukumbila kwaamba bakwate bulyo kweela chisani chakwe, boonse banji banji bakachikwata bakaponyiwa.

¹Ngoonaawo bamwi ba Falisi u balembi bakazhiza kwa Jeso kuhwa ku Jelusalemu. Bakaamba ati, ²Kaambooyi bashichiiya bako nchibatachilila tunshiya nshiya twabakando kando? Tabasamba kumatashi batalika kulya chinkwa." ³Wakabayingula waamba kwabo ati, "No nkaambooyi umwe tamuchilila malailile aka Leza kukaambo ka tunshiya nshiya twenu?⁴U kuti Leza wakaamba ati, 'Lemeka bauso u banoko,' alimwi 'woonse wezo u waamba bubiyabi aali baushi naaba baina chini chini u lakafwa.' ⁵Pele u laamba ati, 'Woonse wezo waamba kuli baushi naa baina, "Kufwumbwa buyohwi mbuwakatambula kuhwa kwangu uninzho nchipo kuhwa kwa Leza," ⁶wezo muntu tazandika kulumbaizha baushi.' Munzhila yezho ati wapanga chitali chezwi lya Leza u kaambo katunshiya nshiya twenu.⁷Umwe nubashikoopoopa amenso! Saa Iyizaya wakashinshima umwe lelyo naakaamba ati, ⁸Baba bantu balalumbaizha bulyo a milomo yabo, pele myonzo yabo ili kulaale kuhwa kwangu. ⁹Balankomba butali mbubo kaambo balayiisha u koya buyiishe bwabo bwa malailile a bantu.'''¹⁰Amane wakoompolola mabunga mabunga kwakwe waamba kwabo ati, "Amupupulale alimwi u kuteelelesha--- ¹¹Kwiina chinjila mumulomo u chibisha muntu. Chita, checho chihwa mumulomo, checho nchichibisha muntu."¹²Awo bashichiiya bakazhiza kwa Jeso baamba ati, "Saa ulizhi kwaamba ba Falisi bakabiilwa lelyo nibakateelela wezu mwaambo?" ¹³Jeso wakayingula waamba ati, "Choonse chisamu checho Taata uli kwizeulu nchatakashanga ulaka chizyula. ¹⁴Amubaleke beni, mboofwu basololela boofwu nokwabo. Naakuti moofwu wasololela moofwu nina, boonse balawila muchilindi."¹⁵Pita wakayingula waamba bolya kwa Jeso, "Tupandululile kaambyo kaka." ¹⁶Jeso wakaamba ati, "Sa amwe mbubona tamuna kukwata luzhibo? ¹⁷Sa tamuna kuteelelesha kwaamba ati kufwumbwa chinjila mumulomo chilayita mwifwu chamana chilahwa chaya muchimbuzi?¹⁸Pele shintu shesho shihwa mumulomo shilahwa kumonzo. Shesho nshishintu shibisha muntu. ¹⁹Kaambo kuhwa mumonzo mulahwa mizeezo mibiyabi, kuyaya, bumambe, kweezha bamukabeni, butewu, kupa bumboni bwakubeya, u bashikwaamba a bubeshi. ²⁰Sheshi nshishintu shipa muntu kubisha. Pele kulya u watasamba kumatashi tachibisha muntu pe."²¹Amane Jeso wakakuhwa koko kumasena a shishi shikando sha Taya alimwi u Sidoni. ²²Ngoonaawo mukaintu muna Kenani wakahwila mubusena bobo. Wakapozomoka waamba ati, Nfwila luse, Mwami, Mwanakwe Devidi! Mwanangu ulinjilwe musangushi." ²³Pele Jeso wiina naakamwiingula izwi. Bashichiiya bakwe bakazhiza kumukombelezha, baamba ati, "Mutande kaya, kaambo ulaya butusabila."²⁴Pele Jeso wakayingula waamba ati, "Ndiina indakatumwa kuli woonse chita bulyo ku mbelele izhiminine ya mung'anda ya Izilaili." ²⁵Pele wazhiza wamufwukamina, waamba ati,"Mwami, njohwa." ²⁶Wakayingula waamba ati, "Tachili kabotu kubweza chinkwa chabana wamana wachipa tubwa tushoonto."²⁷Wakaamba ati, "Ee ee, Mwami, Pele ato tubwa tushoonto tulalya kubufwefwelenga buwa kwitebulu lya shimatwangaabo." ²⁸Amane Jeso wakayingula waamba kwakwe ati, "Mukaintu, lushomo lwako ndukando; a kuchitwe kwako mbubona mbuuzanda." Mwanakwe wakaponyiwa kuhwa kwi woola lelyo ndilyona.²⁹Jeso wakakuhwa kubusena bobo wakaya kufwaafwi u lwaatele lwa Galili. Wakaya a luulu wakala ngawo. ³⁰Mabunga mabunga a kazhiza kwakwe. Bakazhiza baleta balema, bataboni, baliinzile, alimwi u bantu bahwungene matende, alimwi u bamwi babo baakuli balwazhi. Bakabaleta boonse kumaulu aka Jeso, amane wakabaponya boonse. ³¹U bobo mabunga mabunga a kazoowa nibakabona baliinzile kutalika kwaamba, bahwungene matende bakaba kabotu, balema bakeenda, alimwi u boofwu bakabona. Bakalumbaizha Leza wa Izilaili.³²Jeso wakaboompolola bashichiiya bakwe amane waamba ati, "Ume ndafwila luse mabunga mabunga aza kaambo twakala abo kwamazuba otatwe bayina chakulya. Nshilozha kubeta kwaamba baye batana kulya, u bulyo balawizuka munzhila." ³³Bashichiiya bakaamba kwakwe ati, "Nkukwi kutulozha kuyana shinkwa mubusena butakala bantu kwaamba alozhe kukuta mabunga mabunga aza?" ³⁴Jeso wakaamba kwabo ati, "Nshikwa shongaye nshimukwete?" Bakaamba ati, "Chiloba, alimwi u tuswi bulyo toongaana." ³⁵Amane Jeso wakashimwina mabunga mabunga kwaamba bakale anshi.³⁶Wakashibweza shinkwa shili chiloba alimwi inswi, naakamana kupa kulumba, wakashikomauna shinkwa amane wabapa bashichiiya. Bamane bashichiiya bakabapa kubantu. ³⁷Bantu boonse bakalya bakakuta. Bamane bakabwezelela shinzuma shili chiloba shabufwefwelenga bwakashaala. ³⁸Babo bakalya kabali shuulu shone balombwana, kutali bakaintu u bana. ³⁹Amane Jeso wakabeta bantu kwaamba baye amane wakanjila mubwato bakaya kubusena bwa Magadani.

¹Ba Falisi u ba Saduki bakazhiza kumunsunka bamubuzha kwaamba abatondezhe shitondezho kuhwa mwizeulu. ²Pele wakabataba waamba ati, "Aba mangolezha, mulaamba ati, 'Kulaba muuwo mubotu, kaambo mwizeulu mulasubila.'³Chaakuli chifwumo fwumo, mulaamba ati, kaambo kakuti mwizeulu mulasubila alimwi kwaba makumbi.' Mulichizhi kupandulula mbuli mbukuboneka mwizeulu, pele tamulozha kupandulula shitondezho sha chiindi u chiindi. ⁴Mubiyabi alimwi musela wabumambe kaambo ulazandisha shitondezho, pele kwiina chitondezho chikakapewa chita bulyo chitondezho chaka Jona." Ngoonaawo Jeso wakabashiya wakaya.⁵Lelyo bashichiiya nibakashika mumutala umwi, bakaluba kubwezelezha shinkwa. ⁶Jeso wakaamba kwabo ati, "Amulangishe alimwi amuchenjele kubumena bwaba Falisi alimwi uba Saduki." ⁷Bashichiiya bakalitelaisha lwabo beni bakaamba ati, "Kaambo kakuti twiina kubweza shinkwa." ⁸Jeso kaabwene aza wakaamba ati,"Umwe nuba shilushomo lushoonto, kaambooyi mulalyaambauzha nubeni beni kwaamba ati kaambo kakuti twiina kubweza shinkwa?⁹Saa umwe tamuteelelesha? Saa umwe tamutelaiki shinkwa shosanwe sha bantu bali shuulu shosanwe, alimwi ushinzuma shongaye nshimwakabwezelela? ¹⁰Naaba shinkwa shili chiloba sha bantu bali shuulu shone, alimwi shili shongaye shinzuma nshimwakabwezelela?¹¹Kaambooyi umwe chili bobo kwaamba ati tamulozha kuteelelesha kwaamba Ume nchintaamba kwenu makani aa shinkwa? Amulangishe alimwi muchenjele kubumena bwaba Falisi uba Saduki." ¹²Ngoonaawo bakachiteelelesha kwaamba kataamba kuchenjela kwabumena buli muchinkwa, pele kwaamba bachenjele kukuyiisha kwaba Falisi uba Saduki.¹³Inzho lelyo Jeso naakashika kumasena aali kufwaafwi u Kayisaleya Filipi, wakababuzha bashichiiya bakwe, waamba ati, "No bantu balaamba Mwanaa Muntu ati nguni?" ¹⁴Bakaamba ati, Bamwi balaamba ati Johani mupapatizhi; bamwi, Elija; alimwi bamwi, Jelemiya, naa umwi wabashinshimi." ¹⁵Wakaamba kwabo ati, "No umwe mulaamba ati Ume ndimeni?" ¹⁶Kutaba, Saimoni Pita wakaamba ati, "Ndiwe Kilisito, mwanakwe Leza upona."¹⁷Jeso wakayingula waamba kwakwe ati, "Ulimulongezhe, Simoni mwanakwe Jona, kaambo mubili u bulowa bwiina kuzubulula sheshi kwako, Pele ngu Taata wezo uuli kwizeulu. ¹⁸Ame ndaamba kwako ati ndiwe Pita, Alimwi ebwe leli ndazakawo chikombelo changu. Milyango yababo bafwile teekachilozha chechi.¹⁹Ume ndakakupa maki aku bwami bwakwizeulu. Kufwumbwa checho nchuukakaanga ano anshi ati chaangwa u kwizeulu, alimwi kufwumbwa nchuwaangulula ano anshi ati chaangululwa u kwizeulu." ²⁰Ngoonaawo Jeso wakabashimwina bashichiiya kwaamba batashimwini naaba womwi kwaamba ngu Kilisito.²¹Kuhwa chiindi checho Jeso wakatalika kubashimwina bashichiiya bakwe kwaamba ati ulyeelele kuya ku Jelusalemu, kuya kupenga mushintu shinji shnji u matashi aaba bakando kando u bapayizhi bakando u balembi, a kayayiwe, alimwi ulakabushiwa kuzhoka kubumi mubuzuba bwatatu. ²²Amane Pita wakamutola kumabali wamulemanina, waamba ati, "Chechi nachibe kulaale kuhwa kwako, Mwami! Chechi chitabi nichichitika kwako!" ²³Pele Jeso wakachinduluka waamba kwa Pita ati, "Bakumanuma kwangu, Satani! waba chilifwumpuzho changu, kaambo tutelaiki shintu shaka Leza, pele kushintu shabantu."²⁴Ngoonaawo Jeso wakaamba kubashichiiya bakwe ati, "Naakuti kuli uzanda kunchilila ume, ulyeelele kulitakata lwakwe mwini, abweze chichinkano chakwe mwini, amana anchilile. ²⁵Woonse wezo uzanda kunununa bumi bwakwe mwini ulakabuluza, alimwi kufwumbwa wezo uuluza bumi bwakwe kaambo kangu ulakabuyana. ²⁶No mbulumbuuyi mbwayana muntu kuti wafwuwa luundu loonse pele amana wanangwa bumi bwakwe? Nchiiyi muntu nchaakozha kuchinchanya u bumi bwakwe?²⁷U kuti Mwanaa Muntu ulakazhiza mubulemu bwaka Ushi antoomwi u bangelo bakwe. Ngoonaawo ulakapa bulumbu kumuntu woonse kwiingayina u michito yakwe. ²⁸Chini chini ndamwaambila umwe, kuli bamwi benu bazhimine awa babo bati batakalusoli lufwu mpaka bakamubone Mwanaa Muntu ulazhiza mubwami bwakwe."

¹Nikwakayita mazuba aali chisambomwi Jeso wakabweza Pita,Jemusi, u Johani munina, wakabatola alupili lulafwu bakaba lwabo beni. ²Wakasanduka abushu bwabo. Bushu bwakwe bwakamweka ukoya izuba, asho nshaakusamine shakabeka ukoya mumuni.³Ngoonaawo, kwakababulikila Mozesi u Elija bakakanka kubandika aze. ⁴Pita wakayingula u kwaamba kwa Jeso ati, "Mwami, chili kabotu kuli uswe kuba kono. Naa ulazanda, ndazaka shifwutu shotatwe--chomwi nchako, alimwi chomwi chaka Mozesi, alimwi chomwi chaka Elija."⁵Lelyo nakaakuchaamba, ndilyona lyona, ikumbi libeka lyakabahwumba, ngoonaawo, kwakaba izwi kuhwa mwikumbi, lyaamba ati, "wezu ngu Mwanangu nakufwunwa, umwakwe mwimbotelwa. Amumuteelele," ⁶Awo bashichiiya nibakachiteelela chechi, bakafwulika mashu abo anshi alimwi bakatiya. ⁷Ngoona Jeso wakaya wabakwata waamba ati, "Amuzhimuke ulimwi mutatiyi." ⁸Bamane bakalyaalala pele kwiina ngubakabona unji chita bulyo Jeso iche.⁹Lelyo nibakaakunkuluka kuhwa alupili, Jeso wakabashimwina, waamba ati, "mutabi ngumushimwina naaba omwi kuli chechi nchimwabona chita lelyo Mwanaa Muntu naakakabushiwa kuhwa kubafwu." ¹⁰Bashichiiya bakwe bakamubuzha, baamba ati,"Kaambooyi alimwi balembi balaambaati Elija ulyeelele kutaanguna kushika?"¹¹Jeso wakayingula waamba ati, "Elija nchobeni ulakeza kubambulula shoonse shintu. ¹²Pele Ume ndamushimwina, Elija wakashika kale, pele baina nibakamuzhiba pe. Nikuba bobo, bakachita buli mbubazanda nkwaabele. Muzhila njiyona iili bobo aze Mwanaa Muntu ulakapenga kwiita umatashi abo." ¹³Ngoonaawo bashichiiya bakachiteelelesha kwaamba kaamba aka Johani mupapatizhi.¹⁴Lelyo nibakashika kunkamu, umwi mulombwana wakaya kwakwe, wamufwukamina, waamba ati, ¹⁵"Mwami, mufwile luse mwanangu, ukuti ulawa chakumutwi ulimwi mulwazhisha chini chini. Kaambo lyoonse ulifwini kuwila mumulilo nimuba mumeenzhi. ¹⁶Ndakamuleta kubashichiiya bako, pele baina nibakamuponya."¹⁷Jeso wakabayingula waamba ati, "Umwe numutashomi ulimwi numusela wabashichinguni, nchiindi chili buti nchinkaakala amwe? chiindi chili buti nchindaba amwe? Amumulete kono kwangu." ¹⁸Jeso wakalemanina shikazwa, ngoona wakamuhwa mukati kakwe, wezu mweembezhi wakaponyewa achiindi checho nchichona.¹⁹Ngoona bashichiiya bakaya kwa Jeso kumabali u kwaamba ati,"Kaambooyi uswe twiina kulozha kuchikusha? ²⁰Jeso wakaamba nkubabele ati,"Kaambo kalushomo lwenu lushoonto. Ulimwi ndamushimwina umwe, kuti mwakwata lushomo ukoya kaseke kashoonto kambuto ya masitaadi, mulakonzha kwaamba kulupili lolu, 'ahwe awa koya kolya,' lwamana lulaswena, kulaakwiina chizumu kwenu pe," ²¹²²Lelyo nibakaakuchishite mu Galili, Jeso wakaamba kubashichiiya bakwe ati, "Mwanaa Muntu ulakapewa mumatashi aa bantu, ²³amana balakamuyaya, alimwi mubuzuba bwatatu ulakabushiwa." Bashichiiya bakabiilwa chini chini.²⁴Awo nibakashika ku Kapenaumu, balombwana baakubwezelela mutelo bakaya kwa Pita kwaamba ati,"Sa mwiiyi wenu ulatela mutelo?" ²⁵Wakaamba ati, "Eeye."Awo Pita wakenjila mug'anda, Jeso wakataanguna kubandika u Pita waamba ati, "Ulatelaika buti uwe, Saimoni? Nkukwi bami baanshi nkubabweza mutelo? Kuhwa kubanabo naa kubantu bamwi?"²⁶"Kuhwa kuli bamwi," Pita wakayingula. "Nkukuti bana tabatela," Jeso wakaamba. ²⁷Pele kwaamba tutabachiti bashimutelo kwaamba balifwumpule, koya kuluwatele, kawale kalobo, kakushe munswi njuukaataanguna kukwasha. wakauyula mulomo wanjiyo, ulakayana ipeni. Kalibweze ukalipe bashimutelo uwako uwangu."

¹Kuchelya chiindi bashichiiya bakaya kwa Jeso u kwaamba ati, "Nguni mukandosha mubwami bwakwizeulu?" ²Jeso wakoompolola kana kashoonto, wakabika akati kabo, ³waamba ati, "Chini chini Ndamwaambila, chita bulyo musanduke mube ukoya kana kashoonto, ubulyo kwiina bunji mbumuyakunjila kwizeulu.⁴Ubobo, kufwumbwa bulyo uulifwiinsha lwakwe mwini kuba uko ya kana kashoonto ngumukandosha mubwami bwakwizeulu. ⁵Kufwumbwa wezo uutambula kana kashoonto ukoya bolya mwizhina lyangu ati watambula ume. ⁶Pele woonse wezo uupa baba bashoonto shoonto ubahwumina mwangu kulifwumpula, kachili kabotu kwabo kwaangwa ibwe mushingo, kwaamba abizhiwe kunshi kuluwatele.⁷Mawe kuluundu ukaambo kababo balebya! Ubobo chililuleme kwaamba shesho shilebyo shibewo, pele mawe kuli wezo muntu momo shesho shilebyo mushizhila! ⁸Nakuti itashi naa chifwumba chilakupa kuba chilebyo, chikosole uchisowe chikuhwe kwako. Nchibotu kwako kuya kunjila mubumi bubotu kwiina shimwi naa mulema kuya kusowelwa mumulilo utamana kukwete matashi obile naa shifwumba shobile.⁹Naa kuti linso lilakupa kubisha, likushe wamana ulisowe kuhwa kwako. Nchibotu kwako kuya kunjila mubumi u linso lyomwi kubaala kusowelwa mulambwe lyamulilo kukwete menso obile.¹⁰Bona kwaamba utabishizha uuli woonse wababa bashoonto shoonto. Ubobo ndaamba kwako ati kwizeulu kuli baangelo balangile lyoonse kubushu bwaka Taata walo uuli kwizeulu. ¹¹¹²Nchiinzhi nchimutelaika? Naakuti umwi ulikwete mwaanda wambelele, amana yomwi yazhimina, saa tashiyi shili makumi ifwuka iimbelele ifwuka umalundu ukuya bulanga yezho yomwi yazhimina? ¹³Kuti wayiyana, Chini chini Ndamushimwina, ulabotelwa chini chini aali njiyo kubaala aali shili makumi ifwuka ushobile shesho shataakuzhiminine. ¹⁴Muzhila yezho njiyona, takuli kuzanda kwaka Ushenu uli kwizeulu kuti wenu womwi mushoonto kwaamba azonauke.¹⁵"Nakuti musazhinoko wakubishizha uwe, koya ukamushimwine, umwe nubeni nobile bulyo. Nakuti wakuteelela uwe, ati chaba kabotu kumusazhinoko. ¹⁶Naakuti wiina ukuteelela, bweza womwi naa bobile muye abo kaambo kumilomo yabo bobile naa botatwe batumboni mazwi abo alakateelelwa.¹⁷Ulimwi naakuti wakaka kuteelela kuhwa nkubabele, shimwina kaambo kuba shichikombelo. Naakuti ulimwi wakaka kuteelela kuba shichikombelo, mubike ukoya uutakombi naa ukoya shimutelo.¹⁸Ndamushimwina bwini, fwumbi shintu nshimwaanga anshi ano ati shaangwa u kwizeulu, alimwi fwumbi nshimwaangulula ano anshi ati u kwizeulu shaangululwa. ¹⁹Alimwi Ndamwaambila bwini, naakuti bobile bahwumizhanya ano anshi achintu nchibakumbila, chilakachitwa kwabo kwiita mwa Taata wezo uuli kwizeulu. ²⁰Aali babo bobile naa botatwe babungene antoomwi mwizhina lyangu, awo Ame ndaakuli akati kabo."²¹Ngoona Pita wakaya u kwaamba kwa Jeso ati, "Mwami, nshiindi shongaye mukwesu nshaakonzha kumbishizha U kumulekelela? kushiindi shili chiloba?" ²²Jeso wakaamba nkwaabele ati, "Ndiina indakushimwina shiindi shili chiloba, pele ndaamba shiindi shili makumi chiloba ushiindi chiloba.²³Ubobo bwami bwakwizeulu bulakozhana u mwami umwi wakuzanda kwaamba batwanga bakwe bazhole shikwelete nshibaakukwete. ²⁴Awo naakatalika kulanda, umwi mutwanga wakaletwa kwakwe wezo wakaakukwete ikumi lya shuulu sha matalenta. ²⁵Pele kaambo kakuti kayiina mbwaakukozha kuzholela mo, ushimatwangaakwe wakaamba awuzhiwe bulyo, antoomwi umwinakwe u bana alimwi ushintu nshaakukwete shoonse, kwaamba bulipile bukwane.²⁶Awo mutwanga wakawila anshi, wamufwukamina, u kwaamba ati, 'Shimatwangaangu, nfwila luse, ndakulipila woonse matalenta ako.' ²⁷Unizho wezu shimatwangaakwe wezo mutwanga, kaambo kakuti wakamufwila inkumbu, wakamuleka u kumulekelela mulandu.²⁸Pele wezo mutwanga naakaakuya wakayana umwi mutwanganina, wezo wakaakumukwatile mwaanda wama denalii.Wakamukwata, watalika kumushina, u kwaamba ati, 'Ndipila checho nchuukwete changu,' ²⁹"Pele mutwanganina wakawa anshi u kumukumbila, waamba ati, 'Nfwila luse, ume ndakulipila.'³⁰Pele mutwanga mutaanzhi wakakaka. walo wakamutola wamuwaala muntolongo mpaka akamulipile checho nchaakamukwatilile. ³¹Lelyo batwanganina nibakabona checho nchaakachitika, bakabiilwa chini chini. bakaya kumushimwina shimatwangaabo shoonse shakachitika.³²Ngoonaawo shimatwangaakwe wezo mutwanga wakamoompolola u kwaamba kwakwe ati, 'Uwe umutwanga mubiyabi, Ume ndakakulekelela chikwelete chako kaambo kakuti wakalilekelela kwangu. ³³Sa uwe kuteelele kumufwila luse mutwanganoko, mbubona mbundakakufwila luse ume?'³⁴Shimatwangaakwe wakalemana wakamupa kuli bashikumuuma ukupenzha kushikila akachilipile choonse chikwelete. ³⁵Mbubona aze Taata wakwizeulu mbwaataakachite kwenu naakuti tumulekelelela musazhinoko kuhwa kunshi kumonzo wako."

¹Chakachitika bobo lelyo Jeso naakamanizha mazwi aza, wakakuhwa ku Galili wakaya kubusena bwaku Judeya bwalo buli kumutala wamulonga wa Jodani. ²Mabunga mabunga akamuchilila, wakabaponya koko.³Bafalisi bakashika kwakwe, kumusunka, baamba kwakwe ati,"Sa chili mumulawo mulombwana kuleka mwinakwe kufwumbwa chachitika?" ⁴Jeso wakayingula waamba ati, "Sa mwiina nimwakabala kwaamba wezo wakababamba kuhwa kumakankilo wakabamba mulombwana u mukaintu?⁵Wezo wakababamba alimwi wakaamba ati, 'U kaambo kako mulombwana ulakashiya baushi u baina u kusangana mwinakwe, amana bobile ulakaba mubili womwi.' ⁶Awo tabachili bobile, pele mubili womwi. Ubobo checho Leza nchaaswaanganya antoomwi, kutabi naaba womwi uchaandaanya."⁷Bakaamba kwakwe ati, "Nkaambooyi walo Mozesi wakatushimwina kupa chipepa chakulekana wamana wamutanda?" ⁸Wakaamba kwabo ati, "Kaambo kakuzuma kwa myonzo yenu, Mozesi wakamuhwuminya kuleka benenu, pele kumatalikilo kachitali bobo. ⁹Ndamwaambila umwe, woonse uleka mwinakwe, chita bulyo kwiitila mubumambe, atwala uumwi, ati wachita bumambe."¹⁰Bashichiiya bakaamba kwa Jeso ati, "Naakuti kako nkukaambo ka mulombwana u mwinakwe, ati tachili kabotu kutwala." ¹¹Pele Jeso wakaamba kwabo ati, Tali uuli woonse ukonzha kuuhwumina mwaambo wezu, chita bulyo kuli babo bapelwe kuteelela. ¹²Ukuti nkubali batazhali bakazhalwa bobo kuhwa mwifwu lya manokwabo, alimwi nkubali batazhali bakachitwa kubantu kwaamba baleke kuzhala, alimwi kuli bamwi batazhali bakalipanga beni kuleka kuzhala ukaambo kabwami bwakwizeulu. wezo ukonzha kutambula kuyiishiwa koku, noomuleke akutambule."¹³Awo bamwi bana bashoonto bakaletwa kwakwe kwaamba akonzhe kubabika matashi u kubakombela, pele bashichiya bakwe bakabakasha. ¹⁴Pele Jeso wakabaamba ati, "Amubaleke bana bashoonto, alimwi mutabi nibakasha kwaamba bazhize kwangu, kaambo bwami bwakwizeulu mbubwabo baba bali bolya." ¹⁵Wakababika matashi bana, amane wakakuhwa koko.¹⁶Ngoonaawo, mulombwana wakashika kwa Jeso waamba ati, "Mwiiyi, chintuuyi chinjelele kuchita kwaamba nkwate bumi buteeli?" ¹⁷Jeso wakamwaambila ati, "Nchiiyi nchuumbuzhizha a chintu chibotu? chita bulyo umwi a kuli kabotu, pele waakuzanda kunjila mubumi, bamba malayilile."¹⁸Wezu mulombwana wakaamba kwakwe ati, 'Malayilile aliye?" Jeso wakaamba ati, "utabi nukayaya, utabi nuchita bumambe, utabi nuwiba, utabi nuupa bumboni bwakubeya, ¹⁹lemeka bauso u banoko,alimwi fwuna shimukobonoko mbubona mbuulifwini umwini."²⁰Wakaamba wezu mulombwana kwakwe ati, "Shoonse sheshi shintu ndashilemeka. Nchiiyi chimwi nchichizanda?" ²¹Jeso wakamwaambila ati,"Naakuti ulazanda kwaamba ati ululame, koya, ukasambale shoonse nshuukwete, upe bapengele, ndilelyo nukakwata lubono kwizeulu; wamana uzhize, unchilile." ²²Awo wezo mulombwana nakateelela checho nchaakaamba Jeso, wakaya ulilemene, ukuti kakwete lubono lunji lunji.²³Jeso wakaamba kubashichiiya bakwe ati, "Chini chini ndamushimwina, nchinzumu kumuntu muhwubi kunjila mubwami bwakwizeulu. ²⁴Alimwi ndamushimwina kuti, nchuubauba inkamela kwiita mulinso lya kasonde kutali muntu muhwubi kuya kunjila mubwami bwaka Leza.²⁵Bashichiiya nibakaatelela aza, bakazoowa bakaamba ati, "Nguni inzho uuya kufwutuka?" ²⁶Jeso wakabalanga waamba ati, "Kubantu chechi nchizumu, pele kwa Leza shoonse shintu shilaba." ²⁷Ngoonaawo Pita wakayingula waamba ati, "Bona, uswe twakashiya shoonse twakakuchilila. Nchiiyi ninzho nchitukazhokelwa?"²⁸Jeso wakaamba kwabo ati, "Chini chini ndamushimwina, mumusela wezu lelyo Mwanaa Muntu naakakakala achuuna chabulemu, umwe numwakanchilila amwe mulakakala ashuuna shili ikumi ushobile, kubeteka mishobo ili ikumi uyobile yaba Izilayeli.²⁹Wezo woonse wakashiya maanda, banina balombwana, banina bakaintu, baushi,baina na inshi ukaambo kezhina lyangu ulakatambula shiindi shili mwaanda mubunji amana u kukona bumi butamana. ³⁰Pele banji banji baakuli bataanzhi balakaba kumamanino, u bamamanino balakaba bataanzhi.

¹Kaambo bwami bwakwizeulu buli ukoya muntu ukwete muunda uwakaya chifwumo fwumo kulanga basebezhi bamu muunda wakwe. ²Naakamana kuteelezhanya u basebezhi ku denali lyomwi a buzuba, wakaba tuma mumuunda wakwe.³Wakaya alimwi kwiwoola lyatatu waya wabona alimwi basebezhi bamwi balizhimine bulyo mubusena bwa mushika. ⁴Wakaamba kwabo ati, Amwe noonse kamuya munjile mumuunda, amana ndamupa cheelele." Bakaya kusebeza.⁵Alimwi wakaya kuchiindi chewoola lya chisambomwi alimwi ukwiwoola lye fwuka, wakachita mbubona. ⁶Alimwi ukwiwoola lya lyekumi ukomwi wakaya kuyana u bamwi balizhimine bulyo. Waamba kwabo ati, 'Nkaambooyi mulizhimine awa buzuba boonse?' ⁷"Bakaamba kwakwe ati, 'kaambo kakuti kwiina watupa mulimo." Wakaamba kwabo ati, 'Amwe kamuya mumuunda.'⁸Lelyo nikwakaba kumangolezha, mukamwini muunda waketa mulangilizhi wakwe, 'wompolola basebezhi boonse wamana ubalipile bulumbu bwabo. Kutalikila kuli wamamanino kushikila kumutaanzhi.' ⁹"Lelyo basebezhi bakanjizhiwa kwiwoola lyekumi u komwi nibakashika, umwi uumwi wakatambula idenali. ¹⁰Awo basebezhi bataanzhi nibakashika, kabatelayika kwaamba ati ambweni balatambula chibaala, pele abo bakatambula uumwi idenali lyoomwi.¹¹Lelyo nibakatambula bulumbu bwabo, bakatongauka kumukamwini muunda. ¹²Bakaamba ati, Baba basbezhi bamamanino basebeza bulyo iwoola lyomwi a mulimo, pele uwe wabaingainya aswe, uswe intwabweza chilema buzuba boonse u kubalwa lumwi.'¹³Pele mukamwini wakayingula kuli womwi wabo waamba ati, 'Mweenzuma, Kwiina chindakubishizha. Sa tuhwuminina ume ku denali lyomwi? ¹⁴Bweza checho chako uukuya.Ume ndasala kupa baba basebezhi bashaalila chikozhene uchenu.¹⁵Sa tachili mumulawo ume kuchita mbubona buli mbwinzanda kushintu shangu? Na mwafwa munyono kaambo kakuti Ume ndikabotu?' ¹⁶U bobo mushaalizhi ulakaba mutaanzhi, aze mutaanzhi kumamanino."¹⁷Lelyo Jeso naakakuya ku Jelusalemu, wakatola bashichiiya bali ikumi u bobile amabali, nibakakuya wakaamba kwabo ati, ¹⁸"Amubone, tulaya ku Jelusalemu, Mwanaa Muntu ulakapewa kuba bapayizhi bakando u balembi. Balakamubisha bisha kwaamba afwe. ¹⁹Amana balakamwaaba kubahwa mashi kwaamba bakamusaalizhe, u kumuuma, alimwi u kumubambula. Pele kubuzuba bwatatu u lakabushiwa."²⁰Ngoonaawo nokwabo bana beembezhi baka Zebede wakaya kwa Jeso u banakwe. Wakamukotamina u kumukumbila chintu chimwi kuhwa kwakwe. ²¹Jeso wakaamba kwakwe ati, "Nchiinzhi nchuuzanda kwaamba nkuchitile?" Wakaamba kwakwe ati, "Shimwina baba bana beembezhi bobile bakale, umwi kwitashi lyako lyalulyo, alimwi umwi kwitashi lyako lyaku chimonsho, mubwami bwako."²²Pele Jeso wakayingula waamba ati, "Tuchizhi checho nchuukumbila. Sa ulakonzha kunwa ku nkapu yezho njinzanda kunwa?"Bakamwambila ati, "tulakonzha." ²³Wakaamba kwabo ati, "Ku nkapu yangu nchobeni mulanwa. Pele kukala kwitashi lyangu lyalulyo alimwi u kwitashi lyangu lya chimonsho indime iimpa, Pele nchababo balo babambilile kuhwa kwa Taata." ²⁴Lelyo bamwi bashichiiya bali ikumi nibakateelela chechi, bakalema kubabunina bobile baba.²⁵Pele Jeso wakaboompolola lwakwe mwini waamba ati, "Mulizhi kwaamba ati baleli babahwa mashi balabalyatilila, alimwi bantu beni beni babo balikwete insana aali mbabo. ²⁶Pele tacheelele kuba bobo akati kenu. Ubobo woonse uuzanda kuba mukando akati kenu ulyeezhi kuba mutwanga wenu, ²⁷Alimwi woonse uuzanda kuba mutaanzhi akati kenu ulyeelele kuba mutwanga wenu, ²⁸ukoya Mwanaa Muntu mbwaatakezhiza kusebezelwa, pele kwiza kusebeza, alimwi kwiza kupa bumi bwakwe kuba chinunuzho kubanji banji."²⁹Nibakakuhwa ku Jeliko, inkamu inkando yakamuchilila. ³⁰Kakuli balombwana bobile boofwu bakaakushite kumabali aanzhila.lelyo nibakateelela ati Jeso ulayita nkubaakushite, bakapozomoka, "Mwami, Mwanakwe Devidi, tufwile luse." ³¹Imbunga yakabalemanina, kubaambila ati baliinze, pele bakabaazha kupozomokesha, "Mwami, Mwanakwe Devidi, tufwile luse."³²Ngoonaawo Jeso wakazhima u kwaamba kwabo waamba ati,"Nchiiyi nchimunzanda kwaamba muchitile?" ³³Bakaamba kwakwe ati, "Mwami, kwaamba menso esu ayalulwe." ³⁴Awo Jeso , mbwaakafwa inkumbu, wakakwata menso abo. Kufwambaana bakatalika kubona bamane bakamuchilila.

¹Awo Jeso u bashichiiya bakwe nibakashika kufwaafwi ku Jelusalemu bakaya ku Betifegi, kulupili lwa Olivi, Jeso wakatuma bashichiiya bobile, ²waamba kwabo ati, "Kamuya mumunzhi uli ambele, amana chakufwambaana mulakayana imbongolo ilyaangilwe, ili u moombe wambongolo. Amukabaangulule mukabalete kono kwangu. ³Naakuti kuli umwi uti a kaambe kwenu kuli chechi, mukaambe ati, 'Mwami ulashizanda,' amana wezo muntu chakufwambaana u lakamupa nshisho."⁴Inzho chechi chakachitika kuzuzukizha checho chakaambwa kwiita mushinshimi, kwaamba ati, ⁵Ambila mwana mushimbi wa Ziyoni, 'Langa, Mwami wako ulazhiza kwako,mubonhwu monzo ulilizile ambongolo---a mwana wambongolo, muzhale kumbongolo.'''⁶Awo bashichiiya bakaya kuchita mbubona Jeso mbwaakabalayilila. ⁷Bakayileta imbongolo u mwanayo bamane babika shikobelo shabo sheezeulu ali shisho, amane Jeso wakakala a shikobelo shesho. ⁸Banji banji bambunga bakazala shikobelo shabo munzhila, alimwi bamwi bakakosaula mitabi ya shisamu bamane bashizala munzhila.⁹Awo mabunga mabunga a babo bakaakuli kumbele kwa Jeso amana u babo bakaakumuchilile kabaya busaba, ''Hosana ku mwanakwe Devidi! Mulonjezhe nguwezo walo uzhiza mwizhina lya Mwami! Hosana mwizeulusha!" ¹⁰Lelyo Jeso naakanjila mu Jelusalemu, woonse munzhi mukando wakazungaana bamane baamba ati, "Nguni wezu?" ¹¹Mabunga mabunga a kayingula baamba ati, "Wezu ngu Jeso mupolofita waku Nazaleta wamu Galili."¹²Amane Jeso wakanjila muchikombelo. Wakatanda boonse babo baakuula u kuuzha muchikombelo, wakaapindamuna matebulu a bashikuchincha mali u shuuna shabo babo baakuuzha inkwilimba. ¹³Wakaamba kwabo ati, "Kulilembelwe, 'Ing'anda yangu ilakatewa ati ning'anda yakukombela,' pele umwe mweechita kuba busena bwa batewu." ¹⁴Inzho boofwu u balema bakazhiza kwakwe muchikombelo, amane wakabaponya.¹⁵Pele lelyo bapayizhi bakando u balembi nibakabona shintu shibotu shesho nshaakachita, alimwi lelyo nibakateelela bana balapozomoka muchikombelo balaamba ati, "Hosana ku mwanakwe Devidi," bakabaalisha kulemana. ¹⁶Bakaamba kwakwe ati, "Saa wateelela shesho nshibaamba?" Jeso wakaamba kwabo ati, "Ee ee! Pele saa mwiina nimwakabala, 'Kuhwa mumilomo ya bana bashoonto u balela bana bakalibambila kutembaula'?" ¹⁷Amane Jeso wakabashiya wamuhwa mumunzhi mukando waya ku Betani koko nkwaakaya koona.¹⁸Inzho chifwumo fwumo awo nakabweela mumunzhi mukando, kafwile inzala. ¹⁹Naakabona isamu lya mukuzu kufwaafwi kunzhila, wakaya ko waya kuyana kwiina chilimo chita bulyo matuhwu. Wakaamba kwikuzu ati, "Kutakabi linji muchelo kuhwa kwako alimwi," Chakufwambaana ikuzu lyakakusa.²⁰Awo bashichiiya nibakachibona checho, bakazhingwa bamane baamba ati, "Anu leli isamu lya mukuzu lyazuma buti chakufwambaana?" ²¹Jeso wakayingula wakaamba nkubale ati, "Chini chini ndaamba kwenu, kuti waakukwete lushomo alimwi tuzuluzha, tukozha kuchita bulyo chechi chachitika kwikuzu leli pe, pele ulakozha kwaamba kulupili lolu, 'Ahwe awa alimwi u kulufwusa mulwaatele,' chamana chilakachitika. ²²Kufwumbwa checho nchuukakakumbila kwiita mukukomba, u kushoma, ulakatambula."²³Awo Jeso naakanjila muchikombelo, bapayizhi bakando alimwi u bakando kando ba bantu bakazhiza kwakwe awo naakaakuyiisha bamane baamba ati, "Munsana shakani muuchitila shintu sheshi, alimwi nguni wakakupa insana sheshi?" ²⁴Jeso wakayingula waamba nkubabele ati, "Ame ndamubuzha mbubona mubuzho womwi. Kuti munshimwine, Ame ndamushimwina muhwa insana shesho nshichisha shintu sheshi.²⁵Lupapatizo lwaka Johani---lwakahwilakwi? Lakahwila kwizeulu naa ku bantu?" Bakahwiya hwiya lwabo beni, baamba ati, "Kuti twaambe ati, 'Lwakahwa kwizeulu,' ulaamba kwesu ati, 'Kaambooyi tamushomi mwakwe?' ²⁶Pele alimwi twaamba ati, 'Kuhwa ku bantu,' tulatiya mabunga mabunga, kaambo boonse balimubwene Johani kwaamba mupolofita." ²⁷Ngoonaawo bakamwiingula Jeso baamba ati, "Tatuchizhi." Aze wakaamba nkubabele ati, "Ame mbubona nshimushimwini kuhwila insana nshinchisha shintu sheshi.²⁸Inzho mutelaika buti? Mulombwana kakwete bana bobile. wakaya kumutaanzhi waamba ati, 'Mwanangu, koya bwasunu u sebeze mumuunda.' ²⁹"Mwana wakayingula waamba ati, 'Ume ndiina,' pele kwiite kaindi wakachincha muzeezo wakaya. ³⁰"Amane awo mulombwana wakaya ku mwanakwe wabili waamba chintu chikozhene nchichona. Wakayingula waamba ati, 'Ndaya, Mwami,' pele wiina naakaya.³¹Nguuliye a bana baba bobile wakachita chizanda baushi?" Bakaamba ati, "Wezo mutaanzhi." Jeso wakaamba kwabo ati, "Chini chini Ume ndamushimwina, bashimutelo alimwi u bahwuule balakanjila mubwami bwaka Leza kutali umwe. ³²Johani wakazhiza kwenu munzhila ya bululami, pele mwiina nimwakamushoma. Pele bashimutelo alimwi u bahwuule bakamushoma. Pele umwe, nikuba kuti mwakabona chechi, mwiina nimwakasanduka nikuba kumushoma.³³"Amupupulale alimwi ku kaambyo kamwi. Kakuli mulombwana, waakukwete inshi, Wakashanga muunda, wakazhingulusha lwiingo, wakasha chilindi chakushinina waini, wakazaka busanza bulafwu, amane wakaupa kubashikulima balipila mali bamana kulima. Amane wakaya muchishi chimwi. ³⁴Lelyo chiindi nichakashika chakutebula michelo, wakatuma bamwi basebezhi kubalimi ba vaini kuya kubweza michelo yakwe.³⁵Pele baba balimi ba vaini bakamubweza umwi musebezhi, bamuuma umwi,umwi bakamuyaya, alimwi umwi bakamuyasa mabwe. ³⁶Alimwi, mukamwini wakatuma basebezhi bamwi, kubaala bataanzhi, pele alimwi balimi ba vaini bakabachita mbubona munzhila yomwi njiyona. ³⁷Kumane awo, mukamwini wakatuma mwanakwe mwini nkubabele, waamba ati, 'balakamulemeka mwanangu.'³⁸"Awo balimi ba vaini nibakamubona mwana, bakaamba akati kabo beni, 'Wezu nguushimulyazhina. Kamwiza, atumuyaye twamana tushibweze shoonse shalukono.' ³⁹Ngoona bakamubweza, bakamusowela kunze kumuunda bamane bakamuyaya.⁴⁰Inzho lelyo mukamwini muunda akazhiza, ulakabachita buti babo balimi ba vaini?" ⁴¹Bakaamba kwabo ati, "Ulakabazonauna chibiyabi babo bantu batali kabotu, amana ulakapa muunda ku balimi ba vaini banji, ulakapa bamwi balombwana babo mbubaya kwaabana abo shishango kuchiindi chakutebula."⁴²Jeso wakaamba kwabo ati, "Saa mwiina nimwakabala mumalembe, 'Ibwe lelyo ndibakasowa bazashi lyakaba ndiibwe lya chooko chang'anda. Chechi chakahwa ku Mwami,alimwi nchibotusha mumenso esu'?⁴³U bobo Ume ndaamba kwenu ati, bwami bwaka Leza bulakakushiwa nkumubele bwamana bulakapewa kuchishi checho chikusha michelo yacho. ⁴⁴Kufwumbwa wezo uuya kuwila ebwe leli ulakakombauka mushipanzha panzha. Pele kuli wezo nguchikakawila ulakashanauka."⁴⁵Awo bapayizhi bakando alimwi u ba falisi nibakateelela twaambyo twakwe, bakateelelesha kwaamba kaamba mbabo. ⁴⁶Kukapula kwaamba bamukwate, bakafwa bukandu kuli bambunga, kaambo bantu kabamubikile walo kwaamba kali mushinshimi

¹Jeso wakaamba alimwi kwabo mutwaambyo, waamba ati, ²"Bwami bwakwizeulu buli ukoya mwami umwi wakabamba shakulya shakutwala kwa mwanakwe. ³Wakatuma basebezhi bakwe kuya koompolola babo bakaakuli batambe kwaamba bazhize kushakulya shalutwalo, pele baina nibakazhiza.⁴Alimwi mwami wakatuma bamwi basebezhi , waamba ati, 'Amubashimwine babo batambe, "Amubone, Ume ndabamba chakulya. Musune wangu alimwi ing'ombe shayayiwa, alimwi u shintu shoonse shabambwa kale. A bazhize kushakulya shabwinga.'''⁵Pele baina nibakachikwatisha bamane bakaya, umwi kumuunda wakwe, alimwi umwi kuli chakuchita chakwe. ⁶Bamwi bakakwata basebezhi bamwami, bakabapenzha chakubula insoni, bamane bakabayaya. ⁷Mwami wakalemana, amane wakatuma bashilikani bakwe bakaya kubazonauna babo bayazhi u kutenta minzhi yabo mikando.⁸Amane wakaamba kubasebezhi bakwe ati, 'Bwinga buli bambilwe kale, pele babo bakaakuli batambe baina linji bulemu. ⁹Uninzho kamuya mumampanda a mikwakwa muye moompolole bantu banji banji kukulya kwalutwalo lolu babo mbumukonzha kuya kuyana. ¹⁰Basebezhi bakaya mumazhila bakoobolola boonse bantu mbubakayana, babiyabi u babotu. ubobo ing'anda yabwinga yakazula u beenzu.¹¹Pele lelyo mwami naakanjila mukati kuya kubona beenzu, wakabona umwi mulombwana wezo watakaakusamine shikobelo shitali shabwinga. ¹²Mwami wakaamba kwakwe ati, 'Mweenzuma, anu wanjila buti mukati mono bwiina shikobelo shabwinga?' Pele wezo mulombwana wakabula chakwaamba.¹³Amane mwami wakaamba kubasebezhi ati, 'Amumwaange wezu mulombwana kumatashi u kumatende, mwamana mumusowele ansengwe a shiya mbi, koko kuti kukaakuli kulila alimwi u kulumanya meno.' ¹⁴Kaambo bantu banji banji bakoompololwa, pele basale mbashoonto."¹⁵Ngoonaawo ba Falisi bakaya kubamba muzeezo mbubati bamukwashe Jeso mukwaamba kwakwe mwini. ¹⁶Awo bakatuma kwakwe bashichiiya babo, antoomwi u babo baka Helodi. Bakaamba kwa Jeso ati, "Mwiiyi, tulizhi kwaamba ndiwe wa bwini, alimwi ulayiisha inzhila sha Leza mubwini. Tulanganya nuuba muzeezo wa umwi, alimwi tutondezha lwaandaano kuhwa kumuntu umwi umwi. ¹⁷Inzho twaambile, ulatelaika buti? Saa chili mumulawo kupa mutelo kwa Kayiza naa pe pe?"¹⁸Pele Jeso wakazhiba bubiyabi bwabo amane waamba ati, "Kaambooyi umwe mulansunka, umwe nubashikoopoopa a menso? ¹⁹Amuntondezhe ipeni ndimutela." Ngoona bakaleta idenali kwakwe.²⁰Jeso wakaamba kwabo ati, "Nguni uuli chifwanikisho alimwi u mazhina aza?" ²¹Bakaamba kwakwe ati, "Ndyaka Kayisala." Amane Jeso wakaamba kwabo ati, "Amupe Kayisala shintu shaka Kayisala, alimwi mupe Leza shintu shaka Leza." ²²Nibakateelela chechi, bakazhingwa. Bamane bakamushiya bakaya.²³Mubuzuba bobo mbubona bamwi ba Saduki, babo baakwaamba ati kwiina bubuke, bakaya kwakwe. Bakamubuzha, ²⁴baamba ati, "Mwiiyi, Mozesi wakaamba ati, 'Nakuti muntu wafwa, bwiina bana, munina ulyeelele kumutwala mwinakwe kwaamba azhalile bana munina.'²⁵Kabali balombwana chiloba babunina. Mwana mukando katwele amane wakafwa. Kutakwata mwana, wakashiya mwinakwe kumunina. ²⁶Aze munina wabili wakachita chintu nchichona, kumane u watatu, mpaka boonse kushika kuli wachiloba munina. ²⁷Nibakamana boonse, aze mukaintu wakafwa. ²⁸Inzho kububuke, Ulakaba mukaintu wakani kubalombwana baba babunina bali chiloba? Kaambo boonse kabamutwele."²⁹Pele Jeso wakayingula amane waamba kwabo ati, "Muli lubizhizhe kaambo tamweezhi malembe naaba insana shaka Leza. ³⁰Kaambo kububuke kwiina batwala nikuba kutwazha. U bobo bali ukoya baangelo kwizeulu.³¹Pele kuli shabubuke kuli bakafwa, saa mwiina nimwakabala checho chakaambwa kuli umwe kuhwa kwa Leza, kwaamba ati, ³²Ume ndime Leza waka Abulahamu, Leza waka Iyizeki, alimwi Leza waka Jakobo'? Leza tali Leza wabafwu, pele wababo bakwete bumi." ³³Lelyo mabunga mabunga naakateelela chechi, bakazhingwa maningi kubuyiishe bwakwe.³⁴Pele lelyo ba Falisi nibakateelela kwaamba Jeso wabapa kubula chakwaamba ba Saduki, bakabungana lwabo beni antoomwi. ³⁵Umwi wabo, wakaakuubwene kabotu kabotu mulawo, wakamubuzha mubuzho, kuzanda kumusunka--- ³⁶"Mwiiyi, Nguuliye mulawo mukando mumilwawo?"³⁷Jeso wakaamba kwabo ati, '''Fwuna Mwami Leza wako u monzo wako woonse, u moza wako woonse, alimwi u muzeezo wako woonse.' ³⁸Wezu ngumukandosha alimwi ngu mulawo mutaanzhi.³⁹Alimwi mulawo wabili uli ukoya wezu---'Fwuna shimukobonoko umbona mbuulifwini umwini.' ⁴⁰A milawo yezhi yobile ngaazhimine yoonse milawo alimwi u bashinshimi."⁴¹Awo lelyo ba Falisi nibakaakuchili antoomwi, Jeso wakabuzha mubuzho. ⁴²Wakaamba ati, "Mulatelaika buti aaka Kilisito? Anu mwanakwe ni?" Bakaamba kwakwe ati, "Mwanakwe Devidi."⁴³Jeso wakaamba kwabo ati, "Nombuti alimwi Devidi mumoza kamwita ati Mwami, kaamba ati, ⁴⁴Mwami wakaamba ku Mwami wangu ati, "Kala kululyo lyangu, mpaka mbabike bashinkondonoko kumatende ako'''?⁴⁵Naakuti Devidi ulamwita Kilisito 'Mwami,' No ulaba buti mwanakwe Devidi?" ⁴⁶Kwakabula naaba womwi u mwiingula niliba izwi, alimwi kwiina mulombwana wakalozha kumubuzha nikuba mubuzho kuhwa kubuzuba bobo.

¹Ngoonaawo Jeso wakabandika u mabunga mabunga alimwi u bashichiiya bakwe. ²Wakaamba ati, "Balembi alimwi uba Falisi balakala a chuuna chaka Mozesi. ³U bobo kufwumbwa checho nchibakamushimwina kuchita, amushichite shintu shesho alimwi u kubalangilila. Pele mutabi nimuchita mbuli michito yabo, kaambo balaamba shintu pele balo tabashichiti.⁴Ee ye, balaanga shilema shesho shitalozhewa kubweza, bamana bobo balashibika a mafwunzhi a bantu bamwi. Pele balo beni kabateenzha nuuba munwe kubwezha shesho. ⁵Balachita yoonse michito yabo kwaamba babonwe ku bantu. Kaambo balakomenya masani abo, alimwi balakomenya kweela u shikobelo shabo.⁶Balazandisha mumasena azo ngubalemekwa kumisobano alimwi u shuuna shabakando kando muma sinagogi, ⁷alimwi u kwaanzhiwa kwabulemu mu mamaaketi, alimwi u kutewa ati 'Labi' kuhwa ku bantu.⁸Pele tweelele kutewa ati Labi,' kaambo ulikwete bulyo mwiiyi womwi, alimwi noonse muli babunina. ⁹Amana u tabanda muntu ano anshi ati nguuso, kaambo mulikwete uswenu womwi bulyo, amana walo uli kwizeulu. ¹⁰Alimwi mutabi nimutewa ati 'mwiiyi,' kaambo mulikwete bulyo mwiiyi womwi, Kilisito.¹¹Pele wezo woonse uzanda bukando akati kenu ulyeelele kuba musebezhi wenu. ¹²Wezo woonse ulisumpula lwakwe mwini ulakafwinshiwa, alimwi kufwumbwa wezo u lifwiinsha lwakwe mwini u lakasumpulwa.¹³Pele mawe kuli umwe, nubalembi alimwi uba Falisi, bashikoopoopa amenso! Mulashinkila bantu mubwami bwakwizeulu. Kaambo umwe mwiina lwenu nubeni nimuyanjila mo, alimwi mwiina nimuhwuminya babo kuti bakeenjile, ¹⁴¹⁵Mawe kuli umwe, nubalembi amwe nuba Falisi, nubashikoopoopa amenso! Kaambo mulaya kumashi amwi kuya kuchincha bulyo chintu chomwi, amana lelyo chaba chomwi, mulamuchita kobile ukoya mwana uya mumulilo ukoya umwe.¹⁶Mawe kuli umwe, umwe numusololela muboofwu, umwe numwaamba ati, 'Woonse wezo ulipinga a chikombelo, kwiina mbuchibele. Pele woonse wezo ulipinga ku golida ya muchikombelo, ulyaangilwe kukulipinga kwakwe.' ¹⁷Umwe nuboofwu balimbushi! Nchichiliye chikandosha, ingolida naa chikombelo checho chibamba ingolida kusalala?¹⁸Alimwi, 'Kufwumbwa wezo ulipinga ku chikambaukilo, kwiina mbuchibele. Pele kufwumbwa wezo ulipinga kuchipo checho chili a chikambaukilo, ulyaangilwe kukulipinga kwakwe.' ¹⁹Umwe nubantu boofwu! nchichiliye chikandosha, nchipo naa chikambaukilo checho chibamba chipo kusalala?²⁰U bobo, kufwumbwa wezo ulipinga ku chikambaukilo ati walipinga aali chicho alimwi u shesho shoonse shiliwo. ²¹Wezo walo ulipinga ku chikombelo ati walipinga aali nchicho alimwi u wezo u pona mumo. ²²Alimwi u wezo ulipinga mwizeulu ulalipinga ku chuuna cha Leza alimwi u kuli wezo u kala ngawo.²³Mawe kuli umwe nubalembi amwe nuba Falisi, nubashikoopoopa a menso! Mulapa che kumi shibotu shili ukoya minti, dili alimwi u kamini, Pele mwashiya twaambo tulemu twa mulawo---bwini, luse alimwi u bushomeshi. Pele sheshi nshimwaakweezhi kuchita kubaala kushiya shimwi. ²⁴Umwe nimusololela muboofwu, Umwe nimunanga u tushoonto shoonto pele mulachita bubi ukoya nuumumina inkamela ashoonto shoonto!²⁵Mawe kuli umwe, nu balembi amwe nuba Falisi, nubashikoopoopa a menso! Umwe nimusalazha inkapu ansengwe alimwi u mitiba, pele mukati mulizwile butewu alimwi u bushikalifwune. ²⁶Umwe nuba Falisi boofwu! A musalazhe kutaanguna inkapu mukati alimwi u mitiba, kwaamba ansengwe shuukusalala awo.²⁷Mawe kuli umwe, nubalembi amwe nuba Falisi, nubashikoopoopa a menso! kaambo umwe muli ukoya chuumbwe chipente chituba, checho ansengwe chilibonya kabotu, pele mukati muli shifwuwa sha bantu bafwu alimwi u shintu shitasalali. ²⁸Munzhila yezhi njiyona, mulalibonya kuba baluleme ku bantu, pele mukati mulizwile bushikoopoopa a menso alimwi u kuchita shitali mumulawo.²⁹Mawe kuli umwe, nu balembi amwe nuba Falisi, nubashikoopoopa a menso! Umwe mulazaka shuumbwe shabashinshimi u kushibosha bosha shuumbwe shabalulami. ³⁰Mulaamba ati, 'Kuti nitwakapona kumazuba a maushesu, nitwatakaakuli antoomwi u babo bakatila bulowa bwabashinshimi.' ³¹U bobo mulalyaamba nubeni kwaamba muli bana bababo bakayaya bashinshimi.³²U bobo amwe muli mumona munzhila yomwi ya maushenu. ³³Umwe nubazoka, umwe nu bana bachipile, mulakafwutuka buti kuhwa kububeteshi bwa mwilambwe lya mulilo?³⁴U bobo, bona, Ume ndakamutumina bashinshimi, balombwana basongo alimwi u balembi. Bamwi mulakabayaya u kubakankamina, alimwi mulakaba kwipaula muma sinagogi enu mulakabatandaanya kuhwa mumunzhi mukando kuya mumunzhi mukando. ³⁵U chakayanwa nchakuti aali umwe alakahwa boonse bulowa bwa balulami bobo bwakatika ano anshi, kuhwila kubulowa bwa mululami Abele, ku bulowa bwaka Zakaliya mwanakwe Belekiya, wezo ngumwakayaya akati kabusena busalala u chikambaukilo. ³⁶Chini chini ndaamba kwenu, shintu sheshi shoonse shilakaba mumusela wezu.³⁷"Jelusalemu, Jelusalemu, umwe nimuyaya bashinshimi alimwi u kuyasa mabwe babo batumwa kwenu! Kuli kongaye ume kundakazanda kubungika banenu antoomwi, mbubona inkuku mbwiibungika banayo mumababa, pele umwe kamutazanda! ³⁸A mubone, ing'anda yenu yakashaala kwiina u kala mumo. ³⁹U bobo ndaamba kwenu ati, Mwiina nimukakambona linji kuhwa ninzho mpaka mukaambe ati, 'Mulonjezhe wezo uzhiza mwizhina lya Mwami.'''

¹Jeso wakamuhwa muchikombelo amane wakaya kwakwe mwini. Bashichiiya bakwe bakazhiza kwakwe kwaamba bamutondezhe buzake bwachikombelo. ²Pele wakayingula wakaamba kwabo ati, "Saa tamushibwene shintu sheshi shoonse? Chini chini ndamushimwina, kwiina ibwe likakashaala ebwe nina lelyo litakakaanduka."³Lelyo naakakala Alupili lwa Oliva, bashichiiya bakazhiza kwakwe kumabali bamane baamba ati, "Tushimwine, ndililiye sheshi shintu nishiya kuchitika? Chitondezhooyi checho chiyakuba kubuzhoke bwako alimwi u mamanino a musela?" ⁴Jeso wakayingula amane waamba kwabo ati, "Amuchenjele kutabi naaba womwi u mukusha munzhila. ⁵U kuti banji banji balakazhiza mwizhina lyangu. Balakaamba ati, Ume ndime Kilisito,' alimwi balakasowa banji banji.⁶Mulakateelela a nkondo alimwi u twaambo twankondo. Mukabone kwaamba mutakapengi, u kuti shintu sheshi shilyeelele kuchitika; pele mamanino ati taana kushika. ⁷Kaambo chishi chilakalwa u chishi nina, alimwi bwami u bwami nina. Kulakaakuli inzala u kuzhangama kwanshi mumasena ashiyene shiyene. ⁸Pele shoonse shintu sheshi alaakuli bulyo matalikilo ukoya mishika yakutumbuka.⁹Bamana balakamutola kukupenzhiwa alimwi u kuyayiwa. Mulakasulwa kuli bamashi boonse kaambo kezhina lyangu. ¹⁰Bamwi balakazhokela munshi, alimwi u kwaaba umwi u mweenzhiina alimwi u kusula umwi u mweenzhiina. ¹¹Bashinshimi babeshi banji banji balakashika kwiza kusowa banji banji.¹²Kaambo kutatobela mulawo kulakaya ambele, luzando lwabo banji banji lulakatontola. ¹³Pele wezo u kalilila kushika kumamanino ulakafwutulwa. ¹⁴Wezu mulumbe mubotu wabwami ulakakambaukwa inshi yoonse bukabe bumboni kumashi woonse. Amana mamanino alakashika.¹⁵"Ngoonaawo, mwakabona shitonda shaba atuba, shesho shakabandikwa u mushinshimi Daniyeli, kazhimine mubusena busalala" (uu bala naateeleleshe), ¹⁶"U bali mu Judeya a balukankile mumapili, ¹⁷Wezo uuli alululi lwang'anda ataseluka anshi kwiza kubweza chintu mung'anda yakwe, ¹⁸alimwi wezo uuli mumuunda atakazhoka kwiza kubweza ikoti lyakwe.¹⁹Pele mawe kuli babo bamishi alimwi kuli babo banonsha bana bashoonto kumazuba azo! ²⁰Amukombe kwaamba kubwezwa kwenu kutakabi mweto naa muchibelu. ²¹U kuti kulakaba mapenzhi makando, azo aa tanabele kuhwa kumakankilo kwanshi kushikila ninzho, pe, nikuba kuya kuchitika alimwi. ²²Chita kuti mazuba azo a kafwiinshiwe, kwiina naaba womwi uyakufwutuka. Pele kaambo kababo basale mazuba azo alakafwiinshiwa.²³Naakuti umwi waamba kwako ati, 'Bona, nguweno Kilisito!' naa, 'Nguwelya Kilisito!' mutakachishomi. ²⁴Kaambo ba Kilisito babeshi alimwi u bashinshimi babeshi balakashika kwiza kutondezha alimwi ushizoosha, kwaamba mukamuhwe munzhila, chaakuhwumina, nibaba basale. ²⁵Amubone, Ume ndamushimwinina limwi kachitana kushika chiindi.²⁶U bobo, naakuti baamba kwenu ati, 'Bona, uli mulukula,' mutabi nimuya mulukula. Naaba, 'Amubone, uli mung'anda,' mutakachishomi. ²⁷U kuti lulabo lulakamweka kuhwa kwiwe kutuba kuya kumbo, mbubona bobo mbwaakakazhiza Mwana a Muntu. ²⁸Kufwumbwa kuli munyama ufwile, u bashikube nkubabungana.²⁹"Pele chakufwambaana a kamana mapenzhi kumazuba azo izuba lilakashiya, mwezhi tookapi mumuni, intongwezhi shilakawa kuhwa mwizeulu, alimwi insana shamazeulu shilakazungaana.³⁰Ngoonaawo chitondezho cha Mwanaa Muntu chilakabulika mwizeulu, amana mishobo yoonse yaanshi ano ilakalila. Balakamubona Mwanaa Muntu a makumbi aa mwizeulu insana alimwi u bulemu bukando. ³¹Ulakatuma baangelo bakwe u mukunga wampeta, balakabungika antoomwi basale bakwe kuhwa ku myoza yone, kuhwa kweela izeulu kuya kuli limwi.³²Amwiiye chiiyo kuhwa kwisamu lyekuzu. Ndilyona ulyona mitabi yatalika kukwata lutuhwu lupiya ukukusha alya matuhwu akale kale, muzhibe ati chilimo chili afwaafwi. ³³Mbubona bobo, mwakabona shintu sheshi shoonse, mulyeelele kuzhiba kwaamba ati uli afwaafwi, kumanjililo.³⁴Chini chini ndamushimwina, wezu musela tookamana chita sheshi shintu shoonse shikachitike. ³⁵Izeulu alimwi inshi shilakamana, pele mazwi angu ayina naati akamane³⁶Pele chaamba buzuba alimwi u chiindi kwiina naaba womwi u chizhi, nikuba baangelo bakwizeulu, nikuba Mwana, pele chita bulyo Taata iche.³⁷Mbubona mbukwakaakubele kumazuba aka Nowa, mbukukakaba u kuzhiza kwa Mwana Muntu. ³⁸Kaambo kumazuba azo kakutana kuzula meenzhi bakaakulya alimwi u kunwa, kutwala alimwi u kutwazha mpaka kubuzuba bwaka Nowa nibakanjila mubwato, ³⁹kakwiina nchibakaakwizhi kumakani a kuzula kwa meenzhi chita meenzhi naakabatola boonse---mbubona bobo mbuchikakaba kukuzhiza kwa Mwanaa Muntu.⁴⁰Awo balombwana bobile balakaakuli mumuunda---womwi ulakabwezwa, alimwi womwi ulakashaala. ⁴¹Bakaintu bobile balakaakuzhiya a munchini---umwi ulakabwezwa, alimwi umwi ulakashaala. ⁴²U bobo amuchenjele, u kuti tamubwizhi buzuba Mwami wenu naaya kushika.⁴³Pele amuzhibe chechi, kwaamba kuti mukamwini ing'anda naakakwizhi chiindi chamashiku mutewu naakazhiza, naamulindila kwaamba amubone alimwi naataleka kwaamba ing'anda yakwe kuti iyayiwe. ⁴⁴U bobo amwe mulyeelele kulibambila, kaambo Mwanaa Muntu ulakazhiza kwiwoola lelyo ndimutalibambile.⁴⁵"Unizho nguuliye mushomeshi alimwi musebezhi musongo wezo shimatwangaakwe ngwaabika mung'anda yakwe kwaamba akubapa chakulya chabo achiindi cheelele? ⁴⁶Mulongezhe wezo musebezhi walo shimatwangaakwe ngwaati akayane kuli nchaachita lelyo naayakuzhoka. ⁴⁷Chini chini Ume ndamushimwina mukamwini ing'anda ulakamubika kubona shintu shoonse shakwe.⁴⁸Pele naakuti musebezhi mubiyabi waamba mumonzo wakwe ati, 'Shimatwangaangu wachelwa,' ⁴⁹amana watalika kuuma basebezhinina, kulya u kunwa u bachakolwanina, ⁵⁰amana shimatwangaakwe wezo musebezhi ulazhoka buzuba mbwaatezhi wezo musebezhi alimwi iwoola ndyaatezhi. ⁵¹U shimatwangaakwe ulakamukosaula shipazha pazha u kumutola kubusena bumwi antoomwi u bashikoopoopa a menso, koko kukakaba kulila u kulumanya meno

¹"U kuti bwami bwakwizeulu bulakaakuli ukoya banakalindu bali ikumi bakabweza malambe abo amane baya kuyanana u shibwiinga. ²Bosanwe kabali balimbushi alimwi bamwi bosanwe kabali basongo. ³Awo banakalindu balimbushi nibakabweza malambe abo, baina nibakabweza mafwuta amwi. ⁴Pele banakalindu basongo bakabweza amwi mafwuta u malambe abo.⁵Inzho lelyo shibwiinga naakachelwa kushika, boonse bakafwa tulo bamane bakoona. ⁶Pele akati kabushiku kwakaba kusaba, 'Amubone, shibwiinga! Amuhwe mumuchinge.'⁷Ngoonaawo boonse babo banakalindu bakabuka bakanka kuzasha malambe abo. ⁸Balimbushi bakaamba kubasongo baamba ati, 'Amutupe mafwuta amwi kaambo malambe esu a kalazhima.' ⁹"Pele basongo bakayingula baamba ati, 'U kuti kulaakwiina manji manji esu alimwi enu, amuye bulyo kuli balya basambala muye muule enu nubeni.'¹⁰Lelyo nibakaya kuya kuula, u shibwiinga wakashika, pele babo bakaakulibambile bakaya abo mushakulya shalutwalo, amana chitendele chakayalwa. ¹¹"Kumane banakalindu bamwi abo bakashika bamane baamba ati, 'Mwami, Mwami, tuyalulile.' ¹²"Pele wakayingula waamba ati, 'Chini chini ndaamba kwenu ati, Ume nshimwizhi.' ¹³U bobo amulangile, kaambo tamubwizhi buzuba niliba iwoola.¹⁴"Kaambo chili ukoya muntu uzanda kuya kuchishi chimwi. Wakoompolola basebezhi bakwe wabashiila kubona shintu shakwe. ¹⁵Kuli wababo umwi wakamupa matalenta osanwe, kuli umwi wakamupa obile, alimwi umwi wakamupa lyomwi italenta. Umwi umwi wakatambula mweelwe uu mweelele kwiingayina umbwaalozha, amane wezo mulombwana wakaya amushinzo wakwe. ¹⁶Wezo wakapewa matalenta osanwe wakaya ndilyona waasebezha amane wapangila wo amwi osanwe matalenta.¹⁷Munzhila yezho njiyona, welya wakabweza matalanta obile wakayanina wo amwi obile. ¹⁸Pele wezo musebezhi wakatambula lyomwi italenta wakaya, washa chilindi anshi, amane wasoseka mali a shimatwangaakwe.¹⁹Inzho nikwakaita chiindi chilafwu shimatwangaabo babo basebezhi wakazhoka amane wabamba shakubapa. ²⁰Musebezhi wezo wakapewa matalenta osanwe wakaya watola amwi osanwe matalenta. Waamba ati, 'Mwami, wakashiila matalenta osanwe. Bona, ndayana amwi matalenta osanwe.' ²¹"Shimatwangaakwe wakaamba kwakwe ati, 'Wachita kabotu,chabota u musebezhi u shomeka! wakashomeka atuntu tushoonto. Uninzho ndakubika kuba mulangilizhi ashintu shinji shinji. Njila mukubotelwa kwa shimatwangaako.'²²"Musebezhi wezo wakatambula matalenta obile wakashika waamba ati, 'Mwami, wakampa matalenta obile. Bona, ndayaninawo obile amwi.' ²³"Shimatwangaakwe wakaamba kwakwe ati, 'Wachita kabotu, chabota u musebezhi u shomeka! Wakashomeka ashintu shishoonto. Njila mukubotelwa kwa shimatwangaako.'²⁴"Musebezhi wezo wakatambula italenta lyomwi wakashika kwakwe waamba ati, 'Mwami, Ndizhi kwaamba ati uli muntu mukali. Ulatebula awo nguwatakashanga, alimwi ulatebula awo nguwatakamwaya. ²⁵Ndakatiya, u bobo ndakaya kulizobola italenta lyako anshi. Bona, ulikwete bulyo checho chako.'²⁶"Pele shimatwangaakwe wakayingula waamba kwakwe ati, 'Uwe u mukata musebezhi mibiyabi, waakwizhi kwaamba ndatebula awo ngwindatakashanga alimwi ati ndatebula awo ngwindatakamwaya. ²⁷U bobo waakweelele kupa mali angu kuli bashikuzobola, akuzhoka kwangu ume indakatambula changu alimwi ucheezeulu.²⁸U bobo a mumunange lelyo italenta kuhwa kwakwe mwamana mulipe kumusebezhi wezo ukwete matalenta ali ikumi. ²⁹Kaambo woonse wezo ukwete shinji shinji ulakapewa, amana ulakahwuzha. Pele kuli wezo walo uyina nchaakwete, alimwi uchecho nchaakwete ulakanangwa. ³⁰Amumuwaale musebezhi wiina bulemu mumushinze, mwalo muli kulila u kulumanya meno.'³¹"Awo Mwanaa Muntu akazhiza mubulemu bwakwe alimwi u baangelo bakwe boonse, amana aka kale a chuuna chakwe chabulemu. ³²Kumbele kwakwe kulakaakubungene mashi woonse, amana ulakaandaanya bantu kuhwa kuli umwi, mbubona mweembezhi mbwaandaanya imbelele kuhwa kumpongo. ³³Ulakabika imbelele kululyo lwakwe, amana impongo kuchimonsho.³⁴Amana Mwami ulaketa babo bali kwitashi lyalulyo, 'Kamwiza, umwe nimwakalongezhewa kwa Taata, amukone bwami mbumwakabambilwa kuhwa kumatalikilo a luundu. ³⁵Kaambo indakaakufwile inzala mwakampa chakulya; Ndafwa inyota mumane mwakampa chakunwa; Ndakaakuli mweenzu mwakantola mukati; ³⁶Ndakaakuli chintanda mwakansamika; Ndakaakuli mulwazhi mwakamamba; Ndakaakuli muntolongo mwakazhiza kwangu.'³⁷"Babo baluleme balakayingula kwaamba ati, 'Mwami, Ndililiye uswe nitwakakubona niwakaakufwile inzala amana twakusanina? Nikuba inyota twakupa chakunwa? ³⁸Ndililye nitwakakubona uli mweenzu twakutola mukati? Nikuba uli chintanda twakusamika? ³⁹Ndililye nitwakakubona kusata naaba muntolongo tumane twazhiza kwako?' ⁴⁰Amana Mwami ulakayingula u kwaamba kwabo ati, 'Chini chini ndamushimwina, checho nchimwakachita kubashoonto aali baba bangu, mwakachitila ume.'⁴¹Amana u lakaamba kuli babo bali kwitashi lyaku chimonsho, 'Amukuhwe kwangu, umwe nuboombwezhe, muye mumulilo utamana wezo wakabambilwa shatani u baangelo bakwe, ⁴²kaambo ndakaakufwile inzala, pele mwiina nimwakampa chakulya; Ndakaakufwile inyota, pele mwiina nimwakampa chakunwa; ⁴³Ndakaakuli mweenzu, pele mwiina nimwakanjizha mukati; chitanda, pele mwiina nimwakansamika; kusata alimwi u muntolongo, pele mwiina nimwakambikila maanu.'⁴⁴"Uninzho abo balakayingula balakaamba ati, 'Mwami, ndililiye nitwakakubona uli fwile insala, nikuba inyota, naa mweenzu, nikuba chintanda,naa kusata, nimuba muntolongo, amana twiina kukubambila?' ⁴⁵Amane wakabayingula waamba ati, 'Chini chini Ume ndamwaambila, checho nchimwatakachita kushoonto babo, mwiina nimwakachitila ume.' ⁴⁶Baba balakatolwa mumpanishi itakamana, pele baluleme mubumi butamani."

¹Chakaba bobo Jeso naakamanizha mazwi woonse aza, wakaamba kubashichiiya bakwe, ²"Mulizhi kwaamba ati kwayita mazuba obile ikubi lyakwiitilila lilashika, amana Mwanaa Muntu ulaabwa nkubabele kwaamba akankaminwe."³Awo bapayizhi bakando alimwi u bakando kando ba bantu kababungene mubusena bwamupayizhi mukando, walo waakutewa ati Kayifasi. ⁴Bakakanza antoomwi kumukwata Jeso chakumubenda amana u kumuyaya. ⁵Kaambo kabaamba ati, "chitali chiindi chepobwe, kwaamba kutabi nikuba nikubuka inkondo akati kabantu⁶Inzho lelyo Jeso nakaakuchili ku Betani mung'anda yaka Simoni mulema, ⁷lelyo nakaakuchili kwitebulu, mukaintu wakaya kwakwe waakukwete kakopo kamafwuta aali muulo mukando akunana, amane wakaakununa a mutwi wakwe. ⁸Pele lelyo bashichiiya bakwe nibakabona chechi, bakalemana bamane bakaamba ati, "Kaambooyi kuchita chili bolya chakuzonauna? ⁹Chechi kacheelele kuuzhiwa kumuulo mukando amana kupa kubapushi."¹⁰Pele Jeso, kuzhiba chechi, wakaamba nkubabele ati, "Kaambooyi mulapenzha wezu mukaintu? Kaambo walo wachita chintu chili kabotu kwangu. ¹¹Pele lyoonse mulibakwete baba bapushi, pele talili lyoonse nimukakaba ame.¹²Kaambo lelyo naakaakununa aza mafwuta a mubili wangu, wakachichita kukuzhikwa kwangu. ¹³Chini chini Ume ndamushimwina, koko koonse wezu mulumbe mubotu nkuukakambaukwa muluundu loonse, chechi wezu mukaintu nchaakachita a cho chilakabandikwa mukutelaika nguwe."¹⁴Wezo umwi wabali ikumi u bobile, wezo wakaakutewa ati Judasi Sikaliyoti, wakaya ku bapayizhi bakando ¹⁵waamba ati, "Nchiiyi nchimutelaika kumpa kwaamba mulete muntu wezu kwenu?"Bakapima makumi otatwe aa siliva. ¹⁶Kuhwa achiindi checho wakakapula mbwaati amutole nkubabele.¹⁷Mubuzuba butaanzhi bwa chinkwa chiina bumena bashichiiya bakazhiza kwa Jeso baamba ati, "Nkukwi nkuuzanda kwaamba uswe tukubambile kuti ulye chakulya chakwiitilila?" ¹⁸Wakaamba ati, "Kamuya mumunzhi mukando ku mulombwana umwi mukaambe kwakwe ati, 'Mwiiyi waamba ati, "Chiindi changu chili afwaafwi. Ume ndalila chilyo chakwiitilila kung'anda yako u bashichiiya bangu.''''' ¹⁹Bashichiiya bakachita mbubona Jeso mbwaakabalailila, bamane bakabamba chakulya chakwiitilila.²⁰Awo nikwakaba mangolezha, wakakala kwaamba balye u bashichiiya bakwe bali ikumi u bobile. ²¹Awo nibakaakulya, wakaamba ati, "Chini chini Ume ndamushimwina kwaamba umwi wenu ulangaba." ²²Bakafwa buusu boonse, amane umwi umwi wakatalika kumubuzha, "Ume indime, Mwami?"²³Wakayingula, "Nguwezo ngutubwenga aze mumutiba inguwe uya kungaba. ²⁴Mwanaa Muntu ulakaya, mbubona mbuchilembelwe kutwaambo twakwe. Pele mawe ku muntu wezo walo uya kwaaba Mwanaa Muntu! Kachili kabotu kwaamba wezo muntu naatakazhalwa bulyo." ²⁵Judasi, shikumwaaba wakaamba ati, "Saa Ndime, Mwiiyi?" Wakaamba kwakwe ati, "Wachaamba uwe umwini."²⁶Awo nibakaakulya, Jeso wakabweza chinkwa, wachilongezha, amane wachikomauna. Wakachipa ku bashichiiya waamba ati, "Amubweze, mulye. wezu mubili wangu."²⁷Wakabweza inkapu amane wapa kulumba, wakachipa nkubabele waamba ati, "Amunwe chechi, noonse. ²⁸Bobu mbulowa bwangu bwa chihwuminano bwakatikila ku banji banji kukulekelelwa kwa shibi. Pele ²⁹Ume ndaamba kwenu ati, Ume ndiina linji ninjakunwa alimwi muchelo wa vaini, Chita bulyo kubuzuba bobo mbwinja kunwa mupiya antoomwi amwe mubwami bwaka Taata."³⁰Nibakamana kwiimba lwiimbo, bakaya kulupili lwa Oliva. ³¹Jeso wakaamba nkubabele ati, "Umwe noonse mulandukanka mashiku a bwasunu kaambo kangu, u kuti kulilembelwe ati, 'Ndakauma imbelele amana imbelele shabutanga shilakamwaala.' ³²Pele ndakamana kubushiwa, Ume ndakaba kumbele kwenu kuya ku Galili."³³Pele Pita wakaamba kwakwe ati, "Nikuba kwaamba boonse bakalukanke kaambo kako, Ume shikalukanka pe." ³⁴Jeso wakaamba kwakwe ati, "Chini chini Ume ndaamba kwako ati, mashiku aza a bwasunu, katana kukokoloka mukombwe, ulantama shiindi shotatwe." ³⁵Pita wakaamba kwakwe ati, "Nikuba buti ndafwa aze, Ndiina ndiina ninkakutama." Boonse bashichiiya bakaamba mbubona bobo.³⁶Amane Jeso wakaya abo kubusena butewa ati Getesemani amane waamba ku bashichiiya bakwe ati, "Amukale awa ninchiya kolya kuya kukomba." ³⁷Wakabweza Pita alimwi u banakwe Zebede bobile wakakwata buusu u kupenga. ³⁸Awo wakaamba kwabo ati, "Moza wangu wakwata buusu bubaala, nikuba kulufwu. Amushaale ano atulangile amwe."³⁹Wakaya ansansa ashoonto, wakalosha bushu bwakwe, wakomba. Waamba ati, "Taata, kuti nichaakuba, yezhi inkapu neenjitilile. Pele kutali kuzanda kwangu, pele kuzanda kwako." ⁴⁰Wakazhoka ku bashichiiya bakwe wakabayana baloona, amane waamba kwa Pita, "Kaambooyi tamukonzha kulindila ame kwe woola lyomwi bulyo? ⁴¹Amulindile mukombe kwaamba mutabi munjila mumasunko. Moza chini chini ulazandisha, pele mubili wabula insana."⁴²Wakaya kumabali alimwi lwabili kuya kukomba. Wakaamba ati, "Taata, naakuti chechi chatachitika chita Ume kuchinwa, akuchitwe luzando lwako." ⁴³Wakazhoka alimwi wabayana baloona, kaambo menso abo kali malemu. ⁴⁴Awo naakabashiya alimwi, wakaya kukomba lwatatu, wakaamba mazwi ngoona alimwi.⁴⁵Awo Jeso wakazhiza ku bashichiiya amane waamba nkubabele ati, "Saa muchoona alimwi u kupumuna? Amulange, chiindi chili afwaafwi, Mwanaa Muntu u kalaabwa mumatashi a bashishibi. ⁴⁶Amuzhimuke, katuya. Amulange, wezo uzanda kungaba uli afwaafwi."⁴⁷Awo naakakuchaamba, Judasi, umwi wababo bali ikumi u bobile, wakashika. Imbunga inkando yakashika aze kuhwa kubapayizhi bakando u bakando kando ba bantu. Bakazhiza u macheba alimwi u misako. ⁴⁸Inzho mulombwana uzhiza kumwaaba Jeso wakabapa chitondezho, waamba ati, "Wezo ngwikashonta ati inguwe. Amumukwate."⁴⁹Chakufwambaana wakashika kwa Jeso amane waamba ati, "Ndakwaazha, Mwiiyi," amane wakamushonta. ⁵⁰Jeso wakaamba kwakwe ati, "Mweenzuma, chita nchiwezhila kuchita." Ngoona bakazhiza, bakabika matashi ali Jeso, bamukwata.⁵¹Amubone, umwi wababo wakaakuli u Jeso wakatandabika itashi lyakwe, wakakusha icheba lyakwe, amane wayasa musebezhi wa mupayizhi mukando, wamukosola kutwi. ⁵²Ngoonaawo Jeso wakaamba kwakwe ati, "Lipilushe icheba momo mulikala, kaambo babo boonse babweza icheba ndilyona icheba lilakabamana. ⁵³Saa tamwizhi kwaamba ndakozha kushimwina Taata, amana ulakonzha kuntumina babaala ali bali ikumi u bobile makamu a baangelo? ⁵⁴Pele mbubuti malembe mbwaakonzha kuzuzukizhiwa, chechi chilyeelele kuchitika?"⁵⁵A chiindi checho Jeso wakaamba kumbunga ati, "Saa mwazhiza u macheba alimwi u misako kwiza kunkwata u koya mutewu? A buzuba ndaakukala u kuyiisha muchikombelo, pele mwiina nimwakankwata. ⁵⁶Pele choonse chechi chachitika kwaamba malembe a bashinshimi azuzukizhiwe." Ngoonaawo boonse bashichiiya bakamushiya bakalukanka.⁵⁷Babo bakamukwata Jeso bakamutola kwa Kayifasi mupayizhi mukando, koko balembi u bakando kando nkubaakubungene. ⁵⁸Pele Pita wakatobela lwaalale kuya mukati muyanwa mupayizhi mukando. Wakaya kumabali amane wakala u bashilikani kwaamba a bone chikachitika.⁵⁹Inzho bapayizhi bakando alimwi inkuta yoonse bakalanga langa bumboni bwakubeya kwaamba babeeshe Jeso kutewa bayane mwakumuyayila. ⁶⁰Kwiina nibakayana niiba yomwi, nikuba kwaamba bapa bumboni bwakubeya kabali banji banji bakezhiza. Pele kumane bobile bakazhiza ⁶¹baamba ati, "Wezu muntu kaamba ati, 'Ndalonzha kumwaya chikombelo cha Leza u kuchizaka mumazuba otatwe.'''⁶²Mupayizhi mukando wakazhimuka waamba kwakwe ati, "Saa twiinguli? Chiiyi checho chalo nchibaamba aali uwe?" ⁶³Pele Jeso kaliinzile bulyo. Mupayizhi mukando wakaamba kwakwe ati, "Ume ndakushimwina uwe kwiita mwa Leza upona, tushimwine naa ndiwe Kilisito, Mwanakwe Leza." ⁶⁴Jeso wakamwiingula ati, "Waamba bobo u mwini. Pele ndakushimwina uwe, kuhwa awa ninzho ulamubona Mwanaa Muntu ulishite kwitashi lyalulyo lyansana, amana uleza u makumbi kuhwa kwizeulu."⁶⁵Ngoonaawo mupayizhi mukando wakazapaula shakusama shakwe amane waamba ati, "Waamba chitonda! Kaambooyi nchituchilanga bakamboni? Bona, inzho mwachiteelela chitonda. ⁶⁶Mulatelaika buti?" Bakayingula baamba ati, "Uleelela lufwu."⁶⁷Bamane bakamufwila mate kubushu alimwi u kumuuma infwunshi shabo, awo bamwi bakamuuma imbayi ⁶⁸kabaamba ati, "Shinshima nkutubele, uwe Kilisito. Nguni wezo wakuuma?"⁶⁹Inzho Pita kashite ansengwe mwibetekelo, amane musebezhi mushimbi wakazhiza kwakwe waamba ati, "Aze mbubona wakaakuli u Jeso waku Galili." ⁷⁰Pele wakakaka kumbele lyabo boonse, waamba ati, "Ume nshichinzhi checho nchimwaamba."⁷¹Awo naakaya ansengwe kumanjililo, umwi musebezhi mushimbi wakamubona waamba kuli babo baakuli awo ati, "Wezu mulombwana aze kali u Jeso waku Nazaleta." ⁷²Walo alimwi wakachikaka u chakapinga u kupinga, "Ume nshimwizhi wezu mulombwana!"⁷³Nikwakayita bulyo kaindi kashoonto babo bakaakuzhimine awo bakazhiza baamba kwa Pita ati, "Chini chini aze uli wabamwi babo, kumwaambo uli wababo." ⁷⁴Ngoona wakatalika koombwezha alimwi u kulipinga, "Ume nshimwizhi wezu mulombwana," Amane u mukombwe wakakokoloka. ⁷⁵Pita wakaatelaika mazwi azo Jeso ngaakaamba ati, "Katana kulila mukombwe uwe ulantama shiindi shotatwe." Amane wakaya ansengwe wakalila chini chini.

¹Inzho nibwakacha,bapaizhi bakando u bakando kando babantu bakakanza kwaamba bamuyaye Jeso. ²Bakamwaanga, bamutola, u kwa Pilato muleli.³Inzho awo Judasi, wezo wakamwaaba, naakabona kwaamba Jeso bamupa mulandu, wakasanduka waabweezha ma peni a siliva aali makumi otatwe kubapaizhi bakando u bakando kando, ⁴wakaamba ati, "ndachita chibi kwaaba bulowa bwiina mulandu." Pele bakaamba ati, "No nchiiyi checho kwesu? Chibone umwini checho." ⁵Ngoonaawo wakaasowa anshi ma peni muchikombelo, amane wakaya ansengwe waya kulishina lwakwe mwini.⁶Bapaizhi bakando bakaabweza ma peni a siliva baamba ati, "Tachili mumulawo kwaabika muchizobolelo kaambo nga muulo wabulowa." ⁷Baakabandika kaambo boonse antoomwi, bamane mali azo bakaula muunda waakutwa ati pota wezo waakuzhikwa beenzu. ⁸Kaambo ka checho wezu muunda ulatewa ati, Muunda wa bulowa" kushika u bwasunu.⁹Inzhi checho chakaambwa u mushinshimi Jelemiya chakazuzukizhiwa, kwaamba ati, "Bakabweza ma peni a siliva aali makumi otatwe, muulo wakabikwa aali nguwe u bana ba Izilaili, ¹⁰bamane bakaapa kumuunda wa pota, ukoya Mwami mbwaakalailila."¹¹Inzho Jeso kazhimine kumbele lya muleli, amane muleli wakamubuzha, "Saa ndiwe Mwami waba Juda?"Jeso wakayingula ati, "Waamba bobo," ¹²Pele lelyo nibakamutamikizha bapayizhi bakando u bakando kando, wiina naakayingula pe. ¹³Awo Pilato wakaamba kwakwe ati, "Saa tuteelele shintu shinji shinji shesho nshibakutamukizha?" ¹⁴Pele wiina naakayingula linji niliba izwi lyomwi, ubobo muleli wakazhingwa chini chini.¹⁵Inzho lyashika ikubi muleli kazhibile kukusha mwaange womwi wasalwa kuli bambunga. ¹⁶Kuchiindi checho kabakwete muyazhi waakuli mwaange wezhina lya Jeso Balabasi.¹⁷Awo lelyo nibakaakuchibungene, Pilato wakaamba kwabo ati, "Nguni umwe ngumuzanda kwaamba mwaangululile? Balabasi, naa Jeso wezo uutewa ati Kilisito?" ¹⁸Kezhi kwaamba bakamupa Jeso kwakwe u kaambo kamunyono. ¹⁹Lelyo naakaakushite a chuuna chalubeta, mwinakwe wakatuma izwi kwakwe waamba ati, "Bula nchuuchita ku mulombwana wezo wiina mulandu. Ume ndapenga bwasunu u kaambo ka muntu wezo muchiloto."²⁰Awo bapayizhi bakando u bakando kando bakashinikizha bambunga kwaamba ati bakumbile Balabasi bamana bazonaune Jeso. ²¹Muleli wakababuzha, "Nguni akati kabantu bobile baba ngumuzanda kwaamba ati ume mwaangululile?" Bakaamba ati,"Balabasi." ²²Pilato wakaamba kwabo ati, "No ndachita buti u wezu Jeso walo utewa ati Kilisito?" Boonse bakayingula ati, "Aa bambulwe."²³Amane wakaamba ati, "Kaambooyi, nchibiiyi nchaachita wezu?" Pele bakampozomoka chibaala, "Naabambulwe." ²⁴Awo lelyo Pilato naakabona kwaamba ati kwiina nchaakachita, u kuti kabazanda kukanka kulwa, wakabweza meenzhi, wakasazha matashi akwe a bushu bwabo bambunga, waamba ati, "Ume ndiina mulandu kubulowa bwa wezu mulombwana. Mwabona bobo."²⁵Bantu boonse bakaamba ati, "Bulowa bwakwe a bube aali uswe u bana besu." ²⁶Amane wakakusha Balabasi nkubabele, amane wakamukwipaula Jeso wakabapa kwaamba bamubambule.²⁷Ngoonaawo bashilikani babaleli bakamutola Jeso mukati muli bafulumende bamane bakabungika boonse bashilikani. ²⁸Bakamusamununa bamane bamubika isani lisalala. ²⁹Bakapanga mushini wameya bamane bamubika amutwi wakwe, bamupa u musako mwitashi lyakwe lyalulyo. Bakamukotamina kumusaalizha, baamba ati, "bakamunhumpa, Mwami waba Juda!"³⁰Bakamufwila mate, amane bakabweza musako bamuuma a mutwi chabweelela. ³¹Nibakamana kumusaalizha, bakalikusha isani aali nguwe bamane bakamubika lyakwe mwini. amane bakamutola kuya kumubambula.³²Awo nibakaakumukusha ansengwe, bakayana mulombwana waku Sailini wezhina lya Simoni, walo ngubakashinikizha kuyaabo kwaamba amubwezele chichinkano. ³³Bakashika kubusena butewa ati Gologota, chaamba ati "Busena bwakaanza." ³⁴Bakamupa waini wakunwa u hwelene indulwe. Pele lelyo naakamusola, wiina naakamunwa.³⁵Awo nibakamana kumubambula, bakashaandaula shisani chakwe bakawaala chisolo, ³⁶bamane bakakala bamulindilila. ³⁷Ezeulu a mutwi bakabika mulandu ngubakamupa, waakulembelwe ati, "Wezu ngu Jeso, Mwami waba Juda."³⁸Batewu bobile bakabambulwa antoomwi u Jeso, umwi kuchilyo chakwe alimwi umwi kuchimonsho. ³⁹Babo bakaakwiita bakamutuka, kabapuka puka mitwi ⁴⁰kabaamba ati, "Uwe nuwakaakuzanda kuyaya chikombelo u kuchizaka mumazuba otatwe, linunune umwini! Naakuti uli Mwanaa Leza, seluka achichinkano!"⁴¹Muzhila yezho njiyona bapayizhi bakando bakamusaalizha, antoomwi ubalembi u bakando kando, baamba ati, ⁴²"Wakafwutula bamwi, pele talozha kulifwutula mwini. Ngu Mwami wa Izilaili. Aali kushe mwini kuhwa achichinkano, amana ati tulashoma mwakwe.⁴³Ulashoma mwa Leza, Leza naamuhune ninzho awa, Naakuti Leza ulazanda kumuleka, ukoya mbwaakwaamba ati, Ndime mwanakwe Leza."' ⁴⁴Munzhila njiyona u batewu mbaakaakubambulilwe abo bakatalika abo kumutukana.⁴⁵Uninzho kuhwa kwiiwoola lya chisambomwi mushinze wakazuzha inshi yoonse mpaka kwiwoola lye fwuka. ⁴⁶Kuya kwiwoola lye fwuka, Jeso wakalila izwi ikando waamba ati, "Eli Eli, lama sabakatani?" chaamba ati, "Leza wangu, Leza wangu, kaambooyi wandekelezha?" ⁴⁷Lelyo bamwi bakaakuzhimine awo bakateelela, baamba ati, "Uloompolola Elija."⁴⁸Uchakufwambaana umwi wabo wakalukanka waya kuleta chiponda, wachitoba mu waini ulula, wachibika kukasamu keebu, wachitambika kwakwe kwaamba anwe. ⁴⁹Bamwi banji banji bakaamba ati, "Amumushiye mwini. Tubone naa Elija ulazhiza kumufwutula." ⁵⁰Awo Jeso wakalila alimwi izwi ikando wakalekezha moza wakwe.⁵¹Ngoonaawo, isani lyakuchinjilizha muchikombelo lyakaanduka mushipanzha shobile kuhwa ezeulu kushika kunshi, ayo inshi yakazungaana, alimwi u mabwe akaandaana. ⁵²Shuumbwe shakayaluka, alimwi u mibili ya bantu basalala babo bakaakufwile bakabushiwa. ⁵³Bakamuhwa mushuumbwe naakamana kubushiwa, wakanjila mumunzhi mukando usalala, wakabulika kubanji banji.⁵⁴Inzho lelyo bashilikani alimwi ubabo bakaakulindila Jeso bakabona kundindima kwanshi alimwi u shintu shesho shakachitika, bakatiya maningi baamba ati, "Chini chini wezu kali Mwanakwe Leza." ⁵⁵Bakaintu banji banji babo bakaakuchilila Jeso kuhwa ku Galili kwaamba bamuyohwe kuli nshaakakuzanda kabaliwo awo kabalangilila alaale. ⁵⁶A kati kabo kakuli Maliya Magadalena, Maliya baina Jemusi u Jozefu, alimwi unokwabo bana baka Zebede.⁵⁷Awo naakaba mangolezha, Kwakazhiza mulombwana muhubi wakahwa ku Alimatiya, Wezhina lya Jozefu, wezo aze kali shichiiya waka Jeso. ⁵⁸Wakaya kwa Pilato wakumbila mubili waka Jeso. Ngoonaawo Pilato wakabashimwina kwaamba bamupe.⁵⁹Jozefu wakoobweza mubili, woohunga mwisani ibotu, ⁶⁰Amane wakoowoneka muchuumbwe chipiya checho nchaakasha mwibwe. Amane wakakunkulusha ibwe ikando amulyango wa chuumbwe amane wakaya. ⁶¹Maliya Magalena alimwi u Maliya umwi kabaliwo, kabashite kulangana u chuumbwe.⁶²Buzuba bwakachilila, kabuli buzuba nibakamana kulibambila, bapaizhi bakando alimwi uba Falisi kabashite antoomwi u Pilato. ⁶³Bakaamba ati, "Ulemekwa, tulatelaika kwaamba welya muchenzhi naakuchilanga, wakaamba ati, 'kwaita mazuba otatwe ulakabuka alimwi.' ⁶⁴Ubobo shimwina kwaamba chuumbwe chilanganyiwe mpaka kubuzuba bwatatu, ubulyo bashichiiya bakwe balakazhiza kumwiba bamana bakaambe kubantu ati, 'wabuka kuhwa kubafwu,' amana mbuchibele ninzho chilakabaala buli mbuchaakubele kumatalikilo."⁶⁵Pilato wakaamba kubabele ati, "Amulangishe. Kamuya mukachibambe mbubona mbumuchizhi." ⁶⁶Ngoonaawo bakaya bachibamba chuumbwe kabotu kabotu, kuchishingulula babika u mulindizhi.

¹Uninzho niyakamana insabata, lelyo nikwakaba kumanchela kubuzuba butaanzhi bwansunda, Maliya Magadalena umwi Maliya bakaya kubona kuchuumbwe. ²Ngoonaawo, kwakaba mundindimo mukandosha, mungelo waka Mwami wakaseluka kuhwa kwizeulu, wakashika wakunkulusha ibwe, amane wakalawo.³Kalibonya u koya mumuni, alimwi shisamwa shakwe kashituba ukoya ingubi. ⁴Balindizhi bakazhangama kubukandu bakaba ukoya balombwana bafwu.⁵Angelo wakabaambila bakaintu wakaamba kwabo ati, "mutatiyi, kaambo ndizhi kwaamba mulakapula Jeso, wezo wakabambulwa. ⁶Temo mono, pele wabuka, mbubona mbwaakaamba. Amuzhize mubone abusena Mwami ngaakulele. ⁷Kamuya amufwambaane mukabashimwine bashichiiya bakwe, 'Wabuka kuhwa kubafwu. Amulange, ulaya ambele lyenu ku Galili. Koko mulakamubona,' Amulange, Ume ndamushimwina."⁸Baba bakaintu bakakuhwa chakufwambaana kuchuumbwe kabafwile bukandu u kubotelwa kunji kunji, bakalukanka kuya kushimwina bashichiiya. ⁹Ngoonaawo, Jeso wakabaswaanganya waamba ati, "Ndamwaanzha!" Bakaintu bakashika, bakakwata kumatende akwe bamukomba. ¹⁰Amane Jeso wakaamba kwabo ati, "Mutabi nimufwa bukandu. Kamuya mukabashimwine bakwesu baye ku Galili. Koko balakambona."¹¹Inzho lelyo bakaintu nibakakuya buya, Ngoonaawo, bamwi balindizhi bakaya mumunzhi mukando baya kushimwina bapayizhi bakando shintu shoonse shesho shakachitika. ¹²Awo bapayizhi kababonanine kale u bakando kando kubandika twaambo abo,Bakapa mali manji manji kubashilikani ¹³babaambila ati, "Amukaambe kuli bamwi ati, Bashichiiya baka Jeso bazhiza mashiku beba mubili wakwe chiindi nitwaakoona.'¹⁴Naakuti wezu mulumbe u kamweenzhe muleli, uswe tulakabona bwakumushimwina kwaamba kaambo kakakuhwe kwenu." ¹⁵Ngoonaawo bashilikani bakaabweza mali bamane bakachita mbubona mbukashimwinwa. Wezu mulumbe wakamwaala akati kaba Juda boonse nkuuchili u bwasunu.¹⁶Pele bashichiiya bali ikumi u womwi bakaya ku Galili, kulupili lolo Jeso nkwaakabaambila. ¹⁷Awo nibakamubona, bakamukomba, pele bamwi bakashinshanya.¹⁸Jeso wakashika nkubabele wakaamba kwabo waamba ati, "Shoonse insana shapewa kwangu mwizeulu alimwi aanshi. ¹⁹Kamuya ninzho mukabike bashichiiya kuhwa kumashi woonse. Mukabapapatizhe mwizhina lyaka Taata, ulya Mwana, alimwi ulya moza usalala.²⁰Mukabayiishe kutobela shintu shoonse shesho Ume nshindamushimwina. Amubone, Ume ndaakuli amwe lyoonse, kushikila kumamanino a chiindi."

¹Aza ngu matalikilo a makani mabotu, a Jeso kilisito, Mwanakwe Leza. ²Umbona mbu chilembelwe mwibuka lya Isaya mushinshimi, "Amulange ndatuma mutumwa wangu kubushu bwenu, walo uya kubamba inzhila yenu. ³Izwi lya wezo wompolola mulukula, 'Amubambe inzhila ya Mwami; amuululike mukula wakwe.'''⁴Johani nakazhiza, kababizha mulukula uku kambauka lubizho lwa kusanduka kwamba shibi shilekelelwe. ⁵Chishi chonse cha Judiya ubantu boonse bamu Jelusalemu bakaya kwakwe. Kababizhiwa kwakwe mumulonga wa Jodani,kabalyambilia shibi shabo. ⁶Johani kasama ikoti lyaboza bwa nkamela ulimwi u lutambo muchibuno, alimwi kalya chikwikwi u buchi.⁷Wakakambauka ati, "Wezo uzhiza munshi lyangu ulikwete insana kubala ume; twaanzho twa mpato shakwe nsikonzha ukufulama kutwangulula. ⁸Ume ndabizha u meenzhi, pele walo ulamubizha u Moza Usalala."⁹Chakachitika mazuba azo ati Jeso wakeza kuvwa ku Nazaleta mu Galileya, wabizhiwa kwa Johani umulonga wa Jodani. ¹⁰Jeso nakamuvwa mu menzhi, wakabona izeulu lyayaluka waabona moza usalala kwiza kwakwe ukoya inzhiba. ¹¹Izwi livwa kwizeulu lyakeza, "Ndiwe mwanangu ngwimfwini. Ndabotelwa maningi."¹²Inzho Moza usalala wamubweza ukumutola mulukula. ¹³Waakala mu lukula kwa mazuba ali makumi one, kusunkwa kwa satani. Kakala ubanyama ba mwisokwe, pele ba angelo ba leza mukwabilila.¹⁴Inzho Johani wakaangwa, Jeso weezhiza mu Galileya kukambauka makani mabotu a Leza. ¹⁵Wakaamba, "chiindi chazuzukizhiwa, alimwi bwami bwa Leza buli afwaafwi. Amusanduke ukushoma mazwi a Leza."¹⁶Chiindi nakakuya bwendeenda kumabali a mulonga wa Galileya, waabona Saimoni u Andulu munina Saimoni kabateya kanyandi mu lwatele, nkambo kabali bazezhi. ¹⁷Jeso wakabambila ati, "kamwiza amunchilile ndamupanga kuba bazezhi ba bantu." ¹⁸Ndilyona bakashiya tunyandi ngona bamuchilila.¹⁹Jeso nakeenda kuya kumbele ashoonto,wakabona Jemus mwanakwe Zebedeya u johani munina; kabali mubwato balatunga kanyandi. ²⁰Wakabompolola ngoona bamushiya ushabo Zebedayo mubwato uba sebezhi bamuchilila.²¹Bamane bakeza mu Kapenaumu, mu buzuba bwa Sabata, Jeso wanjila mu sinagogu ukuyiisha. ²²Bakazowa kuyiisha kwakwe, nkambo kakuli ukoya muntu ukwete insana inkando alimwi ushitali ukoya sha balembi.²³Unchona checho chiindi mulombwana wakuli mu sinagogu wakukwete moza mubiyabi wakalila, ²⁴wamba, "Nchinzhi chitwachita kwako, ²⁵Jeso waku Nazaleta? Sa weza kutuyaya? Ume ndikwizhi uwe. Ndiwe usalalisha wa Leza!" Jeso wakolemanina moza mubiyabi wamba ati, "Liinze amana muvwe mu muntu wezu!" ²⁶Moza mubiyabi wakamuusha anshi wavwa waya wamushiya muntu ulapozomoka.²⁷Boonse bantu bakazhingwa, batalika kubuzhanya, "Nchinzhi chechi? Kuyiisha kupiya kukwete insana! Ulakonzha kwambila myoza mibiyabi ayo ilamutelela!" ²⁸Impuwo yakwe yakaya muchishi choonse cha busena bwa Galileya.²⁹Nibakavwa mu sinagogi, bakeza munganda ya Saimon u Andulu, antomwi u jemusi u Johani. ³⁰Inzho baina zhala Saimoni kali mulwazhi kalele, baamushimwina Jeso makani abulwazhi. ³¹Inzho wakeza, wamukwata kwitashi wamuzhimuna; ngona wapona, ukutalika kusebeza.³²³⁴Azo mangolezha izuba nilyakebila, bakableta bonse bakuli balwazhi uba kunjililwe myoza mibiyabi. ³³Boonse bantu muchishi bakalundana amulyango.³⁵Waabuka chifumo fumo kakuchishiya anshi; wakaya ku busena bulinzile kukomba. ³⁶Saimoni umbubakuli abo bakatalika kumukapula. ³⁷Baamuyana ukumushimwina ati, "Boonse bantu balookapula."³⁸Wakaamba ati, "Katuya kubusena bunji kumashi ali mumbali kwamba ako nkayiishe. Nchichecho nchindezhila kono." ³⁹Wakaya ku masena oonse a Galileya, kukambauka muma sinagogi ukutanda ma daimona.⁴⁰Shichinsenda weeza kwakwe. Ukumulomba; wafukama ukumwambila ati, "Naulazanda, nsalazha." ⁴¹Wamufwila luse,Jeso waatambika itashi lyakwe uku mwaampa, ukumushimwina, "ndazanda. Salala." ⁴²Ngoona awo chinsenda chamushiya alimwi waasalala.⁴³Jeso wamuchenjezha ukumutuma waya. ⁴⁴Wamushimwina ati, utasoli kushimwina naba womwi, pele koya, ukalintondezhe ku mukando wachikombelo, ukupa chipaizho chakusalala kwako Mozesi mbwakalailila,kwamba bukabe bumboni kwabo."⁴⁵Pele wakaya ku masena manji kuu mwaya mulumbe, chakuchita ati Jeso wakatalika kukachilwa kunjila mushishi pele kakala mumasena aakusakene.Nikuba bantu kabachiya kwakwe kuvwa mumasena oonse.

¹Lelyo Jeso nakahwa ku Kapenaumu kwiite mazuba mashoonto, kwakateelelwa kwaamba nkwali kung'anda. ²Bantu banji banji bakalundana kakwiina busena busheele, nikuba kumulyango, amane wakaamba izwi nkubabale.³Kumane kwakezhiza balombwana u bakaakuzemwine mulombwana mulema; kakumuzemwine balombwana bone. ⁴Nibakakakilwa kushika kufwaafwi u kaambo kakuhula kwa Bantu, bakahumbula lululi ngaakubele Jeso, nibakayana busena, bakaselumuna Isasa ngaakulele wezo mulombwana mulema.⁵Kubona lushomo lwabo, Jeso wakaamba kumulema ati, "Mwanangu, shibi shako shalekelelwa." ⁶Inzho bamwi balembi bakaakushite alya, bakatalika kutelaika mukati mumyono yabo, ⁷"Anu wezu mulombwana ulakonzha kwaamba buti bolya? Ulasampaula! Nguni ukonzha kulekelela shibi chita Leza iche bulyo?"⁸Ndilyona ulyona Jeso wakezhiba umoza wakwe nchibakaakutelaika mukati kabo. wakaamba nkubabele, "kaambooyi nchimutelaika bolya mumyonzo yenu?" ⁹nchiiyi chuubauba, kwaamba ku Mulombwana mulema, shibi shako shalekelelwa; na kwaamba, zhimuka, 'bweza Isasa lyako enda'?¹⁰Pele kwaamba ati umwe muzhibe ati Mwanaa Muntu ulikwete insana anshi ano ushakulekelela shibi, "wakaamba kuchilema, ¹¹"Ndaamba nkuubele, zhimuka, bweza Isasa lyako, koya kung'anda yako." ¹²Wakazhimuka ndilyona ukubweza Isasa lyakwe, amane wakahwa mung'anda kubushu bwa Bantu boonse, ubobo boonse bakazhingwa u kulumbaizha Leza, alimwi bakaambaati "tatunachibwene chechi chili bolya,"¹³Wakaya alimwi kwizhiba, iinkamu yoonse yakezhiza kwakwe, u kubayiisha. ¹⁴Nakaakwiita, wakabona Levi mwanakwe Alufiyasi ulishite kwitente lya shimutelo u kumushimwina ati, "nchilila."Wakazhimuka u kumuchilila.¹⁵Jeso wakayakulya chakulya mung'anda yaka Levi ubashimitelo banji banji u bashishibi bakalyaabo u bashichiiya bakwe, kabali banji banji bakamuchilila. ¹⁶Lelyo balembi, mbubali ba Falisi, nibakabona kwaamba Jeso ulalya ubashishibi ulimwi uba shimutelo, bakaambila bashichiiya ati, kaambooyi ulalya uba shimutelo ulimwi ubashishi?"¹⁷Lelyo Jeso nakateelela makani aza wakaamba nkubabele ati, "bantu bakwete insana mumubili tabakapula mung'anga; chita bulyo bantu balwazhi mbubamuzanda. Ndiina indakezhila bantu baluleme, pele bashishi."¹⁸Uninzho bashichiiya baka Johani uba Falisi kabaliimwa kulya. Bamwi bantu bakazhiza u kwaamba kwakwe ati, "kaambooyi bashichiiya baka Johani u bashichiiya baba Falisi balaliimwa kulya?" ¹⁹Jeso wakaambila ati, "Sa beendelezha bwinga balakozha kuliimwa bali ushibwinga? Bakuchili u shibwinga tabakonzha kuliimwa kulya.²⁰Inzho mazuba alakashika shibwiinga naaya kutolwa kuhwa nkumubele, lelyo kumazuba azo balakaliimwa. ²¹Kwiina muntu usasa kasni kapiya achisani chikulukulu. kwaba bobo checho chisani chilazapuka, chipiya kuhwa kuchikulukulu, amana chipulo chilakomena.²²Kwiina ukonzha kubika Wayini mupiya Muminkuli yakale kale. Ubulyo Wayini ulachaandula Chinkuli nkukuti Wayini uchinkuli ulashiluza shoonse. Ubobo, Wayini mupiya ulabikwa muchinkuli chipiya."²³Mubuzuba bwa Nsabata Jeso wakaita mumuunda wamaila bamane bakaitilila, bashichiiya bakwe bakatalika kubweza mitwi yamaila. ²⁴Ba Falisi bakaamba kwakwe ati, "Langa, kaambooyi balachita chintu chitali mumulawo mubuzuba bwa nsabata?"²⁵Wakabaambila ati, "Sa mwiina nimwakabala nchaakachita Devidi lelyo naakabulilwa u kufwa inzala--walo u bantu mbakaakuli abo-- ²⁶mbwakaya mung'anda ya Leza lelyo Abiyata naakuli mupayizhi mukando, u kulya chinkwa chamuchipayililo, chatakaakuli mumulawo kuli oonse kuchilya chita bulyo Bapayizhi, u kuchipa kuli babo mbaakuli abo?"²⁷Jeso wakaamba ati, "InSabata yakabambilwa muntu, kutali muntu kubambilwa inSabata. ²⁸Ubobo, Mwanaa Muntu ngu Mwami, ulimwi nguwa inSabata."

¹Ulimwi Jeso wakenjila mu sinagogu, momo kamuli mulombwana umwi wakuli mulema itashi. ²Bantu bamwi bamulangisha Jeso kwamba babone na ukalaponya mubuzuba bwa Sabata kwamba bamuyanine mulandu.³Jeso wakambila mulombwana wezo wakuli mulema kwitashi ati, "Eenda uzhime akati." ⁴Amane Jeso waabuzha bantu ati, "Sa nceelelo kucita ciluleme mubuzuba bwa sabata na kucita cibiyabi; kufutula bumi na kuyaya?" Pele boonse baina nibaingula.⁵Wakabalang bantu boonse umbukali, Nkaambo kakuzuma myozo kwa bantu, wakabilwa, wakambila mulombwana wezo ati, "Tandabika itashi lyako. "Wakalitandabika, ngoona awo itashi lyakaba kabotu. ⁶Ndilyona ba falisi bakavwa baya kuswangana ubana Heloda kwamba bayane inzhila mbubakonzha kumuyaya Jeso.⁷Kuvwa awo Jeso, ubashichiya bakwe, bakaya ku Lwatele, bantu banji banji bavwa ku Galilaya ku Judeya baamucilila. ⁸Ulimwi uku Jelusalema uku Idumiya kubikilizha uminzhi ili kubala mu Jodani uu Taya ulimwi u Sidoni. Nibakatelela nshakacita Jeso, bantu banji banji bakeza nkwakubele.⁹Wakambila bashichiya bakwe ati bamuletele Bwato bushoonto nkaambo kakuhula kwa bantu, kwamba batabi nibamushanikizha. ¹⁰Mbwakaponya banji banji, ceci cakapa kwamba boonse babo bakukweta malwazhi bazandishe kumusena kwamba bamwaampe.¹¹Kufumbwa myoza mibiyabi niyamubona, kabawa ukulilisha, ukwamba ati, "Uwe uli mwanakwe Leza." ¹²Wakabalailila ati batabi nibambila muntu naba womwi.¹³Wakaliza a lupili , wompolola babo mbakakuzanda, abo bakeza kwakwe . ¹⁴Wakasala bali ikumi ubobile (balo mbaketa ati Batumwa) kwamba babe aze ulimwi kwamba abatume kuku kambauka mulumbe, ¹⁵ulimwi ukwamba bakwate insana shakutanda ma Daimona. ¹⁶Wakasala bali ikumi ubobile: Saimoni ngwakaulika ati Pita;¹⁷Jemusi mwanakwe Zebedi, u Joni munina Jemusi walo ngwakaulika ati Bowanegesi, calo cipandulula ati bana bamuzuzumo; ¹⁸u Andulu , Filipo, Batolomeu ,Matayo,Tomasi, Jemusi mwanakwe Alufiyasi ,Tadeyasi ,Saimoni wakuchishi ca Zeloti, ¹⁹u Judasi Isikalioti, wakulanjilwa kumwaaba.²⁰Amane wakaya ku munzhi, banu banji bakamubunganina ulimwi cakukakilwa ukulya niciba Cinkwa. ²¹Basazhiina nibakatelela bakaya kwamba bamukashe, bamba ," wasondokka." ²²Balembi bavwa u Jelusalema bakamba ati,'' Ulinjililwe moza wa Bezebu '' '' ulimwi ulinjililwe moza wa mwami wama daimona ngatanda.''²³Jeso wakabeta ukubaambila kwiita mushikozhanyo, "Mbubuti satani mbwakonzha kumutanda satani? ²⁴Kuti na cishi cilyandeene tacikonzha kuba Cishi ciya kumbele. ²⁵Ayo inganda yandeene yezho tekonzha kuba inganda iiya kumbele.²⁶Kuti na Satani walibukila mwini ukulyaandanya , takonzha kuya kumbele, azo alaba mamanino akwe. ²⁷Pele kwiina muntu ukonzha kunjila munganda ya muntu shinsana ukwiba shintu katana kutanguna kwaanga wezo muntu shinsana, amana nanjila kuzonauna munganda.²⁸Cini cini ndamwambila ati , shoonse shibi sha bana babantu shilakalekelelwa , nakaba matushi ngubatuka , ²⁹Pele kuli wezo utuka Moza usalala kwiina nakonzha kulekelelwa, pele ulikwete cibi ciina unicikalekelelwa." ³⁰Jeso wakaamba bobo nkaambo kabamwamba ati" ulikwete Moza mubiyabi."³¹Inzho baina ubanina bakeza bazhima ansengwe .Bakamutumina, ati akuya. ³²Bantu banji banji kabashite balimuzhingulukile amana bakamwambila ati, "Banoko alimwi ubanyoko ngubali ansengwe, balakukapula."³³Wakabaingula ati , mbubani baama ubakwesu?" ³⁴Wakabalanga bakumuzhingulukile ngoona wakaamba ati, "amubone, mbubaba baama u bakwesu ³⁵Ukuli wezo woonse ucita luzando lwa Leza wezo muntu ngumukwesu, ulimwi ngumucizhi ulimwi ngu baama."

¹Alimwi wakatalika kuyiisha kumbali ku Lwatele, uninzho kwakamubunganina bantu banji banji. Wakanjila mubwato bwakaakuli mulwaatele, wakakala mubwato. Bantu kumbali ku Lwaatele. ²Wakabayiisha shintu shinji shinji mushikozhanyo, mukuyiisha kwakwe, chichechi nchaakabaambila.³"Amupupulale! mulimi wakaya kushanga imbuto. ⁴Naakashanga, shimwi imbuto shakawila muzhila, ubobo bazuni bakeza kushilya. ⁵Ushimwi imbuto shakawila amabwe, a kaakwiina bulongo. Shakahwa chakufwambaana, nkaambo kakuti kakwiina bulongo bunji bunji.⁶Inzho izuba nilyakabala, shakanyana shazuma, kaambo kwaakwina mizanda shakazuma. ⁷Ushimwi imbuto shakawila mumeya. Meya nakakomena akashiya shakafwa, shiina nishakeezha michelo.⁸Shimwi imbuto shakawila mubulongo bubotu ukuzhala michelo shimwi shakeezha makumi otatwe, shimwi makumi chisambomwi, shimwi mwaanda" . ⁹Amane wakaamba ati, "ukwete matwi ateelele!"¹⁰Jeso nakaakuli iche, babo bakaakuli a kufwaafwi aze alimwi ubashichiiya bakwe bakamubuzha kwaamba abapandululile shikozhanyo. ¹¹Wakabaambila ati, "umwe mwakapewa luzhibo lwamasoseke a Bwami bwa Leza. Pele kuli babo bali ansengwe shoonse shilachitwa mushikozhanyo, ¹²kwaamba balanga, ee balange, pele tababoni, kwaamba ee bateelele, pele tabateelelesha, chita bakasandukila kwa Leza ulakabalekelela."¹³Wakabaambila ati, "Samwiina kuuteelela mukozhanyo wezu? Mbuti mbumukonzha kuteelela mushikozhanyo?'' ¹⁴Mushanji nguushanga izwi. ¹⁵Imbuto yakawila muzhila, koko nkulyaashangwa izwi. Chiindi nibaateelela, Shaatani ndilyona weza walikusha izwi lelya lyakashangwa muli mbabo.¹⁶Yezhi njiimbuto yakashangwa mumabwe; mbubabo chiindi nibaliteelela izwi balitambula mukubotelwa. ¹⁷Pele baina mizanda balachilila bulyo ashoonto. Pele mbukwabela mapenzhi naa makatazho kaambo ke zwi, balanga kunji.¹⁸Alimwi bamwi mbubalya bashangwa mumeya, mbubalya bateelela izwi, ¹⁹kaambo kakuzandisha Luundu uluchengo lwa lubono umizeezo ishiyene shiyene yenjila mimuonzo yabo ukwaashaanichizha makani, amana akakilwa kuzhala michelo. ²⁰Yelya yakashangwa mu bulongo bubotu mbubalya bantu bateelela mazwi, ukwaabamba ukuzhala michelo, makumi otatwe, makumi chisambomwi nikuba shiindi shili mwaanda.²¹Jeso wakabaambila ati, "Sa mulakonzha kuleta ilambe mung'anda mwamana mwalihunika intundu na mumisena yabulo? ulalileta ukulibika achikalilo chelambe. ²²Kwiina chisoseke chitakaabonwa, alimwi lwiina maseseke atakeezhiza antangalala. ²³Wezo ukwete matwi aateelela, ateelele!"²⁴Wakabaambila ati, "Amuteelele kuli checho nchimwateelela, chisebezho nchiwasebezha chilakasebezhewa kwako, uwe chako chilakabaala. ²⁵Kaambo wezo ukwete, ulakazungililwa, wezo uuyina ulakanangwa, koonse ukaukwete".²⁶Alimwi wakabaambaila ati, "Bwami bwa Leza buli ukoya mulombwana wakashanga imbuto. ²⁷Mashiku uloona bwacha wabuka, wayana imbuto shamena ukukomena, wiina ukezhiba mbushaakakomena. ²⁸Bulongo mbubukomenya shishango ukweezha michelo. busonga bulataanguna, kwamana kweza chishiko, umtuhu kumamanino nikwiza ikunka lyamaila. ²⁹Maila akwe abizwa, ulabweza Ijekesi waachesa kaambo ashika amatebulilo."³⁰Alimwi wakabaambila ati, "Bwami bwaka Leza, na nchikozhanoonzhi chikonzha kubupandulula? ³¹Buli ukoya kaseke ka Masitaadi, lelya nikashangwa nkaesek kabaala kucheya anshi ano. ³²Lelyo, chiindi nikashangwa, kalamena ukukomena kubaala masamu oonse ali mumuunda, lilakwata mitabi mikando, kwalo bazuni bamwizeulu mupanga shitaanto shabo."³³Mumikozhanyo minji minji ili ukoya yezhi mwaakubaambila izwi, mbubona mbubaakukonzha kuteelelesha, ³⁴Kwiina nakabaambila bulyo kwiina mukozhanyo. Pele naakuli ubashichiiya bakwe wakabapandulila shoonse.³⁵Kubobo buzuba, mangolezha, Jeso wakabaambila ati, "Atwende kumutala welya." ³⁶Bakashiya inkamu yabantu, batolelezha u Jeso, umbuli mbwaakuli, mubwato. Kakuli amwi maato anji aakubachilila. ³⁷Ngoona awo Muuwo mukando wakashika kwakaba Mankwishita akatalika kunjila mubwato meenzhi akatalika kuzula mubwato.³⁸Pele Jeso wakoona mutulo ankombo, ya bwato. Wakamushishimuna, u kwaambaati, "Mwiiyi, sa tubweene kwaamba tukalafwa? " ³⁹Nakabuka, wakaulemanina Muuwo, amane wakaambila lwaatele ati, "Luumuno! Liinze!" Ngoonaawo muuwo wakashitikila, amane kwakaliinza.⁴⁰Alimwi wakabaambila ati, "Kaambooyi mulatiya? uninzho muchiina lushomo?" ⁴¹Bakazula bukandu bunji bunji u kwaamba kuli umwi uumwi, "nguni anu wezu, wezu ukonzha kuteelelwa uku Muuwo ulimwi u lwaatele?"

¹Bakashika kuluya lumwi lwa Lwatele, kubuena bwa Galasenisi. ²Lelyo Jeso nakakuhwa mu Bwato, Mulombwana wakaakukwete moza mubiya wakeza kwakwe kuhwa ku Namaumbwe.³Mulombwana kakala mu Namaumbwe. Kakwiina wakukonzha kumukwata naaba womwi, nikuba iincheetani. ⁴Kaangilwe choonse chiindi u Macheni. Kalozha kushikosaula Incheetani. Kakwiina naba womwi shinsana waakulozha kumukwata.⁵Lyoonse mashiku u muunza kakala ku Namaumbwe ulimwi uu Mapili, kapozomoka kulila u kulitenda mwini u mabwe aalampa. ⁶Lelyo naakamubona Jeso kuhwa alaale, wakamulukankila u kumukotamina.⁷Wakalila iizwi ikando, "Sa ulazanda nkuchitileeyi uwe, Jeso, Mwanaakwe Leza Mukando? Ndakulomba kwiita mwa Leza mwini, utampenzha." ⁸Naakaakuchaamba bobo kwakwe, "Hwa mu Muntu wezu, uwe u moza mubiyabi."⁹Wakamubuzha ati, "Ndiwe inzhina lyako?" Wakamwiingula ati, "Inzhina lyangu ndime Legiyoni, kaambo tuli banji banji." ¹⁰Wamulomba shiindi shinji shinji kwaamba atabakusha molya mubusena.¹¹Iinzho kakuli butanga bwa Ngulube bwakaakuchela a lupili, ¹²amane bakamulomba, kwaamba, "Tutume mu Ngulube; tuleke tunjile mumo." ¹³Ngoona wakabahuminya; iinzho myoza mibiyabi yakahwa ukuya kunjila mu Ngulube, ngoona butanga bwakakunkuluka Lupili kuya kuliwaala mu Lwaatele, kashili ukoya shibaala ku Shuulu shobile Ingulube shakafwila mu Lwaatele.¹⁴Babo bakakwembela ingulube bakalukanka ukutola kwaamba babashi mwine chachitika muchishi uminzhi, bantu bakaya kubona chachitika. ¹⁵Ngoona bashika kwa Jeso ubona mulombwana wakakujili lwe bashikazwa, wezo wakujililwe moza wa Lejoni, kashite awo, kasamine shisani , amana kaluleme umaanu kakwete bamane batiya.¹⁶Babo bakabona chachitika kumuntu wa kukwete moza umbiyabi bakabashimwina shoonse, amana babashimwna ushangulube. ¹⁷Bakatalika kulomba kwaamba bamuhve muchishi.¹⁸Nakujila umbwato, wezu muntu wakakukwete bashikazwa wakamulomba ati babe atoomwi umbwato. ¹⁹Jeso wakamukasha, pele wakamwaambila ati, ''Koya kung'anda yako ubantu bako ubashimwine chakuchita yaave, uluse lwakwe ndwakuchitila.'' ²⁰Inzho wakaya kukambauka mu Dekapolisi shintu shikando Jeso shakamuchitila, u bantu boonse bakazoowa.²¹Inzho Jeso nakalandula alimwi kuya kumwi, umbwato ikamu yabantu bali muhingulukile, baswaangana abo amulando. ²²Umwi mweendelezhi wa sinagogo wezhina lya Jailosi wakeza, nakamubona,wawa wasunkumana kumaulu akwe. ²³Walomba shiindi shinji-shinji, waamba ati, ''Mwanangu mushimbi mushoonto ulazanda kufwa. Ndakulomba, ukamwampe itashi kwaamba aponi.'' ²⁴Inzho bakaya atoomwi, bakamuchila bamuhingulika.²⁵Inzho kakuli mukaintu wakaakukunka bulowa myaka ili ikumi u yobile. ²⁶Wakasata maningi kubashilishi banji-banji u kusebezha shoonse shintu shaakukwete, ciindi chakwaamba abe kabotu chilwazhi kachiya bulyo kumbele. ²⁷Nakayitelela impuwo yaka Jeso, wakeza kumuchilila mwikamu wamukwata kuchikobelo.²⁸Wakaambaati, kuti ndakwata bulyo chisani chakwe ndapona.'' ²⁹Nakachikwata, bulowa bwakaleka kuhwa, waliteelela kabotu umubili kwaamba wapona.³⁰Jeso ndilyona wakatelela ati insana shamuhwa umubili wakwe. Wakachinduluka munkamu waamba, ''Nguni wakwata kucikobelo?'' ³¹Bashichiiya bakwe bakamwaambila ati, ''Ulibabwene bantu bakuhingulukile, ulamba, buti ati nguni wakwata?''' ³²Pele Jeso wakachebuka ukuchinduluka kwaamba abone wamukwata.³³Inzho mukaintu, kuhiba chakamuchitikila, wakatiya ukuzhangama.Wakeza wasunkumana ku mbele lyakwe ukumwaambila shonse shakachita. ³⁴Wakamwambila ati, ''Mwanangu, lushomo lwako lwakufutula. Koya muluumuno ukapone kubulwazhi bwako.''³⁵Naakwaamba kwakashika bantu bat kuhwa bantu bamwi ku mweendelezhi wa sinagogi, wakaamba, ''Mwanako mushimbi wafwa. No ulamupezhenzhaayi mwiiyi?''³⁶Pele Jeso nakashiteelela shesho shibaakwaamba, washimina mweendelezhi wa sinagogi, utatiyi. Shooma.'' ³⁷Kwiina ngwaakahumizha kuya aze chita Pita, Jemusi, u Johani, mumina u Jemusi. ³⁸Bakashika kung'anda ya mweendelezhi wa sinagogi wakabona bantu babo bapanga choongo; kulila ukwiila.³⁹Naakanjila mung'anda, wakaamba nkubabele ati, "Kaambooyi mulizhingilwe ulimwi kaambooyi mulalila? Mwana tafwile ulilele." ⁴⁰Baakanka kumulimbusha. Pele boonse wakabatandila ansengwe u kubweza baushi mwana u baina ubabo mbubakaakuli abo, bamane bakeenjila mwaakubele mwana.⁴¹Wakakwata itashi lya mwana u kwaamba kwakwe ati, "Talita, komu!" chalo chaambaati, "Kana kashimbi, Ndakwaambilaati, zhimuka." ⁴²Kufwaambana mwana wakazhimuka u kweenda (Wezu mwana kakwete myaka ili ikumi umyaka yobile yakuzhalwa). Boonse chakufwambaana bakazhingwa chizoosha. ⁴³Wakabakonkomwena boonse kwaamba kutabi naaba womwi uwateelela aza. Amane wakabaambila ati bamupe chakulya.

¹Nakavwa koko kwakubele washika kumunzhi wakwabo, bamane bashichiya bakwe bamuchilila . ²Nibwashika buzuba nsabata ,wayisha mu sinagogu.Bantu banji banji bamutelela ukumuzhingwa. ukwamba ati," anu kuyiisha koku wakuyana kwi?" "Mbusongo nzhi bobu?" "maleele nzhi aza ngachita umatshi akwe?" ³Sa wezu tali wezu ubeza ,mwanakwe Maliya alimwi sa tali munina Jemus u Josesi u Juda u saimoni?Banina bakaintu sa tabewo ano?" Babishizhiwa kwa Jeso.⁴Amane Jeso wakamba ati kwabo," Mushinshimi tali muntu utalemekwa cita muzhale munkambe umunzhi mwakazhalwa alimwi cita kubasazhina mbuchizhalwa abo alimwi ubantu mbuchivwa abo munganda." ⁵Katalozha kucita mulimo mukando chita buyo kubaampa amitwi matashi babo bashoonto buyo bakuli balwazhi ukubaponya . ⁶wakazoowa kubula lushomo kwabo.Amane wakaya muminzhi kuya buyiisha.⁷Amane wakoompolola bali ikumi u bobile ukutalika kubatuma bobile bobile ukubapa insana shibaala amyoza itasalali, ⁸alimwi wakabalailila kutabweza nichiba chomwi mumushinzo wabo, cita buyo Musako-kwina Cinkwa kwina chinzuma alimwi ukwina mali muntambo shabo- ⁹pele kusama impato alimwi kutasama tuputula tobile¹⁰Wakamba kubabele, "lyoonse nimunjila mumaanda, amukale awo kushika mpaka mukavwe awo. ¹¹Nakuti inkambe imwi ina kumutambula nikuba kumutelela ,mwakamuvwa mubusena bobo amukakunkumune lufuko kumatende enu kwamba bukabe bumboni ukwabo."¹²Bakaya kukambauka kwamba bantu bachinche . ¹³Bakatanda ma daimona manji manji alimwi ukunanika bamalwazhi alimwi ukubaponya.¹⁴Mwami heloda nakatelela, ukuti izhina lya Jeso lyakezhibwa cinicini .Bamwi kabamba ati "Joni mupapatizhi wabushiwa kuvwa kubafu nchichecho insana shamaleele nshishisebezela muli nguwe." ¹⁵Bamwi kabamba ati" ngu Elija "Pele bamwi kabaciya bwamba ati "ngu umwi waba shinshimi bakale kale."¹⁶Pele Helodi nakaatelela azo wakamba ati," Joni ngundakakosola mutwi,wabuka." ¹⁷Ukuti Heloda wakatuma kwamba Joni aangwe ukubikwa muntolongo mukaambo ka Helodiyas (muka Filipo munina), nkambo wakamutwala.¹⁸Ukuti Joni wakamwambila Heloda ati "tachili mu mulawo kwamba uwe utwale muka munyoko." ¹⁹Pele Helodiyasi camulemeka ukumukwatila inkoto alimwi kazanda kumuyaya, pele katakonzha, ²⁰ukuti Heloda kamutiya Joni; kezhi ati uliluleme alimwi muntu usalala alimwi kamulela ukumukwabilila . kumupupulala kakumupa kuzhingwa chinichini, pele kamutelela chakubotelwa .²¹Inzho bwakashika buzuba Heloda mbwakuzhibaluka buzuba nakazhalwa amane wakapanga ipobwe lya Bakando kando ubashikalumamba bakwe alimwi uba sololi baku galilaya. ²²Mwanakwe mushimbi Helodiyasi mwini wakenjila wabazhanina, chechi chakamubotela Heloda antomwi ubabo makakutambile kwipobwe. Mwami wakamwambila mushimbi ati, "nomba kufumbwa nchu zanda ndakupa."²³Wakashomezha ku mushimbi wamba ati " kufumbwa nchuka nomba, ndakupa, kuya kushika akati ka chishi changu." ²⁴Wakaya ansengwe wabambila baina ati, "Nchinzhi ncinkamulomba ?" Wakamwambila ati ,"mutwi wa Joni mupapatizhi." ²⁵Ndilyona wakabwela kuya ku mwami,amane walomba wamba ati ,ndazanda umpe , ndilyona inzho mutwi wa Joni mupapatizhi amutiba wachisamu."²⁶Nikuba kuti chechi chakamupenzha mwami,katakonzha kukaka kuli chalombwa nkambo kachishomezho alimwi ukambo ka beenzu batambe. ²⁷Inzho mwami wakatuma mushilikani kuvwa kuli wezo wakumulindilila ngona wamulailila ati alete mutwi wa Joni. Mulindizhi wakaya kumukosola mutwi Joni muntolongo. ²⁸wakoleta mutwi amutiba amana wamupa mushimbi, aze mushimbi wabapa baina. ²⁹Bashichiiya nibakaatelela aza bakeza kuubweza mutunta ukuutola muchuumbwe.³⁰Batumwa bakeza antoomwi uJeso bakamwambila shoonse nshibakachita ukuyiisha. Amane wakabambila ati, ³¹"kamuya lwenu nubeni kubusena buli iche amana mupumune ashoonto." Ukuti banji kabeza ukubwela,amana kabaina uchiindi chakulya. ³²Inzho bakaya mubwato kubusena buli iche lwabo beni.³³Pele bakababona nibakakuya ubobo banji banji bakabazhiba amana bakalukanka umatende antoomwi kuvwa munkambe shoonse amana balo bakabatangunina kushika. ³⁴Nibashika amuuma , wakabona inkamu yabantu ngona wakabafwila luse nkambo kabali ukoya imbelele ushiina mwembezhi .Ubobo wakatalika kubayiisha shintu shinji shinji.³⁵Nichakamana chiindi ,bashichiiya bakwe bakeza kwakwe ukwamba ati ,"bono mbusena buli iche amana uchiindi chamana . ³⁶Batande bakuya muminzhi ili mufwafwi bakaule shakulya shabo."³⁷Pele wakabaingula ati ,"amubape chakulya." Bakamwambila ati," Sa tukuya tukaule shinkwa shikwana mali ashika ku myaanda yobile kwamba tubape balye?" ³⁸Wakabambila ati , shili shongaye shinkwa nshimukwete? Amuye mubone ." Nibakaya babona, bakamba, "Shinkwa shosanwe amana Inswi shobile."³⁹Wakalailila bantu boonse kwamba bakale mutubunga bunga a Bwizu butontola . ⁴⁰Bakakala mutubunga tukwana mwaanda alimwi umutubunga twa makumi osanwe. ⁴¹wakashibweza shinkwa shosanwe iinswi shobile, amane kulanga kwizeulu wakashilongezha amane wakashikomauna ukupa bashichiiya kwamba bashibike ku bantu. Asho inswi shobile wakabanya boonse.⁴²Boonse bakalya kushikila bekuta. ⁴³Bakashibweza shinkwa shikomauninwe ,shinzuma shili ikumi u shobile shizwile alimwi ushipanzha sha shanswi. ⁴⁴Kabali shuulu sha myaanda yosanwe bamalombwana bakalya shinkwa.⁴⁵Ngonawo wakambila bashichiiya bakwe ati benjile mu bwato amana baye kumbele kuluya lumwi, ku Bethsaida nakamana wambila bantu ati bapiluke. ⁴⁶Nibakavwa waya waliza alupili kwamba akakombe. ⁴⁷Mangolezha nakashika, abo bwato kabuli akati kalwatele ,amana kali iche amuuma.⁴⁸Wabona ati bapatila mutunsene nkambo bazundwa ku muuwo . Chiindi cha kubushiku wakaya nkubabele , wenda a lwatele kazanda kubaitilila. ⁴⁹Nibakamubona wenda a lwatele,, kabazunga ngu shikazwa amane bakalila, ⁵⁰nkambo bakamubona alimwi chakabapenzha. Ndilyona wakamba abo wabaambila ati," amuzume Ndime ! mutatiyi!"⁵¹Wakenjila abo mu bwato ,u muuwo waleka kuunga . Chechi chabazoosha. ⁵²Nkambo baina kuchihumina cha chinkwa chichakwamba .myozo yazuluzha.⁵³Nibalanduka, bashoka amulando wa Genesaleti bwato babwaanga. ⁵⁴Nibakavwa mubwato bantu bamuhiba ngoona achiindi awo, ⁵⁵bamane batalika kulukanka muchishi choonse ukutalika kuleta balwazhi amasasa abo kufumbwa koko nkubamutelela ati nkwali.⁵⁶Kufumbwa kuti wanjila muminzhi na mu Nkambe na muchishi, balabika balwazhi amishika . Balamulomba bantu kuti abaleke bakwate kushikobelo shakwe, boonse bakakwata kushikobelo shakwe bakapona.

¹Ba falisi ubalembi bamwi bakavwa ku Jelusalemu bakabungana bamuzhinguluka.²Bakabona ati bashichiiya bakwe bakakulya chinkwa umatombe kumatashi, chechi, chilamba baina ukasamba. ³(ba Falisi ubama Juda tabalyi kabatana kusamba kumatashi, nkambo kabachilizha tunshiya-nshiya twabakando. ⁴Ba Falisi bahwa ku mushika, tabalyi chita basamba, alimwi balakwata shintu shinji shinji shibatambula shili ukoya kusanzya inkapu, shibiya, mitiba yalubulo njibalila.)⁵Bafalisi ubalembi bakamubuzha Jeso, "Nkambonzhi bashichiiya bako nchibatatobela tunshiya-nshiya twabakando, balalya chinkwa kwiina kusamba kumatashi?"⁶Pele wakabataba, "Isaya wakashinshima kabotu kuli umwe nubashikupaupa amenso.Kambo chili lembelwe ati, "Bantu balandemeka kumilomo yabo, pele myozo yabo ili kulaale ame. ⁷"Balankomba chabulyo, Balayiisha milawo yabantu itali ya Leza."⁸Mwaleka milawo ya Leza mwakwata milawo yabantu." ⁹Alimwi wakabambila, "Nchiinzhi nchimuleka milawo ya Leza kwamba mutobele tunshiya-nshiya twenu! ¹⁰Nkambo Mozesi wakamba, 'Lemeka bauso ubanoko,' alimwi, 'Wezo usampaula baushi na baina ulakafwa.'¹¹Pele wamba, 'Na muntu wamba kwabaushi na baina, "Kufumbwa buyovwe mbwatambula ati chiltewa kobani''' (nkukwamba,wapa Leza'), ¹²inzho telele kuchita linji chili choonse kwa baushi na baina. ¹³Mwalibuzha bulemu izwi lya Leza, nkambo katunshiya-nshiyatwenu ntumwaleta anshi ushimwi shintu nshimuchita shikozhana usheshi nshimuchita."¹⁴Wakompolola inkamu amane waamba ati, "Amumpupulale noonse ukutelelesha. ¹⁵Kwiina chintu chansengwe chinjila mumuntu chisofwazha. Chimusofwazha nchichecho chihwa mukati kamuntu nchichimusofwazha." ¹⁶Nakuti muntu ulikwete matwi akutelela, natelele.¹⁷Inzho Jesu nakashiya inkamu wakanjila munganda, bashichiiya bakwe bakamubuzha makani a kaambyo. ¹⁸Jeso wakaamba ati, "sa amwe tamuna kutelela? Choonse chanjila mu muntu chihwa ansengwe tachimusofwazha, ¹⁹nkaambo tachikonzha kunjila mu mozo wakwe, pele chilaya mwifu chamana chavwa chatolwa muchimbuzi?" Amane Jeso kubandika makani aza, Jeso wakaamba shoonse shakulya shilasalala.²⁰Wakaamba, "nchecho chivwa mu muntu chimusofwazha. ²¹Nkambo kuvwa mu muntu, ku mozo mumuvwa mizeezo mibiyabi mamambe, buteu kuyaya, ²²bumambe bubeshi, bubiyabi, kutashomeka, kulisumpula, lutuzhi,,matushi, kulikumbuzha ubulimbushi. ²³Shoonse sheshi shibi, shilavwa mukati, nshishisofwazha muntu."²⁴Wakazhimuka ukuya kubusena bwa Taya uku Sidoni. Kolya wakanjila munganda. Katazanda kwamba bantu bazhibe nkwabele, nikba bobo katakonzha kuzuba. ²⁵Pele ngona awo mukaintu wakakukwete mwana mushimbi wakakunjililwe moza mubiyabi wakatelela, wakashika wawila kumatende akwe. ²⁶Wezu mukaintu kali mu Giliki, kali mwenzu kali waku Fonika. Wakamulomba ati atande moza mubiyabi mu mwanakwe.²⁷Wakamushimwina ati, "Tanguna mupe chakulya bana. Nkambo tachili chibotu kubweza chinkwa chabana kusowela babwa." ²⁸Wakamutaba wamba ati, "Ee, Mwami, naba babwa bali munshi mwitebulu balalya bufwefwelenga bwa bana."²⁹Wakamushimwina, "nkambo ka bwambe bwako wanguluwa kuya. Moza mubiyabi wamuvwa mu mwanako." ³⁰Wakabweela ku nganda yakwe wayana mwanakwe ulilele abulo, moza mubiyabi wamuvwa.³¹Wakamuvwa mumunzhi wa Taya, wakosola mumunzhi wa Sidoni ku lwatele lwa Galilya mpaka kumunzhi wa Dikapolisi. ³²Bakamuletela wakakwina matwi alimwi katamba kabotu, bakamulomba kwamba amwampe matashi.³³Bakamukusha kubantu bamutla kumbali, amane wamubika minwe mu matwi ukufwila amane wakwata mulaka wakwe. ³⁴Wakalanga kwizeulu ngona walishishimukila, ukmwambila atii, "Efata,"nkukwamba ati, "Yalula!" ³⁵Awo ngona matwikawe akayaluka mulaka wakwe wakanguluka, watalika kwamba kabotu.³⁶³⁷Nikuba ati Jeso wakakasha kushimwina bantu. Pele balo nibakaitilizha uku bulana. Bakazhingwa chini chini, balamba, "wabamba shintu shoonse kabotu. ulalozha kubamba baina matwi kutelela ubataamba kwaamba."

¹Kumazuba azo, kwakaba ulimwi inkamu inkando, alimwi kakwiina chakulya. Jeso wakoompolola bashichiiya bakwe wabaambilaati, ²"Ndafwila inkumbu inkamu yezhi kaambo bakala ame kale mazuba otatwe alimwi kwiina nchibalya. ³Kuti ndabeta kwaamba baye kumaanda abo kwiina kulya, balaba nibawinzuka munzhila. Bamwi bahwa kulaale." ⁴Bashichiiya bakwe bakamutaba ati, nkukwi kutukozha kuyana shinkwa mono mubusena ushikwana bantu ba⁵Wakababuzha, "Shinkwa shongaye shimukwete?" Bakaamba ati, "Chiloba." ⁶Wakaamba chansana kwi bunga kwaamba bakale anshi. Wakabweza shinkwa shili chiloba, wapa kulumba, ukushikomauna. Wakashipa bashichiiya bakwe kushibika nkubabele, bamane bakashibika nkubabele bantu.⁷Kabakwete utuswi tongaana, amane wakapa kulumba, wakaamba chansana ku bashichiiya kwaamba babape usheshi asho. ⁸Bakalya bakekuta, ukubwezelela tupazha pazha twakakomauka, shinzuma shili chiloba. ⁹Bantu kabashika ku shuulu shone. Amane wakabamwaazha. ¹⁰Ngoonaawo wakanjila mubwato ubashichiiya, bamane bakaya kubusena bwa Dalumanuta.¹¹Ndilyona ba Falisi bakashika bakanka kuzhanya aze. Bakazanda kwakwe shitondezho kuhwa kwizeulu, kumusunka. ¹²Wakalishinshimukila mumoza wakwe ukwaamba ati, "Kaambooyi musela wezu nchuukapula shitondezho? Chini chini ndamushimwina, kwiina chitondezho chikaapewa kumusela wezu." ¹³Amane wakabashiya, wakenjila mubwato alimwi, waya kumutala umwi.¹⁴Inzho bashichiiya bakaluba kubwezelenzha chinkwa. Kabakwete bulyo chomwi chinkwa mubwato. ¹⁵Wakabalumika , waamba, "Amulangishe ukupakamana kubulohu bwaba Falisi u bwaka Helodi."¹⁶Bashichiiya bakakazhanya beni ubeni ukaambo kakuti kabayina shinkwa. ¹⁷Nakachiteelela chechi, wakababuzha ati, "Kaambooyi mulakazhanya makani akubula shinkwa? Sa tamuna kubona na kuteelelesha? Sa mwaleka kutelaika?¹⁸Mulikwete menso, sa tamuboni? mulikwete matwi, sa tamuteeleli? Sa tamuzhibaluka? ¹⁹Lelyo nindakakomauna shinkwa kuli bali shuulu shosanwe, nshinzuma shongaye shimwakabwezelela shatupazha pazha twa shinkwa? Bakamwiingula ati, "Ikumi u shobile."²⁰"Lelya indakakomauna shinkwa shili chiloba ku bantu bashika kushuulu shone, shili shongaye shinzuma shakezula tupazha pazha twa shinkwa nshimwkabweza?" Bakaamba kwakwe ati, "Chiloba." ²¹Wakaamba ati, "Sa tamuna kuteelelesha?"²²Nibakashika ku Betisayida. Bantu bakamuletela mulombwana moofwu bamukumbila kwaamba ati amukwate. ²³Jeso wakamukwata wezu mulombwana kwitashi amane wamutola ansengwe umunzhi. Naakamana kufwila mate ukumwampa matashi akwe, wakamubuzha, "Sa kuli nchiwabona?"²⁴Wakalyaalala, u kwaamba ati, ndabona balombwana balalibonya ukoya masamu aaya bweenda." ²⁵Alimwi wakamubika matashi kumenso, ulimwi wezo mulombwana wakaayalula menso, kubona kwakwe kwakazhoka, wakashibona shintu shoonse kabotu mbushiboneka. ²⁶Jeso wakamutuma kumunzhi wakwe u kwaambaati, "Utakaunjili munzhi."²⁷Jeso wakeenda u bashichiiya bakwe kuya muminzhi ya Kayisaleya Filipi. Nibakaakuya munzhila wakababuzha bashichiiya bakwe, "No bantu balaamba ati ndimeni" ²⁸Bakamwiingula baamba ati, 'Johani mupapatizhi. Bamwi ati, 'Elija,' ulimwi bamwi ati, 'Umwi wabashinshimi.'''²⁹Wakababuzha abo, "No umwe mulaamba ati ndimeni?" Pita wakaamba kwakwe ati, Ndiwe Kilisito." ³⁰Jeso wakabashinka waamba kutabi naaba womwi ngubakashimwina.³¹Wakakanka kubayiisha kwaamba Mwanaa Muntu ulyeelele kupenga mushintu shinji shinji, ulimwi ulakakakwa kubando kando ulimwi uku bapayizhi bakando ulimwi ukulembi, ulimwi ulakayayiwa, kwayita mazuba otatwe ulakabuka. ³²Wakaa amba aza makani chakutasoseka. Ngoonaawo Pita wakamubweza kumabali ukutalika kumulemanina.³³Pele Jeso wakachindulukila ku bashichiiya bakwe amane wakamulemanina Pita waambaati, "Ba kumanuma kwangu, Shatani! Tubikile muzeezo wako ashintu shaka Leza, pele ashintu shaku bantu." ³⁴Ngoonaawo waketa imbunga u bashichiiya bakwe antoomwi, u kubaambila ati, "Nakuti kuli uzanda kuntobela, ulyeelele kulyaaba lwakwe mwini, abweze chichinkano chakwe, amane anchilile.³⁵Woonse uzandisha kufwutula bumi bwakwe ulakabuluza, ulimwi uuluza bumi bwakwe a kaambo kangu ulimwi u mulumbe ulafwutula bumi bwakwe. ³⁶Chilayohwaayi muntu kulela luundu loonse u kuluza bumi bwakwe? ³⁷Nchiinzhi chaakonzha kupa muntu kuchinchanya u bumi bwakwe?³⁸Woonse umfwa insoni ulimwi umazwi angu momu mubumambe ulimwi u musela wezu wa bashishibi, Mwanaa Muntu ulakamufwa insoni akazhiza mu bulemu bwaka Ushi antoomwi u Bangelo Basalala."

¹Ulimwi jeso wakabashimwina ati," nchobeni ndamwambila, nkubali bamwi benu bazhimine ano batakaaboni lufu kabatna kubona bwami bwa Leza kabuzhiza iinsana." ²kwite mazuba ali chisambomwe , Jeso waabweza Pita u jemusi u joni waliza abo alupili,, kabali beni. Amane Jeso wakachinchiwa kububushu bwabo. ³Shikobel shakwe shakachincha ukumweka ukutuba cinicini kubaala shintu shamuluundu.⁵Ngoona Elija u Mozesi bakalibonya kwabo alimwi kabaamba u Jeso. ⁴Pita waingula ukwamba kwa Jeso ati," mwiiyi ncibotu kwesu kuba ano, ubobo atuzake maanda otatwe , yomwi yako, yomwi ya mozesi, alimwi yomwi ya Elija." ⁶Nkaambo wakabula chakwaamba, kuti balo kabafwile bukandu.)⁷Ikumbi lyakeza ukubahumba kwamana kwakatelelwa izwi kuvwa mwikumbi," Wezu ngumwanangu muzandishi nomutelele." ⁸Nibakachebuka alimwi kwiina ngubakabona unji cita Jeso.⁹Ubobo nibakakwiza buseluka alupili wakabashimwina ati bataambila muntu naba womwi kuli nshibabona kushikila mwana a muntu akabushiwe kuvwa ku bafu. ¹⁰Ubobo bakaazobola aza makani mushamba shabo nikuba bobo bakabandika mulwabo chaamba kubushiwa ku bafu nchichaamba.¹¹Bakamubuzha ati " Nkambo nzhi balembi ncibambila ati Elija ulyelele kutanguna kwiza. ¹²Jeso wakabashimimwina ati," Elija ulyelele kutannguna kwamba abambulule shintu shonse. Nkambonzhi nchikulembelwe ati mwanaa muntu ulyelele kupenga kushintu shinji shinji ukusampaulwa? ¹³Pele ndamushimwina ati " Elija washika kale, alimwi bakachita shonse shibazanda kwakwe ,umbona mbukulembelwe kumakani akwe."¹⁴Nibakashika kwakuli bashichiiya .inkamu inkando yabantu ilibazhingulukile abo balembi kabakazhanya abo. ¹⁵Mbubakamubonena jeso inkamu yonse yakazhingwa alimwi ciindi nibaamulukankila bakamwaanzha. ¹⁶Wakabuzha bashichiiya bakwe ati,"Nchinzhi nchimukazhanya abo?"¹⁷Umwi muntu akati kabo wakataba ati ," Mwiiyi ndaleta mwanangu mulombwana kwako ulikwete moza mubiyabi umukasha kwamba . ¹⁸Chilamukwata ukumuwaala anshi ulavwa iyovu kumulomo ukuluma intwino ukuzuma mubili. Inzho ndakulombele bashichiiya bako ati bachitande pele bakakilwa." ¹⁹Wakabaingula ati " Lunungu lutashomi, nchiindi cilamfu buti nchinkakala amwe? cilampe buti chiindi nchinkapenga amwe.²⁰Bakamuleta mwembezhi kwakwe .Inzho moza nuwakabona Jeso , ndlyona buyo wakamukwata ukumuzhangamya. Mwembezhi wakawa anshi ngona wavwa iyovu kumulomo. ²¹Jeso wakababuzha baushi ati, " anu chakamutalika lili? Baushi bakaingula ati" kuvwa kubushnto bwakwe. ²²Ciindi chimwi chilamuwala mu mulilo naba mu meenzhi kuzanda ukumuzonauna .Kuti na ulakonzha kuchita chimwi chintu,kwata inkumbu utuyovwe."²³Jeso wakamushimwina ati ,"kuti na ulakonzha?" shonse shintu nshuba kumuntu ushoma." ²⁴Ndilyona buyo ushi mwana wakapozomoka kulila ati "ndashoma ! njovwa kutashoma kwangu. ²⁵Jeso nakabona inkamu ilabalukankila ,wakotanda moza mubiyabi ukushimwina ati "uwe umoza nutaamba ukutatelela ,ndamba muvwe mu mwembezhi alimwi utazhoka linji muli nguwe."²⁶Ngoona awo moza mubiyabi wakakwiila ukumuzumya chansana mwembezhi amane wamuvwa waya. Mwembezhi wakawizuka chinichini,chakuti bantu banji banji bakamba ati," wafwa." ²⁷Nikuba bobo Jeso wakamukwata kwitashi ukumuzhimuna, ngoona mwembezhi wakazhimuka .²⁸Jeso wakanjila munganda bashichiiya bakwe bakamubuzha mumaseseche ati, "nchinzhi nchitwatachilozhezha kutanda moza mubiyabi?" ²⁹Wakabashimwina ati , "chechi tachikonzha kuvwa cita kukomba ukuliimya."³⁰Nibakavwa kubusena koko ukwita mu Galilaya katazanda kwamba naba muntu womwi azhibe nkubakubele, ³¹ukuti kayiisha bashichiiya .Wakabaambila ati, "mwana a muntu ulapewa mumatashi abantu ,ukumuyaya .Pele nikuba kwamba ati ulakayayiwa, kwaita mazuba otatwe ulakabuka ulimwi." ³²pele baina nchibakatelela mukambo kako alimwi bakatiya ukubuzha.³³Inzho nibakashika ku kapenaumu .nakenjila munganda wakababuzha ati," nchinzhi nchimwakubandika munzhila?" ³⁴Pele bakaliinza bulyo .Nkambo kabakazyanya uumwi-uumwi kwaamba ati nguni mukando. ³⁵Nibakakala anshi Jeso wakompolola bali ikumi ubobile ukubashimwina ati "nakuli uzanda kuba mukando ,ulyelele kuba mushalizhi ukuba muzhike wabantu boonse."³⁶Jeso wakazhimika mwana akati kabo .wakamubweza umatashi akwe ukubaambila ati, ³⁷kufumbwa utambula mwana uli bolya mwizhina lyangu ulatambula ume; woonse untambula , indime ngwatambula buyo pele watambula uwezo wakantuma."³⁸Joni wakamba kwakwe ati , "mwiiyi twabona umwi muntu ulatanda myoza mibiyabi mwizhina lyako ubobo twamukasha nkambo tatuchilila." ³⁹Pele Jeso wakamba ati " mutamukashi ,nkambo kwiina ukonzha kuchita milimo mikando mwizhina lyangu amana ukwamba shintu shibiyabi ali ume.⁴⁰Kufumbwa wezo utatulwisha atati uli aswe. ⁴¹Kufumbwa wakupa inkapu ya meenzhi akunwa mwizhina lyangu, ulakayana bulumbu.⁴²⁴⁴v 42 Kufumbwa wezo ukalebya omwi wa bashoonto bashoma mwangu ,chabota angwe ibwe ikando munshingo ukusowelwa mu lwatele. ⁴³Kuti na itashi lyako lyakulebya, likosole. Chabota kunjila mu bwami ubulema kubazha umatashi obile ukuya mwibibi lya mulilo, mumulilo utazhimwa.⁴⁵⁴⁶Kuti na itende lyako lyakulebya , likosole .chabota kunjila mubwami ubulema kubaala kuwaalwa umulilo umatende obile.⁴⁷Kuti na linso lyako lyakulebya chabota ulikushe ,chabota kunjila mubwami bwa Leza u Linso lyomwi kubaala kuya mumulilo u menso obile. ⁴⁸Mwalo momo maumba abo mwatafwi alimwi umulilo mutazhimi.⁴⁹Nkaambo noonse mulakasubulwa umulilo. ⁵⁰Mwino mubotu pele kuti wabula muchanka mbubuti mbukonzha kukwata muchanka alimwi.

¹Jeso waavwa koko ukuya kuchishi cha Judeya u chishi chili kumutala wa lweenje lwa Joodani, Bantu banji banji bakazhiza. Wakabayiisha umbona, mbwakuchita lyoonse. ²Ba Falisi bakeza kumusunka uku mubuzha, "Sa ku mulawo chililuleme mulombwana kuleka mwinakwe?" ³Wakabaingula ati, "Anu Mozesi wakamulailila buti? ⁴Bakaingula ati, "Mozesi wakahumizha mulombwana kulemba chipepa chakulekana amana wamuleka.⁵"Nkaambo kakuzuma myozo kwenu nchaka mulembela mulawo wezu," Jeso wakabashimwina ati, ⁶"Pele kuvwa kumalengelo, 'Leza wakapanga mulombwana umukaintu.'⁷'Ubobo mulombwana ulakashiya baushi ubaina ukukakatila ku mwinakwe, ⁸Alimwi balakaba muntu womwi 'Tabachili bobile,pele mubili womwi. ⁹Nkambo kako nchaswanganya Leza antoomwi, kwiina muntu wandanya."¹⁰Inzho nibakakuli munganda, bashichiya bakamubuzha alimwi makani azo. ¹¹Wakabambila ati, "Wezo uleka mwinakwe ukutwala mukaintu unji wachita mamambe. ¹²Aze mukaintu uleka mulumyakwe ukutwalwa kunji, wachita mamambe."¹³Inzho bakamuletela twana kwamba atwaampe, pele bashichiiya bakabakasha. ¹⁴Jeso abone bobo, wakabalemanina, wabashimwina ati, "amubaleke bana bashoonto bazhize kuli ume, mutabakasha, nkambo bwami bwakwizeulu mbubwabo bali ukoya mbabo.¹⁵Nchobeni ndamushimwina ati, kufwumbwa wezo utatambuli bwami bwa Leza ukoya mwana mushoonto takenjili." ¹⁶Inzho wakabweza twana mumatashi amane watulongezha nakutwaampa matashi amitwi.¹⁷Inzho nakakuya bwenda munzhila, kwakamulukankila mulombwana umwi wamusunkumanina, wamubuzha ati, "Mwiiyi mubotu, Nchinzhi nchinkachita kwamba njane bumi buteeli?" ¹⁸Jeso wakamba ati, nkambo nzhi ulenta ati mubotu? Kwiina muntu mubotu chita leza iche. ¹⁹Uliizhi milawo ya Leza: 'Utayaya, utachiti mamambe, utebi, utapi bumboni bwakubeya, utabi shimakulo, lemeka bauso ubanoko.'''²⁰Wezo mulombwana wakataba ati, "Mwiiyi kuvwa kubwana bwangu kwiina naba womwi mulawo ngwindatakachilia." ²¹Jeso wakamulangilila cha lufuno. ukumushimwina ati, "chintu chomwi chisheele. Ulyelele kuuzha shoonse shuukwete amana ukape bapushi, ulakabuyana buhubi kwizeulu. Wamana uzhize unchilile." ²²Pele nkaambo ka twambo totu wakalibonya kulemana amane wakaya umbukali, nkambo kahubile.²³Jeso wakalanga langa amane wambila bashichiiya ati, "nchizumu kubantu bahubi kunjila mubwami bwa Leza." ²⁴Bashichiya bakazhingwa mazwi aza.Jeso wakabambila alimwi ati, "Bana, mbuchili chizumu kunjila mu bwami bwa Leza! ²⁵Nchuuba inkamela kunjila mulinso lya nsonde kubaazha muhubi kunjila mu bwami bwa Leza."²⁶Bakazoowa chini chini amane baatalika kubuzhanya ati, "Inzho nguni ukonzha kufutulwa?" ²⁷Jeso wakabalangilila wabambila ati, "Kubantu nchizumu pele kwa Leza nchuuba." ²⁸Pita wakaamba ati, "Bona, uswe twakashiya milimo yoonse twakuchilila."²⁹Jeso wakaamba ati, "Chini chini ndamushimwina ati, kwiina naaba womwi wakashiya inganda yakwe nibaba banina balombwana nibaba bamakaintu naaba baina naaba baushi nibaba bana niba myuunda ukaambo kangu u makani mabotu ³⁰utakapewa bulumbu bunji bunji kuchiindi cheno muchishi mono: maanda banina balombwana ubakaintu bamaina u bana u myuunda kubiklizha u mapenzhi, u muchishi chiza, bumi butamana. ³¹Pele banji banji bataanzhi balakaba bashalizhi amana bashalizhi bataanzhi."³²Kabaya bwenda munzhila iiya ku Jelusalema, Jeso kali kumbele lyabo. Bashichiya bakazhingwa, ubabo bakuli munshi kabafwile bukandu. Amane Jeso wakatola bashichiya ambali ulimwi wakatalika kubambila shizanda kumchitikila. ³³"Amubone, tulaya ku Jelusalema, mwanaa muntu ulakaabwa ubapaizhi bakando ubalembi.Balakamupa mulandu wakuyaiwa ukumwaaba umatshi abantu bakunze. ³⁴Balakamusabuzha, ukumufwila mate, kumuma, uku muyaya. Pele kubuzuba bwatatu ulakabuka."³⁵Jemusi u Johani, banawe Zebedi baeza kwakwe bamwambila ati, Mwiiyi, tulzanda utuchitile kufumbwa nchitukalomba." ³⁶Wakabambila ati, "Nchinzhi nchimuzanda ati muchitile?" ³⁷Bakamba, Tuhumizhe tukakale aze mubulemu, umwi kwitashi lyako lya lulyo amana umwi kulumwenshi."³⁸Pele Jeso wakabaingula ati, "Tamuchizhi nchimulomba. Sa mulakonzha kunwa inkapu njinkanwa naba kwita mu lupapatizo ndwinkapapatizwa?" ³⁹Bakaingula ati, "Tulachikonzha." Jeso wakabambila ati, mu nkapu mwinkanwa amwe mulanwa umu lupapatizo mwinkapapatizwa amwe mumukapapatizwa. ⁴⁰Pele ukaakala kululyo nakulumwenshi takuli kwangu kupa, pele kuli babo babambililwe."⁴¹Babo bashichiya bali ikumi nibakatelela, bakalemanina ba Jemusi u Johani. ⁴²Jeso wakabompolola boonse wabambila ati, "Mulizhi ati babo bendelezha bwami bwakunze balabendelezha, ulimwi babo bali kumbele balasebezha kami kami ali mbabo.⁴³Pele kuli umwe tachelele kuba bobo pe.Kufumbwa wezo uzanda kuba mukando akati kenu ulyelele kuba muzhike wenu, ⁴⁴Alimwi woonse uzanda kuba kumbele ulyelele kuba muzhike waboonse. ⁴⁵Ukuti Mwana muntu wina kwiza kusebezelwa, pele kusebezela, ukupa bumi kubantu boonse."⁴⁶Bakashika ku munzhi wa Jeliko. Nibakavwa mu Jeliko uba shichiiya bakwe inkamu ya bantu, mwanakwe Timeyasi, Batimeyasi, mofwu shikulombelela,kashite kumbali kunzhila. ⁴⁷Nakatelela ati ngu Jeso waku Nazaleta, wakatalika kupozomoka ati, "Jeso, mwanakwe devidi, mfwila luse! ⁴⁸Banji bakamulemanina mulombwana, ukumwambila ati aliinze. Pele walo wakapozomoka chansana, "Mwanakwe Devidi, mfwila luse!"⁴⁹Jeso wakazhima wabambila ati bamwite. Bakamwita mulombwana mofwu, bamwambila ati, Utatiyi! Zhimuka! Ulakwita." ⁵⁰Wakachisowa chikobelo chakwe, wazhimuka,weza kwa Jeso.⁵¹Jeso wakamwingula ati, Nchinzhi nchuzanda kwamba nkuchitile?" Mulombwana mofwu wakamba ati, "Mwiiyi ndazanda mbone." ⁵²Ngona Jeso wakamwambila ati, "Koya." Lushomo lwako lwakuponya." Ndilyona wakabona ulimwi, alimwi wakamuchilia mu nzhila.

¹Inzho nibakaswena afwaafwi ku Jelusalemu ,bakashika kuminzhi ya Betefage, u Betani, afwafwi u Lupili lwa Olive, Jeso wakatuma bashichiya bobile ²wabambila ati "Kamuya ku munzhi uli kumbele. Kumanjililo mulakayana mwana wa mbongolo utanalizilwe muntu ulyangilwe. ³Mukamwangulule mumulete kwangu. Nakukabe muntu umubuzha ati, 'No nchinzhi nchimuchitila bolya?' mukamwingule ati, 'Mwami ulamuzanda ulamuzhola ninzho ninzho."'⁴Bakaya kumunzhi kolya ukuyana mwana wa mbongolo ulyangilwe ansengwe kunzhila, amane bakamwangulula. ⁵Bantu kabazhimine kumbali amane bakababuzha, "nchinzhi nchimuchita kwangulula mwana wa mbongolo?" ⁶Bakabambila mbubona mbwakabalailila Jeso, amane bantu bakabaleka bachita mbubona.⁷Bakamuleta mwana wa mbongolo kwa Jeso bamane bakabika shikobelo ambongolo ngona wakaliza wo. ⁸Bantu banji bakazala shikobelo shabo munzhila, abo bamwi bakazala mitabi njibakatema kuvwa mu myuunda. ⁹Babo bakuli kumbele ubabo bakumuchilile bakapozomoka, "Hossana! Ulilonjelelwe uzhiza mwizhina lya Mwami. ¹⁰Ulilonjelelwe munzhi wa ushesu Devid! Hosana mwizeulu!"¹¹Inzho Jeso wakanjila mu Jelusalemu waya wanjila mu chikombelo wakalanga langa shintu shonse.ciindi mbuchakumanine wakaya ku Betani ubabo bali Ikumi ubobile. ¹²Nibwakacha nibakakuvwa ku Betani, wakafwa inzala.¹³Wakabona ikuzu alale lyaka kushukile matuhu manji manji, wakaya kwamba abone na kuli michelo, pele nakashika, wakayana kwina michelo chita buyo matuhu, nkambo chiindi chankuzu kachitana kushika. ¹⁴wakalyambila ikuzu ati, "Kwina linji uya kulya michelo kwako alimwi." Bashichiya bakalitelelela.¹⁵Bakashika mu Jelusalemu, ngoona wakanjila mu chikombelo watalika kutanda bakusambala uba kuula mu chikombelo. Wakapindamuna matebulu aba shikuchincha mali u shuuna shaba shikusambala inkwilimba. ¹⁶kwiina nakahumizha kuleta kufumbwa chisambalwa mu chikombelo.¹⁷Wakabayiisha wamba ati, "Sa takulembelwe ati, 'Inganda yangu ilakutewa ati ninganda yaku kombela ubamashi oonse'?Pele umwe mwechita kuba chizubilo cha batewu." ¹⁸Bapaizhi bakando ubalembi bakaatelela ngakaamba, bakatalika kukapula inzhila yakumuyaya. Kaba mutiya nkaambo bantu banji kabazhingilwe mbwakuyiisha. ¹⁹Abe mangolezha, bakooshiya munzhi.²⁰Nibakuya bweenda chifumo fumo bakalibona ikuzu lilizumine kushika kumizanda. ²¹Pita wakazhibaluka ukwamba ati, "Mwiiyi, langa! Ikuzu ndiwakashinganya lyazuma."²²Jeso wakabaingula ati, "Amukwate lushomo mwa Leza. ²³Chini chini ndamushimwina lupili lolu ati, 'Zhuka awa uliwale mu lwatele; kuti wina kuzuluzhamu mozo pele washoma ati checho ncha amba chilachitika, nchakachita Leza.²⁴²⁶Ubobo ndamushimwina ati: Choonse nchimukumbila ukulomba, amushome ati mwakachitambula, alimwi chilaba chenu. ²⁵Chiindi nimuzhima kukomba, mulyelele kubalekelela boonse bakamubishizha, kwamba amwe Ushenu uli kwizeulu amulekelele milandu yenu."²⁷Nibakashika ku Jelusalemu alimwi. Nakakunjila mu chikombelo, bapaizhi, balembi, alimwi ubasololi bakamwiila. ²⁸Bakamwambila ati, "Ninsana shaani nshu sebezha shikupa kwamba uchite sheshi nshuchita, alimwi nguni waakupa sheshi insana?"²⁹Jeso wakabuzha ati, "Mushimwine ame ndamushimwina. ³⁰Sa lupapatizho lwa Johani , lwa kahwa kwizeulu na ku bantu? Amunyingule,"³¹Bakabandika mulwabo ukulizumanana kwamba, "kuti twambe, 'Kuvwa kwizeulu,' ukalamba ati, 'Nchinzhi nchimuta mushomeni?' ³²Pele kuti twambe, 'Kuvwa kubantu,'... ." Kabatiya bantu, nkambo bonse kabashomene ati Johani kali mushinshimi. ³³Bakamwingula Jeso ati, Twiina nchitwizhi." Amane Jeso wakabambila ati, "Ame nshimushimwini insana nshinsebezha kuchita shintu sheshi."

¹Inzho Jeso wakatalika kubayisha mutwambyo.Wakaamba ati, " Kwakuli mulombwana wakashanga munda wa masansa, wakazaka lwiingo chakuzhinguluka munda, washa uchilindi chakushinina waini. Wakazaka busanza ukuushiya munda mumatashi a basebezhi ukuya amusinzo. ²Chiindi chakutebula nichakashika watuma muzhike wakwe kubasebezhi kwamba atambule michelo imwi ya mu munda. ³Pele bakamuuma ukumupilusha kwina umichelo.⁴Ulimwi wakatuma muzhike wabili, aze bakamuma bamuchisa ku mutwi uku muusha insoni. ⁵Alimwi wakatuma unji, wezu bakamuyaya. Bakaitilizha kubachita bobo ubamwi, banji banji, kuuma bamwi kuyaya.⁶Inzho kwakashala womwi, mwanakwe ngubakuzandisha Ngwakatuma kumamanino, 'Balakamupa bulemu mwanangu.' ⁷Pele basebezhi bo muunda bakaamba umwi umwi ku mweenzhina, Wezu ngu mulya inzhina.Kamwiza tumuyaye, amana lubono lulaba lwesu.'⁸Bakamukwata, bamuyaya ukumusowela kunze lya munda. ⁹Inzho mukamwini munda ulachita buti? ulakashika kuzonauna basebezhi ba mumunda ukuupa bamwi munda.¹⁰Sa mwina kukabala kapango kaka? 'Ibwe lyaakakwa ku bazashi ndilyakaba izandishi. ¹¹Aza akavwa ku Mwami, alimwi mabotu mu menso esu.''' ¹²Kumane basololi baba Juda bakakapula inzhila yakumwanga Jeso nkambo bakezhiba ati ulamba mankumbilizha kwabo. Pele bakatiya inkamu yabantu. Ubobo bakamushiya baya.¹³Munshi bakamutumina ba Falisi u bana Helodi kwamba bamukwatile mutwambo. ¹⁴Nibakashika, bakmwambila ati, "Mwiiyi," tulizhi ati wina makani umatelaishi amuntu, alimwi tusalaula bantu. Ulayiisha inzhila ya leza. Sa chili mumulawo kupa mutelo kwa Kaisala na pe? Sa tulyelele kupa na tatwelele?" ¹⁵Pele Jeso kezhi bushikupaupa amenso bwabo ubobo wakabambila ati, "Nchinzhi nchimunsunkila? Amundetele ili kwamba ndilange lange."¹⁶Bakaleta lyomwi kwa Jeso. Wakabambila ati, Sa chilakozha ni chechi chili awa? Bakamba, "Kaisala." ¹⁷Jeso wakamba, Amupe kaisala sha kaisala ulimwi mupe Leza shintu sha Leza." Bamuzhingwa.¹⁸Inzho ba Saduki, babo bamba ati, kwina bubuke bwabafwu bakeza kwakwe. Bakamubuzha ati, ¹⁹"Mwiiyi, Mozesi wakatulembela, 'Na kuti munyoko mulombwana wafwa washiya mukaintu, ukwina mwana ngwashiya, munina mulombwana ulyelele kumukona, kwamba amupangile lunungu munina.'²⁰Kwakakuli balombwana babunina bali chiloba; mutaanzhi wakatwala amane wafwa, wina nakashiya lunungu, ²¹Wabili wamukona amane wafwa, kutashiya lunungu, uwatatu mbubona. ²²Boonse bali chiloba bakafwa kutashiya lunungu. Kumamanino, aze mukaintu wafwa. ²³Kububuke, lelyo bakabushiwa boonse, ulakaba mwinakwe ni."²⁴Jeso wakamba ati, "Sa kaka tali nku kaambo nkumulubizha, Nkambo tamwezhi malembe nishiba insana sha Leza? ²⁵Ukuti na babuka ku bafwu, kwina kutwala na kutwalwa, pele bali ukoya bangelo ba kwizeulu.²⁶Pele kukwatikizha makani akubushiwa kwa bafwu, sa mwina kukabala mwibuka lya Mozesi, kumakani achisoko, Leza mbwakambila Mozesi ati, 'Ndime Leza wa Abulaham, Leza wa Isaki ulimwi u Leza wa Jakobo'? ²⁷Tali Leza wa bafwu, pele wabapona. Umwe muliswekele."²⁸Umwi wa balembi wakeza watelela kumubandi wabo; wakabona ati Jeso wakabaingula kabotu. Wakamubuzha ati, "nguliye mulawo ubaala yoonse?" ²⁹Jeso wakamwingula, "muzandishi nguwezu, 'Telela, izilaeli, Mwami Leza wesu, Mwami uli womwi. ³⁰Funa Mwami Leza wako umzo wako wonse, umoza wako woonse, Umizeezo yako yoonse, alimwi ukunsana shako shoonse.' ³¹Mulawo wabili nguwezu, 'Funa shimukobo noko ukoya mbulifwini umwini.' Kwiina milawo ubala ali yezhi."³²Mulembi wakamba ati, Mwiiyi mubotu! Wamba bwini ati Leza uli womwi ulimwi kwina leza uunji kunze lyakwe. ³³Kumufuna umozo wako woonse u mizeezo yako alimwi ukunsana shako shoonse, alimwi ukufuna shimukobo noko ukoya mbulifwini chilabazha u shipaizho ushipo shitente." ³⁴Jeso nakamubona waingula chabusongo,wakamwambila ati, tuli kulaale ubwami bwa Leza," kuvwa awo kwina wakuchizanda Jeso kumubuzha linji.³⁵Jeso naka kuchiyiisha mu lubanza lwa chikombelo wakamba, "Mbubuti balembi mbubakonzha kwamba Kilisitu mwanakwe Devidi? ³⁶Devidi lwakwe mu Moza usalala,wakamba, 'Mwami wakamba ku Mwami wangu, "Kala kululyo lwangu kushikila mbike bashinkondo noko kumatende ako.''' ³⁷Devidi lwakwe ulamwita ati 'Mwami,' mbubuti Kilisito mbwakonzha kuba mwanakwe Devidi?"Inkamu ya bantu kababotelelwe kwiiya kwakwe.³⁸Mukuyiisha kwakwe Jeso wakamba ati , "Amuchenjele ku balembi babo benda u masani malamfu ukuzandisha kwanzhiwa mu mishika, ³⁹ukuzandisha kukala a shuuna shilemu mu ma sinagogu umu mapobwe. ⁴⁰Balanjila mu maanda aba muka bafwu, alimwi balapaila mipailo milamfu kwamba babonwe ku bantu. Babo balakapewa chisubulo chibaala."⁴¹Inzho Jeso wakakala kufwafwi uchizobwelo cha mali mubusena bwa chikombelo wakakulangilila bantu mbubakubika mali muchizobwelo.Bunji bwabahubi bakapa kwingainya ubuhubi bwabo. ⁴²Kwakashika muka mufwu mupushi wabika tuli twa mukuba tobile, tukwana i peni.⁴³Wakompolola bashichiya bakwe amane wabambila ati, "chini chini ndamwambila ati, wezu mukaintu muka mufwu, wapa kubaala boonse babika muchizobwelo. ⁴⁴Boonse babika kwingainya ubuhubi bwabo.Pele muka mufwu, wapa mubupushi bwakwe, wapa oonse mali ngakushoma mubumi bwakwe."

¹Awo Jeso naakaakweenda kuhwa mu chikombelo, umwi wa bashichiiya wakaamba kwakwe ati, "Mwiiyi, bona bubotele Mabwe aza ulimwi u bubotu bwa mazake!" ²Jeso wakamwaambila ati, "Sa wabona mazake aza makando? Kwiina ibwe niliba lyomwi likaaba amweenzhina litakaa andaulwa."³Lelyo nakaakushite a Lupili lwa Olivi lulangene IIntempele, Pita, Johani, u Andulu bakamubuzha kumabali, ⁴"Twaambile, ndililiye sheshi shintu nishikachitika? Shitondezhooyi shikakaba lelyo shintu shoonse nishikakachitika?"⁵Jeso wakatalika kwaamba nkubale, "Amuchenjele kutabi naaba womwi ukamusowa. ⁶Banji banji balakeza mwizhina lyangu u kwaambaati, 'Ndime wezo,' Alimwi balakasowa banji banji.⁷lelyo mwakateelela Ikondo iintwintwi ya nkondo, mutakafwi bukandu; sheshi shintu shilyeelele kuchitika, pele mamanino taana kushika. ⁸Chishi chilakabukila Chishinina, U Bwami bulakalwisha Bwami nina. Kulaba kundindima Kwanshi kumasena manji manji, ulimwi iinzala. Koku nkukutalika kwa Mapenzhi.⁹"Amulimbile, balakamutambika ku kabunga, ulimwi mulakauminwa mu Sinagogi. Mulakazhima kumbele lya beendelezhi u ba Bami kaambo kangu, bukabe bumboni kuli mbabo. ¹⁰Pele mulumbe ulyeelele kukambaukwa ku mashi woonse.¹¹Bakamukwata ukumutambika kubabeteshi, mutakalibiliki chakuya kwaamba. Kaambo kuchiindi checho, nchimuya kwaamba mulakapewa; tamukabi umwe nimukakaamba pele Moza Usalala. ¹²Munina mulombwana ulakaaba munina mulombwana kulufwu, aze Ushi umwanakwe mwini. Bana balakabukila bazhali babo ukuchita kwaamba bafwe. ¹³Mulakasulwa ku bantu boonse kaambo kezhina lyangu. Pele wezo utatanana kushika kumamanino, wezo Muntu ulakafwutulwa.¹⁴"Inzho wabona chitonda chiteelele kuchitika chazhima mubusena muchataakweelele kuba," (ubala nateeleleshe) "babo boonse bali mu Judaya balukankile u Mapili. ¹⁵Wezo uli alululi lwa ng'anda teelele kuseluka kuya mung'anda na kubweza chintu kuhwa mung'anda, ulimwi ¹⁶wezo uli mumuunda atapiluka kuya kubweza Ikoti lyakwe.¹⁷Pele mawe kulibabo bamishi ulimwi ukuli babo banonsha bana ku mazuba azo! ¹⁸Amukombe kwaamba chita kabi chiindi cha Mweto. ¹⁹Ukuti azo alakaba mazuba abuzumu zumu umapenzhi, azo atanaabele mbubwakabela bulenge Bwanshi, bobo Leza mbwaakabamba, kushila ninzho, pe, nikuba na chilakaba linji. ²⁰Chita kuti Mwami a kafwiinshe mazuba, kwiina muntu u kakafwutulwa. pele bulyo kaambo kabasale, babo mbaakasala, ulakakosola mazuba.²¹Ubobo nakuti umwi wakwaambilaati, 'langa, nguweno Kilisito!' na 'langa, nguwelya kolya. mutakachishomi. ²²lelyo ba Kilisito babeshi u ba polofita babeshi balakabulika ukuleta shitondezho shizoosha shakuchenzha Bantu, nibaba , boonse ubasale. ²³Amuchenjele! ndamushimwina shintu sheshi shoonse kachitana kushika chiindi.²⁴"Pele akaita mazuba azo a mapenzhi, izuba lilakashiya mbi, mweezhi wiina nukakapa linji mumuni. ²⁵Intongwezhi shilakawa kuhwa mwizeulu, ulimwi iinsana shili mwizeulu shilakazungaanyiwa,' ²⁶Lelyo balakabona Mwanaa Muntu uleza mumakumbi iinsana shakwe inkando u bulemu. ²⁷Ngaawo ninzho ulakatuma ba Anjelo bakwe u kubunganya basale kuhwa ku myuuwo yone, kuhwa kumanina Inshi kushika kumanina Izeulu.²⁸Iya chiiyo kuhwa kwisamu lya mukuzu. kufwumbwa kuti mwabona mitabi yabota yakanka kuchina matuhu, uzhibe kwaamba mainza ali afwaafwi. ²⁹Ulimwi mbubona, wakabona shintu sheshi shachitika, zhiba kwaambaati uli afwaafwi, kumbali ku milyango.³⁰Chini chini ndamushimwina ati, wezu musela tookamaninina chita shoonse sheshi shikabewo. ³¹Izeulu u Inshi shilakamana, pele izwi lyangu talikamana. ³²Inzho kumakani aa buzuba bobo na chiindi, kwiina naaba womwi uuzhi, nibaba ba Njelo bali mwizeulu tabezhi, naaba Mwana, chita bulyo Ushi.³³'Utaliiba! lindila, kaambo tuchizhi chiindi checho nichikakashika. ³⁴Chili ukoya mulombwana uya amushinzo--ukushiya ing'anda yakwe u kwiibika u matashi aba zhike bakwe, umwi a mulimo wakwe, amane wakalumika mulindizhi wamulyango kuti aa kulagisha.³⁵Ubobo mutalilesha kaambo tamwizhi shimalelo enu mukamwini ing'anda nakakazhoka; kulakozha kuba kumangolezha, na akati kamashiku, lelyo mukombwe nakokoloka, nikuba ku chifwumo. ³⁶Naakuti wazhoka kufwambaana, atabi nakuyana uloona. ³⁷Checho chindaamba kwako ndaamba ku muntu woonse: Amulindile!"

¹Mazuba obile akushele kwipobwe lyakwitila ulya Chinkwa china Bumena. Bapaizhi bakando ubalembi bakakapula inzhila yaku kwata Jeso ukumuyaya kashobele. Bakamba ati, ²"Kabaamba ati tutamukwati chiindi nikul ipobwe bantu balatubkila ukutulwisha. Jeso nakakuchili kumunzhi wa Betani munganda ya Saimoni shichinsenda,³Jeso nakakuchili kumunzhi wa Betani munganda ya saimoni shichinsenda, nakakuchilya kwakeza mukaintu wakukwete kapawo ka mafuta anunkilila. Wakakapwaya kapawo kakukwete mafuta amane wakamutila amutwi. ⁴Pele bamwi akati kabo bakalemana. Bakalyambya beni ubeni ati, "nkaambonzhi nchazonaunina? ⁵Mafuta aza nakauzhiwa mali ataleli kumyaanda yotatwe, amana mali apewa bapushi." Bamane bakamulemanina mukaintu.⁶Jeso wakabambila ati,Nomuleke mukaintu. Mulamupenzhenzha nzhi? wachita chintu chibotu kwangu. ⁷Lyoonse mulakukwete bapushi kufumbwa mwakuzanda kuchita bobo mulyelele kubachitila chibotu, pele ume tatukuli amwe lyoonse. ⁸Mukaintu wachita nchalozha. Wabmbilila mubili wangu kuya kukuzhikwa. ⁹Chinichini ndamushimwina ati, kufumbwa mazwi mabotu nkwati akakambaukwe mu luundu loonse, chechi nchachita wezu mukanitu chilakakwambwa, mukumuzhibaluka."¹⁰Inzho Judas Isikalioti wakuli umwi wabali ikumi ubobile, wakaya kubapaizhi bakando kwaamba amwaabe. ¹¹Inzho bapaizhi bakando nibakatelela chechi bakabotelwa ukushomezha ati balamupa mali. Wakatalika kulanga kwamba ayane chiindi chibotu nchakamwaaba kwabo.¹²Buzuba butaanzhi bwa Chinkwa china bumena, nibakakutuula kabelele ka Ipobwe lyakwitilila, bashichiiya bakaamba kwakwe ati, "Nkukwi nkuzanda tubambe, kwamba ulile ipobwe lyakwitilila. ¹³wakatuma bashichiiya bakwe bobile amane wabambila ati, "Kamuya mumunzhi mukando, mulakayana mulombwana ukwete intesho ya meenzhi mulaswangana aze. Mukamuchilile. ¹⁴Munganda mwati akanjile mukamuchilile mukambile mukamwini inganda ati, 'Mwiiyi waamba ati, "Ilikwi inganda yangu ndimweenzu nkutukalila Ipobwe lya kwitilila ubashichiiya bangu?'''¹⁵Ulakmutondezha inganda imbike kale ushuuna ya mwizeulu mukabambe mo." ¹⁶Bashichiiya bakaya mumunzhi bayana shoonse nshibambe mbubona mbwakaamba, bamane babamba chakulya chakwitlilila.¹⁷Naakaba mangolezha wakeza ubashichiiya bali ikumi u bobile. ¹⁸Nibakakushite anshi balalya, Jeso wakabambila ati, "Chini chini ndamwambila ati, umwi wenu ngulakulya aze ulangaba." ¹⁹Boonse bakausa ukubuzhanya umwi uumwi kwakwe ati, "Indime na ndime?"²⁰Jeso wakabaingula ati, "Ngu umwi wabali ikumi u bobile, ngutulakubwenga aze chinkwa mu mutiba. ²¹Ukuti Mwanaa muntu ulakaya umbona mbuchilembelwe. Pele maawe kuli wezo u mwaaba mwanaa muntu! Kachili chibotu wezo muntu natakazhalwa."²²Lelyo nibakakulya, Jeso wakabweza chinkwa wachilongezha, amane wachikomauna. Wababanya amane wakaamba, "Amubweze chechi. Wezu ngu mubili wangu." ²³Wakabweza inkapu, wapa kulumba, amane wabapa, ²⁴"Bobu mbubulowa bwangu bwachihuminano, bulowa bwatililwa banji. ²⁵Chini chini ndamwambila ati, shikanwi linji wezu waini chita kubuzuba bobo mbwinkaanwa mupiya mu bwami bwa Leza.²⁶Nibakamana kwiimba bakaya ku lupli lwa Olivi. ²⁷Jeso wakabambila ati, Noonse mulakawa, nkaambo chililembelwe ati, 'ndakauma mwembezhi amana imbelele shilakamwaala.'²⁸Pele ndakamana kubushiwa, ndakaya kumbele lyenu ku Galileya." ²⁹Pita wakmwambila ati, "Nikuba kuti boonse bakakushiye, ume ndina."³⁰Jeso wakamwambila ati, "Chini chini ndakwambila ati, bwasunu-ee, mashiku aza -katana kulila mukombwe shiindi shobile ulantama shiindi shotatwe." ³¹Pele Pita wakaaamba ati, "Nachilamba kufwa aze, nshikakutama." Boonse bakashomezha bobo.³²Bakashika kubusena bwakutewa ati Getisimani, amane Jeso wakambila bashichiiya bakwe ati, "Amukale awa nkombe." ³³Wakabweza Pita u Jemusi, u Johani wakatalika kuusa ukupengana mu mozo. ³⁴Wakabambila ati, "Moza wangu uli usile, chakushika uku lufwu. Amushaale awa mulindilie."³⁵Nakaya ambele ashoonto, Jeso wakafukama anshi wakakomba ati nachilanzheka chiindi chechi chimwiite. ³⁶Wakaamba "Abba, Taata shoonse nshuuba kwako. Ikushe inkapu yezhi kwangu. Pele kutabi kuzanda kwangu, pele kwako."³⁷Nakazhoka wakabayana balilele, amane wambila Pita, "Saimoni, sa muchilele? Sa tamukonzha kulindilila kwa iwoola lyomwi? ³⁸Amulindilile amana mukombe kwamba mutasukushiwa. Moza ulazanda pele mubili mulengushi." ³⁹Alimwi wakaya ambele wakomba, kusebezha mazwi ngoona.⁴⁰Nakazhoka alimwi wakabayana baloona, menso abo akalema.Kabatezhi uchakumwambila. ⁴¹Wakashika chiindi chatatu kwabo, "Sa muchoona ukupumuna? "Mbubo! Chiindi chashika.Amulange! Mwana amuntu wabwa mumatashi abashishi. ⁴²Amuzhimuke; atweende, Amubone shikwaaba ume uli afwaafwi."⁴³Nakakuchaamba, Juda, uumwi wabali ikumi ubobile, waashika, kali inkamu yabantu bakwete macheba umisako kuvwa kubapaizhi bakando, balembi, ubasololi. ⁴⁴Inzho shikumwaaba kabapele chitondezho, kwaamba, wezo Ngwinkashonta inguwe. Mukamukwate ukumutola." ⁴⁵Judas nakashika, ndilyona wakaya kwa Jeso wamwambila ati, "Mwiiyi," amane wamushonta. ⁴⁶Bamane bakamukwata ukumwaanga.⁴⁷Pele umwi wabo wakuzhimine afwafwi wakabweza icheba lyakwe amane wakosola kutwi kwa muzhike wa mupaizhi mukando. ⁴⁸Jeso wakabambila ati, "Sa muleza, ukoya nimwiza kukwata muteu, umacheba umisako kukwata ume? ⁴⁹Kuchiindi nindakakuba amwe muchikombelo nindakakuyiisha, mwina nimwaka nkwata. Pele chechi chachitwa kwaamba malembe azuzukizhiwe." ⁵⁰Boonse babo bakakuli u Jeso bakalukanka bamushiya.⁵¹Mulombwana mushoonto wakakulyangile isani, kamuchilile Jeso.Lelyo nibaamukwata balombwana ⁵²wakalishiya isani walukanka chintanda.⁵³Bakamutola Jeso kubapaizhi bakando Kazhingulukilwe kubapaizhi bakando ubalembi, ubasololi. ⁵⁴Inzho Pita kamuchilile lwa alaale, kuvwa mulubanza lwa mupaizhi mukando. Wakakala antomwi ubalindizhi bakakuzota mulilo kulikasaazha.⁵⁵Inzho bapaizhi bakando inkamu yababeteshi boonse bamushobo waba Juuda kabakapula mwakumuyanina mulandu kwaamba bamuyaye. Pele baina nibakamuyanina kaambo. ⁵⁶Banji banji bakaleta bumboni bwa bubeshi, pele bumboni bwabo kabutendelana.⁵⁷Bamwi bakazhimuka kupa bumboni bwabubeshi; balamba, ⁵⁸''twakamutelela ulamba ati, 'Ndakachiyaya chikombelo chechi chipange kumatashi, amana mumazuba otatwe ndakazaka chitali chipange umatashi.''' ⁵⁹Pele bumboni bwabo kabutendelana.⁶⁰Mukando wabapaizhi wakazhimuka wamubuzha Jeso, "Sa twinguli? Nchinzhi baba bantu nchibakubikila twaambo? ⁶¹Pele wakakuliinzile. Alimwi bapaizhi bakando bakamubuzha ati, "sa ndiwe Kilisito, Mwana wa mulongezhe?" ⁶²Jeso wakaingula Ndime; mulakamubona Mwanaa muntu akakala kwitashili lya lulyo lyansana alimwi ulakeza mumakumbi akwizeulu."⁶³Mupaizhi mukando wakazapula chisani chakwe amane wakaamba ati, "Sa tuchizanda bumboni bunji? ⁶⁴Mwatelela busampauzhi. Muzeezo nzhi?" Bakahumizhanya boonse ati ulyelele kuyayiwa. ⁶⁵Bamwi bakatalika kumufwila mate ukumuhumba ku menso amana bamuuma ukumwaambila ati, "Shinshima !" Bashilikani bakamutla uku muuma.⁶⁶Pita nakakuchili mulubanza lwankuta, umwi wabashimbi batwanga bamupaizhi mukando bakeza kwakwe . ⁶⁷Wakamubona Pita ulalikasazha ku mulilo, wamulangisha amane wakaamba ati, Aze makakuli umuna Nazaleta, Jeso." ⁶⁸Pele waakaka, ulaamba "nshimwiizhi ulimwi shichitelele nchimwaamba." Amane wakavwa ansengwe.⁶⁹Mushimbi muzhike wakamubona wakatalika kwambila bamwi bakuliko, "Wezu ngumwi wabo!" ⁷⁰Pele alimwi waakaka. Nikwakaita buyo kaindi kashoonto babo bakakuzhimine bakamwambila Pita ati, "chini chini aze uli wabo, ukuti ulimuna Galilaya."⁷¹Pele wakatalika kulishinganya ukupinga ati, Nshmwizhi muntu wezo ngumwaamba." ⁷²Mukombwe ndilyona wakalila lwabili. Ngoonna Pita wakaatelaika makani ngakamwambila Jeso ati: Katana kulila mukombwe shiindi shobile, ulakantama shiindi shotatwe," ngoona wakaatilwa muchamba walila.

¹Chifwumo fwumo, bapaizhi bakando, antoomwi u balembi ulimwi iinkamu yaba Juda yoonse bakalihwiya hwiya antoomwi. Bamane bakamwaanga Jeso ukumutola. Baya kumutambika kwa Pilato. ²Pilato wakamubuzha ati, "Sa ndiwe Mwami waba Juda?" Wakamwiingula ati, "Waamba bobo." ³Bapaizhi bakando bakamubeesha mushintu shinji.⁴Pilato alimwi wakamubuzha ati, "Sa uwe twiinguli? Bona shintu nshibakubeesha kuhula!" ⁵Pele Jeso wiina nakamwiingula linji Pilato, ulimwi checho chakamuzoosha.⁶Inzho kuchiindi chepobwe, Pilato lyoonse kabaangululila mwaange womwi, wezo ngubazanda. ⁷Kwakaakuli mulombwana wakakutewa ati Balabasi muntolongo antoomwi u bakazanga bakaakukwete milandu yakuyaya kuchiindi nibakazanga. ⁸Inkamu yakaya kwa Pilato u kumukumbila ati abachitile chimwi mbubona mbwaafwini kuchita lyoonse.⁹Pilato wakabaingula ukwaamba ati, "Samulazanda kwaamba mwaangululile Mwami waba Juda?" ¹⁰U kuti kezhi kwaamba kooli bulyo munyono wabapaizhi bakando kumutola Jeso kwakwe. ¹¹Ngaawo bapaizhi bakando bakayunga inkamu kupozomoka kwaamba Balabasi aangululwe.¹²Pilato wakabaingula alimwi waambaati, "Ndachita buti ninzho u Mwami wezu wa Juda?" ¹³Bakapozomoka alimwi, "Naabambulwe!"¹⁴Pilato wakabaambila ati, "nchibiyabiiyi nchaachita?" Pele bakayitilizha kupozomoka , "nabambulwe." ¹⁵Pilato wakazanda kubotezha inkamu, ubobo wakabaangululila Balabasi. Bakamuuma Jeso amane wabapa kwaamba bakamubambule.¹⁶Bashilikani bakamutola mulubanza lwa bashilikani (buzake bwaba fwulumende), bakabunganya inkamu yaba shilikani. ¹⁷Bakamubika mulembo wamubala Jeso, bakapisa mushini wameya u kumubika kumutwi. ¹⁸Bakatalika kumukotamina u kwaambaati,"atembaulwe, Mwami waba Juda!"¹⁹Bakaakumuuma ku mutwi Ulubu u mukufwila mate. Bakamukotamina ukoya bamupa bulemu. ²⁰Nibakamana kumulimbusha, bakamukusha mulembo wamubala ukumubika shisani shakwe mwini, bamane bakamutola kuya kumubambula. ²¹Umwi mulombwana, Simoni waku Sayilini, wakahwila kubusena bumwi (nguwaakuli ushi waka alekizanda u Lufusi), Bakamushinikizha kubweza chichinkano chakwe.²²Bashilikani bakamutola Jeso kubusena butewa ati Gologota (chipandulula ati "Busena bwa Kaanza"). ²³Bakamupa wayini muhwele u Mili, pele wiina naakamunwa. ²⁴Bakamubambula u kwaabana shisani shakwe kwiita mukuwaala chisolo kwaamba babone umwi uumwi mushilikani chisani nchaakalozha kubweza.²⁵Kalili iwoola lwatatu nibakamubambula. ²⁶Achitondezho bakalemba nchibakamukosolela, "Mwami waba Juda." ²⁷Bakamubambula ubatewu bobile, umwi kuchilo umwi kuchimonsho. ²⁸Malembe akazuzukizhiwa aamba, wakabalwa a bantu bashishibi.²⁹Babo bakaakwita bakamusaalizha, ukuzungaanya mitwi yabo u kwaambaati, "Aha! uwe nuulozha kuyaya chikombelo ukuchizaka umazuba otatwe. ³⁰lifwutule umwini ahwe achichinkano!"³¹Abo mbubona bapayizhi bakando kando bakamusaalizha, antomwi ubalembi, ukwaambaati, "Wakafwutula bamwi, pele talozha kulifwutula lwakwe mwini. ³²Inzho Kilisito, Mwami wa Izilayeli, naaseluke kuhwa achichinkani, kwaamba ambweni tulabona u kushoma. "Ubabo mbubakabambulwa abo bakatalika kumusaalisha.³³Kwi woola lyachisambomwi, kwakaba mushinze inshi yoonse kushika kwiwoola lye Ifwuka. ³⁴Kwi woola lye fwuka Jeso wakalila iizwi ikando, "Eloi, Eloi, lama sabakatani?" chalo chisandululwa ati, " Leza wangu, Leza wangu, kaambooyi wandekelelelaazhi? ³⁵Bamwi bakaakuzhimine afwaafwi bakaateelela mazwi ukwaambaati, "langa uloompolola Elija."³⁶Umwi wabo wakalukanka, wabika Wayini ku chisani, wachibika kulubu, wakamutambika kwaamba anwe. Umwi mulombwana wakaamba ati, "Atubone naa Elija uleza kumukusha." ³⁷Ngoona awo Jeso wakalila iizwi ikando amane wakafwa. ³⁸Isani lya muchikombelo lyakaanduka mushipazha shobile kuhwa ezeulu kushika kunshi.³⁹Umwi mushilikani wakaakuzhimine u kulangilila Jeso wakabona kwaamba wafwa muzhila yezhi, wakaamba ati, "Chini chini wezu mulombwana kali Mwana wa Leza." ⁴⁰Kakuli ulimwi bakaintu bakaakulangila alaale. Akati kabo umwi kali Maliya Magadalena (baina Jemusi mushoonto alimwi u Josesi), Alimwi u salome. ⁴¹Lelyo naakaakuli mu Galili bakamuchilila u kumusebezela. Bunji bwa bakaintu bamwi bakaya aze ku Jelusalemu.⁴²Nikwakaba ku mangolezha, kaambo kabuli buzuba bwa kulibambila, bobu, mbuzuba buchilila chibelu, ⁴³Jozefu waku Alimatiya wakaya koko. Kali mulemu wa bamwi ba nkamu wa babo baakulindila bwami bwaka Leza. Wakaya chakubula bukandu kwa Pilato wamukumbila mubili waka Jeso. ⁴⁴Pilato wakazoowa kwaamba Jeso kafwile kale; wakoompolola mushilikani u kumubuzha kwaamba ati saa Jeso wafwa kale.⁴⁵Lelyo Pilato naakazhiba kuhwa ku mushilikani kwaamba ati Jeso wafwa, mubili wakamupa Jozefu. ⁴⁶Jozefu wakaula isani. Wakamukusha a chichiinkano, wamuhwunga mwisani, amane wakamooneka mu chuumbwe checho chakakomonwa mwibwe. Amane wakakunkulusha ibwe a manjililo a chuumbwe. ⁴⁷Maliya Magadalena u Maliya baina Josesi bakabubona busena bobo Jeso mbwaakazhikwa.

¹Buzuba bwa sabata nibwakaita, Maliya Magadalena, Maliya baina Jemusi, alimwi u Salome bakaula tununkilizho kwaamba baye bakananike mubili waka Jeso. ²Chifwumo fwumo mu buzuba butaanzhi bwa nsunda, bakaya ku chuumbwe izuba nilyakavwa.³Kabaya bwaamba kuli umwi uumwi ati, "Nguni u kaatukunkulushizha ibwe kuvwa a manjililo a chuumbwe?" ⁴Nibakalanga mwizeulu, bakabona ati ibwe lyakunkulushiwa kale, kaambo kalili ikando.⁵Bakanjila mu chuumbwe bakabona mulombwana mukubushi kasamine shisani shituba, kashite kululyo, bamane bakatiya. ⁶Wakabashimwina ati, "Mutatiyi. mulakapula Jeso, waku Nazaleta, wezo wakabambulwa. Wabuka! Mono temo. Amubone a busena mbubaakumoonekele. ⁷Pele amuye, mubambile bashichiya bakwe u Pita, 'Uli kumbele lyenu ulaya ku Galilaya kolya nkumukakamubona,umbona mbwaakamushimwina."'⁸Bakamuhwa muchuumbwe; bakazhangama u kuzoowa. Kwiina nibakaambila naba womwi nkaambo kakuti kabatiile.⁹Chifumo fumo mu buzuba bwa kutanguna bwa nsunda, kuhwa naakabuka, wakatanguna kushika kwa Maliya Magadalena walo ngwakakusha myoza mibiyabi ili chiloba. ¹⁰Wakaya kubashimwina babo mbuchakaakuli abo nibakaakuchimulila. ¹¹Bakateelela ati wabuka alimwi wamubona, pele baina nibakashoma.¹²Kumane awo wakalibonya mu mushobo unji kuli bobile babo nibakaakuya bwenda kuvwa muchishi. ¹³Bakaya kwambila bashichiiya boonse, pele baina nibakabashoma.¹⁴Jeso wakabulika kuli bali ikumi u womwi chiindi nibakaakushite kwi tebulu, wakabalemanina nkaambo kakutashoma kwabo u kuzuma kwa myonzo yabo, nkaambo baina kuka bashoma babo bakamubona nakabuka kuvwa ku bafwu. ¹⁵Wakabambila ati, "kamuya muchishi choonse, mukakambauke makani mabotu ku shilenge shoonse. ¹⁶Kuli wezo ushoma amana wapapatizwa, ulakafutulwa, amana wezo utashomi ulakazonaunwa.¹⁷Sheshi shitondezho shilakaya ubabo bashoma: Mwizhina Lyangu balakatanda ma daimona. Balakaamba mumishobo mipya. ¹⁸Balakabweza bazoka umatashi abo, kuti banwa chiyaya kwina nichiya kubalwana. Balaka bika matashi abamalwazhi, alimwi balakapona."¹⁹Nakamana kubandika abo Mwami, wakatolwa kwizeulu ukuya kukala kwiashi lya lulyo lya Leza. ²⁰Bashichiya bakaya kukambauka mumasena oonse, aze Mwami wakasebeza abo ukulizuzukizha izwi kwiita mushitondezho shakakuli abo.

¹Banji bantu bakobweza mulimo wakulemba shintu shoonse shakachitika akati kesu, ²mbubona mbushakaletwa ukuli uswe ubabo bakali bonena u menso abo alimwi kabali babeleshi ba izwi. ³Chakali bonya kubota kuli ume, nkaambo ndavuntauzha bwelele kuvwa ku matalikilo, kwaamba mulembele, ulemekwa Tiyofilasi, ⁴kwaamba ukonzhe kuzhiba bubotu bwa shintu sheshi nshiwakaishiwa.⁵Mu mazuba a Heloda mwami waku Judeya kakuli mupaizhi umwi wakutewa Zakaliya wakuluya lwa Abija; Mwinakwe lizabeti kali wa luhubo lwa Aloni. ⁶Boonse kabaluleme kubushu bwa Leza kweenda kutatongwa mu milawo yoonse ya Mwami Leza. ⁷Pele kabatakwete mwana nkaambo Lizabeti katazhali, alimwi kabakwete myaka minji mubuponi bwabo⁸Inzho chakachitika ati Zakaliya kali kubushu bwa Leza, kachita milimo ya bupaizhi mubusena bwakwe. ⁹Kwendelana u kanshiya nshiya kakusala mupaizhi welele kumana milimo mu chikombelo, wakasalwa kwiita muchisolo kunjila muchikombelo cha Mwami leza kuya kutenta tununkilizho. ¹⁰Inkamu ya bantu yakukomba ansengwe chiindi tununkilizho nitwakutentwa¹¹Inzho mungelo wa Leza wakamubulikila wazhima kuluya lya chilyo lya chipaililolya tununkilizho. ¹²Zakaliya nakamubona, chakamupenzha, alimwi wakenjilwa bukandu. ¹³Pele Angelo wakamwambila ati, "Utatiyi, Zakaliya, nkaambo kukomba kwako kwatelelwa. Mwinako ulakakuzhalila mwana mwembezhi. Ulakamuulika izhina lya Johani.¹⁴Uwe ulakatangala ukubotelwa, alimwi bantu banji balakatangala nkaambo kakuzhalwa kwakwe. ¹⁵Ukuti ulakaba muntu mulemu kubushu bwa mwami Leza. Telele kuya kunwa waini naaba mukuku ukola, alimwi ulakazuzhiwa Moza usalalakuvwa mwifwu lya baina.¹⁶Bunji bwa bana baluhubo lwa Izilayeli balakazholwa ku Mwami Leza wabo. ¹⁷Ulakaba kumbele ya bushu bwa Mwami mu moza umunsana sha Elija, kusandula myozo ya bamaushi ku bana alimwi kuli batateleli ku busongo bwa bululami - kubambila Mwami bantu balibambilile kwakwe.''¹⁸Zakaliya wakaambila Angelo ati, "Mbubuti mbwinkezhiba aza? Ukuti ume ndakomena ulimwi mwinangu aze wachembaala.'' ¹⁹Angelo wakamwingula ulaamba ati, "Ndime Gabuliyeli uzhima ngabele Leza. Ndakatumwa kukwaambila uwe, kukuletela uwe aza makani mabotu. ²⁰Inzho! ula liinza, ulaleka kwaamba kushikila buzuba sheshi shintu nishikaa chitika. chechi chilaba bobo nkaambo wiina niwaashoma mazwi angu, alo akaazuzukizhiwa a chiindi chelele.''²¹Inzho bantu kabamulindila Zakaliya. Bakazhingwa kuyana ati wakatola chiindi mu chikombelo. ²²Pele nakavwa, katalozha kwaamba kwabo. Bakazhiba ati kuli nchabona chiindi nakuli mu chikombelo. wakakubatondezha buyo pele kataamba. ²³Nakamana mazuba abulizhi bwakwe muchikombelo, wakaya ku n'ganda yakwe.²⁴Nakaita mazuba aza, Mwinakwe Lizabeti amane kwa myezhi ili yosanwe wakakuli sesekele. Mukaintu wakaamba, ²⁵"Nchichechi Mwami nchaanchitila nakanangilila wamfwila luse kwaamba akushe buusu bwangu ku bantu.''²⁶Mu mwezhi wa chisambomwe, angelo Gabuliyeli wakatumwa kuvwa kwa Leza kuya mu chishi cha Galilaya mu munzhi wa Nazaleta, ²⁷kwa nakalindu wakutangilwe ku mulombwana wezhina lya Josefa, wakuli wamukowa wa Davida, izhina lyakwe nakalindu kali Maliya. ²⁸Wakashika kwakwe waamba, "Ndakwaanzha , uwe ulisalilwe! Mwami uli aze.'' ²⁹Pele walo wakanyongana ku mazwi azo ukutalika kulibuzha kwaamba kwaanzha koku kuli buti.³⁰Angelo wakamwambila ati, "Utatiyi, Maliya, ukuti ulisalilwe kwa Leza. ³¹Bona, ulakemita ifwu wamana ulakazhala mwana mwembezhi. Ulakamuulika izhina lya 'Jeso.' ³²Ulakuli muntu mulemu alimwi ulakutewa Mwanakwe wezo Usumpukile. Mwami Leza ulakamupa chuuna cha bwami bwa Davida. ³³Ulakendelezha in'ganda ya Jakobo kushika kukabe kutamana, alimwi bwami bwakwe tabukamana.''³⁴Maliya wakamwambila Angelo ati, "Mbubuti chechi mbuchikonzha kuba nkaambo ume nshina kuzhiba mulombwana?'' ³⁵Angelo wakamwingula ulaamba kwakwe ati, "Moza usalala ulakakuvumba, alimwi insana sha wezo Ulikwizeulu shilakakuvumba. Ubobo wezo uya kuzhalwa ulakatewa Mwanakwe Leza.³⁶Bona, musazhinoko Lizabeti aze wazhala mwana mwembezhi umbukando. Weno mwezhi wa kwe wa chisambomwe, mukaintu wakutewa tazhali. ³⁷Ukuti kulakwiina chishupa ku Mwami Leza. ³⁸Maliya wakaamba, "Langa ume ndimusebezhi mukaintu wa Mwami. Achibe mbubona kwiingaiya u mulumbe wako.'' Amane Angelo wakamushiya.³⁹Ngona awo Maliya wakalibambila kuya kubuseanba mapili kumunzhi uli ku Judiya. ⁴⁰Wakaya kunjila mu n'ganda ya Zakaliya amane wamwaanzha Lizabeti. ⁴¹Inzho Lizabeti nakakutelela kwaanzha kwa Maliya, mwana wakuli mwifu lyakwe wakasamba, Lizabeti wakazuzhiwa u Moza Usalala.⁴²Wakapozomoka iizwi ikando ulaamba, "Uwe ulilonjelelwe akati ka bakaintu, alimwi ulilonjelelwe wezo uti akavwe mwifu Lyako. ⁴³Nkaambo nzhi chachitika kwaamba baina Mwami wangu balyelele kushika kwangu? ⁴⁴Ukuti bona, chiindi nindatelela kwanzhiwa kuvwa kwako mu matwi angu, mwana uli mwifu lyangu wasontoka mukubotelwa. ⁴⁵Ngushichoolwe mukaintu wezo wakashoma kwaamba shilazuzukizhiwa shintu shesho nshakambilwa kuvwa ku Mwami.⁴⁶Maliya wakaamba, "Moza wangu ulatembaula Mwami, ⁴⁷alimwi bumi bwangu buki tangele mu Mwami Leza mufutuli wangu.⁴⁸Ukuti wabona bupushi bwa musebezhi wakwe mukaintu. Ukuti bona, Bantu boonse balanketa ume ati mulonjezhe. ⁴⁹Nkaambo shinsana shoonse wanchitila chintu chikando alimwi izhina lyakwe lilasalala.⁵⁰Luse lwakwe lulaba kuvwa ku musela wezu kuya ku musela umwi ukuli babo bamutiya. ⁵¹Watondezha insana iitashi lyakwe; Wasalanganya boonse bakulitukumuna nkaambo ka matelaishi a myozo yabo.⁵²Wasowa anshi bana ba bami kuvwa a shuuna shabo sha bwami amane wasumpula bapushi. ⁵³Wabazuzha bafu inzala u shintu shibotu, pele bavubi wabatanda kwiina nchubakwete mu matashi.⁵⁴Wamuyovwa izilayeli musebezhi wakwe, kutondezha luse lwakwe ⁵⁵(mbubona mbwakaamba ku maushesu) kwa Abulahamu uku luhubo lwakwe shikwense."⁵⁶Maliya wakakala u Lizabeti kwa myezhi yotatwe amane wakazhoka ku munzhi wakwe. ⁵⁷Inzho chakashika cha Lizabeti chakutumbuka ubobo wakazhala mwana mwembezhi. ⁵⁸Bashimukobo nina u basazhiina bakatelela ati Mwami wakatondezha luse lwakwe lukando ku mukaintu, inzho bakatangala aze.⁵⁹Inzho mu buzuba bwa Lusele bakamuleta mwana kupalulwa. Bakuzanda kumwita ati "Zakaliya," izhina lya baushi. ⁶⁰Pele baina bakaamba, "Peepe. Ulakutewa Johani.'' ⁶¹Bakamwaambila ati, "Kwiina akati ka basazhinoko ukwete izhina lelyo.''⁶²Bakamupa chitondezho ushi kubuzha izhina ndyakuzanda kumulika. ⁶³Ushi wakalomba chakulembela amane wakalemba, "Izhina lyakwe ngu Johani.'' boonse bakazhingwa kuli chechi.⁶⁴Ndilyona mulomo wakwe wakayaluka u mulaka wakwe wakanguluka. Wakaamba ukutembaula Leza. ⁶⁵Bukandu bwakenjila kuli babo bakubazhingulukile. Oonse makani aza akamwaala mu chishi choonse cha Judiya. ⁶⁶Boonse babo bakaatelela bakaazobola mu myozo yabo, balaamba, "Wezu mwana ulakaba buti." Ukuti itashi lya Mwami kalili aze.⁶⁷Zakaliya ushi wakazula Moza Usalala ngoona wakashinshima, ulaamba, ⁶⁸"Atembaulwe Mwami, Leza wa Izilayeli ukuti washika kuyovwa alimwi wamanizha kunununa bantu bakwe.⁶⁹Watuletela luya lwa lufutuko mu n'ganda ya Davida musebezhi wakwe ⁷⁰(mbubona mbwakaamba ku milomo ya bashinshimi bakwe basalala kuvwa ku chiindi cha kale kale), ⁷¹lufutuko kuvwa ku bashinkondo nokwesu alimwi kuvwa ku matashi ababo batuswile.⁷²Ulakachita bobo kutondezha luse kuba maushesu alimwi kuzhibaluka chivuminano chakwe chisalala, ⁷³chishomezho nchakakonkezha kwa Abulahamu ushesu. ⁷⁴Wakakonkezha kutupa, amana kutvuna kuvwa mu matashi a balwani besu, tukamusebenzele chakubula bukandu ⁷⁵mbubusalazhi alimwi kubula busofwazhi kubushu bwakwe mu mazuba esu oonse.⁷⁶Inzho, uwe, Umwana, ulakatewa ati mushinshimi wa Mwami Ulemekwa, ukuti ulakaya kubushu bwa Mwami kubamba inzhila yakwe, kubayiisha bantu makani akwiza kwakwe, ⁷⁷kupa luzhibo lwa makani a lufutuko ku bantu bakwe kukulekelelwa kwa shibi shabo.⁷⁸Chechi chilakachitika nkaambo ka luse lukando lwa Leza wesu, nkaambo ka chechi mufutuli, uli ukoya izuba livwa mwizeulu ulakeza kutuyovwa, ⁷⁹kumunikila babo boonse bakala mu mushinze u muchimvule cha lufu. Ulakachita chechi kwaamba asololee matende esu munzhila ya luumuno.''⁸⁰Inzho mwana wakakula alimwi wakazuma mu moza, wakakuli mulukula kushikila buzuba mbwakalibonya antangalala kwa Izilayeli.

¹Inzho mu mazuba az, chakazhiza bolya ati Agasitasi Kaisala wakabika mulawo wakwaamba kubalwe boonse bantu bakala mu luundu loonse. ²Koku kakuli kubalwa kutaanzhi kwakachitika Kwiliniyasi nakuli mwendelezhi waku Siliya. ³Boonse bakaya kulembwa ukubalwa muchishi chakwabo.⁴Josefa aze wakavwa ku Galileya wavwa ku munzhi wa Nazaleta, u Judiya, umunzhi wa Devidi, utewa ati Betelehemu, nkaambo kali wamun'ganda alimwi wa lunungu lwa Davida. ⁵Wakaya kolya kwaamba akalembwe antoomwi u maliya, wakulangilwa kutwalwa kwakwe amana kemishi.⁶Chakachitika kwaamba nibakuchili koko, chiindi chakwe chakutumbuka chakashika. ⁷Wakazhala mwana mulombwana mwanakwe mutaanzhi, wakamuvunga mu shisani shilamfwu amane wamooneka mu luba, nkaambo kakwiina busena bwa kwaamba bunji.⁸Kakuli beembezhi mu cchishi momo bakushite mu myuunda, kulindilila butanga bwabo mashiku. ⁹Angelo wa mwami wakabonekela, alimwi bulemu bwa Leza bwakalibonya akati lyabo, inzho bakazula bukandu.¹⁰Amane angelo wakabaambila ati, "Mutatiyi, nkaambo ndamuletela makani mabotu akaaleta kubotelwa ku bantu boonse. ¹¹Ubwasunu muchishi mwazhalwa mufutuli! Ngu Kilisito Mwami! ¹²Chechi chitondezho umwe chindamupa chakuti mulakayana mwana ulizambaililwe shisani amana uli lele muluba.''¹³Uchizoosha baangelo kabali antoomwi inkamu ya bantu kuvwa kwizeulu, balatembaula Leza balaamba, ¹⁴"Bulemu kwa Leza mwizeulu, alimwi anshi kube luumuno ku bantu boonse mbabotelwa.''¹⁵Chakachitika kwaamba baangelo nibakabashiya baya kwizeulu, bembezhi bakaamba kuli umwi uumwi, Inzho katuya ku Betelehemu kwaamba tukabone chintu chechi chachitika, chalo Mwami nchatuzubulwila.'' ¹⁶Bakaya chaku fwambaana bayana Maliya, Josefa alimwi u mwana muteke wakulele¹⁷Nibakamubona, bakaamba shoonse shakaambwa ku mwana wezo. ¹⁸Boonse bakatelela makani azo, bakazhingwa ku makani ngubakaamba bembezhi. ¹⁹Pele Maliya wakashitelaikisha shintu shoonse nshakatelela ukushitangalila mu mozo wakwe. ²⁰Bembezhi bakabweela, bapa bulemu ukutembaula Leza kushintu nshibakatelela ukubona, mbubona mbuchakaambwa.²¹Kumana kwa mazuba ali lusele, nakapalulwa, wakaulikwa izhina lya Jeso, izhina ndyakapewa ku mungelo katana kumitwa mwifwu.²²Nakamana mazuba ayelele akusalazhiwa nakaita , kwendelanya u mulawowa Mozesi, bakamutola ku chikombelo ku Jelusalema kumupa ku Mwami. ²³Chililembelwe mu mulawo wa Mwami ati, "Woonse mwana mulombwana mutaanzhi kuzhalwa ulakatupewa ku mwami.'' ²⁴Inzho bakatuula chipaizho kuli checho chakaambwa mu mulawo wa Mwami, chipani cha n zhiba naaba inkwilimba shobile.''²⁵Amubone, kakuli mulombwana umwi mu Jelusalema wakutewa Simiyoni, wezu mulombwana kali mululami alimwi muntu ulyaabile. Kalindila kunununwa kwa bana ba izilaeli, alimwi Moza Usalala kali ali nguwe. ²⁶Wakazubulwilwa ku Moza Usalala ati wiina nakaabona lufwu katana kumubona Kilisito wa Leza.²⁷Kusololelwa u Moza Usalala, Simiyoni wakeza mu chikombelo. Chiindi bazhali nibakamuleta muvwanda Jeso, kumuchitila kwingainya ukanshiya nshiya ka mulawo, ²⁸wakamubweza mu matashi akwe ngoona walumba Leza, ulaamba, ²⁹"Inzho muleke musebezhi wako akuya mu luumuno kwendelana u mazwi ako.³⁰Ukuti menso angu abona lufutuko lwako, ³¹lwalo nduwabamba kubushu bwa bantu boonse: ³²Mumuni wa chizubuluzho ku bavwa mashi alimwi bulemu ku bantu bako Izilayeli.''³³Baushi u Baina bakazhingwa ku makani akambwa apandulula nguwe. ³⁴Simiyoni wakabalongezha ukwaamba kwa Maliya baina ati, "Bona wezu mwana ulisalilwe kuwa ukubushiwa kwa bantu banji banji mu Izilayeli alimwi uku chitondezho chitavuminwa - ³⁵alimwi icheba lilakayasa moza wako - kwaamba matelaishi a myoozo minji minji akezhibwe.''³⁶Mushinshimi mukaintu wakutewa Ana kaliko. kali mwanakwe Faniwelo waku mushobo wa asha. Kali mukando ku myaka. Wakakala u mulumi kwa myaka ili chiloba kuvwa ku bushimbi bwakwe, ³⁷alimwi wakaba muka mufwu kwa myaka ili makumi lusele itwesha yone. Wiina nakavwa mu chikombelo pele kasebeza ukuliimya kulya ukukomba, muunza u mashiku. ³⁸A chiindi checho wakeza kufwaafwi nkubakubele watalika kulumba mwami Leza, alimwi wakaamba makani a mwana kuli woonse wakulindilila kufutulwa kwa Jelusalema.³⁹Nibakamanizha kuchita nshizandika kwendelanya u mulawo wa Mwami, bakazhoka ku Galilaya, ku munzhi wabo wa Nazaleta. ⁴⁰Mwana wakakomena ukukwata insana; kazwile busongo alimwi luse lwa Leza kaluli ali nguwe.⁴¹Bazhali bakwe kabaya lyoonse a mwaka ku Jelusalema kwi pobwe lya Pasika. ⁴²Nakakwanya myaka ikumi u yobile ya kuzhalwa, bakaya mbubona kwendelanya u kanshiya nshiya kwi pobwe. ⁴³Bamane kukala kwa mazuba ali mbwabele kwi pobwe, bakatalika kubweela ku munzhi. Pele mwana Jeso wakashala mu Jelusalema chakutezhiba bazhali bakwe. ⁴⁴Bakutelaika ati kali inkamu ya bantu bakuya bweenda abo kuya ku munzhi, inzho bakeenda musinzo wa buzuba bomwi. Ngoona bakatalika kumukapula bwelele akati kabasazhinokwabo u balongwe babo.⁴⁵Nibatakamubona, bakabweela ku Jelusalema ukutalika kumukapula chini chini koko. ⁴⁶Chakachitika kwaamba kwiite mazuba otatwe bakamuyana mu chikombelo, ulishite akati ka bamayi, ulapupulala kwabo uku babuzha mibuzho. ⁴⁷Boonse bakamutelela bakazhingwa ku luzhibo lwakwe uku bwinguzhi.⁴⁸Nibakamubona, bakazoowa. Baina bakamwaambila ati, "Mwanangu, nkaambo nzhi watupenzha bolya? Bona, bauso ame twakukukapula.'' ⁴⁹Wakabaambila ati, ''Nkaambo nzhi mwaku nkapula? Sa kamutezhi ati ndyelele ku chita mulimo wa taata? ⁵⁰Pele baina nibakwata luzhibo ku mazwi nga kaamba.⁵¹Amane wakaya abo ku maanda ku Nazaleta alimwi kabatelela bazhali bakwe. Baina bakazobola makni aza oonse mu mozo wabo. ⁵²Pele Jeso wakakula ku mubili uku busongo alimwi kufunwa ku bantu ukwa Leza.

¹Mu mwaka we kumi iitwesha yosanwe ya bulelo bwa Tibeliyas kayisala- Pontiyas Pilato nakuli mwendelezhi mu Judiya, heloda kali ngu mwendelezhi muchishi cha Galilaya, munina Heloda Filipo kendelezha chishi cha Ituliya u Tilakonotusi, u chishi cha Lisiniyasi, kalela u chishi cha Alibene, ²kuchiindi checho bapaizhi bakando kabali ba Anasi u Kayafasi-izwi lya Leza lyakashika kuli Johani mwanakwe Zakaliya mulukula.³Wakaya muchishi choonse cha Jodani, kuyiisha makani a lupapatizo lwa kusanduka kukulekelelwa kwa shibi.⁴Mbubona mbukulembelwe mwi buka lya Isaya mushinshimi ati, ''Izwi liloompolola mu lukula, Amubambe inzhila ya Mwami, amusuumike inzhila shakwe.⁵Mikonka yoonse ilakazuzhiwa, oonse mapili u tulundu ilakabambasala, alimwi shoonse inzhila shipitene shilakasuumikwa, inzhila sha buumbu shilakashobolwa, ⁶alimwi bantu boonse balakalubona lufutuko lwa Leza.'''⁷Ubobo Johani wakabambila bantu bakwiza ati ba papatizwe kwakwe, '' Umwe nubana ba ba chipile Nguni wakamuchenjezha ati mulakonzha kubulukanka bukali ubulyakwiza?⁸Ubobo amweezhe michelo itondezha kusanduka, alimwi mutataliki kwaamba muli chenu ati, 'Tulikwete Abbulahamu ushesu,' ukuti ndamushimwina ati Leza ulakonzha kubamba banakwe Abbulahamu kuvwa ku mabwe aza.⁹Naaba ninzho keembe kalibikilwe kale kutema mizanda ya chisamu. Kufumbwa chisamu chiteezha michelo chilatemwa ukuwaalwa mu mulilo.''¹⁰Inzho inkamu ya bantu yakatolelela kumubuzha ati, ''No tuchite buti?'' ¹¹Wakabaingula ati, ''Kuti umwi ulikwete shikobelo shobile naape ewzo wiina, alimwi uwezo ukwete shakulya achite mbubona.''¹²Bashi mutelo abo bakeza kwaamba abo bapapatizwe, bakamwaambila ati, ''Mwiiyi, no tuchite buti?'' ¹³Wakabaingula ati, mutakutezha mali manji manji kubaala ali ngumwakashimwinwa.¹⁴Abo bashikalumamba bakamubuzha, balaamba ati, ''No uswe? Tuchite buti?'' Wakabaambila ati, ''Mutakunanga bantu mali kusebezha insana,¹⁵Inzho bantu nibakuchilangila kushika kwa Kilisito, mu myozo yabo kabazhingilwe makani a Johani kwaamba ati ambweni inguwe Kilisito. ¹⁶Johani wakabaingula ati, ''Ume ndamupapatiza u meenzhi, pele uumwi ulashika ubaala insana ali ume alimwi ume nshelele ukwangulula intambo sha mpato shakwe. Walo ulakamupapatiza u Moza Usalala alimwi u mulilo.¹⁷Chisebezho chakwe chakwandanya chili mwitashi lyakwe kwaamba aswezhe busena bwakwe kwaamba abunjike shishango shakwe muchizobwelo. Pele ulatenta shoose shiibyaabi smu mulilo uakonzha kuzhimwa.''¹⁸Kutembula kunji kunji, Johani kakambauka makani mabotu ku bantu. ¹⁹Chiindi Heloda nakambilwa makani ngakatwala muka munina Helodiyasi alimwi u shibiyabi shimwi Heloda nshakachita, ²⁰wakazungila aza kwabo, wakamwaanga Johani muntolongo.²¹Chakachitika kwaamba, bantu boonse nibaka papatizwa, aze Jeso waka papatizwa, chiindi nakakukomba izeulu lyakayuka, ²²alimwi Moza Usalala wakeza munsana ali nguwe ukoya inzhiba, iizwi lyakeza kuvwa kwizeulu, "Uwe ndiwe mwanangu muzandishi. Ume ndibotelelwe kwako."²³Chiidi Jeso nakatalika mulimo wakwe, kakwete myaka italeli kwi kumi umyaka yotatwe kuvwa kukuzhalwa. Kali mwanakwe ( umbuli mbubakutelaika bantu) Josefa, mwanakwe Heli, ²⁴mwanakweMattati, mwanakwe Levi, mwanakwe Meuchi, mwanakwe Jannai, mwanakwe Josefa.²⁵Josefa kali mwanakwe Mattatiyasi, mwanakwe Amosi, mwnakwe Nahumu, mwanakwe Esili, mwanakwe Naggai, ²⁶mwanakwe Maati, mwanakwe Matatiyasi, mwanakwe Semeini, mwanakwe Joseki, mwanakwe Joda.²⁷Joda kali mwanakwe Jowanani, mwanakwe Rhesa, mwanakwe Zelubbabeli, mwanakwe Salatiyeli, mwanakwe Neli, ²⁸mwanakwe Melechi, mwanakwe Addi, mwanakwe Kosamu, mwanakwe Elomadamu, mwanakwe Eya, ²⁹mwanakwe Joshiwa, mwanakwe Eliyeza, mwanakwe Jolimu, mwanakwe Matati, mwanakwe Levi.³⁰Levi kali mwanakwe Simiyoni, mwanakwe Juda, mwanakwe Josefa, mwanakwe Jonamu, mwanakwe Eliyakimu, ³¹mwanakwe Meleya, mwanakwe Mena, Mwanakwe Matata, Mwanakwe Natani, Mwanakwe Davida, ³²Mwanakwe Jesi, mwanakwe Obedi, mwanakwe Bowazi, mwanakwe Saumoni, mwanakwe Nashoni.³³Nashoni kali mwanakwe Aminadabu, mwanakwe Adimini, mwanakwe Ayani, mwanakwe Heziloni, mwanakwe Pelezi, mwanakwe Juda, ³⁴mwanakwe Jakobo, mwanakwe Isaki, mwanakwe Abulahamu, mwanakwe Tela, mwanakwe Naho, ³⁵mwanakwe Selugi, mwanakwe Reu, mwanakwe Pelegi, mwanakwe Eba, mwanakwe Shela.³⁶Shela kali mwanakwe Kainani, mwanakwe Afakizadi, mwanakwe Shemu, mwanakwe Nowa, mwanakwe Lameki, ³⁷mwanakwe Metusela, mwanakwe Enoki, mwanakwe Jaledi, mwanakwe Mahalale, mwanakwe Kainani, ³⁸mwanakwe Enosi, mwanakwe Seti, mwanakwe Adamu, mwanakwe Leza.

¹Inzho Jeso, wakazula Moza Usalala, wakavwa ku lweenje lwa Joodani wakasololelwa u Moza Usalala kuya mulukula. ²Molya mwakasunkwa u satani kwa mazuba ali makumi one. Chiindi checho kwiina nchakakulya, ubobo wakafwa inzala.³Satani wakamwambila ati, "kuti uli mwanakwe Leza, ambila mabwe kwaamba abe Chinkwa." ⁴Jeso wakamwingula ati, "kulilembelwe ati, 'Muntu taponi ku chinkwa buyo.''⁵Ngoona Satani wakamutola Jeso ezeulu ukumutondezha bwami bwa anshi mu chiindi chishoonto. ⁶Inzho satani wakamwambila Jeso ati, "Ndakupa bwendelezhi u bulemu boonse bwa shintu sheshi, ukuti shakapewa kwangu alimwi ndakonzha kupa kufumbwa ngwinzanda. ⁷Inzho kuti buyo wankotamina ukunkomba, shilaba shako.''⁸Pele Jeso wakamwingula ati, "Kulilembelwe ati, 'Komba mwami Leza wako, alimwi umanine nguwe milimo."'⁹Ngoona satani wakamutola ku Jelusalema amane wamulizika ezeulu a chiluli cha chikombelo, wamwambila ati, "Kuti uwe uli Mwanakwe Leza, sotoka uli waale anshikuvwa ano. ¹⁰Ukuti kulilembelwe ati, 'Walo ulatuma bangelo kwako, bakukwabilile,' ¹¹alimwi, balakuzemuna mu matashi abo, Kwaamba utabi nukonzha kuuma itende lyako kwibwe.'''¹²Kumwiingula, Jeso wakamwambila ati, "Kulaambwa ati, utabi nusunka Mwami Leza wako.''' ¹³Shaatani nakamana ku musunka Jeso wakaya wamushiya kushikila chiindi chimwi.¹⁴Amane Jeso wakabweela ku Galilaya munsana sha Moza Usalala, kumane impuwo yakwe yakazandaala mu masena oonse. ¹⁵Kuvwa awo wakatalika kuyiisha mu ma sinagogu alimwi boonse bakamulumbaizha.¹⁶wakanjila mu Nazaleta, mwalo mwakakomenena, alimwi kwendelanya u kanshiya nshiya, wakanjila mu sinagogu mu chibelu wakaakuzhima ulabala chakupozomoka. ¹⁷Ibuka lya mushinshimi Isaya lyakapewa kwakwe. wakalivununa ibuka ngoona wayana ibuka ngulilembelwe,¹⁸"Moza wa Mwami uli ali ume, nkaambo wakansala kwaamba n'gambilizhe mulumbe mubotu ku bapushi. Wantuma kukambauka lwanguluko ku baange alimwi kubonya boofwu. kwangulula bao bapenzhiwa, ¹⁹kukambauka mwaka wa kusalwa kwa Leza.''²⁰Ngoona wakalivungaila ipepa, wamupa musebezhi, amane wakala anshi. Menso ababo boonse bakuli mu sinagogu kali ali nguwe. ²¹Wakatalika kubaambila ati, "Bwasunu malembe aza azuzukizhiwa kubu pupulazhi bwenu." ²²Boonse bakuli mo bakamulumbaizha alimwi bakazhingwa mazwi mabotu akakuvwa ku mulomo wakwe, bakabuzhanya ati, "Wezu sa ingwe mwanakwe Josefa?''²³Wakabaambila ati, "Chini chini mula kakaamba kashimpi kaka kwangu ati, 'Mushilishi, lishilike umwini. Kufumbwa ncitwakatelela uwe nchiwakachita mu Kapenaumu, chichite mono mumunzhi wakwenu.''' ²⁴Pele wakaamba, ''Mubwini ndamushimwina ati, kwiina mushinshimi utambulwa mu munzhi wa kwabo.²⁵Pele mubwini ndamushimwina ati kabaliko bamuka bafu mu Izilayeli mu chiindi cha Elija, chiindi izeulunilyakayalwa kwa myaka yotatwe u myezhi ili chisambomwe ubobo mwakaba inzala mu chishi choonse. ²⁶Pele Elija wiina nakatumwa kuli babo, chita buyo ku Zalefati mu Sidoni, ku muka mufwu wakukala nkuko. ²⁷Bashichinsenda kabali banji banji mu Izilayeli mu chiindi cha Elisha mushinshimi, pele kwiina unji wakasalazhiwa kunze kwa Namani waku Siliya,''²⁸Boonse bantu bakuli mu sinagogu bakazula bukali nibakatelela shintu sheshi. ²⁹Bakazhimuka bamukwisha mu munzhi, bamutola kumuselumuko wa mulundu munzhi wabo nkuwakuzakilwe kwaamba bakamuwaale kuvwa a mulundu. ³⁰Pele wakaita akati lyabo ngoona waya kubusena bumwi.³¹Ngoona wakaya ku Kapenaumu, munzhi mukando mu Galilaya amane wakatalika kubayiisha mu buzuba bwa Sabata. ³²Bakazhingwa kubuyiishe bwakwe nkaambo wakaamba chakubula bukandu.³³Inzho mu sinagogu kamuli mulombwana umwi wakunjililwe moza mubiyabi, wakapozomoka ati, ³⁴"Ah! Anu tukuchite buti uwe, Jeso waku Nazaleta? sa washika kutuyaya uswe? Ume ndikwizhi mbubele - Usalala wa Leza!''³⁵Jeso wakolemanina moza mubiyabi, ulaamba, "Liinze! Muvwe muli nguwe!'' Chiindi moza mubiyabi niwakamuwisha anshi akati lyabo wakamuvwa mwakwe, alimwi wiina uniwakamuchisa. ³⁶Boonse bantu bakazhingwa ngoona bakatalika kwambilana. Bakaamba, "Mazwi ali buti aza? Ulambila myoza mibiyabi chakubula bukandu alimwi umunsana ayo moza ilavwa." ³⁷Ubobo impuwo yakwe yakatalika kumwaala u masena oonse akuzhingulukile.³⁸Ngoona Jeso wakamuvwa mu sinagogu waya kunjila mun'ganda ya Saimoni. Inzho bainazhala ba Saimoni kabasatile mubili, Bakatalika kumukombelezha kwaamba amuponye. ³⁹Ubobo wakazhima nkwakulele amane wabulemanina bulwazhi, ngoona bulwazhi bwavwa. Ndilyona wakabuka watalika kubasengela.⁴⁰Izuba nilyakwibila , bantu bakaleta boonse bakukwete malwazhi aishenye ishenye kwa Jeso. Wakabaampa matashi akwe boonse ukubaponya. ⁴¹Myoza mibiyabi ayo yakavwa mu bantu, kukwiila ilaamba, "Uwe uli Mwanakwe Leza! Jeso wakalemanina myoza mibiyabi alimwi katavumizha kwaamba, nkaambo kabezhi ati ngu Kilisito.⁴²Nibwakacha, wakaya kubusena bwa bwiiche. Makamu makamu a bantu akatalika kumukapula ngoona bakashika kubusena mbwakubele. bakasoleka kwaamba atabi nabashiya. ⁴³Pele wakabambila ati, "Ndyelele kuya kukambauka mulumbe wa bwami bwa leza ku masena amwi, nkaambo nchichechi nchindakatuminwa kono.'' ⁴⁴Amane wakatolelela kukambauka mu ma sinagogu muchishi choonse cha Judeya.

¹Inzho chakachitika bantu banji banji bakakubungene balimuzhingulukile Jeso kutelela izwi lya Leza, kazhimine ku mabali a mulonga wa Genesaleti. ²wakabona mato obile alishoshelwe amuuma. bazezhi bakumuvwile kabasanzha tunyandi twabo. ³Jeso wakanjila mu bwato bumwi, bwakuli bwa Saimoni, amane wakamwambila ati abutonkele ashoonto mu Lwatele. Ngoona wakakala ukutalika kubayiisha bantu uishite mu bwato.⁴Nakamana kwaamba , wakamwambila Saimoni ati, "Amushikule bwato mubutole mu lwatele mwamana muteye tunyandi twenu muzele." ⁵Saimoni wakaingula ulaamba, "Mwami, twazela mashikuoonse kwiina nchitwayana, pele kuvwa ku mazwi ako, ndateya tunyandi.'' ⁶Nibakachita bobo, bakayaya inswi shinji shinji, tunyandi twabo takatalika kuzapuka. ⁷Inzho bakobola benzhinokwabo bakuli mu bwato bunji kwaamba beze babayovwe. Bakeza bazuzha mato oonse, chakuti akatalika kuzanda kwibila.⁸Pele Saimoni Pita, nakabona, wakawila kunshi ku matende aJeso ulaamba, "Tantumuka kwangu ukuti ndi muntu shishibi, Mwami.'' ⁹Ukuti walo ubabo boonse mbuchakuli abo, bakazhingwa kubuyaye bwa nswi mbubakayaya. ¹⁰Jemusi u Johani, banakwe Zebedayo abo kabali aze Saimoni. Jeso wakamwambila Saimoni ati, Utatiyi, nkaambo kuvwa ninzho ulaba muzezhi wa bantu.'' ¹¹Nibakashosha mato abo bakashiya shoonse bamutobela.¹²Chakachitika kwaamba nakuchii mu munzhi umwi, umwi mulombwana wakusatile chinsenda kaliwo. Nakamubona Jeso, wakavuntama u bushu bwakwe amane wamulomba ulaamba ati, "Mwami, wakuzanda, ulakonzha kunsalazha.'' ¹³Ngoona Jeso wakatandabika itashi lyakwe wamukwata, ulaamba, ndili bambile. Salala.'' Ndilyona chinsenda chakamana.¹⁴Wakamulailila ati atabi nanshimwina kufumbwa muntu, pele wakamwambila buyo ati, "Koya wamana ukalibonye ku bapaizhi ukutuula chipo chakusalazhiwa kwako, kwingaina u Mozesi mbwakalailila, kwaamba bukabe bumboni kwabo.''¹⁵Pele impuwo yakwe yakamwaala uku masena malaale, ubobo bantu banji bakwiza kwakwe kwaamba bapupulale akuyiisha ukwaamba abaponye ku malwazhi. ¹⁶Pele shiindi shinji kaya kwa bwiiche kukukomba.¹⁷Chakachitika buzuba bumwi nakakuyiisha, kakuli ba falisi u bamayi ba mulawo bakushite bakavwa ku minzhi yoonse ya mu Galilaya u Judeya alimwi uku Jelusalema. Insana sha Mwami kashili aze sha kuponya.¹⁸Inzho balombwana bakeza balizemwine muntu a machila watakuputa, bakakapula inzhila njibakukonzha kwaamba bamunjizhe mukatikumbele lya Jeso. ¹⁹Bakabula mbubakonzha kumunjizha nkaambo kakuvula kwa bantu, inzho bakaliza a lululi lwa n'ganda bamwisha ezeulu, kumwi ulilele amachila akwe, kuya akati lya bantu, kumbele lya Jeso.²⁰Mukubona lushomo lwabo, Jeso wakaamba, "Mulombwana, shibi shako shalekelelwa.'' ²¹Balembi u baFalisi bakatalika kwabuzha aza, balaamba, "Nguni wezu waamba matushi? Nguni ukonzha kukwatila shibi chita buyo Leza?''²²Pele Jeso mukuzhiba nshibakutweluka, wakabaingula ulaamba, "Nkambo nzhi mulalibuzha chechi mu myozo yenu? ²³Nchichiliye chuuba kwaamba, 'Shibi shako shalekelelwa' na kwaamba ati Zhimuka ukuya'? ²⁴Pele kwaamba muzhibe ati Mwana a Muntu ulikwete insana ano anshi kulekelela shibi,'' - wakambila mulwazhi ati, - "Ndakwambila uwe, zhimuka bweza machila koya ku n'ganda yako.''²⁵Ndilyona wakabuka wabweza isasa ngakulele. Amane wakaya ku munzhi wakwe, ulaya butembaula Leza. ²⁶Boonse bakazhingwa ngoona bakamulemeka Leza. Bakazula bukandu, balaamba "Twabona shintu shibaala bwasunu."²⁷Nishakamana kuchitika shintu sheshi, Jeso wakakuvwa koko waya ngoona wakabona shimutelo wakutewa Levi ulishite mu n'ganda ya shimutelo. Wakamwaambila ati, "Nchilila." ²⁸Ubobo Levi wakazhimuka wamuchilila, washiiya shoonse.²⁹Amane Levi wakabamba ipobwe ikando mun'ganda yakwe kubambila Jeso. Kakuli bashimitelo banji banji bakushite kwi tebulu ubantu bamwi bakulya antoomwi abo. ³⁰Pele ba Falisi ubalembi babo bakakutongaukila ku bashichiiya bakwe, balaamba, "Nkambo nzhi nchimulila antoomwi u bashimutelo u bashishibi?'' ³¹Jeso wakabaingula ati, "Bantu balitelele kabotu tabazandika mushilishi; chita bulyo babo balwazhi. ³²Ndiina kwizhila baluleme, pele ndakezhila bashishibi kwaamba basanduke.''³³Bakamwambila ati, "Bashichiiya ba Johani shiindi shinji balaliimya uku komba, alimwi u bashichiiya baba Falisi abo balachita chikozhenye. Pele bashichiiya bako balalya ukunwa.'' ³⁴Jeso wakabaambila ati, "Sa kuli ukonzha kwaamba balya beenda u shibwinga batalyipele kali shibwinga bali aze? ³⁵Pele chiindi chilakashika lelyo shibwinga nakakatolwa kuvwa kwabo, mumazuba azo balakaliimya.³⁶Amane Jeso wakabaambila kaano ati, "kwiina ukonzha kuzapula chisani kuvwa ku chisani chipiya kwaamba abike chigamba a chisani cha kale kale. Kuti wachita bobo, ulazapula chisani chipiya, alimwi kasani kavwa ku chisani chipiya takakonzha kwendelana u chisani cha kale kale.³⁷Kwiina ubika waini mupiya mwisalu lya kale kale lya kuzobwela waini, Waini mupiya ulayandula intesho umwini waini ulatika. ³⁸Waini mupiya ulyelele kubikwa muntesho impiya. ³⁹Kwiina ukonzha kuchita ati wanwa waini wakale amane wazanda mupiya, ukuti ulakonzha kwaamba wakale mubotu kubaala.'''

¹Inzho chakachitika buzuba bumwi bwa Sabata Jeso kaya bweenda mu muunda wa maila, bashishiiya bakwe kabaya bubwezelela makunka a maila, balapikisa mu matashi abo bamana balya inseke. ²Pele bamwi ba ba Falisi bakaamba ati, "Nkaambo nzhi mulachita chitaluleme kuchtwa mu buzuba bwa Sabata?''³Mukubaingula, Jeso wakaamba ati, "Sa mwiina nimwakabala u checho nchakachita Davida nakafwa inzala ulwakwe mwini antoomwi ubabo mbakakuli abo? ⁴Wakaya kunjila muchikombelo wabweza chinkwa chisalala amane wachilya chimwi ukupako balombwana mbakuli abo kwaamba abo balye nikuba kwaamba bakwelele kulya mbu BaPaizhi.'' ⁵Amane wakabaambila ati, "Mwana a Muntu inguwe Mwami uwa Sabata.''⁶Chakachitika buzuba bumwi bwa Sabata lelyo nakaya mu sinagogu kuyiisha bantu bamwi. Awo kaliwo mulombwana umwi wakkuli itashi lyakuzuminine. ⁷Balembi u ba Falisi kabamulanjilile chini chini kwaamba babone na ukalaponya muntu mu buba baw Sabata, kwaamba bakonzhe kumuyanina mulandu. ⁸Pele wakezhiba nchubakutelaika ngoona wakambila mulwazhi itashi ati, "Zhimuka uzhime akati lya bantu boonse." Mulombwana wezo wakaya wazhima awo.⁹Jeso wakabaambilaati, "Ndamubuzha umwe ati, sa chili mu mulawo kuchita chiluleme na kuchita chitaluleme mu buzuba bwa Sabata, kufutula na kuyaya?" ¹⁰Amane wakabalangilila boonse ngoona wakambila mulwazhi ati, "Tandabika itashi lyako.'' Wakachita bobo, ngoona itashi lyakwe lyaapona, ¹¹pele balo bakazula bukali ukutalika kubandishanya nchubati bachite kwa Jeso.¹²Chakachitika mu mazuba azokwaamba wakaya ku lupili kukukomba. Wakakomba mashiku oonse kwa Leza. ¹³Nibwakacha muunza, Waketa bashichiiya bakwe, amane wakasala bali ikumi u bobile akati kabo mbaketa ati batumwa.¹⁴Mazhina a batumwa kabali Saimoni (walo ngwakaulika ati Pita) umunina Andulu, Jemusi, Johani, Filipo, Batolomeu, ¹⁵Mateyo, Tomasi, Jemusi mwanakwe Alufiyasi, Saimoni shi luse, ¹⁶Judasi mwanakwe Jemusi, u Judasi isikaliyoti, wakaba shikumwaaba.¹⁷Ngoona Jeso wakaseluka a lupili antoomwi abo amane wazhima anshi iinkamu yabashichiiya bakwe u bantu banji banji bavwa ku Judiya ukumbaali kwa lwatele ku Taya uku Sidoni. ¹⁸Bakashika kupupulalakwakwe ukushilikwa malwazhi. Abo bantu bakupenzhewa ku myoza mibiyabi bakashilikwa. ¹⁹Boonse bakuli munkamu bakakusoleka ati bamugume nkaambo insana shakushilika shakuvwa kwakwe, alimwi wakabaponya boonse.²⁰Ngoona wakabalangilila bashichiiya bakwe ulaamaba, "Muli lonjelelwe umwe nu bapushi, ukuti bwami bwa Leza mbubwenu. ²¹Muli lonjelelwe umwe numufwa inzala inzho, nkaambo mulakekuta. Mulilonjelelwe umwe numulila inzho, nkaambo mulakaseka.²²Muli lonjelelwe kuti bantu bamusula, kuti bamusala ukumutuka alimwi ukumwaamba ati muli bashishibi nkaambo ka Mwana a Muntu. ²³Amubotelwe buzuba bobo, nkaambo chini chini mulakakatambula bulumbu bukando kwizeulu, nkaambo u bashakale babo imbubo mbubakabapenzha bashinshimi.²⁴Pele mawe kuli umwe nubavubi, ukuti mwabutambula kale bubotu bwenu. ²⁵Mawe kuli umwe nimukushi, ukuti mulakafwa inzala kumbele. Mawe kuli umwe nimuseka cheno chiindi, ikuti mulakomoka ukulila kumbele.²⁶Mawe kuli umwe kuti boonse bantu balamwaamba bubotu, ukuti imbubo bashakale babo mbubakubaamba bashinshimi babeshi.²⁷"Pele ndamwaambila umwe numumpupulele, amubafune bashinkondo nokwenu alimwi mubachitile bubotu babo bamuswile. ²⁸Amubalonjezhe babo bamushinganya alimwi mubakombele babo bamupenzha.²⁹Wezo wakuuma kwitama lyomwi, umupe ulimwi itama. Kuti umwi wakubwezela chikobelo chako, utamukashi uchimwi chisani chako. ³⁰Upe woonse wezo ukulomba. Kuti umwi wakubwezela chintu chako, utabi numwambila ati akuzholele.³¹Mbumuzanda bantu bamwi ati bamuchitile, amwe amubachitile mbubona. ³²Kuti mulifwini bulyo bantu babo amwe bamufwini, mbulumbu nzhi mbumukapewa? Ukuti abo bashishibi balazanda babo babafwini. ³³Kuti mulachitila buyo bubotu babo amwe bamuchitila bubotu, mbulumbu nzhi mbumukapewa? ukuti abo bashishibi mbubachita. ³⁴Kuti mulakweletesha buyo babo mbumulangila ati balakonzha kuzhola, mbulumbu nzhi mbumukapewa? Abo bashishibi balakweletesha bashishibi kwamba bazholelwe mbubona.³⁵Pele amubafune bashinkodo nokwenu alimwi mubachitile bubotu. Amukweleteshe, kutalangila kuzholelwa, ubulumbu bwenu bulakaba bukando, alimwi mulakaba banakwe Mwami Leza, nkaambo walo ngushi luse ukuli babo batalumba alimwi bantu bashishibi. ³⁶Amube bashiluse, mbubona ushenu mbwaali shiluse.³⁷Mutabeteki, amwe tamukabetekwi. Mutapi chisubulo, amwe tamukapewa chisubulo. Amulekelele, amwe mulakalekelelwa.³⁸Amupe, amwe mulakapewa. Mweelwe mubotu - mushindaile, muzungaanye alimwi ukupaana ulakapewa kwako. Ukuti chipimyo nchusebezha, inchicho uchikasebezhewa kwako.''³⁹Ulimwi wakabambila kaano. "Sa kuli moofwu ukonzha kusololela moofwu nina? Kuti nkwaali ati boonse balawila mwilindi, natabakawila? ⁴⁰Shichiiya tamubaali mwiiyi, pele kuti wamana kuyishiwa ulakozhanya u mwiiyi wakwe.⁴¹Nkaambo nzhi nchulangila kasanga kali mu linso lya munyoko, pele ulaluba isamu lili mu linso lyako? ⁴²Mbubuti mbukonzha kumwambila munyoko ati, 'Mukwesu leka nkakushe kasanga kali mu linso lyako,' pele uwe tukonzha kubona isamu ulili mu linso lyako? Umwe nubashikopoopa amenso! Tanguna ukushe isamu mu linso lyako, indilyo nukakonzha kubona kabotu kwaamba ukushe kasanga kali mu linso lya munyoko.⁴³Ukuti kwiina isamu ibotu likonzha kweezha michelo ibolele, niliba isamu ibzhi likonzha kweezha michelo mibotu. ⁴⁴Ukuti isamu lyoonse lilazhibwa ku michelo ngulizhala. Ukuti bantu tabachela inkuzu ku mutube tube, nikuba ku chela masaansa ku tusamu tuayanwa musokwe.⁴⁵Muntu mubotu kuvwa ku mizeezo mibotu ya mumozo wakwe ulachita shintu shibotu, aze shishibi kuvwa ku mizeezo ya chibi mu mozo wakwe ulachita shibiyabi. Ukuti kuvwa kushintu shili mu mozo wakwe mulomo ulaamba.⁴⁶"Nkaambo nzhi mulenta ati, 'Mwami, Mwami, akuli tamutobela nshimwaambila? ⁴⁷Kufumbwa muntu ushika kwangu ukutelela mazwi angu amana waatobela, Ndamwambila mbwabele. ⁴⁸Ulikozhenye u muntu uzaka in'ganda, wakasaha mwiimbi mulamfu amana wezaka in'ganda yakwe ebwe izumu. Meenzhi nakashika, akunchila ku bwaanda bwa n'ganda pele katakonzha kwiizungaanya nkaambo yakazakwa kabotu.⁴⁹Pele wezo muntu utelela mazwi angu amana taatobela, ulikozhenye u mulombwana umwi wakazaka in'ganda ezeulu kwiina ukusha mwiimbi. Chiindi meenzhi nakakunkila ku bwaanda, in'ganda ndilyona yakawa, alimwi kuwa kwanjiyo kwakaba kumaninina."

¹Jeso nakamanizha kwamba twambo toonse ntubakakutelele bantu, wakaya ku Kapenaumu.²Inzho mukando wabashilikani kakwete muzhike ngwakuzanda maningi, kali mulwazhi cha lufu. ³Wezu mushilikani nakatelela makani a Jeso, wakatuma kwakwe bakando baba Juda, kumulomba kwamba ashike amuponye muzhike wakwe. ⁴Nibakashika kwa Jeso, bakamulomba chakumwenzelezha, bakamba ulyelele kuya kumuchitila chechi, ⁵nkambo ulachizanda chishi chesu, alimwiinguwe wakatuzakila sinagogo wesu.''⁶Ngona Jeso wakatolelela kuya bwenda abo. Pele natakakuna kushika afwaafwi inganda, mukando wabashilikani wakatuma benzhina kwa Jeso kuya kwamba kwakwe ati, ''Mwami utalishupa buyo, nkambo ndina chelelo chokuleta munganda yangu. ⁷Nchichecho nchichampa kwamba intashika kwako, pele amba buyo izwi muzhike wangu ulapona. ⁸Nkambo ame ndimusololi wa mulawo, uba shilikani munshi lyangu. Ndamba kuli wezu, 'Koya,' ulaya, ukulli umwi, 'Kweza,' ulashika ukubazhike bangu, 'Chita chechi,' amana wachichita.''⁹Jso nakatelela bobo,wakamuzowa,wakachindulukila kunkamu yakakumuchililewamba, ''Ndamba kuli umwe, kwiina nikuba ku Izilaeli nkundakayana lushomo lolu.'' ¹⁰Babo bakatumwa nibakapiluka kun'ganda bakayana muzhike wapona.¹¹Ndilyona lelyo, Jeso wakaya ku nkambe yakutewa Naini, bashichiiya bakwe iinkamu inkando mubakaya abo. ¹²Nibakashika kumanjililo a nkambe, mulombwana wakufwile kabamubwezele, mulombwana iche wakuzhelwe kwa baina (wakuli muka mufu), inkamu inkando yakavwa munkambe kabali ayo. ¹³Inzho Mwami nakamubona mukaintu wezu wakamufwila luse ukumwambila ati, ''Utalila.'' ¹⁴Ngoona wakaya kukwata ku machila nguba kuubwezelele mutunta, babo bakakuzemwine bakazhima. Wakamba, ''Mwembezhi, Ndamba kwako, buka." ¹⁵Mufu wakakala ukutalika kwamba, ngoona Jeso wakamupa kwa baina.¹⁶Inzho bakanjilwa bukandu boonse, alimwi bakaitilizha kulumbaizha Leza, kwamba ''Mushinshimi mukando wabuka akati kesu'' alimwi ''Leza walanganya abantu bakwe.'' ¹⁷Aza makani aka Jeso akamwaala moonse muchishi cha Judeya ukumasena akuzhingulukile.¹⁸Bashichiya ba Johani bakamushimwina shonse shakachitka. ¹⁹Ngoona Johani waketa bashichiya bakwe bobile ukubatuma ku Mwami kuya kwaamba , ''Sa ndiwe wezo uzhiza, na tuchilindila unji?'' ²⁰Nibakashika kufwafwi kwa Jeso, balombwana baba bakamba, ''Johani mupapatizi watutuma kwako kwamba twambe ati, 'Sa ndiwe wezo uzhiza na, natuchilindila unji?'''²¹Muchiindi nchichona chechi wakaponya bantu banji banji bakusata malwazhi a myoza mibiyabi alimwi boofwu bakabona. ²²Jeso wakabaingula ukwamba ati, ''Mwamana umushinzo wenu, mukambe kwa Johani nchimwabona ukutelela. Bofwu balabona, balema baleenda, bashi chinsenda bapona, bantu batateleli batelela, bafwu babushiwa, bapushi bashimwinwa mazwi mabotu. ²³Wezo muntu utaleka kushoma muli ume nkambo kamichito yangu ulilongezhelwe.''²⁴Nibakaya bashikutumwa kwa Johani, Jeso wakatalika kwambila inkamu makani aka Johani, "Nchinzhi nchimwakaila mu lukula kuya kubona? Sa ndubu lwazunganyiwa u muuwo? ²⁵Pele nchinzhi nchimwakaya kubona ? Mulombwana usamine shisani shuuba? Bona, babo basama shisani shidula ukukala bumi bubotu balakala chakuliba mumanda abwami. ²⁶Pele mwakaya kubona nzhi? Sa mushinshimi? Ee, Ndamba kuli umwe, alimwi kubaala mushinshimi.²⁷Wezu inguwe wakalembwa, 'Bona ndatuma mutumwa kumbele lyako walo ukabamba inzhila yako kutana kushika.' ²⁸Ndamba kuli umwe, boonse babo bakazhalwa kubakaintu kwiina ubaala Johani. Pele wezo mushoonto mu bwami bwa Leza mukando kumubaala.''²⁹(Bantu boonse nibakatelela aza, kusanganya ubashimutelo, bakamba ati Leza ulasalala, nkambo bakapapatizwa ulupapatizo lwa Johani. ³⁰Pele ba Falisi ubashimulawo baakaka muzeezo wa Leza kuli mbabo, baina nibakapapatizwa u Johani.)³¹Mbubuti, inzho, mbwinkonzha kubakozhanya bantu bamusela weno? Bali ukoya nzhi? ³²Bali ukoya bana basobanina ku mushika, ukwamba umwi kumwenzhina, 'Twalizha ingoma pele tamuzhana. Twaimba lwiimbo lwa malilwe pele mwiina nimwalila.'³³Johani mupapatizi wakeza kutalya chinkwa ukutanwa waini, pele mwakamba ulikwete myoza mibiyabi.' ³⁴Mwana muntu wakeza ulalya ukunwa, mulaamba, 'Amubone muntu mulyato alimwi ngu chakolwa, mwenzhina ubashimutelo uba shishibi!' ³⁵Pele busongo buliluleme kubanakwe boonse.''³⁶Inzho umwi waba Falisi wakamutamba Jeso kwamba balye aze. Inzho Jeso nakanjila munganda ya mu falisi, wakakala kwi tebulu kulya. ³⁷Kakuli mukaintu mumunzhi wakuli shishibi. Nakatelela ati Jeso ulalya mun'ganda ya mu falisi, wakaleta chikopo cha mafuta anunkilila. ³⁸Wakazhima kumanuma kufwafwi umatende, ulalila, wakatontozha matende a Jeso umisozhi yakwe, amane wepukuta umasusu akwe amumutwi ukushonta ku matende akwe amane wamunanika mafuta anunkilila.³⁹Inzho mu falisi wakutambile Jeso nakabona chechi, wakatelaika mukamwini, kwamba wezu mulombwana nakuli mushinshimi, nazhiba mushobo wamukaintu wamukwata mbwabele, kwamba ngushishibi." ⁴⁰Jeso wakamwingula ati, "Saimoni, Ndikwete chakukwambila.'' Wakaamba, ''Chaambe, Mwiiyi!''⁴¹Jeso wakamba, ''Umwi muntu wakukweletesha kakwete mbakakweletesha bobile mali. Umwi wakakweleta myanda yosanwe a lubulo, umwi makumi osanwe. ⁴²Nibakakakilwa kuzhola mali, wakabalekelela boonse bobile. Inzho, nguni ukamuzanda kubala?'' ⁴³Saimoni wakataba ukwamba, ''ndatelaika ati nguwezo wakukwete mali manji manji kwakwe.'' Jeso wakamba kwakwe, "Wabeteka kabotu.''⁴⁴Jeso wakachindulukila kumukaintu ukwamba kwa Simoni, ''Wamubona wezu mukaintu.Ndenjila munganda yako. Kwiina nimwampa menzhi akusamba ku matende, pele watontozha matende angu umisozhi yakwe ukukunkumuna umasusu akwe. ⁴⁵Uwe wiina nuwa nshonta. Pele walo kuvwa nindashika ulashonta matende angu.⁴⁶Mwiina nimwananika mutwi wangu mafuta, pele walo wananika kumatende mafuta anunkilila. ⁴⁷Inzho Ndakwambila uwe, shibi shakwe, shakuli shinji shakuli shinji shinji, shalekelelwa-nkambo watondezha luzando lukando. Pele wezo walekelelwa chishoonto, uluzando ndushoonto.''⁴⁸Ngoona wakamwambila, ''Shibi shako shalekelelwa.'' ⁴⁹Babo mbuba kakulya abo bakatalika kulyambauzha beni, ''Nguni wezu ukonzha kulekelela shibi?'' ⁵⁰Inzho Jeso wakaamba kumukaintu, ''Lushomo lwako lwa kufutula. Koya mulumuno.''

¹Chachitika bolya nikwaita chiindi Jesowakatalika kuya bweenda ukuzhinguluka minzhi mikando u mishoonto, kuya bukambauka makani mabotu a bwami bwa Leza. Bali ikumi u bobilekabali aze, ²alimwi u bamakaintu bamwi bakakushiwa myoza mibiyabi ukuponyewa ku malwazhi: Maliya wakutewa Magadalena, wakakushiwa myoza mibiyabi ili chiloba; ³Jowana, mwinakwe Chuza, musebezhi mukando wa Heloda; Susanna; u bamwi banji banji, balo, kuvwa mumbono shabo, kabayovwelezha shakuzandika kwabo.⁴Inzho bantu niba kakubungene, alimwi bantu kabeza kwakwe kuvwa mu nkambe yezhi iimwi, wakabashimwina kambyo: ⁵''Mulimi wakaya kuminza imbuto yakwe. Nakashanga, imwi yakawila kumbali anzhila ukulyataukwa umatende, imwi bazuni bamwizeulu bakeelya. ⁶Imwi yakawila ebwe, niti ikatalike kukomena, yakazuma, nkaambo kakwiina mushiwe.⁷Shimwi shakawila ameya, meya akakomenena antoomwi ushishango ubobo akashiyasa. ⁸Pele shimwi shakawila mwivu ibotu ukuzhala michelo shavula shaba mwaanda.'' Jeso nakamanizha kwamba sheshi shintu, wakapozomoka ati, ''Kufumbwa wezo ukwete matwi akutelela, natelele.''⁹Bashichiiya bakwe bakamubuzha mbukamba kambyo kaka. ¹⁰Wakabambila ati, ''Umwe mwakapewa luzhibo lwamaseseke a bwami bwa Leza, pele kuli bamwi ndaamba mutwaambyo, kwaamba 'kubona bakubona pele batakubonesha, kutelela batakutelelesha.'¹¹Inzho mbubolya mbukamba kambyo: Imbuto ndizwi lya Leza. ¹²Yezho imbuto yakawila munzhila mbubabo balitelela izwi lya Leza, amana satani weza walikusha izwi mu myozo yabo kwaamba batashomi ukufutulwa. ¹³Yezho ili ebwe mbubabo, balitelela izwi, balalitambula ukubotelwa. Pele baina mizanda; balashoma chiindi chishoonto, muchiindi cha masunko balawa.¹⁴Imbuto yezho yakawila ameya mbubabo bantu balitelela izwi, pele mumona mubaya munzhila yabo, balasanduka nkaambo kabubotu bwa anshi ano, alimwi michelo yabo tekomeni. ¹⁵Pele shakawila ehu ibotu, babo imbabo, batelela izwi ukushomeka u mozo ushomeka uku kwatisha alimwi ukweezha michelo ubushichamba.¹⁶kwiina muntu uzasha ilampe amana walihunika mutiba naba kulibika munshi ya bulo. Pele ulalibika achibikilo kwaamba oonse unjila akulibona ilampe. ¹⁷Nkaambo kwiina chiseseke chitakaabonwa, na masoseke atakaazubuluki ukuba mumumuni. ¹⁸Inzho amuteleleshe, kuli wezo ukwete chinji chinji ulakapewa alimwi, pele kuli wezo utakwete, nichiba checho nchatelaikila ati ulikwete ulakanangwa,''¹⁹Inzho baina u banina bakashika nkwakubele, pele baakakilwa kushika kufwafwi kwakwe nkaambo bantu kabali banji banji. ²⁰Bakamwambila ati, ''Banoko u banyoko balizhime ansengwe, balazanda kukubona.'' ²¹Pele Jeso wakabaingula ukubambila ati, ''Baama u bakwesu mbubabo batelela izwi lya Leza ukulichita.''²²Bumwi buzuba wanjila mubwato u bashichiiya bakwe, wakabambila ati, ''Atuye kumutala wakolya wezhiba.'' bakashikula bwato baya. ²³Pele mbubazhimukila buyo, walo wakoona. Kwakeza muuwo mukando umankwishita mwizhiba, bwato bwabo bwakazula menzhi bakakuli muntenda.²⁴Inzho bashichiiya ba Jeso bakaya kwakwe kumubusha, ukwamba, ''Mwami! Mwami! tukalafwa!'' wakabuka ukutontozha muuwo umankwishita, ngoona, kwakaliinza. ²⁵Amane wakabambila ati, ''Ndulikwi lushomo lwenu?'' Pele bakakutiile ukuzhingwa, alimwi bakabuzhanya bamukamwini ati, ''No nguni wezu ulailila muuwo u meenzhi shilamutelela?''²⁶Bakaya kushika kubusena bwa Gelasenesi, bwalo bulandukwa izhiba kuvwa ku Galilaya. ²⁷Jeso mbwakalyatila buyo amuuma, bakaswangana u mulombwana umwi wakuvwa mu munzhi wakunjililwe myoza mibiyabi. Kwachiindi chilamfu katasama shisani, ulimwi katakala munganda kavwa buyo ku namaumbwe.²⁸Inzho nakamubona Jeso, wakalila chakupozomoka ukuwila anshi kufwafwi ungakakubele ukwamba mwizwi ikando, ''Nchinzhi nchuzanda kuchita kwangu, Jeso, u Mwanakwe Leza Mukando? Ndakulomba, utansowa.'' ²⁹Wakaamba bobo nkaambo Jeso wakakwitandile myoza mibiyabi kwamba imuvwe mu muntu. Shiindi shinji shinji kemupenzha, alimwi nikuba ati kaba mwaanga inchetani inshimbi ukumulindilila, waka kushikosaula inchetani ukutolwa umyoza mibiyabi mu lukula.³⁰Inzho Jeso wakamubuzha, ''Ndiweni izhina?'' Wakamba ati, "Lejoni,'' ukuti myoza minji minji yakakumunjilile. ³¹Yakatolelela kumulomba Jeso ati atetandili kubusena bwa bafwu.³²Inzho butanga bwa ngulube kabuchela kumabali kuchilundu. Myoza mibiyabi yakalomba kwaamba aitandile mumo, wakevumizha. ³³Ngoona myoza mibiyabi yakamuvwa mu muntu ukunjila mungulube, inzho shoonse shakaselumukila a lukonka lwa izhiba ikando ukuwila mu meenzhi shebila.³⁴Babo bakwembela ingulube nibakabona chakachitika, bakalukanka ukuya kukanana mu munzhi mukando umu minzhi imwi. ³⁵Inzho bantu bakaya kubona chakachitika, bakashika kwa Jeso ukumuyana muntu wezo wakakushiwa myoza mibiyabi. Kashite ku matende kwa Jeso, ulisamine u manu azulila; bakatiya.³⁶Inzho babo bakachibona chakachitika bakabashimwina mbwakapona muntu wezu wakakunjililwe myoza mibiyabi. ³⁷Inzho bantu ba muchishi cha Gelasini bakamulomba Jeso kwamba amuvwe muchishi chabo, nkaambo bakanjilwa bukandu. Ngoona wakanjila mubwato kwamba batalike kubweela.³⁸Muntu wezo wakakushiwa myoza mibiyabi wakamulomba kwamba bakuya abo, Pele Jeso wakakaka, wamba, ³⁹''Bweela ku munzhi wako ukaambe bubotu boonse Leza mbwakuchitila.'' Ngoona wezu mulombwana wakaya muminzhi ulaya bukanana Jeso nchamuchitila.⁴⁰Inzho Jeso nakapiluka bantu banji bakamutambula, nkambo boonse kabamulindila. ⁴¹Bona, muntu wakutewa Jailosi, wakakuli umwi wabasololi ba sinagogu, wakeza ukuwila ku matende aka Jeso, ukumulomba kwamba akuya kun'ganda yakwe ⁴²nkambo mwanakwe uli iche mushimbi wamyaka ili ikumi itwesha yobile kali mulwazhi cha lufu. Jeso nakakuchiya bweenda, inkamu yabantu yakakushankene chakumuzhinguluka.⁴³Inzho kaliwo mukaintu wakasata kalobolakwa myaka ili ikumi umyaka yobile. wakalipila mali manji manji kubashilishi pele kwiina nakapona. ⁴⁴Wakaya kumanuma kwa Jeso ukukwata kunshi kumamanino ekoti lyakwe, ngoona awo bulowa bwakaleka kuvwa.⁴⁵Jesos wakamba, ''Nguni wankwata?'' Boonse nibaakaka, Pita wakamba, ''Mwami, inkamu yabantu ili kuzhingulukile alimwi alimwi balatonkana kwiza kwako.'' ⁴⁶Pele Jeso wakamba kuli wankwata, nkambo ndatelela insana shavwa muli ume.''⁴⁷Mukaintu wezo nakabona kwamba takonzha kuzuba, Wakeza ulazhangama ukuwila ku matende akwe. Kubushu bwa bantu boonse wakapandulula nchakamukwatila umbwakapona achiindi ngoona awo. ⁴⁸Ngoona wakamba kwakwe, "Mwanangu, lushomo lwako lwakuponya.Koya mulumuno.''⁴⁹Naka kuchaamba, umwi wakashika kuvwa kunganda ya musololi wa sinagogo, wakamba, "Mwanako wafwa.Utamupenzha linji mwiiyi.'' ⁵⁰Pele Jeso nakatelela bobo, wakamutaba Jailosi, "Utatiyi, shoma buyo ulaponyewa.''⁵¹Inzho nakashika kunganda wina nakavumizha bantu kwamba banjile aze, chita buyo Pita u Johani u Jemusi, ubaushi mwana u baina. ⁵²Inzho boonse kabalila ukutamauka nkambo ka lufu, pele wakamba ''Mutalila; tafwile pele ulona." ⁵³Pele bakatalika kumusalizha, nkambo kabezhi ati mufwu.⁵⁴Wakamukwata kwitashi wompolola ati, ''Mwanangu, buka!'' ⁵⁵Moza wakwe wakazhoka, wazhimuka ndilyona. Wakabambila kwamba bamupe chakulya alye. ⁵⁶Bazhali bakwe bakazowa, pele wakabashimwina kwamba batashimwini naba womwi kuli chachitika.

¹Wakompolola boonse bali ikumi ubobile ukupa insana ubwendelezhi bwa kukusha ma daimona ukuponya malwazhi. ²Wakabatuma kuya kukambauka makani a bwami bwa Leza ukuponya balwazhi.³Wakaamba kuli mbabo, ''Mutabwezi chili choonse amusinzo-nuba musako, nikaba impotomona, nichiba chinkwa, naba mali, nichiba chisani chimwi. ⁴Kufumbwa in'ganda njimukaanjila amukakale kushikila mukakuhwe.⁵Koonse nkubati batakamutambuli, mwakashiya busena bobo, amukalikunkumune lufuko kumatende enu kwaamba bukabe bumboni kuli mbabo.'' ⁶Bamane bakazhimuka baya mu minzhi, kuya bukambauka mulumbe mubotu ukuya buponya koonse.⁷Lelyo Heloda nakatelela shoonse shakakuchitika, wakanyongana nkaambo chakaambwa ubamwi ati Johani wakabuka kuvwa ku bafu, ⁸ulimwi bamwi bakaamba ati Eliya washika, abo bamwi ati umwi wa bashinshimi bakale kale wabuka. ⁹Helodi wakaamba, ''Ndakamukosola mutwi Johani. Nguni wezu ngwinteleleshintu sheshi?'' Ubobo wakasola kwaamba amubone.¹⁰Batumwa nibakazhoka, bakamushimwina shoonse nshibakachita. Wakabatola ambali, amane bakaya chakutabona ku busena butewa Betisaida. ¹¹Pele makamu abantu nibakatelela, bakamuchilila. Wakabatambula ukubakambaukila makani a bwami bwa Leza, alimwi wakabaponya babo bakuzanda kushilikwa.¹²Lelyo buzuba nibwakuya bumana, bali ikumi ubobile bakashika kwakwe ukwaamba, ''Bashimwine bantu baye mu minzhi ili afwaafwi kwaamba bayane kwa koona ushakulya nkaambo kono kubusenankutubele nkulaale.'' ¹³Pele wakabambila ati, ''Amubape chakulya.'' Bakaamba twiina shibaala ashinkwa shotatwe iinswi - chita tukuya tukaule cha bantu boonse baba.'' ¹⁴(mweelwe balombwana kabashika ku shuulu shili shosanwe.) Wakabashimwina bashichiiya bakwe ati, Amubakalike mutubunga twa mweelwe wa bantu bashika ku makumi osanwe kamwi u kamwi.''¹⁵Inzho bakachita mbubona, ukubakahika anshi bantu. ¹⁶Kubweza shinkwa shosanwe iinswi shobile wakalanga kwizeulu, washilongezha ukushikomauna mu tupanzha panzha ukupa bashichiiya kwaamba basengelele makamu abantu. ¹⁷Boonse bakalya cha kukuta, ushesho shakashaala shakabwezelelwa ukuzuzha shinzuma shili - ikumi u shobile.¹⁸Chakachitika bobo kwaamba Jeso naka kukomba, bashichiiya kabali aze. Wakababuzha ati, ''No bantu balaambaati ndime ni?'' ¹⁹Bakaingula ati, Johani mupapatizhi. Pele bamwi balaamba ati Elija, ulimwi bamwi balaamab ati umwi wa bashinsimi bakale kale wabuka.''²⁰Amane wakaamba kwabo ati, ''Pele umwe mulaamba ati ndime ni?'' Pita wakataba ati, ''Munanike Kilisito wa Leza.'' ²¹Pele wakabalailila ukubachenjezha kwaamba batabi nibaambila muntu naaba womwi, ²²kwaamba, Mwana a Muntu ulyelele kupenga ku shintu shinji shinji uku kakwa ku basololi uku bapaizhi u balembi, alimwi ula kayayiwa pele buzuba bwa tatu ulaka bushiwa.''²³Amane wakabambila boonse ati, kuti kwakuli muntu uzanda kunchilila, ulyelele kuliluba amane abweze chichinkano chakwe anchilile. ²⁴Kufumbwa wezo ufutula bumi bakwe ulabuswekelwa, pele kufumbwa wezo uswekelwa bumi bwakwe ukaambo kangu ulabuyana. ²⁵Nchibotu nzhi muntu kuhuba inshi yoonse amane waswekelelwa bumi bwakwe?²⁶Kufumbwa wezo ungusa insoni u mazwi angu aze Mwana muntu ulakamuusa insoni chiindi akeza mubulemu bwakwe alimwi u mubulemu bwa Taata u bangelo basalala. ²⁷Pele chini chini ndamushimwina ati, nkubali awa bazhimine batakaiti mu lufu kabatana kububona bwami bwa Leza.''²⁸Inzho nikwaita mazuba ali lusele kuvwila Jeso nakaamba mazwi aza, wakabweza Pita Johani u Jemusi bakaya kukomba a lupili. ²⁹Chiindi naka kukomba bushu bwakwe bwakasanduka, alimwi shisani shakwe shakatuba buu.³⁰Bona, balombwana bobile kabaamba aze, Mozesi u Elija, ³¹balo bakaboneka mu bulemu, kubandika aze makani akwe akuya, alo akuli afwaafwi kumaninia mu Jelusalema.³²Pita ubabo mbakuli abo kabali mutulo, pele nibakabuka, bakabona bulemu bwakwe u balombwana bobile bakuhimine aze. ³³Nibakuya bukuvwa kwa Jeso, Pita wakamwambila ati, ''Mwami, nchibotu kuli uswe kuba kono. Atuzake maanda otatwe, yomwi yako, yomwi ya Mozesi, u imwi ya Elija.'' (katezhi nchakakwaamba.)³⁴Naka kuchaamba aza, ikumbi lyakashika ngoona lyabahumba, alimwi bakatiya nibakenjila mwikumbi. ³⁵Izwi lyakavwa mwikumbi, lilaamba, ''Wezu inguwe Mwanangu, walo musale; amutelele kwakwe.'' ³⁶Chiindi izwi nilyakamana kwaambwa, Jeso wakayanwa uli iche. Bakaumuna alimwi kwiina ngubakambila kuchiindi checho kuli checho nchibakabona.³⁷Mubuzuba bwakachilila, nibakaseluka kuvwa a lupili, imbungano ya bantu yakamuswanganya. ³⁸Bona, mulombwana kuvwa mumbungano wakapozomoka, ulaamba, ''Mwiiyi, Ndakulomba umulange mwanangu, ukuti ngu mwana buyo ngwinkwete. ³⁹Mubone, moza ulamwendelezha alimwi ulamukwiizha; chilamupa kusansa ukuvwa iyovu ku mulomo. Kwiina nichimuleka kufwambaana alimwi chilamushiya walichisa chibyaabi. ⁴⁰Ndakalomba bashichiiya bako kwaamba bachikushe pele bakakakilwa.''⁴¹Jeso wakaingula ukwaamba ati, Umwe nubantu batashomi alimwi bashichinguni, nchilamfu buti chiindi nchinkaba amwe alimwi ukumuchitila kwaamba mushome? Mulete mwanako.'' ⁴²Chiindi mwembezhi nakuya bwiza, i daimona lyakamuwisha anshi ukumupa kusansa chini chini. Pele Jeso wakolemanina Moza mubiyabi amane wakamuponya mwembezhi, ngona wakamutambika ushi.⁴³Ngoona boonse bakazoowa ku bukando bwa Leza. Nibakuchizoowa kushiintu nshakuchita, wakambila bashichiiya bakwe ati, ⁴⁴''Amuleke mazwi azo anjilishe mu matwi enu: Mwana a Muntu ulakaabwa ku matashi a bantu.'' ⁴⁵Pele baina nibakatelelesha ku kaambo kaka. Kakasesekwa kwabo, baina nibakabuzhiba bupandiluzhi, alimwi kabafwile bukandu kubuzha ku kaambo kaka.⁴⁶Inzho bakatalika kukazhanya makani akati kabo ukaaba mukando. ⁴⁷Pele Jeso, mukuzhiba matelaishi ali mu myozo yabo, wakabweza mwana mushoonto wamuzhimika kumbali kwakwe ⁴⁸ukubaambila ati, ''Kufumbwa wezo utambula mwana wezu mwizhina lyangu, ulantambula ume; alimwi kufumbwa wezo wantambula, wamutambula uwezo wakantuma. UKuti kufumbwa wezo mushalizhi akati kenu inguwe mukando.''⁴⁹Johani wakaamba, ''Mwami, twakabona umwi ulatanda ma daimona mwizhina lyako mane twamukasha, nkaambo takuchilila antoomwi aswe.'' ⁵⁰''Mutamukashi,'' Jeso wakaamba, ''nkaambo kufumbwa wezo utali shinkonodo nokwenu nguwenu.''⁵¹Mazuba nakaswena afwaafwi akutolwa kwizeulu, wakalibambila kuya ku Jelusalema. ⁵²Wakatuma bashichiiya kumbele lyakwe, bakaya kunjila mu munzhi wa Samaliya kuya kumubambila. ⁵³Pele bantu bakoko baina kukamutambula nkaambo kalibambilile kuya ku Jelusalema.⁵⁴Chiindi Jemusi u Johani bashichiiya nibakachibona chechi, bakaamba ati, ''Mwami sa ulazanda kwaamba twambile mulilo kuvwa kwizeulu kwamba ubazonaune?'' ⁵⁵Pele wakachindulukila nkubabele ngoona wabalemanina, ⁵⁶bamane bakaya ku munzhi umwi.⁵⁷Nibakuchiiya munzhila, umwi wakamwaambila ati, ''Ndakuchilila kufumbwa nkuuya.'' ⁵⁸Jeso wakamwaambila ati, ''Ba Mwaaba balikwete malindi, alimwi bazuni bamwizeulu balikwete shitaanto, pele Mwana a Muntu wiina akubika mutwi wakwe.''⁵⁹Ngoona wakaambila umwi ati, ''Nchilila.'' Pele wakaamba ati, ''Mwami taana ndukuya nkazhike ba taata.'' ⁶⁰Pele wakamwaambila ati, ''Baleke bafu balizhike beni. Pele uwe lwako, koya ukakambauke kulaale mu masena oonse makani a bwami bwa Leza.''⁶¹Ngoona aze umwi wakamwaambila ati, ''Ndakuchilila pele taana mbalaye babo boonse ba n'ganda yangu.'' ⁶²Jeso wakamwiingula ati, ''Kwiina muntu ukwete iyamba amane ulachebuka munshi uyelele mu bwami bwa Leza.''

¹Nikwaita sheshi shintu, Mwami wakasala bali makumi chiloba ukubatuma bobile bobile kumbele lyakwe mu minzhi yoonse uku busena koko nkwakuzanda kuya walo. ²Wakaamba kuli mbabo, ''Butebuzhi mbunji pele basebezhi mbashoonto. Ubobo amukumbile mwami wabutebuzhi kwaamba atume basebezhi mubutebuzhi bwakawe.³Kamuya. Amubone, Ndamutuma ukoya imbelele akati ka baumpe. ⁴Mutabwezi choola cha mali, na choola cha kweenzha, na impato, alimwi mutaanzha muntu naaba womwi munzhila.⁵⁶Kufwumbwa in'ganda njimwanjila, mutangune kwaamba, ''Lumuno lube a 'nganda yezhi!' kuti mwana wa lumuno ngali awo, lumuno lwenu lulakala ali nguwe, pele na kwiina, lulapiluka kwenu. ⁷Amukalilile mun'ganda mumona momo, kulya ukunwa nshiba mupa, nkaambo musebezhi ulyelele bulumbu bwakwe. Mutakeenda kuya buzhinguluka mu maanda.⁸Kufumbwa munzhi ngumwanjila, amana bamutambula, amulye nchiba musengelela. ⁹alimwi mukaponye balwazhi bali koko. Amubaambile ati, 'Bwami bwa Leza bweza kufwafwi amwe.'¹⁰Kufumbwa mwanjila mu munzhi amana baina kumutambula, muye mutuzhila ukwaamba, ¹¹'Ulufuko lwa mu munzhi wenu lukwatilila ku matende esu twalu kunkumunina kwenu! Pele amwazhibe aza kwamba bwami bwa Leza buli afwaafwi.' ¹²Ndamushimwina ati bolya buzuba bulakabaala ali Sodoma ku munzhi wezo.¹³Mawe kwako u Kolazini! Mawe kwako u Betisaida! kuti milimo yakachitwa mwako niyakachitwa mu Taya u mu Sidoni, nibakabeba kale kale, kukala mu shisani sha masaka u mwitwe. ¹⁴Pele chilakabaala ku Taya u Sidoni kubetekwa kubaazha umwe. ¹⁵Uwe, Kapenaumu, sa ulatelaika ati ukalakasumpulwa kwizeulu? Pepe, ulakatolwa anshi ku shuumbwe.¹⁶Wezo ukutelele ulatelela ume uwezo ukukaka ulankaka ame, alimwi uwezo ukakaka ume, ulakaka wezo wakantuma.''¹⁷Bali makumi chiloba bakazhoka u lutangalo balaamba, ''Mwami oonse u ma daimona akalichesha kwesu mwizhina lyako.'' ¹⁸Jeso wakabambila, ''Ndakumwebela Jeso wawa kuvwa kwizeulu ukoya lulabo. ¹⁹Amubone, ndamupa insana shakulyata a bazoka a tubanze, alimwi a nsana sha shinkondo wenu, ulimwi kwina chiti chikamuchise nichiba chomwi. ²⁰Nikuba bobo mutabotelwa buyo kuli chechi,ati myoza yakamutelela, Pele amubotelwe chibaala kwaamba mazhina enu alembwa kwizeulu.''²¹Achiindi checho wakabotelwa chibaala mu Moza Usalala alimwi wakaamba ati, Ndakutembaula uwe, Taata, Mwami we zeulu iinshi, nkaambo sheshi wakashisoseka ku basongo ubabo bakwete luzhibo umane wazubulwila babo batayiile, ukoya bana bashoonto. Eeye,Taata kachili chibotu ku menso ako.²²''Shintu shoonse shapewa kwangu kuvwa kwa Taata, ulimwi kwiina umwizhi Mwana chita Ushi, alimwi kwiina umwizhi Ushi chita Mwana ubabo mbasala Mwana kwaamba abezhibye nguwe.''²³Amane wakachindulukila ku bashichiiya ukubambila mumaseseke ati, Mbalongezhe babo babona shintu nshimubona. ²⁴Ndamushimwina ati, banji bashinshimi u bami kabazandisha kubona sheshi shintu nshimubona, pele baina nibakashibona, ukutelela shintu nshimwatelela, pele baina nibakashitelela.''²⁵Amubone, muntu ukwete luzhibo lukando mu mulawo wakazhimuka kwaamba amusunke, ulaamba, ''Mwiiyi, nchiinzhi nchinjelele kuchita kwaamba nkayane bumi butamani?'' ²⁶Jeso wakamwambila ati, ''Nchiinzhi chilembelwe mu mulawo? Mbubuti mbu chibala?'' ²⁷Wakamwingula ulaamba ati, ''Ufune Mwami Leza wako u mozo wako woonse, u moza wako woonse, ku nsana shako shoonse, uku mizeezo yako yoonse, alimwi ufune shimukobo noko mbubona mbulifwini umwini.'' ²⁸Jeso wakamwambila ati, Waingula kabotu. Chita chechi, wamana ulakapona.''²⁹Pele walo, kuzandisha kulisalazha, wakaamba kwa Jeso ati, ''Nguni shimukoboma?'' ³⁰Jeso wakamwingula ati, ''Umwi mulombwana kaya bweenda kuvwa ku Jelusalema kuya ku Jeliko. Wakaswanganya bateu, balo bakamunanga shintu nshakakukwete, bamuuma bamushiya muwizushi.³¹Mu choolwe umwi mupaizhi kaya bweenda munzhila njiyona yezho, nakamubona wakamuzeeluka waita luya lunji. ³²Munzhila njiyona mu Levi aze nakashika a busena wamubona, wakamwitilila waita kumbali.³³Pele umwi mu Samaliya, nakakuya bweenda , wakashika ngakakubele. Nakamubona, wakafwa inkumbu. ³⁴Wakaswena kufwaafwi amane wamwaanga ashilonda shakwe, watila wo mafuta u waini. Wamulizika a munyama wakwe ukumutola kun'ganda ya beenzu, ukumubamba. ³⁵Mubuzuba bwakachilila wakakusha mali akwana ba Denali bobile, amane wamupa shikutambula beenzu amane wamwambila ati, 'Umubambe wezu muntu, alimwi kufumbwa nchimukaasebezha, ndakazhoka, ndakamulipila.'³⁶Nguni wababa botatwe uwe ngutelaika ati ngushimukobo nina wezu wakaswanganya bateu?'' ³⁷Wakaamba, ''Nguwezo wakatondezha luse kumuntu wezo wakaumwa.'' Jeso wakamwambila ati, ''Koya aze ukachite mbubona.''³⁸Lelyo nibakakuya bweenda, wakenjila mu munzhi umwi, mukaintu umwi wezhina lya Malita wakamutambula mun'ganda yakwe. ³⁹Kakwete munina mukaintu wakutewa Maliya, wakakala ku matende a Mwami ukutelela izwi lyakwe.⁴⁰Pele Malita kapakeshe kubamba kwaamba asengele chakulya. Wakeza kwa Jeso u kwaamba ati, ''Mwami, sa tumubwene mukwesu ati wanshiya iche kwaamba nsengele iche? Ubobo mwambile ati anjovwe.'' ⁴¹Pele Mwami wakamwingula ati, ''Malita, Malita, uwe ulalibilika ukupenga mushintu shinji shinji, ⁴²pele nchintu buyo chomwi chizandishi. Nchasala Maliya nchibotu, chalo chiina uti akamunange.''

¹Chakachitika mubuzuba bumwi lelyo Jeso nakakupaila a busena bumwi.Nakamana bulyo, womwi wa bashichiiya wamba kwakwe, "Mwami, tuyiishe kukomba umbona Johani mbwakaisha bashichiiya bakwe."²Jeso wakabambila, "Chiindi nimukomba amwambe, Taata izhina lyenu nalilemekwe, kwaamba lilasalala. Bwami bwenu bwize.³Amutupe chakulya chesu buzuba ubuzuba. ⁴Amutulekelele ku milandu yesu, mbubona mbutulekelela boonse bali milandu kuli uswe. Mutatweenzha mu masunko.'''⁵Jeso wakabambila ati, "Nguni wenu ukwete mulongwaakwe, wezo ukonzha kuya kwakwe akati ka mashiku, ukwaamba kwakwe ati, 'Mwenzuma, nkweletesha shinkwa shotatwe, ⁶nkaambo mwenzuma washika chaninzho kuvwa a mushinzo ukuti ndiina chili choonse chaku mupa'? ⁷Amana wezo walo uli mukati ulataba ati, 'Utampenzha ume. Chitendele ndayala kale, alimwi ubanangu toonse tulilele. Nshikonzha kubuka kwaamba nkupe shinkwa.' ⁸Ndamwambila ati, nikuba kwamba wiina nabuka kwiza ku kupa chinkwa nkaambo uli mweenzhiina, pele nkaambo kakubula insoni ukukakatila kwako, ulabuka uku kupa shoonse shinkwa nshuzanda.⁹Alimwi ndamushimwina ati, amulombe, mulakapewa; amukapule, mulakayana; amukonkomone, mula yalulilwa. ¹⁰Ukuti woonse muntu uomba ulatambula; alimwi muntu ukapula ulayana; alimwi uku muntu ukonkomona, ulayalulilwa.¹¹Nguni muzhali akati kenu, kuti mwanako walomba inswi, ulamupa muzoka mubusena bwaku mupa inswi? ¹²Na walomba iyi, sa ulamupa kapilili? ¹³Ubobo, na umwe nuba muchita shibi mulizhi kupa shintu shibotu ku banenu, mbubuti mbwakonzha Ushenu uli kwizeulu kupa Moza Usalala kuli babo bamulomba?"¹⁴Inzho Jeso katanda musangushi wezo watakakwaamba. Musangushi nuwakamuvwa, mulombwana wezu watakakwaamba wakaamba, amane inkamu ya bantu yakazoowa. ¹⁵Pele bamwi bantu bakaamba, "Kwiitila mwa Belezebul, muleli waba sangushi, ulatanda basangushi."¹⁶Bamwi bakamusunka ukwaamba achite chitondezho chivwa kwizeulu. ¹⁷Pele Jeso kezhi mizeezo yabo amane wabambila, "Bwami boonse bwandeene tabuchili bwami bubotu, alimwi inganda yandeene ilawa.¹⁸Na satani ulyaandene lwakwe mwini mbubuti mbubukazhima bwami bwakwe? Umwe mulaamba ndatanda basangushi mwa Bezebule. ¹⁹Kuti ume ndatanda basangushi mwa Bezebule, no bashichiiya benu balatanda mwizhina lyani? Nkaambo ka chechi, bakalakaba babeteshi benu. ²⁰Kuti ndatanda basangushi umunwe wa Leza, ati bwami bwa Leza bwashika kwenu.²¹Kuti na mulombwana shinsana ulilibambile kukwabilila munzhi wakwe, lubono lwakwe lulakwabililwa kabotu, ²²pele kuti mulombwana shinsana wamuzunda, ulabweza intobo njashoma ukuzonana lubono lwakwe. ²³Wezo utali ame ngu shinkondoma, alimwi uwezo utabunjiki ame ulamwaya.²⁴Chiindi moza mubiyabi wamuvwa mu muntu, ulaita mulukula kuya bulanga kwa kupumunina. Atayana, ulaamba, 'Ndapiluka kun'ganda yangu nkwindakavwila. ²⁵Nuwapiluka wayana yelya in'ganda yapeelwa alimwi yabambwa kabotu. ²⁶Inzho ulapiluka ukuya kuleta myoza imwiili chiloba yalo ibaala kubiya ali walo imane ilakala yoonse momo. Kwamana bube bwa muntu wezo bulabiya chibaala."²⁷Inzho chakachitika bolya, mbubona mbwakaamba shintu sheshi, umwi mukaintu wakapozomoka izwi lyakwe mwizeulu akati ka mbunga ya bantu ulaamba, "Ndilongezhe ifwu lyaka kuzhala uwe alimwi inkolo shaa kunonsha uwe." ²⁸Pele wakaamba, "Inzho, mbalongezhe babo batelela izwi lya Leza alimwi ukukala alyo."²⁹Bantu nibakuchiya buvula, Jeso wakatalika kukanana, "Wezu musela ngwabashishibi. Balakapula chitondezho, inzho kwiina chitondezho nchibakapewa chita cha Jona. ³⁰Mbubona Jona mbwakaba chitondezho kubana Ninive, aze Mwana a Muntu ulaba chitondezho ku musela wezu.³¹Mwami mukaintu wakuchibizhi ulakazhima ku bubeteshi u balombwana bamusela wezu ukubaamba ati mba biyabi, ukuti mukaintu wakeza kumamanino anshi kwiza kutelela busongo bwa Solomoni, inzho amubone, uumwi mukando kubaala Solomoni ngaali ano.³²Bantu baku Ninive balakazhima kubetekwa antoomwi umusela wezu wabantu ukubapa milandu, ukuti bakasanduka ku bukambaushi bwa Jona, inzho amubone, mukando ali Jona ngaali ano.³³Kwiina naaba omwi, amana kuzasha ilambe, walibika mubusena busoseke nikuba kulihunikila chinzuma, pele lilabikwa achibikilo chalyo, kwaamba babo benjila bobone mumuni. ³⁴Linso lyako ndilambe lya mubili. Nakuti Linso lyako ndibotu, mubili wako woonse ulezula mu muni. Pele nakuti linso lyako ndibiyabi, mubili wako ulizwile mushinze. ³⁵Ubobo amuchenjele kwaamba mumuni uli muli umwe utabi mushinze. ³⁶Nakuti mubili wako woonse ulizwile mumuni ,kubula uchipanzha cha mushinze, ati mubili wako ulakozhanya ukoya ilambe lyamunika chakutuba ali uwe.''³⁸Nakamana kwaamba, mu Falisi wakamulomba kwamba bakalye aze ku n'ganda yakwe, inzho Jeso wakanjila walya aze. ³⁷Mu Falisi wakazhingwa kwaamba Jeso wakalya katana kusamba.³⁹Pele Mwami wakamwambila, "Inzho ubobo umwe nu ba Falisi mulasanzha ansengwe makapu ushizobwelo, pele mukati mwenu mulizwile bufumpi umafunze. ⁴⁰Umwe nubantu baina maanu! Sa tali nguwena wakapanga ansengwe nguwena inguwe wakapanga mukati? ⁴¹Amupe chili mukati kubapushi, amana shintu shoonse shilasalala kwenu.⁴²Pele mawe kuli umwe nuba Falisi, nkaambo mulapa che kumi cha michelo njimulima ushimwi, pele mwaluba kuasalulula bamwi ukumufuna Leza. Nchitu chelele kutasalaula bamwi kumufuna Leza, kutaluba ukuchita shintu shimwi.⁴³Mawe kuli umwe nu ba Falisi ukuti mulazanda shuuna shakumbele mu ma sinagogo ukwanzhiwa chabulemu ku masambalilo. ⁴⁴Mawe kuli umwe, ukuti muli ukoya shuumbwe shitazhibilwe bantu balashiita kutezhiba ati nchuumbwe."⁴⁵Umwi shi mulawo wakamwambila ati, "Mwiiyi checho nchuwamba watutuka aswe." ⁴⁶Jeso wakamba ati, "Mawe kuli umwe nu bamayi ba mulawo! Ukuti mulapa bantu mikuli njibatalozha kusempula, pele tamwikwati mikuli naba umunwe womwi wenu.⁴⁷Mawe kuli umwe, nkaambo mulazakila shuumbwe bashinshimi alimwi mba shaakale benu bakabayaya. ⁴⁸Inzho muli bakamboni alimwi mulavumina milimo ya ba shaakale, ukuti bakabayaya mumane mwabazakila shuumbwe.⁴⁹Mu kaambo kaka, busongo bwa Leza bulaamba, ' Ndakatuma kuli mbabo ba shinshimi u batumwa, bamane balakabapenzha ukubayaya bamwi.' ⁵⁰Ukuli chechi musela wezu ulakapewa mulandu nkaambo ka bulowa bwa ba shinshimi bwakatilwa kuvwa ku matalikilo anshi, ⁵¹kuvwa ku bulowa bwa Abelo kushikila ku bulowa bwa Zakaliya walo wakayailwa akati ka chipaililo u chikombelo. Ee, ndaamba kuli umwe, musela wezu ulakasubulwa.⁵²Mawe kuli umwe nuba shibusongo mu mulawo, nkaambo mwakusha twaambo toonse twa luzhibo; tamukanjili mo umwe nubeni, alimwi mulashinkila babo banjila mo."⁵³Nakakuvwa Jeso, balembi uba Falisi bakakazhanya aze mushintu shinjishinji, ⁵⁴mukulindilila bakamuteya walo kwamba batelele nchakaamba.

¹Kuchiindi checho, bantu banji banji bakakumuzhingulukile Jeso chakwaamba ati bakatalika kulimbana amibili, wakatalika kubambila bashichiiya bashichiiya bakwe ati, "Amuchenjeleku bumena bwa ba falisi, bashikoopopa amenso.²Pele kwiina chihummbe chitakazhibwa, alimwi kwiina chiseseke chitaka zhibwa. ³Ubobo kufumbwa nchimuti mukaambe mu mushinze chilakatelelwa mu mu muni, alimwi kufumbwa nchimwavwiya mun'ganda chilakauminwa mompo ompo anduli sha maanda.⁴Ndamwaambila, umwe nubenzuma, mutatiyi babo bayaya mubili, bamana kwiina chimwi nchibakonzha kuchita. ⁵Pele ndamuchenjezha ali wezo ngumwelele kutiya, Amutiye walo wezo ukonzha kuyaya, amana kuyaya, ulikwete insana shakumusowela mu mulilo. Chini chini ndamwambila, ati nomutiye.⁶Sa bazuni bosanwe tabasambalwa mali alubulo obile? Nikuba bobo kwiina naba omwi ulubwa kubushu bwa Leza. ⁷Pele naaba masusu ali mumitwi yenu awo alibalilwe. Mutatiyi. Umwe mulikwete bulemu bubaala bazuni banji banji.⁸Ndamushimwina ati, kufumbwa wezo uvumina makani angu kubushu bwa bantu, Mwana a muntu aze ulakamukanana kubushu bwa bangelo ba Leza, ⁹pele kuli wezo unkaka kubushu bwa bantu aze ulakakakwa kubushu bwa bangelo ba Leza. ¹⁰Wezo woonse waamba mazwi mabiyabi ku mwana a Muntu, ulakakonzha kulekelelwa, Pele kuli wezo usampaula Moza Usalala, wiina naya kulekelelwa.¹¹Chiindi nibakaamutola kubetekwa ku basololi mu ma Sinagogu, ukubaleli, uku bami bachishi, mutakalibiliki mbumuya kulihuna mu twaambo twenu naba nchimuya kwaamba, ¹²ukuti Moza Usalala ulakamuyiisha achiiindi checho nchimuya kwaamba.''¹³Kuvwa awo umwi akati kabo wakamwaambila ati, "Mwiiyi, mwambile mukwesu alwabanye lobono akati ame. ¹⁴"Jeso wakamwambila ati, "Mulombwana, nguni wakansala ume akati kenu kuba mubeteshi akati kenu?'' ¹⁵Wakabambila ati, ''Amuchenjele ukulitantumuna kushiyanza shibiyabi ukubulyato, nkaambo bumi bwa muntu tabuzhimine a lubono ndwakwete.''¹⁶Amane Jeso wakabapa kano, ulaamba ati, ''Muunda wa muntu muhubi wakamupa butebuzhi bubotu, ¹⁷ngoona wakatalika kulyambya, mu mozo wakwe ati, 'Nchite buti, nkaambo ndiina busena nkwinkonzha kuzobwela shishango shangu?' ¹⁸Wakaamba ati, mbubolya mbwinkachita. Ndayaya matala angu ndamana nzake amwi makando, momo mwinkazobwela shishango shangu u shintu shimwi. ¹⁹Ndalyambila ati, Moza wangu, ulikwete shintu shinji shizobwelwe kwa myaka minji minji. Lyokezhe, ulye, unwe, ubotelwe.'''²⁰Pele Leza wakamwambila ati, 'u muntu mulimbushi, bwasunu mashiku ulanangwa moza, amana shintu nshiwakabamba, shilakaba shani?' ²¹Imbubo mbukubele ku muntu uzobwele lubono lwakwe amana tali muhubi mushintu sha Leza.''²²Jeso wakabambila bashichiiya bakwe, "Ubobo ndamushimwimwina ati, mutalibiliki makani a bumi bwenu nchimukalya, naaba makani anseba nshimukasama. ²³Ukuti bumi mbukando kubaazha shilyo, alimwi u mubili uabaala shakusama.²⁴Amutelaike bazuni, baina nibashanga naba kutebula. Baina shizobwelo naba matala, pele Leza ulabasanina Mbulemu buli buti mbumukwete kubaala bazuni! ²⁵Nguni akati kenu mukuzandisha ukonzha kuzungila nikaba kapanzha ku bumi bwakwe? ²⁶Nakuti tamukonzha kuchita nikacheya ku bumi bwenu, nkaambo nzhi mulalibilika ukuli shimwi?²⁷Amubone maluba - mbwamena. Aina nchasebeza, nikuba kutunga. Inzho ndamushimwina ati, naba Solomoni mu bulemu bwakwe boonse wiina nakasama shebeshi shili bobo. ²⁸Kuti Leza ulakonzha kusamika bwizu bwa mu myuunda, bwalo bubonwa bwasunu amana buzuba buchilila bwasweewa mu mulilo, mbubuti umwe mbwakonzha kumusamika chibaala, Umwe nubashi lushomo lushoonto!²⁹Mutakapula nchimukalya naba nchimukanwa, alimwi mutalibiliki. ³⁰Nkaambo mashi oonse ali mono mu luundu alakapula sheshi shintu, umwe Ushenu uizhi kwaamba sheshi shilazandika kwenu.³¹Pele amukapule bwami bwakwe, usheshi shintu mulazungililwa. ³²Mutatiyi nu mbelele inshoonto, nkaambo ushenu ulibotelelwe kumupa bwami.³³Amusambale lubono lwenu mwamana muyovwe bapenzhi. Amulibambile shizobwelo sha mali shalo shitakonzha kuzapuka - lubono kwizeulu lwalo lutakonzha kumana, kwalo kwiina muteu ukonzha kuswena afwaafwi, alimwi kwiina impezu shizonauna. ³⁴Ukuti koko kuli lubono lwako, u mozo wako awo nkubele.³⁵"Amusame shikobelo shenu bwelele alimwi ma lampi enu amunike, alimwi ³⁶amube ukoya bantu balindilila shimalelo wabo chiindi azhoka kuvwa ku bwinga akonkomona bakonzhe kumuyalulila ndilyona.³⁷Bali uchoolwe babo basebezhi bayanwa balalindilila mwami wabo azhoka. Chini chini ndamushimwina, ulasama shikobelo shakwe ukubasengelela balakala aze kwi tebulu, amana ulashika kubasengela. ³⁸Kuti mwami wazhoka lweendo lwabili mashiku, naaba lweendo lwatatu kusendela amana wabayana balilibambile, bali uchoolwe basebezhi bali bobo.³⁹Pele amwazhibe aza, kuti mukamwini in'ganda nakwizhi chiindi muteu nashika, natakuleka kwaamba in'ganda yakwe izonauke. ⁴⁰Amwe mbubona amulibambile, nkaambo Mwana a Muntu ulashika chiindi nchimu tatelaishi kwamba ulashika."⁴¹Pita wakaamba ati, "Mwami, sa ulakanana buyo kwesu kaka kaano, na uku bantu boonse?'' ⁴²Mwami wakaamba, "Nguni mwendelezhi ushomeka alimwi musongo walo mwami wakwe ngwakonzha kupa bwendelezhi a basebezhi bamwi kwaamba akubapa shakulya a chiindi chelele? ⁴³Ngushichoolwe wezo musebezhi walo chiindi mwami wakwe ashika ulamuyana ulachita bobo. ⁴⁴Chini chini ndamwambila ati, wezo ulamupa bwendelezhi bwa lubono lwakwe loonse.⁴⁵Pele kuti wezo musebezhi waamba mu mozo wakwe ati, 'Mwami wangu wachelwa kuzhoka,' amana watalika kuuma basebezhi balombwana u bakaintu alimwi ukutalika kulya ukunwa alimwi ukukolwa, ⁴⁶mwami wa musebezhi wezo ulashika chiindi walo natamutelaishi ati ulakonzha kuzhoka alimwi mu chiindi nchatezhi ulamukosaula mutupanzha ukumusalila busena antoomwi ubatashomeki⁴⁷Wezo musebezhi uwizhi chalo checho mwami wakwe nchazanda amana wiina nalibambila nikuba kuchita chelele uleza kuumwa chibaala. ⁴⁸Pele wezo utezhi amana wachita chelele ku muumya, ulaumwa ashoonto. Pele wezo wakapewa chinji, kuvwa kwabo chinji chilakazandika, alimwi wezo wapewa shinji, asho shibaala shilakazandwa kwakwe.⁴⁹"Ndakeza kusonsa mulilo anshi, alimwi ndakulombozha kwaamba nuwakusonselwe kale. ⁵⁰Pele ndikwete lupapatizo lwalo ndwinka papatizwa alo, ndatolelela kupenga kushikila kumane!⁵¹Sa mulatelaika ati ndakeza kuleta luumuno ano anshi? Peepe, Ndamushimwina, pele lwaandaano. ⁵²Ukuti kuvwa ninzho kulakuli bantu bosanwe mun'ganda yomwi ubandeene - botatwe bababukila bobile, abo bobile bababukila botatwe. ⁵³Kulakaba kwaandana, ushi u mwanakwe mulombwana aze mwana wabukila baushi, baina babukila mwanabo mushimbi aze mushimbi wabukila baina. Baina zhala babukila muka mwanabo, aze muka mwanabo wabukila baina zhala.''⁵⁴Jeso wakaambila inkamu ya bantu ati, "Kuti mwalibona ikumbi lyaliza lilavwa kumbo, ndilyona mulaamba, 'Imvula ilakwiza,' alimwi chilaba mbubona bobo. ⁵⁵Kuti muuwo waunga kuvwa ku musanza, mulaamba, bwasunu kukalapiya,' alimwi chilachitika mbubona bobo. ⁵⁶Bashikopoopa amenso, mulizhi kupandulula mbwiboneka inshi alimwi umazeulu, mbubuti mbumutakonzha kupandulula chiindi chaninzho?⁵⁷Nkaambo nzhi nchimutabeteki chiluleme akati kenu? ⁵⁸Chiindi nimwaya kumubetshi u shi kaambo noko, munzhila usoleke kwaamba mutelezhanye aze kwaamba atabi nakutola ku babeteshi bakando, alimwi kwaamba mubeteshi atabi nakubeteka ukukwaaba ku mukando wantolongo. ⁵⁹Ndakushimwina ati, wiina nuti ukamuvwe momo chita kushikila walipila oonse mali asheele."

¹Kuchiindi checho bamwi bantu bakamushimwina makani, a bana Galilaya bali bulowa Pilato mbwakasanganya u shipaizho shabo. ²Jeso wakabaingula ati, "Sa mulatelaika ati baba bana Galilaya kabali bashishibi kubaazha boonse bana Galilaya nkaambo kakupenga munzhila yezhi? Peepe, ³Ndamwambila bobo. Pele kuti mwatasanduka, noonse mulakafwa mbubona bobo.⁴Na babo bali ikumi u lusele bantu bamu Siloamu bakawilwa in'ganda ukufwa ngoona awo mulatelaika kababaala shibi ku bantu bamu Jelusalema? ⁵Peepe, Ndaamba. Pele umwe mwatasanduka, amwe noonse mulakafwa.⁶Jeso wakabambila kaano ati, "Umwi muntu kakwete ikuzu lyakumenene mu muunda wakwe inazho wakeza kulanga michelo kuli ndilyo kwiina michelo njakayana. ⁷Wezu muntu wakambila basebezhi ba mu muunda wakwe ati, 'Amubone, kwa myaka yotatwe ndakusoleka kwiiza kukapula michelo kwi samu leli pele kwiina nchindakuyana. Alitemwe. Ndyaanzhi lilazonauna bulyo inshi?'⁸"Musebezhi wa mu muunda wakaingula ati, 'Mwami, alilekwe kwa weno mwaka kwaamba ndishile mwiimbi ndamana mbike ko imbolezhi ya busani. ⁹Kuti likeezhe michelo mwakali, atati chabota; pele kuti litakezhi michelo, alikatemwe!'''¹⁰Inzho Jeso kayiisha mu sinagogu mu buzuba bwa Sabata. ¹¹Kakuli mukaintu momo umwi wakunjililwe moza mubiyabi wakubula insana kwa myaka ili ikumi u lusele. Kankonkomene alimwi katalozha kukotamuka.¹²Jeso nakamubona wezo mukaintu, wakamompolola ulaamba, "Mukaintu, wangululwa kukubula insana." ¹³Wakaampa itashi lyakwe alinguwe, ndilyona wakololoka alimwi ukumupa bulemu Mwami Leza. ¹⁴Pele mwendelezhi wa sinagogu wakalemana nkaambo jeso wakaponya mu buzuba bwa Sabata. Mwendelezhi wa sinagogu wakaingula ulaamba, "Kuli mazuba ali chisambomwe muntu ngayelele kusebeza. Kamwiza mwashililkwa, ubutali buzuba bwa Sabata.''¹⁵Mwami wakamwingula ukumwambila ati, "Bashikopoopa amenso! Sa kwiina wenu ufungulula musune niiba imbongolo yakwe amana wetola kukunwa meenzhi mu buzuba bwa Sabata? ¹⁶Inzho aze wezu mbubona mwanakwe Abulahamu, wakwangilwe kwa shatani kwa myaka ili ikumi u lusele, sa bwange bwakwe tabwelele kwangululwa mu buzuba bwa Sabata?''¹⁷Nakaamba shintu sheshi babo boonse bakumukazha bakausa insoni, pele inkamu yoonse yakabotelwa kushintu shoonse nshakachita.¹⁸Mane Jeso wkaamba, "Anu bwami bwa Leza bulakonzhanya inzhi, alimwi ndabwingaiya inzhi? ¹⁹Buli ukoya lunungu lwa lubanga lwalo mulombwana umwi ndwakaminza mu muunda wakwe, yakamena yakula lyaba isamu ikando alimwi bazuni ba mwizeulu bakazaka shitaanto mu mitabi ye samu.''²⁰Alimwi wakaamba ati, ''Inga ndabwingaiya inzhi bwami bwa Leza? ²¹Buli ukoya bumena mukaintu mbwabweza kusanganya mu fulawa kushikila woonse wazulila.''²²Amane Jeso wakeenda mu minzhi yoonse, kuyiisha ukuya kunjila mu Jelusalema. ²³Umwi wakamwambila ati, ''Mwami sa mbashoonto bati bakafutulwe?'' Inzho wakabaambila ati, ²⁴''Amupenge kunjila mu mulyango ushankene, nkaambo, ndamushimwina ati, banji banji, balakasoleka, pele tabakakonzha kunjila.²⁵Kufumbwa mukamwini in'ganda azhimuka amana wakiya ukwiinga kuchitendele, uwe ulakuzhimine ansengwe ukuma chitendele ukwaamba ati, 'Mwami, Mwami, tuyalulile tunjile.' "Ulamwiingula ati, 'Nshimwizhi, naaba kwaamba ati, anu mwavwa kwi.' ²⁶''Mwamana mulakaamba ati, 'twakalya ukunwa kumbele lyako alimwi wakayiisha mu tuzhila twesu.' ²⁷"Pele ulakaingula ati, 'Ndamushimwina umwe ati, 'Nshikwizhi nkumwavwila. Amwavwe kamuya, umwe noonse numwakusebezela busofwaazhi!'²⁸Kulakaba kulila ukuluma meno chiindi mwakabona Abulahamu, Isaki, Jakobo, alimwi ubabo boonse bashinshimi mu bwami bwa Leza, pele umwe mwasweewa ansengwe. ²⁹Balakavwa kwiwe, kumbo, kumbala u kumusanza kukala kwi tebulu mu bwami bwa Leza. ³⁰Amuzhibe kwaamba, babo batalemekwa mbubati bakabe bataanzhi, babo balemekwa balakaba bashalizhi.''³¹Mu chiindi nchichona checho, bamwi ba Falisi bakeza baamba kwakwe ati, "Koya ukuvwe kono nkaambo Helodi ulazanda kukuyaya." ³²Jeso wakaingula ati, kamuya mumwambile wezo mwaaba, langa ndatanda ma daimona ukuponya bwasunu alimwi uzona, buzuba bwatatu ndamanizha makanze angu.' ³³Ubobo, nchelelo kwangu kwaamba ntolelele bwasunu, uzona , ubuchilila ukuti tachivumininwe kwamba mu shinshimi akayayilwe kunze ya Jelusalema.³⁴Jelusalema, Jelusalema, uyaya bashinshimi ukuwaala mabwe babo batumwa kwako. Shiindi shiinji ndakuzandisha kubunjika banako ukoya inkuku mbwibabunjika bana ukuba uwamina mu mababa, pele mwiina kukachizanda chechi. ³⁵Bona, in'ganda yako yashaala. Ndamushimwina ati, tamukamboni linji kushikila mukaambe ati, 'Muleleke wezo uziza mwizhina lya Mwami.'''

¹Chakachitika buzuba bumwi bwa muchibelu, nakaya mun'ganda imwi ya musololi wa bafalisi kulya chinkwa, awu kabamulanjilile chini chini. ²Awo kumele kwakwe kakuli mulombwana wakusata bulwazhi bwakuzhimba. ³Jeso wakabuzha bakukwete luzhibo mu milawo ya ba Juda u bafalisi ati, "Sa chili mu mulawo kuponya mu chibelu, nachili?''⁴Pele bakaliinza. jeso wakamukwata, wamuponya, amane wamwambila ati akuya. ⁵Wakabmbila ati, "Nguni akati kenu ukwete mwana na in'gombe yawila mu mukalo mu chibeluutakonzha kwikusha?'' ⁶Baina nibakakonzha kupa bwinguzhi ku shintu sheshi.⁷Jeso nakabona babo bakutambilwe mbuba kusala shuuna sha bulemu, wakaamba mukozhano, ⁸Kuti umwi muntu wakutamba ku bwiinga, utakasoli kukala a chuuna cha bulemu, nkaambo kulakonzha kuba umwi mutambe ukubaala bulemu. ⁹Ashika wezo wakamutamba noonse, ulakakwambila ati, 'Mupe wezu busena bwako,' amana uwe munsoni ukalaya kukala busena bukala bantu batali balemu¹⁰Pele kuti mwatambwa, kamuya mu kakale mu busena butali bulemu, kwaamba wezo wakamutamba ashika, ulaba nakaamba ati, Mulongwaangu, koya ezeulu.' Waana ulalemekwa akati kabo babo bashite kwi tebulu aze. ¹¹Ukuti oonse wezo ulisumpula, ulafwiinshiwa alimwi wezo ulifwiinsha ulakasumpulwa,''¹²Jeso wakamwambila wezo mulombwana waku mutambile. Kuti mwabamba ipobwe, muta tambi buyo balongweenu na banyokwenu naba bashimukobo nokwenu ukuti abo bumwi buzuba balakamutamba, alimwi mulakalipilwa.¹³Pele kuti mwapanga ipobwe, amutambe ba pushi, balema batyoshi uboofwu, ¹⁴bobo mulalongezhiwa, nkaambo kwiina nibakonzha kumulipila. ukuti mulakalipilwa kububuke bwa balulami.''¹⁵Awo womwi wababo bakushite etebulu u Jeso washitelela sheshi sheshi shintu, wakaamba kwakwe ati, "Walongezhewa wezo ukaalya chiinkwa mu bwami bwaka Leza!" ¹⁶Pele Jeso wakamwaambila ati, "Umwi mulombwana wakabamba ipobwe ikando ukutamba bantu banji banji. ¹⁷Chiindi chakulya wakatuma basebezhi bakwe kuya kwaamba kuli babo batambe ati, 'Kamwiza, nkaambo shoonse shabambwa kale.'¹⁸"Boonse buyo bakatalika kupa mapakasho abo. Mutaanzhi wakaamba ati, 'Ndaula muunda, inzho ndyelele kuya kuubona ndalomba amunkwatile.' ¹⁹"Umwi wakaamba, 'Ndaula shipani shosanwe sha basune, inzho ndaznada nkabasoleke. Ndalomba amunkwatile.' ²⁰Amane umwi mulombwana wakaamba, 'Ndatwala mukaintu, ubobo nshikonzha kwiza koko.'²¹Musebebezhi wamushimwina u mulela shoonse. Amane mukamwini in'ganda wakalemana ukwambila musebezhi wakwe ati, 'Koya chakufwambaana mumikwakwa yoonse ukabalete bapushi, batyoshi, boofwu alimwi u balema.' ²²"Musebezhi wakaamba ati, 'Mwami, nshiwandailila shoonse shachitwa, pele alimwi busena nkubuchili.'²³Mukamwini busena wakamwambila musebezhi ati, Koya mu mikwakwa mikando u mumasena oonse ukabalete banjile kwaamba in'ganda yangu izule. ²⁴Ukuti ndakushimwina ati, kwiina wa babo batambe u kasola chakulya changu'''²⁵Inzho makamu makamu abantu akumuchilile, inzho wakachinduluka ukubaambila ati, ²⁶Na umwi weza kwangu amana tasuli baushi, baina, mwinakwe, banakwe, banina balombwana u bakaintu, alimwi u bumi bwakwe mwini, takonzha kuba shichiiya wangu. ²⁷Kufumbwa wezo utakonzha kubweza chichinkano chakwe ukunchilila takonzha kuba shichiiya wangu.²⁸Nguni wenu uzanda kuzaka utakonzha kutanguna kukala anshi amana wabalila mweelwe kwaamba azhibe na ulachikonzha kumanizha mazake? ²⁹Ubulyo, abika lwiimbi amana talozha kumanizha, boonse babona balatalika kumusalizha, ³⁰ukwaamba ati, wezu mulombwana wakatalika kabotu kuzaka amana wakakilwa kumanizha.'³¹Naaba, nguni mwami uzanda kuya kuzundana u mwami umwi kunkondo utakonzha kukala anshi ukubweza malailile akwaamba na ulalozha kulwisha mwami umwi mwini akukwete bashikalumamba bali shuulu ikumi umwi ulikwete shuulu makumi obile a balombwana? ³²Ubulyo, bashikalumamba ba mwami umwi bakuchili kulaale, ulatuma bantu ukulomba ati kube kutelezhanya kwaamba kube luumuno. ³³Inzho ubobo, kufumbwa wenu utakonzha kupa shoonse nshakwete takonzha kuba shichiiya wangu.³⁴Mwino mubotu, kuti mwino wabula muchanka, ulakonzha kulunzhiwa buti alimwi? ³⁵Uchiina linji ichito kubulongo na kumbolezhi. Ulasweewa bulyo. Wezo ukwete matwi akutelela, natelele.''

¹Inzho boonse bashimutelo ubamwi bashishibi kabashika kwa Jeso kupupulala. ²Ba falisi u balembi bakatalika kulizumanana lwabo beni, ukutalika kwaamba ati, "Wezu muntu ulatambula bashishibi alimwi ulalya abo.''³Jeso wakabambila kaambyo kaka, ulaamba ati, ⁴''Nguni akati kenu, kuti ulikwete imbelele shili mwaanda amana waswekelwa yomwi, utakonzha kushiya shili makumi ali ifwuka imbelele shili ifwuka mulukula, ukuya kukapula yomwi izhiminine kushikila eyane? ⁵Nakuti weyana ulebika amafunzhi wetola waya ulibotelelwe.⁶Ashika ku n'ganda, ulompolola benzhiina alimwi ubashimukobo nina, ulabaambila ati, 'Amubotelwe ame, ukutindeyana imbelele yangu yakuswekele.' ⁷Ndaamba kwenu umbona bobo, kulakuli kubotelwa kwizeulu na umwi wa bashishibi wasanduka, kubaazha bali makumi ifwuka ubali ifwuka balo batalazandika kusanduka.⁸Naba mukaintu ukwete mali alubulo ali ikumi, kuti wasowa lyomwi, utakonzha kusonsa ilambe, wapeela mun'ganda ukukapula chini chini kushikila waliyane lyakuzhiminine? ⁹Lelyo aliyana buyo, uloompolola bashimukobo nina ubeenzhiina amane wabambila ati, 'Amubotelwe ame nkaambo ndaliyana ili lyangu lyakuzhiminine.' ¹⁰Nikuba bobo ndamwambila ati, kuli kubotelwa ku bushu bwa bangelo ba Leza na womwi wabashishibi wasanduka.''¹¹Inzho Jeso wakaamba ati, "Umwi mulombwana kazhele bana balombwana bobile, ¹²mushoonto wakambila baushi ati, 'Taata, ndazanda umpe chipanzha cha lubono changu.' Ubobo wakabanya lubono lwakwe akati kabo.¹³Katana kuvula mazuba, mushoonto wakabunganya lubono lwakwe amane wakaya ku chishi chili kulaale, koko kwalo nkwaka lusangaula lubono loonse mukupona bumi bwa mafunze. ¹⁴Inzho lubono loonse nilwakamana, kwakaba inzala muchishi momo ubobo wakapenga chini chini.¹⁵Wakaya kunjila milimo ku bantu bamuchishi momo, bakumutuma kuya kusanina ingulube. ¹⁶Kalikumbuzha kulya shakuly sha ngulube nkaambo kakwiina wakumupa.¹⁷Pele wezu mushoonto bumwi buzuba wakatelaika ukulyaambya mwini ati, 'Bali bongaye basebezhi ba taata balo balya chakukuta, pele ume ndikono ndalishinya ku nzala! ¹⁸Ndazhimuka ndukuya kwa taata, nkaambe kwakwe ati, "Taata ndabishizha izeulu alimwi aze. ¹⁹Ume nshichelele kutewa mwanako; umbike kuba umwi wabasebezhi bako.'''²⁰Ubobo mushoonto wakazhimuka waya kwa ushi. Kachili kulaale, ushi wakamubona wafwa luse, wakalukanka waya wamukumbata ukumushonta. ²¹Mwana wakambila ushi ati, 'Taata, ndabishizha izeulu alimwi aze. Ume nshichelele kutewa mwanako.'²²"Ushi wakabambila basebezhi ati, 'Amufwambaane mulete chikobelo chibotusha mumusamike alimwi mumubike inwenwe kwitashi lyakwe alimwi umakatulo ku matende. ²³Mwamana mulete moombe mwiinu mumuyaye. Atulye ukubotelwa! ²⁴Ukuti mwanangu kali mufwu inzho wabuka. Kazhiminine, inzho wabonwa.' Bamane bakatalika kusekelela.²⁵Mwanakwe mukando kali mu muunda. Nakazhoka a n'ganda wakatelela inyimbo ukuzhana. ²⁶Wakompolola umwi wabasebezhi wamubuzha chakuchitika. ²⁷Musebezhi wakamwambila ati, munyoko wazhoka inzho bauso bayaya moombe mwiinu nkaambo wazhoka uli kabotu.'²⁸''Mukando wakalemana alimwi wiina nakazanda kunjila, ubobo ushi wakavwa ansengwe wamukombelezha. ²⁹Pele wezu mwana mukando wakambila ushi ati, Langa myaka yezhi yoonse njindakusebezela alimwi kwiina nindakaka milawo yako pele kwiina nuwakampa nikaba kapongo kwaamba nkonzhe kusekelela ubenzuma, ³⁰pele mwanako nazhoka walo wakazonauna lubono lwako abahuule, wamuyaila moombe mwiinu.''³¹"Ushi wakamwambila ati, 'Mwanangu, uwe tuli aze lyoonse, alimwi shoonse nshinkwete nshishako. ³²Pele kachili chelelo kwesu kwaamba tusekelele, ukuti wezu munyoko kali mufwu, bwasunu mumi; kali muzhimini bwasunu wabonwa.'''

¹Jeso wakamba alimwi ku bashichiiya, ''Kwakuli mulombwana umwi muhubi wakukwete mwendelezhi, bakamuzhibya kwamba ati mwendelezhi ulazonauna lubono lwakwe. ²Muhubi wakamompolola wamubuzha ati, 'Alibutti aza makani ngintelela kuli uwe? Pandulula bwendelezhi bwako, nkaambo tuchelele linji kuba mwendelezhi.'³Mwendelezhi wakalyambila ati, 'Ndachita buti, nkaambo shimalelo wangu ulazanda kunanga mulimo wabwendelezhi? Ndiina insana shakulima alimwi ndafwa insoni shakulombelela. ⁴Ndizhi mbwinkachita, kwaamba chiindi nakantanda a mulimo wabwendelezhi, bantu bakantambule mu maanda abo.'⁵Inzho mwendelezhi wakompolola boonse babo bakukwete shikwelete kwa shimalelo akwe, wakabuzha mutaanzhi ati, 'Mali ongaye nguwaka kweleta?' ⁶''Wakamwingula ati, 'Mwaanda wa mafuta a olive.' "Wakamwambila ati, 'Bweza m weelwe wa chikwelete chako ukale anshi kufwaambana ukulemba makumi osanwe.' ⁷''Amane mwendelezhi wakamba kuli uchilila ati, 'Wakakweleta shongaye?' "Wakaamba ati, 'Shinzuma sha witi shili mwaanda.' Wakamwambila ati, 'Bweza mweelwe wa shikwelete shako wamana ulembe makumi ali Lusele.'⁸Shimalelo wakamulumbaizha mwendelezhi utashomeki nkaambo kabusongo mbwakasebezha. Ukuti bana luundu balikwete busongo mukwendelezha bantu nina kubazha bana ba mumuni. ⁹Ndaamba kwenu ati amulipangile benzhinokwenu ku lubono lutasalali kwaamba lwakamana bakamutambule mu bukalo butamana¹⁰Wezo ushomeka ku tushoonto ulashomeka ukuchikando, alimwi uwezo utasalali mutushoonto umushikando takasalali. ¹¹Kuti wiina kushomeka mukusebezha lubono lutasalali, nguni ukonzha kukushoma mu lubono lusalala? ¹²Kuti wiina kushomeka mukusebezha lubono lwa bantu, nguni wezo ukakupa mali ako umwini?¹³Kwiina musebezhimukonzha kusebezela bami bobile, ulakonzha buyo kuzanda womwi amana umwi wamusula, kunze kwabobo, ulakulibonzha kuli umwi amane umwi ulakumusampaula. Tukonzha kusebezela Leza u lubono.''¹⁴Inzho balo ba falisi bakuzandisha mali, nibakashitelela sheshi, bakamusalizha. ¹⁵Wakabambila ati, "Umwe mulalisalazha ku menso abantu, pele Leza uliizhi myozo yenu. Choonse checho chilumbaizhiwa ku meso abantu chilasesemya kubushu bwa Leza.¹⁶Mulawo u bashinshimi shakuliko kushikila nakashika Johani. Kuvwa checho, makani mabotu a bwami bwa Leza alakambaukwa, alimwi boonse balalikakatizha kunjila mo. ¹⁷Pele nchubauba izeulu iinshi kumana kubaazha kabala komwi ka mulawo kuzhibingana.¹⁸Woonse muntu uleka mwinakwe amana watwala umwi wachita mamambe, alimwi u wezo watwala mukaitu walekwa ku mulumi wachita mamambe.¹⁹" Kakuli mulombwana umwi muhubi wakusama masani mabotu mebeshi wakukala kabotu mazuba oonse. ²⁰Umwi mukumbizhi wezhina lya Lazalo wakonekwa ku mulyango wa muhubi, kazwile shilonda, ²¹alimwi kazandisha kulya shiloka kwitebulu lya muhubi. Abo babwa bakashonta shilonda shakwe.²²Chakashika chiindi mukumbizhi nakafwa bakamubweza ba ngelo bamutola kuluya lwa Abulahamu. Muhubi wakafwa wazhikwa, ²³alimwi mu busena bwa bafu, kali mu mapenzhi, wakalanga wabona Abulahamu alaale aze lazalo kali kumbali kwakwe.²⁴Wakalila amane wakaamba ati, 'Taata Abulahamu mfwila luse alimwi mutume Lazalo, kwaamba atyoompe munwe wakwe mu meenzhi atontozhe mulaka wangu, nkaambo ndapengesha mono mu mulilo.'²⁵"Pele Abulahamu wakamwambila ati, 'Mwanike, zhibaluka kwaamba mumazuba abupone bwako wakatambula shintu shako shibotu, walo Lazalo wakatambula shibiyabi. Pele kono waumbulizhiwa pele uwe uli mumapezhi. ²⁶Kunze kwa chechi, kuli munyinza mukando wabikwa akati, kwaamba babo bazanda kulanduka kuvwa kono kwiza kwako tabakonzha, alimwi kwiina ukonzha kulanduka kuvwa koko kwiza kwesu.'²⁷Muhubi wakaamba ati, 'Ndakulomba, Taata Abulahamu, umutume ku n'ganda ya taata- ²⁸ukuti ndikwete bakwesu balombwana bosanwe- kwaamba akonzhe kubachenjezha , kwaamba chitakabikwabo kuliyana mubusena bobu bwa mapenzhi.'²⁹"Pele Abulahamu wakaamba ati, balikwete Mozesi u Bashinshimi; nabatelele kwabo.' ³⁰"Muhubi wakaingula ati, 'Peepe, Taata Abulahamu, pele kuti kwaba umwi uya kwabo kuvwa ku bafu, balasanduka.' ³¹"Pele Abulahamu wakamwambila ati, 'Kuti tabakonzha kutelela kwa Mozesi uku bashinshimi, kwiina nibakonzha kutelela kuti muntu wabuka kuvwa ku bafu.'''

¹Jeso wakambila bashichiiya bakwe ati, ''Chini chini imfumpu shilakuliko, pele mawe ku muntu wezo ushileta! ²kachili chibotu kuli nguwe kwaangwa ikangabwe munshingo ukumusowela mu lwatele kubazha kufumpuzha womwi wabashoonto.³Amuchenjele. Kuti munyoko wabisha, muchindulule, alimwi nakuti wabeba, umulekelele. ⁴Kuti wakubishizha shiindi shili chiloba mashikati, amana wazhoka kwako shiindi shili chiloba, ulaamba, 'Ndabeba,' uwe ulyelele kumulekelela,⁵Batumwa bakamwambila Mwami ati, "Luzungile lushomo lwesu.'' ⁶Mwami wakabaingula ati, ''Kuti nimwakukwete lushomo luli ukoya kaseke ka masitadi, mulakonzha kwambila isamu leli, 'Zyuka, ukuya ukamenene mu mulonga, lilamutelela.⁷Pele nguni akati kenu, ukwete musebezhi ulima mu muunda naba kwembela imbelele ukonzha kumwambila mbwavwila ku muunda ati, 'Kweenda ndilyona ukale ulye'? ⁸Sa takamwambila ati, Mambila chimwi chakulya, wamana unsengelele ukulindila kushikila manizhe kulya ukunwa. Ndamanizha ume uwe nukalya'?⁹Wiina na mulumba musebezhi nkaambo wachita nshakalaililwa, na mbuti? ¹⁰Amwe mbubona, kuti mwashichita shesho nshimwalaililwa, mulyelele kwaamba buyo ati, 'Uswe tatwelele. Twachita buyo chitwelele kuchita.'''¹¹Chakachitika kwaamba nakuchiya bweenda kuya ku Jelusalema, wakaita ku munyinza wa Samaliya u Galilaya. ¹²Nakanjila buyo mu munzhi umwi, momo wakaswanganya balombwana bali ikumi bakusatile chinsenda. Bakahima alaale kuvwa awo ngakubele ¹³bamane bakapozomoka, balamba , "Jeso, Mwami, tufwile luse.''¹⁴Chiindi nakababona, wakabambila ati, ''Kamuya mukalitondezhe ku bapaizhi.'' Nibakuchiya bweenda bakapona. ¹⁵Umwi wabo nakabona kwaamba wapona, wakachinduluka, iizwi ikando watembaula Leza. ¹⁶Wakawila ku matende a Jeso, walabana kumulumba. inzho kali muna samaliya.¹⁷Jeso wakaamba ati, ''Sa kabatali ikumi baponyiwa? Balikwi bali ifwuka? ¹⁸Kwiina bamwi bazhoka kulumba ukupa bulemu kwa Leza, chita buyo wezu muvwa mashi?'' ¹⁹Wakamwambila ati, "Zhimuka, ukuya. Lushomo lwako lwakuponya.''²⁰Kubuzhiwa ku vwa ku ba falisi bwami bwa leza nibukaashika, Jeso wakabaingula ulaamba ati, "Bwami bwa Leza tabushika mukubulindilila, ²¹Ulimwi kwiina nibaya kwaamba ati, 'amulange, mbubobu!' naaba, mbubolya kolya!' Ukuti amubone, bwami bwa Leza buli mwenu mukati.''²²Wakabambila bashichiiya, "Mazuba alashika nimukaazandisha kubona mazuba amwi a Mwana a Muntu, ²³pele kwiina nimukaabubona. Balakamwaambila ati, 'Amulange, kolya! Amulange, ano!' Pele mutakavwi naaba kubachilila, ²⁴ukuti mbubona lulabo lwamunika chiindi nilulaba kuvwa ku luya lumwi kuya ku luya lumwi lwa mwizeulu' mbubona mbuchikaaba ku Mwana a Muntu mu buzuba bwakwe.²⁵Pele kutaanguna ulyelele kupenga mushintu shinji shinji alimwi ulakakakwa kumusela weno. ²⁶Mbubona mbuchakachitika ku mazuba a Nowa, mbubona mbuchikaaba mu mazuba a Mwana a Muntu. ²⁷Bakalya, bakanwa, bakatwala, alimwi bakatwazhiwa kushikila buzuba Nowa nakenjila mu bwato - izambangulwe lyakeza ukubazonauna boonse.²⁸Chilikozhenye, mbubona mbuchakachtika mu mazuba a Loti - bakakulya ukunnwa, kuula alimwi ukusambala, kushanga ukuzaka. ²⁹Pele buzuba Loti nakamuvwa mu Sodoma, kwakawa mulilo u salufa kuvwa kwizeulu ukuzonauna boonse.³⁰Chamana bobo chilakaba mbubona bobo mu buzuba mwana a Muntu akabulika. ³¹Buzuba bobo wezo uli achiluli cha n'ganda atakaseluka kubweza shintu shakwe mun'ganda, mbubona azae uli mu muunda atakazhoka.³²Amuzhibaluke muka Looti. ³³Kufumbwa wezo uzandisha bumi bwakwe, ulabuswekelwa. Pele kufumbwa wezo uswekelwa bumi bwakwe ulabufutula³⁴Ndamushimwina ati, kubushiku bobo kulakuli bantu bobile balele mubulo. Womwi ulakatolwa, umwi ulakashaala. ³⁵Kulakuli bamakaintu bobile bazhiya maila anoomwi. Womwi ulakatolwa, umwi ulakasiiwa." ³⁶³⁷Bakamubuzha ati, "Nkukwi, Mwami?" Wakabaambila ati, "kufumbwa kuli mutunta kulakuli ba shikube babungene antoomwi."

¹Amane wakabambila kaano mbuli mbubelele kukomba chakutalengaana, ²ulaamba ati, "Muchishi chimwi kamuli mubeteshi umwi watakakutiya Leza alimwi katabalemeka bantu.³Inzho kakuli muka mufwu mu munzhi momo, kashika kwakwe lyoonse kwakwe, ulaamba, njovwa kwaamba nchitilwe kuli wezo ngutwaamba aze.' ⁴Kuchiindi chilamfu katalibambile kumuyovwa, pele kwiite kaindi kashoonto wakalyaambya mwini ati, 'Nikuba kwaamba ume nshimutiyi Leza naaba kupa bulemu muntu, ⁵nkaambo wezu muka mufwu wampenzha, Ndamuyovwa kwaamba achitilwe bwelele, kwaamba atampenzha linji nkaambo kakwiza kwakwe abuzuba.'''⁶Ninzho mwami wakaamba, "Telela batachizhi kubeteka kabotu mbubaamba. ⁷Ninzho sa Leza takaleti bubeteshi bubotu kui babo basale bakwe ubamuliila muunza u mashiku? Sa wachelwa chiindi chilamfu kwabo? ⁸Ndakushimwina ati ulafwambaana kubeteka kabotu. Nikuba kuti Mwana a Muntu, sa ulayana lushomo ano anshi?'''⁹Ninzho wakaamba alimwi mu kaano kaka kuli babo bakuli shoma ati mbalulami alimwi kabasampaula bamwi bantu, ¹⁰"Balombwana bobile bakaya ku chikombelo kukomba - umwi kali mu Falisi umwi kali shimutelo.¹¹Mu Falisi wakazhimuka wakomba ati, 'Leza, ndakulumba nkaambo nshili ukoya bantu bamwi - bafumpi, bantu bashimafunze, bashimamambe - alimwi ukoya wezu shimutelo. ¹²Ndaliimya kulya shiindi shobile ansunda. Ndapa che kumi kuli shoonse nshinjana.'¹³Pele shimutelo, kazhimine lwa alaale katakonzha ukulanga kwi zeulu, pele wakalyuuma achamba, ulaamba, 'Leza mfwila luse ume ndimuchita shibi.' ¹⁴Ndamushimwina ati, wezu mulombwana wakaya ku n'ganda yakwe ulisalalilwe kubaala wezo umwi, nkaambo kufumbwa ulisumpula ula fwinshiwa, pele kuumbwa ulifwiinsha ulasumpulwa.''¹⁵Bantu kabaleta kwakwe bana kwaamba abaampe matashi akwe, pele bashichiiya nibakachibona chechi, bakaba lemanina. ¹⁶Pele jeso wakabompolola amane wabeta ati, "Amubaleke bana beze kwangu, alimwi mutabakasha. Nkaambo bami bwa Leza mbubwabo bali bobo. ¹⁷Chini chini ndamushimwina ati, kufumbwa utatambuli bwami bwa Leza ukoya mwana mushoonto wezo takenjili.''¹⁸Muleli umwi wakamubuzha ulaamba ati, "Mwiiyi mubotu, Nchinzhi nchinjelele kuchita kwaamba nkayane bumi buteeli?''' ¹⁹Jeso wakamwingula ati, Nkaambo nzhi ulenta ati mubotu? Kwiina mubotu chita buyo Leza. ²⁰Uliizhi milawo - utachiti bumambe, utayaya, utebi, utapi bumboni bwakuchenga, lemeka bauso u banoko.'' ²¹Muleli wakaamba ati, ''Shoonse sheshi ndashichita kuvwa ku bwana bwangu.''²²Jeso nakatelela bobo, wakamwambila ati, "Kuli chomwi nchubulizhizhe. Ulyelele kuuzha shoonse nshukwete upe bapushi, ulakayana buvubi kwizeulu - wamana ushike, u nchilile.'' ²³Pele muleli nakatelela bobo wakalemana chini chini, nkaambo kakwete lubono lunji lunji.²⁴Amane Jeso, wakamulanga, ulaamba "Mbuchili chizumu ku bavubi kunjila bwami bwa Leza! ²⁵Ukuti nchuuba ku Nkamela kunjila mu linso lya nyeleti kubazha ku muntu muvubi kunjila mu bwami bwa Leza.''²⁶Babo bakaatelela bakaamba ati, "Inzho nguni ukonzha kufutulwa?'' ²⁷Jeso wakabaingula ati, "Shintu shizumu ku bantu ukwa Leza nshuuba."²⁸Pita wakaamba ati, "Chibotu, uswe twashiya shintu shesu shoonse amana twakuchilila." ²⁹Jeso amane wakabaambila ati, "Chini chini, ndamushimwina ati kwiina washiya i n'ganda, mwinakwe, banina, nibaba bazhali u kaambo ka bwami bwa Leza, ³⁰uti atatambuli chibaala chiindi cheno, alimwi u shiindi shishika, bumi buteeli.''³¹Amane kubabunjika bali ikumi u bobile, wakabaambila ati, "Amubone tulakuya ku Jelusalema, alimwi shoonse shintu shakalemba bashinshimi shamakani a Mwana a Muntu shilazuzukizhiwa. ³²Ukuti ulakaabwa ku bantu bakunze, ulakasalizhiwa ukusampaulwa, ukumufwila mate. ³³Bakamana ku muuma, balakamuyaya, mu buzuba bwa tatu ulakabuka alimwi.''³⁴Kwiina nchibakazhiba ku makani aza, alimwi izwi leli lyakasesekwa kwabo, alimwi shoonse shakaambwa kwiina nshibakatelelesha.³⁵Chakachitika ati Jeso nakashika ku Jeliko, umwi moofwu kashite kumbali ya nzhila ulalomba, ³⁶atelele bantu balaita, wakabuzha chakuchitika. ³⁷Bakamushimwina ati Jeso waku Nazaleta uliitile³⁸Moofwu wakapozomoka, ulaamba, "Jeso Mwanakwe Davida mfwila luse." ³⁹Babo bakwiitile bakamulemanjna moofwu bamwambila ati aliinze. Pele ndilelyo nakapozomokesha ati, Mwanakwe Davida, mfwila luse."⁴⁰Jeso wakazhima ngoona walailila kwaamba moofwu bamulete kwakwe. Moofwu nakashika afwaafwi, Jeso wakamubuzha ati, ⁴¹"Chiinzhi nchuzanda ume nkuchitile?'' Wakaamba, "Mwami, Ndazanda mbone.⁴²⁴³Jeso wakamwaambila ati, "Bona. Lushomo lwako lwakuponya." Ndilyona wakabona ngoona wakamuchilila watembaula Leza . Boonse bantu, nibakamubona, bakatembaula Leza.

¹Jeso wakanjila ukwiita mu Jeliko. ²ubobo, Kakuli mulombwana wakutewa Zakeyo. Kali mukando wabashimutelo alimwi kali muhubi.³Wakuzanda kumubona ukumuzhiba Jeso, pele katakonzha kumubona ukaambo kakuvula kwa bantu alimwi kali mufwaafwi ku chimo. ⁴Ngoona wakalukankila kumbele lya bantu ukuliza mwisamulya saikamo kwaamba akonzhr kumubona nkaambo Jeso kalangilwa kwiitila koko.⁵Jeso nakashika awo, wakalanga kwizeulu amane wamwambila ati, "Zakeyo, seluka anshi fwambaana, nkaambo bwasunu ndazanda kukala mun'ganda yako.'' ⁶Ngoona chakufwambaana wakaseluka ukumutambula chakubotelwa. ⁷Bantu bonse nibakachibona checho, bakatongauka, balaamba, "Wanjila mun'ganda ya muntu shishibi.''⁸Jeso wakazhima ukumwambila Mwami ati, "Langa, Mwami, ndakosola lubono lwangu akati ukupa bapushi, alimwi nakuli ngundakachenga ndamubwezhezha shiindi shone shamuulo." ⁹Jeso wakamwambila ati, "Ubwasunu lufutuko lwashika mun'ganda yezhi, nkaambo aze mwanakwe Abulahamu. ¹⁰Ukuti Mwana a Muntu wakeza kukapula ukufutula baswekele.''¹¹Nibakatelela bobo, wakatolelela kwaamba alimwi wakabashimwina kaano, Nkaambo kali kufwaafwi ku Jelusalemu, bakatelaika ati bwami bwa Leza kabuli afwaafwi kushika. ¹²Ubobo wakabashimwina ati, "Mulombwana umwi ulemekwa wakaya ku chishi cha kulaale kwaamba akatambule bwami bwakwe amana ulakazhoke¹³Wakompolola basebezhibakwe bali ikumi ngona wabapa mali boonse ali ikumi amane wabashimwina ati, 'amukalipindauke kushikila nkazhoke.' ¹⁴'' Pele wezu umwi wamuchishi wakamusula ukutuma inkamu kwamba bamuchilile, ulaamba, 'Tatukonzha kukwata muntu uli bolya kwaamba atwendelezhe.' ¹⁵Chakachitika nakazhoka, amane kutambula bwami bwakwe, wakalailila kwaamba boonse mbakapa mali akulipindauka bompololwebashike kwakwe, kwaamba aze azhibe mweelwe wa mali akazungilwa nibakamana kuchita impindu.¹⁶Mutaanzhi wakashika kwakwe, ulaamba, 'Mwami, mali ako azungilwa ali ikumi ezeulu.' ¹⁷"Mulombwana ulemekwa wakamwambila ati, 'Wakachita kabotu umuzhike mubotu. Nkaambo wakashomeka mutushoonto, ulaba mwendelezhi wa mkinzhi ili ikumi.'¹⁸Uwabili wakashika, ulaamba, Mwami mali ako apanga azhala amwi ezeulu ali osanwe. ¹⁹Mulombwana ulemekwa wakamwambila ati, 'Wendelezhe minzhi ili yosanwe.'²⁰"Umwi wakashika, ulaamba, 'Mwami ngaaza masheleni ako, ndakaazobola muchsani, ²¹ukuti ndakutiya uwe, nkaambo uli muntu muzandishishi. Uwe ulabweza uchecho nchiwatakabika wo alimwi ulatebula unchiwatakashanga²²Mulombwana mulemu wakamwambila ati, 'Kumazwi ako umwini, ndakubeteka, uwe umuzhike mubiyabi. Wakwizhi ati ndimuntu muzandishishi, ubweza ngatakabika, alimwi ndatebula ngindatakashanga. ²³Inzho nkaambo nzhi wiina kukaabika masheleni angu mwi bbanki, kwaamba ndazhoka indayayana buzunji?'²⁴Mulombwana mulemu wakambila babo bakuzhimine ati, 'Amumunange mali, mwaape kuli wezo ukwete ali ikumi.' ²⁵"Bakamwambila ati, 'Mwami, ulikwete kale ali ikumi.'²⁶'''Ndamushimwina ati, wezo ukwete ulazungililwa, pele kuli wezo utakwete, ulanangwa uchecho nchankwete. ²⁷Pele baba bashinkondoma, babo batakunzanda kwamba mbe muleli wabo, amubalete kono mubayayile mu menso angu.'''²⁸nakamana kwaamba bobo, wakaya kumbele, kuya kushika uku Jelusalema.²⁹Nakashika ku fwaafwi ku Betifajiu Betani, ku mulundu utewa Olive, wakatuma bashichiiya bakwe bobile, ³⁰ulaamba, "Kamuya mu munzhi uli ambele. Kumanjililo, mulakayana mwana wa mbongolo utana lizilwe. Mumwangulule mwamana mumulete kono kwangu. ³¹Nakube uti amubuzhe ati, mulangululila nzhi?' mwaambe, 'Mwami ulazanda kusebezha.'''³²Babo bakatumwa bakaya bayana imbongolo mbubona mbwakaamba Jeso. ³³Nibakwangulula mwana wa mbongolo, bamukamwinibakaamba ati, "Nkaambonzhi mulakwangulula imbongolo?'' ³⁴Bakaingula ati, "Mwami ulezanda.'' ³⁵Bakaleta kwa Jeso, bakabika shikobelo shabo ambongolo ngoona bamulizika wo Jeso. ³⁶Nakuchiya buya, bakashizala shikobelo shabo munzhila.³⁷Nakashika abusena awo mulundu wa Olive nguselumukila, Inkamu yoonse ya bashichiiya bakatalika kusekelela ukutembaula Leza mwiizwi ikandoku milimo mikando njibakabona, ³⁸balaamba, "Ulilonjelelwe mwami ushika mwizhina ulya Leza! Luumuno mwizeulu alimwi u bulemu mu mazeulu³⁹Bamwi ba falisi bakuli mu nkamu ya bantu bakamwambila ati, "Mwiiyi, balemanine bashichiiya bako." ⁴⁰Jeso wakaingula ulaamba, "Ndamushimwina ati, kuti baba baliinze, mabwe alaimba."⁴¹Jeso nakonila munzhi, wakolilila, ⁴²ulaamba, "Kuti nimwakubwizhi buzuba bono, ukushintu shimuletela luumuno! Pele inzho shilisosekelwe ku menso enu.⁴³Buzuba bulakamushikila lelyo bashinkondo benu nibakazaka bwanda bumuzhingulukile ukumunjilila konse konse. ⁴⁴Balakamuuma ukumuwisha anshi antoomwi u banenu. Tabakashiyi ibwe lili ezeulu ebwe limwi nkaambo mwiina kukazhiba chiindi nchimwakaswaiwa.''⁴⁵Jeso wakanjila mu chikombelo ukutalika kubatanda babo bakusambala, ⁴⁶ulaamba kwabo ati, "Kulilembelwe ati, In'ganda yangu ilakaba in'ganda yakukombela,' Pele umwe mwepanga kuba chizubilo cha bateu.''⁴⁷Inzho Jeso kayiisha abuzuba muchikombelo. Balembi u bapaizzhi bakando kabakapula inzhila yakumuyayila mo, u basololi ba bantu, ⁴⁸pele kwiina nibakakonzha nkaambo bantu boonse kabapupulalisha kwako.

¹Nibwaashika bumwi buzuba mbuli Jeso mbwakuyiisha bantu muchikombelo uku kambauka mulumbe muchikombelo lelyo bapaizhi bakando u balembi bakeza kwakwe u basololi. ²Bakaamba kwakwe ati, "Tushimwine insana shikupa kuchita shintu sheshi, naaba nguni ukupa kuchita sheshi shintu.''³Wakaingula ukwaamba kuli mbabo ati, "Ame ndamubuzha mubuzho, amunshimwine. ⁴Lupapatizo lwa Johani: Sa lwakavwa kwizeulu na ku bantu?''⁵Bakatelaika lwabo beni, baamba, kuti twaambe ati, 'lwakavwa kwizeulu,' ulaamba, inzho nchinzhi nchimwatakashomena?' ⁶Pele na twaambe, 'lwakavwa ku bantu,' boonse bantu balatuyasa mabwe, ukuti bakazhiba ati Johani kali mushinshimi.''⁷Bakaingula ati tabezhi nkulwakavwila. ⁸Jeso wakaamba kwabo, "Nikuba bobo nshimushimwini insana shimpa kuchita shintu sheshi.''⁹Wakabambila bantu kaano, "Mulombwana umwi wakashanga muunda wamasaansa amane wakweletesha ku balimi ba masaansa ukuya ku busena bunji kwa chiindi chilamfu. ¹⁰A chiindi chelele wakatuma musebezhi ku balimi ba masaansa kwaamba bamupe michelo ivwa mu muunda wa masaansa. Pele balimi ba masaansa bakamuuma, ukumutanda kakwina nchakakukwete mu matashi.¹¹Wakatuma umwi musebezhi aze bakamuuma uku musampaula, kumutanda ukwiina nchakwete mu matashi. ¹²Wakatuma watatu aze bakamuuma ukumusowela ansengwe.¹³Mukamwini muunda wakalibuzha ati, 'Ndachita buti? Ndatuma mwanangu ngwimfwini. Ambweni walo balamupa bulemu.' ¹⁴"Pele balimiba masaansa nibakamubona, bakabandishanya beni u beni, balaamba, 'Wezu ngu mulya izhina. Atumuyaye kwaamba lukon lukabe lwesu.¹⁵Bakamusowela kunze kwa muunda ukumuyaya. Inzho mwami wa muunda ulabachita buti? ¹⁶Uleza kuyaya balimi ba masaansa, muunda uloopa bamwi.'' Nibakatelela, bakaamba ati, "Chitakabi bobo!''¹⁷Pele Jeso wakabalangilila waamba, "Chilapandulula nzhi checho chilembelwe: 'Ibwe muzashi ndyakakaka indilyo lyaba ibwe lya mu kona'? ¹⁸Kufumbwa wezo uwila ebwe lelyo ulakonauka mutufwefwelenga, alimwi wezo nguliwila ulalichisa.''¹⁹Inzho balembi u bapaizhi bakando bakakapula inzhila yaku mukwata a chiindi checho nchichona nkaambo bakazhiba ati waamba kaano ka kubakumbilizha. Pele bakatiya bantu. ²⁰Bakamulangishisha, bakatuma bamwembela bakulichengesha kuba basalali, kwaamba bamuyanine kaambo mu myaambo yakwe, kwaamba bamutole ku basololi bali insana.²¹Bakamubuzha balaamba ati, "Mwiiyi, tulizhi kwaamba uwe ulaamba alimwi ulayiisha shiluleme, alimwi wiina ngusalulula, pele ulayiisha lushinizho munzhila Leza. ²²Sa chililuleme uswe kwaamba tukupa mutelo kwa Kayisala, na pe?''²³Pele Jeso wakabuzhiba bumpelenge bwabo, alimwi wakabaambila ati, ²⁴''Amuntondezhe ili lyomwi. Chinkozha izhina lyaani shiliwo awo?''Bakaamba nsha Kayisala.''²⁵Wakabaambila ati, "Amupe kwa Kayisala shintu sha Kayisala, mwamana muppe kwa Leza shintu sha Leza.'' ²⁶Baina nibakonzha kumuyanina chibiyabi kuli nchakaamba kumbele lya bantu, pele mukuzhingwa ku bwinguzhi bwakwe, bakaliinza.²⁷Ba Saduki nibakashika kwakwe, balo baamba ati kwiina bubuke bwa bafwu, ²⁸bakamubuzha, balaamba, "Mwiiyi, Mozesi wakatulembela kwaamba, kuti munina mulombwana wafwa, washiya mukaintu amana wiina kukazhala aze bana, mulombwana ulyelele kumutwala muka munina kwaamba amuzhalile bana munina.²⁹Kakuli balombwana ba bunina bali chiloba ngoona mutanzhi wakatwala mukaintu, amane wafwa ukwiina kuzhala mwana, ³⁰u wabili mbubona. ³¹Uwatatu wamukona mukaintu, mbubona uwa chiloba wiina nakazhala bana kushikila wafwa. ³²Kumane aze mukaintu wakafwa. ³³Ku bubuke bwa bafwu, wezu mukaintu ulakatwalwa kwani? Nkaambo bali chiloba boonse kabamutwele.''³⁴Jeso wakabaambila ati, "Bana ba musela weno balatwala alimwi balatwalwa. ³⁵Pele babo bati bakelelwe kutambula kubushiwa kuvwa ku bafwu baina nibati bakatwalwe nikuba kutwala. ³⁶Nikuba kuya kufwa ulinji, ukuti balakaba ukoya bangelo alimwi mbanakwe Leza, balo babushiwa ku bafwu.³⁷Pele kwaamba bafwu balabushiwa, aze Mozesi wakatondezha, kubusena bwakuzaka chisoko, nkwa mwiita Mwami Leza wa Abulahamu alimwi Leza wa Isaki u Jakobo. ³⁸Inzho tali Leza wa bafwu, pele ngu leza wa bomi, nkaambo ukwakwe boonse balapona.''³⁹Balembi bamwi bakaingula ati, "Mwiiyi waingula kabotu.'' ⁴⁰Ukuti tabatazanda linji kumubuzha mibuzho.⁴¹Jeso wakaamba kwabo ati, "Mbubuti mbubakonzha kwaamba ati Kilisito mwanakwe Davida? ⁴²Nkaambo Davida lwakwe ulaamba mwibuka lya Ntembauzho ati, Mwami wakaamba ku Mwami wangu, 'Kala kwitashi lyangu lya chilyo, ⁴³kushikila bashinkondonoko mbabike kunshi ku matendw aako.' ⁴⁴Davida ubobo ulmwita Kilisito ati 'Mwami' inzho mbubuti mbwakonzha kuba mwanakwe Davida?''⁴⁵Kabatelele bantu boonse wakambila bashichiiya bakwe ati, ⁴⁶"Amuchenjele ku balembi balo bazandisha kusama shikobelo shilamfu alimwi balazanda kwanzhiwa cha bulemu mu mishika ukuzanda kukala mushuna shibotu mu ma sinagogu alimwi ukuala mu masena malemu chiindi cha mapobwe. ⁴⁷Alimwi balananga imbono shabo ba muka bafwu, mukuzanda kwaamba babonwe balakomba mipailo milamfu. Balombwana bali bobo balakatambula chisubulo chikando.''

¹Jeso wakalanga ukubona balombwana bahubi kababika shipo mucizobolelo cha mali. ²Wakabona umwi mukamufwu mupushi kabika tu peni tobile. ³Wakaamba ati, ''Chini chini ndamwaambila ati, wezu mukamufwu wababaala boonse kupa. ⁴Boonse bapa kwiingaina ukuvula kwa shintu nshibakwete. Pele wezu, kuvwa kubupushi bwakwe, wabika shoonse nshakushomene.''⁵Bamwi bakaamba chikombelo mbuchakubambilwe u mabwe ushipo, wakaamba ati, ⁶''Ukuli shintu seshi nshimwabona, mazuba alakashika kwalo nikukabula ibwe lili amwenzhiina liti likashaale kutazonaunwa.''⁷Inzho bakamubuzha, balaamba ati, Mwiiyi ndilili sheshi shintu nishikaachitika? shitondezho nzhi nshtukaabona ukuzhiba ati sheshi shintu shikalachitika?'' ⁸Jeso wakabaingula ati, ''Amuchenjle kwaamba ati mutachengwa. Banji banji balakeza mwizhina lyangu, balaamba, 'Ume ndiime; alimwi, 'Chiindi chili afwaafwi.' Umwe mutabatobela. ⁹Mwakatelela inkondo u mazwanga, mutakatiyi, nkaambo sheshi shilyelele kutaanguna kuchitika, pele mamanino takuna kuchitika.''¹⁰Amane wakaamba kubabele ati, ''Cishi chilakabukila chishi nina, bwami bulakabukila bwami nina. ¹¹Kulakaba kuzungana kwa nshi kukando, alimwi mu mashi manji manji kulakaba inzala u mapenzhi. Kulakaba shintu shitizha alimwi u shitondezho shikando kuvwa kwizeulu.¹²Pele kashitana kuchitika shoonse sheshi shintu, balakamukwata ukumupenzha, kumutola mu ma sinagogu alimwi u muma tolongo, kumutola ku bami ubendelezhi ba chishi ukaambo ke zhina lyangu. ¹³Chechi nchichikaaba chiindi chenu chakupa bumboni.¹⁴Ubobo mutalibiliki mu myozo mbumukalihuna kachitana kushika chiindi, ¹⁵ukuti ndakamupa mazwi ubusongo kwaamba bashiku mulwisha bakabule umbubakaka.¹⁶Pele balakamwaaba ubamazhali, ubanyokwenu, bashikamukowa, alimwi u balongweenu, nubamwi balakamuyaya. ¹⁷Bonse balakamusula nkaambo ke zhina lyangu. ¹⁸Pele kwina niliba isusukuvwa ku mitwi yenu likazonaunwa. ¹⁹Mukutatanana kwenu mulakayana bumi bwenu.²⁰"Mwakabona Jelusalema wazhingulukwa ku bashikalumamba, amukezhibe ati kuzonaunwa kwakwe kwasena afwaafwi. ²¹Babo bali mu Judeya abakamuvwe ukuya mu milundu, babo bali mu munzhi mukando aba kooshiye, abo babo batemo muchishi batakanjili mu munzhi mukando. ²²Nkaambo aza ngu mazuba akusubulwa, kwaamba oonse makani alembelwe akonzhe kuzuzukizhiwa.²³Mawe kuli babo bemishi alimwi ubabo banonsha mu mazuba azo! Ukuti kulakuli mapenzhi makando muchishi choonse, alimwi bukali bulakaba a bantu. ²⁴Balakawila echeba, balakatolwa buzhike muchishi choonse, alimwi Jelusalema ulkazhingulukwa ubavwa mashi kushikila chiindi chiindi chabo bakunze chikazuzukizhiwe.²⁵Kulakaba shitondezho kwizuba, ku mwezhi uku ntongwezhi, alimwi ano anshi. Mashi oonse alakaba mumapenzhi ukufwa bukandu nkaambo kamankwishita amu lwatele. ²⁶Kulakaba balombwana bawizuka nkaambo kabukandu kushitu shilangilwa kuchitika mu luundu loonse. Ukuti insana shakwizeulu shilakazungaana.²⁷Inzho balakamubona Mwana a Muntu uleza mwikumbi iinsana u bulemu bukando. ²⁸Pele sheshi shakatalika kuchitika, amukazhimuke ukulyalala, nkaambo kunununwa kwenu kwashika afwaafwi.''²⁹Jeso wakabambila kaano, '' Amulange kwi kuzu, alimwi u masamu oonse. ³⁰Kuti atalika kushuuka, mulabona ukuzhiba nubeni ati mainza aswena afwaafwi. ³¹Inzho alimwi, kuti mwabona sheshi shintu shatalika kuchitika, amuzhibe ati bwami bwa Leza buli afwaafwi.³²Chini chini ndamushimwina ati, wezu musela tokamana kufwa chita kushikila shoonse sheshi shikachitike. ³³Izeulu iinshi shilakamana pele mazwi angu kwiina naya kumana.³⁴Pele amulibambe nubeni, kwaamba myozo yenu itakwati mikuli yakunwa ubukolwi alimwi ukulibilika sha mubumi, kwaamba bolya buzuba butakamushikila ³⁵ukoya kooze. Ukuti bulakashika ku muntu oonse upona ano anshi.³⁶Pele amulibambile chiindi choonse, kukomba kwaamba mukwate insana chiindi choonse kwaamba mukakonzhe kuzunda shintu sheshi shika chitika, ukulozha kuzhima kubushu bwa Mwana a Muntu.''³⁷Inzho muunza kayiisha muchikombelo, amane mashiku kaya kukala alupili lwakutewa Olive. ³⁸Bantu boonse kabeza chifumo kutelela kwakwe mu chikombelo.

¹uninzho kusekelela kwa chinkwa chiina bumena nikwakashika afwafwi, uchitewa ati Pasika . ²Bapaizhi bakando kabalanga inzhila yakumuyaila Jeso, kabatiya bantu.³Satani wakamunjila Judasi wakutewa Isikaliyoti uwakuli wababo bali ikumi ubobile. ⁴Judasi wakaya kubapaizhi bakando uku bakando babashilikani kubandika mbwakukonzha kumwaba Jeso kwabo.⁵Bakabotelwa bamane bakatelezhanya kwamba balamupa mali. ⁶Wakavumina ukulanga chiindi chakwamba akonzhe kumwaba nkubateko bantu banji banji.⁷Inzho bwakashika buzuba bwakusekelela chinkwa china bumena, mubuzuba imbelele ya chipo cha ipobwe lyakwitilila nichipewa. ⁸Jeso wakatuma Pita u Johani, kwaamba "Kamuya mukabambe kwakulila Pasika, kwaamba ambweni tulalya.'' ⁹Bakaamba kwakwe ''Nkukwi nkuzanda tukabambe?''¹⁰Wakabaingula ati, ''Amulange mwakanjila mu munzhi mukando, mulakayana mulombwana uti akakukwete intesho yamenzhi ulamuswanganya. Mukamuchilile kunganda yakwe. ¹¹Mwamana mukamwambile mukamwini in'ganda, Mwiiyi wamba njilikwi inganda yabeenzu njitukalila Pasika ubashichiiya bangu?'''¹²Ulakamutondezha inganda yamwizeulu imabe kale ushuuna. mukabambe mumo.'' ¹³Ubobo bakaya, bayana mbubona mbwakabalailila.Bamane bakabamba chakulya cha Pasika.¹⁴Chiindi nichakashika, wakakala u batumwa. ¹⁵Amane wakabambila, ''Ndakuzandisha kwaamba ndye amwe Pasika wezu nkintana kupenga. ¹⁶Mbubona mbwinzanda kumwambila, Nshikalyi linji chita chikazuzukizhiwe mu bwami bwa Leza.''¹⁷Amane Jeso wakabweza inkapu, wapa kulumba, wakaamba, Amubweze chechi, mwabane ndubeni. ¹⁸Ukuti ndaamba, shikanwi linji muchelo wa musansa chita bwami bwa Leza bukashike.''¹⁹Wakabweza chinkwa, amane kulumba wachikomona, amane wabapa, ulaamba, ''Wezu ngu mubili wangu, upewa kwenu. Kamuchita bobo mukunzhibaluka.'' ²⁰Wakabweza inkapu mbubona umane mulalilo, waamba, ''Yezhi inkapu nchipangano chipya mubulowa bwangu, bwatilwa kwenu.²¹Pele amutelelshe, itashi lya muntu ungaba lili ame etebulu. ²²Umbona mwana amuntu ulaya mbubona mbuchabambwa. Pele mawe ku mulombwana ukasebezhewa kumwaaba!" ²³Bakatalika kubandika beni ubeni ukonzha kuchita chechi.²⁴Kumane kwaba kunyongana kwabashichiiya nibakulwila ukaba nukando akati kabo. ²⁵Wakabambila ati, ''Bami ba bantu bakunze mbami ali mbabo alimwi babo bakwete insana akati kabo baletiwa ati mbashikuchita shibotu.²⁶Pele tachelele kuba bobo amwe. Ubuyo wezo uzanda kuba umusololela ngumubele ulyelele kuba ukoya ngu mushonto, Wezo uzanda kuba mulemu ngumubele ulyelelekuba ngumuzhike usebezela benzhina. ²⁷Nguni ubaala, ukala atebulu, na wezo usebezela benzhiina? Taliwezo ukala etebulu? Pele ume ndili akati kababo basebezela bamwi.²⁸Pele ndimwe muli ame mu masunko. ²⁹Ndamubika ezeulu abwami, umbona Taata mbwambika ezeulu abwami ³⁰kwamba mukalye ukunwa etebulu mubwami bwangu, alimwi mulakaba achuna cha bubeteshi amikowa ili ikumi ubobile ya bana ba Izilaeli.³¹''Saimoni, Saimoni, chenjela, Satani ulakuzanda, kwaamba akulukute ukoya ikunka. ³²Pele ndakukombela, kwamba lushomo lutakakilwa. Wamana kukwata, zumya, benzhinoko."³³Pita wakamba kwakwe, "Mwami, Nndilibambile kuya aze kuntolongo na ku lufu.'' ³⁴Jeso wakaingula, ''Ndakushimwina, Pita, mukombwe talila mubuzuba bono, chita unkake shiindi shotatwe ati twinzhi.''³⁵Pele Jeso wakabambila, ''Nindakamutuma kwiina kapotomona ka mali na koola kakwete shizandika,na makatulo, mulikwete nshimwakabulo sa?'' Bakaingula, ''Kwiina.'' ³⁶Pele inzho ukwete impotomona ya mali, naibweze, na ukwete koola kakwete shizandika. Wezo wiina icheba nauzhe chikobelo ukuula icheba.³⁷Mbwin'gamba kwenu, chilembelwe kwangu chilyelele kuzuzukizhiwa, 'Wakabalilwa a mweelwe wabashishibi, ' Ukuti shoonse shakambwa ati shilachitika kwangu shanka kuzuzukizhiwa.'' ³⁸Bamane bakamba, ''Mwami, langa! Ngaaza macheba obile.'' Wakabambila, ''Chamana.''³⁹Jeso wakaya, mbubona mbwakuchita lyoonse ku mulundu wa olive, ubashichiiya bakachilila. ⁴⁰Nibakashika wakabambila, ''Amukombe kwamba mutanjili mumasunko.''⁴¹Wakaya busena bukwana kufusa ibwe, wakakala anshi ukupaila, ⁴²kwamba, ''Taata naulazanda, itole inkapu yezhi kuvwa kwangu.Nikuba bobo kutabi kuzanda kwangu, kube kuzanda kwako.''⁴³Amane angelo kuvwa kwizeulu wakalibonya kwakwe, kumuzumya zumya. ⁴⁴Mukupengana, wakomba chansana, ibe lyakwe lyakaboneka ukoya bulowa bunji bunji bulawa anshi.⁴⁵nakazhimuka wavwa kupaila wakashika nkwakabashiya bashichiiya bakwe wakayana baloona nkambo kakupenga ⁴⁶amane wakababuzha, ''Nchinzhi nchimoona? Amubuke mupaile, kwamba mutenjili mu masunko.''⁴⁷Nakuchaamba, amubone, inkamu yaashika, u Judasi, umwi wababo bali ikumi ubobile ulibasolwezhe, amane wakaya kwa Jeso ukumushonta, ⁴⁸pele Jeso wakamba kwakwe ati, ''Judasi, waaba Mwana a Muntu kwitila muku mushonta?''⁴⁹Babo bakakuli u Jeso nibakabona chakachitika, bakaamba, ''Mwami sa tulwe umacheba?'' ⁵⁰Umwi wabo wakamukosola muzhike wa mupaizhi mukando, itwi lya ku chilyo. ⁵¹Jeso wakamba, "Mbubo!" wakalikwata itwi lyakwe, ngona wamuponya.⁵²Jeso wakamba kuli bapaizhi bakando, bashilikani ba chikombelo, uku basololi bakumukaka ati, "Muleza ukoya mulazanda kukwata muteu, mulikwete macheba u misako? ⁵³Ndakakuli amwe mazuba oonse muchikombelo, mwiina nimwankwata matashi ume. Pele cheno nchindi chenu, alimwi iinsana shamusinze.''⁵⁴Bamukwate, bakamusolozha kumutola kun'ganda ya mupaizhi mukando. Pele Pita wakachilila u lwaalale. ⁵⁵Nibakakunka mulilo mulubanza lwa mabetekelo bakakala antoomwi, Pita aze wakaya kukala akati kabo.⁵⁶Umwi mukaintu muzhike wakamubona mu mu muni wa mulilo amane wamulangilila kusumika menso akwe ukwaamba, ''Wezu mulombwana kali aze.'' ⁵⁷Pele Pita wakamutama, kwaamba, ''Mukaintu, Ume nshimwizhi wezu muntu.'' ⁵⁸Nikwaita kaindi kashonto, umwi wakamubona ulamba, ''Uwe aze wakuli wababo.'' Pele Pita wakamba, ''Mulombwana, Indime.''⁵⁹Nikwakaita iwoola lyomwi mulombwana umwi wakatatanana ukwamba ati, ''Chini chini wezu mulombwana kali aze, nkaambo ngwaku Galileya.'' ⁶⁰Pele Pita wakamba, ''Mulombwana, nshichizhi nchuwamba, "Ndilyona, nakakwamba, mukombwe wakalila.⁶¹Kuchinduluka, Mwami wakamulanga Pita, amane Pita aze wazhibaluka mazwi ngakamwambila Mwami, nakamwambila ati, ''Mukombwe katana kulila bwasunu ulantama shiindi shotatwe.'' ⁶²Pita wakaya ansengwe amane wakalila chakulyetaika.⁶³Balombwana bakumulindilila Jeso bakamusalizha uku muuma. ⁶⁴Bakamuhumba chisani ku menso, ukumubuzha ati, ''Shinshima! nguni wakuma? ⁶⁵Bakaamba shintu shinji shinji shibiyabi kwa Jeso ukumusampaula.⁶⁶Mbubwachela buyo, basololi bakabungana antoomwi, bapaizhi bakando u balembi. Bakamutola kunkuta amane ⁶⁷bakamba, ''Na nduwe Kilisito, twambile.'' Pele wakabambila ati, "Kuti mwambile, tamuti mushome, ⁶⁸alimwi kuti mubuzhe, tamuti mwingule.⁶⁹Pele kuvwa ninzho, Mwana a muntu ulakakushite kwitashi lya chilyo lya nsana sha Leza.'' ⁷⁰Boonse bakaamba, ''Nkukwaamba uli Mwanakwe Leza?'' Jeso wakabambila, ''Inta mwaamba ndime.'' ⁷¹Bakaamba, Sa nchituzandila bukamboni chinzhi? Uswe tubeni twamutelela kuvwa ku mulomo wakwe.''

¹Yoonse imbunga ya bantu banji banji bakahimuka ukuleta Jeso kwa Pilato. ²Bakatalika kumulenjelezha, kwaamba ati, "Twamuyana mulombwana wezu ulambila bantu shakuchenga, ukubakasha kutela kwa Kaiza, ukwaamba ati walo mwini ngu Kilisito, mwami.''³Pilato wakamubuzha ati, ''Sa nduwe Mwami wa ba Juda?'' Jeso wakamwingula ati, ''Waamba.'' ⁴Pilato wakabambila bapaizhi bakando ati u bantu boonse ati, ''Kwiina mulandu ngundamuyanina mulombwana wezu.'' ⁵Pele bakatatanana ukwaamba ati, "Wahundaula bantu Kuyiisha koonse ku Judeya, kukankila kuvwa ku Galilaya ikono koonse ku busena.⁶Pilato nakatelela bobo, wakabuzha na wezu mulombwana ngwa ku Galili. ⁷Pele nakatelela ati ulahwa ku chisi chilelwa u Heloda, wakamutuma jeso kwa Heloda walo wezo wakakuli ku Jelusalema ku mazuba azo.⁸Chiindi Helodi nakamubona Jeso, wakabotelwa maningi, nkaambo kazanda kumubona kwa chiindi chilamfwu. Wakamutelela impuwo alimwi kazanda kubona maleele ngakachita. ⁹Helodi wakamubuza Jeso mibuzho minji minji, pele Jeso kwiina nchaka ¹⁰mwingula.Mupaizhi mukando alimwi u balembi bakahimuka ukumulenjelela twaambo chabukali.¹¹Helodi ubashilikani bakwe bakatuka Jeso ukumulimbusha. Bamane bakamusamika shisani shibotu ukumubweezha kwa Pilato. ¹²Ukuti Helodi u Pilato bakaba ba chilongwe buzuba mbubona bobo, nkaambo kachitana kuchitika chechi kabatatelezhanya.¹³Pilato wakompolola bapaizhi bakando alimwi ikamu yoonse ya bantu ¹⁴ukubashimwina ati, ''Mwandetela mulombwana wezu ukoya uchenga bantu, amubone, ume, ndamubuzhizha ngumubele, ndiina kumuyanina mulandu kutwaambo ntumwamulenjelela.¹⁵¹⁷Peepe, naaba Helodi , nkaambo wamupilusha kono, amubone, kwiina nchabisha chikonzha kumuyazha. ¹⁶Ubobo ndamupa chisubulo amana ndamuleka akuya.''¹⁸Pele bakakwiila boonse antoomwi, ati ''Wezu mulombwana nafwe utukushizhe Banabasi!'' ¹⁹Banabasi kali mulombwana wakabikwa muntololngo nkaambo ka kabunga kakuzanda kubukila munzhi mukando alimwi uwa kuyaya muntu.²⁰Pilato wakabambila alimwi kuzanda kuleka Jeso. ²¹Pele bantu bakapozomoka, kwaamba ati, ''Nakankaminwe, nakankaminwe.'' ²²Wakabambila chiindi chatatu, ''Nkaambo nzhi, nchibi nzhi nchachita? Kwiina mulandu ngundamuyanina ukonzha kumuyazha. Ubobo ndamupa chisubulo ndamana muleke.''²³Pele bakatatanana umazwi mwizeulu, kuzanda ati akankaminwe. Mazwi abo akamuzuzha Pilato. ²⁴Ubobo wakabapa nchibakuzanda. ²⁵Wakakusha wezo ngubakalomba uwakakubikilwe muntolongo nkaambo kakubukila munzhi ukuyaya muntu. Pele wakabapa Jeso ngubakuzanda.²⁶Nibakakumutola, bakakwata muntu umwi wakutewa Saimoni waku Silini, kuvwa ku chishi, bakamutwika chichinkano ati azemune kuchilila Jeso.²⁷Inkamu inkando ya balombwana, alimwi ubakaintu bakabiilwa ukumulila kabamuchilile. ²⁸Pele nakabachebuka, Jeso wakaamba, ''Nubakaintu baku Jelusalema, mutandilila, pele amulililile nubeni ubanenu.²⁹Amubone mazuba alezhiza ngubaka kaamba ati, 'Balilonjelwe babo batakazhala, inkolo shesho shatakanonkwa.' ³⁰Bamana balakatalika kwambila mapili ati, 'Tuwile,' ingulu ati, 'Tuhumbe.' ³¹Nkaambo kuti bashichita shintu sheshi masamu nachishuukile, chilakaba buti akazuma?''³²Ubamwi balombwana, bobile bashi milandu, bakatolwa u Jeso kuya kuyayiwa.³³Nibakashika kubusena butewa ati ''Kaanza,'' koko bakamukankamina a chichinkano ubabo bamwi bashi milandu-womwi ku chilyo womwi ku chimonsho. ³⁴Jeso wakaamba ati, ''Taata, balekelele, nkaambo tabezhi nchibachita.'' Bamane bakateya chisolo, ukwabanya shisani shakwe.³⁵Bantu bakazhima kwebela chiindi baleli nibaka kisalizha, ukwaamba ati, "Bamwi wabavuna. Komuleke aze alihune, Kuti na inguwe Kilisito wa Leza, walo musale.''³⁶Bashilikani abo mbubona bakamusalizha, bamwiila, bamupa Viniga, ³⁷ukwaamba, ''Na ndiwe Mwami wa ba Juda, lihune.'' ³⁸Alimwi kakuli cha kulembelwe alinguwe ati, ''Wezu ngu Mwami waba Juda.''³⁹Womwi shimilandu wakakuli a chichinkano wakamutuka ukumubuzha ulamba, ''Saa indiwe Kilisito? ''Lihune aswe utuhune.'' ⁴⁰Pele umwi shimilandu wakamulemanina mwenzhiina, ukumubuzha ati, ''Sa tumutiyi Leza, ukoya mbuuli muchisubulo chikozhenye chakuyayiwa? ⁴¹Uswe chini chini chili mu mulawo, ukuti twatambula chitwelele kwingaina u michito yesu. pele mulombwana wezu kwiina chibiyabi nchakachita.''⁴²Amane wakaamba ati, ''Jeso, ukantelaike wakashika mu bwami bwako." ⁴³Jeso wakamwambila ati, "chini chini ndakwambila ati, ubwasunu tulabazae mu paladaisi."⁴⁴Chindi kachili cha mawoola ali chisambomwe, kwakaba mushinze anshi oonse kushikila a chiindi cha mwa woola ali ifwuka ⁴⁵inzho izuba lyakashiya mbi. Kumane chishitilizho cha muchikombelo shakazapuka mu shipanzha shobile.⁴⁶Kulia izwi ikando, Jeso wakaamba, ''Taata, mu matashi ako ndatambika moza wangu.'' Kumana kwaamba bobo, wakafwa. ⁴⁷Chiindi mukando wa bashilikani nakabona chakachitika, wakamutembaula Leza, ulaamba ati, ''chinichini wezu mulombwana kali mululami.''⁴⁸Bantu banji banji bakwizile kwamba balibonene shoonse shakachitika bakabweela balaya bulyuuma ashamba. ⁴⁹Pele babo boonse bakumwizhi, alimwi ubamakaintu bakumuchilile kuvwa ku Galileya bazhimina ansansa, kwebela shakuchitika.⁵⁰Inzho, kakuli mulombwana umwi wakutewa Josefa, wakuli munkamu ya babeteshi. Kali mulombwana mubotu alimwi mululami. ⁵¹Wezu mulombwana wiina nakahumina ku makanze u kumichito yabo. Kahwa ku Alimatiya, munzhi mukando wa ba Juda, alimwi kazandisha kukapula bwami bwa Leza.⁵²Wezu mulombwana, wakamwiila Pilato, ukulomba mubili wa Jeso. ⁵³Wakokusha a chichinkano, ukuhunga mu chisani chibotu, wobika mu chuumbwe checho chakashiwa mwibwe, mwalo mwakwiina wakakuzhikilwemo kale.⁵⁴Kabuli buzuba bwakulibambila, alimwi Insabata niyakuzanda kutalika. ⁵⁵Bakaintu ubakeza u Jeso kuvwa ku Galileya bakachilila kubona chuumbwe u mubili mbuwakabikwa. ⁵⁶Bakapiluka babamba mafuta akunana utununkilizho. Mubuzuba bwa Sabata bakalyokezha kwendelanya u mulazho.

¹Manchela buzuba butaanzhi bwa nsunda bakkeshika ku chuumbwe kuleta utununkiia ntubakabamba. ²Bakayana ibwe lyakavwa achuumbwe. ³Bakanjila mu chuumbwe pele baina ukoyana mubili wa Jeso.⁴Chakachitika bulyo, nibakuchihingilwe chakachitika, balombwana bobile bakazhima ngubakubele mushikobelo shakubeka beka . ⁵Bakaintu nibakakutiile ukukotama kulanga anshi, bakababuzha ati, "Nchiinzhi nchimukapulila muntu ulanga ku bafwu?⁶Temo mono, pele wabushiwa! Amuzhibaluke mbwakamwaambila nakakuchili mu Galilaya, ⁷kwaamba ati Mwanaa Muntu ulyelele kwaabwa mu matashi a bashishibi ukuyayiwa a chichinkano alimwi ukubuka buzuba bwatatu.''⁸Bakaintu bakazhibaluka mazwi akwe ⁹bamane bakakuvwa ku chuumbwe ukwambila bashichiiya bali ikumi uwomwi nshibakabona ubamwi boonse. ¹⁰Inzho Maliya Magadalena, Jowana, Maliya baina Jemusi u bamwi bamakaintu mbakuli abo baka amba makani aza ku batumwa.¹¹Pele makani aza akalibonya kubula bulemu ku batumwa, alimwi baina nibakabashoma bakaintu baba. ¹²Pita wakazhimuka ukulukankila ku chuumbwe, nakashika wakoonga ukulanga mu chuumbwe, wakabona shisani kashili shini. Pita ngoona wakaya ku n'ganda yakwe kazowele chakachitika.¹³Inzho bamwi bobile buzuba mbubona bobo kabaya ku munzhi utewa ati Emausi, ukwakulampa maile ali makumi chisambomwe kuvwa ku Jelusalema. ¹⁴Kabaya bubandika chakachitika¹⁵Chakachitika bolya, nibakuya bubandika ukulibuzha, Jeso mwini wakabeenzha ukutalika kuya bweendela antoomwi abo. ¹⁶Pele baina nibakamuzhiba.¹⁷Jeso wakababuzha ati, "No nchiinzhi nchimubandika kumwi mulaya bweenda?'' Bakazhima ukuboneka kulemana. ¹⁸Umwi wabo wakutewa Kileopasi, wakamwiingula ati, "Sa ndiwe iche mu Jelusalema utezhi chakachitika ku mazuba aza?''¹⁹Jeso wakababuzha ati, "Nchiinzhi chakachitika?'' "Shintu shakachitika kwa Jeso waku Nazaleta, uwakakuli mushinshimi mukando chini chini ukuyiisha mazwi a Leza kubantu, ²⁰alimwi bakombi bakando ubamwi baleli mbubakamupa chisubulo cha kufwa ukumubika a chichinkano.²¹Pele twakulangila ati walo inguwe ukanununa bana izilayeli. Eeye alimwi chibaala, ubwasunu mbuzuba bwatatu kuvwa shoonse sheshi nishakachitika .²²Pele alimwi, bamwi bakaintu uba munkamu yesu bakatuzhinga, kuba ku chuumbwe chifumo fumo. ²³Nibatakoyana mubili wakwe bakazhoka, ukwaamba ati, bakabona bangelo ubakaamba ati wabuka. ²⁴Bamwi balombwana mbutwakuli abo bakaya ku chuumbwe bayana ati mbubona mbubakaamba bakaintu. Pele baina nibakamubona.''²⁵Jeso wakabaambila ati, "Umwe nubalombwana balimbushi alimwi nimutafwambaani kushoma shoonse bashinshimi nshibakaamba! ²⁶Sa kachitali chibotu Kilisito kupenga ku shintu sheshi, limwi ukunjila mu bulemu bwakwe?'' ²⁷Inzho kutalikila kwa Mozesi alimwi kwitila mu bashinshimi, Jeso wakabapandulwila shintu shimuzeeme ku bulembe boonse.²⁸Nibakashika mu munzhi mubakakuya, Jeso wakachita ukoya uchiya buya kumbele. ²⁹Pele bakamushinikizha balaamba "Kala aswe, ukuti likalebila alimwi buzuba bwamana kale.'' Ubobo Jeso wakaya kukala abo.³⁰Chakachitika kwamba, nakakala anshi abo kwaamba alye, wakabweza chinkwa, wachilongezha, wachikomauna wabapa. ³¹Ngoona menso abo akayuka, bamane bamuzhiba ngoona wazhimingana ku menso abo. ³²Bakalyaambya beni u beni ati, ''Sa myozo yesu ketapyi, nakwaamba kwesu munzhila, lelyo nakuyalula malembe kuli uswe?''³³Bakazhimuka ngoona awo bapiluka ku Jelusalema. Bakabayana bali ikumi u womwi balibungene u babo mbubakuli abo, ³⁴balaamba, "Mwami wabuka chini chini, alimwi walibonya kwa Saimoni.'' ³⁵Bakaamba shintu shoonse shakachitika munzhila, alimwi umbuli Jeso mbwakalizhibya mukukomauna chinkwa³⁶Nibakuchaamba shintu sheshi, Jeso wakazhima akati lyabo, amane waamba ati, "Luumuno lube kwenu.'' ³⁷Pele balo bakatilimuka ukuzula bukandu alimwi bakatelaika ati babona shikazwa³⁸Jeso wakabambila ati, "Nkaambo nzhi mulapengana? Nkaambo nzhi kulaba mibuzho mu myozo yenu? ³⁹Amubone matashi angu u matende, kwaamba ndime. Amunkwate mulibonene. Ukuti shikazwa takwete buzani u mafuwa, mbumwambona ume ndikwete.'' ⁴⁰Nakaamba bobo, wakabatondezha matashi akwe u matende.⁴¹Kabatana kushoma nkaambo kakubotelwa, alimwi bakazoowa. Jeso wakabaambila ati, "Sa tamukwete chakulya ?" ⁴²Bakamupa chipanzha cha nswi injike, ⁴³wakabweza walya kabamulangilile.⁴⁴Wakabaambila ati, "Aza ngu mazwi ngundakamwaambila chiindi ninda kakuli amwe, ati shoonse sheshi shakalembwa mu milawo ya Mozesi u bashinshimi alimwi u muntembauzho alyelele kuzuzukizhiwa.''⁴⁵Ubobo wakayalula mizeezo yabo kwaamba bakonzhe kwatelelesha malembe. ⁴⁶Wakabaambila ati, "Ukuti chililembelwe ati, Kilisito ulyelele kupenga alimwi ukubuka ku bafwu mu buzuba bwatatu. ⁴⁷Kusanduka ukulekelelwa kwa shibi kulyelele kukambaukwa mwizhina lyakwe ku mashi oonse, kutalikila mu Jelusalema.⁴⁸Muli bakamboni ku shintu sheshi. ⁴⁹Amubone ndamutumina nchakashomezha taata. Pele kamuchishite mu munzhi mukando kushikila mukapewe insana shivwa kwizeulu."⁵⁰Amane Jeso wakabasololela kuvwa kushikila nibakuzanda kushika ku Betani. Wakatambika matashi akwe mwizeulu ngoona wabalongezha. ⁵¹Chakachitika bolya, chiindi nakuchibalongezha, wakabashiya ngoona wakatolwa kwizeulu.⁵²Ubobo bakamukomba ukupiluka ku Jelusalema balibotelelwe. ⁵³Chiindi choonse kabayanwa mu chikombelo kulumbaizha Leza.

¹Kumatalikilo kalili izwi, alimwi izwi kali u Leza, alimwi izwi kali Leza. ²Wezu nguwena kali kumatalikilo u Leza. ³Shoonse shintu shakapangwa kwiitila mwakwe, kuti nikwakaakwiina nguwe kwiina chintu nichiba chomwi checho chakapangwa⁴U mwakwe kamuli bumi, alimwi bumi kooli mumuni wa bantu. ⁵Mumuni ulamunika u mushinze, amana mushinze toolonzha kuubaala mumuni.⁶Kakuli mulombwana wezo wakatumwa kuhwa kwa Leza, walo wakaakukwete inzhina lya Johani. ⁷Wakazhiza u koya kamboni kwiza kupa bumboni bwa mumuni, kwaamba boonse balozhe kumushoma kwiita mwakwe. ⁸Johani katali nguwe mumuni, pele wakazhiza kwaamba ape bumbni kutwaambo twa mumuni.⁹Mumuni wabwini, wezo upa mumuni ku bantu boonse, wakazhiza muluundu.¹⁰Kali muluundu, alimwi luundu lwakapangwa kwiita mwakwe, pele luundu lwiina nilwakamuzhiba. ¹¹Wakazhiza ku bantu bakwe mwini, amana bantu bakwe bayina nibakamutambula.¹²Pele ku banji banji bakamutambula, babo bakashoma mwizhina lyakwe, wakabapa chaabilo chakuba banakwe Leza. ¹³Baba bayina nibakazhalwa kubulowa, nikuba kukuzanda kwa mubili, nikuba kuzanda kwa muntu, pele nkuzanda kwa Leza.¹⁴Izwi lyakaba mubili amana lyakapona a kati kesu. Twakabubona bulemu bwakwe, bulemu bwakaakuli bwa wezo bulyo walo wakahwa kwa ushi, uzwile luse alimwi u bwini. ¹⁵Johani wakamupela bumboni wakapozomoka kulila, waamba ati, "Wezu inguwe ngundakaakwaamba ati, 'Wezo uzhiza munshi lyangu mukandosha kubaala ume, kaambo kaliko nchitana kuba ko."'¹⁶Kaambo kuhwa kukuzulila kwakwe toonse twakatambula luse kuhwa ku luse. ¹⁷Milawo yakapewa kwiita mwa Mozesi. Luse aliwmi u bwini bwakazhiza kwiita mwa Jeso Kilisito. ¹⁸Kwiina naaba womwi wakamubona Leza; bulyo Leza, walo uuli kufwaafwi uushi, wakachita kuti Leza azhibwe.¹⁹Bobu mbubumboni bwaka Johani lelyo ba Juda nibakatuma bapayizhi alimwi uba Levi kwakwe kuhwa ku Jelusalemu kwaamba bamubuzhe, "Ndiweni uwe?" ²⁰Wakachibika atuba--- wiina naakaka pe, pele wakachibika atuba--"indime Kilisito." ²¹Bamane bakamubuzha ati, "No nkukuti ndiweni? Saa ndiwe Elija?" Wakaamba ati, Indime." Bakaamba ati, "Saa uli mushinshimi?" Wakayingula ati, "pe pe."²²Bamane bakaamba kwakwe ati, "Ndiwe ni, kwaamba tukayingule kuli babo batutuma? No uwe laamba buti lwako umwini?" ²³Wakaamba ati, "Ume ndi izwi, lyoopolola mulukula; 'Bamba inzhila ya Mwami isuumane,'²⁴Inzho u bamwi kuhwa kuba Falisi bakatumwa, ²⁵bamane bakamubuzha baamba kwakwe ati, "Kaambooyi ulapapatiza wataakuli Kilisito naaba Elija nikuba mushinshimi?"²⁶Johani wakabayingula , waamba ati, "Ume ndapapatiza u meenzhi. Pele akati kenu alizhimine wezo walo umwe ngumutezhi. ²⁷Inguwe wezo uzhiza munshi lyangu, nikuba tutambo twamakatulo akwe shilozha kutwaangulula." ²⁸Sheshi shintu shakachitikila mu Betani mumutala wa Jodani, koko Johani nkwaaka kupapatiza.²⁹Buzuba bwakachilila Johani wakabona Jeso uleza kwakwe amane wakaamba ati, "Amubone, nguwelya Mwanaa mbelele waka Leza walo u kusha shibi kuhwa muluundu! ³⁰Wezu inguwe walo ume ngundaakwaamba ati, 'Wezo walo u kakazhiza munshi lyangu mukandosha kubaala ume, kaambo kaliko ume nchintana kubako.' ³¹Ume nchintamwizhi, pele chakaba bobo kwaamba walo azubululwe ku Izilaili kwaamba ume ndakazhiza kupapatiza u meenzhi."³²Johani wakapa bumboni, wakaamba ati, "Ume ndakabona moza ulazhiza anshi ukoya inzhiba kuhwa kwizeulu, amane yakakala ali nguwe. ³³Ume ndiina indakamuzhiba, pele wezo wakantuma kwiza kupapatiza mu meenzhi wakaamba kwangu ati, 'Wezo walo nguukakabona moza wazhiza anshi u kukala, inguwe wezo u kakapapatiza u moza usalala.' ³⁴Ume ndakabona alimwi u kupa bumboni kwaamba ati wezu Mwanakwe Leza."³⁵Alimwi, buzuba bwakachilila, awo Johani naakakuzhimine u bashichiiya bakwe bobile, ³⁶bakamubona Jeso uleza bweenda, amane Johani wakaamba ati, "Amubone, Mwanaa mbelele waka Leza!"³⁷Bashichiiya bakwe bobile bakamuteelela kwaamba chechi bamane bakamuchilila Jeso. ³⁸Amane Jeso wakachinduluka wabona balamuchilila waamba kwabo ati, "Nchiiyi nchimukapula?" Bakayingula ati,"Labi" (checho chipandulula ati "Mwiiyi"), "Ulakala kwi?" ³⁹Wakaamba kwabo ati, "kamwiza mubone." Bamane bakaya kukubona nkwaakaakakula; bakakala aze buzuba bobo, kaambo kachili ukoya kwiwoola lye kumi.⁴⁰Umwi wababo bobile wakateelela Johani kaamba amane wamuchilila Jeso kali Andulu, munina Simoni Pita. ⁴¹Wakataanguna kumuyana munina wakwe mwini wakaamba kwakwe ati, "Twamuyana Mesaya" (chipandulula ati "Kilisito"). ⁴²Wakamuleta kwa Jeso, amane Jeso wakamulanga amane wakaamba ati, "Ndiwe Simoni mwanakwe Johani. Uwe ulaakutewa ati Kefasi" (checho chipandulula ati "Pita").⁴³Buzuba bwakachilila, awo Jeso naakazanda kuya ku Galili, Wakayana Filipu wakaamba kwakwe ati, "Nchilila." ⁴⁴Inzho Filipu kahwa ku Betesayida, munzhi mukando waba Andulu u Pita. ⁴⁵Filipu wakayana Natanewo wakaamba kwakwe ati,"Wezo walo Mozesi ngwaakalemba mumulawo, alimwi u bashinshimi, uswe twamuyana: Jeso mwanakwe Jozefu, waku Nazaleta."⁴⁶Natanewo wakaamba kwakwe ati, "Saa mulakonzha kuhwa chintu chibotu mu Nazaleta?" Filipu wakaamba kwakwe ati, "Kweza u bone." ⁴⁷Jeso wakamubona Natanewo uleza kwakwe amane wakaamba shikuma kwakwe ati, "Bona, mwi Izilaili mwini mwini, u mwakwe mwiina kampenda!" ⁴⁸Natanewo wakaamba kwakwe ati, "No wezhiba buti ume?" Jeso wakamwiingula amane wakaamba kwakwe ati, "Katana Filipu kukwita, lelyo nuwaakuzhimine munshi muchisamu chamukuzu, Ume ndakubona."⁴⁹Natanewo wakayingula ati, "Labi, uli Mwanakwe Leza! Uli Mwami wa Izilaili!" ⁵⁰Jeso wakamwiingula amane wakaamba kwakwe ati, "Kaambo ndaamba kwako ati, 'Ume ndakubona munshi muchisamu chamukuzu,' saa washoma? Ulakabona shintu shikando shibaala sheshi." ⁵¹Amane wakaamba ati, "Chini, chini, ndaamba kwako ati, ulakabona izeulu liliyalukile, amana baangelo baka Leza balaliza u kuseluka aali Mwanaa Muntu."

¹Nikwakayita mazuba otatwe, kwakaba bwinga mu Kana waku Galili, amana aze baina Jeso kaliwo. ²Jeso alimwi u bashichiiya kabali batambe kubwinga.³Lelyo waini naakamana, baina Jeso wakaamba kwakwe ati, "Bantu bayina waini." ⁴Jeso wakaamba kwakwe ati, "Mukaintu, kaambooyi wezhiza kwangu? Chiindi changu tachina kushika." ⁵Baina Jeso bakaamba ku basebezhi, "Kufwumbwa checho nchaakaamba , muchichite."⁶Inzho kwakaakuli intesho sha meenzhi shili chisambomwi shibumbye mabwe shakaakusebezhiwa uba Juda kutunshiya nshiya twakusamba, imwi iimwi intesho keekwete shobile naa shotatwe shingomo sha meenzhi. ⁷Jeso wakaamba kwabo ati, "Amushizuzhe intesho u meenzhi. Bakashizuzha shoonse kushika a mulomo. ⁸Amane wakaambila basebezhi, "Amubweze umwi inzho mutolele kuli wezo mukando ulangilizha shabwinga." u bobo bakachita.⁹Mulangilizhi wabwinga wakaasola meenzhi alo a kaba waini, pele wiina naakazhiba kwaamba wahwakwi waini (pele basebezhi balo bakateka meenzhi kabezhi). Amane wakoompolola shibwiinga ¹⁰amane wakaamba kwakwe ati, "Woonse muntu ulapa waini mubotu a kutaanguna amana awo waini mubohwu lelyo bantu bakolwa. Pele waakumuzobwele waini mubotu kushika u cheno chiindi."¹¹Chechi chitondezho chitaanzhi Jeso nchaakachita mu Kana waku Galili, amane wakazubulula bulemu bwakwe, amana bashichiiya bakwe bakashoma mwakwe.¹²Kumane awo Jeso, baina, u banina, alimwi u bashichiiya bakwe bakaya ku Kapenaumu bakakala koko kwa mazuba mashoonto.¹³Inzho ikubi lya kwiitilila lyaba Juda kalili afwaafwi, amane Jeso wakaya ku Jelusalemu. ¹⁴Wakayana bashikusambala basune alimwi iimbelele u nkwilimba muchikombelo, alimwi uba shikuchincha mali kabashite mo.¹⁵Ngoonaawo wakapanga mulusu wachikanda amane wakabakusha boonse kuhwa muchikombelo, kubikilizha iimbelele alimwi ing'ombe. Wakamwaazha mapeni woonse abo bashichincha mali wakapinauna matebulu abo. ¹⁶Kubashikusambala inkwilimba wakaamba ati, "Amushikushe shintu sheshi mono. Amuleke kuchita ing'nada yaka Taata kuba mushika."¹⁷Bashichiiya bakwe bakazhibaluka kwaamba ati kakulembelwe, "Kuzandisha ing'anda yako kulazoonauna ume." ¹⁸Ngoona ba Juda bakando bakazhiza bakamubuzha baamba kwakwe ati, "Nchitondezhooyi nchuukatubonya, kaambo ulachita shintu sheshi?" ¹⁹Jeso wakayingula ati, "Amuyaye chikombelo chechi, amana mumazuba otatwe Ume ndachizakulula alimwi."²⁰Ngoonaawo ba Juda bakando kando bakaamba ati, "Chechi chikombelo chakazakwa myaka makumi one u myaka chisambomwi, amana uwe ulachizaka mumazuba otatwe?" ²¹Nikuba bobo, kaamba chikombelo cha mubili wakwe. ²²Lelyo naakabushiwa kuhwa kubafwu, bashichiiya bakwe bakazhibaluka kwaamba wakachaamba chechi, bamane bakaahumina malembe alimwi impango yezho Jeso njakaamba.²³Awo ninzho wakaakuli mu Jelusalemu kwipobwe lyakwiitilila, banji banji bakashoma mwizhina lyakwe lelyo nibakabona shitondezho shesho nshaakachita. ²⁴Pele Jeso wiina naakabashoma kaambo kabezhi boonse, ²⁵Kaambo katazanda naaba womwi kupa bumboni kutwaambo twa muntu, u kuti kezhi checho chaakuli mu muntu.

¹Inzho kakuli mu Falisi waakukwete izhina lya Nekodemasi, kali musololi waba Juda. ²Wezu mulombwana wakazhiza kwa Jeso mashiku wakaamba ati, "Labi, tulizhi kwaamba ati uli mwiiyi wezo wakahwa kwa Leza, kaambo kwiina naaba womwi ukonzha kuchita shitondezho sheshi shesho nshuuchita chita bulyo Leza kali aze."³Jeso wakamwiingula wakaamba ati, "Chini, chini, chita umwi wazhalwa alimwi, takalozha kubona bwami bwaka Leza." ⁴Nekodemasi wakaamba kwakwe ati, 'No muntu ulazhalwa buti a kuli mukando kale? Talozha kunjila lwabili mwifwu lyaka baina amana azhalwe, saa chilaba?'⁵Jeso wakamwiingula ati, "Chini, chini, chita umwi wazhalwa ku meenzhi alimwi uku moza, takalozha kunjila mubwami bwaka Leza. ⁶Checho chalo chizhalwa kumubili ati mubili, alimwi chechi chalo chizhalwa ku moza ati moza.⁷Utabi nuuzhingwa kuli checho Ume nchindahwa kwaamba kwako, 'Ulyeelele kuzhalwa lwabili.' ⁸Muuwo ulaunga kufwumbwa nkuuzanda; ulateelela muhuumo, pele tukonzha kuzhiba nkuuhwa nikuba koko nkuuya. Umbona bobo umwi uumwi wezo muzhale ku moza."⁹Nekodemasi wakayingula amane wakaamba kwakwe ati, "No sheshi shintu shilakaba buti?" ¹⁰Jeso wakamwiingula amane wakaamba kwakwe ati, "Inta uli mwiiyi wamu Izillaili, amana pele tushiteelelesha shintu sheshi? ¹¹Chini, chini. Ume ndakushimwina, tulaamba nchitwizhi, alimwi tulapa bumboni kuli nchitwakabona. Nikuba bobo tamuhwumina kubumboni bwesu.¹²Naakuti Ume ndakushimwina shaanshi ano wamana tushomi, no ulashoma buti ndakushimwina shintu shakwizeulu? ¹³Kwiina naaba womwi wakaya kwizeulu chita bulyo wezo wakaseluka kuhwa kwizeulu--- Mwanaa Muntu.¹⁴Inzho mbubona aze Mozesi mbwaakazhimika muzoka mulukula, aze Mwanaa Muntu ulyeelele kusumpulwa, ¹⁵kwaamba boonse bashoma mwakwe bayane bumi buteeli.¹⁶Kaambo Leza wakazandisha luundu, kwaamba ape bulyo Mwanakwe womwi nana, kufwunbwa wezo u shoma mwakwe takafwililili pele ulakaba u bumi buteeli. ¹⁷Leza wiina naakatuma Mwana muluundu kwaamba a bishe bishe luundu pe, pele kwaamba afwutule luundu kwiita mwakwe. ¹⁸Woonse wezo u shoma mwakwe takabishiwa pe, pele wezo utashomi walo wabishiwa kale kaambo wiina naakashoma mwizhina lya Mwanakwe Leza walo.¹⁹Kaka nkukaambo keni kalubeta: Mumuni washika muluundu, amana bantu balazandisha mushinze kubaala mumuni kaambo michito yabo keeli yabubi. ²⁰Kaambo woonse wezo uchita bubi ulasula mumuni, amana tazhiza kumumuni, kwaamba michito yakwe italibonya. ²¹Nikuba bobo, wezo uchita bwini ulazhiza kumumuni kwaamba ati chilozhe kulibonya atuba kuti michito yachitwa mubu Leza."²²Nikwakaita chechi, Jeso bakaya mukati muchishi cha Judeya. Kolya wakatola kaindi kabali abo alimwi u kupapatiza. ²³Inzho aze Johani wakaakupapatiza mu Anoni kufwaafwi ku Salimu kaambo kakuli meenzhi manji manji koko. Bantu bakazhiza kwakwe bamane bakaakupapatizwa, ²⁴U kuti Johani katana kusowelwa muntolongo.²⁵Ngoonaawo kwakabuka kutateelezhanya akati kabamwi bashichiiya baka Johani alimwi uba Juda kukanshiya nshiya kakusamba. ²⁶Bakaya kwa Johani bakaamba kwakwe ati, "Labi, wezo walo ngumwakaakuli aze kumutala welya wa mulonga Jodani, wezo walo nguwakapela bumboni, bona, ulapapatiza, alimwi banji banji balaya kwakwe."²⁷Johani wakayingula ati, "Muntu takonzha kutambula chita kuti chapewa kwakwe kuhwa kwizeulu. ²⁸Umwe lwenu nubeni mulakonzha kupa bumboni kuli checho nchindakaamba ati, 'Ume indime Kilisito,' pele bulyo, 'Ume ndakatumwa bulyo kumbele lyakwe.'²⁹Nabwiinga ngwakwe shibwiinga. Inzho mweenzhiina shibwiinga, wezo uzhimine alimwi u kumuteelela, ulabotelwa chini chini kaambo kezwi lya shibwiinga. Chechi, ninzho, kubotelwa kwazulila. ³⁰Ulyeelele kuzungila, pele Ume ndyeelele kuzhoka munshi.³¹Wezo woonse uhwa kwizeulu uli ezeulu aali shoonse. Wezo walo wakahwa ano anshi ngwa anshi alimwi ulaamba shintu shaanshi. Wezo woonse uhwa kwizeulu ulabaala ali shoonse. ³²Ulapa bumboni kuli nshaakabona u kuteelela, pele kwiina naaba womwi u hwumina bumboni bwakwe. ³³Wezo woonse watambula bumboni bwakwe wahwumina kwaamba ati Leza ngwabwini.³⁴Kaambo wezo walo Leza ngwaakatuma ulaamba mazwi aka Leza. Kaambo tapi moza kwiita mukupima. ³⁵Baushi balamuzanda Mwana amana wabika shoonse shintu mumatashi akwe. ³⁶Wezo woonse u shoma Mwana ulikwete bumi buteeli, pele woonse wezo u talemeka Mwana takabuboni bumi, pele bukali bwaka Leza bulakakalilila aze."