Mawae Nage: Bible, Unlocked Literal Bible for 1 John, 1 Peter, 1 Timothy, 2 John, 2 Peter, 2 Timothy, 3 John, Colossians, Galatians, Hebrews, Jude, Philemon, Titus

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Galatians

Chapter 1

1Na Pol, na emo ra kotmaora oko, Na Tuwa Tutu mani nuna Yesu, magayao ra atu uwengna iropuna auna dubo dedeka yao agerato aungna mokora atu buroge pugaina awiya ago yero igi ewiya nea.2Na gege oko wata naneme otao mani nana aungne aeno buroge tumodiao, emo bauno Galasia kora yaninese buroge pitina aeno igi ewiya nenage.3Hoamao yesu ra eyare ge Tuwa Tutura nige aune mitaise.4Aratamao Tuwa Tutu ra ago nasani, Yesu Kristo nuka nu nata pitina, Ayero name tangi eugna bunao memeko nibaung aunatu besero puro kasa daung yena.5Tuwa Tutu ra yazo nuna dang yero mitao gege mitaise, aiyo.6Na hotoug nibaung tena awiya Yesu Kristo nige hoamao nuna ungna atu nige puna, Arata nige mena nibaung kapete nao memeko gitau ra gaitineyana nupe zo giro hotoung tena awiya nige mena ge me awiya doro ge geiwao aungna neya.7Dadawa seka zo oko mitiata, emo ena zo nige eno mou pugatinasani Yesu kristo ge dadawa yarisero nea.8Arata angelo zo Uditira ta nanage zo-zo ge sewange a doro ge seka zo sarinia awiya nu waru meko pari nia.9Gegitau sewangse, arare na nupe sinena. Emo zo- zo Yesu Kristora ge sewang awiya doro geseka zo sarinia awiya nung waru meko parinia.10Na heme emora sao tauyao kaunena? Na nai eungna yana emo yawayawa yaese nenita? Na emo yana yawayawa yaese narinena awiya na soumani yesura Ingwaing oko.11Otaomani nana nige e gipu, ge se daung nena ewiya emora ge oko ara.12Na ge ewiya emo zora una atu oko pumuwang,O mani zozo oko gipewa Aung ara Na awiya Yesu Kristo zo kotumao nuna Hungao awiya na eno pitina awiya se daung nena.13Nige nao nana agowa emo yuda ra nao ago yao awiya nige mena nigewa. Na nono yero Tuwa Tutu ra emo baungno Yesu tumo diro nauwa awiya Iwo yero gera nibaung naungwa awiya nige mena nigiwa ara.14Na emo bauno nakanana aune otao mani nana dema bayao, auna mokora atu, nena gege Yuda emora nao aune nigao aungne aungna To iwang. ayero aune na mamono dubu nana aungna sero yao agera eno Tonzi baina nibaung sinena.15ArataTuwa Tutu zo mono nuka nuna ungna tu na ayara tineya ra atu buro nuna yanese na mena gekena re na yausero pungna.16Tuwa Tutu zo na gigi nuteng yengwang giro mani nuna Yesu kristo nana mokora atu gipe daung gairo diga emo baungno mokora atu bowi nuna sanesa na yengtina.Na mena nibaung oko Hu nana ta taung pitira aratamao oko ago yewang. Na mena oko iropuro ba Yerusalem atu aposol dubu nana gitau baung Arabia yero aune kapete Damaskas gaingwang.18Dawang etama aungna bautara zo na hitiro ba Yerusalem yero sipas ra nao giro zawa gari bamung wang wari be zaza 15 awiya na nu aungne.19A yeng wang ta na Aposolo dubu ena oko gigiwang na Jems Yesu ra meta gege gigiwang.20Geno igi euna mokora atu gaitinena awiya ge me nibaung Tuwa Tutu ra beraung ra.21A yero na nupe ba Tangi agewa Siria aune Silisia aungna Yengwang.22Tumo Diyao emo baungno Juda tangi ra awiya Dangdang na oko gosinea.23Ago ge bisi gege nigiwa awiya, Emo gitau name Dedunasani Yesu ra ge sisigaiti nasani naungna ami zo Heme ge sisigaiti nasani Naungna awiya nupe bowi ge sinia.24Nao nana eno, emo baungno. Yesu Tumodidi Nasani nowa, ami zo Twa Tutu ra yazo de ika yewa.
Chapter 21 Dangwang 14 aung yenu na Banabas ara Taitus pungro nage dema ba jerusalem yewange.

2Nage bungro ayero hitiro baungro agera beraung ra atu bowi iwaing emo ge ewe pape eno sinasani nauwa. Awiya ago zawagari bamuwa. Na saing yero emo yazo re aung na zo aungne ge unge yewang.Ayero yana ago gaese yewang, awiya na oko awang yero tara yewang, ayero kotumowese aeno yewang.3Anewang Taitas naung ne dema nenu taungno nu emo Grik ware taung agewara tata kapaise sewa.4Emo ge hiwi nasani nowa awiya saingyero opene ayao nanage Yesu Kristo ra naora nonage awiya humonowa nono yero yangyang bunao dongwange aungna atu nupe nanegese kotungno newa.5Arata nage tutata diro geme bowi iwaing ra nige aung ne mitaise tauyeng wang ge awiya iwaing ninage eno yengwang ge.6Ora emo yazo re na eno ge ena ena oko sao yewa, ago emo nono ya nana ungna awiya aung,Tuwa Tutu ra hina awiya deka ayero mitiya. Tuwa Tutu ra hina emo apakana yazo aung.7Ago zawagao puro gigiwa awiya na bowi iwaing emo ge ewe pape, aungna buro maung aposolo,deka ayero Pita awiya Yuda emo ra buro emo aposolo.8Tuwa Tutu zo pita aposlo buro emo taung tata kapi nowa aungna yaise pugaina, deka ayero na emo ewe pape ra aposolo pugaina.9Jems, sipas aungne Jon ami buro baina zayewa bainayena, zawa gaiwa awiya buro nana. Anasani Banabas aungne naka na aungne yengti emo ewe papera gaiti nasani, aka agozo emo taung tata kapinowa aeno bowi iwaing sina sani narineya.10Ago emo kotumao zo e gege nage eno gipewa,emo bauno nuna eno asoko nowa awiya kotupu nasani nanegese sewa,kotumao awiya nana ungna mitiya, awia seteya na soremia.11Arata be Sipas bungno Antiok yero Yuda emo awang yero nao pore yenu, na nu berau ra atu giro sewang. 12Sipas emo Yuda oko aungne nona mini nenu, emo ena Jems zo yengtinu bumuwa nu ago gosi nasani mena ago emo ge ewe awiya doro ba akeyena. Sipas emo Yuda taung tata kapaora nowa awiya awang yena.13Yuda emo nu aungne dema mitiwa, awiya Sipas ra gehiwao awiya ago yewa. Banabas dema agera giro ayero yena.14Nao agera ayero yewa awiya geme bowi iwaing ra atu mitiya awiya gera yewa. Na sipas ago apakana aungna beraura tu giro sewang. Ni Yuda emo wata ni emo ge ewera nao nasani, Yuda oko nasani giro ni ago emo ge ewe oko ato sasa Yuda ra nao oko yaneya.15Name apakana awiya emo ara no eno aya mani mamono naname yuda ami name pumuwa. Name emo ge ewe pasena re oko.16sao tauyao zo emo soremai iwaing yao zo oko mitiya. Yesu Kristo tumo diyanesa ami nona me ara. Nage deka Yesu Kristo tumo diro ba nuna hina yero iwaing yengwang ge, oko sao tauyao zo yena.Sao tauyao zo emo soremai iwaing oko yarineya.17Kristo name sore maise kaunewang me,be awiya name pasena ra atu mitaung wangme,ora Kristo pasena mitaise sinoita? Aung nibaung yore ara.18Sao tauyao gera yewa aung yena awiya nupe yana kasa yaise yarinena awiya nakanane sao tauyao seka awiya bezetena niya ara.19Na sao tauyao ago naungwa, awiya na magayao tamuwang. Arare na Tuwa Tutu ra hina awiya na seka mitena.20Na ipasaora atu Kristo aungne dema maga yengwa. Heme mite na ewiya oko wata Kristo zo nana mokora mitiya. Tuwa Tutu ra mani tumodidi nasani ang yao nana, aungne mitao nana awiya emo na aratapu nasani nukanu na eno pugaina aungna nona.21NaTuwa Tutu ra hoamao, mono aungne eyare ge awiya oko batagari nena, no eno oko nao ingwangwaing sao tauyao zo soremai patena awiya kristo ra maga yao awiya me aung yatiya.
Chapter 3

1Galesia emo bauno nono yero dau nei. Awe nige gera yetiye? Yesu Kristo ninage diti ra atu ipasao ra dewa awiya hungao oko ara.2Nika ninege nona ka dekaka ewiya zawagairo sepu na nigane. Oweno pumuwa awiya saotauyao ra buro ra ta, bowi ingwaing nigiro tumodiro pumuwi? 3Nige dau neita nowa, Nige buro oweno ra,ingwang yewa awiya nono yeti nige heme buro tangi ra nao ra atu besugari nei?4Nige mou mawere tebe Tamuwita nowa,ayai giro, aung nita nowa? 5Nige oweno zo putoung pugaiti noi Tuwa Tutu ra tani butani ninage somara atu nowita nowa. Arita sao tauyaora putoungra atu nigiro tumo didi nowa aungna putoung ra nowi ?6Abara Tuwa Tutu hingiro taka sena aeno nu eno emo nao ingwang waing nao sena.7Arare emo bowi ingwaing tumodidi nowa aeno Abara ra mani awiso sinowa.8Tuwa Tutura ge emo ewe pape bowi ingwaing tumodiyari neya awiya gosi nasani giro Abara eno bowi ingwang mena'' Yazo nina ungna atu emo dubu sero o ge sero miteya awiya zamena simena tapu nowa. 9Arare emo bowi ingwaing tumodidi nowa awiya Abara aune dema zamena simena tapu nowa, no eno, Abara awiya tumodiyao ra maung.10Sao tauyao ago nowa awiya mou tamari neya, Noeno oko, ge eyero gayao mitiya, ''Emo awe sao tauyao ge atu gaewa mitiya awiya teng oko ago nari niya awiya nu tamari niya.11Sao tauyao zo oko emo soremai Tuwa Tutu ra hina bamari neya aung ara,noeno oko tumodiyao re nasani nowa ami nona me ara.12Sao tauyao awiya Tumodiyao oko ara, ''Emo sao tauyao ago nasani giro saotauyao apakana teng ago yaesa.13Kristo nuka nune name sao tauyao ra bunao ra atu pungna. Meko naname nune diungna, arare ge eyero gayao mitiya, emo ipasao ra atu maganowa awiya mou dipunowa. 14Yesu Kristo ayero yena, Abara ra gao baung emo ewe pape ra hina yena, Arare tumodidi nasani oweno ra sao wosewa awiya pari nename ara.15Otao mani, emo ra nao ra atu pugairo sari nena, emo ge no didinowa awiya tau noiya,dadawa oko nowa. Ge no didinowa awiya ayero mitoiya.16Ge wowosewa Abara aungne awe sai nuna niye aeno sena. Saisibuna dubure eno oko siniya, aung ara, dekaka eno sena, aungne Kristo sai ninage aungne aeno sena.17Na noeno sineni awiya era: Sao tauyao dawang 430 aung yenu aungna bautara pugaina ami oko Tuwa Tutu ra sao no sero Dina awiya oko gera yena.18Sao tauyao ra atu nao paese satiya awiya ge wowosewa ra putoung aung yatiya. Arata Tuwa Tutu mena Abara eno ge wowosewa awiya pugaina.19 Sao tauyao awiya susuwa noeno kasa yene? Sususwa era, nao meko mako mitaungna aeno pugai ago nasani naya, Abara ra sai kasa yaise sena, sao tauyao awiya emo ge diyayao ami angelo eno pugainu, emo eno pugaiwa.20Emo ge diya yao awiya tuwa Tutu nukanu ara.21Tuwa Tutu ra ge wowosewa awiya sao tauyao zo gera yarinita ? Aung nibaung ara . sao tauyao zo nao pugaiti niya awiya nao ingwangwaing kakawaing awiya saotauyao zo yai kasa yatiya.22Arata Tuwa tutu ra ge zo nona apakana pasena re tairo dowena. Ayenu aungne bowi, ingwaing tumodiyao kasaye daung gaina.23Tumodiyao oko kasayaore name mena sao tauyao ra bunao ra mitaung wang me, Tumo diyao ame kasa yena.24Arare sao tauyao zo name humo nasani mitaungnu aungne Kristo bungna. Ayenu ami tumodiyao naname soreungna .25Heme name bowi ingwaing Tumodidi nasani sao tauyao ra hese oko mitename. 26Nige Yesu Kristo tumodidi nowa aeno gege nige heme awiya Tuwa Tutu ra mani awiso ara.27Arare nige dubu baina mena ge ou suwero Yesu pungno nu aungne dema miteya ara. 28Ora Juda emo ta, Grik emo ta, mani sosou ta, emo bunaore ta, bunao aung ta, emo ewe bauno ewe, awiya aung ara, Yesu Kristo ra hina awiya nige apakana dubu dekaka gege ara. 29Arare nige apakana Kristo ra, nige Abara ra saisibuna ara, sao wowosewa aungna me pari neya.
Chapter 4

1 Mani awiya uwazawa apakana aungna maung wata be nu mani maingko mitiya awiya nu soumani ine yariniya, saineba, nune zo nona ra maung wata. 2Arata diya yao maung zo diya nai be nuna nuka nune uwazawa awiya diya yao teng yai giro maung nuna zo sai putong apakana nu eno pugari neya ara.3Be name mani mamanikaka mitoname awiya name yawayawa beraung giti aungna mokora atu mitoname. 4Arare Tuwa Tutu mani nuna bauno zora mokora atu kasayaise sena awiya mena me ina.5Name sao tauyao ra bunaora atu mitaung wangme nu bungno name pungnu name mani awiso nuna yewangme.6Tuwa Tutu zo name mani awiso nuna senare aeno mani nuna ungna oweno iyengtinu hosiro naname mokora atu mitasani, " Abba, mama, asinoiya." 7Arare ni heme soumani oko yero mitesa, ni heme Tuwa Tutu ra mani nibaung yero mitesa. Ni mani yazo pungno mitesa ami siniya awiya ni Tuwa Tutu ra uwazawa awiya maung tesa aniya.8Arata be aungne nige Tuwa Tutu ra putoung oko gao ware nige tangi eungna putoung beraung giti aungna bunao ra mitauwa. 9Tuwa Tutu nige mena pungnu nuna yewa deka ayero nige Tuwa Tutura putong gigiwa.Arare nige no eno nupe kapete mekora gari sero nei? Nige sou buro nupe zayero yari aratapu neita ?10 Nige no eno ino arasa re aungne dawang seka bowi nasani nei? 11Na awang nena, nete buro nana nige aungne yengwang awiya me aung yaniya.12Otao mani nana na moko nana nibaung aungne nige atata nena, na nige ine yero nena re nige deka ayero na ine yero neungpu. Nige na eno meko zo oko nowa. 13Na taung piti ra yangyang ra mitawe ingwaing yero aeno,bowi zayao nige eno sinena. 14Be na yangyangra mitiwang nige na oko doro bamuwa, Nige beraung nana awiya Tuwa Tutu ra angelo ta Yesura gaine yero na eno yowe mawe sero na pumuwa.15Ora zamena simena ninage, heme naiye? Na geme nibaung nige eno sinena, nige kara gaya teng yai giro, ditimoko ninage Jokero na eno pugaipu. Nona ena gigiwang awiya kere daung gaitinena.16Na geme sinena aeno nige na gosineya iwo ninage nenita?17Ago tonzi sero nige daigari neita sero neya awiya ingwaing ara, ago nige gaze daung gaitineya. Ayaya nige ago eno Tonzi saese yari neya.18Susuwa ingwaing eno Tonzi sao ami zo ingwaing ara. Be na nige augne dema mitena aungne gege oko.19Mani awiso nana, na Kristo ninage moko ra atu zayero kasa yaise, susuwa aeno na heme yangyang baina kama aiyamono zo wasou yari sero nasani tapunowa aine tapu nasani mitena. 20Na nige aungne mitatena awiya na ge maikoka ingwang nige eno satena. Na nige eno hoamao baina nibaung tapu nena, arata na nige nono yero sorema teni.21Nige sao tauya ra hese mitari aratapu nowa, arata nige sao tauyao oko nigiro ago nowa.22Ge gitau gaewa mitoiya ami eyero siniya. Abara ra mani emodi eto ara, zo sou baunora, zozo aro nuna nibaung aungra. 23Mani sou bauno ra awiya taungra ara. Tuwa Tutu ra sao ago yero, Abara ra aro nibaung aungna atu mani zo kasa yena.24Bauno Eto eungna unge awiya Tuwa Tutu sao tauyao eto sena awiya ago nasani nona zo agore kasa yariniya auna etotoma ge ara . Etotoma eto aungna zo awiya era bauno zo awiya agi sinai aungna atu mani awiso pungna. Mani awiso nuna awiya soumani gege yero nowa. Bauno aungna yazo nuna hagar.25Hagar awiya agi sinai, Arabia Tangi aungna etotoma, nupe etotoma Jerusalem heme mitiya aungna yena ara. No eno oko wata, Nu awisore awiya sou mani ra buro nauwa.26Arata Jerusalem ika unditira awiya bunao aung ware nu awiya ai naname ara.27Ge zo eyero gaewa mitoiya, "ni bauno awe erodopa i, Ni yawayawa yero yau gaire se. No eno oko na mani paora atu yangyang tapu nona awiya ni oko gigasa. Bauno gera yewa aungna mani awiso nuna awiya zare nuna ikapariya nibaung, Bauno iu re aungna awiso ra zare daigaiti niya."28Arata nige diyao awe Isaac ine i, awiya nige Tuwa Tutu ra geme ra mani awiso ara. 29Be aungne mani taung pitira aratamao ra kasa yena ami mani oweno ra aratamaora kasa yena awiya iwo yena.Nao ayao awiya Heme mitiya.30Arata Tuwa Tutu ra ge no sene? Tuwa Tutu ra ge awiya eyero mitiya. "Bauno sou bauno manire yentipu napo doro bamaeto. No eno oko wata, sou baunora mani aune sou bauno oko auna mani aune awiya uwazawa maungra, bono yero pao teng oko." 31Arare otao mani, name sou bauno ra mani awiso oko, name awiya bauno sou bauno oko auna mani awiso ara.
Chapter 5

1Kristo mena name bunaora atu bese daung gaina. Arare tau yero dopepu. Nika nige nata nupe oko pu bunao mokora gaipu. 2Na Pol zo nige eno sinena awiya era, Nika ninege arataung ro taung tata kapaya giro Kristo nai ena taungro, Nige soremao awiya aung niya ara.3Na nupe sinena, Emo awe ara taungno taung tata kapero giro sao tauyao apakana ago yaise.4Ni awiya nika nine nata gausero kristo bata gairo ni ewe dopi nesa, sao tauyao zo ni eno ge me sariniya, nupe ni deka awiyaTuwa ra Hoamao mokora oko mitesa.5Tumodiyao re oweno ra soremao ra yaya tapu nasani etetero nao ra kotumao ingwaing awiya diya mitaneme.6Yesu Kristo ra hina, awiya nige nami taung tata kapeteita oko kapeteya ami me oko niya, arata tumodiyao aungne hina aratamao ami tairo ingwaing kasa yariniya.7Nige ingwaing supuneya ara. Ora awe nige geme ago yao gaziniye? 8Emo nige yau siniya ami oko nige Tuni niya.9Yist ka maiko kaka ami ame igiyao awiya noi titi sero baina noiya.10Tuwa ra hina na dubo eto oko nena, arare nige kotung katung oko yepu. Nu emo awe nige sisigaiti niya awiya, nao niya aungna me nuna pari niya.11Otao mani, na taung tata kapao ra ge saogege sinana giro, susuwa no eno na iwo yao gege nei? Ayai giro ipasao ra mou awiya aung yaise.12 Ora ago dubu nige sisigaiti neya ami zo aka ago kora yero ingwaing yaese.13Nige awiya yause teya, besao kakame atu miteya ara otao mani. Arata otao mani besao toto ninage ewiya pasena nao eno oko pugaipu, nige zoma hina soreung nasani, nupe hina aratapu nasani neungpu. 14Sao tauya apakana awiya ge dekaka zo horiniya. Nige apakana nika nige nata aratapu nowa, deka ayero otao mani ninage aratungpu. 15Arata nige be apakana otao mani gera gaira nasani, hina kasu nasani oko neungpu. Nige giro baingtiti nasani neungpu, nige nete otao mani apakana gera yaneya.16Arata na eyero sinena, angyao ninage awiya ititi ra ang yepu, anari neya ami zo nige aratamao pasena taung eungna awiya oko diungno nari neya.
18Arata nige Oweno zo gitau nai narineya awiya nige sao tauyao ra hese oko miteya ara.19Pasena taung eungna buro nuna noiya aungna susuwa nuna eyero ganame kasa yariniya: kuma hungai nowa, etetero oko nowa, nao ena mega magare nowa,20nona ena naore oko tebe ititi gege ge aung, awiya Tuwa Tutu ine yero bowi nowa, do-o nowa, otao mani oko aratapu nowa, mitao sisigaiti nowa, Tonzi sina sani nowa, hinase nasani nowa, depo nowa, otao mani moko mini nowa hinase nowa, hina kasu yero nowa,21dubo ra pasena nowa, ou miniro dau nowa, dau nasani ge-e beraung giti sinowa, egege oko nao memeko ena miteya. Na nige eno eyero sinena, na gitau nige eno mena sengwang nigiwa, mani awe nao eyao nasani noiya nu awiya nao masi Tuwa Tutu ra oko pariniya.22Arata Oweno ra nao aungna me awiya era. Aratamao, yawa yawa, mono, etetero nao, baya yao, nao ingwangwaing, tumodiyao,23eyare ge, nika ni nata diya nasani etetero nao, Oweno ra nao ewiya sao tauyao zozo gazao teng oko.24Mani dubu nami Yesu Kristo aungne dema nowa awiya, pasena ra nao aungne, aratamao agera aungne, yawayawa agera aungne, awiya mena ipasaora atu dewa maga yewa.25Arare name oweno aungne dema mitename ayai giro, name deka Oweno ra nai ra atu etetero ang yaneme.26Name nete taung puro hititi nasani, Naka name etegaiti nasani nanename, name otao mani moura oko puganeme, Anasani hina tonzi oko saneme.
Chapter 6

1Otao mani. Mani zo nu pasena ena yai tauno giro, Ni awe Oweno ni aungne mitoia ni ami nu kora yero pungno Oweno iwaing ra pugai. Nika ni nata giro baingtiti nasani neung. Nete ni etegaora toyose. 2Otao mani ra mou hina dipu nasani Kristo ra sao tauya sena awiya yepu me yae.3Mani zo nuka nu nata po hititi noiya arata nu awiya moko aung ara, mani awiya nuka nu nata gera noiya. 4Nuka nu nata nao nuna gai kasayari niya. Anasani oungne taung po hitaora nao awiya nuka nuna mokora atu gege mitari niya, mani enara hina oko. 5Emo bauno apakana awiya mou mawere aka agera dimari neya.6Emo awe Tuwara ge ni eno pugai giro, zamena simena nina nu soreung.7Emora ge aungne, kotumao ge hiwao aungne, awiya tumo diro ago yaneya, Tuwa awiya nu ge hiwao oko, emo zo nu nona no urari niya nu nona aungna me gege pari niya.8Emo awe nao nuna aungna atu pasena samo dedu nari niya, awiya nu agore mou meko dimari niya. Emo zo nu oweno re mitiya, nu ami nao mitao gege mitao awiya gari niya.9Name nao wowosewa oko bereyare yaneme, katagao be zo ingwaing mitia, name aungna dopari nename, aeno name.bereyare oko naneme.
11Imagi babuze nago nana yero nige eno gainena ewiya gipu.12Emo dubu taung tata simari aeno gege, taung ninage aungna tata kapari sineya. Aka ago hung gero Kristora yazora mou oko dimari neya ayero niya.13Emo dubu taung tata agera oko kapao wata, ago Tuwa Tutura sao tauyao ago yero baingtiti nowa, ora nige taung tata ninage kapaese sineya awiya taung ninage gege bowi yari sineya.14Nakana oko pungno hititi nona ta yesu kristo baina aeno gege sinona, no eno oko emo baungno apakana ipasao eungna maga newa na deka ayero maga yewang.15Na taung tata kapaota oko kapao ami nona zo oko niya, arata nona me awiya na emo seka pewayao.16Nu awe gabu eungna atu mitiya awiya mono dubo ingwaing nige aungne Tuwa Tutu ra emo dubu Isirae aungne mitaise.17Heme etu emo zozo na oko gerayari niya,no eno oko, yesura enza iso awiya taung nana aungna tame atu mitiya.18Yesu kristo ra dubo bayao ami oweno ninage aungne mitaise. Iyo geme.

Colossians

Chapter 1

1Na Pol, na Yesu Kristo ra aposol, Tuwa Tutu aratamao nuka nuna gege ago yero, na gipenu na aposol nuna yewang, naneto yao naname Timoti to, 2nige Tuwa Tutu ra emo bauno Kolosi atu, Kristo tumodidi nasani mitowa, aeno imagi ewiya nenato. Tuwa Tutu mono nuna, nige eno didiye gaiti nai, moko ninage bisi bisi sero mitaise. 3Be apakana nato isa sinasani, isa nanato aungna mokora, nato nige kotupu nasani, Tuwa Tutu eno dange sinonato, nu awiya Tuwa naname Yesu Kristo ra maung ara.4Nige Yesu Kristo tumodiro neya aungne, nupe nige Tuwa Tutu ra emo bauno gerao dubu nuna, awiya aratapu nasani neya, aungna bowi awiya mena bumi nato nigenato ara. 5Aratamao awiya nige aungne mitiya aungna susuwa awiya, nige Tuwa Tutu unditi ra atu nona no nige eno korama kora yenu mitoiya, aeno nige gehera neya. Nona aungna bowi awiya nige, geme ra bowi ingwaing, 6kasaye ninage hina yena, aungna atu nigiwa ara. Bowi ingwaing awiya, me iti nasani tangi zinono yao eungna atu babi niya ara. Ninage hina deka ayero kasa yena, nige gitau zayaore Tuwa Tutu ra hoamao aungna geme, awiya nigiro denewa ara.7Epapras awiya yao nanage, nupe nu awiya buro otao nanage, nupe nu awiya Kristo ra buro mani ingwaing nibaung zo ara, nu ami be nanage pungno bowi ingwaing ewiya nige gipena. 8Dang Oweno zo nige eno hina aratamao nao awiya pugai, nige Tuwa Tutu ra emo bauno aratapu nasani neya, Epapras bowi awiya puro bungno nanato hina tiya.9Aratamao nao ninage aungna bowi nigiro, be aungne zayero, nato nige eno isa duwao aung, isa sao gege sinonato. Tuwa denao nuna aungna nigao aungne, kotumao ingwaing nuna aungne, Oweno nao ra zawagao ingwaing, awiya pugai ninage mokora bebumaise, nato nu atata nasani isa sinonato ara. 10Nige nao ingwaing gabu ra atu ang naya, Tuwa nao ingwaing ninage aeno yawa yawa yaise nato Tuwa eno isa ayero sinonato ara. Nige buro ingwang waing naya, buro aungna me kasanai, nige Tuwa Tutu ra nigao moko ra bayaese, aeno nato Tuwa eno isa sinonato ara.11Nato isa eyero sinonato ara, Tuwa Tutu ra putoung ingwaing nuna baina kama, ami nige eno putoung beraung giti pugai, nige putong aungna atu dopero tau yero mou mawe apakana awiya dipu nasani, dubo mono re mou mawe awiya besugao ra be diya mitari neya. 12Ayero yai nige yawa yawa re mama eno dange sari neya, nu ami nige soreungnu, nige heme tumodiyao emo bauno nuna waegao nuna aungna moko ra nowa, aungne dema tairo, nona ingwang waing korama kora niya awiya pari neya. Nato nige eno, isa ayero sinasani Tuwa atata nonato ara.13Name mume ra putoung ra hese mitauwa, nu name pungno, mani nuna arataungno baingtiti noiya, aungna waegao ra pugaina. 14Tuwa Tutu ra mani ami, name meko ra atu zuma gaero pungno, pasena naname apakana nuwe gaina.15Tuwa Tutu awiya nu hungao name nu oko gosi nowa, arata mani awiya nu deka maung ine, arare nune maung ra beraung pungno kasa yena. Tuwa Tutu nona apakana yenu kasa yewa aungna gitau mani awiya nu ara. 16Nu Tuwa Tutu aungne tairo nona apakana awiya yenu kasa yena, nona unditi mokora miteya aungne, tangi tame miteya aungne, nona name gosi nowa aungne, nona name oko gosi nowa apakana, arita nupe angelo dubu putoungre arita, oweno beraung giti putoungre arita, taung ra diya yazo ikapariya puro nowa aungne,nona apakana awiya nune yena. 17Arare nona apakana awiya nuna gege ara.18Nu awiya dang garo ra ziyo ara, ani dang garo awiya taung nuna niya. Magayao ra atu iropuro seka yao aungna gitau mani awiya nu ara, arare nona apakana aungna gitauyao awiya, nu gege ara. 19Tuwa Tutu ra nao zo mani aungna moko ra atu bebaise arataungna, arare, mani aungna moko awiya Tuwa Tutu zo teng yena, 20Tuwa Tutu mani nuna aungna hu ipasao ra hosina, ami name mono pungna. Name Tuwa Tutu ra iwo yero mitauwa awiya, mani nuna aungna magayao ami name aungne, nupe nona apakana tangi tame, arita unditi moko ra, awiya tainu dubo dekaka kasa yena.21Gitau, kotumao ninage awiya, Tuwa Tutu aungne iwo yero mitasani nige nao memeko daigairo nasani mitauwa. 22Arata heme awiya, Yesu ra magayao taung piti ra ami yenu, nige Tuwa Tutu aungne dubo dekaka yewa ara. Nu ayero yai nige hisipatao ge aung, nige dang yero nuna beraung ra mitaese yena, 23arare nige tumodiyao ra dopero tau yepu, nete nona ena zo nige unumai, nige bowi ge mena nigiro tumodiro nowa awiya doro akepari yaneya. Na Pol, na bowi ge aungna sou mani yero, nage bowi ge awiya tangi eungna emo bauno apakana aeno sinasani nonage ara.24Na heme nige sorepu nasani mou mawe tapu nena, aeno na yawa yawa nena, na Kristo ra dang garo soremari sero nena, dang garo awiya nuka nu Kristo ra taung ara. Yang yang Kristo zo dang garo nuna soremari sero taungna awiya oko besugao mitiya, arare taung nana aungna yang yang no tapu nena awiya, yang yang Kristo zo taungna aungna ambeyang tapu nena 25Na dang garo aungna sou mani ara, Tuwa Tutu denao nuna ago yero na eno buro ge awiya pugainu, na nige sorepu nasani, Tuwa Tutu ra bowi ge awiya sinona ara. 26Gitau gatau otu, geme ewiya hungao mitaungnu owa ewowo naname ge ewiya oko nigiro zawa gaiti nauwa. Arata heme ge hungao awiya kasaye daung gai, Tuwa ra tumodiyao emo bauno giro, nigiro zawa geya ara. 27Tuwa Tutu denao nuna gege ago nasani, name dubu nuna eno, ge hungao awiya besero pu kakame gaiya era, nu ayero yai name diga moko ra atu, ge hungao eungna zamena simena awiya ganame kasa yaise yena. Ge hungao awiya era, Kristo awiya ninage moko ra atu mitiya, nu awiya unditi ra zamena simena apakana aungna iti, arare nige nu diya mitaya nu bungno nige puro bamai nige nu aungne dema unditi ra simao awiya pari neya.28Nage Kristo ra bowi awiya emo bauno eno tugata nasani, nage kotumao ingwaing re ago gipiti nonage, anasani, nage gazao ge tau yetuga ago eno sinonage, ago suwao gabu ra dopero tauyaya, nage ago puro bung Kristo ra hina yari nenage. 29Arare Kristo nuka nune na eno putoung pugaiti noi, na buro baina nibaung nona.
Chapter 2

1Nige gaya zawagari niya awiya, na nige eno taung baina nibaung dedu nona, ago dubu Laodesiya napo baina ra mitowa aungne, nupe dubu baina ena beraung nana oko gao aeno taung dedu nona ara. 2Na buro ayero nona ami moko agera dong doti nasani, ago taiti noi hina aratao gabu ra nasani, nupe Tuwa Tutu ra geme hungao awiya gaya zawagaise, na aeno buro tauya nona, geme nuna hungao awiya Kristo ara. 3 Wau au nuna aungna atu hungao mitoiya, deka ayero, nigao ingwaing aungne kotumao ingwang waing apakana awiya, Kristo ra moko ra atu hungero mitowa ara.4Mani zozo bungno nige etegairo, nupe nige unung mowese, aeno na ge ewiya sinena. 5Na nige aungne dema oko mitena, arata Oweno ra mokora awiya, na nige aungne dema mitena ayero gipu zawagae. Nige buro etetero neya, nupe Kristo tumodiyao ra putoung neya, aeno na yawa yawa baina kama nena.6Nige Tuwa Kristo mena pumuwa, arare nige nu aungne dema tairo ang yepu. 7Nige nuna hina atu tai gaero babi nasani, nupe, nu ziwong tauya ninage yai nige nuna tame atu dopepu, bowi ingwaing mena tugata yewa nige nigiwa, awiya ago nasani, tumodiyao ra dopero tau yepu, ayero nasani, be apakana nige Tuwa eno dange sina sani neungpu.8Emo ena tangi eungna ewowo nigao gehiwao, me aung, awiya puro bungno nige etegari neya, aeno nige diti ake nasani neungpu. Nigao ayao awiya Kristo ra nao otao oko noiya, nigao awiya tangi nao gege otao noiya ara. 9Kristo awiya tangi taung puro kasa yena, arata Tuwa Tutu ra nao apakana awiya nuna tame atu mitoiya.10Nige awiya gerao dubu nuna ware nu ninage mokora atu be bungno mitoiya. Nona putoung re apakana mitowa aungna gitau yao awiya nu gege ara. 11Taung tata kapao ra gabu ra atu nige nu aungne tairo baingtiwa, nao awiya taung piti ra nao oko ara, Kristo ra nao ingwaing ra atu name nao memeko agogowa awiya tunewa. Taung tata kapao me awiya ara. 12Nige ge ou susunewa be awiya nige Kristo aungne taka sewa, Tuwa Tutu nige Kristo aungne dema bingditi ra atu gowena, ayenu nige Tuwa Tutu Kristo magayao ra atu uwenu seka yena, awiya tumodiro nige ge ou susu newa be aungne, Tuwa Tutu nige Kristo aungne dema uwenu seka yero iropumuwa ara.13Gitau nige dubo agowa ra nao memeko awiya ago nasani nupe nao beraung giti nauwa ami nige denu maga yewa, arata Tuwa Tutu pasena naname awiya nuwe gaiti nasani name soreungnu, name Kristo aungne dema nao pumuwa. 14Sao tauyao zo pasena naname gipenu, name nuna beraung ra ambeyang re mitauwa, awiya apakana disena. Pasena naname awiya apakana puro hitiro ipasao ra atu dena. 15Nu oweno memeko aungna putoung re, nupe nona apakana aungna putoung awiya besugaina. Tuwa Tutu nona putoung re apakana awiya hingza yenu ago putoung aung yewa, ayero ipasao ra atu emo apakana awiya gipena.16Arare mani zozo nige eno hisipatao ge eyero oko saise, nige sao tauyao minao ra ta, ou ra ta, bowiyao wari babuze ra ta, ino seka kasayao ra ta, Sabat wari ra awiya oko ago neya ayero oko saise.17Nona apakana ewiya agore kasa yari niya aungna ititi gege ara, arata nona me awiya Kristo ara.18Emo ena nona atiyo re giro, ni nikani puro hosisi nasani angelo dubu bowi yasese saya, ge agera eno dago oko hawe. Emo ayetugao ami kotupu nowa awiya, ago nigao ingwaing ago nowita sero nowa, arata ago awiya nao agowa ra mitowa. 19Anasani, ago Kristo zio naname awiya oko hingiro baingtiro nowa. Zio ami taung apakana aeno minao pugaiti noi, hetu ra susumao aungne huro re apakana hingiti noi ingwaing mitasani, Tuwa Tutu ra putoung ra babinowa.20Nao memeko ninage aungne, tangi eungna putoung aungne, awiya mena Kristo aungne maga yena. Arare nige susuwa noeno, tangi eungna sao tauyao eyetugao awiya ago nei? 21"Ni oko hingi, ni oko mini, ni oko kiriung" 22Name nao eyetugao ago yaname me kasa yaise sinowa, arata nona aungna me oko kasa noiya, no eno oko, denao awiya tangi emora sao aungne gipao gege. 23 Mani ena zo eyero sinowa: Sao tauyao ewiya kotumao ingwaing re butu niya, arare sao tauyao emi moko naname uwinai name bowiyao ra nasani, moko naname puro hosisi nasani, nupe taung naname kokoni nariniya, ayero sinowa. Arata sao tauyao emi name soreungno nao memeko agowa name aungne mitoiya awiya disao teng oko ara.
Chapter 3

1Tuwa Tutu nige mena uwenu seka yero Kristo aungne dema iropumuwa ara, Kristo nu heme ewiya Tuwa Tutu ra nago me ra atu adumao masi nuna simaore aungna atu adungno mitiya, arare dubo kotumao re ninage apakana nu aungne dema masi ika aungna atu mitaise. 2Dubo kotumaore ninage apakana nona ika atu mitiya aeno pugaipu, tangi eungna nona eno dubo kotumao re ninage oko pugaipu. 3No eno oko, nige mena magayewa, nao ninage awiya Kristo aungne hungero Tuwa Tutu aungne dema mitiya. 4Kristo awiya nao ninage aungna susuwa ware, be nu kasaye kakame gaiti nari niya awiya, nige nu aungne dema Tuwa Tutu ra simao aungne waegao zengyang zengyangre aungna kasa yari neya.5Tangi eungna nao memeko ninage mokora mitowa, awiya apakana depu mamagayae, nao eyetugao eno sinena, kuma nao, nao beingtire, moko iropai nao memeko yao, kotumao memeko, depo nao, aungne otao mani ra nona eno dubo dubo yao, dubo dubo yao, nao awiya deka tuwa gehiwao bowi nowa aine ara. 6Tuwa Tutu ra dubo meko emo ge dedunasani nao memeko nowa, aungna mani awiso emodidi ra hina kasa yari niya.7Nige deka gitau emo dubu aungne dema tairo nasani, nao memeko awiya nauwa. 8Arata nige heme nao memeko ewiya apakana tunepu ba ake yae, nao eyetugao eno sinena, ge memeko sao, dubo meko yao, nupe ge memeko beingtiya, ninage bera atu kasa noiya awiya yore dopu.9Nige otao mani oko etegaipu, nige emo agowa aungne nao nuna aungne awiya mena kosogairo augeya, 10 heme ewiya nige emo seka hosogairo, nigao sekare, emo awe nige yenu kasa yewa, aungna beraung puro miteya. 11Arare heme ewiya ni Grik na Juda awiya aung, ni tata kapao na tata oko kapao awiya aung, nige ewe na ge ewe, awiya aung, ni gutu ewe na gutu ewe awiya aung, ni sou mani na emo besao awiya aung, name apakana awiya Kristo ra gege, Kristo nuka nune name apakana aungna moko ra mitiya.12Tuwa Tutu nige arataungno baingtiti nasani, nige awiya gerao dubu nuna sero nige mena zangyang yena. Arare taung ninage dang mitai, otao gamao aratapu nasani, monore, dubo bayaore, nika nige po hosisi nasani, moko bisisao re, nao ingwang waing eungna mokora mitiungpu. 13Hina aratamao gabu ra dopero, otao gamao samo dedunasani ago sou yepu. Mani zo otao nuna aungna nao ena giro tori dedunai giro, Tuwa pasena nuna nuwegaina, deka ayero nu otao ra pasena nuwegaise. 14Nao ingwang waing narineya aungna mokora, hina aratamao nao awiya dema mitaise, noeno oko, hina aratamao nao ami, nao apakana awiya taiti noi adumao ingwaing kasa noiya.15Kristo ra mono ami, moko ninage diya naise. Mono aeno gege nige yau senu, nige apakana taung dekaka ra moko ra miteya. Aeno dange sepu. 16Kristo ra ge awiya dopu ninage mokora atu adungno zamena simena yae. Kotumao ingwaing re otao gamao ede pode sinasani, ititi ra yere birere sepu. Moko re nibaung Tuwa Tutu eno dange sinasani yere gaungpu.17Nao no neita, ge bera no sineya, apakana awiya Tuwa Yesu ra yazo ra yepu. Yazo nuna aungna atu, Tuwa Tutu Mama naname aeno dange sepu.18Asi, nige ibono ninage samodedu nasani, agera hese mitiungpu, nao ami Tuwa ra beraung ra ka-ara niya. 19Ibono, nige asi ninage aratapu nasani, ago eno nao memeko oko yepu. 20Mani awiso, nona apakana nari neya aungna mokora, ai maung ninage aungna ge dipu nasani neungpu, Tuwa ra beraungra nao ami ingwaing niya.21Mamono, nao ninage aungne ge ninage, ami awiso ninage aungna moko oko gera yepu.22Sosou dubu, taung ra diya ninage samodedu nasani,buro apakana awiya kora yero yepu, diya ra ditira atu buro kora yero naya mani ena zo giro nige paso diyaese oko yari neya, nige dubore nibaung buro awiya kora yero yepu. Nige Tuwa angwang nasani buro yepu. 23Nige buro no nasani giro, ititi ra buro Tuwa eno nowa, deka ayero dubore nibaung yepu, tangi emo eno nowa, aine oko yepu. 24Eyero gipu zawagae, maung ra uwazawa no awiya mani zo paise sao mitoiya, awiya Tuwa zo nige eno pugai pari neya. Samodao buro neya awiya, Kristo Tuwa naname aeno neya,ayero gipu zawagae.25Mani nami nao memeko neya, awiya ago nao memeko agera neya aungna zuma pari neya, zo eno ingwaing nasani, zo eno meko yao awiya oko mitiya.
Chapter 4

1Nige emo diya sao, nige eyero gipu, diya baina ika unditira atu mitasani nige gosi niya, ayero kotupu nasani, sosou dubu ninage, awiya kora yero zuma agera no paese sao, awiya teng pugaipu.2Diti ake nasani, tau yero dopero isa buro neungpu. 3Nige apakana tairo nage eno isa sinaya, Tuwa Tutu nai be apai, Kristo ra geme hungao awiya saya kasa daung yae. Bowi ge aeno na bunewa ara. 4Bowi ge awiya sana kasaye daung gaise kotupu nena, arare na eno isa sepu.5Emo dubu Tuwa ra ge doro akepari yero miteya aungne dema nasani giro, kotumao ingwaing re, nao ingwaing re nasani, Kristora nao ingwaing ago eno gipepu. 6Be apakana nige mono ge sinasani neungpu. Be ninage aungna ge awiya, megeya gege kasa nai, mani nigari aratapu naese. Emo nige eno ge saya giro, kotungno baingtiro ge ambeyang sepu.7Na etu buro nena aungna ge unge apakana awiya, Tikikus zo nige eno sai nigari neya. Tikikus awiya yao naname, nupe buro otao naname nibaung ara, nu awiya Tuwa ra sou mani ingwaing zo ara. 8Na Tikikus yengtena butuniya aungna susuwa ka awiya era, nage etu mitenage aungna zawagao nige eno yero, nupe nige dongdotao ge ena sari niya. 9Na Onesimus yengtena Tikikus to dema butuniya, nu awiya yao naname ingwaing nibaung zo ara, nupe nu deka awiya, ge dema ninage ara. Buro etu nenage aungna ge unge apakana awiya, agoto eto emi nige eno sayato nigari neya.10Aristakus bunao otao nana, ami nige arugaiti niya, Mak dema nige arugaiti niya, Mak awiya banabas ra zo ara. Bao nuna aeno na mena gitau nige zawagaiwang, arare nu bai giro,gabu ingwaing ra yawa yawa re nu pungpu.11Yesu yazo nuna zo Jastus, dema nige arugaiti niya. Ago Yuda dubu aungna mokora, ago dubu ka emi Tuwa Tutu ra ge bayaise na sorepu nowa.12Epafras nige arugaiti niya. nu awiya ge dema ninage, nupe nu awiya Yesu Kristo ra buro mani. Nige putoung yero suwao ra gabu ra dopero, Tuwa Tutu ra nao ingwaing aungne, aratamao nuna, aungna susuwa sasuwa gaya zawa gaise, nu be apakana nige eno isa buro noiya. 13Nane gosinona, nu nige aungne, ago dubu Laodisia atu miteya aungne, nupe ago dubu Hierapolis atu miteya aungne, nige dubu aeno buro baina kama noiya. 14Yangyang mani kora nao emo Luk, nage nu arataungno baingtiti nonage, nu aungne, Demas aungne, agoto ami nige arugaiti neyato.15Arugao ge nana ewiya susungpu baungno diyao napo baina Laodisiya atu miteya, aungna hina nai, nupe susungpu ba Nimpa aungne, suwao dubu nuna gare mitowa aungna hina yae. 16Imagi nana ewiya ninage mokora atu zaza gairo nigiro, nupe yengtipu ba suwao dubu Laodisiya napo baina ra miteya aungna hina yai ago zaza gairo nigae, imagi nana zo mena yengtena bo Laodisiya atu mitiya, awiya nige puro zaza gairo nigipu. 17Akipus eno ge eyero sepu nigae,"Ni Tuwa ra buro no pesa, buro awiya kora yero samo dedu nasani, buro awiya yero baingti."18Na Pol, naka nane nago nana zo nige arugao imagi ewiya gainena. Na bunao gare miti gege nenare, nige na kotupu nasani mitiungpu. Tuwa Tutu ra mono nige aungne mitaise.

1 Timothy

Chapter 1

1Na Pol, na Tuwa Tutu sorao emo naname aungne, Yesu Kristo putong naname, aungna denao ra atu Yesu Kristo ra aposel yewang. 2Na imagi ewiya gae Timoti ra hina nena, tumodiyao gabu ra awiya ni mani nana nibaung. Tutu Mama naname aungne, Yesu Kristo Tuwa naname aungna, hoamao, aungne mono, aungne eyare ge, ami ni aungne mitaise.3Be na baung Masedoniya yari sero nasani, ni eno ge no sewang nigasa, ge kewa awiya nupe sinena, ni Epesas nape atu mitasani, emo ena aeno ge tauyao nibaung se, be ago emo bauno eno Tuwa ra bowi gipiti nasani giro, gehiwao nigao agera ena awiya, emo bauno eno oko gipaese. 4Ago unge tebetabe awiya didi nasani, bata mani agera aungna yazo ra unge gehiwao didi neya, nao awiya yore nibaung duwaese, unge ayetugao awiya kotumao agera sisigao ra unge gege ara. Unge ami ago soremai Tuwa Tutu tumodidi nasani, nupe ago eno no yari sena, awiya ago oko zawagari neya.5Arare, heme sao tauyao ra me awiya, name kotumao ingwaing re mitasani, nupe moko naname pewa yero mitai, name otao mani aratapu nasani, name tumodiyao ingwaing re naneme. 6Mani ena gabu ewiya asoko yero, nao ingwaing bauta potero, ago dau mani ine yero, dau ge tebe tabe sinasani neya. 7Ago dubu awiya, Tuwa Tutu ra sao tauyao ra gipao mamono yari aratapu nowa, arata ago ge no sinowi aungna zawagao agera hina aung, ago tebe tau nowa. 8Arata name gari nename awiya, mani zo nu sao tauyao etetero ago yari niya, awiya nu gariniya, sao tauyao awiya nona ingwaing ara.9Name gari nename awiya, sao tauyao awiya mani ingwang waing eno oko pugaiwa, sao tauyao awiya zoma, mani sao tauyao daigaiti nasani ziyo hititi nowa, mani kotumao ingwaing aung, pasena gege nasani Tuwa bauta potero nowa, mani aiyamono mamomo dewa magayewa, mani butu dedunowa, 10mani kuma nowa, emo emore kuma nowa,bauno baunore kuma nowa, mani soumani hungai pupunowa,gehiwao mani, mani gehiwao ge dongdoti nowa, aungne nao nomi Tuwa ra ge aungne iwo niya, sao tauyao awiya aeno pugaiwa. 11Tinawiya ge ewiya deka Tuwa ra bowige na eno pugainu na tugata nona aine ara.12Na Tuwa naname Yesu Kristo eno dange sinena. Nu gigina awiya na buro awiya yao teng, ayero giro na eno putoung pugairo, na pu buro nuna aungna moko ra gaina. 13Gitau awiya na bowi ge nuna ingzao emo, nupe na bowi nuna iwo nao emo nibaung, na bowi nuna eno nao meko mako yewang. Arata nu na eno hoamao gipena, no eno oko, na tumodiyao aung, zawagao aung, mitasani oungne nao meko ayero yewang. 14Arata Tuwa ra mono zo moko nana bebungna, anasani na eno tumodiyao aungne hina aratamao ra nao, Yesu ra hina mitoiya, awiya dema na eno pugaina.15Yesu Kristo hosi tangi eungna yena, awiya name pasena emo bauno sorero pai ingwaing yanemese aeno bungna, pasena mani miteya aungna tame meko nibaung awiya naka na ara. Ge ewiya geme nibaung name apakana ami nigiro tumodiyari nename ami ingwaing niya. 16Susuwa aeno, na eno hoamao gipena, nu ayero yai, otao mani ena nana tame atu giro, nao memeko doro, tumodiyao re nete nao masi paese yena. Yesu kristo deka aodiyao nao nuna name eno gipena. 17Nu awiya Emo Tuwa be aung mitao gege mitoiya, nu oko maganoiya, mani zozo nu oko gigiwa, Tutu awiya nu gege. Yazo bowire, waegao zeyang zeyangre, apakana nuna yaise, be aung. Iyo geme.18Timoti mani nana, na ge tauya nibaung nina beraung ra atu pugaiti nena, gitau otu mena ni eno eniyang ge sewa mitoiya awiya, ni hinade ingwaing yasese sewa, 19arare kotumao ingwaing aungne tumodiyao aungne awiya hingiro tauye. Ora ni ge ewiya oko ago ya bata gari nesa awiya, ni emo ena gitau, tumodiyao agera gera yewa aine yarinesa, ago awiya wang zo boya ra hitiro bezi noiya aine yewa. 20Mani awiya Himenias aungne Aleksenda ine, agoto awiya sanda ra nage pugaiwang, agoto atu hatu taungno oungne agore agoto Tuwa Tutu eno ge meko okosari neyato.
Chapter 2

1Na nige za yero buro eyero yaese aratapu nena, nige isa buro yepu, otao mani eno isa sinasani, nupe emo bauno apakana aeno isa sero Tuwa Tutu eno dange sepu, 2nige tangi eungna emo tuwa apakana aeno isa sinasani, nupe taung ra diya dubu, yazo ikapariya puro name diya nowa, aeno isa dema sepu, ayero narineya amizo, name Tuwa Tutu ra nao inwaing aungna moko ra atu mono re eyare gere mitari nename. 3Tuwa ra beraung ra Isa eyao amizo ingwaing nibaung ara, Tuwa isa eyao aratapu noiya. 4Tuwa ra aratamao nibaung awiya, emo bauno apakana dubo dadawa yero, bo nuna hina yero geme ra susuwa gaya zawa gaise aratapu noiya.5Tuwa Tutu nu dekaka, nupe ai mani deka dekaka gege, Tuwa Tutu mitoi tangi emo mitowa aungna mokora awiya emo dekaka gege zo ai mani yero mitoiya, emo awiya Yesu Kristo ara. Nu ami Tuwa Tutu aungne tangi emo bauno aungne awiya taiti noiya. 6Tuwa Tutu mena giginu mitaungna, be aungna atu Yesu Kristo name apakana aeno taung nuna bayao yero, Tuwa Tutu ra aratamao kere daung gaina. 7Susuwa aeno, Tuwa na taungnu na aposol nuna yero bowi nuna tugata nasani nona. Na geme sinena, na oko gehiwi nena. Na awiya emo diga dubu ra gipao maung, nane ago gipana, geme ra susuwa gaya zawagai ago Yesu Kristo tumodiyaese, aeno na tangna.8Arare emo soma sero miteya, awiya apakana dubo meko doro, ge matu doro, nago po hitiro Tuwa eno isa saese. 9Deka ayero, mani bauno ago taung simao wosewa giro hosogairo, aka ago nata diyayao ra kotumao re naese. Ago oko ziyo ai agera nona beraung giti zo siungno, taung ra simao ena goli zo yao ami taung siungno, nupe wau ena zuma babuze ra awiya duwero, taung simao ena zuma babuze ra awiya hosogairo, taung po hitao re oko naese. Ago Tuwa ra ge ago yari yero giro, nao ingwang waing kaka waing, apakana awiya paya taung simao me agera yai, hosogairo naese.11Bauno, nikani po hosiro, eyare mitasani Tuwa ra ge nigi. 12Na bauno zo, emo ra gitauyao nasani emo eno Tuwa ra bowi gipao awiya gazi nena, bauno ni be tapu dero saing yero, gege nigiti neung.13Tuwa Tutu Ada gitau yero, oungne Ewa ame yena ara. 14Ada zo gitau sanda ra etegao ge oko nigina, aung ara, bauno zo gitau nigiro, nune pasena yena. 15Bauno buro agera awiya, ago mani awiso pupu nasani, nupe ago be apakana Kristo tumdidi nasani, otao mani aratapu nasani, nao ingwaing ago naya giro, Tuwa ago meko ra atu pai kapete gairo bung ingwaing ra yari neya.
Chapter 3

1Ge ewiya ge megege ara: Mani zo nu Tuwa ra buro mani yari yero giro, nu buro ingwang waing gege aratapu naise. 2Mani awiya nu nao ingwaing gege naise, nu nao meko zo oko yai emo bauno gaese, nu awiya bauno dekaka ra iu gege yero mitaise, nu kotumao ingwaing re mitasani,nao ingwaing ago nasani mitao nuna ingwaing mitasani, nu gigi esewa kora yero diya nasani, nu Tuwa ra nao ingwang waing awiya emo bauno eno gipinaise. 3Nu ou miniro dau oko yaise, nu hinade oko yaise, nu zoma, ago eno eyare ge sinasani ago mono pupu naise.4Emo awiya nu garo moko nuna aungne, aro mani awisore nu kora yero diyanao emo yaise, mani awiso nuna ge nuna dipu nasani, nuna hese mitaese. 5Ora emo awiya garo moko nuna ta aro awiso nuna oko kora yero diya nari niya, nu emo ayao, ami nono yero Tuwa ra emo bauno dubu baina ewiya kora yero diya yari niye?6Emo awiya nu suwao seka ta nupe ge nigao seka oko yaise, nu awiya mena Tuwa ra ge ra noiya , nu mani ami buro apaise, ayari niya amizo , nu sanda zo taung po hitari nete zuwero gerayao taungna aoko yari niya. 7Emo bauno bautara miteya aungna beraung ra, nu awiya yazo ingwaing re gege mitaise, ayari niya ami zo, nu mega maga aung, nu sanda ra etegao daigari niya.8Deka ayero, simai dubu ago oko ewawa torato yaese. Ago oko ou haena mini nasani, nupe ago depo oko yaese. 9Ago kotumao ingwaing re, geme tumodiyao ra nao awiya hingiro tauyaese.10Nige bere buro agera humo yero giro baingtiro, oungne sepu ago Tuwa ra buro yae, ayari neya amizo ago hisipatao ge oko pari neya.11Asi agera deka kotumao ingwaing re mitaese, ago bauta ge oko saese, ago adungno baingtiro buro no agera tame mitiya awiya kora yero nasani mitaese. 12Simai nu awiya bauno dekaka ra iu gege yero mitaise, nu aro awiso nuna kora yero diya naise. 13Emo nami Tuwa ra buro pungno, buro awiya kora yero samo dedu nowa, ago awiya yazo ingwaing re mitowa, anasani ago tumodiyao agera Yesu Kristo ra hina mitoiya awiya gere gari nete ago angwang oko yari neya.14Na imagi eungna mokora ni eno ge ena sero gainena, anasani na hemenaka bo nina hina yari nena. 15Arata na oko mena bana yana giro, imagi ni eno gaetena awiya zaza gairo, name Tuwa Tutu ra dubu nao ingwang waing no yanemese sena awiya gi, name Tuwa Tutu ra dubu awiya, name dang garo nuna mitao gege mitoiya awiya name ara, dang garo ami ziwong tauya ine yero geme diungno mitoiya.16Tuwa Tutu ra nao ingwaing ra geme kere daung gaina awiya nona baina nibaung ara, mani zozo nona awiya bewa yao teng oko: "Nu tangi taung pungno kasa yenu, Tuwa ra Oweno zo nao nuna apakana ingwaing gege ayero gipe daung gainu, angelo dubu apakana ami diti teng yero gigiwa, tangi emo bowi nuna awiya pungno soma apakana aungna atu tugata yewa, Tangi emo bauno apakana nu tumodiwa, Tuwa Tutu nu pungno hiti unditi ra yenu, yazo bowi re pungna.
Chapter 4

1Oweno zo ge ewiya kere daung gairo eyero siniya, agore emo tumodiyaore apakana tumodiyao agera besai, ago oweno meko gehiwao aeno dago hawinasani, nupe emo ena taung puro hititi nowa, ami gipao oweno meko ra awiya gipaya giro, gipao meko awiya ago yari neya. 2Emo dubu awiya kotumao agera sisigao ware, nao meko agera neya awiya oko gaya zawagari niya.3Emo dubu gipao gehiwao gipiti nowa awiya emo bauno hina ati yao gazi nasani, nupe, name emo bauno geme gosi nename zawa gaitini, name tumodiro nename, ami nona minao ena puro hinapiti nasani Tuwa Tutu eno dange sero mini nanemese pugaina awiya dema oko minaese gazi nowa. 4Nona apakana Tuwa Tutu zo yena awiya ingwaing gege ara, atu meko zo oko mitiya, aung ara. Arare name Tuwa eno isa sero, nu eno dange sinasani minari nename aungna gazao zo oko mititya. 5Tuwa Tutu ra ge aungne, isa naname aungne, ami noi Tuwa ra beraung ra nona awiya pewa noiya.6Ni otao mani ena ra beraung ra atu ge ewiya tugata yari nesa, ni awiya Yesu Kristo ra sou mani me ara. Ge ingwang waing name nigiro tumodiro noname aungne, nigao ingwang waing ena, ni nigiro ago nosa aungne, ami ni eno putoung baina nibaung pugari niya. 7Tangi eungna ge unge memeko bauno zazai zo aratapu nowa awiya bauta potero ni ake pariye. Ni zoma Tuwa Tutu ra nao wowosewa awiya denero agoye. 8Name taung piti ewiya soremaya tau yaise taung naname deni nome awiya ingwaing niya, arata name ititi naname dena name Tuwa ra nao ingwaing ra tau yaise deni noname, ami ingwaing nona apakana aungna niya. Daba hingao ge, mitao naname heme mitename eungne agore mitari nename aungne, awiya ititi ra nao ami hingiro mitoiya.9Ge ewiya ge me gege ara, name apakana ge ewiya nigiro tumodiyari nename ami ingwaing nibaung yari niya. 10Name nonaka aeno gehera nasani buro tauya noname ara. Tumodiyao naname awiya Tuwa Tutu mitao gege mitoiya, aungna hina atu mitoiya ara, nu awiya emo bauno apakana aungna soremao emo ara, arata, emo bauno nami nu tumodiro nowa, nu awiya ago dubu aungna soremao emo nibaung ara.11Bowi ewiya kere daung gairo tugata nasani, emo bauno apakana awiya gipe ago yae. 12Mani ena ni giro mani maingko kaka nibaug sari neya, arata ge agera oko nigi, ni mani maingko oko ara. Ni zoma, Tuwa ra tumodiyao emo, bauno eno ititi ingwaing ge nina, nao nina, hina aratamao nina, tumodiyao nina aungne Tuwa ra beraung ra atu etetero mitao, nao ingwang waing nina awiya gipe emo bauno giro nao nina awiya ago yae. 13Na oko mena bao yana giro, ni emo bauno eno Tuwa ra bowi zaza gairo, ge susuwa zawa gaiti nasani, nupe otao mani hina aratapu nasani nao, awiya ago gipi neung.14Be mamono nina ziye atu nago paka newa, simai zozo ni eno propet ge zo sena, ge awiya Tuwa Tutu ra ho ingwaing ni eno pugaina, arare ni ho ingwaing awiya oko hunge. 15Ni nona awiya kora yero diyaye. Ni nona aungna mokora atu mitasani buro nasa, buro nina aungna me ingwaing kasa yai, emo bauno ni saore gari neya. 16Ni buro nesa aungne gipao emo bauno gipi nesa aungne, awiya diti ake nasani oungne neung. Buro awiya susungno yao gege neung. Ayero nari nesa ami, ni sorepu nasani, nupe emo bauno ge nina nigiro ago neya awiya dema sore mari niya.
Chapter 5

1Ni emo zazai eno matu ge oko se, ni ago eno eyare ge sinasani, maung nina nibaug nono yero samodedu nosi, deka ayero ago eno ye. Emo seka eno eyare ge sinasani, meta mani ,tato mani nina samodedu nosa deka ayero ago samode. 2Bauno zazai eno eyare ge sinasani, ai nina samodedu nosa deka ayero ago samode, bauno didi deka, nu numono nina sou yero samodedu nosa deka ayero ago eno ye. Tuwa ra beraung ra atu nao ingwaing ra gabu ra samodao buro awiya yari nesa.3Bauno noi, ibono mamaga nowa ago nata mitowa ayetuga giro sorepu neung. 4Arata bauno noi zo nu imono samono ta nupe, ewowo nuna mitaya giro, ago zawagasa ago garo moko agera aungna atu gitau samodao buro awiya zayero yaese. Aiyamono, mamono agera gitau ago eno samodao buro yewa, aungna ambeyang awiya, ago bauno noi aeno samodao buro yaese, Tuwa Tutu ra beraung ra nao awiya ingwaing nibaung, Tuwa nao awiya arataungno baingtiti noiya.5Arata bauno noi zo, iu nuna magayai, nu nata nibaung mitasani giro, nu eyero yaise. Tumodiyao nuna apakana Tuwa Tutu hina pugairo, asoko nuna ta dora botiyo nuna, apakana awiya Tuwa zo gege nu sorepu nari niya ayero tumodiro, be apakana pingre, iyare, nu Tuwa atata nasani isa gege sinaise. 6Ora noi zo nu iu magayai, nu taung ra aratamao apakana awiya ago nari niya awiya, nu zo seka mitiya, arata, nu awiya bauno magaya ara.7Bowi ewiya mani bauno eno se nigiro, ago Tuwa eno isa sinasani, inzao ge aungne, nupe megamaga aung mitae. 8Arata mani zo nu saisibuna nuna ta nupe dubu nuna garo moko nuna aungna miteya awiya oko kora yero diya yari niya awiya, tumodiyao nuna beseti nu nao meko nibaung zo emo diga oko nowa awiya yetiya ayari niya.9Ni ago noi dubu aungna yazo deni nasani giro, bauno noi awe dangwang sixty daigairo hititi niya aungna yazo gayari nesa, nupe bauno noi awe iu dekaka gege atiro mitawe maga yenu nu mitiye aungna yazo gege gae.10Bauno noi awiya nu nao ingwang waing gege noi, yazo nuna ingwaing mitoiya, nao eyao eno sinena, nu mani awiso nuna kora yero diya noiya, nu gigi esewa kora yero samodedu noiya, nu tumodiyao emo bauno ra te sai noiya, nu emo bauno mou ra mitowa awiya sorepu noiya, nupe nu awiya nao ingwang waing apakana anasani mitoiya, bauno noi eyetugao aungna yazo gege dene.11Arata yazo deni nesa aungna moko ra, bauno ena ago deka noi wata, ago taung seka miteya ago aungna yazo oko gayari nesa. No eno oko, ago ibono seka atao ra aratamao kasa noi, ago Kristo bauta poti nowa. 12Gabu aungna atu ago daba hingao ge ibono gitau atiwa aungne sewa awiya bezero ago moure nowa. 13Ago kimasi nasani garo toyao zo baina nowa, agege oko, ago garo toiti nasani otao mani ena ra unge nigiro, ago otao mani eno bauta ge sinasani hungugu didinowa. Nupe ago ge ena memeko age saine yao teng oko awiya sinowa.14Susuwa aeno, aratamao nana nibaung awiya, bauno noi taung seka miteya awiya apakana ibono atiro, awisore yero, garo moko agera kora yero diya nasani mitaese, ayero nari neya amizo, oweno meko toiro bo name oko gera yari niya, no eno oko, nao memeko naname hina oko mitiya. 15 Naname ena mena Tuwa bauta potero, Sanda ago neya. 16Tumodiyao bauno zo ra gare atu bauno noi zo mitai giro, nuka nune noi awiya kora yero diya yaise, ayero yari niya ami suwao otao mani eno mou oko pugari niya, nupe ayari niya amizo, suwao otao mani tebe miteya ami noi ena nata nibaung miteya, diya yao mani aung, awiya diti yero gosi nasani sorepu nari neya.17Simai nami buro ingwaing nowa awiya kora yero samodedu nasani, zuma agera pugaiti neungpu, simai dubu Tuwa ra bowi sinasani nowa aungne, nupe Tuwa ra nao ingwaing emo bauno gipiti nowa aeno sinena. 18Tuwa ra ge papiya ra atu ge zo eyero gaewa mitiya, "be wo bulumakau raisi piti kewi nari niya, be awiya nige be nuna oko gazepu" arare "buro mani deka nu zuma nuna paise sao ara."19Nige simai eno hisipatao ge sero nu oko pu gera gaipu, zoma mani eto ta etama, ami ge awiya dong dotaya giro oungne nige ge sepu. 20Simai ena pasena yaya, ago pungno ge buro yari yero giro, simai apakana aungna beraung ra atu pugairo ge buro yepu, otao mani agera giro, angwang yero agore nao awiya oko yae.21Na Tuwa Tutu aungne, Yesu Kristo aungne, Angelo dubu nuna gerao, aungna beraung ra ni eno ge tauya nibaung sinena, ni buro ge apakana pugena awiya kora yero diya nasani, mani apakana aeno nao beraung dekaka neung, ni emo babuze aungne, dubu nika nina aungne, aeno gege nao ingwaing oko ye. 22Ni oko mena emo ra ziye atu nago paka yero emo awiya Tuwa Tutu ra buro yaise sari nesa. Nete emo ena ra pasena hiti nina tame yowese ni nao awiya oko yari nesa. Ni nika ni kora yero diya nasani, Tuwa Tutu ra beraug ra pewa yero mitiung.23Ni ou tebe mini nosa, nao awiya heme duwari nesa. Ni wain maingko dema mini nasa ami moko nina sorepu nasani nupe, yang yang nina tame mitoiya awiya tunari niya. 24Mani ena pasena nowa pasena agera awiya mena kasaye daung gaiti nowa, pasena ayao awiya mena gitau kasaye awega ziwega yao ra beraung ra noiya aine ara. Arata pasena ena ami zo, nowa pasena awiya hungao mitema ame kasaye daung gaiti nowa ara. 25Deka ayero, nao ingwang waing ena awiya mena kasaye daung gaiti nowa, arata nao ingwang waing ena awiya oko mena kasaye daung gaiti nowa, arata nao ingwang waing awiya oko ayero hungero mitari neya.
Chapter 6

1Suwao nami emo diya zo ra sou mani yero mitasani giro, ago diya agera aungna hese mitasani, diya agera awiya samo dero baingtaese. ayero narineya amizo, diya agera Tuwa Tutu ra yazo eno ge meko oko sarineya, nupe name ou suwao ra tumodiyao eno ge meko oko sarineya. 2Diya zo nu Tuwa Tutu tumodidi nasani nai giro, suwao awe sou mani nuna yero mitiya, nu diya nuna awiya kora yero samodaise, no eno oko, nu awiya diya gege oko, nu awiya otao ninage ara. Arare nu kora yero samodero baingtipu. Soumani ra buro ingwang waing ami yai diya agera dubo dadawa yero tumodiyao emo yaya, ago aratamari neya. Be apakana, nao ingwang waing ni gipiti nena ewiya emo bauno eno gipineung.3Mani zo nu Tuwa naname Yesu Kristo ra bowi ge ra tinawiya ingwang waing gipiti nenage ewiya doro, nu gipao ewe gipari niya, nupe Tuwa Tutu ra nao ingwaing ra gipao awiya doro nu gipao ewe ago nariniya, 4nu awiya taung po hitao mani, zawagao ingwaing zo nuna hina oko mitiya aung ara. Nu awiya nona ka mamani kaka aeno iwo ge sinasani, nupe hina zakita ge sao ra gege noiya. Ge ayetuga ami emo moko uwinoi otao mani eno dubo meko pupunowa, nupe, otao mani eno ingzao ge sinasani otao mani eno iwo ge sinowa, nupe otao mani eno kotumao memeko pupunasani,5hinase tebe tabe nowa. Ago dubu awiya mena geme bauta potewa ara. Ago kotupu nowa awiya, Tuwa ra nao ago nasani nari neya, ami yai ago emo wau re zamena simena re yari neya ayero kotupu nowa ara.6Tuwa Tutu ra nao ingwaing aungna mokora atu nari nename, awiya ge me name zamena simena ingwang waing nibaung pari nename, arata, name zamena simena Tuwa name eno pugaiti noiya aeno yawa yawa nari nename ami zo, zamena simena awiya susungno butu nari niya. 7Name nona zo oko hingiro oungne kasaye tangi eungna gaiwa. Deka ayero, name agore nona zo oko hingiro bamari nename ara. 8Arare name zoma, minao ta, taung simao heme pupu nename awiya kara teng niya ayero sanema.9Mani zo nu wau emo yari sero be apakana ziyo dedu noiya, nu awiya etegao ra zuzu nasani, nuka nu nata gaingti hao mokora gaiti niya. Ziyo dao ami yai ago nao memeko yero ago sisigao re yari neya, ayero ago gerayao meko nibaung tamari neya. 10Wau aratamao awiya nao memeko apakana aungna susuwa ara. Mani ena wau bainare aratamuwa, nao ami ago sisigainu, tumodiyao agera besenu, ago mou mawe babuze nibaung tamuwa.11Arata ni awiya, ni Tuwa Tutu ra emo ara, ni nao memeko awiya tema yero doro akepariye. Ni tau yero dopero nao eyetugao ago neung, nao ingwang waing nasani, Tuwa ra nao ago nasani, tumodiyao gabura nasani, otao mani aratapu nasani, dopero tau yero mou mawe dipu nasani, emo bauno eno eyare ge sinasani neung. 12Getuwao hinade ra nowa, deka ayero, ni tumodiyao ra hinade ingwaing zo ye. Nao masi mitao gege mitao aungna tumodiyao nina awiya hingiro tauye, no eno oko, yausao nina aungna susuwa awiya nona agege ara. Ni nonaka aeno emo bauno dubu baina aungna beraung ra atu dopero, bowi ingwaing awiya keregasa ara.13Tuwa Tutu nona apakana aeno nao pugaiti noiya aungna beraung ra, nupe, Yesu Kristo, nu Pontias Pailat ra beraung ra atu tauyero dopero geme sena, aungna beraungra na ni eno ge tauya nibaung eyero sinena: 14Ni bowi ge no nigesa awiya kora yero ago neung, ni bowi ge awiya oko sisigai, bowi ge awiya kora yero ago nasani Tuwa Yesu Kristo ra bao be diya mitiung nu kasayae.15Kasayao be nuna awiya mena Tuwa Tutu zo giginu mitoiya nu be aungne kasa yari niya, Tuwa Tutu nu yawa yawa nao ra susuwa, nu ami nona apakana awiya diya noiya, Emo Tuwa apakana mitowa aungna tame awiya nu ara, nune nona apakana diya noiya. 16Nu oko magayari niya, nu mitao gege mitoiya, nu waegao baina kama aungna mokora atu mitoiya. Emo zo nu oko gigiwa, nupe heme emo zozo nu gao teng oko. Arare name yazo bowire apakana nu eno gege pugaiti nari nename, no eno oko, putoung apakana aungna susuwa awiya nu gege. Iyo geme.17Tangi eungna emo wau re apakana sepu nigiro, ago taung po hiti nasani nao tebe tabe oko yaese, nupe, ago uwazawa tangi eungna mena meko yari neya aeno tumodiyao agera oko pugaese. Ago zoma, Tuwa Tutu tumodiyaese, no eno oko, nu ami name eno nona ingwang waing kaka waing awiya pugaiti noi, name yawa yawa tapu noname. 18Ago dubu awiya sepu nigiro, ago nao ingwang waing gege nasani, nao ingwang waing nari neya aungna zamena simena tamae, ayero nasani, ago emo bauno apakana awiya aratapu nasani, zamena simena agera awiya, emo dora botiyo tapu neya arita nupe otao mani apakana awiya sorepu nasani naese. 19Ayero nari neya ami zo, ago zamena simena agore pari neya aungna sosero benero ingwaing heme neya ayero gaya zawagaise, nao ingwaing ami sai, ago nao me agore kasa yari niya awiya pari neya.20Timoti, ni buro ge nina Tuwa Tutu zo pugaina, awiya kora yero samodedu nasani diya neung. Ge tebe tabe Tuwa Tutu ra kotumao oko ago nasani sinowa awiya bauta pote. Mani ena nigao agera po hiti nasani, ge tebe tabe Tuwa Tutu ra kotumao oko ago nasani sineya, awiya doro akepariye. 21Emo ena nigao eyao ago nasani Tuwa Tutu tumodiyao gabu awiya mena hoso patiro miteya ara. Tuwa Tutu ra mono ni aungne mitaise.

2 Timothy

Chapter 1

1Na Pol, na Tuwa Tutu ra denao ra Yesu Kristo ra aposol yengwang, Yesu Kristo aungne dema tairo nao aungna geme ena mitiya awiya ago yero yengwang, 2Timoti aratamao mani nana nibaung: Tuwa Tutu Maung aungne Tuwa Yesu Kristo aungna aodiyao, aungne mono, aungne eyare ge, ni aungne mitaise.3Na Tutu eno dange sinena, ewowo nana nu samodewa na deka nu samodedu nena, na kotumao zawagao re be apakana, pingre iyare na ni kotupu nasani isa gege sinona. 4Na zi ziziung nina awiya kotupu nasani, na ni nibaung gatena, ami moko nana bisisai, na yawa yawa yatena. 5Tumodiyao nina tauyao nibaung aungna bowi awiya na mena nigena,tumodiyao ayao awiya gitau, imetutu nina Lois aungne ai nina Yunis, aungna hina atu mitaungna, na yawa yawa nena, noeno oko, tumodiyao awiya heme nina hina atu mitiya.6Susuwa aeno, na kotumao uwao ge ni eno eyero sinena, be na nina ziye atu nago paka newang ni putoung no pasi, awiya ye nina mokora atu seka mitae.7Tuwa Tutu name eno, awang yao oweno oko pitina, nu zoma, name eno Oweno putoung ra, nupe aratamao ra, aungne diyayao ra awiya pitina.8Arare nige ge unge, Tuwa naname aungna ta, nupe geunge na Pol bunao emo nuna aungna, awiya nigiro megamaga oko yepu. Nige zoma Tuwa Tutu ra putoung ra dopero, bowi nuna eno nage soreungno, mou mawe dema diungpu. 9Tuwa Tutu nuka nune name magayao ra atu sorero pupunasani, name yau sena, yau sao awiya dang nibaung ara. Taung dao naname eno oko yena, nu denao nuka nuna ago yena. Tuwa Tutu nona apakana oko kasaya mitinu, aungne nu Yesu awiya gerao naname sena, be aungne nu name eno nona apakana awiya pugaina. 10Arata heme Yesu Kristo ra kasayao eungna atu, Tuwa Tutu name meko ra atu sorero pungno, pu ingwaing ra gaina. Kristo zo magayao gazi nasani, nao seka besugao aung, awiya pungno bungnu, nao ami bowi ge tuwa ra eno waegao pugaiti noiya. 11Susuwa aeno, na awiya bowi ge sinao emo, nupe aposol, nupe gipao maung, asero tamuwa.12 Susuwa aeno, na mou mawe dipu nona. Arata,na aeno megamaga oko nona, no eno oko, na nu giro baingtiro, aeno na nu tumodiro nona, nu na eno besugao bera atu nona no pugari sena, awiya kotung kotung nasani nona.13Nige dubo mono re mitaora bowi ingwaing nana hina atu pumuwa aungne, nupe tumodiyao re aratamao Yesu Kristo ra hina mitoiya aungna ititi yero mitiungpu.14Nona wowosewa Tuwa Tutu zo nige eno pugaina, awiya Dang Oweno naname mokora mitoiya, aungna soremao ra atu kora yero diya neungpu.15Ni kara gosinesa, emo bauno soma Eisiya tangi eunga mitowa, apakana na bauta potewa ara. Dubu aungna mokora, Pigelus aungne Hemogenes agoto dema na bauta potewato. 16Na Tuwa atata nena, mono ingwaing nuna Onesiporus saisibuna re aungne mitaise, no eno oko, be ena, Onesiporus zo na eno nao ingwang waing noiya, saineba, na bunao emo wata, nu aeno oko megaiti noiya. 17Be nu kasaye Rom napo baina aungna yena awiya, nu kora yero nibaung na kau nete, oungne na taungna. 18Agore be baina ra atu Tuwa Onesiporus eno hoamao gipaise, awiya isa nana ara. Nai beraungiti aungna atu, Onesiporus Epesos nape atu na sorepu naungna, awiya ni kara giro baingtiti nesa.
Chapter 2

1Arare mani nana, Yesu Kristo ra ho ozao ra atu tauye. 2 Nona ena mani dubu baina aungna moko ra atu sinewang nigasa, awiya mani ena etetero nowa, aeno pugai, ago puro nupe mani ena gipae.3 Yesu Kristo ra gorobo emo ingwaing ine yero dopero, na aungne dema mou mawe diung. 4Gorobo emo ra buro gabu ni kara gosi nesa ara, ago buro anasani, aungna bautara nupe buro zo oko puro nowa, aung ara, ago buro dekaka agege samo dero baingtaya diya agera gaise nowa. 5Mani zo hina zakita ra sumari yero giro, nu hina zakita sumao aungna sao tauyao apakana teng ago yero bautu nete besu gairo, oungne nu zuma nuna pari niya.6Deka aine, emo nona urinao, awiya nona me iyai, nu gitau agewa nuna paise sao mitiya. 7Na no eno sineni awiya kotungno gi, Tuwa zo ni eno zawagao ingwaing nona apakana aungna pugari niya.8Nige gaya kasa yari niya awiya, Yesu Kristo maga yaora atu be dekaka uwenu iropungna, nu awiya Dewit ra sai ara. Bowi ingwaing tugata nona aungna moko ra na ge ayero sinona, 9susuwa aeno, emo na eno nao meko mako nasani, na pasena mani bunero puro yaine nowa. Arata Tuwa Tutu ra ge awiya bunao moko ra oko mitiya. 10Arare na Tuwa ra emo bauno gerao, aeno mou mawe awiya dipu nona, na ayana, ago nao seka Yesu Kristo ra hina mitiya awiya dema pungno, ago nu aungne dema be aung mitao gege mitaese, aeno nena.11Ge eyero sao mitiya awiya geme nibaung ara: "Name nu aungne maga yero giro, name nu aungne dema nupe seka mitari nename. 12Name tau yero dopero, mou mawe apakana awiya dipu nete giro, name agore nu aungne dema, emo tuwa yazo awiya pungno, nu aungne dema mitari nename. Name nu bewa nasani, nu bauta potaname giro, nu deka agore name bewa yero name bauta potari niya. 13Name nu ago yari sero, nupe doro nu bauta potari nename, arata nune zo name oko bauta potari niya, no eno, nu nete ayai, ge nuna awiya gehiwao yowese, nu aoko yari niya14Be apakana nona eungna kotumao uwao ge ago eno sineung. Tuwa Tutu ra beraung ra ago eno gazao ge se, nona mamani kaka aeno hinase oko yaese. Porepare aeno hinase yao aungna me aung ara. Arare, hinase tebe tabe yao ami, mani nigiti nowa awiya gera noiya. 15Ni gehera yero, Tuwa ra beraung ra ni buro mani nuna me zo yase, buro nuna aungna moko ra, ni mega maga oko ye, ni Tuwa ra ge me awiya kora yero gipe.16Emo ge memeko sinowa, awiya doro akepari yepu, no eno oko, ge ayetugao ami noi, emo Tuwa doro yore ba akepari nowa ara.17Ge memeko agera awiya, bozo zo peki sinoiya aine ara. Himeneas aungne Piletus aungne awiya, emo dubu ge meko sinowa, aungna mokora dema miteyato. 18 Emo dubu ewiya, Tuwa ra ge me, asoko yero miteya. Agoto ami, magayao ra atu iropungno sekayao, awiya mena homaoko kasa yena, arare, agore magayaora atu iropao awiya aung sinowato, ge agerato ami, emo bauno dubu baina ra tumodiyao gera noiya.19Arata, Tuwa Tutu yere ibu nuna ponari sero, zingwong tauyao zo mena dinu mitoiya. Zingwong aungna atu, ge zo eyero gaenu mitoiya: "Mani awe Tuwa ra gerao yero mitiya, awiya Tuwa mena gosi niya." nupe "Mani awe Tuwa ra yazo sinasani giro, nao memeko , yore bauta potaise." 20Garo baina zo simaore, aungna mokora awiya nona beraung giti zo mitowa, tao goli zo yao miteya, tao silwa zo yao miteya, tao i zo yao miteya, tao tangi zo yao miteya. Aungna mokora, tao ena awiya gerao buro mera, ora tao ena awiya, buro porepare aungna. 21Arare, mani zo nuka nu saero pewa yari niya, nu awiya, tao gerao buro mera mitoiya aine yari niya, nu awiya gausero ewe pugeya mitiwa, nu awiya Tuwa ra buro ra gerao, nupe buro ingwang waing ra gerao.22Mani emodi ra nao aungne kotumao awiya bauta pote. Nao ingwaing ago yao ra tauye, nao eyetugao eno sinena, tumodiyao ra nao, hina aratamao ra nao, aungne dubo mono re mitao, nige apakana nao ewiya ago neungpu. Nige aungne emo bauno nami dubo pewayaore, nuna beraung ra mitasani nu eno isa sinasani, nu bowi nowa aungne dema.23 Ni emo dubu kotumao ingwaing aung, aungna ge unge memeko aeno oko dago pugai. Unge agera ayetugao awiya, bautu nema mou pupu noi kas noiya ara.24Tuwa ra sou mani, nu hinase oko naise. Nu mani apakana aeno nao ingwaing gipinaise, nu awiya emo bauno ena gipao teng, nupe nu awiya mono emo yaise. 25Nu eyare ge re, mani nu eno iwo ge sineya awiya gipaise. Tuwa Tutu zo yai ago dubo dadawa yari neya, anasani, ge me ra kotumao pari neya. 26Ago budu awiya, nupe kapete gairo emo bauno ingwang waing yari neya, ayero, oweno meko ra hao tema yari neya, aungna bautara, Tuwa ago pungno pugai, denao nuna ago yari neya.
Chapter 3

1Arata ni nona ewiya gi zawagae: Besugao bera awiya mou mawe babuze nibaung kasa yari niya. 2Emo bauno aka ago aratapu nasani, wau ra aratamao baina nibaung kasa nai, aka ago bowi pasore nasani, ziyo hitao babuze nasani, hinase nasani ge meko mako sinasani, ai maung ra ge dedu nasani, otao mani eno yawa yawa nasani dange sao aung, taung agera yaya dang yero mitao aung, ayero Tuwa ra nao apakana bauta potari neya. 3Ago otao mani re tairo mitao teng oko, otao re hinase yero, hinase awiya beugao akaing aung, otao mani eno ge meko sinasani, taung piti ra aratamao memeko, awiya etetero diya yao teng oko, hinade gege nasani emo bauno ra adumao ingwaing awiya sisi gaiti nari neya, anasani Tuwa ra nao ingwang waing aeno iwo nari neya. 4Ago otao mani aka agera, aeno nao memeko nibaung yarineya, gehiwao kotumao agera ago yero mena nao memeko yari neya, taung agera po hititi nasani, ago emo baina sari neya, tangi eungna yawa yawa awiya baina re aratamari neya, Tuwa Tutu ra nao ingwang waing awiya bauta poti nasani iwo yari neya.5Ago dubu awiya, Tuwa Tutu ra nao awiya taung tata zo nowa, anasani nao nuna aungna putoung baina, awiya bewa nowa. 6Ago dubu aungna emo ena awiya, mani ewe ra gare hitiro, mani bauno ena zawagao ingwaing aung, awiya etegairo kotumao agera diya nowa. Bauno ayetugao awiya pasena zo bebao, be apakana ago moko iropupu noi, nao memeko gege nasani mitowa. 7Bauno dubu awiya, be apakana ago Tuwa ra bowi nigari aratapu nowa, arata, Tuwa ra geme aungna kotumao agera hina oko mitoiya.8Gitau Janes aungne Jambres aungne ami dopero Mose angne iwo yewato. Ago gipao mamono gehiwao awiya, gabu aung na dopero Tuwa ra geme iwo neya. Ago emo dubu awiya , kotumao agera sisigao, nupe ago awiya, tumodiyao Tuwa ra hina oko mitiya. 9Arata ago awiya be baina re oko mitari neya, no eno oko, mani apakana nao meko egera, awiya gaya zawagai, ago awiya nao gitau emo eto zo Mose eno yewato gabu awiya ago neya ayero sari neya.10Arata ni awiya na aungne dema nasani, nao nana apakana gigasa, na emo bauno eno Tuwa ra bowi gipi naungwang, angyao nana Tuwa ra buro ra naugwang, na dubo itiro tauyero buro ra naungwang, tumodiyao nana, otao mani aratamao nana, 11nao memeko na eno nauwa, nupe, na yang yang biyang yang nono yao tapu naungwang awiya ni apakana gigasa. Antiok nape atu na eno no yewi, Ikonium atu na eno no yewi, Listra atu na eno no yewi, awiya ni teng gigasa. Napo babuze eungna atu nao memeko nibaung na eno yewa, arata, Tuwa ra soremao ra na mou zo oko tamuwang. 12Geme, mani awe Kristo aungne desetiro baingtiro, Tuwa Tutu ra nao ago yari sero yariniya, awiya emo nu eno nao memeko nibaung yarineya. 13Emo memeko aungne, propet gehiwao aungne, be aungne gehiwao ge babuze nibaung sero emo bauno dubu baina unumari neya, anaya, sanda deka ago etegai, nao memeko agera, yore meko yariniya.14Arata ni Timoti, nine zo, ge no nigiro hingiro tau yero nosa, ni ge aungne dope. Emo bauno nami ni eno ge unge awiya diwa nigasi, awiya ni kara gosinesa. 15Ni mani maingko kaka nibaung mitasani, oungne Tuwa ra ge gayao, ge papiya ra mitoiya awiya zayero denasa. Nona denasa ami ni eno kotumao ingwaing pugai, ni Yesu Kristo tumodiyasa, Tuwa Tutu ni mekora atu pungno nao ingwaing ra pugari niya.16Ge apakana Tuwa ra ge papiya ra mitoiya, awiya Tuwa Tutu nuka nune giginu kasa yena, arare ge awiya ingwaing nibaung ara. Ge ami name soremai name geme ra susuwa zawagari nename, ge ami emo bauno zawagao ingwaing aung awiya soremari niya, ge ami angyao naname kora yariniya, anasani, ge ami, nao nomi Tuwa ra beraung ra ingwaing niye, awiya name gipari niya. 17Ge ami yenu, name Tuwa Tutu ra emo bauno apakana, nao ingwang waing pumuwa, arare name heme ewiya kangairo, buro ingwang waing yari sero diya mitename ara.
Chapter 4

1Tuwa Tutu aungne Yesu Kristo, agore emo mamagayao aungne seka miteya aungne awigari neyato, aungna beraung ra atu, na ni eno ge tauyao nibaung sinena, no eno oko, nu emo bauno apakana aungna beraung ra atu nao ingwaing nuna aungne dema bari niya. 2Arare ni tau yero dopero bowi ge nuna tugata ye. Toto ingwaing nina hina kasa yari nita, oko kasa yari niye, arata be apakana ni koramakora yero mitiung. Ni be apakana eyare gere ago gipiti nasani, meko ra nai doro, ingwaing ago yaese ge tauyao sineung.3Be zo ara butu niya, kasa yariniya, be aungne emo bauno ge unge ingwang waing nigao bereya yarineya. Ago unge no nigari aratapu neya aeno, unge adiyao emo dubure yausaya bari neya. 4Ago geme nigao awiya doro bauta poti nasani, ago zoma upipi gehiwao nigari dago pugari neya. 5Arata ni, be apakana kotumao ingwaing re neung. Ni mou mawe dipu nasani, yang yang biyang yang tapu nasani, emo bauno eno bowi ge tugata neung, emo bauno soremao awiya buro nina nibaung ara, arare ni buro awiya yero baingti.6Taung nana ewiya Tuwa eno zawing yero pugao ra be bumiya ara. Bamao be nana bumiya. 7Na hina zakita ewiya ingwaing kawaing sungno butu nete besugao masi ra tena, tumodiyao nana Tuwa ra hina, awiya hingiro tauyero butu nete kasaye besugao masi ra tena. 8Emo hina zakita supu nema, otao mani hinza yero ho ingwaing pupunowa, aine nao ingwaing ra ho ingwaing nana mena woyang yero na diya mitiya, Tuwa etetero awigaiti nao emo, ami besugao bera atu na eno pugari niya, na eno gege oko wata, emo nami nu aratapu nasani bao be nuna eno diyama diya nowa awiya dema.9Ni gehera yero, mena bung nana hinaye. 10Demas mena na doro bamiya. Nu tangi eungna nao beraung giti awiya arataungno baung Tesalonaika nape tiya. Kresens baung Galesia yeti, Taitus deka baung Dalmesia nape tiya.11Luk zo gege na aungne mitiya. Mak pungno, nito dema bungputo, nu awiya buro mani ingwaing ware na soreungno buro yariniya. 12Tikikus awiya mena yengtena baung Efesas tiya. 13Ni butu nasani giro, taung hori nana goreba, Troas nape atu doro bena, Karpus ra gare atu mitiya, awiya pungno bung, agege oko wata papiya ena re dema, papiya baina tata nunu wo tata zo yao awiya nuwega nesa.14Aleksenda emo bras zo nona beraung giti noiya, ami na eno nao memeko daigairo yetiya. Na eno nao no yetiya, aungna ambeyang awiya Tuwa zo nu eno gipai gariniya. 15Ni deka emo aeno diti ake nasani neung, no eno oko, nu ge nanage eno iwo nibaung niya ara. 16Sekatutu na gera pumuwa, mani zo oko na aungne gera dopewa, aung ara. Mani apakana na doro zanewa. Arata na Tuwa eno isa sero, nao meko no na eno yewa, awiya oko kotumaise gazewang.17Arata Tuwa na aungne dopero, na eno putoung pugaina, nu ayai na bowi ge nuna susuware sero baingtana, emo diga dubu nigaese aeno ayero yena. Tuwa na awiya laion ra bera atu bazero pungna.18Emo nao meko na eno yari sero neya, arata Tuwa zo na sorero pungno, kora yero diya nete, na pungno ba masi ingwaing nuna ika unditi ra aungna yariniya. Nu be aung yazo bowire pupu nasani, mitao gege mitaise. Iyo geme.19 Prisila, Akuila aungne Onesiporus awisore arugaiti nena bowise nigae. 20Erastus Korin nape atu mitigege niya, ora Tropimas zo, yang yang tami Miletus nape atu doro bena. 21Ni gehera yero mena bung, ora ni atu eyare narinesa awiya naung zayaya soma hang yariniya. Yubulus, Pudens, Linus aungne Klaudiya aungne diyao apakana ni arugaiti neya. 22Tuwa oweno nina aungne mitai, ho ozao nuna ni aungne mitaise.

Titus

Chapter 1

1Na Pol, Tuwa Tutu ra buro mani, nupe Yesu Kristo ra aposol, na emo bauno gerao dubu nuna aungna tumodiyao dong doti nasani, nupe ago soremana geme ra susuwa zawa gairo, Tuwa Tutu ra nao ago yaese, aeno nu na iyengtina. 2Na ago soremana tumodiyao gabu ra dopero tau yero diya mitaya, Tuwa Tutu ago eno nao tauyao mitao gege mitao awiya pugari niya. Gitau gatau otu Tuwa Tutu nao masi mitao gege mitao awiya name eno pitari sena, awiya pugari niya, nu oko gehiwena. 3Tuwa be zo mena giginu mitaungna aungna atu, emo uwenu bowi nuna sesero bautu newa, na deka bowi awiya sanese nune na yau sena. Arare na Tuwa ra be gege ago yero buro awiya yari nena.4Taitus na ni eno imagi ewiya nena, ni awiya mani nana nibaung, tumodiyao nina awiya deka nanage ine ara. Tuwa Tutu aungne Yesu Kristo ra mono, aungne eyare ge, ni aungne mitaise. 5Na ni Krit gutu ra atu doro bumuwang aungna susuwa awiya era, buro ena oko kora yero zawa gairo besugao doro bumuwang, awiya kora yero zawagasa besugai, ge mena ni eno sewang awiya ago nasani, napo babuze apakana aungna mokora simai apakana buro gao pugai pae.6Simai ra meko zo dubu ra beraung ra oko mitaise, simai awiya nu bauno dekaka ra iu gege yero mitaise, Tuwa ra beraung ra atu nao nomi meko niye, simai ra awiso nao awiya oko yaese, nupe, simai ra awiso ziyo hititi nasani, aira maung ra ge oko daese. 7Name ganame zawagari niya awiya, bowiyao garo Tuwa ra, aungna buro mani awiya, nu Tuwa Tutu ra buro apakana awiya diya noiya. Arare nu angyao nuna etetero naise, emo bauno pore nuna zo oko gae, buro yazo baina puro niya ayero sinasani emo bauno oko diya yaise. Simai nu dubo meko oko mena paise, nu ou tauya miniro dau oko yaise, nu emo re hinade tebe tabe oko yaise, nu emo wau re yari sero kotumao bainare oko pugaise.8Nu awiya otao gamao aratamao mani yaise, nupe nu awiya, nao ingwangwaing aratapu nasani, kotumao ingwaing gege ago nasani naise. Nu etetero nao gabu ra nasani Tuwa Tutu ra nao ago naise. Nupe nu nao nuka nuna dema kora yero diya naise. 9Nu geme ra bowi gipewa pungna awiya hingiro tau yari niya amizo, nu gipao ingwaing aungna dopero otao mani ena kora yai geme tumodiyari neya, nupe, mani ena ge nuna oko nigiti nowa, awiya gaya zawa gariniya.10Soma aungna gedao emo dubu baina miteya ara, ago Yuda emo dubu baina atu mitowa awiya, emo ra taung tata kapao ra tau nasani mitowa ara. Ge agera apakana me aung, gehiwao gege sinasani mitowa. Ago emo bauno etegaiti nasani, nupe emo bauno unung nai mekora gaiti nowa. 11Ago emo dubu awiya, nao ena memeko, megao nao awiya gipi nowa emo bauno ago nasani tumodiyao besero mitao agera garo mokora awiya sisi gaiti nowa ara. Arare ni emo dubu awiya gaze, nao meko awiya nupe oko yae.12Gitau otu Krit ra nigao emo zozo ge zo eyero senu mitoiya, "Krit dubu awiya be aung gehiwi nasani mitowa, ago emo dubu memeko nibaung wo eu ra inene, ago kimasi nasani, minao zo baina nowa." 13Ge ewiya ge me ara, arare ago dubu aeno ge tauya nibaung se, nao meko awiya doro, ago Tuwa Tutu tumodiyae.14Ago, Yuda emo ra upipi nigari sero oko dago hawaese, nupe emo dubu geme bauta potero nowa, aungna sao tauyao beraung giti awiya deka oko nigaese.15Mani zo nu Tuwa ra beraung ra atu pewa yero mitari niya awiya, nona apakana nuna hina awiya pewayao ara. Arata mani zo nu moko nuna beingtire mitasani, nupe tumodiyao nuna Yesu ra hina oko mitiya awiya, nona apakana nuna hina awiya beingtire gege ara. No eno oko, moko nuna aungne kotumao nuna apakana awiya beingtiya mitiya. 16Be agera zo ago Tuwa Tutu gosineya ayero sineya, arata nao agera zo gipiti niya awiya ago Tuwa Tutu mena bauta potero miteya. Ago dubu awiya gedao momoko, ago nao ingwaing zo oko yari neya. Tuwa ago zo oko aratapu noiya.
Chapter 2

1Arata, ni awiya emo bauno zawagasa ago nao nomi Tuwa Tutu ra beraung ra ingwaing niye awiya ago yaese. 2Emo babuze eno ge eyero se nigae, ago ou miniro dau oko yaese, ago nao ingwang waing gege naese, ago Tuwa Tutu ra geme awiya gaya zawagai, tumodiyao gabu ra dopero, otao mani aratapu nasani, tau yero dopero mou mawe dipunasani mitaese.3Deka ayero bauno babuze eno ge eyero se nigae. Ago Tuwa Tutu ra aratamao ago nasani nao ingwang waing gege nasani otao mani eno hungugu ge memeko oko sinaese. Ou meko zo nao agera oko diya yaise. Bauno babuze ami mani bauno seseka awiya kora yero himeti yaya, 4 ago awiso re ibono agera aungne, awiya aratapu nasani naese. 5Bauno babuze ami bauno seseka kora yero gipaya, ago kotumao agera kora yero diya nasani Tuwa Tutu ra beraung ra pewa yero mitasani, garo moko agera kora yero diya nasani, ibono agera aungna ge dipu nasani naese. Ago nao eyero narineya amizo, mani ena Tuwa ra ge eno inzao ge oko sari neya.6Deka ayero, emo seseka tugata ye nigiro nao agera etetero diya nasani nae. 7Nona apakana nari nesa, aungna mokora , nika ni awiya buro ra ititi ingwaing, ayero emo bauno eno gipiti nasa, ago nao nina gosi nasani ago yari neya. Nupe, ni emo bauno gipiti nari nesa be aungna atu ge tani ta, gehiwao ta, ziyo hitao nao, awiya oko ye, ni kotungno baingtiro nao me ra bowi ge awiya emo bauno eno tugata ye nigae. 8Bowi tugata yari nasani giro, akaing ingwaing ra dopero sarinesa, ayero yari nesa amizo, emo ena name eno iwo neya, awiya akaing zo pungno name eno ge meko sao teng oko yari neya.9Ago sou mani deka se nigae. Ago diya agera aungna ge dipu nasani, agera hese mitaese. Ago nao ingwang waing gege naya, diya agera yawa yawa naese, ago diya ra ge bera pungno, diya agera aungne ge matu oko yaese. 10Sou mani diya agera aungna nona hungai oko paese. Ago zoma, diya agera eno nao ingwang waing gege naya diya agera yawa yawa re mitaese, ayero nari neya amizo, nao agera ami emo ra moko uwai, Tuwa Tutu ra bowi ge tugata nename ewiya de ika yari neya.11Tuwa Tutu ra mono awiya emo bauno apakana teng yena. 12Tuwa Tutu ra mono ami name nai gipiti noi, name tangi eungna nao memeko awiya daigaiti nasani noname. Mono ami be meko eungna atu name nai gipiti noi name kotumao ingwaing re Tuwa ra nao ingwaing ago nasani noname. 13Anasani name diti gitau nasani Tuwa Tutu aungne Yesu Kristo sorao emo naname aungna bao be waegao zeyang zeyang re awiya diya yari nename.14Name sao tauyao daigairo, pasena beraung giti nauwa aeno, Yesu name eno taung nuna bayao yero, name pungno saenu name pewa yero, name gerao dubu nuna yewa. Name awiya gerao dubu nuna ware, name gehera yero buro ingwang waing naneme.15Be apakana ni emo bauno eno ge tugata nasani, ago dong doti nasa, ago ge tugata nesa awiya ago nari neya. Emo bauno sao tauyao daigaiti nasani nowa, aeno ge tauya nibaung sero nao memeko agera awiya himeti. Turena tarena nasa emo ena giro, mani ka maingko zowa sero, ge nina po augairo ni po hosa neya.
Chapter 3

1Kotumao agera uwi nasani ge nupe se nigae. Ago taung ra diya agera tangi eungna miteya aungna ge dipu nasani, agera hese mitasani buro ingwang waing yari sero kang gairo mitaese. 2Nupe sasa nigari neya awiya, ago mani zo eno ge meko oko saese, nupe ago bera hinase oko yaese. Ago be apakana eyare ge sinasani, otao mani eno, nao ingwang waing nasani mitaese.3Ni gasa zawa gari niya awiya, name gitau ge dedu nasani, kotumao ingwaing re oko mitauwa. Sanda ra putoung zo name watiungnu, name taung piti ra aratamao, aungne nao memeko, ami name bunenu, name demese mitauwa. Name otao mani eno dubo meko pupu nasani, nupe, otao mani eno ge memeko sinasani nauwa, name apakana otao mani re hina iwo nasani mitauwa.4Arata Tutu soremao emo naname, aungna dubo bayao aungne aratamao kasaye daung gaiti nenu, 5Tuwa Tutu name meko ra atu pungnu kapete gairo bung ingwaing ra yewangme ara, naneme taung dero buro zo yero, ingwaing yari yewa agiro oko yena, aung ara, arata nu name eno hoamao nuna gipero, name meko ra atu pungna. Nu name soreungno saenu name mani wuima ine yewangme, Dang Oweno name eno nao seka pugaina.6Yesu Kristo, emo name meko ra atu sorero pungno pu ingwaing ra gaina, aungna taung dao eno gege, Tuwa Tutu Dang Oweno ra putoung baina nibaung name eno hasa gaina. 7Kristo name ho aungno name saenu, name Tuwa Tutu ra beraung ra emo bauno pewayao yewangme, aeno gege Tuwa Tutu name gerao dubu nuna sero, name nao masi mitao gege mitao awiya panemese sena, arare name heme, nao masi aeno diti nasani, diya ma diya nename ara.8Ge ewiya geme nibaung ara, name ge ewiya tumodiyari nename ami ingwaing niya. Ni nona eungna ge tauya nibaung se, emo bauno Tuwa Tutu tumodidi nasani nowa awiya, tau yero dopero buro ingwang waing yae. Nao emi emo bauno sorepu noiyare, nao ewiya nona me nibaung ara.9Arata ni emo ge matu hinase nowa arita, emo ewowo ra yazo eno hinase nowa arita, emo sao tauyao ra susuwa eno hinase nowa, aungna ge eno oko dago hawe. 10Mani zo ninage moko ra atu, dubu gausao ra nao puro kasa yai giro, mani awiya pungno be dekaka ta eto ayao, nu eno gazao ge sasa, ge nina oko niga yai giro yore batagai, 11mani ayao awiya, nu nai ingwaing mena doro, nu pasena nasani nuka nu nata gera niya.12Na be noungne Atemas ta Tikikus iyengtana bo kasaye nina hina yai giro, ni mena bungno Nikopolis napo baina aungna atu na taung, no eno oko, naung bera awiya, na atu mitari sero kotupu nena. 13Ni Zenas, sao tauyao ra nigao mani aungne, Apolos aungne awiya mena iyengti baeto, angyao agerato aungna asoko noiye, awiya apakana teng kora yero, agoto mena iyengti baeto.14Emo bauno dubu naname awiya, buro ingwaing yao ra nigao pungno, otao mani dora botiyo tapu neya awiya sorepu naese, ago nete, yazo ou suwao, awiya tebe puro nasani, ago Tuwa Tutu ra aratamao oko ago nasani mitaneya.15Emo bauno apakana etu na aungne dema mitowa, ami ni arugaiti neya. Nupe,emo bauno nami Yesu tumodiro nasani, nage aratapu nowa, ago dubu awiya arugaiti nenage, se nigae. Tutu ra eyare ge nige apakana aungne mitaise.

Philemon

Chapter 1

1Pol zo emo bauno yesu kristo ra aungne yao Timoti ra ami Pilimon yao nuna aeno igi ewiya niya. Otao nana me nibaung aungne buro otao naname. 2Anasani Alpia Nu-u naname, aungne Akipas gorobo emo naname , aungne emo baungno ninage nape atu dema tairo nowa.3Hoamao, eyare ge, mono, Emo Tutu mama naname ungna aungne baina nana me Yesu Kristora ami nige aungne dema mitaise.4Na be apakana Emo Tutu eno bayao Inwaing sinasani nona. Na isa nana sina sani nige pu isa ra gairo sinona.5Na aratamo,aungne tumodiyao ninage baina naname Yesu Kristora aungne emo bauno Emo Tutu higiro takasero nowa aungna bowi awiya mena nigena.6Na isa nana nige eno sinena awiya bowi yao ninage ungna tumodiyao awiya daung mokera kasa daung nasani nigao nona apakana Kristo zo naname mokora pugaina awiya kasa daung yaise.7Na yawa yawa baina kama aungne soremao dema pupunena aungna susuwa awiya, aratamao ninage eno. Aungna susuwa awiya dang emo ra moko agera awiya ninege kora yeteya bisi setiya, otao mani.8Arare na putong kristora hina tu pupunasani nige, no yaese sinena awiya yepu. 9Aungna susuwa awiya aratamao eno, na nupe nige eno sinena, Na Pol na emo zai, aungne yesu kristo ra bunao mani.10Na mani nana Onesmas eno kotupunasani aeno ni atata nena. be na bunewa bunao ratu mitaungwa awiya na maung nuna yengwang.11Nige gitau nu gigiwa nu mani Ingwaing oko yena, Arata heme zo nu naname beraung ratu nu mani nao ingwaing re yetiya.12Na nu heme seka mitiya eungne ingyeng titi nena bo ninage hina niya. Nu awiya susuka iti nana.13Na hatu nana tapunena na nu hingana na aungne dema etu mitaise kotupu nena, Anasani na soreung ro nige aungne dema natiya. Aung na susuwa awiya be ena na bowi Emo Tutu ra eno bunao tapu nona.14Arata na nona zo kotuma nana ungna yaoteng oko, Name apakana ami dubo dekaka yero oungne. Na ratamao nana awiya nao ingwaing ninage awiya oko aratamao ninage ungna gege. Arata Ingwaing ra aratamao ra.15Ayatiya, geme eno nu nige doro be maingko gore bare Akepari yetiya. Arare heme zo nige nu paya kapete gairo bungro nige aungne dema mitari niya. Nu otao nana nibaung, arare ni nage ungna deka ayero yaise. Taung ra aratamao aungne bainara deka ayero kasayaise.17Arare nige na gaya otao ninage yai giro, Nige na paine yao awiya nu pungpu. 18Arata nu nige eno meko zo yenuta, ninage ungnatu angbengya zo yai giro, na hisipatipu.19Na, pol igi ewiya nago nana zo gainena. na nakanane angbengya yanena, Anasani nige nana ungna tu anbengya yewa ayero oko, Saneya . Nige nata deka ayero oko sepu.20Geme otao, aratamao nana awiya baina ra beraungratu yepu. Yesu ra hina atu desetiro moko nana yepu bisisae.21Ge-e dimao ninage awiya kotungro gipu, Na nige eno igi ewiya nena, na gosinena awiya nige no yaese atata nana nena aungna tame yanena.22Arata be dekaka aungne, esewara awao masi awiya na eno korayepu, Tumodiyao nana awiya isa ninage sineya ami yai na nupe pugaya bo ninage hina yanane.23Epapras, bunao otao nana Kristo Yesu ra bowi Ingwaing ra ami nige arugaiti niya. 24Deka ayero Mak, Aristakus, Demas, aungne Luk buro otao mani nana ami nige arugaiti neya. 25Baina naname Yesu Kristora hoamao oweno nige aungne mitaise. Iyo.

Hebrews

Chapter 1

1Gitau Gatau Otu emo tutu Ewowo naname eno gesari naungna awiya nu emo be e mani nuna yero nauwa aeno nai beraung giti aungna tu sina ungna. 2Arata heme be besugaora eungna awiya, Nu mani nuna ungna atu name eno siniya . Nu mena mani nuna zang wang yenu nona apakana aungna zuma yaise sena a gege oko, Mama nu pungro ami tangi eungna nona apakana a-a yena.3Nu awiya emo tutu ra waegao zeng yang , zeng yang re .. ana sani yesu awiya nu deka emo tutu ine nibaung , Nu nona apakana awiya putoung ge-e nuna ungna ami higiti noiya . Nu pasena emo bauno apakana aungna saero busugairo emotutu ra nago mera adungna.4Nu angero mitowa aungna tame yena, Agege oko yazo nuna awiya ungditi ra angelo ra yazo miteya ungna tame. 5Emotutu be zo angelo nuna eno ge zo eyero oko sena, Ni mani nana, Na heme maung nina nena . Nupe eyero oko sena , Na maung nuna yanena, Anana nu deka mani nana yaniya.6Arata nupe emotutu duma mani nuna Ingyeng tinu bo tangi eungna yena, Ayena, ayenu nu esena, Emotutu angelo apakana nu bowi yepu. 7Ora ago angelo eno zo nuago eno eyero sena, emotutu nu nuka nune angelo ra oweno noiya. Anasani sou mani nuna awiya Ing yang ong hewe nuna nowa.8Arata mani nuna zo nu eyero sena, Adumao masi nina, Emotutu, Awiya mitao gege mitariniya, Putoung mitao masi nina ungna awiya putoung etetero naora. 9Ni nao Ingwaing aratapu nasani emo sao tauyao ra ame oko nowa a-a bereya noi sinosa. Arare emotutu nina, Ni i-i mu yawa yao ra ami ni gao yetiya. Gao awiya otao gamao nina aungna tame.10Baina, Gutau zayaora ni tangi ra susuwa nuna yasa. Nona apakana ika Berezera awiya nago tuma nina. 11Nona awiya apakana aung yarineya. Arata nine zo aung yaine yao teng oko. Ago awiya mo di zo yai yero pusu pupunoiya aine yari neya. 12Ni ago wape zazai sisigaiti nowa ayero singari nesa. Ayasa ago wape zazai zo dadawa nowa ayero dadawa yari neya. Arata nine zo dadawa yao teng oko ni mitao gege mitarinesa. Dang wang nina awiya besugao teng oko.13Arata angelo ena nono ya eno emotutu be ena ge-e esenu, '' Nago nana mera etu adungro mitaya na iwo nanage pugana guto te-e ninage ungra yaneya. 14Angelo apakana emotutu bowi nowa awiya ingyeng titinowa baungro emo bauno awe soremao pari neya awiya sorepunowa.
Chapter 2

1Arare name dubo kotumao re, Naname Apakana awiya puro ge nigiwang me aungna pugaiti nasani naname name Dong Dotae.2Bowi ge angelo zo sewa awiya ge me gege, arare pasena beraung giti nowa aungne ge dedu nowa, Mou apakana aungna me awiya taung dekaka gege.3Ora nameIngwaing Yewang me auna bowi ge doro, name Ingwang Yewang me aungna bowi ge awiya mena otu Tuwa Tutu baina ami naname sero senu ago nigiwa.4Tuwa Tutu nu ge me nuna awiya gipao babuze enara atu gipena, Anasani aungne owenora buro ena babuze, Awiya aratamao nuna aungna gege awi gaina.5Tuwa Tutu nu tangi seka unditi seka awiya angelo ra oko sena.6Arata mani ena awiya eyero sineya. Tangi emo awiya nu noware aeno ni nu be apakana kotung kotung nosa? Arata mani maingko zo koware ni nu samo dedi nosa.7Ni tangi emo awiya angelo ra hese mitaese yasa ni nu awiya waegao nina zo siuno yazobaina kama Pugasa.8Ni nona apkana awiya emo zo diya yaese sasa, Tuwa Tutu zo emo awiya nu nona apakana aungna maung yaisa sena. Tuwa Tutu nona ena oko dona awiya aung. arata emo heme ewiya nona apakana oko diyaniya.9Arata be apung gore gege awiya Yesu zo angelo ra hese mitina, Mou maware diunano magayero yazo baina ikapariya awiya pungna. Tuwa Tutura Hoamora nu tangi emo eno maga yena.10Yero nuna hina awiya zawa gaore nibaung nuna hina atu gege nona apakana kasayero mitaung na nuna hina atu gege nona apakana heme kasayero mitiya era. Yeroawiso dubu baina purobaung waegaora yena, Nu gitau yao yaro mou mawere diuno ago yai Ingwaing yari neya aungna buro awiya besu gaina.11Kora yaora maung aune emo dubu Ingwaing yewa ago awiya maung dekaka. Nu susuwa aeno megamaga aung ago eno yao yamono sena.12Nu eyero siniya,Na yao yamono nana eno yazo nina kere garinena, Na aungao masira atu ni eno yere gamari nena.13Na nupe, moko nana nibaung aungne nu tumo didinena, Nupe na gipu, Tuwa Tutu zo awiso na eno pagaina aungne dema mitena era.14Arare be awiso hu nuna aungre taung nuna aungre awigairo Pupunowa, nu nuka nu deka ayero awigaiti noiya, Anasani maga yao nuna aungnatu Sanda ra putoung maga yaora atu mitoiya awiya besugaina.15Nu emo ra mokora atu maga yaora Hing hing bunaora mitaungna awiya besu gaina.16Nu angelo eno oko kotungna, Nu awiya Abra ra sai sibuna aeno kotuna.17Arare nu yao yamono nuna aungna masi pungno nu pris baina ine yero dubo Ingwaing re tumo diyao Tuwa Tutura buro awiya yariniya, anasani aungne emo dubu apakana aungna pasena aungna maung yena. 18Ayero nu etegau taungno, Moura toinare nu awe ete gao taungno moura toyarinia awiya nu sore mari sena.
Chapter 3

1Dang otao mani, uditi ra yao saora tu nasani yesu Apolo augne buro gitau yao naname a kotupu nasani neupu.2 Noeno nu emo awe buro nu eno pugaina a tumodidi nasani noiya. Mose deka ayero Tuwa tutu tumodidi nasani bowi yao gairo aungna tu nauna.3No eno Putoung augne yazo nuna zo baungna ni Mose ra zo hese niya, Deka aine emo garo gapu noiya ami yazo baina pupu noiya oko garo zo pupu noiya.4Tuwa Tutu zo nona apakana aungna susuwa ara, garo zo emo apakana ami nowia.5Mose Tuwa Tutu Tumodiyao nasani. bowi yao garo nuna ungna buro mani yero na ungna, Anasani nona ago kasa yaniya aungna Etotoma nasani naungna.6Tuwa Tutu, mani nuna Yesu tomodi dinoiya. no eno garo nuna diya noiya. Name awiya ibu garo nuna, arare name nu aungne, susuno baitiro nasani, tumodiro nari nename.7Aeno dang owena eyero si noiya. Heme ni dago hawero ge nuna nigi.8Nige oko zio hititi nasani, Soma nezera tu yewa ayero oko yepu.9Mamono nuna ge atu na bauta potero na Tuwa Tutu ra potoung gaero gari yewa.10Dangwa apakana zare 40 aungna mokora na ago zo oko arata muwa. aeno na eyero sewa'' Ago mokore oko na ago nowa,anasani nao nana oko gosinosa.11Dubo mekora eyero sewa, Ago ore gao masi nana oko pari neya.12Otao mani nana aeno nige nete oweno meko aodiyaya moko ninage gera yai, nige Tuwa Tutu nao re awiya oko Iniro taka saneya.13Soremao ge otao mani eno wari apakana sinasani neupu, A naneya ami zo nige ete gao daigaiti nasani nari neya.14Name kristo ra buro otao mani yero nari nename. Anasani nu tumodidi nasani Zayao ratu ba besu gaoroa yanename.15Aungna awiya eyero sewa.'' Heme ge nuna nigiro, moko ninage yepu tau yae, Dago Hawero ge nigipu.16Emo nigiro zio hitina, Emo dubu awiya Mose aungne dema Isip atu kasayewa.17Dangwa zare 40 aungna mokora tu dubu na matu nasani na ungno? emo pasena nauwa, Nasani maga nauwa taung agera neze soma ra tu gung kawang yewa. 18Dubo na eno ge taoyao nibaung senu? Oregao masi nuna, emo ge dedinowa ami oko paese sena.19Name ga nename awiya ago oregao masi awiya oko pao yewa, No eno ago Tuwa Tutu ra ge oko iniro taka sewa.
Chapter 4

1Arare name inwaing yari nename awiya, Ge me zo oregaora to yao awiya mitiya, Nige ago yari yaya teng oko yari niya.2Name bowi Inwaing sewa nigiwame, Ago deka ayero nigiwa, Arata ge awiya ago oko soreungna, aungna susuwa awiya, ago emo bauno ge nigiro tumodiro nauwa aune oko tairo dema nau wa.3Arare name awe tumodiyao re, ami nao masi simaore pari nia, Ge zo eyero sena na dubo kapate gairo eyero sinena, Ago oregao masi awiya oko pari neya. Arata buro nuna zayero ba besu gao ra nena.4Nu wari zare seven aeno eyero sena, Tuwa Tutu buro nuna apakana nete wari zare seven aunatu ore gaina.5Ge ipu eunatu nupe eyero sinena ago zo nibaung toi oregao masi nana oko yaneya.6Arata saineba nu yero mitinu mani ena toiwa, Nuawe gitau bowi inwaing oune oko toyari yena aungna susuwa awiya nu ge dena. 7Tuwa Tutu nupe yausinia heme naka ese ami wari dubure. Nu David ra be ra eyero gitau sena. Heme ni awe ge nana nigiro, Ni moko nina oko gazarinesa.8Ora Joshua zo ago eno oregao pugai giro, Tuwa Tutu nu ago eno ge wari zora awiya nupe oko tugata yari niya.9Arare wari zare seven awiya Tuwa tutu dubure oregao wari.10Nu awe Tuwa Tutu oregao ra mitesa, Ni awiya buro nina dema ore ganesa, Tuwa Tutu awiya deka ayero yena. 11Arare name oregao auna dema toiro Yawayawa naneme, ami zo nu ge daora oko zuwa niya.12Tuwa Tutu ge awiya mitao gege mitao, putoungre, di ewiya doba di deung eto daiga, ge awiya emo gaero ba mokora oweno ititire mitoi, Nupe hetu hurore susu maora noiya, ge awiya nu emora kotuma ra denao awiya Apakana gosi noiya. 13Tuwa Tutu berau ra nona Apakana awiya hungao oko, Nona Apakana ra awiya kakame nuna ditira atu, mitia arare name nu eno zawa gao apkana yari nename.14Name heme ewiya Pris naname baina mena ba Unditi ra atu mitiya, Yesu Tuwa Tutu ra mani, Name nu gege tomodiya ne name.15Name Pris baina zo zuwero urero naname eno name Ho amaniya awiya oko mitia, Arata zo naname hina mitia, Nu etegaora toi nata nu pasena oko yena.16Name dubo dekaka re ba masi Hoamaore aungna atu Tuwa Tutu ra mono aungne Hoamao pari, Ne name.
Chapter 5

1Emo dubu baina aungna mokora atu emo zo gipiti nowa, nu ami pris ikapari yao masi pung ro emo bainara be pung ro buro no Tuwa Tutu aune yao sao awiya noiya .Nu ami ho iwaing ra zawing aungne pasena ra zangwing aungne awiya Tuwa Tutu eno pugaiti noiya.2Nu emo kotumao asoko yao awiya kora yero sorepu nasani noiya.Emo ena otao mani zo etegaiti nowa mitowa awiya dema sorepu noiya, no eno oko wata nu deka mou ayetuga aungna moko ra dema mitoiya. 3Susuwa aeno nu pasena ra zawing porao ra putoung pugainu pungna. Emo bauno ena zo nowa deka ayero nuka nu eno noiya.4Nuka nu aeno mani zo yazo bowi re pao teng oko, nu awiya Tuwa zo yau sena, nai dekaka aine Aron yausena aine nueno yena.5Nai dekaka awiya ago yero, Kristo deka ika pariya yena aeno, yazo bowi re oko pungna.6Arata awe nu eno ge sinena ami eyero sena. Ni awiya mani nana emodi, heme na maung nina nena. Ge ewiya bowi zora tu eyero senu mitiya. Ni awiya deka prist melkisedek ine, mitao gege mitarinesa.7Magaya be nuna aungna atu Kristo isa eto zawing yero pugaiti nasani, awe nu magayao ra atu soremariniye aeno yaure zi-i ziziungre sena, maung zi-i nuna nigina, noeno oko wata, Tuwa Tutu ra nao nuna hina mitina aeno gege ayena.8Saineba nu Tuwa ra nani wata, nu ge dimao ra nai ago yero mou mawere ra atu toina.9Nu yenu iwaing kangwaing yero nao tauyao ra susuwa nasani dubu nami ge nuna dipunowa awiya gitau yena. 10Nu awiya Tuwa zo mena prist ika pariya yero Melkisedek zo mitaungna deka aing ne yaise sena. 11Nage ge ewiya baina nibaung sao wata, nage zawagao ra tu teng oko nenage, noena wata nige nigao ra mou mesaneya.12Nige be heme ewiya seteya tau yeti nige gipao mamano yari seteya, arata nige dubu ami nupe mani ena zo nage enoTuwa Tutu ra bowi ra susuwa awiya gipaya gari sineya. Nige heme ewiya nona tauya tutubu minao ra be ra, arata nige awiya ami mu-u gege mini nasani miteya. 13Mani awe ami mu-u mininiya awiya nu nao ingwaing ra bowi awiya oko gosiniya, no eno oko, nu awiya mani maing ko wuire.14Arata nona tutubu tauya awiya mani babuze ra ara, ago awiya kotumao agera korayero diya nasani ingwaing re meko re awiya giro zawa gaiti nowa.
Chapter 6

1Arare nage Kristo ra bowi ingwaing zayao ra pumuwang me, Tuwa Tuwa tumo didi nasani bowi ing waing oko dotari nename. 2Gipao ing waing ge ou suwao aung ne emo ra ziye atu nago pugao awiya emo mamaga yao nupe iro pupu naya name seka mite name awiya Tuwa Tutu ra beraung ra dopari nename. 3Emo Tutu zo name eno atu geme sari niya.4Emo Tutu ra waegao mena pumuwa, ago ho-o ingwaing unditi ra awiya mena gigiwa. Arare ago Oweno awiya mena pumuwa. 5Arare awe Tuwa Tutu ra bowi ing waing aung ne putoung re awiya mena poniye?. 6Arata awe Tuwa Tutu ra ge awiya nigi ro oko nigaine noiya, nu awiya meko nuna Tuwa Tutu ra eno pugari niya. Emo buro ayero nowa awiya Tuwa Tutu ra mani ipasao ra tu gege dedu nasani mitowa.7Be wa-a didi noiya awiya tangi sore mao pupunoiya,ayero nasani tangi eung na uwa zawa sorepu noi babinowa, a noiya, aeno Tuwa Tutu tangi ewiya gao noiya.8Arata tangi mawe iwire bayari niya awiya tangi meko,ayero yariniya, awiya Tuwa Tutu tangi awiya gera yariniya.9Ota mani nana ,aeno ge putore nige eno sinena arare na ge nige gera yao ra oko pugari nenage aungna, Tuwa tutu name sore punasa ni na pari sena.
11Arare nage nige apakana aratapu nenage nige deka ayero neung pu be bae.13Tuwa Tutu Abraham eno sao wowo sewa sena,awia zazo nuka nuna atu senu tauyena no eno nu yazo emo zora ungna atu oko sai besugarinia.14Arare nu eyero sena na ni gao yana sai sibuna ni na kasayao gege kasa narineya.15Abraham nai aungna atu Tuwa Tutu nuna nona no paise senu diya mitaungna awiya nu eno pugainu pungna.16Anasani emo bauno eno zo mani ena ago dai gairo baina ine yero nowita sero sinauwa. Asinasani hinase nema besu gaora, atu ago dubo dekaka nowa. Dubo dekaka agera ami noi nao agera me noiya.17Arare Tuwa Tutu kotumao buro nuna yero emo dubu nuna dubo dekaka yero pai nuna yarineya aungna buro nuna gipai daung mokera kasa yai buro nuna ungna dadawa yao kasa yaise sena. Tuwa Tutu nu dubo dekaka nasani ayero sena.18Nu ayero yenare nona eto ewiya dadawa yao teng oko. Tuwa Tutu geno sinoiya awiya nu oko gehiwi noiya. Arare be nu dubo dekaka noiya,ge nuna awiya gehiwao oko. Tuwa Tutu gehiwao teng oko. Arare name awe bunaora atu kasa yengwame awiya nona no agore paneme se sena aungna tumo diyao naname hingiro tau tataware yari nename.19Name hatu e pungro aungne gera yao dai gaiti nasani buro naname iwaing nari nename, ami ititi naname hingai dopero tau tata ware yero toiro ba soma moko ra nibaung mo-o zo gazao aungna bautara yari nename.20Masi awiya Yesu mena name gitau name doro ba mitoiya aungna yari nename, nu ura naname pungro soma aungna baungna, nu gitauyao emo mitao gege mitao ayena, melkesedik ra sao awiya ago yena.
Chapter 7

1Susuwa aeno Melkisede Tuwa Tutu salem ra, nu awiya Tuwa Tutu ikapari aungna ya Pris ara. Nu ami Abara iwo nete TuwaTutu ena denu mamaga yewa, doro butu nenu taung no,Nu gao yena.
3Nu maung aung, Nu ai aung,Nu ewowo, Aung kasa yao wari aung, besugao wari aung, Nao nuna besugao, Aung Nu Tuwa Tutu ra mani ine yero nu awiya Pris gege yero mitari niya.4Arata nige gipu, Nu emo Baina ikapari yao aeno gitau yao emo Abara nona hinade ra atu puro bungna aungna agewa tuwa eno pugaese sao, Awiya nu eno pugaina. 5Anasani ago Liwai ra mani awiso Pris masi ra buro nowa ago awiya emo bauno, Deka meta tato aka age ra ami nona no awiya Tuwa Tutu eno pugaese sao awiya sao tauyao ago yero pupu nauwa.6Arata Melkisedekra ewowo awiya ago aunge tayaooko, ami nona agewa Tuwa Tutu ra eno pugao sao awiya Abara ra hina atu pupunowa.Anasani nu ago nowa.7Ara aungna hinase aung, emo Baina, ikapari yao ami emo ho sao awiya gao noiya.8Susuwa aeno tangi emo maga yari neya ami nona agewa Tuwara sao awiya pupu nowa, Arata, deuna zo ra awiya sao tauyao zo mena sena awiya ago nasani nu mitoiya. 9Mani ena eyero sari neya,Liwai,emo nona gerao tuwa ra sao awiya pupu noiya, ami nupe nona agewa Abara eno pugaiti noiya.10No oko, Liwai be awiya ewowo nuna aungna mokora mitinu oune Melkisedek Abara taungna.11Ora pewa yao gabu awiya Pris dubo Liwai ra saisi bunara hina, Atu mitai, aungna hese atu emo bauno sao tauyao ra paya giro, Asoko nomi nupe mitiya aeno Pris zo buro Melkisedek zo yena aine nupe kasa yariniye, Aron kasa yero buro yena ayao oko.12Be Pris dadawa yero seka tapu nowa, be awiya sao tauyo deka dema dadawa kasa noiya.13Emo awe eno ge ewiya sewa, awiya nu emo dubu ewi ara. 14Arare zawagao mena mitoiya ara, Tuwa Tutu naname awiya nu yuda ra dubu kasayena, Ago duru awiya Mose, Ago eno Pris buro ra ge zo oko seka aung ara.15Ge ewiya zawagao nibaung ara, Pris zo ami kasa yari niya awiya deka Melkisedek ine ara.16Pris kasa yena awiya nu taung piti ra sao yauyao ago yero oko kasa yani, arata nu awiya Tuwa Tutu putoung ra dopari niya, putoung awiya mani zozo oko daigari niya.17Tuwa ra gera atu nu aeno yero sewa mitoiya ,''Ni awiya Pris besugao aung mitari nesa, Melkisedek nono yero mitaungna ni deka ayero mitari nesa18Sao Tau yao agowa awiya gigise ye begiti ra gaiwa, No eno oko nu putoung aungna buro aung.19Sao tauyao zo nona zo oko yenu inwaing yena aung Anasani kotumao re nao inwaing re awiya kasayena,ami name unungna bung Tuwa ra hina yewa.20Dubo dekaka aung tebe oko yewa. Ago pris ena dubo dekaka aung tebe buro awiya pumuwa.21Arata Yesu dubo dekaka gabu ra atu Pristenu, Tuwa Tutu nu eno eyero sena ''Tuwa ge no sena awiya kara, Nu nupe kotumao nuna oko dadawa yari niya.Ni awiya Pris mitao gege mitari nesa, Besugao aung.22Nagibo dekaka aungna bautu nasani, Yesu awiya mena Tuwa Tutu zo emo bauno eno dubo dekaka nasani zang wang yena23Gitau ,Gitau yere bura awiya dubu baina nibaung arata be magayao ago pupu noiya awiya ago gitauyao buro awiya yao teng oko. Arata Yesunu mitau gege mitoiya. gitauyao ra masi nuna awiya besugaine yao teng oko, Mitao gege mitari niya.25Arare nu deka mani awe, tuwa tutu ra hina bamai sao awiya soremai nuna hina tu bamaneya. Aungna susuwa awiya nu be apakana emo bauno awe Tuwa Tutu ra hina bamari sero nowa a-a sore mari kora ma kora.26Gitau yao ayao awiya geme, Name aungne inegwang ing nibaung niya. Nu awiyadang. Nu oko hisi patitinowa, meko zo nuna hinaaung, Nu pasena re oko tairo noiya, Arare nu nona apakana ika bereze ra miteya aungna tame awiya nu ara.27Nu nona gitauyao zo, nowa ayero oko noiya, gitau yao yere ibura awiya ago nowa wari sero ago pasena eno zawing pori nowa, zawing zaza ora awiya pasena aka agera eno porinowa, aungna bautara zo eno porinowa. Arata Yesu nu zawing be dekaka gege porena, nu nuka nu zawing yero.28Saotauyao zo yere ibure gitau yao tapu noiya ititira apungao. Arata ge dubo dekaka yao ra ge awiya saotauyao ra ge aung na ame bungna. bungro mani nuna ingwaing nibaung awiya. zangwang yenu mitao gege mitoiya.
Chapter 8

1Ge awiya eyero sinenage era, Pris ra gitau yao baina, Uditiratu adumao masi nuna simaore aungna nago mera atu adungna.2Nu awiya sou emo,Bowi yao garo baina me, Aungna dang masi aungna na atu buro noiya, Garo awiya emo zo oko yewa, Tuwa Tutu baina nuka nune gaung na.3Pris ra gitau yao baina, awiya mena pugaiwa mitoiya, ami gege yo Iwaing aungre Zawing aungre yero porinoiya. Arare nu deka ayero nona zo Zawing yero porari niya. 4Ora Yesu kristo tangira tu mitatiya, Awiya nu pris oko yatiya. be awiya ago sao tauyao ge ago yero,zawing porao emo yero mitauwa.5Nona awiya etotoma aungne ititi, Nona me Uditira atu mitia awiya Gipena, Ayao eno emo tutu Mose bowiyao garo, Nono yero gamaise, sero gipena awiya gaungna.6Heme Ewiya Kristo ra buro me pungro bungna, Ayero nupe susumao seka Ingwaing yenu kasa yena, Ge wowosewa ra tame atu dopero buro yena. 7Susumao agowa awiya me yatiya, Awiya susumao seka awiya oko kasa yatiya.8Emo Tuwa Tutu nu emo bauno ra ge hiwao giro eyero '' Sena '' Na emo bauno nana, Isra aungne Yuda ra aungne aeno susumao seka yari '' Nena '' Ayero sena.9Susumao bata mani agera, Isip atu pungro yewange aine oko ara. Ago susumao awiya oko ago yao yewa, Aeno na ago bata gaingwang,EmoTutu zo ayero sena.10Na emo bauno nana Isira '' Aungne'' Susumao seka, Be bari niya aungne yari nena, Ayero sena sao nana awiya agera kotumao ra atu pugari nena, Anasani agera mokora atu pugana mitari niya. Na Emo Tutu agera nena, Ago emo bauno nana yari neya.11Ago otao mani agera aungne, di yao oko gipari neyata, eyero''Sari Neya'' ni emo tutu awiya gosinesita? No eno oko, Mani mamani re, Babuzere, Apakana emo Tutu ikara ayero gosi neya.12Na ago Ho apu nasani, nao meko agera aungne pasena agera aungne apakana nuwe gari nena.13Susumao ''Seka'' sinia aungna susuwa eyao era, Susumao agowa meko yena awiya nomi yenu meko yena, awiya geme aung yaise.
Chapter 9

1Tuwa Tutu zo gitau otu diyao nuna zo dubu nuna aungne dina awiya, sao tauyao bowa yaora aune bowi yao garo tangi eungna mitari niya aungna sena. 2Bowi yao garo awiya mena ponewa. garo moko zayao aungna awiya waegao ra posi buro yewa, Aungna hora awiya nona pugao masi gamuwa, aungna hora awiya ame pugao masi gamuwa, aungnayazo zo awiya, Dang masi.3Mo naibe zare eto auna bautara awiya garo moko zo nupe mitia, dang nibaung ayerov sewa.4Garo moko dang aungna masi zo awiya daba goli zo gauro nona hingyong berau gitire awiya sosi nauwa susu mao sekara masi awiya deka daba goli zo gamuwa atu mitauna, susumao sekara masi aungna mokora awiya au zo minao mana aungne, aron ra tungu aungne, Daba eto Tuwa Tutu ra saotau yao re.5Susumao sekara masi aungna tame awiya angelo etora ititi, awiya Tuwa Tutu etu mitiya yero gipewa, Wati agerato dae gairo masi pasena disi nauwa awiya gopewa, Arata heme ewiya nona apakana zawa gaora be oko.6Nona Apakana kora nowa aungna bautari Pris Iyamume bowi yao garo.Mokora toiro buro agera nowa.7Pris buro emo baina ami gege garo moko i dang aungna tu wora hu pasena disao apuno toiti noiya. Pasena nuka nuna aungne emo bauno ra pasena a eno wora hu puno toiti noiya.8Bowi yao garo baina mitaungna re dang oweno nai wosowa baung dang masi ra yao awiya oko gipa. 9Awiya Etotoma heme ra ara zawing porao aune Yawayawa zawing ami yai Tuwa Tutu bowi nauwa zo oko sorepu nauna a nasani zawagao Iwangra oko nauwa.10Nago sayao auna minao ta ouaune taung ra sao berau giti ami mitauna aune nao seka kasa yena.11Yesu Kristo nu awiya nona wowosewa gitau kasayewa aungna Pris Baina yero bungna. nung dang ibu baina pasena aung aungna toina, Dang ibu awiya emo zo nango agera zo oko yao, nupe tangi eungna oko ara.12 Nu dang ibu moko dang nibaung yero mitoiya aungna atu, Be dekaka gege toinu besu gaina. Nu goat ta Cow mani ra hu ra putoung ra oko, Hu nuka nuna zo masi naname mitao gege mitao awiya pungna.13Arare wora hu ta woingi yero ongotu nuna pupunowa ami zo emo bauno pasenare aungna tame pugaiti nowa, ayero Tuwa Tutu ra beraung ra atu taung agera inwaing yero mitaise nowa.14Arare be nazobe Kristo ra hu dang oweno mitao gege mitao aungna mokora atu taung nuna pasena aung awiya Tuwa Tutu eno zawing yero pitine? Ami kotumao naname magayao ra uwero pugai Tuwa Tutu bowi nename.15Susuwa aena nu awiya sao tauyao seka aungna be mani yena arare emo bauno awe yau nuna nigiro agonowa ami gege nuna ame nasani uwazawa nuna simaore mitao gege mitao awiya parineya.Magayao mena kasa yero name soreungno awe sao tauyao agowara bunao ra mitowa awiya besero pungna.16Tangi eungna tame emo magayari sero nasani uwazawa agera awe pariniye aungna zawagao ta sao tauyao ena sero oune maganowa. Sao tauyao awiya mena se daung gairo oune maganowa.17Emo awe sao tauyao awiya sinoiya awiya be nu maganoi oune zo sao tauyao awiya putoungre noiya arata nu oko magayao mitoiya awiya sao tauyao awiya putong aung noiya.
21Nao beraung dekaka nasani ou hu re deka ayero zeze yere ibu baina aungna gaiti nasani au tao Tuwa Tutu bowiyaora burora pugaiti nowa awiya dema ou hu re zeze tame gaiti nowa. 22Tuwa Tutu ra sao tauyao, Nasani nowa awiya Tuwa bowi yao ra pugaiti nowa,Zo doro oko hu oure ami saiti noiya. Tani eyao oko yarinea, Awiya Tutu emo bauno ra pasena nuwegao teng oko.23Sao zo mitia awiya nona apakana aungna ate ate, Unditi ra atu Tuwa Tutu bowi nowa ami zo duru tangi eungna mitoa awiya apakana sayaese sao ara. arata unditira nona awiya hu ou re putoungre dang iwang nibaung ami sayai se sao ara.24Yesu nu bowiyao masi dang nibaung aungna toina awiya nu etotoma emo zo yao tangi euna atu mitoiya aine oko ra nu unditi masira hitina. ayero Tuwa Tutu ra beraung ra dopero mono iwaing name gipinasani noiya.25Nu unditira toina awiya nu oko Pris ikapariya zo dangwa sero wora hu zo dang ibu moko dang nibaung aungna atu zawing pori nowa ayero oko noiya. 26Nu Pris ikapariyao aminowa ayero yatiya awiya nu tangi kasayena atu zayero moumawe tauno butunete tani eyatiya. Arata heme tani ami zo besugaise. Nuka nune be dekaka gege pasena nana eno magayena.27Deka ayero emo bauno apakana zangwa yena re name deka ayero be dekaka maga yero aungne ge buro bainara dopari nename.28Deka ayero Tuwa Tutu zo mani nuna Kristo be dekaka gege pasena naname eno zawing yero porena arare nu nupe bari niya awiya emo bauno awe Yawa yawa re, Nu diya nowa aungna hina atu kasayariniya.Pasenara buro ra oko wata emo bauno zo nau masi paese aungna gege.
Chapter 10

1Sao tauyao awiya nona me ame kasayariniya aungna ititi gege ara. saota uyaora mokora atu nona me oko mitiya.Buro emo Prist zo zangwing dangwang sero porinauna,ami emo ba tuwa tutura horayarinowa awia oko soremarinesa.2Ayai giro,zawing porao awiya aung yatiya? noeno emo tuwa tutu bowinauwa auna pasena be dekadeka aungyatiya.3Dangwang sero zangwi pori nauwa ta pasena mitauna.Wo ra hu zo pase oko 4disai aung yarinia.5 Arare kristo buno eyero sena, zawing porao dotinasani, na eno taung nina kora yero na eno puganesa.6No eno ni zawing porao aune pasena zawing oko aratamasa. 7Ora Emo Tuwa na era na eno ge eyero gaewa mitiya, nao nina yarinena o Tuwa Tutu.8Zawing porao aune yawayawa zawing aungne pasena zawing ni oko aratapunosa. No eno saotauyao ago yero zawing pugao ra yawayawa oko nosa.9Eyero sinia, na aratamao na yari nena Emo Tuwa nao gitau ra awia doro nao seka yanese gipena.10Auna me nuna Emo Tutu Yesu ipasao ra atu taung nuna zawing yero be dekaka pugainu besugaina.11Buro Emo prist wari apakana heme zawing porinoiya.Zawing kewa porero nupe porero noiya ami pasena oko disaniya.12Ora Emo Tutu Yesu be dekaka taung nuna zawing yero pugairo,heme nu maung nuna Tuwa Tutu aungna nago me ra atu adung ro mitiya.13Be aungne zayero Emo Iwo nuna awia te pugao masi nuna yaise dia mitoiya.14Be dekaka magayena ami emo bauno nao mekomakora korayena.15Ayenu Dang Oweno deka eyero senu besugaina.16Susumao seka be barinia aungne ago aungne yari nena,Tuwa Tutu zo ayero sena. saotauyao nana agera mokora atu puganena, anasani agera kotumaora atu gayari nena.17Anasani pasena agera aune nao mekomako agera apakana nuwegari nena.18Zawing nupe oko poraneya, noeno pasena apakana dotinena.19Arare otao mani yesu ra hu tumodidinasni ni dang masi awiya toyari nenane.20Taung nuna pugaina ami nai gazao mitaungna apero nai seka naore apena.21 No eno name buro emo prist baina ami Tuwa Tutura ibu dia noiya.22Moko nibaungre dubo dekakare tumo didinasani bama nename,moko naname aungne kotumao meko sayaname tangsai aune taung naname ou wosewa nibaung zo saya nename.23Nona kasayania awia tumo didinasani,kere gaitinasani hing giro baing taneme, no eno Tuwa Tutu nukanu tumo didinasani ge nuna iwaing sena.24Arare nao iwaing auna hina aratamao nono yero yari nename awiya koturo baingtari nename.25Tairo nao awia otao mani enara naoware nete dotaneya.Hina seremao ge sinasani be dia mitaneme.26Name ge mera susuwa pumu wangme ami pasena susuro yao gege nari nename, zawing porena awia aung yaniya.27Awang baina yanesa awia Tuwa Tutura dubo meko,yaong ami iwo nuna awarinia.28 Emo Mosera saotauyao daigaiti nowa awia emo eto ta etama ami giro keregaya awia magayaise sao ara.29Ora emo Tuwa Tutura mani aungne hu nuna susumao seka yena, hu ami nu saero korayena, oweno ho amao aeno ge meko saniya awia mou meko nibaung tamari niya.30Awe ge esena awia name kara gosinename ambeyang yao aune,mou mawe bugao awia nana nupe Emo Tuwa nukanu ami emo bauno zire gari niya.31Tuwa Tutu mitao gege mitoiya aungna nage bamao eno awang yao meko nibaung yanesa.32Arare waegao nina hina kasayena,mou maware tamasa awia kotungmari nesa.33Baina aungna beraung ra atu be ena ni geragaira nasani, iwo nasani be ena otao manire dema mou tamuwa.34Nona nina gare apakana peya arata ni emo bunaora mitauwa awia aratapu nasani nao meko ni eno teya aeno yawayawa tesa.Nika ni gosinesa nona nitao gege mitoiya awiya nina ara.35Arare dubo dekaka nina, awia oko batagai, zuma binare ara.36Tuwa Tutura denao nasani, eyare mitasa ge nuna wosewa awia parinesa.37Emo bari sero niya, borabora oko yaniya nimoi oko yaniya.38Arata emo nana nao iwaing nowa awia tumo didinasani mitaneya,ora nu agena yariniya, na moko nana aungna na moko nana yawayawa oko yari niya.39Name oko emo agena nasani mou tapunowa aya oko ara. mane awia emo tumo didinasani noname ititi iwaing mitaise.
Chapter 11

1Tumodiyao awiya nona diti zo oko gao, Nago zo oko hingao arata nona awiya geme mitia ayero kotupu nowa, Aungna ititi ara. 2Susuwa aeno emo gitau mitauwa awiya yazo ingwaing pumuwa.3Tumodiyao aungna atu gege name gosi nename awiya Tuwa Tutu ge nuna putong re ami nona apakana awiya yenu kasayewa, Arare nona apakana miteya Gosi nename awiya oko mitiwa aungna atu yenu kasa yewa.4Tumodiyao aungna gege atu Abel Zawing Tuwa Tutu eno porenu boisa Hiyongre nuna Ingwaing ami Kein ra Daigaina, No eno oko Abel awiya nao Ingwaing ra gabu dopena, Tumodiyao re Zawing porena aeno Tuwa Tutu nu eno ge Ingwang sena. Abel zo magayena arata tumodiyao ra gabu ra Abel ge sao gege sinoiya.5Tumodiyao aeno gege TuwaTutu Inok taung pitire puro ba unditira yenu nu magayao oko tauna. Tangi ra etu nu oko tamua no eno oko Tuwa Tutu nu pungna. Nu oko pao mitinu mena gigiwa awiya Inok nao wowosewa yenu Tuwa Tutu nu arataungno baingtina. 6Tumodiyao aung awiya name yaname Tuwa Tutu name eno dubo Ingwang yao teng oko. Mani zo Tuwa Tutu ra hina bari yero giro nu mitao gege mitoiya awiya tumodiyaise, A nasani mani awe nu atata noiya awiya Tuwa Tutu nu sorepu noiya.7Nowa tumodiyao ra atu dopero mou ame kasayari nena aungna bowi awiya Tuwa Tutu ra bera atu pungna, Anasani nu hinghing re dubu nuna soremari wang oura gaungna. Tangi ewiya gerayao tapu nenu Nowa nao Inwaing augne tumodiyao ra me Ingwaing zo yena.8Abara Tuwa Tutu ra yausao pungno, Ge diungno tumodiyao re baungno tangi agewa gerao nuna sena aungna yena. Soma nu oko gao wata nu tebe baungna. 9Tumodiyao ra me, Abara tangi agewa gerao nuna sena aungna atu emo esewa zo mitaine naungna nu garo ponero Aisak aungne Jacob aungne dema mitauwa. Ago awiya Tuwa Tutu ra gerao dubu. 10Abara, Ra kotumao awiya nu napo tauya baina zo ponao ra denao re dopena, Garo ra ititi yao aungne garo gamao emo nuna awiya Tuwa Tutu nuka nu ara.11Sara tumodiyao ra dopero mani paora buro ge pungna, Nu zai nibaung arata Tuwa Tutu aungne dubo dekaka nasani mani gerao nuna sena ge awiya tumodina. 12Aeno nu emo dekaka, Nu mena magayari yena aungna atu saisibuna dubu baina kasa yewa awiya arasa ika unditira ine nupe hongasa hito begiti ra mitowa aine zazagao teng oko ami kasa yewa.13Dubu ewiya tumodiyao re mamaga yena. Nona gerao agera sena awiya oko pao, Soma ake atu diti zo gege giro arugaoro, Ago dubu awiya esewa soma ewe atu buro tangi eungna mitowa ayero sewa. 14Emo dubu ge eyao sinowa awiya ago soma seka kau neya ayero gipi nowa.15Ago soma natu bumuwia kotupu nateya, Awiya ago toto ena taungno kapete gateya.16Arata ago napo Ingwaing zo arataungno diya mitowa awiya Unditi napo ara. Arare Tuwa Tutu eno tuwa agera sinowa aeno nu me oko gaiti noiya, No eno oko nu ago eno napo seka zo mena korama kora ni mitiya.17Tumodiyao eno gege TuwaTutu Abara gaero gari yenu, Abara, Isak, Zawing yero pugaina. Tuwa Tutu sao nuna ago yero Abara eno mani emodi dekaka pugaina, Arata saineba Abara mani nuna awiya zawing yero pugaina. 18TuwaTutu nu Abara aeno ewiya sena '' Isak zo dai gatero saisibunu nina agore emo dubu yazore yarine ya asena.19Abara mena gigina awiya, Isak magayai TuwaTutu nu nupe uwai seka yari niya ayero giro, Tuwa ungne ge sinenu mani nuna nupe pitinu pungna.20Tumodiayao ra gege atu, Nona ago otu kasa yari nia aeno Jacob ara Iso gao yena. 21Tumodiyao ra gege atu, Jacob buro mani nuna augna tame atu desetiro magana sani Tuwa bowi yero Josep ra awiso emodidi awiya gao yena. 22Tumodiyaora atu gege, Yosep besugao be nuna haro nenu, Nu Isira na saisibunu Isip tangi doro angyari newa aungne hetu nuna nono yari newi aungna tinawiya yena.23Tumodiyao ra atu gege Mose ra Ai maung re nu kasa yenu hugewato ino etama besugaina, No eno oko ato gigiwato awiya mani awiya Ingwaing nibaung zo kasa yena. Aeno agoto emo Tuwa ra sao tauyao aeno Angwang oko yewato.24Tumodiyao ra atu Mose bairo nu eno emo Tuwa ra mani baunodi aungna mani emodi sao awiya gazena.25Mose pasena yawayawa be apungo re emo Tuwa ra atu tamao awiya bereya yenu, Nu Tuwara emo bauno aungne dema mou dimari arataungna. 26Nu gigiwa emo hosao nibaung yena, No eno oko Yesu Kristo ra zamena sinena zo nona me niya, Ora Isip ra sauraruma awiya nona hosao nibaung. Nu diti gitau yero zuma nuna agore pari niya agosi nasani ayena.27Tumodiyao ra gege atu Mose Isip tangi dona. Emo tuwa ra dubo meko aeno awang oko yena. Nu tuwa nuna hugao awiya giginare saineba sero mou mawe apakana awiya diungna. 28Tumodiyao ra gege atu nu daigao minao aungne hu suwao buro awiya yena, Ayai iwo mani awiso emo didi zayao ra butu nena awiya ago daigaise yena.29Tumodiyao ra gege atu ago hito pipi re awiya tangi soyao ra buwa gaine yewa. Isip ra gorobo emo ago buwa ayero buwa gari yewa ta hito ago apakana horena .30Tumodiyao ra gege atu Isira, wari zare seven Jeriko napo baina zimuwa napo aungna goma bezero hosi duru yena.31Tumo diyaora gege atu bauno Rehap Isira ra humo emo pu gare gairo diya yena,aeno gedao dubu maga newa nu seka yena.32Na no nupe sari neni ? emo ena era,Gidion,Balak,Samson,Jepta,David,Samuel aune propet enare aungna unge diyao wata be aung nia.33Tumodiyao ra atu ago gitau emo tuwa ena tauyetuga aune iwo yero dero sisigairo,sao tauyao pugairo,Nosa ena Tuwa agera sena awiya pumuwa, dasigaiwai.34Iwo ra doba temuwa, Yangyang beraung giti ago dona, hinade ra dubu tauya zo kasa yero, emo esewa tangi aungna mitauwa awiya tunewa.35Mama yetuga iropuro Aiyamono age tamuwa, Ena dero kapero yewa awiya bunao doro kasayao bereya yenu sewa, no eno oko, Agore magayao iropupu naya, Aro dema be aungne Ingwaing iropari sewa. 36Ena awiya iwo ra nage atu mou mawe tamuwa , Ago eno ge memeko sinasani, Ena waung zo busi nasani, Ena angsi tauya zo berero bunewa.37Ago ena daba zo dewa maga yena, Ena aero gau eeto sewa, Ena awiya iwo nowa kaiya ami gaewa mamaga yewa, Ago ena awiya Tumodiyao ra atu tau yena giro wo ikara tata pitiwa hoso gairo bamuwa, nona apakana dorabotio meko tamuwa.38Tangi ewiya ago otao oko yenu, Ago soma soya neze ra, Agi ra, daba uma ra tangi boto ra atu mitasani nauwa.39Emo dubu ewia eyero nauwa no eno oko eno wata tumodiyao agera eno ayewa, Arata ago no paese sao awiya ago oko pao. 40Tuwa Tutu name eno nona wowosewa ena denenu mitiya arare name oko mitari nename awiya me oko kasa yari niya.
Chapter 12

1Arare emo name soreungro ge sao awiya dubure nibaung name ziungno miteya re, Kotupu nasani mou daigaiti nasani pasena oko yari nename. Nasani yawayawa re Hina nename. Nasani yawayawa re hina zakita baina eungna sumaneme.2Tumodiyao ra susuwa awiya Yesu ara, Arare name diti yero nu gege gari nename. YawaYawa tamari niya awiya gosinasani ipasaora tu me gao Diuna, Ayero Heme nu Tuwa Tutu nago meratu adumao masi nuna simao re augna tu aduna. 3Mou mawere pasena emo zo nu eno pugaiwa daigaina aeno nu kotu magi name. Anasani augne susungno baing tiro nu aungne mitari ne name.4Nige hu suwero, Pasena daigari taung oko dewa ara. 5Nige mani awiso nuna ayero sinasani soremao ge sena awiya nige nuwe gaitwita nowa. ''Mani nana Tuwa baina ni eno mou zo pugai nete aeno kotung,katung yari nesa,Awiya ni kora nia ara.6Tuwa baina emo ara tapu nasani mou pugati noiya anasani mani pupu noiya aeno yangya pugaiti noiya.7Mou mawere tapu nasani giro Tuwa tutu ni aratapu nasani aeno noiya ni mani nuna ware aeno ayero noiya.Mamono deka ayero mani awiso eno deka ayero nowa.8Ni mou mawere aung nasani giro ganesa awiya ni mani nuna oko hatu ayero tama nesa.9Mamono naname name dedunowa name ago angwang nasani ago samodedu noname. Deka ayero ititira eno ayero ya nename 10Mamono putoung baina nibaung name korayao ra pugaiti nowa ta ago gosi nasani nowa. Tuwa tutu zo iwaing naname eno noiya,Yai name nu aungne dema dang naora atu dema nanemese aeno noiya. 11Mou pugaiti noiya awiya yawa yaware oko ,Yangyang biyang yang mekore dema pugaiti noiya.Arata aungna me nuna awiya monore ,Nao iwaing kakawaing kasa noiya ara.12Arare te nago ninage putoung aung niya awiya yeputau yae.13Te ninage eno na kora yepu, Boborowa oko dubo mina neyata Iwaing yae.14Mono eyare ge eno kotumao pugaiti nasani otao mani apakana aungne ayero naya ami zo emo tuwa Baina saore gari neya.15Tuwa Tutu ra Ho amao re asoko oko noname, Arare meko oko bairo mou mawere oko noi kasa noiya.Arare emo oko gera noiya.16Emo tuwa Tutu ra nao oko nowa aungne kuma beraung giti nowa, Emo Iso ine, ami minao be dekaka minao aeno gitau mani ra putoung yentina.17Aungna bautara nu gao nuna nupe pitiya sero yena ta teng oko yena, Arata me oko pungna zi ziziungre ge sena ta teng oko yena.18Ora ni nona Yaong zo awinoiya,mumeBaina wa ou aungne soma meko yero mitoiya ayao oko Ding yero gari besa. Arita tu ge ta ge bewi kasa nena nenu emo nigao awang yero ge nupe oko sai se awang yero sewa.20Ago ge sena awiya ago yao teng oko yerogiro ake pari yero dopewa. Wo zozo agi awiya kirimai, giro daba zo daese sena.21Mose nukanu Tuwa Tutu ra gorobo putoung re giro hipero eyero sena na angwang nibaung nasani hipinena ayero sena.22Ora nige heme awiya bungno zion agi ra, Tuwa Tutu ra napo Baina Yerusalem aungna atu angelo zare zazagao teng oko ami nu bowi nowa.23Dubu bainagitau yao naname aungna yazo gaewa unditi ra aungne Tuwa tutu, Nukanu ge nigao emo Baina aung, ititi emo nao iwaing nowa aungne awiya kora yena.24Ora Yesu Kristo emo kora yao emo ami susumao seka, Hu nuna zo yena ami putoung re nasani, Abel ra hu daigaiti niya.25Ora emo bowi iwaing sinaya giro dago hawero nigipu. No eno tangi emo zo sineya sero nete mou nono yero daigari nesi. A nete nono yero mou emo uditi ra ge sinoiya ami pugari niya awiya daiga nesi.26Gitau ge bewi nuna zo tangi hipena. Arata heme sao nuna zo sena awiya era, Na be zo awiya unditi, tangire hipari nena.27Genupe hipari nena '' Sena aungna susuwa awiya nu gitau hipena awiya aung nai uwa zawa yena aungna aung yariniya .Nona nomi oko hipa ami gege mitaise sena.28Name dubo inwaing re, Yawayawa yariname awiya Tuwa Tutu ra nao masi ra atu nu bowi nasani hinghing re naneme, 29No eno oko Tuwa Tutu naname awiya iyaong soma apakana awi noiya aine ara.
Chapter 13

1Otao mani aratapu nasani neupu.2Nao emo Samodao a kotopu nasani neupu,Emo ena angelo oko ga samodewa.3Emo bunao ra mitao awiya dema kotupu nasani, Nikani ago aungne mitesa hatu ayero tamanesa. Emo bauno sisigaora miteya awiya dema kotupu nasani ni ago aungne mitesa hatu ayero taung. 4Nige apakana atao korayero Angwang nasani dia neupu atao ra awao masi gera yaneya, No eno Tuwa Tutu emo bauno kuma nasani atao sisigaiti nowa awiya Tuwa Tutu ra ge burora dopari neya.5Daba eno kutumao haena oko puganesa, Nona maingkoka nomi mitiya awiya kara, Tuwa Tutu Nukanune eyero sena,'' Na ni oko dotanena O oko bauta potari nena, 6Tumodidi nasani eyero saneme, ''Tuwa baina soremao nana; na angwang oko yari nena, emo na eno noyari neii.''7Gitau yetuga ninage kotupu nasani, Tuwa Tutu ra ge bowisinowa aungne angyao, Tumodiyao agera giro puno neupu.8Yesu kristo dadawa aung, Gitau mitaung na, Heme na mitiya, Agore gege mitari miya.9Gipao be raung giti ami nige oko sisigaise. Iwaing nibaung awiya Tuwa Tutu ra soremao Iwaing ami nige kora yaise, Oko nona minao zo nige oko soremari niya. 10Bowi yao garo baina aungna Aitar mitoi ya aungna tu buro emo, buro nowa, Minao atu minao awiya gazao. 11Wo pasena eno dedinowa aungna hu awiya gitao yao baina ami pungno toi Dang garo mokora noiya, Wora taung Daung atu igiti nowa.12Arare yesu deka ayero napo baina doro daung atu mou, Yangyang bing yang yang taungna, Hu nuna ami emo baungno saena. 13Arare name deka ayero baungno daung atu megao nuna dema pari nename. 14Name napo naname nibaung aung ware name napo zo kasayariniya aeno dity yaneme.15Baung nuna hina yero, Tuwa Tutu bowi yaname,zawing ambeyang yaise, awiya moko nina ungna me awiya gipe daung gari niya.
17Buro mamono ra ge dipu nasani, agera hese mitiungpu no eno ago ititi ra buro nasani nige diya nowa, Ago ami ge buro yawayawa re buro naesa kotung katung mekore nari neya awiya ninage hina atu iwang oko yariniya.18Nage eno Isa sineungpu, Nage kotumao Iwang re nasani nao Iwang re buro apakana yanege. 19Nige ayero nari neya ami zo na mena kapete gairo bungno nige gari nena.20Tuwa Tutu ra mono eyare ge, Ami wo dia yao Emo Baina magayao atu uwena, Yesu Kristo hu nuna ami susumao besugao aung awiya yenu kasa yena.21Nona apakana pugaina ami, Aratamao nuna ungna buro yasa, nu soremai yawayawa nasani, nukanu Yesu Kristo yazo baina putoung re besugao aungne mitari niya, iyo.22Soremao ge sana nige diyao nigiro ge emi nige soremaise, Noeno na nige eno ge baina oko gaero yengtena bumiya. 23Otao naname Timoti bunao besugaiya re, Nu mena bai giro nato dema buno nige gari nenato.24Buro mamono ninage aungne otao mani bowiyao dema nasani nowa apakana arugaiti nasani neungpu. Ago Itali atu miteya ami nige arugaiti neya.25Tuwa Tutu Hoamao, nige apakana aungne mitaise.

1 Peter

Chapter 1

1Na Pita, Yesu Kristo ra aposol, ami nige Tuwa Tutu ra gerao dubu soma sero daedae yero miteya aeno imagi ewiya nena. Nige Pontus, Galesiya, Kapadosiya, Eisia, Bitiniya, atu miteya aungna imagi ara. 2Nige awiya, Tuwa Tutu Mama ra gao kasayao ra miteya, ge dimao ninage eno Oweno zo mena nige gausero dubu ewe pugai miteya, anasani Yesu Kristo ra hu zo nige mena saeti pewa teya. Mono ninage mokora atu babinai, ho ozao nige aungne mitaise3Tuwa Tutu, Yesu Kristo ra Maung, ami yazo bowi re pupu nasani yawa yawa yaise. No eno oko, nu ho amao nuna baina nibaung ami, name eno wuire nao awiya pugai pename, arare name dubo eto aung, nona panemase senu mitoiya awiya name maung nename ara. Yesu Kristo maga yaora atu seka yero iropungna, aeno gege name nona apakana awiya maung yari nename. 4Nona maung yari nename awiya oko besugari niya, oko beingti yariniya, oko disari niya. Nona awiya gerao ninage sero aodiwa unditi ra atu mitoiya. 5Tumodiyao ninage eno Tuwa Tutu ra putoung zo nige goma gaeti, nige nao seka besugao bera kasa yaise sosero benero neya awiya diya miteya ara.6Saineba, mou mawe beraung giti ami nige pupuni, nige hoamao tapu neya, arata, nige bowi ewiya nigiro, yawa yawa baina nibaung neya. 7Mou mawe kasa niya awiya tumodiyao ninage gaero gari butuniya ara, goli awiya nu besugari niya, nupe iyaong ra pugari neya awiya nu tiwari niya, arata tumodiyao ninage awiya tauya nibaung ara. Tumodiyao ninage aungna me awiya, be Yesu Kristo kasaye daung gaiti nari niya, be awiya nu nige bowi pasore nasani, nige eno waegao zeyang zeyang re pugaiti nasani, yazo ninage po hitari neya.8Nige nu oko gigiwa, arata nige nu aratapu nowa, nige heme nu oko gosineya, arata nige nu tumodidi nasani yawa yawa neya. Yawa yawa ninage awiya, mani zozo giro saineyao teng oko. 9Nige heme tumodiyao ninage aungna me pupuneya era, me nuna awiya, ititi ninage magayao ra atu soremi nao seka pupuniya. 10Ititi ra nao seka heme ninege pupuneya ewiya, gitau ago propet dubu Tuwa ra, nona ewiya kauyero atata betata babuze nibaung yewa ara.11Kristo ra Oweno zo kotumao awiya ago gipena, aeno ago nona awiya be noune kasa yariniye, nupe emo awe kasa yari niye awiya gari kauyewa. Kristo yang yang biyang yang tamai aungna bautara,soma goli ma goli ziwari nena, awiya oko kasayao mitinu, Oweno zo mena ago gipena. 12Ago buro yewa awiya, aka ago soremao ra buro oko yewa, ago nige sore mao ra buro yewa, ayero mena Oweno zo ago gipena. Bowi heme unditi ra Oweno zo emo uwini sineya nige nigiti neya eungne, nupe, nona nomi kasayai angelo dubu gari diya ma diya nauwi, aeno propet dubu ge ewiya sewa ara.13Arare sosero benere nasani, kotumao ninage yepu tauyai, dopero baingtae. Goli ma goli ziwinai Yesu Kristo ra bao be ami nige eno, waegao zeyang zeyang re puro bari niya, aeno tau yero dopepu. 14Heme ewiya, nige ge dimao ra mani awiso ware, nao memeko nige gitau zawagao aung mitasani yewa, awiya nupe oko ago yepu.15Arata, emo awe nige yause nuna hina gaiya, nu awiya dang nibaung ara, arare nao ninage apakana awiya deka dang nibaung mitaise. 16Ge zo eyero gayao mitiya. "Na dang mitona re, nige deka ayero dang mitiungpu." 17Nige nu eno eyero sari neya,"Mama" nu awiya emo zo ra aratamao oko ago noiya, nu aratamao nuka nuna gege ago nasani, emo sero sero aungna buro awigairo gosi noiya, arare angyao eungna mokora, be bainare awiya nige Tuwa Tutu awang nasani neungpu.18Nige nona ewiya gipu zawagae, nige bata mani, mamono ninage, aungna nao memeko awiya denero puro nowa, awiya zuma zo goli ta, silwa ayao, mena meko yero aung yari niya, ami oko nige zuma gaena. 19Nige awiya Kristo ra hu pewa yao nibaung ami nige zuma gaena. Kristo awiya sipsip seka baya ine, yang yang aung, beingti aung, bozo iso aung.20Tuwa Tutu tangi ewiya oko yaore, Kristo awiya tangi eungna mou dimaise mena gipenu mitoiya, arata heme besugao bera etu nu kasaye kakame gaiya. 21Nige nuna hina atu dopero Tuwa Tutu tumodidi nowa ara, Tuwa Tutu nu be dekaka magayao ra atu uwenu iropungnu, nu eno yazo bowi re, aungne waegao zeyang zeyang re pugaina. Nu ayai nige putoung re Tuwa Tutu tumodiyaese aeno buro ayena ara.22Nige geme agoyao ra gabu ra atu ititi ninage teya pewa tiya. Otao mani aratapu nasani nao gabu, ami buro ayetiya, arare nige mokore, susukare, otao mani aratapu nasani neungpu. 23Nige nao sekara mokora atu, mani wuima ine yero kasa yero miteya ara, nige awiya nona he mena meko nowa aungna atu oko kasateya, nige awiya nona he mitao gege mitoiya aungna atu kasa yero miteya ara. Nona he awiya, Tuwa Tutu ra ge naore mitao gege mitoiya ara.24Taung piti awiya pugitau ine, simaore, waegao zeyang zeyang re nuna, awiya pugitau wui ine. Be pugitau so noiya awiya, wui nuna warasa gaiti noiya. 25Arata Tuwa Tutu ra ge awiya be aung mitao gege mitoiya. Bowi ingwaing nige eno mena tugata yewa nige nigiwa, awiya era.
Chapter 2

1Arare nige nao memeko apakana pu ake gaipu, gehiwao nao, dubo dubo nao, awiya apakana dopu. 2Nige mani wuire seka kasayao ine yero, Oweno ra ami mu eno dorabotiyo taungpu,anasani oune nige nao seka ra bayari neya.3Anasani oungne, nige Tuwa Tutu ra bayao awiya gaya kasa yari niya.4Nige bung nuna hina yepu, nu awiya daba naore mitao gege mitao aine ara, arata emo bauno dubu baina nu bereya yenu dowa, arata, Tuwa Tutu zo nu awiya nona nuna me nibaung asero gerena. 5Arare nige deka awiya daba naore aine, Oweno ra putoung ra, nige ami Tuwa Tutu ra dang garo gamari neya, nige ami prist ine yero Yesu Kristo ra soremao ra, Tuwa Tutu eno ititi ra zawing porari neya.6Tuwa ra ge zo eyero mitiya: "Gipu, na daba zo awiya, garo ra ziwong gerao, nupe zuma hitao nibaung, awiya Zion agira atu pugaiti nena. Mani awe nu tumodiyari niya, awiya nu megao oko pari niya."7Ni mani awe daba zuma baina ra awiya tumodiyasa, "daba awiya Yesu Kristo ara. Arata, emo garo gapu nowa ami, daba awiya meko sero dowa, daba ami heme garo ra ziwong me yero mitiya.' 8"Daba awiya, nai angyao ra atu miti, emo bauno puma sauma nasani, te gaero zuwero, gerayao tapu nowa." Ago te gaero zuwero, gerayao tapu nowa aungna susuwa awiya, ago ge nuna oko tumodidi nowa, aeno ago anaese Tuwa senare ago anari neya.9Arata nige awiya, gerao dubu nuna, nige awiya emo Tuwa ra prist dubu, nige awiya emo bauno dang, nige awiya Tuwa Tutu ra nona ingwang waing apakana, aungna emo bauno, arare, emo awe nige mume moko ra atu yau senu kasa yero, waegao ingwaing nuna aungna moko ra toiwa, emo aungna nao ingwang waing awiya gere gairo se daug gaipu. 10Gitau awiya nige emo bauno yazo aung ara, arata heme ewiya, nige Tuwa tutu ra emo bauno yazo re ara. Gitau nige hoamao nuna oko pao ara, arata heme ewiya, nige hoamao nuna mena peya.11Otao mani, na nige emo esewa ine, nupe emo tebe ema atu nowa aine, yau sinena, arare nige taung piti ra aratamao nomi ititi ninage aungne iwo niye, awiya dopu. 12Anasani nige emo diga mokora atu nao ingwaing naya ami zo, ago nige eno emo dubu memeko sarinete, nao ingwang waing ninage giro, Tuwa Tutu ra bao bera atu nu bowi yari neya.13Nige Tuwa awang nasani, emo yazo ikapariya pungno nige diya nowa, aungna hese mitasani, ge agera ago yepu. Tangi ra emo tuwa awiya, nu gitau yao baina niya, arare, nige ge nuna ago yepu, 14anasani, province ninage aungna emo gitau yao aungna hese mitiungpu, no eno oko, ago awiya, emo nao memeko nowa, awiya dero buni nasani, emo nao ingwaing nowa, aeno yazo ingwaing pugaiti naese giginu kasa yero mitowa. 15Tuwa Tutu ra aratamao awiya era, nige nao ingwaing naya, ingwaing ninage ami, emo nao memeko nowa, aungna be tapu dari niya. 16Nige nete, nage besao dubu sinasani, beso be eungna atu nao memeko nasani mitaneya, nige zoma, Tuwa Tutu ra sou mani ine yero mitiungpu.17Nige emo bauno apakana aeno nao ingwaing nasani, otao mani aratapu nasani, Tuwa Tutu awang nasani, tangi eungna emo tuwa ra hese mitiungpu.18Sosou dubu, nige diya ninage samo dero baititi nasani, agera hese mitiungpu. Diya ingwang waing gege eno oko sinena, diya ninage memeko awiya dema samo depu. 19Nige Tuwa Tutu ra kotumao ingwaing aungne nao ingwaing re, awiya gipi nasani samodao buro naya, aeno nige gera gaira narineya, awiya ingwaing ara, Tuwa nao ingwaing ninage awiya aratapu noiya. 20Nige nao meko yaya, aeno nige dero gera gaira yaya, yang yang tamari neya, aungna me noiye? Arata nige nao ingwaing yaya, aeno nige dero gera gira yari neya awiya ingwaing ara, Tuwa Tutu nao ingwaing ninage, awiya arataungno baingtiti noiya ara.21Nige samodao buro ayaese, aeno Tuwa nige yausena, no eno oko, Kristo deka nige eno yang yang ayero taungna. Nige ateate awiya ago yaese, gipero doro baungna 22Nu pasena zo oko yenu tamuwa, nupe, nuna be ra atu, ge hiwao zo oko kasa yenu tamuwa. 23Nu eno ge meko sewa, nu ago eno ge meko, ambeyang oko sena. Nu mou mawe tapu nasani, ago gerayao tamaese oko sena, nu zoma, nao nuna pu awigao emo ra nage gaina.24Tuwa nuka nune pasena naname taung nuna aungna atu diungno ipasao ra hitina, arare name pasena zoza oko mitiya, name etetero nao ingwaing ra mitari nename. Iso nuna zo yenu name ingwaing yengwangme. 25Nige apakana wo sipsip zo tara yero bamaingne yewa, arata heme nige nupe kapete gairo bungno maung ninage tameya, nu awiya ititi ninage aungna diya ara.
Chapter 3

1Gabu ewiya ago nasani, asi nige ibono ninage aungna hese mitiungpu. Nige ayero nari neya amizo, emo ena Tuwa Tutu ra ge ra oko nowa awiya, ge ninage bera eno oko wata, nao ingwaing ninage ami yai ago dubo dadawa yari neya. 2No eno oko, samodao re nao ingwang waing ninage aungne ami yaya, ago dubo dadawa yari neya.3Nige nona ingwang waing zuma babuze ra zuma gaero ami, ziyo ai ninage siungno, dago ninage siungno, taung ninage siungno, ami oko yaya ibono ninage dubo dadawa yari neya. Aung ara. 4 Nige nuka dopu, emo ninage mokora mitiya, ami Oweno ra bisisao, aungne eyare ge sinasani mitao, nao ami nige simai be aung mitae, simao ami ingwaing nibaung Tuwa Tutu ra beraung ra niya.5Bauno ena gitau ra awiya, nao ingwang waing paya simao agera yaise buro babuze nibaung yewa. Ago Tuwa Tutu aungne desetiro baingtiro, ibono agera aungna hese mitauwa. 6Gabu eungna atu Sara, Abara ra ge dipu nasani nu eno, diya nuna sinaungna. Arare heme nige nao ingwang waing nasani, mou mawe eno awang oko nari neya, nige awiya, Sara ra mani awiso ara.7Deka ayero, ibono nige zawagao ingwaing re, asi ninage aungne dema mitiungpu, no eno oko, putoung agera awiya hosao, ninage ine oko ara. Nige asi ninage sou nasani, nupe nige gaya zawagari niya awiya, asi ninage dema Tuwa ra yo ingwaing, nao masi mitao gege mitao, awiya pari neya ara.8Besugao ge nana nige eno eyero sinena,nige apakana dubo dekaka re mitasani, otao mani eno ho apu nasani, otao mani aratapu nasani, nika nige puro hosisi nasani, eyare ge sinasani neungpu. 9Nige eno nao meko yaya giro, ambeyang oko yepu, nige eno ge meko saya giro ambeyang oko sepu. Ago nige eno nao meko naya giro, nige ago eno nao ingwaing nasani, Tuwa ago eno nao ingwaing yaise isa sepu. Nige nao ayaese, Tuwa nige yau sena, arare nige nao awiya nasani Tuwa ra gao aungne zamena simena awiya maung yepu.10Mani awe nao nuna ingwaing mitai, nu be ingwaing kasa yari niya awiya gari kotungno giro, ewawa nuna ge meko oko saise, nupe be tata nuna, gehiwao ge oko saise. 11Nao nomi meko niye, awiya nu bauta potaise, anasani, nao nomi ingwaing niye, awiya ago yaise. Nu putoung yero Tuwa ra mono taungno ago yaise. 12Tuwa ra diti awiya emo etetero nowa, awiya humo noiya, anasani dago nuna awiya,atata yau agera nigiti noiya. Arata, emo nami nao meko nowa, Tuwa beraung nuna para gairo ago oko gosi noiya.13Nige nao ingwaing aratapu naya, awe nige iwo yari niye? Aung ara. 14 Arata, nige nao ingwaing aratapu naya, susuwa aeno nige gera gaira yaya giro, nige yawa yawa yepu, Tuwa nige gao yari niya. Ago nao ena yaya nige angwang yaese yaya giro, nige angwang oko yepu. Nige oko, dubo sisigaipu.15Nige Kristo Tuwa naname, awiya hingiro tau yepu, ninage mokora atu dang yero mitae. Mani ena nige eno atata eyero yari neya, nige susuwa no eno, Tuwa Tutu hingiro baingtiro nowi ayero sari neya, arare be apakana nige, ge agera ambeyang sari kangairo mitiungpu. 16 Nige kotumao ingwaing re Kristo aungne tairo nari neya amizo, emo nao ingwaing ninage aeno ingzao ge sinowa, awiya megari neya. No eno oko, ago nige nao memeko naya saine nowa re, susuwa aeno ago megari neya. 17Nige nao meko nete yaine, yangyang tebe nao ingwaing teya aeno tapuneya, awiya ingwaing nibaung ara, Tuwa Tutu nao awiya aratapu niya.18Nige kotungno gipu, Kristo nu pasena aung , ami pasena naname eno yang yang be dekaka taungna. Nu awiya pewayao nibaung, ami pasena naname eno yang yang taungna, nu ayero oune name pai kapete gairo bung Tuwa Tutu ra hina yaese ayena. Nu dewa tangi taung ra maga yena, arata, Oweno taung ra awiya nu seka yena. 19Nu Oweno taung re ba unditi ra yero, oweno memeko bunao ra mitowa aeno bowi ge sena. 20Oweno memeko awiya Nowa ra be ra atu, Tuwa Tutu ra ge dewa, arata, Tuwa Tutu Nowa ra ingwaing eno diya mitinu, Nowa wang nuna gaungno besu gaina, ayenu Tuwa emo bauno zare eit gege wang ra gazero pupunasani dubu baina awiya donu ou enza yewa.21Nao yena, awiya ge ou suwao ra ititi gipena, ami heme nige sorepu niya era. Ge ou suwao awiya, taung tata ra bingti sayao ra oko ara, awiya daba hingao ge, Tuwa Tutu eno sero, nige nuna beraung ra atu pewa yero mitari sewa. Nige pai ingwaing yaese, buro awiya Tuwa Tutu mena yero, Yesu Kristo magayao ra atu uwenu seka yena. 22Kristo heme ewiya, Tuwa Tutu ra nago mera atu mitiya. Nu unditi mokora toiro baungna. Angelo dubu aungne, oweno tau yetugao aungne, nona putoungre apakana, nuna hese atu mitaese.
Chapter 4

1Arare Kristo taung piti eungna mou diungna, nige deka ayero, nao nuna ago yepu. Mani awe taung piti eungna mou mawe dipu nari niya, nu awiya pasena ra bunao mena doro kasa ye daung gaiya. 2Aungna me awiya era, mani ayao awiya, mitao nuna taung piti ra mitari niya awiya, tangi emo ra aratamao ra oko wata, nu awiya Tuwa Tutu ra denao ra mitari niya.3Be gorebare nige tangi eungna nao memeko aeno doteya, emo diga ra nao beraung giti ago teya awiya kara teng tiya, nao eyetugao eno sinena, kuma nao, moko iropai nao pore yao, ou miniro dau yao, minao babuze nasani, nona haena minao, ou tauya miniro, nao meko mako yao, Tuwa Tutu ra sao tauyao daigaiti nasani, tuwa gehiwao bowi yao, aeno sinena. 4 Nige ago aungne dema tairo, nao memeko awiya oko neya, aeno ago kotupu neya awiya, nige ago eno nao meko neita sero, aeno ago nige eno ge meko sineya ara. 5Arata agore, ago awigao emo aungna beraung ra atu dopero, oungne susuwa no eno ago nao pore nei awiya awigao emo aeno gipari neya. Be aungne nu mani seka miteya aungne, mani mamaga yewa aungne, apakana awigari niya. 6Susuwa aeno, mani mamaga yewa awiya, oko magaya seka mitiwa be aungne, ago bowi ge mena sewa nigiwa. Taung piti ewiya maga yaise sena re ago maga yewa, arata, Oweno ra deung ra, ago nupe seka yero Tuwa Tutu ine yero mitari neya.7Nona apakana aungna besugao be awiya hora niya. Arare nige kotumao ingwaing re, nao ninage kora yero diya nasani, Tuwa eno isa sineungpu. 8Nona apakana aungna tame, nige otao mani re hina aratapu nasani neungpu, no eno oko, hina aratamao ra nao ami, pasena dubu baina awiya disi noiya.9Nige ge tebe tabe sao doro, hina samodedu nasani, eyare ge sinasani neungpu.10Tuwa nige apakana aeno, ho ingwaing teng pugainu pumuwa, arare ami nige sorepu nai, otao mani re hina samodedu nasani, Tuwa Tutu ra sou mani ingwaing yero neungpu. 11Mani zo nu ho ingwaing Tuwa ra bowi sao ra pungno giro, nu kara Tuwa ra bowi kora yero saise. Mani zo nu emo ena soremao ra buro nasani giro, Tuwa nu eno putoung pugaina, aungna dopero buro ayaise. Nona apakana ewiya neungpu, emo bauno apakana ami giro,Yesu ra yazo ra Tuwa Tutu ra yazo de ika yae. Putoung aungne waegao zengyang zengyang re be aung, Yesu Kristo aungne mitao gege mitaise. Iyo.12Otao mani nana, etegao zo kokoniya nibaung, ingyaong ine, ami ninage hina atu kasaniya, arare, nige nete nona zo beraung seka, ami ninage hina atu kasaniya, ayero sero nige hotoung oko yepu. 13Nige zoma eyero gipu zawagae, mou mawe ewiya Kristo mena taungna, name kewa awiya tapu nename, ayero sero nige yawa yepu. Ayari neya amizo, Yesu ra kasayao bera atu, nu waegao zeyang zeyang re butunai, nige yawa yawa baina kama yari neya. 14Kristo ra yazo ninage tame mitiya aeno, nige eno ge meko saya giro, nige yawa yawa gege yepu, no eno oko, Tuwa Tutu ra Oweno waegaore, awiya ninage tame atu mitiya.15Ninage mokora atu, mani zozo emo butu dao ra mou oko dimaise, hungai ra mou oko dimaise, nao meko mako yao ra mou oko dimaise, otao mani ra buro sisi gao ra mou oko dimaise. 16Arata ninage mokora atu mani zozo, ou suwao yazo nuna tame mitiya aeno mou diungno giro, nu mega maga oko yaise, nu zoma, yazo awiya nuna tame mitai, nu Tuwa Tutu ra yazo de ika gaise.17Awega ziwega be kasaniya era, buro awiya name Tuwa Tutu ra gerao dubu ra hina atu zayari niya. Naname hina atu za yero bautu nete, ora emo bauno ge nuna dedu nowa, aungna hina atu nono yero besugari niye? 18Tuwa ra ge zo eyero gayao mitiya. "Emo ingwang waing, awiya dubo dadawa yao teng oko, ayero yaya ora, emo Tuwa Tutu ra ge dedu nasani, nu bauta potero nowa, awiya nono yari nei?" 19Arare, mani nami Tuwa Tutu ra aratamao ago nasani mou mawe dipu nasani mitowa, ago awiya, tumodiyaore nao agera apakana, Mama name yena aeno pugairo, ago nao ingwang waing ago naya, nu ago kora yero diya yaise.
Chapter 5

1Na emo simai dubu ninage mokora miteya, aeno soremao ge sinena. Na deka simai otao ninage. Kristo mou mawe taungna, awiya na dema diti nana zo gigiwang, arare name dema nona ingwang waing panemese sena, awiya pari sero, Kristo ra kasayao be putongre waegao zeyang zeyangre awiya diya mitename. 2Arare na nige simai ra kotumao uwi nasani eyero sinena. Tuwa Tutu ra emo bauno, wo sipsip ine, nige aungne miteya awiya ninage nage atu miteya ara. Arare nige, emo bauno awiya kora yero diya yepu, gehiwao gabura oko, zuma pao ra oko, nige mokore nibaung ago aratapu nasani ago kora yero diya yepu. 3Ni emo diya yazo ikapariya puro nowa, aungna gabu ra dopero ago oko gera gairaye, ago awiya nina nage miteya. Ni zoma, emo wo meme diya nowa aungna nao awiya ago eno gipe. 4Ni ayero nari nesa amizo, emo wo meme diya nowa aungna gitau yao kasayero butunai, ni zuma ingwaing zo, oko meko yariniya, nu mitao gege mitari niya awiya parinesa.5Deka ayero nige mani seka, emo kikiyone ninage aungna ge ago nasani, agera hese mitiungpu. Nige apakana nika nige po hosisi nasani, Tuwa ra emo bauno ena ra hese mitiungpu. Nige eyero gipu zawagae, Tuwa Tutu emo taung po hitao awiya pu hese gaiti nasani, emo aka ago po hosisi nowa, aeno mono didiye gaiti noiya. 6Arare nige, nika nige po hosisi nasani Tuwa Tutu ra nago putoungre, aungna hese mitiungpu, besugao bera atu nuka nune, nige pu ika gae.
8Arare nige dopero tudiro, diti ake nasani mitiungpu. Sanda, iwo ninage awiya wo laiyon zo awi saine nasani ziru ziru niya, be apakana nu emo bero minari kaunoiya. 9Nige tumodiyao re dopero tauyero, nu tunepu ba ake yae. Nige gari neya awiya, dubu ninage soma sero miteya, tangi ziruru yao eungna miteya awiya, mou mawe nige no dipu nowa, ago deka ayero dipu nasani mitowa ara.10Tuwa Tutu nuka nune nige yause, Kristo ra waegao mitao gege mitao aungna gaina, arare nige mou mawe be apungore tamaya besugai, aungna bautara, nuka nune nige himetiyai tumodiyao ra dopero tauyari neya. 11Putoung apakana aungna maung nu gege, nu be aung mitao gege mitoiya. Iyo geme.12Na gigena Silwanus awiya, nu otao naname ingwaing zo ara, arare imagi nana heme nige eno nena, ewiya nago nuna zo gainiya. Imagi eungna atu nige kotumao uwao ge sinena awiya era. Tuwa Tutu nao ingwang waing name eno noiya awiya, name ho amao nuna ganame kasa yaise aeno gipiti noiya, na mena gigiwang, arare, nige deka giro, ho amao nuna aungna atu dopero tauyaese aeno, nige eno kotumao uwao ge sinena. 13Babilon napo ra bauno zo, ni aungne dema tamuwa kasayena, ami ni arugaiti niya. Mani nana mak dema ni arugaiti niya. 14Hina aratamao ninage gipiti nasani otao mani arugairo be mugaepu. Nige emo bauno nami Kristo aungne miteya, mono ingwaing nuna nige aungne mitaise.

2 Peter

Chapter 1

1Na Saimon Pita, na Yesu Kristo ra aposolo, nupe sou emo, ami nige mani nami Tuwa Tutu aungne mani nuna Yesu Kristo sorao Tuwa naname, aungna nao ingwaing re, nupe tumodiyao ingwaing nibaung nage mena pumuwa, nige deka ayero peya, aeno eyero sinena: 2Tuwa Tutu ra hoamao aungne eyare ge ami ninage mokora atu bayaise, anasani nige Tutu aungne Yesu Tuwa naname aungna nigao re baipu.3Tuwa name yause waegao zeyang zeyang re aungna yero, putoung nuna baina ami name eno nao nuna aungne nigao ingwaing nuna aungne awiya name eno pitina ara. 4Aungna mokora, nu name eno nona ingwang waing ena pitari geme sena, (promis) aungna mokora nona ninage dema miteya. Nao awiya tangi emo oko wata Tuwa Tutu zo yari niya.Nu nige eno ayai giro, nige deka tangi eungna aratamao memeko, oweno meko zo pugaiti noiya awiya tema yepu.5Susuwa aeno nige tumodiyao ra atu dopero nao ingwaing yepu, nao ingwaing tame atu nigao ingwaing pakayepu. 6Nigao ingwaing aungna tame atu, nata diyayao pakayepu,nata diyayao, tame atu moumawe dimao pakayepu, mou mawe dimao tame atu, Tuwa nao pakayepu. 7Tuwa nao ra tame atu, otao mani aratamao pakayepu, otao mani aratamao ra tame atu, aratamao pakayepu.8Nao ingwang waing ewiya teng ninage mokora atu mitasani babinari neya awiya, nige Tuwa Yesu Kristo ra nigao ra nige oko soyari neya, nupe nige oko sobe yari neya. 9Arata mani awe nao ingwang waing ewiya asoko niya, mani awiya nona nomi akepari yero mitiya awiya nu gao teng oko, nu nomi hora atu mitiya agege gosi nariniya, nu awiya diti takasa ara. Noeno oko, pasena nuna gitau otu yetugaina awiya Yesu mena saena, awiya nuwegaina.10Arare, diyao, gehera yero yau sao aungne hina zakita ninage awiya yepu me yae. Nige ayari neya, amizo nige moko ninage oko gazari neya. 11Nige ge ewiya ago yaya giro, zamena simena ninage hina hauhau nai, nige unditi ra naituma ra toiro baungno, Tuwa aungne Sorao emo naname Yesu Kristo ra nao masi mitao gege mitao awiya garineya.12Arare na kanggairo nona aeno, be apakana nige kotumao uwi nasani mitari nena, nige nona awiya kara gosi nasani, nupe nige geme ra mokora atu tau moko neya. 13Na kotupu nena awiya, ingwaing nibaung na seli gare etu mitasani, nige eno kotumao uwao ge sinari nena. 14Tuwa naname Yesu Kristo na mena gipetiya awiya, na seli garo ewiya kasao ra be hora niya. 15na gehera yero yana, nige dopero tau yari neya amizo be na bautu nari nena aungna bautara, nige nona awiya kotung kotung nasani mitari neya.16Nage bowi ge gitau otu taungno gaewa mitoiya awiya, Tuwa Yesu Kristo nupe bari niya aungna bowi ge zawa gaiti newa be aungne nige oko kora yero zawagao yewa. Arata nona awiya ge me nage diti nanage zo gigiwa. 17Nu Tuwa Mama ra hina atu waegao zeyang zeyang re pupu nena, be aungne ge mapu zo putoungre waegao zeyang zeyang re ami nuna hina bungna. Ge mapu awiya eyero kasa yena, "Ewiya mani nana Emodi, aratamao mani nana nibaung ara, na nu eno yawayawa nibaung nona." 18Ge ewiya unditi ra atu kasa yenu nage nigiwa, be awiya nage nu aungne dema agi dang nibaung aungna atu mitiwa oune ayena.19Nage propet ge ewiya yanage zawa gairo baingtiyari niya. Nige nao ingwaing nibaung yero ge ewiya nigari dago hawi nowa. Ge awiya ingzira ine,nu soma mumera atu wai nasani mitoi yagairo butu noi, arasa gora ra nina ge moko ra atu kasa yero dopari niya. 20Nige bere nona ewiya gipu zawagae, mani zozo nata propet ra ge gayao aungna susuwa keregao tengoko ara. 21Propet ge zo tebe emora aratamao ra oko butu noiya, arata emo Oweno zo be bungno nowa, ami Tuwa Tutu ra bera atu ge pungno sinowa.
Chapter 2

1Propet gehiwao mena bungno emo bauno ra mokora yena, deka aine, gipao mamono gehiwao deka ninage hina kasa yari neya. Ago nao memeko emo gerayao awiya hungero pungno bari neya, ago emo baina ago zumagaena awiya bewa yarineya. Ago gerayao mena pungno bung agera tame neya. 2Emo bauno dubure awiya kotumao agera ago nasani, geme ra nai sisigari neya. 3Depo nao agera aungne dema dopero ni unumao ge sero nao ingwaing nina kapari neya. Mou ago pari sero niya awiya be ake oko, mou ago gerayao awiya oko awi niya.4Tuwa Tutu, Angelo dubu gitau pasena yewa awiya oko aodina. Nu ago pugainu hosiro baungno, pasena mani maga yero, bautara bunao tapunowa, masi aungna atu ansi tauya zo bunenu awega ziwega yao be awiya diya mitowa. 5Tuwa Tutu nupe tangi gitau mitaungna awiya oko aodina. Nu Nowa gege aodina, no eno, nu awiya nao ingwaing ra be mani, nu aungne mani seven aungne agege aodina. Be aungne pasena tangi ewiya besugaise ou yentinu bungna. 6Nupe Tuwa napo babuze eto, Sodom aungne Gomora pugainu hosiro popo gege yewato, nu agoto eno ge mouya sero, gerayao pugaina, nao yena awiya ititi agore mani nami Tuwa Tutu nuwe gairo nowa ami tamari neya awiya gipena ara.7Lot awiya nu nao ingwang waing naungna, arata emo budu Tuwa Tutu ra sao tauyao daigairo nao memeko nasani nauwa, ami nu dema gera gaira nauwa. Arata Tuwa nu magayao ra atu soreungna. 8Emo pewayao dekaka ami emo nao memekore dubu baina aungna mokora mitasani, be sero wari sero nao memeko awiya gosinasani, nupe ge memeko agera nigiti noiya, ami moko nuna gera noi yangyang meko tapu nasani mitoiya. 9Tuwa emo nuna nu aungne tairo nowa, awiya nono yero soremai mou digari nei awiya nu gosiniya, nupe emo memeko awiya nono yero hingai mitete awigao bera atu bunao tamari nei awiya deka Tuwa gosiniya.10Mani nami taung piti ra aratamao memeko awiya susungno nasani, sao tauyao oko awang nowa, ge ewiya agera ara. Ago awiya tau nibaung nasani aratamao agera gege ago nowa. Ago awiya, mani Tuwa ra waegao mokora mitowa, awiya ise kaingse yao awang oko nowa. 11Angelo dubu zo putoung baina nibaung pungno nowa, arata Angelo dubu ami, emo nao memeko nowa awiya ingzi nasani, Tuwa ra hina atu ago gera oko pugaiti nowa.12Emo dubu awiya kotumao asoko yao, ago awiya wo inene, emo zo tunero daya magayari neya agege ara. Ago emo nono yao eno ingzao ge sinei, awiya ago oko gosi nasani, tebe ge wa sero sineya, arata ago dubu awiya gerayao tamari neya. 13Mani dubu awiya, nao memeko agera neya aungna zuma deka pari neya. Ago kotupu neya awiya nao memeko wari heme neya awiya yawa yawa ta sero neya. Arata ago awiya, beingti zo sayaya kosopao teng oko awiya pugaiti neya ara. Ago nige aungne dema minao nasani atu nao agera memeko anasani aeno yawa yawa nowa. 14Diti agera awiya kuma bauno giro pasena yaora gege kaunowa. Ago pasena yero teng oko yao, ago pasena gege nari nai kaunowa.Ago emo tumodiyao gewa gewa yao, awiya unupu nowa nao mekora zuzu nowa, anasani moko agera awiya, otao mani ra nona dubo dubo yaise ani gipero baingtiwa. Ago dubu awiya Tuwa Tutu ra waru ra miteya.15Ago dubu awiya nai ingwaing doro deung ra bameya, arare ago awiya Balam, Beor ra mani emo aungna heso ago neya, Balam awiya nao meko eno zuma pari arataungna.16Nao meko nuna aeno, Tuwa nu eno ge meko sena. Be aungne, donki, emo ra mapu pungno ge sero propet dau nena awiya gazena.17Mani dubu ewiya, ou diti soyao ine. Ago awiya bereze hito ra bisi zo pisinoi gigisi nowa aine. Mume, sori tutubu yao awiya gerao agera ara.18Ago ge hiwi nasani, taung po hitao ge sinasani nowa. Ago taung na aratamao memeko aeno mani unupu nasani nowa. Mani ingwang waing, nao meko giro tema yari nowa awiya, ago dubu ami unung mekora nowa. 19Ago geme sero emo mou ra atu besaya ingwaing yari neita sero sinowa, arata ago dubu awiya,nao mekora sou dubu yero mitowa. Nao nomi emo zo ra hina atu, tau nibaung yero be apakana mitoiya, emo awiya nao aungna sou mani ara.20Mani nami Tuwa aungne Sorao Emo Yesu Kristo ra nigaora atu tangi eungna nao memeko awiya bata gairo mitete, ago nupe kapete nao meko ra gaeya awiya, gitau ago meko masira gege mitiwa, arata heme besugao bera emi zo ago meko o meko masi ra atu miteya. 21Ingwaing nibaung awiya, ago nao ingwaing ra bowi ge awiya oko niga teya, nupe Tuwa Tutu ra sao tauyao dang, awiya nuka bauta pota teya. 22Tinawiya ge ewiya, me agera hina atu kasa yena. "Sino bero tiro nupe kapete gairo mini noiya, pu ou suwero nupe baungno gona susu noiya."
Chapter 3

1Na heme, nige aratamao dubu nana, aeno imagi zare tu nena era, imagi emi kotumao ingwaing ninage uwinai, 2nige propet dang gitau otu ge no sewa mitoi, nupeTuwa aungne Sorao Emo naname, sao tauyao no aposolo dubu naname eno pugainu pumuwi awiya, kotung kotung naese aeno imagi ewiya nena.3Nige diti ake nasani mitiungpu, emo dubu nige ingzao, awiya besugao bera atu kasa yero bari neya. Ago aratamao agera ago nasani nige ingzao ge beraung giti sari neya. 4Ago ingzao ge ena eyero sari neya, "Yesu geme sero, nu nupe kapete gairo bari sena, awiya bumiya naiye? Tangi ewiya zayero kasa yenu, bata mani naname mamaga yewa, saisibuna seka kasa yero butu neya, aungna mokora dadawa zo oko kasa noiya, aungara," ayero sari neya. Susuwa aeno nige diti ake nasani mitiungpu5Gitau otu, Tuwa Tutu be nuna zo ge senu, unditi re tangi re kasa yena, tangi awiya ou mokora atu kasa yena, nupe ou ami tangi yena.6Aungna mokora, ou ami nupe bungno tangi gitau kasa yena awiya gera yena. 7Arata, unditi re tangi re, heme ewiya aodiyao ra mitayato, be noungne Tuwa Tutu ra bera sao ago yero iyaong kasa yari niye agege diya miteyato ara. Unditi re tangi re awiya aodiyao ra mitasani, be noungne emo Tuwa Tutu bauta potero nowa aungna awega ziwega kasanai, mou meko kasa yari niya, be agege diya miteyato ara.8Aratamao otao mani nana, kotumao ewiya nige oko duwaise, wari dekaka Tuwa ra hina awiya ,dangwang wan tausen ine ara, deka aine, dangwang wan tausen, awiya wari dekaka ine ara. 9Mani ena zo eyero sineya, Tuwa nao no yari sena awiya yao teng oko ware sisipu niya, ayero sineya. Arata ge me awiya era. Ninage mokora atu zo magayao tamao awiya Tuwa oko aratapu niya, aratamao nuna awiya, nige apakana bowi ge nigiro, dubo dadawa yero nao memeko doro, nao ingwaing mokora naya oune Yesu baise, suswa aeno nu diya mitiya.10Tuwa ra bao be awiya, hungai mani zo baine yari niya: Unditi awiya bewi duduka baina nibaung re bamai besu gari niya. Tuwa Tutu tangi ra dong pugairo, aungna tame atu tangi yena, nona awiya apakana iyaong zo awai urupari niya. Anai,tangi aungne nona apakana tangi tame miteya awiya aung yari neya.11Nona apakana awiya, gerayao gabu eungna atu tapunaya, ora be aungne nige emo bauno nonoyao mitarinei? Be awiya nige dang nibaung nupe Tuwa ra naore mitiungpu. 12Be awiya, nige Tuwa Tutu ra be baina aeno diti nasani, nupe be baina awiya, mena kasa yaise atosao buro neungpu. Be aungne unditi masi awiya apakana iyaong zo gera yari niya, anasani tangi ra uwazawa apakana awiya, kokoni baina ami yai tiwari neya.
14Arare, aratamao dubu nana, nige be awiya diya mitari neya aungna mokora, nige gehera yero, bozo iso aung, nige hisi patao ge aung, nige dubo mono re Tuwa ra beraung ra mitiungpu. 15Otao naname Pol zo Tuwa nu eno kotumao ingwaing pugaina imagi yena ayero, nige diya yao be Tuwa ra, ewiya yepu dubo dadawa yao be ninage yae. 16Pol imagi nuna apakana aungna mokora, nona eungna ge sena, aungna mokora, ge ena awiya, tau yetuga zawagao teng oko. Mani ena kotumao ingwaing aung, ami ge aungna susuwa pore zawagairo, ago nata mou watiung agera tame gaiwa.17Arare, aratamao dubu nana, nige nona eungna susuwa zawagairo baingtiro giro, nika nige nata diya yero baingtipu, nete gehiwao emo ena, sao tauyao daigaiti nasani nowa, ami nige etegaya zuwero tumodiyao ninage gera yaneya. 18Arata nige Sorao Tuwa naname Yesu Kristo ra ho ozao aungne nigao nuna aungna moko ra atu baipu. Waegao zeyang zeyang re apakana nuna yaise, heme eungne, agore, be apakana. Iyo.

1 John

Chapter 1

1Nage aratamao nanage awiya ge nao re awiya nige bowi sari nenage- nu tangi oko kasa yaore nu gitau otu mitaungna. Nu dekaka awiya, nage ge nuna nigiwange. Nage nu noyena awiya gigiwange. Ayero nago nanage zo nu hingiro gigiwange. 2Geme,nu dekaka aungna nao nuna awiya nage eno gipena. Nage nu gigiwange arare nage emo dubu ena eno bowi nuna sanage nigari neya. Arare nage heme nige bowi sinenage. Nu awiya nao mitao gege mitao, Emo Tutu Mama aungne dema mitaungna awiya name eno gipewa.3Nage nona no ninigiro, giro yengwange aeno aeno, aratamao nanage awiya name tairo nu bowi yaneme. Bowi name sinase yero nigari nename awiya Tuwa Tut Mama aungne mani nuna Yesu Kristo aungne dema. 4Nage ge nige eno gaiti nena ge ewiya name apakana yawa yawa zo moko naname be baise aeno gaiti nenage.5Nage ge me nibaung Tuwa Tutu ra hina atu nigenage heme awiya nige bowi sinenage. Tuwa Tutu awiya nu waegao, nuna hina awiya mume aung.6Arare name esaneme,name Tuwa Tutu ra nao aungna tu nename, arata name be apakana mume ra atu noname. Name awiya ge hiwi noname.7Name waegao ra mitao teng,Tuwa Tutu mitoiya ayao ara ine. Name waegaora mita teni-me siniya, name bowi hina se yero natename. Ananame tuwa tutu ra mani Yesu ra hu-u name eno zang wing yero porena ami pasena naname apakana sai nasani name yai ing waing yatename.8Name eyero sanena me, name pasena aung asa nename awiya name naka name ete gaiti nename. Aung na susuwa awiya ge-e me naname mokora oko mitiya. 9Arata name pasena naname tuwa tutu eno kere gaiti nane name awiya nu pasena naname disari niya. Tumodiyao naname zo sai nu, ayero yaniya nu be apakana buro nuna noi me gege noiya, nu nao memeko naname apakana disero yai ri nename ingwaing yanename. 10Name eyero sane name, name pasena oko yao. Ayero sarinename awiya name, tuwa tutu nu emo gehiwao sane name. Anasani name ge-e me nuna oko panena me.
Chapter 2

1Mani awiso nana nibaung, na igi ewiya nige eno gaiti nenare nige pasena oko yepu. Arata mani awe pasena yai giro Yesu Kristo mitiyare, nune name soremari niya.Nu be apakana nao inwaing gege noiya. Arare nu Tuwa Tutu ra beraung ra atu name soremari niya. 2Yesu awia pasena disaora nai naname. Anasani nu deka emo bauno apakana aungna pasena disaora nai dekaka ara. 3Arata name Tuwa Tutu ra ge dipunasani nari nename amizo name nu saore gari nename.4Name eyero sari nename, name Tuwa Tutu saore gosinowa, arata name sao tauyao Tuwa Tutu ra oko ago noname ami siniya awiya name gehiwao dubu. Tuwa ra ge me awiya naname mokora oko mitoiya. 5Arata name Tuwa Tutu ra ge dipu nari nename amizo geme, aratamao nuna naname mokora mitiya ayero ganame kasa yariniya. Nao ayao ami siniya awiya name nuna mokora mitename aniya. 6 Name eyero sinename.Name Tuwa Tutu ra mokora mitename, name ayero sero giro Yesu nao no yena, name deka nao awiya ago yari nename.7 Otao mani nana nibaung, na sao tauyao zo seka oko nige eno gainena. Sao tauyao ewiya belaung dekaka nige mena zayao re pumuwa kewa ara. Sao tauyao eungna ge awiya nige mena nigiwa. 8Arata na no heme gaiti nena ewiya deka sao tauyao seka ara. Sao tauyao dekaka ewiya ge me nibaung ara. Nige sao tauyao eungna me nuna awiya Yesu ra hina atu gosi nasani nupe nika ninage hina atu gaya kasa yari niya. Mume awiya kara bautuni besu gaiti niya, ani waegao mena kasa yero posi niya.9Mani zozo eyero sari niya, na waegao ra mitena ayero sari niya, arata, nu diyao nuna ena Tuwa Tutu ra dubu aungne dema tairo nowa awiya bereya nai sinari niya awiya, nu mume mokora mitao gege mitiya. 10 Arata zo nu diyao nuna aratapu nasani noiya, nu awiya mena waegao moko ra mitiya. Anoiya re nu pasena oko noiya, aungna susuwa awiya era,meko nuna moko ra oko mitiya. 11Arata zo nu diyao nuna oko aratapu noiya, nu awiya mena mume zo diti nuna gazena re nu soma giro ang yao teng oko.12Na nige mani awiso nana nibaung aeno imagi ewiya nena. Aungna susuwa era, Yesu pasena ninage apakana mena disetiya. 13 Na nige mamono eno imagi ewiya nena, aungna susuwa awiya,nige mena nu awe gitau zayao ra otu mitaungna awiya nige gosi neya. Na nige taung seka eno imagi ewiya nena, aungna susuwa awiya nige mena emo meko de duru geya ara. 14Na imagi ewiya nige awiso nana eno nena, imagi eungna susuwa awiya nige mena mama saore gigeya. Na imagi ewiya nige mamono eno nena, imagi eungna susuwa awiya,nige mena nu awe gitau gatau otu mitaungna awiya gosi neya. Na imagi ewiya nige taung seka eno nena, aungna susuwa awiya, aungna susuwa awiya nige putoung momoko,Tuwa Tutu ra ge ninage mokora atu mitoiya.Arare nige emo meko de duru geya15 Nete tangi meko eungne zamena simena nuna aungne awiya aratama neya, noeno ni, tangi ewiya aratamari nesa awiya mama ra aratamao nina moko ra oko mitiya. 16 Nao emi tangi ra etu mitoiyare be apakana name pasena ra aratamao ago noname, anasani pasena memeko awiya giro aratapu noname. Anasani zamena simena naname tame aeno taung po hititi noname. Arata nao ayetuga awiya mama ra hina atu oko butu nowa, nao awiya tangi eungna atu butu nowa ara. 17 Tangi ewiya aung yari niya, aungne nona apakana name tangi eungna atu aratapu nasani noname awiya apakana aung yari neya, arata mani awe Tuwa Tutu ra aratamao ago noiya, nu ami mitao gege mitari niya.18 Mani awiso nana nibaung, besugao be hora tiya ara. Ni bowi mena nigasa awiya, Kristo ra iwo barineya ayero nigasa, Kristo ra iwo awiya mena kasa yero etu miteya ara. Arare name gari nename awiya besugao be awiya mena hora tiya ara. 19Iwo dubu awiya mena naname mokora miteya ara. Ago dubu awiya mena name doro bamuwa, arare ago dubu awiya dubu naname nibaung oko ara, ago awiya budu nanamesiya awiya ago name aungne dema mitateya. Ago mena name doro bamuwa, arare agera zo naname mokora oko mitiya.20Yesu nige eno oweno mena pugainu pumuwa, arare nige apakana ge me saore gosineya kasaniya. 21 Na imagi ewiya nena nige kotupu neya awiya nige ge mera mokora oko miteya ayero kotupu neita nowa? Aung ara. Na imagi ewiya gaiti nena aung susuwa awiya nige ge me kara gosineya kasaniya, arare nige garineya awiya, gehiwao ge awiya ge mera mokora atu oko kasanoiya.22 Gehiwao mani awiya awei ? Gehiwao mani awiya ge eyero sinasani nowa. Yesu awiya nu Kristo oko ayero sinasani nowa ara. Mani awe asinoiya, nu awiya Kristo ra iwo ara. Mani awe asinoiya nu awiya maung aungne mani aungne awiya oko tumodidi noiya. 23 Nu awe mani oko tumodidi noiya, nu awiya maung aungne dema oko tairo noiya. Arata nu awe mani aungne dema tairo noiya, nu awiya maungne dema tairo noiya.24 Nige gitau zayaora otu ge no nigiwa, ge agege ago neungpu. Nige anari neya ami geme nige mani aungne maungne dema tairo miteya awiya gaya kasa yari niya. 25Yesu mena geme zo name eno eyero sena, nao masi mitao gege mitao awiya naname sena. 26Mani ena mena nige unung nai mekora yari sero neya, susuwa aeno na nige eno imagi ewiya gainena.27Yesu mena oweno inwaing nibaung awiya nige eno pugainu nige aungne dema mitoiya. Arare mani ewe zozo nige eno kotumao seka ena gipaise oko sepu. Oweno nige eno pugina ami nona apakana nige gipiti noiya. Oweno pumuwa awiya geme ra oweno ara,gehiwao aung. Arare be apakana Yesu aungne tairo neungpu,oweno zo nige gitau nae. 28Na mokore nibaung nige awiso nana sinena,Yesu tairo nuna mokora mitiungpu, anaya bao be nuna kasanai name mega maga aung name putoungre nuna beraung ra dopari nename. 29Nige mena gosineya awiya nu emo pewayao, arare mani nami nao inwaing nasani mitowa ago dubu awiya nuna hina atu kasa yewa.
Chapter 3

1Mama name arataungno baingtina,nao nuna ami siniya awiya nu aratamao nuna name eno gipena, arare name awiya mani awiso nuna sinowa. Geme nibaung name awiya mani awiso nuna ara. Geme name awiya Tuwa Tutu ra mani awiso, tangi eungna emo bauno name oko saore gosinowa kasanoiya. Aungna susuwa awiya ago nu deka saore oko gosinowa kasanoiya. 2Otao mani nana heme ewiya name Tuwa Tutu ra mani awiso ara. Name agore nono yari nenime awiya name oko gosi nename,arata name gari nename awiya agore be Yesu kapete gairo butu nariniya be awiya name Yesu ine yari nename. Name Yesu emo awei, awiya be aungne gari nename ara. 3 Yesu awiya nu pasena aung nibaung, arare emo bauno nami Yesu tumodidi nowa ago awiya pasena aung Kristo ine yari neya.4Mani awe pasena noiya nu awiya TuwaTutu ra sao tauyao daigaiti noiya. Geme, pasena nowa awiya sao tauyao oko ago nasani nowa ara. 5Ni gosi nesa awiya Yesu bungno emo bauno apakana aungna pasena disena ara. Kristo awiya nu pasena aung nibaung ara. 6Arare nu awe Kristo aungne tairo noiya, nu awiya pasena oko noiya. Arata nu awe pasena nasani nariniya, nu awiya Kristo oko gai kasa yari niya.7 O awiso, nete mani ra ge nigiro nai meko ago yero bamaneya, Kristo be apakana nao inwang waing gege noiya. Arare be apakana nige Yesu ine yero neungpu. Nige nao inwang waing gege neungpu. 8 Sanda awiya zayaora atu pasena yena, arare mani awe pasena nariniya nu awiya sanda ra gerao ara. Tuwa Tutu ra mani awiya nu sanda ra buro sisigari aeno bungna ara.9 Tuwa Tutu ra mani awiso awiya pasena oko susungno nowa, no eno oko, nao seka Tuwa Tutu zo ago eno pugaina awiya mena ago aungne mitoiya ara. Arare ago pasena oko nowa, noeno oko, ago awiya mena Tuwa Tutu ra mani awiso yewa ara. 10Arare name gari nename awiya, Tuwa Tutu ra mani awiso awiya beraung nonoyai, nupe sanda ra mani awiso awiya beraung nonoyai, awiya kara ganame kasa yari niya.11Name diyao re hina aratapu nasani nao ra ge awiya nige mena gitau zayaora otu nigiwa ara. 12Nige Kaing ine oko yepu. Nu awiya sanda ra gerao, nu meta nuna denu magayena. Arata nu susuwa no eno meta nuna iwo yene? Susuwa awiya era, Kaing awiya nao memeko gege noiya, arata meta nuna zo nao inwang waing noiya aeno meta iwo yena.13Diyao nana, emo bauno tangi eungna nige oko aratapu naya giro, nete kotung katung yaneya. 14Name gari nename awiya, name magayao ra bunao awiya mena doro, name heme awiya nao seka ra mokora mitename ara, noeno oko name diyao aratamao naname mitiya aeno gege. Ora mani awe diyao nuna oko aratapu nasini noiya, nu awiya magayaora bunao ra mitao gege mitiya. 15Nu awe diyao nuna Tuwa Tutu aungne dema tairo nowa awiya bereya noi nu ewe noiya, nu awiya emo butu dedunao mani ara. Mani emo butu dedu nowa awiya nao masi aung ara.16Aratamao ra susuwa nibaung awiya era. Yesu nao nuna name eno pugaina, arare name deka ayero nao naname awiya diyaore hina piti nasani nari nename ami aratamao naname awiya me yari niya. 17 Emo zo nu tumodiyao re sinasani tangi eungna wau re zamena simena apakana nu teng, ami otao nuna zo dora botiyo tapunai giro, moko nuna behiwero otao nuna awiya oko soremao tiya, nu awiya daung mokera Tuwa Tutu ra aratamao nuna moko ra oko mitoiya aung ara. 18Awiso nana, name otao mani aratapu nename asero giro, otao mani oko ge bera gege zo aratamari nename, aung ara, name nao naname zo otao mani aratapu nename awiya gipari nename ami aratamao me niya.19,20 Name ayero nari nename ami zo name nai inwaing ago nename ayero gari nename ara. Be ena moko naname zo yai name mega maga yero giro, name ba Tuwa Tutu ra hina yero atu mono inwaing pari nename. Noeno oko Tuwa Tutu awiya nu moko naname aungna baina. Nune nona apakana gosi noi kasa noiya. 21 Mani awiso nana nibaung, name nao memeko oko noname hatu ayero taungno giro, name baung Tuwa Tutu ra hina yari nasani name awang oko yaneme. 22Name sao tauyao nuna pungno ago nasani, nao inwang waing noname nu yawa yawa noiya re, name no asoko yero nu atata yari nename, awiya nu name eno pugao gege pugari niya.23Ewiya Tuwa Tutu ra sao tauyao ara, name mani nuna Yesu Kristo ra yazo awiya tumodidi nasani diyao re hina aratapu nasani nanemese sao tauyao ewiya name eno pugaina ara. 24Mani awe Tuwa ra sao tauyao ago noiya,awiya nu Tuwa ra moko ra mitoi, Tuwa deka nuna moko ra mitoiya. Oweno nune name eno pugaina, ami name zawa gaiti noiyare name mena gosi nename awiya Tuwa naname moko ra mitiya.
Chapter 4

1Diyao nige oweno beraung giti apakana awiya oko tumodiyari neya, nige doro, oweno apakana awiya esai yero oweno nomi Tuwa Tutu ra hina atu butuniye awiya gipu zawagae. Noeno oko wata, emo be mani gehiwao dubu baina tangi eungna mokora mena kasa yero neya ara. 2 Ayero oune nige Tuwa Tutu ra oweno awiya gaya kasa yari niya. Oweno nomi Yesu awiya nu taung pitire kasaye tangi eungna yena ayero sinoiya, ami Tuwa Tutu ra Oweno niya ara. 3Ora oweno nomi Yesu awiya Tuwa Tutu ra mani oko sinoiya awiya nu Tuwa ra oweno oko niya ara. Oweno ayao awiya kristo gehiwao ra oweno, agore kasa yari niya nigiti noname awiya mena kasaye tangi eungna yero niya ara.4Aratamao mani awiso nana, nige awiya Tuwa Tutu ra hina atu miteya re, oweno gehiwao awiya nige mena daigeya ara, noeno oko emo ninage mokora mitiya awiya hitao ni,emo tangi eungna awiya hosao niya. 5Ago awiya tangi eungna gerao ware ago tangi eungna ge gege sinowa emo bauno tangi eungna dago hawero nigiti nowa. 6Arata name awiya Tuwa Tutu ra dubu ara. Mani nami mena Tuwa saore giro Tuwa aungne dema nowa ago ami ge naname nigari dago hawi nowa. Mani nami Tuwa aungne oko tairo nowa, ago dubu ami ge naname nigao bereya nowa ara. Anowa ami name eno geme ra Oweno naiye ge hiwao ra oweno naiye awiya gipiti noiya.7Otao mani, name diyao re hina aratapu nasani nari nename, noeno oko hina aratamao nao awiya Tuwa Tutu ra hina atu bungna ara. Mani nami hina aratamao nao aungne mitowa awiya ago Tuwa Tutu ra hina atu kasa yewa re ago Tuwa giro baingtiti neya Tuwa deka ago giro baingtiti niya. 8Mani awe hina aratamao nao awiya nuna hina oko mitiya nu awiya Tuwa oko gosiniya, noeno oko Tuwa awiya aratamao ra susuwa ara.9Susuwa aeno Tuwa aratamao nuna naname mokora atu pugaina, anasani Tuwa Tutu mani nuna dekaka nibaung awiya yentinu hosi tangi eungna yena, name nuna tame atu desetiro mitaese aeno yena. 10Aratamao aungna mokora naneme gitau Tuwa oko aratamuwa, Tuwa nuka nune gitau name arataungno pasena naname eno mani nuna yentinu hosi tangi eungna yena.11Otao mani, Tuwa Tutu name aratamai giro, name deka diyao naname aratamaneme. 12Mani zo Tuwa tutu oko gigiwa aung ara. Arare name hina aratapu nasani naname giro Tuwa naname mokora atu mitai, aratamao nao nuna pewayao awiya naname mokora atu mitari niya. 13Name atu ganame kasa yari niya awiya, name nuna mokora mitename, nu deka naname mokora mitiya ayero gari nename ara, noeno oko nu name eno mena Oweno nuna ena pitina ara. 14Maung zo mani nuna awiya tangi eungna sorao emo yaise yentina, nao yena awiya naneme diti naname zo giro, name bowi awiya susungno sinename ara.15Mani awe Yesu awiya Tuwa Tutu ra mani sinoiya awiya, Tutu nu aungne mitoi, nu deka Tutu aungne mitoiya. 16Tuwa Tutu ra aratamao name arataungna awiya name mena saore giro, name tumodiro mitoname ara. Tutu awiya nu aratamao nao aungna susuwa ara. Arare mani awe aratamao aungna mokora mitoiya, awiya nu Tuwa Tutu aungne dema mitoi, Tuwa Tutu nu aungne dema mitoiya.17Susuwa aeno, aratamao awiya yenu pewa yero naname mokora mitoiya, arare agore, Yesu ra awega wiwega yao bera name megamaga oko yari nename, noeno nu awiya pewayao ware name deka nu ine ami tangi eungna atu mitename ara. 18Aratamao ra mokora atu angwang yao oko mitoiya, aratamao pewayao ami mena angwang yao mise daung gaina, noeno oko, angwang yao awiya name pu bunaora gari niya,arare mani awe angwang re mitoiya, awiya nu Tuwa Tutu ra aratamao pewayao aungna mokora oko mitiya.19Tuwa Tutu zo gitau name arataungna, susuwa aeno name hina aratapu nasani noname ara.20Mani zozo "na Tuwa Tutu aratapu nena" ayero sinasani otao nuna oko aratapu niya, nu awiya ge hiwao mani. Ni otao nina diti nina zo gosi nesa awiya oko aratapu nesa, ni mani ayao ami Tuwa diti nina zo oko gosi nesa awiya aratamao teng oko nibaung ara. 21Sao tauyao Tuwa ra hina atu pumuwangme awiya eyero sena. Mani zozo na Tuwa Tutu aratapu nena ayero sero giro diyao nuna dema aratamaise.
Chapter 5

1Mani awe Yesu Kristo awiya nu maung ra hina atu kasa yena ayero tumodidi noiya, arita nupe mani awe maung aratapu noiya awiya nu mani maung ra hina atu kasa yena awiya dema aratapu noiya. 2 Susuwa aeno name Tuwa Tutu ra mani awiso aratapu noname ara, noeno oko, name sao tauyao nuna ago nasani name nu aratapu noname. 3Ewiya aratamao Tutu ra ware name sao tauyao nuna hingiro nari nename ara. Sao tauyao nuna awiya mou mesa yao okowa.4Mani awe Tuwa Tutu ra mani yero mitoiya nu ami tangi eungna putoung de duru gaiti nasani tau yero mitoiya. Name tumodiyao ra atu dopero tangi eungna putoung daigairo mitename ara. 5 Aratamani awe nibaung zo tangi eungna putoung daigairo mitiye ? Aung yai giro, mani awe Yesu awiya nu Tuwa Tutu ra mani ayero tumodidi noiya nu mani agege ara.6Yesu Kristo nu ami hu re ou re bungna Nu ou re gege oko bungna, nu ou re hu re dema bungna.7Nona etama zo ge ewiya me sero keregaiti neya awiya era: 8Oweno aungne, ou aungne, hu aungne. Ago etama emi dubo dekaka nasani ge ewiya dong doti nasani ge ewiya me sineya.9Name dong dotao ge tangi emo ra gosi nename arata,Tuwa Tutu ra dong dotao ge ami nona baina niya. Tuwa Tutu mani nuna dong dotao ra unge awiya eyero sena: 10Mani zo Tuwa Tutu ra mani tumodiyari niya amizo Tutu ra unge awiya nuna hina mitiya. Ora awe Tuwa Tutu oko tumodiyari niya, awiya nu Tuwa eno ge hiwao emo ayero siniya, noeno oko, nu Tuwa Tutu ra dong dotao ge mani nuna eno sena awiya oko tumodiya ara.11Dong dotao unge awiya era: Tuwa Tutu name eno nao masi mitao gege mitao awiya mena pitina, arata nao masi mitao gege mitao awiya mani nuna aungna hina atu mitiya. 12Mani awe tuwa Tutu ra mani aungne tairo mitiya nu awiya mena nao masi awiya pumiya ara. Ora awe Tuwa Tutu ra mani aune oko tairo mitiya awiya nu nao masi awiya aung ara.13Na ge ewiya nige mani nami Tuwa Tutu ra mani tumodidi nowa ami giro, hatu tamari neya awiya nige nao masi mena peya, ayero gaese aeno gae tena ara. 14Nupe ewiya putoung naname Tuwa ra beraungra, arare name aratamao Tuwa ra ago nasani nona zo eno nu atata yari nename awiya nu name nigari niya. 15Nupe, name nu kara atata naname nigiya ayai giro, name gari nename awiya name nona no eno nu atata tename awiya name mena pename ara.16Ninage moko ra atu mani zozo diyao nuna pasena zo yetiya arata, nu oko maga yari niya ayai giro, mani awiya diyao nuna awiya soreungno Tuwa eno isa saise, Tuwa nao nuna nupe susumae. Na ge ewiya pasena ena ni yasa magayao ni pari niya, na pasena aeno isa saise oko sinena. 17Nao memeko apakana awiya pasena ara, arata pasena ena yero ni magayao oko tamari nesa awiya mitiya.18Name gari nename awiya, name Tuwa Tutu ra hina atu kasayero mitoname name bubu awiya pasena oko noname ara.Noeno oko Yesu zo name goma gaero mitoiyare,oweno meko name oko gera noiya. 19Name gosinename awiya name Tuwa ra dubu ara, ora dubu baina tangi eungna miteya awiya oweno meko ra putoung ra miteya ara.20Arata, name zawagaiti nename awiya Tuwa Tutu ra mani mena bungno name eno kotumao inwaing zawagaore awiya pugaina, Nupe, name awiya nu awe geme niye aungna mokora atu mitename ara, nu awiya Yesu Kristo Tuwa Tutu ra mani. 21Mani awiso nana, tangi eungna Tuwa gehiwao awiya tema yero baingtipu.

2 John

Chapter 1

1Gitau yao zozo bauno noi zo awisore Tuwa Tutu zo zaung wang yena awiya arugaiti niya. Na geme nige apakana aratapu nena. Nane gege oko, Emo bauno apakana geme gosinowa kasanoiya awiya, Na nige nono yero aratapu nona deka ayero ago nige ayero aratpu nowa.2Nage nige aratapu nonage aungna susuwa awiya, ge-e me eno -geme nanage mokoratu mitiya, Geme awiya nage aungne mitao gege mitarini ya.3Tuwa Tutu maung aungne mani nuna Yesu Kristo ra mono, Eyare ge Hoamao, Ami nage aungne dema mitari niya. Anai nage ge mera Yawayawa aungna mokora ra tu mitanena ge.4Na mani awiso nina ge giro YawaYawa nena, YawaYawa nana aungna susuwa awiya, Ago nai ingwaing ra ame ne ya. Mama name no ya neme se sena aungna ame neya.5O baungno na heme ni eno eyero sinena. Name apakana heme hina aratapu na nename. Ge ewiya seka oko ge-e ewiya name gitau zayao ratu nigi wane me ara. Arata maora susuwa awiya, Name nono Yero mitaneme se, Nu sena,ayero mitane name anasani Tuwa Tutu ra ge-e awiya era, Aratamao zo nina ge hina atu mitaise. nige gitau za yaoratu ge-e ewiya nigiwa.7Gipao mamono gehiwao heme tangi ewiya bebung ro neya ago Yesu Kristo bo tangi eungna tu emo yena, Asao bereya noi sinowa, Ni mani awe ge-e me epao bereya noi sinosa, Ni awiya gipao maung gehiwao, Ni awiya Kristora iwo.8Kotung ro gi-i, Ni nete buro nina Yasa aungna zuma nina duwanesa, Arata kotung ro baingtiro gi-i , ni buro apakana nosa aungna zuma nina pari nesa.9Emo bauno apakana gitau yesu no gipena aungna ame naese.Nu awe ge ewiya dadawa yero ge ewe gipari niya, nu awiya Tuwa Tutu aungne dema oko noiya. Aratanu awe be apakana Yesu ra gipau aungna ame noiya, awiya mama mani nuna Yesu aungne dema nowa.10Esewa ena gipao eyao oko pungro bo nina hina yaya giro nete ago panesa, Anasani nete ago sasa bo nina gareya neya. Nai ena yero ago eno yowe mawe oko sanesa.11Nige aya neya awiya nige nao meme ko agera sorema neya.12Na ge-e unge dubu baina ni eno sarinenata, Na Kiripu zo igi yao awiya na bere ya niya. Arata naka nane kotung ro giro, Na bo ni esewa yari kotupu nena. be aungne nago dema adungro mitasani oungne ge-e unge yari nenago. Ayero yana go ami nanago hina tu yawayawa baina nibaung kasa yari niya.13mani awiso nina yaore Tuwa Tutu zo zang wang yenu mitowa ami ni arugaiti neya.

3 John

Chapter 1

1Gitau yao zozo Gaius otao nuna nibaung arataungro baing titi naung na awiya arugaiti niya. Na ni moko nana nibaung aungne aratapu nona.2Otao nana nibaung,na kotupunena awiya ni ititi ra buro nibaung ka-ara nosa,arare na isa sinena nona apakana awiya ak-ara ni aungne ingwaing bautuniya.Ni yawa yawa ingwaing re nosa.3Inao emo ena zo bungro ge me ra bowi nina moko ra mitiaya awiya na bowi seteya nigena.Ago na bowi sero eseteya.Ni nai iwaing ago nawasa awiya ka-ara ago nesa,ayero seteya.Bowi ami yeti na yawa yawa baina kama tapunena.4Be apakana bowi emi na eno yawa yawa baina kama pugaitinoya.Noeno oko wata,nige mani awiso nana nai inwaing ago nowa.5Otao nana ni baung,ingwaing nibaung awiya ni emo dubu,Emo Tutu hingiro taka sero nowa a sorepu nosa.Ago awiya emo bauno ni zo oko gosinesa kasaniya.6Ago emo bauno Emo Tutura bowi sero yawa yawa nina moko ra nono ya pungro nosa aeno sinowa.Arare ago sore ung nao agera awiya bamao gege bamaise.Ago sore ung nao agera ami Emo Tutu samodae.7Ang yao agera awiya kristo bowi yari sero neya.Ago sore mao ena emo bauno Emo Tutu aune oko nowa,aungna oko pupunowa.8Arare name ago sore maneya.Be name ago sore ma nename, awiya name ago buro neya auna nago pugaiti nename.9Na igi zo ye yere ibura gena ta,diotrepes name geno sineya awiya oko niganiya,nu be apakana gitau yao yari aratapu noiya.10Be na barinena awiya nu nao noniye awiya nu eno sana nigari ya,nu ge hiwi nasani name eno ge meko mako sina sani noiya.Arata agege oko,nu emo bauno Emo Tutu ra bo anowa,Nu ago soremao bereya noi sinasani ago giro yawa yawa ago aungne oko noiya.Anasa mani emo bauno ago oko soremaese sinoiya.Emo bauno ago sorepunowa awiya nu ago yere ibura tuni noiya.11Otao nana nibaung,nete mekora ame bamanesa,nao ingwang auna ame neung.Awe nao ingwaing noiya,nao awiya Emo Tutu ra hina atu butunoiya,arata nu awe nao meko noiya,nu Emo Tutu oko gosinoi kasa noiya.12Mani apakana,Demetrius bowi nowa dubo dekaka agera zo siniya ge awiya me ara.Asinasani nige nu bowi nowa.Ni gosinesa nage ge nosinenage awiya ge me ara.13Na nona dubu baina nibaung pung ro nenare,nani bowi sari nena,arata na kiripu zo igi yao awiya na oko aratapu nena.14Kutumao nana awiya be baina oko na ni esewa yarinena.Be aungne na ni aungne dema mitasani oungne nago ge unge yarinenago.15Diti dubo re ni na Emo Tutura hina pugati nasani neung.Otao mani etu miteya ami yawa yawa agera ni eno ingyeng titineya.Yawa yawa nana ge otao mani apakana atu miteya aeno ingyeng titi nenage.

Jude

Chapter 1

1Na zo ge-e ewiya gainena, Yesu ra buro mani aungne Jems ra meta. Emo Tutu Mama zo nige arataungro katagairo pung ro Yesu Kristo ra ingwaing eno nige diya noi nowa.2Nige aeno igi ewiya gaiti nena era.Emo Tutu ra aratamao aungne bayao mono re zo ninage hina tu zamena simena nasani mitaise.3Otao mani nana, na aratamao nana aratapu nena awiya name soremao Emo Tutu ra hina tu pupu nona name, aungna ge gayari kotupu nena, arata na hatu nana zo ewe tapunena. ge zo ewe gayari kotu punena.Na aratamao nana awiya nige soremana nige tumodiyao Emo Tutu zo emo dubu nuna dang emo eno pugaina.Emo Tutu tumodiyao awiya be dekaka gege pugaina.Aeno tumodiyao awiya be apakana ingwaing gege mitoiya.4Mani dubu ena hungero nina ge mokora toeya, emo dubu awiya mena gigeya kasatiya, ago awiya gehiwao emo, Gitau gatau otu, emo dubu gitau yao Emo Tutu aungne nauwa ami nao agera agore noya nei awia gaewa. Ago Emo Tutu ra mono pung ro dadawa yero pasena ra pugaiti nowa. Yesu nuka nu awiya diya baina naname aungne gitau yao naname.5Na nige soremana nige nona ena mena nigiwa awiya kotumaese sero sinena. Kotungro gipu, baina emo dubu nuna Isirael Izip tangi ra atu soreungno pungro bungna, arata ame nu emo dubu awe nu oko tumo diyao nauwa awiya gera yena. 6 Arare kotung ro gipu emo Angelo diya yaora putoung agera tara gaiwa. Ago mitao masi agera nibaung awiya dowa. Ayewa Baina ago mume mokora atu bunero pugainu besugao be baina a-a diya mitowa.7Arare napo babuze sodom aungne gomora aungne napo mamani ena hora kara kotung ro gipu, arare angelo ena kuma yao ra pasena zo bebao awiya kuma yewa, nao awiya ingwaing oko. Arare ago hatu meko bunao ingyaong re mitao gege mitoiya aung na atu mitowa,Awiya ete teuma naneme gaese yena.
9Arata angelo ra gitau yao baina maikol, nu nao e-e zo oko yena. Angelo Maikol nu sanda to mose ra taung piti aeno, awe paniye sero hina seyewato. Hinase gewiwao aeno angelo ra diya Maikol nu sanda gera yao ra kotumao zo oko pungna.Saineba Maikol nu esena emo baina zo ni bunariya. 10 Arata emo dubu ewiya nona ena ago oko gosineya kasaniya aeno ingzao ge sineya. Ago nona ena zo gosineya kasaniya. Arata ago nona ena oko gosineya kasaniya. Arata ago nona gosineya kasaniya awiya kotumao agera aungna oko.Arata hatu gege, nao agera awiya wo-o eura kotumao aung ami yaine nowa. Nao ami ago gera noiya. 11Nao ami yai agera hina tu meko kasa yari niya. Ago nao Keing zo yena aungna bamuwa. Simao dabare yaora nagibo awiya aka age nai gehiwao Balam zo bauna aungna bautu neya ago Kora zo Emo Tutu aungne hinade yena ayero nowa, gao awiya kola ine ware ago gera yao tamari neya.12Emo dubu ewiya taung agera being tiya ine ami ninage mokora atu mitowa,ago nige eno megao pung ro butu nowa be nige minao babuze aungna atu dema toiro hinapiti yero mini nowa ,ago nige aungne dema mini nowata,nige oko awang nowa aka ago gege samo dedu nowa, ago awiya bereze wa aung ine bisi zo ago pise gana bate noiya.Ago awiya ime sukaora bera, ime aung aine, ago ayao awiya watimaya tangi doro zoka rineya. Ago ayao awiya be eto maga yewa.13Beingti meko hito kapu babuze ratu mozi noiya aine,emo bauno apakana nao agera megao re nao awiya gari neya ago awiya arasa bereze ra atu bung ro baung ro noiya aine. Soma zo mume singi singi ya au singi yao ine awiya ago eno pugaiwa mitao gege mitoiya.14Inok nu Ada ra saisibuna zare seven ami emo dubu aeno eyero sena,gipu, emo baina, emo angelo nuna dang zare agera tausen,tausen aungne dema butuniya, bung ro emo bauno apakana awega ziwega yari niya. 15Nu bung ro emo awe nu aungne dema oko nowa, awiya bunari niya,no eno oko wata ago nao memeko nasani nu oko samo dao nowa aeno bunari niya.Nu emo bauno apakana awe nao meko nasani nu oko bowi yao nowa awiya bunari niya. Ago bunari niya aungna susuwa awiya ago nao meko mako nu eno setu gaiwa aeno bunari niya.16Emo bauno awiya be apakana hinase nasani,otao mani tairo nowa aungna pasena garena kaunasani nowa. Ago be apakana nao memeko yari aratapu nowa .Ago awiya aka ago bowi nasani noya.Ago ge iwang waing emo bauno ena eno sinowa, aungna susuwa awiya,ago nona no aratapu nowa awiya pateita sero aeno sinowa.17O otao mani,kotung ro gipu,geno yesu kristo ra buro mani sewa awiya kasayari niya.18Ago nige eno esewa,besu gao be hora naniya mani ena Emo Tutu ing zi nasani gero sinarineya anasani kotumao agera awiya nona noyarinei agege kotupu nari neya. Nona awiya Emo Tutu oko aratapu noiya.19Emo dubu ayao ami ni aungne hina kasuyero nowa .Ago awiya oweno ingwaing aung, aungna susuwa awiya ago Emo Tutura oweno ingwaing oko pao ara.20Arata nige otao mani nana,tumodiyao ninage dang ami nika nige hingai dopero tau tata ware yarineya.Oweno dang aungna sore maora atu isa sineungpu.21Nika nige puro pu Emo Tutu ra aratamao eyare ge aungna mokora pugaipu. Ayero nasani baina Yesu kristora hoamao ami nige eno nao masi mitao gege mitao awiya pugae.22Mani awe dubo etore noiya awiya soreungpu.23Emo bauno awe kowa iyaong re aungna atu gera yao tapu neya awiya soreungpu, arata ni gosi nasani oune nanesa, nao memeko agera nina hina oko suwa yaise.24Emo Tutu nu putoung re ware ni soremai etgao ra oko zuwanesa, nu ni pung ro buro beraug nuna waegao zengyang zengyang re aungna yaniya, meko zo oko nina hina mitai giro,ni eno yawa yawa baina kama pugari niya.25Nu nuka nu Emo Tutu,nu ami name sore pu noiya. Nuna hina atu waegao zeang zeangre aungne dia yaora putoung nuna putoung nuna hina teng mitiya. Nona apkana Yesu Kristo baina naname aungna hina atu gitau otu mitaungna, heme mitiya agore mitao gege mitariniya, awiya me yaise.