¹Kumatattekelo, Nyambi kuma a umbule liwilu no kaye. ²Kaye kana kombiwa kalo kupila shimweya. Milema kuma thzakalile peulo thzo uthzungi. Mupepo wa Nyambi kuma waendauliele peulo o meyu.³Nyambi ayepo amba eci, "Kukale liyeye," ne liyeye alyopo likalako. ⁴Nyambi ayepo mona liyeye, eci kunaloo. Aepo hangununa liyeye ku milema. ⁵Nyambi ayepo isha liyeye ci "Mutanya," ne ayepo isha milema ci, "Ushiku," Nehoni olu loliyo lungulo no mashiku, eli lyoliyo liyuwa lyo matatekelo.⁶Nyambi ayepo amba ci, "Kukale mbembeulu mukaci ko meyu, ne shi hangunune meyu ku meyu." ⁷Nyambi ayepo amba mbembeulu no kuhangununa meyu aa akalile kushi ko mbembeulu mu meyu aa akalile peulo thzo mbembeulu. Nehoni kopo kukala hengeyo. ⁸Nyambi ayepo isha mbembeulu "Liwilu." Ne kopo kukala lungulo no mashiku, lyoliyo liyuwa lyo mushili.⁹Nyambi ayepo amba ci, "Meyu aa ali mushi o liwilu aliwane mushivaka sho foci, ne kumonahale mube okukutu." Ayepo kukala hengeyo. ¹⁰Nyambi ayepo isha mube okukutu ci "Kaye," nehoni omo mwaliwanenine meyu ayepo isha moci "Likululwale." Ayepo mona ci kuna loo.¹¹Nyambi ayepo amba ci, "Kaye kamenishi imena: Yo kumena ei ipaka nanda no itondo ipaka ushuka ou uli no nanda muushuka, Kuthza mu mipambi thzayo." Ayepo kukala hengeyo. ¹²Kaye akopo kamenisha imena, imena ipaka nanda mu mipambi thzayo, no itondo ipaka oshuka no nanda thzayo mukaci, mu mipambi yayo. Nyambi ayepo mona ci kuna loo. ¹³Nehoni kopo kukala lungulo no mashiku, lyoliyo liyuwa lyo mushihatu.¹⁴Nyambi ayepo amba ci, "Liyeye likaleko mu wilu eci lihangunune mutanya ku ushiku nehoni eci ikale imonisha, mukonda o ikati, mukonda omayuwa no myaka. ¹⁵Liyeye likale mu liwilu eci lipe liyeye mukaye." Epo kukala kengeyo.¹⁶Nyambi ayepo kwama mayeye eli oshokulu, liyeye lyo likulu eci libuse mutanya, ne lyo lionye eci libuse oshiku. Kalo ayepo kwama matungwezi. ¹⁷Nyambi ayepo apaka mu liwilu ci ape liyeye mu kaye, ¹⁸eci abuse mutanya no oshiku, ne no kuhangununa liyeye ku milema . Nyambi ayepo mona ci kuna loo. ¹⁹Kopo kukala lungulo no mashiku, lyoliyo liyuwa lyo mushine.²⁰Nyambi ayepo amba ci, "Mumeyu kuyale iumbiwa yo ingi yo kuyoya, kwikale enyunyiiunduke peulo thzo kaye muwile." ²¹Nyambi ayepo omba iumbiwa yo ikulu yo mulikululwale, no shiubiwa shoshihe sho kuyoya mu mupambi washo, iumbiwa yo kuenda nehoni ei yayalile mumeyu momuhe, ne enyuni yoihe yo mando mu mupambi wayo. Nyambi ayepo mona ci kunaloo.²²Nyambi ayepo ifuyawethza, eci, "Mueleke nehoni mubule, ne muyale mu meyu mumakululwale. Enyunyi ibule pa kaye. ²³Kopo kukala lungulo no mashiku, elyo lyoliyo liyuwa lyo mushitanu.²⁴Nyambi ayepo amba ci, "Kaye kalete iumbiwa yo kuyoya, kuthza mumupambi wayo, eyama, nei yo kuendisha mala, ne no ikashama yo mukaye, kuthza mumupambi wayo." Ayepo kukala kengeyo. ²⁵Nyambi ayepo kwama ikashama yo pakaye kuthza mu mupambi wayo, eyama mumipambi wayo, nei yiendisha mala pashi. Ayepo mona ci kuna loo.²⁶Nyambi ayepo amba ci, Tukwame munu mushifwa shetu, no kulipitula kwetu. Eci abuse ethzi thzo mu makululwale, no enyunyi yo muwilu, no eyama, no kaye ko kahe, no ikokwama ei ikokawa pashi." ²⁷Nyambi ayepo omba munu mu shifwa shenji. Ayepo muumba mushifwa shenji. Ayepo umba mukwelume no mbuyana.²⁸Nyambi ayepo wa fiyauwethza no kuwa ambela eci, "Mueleke, ne mubule. Muyale mukaye, ne mukabuse. Mubuse ethzi thzo makululwale, no enyunyi yo muwilu, ne noi yoihe ei iyoya no kuenda pa kaye." ²⁹Nyambi ayepo ambaci, "Mumone, ina mipa imene yoihe ei ipaka oshuka ei ili pakaye kokahe, ne no shitondoshoshihe eshi shili no shuka eshi shili no nanda mukaci. Henge shikala shilya shenu.³⁰Kui yama yopa kaye, ku shinyunyi shohsihe sho muwilu, nehoni no shinu sho shihe shienda no lila pa kaye, ne no shiumbiwa sho shihe eshi shipuya mupepo o kuyoya inashipa sho ushombo shoshihe eci shikale shilwa." Ayepo kukala hengeyo. ³¹Nyambi ayepo mona yoihe akwamine. Eci inaloo. kukala lungulo no mmashiku, eli lyoliyo liyuwa lyo 6

¹Nehoni liwilu no kaye owu alitunulile kuliumba, no yumbiwa yoihe lyayo. ²Pa liyuwa mutanu no eli Nyambi wakumine kumatunwelo oi kwama aumbile, nehoni wali pumulishile pa liyuwa mutanu na eli kui kwama yoihe. ³Nyambi wa fiyauthzile liyuwa lyo matatekelo kulininga lyo likenu, mukonda kweli lyo liyo alitulumwishile kuikwama aumbile kumatatekelo.⁴Eshi shikati ya amba yo liwilu no kaye, ou yaumbilwe, mu liyuwa lya shinda sha moyo Nyambi ou akwamine kaye no liwilu. ⁵Ne kwithsa mulundu wa kalile mukaye no itondo ya menine, Mukonda Nyambi shinda sha moyo kalokishile vula mukaye, ne wai munu walimine mube. ⁶Unone mume wathzile muwilu kutundelela mukaye no kuyulisha popahe pashi.⁷Nyambi shinda sha moyo wa umbile munu kutundelela palikungu lyo pashi, no kumu puyela mumayulu mupepo omuya, no munu ayepo kala yumbiwa yo kuyoya. ⁸Nyambi shinda sha moyo wa kunine shilwa kumuve o liyuwa, Muedeni, no pakamo munu oyu ahumbile.⁹Mu muve shinda sha moyo wakunine itondo no kukula ci imonahale nawa mumeho, kalo itowi kuilya. Ne wa kunine shitondo sho moyo pakaci koshilwa, no shitondo sho kulimuka uwa no umango. ¹⁰Ne lwale lwa tundelela mu Edeni kunayulisha shilwa. Ne kalo kutundapo watepile lwale ku akwama malwale ane.¹¹Ne lithzina lyo lwale lwa matatekelo Pishoni. Lyoliyo lipukishela mulitunga lyoliye lya Habile, omu muli Gauda. ¹²Gauda thzomu mulitunga thziwa. mwakala kalo no Badeliumu no liwe lyo onikisi.¹³Lithzina lyo lwale lyo mushili Gihoni. Ne olulwale lwa pukishela mulitunga lyolihe lya kushi. ¹⁴Lithzina lyo lwale lyo mushihatu Hidelekele, lya pokishela kumuve oliyuwa o litunga lya Asho. Lwale lyo mushine po Eufraiti.¹⁵Nyambi shinda shamoyo poshinda munu ku mupaka mushilwa sho Edeni ci akwame no kulinyunga. ¹⁶Nyambi shinda shamoyo watuminene munu, no kumuambela, "Kwei yoihe itondo ili mushilwa mulilyele. ¹⁷Unone kweshi shitondo sho uwa no umango lelo mwashilya, mukonda elyo liyuwa mulyako, kenge mufa shemwa."¹⁸Unone shinda sha moyo po amba, "Kali uwa munu ci akale yofoci. Kenge ni kwama mukwathsi wenji." ¹⁹Pashi Nyambi shinda sha moyo wahumbile yoihe iyama yomu mulundu no inyunyi yo muwilu. Unone ayepo ileta kumunu ci amone eli atwesha kuisha. Momuhe omu munu aishela ei yumbiwa, co oliyo mathzina ayo. ²⁰Munu ayepo ipaka mathzina kui yoihe imuna, no inyunyi yoihe yo muwilu, no ikondwama yo mu mulundu. Unone mukonda aye wapilile mukwathsi okumukwathsa.²¹Nyambi shinda shamoyo wa mulalishile tulu totukulu nene, munu polala. Nyambi shinda shamoyo po mutundisha kofoci kapali kutupaci twenji no kuwushela nyama omonathzi kalela kutupaci. ²²Kukapali oka atundishile Nyambi shinda sha moyo ku munu po humba mbuyama no kumuleta kukwenji. ²³Munu po amba, "Eshi shikati, oyupo shishoko oi shoko yange, no nyama thzo nyama thzange. Kenge aishiwa mbuyama; mukonda atunda pa munu."²⁴Honine munu kenge ashiya tata wenji no mama wenji, kenge akala na munu wenji, kalo kenge akala nyama thzofoci. ²⁵Wahe akalile shin'eka n'eka, munu na munu wenji, unone kakalile no honyi.

¹Lihoka kuma na lipetelela iyama yoihe yomu mulundu kuu nyanyami kwei nakwana shinda ya moyo. Apo amba ku mbuyama, yoshemwa Nyambi na amba, kowakulya shimweya shoku kushitondo sho mulipya'?" ²Mbuyama apoo amba kuliyoka, "Twatwesha kulya kuushuka kutunda kuitondo yo mulipya, ³ambene koushuka kutunda ku shitondo eshi shili pakaci ko shilwa, Nyambi na amba, 'mwakulyako, shanga ku shikwata, kenge mwa kufa."'⁴Liyoka alyopo liamba kwa mbuyama, "Kuwakufa shemwa. ⁵Mukonda Nyambi alumuka ci apa mulyako ku shitondo kenge meho enu amona, kalo kenge mukala weci Nyambi, kulimuka uwa no umango." ⁶Apa mbuyama namono ci shitondo poshiwa kushilya, kalo ci shamonahala shiwawa, kalo shaleta kukupwethza no nyanyami, ayepo shimbako ushuka no kulya. Ne ayepo upako ushuka umweya kwa munu wenji, kalo ayepo olya.⁷Meho oo wahe awopo amona no kulimuka ci ali shiñekeñeke. Awopo alilukela mamuna oku vata. ⁸Awopo ayuva liywi lya Nyambi oku enda mu shilwa nako thzo lungulo oku kunapolela mukwelume no mbuyama apo aliholeka mwiitondo yo mushilwa kuyapa lupala lya shinda sha moyo Nyambi.⁹Shinda sha moyo apo isha mukwelume no kuamba kukwenji, "mulikupi?" ¹⁰Mukwelume apo amba, "nina kuyuvu mu shilwa, ne apo niyapa, mukonda kumanenikala shiñekeñeke. Ne amepo nili holeka. ¹¹Nyambi po amba, "Helye nakutongwela ci kumanokala shiñekeñeke? Munali ku shitondo eshina ni mitumina ci mwalyako?"¹²Mukwelume po amba, "Mbuyama uyu nonipa yoliyo nanipako, kuma nanipa ushuka kutunda kushitondo, namepo nilya." ¹³Nyambi shinda sha mooyo apo amba kwa mbuyama, "Ine unakwama?" Mbuyama ayepo amba "Liyoka linaniangela, kalo amepo nilya."¹⁴Nyambi shinda sha mooyo apo amba kwa liyoka ci, "Mukonda onakwama kenge, nakukuta muinu yoihe no mukaci koiyama yoihe yo mushilwa. Kenge o enda no lila, no kulya likungu mumayuwa omahe omoyo woye. ¹⁵Kenge nipaka shithzimbo mukaci kenu nowe no mbuyama, no mukaci ko anoye no anenji. Kenge aku kufulela ku mutwi, kenge wa kuhumela kulishito."¹⁶Ayepo amba kwa mbuyama, "Kenge nakuyuvisha kukola koye pakueleka mwaana, mukukola kwoye wakweleka mwaana . Kuhima koye kenge kwakukala kumunu woye, ambene kenge akukuendisha."¹⁷Kwa Adama ayepo aamba, "Mukonda onatelela liywi lya munuwoye, no kulya kushitondo, kathza ku mu nani kutumina kuamba, wakulyako, litunga lyo lihe lina kutiwa mulibaka lyoye; kenge wakulya shilya shoye ko kuaya mu mayuwa omahe okuyoya. ¹⁸Kenge lyakumena minga no shosho , kalo kenge mulya imena yo mushilwa. ¹⁹Kenge olya shilya sho kutunda ku muliyuwa lyo kumeho oye, kupitela opo uhuka ku muve, omu no tundelela. Mukonda omukwa likungu, kalo kenge wakuhuka kulikungu."²⁰Adama ayepo ta munuwenji lithzina lyo Eva mukonda yoloyo mama wowahe awa ayoya. ²¹Nyambi shinda sha mooyo apo kwamena Adama no munu wenji ivato ayepo wavateka.²²Nyambi shinda sha mooyo po amba, "Honi munu onapitula weci atwe, onalimuka owa no umango. Honi pano twa mutawethza lyoko lyenji likume, kushimba sho kulya kushitondo sho mooyo, kulya, ci akuyoye kokukana kupwa. ²³Apo shinda sha mooyo wa atundishile mu shilwa sha Edeni, no kuthza kuka lima lipya elyo napilwe. ²⁴Nehoni Nyambi wa tundishile mukwelume mushilwa, no kupaka Chelubini ku muveyuwa no kumamela shitondo sho umoyo.

¹Mukwelume ayepo limuka Eva munu wenji ayepo imana muliumbo no kueleka Kaine. Ayepo amba, "Nineleka mukwelume mu kunikwathsa shinda sha moyo." ²Kalo epo eleka minenji Avele. Ne Avele ayepo kala mulithsani, unone Kaine ayepo kala mulimi wo muve.³Kuma kwalile kenge pakaci ko shikati Kaine epo leta ku ushuka naalimi kukwama nupu kwa shinda sha moyo. ⁴Avele aye, ayepo leta ana o mangu o kulivanga no mathzi. Shinda sha moyo epo mutambula nupu thza Avele, ⁵unone kaine no nupu thzenji kanaaitambula ne. Kaine epo anjipa, no kukwama man'onde mulupala.⁶Shinda sha moyo ayepo amba kwa Kaine, "Ine oanjipa ne ine ona kwamena man'onde mulupala? ⁷Nga onakwama uwa, inga kani kutambulile? Unone ngeci kokwama yoiwa, shivi shina kalela pa shelo ne shaotela kukuendisha, unone yowe uloela kushiendisha."⁸Kaine ayepo amba kwa minenji Avele. Kuma kwa tendalile kenge kwashili mulianda, Kaine ayepo katuka kupilukela minenji Avele no kumu paa. ⁹Ne shinda sha moyo epo amba kwa Kaine, "Kupi ali minoye Avele?" Ayepo tawa ci, "Kanilimuka. Eine yame no munyungi wa minange nji?"¹⁰Shinda sha moyo epo amba, "Ine ona kwama? Unyinga wa minoye wa isha ku kwange kutundelela pashi. ¹¹Nehoni onafu milao kutundelela pashi, apa panayaha misha kanwa kako kutambula unyinga wa minoye utunda mulyoko lyoye. ¹²Ou ulima pashi, kutunda lelo kawa kuku letelanga kuyanga nawa mu ungi. Kenge okala wo kuyauluka no yembaana mu kaye."¹³Kaine ayepo amba kwa shinda sha moyo, "Kashitiko kange ka kulu nene kani katwesha. ¹⁴Yashemwa, onani cithzi mu liyuwa lyo lelo ci nitunde muno mukaye, ne kenge nilioleka oku okana kumona. Kenge ni yauluka no kuyembana mu kaye, ne yomuhe wukuniwana kenge ani paa." ¹⁵Shinda sha moyo epo amba kukwenji, "Yomuhe waku paa Kaine, naye kenge aku husheliwa omango miendo mutanu no thzili.'' Ne shinda sha moyo epo paka kaine shilimukisho, eci yomuhe wakumuwana, amu lwisha.¹⁶Ne Kaine ayepo tunda pa meho a shinda sha moyo no kuka tunga mu litunga lya Node, ku muve yuwa wa Edeni. ¹⁷Kaine ayepo limuka munu wenji ne ayepo imana mu liumbo. AYepo eleka Enoki. Ayepo umba liumbo ne epo lita lithzina lya mwanenji Enoki.¹⁸Enoki ayepo eleka Iradi. Iradi yoliyo wa kalile tata wa Mehujaele. Mehujaele yoliyo wa kalile tata wa Metusaele. Metuseele yoliyo wa kalile tata wa Lameki. ¹⁹Lameki ayepo yeka ambuyama eeli. Lithzina lyo yumweya lya kalile Ada, ne yumweya lithzina lyenji kuma lyakalile Zila.²⁰Ada epo eleka Jabali. Yoliyo tata wawa naa yoyanga mu matente kulisha emunanu. ²¹Lithzina lya mwapenji lyakalile Jubali. Yoliyo tata wawa naa shikanga Harepa no pala. ²²Zila aye, epo eleka Tubali -Kaine, kuma akalile muka kufuta inu pa kopa no shifu. Ndumbu thza Tubali- Kaine kuma kalile Naama.²³Lameki ayepo amba kenge kwa anu enji, ''Ada nowe zila, muteelele liywi lyange; amwe anu a Lameki, mutelele eyi niamba. Mukonda nina paa mukwelume nani kulukisha, no mucaha nani kulukisha. ²⁴Ngeci Kaine waanekeliwile miendo mutanu no thzili, ne Lameki kenge aku anekeliwa miendo makumi mutanu no makumi eeli."²⁵Kalo Adama ayepo limuka munu wenji, ne ayepo eleka mwana wo mukwelume. Ayepo muta lithzina lyo Seta ne epo amba, "Nyambi onanipa kalo mwana wo mukwelume mu shivaka sha Avele, mukonda Kaine wamu paaile." ²⁶Seta naye epo eleka mwana o mukwelume ne epo muta lithzina lyo Enoshi. Mwesho shikati anu awopo atateka kulombela mu lithzina lya shinda sha moyo.

¹Ethzi buka thza shikuta sha Adama. Muliyuwa eli Nyambi a umbule munu, wa umbile mu kuliputula nenji. ²Wa umbile mukwelume no mbuyama.Ayepo wapa ifuyauthzi no kuwa isha ci munu apa a umbiwile.³Ou Adama ayoile myaka 130, a ayepo kala tata o mwana mukwelume mukulipitula nenji, mushifwa shenji, ne ayepo muta lithzina lyo Seta. ⁴Adama munyima thzo kukala tata wa Seta, hime ayoile myaka 800. Wakalile tata wa ana wom akwelume na ambuyama. ⁵Adama hime ayoyile myaka 930, ne ayepo faa.⁶Ou Seta ayoyile myaka 105, ayepo kala tata wa Enoki. ⁷Munyima thzo kueleka Enoki, wa yoile myaka 807 ne ayepo eleka akwelume no ambuyama o angi. ⁸Seta hime a yoile myaka 912, ne ayepo ofaa.⁹Ou Enoki ayoile myaka 90, ayepo kala tata wa Kenani. ¹⁰Munyima thzo kueleka Kenani, Enoki hime ayoile myaka 815. Ayepo kala tata wo akwelume no mbuyama o angi. ¹¹Enoki wa yoile myaka 905, ne ayepo faa.¹²Ou Kenani ayoile myaka 70, ayepo kala tata wa Mahalalele. ¹³Munyima thzo kueleka Mahalalele, Kenani ayoile myaka 840. Ayepo kala tata wa wa kwelume no ambuyama wo angi. ¹⁴Kenani wa yoile myaka 910, ne ayepo faa.¹⁵Ou Mahalalele ayoile myaka 65, ayepo kala tata wa Jaredi. ¹⁶Munyima thzo kueleka Jeridi, Mahalalele hime ayoile myaka 830. Ayepo kala tata wa kwelume no mbuyama o wangi. ¹⁷Mahalalele wa yoile myaka 895, ne ayepo faa.¹⁸Ou Jeridi ayoile myaka 162, ayepo kala tata wa Enoki. ¹⁹Munyima thzo kuela Enoki, Jeridi hime ayoile myaka 800. Ayepo kala tata wa kwelume na ambuyama o angi. ²⁰Jeridi wa yoile myaka 962, ne ayepo faa.²¹Ou Enoki ayoile myaka 65, ayaeo kala tata wa Metusela. . ²²Enoki wa en dile na Nyambi myaka 300. Munyima thzo kueleka Metusela. Ayepo akala tata wa akwelume no ambuyama o wangi. ²³Enoki hime ayoile myaka 365. ²⁴Enoki wa endile na nyambi, ne ayepo yongelekethza, mukonda Nyambi wa mushimbile.²⁵Ou Metusela ayoile myaka 187, ayepo kala tata wa Lameki. ²⁶Munyima thzo kueleka Lameki, Metusela hime ayoile782. Ayepo eleka akwelume na mbuyama o angi. ²⁷Metusela wa yoile myaka 969. Ne ayepo faa.²⁸Ou Lameki ayoile myaka 182, ayepo eleka mwana mukwelumu . ²⁹Wamutile lithzina ci yoliyo Nuwe, amba, "Oyu henge atupa ku ayuluka kuikwama yetu no kututundisha ku kuaya ko moko etu, ei tuna loela kutenda mukonda o shikuto sha shinda sha moyo pashi."³⁰Lameki hime ayoile myaka 595 munyima thzo kueleka Nuwe. Ayepo eleka akwelume no ambuyama o angi. ³¹Lameki hime ayoile myaka 777. Ne ayepo faa.³²Munyima thza Nuwe kuyoya 500 myaka, ayepo eleka Sema, Kama no Jafeta.

¹Shindsa sha moyo aha ambela Nuwe, "Okeye, owe naka njiyo thzoe wowahe, muingene- Mualeka, mukonda na mona ci mwa mwakwama shiwa pam eho ange mu mikuta thso lelo. ²Kushiyama no shiyama sho shikenu kenge aleta mutanu no aili yoi kwelume no mutanu no ili yo imbuyama. Kuiyama yo mathzilo, keyo ulete ili, omukwelume no munu wenji. ³Kalo ku inyunyi yo muwilu olete mutanu no ili yoi kwelume no mutanu no ili yo imbuyama, kuyoisha ana ayo pano pakaye kokahe.⁴Mukonda mu mayuwa mutanu no eli kenge na kuleta ci alok pano pakaye pa makumi ane omayuwa no makumi ane o shiku. Kenge na kumasha pa kaye shinu sho shihe shokuyoya esho nakwamine." ⁵Nuwe wa kwamine yoihe eyo shinda sha moyo amu laelelile.⁶Nuwe neli wa myaka ita mutanu no shofoci apo limina lya keile pano pa kaye. ⁷Nuwe, anenji, munuwenji, no ngumwenenji athzile mu Aleka wo wahe mukonda ko meyu olimina.⁸Eyama yoikenu noiyokukana kukena, enyuni no shinu shoshihe sho ku endisha lila pashi, ⁹muwili muwili, mukwelume no mbuyama, ya keile kwa Nuwe no kunathza mu Aleka, eci eli Nyambi alaelile Nuwe. ¹⁰Munyima thzo kupwa ko mayuwa mutanu no eli meyu olimina akeile pano pa kaye.¹¹Mu mwaka oku kwanisha ita mutanu no shofoci yo kuyoya kwa Nuwe, mungonda thzo- mushili, mu liyuwa lyo mayuwa likumi no mayuwa mutanu no eli mungonda, muliyuwa elyo, meyu okuwelauka omu thzungi oukuhe apo avukuka, no manjaneno okuwilu ayanjulukile. ¹²Imvula watatekile no kuloka pano pa kaye makumi ane omayuwa no makumi ane ou shiku.¹³Mu mayuwa okulipitula Nuwe na anenji, Sema, Hama, no Jafeta, no munu wa Nuwe no angumwenenji ahatu na wo, aingenine mu Aleka. ¹⁴Aingenine mofoci no shiyama no shiyama sho mumulundu mumu pambi wa sho, no shimuna kushimuna, kuthza mumu pambi wayo, no shinu sho kuenda na lila mu kuthza mupambi wayo, kuinyunyi no shinyunyi kuthza mumu pambi wayo, ku mupambi oshumbiwa shomando.¹⁵Eyeli yoihe eyo ilino nyama eyolino moyo oku yuyaela yakeile kwa Nuwe noku naingena mu Aleka. ¹⁶Eyama yengenine neli yo sho kwelume neiyo sho mbuyama yo nyhama yoihe; ya ingenine mo eci amulaelile Nyambi. Nehoni shinda sha moyo ayepo yanjela shikwalo munyima thza yo.¹⁷Nehoni limina lya keile pakaye pa mayuwa makumi ane omayuwa, no meyu avulile no kuyelula Aleka no kuyelula muwilu. ¹⁸Meyu akwanakwanine kaye kokahe, no Aleka thza pukile peulu lyo meyu.¹⁹Meyu ayelukile oangi nene pa kaye eci mikinya thzo thzihe thzo thzile thza thzelile. ²⁰Meyu ayelukile likumi no mutanu olikokonwa peulu thzo mikinya thza thzelile.²¹Yoihe yoku yoya ei yenda pa kaye yafile - enyunyi, emuna, eyama yo mulundu, eyo ya yoile muungi pa kaye, no munu yo muhe. ²²E umbiwa yoihe ya yoile pashi, yo kupuyela mumayulu yafile.²³Ne enu yoku yoya yoihe pakaye pa ndanda yafile, munu, no iyama noiyo kuendisha mala nei yo muwilu. Yafelelile pa kaye. Hime Nuwe nawa akalile nenji mu Aleka woliyo ashalile. ²⁴Meyu hime akala pa kaye ko mayuwa 150.

¹Nyambi waanekelile Nuwe, iyama yoihe yo mu mulundu, no emuna yoihe naikala nenji mu Areka. Nyambi epo kwama mupepo naupepela mu kaye momuhe, no meyu epo atateka kupwelela. ²Maweluwelu opathzungi no tunjanenu to kuwile twathsikiwile, ne ayepo mana kuloka. ³Limina lyo meyu epo lihuka pashi kamanana kamanana mukaye, ne munyima thzo kumamaneno o mayuwa o kukwama 150 meyu epo apwelela.⁴Aleka epo thzishekela mu ngonda thzo mutanu no maonda eeli, pa liyuwa lyo 17 ku ngonda, peulu thzo mikinya thzo Ararati. ⁵Meyu shime athza no kupwelela kutwala pa ngonda thzo ulikumi. Liyuwa lyo matatekelo ku ngonda mitwi thzo mikinya athzopo thzitateka kumonahala.⁶Kwa kalile kenge munyima thzo mayuwa o makumi anee Nuwe epo yanjulula njanena thzo Aleka ethzi na kwama. ⁷Ayepo punisha likololo ne epo liunduka kolithzanga no kuhuka shime meyu ou naa pwelela mu kaye.⁸Ne ayepo tuma likuci ci likamone ngeci meyu ana pwelela pa ndanda mu kaye, ⁹unone likuci kanalikawana ko kutulela, ne alyopo lihuka ku kukwenji mu Aleka, mukonda meyu mana yala mu kaye momuhe. Ayepo punisha lyoko lyenji, ne epo lishimba no kuliusha mu Aleka kukwenji.¹⁰Ayepo tatiela pa mayuwa mutanu no eeli kalo ayepo punisha likuci mu Aleka. ¹¹Likuci epo likahuka kukwenji lungulo. Kenge! Kuma kwakala limuna lyo lishu lyo shitondo sho Olive mu mulomo walyo. Ne Nuwe ayepo limuka ci meyu ana pwelela mu kaye. ¹²Ayepo tatiela kalo pa mayuwa o kukwana mutanu no eeli, kalo ayepo punisha likuci. Kanalika huka kukwenji kalo.¹³Kwa kalile kenge mu myaka thzo ita mutanu no shofoci no mwaka wo matatekelo, mu ngonda thzo matatekelo, o liyuwa lyo matatekelo o ngonda, ci meyu apwelelile mu kaye. Nuwe ayepo punisha shituwa sho Aleka, ayepo kenga, epo mona ci, inene pa ndanda pana kukuta. ¹⁴Mu ngonda thzo mushili, mu liyuwa lyo 27 ku ngonda, kaye kapwelelile.¹⁵Nyambi ayepo amba kwa Nuwe. ¹⁶Opune mu Aleka, owe, munu woye, anoye, pofoci naa ngumwenyoe. ¹⁷Opunishe yoihe ihumbiwa iyoya ili- kukoye inyunyi, iyama noyi yoihe endisha mala yienda mukaye -eci yoku vula manene mu kaye, eci ya kukale oshuka ne ivule mu kaye."¹⁸Ne Nuwe ayepo punamo no anenji, munu wenji, naa ngumwenyenji. ¹⁹Yoihe ihumbiwa, yoihe yienda ko mala, inyunyi yoihe, yoihe yienda mu kaye, kuthza mu mipambi yathzo, yapunine mu Aleka²⁰Nuwe ayepo umbela aletale shinda sha moyo. Ayepo shimba ku iyama imweya yoikenu no kuinyunyi imweya yoikenu, ne ayepo itumeka ku kwama itavelo yo aletale. ²¹Shinda sha moyo ayepo nukelela munuko wouwa ne ayepo amba mu mucima wenji, "Kalo kana kukuta pashi mukonda ko munu, shianga ci maayalo o micima thzo omango kutundelela ku wanuke. Inji shianga kwipisha yoihe iyoya, weci eli nina kwama. ²²Ou kaye kashiliko, mumone shikati no kuyanga, kuombola no kuenya, ndombo no kufu, mutanya no ushiku kaya kufotiwa."

¹Unone Nyambi wafiyauthile Nuwe na anenji. Po amba kuko, muletele shikuta, ci chibule, kalo muyalishe kaye. ²Kuyapa ko kumiyapa kenge kukalako ku hiyama yoihe lyoya mukaye, no inyunyi yoihe yo muwilu no yoihe yokukokahala no mala mumube no thsi thzothzihe thzo mulwale. Thzi napiwa mumooko oye.³Inu yoihe eyi enda no kuyoya kenge ikala ilya yoye. Ne eci eli nina kupela imena, honi na kupa yoihe. ⁴Unone kalohela kulya nyama thzili no moyo ci aopo manyinga-ayo.⁵Unone ko manyinga enu, moya uli mumanyinga enu, kenge nifota kukuliwa. Kutundela mulyoko lyo shiyama shoshiye kenge ni shifota. Kutundela mulyoko lyo munu yumuhe, eci ei, itundele mulyoko lyoyu napaa mwapenji, kenge nifota kulimuka moyo omunu no munu. ⁶Yomuhe na mwahe manyinga amunu, naye manyinga enji kenge amwaiwa ko munu, mukonda ko shihanga shenjieshi Nyambi, aumbile munu. ⁷Ne mukonda amwe, muatishe shikuta ci shibule, mutwale n'uwa mukaye kalo mubule."⁸Unone Nyambi po ambele Nuwe na anenji anakala no, po amba, ⁹"Mukonda anu otelele, kenge nininga wo mbusha nenu na ikulu akeya munyima thzenu, ¹⁰no yoihe yumbiwa iyoya ei eli nenu, no inyunyi, imuna, no yumbiwa yo kaye ei eli nenu, eyi naitundelela mualeka, kweyi yoihe yumbiwa yo mukaye.¹¹Niyeya kunatanalisha umbusha noye, ne kalo kuthsa thzothzihe nyama thza kwipishiwa kumeyu olimina. Kalo ne kakukala limina lyo kuipisha kaye." ¹²Nyambi po amba, "Eshi shimanisha sho umbusha ni na kwama mukaci kange nenu no yoihe yumbiwa iyoya ei eli nenu, mukonda no thzothizhe mikuta thzo kuposho: ¹³Nina paka likongolo mumabbvuyi, neci shikale shimonisho sho mbusha kukaci kange no kaye.¹⁴Kenge shikeya ou nileta mabvuyi peulu thzo kaye no likongolo kenge limonahala mumabvuyi, ¹⁵ne kenge ni mivulukisha umbusha wange, ou uli mukaci kange nenu nei yumbiwa iyoya yoihe yo nyama. Ne kalo meyu kakwiya kunaninga limina lyo kwipisha ei iyoya yo nyama.¹⁶Likongolo kenge likala mumabvuyi ne ou nilimona, ci nibuleke umbusha okukana kupwa uli mukaci Nyambi no imbuwa yoihe yiyoya mukaye." ¹⁷Nehoni Nyambi po amba kwa Nuwe, "Eshi sholiyo shimonisha sho umbusha ou ninatanalisha mukaci kange nei iyoya yoihe pa kaye."¹⁸Ana a Nuwe awa natundu mualeka Sema, Hama, na Jafeta. Hama yoliyo nakala tata wa Kanana. ¹⁹Awa ahatu ana Nuwe, ne kutundelela kowango kunakutundu anu okuyalisha kokahe kaye.²⁰Nuwe po tateka kukala mulimi, ne po kuna shilwa sho itondo yo waine. ²¹Ayepo nwa waine no kupenda. Walalile shin'ekan'eka mutende.²²Nehoni Hama, tata kanana na mono shin'eke n'eke sha tata wenji po ambela apenji eli pola. ²³Nehoni Sema na Jafeta po ashimba shito no kulikambeka wahe paifuthzi, no kuenda luhuka nyima no kukathsika shin'eka n'eka sha tata wo. Unone malupala wo atanekelile kwako, ci lelo amone shin'eke n'eke sha tatawo.²⁴Nehoni Nuwe ou apindukile veine wenji, walimukile ei namukwamena mwanenji shohonye. ²⁵Nepo amba, "Akutiwen kanana. Akale mupika wa pika wapika wa apenji."²⁶Kalo po amba, "Shinda sha moyo, Nyambi wa Sema, afiyauliwe, ne Kanana akale mupika. ²⁷Nyambi ayandulule shivaka sha Jafeta neei akwame lihumbo lyo tende na Sema, Kanana akale mupika wo."²⁸Munyima thzo limina, Nuwe wa yoile myaka thzo ita ihatu no makumi mutanu (350) ²⁹Wahe mayuwa okuyoya kwa Nuwe nakala myaka thzo ita thzo mutanu no ine no makumi mutanu (950), ayepo ofa.

¹Awa oliyo shikuta sha ana o nuwe, ne Sema, Kama no Jafeta, awaleka munyima lyo limina.²Ana a Jafeta Gome, Magogo, Madai, Javani,Tuvula, Misheke no Tira. ³Ana Goma Ashkenaz, Riphath no Togarma. ⁴Ana Javani Elisha, Tarshish, no Kittites, no Dodanim. ⁵Kutunda ko wa anu omu ioli nalihanda no kuthza mu matunga oo, wahe kuthza ko mushovo thzo, kuthza ko ikuta yo, ko matunga oo.⁶Ana Hama po Kushi, Mizraimu, Puti, no Kanana. ⁷Ana Kushi po Seva, Havilah, Sabitah, no Raamah. Ana Raamah po sheva, no Dedan.⁸Kushi ayepo kala Tata wa Nimrod, oyu omatatakelo ku kutwesha mu litunga. ⁹Yoliyo shiyambi sho shikulu munyima thza shinda sha moyo. Nga apa ku ambiwa eci, "Mofoci eci Namrod shiyambi sho kulu munyima thzo shinda sha moyo. ¹⁰Matatekelo o shikuña shenji po babilona, Uruk, and Akkad, no Kaineli, mu litunga lya shinai.¹¹Kutunda mulitunga muya ayepo thza ku Assyria no kuamba ku Neneve, Rehobothir, Calah, ¹²no Reseni, mukaci kan Nineve no kala. nalikala liumbo lyo likulu. ¹³MIzraim ayaepo kala Tata wa Ludite, oyu Anamite, oyu Lehavite, oyu Naphilisiti, ¹⁴Philisita, Kasluhite (ku kwoo atunda a Philisita), no a Kaphtoliti,¹⁵Ma kanana woliyo Tata wa Sidoni, mwanenji omutatekelo, kalo no Heth, ¹⁶Kalo no Jevusite, oyu Amorit, oyu Girgashiti, A Haviti, ¹⁷a Arkiti, a Shinite, ¹⁸a Arvaditi, a Zemariti, no Hamarithi. Munyima shikuta sha Kanana awopo vula.¹⁹Mainji aka Kanana atunda ku Sidoni, eeci awa kuthza ku Gera, no kukakuma ku Gathza, kalo eci wa kuthza ku Sodoma, Gomora, Admah, no zeboyim, no kukakuma ku Lasha. ²⁰Awa woliyo ana Hama, ko ikuta yoo, ko mishovo thzoo, mulitunga lyoo, kalo no mu anu oo.²¹Ana kalo ne elekiwa kwa Sema, mukulwa Jafeta. Sema kalo yoloyo kuku woo anu wahe a Eber. ²²Ana a Sema po Elema , Arphazad, Ludi, no Arami. ²³Ana a Arami po Uzi, Huli, Geta, no Misheki.²⁴Arphazad yoliyo Tata wa Shela, kalo Shela yoliyo tata wa Eber. ²⁵Eber nakala na ana eli. Lithzina lya yumweya po Pelegi, mukonda mu mayuwa enji litunga alyopo li lihanda. Lithzina lya mukulwenji po Jokotani.²⁶Jokotani ayepo okala Tata wa Alumodadi, Shelafu, Hazamaveti, Jera, ²⁷Hadarum, Uzalu, Diklah, ²⁸Obalu, Abimaele, Sheba, ²⁹Ophir, Havilah, no Jabab. Wahe awapo ana a Jokotani.³⁰Shikuta sho shatunda kwa Mesha, kukakuma kwa Sefa, ku mukinya wo kuveyuwa. ³¹Awa woliyo ana Sheva, kuthza ko shkuta shoo no mishovvo thzoo, mulitunga lyoo, kuthza ko anu oo.³²Awa woliyo shikuta sha ana Nuwe, kuthza ko kuelekiwa koo, ko anu oo. Kutunda ku kwoo anu aopo alihanda o kuthza mu litunga munyima lyo limina.

¹honi kaye kokahe hime kulikwashishile mushovo ofoci no maywi okulipitula. ²Kwa enda kuthza kuvo yuwa, awopo awana lyanda mulitunga lya Shinari ne awopo atungamo.³Awopo ahambela eci, "Mukeye, tuumbe ooma tuutumekele nawa." Hime akalile no ooma kali mawe no linongo lyo kuluvisha oma. ⁴Awopo amba, "Mukeye, tuuliumbele twa ashinda mbongi no tawa peuulu ethzi thza kukuma kuwilu, ne tulikwamene lithzina. Ngeci katukwama henge tu pauthza aneka mulitunga lyolihe."⁵Honi shinda sha moyo ayepo shulumuka kuna mona mbongi no tawa ethzi ana umbu ekulwa Adama. ⁶Shinda sha moyo ayepo amba, "Okenge, ana ofoci a mushovo ofoci, ne apa atateka kukwama eyi! panopano kwithsa neshi aanekela kukwama eshi shiwakalupela. ⁷Mukeye, tuthzenu ko tukawa lyanga nishe mushovo wo, eci katele ali yuvishishe eyi amba."⁸Honi shinda sha moyo ayepo wa shandaulela mukaye kokahe ne awopa ashiya kuamba mbongi. ⁹Uno honi, lithzina thzalyo hime athzishile eci Babele, mukonda shinda sha moyo na lyanganisha mushovo okayekokahe kalo kutunda apo shinda sha moyo nawa shandaulela mumatunga oahe mukaye.¹⁰Eshis holiyo shikuta sho shemwa. Shemu koli no myaka thzili kutunda pa limina. ¹¹Shemu ayepo uyoya myaka thzo mashita mutanu kutunda apa akalile tata wa Apakasadi. Ayepo no wakala kalo Tata wa ana owakwelume na mbuyama.¹²Ou Apakasadi ayoyile myaka makumi ahatu no myaka mutanu(35), ayepo kala tata wa Shela. ¹³Apakasadi ayepo yoya myaka thzo 403 kutunda apa akalile tata wa Shela. Ayepo no kala tata wa kwelumme a mweya mbuyama.¹⁴Ou Shela ayoyile myaka thzo makumi ahatu, ayepo kala tata wa Ebere. ¹⁵Shela ayepo yoya myaka thzo 403 kutunda apa akalile tata wa Ebere. Ayepo wikala tata wana owa kwelume na ambuyama.¹⁶yOu Ebere nayoya myaka thzo makumi ahatu na ane, ayepo kala tata wa Pelegi. ¹⁷Ebere ayepo yoya myaka thzo 430 kutundapo apa akalile tata wa Pelegi. Kalo ayepo kala tata wana owa kwelume na mbuyama.¹⁸aPelegi ou ayoyile makumi thzo ahatu, ayepo kala tata wa Reu. ¹⁹Pelegi ayepo yoya myaka thzo 207 kutunda pa kukala tata wa Serugi. Ayepo kala kalo tata wa ana awa kwelume na mbuyama.²⁰Reu ou ayoyile myaka thzo makumi ahatu na thzili, ayepo kala tata wa Serugi. ²¹Reu ayepo yoya myaka thzo 207 kutunda pa kukala kala kalo tata wa ana awa kwelume na ambuyama.²²Serugi ou ayoyile myaka thzo makumi ahatu ayepo kala tata wa Nahori. ²³Serugi ayepo yoya myaka thzo ita ili kutunda apa kalile tata wa wa Nahori. Ayepo kala kalo tata wa ana owa kwelume na mbuyama.²⁴Ou Nahori ayoyile myaka thzo makumi eli na thzine ayepo kala tata wa Tera. ²⁵Nahori ayepo yoya myaka thzo 119, kutunda pa kukala tata wa Tera. Ayepo kala kalo tata ana owa kwelume na mbuyama. ²⁶Tera mumanyima oku kwanisha myaka thzo makumi mutanu naeli, ayepo kala tata wa Abrame, Nahori, no Harani.²⁷Oupo oliyo mukuta wa Tera. Tera ayepo kala tata wa Abrahame, Nahori, no Harani, ne Harani ayepo kala tata wa Lota. ²⁸Harani ayepo fa pameho atata wenji Tera mulitunga amwelekelile, mu Uri oma kaladeni.²⁹Abrame na Nahori awopo ashimba a mbuyama. Lithzina lya munu wa Abrahame neli Sarai no lithzina lya munu wa Nahori neli Mika, mwana Harani, oyu wakalile tata wa Mika na Isaka. ³⁰Ne Sarai kawanine lupathsi, ke kakalile no mwana.³¹Tera ayepo shimba mwanenji Abrahame, Lota muikulyenji mwana Harani no Sarai ngumwethzeni munu wa mwana Abrahame ne wahe awopo atunda mu Ure omu omukaledeni, kuthza mulitunga lya Kanana. Unone awopo athza ku Harani kwa katungile. ³²Tera ayepo yoya myaka 205 no kufa mu Harani.

¹Honi shinda sha moyo po amba kwa Abrahama, "Otunde muno mu litunga lyoe, no kwa poe, no njiyo thza tata woe, othze ku litunga ni kumonisha. ²Henge ni kuninga litunga lyo shokulu, no kukufayaula, no ku thzineka lithzina lyoye, henge wakukala ofiyauthzi. ³Henge ni fiyaula awa aku fuyaula, unone yomuhe oyu kana kuku kuteka henge ni mukata, mukonda woe mikuta thzo kaye thzothzihe henge thzi fuyauliwa."⁴Honi Abrahama wathzile, eci eli amwambelile shinda sha moyo eci aninge, na lota wathzile nenji. Abrame koli no myaka thzo 75 apa ayalukile Muharani. ⁵Abrame washimbile Sarai, munuwenji, Lota, mwana mukwelume, yoihe yo sifumushoo nei nakala nayo, no anu awa nawaniwa mu Harani. Wakatukile no kuthza mulitunga lyo Kanana.⁶Abrame azyepo chinuna litunga kukakuma ku Sikemi ku shitondo sho Oaki sho ku Moreh, Esho shikati akanana kwa yoya mu litunga. ⁷Shinda sha moyo apo limonisha kwa Abrame, nehoni aye po amba ci, "Henge nakupa shikuta shoye eli litunga." Nehoni Abrame ayepo umba katala ka shinda sha moyo, oyu nalimonalisha kukwenji.⁸Ayepo tunda kuthza ku litunga lyo mukinya wo muveyuwa wa Betele, apo shisha tende thzenji, Betele ku wiko no Ai kumuveyuwa. po umbela katala shinda sha moyo no kwisha lithzina lya shinda sha moyo. ⁹Nehoni Abrame ayepo twalelela mumwendo wenji, kuthza kutamba ku Nageve.¹⁰Nehoni njala po thzikalako m litunga, Abrahama po ulumukela mu Egepita kukakala, mukonda njala neli thzikulu nene mu litunga. ¹¹Apo koshime kuingena mu Egepita, epo amba kwa Sarai munu wenji, "Mone kuno, nalimuka ci o mbuyama omuwa. ¹²Ne kalo ma Egepita owa kumona henge amba ci, oyupo yoliyo munu wenji, kalo henge a kuni paa, unone henge a shiya owe ci oyeye. ¹³O ambe ci undumbu thzange, ci niyoye nawa mukonda yowe, ne ci moyo wange u shiwe mukonda yowe."¹⁴Okwa keile kwa Abrame owa kumine mu Egepita, ma Egepita owa monine Sarai ci neli muwa nene. ¹⁵Mwana Faro po mona mbuyama, kumu shangalisha kwa Faro, ayepo shimbiwa kwa Faro kutwala kunjiyo thzenji. ¹⁶Faro wa yoyishile Abrame nawa mukonda koyo mbuyama, honi Abrame po tambula lingu no ngombe, ndongi ya akwelume, apika wa kwelume, apika wa mbuyama, indongi ya mbuyama no tukamele.¹⁷Nehoni shinda sha moyo ayepo nyandisha Faro naka njiyo thzenji no kuwapa mulandu mukonda wa Sarai, munu wa Abrame. ¹⁸Faro po isha Abrame, epo amba, "Inee ona ikwamena kukwange? Ine ona kana kuni ambela ci munu woye? ¹⁹Inee ona ambela ci, 'Ndumbu thzoye,' ici mane ni mushimbe akale munu wange? kalo honine, ono munu woe. Mushimbe, mulithzele nenji." ²⁰Nehoni Faro po wapa tumina anu enji koi ya Abrame, nepo amufundula, pofoci na munu wenji nei nakala nayo yoihe.

¹Honi Abrame ayepo tunda mu Egepita no kuthza mu Negeve, aye, munu wenji, nei na kala nayo yoihe. Lota naye ayepo othza no. ²Honi Abrame neli afumu nene e muna, shilivera, no Gauda.³Ayepo twalelela muluendo lwenji kutunda mu Negevu kuthza ku Betele, kushivaka okuthza tangile kukala tende thzenji tango, mukaci ka Betele na Ai. ⁴Ayepo thza kushiva oku kwa kalile alutale ethzi aumbile ku matatekelo. omu akalombelile lithzina lya shinda sha moyo.⁵Honi Lota, oyu naende na Abrame, naye nakala no mangu, membe no matende. ⁶Ako katunga kana kawa kwama eci akayoye wahe pofoci, mukonda shi fumu shoneli shingi nene, eci katweshe kukala wahe pofoci. ⁷Kalo, kwakalile muyoyo mukaci ka alithsani wemunanu ya Abrame na lithsani we munanu ya Lota. A kanana na Perizite kwa na tungumo nawo omo mu shivaka kesho shikati.⁸Honi Abrame ayepo ambela Lota eci, "Kwa kala malwamvu mukaci koe nange, no mukaci ka lithsana oe na lithsana ange; kutunda apo twa mukuta ofoci. ⁹I yapo kali kaye kokahe palupala loe kali? Othze tulihande nowe name. Ngeci wathza kushimoho, honi name nathza kushilyo. Nji ngeci wathza ku shilyo name nathza kushimoho."¹⁰Honi Lota ayepo kenga noku noku, ne ayepo mona lianda lyolihe lya Jodani lili no meyu nawa kupi nokupi kokuhe hime kukakuma no ku zoari, eci lipya lya shinda sha moyo, eci litunga lya Egepita. Apa shinda sha moyo ko hime kuipisha Sodoma na gomola. ¹¹Honi Lota ayepo lihangwela lyanda lyo lihe lya Jodani no kuthza ku kuvo oyuwa, ne mukuta moliyo wa lihandelile kuumweya.¹²Abrame ayepo tunga mu litunga lya Kanana no Lota ayepo tunga mukaci koma mbongi omu lyanda. Ayepo umbela matente enji popepi no sodoma. ¹³Honi anu omu Sodoma neli anu owa mango nene nepishela shinda sha moyo.¹⁴Shinda sha moyo ayepo ambela Abrame Lota kona tunda kukwenji eci, "Kenge kutatekela apo onemana kutwala ku mutulo, no kumboela, ku muveyuwa, no muwiko. ¹⁵Elihe eli litunga omona, henge na kulikupelela ne kulu woe.¹⁶Henge na kuvulisha ekuluwoe eci likungu lyo kaye, ngeci hinga munu ayepo twesha kutala likungu lyo kaye, ne nekulu oe nawo henge akutaliwa. ¹⁷Pinduke, oende mule no muwipi oli litunga, mukonda henge na kulikupa." ¹⁸Honi Abrame ayepo shimba tente thzenji, no kuthza no katunga popepi ne tondo yo oke ya Mamare, ei ili mu Hebroni, no kaumba mo alutale thza shinda sha moyo.

¹Hime ya kalahala mu mayuwa Amurafelo, Fumu o Shina, Ariochi, Fumu o Elasare, Kedolaomere, fumu o Elamu, no Tidalu, fumu o Goyimu, ²ci awopaa kwama ndwa kulwisha Bera, fumu o Sodoma, Besha, Fumu o Gomora, Shinabu, Fumu o Adimala, Shemebere Fumu o Zeboyimu, no Fumu o Bela(Oyu wishiwa kalo ci Zoare)³Awo mafumu omutanu opwa liwana mu lyanda lya Siddimu (Kalo lya eshiwa ci li kululwale lyo mungwa). ⁴Ko myaka thzo likumi no thzili po kuma kwamenine Kedolaomare, unone mu mwaka o likumi no mushihatu awopo amu alukela. ⁵Honi mu mwaka o likumi no omushine, Kedolaomare no mafumu amweya aa kalile nao opo lwisha Refaimi mu Ashitelosi, Kanaimi, a Zuziti mu Hamu a Emiti mu Shaveha, Kiriasaimu, ⁶no Mahoriti mulitunga lyo mukinya lyo Sere, kuka kuma no ku Ele Paroni, pepi n mbulwa kukutu.⁷Honi awopo apiluka no kukeya ku Eni Mishipati(Oku kwishiwa kalo ci Kadeshi), no kutwesha oahe matunga o ma Amalekiti, kalo no ma Amoriti awa na kala mu Hazezoni Tamare. ⁸Nehoni Fumu o Sodoma, Fumu o Gomora, Fumu o Adimaha, Fumu o Zeboyimi, no Fumu o Bela (Oyu wishiwa kalo ci Zoare) awopo athza nokuka liloishela yokulwa mu lyanda lyo Siddimu ⁹ku lwisha Kadolaomare, Fumu o Elami, Tidale, Fumu o Giyimu, Amurefele, Fumu o Shinare, Ariochi, Fumu o Elasare; ma Fumu ane kuli alukela no mafumu o mutanu.¹⁰Nehoni mulyanda lya Siddimi namukala mateke o Tara, nehoni mafumu o Sodoma na Gomora apa nacili, awopo awelangamo. Awa na shiyala po awo pacilela kumi kinya. ¹¹Nehoni ma Fumu opo ashimba etenga ya kwa Sodoma na Gomora kupakapo ne lya, opo lithzela miendo thzo. ¹²Apa thzile, opo shimba no Lota, mwepwa Abrahama, oyu nakalanga mu Sodoma, kupakapo no lufumo lwenji.¹³Yumweya oyu wapalile ko ayepo keya no kuna tongwela Abrahama o mu Heveru. Oyu natungu mitondo ya Mamire, omu Amoriti, ayepo mukulwaye Eshikole na Anere, wahanu po woliyo alinunga ombusha na Abrahama. ¹⁴Nehoni Abrahama apa anayuvu eci akwetelapo ana shimbi no mwapenji, ayepo tangela mbunga thzo 318 ethzithza lifundisha yo ndwa ethzithzo kwelekiwa munjiyo thzenji, ayepo wa cithza kuka wa kumisha ku Dani.¹⁵Ayepo ela amweya oshiku no kuwalwisha, no kuwa cithzela koshele ku Hobahe, oku mutulo wa Damaseka. ¹⁶Nehoni ayepo kawa nyanga loluhe lufumo, kalo no kahusha mwapenji Lota ne tenge yenji yoihe, kupakapo na mbuyama nanu amweya.¹⁷Kutunda apa Abrahama akahukile kuka twesha Kedolaomere no mafumu amweya a akalile nenji, Fumu wa Sodoma ayepo thza kukaliwana nenji mu lyanda lya Shavehe(Kalo lyo kwishiwa ci lyanda lya Fumu). ¹⁸Melekizedeki, Fumu o Saleni, ayepo leta eshima no waine. Wa kalile mu pulisita omukulu wa Nyambi.¹⁹Ayepo mufuyaula no kuamba, "Nyambi afuyaule Abrama nene, mumbi o liwilu no litunga. ²⁰Kufuyauliwe Nyambi nene, oyu nakupa etothzi yoe mumoko oye." Honi Abrahama ayepo pasho ulikumi mwinu yoihe.²¹Fumu wo Sodoma ayepo ambela Abrahama, "Onipe anu, ne oshimbeetenge yoihe." ²²Abrama ayepo amba kwa Fumu o Sodoma, "Ninemeka muwilu lyoko lyange kwa shinda sha moyo, Nyambi sho kulu, mumbi oliwilu no litunga, ²³eci kani shimbi wanda, kanungisho ko shikatulo, nji shinu shoshihe shoe, kuninga ci katele waku ambe, 'Nina fumisha Abrama.' ²⁴Kani shimbi shinu shoshihe shime ei na kalya anuke no shiemba sha anu ange awa nathzi nange. Mushiye Anere, Eshikole, no Mamire ashimbe ei ina wa loela."

¹Munyima thzi enu liywi lya shinda sha moyo po likeya kwa Abrame mu shimona, kuamba, ''Wayapa, Abrame! Yame no shiholeka shoe no shipiwa shoe sho shikulu." ²Abrame ayepo Amba, "Fumu shinda sha moyo, ine ei wakunipa, amepo kaneleka, kalo oyu wakushwana njiyo thzange po Eliezele oku Damaseka. ³Abrame ayepo amba, "Ngecipo konipile ana, mone, oyu elekiwa munjiyo thzange yoliyo oku shwana!⁴Nehoni, kopo kukeya liywi lya shinda sha moyo kukwenji, kuamba, "Oyu mukwelume po kai kukushwana; unone oyu wa kutunda mwilama yoe po yoliyo wa kukushwana.' ⁵Nehoni ayepo punisha pola, no kuamba, "Otanekele kuwilu, no kutala matungwethzi, ngecipo wa twesha kuatala." Nehoni ayepo amba, "No lupashi loe polwa kukuma apo."⁶Ayepo tawa kwa shinda sha moyo, ayepo mona kutawa kwenji kuwa. ⁷Ayepo amba kwenji, "Yame no shinda sha moyo, yame nani kutundisha ku Ule mu Caledeanisi, kuku pa lino litunga ci olishwane.' ⁸Ayepo amba, ''Fumu shinda sha moyo, ngepi na kulimu ko ci nina li shwana?⁹Nehoni yopo muambel ci, "Oniletele shitole sho myaka thzihatu, membe o mbuyama o myaka thzihatu, lingu lyo shikwelume lyo myaka thzihatu, likuci no liyembe." ¹⁰Ayepo ileta yoihe kukwenji, no kuna icinauna pa kaci, no kupaka eshi oku eshi oku, unone inyunyi kana itepe. ¹¹Apa ya welelile enyunyi yo makwi pe bimbi, Abrama yopo icithza po.¹²Nehoni liyuwa oku litoka, Abrame ayepo kothsa, honi, kopo kukala milema thzothzi kulu nene ethzi nathzi muyapisha. ¹³Nehoni shinda sha moya ayapa kwa Abrame, ''Olimuke ci lupashi lwoe po kenge akukala enda mulitunga lya anu awo, kalo kenge akukala mupika no ku nyandishiwa ko myaka thzo kukwana ita ine (400).¹⁴Kenge naku atula anu omu akukala, no kuninga ci kusho akukafunde mono lufumo. ¹⁵Unone kenge wa kuthza kwa atata woe koku liyala, kalo kenge wa kubumbekiwa mu ukulwakathzi woe. ¹⁶Mu shikuta sho mushine kenge akukahuka kuno kalo, mukonda omango wo ma Amolitesi oku u shime kubula nene."¹⁷Apo lya tokile liyuwa no kuli milema, honine, kwa kalile mulilo omushi no milengi thzo pothzipita pita mukaci kei bimbi. ¹⁸Mwelyo liyuwa shinda sha moyo yopo kwa ombusha na Abrama, kuamba, "Ekulyoe po woliyo ninapa lino litunga, kutatekela kulwale lwa Egepita kukakuma no kulwale losho kulu, lo Eufulate- ¹⁹lo Kenite, lo Kenizite, Kadimonite, ²⁰Hitite, lo Pelizite, lo Lefaite, ²¹Amolite, Kanaanite, lo Gigashite, no lulo Jebusite."

¹Honine Sarai, mbuyama wa Abrame, kana kala no mwana kwa munu wenji, unone nakala no mupika wo mbuyama, wo muegepita, wa lithzina lya Hagari. ²Nehone Sarai ayepo amba kwa Abrahame, "Mona, shinda sha moyo ona ni kanisha kukala no mwana. Othze okalale no mupika wange. Katele ni kale no mwana nenji." Abrahame ayepo taelela liywi lya Sarai. ³Ei po ikwamahala munyima thzo Abrame kuyoya myaka likumi mu litunga lya Kanana eli Sarai, munu wa Abrame, kupa Hagare, muegepita o mupika, kwa munu wenji eci akale munu wenji. ⁴Nehone ayepo akala nenji Hagari, ne ayepo kala polemu. Ou amonine eci oli polemu, ayepo mumona eci mumango.⁵Ne Sarai ayepo amba kwa Abrame, "Oku kwipisha kwange po mukonda woye. Nina kupu mupika wange wo mbuyama kuloelelisha, ne ou namono eci olipolemu, nani yubu honyi pa meho enji. Mushiye shinda sha moyo atu atule mukaci kange naye." ⁶Unone Abrame ayepo amba kwa Sarai, "Omone apa, mupika waye wo mbuyama oli mu okolo woye, okwame eshi ona hayala ci shili nawa," Nehone Sarai ayepo muanjipela.⁷Lingeloi lya shinda sha moyo elyo po limuwana ku lwale lyo meyu mumbulwa kukutu, lwale luli mulikun'wa lyo kuthza ku Shuri. ⁸Ayepo amba, "Hagari mupika wa Sarai, kupi oku otundelela kalo kupi othza?" Nehone ayepo amba, "Nina yapa mufu wange Sarai.⁹Lingeloi lya shinda sha moyo alyopo lyamba kukwenji, "Huka kwa Fumu woye, ne o lipe mu ukolo wenji. ¹⁰Ne lingeloi lya shinda sha moyo epo liamba ku kwenji, "Kenge na kubulisha ekulya ye, eci akukwange kutaliwa.¹¹Lingeloi lya shinda sha moyo elyopo lyamba kukwenji, oli polemu ne kenge weleke mwana o mukwelume, ne kalo kenge akwishiwa lithzina lyenji Ishimaele, mukonda shinda sha moyo ona yubu likando lyoe. ¹²Kenge aka kukala mukwelume okulipitula eci kakambe ko mumulundu. Kenge aku humbishiwa ko wangi, ne munu yo muhe kenge aku muhumbishiwa, ne kalo kenge akuyoya kokule no apenji."¹³Nehoni wapile shinda sha moyo lithzina oyu ha ambile nenji, "Yowe Nyambi ona nimono," Mukonda woni amba, "Nipitelele kumona,shanga ci ona mono. ¹⁴Nehone lishima lye shiwile ci Beere Lakairoi; mukaci ko Kadeshi no Beredi.¹⁵Hagari ayepo elekela Abrame mwana o mukwelume, ne Abrame ayepo muta lithzina, oyu amwelekelile Hagari, eci Ishimaele. ¹⁶Abrame wakalile no myaka 86 ou Hagari wa mwelekelile Ishimaele.

¹Ou Abrame koli myaka 99, shinda sha moyo ayepo alimona halisha ku kwenji, "Yame Nyambi o ukolo. Oende posho thzange, ne wanyathzahala. ²Nehone kenge niyalishela umbusha wetu mukaci koye name, ne kenge ni kulisha kukpa ana nene nene."³Abrame ayepo kinyama no kupaka lupala lwenji pashi ne Nyambi ayepo amba kukwenji, eci, ⁴"Eci kukwange, omone, kenge ni tanalisha umbusha wange kukoye. kenge okala tata o matunga wahe. ⁵Ko wa kwishiwa kalo lithzina lyoye Abrame, unone lithzina kenge wishiwa Abrahama -mukonda nina kuhangula kukala tata o matunga o wangi. ⁶Kenge ni kulisha kukupa ana nene nene, ne kenge ni kwama matunga kukoye, ne mafumu kenge atunda kukoye.⁷Kenge na kukulisha kutanalisha umbosha wetu mukaci kange nowe no ekulyoye akeya mumanyima, mu mikutata thzothzihe mukonda umbusha wo kukana kupwa, kukala N yambi woye no ekulyoye akwiya munyima. ⁸Kenge na kukupa, no ekulyoye akwiya munyima, litunga elina mukala, litunga lyolihe lyo Kanana, eci mu kalelemo, ne kenge nikala Nyambi wenu."⁹Nekalo Nyambi ayepo amba kwa Abrahama, 'Kukoye, wa loela kutuleka umbusha wange, owe no ekulyoye akukeya munyima thzoye. ¹⁰Oupo oliye umbusha wange, ou mu loela kutuleka, mukaci kange namwe no ekulyoye akwiya munyima: Akwelume wahe a loela kuthza ku mukanda. ¹¹Muna loela kuthza ku mukanda, ne eshi sholiyo shi monisha sho umbusha mukaci kange nenu.¹²Mukwelume yomuhe oli no myaka mutanu no myaka thzihatu aloela kuthza ku mukanda, kuthza kengeyo muikati yo anu. Kubandakana na yomuhe na elekiwa mumanjiyo enu no kalo njiyo muhe nauliwa no mali kutunda kumatunga ao kali yumweya we ekulyenu. ¹³Yomuhe na elekiwa mu njiyo thzoye ne kalo yomuhe na muhulu no mali enu aloela kuthza ku mukanda. Mbeci honi umbusha wange wa kukale munyama thzenu mukanda wo umbusha wo ku kalelela. ¹⁴Yomuhe mukwelume oku kana kuthza kumukanda eci acinuniwe kenge aku tundishiwa kukwenu. Inene one pisha umbusha wange."¹⁵Nyambi ayepo amba kwa Abrahama, "Kwa munu woye Sarai, wa mwisha kalo Sarai. Unone lithzina lyenji po Sara. ¹⁶Kenge ni mufuyaula, ne kenge ni kupa mwana kukwenji. Kenge ni mu fuyaula , ne kenge akukala mama o matunga. Fumu o anu waye kenge atunda kukwenji."¹⁷Ne Abrahama ayepo kinyama ko lupala lwenji pashi, ayepo heka, no kulyambela mu mucima, "Ci mwana atwesha ku elekiwa ku mukwelume koli no myaka ita? Ngepi honi Sara, oyu oli no makumi mtanu no makumi ane, eci eleke mwana?" ¹⁸Abrahama ayepo amba kwa Nyambi, "Eci Ishimaele ayoye kukoye!"¹⁹Nyambi ayepo amba, "Kwithsa, unone Sara munu woye kenge eleka mwana wo mukwelume, ne waloela kumuta lithzina lyo Isaka. Kenge na kutanalisha umbusha wange neni eci ukale umbusha wo kukalelela no ana a ekulyenji munyima thzenji. ²⁰Eci kwa Ishimaele, nina yubu. Mone, nina mu fuyaula no ku mupa shikuta ne kenge naku bulisha shikuta shenji nene. Kenge akukala tata wo wa fumu likumi no eli, ne kenge naku mukwama kukala litunga lyo likulu. ²¹Unone umbusha wange kenge na kutanalisha no Isaka, oyu akwelekiwa kwa Sara mushikati shino myaka wiya."²²Ou amanishile ku amba nenji, Nyambi ayepo shiya Abrahama no kuhuka kuwilu. ²³Ne Abrahama ayepo shimba mwanenji Ishimaele, nawo wahe na elekiwa mulyumbo, nawo wahe a hulile no mali enji, no ana owa kwelume a Abrahama, ne wa cinunine muliyuwa elyo kuthza ku mukanda, eci omu amu ambelile Nyambi.²⁴Abrahama koli no myaka makumi muutanu na ane no myaka mutanu na thzine (99) ayepo othza kumukanda. ²⁵Ishimaele koli no myaka thzihatu ayepo othza ku mukanda. ²⁶Muliyuwa lyo foci Abrahama na mwanenji Ishimaele wahe awopo athza ku mukanda. ²⁷No akwelume owahe omu liumbo, kupakako nawo na elekiwa mu manjiyo wo nawo ahulile no mali ku matunga ao.

¹Abrahama ayepo katuka ayepo wela likun'wa kukengisha kulitunga lya Negeve, ne ayepo katunga mukaci ka Kadeshi na Shure. Kuma apwile mwenda owu atungile mu Gerari. ²Abrahama ayepo amba kenge ku munuwenji Sara, "Ndumbuthzange" Ne Abimeleki Fumu wo Gerare ayepo tuma chi Sara akashimbiwe ne epo akamushimba. ³Unone Nyambi ayepo keya kwa Abimeleki ushiku mushilota, ayepo amba kenge kukwenji, "Ngomone, onafu mukonda woyu mbuyama no kashimba, mukonda munu wa munu."⁴honi Abimeleki kushime npo kumuhenyena ayepo amba ci, "Fumu, kenge opaa shanga mbunga thzo kututwala? ⁵Kali yoliyo shinda nani ambela, eci 'oyupo ndumbuthzange?' Ke monga aye shinda waambile ci, Ndumbuthzange. Nina pelemeka yoihe eyi no muchima wofoci no moko oku kena."⁶Nehoni Nyambi ayepo muambela kenge mushilota ''yashemwa, Name nina limuka ci kuma ona pelemeka eyi no mucima wofoci, ne nina kukanisha ci lelo wani ipishela. Nehoni kani kutawishile ci omukwate. ⁷Nehoni, ohushe munu wene, mukonda ayepo mupolofita. Henge akulombelela, ne kenge oyoya. Unone ngecipo ko muhusha, olimuke ci nowe neyi waleta yoihe shemwa kenge mufa."⁸Abimeleke ayepo pinduka mashiku-shiku nehoni ayepo esha apike nji wahe. Ayepo watongwela enu, yoihe, ne mbunga opo thziyapa. ⁹Honine Abimeleki ayepo isha Abrahama ayepo amba kenge kukwenji, "Yine onepisha kukwetu? Shivi mwine nina kwama kukwoe, eshi shinakuletishela ci oletae papange no pa litunga lyange shivi sho shikulu? eyi ona nipelemeka kailoilelile ci oyini pelemeka.¹⁰Abimeleki ayepo amba kwa Abrahama, "Shine shinakuletishela ci opelemeke eyi? ¹¹Abraham ayepo amba ci, " Mukonda kuma nani ayala ci, 'Shemwa muno mushivaka mwaithsa wowa wokuyapa Nyambi, honine kenge anipaa mukonda wa munuwange.' ¹²Kemona kengeyo, ayepo shemwa ndumbuthzange mwana tata, unone kali mwana mama; ne mwoliyo nina muyekela.¹³Nyambi owu ani letishelile ci nitunde mulyumbo lya Tata ci nithze no kuyalauka, kuma no mwa ambelile ci, waloela kunimonisha owa mukukala omunu wange: Kushivaka shoshihe eshi tuthza, onitoye ci, ndumbuthzange.''''' ¹⁴Honi ne Abimeleki ayepo shimba ngu no ngombe, na pika awa kwelume nawa owa mbuyama kupa Abrahama. Nehonine ayepo husha Sara, munu wa Abrahama kwashinda.¹⁵Abimeleki ayepo amba ci, "Ngomone, litunga lyange lili posho thzoe. Olitungele popahe apa ona loela." ¹⁶Kwa Sara ayepo amba ci, "Omone, ninapa ndumbuthzoe kakulukathzi ko Silivera. Kutundisha omango woe pameho waanu wahe awa alinoe, no kumunu yomuhe, ona loishiwa kumanishelela."¹⁷Nehoni Abrahama ayepo lombela Nyambi, ne Nyambi ayepo polisha Abimeleki, munuwenji, na pika enji owa mbuyama ne eci akale no ana. ¹⁸Mukonda shinda sha moyo kuma awa letelile wahe ambuyama munjiyo thza Abimeleki kupila lweleko. Mukonda wa Sara, munu wa Abrahama.

¹Shinda sho moyo ayepo pakela nene maano kwa Sara kuthza komu namu ambelela, kalo shinda sha moyo ayepo kwamena Sara kuthza komu na mukulupelisha. ²Sara no kala polemu no kueleka Abrahama mwana omu kwelume mu ukulukathzi wenji, ko shikati shofoci eshi na muambela Nyambi. ³Abrahama ayepo ita mwanenji, oyu mwene anelekeliwa, oyu ana mwelekela Sara, Isaka. ⁴Abrahama ayepo twala mwanenji Isaka ku mukanda okuli no mayuwa mutanu no hatu okwelekiwa, kokuthza komu na mutuminena Nyambi.⁵Abrahama kuma nakala no myaka thzo shita apa Isaka na elekiwa kwenji. ⁶Sara ayepo amba, "Nyambi po nanihekisha munu yo muhe oyu iyuba ei kenge aheka nange." ⁷Ayepo amba kalo, "Aye oyu na amba kwa Abrahama ci Sara po atwesha kukala na ana, ne yashemwa nina mwelekela mwana mu kulukathzi wenji!"⁸Mwana ayepo kula no kuhumuka, kalo Abrahama ayepo kwama lilombola lyosho kulu mwelo liyuwa na humuka Isaka. ⁹Sara ayepo mona mwana Hagare omu Egepita, oyu na elekela Abrahama, oku shendemekela.¹⁰Nehoni ayepo amba kwa Abrahama, "Ocithze oyu mbuyama omupika na mwanenji, mukonda oyu mwana oyu mbuyama omupika po kanihimine ci a ku shwane na mwanange, Isaka." ¹¹Eshi ashapo shikolisha Abrahama nene ku mucima mukonda ko mwanenji.¹²Unone Nyambi ayepo ambela Abrahama, "Wayuba kukola ku mucima mukonda ko mwanoe, kalo noyu mbuyama woe o muika. Oteelele kwenji yoihe ia amba mwei amba, mukonda ko Isaka ci lupashi lwoe po moliyo lwa kwishiwela. ¹³Kenge kalo nakukwama lithzina lyo yu mwanoe okweleka kwa mbuyama o mupika ci akale mbunga, mukonda naye po lupashi lwoe."¹⁴Abrahama ayepo meneka, mashiku shiku, kushimba eshima no kuhupa ko meyu, no kuipa Hagere, kuimu paka pa lipea. Ayepo mupa mwanenji omukwelume no kumu cithza no kuyemba ana mu mbulwa kukutu o Beeresheba. ¹⁵Apa meyu na apu muka hupa, ayepo konjela oyo mwanuke mushipukumuna. ¹⁶Nehoni ayepo thza, no kukakala pashi po pepi nenji, shibaka shokutwesha kukuma lisho oku una kuhiwa, mukonda na amba, "Kanifotile kumona lifu lyoyu mwanuke." oku na kala kuya pepi nenji, ayepo tanalisha ku liywi no kulila.¹⁷Nyambi ayepo yuba liywi lya mwana, no lingeloi lya Nyambi liopo lisha Hagare kutundelela muwilu, no kuamba kukwenji, "Ine eyi ikunyandisha, Hagare? Wayapa, mukonda Nyambi ona yubu liywi lya mwanoe oku ali. ¹⁸Katuke, oyelule mwanoe, omu henga henge, mukonda kenge na kumu kwama ci akale mbunga thzo thzingi."¹⁹Nehoni Nyambi ayepo muthsikula pa meho, ne yopo mona lisima lyo meyu. Ayepo thza no kuka yalisha kahupa kenji ko meyu, noku pa mwanenji meyu okunwa. ²⁰Nyambi ayepo kala nenji oyu mwana, ne yopo kula. Ayepo kulela mumbulwakukutu no kukala shiyambi. ²¹Hime nakala mu mbulwakukutu o Parani, ne mama wenji ayepo ka mushimbela mbuyama okuyeka kutundelela mushivaka sha Egepita.²²Yopo ikalahala kenge mwesho shikati ci Abimeleki na Fikole mukulu oma shwalale ayepo ambela Abrahama, ku amba, "Nyambi po olinoye mwinu yoihe eyo kwama. ²³Nehoni po olithzele kukwange apa ko Nyambi ci kowakuni kwama omango, kowa kukwama kwanange, kowa kuukwama ku lupashi lwange. O monishe kwange no mushivaka omu ona kala ko mbusha okukulu peliwa." ²⁴Abrahama ayepo amba, "Na lyethza."²⁵Abrahama ayepo totoma kwa Abimeleki yo lishima lyo meyu eli na munyanga apika Abimeleki. ²⁶Abimeleki ayepo amba, "Kani limuka oyu nai kwama ei inu. Kowa ini tongwela po kalo ei kumanyima, kana iyuba po ei hime lelo." ²⁷Nehoni Abrahama na shimbi mangu no ngombe no kuitambeka Abimeleki, ne awa anu aili awopo kwama ombusha.²⁸Nehoni Abrahama ayepo hangula mangu o mutanu na eli oa mbuyama no kuapaka kwako. ²⁹Abimeleki yopo ambela Abrahama, "Atalusa ine honi aa mangu o mutanu na eli oa mbuyama ao nahangula?" ³⁰Ayepo kumbulula, "Aa mangu omutanu na eli oa mbuyama ao tambula kutunda lyoko lyange, ci ikale opaki wange, ci yame nani shima eli lishima."³¹Honi ayepo shita lithzina eshi shibaka ci Beeresheba, mukonda poliyo alithzelile ngolo waheno. ³²Apo akwama ombusha pa Abeeresheba, kalo no Abemeleki na Fikole, mukulu oma mashwalale, opwa huka ku litunga lyo ma Filisita.³³Abrahama ayepo kuna shitondo sho tamarisiki mu Beeresheba. poliyo na lombelelanga kwa shinda sha moyo, Nyambi shokolo. ³⁴Abrahama ayepo kala mwendo mu litunga lyo ma Filisitanisi ko mayuwa omangi.

¹Kuma kwa kalile kenge munyima woi Nyambi ayepo eleka Abrahama. Ayepo amba ku kwenji ci, "Abrahama! Abrahama ayepo tawa ci, "Yomono." ²Ne Nyambi ayepo amba, "Oshimbe mwanoye, aye yofoci, oyu hima, Isaka, ne athze mu litunga lya Moria. Oka mukwame shitavelo sho kutumeka pa mukinya ou uwaniwa oko kuminya, ou nikutongwela." ³Ne Abrahama ayepo pinduka mashikushiku, ayepo loisha mbongolo wenji, ne ayepo ushimba micaha enji eeli], pofoci na Isaka mwanenji. Ayepo ciya n'unyi thzo kutumekisha shitavelo, ayepo thza mu mwendo wenji kuthza ku shivaka mwenenamu tongwela Nyambi.⁴Muliyuwa lyo mushihatu Abrahama epo inuka nehoni ayepo monena esho shivaka kokule. ⁵Abrahama ayepo amba ku micaha thzenji, "Mukale apo noyi imbongolo, ne ame na mwanange twahathza kuya. Twakalombela ne papano tukeya. ⁶Ne Abrahama epo shimba n'unyi thzo kuka tumekisha shitavelo no kuthzitwesha mwanenji Isaka. Ayepo shimba mu lyoko lyenji mulilo no moko; ne awopo athza waheno.⁷Isaka ayepo amba kwa tata wenji Abrahama ci, "Tata," epo amba ci, "Yamono, mwanange." Ayepo amba ci, "Mumono, oyu mulilo no n'unyi, unone kali kupi kangu mutumeka shitavelo?" ⁸Abrahama ayepo amba ci, "Nyambi aye shinda kenge alimonena kangu ko shitavelo, mwanenge." Ne awopo ahenya, waheno pofoci.⁹Apa naa kumu pa shivaka namutonwela Nyambi, Abrahama umba po Aletare no no kupakapo n'unyi. Ne epo anga mwanenji Isaka, no kumulangeka pa Aletare, peulu thzo n'unyi. ¹⁰Abrahama ayepo olola lyoko lyenji no kushimba moko ci apae mwanenji.¹¹Ne lingeloi lya shinda sha moyo alyopo limwisha kutunda kuwilu ne epo liamba ci, "Abrahama, Abrahama!" ne epo tawa ci "Yamono." ¹²Ayepo lyamba ci, "Wapaka lyoko pa mwanoye, nji kukwama shoshihe shimupaa, mukonda nina limuka ci wayapa Nyambi, mu kumona ci koni ningelile on'ondi mwanoye, aye yofoci, kukwange.¹³Abrahama ayepo inuka ne popo, kunyima thzenji shime kwakala kangu nakakwatiwa ku manyia mumamuna. Abrahama ayepo thza no kuka shimba kangu no kukatumeka kukwama shitavelo kushiya mwanenji. ¹⁴Ne Abrahama ayepo isha esho shivaka ci, shinda sha moyo kenge alimonena," Kalo omu kushiambeliwa no lelo, "Pa mukinya wa shinda sha moyo kenge akuka limonena.''¹⁵Lingeloi lya shinda sha moyo alyopo liisha Abrahama lomushili kutunda kuwilu ¹⁶no kuamba ci -oku koliyo kwethzela shinda sha moyo- ameko nina liethzela mukonda onakwama eyi inu, ne koni ningelile on'ondi mwanoye, aye yofoci, ¹⁷kenge nakuku fiyawethza shemwa ne kenge naku vulisha nene mukuta woye weci matungwethzi okuwilu, no luheke luli pa liya lyo likulu lwale; ne mukuta woye kenge waku muna shelo sho etothzi yo.¹⁸Mukuta woye woliyo wakuletisha ci mbunga thzothzihe thziwane fiyauthzi, mukonda ona kuteka maywi ange. ¹⁹Ne Abrahama ayepo huka ku micaha thzenji, ne awopo akatuka no kuthza ku Beeresheba, ne ayepo katunga ku Beeresheba.²⁰Kwakalile kenge munyima Abrahama atongweliwile ci, Milika onelekela mwana, kalo, kwa minoye Nakori." ²¹Uzi yowa kalile mwanenji wo matatekelo, minenji Buz, Kamuele tata wa Arami, ²²Kesedi, Hazo, Pilidashi, Jidilafi, no Betuele.²³Betuele yowa kalile tata wa Rebeka. Awo oliyo ana o mutanu na ahatu awa Milika aelekile kwa Nakori, mina Abrahama. ²⁴Lipangala lyenji, wo liythzina lyo Reumi, naye epo eleka Teba, Gahami, Tahashi no Maaka.

¹Sara nayoyo myaka 127. Ethzi thzoliyo myaka thza umoyo wa Sara. ²Sara nafela mu Kiliati Arba, nji, Hebruni,mu litunga lya Kanana. Abrahama ayepo ulila Sara.³Nehoni Abrahama ayepo katuka no kuthza kukufa kwa munu wenji, kala ayepo aamba kwa aana a litunga lya Heti, kuamba ci, ⁴"Amepo ni no mukakuenda mukaci kenu munipo shivaka kumalalo pakaci kenu, nivumbeke munu wange."⁵Aana Heti awopo tawa Abrahama, kuamba, ⁶"Mutelele kukwetu ñathsile wetu. Omwaana Nyambi pakaci ketu. Utuleke munu wohe mumbumbo onaloele. Kukwetu kwithsa kukanisha malalo enji thzoye, eci kuvumbeka munu woye."⁷Abrahama ayepo katuka no ku kinnyama pameho a shinda litunga, kwaa Heti. ⁸Ayepo aamba kukwoo, kuamba, "Ngeci po mwa tawa ci nivumbeke munu wange, ne muniyuve kalao munilombele kwa Efroni mwaana Zohari, kukwange. ⁹Mu mulombe ci ani ulishe liwe lyo kucokolo lyo ku kapela, eshi alinasho, eshi alinasho, heshishili kuhula thzo lipya lyenji.¹⁰Nahoni Ephroni nakala mukaci kaana Heti, kalo Ephroni wo mwenda atawa Abrahamakukuyuva anaa Heti, Awo wahe nakeya kuna ngena mu liumbo lyenji, kuamba, ¹¹"Kwithsa, Fumu wange, oniyuve. Nakupa shilwa, na liwe lyakucokola eli liliko. Naikupa pameho a ana no anu ange. Nashikupa ci uvumbekepo munu woye."¹²Nehoni Abrahama ayepo kinyama pamseho oshinda sha litunga. ¹³Ayepo amba kwa Ephroni kwana mutelela anu omu litunga, kuamba, "Unone ngeci po wahima, nalomba muniyuve. Kenge nilifa shilwa. Mushimbe mali kukwange, ne kenge muvumbeka munu wange kuya."¹⁴Ephroni ayepo tawa Abrahama, kuamba, ¹⁵nalomba, Fumu wange, onitelele. Eshi shivaka shaulishiwa ita ine yo shekele thzo silivela, shine shili mukaci kange noe? vumbeka munu woye." ¹⁶Abrahama ayepo tawa kwa Ephroni kalo Abrahama ayepo pa mali kwa Ephroni omuwayawaya awo naamba ana Heti, ita ine yo ma silivela, eci eli ana kwamanga aka kuulisha.¹⁷Ne shilwa sha Ephroni, eshi shili mushivaka sho Makapela, eshi shili kumbali thzo Mamere, sholiyo shilwa, omu nalikala liwe lyo kucokola, no itondo yoihe naikala mulipya no kuthzinguluka mumainja, ¹⁸yapile kwa Abrahama kenge kukala imuna ya aana Heti, kushime kukeya wahe awa nengena mushelo sho liumbo.¹⁹Mnyima thzei, Abrahama ayepo vumbeka munu wenji Sara muliwe lyo kucokola lyo mulipya lyo Makapela, eli lili kumbali thzo Mamere, eshi, Hebroni, mushilwa sha Kanana. ²⁰Ne lipya no liwe lyo kucokola eli lyakalilemo lya pilwe kwa Abrahama shikale shivaka sho kuvumbka kutunda kwa aana Heti.

¹Honi Abrahama neli akulupala nene kalo shinda sha moyo hime afiyawela mwinu yoihe. ²Abrahama ayepo amba kwa mupika wenji, aye mukulu munjiyo no muendeshi wo inu yoihe eyi nakala nayo eci, ''Opake lyoko lyoe mumatambaulo ange ³kalo henge ni kuninga eci owethze ka shinda okano kaye, eci kowa ku shimbela mwanange mbuyama kwa mbuyama omu Kanana, munu nina tungu. ⁴Unone henge wakuthza ku litunga lyange, kalo kwapange, no kashimbela Isaki mbuyama okuyeka.''⁵Aye mupika ayepo amba kukwenji, "Ngeci po aye mbuyama kahimi kukeya nange kuno ne? Wangu nishimbe mwanoe kumuhusha kulitunga oku watundile?" ⁶Abrahama ayepo muambela, Omone eci wahusha mwanange kuya natundile! ⁷Shinda sha moyo, Nyambi omuwilu, oyu na ni tundisha munjiyo thza tata wange no mulitunga lya apange, kalo oyu nani kumbwethza koku liethza eci, 'kwa no henge nakupa lino litunga,' henge akutuma lingeloi lyenji kukutangela, ne henge wa kuwanena mwanange mbuyama kuya.⁸Unone ngecipo mbuyama ayepo kana kukeya noe, ne owe ona anguluka ku kulianga koe kukwange. pohuma ko shimbi mwanange ku muhusha kuya.'' ⁹Mupika ayepo paka lyoko lyenji muma tambaulo a Abrahama n'athsile wenji, no kuliethza kukwenji moi eamba. ¹⁰dMupika ayepo shimba likummi lya kamele ya n'athsile wenji no thza. Ayepo shimba kalo epiwa yo mishovo shovo kwa n'athsile wenji. Ayepo katuka no kuthza kulitunga lya Aramu Naharaimu, mu mbongi thza Nahori. ¹¹Ayepo vutisha ekamele yenji ku maongolo ombongi kumbali thza lithsima lyo meyu. Neli lungulo, shikati ana thzanga ambuyama kukaveta meyu.¹²Honi ayepo amba, ''Shinda sha moyo, Nyambi wa n'athsile wange Abrahama, onip kuloisha lelo no ku monisha ku thsepahala natuliyuvu na n'athsile wange Abrahama. ¹³Okenge, pano nina emana ku lishima lyo meyu, kalo ambanda ethzo mbongi akeya kuna veta meyu. ¹⁴Oninge eci ikalahale kenge. Ou niambela mumbanda, 'Ngo tule kafuma koe eci ninwe mo, kalo henge nivetawela tukamele toye nato, honi mushiye eci apwe yoliyo oyona hangulela mupika woe Isaka. Moi henge nakulimuka ona monisha kuthsepahala kwange kwa n'athsile wange."¹⁵Ayopo ikala kengeyo popo kuhime no kumana kuamba, apo, Rebeka ayepo keya no kafuma kenji pa lipehe lyenji. Rebeka aelekiwa kwa Betuele mwana Milika, munu wa Nahori, mwana Abrahama. ¹⁶Mumbanda oyo neli muwa nene kalo neli liungu. Kalimukile mukwelume. Ayepo ulumuka kulithsima Kuyalisha kafuma kenji no kukanduka.¹⁷Popo mupika ayepo mucilela kumusha mbawela no kuamba, "Nalomba onipeko tumeyu ninwe omu muka fuma koe." ¹⁸Ayepo amba, "Munwe, n'athsile wange,'' kalo wangu wangu ayepo mupa kafuma mulyoko lyenji ne ayepo mupa meyu okunwa.¹⁹Ou amanine kumupa meyu okunwa, ayepo amba, "Henge nivetela meyu tukamele yoe nayo, katele ou tumana kunwa.'' ²⁰Ayepo yokolola kuka mwaela meyu mu shikungu ashalile mukafuma, ayepo cilela kalo kulishima kukaveta meyu, no kuvetawela meyu tukamele twenji totuhe.²¹Aye mukwelume komulolela kona tutwala eci amone ngeci shinda sha moyo ona loisha muendo wenji nji lyombo. ²²Ino tumana kunwa meyu tukamele, oyo munu ayepo punisha mashikiyo o gauda okuliyulu thzo kulema liuka lyo shekele, no maseka ogauda eli oku lyoko oalemu olikumi lyo mashekele, ²³no kwipula, "Omwana alye? Oni tongwele, ene kothzili ndau munjiyo thza tata woe oumu tulula oshiku?"²⁴Ayepo kuambela, "Nimwana Betuele mwana Milika oyu elekishile kwa Nahori." ²⁵Ayepo muambela kalo eci, "Tuli no muonyi okutufuna kalo tuli na ndau thzenu thzo kulala oshiku."²⁶Oyu munu ayepo tongama kumanwi no kulombela shinda sha moyo. ²⁷Ayepo amba eci, "Kushangaliwe shinda sha moyo, Nyambi wa n'ashile wange Abrahama, oyu nakana kuvuluka kuliyuva koku wawa n shemwa wenji kwa n'ashile wange, eci mukwange, shinda sha moyo ona tangelela kuni twala shemwa ku njiyo thzapa an'athsile wange."²⁸Honi mambanda ayepo cila no katongwela akwa lilapa lya njina enu yoihe. ²⁹Honi Rabeka nakala no ndumbuthzenji, lithzina lyenji neli Labani. Labani ayepo cilela koyo mukwelume wakalile pola kulikun'wa lyo kulishima. ³⁰Ou amonine lithsikiyo lyo kuliyulu no maseka kulyoko lya ndumbuthzenji. "Eyi yoliyo ana amba oyo munu kukwange," Ayepo thza koyo munu, henge, kone manena tukamele kulishima.³¹Honi Labani ayepo amba, "Okeye owe mukwa fiyauthzi thza shinda sha moyo. Ine eyi one manene pola? Nina kuloishela njiyo, no shivaka thzo tukamele toe." ³²Honi yo munu ayepo keya kunjiyo ne naye ayepo shulukisha etenga pa tukamele atopo tupiwa muonyi oku tafuna, awopo amupa no meyu okulihupa ku maulu no kumaulu owa aendileno.³³Awopo amupa yokulya eci alye, unone ayepo amba, "Kanili lihime ouni mana kuamba eyi nina loela kuamba." Honi Labani ayepo amba eci, o ambe." ³⁴Ayepo amba, " No mupika wa Abrahama. ³⁵Shinda sha moyo ona fiyawela n'athsile wange nene kalo na kala munu sho kulu. Ona mupa mangu no ngombe, shilivela no gauda, apika owa kwelume na apika owa mbuyama, no tukamele ne donki.³⁶Sara, munu wa n'athsile wange, naelekela mwana n'athsile wange kona kulupala, ne wana mupa enu yoihe na fumu. ³⁷N'athsile wange nani ethsisha, ko kuamba eci, 'katele oshimbele mwanange kwa ana owa Akanana eci ayeke munu mulitunga nina na tungu. ³⁸Unone, wa kuthze kumukuta wa tata, no kwa apange, wa kashimbele ko mwanange mbuyama.³⁹Amepo ni ambela n'athsile wange eci, "Pamweya aye mbuyama kakutawa kukeya nange. ⁴⁰Unone ayepo ni ambela eci, 'Shinda sha moyo, oyu nina ninaende nenji, henge aku tuma lingeloi lyenji eci liku endishe no kuloisha muendo woe, eci owanene mwanange mbuyama okuyeka mukaci ko mukuta wange no mushikuta sha tata. ⁴¹Unone henge wa kuangululiwa ku lianga kwange ngeci owa kuthze kwa pange awopo Akanana kuukupa. Apo honi henge wa ku angululiwa kukulianga kwange.⁴²Honi lelo nina kumu pa lishima, no kulomba, 'Oho shinda sha moyo, Nyambi wa n'athsile wange Abrahama, nalomba, ngeci po wahima olohishe muendo wange- ⁴³yame ono, ninemana ku lishima lya meyu-mumbanda oyu keya kuna veta meyu, mbuyama oyu ni amb ela eci, nalomba kunipa meyu mukafuma koe ninwe." ⁴⁴mbuyama oyu ni ambela eci, "Onwe henge nivetela meyu no tumele toe'' -ekale yoliyo mbuyama oyu shinda sha moyo, ona hangulela mwana n'athsile ange.⁴⁵Popo koni mana kuimba mumu cima wange, akopo, Rabeka ayepo okeya no kafuma kenji palipeho ayepo ulumuka mu lishima kuka veta meyu. Amepo ni mulomba, 'munipeko meyu akunwa.' ⁴⁶Popo ayepo tula kafuma aka kanakala pa lipehe no kuamba eci, 'munwe, kalo henge nipa no tukamele toe meyu okunwa nato.' Amepo ninwa kalo ayepo pa meyu no tukamele nato.⁴⁷Amepo ni mwipula no kumu ambela eci, 'O mwana alye?' Ayepo amba eci, 'no mwana Betuele, mwana Nahori ou na mwelekela Milika. Amepo nimupa lithsikiyo kuliyulu no maseka kumoko. ⁴⁸Honi amepo ni tongomana kulombela shinda sha moyo, no kushangala shinda sha moyo, Nyambi wa n'athsile wange Abrahama, oyu nani endisha muli kun'wa lyoliwa eci niwane mbuyama oshikuta sha n'athsile wange mwana.⁴⁹Honi ngepi, munaliloeshela kuhima no kuthsepahala kwa n'athsile wange, muni ambele. Unone ngeci po kamuhimine, muni ambele, eci wangu nithze mulikun'wa lyo kushilyo nji ku shimoho."⁵⁰Honi Labani na Betuele awopo atawa no kuamba eci, "Eyu enu ya tunda kwa shinda sha moyo; katu tweshe ku kuambela yoimango nji yoiwa. ⁵¹Kenge, Rabeka oyu, omushimbe ne uthze nenji, eci akakale munu wa mwana n'athsile woe, eci eli ana amba shinda sha moyo."⁵²Ou mupika wa Abrahama wa yuvile maywi o, ayepo tongwama pashi ayepo lombela shinda sha moyo. ⁵³Mupika ayepo punisha mikatu thzo shilivela no mikatu thzo gauda, ne too, ayepo ipa Rabeka. Ayepo pahengeyo epiwa yoiwawa kwa mukulwenji no kwa mama wenji.⁵⁴Honi aye na kwelume awa aendeno awopo alya no kunwa. Awopo alala oshiku omo, ne ou apindukile mashiku shiku, ayepo amba, "Munishiye nithze kwa n'athsile wange." ⁵⁵Ndumbu thzenji na mama wenji awopo amba eci, "Oshiye mumbanda akale netu mu mayuwa oapu, naho olikumi. Kutunda apo henge akuthza."⁵⁶Unone ayepo wa ambela eci, "Mwani lyeisha, shinda sha moyo na loisha kale likun'wa lyange, muni shiye nithze kwa n'athsile wange." ⁵⁷Awopo amba eci, "Henge twisha mumbanda natu muipule." ⁵⁸Ne awopo esha Rabeka no kumwipula eci, "Henge othza noyu mukwelume?'' Ayepo tawa eci, "Henge nithza.''⁵⁹Awopo afundula ndumbu thzo Rebeka, na pika wenji owa mbuyama mu muendo wenji na mupika wa Abrahama na anu enji. ⁶⁰Awopo afiyawela Rabeka, no ku muambela eci, "Ndumbu thzetu, okakale mama oma shita omakumi kumi oma ita, eci nae kulwoe akashwane maumbo akwa ethzimbo yo."⁶¹Rabeka ayepo katuka, naye na pika enji owa mbanda awapa apahama tukamele, no kushupwela ya munu. Moliyo mupika na shimbela Rabeka, no kuthza. ⁶²Isaka hime akala mu Negevu, kalo hime nahuka kutunda ku Beere lahai Roi (Koyu yoya ni mona)⁶³Isaka ko lienda wela mulipya lungulo.Watanekile no kumona, eci, tukamele tukeya. ⁶⁴Rabeka ayepo taneka, ne ou amonine Isaka, ayepo shuluka pa kamele. ⁶⁵Ayepo amba kwa mupika, "Elye ya mukwelume oya endela muya mulipya kutushambawela?" Aye mupika ayepo amba eci, "N'athsile wange." Ayepo shimba ito, no kuli thsika.⁶⁶Mupika ayepo tongwela isaka enu yoihe ana kwama. ⁶⁷Ne honi Isaka ayepo mutwala mutende thza mama wenji Sara no ku muyeka, ayepo kala munu wenji, kalo wa muhimine nene komo Isaka wa henga hengiwile munyima thzo kufa kwa mama wenji.

¹Abrahama ayepo shimba munuwenji, lithzina lyenji po Ketula. ²Ayepo muelekela Zimilani, Jokishini, Medani, Midiani, Ishibaki, na Shua. ³Jokishani yopo kala tata wa Sheba no Dedani. Lupashi lya Dedani po Asiliani, Letushi, no Leume. ⁴Ana Miliani owa kwelumepo Efaha, Efele, Hanoki, Abida], na Eludaha. Loluhepo lo lupashi lwa Ketula.⁵Abrahama ayepo yoihe yenji kwa Isaka. ⁶Honi, apo oku yoya, ayepo epiwa kwana owa kwelume wa ndumbuthzenji no kuwa tuma ku litunga lyo ku mumvo, ko shole na Isaka, mwanenji.⁷Aapo oliyo mayuwa o myaka thzenji na yoyo Abrahama, 175 myaka. ⁸Abrahama ayepo puya oma maneneno no kufa okuna kulu pala, kakulukathzi ko kwelume.⁹Isaka no Ishimaele, ananji, apo amubumbeka muliwe lyo macipela, mulikanda lya Efuloni mwana Zohale omu Hitite, opepi no mamile. ¹⁰Eli likanda po Abrahama nali ulu kutundelela kwana Esi. Abrahama ayepo bumbekiwamo no munu wenji Sara. ¹¹Munyima thzo kufa kwa Abrahama, Nyambi yopo fuyaula Isaka mwanenji, ne Isaka yopa kala pepi no Beela Lahai Roi.¹²Honi olupo lo lupashi lya Ishimaele, mwana Abrahama, oyu Hagale omu Egepita, mupika Sara, yona muelekela Abrahama.¹³Aa o mathzina ana Ishimaele, ko kuthza ko mundandwe wo kwelekiwa: Nebaosi- mweli wa Ishimaele, Kedara, Adibeele, Mibisamu, ¹⁴Mishima, Dumaha, Masa, ¹⁵Hadadi, Tema, Jetu, Nafishi, no Kademara. ¹⁶Awa wo liyo ana Ishimaele owa kwelume, kalo aa o mathzina o, ko maumbo o, no koelomboyo, efumu yo likumi no ili kuthza ko mikuta thzoo.¹⁷Ethzi thzo myaka thzo kuyoya kwa Ishimaele, 137 myaka. Ayepo puya lo mamaneneno no kufa, ne yopo liwana na anuenji. ¹⁸Awa na fungu kutatekela ku Havila, kukuma ku Ashihu, lyo po pepi no Egepita, eci munu okuthza ku Asilia. Awopo ayoya koku lihanda na enjo o.¹⁹Eyipo yoliyo etendahala ya Isaka mwana Abrahama. Abrahama yopo kala tata wa Isaka. ²⁰Isaka oku uli no myaka thzo makumi ane okwelekiwa ayepo shimba munu wenji Rabeka, mwana Besuele o Arameana oku Padani Arama, ndumbu thza Lab ani o Arameana.²¹Isaka ayepo lomb ela kwa shinda sha moyo mukonda munu wenji po kawana mwana, ne shinda sha moyo ayepo tawa elombelo yenji, ne Rabeka munu wenji ayepo kala polemu. ²²Anuke omalambi opo akala mukaci kenji, kalo yopo amba, "Ine ei kwamahala kukwange honi ei?" Ayepo thza no kuka epula shinda sha moyo ci ine i.²³Shinda sha moyo ayepo amba kukwenji, ''Anu eli oliyo ali mulila lyoe, kalo anu aili kenga kulihanda mukaci koe. Amweya kenge akukala no kolo kupita amweya, kalo owa kulu kenge akukwamena anuke."²⁴Apa sha kumine shikati shenji sho ku shamuluka, mone, kopo kukala malambi mulila lyenji. ²⁵Ayepo tanga kupuna ko mwanuke omukihu elama yoihe eci lipailyo hunga. Opo amuta lithzina ci Esau. ²⁶Munyima thzoyo, minenji ayepuna. Lyoko lyenji oku lina kwatelela ku lishito lya Esau. Ayepo muta ci Jakovo. Isaka okuli no myaka thzo makumi mutanu no lyofoci thza kwelekiwa apa munu wenjina shamuluka awoo.²⁷Akwelumeana o awa kula, ne Esau yopo kala shiyambi sho shikulu, munu omu mulundu, unone Jakovo ayepo wa kututwala, aye shikati sho shihe na wanahalanga muma tente. ²⁸Nehoni Isaka yopo hima Esau mukonda kuma nalyanga eyama ei na yombanga, unone Rabeka ayepo hima Jakovo.²⁹Jakovo ayepo teleka elya. Esau apa akahukile mu mulundu, nehoni nafu nene njala. ³⁰Esau yopo amba kwa Jakovo, ''Onipeke yo kulya yo ikihu. Nalomba, okolo unani pwela!" Yoliyo n aileta ci amute lithzina lyo Edomu.³¹Jakovo ayepo amba, "Tango uni ulishe okulu woe.'' ³²Esau yopo amba, "Mone, nafota kufa. Owa wine ulipo po kulu kukwange?" ³³Jakovo yopo amba, "Tango owethze ku kwange," Nehoni Esau ayepo wethza ngolo mukukwama kengeyo ayepo ulisha ukulu wenji kwaJakovo. ³⁴Jakovo yopo mupa eshima no mbelela. Ayepo lya no kunwa,mbeci akatuke no kulithzela kumu endo wenji. Muinu yo kengeyo Esau yopo shomolola okulu wenji.

¹Nehoni epo kukala njala mulitunga eli, kutunda njala thzo matatekelo thza kalile mu mayuwa a Abrahama. Isaka ayepo othza kwa Abimeleke, fumu wo Mafilisita ku Gerari.²Nehoni shinda sha moyo ayepo alimonahalisha no kuamba kukwenji, "Wathza ku Egepita; akale mulitunga eli nikutongwela eci o yoyemo. ³Okale mulitunga eli mwene, ne kenge nikala noye no kukufuyaula; mukonda kukoye no akulyoye, kenge nimipa litunga lyolihe, ne kalo kenge niyalishela shianga shange na liangile no Abrahama tata woye.⁴Kenge ni kulisha ekulyoye eli matungwethzi oku wilu, no kupa ekulyoye litunga. Kwa ekulyoye anu wahe pakaye kenge afuyauthza. ⁵Kenge ni kwama ei mukonda Abrahama wayuvile liywi lyange n kutuleka ilimukisha yange, mataelo ange, makelethzo, no milao thzange.⁶Nehone Isaka ayepo kala mu Gerari. ⁷Apa akwelume amu shivaka na mwipula ya munu wenji, ayepo amba, "Ndumbu thzenji." Wayapile kuamba eci, "Munu wange," mukonda wa ayalile eci, "Akwelume omu shivaka kenge aku mupaa no kushimba Rabeka. Mukonda neli muwa." ⁸Munyima Isaka wo kukala shikati shile mushivaka esho, Abimeleki Fummu wo Mafilisita wa hokelile mu njaneno. Ayepo mona, mumone , Isaka wapepile no Rabeka munu wenji.⁹Abemeleki ayepo esha Isakakukeya kukwenji, "Mona, ya shemwa munu woye. Ine ona amba, 'Eci ndumbu thzoye'?" Isaka ayepo amba kukwenji, "Mukonda nina hayala eci yumweya kenge ani paa no ku mushimba." ¹⁰Abemeleki ayepo amba, shine eshi ona kwama kukwetu? Yumweya kukwetu nga ona kwama shoshimango kwa munu woye, nga ona twingenisha mu ukalu." ¹¹Nehone Abemeleki ayepo wapa mamela no ku amba, "Yo muhe oyu kwata oyu mukwelume nji munu wenji yashemwa kenge a paiwa."¹²Isaka ayepo kuna imena mu shivaka esho no kuyanga ilya yo kukwana ikala ita mu mwaka owo. ¹³Mukwelume ayepo fuma, no kukula nene kupitela ou akalile mukulu. ¹⁴Wakalile no mahangu no ngombe thzingi, no mutala osho kulu. Mafilisita awopo amuyuvela shipululu.¹⁵Nehone wowahe mashima awa pika owa tata wo ashimine mu mayuwa a Abrahama tata wenji, Mafilisita awa kanishile no ku abumbeka. ¹⁶Abimeleki ayepo amba kwa Isaka, utunde ku kwetu, mukonda oli machi kupita atwe." ¹⁷Nehone Isaka ayepo othza no kuka tunga pepe no libiya lyo Gerari, no kukakalako.¹⁸Shikati shimweya Isaka ayepo shima lishima lyo meyu, elyo ashimine mu mayuwa a Abrahama tata wenji. Mafilisita awa kanishile munyima thzo Abrahama kufa.¹⁹Ou apika a Isaka ashimine mu mambali o libiya, awopo awana libiya lyo meyu okuba mumube. ²⁰Alithsana omu Garariawopo alwisha alithsani a Isaka, no kuamba, "A meyu po etu." Nehone Isaka ayepo esha elyo lishima eci, "Eseke," mukonda na lwishiwa.²¹Nehone awopo ashima limweya, kalo awopo ali lwishelapo, kalo, ne ayepo lipa lithzina kalo eci, "Sitina." ²²Ayepo shiya oko no kushima limweya kalo, unone kalo ka mulwishile. Nehone ayepo lisha eci Rehoboti, no ku amba, "Nehone shinda sha moyaona tukwamena shivaka shetu, ne kenge tukalelela muno mu shivaka."²³Nehone Isaka watundile mo no kuthza ku Beoreshebalo. ²⁴Shinda sha moyo wa limonahashile kukwenji mwowo ushiku wo no kuamba, Yame Nyambi wa Abrahama tata woye. Wa yapa, mukonda nili noye ne kenge ni kufuyauthza no ku kulisha ekulyoye, mukonda o mupika wange Abrahama." ²⁵Isaka ayepo ka umba Aletare oko no kulomb ela shinda sha moyo. Oko ayepo yandumula tende thzenji, ne apika enji awopo ashima lishima.²⁶Nehone Abemeleki ayepo othza kukwenji kutunda ku Gerari, no Ahuzati, a mbushenji, no Pikoli, mukulu oma shwalale enji. ²⁷Isaka ayepo amba ku kwo, "Ine munu keyela kukwange, mbeci po munani thzimbino kuni tundisha ku kwenu?"²⁸Nehone awapo amba, "Tuna mono shemwa eci shinda sha moyo oli noye. Nehone tuna hayala eci kwa loela kukala no kuli anga mukaciketu, ee, mukaci koye natwe. Nehone tukwame umbusha noye, ²⁹eci mwa kutukwama omango, eci eli tuna kana kumi kwama om ango, ne eci eli natu mikwama nawa no kumi cithza shiwana. Yashemwa muna fuyauthziwa kwa shinda sha moyo."³⁰Nehone Isaka ayepo owa kwamena mukiti, awopo alya no kunwa. ³¹Apindukile mashiku -shiku no kuethza shipangano sho yofoci ko yofoci. Ne hone Isaka ayepo a usha, ne awa ushile mu kuliyala.³²Elyo liyuwa elyo apika a Isaka awopo akeya no kuna mutongwela yo lishima eli a shimine. Awopo a amba, "Tuna wana meyu." ³³Ayepo esha eli lishima eci Shiva, nehone lithzina lyethzi mbongi po Beerisheba ku kumena no lelo.³⁴Ou Isau ko lino myaka makumi, ayepo yeka mbuyama, Juditi mwana Beeri wo mu Hitite, no kalo Basemati mwana Eroni wo mu Hitite. ³⁵Aletile omango mu mucima wa Isaka no Rabeka.

¹Isaka ayepo isha Jakovo, ayepo mufuyawethza, no kumu tumenena, "Lelo wa yeka mbuyama kowa ambuyama omuno mukanana. ²Katuka othze ku Padani Arami, kunjiyo thza Betuele tata wa mamawoe, ne oka yekeko mbuyama, kwaana a Labani, ndumbu thza mama woe.³Nyambi shokolo aku fiyawethze, akukwame oshuka no kukubulisha, eci wakupiluke ombunga thzo shokulu. ⁴Akupe fiyauthza thza Abrahama, yowe, kutwala ku mukuta woe ou waku kalako munyima thzoe. Wangu waku shwane litunga lino ona tungu, eli apile Nyambi kwa Abrahama."⁵Nehoni Isaka ayepo tuma Jakovo. Jakovo ayepo thza ku Padani Arami, kwa Labani mwana Betuele wo mu Arami, ndumbu thza Rabeka, mama wa Jakovo na Isau.⁶Nehoni Isau ayepo mona ci Isaka ona fiyauwethza Jakovo no kumutuma ku Padani Arami, ci aka yekeko mbuyama. Kolo kama amonine ci Isaka ona mufiyawethza no kumutumina, ci "Lelo wa yeka mbuyama kowa ambuyama omu Kanana." ⁷Isau kalo ayepo mona ci Jakovo ona kuteka tata wenji na njina, kalo nathzi ku Padani Arami.⁸Isau ayepo mona ci ambuyama omukanana kaloelisha tata wenji Isaka. ⁹Honine ayepo thza kwa Ishimaele, panu wenji awa nakala nao, ayepo kashimbelapo, Mahalati mwana Ishimaele wo kweleka Abrahama ndunbuthza Nebaioti, ci akale munu wenji.¹⁰Jakovo ayepo tunda mu Beresheba ne ayepo thza kukengisha ku Harani. ¹¹Ayepo kuma mushivaka shimweya hengeya ne opo kalomo oshiku wouke, mukonda mwoliyo lyamutokelelile. ayepo shimba liwe lyo omo mushibaka lyofoci, ayepo shatelapo, sha kulala omo mushivaka omo.¹²Ayepo lota ahamona tuyako tuna shishipa kaye. 'Shongo thzateni thzina kakuma kuwilu nehoni mangeloi a Nyambi kwa kanduka no kuulumuka apo pa tuyako. ¹³Nga mumone, shinda sha moyo ayepo katuka no kuamba ci, "Yame no shinda sha moyo, Nyambi wa Tata woe Abrahama, no Nyambi wa Isaka. Muno mulitunga ona lala, henga na kulikupa no mukuta woe.¹⁴Mukuta woe henge wakupiluka weci likungu lyo mu kaye, kalo henge wa kuvula kukwana kuthza muwiko no mumuveyuwa, kuthza no mumutulo no mumboela. Kukwoe no ku mukuta woe mikuta thzothzihe thzo mukaye henge thzaku kupiwa fiyauthzi. ¹⁵Ngo mone, nili noe, nehoni henge nikunyunga kwokuhe oku othza. Henga nakukakuhusha muno mulitunga kalo; mukonda kanakukushia. Henge na kukwama yoihe eyi nina kukulupelisha."¹⁶Jajovo ayepo pinduka kutunda patulo, ayepo amba ci, "Shemwa shinda sha moyo mwali muno mushivaka, kunalika ci kananilimuka." ¹⁷Kuma ayapile nehoni ayepo amba ci, "Shino shivaka shaha yapisha! Thzinopo mwamo mwahi njiyo thza Nyambi. Eshipo shelo sho kuwilu."¹⁸Mashiku-shiku Jakovo ayepo apinduka ne ayepo shimba liwe eli ashotile. ayepo liimeka no kulimwaela maathzi peulu. ¹⁹Ayepo esha shivaka lithzina lyo Betele, unone lithzina lyethzo mbongi lyo kale po Luzi.²⁰Jakovo ayepo ethza kutaka, ci "Mona Nyambi henge akala nange no kuni nyunga omu muendo nili, kalo n kuni pa eshima ci nilye, no ito yokuvata, ²¹eci nakuhuke ku njiyo thza Tata kunilishiwa, nehoni shinda sha moyo kuma akupiluka Nyambi wange. ²²Nehoni eli liwe nine meka ci sholiyo shaanukelo kuma liakupiluka liwe lyo kukena, kuinu yoihe eyi onip, shemwa henge nipa u likumi kukuhushela."

¹Honine Jakovo wathzile mu muendo wenji no kukeya ku litunga lyo anu oku muveyuwa. ²Apa na kengelela, ayepo mona lishima mushilwa, kalo omono, milako thzihatu thzo mangu thzina butu paya. Mukonda apo pa lishima kwaloela kunwisela milaka. Kalo liwe nalisiki peulu thzo mulomo olishima neli likulu. ³Honine thzo thzihe milaka ko thzina liwana, Alisani atundisha liwe kutundisha ku milomo thzo lishima, kushi hushelapo apa shina kala.⁴Jakovo ayepo amba kukwoo, "Apange mwa tunda kupi?" Awopo amutawa, "Atwe twa tunda ku Harani." ⁵Ayepo amba kukwoo, "Ci mwa mulimuka Labani mwana Nahori?" Awoopo amba, "Atwe twa mulimuka aye.'' ⁶Ayepo amba kukwoo, "Ci ayoya nawa?" Awoopo amba, kalo, okenge kuya, Rahele mwanenji ombuyama akeya no mangu."⁷Jakovo ayepo amba, "Omone, pakaci ko mutanya pano, kali sholiyo shikati sho kuliwana milaka pofoci. Waloila ku nwisha meyu mangu kalo honi otwale athze mukulya.'' ⁸Awopo amba, "Atwe katutwesha kunwisha meyu hime thzohe milaka kuthzi naliwana pofoci. Nehoni akwelume ci alumune liwe kutunda ku mulomo o lishima, kalo atwe kenge tunwisha meyu mangu.⁹Jakovo ko ambaulanoo, Rahele pokeya no mangu a tata wenji, mukonda yoliyo naanyungu. ¹⁰Apa Jakovo namona Rahele, mwana Labani o mbuyama, ndumbu thza mama wenji, no mangu a Labani, ndumbu thza mama wenji, Jakovo pokeya kunyonga, kuna alumuna eli liwe kutunda ku mulomo olishima, no kunwisha meyu mangu a Labani, ndumbu thza mama wenji.¹¹Jakovo po tubeta Rahele no kulila nene. ¹²Jakovo ayepo tongwela Rahele ci mwapa owa tata wenji, kalo ci mwana Rabeka. Ne kalo ayepo ndundumuka kuka tongwela tata wenji.¹³Apa Labani nayubu ei amba ya Jakovo mwana ndumbu thzenji, ayepo mundandumukela kumushambawela, kuka mushangala, kumu tuveta, no ku muleta ku njiyo thzenji. Jakovo po ambela Labani yoihe inu. ¹⁴Labani ayepo amba kukwenji, "Yoihe shemwa eshoko yange no nyama thzange. Honine Jakovo, po kala nenji nganda thzofoci.¹⁵Honine Labani po amba kwa Jakovo, "Watwesha kuni kwamena kenge mukonda o mwange? Ni ambele, wa fotaci ni kukupe ine? ¹⁶Nehoni Labani nakala nenji eli ambuyama. Lithzina lyo mukulu po Leya, kalo lithzina lya mwanuke po Rahele. ¹⁷Leya wa meho o ndenga, mukonda Rahele po neli muwa omuna kalela no muna monahalela. ¹⁸Jakovo nahimi Rahele, honi po amba, "Henge ni kukwamena myaka mutanu nathzili ci onipe Rahele, mwanoe omuonye ombuyama."¹⁹Labani ayepo amba, "Kulinawa ci nipe mbuyama kuli nduwe. Kalici nipe mbuyama kwa mukwelume wao. okale nange." ²⁰Honi Jakovo ayepo kwamena myaka mutanu na thzili Rahele; awopo mona kukwenji aci mayuwa pohuma, mukonda koku muhima kwenji mbuyama.²¹Honi Jakovo ayepo amba kwa Labani, "Onipe munu wange, mukonda mayuwa ana kumu kumahulelelo--ici ame niyeke mbuyama!" ²²Ne Labani ayepo waneka pofoci waheno akwelume pa shivaka no kukwama mukiti.²³Lungulo Labani po shimba Leya mwanenji o mbuyama no ku muleta kwa Jakovo, oyu wathzile kukwenji. ²⁴Labani ayepo mupa mupika o mbuyama Zilipa kwa manenji Leya, ici akale mupika wenji. ²⁵Mashiku shiku, omone, neli Leya! Jakovo ayepo amba kwa Labani," "Ine ei onakwama kukwange? Kani kukwamenine ci onipe Rahele? ine honi niangelela?"²⁶Labani ayepo amba, "Kali ko shikuta shetu ci mwanuke ayekiwe kushiya mukulwenji. ²⁷Omanene ethzi sunda thzo shionda shoyu mbuyama, ne henge tukupa oyu yumweya apa oni kwamena kalo myaka mutanu nathzili."²⁸Jakovo po kwama kenge, no kutunda sunda thza Leya. Honine Labani ayepo mupa mwanenji Rahele mwanenji o mbuyama ici akale munuwenji. ²⁹Labani kalo ayepo Biliha kwa mwanenji ombuyama Rahele, ici akale mupika. ³⁰Honi Jakovo ayepo ingena mu njiyo thza Rahele, kalo, unone ayepo hima Rahele manene kupita Leya. Kalo Jakovo wa kwamenine Labani myaka mutanu nathzili kalo.³¹Shinda sha moyo ayeepo mona leya ci kamuhimine, honi ayepo mupa lupathzi, unone Rahele kana kala no lupathsi. ³²Leya ayepo kala polemu no upaka pa nyala mwana omukwelume no kumuta lithzina lyo Rubeni. Mukonda ona amba, "Mukonda shinda sha moyo ona tanekela makando ange; Shemwa nene pano munu wange kenge ani hima."³³Ayepo thza polemu kalo no kupa panyala mwana omukwelume. Ayepo amba, "Mukonda shinda sha moyo ona yuvu ci kani himine, wanani pa kalo mwana omukwelume," no ku muta lithzina ci Simoni. ³⁴Honi ayepo kala polemu kalo no kupaka panyala mwana omukwelume. po amba," pano shino shikati ci munu wange kenge ani kwata nawa, mukonda nina mwelekelela akwelume ahatu," Honi lithzina lyenji po liishiwa Levi.³⁵Ayepo kala polemu kalo no kupaka pa nyala mwana omukwelume. Po amba, " Shino shikati henge ni shangala shinda sha moyo." Honine ayepo ishiwa lithzina lya Juda; ne shana kala navana.

¹Unone Rachelu ou amonine ci kahelekela Jakovo ana, Rachelu wafelelile mukulwenji wombuyama muna. Aye po amba kwa Jakovo, "Onipe ana, nji ame nife." ²Jakovo wanjipelile Rachelu. Ayepo po amba, "Ame ni nakala mushivaka sha Nyambi, elye nakuningi ci wakala na ana?"³Ayepo amba, "Omone mupika wange Biliha. Othze kukwenji, ngwe kenge akakuhelekelako ana pa manwe ange. ne ci akuelekele ana aye." ⁴Ne honi po mupa mupika wenji Biliha apiluke munu wenji no Jakovo wathzile ko kwenji.⁵Biliha walemupile no kulekela Jakovo mwana omukwelume. ⁶Honine, Rachelu po amba, "Nyambi nani atulela, ne ona yuvu liywi lyange no kunipa mwana wo mukwelume." Mukonda weli livaka po nimuta ci Dani.⁷Biliha, mupika wa Rachelu po helekela Jakovo mwana wo mukwelume wo mushili. ⁸Rachelu po amba, "Ninalu ndwa thzothzikulu no mukulwange unone nina mutwesha." Lithzina lyenji aye polisha ci Nefatani.⁹Nehoni Lea owu amonine ci onaleka kweleka ana, no kushimba Zilipa, mupika wenji, no kumupa Jakovo kupiluka munu wenji. ¹⁰Zilipa, mupika wa Lea, po elekela Jakovo mwana wo mukwelume. ¹¹Lea po amba, "Ko kuyalama! Nehoni po muta lithziana lyo Gadi.¹²Unone Zilipa, mupika wa Lea, po elekela Jakovo mwana wo mukwelume womushili. ¹³Lea po amba, "Nina nyanyuka! Mukonda ana wa mbuyama kenge anitoya ci ni nanyanyuka." Honine lithzina lyenji Asere.¹⁴Rubeni wathzile mumayuwa woku yanga uloto po wana mayungu mushilwa. Aye po aleta kwa njina Lea. Nehoni Rachelu po ambela Lea, "Onipeko mayungu womwanoe." ¹⁵Lea po amba kukwenji, "Ne ci ei ya amba yihonye kukoye, yo kushimba munu wange? Kalo pano wa fota kushimba mayungu a mwanange, nao?" Rachelu po amba, ''Unone aye kenge nalala noye wushiku, mukulicinja no mayungu amwanoye."¹⁶Jakovo kutundelela kushilo lungulo. Lea wathzile po alihangana po amba, "Waloela kukeya kukwange, mukonda nina kuulu no mayungu amwanange. Nehoni Jakovo po lala na Lea owo ushiku. ¹⁷Nyambi wayuwile Lea, wa lemupile no kuhelekela Jakovo mwana omushitanu. ¹⁸Lea po amba, "Nyambi onanipu shipiwa, mukonda ninapu mupika wange wo mbuyama kumunu wange." Lithzina lyenji Isaka.¹⁹Lea polemupa kalo no kuhelekela Jakovo mwana wo mutanu nayofoci wo mukwelume. ²⁰Lea po amba, "Nyambi nanipo shipiwa sho shiwa. Ne munu wange kenge anikuteka, mukonda nina muhelekela ana wo mutanu na yofoci." Lithzina lyenji Zabuloni. ²¹Munyima po heleka mwana wo mbuyama no kumuta lithzina lyo Dina.²²Nyambi wa ishile Rachelu kumuvulukisha no kumuteelela. Ayepo lemupa no kukala nolila. ²³Po lemupa no kuheleka mwana. po amba, "Nyambi onatundisha honyi thzange." ²⁴Ayepo muta lithzina Josefa, po amba shinda sha moyo onani pakelako mwana yumweya.²⁵Munyima thzo Rachelu kuheleka Josefa, Jakovo po amba kwa Labani, "Onishiye nithze, naloela ci nithze kulyumbo no kulitunga lyange. ²⁶Unipe anu ange na anange ao nina kukwamena, mukonda nowe wlimuka shikwama nina kukwamena.²⁷Labani po amba kukwenji, "Ngeci niwane n'enge mumeo oye otatelele, mukonda nina lifundisha kwa Nyambi nanipu fiyauthzi mukonda woye." ²⁸Unone po amba, "Otoye minyembu woye, ni thzikule."²⁹Jakovo po amba kukwenji, "Walimuka ei nina kukwamena, imuna yoye inabulu mukonda wange. ³⁰Mukonda ame kunishime kukeya yipo wakalile nayo, unone pano inabulu nene. Shinda sha moyo ona kufiyauthzi yoihe nina kukwamena. kalone ngepi ni liwanena yange name?"³¹Honine Labani po amba, "Ene nga ni kukupa?" Jakovo po amba, "Lelo wanipa shimweya. Ngeci wani kwamena eshi nihima kenge nilisha mutapi woye no ku umamela. ³²Kenge ni henda mumutapi woye lelo, kutundisha thzothzihe malamala nethzi thzo malamala mamangu nethzi thzo thzilu mumangu, thzo malamala, thzo malamala kuthzi tundisha mumembe. Eyi yoliyo nipiwa.³³Uwa wange oliyo unihimanena kuposho, owu okeya kunamona ei ninapiwa. thzothzihe thzinapili malamala no malamala mukaci ko membe, nethzi thzothzilu mukaci ko mangu, mukonda ngeci thzi waniwe kukwange, kenge thzishiwa ci thzina ithziwa." ³⁴Labani po amba, "Po tawa. Kukale ci ko maywi woye."³⁵Kelyo liyuwa Labani po tundisha membe thzothi kwelume thzo malamala, no membe thzo itole thzo malamala, thzo thihe thzo mubala uwukenu, no welu mukaci thzo mangu, aye po thzipa mulyoko lyo minenji. ³⁶Labani wapakile muenda omayuwa ahatu mukaci kenji na Jakovo. Nehonine Jakovo watulekile tendi omu atulumwishilile Labani no mutapi wenji.³⁷Jakovo po shimba mutai wowuyu oshitondo sho mupulanga no alumondi no shitondo sho mucba, po shiyununa mayula no kuninga wokenu, po shikwama wokenu shoshihe shitondo no ku monahala weci ibathzi. ³⁸Nehoni ayepo paka ibathzi ana yununa posho thzo mitapi, no posho thzo tutope thzina nwenanga meyu. Thakala no mata ou thzikeya kukunwa meyu.³⁹Mitapi thzo mafuta pothzithza posho thzo ibathzi, ne mutapi po wu eleke tungu, tumalamala totuhonye. ⁴⁰Jakovo po hangula mangu, unone pothzi kwama kukala ihanga thzo tungu no wahe mangu wehelu mu mutapi wa Labani. Po angula thzenji kuthtepa ku mutapi wa Labani.⁴¹Ngeci mangu omakalo mumitapi owo akala mafuta, nehoni Jakovo apaka ibathzi posho thzo meo omitapi omutapi omuthzi nanwelanga, neci thzi wane maci thzo mala koibathzi. ⁴²Unone ngu okuyonda mu mutapi po keya, ka amupakile shibathzi. Nehoni mangu okuyonda a Labani, ne okukolopa a Jakovo.⁴³Oyu munu wafumine nene. Aye wakalile no mangu omangi, po kala na pika wa mbuyama na kwelume, no kamele no mambongolo.

¹unone Jakobo ayepo yuba maywi a ana Labani, aa ambile, "Jakobo ona shimbi ya tata yohihe, kalo ei inu alinayo yoihe ya hatunda mu lufumo lwa tata." ²Jakobo ayepo nangula mulapala lwa Labani. Ayepo mona ci wiikalo akalile nenji kali woliyo. ³Honi shinda sha moyo ayepo ambela Jakobo, "Ohuke mulitunga lya tata woe no kukwa poe, kalo henge ni kala noe."⁴Jakobo ayepo tuma no kwisha Rachelu no Lea ku shilwa ku mulaka o ingu ⁵kalo ayepo ambela, "Na homona wiikalo wa tata wenu kukwange una lishili, unone Nyambi wa tata ahakala nange. ⁶Munalimuka ci ina kwamena tata wena ko okolo wange.⁷Tata wenu ona niangela no kupilukela shipiwa shange muikati yo lishumi, uno ne Nyambi kamutawishile kuni kwama omango. ⁸Ou amba ci, lyama yo ukwayu henge ya kukala ipiwa yoe, kutundapo mulaka woshe wa haeleka a oukwayu. Ngecipo amba ci, yo malamala henge ikala ipiwa yoe; kutunda po mulaka wohuhe wahaeleka ana o malamala. ⁹Mukenge yo Nyambi onanyanga emuna tata wenu no ku inipa.¹⁰Mushikati sho kueleka, mushilota hime naha mona membe o shikwelume oku thzina o mbuyama. Membe o mukwelume neli wa malamala, wa kukwayuka, no undoli ndoli. ¹¹Lingeloi lya Nyambi lya hanitongwela kutulo, 'Jakovo; Ameci, 'Yamona.'¹²Ayepo amba ci, oyelule meho o mone membe thzo thzi kwelume ethzi thzilielekisha no tunamani. Twa malamala, twakukwayuka no undoli ndoli, mukonda ina mono omu ana kukwamena Labani. ¹³Yame no Nyambi oku Betele, omu wa shishile liwe lyo kulianukisha no oli. Kuya wakani-kulupelishile. Oimane honi otunde muno mulitunga ohuke mulitunga akwelekelile."'¹⁴Rachelu no Lea awopo amutawa no kuamba kukwenji, "Shemwa koishili yetu munjiyo thza tata? ¹⁵Katu nyandisha weci twa anu ao? Ona natuulisha kalo onalile no mali o muulo wetu. ¹⁶Shoshihe shiya shifumu Nyambi anyangile tata seli shetu no anetu. kutunda po, yoihe anakutongwela Nyambi, oikwame."¹⁷Nehone Jakobo ayepo imana no thzinisha anenji no anuwenji pa makamele. ¹⁸Ayepo tibele emuna yenji poshi wenji, no itenge yenji yoihe, kupakapo no imuna ei aliwanenine mu Padan-Arami. Kutundapo ayepo fundaka kuthza kwa tata wenji Isaka mu litunga lya Kanana.¹⁹Labani ou a shithza kuku konga mangu enji, Rachelu sho kwitthza itenga ya tata wenji yo munjiyo. ²⁰Jakovo naye ayepo angela Labani wa Muarami, mu kukana ku tongwela ci aha funduka. ²¹Ayepo omboloka noyi akalile nayo yoihe no kukayabuka lwale wangu -wangu, no kutane-kelisha sho mikinya za Giliadi.²²Muliyuwa lyo mushihatu Labani amutongwelile ci Jakovo ono ombiloka. ²³Ayepo shimba apenji no ku mushupwela mu muendo o mayuwa muutanu no eli. Ayepo ka muwana mu mukinya wa Giliadi.²⁴Ambene Nyambi wa keile kwa Labani wo Muarami muilota yo ushiku no kuamba ku kwenji, "Omamele ci wa tongwela Jakovo iningeiwa ininge yo imango. ²⁵Labani ayepo wana Jakovo. Jakovo kuma shishile tende thzenji mu mukinya. Lab ani naye ayepo bapula matende oo na apenji ouno mu mukinya wa Giliadi.²⁶Labani ayepo ambela Jakovo, "Ine ei ona kwama, eci oni omboloke no kuchimba anange eci mapanditi oo ufo? ²⁷Ine ei no liombela ko kukana kulimuka no kuniangela? Nga na kushindekethzile noliyangu no meembo, no maoma no iñombyo. ²⁸Kowani tawishile kuthsemba aikulyange owa kwelume no a mbuyama oshialepo. Honi ona kwama uanga.²⁹Nili no okolo okumikwama omango, ambene Nyambi owa tata wenu hime amba nange mu shiku oyana no kuamba ci, 'Omamele wa tongwela Jakovo shimweya yoiwa inji yo imango.' ³⁰Nehoni ona funduka mukonda no kuamba kuhuka kunjiyo thza tata woye. Ambene ine waithzelile athzimu ange?"³¹Jakovo ayepo tawa no kuamba kwa Labani, "Mukonda hime na hayapa no kuanekela ci kenge oninyanga anoye mu kukakatela. ³²Yomuhe oyu nethzi athzimu oye kakuyoya. Pakaci ka apetu, otongole yoihe ili kukwange ne oishimbe. "Eci Jakovo ka alimukile ci Rahele ona iithzi.³³Labani ayepo thza mu tende thza Jakovo, mu tende thza Lea, no mutende thzo apika eli owa mbuyama, ambene kana wawana. Ayepo puna mu tende thza Lea ne no kuingena mutende thza Rahele.³⁴Nehoni Rahele ayepo ingenisha tumbonya to munjiyo thzenji, kutupaka muikwatelo ya Kamele, no kukala peulo thzato. Labani ayepo fotishisha mutende thzothzihe, ambene kana tuwana. ³⁵Ayepo amba kwa tata wenji, "Lelo wa anjipa, mukulwange , eci kanitwesha kuimana pakaci koye, mukuninga ci nili kushithzila." Ayepo fotafota ambene kaawanine tumbonya twenji.³⁶Jakovo ayepo anjipa no ku likananisha na Labani. Ayepo amba kukwenji, "Mulandu wange upi? Shivi shange shipi, esho onani shupwela shemwa? ³⁷Ou ona longolola shifumu shange shoshihe. Shine ona wan kuitenga yoye yoihe yo munjiyo? Othzipake mweno mo pakaci ko apetu, eci aatule mukaci ketu tweeli.³⁸Mu myaka thzo makumi eli ina kala noye. Mangu oye no membe thzoye kanai pitelelisha, inji kulya mutapi upi nji upi mu milaka thzoye. ³⁹Kani kuletelile yo ku kulukishiwa ku ikondwama. Kupita ci, yame ina ipisheliwa. Kumanoni kulishanga ku shiyama shoshihe sho kutondahala, shiwanga ci sha kwithza mutanya nji sha kwithza oshiku. ⁴⁰Oko nanikalanga; mutanya mutenya kuma nauni tumekanga, no mepo oshiku; kalo kana ni monanga tulo.⁴¹Ethzi myaka thzo makumi eli inakala mu mwanda woye. Ina kukwamena likumi lyo no myaka thzine kwa noye eli owa mbuyama, no myaka mutanu no myaka ofoci ku mulaka woye. Onaalula muputhzo wange mu likumi lyo ikati. ⁴²Na pochi Nyambi wa tata, Nyambi wa Abrahama noyo acile Isaka, kukala nange, koshemwa panonga onanihushu nyalanyala. Nyambi ona mono likando lyange nomo nani kwamena katata, hime na kuanukethza mu ushiku oyana."⁴³Labani ayepo tawa Jakovo awa ambuyama anange, awa aikulu aikulyange, inji milaka thzange. Yoihe yomona yange. Ambene shine nitwesha kukwama lelo kowa anange, inji kwa ana anelekiwa? ⁴⁴Pano honi, tulitwashane, nowe name, kalo shikale opaki woe name."⁴⁵Honi Jakovo ayepo ayepo shimba mawe no kuimeka kuninga shithsini. ⁴⁶Jakovo ayepo amba kwa penji, "Mulundeke mawe." Honi awopo shimba mawe no kukwama lilambo. Honine awopo a lyela peulo thzo lilambo. ⁴⁷Labani ayepo liisha ci Jegari-Sahaduta, ambene Jakovo ayepo liisha ci Galidi.⁴⁸Labani ayepo amba ci, "Eli lilambo woliyo opaki mukaci kange noye lelo. "Honine lithzina lyalyo neli Galildi. ⁴⁹Kalo lya heshiwa nji Mithzipa, mukonda Labani ayepo amba, "Shinda sha moyo atanekele mukaci koye na me, ou tukana kulimona. ⁵⁰Ngecipo ofenye anange, shiwanga ci kwithsa oyu tuli nenji, omone, Nyambi yoliyo paki mukaci koye name."⁵¹Labani ayepo amba kwa Jakovo, "Otaneke ku ku lilambo, no kutaneka ku shithsini, eshi inashishi mukaci koye name. ⁵²Eli lilambo lyoliyo opaki, no shithsini sholiyo opaki, eci ame kana kuyomboka eli lilambo kukeya kukoye, no kuninga ci nowe kowa kuyomboka li lilambo noshi shithsini kuyeya kukwange, kunakwama omango. ⁵³Nyambi wa Abrahama, no Nyambi wa Nakori, Nyambi wa tata wo, atuatule." Jakovo ayepo lethzela kwoyo ciliwa kwa Isaka tata wenji.⁵⁴Jakovo hime akwama shitavelo pa mukinya no kwisha apenji kunalya ishima. Hime alya no kukamana oshiku wouhe pamukinya. ⁵⁵Mashiku Labani ayepo pinduka, kucuveta aikulyenji no anenji oa mbuyama no kuwafiyawela. Kutundapo Labani ayepo funduka kuhuka kuliumbo.

¹Ne Dina, mwana Lea wo mbuyama oyu na eleke kwa Jakovo kuma athzile kuka hungela kwaa mbanda o mulitunga elyo. ²Sikemi mwana Hamori Muhiti, Fumu welye litunga, ayepo mumona. Ayepo mushikmba no kulala nenji, no kumufisha honyi. ³Shime aootela kwa Dina, mwana Jakovo. Shime ahima oyo mumbanda ne ayepo amba nenji shiwa.⁴Sikemi ayepo amba kwa tata wenji Hamora, ayepo amba ci, "Onishimbele oyu mbanda eci akale mbyama wange." ⁵Ne Jakovo ou ayuvile ci onakwama omango mwanenji Dina. Anenji awakwelume kwali no emunanu mulyanda, ne Jakovo ayepo mulitutwalela kupitela ou naa keya anenji.⁶Hamora tata wa Sikemi ayepo othza kwa Jokovo ku katongaula nenji. ⁷Ana a Jokovo epo akahuka kutunda mulyanda au ayuvile eyo amba. Aipisheliwile. Kuma anjipile nene mukonda ona fisha honyi Isilaele pa kulala na mwana Jakovo wo mbuyama, mukonda yo kengeyo inga kaikwamahalile.⁸Hamora epo amba no, eci , "Mwanange Sikemi ahima mwanoye o mbuyama. Nalomba omumupe ci akale munu wenji. ⁹Muliyekele netu. otupe aneye owa mbuyama. ¹⁰Kenge mutunga netu, kalo litunga enga lishokoloka ku kwenu ci mutunge no kukwamenamo miulo, nehoni kenge mufuma.¹¹Sikemi ayepo amba kwa tata wenji na ndumbu thzenji, "Munitawethzi kuwana owa mumeho enu, ne yoihe mufota kenge niimipa. ¹²Munilombe onda yoikulu no ipiwa omu muhimena, ne kenge nipa yoihe muamba, onone munipe oyu mumbanda ci akale munu wange." ¹³Ana Jakovo owa kwelume epo atawa Sikemi na Hamore tata wenji mu liano, mukonda Sikemi shime aotelile kukwamahako na Dina ndumbuthzo.¹⁴Awopo amba kuko, "Katutwesha kukwama eyi, ci tupe ndumbu thzetu ku mukwelume wo kukana kuthza ku mukanda kukala weci eli tuli atwe, mona mukwelume yomuhe kukwenu ayepo ku mukanda; Mukonda kenge ituyuvisha honyi. ¹⁵Shime ou kukala kenge ci tumitawethze: Mon apo muthza ku mukanda kukala weci eli tuli atwe, mona mukwelume yomuhe kukwenu ayepo ku mukanda. ¹⁶Ne kenge tumipa anetu owa mbuyama, natwe kenge tushimba anenu owa mbuyama, ne kenge tu tunga nenu ne tukale anu afoci. ¹⁷Unone ngeci kamu tuteelela no kuthza no kuthza ku mukanda, kenge tushimbe ndumbu thzetu no kuthza."¹⁸Maywi o kuma aloeleshile Hamori na mwanenji Sikemi. ¹⁹Mukwelumeana kana thziyama kukwama eyi naa amutongwelile, mukonda shime ahima nene mwana Jakovo, mukonda yoliyo wo kukutekiwa nene mu lilapa lya tata wenji.²⁰Homori na mwanenji Sikemi awopo athza ku shelo sho liumbo lyo ne awopo aka ambaula no anu o muliombo lyo, awo aombaci, ²¹"Aa anu ali netu mu kuliyala, muwashiye atunge mulitunga no kukwama mulo, mukonda shemwa litunga likulu lya kwama. Tushimbe anoe owa mbuyama akale anu etu, natwe tuwape anetu owa mbuyama.²²Shime ou kwikala kenge ci aa anu atutawethze kuyoya netu no kukala anu ofoci: Akwelume owahe ali kukwetu athze ku mukanda, weci awo. ²³Apo emunanu yo no lufumo lo-yoihe no iyama yo kaya kukala yetu? Ne tuliyuve no, ne kenge atunga."²⁴Anu owahe o muliumbo awopo ateelela Hamori no Sikemi, mwanenji. mukwelume yomuhe epo thza kumukanda. ²⁵Muliyuwa lyo mushihatu, kwa shikola, ana Jakovo eeli (Simioni na Livi, andumbu thza Dina), Munu no munu ayepo shimba mwele epo kuklwisha elyo liumbo lyo kupila o kuli amwena, epo akapaa akwelume owahe. ²⁶Awopo paa Hamori na mwanenji Sikemi mu utwe wo mwele. Awopo ashimba Dina munjiyo thza Sikemi no kuthza.²⁷Ana Jakovo amweya awopo akeya kuitupu ne awopo apukula liumbo, mukonda anu anaotela kukwama hako na ndumbu thzo. ²⁸Awopo ashimba emunanu yoo, milaka thzo, imbongolo yoo, no itenga yoihe muliumbo nei yakalile mu ilwa. ²⁹Lufumo loluhe. Wahe anoo no ambuyama o, epo awashimba. mane epo ashimba yoihe naikala mu maio,³⁰Jakovo ayepo amba kwa Simioni na Levi, munani letela ukalu, kunikwama wo kunuka omango kwa anu anatungu muno mulitunga, ma Kanana no Maperizi. Nili na anu owa onye. Nge aliwane pofoci no kunilisha, kenge anithzilisha, yame no mutala wange." ³¹Unone Simioni na Levi epo atawa ci, "Sikemi aloela kukwama ndumbu thzetu weci muwo luthziho?"

¹Nyambi ayepo amba kwa Jakovo, "Okatuke, othze ku Betele, ne okatunge koo. Okahumbeko Aletele kwa Nyambi, uyu nalimonalisha kukoye shikati esho nocili mukulwoye Isau." ²Nehoni Jakovo ayepo amba kwa ka njiyo thzenji nawo we nakala nenji, mutundishe athzimu wae awa mulino, muliloishe amwe mwashinda, kalo mubate ibata yayo. ³Ne mutushiye tuthze kuthza kwa Betele. Kenge nika umbako anatale thza Nyambi, oyu nanitawa mu mayuwa omakalu, nakala nange kokuhe oku nanikala.⁴Ne awopo apa Jakovo mithzimu ethzo nathzi kala mu mooko oo, kalo no mathsikiyo aku matwi oo. Jakovo apothzi vumbeka mushi thzo shitondo shoposho thza Shikemi. ⁵Kwali mu muenndo, Nyambi ayepo lela wowa kwa anu mu maumbo wahe awa na kala pepi no, ne awo kana chithzi ana Jakovo.⁶Ne Jakovo ayepo kuma ku Luithzi (ethzi, Betele), eli lili mu litunga lya Kanana, aye no anu wahe awo nakala nenji. ⁷Ayepo umba ko alatale no kwisha esho shivaka El-Betele, mukonda oko Nyambi na limonahalisha aye shinda kukwenji, ou ayapile mukulwenji. ⁸Debola, munyungi wa Rabbeka, ayepo ofa. Ayepo vumbekiwa ku Betele mushi thzo shitondo sho Oaki, ne ashopo shishiwa Aloni Bakuti.⁹Apa Jakovo nakeya kutunda ku Padan Alamu, Nyambi ayepo limonahalisha kukwenji kalo no kumufyaula. ¹⁰Nyambi ayepo aamba kukwenji, "Lithzina lyoye po Jakovo, unone lithzina lyoye kalya kwisha kalo Jakovo lithzina lyoye lyakukale Isilaele." Ne Nyambi waishile lithzina lyenji Isilaele.¹¹Nyambi ayepo amba kukwenji, "Yame Nyambi oukolo. Olete mukuta kuvula. Litunga no anu wahe mu matunga kenge atunda kukwoye, no mafumu kenge akala oshikuta shoye. ¹²Shivaka esho namipa Abrahama no Isaki, kenge nishikupa. ekulyoye amunyima thzoye kenge niwapa litunga." ¹³Nyambi apo hukela mushivaka omu na amba nenji.¹⁴Jakovo wapakile liunji mushivaka, omo namba na Nyambi, liunji lyo liwe. Eyepo mwaele shipiwa shokunwa pa liunji kalo no kumwaelepo oli. ¹⁵Jakovo ayepo ita lithzina lyoesho shivaka esho na amba na Nyambi lithzina, Betele.¹⁶Nakala muluendo kutunda ku Betele. Apo kwali mumuendo wo kutunda Efrata, Rachele ayepo shamuluka. Wakalile no ukalu pa ku shamuluka. ¹⁷Koli mukalu wo kueleka, muka kwelekisha ayepo mwambelela eci wayapa, mukonda kalo kenge owana mwana omukwelume." ¹⁸Ounafu, okushime kufelela amupaka lithzina Benoni, unone Tata wenji amwisha Benjamini. ¹⁹Rachelu poofa kalo po tulekiwa mulikuñwa lyo kuthza Efrata (elyo, Betelehema). ²⁰Jakovo apopa liunji pawilu thzo mbumbo. Sheliyo shimonisha shopa mbumbo thza Rachelu elyo liyuwa.²¹Isilaele apo thza no kuka amba tende thzenji musabwa thzo hendele. ²²Apa Isilaele koli mulitunga, Rubeni apo fosa no mulembe watata wenji, kalo Isilaele apo iyuva . Ne jakovo nakala no aana owa kwelume likumi na eli.²³Anenji okueleka na Rear neli Ruben, mwana Jakovo omatatekelo, no Simoni, Levi, Juda, Isaka, no Hebuleni. ²⁴Anenji okueleka Rachelu neli Josefa no Benjamini. ²⁵Anenji okweleka na Beha, mupika wa Rachelu, Dani na Fati.²⁶Aana thzilipa, mupika wa Leah, po Gadi no Asere. Wahawapo ana Jakovo okwelekiwa kutunda ku Padani-Arani. ²⁷Jakovo ayepo keya kwa Isako, kwa tata wenji, mu liumbo lya Kiliyati-Alibe (mofoci no Hebuluni) okoo nakala Abrahama na Isaki.²⁸Isaki nayoyo myaka 180. ²⁹Isaki ayepo yoya lyo ma maishelelo kalo ayepo faa, kalo no kuka vumbekiwa kwa kuku wenji, kona kulupala. Isau na Jakovo, anenji, awo poamu vumbeka.

¹Jakovo shime ayoya mu litunga naa kalanga atata wenji, mu litunga lya kanana. ²Eyi yoliyo yiamba muikati ya Jakovo. Josefa, wa kalile mucaha wo myaka likumi no mutanu no thziili (17) shime alisha mangu no apenji. Shime akala no ona o Bilika no ana ZILIPA, anu atata wenji. Josefa ayepo nowa lundela yo n'anda kwa tata wo.³Honi isiaele shime ahima nene Josefa kupita anenji owahe mukonda wo wakalile mwanenji wo mucembele wenji. Ayepo mukwamena shito shoshiwa. ⁴Akulwenji epo amona ci tata wo shime amuhima nene kupita akulwenji owahe, Awopo amuthzimba ne kanaa ambanga nenji nawa.⁵Josefa epo lota, ne ayepo tongwela akulwenji. Awopo amuthzimba mwene manene. ⁶Ayepo amba kuko, "Namilomba muteele shilota shange nina loto.⁷Mukeenge, shime tuna anga mikuta thzo muonnyi mushilwa mukenge, mukuta wange awopo uyeluka no kwimana, ne mukeenge, mikuta thzenu epo thzikeya kuna thzikuluka no kuthsika mukuta wange. ⁸Akulwenji awopo a amba ku kwenji, "Owe nenga kenge waku tuendisha shemwa nji? Owe nenga kenge wakutuvuthsa shemwa nji? Epo amuthzimba kalo nene mukonda wo shilota shenji no maywi enji.⁹Ayepo lota kalo ne kalo ayhepo tongwela akulwenji. Ayepo amba, "Mukenge , nina loto kalo: liyuwa no ngonda no tungwethzi to likumi nokofoci kuini kotomena." ¹⁰Ayepo itongwela kalo tata wenji weci omu naa tongwelela akulwenji, ne tata wenji epo mukanena. Ayepo amba kukwenji, "Shilota mwine sho kenge ona loto? ci njinoye name no akulyoye kenge twa kukeya no kuna kala pashi kuku kinyamena?" ¹¹Akulwenji epo amuyuvela shipululu, unone tata wenji epo tuleka mu mucima esho shiamba.¹²Akulwenji epo athza ku kulisha ngu thza tata wo ku Sikemi. ¹³Isilaele epo amba kwa Josefa, "Ci kali akuloye alishela ngu mu Sikemi? Okeye, nani kutume kuko." Josefa ayepo amba kukwenji, "Ninaliloishela" ¹⁴Ayepo amba kukwenji, "Othze pano mwene, okamone ngeci akuloye no mangu ali nawa, ne nonitongwele omu kulyele." Ne Jakovo epo mutumena mu shombolongoma sha Hebroni, ne Joesefa ayepo thza ku Sikemi.¹⁵Munu mungana epo wana Josefa. Ambene, shime aendaula mu shilwa. Oyu munu eplo mwipula, "Ine ofota?" ¹⁶Josefa ayepo tawa, "Nafota akulwange. Oni tongwele, nalomba, oku alishila mangu." ¹⁷Oyu munu epo amba, "Pano pa shivaka anatundapo, mukonda nina wayuvu kuamba ci, 'Tuthzenu ku Dotani."' Josefa epo shupwela akulwenji ne ayepo kawa wana ku Dotani.¹⁸Shime amumona ko shiendela kokule, ne kushime kuhenya popepi no, awopo aanakela yo ku paa. ¹⁹Akulwenji awopo ali ambawethza mukaci ko, "Mukenge, oyu muka kulota a henyenena. ²⁰Mukeye nehoni, tumu paa no kumukonjela mu liteke lingana. Kenge tu kaamba ci, 'iyama yo mu lyanda yoliyo ina muli. Kenge tumona ya ku kwamahala ku ilota yenji."²¹Rubeni ayepo iyuva ne epo muyoisha mu muko o. Ayepo amba, "Twaa manisha moyo wenji ." ²²Rubeni ayepo amba kuko, "Mwa mwaa unyinga. Mu mukonjele muliteke lili mbulwa kukutu, unone mwa mupaka lyoko" eci aku muyoyisha mu moko hoci aku muhushe kwa tata wenji.²³Kwa kwamahalile kenge ci Josefa ou akumine kwa kulwenji, awo po amu hululisha shikovelo. ²⁴Awopo amushimba no kumu konjela mu liteke kana mu kala meyu.²⁵Awopo akala pashi no kulya ishima. Awopo ainuka no kukenga kuwilu, ne, popo mwene, awopo amona mupambi wo Mashimaele kuutundelela ku Giliadi, no ma kamele no kuayuvahala minuko no maathzi o mithzi no mira. Shime aenda kwathza nayo mu Egepita. ²⁶Juda epo amba kwa apenji ci, "Shime tuwa wanapo ou twiipaa minetu no kuoleka unyinga wenji?²⁷Mukeye tumuulishe ku Maishimaele mwaa mupaka moko. Mukonda minetu, ilama yetu." Akulwenji epo amuteelela. ²⁸Auli o Mamidiana awopo apita. Akulwenji epo amuyelula no kumutundisha mu liteke. Awopo aulisha Josefa ku Maishimaele pa ilivela yo makumi eeli. Maishimaele awopo ashimba Josefa no kuthza nenji mu egepita.²⁹Rubeni ayepo huka ku liteke, ne, apo, Josefa kahakalilemo mu liteke. Ayepo yataula ito yenji. ³⁰Ayepo huka kwaa minenji no kuaamba ci, "Mwanuke wahimo! Ame honi, kupi nithza?"³¹Awopo apaa membe ne epo ashimba shito sha Josefa no kushipaka mu unyinga. ³²Ne awopo ashitwala kwa tata wo no kuka amba, "Sho tunawana eshi. oshikenge ngeci sholiyo shito sha mwanoye nji kwithsa." ³³Jakovo epo shilimuka ne epo amba ci, " Shito sha mwanange. Shiyama sho mu lyanda shina muli, Josefa ona payauliwa."³⁴Jakovo ayepo yataula shito shenji no kulianga mathsaka mu mbunda thzenji. Ayepo lila mwa nenji pa mayuwa omangi. ³⁵Anenji owa kwelume nowa mbuyama awopo naa mututwalisha, unone shime akana ku mututwalisha. Ayepo amba, "Kenge niulumuka shemwa mu shivaka shawa alila ku nilila mwanange." Tata wenji epo mulila. ³⁶Mamidiana epo amuulisha mu egepita kwa polofita, nduna wa Faro, muendishi waka kunyunga.

¹Kwakalile shikati esho Juda washile apenji no kukakala no yumweya munu oku Adulamite, olithzina lya Hira. ²Wakawanineko mwana wo mumbanda wa munu omu kanana wo lithzina lya Shua. Waka mushimbile noku kakala nenji.³Wakalile no lila noku kala no mwana wo mukwelume. Amutile lithzina lya Eri. ⁴Ayepo lemupa kalo lila n kukala no mwana wo mukwelume. Ayepo muta lithzina lya Onani. ⁵Kalo ayepo wana mwana wo mukwelume no kumuta lithzina lya Shela. Neli ku kezibi oka aka mwelekelile.⁶Juda wawanenine mwanenji Evi, mweli wenji mbuyama okuyeka. Lithzina lyenji neli Tomare. ⁷Evi, mweli wa Juda, neli munu wo mumango pa meho oshinda sha moyo. Shinda sha moyo eyepo mupaa.⁸Juda ayepo amba kwa Onani, "othze kwa munu wa mukulwoye. Omuyeke, owanishele mukulwoye mwana.'' ⁹Onani walimukile ci ana kakala nenji. Apa anathzanga kwa munu wa mukulwenji, kuma na mwaelanga pashine kana wanena mukulwenji mwana. ¹⁰Ya kalile yoimango eyo akwamangile pameho a shinda sha meyo. Shinda sha moyo ayepo amu paa kalo.¹¹Nehoni Juda ayepo amba kwa Tamori, ngumwenenji, "Okakale lifakathzi munjiyo thza tata oye kup9itela Shela, mwanange, apa kakula." mukonda nayapa, "naye kenge afa, eci akulwenji." Tamori wakatukile no kukala ku njiyo thza tata wenji.¹²Munyima thzo shikati shoshihe, mwana Shua, wo mbuyama, munu wa Juda ayepo fa. Juda apa shapwile shililo wa kandukile kuthza ku Timina kwa kwa kuteula mangu enji, aye no mbushenji Hira omu Adulamiti. ¹³Tamare amutongwelile, "Omone, hemwenyoye ona kanduka kuthza ku Timina kuka teula mangu enji." ¹⁴Washupwelile eto yenji you fakathzi noku lithsikelela malesu no ku ilithzingaelela. Ayepo ka kala mushelo sho Enaimi, elyo likun'wa lithza ku Timina. Mukonda wa monine ci Shela ona kulu unone kamu mupile kukala munu wenji.¹⁵Ou Juda amumonine wa ayalile ci lihule mukonda kuma lithsikelile ku shihanga. ¹⁶Ayepo thza kukwenji mulikun'wa no ku kaamba, "Okeye,onitawishe kukeya nani lale noye'' - mukonda kalimukile ci ngumwenenji- ayepo tawa eci, "Shine esho nipa ci olale nange?"¹⁷Ayepo amba, "kenge nika ku tumena membe ana omu mulaka wange." Ayepo amba, kenge onipa pokukwi manena kupita okakani tumena?" ¹⁸Ayepo amba, poku nimanena pa shine esho ni kupa?'' Ayepo tawa, shishwayisho shoe no kaothzi, no mutaa owo uli mulyoko lyoye." Ayepo imupa noku thza kukwenji, no ku mupa lila.¹⁹Ayepo katuka no kulithzela. Ayepo hulula malesu noku kavata eto yenji yo ufakathzi. ²⁰Juda ayepo tuma membeana ko mbushenji o Adulamiti eci a wane kutambula poku mwimanena kutundelela mulyoko lya mbuyama, unone kaka muwanine.²¹Nehoni mu Adulamiti ayepo ipula akwelume omushivaka, "Kupi lili lihule nalikala ku Enaimi kunyonga thzo mukwakwa?" Awopo amba, "kakwakala lihule kuno." ²²Ayepo huka kwa Juda noku amba, "Kanikamuwanine. Kalo, no akwelume oshivaka ahamba, ci 'kakwakala lihule kuno.''' ²³Juda ayepo amba, "Mu mushiye alitulekele enu, ci twayuva honyi. Ko kenge, hime natuma oyu membeana, unone kokamuwanine.²⁴Munyima thzo maonda ahatu Juda amutongwelile, "Tamori ngumwenyoe ona lipisha ko uhule, ne, oli no lila.'' Juda ayepo amba, "Munu lete kuno na tumekiwe." ²⁵Apo amuletile watumine kwa hemwenyenji maywi, "Ina wana lila ko mukwelume shinda sho inu. "Ayepo amba, muikenge muilimuke shinda shayo, shishwaisho no kaothzi no mutaa." ²⁶Juda wailimukile no kuamba, "Olishiwanene kupita me, mukonda kani mupa kwa mwanange Shela, kukala munu wenji," kalo kaka lalile nenji.²⁷Sha kumine shikati sho kueleka ci, mumone, mambile akalile mulila lyenji. ²⁸Ci atateke kweleka kwa punishile lyoko yumweya, naka kwelekisha walishimbile no kuli nunga wanda noku wamba, "Oyu yoliyo mweli."²⁹Unone wahushile lyoko lyenji, ne, mumone, mwapenji wali vangile kupuna. Akakwelekisha ambile, "Kwa puna ngepi koyu okulitangethza!'' ne amupakile lithzina lya Perezi. ³⁰Honi mwapenji wa mupunine kukeya, oyu wa nungiwile ka wanda ko kakihu ku lyoko amupakile lithzina lyo Zera.

¹Josefa a twaliwa ku Egapita. Potifa wa kalile nduna Faro wa tateleli wo mu Egepita, wa muulile kwa ka Ishimaele, awo a mutwalileko. ²Shinda sha moyo wa kalile na Josefa ayepo kala munu wo kuloisha inu yenji. Wakalile mu njiyo thza muendishi wenji wo mu Egepita.³Muendishi wenji wa monine ci shinda sha moyo wakalile nenji kalo ci shinda sha moyoamu loishela yoihe a kwama. ⁴Josefa wa wanine kwimaneniwa ku kwenji. Wa kwamenine Potifa. Potifa ayepo kwama Josefa ku kala muka kuendisha njiyo thzenji, no inu yenji yoihe akalile nayo, wa pakile mushi thzo kumamela.⁵Munyima thzo shikati sho ku mupaka muka kuendisha njiyo no inu yoihe akalile nayo, shinda sha moyo wa fiyawethzile njiyo thza Potifa mukonda wa Josefa. Fiyawethzi thza shinda sha moyo thza keile kuinu yoihe akalile nayo Potifa mu njiyo no mu shilwa. ⁶Potifa wa pakile yoihe akalile nayo mu moko a Josefa kuendisha. Kayalile kalo shimweya hime ngwa eshima eyo alyangile. Josefa hime akalile mukwelume o muwa no kuloelisha.⁷Munyima thzeyo kwa keile ci munu wa muendishi wenji wa kengile meho enji kwa Josefa ayepo amba, "Ofose nange." ⁸Unone wa kanine kalo wa ambile ku munu wa mu endishi wenji, "Omune mu endishi wange kani tongoliwa shi mweya kweyi ni kwama muno munjiyo, kalo ona paka yoihe alinayo mu moko ange. ⁹Kwithsa omu kulu muno mu njiyokupita ame. Ka kanishile shimweya ku kwange ine owe, mukonda yowe munu wenji. Ngepi honi ni twesha ku kwama omango o shikulu no shivi kwa lukela Nyambi?"¹⁰Wa ambangile kwa Josefa liwa ku liwa, unone wa kanine kufosa nenjishi wanga ku kala nenji. ¹¹Liwa lyofoci wa thzile mu njiyo omo akwamenine shi kwama shenji. Kalo ka kwa kalile munu shiwanga yo foci o munjiyo. ¹²Ayepo mukwata kuito yenji ayepo amba, "Ofose nange." Ayepo shiya shito shenji mulioko lyenji, kucilela pola.¹³Oyu mbuyama apa monine ci ona shii shito mu moko ku cilela pola, ¹⁴ngou aishile anu o mu njiyo thzenji no kuwa tongwela, "Mumone, Potifa ona leta muhevelu ku kwetu ku pepisha atwe. Ona keya ku kwange ci afose nange, ngou ina kuu. ¹⁵Ou ana yuvu ci na kuwa, ayepo shiya shito shenji ku kwange, kucila, no kuthza pola."¹⁶Watulekile ito ya Josefa kukwenji kupitela apo a kumenine munu wenji ku mutala. ¹⁷Ayepo mutongwela ao maywi wahe, "Oyu mupika wo muhevelu ona leta ku kwetu, ona keya kwange ku pepela pa pange. ¹⁸Ou ana yuvu ci na kuwa, ayepo shiya shito shenji ku kwange no ku cilela pola.¹⁹Ou muendishi wenji ayuvile maywi ao ana mutongweela munu wenji, "Ei yoliyo anakwama mupika oye ku kwange." ayepo anjipa nene. ²⁰Muendishi wa Josefa ayepo mushimba no ku mupaka mutolongo, mushivaka esho anungelanga ma mapantiti a Fumu. Wa kalilemo muka shitiko.²¹²²²³Unone shinda sha moyo hime a kalile na Josefa no kumu monisha musa no shihemo ku kwenji. Nduna o tolongo ayepo paka mu pantiti wahe akalile muka shitiko mu moko a Josefa. Yoihe a kwamangile muya, Josefa yoliyo wa endishangile. Nduna wo muka shitiko katotonile shimweya kweyo ya kalile mu moko enji, mukonda shinda sha moyo hime a kalile nenji. Yoihe akwamangile, shinda sha moyo.

¹Kumakwakalile henge munyima wei, nduna oyu kenge yo kunwa ya fumu wa Egepita ne no nduna wa fumu oyu kenge yo kulya ayepo epishela n'athile wo, fumu wa Egepita. ²Faro ayepo anjipela apika enji eli, nduna oyu kenge yo kunwa ya fumu neno nduna oyu kenga yo kulya ya fumu. ³Ayepo wa paka mutolongo mu njiyo thza mukulu wa ka kumamela, mutolongo thzofoci ethzo akalile Josefa.⁴Mukulu wa kakumamela ayepo wapaka mumoko a Josefa, ne awopo akala mushi thzenji. Ayepo akala mayuwa mu tulongo. ⁵Waheno aepo alota shilota -oyu kenga yo kunwa no yu kenga yo kulya ya fumu wa Egepita awa pakile mutolongo -munu no munu ma kalile no shilota shenji mu ushiku ofoci, ne shilota no shilota mashakalile no taluthso thza sho.⁶Josefa ayepo keya kukwo mashiku ne kunawamona. Ayepo wawana ci anafu honyi. ⁷Ayepo ipula manduna a Faro waya akalile nenji mu tolongo munjiyo thza n'athile wenji, ci, "Ngepi mumonahala honyi lelo?" ⁸Aopo amba kukwenji, "Twahe tuna loto shilota ne kwithsa oyu twesha kushi toloka." Josefa ayepo amba kukwo, ne kutoloka kakupandamine kwa Nyambi? Mu nitongwele, andengenu.⁹Nduna wo mukakupa ilya ayepo tongola ilota yenji kwa Josefa. Ayepo amba kukwenji, "Mushilota shange, namonine, shitondo sho veine posho thzange. ¹⁰Ku veine makwakalile mitai thzihatu. Ou sha shoshelile, ashopo shiima nehoni shishakasha shateni ashopo shipaka oshuka okupya. ¹¹Nganja thza Faro thza kalile mulyoko lyange. Nopo ni shimba oshuka no kushikamunena mu nganja thza Faro, ne ame po ni thzitambeka mulyoko lya Faro."¹²Josefa ayepo amba kukwenji, "Ethzi thzoliyo talusa thzateni. Mitai thzihatu oliyo mayuwa ahatu. ¹³Kushili no mayuwa ahatu Faro henge a inula mutwi woye no kukuhushela pa shikwama shoye. Henge otambeka nganja thza Faro mulyoko lyenji, weci paya okushili mukakupa ilya wenji.¹⁴Unone wakuniayale ou waku yoya shiwa, no kumonisha shihemo kukwange. Oni tongole kwa Faro ne kunipunisha muno mukamenga. ¹⁵Mukonda anithzile mu litunga lyo Maheberu. Kuno kani kwamine shimweya eshinga anipakela mukamenga."¹⁶Nduna wa kakuponda ou amonine ei taluthso thziwa, ayepo amba kwa Josefa, "Name naniloto, ne, namonine mendeko ahatu o shima okwali pamutwi wange. ¹⁷Mulyendeko lyo peulo hime mwa kala ilya yoihe yo kulishiya shiya yo kuteleka ya Faro, unone enyunyi ayopo ilya eyo yakalile mulyendeko pamutwi wange.¹⁸Josefa ayepo tawa no kuamba, "Ethzi thziliyo toloko thzateni, mendeko ahatu oliyo mayuwa ahatu. ¹⁹Ou kupita mayuwa ahatu Faro kuma kucinuna mutwi no kukupateka pa shitondo. Enyunyi henge ilya nyama thzoye."²⁰Muliyuwa lyo mushihatu lyo liyo liyuwa lyo kwelekiwa kwa Faro. Ayepo kwama mukiti wa apika enji wahe. Ayepo imeka mutwi wa nduna wa akakupa ilya no mutwi wa nduna wa kakuponda, mukaci ko apika enji. ²¹Ayepo hushela nduna wa kakupa ilya pa shikwama shenji, ne ayepo tambeka nganja mumoko a Faro. ²²Unone ayepo pateka nduna wa kakuponda, weci omu a watolokelile Josefa. ²³Popo hapo nduna wa kakupa ilya wa kaa anukile Josefa, unone ayepo mubulama.

¹Hime ya kalahalile kuma hulelolo o myaka thzili thzo mutunu apo Faro ayepo lota. Mukulota, hime emanine ku mambali olwale lwa Nile. ²Apo, kuomboka ngombe thzo mutanu nathzili mulwale lwa Nile thzothziwa no nunu athzo po thzi tafuna mambungo. ³Apo, kalo kwa omnoka ngombe thzo mutanu na thzili thzo thzi mango thzo kuyonda. Athzo po nathzi imana kumbali thzo ngombe pa munanga olwale.⁴Honi ethzo ngombe thzothzi mango no kuyonda athzopo thzilya ngombe thzo thziwa no nunu. Faro ayepo pinduka. ⁵Kalo ayepo lala noku lomushili. Okopo, kukeya mashakala onona o mutanu naeli kushitende ci shofoci, anayala nona, ne oawa. ⁶Akopo, ni nona mashakala onona thzina shilitelishiwa ku mupepo ou utunda kumu vooyuwa, kwamena mumanyima.⁷Mashakala onona thzo sho onye aopo amina a mashakala onona thzo shokulu okuyala. Faro ayepo pinduka, unone, ayepo, limuka eci neli kulota. ⁸Oya kalile eci katele mashikushiku koimukolisha kumucia. Ayepo tuma ne eci akeshe akwa masheno na kwelume owa nyanyami omu Egepita. Faro ayepo wa tongwela eyi ana loto, unone kakwa kalile shinga ofoci oyu wa tweshile kuyaulwela Faro eyi ana lota.⁹Mukulu oma weta ayepo ambela Faro eci, "Lelo na anekela yo milandu thzange. ¹⁰Faro wa anjipelile apika enji, ne ayepo nipaka muka menga munjiyo thza mukulu wa kwa kunyunga, mukulu wa kwa kuteleka name. ¹¹Twa lotile elota oshiku ofoci, aye name,twa lotile kuthza ko munu no munu kuthza koi shina amba shilota shenji.¹²Kwakalile netu mukwelumeana omu Heberu, mupika wa mukulu wa kwa kunyunga. Otwe twa mutongwelile ne ayepo tuyaulela eyi yambile eyi twa lotile. Wayaulile munu no munu kuthza komu analotela. ¹³Yakalile mwene eci eli aitu ambelile, lyo ya kalahalile. Faro ayepo nihushela pe kwama, unone oyo yumweya ayepo mupaa ko kumu angelela muothzi muthsingo."¹⁴Faro ayepo tuma kukesha Josefa. Awopo amu punisha wanguwangu mukamenga. Ayepo likela huki, no kuvata evata yayo, ne ayepo keya kwa Faro. ¹⁵Faro ayepo ambela Josefa eci, "Nina loto unone kwisha okuniyaulela, eyi nina loto. Unone nina yuvu yoe, eci ino yuva eyi ana loto munu wa twesha kui kuimuyaulela." ¹⁶Josefa ayepo tawa Faro, no kuamba eci, "Kali yame. Nyambi yotawa Faro kutawa kokuwa."¹⁷Faro ayepo amb ela Josefa, "Mu kulota kwange, hime nina imana pa lipimbo(munanga) lyo lwale wa Nile. ¹⁸Apopo, ngombe thzo mutanu na thzili athzo po thzi omboka mulwale lwa Nile, thzo thzi nunu no wa, ne thzopo thzi tafuna muma mbungu.¹⁹Apopo, ngombe thzo mutanu na thzili thzo po thzi omboka mumanyima, thzo kuyonda thzothzi mango nene, no pisha. Na eyelile muno mulitunga lyolihe lya Egepita no mona ngombe thzo thzimango no ku yonda eci ethzo. ²⁰Ethzo ngombe thzo kuyonda no tmango athzopo thzilya ethzo thzo ngombe thzo mutanu na thzili thzo thzi nunu. ²¹Ou thzina mana kulya, kali thza kumonahala eci thzi nathzili, mukonda hime thzo mango mutanu pela kuyonda eci pa kutanga honi amepo ni pinduka.²²Amepo ni kenge muku lota kwange, kalo, nepo, nimona mashakala mutanu na eli ku shitende ci shofoci,okuyala nona no owa. ²³Apopo, kukeya mashakala amweya omutanu na eli-oa onye ana shilitelishiwa ku mupepo okupya okuvo yuwa-kwa shoshomena mumanyima. ²⁴Amashakala okuyonda aopo amina a mashakala oawa oa nunu. Nina tongwela eyi ninaloto kwa kwa masheno, unone kuisha oyu naini yaulela.''²⁵Josefa ayepo amba kwaFaro, "Eyi ana loto Faro enu yofoci. Eyi afota ku kwama Nyambi, nai ambela Faro. ²⁶Ethzo ngombe no mutanu na thzili, nao mashakala omutanu na eli oawapo myaka thzo mutanu nathzili. Eyihe hime ona loto shinu shofoci.²⁷Ngomb e mtanu no thzili thzo kuyonda thzina keya mumanyima po myaka mutanu na thzili ne no mashakala mutanu na eli osho onye nona no ku shilitelishiwa ku mupepo oku muvo oyuwa henge ya kukala myaka thzo mutanu na thzili thzo njala thzosho kulu manene. ²⁸Ngei nina amba kwa Faro. Eyi afota kukwama Nyambi naimonisha Faro. ²⁹Omone, myaka thzo mutanu na thzili thzo kuyanga elya yoingi thza keiya mulitunga lya Egepita lyolihe.³⁰Myaka mutanu na thzili thzo njala thzo shokulu nene henge thza kukeya mu manyima, no kuyanga kosho kulu nene henge kwa ku vulamiwa mulitunga lya Egepita, ethzo njala thzo shokulu nene henge thza kwipisha litunga. ³¹Oko kuyanga ko shokulu nene henge kwa kuvulamiwa mu litunga mukonda o njala thzo shokulu nene thza kuhatako, mukonda henge thza kukala thzo sho kulu nene. ³²Okukulota hime kuna hukahukela kwa Faro po mukonda eyinu wa ku kwama Nyambi, ne Nyambi popano ai kwame.³³Nehoni Faro ohanguleko munu oku yuvishisha no onyanyami, ne omupake eci aendishe litunga lya Egepita. ³⁴Faro ahangule aendishi omulitunga no kuwapa eci akolekishe shovutanu kwilya yo mu Egepita mu myaka thzo mutanu na thzili thzo kuyanga ko shokulu nene.³⁵Apake pofoci eihe elya yo mu myaka thzo thziwa thzi keye no kutuleka oheke koku tumina kwa Faro, mukonda elya ya loela kuili kwashisha mu mambongi. Ainyunge. ³⁶Eyi elya yoliyo ya kukwathsa mu litunga mu myaka thzo mutanu na thzili thzo njala thzo shokulu nene thza kukala mu litunga lya Egepita. apo litunga katele lya kufe ku njala."³⁷Oku kulonga kwaloile mu meho a Faro no mu meho a pika enji. ³⁸Faro ayepo amba kwa pika enji eci, "Kenge tuwana munu okulipitula noyu, oyu lino mupepo wa Nyambi?"³⁹Ne Faro ayepo amba kwa Josefa eci, "Pano honi Nyambi ana kumonisha yoihe eyi, kwithsa munu oyuli no kuyuvishisha no nyanyami eci yoiwe. ⁴⁰Yowe endisha njiyo thzange, ne ko maywi oe anu owa henge oku wa endishiwa. Hime yame pohuma wa kukala mukulu ku kwoe." ⁴¹Faro ayepo ambela Josefa eci, "Mone, nina kupaka omukulu peulu thzoinu yoihe mulitunga lya Egepita.⁴²Faro ayepo shupula lihomo ku lyoko lyenji no kulishupeka kulyoko lya Josefa. No kumuvateka eto yo line omuwa, no kumupaka shipako sho Gauda muthsingo thzenji. ⁴³Ayepo mupa eci aendange mukoloi thzo mushili na kala nathzo. Akwelume akuwelelile palupala lwenji, "Mutongwame kumanwi." Faro ayepo mupa kuendisha litunga lyolihe lya Egepita.⁴⁴Faro ayepo ambela Josefa, "Yame Faro, kalo kutundishako owe, kwithsa munu oyu wa kuyelula lyoko lyenji nji liulu lyenji mu litunga lyo hihe lya Egepita. ⁴⁵Faro ayepo ita Josefa eci yowe Zafenati-Panea." Ayepo mupa Asenati, mwana potifera mu pulisita omu Ono, eci akale munuwenji. Josefa ayepo endaula mu litunga lya Egepita.⁴⁶Josefa neli koli no myaka thzo makumi ahatu apa natatekela kukwamena Faro, Fumu wa Egepita. Josefa ayepo tunda palupala lya Faro, no kuendaula mu litunga lya Egepita. ⁴⁷Myaka thzo mutanu na muthzili thzo kuyanga nene muve wa pakile elya yoingi nene.⁴⁸Ayepo paka pofoci yoihe elya yo myaka thzo mutanu na thzili nai kala mu Egepita no kutuleka eyi elya mu mambongi elya eyi inatundu mu mapya aali popepi nathzo. ⁴⁹Josefa ayepa tuleka elya yoingi eci luheke lo likulu lwale kungi, yoingi nene eci awopo apalelwa no kuibala mukonda neli kaitawa kuitala.⁵⁰Josefa ayepo kala na ana eli owa kwelume myaka thzo njala ko thzihime kukeya, awo Asenati, mwana mu pulisita Potifara oku Ono, na mwelekela. ⁵¹Josefa ayepo eta mwanenji omweli lithzina lyo Manase, mukonda hime ambile, "Nyambi nani vulamisha makando ange oahe na kwanjiyo thza tata wange." ⁵²Ayepo eta mwanenji oshilanda mweli omu kwelume Efraimi, mukonda hime ambileeci, "Nyambi nanipa ana mu litunga omu ninana nyandela."⁵³Myaka thzo mutanu na thzili thzo kuyanga ko kukulu nene kwa kalile mu Egepita athzopo thzipwa. ⁵⁴Myaka thzo mutanu na thzili thzo njala athzopo thzi tateka, eci eli na amba Josefa. Kwakalile njala thzo shokulu nene mu matunga owahe, unone mu litunga lya Egepita mwa kalile yo kulya.⁵⁵Litunga lyolihe lya Egepita ou lyana ngenenine njala. Anu owapo ahuwelela kwa Faro eci awape yo kulya. Faro ayepo amba kwanu owahe omu Egepita eci, "Muthze kwa Josefa ne muka kwame yoihe amiambela. ⁵⁶Njala thzo shokulu hime thzakala mulitunga lyolihe. Josefa ayepo yanjulula eshete yoihe no ku ulisha kwanu omu Egepita. Njala thza kulile nene mulitunga lya Egepita,. ⁵⁷Kaye kokahe hime kakeyanga ku Egepita kuna ula oheke kwa Josefa, mukonda njala hime thza kulile nene mukaye kokahe.

¹Jakovo ou alimukile ci mu Egepita mwa kala buloto. Po amba kwa anenji, "Eni mulikengela mukaci kenu?" ²Po amba, "Mumone, nina yubuci kwa kala buloto ku Egepita. Muhulumuke mukatululele yokulya ci tuyoye lelo twafa." ³Akulwa a Josefa olikumi po ahulumuka kukahula buloto mu Egepita. ⁴Unone Jakovo katumine Benjamine, mina Josefa, nakulwenji, mukonda ici eli ana amba "Na shapa ci atele kale mu ukalu.⁵Ana Isilaele athzile mukuhula nau athzile ou mukonda konjala thzakalile mulitunga lya kanana. ⁶Josefa yoliyo muhendishi olitunga. Yoliyo na hulisha anu wae mulitunga. Josefa akulwenji au akeyile ao po akulumanena mapalo wo pashi.⁷Josefa po mona akulwenji nepo alimuka, unone po lininga eci akalimuka ne po anjipela. Aye po amba kuko, mwa tundelela kupi?" Awo po amba, "Twatunda mulitunga lya Kanana twa nahulo yokulya." ⁸Josefa wa limuka akulwenji, unone ao kamulimukile.⁹Nehonine Josefa wayalile ilota awa lotile, ne po amba kuko, "Mumatwela! munakeya kuna fotishisha ivaka inalikaleka muna mulitunga." ¹⁰Awopo ambakukwenji, kwithsa, Fumu wange.Apika woye aneya kuna wula yokulya. ¹¹Twahe tu ana omunu yofoci. Tu akwelume ana kulupelwa. Apika woye kali atwela."¹²Po amba kuko, "Kwithsa, munakeya kunafotishisha ivaka eli kenge mulitunga." ¹³Awopo amba, "Twa apika woye tu anu olikumi no eli. Twa ana omunu yofoci mulitunga lya Kakana. Mumone, womuwonye kwa tata eli liyuwa, ne kalo yumweya papetu kalipo."¹⁴Josefa po amba kuko, "Eliyo ina amba kukwenu, amwe itwela. ¹⁵Mukonda ku ei kenge muelekiwa. Mukonda ko moyo wa Faro, kamukala muno, hime ngeci minenu ou akeya. ¹⁶Mutume yumweya kukwenu nji akashimbe munenu. Kenge mukala mukamenga ci liywi lyenu lielekiwe, nji muli no shemwa, nji yayo, ko moyo wa Faro, yashemwa itwela. ¹⁷Wawo pakila mukamenga mayuwa ahatu.¹⁸Josefa po amba kuko liyuwa lyo mushihatu, "Mukwame ei ci muyoye, mukonda na yapa Nyambi. ¹⁹Mukonda ngeci mwa anu okukulupelwa, yumweya kukwenu ashiyale mukamenga, unone muthze, mukashimbela apenu buloto mukonda njala ethzi thzikulu. ²⁰Muleta minenu kuno kukwange mukonda maywi enu kenge atutishishiwa ne kalo kamwa kufa," Ne honi ne po aninga hengeyo.²¹Awopo amba mukaci ko, "Yashemwa tuli no mulandu kuminetu mukonda ci ime twa mona ukalo womoyo wenji ne atwa kanatulela. Honine oku kuliyo kucila kwetu." ²²Rubeni po watawa, kana nimitonwelile, 'Lelo mwa ningwa shivi koyu mwanuke; Unone kamuyuvile? Kalo, mumone, unyinga wenji wafotishiwa kukwetu.²³Kalimukile ci Josefa ona yuvisha, mukonda mwakalile mukakututulula mukaci ko. ²⁴Watundile kuko no kulila. Ayepo wuka no kuamba kuko. Aye po angula Simoni kuko no kumunungela posho thzo. ²⁵Nehoni Josefa ayepo tumina apika enji kuyalishela apenji uloto mumikotana thzo no kuwushela munu no munu mali enji musaka, no ku apa mifawo thzo mumumwendo. Po ninga engeyo kuko.²⁶Apenji po ashimbisha mbongolo uloto ao po athza. ²⁷Mukaci ko yomwe po putula ku thsaka thzenji ci ape mbongolo yo kulya pashivaka atulelile, ayepo umona mali enji. Ou, nina nungulula muthsaka thzange. ²⁸Ayepo amba kwa apenji, "Mali ange ana wushumo. Mumone mo, muthsaka thzange.'' Micima thzo thza lehile ne ao po aliyongola mukaci ko no kuyapa, po amba "Eshine shine ana kwama Nyambi kukwetu?"²⁹Awopo athza kwa Jakovo, tatawo mulitunga lya Kanana no kuka amba yoihe ina tendehala kukoo. Awopo amba, ³⁰"Oyu munu Fumu wo litunga, amba kouanjipa kukwetu mumuhe ci twi itwela yo litunga. ³¹Awo amba kukwenji, tu anu okukulupelwa. Kali twa itwela. ³²Twa anu oliikumi no eli, twa ana otata ofoci. Yumweya kalipo, omwanuke akala kwa tata wetu mulitunga lya Kanana.³³Munu, Fumu omulitunga, po amba kukwetu, mukonda kweyi kenge nilimuka ci mwa au ana kulupelwa. Mushiye yofoci mukaci kenu kukwange, mushimbe buloto mutwale ku anu enu mukonda njala thzi kulu, ne muthze. ³⁴Mulete minenu kunu kukwange. unone kenge nilimuka ci kali mu itwela, unone ci mwa anu anakulupwela. Unone kenge ni milukululela mwapenu ne kalo kenge muhulela mulitunga.'''³⁵Owo anungululile mumathsaka wo, ci owu, munu no munu wawanine shilivela muthsaka. Ou ao na tata wo po amona shilivela mumikotana, ayapile. ³⁶Jakoovo tata wo po amba, "Munani nyanga anange. Josefa kayoyo, Simoni nathzi, ne kalo mwani nyanga no Benjamine. Yoihe eyi yalwesha yame."³⁷Ruben ayepo amba kwa tata wenji, ku amba, "Kenge apaha anange eli ngeci po kana kuhusha Benjamine kukoye. Omupe mumooko ange, ne kenge nika muleta kukoye kalo." ³⁸Jakovo po amba, "Mwanange kathzi noye. Mukonda mukulwenji onafu no kalo yoliyo nashiyala yofoci. Ngeci ukalu umukeyele mulikun'wa muthza, honine kenge muleta imvi likando mushivaka sha anu okufa.

¹Njala hime thza kulile nene mulitunga. ²Ou yapwile elya eyi akashimbile ku Egepita, tata wo ayepo wa ambela eci, "Muthze, mukauleko yo kulya imweya."³Juda ayepo mu ambela eci, "Oyu munu naka tukanena eci, ka mwa kumona shihanga shange hime ou mwa kukeya na minenu. ⁴Ngeci otutume na minenu, henge tuthza no kakuulela yo kulya. ⁵Unone ngeci ko mutawethza kuthza netu, katuthzi. Mukonda oya munu hime natu ambela eci, ka mwa kumona shihanga shange hime ou mwaka keya na minenu.⁶Israele ayepo amba eci, "Ine eyi muni nyandishela henge yoka ambela oyo munu eci mulino minenu yu mweya?" ⁷Awopo amba eci, "Oyu munu hime natwipaula nene no shikuta shetu. Hime natwipaula eci, 'Ene tata wenu kokuyoya ayoya? Muli no minenu?' Ona tumutawa komu na tuipaulela. Ngeci nga natu limuka eci henge atu ambela eci, 'Mukalete minenu kuno?'''⁸Juda ayepo ambela Israele tatawenji, "Onipe mwanoe athze nange. Henge tuka tuka no kuthza eci tuyoye katele tufe, twahe natwe, nowe, nanetu owahe. ⁹Nguli paka waku lilele munu twi wange. Ngeci kana ka muhusha kukoe no kuna ukupa wakulilele mumutwi wange mu mayuwa omooyo wange ouhe. ¹⁰Mukonda weyo nga katuthzihamine, shemwa shino shikati nga tuna kahuka lo mushili."¹¹"Tatawo Israele ayepo wa ambela eci, "Ngeci po kengeyo, honi mukwame kenge, mushimbe enu yoiwa yo muno mulitunga lyetu mu mukotana thzenu. Mushimbele oyo munu ikapwe shipiwa- tukoma no oki, ndumbo no Mira, ngongo no alumondi. ¹²Mushimbe mali amweya. Mushimbe aya mali nakamihushela mumathsaka enu, ingwa neli alimbenja.¹³Mushimbe no minenu. Mukatuke muthze kalo koyo munu. ¹⁴Nyambi shokolo amipe shihemo koyu munu, eci oyu munu aka mipunishele mwapenu, no Benjamine. Ngeci po ame naloelo eci niyawe anange, ninayawa." ¹⁵Awa akwelume awopo ashimba apiwa, no mali a mweya mumoko o ashimbile lwili mali, mofoci na Benjamine. Awopo a katuka no kuthza ku Egepita no kali tongola kwa Josefa.¹⁶Josefa ino amona Benjamine nakulu enji, ayepo ambela ekombwa awa ana nyungu njiyo thzenji eci, ''Muleta awa anu munjiyo, mupae ko shiyama mushiteleke, mukonda henge alya nange mucithsuko mutanya." ¹⁷Shikombwa ashopo shininga omu ashi ambelile Josefa. Ayepo leta awa anu munjiyo thza Josefa.¹⁸Akwelume ayapile nene mukonda okuwaleta munjiyo thza Josefa. Awopo amba, "Oliyo awa mali natu hushela mu mathsaka etu pamatatekelo na tukeya, eci atu wanene po. Atwesha kutu anga no ku tukwama apika, no kushimba endoki yetu." ¹⁹Awopo ambela shikombwa sha Josefa no kumutongwela kwali pashelo thzo njiyo, ²⁰eci, N'athzile wange, hime twa keya lo kutanga kunaula elya.²¹Atwepo tuwana eci, ou twa kumine apa twa tulelile, atwepotuputula kumathsaka etu, ne, twa, waninemo mali amunu no munu muthsaka thzenji, mali etu oku kwama. Tuna alete mumoko etu. ²²Tuna keye no mali amweya kalo eci natuule yo kulya. Katulimuka oyu na paka amali mu mathsaka etu. ²³Shikombwa ashopo shiwa ambela eci, "Kuliyala kukala nenu, mwayapa Nyambi wenu no Nyambi wa tata wenu mwendi yoliyo napaka mali mumathsaka enu. Mali enupo na tambulile.'' Shikombwa ashopo shikaleta Simioni kukwo.²⁴Shikombwa ashopo shitwala awanu munjiyo thza Josefa. Ayepo wapa meyu, no kuwa yoa kumaulu. Ayepo pa andoki yo kulya. ²⁵Awopo aloisha epa yo ci nape Josefa ou akeya mutanya, mukonda ayuvile eci henge na lyela omo.²⁶Josefa ou akahukile kunjiyo, awopo a muletela epa yo munjiyo, no ku tongama ku man'wi posho wenji pashi. ²⁷Ayepo wapaula omu ana yoyela ne ayepo amba, "Tata wanu na pinduka nawa, oya kakulukathzi namu amba? Koku yoya?"²⁸Awopo amba eci, "Mupika woe tata wetu ona pinduka. Kokuyoya ayoya." Ne awopo atongama ku mupa lilema. ²⁹Ayepo kotokisha meho enji ayepo mona minenji Benjamine, mwana mamawenji, ne ayepo amba eci, ''Ene oyune yoliyo minenu oya na munitongwela ?" Ayepo amba eci, "Nyambi aku fiyaule, mwanange."³⁰Josefa ayepo puna wangu wangu munjiyo, mukonda hime na fela minenji n'eke. Ayepo fota kulila. Ayepo ngena kulili wenji no ka lilelako. ³¹Ayepo lihupa kulupala no kupuna. Ayepo litanalisha, no ku amba eci, "Mulete yo kulya."³²Angamba awopo atapela Josefa tulonga twenji yofoci na kulwenji papo. Aka Egepita awana lyanga nenji nawa pa methsa thzo mukonda aka Egepita kalyalela eshimama pa lilonga lyofoci na Heberu, mukonda kwa fisha honyi kwa ka Egepita. ³³Apenji hime akalile pa methsa thzo kulitanekela nenji, kutatekela kwa mukulwo, kutwala mino kuthza kowanuke wo. Anu akomokile akalelile akomokile wahe. ³⁴Josefa ayepo wa ela elya kwilya ya kalile kukwenji. Unone elya ei apile Benjamine neli ingi ko miendo mutanu kupita eyi apile akulwenji. Awopo anwa no ku likola nenji.

¹Josefa yopo tumina nduzi omu njiyo zenji, ayepo amba, "O yalishe elya mu masaka awo anu, kuza ko mwa tweshela kushimba, kalo opake mali o munu no munu mukanwa kosaka zenji. ²O pakemo nganja zange, nganja zo silibela, mu kwanu kosaka za mwanuke sho onye, no mali enji oku ulisha oheke." Nduzi yopo kwama eci omu na muambelela Josefa.³Ko lula ne awanu opoawa ambela ci aze, awo ne donki yo. ⁴Ou natundu mu mbongi unone okwa hime ku henya kokule, Josefa yopo ambela nduzi wenji, "O pinduke, owa shupwele, kalo apo kawa wana, owa ambele, 'ine ei munahushela omango kuwa? ⁵Ezi po kali zo nganja ezi ana mwenanga Fumu wange, kalo ezi nganja po zoliyo ana likwashi shanga kuuka? Muna kwama umango, eipo yoliyo muna kwama.""⁶Oyu nduzi ayepo wa shupwela noku kawa tongwela ao maywi. ⁷Awopo amu ambela ci, "Ine honi ei ana ambela Fumu oahe a maywi okuninga ci ao? Ko kule tumba nga ikwama apikoe iyo kengeyo.⁸Mone, aya mali natukawana mu milomo zo masaka, natukahuka nao kutunda ku litunga lya Kanana. Ngepi elinga tunezi munjiyo za Fumu woe silibela nji gauda? ⁹Ngecipo kukwetu twa pikoe po kwali oyu wanahala nazo afe, natwe kalo wangu twa kukale apika aFumu." ¹⁰Nduzi ayepo amba, "Ne ikale mwene eci omu muambela. Yomuhe oyu wanahala no nganja zange kenge akala mupika wange, mwaheno po kenge mupila mulandu."¹¹Nehoni munu no munu ayepo yokolola no kuwisha saka zenji pashi, kalo munu no munu ayepo putula kasaka thzenji. ¹²Aye nduthzi ayepo tateka kufota fota. Ayepo tatekela kwa mukulu wo noku manenena kwa mino, no nganja ayepo ziwanahala musaka za Benjamine. ¹³Nehoni awopwa yataula eto yoo. Munu no munu ayepo thzina pa shidoki shenji no kuhuka ku mbongi.¹⁴Juda na minenji awapo akeya kunjiyo thza Josefa. Ayepo okushili ko, awopo atongamo pashi posho thzenji. ¹⁵Josefa yopowa ambela, "Ine honi ei muna kwama amwe? Kamu limuka ci munu o kuninga ci ame po a okanga?"¹⁶Juda ayepo amba, "Ine ingatu amba kwa Fumu? Ine inga tutongola? Nji ngepi elinga tuli loishela twa shinda? Nyambi ona wana milandu kwa pika oe. Mone, twa pika aFumu, pofoci atwe noyu thzina wanahala nganja munyala thzenji." ¹⁷Josefa ayepo amba, "Kokule nange yoci nga ni ikwame. Oyu munu oku wanahala nganja munyala thzenji, oyo munu yoliyo kala mupika wange, unone amwe po, muthze koku liyala kwa tata wenu."¹⁸Nehoni Juda ayepo henyena popepi nenji no ku amba, "Fumu wange, nalomba ci otawe ci mupikoe a ambe liywi mu matwi a Fumu, kalo wa tawethza o anji woe kutumeka mupikoe, mukonda owe powafota kulishoka na Faro. ¹⁹Fumu ayepo wipula apika, no ku amba, muli no tata wenu nji mukulwenu?'²⁰Atwepo tu amba kwa Fumu, tuli no tata, kakulukathzi, no mwanuke oyu nawanena mu kulukathzi, omu onye. Unone mukulwenji po onafu, kalo yoliyo yo foci na shala na mama wenji, kalo tata wenji amu hima." ²¹Nehoni ona amba kwa mupikoe, 'Mumu lete kuno kukwange ci nani mumone.' ²²Munyima thzeyo, atwepo tu amba kwa Fumu, 'Oyo mukwelume ana pa katweshe kushiya tata wenji. Mukonda ngeci nga yepo shiya tata wenji po tata wenji kenge faa.'²³Nehoni ona amba kwa mupikoe, 'Hime apa mwa kukeya naminenu, kamwa kumona lupala lwange kalo.' ²⁴Nehoni yopo iletisha ci apa twathzile kwa mupikoe aye tata, atwepo tumu tongwela maywi o Fumu wetu. ²⁵Tata wetu ayepo amba, 'Muthze kalo, mukatu uleleko yo kulya.' ²⁶Nehoni atwepo tu amba, katutweshe ku ulumukelako. Hime cinga okutuli na minetu, mbeci honi nga tuthze, mukonda katwa kukatwesha kumona lupala lwoyo munu shime otuthza na minetu.²⁷Mupikoe tata yepo amba, mwa limuka ci munu wange po nani elekela akwelumana aili. ²⁸Yumweya kuko na tundu kukwange ne nopo ni amba, "Yashemwa ona yatauliwa e emba, kalo kanani mumona." ²⁹Nehoni ngeci mwamu shimba kalo oyu kumu tundisha kwange, ne yoimango yopo ikeya kukwenji, kenge mwa ku ulumunena mvi thzange ko makando ku shivaka sha kwa kufa.'³⁰Ne, honipo, apa na kukeya kwa mupikoe tata, kalo koku pila mwanenji, mukonda mwoyo wenji po una kulupela po oyu mukwelume ana. ³¹Kenge ya kukeya kengeyo, apa kumona ci oyu mwanuke po katuli nenji, kenge akufa. Apikoe kenge aku ulumunena mvi thza mupikoe tata wetu ko makando ku shivaka sha kwa kufa. ³²Mukonda ame no mupikoe po nani litawela yoyu mwanuke kwa tata no ku amba, 'Ngeci po kana kumu husha kukoe, honi wangu na kukale no mulandu kwa tata ku twala koku kana kupwa.³³Nehoni ngeci kengeyo, nalomba mupikoe akale mushiva shoyu mukwelume ana kukala mupika kwa Fumu, ne oshiye mukwelume ana athze na kulwenji. ³⁴Mukonda ngepi nga nithza kwa tata kokupila oyu mwa nuke? Na yapa kumona omango ou nga ukeya kwa tata."

¹Nehone Josefa ayepo kwanga ku anga mucima posho thzo apika enji. Ayepo amba kutambakana, "Mwahe muni shiye.a'' Ne kwithsa mupika akalileko ou Jesefa ali limukishile kwa akulwenji. ²Ayepo lila nene, Maegepita awopo a yuba, no kwa njiyo thza Faro awopo ayuba. ³Josefa ayepo amba kwa apenji, "Yame Josefa. Ici tata oshi yoya?" Akulwenji ka mutawile, mukonda a komokile nene ko ali pa lupala lwenji.⁴Nehoni Josefa ayepo amba kwa apenji, 'Mukeye pepi nange, apange, apange." Awopo akeya pepi. Ayepo amba, "Yame Josefa minenu, oyu mwa hulishile muengepita. ⁵Mwathziheleha nji ku anjipa eci mwani ulishile kuno, mukonda Nyambi wani tongethzile ku posho thzenu eci ni minyunge mooyo wenu. ⁶mukonda myaka thzile njala thzili mu liyunga, ne kushili myaka mutanu ethzi thza kupila kulima no kuyanga.⁷Nyambi wani tangethzile kuposho thzenu eci ni mi amwene mu likando lyo pakaye, no kumiyoisha mukuyoya kokukulu. ⁸Ne honi kali yamwe mwani tumine kuno unone Nyambi, ne ona ni kwama kukala tata wa Faro, mukulu wo njiyo thzenji thothzihe, no muendeshi o litunga lyo Egepita.⁹Muyokolole muthze muka tongwele tata no ku ka amba kukwenji, 'Ei yoliyo ana amba mwanoe Josefa, "Nyambi onani kwama kukala muendishi o litunga lya Egepita lyolihe. Muyakame mukeye ku kwange, mwa thzihama. ¹⁰Kenge mwa kuyoya mu litunga lyo Goshini, ne kenge mukala nange pepi nange, amwe na anenu no ana a anenu, no mangu enu, no ngombe thzenu, nei yoihe mulinayo. ¹¹Kenge na kumilela, mukonda kushili no myaka mutanu thzo njala, eci ka mwakala eutu, amwe, akwa njiyo thzenu, nei mulinayo yoihe.'''¹²Mumone, meho enu amona, no meho a minange Benjamine, eci kanwa kange ko liyo ka amba ku kwenu. ¹³Kenge muka tongwela tata ko lilema nili nalyo mu Egepita nei yoihe muna mono. Kenge mu yakama no kuleta tata kuno."¹⁴Wali kwatile na minenji muthsingo no kulila, ne Benjimine walilelile muthsingo thza mukulwenji. ¹⁵Ayepo chuveta akulwenji wahe no kulila kuko. Munyima akwelunji awopo amba nenji.¹⁶Ei iyamba naiyubahala munjiyo thza Faro: "Eci epwa a Josefa ana keya." Faro no apika enji a loelile nene. ¹⁷Faro ayepo amba kwa Josefa, ''Ona wele apoye, 'Akwame ei: Mulonge mangu enu eci muhuke ku Kanana. ¹⁸Mukashimbe tata wenu nawa kanjiyo thzenu wahe akakeye kuno kukwange. Kenge na kumipa shivaka sho shiwa sha Egepita, ne kenge mwa kulya yo kununa ya litunga.¹⁹Ne nina amba, mukwame ei, mushimbe makoloi o muengepita mukashimbe anenu no anu enu. Muka shimbe no tata wenu mukakeye. ²⁰Mwa ayala enu yenu, mukonda uwawa wo litunga lya Egepita wohuhe wenu.'''²¹Ana o isilaele akwamine kengeyo. Josefa ayepo a apa makoloi, kuthza muku tumina kwa Faro, ayepo apa n'uta thzo muendo. ²²Ayepo ipa munu no munu eto yo kubata mu muendo wo, unone Benjamine wa mupile ita ihatu yo silivera no mutanu wo ito. ²³Kwa tata wenji wa wapile ei: Likumi lyo indongi ei na shimbi inu yoiwawa yo mu Egepita; no likumi lyo indongi yoitole ei nai shimbi ilya, ishima, no imweya ya tata wo yo kulikwathsa nayo mu muendo.²⁴Ne ayepo fundula akulwenji no kuthza. Ayepo amba kuko, "Mumone eci mwa lilwisha mu muendo wenu." ²⁵Awopo atunda mu Egepita kuhuka ku Kanana, kwa Jakovo tata wo. ²⁶Awopo aka mutongwela no kuamba ''Josefa ayoya, ne yoliyo muendishi wo inu yoihe mu litunga lya Egepita." mucima wenji wa komokile, mukonda ka yuvishishile ei amu tongwelile.²⁷Awopo amu tongwela maywi o Josefa ao alaile kuko. Ou Jakovo amonine makoloi ao Josefa awapile eci aka mushimbe, Jakovo ayepo loela nene mu mupepo. ²⁸Isilaele ayepo amba, "Kuna kwama. Mwanange Josefa ayoya. Kenge nithza no kuka mumona ni shime kufa."

¹Ne Joseph wingena mukaci ku katongwela Faro, "Tata na apange, no ngombe, imuna no inu yo yihe ali nayo, ana kumu mu LItunga lya Kanana. Omone, mulitunga lya Goshiani ali. ²Ayepo shimba apenji mutanu noku atongwela kwa Faro.³Faro ayepo amba kwa penji, "Shime shi kwama shenu?" Aopo amba kwa Faro, "Apika oapo aka kulisha, eci a Tata, no a kuku wetu. ⁴Ne aopo amba kwa Faro, "Tuneya kuna kala mushikati shionye mu litunga.Kwithsa koku lisshela imuna ya apika oe, mukonda njala thzi kulu nene mu litunga lya Kanana. Nehoni, au oshie apika oe akale mu litunga lya Goshiani"⁵Ne Faro amba kwa Josefa, kuamaba, "Tata woe no apoe ana keya kukoe. ⁶Litunga lya Egepita lili posho thzoe. Opake Tata woe no apoe mu ashivaka sho shiwa mu litunga lya Goshiani kumona ona limuka akwelume oa nyanyami ku kwoo, owa pake kuendisha imuna yange."⁷Ne Josefa ayepo leta Jakovo tata wenji kalo no kuna monahalisha kwa Faro. Josefa ayepo fuyaula Faro. ⁸Faro ayepo amba kwa Jakovo, ''Ona kala myaka thzingahi?" ⁹Jakovo ayepo amba kwa Faro, "Myaka thzange thzokuenda po shita no myaka thzihatu(130). Myaka ethzi ina yoya thzi onye kalo thzi mango. Kali myaka thzo thzingi eci ethzi nayoyo akukuwange." ¹⁰Ne Jakovo ayepo fuyaula Faro no kuthza kutunda pa meho enji.¹¹Ne Josefa ayepo twala Tata wenji na akukwenji. Ayepo wapa shivaka ka shoshiwa mu litunga lya Egepita, litunga lyo liwa nene, litunga lya Lamasese, eci na tumina Faro. ¹²Josefa ayepo pa yo kulya kwa a tatawenji akuwenji, kalo wahe akwa njio thza Tatawenji, kuthza ko anu awana kala kwa Tatawenji.¹³Ne nakupili yo kulya mu litunga lyo lihe; mukonda anjimi nawo na funjala. Litunga lya Egepita no litunga lya Kananaalyopo lipa mukonda ko njala thzo thzi kulu nene. ¹⁴Josefa ayepo waneka mali omahe o mu litunga lya Egepita no mulitunga lya Kanana, ko kuulisha ilya kwa anu. Ne Josefa ayepo leta mali munjiyo thza Faro.¹⁵Apa mali omu litunga lya Egepita no Kanana napu, wahe ma Egepita aopo akeya kwa Josefa kuamba, "Otupe shima! Ine eyinga tufela pa meho oe mukonda eci mali etu anapu?" ¹⁶Josefa ayepo amba, "Kumona mali enu po anapu, mulete imuna yenu eci nimipe yo kulya ko kucinja no imuna yenu." ¹⁷Ne aopo aleta imuna yo kwa Josefa, Josefa ayepowapa yo kulya mu kuli cinja no tukamba, Mangu, ngombe, no indongi. Ayepo walela ko shima mu kulicinja no imunayo mwaka mutumbi.¹⁸Apa na upu mwaka, aopo akeya kukwenji mwaka ulihata ku na amba kukwenji, "Kutu holekela ñathsile wetu eci mali etu omahe anapu, kalo ngombe thzetu thzili kwa ñathsile wetu. Kwithsa shina shialako sho kupa ñathsile wetu hime elama yetu no litunga. ¹⁹Ine eyi ngatupela pa meho oe, twaheno no litunga lyetu? Otuule no litunga lyetu mu kulicinja no ilya kalo atwe no litunga lyetu twa kukale apika a Faro. Otupe mbuto eci tuyoye kupila eci tupe, eci kalo litunga lya hukela ndenga."²⁰Ne Josefa ayepo ula litunga lya engepita lyolihe ku ulela Faro. Muengepita yo muhe ayepo ulisha shilwa shenji, mukonda njala nathzi kulu nene. Mukaci koshi, litunga alyopo likala lya Faro. ²¹Eci kwanu, ayepo wa pilula apika kutunda ku matatekelo olitunga ly Engepita kuthza kuhula walyo. ²²Hime litunga lyo ma pulisita eli nakana kuula Josefa, mukonda mapulisita pona piwa sho kulya. Kuma nali shokulya ku tunda kwa Faro. Nehoni kana ulisha litunga lyoo.²³Ne Josefa ayepo ambela anu, "Muone, ina miulu no litunga lelo kuulela Faro. Ne mbuto thzenu ethzi, kalo kenge mukuna mu litunga. ²⁴Pa ku yanga, kenge mwa kupa sho mutanukwa Faro, ne sho mushime sha kukale shenu, eci mbuto thzo muilwa kaloilya yo ku mitala thzenu na anenu."²⁵Aopo amba, "Ona yoyisha myoyo thzetu, twa ku vethzuke pa meho kenge twa kukala apikka a Faro." ²⁶Ne Josefa ayepo aaga mulao oukolo ou ukwama mu litunga lya Egepita kuleta no pano tuamba, eci sho mutanu sha Faro. Hime litunga lya mapulisita pohuma na likana kukala lya Faro.²⁷Ne Isilaele ayepo wikala mu Egepita mu litunga lya Gosheani. Anuenji aoponafumenamo. Aopo akala no ilya no kuvula nene. ²⁸Jakovo ayepo kala mu litunga lya Engepita myaka likumi-na muhatu nathzili,(17) ne myaka thza Jakovo thzihe po shita sho myaka no myaka makumi ane no myaka mutanu na thzili(147).²⁹Apa na shikumu shikati sha Isilaele sho kufa, ayepo wisha mwanenji Josefa no kumu ambela, "Kumona ina vethzuka pa meho oe, opake lyoke lyoe kushi lyo litambaulu lyange, kalo oni monishe kutawa kee no uwawa woe. Auwa kuni funda mu engepita. ³⁰Apa ni lala no wa Tata, wa kuni shimbe kuhtunda mu Engepita kukani funda ku malalo owa akuku." ³¹Isilaele ayepo amba, "Onethze," ne Josefa ayepo mwethza. Ne isilaele ayepo wisha mutwi kuhula thzo o lili wenji.

¹Nehoni Jakobo ayepo isha anenji, ne ayepo amba: "Muliwane mwahe pofoci, eci ni mitongwela ei ya kukwamahala kukwenu kusho. ²Muliwane mushinda ne muteelele, amwe mwaana Jakobo. Muteelele, kwa Isilaele, tata wenu.³Rebeni, yowe mweli wange, mata ange, no mutatekelo o ukolo wange, wahapita aenjoe kushi twamo, no kupita aenjoe kuukolo. ⁴Ko shiululiwa weci meyu okuenda, ko waku kala o kusho, mukonda wathzinine pa ulili wa tata woe. ne wauyalishile mathzilo; onathzini paulili wange.⁵Simoni no Levi munu na mwapenji. Etwa yoliyo ilwisho yo mavo. ⁶Mupepo wange, kautundelela mu mayalo o; kawingena muiwano yo, mukonda mucima wange nahaikuteka nene. Mukonda ko waanji wo ana paa akwlume. Nehoni mu matalu owa na cinuna misipa thzo pulu.⁷Ku kutiwe waanji woo, mukonda hime na kumana akucilisha -no waanji woo, mukonda ko kuanjipa. Kenge mwa tepa mukaci ko ana Jakobo no kuwa shandawela mu Isilaele.⁸Juda, apoe henge aku shangala. lyoko lyoye henge likala pa thsingo thzo itothzi yoye. Ana tata woye kenge akukinyama pa kaci koye.⁹Juda po mwana nyime. Mwanange, onakahuka kutunda kukuyomba. Ayepo lalela, ayepo munyomena eci nyime, eci nyime ombuyama. Elye honi oyu mupindula?¹⁰Mutaa wo ufumu kawa kutunda ku Juda, nji mutaa wa mukakuendisha kutunda mukaci ko maulu enji, kupitela apa kumena shilo. Mbunga kenge thzi muyuba.¹¹Ona angelela shindongi shenji ku shitondo sho veine, no shindongiyana ku shitondo anahangula sho veine, ona hupu ito yenji mu waine, no lipai lyenji mu muhole oushuka. ¹²Meho enji kenge ailaula eci waine, no meho enji kenge akena eci mahwe.¹³Zebuloni kenge a kutunga ku liya lyo likululwale. kenge akala liya lyo isepe, no mainja enji kenge atatekela ku sidoni.¹⁴Isakare po shindongi shoshikolo, oyu okubata mukaci ko milaka thzo mangu. ¹⁵Ona mono shivaka shoshiwa sho kutulumweshela no litunga lyo liwa. Kenge akushiulukishela lipee lyenji kuulemu no kukala mupika mukonda ko mutelo.¹⁶Dani kenge a kuatula mbunga thzenji eci muka mishobo thzo Isilalele. ¹⁷Dani kenge akala liyoka lyo kumambali ko mukwakwa, liyoka lyoo hungu lyo mulikun'wa esho shihuma mapathzi ombi, ne ci mukakuthzina awe lufuta nyima. ¹⁸Ina tatelela kuyoisha koe, shinda sha moyo.¹⁹Gadi-akakulwisha kenge amulwisha, unone ne kenge awalwisha kupita akachile. ²⁰Ilya ya Ashere kenge inuna, kalo kenge aleta yoitowi yo ufumu. ²¹Nafetali aayepo mukakuluthza; henge akala no maywi owa wawa.²²Jasefa shitondo sho kupaka, shitondo sho kwima pepi no liweluwelu, shokukala no mitai thzo kuthzina peulu thzo shipaka. ²³Akakuhuka mikili kenge a mulwisha no kumukuha kalo no ku munyandisha.²⁴Unone ota wenji kenge ukolopa, no moko enji kenge akolopa mukonda ko moko ao okolo a Jakobo, mukonda koyo o lithzina lya mukakulisha, liwe lya Isilaele.²⁵Nyambi wa tata woe kenge akukwathsa kalo no Nyambi o mukolo kenge akufiyauthza ko fiyauthzi thzo peulu thzo liwilu, fiyauthzi thzo thikulu thziya thzili mushi, no fiyauthzi thzo mele no thsiba.²⁶Fiyauthzi thza tata woe thza hapitelela fiyauthzi thza mushemi wange okumikinya inji rhzina thzini kukakuma pa mikinya thzo kukana kupwa. Thzikale pa mutwi wa Josefa, pamitwi thza penji awo ana hangula.²⁷Benjamine kangunga ko kufa njala. Ku mashiku kenge alya nyama, no lunhgulo kenge aela lufuma."²⁸Ethzi thzoliyo mishobo likumi no thzili thza Isilaele. Eshi sholiyo tata wo ambile kukwoo pa awa afiyauwethzile. munu ku munu wamu fiyawethzile no fiyauthzi thzenji. ²⁹Ne ayepo wa tumina no kuamba kukwo, "Kokuthza kwange kwaanu ange. Wangu munibumbeke kowa kuku wange muliteke lyo likulu liya lili mu shilwa sha Efuroni wa Muhitite. ³⁰Muliteke liya lili mushilwa sha Mukapela, popepi no Mamare mu litunga lya Kanana, shilwa a ulile Abrahama eci shikale sho malalo kwa Efuroni Muhitite.³¹Oko koliyo abumbekile Abrahama no munuwenji Sara; oko koliyo abumbekile Isaka no Rabeka munuwenji; kalo koliyo na bumbekile Lea. ³²Shilwa no liteke ei ilimo kumayauliwile kwa ana a Heti." ³³Jakobo apa amanine kutumina anenji, aepo kokela maulu enji paulili, kupuya ko mamaneneno, no kuthza kwa penji.

¹Aa oliyo mathzina o ana Isilaele awa akeile mu Engepita na Jakobo, munu no munu naka njiyo thzenji: ²Rubeni, Simioni, Levi, na Juda, ³Isakare, Zabuloni, na Benjamine, ⁴Dani, Nafetali, Gadi, na Ashare. ⁵Anu wahe ana na ekulu a Jakobo neli makumi mutanu na eli(70) kuwatala. Josefa aye kuli kale mu Engepita.⁶Nehoni Josefa, apenji wahe, no anu wahe wesho shikuta awopo afa. ⁷Unone ana Isilaelae awopo aeleka, awopo avula, awopo apiluka owangi, no okolo, nene; awopo ayala mu litunga lyolihe.⁸Nehoni akopo kukala fumu omupe mu Engepita, oyu wakanine kulimuka ya Josefa. ⁹Ayepo ambela anu enji ci, ''Mumone, ana Isilaele angi no okolo kutupita. ¹⁰Mukeye tuwaninge no onyanyami, ou tukana kukwama kengeyo kenge akwatelela kuvula, ne ou tukala no mvo, kenge aliwana na akwethzimbo yetu, kutulwisha no kutunda mu litunga.''¹¹Ne awopo apaka aka kuwaendisha kuwanyandisha no ekwama yo ilemu. Ana Isilaele awopo aumbela Faro itulekelo yenji: Pitomi no Ramisese. ¹²Unone akwa Engepita omu nawanyandishela nene, ana Isilaele moliyo navullela kuninga awongi nene. Honi akwa Engepita awopo atateka kuyapa ana Isilaele.¹³Akwa Engepita awopo akwamisha ana Isilaele ekwama yo ilemu nene. ¹⁴Awopo awayoyisha uyoye oukalu ko ekwama yoilemu yo kuluva muve no kukwama masitina, no ekwama yoihe yo mu ilwa. Ekwama yo yoihe neli ilemu.¹⁵Nehoni fumu o Engepita ayepo amba na akakuelekisha o Aheveru; yumweya lithzina lyenji neli Shifira, ne yumweya neli Pua. ¹⁶Ayepo waambela ci, ''Ou muelekisha ambuyama o Aheveru pa lielekelo, mutaneke shuwana apa aeleka. Ngeci mwana o mukwelume mumupae; unone ngeci mwana o mbuyama mumushiye ayoye.'' ¹⁷Unone aka kuelekisha kuma nayapa Nyambi ne kanakwama ei nawaambela fumu; uno honi, awopo ashiya ana owakwelume ci ayoye.¹⁸Fumu o Engepita ayepo isha aka kuelekisha no kuwaambela ci, ''Ine munakwamena kengeya, kushiya ana owakwelume ci ayoye?'' ¹⁹Aka kuelekisha awopo atawa Faro, ''Ambuyama o Aheveru kalipitula na ambuyama aka Engepita. Akolo ne mukwa kuelekisha kushime kukuma kukwo awo anamana kale kueleka.''²⁰Nyambi ayepo imanena aka kuelekisha. Anu awopo avula kuninga awangi nene. ²¹Mukonda aka kuelekisha kuma nayapa Nyambi ayepo wapa ana. ²²Faro ayepo tumena anu enji wahe, ''Mwana o mukwelume naelekiwa omuhe mumukonjele mu lyawa, unone mwana o mbuyama mumushiye ayoye.''

¹Mukwelume o shikuta sha Livi ayepo yeka mbuyama o shikuta sha Livi. ²Mbuyama ayepo kala no lila ne ayepo eleka mwana o mukwelume. Ou amonie ci mwana o muwa ayepo muholeka makonda ahatu.³Unone ou akwangile kumuholeka shikati sho shile, ayepo shimba ne kumulukela katanda no kukabuka no bitumi no linongo. Nehoni ayepo pakamo mwanuke no kukapaka mukaci ko mambungu kumbali o lyawa . ⁴Ndumbu thza mwanuke ayepo imanena po pepi ko kumona eshi shitwesha kukwamahala kukwenji.⁵Mwana Faro o mbuyama ayepo ulumuka kunalihupa ku lyawa aka kumuendisha kwa enda pa ñalo thzo lyawa. Ayepo mona katanda mukaci ko mambungu ne ayepo tuma mukwa kumuwendisha ci akakashimbe. ⁶Ou akathsikulile ayepo mona mwanuke. Mumone, kambu akopo kalila. Ayepo kayuvela ñeke ne ayepo amba, ''Yoshemwa oyu naye mwana wa Aheveru oyu.''⁷Nehoni ndumbu thza kambu ayepo ambela mwana Faro o muyama, ''Nithze nikakufotele mbuyama o Muheveru o kuna kuyamwishela mwanuke?'' ⁸Mwana Faro o mbuyama ayepo muambela ci, ''Othze.'' Honi mumbanda ayepo thza no kukashimba mama wa mwanuke.⁹Mwana Faro o mbuyama ayepo ambela mama wa kambu, ''Oshimbe oyu mwanuke omuniyamwishele, ne kenge nikukula.'' Ne mbuyama ayepo shimba mwanuke kumuyamwisha. ¹⁰Mwanuke ou akulile ayepo muleta kwa mwana Faro o mbuyama, ne ayepo piluka mwanenji. Ayepo muta lithzina lyo Mushe no kuamba ci, ''Mungonda kuma namu ombolile mu meyu.''¹¹Mushe ou akulile, ayepo thza kwa anu enji ayepo mona ekwama yo yoilemu. Ayepo mona mukwa Engepita ku fula Muheru, yumweya wa anu enji. ¹²Ayepo taneka oku no ku, ou amonine ci kwithsa munu ayepo paa mukwa Engepita no kuholeka elama yenji mu luheke.¹³Liyuwa lyahatile ko ayepo thza, ne, mumone, akwelume eli o Aheveru kuma alwile. Ayepo ambela oyu waipishelile mungenjenji, ''Ine ofulela mwapoe?'' ¹⁴Unone oyo mukwelume ayepo amba ci, ''Elye nakukwama mukwa kutuendisha no mukwa kutuatula? Wafota kunipaa eci ou no paela mukwa Engepita?'' Nehoni Mushe ayepo yapa no kuamba ci, ''Ei nanikwama yoshemwa inayuvahala ku anu amweya.''¹⁵Honi Faro apa aiyuvile, ayepo eleka kupaa Mushe. Unone Mushe ayepo cila kwa Faro no kukakala mu litunga lya Midiani. Oko ayepo kakongomana kumbali thzo lishima. ¹⁶Honi mupulisita wa Midianai kuma akalile no ana owambuyama mutanu na eli(7). Awopo akeya, kunaveta meyu, ne awopo ayalisha tuhupa to kukanwisha emunanu ya tata wo. ¹⁷Alisanai awopo akeya kunawacithza, unone Mushe ayepo thza kukawakwathsa . ne ayepo nwisha emunanu yo.¹⁸Ambanda apa athzile kwa tata wo Reuwele, ayepo amba ci, ''Ine munakanyangupela kuhuka ku lyumbo lelo?'' ¹⁹Awopo amba ci, Mukwa Engepita yoliyo natuamwena kwa alisani. Yoliyo natuvetela meyu no kunwisha emunanu.'' ²⁰Ayepo ambbela anenji owambuyama, ''Honi kupi oku ali?'' ine munashiyela oyo mukwelume? Mukamuishe ci nalye yokulya netu.''²¹Mushe ayepo tawa kukala noyo mukwelume, oyo wamupile no mwanenji Zipora ci amuyeke. ²²Ayepo eleka mwana o mukwelume, ne Mushe ayepo muta lithzina lyo Gerishomi; ayepo kuamba ci, ''Ninanakala mu litunga lyene.''²³Apa kwapitele shikati shoshile, fumu wa Engepita ayepo fa. Ana Isilaele awopo avilaela nene mukonda o ulemu o ekwama yo upika. Awopo alomba okwathsi, ne kulomba kwo akopo kukuma kwa Nyambi mukonda o likando lyo upika. ²⁴Nyambi apa ayuvile kulila ko, Nyambi ayepo vuluka ombusha wenji na Abrahama, na Isaka, no Jakobo. ²⁵Nyambi ayepo mona ana Isilaele, ne ayepo yuvishisha likando lyo.

¹Honi Mushe ko shilisha mangu no membe thza hemwenyenji Jetero, mupulisita wa Midiani. Mushe ayepo twala mangu no memba kokule mumulundu, ne ayepo kuma ku Horebu, mukinya wa Nyambi. ²Oko lingeloi lya Shinda sha moyo alyopo lilimonahalisha kukwenji mu mulilo uyuuma mu shipukumuna. Mushe ayepo taneka, ayepo mona, shipukumuna shiyuuma, unone shipukumuna kashipi. ³Mushe ayepo amba, ''Nihenyeneko nikamone eshi shinu shikomokisha, ngepi shikana kupya eshi shipukumuna.''⁴Shinda sha moyo apa amonine ci onahenyena popepi ci amone, Nyambi ayepo mwisha kutundelela mu shipukumuna no kuamba ci, ''Mushe, Mushe.'' Mushe ayepo amba, ''Yame ono.'' ⁵Nyambi ayepo amba, ''Lelo wahenyena kuno! Otuvule makatulo ku maulu oe, mukonda apa pa shivaka onemana po pa shivaka shokukena.'' ⁶Kalo ayepo amba, ''Yame Nyambi wa tata oe, Nyambi wa Abrahama, Nyambi wa Isaka, no Nyambi wa Jakobo.'' Nehoni Mushe ayepo lithsika ku meho, mukonda kuma ayapile kutaneka kwa Nyambi.⁷Shinda sha moyo ayepo amba, ''Ninamono likando lya anu ange awa ali mu Engepita. Ninayuvu kulila ko mukonda wawa awanyandisha, mukonda nalimuka likando lyo. ⁸Ninaulumuka kunawatundisha ku okolo waka Engepita no kuwatundisha muya mu litunga kuwatwala ku litunga lyo liwa, lyo likulu, ku litunga lipupa mahwe no oki; ku litunga lya Akanana, Ahiti, Amori, Aperizi, Ahivi, na Ajebusi.⁹Honi kulila kwa ana Isilaele kunakumu kukwange. Nekalo, ninamono omu awanyandishela akwa Engepita. ¹⁰Nehoni, kenge nikutuma kwa Faro ci otundishe anu ange, ana Isilaele, mu Engepita.¹¹Unone Mushe ayepo aba kwa Nyambi, ''Yame nolye, ci nithze kwa Faro no kukatundisha ana Isilaele mu Engepita?'' ¹²Nyambi ayepo tawa, ''Kenge nikala noe. Eshi sholiyo shakukala shimonisha kukwoe ci ninakutumu. Apa wakutundisha anu ange mu Engepita, kenge mwakunilombela apa pa mukinya ou.''¹³Mushe ayepo amba kwa Nyambi, ''Apa nithza kwa ana Isilaele no kukawa ambela ci, 'Nyambi owa kuku wenu onanitumu kukwenu,' ne apa aniambela ci, 'Lithzina lyenji ne elye?' Niambe ngepi kukwo?'' ¹⁴Nyambi ayepo amba kwa Mushe, ''YAME ECI ELI NILI.'' Nyambi ayepo amba, ''Okaambele ana Isilaele ci, 'YAME onanitumu kukwenu.''' ¹⁵Nyambi ayepo amba kalo kwa Mushe, ''Okaambele ana Isilaele, 'Shinda sha moyo, Nyambi owa kuku wenu, Nyambin wa Abrahama, Nyambi wa Isaka, no Nyambi wa Jakobo, onanitumu kukwenu. Eli lyoliyo lithzina lyange lyo kukana kupwa, omu moliyo akuniishelanga mu ikuta yoihe.'¹⁶Othze okawaneka akulu o Isilaele pofoci. Okawaambele ci, 'Shinda sha moyo, Nyambi owa kuku wenu, Nyambi wa Abrahama, wa Isaka, no yu wa Jakobo onalimonahalisha kukwange no kuamba ci, ''Yoshemwa ninamitanekela ne ninamono ei ili nokukwamahala kukwenu mu Engepita. ¹⁷Nakulupelisha kumitundisha mu likando lyo mu Engepita kumitwala ku litunga lya Akanana, Ahiti, Amori, Aperizi, Ahivii, litunga eli lipupa mahwe no oki.''' ¹⁸Kenge akuyuvela. Owe na akulu o Isilaele muthze kwa fumu omu Engepita, ne oka muambele ci, Shinda sha moyo, nyambi wa Aheberu, onaliwana netu. Ne honi otutawethze tuthze muendo o mayuwa ahatu kukengena nu mumbulwa kukutu, ci tukakwame itavelo ya Shinda sha moyo, Nyambi wetu.¹⁹Unone nalimuka ci fumu wa Engepita ka kumitawethza ci muthze shime ou akuooteliwa. ²⁰Kenge niolola lyoko lyange kulwisha akwa Engepita kokukwama ikomokisha yoihe ei nakukwama mukaci ko. ²¹Kenge nakupa awa anu kuhemiwa kutunda kwa aka Engepita, ci ou muthza, kamwa kuthza moko- moko. ²²Mbuyama yomuhe kenge akulomba silivera no gauda no ito kwa aka Engepita awa anatungu no popepi no ku mbuyama yomuhe oyu nakalanga mu njiyo thzo munu anatungu nenji popepi. Kenge mwa kuivateka anenu owakwelume no owambuyama.

¹Mushe ayepo tawa, ''Unone honi ngeci katawa nji kuteelela kukwange unone aamba ci, 'Shinda sha moyo kamonahalile kukwetu'?'' ²Shinda sha moyo ayepo amba kukwenji, ''Shine esho shili mu lyoko lyoe?'' Mushe ayepo amba, ''Mulamu.'' ³Shinda sha moyo ayepo amba, ''Oukonjele pashi.'' Mushe ayepo ukonjela pashi, ne awopo upiluka liyoka. Mushe ayepo ndandumuka kulicila.⁴Shinda sha moyo ayepo ambela Mushe, ''Olole lyoko lyoe olikwate ku muthsila.'' Ne ayepo olola lyoko no kukwata liyoka. Alyopo lipiluka mulamu kalo mu lyoko lyenji. ⁵Eipo kengeya ci atawe ci Shinda sha moyo, Nyambi wa akwa thsañulu o, Nyambi wa Abrahama, Nyambi wa Isaka, no Nyambi wa Jakobo, onalimonahalisha kukwoe.⁶Shinda sha moyo kalo ayepo amba kukwenji, ''Honi opake lyoko lyoe mukaci ko shito eshi onavata. Honi Mushe ayepo paka lyoko lyenji mukaci ko shito shenji. Apa nalipunisha mo, mumone lyoko lyenji linapiluka lyo mbingwa, lyo likenu eci litwa. ⁷Shinda sha moyo ayepo amba, ''Opake lyoko lyoe mukaci ko shito eshi anavata kalo.'' Honi Mushe ayepo paka lyoko lyenji mukaci ko shito, ne apa alitushile mo, linakala shuwana kalo, eci nyama thzenji thzothzihe.⁸Shinda sha Moyo ayepo amba, ''Ngeci kakutawa- ngeci katwala maano ku shimonisha sho matatekelo sho okolo wange nji kushitawa, nehoni kenge atawa shimonisha sho mushili. ⁹Ngeci katawa shanga ei imonisha ili yo okolo wange, nji kuteelela kukwoe, nehoni oshimbe meyu mu lyawa ne oamwaelel pa likanda. Aa meyu oshimba kenge apiluka onyinga pa likanda.''¹⁰Nehoni Mushe ayepo amba kwa Sinda sha moyo, ''Fumu, ame kanitwesha yo kuamba, shanga kunyima shime kuamba ku mbunga shanga kutatelela apa notatekela kuamba na mupikeo. No mukata kukuamba no lulimi lwange lukata.'' Shinda sha moyo ayepo amba kukwenji, ¹¹''Elye oyu nakwama kanwa ko munu? Elye oyu nakwamanga munu kukana kuamba nji kukana kuyuva nji kumona nji kukana kumona? Kali yame, Shinda sha moyo? ¹²Ne honi othze, ne kenge nikala no kanwa koe no kukufundisha ei oloela kuamba.'' ¹³Unone Mushe ayepo amba, ''Fumu, otumeko munu wao, yomuhe oyu ohima kutuma.''¹⁴Nehoni Shinda sha moyo ayepo anjipela Mushe. Ayepo amba, ''Nji Aruni aye ne, aye mukulwoe, o Mulivi? Nalimuka ci atwesha kuamba shuwana. Uno kalo akeya kunaliwana noe, ne apa akumona, kenge anyanyuka mu mucima wenji. ¹⁵Kenge oamba nenji kuingenisha maywi mu kanwa kenji, ne kenge nimifundisha mu wili wenu ei muloela kukwama. ¹⁶Yoliyo waku kuambelangako kwa anu. Yoliyo wakupiluka kanwa koe, ne owe kenge wakupiluka eci Nyambi kukwenji. ¹⁷Kenge wakushimba mulamu wenji mu lyoko lyoe, ou wakukwama nao imonisha.''¹⁸Ne Mushe ayepo huka kwa hemwenyenji Jetero no kuka muambela ci, ''Onitawethze kuthza ci nihuke kwa apange awa ali mu Engepita nikawamone nji ashiyoya.'' Jetero ayepo ambela Mushe, ''Oende shuwana.'' ¹⁹Shinda sha moyo ayepo amba na Mushe mu litunga lyo Midiani, ''Othze, ohuke ku Engepita, mukonda anu wahe awa nafoto kushimba moyo woe anafu.'' ²⁰Mushe ayepo shimba munu wenji na anenji no kuwapaka pa shindongi. Ayepo huka ku litunga lya Engepita, ne ayepo shimba mulamu wa Nyambi mu lyoko lyenji.²¹Shinda sha moyo ayepo amba kwa Mushe, ''Apa ohuka ku Engepita, omone ci wakwama pa meho a Faro ikomokisha yoihe ninapaka mu okolo woe. Unone kenge nakukolopisha mucima wenji, ne kakutawethza anu ci athze. ²²Wakuambele Faro ci, 'Eshi sholiyo aamba Shinda sha moyo: Isilaele po mwanange, mweli wange, ²³ne nakuambela ci, ''Otawethze mwanange ci athze, ci akanilombele.'' Unone amona onakana kumushiya ci athze, kenge nipaa mwanoe, mweli oe.'''²⁴Honi kwali mulikuñwa, apa alitulumwishile ushiku, Shinda sha moyo ayepo liwana na Mushe ne ayepo eleka kumupaa. ²⁵Nehoni Zipora ayepo shimba liwe lyo litwe ne ayepo teta shitumba sha mwanenji, no kushipaka ku maulu enji. Nehoni ayepo amba, ''Yoshemwa o munu wange ko onyinga.'' ²⁶Honi Shinda sha moyo ayepo mushiya shofoci. Mbuyama ayepo amba, ''O munu wange o onyinga'' mukonda o mukanda.²⁷Shinda sha moyo ayepo amba kwa Aruni, ''Othze mu mumbulwa kukutu okaliwane na Mushe.'' Aruni ayepo thza ne ayepo ka muwana pa mukinya wa Nyambi, ayepo mucuveta. ²⁸Mushe ayepo tongwela Aruni maywi oahe a Shinda sha moyo aa namutumu kukaamba no imonisha yoihe yo okolo wa Shinda sha moyo ei namutumena kukakwama.²⁹Nehoni Mushe na Aruni awopo athza no kukawaneka pofoci wahe akulu o anu o Isilaele. ³⁰Aruni ayepo amba maywi oahe aa naamba Shinda sha moyo kwa Mushe. Kalo ayepo kwama imonisha yo okolo wa Shinda sha moyo anu kwalimonena. ³¹Anu awopo atawa. Apa ayuvile ci Shinda sha moyo onamono anu o Isilaele ne onamono omu anyandela, awopo atongama pashi no kumulombela.

¹Munyima o kukwamahala ko ei enu, Mushe na Aruni awopo athza kwa Faro no kukaamba ci, ''Eshi sholiyo amba, Shinda sha moyo, Nyambi wa Isilaele, aamba ci: 'Otawethze anu ange athze, ci akakale no mukiti o kunikinena mu mumbulwa kukutu.''' ²Faro ayepo amba, ''Shinda sha moyo ne elye? Ei nga niteelela liywi lyenji no kutawethza Isilaele ci athze ne ine? Kanilimuka Shinda sha moyo, ne kalo, kana kutawethza Isilaele ci athze.''³Awopo aamba, Nyambi wa Aheveru onalimonahalisha kukwetu. Otutawethze tuthze mu muendo o mayuwa ahatu kuthza mu mumbulwa kukutu ne tukakwamena Shinda sha moyo Nyambi wetu shitavelo ci lelo atupaa no uanji nji no mwele.'' ⁴Unone fumu wa Engepita ayepo amba kukwo, ''Mushe na Aruni ine mushiiyishela anu ekwama yo? Muthze ku ekwama yenu.'' ⁵Faro kalo ayepo amba, ''Anu honi seli anavulu mu litunga lyenji, ne mwawa shiiyisha ekwama yo.''⁶Pa liyuwa elyo mwene, Faro ayepo tumena akwa kuendisha na akwa kumona omu akwame anu. Ayepo amba ci, ⁷''Kulishiya nomu nakukalelanga ku matatekelo, pano honi mwapanga anu musuhela ci akwame masitina. Akalivuthzelange musuhela awo ashinda. ⁸Ambene, mumone ci akwama masitina okukuma pa masitina nakwamanga kunyima. Lelo mwatawa masitina oapu, mukonda ali no uva. Sholiyo shiletishela ci alombe no kuamba ci, 'Otutawethe tuthze tukakwamene Nyambi wetu shitavelo.' ⁹Muvulishe ekwama ya akwelume ci akwamenene pohuma ne lelo atwala maano ku maywi o ñanda.''¹⁰Honi aka kuendisha na aka kumona omu akwamena anu awopo athza kukatongwela anu. Awopo aamba, ''Eshi sholiyo amba Faro: 'Pano honi kanimipanga musuhela. ¹¹Amwe mwashinda mukalivuthzelange musuhela kokuhe oku mukauwana, unone ekwama yenu kaipupishiwa.'''¹²Anu awopo alihanda mu litunga lya Engepita kukavuthza muhonyi wao mu shivata sho musuhela. ¹³Aka kuendisha anu awopo akwatelela kuwaambela ci, ''Mumane shikwam shenu, eci omu namukwamenanga apa namupiwanga musuhela.'' ¹⁴Aka kuendisha anu a Faro awopo afula aka kumona omu akwamena anu, awo akwa Isilaele, awo napiwa kuendisha aka kukwama. Awo aka kuendisha anu kuma nakwatelelanga kuwaipula, ''Ine munakana kukwanishela masitina aa munaloela kukwama pa liyuwa, shanga yana no lelo, eci eli namukwamanga kunyima?''¹⁵Honi aka kumona aka kukwama, awo anu a Isilaele, awopo akeya kwa Faro kunamulilela. Awopo aamba, ''Ine ei okwamena apikoe kengeya? ¹⁶Kwithsa musuhela upiwa kwa apikoe, unone ashituambela ci, 'Mukwame masitina!' Atwe, apikoe twafuliwa no kufuliwa honi, unone ou mulandu po wa anu oe.'' ¹⁷Unone Faro ayepo amba, ''Muli no uva! Muli no uva! mwaamba ci 'Otutawethze tukakwamene Shinda sha moyo shitavelo.' ¹⁸Ne honi muthze mukakwame. Kwithsa musuhela ou wakupiwa kukwenu kalo, unone muli no kukwama masitina okukuma pa masitina namukwamanga.''¹⁹Awo aka kumona omu akwamena anu, awo anu a Isilaele awopo amona ci ali mu ukalu apa naambeliwa ci, ''Lelo mwakwama masitina oapu kupita aa munakwamanga liyuwa no liyuwa.'' ²⁰Awopo aliwana na Mushe na Aruni, awa aimanine pola apa atundile kwa Faro. ²¹Awopo amba kwa Mushe na Aruni, ''Shinda sha moyo amimone ne amipe kashitiko, mukonda munatukwama kumonala ci twa anu owamango mu meho a Faro na apikenji. Munawapa mwele mu moko o ci atupae.''²²Mushe ayepo huka kwa Shinda sha moyo no kukaamba ci, ''Fumu ine onaletela ukalu kwawa anu? Ine nonitumena honi? ²³Kutunda apa nanikeyela kwa Faro kunaamba kukwenji mu lithzina lyoe, onalete ukalu kwawa anu, kalo owe kotundishile anu oe mu ukalu.''

¹Nehoni Shinda sha moyo ayepo ambela Mushe, ''Honi kenge omona ei nakukwama kwa Faro. Kenge oimona, kenge atawethza anu kuthza mukonda o lyoko lyenge lyo likolo. Mukonda o lyoko lyange lyo likolo kenge awatundisha mu litunga lyenji.''²Nyambi ayepo amba kwa Mushe no kumuambela ci, ''Yame Shinda sha moyo. ³Kuma nalimonahalishile kwa Abrahama, kwa Isaka, noku kwa Jakobo ci yame Nyambi omukolo; unone ko lithzina lyange lyo, Shinda sha moyo, kananilimukiwa kengeyo kukwo. ⁴Kalo kuma nanilikwata ombusha no, ci niwape litunga lya Kanana, omu akakalile mu wenda. ⁵Ne kalo, ninayuvu kulila kwa ana Isilaele awa anakwamiwa upika ko akwa Engepita, ne ninavuluka ombusha wange.⁶Honine okatongwele ana Isilaele ci, 'Yame Sinda sha moyo. Kenge nimitundisha ku ekwama yo ilemu yakwa Engepita, ne kenge nimitundisha mu okolo wo. Kenge nimiamwena ko kumonisha okolo wange, no makatulo oakulu. ⁷Kenge nimishimba ci mukale anu ange, ne ame kenge nipiluka Nyambi wenu. Kenge mulimuka ci yame Shindasha moyo Nyambi wenu, oyu namitundisha ku ekwama yoilemu yakwa Engepita.⁸Kenge nimitwala mu litunfa eli naliethzile ci kenge nilipa kwa Abrahama, kwa Isaka, noku kwa Jakobo. Kenge nilimipa ci lipiluke lyenu. Yame Shinda sha moyo.''' ⁹Mushe apa aka iambelile ana Isilaele, kamuteelelile mukonda o likando lyo upika wo nalikulu nene.¹⁰Nehoni Shinda sha moyo ayepo amba kwa Mushe, kuamba ci, ¹¹''Othze okaambele Faro, fumu wa Engepita, ci atawethze ana Isilaele kutunda mu litunga lyenji.'' ¹²Mushe ayepo amba kwa Shinda sha moyo, ''Ngeci ana Isilaele kaniyuvile, ei nga aniyuvela Faro ne ine, amona kanitwesha kuamba shuwana?'' ¹³Shinda sha moyo ayepo amba kwa Mushe na Aruni. ayepo wapa shituminino sha ana Isilaele neshi sha Faro fumu, wa Engepita, ci atundishe ana Isilaele mu litunga lya Engepita.¹⁴Awa woliyo akulu mu njiyo thza tata wo: Ana Rubeni, mweli wa Isilaele, neli Hanoki, Palu, Hezironi, no Kami. Awa woliyo shikuta sha Rubeni. ¹⁵Ana Simionin neli Jemuele, Jamini, Ohadi, Jakinni, Zohare, no Shaule- mwana o mbuyama oku kanana. Awa woliyo shikuta sha Simioni.¹⁶Aa oliyo mathzina o ana a Livi owakwelume, kuthza ko ikuta yo. Neli Gerishoni, Kohati, no Merari. Livi kuma ayoyile kukuma pa myaka 137. ¹⁷Ana Gerishoni neli neli Livini na Shimei, kuthza ko ikuta yo. ¹⁸Ana Kohati neli Amirami, Izihari, Hebironi, no Uziele. Kohati kuma ayoyile kukuma pa myaka 133. ¹⁹Ana Merari neli Mahili no Mushi. Awa woliyo napiluka akwathsañulu o Alivi, pofoci na ekulyoo.²⁰Amirami ayepo yeka Jokebedi, ndumbu thza tata wenji. Ayepo muelekela Aruni na Mushe. Amirami kuma ayoyile myaka thzo kukuma pa 237 ne ayepo fa. ²¹Ana Izihari neli Kora, Nefegi, na Zikiri. ²²Ana Uziele neli Mishaele, Elizafani, na Sitiri.²³Aruni ayepo yeka Elisheba, mwana Aminadabi, ndumbu thza Nashoni. Ayepo muelekela Nadabi na Abihu, Eliazare na Itamare. ²⁴Ana Kora neli Asiri, Elikana, Abiasafi. Awa woliyo akwathsañulu o Akora. ²⁵Eliazare mwana Aruni ayepo yeka yumweya o ana a Putiele owambuyama. Ayepo muelekela Finehasi. Awa woliyo akulu o manjiyo a tata o mukaci ko Alivi, kuthza ko ikuta yo.²⁶Awa akwelume eli neli Mushe na Aruni awa ambelile Shinda sha moyo ci, ''Mutundishe ana Isilaele mu litunga lya Engepita, ko ikuta yo.'' ²⁷Aruni na Mushe awopo akaamba kwa Faro, fumu wa Engepita, ci awatwethze kutundisha ana Isilaele mu litunga lya Engepita. Awa woliyo a Mushe na Aruni.²⁸Shinda sha moyo apa aambile kwa Mushe mu litunga lya Engepita, ²⁹ayepo muambela ci, ''Yame Shinda sha moyo, Okatongwele Faro, fumu o Engepita, enu yoihe ei nikutongwela.'' ³⁰Unone Mushe ayepo amba kwa Shinda sha moyo, ''Kanitwesha kuamba shuwana, honi ine ei nga akateelela Faro kukwange?''

¹Shinda sha moyo ayepo amba kwa Mushe, ''Omone, ninakukwana nyambi kwa Faro. Mukulwoe Aruni kenge apiluka mupolofita oe. ²Kenge oamba enu yoihe ei nikutumena ci oambe. Aruni mukulwoe kenge aamba kwa Faro ci atawethze ana Isilaele kutunda omu mulitunga.³Unone kenge nikolopisha mucima wa Faro, ne kenge nikwama imonisha yoingi yo okolo wange, ikomokisha yoingi, mu litunga lya Engepita. ⁴Unone Faro kakukuyuva, ne kenge nakupaka lyoko lyange peulu thzo Engepita no kutundisha eta yange, anu ange, ana Isilaele, mu litunga lya Engepita ko makatulo oakulu. ⁵Akwa Engepita kenge alimuka ci yame Shinda sha moyo apa ni ololela lyoko lyange peulu thzo Engepita no kutundisha ana Isilaele mukaci ko.''⁶Mushe na Aruni awopo akwama kengeyo; awopo akwama omu nawatume Shinda sha moyo. ⁷Mushe kuli no myaka makumi mutanu na ahatu(80), Aruni aye kuli no myaka makumi mutanu na ahatu no myaka thzihatu(83) shikati naamba kwa Faro.⁸Shinda sha moyo ayepo amba kwa Mushe na Aruni, ⁹''Faro apa akamiambela ci, 'Mukwame shimonisha,' nehoni wakuambele Aruni ci, 'Oshimbe mulamu oe oukonjele pashi pa meho a Faro, ci wakupiluke liyoka.''' ¹⁰Nehoni Mushe na Aruni awopo athza kwa Faro, ne awopo akakwama omu nawatumena Shinda sha moyo. Aruni ayepo konjela mulamu wenji pashi pa meho a Faro na apikenji, ne awopo upiluka liyoka.¹¹Nehoni Faro ayepo isha anu enji owanyanyami no akwa mavivo. Nao awopo akwama kengeyo ko mavivo o. ¹²Munu no munu ayepo konjela mula wenji pashi, ne milamu athzopo thzipiluka mayoka. Unone mulamu wa Aruni awopo umina mayoka o. ¹³Faro ayepo kolopisha mucima, ne kanayuvu, eci eli atangile kuamba Shinda sha moyo.¹⁴Shinda sha noyo ayepo amba kwa Mushe, ''Mucima wa Faro ukolo, ne akana kutawethza anu ci athze. Othze kwa Faro mashikushiku apa athza ku meyu. ¹⁵Okemane pa ñalo thzo lyawa ci okaliwane nenji, ne oshimbe mu lyoko lyoe uya mulamu naupiluka liyoka.¹⁶Omuambele ci, 'Shinda sha moyo, Nyambi wa Aheveru, onanitumu kukwoe kuna kuambela ci, ''Otawethze anu athze, ci akanilombele mu mumbulwa kukutu. Nahikengno koyuvile.'' ¹⁷Ei yoliyo aamba Shinda sha moyo: ''Eshi sholiyo sha kukulimukisha ci yame Shinda sha moyo. Kenge nifula pa meyu o mulya lyo Nile ko mulamu uli mu lyoko lyange, ne lyawa kenge lipiluka onyinga. ¹⁸Ethsi thzili mu lyawa kenge thzifa, ne lyawa kenge linuka kuola. Akwa Engepita kakutwesha kunwa meyu omu lyawa.''''''¹⁹Nehoni Shinda sha moyo ayepo amba kwa Mushe, ''Oambele Aruni ci, 'Oshimbe mulamu oe ne ololele lyoko lyoe peulu o meyu a Engepita, no peulu o mawa o, tuwaaana to, maviya o, no mashima o, ci meyu o apiluke onyinga. Okwame kengeyo ci kukale onyinga mu litunga lya Engepita lyolihe, no muiveta yo yoitondo no mawe momuhe.'''²⁰Mushe na Aruni awopo akwama omu nawatumena Shinda sha moyo. Aruni ayepo yelula mulamu no kufula meyu o mu lyawa, Faro na apikenji kwanatanekela. Meyu o mu lyawa oahe aopo apiluka onyinga. ²¹Ethsi thzo mu lyawa athzopo thzifa, ne lyawa alyopo litateka kunuka kuola. Akwa Engepita kanatwesha kunwa meyu o mu lyawa, ne onyinga awopo ukala mu litunga lya Engepita lyolihe. ²²Unone akwa mavivo omu Engepita nawo awopo akwama kengeyo ko mavivo. Ne Faro ayepo kolopisha mucima wenji, ne ayepo kana kuteelela kwa Mushe na Aruni, eci eli aambile Shinda sha moyo ci moliyo mwakukwamahalela.²³Nehoni Faro ayepo piluka no kuhuka mu njiyo thzenji. Ei kanaitwala maano. ²⁴Akwa Engepita wahe awopo ashima mashima kumbali trhzo lyawa ci awane meyu o kunwa, unone kanatwesha kunwa meyu o mu lyawa. ²⁵Mayuwa mutanu na eli(7) aopo apita kutunda apa afulelile Shinda sha moyo pa lyawa.

¹Nehoni Shinda sha moyo ayepo amba kwa Mushe, ''Othze kwa Faro okamuambela ci, 'Shinda sha moyo aamba ci: ''Otawethze anu kuthza ci akanilombele. ²Ngeci wakana kuwatawethza kuthza, kenge nifula litunga lyoe no mayula. ³Lyawa kenge liyala mayula aa aenda. Kenge akanduka no kukengena mu njiyo thzoe, kukengena oku onalalanga, no kukengena ku olili oe. kenge akengena mu manjiyo o apikoe. Kenge akengena kwa anu oe, mu maovene oe, no mu malonga oe. ⁴Mayula kenge akulwisha, kulwisha anu oe, no apikoe wahe.''''''⁵Shind sha moyo ayepo amba kwa Mushe, ''Oambele Arunin ci, 'Ololele lyoko lyoe no mulamu oe peulu thzo mawa, tuwaana, no maviya, ne okandukishele mayula mu litunga lya Engepita.''' ⁶Aruni ayepo ololela lyoko lyenji peulu thzo meyu o mu Engepita. Ne mayula aopo akanduka kukathsika litunga lya Engepita. ⁷Unone akwa mavivo nawo awopo akwama kengeyo ko mavivo; awopo aleta mayula mu litunga lya Engepita lyolihe.⁸Nehoni Faro ayepo isha Mushe na Aruni no kuambela ci, ''Mulombele kwa Shinda sha moyo ci atundishe mayula kukwange no ku kwa anu ange. Nehoni kenge nitawethza anu kuthza, ci akamukwamene shitavelo.'' ⁹Mushe ayepo ambela Faro, ''Olishangale ko ame. Liyuwa lipi niloela kukulombelela, kulomelela apikeo, no anu oe, ci mayula atundishiwe kukwenu no mu manjiyo enu ne ci akali pohuma mu lyawa.''¹⁰Faro ayepo amba ci, ''Peunja.'' Mushe ayepo amba, ''Kukwamahale omu onaambela, ci olimuke ci kwithsa o kulipitula na Shinda sha moyo, Nyambi wetu. ¹¹Mayula kenge atunda kukwoe, mu manjiyo enu, kwa apikoe, noku kwa anu oe. Kenge akala pohuma mu lyawa.'' ¹²Mushe na Aruni awopo atunda kwa Faro. Nehoni Mushe ayepo kuwelela kwa Nyambi yo mayula aa naleta kwa Faro.¹³Shinda sha moyo ayepo kwama omu nalombela Mushe: Mayula aopo afela mu manjiyo, mu makuta, no mu ilwa. ¹⁴Anu awopo aaungumeka pofoci kukwama ilambo, ne litunga alyopo linuka kuola. ¹⁵Unone Faro apa amonine ci kunaloo, ayepo kolopisha mucima, ne kana teelela kwa Mushe na Aruni, eci eli aambile Shinda sha moyo ci moliyo akukwamena.¹⁶Shinda sha moyo ayepo amba kwa Mushe, ''Oambele Aruni ci, 'Oyelule mulamu oe ne ofule likungu lyo pashi, ci lipiluke tumwe mu litunga lya Engepita lyolihe.''' ¹⁷Awopo akwama kengeyo. Aruni apa ayelulile mulamu wenji no kufula likungu lyo pashi, tumwe atopo tukeya kwa anu noku iyama. Likungu lyolihe lyo pashi lyolihe alyopo lipiluka tumwe mu litunga lya Engepita lyolihe.¹⁸Aka mavivo awopo aeleka kukwama tumwe ko mavivo o, unone awopo akwanga. Ne akopo kukala tumwe kwa anu noku iyama. ¹⁹Nehoni aka mavivo awopo aambela Faro, ''Ou po munwe wa Nyambi.'' Unone Faro ayepo kolopisha mucima wenji, ne ayepo kana kuteelela kukwoo. Eci eli ambile Shinda sha moyo ci moliyo akukwamena Faro.²⁰Shinda sha ayepo ambela Mushe, ''Opinduke mashiku shiku okemane kuposho thza Faro apa athza ku lyawa. Omutongwele ci, 'Shinda sha moyo eshi aamba eshi: ''Otawethze anu ange kuthza ci akanilombele. ²¹Unone ngeci kotawethza anu ange kuthza, kenge nituma nthzi thzothzingi kukwoe, kwa apikoe, noku kwa anu oe, no mu manjiyo enu. Mu manjiyo akwa Engepita kenge kuyala nthzi thzothzingi, no pashi apa alyata kenge kuyala nthzi.²²Unone apo liyuwa elyo kenge nipaka litunga lyo Gosheni kumbala, litunga omu anakalanga anu ange, ne kwithsa nthzi ethzi thzakukala ko. Ei kemge ikwamahala kengeyo ci olimuke ci yame Shinda sha moyo mukaci ko eli litunga. ²³Kenge nakupaka maenja mukaci ka anu ange no na anu oe. Eshi shimonisha sho okolo kenge shikwamahala peunja'''''' ²⁴Sinda sha moyo ayepo kwama kengeyo, ne nthzi thzothzingi athzopo thzikeya mu njiyo thza Faro, no mu manjiyo o apikenj. Mu litunga lyolihe lyo Engepita, litunga alyopo liipa mukonda o nthzi thzoshongi nene.²⁵Faro ayepo isha Mushe na Aruni no kuwaambela ci, ''Muthze, mukakwamene Nymbi wenu Shitavelo mu litunga lyenu.'' ²⁶Mushe ayepo amba ci, ''Kakuloelile ci tukwame kengeyo mukonda itavelo tukwamena Shinda sha moyo Nyambi wetu enu yoimango kwaka Engepita. ounga tukwama itavelo ei amona akwa Engepita ci imango kwanatutanekela, nga katupovaula? ²⁷Kwahi, muendo o mayuwa ahatu kukengena mu mumbulwa kukutu woliyo muendo tunaloela kuenda, ci tukakwamene Shinda sha moyo Nyambi wetu shitavelo, eci eli atutumena.''²⁸Faro ayepo aamba, ''Kenge nimitawethza ci muthze mukukwamene Shinda sha moyo Nyanbi wenu shitavelo mu mumbulwa kukutu. Ne lelo mwathza kokule nene. Munilombelele.'' ²⁹Mushe ayepo amba, ''Nishipuna pohuma muno, kenge nilombela kwa Shinda sha moyo ci peunja nthzi thzothzingi thzitunde kukwoe, Faro, noku kwa apikoe noku kwa anu oe. Unone lelo waangela ko kukana kutawethza anu etu ci athze akakwame Shinda sha moyo shitavelo.''³⁰Mushe ayepo tunda kwa Faro ne ayepo lombela kwa Shinda sha moyo. ³¹Shinda sha moyo ayepo kwama omu nalombela Mushe; ne ayepo tundisha nthzi thzoshongi kwa Faro, kwa apikenji, noku kwa anu enji. Kwithsa shanga nthzi yofoci oyu washiyalile. ³²Unone noshino shikati kalo Faro ayepo kolopisha mucima wenji, ne kanatawethza anu kuthza.

¹Nehoni Shinda sha moyo ayepo amba kwa Mushe, ''Othze kwa Faro okamuambele ci, 'Shinda sha moyo, Nyambi wa Aheveru, eshi aamba eshi: ''Otawethze anu ange kuthza ci akanilombele.'' ²Unone ngeci wakana kuwatawethza kuthza, ngeci oshiwatuleka, ³nehoni lyoko lya Shinda sha moyo kenge lileta okalu oukulu ku emunanu yoye ei ili mu ilwa- tukambe, indongi, makamele, ngombe no mangu. ⁴Unone Shinda sha moyo kenge atundisha emunanu ya ana Isilaele ku emunanu ya kwa Engepita, ci kupila shimunanu shanga shofoci ya ana Isilaele eshi sha kufa.⁵Shinda sha moyo onapaka shikati; onaamba ci, ''Peunja poliyo nikwamena ei enu omu mu litunga.''''' ⁶Liyuwa lya hatile ko Shinda sha moyo ayepo kwama ei enu: Ngombe thzothzihe thza kwa Engepita athzopo thzifa, unone kwithsa ngombe thza ana Isilaele ethzi thzafile, kwithsa shanga yofoci. ⁷Faro ayepo fotishisha, ne, mumone, kwithsa shimunanu sha ana Isilaele shanga shofoci eshi shafile. Unone mucima wenji kuma wakolopile ne katawethzile anu kuthza.⁸Nehoni Shinda sha moyo ayepo amba kwa Mushe na Aruni, ''Mukundule moko o kuyala o mututwi o pa ondo. Owe, Mushe, okakuhele mututwi muwilu Faro kunatanekela. ⁹Kenge upiluka likungu mu litunga lyolihe lyo Engepita. Kenge uleta mayuya no ilonda kwa anu no iyama mu litunga lyolihe lyo Engepita.'' ¹⁰Ne Mushe na Aruni awopo akundula mututwi opa ondo no kukemana pa posho thza Faro. Nehoni Mushe ayepo kuhela mututwi muwilu. Mututwi awopo uleta mayuya no ilonda kwa anu no iyama.¹¹Akwa mavivo awopo akwanga kuimana na Mushe mukonda o mayuya, mukonda mayuya kuma awamenine na akwa Engepita wamweya wahe. ¹²Shinda sha moyo ayepo kolopisha mucima wa Faro, ne Faro kateelelile kwa Mushe na Aruni. Ei kuma yakwahalile eci omu Shinda sha moyo aambelile Mushe ci moliyo akukwamena Faro.¹³Nehoni Shinda sha moyo ayepo amba kwa Mushe, ''Opinduke mashikushiku, okemane pa posho thza Faro, ne okamuambele ci, 'Shinda sha moyo Nyambi wa Aheru, eshi aamba eshi: ''Otawethze anu ange kuthza ci akanilombele. ¹⁴Mukonda pano honi kenge nituma tushitoko twange totuhe kukwoe, kwa apikoe noku kwa anu oe. Kenge nikwama kengeyo ci olimuke ci kwithsa yumweya o kulipitula nange mu kaye momuhe.¹⁵Pano tuamba inga nina olola lyoko lyange no kukufula na anu oe ko kashitiko, ne nga munapu muno mu litunga. ¹⁶Unone mukonda wei ninakushii ci oyoye: Ci nikumonishe okolo wange, ci lithzina lyange liambiwe mu kaye kokahe. ¹⁷Oshilishangalela anu ange ko kukana kuwatawethza ci athze.¹⁸Oyuve! Peunja apa tukuma shino shikati kenge nileta liñungwa lyo likulu nene, eli lininga ci shimbi kwatatekelile mu Engepita kunakuma lelo lino kushime kumonahala liñungwa lyo kengeyo. ¹⁹Ne honi, utume anu akawaneka emunanu yoe no enu yoe yoihe ei ili mu ilwa ailete ku shivaka shili shuwana. Munu yomuhe no shiyama shoshihe eshi shili mu shilwa ne kashiletiwile ku lyumbo- liñungwa kenge liwathsika, ne kenge aafa.'''''²⁰Nehoni anu wamweya a Faro awa ayapile maywi a Shinda sha moyo wanguwangu awopo athza kukashimba apiko no emunanu yo kuileta mu manjiyo. ²¹Unone awa alimbululile awopo ashiya apiko no emunanu yo mu ilwa.²²Nehoni Shinda sha moyo ayepo amba kwa Mushe, ''Oyelulele lyoko lyoe muwilu ci kukale liñungwa mu litunga lya Engepita lyolihe, kwa anu no ku emunanu, no kwei inakuniwa mu ilwa yoihe mu litunga lya Engepita.'' ²³Mushe ayepo yelulela mulamu wenji muwilu, ne Shinda sha moyo ayepo tuma mishika, liñungwa no myethso pashi. Kalo ayepo lokisha mvula o mawe mu litunga lya Engepita. ²⁴Honi akopo kukala liñungwa myethso thzo kulivandakan no mvula o mawe, omukulu nene, okuninga ci shimbi lyatatekelile litunga lya Engepita oshime kiumonahala o kengeyo²⁵Mu litunga lya engepita lyolihe, liñungwa alyopo lithsika enu yoihe mu ilwa, kubandakan anu no iyama. alyopo lifula yoihe inakuniwa mu ilwa no kucola etondo yoihe. ²⁶Shime mu litunga lya Gosheni omu nakalanga ana Isilaele, moiliyo kwapilile liñungwa.²⁷Nehoni Faro ayepo tuma anu kukaisha Mushe na Aruni. Ayepo amba kukwo ci, ''Pano honi ninakwama shivi. Shinda sha moyo wakuluka, ne ame no anu ange twa amango. ²⁸Mulombele kwa Shinda sha moyo, mukonda mishika no liñungwa yakula nene. Kenge nimitawethza kuthza ne kamwakukala muno honi.''²⁹Mushe ayepo amba kukwenji, ''Nishitunda pohuma muno mu mbongi, kenge niyelula moko ange kwa Shinda sha moyo. Mishika kenge thziimana, no liñungwa kenge lipwa. Apa poliyo olimukela ci kano kaye ka Shinda sha moyo. ³⁰Unone owe na anu oe nalimuka ci shemwashemwa kamulemeka Shinda sha moyo.''³¹Makuku o line no barley kuma yaipile, mukonda barley kuma nathzisheme, ne makuku o line ao kwanateme. ³²Unone uloto o kulya anu no uloto o kulelisha emunanu awo kanaupa mukonda awo wathzihama kumena. ³³Mushe apa atundile kwa Faro no mu mbongi, ayepo imeka moko enji kwa Shinda sha moyo; mishikaa no liñungwa ayopo iimana, ne mvula kanaloko kalo.³⁴Faro apa amonine ci mvula, liñungwa, no mishika inemana, ayepo kwama shivi kalo ne ayepo kolopisha mucima wenji, pofoci na apikenji. ³⁵Mucima wa Faro awopo ukolopa, ne kanatawethza ana Isialele kuthza, eci omu ambelile Shinda sha moyo ko Mushe.

¹Shinda sha moyo ayepo amba kwa Mushe, ''Othze kwa Faro, mukonda ninakolopisha mucima wenji no micima thza apikenji. Kuma ninakwama kengeya ci nimoshe ei imonisha yo okolo wange mukaci ko. ²Kalo ninakwama kengeya ci mwakuambele anenu na ekulyenu enu ninakwama, nomu nniakwamena Engepita ko omango, nomu ninamonishela imonisha yo kulishiyashiya yo okolo wange mukaci ko. Omu moliyo mwakulimukela ci yame Shinda sha moyo.''³Ne Mushe na Aruni awopo athza kwa Faro no kukamuambela ci, ''Shinda sha moyo, Nyambi wa Aheveru, eshi amba eshi: 'Kenge kupita shikati sho kukuma papi ko ukana kulihusha pashi kukwange? Otawethze anu ange kuthza ci akanilombele. ⁴Unone ngeci wakana kutawethza anu ange kuthza, oyuve, peunja kenge nileta mbimba mu litunga lyoe.⁵Kenge nathzisika pashi popahe ci kupile munu oyu mona muve. Kenge thzilya yoihe ei inapanduka ku liñungwa. Kalo kenge thzilya shitondo shoshihe eshi shinamene mu ilwa yenu. ⁶Kenge thziyala mu manjiyo enu, mu manjiyo aa apikenu oahe, no mu manjiyo akwa Engepita oahe- shinu eshi ashime kumona shanga a tata oe nji a kuku oe, ashime kushimona kutunda apa akalelile pano pa kaye kunakuma no lelo.''' Nehoni Mushe ayepo tunda kwa Faro kuthza.⁷Apika a Faro awopo amuambela ci, ''Oyu mukwelume kenge apiluka kashaka kukwetu pa shikati shikuma papi? Otawethze ana Isilaele kuthza ci akalombele Shinda sha moyo Nyambi o. Nhingeno komono ci Engepita onepa? ⁸Mushe na Aruni kalo awopo aletiwa kwa Faro, oyu waambile kukwo ci, ''Muthze mukalombele Shinda sha moyo Nyambi wenu. Unone wapi anu aloela kuthza?''⁹Mushe ayepo amba, ''Kenge tuthza na anuke etu na akulu etu, na anetu owakwelume no anetu owa mbuyama. Kenge tuthza no mangu etu no ngombe thzetu, mukonda twakakwamena Shinda sha moyo mukiti.'' ¹⁰Faro ayepo amba kukwo, ''Yoshemwa Shinda sha moyo akale nenu, ngeci nimitawethze ci muthze na anuke anenu. Mumone, muli no omango mu maayalo. ¹¹Kwahi kakutawa, kuthze pohuma akwelume kukwenu, ne akalombele shinda sha moyo, mukonda eyo yoliyo mufota.'' Nehoni Mushe na Aruni awopo atundishiwa pa meho a Faro.¹²Nehoni Shinda sha moyo ayepo amba kwa Mushe, ''Oololele lyoko lyoe peulu o litunga lyo Engepita ku mbimba, ci thzifule litunga lya Engepita no kulya yoihe ei inamenemo, yoihe ei linashiyi liñungwa.'' ¹³Mushe ayepo ololela mulamu wenji peulu o litunga lyo Engepita, ne Shinda sha moyo ayepo leta mupepo o ku muve yuwwa kupepa mu litunga mutanya no ushiku welyo liyuwa. Mashikushiku, mupepo o ku muve yuwa awopo uleta mbimba.¹⁴Mbimba athzopo thzithsika litunga lya Engepita lyolihe no kukayala mu litunga lyolihe. Shimbi kwatanga kushime kukala mbimba thzothzingi kengeyo mu litunga, ne kakwakula mbimba thzothzingi kupita ethzo. ¹⁵Athzopo thzithsika pashi popahe ne apopo pailaula. Athzopo thzilya imena yo mu litunga yoihe no oshuka o ku itondo ei nalishii liñungwa. Mu litunga lya Engepita lyolihe, kwithsa shimena eshi shashiyalile koshiyoya, nji shitondo sho kushila mu shilwa.¹⁶Nehoni wanguwangu Faro ayepo isha Mushe na Aruni no kuwa ambela ci, ''Ninakwama shivi kwa Shinda sha moyo Nyambi wenu no kukwenu. ¹⁷Honine, munitetele ku shivi shange muno mu shikati shino, ne mulombele kwa Shinda sha moyo Nyambi wenu ci atundishe eli lifu kukwange.'' ¹⁸Ne Mushe ayepo tunda kwa Faro no kukalombela kwa Shinda sha moyo.¹⁹Shinda sha moyo ayepo leta mupepo oukulu kutunda ku mutoke yuwa awopo ukundula mbimba kukathzimwaela mu likulu lwale lo lukihu; Kwithsa mbimba shanga yofoci oyu washiyalile mu litunga lya Engepita. ²⁰Unone Shinda sha moyo ayepo kolopisha mucima wa Faro, ne Faro katawethzile ana Isilaele kuthza.²¹Nehoni Shinda sha moyo ayepo amba kwa Mushe, ''Oimeke lyoko lyoe muwilu, ci kukale milema mu ltunga lya Engepita lyolihe, ci anu akwange kumona.'' ²²Mushe ayepo imeka lyoko lyenji muwilu, ne akopo kukala milema thzothzikulu mu litunga lya Engepita pa mayuwa ahatu. ²³Kwithsa munu watweshile kumona munu mungenjenji; kwithsa oyu watundile pa njiyo thzenji pa mayuwa ahatu. Ambene, ana Isilaele wahe kuma akalile mu mwethzi, mu shivaka nakalanga.²⁴Faro ayepo isha Mushe no kuamba ci, ''Muthze mukalombele Shinda sha moyo. Na anenu wahe athze nenu, unone mangu enu no ngombe thzenu ishiyale.'' ²⁵Unone Mushe ayepo amba, ''Otutawethze kukwama itavelo yo kutumeke ci tukaipe kwa Shinda sha moyo Nyambi wetu. ²⁶Ngombe thzetu nathzo thzithze netu; shanga lipathzi lyofoci lyathzo lelo lyalishiyala, mukonda kenge tushimba kukalombela Shinda sha moyo Nyambi wetu. Mukonda katulimuka eshi tukalombela nasho Shinda sha moy shime apa tukakuma oko tuthza.''²⁷Unone Shinda sha moyo ayepo kolopisha mucima wa Faro, ne kanawatawethza ci athze. ²⁸Faro ayepo ambela Mushe, ''Otunde kukwange! Omamele shinu shofoci, lelo wakahuka kunanimona kalo, mukonda liyuwa eli omona shihanga shange, kenge ofa.'' ²⁹Mushe ayepo amba, ''Omu onaambela moliyo. Kanakumona shihanga shoe kalo.''

¹Nehoni Shinda sha moyo ayepo amba kwa Mushe, ''Kushili kashitiko kofoci aka nakuleta kwa Faro no ku Engepita. Munyima wako kashitiko, kenge amitawethza kuthza. Apa amitawethza kuthza, kenge amicithza mwahe. ²Otongwele anu ci mukwelume yomuhe no mbuyama yomuhe alombe koyu anatungu nenji popepi shipathsi sho siliver no shipathsi sho gauda.'' ³Honi Shinda sha moyo kuma nakwama Engepita kuhima kukwama shuwana ana Isilaele. Ne kalo, Mushe neli munu o mukulu mu meho o apika a Faro na anu o mu Engepita.⁴Mushe ayepo amba, ''Shinda sha moyo eshi amba eshi: 'Pakaci ko ushiku kenge nithzinguluka mu Engepita. ⁵Eli wahe mu litunga lya Engepita kenge afa, kutatekela ku mweli wa Faro oyu li pa shipula shenji sho ufumu kutwala ku mweli wa mumbanda o mupika oyu li kushivelo kuvela, no ku eli o imunanu yoihe.⁶Nehoni kenge kukala kulila ko kukulu mu litunga lya Engepita lyolihe, oku kuninga ci shimbi kwatanga kushime kukalako shanga kuposho kokwa kukalako kalo. ⁷Unone kwithsa shanga mbwa oyu wa kuothza shanga munu yofoci kwa ana Isilaele, kuothza munu nji kuothza shiyama. Omu moliyo mwa kulimukela ci natepa mukaci akwa Engepita no ana Isilaele.' ⁸Wahe awa apikeo, Faro, kenge akeya kukwange no kunakinyama. Kenge akuamba ci, 'Muthze, owe na anu wahe awa akushupwela!' Munyima weyo kenge nakuthza.'' Nehoni Mushe ayepo tunda kwa Faro ku nangwenye nene.⁹Shinda ya moyo ayepo amba kwa Mushe, ''Faro kakuteelela. Eipo kuningisha ci nakukwame enu ikomokisha mu litunga lya Engepita.'' ¹⁰Mushe na Aruni akwamine yoihe ei enu ikomokisha pa meho a Faro. Unone Shinda sha moyo kuma akolopishile mucima wa Faro, ne Faro katawethzile ana Isilaele kutunda mu litunga lyanji.

¹Shinda sha moyo ayepo amba kwa Mushe na Aruni mulitunga lya Engepita. Ayepo amba, ²''Kukwenu, ethzi ngonda thzoliyo ngonda thzo matatekelo ku mangonda, ngonda thzo matatekelo o mwaka kukwenu.³Mutongwele mbunga thza Isilaele, 'Pa liyuwa lyo ulikumi lyo thzino ngonda munu no munu alishimbele kanguana nji kamembeana, njiyo no njiyo akwame ei, kanguana pa njiyo no njiyo. ⁴Ngeci anu apu omo mu njiyo ku kanguana, munu noyu analihata nenji ashimbe nyama o kanguana nji kamembeana oyu kwana mu anu. Aloela kukwana ci munu yomuhe alye, ashimbe nyama oyu wakwana ci wahe alye.⁵Kanguana nji kamembeana kenu kakale ko kupila omango, ko mwaka ofoci ko mukwelume. Mwakushimbeko yofoci ku mangu nji ku membe. ⁶Mumutuleke shuwana kukakuma pa liyuwa lyo ulikumi no mayuwa ane wethzo ngonda. Nehoni mbunga thzothzihe thzo Isilale apae eyo iyama pa shikati sho luula. ⁷Mushimbe unyinga umweya no kuuwesha pa itono ili yo ku shelo no peulu thzo shelo sho njiyo omu mwakulyela nyama. ⁸Mulye oyo nyama oo ushiku, ou mumanisha kumupona pa mulilo. Mumulye no ishima yokupila mamene, no miloho thzo kulula.⁹Lelo mwamulya wishu nji kumumbwakatisha mu meyu, unone mumupone pa mulilo no mutwi wenji, maulu, nei yo mulila. ¹⁰Mwashiyako shimweya ci shikume mashikushiku. Yoihe ei ishiyalako muitumeke mashikushiku. ¹¹Omu moliyo muloela kumulyela: Ko munaanga miya, ko munavata makatulo ku maulu, no milamu thzenu mu moko. Mumulye wanguwangu. Paseka thza Shinda sha moyo(kupitelela kwa Shinda sha moyo).¹²Shinda sha moyo aamba ci, ''Kenge nipita mu litunga lya Engepita mu ushiku owo no kupaa ana omutatekelo(eli) ku anu no iyama mu litunga lya Engepita. Kenge nakuleta mulandu ku athzimu wahe o Engepita. Yame Shinda sha moyo. ¹³Unyinga kenge wakupiluka shimonisha pa manjiyo enu ou nakukeya kukwenu. Ou nakumona unyinga, kenge nakumipitelela ou nakushulukela(kufula) litunga lya Engepita. Ou mulandu kawa kukeya kukwenu kunamipaa. ¹⁴Eli liyuwa kenge lyakupiluka liyuwa lyo kuvulukanga kukwenu, elyo mukukwamanga mukiti kukwamena Shinda sha moyo; mu shikuta shenu-mulao ou mwakumamela ci mukiti kokuna kupwa.¹⁵Kenge mwakulya ishima yokupila mamene pa mayuwa mutanu na eli. Pa liyuwa lyo mutatekelo kenge mwakutundisha mamene mu manjiyo enu. Yomuhe oyu wakulya ishima ili no mamene kutunda liyuwa lyo mutatekelo kukakuma liyuwa lyo mushitanu no mayuwa eli, oyo munu atundishiwe mu Isilaele. ¹⁶Pa liyuwa lyo mutatekelo kenge kwakukala kuliwana oku kunatulekeliwa yame, no pa liyuwa lyo mushitanu no mayuwa eli kenge kwakukala kuliwa kokengeyo kalo. Kwithsa shikwama sha kukwamiwa apa mayuwa aa, shime kuteleka ilya ci anu wahe alye. Esho sholiyo shikwama mwakukwama pohuma.¹⁷Mumamele ou mukiti o ishima yokupila mamene mukonda lyoliyo liyuwa namitundishile mulitunga lya Engepita. Ne mumanele eli liyuwa mu ikuta ya anu enu yoihe mulimamele ci mulao kokukana kupwa. ¹⁸Mulye ishima yokupila mamene ku luula pa liyuwa lyo ulikumi na ane mu ngonda thzo mutatekelo ku mwaka kutwala luula lo liyuwa lyo mayuwa makumi eli no liyuwa lyofoci ku ngonda.¹⁹Omo mu mayuwa mutanu na eli, mu manjiyo enu kwawaniwa mamene. Yomuhe wakulya ishima inakwamiwa no mamene atundishiwe mu Isilaele, shanga ci oyo munu wa kulitunga lyalyo inji moliyo aelekiwa. ²⁰Lelo mwalya eshi shinakwamiwa no mamene. Kokuhe oku mukala , mulye ishima yokukana kukwamiwa no mamene.'''²¹Nehoni Mushe ayepo isha akulu wahe omu Isilaele ne ayepo waambela, ''Muthze mukahangule manguana shanga tumembeana otu tutwesha kushuka mikuta thzenu ne mupae linguana lyo Paseka. ²²Nehoni mushimbe shitungu sho hosipa ne mushimbwateke mu unhynga ou ukala mu lilonga. Muweshe unyinga ou ukala mu lilonga peulu thzo shelo no pa ithsini ili yo kushelo. Wahi kukwenu wakupunena pola thzo shelo sho njiyo kukakuma mashikushiku.²³Mukonda shinda sha moyo kenge apita mo kupaa akwa Engepita. Ou amona unyinga peulu thzo shelo no pa ithsini yo mashelo enu, kenge apitelela mashelo enu ne kakutawethza muka kuipisha ci aingene mu manjiyo enu kunamipaa.²⁴Mukuteke eyi ikwama. Ou woliyo mulao wakukala kukwenu na anenu. ²⁵Ou mwakukaingena mu litunga eli akumipa Shinda sha moyo, eci eli akulupelishile kukwama, mukuteke ou mulao o kulombela.²⁶Anenu ou amiipula ci, ''Shikwama sho shilombelo sho kengeya shatongola ine?' ²⁷nehoni muambe ci, 'Shitavelo sho Paseka thza Shinda sha moyo, mukonda Shinda sha moyo kuma apitelelile manjiyo a ana o Isilaele mu Engepita ou apaile akwa Engepita. Ayepo amwena manjiyo etu.''' Nehoni anu awopo akinyama pashi kulombela Shinda sha moyo. ²⁸Ana Isilaele awopo athza kukwama eci eli awatumenine Mushe na Aruni.²⁹Pakaci ko ushiku Shinda sha moyo ayepo tulukela aeli owahe mu litunga lya Engepita, kutatekela kwa mweli wa Faro, oyu nakala mu shipula shenji sho ufumu, kutwala ku mweli wa munu oyu li mukamenga ko mumube no ana o matatekelo o iyama amunine. ³⁰Faro ayepo pinduka pakaci ko ushiku-aye na angamba enji wahe, na akwa Engepita wahe. Shime kwakalile kulila kokukulu mu Engepita, mukonda kokwakalile njiyo omu kwapilile munu okufa.³¹Faro ayepo isha Mushe na Aruni pakaci ko ushiku no kuwaambela ci, ''Mukatuke, mutunde mukaci ka anu ange, amwe na ana Isilaele. Muthze, mukalombele Shinda sha moyo, eci eli namuamba ci yoliyo mufota kukwama. ³²Mushimbe mangu enu no ngombe thzenu, eci eli namuamba, ne muthze, ne name munifiyawethze.'' ³³Akwa Engepita awopo ayakama nene kuwatundisha mu litunga lyo, mukonda kuma ambile ci, ''Twaheno kenge tufa.''³⁴Ne anu awopo ashimba inkwa yo yokukana kupaka mamene. Malonga o nakala ishima aopo angela mu iputu yo no kupaka pa ifuthzi. ³⁵Honi ana Isilaele awopo akwama eci eli awambelile Mushe. Awopo alomba shilivera, gauda no evata. ³⁶Shinda sha moyo ayepo kwama akwa Engepita kukala no shihemo kwa ana Isilaele. Honi akwa Engepita awopo apa ana Isilaele ei nalombo. Omu moliyo, ana Isilaele nanyangela akwa Engepita enu yo.³⁷Akwa Isilaele awopo aenda kutunda ku Ramisese kuthza ku Sukoti. Akwelume shime akumine pa 600,000 kwaenda no maulu, kupakapo na mbuyama na anuke. ³⁸Anu o kulishiya shiya owangi awopo athza no, pofoci no mangu no milaka thzo ngombe, imunanu yoingi. ³⁹Awopo apona makende okupila mamene aa nashimbi kutunda mu Engepita. Kuma napili mamene mukonda kuma natundishiwa mu Engepita ne katweshile kuthzihama ci akwame ilya. ⁴⁰Ana Isilaele kuma akalile mu Engepita myaka thzikuma pa 430.⁴¹Myaka 430 kuthzinapu, mwelyo liyuwa eylo mwene mashwalale a Shinda sha moyo wahe awopo atunda mulitunga lya Engepita. ⁴²Oo ushiku kanalala, ci Shinda sha moyo awatundishe mu Engepita. Ou woliyo ushiku wa Shinda sha moyo ou uloela kukutekiwa ko mikuta thzo Isilaele thzothzihe kokukana kupwa.⁴³Shinda sha moyo ayepo ambela Mushe na Aruni, ''Mulao o Paseka ou: Kwithsa munu oku litunga lyalyo oyu wakulyako. ⁴⁴Unohoni, mupika o mu isilaele yomuhe oyu nauliwa no mali, kenge alyako ou mumana kumutwala ku mukanda.⁴⁵Anu oku matunga ao na angamba anakumuniwa lelo alya shanga shofoci ku ilya. ⁴⁶Ilya ilyeliwe mu njiyo thzofoci. Lelo mwapunisha nyama pola thzo njiyo, kalo lelo mwacola shanga shishoko shofoci shoyo nyama.⁴⁷Anu wahe o Isilaele akuteke ou mukiti. ⁴⁸Ngeci munu oku litunga lyalyo onatungu nenu ne afota kukuteka Paseka kwa Shinda sha moyo, wahe apenji owakwelume atwaliwe ku mukanda. Nehoni atwesha kukeya no kunakwamena Shinda sha moyo paseka. Kenge alipitula na anu anaelekeliwa omu mulitunga. Shanga kengeyo, kwithsa munu oyu nakana kuthza ku mukanda oyu wakulya ku ilya.⁴⁹Ou mulao kenge ulikwathsishiwa kwawa anaelekeliwa mulitumga lyenu na aka matunga ao awa anakeye kunatunga nenu.'' ⁵⁰Ne anu omu Isilaela wahe awopo akwama omu Shinda sha moyo ambelile Musha na Aruni. ⁵¹Elyo liyuwa mwene Shinda sha moyo ayepo tundisha ana Isilaele mu Engepita ko mashwalalela o.

¹Nehoni Shinda sha moyo ayepo amba kwa Mushe, ci, ²''Onitulekele aeli owakwelume wahe, shohsihe shomutatekelo mu lila mukaci ka ana Isilaele, nji munu nji shiyama. Shange.''³Mushe ayepo ambela anu, ''Muvuluke eli liyuwa, eli mwatundile mu Engepita, kutunda mu njiyo thzo upika, mukonda ko lyoko lya Shinda sha moyo lyo likolo onamitundisha omu mu shivaka. Kwithsa ishima ili no mamene ei yakuliwa. ⁴Mwatunda mu Engepita mu liyuwa lyolelo, mu ngonda thzo Avivi. ⁵Shinda sha moyo ou akumileta mu litunga lya aka Kanana, aka Hiti, aka Amori, aka Hivi, na aka Jebusi, litunga eli aliethzile kwa akwathsan'ulu enu ci kenge alimipa, litunga linayala mahwe no oki- nehoni mukwame eshi shilombelo omu mu ngonda ethzi.⁶Pa mayuwa mutanu na eli mulye ishima yokupila mamane; pa liyuwa lyo mushitanu na eli kenge kukala mukiti o kukuteka Shinda sha moyo. ⁷Ishima yokupila mamene kenge iliwa mu mayuwa mutanu na eli oahe; Isima ili no mamene lelo yamoniwa mukaci kenu. Mamene lelo amoniwa kukwenu mu litunga lyenu lyolihe.⁸Apo pa liyuwa elyo muambele anenu ci, 'Nakwama ei mukonda wei akwamine Shinda sha moyo kukwange apa natundile mu Engepita.' ⁹Eshi kenge shipiluka sho kukuvulukisha pa lyoko lyoe neshi sho kukuvulukisha pa lupala loe. Eshi shili kengeya ci mulao wa Shimnda sha moyo ukale mu kanwa koe, mukonda ko lyoko lyolikolo Shinda sha moyo onakutundisha mu Engepita. ¹⁰Honine omamele ou mulao pa shikati shiloela mwaka no mwaka.¹¹Shinda sha moyo apa akukuleta mu litunga lya aka Kanana, eci eli aliethzile kukwenu noku kwa akwathsan'ulu enu, napa akupa eli litunga, ¹²otulekele Shinda sha moyo shomutatekelo mu lila no lila. Aeli o iyama onamunu owakwelume, kenge ipiluka ya Shinda sha moyo. ¹³Yomuhe mweli o kakambe omushwanishe no mwana ngu. Ngeci kokakulela, nehoni okacole thsingo. Unone aeli a anoe owakwelume wahe awape(owakule) kwa Shinda sha moyo.¹⁴Kuposho mwanoe apa akuipila, 'Eshi shatongola ine?' Nehoni wakumutongwele ci,Shinda sha moyo kuma atutundishile mu Engepita ko lyoko lyolikolo, kutunda munjiyo thzo upika. ¹⁵Faro apa akanine kututawethza ci tuthze, Shinda sha moyo ayepo paa aeli wahe mu Engepita, aeli a anu no aeli o iyama wahe. Sholiyo nikwamena shitavelo kwa Shinda sha moyo shoshihe shomutatekelo mu lila, unone aeli ange owakwelume nawapa(nawakula) kwa Shinda sha moyo.' ¹⁶Eshi kenge shipiluka sho kukuvulukisha pa lyoko lyoe, neshi sho kukuvulukisha pa lupala loe, mukonda Shinda sha moyo kuma atutundishile mu Engepita ko lyoko lyolikolo.''¹⁷Faro apa atawethzile anu ci athze, Nyambi kawapitishile likun'wa lyo litunga lya aka Filisita, shanga ci neli pepi. Mukonda Nyambi kuma ambile ci, ''Nahimi anu kenge apiluka maayalo ou akamona mvo no kuhuka ku Engepita.'' ¹⁸Ne Nyambi ayepo wapitisha likunwa likondoloka eli lipita mu mumbulwa kukutu ku likulu lwale lyo likihu. Ana Isilaele awopo atunda mu Engepita kwanashimbi ilwisho yo.¹⁹Mushe ayepo shimba ishoko ya Josefa, mukonda Josefa kuma aliethzile kwa ana Isilaele owakwalume ci, ''Nyambi kenge amitundisha mu ukalu, ne mwakushimbe ishoko yange apa muthza.'' ²⁰Ana Isilaele awopo aenda kutunda ku Sukoti no kukakwama shilombo ku Etami kuhula thzo mumbulwa kukutu. ²¹Shinda sha moyo kuma awaendile posho mutanya ko shithsini sho livui kuwamonisha likun'wa. Ushiku ko shithsini sho mulilo kuwapa liyeye. Omu moliyo aendelangile mutanya no ushiku. ²²Shinda sha moyo kanatundisha kwa anu shithsini sho linuvi mutanya nji kutundisha shithsini sho mulilo ushiku.

¹Nehoni Shinda sha moyo ayepo amba kwa Mushe , kuamba ci, ²''Oambele ana Isilaele ci apiluke nakale paposho thza Pi Hahiroti, mukaci ko Migidoli no likulu lwale, paposho thza Baale Zephoni. Namukale pa likulu lwale kulihata no Pi Hahiroti. ³Faro kenge amba kwa ana Isilaele, 'Anengena mu ukalu omu mu litunga. Mumbulwa kukutu unawathziki.'⁴Kenge nakukolopisha mucima wa Faro, ne kenge awashupwela. Kenge nakulemekiwa mukonda wa Faro no mashwalalel enji owahe. Akwa Engepita kenge alimuka ci yame Shinda sha moyo.'' Nehoni ana Isilaele awopo akala eci eli natongweliwa. ⁵Fumu omu Engepita ou ayuvile eci ana Isilaele anomboloka, maayalo a Faro no apikenji aopo aalukela anu. Awopo aamba, ''Ine tunakwama? Tunatawethza Isilaele kushiya kutukwamena.''⁶Nehoni Faro ayepo loisha makoloi enji no kushimba mashwalale enji. ⁷Ayepo shimba makoloi o mvo aa anahanguliwa okukuma pa mutanu o ita no shita shofoci(600) no makoloi amweya oahe omu Engepita, no mashwalale mo. ⁸Shinda sha moyo ayepo kolopisha mucima wa Faro, fumu o mu Engepita, ne fumu ayepo shupwela ana Isilaele. Honi ana Isilaele kuma athzile anu kwanatanekela. ⁹Unone akwa Engepita awopo awashupwela, pofoci no tukambe twenji totuhe no makoloi oahe, akakuthzina pa tukambe wahe, no mashwalale enji wahe. Awopo aana ana Isilaele kwanakala ku likulu lwale kunyonga no Pi Hahiroti, paposho thza Baale Zefoni.¹⁰Faro apa ahenyenine, ana Isilaele awopo amumona ne kuma akomokile. Akwa Engepita kuma awashupwelile munyima, ne kuma ayapile nene. Ana Isilaele awopo alile kwa Shinda sha moyo. ¹¹Awopo aamba kwa Mushe, ''Ei ne kanakukala malalo mu Engepita, ou onatulete ci natufele mu mumbulwa kukutu? Ine onatukwamena kengeya, kututundisha mu Engepita? ¹²Kali yoliyo twakutongwelile mu Engepita ei? Kuma twakutongwelile ci, 'Otushiye tukwamene akwa Engepita.' Naho kukwamena akwa Engepita kupita kunafela muno mu mumbulwa kukutu.''¹³Mushe ayepo ambela mbunga, ''Lelo mwayapa. Muimane kengeyo mumone omu amiyoyishela Sinda sha moyo lelo. Mukonda awa akwa Engepita mumona lelo kamwakuwamona kalo. ¹⁴Shinda sha moyo kenge amilwela, ne kange mwakuimana pohuma.''¹⁵Nehoni Shinda sha moyo ayepo amba kwa Mushe, ''Ine, Mushe, ei okwatelela kuniisha? Oambele ana Isilaele athze posho. ¹⁶Oimeke mulamu woye muwilu, oufule pa likulu lwale lili tepe lwili, ci ana Isilaele aende mo mukukuta. ¹⁷Mulimuke ci kenge nikolopisha micima thzaka Engepita ne kenge awashupwela. Kenge nakulemekiwa mukonda wa Faro no mashwalale enji wahe, makoloi enji, na akakuthzina tukambe enji. ¹⁸Nehoni akwa Engepita kenge akulimuka ci yame Shinda sha moyo apa nilemekiwa mukonda wa Faro, makoloi enji, na akakuthzina tukambe enji.''¹⁹Lingeloi eli naliende kuposho thzo shilombo sha ana Isilaele, alyopo lithza munyima thzo. Livui alyopo litunda kuposho thzo no kuthza kukaimana kunyima thzo. ²⁰Livui alyopo likeya kunemana mukaci ko shilomba sha akwa Engepita no shilombo sha ana Isilaele. Neli livui lyo milema kwa akwa Engepita, unone kwa ana Isilaele kuma naliwamunyekela ushiku, nehoni kwisa awa nahenyena kwa angenjo oshiku ouhe.²¹Mushe ayepo ololela lyoko lyenji peulu thzo likulu lwale. Shinda sha moyo ayepo henyisha likulu lwale munyima ko mupepo oukolo nene ou utunda ku muveyuwa ou wapepile oushiku ouhe no kukutisha likulu lwale. Ne meyu aopo alitepa pakaci. ²²Ana Isilaele awopo aenda mukaci ko likulu lwale pa muve oukukutu. Meyu aopo aliumba lipimpo ku lyoko lyo shilyo no ku lyoko lyo shimoho.²³Akwa Engepita awopo awashupwela. Awopo akeya munyima thzo kukengena pakaci ko likulu lwale- tukambe twa Faro totuhe, no makoloi, na aka kuthzina tukambe. ²⁴Unone mu luula, Shinda sha moyo ayepo tanake pashi ku mashwalale akwa Engepita kuli mulivui lyo mulilo. Ayepo anjipisha mashwalale akwa Engepita. ²⁵Makoloi o aopo athsokauka mawili, kalo aka kuthzina tukambe aopo aendisha tukambe to ko ukalu. Nehoni akwa Engepita awopo aamba, ''Tutundenu kwa ana Isilaele, mukonda Shinda sha moyo awaimanena kutulwisha.²⁶Shinda sha moyo ayepo ambela Mushe, ''Oololele lyoko lyoe peulu thzo likulu lwale eci meyu ahukele peulu thza akwa Engepita, makoloi o, na aka kuthzina tukambe.'' ²⁷Nehoni Mushe ayepo ololela lyoko lyenji peulu thzo likulu lwale, ne mashikushiku apa akumine alyopo lihukela omu linakalelanga. Akwa Engepita awopo achilela mu likulu lwale, ne Shinda sha moyo ayepo watwala pakaci kalyo. ²⁸Meyu aopo ahuka no kunathsika makoloi a Faro, aka kuthzina tukambe, no mashwalale enji wahe awa ashupwelile makoloi mu likulu lwale. Kwithsa oyu wayoyile.²⁹Unohoni, ana Isilaele awopo kuma aendile popakukutu pakaci ko likulu lwale. Meyu kuma aliumbile lipimpo ku lyoko lyo lyo shilyo no ku lyoko lyo lyo shimoho. ³⁰Ne Shinda sha moyo kuma aamwenine ana Isilaele mu mooko akwa Engepita omo mu liyuwa elyo, ne Isilaele ayepo mona ivimbi ya akwa Engepita pa liya lyo likulu lwale. ³¹Isilaele apa amonine okolo oukulu nene ou alikwathsishile shinda sha moyo kwaka Engepita, anu awopo ayapa shinda sha moyo, ne awopo akulupela Shinda sha moyo no mupikenji Mushe.

¹Nehoni Mushe na ana Isilaele awopo aimba eli limbo kuimbela Shinda sha moyo. Awopo aimba ci, ''Kenge nakuimbela Shinda sha moyo, mukonda onamanisha ko ufumu; kakambe noyu nakathzini onawakonjela mu likulu lwale.²Shinda sha moyo yoliyo okolo wange no limbo, kalo onapiluka muyoyishi wange. Oyu yoliyo Nyambi wange, ne kenge nimushangala, Nyambi wa tata, kalo kenge nimulemeka. ³Shinda sha moyo mundume; Shinda sha moyo lyoliyo lithzina lyenji.⁴Onakonjela makoloi a Faro no mashwalale enji mu likulu lwale. Aendishi awa nahangula Faro analowethziwa mu likulu lwale. ⁵Man'ithsingi anawathsiki; Anathzela mu uthzungi eci liwe.⁶Lyoko lyoye lyo shilyo, Shinda sha moyo, lyashangaliwa mu ukolo; Lyoko lyoye lyo shilyo, Shinda sha moyo, linepisha shitothzi. ⁷Mu ukulu wo ufumu woye onatwesha awa nakupilukela. Onatumu uanji woye, unawatumeka eci itendeci. ⁸Ko kupuya mu mayulu oye meyu aopo aliwana kukwama lipimpo; meyu apupa aopo aimana mu lipimpo; meyu oathzungi aopo akala mu mucima o likulu lwale.⁹Shitothzi ashopo shiamba, 'Kenge nishupwela, kenge niwawana, kenge niliela lufumo lo; eshi nifota kukwo kenge shikwamahala; kenge nishimba mwele wange, lyoko lyange kenge liwaipisha.' ¹⁰Unone owepo pepisha mupepo woye, ne likulu lwale alyopo liwathsika; awopo athzela eci loto mu meyu oathzungi. ¹¹Elye lipitula noe, Shimnda sha moyo, mukaci ka athzimu? Elye lipila noe, mu kukena, mu kulemekiwa ko kushangaliwa, mu kukwama imonisha?¹²Kuma noolola lyoko lyoye lyo shilyo, ne kaye akopo kwamina. Mu shihemo shoye onaendisha anu awa onayoyisha. ¹³Mu ukolo woye onawalete ku shibaka shoye sho kukena.¹⁴Mungi wa anu kenge ayuva, ne kenge atutuma, kulishoshomwa kenge kukeyela awa anatungu mu Filisita. ¹⁵Nehoni mafumu omu Edomo kenge ayapa; mashwalale a Moabi kenge atutuma; wahe awa anatungu mu kanana kenge aleya micima.¹⁶Kulishoshomwa no wowa kenge yakuwawela. Mukonda wo ukolo o lyoko lyoye, kenge atutwala eci liwe kukumena apa akupitela anu oye, Shinda sha moyo- kukumena apa akupitela anu awa onaamwena.¹⁷Kenge wakuwaleta no kuwakuna pa mukinya o kushwana koye, shivaka, Shinda sha moyo, eshi onakwama ci okale mo, shivaka sho kukene nene, Fumu wetu, esho anakwama moko oe. ¹⁸Shinda sha moyo kenge akuvuthsa kokukana kupwa.''¹⁹Mukonda tukambe twa Faro tunathzi no makoloi enji na aka kuthzina tukambe enji mu likulu lwale. Shinda sha moyo nahushela meyu o mu likulu lwale peulu thzo. Unone ana Isilaele awo anaende mo mukukutu mukaci ko likulu lwale. ²⁰Miriame mupolofita o mbuyama, ndumbu thza Aroni, ayepo shimba kangomaana, ne ambuyama wahe awopo amushupwela kwanashimbi tungomaana, kuthza no kukina nenji. ²¹Miriame ayepo waimbela, ''Muimbele Shinda sha moyo, mukonda onatwesha ko ufumu. Kakambe no muka kukathzina onawakonjela mu likulu lwale.''²²Nehoni Mushe ayepo endisha ana Isilaele kutunda ku likulu lwale lyo likihi. Awopo athza mu mumbulwa kukutu wa Shuri. Awopo aenda mayuwa ahatu mu mumbulwa kukutu kwithsa kuwana meyu. ²³Nehoni awopo akuma ku Mara, unone kuma akwangile kunwa meyu ku Mara mukonda meyu kuma alulile. Ne awopo ata esho shivaka ci Mara.²⁴Ne mbunga awopo avilaela kwa Mushe no kuamba ci, ''Kenge tunwa ine?'' ²⁵Mushe ayepo kuwelela kwa Shinda sha moyo, ne Shinda sha moyo ayepo mumonisha shitondo. Mushe ayepo shikonjela mu meyu ne meyu aopo atowala kuanwa. Oko koliyo Shinda sha moyo awapelelile mulao oukolo, kalo oko koliyo awaelekelile. ²⁶Ayepo amba ci. ''Apa oteelela nawanwa ku liywi lya Shinda sha moyo Nyambi oe, no kukwama ei inaloo mu meho enji, no kuteelela nawa kwei atuminina no kumamela milao thzenji thzothzihe- kanakukuletela mawethzi aa naletelile akwa Engepita, mukonda yame Shinda sha moyo oyu kupolisha.''²⁷Nehoni mbunga athopo thzikuma ku Elimi, oku kwakalile maweluwelu o meyu likumi na eli no itondo yo nthzalu makumi mutanu na eli. Awopo akwama shilombo kumbali o meyu.

¹Anu awopo aenda kutunda ku Elimi, ne ana Isilaele wahe awopo akuma mu mumbulwa kukutu wa Sini, ou uli pakaci ko Elimi no Sinai, mu liyuwa lyo ulikumi no mayuwa mutanu(15) mu ngonda thzo mushili munyima thzo muendo wo kutunda ku litunga lyo Engepita. ²Ana Isilaele wahe awopo avilaela kwa Mushe na Aruni mu mumbulwa kukutu. ³Ana Isilaele awopo amba kukwo, ''Nga kuma natufu pohuma ko lyoko lya Shinda sha moyo mu litunga lyo Engepita okutunalikalela kumbali thzo tunyungu to nyama okutulya Ishima kuikuta. Mukonda munatutundishako kutuleta mono mu mumbulwa kukutu ci mutupaishe njala twahe.''⁴Nehoni Shinda sha moyo ayepo amba kwa Mushe, ''Kenge nimilokishela ishima kutundelela kuwilu. Anu kenge apuna pola kuthza kukoya eshi shikwana mu liyuwa mayuwa oahe ci niwaeleke nimone nji kenge aenda mu mulao wange nji kaende mo. ⁵Kenge kukalanga ci mu liyuwa lyo mushitanu no liyuwa lyofoci(6), akuoyange mioyelo thzili ethzi thzikuma pa muoyelo o liyuwa no liyuwa, ne kenge apondanga eshi analeta.''⁶Nehoni Mushe na Aruni awopo ambela ana Isilaele, ''Mushikati sho lungulo kenge mulimuka ci Shinda sha moyo yoliyo namileta kutunda mu litunga lya Engepita. ⁷Mu shikati sho mashikushiku kenge mumona kutethzima kwa Shinda sha moyo, mukonda onayuvu maambo o kuvilaela kwenu kukwenji. Yatwe twalye ci muvilaele kukwetu? ⁸Mushe kalo ayepo amba, ''Kenge mulimuka Shinda sha moyo apa amipa nyama mu shikati sho lungulo no ishima mu shikati sho mashikushiku ci mulye kuikuta- mukonda onayuva maambo munavilaela kukwenji. Ame na Aruni ne yatwe alye? Maambo enu kavilaela kukwetu; avilaela kwa Shinda sha moyo.''⁹Mushe ayepo amba kwa Aruni, ''Otongwele ana Isilaele wahe ci, 'Muhenyene paposha thza Shinda sha moyo, mukonda onayuvu maambo o kuvilaela kwenu.''' ¹⁰Akopo kukwamahala ci, Aruni apa ambile kwa ana Isilaela wahe, awopo atanekela ku mumbulwa kukutu, ne, mumone, kutethzima kwa Shinda sha moyo akopo kumonahala mu livui. ¹¹Nehoni Shinda sha moyo ayepo amba kwa Mushe, kuamba ci, ¹²''Ninayuvu maambo o kuvilaela kwa ana Isilaele. Oambe kukwo ci, 'Ku lungulo kenge mulya nyama, ne ku mashikushiku kenge muikuta ishima. Nehoni kenge mulimuka ci yame Shinda sha moyo Nyambi wenu.'''¹³Mu shikati sho lungulo makwakwa aopo akeya kunayala shilombo shoshihe. Mashikushiku mume awopo uwa kuthzinguluka shilombo. ¹⁴Mume apa naukukuta peulu thzo lyanda lyo mumbulwa kukutu akopo kumonahala enu yoikenu eci kawawe. ¹⁵Ana Isilaele apa aimonine, awopo amba ku munu na mungenjenji, ''Ine ei?'' Kalimukile ci ine. Mushe ayepo amba kukwo, ''Yoliyo ishima anamipa Shinda sha moyo ci mulye.¹⁶Oku koliyo kutuminina anapa Shinda sha moyo: 'Munu no munu, auye, ei atwesha kulya, kuuya omere pa munu no munu kuthza apa akuma anu. Omu muliyo mwakuuyela: Muuye yoingi ei ikwana munu yomuhe oyu nakalanga tende thzenu.''' ¹⁷Ana Isilaele awopo akwama kengeyo. Wamweya awopo auya yoingi, wamweya awopo auya yoionye. ¹⁸Apa aipimine mu omera, awo auyile yoingi kwithsa ei yashiyalile po, ne awo auyile yoionye kayalamine. Munu no munu kuma auyile kuthza omu analyelanga.¹⁹Nehoni Mushe ayepo amba kukwo, ''Kukwenu kupile munu shanga yofoci uyo tulekela peunja.'' ²⁰Uno honi kayuvile Mushe. Wamweya kukwo awopo ashiya imweya kutulekela peunja, unone ayopo ininga mavinyo no kunuka kuola. Nehoni Mushe ayepo waanjipela. ²¹Kuma aiuyangile mashikushiku no mashikushiku. Munu no munu kuma auyangile yokukwana kulya mu liyuwa. Liyuwa apa lipya pohuma yanyongoloka.²²Mu liyuwa lyomusitanu na lyofoci(6) awopo auya ishima yoingi, mana eli pa munu no munu. Aka kuendisha anu wahe awopo akeya kwa Mushe kunamutongwela. ²³Ayepo waambela ci, ''Eshi sholiyo anaamba Shinda sha moyo: 'Peunja liyuwa lyo kulitulumwisha, lyo Savata thzo kukena lya Shinda sha moyo. Mupone ei mufota kupona, kalo muteleke ei mufota kuteleke. Yoihe ei ishiyalapo, muitulekele peunja mashikushiku.'''²⁴Awopo atuleka kukakuma mashikishiku, eci eli awatongwelile Mushe. Kayan'ukile kuola, nji kuninga mavinyo. ²⁵Mushe ayepo amba, ''Mulye eyo ilya lelo, Mukonda liyuwa lyolelo lya Savata thza Shinda sha moyo. Lelo kamukaiwana mu muilwa.²⁶Kenge muuya mu mayuwa mutanu na lyofoci(6) unone muliyuwa lyomushitanu no mayuwa eli lya Savata. ²⁷Lyo Savata kakwakukala mana.'' Lyo Savata apa lyakumine anu wamweya awopo athza ku kauya mana, unone kakawanine.²⁸Nehoni Shinda sha moyo ayepo amba kwa Mushe, ''Kenge kupita shikati shikuma papi kumukana kutuleka ituminino yange no milao thzange? ²⁹Mumone, Shinda sha moyo onamipa Savata. Ne pa liyuwa lyo mushitanu na lyofoci(6) amipa ishima yo mayuwa eli. Munu no munu kukwenu akale mushivaka shenji; lelo kwawaniwa munu oyu tunda mushivaka shenji mu liyuwa lyo Savata.'' ³⁰Ne anu awopo alitulumwisha pa liyuwa lyomushitanu na eli(7).³¹Ana Isilaele awopo ata eyo ilya lithzina lyo ''manna.'' Neli ikenu eci nona thzo koriada, utowi wayo eci likende lyo kuvandakana no oki. ³²Mushe ayepo amba, ''Eshi sholiyo anatumina Shinda sha moyo: 'Mutuleke omere thzo manna mweshi shikuta ci ekulyenu akumone ishima ei nanimilelisha nayo mu mumbulwa kukutu, apa namitundishile mulitunga lya Engepita.³³Mushe ayepo ambela Aruni, ''Oshimbe kanyungu omwele mo omere thzo manna. Othzipake pa posho thza Shinda sha moyo ci shitulekiwe muikuta yoihe.'' ³⁴Eci omu Shinda sha moyo natumina Mushe, Aruni ayepo thzituleka kumbali thzo aleka thzo upaki. ³⁵Ana Isilaele alile manna mu myaka makumi ane kukakumena apo akakumenine ku litunga akatungile. Kuma alile mnna kukuma apa akumenine ku museto wa Kanana. ³⁶Omere neli shipinthzi sho ulikumi kuyala efa(1/10).

¹Mbunga thzothzihe thza ana Isilaele awopo atunda mu mumbulwa kukutu wa sinai, kuthza komu awatumenine Shinda sha moyo. Awopo aka kala mu Refidemi, unone anu kawanine meyu o kunwa. ²Anu awopo athzekisha Mushe mukonda o kupila meyu ne awopo aamba, ''Otupe meyu tunwe.'' Mushe ayepo amba, ''Ine munilwishela? Ine muelekela Shinda sha moyo?'' ³Anu kuma afile nene linotwa ne awopo avilaele kwa Mushe. Awopo aamba, ''Ine notutundishela mu Engepita? Kunatupaa atwe na anetu no emunanu yetu ku linotwa?''⁴Nehoni Mushe ayepo lomba kwa Shinda sha moyo, ''Awa anu niwakwame ngepi? Afota kunipovaula no mawe.'' ⁵Shinda sha moyo ayepo amba kwa Mushe, ''Othze ku posho thza anu, ne othze na akulu o ana Isilaele. Oshimbe mulamu ou wafulishile pa lyawa ne othze. ⁶Kenge niimana ku posho thzoe kuya ku liwe lyo ku Horebe, ne kenge ofula pa liwe. Meyu kenge atunda kukwalyo ci anu anwe.'' Nehoni Mushe ayepo kwama kengeyo akulu o ana Isilaele kwanatanekela. ⁷Esho shivaka ayepo shita lithzina lyo Masa no Meriba (kueleka no kuthzeka) mukonda ana Isilaele kuma alwile ne mukonda kalo kuma aelekile Shinda sha moyo ko kuamba ci, ''Ci Shinda shamoyo mwali mukaci ketu nji wahi mo?⁸Nehoni mashwalale o Amaleke awopo akeya kunalwisha ana Isilaele ku Rafidimi. ⁹Honi Mushe ayepo ambela Joshuwa, ''Ohangule akwaelume ne othze. Okalwe no Amaleke. peunja kenge niimana peulu thzo mukinya no mulamu wa Shinda sha moyo mu lyoko lyange.'' ¹⁰Honi Joshuwa ayepo lwisha Amaleke eci omu atumenine Mushe, ne Mushe, Aruni, no Huri awopo akanduka kuthza peulu thzo mukinya.¹¹Mushe kunemeka moko enji muwilu, ana Isilaele pohuma atwesha angenjo; apa atulumwisha moko enji, Amaleke pohuma atateka kutwesha ana Isilaele. ¹²Moko a Mushe apa aoyelile, Aruni na Huri awopo ashimba mawe kumupakela mushi ci akongomane po. Omo mushikati esho Aruni na Huri pohuma akwatelela moko enji ku aimeka muwilu, oyu oku oyu oku. Ne moko a Mushe kuma aakwatelelile kengeyo shime apa lyakatokelile liyuwa. ¹³Honi Joshuwa ayepo twesha Ameleke no anu enji ko mwele.¹⁴Shinda sha moyo ayepo amba, '' Ei enu oiñole mu buka ne oitalele Joshuwa ayuve, mukonda kenge nakumanenena Ameleki ci lelo avulukiwa mushi thzo liwilu.'' ¹⁵Nehoni Mushe ayepo umba aletre ne ayepo thzita lithzina lyo ''Shinda sha moyo yoliyo ndembela thzange.'' ¹⁶Ayepo amba, ''Mukonda lyoko kuma naliimekeliwa ku shipula sho ufumu sha Shinda sha moyo- ci Shinda sha moyo kenge akala no mvo na Ameleki ko kukana kupwa.

¹Jetero, mupulisita oku Midiani, hemweya Mushe, ayepo yuva yoihe ei Nyambi anakwamena Mushe na anu enji ana Isilaele. Ayepo yuva ci Shinda sha moyo onatundisha ana Isilaele mu Engepita. ²Jetero, hemwenya Mushe, ayepo shimba Zipora, munu wa Mushe, munyima thzo kumuhusha ku lyumbo, ³na anenji eli owakwelume; lithzina lya yumweya neli Gerishomi, mukonda Mushe kuma aambile ci, ''No munu wao mu litunga lyene.'' ⁴Lithzina lya yumweya neli Eliezere, mukonda Mushe kuma aambile ci, ''Nyambi wakathsañulu ange yoliyo okwathsi wange. Onaniamwena ku mwele wa Faro.''⁵Jetero, hemwenya Mushe, ayepo keya na ana Mushe na munu wenji kwa Mushe mu mumbulwa kukutu oku nakala ku mukinya wa Nyambi. ⁶Ayepo amba kwa Mushe, ''Ame, hemweyoe Jetero, nakeya kukwoe na munu woe na anenji eli.''⁷Mushe ayepo thza kukaliwana na hemwenyenji, ayepo kinyama, ne ayepo mucuveta. Awopo aliipaula yo omu ayoyela nehoni awopo aingena mu tende. ⁸Mushe ayepo tongwela hemwenyenji enu yoihe ei anakwama Shinda sha moyo kwa Faro noku kwa akwa Engepita mukonda wa ana Isilaele, yo ukalu wouhe ou nauwakeyela kwali mulikuñuwa, nomu anawamwena Shinda sha moyo kowo ukalu.⁹Jetero ayepo nyanyuka ku enu yoihe yoiwa ei Shinda sha moyo nakwamena ana Isilaele, mukonda onawaamwena ku lyoko lyakwa Engepita. ¹⁰Jetero ayepo amba, ''Shinda sha moyo ashangaliwe, mukonda onamiamwena ku lyoko lya akwa Engepita no ku lyoko lya Faro, ne onamiyoyisha ku lyoko lyakwa Engepita. ¹¹Honi ninalimuka ci Shinda sha moyo mukulu kupita athzimu wahe, mukonda akwa Engepita apa namyandisha ana Isilaele, Nyambi anaamwena anu enji.''¹²Jetero, hemwenya Mushe , ayepo leta shitavelo sho kutumeka no itavelo kwa Nyambi. Aruni na akulu wahe o ana Isilaele awopo akeya kunalya ilya pa meho a Nyambi no hemwenyana Mushe.¹³Liyuwa lyahatile ko Mushe ayepo kala pashi kuatula anu. Anu awopo aimana kwana mupaka mukaci kutateka mashikushiku kukakuma lungulo. ¹⁴Hemwenya Mushe apa amonine yoihe ei akwamenine anu, ayepo aamba, ''Ine ei okwama na anu? Ine ei onakongomanena ofoci ne anu wahe anemana pa posho thzoe kutunda mashikushiku kukakuma lungulu?''¹⁵Mushe ayepo aamba kwa hemwenyenji, ''Anu akeya kukwange kunaipula omu afotela Nyambi. ¹⁶Ngeci ali no iamba, akeya kukwange. Na atula mukaci ka munu na mungenjenji, ne nawafundisha ituminino no milao thza Nyambi.''¹⁷Hemwenya Mushe ayepo amba kukwenji, ''Ei okwama kailoile. ¹⁸Kenge muaya shemwa, owe na anu awa ali noe. Eshi shikwama shikulu nene ci oshikwame. Kotwesha kushikwama ofoci. ¹⁹Oniteelele. Nikutongwele mokukwamena, ne Nyambi kenge akala noe, mukonda yowe muka kuimanena anu kwa Nyambi, ne yowe leta iamba yo kukwenji. ²⁰Owafundishe ituminino no milao thzenji. Owamonishe likuñwa omu aloela kuenda no shikwama eshi aloela kukwama.²¹Kutundapo kalo, ohangule akwelume awa owakolo kutunda kwa anu wahe, akwelume awa alemeka Nyambi, akwelume awa aimanena yo shomwe awa anathzimbi yoimango. Owapake peulu thza anu, apiluke aka kuendisha anu owangi. ²²Kenge atula anu mu iamba ikalangako yoihe, unone iamba yoikalu kenge ailetanga kokwoe. Eci iamba yoshoonye yoihe, eyo atwesha kuiatula woliyo. Omo mulikuñwa elyo shikwama kenge shikuotopela, ne kenge alikwatisha shikwama noe. ²³Ngeci okwame kengeyo, kalo ngeci Nyambe akutumena kukwama kengeyo, kenge kutanala, ne anu wahe kenge atwesha kuhuka ku manjiyo oo kwanaliyala.''²⁴Ne Mushe ayepo teelela ku maywi a hemwenyenji ne ayepo kwama yoihe ei ambile. ²⁵Mushe ayepo hangula akwelume owakolo kwa ana Isilaele wahe ne ayepo wakwama aka kuendisha anu, akauendisha anu owangi. ²⁶Awpo aatula anu mu iamba yoyoto. Iamba yoikalu awopo aileta kwa Mushe, unone awopo aatula iamba yoionye yoihe. ²⁷Nehoni Mushe ayepo shiya hemwenyenji ci athze, ne Jetero ayepo huka ku litunga lyenji.

¹Mu ngonda thzo mushihatu kutunda apa atundelile ana Isilaele mu litunga lya engepita, omo mu liyuwa elyo, awopo akeya ku mumbulwa kukutu wa Sinai. ²Munyima thzo kutunda ku Refidimi, awopo akala mu mumbulwa kukutu posho hzo mukinya.³Mushe ayepo katunduka kwa Nyambi. Shinda sha moyo ayepo muisha kutundelela pa mukinya no kuamba ci, ''Otongwele njiyo thza Jakobo, awo ana Isilaele: ⁴Munamono eshi nanikwama akwa Engepita, omu nanimishimbela pa mando o ngonga no kumileta kukwange. ⁵Nehoni, ngeci shemwa kenge muteelela liywi lyange no kumamela milao thzange, nehoni kenge mupiluka anu ange oawa mukaci ko anu wahe, mukonda kaye kokahe kange. ⁶Kenge mupiluka shikuña sha apulisita no anu o kukena kukwange. Aa oliyo maywi okaamba kwa ana Isilaele.''⁷Honi Mushe ayepo akeya no kunaisha akulu a anu wahe. Ayepo watongwela oahe maywi aa namutumena Shinda sha moyo. ⁸Anu wahe awopo atawa no kuamba ci, ''Kenge tukwama enu yoihe ei anaamba Shinda sha moyo.'' Nehoni Mushe ayepo keya kunatongola maywi a anu kwa Shinda sha moyo. ⁹Shinda sha moyo ayepo ambela Mushe, ''Kenge nikeya kukoe mu livui lyo likulu ci anu ayuve apa niamba noe ne kalo aatawe kukoe shikati shohsihe.'' Nehoni Mushe ayepo tongwela Shinda sha moyo maywi aa anu.¹⁰Shinda sha moyo ayepo amba kwa Mushe, ''Othze kwa anu. Lelo no peunja owanikenishele, ne ahupe evata yo. ¹¹Oliloishele pa liyuwa lyo mushihatu, mukonda pa liyuwa lyo mushihatu Shinda sha moyo kenge aulumuka pa mukinya wa Sinai.¹²Okwamene anu maenja kuthzingulukisha mukinya. Owaambele ci, 'Mumaemele ci lelo mwakatunduka pa mukinya nji kukwata pa maenja awo. Munu yomuhe oyu kwata mukinya yoshemwa kenge apaiwa.' ¹³Kwithsa lyoko lyo munu eli limukwata. Ambene, apovauliwe no mawe nji apaiwe no ota. Shanga ci shiyama nji munu, kakuyoya. Tolombita apa thziamba, akeye ku mukinya.''¹⁴Nehoni Mushe ayepo ulumuka kutunda pa mukinya kuthza kwa anu. Ayepo kenisha anu kuwanishela Shinda sha moyo kalo ne awopo ahupa evata yo. ¹⁵Ayepo ambela anu ci, ''Pa liyuwa lyo mushihatu; muliloeishe; lelo mwahenyena kwa anu enu.''¹⁶Pa liyuwa lyo mushihatu, shikati sho mashikushiku, kuma kwakalile mishika myethso no livui lyo likulu pa mukinya, no liywi lyo likulu lyo linyia lyo lingu lyo shokwelume. Anu wahe mu shilomno awopo atutuma. ¹⁷Mushe ayepo tundisha anu mu shilombo kuthza kukaliwana na Nyambi, ne awopo aimana kumbali thzo mukinya. ¹⁸Mukinya wa Sinai ouhe awopo uthsima mushi mukonda Shinda sha moyo kuma naulumukela po mu mulilo no mushi. Mushi awopo uthza muwilu eci mushi opa liyala, ne mukinya ouhe awopo unyanganya nene.¹⁹Liywi lyo linyia lyo lingu lyo shokwelume apa nalikulu nene, Mushe ayepo amba, ne Nyambi ayepo mutawa no liywi liyuvahala. ²⁰Shinda sha moyo ayepo ulumuka pa mukinya wa Sinai, peulu thzo mukinya, ne ayepo isha Mushe peulu thzo mukinya. Honi Mushe ayepo katunduka. ²¹Shinda sha moyo ayepo amba kwa Mushe, ''Oulumuke okatongwele anu; lelo ayukula kwa Shinda sha moyo ci namone, ne owangi kuko kenge afa. ²²Nawo Apulisita awa ahenyena kukwange alikenishe- aliloishele kukeya kwange- ci lelo nawapaa.''²³Mushe ayepo amba kwa Shinda sha moyo, ''Anu katwesha kukanduka pa mukinya wa Sinai, mukonda owe kuma watutumenine ci, ''Mukwane maenja kuthzingulukisha mukinya ne muakenishele Shinda sha moyo.''' ²⁴Shinda sha moyo ayepo amba kukwenji, ''Ouluke okashimbe Aruni okakeye nenji, unone apulisita na anu lelo ayukula kwa Shinda sha moyo, kenge awapaa.'' ²⁵Honi Mushe ayepo ulumuka kukawaambela.

¹Nyambi ayepo amba oahe aa maywi: ²''Yame Shinda sha moyo Nyambi woe, oyu nakutundisha mu litunga lya Engepita, mu njiyo thzo upika. ³Lelo wakala na a nyambi ao pa lupala lwange.⁴Lelo walikwamena shinu sho kuyuwa njii shinu sho kulipitula shinu shipi nji shipi sho muwilu kuwilu, nji sho pakaye mushi, nji sho mu meyu kushi. ⁵Lelo waitongamena nji kuilombela, mukonda ame Shinda sha moyo Nyambi woe, no Nyambi o lifupa. Nafulela ana omango wa ashemi o ko kupa kashitiko kwa ano, kutwala ku shikuta sho uhatu no shikuta sho une showa ananithzimbi. ⁶Unone namonisha shihemo ku ita na ita yawa anihima no kumamela milao thznge.⁷Lelo wapepisha lithzina lya Shinda sha moyo Nyambi woe, mukonda kana kuhamula mulandu wo munu uyo pepisha lithzina lyange.⁸Obuluke liyuwa lyo Sabata, olikwame lyo kukena. ⁹Okwame akwama yoe yoihe mu mayuwa mutanu na lyofoci(6). ¹⁰Unone liyuwa lyo musitanu na eli(7) po Sabata thza Shinda sha moyo Nyambi oe. Elyo liyuwa lelo wakwama shikwama shipi nji shipi, owe nji mwanoe o mukwelume nji mwanoe o mbuyama, nji mupikoe o mukwelume nji mupikoe o mbuyama, nji emunanu yoe nji mwenda oyu li mu lilapa lyoe. ¹¹Mukonda mu mayuwa mutanu na lyofoci (6) Shinda sha moyo wakwamine liwilu no kaye, makulu lwale no inu yoihe ei ilimo, ne ayepo tulumwisha mu liyuwa lyo mushitanu na eli(7). Nehoni Shinda sha moyo ayepo fiyawela liyuwa lyo Sabata no kulikwama lyo kukena.¹²Olemeke tata woe na mama woe, ci oyoye shikati shoshile mu litunga anakupa Shinda sha moyo Nyambi oe. ¹³Lelo wapaa. ¹⁴Lelo walembeka.¹⁵Lelo waithza. ¹⁶Lelo wapaka opaki o kulundela mungnjoe yo ñanda. ¹⁷Lelo wafela mbamba njiyo thza mungenjoe; lelo wafela mbamba munu wa mungeyoe, mupikenji o mukwelume, mupikenji o mbuyama, pulu wenji, shindongi shenji, nji shinu shoshihe eshi ali nasho mungenjoe.''¹⁸Anu wahe awopo amona myethso, no kuyuva mishika no kuyuva muvumo o tolombita, no kumona mushi pa mukinya. Anu apa aimonine, awopo ayapa no kukemanena ko kule. ¹⁹Awopo aamba kwa Mushe, ''Oambe netu, ne kenge tuteelela; unone lelo washiya Nyambi ci ambe netu kenge tufa.'' ²⁰Mushe ayepo amba kwa anu, ''Lelo mwayapa, mukonda Nyambi onakeya kunamieleka ci lilema lyenji likale kukwenu kalo ci lelo mwakwama shivi.'' ²¹Anu awopo akemanena ko kule, ne Mushe ayepo henyena ku milema thzo thzilu omu nakala Shinda sha moyo.²²Shinda sha moyo ayepo amba kwa Mushe, ei yoliyo okatongwela ana Isilaele: 'Amwe mwashinda munalimonena apa ninaamba nenu konili kuwilu. ²³Lelo mwalikwamena a nyanmbi amweya eci eli nili yame, a nyambi o silivera nji o gauda.²⁴Muniumbele aletare thzo muve, ne mutumekelangepo etavelo yenu yo kutumeka, nei yo kukandelela, mangu enu no ngombe thzenu. Mu ivaka yoihe omu nakuhima ci lithzina lyange likutekiwe, kenge nakukeya kukwenu no kumaifiyawela. ²⁵Ngeci mwanikwamena aletare thzo mawe, lelo mwathzikwama no mawe o kutetaula, mukonda ngeci amwepo mulikwathsisha ekwamisha yenu kutetaula mawe, munathzithzilaula. ²⁶Lelo wathzina pa aletare thzange pa tuyako, eci shiñekañeka shoe lelo shamonahala po.

¹Ethzi thzoliyo milao owapa:²Ngeci po wa ula mupika o Muheberu, akukwamena myaka mutanu na ofoci(6), ne mu mwaka omushitanu na thzili(7) kenge athza ko kuliyala ko kupila kukula shimweya. ³Ngeci po akeya koli muthzike ahuke koli muthzike; ngeci po nayeke athze na munu wenji ko kuliyala. ⁴Ngeci po ñathsile wenji ayepo mupa mbuyama ne aye mbuyama ayepo muelekela ana owakwelume nji owa mbuyama, mbuyama na anenji kenge apiluka a ñathsile wenji, ne aye ahuke yofoci ko kuliyala.⁵Unone ngeci aye mupika ayepo liambela ci, ''Nahima ñathsile wange, munu wange, na anange; kanithzi ko kuliyala,'' ⁶nehoni ñathsile wenji amulete kwa Nyambi. Oyo ñathsile wenji amulete ku shelo nji ku shithsini sho ku shelo, ne ñathsile wenji amutuyule ku litwi no muino. Honine oyo mupika kenge amukwamena mu myaka thzenji thzo kuyoya thzothzihe.⁷Ngeci munu ayepo ulisha mwanenji o mbuyama eci akale mupika o mbuyama lelo ahuka ko kuliyala eci eli anakwamanga apika owakwelume. ⁸Ngeci po ñathsile wenji kamuloelile, oyu naliloishela ci akale nenji, atawe kumuliulula. Kaloelile kumuulisha kwaka matunga ao. Katawethziwa kukwama kengeyo, mukonda onamuangela.⁹Ngeci ñathsile wenji ayepo mupa mwanenji ci amuyeke, amushimbe eci mwanenji o kulielekela. ¹⁰Ngeci po ayeka mbuyama yumweya, lelo amuyumena yo kulya, yo kuvata nji ei imuloela. ¹¹Unone ngeci kamupu ei inu ihatu, nehoni atwesha kuthza ko kuliyala ko kupila kukula mali shanga oshoonye.¹²Munu yomuhe okufula munu kumupaa, yoshemwa oyo munu naye apaiwe. ¹³Ngeci po oyo munu kapaile ko kuhima kwenji, unone Nyambi yoliyo naitawethza ci ikwamahale, nehoni kenge nikumonisha shivaka oku aloela kucilela. ¹⁴Ngeci munu kokuhima kwenji ayepo lwisha mungenjenji no kumupaa kuthza komu ana ayalela, nehoni omushimbe, shanga ci oli ku aletare thza Nyambi, ci akapaiwe.¹⁵Munu yomuhe o kufula tata wenji nji mama wenji yoshemwa oyo munu apaiwe. ¹⁶Munu yomuhe okuithza munu- shanga ci oyo muka kuithza aulisha oyo munu, nji oyo munu awaniwa mu moko enji- oyo muka kuithza apaiwe. ¹⁷Munu yomuhe o kukuya tata wenji nji mama wenji yoshemwa oyo munu apaiwe.¹⁸Ngeci anu alwa ne yumweya ayepo fula mungenjenji liinya nji no faindi ne oyo munu kafile, unone oyo munu ayepo kola kulala pa olili; ¹⁹ngeci ayepo pola no kutwesha kuendela pa mutaa, oyo munu namufulu amukulele shikati shenji anamuipishela; oyo munu kalo amukolishe kukakumena apa aka pola kupolelela. Unone oyo munu kali no mulandu o kupaa.²⁰Ngeci munu ayepo fula mupikenji o mukwelume nji o mbuyama no mulamu, ne oyo mupika ayepo fa mukonda o kufuliwa, yoshemwa oyo munu apiwe mulandu. ²¹Ngeci po, oyo mupika ayepo yoya liyuwa lyofoci nji mayuwa eli, oyo munu kapiwa mulandu, mukonda inga yoliyo nayawa mupikenji.²²Ngeci po akwelume alwa ne awopo akulula mbuyama oyu li no lila ne lila alyopo liipa, unone kwithsa pamweya apa anakuluka, oyo mukwelume nepisha akulele munu woyo mbuyama yoihe ei afota kukwenji, ne akule omu thziatulela kuta. ²³Unone ngeci onakuluka nene muninge moyo ko moyo, ²⁴lithziho ko lithziho lieo ko lieo, lyoko ko lyoko, liulu ko liulu, ²⁵shiloda sho mulilo ko shilonda sho mulilo, lituma ko lituma, makiki ko makiki.²⁶Ngeci munu ayepo fula mupikenji o mukwelume nji o mbuyama pa lithziho ne ayepo lituyula, nehoni ashiye oyo mupika athze ku lyumbo lyenji ko kuliyala, ilipite mu lithziho lyenji. ²⁷Ngeci po acola lieo lya mupika o mukwelume nji o mbuyama, amushiye athze ku lyumbo lyenji ko kuliyala ci ilipite mu lieo lyenji.²⁸Ngeci ngombe ayepo kiña mukwelume nji mbuyama kumupaa, yoshemwa oyo ngombe apovauliwe no mawe, ne nyama thzenji kali thza kulya; unone shinda sha ngombe kali no mulandu. ²⁹Unone ngeci oyo ngombe kuma nafumbanga anu kunyima, ne naye shinda kuma namuambelanga, unone kali wakumumamela, ne oyo kombe po paa mukwelume nji mbuyama, oyo ngome apovauliwe no mawe, ne naye shinda apaiwe. ³⁰Ngeci po aloela kukula ci lelo apaiwa akule yoihe ei inaloela kukuliwa.³¹Ngeci ngombe ayepo kiña mwana munu o mukwelume nji o mbuyama, shinda sha ngombe akwame ei uamba ou mulao ci yanaloela kukwama. ³²Ngeci ngombe ayepo kiña mupika o mukwelume nji o mbuyama, shinda sha ngombe akule makumi ahatu (30) o mashekele o silivera, ne oyo ngombe apovauliwe no mawe.³³Ngeci munu ayepo thsikula liteke nji ngeci munu ayepo tokola liteke kalo kali wakulivumbeka, ne amopo kuwela ngombe nji shindongi, ³⁴shinda sha liteke akule. Kenge apa shinda sha shiyama shinafu mali, ne shiyama shinafu kenge shipiluka shenji.³⁵Ngeci ngombe o munu ayepo kuluka ngombe wa munnenjenji ne ayepo fa, nehoni aulishe oyu omuyumi ne aliela mali, kalo aliele oyu ngombe nafu. ³⁶Unone ngeci oyo ngombe kuma nalimukiwa no kukale ci wakukiña, ne aye shinda kali wakumumamela, yoshemwa akule ngombe ko ngombe, ne oyu okufa kenge apiluka wenji.

¹Ngeci munu ayepo withza ngombe nji ngu no kumupaa nji kumuulisha nehoni aloela kukula ngombe mutanu pa ngombe yofoci no mangu ane pa ngu yofoci. ²Ngeci mwithzi ayepo waniwa ko withza ne ayepo fuliwa no kufa, kwithsa mulandu o kupaa ou wakupiwa oyu namupaa. ³Unone ngeci liyuwa linamuvela kushime kwithza, mulandu o kupaa kenge ukala koyu mupaa. Mwithzi aoela kukula. Ngeci kwithsa eyi ali nayo, aloela kuulishiwa mukonda o withzi wenji. ⁴Ngeci shiyama anethzi ashopo shiwaniwa kukwenji koshiyoya, nji ngombe, mbongolo, nji ngu, aloela kukula lwili.⁵Ngeci munu ayepo tafunisha eyama(ngombe, membe...) yenji mu shilwa sho munu nji mushilwa sho itondo yo veine no kushiyelela eyama yenji, ne ayopo ikalya mushilwa sho munu yumweya, akule elya yenji analoela kuwana mushilwa shenji nei analoela kuwana mushilwa shenji sho itondo yo veine.⁶Ngeci po mulilo wapya no kuyandumukela mu muinga aopo ukatumeka elya anongumeka, nji shilwa ashopo shipya, oyu natumeka oo mulilo aloela kukula.⁷Ngeci munu ayepo pa munu oyu anatungu nenji mali nji itenga ci amutulekele, ne ngeci ayopo ikethziwa munjiyo thzoyo munu, ngeci mwithzi onawanahala oyo mwithzi akule lwili. ⁸Unone ngeci mwithzi kawaniwile, aye shinda sha njiyo aloela kukeya kwa mukakuatula namone nji onakwata itenga ya mungenjenji. ⁹Mukonda o muyoyo ouhe, nji ngombe, mbongolo, ngu, eto, nji enu yoihe ei inayongo eshi aamba munu ci, ''Eshi po shange,'' oko kushifota alithzekishe pa meho akakuatula. Munu oyu awana mukakuatula ci oli no mulandu akulele mungenjenji lwili.¹⁰Ngeci munu ayepo pa mbongolo, ngmbe, ngu, nji shiyama shoshihe,kwa munu anatungu nenji ci amunyungele, ne ashopo shifa nji kukuluka nji kushimbiwa kokukana kumona munu, ¹¹wahe aloela kuethza kwa shinda sha moyo, amone nji onakwata shinu sha mungenjenji. Aye shinda aloela kutawa ci inepeinepa, ne oyo mwapenji kali no mulandu. ¹²Unone ngeci po shaethziwa kukwenji, aye mukwakunyunga akulele shinda sha shiyama. ¹³Ngeci esho shiyama shinayatauliwa tupinthzi pinthzi, oyo munu yumweya alete esho shiyama kunamonisha upaki. Oyo munu kaloela kukula esho shiyama shinayatauliwa.¹⁴Ngeci munu ayepo lomba ku shiyama sha munu antungu nenji ne ashopo shikuluka nji kufa aye shinda kunapiliko, oyo nashilombo akulele shinda. ¹⁵Unone ngeci shinda koliko, oyo nashilombo kaloelile kukula; ngeci esho shiyama shakukumuna ko mali, kenge akula pohuma mali nashikumunisha.¹⁶Ngeci munu ayepo shemba mumbanda oyu wakana kuungekethziwa, kalo ayepo lala nenji, aloela shemwa kumuyumeka, aloela kuonda shionda amutomena. ¹⁷Ngeci tata wenji ayepo kana kumuyumekisha koyo mukwelume, oyo mukwelume aloela kukula mali o lushoko.¹⁸Mwashiyelela mulothzi o mbuyama ci ayoye. ¹⁹Munu yomuhe okulala no shiyama apaiwe.²⁰Munu yomuhe okukwamena athzimu shitabelo kali Shinda sha moyo apaiwe. ²¹Lelo mwanyandisha nji kulyatelela munu okutunda litunga lyalyo, mukonda namwe kuma mwakalile anu okutunda litunga lyalyo mu Engepita.²²Lelo mwanyandisha mafakathzi nji ashiyana. ²³Ngeci amwepo muwanyandisha, ne awopo aniisha, yoshemwa kenge niyuva kulila ko, ²⁴Uanji wange kenge uyuuma, ne kenge nimipaa ko mwele; anu wenu kenge apiluka mafakathzi, na anenu kenge apiluka ashiyana.²⁵Ngeci wakolotisha mali kwa anu ange o ehutu awa ali mukaci kenu, lelo wakwama eci eli anakwamanga akakukolotisha mali, lelo wawakulisha mali amweya peulu. ²⁶Ngeci washimba lipai lya mungejoyo ci omukwatelepo, olimuhushele liyuwa kolishime kutoka, ²⁷mukonda lyoliyo pohuma lipai ali nalyo; lyoliyo lipai lyo pe elama yenji. Shinu mwine shimweya eshinga alithsika? Ou aniisha kenge nimuyuva mukonda nili no n'eke.²⁸Lelo waamba shoshimango kukwange ame, Nyambi, nji kukuya mukakuendisha mbunga thzoe.²⁹Lelo wakana kunipa nupu kwei onayanga nji ku waine woe. Waloela kunipa mweli kwa anoe owakwelume. ³⁰Okwame kengeyo no ku ngombe thzoe no ku mangu oe. Ko mayuwa mutanu naeli yaloela kukala nanjinayo, unone paliyuwa lyo mushitanu na ahatu waloela kuinipa. ³¹Kenge mwakupiluka anu awa anatulekeliwa yame. Nehoni lelo mwalya nyama yomuhe oyu nayatauliwa ko ikondwama mu muluindu. Unone, mumukonjele mbwa.

¹Lelo waendisha iamba yo n'anda. Wakwama shiwano no munu o mumango kukala mu opaki o tumbako. ²Lelo washupwela mbunga mu kukwama omango, kalo wakwama opaki o kuimanena mbunga no kucola mulao. ³Lelo waimanena eamba ya shihutu kokupila opaki.⁴Ngeci po wawana pulu nji shindongi sha mukwa shithzimbo shoe okushiyonga oshihushe kukwenji. ⁵Ngeci po wamona shindongi sha munu oyu nakuthzimbi okushiwela pashi mukonda o kulemena nene, lelo washiya oyo munu. omukwathse shemwa no shindongi shenji.⁶Lelo waipisha shiamba shoshiwa sha shihutu shenu. ⁷Lelo waliwana na angenjoe kukwama yo kushangethza yo tumbako, kalo lelo wapaa munu okupila mulandu nji o kuluka, mukonda ame kana kuhamula mulandu o munu omumango. ⁸Watambula shipiwa(kuboshiwa), mukonda shipiwa(kuboshiwa) sha thsika meho a anu awa amona, no kuipisha maywi a anu awa asepahala. ⁹Lelo wanyandisha mwenda, namwe mwalimuka uyoye wa mwenda, mukonda namwe mwakalile enda mu litunga lya Engepita.¹⁰Pa myaka mutanu no mwaka ofoci, kenge mukuna mbuto mu mube wenu no kungumeka ei mwakuyanga. ¹¹Unone mu mwaka omushitanu no myaka thzili muushiye ulitulumwishe uilele, ci shihutu mukaci kenu alye. Ei akushiya, iyama yo mumulundu yakulye. mukwame kengeyo no ku ilwa yenu yo veine no ku ilwa yenu yo itondo olive.¹²Mu mayuwa mutanu no liyuwa lyofoci mwakukwame ekwama yenu, unone mu liyuwa lyo mutanu no mayuwa eli mutulumwishe. Okwame kengeyo ci pulu oe no shindongi shoe ilitulumwishe, ne kalo ci mwana omukwelume wa mupikoe o mbuyama na enda wamweya alitulumwishe no kuayuluka. ¹³Mutwale maano ku enu yoihe ei ninamiambela. Lelo watoya mathzina athzimu, mathzina o lelo ayuvahala kutunda mukanwa koe.¹⁴Muthze kukanikwamena mukiti luhatu mwaka no mwaka. ¹⁵Wakukwame mukiti o eshima yokupila mamene. Eci eli nina kutuminena, kenge wakulya eshima yokupila mamene pa mayuwa mutanu na eli. Mwesho shikati, kenge wakukeya paposho thzange mu ngonda thzo avivi, ethzi thzinaloesheliwa eshi shikwama. Ethzi thzoliyo ngomda mwatundile mu litunga lya Engepita. Unone mwakukeye kukwange moko-moko.¹⁶Mwakukwame mukiti o kuyanga elya yenu yokutanga ei namukunu mu ilwa yenu. Kalo mwakukwane mukiti o kuungumeka ku mamaneneno o mwaka, apa mwakuungumeka, ei munawana mu ilwa yenu. ¹⁷Wahe akwelume akeyange kwa Fumu Shinda sha moyo miendo thzihatu mwaka no mwaka.¹⁸Lelo mwanipa onyinga wo itavelo yange yokukwama no ishima ili no mamene. Maathzi atunda pa itavelo yo pa mukiti wange lelo alala ci akakume ku mashikushiku o liyuwa lihatako. ¹⁹Mulete ilya yo matatekelo kwei munatomona mu litunga lyenu mu njiyo thzange, mu njiyo thza Shinda sha moyo Nyambi wenu. Lelo wateleka kamembeana mu mahwe a mama wako.²⁰Kenge nituma lingeloi ci liminyunge mu likun'wa, no kumileta mu litunga eli ninaloisha. ²¹Muteelee shuwana kukwalyo no kumamela ei liamba. Lelo mwalianjipisha, mukonda kalya kumitetela ku omango wenu. Lithzina lyange kukwalyo lili. ²²Ngeci yoshemwa amwepo mumamela liywi lyalyo no kukwama ei limianbela, pohuma kenge nakupiluka mukwashithzimbo sho akwethzimbo yenu no kulwisha awa amilwisha.²³Lingeloi lyange kenge lyakumienda posho no kunamikumisha mu litunga lya Amori, Ahiti, Aperizi, Akanana, Ahivi, no Ajebusi. Kenge nakuwamana. ²⁴Lelo mwakinyamena athzimu o, kuwalombela, nji kukwama ei akwama, unone muwacothzaule, ne mu umbulule ithsini yo yo mawe kuikwama tupinthzipithzi. ²⁵Mulombele Shinda sha moyo Nyambi wenu, ne kenge afiyawethza eshima no meyu enu. Kenge nakutundisha ekola mukaci kenu.²⁶Kakwakula mbuyama oyu wakukana kuelaka nji lila kuipa mu litunga lyenu. Kenge nakumipa kuyoya shikati shoshile. ²⁷Kenge nakutangethza wowa wange posho thzenu, ne kenge uletela anu awa muliwana no kulihanda, ne kenge nakukwama akwethzimbo yenu ci amipe miongo kucila. ²⁸Kenge nakutuma malao kuposho thzenu aa akushandaula Ahivi, Akanana, no Ahiti kutunda pa posho thzenu. ²⁹Kana kuwatundisha pa posho thzenu mu mwaka ofoci, mukonda anu kenge apupa mu litunga ne iyama yo mu mulundu ke ibula nene kukwenu.³⁰Unohoni , kenge nakuwatundisha kamandende kamandende kutwala apo mwakubulela no kushwana litunga. ³¹Kenge nakuloisha mainja enu kutunda ku Likulu lwale lo lukihu kukakuma ku likulu lwale lo Afilisita, no kutatekela ku mumbulwa kukutu kukakuma ku lwale lo Yufureti. Awa anatungu omu mu litumga kenge niwapa mu moko enu. Kenge muwatundisha paposho thzenu. ³²Lelo mwalinunga ombusha no nji athzimu o. ³³Lelo atunga mu litunga lyenu, mukonda kenge amiletishela ci mukwame shivi kukwange. Ngeci po mwalombela athzimu o, yoshemwa eshi kenge shipiluka kashaka kukwenu'''

¹Nehoni Shinda sha moyo ayepo ambela Mushe, ''Okanduke okeye kukwange-owe, Aruni, Nadabi, Abihu, na akulu o Isilaele okukuma pa makumi mutanu na eli (70), ne namunilombele poshole. ²Mushe yofoci yoliyo henyena pepi nange. Awa amweya lelo ahenyena, shanga mbunga lelo akatunduka nenji.''³Mushe ayepo thza kukatongwela anu oahe maywi a Shinda sha moyo no milao. Anu wahe awopo atawa no liywi lyofoci no kuamba ci, ''Kenge tukwama oahe maywi anaamba Shinda sha moyo.'' ⁴Nehoni Mushe ayepo n'ola oahe maywi a Shinda sha moyo. Mashikushiku Mushe ayepo umba aletare kunyonga thzo mukinya no kushishako mawe likumi na eli (10), ci ao mawe aimanene mikuta likumi na thzili thza ana Isilaele.⁵Ayepo tuma mishumba (akwelume) kutunda mu mbunga thzo Isilaele kukakwama itavelo no nupu thzo kutumeka thzo mapulu kwa Shinda sha moyo. ⁶Mushe ayepo shimba onyinga umweya kuupaka mu lilonga; ayepo shamawena unynga umweya pa aletare.⁷Ayepo shimba vuka thzo ombusha nokuthzitala ko kutanalisha ku mbunga. Awopo aamba, ''Kenge tukwama yoihe ei anaamba Shinda sha moyo. Kenge tushupwela ei tutongweliwa. ⁸Nehoni Mushe ayepo shimba onyinga no kuushamawena anu. Ayepo aamba, ''Ou woliyo onyinga oumbusha ou analinungu Shinda sha moyo nenu ko kumipa eshi shikulupelisho no oahe aa maywi.''⁹Nehoni Mushe, Aruni, Nadabi, Abihu, na akulu o Isilaele makumi mutanu na eli (70) awpop akanduka pa mukinya. ¹⁰Awopo amona Nyambi o Isilaele. Mushi thzo maulu enji kuma nakulambiwa nawe o safiri, okumonahala shuwana eci liwilu. ¹¹Nyambi kapakile lyoko peulu thza akulu o mbunga thzo Isilaele. Awopo amona Nyambi, ne awopo alya no kunwa.¹²Shinda sha moyo ayepo amba kwa Mushe, ''Okeye okanduke kukwange pa mukinya ne nokaleko. Kenge nikupa matapa o mawe no mulao no ituminino ei ninan'olo, ci oifundishe.'' ¹³Honi Mushe ayepo katuka na Joshuwa oyu mutatama no kukanduka pa mukinya wa Nyambi.¹⁴Mushe kuma ambelile akulu, ''Mukale pano ne mututatelele kukuma apa tukahukela kukwenu. Aruni na Huri woliyo akala nenu. Munu yomuhe oyu li no shiamba athze kukwo.'' ¹⁵Honi Musge ayepo kanduka pa mukinya, ne livui alyopo lithsika po.¹⁶Kutethzima kwa Shinda sha moyo akopo kukala pa mukinya o Sinai, ne livui alyopo lithsika po pa mayuwa mutanu na lyofoci (6). Pa liyuwa lyo mutanu na eli (7) ayepo isha Mushe kutundelela mu livui. ¹⁷Mumonahalelo wo kutethzima kwa Shinda sha moyo kuma nakulipila eci mulilo uyuuma peulu thzo mukinya mu meho aana Isilaele. ¹⁸Mushe ayepo ingena mu livui no kukatunduka pa mukinya. Kuma akakalile pa mukinya mayuwa makumi ane no mashiku makumi ane.

¹Shinda sha moyo ayepo ambela Mushe, ²''Oambela ana Isilaele ci anikwamene shitavelo kutunda kwa munu no munu kuthza ko kuhima ko mucima wenji. Owe onitambulele ei itavelo.³Ei yoliyo ipiwa otambula kukwo: gauda, silivera no kopa; ⁴shito sho muvala o mahunga o nthzilu, pepulu (okwayu), no shito sho shikihu; line o muwa; ohunga o membe, ⁵shikanda sho lingu lyo likwelume sho kuthziliwa okihu no ikanda yoiwa; shitondo sho akasha; ⁶oli thzokupaka mu lambi thzo mushibaka sho kukena nene; enukisha yo kunukisha mu maathzi o kuwesha no insense thzo kunuka owa; ⁷mawe o onikisi no mawe amweya oawa o kupaka pa efoda no pa shipinthzi sho pa muili.⁸Anikwamene shivaka sho shikenu ci nikale mukaci ko. ⁹Mushikwame eci omu nakumimonishela mo kukwamena tabanakele no ikwamisha yoihe yathzo.¹⁰Wangu akukwame aleka thzo shitondo sho akasha. Mu ule wathzo wo pashi uninge moko eli no licika; mu ukulu wathzo kuninge lyoko lyofoci no licika; no ule wathzo wo muwilu uninge lyoko lyofoci no licika. ¹¹Mukaci no pola muthzisike gauda thzo thziwa, kalo muthzithzingulukishe peulu ko gauda thzinakwamiwa shuwana.¹²Muthzikwamene ikwatelo ine yo gauda, ne muipake ku mapeta ane o gauda, ikwatelo ili kumbali thzofoci, kalo ikwatelo ili kumali thzimweya. ¹³Mukwame ethsini yo itondo yo akasha no kuithsika gauda. ¹⁴Mupake ethsini mu ikwatelo ili mu mambali o aleka, ci mutweshe kuyelula aleka.¹⁵Ethsini ikalelele mu ikwatelo yo aleka; lelo yatundishiwa ko. ¹⁶Wakupake mu aleka milao thzo upaki ethzi nakukupa. ¹⁷Okwame muhuko o shihemo o gauda thzo thziwa. Ule o muhuko uninge moko eli no licika, mu ukulu wao uninge lyoko lyofoci no licika. ¹⁸Okwame makerubimi eli o gauda thzo kufula okuhula no kuhula thzo muhuko o shihemo.¹⁹Okwame kerubimi thzofoci thzo kuhula thzofoci thzo muhuko o shihemo, kerubimi thzimweya kuhula thzimweya. Makerubimi akwameniwe pofoci no muhuko o shihemo. ²⁰Makerubimi ayandumune mando muwilu kuthsika pa muhuko o shihemo. Makerubimi alitanekele no kutanekela pakaci ko muhuko o shihemo. ²¹Opake muhuko o shihemo peulu thzo aleka, ne opake mu aleka milao thzo upaki ethzi nikupa.²²Ku aleka koliyo nakuliwanena noe. Kenge nakuamba noe kunili peulu thzo muhuko o shihemo. Mukaci ko makerubimi pelulu thzo aleka thzo upaki poliyo nakuembela noe yo milao nakukupa thza ana Isilaele.²³Okwame methsa thzo shitondo sho akasha. Ule wathzo o pashi uninge moko eli; ukulu wathzo uninge lyoko lyofoci, ule wathzo muwilu uninge lyoko lyofoci no licika. ²⁴Othzithsike gauda no kuthzithzingulukisha peulu no gauda.²⁵Okwame lipala lyo kuthzithzingulukisha lyokukuma mucika o lyoko , no kuthzingulukisha lipala no gauda. ²⁶Othzikwamene ikwatelo ine yo gauda no kuipaka ku mapeta ane, apa nakukala matalelo o maulu ane. ²⁷Ikwatelo akwate ku lipala ci ishiye shivaka sho ethsini, ci mutweshe kuyelula methsa.²⁸Okwame ethsini kutunda pa shitondo sho akasha ne oithsike no gauda ci methsa thzitawe kuyeluliwa. ²⁹Okwame malonga, etuwo, tuhupa, no manganja mokupakanga itavelo yo kunwa. Oikwame pa gauda o muwa. ³⁰Onipakelanga eshima yo imonisha pa methsa kukwange.³¹Okwame shimano po kupakanga ma lambi sho gauda o muwa o kufula. Shimano shikwamiwe litako no peulu. Manganja asho, mamuna asho, no mapalisa asho yoihe ikwamiwe pofoci nasho. ³²Mitai mutanu na ofoci (6) thzasho thziyandumukele kumambali- mitai thzihatu thziyandumukela kumbali thzofoci, ne mitai thzimweye thzo shimano thziyandumukele kumbali thzimweya.³³Mutai o kutanga ukale no manganja ahatu okukwamiwa eci isalasala yo alumondi no litako lyo mamuna no palisa, manganja ahatu kalo anakwamiwa eci isalasala yo alumondi ku mutai umweya, no litako lyo mamuna no palisa. Kukale kengeyo ku mitai thzothzihe ethzi thzinayandumuka kutunda pa shimano pokupakanga ma lambi. ³⁴Pa shimano shemwa, peulu, kukale manganja ane aa anakwamiwa eci isalasala yo alumondi, no matako o mamuna no mapalisa.³⁵Kukale litako lyo mamuna mushi thzo mitai thzili thzo mutatekelo- ethzi thzinakwamiwa pofoci nasho, no litako lyo mamuna mushi thzo mitai thzili thzo mushili- nathzo kalo thzokukwamiwa pofoci nasho. Kalo kukale litako lyo mamuna mushi thzo mitai thzili thzo mushihatu, ethzi thzinzkwamiwa pofoci nasho. Kukale kengeyo ku mitai mutanu na ofoci thzothzihe ethzi thzinayandumuka kutunda apa pokupakanga lambi. ³⁶Matako athzo o mamuna akwamiwe pofoci nasho, shipinthzi shofoci sho kufula sho gauda o muwa.³⁷Okwame shimano pokupakanga lambi no ma lambi asho mutanu na eli(7) ne opakepo ma lambi ci ayuume kundulelela kukwasho. ³⁸Malimi no malonga asho akwamiwe pa gauda o muwa. ³⁹Olikwathsishe talanta thzofoci thzo gauda kukwama shimano no etenga yasho. ⁴⁰Otaneke shuwana ci omone omu shinakwameniwa eshi omonishiwa pa mukinya.

¹Wakukwame tabernakele ethzi thzili no ito likumi yokukwama pa line omuwa no uhunga o muvala o lihunga lyo nthzilu, pepulu, no ukihu wokulukela pa kerubimi. Ikale ekwama yo munu o mun'ulungu. ²Ule o shito no shito ukume pa moko makumi eli no makumi mutanu na ahatu (28), mu witi shikume pa moko ane (4). Ito yoihe ilieishane. ³Ito mutanu iwanekiwe pofoci, nei imweya yo mutanu nayo iwanekiwe pofoci.⁴Okwame tunungisho to muvala o lihunga lyo nthzilu ku mungundo o ito inawanekiwa pofoci. Kalo, okwame kengeyo ku ito yo mushili ei inawanekiwa pofoci. ⁵Okwame tunungisho makumi mutanu (50) pa shito sho mutatekelo, ne kalo okwame tunungisho makumi mutanu (50) pa shito sho kuhula ku ito yo mushili ei inawanekiwa pofoci. Okwame ci tunungisho tukale otu kuhula ethzi otu kuhula thzimweya. ⁶Okwame tun'omelisho makumi mutanu (50) to gauda ne tuwaneke ei ito pofoci ci tabernakele thziliwane pofoci.⁷Okwame ito yo uhunga o membe kukwa tende thzo peulu thzo tabernakele. Okwame ei ito yokukuma pa likumi no shito shofoci. ⁸Ule o shito no shito ukume pa moko makumi ahatu (30), ne mu wipi wo shito no shito ukume pa moko ane. Yoihe ei ito likumi na shofoci ilieishane. ⁹Owaneke ito mutanu (5) pofoci ne ito imweya mutanu nashofoci iwanekiwe pofoci. Olundeke pa shito sho mushitanu na shofoci pa posho thzo tende.¹⁰Okwame tunungisho makumi mutanu (50) ku mungundo o shito eshi shili kuhula o ito inawanekiwa pofoci yomutatelo, no tunungisho makumi mutanu (50) ku mungundo o shito eshi shiwaneka ito inawanekiwa pofoci yomushili. ¹¹Okwame tun'omelisho to kopa makumi eli(20) otuhomeke mu tunungisho. Nehoni owaneke tende pofoci ci thzipiluke thzofoci pohuma.¹²Shito eshi shinashiyalako, eshi, shikunjaela ku ito yo tende, shikunjaele kunyima thzo tabernakele. ¹³Kukale shito shikuma pa lyoko lyofoci ku sambwa thzofoci, no shito shikuma pa lyoko lyofoci ku sambwa thzimweya- ei inashiyala ku ule o ito yo tende ikunjaele ku sambwa no ku sambwa thzimweya thzo tabernakele, kuthzithsika. ¹⁴Okwame sho kuthsika pa tabernakele sho kukwama pa mukata o kuwesha ukihu o lingu lyo shokwelume, no shimweya shokuthsika peulu sho mukata okukwama shuwana.¹⁵Okwamene tabernakele mavala kutunda pa shitondo sho akasha. ¹⁶Ule o livala no livala ukume pa moko likumi (10), ne wipi walyo ukume pa lyoko lyofoci no licika. ¹⁷Kukale tukwatisho twili to itondo ku livala no livala kuwaneka mavala pofoci. Oahe mavala o tabernakele oakwame kengeyo. ¹⁸Apa okwama mavala tabernakele, okwame mavala makumi eli (20) ku mboela.¹⁹Okwame mashishelo makumi ane(40) o silivera aa akala mushi thzo mavala makumi eli(20). Kukale mashishelo eli mushi thzo livala lyo mutatekelo apa lilyatelela. ²⁰Kusambwa thzo mushili thzo tabernakele, ku mutulo, okwame mavala makumi eli(20) ²¹no mashishelo makumi ane(40) o silivera. Kukale mashishelo eli mushi thzo livala lyo mutatekelo, mashishelo eli mushi thzo livala lihata ko, kuthza kengeyo.²²Kumbali thzo ku muongo o tabernakele ku mutoko yuwa, opake mabala mutanu na lyofoci. ²³Okwame mabala eli oku mapeta eli o kunyima thzo tabernakele. ²⁴Aa mabala eli alishite kushi, unone aliwane kuwilu mu mukatango ofoci. Kukale kengeyo ku mapeta eli o kunyima. ²⁵Kukale mabala mutanu na ahatu(8), pofoci no mashishelo ao o silivera. Kukale mashishelo likumi no mutanu na lyofoci(16), mashishelo eli mushi thzo libala lyo mutatekelo, mashishelo eli mushi thzo libala lihata ko, kuthza kengeyo.²⁶Okwame malo o shotondo sho akasha- mutanu(5) pa mabala oku sambwa thzofoci thzo tabernakele, ²⁷malo mutanu(5) pa mabala oku kusambwa thzimweya thzo tabernakele, no malo mutanu(5) pa mabala o kunyima thzo tabernakele ku mutoko yuwa. ²⁸Lyalo mukaci ko mabala, eshi, shipathsi sho kuwilu, shikume kuhula no kuhula.²⁹Othsike mabala no gauda. Okwame mo kuhomeka malo yo gauda, ci ikwate malo, kalo othsike malo no gauda. ³⁰Okwame taberanakele kushupwela omu nomonisheliwa pa mukinya.³¹Okwame shito sho mubala o lihunga lyo nthzilu, pepulu, no ukihu no line omuwa, okukwamiwa shuwana eci kerubimi, ekwama yo munu o mun'ulungu. ³²Oshinungelele pa ithsini yo shitondo sho akasha sho kuthsika gauda. Ei ithsini ikale no tukwatisho to gauda otu tunapakiwa pa mashihselo ane(4) o silivera. Onungelele shito mushi thzo ekwatelo, ³³Ne oletemo aleka thzo opaki. Shito sholiyo shitepa shivaka sho kukena no shivaka sho kukena nene.³⁴Opake muhuko o shihemo pa aleka thzo opaki, ethzi thzili mu shivaka sho kukena nene. ³⁵Opake methsa pola thzo shito. Opake sho kupakanga ma lambi ku sambwa thzo methsa ku mboela thzo tabernakele. Methsa thzikale ku mutulo o tabernakele.³⁶Okwame shito sho ku shelo sho tende. Oshikwamishe wanda o muvala o lihunga lyo nthzilu, pepulu, no ukihu no line okuluka shuwana, ekwama ya mukwa kukinita. ³⁷Shito oshikwamene ithsini mutanu(5) yo akasha ne oithsike no gauda. Tukwatisho twayo tukale to gauda, ne oimwaele mashishelo mutanu(5) o kopa.

¹Okwame aletare thzo shitondo sho akasha, moko mutanu(5) mu ule no moko mutanu(5) mu wipi. Ule o aletare mu ule uendelele no ule wathzo mu wipi ne ule o muwilu ukume pa moko ahatu(3). ²Mapeta athzo ane oakwame oale eci manyia o pulu. Manyia akwamiwe pofoci no aletare, ne oathsike no kopa.³Okwame ikwamisho yo mu aletare: tunyungu to mututwi, no ma focolo, malonga, ituwo yo kukin'isha nyama(foloko), no ma pani. Yoihe ei itenga oikwame no kopa. ⁴Okwame shipatango sho aletare, sho kukwama pa kopa. Ku mapeta ane o shipatango oahe okwameneko yokuyelulisha.⁵Opake shipango mushi thzo libala lyo kuteneka aletare, pakaci kuhuka kushi. ⁶Okwamene aletare ithsini, ithsini yo shitondo sho akasha, ne oithsike no kopa.⁷Ithsini ihomekiwe mu iyelulisho, ne ithsini ikale ku mambali eli o aletare, po kuthziyelulela. ⁸Aletare othzikwame licumbwa, lyo mabala. Othzikwame omu nomonisheliwa pa mukinya.⁹Okwamene tabernakele lilapa. Kukale ito ikunjaela ku mboela o lilapa, ito yo line o muwa yo kukinita shuwana yokukuma pa moko shita(100) mu ule. ¹⁰Ito ikale no ithsini makumi eli (20), no mashishelo ayo makumi eli(20) o kopa. Kukale kalo ikwatisho ei inakwata ku ithsini, no ifu yo kopa.¹¹Kukwamiwe kengeyo kalo, kumbali thzo mutulo, kukale ito ikunjaela ei ikuma pa moko shita(100) mu ule no ithsini makumi eli(20), mashishelo o kopa makumi eli(20), ikwatisho inakwata ku ithsini, no ifu yo kopa. ¹²Kumbali thzo lilapa ku mutoko yuwa kukale shito shikuma pa moko makumi mutanu(50) mu ule. Kukale ithsini likumi(10) no mashishelo likumi(10). ¹³Lilapa kalo likume pa moko makumi mutanu(50) mu ule ku muve yuwa.¹⁴Ito ei ikunjaela kusambwa thzo shelo ikume pa moko likumi no moko mutanu(15) mu ule. Ikale no ithsini ihatu no mashishelo ahatu. ¹⁵Sambwa thzimweya nathzo thzikale no ito ikuma pa moko likumi no moko ahatu(15). ikale no ithsini ihatu(3) no mashishelo ahatu(3). ¹⁶Kushelo sho lilapa kukale shito shikuma pa moko makumi eli(20) mu ule. Shito shikwamiwe pa wanda o mushobo lihunga lyo nthzilu, pepulu, no ukihu no line o kukinita shuwana, ekwama ya mukwa kukinita. Shikale no ithsini ine(4) no mashishelo ane(4).¹⁷Yoihe ithsini yo lilapa ikale no tufu to silivera, tukwatisho to silivera, no mashishelo o kopa. ¹⁸Ule o lilapa ukume pa moko shita (100), mu ukulu likume pa moko makumi mutanu(50), no mu ule o muwilu likume pa moko mutanu(5) no line o kukinita shuwana kukunjaela pa lilapa lyolihe, no mashishello o kopa. ¹⁹Ikwamisho yo kukwamisha mu tabernakele yoihe no mambambo o tende oahe ikwamiwe pa kopa.²⁰Otumene ana Isilaele ci alete oli thzo ilive, thzo kukena no kutwiwa shuwana, thzo mu malambi ci ayuume shikati shoshihe. ²¹Mu tende thzo shiwano, pola thzo shito eshi shili pa posho thzo tabernakele ethzi thzili no aleka thzo milao thzo umbusha, Aruni na anenji moliyo ayuummishelanga ma lambi paposho thza Shinda sha moyo, kutateka lungulo kutwala mashikushiku. Ou oliyo mulao wakukalelela mu ikuta ya ana Isilaele yoihe.

¹Oishe Aruni mukulwoe na anenji- Nadabi, Abihu, Eliazare, no Itamare- kutunda mukaci ko ana Isilaele ci nanikwamene mu upulisita. ²Okwamene Aruni, mukulwoe, ito yo kukena, ei ito yoliyo yo kulemekiwa no kuloha kwenji. ³Oambe ku anu wahe awa ali no unyanyami mu micima, awo ninayalisha no mupepo wo unyanyami, ne ci akwamene Aruni evata ci akale o kukena konikwamena koli mupulisita wange.⁴Ito ei akwama po shipinzi sho pa muili, efoda, shikobeyo, canthzi, huthsi thzo upulisita, no mwiya. Akwame ei evata yokukena. Kenge ikala ya mukulwoe Aruni na anenji ci anikwamene mu upulisita. ⁵Aka kukinita aikinite pa line o gauda, mubala o lihunga ltyo nthzilu, pepulu, no ukihu.⁶Akwame efoda thzo gauda, muvala o lihunga lyo nthzilu, pepulu, no ohunga oukihu, no line o kukinita shuwana. Ikale ekwama ya mukwa kukinita o mun'ulungu. ⁷Thzikale no epathzi ili yo pa mapee ei inakwata ku mapeta athzo o kuwilu. ⁸Mwiya wathzo o kukinita shuwana ulipitule no efoda; ukwamiwe pofoci no efoda, okukwamiwa pa line o muwa o gauda, mubala o lihunga lyo nthzilu, pepulu, no ukihu. ⁹Oshimbe mawe eli o onikisi, ne on'ole po mathzina o ana Isilaele.¹⁰Mathzina mutanu na lyofoci(6) akale pa liwe lyofoci, kalo mathzina mutanu na lyofoci(6) akale pa liwe limweya, kuthza ko mundandwe omu anaelekeliwa. ¹¹Ko shikwama sha mukwa kun'ola pa mawe, kulipitula eci omu anan'olelanga pa man'olo, on'ole aa mawe eli(2) no mathzina a ana Isilaele. Aa mawe oapake gauda peulu. ¹²Opake aa mawe eli(2) pa epathsi yo pa mapee yo efoda, ci apiluke mawe o kuvulukisha Shinda sha moyo ya ana Isilaele. Aruni kenge ashimba mathzina oo kwa Shinda sha moyo pa mapee enji kumuvulukisha.¹³Okwame mo kupaka mawe yokukwama pa gauda ¹⁴no kukwama mawenge eli(2) o gauda o muwa okulipitula eci miothzi, ne oange mawenge kutuningi to kupaka mawe.¹⁵Okwame shipinthzi sho pa muili sho kuatulisha, ekwama yo munu o mun'ulungu, shokuloishwa eci efoda. Oshikwame sho gauda, muvala o lihunga lyo nthzilu, pepulu, no ohunga oukihu, no line omuwa. ¹⁶Shilieishane omu no mu. Shipinthzi sho pa muili oshipeteke lwili. Shikume pa ule o nyala mu ule no muwipi.¹⁷Opake mukaci kasho mivamba thzine(4) thzo mawe oawa. Muvamba o mutatekelo ukale no mawe o rubi, topazi, no garinete. ¹⁸Mubamba omushili ukale no mawe o emaraldi, safire, no diamande. ¹⁹Mubamba omushihatu ukale no jasinto, agatano emelisito. ²⁰Mubamba omushine ukale no berilo, onikisi, no jasipe. Apakiwe mukaci ko gauda.²¹Mawe apakiwe mu mundandawe o mathzina o ana Isilaele. Alipitule eci maswayo, lithzina no lithzina kuimanena shikuta shofoci(1) ku ikuta likumi na ili(12). ²²Okwame mawenge o kulipitula eci miothzi pa shipinthzi sho pa muili, ethzi thzinalukiwa shuwana pa gauda o muwa. ²³Okwame tukwatisho twili(2) to gauda to pa shipinthzi sho pa muili ne otukwatishe ku mahulelo eli o shipinthzi sho pa muili. ²⁴Ne oange mawenge eli o gauda ku mapeta eli o shipinthzi sho pa muili.²⁵Oange mahulelo amweya o miothzi thzili(2) ethzi thzinalukiwa shuwana ku tuhuko twili.Nehoni okwatishe oto ku ipathsi yo pa mapee o efoda pa posho wathzo. ²⁶Okwame tukwatisho twili (2) to gauda, otukwatishe ku mapeta eli amweya o shipinthzi sho pa muili, kuhula kunyonga no kuhula o mukaci o efoda.²⁷Okwame tukwatisho twili(2) tumweya to gauda, ne otukwatishe kushi thzo shipinthzi sho pa mapee paposho thzo efoda, po pepi no mahulelo peulu thzo mwiya o efoda. ²⁸Anunge tukwatisho to shipinthzi sho pa muili ku twakwatisho to efoda no muothzi o mubala o lihunga lyo nthzilu, ci shikwate peulu thzo mwiya o efoda. Kwakwamiwa kengeya ci shipinthzi sho pa muili lelo shahomoka ku efoda.²⁹Aruni apa akuingena mu shivaka sho kukena, ashimbe mathzina o ana Isilaele pa mucima wenji mu shipinthzi sho pa muili sho kuatula nasho, ci shikati shoshihe Shinda sha moyo awabuluke. ³⁰Wakupake Urimi no Tumimi mu shipinthzi sho pa muili yo kuatula nayo, ne ci yakukale peulu thzo mucima wa Aruni apa akuingenanga kwa Shinda sha moyo. Ne Aruni yoliyo wakushimbanga omu aloela kuatuleliwa ana Isilaele pa mucima wenji kutwala kwa Shinda sha moyo.³¹Kenge wakukwama shikobeyo sho efoda shoshile pa wanda o muvala o lihunga lyo nthzilu. ³²Shikale no licumbwa pakaci mo kuingenishela mutwi. Licumbwa lithzingulukishiwe no mungundo ci lelo shayatuka. Eipo ikale ekwama ya mukwa kukinita.³³Ku mungundo washo wo kushi, okwameko nona thzo kulipila eci likove thzo wanda o muvala o lihunga lyo nthzilu, pepulu, no okihu kushithzingulukisha shoshihe. Milangu thzo gauda thzikale mukaci kathzo thzothzihe. ³⁴Kukale mulangu o gauda no linona, mulangu o gauda no linona- kengeyo kengeyo- kuthzingulukisha mungundo o shikoveyo wouhe. ³⁵Aruni ashivate ou akwama, ci kuamba kwasho kuyuvahale apa aingena musivaka shokukena kwa Shinda sha moyo napa apuna. Kwakwamahala kengeyo ci lelo apiwa.³⁶Okwame lilonga lyo gauda omuwa no kun'ola po, eci liwe lyo kun'oliwa, ''Kukena kwa Shinda sha moyo.'' ³⁷Onungelele eli lilonga no muothzi o muvala o lihunga lyo nthzilu ku huthsi thzo upulisita. ³⁸Likale pa lupala lwa Aruni; kenge ashimbanga omango wouhe ou unakwamiwa ku ipiwa yo kukena eyo ana Isilaele anatulekela Shinda sha moyo. Huthsi kenge thzikalanga pa lupala lwenji ci Shinda sha moyo atawe ipiwa yo.³⁹Okwame canthzi o line o muwa, kalo okwame huthsi thzo upulisita thzo line o muwa. Kalo okwame mwiya, ekwama ya mukwa kukinita.⁴⁰Ana Aruni awo owakwamene ikoveyo, miya, no mahuthsi ci alemekiwe no kumonahala shuwana. ⁴¹Ovateke mukulwoye Aruni, pofoci na anenji. Owaweshe, owashumekele, no kuwanikenishela, ci anikwamene mu upulisita.⁴²Owakwamene evata yo kuvata mushi ci lelo akala shin'eka, ei yakuthsika kutunda mu mbunda kukakuma pa matambaulu. ⁴³Aruni na anenji avate ei evata apa aingena mu tende thzo shiwano nji apa ahenyena ku aletare kukakwama mu shivaka sho kukena. Akwame kengeyo ci akala no mulandu ngeci kali kengeyo kenge apaiwa. Ou woliyo mulao o liyele wa Aruni na ekulyenji awa akeya munyima thzenji.

¹Honi eshi sholiyo okwama kuwanikenishela ci anikwamene mu upulisita. Oshimbe pohoana no mangu eli oshokwelume okupila po kushomoloka, ²ishima yokupila mamene, no makende okupila mamene okuluba no oli.Kalo oshimbe makende okukwama muonye okupila mamene okuwesha oli. Okwame ao makende pa ushunga ouwa o uloto.³Oipake mukatanda kofoci, oilete kuili mu katanda, oipunishe pofoci no pohoana no mangu eli oshokwelume. ⁴Opunishe Aruni na anenji ku shelo sho tende thzo shiwano. Ohupe Aruni na anenji mu meyu.⁵Oshimbe eto ovateke Aruni no shito shoshile, shito sho efoda, efoda, no shipinthzi sho pa mbando, kuanga miothzi thzo kupoha nawa thzo efoda mu mbunda thzenji. ⁶Omuange shito ku mutwi no kumuvateka huthsi thzokukena peulu o shito. ⁷Nehoni oshimbe oli thzo kuwesha omumwaele pa mutwi wenji, lyoliyo omuwesha kengeyo.⁸Olete anenji no kuwathsika ikoveyo yoile. ⁹Aruni na anenji owaange miya no kuwavateka mahuthsi ku mwitwi. Shikwama sho upulisita kenge shipiluka sho ko mulao okukalelela. Omu moliyo ohangulela Aruni na anenji ci anikwamene.¹⁰Mwahe mulete poho posho thzo tende thzo shiwano, ne Aruni na anenji apake moko pa mutwi wenji. ¹¹Opae oyo poho posho thza Shinda sha moyo pa shelo sho tende thzo shiwano.¹²Oshimbe unyinga umweya wo poho ouweshe ku manyia o aletare no minwe thzoe, ne omwaele unyinga ouhe kushi thzo aletare. ¹³Oshimbe maathzi oahe aa anathsikanga ilama yo mukaci, ne kalo oshimbe ei inathsikanga lihuli no mapiyo eli no maathzi ayo; oitumekele pa aletare. ¹⁴Unone nyama thzo poho no shikanda shenji no otoko, oitumekele pola thzo shilombo. Eshi kenge shakupiluka shitavelo sho shivi.¹⁵Kalo oshimbe lingu lyofoci lyoshokwelume, ne Aruni na anenji apake moko oo pa mutwi walyo. ¹⁶Opae lingu lyoshokwelume, ne oshimbe unyinga walyo oushamashame mumambali o aletare. ¹⁷Otetaule elyo lingo lyoshokwelume kumukwama ipinthzi ne ohupe ilama yalyo yomukaci no maulu alyo, ne opake ilama yo mukaci pofoci no ipinthzi no mutwi walyo, ¹⁸pa aletare. Nehoni otumeke lingu lyolihe. Eshi kenge shipiluka shitavelo sho kutumeka sha Shinda sha moyo, sho muwe outowi, shitavelo shinakwameniwa shinda sha moyo ko mulilo.¹⁹Nehoni oshimbe lingu limweya lyoshokwelume, ne Aruni na anenji apake moko oo pa mutwi walyo. ²⁰Nehoni opae elyo lingu ne oshimbe unyinga walyo umweya ouweshe ku litwi lya Aruni lyo shilyo, no ku matwi o shilyo aa anenji, no ku mapambala o moko o shilyo, no ku mapambala o ku maulu o shilyo. Nehoni oshamashame unyinga pa aletare popahe.²¹Oshimbe ku unyinga uli pa aletare no ku oli, ne oshamashame Aruni no pa ito yenji, ne kalo oshamashame anenji no pa ito yo. Nehoni Aruni kenge apiluka okukena wange, no ito yenji, anenji no ito ya anenji pofoci nenji.²²Oshimbe maathzi o lingu lyoshokwelume, muthsila o maathzi, maathzi aa anathsiki yo mulila, ei inathsiki lihuli, no mapiyo eli no maathzi ayo, no litambaulu lyo shilyo- mukonda eli lingu lyoshokwelume lya kupakisha apulisita pa shikwama sho upulisita kukwange. ²³Oshimbe mukasha ofoci o ishima, likende lyofoci linakwamiwa no oli, no meyu kutunda mu katanda ko ishima yokupila mamene ei ili posho thza Shinda hsa moyo.²⁴Oipake mu nyala thza Aruni no munyala thza anenji ne oiwatambeke no kuihusha posho thzange shitavelo sho kulitambeka posho thza Shinda sha moyo. ²⁵Nehoni oshimbe eyo ilya mulyala thzo ne oitumeka pa aletare no shitavelo sho kutumeka. Kenge shileta muwe outowi kukwange; kenge shipiluka shitavelo sho kutumeka shinakwameniwa yame.²⁶Oshimbe shipathsi sho lingu lyoshokwelume lya Aruni lyo kumuingenisha shikwama olitambeke no kulihusha kukwama shitavelo sho kulitambeka posho thza Shinda sha moyo, ne kenge shipiluka shoe. ²⁷Onipakele kunyonga shipathsi sho mbando thzo shitavelo sho kutambeka no kuhusha no litambaulu linapiwa kwa kwa Aruni na anenji- kutunda ku lingu lyoshokwelume lyo kuhanguliwa. ²⁸Eshi kenge shipiluka shipathsi sha Aruni na aneji myaka thzothzihe. Kenge shipiwa kutunda kwa ana Isilaele kupa Shinda sha moyo kutunda ku itavelo yo yokuliyala.²⁹Evata ya Aruni yo kukena nayo itulekeliwe mukuta wa Aruni awa akeya munyima thzenji. Aloela kuweshiwa ci aivate no kutapakiwa pa shikwama ci aivate. ³⁰Mwanenji oyu mushwana mu shitulo sho upulista, oyu keya mu tende thzo shiwano kunanikwamena mu shivaka shokukena, aloela kuvata eyo evata pa mayuwa mutanu na eli.³¹Oshimbe lingu shokwelume okuwapakisha pa shikwama sho upulisita ne oteleke nyama thzenji mushivaka shokukena. ³²Aruni na anenji alye oyo nyama o lingu lyoshokwelume no ishima ei ili mu katanda ku shelo sho shiwano. ³³Alye nyama no ishima ei naipiwa pa kuwawesha no kuwaingenisha shikwama eci atulekeliwe yame. Kwithsa munu yumweya oyu loela kulya oko ku ilya; mukonda yakukena. ³⁴Ngeci oyo nyama o shitavelo sho kupakisha pa shikwama, nji ishima, po kushiyala imweya kukakuma mashikushiku aa ahatako, nehoni oitumeke. Lelo yaliwa mukonda inatulekeliwa yame.³⁵Ko kushupwela ei ninakutuminina kukwama, omu moliyo, okwamena Aruni na anenji. Mu mayuwa mutanu na naeli owaloishe. ³⁶Liyuwa no liyuwa opae poho o shitavelo sho shivi kukula shivi. Okenishe aletare ko kukwama shitavelo sho kukula shivi, ne othziweshe oli ci thzikale thzothzikenu. ³⁷Pa mayuwa mutanu na eli oweshe aletare no kuthzikenishela Shinda sha moyo. Nehoni aletare kenge thzipiluka thzokukena thzange. Shoshihe eshi shikwata aletare kenge shipiluka sho kukena sha Shinda sha moyo.³⁸Liyuwa no liyuwa opaange pa aletare tunguana toshitavelo twili to mwaka ofoci. ³⁹Kanguana kofoci okapae mashikushiku, kamweya okapae lungulo.⁴⁰Pa kanguana komutatekelo, ope no ulikumi wo efa thzo ushunga wo kuhela nawa wo kuvandakana no shipathsi shomushine sho hine thzo oli thzitunda pa olive thzo kukakamuna, no shipathsi sho mushine sho hine thzo waine thzo shitavelo sho kunwa.⁴¹Opae kanguana omushili liyuwa kolitoka. Okwame shitavelo sho ushunga shokulipitula eci sho mashikushiku, no shitavelo sho kunwa eci sho mashikushiku. Ei kenge ileta muwe outowi kukwange; kenge ipiluka itavelo yokutumeka mu mulilo inakwameniwa yame. ⁴²Ei kenge ipiluka itavelo yokukana kupwa mu mikuta thzenu thzothzihe, pa shelo sho tende thzo shiwano posho thza Shinda sha moyo, oko koliyo niliwananga noe no kuamba noe.⁴³Oko koliyo niliwanenanga no mbunga thzo Isilaele; tende kenge thzikenisheliwa yame kokutethzima kwange. ⁴⁴Kenge nikenisha tende thzo shiwano no aletare ci ipiluke yange nofoci. Kalo kenge nikenisha Aruni na anenji ci anikwamene mu upulisita.⁴⁵Kenge nikala mukaci ko mbunga thzo Isilaele no kupiluka Nyambi wo. ⁴⁶Kenge akulimuka ci yame Shinda sha moyo, Nyambi wo, oyu wawatundishile mulitunga lya Engepita ci nikale mukaci ko. Yame Shinda sha moyo, Nyambi o.

¹Okwame aletare thzo kutumekela insense. Othzikwame pa shitondo sho akasha. ²Ole wathzo ukume pa lyoko lyofoci, no mu wipi wathzo thzikume pa lyoko lyofoci. Tzhiendelele mu mambango athzo oahe, mu ule wathzo o muwilu thzikume pa moko eli. Manyia athzo akwamiwe pofoci nathzo.³Othsike aletare thzo insense no gauda thzothziwa- peulu wathzo, mu mambali athzo, no manyia athzo. Othzithzingulukishe mufunga o gauda. ⁴Okwame macumbwa o gauda kushi thzo mufunga mu mambango athzo omahe eli. Ao macumbwa ahomekiwe etondo yo kuthziyelulela.⁵Okwame ethsini yo shitondo sho akasha, ne oithsike no gauda. ⁶Opake aletare thzo insense posho thzo shito eshi shili posho thzo aleka thzo umbusha. Posho thzo muhuko o shihemo ou uli peulu thzo aleka thzo umbusha, koliyo nakuliwanena noe.⁷Aruni atumeke insense mashikushiku no mashikushiku thzo muwe outowi. Athzitumeke mushikati eshi aloisha malambi, ⁸ne Aruni pohuma ayuumisha malambi mushikati sho lungulo ne insense kenge itumekiwa mu shikati no shikati pa meho a Shinda sha moyo, mu ikuta yenu yoihe. ⁹Unone lelo waleta insense imweya pa aletare thzo insense, nji shitavelo shso sokutumeka, nji shitavelo sho ilya. Wamwaela po shitavelo sho kunwa.¹⁰Aruni akwame shilombelo sho kulombela kukenishiwa pa manyia athzo lofoci mwaka no mwaka. Ko onyinga wo shitavelo sho shivi kenge akwa shilobelo sho kukenishiwa ku shivi lofoci mu mwaka no mwaka mu ikuta yenu yoihe. Thzinakenishiwa no kupakiwa kunyonga ci thza Shinda sha moyo.''¹¹Nehoni Shinda sha moyo ayepo amba kwa Mushe ci, ¹²''Apa otala ana isilaele, munu no munu akule mali o muyo wenji kwa Shinda sha moyo. Okwame kengeyo munyima thzo kuwatala ci kupila omango ou uweyela mu shiti eshi owatala. ¹³Munu yomuhe oyu taliwa mu kutaliwa kwa anu aloela kukula licika lyo shekele kuthza ko ulemu o shekele thzo mushivaka sho kukena (shekele thzofoci thzakuma pa makumi eli o magera). Ethzi shekele thzo licika sholiyo shitavelo kwa Shinda sha moyo. ¹⁴Munu yomuhe oyu taliwa, kutatekela koyu li no myaka makumi eli(20) kutwala posho, akule eshi shitavelo kukwange.¹⁵Anu apa akula eshi shitavelo kukwange kukulela myoyo thzo, fumanyi lelo akula yoingi kupitelela licika lyo shekele, kalo shihutu naye lelo akula yoipu. ¹⁶Otambule aa mali o shitavelo sho kuyoyisha muyo kwa ana Isilaele ne oakwamishe ku shikwama sho tende thzo shiwano. Shipiluke shivulukisho kwa ana Isilaele pa meho ange, kukwama shitavelo sho kuyoisha myoyo thzenu.''¹⁷Nehoni Shinda sha moyo ayepo amba kwa Mushe, ci, ¹⁸''Kalo okwame lilonga lyo likulu lyo kopa nopa pokulitenekanga sho kopa, Lilonga lyo kuhupela. Olipake mukaci ko tende thzo shiwano no aletare, ne opakepo meyu.¹⁹Aruni na anenji ahupe moko no maulu mu meyu aa ali mu lilonga. ²⁰Apa aingena mu tende thzo shwano nji kuhenyena popepi no aletare kukanikwamena shitavelo sho kutumeka, alihupe naa meyu kuyapisha ci lelo afa. ²¹Ahupe moko no maulu o ci lelo afa. Ou woliyo mulao okukana kupwa wa Aruni na aka shikuta shenji mu shikati shoshihe.''²²Nehoni Shinda sha moyo ayepo amba kwa Mushe, ci, ²³''Oshimbe ethzi miwe thzothziwa: mira thzo kukwana mashekele 500 ku ulemu, sinamoni sho muwe outowi sho kukwana mashekele 250 ku ulemu, limbungu lyo kunuka otowi lyo kukuma pa mashekele 250 ku ulemu, ²⁴kasiya o kukuma pa mashekele 500, kuthza ko kulema ko shekele thzo mushibaka sho kukema, no hini thzofoci thzo maathzi o olive. ²⁵Okwame oli thzo kukena thzo kukwama pei inu, ekwama yo munnu muka kukwama miwe thzo kunuka shuwana. Kenge thzipiluka oli thzo kuweshisha thzo kukena, ethzi thzinatulekilwa yame.²⁶Oweshe tende thzo shiwano no ethzi oli, kuwesha no aleka thzo upaki, ²⁷methsa no itenga yathzo yoihe, pokuteneka malambi no itenga yasho, aletare thzo inseinse, ²⁸aletare thzo kutumekela itavelo no itenga yathzo yoihe, no lilonga nopa pokuliteneka.²⁹Oinikenishele ci ipiluke yo kukena kukwange. Shoshihe eshi shiikunyuna nasho kenge shipiluka sho kukena. ³⁰Oweshe Aruni na anenji no kuwakwama okukena ci anikwamene mu upulisita. ³¹Okaambele ana Isilaele ci, 'Ethzi thzoliyo oil thzo kuwesha thzo kukena thza Shinda sha moyo mu shikati shoshihe.³²Lelo aweshiwa munu wao, nji kuwaneka maathzi kukwama o kulipitula nao, mukonda anakenisheliwa Shinda sha moyo. Omu moliyo oamamelela. ³³Yomuhe oyu kwama maathzi o kulipitula no a nji kuapaka pa munu, oyo munu atundishe mukaci ka apenji.'''³⁴Shinda sha moyo ayepo amba kwa Mushe ci, ''Oshimbe miwe thzothziwa- sitakati, onica, no galuvanumi- miwe thzothzitowi pofoci no miwe thzothziwa, muwe no muwe ukume pofoci ku ungi. ³⁵Oikwame mumukalelo wo insense, wechi yokukwamiwa ku muwaneki o miwe thzothzitowi, omu kunapakiwa mungwa, no kukena. ³⁶Kenge othzitwa kukwama ushunga. Opake ushunga umweya pa posho thzo aleka thzo upaki, ethzi thzili mu tende thzo shiwano, oko niliwanenanga noe. Othzimone ci thza kukena nene kukwange.³⁷Nehoni ethzi insense wakukwama, lelo walikwamena insense thzimweya thzo kulipitila nathzo. Thzikale thzo kukena nene kukwoe. ³⁸Yomuhe wakukwa thzo kulipitula nathzo eci aliweshe atundishiwe mukaci ka apenji.''

¹Nehoni Shinda sha moyo ayepo amba kwa Mushe ci, ²''Omone, ninesha Bezelele mwana Uri mwana Huri, mukwa shikuta sha Juda.³Ninayalisha Bezelele no mupepo wange, kumupa onyanyami, kuyuvishisha, no maano, mu ekwama yo moko yoihe, ⁴ci akwame maswaniso no ekwama yo gauda, silivera, no kopa; ⁵kalo kuteta no kuloisha mawe no kuyuwa etondo- kukwama ekwama yo moko yoihe.⁶Kupaka kukwenji kalo, ninahangula Oliabi mwana Ahisamaki, kutunda ku shikuta sha Dani. Ninapaka un'ulungu mu micima thzawa ali no unyanyami ci akwame yoihe ei nina kutumena. Enu yokulipitula eci ⁷tende thzo shiwamo, aleka thzo umbusha, muhuko o shihemo opa aleka, no itenga yoihe yomu tende- ⁸methsa no itenga yathzo, po kutenekanga malambi no ikwamisho yasho yoihe, aletare thzo insense, ⁹aletare thzo itavelo yo kutumeka no ikwamisho thzayo yoihe, lilonga lyo likulu nopa po kulitenekanga.¹⁰Kupaka kengeyo no evata yo kukinita shuwana- evata yo kukena ya Aruni mupulisita nei ya anenji, ei inatulekeliwa yame ci anikwamene mu upulisita. ¹¹Kushimbelela kengeyo no oli thzo kuwesha no insense thzo kutowala thzo mu mushivaka sho kukena. Awa anu owan'ulungu akwame yoihe ei enu eci omu nina kutumena.''¹²Nehoni Shinda sha moyo ayepop amba kwa Mushe ci, ¹³''Otongwele ana Isilaele: 'Mumamele ma Sabata a Shinda sha moyo, mukonda aa oliyo akupiluka shimonisha mukaci kenji nemu mu ikuta ya anu yoihe ci mulimuke ci yoliyo Shinda sha moyo, oyu namikwama o kukena ci mupiluke anu enji. ¹⁴Ne mumamele Sabata, mukonda mulimone ci lya kukena, eli linatulekeliwa aye. Munu yomuhe o kulithzilaula yoshemwa kenge apaiwa. Yomuhe o kukwama lyo Sabata, oyo munu yoshemwa atundishiwe kwa anu enji. ¹⁵Ekwama kenge ikwamiwa pa mayuwa mutanu na lyofoci (6), unone liyuwa lyo mushitanu na eli(7) po lya Sabata lyo kulitulumwisha ku enu yoihe, lya kukena kwa Shinda sha moyo. Shanga kengeyo yomuhe okukwama shipi nji shipi pa liyuwa lyo Sabata yoshemwa kenge apaiwa.¹⁶Honine ana Isilaele amamele Sabata. Athzimamele mu ikuta yo yoihe ci ombusha okukana kupwa. ¹⁷Sabata thzoliyo shimonisha shokukana kupwa eshi shili mukaci ka Shinda sha moyo no ana Isilele, pa mayuwa mutanu na lyofoci(6) Shinda sha moyo kuma akwamine liwilu no kaye, ne pa liyuwa lyo mushitanu na eli(7) ayepo litulumwisha no kuayuluka.'''¹⁸Shinda sha moyo ou amanine kuamba na Mushe pa mukinya wa Sinai, ayepo mupa matapa eli apa kuli milao thzo umbusha, okukwama pa mawe, aa anan'oliwa ko lyoko lyenji shemwa.

¹Anu apa amonine ci Mushe onakathziama kuulumuka kutunda ku mukinya, awopo aliwana kwa Aruni no kumuambela ci, ''Okeye, otukwamene athzimu awa atukala kuposho kutuendisha. Mukonda oyu Mushe, aye watutundishile mulitunga lya Engepita, katulimuka ei inatendahala kukwenji.'' ²Honi Aruni ayepo waambela, ''Mushimbe tuthzeya to gauda otu tuli ku matwi anuwenu no ku matwi anenu owa kwelume nawa owa mbuyama, ne mutulete kukwange.''³Anu wahe awopo ashimba tuthzeya to gauda otu twakalile ku matwi oo no kutuleta kwa Aruni. ⁴Ayepo tambula gauda ku mooko oo no kuthzikwama shuwana no shikwamisho, ne ayepo umba namani. Nehoni awopo aamba, ''Awa woliyo athzimu oye, Isilaele, awa akutundishile mulitunga lya Engepita.''⁵Aruni apa amonine eyi, ayepo umba katala posho thzo namani ne ayepo kuwelela; ayepo amba ci, ''Peunja kenge kukala mukiti wa Shinda sha moyo.'' ⁶Anu awopo apinduka mashikushiku o liyuwa eli lyahatileko awopo aleta itavelo yo kutumeka no kuleta itavelo yo kulombela. Nehoni awopo akongomana pashi kulya no kunwa, ne awopo akatuka kuthza kukapepa.⁷Nehoni Shinda sha moyo ayepo amba kwa Mushe, ''Oyakame othze, mukonda anu oe awa notundisha mulitunga ya Engeita, analiipisha awo ashinda. Wanguwangu anashii likun'wa eli naniwatuminina. Anaombu namani o shifu ne amulombela no kupa itavelo kukwenji. ⁸Anaamba ci, 'Awa woliyo athzimu oye, Isilaele, awa akutundishile mulitunga lya Engepita.'''⁹Nehoni Shinda sha moyo ayepo ambela Mushe, ''Nina mono awa anu. Omone ali no mukana yuva. ¹⁰Nehoni, lelo waeleka kunikanisha. Uanji wange kenge uwatumeka, honi kenge niwayundisha. Nehoni kenge nakukwama anu owangi kutunda kukwoye.'' ¹¹Unone Mushe ayepo eleka kulomba Shinda sha moyo Nyambi wenji. Ayepo amba, ''Shinda sha moyo, uanji oe ine ei utumekela anu oe, awa notundisha mulitunga lya Engepita ko ukolo oshokulu no lyoko lyo likolo?¹²Ine ei nga ambela akwa Engepita ci, kuma nawatundisha no maayalo oamango, kukawapaela mu mikinya no kuwayundisha pa kaye?' Ohuke munyima ku uanji oe ou uyuuma ne oshiye kashitiko aka ofota kupa anu oe. ¹³Ovuluke Abrahama no Isaka no Isilaele apika oe, awo no liethze owe shinda no kuwa ambela ci, 'Kenge nakuvulisha ekulyenu eci matungwethzi o kuwilu, kalo kenge nakupa ekulyenu lyolihe eli litunga naniamba. Kenge akulishwana ko kukana kupwa.'' ¹⁴Nehoni Shinda sha moyo ayepo shiya kashitiko aka nafoto kupa anu enji.¹⁵Nehoni Mushe ayepo piluka no kuulumuka kutunda pa mukinya, kunashimbi matapa eli o mawe apa kuli milao thzo kuliyuva mu moko enji. Ao matapa kuma nan'oliwa kusambwa eli no kusambwa eli, pa lupala no kunyima. ¹⁶Ao matapa neli ekwama ya Nyambi, no kun'ola neli Nyambi nan'olo po, kukwalaula pa matapa.¹⁷Joshuwa apa ayuvile muyoyo wa anu kwa kuwelela, ayepo ambela Mushe, ''Kuli muyoyo o mvo ku shilombo.'' ¹⁸Unone Mushe ayepo aamba, ''Kali muyoyo wawa anatwesha angenjo mu mvo, kalo kali muyoyo o kulila kwawa anatweshiwa mu mvo, unone muyoyo o kuimba ou niyuva.''¹⁹Mushe apa ahenyenine ku shilombo, ayepo mona namani na anu kwakina. Ayepo anjipa nene. Ayepo huwa matapa mu moko enji no kuayatula kushi thzo mukinya. ²⁰Ayepo shimba namani oyu aombile anu, no kumutumeka, no kumuthsila kukwama mututwi, no kuumumwaela nu meyu. Nehoni ayepo mupa ana Isilaele ci amunwe.²¹Nehoni Mushe ayepo ambela Aruni, ''Awa anu ine ei nakukwama ci owaletele shivi shoshikulu kengeya?'' ²²Aruni ayepo amba, ''Uanji oe lelo wayuuma, n'athsile wamge. Walimuka awa anu, eli anaootelanga kukwama omango. ²³Kuma aniambelile ci, 'Otukwamene muthzimu oyu tuendisha posho, Mukonda oyu Mushe, aye watutundishile mu Engepita, katulimuka eshi shinakwamahala kukwenji. ²⁴Ne amepo niwaambela ci, 'Yomuhe oyu li no kathzeya ko gauda akatundishe.' Awopo anipa gauda ne amepo nimukonjela mu mulilo, ne poliyo kunatunda oyu namani.''²⁵Mushe ayepo mona ci anu anathzi kwako (mukonda Aruni onawashilela kwalikwamena omu ahimena, kuletela akwethzimbo yo ci awaheke). ²⁶Ne Mushe ayepo wimana pa shelo thzo shilombo no kuamba, ''Yomuhe oyu li kwa Shinda sha moyo, akeye kukwange.'' Alivi wahe awopo aliwana kukwenji. ²⁷Ayepo amba kukwo, Shinda sha moyo, Nyambi wa Isilaele eshi aamba: Munu no munu aliange mwelel wenji mu mbunda ne athze pa shelo no shelo mu shilombo ne apae mwapenji, mbushenji noyu alihata nenji.'''²⁸Alivi awopo akwama ei nawatuminina Mushe. Elyo liyuwa kuma kwafile anu okukuma pa ita makumi ahatu(3000). ²⁹Mushe ayepo ambela alivi ci, ''Lelo munapakiwa musikwama sha Shinda sha moyo, mukonda munu no munu kukwenu onapilukela mwanenji no mwapenji, ne Shinda sha moyo atwesha kumipa fiyauthzi lelo.³⁰Liyuwa eli lyahatileko Mushe ayepo ambela anu ci, ''Munakwama shivi shoshikulu nene. Honi nahathza kwa Shinda sha moyo. Nahimi kenge nikamiwanena kuteteliwa kushivi shenu.'' ³¹Mushe ayepo hukela kwa Shinda sha moyo no kukaamba ci, ''Kayee! Awa anu anakwama shivi shoshikulu nene anakwama kambonya ko gauda. ³²Unone honi, nakulomba owatetele ku shivi sho; unone ngeci kowatetela, onitundishe mu buka ethzi onan'olo.''³³Shinda sha moyo ayepo ambela Mushe, ''Yomuhe oyu nakwama shivi kukwange, oyo munu kenge nimutundisha mu buka thzange. ³⁴Nehoni othze, aondishe anu kwatwala ku litunga nanikutongwela. Omone, lin'eloi lyange kenge likuenda kuposho. Unone pa liyuwa nakuwapa kashitiko, kenge nakuwapa kashitiko mu shivi sho.'' ³⁵Shinda sha moyo ayepo tuma kashitiko kwa anu mukonda kuma akwamine namani, oyu akwamine Aruni.

¹Nehoni shinda sha moyo ayepo ambela Mushe, ''Othze, owe na anu onatundisha mu litunga lya Engepita. Othze ku litunga eli nanikulupelisha Abrahama, Isaka, no Jakobo, apa naambile ci, 'kenge nakulipa ekulyenu.' ²Kenge nituma lin'eloi kukuenda kuposho, ne kenge nitundishamo Akanana, Amoni, Ahiti, Aperizi no Ajevisi. ³Othze oko kulitunga, omu kupupa mahwe no oki, unone kanakukanduka nenu, mukonda mwa anu o kukutela mathsingo. Katele nakumipaele mulikun'wa.''⁴Anu ou ayuvile aa maywi o kuyapisha, awopo alila, kalo kwithsa oyu wavatle evata yo yokumonahalisha shuwana. ⁵Shinda sha moyo kuma ambelile Mushe ci, ''Oambele ana a Isilaele, 'Mathsingo enu akukututela. Nga kuma naniende mukaci kenu shanga pashikati shoshoonye, nga ninamipaa. Nehoni, mutuvule evata yenu yokumonahalisha shuwana ci niayale ei nikwama kukwenu.''' ⁶Honi ana Isilaela kanavata evato yo yokumonahalisha shuwana kutunda ku mukinya wa Horebe.⁷Mushe ayepo shimba tende kuthziumbela pola thzo shilombo, muendo oule kamandende kutunda pa shilombo. Ayepo ta lithzina lyo tende ci tende mo kuliwanena. Munu yomuhe oyu lomba shimweya kwa Shinda sha moyo kuma nathzanga ku tende mo kuliwanena, pola tzo shilombo. ⁸Mushe apa nathzanga kukengena mu tende, anu wahe kuma nemananga mu mashelo o matende o kutanekela mushe kupitela ou angena mukaci. ⁹Mushe apa nengenanga mu tende, lvui lyo kuimana kutunda kuliwulu kuma nalikeyanga kunemana kushelo thzo tende, ne Sinda sha moyo pohuma aamba Mushe.¹⁰Popahe anu apa amongile livui ko linemana kushelo thzo tende, kuma akatukangile kulombela, munu ku munu ahemana pa shelo thzo tende thzenji. ¹¹Shinda sha moyo kuma naambanga na Mushe kwanalitanekela, eci munu o kuamba na mbushenji. Nehoni Mushe pohuma ahukela ku shilombo, unone mupikenji Joshuwa mwana Nuni, o mucaha, kuma nashilanga mu tende.¹²Mushe ayepo amba kwa Shinda sha moyo, ''Omone, waniambelanga ci, 'Otwale awa anu mu muendo wo, unone konitongwelile ci elye oyu onituma nenji. Kuma waambile ci, 'Ninakulimuka ko lithzina lyoe, kalo onawana kuvethzuka pa meho ange.' ¹³Honi ngeci ninawana kuvethzuka pa meho oe, Onimonishe makun'wa oe ci nikulimuke kalo niwane kuvethzuka pa meho oe. Ovuluke ci awa po anu oe.''¹⁴Shinda sha moyo ayepo tawa, ''Yame shemwa nakuthza noe, kalo kenge nakukutulumwisha.'' ¹⁵Mushe ayepo muambela, ''Ngeci kowa kuthza netu, lelo watushimba kutunda muno. ¹⁶Mukonda, kenge nilimuka ngepi ci ninawana kuvethzuka pa meho oe, ame na anu oe? Kali shime ou othza netu ame na anu oe mbeci kwakumonahale ci tunalishii na anu wahe wamweya awa ali pano pa kaye?¹⁷Shinda sha moyo ayepo ambela Mushe, ''Kenge nakukwama eshi shinu onalombo, mukonda onawana kuvethzuka pa meho ange, kalo ninakulimuka ko lithzina.'' ¹⁸Mushe ayepo amba, ''Nakulomba onimonishe kutethzima koe.''¹⁹Shinda sha moyo ayepo amba, ''Kenge nakukwama owa wange ci ukeye kukoe, kalo kenge nakuamba lithzina lyange 'Shinda sha moyo' kukoe. Kenge nakuhema oyu nakuhema, kalo kengae nakumonisha shihemo koyu nakumonisha shihemo.'' ²⁰Unone shinda sha moyo ayepo amba, ''Kowa kumona lupala lwange, mukonda kwithsa o kunimona kalo ayoye.''²¹Shinda sha moyo ayepo amba, ''Omone, shivaka shino shili kuno; kenge oimana apa pa liwe. ²²Kutethzima kwange apa kupita, kenge nakukupaka mu mufa o liwe no kukuthsika no lyoko lyange kupitela apa nakupita. ²³Nehoni kenge nakutundisha lyoko lyange, ne kenge wakumona muongo wange, unone lupala lwange kalwa kumonahala.''

¹Shinda sha moyo ayepo ambela Mushe, ''Oyuwe matapa eli o mawe o kulipitula eci aya o mutatekelo. Kenge nin'ola apa pa matapa o mawe, aya maywi nakala paya pa matapa o mawe omutatekelo aya no paa. ²Oliloishele ku mashikushiku ne okeye ku mukinya wa Sinai ne okalimonahalishe kukwange peulu thzo mukinya.³Kwithsa oyu loela kukeya noe. Lelo kwamonahala munu yumweya pa mukinya. Lelo kwakala ngombe nji iyama imweya yokukalyelya oko ku mukinya. ⁴Honi Mushe ayepo yuwa matapa eli o mawe o kulipitula eci o mutatekelo, ne ayepo pinduka mashikuhsiku no kukanduka pa mukinya wa Sinai, eci eli namutumina Shinda sha moyo. Mushe ayepo shimba ao matapa eli o mawe mu lyoko lyenji.⁵Shinda sha moyo ayepo keya pashi mu livui no kunemana na Mushe apo, ne ayepo limbununa lithzina lya ''Shinda sha moyo.'' ⁶Shinda sha moyo ayepo pita kukwenji no kuamba, ''Shinda sha moyo, Shinda sha moyo, Nyambi o shihemo no n'eke, o kukatapa kuanjipa, okuyala shihimo shokutanala no kuthsepahala, ⁷oyu kolopisha shihimo mu anu okukuma pa ita mukumi na makumi, o kutetela omango, kuipisha, no ivi ya anu. Unone kahamula mulandu wo munu nepisha. Kenge akupaka kashitiko ko omango wa ashemi kwa ano noku kwa ekulyo, kukakuma ku shikuta shomushihatu neshi sho mushine.''⁸Wangu wangu Mushe ayepo kinyama pashi no kulombela. ⁹Nehoni ayepo amba, ''Ngeci honi ninawana kuvethzuka pa meho oe, Fumu wange, nakulomba othze netu, mukonda awa anu akukututela mathsingo. Otutetele omango wetu no shivi shetu, ne otushimbe eci akakukushwana.''¹⁰Shinda sha moyo ayepo amba, ''Omone, nalikwata ombusha. Kwa anu oe wahe, kenge nakukwama ikomokisha ei ishime kukwamahala mukaye kokahe nji mu litunga lipi nji lipi. Anu wahe mukaci kenu kenge amona ekwama yange, mukonda shinu nikwama noe shayapisha. ¹¹Omamele ei nikutumina lelo. Nacithza pa meho oe Amori, Akanana, Ahiti, Aperizi, Ahivi, no Ajevusi.¹²Omone ci lelo mwalikwata ombusha na anu anatungu mu litunga elyo othza, ou oninga kengeyo kenge apiluka kashaka mukaci kenu. ¹³Unone, muumbulule tutala(aletare) to, mucothzaule athzimu oo, mutete miyombo thzo. ¹⁴Mukonda amwe kamwa kulombelo nyambi wawo, mukonda Shinda sha moyo oyu wishiwa ci lifuta, Nyambi o lifupa.¹⁵Honi omamele ci kolikwata ombusha na anu anatungu omo mulitunga, mukonda alininga luthziho kwa athzimu oo, ne akwamena athzimu oo itavelo. Nehoni yumweya kuko kenge akukumuna ne kenge olya ku shitavelo shenji, ¹⁶ne kenge wakushimbela anoe owakwelume kwa anenji owambuyama, ne anenji owambuyama kenge alikwama luthziho kwa athzimu oo, ne kenge aletela anoe owakwelume kulininga luthziho kwa athzimu oo. ¹⁷Lelo mwalikwamena athzimu okukwama pa ifu.¹⁸Omamele mukiti o makende o mamene. Eci eli nanikutumina, mulye makende okupila mamene pa mayuwa mutanu na eli mu shikati shinaambiwa mu ngonda thzo Avivi, mukonda kuma mwatundile mu Engepita mu ngonda thzo Avivi.¹⁹Eli wahe ange, shanga yoikwelume yo yeli yo ei onamunu, nji ngombe nji mangu. ²⁰Mweli o kakambe omuyoyishe ko mwana lingu, unone ngeci komuhushu, omucole thsingo. Oyoyishe eli a anoe owakwelume. Kwithsa wakukeya kukwange moko moko.²¹Kenge okwama pa mayuwa mutanu no liyuwa lyofoci(6), unone pa liyuwa lyo mushitanu no mayuwa eli(7) olitulumwishe. Shanga mu shikati sho kulima no mu shikati sho kuyanga olitulumwishe. ²²Omamele mukiti o masunda, awo mukiti wo kutamuna uloto, kalo omamele mukiti o kuyanga o kuhula o mwaka.²³Luhatu mu mwaka wahe akwelume enu alimonahalishe kwa Fumu Shinda sha moyo, Nyambi o Isilaele. ²⁴Mukonda kenge nakucithza anu o matunga pa posho thzenu no kukulisha maenja enu. Kwithsa oyu wakulikumbwethza litunga lyenu ou mulimonahalisha kwa Shinda sha moyo Nyambi wenu luhatu mu mwaka.²⁵Lelo wakunipa onyinga o shitabelo shange no mamene, shanga nyama o shitavelo sho mukiti o Paseka lelo wamushiya ci akale oshiku ouhe kukuma mashikushiku. ²⁶Wakulete mu njiyo thza Nyambi ilya yoiwa kwei onalimi mushilwa shoe. Katele wakuteleke mwana membe mu mahwe anjina.''²⁷Shinda sha moyo ayepo ambela Mushe, ''On'ole aa maywi, mukonda ko aa maywi ninalianga ombusha noe na Isilaele.'' ²⁸Mushe ayepo kala na shinda sha moyo mayuwa no mashiku makumi ane; kanali shilya nji kunwa meyu. Ayepo n'ola pa matapa o mawe maywi o umbusha, milao likumi.²⁹Mushe apa ulumukile kutunda pa mukinya wa Sinai no matapa eli o mawe apa kuli milao thzo umbusha mu moko enji, kanalimuka ci shiumba sho lupala lwenji shaethsa ou naambaula Nyambi. ³⁰Aruni no anu a Isilaele ou amonine Mushe, shitumba sho lupala lwenji shaethsa, ne awopo ayapa kumuhenyena. ³¹Unone Mushe ayepo waisha, ne Aruni no aendishi wahe awopo akeya kukwenji. Nehoni Mushe ayepo amba no.³²Munyima thzo eyi, anu wahe o Isilaele awopo akeya kwa Mushe, ne ayepo waambele milao thzothzihe ethzi namupa shinda sha moyo pa mukinya o Sinai. ³³Mushe apa amanine kuamba no, ayepo lithsika shito kulupala lwenji.³⁴Mushe apa nathzanga kwa Sinda sha moyo kukaamba nenji, kuma natundishanga shito kulupala, kukumena apa apuna. Apa apuna pohuma ambela anu o Isilaele ei anamutumena ci aambe. ³⁵Anu o Isilaela apa amona Lupala lwa Mushe ko luethsa, pohuma alithsika shito kalo kukumena apa ahuka kukaamba na Shinda sha moyo.

¹Mushe ayepo waneka ana Isilaele wahe no kuambela ci, ''Ei yoliyo enu anamitumena Shinda sha moyo ci muikwame. ²Mukwane ekwama yenu pa mayuwa mutanu na lyofoci(6), unone kukwenu, liyuwa lyo mushitanu no mayuwa eli(7) lipiluke liyuwa lyo kukena, liyuwa lyo Sabata lyo kulitulumwisha ku enu yoihe, lyo kukena kwa Shinda sha moyo. Munu yomuhe okukwama shikwama shipi nji shipi apo pa liyuwa elyo apaiwe. ³Lelo mwafakala mililo mu manjiyo enu oahe pa liyuwa lyo Sabata.''⁴Mushe ayepo amba kwa ana Isilaele wahe, kuamba ci, ''Eshi sholiyo shinu anatume Shinda sha moyo. ⁵Mupe Sinda sha moyo sitavelo, mwaheno muhima mu micima thzenu. Mulete shitavelo kwa Shinda sha moyo- gauda, silivera, kopa, ⁶ito yo mubala o lihunga lyo nthzilu, pepulu, ukihu no line omuwa; uhunga o membe; ⁷shikanda sho lingu lyoshokwelu sho kuwesha ukihu no ikanda yokuwama shuwana; shitondo sho akasha, ⁸oili thzo mu malambi o mushibaka sho kukena, miwe thzo oli thzo kuwesha no insense yo muwe ouwa, ⁹mawe o onekisi, no mawe amweya oawa o kupaka pa efoda no pa shipinzi sho pa muili.¹⁰Mukwelume yomuhe omun'ulungu mukaci kenu akeye nakwame enu yoihe ei anatumena Shinda sha moyo- ¹¹tabernakele no tende thzathzo, shito sho peulu, iangisho yasho mashoko, malo, ithsini, no mashishelo; ¹²kalo no aleka no ithsini yathzo, muhuko o shihemo, no shito sho kuthziholeka.¹³Awopo aleta metthsa no ithsini yathzo, itenga yathzo yoihe, no ishima inapiwa kwa Nyambi; ¹⁴po kutenengana malambi, no itenga yasho, malambi asho, no oli thzo mu malambi, ¹⁵altare thzo insense no ithsini, oli thzo kuwesha no insense yo muwe ouwa; shito sho kushelo sho tabernakele; ¹⁶aletare thzo itavelo yo kutumeka no shipango sho kopa no ithsini yasho no itenga yasho; no lilonga lyo likulu nopa pokulitednenga.¹⁷Awopo aleta ito yopa lilapa no ithsini yayo no mashishelo ayo, no shito sho ku shelo sho ku lilapa, ¹⁸no mambambo o tende thzo tabernakele no lilapa, pofoci no miothzi ayo. ¹⁹Awopo aleta evata yo kukinita shuwana yo kukwama nayo mu shibaka sho kukena, evata yo kukena ya Aruni na anenji, yo kukwama nayo mu upulisita.''²⁰Nehoni mbunga thzothzihe thza ana Isilaele awopo athza kushiya Muahe. ²¹Munu yomuhe o mucima ou wahimine ei ambile noyu o mupepo wenji unamuhimisha awopo aleta enu kwa Shinda sha moyo yo kuumbisha tabernakele, enu yoihe yo mu tabernakele nei yo evata yo kukena. ²²Awopo akeya akwelume na ambuyama, wahe awa ahimine mu micima thzo. Awopo aleta mapini, tuthzeya to ku matwi, tuthzeya to ku minwe, no enu yo kukavisha, enu yoihe yoiwa yo gauda. Wahe awopo aleta itavelo yo gauda yo kukandelela kwa Shinda sha moyo.²³Munu yomuhe oyu wakalile no shito sho mubala o lihunga lyo nthzilu, pepulu, nji ukihu, line omuwa, ohunga o membe, shikanda sho lingu lyoshokwelume sho kuwesha okihu nji shikanda sho kukwama shuwana ayepo ileta. ²⁴Munu yomuhe oyu nakwama shitavelo sho silivera nji sho kopa ayepo shileta kukwama shitavelo kwa Shinda sha moyo, no munu yomuhe oyu nakala no shitondo sho akasha sho kukwamisha ikwama yoihe naye po shileta.²⁵Mbuyama yomuhe o mun'ulungu ayepo luka ohunga o lingu no moko enji no kuleta eshi analuku- sho mubala o lihunga lyo nthzilu, pepulu, nji okihu, nji line omuwa. ²⁶Ambuyama wahe awa nahimi mu micima thzo nawa nakala no on'ulungu awopo aluka ohunga o membe.²⁷Aendishi awopo aleta mawe o onikisi no mawe amweya oawa okupaka pa efoda no pa shipinthzi sho pa muili; ²⁸awopo aleta miwe thzothziwa no oli thzo mu malambi, oli thzo kuwesha, no miwe thzothziwa thzo insense. ²⁹Ana Isilele awopo aleta shitavelo kwa Shinda sha moyo ko kuhima ko; mukwelume yomuhe no mbuyama yomuhe oyu nahimi mu mucima wenji ayepo leta yo kulikwathsisha ku shikwama eshi Shinda sha moyo natume Mushe ci shikwamiwe.³⁰Mushe ayepo ambela ana Isilaele, ''Mumone Shinda sha moyo onaishi Bezalele pa lithzina mwana Uri mwana Huri, o kushikuta sha Juda. ³¹Onayalisha Bezalele no mupepo wenji, kumupa onyanyami, kuyuvishisha, no kulimuka, mu enu yokukwama no moko yoihe, ³²kukwama ikwama yoiwa no kukwama yo gauda, silivera, no kopa; ³³no kuteta mawe no kuyuwa mavala mokupaka mawe- kukwama ekwama yoiwa no un'ulungu.³⁴Onamupa mucima okulimuka kufundisha, aye na Oholiabi mwana Akisamaki, okushikuta sha Dani. ³⁵Onawapa kulimuka kukwama ekwama yo kulishiya shiya, kukwama ekwama yo anu owan'ulungu, aka kuloisha mawe aka kukinita ito yo muvala o lihunga lyo nthzilu, pepulu, no okihu no line omuwa, na akakukwama eto yo line. Atwesha kukwama ekwma yo kulishiya shiya, kalo atwesha kukwama yoihe ei anavuluka kukwama.

¹Honi Bezalele no Oholiabi no munu yomuhe omun'ulungu oyu anapa Shinda sha moyo un'ulungu no kulimuka kukwama ekwama yo kuumba shivaka sho kukena aumbe kuthza komu anatumena Shinda sha moyo.²Mushe ayepo isha Bezalele, Oholiabi, no munu yomuhe omun'ulungu oyu anapa Shinda sha moyo un'ulungu, noyu li no mucima ou uhima kunakwama shikwama. ³Owopo atambula kwa Mushe itavelo yoihe ei naleta ana Isilaele ku kuumba shivaka sho kukena. Anu kwashileta itavelo kwa Mushe ko kuhima ko mashikushiku no mashikushiku. ⁴Ne anu owan'ulungu wahe awa akwama shivaka sho kukena munu no munu ayepo kwama shikwama eshi alimuka.⁵Akwelume owan'ulungu awopo ambela Mushe, ''Anu aleta enu yoingi manene yo kukwamisha shikwama eshi anatutumena Shinda sha moyo ci tukwame.'' ⁶Ne Mushe ayepo tumena ci kwithsa munu mu shiombo oyu leta shitavelo sho kuumbisha shivaka sho kukena. Nehoni anu awopo ashiya kuleta ei ipiwa. ⁷Kuma nakala no ikwamisho yoingi kupitelela ei ifotahala kukwama shikwama shoshihe.⁸Honi akwelume owan'ulungu mukaci ko awopo aumba tabernakele thzo kukwama no ito likumi(10) yokukwama pa line omuwa no mubala o lihunga lyo nthzilu, pepulu, no okihu yo kukwama shuwana eci kelibimi. Eshi sholiyo shikwama sha Bezalele, mukwelume omun'ulungu nene. ⁹Ule o shito no shito neli moko makumi eli no moko mutanu na ahatu(28), muukulu wayo neli moko ane(4). Ito yoihe kuma naikumu pofoci. ¹⁰Bezelele ayepo waneka ito mutanu(5) pofoci, kalo ou mutanu(5) umweya ayepo uwaneka pofoci nawo.¹¹Ayepo kwama miothzi thzo muvala o lihunga lyo nthzilu pola ku mungudo o shito ku ito ei inawanekiwa pofoci yo mutatekelo, ayepo kwama kengeyo kalo kwei inawanekiwa pofoci yomushili. ¹²Ayepo kwama miothzi makumi mutanu(50) pa shito shomutatekelo no miothzo makumi mutanu(50) ku mungundo o ito inawanekiwa pofoci yo mushili ne miothzi kuma nathzikala ethzi musambwa eli thzimweya musambwa limweya lyo ito inawanekiwa. ¹³Ayepo kwama makumi mutanu(50) o tukwatisho to gauda ne ayepo waneka ito pofoci, ne tabernakele athzopo thziliwana.¹⁴Bezalele ayepo kwama ito yo ohunga o membe yopa tende peulu thzo tabernakele; ayepo kwama ito likumi na shofoci(11). ¹⁵Ule o shito no shito neli moko likumi(50), ne ukulu neli moko ane(4). Yoihe kuma naikumu pofoci. ¹⁶Ayepo waneka ito mutanu(5) pofoci ne ei imweya yo mutanu na shofoci(6) ayepo iwaneka pofoci nayo. ¹⁷Ayepo kwama miothzi makumi mutanu(50) ku mungundo o shito sho kuhula o ito inawanekiwa pofoci yo mutatekelo, no miothzi makumi mutanu(50) ku mungundo o shito sho kuhula o ito inawanekiwa pofoci yomushili.¹⁸Bezalele ayepo kwama tukwatisho to kopa makumi mutanu(50) ci awaneke tende ci thzikale shipinthzi shofoci. ¹⁹Ayepo kwama sho kuthsika peulu thzo tabernakele sho shikanda sho lingu lyo shokwelume sho kuwesha okihu, kalo shimweya sho shikanda sho kukwama shuwana sho kuthsika peulu wesho.²⁰Bezalele ayepo kwama mavala kutunda pa shitondo sho akasha okuumbisha tabernakele. ²¹Ule o livala no livala neli moko likumi(10), ne ukulu o livala no livala neli lyoko lyofoci no licika. ²²Livala no livala kuma nalikala no mambambo o kuwanekisha mavala pofoci. Kuma akwamine kengeyo ku mavala o tabernakele oahe. ²³Ayepo kwama mavala o tabernakele kengeya; mavala makumi eli(20) ku mboela o tabernakele.²⁴Bazalele ayepo kwama mashishelo makumi ane(40) okupaka mushi thzo mavala makumi eli(20). Kuma kwakalile mashishelo eli(2) mushi thzo livala lyofoci kuwaneka mabala pofoci. ²⁵Kusambwa limweya lyo tabernakele, ku mutulo o tabernakele, ayepo kwama ko mavala makumi eli(20) ²⁶no mashishelo makumi ane(40) mashihselo eli mushi thzo livala lyo matatekelo, mashishelo eli mushi thzo livala lihatako, kuthza kengeyo.²⁷Kunyima thzo tabernakele ku mutokoyuwa, Bezalele ayepo paka ko mabala mutanu na lyofoci(6). ²⁸Ayepo kwama mabala eli o ku mapeta eli okunyima thzo tabernakele.²⁹Aa mabala kuma nalihanduka kushi, unone analiwana ku wilu pa mukatango ofoci. Ayepo kwama mavala eli o ku mapeta eli. Kuma nakukala mavala mutanu na ahatu(8), pofoci no mashihselo o silivera. ³⁰Kuma kwakalile mashishelo likumi no mashishelo mutanu na lyofoci(16), mashishelo eli mushi thzo libala lyo mutatekelo, eli mushi thzo livala lihata ko, kuthza kengeyo.³¹Bezalele ayepo kwama malo o shitondo sho akasha- mutanu(5) ku mavala oku sambwa lyofoci lyo tabernakele, ³²malo mutanu(5) ku mavala o ku sambwa limweya lyo tabernakele, no malo mutanu(5) ku mavala o kunyima thzo tabernakele ku mutoko yuwa. ³³Ayepo paka malo mukaci ko mavala, kutunda, pakaci kuthza muwilu, kukakuma kuhula no kuhula. ³⁴Ayepo thsika malo no gauda. ayepo kwama mikatango thzo gauda, ci thzikwate malo, ne ayepo thsika malo no gauda.³⁵Bezalele ayepo kwama shito sho muvala o lihunga lyo nthzilu, pepulu, no okihu, no line omuwa, sho kukwama shuwana eci kerubimi, ekwama yo mukwelume o muñulungu. ³⁶Ayepo kwamena shito ithsini ine(4) yo shitondo sho akasha, ne ayepo ithsika no gauda. Kalo ayepo kwama tukwatisho to gauda ku ithsini, ne ayepo ikwamena mashishelo ane(4) o kopa.³⁷Ayepo kwama shito ku shelo sho tende. Kuma nashikwamiwa ko muvala o lihunga lyo nthzilu, pepulu, no okihu, kulikwathsisha line omuwa, ekwama ya mukwa kukinita. ³⁸Ayepo kwama kalo ithsini mutanu(5) po kukunjaelisha ito ei ili no tukwatisho. Ayepo ithsika peulu no pa elama ko gauda. Mashishelo mutanu(5) ayo kuma nakwamiwa pa kopa.

¹Bezalele ayepo kwama aleka thzo shitondo sho akesha. Ule wathzo wo pashi neli moko eli no licika, wipi wathzo neli lyoko lyofoci no licika, no ule wathzo wo muwilu neli lyoko lyofoci no licika. ²Ayepo thzithsika mukaci ko gauda thzo kukena ne ayepo thzikwamena mufunga kuthzingukukisha peulu. ³Ayepo paka macumbwa ane ku malyateelo athzo ane, macumbwa eli ku sambwa thzofoci kalo macumbwa eli ku sambwa thzimweya.⁴Ayepo kwama ithsini yo shitondo sho akesha ne ayepo ithsika no gauda. ⁵Ayepo homeka ithsini mu macumbwa ali ku aleka, po kuyelulelanga aleka. ⁶Ayepo kwama muhuko o shihemo o gauda. Ule wao neli moko eli no licika, ne mu wipi wao neli lyoko lyofoci no licika.⁷Bezalele ayepo kwama makerubimi o gauda thzo kufula o ku mahulelo eli o muhuko o shihemo. ⁸Kerubimi thzofoci kuhula thzofoci thzo muhuko o shihemo, kerubimi thzimweya kuhula thzimweya. Makerubimi kuma nakwamiwa pofoci no muhuko o shihemo. ⁹Makerubimi neli ayandumunena mando muwilu no kuthsikelela muhuko o shihemo. Makerubimi kuma nalitanekela no kutanekela pakaci ko muhuko.¹⁰Bezalele ayepo kwama methsa thzo shitondo sho akesha. Ule wathzo neli moko eli, wipi wathzo neli lyoko lyofoci, ne ule wathzo neli lyoko lyofoci no licika. ¹¹Ayepo thzithzsika no gauda o kukena no kupaka mufunga o gauda kuthzingulukisha peulu. ¹²Ayepo kwama livala kuthzithzingulukisha lyo kukuma pa shingandi sho lyoko mu ukulu, no gauda thzo pa livala. ¹³Ayepo kwama tukwatelo tune to gauda no kupaka tukwatisho ku mapeta ane, oku nakukala maulu ane.¹⁴Tukwatisho neli twakwata ku livala kukwama mokupaka ithsini, po kuyelula methsa. ¹⁵Kuma akwamine ithsini pa shitondo sho akesha no kuithsika no gauda, po kuthziyelulela. ¹⁶Ayepo kwama ikwamisho yopa methsa- malonga, ituwo, manganja, no tuhupa yo kulikwathsisha kuku mwaaa itavelo. Kuma aikwamine pa gauda thzo kukena.¹⁷Ayepo kwama po kutenekanga malambi sho gauda thzo kukena thzo kufula. Ayepo kwama po kutenekanga malambi no litako lyasho no ilama yasho. Manganja asho, litako lyasho lyo mamuna, no mapalithsa asho inakwamiwa pofoci nasho. ¹⁸Mitai mutanu na ofoci thzinayandumukela ku mambali asho- mitai thzihatu thzayandumukela ku mbali thzofoci, ne mitai thzimweya thzihatu thzinayandumukela ku mbali thzimweya. ¹⁹Mutai o matatekelo kuma wakalile no manganja ahatu aa anakwamiwa eci shithsalathsala sho alumondi, no litako lyo mamuna no palithsa, no manganja ahatu anakwamiwa eci shithsalathsala sho alumondi ku mutai umweya, no litako lyo mamuna no mapalithsa. Neli kwakala kengeyo ku mitai mutanu na ofoci thzothzihe ethzi nathziyandumukela ku mambali o po kutenekanga malambi.²⁰Po kutenekaanga malambi, pakaci kasho, kuma kwakalile manganja ane aa anakwamiw eci shithsalathsala sho alumondi, no matako ao o mamuna no mapalithsa. ²¹Kuma kwakalile litako lyo mamuna mushi thzo mitai thzili thzo matatekelo- aa anakwamiwa pofoci nasho, no litako lyo mamuna mushi thzo mitai thzili thzomushili- nathzo thzinakwamiwa pofoci nasho. Mitai thzili thzo mushihatu nathzo mushi thzathzo kuma kwakalile litako lyo mamuna, ethzi thzinakwamiwa pofoci nasho. Neli kwakala kengeyo ku mitai mutanu na ofoci ethzi nathziyandumukela ku mambali o po kutenekanga malambi. ²²Matako o mamuna no mitai yathzo yoihe kuma naikwamiwa pofoci nasho, ekwama yo kufula yo gauda thzo kukena.²³Bezalele ayepo kwama po kutenekanga malambi no malambi asho mutanu na eli, malimi asho no malonga ao o gauda thzo kukena. ²⁴Ayepo kwama po kutenekanga malambi no ikwamisho yasho no talanta thzofoci thzo gauda thzokukena.²⁵Bazalele ayepo kwama aletare thzo inseinse. Ayepo thzikwama pa shitondo sho akesha. Ule wathzo o pashi neli lyoko lyofoci no ukulu washo neli lyoko lyofoci. Neli thzalieishana omu no nomu, ne ule wathzo o muwilu neli moko eli. Manyia athzo kuma nakwamiwa pofoci nathzo. ²⁶Ayepo thsika aletare thzo insense no gauda- peulu wathzo, mu mambali athzo, no manyia athzo. Kalo ayepo kwama mufunga o gauda kuthzithzingulukisha.²⁷Ayepo kwama tukwatisho twili to gauda otu tunakwata ku mufunga wathzo kusambwa eli no kusambwa ei. Tukwatisho moliyo mo kuhomekanga ithsini po kuyelulela aletare. ²⁸Ayepo kwama ithsini yo shitondo sho akesha, no kuithsika no gauda. ²⁹Ayepo kwama oli thzo kukena thzo kuwesha no insense yo muwe outowi, ekwama yo munu mukwa kuwama miwe thzothzitowi.

¹Bezalele ayepo kwama aletare thzo itavelo yo kutumeka thzo itondo yo akesha. Shime thzakumine pa makokonwa mutanu mu ule no makokonwa mutanu mu wipi- no makokonwa ahatu mu ule o muwilu. ³Ayepo kwama yokukwana mapeta ane yokulipitula eci manyia o ngombe. Ao manyia kuma nakwamiwa pa shipinthzi shofoci no aletare ne ayepo athsika kopa. ²Ayepo kwama ikwamisho yo aletare yoihe. Tunyungu to mututwi, mafocolo, malonga, ituwo yokukin'isha nyama(foloko), no tunyungu to insense. Yoihe ei yokulikwasthsisha kuma aikwamine pa kopa.⁴Ayepo kwamena aletare shokufakalela mulilo, sho ifu yo kopa shokupaka ku ulyatelo kutunda kushi. ⁵Ayepo paka tuthzeya tune ku mapeta ane esho sho kufakalela mulilo, ci akwate ithsini.⁶Bezalele ayepo kwama ithsini yo shitotndo sho akesha no kuithsika no kopa. ⁷Ayepo homeka ithsini mu tuthzeya mu mambali o aletare, kuthziyelula. Ayepo kwama aletare licumbwa, thzokukwama pa mavaya.⁸Bezalele ayepo kwama lilonga lyoshokulu lyo kopa no utala o kopa. Kuma akwamine lilonga kutunda pa iponi ya ambuyama awa nakwamanga kushelo thzo tende thzokuliwanena.⁹Ayepo kwama lilapa kalo. Ku mboela thzo lilapa kuma nakunjaelishako ito yokukwama pa line omuwa, okukuma pa makokonwa shita mu ule. ¹⁰Eyo ito naikunjaelela kuma yakalile no ithsini makumi eli no mashishelo o kopa makumi eli. Kuma nakukala no ikwatisho yo pa ithsini, no miothzi thzo shilivera.¹¹Ku mutulo wo lilapa nako, kuma akunjaelelishileko, iito ikuma pa makokonwa shita mu ule no ithsini makumi eli, no mashishelo o kopa makumi eli, ikwatisho inakwatelela ku ithsini, no miothzi thzo shilivera. ¹²Ito naikunjaelelishiwa ku wiko wo lilapa kuma naikumu pa makokonwa makumi mutanu mu ule, no ithsini no mashishelo. Ikwatisho sho pa ithsini no miothzi kuma naikwamiwa pa shilivera.¹³Lilapa kalo kuma nalikala no ule okukuma pa makokonwa makumi mutanu ku muvoyuwa. ¹⁴Ito naikunjaelela pa shelo kuma naikala no ule okukuma pa makokonwa likumi no makokonwaa mutanu mu ule. Kuma yakalile no ithsni ihatu no mashishelo ahatu. ¹⁵Kushelo shimweya kalo sho lilapa kuma nakukunjaelela ito yo ule okukuma pa makokonwa likumi no makokonwa mutanu, no ithsni ihatu no mashishelo ahatu. ¹⁶Yoihe ito ei naikunjaelela kuthzinguluka lilapa kuma naikwamiwa pa line o muwa.¹⁷Mashishelo o ithsini kuma nakwamiwa pa kopa. Ikwatisho no miothzi kuma naikwamiwa pa shilivera, shokuthsika paeulu thzo ithsini kuma nashikwamiwa pa shilivera. Ithsini yo lilapa yoihe shime naikala no shilivera kuhula. ¹⁸Shito sho pashelo sho lilapa kuma nashikala no ule ukuma pa makokonwa makumi eli. Esho shito kuma nashikwamiwa ko mibala thzo unthzilu, pepulu, no line thzo ukihu oshonye, line o kufuma shuwana, o ule okukuma pa makokonwa makumi eli mu ule. Kuma nashikala no ule ukuma pa makokonwa makumi eli mu ule no makokonwa mutanu mu ule o muwilu, eci ito yopa lilapa. ¹⁹Ithsini yasho ine no mashishelo kuma naikwamiwa pa kopa, ne ikwatisho kuma naikwamiwa pa shilivera. ²⁰Mambambo o Tabernakele no lilapa oahe kuma naikwamiwa pa kopa.²¹Ei yoliyo itenga yo mu Tabernakele, tabernakele thzo upaki, kuthza ko kutuminina kwa Mushe. Ikwama ya Alivi kuthza ko kuendishiwa kwa Itamare mwana Aruni mupulisita. ²²Bezalele mwana Uri mwana Huri, kutunda mu mukuta wa Juda, kuma akwamine enu yoihe atuminine Shinda sha moyo kutuminina Mushe. ²³Oholiabi mwana Akimasiki, kutunda mu mukuta wa Dani, kuma nakwama na Bezalele kufula ifu, mukwelume o un'ulungu, no kufuma no mivala thzo unthzilu, pepulu, no wanda o ukihu oshoonye , no line omuwa.²⁴Gauda thzothzihe nathzikwamishiwa ku shikwama, mu ekwama yoihe yo shivaka shoshikenu- gauda thzitunda pa nupu- shime thzakwana matalenta makumi eli no matalenta mutanu na ane no mashekele 730, kuthza ko shekelo thzo mushivaka shoshikenu. ²⁵Shilivera nashipunishiwa ku anu o mu maumbo nashikala no ulemu ukuma pa matalenta shita no mashekele 1,775 kuthza ko shekele thzo mushivaka shoshikenu, ²⁶nji beka thzofoci pa munu no munu, atho thzikuma pa licika lyo shekele, kuthza ko shekele thzo mushivaka shoshikenu. Ethzi palo kuma nathzishimbelela anu wahe awa nataliwa apa nakutaliwa anu, awa ali no myaka makumi eli no kuthza kuwilu- 603,550 akwelume wahe.²⁷Matalenta akuma pa shilivera shikuma pa shita kuma napakiwa pa mashishelo o shivaka shoshikenu no mashishelo o shito- mashishelo shita, talenta thzofoci pa lishishelo no lishishelo. ²⁸Mashekele akuma pa 1,775 o shilivera aa nashiyala, Bezalele ayepo kwama ikwatisho yo pa ithsini, kuthsika kuhula thzo ithsini no kuikwamena miothzi. ²⁹Kopa thzitunda pa nupu thzakalile no ulemu ukuma pa matalenta makumi mutanu na eli no mashekele 2,400.³⁰Koi ayepo kwama mashishelo o apa shelo sho tende thzo shiwano, mashishelo o lilapa, mashishelo o ifu yo kufakalela mulilo, yoihe yokulikwathsisha ku aletare, ³¹mashishelo o lilapa, mashishelo o shelo sho lilapa, mambambo oahe o tende thzo tabernakele, no mambambo oahe o tende thzo lilapa.

¹Owopo akwama avata yokufuma no mivala thzo liwilu, pepulu no ukihu yo kukwama nayo mushivaka shoshikenu. Awopo akwamena Aruni eto yokuvata mushivaka shoshikenu , eci eli Shinda sha moyo atuminine Mushe.²Bezalele ayepo kwama efoda thzo gauda, thzo mivala thzo liwilu, pepulu, no ukihu, no ito yoiwa yo line. ³Awopo afula gauda kumuninga epapalala no kumutetaula tufu totuonye, kutupaka pa wanda o muvala o liwilu, pepulu, no ukihu no pa shito sho line shoshiwa, ekwama yomunu o mun'ulungu.⁴Awopo akwama epinthzi yo pa mapee thzo efoda, ei inakwata lwili kuwilu lwathzo. ⁵Mwiya wathzo wokufuma ko un'ulungu neli walipitula no efoda; neli wakwamiwa ko shipinthzi shofoci no efoda, no kukwamiwa ko wanda wo okufumiwa nawa no line no gauda omuvala o liwilu, pepulu, no ukihu, eci eli Shinda sha moyo atuminine Mushe.⁶Awopo akwama mawe o onekisi, aa anavungeliwa mu gauda, awopo akwathzaula po eci shikandisho ko kukwathzaula po mathzina o ana Isilaele. ⁷Bezalele ayepo tupaka pa tupinthzi to pa mapee o efoda ci tukale mawe o evulukisha ya ana Isilaele eci eli Shinda sha moyo natuminina Mushe.⁸Ayepo kwama shipinthzi sho pa muili ko ekwama yo munu o mun'ulungu, kukwamiwa shuwana eci efoda. Ashikwama ko gauda, no muvala o liwilu, pepulu, no ukihu no shito sho line shoshiwa. ⁹Neli sha mambango ane okuendelela. Awopo apeteka lwili shipinthzi sho pa muili. kutwala paule o mulyoko mu ule no muwipi.¹⁰Awopo afumenamo mifumo thzine thzo mawe oawa. Mufumo okutanga wakalile no mawe o rubi, topazi, no gameti. ¹¹Mufumo omushili wakalile no emaraudi, safire, no diamande. ¹²Mufumo o mushihatu wakalile no jasinta, agate, no amesiti. ¹³Mufumo omushine wakalile no berili, onikisi, no jasipa, Aa mawe kuma aombelile mu gauda.¹⁴Kwakalile mawe likumi naeli, pa liwe no liwe pakalile lithzina lya ana Isilaele, liwe no liwe lyakwalauliwa lithzina limweya lyo kumikuta likumi na thzili. ¹⁵Pashipinthzi sho pa muili awopo akwamenapo miothzi thzo makunda thzo kupohiwa pa gauda shemwa. ¹⁶Awopo akwama makwatelo eli o gauda no tuthzeya twili to gauda, ne awopo apaka oto tuthzeya twili ku makwatelo o shipinthzi sho muili.¹⁷Awopo apaka miothzi thzili thzo kupoha thzo gauda mu tuthzeya twili ku mambango o pashipinthzi sho pa muili. ¹⁸Awopo anga mahulelo amweya o miothzi thzo kupoha ku makwatelo eli. Awopo ianga kuipinthzi yo pa mapee yo efoda pa mbando thzasho.¹⁹Awopo akwama tuthzeya twili to gauda nokutupaka kumahuleielo eli okushi thzo efoda, mushi pepi no mungundo o mushi. ²⁰Awopo akwama kalo tuthzeya twili to gauda no kutupaka kushi thzo mahulelelo eli o tupinthzi to pa mapee twili to palupala lo efoda, kumbali thzo mungundo peulu thzo mwiya o mumbunda unafumiwa nawa pa efoda.²¹Awopo anga shipinthzi sho pa muili ko tuthzeya twasho kutuangelela ku tuthzeya to efoda kutuanga ko muothzi o mubala o liwilu, ci shikwate kuwilu thzo efoda pohuma ko miothzi thzo pa efoda thzo kufuma nawa. Kuma nakwama kengeya ci shipithzi sho pa muili katele shitunde pa efoda. Kuma nakukwamiwa omu Shinda sha moyo natuminina Mushe.²²Bezelele ayepo kwama shivata shoshile sho efoda shokukwamiwa pa wanda o muvala o liwilu, ekwama ya mukwa kukinita. ²³Esho shito shakalile no licumbwa pakaci mo kupunishela mutwi. Eli licumbwa kuma alingundile kuyapisha ci katele liyatuke. ²⁴Ku mungundo o kushi athzingulukishile no manjobo o mubala o liwilu, pepulu, no ukuhi no line omuwa.²⁵Awopo akwama milangu thzo gauda shemwa, ne awopo apaka ethzo milangu mukaci ko manjovo kuthzingulukisha kushi thzo mungundo o shivata, mukaci ko manjovo- ²⁶mulangu no linjovo, mulangu no linjovo- ku mungundo o shivata ci Aruni akwamishe. Omu moliyo Shinda sha moyo atuminine Mushe.²⁷Awopo akwamena Aruni na anenji owakwelume ekoveyo yo wanda ouwa o line. ²⁸Awopo akwama huthsi thzo upulisita pa wanda ouwa o line, no tukepesi to wanda ouwa o line, no evata yo mushi yokukwamiwa pa wanda ouwa o line, ²⁹no mwiya okukwama pa wanda ouwa o line o mubala o liwilu , pepulu no ukihu, ko ekwama ya mukwa kuluka. Kuma akwamine eci eli Shinda sha moyo atuminine Mushe.³⁰Awopo akwama shipala sho huthsi thzo kukena pa gauda shemwa; awopo akwalaula po eci akwalaula yo pa shikandisho, ''Kwa Shinda sha moyo kukene.'' ³¹Awopo anga ku huthsi muothzi o mubala o liwilu peulu thzo huthsi. Eci eli Shinda sha moyo na tumena Mushe.³²Honi ekwamam yo Tabanakele, ethzo tende thzo kuliwanena athzopo thzitunuliwa kukwamiwa. Enu yoihe ana Isilaele naikwama. Kuma nashupwela enu yoihe ei natuminina Shinda sha moyo kwa Mushe. ³³Awopo aleta Tabanakele kwa Mushe- tende no ikwamisha yathzo yoihe, eangisho, mapala, mavalelo, mikatango no mashoko; ³⁴shikanda sho ngu shokuwesha okihu sho kuyala, no ekanda yoiwa, no shito sho sho kufuwelela ci anu amona mutabanakele ³⁵no aleka omu kuli milao thzo kuliyuva, no etondo no eshi yokuthsika po.³⁶Awopo aleta methsa, no ekwamisha yathzo yoihe, no makende o shimonisho, ³⁷po kuteneka malampi sho gauda no malampi asho, no ekwamisha yasho no maathzi o mu malampi; ³⁸no aletare(katala) thzo gauda, maathzi okuwesha no insense; no shito sho mushelo thzo tabanakele; ³⁹aletare(katala) thzo kopa no shipaka shathzo no etondo yathzo no ekwamisha yathzo no lilonga lyoshokulu lyo kulihupela no litako lyalyo.⁴⁰Awopo aleta eto yo kulilapa no etondo yayo nomu mokushihsela, no shito sho kushelo thzo lilapa; itondo yasho no ei yokukwatisha tende; no ekwamisha yoihe yokukwamisha mu tabanakele, tende mokuliwanena. ⁴¹Awopo aleta evata yoiwa yokukwamisha mu shivaka shokukena, evata yokukena ya Aruni mupulisita na anenji, ci akwame ekwama yo upulisita.⁴²Yanakwama ana Isilaele yoihe ekwama natuminina Shinda sha moyo kwa kwa Mushe. ⁴³Mushe ayepo londolola ekwama yoihe, ne, mumone, omu anakwamena moliyo. Omu natuminina shinda sha moyo, moliyo nathzikwamena. Nehoni Mushe ayepo wafiyaula.

¹Nehoni Shinda sha moyo ayepo amba kwa Mushe, ²''Mu liyuuwa lyo mutatekelo ku ngonda thzo mutatekelo mu mwaka oupe oshishe tabernakele, athzo tende thzo shiwano.³Opake mo aleka thzo upaki, ne othziyanjelele no shito. ⁴Olete mo methsa no kupaka shuwa ei iloela kukalapo. Nehoni oletemo shokutekanga malambi ne oteneke po malambi.⁵Opake aletare thzo gauda thzo insense paposho thzo areka thzo upaki, kalo opake shito ku shelo sho tabernakele. ⁶Opake aletare thzo kutumekela itavelo paposho thzo shelo sho tabernakele, athzo tende thzo shiwano. ⁷Opake lilonga lyo likulu mukaci ko tende thzo shiwano no aletare ne opake po meyu.⁸Oshishe lilapa kuthzingulukisha tende thzo shiwano, ne onungelele shito ku shelo sho lilapa. ⁹Oshimbe oli thzo kuwesha ne oweshe tebernakele no enu yoihe ei ilimo. Othzikwame thzo kukena no itenga yathzo yoihe; ne kenge thzipiluka thzo kukena. Oweshe aletare thzo kutumekela itavelo no ikwamisho yathzo yoihe. ¹⁰Aletare othzikwame thzo kukena ne kenge thzipiluke thzo kukena nene kukwange. ¹¹Oweshe lilonga lyo kopa nopa po kulitenekanga ne kenge thzipiluka thzo kukena kukwange.¹²Wakulete Aruni na anenji ku shelo sho tende thzo shiwano ne owahupe no meyu. ¹³Owavateke evata yo kukena, omuweshe ne omukenishe ci anikwamene mu upulisita.¹⁴Wakulete anenji no kuwavateke macanthsi. ¹⁵Owaweshe eci omu onaweshela tata wo ci akwame shikwama sho upuisita. Kuweshiwa ko kenge kuwakwama apulisita okukalelela mu shikuta sho sho shoshihe.'' ¹⁶Ei yoliyo nakwama Mushe; kuma ashupwelile yoihe ei amutongwelile Shinda sha moyo ci akwame. Kuma akwamine yoihe ei enu.¹⁷Nehoni tabernakele thzashishiwile mu liyuwa lyo mutatekelo mu ngonda mu mwaka omushili. ¹⁸Mushe ayepo shisha tabernakele, no kupaka mashishelo athzo, kupaka mavala, kupaka malo, no kushisha ithsini no mavala. ¹⁹Ayepo yandumunena po sho peulu no kuthsika po tende, eci omu namutumena Shinda sha moyo. ²⁰Ayepo shimba milao thzo umbusha no kuthzipaka mu areka. Ayepo paka ithsini ku areka no kuthsika po muhuko o shihemo.²¹Aayepo leta areka mu tabernakele. ayepo paka shito kuthsika areka thzo milao thzo upaki, eci omu namutumena Shinda sha moyo. ²²Ayepo paka methsa mu tende thzo shiwano, ku mutulo wo tabernakele, pola thzo shito. ²³Ayepo paka shuwana ishima pa methsa paposho thza Shinda sha moyo, eci eli namutumena Shinda sha moyo.²⁴Ayepo paka po kutenekanga malambi mu tende thzo shiwano, musambwa thzo methsa, ku mboela o tabernakele. ²⁵Ayepo yuumisha malambi pa meho a Shinda sha moyo, eci eli namutumena Shinda sha moyo.²⁶Ayepo paka aletare thzo gauda thzo insense mu tende thzo shiwano paposho thzo shito. ²⁷Ayepo tumekelapo insense yo muwe outowi, eci eli namutumena Shinda sha moyo.²⁸Ayepo paka shito ku shelo sho tabernakele. ²⁹Ayepo paka aletare thzo kutumekela itavelo ku shelo sho tabernakele, athzo tende thzo shiwano. Ayepo paka po itavelo yo kutumeka no ipiwa yo nona, eci eli namutumena Shinda sha moyo. ³⁰Ayepo paka lilonga mukaci ko tende thzo shiwano no aletare, ne ayepo paka po meyu o kulihupa.³¹Mushe, Aruni, na anenji kuma nahupa moko oo no maulu oo pa lilonga ³²popahe apa aingenena mu tende thzo shiwano nopa popahe apa athzela ku aletare. Kuma nalihupanga, eci eli Shinda sha moyo natumena Mushe. ³³Mushe ayepo shisha lilapa kuthzingulukisha tabernakele no aletare. Ayepo paka shito ku shelo sho lilapa. Omu moliyo omu, Mushe amanenine shikwama.³⁴Nehoni livui alyopo lithsika tende thzo shiwano, ne kutethzima kwa Shinda sha moyo okpo kuyala mu tabernakele. ³⁵Mushe katweshile kuingena mu tende thzo shiwano mukonda livui kuma lyathsikile peulu athzo, mukonda kalo kutethzia kwa S hind sha moyo kuma kwayalile mu tabernakele.³⁶Popahe apa livui nalitundelanga pa tabernakele kuthza muwilu, ana Isilaele pohuma akatuka mu muendo woo. ³⁷Unone ngeci livui kalitundile pa tabernakele kuthza muwilu, pohuma anu kaende. Kenge akala kukakumena liyuwa apo lyakutundela livui pa tabernakele kuthza muwilu. ³⁸Mukonda livui lya Shinda sha moyo kuma nalithsikanga patabernakele mutanya, ne mulilo wenji kuma naukalanga po ushiku, ana Isilaele wahe kwalimonena mu muendo woo wouhe.

¹Nga munu ayepo kwama omango mukonda kali wa kupaka opaki o shinu eshi aloela kupaka, shianga eci ona shimono nji ona shiyuvu, kenge aku wana mulandu. ²Nji shianga munu ayepo kwata shinu esho Nyambi ona kana eci kali shikenu, nji shianga shiyama sho shivimbi sho kukana kukena sho mu mulundu nji shiyama sho kumuna nji shimbiwa sho kuenda no lila, shianga eci kana limuka eshi ana kwama, ona kala okukana kukena kalo oli no mulandu.³Nji ayepo kwata shinu sho munu sho kukana kukena, shoshihe shiya sho kukana kukena, kalo shianga ka alimukile, apa ashilimuka, ne kenge akukala no mulandu, muinu yoihe eyi. ⁴Nji shianga munu ayepo lethza ko kanwa kenji kukwama omango, nji kukwama owa, shoshihe eshi analyethze munu koku yokolola kulyethza, shianga eci kalimukile, apa ashi limuka, ne kenge akukala no mulandu, moiyi inu yoyihe.⁵Nga munu ayepo wipisha kushinu shofoci ku inu eyi, aloela ku litawela omango wenji. ⁶Ne alete nupu thzo mulandu wenji uya ana kwama kwa shinda sha moyo shi yama sho shimbuyama mu mutapi, shianga lingu nji membe, sho nupu thzo mulandu, kalo mu pulisita a mukwamene shilombele kuthza ko omango wenji.⁷Nga ka twesha kuula linguana, ne atwesha ku leta nupu thzo mulandu wenji makuci eli nji mayembe oa onye eli kwa shinda sha moyo, lyofoci ku nupu thzo mulandu kalo limweya ku nupu thzo ku tumeka. ⁸Alete kwa mu pulisita, oyu wakupa thzo foci ko nupu thzo omango tango-kenge akuli thseta thsingo ambene ka kuli tundishelelela thsingo mwilama. ⁹Ne kenge aku shamawela onyinga unwe ya onupu thzo mulandu ku mbalawila thzi mweya thzo katala, kalo kenge aku loishela aa aku shalapo pashi posho thzo katala. Ethzi thzoliyo nupu thzo mulandu.¹⁰Ne akulete shinyunyi sho mushili ko nupu ko nupu thzo kutumeka, eci eli kuna ambiwa mu mu kutumina, ne mu pulisita kenge akumukwamena shilombelo sho omango uya nakwama, ne oya munu kenge aku kwateliwa.¹¹Ambene nga ka twesha kuula makuci eli no mayembe eli oa onye, ne kenge akuleta ko shitavelo sho omango wenji aku anekele sho kwingena miendo likumi mu Afa ko shunga ouwa ko nupu thzo mulandu. Kwithsa kupaka oli nji insense po shunga, mukonda nupu thzo mulandu.¹²Aku thzilete kwa mupulita, ne mupulisita kenge akushimbamo lyoko lyo kuyala lyo shunga kwimanena nupu thzo mulandu ne kalo no kuthzi tumekela pa katala, peulu thzo nupu thzo kukwama ko mulilo mukonda ko shinda sha moyo. Ethzi thzoliyo nupu thzo omango. ¹³Mu pulisita kenge aku kwama shilombelo ku mulandu ouhe uya ana kwama munu, kalo oya munu kenge aku kwateliwa. Shohsihe sha kushiala ku nupu sha kukale sha mupulisita, eci ko nupu thzo shunga."¹⁴Ne shinds sha moyo aayepo ambela Mushe, eci ¹⁵"Kumona munu ayepo wipisha kukwama mulandu ko kana kusepahala kushimba shinu koiya ina pandama kwa shinda sha moyo, ambene nakwama ko kukana kulimuka, ne kenge akuleta nupu thzenji thzo omango kwa shinda sha moyo. Ethzi nupu thzikale thzo mengo okupila kapongonyi kutunda mu mutapi, muulo wathzo ukale oku anekela no Silivela sho Mashekele -opa shivaka sho shikenu ko nupu thzo mulandu. ¹⁶Kenge ku hushela shinda sha moyo yo kuanekela ko eyi nakwama yoyi mango yo kulipitula neyi yo ikenu, kalo kenge ku pakapo shofoci kusho mushitanu ne ape mupulisita. Ne mupulisita kenge aku kwamena shilombelo ko shiyama sho nupu thzo mulandu, ne oya munu kenge aku kwateliwa.¹⁷Nga munu ayepo wipisha ku kwama shi mweya iya shinda sha moyo na tumina eci ya kukwamiwa, shianga eci ka limukile, oli no mulandu kalo kenge a shimba mulandu wenji. ¹⁸Alete mengo okupila kapongonyi kutunda mu mutapi, kuthza ko muanekelelo woye ko nupu thzo mulandu thza mu pulisita. Ne mupulisita kenge aku kwama shilombelo kuthza ko mulandu ou na kwama, ou nakana kulimuka, ne akukwateliwa. ¹⁹Nupu thzo mulandu, ne shemwa onepisha posho thza shinda sha moyo."

¹Shinda sha moyo ayepo amba kwa Mushe, eci, ²"Kumona munu ayepo kwama omango no ku kukwama ko kukana ku sepahala kwa shinda sha moyo ko kuangela muenjenji ko shinu eshi na kala kuwenji, nj shianga eshi nashi shiala mukushinnyunga kukwenji, nji shinu shia shinethziwa, nji shinu ana shimbi kwa muenjenji ko ku mutwesha, ³nji nawana shinu shiya na yongisha mweenjenji ne ayepo angela, nji ayepo lithza yo kwithsa, nji shianga muinu yoihe yo kulipitula eci eyi anu anakwama ko mango, ⁴ne kalo nga ona kwama omango ne ona waniwa kukala no mulandu, akuhushe yoihe eyi nashimbi ko withzi nji ko kutwesha, nji shiya na shiyongo ambene na shiwana.⁵Ko ku vungishako, mwinu youhe omu ana lyethze yo kwithsa, aloela kushi husha sho shihe kalo akupakepo shofoci kuinu mutanu eyi a husha kalo aikule kwa shinda muya muliyuwa ana waniwa no mulandu. ⁶Ne akulete nupu thzenji thzo mulandu kwa shinda sha moyo, mengo omuwa o kupila kapongonyi kutunda mu mutapi ko kuane ko kuwa ko nupu thzo mulandu kwa mu pulisita. ⁷Mu pulisita kenge akumukwamena shilombelo posho thza shinda sha moyo, ne kenge aku kwateliwa kuthza ko mulandu ouhe ou ana kwama.⁸Ne shinda sha moyo ayepo amba kwa Mushe eci, ⁹"Otumine Aruni nanenji owa akwelume, eci, 'ou oliyo mulao o nupu thzo kutumeka thzikale pa lithziko lyo katala oshiku ouhe kupitela ku mashiku-shiku, kalo mulilo opa katala kenge wa kuyuuma shikati sho shihe.¹⁰Mu pulisita kenge akuvata shikovelo shenji sho line, kalo kenge akuvata olukwe o line. Kenge aku kundula mututwi uya o kushiyala mulilo kuuna thzimana o nupu thzo kutumeka pa katala, kalo kenge aku paka mututwi kunyonga thzo katala. ¹¹Kenge aku tundisha ivata yenji akuvate ivata yayo ku tundisha mututwi mu shilombo kuutwala ku shivaka shasho sho shikenu.¹²Mulilo opa katala kenge waku kwatelela ku yuuma. Kawa kuthzima, kalo mu pulisita kenge aku tumeka ñunyi mashi-shiku liyuwa no liyuwa. Aku loishelepo nupu thzo kutumeka, kalo kenge aku tumekelapo maathzi o nupu thzo kuliyala. ¹³Mulilo wa ku kwatelele ku yuuma pa katala. Kowa kuthzimana.¹⁴Ou oliyo mulao o nupu thzo shunga. Ana Aruni woliyo aku thzileta posho thza shinda sha moyo posho thzo katala. ¹⁵Mupulisita aku shimbe lyoko lyokuyala lyo shunga ouwa o nupu kalo no oli no insense thzo nupu thzo shunga, ne kenge aku utumekela pa katala kuleta muwe outowi ko kwimanena nupu.¹⁶Aruni nanenji kenge akulya shoshihe sha kushiala ku nupu. Sha kuliwe ko kupila mamene mu shivaka sho shikenu. Akulyele mu lilapa lyo tende thzo shiwano. ¹⁷Koya ku poniwa no mamene. Ina shipa ko mbulawila thzoo kutunda ku nupu thzange thzo kukwama ko mulilo. Thzikenu nene, ko nupu thzo omango no nupu thzo mulando. ¹⁸Mukwelume yomuhe kwa ekulwa Aruni akulyeko, ko mulao okukana kupwa ku shikuta shoye, kutundisha ku nupu thzo mulilo ana kwamena shinda sha moyo. Yomuhe wa kuikwata kenge akukala omukenu.¹⁹Ne shinda sha moyo ayepo amba na Mushe kalo, eci, ²⁰"Ethzi tholiyo nupu thza Aruni nanenji, ethzi akupa shinda sha moyo mu liyuwa eliyo mwana ao mwana aku weshiwa: Shivela sho shunga ouwa sho kwingena mienda likumi mu Efa thzo shunga thzo nupu, shipuputwa ku mashiku kalo shiputwa ku lungulo.²¹Ya ku kwamiwe no oli mo ku ponena. Apa ya kupwa kupona, wakuilete mukaci. Ko tupathsi to kupwa kupona kenge leta nupu thzo shunga kuleta muwe outowi kwa shinda sha moyo. ²²Mwana mu pulisita shokulu oyu wa kukala mu pulisita sho kulu omupe kutunda kwa anenji aku Shilelete. Ko kutumina kokukana kupwa, yoihe yaku tumekeliwe kwa shinda sha moyo. ²³Oshunga onupu thza mupulisita ouhe waku tumekiwe. Shaa kuliwe.²⁴Shinda sha moyo ayepo amba na Mushe kalo, eci, ²⁵"O ambe na Aruni nanenji, eci, 'ou oliyo mulao o nupu thzo omango: Nupu thzo omango thzi paiwe ku shivaka apa nupu thzo ku tumeka thzina paeliwanga posho thza shinda sha moyo. Shinda sho shikenu nene. ²⁶Mu pulisita oyu wakuleta nupu thzo mulandu aye athzilye. A kushilyelya mu shivaka sho shikenu mulipa lyo tende thzo shiwano.²⁷Shoshihe shikwata nyama thzo kenge sha kukena, kalo nga onyinga po wa shamukela pa shito shoshihe, wa kushihupa, mbalawila thziya thzina shamukela, mushivaka sho shikenu. ²⁸Ambene kanyungu koma omu shaku telekiwa ka kufe. Kumena thza telekiwa mukanyungu ko kopa, kaku shokotiwe no kuka hupa mu meyu oakenu.²⁹Mukwelume yomuhe ku mapulisita atwesha ku thzilya mukonda thzinakene. ³⁰Ambene nupu thzothzihe thzo mulandu omumuna shimbiwa onyinga kuleta ku tende thzo shiwano eci akwame shilombelo mushivaka ka shoshikenu sha kuliwa. Sha kutumekiwe.

¹Ou oliyo mulao o nupu thzo mulandu. Ukenu nene. ²Aku pae nupu thzo mulandu mushivaka omu ana thzi paelanga, kalo aku shamawela onyinga wa thzo ku katala ko kahe. ³Maathzi athzo omahe akupiwe: Maathzi oku muthsila, maathzi aya omukaci, ⁴nyama thzo kulyumba thzo mukaci thzili no maathzi athzo, ethzi thzihatu ku shimbalama, kalo no nyama thzo ku lihulu, no nyama thzo ku lyumba-thzo thzihe ethzi thza kutundishiwe.⁵Mu pulisita atumeke ethzi nyama pa katala ko nupu thzo kutumekela shinda sha moyo no mulilo. Ethzi thzoliyo nupu thzo mulandu. ⁶Mukwelume yo mushe ku mapulisita atwesha kulya ku shilama sho ethzi nupu. Thzilyeliwe mushivaka sho shikenu mukonda thzikenu nene.⁷Nupu thzo omango po thzina pitula eci nupu thzo mulandu. mulao ofoci ukwama ku thzo thzihe. Thzina pandama kwa mupulisita oyu thzi kwamena shilombelo. ⁸Mupulisita oyu leta nupu thzo munu yumweya thzo kutumeka kenge ashialisha aye shinda shikanda sho thziya nupu.⁹Nupu thzo thzihe thzi poniwa mu oveni, kalo no nupu thzo thzihe thziya thzi telekiwa pa pani thzo ku ponena nji pani thzo ku koshela kenge thzi kala thza mupulisita oyu nathzileta. ¹⁰Nupu thzo thzihe thzo shunga, shianga thzo thzikukutu nji shianga thzo ku kosha no oli, thza kukale thza thzo ku lye ishana kwa ekulwa Aruni.¹¹Ou oliyo mulao o shitavelo sho nupu tho kuliyala ethzo anu akupa kwa shinda sha moyo. ¹²Kumona munu ayepo thzi leta ko kandelela, ne athzilete no shitavelo sho makende oku kwama kokupila mamene, ambene okukosha no oli, o makende okupila mamene, ambene oku wesha no oli, kalo no makende okukwama no shunga ouwa ofulawa oyu oku koshisha no oli.¹³Kalo ko maayalo okupa sho kukandelela, alete nupu thzenji thzo kuliyala thzo makende oshunga oku kwama ko kupila mamene. ¹⁴Oli no kuleta shimweya no shimweya ko eyi itavelo yo kenge ko nupu thzo ku tulekela shinda sha moyo. Thza kukale thza mapulisita awa a kushamawela onyinga o nupu thzo kuliyala pa katala.¹⁵Munu naleta nupu thz kuliyala ko kufota kupa sho ku kandelela alye nyama thzo nupu thzenji muliyuwa lyo shitavelo. Ashiya shimweya ku nyama kupitela ku mashiku-shiku mu liyuwa lihatako. ¹⁶Ambene nga nupu thzenji po thza maayalo okulianga, nji nupu thzo kupa ko kuhima, nyama thza kuliwemu liyuwa liya aleta nupu thzenji, ambene shoshihe shaku shialako sha kuliwe mu liyuwa lihatako.¹⁷Ambene, thzo thzihe nyama thzo shitavelo thzi shialako mu liyuwa lyo mushihatu thzi tumekiwe. ¹⁸Nga kunyama thzimweya thzo nupu thzo munu thzo kuliyala po thzinaliwa muliyuwa lyo mushihatu, ko thza ku tambuliwa, sha kukale eci makongo ko oya na shileta. Kenge sha kukala shinu sho mathzilo, kalo munu oyu wa kulyako kenge akulishimbela mulandu omango wenji.¹⁹Nyama thzo ku kwata sho mathzilo kali thza kulya. Thzi tumekiwe. Eci ko nyama thzo thzihe, yomuhe oyu nakene alyeko. ²⁰Ambene munu o mathzilo oyu lya ku nyama thza nupu thzo kuliyala ethzi thzina pandama kwa shinda sha moyo -oya munu a kutundishiwe kwa enjenji.²¹Kumina munu yomuhe akwata ku shinu shoshihe sho mathzilo -shianga mathzilo omunu nji shiyama sho mathzilo nji sho shinu sho mathzilo, sho shimango-kalo nga ayepo lyaa kunyama thzimweya thzo nupu thzo kuliyala thza shindasha moyo, oya munu atundishiwe kwa enjenji."'²²Ne shinda sha moyo ayepo amba kwa Mushe, eci, ²³"Amba kwa anu Asilaele eci, 'Kamwa kulya maathzi o ngombe, mangu, nji membe. ²⁴Maathzi o shiyama sho kulifela sho kukana kukwama shitavelo, nji maathzi o shinyama shina paiwa ku ikondwama, aku kwameshiwe kumukunu yayo, ambene mwa akualye shemwa.²⁵Yo muhe oyu wa kulya maathzi o shiyama shiya anu atwesha kupa ko nupu thzo ku mulilo kwa shinda sha moyo, oya munu aku tundishiwe kwa enjenji. ²⁶Mwa kulya onyinga mu manjiyo enu, shianga o shinyunyi nji o shiyama. ²⁷Yo muhe oyu wa kulya onyinga ouhe, oya munu atundishiwe kwa anjenji."²⁸Ne shinda sha moyo ayepo amba na Mushe eci, ²⁹"Amba na anu A isilaele eci, 'Oyu wakuleta nupu thzo kuliyala thza shinda sha moyo alete mbathzuwila thzo shitavelo shenji kwa shinda sha moyo. ³⁰Nupu thza shinda sha moyo thzi kwamine ko mulilo, moko enji athzi lete. Alete maathzi no mbando, eci mbando thzi tambekiwe no kuthzi husha ko nupu posho thza shinda sha moyo.³¹Mu pulisita atumekele maathzi pa katala, ambene mbando thza kukale thza Mushe na ekulyenji. ³²Mutelele mu pulisita litambaulu lyo shilyo eci ko nupu kwimanena shitavelo sho nupu thzenu thzo kuliyala.³³Mu pulisita, yumweya kwa ekulwa Aruni, oyu leta onyinga o nupu thzo kuliyala kalomaathzi-kenge akuwana litambaulu lyo shilyo ko kua sho shitavelo shenji. ³⁴Mukonda ina shimbi kwa anu Aisilale, nupu thzo mbando, kalo no litambaulu liya ana tundisha anu, ne ana lipa Aruni mupulisita na anenji ko shipiwa shoo.³⁵Eshi sholiyo shipiwa shinda sha Aruni na ekulwenji kutunda ku nupu thza shinda sha moyo thzo kukwama ko mulilo, mu liyuwa apa Mushe na wapaka ku kwamena shinda sha moyo mushikwama sho mupulisita. ³⁶Eshi sholiyo shipiwa shinda moyo moyo natumina eci ashipiwe kutunda kwanu Aisilaele, mu liyuwa liya na wehse mapulisita. Shakukale shipiwa shoo mushikuta sho shoshihe.³⁷Ou oliyo mulao o nupu thzo kutumeka, nupu thzo oheke, nupu thzo omango, nupu thzo mulandu, nupu thzo shilombelo, kalo no shitavelo sho nupu thzo kuliyala, ³⁸thziya shinda sha moyo na tumina kwa Mushe ku mukinya wa Sinai mu liyuwa liya natumina anu Asilaele kuleta nupu thzo kwa shinda sha moyo mumbulwakukutu thza Sinai."

¹Shinda sha moyo ayepo amba na mushe, eci, ²"Oshimbe Aruni na anenji owahe okwelume, no kuivata no oli thzo ku weshisha, no ka poho ko nupu thzo omango, no mengo thzili, no liyongo lyo eshima yo kukana kuthza mamene. ³Owaneke anu wahe pa shelo thzo tende mo kuliwanena."⁴Ne Mushe ayepo kwama eci elina mulitongwela shinda sha moyo, ne mungi wa anu aopo ukeya pa shelo thzo tende mo kuliwanena. ⁵Ne Mushe ayepo amba ku mungi wa anu, "Eshi sholiyo shinda sha moyo na tumina eci shi kwamahale."⁶Mushe ayepo leta Aruni na anenji owa kwelume no ku wahupa no meyu. ⁷Ayepo vateka Aruni shikoveyo sho shile no kumanga ko mwiya wa sho mumbunda, no ku muvateka shikoveyo sho efoda kalo ayepo mupaka Efoda, ne kalo ayepo muanga ko mwiya o Efoda ou una lukiwa ko uñulungu mumbunda thzenji.⁸Ayepo muthsika shimonisho pa mbando, kalo pa shimonisho sho pa mbando ayeo pakapo Urimi no Tumimi. ⁹Ayepo mupako huthzi thzo shi pulisita ku mutwi, ne pa huthsi, posho, ayepo angelelapo kapathsi ko kavala ko Gauda, shiyengisho sho shikenu, eci eli shinda sha moyo na mutumina.¹⁰Mushe ayepo shimba oli thzo ku weshisha, ne ayapo wesha Tavanakele no inu yoihe naikalomo ne ayepo itulekela shinda sha moyo . ¹¹Ayepo shamawela oli pa katala miendo mutanu na thzili, kalo no ku wesha katala no etenga yoihe, kalo lilonga lyo ku lihupela no omu linakala, kui tulekela shinda sha moyo¹²Ayepo mwaele oli thzi mweya thzo ku weshisha ku mutwi wa Aruni no ku muwesha no ku mukenisha. ¹³Mushe ayepo leta ana Aruni no ku wavateka ito yoyile. Ayepo waanga miya mu mbunda thzoo no kuwapaka huthsi ku mitwi thzoo, eci eli na mutumina shinda sha moyo.¹⁴Mushe ayepo leta ka poho ana ko muputhzo omango, ne Aruni na anenji awopo a paka moko oo pa mutwi okapoana kaya naleta ko nupa thzo omango. ¹⁵Ayepo kapaa, ne ayepo shimba onyinga no ku uwesha ku manyia o katala ko minwe thzenji, ku kenisha katala, ayepo mwaele manyinga kushi thzo katala, no ku ka kenishela Nyambi eci ku kwamiwe chilombelo ko ako.¹⁶Ayepo shimba maathzi omahe omu nyama thzo mukaci, nyama thzo kulihulu, kalo no nyama thzili thzo kulyumba no maathzi a thzo ne Mushe ayepo thzi tumekela thzo thzihe pa katala. ¹⁷Ambene ka pohoma, mutwi wako, nyama thzako, kalo no shikanda shako ayepo kai tumekela kunyima thzo shilombo, eci eli shinda sha moyo na mutumina.¹⁸Mushe ayepo leta mangu ko nupu thzo ku tumeka, ne Aruni na anenji awopo a paka moko pa mutwi a mangu. ¹⁹Ayepo ka paa no ku shamawela onyinga wako ku katala kokahe.²⁰Ayepo tetaula mangu tupathsi-pathsi ne no ku tumeka ka matwi no tupathsi-pathsi no maathzi. ²¹Ayepo yowa nyama thzo mukaci kalo no maulu ko meyu, ne ayepo tumeka mengu-yomuhe pa katala. Na thzikala nupu thzo kutumeka ne kalo nathzileta muwe outowi, nupu thzo ku kwama ko mulilo thza shinda sha moyo eci eli shinda sha moyo natumina.²²Ne Mushe ayaepo leta mangu yumweya, mengu o shilombelo sho u pulisita, kalo Aruni na anenji awopo apaka moko oo pa matwi mangu. ²³Aruni ayepo mupaa, ne Mushe ayepo shimba ku manyinga amweya no kuawesha ku hula thzo litwi lya Aruni lyo shilyo, ku lipambala lyo ku lyoko lyo shilyo, no ku lipambala lyo ku liulu lyo ku shilyo. ²⁴Ayepo leta ana Aruni, ne ayepo wa wesha manyinga amweya ku hula omatwi no oshilyo, ku mapambala oo oku moko oku shilyo, kalo no ku mapambala oo oku maulu oku shilyo. Ne Mushe ayepo shamawela onyinga washo ku katala kokahe.²⁵Ayepo shimba maathzi, maathzi oku muthsila, mathzi owahe aya na akala mu munyama thzo mukaci, nyama thzo ku lihulu, nyama thzo kulyumba thzili no maathzi athzo, kalo no litambaulu lyo ku shilyo. ²⁶Ayepo shimba likende lyo foci lyo kukana kuthza mamene kutunda mu lyendeko lyo makende okukana kuthza mamene eli na likala posho thza shinda sha moyo, ayepo shimba likende lyo foci lyo kupila mamene, kalo no likende lyo foci lyo kuthza maathzi, no meyu, no ku apaka pa maathzi kalo pa litambaulu lyo ku shilyo. ²⁷Ayepo ipaka yoihe mu moko a Aruni no moko a anenji ne ayepo ipa no kuihusha posho thza shinda sha moyo.²⁸Ne Mushe ayepo itundisha muko oo no ku itumekela pa katala ko nupu thzo kutumeka. Nathzikala nupu thzo shi pulisita kalo na thzileta muwe outowi. Nathzi kala nupu thzo ku kwama ko mulilo ku kwamena shinda sha moyo. ²⁹Mushe ayepo shimba sho mbando kushipa no kushihusha posho thza shinda sha moyo eci ko shipiwa sha shinda sha moyo. Nashikala sha Mushe esho nawanako ku mengo ko shipula sho shi pulisita, eci eli na mutumina shinda sha moyo.³⁰Mushe ayepo shimba ku oli thzo ku weshisha kalo no onyinga uya naukala pa kattala, ayepo ishanawela Aruni, pe ito yenji, kwa anenji, kalo no pa ito ya anenji naye. Mu mukalelo ou ayepo kenisha Aruni no ivata yenji, kalo na nenji no ivata yoo kala shinda sha moyo.³¹Ne Mushe ayepo ambela Aruni na nenji, "Mutekele nyama pa shelo thzo tende mokuliwanena, ne mu mulyelepo no eshima yo mulyendeko lyo shilombelo shoshi pulisita, eci eli nani tumina, eci, 'Aruni nanenji kenge a kuilya.' ³²Shoshihe shaku shiala ku nyama nji ku shima mwaloela ku itumeka. ³³Ka mwa kuloela ku punena pola ko shelo sho tende mo kuliwanena mu mayuwa mutanu na eli, kupitele mayuwa enu oku pakiwa pa upulisita aku kwamahale. Mukonda shinda sha moyo kenge akumi kwamena shilombelo sho shi pulisita mumayuwa mutanu na eli.³⁴Sholiyo shina kwamahala lelo-shinda sha moyo ona tumina eci ku tawe ku mikwamena shilombelo. ³⁵Kenge mwa kukala oshiku no mutanya mu mayuwa mutanu na eli pa shelo thzo tende mo kuliwanena, kalo mutuleke milao thza shinda sha moyo, ne kamwa kufa, mukonda eshi sholiyo ninatumina." ³⁶Ne Aruni na nenji awopo akwama inu yoihe eyi nawa tumina shinda sha moyo ko Mushe.

¹Mu liyuwa lyo mu shihatu -na ahatu Mushe ayepo wisha Aruni na nenji no manduna a Isilaele. ²Ayepo ambela Aruni, "Oshimbe kapoho ana kutunda mu mutapi ko nupu thzo omango, kalo no mengo omuwa ko nupu thzo ku tumeka, ne oipe nposho thza shinda sha moyo.³Waloela kuamba kwanu a Isilaele eci, 'Mushimbe shithzamba sho membe ko nupu thzo omango kalo no ka pohoana no linguana, yoihe ikale yo mwaka ofoci kalo yo kukana ku yengwiwa, ko nupu thzo ku tumeka; ⁴kalo oshimbe pulu kalo no mengo ko nupu thzo ku liyala posho thza shinda sha moyo, kalo no nupu thzo oshunga oku wanekela no oli, mukonda lelo shinda sha moyo kenge alimonahalisha kukwenu."' ⁵Ne ayepo aleta yoyihe eyi Mushe na tumina ku tende mo kuliwanena, ne mungi wa Isilaeleouhe aopo ukeya kunemana posho thza shinda sha moyo.⁶Ne Mushe ayepo amba, "Eshi sholiyo shinda sha moyo na mitumina kukwama, eci oku kwethza ku monahale kukwenu." ⁷Mushe ayepo ambela Aruni, "Okeye pepi no katala no kupa nupu thzoe thzo omango kalo no nupu thzo ku tumeka, ne olikwamene shilombelo owe oshinda kalo neshi sha anu, kalo ope nupu thzo anu kuwa kwamena shilombelo, eci eli natumina shinda sha moyo."⁸Ne Aruni ayepo thza pepi no katala no kupaa ka pohoana ko nupu thzo omango, ou naukala wenji aye shinda. ⁹Ana Aruni awopo aleta onyinga ku kwenji, ne ayepo kiña munwe munyinga no kulamba ku manyia opa katala; Ne ayepo mwaele onyinga pashi po ku shishela katala.¹⁰Ambene, ayepo tumeka maathzi, nyama thzo ku lyumba, kalo no nyama thzo kuliulu pa katala ko nupu thzo omango, eci shinda sha moyo eli na tumina Mushe. ¹¹Nyama no shikanda ayepo ka itumekela pola thzo shilombo.¹²Aruni ayepo paa nupu thzo kutumeka, ne anenji awopo amupa onyinga, ou na shamwawela katala kokahe. ¹³Ne awopo amupa nupu thzo kutumeka, shituthsula ko shituthsula, pofoci no mutwi, ne ayepo itumekela pa katala. ¹⁴Ayepo hupa nyama thzo mukaci no maulu kalo ayepo thzi tumeka ku thzi paka peulu thzo nupu thzo kutumeka pa katala.¹⁵Aruni ayepo letela anu nupu -membe, ne no kumushimba ko nupu thzo omango woo ni ku mupaa, ayepo mukwama nupu thzo omango, eci eli nakwama no membe omutatekelo. ¹⁶Ayepo leta nupu thzo kutumeka kalo no kuthzipa eci eli shinda sha moyo natumina. ¹⁷Ayepo leta nupu thzo oshunga; ayepo shimbamo lyoko lyo foci lyo kuyaka no kuthzi tumeka pa katala, ko nupu thzo mashiku-shiku thzo ku tumeka, pofoci no nupu thzo kutumeka mashiku.¹⁸Ayepo paa kalo pulu no mengu, nupu thzo kuliyala, ethzo na thzi kwamena anu. Ana Aruni awopo amupa onyinga, ou na shamawela katala kokahe. ¹⁹Ambene awopo atundisha maathzi oka pohoana no mengo, mathzi oku, muthsila, maathzi aya ana thzinguluka nyama thzo mukaci, nyama thzo ku lyumba, kalo no nayama thzo kulihuli.²⁰Awopo ashimba nyama thziya ana tundishako no thzi paka ku nyama thzo mbando, ne Aruni ayepo tumeka maathzi pa katala. ²¹Aruni ayepo pa no kuhusha nyama thzo mbando kalo no litambaulu lyo ku shilyo ko nupu thzo kupa no kukusha posho thza shinda sha moyo, eci eli natumina Mushe.²²Ne Aruni ayepo ololela moko enji kwanu no kuwa fiyaula; ne ayepo ulumuka kutunda ku nupu thzo omango, nupu thzo ku tumeka, kalo no nupu thzo kuliyala. ²³Mushe na Aruni awopo athza mutende mo kuliwanena, ne awopo apunena pola kalo no ku fiyaula anu, kalo kwethsa kwa shinda sha moyo akopo kumonahala kwanu wahe. ²⁴Mulilo aopo utunds kwa shinda sha moyo no kuna tumeka nupu thzo kutumeka no maathzi pa katala. Apa anu wahe na mono eyi, awopo akuwa no kuwapa shiko lupala.

¹Nadavi na Avihu, ana Aruni, munu no munu ayepo shimba kanyungu kenji, ku pakamo mulilo, ne no kutumekelamo Incense. Ne awopo aleta mulilo oku kana ku limuka oku utunda posho thza shinda sha moyo, ou nakana kuwa tumina eci aulete. ²Ne mulilo aopo wiya kutunda posho thza shinda sha moyo no ku wa tumeka, ne awopo afela posho thza shinda sha moyo.³Ne Mushe ayepo ambela Aruni, "Eshi sholiyo na amba shinda sha moyo eci, Kenge naku monahalisha kukena kwange kowa keya pepi nange. Kenge na kushangaliwa posho thzo anu wahe." Aruni kana amba shimweya. ⁴Mushe ayepo wisha Mishaele na Elizafani mwana Uziele mwelya a Aruni, ne ayepo wambela, "Mwiye kuno na mushimbe apenu mushilombo ku tunda posho thzo Tavanekele."⁵Ne awopo akeya po pepi no kuna washimba, kwana vata ivata yoo yo shipulisita, ku wa tundisha mu shilombo, eci eli natumina Mushe. ⁶Ne Mushe ayepo ambela Aruni na Eliazare na Itamare, anenji, "Lelo mwa teula huki thzenu, kalo mwa yatula ito yenu, eci mwa kufa, mukonda oli thzo ku weshisha thza shinda sha moyo aku anjipela anu wahe o shilombelo. Ambene mutawethze apenu, aka njiyo thza Isilaele wahe, ku lilela awo mulilo wa shinda sha moyo una tumeka. ⁷Mwa kupunena pola ko shelo thzo tende mo kuliwanena, eci mwa kufa, mukonda oli thzo ku weshisha thza shinda sha moyo thzili ku kwenu." Ne awopo kwama kuthza ko kutumina kwa Mushe.⁸Shinda sha moyo ayepo ambela Mushe eci, ⁹"Lelo wanwa waine inji yo kunwa yoyilulu, owe, nji anoye awa ana shiala noye, apa wakuthza mutende mokuliwanena, ne kanwa kufa. Ou wa kukala mulao oku kalelela mushikuta shenu, ¹⁰ku limuka kunangula yo yikenu no eyi yo imango, kalo mukaci koyo yiken no yo mathzilo, ¹¹eci mwa kulongethse anu a Isilaele milao thzo thzihe thziya na tumina shinda sha moyo ko mushe."¹²Mushe ayepo ambela Aruni na Eliazare no Itamare, anenji oku shiala, "Mushimbe nupu thzo shunga thziya nathzi shiala ku nupu thzo ku shiala kwa shinda sha moyo thzo ku kwama no mulilo, ne muthzilye kupila mamene ku nyonga no katala, mukonda thzi kenu nene. ¹³Mwa loela kuthzi lyela mu shivaka sho shikenu, mukonda eshi sholiyo shipiwa shoye kalo no shipiwa sha anoye sho nupu kwa shinda sha moyo thzo ku kwama no mulilo, mukonda eshi sholiyo nani tumina ku miambela.¹⁴Mbando thziya thzi piwa no litambaulo liya limanena shinda sha moyo, mwa loela ku thzi lyela mu shivaka sho shikenu sho kutambuliwa kwa Nyambi. Owe na noye na noye ambuyama awo oli noo aloela ku thzilya, mukonda thzina piwa ko kupiwa koye kalo no kupiwa kwa noye kutunda ku nupu thzo kuliwana kwa anu a Isilaele. ¹⁵Litambaulo no nyama thzo mbando thziya thzipiwa, thzi keye no nupu thzo maathzi thzo kukwama no mulilo, thzo ku tambeka posho thza shinda sha moyo. Thza kukale thzoye na noye ko sho kupiwa sho nupu thzo ku kalelela, eci eli shinda sha moyo natumina.¹⁶Ne Mushe ayepo wipula membe o nupu thzo omango, ne ayepo wana eci thzina tumekiwa. Ne ayepo anjipela Eliazare na Itamare, ana Aruni oku shiala; ayepo amba, ¹⁷"Ine muna kana kulyela nupu thzo mulandu mu shivaka sho tavanakale, mbeshopo shikenu, kalo mbeshipo shinda sha moyo ona shimipa ku tundisha omango o mungi, kuwa kwamena shilombelo sho posho thzenji? ¹⁸Mone, onyinga wa thzo kanauleti wa mukaci ko tavanekele, ne na muloela shemwa ku lyelya mu shivaka sho tavanekele, eci eli nani tumina."¹⁹Ne Aruni ayepo tawa Mushe, "Mone, lelo ana kwama nupu thzoo thzo omango kalo no kuthzi tumeka posho thza shinda sha moyo, ne eyi inu ina kwamahala ku kwange lelo. Kumona inali nupu thzo omango lelo, eshi nga shakala sho ku loela mumeho a shinda sha moyo?" ²⁰Mushe apa nayuvu kengeyo, ayepo tawa.

¹shinda sha moyo ayepo wamba kwa Mushe no Arauni, ci, ²"Oambele anu o Isilaele, ombe kuko ci, 'Apa munu womuhe nge ci akola livuvi elyo lipuna pa ilama eyenji, kenge akala okukana kukena. ³Kukana kukena kwenji kunatundu po wethzi o livuvi. Shianga ilama yenji ya hoya no livuvi inji kalo ka noisha, ona kala okukana kukena.⁴Pa kanaha popahe apa lala kenge pa kakala po kukana kukena, shoshihe esho akala kenge shika kala shokukana kukena. ⁵Yomuhe oyo katwata pa kanaha kenji kenge aka hupa ito yenji noku lihupa naye mumeyu, ne kenge akala okukana kukena kukakuma lungulo.⁶Munu yomuhe oyo kakala apa anakala mukwelume okukola livuvi, kenge akahupa ito yenji noku lihupa pa ilama mumeyu, ne kenge akakala okukana kukene kukakuma lungulo. ⁷Munu yomuhe oyo kakwata ilama yo munu kukola livuvi kenge aka hupa ito yenji noku lihupa mumeyu, ne akale okukana kukena kukakuma lungulo.⁸Kenji munu oyo kola livuvi ayepo thsipela munu okukana kukola, ne oyo munu kenge akana hupa ito yenji noka lihupa mumeyu, ne kenge akala okukana kukena kukakuma lungulo. ⁹Po kukala popahe oyo mu kalivuvi na endishakenge pakala pokukana kukena.¹⁰Ne munu yomuhe kakwata shimweya esho shili mushi thzoyo munu kenge akala okukana kukena kukakuma lungulo, ne munu ayo kashimba eyo inu kenge aka hupa ito yenji ne alihupe mumeyu; henge akala okukana kukena kukakuma lungulo. ¹¹Munu yomuhe oyo mukwelume akakwata kokupila kulihupa ku moko enji no meyu kenge ahupa ito yenji mumeyu no kulihupa aye shinda mumeyu, ne kenge akala okukana kukena kukakuma lungulo. ¹²Kokahe kanyungu ko uma akakwata munu mukakukola livuvi kapaiwe, kafuma ko shitondo ka hupiwe mumeyu.¹³Apa mukakukola akapola kuwethzi wenji, akale mayuwa mutanu naeli okulikenisha; ne ahupe ito yenji no kulihupa mumeyu okupuka. Ne kenge akukala okukena. ¹⁴Mu mayuwa mutanu no mayuwa ahatu ashimbe makuci eli nji tumayembe ana twili no ku keya pashelo sho tende thzo shiwano pameho o shinda sha moyo; oko akatambeke mu pulisita enyunyi. ¹⁵Mu pulisita ailete, thzi mweya ci nupu thzo umango kalo no thzi mweya ko nupu thzo kutumeka, ne mu pulisita akweme shilombelo pameho o shinda sha moyo ko livuvi lyenji.¹⁶Ngeci muwelume yomuhe atundisha ana, ne ahupe ito yenji mumeyu; kenge akakala okukana kukena kukakuma lungulo. ¹⁷Shito shoshihe nji shikanda apo pali ana kenge ihupiwa mumeyu; kenge ikala yo kukena kukakuma lungulo. ¹⁸Ngeci mukwelume ona lala no mbuyama ne ngeci ana, ana waniwa kuko, kenge a lihupa mumeyu wowahe ne akale okukana kukena kukakuma lungulo.¹⁹Apa mbuyama akala kushithzila, kenge akala matuwa mutanu no eli oshithzila, yomuhe kamukwata kenge akala okukana kukena kukakuma lungulo. ²⁰Shinu shoshihe akala mushikati shenji shoshithzila kenge shikakala shokukana kukena; shoshihe esho akakala kalo kenge shikala shokukana kukena.²¹Yomuhe kakwata kanaha kenji kenge akahupa ito yenji noku kulihupa mumeyu; oya munu kenge akala okukana kukena kukakuma lungulo. ²²Yomuhe kakwata shoshihe ana kala kenge aka hupa ito yenji noku lihupa mumeyu; oya munu kenge akukala okukana kukena kukakuma lungulo. ²³Shianga pa kanaha kenji ana lalanga nji pophe apa anakalanga, nga yepo shakwata, oyu munu kenge akukala okukana kukena kukakuma lungulo.²⁴Ngeci mukwelume ayepo lala no mbuyama, ngeci kukana kukena kwenji ayepo kwata shithzila shenji oyo munu kenge akala okukana kukena pa mayuwa mutanu no eli. Pa kanaha popahe aka lala kenge pakakala pokukana kukena.²⁵Ngeci mbuyama ayepo kala ku shithzila ko mayuwa oangi kali mushikati sho thza kushithzila, nji ayepo kala kushithzila ko shikati sho kupitelela sho shithzila shenji, mumayuwa oahe oshithzila shenji okukana kukena, kenge akala eci elya na kalanga mu mayuwa enji. Kakenine. ²⁶Kanaha kokahe ako akalala mu mayuwa o shithzila shenji ounyinga kenge kakala kukwenji eci kanaha ana lalanga koli kushithzila, ne noshinu shoshihe akakala kenge shikakala shokukana kukena, eci ko mayuwa enji oku thza ku shithzila. ²⁷Munu yomuhe kakwata yoihe eyo kenge akala okukana kukena; ahupe ito yenji noku lihupa mumeyu, ne kenge akala okukana kukena kukakuama lungulo.²⁸Unone kenji onatundu ku shithzila shenji sho manyinga, ne kenge akatala mayuwa mutanu no eli, ne munyima kenge akakala okukena. ²⁹Mu mayuwa mutanu no ahatu kenge ashimba makuci eli shianga tuma tembe ana twili no kutuleta kwa mu puisita pa shelo sho tende thzo shiwano. ³⁰Mu pulisita kenge aleta shinyunyi shi mweya ci nupu thzo umango nethzi mweya ci nupu thzo kutumeka, ne kenge amukwamena shilombelo pameho a shinda sha moyo mukonda ko kukana kukena ko shithzila shenji sho manyinga.³¹Omu muliyo mushiyanishela anu o Isilaele kutunda ku umathzilo o, ne kakufa ku mathzilo o, apa akana kukenisha tavanekele thza nge, omo ni yoya mukaci ko,³²³³Ou oliyo mulao ku munu yomuhe oyu li no wethzi wo livuvi, mukonda mukwelume yomuhe oyo ana a lipunena no ku letishela kukana kukena, mukonda mbuyama yomuhe oyo uli kushithzila, munu yomuhe oyu uli no wethzi olivuvi, shianga mukwelume inji mbuyama, ne mukwelume yomuhe oyu lala no mbuyama oyu likushithzila."'

¹Shinda sha moyo ayepo ambela Mushe apo neli munyima thzo kufa kwa ana Aruni eli, apa thzile pameho a shinda sha moyo ne awopo afa. ²Shinda sha moyo ayepo amba kwa Mushe, "Oambele Aruni mukuloye no kumuambela ci akeyange shikati no shikati mushivaka sho shikenu mukaci ko shito, pameho oshitwamo shoshihemo esho shili pa aleka. Ngeci akwamange kenge yo, kenge afa, mukonda kenge nili monahalisha pa livui peulu lyo shitwamo sho shihemo.³Ne omu moliyo Aruni akeyela mushivaka sho shikenu. Aingene no pohwana eci nupu thzo umango no totolo ci nupu tyhzo kutumeka. ⁴Kenge avata line omukenu omule, ne kenge avata mwiya o line ne no tape thzo line. Ei yoliyo ito yoikenu. Aswanela kuhupa ilama yenji mumeyu ne avate muito eyo. ⁵Ne kenge ashimba mushiwano sho anu o Isilaele membe thzili eci nupu thzo umango no tololo yofoci ci nupu thzo kutumeka.⁶Ne kenge aleta pohwana eci nupu thzo umango, mukonda kenji, thzo no kukwama shilombelo mukonda kenji nako njiyo thzenji. ⁷Ne kenge shimba membe thzili athzilete pameho a shinda sha moyo pa shelo sho tende thzo shiwano.⁸Aruni kenge akaneha koloto membe thzili, yu mweya membe wa shinda sha moyo, ne noyu mweya membe wa athza thzele. ⁹Aruni ne kenge aleta membe oyo kanewa no loto mukonda ko shinda sha moyo, noku mupaa oyo membe eci nupu thzo umango. ¹⁰Unone membe na walekiwa loto wa thza thzele kenge aletiwa ko yoya pameho a shinda sha moyo, ku kwamishiwa shilombelo noku mushielela ci alithzele mumbulwakukutu koli wa athza thzele.¹¹Ne Aruni kenge aleta pohwana mukonda ko nupu thzo umango, esho shikakala shenji. Kenge akwama shilombelo mukonda kenji no mukonda ko njiyo thzenji, ne kenge aka paa pohwana eci nupu thzo umango no mukonda kenji.¹²Aruni kenge akashimba poto thzo kuyala thzo makala o mulilo kutunda ku Aletare pameho o shinda sha moyo, ko lyoko lyenji lyo kuyala kenge akañwata lwili ku insense omutowi, noku leta eyo inu kunyonga thzo shito. ¹³Kenge apaka insense mu mulilo pameho o shinda sha moyo eci livuinelyo likatunda pa insense ci likathzike pa shitwamo sho shihemo esho shina thziki ombusha. Akwame yo ne ci napa afa.¹⁴Ne kenge aka shimba manyinga amweya opohwana ne ashamawene ko munwe wenji posho thzo shitwamo sho shihemo. Ashamawene amweya manyinga ko munwe wenji mutanu notwili pameho o shitwamo sho shishihemo.¹⁵Ne kenge apaa membe mukonda ko nupu thzo umango mukonda ko anu noku leta mukaci ko shito. Oko kenge aka kwama no manyinga eci eli ana kwama no manyinga opohwana: Kenge aka shamawena shitwamo sho shihemo. ¹⁶Kenge akwama shilombelo sho shi shivaka shoshikenu mukonda kokukana kukena koikwama yo anu Osilaele, mukonda kokuliyuvishisha kou mango wo wouhe. Kalo kenge kwama mukonda ko tende thzo shiwano, omo shinda sha moyo ona kala mukaci ko, muikwama yo yokukana kukena.¹⁷Kwakala munu mutende thzo shiwano apa Aruni akengamo kukwama shilombelo mushivaka sho shikemu, ne kupitela apa puna noku mana kukwama shilombelo shenji na nenji, ne mukonda ko shiwano sho shihe sho Isilaele. ¹⁸Kenge apuna kuthza ku Aletare pameho o shinda sha moyo no ku kathzi kwamena shilombelo, ne kenge aka shimbimba manyinga amweya opohwana no amweya manyinga o membe noku apaka ku munyiya o Aletare kokuhe. ¹⁹Ko munwe wenji kenge a shamawena manyinga amweya mutanu no etwili ku thzi kenisha no ku paka kunyonga kwa shinda sha moyo, kutunda koiyo mathzilo yo anu o Isilaele.²⁰Apa namana kukenisha shivaka shoshikenu no tende thzo shiwano, no Aletare, kenge aleta membe oku yoya. ²¹Aruni kenge apaka moko enji owahe mu mutwi o membe oku yoya ambe a mango wouhe wanu o Isilaele no umango wouhe no ku liyuvishisha koo kokuhe no umango wo wouhe. Ne kenge apaka owo umango mu mutwi o membe no ku mushiya lithzele no munu oyo mucithzacithzela mumbulwakukutu. ²²Membe kenge a shimba omango wouhe wanu mushika sho kupila anu. Omo mumbulwa kukutu, munu kenge aka mushiya aka lithzele.²³Ne Aruni kenge ahuka kuthza mu tende thzo shiwano noku katuvula ito yo line ana vata ko shime kuthza mushivaka sho shikenu, ne kenge aka ishiyamo. ²⁴Kenge aka lihupa pailama no meyu mushivaka shoshikenu, nokavata muito yenji ne kenge a puna kuthza a lete nupu thzenji thzo kutumeka no nupu thza anu thzo kutumeka, ko kengeyo akwame shilombelo mukonda kenji no anu.²⁵Kenge atumeka pa Aletare maathzi o nupu thzo umango. ²⁶Mukwelume oyo natwala membe wa thzathzele eci akathze kenge ahupa ito no ilama yenji mumeyu peci munyima aka huke mushilombo.²⁷Pohwana mukonda ko nupu thzo umango no membe mukonda ko nupu thzo umango manyinga ao analetiwa ku kwamishiwa shilombelo mushivaka shoshikenu, kenge aka shimba pola lyo shilombo shikanda, nyama no afwati ne kenge aitumeka. ²⁸Oyo mukwelume na tumeka eyo inu kenge akalihupe pailama noku hupa ito yenji mumeyu;mmunyima peci akahuke mushilombo.²⁹Ou woliyo mulao okukalelela kukwenu mungonda thzo mutanu na mangonda eli (7) ngonda ukwithzishiwa likumi (10) kenge mukakalisha micima thzenu muhonyi mwa kakwama, shianga wo ana lekeliwa kakwenu nawo ananakala kukwenu. ³⁰Mukonda yoliyo muliyuwelyo kenge mukakwameniwa shilombelo, ci muka kenishiwe ku mango wenu wouhe ne kenge mukakenishiwa pameho a shinda sha moyo. ³¹Kukwenu kenge likakala lyo thsavata liyuwa lyo kwayuluka ne kenge mu kakala muhonyi ne mwaka kwama. Ou woliyo mulao ukakalele mukaci kenu.³²Mu pulisita shokulu, okuweshiwa kushwana tata wenji, kukala mupulisita sho kulu kenge a kwama shilombelo shenji avate ito yo line, eyo, ito yoikenu. ³³Kenge akwama shilombelo mukonda ko shivaka shoshikenu nene; kenge akwama shilombelo mukonda ko tende thzo shiwano no mukonda ko Alatare, ne kenge akwama shilombelo mukonda ko mupulisita no mukonda ko shiwano sho anu wowahe.³⁴Ou woliyo mulao okukalelela kukwenu, oku kwama shilombelo mukonda ko anu o Isilaele mukonda ko mango wo wouhe, lofoci mu mwaka." Eci eli ana tumina shinda sha moyo kwa shinda sha moyo kwa Mushe shakwamahalile.

¹Shinda sha moyo ayepo ambela Mushe: ²"O ambele ana Isilaele, ne owa amble ci, 'Aa po o malombola ana hanguliwa kwa shinda sha moyo, aa mu naloela kuamba ci akenu; oliyo malambola ange.³Mukwelume ekwama yenu mu mayuwa omutanu nalyofoci, ambene mwelyo mutanu nelyo mushili po Savata thzo kutulumwesha

¹"Kamwa kukwam tumbonya, kamwa kukwata shikupulo sho ku yuwa nji liwe lyo kuyuwa, kalo kamwa ku shisha liwe lyo shikupulo mu litunga lyenu oku mwa ku linyama, mukonda yame no shinda sha moyo Nyambi wenu. ²Mutuleke masavata ange no kutuleka shivaka shange sho shikenu. Yame no shinda sha moyo.³Kumona muenda ko milao thzange kalo no kutuleka itumina yange no ku ikuteka, ⁴ne kenge na kumipa mvula mushikati sho ndombo; litunga kenge lya kumipa shilya sha lyo, kalo itondo yo muushilwa kenge ya kwima oshuka wayo.⁵Kenge mwa ku kwatelela kupula ku twala mushikati sho ku yanga mavu, kalo kuyanga mavu kenge kwa ku kula kutwala pa shikati sho kukuna. Kenge mwa kulya eshima no kwi kuta kalo no ku kala ko kuliyala omu mwa ku umba maumbo mu litunga. ⁶Kenge na kupa kuliyala mu litunga; kenge mwa kukala ko kupila sho kumiyapisha. Kenge na kutundisha ikondwama mu litunga kalo kwithsa mweele wa kupila mu litunga lyenu.⁷Kenge mwa kucithza itothzi yenu, kalo kenge akuwa posho thzenu ko myeele. ⁸Mutanu wo anu kukwenu kenge a kucithza anu oku kuma pa ita(100), kalo shita sho anu kukwenu kenge aku cithza ita makumi likumi; itothzi yenu kenge akuwa posho thzenu ko muele.⁹Kenge na kumitaneka ko shihemo kalo no ku mivungeshela anu mukale owangi; kenge na kukwama ombusha wange nenu. Kenge mwa kulya ilya yo kutuleka kale. ¹⁰Kenge mwaku tundisha ilya eyi ina tulekiwa mukonda kenge mwa kufota ishete mo kupaka ilya yo yipe.¹¹Kenge na kupaka tavanakele thzange ku kwenu, kalo kana kumielaka. ¹²Kenge na kuenda nenu kalo ni kale Nyambi wenu, ne kenge mwaku kala anuange. ¹³Yame no shinda sha moyo Nyambi wenu, oyu nami tundisha mu litunga lya Egepita, eci mwa kukala apika oo. Ina colo ikeyi yo joko thzenu no ku mikwama kuenda ku munemana ku oloka.¹⁴Ambene nga kamuniteelela, kalo nga kamukuteka yoihe eyi naitumina, ¹⁵kalo kumona mukana eyi ina milongo ne amweya mueleka mulao thzange, eci ka mwa ku kuteka itumina yange, ambene ku paa ombusha wange-¹⁶nga amwepo mukwama yoihe eyi inu, ne kenge na kukwama eshi ku kwenu: Kenge na kumitumina kuyapisha ko kukulu nene, ma wethzi no lihokoma liya lya ku paameho enu kalo no kumi paa. Kkenge mwa ku kunambuto thzenu thzo tumbako, nykonda eto thzi yenu kenge akulya eyi muna yanga. ¹⁷Kenge naku tanekelisha lupala lwange kwako, kalo kenge ya kunitwesha itothzi yenu. Akwelume awa ana mithzimbi kenge aku miendisha, kalo kenge mwa kucila, shianga ko kupila oyu na micithzi.¹⁸Kumona koi yoihe po ka mwa kuniteelela, ne kenge na kumi humbisha miendo mutanu na thzili kuvungisha ku mango wenu. ¹⁹Kenge na kucola okolo wenu ou muli yuvishisha nao. kenge na kukwama liwilu eci haini kalo litunga eci liwe. ²⁰Okolo wenu mwa ku ukwanisha kwinu yo tumbako, mukonda litunga lyenu kolya kumipa shilya, kalo itondo yenu yo mu litunga koya ku mipa oshuka wayo.²¹Kumona amwepo muenda ko kuni alukela ne kalo kamwa kuni yuva, kenge na kumi pakela ko miendo mutanu natyhzili kukwenu, ku vungisha ku mango wenu. ²²Kenge na kutuma ikondwama kumi lwisha, imi nyange anenu, ya kwipishe imuna yenu, no kumi onyisha nene eci makuñwa enu a kupiluke eci mumbulwa kukutu.²³Nga muinu yoihe eyipo kali mwaka ku tambula itumina yange ne hanga kokuenda muenda mulikuñwa lyalyo kutunda ku kwange, ²⁴ne kenge na kuenda kalo mulikuñwa lya lyo ku kwenu, ne ame no shinda kenge na kumi humbisha miendo mutanu na thzili mukonda ko omango wenu.²⁵Kenge na kumiletela myeele thzo kuhusha omango mukonda okwipisha ombusha. Kenge mwa kungumana pofoci mu maumbo enu, ne kenge na ku tuma wethzi mukaci kenu, ne kalo kenge mwa ku piwa mumoko oitothzi yenu. ²⁶Apa na kupita shiya shenu pakaci, likumi lya mbuyama kenge aku pona eshima yenu mu oveni, ne kenge akumiela eshima kupaka pa shikala kuipima. Kenge mwa kulya ambene kamwa kwikuta.²⁷Nga kamwa kuni teelela mukaci koyi yinu yoihe, ambene kalo ko kuenda muenda mu likuñwa lyo kumi alukela, ²⁸ne kenge nakuenda kumi alukela ko aanji, kalo kenge na kumihumbisha kupitelela shianga miendo mutanu nathzili manene ko omango wenu.²⁹Kenge mwa kulya nyama thza nenu owa kwelume; mwa kulye nyama thza anenu oa mbuyama. ³⁰Kenge na ku umbulula ivaka yenu eyi ina yeluka, kuhuwa tutala twenu to insense, kalo naku konjela ivimbi peulu thzo ivimbi yo tumbonya twenu, ne kalo ame no shinda naku mifutule.³¹Kenge na kupilula maumbo anu mangundu kalo no kwipisha tunyambiana twenu. Kana kuloela muwe outowi onupu thzenu. ³²Kenge na kwipisha litunga. Itothzi yenu awa akutungu muya a kukomoke ko kwipa ko litunga. ³³Kenge na kumi handela mukaci ko matunga, kalo kenge na kukuha mwele wange no ku mishupwela. Litunga lyenu ke nge lya kushandaula kalo ma umbo enu kenge aku kala mangundu.³⁴Ne litunga lyaku litote ma savata alyo mukonda mu na limwaa kalo amwe muna kala mu litunga lyo itothzi yenu. Mushikati shiya, litunga kenge lya ku tulumwisha no ku lilota masavata alyo. ³⁵Apa lishiala kenge mu mangundu, kenge lya ku tulumwisha, kutulumwisha kuya na nalikana kuwana no masavata enu, apa na mutungumo. ³⁶Eci kowa wa mweya ku kwenu awo a na shiala mu litunga lyo itothzi yenu, kenge na kumi tumena wowa mu micima thzenu eci shianga limuna lyo ku pepa ku shitondo lya kumi yapishe, kalo kenge mwa kucila eci aka kucila mwele. Kenge mwa kuwa, shianga eci kwithsa awa micithza.³⁷Kenge mwa ku kuñuka munu kwa mwenji nji no ku lilundumuna kuwa eci aka kucila ku mwele, shianga eci kwithsa a awa micithza. Kamwa kukala no kolo kwimana posho thzo itothzi yenu. ³⁸Kenge mwa kuyunda mu matunga, kalo litunga lyo itothzi yenu kenge lya kumi mina. ³⁹Awa a shialapo ku kwenu kenge akuyunda ku omango woo, omo mu litunga lyo itothzi yenu, kalo mukonda ko omango wa tata woo kenge akuyunda nawo.⁴⁰Nga wa liambele omango woo kalo no omango wa tata woo, kalo no milandu thziya anani pishela, kalo no kumi alukela mu miendelo thzo- ⁴¹ethzi nathzi leta eci niwa alukele kalo naniwa leta mu litunga lyo itothzi yoo-nga micima thzoo thzo kukana kuthza ku mukanda apa thzili paka kushi, ne kalo nga awopo atawa kuhumbela milandu thzo omango woo, ⁴²ne kenge naku vuluka ombusha wange na Jakovo, kalo no ombusha wange na Abrahama, kalo, kenge na kuvuluka litunga mu maayalo ange.⁴³Litunga kenge lya kushiala mungundu ko livaka lyoo, ne kenge lya ku nyanyuka no masavata alyo apa lya ku wapila. Kenge aku tambula milandu thzo omango woo mukonda awo a shinda ana shomolola itumina yange kalo no kueleka milao thzange.⁴⁴Shianga mwinu yoihe eyi, apa ali mu litunga lyo itothzi yoo, kana kuwa shiya nji shianga kuwa alukela eci ni wa yundishe no kwipisha ombusha wange noo, mukonda yame shinda sha moyo Nyambi woo. ⁴⁵Ambene ko kuwahima kenge naku vuluka ombusha wetu na kukuwoo, awo nani leta kutunda mu litunga lya Egepita pa meho a anu, eci naku kale Nyambi woo. Yame no shimda sha moyo."⁴⁶Eyi yoliyo itumina, iyuvisha, kalo no mulao thziya shinda sha moyo na tomo mukaci kenji nanu Asilaele ku mukinya wa Sinai ko Mushe.

¹Shinda sha moyo ayepo ambela Mushe eci, ²"Amba kwa anu a Isilaele owa ambele, 'Nga munu ayepo lianga na shinda sha moyo, kuthza ko muanekelo ou ukeya kengeyo.³Muanekelo wa kwelume omyaka makumi eli kutwala ku myaka makumi mutanu nalyo foci akale Mashekele makumi mutanu o Silivela, munyima thzo Mashekele okenu. ⁴Kwa mbuyama omyaka thzo foci no myaka thza kwelume owa anekele Mashekele makumi ahatu.⁵Kutunda ku myaka mutanu ku twala ku myaka makumi eli akwelume owa anekele Mashekele makumi eli, kalo mbuyama Mashekele likumi. ⁶Kutunda ku kambu ko ngonda thzofoci ko mukwelume oka anekele ma Mashekele mutanu o Silevela, kalo ko kambuyama Mashekele ahatu o silivela⁷Kutunda ku myaka makumi mutanu no myaka ofoci kutwala posho mukwelume owa anekele Mashekele likumi na mutanu, kalo kwa mbuyama Mashekele likumi. ⁸Ambene nga munu oyu na lianga po kutwesha kukula Mashekele oakenu, ne oya munu atwaliwe kwa mupulisita, ne mupulisita kenge amuanekela Mashekele kuthza ko Mashekele aa atwesha kukula.⁹Nga eshi shina liangiwa po shiyama sho ku tambuliwa kwa shinda sha moyo, mbalawila thzo thzihe thziya thzi piwa kwa shinda sha moyo kenge thzi kala thzo thzi kenu. ¹⁰Munu a shovanisha nji kucinja sho shiwa kusho shimango, nji sho shimango ku sho shiwa. Kumona ayepo cinjanisha shofoci na shienjasho, yoihe kenge ikala yoyi kenu.¹¹Ambene, nga shiya munu ana lianga kupa shinda sha moyo po sha mathzilo, ne munu alete shiyama kwa mupulisita. ¹²Mupulisita kenge ashi anekela, ko owa omuulo oshiyama. Momuhe omu mupulisita anekela shiyama, yoliyo wakukala muanekelo washo. ¹³Nga shinda ayepo fota kushi husha, ne sho mu shitanu ku kuaneka kwasho shi vungishiwepo ku muulo okuaneka kwasho.¹⁴Apa munu aumba njiyo thzenji ko shupiwa sho shikenu sha shinda sha moyo, ne mupulisita kenge a thzi loisha kowa wathzo nji ko omango. Muanekelo ohuhe ou athzinekela mupulisita, moliyo thza kukalela. ¹⁵Ambene nga shinda oyu na pakela shinda sha moyo njiyo thzenji nga yepo fota kuthzi husha, avungishepo sho mushitanu sho mushitanu sho kuanekela mu muulo wathzo, ne kenge thza kukala thzenji.¹⁶Nga munu ayepo pakela shinda sha moyo shilwa shenji sho mu muve wenji, ne kuanekela kwa sho kwa kuthze ko muulo mbuto ethzi afota ku kunamo -shivela sho mavu kenge sha kuanekela ko Mashekele makumi mutanu o shivela.¹⁷Nga ayepo pakela shinda sha moyo shilwa shenji mu mwaka o Juvile, kuanekela kwa sho kwimane. ¹⁸Ambene nga ayepo pakela shinda sha moyo mushikati sho mwaka o Juvile, ne mupulisita akuanekele mulilo oshilwa kuthza ko myaka thzina shialako ku kuma kumwaka uhatako o Juvile, kalo kuaneka kwa sho kwa kuhuke munyima.¹⁹Nga munu oyu na paela shinda sha moyo shilwa afota kushi husha, ne aku vungishe posho mushitanu ku kuanekela, ne kenge sha kukala shenji. ²⁰Nga ka husha shilwa, nji nga naulisha shilwa kwa munu yumweya, kasha ku tawa kushi husha kalo. ²¹Ambene, shilwa, kumona shina funguliwa mu mwaka o Juvile, kenge sha kukala shipiwa sho shikenu kwa shinda sha moyo, eci shilwa shiya shina piwa shoshihe kwa shinda sha moyo. Kenge sha kukala sha mupulisita.²²Nga munu ayepo pakaela shinda sha moyo shilwa shiya ana ulu, ambene shiya shilwa po kashili mumuve oku shikuta shenji, ²³ne mupulisita kenge anekela mali asho kutwala ku myaka o juvile, ne munu aku kale mali asho muliyuwa liya ko shipiwa sho shikenu kwa shinda sha moyo.²⁴Ko mwaka o Juvile, shilwa kenge sha kuhuka kwa shinda oku nashiuliwa, kwa shinda sha litunga. ²⁵Kuanekela kokuhe kwa kuanekeliwe kuthza ko elemu omashekele o mushivaka sho shikenu. Magera makumi eli alieishana no shekele thzofoci.²⁶Kwithsa oyu waku pakela shinda sha moyo shiyama sho matatekelo, mukonda sho matatekelo po no kale sha shinda sha moyo; shianga pulu nji lingu, ya shinda sha moyo. ²⁷Kumona shiyama sho mathzilo, ne shinda kenge a kushi ula kuanekela kwasho, kalo sho mushitanu shi vungishiwepo pa kuanekela. Nga shiyama po kashihuka, ne shi ulishiwe ko muulo uku kuanekela.²⁸Ambene kwithsa shiya munu ana fungulela shinda sha moyo, kutunda koi ali nayo yoihe, shianga munu nji shiyama, nji litunga lya apenji, shaku uliwa nji kushihusha. Enu yoihe yina fungulula ikenu kwa shinda sha moyo. ²⁹Kwithsa muulo waku kuliwa ku munu oyu na funguliwa. Oyu munu atwaliwe ku kufa.³⁰Inu yoihe yo mulitunga, shianga sho kulya sho mu litunga nji oshuka oku shitondo, ya shinda sha moyo. Ikenu kwa shinda sha moyo. ³¹Nga munu afota kuhusha kushinu shofoci, kenge avungishapo sho mushitanu ku mali asho.³²Eci ku shoshihe sho likumi kusho foci ku ngombe nji ku mangu, sho shihe shi fuliwa ko mbafa thza muka kulisha, sho likumi shipakeliwe shinda sha moyo. ³³Mukakulisha ahangula iyama yoyiwa nji yo yimango, kalo a ishavanisha. Nga ayepo a shicinjanisha shimweya ku shimweya. Kumona ayepo kwama kengeyo, ne muwilu yo eshi no shiyya ana cinji kenge ya kukala yo yikenu kwa shinda sha moyo. Kaitawa kuihusha.'''³⁴Eyi yoliyo ituma iya shinda sha moyo na pa, Mushe ku mukinya wa Sinai kwanu a Isilaele.

¹Aa oliyo maywi a Mushe aambile kwa ana Isilaele wahe kwanashii Jodani kwali mu mumbulwa kukutu, mu lyanda lyo mulonga uwela pa lwale lo Jodani kutanekela Sufi, mukaci ko Parani, Tofela, Labani, Hezeroti, no Dizahabu. ²Kwanaende mayuwa likumi na lyofoci kutunda mu Horeve ko likuñwa lyo mukaci ka Seiri kuthza ku Kadeshi Banea.³Kuma yakwamahalile ko mwaka o makumi ane (40) mu ngoda thzo ulikumi na thzofoci (11), mu liyuwa lyo kutanga mu ngonda, apo Mushe aambile kwa ana Isilaele, kuwatongwela enu yoihe namutumina Shinda sha moyomci ci aiwaambele. ⁴Apo Shinda sha moyo konamana kulwisha Sihoni fumu wa Amori, oyu watungile mu Heshiboni, no Ogi fumu wa Bashani, oyu watungile mu Ashitaroti ku Ederei.⁵Musambwa lyo Jodani, mu litunga lya Moabi, Mushe ayepo tateka kuwatongwela elaa, kuamba ci, ⁶''Shinda sha moyo Nyambi wetu naamba kukwetu ku Horebe, kuamba ci, 'Munakala shikati sho shile nene omu litunga lyo mikinya.⁷Mupiluke ne muthze mu muendo wenu, ne muthze ku litunga lyo mikinya lya Amori no ku matunga oahe ali ku lyanda lyo mulonga oku lwale lo Jodani, mu Negevi, no ku liya lyo likulu lwale mu litunga lya Kanana no mu Lebanoni kukahenyena ku lwale loshokulu lwa Eufarete. ⁸Mumone, ninamipakela eli litunga ci likale lyenu; muthze mo mukatunge mu litunga eli akulupelishile Shinda sha moyo kwa atata wenu- kwa Abrahama, kwa Isaka, noku kwa Jakobo- kuliwapa no kulipa kwa ekulyo awa akukeya mu nyima thzo.'⁹Kuma naambile kukwenu ko shiya shikati, kuamba ci, 'Kanitwesha kumiendisha nofoci pohuma. ¹⁰Shinda sha moyo Nyambi wenu onamibulisha, ne, mumone, amwe lelo munabulu eci matungwethzi o kuwilu. ¹¹Shinda sha moyo, Nyambi wa tata wenu, amikwame miendo 1000 ku ungi ecci eli muli, ne amifiyawele, eci eli amikulupelishile!¹²Ambene ngepi elinga nishimba nofoci eshimba yenu, no mipango thzenu thzo tzhilemu, no mifilifili thzenu? ¹³Mushimbe akwelume owanyanyami, akwelume o kuyuvishisha no akwelume o kulemwkiwa mu mukuta no mu mukuta, ne kenge niwakwama aendishi enu.' ¹⁴Amwepo munitawa no kuamba ci, ''Ei enu onaamba iwa kukwetu ci tuikwame.'¹⁵Ne amepo nishimba aendishi o ikuta yenu, akwelume owanyanyami, akwelume o mwoyo ouwa, no kuwapaka ci amiendishe, aendishi o ma 1000, aendishi o ita (100), aendishi o makumi mutamu (50), aendishi o makumi (10) no añathsile, shikuta ko shikuta. ¹⁶Kuma nanitumina atuli enu ko shiya shikati, kuwaambela ci, ''Muyuve mifilifili thzikal mukaci ka apenu, ne muatue shuwana apenu, kalo muatule shuwa an munu na mwapenji, no munu tunda kwako.¹⁷Lelo mwaimanena munu yupi nji yupi mu iamba; kenge mwakuatula iamba yoionye no iamba yoikulu. Kamwakauyapa shihanga sho munu, mukonda kuatula po kwa Nyambi. Eamba eyi imikalupela, muiletange ku kwange, ne kenge niiatula. ¹⁸Kuma nanimitumina ko shiya shikati enu yoihe muna loela kukwama.¹⁹Twatundile mu Horebe ne atwepo tupita momuhe muya mu mubulwakukutu oukulu no kuyapisha uya namumono, mu muendo wetu okuthza ku litunga lyo mikinya lya Amori eci eli natutumina Shinda sha moyo Nyambi wetu; ne atwepo tukuma ku Kadeshi Benea.²⁰Amepo nimiambela ci, ''Munakumu ku litunga lyo mikinya lya Amori, eli atupa Shinda sha moyo Nyambi wetu. ²¹Mumone, Shinda sha moyo Nyambi wenu onamipa litunga; muthze, mukatunge mo, eci eli Shinda sha moyo, Nyambi owa tatawetu, anaamba kukwenu; lelo mwayapa, nji kuvapa.'²²Mwaheno kuma namukeya kukwange no kunaniambela ci, 'Otutawethze tutume anu alitangethze ku posho thzetu, ci akatufotishishele elyo litunga, ne natutongwele omu anakawanena nomu tutweshela kulwisha, no ma mbongi tuloela kupita ci api.' ²³Muambelo wenu waniloelile; amepo nishimba akwelume likumi na eli (12) kukwenu, yofoci ku shikuta no shikuta. ²⁴Awopo akatuka kuthza ku litunga lyo mikinya, awopo akuma ku mulonga o Eshikoli, ne awopo akalifotishisha.²⁵Awopo ashimba ei yeema omo mu litunga mu moko o no kuileta kukwetu. Kalo atuletelile liywi ne awopo aamba ci, 'Litunga lyo liwa eli atupa Shinda sha moyo Nyambi wetu.'²⁶Unohoni kuma mwakanine kulwisha, ambene kuma mwakanine kukwama ei amituminine Shinda sha moyo Nyambi wenu. ²⁷Kuma mwavilaelile mu matende enu no kuamba ci, ''Mukonda Shinda sha moyo onatuthzimbi yoliyo natutundishela mu litunga lyo Engepita, kunatupa mu moko o Amori ci atupae. ²⁸Kupi tuthza honi pano? Apetu anatuyuvisha micima kukola, kuamba ci, 'Waya anu akulu ilama no ule kutupita; mambongi oo akulu kalo anapakiwa mu ipaka yo ile kukakuma ku wilu; ne kalo, tunamono ana Anakimi owakwelumu ci mwali.'''²⁹Nehoni amepo nimiambela ci, ''Mwatuka micima, nji kuwayapa. ³⁰Shinda sha moyo Nyambi wenu, oyu mienda kuposho, kenge amilwela, eci enu yoihe ei nakwama mu Engepita pa meho enu, ³¹no mu mumbulwa kukutu oku namumono omu namishimbela Shinda sha moyo Nyambi wenu, eci munu oyu shimba mwanenji, kokuhe oku namupiti amwepo mukuma kuno ku shivaka.³²Ambene shanga ko eli liywi kanamulitawa kwa Shinda sha moyo Nyambi wenu, ³³oyu namiende posho mu likuñwa kumifotela shivaka ci mukwame shilombo, ushiku amimonisha ko mulilo ne mutanya amimonisha ko livui.³⁴Shinda sha moyo ayepo yuva maywi enu ne ayepo anjipa; ayepo liethza no kuamba, ³⁵'Yoshemwa kwithsa shanga yofoci kwawa anu o oshikuta sho shimango oyu wakumona litunga lyo liwa eli naliethzile ci kenge nilipa akuku wenu, ³⁶shime Kalebu mwana Jefune. Kenge akulimona ne kenge nimupa aye na ekulyenji litunga eli anakalyata, mukonda onashupwela Shinda sha moyo.'³⁷Kalo Shinda sha moyo kuma anianjipelile name mukonda wenu, kuamba ci, 'Nowe kowakuthza mo; ³⁸Joshuwa mwana Nuni, oyu nemana pa posho thzoe, kenge athza mo; omukolopishe mucima, mukonda yoliyo wakuendisha Isilaele kukalishwana.³⁹Ne kalo anenu owaonye, awa mwaambile ci woliyo ali mu ukalu, awa akana kulimuka owa no omango lelo---kenge athza mo. Kenge nilipa kukwo, ne kenge lya kupiluka lyo. ⁴⁰Ambene amwe, mupiluke muhuke ku muendo wenu omu mumbulwa kukutu mu likuwa litamba ku likulu lwale lyo likihu.⁴¹Nehoni amwepo mutawa no kuniambela ci, ''Tunakwama shivi kwa Shinda sha moyo; kenge tuthza no kukalwa ne kenge tushupwela yoihe ei anatutumina Shinda sha moyo ci tuikwame. Munu no munu mukaci kenu ayepo loisha ilwisho yenji yo mvo, ne kuma mwaliloishelile kulwisha litunga lyo mikinya. ⁴²Shinda sha moyo ayepo aamba kukwange, 'Owaambele ci, ''Lelo mwalwisha kalo lelo mwalwa, mukonda kanakukala nenu, ne kenge mutweshiwa ko akwethzimbo yenu.'⁴³Namiambelile kengeyo, ambene kanamuyuvu. Kuma namukana ei namitumina Shinda sha moyo; kuma mwalitundulile ne amwepo mulwisha litunga lyo mikinya. ⁴⁴Ambene Amori, awa akalile muya u litunga lyo mikinya, awopo akeya kunalwa nenu ne awopo amuicithza eci muka, ne awopo akamipwela ku Seiri, kukakua no ku Horima.⁴⁵Amwepo muhuka no kukalilela pa posho thza Shinda sha moyo; ambene Shinda sha moyo kateelelile liywi lyenu, nji kutwala maano kukwenu. ⁴⁶Ne amwepo mukala mu Kadeshi mayuwa oangi, mayuwa oahe aa mwakalile ko.

¹Nehoni atwepo tupiluka no kuthza muendo wetu okuthza mu mumbulwa kukutu ko likuñwa lipita ku likulu lwale lyo likihu, eci eli aambile Shinda sha moyo kukwange; twaendile kuthzinguluka mukinya o Seiri mayuwa oangi. ²Shinda sha moyo ayepo amba kukwange, kuamba ci, ³'Munathzihama nene ko muthzingulu ou mukinya; mupiluke ne muhuke ku mutulo.⁴Otumine awa anu, owaambele ci, ''Mupite thzo maenja a apenu, ekulyaa a Isau, awa anatungu mu Seiri; kenge amiyapa. Honine mumele ⁵lelo mwalwa no, mukonda kanakumipa litunga lyo, liombo, shianga poshoonye po kulyata liulu lyofoci pohuma; mukonda ninapa mukinya wa Seiri kwa Isau ci ukale wenji.⁶Kenge muula ilya kukwo ko mali, ci mulye; kalo kenge muula meyu kukwo ko mali, ci munwe. ⁷Mukonda Shinda sha moyo Nyambi wenu onamifiyelwa mu ekwama yo moko enu yoihe; onalimuka kuenda kwenu mu mumbulwa kukutu oukulu. Mukonda omu mu myaka makumi ane (40) Shinda sha moyo Nyambi wenu onakala nenu, ne kwaithsa eshi namupili.'''⁸Ne atwepo tupitelela apetu, ekulya a Isau, awa natungu mu Seiri, kushiya likuñwa lyo Araba, kushiya Elati no kushiya Ezioni Gebere. Nehoni atwepo tupiluka no kupita likuñwa lyo mumbulwa kukutu wa Moabi.⁹Shinda sha moyo ayepo amba kukwange, 'Lelo mwashupa, kalo lelo mwalwa no mu mvo. Mukonda kanakumipa litunga lyenji ci likale lyenu, mukonda ninapa Ari kwa elkuya Lota ci likale lyo.'¹⁰(Ameimi awa atangile kutunga mo anu okutunuka, owangi, no ule eci Anakimi; ¹¹awa kalo kuma nalimukiwa ci woliyo Refaimi; ambene Amoabi kuma nawishanga ci woliyo Ameimi.¹²Ahori nawo kuma atangile kutunga mu Seiri, ambene ekulya Isau awopo awacithza mo. Awopo awapaa no kukala mu shivaka sho, eci eli nakwama ana Isilaele ku litunga lyo eli nawapa Shinda sha moyo.)¹³'''Honi mukatuke muthze mukayavuke ka lwaleana ko Zeredi.' Ne atwepo tuyavuka ka lwaleana ka Zeredi. ¹⁴Honi mayuwa okutunda ku Kadeshi Banea kunakuama apa natuyavukela ka lwaleana ka Zeredi, neli myaka makumi ahatu no myaka mutanu na thzihatu (38) Neli ko esho shikati esho akwelume atwesha kulwa kwanapu kufa, eci eli aliethzile Shinda sha moyo kukwo. ¹⁵Ne kalo lyoko lya Shinda sha moyo kuma lyalwishile shiya shikuta ci awapaelele kutunda kwa anu kukuma apa nakapwela wahe.¹⁶Honi akopo kukwamahala ci, akwelume wahe awa atwesha kulwa kwanafu ne anatundu kwa anu, ¹⁷ne Shinda sha moyo ayepo amba kukwange, kuniambela ci, ¹⁸'Lelo kenge muyavuka Ari, maenja a Moabi. ¹⁹Apa mukuma popepi no muthsambwa thza anu o Amoni, mwawashupa nji kuwalwisha; mukonda kanakumipa shimweya ku litunga lya Amoni ci likale lyenu; mukonda ninalipa kwa ekulya Lota ci likale lyo.'''²⁰(Nalyo kalo kuma nalilimumkiwa ci litunga lya Refaimi. Arefaimi woliyo atangie kutunga mo--- ambene Amoni awaisha ci a Zamuzumimi--- ²¹anu okutunuka, owangi, no ule eci Anakimu. Ambene Shinda sha moyo ayepo wapaa pa meho o Amoni, ne awopo awashwana no kutunga mu shivaka sho. ²²Eshi sholiyo nakwama kalo Shinda sha moyo kwa anu a Isau, awa atungile mu Seiri, apa apaile Ahori pa meho o, ne ekulya a Isau awopo awashwana no kutunga mu shivaka sho kukuma no lelo.²³Eci Avivi awa atungile mu maumbo kukakuma ku Gaza, Akafitorimi, awa atundile ku Kafetori, awopo awapaa no kukala mu shivaka sho.)²⁴Honi mukatuke, muthze mu muendo wenu, ne mupite thzo mulonga wa Arinoni; mumone, ninamipa mu moko enu Sihoni o mu Amori, fumu wa Heshiboni, no litunga lyenji. Mutateke kulishimba ne mulwe nenji mu mvo. ²⁵Lelo natateka kupaka wowa no kuyapa kwa anu ali mushi thzo liwilu lyolihe; kenge akuyuva yenu ne kenge akututuma no kukala mu wowa mukonda wenu.'²⁶Apa twakumine mu mumbulwa kukutu wa Kademoti amepo nituma anu kwa Sihoni, fumu o Heshiboni, ko maywi o kuliyala, kuamba ci, ²⁷'Onitawethze nipite mu litunga lyoe; kenge nipita mu likunwa pohuma; kanihuka ku shilyo nji kuhuka ku shimoho.²⁸Kenge oniulisha yo kulya ko mali, ci nilye; kunipa meyu ko mali, ci ninwe. Onitawethze pohuma nipite ko maulu ange; ²⁹eci ekulya a Isau awa anatungu mu Seiri, kalo eci Amoabi awa antungu mu Ari, omu nakwamena kukwange; kunakuma apa naniyavuka lwale lwa Jodani kuthza mu litunga elyi anatupa Shinda sha moyo Nyambi wetu.'³⁰Ambene Sihoni fumu wa Heshiboni kanatutawethza ci tupite mu litunga lyenji; mukonda Shinda sha moyo Nyambi woe nakolopisha maayalo enji no kukolopisha mucima wenji, ci amutweshe ko okolo oe, ei anakwama lelo. ³¹Shinda sha moyo ayepo aamba kukwange, 'Omone, ninatateka kukupa Sihoni no litunga lyenji; otateke kulishimba, ci wakushwane litunga lyenji.'³²Nehoni Sihoni ayepo keya kunatulwisha, aye na anu enji wahe, kunalwela ku Jahazi. ³³Shinda sha moyo Nyambi wetu ayepo mupa kukwetu ne atwepo tumutwesha na anenji no anu enji wahe.³⁴Ko esho shikati atwepo tushimba ma mbngi enji oahe no kupaa anu mu mambongi oahe---akwelume no ambuyama no anuke; kwithsa oyu wapandukile twashiile. ³⁵Shime emunanu pohuma ei twashimbile mu mvo, pofoci no mambongi anepishiwa aa twashimbile.³⁶Kutatekela ku Aroeri, ethzi thzili ku mambali o mulonga o Arinoni, no kutatekela ku mbongi ethzi thzili mu mulonga, kukakuma ku Giliadi, kwithsa mbongi ethzi twakwangile. Shinda sha moyo Nyambi wetu kuma aatupile mu moko etu. ³⁷Shime ku litunga lya ekulya Amoni pohuma oku mwakanine kuthza, kupaka kengeyo no ku lwale lo Jaboki, no mambongi o litunga lyo mikinya--- kokuhe oku atukanishile kuthza Shinda sha moyo Nyambi wetu.

¹Nehoni atwepo tupiluka no kuthza ku Bashani. Ogi, fumu wa Bashani, ayepo keya kunatulwisha, aye na anu enji wahe, kunalwela ku Ederei. ²Shinda sha moyo ayepo aamba kukwange, 'Lelo wamuyapa; mukonda ninakupa kumutwesha ne ninapaka anu enji wahe no litunga lyenji mushi thzoe ci oliendishe. Kenge omukwama eci omu nokwamena kwa Sihoni, fumu wa Amori oyu watungile ku Heshiboni.'³Ne Shinda sha moyo Nyambi wetu ayepo tupa ñanyo thzo kutwehsa Ogi fumu wa Bashani, ne anu enji wahe awopo apakiwa mu moko etu. Atwepo tuwapaa wahe kupila shianga munu yofoci okupanduka oyu washiyalile kukwenji. ⁴Atwepo tushimba mambongi enji oahe ko esho shikati. Kwithsa shianga mbongi thzofoci ku mambongi makumi mutanu no mambongi likumi (60) ethzi natukana kuwanyanga---litunga lyolihe lya Arigobo, shikuña sha Ogi mu Bashani.⁵Aa mambongi neli akuthzingulukisha epaka yo mamota oale, mashelo, no mihanda; kupaka po maumbo oangi okupila epaka. ⁶Atwepo tuwapaelela wahe, eci eli twakwamine kwa Sihoni fumu wa Heshiboni, kupaelela mu mbongi oahe---akwelume na ambuyama na anuke. ⁷Ambene emunanu yoihe no mambongi enepishiwa kuma twaishimbile mu mvo.⁸Ko esho shikati kuma twashimbile litunga mu moko o mafumu eli o Amori, awa akalile musambwa lyo lwale lo Jodani, kutunda ku mulonga wo Arinoni kukakuma ku mukinya wa Herimoni ⁹(Mukinya wa Herimoni waishiwa ci Sirioni ko Asidoni, ne Amori awo auisha ci Seniri) ¹⁰no mambongi oahe omu lyanda, Giliadi yomuhe, no Bashani yomuhe, kukakuma ku Seleka na Ederei, mambongi o shikuña sha Ogi mu Bashani.''¹¹(Mukonda oliyo mahulelo a Rafaimi, shime Ogi fumu wa Bashani yofoci pohuma yoilyo washiyalile. Mumone! olili wenji wa shifu. Kali mowakalile mu Raba, oku anatungu ekulya Amoni? Neli wa moko mutanu no moko ane (9) mu ule no moko ane mu wipi, omu anatepelanga anu.)¹²Litunga twashimbile ci likale lyetu shiya shikati---kutatekela ku Aroeri, eli lili ku mulonga o Arinoni, no shipathsi sho litunga lyo mikinya lya Giliadi, no mambongi alyo---amepo nilipa Arubeni no Agadi. ¹³Eshi shashiyalile ku Giliadi no Bashani yomuhe, shikuña sha Ogi, amepo nishipa ku licika lyo shikuta sha Manase. (Shivaka shoshihe sho Arigobo mu Bashani neli shaishiwa ci litunga lya Refaimi.¹⁴Jairi, mwikulwa Manase, ayepo shimba shivaka shoshihe sha Arigobo kukakuma ku maenja a Ageshuri no Amaakati. Ayepo ta eli litunga, no Bashani, ko lithzina lyenji, Havoti Jairi, lyoliyo lilimukiwa no lelo.)¹⁵Amepo nipa Giliadi kwa Makiri. ¹⁶Ku shikuta sha Rubeni no kushikuta sha Gadi nawapile litunga lyo kutatekela ku Giliadi kukakuma ku mulonga wa Arinoni---pakaci ko mulonga oliyo maenja o litunga---ne ku lwale lo Jaboki, oliyo maenja no ekulwa Amoni.¹⁷Maenja alyo amweya po lyanda lyo lwale lo Jodani, kutunda ku Kinereti kukakuma ku likulu lwale lwa Araba (alyo, likulu lwale lo mungwa) kuulumuka ku mukinya o Pisiga ku muvoyuwa.¹⁸Ko shiya shikati kuma namituminine, kuamba ci, 'Shinda sha moyo Nyambi wenu onamipa eli litunga ci likale lyenu; amwe, akwelume o mvo wahe, kenge mutanga kuyavuka kwa apenu ana Isilaele komunashimbi ilwisho.¹⁹Ambene anu wenu, anenu, no emunanu yenu (nalimuka ci muli no emunanu yoingi), kenge ishiyala mu mambongi aa ninamipa, ²⁰kukakuma apo Shinda sha moyo akutulumwishela apenu, eci eli nakwama kukwenu, kukakumena nawo apa akuwanena litunga eli anawapa Shinda sha moyo Nyambi wenu kusambwa lyo lwale lo Jodani; apo mbeci muhuke, mukwelume no mukwelume kukwenu, ku lufumo olu ninamipa.'²¹Kuma natuminine Joshua ko shiya shikati, kumuambela ci, 'Meho oe anamono yoihe ei anakwama Shinda sha moyo Nyambi wenu kwawa mafumu eli; Shinda sha moyo kenge akukwama kengeyo kokuhe ku ikuña mwakuthza. ²²Kamwakuiyapa, mukonda Shinda sha moyo Nyambi wenu yoliyo wakumilwela.'²³Kuma nalombile kwa Shinda sha mouyo ko shiya shikati, kumulomba ci, ²⁴'Owe Fumu Shinda sha moyo, onatateka kumonisha mupikoe ukulu oe no lyoko lyoe lyo likolo; mukonda elye nyambi yumweya oyu li muwilu nji mukaye oyu twesha kukwama ekwama ei onakwama no okolo o kulipila no ekwama yoye? ²⁵Onitawethze niyabuke, nakulomba, ci nikamone litunga lyo liwa eli lili musambwaliya lyo lwale lo Jodani, liya litunga lyo liwa lyo mikinya, kalo no Lebanoni.'²⁶Ambene Shinda sha moyo kuma anianjipelile mukonda wenu; kaniteelelile. Shinda sha moyo ayepo amba kukwange, 'Kunakwana kukwoe---mbela wahukela kuamba nange kalo yo ei iamba: ²⁷Othze peulu thzo mukinya o Pisiga ne okayelule meho oe otaneke ku wiko, ku mutulo, ku mboela, no ku upa; otaneke no meho oe, mukonda kowa kuyabuka lwale lo Jodani.²⁸Unohoni, otumine Joshua ne omuotelele no kumutanalisha, mukonda yoliyo wakuenda anu posho kuthza musambwa, ne yoiliyo wakuwaletela kushwana litunga eli okamona.' ²⁹Ne atwepo tukala mu mulonga musambwa lyo Beti poeri.

¹Honi, Isilaele, oteelele ku milao no ituminino ei nikufundisha, ci muikwame; ci muyoye ne muthze mo no kukatunga mu litunga eli amipa Shinda sha moyo, Nyambi wa tata wenu. ²Lelo mwapaka ko maywi amweya ku maywi aa nimitumina, nji kutundisha ko maywi, ci mumamele ituminino ya Shinda sha moyo Nyambi wenu ei nimitumina.³Meho enu anamono ei akwamine Shinda sha moyo mukonda wa Baale Poeri; mukonda akwelume wahe awa ashupwelile Baale oku Poeri, Shinda sha moyo Nyambi wenu kuma awapaile kuwatundisha mukaci kenu. ⁴Ambene amwe mwakalelelile kwa Shinda sha moyo mwayoya no lelo, mwaheno.⁵Mumone, ninamifundisha milao no ituminino, eci eli nanitumina Shinda sha moyo Nyambi wange, ei muloela kukakwama mu litunga muthza ci mukalitunge. ⁶Honine muimamele kalo muikwame; mukonda ou po woliyo onyanyami wenu no kuyuvishisha kwenu mu meho a anu wahe awa akuyuva thzothzihe ethzi milao, ne kenge aamba, 'Yoshemwa awa anu owangi a kunyanyama no kuyuvishisha.'⁷Mukonda wapi anu wamweya owangi awa ali no nyambi oyu li po pepi no, eci Shinda sha moyo Nyambi wetu popahe apa tuishela kukwenji? ⁸Wapi anu wamweya owangi awa ali no milao no ituminono yo kuluka eci ouhe ou mulao nimipa lelo?⁹Mumamele pohuma no kulinyunga shuwana, ci lelo mwavulama enu ei anamono meho enu, ci lelo yatunda mu micima thzenu mu mayuwa enu okuyoya oahe. Muifundishe anenu na ekulyenu. ¹⁰Pa liyuwa liya mwaimanine pa posho thza Shinda sha moyo Nyambi wenu ku Horebe, Shinda sha moyo apa aambile kukwange ci, 'Oniwanekele anu, ne kenge niwakwama kuyuva maywi ange, ci alifundishe kuniyapa mu mayuwa o kuyoya pa kaye oahe, ne afundishe ano.'¹¹Amwepo muhenyena no kunemana kushi thzo mukinya. Mukinya aopo upya mulilo mushi kukakuma kuwilu, no milema, no livui, no milema thzoshokulu. ¹²Shinda sha moyo ayepo amba nenu kutundelela pakaci ko mulilo; mwayuvile liywi no maywi alyo, ambene kwithsa eshi mwamonine; kuma mwayubvile liywi pohuma.¹³Ayepo miambela ombusha wenji ou namitumina ci mukwame, athzo milao thzo likumi (10). Kuma nathziñolo pa mapala eli o mawe. ¹⁴Shinda sha moyo kuma anituminine ko shiya shikati ci nimifundishe ethzi milao, ne ci mukathzikwame mu litunga omu muyavukela kukatunga mo.¹⁵Ne mulinyunge shuwana---mukonda kwithsa eshi mwamonine pa liyuwa eli aambile Shinda sha moyo kukwenu ku Horebe kutundelela pakaci ko mulilo--- ¹⁶ci lelo mwaliangela mwashinda ko kuliyuwela shikupulo sho shiumbiwa shipi nji shipi, sho kupitula mukwelume nji mbuyama, ¹⁷sho kulipitula no shiyama shipi nji shipi sho mu kaye nji sho kulipitula no shinyunyi shipi nji shipi sho mando sho kuunduka muwilu, ¹⁸sho kulipitula no shinu shoshihe sho kukokawa pashi, nji sho kulipitula no ethsi yupi nji yupi oyu li mu meyu mushi thzo kaye.²⁰Lelo mwayelulela meho enu kuwilu no kutaneka ku liyuwa, ngonda nji matungwethzi--- enu yoihe ei yakala muwilu---ne mutunde ku kuilombela no kuilemeka--- enu ei anapa Shinda sha moyo Nyambi wenu kwa anu wahe awa ali mushi thzo liwilu. ¹⁹Ambene Shinda sha moyo onamishimbi no kumitundisha mu mulilo o kunyongoloisha ifu, kutunda mu Engepita, ci mukale kukwenji anu enji shemwa, eci eli muli lelo.²¹Shinda sha moyo kuma anianjipelile mukonda wenu; kuma aliethzile ci kana kuyavuka Jodani, kalo ci kana kukengena mu litunga lyo liwa eli anamipa Shinda sha moyo Nyambi wetu ci mukalishwane. ²²Ambene, ame nafela muno mu litunga lino; kaniyavukela musambwaliya lyo Jodani. Ambene amwe kenge muyavuka no kukatunga muya mu litunga lyo liwa.²³Mupakeko maano mwashinda, ne lelo mwavulama ombusha wa Shinda sha moyo Nyambi wenu, ou akwamine nenu, ci mulikwamene shikupulo sho kuyuwa sho kupitula shiumbiwa shpi nji shipi eshi anamikanisha Shinda sha moyo Nyambi wenu ci lelo mwashikwama. ²⁴Mukonda Shinda shamoyo Nyambi wenu po mulilo utumeka, Nyambi o lifupa.²⁵Apa mwakukala na ana na ekulu, no apa mwakukala mulitunga shikati shoshile, ne ngeci amwepo muliipisha amwe mwashinda ne amwepo mulikwamena shikupulo sho kuyuwa sho kupitula shinu shoshihe, ne amwepo mukwama yoimango mu meho a Shinda sha moyo Nyambi wenu, kumushethza kumuanjipisha--- ²⁶nesha liwilu no kaye ci ipiluke mapaka ange lelo ci panopano mukapwe mu litunga muthza musambwa lyo Jodani kukatunga mo; kamwakukakala mo mayuwa oangi, ambene mwahe kenge mukapwa kuapaiwa.²⁷Shinda sha moyo kenge akumiletela kulihanda mukaci ka anu, ne kenge mwakushiyala mwaapu mukaci ko anu, oku akumitwala Shinda sha moyo. ²⁸Oko kenge mwakukwamena athzimu, ekwama yo moko a anu, etondo no mwe, ei ikana kumona, kuyuva, kulya, nji kunukelela.²⁹Ambene omo moliyo wakufota Shinda sha moyo Nyambi oe, ne kenge wakumuwana, apa omufota ko mucima oe ouhe no moyo woe ouhe.³⁰Apa muingena mu ukalu, nopa ei enu yoihe apa ikeya kukwenu, omo mayuwa o kuhula kenge muhuka kwa Shinda sha moyo Nyambi wenu ne kenge muteelela liywi lyenji. ³¹Mukonda Shinda sha moyo Nyambi wenu po Nyambi o shihemo; kakukwanga kumikwathsa nji kumipaa, nji kuvulama ombusha wa a tata wenun ou aliethzile kukwo.³²Mwipule honi yo mayuwa o kukale, aa akalileko shikati shenu koshishime kwiya, kutatekela liyuwa Nyambi aombile munu pano pa kaye, muipule kutatekela ku mahulelo o liwilu kutwala ku mahulelo amweya, ci kwatangile kukala shinu shimweya shoshokulu eci eshi, nji shinu shimweya sho kulipitula nasho shayuvahalile? ³³Kwakalile anu awa ayuvile liywi lya Nyambi koamba kutundelela mukaci ko mulilo, eci eli namuyuvu, ne ayoya?³⁴Nji Nyambi waelekile kuthza kukalishimbela anu kuwatundisha mukaci ko anu wamweya ko kulwa , ko emonisha, ko ikomokisha, nji ko mvo, no, ko lyoko lyo likolo, nji ko lyoko lyo kuolola, no kuyapisha ko kukulu nene, eci ei akwamine kukwenu Shinda sha moyo Nyambi wenu pa meho akwa Engepita?³⁵Amwe po kuma namumoshiwa ei enu, ci mulike ci Shinda sha moyo po Nyambi, ne kwithsa yumweya shime aye. ³⁶Onamiyuvisha liywi lyenji kutundelela muwilu, ci amitumine; pano pa kaye namimonisha mulilo wenji oshokulu; kuma mwayuvile maywi enji kutundelela pakaci ko mulilo.³⁷Mukonda kuma ahimine atata wenu, ayepo hangula ekulyo munyima thzo, ne ayepo mitundisha mu Engepita ko kumonahala kwenji, ko okolo wenji oukulu; ³⁸ci atundishe kukwenu anu owangi no okolo kumipita, no kumileta, kunamipa litunga lyo ci mulishwane, eci omu kunakalela lelo.³⁹Honine lelo mulimuke, no kupaka mu micima thzenu, ci Shinda sha moyo po yoliyo Nyambi li muwiu kuwilu no pakaye nushi; kwithsa yumweya kalo. ⁴⁰Mumamele milao thzenji no ituminino yenji ei nimitumina lelo, ci muyoye shuwana na anenu awa akeya munyima thzenu, ne ci kalo mayuwa enu o kuyoya mu litunga anamipa Shinda sha moyo Nyambi wenu alepe kokukana kupwa.''⁴¹Nehoni Mushe ayepo hangula mambongi ahatu ku muveyuwa wa Jodani, ⁴²ci munu yomuhe acilele ko ku thzimweya thzaa mambongi ngeci onapaa mungenjenji munu ko kukakana kuhima, ne oyu munu kali mukwa shithzimbo shenji ku mayuwa oku kunyima. Ko kucilela ku mbongi thzimweya kwao mambongi, pohuma ayoya. ⁴³Neli: Bezeri mu mumbulwa kukutu, litunga lyo lyanda, lya Rubeni; Ramoti mu Giliadi, mbongi thza Gadi; no Golani mu Bashani, thza Manase.⁴⁴Ou oliyo mulao ou apile Mushe kupa ana Isilaele; ⁴⁵Ei yoliyo ituminino yo umbusha, milao, no elaa ei aambile kwa ana Isilaele apa atundile mu Engepita, ⁴⁶kwali ku muvo yuwa wa Jodani, mu mulonga kulitanekala na Beti Poeri, mu litunga lya Sihoni, fumu wa Amori, oyu watungile ku Heshiboni, oyu atweshile Mushe na ana Isilaele apa atundile mu Engepita.⁴⁷Awopo ashimba litunga lyenji ci likale lyo, no litunga lya Ogi fumu o Bashani---awa, mafumu eli o Amori, awa akalile mu sambwa lya Jodani ku muvo yuwa. ⁴⁸Eli litunga kuma lyatatekelile ku Aroeri, munganga thzo mulonga wo Arinoni, kukakuma ku mukinya wa Siyoni (nji Mukinya wa Herimoni), ⁴⁹no kushimbelela no lyanda lyo mulonga o lwale lo Jodani, ku muvo yuwa musambwa lya Jodani, kutwala ku likulu lwale lo Araba, kukakuma ku ulumukelo wo mukinya wa Pisiga.

¹Mushe ayepo isha anu wahe o Isilaele no kuwaambela ci, ''Isilaele, oteelele, ku milao no ituminino ei niambela mu matwi enu lelo, ne ci mulifundishe thzo no kuthzimamela. ²Shinda sha moyo Nyambi wetu kuma aliangile o mbusha netu ku Horebe. ³Shinda sha moyo kaliangile ou ombusha nowa kuku wetu, ambene onaulianga netu, twahe atwe tuyota lelo.⁴Shinda sha moyo kuma aambile nenu ko munalitanekela pa mukinya kutundelela pakaci ko mulilo ⁵(kuma nemanine mukaci ka Shinda sha moyo nenu ko shiya shikati, kumiambela liywi yenji; mukonda amwe kuma mwayapile mukonda o mulilo, ne kamwakandukile pa mukinya). Shinda sha moyo ayepo amba, ⁶''Yame Shinda sha moyo Nyambi wenu, oyu namitundisha mu litunga lya Engepita, kutunda mu njiyo thzo upika.⁷Lelo wakala no athzimu wamweya shime yame. ⁸Lelo walikwamena shikupulo sho kuyuwa nji shinu shoshihe eshi shipitula eshi shili muwili kuwilu, nji eshi shili mu kaye mushi, nji eshi shili mu meyu kushi.⁹Lelo washikinyamena nji kushikwamena, mukonda ame, Shinda sha moyo Nyambi woe, no Nyambi o lifuta. Napaka ekulu mu kashitiko ko omango wa akuku wo, kutwala ku shikuta sho mushihatu neshi sho mushine kwawa ananithzimbi, ¹⁰ne namonisha shihemo ku ikuta yawa anihima no kumamela ituminino yange.¹¹Wapepisha lithzina lya Shinda sha moyo Nyambi woe, mukonda Shinda sha moyo kakuhamula mulandu wa munu oyu pepisha lithzina lyenji.¹²Omamele liyuwa lyo Sabata kulikwama lyo kukena, eci eli nakutumina Shinda sha moyo Nyambi woe. ¹³Pa mayuwa mutanu na lyofoci (6) okwame ekwama yoye yoihe; ¹⁴ambene liyuwa lyo mushitanu no mayuwa eli (7) po Sabata thza Shinda sha moyo Nyambi woe. Kukwalyo lelo wakwama shikwama shipi nji shipi---owe, nji mwanoe o mukwelume, nji mwanoe o mbuyama, nji mupikoe o mukwelume, nji mupkoe o mbuyama, nji pulu oe, nji shindongi shoe, nji shiyama shipi nji shipi ku iyama yoye, nji mwenda oyu li mu njiyo thzoe. Ei po ili kengeya ci mupikoe o mukwelime no mupikoe o mbuyama naye aitulumwishe eci eli olitulumwisha yowe.¹⁵Ovuluke ci kuma wakalile o mupika mu litunga lya Engepita, ne Shinda sha moyo Nyambi woe ayepo kutundisha mo ko lyoko lyo likolo no lyoko lyo kuoloka. Honine Shinda sha moyo Nyambi woe onakutumina kumamela liyuwa lyo Sabata.¹⁶Olemeke tata woe na mama woe, eci eli nakutumina Shinda sha moyo Nyambi woe ci okwame, ci oyoye shikati shoshile mu litunga eli anakupa Shinda sha moyo Nyambi woe, ne ci kalo enu ikuendele shuwana.¹⁷Lelo wapaa. ¹⁸Lelo walembeka. ¹⁹Lelo waithza. ²⁰Lelo wapaka opaki o tumbako kwa mwapoe.²¹Lelo wafela mbamba munu wa mwapoe, lelo wafela mbamba njiyo thza mwapoe, shilwa shenji, nji mupikenji o mukwelume nji mupikenji o mbuyama, pulu wenji nji, shindongi shenji, nji shinu shoshihe sha mwapoe.'²²Aa maywi Shinda sha moyo kuma aambile ko liywi lyoshokulu kukwenu mwahe pa mukinya kutundelela pakaci ko mulilo, ,no mu livui, no mu milema thzo thzikulu; kapakileko maywi amweya kalo. Kuma aañolile pa mapala eli o mawe ne ayepo nipa o.²³Ne, apa mwayuvile liywi ko litunda pakaci ko milema, mukinya koupya, amwepo muhenyena kukwange---akulu enu wahe na akakuendisha ikuta yenu wahe. ²⁴Amwepo muamba, 'Omone, Shinda sha moyo Nyambi wetu onatumonisha kutethzima kwenji no okulu wenji, ne tunayuvu liywi lyenji kutundelela pakaci ko mulilo; lelo tunamono ci Nyambi apa aamba na anu, atwesha kuyoya.²⁵Ambene ine tufela? Mukonda ou mulilo oshokulu kenge utumana; ngeci tuyuve liywi lya Shinda sha moyo Nyambi wetu kalo, kenge tufaa. ²⁶Mukonda elye kalo kwa anu wahe kutundishako atwe oyu nayuvu iywi lya Nyambi oyu yoya ko liamba kutunda pakaci ko mulilo ne ayoya, eci eli tunakwama? ²⁷Owe, othze ne okateelele ku enu yoihe ei aamba Shinda sha moyo Nyambi wetu; notutongwele enu yoihe ei aka kuambela Shinda sha moyo Nyambi wetu; kenge tuiteelela ne kenge tuilandelela.'²⁸Shinda sha moyo kuma ayuvile maywi enu apa mwaambile kukwange. Ayepo aamba kukwange, 'Ninayuvu maywi oo awa anu, ei anaamba kukwoe. Ei anaamba inaloo. ²⁹Oho, nga ali no micima thzo kengeya, nga anilemeka kukwatelela no kumamela milao thzange thzothzihe, enu nga yawaendela shuwana no kuendela shuwana ano kokukana kupwa! ³⁰Othze okawaambele ci, ''Muhuke ku matande enu.''³¹Ambene owe, oimane apa nange ne nikutongwela ituminino yoihe, milao, no elaa ei okawafundisha, ci akaimamele mu litunga eli niwapa ci akalitunge.'³²Honine, mumamele, ei anamitumina Shinda sha moyo Nyambi wenu; lelo mwahuka ku lyoko lyo shilyo nji ku lyoko lyo shimoho. ³³Muende mu makuñwa aa anamitumina Shinda sha moyo Nyambi wenu, ci muyoye, ne kalo enu imiendela shuwana, ne kalo mayuwa enu o kuyoya mu litunga mukatunga abule.

¹Honi ei yoliyo ituminino, milao, no elaa ei ananitumina Shinda sha moyo ci nimifundishe, neci mukathzimamele mu litunga muyavukela musambwa lya Jodani ci mukatunge mo; ²ne ci mukuteke Shinda sha moyo Nyambi wenu, ko kumamela milao thzenji thzothzihe noituminino ei nimitumina pano--- amwe, anenu, no ana a anenu, mu mayuwa enu okuyoya oahe, ci mayuwa enu avule.³Honine othziteelele, Isilaele, ne othzimamele, ci inu ikuendele shuwana, ci mukavule nene, mu litunga omu kupupa mahwe no oki, eci eli anamikulupelisha Shinda sha moyo, Nyambi owa tata wenu, ci moliyo akukwamena.⁴Oteelele, Isilaele: Shinda sha moyo Nyambi wetu, Shinda sha moyo po yofoci. ⁵Ohime Shinda sha moyo Nyambi woye ko mucima woye ouhe, ko moyo woye ouhe, no ko okolo woye ouhe.⁶Maywi aa nikutumina lelo akale mu mucima woye; ⁷ne wakuafundishe anoe; oambe apa okala mu njiyo thzoe; oambe apa oenda mu likuñwa, oambe apa olala, oambe apa opinduka.⁸Oaange ku lyoko lyoe ci apiluke shimonisha, ne kenge apiluka sho kuvata pa lupala mukaci ko meho oe. ⁹Wakuañole pa itondo yo kushikwalo sho kuniyo thzoe no pa mashelo oku lilapa lyoe.¹⁰Shinda sha myo Nyambi woe apa akuleta mu litunga eli aliethzile kowa tata oe, kwa Abrahama, kwa Isaka, no kwa Jacob, ci kenge alikupa, eli lili no mambongi oakulu no uwa nene aa onakana kuumba, ¹¹no manjiyo anayala enu yoiwa yoihe ei onakana kukwama, mashima aa onakana kushima, ilwa yo veine no itonda yo oilve ei onakana kukuna, kenge wakulya kuikuta--- ¹²nehoni omamele ci kovulama Shinda sha moyo, oyu nakutundisha mu litunga lya Engepita, kukutundisha mu njiyo thzo upika.¹³Okuteke Shinda sha moyo Nyambi woe; aye yoliyo wakulombela, ne kenge wakuliethza ko lithzina lyenji. ¹⁴Lelo walombela athzimu ao, athimu o anu awa anamithzinguluka--- ¹⁵mukonda Shinda sha moyo Nyambi woe oyu li mukaci kenu po Nyambi o lifupa---ngeci okwame kengeyo, uanji wa Shinda sha moyo Nyambi oe kenge ukupilukela ne kenge akupaa kukutundisha pa kaye.¹⁶Lelo waeleka Shinda sha moyo Nyambi woe eci eli mwamuelekile ku Masa. ¹⁷Omamele nene ituminino ya Shinda sha moyo Nyambi woe, ituminino yenji, no milao thzenji, ethzi anamitumina.¹⁸Okwame enu inaloo no uwa mu meho a Shinda sha moyo, ci enu ikuendele shuwana, ne ci kalo othze okatunge mu litunga eli aliethzile Shinda sha moyo kowa tata oe, ¹⁹kutundisha mo akwethzimbo yenu wahe awa ali mo, eci eli aambile Shinda sha moyo.²⁰Mwanoe apa akuipula ku shikati shikeya kuposho, ci, ''Ipi ituminino, milao, no ituminino imweya yo umbusha ei amituminine Shinda sha moyo Nyambi wetu?' ²¹Nehoni wakuambele mwanoe ci, 'Kuma twakalile apika a Faro mu Engepita; Shinda sha moyo kuma atutundishile mu Engepita ko lyoko lyo likolo, ²²kalo kuma amonishile imonisha no ikomokisha, yoikulu nene, mu Engepita, kwa Faro, no kwa aka njiyo thzenji wahe pa meho eto, ²³ne ayepo tutundisha mo, kutuleta, kunatupa litunga eli aliethzile kowa tata wetu.²⁴Shinda sha moyo kuma atutuminine ci tumamele ethzi milao shikati shoshihe, tuyape Shinda sha moyo Nyambi wetu, ci atunyunge eci eli tuli lelo. ²⁵Ngeci kenge tumamela ethzi milao pa meho a Shinda sha moyo Nyambi wetu, eci eli anatutumina, oku koliyo piluka kuluka kwetu.'

¹Shinda sha moyo Nyambi woe apa akuleta mu litunga othza kukatunga, kenge atundisha mo anu owangi awa ali mo---Ahiti, Agiregashi, Amori, Akanana, Aperizi, Ahivi, no Ajebusi--- matunga mutanu na eli oakolo no ungi kumipita.²Shinda sha moyo Nyambi woe yoliyo wapa kukwoe ci owatweshe, ne owapaelele wahe. Lelo walikwama ombusha no, ne lelo wawamonisha shihemo. ³Mbela waliyeka no. Mbela washekisha anoe owambuya kwa ano owakwelume, kalo anoe owakwalume mbela ayeka ano owambuyama.⁴Mukonda kenge aletela anoe kushiya kunilombela, ne ci alombele athzimu. Ne uanji wa Shinda sha moyo kenge ukupilukela, ne kenge akupaa wanguwangu. ⁵Omu moliyo wakuwakwame: Wakuumbulule ma altare o, mwakupwacaule ithsini yo yo mwane kuikwama ipathsi pathsi, wakutetaule itondo ei analikombelelanga, wakutumeke ikupulo yo.⁶Mukonda amwe mwa mbunga ethzi thzinakenisheliwa Shinda sha moyo. Onamihangula ci mupiluke anu enji, kupita anu wahe awa ali pa kaye.⁷Shinda sha moyo kanamihimena nji kumihangula ci mwaangi kupita anu wamweya--- mukonda amwe po yamwe mwakalile owapu nene kupita anu wahe. --- ⁸ambene mukonda amihima, , kalo kuma amamelile ei aliethzile kowa tata wenu. Eshi sholiyo namitundishela Shinda sha moyo mu njiyo thzo upika, kutunda ku lyoko lya Faro, fumu wo Engepita.⁹Honine mulimuke ci Shinda sha moyo Nyambi wenu--- yoliyo Nyambi, Nyambi o kusepahala, oyu mamela ombusha no kusepahala ku ikuta yoingi ingi awa amuhima no kumamela milao thzenji, ¹⁰ambene awa anamuthzimba kenge awahushela omango wo, kuwaipisha; kakukala no ñeke kwawa anamuthzimbi; kenge awahushela omango wo. ¹¹Honine mumele ituminino, milao, no elaa ei nimitumena lelo, ci mwakuikwame.¹²Ngeci amwe po muteelela ei elaa, ne amwepo muimamela no kuikwama, pohuma Shinda sha moyo Nyambi wenu naye kenge akumamela ombusha o kusepahala ei aliethzile kowa tata wenu. ¹³Kenge amihima, kenge amifiyawela, kalo kenge amivulisha. Kenge afiyawela ana awa mueleka, kenge afiyawela ilya ei mulima--- oheke wenu, waine wenu omupe, no maathzi enu o olive---manamani o ngombe thzenu no manguana o mangu enu mu litunga eli aliethzile kowa tata wenu ci kenge alimipa.¹⁴Kenge mwakufiyaweliwa kupita anu wahe; kakwa kukala mukwelume o kukana kueleka nji mbuyama okukana kueleka mukaci kenu nji mukaci ko emunanu yenu. ¹⁵Shinda sha moyo kenge atundisha ikola yoihe kukwenu; kwithsa mawethzi oamango o mu Engepita a munalimuka aa akupakiwa kukwenu, ambene kenge akuapaka kwa anu wahe awa anamithzimbi.¹⁶Kenge mwakumana anu wahe awa amipa Shinda sha moyo Nyambi wenu, ne meho enu kakuwayuvela ñeke. Kamwakulombela athzimu o, mukonda eyo yoliyo yakupiluka kahsaka kukwenu.¹⁷Ngeci owepo aamba mu mucima oe ci, 'Awa anu anavulu nene kunipita; ngepi nitwesha kuwatundisha?' --- ¹⁸lelo wawayapa; ovuluke ei akwamine Shinda sha moyo Nyambi woe kwa Faro noku Engepita yomuhe; ¹⁹likando lyo likulu eli namono meho oe, imonisha, ikomokisha, lyoko lyo likolo, no lyoko lyo kuoloka ei nakutundisha nayo Shinda sha moyo Nyambi oe mu Engepita. Shinda sha moyo Nyambi woe kenge akukwama kengeyo kwa anu wahe awa oyapa.²⁰Nekalo, Shinda sha moyo Nyambi wenu kenge akutuma moo mukaci ko ci thzikawalwishe, kutwala apo awa anashiyala ko nawa analiholeka apa akapwela pa meho enu. ²¹Kamwakuwayapa, mukonda Shinda sha moyo Nyambi wenu oli mukaci kenu, Nyambi o mukulu no kuyapisha. ²²Shinda sha moyo Nyambi wenu kenge atundisha awo anu pa meho enu mu uonye mu uonye. Kamwakuwamana wahe a shikati shofoci, apa kukana kukwamahala kengeyo iyama yo mu mulundu ei inamithzinguluka nga kenge ivula kumipita.²³Ambene Shinda sha moyo Nyambi wenu kenge akumipa kuwatwesha apa muliwana no mu mvo; kenge akuwalyanganisha nene kutwala apa akupaeliwa. ²⁴Kenge akupaka mafumu o mushi thzenu, ne kenge mwakumana mathzina o mushi thzo kaye. kwithsa oyu wakutwesha kuimana pa osho thzenu, kutwala apa mwakuwapaela.²⁵Kenge mwakutumeka ikupulo yo kuyuwa yo athzimu o--- lelo mwakumbwethza silivera nji gauda ethzi anaithsiki peulu no kuthzishimba, mukonda ngeci amwepo muishimba, kenge ipiluka kashaka aka kamilwisha--- mukonda ya mathzilo kwa Shinda sha moyo Nyambi wenu. ²⁶Kwamakuleta yo mathzilo mu manjiyo enu no kuilombela. Kenge mwakushikana no kushithzimba, mukonda shinaloisheliwa kuipishiwa.

¹Mumamele ituminino ei nimipa lelo, ne ci muyoye no kuvula, ne muthze mukatunge mu litunga eli aliethzile Shinda sha moyo kowa tata wenu. ²Mwakuvuluke mu makuñwa oahe omu anamiendisha Shinda sha moyo Nyambi wenu mu myaka makumi ane mu mumbulwa kukutu, ci amieleke ne alimuke ei ili mu micima thzenu, ne ci kenge mumamela ituminino yenji nji kwahi.³Kuma amihushile kushi, ne ayepo mipaisha njala, ne ayepo milela no manna, aa namukana kulimuka naa akanine kulimuka atata wenu. Kuma akwamine kengeyo ci mulimuke ci anu kali ishima pohuma katwesha kuyoya; ambene, anu ayoya ko shinu shoshihe eshi shitunda mu kanwa ka Shinda sha moyo.⁴Ito yenu kanaiyatauka ne kaitundu pa ilama yenu, ne maulu enu kanatuluma omo mu myaka makumi ane (40). ⁵Mwakuayale mu micima thzenu ci, omu, anakutululelanga munu manenji, no Shinda sha moyo naye moliyo amikutululela. ⁶mwakutuleke ituminino ya Shinda sha moyo Nyambi wenu, ne ci mwakuende mu makuñwa enji no kumulemeka.⁷Mukonda Shinda sha moyo Nyambi wenu amileta mu litunga lyo liwa, litunga lyo mawa o meyu, lyo mashima no maweluwelu o meyu, aa apupa kuthza mu milonga no mukaci ko mikinya; ⁸litunga lyo uloto no mabu, lyo vine, itondo yo feiga, no garaneti; litunga lyo itondo yo oilve no oki.⁹Litunga eli mwa kulya ishima ko kupila ohutu nomu mwa kukana kupila shimweya; litunga lyo mawe anakwamiwa pa shifu, omu muli mikinya ethzi mwakushima kopa. ¹⁰Kenge mwa kulya kuikuta, ne kenge mwa kufiyawela Shinda sha moyo Nyambi wenu pa litunga lyo liwa eli anamia.¹¹Mumamele ci kamuvulama Shinda sha moyo Nyambi wenu, ko kukwanga kumamela ituminino yenji no milao thzenji no elaa yenji ei nimitumina lelo. ¹²Ngeci kali kengeyo, apa mulya no kuikuta, no apa muumba manjiyo oawa no kukala mo, micima thzenu kenge thzilishangala.¹³Mumamele ngombe thzenu no mangu enu apa avula no silivera no gauda thzenu apa ivula, no yoihe ei muli nayo apa ivula, ¹⁴nehoni micima thzenu pohuma thzalishangala ne pohuma mwavula Shinda sha moyo Nyambi wenu, oyu wamitundishile mu litunga lya Engeita, kumitundisha mu njiyo thzo upika.¹⁵Lelo mwamuvulama aye oyu wamiendishile mu mumbulwa kukutu oukulu no kuyapisha, no mayoka atumeka alimo no nge thzilimo litunga lyo kukukuta lyo kupila meyu, oyu wamipunishelile meyu pa liwe lyo likolo. ¹⁶Kuma amilelishile manna mu mumbulwa kukutu aa nakana kulimuka akuku wenu, ci amihushe pashi no kumieleka, ci kuhula amininge shuwana, ¹⁷ambene mwatwesha kuamba mu micima thzenu ci, 'Okolo wange no okolo wo lyoko lyange yoliyo inaniwanisha loluhe olu lufumo.'¹⁸Ambene mwakuvuluke ci, aye yoliyo namipa okolo o kuwana lufumo, ci atanalishe ombosha ou aliethzile kowa tata wenu, eci omu kunakalela lelo. ¹⁹Kenge kwa kukwamahala ci, ngeci amwepo muvulama Shinda sha moyo Nyambi wenu no kushupwela athzimu ao, kuwalombela, no kuwakwamena, lelo napaka kukwenu ci yoshemwa kenge mwa kufa. ²⁰Kulipitula eci anu awa apaa Shinda sha moyo pa posho thzenu, namwe moliyo mwakufela, mukonda kamuteelelile ku liywi lya Shinda sha moyo Nyambi wenu.

¹Oyuve, owe Isilaele; lelo kenge oyavuka Jodani, kukashwana anu owangi no okolo kukupita, no mambongi ali no ipaka inathzi muwilu, ²anu owangi no ule, ana Anaki, awa olimuka no awa onayuvu anu kwa amba yo ci, 'Elye twesha kuimana pa meho o ana Anaki?'³Lelo olimuke ci Shinda sha moyo Nyambi woe aye yoliyo enda posho thzoe kuninga eci mulilo o lupyaya; ; kenge awamana, ne kenge awapaka kushi thzoe; ne kenge owatundisha no kuwayundisha wanguwangu, eci eli anaamba Shinda sha moyo kukwoe.⁴Lelo waamba mu mucima oe, munyima thza Shinda sha moyo Nyambi woe kuwatundisha pa posho thzoe, 'Kuluka kwange koliyo kunaleta ci Shinda sha moyo anilete kunashwana eli litunga,' mukonda o omango wawa anu sholiyo awatundishela Shinda sha moyo pa posho thzoe.⁵Mukonda kali kuluka koe nji kuloa ko mucima woe apa othza kukashwana litunga lyo, ambene omango wawa anu woliyo awatundishela Nyambi woe pa pasho thzoe, ne kalo ci akwame maywi aliethzile ko akuku oe, kwa Abrahama, Isaka, no Jakobo.⁶Honine olimuke, ci Shinda sha moyo Nyambi woe kakupu eli litunga lyo liwa ci olishwane mukonda o kuluka koe, mukonda mwaanu o mukanayuva.⁷Ovuluke ne wavulama omu waanjipishelile Shinda sha moyo Nyambi oe mu mumbulwa kukutu; kutunda liyuwa watundile mu litunga lya Engepita kuleta apa nokumena kuno ku shivaka, omu onapilukela Shnda sha moyo. ⁸Kalo no ku Herebe omu waanjipishelile Shinda sha moyo, ne Shinda sha moyo kuma akuanjipelile nene ci amimane.⁹Apa nakandukile pa mukinya kukatambula matapa o mawe, matapa o umbusha ou alikwatile Shinda sha moyo nenu, kuma nakakalile pa mukinya mayuwa makumi ane (40) no mashiku makumi ane (40); kanalile ishima nji kunwa meyu. ¹⁰Shinda sha moyo ayepo nipa matapa eli o mawe aa anañoliwa no munwe wenji; kuma nakuñoliwa enu yoihe eci omu aambelile maywi oahe aa ambile Shinda sha moyo kukwenu pa mukinya kutunda pakaci ko mulilo pa liyuwa lyo shiwano.¹¹Akopo kukwamahala ci kumamaneneno o ao myuwa makumi ane (40) no mashiku makumi ane (40) Shinda sha moyo ayepo nipa matapa eli o mawe, matapa o ombusha. ¹²Shinda sha moyo ayepo amba kukwange, 'Okatuke, otunde kuno oulumuke oyokolole, mukonda anu oe, awa notundisha mu Engepita analiipisha awo ashinda. Anayokolola kutunda mu likuñwa eli naniwatumena. Analikwamena shikupulo sho kunyongolokota.'¹³Kalo, Shinda sha moyo ayepo amba kukwange kuamba ci, 'Ninamono awa anu; anu o mukanayuva. ¹⁴Onishiye nofoci, ne ci niwamanishe no kutundisha lithzina lyo muno mushi thzo liwilu, ne owe kenge nakukukwama anu owangi no okolo kuwapita.'¹⁵Ne amepo nipiluka no kuulumuka kutunda pa mukinya, ne mukinya ko uyuuma mulilo. Matapa eli o ombusha kuma akalile mu moko ange. ¹⁶Amepo nitaneka, ne mumone, kuma mwakwamine shivi kwa Shinda sha moyo Nyambi wenu. Kuma mwaliumbelile namani. Kuma mwatundile mu likuñwa eli amitumenine Shinda sha moyo.¹⁷Amepo nishimba matapa eli no ku akonja mu moko ange. Amepo niapaa pa meho enu. ¹⁸Kalo amepo niwishela lupala lwange pashi pa meho a Shinda sha moyo pa mayuwa makimi ane (40) no mashiku makumi ane (40); kanalile ishima nji kunwa meyu, mukonda o shivi shenu shoshihe eshi mwakwamine, ko kukwama yo imango mu meho a Shinda sha moyo, kumushamaethza ci aanjipe.¹⁹Mukonda kuma nayapile uanji no kuipela nene oku amianjipelile Shinda sha moyo ci amimane. Ambene Shinda sha moyo ayepo niyuva ko eshi shikati kalo. ²⁰Shinda sha moyo kuma aanjipelile nene Aruni ci amupae; amepo nilombelela Aruni naye pa shikati shofoci.²¹Amepo nishimba shivi shenu, namani oyu mwakwamine, ne amepo nimutumeka, kumufula, no kumucothzaula no kumutwa kumkwama ounye, kupitela apa nakwamena ushunga eci likungu. Amepo nikonjela likungu lyenji mu meyu atunda ku mukinya.²²Ku Tabara, ku Masa, no ku Kiburoti Hatava, kuma mwashangawethzile Shinda sha moyo kumuanjipisha. ²³Shinda sha moyo apa amitumine kutunda ku Kadeshi Baranea ne ayepo amba, 'Mukanduke muthze mukashwane litunga eli ninamipa,' nehoni amwepo mupilukela shituminino sha Shinda sha moyo Nyambi wetu, ne kamwatawile nji kuteelela liywi lyenji. ²⁴Munapilukela Shinda sha moyo kutunda liyuwa eli namilimukile.²⁵Ne amepo niwishela lupala lwange pashi pa meho a Shinda sha moyo mayuwa makumi ane (40) no mashiku makumi ane (40), mukonda kuma ambile ci kenge amimana. ²⁶Amepo nilombela kwa Shinda shamoyo ne amepo niamba, 'Owe Fumu Shinda sha moyo, lelo wamana anu oe nji ashwana oe awa onayoyisha ko ukulu oe, awa onatundisha mu Engepita ko lyoko lyoe lyo likolo.²⁷Ovuluke apikoe Abrahama, Isaka, no Jakobo; lelo wataneka mukanayuva wawa anau, nji omango wo nji shivi sho, ²⁸ne ci litunga omu onatutundisha aambe ci, ''Mukonda Shinda sha moyo onakwanga kuwatwala mu litunga anawakuliupelisha, kalo mukonda kuma nawathzimbi, onawatundisha kukawapaela mu mumbulwa kukutu.'' ²⁹Unohoni awopo anu oe no ashwana oe, awa notundisha ko okolo oe oukulu no kumonisha okolo oe.'

¹Mwesho shikati Shinda sha moyo ayepo amba kukwange, 'Oyuwe matapa eli o mawe o kulipitula eci aya o matatekelo, ne okanduke okeye kukwange pa mukinya, ne okwame aleka thzo itondo. ²Kenge niñola pa matapa maywi nakala pa matapa o matatekelo aya nopaa, ne kenge oapaka mu aleka.'³Ne amepo nikwama aleka thzo shitondo sho akesha, kalo amepo niyuwa matapa eli o mawe o kulipitula eci o matatekelo, ne amepo nikanduka pa mukinya, ko ninakwatelela matapa eli mu lyoko lyange. ⁴Ayepo ñola pa matapa eci omu añolelile pa matatekelo milao likumi (10) ethzi aambile Shinda sha moyo kukwenu pa mukinya pakaci ko mulilo pa liyuwa lyo shiwano; nehoni Shinda sha moyo ayepo anipa.⁵Amepo nihuka kuulumuka kutunda pa mukinya, no kukapaka matapa mu aleka nanikwama; aya alimo, eci eli nanitumina Shinda sha moyo.''⁶(Anu a Isilaele awopo aenda kutunda ku Beeroti Bene Jaakani kuthza ku Mosera. Oko koliyo akafelelile Aruni, ne koliyo amuvumbekile; Eleazare, mwanenji, ayepo shwana shikwama sho upulisita mu shivaka shenji. ⁷Kutundapo awopo aenda kuthza ku Gudigoda, no kutunda ku Gudigoda kuthza ku Jotibata, litunga lyo milonga thzo meyu.⁸Mwesho shikati Shinda sha moyo po hangula shikuta sha livi ci ashimbe aleka thzo umbusha wa Shinda sha moyo, kuimana posho thza Shinda sha moyo kumukwamena, no kufiyawela anu mu lithzina lyenji, eci omu kunakalela no lelo. ⁹Honine Livi kali no shivaka nji kushwana litunga na apenji; Shinda sha moyo woliyo ushwana wenji, eci eli aambile Shinda sha moyo Nyambi wenu kukwenji.)¹⁰Amepo nikala pa mukinya shikati sho kulipitula eci sho matekelo, mayuwa makumi ane (40) no mashiku makumi ane (40). Shinda sha moyo ayepo niyuva mwesho shikati kalo; Shinda sha moyo kaayalile kumimana. ¹¹Shinda sha moyo po amba kukwange, 'Okatuke, othze posho thza anu kuwaendisha mu muendo wo; kenge athza kukashwana litunga eli naliethzile kowa kuku wo ci kenge nilipa kukwo.'¹²Honi, owe Isilaele, shine afota Shinda sha moyo kukwkoe, ngeci kali ci oyape Shinda sha moyo Nyambi woe, oenda mu makuñwa enji oahe, kumuhima, no kulombela Shinda sha moyo Nyambi woe ko mucima woe ouhe no moyo oe ouhe, ¹³kumamela itumina ya Shinda sha moyo, no milao thzenji, ei nikutumimna lelo ci okale shuwana?¹⁴Mumone, liwilu no liwilu lyo mawilu ya Shinda sha moyo Nyambi woe, kaye, no enu yoihe ilimo. ¹⁵Shinda sha moyo naolisha atata oe ko kuwahima, ne kuma amihangulile, amwe akulyoo, munyima thzo, kupita anu wahe, eci eli akwama lelo.¹⁶Honine mutwale micima thzenu ku mukanda, kalo lelo mwakolopisha mathsingo enu. ¹⁷Mukonda Shinda sha moyo Nyambi wenu, po Nyambi wa athzimu no Fumu o mafumu, Nyambi o mukulu, omukolo no kuyapisha, kaimanena munu yupi nji yupi kalo kauliwa kweta.¹⁸Aatulela shiyana no lifakathzi, amonisha shihimo kwa mwenda ko kumupa ilya no ibata. ¹⁹Honine muhime enda; mukonda namwe kuma mwakalile enda mu litunga lya Engepita.²⁰Oyape Shinda sha moyo Nyambi woe; aye yoliyo olombela. Okwatelele kukwenji, ne oliethze ko lithzina lyenji. ²¹Yoliyo oshangala, kalo yoliyo Nyambi woe, oyu nakukwamena ei enu yoikulu no kuyapisha, ei anamono meho oe.²²Atata wenu kuma athzile mu Engepita kwali anu makumi mutanu no makumi eli (70); honi Shinda sha moyo nyambi wenu onamikwama oawangi eci matungwethzi omu liwilu.

¹Honine ohime Shinda sha moyo Nyambi woe ne shikati shoshihe omamele imonisha yenji, milao thzenji, itumina yenji, no milao thzenji.²Mulimuke ci kaniambile kwa anenu, awa akana kulimuka nji kumona kashitiko ka Shinda sha moyo Nyambi wenu, ukulu wenji, lyoko lyenji lyo likolo, nji lyoko lyenji lyo kuoloka, ³imonisha no ekwama ei nakwama mukaci ko Engepita kwa Faro, fumu o Engepita, no ku litunga lyenji lyolihe.⁴Kanamono shanga ei nakwama ku mashwalale o Engepita, ku tukambe to, nji ku makoloi o omu nakwamena meyu o likulu lwale lo lukihi kuwathsika apa amishupwelile, nomu awapaelile Shinda sha moyo kunakuma lelo, ⁵nji ei amikwamenine mu mumbulwa kukutu kuleta apa namunakumena muno mu shivaka.⁶Kanamono ei akwamine Shinda sha moyo kwa Datani na Abiramu, ana Eliabi mwana Rubeni, kaye omu kayahamishelile kanwa kako no kuwamina, kumina manjiyo o, matende o, no shinu shoshihe eshi shiyoya eshi nashiwashupwela, pakaci ko ana Isilaele wahe. ⁷Ambene meho enu anamono yoihe ekwama yoikulu ya Shinda sha moyo ei nakwama.⁸Honine mumamele milao thzothzihe ethzi nimitumina lelo, ci mukolope, ne ci muthze mukashwane litunga omu muyavukela kukalishwana, ⁹ne ci kalo mayuwa enu avule mu litunga eli aliethzile Shinda sha moyo kowa tata wenu kuliwapa no kulipa ekulyo, litunga lipuka mahwe no oki.¹⁰Mukonda litunga, omu muthza kukalishwana, kalilipitula eci litunga lyo Engepita, omu mutunda omu namukunanga mbuto thzenu no kuthzithselaela meyu o kuletanga no maulu, eci shilwa sho miloho; ¹¹ambene litunga omu muyavukela kukalishwana, litumga lyo mikinya no milonga, no meyu o kunwa atunda ku mvula o kuwilu, ¹²litunga eli anyunga Shinda sha moyo Nyambi wenu; shikati shoshihe poliyo anatanekela meho a Shinda sha moyo Nyambi wenu, kutunda ku matatekelo o mwaka kukakuma kuhula o mwaka.¹³Kenge kukwamahala ci, ngeci kenge muteelela shuwana milao ethzi nimitumina lelo, kuhima Shinda sha moyo Nyambi wenu no kumukwamena ko micima thzenu thzothzihe no mioyo thzenu thzothzihe, ¹⁴pohuma kenge nimilokishela mvula o mulitunga lyenu pa shikati shiloela, mvula o matatekelo no mvula o matunulelo, ci muyange mbuto thzenu, wine wenu omupe, no oli wenu o mupe. ¹⁵Kenge nimenisha muhonyi mu ilwa yenu ci ngombe thzenu thzilye, ne kenge mulya kuikuta.¹⁶Mulimamele mwashinda ne ci micima thzenu lelo thza angeliwa, ci mutunde mu likunwa no kulombela athzimu ao no kuwakinyamena; ¹⁷ci uanji wa Shinda sha moyo lelo wamiyuumena; ne ci kalo lelo ayanjela liwilu ci mvula aloka, ne ci litunga lyakala no oshuka walyo, ne ci mufe wanguwangu kutunda mu litunga lyo liwa eli amipa Shinda sha moyo.¹⁸Honine mupake aa maywi ange mu micima thzenu no mu mioyo thzenu, mu aange ci akale shimonisho pa moko enu, ne akale sho kuvata pa lupala mukaci ko meho enu. ¹⁹Muafundishe anenu ne muaambe apa mulala mu manjiyo enu, apa muenda mu likuñwa, apa mulala, no apa mupinduka.²⁰Muañole pa mavala oku mashelo o manjiyo enu no mashelo o ku malapa enu, ²¹ci mayuwa enu no mayuwa a anenu avule mu litnga eli aliethzile Shinda sha moyo kowa kuku wenu kuliwapa amona liwilu lili peulu o kaye.²²Mukonda ngeci mumamele shuwana milao ethzi nimitumina, ne mwathzikwama, kuhima Shinda sha moyo Nyambi wenu, kuenda mu makuñwa enji oahe, no kukalelela kukwenji, ²³nehoni Shinda sha moyo kenge atundisha wahe awa anu pa posho thzenu, ne kenge mushwana anu owangi no okolo kumipita.²⁴Shivaka no shivaka apa shilyata shilyatelo sho maulu enu kenge shikala shenu; kutunda ku mumbulwa kukutu kukakuma ku Lebanoni, kutunda ku lwale, lwale lo Eufati, kukakuma ku lwalo lo ku wiko oliyo maenja enu. ²⁵Kwithsa munu oyu wakutwesha kuima posho thzenu. Shinda sha moyo Nymbi wenu kenge apaka wowa o kumiyapa no kumitutuma mu litunga lyolihe omu mukalyata, eci omu anaambela kukwenu.²⁶Mumone, lelo napaka fiyawethzi no shikuto pa posho thzenu: ²⁷fiyaywethzi, ngeci mwamamela milao thza Shinda sha moyo Nyambi wenu ethzi nimitumina lelo, ²⁸ne shikuto, ngeci kamumamela milao thza Shinda sha moyo Nyambi wenu, ambene mwatunda mu likuñwa eli nimitumina lelo, kushupwela athzimu ao awa mukana kulimuka.²⁹Kenge kukwamahala ci, Shinda sha moyo apa amileta mu litunga eli muthza kukashwana, ne kenge mupaka fiyauthzi pa mukinya o Gerizemi, ne shikuto pa mukinya o Ebali. ³⁰Kali thzili mu sambwa thza Jodani, ku wiko o likuñwa lyo ku wiko, mu litunga lya anu o Kanana awa anatungu mu Araba, kushungama no Giligali, kunyonga no itondo yo More?³¹Mukonda mwayavuka Jodani kuthza kukashwana litunga eli amipa Shimda sha moyo Nyambi wenu, ne kenge mulishwana no kutunga mo. ³²Mumamele milao thzothzihe no itumina ei nipaka posho thzenu lelo.

¹Ethzi thzoliyo milao no itumina ei mukamamela mu litunga eli Shinda sha moyo, Nyambi wa tata wenu, anamipa ci mukalishwane, mu mayuwa oahe muyoya pa kaye. ²Yoshemwa kenge mukepisha ivaka yoihe oku anu mukashwana nalombelelanga athzimu oo, pa mikinya thzo thzile, no pa mikinya thzoshoonye, no mushi thzo shitondo sho mamuna oayu shoshihe.³Mukaumbulule ma aletare o, kucothzaula ipathsi pathsi ithsini yo yo mawe, no kutumeka ithsini yo yo Ashera. Mutetaule ikupulo yo kuyuwa yo athzimu o ne mutundishe mathzina o omo mu ivaka. ⁴Lelo mwalombela Shinda sha moyo Nyambi wenu kengeyo.⁵Ambene ku shivaka ahangula Shinda sha moyo mukaci ko ikuta yenu yoihe ci koliyo apaka lithzina lyenji, oko koliyo kushivaka akalanga, ne koliyo muthzanga. ⁶Koliyo muletanga nupu thzo kutumeka, itavelo yenu, yo ulikumi yenu, no nupu thzimweya ethzi thzishimbiwa ko moko enu, nupu thzenu thzo kuliethza, nupu thzo kupa ko kuhima kwenu, no ei yo eli ku ngombe thzenu no mangu enu.⁷Oko koliyo mulyelanga pa meho a Shinda sha moyo Nyambi wenu no kunyanyuka mu enu yoihe munapaka lyoko lyenu, amwe na aka njiyo thzenu, omu anamifiyawela Shinda sha moyo Nyambi wenu.⁸Kamwakukwama enu yoihe ei tukwama kuno lelo; pano munu no munu akwama ei inaloo mu meho enji; ⁹mukonda mushime kukuma pa kulitulumwisha, ku kushwana oku amipa Shinda sha moyo Nyambi wenu.¹⁰Ambene apa muyavuka Jodani no kukatunga mu litunga eli amipa Shinda sha moyo Nyambi wenu ci mulishwane, kenge amipa kulitulumwisha kwa akwethzimho yenu wahe awa anamithzinguluka ci muyoye mu kuliyala. ¹¹Nehoni ku shivaka eshi akuhangula Shinda sha moyo ci koliyo likala lithzina lyenji---oko koliyo muleta enu yoihe ei nimitumina: nupu thzenu thzo kutumeka, itavelo yenu, yo ulikumi yenu, no nupu thzishimbiwa ko moko enu, no nupu muhangula thzo kuliethza thzothzihe ethzi mwakuliethza kwa Shinda sha moyo.¹²Kenge mwakunyanyuka pa meho a Shinda sha moyo Nyambi wenu---amwe, anenu owakwelume, anenu owambuyama, apikenu owakwelume, apikenu owambuyama, no Alivi awa ali mu mashelo enu, mukonda kali no shivaka nji kushwana mukaci kenu.¹³Mulimamele mwashinda ci lelo mwapa nupu thzenu thzo kutumeka ku shivaka shoshihe eshi mumona; ¹⁴ambene ku shivaka eshi ahangula Shinda sha moyo mukaci ko shikuta shofoci ku ikuta yenu koliyo mupa nupu thzenu thzo kutumeka, kalo koliyo mwakukwama enu yoihe ei nimitumina.¹⁵Unohoni, mwatwesha kupaa no kulya iyama mu mashelo enu, ko omu muhimena, kutambula fiyawethzi thza Shinda sha moyo Nyambi wenu ku enu yoihe anamipa; anu o kukana kukena no anu o kukena wahe kenge alya ko, iyama yo kuninga eci luvi no mengo. ¹⁶Ambene lelo mwalya onyinga; muumwaele pashi eci meyu.¹⁷Lelo mwalyela mu mashelo kwei yo ulikumi itunda ku uloto wenu, ku waine wenu omupe, ku oli wenu, nji kwei yo eli ku ngombe thzenu nji ku mangu enu; kalo nyama yomuhe oyu munkwana shitavelo lelo mwamulyela pofoci no nupu thzo kuliethza ethzi mukwama, nji nupu ethzi mupa ko kuhima kwenu, nji nupu ethzi mushimba mu moko enu.¹⁸Ambene, kenge muilyela pa meho a Shinda sha moyo Nymbi wenu mu shivaka eshi akuhangula---owe, mwanoe o mukwelume, mwanaoe o mbuyama, mupikoe o mukwelume, mupikoe o mbuyama, no mulivi oyu li mushelo thzoe; kenge onyanyuka pa meho a Shinda sha moyo Nyamnbi woe mu enu yoihe apa onapaka lyoko. ¹⁹Olimamele owe shinda ci lelo washiyelela mulivi oyu li mu litunga lyenu.²⁰Shinda sha moyo apa akulisha maenja enu eci omu anamikupelishela, ne amwepo muamba ci, 'Kenge nilya nyama,' mukonda o kuhima kwenu kulya nyama, mulye nyama, ko omu uhimena moyo wenu.²¹Ngeci shivaka ahangula Shinda sha moyo Nyambi wenu kupaka ko lithzina lyenji shakala ko kule nene nenu, nehoni kenge mupaa ngombe thzimweya no mangu amweya ku ngombe thzenu no mangu enu, eci eli ninamitumena; mulyele mukaci ko mashelo enu ko omu uhimena moyo wenu. ²²Eci omu analyeliwanga luvi no mengo, ne moliyo oilyela; anu o kukana kukena no anu o kukena wahe kenge alya mulyelo o kulipitua.²³Mumone pohuma ci lelo mwalya onyinga, mukonda onyinga po oliyo moyo; lelo mwalya moyo no nyama. ²⁴Lelo mwaulya; muumwaele pashi eci meyu. ²⁵Lelo mwaulya ci mukale shuwana, na anenu akeya munyima thzenu akale shuwana, apa mukwama ei inaloo mu meho a Shinda sha moyo.²⁶Ambene enu ya Shinda sha moyo ei muli nayo no nupu thzo kuliethza kwenu---ei kenge muishimba no kuthza ku shivaka eshi ahangula Shinda sha moyo. ²⁷Oko koliyo mukakwama nupu thzo kutumeka, nyama no onyinga, pa aletare thza Shinda sha moyo Nyambi wenu; onyinga o itavelo yenu umwaeliwe pa aletare thza Shinda sha moyo Nyambi wenu, ne mulye nyama.²⁸Mumamele no kuteelela oahe aa maywi nimitumina, ci mukale shuwana na anenu akeya munyima thzenu akale shuwana ko kukana kupwa, apa mukwama yoiwa no ei inaloo mu meho a Shinda sha moyo Nyambi wenu.²⁹Shinda sha moyo Nyambi wenu apa atundisha anu posho thzenu, apa muthzamo kukawashwana, ne amwepo muwashwana no kutunga mu litunga lyo, ³⁰mulimamele mwashinda ci lelo mwalwa mu tushaka to kuwatamenena, munyima thzo kuwamana pa meho enu---kulwa mu kashaka ko kufotishisha athzimu o, mu kuipaula ci, 'Awa anu ngepi alombelanga athzimu oo? Name kenge nakwama kengeyo.'³¹Lelo mwalombela Shinda sha moyo Nyambi wenu kengeyo, mukonda enu yoihe yo mathzilo kwa Shinda sha moyo, enu ei anathzimbi---anaikwama no athzimu oo; kuma natumekanga ano owakwelume no owambuyama kuwatumeka mu mulilo kutumekela athzimu oo. ³²Yoihe ei nimitumina, muimamele. Lelo mwapakako imweya nji kutundishako imweya.

¹Ngeci mukaci kenu kwakule mupolofita nji muka kulota, ne ngeci ayepo kutongwela shimonisha nji shikomokisha, ²ne ngeci esho shimonisha nji shikomokisha shakwamahala, eshi nakutongwela ne akuambela ci, 'Tushupwele athzimu ao, awa okana kulimuka, ne tuwalombele,' ³lelo wateelela maywi oyo mupolofita nji muka kulota; mukonda Shinda sha moyo Nyambi wenu amieleka ci alimuke ngeci po mwahima Shinda sha moyo Nyambi wenu ko micima thzenu thzothzihe no myoyo thzenu thzothzihe.⁴Mushupwele Shinda sha moyo Nyambi wenu, mumulemeke, mumamele itumumina yenji, ne muteelele liywi lyenji, ne mumulombele no kulipaka kukwenji. ⁵Oyo mupolofita nji muka kulota kenge akupaiwa, mukonda onaamba yo kupilukela Shinda sha moyo Nyambi wenu, oyu wamitundishile mu litunga lya Engepita, aye wamiangululile mu njiyo thzo upika. Oyo mupolofita afota kumitundisha mulikuñwa eli amitumenine Shinda sha moyo ci lyoliyo muenda. Ne mutundishelele omango mukaci kenu.⁶Ngeci minoe o mukwelume, mwana mama oe, nji mwanoe o mukwelume nji mwanoe o mbuyama, nji munu wa mbushoe onakulupela nene, nji mbushoe oyu ohima eci omu ohimena moyo oe, po kukeyela kunthzimba kukuootela no kuamba ci, 'Tuthze tukalombele athzimu ao, awa okana kulimmuka, owe nji akuku oe--- ⁷muthzimu yupi nji yupi wa anu anamithzinguluka, awa ali po pepi nenu nji awa ali ko kule nenu, kutunda kuhula ofoci o kaye kukakuma kuhula umweya o kaye.'⁸Lelo watawa nji kuteelela kukwenji, ne lelo watawethza lithziho lyoe kumuyuvela kukola, ne wamuyuvela ñeke nji kumuthzinda. ⁹Ambene, yoshemwa omupae; lyoko lyoe likale lyo matatekelo kumuthza pe a ilama kumupaa, munyima mbeci moko a anu wahe akwame kengeyo.¹⁰Omupovaule no mawe kumupaa, mukonda onaeleka kukutundisha kwa Shinda sha moyo Nyambi woe, oyu wakutundishile mu litunga lya Engepita, kukutundisha mu njiyo thzo upika. ¹¹Isilaele yomuhe kenge ayuva no kuyapa, ne kakukwama kalo omango o kengeya.¹²Ngeci owepo yuva munu yupi nji yupi ku amba thzimweya thzo mambongi enu aa amipa Shinda sha moyo Nyambi woe ci mukale mo: ¹³Anu wamweya owamango anatundu mukaci kenu ana angela anu anatungu mu mbongi thzo kuamba ci, 'Tuthzenu tukalombele athzimu ao awa mukana kulimuka.' ¹⁴Ne oipule upaki, ofotishishe, ne owipulishishe shuwana. Apa owana ci yashemwa ci shinu sho mathzilo okengeyo shinakwamahala mukaci kenu, nehoni okwame po shimweya.¹⁵Yoshemwa olwishe awa anatungu omo mu mbongi ko utwe o mwele, othziipishelele thzothzihe no anu wahe awa ali mo, pofoci no emunanu yathzo, ko utwe omwele. ¹⁶Oungumeke lufumo loluhe lwathzo pakaci kathzo ne otumeke mbongi, pofoci no lufumo onawanyanga, kukwama shitavelo sho kutumeka kwa Shinda sha moyo Nyambi woe. Mbongi kenge thzikala lilambo lyo enu inepa ko kukana kupwa; mbela thza umbiwa kalo.¹⁷Ku enu inaloisheliwa ku ipishiwa lelo kwamamatela shofoci mu lyoko lyoe. Kukale kenge, ne ci Shinda sha moyo ashiye uanji wenji uyuuma, akumonishe shihemo, akaufle ñeke, no kukuvulisha eli aliangile kowa tata oe. ¹⁸Kenge akwama ei mukonda wateelela liywi lya Shinda sha moyo Nyambi woe, kumamela itumina yenji yoihe ei nikutumina lelo, kukwama ei inaloo mu meho a Shinda sha moyo Nyambi woe.

¹Yamwe anu a Shinda sha moyo Nyambi wenu. Lelo mwalikulula, nji kukulula ku lupala kulikululela awa anafu. ²Mukonda amwepo mwa anu o kukena kwa Shinda sha moyo Nyambi wenu, ne Shinda sha moyo onamihangula ci mukale anu enji ku enu yenji, kupita anu wahe awa ali kaye.³Lelo walya shinu shoshihe sho mathzilo. ⁴Eyi yoliyo iyama wakulya: ngombe, lingu, no membe, ⁵luvi, mengo njowe, mbambi, mapi, no lingu lyo pa mukinya.⁶Kenge mulya shiyama shoshihe eshi shinalitepa mapathzi, eshi shininga ci, shili no mapathzi analitape lwili, kalo sha shatafuna muhonyi. ⁷Shianga kengeyo lelo mwalya iyama imweya eyi itafuna muhonyi nji eyi ili no mapathzi analitepe lwili: kamele, kalumba, no kalumba ko kupila muthsila; mukonda ya tafuna muhonyi ambene mapathzi ayo kalitepile lwili, ya mathzilo kukwenu.⁸Ngulu naye wa mathzilo kukwenu mukonda onalihanda mapathzi ambene katafuna muhonyi; wa mathzilo kukwenu. Lelo mwalya nyama o ngulu, ne mwkwata ivimbi yathzo.⁹Enu eyi ili mu meyu mulye: Yoihe ili no mele no nyathzi; ¹⁰ambene yoihe yo kupila mele no nyathzi lelo mwailya; ya mathzilo kukwenu.¹¹Inyunyi yoihe yo kukena mulye. ¹²Ambene inyunyi mwa kukana kulya eyi: ngonga, likwi, ñwanyi, ¹³shipungu, kañothzi no shaluhele mu mishovo thzenji thzothzihe.¹⁴Lelo mwalya mushovo upi nji upi o likololo, ¹⁵no mpye, no mungomba, no lumbamba, no mishovo thzothzihe thzo mingomba, ¹⁶likovo lyo lyoshoonye, likovo lyo likulu, likokakoka, ¹⁷liya, likwi, kakume.¹⁸Lelo mwalya mombo, mushovo ouhe o nalukapwa, mukuwela, no kapukupuku. ¹⁹Yoihe ei ili no mando ei ienda ko mala ya mathzilo kukwenu; lelo yaliwa. ²⁰Mulye enu yoihde yo kukenea ei iunduka.²¹Lelo mwalya shinu shoshihe sho kulifela; mushipe muenda oyu li mu lilapa lyenu, ci ashilye; nji mushiulishe kwa munu o ku litunga lyalyo. Mukonda amwepo mwa anu o kukena kwa Shinda sha nmoyo Nyambi wenu. Lelo mwateleka kamembeana mu mawe a mama wako.²²Yoshemwa mutundishe shofoci kwei yo likumi onayanga ku mbuto thzoye thzothzihe, ei itunda mu shilwa shoye mwaka no mwaka. ²³Mulyele pa meho a Shinda sha moyo Nyambi wenu, mu shivaka akuhangula ci moliyo likala lithzina lyenji, yo ulikumi ku mavu enu, ku waine wenu o mupe, no ku oli thzenu, no mweli o ku ngumbe thzenu no ku mangu enu ci mulifundishe kukuteka Shinda sha moyo Nyambi wenu shikati shoshihe.²⁴Ngeci muendo wakulepela ne ci kotwesha kushishimba, mukonda shivaka eshi akuhangula Shinda sha moyo ci koliyo apaka lithzina lyenji kule nene noe, nehoni, Shinda sha moyo apa akufiyawela, ²⁵kenge oulisha ethzo nupu no mali, okwatelele ao mali mu lyoko lyoe, ne othze ku shivaka esho akuhangula Shinda sha moyo Nyambi woye.²⁶Kenge okaula yoihe ei ohima ko ao mali: ngombe, mangu, wine nji sho kunwa sho shilulu, nji yoihe ohima. Nehoni kenge olyelako posho thza Shinda sha moyo Nyambi woye ne kenge onyanyuka, owena no aka njiyo thzoye. ²⁷Mulivi oyu li mu mashelo oye---lelo wamuvulama, mukonda kali no shimweya nji shivaka eci yowe.²⁸Kuhula o myaka thzihatu no myaka thzihztu kenge oleta ulikumi ouhe o ei onawana omo mu mwaka, ne kenge oiungumeka mu mashelo oe; ²⁹ne mulivi, mukonda kali no shimweya nji shivaka eci yowe, no mwenda, no shiyana, no lifakathzi awa ali mu mashelo oye, kenge akeya kunalya ne aikute. Okwame kengeyo ci Shinda sha moyo Nyambi woye akufiyawele mu ekwama yo moko oye okwama yoihe.

¹Kuhula o myaka mutanu na thzili, kenge mushiya ikoloti. ²Omu moliyo mwakuishiyela: Munu yomuhe muka kukolotisha kenge ashiya ei anapa kwa mwapenji; kakufota ci akuliwe ei napu kwa munu anatungu nenji nji mwapenji mukonda kushiya ikoloti kwa Shinda sha moyo kunaambiwa. ³Munu o litunga lyalyo po akule ei naipiwa kukwenji; ambene shinu shoye shoshihe eshi shili kwa mwapoe lyoko lyoye lishishiye.⁴Shianga kengeyo, lelo kwakala shihutu mukaci kenu (mukonda Shinda sha moyo yoshemwa kenge amifiyawela mu litunga eli amipa kulishwana ci mukatungemo), ⁵ngeci po mwateelela nawa liywi lya Shinda sha moyo Nyambi wenu, kumamela thzothzihe ethzi milao nimitumina lelo. ⁶Mukonda Shinda sha moyo Nyambi wenu kenge amifiyawela, eci eli namikukulupelisha; kenge mukolotisha anu owangi, ambene amwe kamwakukolota; kenge mwakuendisha anu owangi, ambene awo kakumiendisha.⁷Ngeci kwali shihutu mukaci kenu, yumweya kwa apenu, oyu li mu malapa enu mu litunga lyenu eli amipa Shinda sha moyo Nyambi wenu, lelo mwakolopisha micima thzenu nji kuwisha moko enu kwa mwapenu o shihutu, ⁸ambene yoshemwa mu olole moko enu kukwenji ne yoshemwa mumukolotishe yoingi ei afota.⁹Mumamele mwakala no maayalo oamango mu micima thzenu, kuamba ci, 'Mwaka o mushitanu na thzili, mwaka o kushiya, uli po pepi,' ne ci lelo mwakala no kuyumena kwa mwapenu o shihutu ne mukane kumupa shimweya; kenge alilela kwa Shinda sha moyo yo umango wenu, ne kenge shikala shivi kukwenu. ¹⁰Yoshemwa mumupe, ne micima thzenu lelo thzaliela apa mumupa, mukonda munyima wei Shinda sha moyo Nyambi wenu kenge amifiyawela mu ekwama yenu yoihe no pa enu yoihe mupaka moko enu.¹¹Mukonda shihutu kakupila kukala mu litunga; honine namitumena no kuamba ci, 'Yoshemwa muolole moko enu kwa mwapenu, kwa mukakupila, no ku shihutu shenu mu litunga.'¹²Ngeci mwapoe, mukwelume o muheveru nji mbuyama o muheveru, onaulishiwa kukwoye ne akukwamena pa myaka mutanu na ofoci (6), nehoni mu mwaka o mushitanu na thzili (7) omutawethze alithzele kutunda kukwoye kunaliyala. ¹³Apa omutawethza kulithzela kunaliyala kutunda kukwoye, lelo wamushiya ci athze mokomoko. ¹⁴Omupe ku mangu oye, kwei onaungumeka pa shilambo shoye no ku veine li mu shiluvelo shoye kutundelela ku mucima oye. Kwei anakufiyawela nayo Sinda sha moyo Nyambi woye, omupeko naye.¹⁵Ovuluke ci shine wakalile o mupika mu litunga lya Engepita, ne ci kalo Shinda sha moyo Nyambi woye onakutundisha mo; honine lelo nakutumina ci okwame kangeyo. ¹⁶Kenge kwakukwamahala ci ngeci akuambela ci, 'kanitundu kukoye,' mukonda akuhima no aka niyo thzoye, ne mukonda kalo onakala shuwana noye, ¹⁷nehoni oshimbe shiyukulisho no kumuyukulula mutwi pa shikwalo, ne kenge akukala mupikoe ko kukana kupwa. okwame kengeyo noku kwa mupikoe o mbuyama.¹⁸Lelo kwakala ukalu kukoe kumutawethza ci athze ko kuliyala kutunda kukoe, mukonda onakukwamena pa myaka mutanu na ofoci (6) ne onakukwamena shikwama shiloela anu eli. Shinda sha moyo Nyambi woye kenge akufiyawela mu enu yoihe okwama.¹⁹Aeli o mapoho ku ngombe thzoye no ku mangu oye oipe kwa Shinda sha moyo Nyambi woye. Lelo wakwama shikwama shipi nji shipi ku eli o ngombe thzoye, nji kuteta ohunga ku eli o mangu oye. ²⁰Wakulyele eli ku ngombe no mangu oe posho thza Shinda sha moyo Nyambi woye popepi no shivaka eshi akuhangula Shinda sha moyo Nyambi woye, owe na aka njiyo thzoye. ²¹Ngeci kopali apa shinepa--- eci kenge, ngeci sha kutenguka nji sha kufa meho, nji pokuli apa shinepa popahe---lelo washikwama shitavelo kwa Shinda sha moyo Nyambi woye.²²Kenge wakushilyela mukaci ko mashelo oye; anu o kukana kukena nawa o kukena wahe alyeko, eci omu onalyelanga mapi nji luvi. ²³Ne pohuma lelo walya onyinga washo; wakumwaele onyinga washo pashi eci meyu.

¹Omamele ngonda thzo Abibi ne okwamene Shinda sha moyo Nyambi woye paseka, mukonda mu ngonda thzo Abibi moliyo akutundishile Shinda sha moyo Nyambi woye mu litunga lya Engepita ushiku. ²Kenge opaelela Shinda sha moyo Nyambi woye paseka ku mangu oye no ku ngombe thzoye mu shivaka eshi akuhangula Shinda sha moyo ci moliyo likala lithzina lyenji.³Lelo wamulya no ishima yo mamene; pa mayuwa mutunu na eli (7) omulye no ishima yo kupila mamene, ishima yo likando; mukonda kuma watundile mu litunga lya Engepita ko kuyakamishiwa. Okwame kengeyo mu mayuwa oe o kuyoya oahe ci wakuvulukange liyuwa watundile mu litunga lya Engepita. ⁴Lelo kwamonahala mamene mu litunga lyoe lyolihe pa mayuwa mutanu na eli (7); shianga nyama oyu okwamena Shinda sha moyo shitavelo pa lungulo lo liyuwa lyo mutatekelo lelo akala kukakuma mashikushiku.⁵Lelo wakwamena Paseka mu mashelo oahe o mambongi oye aa akupa Shinda sha moyo Nyambi woye. ⁶Ambene, okwamene shitavelo ku shivaka oku akuhangula Shinda sha moyo Nyambi woye ci koliyo kukala lithzina lyenji. Oko koliyo wakukwamena shitavelo lungulo liyuwa ko litoka, pa shikati sho mwaka eshi watundile mu Engepita.⁷Omupone no kumulyela pa shivaka esho akuhangula Shinda sha moyo Nyambi woye; mashikushiku kenge okupiluka no kuhuka ku tende thzoye. ⁸Pa mayuwa mutanu na lyofoci (6) kenge olya ishima yo kupila mamene; pa liyuwa lyo mushitanu na eli (7) kenge kukala kuliwana ko kukenu kwa Shinda sha moyo; mwelyo liyuwa lelo wakwama shikwama shoshihe.⁹Kenge otala masunda mutanu na eli (7); kutunda apa wakupakela cekesi pa uloto unemana oteteke kutala masunda mutanu na eli (7). ¹⁰Okwamene Shinda sha moyo Nyambi woye mukiti o masunda no kupunisha nupu kutundelela mu lyoko lyoye ko kuhima koye, kuthza komu akufiyawela Shinda sha moyo Nyambi woye.¹¹Kenge onyanyuka pa meho a Shinda sha moyo Nyambi woye---owe, mwanoe o mukwelume, mwanoe o mbuyama, mupikoe o mukwelume, mupikoe o mbuyama, mulivi oyu li mu mambongi oye, no mukwa matunga ao, shiyana, no lifakathzi awa ali mukaci kenu, ku shivaka esho akuhungula Shinda sha moyo ci koliyo likala lithzina lyenji. ¹²Kenge ovuluka ci shime wakalile mupika mu Engepita; omamele no kukwama ethzi milao.¹³Kenge okwama mukiti o ilombo pa mayuwa mutanu na eli (7) apa omanisha kuwaneka ei onatundisha pa shilambo shoye no mu shiluvelo shoye sho veine. ¹⁴Kenge onyanyuka pa mukiti woye---owe, mwanoe o mukwelume, mwanoe o mbuyama, mupikoe o mukwelume, mupikoe o mbuyama, mulivi no mukwa matunga ao, shiyana no lifakathzi awa ali mu mambongi oe.¹⁵Pa mayuwa mutanu na eli (7) okwamene Shinda sha moyo Nyambi woye mukiti ku shivaka esho akuhangula Shinda sha moyo, mukonda Shinda sha moyo Nyambi woye kenge akufiyawela mu enu yoihe onayanga no mu ekwama yo moko oye yoihe, ne onyanyuke kumanenena.¹⁶Akwelume wahe alimonahalishange pa meho a Shinda sha moyo Nyambi woye luhatu pa mwaka ku shivaka esho akuhangula: ku mukiti o ishima yo kupila mamene, ku mukiti o masunda, no ku mukiti o ilombo. Wahi oyu wakulimonahalisha pa meho a Shinda sha moyo mokomoko. ¹⁷Ambene, mukwelume no mukwelume kenge aleta shipiwa omu atweshela, ci olimuke fiyauthzi ethzi anakupa Shinda sha moyo Nyambi woye.¹⁸Opake aka kuatula no manduna mu mambongi aa akupa Shinda sha moyo Nyambi woye; kenge ashimbiwa mu ikuta yenu yoihe, ne aatule anu ko kuluka. ¹⁹Lelo wapilula iamba; lelo waimanena munu nji kutambula kweta, mukonda kweta thathsikanga meho a anu owanyanyami kalo thzakwangishanga maywi a anu o kuluka. ²⁰Ofotishishe omu shiendela shiamba munyima thzo kufotishisha, ci oyoye no kushwana litunga eli akupa Shinda sha moyo Nyambi woye.²¹Lelo walishishela ashera(muyombo), shitondo shipi nji shipi kunyonga thzo aletare thza Shinda sha moyo Nyambi woye ethzi wakulikwamena. ²²Lelo walikwamena shianga shithsini shipi nji shipi sho mawe, ei anathzimbi Shinda sha moyo Nyambi woye.

¹Lelo wakwamena Shinda sha moyo Nyambi woye shitavelo sho ngombe nji lingu oyu li napa anashomololiwa, nji oyu li napa anepa, mukonda kukwama kengeyo mathzilo kwa Shinda sha moyo Nyambi woye.²Ngeci mukaci kenu, mu mbongi thzimweya ku mambongi aa akupa Shinda sha moyo, akopo kuwaniwa mukwelume nji mbuyama oyu kwama umango pa meho a Shinda sha moyo Nyambi woye no kushiya ombusha wenji, ³yomuhe oyu nathzi kukalombela athzimu ao no kuwakinyamena, kukale liyuwa, ngonda nji shinu shoshihe sho kuwilu---eshi ninakana kutuminina--- ⁴ne ngeci owe po tongweliwa esho shiamba, nji ngeci onashiyuvu, nehoni ofotishishe nawa. Ngeci yashwemwa ne moliyo kunakalela ci mathzilo o kengeyo anakwamahala mu Isilaele, okwame kenge.⁵Olete oyo mukwelume nji mbuyama, oyu nakwama eshi shinu sho shimango, mu mashelo o mambongi oye, oyo mukwelume shemwa nji mbuyama, omupovaule no mawe kumupaa. ⁶Shime tunwa to mapaki eli , nji mapaki ahatu mbeci apaiwe; ambene ngeci kanwa ko paki yofoci pohuma lelo apaiwa. ⁷Moko o mapaki oliyo atateka kumupaa, ne munyima honi mbeci moko o anu wahe; ne kenge otundisha omango mukaci kenu.⁸Ngeci akopo kukwamahala shiamba sho shikalu nene eshi okana kutwesha kuatula---nahimi shiamba sho kumwaa onyinga no kumwaa onyinga, nji shiamba sho muthzeko no muthzeko, nji shiamba sho lituma no lituma---iamba yo muyoyo mu mambongi oye---nehoni othze kushivaka eshi ahangula Shinda sha moyo Nyambi woye. ⁹Othze kwa apulisita, akwa shikuta sha Livi, noku kwa mukwa kuatula oyu wakukalako omu mushikati; kenge owaipula, ne kenge akutongwela mo kuendishela shiamba.¹⁰Nehoni okwame omu akutongwelela, pa shivaka eshi akuhangula Shinda sha moyo. Omone ci wakwama ei akufundisha yoihe. ¹¹Oshupwele mulao akufundisha, ne okwame omu anakunehethzela. Lelo watunda kwei akutongwela, kuhuka ku lyoko lyo shilyo nji lyo shimoho.¹²Yomuhe ninga likamba, oyu kana kuyuva mupulisita oyu nemana kukwamena Shinda sha moyo Nyambi woye nji kukana kuyuva muka kuatula---oyo munu afe; kenge otundishelela omango mu Isilaele. ¹³Anu wahe ayuve ne ayape, ne kwakala munu oyu ninga likamba kalo.¹⁴Apa okuma mu litunga eli akupa Shinda sha moyo Nyambi woye, ne apa olitunga no kutateka kukala mo, no apa oamba ci, 'Kenge nilipakela fumu oyu niendisha, eci eli ali wahe anu ananithzinguluka,' ¹⁵nehoni yoshemwa olipakele fumu oyu kuendisha munu oyu akuhangula Shinda sha moyo Nyambi woye. Olipakele fumu oyu kuendisha oyu tunda mukaci ka apoe. Lelo wapaka munu oyu tunda ku litunga lyalo, oyu ninga ci kali mwapoe, ci akuendishe.¹⁶Ambene lelo aliungumekela tukambe totungi, nji akuhushela anu ku Engepiyta ci akavulishe tukambe, mukonda Shinda sha moyo shime amiambelile ci, 'Kamwakuhukela kupita muya mu likuñwa kalo.' ¹⁷Lelo ayeka ambuyama owangi, ci mucima wenji lelo wapilukela kwako. Lelo aliungumekela silivera no gauda omungi.¹⁸Apa akala mu shipula sho ufumu wenji, añole mu buka milao thzenji, kutunda ku mulao watangile kukalako o apulisita, awo Alivi. ¹⁹Buka thzikale nenji, ne athzitale mu mayuwa enji o kuyoya oahe, ci alifundishe kulemeka Shinda sha moyo Nyambi wenji, ci amamele maywi oahe o mulao wenji no ituminina, ci aikwame.²⁰Akwame kengeyo ci mucima wenji lelo walishangalela apenji, ne ci lelo aleya atumina, kuhuka ku shilyo nji ku shimoho, ci avulishe mayuwa o ofumu wenji, aye no anenji mukaci ko Isilaele.

¹Apulisita, awo Alivi no shikuta sha Livi shoshihe, kakukala no shivaka nji kushwana na Isilaele; alye nupu thza Shinda sha moyo thzinakwamiwa ko mulilo koliyo kushwana ko. ²Kwithsa eshi akushwana mukaci ka apo; Shinda sha moyo koliyo kushwana ko, eci eli aambile kukwo.³Eshi sholiyo anapiwa apulisita, kupiwa kukwo kutundelela kwa anu awa akwama shitavelo, shanga eci ngombe nji lingu: sho mbando, matama eli, nei yo mulila. ⁴Ku mavu oye o mutatekelo ( mutamuno) ku veine oye o mupe, no ku maathzi oye o oli no ohunga o mutatekelo o mangu oye, oimupe. ⁵Mukonda Shinda sha moyo Nyambi woye onamuhangula kutunda mu ikuta yoye yoihe eci aimane akwame mu lithzina lya Shinda sha moyo, aye na anenji ko kukana kupwa.⁶Ngeci Mulivi atunda mu mbongi thzimweya thzo mambongii oe mu Isilaele momuhe oku anakalanga ne mucima wenji wouhe wahima kukeya ku shivaka eshi akuhangula Shinda sha moyo, ⁷nehoni akwame mu lithzina lya Shinda sha moyo Nyambi wenji eci omu akwamena apenji Alivi wahe, awa anemana mo pa posho thza Shinda sha myo. ⁸Wahe apiwe shokulyo eshi shikuma pofoci, shanga eci ei itunda kwei inaulishiwa kwei anashwana ashemi enji yakuma kupi nji kupi.⁹Apa mukuma mu litunga eli amipa Shinda sha moyo Nyambi woye, lelo mwalifundisha kukwama yo mathzilo akwama anu alimo. ¹⁰Mukaci kenu lelo kwawaniwa munu oyu kwama mwanenji o mukwelume nji o mbuyama shitaveli mu mulilo, nji muka kuuka oyu uka nji mukwa mavivo, nji mulothzi ¹¹nji mukwa mithzi, nji oyu likwathsisha ulothzi nji mukwa ilumba nji mukwa kuipula awa anafu.¹²Mukonda munu yomuhe oyu kwama ei enu wa mathzilo kwa Shinda sha moyo; mukonda wei enu yo mathzilo Shinda sha moyo Nyambi woye yoliyo acithzela awa anu pa posho thzoye. ¹³Lelo wakala nopa oshomololiwa pa posho thza Shinda sha moyo Nyambi woye. ¹⁴Mukonda awa anu wakutundisha omo mu ivaka ateelelanga kwa alothzi na aka kuuka; ambene owe po, Shinda sha moyo Nyambi woye kakutawethzile kukwama kengeyo.¹⁵Shinda sha moyo Nyambi woye kenge akukwamena mupolofifa kutunda mukaci kenu yumweya kwa apoye, okulipitula nange. Omuteelele. ¹⁶Eshi sholiyo mwalombile kwa Shinda sha moyo Nyambi wenu ku Horebe pa liyuwa lyo shiwano, kuamba ci, 'Lelo twayuva kalo liywi lya Shinda sha moyo Nyambi wetu, nji kumona kalo mulilo wenji oukulu, ci lelo twafa.'¹⁷Shinda sha moyo ayepo amba kukwange, 'Ei anaamba inaloo. ¹⁸Kenge niwakwamena mupolofita kutunda mukaci ka apo, o kulipitula eci yowe. Kenge nipaka maywi ange mu kanwa kenji, ne kenge akuamba kukwo yoihe nimutumina. ¹⁹Kenge kwakukala eci yomuhe kana kuteelela ku maywi ange aa aamba mu lithzina lyange, kenge nimuthzekisha.²⁰Ambene mupolofita oyu amba liywi ko kuliyuvishisha mu lithzina lyange, liywi eli ninakana kumutumina eci aliambe, nji oyu amba mu lithzinaq lya athzimu ao, oyo mupolofita afe.' ²¹Eshi sholiyo oamba mu mucima woye: 'Kenge tulimuka ngepi liywi anakana kuamba Shinda sha moyo?'²²Kenge mulimuka liywi anaamba Shinda sha moyo mupolofita apa aamba mu lithzina lya Shinda sha moyo. Ngeci esho shinu kashikwamahala, nehoni esho shinu kashiambile Shinda sha moyo, ne oyo mupolofita onaamba ko kuliyuvishisha, ne lelo mwamuyapa.

¹Shinda sha moyo Nyambi oye apa apaa anu, awo ashinda sho litunga eli akupa Shinda sha moyo Nyambi oye, no apa oshimba litunga lyo no kukala mu mambongi o no manjiyo o, ²ohangule mambongi ahatu pakaci ko litunga lyoe eli akupa Shinda sha moyo eci olishimbe. ³Okwame likuñwa lyoshokulu ne otepe maenja o litunga lyoe luhatu, litunga eli akupa Shinda sha moyo Nyambi oye eci olishwane, eci munu yomuhe oyu paa munu acileleko.⁴Ou oliyo mulao o munu oyu paa mungenjenji no kucilelamo eci ayoyishe moyo wenji---munu oyu paa mungenjenji ko kukana kuhima no kukana kumuthzimba pa shikati ukwamahala owo ukalu. ⁵Eci kenge, ngeci munu athza mu mulundu na mungenjenji kukateta itondo, ne ashinja shitondo no kamo ne kamo kasokoka mu mupinyi no kushinja mungenjenji no kumupaa---nehoni oyu munu acilele ku thzimweya thzo ao mambongi no akayoyishe moyo wenji.⁶Apa kukana kukala kengeyo muka kukulisha manyinga anamwaala atwesha kushupwela oyu napaa, ne mukuangipa nene amukwata, ngeci kule nene, amufula no kumupaa, shanga eci oyu munu kaloelile kufa, amona ayepo kanathzimbi oyo mungenjenji nafu. ⁷Honine nakutumina ci ohangule mambongi ahatu.⁸Ngeci Shinda sha moyo Nyambi oye ayepo kulisha maenje oye, eci eli aliethzile kwa akwathsañulu oye eci moliyo akwamena, ne ayepo kupa lyolihe litunga eli akulupelishile kupa akwathsañulu oye; ⁹ngeci owepo mamela yoihe ei ituminino no kuikwama, ei nikutumina lelo---ituminino yo kuhima Shinda sha moyo Nyambi oye no kuenda mu makuñwa enji shikati shoshihe, nehoni olipakele mambongi ahatu, kupaka kwaa mambngi ahatu. ¹⁰Okwame kengeyo eci manyinga okupila mulandu lelo amwaala mu litunga akupa Shinda sha moyo eci olishwane, ne kupile mulandu o manyinga ou ukala kukoye.¹¹Ambene ngeci munu onathzimbi mungenjenji, amuundamena, akatuka kumulwisha, no kumufula ayepo fa, ne ngeci ayepo cilela ku thzimweya thzo aa mambongi--- ¹²nehoni akulu o mumbongi thzenji amutumena anu akamushimbeko, no kumupa mu moko a mukwa kukulisha manyinga, eci apaiwe. ¹³Lithziho lyoe lelo lyamufela ñeke, ambene, otundishelele mulandu o manyinga mu Isilaele eci inu yoye iloe.¹⁴Lelo wahenyisha maenja a mungenjoye aa apakile okukale, mukushwana okashwana, mu litunga eli akupa Shinda sha moyo Nyambi oye eci likale lyoe.¹⁵Paki yofoci pohuma katwesha kupaka yo umango upi nji upi nji shivi shipi nji shipi eshi anakwama munu, momuhe omu anakwamena shivi; mutunwa to mapaki eli nji mutunwa to mapaki ahatu shiamba shipi nji shipi pohuma shatawiwa eci shahsemwa. ¹⁶Ngeci paki oñanda apaka kulundela munu yo mulandu anakwama.¹⁷Nehoni awo anu eli, awa alithzekisha, aimane pa posho thza Shinda sha moyo, pa posho thza apulisita na aka kukatula awa akwama omo mu mayuwa ao. ¹⁸Aka kuatula afotishishe shuwana; amone, ngeci oyo paki wa ñanda ne onapaka yo ñanda kwa mwapenji, ¹⁹nehoni okwame kukwenji, omu anafotela eci kukwamiwe kwa mwapenji; ne kenge otundisha omango mukaci kenu.²⁰Nehoni wamweya kenge ayuva no kuyapa, ne kutunda apo kakukwama kalo omango o kengeyo mukaci kenu. ²¹Meho oye lelo afela munu ñeke; moyo kenge ukuliwa ko moyo kalo, lithziho ko lithziho, lieo ko lieo, lyoko ko lyoko, liulu ko liulu.

¹Apa othza kukalwisha akwethzimbo yoye, ne wamona tukambe, makoloi, no anu oangi kukupita, lelo wawayapa; mukonda Shinda sha moyo oli noe, aye wakutundishile mu litunga lya Engepita.²Apa muingene mu mvo, mupulisita ahenyene kwa anu no kuamba kukwo. ³Awaambele eci, 'Oteelele, Isilaele, wathza kukulwa na akwathzimbo yoye. Lelo mwaleya micima. Lelo mwayapa no kututuma. Lelo mwawayapa. ⁴Mukonda Shinda sha moyo yoliyo thza nenu kukalwisha akwethzimbo yenu no kumiyoyisha.'⁵Aka kuendisha aambe kwa anu kuamba eci, 'Elye munu kukwenu oyu naumbu njiyo thzo thzipe ne oshime kuloelela shikwama yathzo? Athze ahuke ku njiyo thzenji, eci lelo akafela mu mvo ne eci munu yumweya athziloelele.⁶Eine kwali munu kukwenu oyu nalimi shilwa sho itondo yo veine ne oshime kulya ku oshuka omo mu shilwa? Athze ku njiyo thzenji, eci lelo akafela mu mvo ne eci munu yumweya alye oshuka omo mu shilwa. ⁷Eine kwali munu kukwenu oyu naungela mbuyama ambene oshime kumuyeka? Athze ku njiyo thzenji eci lelo akafela mu mvo ne eci munu yumweya ayeke oyo mbuyama.'⁸Aka kuendidsha aambe kalo na anu kuamba eci, 'Eine kwali munu kukwenu o lipyeha nji o mucima o wowa? Athze ahuke ku njiyo thzenji, eci mucima wa mwapenji lelo wayapa eci mucima wenji.' ⁹Aka kuendisha apa amana kuamaba kwa anu, ahangule aka kuendisha mashwalela eci awaendishe.¹⁰Apa othza kukalwisha mbongi, oipule anu alimo ngeci ahima kuliyala. ¹¹Ngeci akutawa ko kuliyala ne akuyanjulule mashelo oo, wahe anu alimu apiluke aka kukukwamena ne akukwamene.¹²Ambene ngeci kahimine kuliyala kukwoye, ne akulwisha, nehoni othzithzinguluke kuthzipaka mukaci, ¹³ne Shinda sha moyo Nyambi oye apa akupa kuwatwesha no kuwapaka mushi thzoye eci owaendishe, opae mukwelume yomuhe mu mbongi ko utwe o mwele.¹⁴Ambene ambuyama, anuke, emunanu no inu yoihe ei ili mu mbongi, no lufumo lwathzo loluhe oishimbe. Kenge olya ei onanyanga akwethzimbo yoye, awa anakupa Shinda sha moyo Nyambi woye. ¹⁵Okwame kengeyo ku mambongi oahe aa ali kokule noe, mambongi aa aninga eci kali mambongi aa anu.¹⁶Mu mambongi a anu awa akupa Shinda sha moyo Nyambi oye eci oashwane, lelo wayoyishamo shianga shofoci eshi shipuya. ¹⁷Owapaelele wahe: Ahiti, no Amori, Akanana, Aperizi, Ahivi no Ajebusi eci eli ana kutumina Shinda sha moyo Nyambi oye. ¹⁸Okwame kengeyo eci lelo akufundisha ku mikalaelo thzo thzo mathzilo, ethzi anakwamena athzimu o. Ngeci amwe po muikwama, kenge mukwama shivi kwa Shinda shanmoyo Nyambi wenu.¹⁹Apa opaka mbongi mukaci pa shikati sho shile, ko muthzilwisha eci muthzishimbe lelo waipisha itondo yathzo ko kuitetaula no kamo. Mukonda koliyo oloela kulya, ne lelo waiteta. Mukonda shitonda sho mu shilwa ne munu eci omulwishe? ²⁰Shime itondo ei olimuka eci kali yakulya ei oloela kuipisha no kuiteta; kenge oumba shipatango kuthzingulukisha mbongi ethzi thzilwa nenu, kutwala apa thzikawela.

¹Ngeci munu ayepo waniwa kunapaiwa mu litunga akupa Shinda sha moyo Nyambi oye eci olishwane, kunalala mu shilwa, ne oyu namupaa kalimukiwa; ²nehoni akulu oye no aka kuatula oye athze ne akatepe kutunda apa ali munu napaiwa kuthza ku mambongi aa anamuthzinguluka.³Nehoni akulu o mbongi ethzi thzili popepi no shivimbi ashimbe lilole ku ngombe thzo, aka kashime kukwama, kalo kashime kukoka ku coko. ⁴Nehoni atwale oyo lilole ku mulonga uli no meyu apupa, mulonga ou ushime kukekeliwa nji kukuniwa, ne omo mu mulonga moliyo akacolela oyo lilole thsingo.⁵Apulisita akelya a Livi, akeye ko, mukonda Shinda sha moyo Nyambi oye onawahangula kumukwamena no kufiyawela mu lithzina lya Shinda sha moyo no kuatula iamba yo muyoyo no matuma ko liywi lyo.⁶Akulu wahe o mbongi ethzi thzili popepi no munu napaiwa alihupe ku moko peulu thzo lilole linacoliwa thsingo mu mulonga; ⁷ne alitawela ku shiamba ne aambe eci, 'Moko etu kamwaile manyinga enji, shianga meho etu kaamonine.⁸Otetele ku milandu, Shinda sha moyo, anu oye Isilaele, awa onaamwena, ne wapaka mulandu o kumwaa manyinga o kupila mulandu mukaci ko anu oye Isilaele.' Nehoni mulandu o kumwaa manyinga kenge uteteliwa kuko. ⁹Omu moliyo otundishelela manyinga o kupila mulandu mukaci kenu, apa mukwama ei inaloo mu meho a Shinda sha moyo.¹⁰Apa othza kukalwisha akwethzimbo yoye ne Shinda sha moyo Nyambi oye akupa kuwatwesha no kuwapaka mushi thzoe eci owaendishe ne wawashimba kukawamuna, ¹¹ngeci owepo mona mukaci kawa anamuniwa mbuyama o muwa, ne onamuloela ne wafota kumuyeka eci akale munu woye, ¹²nehoni omulete ku njiyo thzoye; aliteule ku mutwi no kuteta mayala enji.¹³Nehoni kenge ahulula ito ei navata apa nashimbiwa kukamuniwa ne kenge akala mu njiyo thzoye no kulila tata wenji no mama wenji ngonda thzo mutunu. Munyima pohuma wathza kukwenji no kukala munun wenji, ne kenge akala munu woye. ¹⁴Ambene ngeci komuloelile, omushiye athze oku ahima kokuhe. Ambene lelo wamuulisha ko mali, kalo lelo wamukwama eci mupika, mukonda onamushomolola.¹⁵Ngeci mukwelume oli na ambuyama eli ne yumweya ahimiwa ne yumweya onathzimbiwa, ne wahe eli anamuelekela ana--- muwili wo oyu himiwa noyu nathzimbiwa--- ngeci mwana o mweli o mukwelume woyu nathzimbiwa, ¹⁶nehoni pa liyuwa oyu mukwelume apa aela anenji kushwana ei ali nayo lelo akwama mwana o mukwelume wa mbuyama himiwa eci yoliyo mweli kushiya mwana o mukwelume wa mbuyama nathzimbiwa aye mweli shemwa. ¹⁷Ambene, amonishe mweli shemwa, mwana o mukwelume wa mbuyama nathzimbiwa, ko kumupa mielelo thzili ku inu ali nayo yoihe, mukonda oyo mwana oliyo matatekelo o okolo wenji. Ei iloela mweli yenji.¹⁸Ngeci munu oli no mwana o mukwelume o mukalu no mukanayuva oyu kana kuyuva tata wenji no mama wenji, oyu ninga eci, shianga awa amukutulula, kawateelela; ¹⁹nehoni tata wenji na mama wenji amukwate ne amulete kwa akulu o mu mbongi thzenji no ku mashelo o mbongi thzenji.²⁰Atongwele akulu o mu mbongi thzenji, 'Oyu mwanetu mukalu no mukanayuva; kateelela liywi lyetu; wakulya nene no ucakolwa.' ²¹Nehoni anu wahe o mu mbongi thzenji kenge amupovaula no mwae kumupaa; ne kenge otundisha omango mukaci kenu. Isilaele yomuhe kenge ayuva ne kenge ayapa.²²Ngeci munu onakwama shivi shininga eci aloela kupaiwa, ne wamupaka pa shitondo, ²³nehoni ilama yenji lelo yakala pa shitiondo ushiku ouhe. Yoshemwa omuvumbeke elyo liyuwa mwene; mukonda munu yomuhe oyu kunjaela onakutiwa ko Nyambi. Lelo wathzilaula litunga eli akupa Shinda sha moyo Nyambi oye eci olishwane.

¹Lelo watanekela pulu wa mungenjoye mwana Isilaele nji lingu lyenji koiyonga ne owe waliholeka; yoshemwa oihushe kukwenji. ²Ngeci mungenjoye mwana Isilaele kali po pepi noye, nji ngeci komulimuka, nehoni olete esho shiyama ku njiyo thzoe, ne kenge shikala noye kutwala apa akushifotela, nehoni pohuma washihusha kukwenji.³Okwame kengeyo no ku shindongi shenji; okwame kengeyo no ku shivata shenji; okwame kengeyo ku shinu shoshihe shinayongo sha mungenjoye mwana Isilaele, shinu shoshihe eshi anayongisha ne onashiwana; ⁴Lelo wamona shindongi nji pulu wa mungenjoye mwana Isilaele koinawela mu likuñwa ne owe waliholeka; yoshemwa omukwathse kushiimeka mo kalo.⁵Mbuyama lelo avata inu yo shikwelume, ne mukwelume naye avata evata yo shimbuyama; mukonda munu yomuhe oyu kwama ei enu wa mathzilo kwa Shinda sha moyo Nyambi oye.⁶Ngeci shitalatala sho shinyunyi shili kuposho thzoe mu likuñwa ku shitondo shipi nji shipi nji pashi, no twana mo nji mayaki ne mama wato onafulumana pa twana nji mayaki, lelo washimba mama wato pofoci no twana. ⁷Yoshemwa oshiye mama wato athze, ambene twana ato watwesha kutulishimbela. Omamele ou mulao eci yoye iloe, ne kalo eci ovulishe mayuwa oye.⁸Apa oumba njiyo thzo thzipe, okwamene shituwa shathzo shipatango eci lelo waleta manyinga pa njiyo thzoye ngeci munu oyu li po awa po.⁹Mu shilwa shoye sho itondo yo veine lelo wakuna mo mbuto thzo mishovo thzili, eci ei onakunu no oshuka o veine lelo yaipa. ¹⁰Lelo wakekelisha pulu no shindongi pofoci. ¹¹Lelo wavata shito shinakwamiwa pa ohunga o lingu no line pofoci.¹²Okwame minganja ku mapeta o canthzi omu onavatanga.¹³Ngeci mukwelume ayeka mbuyama, ne athza kukwenji, nehoni amuthzimba, ¹⁴ne amulundela inu yo imango ei iipisha lithzina lyenji, ne aamba eci, 'Kuma naniyeke oyu mbuyama, ambene apa nanihenyena kukwenji, kuma naniwana eci kali mwalanjo.'¹⁵Nehoni tata wa mumbanda no mama wenji atwale upaki umonisha eci mwalanjo kwa akulu ku mashelo o mbongi.¹⁶Tata wa mumbanda atongwele akulu eci, 'Kuma naniyekisha mwanange koyu mukwelume, ne onamuthzimbi. ¹⁷Mumone, onamulundela inu yoimangone onaamba eci, ''Kwa mwanoe kaniwanineko upaki umonisha eci mwalanjo.'' Ambene upaki umonisha eci mwanange mwalanjo ou.' Nehoni kenge ayandumuna shito pa posho thza akulu o mbongi.¹⁸Akulu o ethzo mbongi ashimbe oyo mukwelume no kumupa kashitiko; ¹⁹no kumukulisha mulandu oukama pa mashekele o shilivera likumi, no kuapa kwa tata wa mumbanda, mukonda oyo mukwelume onaipisha lithzina lya mwalanjo wa Isilaele. Akale munu wenji; lelo amucithza mu mayuwa enji o kuyoya oahe.²⁰Ambene ngeci yashemwa, eci kwithsa upaki o walanjo unawaniwa koyu mumbanda, ²¹nehoni alete oyo mumbanda ku shelo thzo njiyo thza tata wenji, ne anu omo mu mbongi amupovaule no mawe kumupaa, mukonda onakwama shinu shoshimango mu Isilaele, kukwama uhule mu njiyo thza tata wenji; ne kenge otundisha omango mukaci kenu.²²Ngeci mukwelume awaniwa kunalala no mbuyama nayekiwa kwa mungenjenji mukwelume, nehoni muwili wo afe, oyo mukwelume nalala no mbuyama naye mbuyama; ne kenge otundisha omango mu Isilaele.²³Ngeci mumbanda o mwalanjo, onaungekeliwa ko mukwelume, ne mukwelume yumweya amuwana mu mbongi ne alala nenji, ²⁴owashimbe muwili wo owatwale ku shelo thzo mbongi, no kuwapovaula kuwapaa. Mupovaule mumbanda, mukonda kanakuwu, shianga eci kuma nakala mu mbongi. Mupovaule mukwelume, mukonda onepisha munu wa mungenjenji; ne kenge otundisha omango mukaci kenu.²⁵Ambene ngeci mukwelume awana mumbanda oyu naungekeliwa mu shilwa, ne ngeci amukwata no kulala nenji, nehoni mukwelume pohuma oyu nalala nenji yoliyo paiwa. ²⁶Ambene mumbanda lelo wamukwama shimweya; kwithsa shivi anakwama eshi aloela kupaeliwa. ²⁷Mukonda kuma namuwana mu shilwa; oyo mumbanda naungekeliwa kuma nakuwu, ambene kanakula munu o kumuamwena.²⁸Ngeci mukwelume awana mumbanda o mwalanjo ambene kali wakuungekeliwa, ne ngeci amukwata no kulala nenji, ne ngeci anawaniwa, ²⁹nehoni oyo mukwelume nalala nennji akule mashekele o shilivera mutanu kwa tata wa mumbanda, ne akale munu wenji, mukonda onamuipisha. Lelo amucithza mu mayuwa enji o kuyoya oahe.³⁰Mukwelume lelo ashimba munu wa tata wenji kumuyeka; Lelo ashimba maluwo a tata wenji.

¹Kwithsa mukwelume oyu nashanyauka okwelume nji oyu nacinuka okwelu oyu wakuingena mu shiwano sha Shinda sha moyo. ²Kwithsa mwana o mu upangala oyu wakuingena mu shiwano sha Shinda sha moyo; kukakuma ku shikuta sho ulikumi sha ekulyenji, kwithsa kukwo oyu wakuingena mu shiwano sha Shinda sha moyo.³Mu Amoni nji mu Amoabi kakuingena mu shiwano sha sha Shinda sha moyo; kukakuma ku shikuta sho ulikumi sha ekulyenji, kwithsa kukwo oyu wakuingena mu shiwano sha Shinda sha moyo. ⁴Mukonda kamitambulile no ishima no meyu mu likuñwa apa mwatundile mu Engepita, kalo kuma akumunine Balaamu mwana Beori oku petori mu Arami Naharaimi, eci amikute.⁵Ambene Shinda sha moyo Nyambi wenu kateelelile kwa Balaami; unohoni, Shinda sha moyo Nyambi wenu ayepo pilula shikuto kushikwama fiyauthzi kukwenu, mukonda Shinda sha moyo Nyambi wonu amihima. ⁶Lelo mwawafotela kuliyala nji kuyoya shuwana, mu mayuwa enu oahe.⁷Lelo wathzimba munu o Muedomo, mukonda mwapoe; lelo wathzimba munu o mu Engepita, mukonda kuma wakakalile mwenda mu litunga lyenji. ⁸Ekulu o shikuta sho mushihatu shawa aelekiwa kukwo aingene mu shiwano sha Shinda sha moyo.⁹Apa muthza mu ushwalale kukalwa na akwethzimbo yenu, mulihenge ku enu yoimango yoihe. ¹⁰Ngeci mukaci kenu kwali munu oyu nakana kukena mukonda o wei inamukeyela ushiku, atunde mu shilombo sho mashwalale; lelo ahuka mu shilombo. ¹¹Lungulo apa likuma, alihupe mu meyu; liyuwa apa litoka, ahuke mu shilombo.¹²Mukale no shivaka pola thzo shilombo oku othzanga; ¹³ne okale no shimu shimweya mu itenga yoye sho kushimisha; apa onyotomana kulikwathsa owe shinda, oshime liteke ko esho shishimisho ne apa omana ovumbeke ei inatundu kukoye. ¹⁴Mukonda Shinda sha moyo Nyambi woye aendenga mukaci ko shilombo shenu kumipa kutwesha no kupa akwethzimbo yenu mu moko enu. Honine shilombo shenu shikale sho kukena, eci lelo amona shinu sho kukana kukena mukaci kenu ne amishiye.¹⁵Lelo wahusha mupika kwa ñathsile wenji mupika oyu noomboloka kwa ñathsile wenji. ¹⁶Omushiye akale noe, momuhe mu mbongi ethzi ahangula. Lelo wamunyandisha.¹⁷Lelo kwakala lihule mukaci ko ana Iilaele owambuyama, kalo lelo kwakala lihule mukaci ko ana Isilaele owakwelume. ¹⁸Lelo waleta mali o uhule nji mali o muulo o mbwa mu njiyo thza Shinda sha moyo mukonda wei onalianga; mukonda ei muwili wayo ya mathzilo kwa Shinda sha moyo Nyambi woye.¹⁹Lelo wakolotisha mungenjoye mwana Isilaele ko kumukulisha shimweya peulu--- kumukulisha shimweya peulu ku mali, kumukulish shimweya ku shilya, nji kumukulisha shimweya peulu ku shinu shoshihe eshi shinakolotishiwanga ko kukulisha shimweya peulu. ²⁰Kwa munu o ku litunga lyalo omukolotishe ko kumukulisha shimweya peulu, eci Shinda sha moyo Nyambi oye akufiyawele mu enu yoihe apa opaka lyoko lyoe, mu litunga eli othza kukalishwana.²¹Apa olianga shinu kwa Shinda sha moyo Nyambi woye, lelo wakatapa ku kushikwama, mukonda Shinda sha moyo Nymbi woye yoshemwa kenge ashifota kukwoye; kenge shikala shivi kukwoye kukana kushikwama. ²²Ambene ngeci olihenge ku kulianga, kashikala shivi kukwoye. ²³Eshi shinatundu mu kanwa koe oshimamele no kushikwama; ko omu analiangela kwa Shinda sha moyo Nyambi woye, shinu shoshihe eshi onakulupelisha ko kanwa koe.²⁴Apa othza mu shilwa sha mwapoe sho veine, olye oshuka omu ohimena, ambene lelo wapaka shimweya mu katanda koye. ²⁵Apa othza mu shilwa sha mwapoe sho uloto unapi, oyange uloto ko lyoko lyoe, ambene lelo wavuthza uloto okupya wa mwapoe no cekethsi.

¹Mukwelume apa ashimba mbuyama kumuyeka, ngeci kamuloelile mukonda onamono shinu sho shimango kukwenji, nehoni amuñolele liñolo lyo kumulukulula, alipake mu lyoko lyenji, ne amutundishe mu njiyo thzenji. ²Kunatunda mu njiyo thzenji, atwesha kukayekiwa kwa mukwelume yumweya.³Ngeci munu wenji o mushili ayepo muthzimba ne ayepo muñolela liñolo lyo kumulukula, kulimupaka mu lyoko lyenji, no kumutundisha mu njiyo thzenji; nji ngeci munu wenji o mushili ayepo fa, oyo mukwelume namushimbi kumuyeka eci akale munu wenji--- ⁴nehoni munu wenji o mutatekelo, oyu natanga kumulukulula, katwesha kumushimba eci akale munu wenji, munyima thzo kukala o kukana kukena; mukonda eyo kenge ikala yo mathzilo kwa Shinda sha moyo. Lelo waletela litunga kukala no mulandu, litunga eli akupa Shinda sha moyo Nyambi woye eci olishwane.⁵Mukwelume apa ayeka mbuyama omupe, kathzi ku mvo no mashwalale, nji kupiwa shikwama shimweya; kenge akala okuliyala pa njiyo pa mwaka ofoci kuleta kunyanyuka kwa munu wenji oyu anayeka.⁶Munu lelo ashimba kakunju nji liwe lyo kulinyungisha eci amukwatelepo, mukonda oko po kushimba moyo o munu kuninga po kukwatela.⁷Ngeci munu ayepo waniwa kunaithzi mwapenji yupi nji yupi mukaci ko ana Isilaele, no kumukwama upika no kumuulisha, oyo mwithzi apaiwe; ne kenge otundisha omango mu mukaci kenu.⁸Mumamele ekola yo mbingwa, eci mumamele no kushupwela ituminino yoihe ipiwa kukwenu ei amifundisha, apulisita, awo Alivi; eci eli naniwatumina, mukwame kengeyo. ⁹Muvuluke ei akwamine Shinda sha moyo Nyambi wenu kwa Miriami apa mwatundile mu litunga lya Engepita.¹⁰Apa opa mwapoe shikoloti shipi nji shipi, lelo wathza mu njiyo thzenji kukashimba eshi anapaka eci poliyo po kumukwatela. ¹¹Oimane pola, ne oyo munu onapa shikoloti kenge aleta esho po kumukwatela pola kukoye.¹²Ngeci oyo munu shihutu, lelo walala no nopa po kumukwatela. ¹³Yoshemwa omuhushele apa po kumukwatela liyuwa apa litoka, eci alale mu lipai lyenji ne akufiyawele; kenge kukala kulika kukwoye pa meho a Shinda sha moyo Nyambi woye.¹⁴Lelo wanyandisha poi oyu onakumuna o shihutu no kupila, shianga eci mungenjoye mwana Isilaele nji anu o mu matunga ao awa ali mu mambongi enu. ¹⁵Liyuwa no liyuwa omupe mali aa anakwamena; liyuwa lelo lyatoka koshime kumukula, mukonda shihutu ne poliyo anakulupela. Okwame kengeyo eci alilela kwa Shinda sha moyo kulila yowe, ne eci shakala shivi eshi onakwama.¹⁶Ashemi lelo apaiwa mukonda wa ano, ana nawo apaiwa mukonda wa ashemi o. Munu no munu apaiwe mukonda o shivi shenji aye shinda.¹⁷Lelo wa alula shiamba mukonda sha munu o ku litunga lyalo nji shiyana, kalo lelo washimba shito sha lifakathzi kushininga po kumukwatela. ¹⁸Ovuluke eci kuma wakalile o munu o ku litunga lyalo mu litunga lya Engepita, ne eci Shinda sha moyo Nyambi oe yoliyo wakuamwenine kukutundisha mo. Honine nakutumina kumamela milao thzenji.¹⁹Apa oyanga ei onalimi mu shilwa shoe, ne ngeci onavulama shitungu sho uloto mu shilwa, lelo wahuka kukashishimba; shikale sha munu o ku litunga lyalo, shiyana, nji lifakathzi, eci Shinda sha moyo Nyambi oye akufiyawela mu ekwama yoihe yo moko oye. ²⁰Apa okulumuna olive ku shitondo shoye sho olive, lelo wahukela ku mite thzasho kalo; kenge akala olive wa munu o ku litunga lyalo, shiyana, nji lifakathzi.²¹Apa oyanga oshuka o mu shilwa shoe sho veine, lelo wapupulula mo kalo. Ei inashiyala mo ya munu o ku litunga lyalo, shiyana, no lifakathzi. ²²Ovuluke eci kuma wakalile o munu o ku litunga lyalo mu litunga lya Engepita; honine nakutumina kumamela ou mulao.

¹Ngeci kuli muzeko mukaci ka anu eli ne athza ku kuta, ne aatuli awa atula, nehoni kenge ashiya okupila mulandu eci athze ko kuliyala ne kenge apa mulandu oyu nepisha. ²Ngeci oyu li no mulandu aloela kufuliwa, nehoni muatuli kenge amulalilsha pashi eci afuliwe pa meho enji no mambafa anamutomena, kuthza ko omango wenji.³Muatuli amufule mambafa makumi ane (40), ambene lelo apitelela mambafa akukuma apo; mukonda ngeci apitelele mambafa akuma apo kumufula mambafa amweya kalo, nehoni mungenjoye mwana Isilaele kenge ashwauka pa meho oye.⁴Lelo wavuka pulu ku kanwa apa atafuna uloto.⁵Ngeci ana munu yofoci anatungu pofoci ne yumweya kukwo afa, kunapili mwana, nehoni munu woyo nafu lelo akayekiwa kwa mukwelume wao o mulila lyalyo. Ambene, mwapa munu wenji amushimbe amuyeke eci akale munu wenji, ne akwame kukwenji ei iloela mwapenji nafu. ⁶Eipo ili kengeya eci mwana o mweli oyu aeleka kenge ashwana mu lithzina lya mwapenji nafu, eci lithzina lyenji lelo lyapwa mu Isilaele.⁷Ambene ngeci mukwelume kahimine kuyeka munu wa mwapenji, nehoni munu wa mwapenji athze kwa akulu akaambe eci, 'Mwapa munu wange akana kupindula lithzina lya mwapenji mu Isilaele; kakwama ei iloela mwapenji kukwange.' ⁸Nehoni akulu o mu mbongi amuishe ne aambe kukwenji. Ambene ngeci oyo mukwelume aotelela kuamba eci, 'Kanihimine kumushimba.'⁹Nehoni munu wa mwapenji akeye kukwenji pa meho a akulu, ahulule likatulo lyenji ku liulu lyenji, no kumuthsipela mate ku meho. Amutawe no kuamba eci, 'Ei yoliyo anakwamanga kwa mukwelume oyu kana kuumba njiyo thza mwapenji.' ¹⁰Lithzina lyenji kenge iliishiwa mu Isilaele eci, 'Njiyo thzoyu nahululiwa likatulo.'¹¹Ngeci mukwelume alwa namungenjenji mukwelume, ne munu wayumweya akeya kunaamwena munu wenji mu moko oyu mufula, ne ngeci aolola lyoko lyenji kumukwata ku ukwelume, ¹²nehoni oyo mbuyama omutete lyoko lyenji; lithziho lyoe lelo lyayuva ñeke.¹³Mu mukota woye lelo kwakala inu yo ulemu o kulishiya, sho shikulu neshi sho shionye. ¹⁴Mu njiyo thzoye lelo kwakala ipimo yokulishiya, sho shikulu neshi sho shionye.¹⁵Okale no inu yo ulemu ouwa ou uloela; okale no shipimo sho shiwa eshi shiolela, eci mayuwa oye akale o ale mu litunga eli akupa Shinda sha moyo Nyambi oye. ¹⁶Mukonda anu wahe awa akwama enu yokengeyo, wahe awa akwama ko kukana kuluka a mathzilo kwa Shinda sha moyo Nyambi oye.¹⁷Ovuluke ei akwamine Ameleki kukwoe mu likuñwa apa mwatundile mu Engepita, ¹⁸omu aliwanenine noe mu likuñwa no kulwisha awa akalile munyima, wahe awa avapile munyima thzoe apa wafayukile no kuaya; kalemekile Nyambi. ¹⁹Honine, Shinda sha moyo Nyambi oye apa akupa kulitulumwisha kwa akwethzimbo yoye wahe awa anakuthzinguluka, mu litunga eli akupa Shinda sha moyo eci olishwane, lelo wavulama kuyundisha lithzina lya Ameleki mushi thzo liwilu eci ovulukelange po.

¹Apa okuma mu litunga eli akupa Shinda sha moyo Nyambi oe eci olishwane, ne apa olishimba no kutunga mo, ²nehoni kenge oshimba imweya ku ilya yoye yoihe yo mutatekelo kwei onalimi mu ilwa yoye mu litunga eli akupa Shinda sha moyo Nyambi oye. Oipake mu katanda no kuthza ku shivaka eshi akuhangula Shinda sha moyo nyambi oye eci koliyo kukala lithzina lyenji.³Kenge othza kwa mupulisita oyu wakukwama omo mu mayuwa no kukamuambela eci, 'Lelo naamba kwa Shinda sha moyo Nyambi oye eci ninakumu mu litunga eli aliethzile Shinda sha moyo kwa akwathsañulu etu eci kenge alitupa.' ⁴Mupulisita kenge ashinda katanda kutunda mu lyoko lyoe no kukateneka pa posho thzo aletare thza Shinda sha moyo.⁵Kenge oamba pa meho a Shinda sha moyo Nyambi oe eci, 'Tata po kuma akalile Muaranmi o kuendaula. Ayepo ulumuka mu Engepita no kukatunga mo, ne anu enji po kuma akalile owapu kukuwatala. Oko awopo akapiluka mbunga thzo thzilkulu, ukolo, no ungi nene.⁶Akwa Engepita awopo atukwama omango no kutunyandisha. ⁷Awopo atukwamisha ekwama yo ikalu. Atwepo tulilela kwa Shinda sha moyo, Nyambi owatata wetu, ne ayepo yuva liywi lyetu no kumona likando lyetu, no kulyateleliwa kwetu.⁸Shinda sha moyo ayepo tutundisha mu Engepita ko lyoko lyo likolo, no lyoko lyo kuoloka, no kuyapisha ko kukulu nene, no imonisha no ikomokisha; ⁹ne onatuleta kuno kushivaka no kutupa lino litunga, litunga omu kupupa mahwe no oki.¹⁰Nehoni omone, ninaleta ilya yo mutatekelo yo mu litunga eli onanipa, owe, Shinda sha moyo.' Oiteneke pa posho thza Shinda sha moyo Nyambi oe no kulombela pa posho thzenji; ¹¹ne onyanyuke mu enu yoiwa yoihe ei anakukwamena Shinda sha moyo Nyambi oe, nei anakwamena njiyo thzoe---owe no mulivi, no munu o kulitunga lyalo oyu li mukaci kenu.¹²Apa omana kupa yo ulikumi yoihe kwei onayanga mu mwaka omushihatu, owo, mwaka okupa yo ulikumi, nehoni oipe Mulivi, munu o kulitunga lyalyo, shiyana, no lifakathzi, eci alye mu mambongi enu ne aikute. ¹³Oambe pa posho thza Shinda sha moyo Nyambi oye eci, 'Ninatundishelela mu njiyo thzange enu ya Shinda sha moyo, ne ninaipa Mulivi, munu o ku litunga lyalyo, shiyana, no lifakathzi kuthza ko ituminino yoye yoihe ei onanipa. Kanileile shituminino shanga shofoci ku ituminino yoye, nji kuivulama.¹⁴Kanilileko shanga shofoci apa nanikala mu kulila, nji kushimba po apa naniala o kukana kukena, nji kupako awa anafu. Ninayuvu liywi lya Shinda sha moyo Nyambi wange; ninashupwela enu yoihe ei onanitumina kukwama. ¹⁵Otaneka pashi kouli mu shivaka sho kukena, kouli kuwilu, ne afiyawele anu oe Isilaele, no litunga eli onatupa, eci eli waliethzile kowatata wetu, litunga omu kupupa mahwe no oki.'¹⁶Lelo Shinda sha moyo Nyambi oe akutumina kumamela ethzi milao no ituminino; honine othzituleke no kuthzikwama no mucima oe ouhe no mwoyo oye ouhe. ¹⁷Lelo onatawa eci Shinda sha moyo yoliyo Nyambi oe, ne eci kenge oenda mu makuñwa enji kalo kenge omamela milao thzenji, no ituminino yenji, ne eci kalo kenge oyuva liywi lyenji.¹⁸Lelo Shinda sha moyo onatawa eci mwa anu enji shemwa, eci eli amikulupelishile, ne eci mumamele ituminino yenji yoihe, ¹⁹ne kenge amikulisha kupita anu wamweya wahe awa anombu, ne kenge mushangaliwa, kulimukiwa, no kulemekiwa. Kenge mukala anu o kukena kwa Shinda sha moyo Nyambi wenu eci eli aambile.''

¹Mushe no akulu o Isilaele awopo atumina anu kuamba eci, ''Mumamele ituminino yoihe ei nimitumina lelo. ²Pa liyuwa mwa kuyavuka Jodani kuthza mu litunga eli amipa Shinda sha moyo Nyambi wenu, mukashishe mawe o akulu ne muaweshe memba. ³Muñole po maywi oahe ou mulao apa mumana kuyavuka, eci mukaingene mu litunga eli amipa Shinda sha moyo Nyambi wenu, litunga omu kupupa mahwe no oki, eci eli amikulupelishile, Shinda sha moyo, Nyambi wa akwathsañulu enu.⁴Apa mumana kuyavuka Jodani, mukashishe aa mawe aa nimitumina lelo, pa mukinya o Ebali, ne muaweshe memba. ⁵Mukaumbeleko Shinda sha moyo Nyambi wenu aletare, aletare thzo mawe; ambene lelo mwalikwathsisha shifu kuyuwa mawe.⁶Mukaumbe aletare thza Shinda sha moyo Nyambi wenu ko mawe o kukana kuyuwa; mukwamene po Shinda sha moyo Nyambi wenu shitavelo sho kutumeka no muilo, ⁷kalo kenge mukwamena po itavelo yo kukandelela ne kenge muilyelako; kenge munyanyuka pa posho thza Shinda sha moyo Nyambi wenu. ⁸Kenge muñola pa mawe maywi oahe ou mulao. Muañole eci amonahale shuwana shuwana.''⁹Mushe no apulisita, Alivi, awopo aamba kwa ana Isilaele wahe eci, ''Otutwale ne oteelele, Isilaele: Lelo onapiluka anu a Shinda sha moyo Nyambi oe. ¹⁰Honine oyuve liywi lya Shinda sha moyo Nyambi oe kalo omamele ituminino no milao thzenji ethzi nikutumina lelo.''¹¹Mushe ayepo tumina anu mwelyo liyuwa kuamba eci, ¹²''Ei ikuta kenge iimana pa mukinya wa Gerizimi kufiyawela anu apa mumana kuyavuka Jodani: Simioni, Livi, Juda, Isakare, Josefa, no Benjamine.¹³Ei yoiliyo ikuta ei yakuimana pa mukinya wa Ebali kuamba ikuto: Rubeni, Gadi, Ashere, Zebuluni, Dani, no Nafetali. ¹⁴Alivi kenge akutawa no kuamba kwa anu wahe o Isilaele ko liywi lyoshokulu:¹⁵'Munu oyu kwama shikupulo sho kuyuwa nji sho kuumba pa shifu akutiwe, ya mathzilo kwa Shinda sha moyo, ekwama yo munu omuñulungu, noyu okushishisha ku mukunda.' Nehoni anu wahe kenge atawa no kuamba eci, 'Ameni.'¹⁶'Munu o kukana kulemeka tata wenji nji mama wenji akutiwe.' Nehoni anu wahe kenge aamba eci, 'Ameni.' ¹⁷Munu o kuhenyisha maenje a mungenjenji akutiwe.' Nehoni anu wahe kenge aamba eci, 'Ameni.'¹⁸Munu oku kushiisha likuñwa munu o kukana kumona akutiwe.' Nehoni anu wahe kenge aamba eci 'Ameni.' ¹⁹Munu o kulyatalyata iamba ya munu o ku litunga lyakyo, shiyana, nji lifakathzi akutiwe.' Nehoni anu wahe kenge aamba eci, 'Ameni.'²⁰'Munu o kulala na munu wa tata wenji akutiwe, mukonda onathsikula tata wenji.' Nehoni anu wahe kenge aamba eci, 'Ameni.' ²¹'Munu o kulala no shiyama akutiwe.' Nehoni anu wahe kenge aamba eci, 'Ameni.'²²'Munu o kulala na ndumbu thzenji akutiwe, mwana tata wenji o mbuyama, nji mwana mama wenji o mbuyama.' Nehoni anu wahe kenge aamba eci, 'Ameni.' ²³'Munu o kulala na ngumwenyenji akutiwe.' Nehoni anu wahe kenge aamba eci, 'Ameni.'²⁴'Munu o kupaela mungenjenji ku mukunda akutiwe.' Nehoni anu wahe kenge aamba eci, 'Ameni.' ²⁵'Munu o kutambula shipiwa sho kupaa munu o kupila mulandu akutiwe.' Nehoni anu wahe kenge aamba eci, 'Ameni.'²⁶'Munu o kukana kutawa maywi ou mulao, eci kenge aamamela akutiwe.' Nehoni anu wahe kenge aamba eci, 'Ameni.'

¹Ngeci amwepo muteelela shuwana ku maywi a Shinda sha moyo Nyambi wenu kukwama ituminino yenji yoihe ei nimitumina lelo, Shinda sha moyo Nyambi wenu kenge amipaka peulu thza anu wamweya wahe o pa kaye. ²Thzothzihe ethzi fiyauthzi kenge thzikala peulu thzenu ne kenge thzikala kukwenu ngeci mwateelela liywi lya Shinda sha moyo Nyambi wenu.³Kenge mufiyaweliwa mu mbongi kalo kenge mufiyaweliwa mu ilwa. ⁴Anenun kenge afiyaweliwa, ei munalimi kenge ifiyaweliwa no ana ieleka imunanu yenu kenge afiyaweliwa no kuvula ko ngombe thenu no ana o mangu enu.⁵Katanda kenu kenge kafiyaweliwa no kanyungu kenu ko kupondela. ⁶Kenge mufiyaweliwa apa muingena, kalo kenge mufiyaweliwa apa mupuna.⁷Shinda sha moyo kenge aletishela akwethzimbo yenu awa amilwisha kutweshiwa pa pasho thzenu; Kenge akeya mu likuñwa lyofoci kunamilwisha ambene kenge acila pa posho thzenu kwanalihanda mu makuñwa mutanu na eli(7). ⁸Shinda sha moyo kenge atumina fiyawethzi kukeya ku ishete yenu no ku enu yoihe oku mupaka lyoko lyenu; kenge amifiyawela mu litunga eli amipa.⁹Shinda sha moyo kenge amikwama anu enji o kukena, eci eli aliethzile kukwenu, ngeci amwepo mumamela ituminino ya Shinda sha moyo Nyambi wenu, no kuenda mu makuñwa enji. ¹⁰Anu wahe o pa kaye kenge amoni eci mwaishiwa ko lithzina lya Shinda sha moyo, ne kenge amiyapa.¹¹Shinda sha moyo kenge akwama eci enu ikuendele shuwa kwa anoe, kwa ana o imunanu yoye, no ku ilwa yoye mu litunga eli aliethzile kowa tata oe eci kenge alikupa. ¹²Shinda sha moyo kenge akuyanjululela ku shitulekelo shenji sho kuwilu kulokisha mvula mu litunga lyoe pa shikati shiloela, no kufiyawela ekwama yoihe yo moko oe; kenge wakukolotisha ku matunga oangi, ambene owepo kowa kukolota.¹³Shinda sha moyo kenge akukwama mutwi, kali muthsila; kenge okala peulu pohuma, ne kowa kukala mushi, ngeci owepo teelela ku ituminino ya Shinda sha moyo Nyambi oe ei nikutumina lelo, kuimamela no kuikwama, ¹⁴kalo ngeci ko shiuluka kutunda ku maywi oahe aa nikutumina lelo, kuhuka ku lyoko lyo shilyo nji lyo shimoho, kushupwela athzimu amweya no kuwakwamena.¹⁵Ambene ngeci ko teelela liywi lya Shinda sha moyo Nyambi oe, kumamela ituminino yenji yoihe no milao thzenji ethzi nikutumina lelo, nehoni yoihe ei ikuto kenge ikeya kukwoye no kunakuthsika.¹⁶Kenge okutiwa mu mbongi, kalo kenge okutiwa mu shilwa. ¹⁷Katanda koye no kanyungu koe ko kupondela kenge ikutiwa.¹⁸Kenge kukutiwa anoe, ei onalimi, tunamani to ngombe thzoe, no ana o mangu oe. ¹⁹Kenge okutiwa apa oingena, kalo kenge okutiwa apa opuna.²⁰Shinda sha moyo kenge atuma shikuto, kulyangana, no kukanishiwa mu enu yoihe oku opaka lyoko, kukakuma apa oyundela, no kutwala apa okapwela mukonda o omango o ekwama yoye ei inaletisha eci onishiyelele. ²¹Shinda sha moyo kenge akwama kashitiko ko kukola kukukakatela kutwala apa aka kumanena mu litunga eli othza kukalishwana.²²Shinda sha moyo kenge akufula no ikola iyambukela, no kupya nene elama, no muili, no lingange, no mwele, no mupepo o kupya, no mbimbia. Ei kenge ikukakatela kutwala apa okafela.²³Liwilu lili peulu o mutwi oe kenge likala shifu sho kopa, no kaye kali mushi thzoe kenge kakala shifu sho shilu. ²⁴Shinda sha moyo kenge akwama mvula o mu litunga lyoe likungu; eli litunda kuwilu kuulumuka kukwoe, kutwala apa okafela.²⁵Shinda sha moyo kenge aletisha eci otweshiwe pa pasho thza akwethzimbo yoye; Kenge othza mu likuñwa lyofoci kukawalwisha ambene kenge okacila pa posho thzo mu makuñwa muanu na eli(7). Kenge ohushiwa oku noku mukaci ko mivuthso thzo pa kaye thzothzihe. ²⁶Shivimbi shoye kenge shikala ilya yo inyunyi yo muwilu no iyama yo mukaye; kakwa kukala munu o kuicilisha.²⁷Shinda sha moyo kenge akufula no ilonda yo mu Engepita no mambongola, linjandi, no kuyuwa, yo kukana kupola. ²⁸Shinda sha moyo kenge akufula no kuthzaluka, no kukana kumona, no kulyangana. ²⁹Kenge ofafatela mutanya eci munu o kukana kumona oyu fafatela mu milema, kalo enu kaya kukuendela shuna mu makuñwa oe; Shikati shoshihe kenge olyateleliwa no enu yoye kenge ishimbiwanga, ne kakwakukala munu o kukuamwena.³⁰Kenge oungekela mbuyama, ambene mukwelume yumweya kenge amushimba no kulala nenji. Kenge oumba njiyo ambene kowa kukalamo; kenge okuna itondo yo veine ambene kowa kulya oshuka wayo. ³¹Pulu oye kenge apaeliwa pa meho oe, ambene kowa kulya nyama wenji, shindongi shoye kenge shishimbiwa pa posho thzoe ne kakushikuhushela. Mangu oe kenge akupiwa kwa akwethzimbo yoye, ne kowa kuwana munu o kukuamwena.³²Anoe owakwelume nawa owambuyama kenge akupiwa ku anu ao; meho oe kenge akkuwatanekela liyuwa lyolihe, ambene kenge akwanga no kuwaloela. Kakwakukala okolo mu lyoko lyoye.³³Ilya yo mu litunga lyoe nei onakwama yoihe--- anu awa okana kulimuka kenge ailya; shikati shoshihe kenge onyandishiwa no kulayteleliwa, ³⁴eci othzalukishiwe ko ei wakumona ko ikwamahala. ³⁵Shinda sha moyo kenge akufula mu manwi no maulu ko mambongola o kukola nene o kukana kupola, kutatekela mu ilyatelo yo maulu oe kukakuma peulu o mutwi oye.³⁶Shinda sha moyo kenge amitwala owe no fumu oyu ahangula eci akuendishe kwa anu mukana kulimuka, owe na akwathsañulu oye; oko wakukakwamena athzimu ao o kukwama pa itondo no mawe. ³⁷Kenge wakukapiluka shinu shikomokisha nene, nguli, no kuhekiwa, mukaci ka anu wahe oku akukutwala shinda sha moyo.³⁸Kenge okuna mbuto thzo thzingi mu shilwa, ambene ei wakuyangamo ipu, mukonda mbimba kenge thza kuilya. ³⁹Kenge wa kulima ilwa no kukunamo itondo yo veine, ambene kowa kunwa ku waine oyu tunda mo, inji kuyangamo oshuka, mukonda mavinyo kenge akuilya.⁴⁰Kenge wakukala no itondo yo olive mu litunga lyoe, ambene kowa kuliwesha maathzi o oli wayo mukonda itondo yoye yo olive kenge yakuwisha oshuka wayo koushime kukola. ⁴¹Kenge wakukala no ana o akwelume nawa o ambuyama, ambemne kakukalelela anoe, mukonda kenge akushimbiwa kukamuniwa.⁴²Itondo yoye yoihe nei onalimi mu ilwa yoye ⁴³---mbimba kenge thzakuilya. Munu o ku litunga lyalo oyu li mukaci kenu kenge akula nene kukupita; owe kenge ohuka munyima nene. ⁴⁴Kenge akukukolotisha, ambene owe po kowa kumukolotisha; aye kenge akukala mutwi owe kenge wakukala muthsila.⁴⁵Yoihe ei ikuto kenge yakukeya kukwoe, ne kenge iotelela kukwoye no kukukwata kutwala apa wakufela. Ei kenge yakukwamahala mukonda koyuvile liywi lya Shinda sha moyo Nyambi oye, kumamela ituminino no milao ethzi nakutumina. ⁴⁶Ei ikuto kenge yakukala peulu thzoye kukala imonisha no ikomokisha, no kukala peulu thza ekulyoe kokukana kupwa.⁴⁷Mukonda ko kokwamenine Shinda sha moyo Nyambi oye ko kunyanyuka no kuloela ko mucima oye apa nokala mu shihuno, ⁴⁸honine kenge okwamena akwethzimbo yoye awa atuma Shinda sha moyo kukwoye; kenge owakwamena no njala, no linotwa, mu wila no mu uhutu. Kenge apaka joko thzo shifu pa thsingo thzoye kutwala apa akukumana.⁴⁹Shinda sha moyo kenge akuleta amu awa atunda ko kule kunakulwisha, kutunda ku mahulelo o kaye, kenge akeya eci ngonga oyu undukela eshi afota kukwata, anu awa aamba mushovo ou okana kuyuva; ⁵⁰anu awa ali no ihanga yo kuyapisha awa akana kukuteka akulu no kukana kuyuvela anuke ñeke. ⁵¹Kenge akulya ana o emunanu yoye no nei onalimi mu litunga kutwala apa wakafela. Kakukushiyela uloto, waine o mupe, nji oli, kakushiya tunamani to ngombe thzoye nji manguana o mangu oye, kutwala apa wakufela.⁵²Kenge akukuthzinguluka kukupaka mukaci mu mambongi oye oahe, kutwala apa akuwela pashi mamota o ipatango yo mu litunga lyoe. Mamota aa nokulupela. Kenge akukuthzinguluka kukupaka mukaci mu mambongi oeye oahe mu litunga lyolihe eli anakupa Shinda sha moyo Nyambi oye. ⁵³Kenge wakulya ana awa onalielekela, nyama thza anoe owakwelume no anoe owambuyama, awa nakupa Shinda sha moyo Nyambi oye, kouli mu kuyanjeleliwa no likando eli akukunyandisha akwethzimbo yoye.⁵⁴Mukwelume o honyi no kulihenge mukaci kenu---kenge ayuvela shipululu mwapenji no munu wenji oyu ahima, no anenji wahe awa anashiyalako. ⁵⁵Ne kenge akuwayumena wahe ku nyama wa anenji o kulielekela oyu akulya, mukonda kwithsa eshi shakushiyala kukwenji koli mu kuyanjeleliwa no mu likando eli akukunyandisha akwethzimbo yoye mu mambongi oye oahe.⁵⁶Mbuyama o shihemo no kulihenga mukaci kenu, oyu nakana kulyata shilyatelo sho liulu lyenji pashi mukonda o kulihenga no shihemo---kenge ayuvela shipululu munu wenji ahima, mwanenji o mukwelume, no mwanenji o mbuyama, ⁵⁷no kambu kennji aka katunda mukaci ko maaulu enji, no anenji awa akueleka. Kenge akuwalyela ku mukunda mukonda o kupila enu, mu shikati akuyanjeleliwa no mu likando eli akukunyandisha akwethzimbo yoye mu mambongi oye.⁵⁸Ngeci ko mamela maywi ou mulao aa anañoliwa omu mu buka, eci olemeke eli lithzina lyo kutethzima no kuyapisha, shinda sha moyo Nyambi oye, ⁵⁹nehoni Shinda sha moyo kenge akwama tushitiko toe kuyapisha nene, no tushitiko twa ekulyoe; kenge tukala tushitiko totukulu nene, to kuthzihama, no ekola yo imango, yo kuthzihama.⁶⁰Kalo kenge akuletela ekola yo mu Engepita ei noyapa; kenge ikukwatelela. ⁶¹No ekola yoihe no tushitiko totuhe ei inañoliwa omu mu buka thzo ou mulao, nayo eyo kalo Shinda sha moyo kenge aileta kukwoye kutwala apa okafela. ⁶²Kenge mushiyala mwaapu, shianga eci kuma namuvulu eci matungwethzi o kuwilu, mukonda ka muteelelile liywi lya Shinda sha moyo Nyambi wenu.⁶³Eci eli anyanyukile Shinda sha moyo papenu mu kumikwama shuwana, no mu kumivulisha, ne kenge anyanyuka papenu mu kumipaa no kumimana. kenge mutundishiwa mu litunga eli muthza kukalishwana. ⁶⁴Shinda sha moyo kenge amihanda mukaci ka anu wahe kutunda kuhula thzofoci thzo kaye kukakuma kuhula thzimweya thzo kaye; oko kenge mwakukalombela athzimu amweya awa mukana kulimuka, amwe no akwathsañulu enu, athzimu o itondo no mawe.⁶⁵Mukaci ko awa anu kowa kuwanamo woto, ne elyatelo yo maulu oye kaya kulitulumwisha; oko Shinda sha moyo kenge akukupa mucima o kuleyaleya, kukiha meho, no mwoyo o kulila. ⁶⁶Moyo oye kenge upila po kutanalela; ushiku no mutenya kenge oyapa ne kowakukala napa unakupela moyo woye.⁶⁷Mashikushiku kenge oambanga eci, 'Inga lingulo!' kalo lungulo kenge oambanga eci, 'Inga mashikushiku!' mukonda o wowa ou wakukala mu mucima woye no enu ei akumona meho oye. ⁶⁸Shinda sha moyo kenge akukuhusha mu Engepita kalo ko isepe, ko likuñwa eli nanikuambela eci, 'Kowa kumona Engepita kalo.' Oko kenge mwa kuliulisha kwa akwethzimbo yenu eci mukale apika o akwelume no apika o ambuyama, ambene kwithsa oyu wakumiula.

¹Aa oliyo maywi aa atuminine Shinda sha moyo kumina Mushe eci atongwele ana Isilaele mu litunga lya Moabi, maywi aa abungishile ku ombusha ou aliangile no ku Horebe.²Mushe ayepo isha Isilaele yomuhe no kuamba kukwo, ''Namumono enu yoihe ei nakwama Shinda sha moyo pa meho enu mu litunga lya Engepita kwa Faro, kwa apikenji, no ku litunga lyenji lyolihe--- ³likando lyoshokulu eli namono meho enu, imonisha, no ikomokisha yo ikulu. ⁴Ambene kunakuma lelo Shinda sha moyo kamipile micima thzo kulimuka, meho o kumona, nji matwi o kuyuva.⁵Ninamiendisha mu mumbulwa kukutu pa myaka makumi ane (4); ikobeyo yenu kanaiyataika pa elama yenu, makatulo enu kanayatauka ku maulu enu. ⁶Kanamuli ishima ipi nji ipi, kanamunu waine yupi nji yupi nji sho kunwa sho kulula shoshihe, ne eci mulimuke eci yame Shinda sha moyo Nyambi wenu.⁷Apa namukumu kuno ku shivaka, Sihoni, fumu wa Heshiboni, na Ogo fumu wa Bashani, akeile kunatulwisha, ne atwepo tuwapaa. ⁸Atwepo tushinga litunga lyo no kulipa aka Rubeni, aka Gadi, no wamweya aka shikuta sha Manase eci alishwane. ⁹Honine mumamele maywi ou umbusha ne muakwame, eci yoihe mukwama iloe.¹⁰Lelo munemana, mwaheno, pa pasho thza Shinda sha moyo Nyambi wenu; mafumu enu, ikuta yenu, akulu enu, no manduna enu---akwelume wahe o Isilaele, ¹¹anenu, anu wenu, no munu o ku litunga lyalo oyu li mukaci kenu mu shilombo shenu, kutunda kwa mukwa kumicela ñunyi kutwala kwa mukwa kumivetela meyu.¹²Lelo muli kuno eci muingene mu ombusha wa Shinda sha moyo Nyambi wenu no mu kulianga oku alianga nenu lelo Shinda sha moyo Nyambi wenu, ¹³ne eci lelo amikwame anu enji, kalo eci aye akale Nyambi wenu, eci eli aambile kukwenu, ne eci eli aliethzile kwa akwathsañulu enu, kwa Abrahama, kwa Isaka, noku kwa Jakobo.¹⁴Mukonda kali yamwe pohuma nilikwama no ou ombusha no oku kulinga--- ¹⁵munu yomuhe oyu nemana pano netu pa posho thza Shinda sha moyo Nyambi weyu---ambene nawa anakana kukala kuno netu lelo. ¹⁶Mwalimuka omu natukalela mu litunga lya Engepita, nomu natukeyela mukaci ko anu omu namupiti.¹⁷Namumono ikupulo yo yo mathzilo yo kukwama pa itondo no mawe, silivera no gauda, ei naikala mukaci ko. ¹⁸Mumone eci lelo kwawaniwa mukwelume, mbuyama, shikuta, nji mushovo oyu shiuluka mucima kutunda kwa Shinda sha moyo Nyambi wetu, kuthza kukalombela athzimu oo awo amu. Mumone eci mukaci kenu kwithsa muthzithzi ou uima oshuka okupaa, no kumenisha shitondo sho kulula. ¹⁹Oyo munu apa ayuva maywi o eshi shikuto, kenge alifiyawela aye shinda mu mucima wenji no kuamba eci, 'Kenge nikala mu kuliyala shianga eci naenda mu mukanayuva o mucima wange.' Eshi kenge shiipisha yo iyu pofoci nei yo ikukutu.²⁰Shinda sha moyo kakumutetela ku umango wenji. Ambene, uanji wa Shinda sha moyo no lifupa lyenji kenge iyuumena oyo munu, kalo ikuto yoihe inañoliwa omu mu buka kenge ikeya papenji, ne Shinda sha moyo kenge atundisha lithzina lyenji mushi thzo liwilu. ²¹Shinda sha moyo kenge amutundisha mu ikuta yo Isilaele yoihe kumutwala mu ukalu, o kutuleka ikuto yoihe yo umbusha ei inañoliwa omu mu buka thzo mualo.²²Shikuta eshi sha kukeya, awo anenu awa akeya munyima thzenu, no munu o ku litunga lyalo oyu tunda ku litunga lyo kule, kenge akuamba apa akumona tushitiko no ekola ei anapaka Shinda sha moyo mu litunga--- ²³nopa amona eci litunga lyolihe ko linapiluka sulufura no mungwa okuyuuma, mokupila sho kukuiwa mo nji sho kuima oshuka, mokupila muhonyi ou umena, eci omu naipisheliwa Sodoma na Gomora, Adima no Zeboimi, aa aipishile Shinda sha moyo mu kuangipa kwenji no mu uanji wenji--- ²⁴kenge aambela pofoci no anu wamweya eci, 'Shinda sha moyo iñe anakwamena kengeya ku litunga lyenji? Oku kupya ko uanji oukulu nene kengeya kwatongola iñe?'²⁵Nehoni anu kenge aamba eci, 'Kunakwamahala kengeya mukonda anashii ombusha wa Shinda sha moyo, Nyambi wa akwathsañulu oo, ou aliyuvile no apa awatundishile mu litunga lya Engepita, ²⁶kalo mukonda anathzi kukakwamena athzimu ao no kuwakinyamena, athzimu awa akana kulimuka awa anakana kuwapa.²⁷Honine uanji wa Shinda sha moyo nga apa unayuumena eli litunga, kuliletela ikuto yoihe ei inañoliwa omu mu buka. ²⁸Shinda sha moyo onawatukula mu litunga lyo mu kuanjipa, mu uanji, no mu kungwenya nene, ne onawakonjela mu litunga limweya, omu ali lelo.'²⁹Enu ei inaholekiwa ya Shinda sha moyo Nyambe wetu yofoci; ambene enu ei ilimukiwa po yetu na anetu ko kukana kupwa, eci tukwame maywi oahe ou mulao.

¹Yoihe ei enu apa ikeya kukwenu, fiyawethzi no ikuto ei ninapaka kukwenu, no apa muivuluka mukaci ka anu wahe oku anamicithzela Shinda sha moyo Nyambi wenu, ²no apa muhuka kwa Shinda sha moyo Nyambi wenu no kumamela liywi lyenji, kushupwela yoihe ei nimitumina lelo---amwe na anenu--- ko micima thzenu thzothzihe no myoyo thzenu thzothzihe, ³nehoni Shinda sha moyo Nyambi wenu kenge ahusha munyima upika wenu ne kenge amiyuvela ñeke; kenge amihusha no kumiwaneka kutunda kwa anu wahe oku namihanda Shinda sha moyo.⁴Ngeci yumweya kwa anu enu awa ali mu matunga ao oli ku ivaka yo kule mushi thzo liwilu, Shinda sha moyo kenge amiwaneka kutunda oko, kalo kenge amitundisha ko. ⁵Shinda sha moyo kenge amileta mu litunga eli atungile akuku wenu, ne kenge mulitunga kalo, kenge amikwama shuwana kalo kenge amivulisha kupita omu avulishelile akuku wenu.⁶Shinda sha moyo Nyambi woye kenge atwala mucima oye ku mukanda no mucima wa ekulyoe, ne kenge ohima Shinda sha moyo Nyambi woye no mucima oye wouhe, no mwoyo oye ouhe eci oyoye. ⁷Shinda sha moyo Nyambi woye kenge apaka yoihe ei ikuto kwa akwethzimbo yoye nawa anakuthzimbi, awa akunyandisha. ⁸Kenge ohuka no kumamela liywi lya Shinda sha moyo, no kukwama ituminino yenji ei nikutumina lelo.⁹Shinda sha moyo Nyambi woye kenge akukwama enu yoye yoihe kuloa nene mu ekwama yo moko oye, kwa anoe, ku ana o imunanu yoye, noku kwei olima mu ilwa yoye, eci iloe. Mukonda Shinda sha moyo kalo kenge aloela mu kukukwama shuwa, eci eli anyanyukile kowa tata oye. ¹⁰Kenge akwama ei ngeci kenge omamela liywi lya Shinda sha moyo Nyambi woye kutuleka ituminino yenji no milao thzenji ei inañoliwa omu mu buka thzo mulao, ngeci owepo huka kwa Shinda sha moyo Nyambi woye no mucima woye wouhe no mwoyo oye ouhe.¹¹Mukonda eshi shituminino eshi nikutumina lelo kali shikalu nene kukwoe, kalo kashili kokule eci okwange kukuma oku shili. ¹²Kali kuwilu shili, eci oambe eci, 'Elye tuthzela kuwilu no kukatuletela sho pashi eci tutweshe kushiyuva, eci tushikwame?'¹³Kalo kali musambwa thzo likulu lwale shili, eci oambe eci, 'Elye yavukela musambwa thzo likulu lwale no kukatushimbela sho eci natushiyuve, ne eci tusikwame?' ¹⁴Ambene liywi lili popepi nene noe, lili mu kanwa koe no mu mucima oe, eci oshikwame.¹⁵Omone, lelo ninapaka pa posho thzoe kuyoya no uwa, kufa no omango. ¹⁶Ngeci owepo mamela ituminino ya Shinda sha moyo Nyambi woye, ei nikutuminina lelo kuhima Shinda sha moyo Nyambi woye, kuenda mu makuñwa enji, no kumamela ituminino yenji, no milao thzenji kenge oyoya no kuvula, kalo Shinda sha moyo Nyambi woye kenge akufiyawela mu litunga eli oingena kukalishimba.¹⁷Ambene ngeci mucima woye awopo upilukela kwako, ne koteelela ne amwepo mutwaliwa kwako kukakinyamena athzimu ao no kuwalombela, ¹⁸nehoni namiambela lelo eci yoshemwa kenge mupwa; kamwakukakala mayuwa oale mu litunga eli muyavukela Jodani kuthza mo no kukalishimba.¹⁹Naisha liwilu no kaye eci lelo ikale mapaki eci ninapaka pa posho thenu kuyoya no kufa, fiyauthzi no ikuto; honine muhangule kuyoya eci muyoye, amwe na akulyenu. ²⁰Mukwame kengeyo eci muhime Shinda sha moyo Nyambi wenu, kumamela liywi lyenji, no kukala kukwenji. Mukonda aye yoliyo kuyoya kwenu no kulepa ko mayuwa enu; mukwame kengeyo eci mukayoye mu litunga eli eliethzile Shinda sha moyo kwa akwathsañulu enu, kwa Abrahama, kwa Isaka, noku kwa Jakobo, eci kenge aliwapa.''

¹Mushe ayepo thza kukaambela Isilaele yomuhe aa maywi. ²Ayepo amba kukwo, ''Pano honi nili no myaka thzo kuelekiwa thzo kukuma pa myaka shita shofoci no myaka makumi eli (120); kanitwesha kuthza kunu no kuhuka; Shinda sha moyo onaniambela eci, 'Kowa kuyavuka oyu Jodani.' ³Shinda sha moyo Nyambi wenu, aye yoliyo mienda kuposho; kenge ayundisha awa anu ali pa posho thzenu, ne kenge mutunga mu matunga o. Joshua, kenge amienda kuposho, eci eli anaamba, Shinda sha moyo.⁴Shinda sha moyo kenge awakwama eci omu akwamenine kwa Sihoni na Ogo, mafuma o Amori, no matunga o aa ayundishile. ⁵Shinda sha moyo kenge awapa mu moko enu, ne kenge mukwama kukwo yoihe ei nanimitumena. ⁶Mutanale kalo mukale no ondume, lelo mwawayapa; mukonda Shinda sha moyo Nyambi wenu, aye yoliyo enda nenu; kakumikwangela nji kumishiyelela.''⁷Shinda sha moyo ayepo isha Joshua no kuamba kukwenji Isilaele yomuhe kunatanekela, ''Otanale no kukala no ondume, mukonda yowe thza no awa anu mu litunga eli aliangile Shinda sha moyo kwa akwathsañulu o kuliwapa; yowe wakuwaletishela kukalishwana. ⁸Shinda sha moyo, aye yoliyo kuenda pa posho; kenge akala noe, ka kukukwangela nji kukushiyelela; lelo wayapa, lelo wahuka munyima.''⁹Mushe yepo ñola ou mulao no kuupa kwa apulisita, ana Livi, awa nashimbanga aleka thzo umbusha wa Shinda sha moyo; apa nauñoliwa pamweya ayepo upa kwa akulu o Isilaele. ¹⁰Mushe ayepo watumina kuamba eci, ''Kuhula o myaka mutanu na thzili (7) pa shikati shinapakeliwa kumanisha ikoloti, mu shikati sho mukiti o ilombo, ¹¹Isilaele yomuhe apa akeya kunalimonahaisha pa posho thza Shinda sha moyo Nyambi oe mu shivaka eshi akuhangula eci shikale sho kukena mo kumulombelela, kenge wakutala ou mulao paposho thzo ana Isilaele wahe eci ayuve.¹²Owaneke anu, akwelume, ambuyama, no anuke, no munu oku litunga lyalyo uyo li mu mbongi thzenu, eci ayuve ne alifundishe, ne alemeke Shinda sha moyo Nyambi wenu ne atuleke maywi oahe ou mulao. ¹³Okwame kengeyo eci ano awa akana kulimuka, ayuve no kulifundisha kulemeka Shinda sha moyo Nyambi wenu, mu mayuwa oahe o kuyoya kwenu mu litunga eli muyavukela Jodani kukalitunga.''¹⁴Shinda sha moyo ayepo amba kwa Mushe, ''Omone, liyuwa lyo kufa kwoye lyakeya; oishe Joshua ne muingene mu tende thzo shiwano, eci nimutumine.'' Mushe na Joshua awopo aingena mu tende thzo Shiwano. ¹⁵Shinda sha moyo ayepo limonahalisha mu tende mu shithsini sho livui; shithsini sho livui ashopo shiimana pa shelo sho tende.¹⁶Shinda sha moyo ayepo aamba kwa Mushe, ''Omone, otamba kulala no atata oe; awa anu kenge akatuka no kukwama eci lihule kushupwela athzimu ao awa ali mukaci ko mu litunga eli athza. Kenge anishiya no kucola ombusha ou ninalianga no.¹⁷Nehoni, apo pa liyuwa elyo, uanji wange kenge uwashulukela ne kenge niwashiyelela. Kenge niholeka shihanga shange kukwo ne kenge aliwa ku enu yo imango. Likando lyo lingi no ukalu o ungi kenge iwakumena ne apo pa liyuwa elyo kenge akuamba eci, 'Eli likando lyo lingi kali linatukumena mukonda Nyambi wenu kali mukaci ketu?' ¹⁸Yoshemwa kenge nakuholeka shihanga shange kukwo mukonda o omango ou akukwama, mukonda kenge akupilukela kwa athzimu ao.¹⁹Ne honine muñole eli limbo ne mulifundishe ana Isilaele. Mulipake mu tunwa to, eci eli limbo lyakukale upaki wange kwa ana Isilaele. ²⁰Mukonda apa nakuwatwala mu litunga eli naliangile kulipa akwathsañulu o, litunga omu kupupa mahwe no oki, ne apa alya kuikuta no enu kuwaendela shuwana, nehoni kenge apilukela kwa athzimu ao no kuwakwamena ne kenge anishomolola kalo kenge acola ombusha wange.²¹Omango no ukalu oungi apa ukumena awa anu, eli limbo kenge likala upaka pa posho thzo (mukonda kalya kuvulamiwa mu tunwa twa ano). Mukonda nalimuka ei ayaala kukwama lelo, konishime kuwatwala mu litunga eli naliangile kukwo.''²²Ne elyo liyuwa mwene Mushe ayepo ñola elyo limbo no kulifundisha ana Isilaele. ²³Shinda sha moyo ayepo tumina Joshua mwana Nuni kuamba eci, ''Otanale no kukala no ondume; mukonda yowe twala ana Isilaele mu litunga eli naliangile kukwo, ne kenge nikala noe.''²⁴Ne akopo kukwamahala eci Mushe apa amanine kuñola maywi ou mulao mu vuka, ²⁵ayepo tumina Alivi awa nashimbanga aleka thzo ombusha wa Shinda sha moyo , kuamba eci, ²⁶''Mushimbe ethzi vuka thzo mulao ne muthzipake kumbali thzo Aleka thzo ombusha wa Shinda sha moyo Nyambi wenu, eci thzikale upaka kukwenu.²⁷Mukonda nalimuka likamba lyenu no kukututela mathsingo kwenu; mumone, shianga eci nishiyoya nenu no lelo, kuma namuningelanga Shinda sha moyo likamba; honi apa nifa ne? ²⁸Muniwanekele akulu wahe o ikuta yenu, no manduna enu, eci naniamba aa maywi mu matwi o no kuisha liwilu no kaye kukala mapaki kukwo. ²⁹Mukonda nalimuka eci apa nifa kenge muliipisha no kutunda mu likuñwa eli ninamitumina; likando kenge limikayela mu mayuwa o munyima. Kenge kukwamahala kengeyo mukonda kenge mwakukwama yo imango mu meho a Shinda sha moyo, kumushemawethza kumuanjipisha mu ekwama yo moko enu.''³⁰Mushe ayepo amba maywi o eli limbo mu matwi o mbunga thza Isilaele kuamanena oahe.

¹Muteelele, amwe mawilu, ne kenge niamba. Kaye kateelele ku maywi o kanwa kange. ²Ifundisha yange iloke echi mvula, kuamba kwange kuwe eci mume, eci mvula tamaukela pa muhonyi umena, kalo eci mvula tamaukela pa mbuto thzinzkuniwa.³Mukonda kenge niamba lithzina lya Shinda sha moyo, no kumonisha ukulu kwa Nyambi wetu. ⁴Yoliyo liwe, ekwama yenji inaloo; mukonda makuñwa enji oahe analoo. Yoliyo Nyambi okusepahala, okupila omango. Wakuluka no kusepahala.⁵Analiipisha kukwenji. Kali anenji. Woliyo omango wo. Woliyo shikuta sho kuyauluka no kukana kusepahala. ⁶Moliyo mukwamena Shinda sha moyo, amwe yanga no kupila onyanyami? Kali yoliyo tata wenu, oyu wamiumbile? kuma amikwamine no kumitanalisha.⁷Ovuluke mayuwa o shikati sho kukale, oayale myaka thzo ikuta yo kunyima. Oipula tata oe ne kenge akumonisha, akulu oe ne kenge akuambela. ⁸Aye o mukulu lipeulu nene apa amipile anu kushwana--- apa atepile anu wahe, kuma apakile maenja a anu kuthza ko apa akumine ana Isilaele.⁹Mukonda shiemba sha Shinda sha moyo po anu enji; Jakobo yoliyo shiemba shenji anashwana. ¹⁰Kuma amuwanine mu litunga lyo mumbulwa kukutu, mokupila mumbule omu kuli ikumbaula; ayepo munyunga no kumuvavalela, ayepo munyunga eci lithziho lyenji.¹¹Eci ngonga nyunga shitalatala shenji no kuunduka peulu thzo anenji, ayepo yandumuna mando enji kuashimba, no kuapaka pa mahunga enji. ¹²Nyambi yofoci yoliyo nawaendisha; kwithsa muthzimu okwako oyu nakala nenji.¹³Ayepeo mukandukishela pa mikinya thzo litunga, ne ayepo mulelisha oshuka o mu ilwa; ayepo mulisha oki utunda ku liwe, no oli tunda ku liwe lyo likolo.¹⁴Kuma alile ilya yo kukwama pa mahwe o ngombe, no kunwa mahwe o mangu, kulya maathzi o manguana, mangu o shokwelume o Bashani no membe, no uloto ouwa nene---ne amwe kuma mwanwine veine o kutupuka okukwama pa oshuka ulula.¹⁵Ambene Jehuruni ayepo piluka o kununa no kulaha--- kuma wapilukile o kununa, kuma wanunile nene, ne owepo lya kuikuta--- ayepo shiya Nyambi oyu wamukwamine, ne ayepo kana liwe lyo kuyoyishiwa kwenji. ¹⁶Awopo akwama Nambi kukala no lifupa ko athzimu o ao; ko mathzilo o awopo amuanjipisha.¹⁷Owopo akwamena madimona itavelo, ao madimona kali Nyambi--- athzimu akana kulimuka, athzimu awa anamonahala ñanyiñanyi, athzimu awa nakana kuyapa a tata oe. ¹⁸Onashiyelela liwe, aye wakalile tata oe, kalo onavulama Nyambi oyu wakuelekile.¹⁹Shinda sha moyo apa amonine ei ne ayepo wakana, mukonda anenji owakwelume nawa owambuyama woliyo namuanjipisha kengeya. ²⁰''Kenge niholeka shihanga shange kukwo,'' ayepo amba, ''ne kenge nimona mahulelo o omu akalela; mukonda shikuta sho mukanayuva, ana okukana kusepahala.²¹Ananikwama kukala no lifupa ko shinu sho kukana kukala nyambi no kunianjipisha ko enu yo yokupila okwathsi. Kenge niwayuvisha shipululu ko anu okukana kukala anu, kenge niwaanjipisha ko anu o yanga.²²Mukonda mulilo unayuumishiwa ko uanji wange ne watumeka kukakuma oku kuli awa anafu; watumeka kaye nei inemi mo; watumeka apa thzinashishi mikinya.²³Kenge niwaungekela ukala o ungi; kenge niwakuha mikili thzange thzothzihe; ²⁴Kenge ayonda ku njala no kutumekiwa ko mulilo uyuuma no kuyundisiwa ko kukalu; Kenge niwatumena maeo o iyama yo mu mulundu, no ohungu o inu ikokawa mu likungu.²⁵Pola mwele kenge upaa, ne mu manjiyo wowa oukulu kenge ukwama kengeyo. Kenge upaelela mucaha no mumbanda, kambu kayamwa, no mukwelume li no mvi. ²⁶Kuma naniamba eci kenge niwahanda kuthza ko kule, eci niwakwame kukana kuvulukiwa mukaci ko anu.²⁷Napoci kuyapa kushemawethza kwa mukwa shithzimbo, ne kalo ci akwethzimbo yo kenge ambela mwamo iamba, ne kenge aamba eci, 'Lyoko lyetu lili peulu,' nga ninakwama yoihe ei.²⁸Mukonda Isilaele po anu okupila maano, kalo akukana kuyuvishisha. ²⁹Mamooo, nga anu okunyanyama, eci ayuvishishe ei enu, nga kenge amamela omu yakupwela!³⁰Munu yofoci nga ngepi atwesha kucithza anu akuma pa ita likumi (1000), ne anu eli ayapisha anu akuma pa makumi o ita aninga likumi (10,000), kali shime ngeci liwe lyo onawaulisha, ne Shinda sha moyo onawapa kukwo? ³¹Mukonda liwe lya akwethzimbo yetu kalilipitula no liwe lyetu, eci omu analimukela akwethzimbo yetu.³²Mukonda veine wo atunda ku veine oku Sodoma, no mu ilwa yoku Gomora; oshuka o po wa uhungu; matemo o alulu.³³Waine wo po ohungu wo mayoka no ohungu oumango o lihuko. ³⁴Ei iamba kali yame ninaituleka kokukana kulimuka anu, kuitulekela mu shitulekelo sho lufumo lwange?³⁵Yame nihushela omango kwawa akwama omango, kalo yame nikula, shikati athselemeta maulu o; mukonda liyuwa lyo ukalu wo lili po pepi, no enu ei yakuwakeyela kenge iyakama kukwamahala.''³⁶Mukonda Shinda sha moyo kenge aatula shuwana anu enji, ne kenge ayuvela apikenji ñeke. Kenge amona eci okolo wo unathzi, ne kwithsa oyu nashiyala, shianga apika nji anu o kuliyala.³⁷³⁸Nehoni kenge aamba eci, ''Kupi ali athzimu o, alyo liwe oku nacilela, athzimu awa nali maathzi o itavelo yo no kunwa waine o nupu thzo thzo kunwa? Akatuke amikwathse; aminyunge.³⁹Honi mumone eci yame, yame pohuma, yame Nyambi, kalo kwithsa nyambi yumweya shime yame; yame nipaa, kalo yame niyoyisha; nakulukisha kalo napolisha, ne kwithsa munu twesha kumiamwena ku okolo wange. ⁴⁰Mukonda nayelulela lyoko lyange kuwilu no kuamba eci, 'Eci eli niyoya ko kukana kupwa, kenge nikwama.⁴¹Apa nihotola mwele wange ou uethsa, no apa lyoko lyange litateka kuatula, kenge nihushela omango kwa akwethzimbo yange, ne kenge nikulela awa ananithzimbi.⁴²Kenge nipendisha mwele wange no manyinga, ne mwele wange kenge ulya nyama ko manyinga o anu anapaiwa no apika, no ku mitwi thza aka kuendisha o akwethzimbo yange.'''⁴³Munyanyuke, amwe matunga, omu muli anu a Nyambi, mukonda kenge ahushela omango o manyinga o apika enji; kenge ahushela omango kwa akwethzimbo yenji, ne kenge akulela litunga lyenji, kukulela anu.⁴⁴Mushe ayepo keya no kunaamba oahe maywi o eli limbo mu matwi aa anu, aye, na Joshuwa mwana Nuni. ⁴⁵Nehoni Mushe ayepo aamba oahe aa maywi kwa Isilaele yomuhe.⁴⁶Ayepo aamb kukwo, ''Mutwale maayalo enu ku maywi aa ninapa upaki kukwenu lelo, eci mutumine anenu kuamamela, maywi oahe ou mulao. ⁴⁷Mukonda eshi kali shinu sho tumbako kukwenu, mukonda maywi o uyoye wenu, ne ko eshi shinu kenge mwa kuvulisha ku mayuwa enu mu litunga eli muyavukela Jodani kukalishimba.''⁴⁸Shinda sha moyo ayepo aamba kwa Mushe mwelyo liyuwa elyo mwene kuamba eci, ⁴⁹''Okanduke ku mikinya thzo Abarimi, pa mukinya wa Nebo, ou uli mu litunga lya Moabi, musambwa thza Jeriko. Otanekele litunga lya Kanana, eli nipa anu o Isilaele eci likale lyo.⁵⁰Kenge okafela pa mukinya apa okanduka, ne kenge okawanekiwa kwa anu oye, eci Aruni mungenjoye mwana Isilaele omu nafela pa mukinya wa Hori ne ayepo wanekiwa kwa anu enji. ⁵¹Ei kenge ikwamahala mukonda kuma mwakwamine omango kukwange mukaci ko anu o Isilaele ku meyu oku Meriba mu Kadeshi, mu mumbulwa kukutu wa Zini. Mukonda kamwanilemekilie no kunikuteka mukaci ko anu a Isilaele. ⁵²Kenge omona litunga pa posho thzoe, ambene kowa kukengena mo, mu litunga eli nipa anu a Isilaele.''

¹Ethzi thzoliyo fiyauthzi ethzo Mushe mukwelume wa Nyambi afiyawethzile anu o Isilale kushime kufa. ²Waambile eci: Shinda sha moyo kuma atundile ku Sinai ayepo wahokomokela kutunda mu seiri. ayepo ethsa pa mukinya wa Parani, ne kuma akeile no anu o kukena o kukma pa makumi likumi o ita (10,000). Mu lyoko lyenji lyo shilyo kuma kwakalile mayeye o myethso.³Yoshemwa, ahima anu; wahe anu enji o kukena ali mu lyoko lyoe, ne awopo awisha mitwi thzo ku maulu oe; kuma atambulile maywi oe. ⁴Mushe kuma atutuminine mulao, kushwana shiwana sha Jakobo.⁵Nehoni kwakalile fumu mu Jeshuruni, aendishi o anu a Isilaele kwanaliwana, ikikuta ya Isilaele ayopo iliwana pofoci. ⁶Rubeni ayoye ne lelo afa, ambene akwelume enji akele owapu.⁷Ethzi thzoliyo fiyauthzi thza Juda. Mushe ayepo amba: Oteelele, Shinda sha moyo, ku liywi lya Juda, ne omuhushele kwa anu enji kalo. Omulwele; okale okwathsi wenji kwa akwethzimbo yenji.⁸Kwa Livi, Mushe ayepo aamba: Tumimi thzoye no Urimi thzoye thza munu oye o kuluka, oyu wa elekile ku Masa, oyu waliambile nenji ku meyu oku Meriba,⁹Oyu waambile tata wenji na mama wenji eci, ''Kaniwamonine.'' Ne kalo kavalile apaenji, nji kutwaka mano anenji. Mukonda kuma anyungile liywi lyoye no kumamela ombusha oye.¹⁰Afundisha Jakobo ituminino yoye no Isilaele mulao oye. Kenge apaka insense pa posho thzoe no kutumeka itavelo yoihe pa aletare.¹¹Ofiyawele, owe Shinda sha moyo, ei ali nayo, ne otawe ekwama yo moko enji. Ocole manyonga o anu awa amulwisha, nawa anamuthzimbi, eci lelo amulwisha kalo.¹²Kwa Benjamine, Mushe ayepo aamba: Oyu himiwa ko Shinda sha moyo ayoya ko kupila okalu kumbali thzenji; Shinda sha moyo amunyunga liyuwa lyolihe, ne akala mukaci ko moko enji.¹³Kwa Josefa, Mushe ayepo aamba: Litunga lyenji lifiyaweliwe ko Shinda sha moyo no enu yoiwa nene yo kuwilu, no mume, no meyu aa atunda mo kuthzunga oku kuli mushi.¹⁴Litunga lyenji lifiyaweliwa ko enu yoiwa nene ei imenishiwa ko liyuwa, no enu yoiwa nene ei inamena ngonda no ngonda, ¹⁵no enu yoiwa nene yo pa mikinya thzo kele, kalo no enu yoiwa nene yo pa mikinya thzo kukana kupwa.¹⁶litunga lyenji lifiyaweliwe ko enu yoiwa nene yo mu kaye no ungi wayo no shihemo shenji oyu wakalile mu shipukumuna. Fiyawethzi thzikeye pa mutwi wa Josefa, no peulu o mutwi wenji aye wapilukile mwana fumu o mukwelu mukaci ka akulwenji.¹⁷Pulu o mweli, ufumu wenji, manyia enji po manyia o nyaci. Ko ao manyia kenge ashindeka anu, wahe, kuwatwala kuhula o kaye. Awa woliyo a Efraimi akuma pa ita makumi o likumi (10, 000), awa woliyo a Manase akuma pa ita likumi (1000).¹⁸Kwa Zebuloni, Mushe ayepo aamba: Onyanyuke, Zebuloni, mu kuenda enda koye, nowe, Isakare, mu kukala mu tende thzoye. ¹⁹Kenge akuishela anu ku mikinya. Oko koliyo akukwamena itavelo yo kuluka. Mukonda kenge akuyamwa yoingi ei ili mu likulu lwale, no ku luheke lo pa liya lo likulu lwale.²⁰Kwa Gadi, Mushe ayepo aamba: Afiyaweliwe munu oyu kwama Gadi kumuninga ukulu. Kenge akukala eci nyime o mbuyama, ne kenge akuyataula lyoko nji mutwi.²¹Onalihangwela litunga lyo liwa, mukonda nakukala shivaka sha mukwa kuendisha eshi nashitulekiwa. Onakeya no aka kuendisha anu. ayepo kwama ko kuluka kwa Shinda sha moyo no ituminino yenji kwa Isilaele.²²Kwa Dani, Mushe ayepo aamba: Dani po mwana nyime oyu leya kutunda ku Bashani.²³Kwa Nafetali, Musha ayepo aamba: Nafetali, onekuta yoiwa, ne onayala fiyawethzi thza Shinda sha moyo, oshimbe litunga lyo ku mutokoiwa no ku mboela.²⁴Kwa Ashare, Mushe ayepo aamba: Ashare afiyaweliwe kupita ana wamweya; ahemiwe ko apenji, ne acupwe liulu lyenji mu oli thzo olive. ²⁵Ipakisho yo ku mbongi thzoe ikale yo shifu no kopa; apa akukuma mayuwa oye oku yoya, poliyo wakukuma no okolo woye.²⁶Kwithsa o kulipitula na Nyambi wa Jeshuruni, oyu naendanga muwilu kuna kukwathsa, no mu ofumu wenji kuli pa mavui.²⁷Nyambi o liyele po yoliyo macilelo, ne kushi kuli moko enji o liyele. Acithza akwethzimbo yoye pa posho thzoye, ne aamba eci, ''Oyundishe!''²⁸Isilaele kenge akala mu kuliyala. Lishima lyo meyu lya Jakobo kenge likala shuwana mu litunga lyo uloto no waine o mupe, yoshemwa, mawilu amuwishele mume.²⁹Fiyawethzi thzoye thzingi, Isilaele! Elye lipitula noe, anu awa anayoyishiwa ko Shinda sha moyo, aye teve thzikukwathsa, no mwele wo ofumu woye? Akwethzimbo yoye kenge akeya kukwoye kwa tutuma; kenge olyata mu ivaka yo yo ikulu.