¹Woopatjeryani, Muluku opattunxe erimu ni elapo ya vathi. ²Elapo yaari yohitthenkeya ni yohikhala etthu. Yaari epiphi elapo ya vathi, ni Munepa wa Muluku weettakatja m'matjini.³Muluku ahiira: ''Okhale waarya''. ⁴Ni wahonaneya waarya. Ni Muluku ahoona wira waarya waari wooreera; vano, khuvalaanya waarya ni epiphi. ⁵Muluku ahitthana waarya othana ni epiphi ohiyu. Waahixa ni khwiila, nihiku noopatjerya.⁶Ni Muluku ahiira: ''Okhlale otthenkeyatja m'maatjini, ni avalaaneyatje maatji maatji''. ⁷Ni Muluku khupaka etthaya ni khuvalaanya matji yaari vathi ni makina yaari wiirimu. Tjitjam'mo-tho vahiraneya. ⁸Ni Muluku ahitthana otjulu erimu. Wahixa ni khwiinla, nihiku na enenli.⁹Ni Muluku ahira: ''Atakaniheye maatji ari vathi, nipuro nimotja, ni okhale opuro wowum'ma''. Tjitma'mo khwiiraaneya. ¹⁰Muluku khwiihana opuro wowum'ma etthaya ni, otakaniheya wa maatji, maatji. Ni Muluku ahoonaz wira eyo yaari yoorera.¹¹Ni Muluku ahiira: ''Vetthayani ameelatje malaxi, miri tjinim'ma ipyo ni miri tjinim'ma mihokorokho, ottharelaka mithinto tjaya, wira ipyo tjikhale n'hina mwa mihokorokho''.Khwiiraneya tjitjam'mo. ¹²Etthaya khumela malaxi, miri tjim'ma ipyo, ottharelaka nthinto aya, ni miri tjinim'ma mihokorokho tjen'yo ipyo tjaakhala n'hina mwa mihokorokho. Ni Muluku khuweha wira yaari yoorera. ¹³Wahixa ni khwinla, nihiku na eneeraru.¹⁴Muluku ahiira: ''Tjikhale mithuko wiirimu wira okhale ovalana othana ni ohiyo; wira tjikhale ntoko ithoonyeryo mikhaleelo tja nlaponi, mahiku ni miyakha. ¹⁵Tjikhale mithuko wiirimu wira tjimwaleeleke elapo ya vathi''. Tjitjam'mo khwiiraneya.¹⁶Muluku khupaka mithuko minli tjuulupalexa: Muulupale wira ettiheryeke othana ni nkhani wira eettiheryeke ohiyu. Ni-tho khupaka itheneeri. ¹⁷Muluku khupweha wiirimu wira tjimwaleeke elapo ya vathi, wira tjeettiheryeke ohiyu ni othana ni ¹⁸wira tjivirikanyeke epiphi ni waarya. Ni Muluku khuweha wira eyo yaari yoreera. ¹⁹Khwinla ni khuuxa, nihiku na enetjese.²⁰Muluku khwiira: ''Akhale axinama m'matjini, ni axaapalame avaveke otjulu''. ²¹Muluku khupattuxa inama tjuulupale tja m'matjini ni inama tjotene tjinkhala m'matjini, ottharelaka mithinto tjaya; ni axaapalame otene, ottharelaka mithinto tjaya. Ni Muluku khuweha wira eyo yaari yoreera.²²Ni Muluku kwaareliha, iraka: ''N'yaranaxeke, mwaatjerereyeke ni ntjareyeke m'matjini. Axaapalame atjareyeke nlaponi''. ²³Wahinla ni khuxa, nihiku na eneethanu.²⁴Ni Muluku ahira: ''Elapo ekhale inaama, wakhula mwaaminama ni nthinto aya: inaama tja vate, inama tja ntakhwani ni inama tjikinaku vathi; wakhula m'motja othharelaka nthinto aya. Ni khwiraaneya tjitjam'mo''. ²⁵Muluku oopattuxa inama nlaponi ottharelaka nthinto aya, inama tjin'huuwa, ottharelaka nthinto aya, ni inama tjikinaku vathi, ottharelaka nthinto aya. Owo ahiweha wira eyo yaari yooreera.²⁶Owo ahiira: ''Nimpake ntthu niilikaniheryaka hiyano, oolikana ntoko Hiyano. Owo okhale namaxintta a ihopa tja m'maatjini, axaapalamea otjulu, inama tjotene tjin'huuwa,elapo yootene ni inama tjotene tjiniipurula vathi''. ²⁷Muluku ompattuxa, vano, ntthu iilikaniheryaka Yowo, elatarato ya Muluku oopattuxa; nlopwana ni nthiyana Muluku ohaapattuxa.²⁸Muluku ahaareliha iraka: ''N'yaranaxeke ni mwaaxerereyeke, ntjareyeke nlaponi. Nxintteke ihopa tjotene tja m'matjini, axaapalame a wiirimu ni inama tjotene tjiniipurula vathi''. ²⁹Muluku ahiira: ''Kinnovahani mihokorokho tjotene tja nlaponi tjinim'ma ipyo; iyo tjinrowa okhala ntoko iyoolya tjinyu.³⁰Wa inama tjotene tja vathi, inama tjotene tja wirimu, inama tjtene tjiipurula elapo ya vathi, miri tjitene tjinrowa okhla ntoko iyoolya tjnyu''. Ni khwiiraneya tjitjam'mo. ³¹Ni Muluku khuweha tjitene tjapakalyawe, ni tjen'yo tjaari tjoreera. Wahinla ni khuxa, nihiku na eneethanu namotja.

¹Tjam'mo tjaahimalihiya tjoopattuxiya tja erimu ni elapo ya vathi. ²Nihiku na eneethanu nenli, Muluku ahoomaliha miteko tjaavarawe ni, nihiku nle, Owo ahintjuwa. ³Ni Mukuku ahireeliha nihiku na enenli ni khureeliha, okhala wira nenlo ahintjuwa miteko tjawe tjotene avaarawe.⁴Ti tjen'yo tjoopatjerya tja erimu ni elapo ya vathi, numala opattuxiya. Okathi Muluku apattunxawe erimu ni elapo ya vathi, ⁵nlelo khitjakhalale miri ntakhwani ni khuuvo mwiri aamelale, okhala wira Muluku iira ahinatthi orupiha epula elapo ya vathi ni khakhalale ntthu wira avareke nteko vatthayani. ⁶Vano itthapwe tjanikhuma vatthayani tjirekariki vathi.⁷Vano, Muluku ahimpattuxa nlopwana etthaya ya vathi, khumwinxeleela iphumu tja ekumi ni ntthu khupatjerya okhalana ekumi. ⁸Muluku ahipaka ejardi onikhuma ntjuwa, Wedeni, ni wenwo khumpweha ntthu Owo ampattuxalyawe.⁹Vatthayani, Muluku ahimeliha miri tjooreera oholo wa ntthu ni tjooreera olyiya. Waari n'hina mwiri wa ekumi, waari variyari wa ematta, ni mwiri wa otjuwela tjoorera ni tjoonanara. ¹⁰Muro m'motja waakhuma Ojardi Wedeni, aarekari Ejardi ni vale wanikawaneya miru tjoophiyaka miraru.¹¹Ntjina na muro oopatjerya oniihaniya Pisoni. Ti yoowo onrukurerya etthayab ya Wavila, wenwo ori ewero. ¹²Ewero ya etthaya eyo tiyooreera. Wenwo tho aakhalawo maluku epiteliyo ni onixi.¹³Ntjina na muro wa enenli onihaniya Giyoni. Owo oorukurerya etthaya yotene ya Kuxi. ¹⁴Ntjina na muro wa eneeraru onihaniya Tikiri. Owo tin'yowo orukurenrye etthaya yootene ya waasiriya. Muro wa enetjese onihaniya Eufrati.¹⁵Muluku ahinkuxa ntthu khumpweha n'hina mwa Ejardi ya Wedeni wira owo okhapelele ni alimeke. ¹⁶Muluku ahinruma ntthu, iiraka: ''Wa miri tjootene tja Ejadi ila, nyuwo nlyeke. ¹⁷Vano, mwiri wa otjuwela tjooreera ni tjoonanara, nyuwo n'hilye, okhala wira, nihiku munrowa olya, veekekhayi n'naakhwa.¹⁸Vano, Muluku ahiira: ''Khivanrerela nlopwana okhala vekhawe. Kinompakela nkhaviheryawe onrow onkhaviheryaka''. ¹⁹Numala, Muluku opattuxa elapo ya vathi inama tjootene tja ntakhwani ni tja wiirimu, vano, Muluku ahoowana oholo wawe wira oone atthunawe wiitthana. Ni wakhula ntjina ntthu avahawe wakhula mwaminama, nenlo naari ntjina naya. ²⁰Ntthu ahoovaha matjina inama tja vate, ni axapalame a wiirimu, ni inama tjotene tja ntakhwani. Vano, wa ntthu, khaphwanyaneya ntthu oonkhaviherya.²¹Muluku ahiwaana ikhove tjintji wa nlopwana, ni owo khurupa. Muluku ahikuxa niparaari nawe nimotja nipuro naakumin'hawe khuhelavo enama. ²²Niparaari Muluku aakumihaluyawe wa nloplwana, Owo ahoompaka nthiyana khunrowa waaryawwe Adamu. ²³Ni nlopwana khwiira: ''Vano oola makhuva a makhuvaka, ni enama ya enama'ka. Owo onrowa wiihaniya 'nthiyana', okhala wira wa nlopwana tokumihayawe''.²⁴Tivo, nlopwana onon'hiya meya awe ni tiithi awe, ni onaakhala vamotja ni nthiyana, ni awo anakhala enama emotja. ²⁵Oweenli yaari oohiwara ekuwo, nlopwana ni nthiyana, vano khiyoona ehaya.

¹Vano, enowa yaari yootepaxa otjareya otjuwela ovirikina ni anima tjotene Muluku apatuxalyawe. Ni eyo yahonkoha nthiyana: ''Vekekhayi Muluku ohimya wira: 'Nyuwano n'hilye hata n;hokorokho m'motja wa Ojardi?'''. ²Nthiyana ahohimerya enowa: ''Nilyeke mihokorokho tja Ojardi, ³vano nihilye n'hokorokho ori eriyari ya Ejardi; okhala wira Muluku ohimya wira: 'N'hilye n'hokorokho owo, n'hikwate n'hokorokho owo, nto n'naakhwa'''.⁴Enowa yahon'himerya nthiyana: ''Vekekhayi, khan'nikhwa, ⁵okhala wira Muluku otjuwela wira, nihuku monrowenyu olya, mentho enyu anarowa otthukuwa, ni munrowa okhala ntoko Muluku, ntjuwelaka yootakhala ni yorereera''. ⁶Okathi nthiyana onalyawe wira n'hokorokho ole waari woorera olya, wootjivela m'menthoni ni wootthuneya ovaha otjuwela, ahikuxa n'hokorokho, khulya, khunvaha wan'nyawe ni owo khulya.⁷Mentho a atthu owenle yahitthukuwa ni awo yahoona wira yaari pwitipwiti; yahikuxa mataakhuru a ifiku khupaka ikuwo ni khuwara. ⁸Awo yahinwa ntju na Muluku, okathi eettawe Ojardi ntjuwa nrowaka onaya. Vano, nlopwana ni amwarawe yahivitha oholo wa Muluku eriyari wa miri tjaOjardi.⁹Muluku ahomwihana nlopwana khun'himerya: ''Nuwano nri vayi?''. ¹⁰Ni nlopwana khwiira: ''Kinwale Ntju Ninyu Ojardi ni okiphwanya woova, okhala wira miyano kaari pwitipwiti; vano, kiivitha''. ¹¹Muluku ahira: ''Tipani ohimeryalene wira nri pwitipwiti? Nlyale n'hokorokho Miyano kiiralyaka n'hilye?''.¹²Nlopwana ahakhula: ''Nthiyano Nyuwano okivahalenyu tukivahale n'hokorokho ni miyano kilya''. ¹³Muluku ahin'himerya nthiyana: ''Exeni mpakalenyu?''. Nthiyana ahakhula: ''Enowa tikiwokale ni miyano kilya''.¹⁴Muluku ahihimerya enowa: ''Okhala wira moopaka eyo, nyuwano n'natakhaliya eriyari wa inama tjootene tja vate ni inama tja ntakhwani. N'narowa wipurulaka ni erukulu enyu ni munorowa olyaka ntthupi ekumu enyu yootene. ¹⁵Kinamovalaanyani nyuwano ni nthiyana ni otjulu enyu ni otjulu awe. Owo onrowa wonyakelakani uru enyu ni nyuwano munrowa olumaka nxitta nawe''.¹⁶Ni nthiyana ahin'himerya: ''Kinamwaxererya ventji owereya okathi munrowenyu oyaraka; n'hina moowereya nyuwano munrowenyu waayaraka anamwaneenyu. Munrowa ontthunaka wannyinyu, vano owo munrowa onrumeelaka''.¹⁷Ni, nlopwana, ahin'himerya: ''OKhala wira n'hii]nwa ntju na amwarinyu ni khula n'hokorokho yowo wakottihalyaka, kiiraka: 'N'hilye', etthaya enootakhaliya mwaha wa nyuwano, n'narowa ovaraka nteko ventji wira nkhalane yoolya, wakhula nihiku wa okumi enyu. ¹⁸Eyo enrowa wim'maka miyinwa ni makukhu oohapala ni nyuwano munrowa olyaka mihokorokho tja ntakhwani. ¹⁹N'hiina wooretthela wenyu, n'narowa olyaka, mpakha otthikela vatthayani vaavo nkhumalenyu. Okhala wira nyuwano ti mwavatthayani ni n'natthikela vatthayani'''.²⁰Nlopwana ahimwihana mwaarawe Eva, okhala wira owo aari mayi a atthu otene. ²¹Muluku ahipaka ikuwo tja inama khunvaha Adamu ni amwarawe wira awareke.²²Muluku ahira: ''Vano ntthu ori ntoko wa m'motja wa hiyano, otjuwelaka yooreera ni yootakhala. Nkintthuna wira owo olye n'hokorokho w'ekumi wira ohikhweke''. ²³Tivo, Muluku anttikhelalyawe ota wa Ejardi ya Wedeni, wira alimeke etthaya yeeyo yaapattuxiwawe. ²⁴Vano, Muluku ahimwikara ntthu, khupweha malaikha onikhuma ntjuwa wa Ejardi ya Wedeni ni ekatana yoowarya yeettakatja iphantti tjootene, wiira ekhapelele ephiro ya n'hokorokho wa ekumi.

¹Adamu ahikumana ni Eva, amwarawe. Awo yahirupala khun'yara mwanaya ntjina nawe Kaini. Owo ahira: ''Miyano kihin'yara mwana aka nlopwana kikhaviheriyaka ni Muluku''. ²Vano, owo ahin'yara tho Abeli mun'na awe. Abeli aari namatotha inama, vano Kain aari namalima etthaya.³Oviraka okathi vakhani, Kaini ahiwaana mihokorokho tja m'matta mwawe onvaha Muluku. ⁴Ni Abeli ahoowana inama tjopatjerya onvaha Muluku. Muluku ahitjiveliya ni yoovaha awe Abeli, ⁵vano khatjiveliye ni Kaini hata ni yoovahawe. Tjam'mo, Kaini ahonanariya ventji.⁶Muluku ahi'himerya Kaini: ''Mwaha wa xeni nyuwano n'nanariyeenyu ventji tjam'mo? ⁷Nyuwano mwapaka vanrerelaya, khamuntthuna wakheliya? Vano, nyuwano mwahopake ntoko tjinrerelaya, etampi eri vakhiviru ni entthuna wooxinttani, vano van'nirerela wira nyuwano nxintte''.⁸Kaini ahin'himerya Abeli, mun'nawe: ''Nrowe omatta''. Awo aryene omatta, Kaini ahonvinyerya Abeli, mun'nawe, khumwinva. ⁹Vano, Muluku ahin'himerya Kaini: ''Abeli ori vayi, mun'ninyu?''. Owo ahira: ''Miyano nkintjuwela. Miyano kanamawehaweha a mun'naka?''.¹⁰Muluku ahira: ''Mpakale exeni? Vatthayani, ephome ya mun'ninyu en'nikihana Miyano. ¹¹Wanano nyuwano mootakhaliya mwaha wa etthaya yeeyo yathamale emuryaka ephome ya mun'ninyu yeeyo yeeyo eri m'matatani mwenyu. ¹²Okathi nyuwano munrowenyu ovara nteko, etthya khenrowa woovahakani etthu. Munrowa okhala namatthyawatthyawa elapo yotene''.¹³Kaini ahin'himerya Muluku: ''Otakhaliya waka wootepa waatta miyano nkinwerya. ¹⁴Vekekhayi, olelo Nyuwano n'nakikumiha elapo ela ni kinrowa okhuma oholo Wenyu. Miyano kinrowa otthyawaka elapo yootene; ni ole ontthuna okumana ni miyano, onaakinva. ¹⁵Ni Muluku ahin'himerya: ''Ole ontthuna omwinva Kaini onaarowa oliva ikwaha tjophiyaka thanu napili''. Vano, Muluku ahihela ethonyeryo oholo wa Kaini, wira ohikhale ontthuna omwinva.¹⁶Kaini ahikhuma oholo wa Muluku ni ahirowa okhala elapo ya Node, onikela ntjuwa wa Wedeni. ¹⁷Kaini ahintjuwela mwaarawe, yoowo an'yarale Enoque. Kaini ahipaka epoma yeeyo avahalyawe ntjina na mwanawe Enoque.¹⁸Enoque, ahin'yara Iradini. Iradini ahon'yara Meujayeli. Meujayeli ahon'yara Metusaleni. Metusaleni ahon'yara Lameki. ¹⁹Lameki ahathela athiyana enli: ntjina na mootja iriwa Ada ni nkina iiriya Zila.²⁰Ada ahin'yara Jabali. Owo aari tiithi a ale ankhala m'maxaxani ankhakana inyompe. ²¹Mun'nawe ihaniya Jubali. Owo aari tiithi wa ale anrumiha itjeetje ni mpetta. ²²Navetho Zila ahaana mwana awe, Tubali-Kaini, aapaka mireerelo tja ebrontji ni iyuuma. Mun'nawe Tubali-Kaini nthiyana ihaniya Naama.²³Lameki ahahimerya axaarawe: ''Ada ni Zila, mwinwe mulumo aka, axaaraya a'Lameki; mwinwe matju aka, vano miyano komwinva ntthu mwaha wookiphwata, ni mwaavano mwaha wookinyatta. ²⁴Wakhala wira Kaini on'niphukeliya ivara thanu napili, Lameki onaaphukeliya ivara miloko mithanu namili ni thanu napili''.²⁵Adamu ahikumana-tho ni amwaarawe ni awo an'yara mwaana nkina, yowo avahiye ntjina na Sete; ni owo ahira: ''Muluku okivaha mwana nkina nipuro na Abeli, vano Kaini omwinva''. ²⁶Sete ahin'yara mwana awe yoowo anvahalyawe ntjina na Enosi. Waari okathi yoowo atthu yapatjeralyaya wihana ntjina na Muluku.

¹Ala matjina a nloko na Adamu. Nihiku Muluku ompattuxalyawe ntthu, Owo apattuxale ilikaniheryaka Yowo. ²Owo ompattuxale nlopwana ni nthiyana, aareliha ni khuwihana atthu okathi apattuxalyawe.³Adamu okhala miyakha tjophiyaka emiya ni miyakha miloko miraru. ⁴Numala Adamu on'yara Sete, ahikhala miyakha tjophiyaka imiya thanu nattharu ni ahayara anamwane alopwana ni athiyana. ⁵Adamu ahikhaka miyakha tjophiyaka imiya thanu natjese ni miyakha miloko miraru; nymala ahikhwa.⁶Sete ahikhala miyakha emiya ni miyakha thanu numala aahin'yara Enosi. ⁷Numala on'yara Enosi, Sete ahikhala miyakha imiya thanu nattharu ni iyakha thanu napili ni ahayara anamwane alopwana ni athiyana. ⁸Sete ahikhala miyakha imiya thanu natjese ni iyakha muloko napili; numala ahikhwa.⁹Enosi aahikhala miyakha miloko thanu natjese bi ahin'yara Kena. ¹⁰Numala on'yara Kena, Enosi ahikhala miyakha imiya thanu nattharu ni miyakha muloko ni ithanu ni aahayara anamwana alopwana ni athiyana. ¹¹Enosi ahikhala miyakha tjoophiyaka thanu natjese ni miyakha thanu; ni aahikhwa.¹²Kena ahikhala miyakha miloko thanu napili ni aahin'yara Maalaleli. ¹³Numala on'yara Maalaleli, Kena aahikhala miyakha tjoophiyaka imiya thanu nattharu ni miyakha miloko mitjese ni aahayara anamwane alopwana ni athiyana. ¹⁴Kena ahikhala miyakha tjoophiyaka imiya thanu nathese ni miyakha muloko, ni ahikhwa.¹⁵Maalaleli aahikhala miyakha tjoophiyaka miloko thanu namotja ni ithanu ni aahin'yara Yardi. ¹⁶Numala on'yara Yardi, Maalaleli aahikhala miyakha tjoophiya imiya thanu nattharu ni miyakha miloko miraru ni aahayara anamwane alopwana ni athiyana. ¹⁷Maalaleli ahikhala miyakha tjoophiyaka imiya thanu nattharu ni miyakha miloko thanu natjese ni thanu; numala khukhwa.¹⁸Yaredi aahikhala miyakha emiya emotja ni miyakha thanu namotja ni miyakha mili ni aahin'yara Enoki. ¹⁹Numala on'yara Enoki, Yaredi ookhala miyakha tjoophiyaka imiya thanu nattharu ni aahayara anamwane alopwana ni athiyana. ²⁰Yaredi ookhala miyakha tjoophiyaka imiya thanu natjese ni iyakha thanu namotja ni iyakha pili; ni khukhwa.²¹Enoki aahikhla miyakha tjoophiyaka miloko mithanu namotja ni miyakha mithanu numala aahin'yara Matusaleni. ²²Enoki eetta ni Muluku. Numala on'yara Matusaleni, Enoki aahikhala miyakha ni aahayara anamwane alopwana ni athiyana. ²³Enoki aahikhala miyakha tjoophiyaka imiya tthaaru ni miyakha miloko thanu namotja ni miyakha thanu. ²⁴Enoki aahetta ni Muluku ni khurimeela nlaponi, okhala wira Muluku aahinkuxa.²⁵Matujsaleni aahikhala miyakha tjoophiyaka emiya emotja ni miloko thanu nattharu ni thanu napili nuumala aahin'yara Lameki. ²⁶Numala on'yara Lameki, Matusaleni aahikhala miyakha imiya thanu nattharu ni miyakha thanu nattharu ni miyakha mili ni aahayara anamwane alopwana ni athiyana. ²⁷Matusaleni aahikhala miyakha tjoophiyeryaka imiya thanu natjese ni miyakha thanu namotja ni thanu natjese; ni aahikhwa.²⁸Lameki aahikhala miyakha emiya emotja ni miyakha thanu naattharu ni miyakha mili numala aahiyara mwana m'motja, ²⁹aamwihanyawe Nowe, iiraka: ''Ola onaarowa onikhaviherya ni miteko tjehu ni miteko tjehu tjoolemela tja m'matatani mwehu, tjinkhumiheriya ni etthaya Muluku opattuxalyawe''.³⁰Lameki aahikhala miyakha tjoophiyaka imiya thanu natjese ni miyakha thanu numala on'yara Nowe ni aahayara anamwane alopwana ni athiyana. ³¹Lameki aahikhala miyakha tjoophiyaka imiya thanu napili ni miyakha miloko thanu napili ni miyakha thanu napili; ni aahikhwa.³²Nowe aahikhala miyakha imiya thanu nin aahin'yara Semi, Kami ni Jafe.

¹Ni wahonaneya, numala atthu opatjerya waatta elapo ya vathi ni anaayara anaaya, ²anamwane a Muluku yahoona wira athiyana a atthu yaari ooreera ni yanaatjivela waathela. ³Ni Muluku aahira: ''N'nepaka khonrowa okhala varutthu va ntthu okathi wootene, waholo owo enama, ni mahiku awe onrowa okhala emiya emotja ni miyakha miloko mili''.⁴Nlaponi yaanikhala atthu oorekamatja, mahiku ale ni oholo waya -tho. Eyo yiiranen'ye okhala wira anamwane a Muluku yaathelana ni anamwane a atthu, ni anayarihana anamwane, yaawo yaari alopwana oowerya, atthu ookhitteya.⁵Muluku aahiweha wira tjitthu tjootakha tjaanatta elapo ya vathi ni muupuwelo wa atthu waakhala wootakhala m'murimani mwaya. ⁶Ni Muluku Aahikhupanyerya mwaha wompaka ntthu elapo ya vathi ni eyo Yahinripiha nrima awe.⁷Nto, Muluku aahira: ''Kinaawinva atthu kapattuxalyaka elapo ya vathi; okhuma atthu, mpakha inama tjuulupale, inama tjineeta vathi ni axaapalame anvava ntjulu, okhalam wira waanireerela kahapattuxale''. ⁸Vano Nowe ahumoreliya ikharari ni Muluku.⁹Iya tjiri tjitthu tjamwiranenle Nowe. Owo aari nlopwana ekekhayi, ootthuneya variyari wa atthu yaakhala okathi awe ni eetta ni Muluku. ¹⁰Nowe aari tithi a anamwane araru: Semi, Kami ni Jafe.¹¹Elapo yaari yootjareya tjootakha oholo wa Muluku. ¹²Muluku ahoona elapo wira tjahitjareya tjootakhala, atthu ootene yaatthara iphiro tjaya elapo ya vathi.¹³Muluku ahin'himerya Nowe: ''Miyano kin'niweha wira woophiya okathi wowinva atthu otene nlaponi, waholo elapo yootjareya otakhala wa atthu. Vekekhayi, kinamwanyanyan vamotja ni etthaya. ¹⁴Mwimpakele nyenyu mwaattiya a miri. Mpake miophantti n'hina mwa mwaaattiya ni mwinwane ota ni n'hina. ¹⁵Ola toori nthinto muntthunenyu ompaka: Orekama wa mwaattiya onrowa okhala ikilomo imiya ttharu, prekama wa ota onrowa okhala wa ikilomo miloko mithanu ni orekama arowaka otjulu ikilomo miloko miraru.¹⁶N'nampakela mwampa aya ni n'narowa ovenyiha ekilomo emotja nkherekhere. N'narowa ohela nkhora nkherekhere mwa mwaattiya. N'narowa onkawanyatja, mphantti m'motja otjulu, eriyari ni vathi. ¹⁷Mwinwe: Miyano kinaarowa onwana ntatjeke elapo ya vathi, wira onyanye tjitthu tjotene tjirina ekumi vathi wa erimu. Tjotene tjiri vatthayani tjinaakhwa.¹⁸Vano Miyano kinakhalana waatana ni nyuwano. Nyuwano munrowa okela n'hina mwa mwaattiya, aniinyu, amwarinyu, ni axaaraya aniinyu. ¹⁹Tjitthu tjotene tjirina ekumi, enama yotene, nyuwano n'hana owana n'hina mwa mwaattiya pili wakhula enama ni nthinto aya, yoolopwana ni yoothiyan, wira tjikhale ni nyuwano:²⁰axxapalana ottharelaka nthinto aya, inama tjuulupale tjittharelaka nthinto aya, wakhula etthu eniipurula vathi ettharelaka ni nthinto aya, pili wakhula enama tjinaawa wa nyuwano, wira tjikhalane ekumi. ²¹Nvithe wakhula nthinto wa yoolya, waholo enaarowa okhala yoolyantu vamotja ni inama iyo. ²²Vano, Nowe ahipaka tjitjam'mo. Ottharelaka tjam'mo Muluku tjahimalyawe, owo ahipaka.

¹Muluku ahira: ''Nkele m'mwaattiyani, nyuwano ni amutjenyu, okhala wira Miyano kihoona wira nyuwano n'hana ekekhayi oholo Waka nloko nla. ²Wakhula mwaminama ooloka, n'narowa wawana axilopwana thanu napili ni axithiyana thanu napili; ni, axinama ari oohiloka, tjoothelana tjimotja, nlopwana ni nthiyana. ³Ni-tho, axaapalame a wirimu, mwawane alopwanathanu napili ni athiyana thanu napili, wira tjikhale elapo ya vathi.⁴Okhala wira, wa mahiku thanu napili, kinarowa owana epula mahiku miloko motjese othana ni ohiyu. Kinaarowa onyanya tjotene tjipaattuxalyaka ''. ⁵Nowe ahipaka tjotene Muluku tjaarumalyawe.⁶Nowe aarina iyakha imiya thanu namotja okathi wawalyawe ntatjeke elapo ya vathi. ⁷Nowe ahikela nkalawani ni anaawe ni amwarawe ni axaaraya anaawe, mwaha wa mwaatji a ntatjeke.⁸Inama tjooloka ni tjoohiloka, axaapalame, ni tjotene tjiniipurula vathi, ⁹pili pili, yoolopwana ni yoothiyana, yahirowa waari Nowe ni khukela n'hina mwa mwaattiya, ntoko Muluku anrumalyawe Nowe. ¹⁰Wahonaneya, nuuvira mahiku trhanu napili, matji yahitjareya elapo ya vathi.¹¹Okathi Nowe aarinawe iyakha tjoophiyakha imiya thanu namotja, mahiku yeettaka muloko ni mathanu menli mweeri wa enenli, mapuro otene a wephini yahitthukuwa, ni mikhora tja wirimu tjahitthukuwa. ¹²Ni epula yahopatjerya orupa ni khutjereya vathi mahiku miloko mitjese ni ohiyo miloko mitjese.¹³Nihiku nenlo, Nowe ahikela m'mwaattiyani ni anaawe, Semi, Kaini ni Jafe, amwaarawe ni axaaraya anaawe. ¹⁴Ni, ni awo, inama tjotene tja ntakhwani, ottharelaka nthinto aya, inama tjotene tjin'huwiya, ottharelaka nthinto aya, inama tjotene tjiniipurula vathi, axaapalame otene, ottharelaka nthinto aya, inama tjotene tjirina mapupha.¹⁵Pili wakhula enama erin a ekumi tjahiwa waari Nowe ni khukela m'mwaattiyani. ¹⁶Inama tjakela tjari tjolopwana ni tjothiyana; ni tjahikela tjitjam'mo tjahimalyawe Muluku. Nto, Muluku ahitthukwa nkhora.¹⁷Ni ahiwa ntatjeke elapo ya vathi, n'hina wa mahiku miloko mitjese, ni matji yahitjareya khunvenyiha mwaattiya vathi. ¹⁸Matji yahikhunelela etthaya, ni mwaattiya khuneetta otjulu wa matji.¹⁹Matji yanitepa yatjerereyaka mpakha otjareya ni khunelela mpakha miyako tjotepa orekama elapo ya vathi. ²⁰Matji yahitjareya ovikana miyako mpakha ikilomo muloko ni thanu.²¹Inama tjotene tjeetta vatthayani tjahikhwa: axaapalame, inama tjn'huwiya, inama tja ntakhwani, tjotene tjiniipurula vatthayani, ni athhu otene. ²²Tjotene tjim'mumula ni tjotene tjinkhala vatthayani tjahikhwa.²³Nto, tjotene tja ekumi vatthayani tjahikhwa, okhuma atthu mpakha inama tjuulupale, tjiniipurula mpakha axaapalem otjulu. Otene awo yahinviya vatthayani. Ni khuhalaka pahi Nowe ni ale otene yarinawe m'mwaattiyani. ²⁴Matji yahikhala vatthayani mpakha mahiku ophiyaka emiya emotja ni miloko thanu.

¹Muluku ahipuwelela Nowe, inama tjotene tja ntakhwani ni inama tjotene tjin'huwiya tjaari ni owo m'mwaattiyani. Muluku ahiwana epheyo elapo ya vathi, ni matji khupatjerya ovukuwa. ²Epiphi ni erimu yahitthukweya, ni khumaala orupa epula. ³Matji yanivira emalaka vatthayni. Numala ovira mahiku emiya emotja ni miloko mithanu, matji yahivukuwa vooreerela.⁴Mwaattiya aheemela mweeri wa enethanu napili variyari wa miyakha tja Wararati. ⁵Matji nlelo yanivukuwa mpakha mweeri wa namuloko. Nihiku noopatjerya na mweeri wa namuloko, miyako tjahopatjerya wooneyatja.⁶Wahonaneya, numalela wa mahiku miloko mitjese, Nowe ahitthukula etjanela ya Mwaattiya Nowe apakalyawe ⁷ni khunttikha nakhuku, aarowa ni khuyatthika, mapakha matji wum'ma vatthayani.⁸Nto, owo ahittikha ekhuntte wira yawehe wakhala wira matji yahum'ma vatthayani, ⁹vano ekhuntte khiyaphwanyale opuro wowemelavo. Nto, eyo yahintthikela Nowe m'mwaattiyani, okhala wira nlelo matji yahikhuneela etthaya yotene. Owo ahikumiha ntata nawe, khuvarela khuwana n'hina mwa m'mwaattiya.¹⁰Owo ahilipelela ovira-tho mahiku thanu namenli ahittikhela-tho ekhuntte ota wira yawehe matji wakhala wira yahum'ma. ¹¹Eyo yahontthikela ntjuwa nrowaka onaya, ni eyo mwaano mwaya yahowana nikukhu na mwiri wa olivera onoohattiwaru. ¹²Tjitjam'mo, Nowe ahitjuwela wira matji ahum'ma vatthayani. Owo ahilipelela-tho ovira mahiku thanu namenli ni khukumiha-tho ekhuntte. Eyo khiyantthikelale-tho.¹³Wahonaneya, nihiku noopatjerya na mweri woopatjerya wa mwakha imiya thanu namotja ni emotja, matji yahum'ma vatthayani. Nowe aahinkwakwanyula mwaattiya, khuweha ota ni etthaya yaari yohum'ma. ¹⁴Mweeri wa enenli, mahiku yeettaka miloko mili ni thanu namenli, etthaya yahum'ma.¹⁵Muluku ahon'himerya Nowe: ¹⁶''Nkhume m'mwaattiyani, nyuwano amwaarinyu, aniinyu ni axaaraya aniinyu. ¹⁷Nkhumihe inama tjotene, okhuma axaapalame ni inama tjin'huwa ni inama tjiniiipurula vatthayani, wira iyo tjiyaraneke, ni tjitjareyeke elapo ya vathi.¹⁸Nto, Nowe ahikhuma ni anaawe, amwaarawe ni axaraya anaawe. ¹⁹Inama tjotene ikumi: axaapalame, inama tjin'huwa, inama tja ntakhwani ni inama tjiniipurula, ottharaka emutji aya, tjahikhuma m'mwaaattiyani.²⁰Nowe ahompakela altari Muluku. Owo ahikuxa inama tjooreera ni axaapalame oreerea ni khuvaha mukuttho w'Apwiya. ²¹Muluku ahiweha wunkhela khuhimya vamurimani Vawe: ''Miyano nkintthikela-tho onyanya elapo mwaha wa ntthu, n'naamwi tjotthuna tja varohoni vawe tjiryene yjootakhala okhuma opattuxiya wawe, ni nkin'nyanya-tho tjotene tjirina ekumi, ntoko va Tjivaralyaka. ²²Nlelo elapo ekhalaka, waaliya ni ohemphwa, oriirya ni oviha, elimwe ni eyiita, othana ni ohiyu khonimala''.

¹Ni Muluku ahun'reliha Nowe ni anaawe iraka: ''N'yaraneke, mwaaxerereyeke ni ntjareyeke nlaponi. ²Axinaama otene a vatthayani anrowa owvakani, axaapalame otene a wirimu, tjotene tjiniipurula vatthayani ni ihopa tjotene tja m'matjini. Tjotene moovahiya m'matatani mwinyu.³Tjotene tjiniipurula ni tjinkhala tjinrowa okhala yoolya enyu. Tjitjam'mo tjoovahalyakani makukhu, vano kin'novahani tjitthu tjotene. ⁴Wa tjotene, n'hikhure enama eryene ekumi, wala, ni ephome n'hina.⁵Veekekhayi, Miyano kinaarowa ophela ephome anyu, ephome ya ekumi enyu; Miyano kinaarowa ophela ya khula enama. Ni-tho wakhula ntata na khula ntthu omwinvale mun'nawe, Miyano kinaarowa ophuka wakhula ntthu. ⁶Wakhula ntthu ontthuna oyehi ephome ya mun'nawe ni owo enaarowa oyehiya ephome awe ni ntthu, okhala wira Muluku ompattuxa ontthu iilikaniheryaka. ⁷Nto nyuwano, n'yaraneke ni mwaaxerereyeke; ntjareyeke nlaponi''.⁸Nto, Muluku ahilavula ni Nowe ni anaawe iraka: ⁹''Miyano kinaarowa waatana ni nyuwano, ni nloko nenyu oholo wenyu ¹⁰ni wakhula enkhala entthuna okhala ni nyuwano: okhuma axaapalame, inama tjin'huwiya ni inama tja ntakhwani tjikhumale m'mwaattiyani, ni wakhula enkhala vatthayani.¹¹Kinimwaatana ni nyuwano, wira khonkhalakhala-tho atthu akhwaka mwaha a matji. Khanwa-tho matji antthuna onyanya elapo''. ¹²Muluku ahira: ''Ela ethonyeryo ya watana Waka kimpakaka Miyano ni nyuwano ni tjotene tjinkhala ni nyuwano, wa malako anwa oholo. ¹³Miyano kihintjathi ekhwayi m'mahutteni ni ela entthuna okhala ntoko ethonyeryo ya watana Waka ni nyuwano.¹⁴Ni enimwiiraneya, Miyano kawana mahutte wirimu ni n'hina mwaya khukhuma ekhwayi, ¹⁵kinamupuwelela watana Waka ni nyuwano ni tjirina ekumi tjotene tjinkhala. Ni khantthuna-tho okhala matji antthuna wanyanya atthu.¹⁶Ekhwayi enrowa okhala m'mahutteni ni Miyano kinrowa owehaka ni kuupuweleke n'hina mwa Muluku ni atthu otene ankhala elapo ya vathi''. ¹⁷Numala vo, Muluku ahin'himerya Nowe: ''Ela ethonyeeryo ya waatana Miyano kiwanalyaka, Miyano tjotene tjinkhala''.¹⁸Anamwane a Nowe yaakhumale m'mwaattiyani yaari Seni, Kani ni Jafe. ¹⁹Kani aari tithi a Okanani. Tin'yala araru anamwane a Nowe ni nin'yala pahi elapo yotene yahukhaliya.²⁰Nowe ahipatjerya olima ni khwaala evinya. Ahimurya evinyu ni khuhapaliya. ²¹Owo ahalale pwitipwiti m'muxaxani mwawe.²²Kani, tithi a Okanani, ahuwonela atithi awe ni ahikhuma arowa wahimerya axin'nawe. ²³Nto, Seni ni Jafe khukuxa nkhumi khweettanaka ahelalene mkhatani khurowa wakhuneela atithi aya yaari pwitipwiti. Owitho waya waweha ottuli, wira ahawehe atithi aya yaari pwitipwiti.²⁴Numala Nowe ovenya vahapaliyawe, ahitjuwela yampakelalyawe. ²⁵Nto, ahira: ''Okanani wootakhaliya. Owo onrowa okhala epottha ya ipottha tja axin'nawe''.²⁶Ni tho ahira: ''Muluku a Seni, avuwihiye, ni Kanani akhale epottha awe. ²⁷Muluku amun'nuwihe Jafe ni owo akhaleke m'muxaxani mwa Seni. Ni Kanani akhaleke epottha awe''.²⁸Numala ovira ntatjeke, Nowe ahikhale miyakha tjoophiyaka imiya ttharu ni miloko mithanu. ²⁹Mahiku otene a Nowe yaari imiya thanu ni itjese ni miloko thanu, numala ahiikhwa.

¹Ala tari maloko a anamwane a Nowe: Seni, Kani ni Jafe; anaawe yahiyara numala ovira ntatjeke.²Anamwane a Jafe yaari ala: Gomer, Magogue, Madayi, Java, Tubali, Meseki ni Tira. ³Anamwane a Gomer yaari: Askenasi, Rifati ni Togarma. ⁴Anamwane Java yaari: Elisa, Tarisisi, Kitini ni Dodanini. ⁵Maloko a Java yahikawana mathala a onikhum'ma ntjuwa, ni, nto, yahikamela attherelaka nttava naya, ottharelaka amutjaya ni maloko aya.⁶Anamwane a Kani yaari: Kuxi, Missirayini, Puti ni Kanani. ⁷Anamwane a Kuxi yaari: Seba, Avila, Sabata, Raamani ni Sebeteka. Anamwane a Raamani yaari: Saba ni Deda.⁸Kuxi ahin'yara Ninroti, yowo aari oopatjerya okhala thaatjiri nlaponi. ⁹Owo aari namatotha oowerya oholo wa Muluku. Tivo oniriyaya: ''Ntoko Ninroti, namatotha owerya oholo wa Muluku''. ¹⁰Ilapo tjawe tjari Babeli, Ereki, Akadi ni Kalini, elapo ya Sinari.¹¹Wa elapo ele, owo ahikhuma arowaka Wasiriya ni khumpattuxa Ninive, Reyobote-Ir, Kala ¹²ni Rese eriyari ya Ninive ni Kala. Eyo yaari epoma yuulupale. ¹³Misirayini ahin'yara Ludini, Anami, Leyabibi, Naftuwi, ¹⁴Patrusimi, Kasuluwi (weiwo akhumalyaya afilisti) ni Kafutori.¹⁵Kanani ahin'yara Sidoni, mwanawe oopatjerya, Heti, ¹⁶ni-tho ahin'yara Jebusewu, amorrewu, gilgasewu, ¹⁷hevewu, arikeyo, sinewu, ¹⁸arivadewu, zemarewu ni hamatewu. Waholo, amutji a akanani yahikawaneyatja.¹⁹Omwene wa akanani wari Sidoni, ephiro ya Gerari, mpakha o'Gaza; ephiro ya Osodoma, Ogomora, Adamani ni Zebowi, mpakha Olasa. ²⁰Ala yaari maloko a Kani ni amutji awe, mattava aya, ni etthayaya ni maloko aya.²¹Seni, muhakhalayi a anamwane otene a Heberi ni mun'nawe mulupale Jafe, ni-tho ahayara anamwane. ²²Anamwane a Seni yaari: Elawu, Assuri, Arifaxati, Ludi ni Ara. ²³Anamwane a Ara yaari: Uz, Hul, Geter ni Massi.²⁴Arifaxati ahin'yara Sela; ni Sela ahin'yara Eberi. ²⁵Eberi ahayara anamwane enli. Mwana oopatjerya ihaniya Peleki, okhala wira mahiku awo etthaya yahikhaniya. Ntjina na mun'nawe ihaniya Jota.²⁶Jota ahin'yara Alimoda, Selefi, Azarmave, Jera, ²⁷Hadorawu, Uzal, Dicla, ²⁸Obal, Abimayeli, Saba, ²⁹Ofiri, Havila ni Jobabi. Awo yaari anamwane a Jota.³⁰Omwene aya warowa okhuma oMessa mpakha oSefari, otakaniherya ni miyako tja onikhuma epheyo. ³¹Ala yaari maloko a Seni, ottharelaka amutji aya ni mattava aya, m'muttettheni mwaya, ni maloko aya.³²Ala amutji a maloko a Nowe, ottharelaka maloko aya, ni ilapo tjaya. Okhuma wa amutji ala, yahikhuma maloko ni yakawanatjiye elapo yotene, numala ovira ntatjeke.

¹Elapo yotene yaarina nttava nimotja ni nthinto m'motja woolavuliya. ²Awo akhumaka onikela ntjuwa, yahiphwanya nttetthe elapo ya Osinari ni khumaka vavo.³Ni yanihimeryana yaworu: ''Murwe, numpe itupu ni nipahe tjotene''. Awo yahikuxa itupu ihiya maluku, ni epichi khukhittana. ⁴Ni yahira: ''Murwe, niipakele epomehu, enupa yoorekama enrowa ophoya wirimu,ni niivahe ntjinam wira nihikawaneyatje elapo yotene''.⁵Ni ahiwa Muluku wira awehe epoma ni enupa anamwane a atthu yapakalyaya. ⁶Muluku ahira: ''Nto atthu otene ari vamotja i anlavula nttava nimotja. Tivo yapatjeryaya opaka; nto okhuma va khivo enrowaya opaka vowinwananeya. ⁷Murwe, nrowe nanyanye ni namalihe nttava naya, wira ahikhale onrowa wiwananaka nkina ni nkhwawe''.⁸Ni Muluku ahakawanyatja elapo yotene; ni khuhiya opaka epoma. ⁹Tivo, wihaniyaya Babeli, okhala wira tinvavale Muluku anyanyeralyawe nttava na elapo yotene ni khukawanya elapo yotene ya vathi.¹⁰Ala maloko a Seni. Owo aahira iyakha tjoopahiyaka emiya emotja, numala on'yara Arifaxati, numala iyakha pili nuvira ntatjeke. ¹¹Seni aahikhala iyakha tjoophiyaka imiya thanu numala on'yara Arifaxati; ni khwayara aamwane akina alopwana ni athiyana.¹²Arifaxati aarina yakha tjoophiyaka miloko miraru ni thanu, numala on'yara Sela. ¹³Numala on'yara Sela, Arifaxati ahikhala miyakha tjoophiyaka imiya tjese ni iyakha ttharu; ni khwaya anamwane akinaku alopwana ni athiyana.¹⁴Sela arina iyakha miloko miraru onan'yara Eberi. ¹⁵Sela ahikhala iyakha tjoophiya imiya tjese ni iyakha ttharu numala on'yara Eberi; ni-tho ahayara amwane akinaku alopwana ni athiyana.¹⁶Eberi arina iyakha miloko miraru umala on'yara Peleke. ¹⁷Eberi aahikhala iyakha tjoophiyaka imiya tjese ni miloko miraru numala on'yara Peleke; ni-tho ahayara anamwane akinaku alopwana ni athiyana.¹⁸Peleke arina iyakha miloko miraru numala on'yara Rewu. ¹⁹Pekele okhala iyakha tjoophiyaka imiya pili ni thanu natjese numala on'yara Rewu; ni-tho ahayara anamwane akinaku alopwana ni athiyana.²⁰Rewu arina iyakha miloko miraru ni ttharu numala on'yara Seruki. ²¹Rewu ahikhala miyakha imiya pili ni thanu napili numala on'yara; ni-tho ahayara anamwane alopwana ni athiyana.²²Seruki arina iyakha miloko miraru niumala ahin'yara Nawori. ²³Seruki ahikhala miyakha tjoophya imiya pili numala on'yara Nawori; ni-tho ahayara anamwane alopwana ni athiyana.²⁴Nawori aarina iyakha tjoophiya miloko mili ni thanu natjese numala ahin'yara Tera. ²⁵Nawori ahikhala iyakha tjoophiyaka emiya emotja ni muloko ni thanu natjese numala on'yara Tera. ²⁶Tera aarina iyakha miloko thanu napili onan'yara Abrahamu, Nawori ni Hara.²⁷Ala maloko a Tera. Tera on'yara Abrahamu, Nawori ni Hara; ni Hara on'yara Loti. ²⁸Hara ahikhwa oholo wa atithi awe aTera, elapo awe, o'Ur .²⁹Abrahamu ni Nawori yahatheka axaaraya. Amwarawe Abrahamu yihaniya a Sarai ni amwarawe Nawori yihaniya a Milka; ola aari mwanawe Hara, yowo ari tithi awe Milka ni a Isika. ³⁰Sarai khaayara: kharina anamwane.³¹Tera ahakuxa anaawe Abrahamu ni Loti, mwana a mwana awe, ni Sarai mwaarawe mwanawe Abrahamu. Ni vamotja yahikhuma elapo yoWuri wakalatewu arowaka elapo ya Okanani. ³²Yahirowa mpakha wa Hara ni khukhale wenwo. Tera ahikhala iyakha tjoophiyaka imiya pili ni thanu numala ahikhwa wa Hara.

¹Nto, Muluku ahin'himerya Abrahamu: ''Nkhume nttetthe inyu, ni eriyari ya amutji enyu, ni etthoko ya atithinyu, wira nrowe nttetthe kinrowaka owoniheryani. ²Ni kinamoopakani nloko nuulupale, kinamoorelihani, kinamun'nuha ntjina nenyu ni nyuwano munrowa okhala mareliho. ³Miyano kinamwareliha antthuna woorelihani ni kinamwatakhaliha antthuna wotakhalihani. Mwaha wa nyuwano, atthu otene a vathi anrowa okhala oorelihiya''.⁴Ni Abrahamu ahirowa attharelaka tjitjam'mo Muluku aamwirenlyawe. Abrahamu aarina iyakha miloko thanu napili ni thanu okathi wakhumawe Wara. ⁵Ahinkuxa Sarai, amwarawe, ni Loti, mun'nawe, ni n'hakhu wotene ni ipottha tjathumalyawe Wara. A awo yahikhuma arowaka nttetthe wa Okanani ni yahiphiya.⁶Abrahamu aheetta mpakha ophiya nttetthe wa oSikeni ni oMore. Okathi ule, akanani tiyakhala m'muttettheni m'mo. ⁷Muluku ahinkhumelela Abrahamu ni ahira: ''Miyano kinamwavaha nttetthe ola nloko ninyu''. Nto, Abrahamu ahumpaka altari oholo wa Muluku, Yoole ankhumelelale.⁸Wonwo, owo ahikhuma athamelaka opheyoni omwako oBetel, wonwo aakalyawe muxaxa awe; akhalaka oBetel onirowa ntjuwa wa Ai, opheyoni. Wonwo owo ahumpakela altari Muluku ni ahithana ntjina Nawe. ⁹Nto, Abrahamu ahikhuma nwe arowaka oNikebi.¹⁰Ni yahikhumelela etala nttetthe ole. Nto, Abrahamu ahirowa okhala Wegitu, okhala wira etala yanitepa nlaponi. ¹¹Ni wahonaneya wira, owo attamelaka Wegitu, ahon'himerya Sarai mwarawe: ''Moone, miyano kootjuwela wira nyuwano mwamwaraka. ¹²Okathi atthu a Wegitu antthunaya wowehani, anrowa ohimya tjo: 'Ala tari amwarawe'; kinarowa winviya ni nyuwano n'nahala nkumi. ¹³Mwire, waholo, nyuwano mwamun'naka tjitjam'mo kinarowa okhala nkumi, mwaha wa nyuwano, ni okumi aka onarowa okhapeleliya mwaha wa nyuwano''.¹⁴Wahiraneya, okathi Abrahamu arowalyawe Wegitu, atthu a Wegitu yahona wira Sarai aari nthiyana ooreera. ¹⁵Anarum'mwa a Farao yahonweha, ahittottopeliya oholo wa Farao ni nthiyana ole ahikuxiya arowaniyaka owan'nyawe Farao. ¹⁶Owo ahomwakhela tjana Abrahamu ni khunvaha ipwittipwitthi, inyompe,Aburu, ipottha athiyana ni alopwana, Aburu othiyana ni Ikameli.¹⁷Nto, Muluku ahonwanela Farao ni iretta tjintji ni tjootakhala, mwaha wa Sarai, mwarawe Abrahamu. ¹⁸Farao ahomwihana Abrahamu ni khun'himerya: ''Exeni ela epakalenyu? ¹⁹Mwaha wa xeni mwahakihimerenyu wira ola mwarinyu? Mwaha wa xeni nkihimeralenyu wira ola mun'ninyu, mpakha kinankuxa wira akhale mwaaraka? Wanano, waholo, ala amwarinyu, mwaakuxeke ni nroweke. ²⁰Nto, Farao aharuma arumeyi awe mwaha wa yowo, ni khuholiyaka, wamotja ni amwarawe ni tjotene tjaarinawe''.

¹Nto, Abrahamu ahirowa Onekebi akhumaka Wegitu. Owo, amwaarawe ni tjootene tjarinawe. Ni Loti arowale ni yowo. ²Abrahamu aari thaatjiri: ahikhalana inyompe, eparatha ni ewero.³Owo ahitthikela nkwahawe akhumaka Onekebi arowaka Obeteli, mpakha waari muxaxawe, eriyari Obeteli ni Ai. ⁴Nla tinaari nipuro owo ampakalyawe altari khalayi, ni vale Abrahamu ahowihana Apwiya.⁵Okathi ule, Loti, aari ni Abrahamu, ni-tho ahikhalana inama ni mixaxa. ⁶Etthaya ele khiyaaphiyarya waalyiha, waholo tjitthu tjawe khitjaarere, nto khiwarerela okhala vamotja. ⁷Wahikhuma onyakulihana ananteko a Abrahamu ni Loti. Okathi ule, akanani ni aferezi yakhala nttetthene yola.⁸Abrahamu ahin'himerya Loti: ''Ohikhale onyakulihana miyano ni nyuwano, n'nakhala ananteko aka ni ananteko enyu, waholo hiyano naaxin'na. ⁹Khekhalale oholo wenyu etthaya yotene? Kinoolepelani wira nvalane ni miyano. Nyuwano mwarowaka mono wothiyana, nto, miyano kinrowa mono woolopwana. Wala mwaarowaka mono woolopwana miyano kinrowa mono woothiyana''.¹⁰Nto, Loti ahoweha iphantti tjootene ni ahoona wira Yordani otene aari oreera ephiro yotene mpakha oZoar; wari ntoko ejardi ya Muluku, ntoko etthaya ya Wegitu. ¹¹Tjitjam'mo, Loti ahithanla ephantti uya Oyordani ni khuvenya arowaka onikhuma epheyo, ni khuvalana nkina ni nkhwawe.¹²Abrahamu akhala nttetthe wa okanani, ni Loti, ipoma tja nkuwani mpkha oSodoma. ¹³Vano, atthu a oSodoma yaari ootakhala atthu ootepaxa ottheka oholo wa Muluku.¹⁴Muluku ahimuhimerya Abrahamu, numala ovalana ni Loti: ''Moone okhuma nipuro nenla nrinyu mpakha onikhuma ntjuwa, mpakha onikela ntjuwa, onikhuma epheyo mpakha onikela epheyo. ¹⁵Etthaya yotene ela enoonenyu, Miyano kinrowa woovahani nyuwano ni maloko enyu vohimala.¹⁶Ni kinoopaka nloko nenyu nuulupalexa ntoko ntthupi na vathi, wira, ntthu aweryaka waalakhanya ntthupi na vathi, nto, ni nloko nenyu naarowa oweriyaka waalakhanyiya. ¹⁷Nvenye, mweettelele etthaya ela miphan tti tjotene, waholo nyuwano kinamoovahani''. ¹⁸Nto, Abrahamu ahikwakwanyula mixaxa tjawe ni khukhala waattamela miyako tja Manre, oniphwanyaneya wa Hebroni, wonwo ampakelalyawe altari Muluku.

¹Mahuku a Anrafel, mwene a oSinar, a Wariyoki, mwene a Welasar, a oKedorlawomeri, mwene a Welawuni a oTidali, mwene a Goyim, ²ala yahiwana ekhotto ni Bera, mwene a Osodoma, Birsa, mwene a Ogomora, Sinabi, mwene a w'Adma, Semeber, mwene a o'Zeboim ni mwene a o'Bela (ni-tho enihaniya Zoar).³Mamwene ala okhutjerya athanu yahithukumana Osidini (ni-tho onihaniya Matji a Makha). ⁴N'hina mwa miyakha muloko ni pili, aarumeela ti Kerdorlaomer, nto, mwakha wa namuloko nattharu, yahunyokhana. ⁵Numala ovira mwakha wa namuloko natjese, Kerdorlaomer ni mamwene yaari ni yowo yahurowa ni khutuphela atthu a orifini yaakhala Osterote-Karnaim, azuzini wa Hawu, atthu a wemini Osave-Kiriataini ⁶ni atthu a worewu a omwako Seir mpakha wa El-Para, waattamela woothaloni.⁷Numala awo yahotthika khurowaka Omispati (ni-tho oniihaniya Okadi), ni khukuxa elapo ya amalekita ni amorwu, yaakhala Hozazoni-Tamar. ⁸Waholo, mwene a Osodoma, mwene a Ogomora, mwene a Wadma, mwene a Ozeboim ni mwene a Obela ni-tho onihaniya Zoar) yahikhuma ni khwiireheryaka wira yawane elapo ya Osidini ⁹ni Kerdorlaomer, mwene a Welawu, Otidal, mwene a Ogoini, Anrafel, mwene a Osinar, Arioke, mwene a Elasar: mamwene mathanu awanaka ni atjese.¹⁰Osidini khawarere otjareya ihime tja piche, ni mamwene a Osodoma ni Ogomora yahumorelamo. Ale yaari mono woothiyana yahutjawela omwako. ¹¹Nto, awanani yahikuxa mirerelo tjotene tja Osodoma ni Ogomora khurowaka. ¹²Awo-tho yahinkuxa Loti, ni mihakhu tjawe. Loti aari mwana a mun'nawe Abrahamu ni akhala Osodoma.¹³M'motja aatjawale ahirowa khun'himerya Abrahamu, muheberi; owo akhala nttetthe wa Omanre, amorewu, mun'nawe Eskoli ni Aner, yawo yaari apatthani a Abrahamu. ¹⁴Numala Abrahanu winwa wira awanani awe yahinkuxa m'mutji awe, ahahimerya alopwana awe ophiyaka imiya ttharu ni muloko nattharu oowana ekhotto, yayariye owan'nyawe, ni khuwikara mpakha Oda.¹⁵Owo aahakawanya anakhotto awe ni khwatupelaka awanani awe ohiyu, owikaraka mpakha Hoba, onikhuma ntjuwa wa Odamasiku. ¹⁶Tjitjam'mo, owo ahiwana mihakhu tjawe tjotene ni aahin'wana Loti ni miyakhu tjawe tjotene, ni athiyana ni atthu akina.¹⁷Numala Abrahamu otthika okhottoni awanawe ni Kerdorlaomer ni mamwene yaari ni yowo, mwene a Osodoma ahikhuma arowaka okumanana nikuwa na Osave (wonwo tho onihaniya nikuwa na Mwene). ¹⁸Melkisedeki, mwene a Osaleni, ahiwana ephau ni evinyu. Owo aari nankuttho a Muluku Oweerya.¹⁹Owo ahimureeliha Abrahamu, iiraka: ''Oreriya okhale Abrahamu mwaha wa Muluku Oweerya, Mpattuxa erimu ni elapo ya vathi. ²⁰Oreriya okhale Muluku Oweerya, avahereryale awananinyu m'matatani mwinyu''. Nto, Abrahamu ahinvaha yanamuloko mwa tjotene.²¹Mwene a Osodoma ahin'himerya Abrahamu: ''Nkivahe atthu ni nkuxeke tjitthu tjotene''. ²²Abrahamu ahin'himerya mwene a Osodoma: ''Miyano kin'ninvexerya matata aka Muluku, Mwene Oweerya, Mpattuxa erimu ni elapo ya vathi, ²³wira miyani nkinkuxa hata etthu, nkhoyi ya ettamanko eryene ya winyu, wira n'hikhalakhale mwiiraka: 'Miyano kon'hela othatjiru Abrahamu'. ²⁴Miyano nkinkuxa etthu, wohikhala amiravo ala elyaya. Ni, n'hina wa atthu awale ni miyano, Aner, Eskol ni Manre, awo akuxeke tjitthu tjaya''.

¹Numala eyo, Muluku ahilavula ni Abrahamu, moowehani, iiraka: ''N'hoove, Abrahamu! Miyano ka elipelo enyu ni otthuvelioya wenyu onrowa okhala wuulupale''. ²Abrahamu ahakhula: ''Apwiya Muluku, exeni entthunenyu okivaha, waholo ninlelo kinkhala wohikhala mwana, ni ontthuna ohalana tjitthu tjaka onrowa okhala Eliezeri a Odamasiku?''. ³Ni ahatjererya tho Abrahamu: ''Nyuwano khankivahale mwana ni ontthuna ohalana tjitthu tjaka tuule onkhapelela enupa aka''.⁴Nto, yahinwela molumo a Muluku, yiiraka: ''Owo khonrowa okhala namahalanenyu, vano ole onrowa oyariya ni nyuwano tunrowa okhala namahalanenyu''. ⁵Ni Apwiya yahonwana ota ni khun'himerya: ''Nwehe wirimu ni mwaakhanye itheneri, mwawerya''. Ni ahira: ''Tjitjam'mo nintthuna okhala nloko nenyu''.⁶Abrahamu ahomwamini Muluku ni eyo ahivahiya ntoko yophukeliya awe. ⁷Ni Muluku ahira: ''Miyano Ka Muluku, ookumihaleni Owuri wa akaldeyo, wira koovaheni etthaya ela ntoko yoohalana''. ⁸Abrahamu ahunkoha: ''Apwiya Muluku, kintthuna otjuwela tjayi wira kinaahalana?''.⁹Ahomwakhula: ''Nkiwanele enama yooxana, epuri ni mwapwittipwitthi, wakhula m'motja ni iyakha ttharu, ekhuntte yooliopwana ni yoothiyana''. ¹⁰Owo aahiwana inama iye, khukawanyatja iphantti pili ni khupweha wakhula emotja ohiolo wa ekhwaya, nto khaakawanyale axaapalame. ¹¹Axaapalame anvava yanikhuruwela inama iye ni Abrahamu aniwiikara.¹²Numala ntjuwa onaya, Abrahamu tjahinwela ikhove tjintji, woova ni epiphi yintji yahinrukurertya. ¹³Nto, Muluku ahin'himerya Abrahamu: ''Mun'nitjuwela, ni ekekhayi, nloko nenyu n'narowa okhala nletto elapo yoohikhala yawaya. Anapakiya ipottha ni ohaxiya n'hina mwa miyakha imiya tjese.¹⁴Nto Miyano kinaaphukela elapo eyo enrowa orumeela; numala anarowa okhuma ni mihakhu tjintji. ¹⁵Nyuwano, waholo, n'narowa ni jrettele mwa axitithinyu ni n'narowa ovithiya n'nuuluvalalen vooreerela. ¹⁶Nloko na enetjese, awo anahokolowela n'no, okhala wira otakhala wa amorewu nlelo khonatthi omala''.¹⁷Numala winla, moro wakhuma mwixi wahivira eriyari ya inama. ¹⁸Nihiku nle, Muluku ahatana ni Abrahamu, iiraka: ''Nloko nenyu koovaha etthaya ela, okhuma muro wa Wegitu mpakha muro muulupale wa Eufrati: ¹⁹nkeneu, nkenezeu, nkadmoneu, ²⁰heteu, mperizeu, arefaini, ²¹amoreu, nkananeu, ngirgaseu ni njebuseu''.

¹Nto, Sarai, mwarawe Abrahamu, khan'yarale mwana, vano owo ahikhalana epottha awe a Wegitu, ntjina nawe iiriya Agar. ²Nto, Sarai ahin'himerya Abrahamu: ''Nto Muluku on'nikikhottiherya okivaha mwana. Nrupe ni epottha aka ela. Nto vani'nikhala miyano kitthunaka okhalana anamwane mwaha wa yola''. Abrahamu ahomwinwa mwarawe Sarai. ³Nto, Sarai, mwarawe Abrahamu ahinvaha epotthawe a Wegitu, Agar, ntoko mwarawe wan'nyawe. Eyo yiiraneyale numala ovira miyakha muloko okhalaka elapo ya Okanani. ⁴Owo ahirupa ni Agar, ni owo ahirupala; nto numala otjuwela wira owo oorupala, ahipatjerya waathanya ale yankhalana.⁵Nto, Sarai ahin'himerya Abrahamu: ''Ovehiya n'no miyano mwaha wa nyuwano. Miyano kihoovahani epotthaka m'matatani mwenyu ni, numa winweha wira oorupala, owo oopatjerya okithanya. Okhale Muluku ontthuna oniphukela nyuwano ni miyano''. ⁶Nto Abrahamu ahin'himerya Sarai: ''Nto epotthenyu eri moweryani mwenyu, mwimpakele entthunenyu''. Tjitjam'mo, Sarai ahipatjerya on'hatjula ni Agar ahikhuma oholo wawe.⁷Nlaikha na Muluku nahimphwanya vehimeni woothakoni, ephiro yaarowa Osur. ⁸Nlo nahira: ''Agar, epotthawe Sarai, munkhuma vayi ni munrowa vayi?''. Ni owo ahira: ''Miyano kinintjawa Sarai''.⁹Nlaikha na Muluku nahin'himerya: ''Ntthukele owan'nyinyu ni mwiiyevihe oholo wa amwenenyu''. ¹⁰Nlaikha na Muluku nahira-tho: ''Miyano kinimunnuha ventji nloko nenyu, ni antthuna okhala entji, ahintthuna walakhanyeya''.¹¹Nlaikha na Muluku nahin'himerya: Nyuwano moorupala ni munan'yara mwana, yowo ontthunenyu omwihana Ismael, okhala wira Muluku owinwani moohawani mwenyu. ¹²Owo ontthuna okhala, eriyari wa atthu, ntoko buru a ntakhwani. Owo ontthuna okhala owerya eriyari ya atthu otene, ni atthu otene anonttittimiha; ni ontthuna okhala eriyari wa axin'nawe.¹³Nto, Agar ahomwihana Muluku ole aalavulanalyawe: ''Nyuwano mwa Muluku onkiweha'', waholo owo aahira: ''Kanwerya miyano oweha ole Onikiweha?''. ¹⁴Tivo, iihanalyawe ehime Beer-Laai-Roi, eri eriyari wa Kadi ni Beredi.¹⁵Agar ahin'yara mwanawe ni Abrahamu ahinvaha ntjina na Ismael. ¹⁶Abrahamu aarina iyakha miloko thanu nattharu ni thanu namotja Agar an'yaraka mwane.

¹Okathi Abrahamu aarinawe iyakha miloko thanu natjese, Muluku ahinwela Abrahamu khun'himerya: ''Miyani ka Muluku Oweerya. Mweetteke oholo waka ni nkhale eekekhayi. ²Nto, Miyano kinarowa wooniherya watana waka ni kinawatjereryani ventji''.³Abrahamu ahikokhora ethoni vatthayani ni Muluku ahin'himerya: ⁴''Miyano, n'no Waatana kimpakaka i nyuwano: Nyuwano munrowa okhala tithi a atthu othene. ⁵Khimuntthuna wiihaniya-tho Abrahamu-okhala wira koovahaleni wira nkhale tithi a atthu entji. ⁶N'naayara ventji, mwa nyuwano anokhuma maloko ni mamwene.⁷Kinimwaatana nyuwano ni Miyano ni maloko enyu, wenwo ontthuna okhala ni attthu othene ntoko waatana woohimala, wira Miyano kikhale Muluku enyu ni A amaloko enyu. ⁸Nyuwano ni maloko enyu kinamwavaha etthaya nyuwano enkhalenyu, etthyaa yoothene ya Okanani ntoko yoohalana voohimala ni Miyano kintthuna okhala Muluku enyu''.⁹Nlelo Muluku ahin'himerya Abrahamu: ''Wa nyuwano, nvithe waatana Waka, nyuwano ni maloko enyu ni maloko othene antthuna owaka. ¹⁰N'no waatana Waka, wenwo ontthunenyu wira nvithe nyuwano ni maloko enyu anwa: Wakhula mulopwana wa nyuwano ohana wun'nuhiya. ¹¹Mwin'nuwiheke oholo wa elopwana enyu ni ela enthuna okhala ethonyeryo wa Miyano ni nyuwno.¹²Wakhula nlopwana wa nyuwano, ettaka mahiku thanu nattharu, ohana wun'nuwihiya, wakhula maloko enyu. Eyo eri n'hina mwa ale antthuna oyariyaka owan'nyinyu, ole oothumiya ni nletto ohintthuna okhala a nloko nenyu. ¹³Ole ontthuna oyariya owanyinyu ni ontthuna othumiya ni ntjurukhu enyu ohana wun'nuwihiya. Tjitjam'mo, watana Waka onrowa okhala vanamani wenyu voohimala. ¹⁴Wakhula ntthu ohintthuna wun'nuwihiya inviye eriyari wa atthu enyu, waholo owo khinwelelale watana Waka''.¹⁵Muluku ahin'himerya Abrahamu: ''Sarai, amwarinyu, ohihaniye-tho Sarai. Vohiya vo, ntjina nawe okhale Sara. ¹⁶Miyano kinanreliha ni kinanvaha mwana. Ni kinanreliha ni onrowa okhala tithi a maloko othene. Mamwene a atthu anawa mwaha wa yowo''.¹⁷Nto, Abrahamu ahuramela ethone awe vathi, ahitheya ni khwiira vamuriman vawe: ''Van'niweryaneya nttu orina iyakha emiya emotja oyara?''. ¹⁸Abrahamu ahin'himerya Muluku: ''Ismael okhaleke oholo wenyu!''.¹⁹Muluku ahiira: ''N'nari, vano Sara, amwarinyu, anamovahani mwana, ni nyuwano munrowa omwihana Isaki. Kinarowa waatana ni yowo, ntoko waatana wohimala ni vohimala. ²⁰Nto Ismael, Miyano kin'niwinwani. Miyano kinanreliha ni kinamwatjererya ventji. Owo onrowa okhala tithi a maloko muloko nenli, ni kinankhaliha atthu entji. ²¹Vano waatana Waka onrowa okhala ni Isaki, yoole ontthunaka onvaha Sara eyakha eniwa okathi yoola''.²²Numala omala olavula ni owo, Muluku ahikhuma oholo wa Abrahaamu. ²³Nto, Abrahaamu ahinkuxa mwanawe Ismael ni ale othene yayariwe owan'nyawe, alopwana othene ale yayariwe owan'nyawe, alopwana ale othene yayariwe owan'nyawe Abrahamu ahakuxa ni khuwun'nuwiha nihiku nimotja, ntoko arumiyawe ni Muluku.²⁴Abrahaamu aarina iyakha miloko thanu natjese ni thanu natjese, in'nuwihiyaka. ²⁵Ni Ismael, mwanawe, aarina iyakha muloko nattharu in'nuwihiyaka. ²⁶Nihiku nimotja nenlo, Abrahaamu ni mwanawe Ismael ahin'nuwihiya. ²⁷Alopwana othene yaakha owan'nyawe ahiwun'nuwiha vekhawe, akelaka n'hina ale yayariye owan'nyawe ni ipottha iye tjotene tjathumiye ni ntjurukhu.

¹Muluku ahinweela Abrahamu Omanre, okilathalene vankhora va muxaxa, othana eriyari. ²Abrahaamu ahiweha otjulu ni khwaaweha alopwana araru yemenlene, oholo wawe. Numala waweha, ahikhuma varyawe ni khurowa waryaya ni khukokhorela vathi.³Owo ahira: ''Apwiya, kaphwanyalene mahala oholo Wenyu, n'hinvikane murumeyi Enyu. ⁴Kinaarumiha wira awaniye matji vakhani; nrapihe metto ni mwintjuwe vantthutjini. ⁵Kinawana ephau vakhani; nlipihe eruuthu enyu, okhala wira moophiya wa nrumeyi enyu numala n'narowa oholo''. Ni yahakhula: ''Mwiire tjihimalenyu''.⁶Nto, voowakuveya Abrahamu ahikela mpani khulavula ni Sara: ''Mwaakuveye, mwinkuxe trigu ikopho ttharu, mpake ibolo''. ⁷Nto, Abrahaamu ahitthimakela waryaya inama tjawe, ahikuxa enama yooxana ni yoreera ni khunvaha nrumeyi awe, ni akuven'ye wira onreherye. ⁸Ahikuxa ekulyeri, elete ni mwaminama aareheriye, ahavaha ni kweemela waryayavo, alyaka vantthutjini.⁹Awo yahunkoha Abrahaamu: ''Amwarinyu ari vayi, Sara?'' Owo ahakhula: ''Ori m'muxaxani m'me''. ¹⁰Ni ahiira: ''Vekekhayi kinatthika n'hina mwa eyakha emotja, ni amwarinyu, Sara, anakhalana mwana m'motja''. Sara iira inwaka m'muxaxani, ophiryo waya.¹¹Abrahaamu ni Sara yahuluvala, ni iyakha tjintji; ohiya-tho vo, Sara ahivira iyakha tjooyara. ¹²Nto, Sara ahitheya ni ahira vekhawe: ''Kinaakhalana owerya numala wuuluvala, ni apwiyaka-tho yuluvanlene?''.¹³Muluku ahin'himerya Abrahaamu: ''Mwaha wa xeni Sara ontheyawe ni oniirawe: 'Miyano kinawerya oyara, kuuluvanlene?'; ¹⁴Enakhala etthu entthuna okhala yoovila oholo wa Muluku? N'hina wa eyakha emotja, okathi othanliye, kinatthikela wa nyuwano ni Sara onakhalana mwana''. ¹⁵Nto, Sara ahukhotta ni khwiira: ''Miyano nkitheyale'', waholo owo amoova. Owo ahitthikela: ''N'nari! Nyuwano mtheya''.¹⁶Nto, alopwana ale yahikuma khiaweha ephir ya Osodoma. Abrahaamu ahatthara ahoolaka. ¹⁷Ni Muluku ahiira: ''Miyano kinanvithela Abrahaamu ele entthunaka opaka wanaanano, ¹⁸okhala wira owo onrowa okhala muulupale ni nloko nuulupale, ni atthu othene a nlaponi anoorelihiya wa yowo? ¹⁹Okhala wira Miyano konthanla wira awettiheryeke anaawe ni nloko nawe wira yeetteleke iphiro tja Muluku, wira atthareke ekekhayi, ni wira Muluku oniiherye tjihimalyawe mwa Abrahaamu''.²⁰Nto, Muluku ahira: ''Onyakuleleya wa Osodoma ni Ogomoro wotepa watta, ni otakhala waya wootepa waatta; ²¹kinakhuruwa wanano kiwehe wakhala wira, vekekhayi, tjotene tjin'nyakulelaya ni tjimphiya wa Miyano ti tja ekekhayi. Vohiya vo, kinatjuwela''.²²Nto, alopwana yahirukunuwa khinaweha mphantti wa Osodoma, nto Muluku nlelo aari veri wa Muluku. ²³Abrahamu ahattamela ni khwiira: ''Nto kireeke n'nanyaanya ntthu a ekekhayi ni ntakhali?²⁴Yakhala atthu miloko thanu epoma ele ekekhayi, n'nanyanya khimunirowa okhapelela mwaha wa ale miloko thanu? ²⁵Ottaiwene wa Nyuwano opaka etthu iyo, owinva a ekekhayi ni atakhali, ntoko ekekhayi ni ntakhali onalikana. Ottaiwene wa Nyuwano! Okhala wira namalamula a elapo yootene khahiyo a ekekhayi?''. ²⁶Muluku ahiira: ''Miyano kaaphwanya Osodoma atthu a ekekhayi miloko thanu, kinaakhapelela epoma mwaha wa yawo''.²⁷Ni ahakhula Abrahamu: ''Kinatthikela walavulana Apwiya, hata kiryene etthaya ni ettuwra. ²⁸Ni, wakhala awo miloko thanu yahikhale athanu, n'nanyanya epoma mwaha wa awo athanu?''. Ni ahiira: ''Nkin'nyanya, nwe kaaphwanya miloko thanu ni athanu''.²⁹Abrahaamu ahira-tho: ''Enrowa wiraneya exeni nwe mwaaphwanya miloko tjese?''. Owo ahakhula: ''Nkin'nyanya mwaha wa miloko tjese''. ³⁰Owo ahira: ''Xontte, n'hiviruwe mwaha wa miyano wokohani-tho. Nto yaphwanyaneya miloko miraru, nwe?''. Ni ahiira: ''Nkiniira etthu, kaaphwanyaru miloko miraru nwe''. ³¹Ni ahiira: ''N'hiviruwe Apwiya, kinaalavula-tho ekwaha yela pahi. Nto yaphwanyaneya miloko mili, nwe?''. Owo ahakhula: ''Nkin'nyanya mwaha wa awo miloko mili''.³²Ni ahiira: ''Xontte, n'hiviruwe Apwiya, kinalavula-tho ekwaha ela. Ni yaphwanyiya nwe muloko?''. Owo ahiira: ''Nkin'nyanya mwaha wa awo muloko''. ³³Muluku ahitthikela ephiro Awe numala olavula ni Abrahaamu, ni owo ahitthikela owan'nyawe.

¹Malaikha owenli yahirowa Osodoma ohiyu, okathi Loti akilathalyawe vankhora wa Osodoma. Loti ahaweha, ahivenya, ahirowa okumana ni yawo ni ahikokhora ethone awe vathi. ²Owo ahira: ''Xontte, mapwiya aka, miyano kin'nikhanyererya wira nkele mpani mwa nrumeyi enyu, wira nvirihe ohiyu ni nrapihe metto. Nto, n'navenya oxaka wira ntthareke ephiro enyu''. Awo yahira: ''N'nari, hiyano ninarupa ota wa epoma''. ³Nto owo ahakhanyererya ventji, nto, awo yahirowa ni owo, ahoxa iphau tjohikhala miropo ni awo yahikhura.⁴Nto, awo ahinatthi wumpathi, alopwana otene a Osodoma yahirukurerya enupa, okhuma amwavano mpakha atthu oowuluvala, atthu otene, mpakha okhitjerya. ⁵Awo yahimwihana Loti ni yahin'himerya: ''Alopwana awale wa nyuwano ari vayi? N'niwanele va hiyano nintthuna waarupana''.⁶Nto, Loti ahivenya khutthukwa nkhora ottuli wawe. ⁷Owo ahira: ''Miyano kin'nilipela, axin'na aka, wira in'hipake etthu eyo yootakhala. ⁸Nwe, miyano kihana anaa aka enli ahinatthi orupa ni nlopwana. Miyano kinamwawana ota ni mwiireke ni yawo etthu entthunenyu. Nto wa alopwana ala n'hiwirihe etthu okhala wira ari owan'nyaka''.⁹Awo yahira: ''Nkhume va!''. Ni yahira-tho: ''Ola owale okhala n'no ntoko nletto vano ontthuna okhala mwene ehu! Wanano nintthuna owirihani yootepa oakhala waavikana awo!''. Awo yani'nkhanyerery nlopwana ole, ni Loti, ni yahattamela wira akwakwanyule nkhora.¹⁰Nto aletto yahokola matata aya, yahumpjwanya Loti ni khunwana mpani ni khutthykwa nkhora. ¹¹Nto n'hia wa alopwana ale yaari ota wa enupa, aletto a Loti, yahahiya ahoonaka, okhuma anamwane mpakha atthu aalupale, anaaphelatja nkhira mpakha olamwa ahoonaka.¹²Nto, alopwana ale enli yahin'himerya Loti: ''Akhala-tho akina va? Axitthepa, anamwane alopwana, alopwana athiyana ni akina mwaatjuwen'nyu n'hina mwa epoma, mwaakumihemo. ¹³Okhala wira nintthuna okwakwanyula nipuro nla, okhala wira tjitthu tjootakhala tjiniraneya nipuro nla tjin'niphiya wa Apwiya ni Owo oniruma wira ninyanye''.¹⁴Loti ahikhuma khurowa olavula ni axitthepa awe, alopwana yatthuna wathela anaawe ni khwahimerya: ''Vowakuveya, nkhume nipuro nla okhala wira Muluku wananano ontthuna okwakwanyula opuro ola''. Nto, wa axitthepa awe, owo akhala ntoko onnamotha. ¹⁵Orowaka ni oxa, malaikha yahomwakuviha Loti yiiraka: ''Nroweke, mwaakuxe amwarinyu ni aniinyu ari va wira ahikwe ni epoma''.¹⁶Vano, okhala wira owo anipitja, alopwana ale yahinvara matata awe, ntoko ni amwarawe ni anaawe, okhala wira Muluku ahimonela othunku. Awo yahunrowana ota wa epoma. ¹⁷Ni wahonaneya, awo yarowana ota, nlopwana m'motja ahira: ''Ntthyawe mwaha wa okumi enyu! N'hiwehe ottuli, n'nakhala n'hemele vakhiviru. Ntthyawele omwako, wira n'hikhwe''.¹⁸Loti ahiira: ''N'nari, xontte, mpwiya aka! ¹⁹Nto nrumeyi enyu on'noona mahala wa nyuwano okhala wira mun'nikavaha mahala nvuluxaka okumi aka, nto miyano nkikhanle oorowa omwako okhala wira onyanyiya nwo onakiphwanya ni kinaakhwa. ²⁰Nto yookhala epoma eri vakhiviru nwe. Xontte, nkihiye wira kitthyawele wenwe, (eyo khahiyo yankhini?) ni okumi aka onamopowa''.²¹Pwp ahiira: ''Vekekhayi, miyano-tho kinvaha eyo yoolepela, wira miyano nkin'nyanya epomaa eyo nyuwano ehim'menyu. ²²Mwaakuveye! Murowe wenwo, okhala wira nkikhanle oopaka etthu nyuwano n'hinatthi ophiya''. Vano nto, epoma yiihaniya Zoar.²³Loti aphiyaka Ozoar ntjuwa niira nikhumalene. ²⁴Nto, Muluku ahiruha enxofre ni moro Osodoma ni Ogomora. ²⁵Muluku ahinyanya ipooma iye, elapo yootene, atthu otene ni miri tjootene tjaamela vatthayani.²⁶Amwarawe Loti, yaari ottuli wawe, yahiweha ottuli ni khupakeya elatarato ya makha. ²⁷Abrahaamu vaxalyaya ahikhuma arowaka nipuro aryawe ni Muluku. ²⁸Owo ahiweha Osodoma ni Ogomora ni elapo yootene. Ahiweha mwiixi wakhuma vathi orowaka otjulu ntoko mwiixi wa onfornoni.²⁹Nto, okathi Muluku anyanyalyawe epoma yootene, ahimupuwela Abrahaamu khunkumiha Loti mpoma m'me, okathi aanyanyawe epoma yakhalawe Loti.³⁰Nto Loti ahikhuma Ozoar, wira akhaleke omwako ni anaawe, okhala wira amoova okhala Ozoar. Nto, ahikhala nipuro nimotja muntjepeni, owo ni anaawe.³¹Oopatjeriya ahin'himerya ookhitjeriya: ''Tithihu ohuluvala ni khokhalale nlopwana vakhiviru wira orupe ni hiyano ntoko yoolimalela ya atthu otene. ³²Nwe, nkihiye kinvahe tithihu evinyu wira nirupane nihalane nloko nawe''. ³³Awo yahinvaha evinyu tithi aya ohiyu yoole. Nto, oopatjeriya ahirowa orupa ni tithi awe; owo khatjuwela okathi vampathalyawe hata vavinyalyawe.³⁴Nihiku nikina, mwana oopatjeriya ahin'himeya ookhitjeriya: ''Va, ohiyu ovirale, miyano kahirupa ni tithi. Nrowe-tho ninvahe evinyu ohiyuula, nto nyuwano nrowe ni mwarupane, wira niihalane nloko nawe''. ³⁵Nto, awo yahinvaha evinyu ohiyo yoole ni mwaana okhitjeriya ahirowa orupa ni atithi awe. Owo khatjuwenle okathi arowalyawe wumpathi hata avenyaka.³⁶Nto, anamwane owenli a Loti yahirupalihiya ni atithi aya. ³⁷Mwaana oopatjeriya ahin'yara nlopwana, yoowo amwihalyawe Moabi. Owo ahikhale tithi a atthu yaakhala omoabi. ³⁸Okitjerya ahin'yara-tho nlopwana, yoowo amwihalyawe Ben-Ami. Owo tithi a atthu ankhala waamonita olelo.

¹Abrahaamu ahikhuma nwe arowa okhaka Oneguebi ni khukhala eriyari wa Okati ni Osur. Owo aari nletto akhalaka Ogerar. ²Abrahaamu ahihimya mwaha wa amwarawe Sara: ''Owo nrokoraka''. Nto, Abimeleki, mwene a Ogerar aharuma arumeyi awe wira anrowele Sara wira anthele. ³Vano Muluku ahinwela Abimeleki moolohani, ohiyu, ni khun'himerya: ''Nyuwano mwa nlopwana ookhwa mwaha wa nthiyana onkuxalenyu, okhala wira owo ootheliya''.⁴Vano, Abimeleki, iira ohinatthi onrupana, ahira: ''Apwiya, n'namwinva nloko noohittheka? ⁵Khahiyo yowo okihimeeryale wira: 'Nrokoraka?'. Ni owo-tho ookihimerya: 'Ole mun'naka'. Miyano kipakale eyo ni ekekhayi varohoni vaka ni vohittheka munina mwa m'matatani mwak''.⁶Nto, Muluku ahimwaakhula moolohani: ''Ayo, Miyano kootjuwela wira nyuwano mpakale eyo ni ekekhayi varohoni venyu ni-tho kihokottihani ottheka wa miyano, tivo, miyano nkohiyaleni mun'kwataka. ⁷Wanano, munttikiherye nthiyano owo wa wan'nyawe, waholo owo profeta ni onimolompelani ni nyuwano n'naavona. Vano, nyuwano mwahinttikihe, n'namookhwa i amutji enyu''.⁸Abimeleki ahivenya vaxakaru ni khuwihana ananteko awe otene. Owo ahahimerya alopwana owo tjitthu in'yo tjotene, yahanle yoovaka. ⁹Nto, Abimeleki ahimwihana Abrahaamu khun'himerya: ''Enipakelalenyu exeni? Kootthekenleni exeni, mpaka nyuwano okiwanela ottheka n'no nlaponi mwaka? Mookipakela etthu ehinrerela opakiya''.¹⁰Abimeleki ahin'himerya-tho Abrahaamu: ''Exeni yoopakihaleni tjittthu tjen'ya?. ¹¹Abrahaamu ahakhula: ''Miyano kaniihimerya: 'Veekekhayi elapo ela khonooviya Muluku ni atthu ala onikinva mwaha wa amwaraka'. ¹²Ohiya-vo, veekekhayi ola nrokoraka, mwana a atithi aka, nto khahiyo mwana a emeya aka; ni khuwa okhala nrokoraka.¹³Okathi Muluku okikumihalyawe wa atithi aka, miyano kahin'himerya Sara: 'Nyuwano n'hana nkoniheryaka ekekhayi ntoko amwaraka: Wakhula nipuro nintthunehu orowa, n'nahimya wa miyano: Ola mun'naka'''. ¹⁴Nto, Abimeleki ahikuxa ipwittipwitthi ni inyompe; ipottha alopwana ni athiyana ni khunvaha Abrahaamu. Ni khunttikiherya Sara, mwaarawe Abhaamu.¹⁵Abimeleki ahira: ''Maathala aka ari wa nyuwano. Nkhaleke vantthunenyu''. ¹⁶Ni ahin'himerya Sara: ''Konvaha mun'ninyu ntjurukhu woophiyaka ekonto emotja ya eparatha, mwaha wooveheya wenyu, oholo wa atthu enyu otene; tjituam'mo, moolamuliya oholo wa atthu otene''.¹⁷Ni Abrahaamu aahinlompa Muluku ni Muluku ahinvoniha Abimeleki, amwarawe ni axihawala awe, wira ayareke. ¹⁸Okhala wira Muluku ahitthuna wira owan'nyawe Abimeleki ohikhale nthiyana ooyara, mwaha wa Sara, mwaarawe Abrahaamu.

¹Muluku ahinweha Sara, ntoko tjitjam'mo ahimalyawe, ahimpakela tjitjam'mo ahimalyawe. ²Sara ahirupala khun'yara mwana awe Abrahaamu uluvalalene, okathi ahim'mye Muluku. ³Abrahaamu ahimwihana mwanawe, yowo ayariye ni Sara, ni ntjina Isaki. ⁴Abrahaamu ahimun'nuwiha mwanawe arinene mahiku thanu nattharu, ntoko tjahimalyawe Muluku.⁵Abrahaamu oyariyaka mwanawe Isaki aarina iyakha emiya emotja. ⁶Sara ahira: ''Muluku okitheiha; otene yinwale atheya ni miyano''. ⁷Ni ahatjererya: ''Tipani aakupali wira Abrahaamu ni Sara yankhalana mwana? Konvaha mwana ooluvalalene!''.⁸Mwana ole ahin'nuwa khuhiya waamwihiya, ni Abrahaamu ahipaka niira nintji nihiku Isaki ahiyalyawe waamwa. ⁹Sara ahinweha mwana a Agar, a Wegitu anvahalyae Abrahaamu, onvehaka Isaki.¹⁰Nto, owo ahin'himerya Abrahaamu: ''Mwiikare epottha ela ni mwana aya, waholo mwana ola khonkhala namahalana ni mwana aka Isaki''. ¹¹Molumo awo yahinwereya Abrahaamu mwaha wa mwana awe.¹²Vano, Muluku ahin'himerya Abrahaamu: ''N'hixanke mwaha wa mwana ni epottha eyo. Mwinwe molumo otene anihimya Sara mwaha wa nlattu owo, okhala wira ontthuna okhala mwaha wa Isaki nloko nenyu nintthunaya wihaniya. ¹³Miyo-tho kinapaka nloko nintji ni mwana a nrumeyi, okhala wira owo nloko nenyu''.¹⁴Abrahaamu ahivenya vahinatthi oxa, ahikuxa ephau ni matji ni khunvaha Agar, ompweheryaka m'makhatani mwawe. Owo ahinvahererya mwana khunlaxerya. Owo ahikhuma khuneetta moothakoni mwa o'Berseba. ¹⁵Okathi matji yamalalyaya, owo ahin'hiya mwana vantthutjini. ¹⁶Nto, owo ahirowa okilathi ottaiwene, okhala wira ahira: ''Miyano inkinoona okhwa wa mwana, ahunla ventji.¹⁷Muluku ahinwa wunla mwana ole, ni Nlaikha na Muluku ahimwihana Agar wiirimu ni khun'himerya: ''Exeni erinenyu, Agar? N'hoove, waholo Muluku ohinwa ntju na mwana oryawe. ¹⁸Nvenye, munvenxe mwana ni munvarele ntata nawe, waholo kinopaka nloko nuulupale''.¹⁹Nto, Muluku ahitthukula mentho, ni owo ahiweha ehime. Owo ahirowa, ahitjariha matji munttonkani khunvaha mwana. ²⁰Muluku ari ni mwana; owo ahin'nuwa, ahikhala woothakoni khukhala namareetthe. ²¹Owo aakhala woothakoni wa Opara, ni ameya awe yahintheliha nthiyana a Wegitu.²²Mahiku ale, Abimeleki ni Fikoli, n'holeli a anakhotto awe, yahin'himerya Abrahaamu, yiiraka: ''Muluku onkhala ni nyuwano mwa tjotene tjinirenyu. ²³Wanano, vano, nkilaphele va, mwa Muluku, wira khimunikeettiherya voowotha miyano, n'nakhala mwana aka, n'nakhala ntjulu aka. Nkoniherye miyano ni etthayana nkhalenyu mahala mamotja kiniwoniheryakani miyano''. ²⁴Abrahaamu ahira: ''Miyano kin'nilapha''.²⁵Ni Abrahaamu ahitjinla oholo wa Abimeleki mwaha wa ehime ananteko awe Abimeleki yakhottihaya. ²⁶Abimeleki ahira: ''Miyano nkintjuwela apakale eyo. Ni-tho khankihimeryale eyo khalayi; nkinaatthi winwa eyo mpakha olelo''. ²⁷Nto, Abrahaamu ahikuxa epwitipwitthi ni enyompe khunvaha Abimeleki, ni owenli yahipaka waataana.²⁸Abrahaamu ahipweha mphantti nkina ipwittipwitti tjoothiyana thanu napili. ²⁹Abimeleki ahin'himerya Abrahaamu: ''Enihimya exeni ipwittipwitthi n'ya tjipwehalenyu mphantti nkina?''. ³⁰Owo ahakhula: ''Ipwittipwitthi n'ya munrowa waakhela wira tjikhale ntoko namona wira ti miyano kithipale ehime ela''.³¹Nto, owo ahihana nipuro nle Berseba, okhala wira owenli yaalipha. ³²Awo yahilapha Oberseba, Abimeleki ni Fikoli, n'holeli a anakhotto awe, yahitthikeka etthaya yamafilisti.³³Abrahaamu ahaala mwiri Oberseba ni vale ahakhuwelela Apwiya. ³⁴Muluku ohinimala. Abrahaamu nlelo ahikhala ntoko nletto etthaya ya mafilisti mahiku mentji.

¹Wahonaneya, nuvira tjitthu n'ya, Muluku ahintteha Abrahaamu khwiira: ''Abrahaamu!'' Owo ahakhula: ''Kiri va''. ²Ni Muluku ahira: ''Mwinkuxe mwaninyu, yowo onimphentenyu, Isaki, ni nrowe nttetthe wa Omoriaa; ni mwanvahererye vale ntoko nkuttho, eriyari va mwako onkelaka owoniheryani''. ³Ni Abrahaamu ahivenya vahinatthi oxa, khunreherya buru awe, ahakuxa amiravo awe enli, vamotja ni Isaki, mwanawe, ni khwiikittha ikhuni tja nkuttho. Nto, ahikhuma ni buru awe arowaka nipuro Muluku amonihenryawe.⁴Nihiku na eneeraru, Abrahaamu ahivenxa mentho khuweha nipuro nlo ottaiwene. ⁵Abrahaamu ahahimerya amiravo awe: ''N'halatje vava ni buru, ni miyano ni m'miravo n'narowa mpakha nwe. Hiyano ninrowa okokhorela numala n'nawa wa nuwano''. ⁶Nto, Abrahaamu ahikuxa ikhuni tja nkuttho ni khunreya Isaki, mwanawe. Ahikuxa moro ni mwaalo m'matatani mwawe khunarowa vamotja.⁷Ni Isaki ahin'himerya tithi awe, Abrahaamu: ''Tithi aka!''. Owo ahakhula: ''Miyano kiri va, mwanaaka''. Ni owo ahira: ''Ikhuni ni moro tjiri va, nto enamene eri vayi ya nkuttho?''. ⁸Abrahaamu ahira: ''Muluku onaapaka miirirya ni onanwana mwaapwittipwitthi, mwanaka''. Ni yanirowa vamotja.⁹Okathi waaphiyalyaya nipuro Muluku oniheralyawe, Abrahaamu ahapaka altari ni khupweherya ikhuni; ahintthukwa Isaki, mwanawe, ni khumpweha vatjulu va altari, vakhunini. ¹⁰Ni ompweheryaka matata, ahikuxa mwaalo khunatthuna ompaka nkuttho mwanawe.¹¹Nto, Nlaikha na Muluku nahimwihana wiirimu khun'himerya: ''Abrahaamu, Abrahaamu!''. Ni owo ahakhula: ''Miyano kiri va''. ¹²Ni Nlaikha nahira: ''N'himwintjatherye matata m'miravo owo, n'nakhala n'himwirihe yootakhala, waholo kotjuwela wira mun'nimoova Muluku, okhala wira khankikhoottelale mwanenyu, mwanenyu m'mootjaru''.¹³Abrahaamu ahiweha wirimu khunweha mwapwittipwitthi apharale mphantti awe nkina. Abrahaamu ahirowa, khunkuxa mwapwittipwitthi khunvaha nkuttho nipuro na mwanawe. ¹⁴Abrahaamu ahitthana nipuro nle: ''Muluku onapaka miirirya'', nenlo n'nihaneliya mpakha olelo, ''Omwaako wa Muluku, onakhumelela miirirya''.¹⁵Nlaikha na Muluku naahitthikela omwiihana Abrahaamu va enenli, wiirimu, ¹⁶ni khwiira: ''Wa Miyano koolapha, onihimya t'Apwiya, okhala wira moopaka eyo khankikhottelale mwanenyu, mwanenyu m'motjaru, ¹⁷veekekhayi kinareliha nloko nenyu ntoko ithenenri tja wiirimu ni-tho ntoko ethhaya ya mphareya; ni ootjulu enyu onaaxintta epoma ya awanani aya.¹⁸Mwa otjulu enyu, anooreriya maloko otene a vathi, waholo nyuwano n'hiwelela ntju Naka''. ¹⁹Nto, Abrahaamu ahitthikela waari amiravo awe, ahikhuma vamotja arowaka Oberseba. Ni owo ahikhala Oberseba.²⁰Ni wahiraneya, numala ovira tjitthu n'ya, ahihimeriya Abrahaamu: ''Milika onvaha anamwane mun'ninyu Nawor: ²¹Uz, ompatjeryawe; Buz, mun'nawe; Kemuel, tithi awe Arao; ²²Kesedi; Hazo; Pildas; Jidlafi ni Betuel''.²³Betuel ahin'yara Rebeca. Milca ahayara anamwane ala thanu nattharu a Nawor, mun'nawe ABrahaamu. ²⁴Hawalawe Nawor, ntjina nawe iiriya Reuma, ahin'yara Teba, Gaao, Taasi ni Maaca.

¹Sara ahikhala miyakha tjoophiyaka imiya pili ni miloko mili ni thanu napili. Ala yaari mahiku Sara yakhalalyawe. ²Sara ahikhwa Okiriati-Arba, ori Hebrom, nttetthe wa Okanani. Abrahaamu ahikhupanyerya khumunlela Sara.³Nto, Abrahaamu ahivenya, ahikhuma vaari erutthu ya amwarawe yaakhwale ni khulavula ni nloko na Hati, iiraka: ⁴''Miyano ka nletto eriyarenyu. Xontte, nkitthuniherye nipuro nimotja wira kipake mahiye, wira miyano kaavithe-mo amwaraka akhwaale''.⁵Nloko na Hati nahiwakhula Abrahaamu, niiraka: ⁶''N'niinwe, pwiya aka. Nyuwano mwa mwene a Muluku wa hiyano. Munvithe mwarinyu mapuro ehu ootepaxa orera. Khuuvo wa hiyano ontthuna wookhottiheryani mahiye, wira mwaavithe amwarinyu''.⁷Abrahaamu ahivenya, ahakokhorela atthu a vathi, nloko na Hati, ⁸ni khwaahimerya iiraka: ''Nyuwano mwakithuniherya wira miyano kaavithe amwaraka vatthayani venyu, nto, nlavule wa miyano n'hina mwa Efrom, mwanawe Zoar. ⁹M'mulepele wira akitumiherye nttetthe wa Makpela, eri yawawe, yeeyo eri nkherere mwa ematta awe; wira akitumiherye ni ntjurukhu onirerela, ntoko yoohalana mahiye eriyari enyu''.¹⁰Nto, Efrom hetewu, akilathale eriyari ya Heti, ahimwakhula Abrahaamu, wira yinwe okhuma atthu yakhula wetewu ni ale yakhumale nttetthe awe, iraka: ¹¹''N'naari, pwiya aka, nkinwe. Kin'novahani nipuro ni nxepa nirinaya. Kin'novahani oholo wa nloko na atthu aka wira mwaavitheke amwarenyu''.¹²Nto, Abrahaamu ahikokhora oholo wa atthu a nttetthe yoole ¹³ni khun'himerya Efrom, oholo wa atthu ale otene, iraka: ''Warookhala mootthuna, kin'nolipelani wira nkinwe. Kinooliva etjitjapo yoorerela wa etthaya ele; mwaakhele wa miyano, ni vale kinamwavitha amwaraka''.¹⁴Efromo ahimwakhula Abrahaamu, iraka: ¹⁵''Xontte, pwiya'ka, nkinwe. Nipuro nimotja ninkhala imiya tjese tja eparatha. Exeni yeeyo wa miyano ni nyuwano? Mwaaitheke amwarinyu akhwale''. ¹⁶Abrahaamu ahinwa matju a Efrom ni khunlemela ntjurukhu wahimalyawe wa eparatha ahimalyawe oholo wa nloko na Heti, imiya tjese tja eparatha, ntjurukhu wa anamatumiha.¹⁷Tjitjam'mo, etthaya ya Efrom, yaari Omakpela, waattamela Omanre, eyo piyo, ematta, nxepa ni miri tjaari wenwo ni tjotene tjaari nkherekhere ahivahiya ¹⁸Abrahaamu oholo wa atthu otene a Oheti ni ale yakhumale nttetthe awe.¹⁹Numala eyo, Abrahaamu ahinvitha Sara, mwarawe, nxepa na Omakpela, waattamela Omanre, ori Hebrom, nttetthe a Okanani. ²⁰Tjitjam'mo, ematta ni nxepa nahivahiya Abrahaamu ntoko nipuro noovitha.

¹Abrahaamu ahuluvala, ni iyaka tjintji, ni Muluku ahinreliha Abrahaamu wa tjitthu tjotene. ²Abrahaamu ahin'himerya nrumeyi awe, muulupale a etthoko awe ni n'holeli wa tjitthu tjotene tjaariwo. ''Mpweherye ntata nenyu vatarani waka, ³ni miyano kinamoolaphihani oholo wa Apwiya, Muluku a wirimu ni Muluku a vathi, wira nyuwano khan'ninkuxa nthiyana Okanani munvahaka mwanaka, yawo miyano kinkhalaka. ⁴Nto nyuwano n'narowa elapo aka ni amutji aka ni n'naarowa onkuxa nthiyana munthelihe mwanaka Isaki''.⁵Nrumeyi ahira: ⁶''Wakhala nthiyano owo khonrowa otthuna okitthara mpakha elapo ela? Kinkuxeke mwaninyu kinttikiheryaka elapo ewalyawe?''. Abrahaamu ahin'himerya: ''Muhinkuxe mwanaka munttikihaka! ⁷Apwiya, Muluku a wirimu, okikuxale eriyari ya amutji aka ni elapo aka ni natiri khukilaphela iraka: 'Wa nloko nenyu', Owo onaruma Nlaikha nawe nyuwano n'hinatthi, ni nyuwano n'nankuxa nthiyano wu.⁸Vano, wakhala nthiyana owo khonrowa otthuna wootttharani, nto, nyuwano munrowa okhala ootaphuwa wa yoolaphaka ela. Nto muhinkuxe mwanaka munttikiheryaka owani''. ⁹Nto, nrumeyi ahintjatherya ntata nawe vatarani va Abrahaamu, apwiya awe, ni khunlaphela owo mwaha owo.¹⁰Nrumeyi ahikuxa ikamelo muloko tja apwiya awe khunarowa. Owo-tho ahikuxa mirerelo tja apwiya awe. Ahikhuma arowaka Omasopotamiya, epoma ya Nawor. ¹¹Owo ahikokhoriha ikamelo ota wa epoma, waattamela vehimeni wa matji, orowaka winla, okathi athiyana ankhumaya arowelaka matji.¹²Ni ahira: ''Apwiya, Muluku a apwiya aka, Abrahaamu, olelo nkivahe oxintta ni nkoniherye mahala mwaha wa pwiya aka Abrahaamu. ¹³Miyano kiri va, vehimeni wa matji, ni anamwane a atthu an'niwa orika matji. ¹⁴Viranye tjitjam'mo. Miyano kan'himerya mwaavani nthiyana: 'Xontte, muramihe nrinki enyu wira miyano kimurye', ni owo okihimerya: 'M'muryeke, ni miyano kinamuriha-tho ikamelo tjenyu', nto, owo onrowa okhala Ole Nyuwano Munthanlalenyu wira akhale mwarawe Isaki. Tjitjam'mo, kinaatjuwela n'honiherya mahala wa apwiya aka''.¹⁵Ni wahiraneya, owo nlelo ohinatthi omaala olavula, Rebeca ahiwa ni nrinki awe akuxalene. Rebeca ari mwanawe Betuel, mwanawe Milca, mwarawe Nawor, mun'nawe Abrahaamu. ¹⁶Mwaavano ole ari oorera, harutji, yoowo iira ahinatthi ontjuwela nlopwana. Owo ahirowa vehimeni, ahitjariha nrinki awe khunarowa.¹⁷Nto, nrumeyi ahitthimaka orowaka okumana khun'himerya: ''Xontte, nkivahe matji vakhani munrinkini mwenyu''. ¹⁸Owo ahira: ''M'muryeke, pwiya aka'' ni vowakuveya ahuramiha nrinki awe khunvaha matji.¹⁹Okathi owo apheralyawe onvaha matji, ahira: ''Miyano-tho konoovaha ikamelo tjenyu, mpakha iyo omala omurya''. ²⁰Nto, owo ahakuveya, ahimaliha matji munrinkini mwawe voowakuveya, ahitthimaka-tho arowaka wehimeni orowa orika matji ni ahirika khuvaha ikamelo tjawe tjotene.²¹Nlopwana ole ari oomala wira omwinwe Muluku yakhala wira yotthuneya ele ehiraneya. ²²Ni wahiraneya, numala ikamelo omala omurya, nlopwana ole ahikuxa ewero yahalale, yaalemela, ni ipurcera pinli wira oware m'moononi, elemelaka voophiyerya ikilu muloko tja wero ²³ni khunkoha: ''Nyuwano mwa mwana aawani? Nkihimerye, xontte, watithinyu nookhala nipuro wira nivirihe ohiyu?''.²⁴Owo ahin'himerya: ''Ka mwana a Betuweli, mwana a Milka, yowo ayarihiyawe ni Nawor''. ²⁵Owo ahihimya-tho: ''Khothowale opuro oniphiyerya oviriha ohiyu''.²⁶Nto, nlopwana ole ahikokhora khwaattottopela Apwiya. Owo ahira: ²⁷''Attottopeliye Apwiya, Muluku a pwiyaka Abrahaamu, ahihiyale orera Wawe ni Ekekhayi Awe ni pwiya aka. Wa miyano, Muluku aka okirohale owan'yawe pwiya'ka''.²⁸Nto, nthiyano ole ahitthimaka arowaka wahimerya amutji awe tjotene tjiiraneyale. ²⁹Vano, Rebeca ahikhala nrokorowe, ni mun'nawe ihaniwa Labao. Ni Lababao ahitthmaka arowaka vankhora varyawe nlopwana ole, waattamela vehimeni. ³⁰Numala owo oweha ewero ni ipurucera m'moononi mwa min'nawe ni numala winwa moolumo a mun'nawe Rebeca: ''Tiyeyo nlopwana ole okihimeralyawe'', owo ahirowa waari nlopwana, ni owo ari waattamela ikamelo, vehimeni.³¹Ni Labao ahira: ''Nrwe, oorelihiya ni Apwiya. Mwaha wa xeni nrinyu ota nwo? Miyano kooreherya enupa ni nipuro wira tjikhale Ikamelo. ³²Nto, nlopwana ole ahirowa etthoko ele ni khitaphula Ikamelo. Ikamelo iye tjahivahiya yoolya, ni yahiwaniya matji wira orapihe metto tjawe ni metto tja alopwana yarinawe.³³Ahivahiya yoolya, vano owo ahira: ''Nkinlya kihinatthi ohimya entthunaka ohimya''. Nto, Labao ahira: ''N'himyeke''. ³⁴Owo ahira: ''Miyano ka nrumeyi awe Abrahaamu. ³⁵Apwiya atepaxa wareliha apwiya'ka, ni owo on'nin'nuwa. Owo okivaha ipwittipwitthi ni inyompe, eparatha ni ewero, ipottha tjoothiyana ni tjoolopwana, ikamelo ni aburu.³⁶Sara, amwarawe pwiya'ka, yiira yuluvanlene okathi on'yaralyaya mwana. Ni owo onvaha tjotene tjarinawe. ³⁷Pwiya'ka okilaphiha, iraka: 'N'hinthelihe mwana'ka axithiyana a akanani, wonwo miyano onkhalaka. ³⁸Ohiya vo, nrowe elapo aka ni waamutji aka ni mwanthelihe mwana aka'.³⁹Miyano on'himerya pwiya'ka: 'Kinoonaka nthiyana owo khontthuna okitthara'. ⁴⁰Vano owo okihimerya: 'Apwiya, yowo miyano oninttharaka, onaaruma Nlaikha Nawe, ni owo onimun'nuha ephiro enyu, wira m'muthelihe mwana'ka nthiyana a elapo aka ni n'hina mwa amutji aka. ⁴¹Vano on'narowa otthukuwa n'hina mwa yoolapha eyo nyuwano mwarowa wamutji aka ni nthiyano okhotta woottharani. Vano, n'naataphuwa mwa yoolapha eyo'.⁴²Nto, olelo koophiya waattamela vehimeni ni khwira: 'Apwiya, Muluku a pwiya'ka Abrahaamu, mwatthuna tjitjo, nkivahe owerya mwa ele entthunaka opaka. ⁴³Miyano kiri va, waattamela vehimeni. Nthiyana ontthuna owela matji, yoowo miyano ontthuna'ka wira: 'Xontte, nkivahe matji vakhani munrinkini mwenyu wira kimurye', ⁴⁴ni nthiyana owo khokihimerya: 'M'muryeke, ni kiawanela matji ikamelo tjenyu', ni nthiyana owo khokihimerya', okhale nthiyana Nyuwano, Apwiya, moonthala nthiyana owo wira akhale mwarawe mwanawe pwiya'ka'.⁴⁵Hata miyano kihinatthi omaliha varohoni vaka, Rebeca ahiwa ni nrinki awe okapattaleni vanikhatani vawe ni khukhuruwela omuro wira arike matji. Nto, miyano kihin'himerya: 'Xontte, nkivahe matji kimurye'. ⁴⁶Owo vowakuveya ohurmiha nrinki awe ni khokihimerya: 'M'muryeke ni-tho kinovaha ikamelo tjenyu'. Nto, miyano kimurya ni khovaha ikamelo tjaka wira tjimurye.⁴⁷Miyano kihinkoha, kiiraka: 'Nyuwano mwa mwana apani?'. Owo khwira: 'Kamwana a Betuweli, mwana a Nahori ni Milika'. Nto, miyano khunwariha ekharawa vaphulani vawe ni maniya m'moononi mwawe. ⁴⁸Nto, kirukunuwa kaakokhorela Apwiya, ni kaattottopela Apwiya, Muluku a pwiya'ka Abrahaamu, okittihale ephiro yeekhweli ni khumphwanya mwana a nloko nawe wira atheliye i mwanawe.⁴⁹Vano nto, mwaireheryalene wira m'mweettiherye pwiya'ka ntoko m'muntji, veekhweli ni voororomeleya, nkihimerye. Vano nto, nkihimerye, wira miyano kitthare ephiro mono woolopwana wala voothiyana''.⁵⁰Nto, Labawu ni Betuweli yahakhula, yiiraka: ''Eyo enwa w'Apwiya; hiyano khanikhanle owohimeryani etthu yootakhla hata yooreera. ⁵¹Rebeca ori ohowo wenyu. M'mukuxeke nreeke, wira owo akhale mwarawe a mwana a pwiyenyu, ntoko Apwiya tjihimalyaya''.⁵²Okathi nrumeyi awe Abrahaamu owinwalyawe, ahakokhorela Apwiya. ⁵³Nrumeyi ahiwana eparatha ni ewero ni ikuwo khunvaha Rebeca. Owo-tho ahavaha itthu tjoorera amaya awe ni nrokorawe.⁵⁴Yahilya ni khumurya owo ni alopwana yarinawe. Yahiviriha ohiyu wonwo, yaavinyalyaya vaxaakaru, owo ahira: ''Nkihiye kirowe wapwiya'ka''. ⁵⁵Nrokorawe ni mayawe yahira: ''Mun'hiye nthiyana ola okhale ni hiyano n'hiona mwana mahiku muloko. Numala onaakhuma''.⁵⁶Vano owo ahahimerya: ''N'hikikhottihe, okhala wira Apwiya areliha ephiro aka''. ⁵⁷Awo yahira: ''N'naamwihana nthiyana owo wira ninkohe''. ⁵⁸Nto, awo yahomwihana Rebeca ni khunkoha: ''N'naarowa ni nlopwana ola?''. Owo ahakhula: ''Kinaarowa''.⁵⁹Nto, ahirum'mwa mun'nawe Rebeca ni eleti, veekwahani vawe, ni nrumeyi awe Abrahaamu ni alopwana awe. ⁶⁰Awo yahinriliha Rebeca ni khunhimerya: ''Mun'nehu, nkhale mayi a maloko mentji ni nloko nenyu nikhale mukhora ale anoonyokhani.''.⁶¹Nto, Rebeca ahivenya ni, vamotja ni arumeyi awe, khukhuma ni ikamelo ni khwaatthara alopwana ale. Vowakuveya nrumeyi ahinkuxa Rebeca khunatthara ephiro awe. ⁶²Vano, Isaki akhaa Oneguebi ni ira amalalene otthika Obeer-Laayi-Royi.⁶³Isaki ahirowa olompa omatta, varowaka niwinla. Numala owo oweha otjulu, ahiweha wira tjaniwa ikamelo! ⁶⁴Rebeca ahoweha ni, numala onweha Isaki, ahitupha vakameloni ni ⁶⁵khun'himerya nrumeyi: ''Nlopwana ole tipani oneetta awaka oniphwanya?''. Nrumeyi ahira: ''Pwiya'ka''. Nto, owo ahikhunelela ni ikuwo awe.⁶⁶Nrumeyi ahin'himerya Isaki tjotene tjiraneyale. ⁶⁷Nto, Isaki ahakuxa arowanakam'muxaxani mwamayawe, Sara, ni khunkuxa Rebeca, aari mwaarawe, ni owo animphenta. Nto, Isaki ahimalihiya numala okhwa amayawe.

¹Abrahaamu ahinkuxa nthiyana nkinaku; ntjina nawe ihaniya Ketura. ²Owo ahin'yara mwana iihaniya Zinra, Jokisa, Midia, Isipaki ni Suwa. ³Jokisa ahikhala tithi a Seba ni Deda. Atthu Assurimi, Letusimi ni Leumini yaari a nloko na Deda. ⁴Anamwane a Midia yaari Efa, Eferi, Hanoki, Abida ni Elida. Otene ala yaari a nloko na Ketura.⁵Abrahaamu ahinvaha tjotene tjaarinawe Isaki. ⁶Nto vo, nlelo oryene nkumi, anavaha mirerelo axihawalawe ni ahireha onikhuma epheyo, ottaiwene wa Isaki, mwanawe.⁷Ala mahiku Abrahaamu yakhalalyawe: emiya emotja ni miloko thanu napili ni thanu. ⁸Abrahaamu akhwale ni uluvanlene tjana, owuluvala ni ekumi yeekhweli ni anarowa okhala vamotja ni nloko nawe.⁹Isaki ni Ismael, yahinvitha Omakipela, etthaya ya Efrom, mwanawe Zowari, a wetewu, waattamela Omanre. ¹⁰Abrahaamu arothuma nttetthe ola ni anamwane a Wetewu. Owo avithiye vamotja ni Sara, amwarawe. ¹¹Numala okhwa wawe, Muluku ahinreliha Isaki, mwanawe, ni Isaki akhala waattamela Obeer-Laai-Roi.¹²Nla nloko na Ismael, mwanawe Abrahaamu, yowo Agar, nrumeyi awe Sara, anvahalyawe Abrahaamu.¹³Ala yaari matji a anaawe Ismael, ottharelaka oyariya waya: Nebaiyoti, ompatjeryawe Ismael, Kedar, Abidili, Mibisawu, ¹⁴Misima, Duma, Massa, ¹⁵Hadadi, Tema, Jeturi, Nafisi ni Kedema. ¹⁶Ala yaari anaawe Ismael ni matjinaya, vamotja ni ilapo tjaya ni mixaxa tjaya; aholeli muloko amotja ni mahimo aya.¹⁷Ala mahiku Ismael akhalalyawe: emiya emotja ji miloko miraru ni thanu napili. Owo ahimumula ni khukhwa, ni khukhala ni nloko nawe. ¹⁸Awo yakhala okhuma Wavila mpakha Suri, waattamela Wegitu, ntoko ntthu onrowa Wassiriya. Awo yaakhala vowiwanana nkina ni nkhwawe.¹⁹Iya itthu tjinimwira mphantti Isaki, mwanawe Abrahaamu. Abrahaamu ari tithi ae Isaki, ²⁰ni owo arinaiyakha miloko mitjese onthelaka Rebeca, mwanawe Betuweli, ari a Opeta-ara nrokorawe Labawu.²¹Isaki ahalompa Apwiya mwaha wa amwarawe, okhala wira khayara ni Apwiya yahinwa olompa wawe; Rebeca, amwarawe, yahirupala. ²²Anamwane yaninyakulihana n'hina mwawe, ni owo ahira: ''Mwaha wa xeni enkiranelaya eyo?''. Ni ahirowa onkoha Muluku.²³Apwiya yahira: ''Ari maloko menli mwerukuluni mwenyu, ni maloko menli anakawaneya n'hina mwa m'mirimani mwenyu. Nloko nimotja nintthuna okhala noolipa wovirikanya nikina, ni mulupale onanrumelaka mwankhini''.²⁴Waphiyalyaya okathi wooyara, yaari maphapo m'mirimani mwawe. ²⁵Oopatjerya okhuma ari otjareya manri ni oorera, ntoko enama ya manri. Ni ahitthaniya Esawu. ²⁶Waholo, ahiwa mun'nawe, ni matata awe avarela n'nawu na Esawu. Ni ahitthaniya Yakobi. Isaki arina iyakha miloko thanu namotja amwarawe ayaraka.²⁷Anamwane ale yahun'nuwa, ni Esawu aari namatotha inama, ntthu a ntakhwani; vano, Yakobi aari ntthu oomaala ni akhala okathi muntji m'muxaxani. ²⁸Isaki animphenta Esawu, okhala wira owo anikhura inama mwanawe invawe, ntoko Rebeca amphenta Yakobi.²⁹Nihiku nimotja, Yakobi ahapeya yoolya, numala Esawu otthika otakhwani, ootjareya etala. ³⁰Nto, Esawu ahin'himerya Yakobi: ''Nkivahe yoolya eyo, xontte. Nkirere ovoliya etala!''. Tivo, owo iihaniyawe Edoni.³¹Yakobi ahira: ''Woopatjeryani, nkitumiherye ekhulupalenyu yoopatjeriya''. ³²Esawu ahakhula: ''Kihanle okhwa. Entthuna okirerela exeni etthu iyo yoopatjeriya?''. ³³Ni Yakobi ahitthikela: ''Nkilaphele toko''. Nto, Esawu ahilapha ni, tjam'mo, ahintumiherya etthuvo awe yoopatjeriya. ³⁴Yakobi ahinvaha yoolya mun'nawe. Owo ahilya ni khumurya, nto, ahivenya khunatthara ephiro awe. Tjitjam'mo, Esawu ahikhotta etthuvo awe yoopatjeriya.

¹Yahikhala etala elapo ele, ohiya yoopatjerya, yakhalale mahiku a Abrahaamu. Tivo, Isaki ahirowa wa Abimeleki, mwene a mafilisti, Ogerari.²Ni Apwiya yahinwela khun'himerya: ''N'hirowwe Wegitu, nkhale elapo Miyano kovahalyakani. ³Nkhaleke nttetthe yola, ni Miyano kinookhala i nyuwano ni kinamorelihani; waholo kinamovahani nyuwano ni nloko nenyu elapo ela, ni kimwiira enlaphelalyaka tithi enyu Abrahaamu.⁴Kinamwatjererya nloko nenyu ntoko itheneri tja wirimu, ni kinavaha epyo enyu nttetthe ola. ⁵Kinapaka eyo, okhala wira Abrahaamu anipweha moolumo aka ni yatthunaka, yahimya Aka, tjotthuna Tjaka ni ikettelo Tjaka''.⁶Nto Isaki ahikhala Ogerar. ⁷Okathi atthu a elapo ele yankohalyaya mwaha wa amwarawe, owo ahakhula: ''Nrokoraka''. Vano ahoova wira: ''Taamwaraka''. Owo ahupuwela: ''Alopwana a elapo ela anatthuna okinva wira ahale ni Rebeca, waholo ola tooreera''. ⁸Isaki ahikhala nwe okathi muntji. Ni wahoonaneya wira Abimeleki, mwene a mafilisti, ahoweha watujanelani khunweha Isaki anvaraka Rebeca, amwarawe.⁹Abimeleki ahomwihana Isaki khwiira: ''Tiveekekhayi wira ala taamwarinyu. Nto, mwaha wa xeni n'himalenyu: 'Nrokoraka'? Isaki ahakhula: ''Kamoova winviya mwaha wa yena''. ¹⁰Abimeleki ahira: Mwaha wa xeni mpakalenyu eyo wa kiyano? Waarokhala wa m'motja wa hiyano oorupa ni amwarinyu, mwaamunruhela nlattu''. ¹¹Nto, Abimeleki ahahimerya atthu otene, iiraka: ''Ole ontthuna onkwata nlopwana ola hata amwarawe, vekekhayi onaakhwa''.¹²Isaki ahaala nttetthe ole ni, eyakha yeeyo, ahihepha ventji, okhala wira Apwiya yahinreliha. ¹³Nlopwana ole ahithatjiri ni khwaatjerereya mpakha okhala thaatjiri veekekhayi. ¹⁴Ahikhalana ipwittipwitthi tjintji ni inyompe, ni arumeyi entji, mpakha mafilisti onkhalelaka onramela..¹⁵Ni, tivo, mafilisti yahuhwela ihime tjotene tjathipiye ni arumeyi a Abrahaamu mahiku a Abrahaamu atithi awe. ¹⁶Nto, Abimeleki ahira: ''Nkhume wa hiyano, waholo nyuwano mootepa othaatjiri onivikana hiyano''. ¹⁷Ni Isaki ahikhume nwe, khukhala Ogeari.¹⁸Isaki ahithipa-tho ihime tjathipiue mahiku a Abrahaamu, atithi awe, tjen'yo afilisti yuhwelalyaya, numala okhwa Abrahaamu. Isaki ahivaha matjina ihime iye mamotjaru yawo Abrahaamu ihanenlyawe.¹⁹Tjitam'mo arumeyi a Isaki yaathipalyaya ihime, yahiphwanya matji yaavira. ²⁰Akukhuli a Ogear yahinyakulihana ni akukhulia Isaki, yiiraka: ''Matji ala taawihu''. Tivo, Isaki ahivaha ntjina ihime NA Eseki, waholo wahinyakulihaniya mwaha wa yele.²¹Ni yahithipa ehime ekinaku, ni yahinyakulihana-tho mwaha wa yela-tho; tivo, yihaniyaya Sitina. ²²Ole ahikhuma vale khurowa othipa ehime ekinaku, vano eyo khiyanyakulihaniye. Nto, ahihana Reyoboti, waholo ahira: ''Vano nto Apwiya anivaha nipuro, ni n'namwatjerereya m'muttettheni''.²³Ni Isaki ahikhuma arowaka Oberseba. ²⁴Apwiya yahinwela ohiyu ule ni ahira: ''Miyano Ka Muluku a Abrahaamu, atithinyu. N'hove, waholo miyano kiri ni nyuwano ni kinimoorelihani ni kinimwatjererya nloko nenyu, mwaha wa nrumeyi Aka Abrahaamu''. ²⁵Isaki ahapaka altari vale ni khwakokhorela Apwiya. Vale owo ahipaka muxaxawe, ni arumeyi awe yahithip ehime.²⁶Nto, Abimeleki ahiwa Ogerar ni Ahuzati, mpatthani awe, ni Fikoli, n'holeli a anakhotto awe, wira amphwanye. ²⁷Isaki ahahimerya: ''Mwaha wa xeni nwalenyu mpakha va, wonaneyaka nyuwano mookinyokha khukikara elapo enyu?''.²⁸Ni yahimwakhula: ''Nin'noona ni ekhweli wira Apwiya ari nyuwano. Nto, nootthuna wira ohana okhala olapha wa hiyano, ayo, wa hiyano ni nyuwano. Vano, muntthunele opaka waatana ji nyuwano: ²⁹Nyuwano khamun'ninyokha, ni hiyano n'nawettihakani voorera ni n'naarowa ni nrettele. Vekhweli, nyuwano timoorerihiya ni Apwiya''.³⁰Nto, Isaki ahavahayoolya, ni awo yahilya ni khumurya. ³¹Ni yahivinya vahinatthi oxa khulaphelna nkina ni nkhwawe. Waholo, Isaki ahaleiha ni khwahiya arowaka ni nrettele.³²Nihiku nenle, arumeyi a Isaki yahiwa khun'himerya mwaha wa ehime ele athipalyawe. Ni yahira: ''Noophwanya matji''. ³³Ni khuvaha ntjina na Seba, tivo, nttetthe ole onihaniya Seba mpakha nihiku na olelo.³⁴Okathi Esawu aarinawe iyakha muloko natjese, ahinthela nthiyana ihaniya Yuditi, mwanawe Beheri, hetewu, ni Basemati, mwanawe Eloni, hetewu. ³⁵Awo yahooniha otakhala eroho oholo wa Isaki ni Rebeca.

¹Okathi Isaki oluvalalyawe ni mentho awe ohinoona orattene, mpakha ahoonawe orattene, owo ahimwihana Esawu, mwanawe ompatjerya, ni khunhimerya: ''Mwanaka''. Owo ahira: ''Miyo kiri va''. ²Owo ahira: ''Moone, miyano kihuluvala. Miyano nkintjuwela nihiku nintthunaka okhwa;³Vano nkuxe ikapwitthi tjenyu, ikatana tjenyu, ni nrowe otakhwani mwakitothele. ⁴Mwapeye yoolya yotjivaxa, ntoko enkitjivelaya, wira kilye ni koreliheni kihinatthi okhwa''.⁵Rebeca ahinwa okathi Isaki alavulawe ni Esawu, mwanawe. Esawu ahirowa otakhwani ototha. ⁶Rebeca ahin'himerya Yakobi, mwanawe, ni ahira: ''Moone, miyano komwinwa tithinyu alavulaka ni Esawu, mun'ninyu iiraka: ⁷Nkiwanele enama ni nkapeele yoolya yotjiva, wira miyano kilye ni koreliheni oholo w'Apwiya kihinatthi okhwa'.⁸Vano ninano, mwanaka, mwinwe molumo aka ele kinohimeryakani. ⁹Nrowe mpakha ori inama, nkiwanele ipuri pinli; ni miyano kinimwapeya yoolya yootjiva wira kvahe atithinyu, ntoko enin'nitjivelawe. ¹⁰Nyuwano nkuxe m'murehele tithinyu wira owo olye, wira oreliheni, ohinatth okhwa''.¹¹Yakobi ahin'himerya Rebeca mayawe: ''Mun'naka khorere manri, ni miyano ka nlopwana ohikhala manri. ¹²Tithi aka onarowa okivara ni onakiphwanya ntoko nawothe. Miyano kinimwitakhaliha ohiya mareliho''.¹³Amaya awe yahin'himerya: ''Mwanaka, otakhaliya wotene okiwle miyano. Nto nttharihele molumo aka pahi, ni nrowe, ni nkiwanele. ¹⁴Nto, Yakobi ahirowa, ahikuxa ipuri iye soxana ni khurana wari amayawe. Awo yahapeya yolya yotjiva, ntoko tithi awe em'mutjivelaya.¹⁵Rebeca ahikuxa ikuwo tjotepaxa tja Esawu, mwanawe muulupale akhalanawe owani, ni khunwariha Yakobi, mwanawe onkhitjerya. ¹⁶Owo ahinkhuneela ni manri a epuri m'matatani ni maphantti makina nxikoni mwawe. ¹⁷Khuhela yolya ele ni ephau arehenryawe m'matatani mwa mwanawe Yakobi.¹⁸Yakobi ahirowa mpakha wari atithi awe ni ahira: ''Tithi''. Owo ahakhula: ''Miyano kiri va; nyuwano tipani, mwanaka?''. ¹⁹Yakobi ahin'himerya: ''Ti miyano Esawu, mwanenyu oopatjerya; miyano koopaka tjaakirumalenyu. Wananano nkilathi nkhure yoototha aka wira nkirelihe''.²⁰Isaki ahin'himerya mwanawe: ''Nyuwano mphwayale tjayi enama vohipitja, mwanaka?''. Owo ahakhula: ''Okhala wira Apwiya, Muluku enyu, akiwaanela''. ²¹Isaki ahin'himerya Yakobi: ''Nkaattamele wira miyano kiwaapapeleni, mwanaka, wira ikupale ni ekhweli wira nyuwano mwamwanaka sawu wala n'naari''.²²Yakobi ahimwattamela tithi awe Isaki, ni owo ahinvara ni ahira: ''Ntju tina Yakobi, nto matata ta Esawu''. ²³Isaki khantjuwelale, okhala wira matata awe yaari ootjareya manri, ntoko a mun'nawe Esawu. Nto, Isaki ahinreliha.²⁴Owo ahinkoha: ''Nyuwano mwamwanaka Esawu ni ekhweli?''. Ni owo ahira: ''Ayo''. ²⁵Isaki ahira: ''Nkiwaanele yoolya, wira kilye,ni kooreliheni''. Yakobi ahonwaanela yoolya tithi awe. Isaki ahilya, ni Yakobi ahonwanela evinyu, ni owo ahimurya.²⁶Waholo, tithi awe ahira: ''Nkattamele ni nkivahe epetjo, mwanaka''. ²⁷Yakobi ahomwattamela ni khumpetjari, ni owo ahoona wunkha wa ikuwo tjawe ni khunreeliha, iraka: ''Moone, mwanaka oninkha otakhwani wenwo Apwiya am'murelihaya.²⁸Muluku ovaheni okame wa wirimu, ovaheni okhalana ni etrigu ni evinyu ya nanano.²⁹Atthu yoorumelekeni ni maloko yookokhorelekeni. Nkhaleke oowettiherya axin'ninyu, ni anamwane a mayenyu yookokhorelekeni. Otene antthuna wootakhalihani akhaleke ootakhaliya, ni ale antthuna woorelihani akhaleke oorelihiya''.³⁰Numala Isaki onreliha Yakobi, ni owo ahikhuma oholo wawe, Esawu mun'nawe ahiwa warowalyawe ototha. ³¹Ni owo-tho ahipaka yolya yotjiva ni khuwana wa tithi ae khwiira: ''Tithi, nvenye, nlye yoototha mwaninyu, wira nkirelihe''.³²Isaki ahira: ''Nyuwano mwa apani?'', Owo ahira: ''Miyano ka mwaninyu, oompatjeryenyu, Esawu''. ³³Isaki ahalale oxanka ni ahira: ''Ole owaanale enama tipani? Miyano kiholya yotene nyuwano n'hinatthi owa, ni miyano konreliha.³⁴Numala Esawu winwa moolumo a atithi awe, ahunla ventji ni ahira: ''Nkireeliheke ni miyano, tithi''. ³⁵Isaki ahira: ''Mun'ninyu ohowa va wiiviha khukuxa mareliho enyu''.³⁶Esawu ahira: ''Khavanrerela owo wihaniya Yakobi? Owo okiwoka ikwaha pinli. Owo okuxa yorerela yopatjeriya vano ookuxa-tho mareliho aka''. Nto ahikoha: ''Nyuwano khan'halan'ne-tho mareliho ookivaha miyano?''. ³⁷Isaki ahomwakhula Esawu: ''Moone, miyano konvaha owerya wira munrumeleeke ni konvaha owerya wira axin'nawe wira anrumeeleke. Ni konavaha ohepha etrigu ni evinyu entji ya nanano. Kintthuna owirihani exeni mwanaka?''.³⁸Esawu ahahimerya atithi awe: ''Khanrina-tho mareliho ookivaha miyano, tithi aka? Nkirelihe ni miyano, tithi aka''. Esawu ahunla ventji.³⁹Isaki ahakhula ni khwiira: ''Moone, nipuro nyuwano munrowanyu okhala woorekamela ni etthaya yoorera, ottaiwene ni okami onkhuma wirimu. ⁴⁰Mwaha wa ekatenyu n'nakhala ni nyuwano n'nanrumela mun'inyu. Vano, mwaitaphula, n'nakumiha enootthukhwani nxikoni mwenyu.⁴¹Esawu ahin'nyokha Yakobi mwaha wa mareliho avahiyawe ni tithi awe. Esawu ahira vamurimani vawe: ''Mahiku an'nattamela tithi aka ontthunawe okhwa; numala vo, miyano kinamwinva mun'na aka Yakobi''. ⁴²Molumo a Esawu, oopatjeriya, yahihimeriya Rebeca. Nto, owo ahimwihaniha Yakobi, mwanawe ookhitjeriya, ni khun'himerya: ''Moone, mun'ninyu Esawu ohiimaliha otthunaka owinvani.⁴³Vano, wananano, mwana aka, nkinwe ni ntthyawe nrowe owan'nyawe Labano, nrokoraka, Oharani. ⁴⁴Nkhale ni yowo n'hina wa mahiku vakhani, mpakha onanariya wa mun'ninyu ovira ni aliyale ele nyuwano empakelalenyu. ⁴⁵Waholo, miyano kinimoowanani. Mwaha wa xeni miyano kin'ntthunaka wayeleela anamwane enli nihiku nimotja?''.⁴⁶Rebeca ahin'himerya Isaki: ''On'nikinyoonya okhala mwaha wa makhalelo a athiyana maheteyo. Yakobi anthela nthiyana n'heteyo, anamwane a elapo ela, okumi aka ontthuna okhala tjayi?''.

¹Isaki ahomwihana Yakobi, khunreliha, ni khunruma: ''N'hinthele nthiyana a akananani. ²Nkhume, nrowe Opatar-Arani, owan'nyawe Betuweli, tithi aya amayenyu, ni nwo mwanthele nthiyana, mwana m'motja a Labano, nrokorawe amayenyu.³Muluku Owerya Tjotene oreliheni, ni owin'nuuheni, ni iwatjereryeni wira nkhale nloko noowatta. ⁴Owo ovaheni mareliho a Abrahaamu, nyuwano ni nloko nenyu, wira ahalane etthaya nkhalenyu, yeyo Muluku anphelalyawe Abrahaamu''.⁵Tjitjam'mo Isaki ahilehana ni Yakobi, onarowa Opata-Arani, owan'nyawe Labano, ari mwana awe Betuweli, arameyo, ni nrokorawe Rebeca, mayawe Yakobi ni Esawu.⁶Nto, Esawu ahoona wira Isaki ahinreliha Yakobi khunruma wira arowe Opata-Arani wira anthele nthiyana a wenwo. Ni owo ahoona-tho, onrelihaka, Isaki ahinruma wira: ''N'hinthele nthiyana okanani''. ⁷Esawu ahona-tho wira Yakobi ahiwinwelela atithi awe ni amaya awe, ni khunarowa Opata-Aranai.⁸Esawu ahona wira athiyana Okanannio khiyantjivela Isaki tothi awe. ⁹Nto, owo ahirowa wari Ismael ni, ohiya athiyana owo athelalyawe, ahinthela Maalathi, mwanawe Ismael, mwanawe Abrahaamu, nrokorawe Nabaihoti.¹⁰Yakobi ahikhuma Oberseba arowaka Oharani. ¹¹Aphiyaka nipuro nimotja onatthuna orupa, okhala wira ntjuwa nahinaya, ahikuxa maluku, khwiipweherya waamuro wawe wira arupeke.¹²Owo ahiweha exikatta yakhuma vathi ni khunaphiya wirimu; ni malaikha a Muluku yaniwena ni okhuruwa vavo. ¹³Otjulu waya, ariwo Muluku, yowo irale: ''Miyano k'Apwiya, Muluku a thithi enyu Abrahaamu, ni Muluku a Isaki. Etthaya yeyo erupalenyu kinamoovahani ni nloko nenyu.¹⁴Nloko nenyu ninrowa okhala ntoko ntthupi na vathi, ni nyuwano n'namurowaka onikhuma epheyo, onirowa epheyo, onikhuma ntjuwa, ni onikela ntjuwa; atthu otee nlaponi anarelohiya mwaha wa nyuwano ni nloko nenyu. ¹⁵Miyano kiri ni nyuwan ni kinimookhapelelani wakhula nipuro ni nintthunenyu orowa. Miyano kinamoottikiheryani nttetthe-ola, mpakha wiraneya tjotene tjomanelalyakani natiri''.¹⁶Yakobi ahivenya varupawe khwiira: ''Vekhweli, Apwiya ari nipuro nenla ni miyano nkatjuwela''. Owo ahoova ni ahira: ¹⁷''Nipuro nla tinootepa woopiha! Nla khahiyo nipuro pure, vohikhala owan'nyawe Muluku; ola onkhora wa wirimu''.¹⁸Nto, Yakobi ahikhuma nuumala oxa, ahikuxa nluku naari waamuru wawe, ahithaanya ni khuhela makhura. ¹⁹Ahihana nipuro nle Beteli,nto ntjina na epoma ele nakhalayi niiriya Warya.²⁰Ni Yakobi ahim'mana natiri, iraka: ''Muluku akhala ni miyano ni khukikhapelela ekwaha aka ela, ni khukivaha ephau yookhura, ikuwo tjoowara, ²¹wira kitthike kinari nkumi owan'nyaya atithi aka, nto, Apwiya anrowa okhala Muluku aka. ²²Ni nluku nla kinthatanyaka ninrowa okhala Owan'nya awe Muluku, ni tjotene tjintthunenyu okivaha, vekhweli miyano kinaamovahani yanamuluku Nyuwano''.

¹Nto, Yakobi ahirowa ekwahaweni ahiphiya elapo ya opheyoni. ²Owo okahi awehawe, ahoona ehime yari omatta ni ipwittipwitthi ttharu tjimpathalene, waholo ehime yeyo titjamurihiyaya ipwittipwitthi. Vano, nahikhala nluku nuulupale vankhora va ehime. ³Okathi inama tjotene tjaryaya wenwo, akukhuli yanikhumiha nluku nlo ni khunamuriha iama tjaya; nto, yanittikiherya nluku numala omuriha.⁴Yakobi ahahimerya: ''Hiyano tinooharani''. ⁵Owo ahahimerya: ''Nyuwano mun'nintjuwela Labano, mwanawe Nahori?''. Ni yahira: ''Hiyano nin'nintjuwela''. ⁶Yakobi ahakoha: ''Owo nkumi?''. Awo yahira: ''Owo nkumi, ni moone vale, Rakeli, mwanawe, oniwa ni ipwittipwitthi''.⁷Yakobi ahira: ''Moone, nri othana eriyari ni khahiyo okathi wookuxa inama. Nyuwano mwahana omuriha ipwittipwitthi, ni nto, khinakuxa nrowaka ovaha yoolya''. ⁸Awo yahira: ''Hiyano khanikhanle oovaha matji ipwittipwitthi inama tjotene tjihinatthi okhala vamotja. Nto, atthu anarowa okumiha nluku vankhora va ehime ni nivaheke matji ipwittipwitthi''.⁹Nlelo Yakobi alavulanaka, Rakeli ahiwa ni ipwittipwitthi tja atithi awe, okhala yowo taakhapelela. ¹⁰Numala onweha Rakeli, mwanawe Labano, nrokorawe mayawe, ni inamala tja Labano, Yakobi ahimwaattamela, khukumiha nluku vankhora va ehime, ni khuvaha matji ipwittipwitthi tja Labano, nrokorawe mayawe.¹¹Yakobi ahimpetjari Rakeli khukhuwela ventji. ¹²Yakobi ahin'hmerya Rakeli wira m'mutji a tithiawe, ni wira mwanawe Rebeca. Nto, owo ahitthimaka khunleela tithi awe.¹³Numala Labano winwa mwaha wa Yakobi, mwanawe nrokorawe, ahitthimaka orowa ntjuwela, onkhuparela, ompetjari ni khunwaana owani. Yakobi ahin'himerya Labano tjitthu n'ya tjotene. ¹⁴Labano ahin'himerya: ''Vekhweli nyuwano mwa erutthu aka ni makhuvaka''. Nto, Yakobi ahikhala ni yowo mpakha mweri.¹⁵Nto, Labano ahira: ''Mwaha wa nyuwano okhala m'mutji aka, nkirumeleke vohikhala etthu? Nkihimerye, exeni entthunenyu wakhela?''. ¹⁶Vano, Labano ahikhala anamwane enli. Ntjina na namwana oopatjeriya iiriya Liya, ni okhitjeriya iiriya Rakeli. ¹⁷Mentho a Liya oovirikana, vano Rakeli ari ooreera erutthu awe ni nkhalelo awe. ¹⁸Yakobi amphenta Rakeli. Nto, owo ahira: ''Miyano kinamoorumelani iyakha thanu napili mwaha wa Rakeli, mwaninyu ookhitjerya''.¹⁹Labano ahira: ''Van'nirerela wovahani nyuwano ohiya onvaha ntthu nkina. Nkhale ni miyano''. ²⁰Nto, Yakobi ahirumela iyakha thanu napili mwaha wa Rakeli; ni iyakha iya ahona wira tjari vakhani mwaha wa niphento narinawe.²¹Nto, Yakobi ahin'himerya Labano: ''Nkivaheke amwaraka, okhala wira mahiku aka aphiyerya; wira kinthele''. ²²Nto, Labano ahathukumanya atthu otene a m'muttettheni khupaka niira.²³Ohiyo, Labano ahinkuxa Liya, mwanawe, ni khunrana wari Yakobi, arupanalyawe. ²⁴Labano ahinvaha nrumeyi awe Zilpa mwanawe wira anrumeleke. ²⁵Numala oxa, Yakobi ahona wira ari Liya! Yakobi ahin'himerya Labbano: ''Exeni ela nkipakelalenyu? Miyano nkorumelaleni mwaha wa Rakeli? Mwaha wa xeni, nto nkiwokalenyu?²⁶Labano ahira: ''Khavanrerela onvaha mwana nkhani ohinatthi otheliya muulupale. ²⁷M'maliherye etjumana ya mwana ola, ni hiyano n'nimoovahani nkina - tho, mwaha wokirumela iyakha thanu napili''.²⁸Yakobi ahipaka eyo ni khumaliherya etjumana ya Liya. Nto, Labano ahinvaha-tho Rakeli, mwanawe, wira anthele. ²⁹Labano-tho ahinvaha-tho Rakeli Bila wira anrumeleke. ³⁰Nto, Yakobi ahirupa - tho ni Rakeli, nto owo animpheta ovirikana ni Liya. Nto, Yakobi ahinrumela Labano mpakha miyakha thanu napili.³¹Apwiya ahoona wira Liya khaaphentiya, nto, owo ahitthukula napwipwi nawe, vano Rakeli khaayara. ³²Liya ahirupala khunyara mwana m'motja, ni owo khumihana Rubeni. Waholo ahira: ''Apwiya anoona ohawa waka; vekhweli wananano awan'nyaka anankiphentaka''.³³Nto, owo ahirupala-tho khunyara mwana m'motja. Owo ahira: ''Okhala wira Apwiya ahinwa wira miyano nkimphentiya, Owo ookivaha-tho mwana ola'', ni owo ahimwihana Simiyoni. ³⁴Nto, owo ahirupala-tho khunyara mwana m'motja. Owo ahira: ''Wananano, ekwaha ela, awan'nyaka anankitthuna, okhala wira kihaavaha anamwane araru''. Tivo, ahimwiha Levi.³⁵Owo ahiyara-tho mwana m'motja. Owo ahira: ''Ekwaha ela, kinamwavuwiha Apwiya''. Tjitjam'mo, ahimwihana Yuda; nto, owo ahihiya oyara.

¹Okathi Rakeli onalyawe wira khanvaha mwana Yakobi, owo ahimoonela nrima mun'nawe ni ahin'himerya Yakobi: ''Nkivahe anamwane, vohikhala - vo kinaakhwa''. ²Yakobi ahinanariya mwaha wa Rakeli. Owo ahira: ''Okhalaka wira miyano ka Muluku, kinookhottiheryani oyara?''.³Owo ahira: ''Moone, ori va nrumeyi aka Bila. Nrupane ni yowo, wira orupale ni okiyarerye mwana''. ⁴Tjitjam'mo, ahinvaha nrumeyi awe Bila wira onthele, ni Yakobi ahirupana.⁵Bila ahirupala khunvaha mwana Yakobi. ⁶Nto, Rakeli ahira: ''Muluku okiphukela, ohinwa ntju naka khokivaha mwana''. Tivo, amwihanalyawe Da.⁷Bila, nrumeyi awe Rakeli, ahiyara-tho ni khunvaha Yakobi mwana enenli. ⁸Rakeli ahira: ''Kahikhalana ekhotto yintji ni n'himaaka vano koxintta''. Owo ahimwihana Naftali.⁹Numala Liya otjuwela wira ahihiya oyara, ahinkuxa Zilpa, nrumeyi awe ni khunvaha Yakobi wira onthele. ¹⁰Zilpa, nrumeyi we Liya, ahinvaha Yakobi mwana m'motja. ¹¹Nto, Liya ahira: ''Ooreeriya!''. Ni khumwihana Kati.¹²Numala Zilpa, nrumeyiwe Liya, ahinvaha mwana a enenli Yakobi. ¹³Liya ahira: ''Nkirere ohakalala! Anamwane anamukihana oohakalala''. Nto, owo ahimwihana Aseri.¹⁴Mahiku oohepha etrigu, Ruben ahurowa omatta khuttotta tjitthu tjawe. Owo ahinwanela Liya, mayawe. Nto, Rakeli ahin'himerya Liya: ''Nkivahe tjiwanalyawe mwaninyu''. ¹⁵Liya ahin'himerya: ''Monale okhala vankhani onkuxa wan'nyaka?''. Muntthuna-tho okuxa tjitthu tjiwanalyawe mwanaka?''. Ni Rakeli ahira: ''Yakobi onarupa ni nyuwano ohiyu wa olelo wakakhanya ni tjintthunawe okiva mwaninyu''.¹⁶Yakobi ahitthika omatta orowaka winla. Liya ahirowa okumanana ni ahira: ''N'narupa ni miyano ohiyu wa olelo, okhala wira miyano kihoothumani ni tjitthu tja mwanaka''. Nto, Yakobi ahirupa ni Liya ohiyuule. ¹⁷Muluku ahimwinwa Liya ni khurupala khunvaha Yakobi mwana a enethanu. ¹⁸Liya ahira: ''Muluku okitthuvela, waholo konvaha nrumeyi aka awan'nyaka''. Owo ahimwihana Issakari.¹⁹Liya ahirupala-tho khunvaha mwana a enethanu namotja Yakobi. ²⁰Ni ahira: ''Muluku okitthuvela vooreera. Wananano wan'nyaka onankittittimiha, waholo konvaha anamwane thanu namotja''. Owo ahimwihana Zebuloni. ²¹Waholo, ahin'yara mwana nthiyana khumwihana Dina.²²Muluku ahimuupuwela Rakeli. Owo ahimwinwa khutthikela oyara. ²³Owo ahirupala khun'yara mwana m'motja ni khwiira: ''Muluku okumiha ehaya aka''. ²⁴Owo ahimwihana Yosefi, iraka: ''Apwiya akintjererya mwana nkina''.²⁵Numala Rakeli on'yara Yosefi, Yakobi ahin'himerya Labano: ''Nkihiye kirowe, wira kitthikela owan'nyaka ni elapo aka. ²⁶Nkivahe axaarakani anaaka, mwa yawo koorumelalyakani ni nkihiye kirowe, waholo mootjuwelo nteko woovarelalyakani''.²⁷Labano ahira: ''Wakhaa kin'noona mahala oholo wenyu, nkilipelele, waholo miyano kootjuwela, n'hina mwa tjowooniya, wira Apwiya akirelihale mwaha wa nyuwano''. ²⁸Nto, owo ahira: ''N'himye etjitjapo enyu entthunaka woolivani ni miyano kinamolivani''.²⁹Yakobi ahira: ''Nyuwano mootjuwelo nthinto worumelalyakani ni nthinto okhapelelalyaka inama tjenyu. ³⁰Okhala wira kihinatthi miyano nyuwano mwaarina vakhani, nto numala vo tjihattja ventji. Apwiya ahorelihani vavaralyaka nteko. Wananano, kintthuna ovara lini miteko tjaka?''.³¹Nto Labano ahira: ''Exeni entthunaka woovahani?''. Yakobi ahira: ''Nyuwano khan'nikivaha etthu. Kinaatthukela wettiherya inama tjenyu mwakipakela eyo. ³²Nkihiyerye kikhapelele inama tjenyu olelo, kivalanyaka ipuri tjowereiya ji tjikumi; ni tjoriipa ni ipwittipwitthi; ni tjoothiyana tjoweriya ni ikumi ni ipuri tjoothiyana. Eyo entthuna okhala yoowakhelaka.³³Oloka waka onaakiphukela, mwaapitjaka oweha yoowakhelaka. Tjotene ehintthuna ophwanyanenya yoonanara ni yooloka n'hina wa ipuri, ni tjoovirikana ni ipwittipwitthi; wakhala enimoonaneya wa miyano, nentthuna okhala yohiloka''. ³⁴Labano ahira: ''Kihinwa. Wiiraneya tjam'mo tjihimalenyu''.³⁵Nihiku nle, Labano ahivalanya tjoolopwana ni tjoorera, ipuri tjoothiyana tjowereiya ni tjikumi, tjotene tjarina iphantti tjoorimpa ni tjikina n'hina mwa ipwittipwitthi khwaavaha anaawe. ³⁶Labano ahetta mahiku mararu owo ni Yakobi. Ni Yakobi ahitthikela wettiherya inama tja Labano.³⁷Yakobi ahikuxa miri tjikithi tjoovirikana. Operaka, ahipaka tjitthu tjoottela,, okumiheryaka ota ottela wariya. ³⁸Nto, owo ahiphweha miri tjaperalyawe oholo wa inama, mem'mo mwamuryaya. Ni iyo tjanixerema tjawaka omurya.³⁹Inama iyo tjawaka omurya tjanikwata miri n'ye tjawaka omurya ni tjaniyara inama tjoovirikana, tjokhala malepa ni tjooneneva. ⁴⁰Yakobi ahivalanya ni khupweha inama ephantti tjoovirikana ni tjooripa waari inama tja Labano. Nto, owo ahivalanya inama tjawe nitjikina khunvaha Labano.⁴¹Wakhula okathi inama tjoolipa tjaakwataya, Yakobi anipweha miri oholo wa inama mwamuryayamo. ⁴²Vano, okathi inama tjoohilipa tjawaya, owo khapweha miri oholo waya. Tjitjam'mo, tjoowolowa tjari tja Labano tji tjoolipa tja Yakobi.⁴³Nlopwana ole ahikhala mihakhu tjintji. Owo ahikhalana inama tjintji, arumeyi alopwana ni athiyana, ikamelo ni abuuru.

¹Nto, Yakobi ahinwa moolumo a anaawe Labano, yiira: ''Yakobi on'nikuxa tjotene tjaari tja tithihu, ni mwaha wa mihakhu tja tithihu ola onkhalanawe mihakhu n'ya tjotene''. ²Yakobi ahoona oweha wa Labano. Yakobi ahoona wira nkhalelo wa Labano ni owo wahivirikana. ³Nto, Apwiya yahin'himerya Yakobi: ''Ntthikele elapo enyu ni ya axitithinyu ni Miyano kinaakhala ni nyuwano''.⁴Yakobi ahimwiihaniha Rakeli ni Liya omatta, vamotja ni inama tjawe, ⁵ni khwaahimerya: ''Miyano kin'noona wira nkhalelo wa tithinyu ni miyano woovirikana. ⁶Nyuwano mootjuwela wira, ni ikuru tjaka tjotene, kin'naarumela atithinyu.⁷Tithinyu on'niwoka miyano ni khunapittikuxa yowakhela ka ikwaha muloko, vano Muluku khontthuna wira owo okihaxe miyano. ⁸Okathi owo irawe: 'Inama tjoorakala tjintthuna okhala yoowakhelenyu', nto, wakhula enama yatothola yoorakala. Ni, okathi owo irae: 'Tjoowalakhanyeya tjintthuna okhala yookhelenyu', wakhula mwaaminama atotholiya oowalakhanyeya. ⁹Tjitjam'mo, Muluku on'nikumiha inama w'atithinyu okivahaka miyano.¹⁰Waholo, okathi wootothola, miyano kooweha moolohani inama tjoolopwana tjikumanaka vomuryani. Inama iyo tjaari tjoowalahanyeya, tjookhalana malepa ni tjoorera. ¹¹Nlaikha na Muluku nookihimerya moolohani: ''Yakobi'. Miyano khira: 'Miyano kiri va'.¹²Owo ahira: 'Nvenxe mentho enyu ni moone inama tjoolopwana tjotene tjinkumana ni inama tjikinaku. Iyo titjoowalakhanyeya, tjamalepa ni tjooneneva, waholo kin'noona tjotene Labano tjinwirihaweni. ¹³Miyano ka Muluku a Beteli, wenwo nyuwano nrelihalenyu ethonyeryo, wenwo nyuwano Nkilaphalalenyu natiri. Wanano, nkhume elapo el ntthikele elapo eyariyenyu'''.¹⁴Rakeli ni Liya yahakhula khun'himerya: ''Yookhala etthu yoohalana owan'nyaya atithihu? ¹⁵Khahiyo yohi n'neettihiya ntoko aletto? Waholo owo on'ninitumiha ni olya ntjurukhu ehu wotene. ¹⁶Waholo mihakhu tjotene Muluku onkumihawe wa tithihu titjawehu ni aniihu. Wananano, nto, wakhula etthu Muluku ohimeralyaweni, opakeke''.¹⁷Nto, Yakobi ahivenya khwaahela anaawe ni axaarawe nkameloni. ¹⁸Owo ahipatjerya weettiha inama tjae tjotene, ni mihakhu tjawe tjotene tjaaphwanyalyawe, vamotja ni inama tjawe, tjen'yo owo aphwanyalyawe Oharani. Nto, owo ahikhuma wira akhale ni Isaki, tithi awe, nttetthe wa Okanani.¹⁹Labano okathi waronwawe olyiha inama tjawe, Rakeli ahiwin'ya amuluku waatithiawe. ²⁰Yakobe-tho ahin'woka Labano, aramewu, ohin'himeryaka wira ankhuma. ²¹Nto, owo vowakuveya ahitthyawa ni tjotene tjaarinawe ni vowakuveya ahilapuwa muro, ni khurowa miyako tja Ogileyati.²²Nihiku na nattharu, Labano ahileliya wira Yakobi ahitthyawa. ²³Nto, ahakuxa amutjiwe ni owo khinaantthimakela Yakobi n'hina mwa mahiku thanu napili. Owo ahimphwanya nttetthe wa miyako Ogileyati.²⁴Vano, Muluku ahinwela Labano, aramewu, ohiyu orupaka khun'himerya: ''Nkhalane ephole, n'hinlavule Yakobi vooreera hata voonanara''. ²⁵Labano ahimphwanya Yakobi. Nto, Yakobi ahipaka nxaxa awe nttetthe va miyako. Labano ni amutji awe -tho yahikhala nttetthe wa miyako Ogileyati.²⁶Labano ahin'himerya Yakobi: ''Exeni yiiralenyu, mookiwoka khwaakuxa anaaka ntoko anamatthukiya a ekhotto? ²⁷Mwaha wa xeni ntthyawalenyu vowipitheya, nkiwoka khohikileela? Miyano kamolehani ni ohakalala ni itjipo, ni malapa ni malope. ²⁸Nyuwano khankitthuniheryale olehana hata waapetari atjitjulu aka ni anaaka. Vano, nyuwano khampakale etthu yooloka.²⁹Kookhalana owerya yowopakelani etthu yootakhala, vano Muluku atithinyu ookilavulana ntjana ohiyu khwiira: 'Phoole, n'hinlavule Yakobi vooreera hata voonanara'. ³⁰Vano nyuwano moorowa, okhala wira mwanitthuna otthikela owan'nyawe tithinyu. Vano, mwaha wa xeni awin'yalenyu amuluku aka?''.³¹Yakobi ahakhula khun'himerya Labano: ''Miyaano kamoova wira nyuwano nkakhe aniinyu ni ikuru, tivo kikhumalyaka ni wiita. ³²Wakhula owo owin'yale amuluku enyu khonkhala. Oholo wa amutjihu, moone wakhula etthu eri ya winyu ni nkuxe''. Waholo Yakobi khaatjuwela wira Rakeli ahaakuxa.³³Labano ahikela munxaxani mwa Yakobi, m'muxaxani mwa Liya, ni m'muxaxani mwa arumeyi enli, vano owo khaphwanyale. Owo ahikhuma m'muxaxani mwa Liya khukela m'muxaxani mwa Rakelio.³⁴Vano, Rakeli ahaakuxa amuluku owaani, khwaapweha vakameloni ni khwaakilathela. Labano ahaphelatja mpani mootene, vano khaphwanyale. ³⁵Owo ahin'himerya tithiwe: ''N'hinyoonyiye, pwiya'ka, waholo miyano nkikhanle ovenya oholo wenyu, okhala wira kiri m'mweerini mwa athiyana''. Nto, owo ahaaphelatja, vano khaphwanyale amuluku mpani.³⁶Yakobi ahinanariya ni khun'himerya Labano: ''Exeni etthekalyaaka? Exeni etampi aka enwirihani nkiikaraka n'nanarin'yeene? ³⁷Waholo nyuwano mun'nikwakwanyula tjitthu tjaka. Exeni ephwanyalenyu eri yawinyu? Mphwehe oholo wa amutji aka, wira awo aniphukele.³⁸N'hina mwa iyakha miloko munli, miyano kaari ni nyuwano.Ipwittipwitthi tjenyu ni ipuri tjenyu khainikhuma erukulu, nkinkhura enamenyu. ³⁹Wakhula enkhuuriya ni inama tjootakhala miyano nkinwaaa wa nyuwano. Vohiya-vo, miyano koovilela yoorimeela eyo. Nyuwano mookiliviha wakhula enama yahaleela, kin'yeriya othana hata ohiyu. ⁴⁰Miyano kari nwo: othana, oviha wanikihaaxa, ohiyu, okame woorirya; ni miyano kaakhala voohirupa.⁴¹Iyakha miloko minli miyano kaari owan'nyiinyu. Miyano kiihovarelani nteko n'hina mwa iyakha muloko ni itjese mwaha wa aniinyu enli ni iyakha thanu namotja mwaha wa inama tjenyu. Moovirikanya yowakhelaka ikwaha muloko. ⁴²Wakhala Muluku atithi'ka, Muluku a Abrahaamu, yowo Isaki om'moovawe, ahakhalale ni miyano, vekhweli mwankiikara vohikuxa etthu. Muluku on'noona ohawa waaka ni ovara waka nteko ventji ni Owo ohokhottiheryani ntjana ohiyu''.⁴³Yakobi ahimwakhula Yakobi: ''Anamwane anaaka, otjuulu otjuulu aka ni inama inama tjaka. Tjotene tjinoonenyu titjawaka. Vano exeni entthunaka waapakela anaaka ala ni anaaya ala? ⁴⁴Nto, wananano, nlaphelane, nyuwano ni miyano, ni n'hiye eyo ekhale namona nyuwano ni miyano''.⁴⁵Nto, Yakobi ahikuxa nluku khupweha ntoko ethoonyeryo. ⁴⁶Yakobi ahahimerya amutji awe: ''Athukumanyiye maluku''. Nto, awo yahithukumanya maluku mentji. Awo yahikurumula maluku ale vamotja. ⁴⁷Labano ahihana eyo Jegar-Saaduta, vano Yakobi ahihana Gaaleti.⁴⁸Labano ahira: ''Maluku ala namona anyuwano ni miyano olelo''. Tivo, yiihaniyaya Gaaleti. ⁴⁹Ni-tho yahihaniya Mizpa, okhala wira Labano ahira: ''Apwiya awehawehe miyano ni nyuwano okathi ontthunehu okhala ottaiwene wakhula ni nkhwawe. ⁵⁰Mwaahaxa anaaka wala mwanthela nthiyana nkina wahiya anaaka, hata ohikhalalale nkina wa hiyano, mwinwe, Muluku namonehu wa miyano ni nyuwano''.⁵¹Labano ahin'himerya Yakobi: ''Moone maluku ala ni ethonyeryo ela, eyo epakalyaka oholo waka ni oholo wenyu, nyuwano khan'nivikana . ⁵²Maluku ala nwaka wa miyano, nwaanaka otakhala. ⁵³Muluku a a Abrahaamu, Muluku a Nahori, Mululu a axitithi aya, oniphukele hiyano''. Ykobi ahinlaphela Muluku, yowo atithi ae Isaki yaamoovaya.⁵⁴Yakobi ahivaha nkuttho omwaako ni khuwihana amutji awe khulya. Awo khuviriha ohiyu wootene aryene omwako. ⁵⁵Vaxalyaaya, vetjisu, Labano ahivenya, ahapetjari atjusulu awe ni anaawe ahareliha. Nto, Labano ahahiya khutthikel owan'nyawe.

¹Yakobo tho ahitthara ephiro awe, ni malaikha a Muluku yahomphuanya. ²Okathi Yakobi awonalyawe, ahira: '' ola muxaxa wa Muluku'', nto, owo ahihana nipuro nle Manaini.³Yakobi aharuma oholo wawe anamittyaka wa munnawe Esawu, nttetthe wa seyiri, elapo ya wedoni. ⁴Ahahimerya iraka: '' Ela tenrowinyu on'himerya pwiya aka Esawu: Tila enihimyawe nrumeinyu Yakobi: 'Miyo kokhala ni Labano, ni kari ni yowo mpakha wananano. ⁵Kihana inyompe, apuru ni ipwittipwitthi, ipottha alopwana ni athiyana. Korumiha mityaka iya wa pwiya aka wira kiphwanye mahala''.⁶Anamitthaka tahitthka khun'himerya Yakobi: ''Hiyano nahirowa wa mun'ninyu Esawu. Owo ori mphironi wira akumane ni nyuwano; ori ni alopwana imiya tjese''. ⁷Yakobi ahoova ni khuxanka; atthu yariae ahakawanya iphantti pinli; ni inama, mittitthi ni ikamelo. ⁸Owo ahira: ''Esawu awana ni mphantti m'motja ni khukhulumula, nto, mphantti m'motja onohala''.⁹Yakobi ahira: ''Muluku a tithi'ka Abrahaamu, ni Muluku a tithi'ka Isaki, Apwiya, okihimeryale: 'Ntthikele elapo eyariyenyu ni waamutjinyu, ni Miyano kinaawun'nuhani', ¹⁰nkinrerela ekhweli Enyu ni mahala Enyu wa nrumeyi Enyu. Miyano konlapuwa Yordani ni ttottoka pahi, ni wananano kintthika ni iphantti pinli.¹¹Xontte, nkikhapelele m'matatani mwa mun'naka Esawu, okhala wira miyano kin'noova wira onakinva ni aximayi ni anamwane. ¹²Waholo Nyuwano muhira: 'Vekhweli Miyano kinaawun'nuhani. Kinimun'nuuha nloko nenyu ntoko itthaya tja m'matjini, yeyo ehinalakhenyeya'''.¹³Yakobi ahikhale vavale ohiyu ule. Ni tjaarinawe ahikawanya wira anvahe Esawu, mun'nawe: ¹⁴ipuri tjoothiyana imiya pinli ni tjoolopwana miloko minli, ipwittipwitthi imiya pinli ni tjoolopwana miloko minli, ¹⁵ipwittipwitthi tjooyara miloko miraru ni axaanaaya, inyompe miloko mitjese ni tjoolopwana miloko miraru, abuuru miloko minli tjoothiyana ni tjoolopwana muloko. ¹⁶Owo ahavahererya arumeyi awe, wakhula nttitthi wookawanyeya. Ni ahahimerya arumeyi awe: ''Nrowe oholo waka ni n'hiye opuru nttitthi m'motja ni nkina''.¹⁷Owo ahin'himerya nrumeyi awe oopatjerya, iraka: ''Mun'naka Esawu oophwanyani khukohani, iraka: 'Nyuwano muniira mphantti ni pani? Munrowa vayi? Ni inama iya irinenyu titjwani?', ¹⁸nto, mwiire: 'titjanrumeyi enyu Yakobi. Tiyoovahiya ya pwiyaka Esawu. Ni owo oniwa ottuli wehu'''.¹⁹Yakobi ahihimerya-tho mphantti wa enenli, ni wa eneeraru ni alopwana otene yaatthara inama. Owo ahira: ²⁰''Ni-tho mwiire: 'Nrumeyinyu Yakobi onrya ottuli wehu. '''Waholo owo ahupuwela: ''Miyanano kinimum'maaliha ni yoovaha aka. Waholo, miyano kamphwanya, on'nikhala otthunaka okakhela tjana''. ²¹Nto, yootthuvela yahirwa oholo wawe. Ohiyu ule owo ahalale nxaxani.²²Yakobi ahivenya ohiyu, ahakuxa axaarawe owenli, arumeyi awe owenli ni anaawe muloko ni m'motja. Owo aharuma orowa Oyaboki. ²³Tjam'mo, owo aharuma orowa ni mihakhu tjawe.²⁴Yakobi ahihiya vekhawe, ni nlopwana m'motja ahiwana ni yowo mpakha ntjuwa okhuma. ²⁵Numala nlopwana woona wira khawerya onxintta, ahim'mana Yakobi etara, yoowo oonalyawe owereya, numala owana ni yowo. ²⁶Nlopwana ole ahira: ''Nkihiye kirowe, okhala wira vahooxa''. Yakobi ahira: ''Miyano nkinoohiyani orowa n'hikirelihale''.²⁷Nlopwana ole ahin'himerya: ''Ntjina nenyu tipani?'' Owo ahakhula: ''Yakobi''. ²⁸Nlopwana ole ahira: ''Ntjina nenyu khn'nikhala-tho Yakobi, nto nintthuna okhala, Israyeli. Waholo moowana ni Muluku n'hala ni atthu''.²⁹Ni Yakobi ahinkoha: ''Xontte nkihimeryentjina nenyu''. Owo ahira: ''Mwaha wa xeni minkohenyu ntjina naka? ''. Ni khunreeliha. ³⁰Yakobi ahihana nipuro nle Peniyeli waho ahira: ''Miyano konweha Muluku owitho wawe ni okumi aka khukhapeleliya''.³¹Yakobi nahinkhumela ntjuwa, numala owo ovira Openiyeli. Owo antuthunya mwaha wa etara awe. ³²Tivo, mpakha olelo, atthu a wisrayeli khankhura nikhuva ninkumana vatarani ya wakhula enama, okhala wira nlopwana ahikumiha nikhwatta vatarani va Yakobi.

¹Yakobi ahivenxa mentho khoona wira Esawu aniwa, ni ari ni alopwana oophiyaka imiya tjese. Yakobi ahakawanya anamwane a Liya, Rakeli ni arumeyi enli. ²Nto, owo ahapweha arumeyi ni anaaya oholo, Liya ni anaawe ottuli wawe, ni ookhitjerya Rakeli ni Yosefi. ³Owo ahikhala oholo waya, ahuramela vathi ikwaha thanu napili, mpakha omwaattamela mun'nawe.⁴Nto, Esawu ahitthyawa arowaka okumanana, ahinkhuparela ni khumpetjari, ni awo yahunla. ⁵Okathi Esawu avenxalyawe mentho ahaweha athiyana ni anaamwane, ni ahikoha: ''Atthu xeni ala ari ni nyuwano?''. Yakobi ahakhla: ''Anamwaane n'hina mwa mahala Muluku anvahalyawe nrumeyi enyu''.⁶Nto, arumeyi yahaattamela ni anaaya khukokhora. ⁷Waholo, Liya ni anaawe yahattamela ni khukokhora. Vookhitjera, Yosefi ni Rakeli yahattamela ni khukokhora. ⁸Nto, Esawu ahikoha: ''Exeni nyuwano entthunenyu ni arumeyi ala awaale oholo waka?''. Yakobi ahira: ''Wira kiphwanye mahala m'menthoni mwa pwiya aka''.⁹Esawu ahira: ''Miyano kihana tjitthu tjintji, mun'naka; mpwehe tjirinenyu''. ¹⁰Yakobi ahira: ''N'naari, xoontte, kaphwanya mahala oholo wenyu, nto, mwaakhele yovahaka, okhala wira, vekhweli, oweha owitho wenyu onalikana ni oweha owitho wa Muluku, ni nyuwano mun'nikakhelela. ¹¹Xoontte, mwakhele yovaha miyano kiwanalyaka; okhala wira Muluku on'nikireliha ventji ni, mwaha wa yeeyo, kihana emphiyerya''. Yakobi ahinthipelela, mpakha wakhela yoovaha awe.¹²Nto, Esawu ahira: ''Ntthare ephiro ehu, miyano kinaawa otthuli wenyu''. ¹³Yakobi ahira: ''Pwiya'ka, mootjuwela wira anamwane ala kharere oyevatja, ni inyompe ni ipwittipwitthi nlelo tjiniwaamwiha axanaaya; awo yakhanyereriya weetta nihiku noomalela, inama tjotene tjinaakhwa. ¹⁴Xoontte, pwiya'ka, nkhale oholo wa nrumeyi enyu; miyano kinaawa vakhani-vakhani, kittharaka wetta wa inama tjirinaka, ni weetta wa anamwane, mpakha ophiya wa pwiya'ka Oseyiri''.¹⁵Esawu ahira: ''Nkitthunele woohiyeryani alopwanaka akina''. Vano Yakobi ahira: ''Mwaha wa xeni eniirenyu eyo? Pwiya'ka khanrere okoniherya mahala ventji ni miyano''. ¹⁶Nto, Esawu ahitthara ephiro awe arowaka Oseyiri, nihiku nenle. ¹⁷Yakobi ahirowa Osukoti, ahipaka enua awe ni mixaxa wira tjikhale inama tjawe. Tivo, nipuro nlo n'nihaniya Sukoti.¹⁸Okathi Yakobi wawalyawe Opeta-Arani, ahiphiya epoma ya Osikeni oryene nkumi, yeeyo eri nttetthe wa Okanani, ni khukhala waattamela mpooma. ¹⁹Nto, ahithuma mphantti m'motja wa etthaya ya Ahamori, tithi a Osikeni, eparatha imiya emotja, ni vale khupaka nxaxawe. ²⁰Nto, ahapaka altari khuwiihana Muluku, Muluku a Wisrayeli.

¹Nto, Dina, mwana Liya ayarihiyawe ni Yakobi, ahikhuma arowaka watjuwela atthu a elapo ele. ²Sikeni, mwanawe Hamori, akhala ohavewu, nkhulupale a elapo, ahinweha, khunvara, khunrupana ni ikuru. ³Owo ahitjiveliya ni Dina, mwanawe Yakobi, ni khun'himerya tjitthu tjintji.⁴Sekeni ahin'himerya tithi awe Hamori: ''Nkiphavelele nthiyana ola wira kinthele''. ⁵Yakobi ahinwa wira owo ahinrupana ni ikuru Dina, mwanawe. Anaawe yaari omatta ni inama; Yakobi ahimaala mpakha awo owa.⁶Hamori, tithi awe Sikeni, ahikhuma arowaka olavula ni Yakobi. ⁷Anaawe Yakobi yahiwa omatta ni khwinwa yiiraneyale. Awo yahinanariya, awo yahitikinihiya okhala wira owo ahinyanya Wisarayeli wootene, anrupanaka mwanawe Yakobi, etthu yakhanle oowiraneya.⁸Hamori ahahimerya, iraka: ''Mwana'ka Sikeni on'nimphenta mwanenyu. Xoontte, mwinvahe wira akhale mwarawe. ⁹Mwaatane ni hiyano, n'nivahe aniinyu ni hiyano novaheni aniihu. ¹⁰Nyuwano n'nkhala ni hiyano ni etthaya eri yolikana wira nkhale, ntumiheke ni mwaatjerereyeke''.¹¹Sikeni ahahimerya atithi awe ni axirokorawe Dina: ''Kiphwanyihiye mahala oholo wenyu wakhula etthu etthunenyu kinamoovahani. ¹²Nkilipele entthunenyu wakakhanya ni othela ni miyano kinamoovahani entthunenyu, vano nkivahe nthiyana wira akhale mwaraka. ¹³Anamwane a Yakobi ahimwakhula Sikeni ni Hamori, tithi awe, vowootha, mwaha wa Sikeni yampakalyawe Dina, nrokoraya.¹⁴Awo yahira: ''Hiyano khanikhanle opaka eyo: nvaha nrokorihu wakhula ntthu, eyo yankhala yoonanara wa hiyano. ¹⁵Wira vatthuneye n'hana wun'nuwihiya ntoko hiyano, ni wakhu nlopwana a nloko nenyu ohana wun'nuwihiya. ¹⁶Nto, hiyano n'nimoovahani aniihu ni nyuwano n'nivaheke aniinyu, tjitjam'mo, ninakhala ni nyuwano vamotja. ¹⁷Vano, nyuwno mwahininwe ni mwahin'nuwihiye, n'nankuxa nrokorihu ni n'naarowa''.¹⁸Molumo awo yahintjivela Hamori ji mwanawe Sikeni. ¹⁹Sikeni khapitjale ohirale yahimalyaya okhala wira owo ahitjiveliya ni mwanawe Yakobi ni okhala wira owo ari m'motja attittimihiya owan'nyaya atithi awe.²⁰Hamori ni mwanawe Sikeni yahirowa vankhora ya epom'ya ni khwaahimerya alopwana otene, yiraka: ²¹''Alopwana ala ari ni nrettele ni hiyano, mwahiye akhale ni hiyano, mwahiye akhaleke ni hiyano ni atumiheke, etthaya ela kherere wira akhaleke awo. Naakuxeke anaaya natheleke ni navaheke aniihu.²²Eyo etthu emotja pahi ehimalyaya wira atthune okhala vamotja ni wira nikhale atthu amotjaru: Wam'motja wa hiyano an'nuwihiya, ntoko tjiryaya awo. ²³Khainikha tjitthu tjaya ni inama tjaya tjawehu? Ninwanane ni, nto, awo anaakhala ni hiyano''.²⁴Atthu otene a mpoma yahimwinwa Hamori ni Sikeni, mwanawe. Ni wakhula nlopwana ahin'nuwihiya. ²⁵Nihiku na eneraru, awo nlelo yonaka owereya, anamwane enli a Yakobi, Simeyoni ni Levi, axirokorawe Dina, yahikuxa ikatana tjaya, yahikela mpoma wovitheya khuwinva alopwana otene. ²⁶Ni yahimwinva Hamori ni Sikeni, mwanawe, ni ekatana ni khunkumiha Dina owan'nyawe Sikeni.²⁷Anamwane akina a Yakobi yahirowa wari irutth ni khuhomakatja okhala wira yahimwiriha yonanara nrokoraya. ²⁸Awo yahikuxa inama tjaya, mittitthi, abuuru ni tjitthu tjotene tjaari mpooma ni nkherekhere, ²⁹mihakhu tjaya tjotene. Anamwane otene ni axaaraya yahakuxa. Awo yahikuxa tjitthu tjotene tjari owan'nyaya.³⁰Yakobi ahin'himerya Simeyoni ni Levi: ''Nyuwano mokiwanela ekhotto, mwiraka atthu ankhala elapo ela, akanani ni aperezi, akinyokhe. Okhala wira niri vakhani, awo yatakahana ni khuwa owana ni hiyano, anarowa okwakwanyula owan'nyaka''. ³¹Vano Simeyoni ni Levi yahira: ''Sikeni ahikhalana owerya woomwirana nrokorihu ntoko puta?''.

¹Yakobi ahin'himerya Yakobi: ''Nvenye, nrowe Obeteli ni khukhula wonwo. Mumpakele Muluku altari yowo owelaleni okathi mwattyawenyu mun'ninyu Esawu''. ²Nto, Yakobi ahahimerya amutji awe yaari ni yowo: ''Mwaattikhe amuluku otene ota ari ni nyuwano, mwiirapihe ni nreherye ikuwo tjenyu. ³Nivenye nrowe Obeteli. Miyano kampakele Muluku altari yowo akakhulale nihiku nooxanka waka ni ari ni miyano wakhula nipuro''.⁴Numala ohimya eyo, awo yahinvaha Yakobi amuluku otene ethiru yari m'matatani mwaya ni ipirinku tjaari m'maaruni mwaya. Yakobi ahavitha waattamela Osikeni. ⁵Yettaka ekwaha, woopiha wa Muluku wahimorela mittetthe tjattamelalyaya, wira atthu ale ahatthare anamwane a Yakobi.⁶Nto, Yakobi ahiphiya Lussi (n'no Obeteli), onikhala nttetthe wa Okanani; owo ni atthu otene yarinawe. ⁷Owo ahateka altari ni khuwihana El-Beteli, waholo vale Muluku hitjoniherya wa yowo, okathi atthyawawe wa mun'nawe. ⁸Debora, amphentwe Rebeca ahikhwa. Ahivithiya Obeteli, wavirale wihaniyaka Aloni-Bakuti.⁹Okathi Yakobi atthikalyawe Opata-Arani, Muluku ahinwela-tho khunreliha. ¹⁰Muluku ahin'himerya: ''Ntjina nenyu ti Yakobi, vano khan'nikhala-tho. Nyuwo n'nihaniya Israyeli''. Ni Muluku ahinvaha ntjina na Israyeli.¹¹Muluku ahin'himerya: ''Miyano ka Muluku Owerya Tjotene. Mwin'nuweke ni mwatjerereyeke. Nloko nimotja ni maloko mentji anaawa wa nyuwano ni mamwene anakhuma n'hina mwa nloko nenyu. ¹²Etthaya envahalyaka Abrahaamu ni Isaki kinimovahani ni nyuwano ni nloko nenyu''. ¹³Ni Muluku ahinwela oholo wawe, nipuru Muluku alavunlyawe ni Yakobi.¹⁴Yakobi ahapaka altari nipuro alavunlyawe ni Muluku, altari a maluku. Vatjulu vaya khuvaha nkuttho. ¹⁵Ni Yakobi ahihana Beteli nipuro alavunlyawe ni Muluku.¹⁶Awo yahikhuma Obeteli. Nlelo aryene ottaiwene ni Efrata, Rakeli ahipatjerya owereiya ophelaka oyara. Kharere opitja oyara. ¹⁷Nlelo onaka owereya atthunaka oyara, an'yariha ahin'himerya: ''N'hoove, waholo an'naakhalana mwana nkina''. ¹⁸Okhala anoona owereya ventji, omumula wawe wokhitjerya ahihana ntjina na Benoni, waholo tithi awe ahimwiihana Benjamim. ¹⁹Rakeli ahikhwa khuvithiya ephiro ya Efrata (ori Obelem). ²⁰Yakobi ahimpaka altari otjulu wa mahiye awe. Ni ethonyeryo ya mahiye awe an'noneya mpakha olelo.²¹Israyeli ahikhuma khurowa oteka nxaxa awe Omigda-Eteri. ²²Nlelo Israyeli okhalaka nttetthe ole, Ruben ahirupa ni Bila, hawalawe tithi awe ni Israyeli ahinwa. Anaawe Yakobi yaari muloko:²³ni liya, owo ahin'yara Ruben, oopatjerya, Simeyoni, Levi, Yuda, Issakari ni Zebuloni; ²⁴ni Rakeli, ahiyarana Yosefi, ni Benjamim; ²⁵ni Bila, nrumeyi awe Rakeli, ahiyarana Da ni Naftali;²⁶ni Zilpa, nrumeyi awe Liya, ahiyarana Gati ni Aseri. Otene ala anaawe Yakobi, yawo ayariye Opata-Arani. ²⁷Yakobi ahirowa mpakha waryawe Isaki, tithi awe, Omanre, Okiriati-Arba (yeyo-tho enihaniya Ebroni), wenwo wakhalaya Abrahaamu ni Isaki.²⁸Isaki ahikhala iyakha tjoophiyaka emiya ni iyakha miloko thanu nattharu. ²⁹Khuuluvala, ahikhwa ni khukuxiya arowaka otakanihiya ni amutji awe oluvanlene ni okhalalene mahiku mentji. Esawu ni Yakobi, anaawe, yahinvitha.

¹Ala anaawe Esawu ni-tho onihaniya Edoni. ²Ala athiyana Esawu athelalyawe a okanani: Ada, mwanawe Eloni, heteyo; Awulibana, mwanawe Ana, otjuulu wa Zibeyoni, heveyo; ³ni Basemeti, mwanawe Ismaeli, nrokorawe Nebaihoti.⁴A Esawu, Ada ahin'yara Elifasi, ni Basemati ahin'yara Reweli. ⁵Aiyolibana ahin'yara Jewusi, Yalawu ni Kora. Ala anaawe Esawu yayariye Okanani.⁶Esawu ahakuxa axaarawe, anaawe alopwana ni athiyana, atthu otene yaakhala owan'nyawe ni inama tjawe tjotene ni mihakhu tjawe, aphwanyalyawe Okanani, ni khurowa elapo yoorekamelana ni munnawe Yakobi. ⁷Owo ahipaka eyo okhala wira tjitthu tjawe khatjarere ni khivarerela okhala vamotja. Elapo yakhalaya khayaawerya mwaha wa inama tjaarinaya. ⁸Tivo, Esawu, ni-tho ootjuweliya ntoko Edoni, ahikhala nttetthe wa miyako tja Oseyiri.⁹Ala naari nloko na Esawu, titthi a odomita, akhala miyako tja Oseyiri. ¹⁰Ni ala yaari matjina a anaawe Esawu: Elifasi, mwanawe Ada, mwarawe Esawu; Reweli, mwanawe Basimati, mwarawe Esawu. ¹¹Anaawe Elifasi yari: Tema, Omari, Sefoni, Gata ni Kenasi. ¹²Timna ari hawalawe Elifasi, mwanawe Esawu, ahin'yara Amaleki. Ola waari otjulu awe Ada, mwarawe Esawu.¹³Ala yaari anaawe Reweli: Naati, Zera, Samani ni Miza. Ala yaari anaawe Basimati, mwarawe Esawu. ¹⁴Ala yaari anaawe Aiyolibama, mwarawe Esawu,mwan awe Ana, mwanawe Zibeyoni. Owo ahiyarihiya ni Esawu Yewusi, Yalawu ni Kora.¹⁵Ala yaari akhulupale a nloko na Esawu: nloko na Elifasi, oopatjeriya a Esawu, akhulupale a Tema, Omari, Zefoni, Kenasi, ¹⁶Kora, Gata ni Amaleki. Akhulupale yayariye ni Elifasi elapo ya Wedoni; ola waari otjuulu wa Ada.¹⁷Ala yaari akhulupale a Reweli, mwanawe Esawu: Naati, Zera, Sama ni Miza. Ala maloko yakhumale wa Roweli elapo ya Wedoni. Waari otjulu wa Basimati, mwarawe Esawu. ¹⁸Ala yaari akhulupale a Aiyobama, mwarawe Esawu: Yewusi, Yalawu ni Kora. Ala maloko yakhumale wa Aiyobama, mwarawe Esawu, mwanawe Ana. ¹⁹Ala malomo a Esawu, yala Edoni, ni akhulupalyaya.²⁰Ala yaari anamwane a Seyiri, heteyo, aakhala elapo ele: Lota, Sobali, Sibeyoni, Anasi, ²¹Disoni, Eseri ni Disa. Ala yaari akhulupale a horeso, yaakhala Oseyiri elapo ya Wedoni. ²²Anaawe Lota: Hori ni Hema; Timna ari nrokorawe Lota.²³Anaawe Sobali yari ala: Alva, Manati, Ebali, Sefo ni Ona. ²⁴Ala yaari anaawe Zibeyoni. Aiya ni Ana; ola ti Ana aphwanyale ihime tja woothakoni, arowaka olyiha inama tja atithi awe Izibiyoni.²⁵Ala ayaari anaawe Ana: Disoni ni Aiyolibama, mwanawe Ana. ²⁶Ni ala yaari anaawe Disoni: Henta, Esiba, Itra ni Kera. ²⁷Ala yaari anaawe Eseri: Bila, Zaava ni Akani. ²⁸Ala yaari anaawe Disa: Usi ni Arani.²⁹Ala yaari aholeli a ahori: n'holeli Lota, n'holeli Sobali, n'holeli Zibeyoni, n'holeli Anaa, ³⁰n'holeli Disoni, n'holeli Eseri ni n'holeli Disa; ala yaari aholeli a ahori, ottharelaka ni aholeli a nttetthe wa Oseyiri.³¹Ala yaari mamwene yettiherya nttetthe wa Wedoni ohinatthi okhala mwene Wisrayeli: ³²Bela, mwanawe Behori, ettiherya Wedoni; ni ntjina na epoma awe yaari Dinaba. ³³Numala okhwa Bela, Yobabi, mwanawe Zera, ari mwene ahalale nipuro nawe.³⁴Numala okhwa Yobabi, Husa, a elapo ya Otenamita, tahanle nipuro nawe. ³⁵Numala okhwa Husa, nto, Hatati, mwanawe Betati, axinttale atthu a omitiya nttetthe wa Omowabi, ari mwene ahanle nipuro nawe. Ntjina na epoma awe yiihaniya Aviti. ³⁶Numala okhwa Hatati, Samela aari a Omasereka ahanle nipuro nawe.³⁷Samela ahikhwa, ni, nto, Sawuli a Orewoboti, waattamela omuro, ahihala opuro awe. ³⁸Numala okhwa Sawuli, Bahali-Hana, mwanawe Akobori, ahihala nipuro nawe. ³⁹Numala Bahali-Hana okhwa, Hatari ahettiherya omwene opuro awe. Ntjina na epoma awe yihaniya Pawu; ni amwarawe yiihaniya Meetabeli, mwanawe Matrati, ntjulu awe Mezaabi.⁴⁰Ala matjina a aholeli a otjulu wa Esawu, ottharelaka ni nihimo naya ni mittetthe tjaya, ni matjinaya: Timna, Alva, Yetete, ⁴¹Aiyolibama, Elani, Pisoni, ⁴²Kenasi, Temani, Mibizari, ⁴³Makitiyeli ni Irawu. Ala yaari aholeli a nloko na Wedoni, ottharelaka ni mittetthe tjaya, etthaya yakhalaya. Owo ari Esawu, tithi a Edomita.

¹Yakobi akhala elapo yaakhala atithi awe, nttetthe wa Okanani. ²Iya tjitthu tjiiraneya n'hina mwa Yakobi. Yosefi, aari m'miravo a iyakha muloko ni thanu napili, akhapelela inama vamotja ni axin'nawe. Owo aari i anaawe Bila nianaawe Zilpa, axaaraya atithi awe. Yosefi ahawanela atithi awe mitthaka tjoohiloka tjawaya.³Ni Israyeli aniphentaYosefi waavirikaniha anamwane akinaku, okhala wira owo aari mwana a wuuluvala wawe. Owo ahimpakela nlaya noorerexa. ⁴Axin'nawe ahoona wira owo aniphentiya waavirikaniha awo otene. Yahin'nyokha ni khiyalavula voorerela ni owo.⁵Yosefi ahiloha khwahimerya otene aya. Awo yahitepa-tho on'nyokha. ⁶Owo ahahimerya: ''Xoontte, mwinwe oloha n'no waarinaka.⁷Niira nitthukaka etrigu omatta ni efartu aka yahivenya khweemela ni ifartu tjinyu tjahirukurerya ni tjinuuramela efartu aka''. ⁸Axin'nawe yahira: ''Vekhweli nyuwano n'naanettiherya? N'naakha mwene, vekhweeli, a hiyano?''. Awo yanitepa on'nookha mwaha wooloha wawe ni molumo awe.⁹Owo ahiloha-tho khwaahimerya axin'nawe. Owo ahira: ''Kooloha-tho: ntjuwa ni mweeri ni itheneri muloko niimotja tjankikokhorela''. ¹⁰Owo ahahimerya atithi awe, tjitjam'mo axin'nawe ni atithi awe yahimpwapwela. Yahin'himerya: ''Yoloha xeni eyo yaarinenyu? Miyano, amayenyu ni axin'ninyu anaarowa, vekhweeli, wookokhorelani?''. ¹¹Axin'nawe yanimunlela ehatje, vano atithi awe yahintjathi m'muruni mwaya.¹²Axin'nawe yahirowa okhapelela inama Osikeni. ¹³Israyeli ahin0himerya Yosefi: ''Axin'ninyu khahiyo ari Osikeni akhapelelaka inama? Nwe koorumeni oryayawo''. Yosefi ahin'himerya: ''Koolikana''. ¹⁴Owo ahin'himerya: ''Nrowe wananano, mwaawehe axin'ninyu ni inama wakhala tjikumi ni nwe nkiwaanele mittaka''. Nto, Yakobi ahin'ruma ni Yosefi ahirowa Osikeni.¹⁵Nlopwana m'motja ahimphwanya Yosefi arimelalene. Nlopwana ahin'koha: ''Mumpheelani?''. ¹⁶Yosefi ahira: ''Kinaaphelatja axin'naka. Nkihimerye, xoontte, awo anlyiha inama''. ¹⁷Nlopwana ole ahira: ''Awo akhuma nipuro nla, waholo kowinwa yiiraka: 'Nrowe Otota'''. Yosefi ahatthimakela axin'nawe ni ahaphwanya Otota.¹⁸Awo yahumoona ottaiwene ni, owo ohinatthi owattamela, yanivaneela wira amwinve. ¹⁹Axin'nawe yahihimeryana: ''Ole onwa vale namaloha. ²⁰Nrowe, wananano, nimwinve ni ninttikhele munxepani. Ni n'narowa ohimya: '''Mwaaminama m'motja a ntakhwani onkhuura'. N'narowa oweha ontthuna okhala oloha wawe''.²¹Ruben ahinwa eyo, ahititha matata awe ni ahira: ''Nihimwinve''. ²²Ruben ahahimerya: ''N'himwaraxe ephome. Mwinrihele nxepa nla woothakoni, vano n'himwintjatherye matata''. Owo aniiphela okhumiha Yosefi wira atthikele waatithi awe.²³Wahonaneya, numala Yosefi ophiya waari axin'nawe, awo yahinrula nlaya nawe. ²⁴Yahinkuxa khunttikhela munxepani, nahakhalale etthu nahakhalale matji.²⁵Awo yahikilathi wira akhure ephau. Yahivenxa mentho aya khwaaweha atthu yakhuma Ogileyati, ni ikamelo tjaya, akuxaka tjitthu tjoorerela, balsamu ni emirra, awo yakuxa arowanaka Wegitu. ²⁶Yuda ahahimerya axin'nawe: ''Nintthuna ophwanya exeni namwinva mun'nihu ni nivitha ephome awe?²⁷Nwe, naatumiherye atthu ale ni nihimwintjatherye matata ehu, waholo owo mun'niihu, enama-ehu''. Axin'nawe yahimwinwa. ²⁸Numala anamatumiha yakhuma omitiya yaviraya, axin'nawe yahikuxa Yosefi, khunkumiha munxepani khuntumiha ni ntjurukhu waaphiyerya miloko minli tja eparatha. Atthu ale yahinkunxa Yosefi anrowanaka Wegitu.²⁹Okathi Ruben atthikelalyawe oxepani, Yosefi khakhalalewo. Owo ahikhera ikuwo tjawe ³⁰ni, atthikelaka waari axinnawe ahira: ''M'miravo khokhalalewo. Ni miyano, kintthuna orowa wowi?''.³¹Nto, awo yahikuxa nlaya na Yosefi, yahinva epuri emotja ni khuruweya nlaya mphomeni. ³²Numala yahikuxa arowana waatithi aya ni khwiira: ''Noopwanya ela. Xoontte, moone naari nlaya na mwanenyu wala n'naari''. ³³Yakobi ahupuwela nlaya ni ahira: ''Tinamwanaka. Enama ya ntakhwani tiyinkhurale. Yosefi ookhuriya vekhweli''.³⁴Yakobi ahikhera ikuwo tjawe ni khuwara ikuwo tja etjako. Ni ahikhala akhalaka mahiku mentji amunlelaka mwanawe. ³⁵Anaawe alopwana ni athiyana yahikhuma arowaka om'maaliha, vano owo ahikhora omaalihiya, iiraka: ''Vekhweeli, kinaarowa omahiye kimunlelaka mwanaka''. Tithi awe ahimunlela. ³⁶Ni atthu ale yankuxale yahintumiherya Potifari Wegitu, nkhulupale a Farawu, nakhotto aakhala wa mwene.

¹Okathi ule, Yuda ahahiya axin'nawe khukhala ni nlopwana m'motja a Wadulawu, ntjina nawe iriya Hira. ²Nwe, owo ahimphwanya mwana a okanani, ntjina nawe iriya Suwa. Owo ahinkuxa ni khunthela.³Owo ahirupala, ahiyara mwanene khuvahiya ntjina na Er. Owo ahitthikela-tho orupala khuyara mwanene ⁴khuvahiya ntjina na Onani. ⁵Ahitthikela-tho, khukhalana mwana nkina khunvaha ntjina na Sela. Wari Okizebi ayaralyawe.⁶Yuda ahinphwanya nthiyana khuntheliha mwananwe oopatjerya Er, ntjina nawe ihaniya Tamari. ⁷Er, oopatjeriya ni Yuda, aari oonyokhiya ni Muluku ni Muluku ahimwinva.⁸Yuda ahin'himerya Ona: ''Nrupe ni mwaarawe mun'ninyu, nttharihele yoorerelenyu ni mun'yarihe mwanawe mun'ninyu''. ⁹Ona ahitjuwela wira mwana owo khaatthuna okhala awawe. Wakhula okathi aarupawe ni amwaaraya amun'nawe, olopwanawe amwaraxela ota wira ahinvahe mwana mun'nawe. ¹⁰Yaapakawe khiyaatjivela Apwiya ni Apwiya yahimwinva nuuwo-tho.¹¹Nto, Yuda ahin'himerya Tamari, mwarawe mwanawe: ''Nkhale ntoko naamukhweli owan'nyaya atithinyu mpakha Sela, mwanaka, on'nuwe''. Waholo amoova: ''Owo onaakhwa, ntoko axin'nawe''. Tamari ahikhuma anarowa okhala waatithiwe.¹²Numala ovira okathi muntji, mwanawe Suwa, mwaarawe Yuda, ahikhwa. Yuda ahilipihiya khurowa waayara inama tjawe Otinmati, owo ni mpatthani awe Hira, a otulamita. ¹³Ahihimeriya Tamari: ''Tatenyu onrowa Otimnati orowa oyariha inama tjawe''. ¹⁴Owo ahirula ikuwo tjawe tja onamukhweli, ahikhuneela ni nlaya nawe. Owo ahikilathi vankhora wa Onaini, waattamela erampha yaakela Otimnati. Ahoona wira Sela ahun'nuwa, vano owo khavahiya wira anthele.¹⁵Numala Yuda onweha, uupuwela wira namararuwa, mwaha wookhala ni owitho wookhuneeliya. ¹⁶Owo ahirowa varyaawe nramphani ni khwiira: ''Nwe, xoontte, nkihiye koorupaneni'', waholo owo khaatjuwela wira owo aari mwarawe mwanawe; owo ahira: ''Munrowa okivaha exeni mwakirupana?''.¹⁷Owo ahira: ''Kinamowanelani enama emotja''. Owo ahira: ''Nyuwano n'naakivaha yoovarela mpakha nyuwano otthika?''. ¹⁸Owo ahira: ''Etthu xeeni entthunaka woovahani?''. Owo ahira: ''Ntjako enyu, ni ttotto enyu ori m'matatani mwenyu''. Owo ahinvaha tjitthu n'yo, ahirupana ni owo ahirupala.¹⁹Owo ahivenya khunarowa. Ahirula nlaya nawe ni khuwara ikuwo tja enamukhweli. ²⁰Yuda ahiruuha epuri ni mpatthani awe a otulamita wiira akuxe tjitthu tjaari ni nthiyana, vano owo khamphwanyale.²¹Nto, ntulamita ahakoha atthu yaattamelale: ''Ori vayi namararuwa akilathale wankhora wa Onaini?''. Awo yahiira: ''Khakhalale namararuwa va''. ²²Owo ahitthikela wa Yuda khun'himerya: ''Nkimphwanyale. Ni-tho atthu a mapuro yale yirale: 'Khakhalale namararuwa va'''. ²³Yuda ahira: ''M'muhiye ahale ni tjitthu n'ye wira nihiveheye. Vekhweeli, korowana enama ela, vano nkamphwanyale''.²⁴Wahonaneya, numala ovira miyeri miraru, Yuda ahihimeriya: ''Tamari, mwarawe mwanenyu, ooraruwa ni oorupala''. Yuda ahira: Nkiwanela va apahiye''. ²⁵Numala owo owaniya, aharumiha atatawe mitthaka: ''Okirupalihale nlopwana mwanene tjitthu n'ya''. Owo ahihimya-tho: ''Mun'nuupuwela, xoontte, mwanene: ntjako ni ttotto''. ²⁶Yuda ahupuwela tjitthu ni ahira: ''Owo ohana ekhweeli okivikana miyano, okhala wira nkinvahele Sela wira onthele, mwanaka''. Owo khatthikelale onrupana.²⁷Wahiiraneya, numala ophiya okathi owo wooyara, yari anamwane enli m'mirimani mwawe. ²⁸Owo ayaraka, mwana m'motja ahikumiherya mono ota ni namayariha ahikuxa nkhoyi ni khutthukwa n'tata nawe khwiira: ''Ola tori oopatjerya okhuma''.²⁹Vano owo ahittikiha ntata nawe ni mun'nawe khupatjerya okhuma. Namayariha ahira: ''Okhala wira moonyanyerya yohimiya!''. Owo ahihaniya Perizi. ³⁰Nto, Mun'nawe ahikhuma, aarina nkhoyi m'matatani mwawe, ni owo ahihaniya Zera.

¹Yosefi ahirowaniya Wegitu. Potifari, nkhulupale aanakhotto a Farawu, ahinthuma ni atthu ale yanrowanale. ²Apwiya yari ni Yosefi, akhala ni pwiya awe a Wegitu.³Pwiya'we ahooa wira Apwiya yaari yoowo ni anintjererya mwa tjootene tjaarinawe. ⁴Yosefi ahiphwanya mahala m'matatani mwa pwiya'we, anrumeelawe. Potifari ahin'hela onxatoro a owan'nyawe, ahimun'nya tjotene wira awehaweheke tjitthu tjawe.⁵Okhuma okathi an'helalyawe onxatoro a owan'nyawe ni tjotene tjaarinawe, Apwiya yanireeliha owan'nya nlopwana ole mwaha wa Yosefi. Mareliho a Apwiya yaari mwa tjitthu tjotene tjaarinawe Potifari ni imatta tjawe. ⁶Potifari ahinvaha tjotene Yosefi wira eettiheryeke. Owo khiivo ekina yuupuwelawe wohikhala yoolya alyawe. Yosefi ari ooneneva erutthu awe ni nkhalelo.⁷Ni wahiraneya, amwaraya apwiya'we yantthuna Yosefi. Awo yahira: ''Nkirupane''. ⁸Vano owo ahikhootta ni khun'himerya: ''Mwinwe: pwiya'ka khokhanle ooxenkereya mwa tjitthu tjinvaraka owan'nyawe. Owo ookivaha tjotene. ⁹Khuvo muulupale opkivikana miyano vateva. Owo khokivithelale etthu, wohiya nyuwano, okhala wira nyuwano mwamwarawe. Kaatthuna otthekela exi vamaithoni va Muluku?''.¹⁰Owo anilavula ni Yosefi wakhula nihiku, vano owo anikhootta orupana. ¹¹Vano, nihiku nimotja, owo ahiphiya enupa ele avarawe nteko ni khuuvo nanteko nkina aariwo. ¹²Nthiyana owo ahinvara ikuwo tjawe ni ahira: ''Nrupe ni miyano''. Owo, vano, ahin'hiyerya ikuwo tjawe m'matatani mwaya, ni ahitthyawela ota.¹³Numala owo woona wira owo ahin'hiyerya ikuwo tjawe ni khutjawela ota, ¹⁴ahimwiihana nlopwana m'motja a vate vavale ni khun'himerya: ''Moone, Potifari onwaana n'heberi wira oniruwane. Owo awaale wira akirupane ni miyano kikhuwela. ¹⁵Numala okinwa kikhuwelaka, okihiyeryale ikuwo tjawe, okhumelale ota''.¹⁶Nthiyana ole ahihiya ikuwo tjawe mpakha pwiya awe owa. ¹⁷Ni khun'himerya tjitjam'mo: ''Nrumeyi n'heberi n'niwanelalenyu aawelale oniruwana. ¹⁸Numala miyano okhuwela, owo okihiyeryale ikuwo tjawe ni khukhumela ota''.¹⁹Nto, numala pwiya'we winwa ohimya wa nthiyana ole: ''Tin'yeeyo nrumeyinyu okipakelalyawe'', Potifari ahinyonyiya ventji. ²⁰Pwiya'we Yosefi ahinkuxa khuntthukwela nkhatteya, nipuro nakhalaya anamatthukiya a mwene. Owo ahitthukweliya.²¹Vano Apwiya yaari i Yosefi ni ari ni yoowo khooniherya mahala oholo wa nlipa aalipelela ekhatteya. ²²Ole alipelela ekhatteya ahinruma Yosefi wira aweettiheryeke anamatthukiya akina. Wakhula etthu yiiraneya, Yosefi akhala n'hooleli. ²³N'holeli a ekhatteya khaxenkereya ni etthu okhala wira Apwiya yaari ni Yosefi. Wakhula etthu apakawe, Apwiya yaninkhaliherya.

¹Wahonaneya, nuvira tjitthu n'ya, nakoopho ni naphau a mwene a Wegitu yahaveha amwene aya, mwene a Wegitu. ²Farawu ahitikihiya ni arumeyi awe, nakhoopho ni naphau. ³Owo ahatthukela nkhatteya, ekhatteya emotjaru yatthukweliye Yosefi.⁴N'holeli ankhatteya ahimwirela Yosefi wira aholeleke. Awo yahikhala mahiku vakhani. ⁵Owenli aya yahiloha - nakoopho ni naphau a mwene a Wegitu yawo yari nkhatteya - wakhula nlopwana ahiloha yoolohawe, ohiyu omotja, ni wakhula yooloha yahaana nthinto aya wootaphuleliya.⁶Okathi Yosefi arowalyaya waaryawo, ahoona wira yahixanka. ⁷Owo ahakoha alopwana ale a mwene yarinawe nkhatteya: ''Mwaha wa xeni erinyu ooxanka olelo?''. ⁸Awo yahakhula: ''Hiyano nrooloha ni khuvo onwerya otaphulela''. Yosefi ahahimerya: ''Khahiyo wa Muluku otaphulela? Nkihimerye xoontte''.⁹Nakoopho ahin'himerya Yosefi yoloha we iraka: ''Moolohani mwaka, kaweha evitera oholo waka. ¹⁰Vaviterani vale, tjahikhala iritta tthaaru. Eyo emelaka, ihutu tjaya tjanikhuma ni iritta tjaya tjanim'ma iwuva tjoottokottha. ¹¹Ekopho awe Farawu yaari m'matatani mwaka. Miyano kahikuxa iwuuva ni kiwamela nkoophoni mwa Farawu ni kinvahererya m'matatani mwawe''.¹²Yosefi ahin'himerya: on'no otaphulela wa yooloha enyu: ''Iritta n'yo ttharu enihimya mahiku mararu. ¹³N'hina mwa mahiku mararu, Farawu onarowa ovenxa muru awe ni onimoovahani nteko nkina, nkhale ntoko nakhotto awe. Nyuwano n'narowa onvahererya Farawu ekoopho m'matatani mwawe, ntoko okathi mwaryenyu nakoopho awe.¹⁴Vano nkupuwele miyano mwakha tjaana; kin'nolipelani wira nkimorele ikharari, m'mun'himeryaka Farawu wira okikumihe nkhatteya. ¹⁵Vekhweeli, miyano kiroovariya nttetthe wa aheberi. N'no-tho khivo etthekalyaka wira kitthukweliye nkhatteya''.¹⁶Okathi naphau vonalyawe wira otaphuleliya nwe wahireera, owo ahin'hmerya Yosefi: ''Miyano-tho kooloha, ni kahoona icesto tthaaru vatjulu va muru aka. ¹⁷Ecesto yaari otjulu, tjahikhala inama tjootene tja Farawu, vano ixinuuni yahikhura ecesta yaari vamuru vaka''.¹⁸Yosefi ahakhula: ''N'no otaphuleliya waya: icesto iyo tthaaru tjinihimya mahiku mararu. ¹⁹N'hina mwa mahiku mararu, Farawu onaarowa weemexa muru enyu ni n'naarowa ohophiya vamwirini ni axinuuni anarowa okhura erutthu enyu''.²⁰Nihiku na eneraru, Farawu iiriha iyakha. Owo ahapakela yoolya arumeyi awe otene. Owo ''ahivenya'' muru wa nakoopho ni wa naphau oholo wa arumeyi awe. ²¹Owo ahinttikiherya nakoopho nteko wavarawe ni khunvaha-tho Farawu ekoopho. ²²Vano owo ahin'hopha naphau, tjitjam'mo tjahimalyawe Yosefi. ²³Vano nakoopho khamupuwelale Yosefi; owo ahinliyala.

¹Numala ovira iyakha pinli tjoomalela, Farawu ahiloha. Owo arimweemela oholo wa muro Nilo. ²Waholo, tjahiwela inyompe thanu napili, tjoorera ni tjooneneva, ni tjaalya m'matta. ³Wananano, nuvira n'yo, tjahiwa inyompe tjikina thanu napili, tjohiloka ni tjowotta. N'yo tjemenle ni tjikina nkherekhere mwa muro.⁴Nto, inyompe n'ye tjoohiloka ni jowootta tjahikhura inyompe n'ye tjooneneva. Nto, Farawu ahivenya. ⁵Numala vo, owo ahirupa-tho khutthikela-tho oloha. Wananano, miyuuputjo tja nakhuwo thanu napili tjahim'ma mwiri m'motja, tjooloka ni ikumi. ⁶Waholo, nuvira n'yo, tjahim'ma miyiuuputjo tjikina, tjowootta ni tjoolya ni epheyo.⁷Miyuuputjo n'ye tjoowootta tjahikhura n'ye tjikumi. Farawu ahivenya, ni waari oloha. ⁸Wahiraneya nto, vaxaalyaya, eroho awe yahixanka. Owo ahirumiha wiihaniya anamaxintta otene ni atjuweli a Wegitu. Farawu ahahimerya yooloha awe, nto khuvo awerya otaphulela.⁹Nto, nkhulupale a anakoopho ahin'himerya Farawu: ''Olelo miyano kiuupuwela oveha waka. ¹⁰Farawu ahinyoonyiya ni arumeyi awe, ni ahikihela owan'nyawe nkhulupale a anakhotto, miyano ni nkhulupale a anaphau. ¹¹Hiyano nahiloha ohiyu omotja, owo ni miyano. Nakhalana wakhula ntthu yooloha awe, wakhula oloha ni otaphulela waya.¹²Ari ni hiyano m'miravo n'heberi, nrumeyi awe nkhulupale a nkhatteya. Nahin'himerya owo tjoloha tjehu, ni owo ahintaphulela. Owo ahitaphulela wakhula ntthu wa hiyano ntoko tjalohalehu. ¹³Ni wahiraneya tjitjam'mo tjahimalyawe. Farawu khukittikiherya nteko aka, nto, owo ahin'hopha nkina''.¹⁴No, Farawu ahirumiha orowa wihaniya Yosefi. Vowakuveya, ahikumihiya nkhatteya. Owo ahireherya, ahiwara ikuwo tjikina khurowa waryawe Farawu. ¹⁵Farawu ahin'himerya Yosefi: ''Miyano kirooloha, vano khuvo onwerya otaphulela. Vano, kihinwa wira, nyuwano mwaiwa yooloha, mun'niwerya otaphulela''. ¹⁶Yosefi ahin'himerya Farawu, iraka: ''Khahiyo miyano, vano Muluku onaamwakhula Farawu''.¹⁷Farawu ahin'himerya Yosefi: ''Moolohani mwaka, miyano karimweemela, nkherekhere mwa muro Nilo. ¹⁸Vowakuveya, tjahiwela inyompe thanu napili m'muro tjooneneva ni tjoorera, ni tjanilya m'matta.¹⁹Wananano, nuvira n'yo, inyompe tjikina tjahiwela, tjiwelanaka ikina ni ikhwaya, tjoottettheya, tjoohiloka ni tjowootta. Nkinawehe tjitthu tjoohiloka Egitu otene ntoko n'ye. ²⁰Inyompe n'ye tjootta tjanikhura n'ye tjooneneva. ²¹Numala okhura, khawaatjuwanyeya wira tjokhura etthu, nto nlelo tjakhala tjowootta ntoko tjaryaya. Nto, miyano kahivenya.²²Miyano kahiweha moolohani mwaka, miyuuputjo thanu napili tjahiwela, mwiri m'motja. ²³Nto tjahikhuma miyuuputjo tjikina tjoonyala, yjoowootta ni tjoopahiya ni epheyo. ²⁴Miyuputjo tjoowootta tjahimirya n'ye tjootikana. Miyano kihahimerya tjooloha n'ya anamaxintta, vano khuuvo onwerya otaphulela''.²⁵Yosefi ahin'himerya Farawu: ''Tjooloha tja Farawu enihimya etthu emotja. Etthu Muluku ontthunawe opaka Owo on'himerya Farawu. ²⁶Inyompe n'yo thanu napili tjooloka onihimya iyakha thanu napili, ni miyuuputjo n'nyo thanu napili enihimya miyakha thanu napili. Tjooloha n'yo etthu emotjaru.²⁷Inyompe n'yo thanu napili tjoowootta tjawelale enihimya iyakha thanu napili, ni-tho miyuuputjo n'yo thanu napili tjoonyala enihimya iyakha thanu napili enrowaya okhala etala. ²⁸Tiiyo owo an'himeralyawe Farawu. Muluku ontthunawe opaka oomoniiherya Farawu. ²⁹Moone: Iyakha thanu napili oruweriyaka ventji onakhala wegitu wootene.³⁰Nuvira n'yo, tjinaawa iyakha thanu napili tja etala, ni oruwerya wootene onaarowa oliyaliya Wegitu wootene, ni etala eyo enarowa waahaxa atthu. ³¹Oruwerya nwo khontthuna wuupuweliya mwaha weetala entthuna owa, okhala wira entthuna okhala yiintji. ³²Nto mwaha wa oloha wa Farawu otthikela ikwaha pinli, mwaha wowira eyo epakiye ni Muluku, ni Muluku onaapaka vowakuveya.³³Vano, van'nirerela Farawu omphwanye nlopwana ootjuwela, ni ompwehe Wegitu. ³⁴Nto Farawu athanle anamawehaweha aapwehe Wegitu, ni awo apwehe mphantti m'motja wa iyoolya tja Wegitu iyakha tjooruweriya.³⁵Atakanihe iyoolya tjootene tjooreera iyakha n'yo tjooruweriya ni ophwehe, wira tjikhale iyoolya tja m'muttettheni. Awo apwehe. ³⁶Eyoolya eyo entthuna olyiyaka iyakha tja etala Wegitu. Tjitjam'mo, nttetthe khuntthuna ohawa mwaha wa etala''.³⁷Nkhaviheryo owo wahintjivela Farawu ni oholo wa arumeyi otene. ³⁸Farawu ahahimerya arumeyi awe otene: ''Van'niweryaneya omphwanya ntthu ntoko ola, yowo onkhalawe Munepa wa Muluku?''.³⁹Nto, Farawu ahin'himerya Yosefi: ''Okhala wira Muluku owooniheryani tjitthu n'yo tjotene, khuuvo nkina ootjuwela ntoko nyuwano. ⁴⁰Nyuwano n'naakhala owan'nyaka; ottharelaka moolumo enyu, atthu aka animweettela. Nto ehitje pahi tintthuna okhala yawaka. ⁴¹Farawu ahin'himerya Yosefi: ''Moone, miyano kin'nohelani Wegitu wootene''.⁴²Farawu ahinrula anela anwaralyawe nkathani mwawe khunwariha Yosefi. Owo ahinwariha ikuwo tjooreera ni khunwariha ekolari ya wero nxikoni mwawe. ⁴³Owo ahinweliha nkukutta wa enenli yarinawe. Atthu yanikhuwela oholo wawe_ ''Nkokhore''. Farawu ompweha okhulupale Wegitu wootene.⁴⁴Farawu ahin'himerya Yosefi: ''Miyano ka Farawu ni, wohikhala otthuna wenyu, khuuvo ntthu ontthuna ovenxa n'nawu hata ntata Wegitu wootene''. ⁴⁵Farawu ahinvaha Yosefi ntjina na Zefenati-Paneiya. Ahinvaha Asenati wira akhale mwaarawe, ari mwanawe Potifari, nankuttho a Omi. Yosefi ahetta nttetthe wa Wegitu.⁴⁶Yosefi aarina iyakha miloko miraru arowaka wiitjueliha wa Farawu, mwene a Wegitu. Yosefi ahikhuma oholo wa Farawu khinarowa weetta nttetthe wootene wa Wegitu. ⁴⁷Wa iyakha thanu napili tjooruwerya, etthaya ela yahiruweriya ventji.⁴⁸Owo ahitakaniha iyolya tjotene tjaruweriye iyakha thanu napili, nttetthe wa Wegitu, iyolya tja m'matta tjowattamela. ⁴⁹Yosefi ahipweha iyoolya ntoko mithaaka tja mphareya, mpakha ohiya waalakhanya okhala wira tjahivikana nthinto tjaya.⁵⁰Yosefi ahaayara anaawe enli ni Asenati, mwanawe Potifari, nankuttho a Omi, miyakha tja etana tjihinatthi ophiya. ⁵¹Yosefi ahimwihana mwanawe oopatjerya Manassesi, waholo ahira: ''Muluku ookiliyaliha tjitthu tjaka tjootene ni owan'nyaka''. ⁵²Mwanawe a eneli ahimwiihana Efraini, waholo ahira: ''Muluku ookin'nuuha elopo ehawalyaaka''.⁵³Iyakha n'ye thanu napili tjooruweriya Wegitu tjahimala. ⁵⁴Iyakha thanu tja etala tjaahipatjerya, ntoko Yosefi ahimalyawe. Yahikhala etala mittetthe tjootene, waholo nttetthe wootwnw wa Wegitu yahikhala eyoolya.⁵⁵Okathi nttetthe wa Wegitu wootene waarinaya etala, atthu otene yaninvekela Farawu eyoolya. Farawu ahahimerya atthu a Wegitu: ''Nroweke wa Yosefi ni mwavareke tjootene tjitthunaawe ohimya''. ⁵⁶Etala yaari elapo yootene. Yosefi ahitthukula matatha otene ni khiyaatumiherya atthu. Etala yahitepa waatta nttetthe wa Wegitu. ⁵⁷Atthu yaawa Wegitu othuma yoolya ni Yosefi, okhala wira etala khiyarere elapo ya vathi.

¹Vano, Yakobi ahitjuwela wira Wegitu yahikhala yoolya. Oow ahahimerya anaawe: ''Mwaha wa xeni munwehaneenyu nyenyuru?''. ²Owo ahira: ''Nwehe, miyano kihinwa wira Wegitu yookhala yoolya. Nkhuruwele wuwu ni mwanithumele, wira nihikhwe etala''. ³Axin'nawe Yosefi oomuloko yahirowa Wegitu othuma yoolya. ⁴Vano Benjamini, mun'nawe Yosefi, Yakobi khanrumale ni axin'nawe, okhala wira anoova onkhumelela yootakha.⁵Anamwane a Israyeli yahirowa othuma vamotja ni atthu akinaku, okhaka wira etala yaahiphiya Okanani. ⁶Wananano, Yosefi aari nxatoro a Wegitu. Aari yoowo aatumiherya atthu otene. Axin'nawe Yosefi yahiwa khunkokhorela oholo wawe, akokhorelaka vathi.⁷Yosefi ahaweha axin'nawe ni khuwuupuwela, vano owo ahitatuxa ni khulavula ventji ni yaawo, ahimeryaka: ''Munkhuma vayi?''. Awo yahiira: ''Nttetthe wa Okanani, wira nithume yoolya''. ⁸Yosefi ahiwuupuwela axin'nawe, vano awo khiyantjuwela.⁹Nto, Yosefi ahupuwela oloha warinawe mwaha wa yaawo, ni ahahimerya: ''Nyuwano mwawela owehaweha! Mwawela oweha mapuro ohilipalipa a nttetthe''. ¹⁰Awo yahira: ''Naari, pwiya'ka. Arumeyinyu yawale othuma yoolya. ¹¹Hiyano nanamwane a nlopwana m'motja. Naalopwana ekhweeli. Arumeyinyu khahiyo anamawehaweha''.¹²Owo ahahimerya: ''Naari, nto mwaawela owehaweha mapuro oottettheya a m'muttettheni''. ¹³Awo yahira: ''Hiyano, arumeyinyu, naxin'na muloko nenli, anamwane a nlopwana m'motja a Okanani. OOkhitjeriya ori ni tithihu, ni nkina khokhalale''.¹⁴Yosefi ahira:''Ti tjitjam'mo miyano koohimeralyakani: nyuwano mwa anamawehaweha. ¹⁵Tivo, n'naattehiya. Mwaha wookumi wa Farawu, nyuwano khan'nikhuma va, vohiwa mun'nyu ookhitjeriya. ¹⁷Munrume m'motja wa nyuwanowira anrowele owo nkina. N'naarowa okhala nkhatteya, wira moolumo enyu attehiye, wakhala n'nihimya ekhweeli''. ¹⁶Owo ahapweha nkhatteya n'hina mwa mahiku mararu.¹⁸Yosefi ahahimerya nihiku na eneeraru: ''Mwiira ela ni n'naakhala, okhala wira miyano kin'nimoova Muluku. ¹⁹Wakhala wira nyuwano mwa alopwana a ekhweeli, mun'hiye mun'ninyu m'motja nkhatteyamu, vano nyuwano n'naarowa okuxa yoolya mwaha wa etala eri elapo enyu. ²⁰Munwaane mun'ninyu ookhitjeriya, wira moolumo enyu akhale eekhweeli ni n'hikhwe''. Nto, awo yahira tjam'mo.²¹Awo yahihimeryana: ''Hiyano vekhweeli nihala nlattu mwaha wa mun'nihu, okhala wira nihoona oxanka wa eroho awe, okathi owo anilipelawe vano hiyano khanaatthu omwinwa. Tivo, ohawa n'no wooniweela''. ²²Ruben ahakhula: ''Miyano nkohimeryaleni: 'n'hittheke mwaha wa m'miravo ola', vano nyuwano khamwaakinwa? Wananano moone: ephome awe ni'nilivela''.²³Awo kahayaatjuwela wira Yosefi aniwinwa, okhala wira ahikhala ntthu aataphulela. ²⁴Owo ahikhuma ni ahinla. Yosefi ahitthika ni aalavulana. Owo ahinkuxa Simiyoni khuntthukwa oholo waya. ²⁵Nto, Yosefi aharuma arumeyi awe wira atjarihe yoolya mitjako tjaya, ottikiheriya ntjurukhu wakhula ntthu i ovahiya yoolya ya mphironi. Ni eyo yahiriya.²⁶Axin'nawe ale yahaakuxa aburu aya ni yoolya aya khukhuma vale. ²⁷Okathi m'motja wa yawoatthukulalyawe muntjakoni mwawe wira anlyihe buru awe, owo ahoona ntjurukhu awe. Nto owo waari vankhora wa ntjako awe. ²⁸Owo ahahimerya axin'nawe: ''Ntjurukhu'ka kotikiheriya. Moone vankhora wa ntjako wa yoolya''. Mirima tjaya tjaharipa ni, ni woova, yaaniwehana, aniira: ''Exeni ela Muluku onipakelalyawe?''.²⁹Awo yahirowa waari Yakobi, nttetthe wa Okanani, ni yahin'himerya yawiranelale. Awo yahira: ³⁰''Nlopwana, nkhulupale a m'muttettheni, khorere onipwapwale ni uupuwel wira nanamawehaweha a nlaponi. ³¹Hiyano non'himerya: ³²'Naalopwana ekhweeli, anamwane atithihu. M'motja khokhalale ni nkina ohalale ni tithihu owaani'.³³Nlopwa ole, nkhulupale a m'muttettheni, onihimerya: 'Ni yeeyo, miyano kinaatjuwela wira nyuwano mwa ntthu ekhweeli. Wa m'motja a anyuwano okhale ni miyano, nkuxeke eyoolya mwaha wa etala owan'nyinyu, ni nrooweke. ³⁴Nkiwaanele mun'ninyu ookhitjeriya. Nto, miyano kinarowa otjuwela wira khahiyo mwanamawehaweha, nto mwa atthu ekhweeli. Nto, kinantaphula min'ninyu, ni n'naatumihaka m'muttettheni''.³⁵Wahiraneya, numala wiittha miritti tjaya, wakhula ntthu ari ntjurkhu awe. Okathi awo ni atithi aya yoonalyaya ntjurukhu, yahoova. ³⁶Yakobi, tithi aya, ahahimerya: ''Mun'nikimaliherya anaaka. Yosefi khanikhala-tho, Simeyoni oorowa, ni muntthuna onkuxa Benjamini. Wakhula itthu n'ya tjiri wa miyano''.³⁷Ruben ahahimerya atithi awe: ''Hata owinva anaaka owenli wakha wira miyano nkintthuna onwana Benjamini wa nyuwano. Mumpwehe m'matatani mwaka, ni miyano kinimoowanelani''. ³⁸Yakobi ahira: ''Mwanaka khonrowa ni nyuwano. Yankhumelela etthu yootakhala nrowaka, n'nakuruxela waalipa okhwa ikharari tjaka tjoottela ni oripiya eroho.

¹Etala khiyarere watta m'muttettheni. ²Numala awo olya eyoolya yawaniye Wegitu, tithi aya ahahimerya: ''Ntthikelewo wira mwanithumele-tho yoolya ekina''.³Yuda ahakhula: ''Nlopwana owo khorere onihimerya: 'Khan'nitthikela-tho woona owitho, mun'ninyu ohikhalanle ni nyuwano'. ⁴Mwanin'nya ni hiyano mun'nihu, n'nootthikelawo wira nathume yoolya. Vano, mwahinin'nye, khanintthikelawo. ⁵Okhala wira nlopwana owo o ihimerya: 'Khamuntthikela-tho oweha owitho waka, mun'ninyu ohikhanle ni nyuwano''.⁶Israyeli ahira: ''Mwaha wa xeni nkipakelalenyu etthu ila yootakhala, mun'himeryaka nlopwana owowira muhaana mun'ninyu?''. ⁷Awo yahakhula: ''Nlopwana owo aniikoha tjotene tja wihu ni tja amutjiihu. Owo ahira: 'Tithiinyu nlelo on'nikhla? Muhaana mun'ninyu nkina?'. Hiyaao naakhula nittharihaka tjookohiya n'yo. Vano hiyano natthuna otjuwela tjayi: 'Munwaane mun'ninyu'.⁸Yuda ahin'himerya Israyeli, tithi awe: ''Nkinye mun'naka ni miyano. Hiyano n'nooveya nrowe wira nihikhwe nto nikhale, okhuma hiyano, nyuwano, ni aniinyu. ⁹Miyano kinaakhala mwenene ni nyuwano nkiroromele. Miyano kahinwaane, nto, kintthuna okhala ni nlattu owo vohimala-tho. ¹⁰Waholo, nahapitjale, nto naatthuna wiraka niwaalene ekwaha ya enenli''.¹¹Tithi awe, Israyeli, ahira: ''Wakhala ontthuna okhala tjam'mo, mwiireke yeeyo. Nkuxetjithu tjoorerela tja nlaponi mwehu ni onkuxe. ¹²Nkuxe etthu wira mwanvahe nlopwana owo : balasamu vakhaani ni oravo, tjoowunkhela ni emira, ni tjikina tjoovirikana. Nkuxe ntjurukhu ikwaha pinli. Nkuxe-tho ntjurukhu ule waattikihiye. Nto on'niira tjitjam'mo ahatthunale.¹³M'mukuxeke mun'nyu. Nvenyeke ni nrooweke wa nlopwana owo. ¹⁴Nto Muluku owerya Tjotene Oniiherye mahala Awe oholo wa nlopwana owo, wira owo onkumihe mun'ninyu nkina ni Benjamim. Kakhiya anaaka awo, nkihalana-tho anaamwane''. ¹⁵Awo yahikuxa yoorowa ovaha ni yahikuxa ntjurukhu ikwaha pinli. Awo yahivenya, yahirowa Wegitu, ni yahiitjoniherya oholo wa Yosefi.¹⁶Okathi Yosefi anwehalyawe Yosefi ni awo, ahin'himerya nxatoro owan'nyawe: ''Mwakuxe alopwana awo mwarowani mpani, mwinve enama ni m'mureherye, wira alye ni miyano, othana eriyari''. ¹⁷Nxatoro ahira tjitjam'mo tjahimalyawe Yosefi. Owo ahaawana alowana owan'nyawe Yosefi.¹⁸Alopwana awo yanoova ohala wira yawaaniye mpani mwa Yosefi. Awo yahira: ''Nto mwaha wa ntjurukhu waattikiheriyahu, nto nlopwana ola yookhala entthawe wa hiyano. Owo onontthukwela wira nikhale ipottha, ni waakuxa aburu ahu''. ¹⁹Awo yahiimwaattamela nxatoro oowan'nyawe Yosefi, ni khulavulana vankhora, ²⁰yiiraka: ''Mwinwe, pwiya, hiyano nahiwa ekwaha yoopatjerya wa othuma yoolya.²¹Wahiraneya, okathi naphiyaleehu jipuro noowitjuuwa, nahitthukula mitjako tjehu, nto ntjurukhu wakhula ntthu waari muntjakoni mwawe. Hiyano noowanaa-tho. ²²Ni-tho noowaana ntjurukhu nkina wira nithume yoolya. Khan'nintjuwela ohelale ntjurukhu uwo muntjakoni mwehu. ²³Nxatoro ahira: ''Nrettele okhale ni nyuwano, n'hoove. Muluku enyu ni Muluku a axitithihu hata opwehaka ntjurukhu uwo. Miyano kihaakhela ntjurukhu enyu''. Nto, nxatoro ahawaanela Simeyoni.²⁴Nxatoro ahawaana mpani mwa Yosefi. Owo ahavaha matji, ni awo yahirapiha inawu tjaya. Awo yahaalyiha aburu aya. ²⁵Awo yahireherya tjoovaha wira Yosefi awaaka othana, vano yahinwa wira yamoolya wenwe.²⁶Okathi Yosefi aphiyalyawe, awo yahiwaana tjoovaha tjari m'matatani mwaya mpani, ni yahinkokhorela, vathi. ²⁷Owo ahakoha ekumi ayani ahira: ''TIthinyu, yoowo mwahim'menyu, owo nkumi? Ni nlelo on'nikhala?''.²⁸Awo yahira: ''Nrumeyinyu, tithihu, nkumi. Owo on'nikhala''. Ni yahikokhora ni khuurama. ²⁹Okathi avenxalyawe mentho awe, owo ahinweha Benjamim, mun'nawe, mwana a amayawe, ni ahira: ''Ola mun'ninyu okhitjeriya mwanhimenyu?''. Nto, ahira: ''Muluku owoniheryeni mahala, mwanaka''.³⁰Yosefi ahakuveya okhuma vatjaala, vano owo eroho yaninvava mwaha wa mun'nawe. Owo ahirowa nipuro nimotja orowa wuunla, owo ahirowa oquartu wawe ni khunla. ³¹Owo ahirapiha owitho wawe ni ahitthika. Owo ahilipiha, iiraka: ''Nlyeke yoolya''.³²Arumeyi yahinwaanela Yosefi yoolya, ni axin'nawe vovalanihiya. Ni atthu a Wegitu yaari vavale yahilya, okhala wira atthu a Wegitu khiyaakhanle oolya ni aheberi, okhala wira eyo yaari yohiloka oholo wa atthu ale a Wegitu. ³³Axin'nawe yahikilaathi oholo wawe ni yaakilathale okhuma muulupale mpakha ookhitjeriya, ottharelaka iyakha. Awo yaakilathale vamotja ootuthuwene. ³⁴Yosefi ahavaha iyolya tjotene tjaarinawe. Vano yoolya ya Benjamim yaari yoowatta ikwaha thanu woovikana axin'nawe. Awo yahimuurya ni yahihakalala.

¹Yosefi ahinruma nrumeyi oowan'nyawe, iraka: ''Ntjarihe mitjako tja alopwana ala ni iyoolya, tjen'yo tjinrowaya owerya okuxa, ni mpwehe ntjurukhu wa khula ntthu muntjakoni mwawe. ²Mpwehe ekoopho aka, ekoopho ya eparatha, muntjakoni mwa ookhitjeriya, tjitjam'mo tho ntjurukhu wa yoolyawe''. Nrumeyi ule ahiira tjitjam'mo tjahimeriyawe.³Vaxakaru, alopwana ale yahilaihiya ni inama tjaya. ⁴Okathi awo yakhumalya mpoma, vano khiyakhalale ottaiwene, Yosefi ahin'himerya nrumeyi awe: ''Nvenye, mwatthare alopwana ale, nto mwaaphwanya, mwahimerye: 'Mwaha wa xeni nlivalenyu yoorereena ni yoonanara? ⁵Eyo khahiyo ekoopho om'murerya pwiya'ka, ni owo onvarelawe nteko woowona? Moopaka yootakhala, eyo epakalenyu''.⁶Nrumeyi ahaphwanya ni khotthikela molumo awo. ⁷Awo yahahimerya: ''Mwaha wa xeni n'nihimenyu tjitthu n'yo? Arumeyinyu khanipaka itthu n'yo''.⁸Moone, ntjurukhu naaphwanyalehu muntjakoni mwehu, nihoottikiheryani tjikhumaka Okanani. Nto, namwin'ya owan'nyawe pwiyinyu ewro wala paratha? ⁹''Wakhula nrumeyinyu ontthunenyu omphwanyana, okhwe, ni hiyano n'nookhala ipottha tja pwiyenyu''. ¹⁰Nrumeyi ahira: ''Wiiraneye rjitjam'mo tjihimalenyu. Ole ontthunaka omphwanyana ekoopho onaarowa okhala epotthaenyu, ni nyuwano akina khan'nirowa okhalana nlattu''.¹¹Nto, wakhula ntthu ni waakuveya ahipweha ntako awe vathi, ni wakhula ntthu anitthukula ntjako awe. ¹²Nrumeyi ahiphelatja, ompatjeryaka muulupale mpakha nkhani, ni ekoopho yaphwanyiye muntjakoni mwa Benjamim. ¹³Nto, awo yahinyanya ikuwo tjaya. Wakhula ntthu ahinkuxa buru awe ni khtthikela opoma.¹⁴Yuda ahiphiya ni axin'nawe owanyawe Yosefi. Owo nlelo ari wenwe, ni yahinkokhorela. ¹⁵Yosefi ahakoha: ''Mpakaleni? Khan'nitjuwela wira ntthu ntoko miyano kin'niwerya otjuwela?''¹⁶Yuda ahira: ''Nintthuna wohimeryani exeni pwiya'ka? Waha nintthuna wintjakiha tjayi? Muluku ohoona ohiloka wa arumiyenyu. Moone, n'narowa okhala ipottha tja pwiya'ka''. ¹⁷Yosefi ahira: ''Miyano nkinipaka eyo. Nlopwana ophwanyaniye ekoopho, owo tunrowa okhala epottha'ka, vano, nyuwano akina, nroweke ni nrettele wa tithinyu''.¹⁸Nto, Yuda ahimwaattamela khwiira: ''Pwiya'ka, xoontte mun'hiye nrumeyinyu ohimye etthu emotja, ni n'hinyoonyiye i nrumeyinyu, okhala wira nyuwano mwa Farawu''. ¹⁹Pwiya'ka n'haakoha arumeyinyu mwiiraka: 'N'haana tithi wala mun'na?';²⁰Ni noomwakhula pwiya'ka: 'Nihaana tithi, owuuluvala, ni mwana oowuluvalani wawe, mwankhiini. ²¹Vano, mun'nawe ohookhwa, ni owo tohalale pahi wamayawe, ni tithi awe on'nimphenta'. Nto, nyuwano n'hahimerya arumeyinyu: 'Nkiwanele miyano, wira kinwehe'. ²²Numala eyo, noon'himerya nkhulupa ehu: 'Mi'minaro owo khokhanle oowahiya atithi awe, waholo atithi awe yamookhwa nan'hiyavale'.²³Nto, nyuwaano mwahiwakhula arumiyinyu: 'N'himenyu ohiwaale ni nyuwano, khan'niweha-tho owitho waka'. ²⁴Ni wahiraneya, numaha hiyano orowa wa nrumeyinyu, tithi'ka, noon'himerya molumo enyu. ²⁵Tithihu ahira: 'Nrowe ni mwanithumele eyoolya'. ²⁶Nto, nahira: 'Khanikhanle oorowa. Mun'nihu okhitjeriya ahikhale ni nyuwano, nto, n'naarowa, waholo khan'nitthuna oweha owitho wa nlopwana owo'.²⁷Nrumeyinyu, tithi aka, onihimerya: 'Nyuwano mootjuwela wira amwaraka akivahale anamwane enli''. ²⁸M'motja okhumawa miyano, vano miyano kihira: ''Vekhweeli owo ookhuriya, ni nkinwehale-tho''. ²⁹Vano, mwakikumiherya ola-tho, ni yankhumelela etthu yootakhala, n'natthunala ikharari tjaka tjoottela Omahiye vooxanka'.³⁰Vano, nto, miyano katthikela wa nrumeyinyu, tithi'ka, ni m'miravo owo ahikhale ni hiyano, okhala wira eroho awe eri vamotja ni eroho ya m'miravo owo, ³¹onamonaneya wira, owo aweha wira m'miravo owo khokhalale ni hiyano, owo onaakhwa. ³²Nrumeyinyu onaarowa Omahiye ni ikharari tjawe tjoottela oxanka. Waholo nrumeyinyu ohihela okhala mwanene m'miravo owo, kinaakhalana nlattu w'atithi'ka vohimala-tho'.³³Vano, nto, xoontte, ntthune wira nrumeyinyu ohale ntoko epottha nipuro na m'miravo wa pwiya'ka, ni m'muhiye m'miravo orowe ni axin'na akina. ³⁴Waholo, kintthuna orawa tjayi wa tithi'ka vohikhala m'miravo? Kin'noova oweha yootakhala entthuna onkhumelela tithi'ka.

¹Nto, Yosefi khawerya wiwehaweha oholo wa arumeyi yaarinawe. Ni ahikhuwela: ''Nyuwano otene, nkihiye''. Nto, khuvo nrumeyi ahalale, okathi Yosefi ahimalyawe oholo wa axin'nawe. ²Owo ahinla ventji, nto atthu a Wegitu ahinwa wunla ni owan'nyawe Farawu wahiwaneya. ³Yosefi ahahimerya axin'nawe: ''Miyano k'Yosefi. Tithi'ka nlelo nkumi?''. Axin'nawe khiyaawerya omwaakhula waholo yahituthuwa oholo wawe.⁴Nto, Yosefi ahahimerya axin'nawe: ''Nkaattamele, xoontte''. Nto, awo yahimwaattamela. Owo ahira: ''Miyano k'Yosefi, mun'ninyu, yoole mwantumihalenyu Wegitu. ⁵N'hixanke, ni n'hixanke mwaha wookitumiha n'no, waholo okumenyu wookhala tjana mwaha wa Muluku okirumalyawe oholo wenyu. ⁶N'hina mwa iyakha pinli, yoopatjerya etala ni tjoohala-tho thanu.⁷Muluku ookiruma oholo wenyu wira nloko nenyu nlaponi ni wira okuminyu otjukiye ni otaphuliya. ⁸Nto, khahiyo nyuwano nkiwanaale n'no, nto Muluku; ni owo ookipaka okhala tithi awe Farawu, pwiya a owan'nyawe ni nxatoro a nttetthe wa Wegitu.⁹Mwakuve nrowe mwan'himerye tithi'aka: 'Tiila en'himyawe mwaninyu Yosefi: 'Muluku ookipaka okhala pwiya a nttetthe wotene. Nwe wa miyano, n'hipitje. ¹⁰N'naarowa okhala ntttthe wa Ogoseni ni n'naarowa okattamela, nyuwano ni aniinyu ni inyompe tjirinenyu. ¹¹Nwe kinaamolyihani, wira n'hikhale matjikini, nyuwano, enupenyu ni tjotene tjirinenyu, waholo tjinaarowa okhala-tho iyakha thanu tja etala'.¹²Moone, mentho-enyu an'noona, ni mentho a mun'na'ka Benjamim, ori eyano'ka enlavula wa nyuwano. ¹³Mwiire, waholo, tithi'ka atjuwele nttittimiho n'rinaka Wegitu. Mwakuve onwaana tithi'ka n'no''.¹⁴Owo ahinkhuparela Benjamim mun'nawe ni owenli yahunla. ¹⁵Owo ahapetjari axin'nawe otene, yinlaka. Numala eyo, axin'nawe yahilavula ni owo.¹⁶Etthu'ila yahiphiya owan'nyawe Farawu: ''Axin'nawe Yosefi aphiya''. Eyo yahintjivela Farawu ni arumeyi akina. ¹⁷Farawu ahin'himerya Yosefi: ''Mwahimerye axin'ninyu: 'Mpake ela: nkuxe inama tjenyu nrowe Okanani. ¹⁸Mwarowele atithinyu ni amutjinyu ni nwe wa Miyano. Miyano kinamovahani mathala Wegitu ni n'naalya yoorerea ya nlaponi'.¹⁹Mwahimerye-tho, 'Mwiire ela: Nkuxe mikukutta tja Wegitu mwahelemo axaarinyu ni aniinyu. Mwankuxe tithinyu nwe. ²⁰N'hixenkereye ni itthu tjinyu, waholo tjootene tjooreera tja Wegitu tjinookhala tjawinyu'''.²¹Anaawe Israyeli yahira tjitjam'mo tjahimeriyaya. Yosefi ahavaha mikukutta, ntoko tjahimalyawe Farawu, ni ahavaha yoolya wira alyeke mphironi. ²²Otene, ahavaha ikuwo, vano, Benjamim, owo ahinvaha eparatha imiya tthaaru ni ikuwo thanu. ²³Tithi awe, owo ahirumiha n'ya: aburu muloko akuxale tjitthu tjooreera tja Wegitu; aburu muloko akuxale iyoolya, iphau ni tjitthu tjikina tja nkwaha wa atithi awe.²⁴Nto, owo aharuma axin'nawe ni awo nahirowa. Ni ahahimerya: ''N'hiwane mphironi''. ²⁵Yahikhuma Wegitu arowaka nttetthe wa Okanani, nttetthe ya tithi'ya Yakobi. ²⁶Awo yahin'himerya Yakobi: ''Yosefi ookhala, ni owo nkhulupale a elapo yootene ya Wegitu''. Ni eroho awe yahixenkereya okhala wira owo khaakupale yahimiya.²⁷Yahin'himerya moolumo otene Yosefi ahimalyawe. Okathi Yakobi oonalyawe mikukutta Yosefi arumin'hawe wira tjaakuxe, n'nepa wa Yakobi tithi awe wahihakalala. ²⁸Ni Israyayeli ahira: ''Voophiyerya. Mwanaka Yosefi nlelo ookhala. Miyano kinaarowa kanwehe kihinaatthi okhwa''.

¹Israyeli ahikhuma ni tjotene tjjarinawe ni khurowa Oberseba. Nwo owo ahinvaha nkuttho Muluku a tithi awe Isaki. ²Muluku ahilavula ni Israyeli moowehani, ohiyu, iraka: ''Yakobi, Yakobi''. ³Owo ahira: ''Miyano kiri va''. Muluku ahira: ''Miyano ka'Muluku, Muluku atithinyu. N'hoove orowa Wegitu, waholo wenwo kinimoopakani nloko nintji. ⁴Miyano kinaarowa okhala ni nyuwano Wegitu, kinaamottikihni. NI Yosefi animootthukwani mentho enyu ni matata awe''.⁵Nto, Yakobi ahivenya Oberseba; ni anaawe Israyeli yahinkuxa Yakobi tithi aya, anaaya ni axaaraya, n'hina mwa mikukutta Farawu avahalyawe. ⁶Awo yahikuxa inama tjaya ni tjitthu tjaya tjaphwanyalyaya Okanani. Ni yahirowa Wegitu Yakobi ni otjuulu awe wotene. ⁷Owo ahirowana Wegitu ni anaawe ni anaaya anaawe, anaawe athiyana ni anaaya anaawe athiyana ni otjuulu wotene.⁸Ala matjina a Israyeli arowan'nlyawe Wegitu: Yakobi ni anaawe: Ruben, oopatjeriya ni Yakobi; ⁹anaawe Ruben: Hanoki, Palu, Esironi ni Karimi. ¹⁰Anaawe Simeyoni: Yemuweli, Yamini, Oyati, Yakini, Zowari ni Sawuli, anaawe Kananeya. ¹¹Anaawe Levi: Gerson, Koyati ni Merari.¹²Ni anaawe Yuda: Eri, Onani, Sela, Peresi ni Zera, nto Eri ni Onani yahikhwa nttetthe wa Okanani. Anaawe Peresi yaari Esironi ni Hamuli; ¹³anaawe Isakari: Tola, Puva, Iyobi ni Sinroni. ¹⁴Anaawe Zebuloni: Sereti, Eloni ni Yaleli. ¹⁵Ala anaawe Leiya, yawo anvahalyawe Yakobi Opatarani, on'hiya mwanawe Dina. Naawe alopwana ni athiyana yaari miloko miraru ni araru.¹⁶Anaawe Kati: Zifiyoni, Hagui, Suni, Esiboni, Eri, Aroti ni Areli. ¹⁷Ni anaawe Aseri: Imna, Isiva, Isivi ni Beriya, ni Sera, nrokoraya; ni anaawe Beriya: Heberi ni Malekiyeli. ¹⁸Ala anaawe Zilipa, yawo Labano anvahalyawe mwanawe Leiya; ni ala owo anvahale Yakobi, oophiyaka muloko ni athanu namotja.¹⁹Anaawe Rakeli, mwarawe Yakobi: Yosefi ni Benjamim. ²⁰Ni yahin'yara Yosefi, Wegitu: Manasesi ni Efraini, yawo avahiyawe ni Asenati, mwanawe Potifari, nankuttho a Womi. ²¹Ni anaawe Benjamim: Bela, Bekeri, Isabeli, Gera, Naama, Eyi, Rosi, Mupini, Hupi ni Arti. ²²Ala anaawe Rakeli, aayareriyawe Yakobi, oophiyaka muloko ni atjese.²³Anaawe Da: Husini. ²⁴Anaawe Naftali: Yazeli, Kuni, Yezeri ni Sileni. ²⁵Anaawe Bila, yawo Labano anvahalyawe mwanawe Rakeli; ni owo ahinvaha Yakobi, oophiyaka atthu thanu napili.²⁶Atthu otene yarowale ni Yakobi Wegitu, yaari otjuulu awe, wahiya axaaraya anaawe, yaaniphiya, yaari miloko thanu namotja ni thanu namotja. ²⁷Anaawe Yosefi yayariye Wegitu yaari enli. Atthu otene yaarowale Wegitu akhumaka owan'nyawe Yakobi yaari miloko thanu napili.²⁸Yakoni ahinruma Yuda orowa oholo okumana ni Yosefi, wira owo otthareke ephiro Yookoseni; ni yahiphiya nttetthe Wookoseni. ²⁹Yosefi ahivenya arowaka Okoseni okumana ni tithi awe Israyeli nttetthe wa Okoseni. Owo ahinweha, ahinkhuparela ni khunla okathi muntji. ³⁰Israyeli ahin'himerya Yosefi: ''Nto vano hata kikhwaaka, okhala wira kooweha owitho wenyu, ni nlelo mookhala''.³¹Yosefi ahahimerya axin'nawe ni owan'nyaya atithi awe: ''Kinaarowa kan'himerye Farawu, wira: 'Axin'naka ni atithi'ka, yaari Oknani, ahowa wa miyano. ³²Alopwana akukhuli, waholo awo an'nikhapelela inyompe. Ni awaana inama tjaya ni tjotene tjaarinaya'.³³Nto, okathi Farawu ontthunawe owihanani ni ookohani: 'Eniirenyu exeni?', ³⁴mwaakhule: 'Arumeyinyu akukhuli a inama okhuma onamwanehu mpakha wananano, hiyano mpakha axitithihu'. Mwire yeeyo, nto, nyuwano n'naakhala nttetthe wa Okoseni, waholo wakhula nkukhuli a inyompe toonyokhiya ni atthu a Wegitu.

¹Numala vo, Yosefi ahirowa on'himerya Farawu: ''Tithi'ka ni axin'na'ka, ipwittipwitthi tjaya, inama tjaya ni tjotene tjirinaya ahoowa Okanani; Okoseni''. ²Owo ahakuxa axin'nawe athanu khwaarowana wa Farawu.³Farawu ahahimerya axin'nawe Yosefi: ''Eniirenyu exeeni?''. Ni awo yahaakhula: ''Arumeyinyu aakukhuli a ipwittipwitthi, tjitjam'mo-tho amutjihu''. ⁴Numala vo, awo yahira: ''Hiyano niwaale ntoko aletto elapo ela, okhala wira etala khereere nttetthe wa Okanani ni khekhalale yoolya ya inama tjehu. Nto, wananano, xoontte, mwahiye arumeyinyu akhale nttetthe wa Okoseni''.⁵Waholo, Farawu ahin'himerya Yosefi wira: ''Tithinyu ni axin'ninyu ohoowa wa nyuwano. ⁶Nttetthe wa Wegitu ori ohoolo wenyu. Atithinyu ni axin'ninyu akhaleke etthaya yooreerela, nttetthe wa Okoseni. Nyuwano mwantjuwela ntthu oowerya eriyari aya, munkhalihe n'hooleli a inama tjaka''.⁷Nto, Yosefi ahinwaana tithi awe khumooniherya oholo wa Farawu. Yakobi ahinreliha Farawu. ⁸Farawu ahin'himerya Yakobi: ''Nrina iyaakha tjikavi?''. ⁹Yakobi ahaakhula: ''Kirina iyakha emiya ni miloko miraru. Mahiku a okumi'ka ari vakhiini ni oohawa''. ¹⁰Ni Yakobi ahinreliha Farawu ni ahikhuma oholo wawe.¹¹Nto, Yosefi ahavaha mathala atithi'we ni axin'nawe. Owo ahava elapo nttetthe wa Wegitu, yoorerela ya elapo ele, nttetthe wa Ramessesi, ntoko tjahimalyawe Farawu. ¹²Yosefi ahirumiha iyoolya wa tithi awe ni axin'nawe, ottharelaka anaaya.¹³Nttetthe ole wootene khiyakhalale yoolya, waholo etala yaari yintji. Nttetthe wa Wegitu ni Okanani yanihawa mwaha woohikhla yoolya. ¹⁴Yosefi ahithukumanya ntjurukhu wootene waari Wegitu ni Okanani, atumiheryaka atthu yoolya, wahoo Yosefi ahirowana ntjurukhu owan'nyawe Farawu.¹⁵Numala ntjurukhu wootene Wegitu ni Okanani omaha, atthu otene a Wegitu yahiwa waaryawe Yosefi khun'himerya: ''N'nivahe yoolya! Nikhweeke oholo wenyu mwaha woohikhalana ntjurukhu?''. ¹⁶Yosefi ahiwaakhula: ''Wakhala ntjurukhu enyu woomala, nwaaneke inama tjinyu ni kinamoovahani yoolya waakakhaniha ni inama tjinyu''. ¹⁷Nto, awo yahinwaanela Yosefi inama tjaya. Yosefi ahavaha iyoolya akakhanihaka ni ikhavalo, ipwittipwitthi, inyompe ni abuuru. Ahavaha iyoolya akakhanihaka ni inama tjaya eyakha ele.¹⁸Numala omala eyakha ele, awo yahiwa wa Yosefi, eyakha ya oholo, aniira: ''Khan'nivitha wa pwiyehu wira ntjurukhu ehu woomala, ni nyuwano mookuxa inama tjihu. Khivoo-tho etthu ehalale enooneya, wohikhala erutthu ehu ni imatta tjinyu. ¹⁹Naatthuna okhwela exeeni, hiyano ni imatta tjinyu tjikhalalene? Nthume imatta tjinyu n'nivaheke yoolya nto hiyano ni imatta tjnyu n'naakhala ipottha tja Farawu. N'nivahe ipyo wira nihikhwe ni etthaya ehihale tjitjam'mo''.²⁰Tjitjam'mo, Yosefi ahithuma mathala ootene Wegitu khukhala a Farawu. Wakhula ntthu a Wegitu anitumiha mathala awe okhala wira etala khiyarere waatta. Tjitjam'mo, mathala yahikhala a Farawu. ²¹Ni atthu yaahikhala ipottha tja Farawu. ²²Nto ahathumale pahi mathala a anankuttho, okhala wira anankuttho yanivahiya yoolya. Awo yaalya yoolya yavahiyaya ni Farawu. Nto, khiyatumihale mathala aya.²³Yosefi ahahimerya atthu: ''Moone, olelo miyano kihothumani ni koothuma mathala enyu khikhala a Farawu. Nto tjiri va ipyo wira mwaleke. ²⁴Okathi woohepha, munvaheke Farawu mphantthi weeneethanu ni nyuwano nkuxeke mphantti weneetjese, mwaaleke wira mwavaheke yoolya aniinyu ni nyuwano''.²⁵Awo yahakhula: ''Nyuwano moovuluxa okumi ehu. Nihoona mahala oholo wenyu. N'naakhala ipottha tja Farawu''. ²⁶Nto, Yosefi ahipaka nkettelo mwaha wa yeeyo onkhala mpakha olelo: mphantti wa eneethanu tiya-Farawu. Nto mathala a anankuttho tiyahakhalale a Farawu.²⁷Tjitjam'mo Israyeli ahikhalaWegitu, nttetthe wa Okoseni. Atthu awe yahikhalana mirerelo tjaya n'we. Awo yahiyaraa ventji. ²⁸Yakobi ahikhala Wegitu iyakha muloko ni thanu napili, nto, iyakha tjakhalalyawe Yakobi tjaari emiya ni miloko mitjese ni thanu napili.²⁹Okathi okathi wookhwa Isyareli waattamelaya, owo ahimwiihana mwanawe Yosefi khun'himerya: ''Wakhala miyano wananano kinaaphwanya mahala oholo wenyu, mwintjathi ntata nenyu vatarani waka ni mooniherye ekhweeli enyu. Xoontte, n'hikivithe Wegitu. ³⁰Miyano kampathi ni axitithi'ka''. Yosefi ahin'himerya: ''Miyano kinamwiira tjitjam'mo tjihimalenyu''. ³¹Israyeli ahira: ''Nkilaphele'', ni Yosefi ahinlaphela. Numala vo, Israyeli ahuuramela watjumasono vawe.

¹Wahonaneya, numala ovira tjitthu n'ya, ahiwa ntthu khon'himerya Yosefi: ''Tithinyu on'nivoreiya''. Nto, owo ahakuxa anaawe owenli, Manasesi ni Efraini. ²Numala ohimeriya Yakobi''Mwaninyu Yosefi ohoowa wira oweheni'', Israyeli ahilipiherya ni khukilathi vaarupawe.³Yakobi ahin'himerya Yosefi: ''Muluku Oweerya Tjotene okiphwanya epoma ya Waarya, nttetthe w Okanani. Owo ookireeliha ⁴ni ookihimerya: 'Kinoowun'nuhani ni kinimorelihani. Kinimoopakani atthu entji ni kinimwaavaha oyjuulu enyu etthaya ela ntoko yoohalana yoohimala-tho'.⁵Ni, tjitjam'mo, aniinyu, ayareriyeenyu Wegitu miyano kihinatthi owa Wegitu, awo taawaka. Efraini ni Manasesi antthuna okhala aawaka, tjitja'mo Ruben ni Simiyoni. ⁶Aniinyu antthunenyu okhalana oholo anrowa okhala aawinyu; ni mwantjina na axin'ninyu animwakhela yoohalana. ⁷Okhala wira, numala miyano owa Opatani, mwa oxanka waka, Rakeli ahikhwa mphironi mwa Okanani, nlelo ohalaka nkwaha wira niphiyeke Efrata. Miyano kahinvitha ephiro ya Efrata'', ori Obelem.⁸Numala Israyeli waweha anaawe Yosefi, ahira: ''Ala tipani?''. ⁹Yosefi ahimwaakhula: ''Ala anaaka, Muluku akivahalyawe''. Israyeli ahira: ''Nkiwaanele va, wira miyano kaarelihe''. ¹⁰Mentho awe Israyeli khayoona tjana mwaha wa iyakha tjaarinawe, tivo owo khaaweha. Nto, Yosefi ahaawana vakhiviru vawe, khwaapetjari ni areliha.¹¹Israyeli ahin'himerya Yosefi: ''Nkaalipelela-tho oweha owitho wenyu, vano Muluku ookitthuniherya waweha aniinyu''. ¹²Yosefi ahakumiha ottuli wa Israyeli ni, nto, ahikokhorela vathi. ¹³Yosefi ahakuxa owenli, Efraini moono awe woolopwana ni wereryana ni moono awe woothiyana Israyeli, ni Manasesi moono awe woothiyana weereryana moono awe Israyeli woolopwana, ni ahiruhela.¹⁴Israyeli ahookola moo awe woolopwana ni khumwintjatherya Efraini, aari ookhitjeriya, ni oono awe woothiyana vamuru wa Manasesi, nto owo ahikumaniha miyoono tjawe, waholo Manasesi aari oopatjeriya. ¹⁵Israyeli ahinreliha Yosefi, iiraka: ''Muluku yeettanaya axitithi'ka Abrahaamu yeettanaaya, Muluku onkikhapelela mpakha olelo, ¹⁶Nlaikha ninkikhapelela mwa tjootakhala, areelihe amiravo ala. Ni ntjina naka nuupuweliyeke mwa awo, ni-tho ntjina na axitithi'ka, Abrahaamu ni Isaki. Ni yaatteke nlaponi''.¹⁷Okathi Yosefi oonalyawe moono woolopwana wa tithi awe vamuro wa Efraini, eyo khiyantjivelale. Nto, owo ahikuxa ntata naatithi awe khukumiha vamuro wa Efraini khintjaathi vamuru wa Manasesi. ¹⁸Yosefi ahahimerya atithi awe: ''Tjam'mo n'naari, tithi'ka, waholo ola toopatjeriya.¹⁹Tithi awe ahikhootta ni ahin'himerya: ''Miyano kootjuwela, mwanaka, miyano kootjuwela. Owo-tho onaarowa okhala atthu entji, ni owo-tho onaarowa wun'nuwa. Vano mun'nawe ookhitjeyira onrowa muulupale onvikana owo, ni otjuulu awe onrowa okhala muulupale''. ²⁰Israyeli ahareliha nihiku nle ni moolumo ala: ''Atthu a Wisrayeli animwihana mareliho mwaha wa ntjina nenyu, iiraka: 'Muluku oopakeni ntoko Efraini ni Manasesi''. Tjitjam'mo, Israyeli Efraini oholowa Manasesi.²¹Israyeli ahin'himerya Yosefi: ''Miyano kihanle okhwa, vano Muluku onaaakhala ni nyuwano, ni Yoowo onimoottikiheryana elapo ya axitithinyu. ²²Nyuwano ntoko ntthu ori otjulu wa axin'ninyu, kin'novahani mphantti wa omwako kiwaakhalyaka amorewu ni ikuru tjaka ni ekatana'ka.

¹Nto, Yakobi ahiwinaha anaawe khwaahimerya: ''Nthukumane, kintthuna koohimeeryeni entthuna wookhumelelani mahiku a muhulo. ²Nthukumane ni mwinwe, anaawe Yakobi. M'mwinwe Israyeli, tithinyu.³Ruben, nyuwano mwa mwana'ka oopatjerya, ikuru tjaka tjopatjerya, oorerela ekhweeli ni ikuru. ⁴Oohalakhanyeya ntoko matji onoovira, khan'nirowa okhalana oweryaxa okhala wira moowena vaarupaya atithinyu. Tjam'mo moohonoona; moowela vaarupaka.⁵Simeyoni ni Levi axin'na. Ikatana tjinyu tjiri ntoko akapwitthi a ekhotto. ⁶Eroho'ka, n'hikele m'mirukuni mwenyu. Khan'nikiphwanya m'muthukumanoni mwenyu, waholo eroho'ka tiyoottittimiheya eriyari eyo. Okhala wira, mwaha woonaniriya wenyu, moowinva atthu. Mwaha wootthuna wenyu mwaakuxalenyu inyompe.⁷Onanariya wenyu otakhalihiye, okhala wira mwahitjareya ikuru, ni onanariya wenyu waari wootakhala. Miyano kinamookawanyani wa Yakobi ni kinimookawanyani Wisrayeli.⁸Yuda, axin'ninyu ohoottottopelani. N'nimwaaxintta awananinyu. Anamwane a atithinyu onimokokhorelani.⁹Yuda khaaramu mwaxaana. Nyuwaano n'havilela awananinyu, mwanaka. Uuramaka, owo ohikhaliha ntoko kharamu, ntoko kharamu moothiyana. Tipani atthuna omwinva?¹⁰Ikuru khaatjintthuna om'malela Yuda, n'nakhala ikuru n'nawuni mwawe, mpakha owa Siloni. Maloko anam'mukokhorela.¹¹Antthukwelelaka buuru awe vavinyani ni buuru awe moothiyana vamwirini voothanlawe, owo onaakattha ikuwo tjawe nvinyuuni ni nlaya nawe n'hina mwa ewuuva. ¹²Mentho awe antthuna okhala ooripa ntoko evinyu ni maino awe oottela ntoko eleti.¹³Zebuloni onaakhala nttetthe woomatjini. Owo ontthuna okhala nipuro noowemela ikalawa ni owerya wawe onaarow mpakha Osidoni.¹⁴Isakari buuru oowerya, om'mathale muntjitjini mwa ipwittipwitthi. ¹⁵Owo on'noona nipuro noorerela okhala ni etthaya yooreera. Onanvaha makhata awe miritti ni onanvaha ntoko nrumeyi m'mutekoni.¹⁶Dati onamwaphukela atthu ntoko nloko na Wisrayeli. ¹⁷Dati onrowa okhala ntoko enowa nkherekhere mwa rampha, enowa yowoopiha en'luma n'nawu na ekhavalo, ni tjam'mo en'nimoroxa ole owelale. ¹⁸Miyano kin'nilipelela ovuluxa Wenyu, Apwiya.¹⁹Kati, anakhavalo anaarowa omoomola, nto owo onrowa waamanaka n'nawuni mwaya. ²⁰Yoolya ya Aseri entthuna okhala yintji, ni anaarowa oruwerya ventji. ²¹Naftali ori veekhawe ni onaakhalana anamwane ooreera.²²Yosefi eritta yoowim'ma, waattamela vehimeni, ithuthu tjawe tjinkhala otjulu wa ixiri. ²³Anamareetthe anaarowa on'homa ni owanana.²⁴Vano mareetthe aya anarowa okhala oolipa ni matata aya oolipa mwaha wa matata a Muluku Oweerya Tjotene a Yakobi ni mwaha wa ntjina na Nkukhuli, Nluku na Wisrayeli.²⁵Muluku atithinyu onimookhaviheryai ni Muluku Oweerya Tjotene onimoorelihani ni mareeliho ootjulu, mareeliho a n'hina ankhala vathi ni mareeliho a m'mapeleni ni a m'mirimani.²⁶Mreeliho a atithinyu antthuna okhala maalupale oovikana mareelio a m'miyakoni wala tjitthu tjootthuneya tja nxepani. Awo anrowa okhala vamuru wa Yosefi, mareeliho ankhala vamuro wa ole aari mwene a axin'nawe.²⁷Benjamim kharamu oovoliya etala. Witjisu, onaarowa onkhura nwanani awe ni, ohiyu, onaarowa okawanya yoolya''.²⁸Ala tari maloko mararu a Wisrayeli. iyo tiri tjitthu tithi aya tjaahimeralyaya okathi aarelihaya. Wakhula ntthu ahirelihiya ni mareloho awe. ²⁹Nto, owo ahahimerya wira: ''Voowakuveya, kinaarowa wa atthu aka. Nkivithe ni amutji'ka mahiye ari Wefroni, heteyo, ³⁰etakhwa eri Omakepeta, ori waattamela ni Omanre, nttettthe wa Okanani, etthaya Abrahaamu athumalyawe Wefroni, heteyo, wira ovithiyaneke.³¹Nwo, ovithiya Abrahaamu ni Sara, mwaarawe; nwo, oovithiya Isaki ni Rebeca, mwaarawe; ni nwo, konvitha Liya. ³²Etakhwa ni nlitti niri nwo nithumiye ni atthu a Oheti''. ³³Numala Yakobi wahimerya tjitthu n'yo anaawe, ahikuxa tjitthu tjawe vaarupawe, aahimumula ni khurowa waamutji awe.

¹Nto, Yosefi ahittikhela oholo waatithi awe, ahinla ni khuumpetjari. ²Yosefi ahaaruma arumeyi awe, anamaloola, wira oreherye nrutthu wa Israyeli ³Awo yahikuxa mahiku miloko mitjese, waholo awo mahiku oomaleela wooreeheriya nrutthu. Atthu a Wegitu ahumunleela mpakha mahiku oophiyaka miloko mithanu na pili.⁴Numala mahiku a wunla omala, Yosefi ahahimerya akhulupale a Farawu, iiraka: ''Wakhala miyano kin'niphwanya mahala oholo wenyu, xoontte, mwin'himeerye Farawu: ⁵Tithi'ka ookilaphiha, iiraka: 'Moone, kihalale okhwa. Nkivithe mahiye kiithipelalyaka Okanani. Mwakivithe wonwo, ni, nto, kinaatthika''. ⁶Farawu ahakhula: ''Nroweke mwanvitheke tithinyu, tjitjam'mo olaphihalyaweni''.⁷Yosefi ahirowa onvitha tithi awe. Ahirowa ni akhootto awe otene Farawu, atthu otene a owan'nyawe, ni akhulupale otene a nttetthe wa Wegitu, ⁸ni atthu ootene a owan'nyawe Yosefi ni axin'nawe, ni owan'nyaya atithi awe. Vano awo yahahiya anaaya, ipwittipwitthi tjaya, inyompe tjaya Okoseni. ⁹Ni-tho ahirowana mikukutta ni anakhavalo; yaari atthu entji.¹⁰Awo aphiyaka nttetthe wa Atati, mphantti nkina wa muro Yordani, awo yahinla ventji. Nwo, Yosefi ahinla mahiku mathanu. ¹¹Okathi ale yaakhale m'muttettheni, akanani, yoonalyaya wunla Waatati, awo yahira: ''Ola okathi wooxanka wa atthu a Wegitu''. Tivo nipuro n'no n'niihaniyaya Abeli-Misirayi ni ori ovikana Oyordani.¹²Nto, anaawe Yakobi ahiira tjitjam'mo tjaahimeralyawe. ¹³Ahikuxiya mpakha nttetthe wa Okanani ni ahivithiya vaxepani, etakhwa ya Omakipela, waattamela Omanre. Abrahaamu ahithuma nipuro nlo wira vavithaniyeke. Owo ahithuma okhuma Wefroni, heteyo. ¹⁴Numala onvitha tithi aya, Yosefi ahitthikela Wegitu, vamotja ni axin'nawe, ni ale otene yan'hoolale onvitha tithi awe.¹⁵Okathi axin'nawe Yosefi yoonalyaya wira tithi aya ohookhwa, yahira: ''Nto Yosefi atthuna ophuka mwaha mwa tjootakhala tjimwiirenlehu?''. ¹⁶Nto, awo yahirumiha mitthaka wa Yosefi, yiiraka: ''Tithinyu oovaha tjoohimya iiraka: ¹⁷'Mwin'himerye ela Yosefi: Xoontte, mwaalevelele axin'ninyu ni otthakawaya wa nyuwano. Wananano, xoontte, mwaalevelele arumeyi a Muluku a tithinyu'''. Yosefi ahinla numala omphwanya ihapari iyo.¹⁸Axin'nawe-tho yahikokhora oholo wawe khwiira: ''Hiyano narumeyinyu''. ¹⁹Ni Yosefi ahiwaakhula: N'hoove. Okhalaka kiri nipuro na Muluku? ²⁰Ekhweeli wira nyuwano mookiririha yootakhala, vano Muluku oopaka eyo okhala yooreera, wira okhapelel okumi wa atthu entji, ntoko n'noonenyu olelo. ²¹Nto, wananaono, n'hoove. Miyano kinaawoniheryani nyuwano ni aniinyu''. Owo ahaalipiha ni tjam'mo ahalavulana ni nrettele.²²Yosefi ahikhala Wegitu ni amutji a atithi awe. Owo ahikhala iyakha emiya ni iyakha muloko. ²³Yosefi ahaweha anamwane a Efraini mpakha nloko na eneeraru. Owo-tho ahaweha anaawe Makiri, mwanawe Manasesi. Awo yayariye m'makuthani mwa Yosefi.²⁴Yosefi ahahimerya axin'nawe: ''Miyano kohalale okhwa, nto veekhweeli Muluku onaawa mpakha wa nyuwano ni onimookumihani nttetthe ola oorowanakani nttetthe Owo alaphenlyawe Abrahaamu, Isaki ni Yakobi''. ²⁵Nto, Yosefi ahalaphiha atthu a Wisrayeli, iiraka: ''Muluku vekhweeli onimooxukuryani. Okathi uwo nkumihe makhuva aka n'no''. ²⁶Nto, Yosefi ahikhwa arinene iyakha emiya ni iyakha muloko. Numala eyo, awo yaahinreherya ni khumphweha nkaxawuni Wegitu.

¹Numala tjitthu n'ya, Moise ni Aroni yahurwa okumana ni Farawu ni khun'himerya: ''Ela tin'yele Apwiya, Muluku a israyeli, yahimalyaya: 'Mwahiye atthu aka arwee. Tjitjammo awo anarwa opanka nira nokittittimiherya, mothakoni''. ²Farwu ahihimya: ''Apwiya tani? Exeni miyo kikhalalyaka owinwa ntju naya ni kahiye atthu a Israyeli arweke? Miyo nkinatjuwela Apwwiya. Miyo nkinahiya atthu aIsrsyeli orwaa''.³Awo yahakhulatja: ''Muluku ahebiri omphavela onikhumelela. Nnihiye nrwee nkwaha wa mahuku mararu wira nattittimihe ni nahelele nkuttho Apwiya, mulukwihu, wira awo ehinihukhumu n'hina mwa nlema naya''. ⁴Nave-tho Mwene a wixitu ahahimerya awo: Moise ni Aroni, nnakumiheryani atthu ala mwintekoni mwaya? Mwahokoloxerye mwintekoni mwaya''. ⁵Owo-tho ahakhula: ''Vano akhala ahebiri entji nlaponi mwihu, ni mwahihalinyu mmitekoni mwaya''.⁶Nihuku nenno, Farawu aharuma-tho makapatisi ni awinttutjihi a miteko tja atthu. Owo ahira: ⁷Ohiya wupatjeryani n'hava-tho malaxi owupana itixolo. Mwahiye axinene yawo arweleke malaxi mmantjaya. ⁸Mwa tjotene mwaphimeleke mphimo mmotja wa itixolo tjitjam'mo wupatjeryani. Ohikhale onimvukulinyu nnakhala emotja, okhala wira awo anamanyonyiya. Ti tjitjo awo ankhuwelaya yiraka: 'Nnitthuniherye nrwee ni namvahe nkuttho Mulukwihu'. ⁹Mwantjererye nteko atthu awo, wira ehinweleleke mulumo owotha''.¹⁰Nave-tho, makapatasi a nxovo ni awinttutjihi a miteko yahikhuma ni khwalela atthu.Awo yahihimya: ''Ela tin'yele Farawu ohimalyawe: 'Miyo nkinuvahani-tho malaxi. ¹¹Nyuwano mmantjinyu nrweleke ontthunen'nyu ophwanyawo, nto ntekwinyu khumvukuliya'''.¹²Vano atthu ale yahumwaramwareya elapo yotene ya wigitu, ahattaka ihalahala wohikhala malaxi. ¹³Awinttutjihi a miteko, yahahimerya vowakottiha: "Mmaliheke ntekwinyu, nto malaxi khannuvahani''. ¹⁴Awinttutjihi a miteko a Farawu, yari ni makapatasi anaisrayeli, yawo-tho yari ni ananteko, yahakohatja mwaha wa xeni nyuwano muhimpakatjanyu itijolo nrumiyanyu, okhuma ntjana mpakha olelo, ntoko mwapakalinyu khalayi?''.¹⁵Nave-tho makapatasi anaisrayeli yahurwa okumana ni Farawu yikhupanyeryaka. Awo yahunkoha:' ''Mwaha wa xeni nnakhalihennyu arumeyinyu tjitjammo? ¹⁶Khamunnivaha hiyo,arumeyinyu, malaxi mentji, nto mwinninruma: 'Mpakeke itijolo!'Hiyo, arumeyinyu, ninnihasuliya okathi yola, nto mwaha wa atthwinyu''. ¹⁷Ti vavo Farawu ahihimya: ''Nyuwano mwanamanyonyiya!Mwanamanyonyiya! Nyuwano mwinnihimya: 'Nnihiye nirwe nahelele nkuttho Apwiya'. ¹⁸Nave-tho, vano, n'hokoleleke ovara nteko. Khannuvahani-tho malaxi, nto nyuwo muhana opanka mphimo mmotja wa itijolo''.¹⁹Makapatasi anaisrayeli yahitjuwela ehali ela numala ohimeriya mwaha wa yotthuneya ela:'' Nyuwano n'hivukule mphimo wa khula nihuku wa itijolo''. ²⁰Awo yahumphavelatja Moise ni Aroni, yemele mphantti nkina wa enupa ya Mwene, ottayi ni Farawu. ²¹Awo yahun'himerya Moise ni Aroni: ''wira Apwiya ekhale ni nyuwo ni yukatjamiheni okhala wira mon'himerya Farawu wira awehe arumeyi awe vonanaravo. Nyuwo momvaha nlema mmatatani mwawe wira animve''.²²Moise ahuhokolela W'apwiya khwahimerya: '' Apwiya, exeni nnakumiherinyu nlattu atthu ala? Yopatjerya, mwaha wa xeni nyuwano nkirumalinyu nipuro nenna? ²³Okhuma vavale kiwalyaka wuluma ni Farawu mwa ntjina ninyu, owo onakumiherya nlattu atthu ala, ni nyuwano khamunwopola atthwinyu''.

¹Nave-tho, Apwiya yahun'himerya Moise: ''Vano nyuwo n'namona entthunaka omwiriha Farawu. n'namona wira owo onamwahiya atthwaka arweke mwaha wa owerya wa ntata naka. Mwaha wa owerya wa ntata naka owo onawomola nlaponi mwawe''.²Muluku ahun'himerya Moise, iraka:'' ³Miyo k'Apwiya. Miyo kahinkhumelela Abrahamu, Isaki ni Yakobe, ntoko Muluku oweryexa; nto, mwa Ntjina naka, Apwyiya miyo nkatjuwelia n'awo. ⁴Miyo-tho kokumiherya wtana waka mwa yawo, wira kavahe elapo y'Okana, elapo awo yakhalaya ntoko anamurwa, elapo yeyo awo aviralyaya. ⁵Ohiya vo, miyo kihinwa wikhupanyerya waya anaisrayeli, mwa yawo yari opotthiya n'atthu a wixitu, ni Miyo kahupuwela watana waka.⁶Vekhweli, mwahimerye anaisrayeli: 'Miyo k'Apwiya. Miyo kinamukumihani mwepotthani mwa atthu a wixitu ni kinamutaphulani mowerani mwaya. Kinamurerihani ni ntata naka noweryexa ni miteko tjulupale tjophuka. ⁷Miyo kinamukhalihani awaka, ntoko atthu aka, ni Miyo kinakhala Mulukwinyu. Ni nyuwo n'natjuwela wira miyo k'Ápwiya,Mulukwinyu, okumihaleni mwepotthani mwa atthu a wixitu.⁸Miyo kinamurwanani elapo kinlehenryaka onvaha Abarahamu, Isaki ni Yakobe. Miyo kinimuvahani ntoko yomweninyu. Miyo k'Ápwiya''. ⁹Okathi Moise alelalyawe etthu ela anaisrayeli, awo khiyamwiwelenle mwaha wohitteliya nrima mwaha wa opotthiya waya.¹⁰Nave Apwiya yahun'himerya Moise: ¹¹''Orwee ni wan'himerya Farawu, mwene a Wixitu, wira ahiye atthu a wisarayeli okhuma orwaa elapo aya''. ¹²Moise ahahimerya Apwiya: ''Anaisrayeli yahikinwe miyo vano Farawu onakinwa, vano miyo nkirerenle olavula?''. ¹³Nto Apwiya yahun'himerya Moise ni Aroni, yarumaka w'anaisrayeli ni wa Farawu, mwene a wixitu, wira anaisrayeli ehiye elapo ya wixitu.¹⁴Ala yari makhulupale a eyyhoko ya axitithyaya: ana a Rbeni, mwana opatjerya a Isrsyeli, tala henoki, Palu, Hesironi ni Karmi. Ala yari amutji awe Rubeni. ¹⁵Ana a Simiyoni tala Yemuweli, Yamini.Ohati, yakini, Zohari ni Xawuli- mwana a nthiyana mukanani. Ala yari ana a Simiyoni.¹⁶Va alepiye matjina a'na a Alevi, attharelanka ni makhulupale aya. Awo tala Xerisoni, Kehathi ni Merari. Levi ahikhala iyakha emiya emotja ni iyakha miloko miraru ni thanu na pili. ¹⁷Ana a Xerisoni tala LibininiXimeyi. ¹⁸Ana a Kehathi tala Amurami, Yisehari, Hebroni ni Uziyeli. Kehathi ahikhala iyakha emiya emotja ni iyakha miloko miraru ni tharu. ¹⁹Ana a merari talaMahili ni Muxi. Ala yari amutjawe Levi ni otjulu awe.²⁰Amurami ahunthela Yokebedi, ari nrokoraya atithyawe. Ni owo ahunýarela Aroni ni Moise. Amurami ahukhala iyakha emiya emotja niiyakha miloko miraru ni thanu na pili ni khukhwa. ²¹Ana a Yizehari tala Koré, Nefegini ni Zikiri. ²²Ana a Uziyeli tala Mixayeli, Elisafani ni Sitiri.²³Aroni ahunthela Elixeba, mwana a Aminadabi, nrokorawe Nahaxoni. Owo ahunýarela Nadabi ni Abihu, Eleyazari ni Ithamari. ²⁴Ana a koré tala Asiri, Elikana ni Abiyasafi. Ala yari amutji a koré. ²⁵Eleyazari, mwana A'roni, ahunthela mwana a Putiyeli. owo ahunýarela Pineha. Ala ti makhulupale a'xitithyaya alevi, vamotja ni otjulu aya.²⁶Ala yari alopwana eli, Aroni ni Moise, yawo Apwiya yahimeralyaya: ''Mwakunihe atthu a israyeli elapo ya wixitu, ni makhuru aya anakhotto''. ²⁷Yari Aroni ni moise yulumale ni Farawu, mwene a wixitu, wira ahiye anaisrayeli okhuma elapo ya wixitu.²⁸Okathi Apwiya yulumalyaya ni Moise elapo ya wixitu, ²⁹Awo yahira: ''Miyo kapwiya. Mwan'himerye Farawu, mwene a wixitu, tjitthu tjotene kohimeralyakani''. ³⁰Nto Moise ahahimerya Apwiya: ''Miyo nkimphwnelela olavula, nave Farawu ontthuna okinwa tjayi?''.

¹Apwiya yahun'himerya Moise: ''Mone , miyo kinamukhalihani ntoko Muluku oholo wa Farawu. Aroni, mun'ninyu, onarwaa okhala namitthakinyu. ²Nyuwo n'nahimya tjotene kinrwaka worumani ohimya. Aroni mun'ninyu, onan'himerya Farawu wira owo ahiye atthu a Israyeli atthikeleke elapo aya³Vano miyo kinimumiha nrima wa Farawu, ni kinamoniherya ithonyeryo tjintji tjowerya waka ni tjotikiniha tjintji nlaponi mwa wixitu. ⁴Vano Farawu khaniwinwani. Nave-tho miyo kinamwahukhumu atthu a Wejitu ni kinamwakumiha atthwaka, ni malokwaya, ni otjulu aya a Israyeli. Miyo kinamwakumiha nlaponi mwa wejitu n'hina mwa olamula wulupale. ⁵Atthu a wejitu anatjuwela wira miyo k'Apwiya, miyo kawokolela ntata naka atthu a wixitu ni kakumiha Anaisrayeli n'hina mwaya''.⁶Tjitjam'mo Moise ni Aroni yahinwelela; khwira tjotene tjarumiyaya n'Apwiya. ⁷Moise arina iyakha miloko mithanu nattharu, ni Aroni, iyakha miloko mithanu na ttharu ni iyakha ttharu, okathi walavulaya ni Farawu.⁸Apwiya yahun'himerya Moise ni Aroni: ⁹''Farawo ohimeryani: 'Mpanke yotikixa', nto nyuwo mwan'himerye Aroni: 'Mukuxe nttontto winyu mwinrihele oholo wa Farwo, wira athatuwe enowa'''. ¹⁰Vano, Moise ni Aroni yahurwaa wa Farawo ni yahira ntoko yahimeriyaya n'Apwiya. Aroni ahunrihela nttontto wawe oholo wa Farawu ni arumeyi awe, ni owo ahithatuwa enowa.¹¹Vano-tho, Farawo ahowihana atjuweli awe ni anamaxitt'awe.Awo yahira yotikiniha yeyo ni wikupali waya. ¹²Wa khula ntthu ahinrihela ttottwwe vathi, ni awo yanithatuwa inowa. tiamana nttontto Ároni ahimirya inowa tjaya tjotene. ¹³Nrima wa Farawo wahilipa nlelo ni khawinwale, tjitjo ntoko Apwiya tjahimalyaya.¹⁴Apwiya yahun'himerya Moise. ''Nrima wa Farawu ti wolipa ni owo onakhotta wahiya atthu aka orwaa. ¹⁵Nrwee mwakumane ni Farawo melo vosisu, okathi onkhumawe arwaaka omuro. wari vakhiviru ni omuro, wira mwakumanele, ni mwankuxe mmatatani nttontto wenyu mwantatuxalinyu enowa.¹⁶Ahun'himerya Farawu wira: 'Apwiya, Muluku áheberi, okiruma wira kohimeryeni: '' Mwahiye atthwaka arweeke, ni, tjitjo, awo anarwaa okikokhorela mothakoni. Mpakha va nyu khamuninwale''. ¹⁷Apwiya ahimya: ''Tjitjo nnatjuwela wira miyo k'Apwiya. Miyo kinrwaa omana matji omuro nilu ni ttotto ori mmatatani mwaka, ni matji awo anathatuwa ephome. ¹⁸Ihopa tja mmuro mem'mo inukhwa, ni matji awo enamunukha ventji. Atthu a wixitu khinawerya owurya matji yawo'''.¹⁹Ni, vano-tho, Apwiya yahun'himerya Moise: ''Mun'himerye Aroni: 'Ankuxe ttotto awe ni okolele ntata nawe m'matjini mwa wixitu, mwa miro tjotene, n'ihime, ni matthiya otene, wira matji otene ethatuwe ephome. Mwire tjitjo, nave-tho, enakhumelela ephome elapo yotene ya wixitu, mpakha m'miyapuni ni mmirinkini''''.²⁰Moise ni Aroni yahira ntoko tjarumiyaya n'Apwiya. Aroni ahinkuxa ttotto khum'manela m'matjini oholo wa Farawu ni arumeyi awe. Matji otene a m'muro yahithatuwa ephome. ²¹Ihopa tjahukhwa ni matji yahupatjerya wunkha ventji. Atthu a wixitu khiyawerya owurya matji a mmuro, ni ephome yari mapuro otene a elapo ya wixitu. ²²Nto anamaxitta a wixitu yahira-tho tjitjo ni maxitt'aya. tjitjo Farawu antepa olipa nrima ni awo yanikhotta omwinwelela Moise ni Aroni, vekhweli ntoko tjahimalyaya Apwiya tjahiraneya.²³Ni tjitjam'mo Farawu ahurukunuwa khurwaa owan'nyawe. Owo khathokoreryale yokhumelela. ²⁴Atthu otene a wixitu yahithipa erukureryaka muro ephavelaka matji owurya, tivo khiyawerale owurya matji a m'muro. ²⁵Ni yahivira mahuku mathanu nameli numala Apwiya ohonona muro.

¹Apwiya yahun'himerya Moise: ''Murwee wa Farawu mwan'himerye: Enihimya Apwiya tila: Mwahiye atthu aka arwee wira yakikokhorele. ²Nyuwo mwahitthune wahiya orwaa, kinuhonona elapwinyu ni anaphulu. ³Muro onatjareya anaphulu entji mpakha anaphiya owan'nyinyu, okwarutu winyu, vakhamani vinyu. Awo anavolowa mpakha owan'nyeya arumeyinyu, awo anukhala variyari va atthwinyu, anukela mapuro anoxiya iphawu ni mpanelani munruwiya exima. ⁴Anaphulu anamuhukhumuni nyuwo ni atthwinyu ni arumeyinyu otene''.⁵Apwiya yahun'himerya Moise: ''Mwin'himerye Aroni: 'Okolele ntata nawe ni ttotto awe m'muro, mwihimeni ni m'marattani wira ekhumelele anaphulu elapo yotene ya Wixitu''. ⁶Aroni ahokolela ntata nawe m'muro mwa Wixitu ni yahikhumelela anaphulu khutjareya elapo yotene ya Wixitu. ⁷Tivo anamaxitta yahipaka-tho tjitjo ni maxittaaya: awo yahakumiherya anaphulu elapo yotene ya wixitu.⁸Nto Farawu ahumwihana Moise ni Aroni khwahimerya: ''Munvekele Muluku wira akumihe anaphulu wa miyo ni atthu aka. Vireya tjitjo kinamwahiya atthu wira erwee yamvahe nkuttho yowo''. ⁹Moise ahun'himerya Farawu: ''Miyo kinamutthuniheryani wira nkihimerye okathi kintthunaka wulompelani nyuwo, ni arumeyinyu ni atthwinyu, wira anaphulu ekumihiye wa nyuwo ni owan'nyinyu ni ehokoleleke omuro''.¹⁰¹²Farwu ahakhula: ''Meelo'''. Moise ahun'himerya: ''wireye ntoko tjintthunen'nyu wira ntjuwele wira khavo Muluku nkina ntoko Apwiya, mulukwihu. ¹¹Anaphulu anakhuma wa nyuwo, vate vinyu, mwa arumeyinyu ni mwa atthwinyu. Awo an'wa okhalaka pahi omuro''. Moise ni Aroni yahikhuma oholo wa Farawu. Numala tjitjo, Moise ahakhuwelela Apwiya mwaha wa anaphulu yanwanelalyaya farawu.¹³Apwiya yahira ntoko Moise tjalapelalyawe: anaphulu yahukhwatja m'mawani, m'mavateni ni m'matt. ¹⁴Atthu yahattottelatja m'miyakoni ni m'mattumuxani. ¹⁵Nto Farawu, onalyawe wopoliya n'no, ahumiha nrimawe ni khinwelene yahimeriyawe ni Moise ni Aroni ntoko Apwiya tjahimeralyaya.¹⁶Apwya yahun'himerya Moise: ''Mwin'himerye Aroni: 'Amokole ttotto awe ni am'manele vathi wira ikhumelele itthupo elapo yotene ya Wixitu''. ¹⁷Nto awo yahira ni Aroni ahokola ntata nawe ni ttotto awe. Ahim'manela etthaya ni tjahakhumelela itthupo atthu ni inama. Etthaya yotene ya vathi yahithatuwa itthupo, elapo yotene ya Wixitu.¹⁸Anamaxitta yahehererya, ni maxittaya, okumiherya itthupo, nto khiyawerya. Tjahakela itthupo atthu otene ni inama tjotene. ¹⁹Mwaha wa etthu yeyo, anamaxitta yahun'himerya Farawu: ''Eyo ekokho y'Apwiya''. ti tjitjo Farawu ahilipa nrima ohimya wira owo khinwelenle. Tjahiraneya vekhweli ntoko Apwiya tjahimalyaya.²⁰²¹Apwiya yahun'himerya Moise: ''Nvenye tjanene vasiswene, mwakhale wamotja ni Farawu, okathi owo onrwaawe omuro, ni mwan'himerye: 'Enihimyaya Apwiya tila: ''Mwahiye atthu aka ekhume erwee yakikokhorele. N²²Tivo, nihuku nen'no kinureriha elapo y'okoxini abkhalaymo atthu aka, wa makhalelo ovirikana, vano nlaponi mwem'mo khankhumelele-tho aphure. Enakhumelela tjo wira nyuwo ntjuwele wira miyo k'Apwiya n;hina mwa elapo ela. ²³Kinrwa wavalanya atthu aka ni atthwinyu. Ethonyero ela yowerya waka enwa okhumelela melo''. ²⁴Tjitjam'mo ahira Muluku, ni aphure entji yahikhumelela owan'nyawe Farawu ni m'mawan'nyeya arumeyi awe. Elapo yotene ya Wixitu yari yowakanyereya mwaha wa aphure.²⁵Farawu ahumwihana Moise ni Aroni khwahimerya: ''N'watjeke, mwinvaheke nkuttho Mulukwinyu nlaponi mwihu mumu''. ²⁶Moise ahakhula: ''Khivanrerela hiyo wupuwela tjitjam'mo, vano nkuttho hiyo n'navahihu Apwiya Mulukwihu, etthu yoveha wa wtthu a Wixitu. Navahaka nkuttho variyari vaya, n'namwaveha atthu a Wixitu, awo khan'nivonyakatja maluku? ²⁷Hoye, hiyo nimphavela orwaa wuthakoni mahuku mararu, nahelelaka nkuttho Apwiya mulukwihu, ntoko anirumalyaya.²⁸Farawu ahakhula: ''miyo kinamuhiyani nrwee mwavahe nkuttho Apwiya, Mulukwinyu, mothakoni. Nto nyuwo n'hirwee ottayi, ni nkilompel-tho miyo''. ²⁹Moise ahakhula: ''Va miyo linkhumaka oholo winyu, kinamwalompa Apwiya wira awo yahokoloxe aphure owan'nyinyu, w'arumeyinyu ni wa atthwinyu. Vanonto nyuwo n'hinotothe hiyo mwakottihaka atthwihu orwaa wavaha nkuttho Apwiya''.³⁰Moise ahikhuma oholo wa Farawu ni ahalapela Apwiya. ³¹Apwiya yahira ntoko Moiae tjalapelalyawe: yahahokoloxa aphure owan'nyawe Farawu, wa arumeyi awe ni wa atthwawe otene. Khahalale n'nakhala m'motja. ³²Mwa tjotene, Farawu ahumiha-tho nrimawe ni khwakottiha atthu orwaa.

¹Nave, Apwiya yahun'himerya Moise: ''Orwee wakumane ni Farawu ni wan'himerye: 'Apwiya Muluku a'heberi, ohimyele: Mwahiye atthwaka arwee wira yakikokhorele. ²Nto, nyuwo mwahitthune wahiya orwaa, nyuwo nanlelo mwathipelelaka wuma nrima, ³nave-tho, ntata n'Apwiya n'nananariha inama tjinyu ikhavalo tjinyu, wamotja ni aburwinyu, imombe, ipwittipwitthi, ni eyoenakumiherya ehukhumu yulupale. ⁴Apwiya anureriha inama tja Anaisrayeli vovirikana ni inama tja Wixitu. Khinkhwa hata enama emotja ya atthu a Wisrayeli.⁵Apwiya arehererya okathyaya. Awo khwira: Onwa okhala omelo miyo kinwaka okumiherya tjitthu nýa nlaponi'''. ⁶Apwiya yahipaka yeyo nihuku nottharelana: inama tjotene tja wixitu tjahukhwa. Nto khivo enama n'nakhala emotja y'atthu a wisrayeli yakhwale. ⁷Farawu ahavererya, khuhiphwanya n'nakhala enama emotja y'Anaisrayeli yakhwale Nto anatepa wumiha nrimawe ni owo khahiyale atthu ale okhuma.⁸Nave-tho, Apwiya yahun'himerya Moise ni Aroni: ''Mukhupe makuphi meli a etturwa ya mforununi. Nyuwo, Moise, m'mwarexele opheyoni oholo wa Farawu. ⁹Eyo enathattuwa ntthupi elapo yotene ya Wixitu. Eyo enakumiherya ithuku ni makhwatta okhuma atthu ni inama elapo yotene ya Wixitu''. ¹⁰Nave Moise ni Aroni yahikhupa etturwa khukhala oholo wa Farawu. Moise khumwarexela ntjulu, ni eyo yahikumiherya ithuku ni makhwatta atthu otene ni inama tjotene.¹¹Anamaxitta khiyaweryale onxintta Moise mwaha wa ithuku, tjakhumelelale yawo ni atthu otene a Wixitu. ¹²Apwiya yahumiha nrima wa Farawu, khamwiwelelale Moise ni Aroni. Ntoko Apwiya yan'himeralyaya Moise wira Farawu ire.¹³Nave, Apwiya yahun'himerya Moise: ''Omelo nvenye oxakeene, mwakhjale oholo wa Farawu ni mun'himerye: 'Apwiya, Muluku a'Heberi, irale: Mwahiye atthwaka arwee wira yakikokhorele, ¹⁴vano miyo kinamurumihelani, okathi yola, ihukhumu tjaka tjotene, ni arumeyinyu ni atthwinyu otene. Miyo kinupaka tjitjo wira nyuwo ntjuwele khuvo Muluku nkina onlikana ni miyo elapo yotene.¹⁵Wa nanano, miyo kattharihelale oviruwa waka kamutakhalihani nyuwo ni atthwinyu ni nyuwo mwanrimela nlaponi mu. ¹⁶Nto tivo miyo kiwopolalyakani, wira kiwoniheryeni owerya waka, wira ntjina naka nivuwihiye elapo yotene. ¹⁷Nanlelo tjitjam'mo, nyuwo mun'naviruwelatho atthwaaka wira mwakhottihe orwaa.¹⁸Mwiwe! melo, ewora yela Miyo kinamuwanelani epulu yulupale ya ntatseke ya maralala, eyo enukhala etthu ehikelinyu wona-yho okhuma wupatjeryani mpakha oholo. ¹⁹Vano, mwarume atthu wira ethukumanye mihuwo tjinyu ni mirerelo tjinyu tjotene nrinen'nyu tjithukumanyeriye nipuro norerela. Epula ya maralala enamum'morela wa khula ntthu ni wa khula mwaminama ontthuna okhalam'mathalani, ni ale ahirwaa orwaaniya owani anamokhwa.²⁰Nano, arumeyi a Farawu yatthunale muluno A'pwiya yahakuvela oruma ipottha tjaya ni inama tjaya orwaa owan'nyeya. ²¹Nto yale yahatthunale muluno A'pwiya yahihiya ipottha tjaya ni inama tjaya omathalani.²²Vano Apwiya yahun'himerya Moise: ''Mokolele ntata ninyu ntjulu, ni anumorela maralala elapo yotene ya Wixitu: anamwamorela atthu, ni inama ni miri tjotene tja m'matta, elapo yotene ya Wixitu''. ²³Moise ahuntexery ttottwawe ntjulu, Apwiya yahuwana itari, maralala ni overunya nlaponi. Awo yahirupiha epula ya maralala elapo ya wixitu. ²⁴Wahikhumelela overunya ni maralala ehinakhumelele-tho elapo yotene ya Wixitu, okhuma wuphattuweloni wa nloko.²⁵Mwa elapo yotene ya Wixitu, epula ya maralala yahihonona tjotene m'matta, okhuma atthu m'pakha inama. Yahuhonona tjitthu tjotene m'matta ni yahuhonona miri tjotene. ²⁶Elapo y'okoxini pahi, yakhalayawo A'naisrayeli, khiyarupale epula ya maralala.²⁷Farawu aharuma arumeyi awe omwihana Moise ni Aroni. Owo ahahimera: ''Miyo ekwaha ela kuttheka. Apwiya t'axariya ni miyo ni atthwaka t'inrina nlattu. ²⁸Mwlompe Apwiya, okhala wira itari ni epula ya maralala tjotepa. Miyo kinamuhiyani nrweke ni nyuwo khamunkhala-tho nlaponi mumu''.²⁹Moise ahun'himerya: '' Va miyo kinrwaaka okhuma elapo ela, kinamokolela matataaka w'Apwiya. Itari tjinamala ni kham'mora-tho maralala. Tjitjam'mo, nyuwo n'natjuwela wira elapo ela ti y'Apwiya. ³⁰Tivo, nyuwo ni arumeyinyu, miyo kotjuwela wira nanlelo khan'nattittimiha Apwiya Muluku'''.³¹Nxotte ni mele yahuhononiwa, vano mele yira ettokotthaka m'makalani mwaya, ni nxotte nira n'nari ni itthuttu. ³²Nto etiriku ni ipyo tjikina khitjahononen'ye, okhala wira khitjmelale. ³³Okathi Moise wakhumalyawe variyari wa Farawu ni nlaponi m'mwe, owo ahokolela matataawe w'Apwiya ni itari ni epula ya maralala yahumaala, ni epula khiyarupale-tho.³⁴Okathi Farawu vawehalyawe wira epula ya maralala ni itari tjomaala, owo ahuttheka-tho wneeli ni khumiha nrimawe wamotja ni arumeyi awe. ³⁵Farawu ahumiha nrima. tivo, owo khahiyale atthu a w'Israyele orwaa. Ni eyo yiraneyale ntoko Apwiya yan'himeralyaya Moise wira Farawu onawa ire yeyo.

¹Apwiya yahun'himerya Moise: ''Nrwee wa Farawu, vano ohumiha nrimawe wamotja ni arumeyi awe. Kipakele eyo wira koniherye ithonyeryo, owerya waka wa yowo. ²Kipakale eyo wira-tho nyuwo mwahimerye aninyu ni otjulwinyu tjotene tjipakalyaka; ntoko tjirihalyaka Wixitu ni ntoko tjikumiheralyaka ithonyeryo tjintji tjoowerya waka mwa yawo. Tjitjam'mo nyuwo n'natjuwela wira miyo k'Apwiya''.³Nave, Moise ni Aroni yahurwaa okumana ni Farawu ni khun'himerya: ''Apwiya Muluku a'heberi, ohimyale: 'imara ikavi nkhpottaka nkiyevihaka miyo? Mwahiye atthwaaka wira arwee yakikokhorele. ⁴Nto mwakhotta wahiya atthwaaka orwaa, mwiwe, omelo miyo kinamuwanelani itjororope nlaponi mwinyu.⁵Awo anukhunela etthaya Vahinrwaaya woniya-tho etthaya ni ntthu. Awo anulyatja mihokhorokho tjinw'ohala ni epula ya maralala. Awo anukhuratj-tho miri tjotene tjinrwaa wun'nuwa m'matta. ⁶Awo anutjareyatja m'mampani mwa arumeyinyu, ni itthoko tjotene tj'atthu a Wixitu, etthu etthu ehinoniye-tho okhuma khalayi''. Ni Moise ahikhuma wariyuari wa Farawu.⁷Alipa a miruku yahun'himerya Farawu: ''Nanlelo okathi muntji nlopwana ola anopopihaka? Mwahiye A'naisrayeli arwee wira yakokhorele Apwiya, Muluku aya. Nyuwo nanlelo khamutjuwelale wira Wixitu wohononiya?'' ⁸Moise ni Aroni, nto, yahihaniya-tho wa Farawu, ni khuhimeriya: ''Nrweeke mwakokhorele Apwiya, Mulukwinyu. Nto taapani anrwaa?''.⁹Moise ahira: ''Ninrwa ni amiravo ni mavelyu, n'anihu axithiyana ni axilopwana. Ninakuxa-tho ipwittipwitthi tjihu ni imompe tjihu, okhala wira nihana otthapela nira noowattittimiha Apwiya''. ¹⁰Farawu ahahimerya: ''Hata, Apwiya ekhalaka ni nyuwo, nkinuhiyani nyuwo wamotja ni aninyu orwaa, Mone, nyuwo mun'nehererya opanka etthu yonanara. ¹¹Nrweeke, ntoo alopwanaru, mwakokhorele Apwiya, vano eyo muphelin'nyu''. Nave-tho Moise ni Aroni yahomoliya oholo wa Farawu.¹²Apwiya yahun'himerya Moise: ''Mokolele ntataninyu vatthayani va Wixitu wira itjororope tjikhumelele elapo ela ni tjihonone tjotene, tjitthu tjotene tjihalale tjihihononiye ni epula ya maralala. ¹³Moise ahimokolela ttottw'awe etthaya ya Wixitju, ni Apwiya yahirumiha epheyo yulupale elapo ele, ekhumaka onikhuma epheyo, othana ni ohiyu wotene. Vaxaalyaya, epheyo y'onikhuma epheyo yahuwana itjororope.¹⁴Itjororope tjhumwarela elapo yotene ya Wixitu. Ethu ela khinakhumelele ni khin'khumelela-tho. ¹⁵Iyo tjhikhunela elapo yotene, khuripihana; ni tjahikhura miri tjotene ni mihokhorokho tja miri tjahalale ihihononiye ni epula ya maralala. Elapo yotene ya Wixitu, khuvo mwiri wahalale wemelalene, n'nakhala muhokhorokho m'motja khiwahalale m'matta.¹⁶Nave-tho Farawu ahumwihana Moise ni Aroni ni khwahimerya: '' Kihatthekela Apwiya, Mulukwinyu, ni kihutthekelani nyuwo. ¹⁷Vano, nto, nkilevelele ni mwalompe Apwiya, wira awo akakiherye okhwa okhale ottayi ni miyo''. ¹⁸Moise ahikhuma oholo wa Farawu ni khwalompa Apwiya.¹⁹Apwiya yahunwana naphuvu mulupale akhumaka onikhuma epheyo, erihelaka itjororope mphareya moxerya. Khiyahalale n'nakhala etjororope emotja elapo ya Wixitu. ²⁰Nto Apwiya yahumiha-tho nrima wa Farawu, ni ola khuhatthuniha wahiya orwaa Anaisrayeli.²¹Nave-tho Apwiya yahun'himerya Moise: ''Mokolele ntataninyu otjulu wira ekhumelele epiphi elapo yotene ya Wixitu, epiphi enwa woviyaka. ²²Nto, moise, ahokolela ntata nawe otjulu, ni yahikhumelela ewiriphi elapo yotene ya Wixixtu mpakha mahuku mararu. Khuvo ntthu amona nkhwawe. ²³Ni khuvo ntthu akhuma owan'nyawe wa mahuku yawo mararu. Mwa, tjitjam'mo wahikhala warya w'Anaisrayeli.²⁴Farawu ahiruma wihaniya Moise ni khun'hiomerya: ''Nrweeke mwakokhorele Apwiya. N'nakhala amutjinyu anarwaa wamoyja ni nyuwo, nto ipwittipwitthi tjinyu ni imompe tjinyu tjinahala''. ²⁵Nto Moise ahira: ''nyuwano-tho n'hana onivaha inama wira napake nkuttho wowavaha Apwiya, Mulukweehu. ²⁶Inama tjiohu tjinarwaa ni hiyo, ni khivo etthu nin'hiyahu ottiuli, okhala wira nihana wavaha Apwiya. Okhala wira khantjuwelale enrweehu wakokhorelano Apwiya, Mulukweehu, nihinatthi ophiya nipuro nlo''.²⁷Nto Apwiya yahithipelela wumiha nrima wa Farawu, khuhatthuniha Anaisrayeli wahiya orwaa. ²⁸Farawu ahun'himerya Moise: ''Nkhume oholo waka! Nkhale phole yokhala etthu emotja: nyuwo n'hikiwehetho, vano nihuku nyuwo kinwaka wuwehani oholo waka n'namokhwa''. ²⁹Moise ahira: ''Ntoko nyenyu n'himalinyu: miyo miyo nkinwa-tho oholo winyu''.

¹Vano Apwiya yahun'himerya Moise: ''Yokhala nanleleo ehukhumu ekina miyo kinunwanela Farawu ni Wixitu. Numala yeyo, owo onamuhiyani nrweeke. Vekhweli, okathi, owo onwawe wuhiyani orwaa, owo onawomolatjani vomalela. ²Mwattutjihe atthu wira wa khuta nlopwana ni wa khuta nthiyana ohana onlepela naitthokwawe nlopwana wala nthiyana tjitthu tja eparata ni ewero''. ³Apwiya yahaphwanyiha atthu a Wisrayeli oreriya ni wtjiveliha Anaisrayeli. Ohiya vo, vamethoni v'arumeyi a Farawu ni wa atthu a Wixitu, nlopwana Moise ari otthuneyexa'.⁴Moise ahira: '' Enihimyaya Apwiya tila: 'Ohiyu omotja, Miyo kinuviravira Wixitu. ⁵Ana otene opatjerya oyariya anukhwa, okhuma mwana opatjeriya wa Farawu, onokoma vomweneni vawe, mpakha mwana opatjerya a epottha envara nteko w'oxila, ni ana otenea inama opatjeriya ototholiya.⁶Nave-tho elapo yotene ya Wixitu, onawa okhala wikhupanyerya ohinakhumelele ni ohinrwaa okhumelela-tho. ⁷Nto Anaisrayeli khunakhumelela n'nakhala wunla; n'nakhala nlopwa, n'nakhala vakhani mwaminama tjaya. Mwa tjitjam'mo n'natjuwela wira Miyo kin'nathanla atthu a Wixitu kavalanyaka n'Anaisrayeli kinari ottayi. ⁸Arumeyinyu otene, farawu, anawa okumana ni miyo ni anakikokhorela miyo. Awo anahimyatja: 'Nkhume, nyuwo ni atthu otene anuttharani!' Numala eyo, miyo kinakhuma''''. Nave-tho owo ahikhuma oholo wa Farawu ni oviruwa ventji.⁹Apwiya yahun'himerya Moise: ''Farawu khaniwinwani. Wira miyo kipake tjitthu tjintji tjotikinixa elapo ya Wixitu''. ¹⁰Moise ni Aroni yahipaka tjotikinixa tjotene oholo wa Farawu. Tivo Apwiya yahumiha nrima wa Farawu, khatthunihale wira atthu a Wisrayeki ekhumeke nlaponi mwawe.

¹Apwiya yahun'himerya moise ni Aroni elapo ya Wixitu, yiraka: ²Mwa nyuo, mweri ola wopatjerya onwa okhala wupatjeryani wa miyeri, mweri wopatjerya wa mwakha ti wawinyu.³Mwahimerye atthu otene a Israyeli: 'Nihuku no nanloko wa mweri yola, wa khula ntthu a nyuwo ohana othanla epwittipwitthi emotja wala epuri emotja; wa khula etthoko yireke tjitjo, epwittipwitthi emotja wa khula etthoko. ⁴Etthoko yahatte atthu wa epwittipwitthi emotja, ekhaleke etthoko ni naitthoko awe ekhureke enama vanweryaya omaliha ya epwittipwitthi wala epuri yotene ottharihelaka mwattelo w'atthu a vatthokoni vale. Ekhaleke enama yorerela atthu otene vanweryaya omaliha; tjitjam'mo awo anakuxa enama emphiyerya okhuriya n'atthu otene.⁵Epwittipwitthinyu wala epurinyu ehikhaleke yopahuwa, ekhaleke yolopwana ya eyakha emotja. Ekuxiyeke epwittipwitthi emotja wala epuri emotja. ⁶Mwintjathiki mpakhanihuku na nanliko nitjese na mweri. Nave-tho, atthu otene a Israyeli ahana ohita wa khula enama makaripi. ⁷Ephomene ekuxiye, ettikittheliyeke miphantti mili ni vankhora m'matthokoni, mwem'mo munrwaaya okhuriya enama eyo. ⁸Ohiyu yowo, nkhureke enama eyo, numala, woxiya veekho. Ekhureliyeke iphawu tjohiheliya miropo, etakanihiye matakhuru owawa.⁹Enama eyo n'hikhure ekhitte wala yowapeiya ni matji. Ohiya vo, yoxiye pahi veekho, ni muru, metto ni mphantti wa n'hina. ¹⁰N'hihiye erupaka mpakha melo vasisu. Yahala vale epahiye melo vasisu. ¹¹Tjitjam'mo nkhureke: ntthukalene eyunu ni ntjako, nwareke ixapattho mwinawuni mwinyu ni ttotto m'matatani mwinyu. Nkhureke ni wakuva. Nla nira na pasika A'pwiya''.¹²Apwiya yirale: ''Nvirihe elapo ya Wixitu ohiyu wotene, ni kinuwivakatja ana otene opatjerya oyariya ni inama tjotene tjopatjerya ototholiya nlaponi mwa Wixitu. Kinamwanyanya amuluku otene a Wixitu. Miyo k'Apwiya. ¹³Ephome entthuna okhala ethonyeryo yokoniherya itthoko tja atthu aka. Okathi miyo kinrwaaka oweha ephome, kinwa oviraka vatjulu va empa eyo, kihononeke elapo ya Wixitu. Ehukhumu eyo khinuwelani nyuwo ni khinupwetexani. ¹⁴Nihuku nlo ninwa okhala nihuku n'okupuwela winyu nyuwo, nihuku nlo nyuwo mwatthapeleleke Apwiya wa khula eyakha. Enwa okhala ekano yowettela nyuwo, okhuma wa maloko otene, nttittimiheke nihuku n'na.¹⁵Nkhureke nkatthe tjohiheliya miropo n'hina wa mahuku mathanu na meli. Nihukhu nopatjerya, m'mwarexe miropo owan'nyinyu. Wa khula ntthu ontthuna olya nkatthe woheliya miropo mpakha mahuku mathanu na meli omoliye mwinlokoni mwa Israyeli. ¹⁶Nihuku nopatjerya, n'nakhala nikhuru ninwa otthokihiya ni ntjina naka ni nihuku na nethanu na pili n'nakhala nikina nolikana ni nen'no. Ohivariye-tho nteko nkina ohikhalale wapeya, wira atthu otene aalye. ntekweene yowo wohana ovariyaka ni nyuwene.¹⁷Mupuweleke nira n'na na iphawu tjohiheliya miropo, okhala wira nihuku n'no miyo kinamuwanelani atthwinyu kakumihaka nlaponi mwa Wixitu. Tjitjam'mo mupuweleke nihuku n'na wa maloko otene. N'na nlamulo nawinyu nyenyu, mahuku otene. ¹⁸Nkhureke mikatthe tjohiheliya miropo okhuma makaripi wa nihuku na nanloko na tjese wa mweri wopatjerya wa mwakha mpakha makaripi wa nihuku na namiloko mili na motja wa maweri yowo wopatjerya.¹⁹N'hina wa mahuku yawo mathanu na pili, tjihipwehiye miropo mpani.Wa khula ntthu ontthuna olya nkatthe woheliya miropo onamomoliya mwinlokoni mwa Israyeli, akhale ntthu oowa wala oyariya nlaponi mwem'mo onamomoliya. ²⁰Ehikhale etthu entthuna olyiya yoheliya miropo. Wa khula nipuro muntthunen'nyu okhala nkhureke nkatthe wohiheliya miropo''.²¹Vanonto Moise ahalattula makhulupale otene a Wisrayeli ni khwahimerya: ''Nrweeke ni mwathale ipwittipwitthi tjimphiyerya okhuriya n'atthu otene, ni mvahe nkuttho epwittipwitthi ya nira na pasika. ²²Navetho nkuxe nipururu na mwanuni nkwateke ephome mbaciyani. Nttikittheleke ephome eyo vankhora ni vaxirini. Ohikhale ntthu wa nyuwo ontthuna okhumela vate mpakjha óxa.²³Okhala wira Apwiya anuviravira wira ewivakatje atthu a Witu. Owo óna ephome vankhora wala vaxirini, awo anuvira otjuluwa empinyu ni khanintthuniherya namanyanya okela mpani mwinyu wira awinveni.²⁴Mupuweleke eyo mahuku otene, ntoko nlamulo wira mwetteleke nyuwo ni otjulwinyu. ²⁵Mwakela nlaponi Apwiya yuvahalyayani, ntoko awo yumanelalyayani natiri, mupuwele nteko ola wokikokhorela.²⁶A xaninyu yukohani: 'Ninthonyerya exeni nira n'na nokikokhorela?'. ²⁷Navee nwakhule: 'N'na nira na pasika n'Apwiya, okhala wira Apwiya yavirale otjulu wa ipa tja atthu a israyeli W'ixitu, okathi yawivakatjalya atthu a Wixitu. Awo khwataphula amutjihu''.Nave, atthu yahikokhora vathi khwatthittimiha Apwiya. ²⁸Atthu a Israyeli yahurwaa ni khupanka yeyo Muluku anrumalyawe Moise ni Aroni.²⁹Wahiraneya, ohiyu eriyari, Apwya yahuwokottha ana otene opatjerya oyariya nlaponi mwa Wixitu, okhuma mwana opatjeriya wa Farawu, yow atthuna okilathela ehitje ya Farawu, mpakha mwana opatjeriya a nkhulupalyawe ni ána opatjeriya árumeyi awe. ³⁰Farawu ahuvenya ohiyu eriyari-owo, arumeyi awe otene ni atthu otene a Wixitu. Wahikhala wikhupanyerya ventji Wixitu, vano khiyakhalale etthoko yahavirale ehasara y'okhwa.³¹Ohiyu, Farawu ahumwihana Moise ni Aroni, ni khwahimerya: ''Nvenye, nkhume variyari v'atthu aka, ntuwo n'atthu a Israyeli. Nrwee, mwakokhorele Apwiya, ntoko tjilapenlinyu ni tjimphelinyu wira. ³²Nkuxeke mirerelo tjinyu ni inama tjinyu, ntoko tjihimalinyu, nrweeke ni mwakilompeleke''. ³³Atthu a Wixitu yari ni wakuva ventji owomola nlaponi mwaya, ehimyaka: ''N'namokhwa otenihu''.³⁴Vano atthu yahikuxa otthú wohitakanihiya miropo. Mikhori tjaya tjahitthukiya malay'aya vanikhatani. ³⁵Atthu a Wisrayeli yahira ntoko Moise tjarumalyawe. Yahalapela atthu a Wixitu tjitthu tja eparata ni tja wero, ntoko malaya. ³⁶Apwiya yapakale wira atthu a Wixitu yatjivelihe atthu a Wisrayeli. Nave atthu a Wixitu yahavaha tjitthu tjalepeliyaya n'atthu a Wisrayeli. mwa tjitjam'mo, atthu a Wisrayeli yahuwakha atthu a Wixitu.³⁷Atthu a Wisrayeli yahikhuma oRamase erawaka oSukothi. Yari alopwana ikonto miloko miloko mithanu namotja mwéntto, ohatakaniha ana akhani. ³⁸Nttitthi m'motja wotakanihana ni atthu oowa yahirwaawamotja ni yawo, wamotja ni arumeyi aya ni inama tjaya ni imompe , yari atthu entji. ³⁹Yahoxa mikatthe tjohiheliya miropo ni otthú yawanalyaya Wixitu. Mikatthe kitjaheliye miropo okhala wira yakhumale Wixitu ni khiyakhalale opitjapitja n'ureherya yolya. ⁴⁰Atthu a Wisrayeli yahikhala Wixitu iyakha imiya tjese n'iyakha miloko miraru.⁴¹Wumaliheryani wa iyakha iya imiya tjese ni iyakha miloko miraru, nihuku nen'ne, maloko otene A'pwiya yahikhuma nlaponi mwa Wixitu. ⁴²Wari ohiyu yavenyihiyaya, vano Apwiya, tiyakumihalyaya nlaponi mwa Wixitu. Ola wari ohiyu w'Apwiya, wira nthokoreriyeke n'atthu otene a Wisrayeli mwa maloko otene.⁴³Apwiya yahun'himerya Moise ni Aroni: ''Ela ekettelo ya nira na pasika: ahikhale ntthu ówa ontthuna olya nira n'na. ⁴⁴Mwa tjotene, ipottha tjotene tja Wisrayeli tjithumiye ni ntjurukhu ahan olya numala win'nuwihiya.⁴⁵Namurwa ni nanteko onliviya ahilye eyolya ela. ⁴⁶Eyolya ela ehana olyiya khula ntthu vete vawe. Ehikuxiye n'nakhala etthu erwaaniyaka ota, ni ehipwexiye nikhuva.⁴⁷Atthu otene a Wisrayeli ahana wupuwelela nira n'na notthapela. ⁴⁸Akhala ntthu oowa omphavela omulya Pasika óqwatthapela Apwiya, atthwawe otene alopwana ahana wun'nuwihiya. Vano owo ohana otthapelela. Owo onakhala ntoko ntthu a weiwo. Mwa tjotene ahikhale ntthu ohin'nuwihiya ontthuna ólya nira n'na.⁴⁹Nlamulo n'na nihana wetteliyaka ojhuma ntthu a weiwo mpakha ntthu ówa onkhala ni nyuwene''. ⁵⁰Tjitjo atthu otene a Wisrayeli yahira tjitjam'mo ntoko Apwiya yan'himeralyaya Moise ni Aroni. ⁵¹Eyo yiraneyale nihuku nen'no Apwiya yakumihalyaya atthu a Israyeli nlaponi mwa Wixitu, ntoko atthwaaya.

¹Apwiya yahun'himerya Moise yiraka: ²''Nkivithele ána otene opatjerya oyariya, ána otene axilopwana a Israyeli, okjhuma alopwana,a mpakha inama. Otene opatjerya oyariya tatwaka''.³Moise ahahimerya atthu otene: ''Mupuweleke nihuku n'na, nihuku mukhumalinyu Wixitu nlaponi mwarinyu ipottha n'ikuru tjulupale tj'Apwiya, tjokumihaleni nlaponi mwem'mo. N'hikhure mikatthe tjoheliya miropo. ⁴Nyuwo mwakhumale Wixitu nihuku nen'na, mweri wa Abibi. ⁵Apwiya yukelihani elapo y'akanani, y'ahiti, y'amori, y'ahivi ni y'agebusi, elapo awo yalaphelalyaya axitithinyu wira anamuvahani, elapo ya emana eléti ni enuyi - nave n'hana wupuwelela ntekoola wokokhorela mweri yola.⁶N'hina mwa mahuku mathanu na meli, n'hana olya mikatthe tjohiheliya miropo; nihuku na nethanu napili, ninakhala nira nowattittimiherya Apwiya. ⁷Nhina mwa mahuku mathanu na meli tjikhuriyeke mikatthe tjohiheliya miropo; ohikhale ntthu a nyuwo ontthuna okhura mikatthe tjoheliya miropo. ohikhale ntthu mwa nyuwo ontthuna ophwanyaniya miropo, mpani winyu.⁸Nihuku nen'no, n'nawahimerya asanen'nyu: 'Etthu ela n'nira wa mwaha w'Apwiya tjinirelalyaya okathi okhumalihu Wixitu'. ⁹Ela enakhala ntoko yowupuwelinyu ya m'matatani winyu ni yowupuwelinyu ya m'muruni mwinyu. Tivo nlamulo n'Apwiya nihana okhala mwano mwinyu, vano, niowerya wulupale, wokumihaleni Wixitu. ¹⁰Vekhweli n'hana wintjathi malamulo ala wa khula mwakha.¹¹Okathi Apwiya yuwanalyayani elapo y'akanani, ntoko Owo tjulaphelalyaweni nyuwo ni otjulwinyu wira anarwaa wuvahani, ni okathi Awo anrwaaya wuvahani nlaponi, ¹²nyuwano n'ha wavithela Awo aana otene opatjerya oyariya, okhuma alopwana mpakha inama. ¹³Aana otene axilopwana opatjerya oyariya tawaya Apwiya. aburu otene opatjerya ototholiya nwakakhanye ni ipwittipwitthi. Mwahakakhanye, m'wive. Vanonto, aninyu otene aaxilopwana opatjerya oyariya - n'wopole n'wakakhanyaka ni inama.¹⁴Aniinyu yukohani okathi mukina, 'Enithonyerya exeni etthu ela?' ntoo n'wakhule wira: 'Wari owerya wulupale w'Apwiya anikumihalyaya Wixitu, nlaponi mwarihu ipottha. ¹⁵Okatthi Farawu, umihalyawe nrima, khunikhottiha okhuma, Apwiya yahuwiva aana otene axilopwana opatjerya oyariya nlaponi mwa Wixitu, okhuma atthu mpakha inama. Tivo, miyo kinavahaka nkuttho Apwiya asana otene a inama opatjerya ototholiya tjolopwana, tivo miyo kiniwakakhanyaka asanaaka ni inama tolopwana tjopatjerya ototholiya'. ¹⁶Ela ekhale yowupuwela ekhale m'matatani mwinyu, ni ekhale vayutji vinyu, vano owerya wulupale w'Apwiya onikumihale Wixitu.¹⁷Okathi Farawu wahiyalyawe atthu orwaa, Muluku kharwaanale elapo y'Afilisti, enamwi yari ephiro yokhuveya. Vano Mulukuahira: ''Nkintthuna wira atthwala ekhalane miruku mikina yovaka ekhotto, nave ehokolele Wixitu''. Nave, ¹⁸Muluku arwaanale atthwale arukurerihaka mothakoni erwaaka ephareya yoxery. Atthu aIsrayeli yahikhuma Wixitu ni iyuma tjaya tja ekhotto.¹⁹Moise ahikuxa murutthu wa Yosefe, vano Yosefe ahalaphela vorerela atthu a Israyeli iraka: ''Muluku vekhweli onamurerihani, ni nyuwano n'hana okuxa murutthwaka mwarwaaka.'' ²⁰Atthu a Israyeli yahikhuma osukothoi ni yahimakaWetami, okherekhere wa wothakoni. ²¹Apwiya yari ni yawo nihuku notene, yitjoniheryaka ntoko mekhulu wira ewettiheryeke mphironi. Ohiyu, Awo yitjoniherya ntoko moro wira yamwaleleke. Tjitjam'mo awo yahiwerya wetta othana ni ohiyu. ²²Apwiya khiyakumihale nekhulu n'ne oholo w'atthu ale othana, n'nakhala moro ohiyu.

¹Apwiya yahun'himerya Moie: ²''Mwahimerya A''naisrayeli ahana ohapuwa yamake oPi Hahiroti,eriyari yo'Mgdoli ni ophareya, ohinatthi ophiya oBayali Zefoni. Nyuwo mwamake okherekhere wa ephareya, wattamela oPi hahiroti. ³Farawu onawanyiheryani nyuwo, atthu a Israyeli, 'Awo an'nithwelela nlaponi. Ari ntoko anamatthukeliya mothakoni'.⁴Miyo kinamumiha nrima wa Farawu n'atthu awe. Atthu a Wixitu anatjuwela wira miyo k'Apwiya.'' Nave atthu a Israyeli yahimaka ntoko tja ttutjihiyaya. ⁵Okathi mwene a Wixitu wahimeriyawe wira atthu a Israyeli anutthyawa, mupuwelo wa Farawu ni arumeyi awe waharukunuwela atthu ale. Awo yahira: ''hiyo nipakaleni, nahiyaka atthu a Israyeli orwaa khihiyanrumela-tho?''⁶Nave-tho Farawu ahilokiherya ikara tjawe khwakuxa anakhottwaawe. ⁷Ahakusa anakhottwawe miloko miloko mithanu namotja ni ikaro tjikina tja Wixitu, tjotene ni makhulupale awe a'nakhotto. ⁸Apwiya yahumiha nrima wa Farawu, mwene a Wixitu, ni mwene ahatthamakela A'naisrayeli. A'naisrayeli yakhumale ootaphuwa. ⁹Nto atthu a Wixitu yahatthamakela, n'ikhavalo tjaya n'ikaro tjaya, n'anakhavalo aya ni anakhotto aya. Awo yahaphwanya A'naisrayeli emakalene omixaxani okherekhere wa ephareya,wattamela oPi Hahiroti, ohinatthi ophiya oBayali Zefoni.¹⁰Okathi Farawu wattamelawe, A'naisrayeli yahumona khukhala owotjeya. Atthu a Wixitu yatthara ottuli waya; ni yahikhala ni wova. A'naisrayeli yanikhuwela wa Muluku. ¹¹Awo yahun'himerya Moise: ''Khakhalale mahiye Wixitu nivithiye weiwo muniwanalinyu okhwela mothakoni mu? Mwaha wa xeni n'niwanalinyu mu, n'nikumihaka Wixitu? ¹²Khahiyo yela nulelahuni? Hiyo nahulelani: ' n'nihiye ni murettele, nave narumeleke atthu a Wixitu. Vatthuna okhala vorera hiyo wavarelaka nteko awo ohikhalale okhwela mothakoni mu'''.¹³Moise ahahimerya atthu ale: ''N'hove. Nkhale ólipa ni mone otaphuwa Apwiya yuwanelalyayani nyuwo olelo. Vano khamunrwaa owona-tho atthu a Wixitu n'niwoninyu olelo. ¹⁴Apwiya anuwana ekhotto yowakihani nyuwo, nkhale pahi ólipeene''¹⁵Nave Muluku ahun'himerya Moise: ''Moise, munthipelela okikhuwelela mioyo mwaha wa xeni? Mwahimerye A'naisrayeli arweeke oholo. ¹⁶Mwinkuxe ttottwinyu mokolele ntata ninyu mphareya mmane matji nkawanye wa miphantti mili, wira A'naisrayeli elapuwe mmuro vatthayani vowuma. Ntjuwele wira kinamumiha mirima tj'atthu a Wixitu, wira yutthamakelekeni. ¹⁷Kinattittimihiya mwaha wa Farawu ni anakhotto awe, ikaro tjawe ni anakhavalo awe. ¹⁸Nave atthu a Wixitu anutjuwela wira miyo k'Apwiya kattittimihiya mwaha wa Farawu, n'ikaro tjawe ni anakhavalo awe.''¹⁹Nlaikha na Muluku, narwaa oholo w'anaisrayeli, nahihokolela ottuli waya. Mekhulu, yarwaa oholo waya yahihokolela ottuli waya. ²⁰Nekhulu nari variyari wa atthu a Wixitu ni A'naisrayeli. Ni nari nekhulu noripela wa atthu a Wixitu, nto nanamwalela A'naisrayeli ohiyu. Nave wa mphantti mmotja wa wattemelale A naisrayeli wamwalela ohiyu wotene.²¹Moise ahokolela ntata nawe mphareya. Khukhuma naphuvu mulupale akhumaka onikuma ntjuwa, ohiyu yole wotene, Apwiya yhikawanya matji a mphareya, ethatuwaka etthaya yowum'ma. ²²A'naisrayeli yahilapuwa variyari va phareya vatthayani vowum'ma. Matji yahemela n'no nin'no mwa yawo, mono wolopwana mono wothiyana.²³Atthu a Wixitu yanatthamakela. Awo yawa ottuli w'Anaisrayeli erwaaka variyari va phareya - ni ikhavalo tjotene, ikaro ni anakhavalo a Farawu. ²⁴Nto, vaxakaru, Apwiya yahakottiha anakhotto olapuwa wa mwaha wa mekhulu ni moro. Awo yahawanela mawimpi atthu a Wixitu. ²⁵Marota a ikaro tjaya yahemela, ni anakhavalo yettiha ni mikatjamiho. Nave atthu a Wixitu yahira: ''Nrwee natjhawe A'naisrayeli, okhala wira Apwiya anwana ni hiyo ewakihaka A'naisrayeli''.²⁶Apwiya yahun'himerya Moise: ''Mokolele ntata ninyu mmatjini wira matji yawalele atthu a Wixitu, ikaro tjaya ni anakhavalo aya''. ²⁷Nave Moise ahokolela ntata nawe mphareya, ni matji yahuhokolowa ntoko tjaryaya numala oxa. Atthu a Wixitu yahimananiha otyhawa m'matjini , nto Apwiya yahattikhela variyari wa matji. ²⁸Matji yahuhokolowa khutjamiha ikaro tjaya ni anakhavalo a Farawu ni anakhotto awe otene yawelale nkaroni mpakha m'muro. Khuvo akhalale.²⁹Mwa tjitjam'mo A'naisrayeli yahilapuwa vatthayani vowum'ma variyari va phareya. Matji yahikawanyeya wira awo elapuwe, khukhala mono wolopwana ni mono wothiyana. ³⁰Tjitjam'mo Apwiya yahuwopola A'naisrayeli m'matatani mw'atthu a Wixitu nihuku nen'ne, ni A'naisrsyeli mirutthu tj'atthu a Wixitu yakhwatjale iphempaka. ³¹Okathi A'naisrayeli yonalyaya owerya wulupale Muluku awirelalyawe atthu a Wixitu, atthu yahattittimiha Apwiya ni yaahinroromela Muluku ni nrumeyi awe Moise.

¹Nave, Moise n'atthu a Israyeli yahumwipela etjipo ela Miliku. Awo yahipa yiraka: '' Miyo kin'nattottopela Apwiya, vano awo anopola vovuwaxa; ikhavalo n'anakhavalo aya, awo arihela mphareya.²Apwiya owerya waka ni ntjipo naka, awo takhalale wopowa waka. Ola ti Muluku aka ni miyo kinonttottopela Muluku a'xitityhaka, ni miyo kinomvuwiha. ³Apwiya nakhotto. Apwiya ntjina naya.⁴Awo attikhela mphareya ikaro tja Farawu ni anakhotto awe. Makhulupale othanliya a Farawu yahittikheliya mphreya mooxerya. ⁵Mawimpi yahakhunela, yahikhuruwa mawimpi ntoko maluku.⁶Ntata naya nolopwana, Apwiya, ti novuwexa ni owerya; Ntata naya nolopwana nahaxintta awanani. ⁷Ni ikuru tjulupale, Nyuwo n'haxintta yale yurukunuwelani. Nyuwo mwahiruma oviruwa winyu khwaamirya ntoko malaxi. ⁸N'hopiha epheyo yulupale, matji yahuthukumana; matji ni mawimpi yahemela; matji ni mawimpi yahitikana eriyari ya mphareya.⁹Awananihu yahira: 'Hiyo ninawatthamakela, hiyo kinawaxintta, hiyo nikawane mirerelo tjaya; nitteliyeke nrima; miyo kinantholola xow'aka; kiwinve ni matataaka.' ¹⁰Nto nyuwo Apwiya n'hopiha epheyo anyu, ni ephareya ehatjamiha; awo atjama m'matjini mowixa. Mulupale ti pani n'hikhalale nyuwo? ¹¹Tani orera nrima, ottittimihiya ovuwihiya, ompaka tjitthu tjotikiniha ntoko nyuwo ?¹²Nyuwano n'hokola mono anyu wolopwana woweryexa ni epiphi ehamirya. ¹³Ni watana winyu worera, mowettiha atthwinyu ni mowopola. Ni ikuru tjinyu, n'hahola mpakha mapurwiinyu orera wonwo nyuwano orinyu.¹⁴Atthu otene ahinwa ni khuthukumela; othukumela ohaphwanya aFilisti. ¹⁵Nave, makhulupale a Wedomi yahova, anakhoptto oMowabi yahithukumela; atthu otene ókanani ahotjeya.¹⁶Othukumela ni othikileya nthana wahawela yawo; ni owerya wa ntata ninyu, awo yari ntoko nluku mpakha atthwinyu ovira, Apwiya, mp akha athwinyu nwoponlinyu olapuwa.¹⁷Nyuwo n'namwakeliha ni n'namwakhaliha nipuro, mwaphavelenlinyu vamwako,Apwiya, nyuwo mowirela okhala vavo, mwithanlenlinyu, Mulukwihu, ntekalinyu ni matatinyu. ¹⁸Apwiya ti mwene a mahuku otene ni vohimala-tho''.¹⁹Vano ikhavalo tja Farawu ni ikaro ni anakhavalo tjahitjama mphareya. Apwiya yahuhokoloxerya-tho matji a mphareya wira yatuphele-tho atthu a Wixitu. Tivo atthu a Wisrayeli yahulapuwa vatthayani vowum'ma, variyari va phareya. ²⁰Miriamu, ari profeta, nrokorawe Aroni, ahikuxa ekoma ni athiyana otene yahuwa khuntthara ni ikoma tjaya, yinaka. ²¹Miriamu anípa ni yawo: ''Nwípele APWIYA, vano Awo atepaxa ovuwa. Awo yahattikhela mphareya anakhavalo ni ikhavalo tjaya.²²Nave okhuma ephareya yoxerya, Moise ahahola atthu a Israyeli arrwaaka. Awo yahiphiya wothakoni w'oxuri. Yahetta mothakoni mahuku mararu ni khuhiphwanyu matji. ²³Nave yahiphiya óMara, nto khuhiwerya owurya matji a wenwe, vano yari ówaawa. Tivo yahuvaha nipuro n;ne ntjina na Mara.²⁴Nave atthu yanimwapa Moise yiraka: ''Ninrwaa owurya exeni?'' ²⁵Moise ahakhuwelela Apwiya, ni Apwiya yahimoniherya ekhukullu ya mwiri. Moise ahirihela mwiri ole m'matjini, ni matji khiyatjiva nananoru wira ewuriye. Wari opurweene yowo Apwiya yavahalyaya atthu ikano ni malamulo ni ti weiwe Awo yaweherenryaya. ²⁶Awo yahira: ''Mwinwa tjana ntju naka, Miyo, Apwiya, Mulukweenyu, ni mwavaraka miteko tjorera va methoni vaka - ni mwinwelelaka tjooruma tjaka ni mweettelaka ikano tjaka, nkinuphwanyihani tjotakhala tjaaphwanyihalyaka atthu a Wixitu; vano Miyo k'Apwiya, yale anupenuxani.²⁷Nave atthu a Wisrayeli yahiphiya mpakha w'Elimi, wonwo waphattuwale ihime muloko na pili tja matji ni mikole miloko mithanu na pili. Awo yahumaka wattamela m'matjini.

¹Athhu a Israyeli yahikhuma wElimi, ni maloko otene a Israyeli khumaka wothakoni w'oSini, onikala eriyari ya wElimi ni oSinayi, nihuku na namuloko ni mathanu wa mweri w'onapili, numala okhuma nlaponi mwa Wixitu. ²Maloko otene a Israyeli yanimwapa Moise ni Aroni mothakoni. ³Atthu a Israyeli yahira: ''fatari nakhwenlale Wixitu niviyaka n'Apwiya, wonwo nakilathalyahu nirukureryalene miyapu tjotjareya enama ni nanikhura mikatte mpakha orupala? Vano nyuwo n'niwanale mothakoni mu, wira mokotthe malokwihu ni etala''.⁴⁵Nave, Apwiya yahun'himerya Moise: '' Miyo kinamurupihelani epula ya iphawu tja wirimu. Atthu anattotta vanaphiyeryaya khula nihuku. N'no onrwaa okhala owehererya kiwone yettelaka malamulo aka wala yahetteleke. Etthu ela enrwaa okhumelela nihuku na nethanu na motja: anattottatja imara pinli wovikana nýe yattottaaya mahuku makina, ni anamwapeya tjiwanalyaya''.⁶Nave Moise ni Aroni yahahimerya atthuotene a Israyeli: ''Makaripi, nyuwo n'natjuwela wira Apwiya tookumihaleni nlaponi mwa Wixitu. ⁷Ni, melo vasisu, nyuwo n'namona ovuwa w'Apwiya, vano Owo ohinwa molumwinyu owapa m'mwapaka yowo. Hiyo n'apani wira nyuwo munaapeke hiyo?'' ⁸Moise ahira-tho: ''Nyuwo n'natjuwela makaripi okathi Apwiya anrwaaya wuvahani enama, ni nkatthe melo vasisu wira nrupale, vano Awo ahinwa wapa winyu m'mwapaka Yowo. Miyo ni Aroni n'aapani? Nyuwo khamunapale hiyo n'wapale Apwiya''.⁹Moise ahun'himerya Aroni: ''N'himerye maloko otene a Israyeli: ''Nwattame Apwiya, vano Awo ahíwa wapa winyu.'' ¹⁰Okathi Aroni walavulawe ahimeryaka maloko otene w'atthu Israyeli, awo yahirukunuwa ewehaka wothakoni ni owerya w'Apwiya wahikhumelela m'meekhuluni. ¹¹Numala, Apwiya yahun'himerya Moise yiraka: ¹²''Miyo kihinwa wapa waya atthu a Israyeli. Mwahimerye atthu awo: 'Ohiyu, nyuwo n'nakhura enama, ni, malo vasisu, n'narupala ni nkatthe. Nave, yuwo n'natjuwela wira miyo k'Apwiya Mulukwinyu'''.¹³Ni vahiraneya, makaripi vavale, yahikhumelela anapiri khutjareya mmawani motene. Mmeloni mwaya vasisweene okame wanimora muxerexere mwa nixaxa. ¹⁴Okathi okame wamwareyaya, yahona wira, vathi mothakoni mwem'mwe, tjahikhala tjitthu tjikhani tjovilikeya, ntoko maralala yamora. ¹⁵Okathi atthu a Israyeli yonalyaya yeyo, yanikohana nkina ni nkhwawe: '' exenila?'' Awo khiyatjuwela etthu ele. Moise ajhahimerya: ''Nkatthe Apwiya yuvahalyayani wira nlyeeke.¹⁶Ala malamulo Apwiya anivahalyaya: 'Nyuwo ntjukeke, wa khula ntthu a nyuwo, vanimphiyeryaya olya: ethokwa emotja wa khula ntthu, attharihelaka mwattelo w'atthu a vapuwani vawe. Tiyela nkhalalinyu ópka: nttotteke emphiyerya olya atthu otene ankhala vapuwani vinyu.''' ¹⁷Ni atthu a Israyeli yahira ntoko tjahimeriyaaya. akina yahittotta vakhani akina yintji. ¹⁸Okathi waphimiyaaya ni ethokwa, ale yattottale yintji khiyarina vowavikana ale yattottale vakhani, ni ale tattottale vakhani khiyahalela-tho. Wa khula ntthu ahittotta vamphiyeraya.¹⁹Nave Moise ahahimerya: ''Ahikhale ontthuna ohiya erupaka mpakha malo''. Tivo-nto, awo khiyamwiwelenle Moise. ²⁰Atthu akina yahihiya nvithe mpakha nihuku nikina, nto nvithe owo wahuntta khutjareya miyunku. Moise ahaviruwela yawo. ²¹Awo yanilipelela wa khula vasisu. Wa khula ntthu anittottela vanimphiyeraya olya nihuku nen'ne. Ni eyolya ele yanitothowa ntjuwa nipatjeryaka oviha.²²Nihuku na nethanu na moyja, awo yahittottatja imara veeli ovikana nýe yattottaaya, ethokwa pinli wa khula ntthu.Makhulupale otene a maloko yahirwa khun'himerya Moise etthu ela. ²³Owo ahuwakhula: ''Ti yeyo Muluku ohimeralyaweni: 'Malo nihuku n'omumula, esabado nihuku norera nonttittimiha Muluku. Mwapeyeke entthunen'nyu wapeya, moxeke entthunen'nyu woxa. Yotene entthuna ohala, ntjukeke nvithe mpakha malo vasisu'''.²⁴Nave, awo yahihiya nvithe mpakha vasisu ntoko Moise attutjihalyawe. ni khiyunttale, n'nakhala khiyarwelale miyunku. ²⁵Moise ahahimerya: ''Nlyeke eyolya ela olelo, vano olelo nihuku natjukeriye, esabado, yowattittimiha Apwiya. Olelo khamumphwanya yolya vatthayani.²⁶Nttotte n'hina wa mahuku mathanu na motja, nihuku na nethanu napili esabadu. Esabadu, khenkala emana''. ²⁷Nihuku na nethanu na pili, atthu akina yanikhuma arweelaka emana, tivo khuhiyaphwanya.²⁸Nave, Apwiyayahun'himerya Moise: ''Mpakha lini n'hiwelelaka malamulo aka ni ikano tjaka? ²⁹Mone, miyo, Apwiya kihuvahanoi omumula. Nave, nihuku na nethanu namotja, kinamuvahani nkatthe wa mahuku meeli. Wa khula ntthu a nyuwo akhaleke owan'nyawe, ahikhale ntthu ontthuna okhuma owan'nyawe, nihuku na nethanu na pili''. ³⁰Nave, atthu yahimumula nihuku na nethanu na pili.³¹Atthu a Israyeli yahivaha ntjina yolya eyo khwittana ''emana''. Yari yottela , ni yatjiva ntoko enuyi. ³²Moise ahahimerya: ''Ela ti yela Apwiya anirumalyaya wira: 'Nihiye ethekwa emotja ya emana mwavithele atthwínyu, wira otjulwínyu wone nkatthe Miyo kovahalyakani mothakoni mumu, numala wokumihani elapo ya Wixitu'''.³³Moise ahun'himerya Aroni: '' Nkuxe mwapu mwitthele mphimo wa ethekwa emotja ya emana. Mwintjathi emana eyo oholo w'Apwiya wira ekkhale nupuxeryo na otjulwínyu'''. ³⁴Tjito ntoko Apwiya yanrumalyaya Moise, Aroni ahintjathi, munivukuni nowatana, oholo wa mapawe yalempwe ni ikano tj'Apwiya . ³⁵Atthu a Israyeli yaholya emana n'hina wa iyakha miloko mitjese, mpakha ophiya elapo yarwaaya okhala. awo yahilya mpakha ophiya mmukanoni wa elapo y'Okana. ³⁶Mphimo m'motja wa ethekwa ya emana mphantti wonanloko wa y'efa.

¹Atthu otene a Israyeli yahikhuma mothakoni m'Osini, ettharaka tjowinttutjihiya tj'Apwiya. Awo yahimaka oRafidimi, nto nwee khiyariwo matji wira atthu ewurye. ²Nave, atthu yaninkhiupanya Moiseyiraka: '' N'nivahe matji niwurye''. Moise ahiwakhula: ''Mwaha wa xeni nyuwano mwin'nyakulinyu? Mwaha wa xeni nyuwano n'nimwehererinyu Muluku?''. ³Atthu yahivoliya ntthona ventji ni yanin'nyakula Moise. Yiraka: ''Mwaha wa xeni nyuwo mwanikumihen'nyu Wixitu? wira n'ninve ni ntthona,anihu ni inama tjihi?''.⁴Nave, Moise ahakhuwelela Apwiya: ''Kipake exeni veri vatthu ala? Awo amphavela okivonyakatjaka maluku''. ⁵Apwiya yahun'himerya Moise: ''Apwiya yahun'himerya Moise: '' Nrwee oholo wa atthu ala ni mwakuxe makhulupale a'tthu a Israyeli. Mwinkuxe-tho ttottwínyu yowo mwam'manelalinyu matji ni nrweeke nyuwano. ⁶Miyo kinakhala ni nyuwano veri va m'makhukuni wa mwako oherebi, miyo kinarwaa omana mwako owo. Anakhuma matji wira atthu ewurye''. Nave Moise ahira tjitjo oholo wa makhulupale a Israyeli. ⁷Owo ahihanela nipuro n'no oMassa ni oMeriba, wa mwaha wowikhupanyerya waya atthu a Israyeli, ni okhala wira awo yahiwehererya Apwiya yiraka: ''Apwiya ari ni hiyo wala hoye?''.⁸Nave anakhotto Ámalekiyahurwaa khwatuphela atthu a Israyeli oRefidimi. ⁹Tjitjam'mo, Moise ahun'himerya Yoxuwa: ''Mwathanle alopwana akina ni nkhume nrwee mwawane n'Amalekhi. Malo, miyo kinrwaa wemela vatjulu va mwako kinkuxalene ttotto Muluku okirumalyawe m'matatani mwaka''. ¹⁰Nave Yoxuwa ahira tjitjo ntoko tjarumiyawe ni hiwana n'Amaleki, nave-thi Moise, Aroni ni Huri yahuwela vamwako.¹¹Nave-nto Moise okathi wavenyihawe matatawe mutjulu, atthu a Israyeli yanaxintta awanani aya; okathi wakuruxawe matata, anakhotto w'Amaleki yanaxintta atthu a Israyeli. ¹²Okathi Moise miyono tjawe tjamumaya, Aroni ni Huri yahikuxa nluku khupweha vathi wira akilathele. Okathi yowo-tho, Aroni niHuri yanivarelela miyono tjawe khuyatexerya mutjulu, nkina mono wolopwana ni nkina mono wothiyana. Tjitjam'mo, miyono tja Moise khitjamorale-tho mpakha okela ntjuwa. ¹³Tjitjam'mo, Yoxuwa ahaxintta anakhotto Amaleki ni ikatana.¹⁴Muluku ahun'himerya Moise: ''Nlepe mulumo ala nlivuruni ni ntjome wira Yoxuwa inwe, okhala wira miyo kinimwamaliha Ámaleki kinamwapwetexa vathi va''. ¹⁵Nave Moise ahateka altari khwavaha ntjina nowira ''Apwiya t'ibander'ahu''. ¹⁶Owo apakale eyo, okhala wira owo ahira: ''Apwiya alapha wira awo anrwaa wamaliha Ámalekhi maloko ni maloko''.

¹Yeyhoro, nlipa a nkhuttho oMadiyani, atatawe Moise, yahinwa tjotene Muluku amwirenlyawe Moise ni atthwawe a Israyeli. Owo ahinwa wira Apwiya t'akumihale atthu a aIsraeli Wixitu. ²Yethoro, atatawe Moise, ahinkuxZefora, mwarawe Moise, numala onruma owan'nyawe, ³ni anaawe eli; mwanawe m'motja ntjina nawe ihaniya Xerisoni, vano Moise ahira: ''Miyo k'antthu ówa elapo ya amalapo''. ⁴Mana nkina ntjina nawe ihaniya Eliyezeri, vano Moise ahira: ''Muluku a'xitrithyaaka ahikakiha. Owo ahikopola n'hina mwa ekatana ya Farawu''.⁵Yethoro atatawe Moise, ahirwaa ni an'awe Moise ni amwarawe erwaaka wothakoni owo waryawewo amakalyawe vamwako va Muluku. ⁶Owo ahun'himerya Moise, ''Miyo, atatinyu Yethoro, kiwaale okumana ni nyuwo n'amwarinyu ni aninyu.⁷Moise ahirwaa okumana ni atatawe, ahurama, khwavaha ebetjo. Awo yahikohana yaworu nkina ni nkhwawe ni, vottharelana, yahikela n'hemani. ⁸Moise ahahimerya atatawe tjotene Apwiya yamwirenlyawe Farawu ni atthu a Wixitu n'hina wowaphenta atthu a Israyeli, mwa mikatjamiho tjotene tjiraneya mphironi ni Apwiya khuwopola.⁹Yethoro ahitteliya nrima mwa tjitthu tjotene Apwiuya yawirelalyaya atthu a Israyeli, ni awo yawopolalyaya m'matatani mw'atthu a Wixitu. ¹⁰Yethoro ahira: '' Ettottopeliye Apwiya awoponleni mw'atthu a Wixitu ni m'matatani mwa Farawu, ni ahuhiyani otaphuweene mwa wokotjopani waya. ¹¹Vano, kotjuwela wira Muluku ti mulupale wapwaha amuluku otene, okhala wira okathi atthu a Wixitu yaphavelaya wapwetexa atthu a Israyeli, Muluku ahiwopola.¹²Yethoro, tat'awe Moise, ahunvaha Muluku nkuttho wopahiya ni mikuttho tjikina. Aroni ni makhulupale otene a Israyeli yahuwa olya wamotja n'atatawe Moise oholo wa Muluku.¹³Nihuku nikina, Moise ahokoma wira aphuke milattu tj'atthu. Atthu yahokoma anrukureryaka Moise ovenya vasisu mpakha ohiyu. ¹⁴Tat'awe Moise awehakaru tjotene Moise awirelalyawe atthu ale, ahun'himerya, ''Exen'iyo eniwirelin'nyu atthu ala? mwaha wa xeni mokom'minyu vekha ni atthu ala yorukureryani okhuma vasisu mpakha ohiyu''?¹⁵Moise ahahimerya atataawe: ''Atthu ala anwa wa miyo wira ekikohe otthuna wa Muluku. ¹⁶Okathi awo anivanyihanaya, anwa wa miyo. Miyo kin'naphukela milattu tjaya nkina ni nkhwawe, ni kin'nattutjiha otthuna wa Muluku ni ikano tjawe''.¹⁷Tat'awe ahun'himerya Moise wira: ''Etthu empakinyu khahiyo ti yorera. ¹⁸Veekhweli n'namotjeya nyuwi n'atthwinyu, okhala wira nteko ola ti wolemela wovikana ikuru tjinyu. Nyuwo khamunwerya veekha. ¹⁹Nkiwiriyane. Kinamuvahani miruku, ni Muluku onakhala ni nyuwo, okhala wira nyuwo n'hana olavula ni Muluku mwaha wa atthwinyu, milattu tjaya munveleliherye Muluku. ²⁰Nwittutjiheke molumo ni ikano tjawe. Mwathonyeryeke ephiro entthunaya otthara n'teko anrerelaya ovaraka.²¹Ohiya vo, n'hana wathanla alopwana, aninttittimiha Muluku, alopwana ororomeleya ahitthuna wakhela ntjurukhu wira ephuke vohiloka. Mwakhalihe oholo w'atthu wira ekhale maholeli a'tthu ekonto emotja, n'atthu emiya emotja, n'atthu miloko mithanu ni makhulupale a'tthu muloko. ²²Yawo ta'nrwaa ophukaka milattu tj'atthu otene, nto milattu tjulupale awo anamuwaanelani nyuwo. Ni milattu tjotene tjokhweya, awo enamphuka. Tjitjam'mo vanamukhweelani nyuwo, ni awo anamokhaliheryani muritti nrinen'nyu. ²³Mwira tjitjo, ntoko Muluku tjinorumaweni, nto nyuwo n'nalipihiya wira nvileleke, ni atthwinyu anaphukiya nananoru wira arweeke owani otteliyeene nrima.²⁴Nave, Moise ahinwelela molumo a'tatawe ni khwira tjotene tjahimeriyawe. ²⁵Moise ahathanla alopwana orerela w'atthu otene a Israyeli ni khwaakhaliha makhulupale w'atthwaale, maholeli a'tthu ekonto emotja, n'atthu emiya emotja, n'atthu miloko mithanu ni maholeli a'tthu muloko. ²⁶Awo yahiphuka milattu tj'atthu wa makhalelo orrela. Milattu tjulupale awo yaninwanela Moise, nto awo yaphuka milattu tjikhani. ²⁷Nave, Moise ahahiya atat'awe,Yethoro khutthikela elapo awe.

¹Mweri wo nattharu numala atthu a Wixitu okhuma elapo ya Wixitu, nihuku nene nen'ne, awo yahuhokolela wothakoni w'osinayi. ²Numala okhuma oRefidimi, awo yahimaka mothakoni m'osinayi, oholo wa mwako.³Moise ahiwela vamwaako wira akhale ni Muluku. Apwiya yahumwihana vatjulu va mwako khun'himerya: ''Nyuwano mwahiumerye atthu a Yakobe, mwahimerye atthu a Israyeli: ⁴Nyuwo n'hona tjitthu Miyo tjiwirelalyaaka atthu a Wixitu, ntoko tjokutjalyaakani ntoko xaka ni kuwaanani wa miyo. ⁵Vano, vekhweli, mwaiwelelaka mulumo aka mwattharihaka watana waka, nyuwo n'nakhala nloko naka nyuwo pahi nthanliyaka wa maloko otene, okhala wira elapo yotene ti yawaka. ⁶Nyuwo n'nakhala omwene w'alipa a nkuttho ni n'nakhala maloko n'atthu orera nrima wa Miyo. Ala molumo atthunen'nyu wahiomerya atthu a Israyeli''.⁷Nave Moise ahuhokolowa khwalattula makhulupale a'tthu a Israyeli. Owo ahahimerya tjotene Apwiya yan'himeralyaya. ⁸Atthu otene yahakhula yiraka: ''Hiyo n'namwiraka tjotene Apwiya anirumalyaya.''Nave-tho Moise ahihokolela w'Apwiya khwahimerya tjotene yakhulalyaya atthu a Israyeli. ⁹Apwiya yahun'himerya Moise: ''Kinaawa okumana ni nyuwo n'neekuni morimpa wira atthu yinweke tjaana okathi onlavulaaka ni nyuwo ni yokupalelekeni mahuku otene''. Nave, Moise ahahimerya Apwiya molumo yakhulale atthu a Israyeli.¹⁰Apwiya yahun'hiomerya-tho Moise: ''Nrwee mwaphwanye atthu. Olelo ni malo yireriheke, ni ekatthatje ikuwo tjaya. ¹¹Ekhale olikaneene nihuku nooneraru, okhala wira nihuku nooneraru, Miyo, Apwiya,kinahokoleela omwako Sinayi.¹²Nyuwo mwakhalihe nkano nkhitte mwa mwako. Mwahimerye wira: Mwipatjope. Nyuwo n'hiwele mwak'ola wala n'hivare. Wa khula ntthu ontthuna ovara mwak'ola onamokhwa'. ¹³Ntthu owo otthekale ahivariye ni matata. Ohiya vo, owow vekhweli ohana ovonyiya maluku wala matthere. Akhale ntthu wala mwaminama, ohana wokotthiya. Okathi onopiyaaya nlope, atthu akinaku anawela vamwako wamotja ni nyuweene''.¹⁴Nave Moise ahikhuruwa vamwaako khurwaa waphwanya atthu. Owo aharerihela Apwiya atthu ale, ni awo yahikuxa malayaaya. ¹⁵Owo ahahimerya atthu ale: ''Mwilikanyiherye nihuku noneraru; ohikhale ontthuna okumana ni mwarawe''.¹⁶Nihuku nooneraru, vaxaalyaya, tjahikhumelela itari ni overunya ni mekhulu oripela va mwako. Ni wahinwanyeya oruma wa nlope wulupale. Atthu otene omaxaxani yahithukumela ni wova. ¹⁷Moise ahakumiherya atthu ale ota wa mixaxa orwaa okumana ni Muluku, ni awo khweemelatja nkhitte wa mwako. ¹⁸Mwako Sinayi wahikhuneliya ni mwixi okhala wira Apwiya yahikhuruwa vamwako vavale yoneyaka ntoko moro ni mwixi. Mwixi watthuwa ntoko mwixi wa wopahiya ntakhwani, ni mwako wotene wanthukumela vowopiha.¹⁹Okathi watjerereyaya oruma wa nlope, Moise anilavula, ni Muluku animwakhula. ²⁰Apwiya yahikhuruwela va mwako Sinayi, vatjulu vamwako , ni khumwihana Moise vatjulu vaavale. Nave Moise khuwela. ²¹Apwiya yahun'himerya Moise: ''Nkhuruwe ni mwakottihe atthu wira ehivikave mwinkanoni arwaaka varyaaka, yira tjitjo atthu entji anamokhwa. ²²Alipa a nkuttho antthuna owattamela Apwiya ahana wireriha - wira Apwiya ehahukhumu''.²³Moise ahahimerya Apwiya: ''Atthu ala ehiwele vamwako, okhala wira nyuwo khamwarumale: 'N'hele nkano nkherekhere wa mwako ni mohimya wira mwirerihele Apwiya'''. ²⁴Apwiya yahun'himerya wira: ''Haya, nkhuruwe vamwako ni mwin'wane Aroni, nto alipa a nkuttho n'atthu akina ehiwele varyaka, yira tjitjo Miyo kinamwahukhumu''. ²⁵Nave, Moise ahikhuruwa khwaphwanya atthu ale ni khwahimerya etthu ela yahimalyaya Apwiya.

¹Muluku ahahimerya mulumo ala otene iraka: ²''Miyo k'Apwiya Mulukwen'nyu, okumihaleni elapo ya Wivitu, vapuwani mwakhalihiyanyu epottha. ³Nyuwo n'hikalane Muluku nkina kihikhalale Miyo.⁴N'hipakele tjitthu tjowupiya n'nakhala ilatarato nlattanihaka tjitthu tja otjulu, wala tjitthu tja vathi, n'nakhala tja vathi va matji. ⁵N'hikokhorele, ni n'hirumele tjen'yo, okhala wira miyo k'Apwiya, Mulukwen'nyu, kintthiun wira nkhale awaka pahi. Miyo kin'nahukhumu aana mwaha wa tjotakhala tja axitiithyaaya, mpakha otjulu woneraru ni wonetjese w'ale ankinyokha. ⁶Nto Miyo kinawoniherya watana waka ale ankiwelela mpakha maloko ikonto ikonto tjene w'ale anikiphenta ni anettela ikano tjaka.⁷N'hiromole ntjina, n'Apwiya, Mulukwin'nyu, mahaleene. Miyo nkiwa kiwera ohittheka yawo anaromola ntjina nawe nlo mahaleene.⁸Mupuwele nihuku na sabadu wira nkikokhorele Miyo. ⁹Nyuwo mvareke miteko tjinyu n'hina wa mahuku mathanu na motja. ¹⁰Nto nihuku na nethanu napili nihuku n'Apwiya, Mulukwen'nyu. Nihuku nen'no, n'hivare nteko nyuwo, n'nakhala mwaninyu nlopwana wala mwaninyu nthiyana, n'nakhala nantekwinyu nlopwana, wala nantekwinyu nthiyana, n'nakhala inama tjinyu, n'nakhala ntthu oowa nlaponi winyu. ¹¹Okhala wira, Apwiya, apaka erimu, ni elapo ya vathi, ni tjitthu tjotene tjimphwanyaneya mwem'mo ni vano khumumula nihuku na nethanu napili. Vano miyo, Apwiya, koreriha nihuku na sabadu kithanlela Miyo.¹²Mwattittimihe apapinyu n'aminyu, wira nkhale mahuku mentji nlaponi mumu, kuvahalyakani Miyo Apwiya Mulukwen'nyu. ¹³N'himwive ntthu. ¹⁴N'hiraruwe.N'himwiyerye ntthu. N'himotherye nkhwinyu. N'hikhalele nrima etthoko ya n'khwinyu; muhinkhalele nrima mwara a n'khwinyu, n'nakhala nrumeyi awe nlopwana ,¹⁸Atthu otene yahona overunya ni itari ni yahinwa oruma wa nlope ni yahona mwako otthuwaka mwixi. Okathi atthu yonalyaya etthu ele, awo yanithukumela ni khukhala ottayi. ¹⁹Awo yahun'himerya Moise: ''Nnihimeryeke nyenyu hiyo n'nanwinwakani; nto Muluku ahinulumiheke-tho, wala hiyo n'namokhwa''. ²⁰Moise ahahimerya atthu ale: ''N'hove, okhala wira muluku owaale owereryani wira ottittimiheya wawe okhale ni nyuwo, wira n'hittheke''. ²¹Nave, atthu ale yahikhala ottayi wenwe, ni Moise ahattamela mwako yole wttikinyeya waryawe muluku.²²Apwiya yahun'himerya Moise: ''Enrwaanyu wahimerya a'naisrayeli tila: 'Nyuwano m'mentjinyu n'hona Miyo kilavulaka ni nyuwaano wirimu. ²³N'hipakele amuluku akina oholo waka, amuluku a eprata wala amuluku a wero.²⁴Nyuwaano nkipakele altri a etthaya wira nkivaherykevo mikuttho tjpahiya, mikuttho tjorerela tja inama, ipwittipwitthi ni iboyi. Wa khuta nipuro, ninttittimihiyaaya ntjina naka, Miyo kinaawa ni kinamurerihani. ²⁵Nyuwaano mwakitekela altari a maluku, n'haateke ni maluku owun'nanyiya, okhala wira, nyuwaano mwatekelaka ni mattakhen'nyu , khenalipihaka. ²⁶N'hiwele ni mikhalelo tjonanara, valtarini vaka, wira wira kiwettiheryeni n'ukumiha tjitthu tjonanara tja n'hina''.

¹''Vano iya ikettelo mwinrwaanyu walela atthu ale:²Mwathuma epotthin'nyu ntthu a waheberi, owo ohana ovara nteko miyakha mithanu na motja, mwakha wa nethanu napili, mwintthukule arweeke vohiliviya n'nakhala etthu wa mwaha wa nteko. ³Wakhala wira owo awaale veekha arweeke vekha; akhala othela, mwntthukule wamotja ni mwarawe . ⁴Yakhala wira pwiyawe ahuntheliha mwarawe ni owo khun'yarela a'na axilopwana wala axithiyana, nave nthiyana owo ni a'na tawawe pwiyawe, ni owo arweeke veekha.⁵Nto, epottha eyo yahimya wira: ''Miyo kin'naphenta amwaraka n'anaka ni apwiyaaka; miyo nkintthuna orwaa'', ⁶nave-tho, pwiyaawe ankuxe anrwaane oholo wa Muluku, ni amwemexe vankhora, athorole naru nawe ni kwilya mwankhani. Tjito, enakhala epottha ya pwiyaawe yole wa okumi awe wotene ohalale .⁷Nlopwana m'motja antumiha mwanaawe nthiyana khupakiya epottha, owo khantaphuliya-tho ni arumeyi awe. ⁸Owo ahatjiveliheke apwiyawe, khuhokolowela wa nyuwo, pwiyaawe ohana ontthuniherya othumiya-tho vasya. Owo kharina owerya wontumiherya ntthu nkina ówa. owo kharina owerya wene wonwo, okhala wira omwettihale wa makhalelo ohiloka.⁹Pwiyaawe ankhaliha ntoko mwara a mwanawe, owo ohana onkhaliha ntoko mwanaawe. ¹⁰Mwana ole ahintthune okhala mwarawe khunkuxa nthiyana nkina khukhala mwarawe, owo ahinvukule yolyaawe, tjowara tjawe wala mirerelo tjawe. ¹¹Nto nlopwana owo ahitthune tjitthu n'ya ttharu omwrela nthiyana owo, vano-nto owo akhaleke otaphuweene wohiliva n'nakhala etthu.¹²Wa khula ntthu onintuphela nkhwawe khumwinva, n'uwo-tho ohana winviya. ¹³Akhala ntthu onira tjitjo wohilakela , nave-tho kinarwaa onthonyerya nipuro nottyhawela. ¹⁴Akhala ntthu onintuphela naitthoko awe volakela ni khumwinva, nave nyuwo n'hana onvonya maluku, oholo w'altari a Muluku, mpakha okhwa.¹⁵¹⁷Wa khula ntthu onaveha atithyaawe namayawe, ohana win'viya. ¹⁶Wa khula ntthu ontthuna omwiya ntthu khuntumiha, wala ontthuna ophwanyiya ni mirerelo tja nkhwawe, ohana win'viya. Wakhula ntthu ontthuna watakhaliha atithyaawe wala amayaawe ohana win'viya.¹⁸Yakhala alopwana eli ethweelaka, m'motja khunvulaliha nkhwaawe ni nluku wala ni matata, khuhimwinva nto khun'hiya aweren'yaka; ¹⁹ni ola khuhala ettaka avaraka miteko tjawe, ola ohana oliva wa okathi nkhwawe ole ovirihalyawe aweren'yaka, tjitjo mpakha ovona, nto nlopwana owo ahanyiheriye okhala otakhala.²⁰Akhala ntthu onim'mana nrumeyi awe nlopwana wala nthiyana ni ttotto awe ni nrumeyi ole khukhwa mwaha womaniya n'wo, ntth'uwo ohana ohukhum'mwa. ²¹Vekhweli, nrumeyi owo akhala wa mahuku meli, pwiy'ole khamphwanela ohukhum'mwa, okhala wira ohettiherya ohawa wa nrumeyi awe.²²Alopwana eli ewanaka khum'mana nthiyana m'motja okhala ni ehamela ni khun'honona mwanaawe, khuhikhalana-tho nkhalelo nkina, veekhweli alopwana awo ahana onliva mwan'nawe, ni analiva etjitjapo entthunaya ophimeliya. ²³Nto, wakhala ophukiya wekhweli, awo ahana olivela ekumi ni ekumi, ²⁴nitho n'nitho, nino n'nino, ntata ni ntata, n'nawu ni n'nawu, ²⁵opahiya ni opahiya, ovulalihiya ni ovulalihiya, winviya ni winviya.²⁶Akhala ntthu onimpwexa nitho nrumeyi awe nlopwana wala nthiyana khun'honona, pwiyaawe an'hiyeke arweeke mwaha wa nitho nawe nihononen'ye. ²⁷Ankhula nino nimotja, an'hiyeke-tho arweeke wa mwaha wa nino nawe.²⁸Yakhala enyompe eninvulaliha ntthu nlopwana wala nthiyana mpakha omwinva, enyomp'eyo ehana ovonyiya maluku mpakha okhwa, ni enamaaya ehikhuriye; nto mwanene enyompe eyokharina nlattu. ²⁹Nto, enyomp'eyo yahilamalela wakhumula atthu, ni mwanene aleliya khuhitthuna otthukwa, ni enyomp'eyo khumwinva nlopwana wala nthiyana, enyomp'eyo ehana ovonyiya maluku mpakha okhwa ni mwanene inviye. ³⁰Yakhala yolapela yolivela ni ekumi awe, owo ohana oliva tjotene tjinkhanyereriyawe.³¹Enyompe yanvulaliha m'miravo wala mwarusi, mwanene enyompe ohana opaka etthu yele ekano enikhanyereryaya wira apake. ³²Enyompe yanvulaliha epottha yolopwana wala yothiyana, mwanene enyompe vekhweli ohana oliva ntjurukhu miloko miraru tja eparata pwiyaawe, ni enyompe awe yohana ovonyiya maluku.³³Akhala onthipa ehime awe, wala onthipa ahikhunela, khumorelamo enyompe wala mwaburu, ³⁴mwanene ehime ohana onliva mwanene enama eyo ekhwale ni enama eyo ekhaleke ya wawe.³⁵Akhala ntthu enyompe awe eninva enyompe ya nkhwawe, ehana otumihiya enyompe ele ekumi ni ntjurukhweene okawaniyeke atthu oweeli, ni awo-tho ahana okawana enama ele yookhwa. ³⁶Nto, yatjuweliya wira enyompe ele yahilamalela wakhumula atthu, ni mwanene khuhitthuna otthukwa, owo ohana oliva enama ni enama, enama yiookhwa ekhaleke ya wawe.

¹Akhala ntthu onin'ya enyompe wala epwittipwitthi ni khwinva wala khutumiha, nave owo ohana oliva inyompe thanu wa enyompe emotja, ni ipwittipwitthi tjese wa epwittipwitthi emotja. ²Nawin'ye aphwnyiya in'yaka ohiyu vapuwani, ni, khumaniya khukhwa, nto ntthu ole omwivale khurina nlattu. ³Nto, aphwanyiya anyanyaka nkhora othana ahinatthi win'ya, khwinviya, ntthu ole omwinvale ohana nlattu, nawin'ye owo ohana oliva tjitthu n'ye tjin'yalawe. Owo ahiwerye oliva tjin'yalawe, nave-nto ohana otumihiya wira iliviye n'ye tjin'yalawe. ⁴Wakhala wira enama yin'yalawe ekumi, ekhale enyompe, mwapuru wala epwittipwitthi, owo ohana oliva-tho imara veli.⁵Akhala ntthu onlyiha inama tjawe m'matta mwawe ni khuhiya inama tjawe, ni khulya m'matta mwa mwanene, owo ohana oliva ni mihokhorokho tja m'matta mwawe.⁶Wakhala moro onivikana mikanotja mwanene khupaha mirerelo tja mwanene, ntoko tjolya tjihattiye, wa miri tjowaliya, wala ematta, ntthu ole opahale moro ole ohana oliva.⁷akhala ntthu onakhelela otjuka ntjurukhu wa mwanene ni mirerelo, ni owo khwin'yeriya vapuwani vawe ntthu ole, vano nawin'ye avariya, nawin'ye owo ohana oliva imara pinli. ⁸Vano-nto, nawin'ye ahivariye, nto mwanene vapuwani ohana winvahererya oholo w'anamaphuka wira oniye aryeene yowo omwiyerale naitthoko awe. ⁹Ahitjuweliye mwanene etthu pitthu erimelale, ekhale enyompe, mwapuru, epwittipwitthi, malaya, wala etthu ekina erimelale, atthu ale anivanyihana ehimyaka wira: ''Ela ti yawaka'', nlattu ola w'atthu eli orwaaniye wa makhulupale ophuka. Ntthu ole ontthuna ophwanyaniya nlattu ohana onliva nkhwaawe imara pinli.¹⁰Akhala ntthu onaakhelela otjuka inama tja nkhwawe ntoko mwaburu, enyompe, epwittipwitthi wala enama ekina, enama eyo yakhwa wala yarakalawala yaiyiwa ehoniyaka ni ntthu, ¹¹namatjuka owo arwaaniye oholo w'Apwiya alaphihiye ohikhal tohononale oweli aya vokupaleeleya wira khuvo ntthu ohononale etthu ya nkhwawe. Mwanene onokupaleela ni nkina owo khunkhanyereriya oliva etthu. ¹²Nto, enama eyo yaiyiwa vapuwani vaa nlipa otjuka owo ohana onliva mwanene. ¹³Wakhala wira enama eyo yahivariya ni enama yowali, nlipa otjuka owa anrwaanele mwanene enama ele ekhwale. Owo khankhanyereriya oliva enama eyo ekhwale.¹⁴Akhala ntthu onoliha enama ya nkhwawe ni enama eyo khurakala wala khukhwa mwanene ohikalale, ntthu ole olihale ohana oliva. ¹⁵Nto, mwanene akhala vavo, ntth'uie khonkhanyereriya oliva; wakhala wira enam'eyo erimwemexeriya ntjurukhu, owo ohana oliva ni ntjurukhu owo wowemexeriya.¹⁶Akhala ntthu oninthepya numwarni ohakameliya, ni khurupana,nlopwana owo ohana oliva mahari ni okhanyererihiya onthela. ¹⁷Wakhala wira atithyaawe numwari owo anankottiha otheliya ni nlopwana owo, owo ohana oliva ntjurukhu wotene wa harrusi.¹⁸Nyuwo n'hintthuniherye nthiyana nkhwiri okhala nkumi ohana winviya. ¹⁹Ole onirupa ni mwaminama ohana winviya.²⁰Ole onavaha nkuttho amuluku ethiru wohikhala Apwiya ohana winviya. ²¹N'hapuheryeke atthu owa nlaponi mwinyu wala n'hahaxeke, vano nyuwo mwari atthu owa nlaponi mwa Wixitu.²²N'hapuheryeke anankhweli wala ikwatjuni. ²³M'hiwireleke yotakhala, ni awo khukikhuwelela miyo Apwiya, vekhweli Miyo kinamwinwa okhuwela waya. ²⁴Oviruwa waka onamunanarihani, ni kinawinvihani n'ikhotto; axarinyu anukhala anankhweli ni anínyu anukhala ikwatjuni.²⁵Mwankophiha ntjurukhu ntthu a nloko naka mwinkophihaka ntthu ohawa, n'hire ntoko anamalokiha mwinkhanyererihaka oliva ovikana tjakophalyaawe. ²⁶Mwemexeriya nkhumi wa naitthokwinyu mwin'hokoloxerye vahinatthi wila, ²⁷vano owo kharina-tho nkina wowikhunela; nkhumi awe wowikhunela. onrwaa wikhunela exeni? Owo akikhuwelela Miyo, Miyo kinamwinwa, vano Miyo komoriya ikharari.²⁸Nyuwo n'hinvehe Muluku, n'nakhala n'havehe makhulupale a nloko ninyu.²⁹Nyuwo n'hgipitje okivaha milipu tja m'matta mwinyu wala mihokhorokho tjopatjerya wim'ma. N'hana okjivaha aninyu opatjerya oyariya. ³⁰Nyuwo nkivahe axana otene opatjerya ototholiya a inyompe ni ipwittipwitthi tjinyu. N'hina wa mahuku mathanu nameli, awo anatthikela ekhaleke n'aximayaaya, nto, nihuku na nethanu nattharu, nkivaherereye Miyo. ³¹Nyuwo nkhale atthu areriheliyaka Miyo. Nave-nto, n'hikhureke enama yinviye ntakhwani ni inama tj'owali. Ohiya vo, mwattikheleke alapwa.

¹N'himwarexele ihali tjethiru m'mwirelaka nkhwinyu, n'nakhala n'hinkhaliherye m'malapo wira nkhale namona owotha. ²N'hipake yotakhala n'himyaka wira atthu otene anira tjitjo, wala n'hinkumihe namona owotha ovirikana ni ekhweli, wira nttharihe enihimyaya atthu otene. ³N'nakhala n'hihimye tjowotha mphavelaka onkhaliherya ntthu ohawa omilattuni.⁴Mwaphwanya enyompe ya nwananin'nyu wala mwaburu awe arimelalene, nyuwano nkuxe mwin'hokoloxerye mwanene. ⁵Mwaweha epwittipwitthi ya ntthu onunyokhani emoralene mwaha wa muritti wolemela, nyuwano n'hixeremele. Nyuwano n'hana okhaliherya opakhula muritti ole vaburuni vale ni omwemexa mwabur'uwo.⁶N'hihiye omphukela ntthu ohawa exariya omilattuni. ⁷N'hihimye mulumo owotha m'motheryaka n'khwinyu, ni mwihinlamule winviya ntthu a xariya, vano Miyo nkinalevelela ale anira tjotakhala tjen'yo. ⁸N'hakhulele ovahiya nttjurukhu wokunyariya, vano ntjurukhu wokunyariya on'napwexa meetho ale anona ni an'nihonona mulumo a ntthu a xariya. ⁹Mwihin'haxe ntthu ówa nlaponi mwinyu, vano nyuwo mwari ntthu ówa nlaponi mwa Wixitu.¹⁰Mwaleke mihokhorokho tjinyu m'matta mpakha iyakha thanu namotja. ¹¹Nto eyakha yanethanu napili n'hiyeke emumuleke ni n'halevo etthu, tjitjam'mo atthu ohawa anlaponi mwinyu anulya. Tjitthu tjinrwaaya ohiya, axinama a ntakhwani anulya. Nyuwano mwirihe-tho tjitjo emattinyu ya evidera ni ya olivera.¹²Mahuku mathanu namotja, mvare miteko tjinyu, nto nihuku na nethanu napili m'mumuleke. Mwire tjitjo wira emumuletho enyompinyu ni epwittipwitth'inyu, ni mwaninyu ni epotthiinyu ni ntthu oowa nlaponi mwinyu ohana omumula. ¹³Ntthariheke tjotene tjohimeralyaakani. N'halapeleke amuluku akina, n'nakhala matjinaaya n'hiromoleke vayanoni vinyu.¹⁴Imara ttharu wa khula eyakha mpake nira nokittittimiha. ¹⁵Mpake nira na iphawu tjohiheliya miropo ntoko Miyo tjorumalyakani, mahuku mathanu napili nkhureke iphawu tjohiheliya miropo. Okathi ole, Miyano kokuxalyaakani nyuwo mweri w'Abibi, wari mweri wiraneyale yotthuney'ela. Wari mweri yola mwakhumalinyu Wixitu. Nto ahikhale ontthuna owa okikokhorela ahowanale tjovaha tjawe.¹⁶Mpake nira nohatta, mihokhorokho tjopatjerya wim'ma tja ntekhwin'nyu, tjen'yo tjaliwe m'matta mwinyu. Vottharelana-tho, womalani wa mwakha, mpake nira nohatta mwathukumanyerya tjohatta tjinyu m 'matta mwinyu. ¹⁷Wa khula ntthu ohana oowa okikokhorela Miyo, Apwiya, imara ttharu wa khula eyakha.¹⁸N'hikivaherye nkuttho wa ephome Miyo ni iphawu tjoheliya miropo. Makhura inama tjinkihelelinyu nkuttho ehihale mpakha nihuku nikina vasisu. ¹⁹Nkuxe mihokhorokho tjopatjerya, tjorera tja m'matta mwinyu, nrwaane mpa mwaka, mpa mw'Apwiya, Mulukwinyu. N'hapele epuri nipele na mamaaya.²⁰Miyo konaruma nlaikha oholo wa nyuwo wira notjukeni mphironi, ni wira nurwaaneni nipuro Miyo kolokiheralyaakani. ²¹Nttittimihe nlaikha nlo ni mwinweleleke mulumo antthunaaya wohimeryani. N'hivanyerye vano Nlo khan'nolevelelani. Ntjina aka niri ni nenlo. ²²Wakha nyuwo, n'namwinwelela mulumo aya nttharihela tjotene tjinohimeryakani, nto Miyo kinakhala nwanani a'wananinyu ni mpatthani a'patthaninyu.²³Nlaikha naka ninrwa wuholelani nyuwo ni n'namurwaanani elapo y'Amori, y'Ahiti, y'' aperizi, y'akanani, y'ahivi ni y'gebusi; ni Miyo kinapwetexa maloko ala otene. ²⁴N'hahapuwele amuluku aya, mwakokhorela ntoko awo aniraya. Ohiya vo, nyuwo mwakanyule ni mwanyanye altari aya a maluku. ²⁵Mwarumeleke Apwiya, Mulukwinyu, ni awo anareriha nkatthinyu ni matjinyu; ni Miyo kinakumiha iretta variyari vinyu.²⁶Ahikale nthiyana ontthuna omwarexa ehamela wala ohiyara nlapono mwinyu. Miyo kinamuntjererya mahukwinyu. ²⁷Miyo kinamuwanelani wopiha oholo winyu, wira ale aniwopopihani yoveke. Miyo kinawopopiha awananinyu etjhaweke ni wova. ²⁸Miyo kinaviriha minonope oholo winyu wira tjiwomole ahivi, ni akanani ni ahiti. ²⁹Miyo nkinwomola otene eyakha emotja, wala elapo enatthyawiya, ni mihuwo tja vate tjinimuntjerereya mpakha wuvelavelihani.³⁰Ohiya vo, Miyo kinawomola vakani vakani oholo winyu, mpakha nyuwo wutjerereya ni otjareya nlaponi. ³¹Miyo kinathala mikano okhuma ephareya yoxerya mpakha ephareya y'afilisti, ni okhuma mothakoni mpakha muro Eufrate. Miyo kinamuvahani waxintta atthu ankhala elapo yeyo. Nyuwo n'nawomola oholo winyu. ³²N'hataneke ni yawo wala ni amulukwaaya. ³³Awo n'hahiye okhala nlaponi mwinyu, wira ehotthekiheni nkitthekelaka Miyo. Mwakokhorela amulukwaaya, mwakokhorela n'natakhaliya nyuwo''.

¹Nave Apwiya yahun'himerya Moise: '' Nwele mpakha varyaaka, nyuwo, Aroni, Nadabi, n'Abihu ni makhulupale a Israyeli miloko mithanu na mili, atthu ala ekokhore ottayi. ²Nyuwo Moise pahi nrweeke mpakha varyaka miyo. Niakina ehiphiye varyaaka Miyo,n'nakhala atthu ehiwele ni nyuwo''.³Moise ahirwwa khwahimerya atthu mulumo otene ahimeriyawe n'Apwiya. Atthu otene yahakhula ni nulumo nimotja yiraka: ''Hiyo n'namwira yeyo mulumo A'pwiya an'nihimeryaya''. ⁴Nave Moise ahilepa mulumo otene A'pwiya. Mmeloni mwaya vasisu, Moise ahateka altari wattamela va mwako ni khwemexa vavo maluku muloko ni meeli, tjito maluku awo anithonyerya maloko muloko ni meli a'tthu a Israyeli.⁵Owo aharuma amiravo akina a'tthu a Israyeli wira ohita inyomp tjolopwana yaheleleke nkuttho Apwiya. ⁶Moise ahikuxa ephome vakani ahitthela m'miyapuni; owo ahikuxa ekina vakani khwattikitthela altari.⁷Owo ahikuxa elivuru yowatana ahitjoma valupale wira atthu yinweke. Owo aira: ''Hiyo n'nira yeyo Apwiya anihimeralyaya. Hiyo ninrwaa okhala atthu owinwelela''. ⁸Nave Moise ahikuxa ephome khwaattikitthela atthu ale. Owo ahira: ''Ela ephome yowatana Apwiya apakalyaya ni nyuwo yutthukelakani natiri ni mulumo yala''.⁹Numala Moise, Aroni, Nadabi,Abihu,ni makhulupale a Israyeli miloko mithanu na mili yahurwaa omwako. ¹⁰Awo yahum'weha Muluku a Israyeli. Inawu tjawe tjanyakelale vatjulu v'altari apakiye ni nluku na safira, nowarya ntoko erimu. ¹¹Muluku khawokolelale ntata nawe makhulupale a Israyeli aviruwalene. Awo yahum'weha Muluku, ni awo yahulya ni yahiwurya.¹²Apwiya yahun'himerya Moise: Nwele mpakha vamwako varyaka ni nkhale vavo. Miyo kinamuvahani mapawe meli a maluku ni ntjome malamulo Miyo kilepalyaaka, wira nyuwo n'winttutjihe atthu awo. ¹³Nave Moise ahuvenya ni Yoxuwa, mahala ottuli awe, ni yahuwela mwako wa Muluku.¹⁴Moise ahahimerya makhulupale: ''N'hale vava n'niwehereryaka hiyo mpakha ohokolowa wa nyuwo. Aroni ni Huri anakhala ni nyuwo. Akhala ntthu ontthuna okhalana nkatjamiho ahimeryeke yawo''. ¹⁵Nave Moise ahuwela mpakha vamwako, ni mekhulu yahinkhunela.¹⁶Owuwa w'Apwiya wahikhumelela omwako Sinai ni mekhulu yahikhunela mahuku mathanu namotja. Nihuku na nethanu napili, Apwiya yahumwihana Moise m'mekhuluni. ¹⁷Okhumelela ovuwa w'Apwiya wari ntoko moro opattaka watjulu va mwako vamethoni w'atthu a Israyeli. ¹⁸Moise ahikela m'mekhuluni ni khuwela vamwako. Owo ari omwako mahuku miloko mitjese otana ni ohiyu.

¹Apwiya yahun'himerya Moise: ²''Mwahimeryaatthu a Israyeli, arina nrima wowinvahererya wira awane tjovaha tjaya. Nyuwano mwakhelele tjovaha tjen'yo nkiwanele Miyo.³Tjovaha mwintthuninyu wakhelelaka w'atthu awo tin'ya: ewero, eparta, eboronze, elá ni elinyu yankani ⁴ni yopipila ni yophilivila ni ekattakha tja inama tjottikitthiya tjoxerya; ekattakha ya puri; ⁵ekattakha yovivyala ekumihiye wa inama tja m'muro; ithapwa tja khampiri; ⁶padaroya a mithuko tja waltari, mirinki tjin'heliya makhura anttikitthelaniya ni evaso empahiyamo erupani, ⁷nluku nowaryexa ni maluku makina owarya wira eheliya vanlayani na ntthu opaha nkuttho ni vatthirima.⁸Nkipakele nivuku nowatana, wira Miyo kikhale variyari va atthu awo. ⁹Mpake tjotene vomalela ntoko kiwoniheralyakani mwa miteko tja mpani mowarya ni mithinto tjaya.¹⁰Awo ahana ompaka mwattiya atthuneliyaka ni ithapwa tja khampiri. Erakamelo awe akhale a mavaru meli ni nusu; ekhuvelo awe akhale a nivaru nimotja ni nusu; orwaa otjulu akhale nivaru nimotja ni nusu. ¹¹Atthuneliye mwattiya ni ewero yorera n'hina ni ota, ni mpake nkhora wa wero vatjulu.¹²Mpake maniya matjese a wero, ni nthipele m'malothoni mwa nivuku, maniya meli mphantti nkina, meli mphantti nkina. ¹³Nkipakele, Miyo, mithatelo mili tja ithapwa tja khampiri ni mpume ni ewero. ¹⁴Mvirihe n'hina mwa maniya nthatelo m'motja khula mphantti wa nivuku, wira nithateliyeke nivuku nen'no.¹⁵Mithatelo n'yo tjavolowa n'hina mwa mwamaniya tjikhaleke mwem'mo tjihikumihiye-tho. ¹⁶Munivukuni mwem'mo n'hele mapawe owatana alepiyevo tjoruma tjintthunaka wuvahani. ¹⁷Mpake ekhunelelo y'ewero yowarya. erakamelo aya ekhale ya mavaru meli ni nusu; ekhuvelo aya ekhale ya nivaru nimotja ni nusu. ¹⁸Mpake malaikha meli a ewero n'hane ni enyutto n'hele va makitjeryo meli a ekhunelo.¹⁹N'hele nlaikha nimotja vamakitjeryo a ephantti emotja ya ekhunelo, nikina ephantti ekina. Malaikh ni ekhunelo tjipakiyeke ni ewero emotjaru. ²⁰Malaikh'awo ekhalaneke mapuph'aya ottukhuwela mutjulu, wira ekhapeleke ekhunelo. Malaikh'awo ewehaneke, owitho waya wuramele ekhunelo. ²¹N'hele ekhunelo vanivukuni vavo, n'hele mulumo ówatana kintthunaka wuvahani.²²Miyo kinakumana ni nyuwo, nipuro nen'no. Kinamuluma ni nyuwo vatjulu va ekhunelo. Kinamuluma ni malaikha meli ankhala vanivukuni no watana Miyo kinamuhimeryani ikano tjaka wira tjikhaleke ikano tj'atthu a Israyeli.²³Mpake metja ni ithapwa tja khampiri. Erakamelo aya ekhale mavaru meli; ekhuvelo aya ekhale nivaru nimotja, wemela waya ekhale nivaru nimotja ni nusu. ²⁴Mpume ni ewero yowarya, ni ntekele mukala wa ewero nrukurerihaka.²⁵Metj'awo nrukurerihe ni ithapwa tjomareliya ni ewero miphantti tjo tjese. ²⁶Mpakele metj'awo maniya matjese a wero ni nvarelihe metto mitjese tja mesa. ²⁷Maniy'awo anrwaa wintjathiyaka meli oholo wa makhwya, nvirihele mphakani mwa maniya mithatelo minli, wira ethateliyeke metj'awo.²⁸Mithatelo iyo minli tjipakiye ni mwiri wa khampiri ni m'marele ni ewero, wira ethateliyeke metj'awo. ²⁹Mpake iparatho ni mihatsa n'ithalo, n'ikopho, n'itthu tjotenetjinrumela metja n'uyeheriya Muluku. Tjitthu n'ya tjotene tjipakiyeke ni ewero yowarya. ³⁰Nyuwo mwintjathi vametjatjovahereriya Muluku, tjintthunaka okhalaka vavo mahuku oteneoholo waka.³¹Mpake mwiri wa mithuko mpakaaka ni ewero yowaryexa. Mwiri owo, n'khalelo aya ni epakeliwo aya ekhale emotjaru. Mwemexeryo aya ni nttoro naya n'ithutu n'ikhomori ni makukhu, tjotene n'ya epakeliwo aya ekhale emotjaru. ³²Miyono mithanu namotja tjihana okhuma m'mwirini m'mwe, miyono miraru khula mphantti .³³Khula mono wa mwiri ohana orerihiya nithutu ttharu tjilikanyihiyaka ni imanka, ni muhatsa ni etthukelo aya, ni mihatsa miraru tjopakiya ntoko ithutu tja imanka mono nkina, ni n'hatsa ni etthukelo aya. Ekhale emotjaru mwa miyono mithanu namotja. Miyono tjotene tjihana okhala tja nttoro. ³⁴Nttoro na mwiri wa mithuko nireriheliye n'ithutu tjese tjilikanyihiyaka n'imanka, n'ikhomori ni makukhu aya.³⁵³⁶Ekhale ekhomori emotja vathi va khula nipuro tjinkhumaya miyono minli, epakeliyo ekhale emotjaru, ni ekhomori emotja ni ethutu emotjaru vathi wa mono wonapili, ni epakeliyo-tho emotjaru. Tjitj-tho ekhomori ni ethutu tjihana okhala mono wonattharu, epakeliyo-tho emotjaru. Miyono tjotene mithanu namotja tjihana okhumela ota. Ikhomori ni miyono ni nttorotjihana olupanyiya wamotja pahi, tjihaniye n'inyutto tjipakiye ni ewero yowaryexa ewero yohaniya.³⁷Nyuwo n'hana opaka mwiri ola ni mithuko tjaya mithanu namili, ni n'hele wa khula mono wira tjimwaleleke oholo. ³⁸Ipano ni mavali a etturwa epakiye ni ewero yowaryexa. ³⁹Ewero yorera mpakele mwiri wa mithuko ni tjitthu tjotene tjinrumeliya. ⁴⁰N'wehe orattene mpake tjotene ntoko tjiwoniheralyakani vamwako.

¹MPaka ehema y'Apwiya nrerihe n'ikuwo tjulupale muloko tja elinyu, tjopipila, tjoxerya ni tjophilivila ni malaikha nxirele vavo. Ntek'ola ovariye n'atthu oratta. ²Khula ekuwo erakamelo aya ekhale miyono miloko minli ni thanu nattharu, ekhuvelo aya miyono mitjese. Ikuwo tjotene tjihana okhala tjolikana. ³Ikuwo thanu tjilupanyiye wamotja, ni tjikina-tho thanu tjilupanyiye-thi wamotja.⁴Vathi va ekuwo tjopatjerya tjiheliye ithulula tjopipila. Tjotj-tho, mwirihe-tho tjitjo ikuwo tjotthikela-tho m'malothoni. ⁵Mpake ithulula miloko mithanu nttotthele ekuwo yopatjerya, ni mpake-tho ithulula tjikina-tho miloko mithanu nttotthele ekuwo ekona-tho enikitjerya vathi. Ithulula n'yo tjilikaneke ekina ni ekhwaya n'no ni n'no. ⁶Mpake ivarelo miloko mithanu tja ewero nvarelelihe ikuwo n'yo ekina n'ikhwaya wira ehema y'Apwiya ekhuneliye wamotjaru.⁷Ntthave ikuwo nloko na motja tja manri epuri. Wira ekhuneliyeke ehema y'Apwiya. ⁸Erakamelo aya emotja eyo ekhale ya miyono miloko miraru, ni ekhunvelo aya ekhale ya miyono mitjese. Ikuwo n'yo tjilikaneke ekina ni ekhwaya. ⁹N'hana olupanyiha ikuwon'yo thanu mphantti m'motja. Ekuwo ya nethanu namotja n'ye tjihalale ekhunele mphantti woholo wa ehema.¹⁰Mpake ithulula miloko mithanu nttotthele nxerexere mwa ekuwo yokitjerya vathi va n'ye tjopatjerya olupanyiya , ni ithulula tikina miloko mithanu nttotthele ikuwo tjikina tjihalale. ¹¹Mpake ivarelo miloko mithanu tja eboronze ni nvarelihe ikuwo tjikina tjihalale. Nave nkhomanye ikuwo n'yo wira ekhale ekuwo emotjaru.¹²Ekuwo entthuna ohala ota, nkhune ottuli w'ehema, ekhuneliye n'hina wa ehema. ¹³Erakamelo tja ikuwo tja ehema ekhale ya mono m'motja wa ekuwo ya mphantti m'motja, ni ekuwo ekina erakamelo aya mono m'motja wa mphantti nkina wokhuniya wa miphantti tjomili okuneleke ehema. ¹⁴Ehema eyo nkhunele n'ikuwo tja manri a ipuri tjowottihiya etinta yoxrya, ni ekina ekhuneliye ni ixapala tjorera ntoko yopatjerya.¹⁵Mwatalele-tho ehema y'Apwiya n'ithapwa tjulupale tja khampiri, ekhuneleke orattene ehem'eyo. ¹⁶Erakamelo ya khula ethapwa ekhaleke ya miyono muloko, ni ekhuvelo aya ekhaleke ya mono m'motja ni nusu. ¹⁷Ekhaleke ikwexo pinli, wa khula ethapwa, wira tjivaraneke ekina ni ekhwaya. Mwirihe-tho tjitjo ithapwa tj n'hina. ¹⁸Mpakele ehem'eya ithapwa, miloko minli wa mphantti w'okustsini.¹⁹Mpake miyemexeryo miloko mitjese tja eparata n'hele wa ithapwa n'yo miloko minli. Ethapwa yopatjerya ekhale iyemexery pinli wira elupanyihekeno, nave-tho wa it hapwa tjikina n'heleke-tho iyemexeryo pili-pili wira tjilipanyihekeno tjikhwaya. ²⁰Ephantti ekina ya ehema, ephantti yonikela epheyo, mpakele ithapwa miloko minli ²¹ni miyemexeryo tjaya miloko mitjese tj eparata. Tjikhaleke miyemexeryo minli vathi va ethapw yopatjerya, ethapwa yonapili miyemexeryo minli, tjitjo wa khula ethapwa.²²Ep-hantti enikitsa ehema, ephantti y'onikela ntjuwa, n'hele ithapwa thanu namotja. ²³Ephantti yeyo vamalothoni n'hele ithapwa pinli. ²⁴Ithapwa n'yo tjikhalaneke miyemexeryo tjaya tjovalana, ntthukanye wamotja ni maniya, wa miphantti tjulupale. Mwirihe tjitjo wa ithapwa pinli tsemexiye m'malomoni. ²⁵Mpake ithapwa thanu nattharu ni miyemexeryo tjaya. Mpakele miyemexeryo muloko ni thanu na motja wa tjotene, miyemexeryo minli wa khula ethapwa, mpakha tjotene.²⁶Ntuphihe ithapwa ta khampiri thanu wa ithapwa wa mphantti m'motja wa ehema, ²⁷ntuphihe-tho ithapwa thanu wa mphantti nkina wa ehema, ni ithapwa thanu wa mphantti nkina wa ehma y'onikela ntjuwa. ²⁸Ithapwa tja variyari, tjolupanyiya erakamelo aya yotene mpakha vamalomoni.²⁹M'marele ithapwa ni ewero. Mpake-tho maniya a wero, wira ireriheleke ithapwa tjintupha tjikhwaya, ithapwa n'yo-tho m'marele ni ewero. ³⁰N'hana opaka ehema y'Apwiya ntoko tjohimeralyakani vamwako.³¹Mpake evewu yopipila, yophilivila ni yoxerya, ya elinyu yorikexa, vakuwoni-vo epakeliya ilatarato pinli tja malaikha, ntek'ola opakiye n'atthu orattexa. ³²Nthomeye evewu eyo vamaripuni matjese a ithapwa tja khampiri tjomareliya ni ewero. Maripu awo n'helele ivarelelo tja ewero ni tjilipihiye ni miyemexeryo mitjese tja eparata. ³³Nthomeye evewu n'ivarelelo, ni ottuli wa evewu n'hele nivuku nowatana. Evewu entthuna ovalanya nipuro nowarya ni nipuro nowaryexa.³⁴N'hele mukhunelo va nivukuni nowatana, mwintjathi nivuku n'no nipuro nowaryexa. ³⁵Mwintjathi metja nipuro nowarya oholo w'evewu mphantti onikela epheyo. Oholo wa metja mwintjathi mwiri wa mithuko, mphantti w'onikhuma epheyo wa ehema. Metja ekhale mphantti w'onikhuma ntjuwa wa ehema.³⁶Mpake ekuwo yulupale ya vankhoro va ehema. Mpake ekuwo yopipila, nlupanyihaka n'ikuwo tjorika, yopipila,yoxerya ni yophilivila, n'ikuwo tja elinyu tjitthaviye vorera, nteko wa ekuwo eyo opophela nkhora wa ehema. ³⁷Ekuwo yeyo, mpakele maripu mathanu a mwiri wa khampiri m'marele ni ewero. Ivarelelo tjaya tja wero, mpakele maripu miyemexeryo thanu tja eboronze.

¹Nyuwo mwateke altari a ithapwa tja khampiri, erakamelo aya ekhale miyono mithanu ni ekhuvelo aya ekhale miyono mithanu. Altari awo erakamelo aya ni ekhuvelo aya elikaneke ni wemela waya ekhale miyono miraru. ²Nyuwo mpake etthu emotja valtari awo m'malomoni matjese ntoko manyaka a nyombe. Manyaka awo antthuna opakeya etthu emotjan'altari, ni altari awo mwamarele ni eboronze.³Mpake tjitthu tjinrumeliya valtarini: miyapu tjintthuna oheliyaka etturwa, ni ipoxolo, n'ipakhuli tjin'nyaweliya, n'iphatta ni miyapu tjin'heliya makhala a moro. Tjitthu tjotene tjipakiye ni eboronze. ⁴Mwapakele-tho altari awo etarato ya eboronze, anlikana ntthavi. Nvarihele miphantti tjese maniya matjese a eboronze.⁵Etarato eyo nlipihe eriyari y'altari, vathi vaya wemela waya olikaneke n'iriyari y'altari. ⁶Mwapakele altari awo mithatelo, tja ithapwa tja khampiri, ni m'marele n'iboronze.⁷Mithatelo n'yo n'virihe m'maniyani, ni mithatelo n'yo tjihana okhala iphantti pinli tja altari wira ithateliyekeno altari awo. ⁸Altari awo epakiye ni mwiri, ehin'etthu-mo. Mpake ntoko tjiwoniheralykani vamwako.⁹Nteke nikokoro nrukurerihaka ehema. Ephantti y'okutsini, nthomeye ikuwotja elinyu yorikexa erakamelo aya ekhale ya miyono emiya emotja. ¹⁰Ikuwo n'yo tjithomeiya m'maripuni miloko minli, tja eboronze. Ivarelelo tja ikuwo n'yo n'ilipiheryo tja aripu, tjikhale tja ebarata.¹¹Tjitjo-tho, ephantti enikela epheyo, ithomeiye-tho ikuwo erakamelo aya tjikhale tja miyono emiya emotja, nthoeye ikuwo vamaripuni miloko minli, ni miyemexeryo tjaya iloko minli tja eboronze, n'ilipiheryo tja maripu tjikhale tja eparata. ¹²Ephantti y'onikela ntjuwa, erakamelo ya nikokoro n'no ekhale ya iyono miloko mithanu. Nthomeye ikuwo vamaripuni muloko ni miyemexeryo tjaya muloko. ¹³Ephantti y'onikhuma ntjuwa erakamelo ya nikokoro nen'no ekhale ya miyono miloko mithanu.¹⁴Nthomeya ikuwo miyono muloko nithanu mono wolopwana. N'yo tjikhale vamaripuni mararu ni miyeexeryo tjaya miraru. ¹⁵Mono wothiyana nthomeye ikuwo miyono muloko ni thanu erakamelo aya . Ithomeiye m'maripuni mararu ni miyemexeryo tjaya miraru. ¹⁶Vankhora va ehema nthomeye ikuwo erakamelo aya ekhale ya miyono miloko minli. Ikuwo n'yo tjikale tjopipila, tjophilivila, ni yoxerya, ya elinyu yorika, nteko woxoriya. Nthomeye vamaripuni matjese ni miyemexeryo tjaya mitjese.¹⁷Mari.pu otene a nikokoro ephitane n'ilipiheryo tja parata, ivarelolo tjaya tjikhale tja parata, ni iyemexeryo tja boronze. ¹⁸Erakamelo ya nikokoro ekhale ya miyono emiya emotja, ekhuvelo aya ekhale ya miyono miloko mithanu, ni wemela waya ekhale ya miyono mithanu, n'ikuwo tjotthaviya n'ilinyu yorika erukurerihiyaka, ni iyemexeryo tjipakiye n'iboronze. ¹⁹Tjitthu tjotene tjithanleliye miteko tja n'hemani, ni miyemexeryo tja ehem'eyo ni miyemexeryo tja nikokoro tjipakiye n'iboronze.²⁰Mwarume atthu a Israyeli wira yuwaneleni makhura orerexa ólivera an'heliya m'mithukoni, wira nthuko ovareleke mahuku otene. ²¹N'hemani m'okumana n'Apwiya, mphantti w'ota wevewu n'hina mwa nivuku nowatana, Aroni ni asan'awe ahana opattiha mithuko ohiyu wotene mpakha vasisu, oholo w'Apwiya. Ela kinurumakani ekhale etthu yowupuweliya yohimala-tho n'hina wa maloko na nloko n'atthu a Israyeli.

¹Mwthanlele Aroni mun'ninyu ni asan'awe Nadabi, Abihu, Eleyazari n'Itamari mwavalanye n'atthu a Israyeli wira ekirumeleke ntoko alipa a nkuttho. ²Mwittotthele Aroni, mun'ninyu, tjowara tjawe tjimphwanela nkuttho. Tjowara n'yo tjinwa okhala ethonyeryo y'eyulupale awe ni yottittimihiya wawe. ³Nyuwo nwihane attotthi otene oratta, yawo kavahalyaka miruku, mwarumw ottottha tjowara tj'Aroni owo onovahiya owerya nurerihiya wira akirumeleke mwintekoi w'onankuttho.⁴Tjowara tjirinaya ottottha tin'ya ekuwo ya vatthirima, n'efodi, nkhumi ni nlaya noxoriya, ekhilempa ni ntjako.Awo ahana ottottha tjowara n'ya tjarumalyaka Miyo. Enttotthele Aroni mun'ninyu n'asan'awe wira akirumeleke ntoko nlipa a nkuttho. ⁵Attotthi ekuseke ewero ni elinyu yorika, yopipila, yophilivila ni yoxerya.⁶Awo ettotthe efodi n'ikuwo tjorika, tjopipila, tjophilivila ni tjoxerya. Okhale nteko worerihiya. ⁷Iphantti tjaya pinli ekhale maveru meli antthuna olipiha ekuwo eyo ewariyaka. ⁸Ntjako ontthuna ovarelela efodi otjulu waya okhale ekhalelo emotja n'ikuwo imotjaru tj'onankuttho; tjipakiye ni ewero, elinyu yorikexa yopipila, yophilivila ni yoxerya. ⁹Nkuxe maluku meli owarya ni nlepevo matjina a'sana muloko na pili a Israyeli.¹⁰Mwa matjina awo mathanu namotja ekhale nluku nimotja mathanu namotja ekhale nluku nikina, etthariheliyaka iyakha n'iyakha. ¹¹Ntek'ola wolepiya vamalukuni, olepiye n'iyuma, nlepe maluku ómeli matjina ána muloko na pili a Israyeli. Maliku awo elupanyiye ni ewero. ¹²N'hele maluku awo m'maveruni mw'efodi wira yupusereke maloko muloko ni meli a Israyeli. Aroni onakusa matjinaya oholo w'Apwiya, makhata omeli ntoko eyupusro awe.¹³Mpake-tho ivarelelo tja ewero ¹⁴ni mikuhu minli tja ewero tjitthaveleliyaka ntoko mikhoyi, ni tjikwetjiheriye mwivareleloni.¹⁵Mpake ekuwo ya vatthirima, etthaviyaka ni nratti, elikanihiye ni ni efodi. Mpake ni ewro, tjopipila, tjophilivila, ni tja elinyu yoxerya ni elinyu yorera. ¹⁶Erakamelo aya elikaneke n'ikhuvelo aya. Nkhunanye veli. Ekhaleke mphimo m'motja wa ntata.¹⁷Nrerihe ni maluku owarya ethatiwe mithinto mitjese. ¹⁸Nthinto wupasera maluku sardonio, topazio ni esmeralda. ¹⁹Nthinto wonapili maluku esmeralda, safira ni diamante. Nthinto wonattharu maluku jacintu, ákata ni n'ametista. ²⁰Nthinto wonetjese maluku berilio, n'oniksi ni jaspe. Awo ekwetjiheriye mwivareleloni tj'awero.²¹Maluku awo ethatiye olepiya matjina a maloko muloko napili a Israyeli, wa khula nluku nitthariheliyaka matjina.Matjina awo elepiye n'iyuma ya maniya, khula nluku nithonyeryaka wa khula nloko wa maloko muloko napili. ²²Mpake ekuwo ya vatthirima mpakele mikuhu minli itthaveleliyaka ntoko mikhoyi, epakiyaka n'iweroyorera. ²³Mpakele-tho maniya meli awero a vatthirima ni ni nvarihele m'maveruni meli ékuwo eyo. ²⁴Vamaveruni vavo nvarihele mikuhu n'yo mili m'maniyani meli a vatthirima.²⁵Nlipihe mwivareleloni tja mikuhu minli,. Ntthitte m'maveruni éfodi ephantti y'oholo. ²⁶Mpake maniya meli a wero, nttotthele m'maveruni meli e'kuwo ya vatthirima, otjulu ephantti ya n'hina.²⁷Mpake-tho maniya meli a wero, nttotthele m'maveruni meli e'kuwo ya vatthirima, vathi mphantti w'ota nipuro ninlupanaya vatjulu va ntjako w'efodi. ²⁸Nvarihele ekuwo ya vatthirima ntakanihaka maniya ni maniya a efodi evarihiyaka n'ikhulula y'ekuwo yorika ni ntjako wopipila, wira elipihiyeke tjana otjulu wa ntjako ottottheliye v'efodini. Wira ekuwo ya vatthirima vantjakoni v'efodi nto ehipuruleke.²⁹Aroni okathi onvolow'awe nipuro nowarya, owo ohana okusa matjina muloko napili a maloko a Israyeli vakuwoni yophuka vanrimani vawe wira akhalane owerya wolamula, ekhale ntoko yowupuweliya oholo w'Apwiya. ³⁰N'hina mw'ekuwo eyo yophuka nttotthele Urimi ni Tumini. Wira tjikhalevatthirima v'Aroni okathi onrwaawe okumana n'Apwiya, ni Aroni imara tjotene tjinrwaawe okumana n'Apwiya onakusa vatthirima vawe ophuka w'atthu a Israyeli.³¹Mpake nkhumi w'efodi nttotthaka n'ekuwo yorika yoripelela. Mphantti w'otjulu ekhale mwithe nvirihe-mu muru. ³²Mwithe owow nrukurerihe ekuwo yorika yoxoriya ettotthiye orattene wira ehinakhereya. Ettotthiyaka n'ikuwo yorikexa.³³Mphantti wa vathi, nrukurerihe ekhulula ya ikuwo tjorika tjopipila, tjophilivila ni tjozerya. Nrukurerihe itiwi tja wero. ³⁴N'hele muhokhorokho m'motja, n'itiwi emotja ya wero muhokhorokho - nkina n'tiwi ekina ya wero mpakha orukureriha - ekhulula yotene mphantti wa vathi. Aroni ³⁵onawara nkhumi owo okathi onvarawe nteko awe wonankuttho, wira ntju nawe ninwanyeyeke okathi owo onkelawe nipuro nowarya, oholo w'Apwiya, ni akhumaka wonwo tjinwanyeyeke oruma itiwi wira ahikhwé.³⁶Nyuwo mpake nimettho na wero yorera ni n'hitseryevo ni moro, ni mulumo ala,OTHANLELIYA N'APWIYA. ³⁷Nlupanyihe nimettho n'no vakhululani y'ekuwo yorika yopipila eheliye vakhilempani ephantti y'oholo. ³⁸Aroni aware ekhulula eyo vayutji; wira aivahererye mwaha wa tjottheka tj'atthu a Israyeli tjen'yo tjiniraya okathi wovelavela jovaha tjaya tja edini khula okathi onrwawe w'Apwiya. Aroni aware ekhulula eyo vayutji wira tjovaha tj'atthu a Israyeli tjakheliye n'Apwiya.³⁹Nttotthe nlaya n'elinyu yorika, ni nttotthe-tho ekhilempa n'elinyu yorika. Mpake-tho ntjako, woxoriya.⁴⁰Mwattotthele-tho, ána Ároni malaya, mitjako n'ikhilempa tjikhale nottittimiheya n'omwene. ⁴¹Munwarihe tjowara n'ya mun'ninyu Aroni ni asanawe. Nyuwo mwattikhe onankuttho, mwarerihaka, mwattikitthelaka makhura orerihiya ni miyo, wira ekhale alipa a nkuttho aka evaraka nteko aka.⁴²Mwattotthele akapittul'aya ekuwo y'elinyu wira yawareleke othaleliya waya, akapittula antthuna wamalelaka okhuma n'yununi mpakha m'makuthani. ⁴³Aroni n'asanawe yaware akapittula awo okathi wokela n'hemeni y'okumana n'Apwiya, wala awo yattamaka waltari, wira yahelele Apwya n'kuttho mpani mowarya. Awo ahana opaka eyo wira ehipake tjitthu tjonanara ehikhwe. N'na ti nikano nihintthuna oalihiya Aroni n'asanawe n'otjulu awe atthareke mpakha mahuku otene.

¹Ela tikhalale etthu nyuwano nkhanlinyu opaka ntoko tjohimeralyakani Miyo wira nkirumeleke ntoko nankuttho. winthanle mwanyompe olopwana n'ipwittipwitthi tjolopwna pinli tjohirakala, ²nkuse otthu worera w'etriku n'hikuse miropo. moxe nkatthe tjikina tjowetheliya makhura tjikina tjohetheliya akhura. Moxe nkatthe ni otthu wa etiriku yoxiliya.³Nhele iphawu n'yo nthokwani, wira tjivahereriye wamotja ni mwanyompe ni ipwittipwitthi pinli. ⁴Mwinrwaanele Aroni n'asanawe vankhora va ehema yokumana n'Apwiya. Mwinrapihe Aroni nasanawe.⁵Nkuse ikuwo mwinwarihe Aroni nlaya n'inkhumi, w'efodi, ni efodi, n'ikuwo ya vatthirima, nlipihe ni ntjako w'efodi. ⁶Mwinwarihe ekhilempa m'muruni n'hele niettho norerihiya vakhilempani. ⁷Numala nkuse makhura ottikitthela mwitthele vamuru vawe, tjotjo mwinttikitthele .⁸Mwawane asanawe Aroni mwawarihe malay'aya. ⁹Mwatthukele ntjako n'yununi mwintthukelaka Aroni nasanawe mwawarihe ikhilempa tjaya. Nteko wonankuttho ti wawawe Aroni nasanawe wira ekirumeleke Miyo.¹⁰Mwinrwane mwanyompe oholo w'ehema yokumana n'Apwiya ni Aroni n'asanawe yokolele ntata vamuru va mwanyompe owo. ¹¹Nyuwo mwin'hite mwanyompe owo oholo w'Apwiya , vankhora v'ehema yokumana n'Apwiya.¹²Numala n'nanihe ekethinyu mphomeni mwa mwanyompe nttikitthele inyaka tja m'maveruni altari , ephome yotene n'yeherye nxerexere mw'altari. ¹³Nkuse makhura otene anrukurerya marupo ni nkuse-tho makhura aninrukurerya hapa n'isyo tjopinli; mpahe tjotene valtari. ¹⁴Nto enama, n'kattakha ni marupo otene, mpahe ota wa nikokoro. Ola nkuttho wotaphula mikho.¹⁵Nkuse epwittipwitthi yopasera, Aroni n'asanawe yokolele ntata vamuru v'epwittipwitth'iyo. ¹⁶N'hite epwittipwitthi. Nkuse ephome aya m'mwarexele miphantti tjotjese tj'altari. ¹⁷Nkawane epwittipwitth'yo iphantti tjese nrapihe marupo aya ni metto tjaya, nkuse marupo ntakanihe ni metto ntakanihe miphantti tjotjese ni muru, ¹⁸n'hele valtari. Numala mpahe enama yotene. Ola ti nkuttho wopahiya mwinkivahinyu miyo Apwiya. Ela ti yolya yopahiya yowunkhela enkitjivela Miyo ela ti yovaha ya nkuttho envaheriyaka Miyo.¹⁹Numala nkuse enama ekina, ni Aroni n'asanawe okolele ntata vamuru vaya. ²⁰N'hite enama eyo nkuse ephome aya. Nttikitthele waponta wa niyaru nolopwana, nttikitthele-tho ekatha yulupale ya ntata nolopwana ni ekatha yulupale ya n'nawu nolopwana na Aroni n'asanawe. Ephome ekina m'mwarexele miphantti tjo tjese tja altari.²¹Nkuse ephome vakani eri valtari ni makhura ottikitthela, m'mottihe aroni ni tjowara tjawe, m'wottihe-tho asanawe ni tjowara tjaya. Aroni ni onakhjala, numala, ntthu othanliya ni Miyo, tjitjo ni tjowara tjawe, asanawe ni tjowara tjaya.²²Nkumihe makhura a enama, makhura a wamwila , ni makhura anrukurerya marupo, ni makhura aninrukurerya hapa, n'isyo tjopinli, ni makhura anrukurerya, n'itara yolopwana -- okhala wira enam'eyo ti yowareriha anankuttho ankirumela Miyo. ²³Nkuse-tho nkatthe, nkatthe m'motja wowetheiya ni makhura, ekina ehinamakhura nkatthe nkina nyhokwani tjohiheliya miropo tjori oholo w'Apwiya.²⁴N'hele titthu n'ya tjotene m'matatani mw'Aroni n'asanawe. Awo ekivahererye tjovaha tjen'yo miyo, Apwiya, ni yoniheryaka ntoko yovaha yottittimiheya yawaka. ²⁵Nyuwo nkuse-tho, tjovaha n'yo m'matatani mwaya mpahe-tho valtari wamotja ni mikuttho tjopahiya. Ela ti yolya yopahiya yowunkhelani yokitjivela Miyo; ela yovaha ya nkuttho wopahiya kinvahiyaka Miyo.²⁶Nkuse etthirima y'epwittipwitthi yottikhiya onankuttho ethanleliye Aroni ni nkivahererye Miyo, Apwiya. Ephantti eyo y'enama n'navahiya nyuwo wira nkhureke. ²⁷Nyuwo nrerihe etthirima ni etara y'epwittipwitthi entthunen'nyu okivaherya nkuttho -- etthirima evahereriye Apwiya n'itara evukuliye tjikhale tjawawe Aroni nasanawe. ²⁸Miphantti n'yo tja enama, tjivahiye n'atthu a Israyeli, tjikhaleke tja Aroni n'otjulu awe. Mwa ekettelo ya tjovaha tjorerela, n'ya tjovaha tja alipa a nkuttho, yakhelelalyaya w'atthu a Israyeli ekivahaka Miyo, Apwiya.²⁹Tjowara tjorerihiya tj'Aroni evahiyeke-tho asanawe nuvahiya owo. Awoanrwa ottikittheliya n'uttikiya onankuttho nipuro n'atithyaya wira ekirumeleke Miyo. ³⁰Akhwa vale Aroi mwanawe ole onrwaa othanleliya okhala nlipa ankuttho, nipuro n'atithyawe ontthuna orwaa n'hemani mokumana n'Apwiya wira akirumeleke Miyo, nipuro nowarya, aware tjowara n'yo mpakha mahuku mathanu na meli.³¹Nkuse epwittipwitthi yottikha onankuttho mwapeye enamaya nipuro norerihiya. ³²Aroni nasanawe ekhureke enam'eyo vankhora va ehema yokumana n'Apwiya anukhura-tho nkatthe tjiri nthokwani. ³³Awo ekhureke enama ni nkatthe tjovahereriya otaphula mikho nihuku nottikhiya waya, onankuttho, wira ereriheliye Miyo. Ahikhale ntthu nkina ontthuna olya yolya ela, okhala wira ohana othokorerya oreriha waka Miyo, kirerihelelalyaka Miyo. ³⁴Ni yahuwerye omaliha, khuhala mpakha nihuku nikina, enama eyo ni nkatthe n'yo tjorerihiya, mpahe. Ahikhale ontthuna olya tjen'yo okhala wira ti tjoreriheliya Miyo.³⁵Tjitjam'mo, mwattharihela tjotene kurumelyakani wira mwre, mwireke n'Aroni nasanawe. Nyuwo n'hana wira mwirelo ola wottikha mahuku mathanu na meli nkirerihelaka miyo. ³⁶Khula nihuku nyuwo n'hana on'hita mwanyompe akhale nkuttho wotaphula mikho. Nyuwo mwarerihe altari, mwarerihaka ni nkhalelo wohela nkuttho owo, ni mwattikitthele makhura altari wira ererihiye ni Miyo. ³⁷Mpake mahuku mathanu na meli, nyuwo mwarerihe altari mwahelelaka nkuttho Apwiya. Nave altari awo anurerihiya vomalela. Tjotene tjinvarela altari tjinukhala tjoreriheliya ni tjothanleliya Apwiya.³⁸Khula nihuku, wa mahuku otene onkelelinyu, n'hele valtari nkuttho wa ipwittipwitthi pinli tja eyakha emotja. ³⁹Epwittipwitthi emotja nvaheke vasisu epwittipwitthi ekina nvaheke makaripi.⁴⁰Epwittipwitthi yopasera, nvaheke ni otthu woxiliya ntakaniheke mphimo m'motja wa makhura a olivera ni m'mwarexele mphimo m'motja wa evinyu ni yovaha ya yowurya.⁴¹Nvaheke epwittipwitthi yonapili makaripi. Nvaheke nkuttho yowo m'motjaru wopahiya vasisu ni yovaha ya yowurya emotjaru. N'ya ti tjovaha tjowunkhela tjinkitjivela Miyo; ola nkuttho wopahiya ontthunaka ovahiya Miyo. ⁴²Ola okhale nkuttho wopahiya worerela antthunaya ovahaka atthwinyu. Mwireke vankhora va ehema yokumana n'Apwiya, vavo vavtthunaka wuphwanyani wira kilavule ni nyuwo.⁴³Vavale kakumanalyaka n'atthu a israyeli; ehem'eyo ehema yithanlelalyaka Miyo ni ovuwa waka. ⁴⁴Miyo kureriha ehema yokumana ni Altari mw'atthu yale ari awaka pahi. Miyo kinunreriha-tho Aroni nasanawe wira ekirumeleke Miyo ntoko anankuttho.⁴⁵Miyo kinakhala n'atthu a israyeli ni kinakhala Muluku aya. ⁴⁶Awo anutjuwela wira miyo k'Apwiya, ka Muluku, kakumihale nlaponi mwa Wixitu wira Miyo kikhale mwa yawo. Miyo k'Apwiya, Mulukwen'nyu.

¹Nyuwo mwapake altari wira mpahekevo erupani. Mwapake n'ithapwa tja khampiri. ²Erakamelo aya ekhale a mono m'motja ni ekhuvelo aya ekhale a mono m'motja. Altari awo elikaneke erakamelo ni ekhuvelo ni wemela waya ekhale a miyono minli. M'malothoni mwaya epakiye ni ekhalelo emotjaru ni altari awo.³Mwamarele ni ewero yorerexa altari awo a erupani ---- vatjulu vaya, mpararini mwaya ni m'malothoni mwaya. Mwapakele altari awo etarato ya wero. ⁴Mpake maniya meli a wero nkhomele vataratoni v'altaei miphantti tjaya tjomili tjolikana. Maniya awo ekhale ikwetjiheryo tja mitthattelo wira ethateliyekeno altari awo.⁵Mpake mithatelo tja ithapwa tj khampiri ni m'marele ni ewero. ⁶Mwapwehe altari awo a erupani oholo wa ekuwo eri oholo wa nivuku nowatana. Awo antthuna okhalaka oholo wa mwiri wa mithuko ori vanivukuni nowatana, vavo kuphwanyalyakani.⁷Aroni apaheke erupani yowunkhela wa khula vasisu. Owo apaheke numala oreherya mithuko. ⁸Aroni apattiha-tho mithuko nkwaha nkina-tho, ohiyu, owo apaheke erupani valtarini a erupani. Ola ohana okhala nkuttho wa erupani wophwanelela oholo waka Miyo, Apwiya, wa maloko otene a'tthwin'nyu. ⁹Nto nyuwo n'hivahe nkuttho wa erupani valtarini a erupani, n'nakhala nkuttho nkina wopahiya. Nyuwo n'hiyehi nkuttho wa yowurya valtarini.¹⁰Araoni ohana ottikitthela m'malomoni wa altari a erupani nkwaha m'motja wa khula eyakha. Owo ireke tjitjo arumelaka ephome ya nkuttho yotaphula mikho. Nkhulupale a nkuttho ireke tjitjo wa maloko otene a'tthwin'nyu. Nkutt'ola ontthuna okhala wawaka Miyo, Apwiya''.¹¹Apwiya yahun'himerya Moise: ¹²''Okathi nyuwo mwimpahin'nyu erupani mwpaheryaka atthu a israyeli, nto wa khula ntthu ohana wavahererya Apwiya ekumi awe. Nyuwo n'hana wira tjitjo numala watthokiha, wira ehakhumelele etthu yotakhala okathi nyuwo n'natthokihen'nyu. ¹³Khula ntthu ontthuna otthokihiya ni nkuttho wa erupani ohana oliva ni nusu na ottoso ya eparata, etthariheliyaka elemelelo ya osantuwario (ettoso emotja enlikana ni ikhera miloko minli). Nusu n'na entthuna okhala nkuttho aka Miyo, Apwiya. ¹⁴Khula ntthu ontthuna otthokihiya, okhuma iyakha miloko minli orwaa oholo, ohana okivaha nkuttho ola Miyo.¹⁵Okatthi atthu ankivahaya nkuttho Miyo wira kirerihe ikumi tjaya, thatjiri khanatjereriya oliva vovikaniha wala matsikhini khanivukuliya. ¹⁶Nyuwo mwakhelele ntjurukhu wowopola ikumi tj'atthu a israyeli ontthuna ohimiya n'hemani mwem'mo mokumana . Ela ekhale yawupuweliya n'atthu aisrayeli oholo Waka, wira kopole ekumin'nyu''.¹⁷Apwiya yahun'himerya Moise: ¹⁸''Nyuwo mpake mwithe mulupale wa eboronze ni vathi vaya va eboronze, mwithe worerihiya. Mpake n'hemani mwem'mo mokumana ni waltari, ni mwitthelekemo matji mwem'mo.¹⁹Aroni n'asanawe anyawiheke matatawe ni inawu tjawe mwem'mo. ²⁰Okathi awo ankelaya n'hemani mokumana, wala yattamaka waltari wira ekirumele epahaka nkuttho, awo enyaweke ni matji, wira ehikhwe. ²¹Awo ahana orapiha metto ni matata wira ehikhwe. Ela ekano ya Aroni n'asanawe mpakha oholo wa maloko otene a'tthwin'nyu''.²²Apwiya yahun'himerya Moise: ²³''Nkuse tjitthu tjinrumeliya: ikilu miloko miloko mithanu tja emira, ikilu miloko miloko minli ni miloko mithanu ya kalamu owunkhela, ²⁴ikilu miloko miloko mithanu tja kassi, ophimiya mphimo wa ikilu tja otjantuwariyo, ni mphimom'motja wa makhura a olivera. ²⁵Mpake makhura oreriha anttikittheliya ni mirerelo tjen'yo, nteko wowunkheliha. Awo antthuna okhala makhura oreriha anttikittheliya kitjukeriyaka Miyo.²⁶Nttikitthele ehema yokumana ni makhura yawo nttikitthele-tho nivuku nowatana, ²⁷nttikitthele metja ni tjitthu tjotene tjinrumeliya, mwiri wa mithuko ni mirerelo tjaya, altari a erupani, ²⁸altari a mikuttho ni mirerelo tjaya tjotene ni mwithe ni vathi vaya.²⁹Nyuwo n'hana okipakela Miyo wira Miyo kureriheni. Wa khula etthu entthuna okwatiya n'itthu n'ya tjinakhala tjoreriheliya Miyo. ³⁰M'mottihe makhura Aroni n'asanawe ni mwinrerihele Miyo wira akirumeleke ntoko nankutho. ³¹Mwahimerye atthu a israyeli: 'Ala ahana okhala makhura anttikittheliya oreriheliya Apwiya wa maloko otene a'tthwinyu.³²Makhura awo ehottihiyeke erutthu ni n'hipake makhura makina nlattanihaka yala okhala wira awo torerihiya n'Apwiya. Tjito n'hana othokorerya. ³³Ntthu ontthuna wottiha erutthu makhura awo, wala ontthuna onvaha ntthu nkina, ntth''uwo omoliye mwinlokoni mwawe.'''³⁴Apwiya yahun'himerya Moise: ''nkuse mirerelo tjowunkheliha, ntoko ónika ni ekalibano -- mirerelo tjowunkhela ni erupani yorerexa, wa khula etthu elikaneke n'ikhwaya. ³⁵Nrerihele ntoko erupani, ntakanihaka ni yowunkheliha, motowelelaka ni makha, orerexa ni oreriheliya Miyo. ³⁶Motoweleleke mpakha olikanihera orattene. Mottihe nivuku nowatana oholo, n'ri n'hemani mokumana, mwem'mo kuphwanyalyakani. Nyuwo nthokoreryeke vophwanelela nkhalihaka yawakaMiyo.³⁷Okathi mwinreherinyu erupani eyo, n'hipake ekina nlattanihaka yeyo wira ekhale yawinyu. Eyo ekhale yoreriheliya nyuwo. ³⁸Ntthu ontthuna etthu alattanihaka yeyo wira arumeleke ntoko yowunkheliha ohana womoliya mwinlokoni mwawe.''

¹Apwiya yahun'himerya Moise: ²''Mone, Miyo kuwihanani ni ntjina na Bezaleli mwana a Uri mwana a Huri, nloko n'Ayuda.³Miyo kunvaha Bezaleli eroho aka, wira kinvahe otjuwela, winwelela ni miruku wa khula nteko w'orattaawe, ⁴wira apakeke ilatarato ni avareke ni ewero, eparat ni eboroze; ⁵ni wira apwexeke maluku ni akhereke ithapwa, wala, avareke mwa miteko tjotene tjoratt'awe.⁶Ohiya-tho owo, Miyo kunthanla-tho eliyabi, mwana a Asamaki, nloko na Eda. Miyo kupweha m'murimani mw'atthu otene ari atjuweli wira awo yireke tjotene tjinarumaka. Eyo en'nira mphantti ⁷ehema yokumana, nivuku nowatana, ekhunelelo van'heliyavo mikuttho eri vanivukuni, ni tjitthu tjotene tjinrumeliya tjiri n'hemani mokumana: ⁸metsa ni mirerelo tjaya, mwiri wa mithuko wa ewero yorerexa ni tjitthu tjinrumelaniyaaya, altari a erupani, ⁹altari a mikuttho tjopahiya ni tjitthu tjinrumelaniyaya, ni ekamela ya eboronze yulupale ni eyemexeryo aya;¹⁰tjowara tja elinyu yorika, tjowara tjorerihiya tja Aroni, nlipa a nkuttho, ni tj'asanawe, athanleliye wira ekirumeleke Miyo ntoko alipa a nkuttho; ¹¹eyo en'nirela-tho mphantti makhura attikittheliya ni erupani yowunkhela yorerela nipuro norerihiya. Atthu awo oratta ahana opaka tjitthu tjotene ntoko Miyo karumalyaka''.¹²Apwiya yahun'himerya Moise: ¹³''Mwahimerye atthu a israyeli: 'Nyuwano vekhweli nttittimihe esabado y'Apwiya, okhala wira ela entthuna okhala ethonyeryo y'Apwiya ni nyuwo mwaha wa maloko; wira ntjuwele wira Awo t'Apwiya, yuthanlalyaayani yithanlelaka Yawo m'mantjaya. ¹⁴Nto nyuwo n'hana ottittimiha esabadu, nkhalihe ntoko nihuku nowarya, nithanlenlyaya Apwiya. Wa khula ntthu ontthuna ovara nteko esabadu, ntthu owo omoliye mwinlokoni mwinyu. ¹⁵Mvare miteko tjinyu n'hina wa mahuku mathanu namotja, nto nihuku na nethanu napili esabadu yomumula, yowarya, nithanleliya wattittimiha Apwiya. Ntthu ontthuna ovare nteko nihuku na sabadu vekhweli inviye.¹⁶Vekhweli atthu a israyeli ahana ottittimiha nihuku na sabadu, yupuwelelaka mwa maloko otene ntoko ekano ehim'mala-tho. ¹⁷Nihuku na sabadu nintthuna okhala ethonyerya yowatana Apwiya n'atthu a israyeli vohimala-tho, okhala wira Apwiya apattuxa erimu ni elapo ya vathi n'hina wa mahuku mathanu namotja ni, nihuku na nethanu napili, ahimumula khuhivara nteko'''.¹⁸Okathi Muluku wamalihalyawe olavula ni Moise omwako Sinai, ahunvaha mapawe meli yathonyiherya watana, mapawe a maluku, olepiya ni matat'Awe.

¹Atthu a israyeli okathi wamonalyaya Moise apitsaka okhuruwa wa mwako, awo yahuthukumana enrukureryaka Aroni ni khun'himerya: ''Nwe, n'nipakele elatarato wira ekhale oholo wihu. Okathi Moise owo, nlopwana onikumihale nlaponi mwa Wigitu, khantjiwelale etthu emwirale''. ²Nave nto Aroni ahahimerya: '' Nruleke ibirinku tja wero m'maruni mw'atsarinyu ni mw'asanen'nyu ni nkiwanele miyo''.³Ni atthu otene yahirula ibirinku tja wero tjari m'maruni mwaya ni khunrwanela Aroni. ⁴Owo ahakhelela ewero y'atthu ale, ni khuvotta ntoko oloko. Nave nto atthu ale yahira: ''Atthu a Israyeli, ola va mulukwen'nyu okumihaleni nlaponi mwa Wigitu .'''⁵Okathi Aroni awehalyawe eyo, owo ahateka altari oholo wa elatarato eyo ni ahikhuwela, iraka: ''Omelo ninakhala nira nowattittimiha apwiya''. ⁶Vaxalyaya nihuku nikina atthu yahuvenya vasisu'ene ni khuvaha nkuttho wopahiya ni yahuwana tjovaha tjikina. Nave nto yahikilathi wira elye ni ewurye, ni yahuvenya khupatjerya wina.⁷Nave Apwiya yahun'himerya Moise: ''Nrwee vowakuveya, vano atthwinyu, yawo mwakumihalinyu nlaponi mwa Wigitu, athwelela. ⁸Awo ahapuwa ephiro aka vowakuveyavo Miyo karumalyaka. Awo ahipakela elatarato ni khiyakokhorela ni an'nivaha nkuttho yeyo. Awo an'nihimya wira: 'Israyeli, ola mulukwinyu okumihaleni nlaponi mwa Wixitu'''.⁹Apwiya yahun'himerya Moise: ''Miyo kowona atthu awo. Mone, awo atthu othipelela. ¹⁰Numala, vano, n'hikikottihe. Oviruwa waka wulupale wapahe awo, nave Miyo kinamwapwetexa. Kira tjitjo kinarwaa opattuxa nloko nulupale variyari vinyu. ¹¹Tjitjam'mo Moise ahehererya wamaliha Apwiya Muluku awe. Owo ahira: ''Apwiya mwaha wa xeni n'naviruwelin'nyu atthwinyu, yawo nyuwo mwawanalinyu elapo ya Wixitu ni owerya wulupale ni ntata ninyu noweryexa?¹²¹³¹⁴Mwaha wa xeni atthu a Wixitu yakhalalyaya ohimya: 'Awo anikumiha mohawani wira nikhwele omwako n'no ni anipwetexe nlaponi mumu'? Nkumihe oviruwa winyu nkumihe ehukhumu ela variyari va atthwinyu. M'mupuwele Abarahamu, Isakini Israyeli, arumey'Inyu, yawo mwailaphelalinyu, m'mentsinyu, mwahimeryaka: ''Kinamwattiha otjulwin'nyu ntoko itheneri tja wirimu, ni kinamuvahani elapo yotene yeyo kihimalyaka. awo anukhalaka vohimala-tho'''. Nave nto Apwiya yahikumiha ehukhumu yeyo Awo yahimalyaya wira ¹⁵Nave Moise ahirukunuwa ni ahikhuruwa vamwako, akusalene mapawe meli olepiya watana m'matatani mwawe. Mpawe ómeli yari olepiya miphantti tjopili, oholo ni ottuli. ¹⁶Mapawe ni ni malepaaya yalepiye ni Muluku, yapatthiye ni mwanene Yowo.¹⁷Yoxuwa okathi winwalyawe onyakula w'atthu yakhuwela, owo ahun'himerya Moise: ''wokhala onyakuleleya omuxaxani''. ¹⁸Nto Moise ahakhula: ''onyakula iwo khahiyo onyakula woxintta, n'nakhala khuhiyo onyakula w'atthu otupheliya n'awanani, kininwaka onyakula w'atthu yipaka''.¹⁹Okathi Moise waphiyalyawe omuxaxani, owo ahona elatarato ni atthu yinaka. Vano ahiviruwa Owo mapawe omeli khuphweya wattamela omwako wenwe. ²⁰Owo ahikusa elatarato ele atthu ale yapakalyaya, ahipaha, khupwetsakasa mpakha othatuwa ntthupi khuyeherya m'matsini. Nave owo ahiphavelatsa makhalelo wira atthu a Israyeli ewurye.²¹Nave Moise ahun'himerya Aroni: ''Atthu ala awirihaleni exeni, mwaha wa xeni yuwanelakani yottheka tjitja''? ²²Aroni ahakhula: ''Nhikumiherye oviruwa winyu pwiy'aka. Nyuwo n'hatjuwela atthu ala, ni motjuwela okathi muntji awo atthunaya wira tjonanara. ²³Awo yarokihimerya: 'N'nipakele muluku ontthuna okhala oholo wihu. Okathi Moise ohinkhalawe ni hiyo, nlopwana onikumihale nlaponi mwa Wigitu, hiyo khantjuwelale etthu emwirale' ²⁴Nave miyo kahahimerya: 'anatthu orina ewero, akumihe. Awo yahikivaha, ni miyo kahirihela veekho, ni yahikhuma elatarato ela.²⁵Moise ahona wira atthu ale yanupuwela vonanaravo, vano Aroni ahihiya khupwetexiya vohiwehaweha-tho, aikhalihaka epottha ya awanani awe. ²⁶Nave Moise ahemela, vankhora va ehema, ni ahira: '' Ntthu ori mono w'Apwiya, awe varyaka''. Malevi otene yahithukumana anrukureryaka yowo. ²⁷Owo ahahimerya: ''Apwiya, Muluku a Israyeli, ahimalyaya tila: 'Wa khula nlopwana areherye nlema nawe akhumaka ni awaka, wa khula nkhora, wa ehema yotene, ni awinve axun'nawe, apatthani awe ni anaitthoko awe'''.²⁸Malevi otene yahira ntoko Moise arumalyawe. Nihiku n'ne yahokhwa atthu ikonto ttharu w'atthu ale. ²⁹Moise ahahimerya malevi: ''Nyuwo movahiya nteko w'Apwiya olelo, vano wa khula ntthu a nyuwo anviruwelale mun'nawe, vekhweli Apwiya ahuvahani mareliho olelo'''.³⁰Nihuku nikina, Moise ahahimerya atthu ale: ''Mopaka yottheka yulupale. Vano miyo kinawela w'Apwiya. kokhala miyo ovahererya tjottheka tjinyu. ³¹Moise ahihokolela w'Apwiya khwira: ''Oh, atthu ala apaka yottheka yulupale ni ahupakelani elatarato ya wero. ³²Nto vano, mwalevelele tjottheka tjaya; mwahire tjitjo, nkitjipihe nlivuruni nlepalinyu''.³³Apwiya yahun'himerya Moise: ''Ntthu yole ontthuna okitthekela miyo, ntthu owo kinantjipiha nlivuruni mwaka. ³⁴Vano mrwee mwahole atthu awo nipuro miyo kolelalyakani. Mone, nlaikha naka n'namoholani oholo winyu. Nihuku Miyo kintthunaka wahaxa, Miyo kinamwahukhumu mwaha wa tjottheka tjaya''. ³⁵Nave Apwiya yahawanela ehukhumu atthu ale, mwaha wopaka elatarato, yele Aroni apakalyawe.

¹Apwiya yahun'himerya Moise: ''Nvenye va, nyu n'atthu mwakumihalin'nyu nlaponi mwa Wigitu. Nrwee elapo kanlaiheralyaka Abarahamu, Isaki ni Yakobe, kahimeralyaka wira: 'Miyo kinuvaha elapo eyo otjulwin'nyu'. ²Kinuruma nlaikha naka oholo winyu, ni kinuwomola akanani, n'Amori, n'Ahiti, n'Aperizi, n'Ahivi ni n'Ajebusi. ³Nrwee elapo yeyo ehinthowaya eletini enuyi, vano Miyo nkinrwaa ni nyuwo, okhala wira mw'atthu olipa nrima.Miyo karwaa ni nyuwo kinamupwetexani mphironi''.⁴Okathi atthu a israyeli yinwalyaya mulumo ala otakhaliha, yahiripiya nrima, khuwara mattapwatta khuhiyawara ikuwo tjorera. ⁵Apwiya yahun'himerya Moise: ''Mwahimerye atthu a israyeli: 'Nyuwo mw'atthu olipa nrima. Miyo kakhalale variyari winyu, wa okathi vakhani, kamupwetexani. Vekhweli, nrule ikuwo tjinyu tjorera wira Miyo kone entthunaka owirihani'''. ⁶Nave atthu a israyelikhiyawarale ikuwo tjorera, okhuma omwako oherebi erwaaka oholo.⁷Moise ahikusa ehema, ni khwintjathi mphantti wokhwipi, vorakamela vakhani. Owo ahitthana ehema yokumana n'Apwiya. Wa khula ntthu yole atthuna wavekela etthu Apwiya arwaa n'hemani mokumana, yari ota w'omaxaxani. ⁸Okathi Moise arwaawe n'hemani, atthu otene yanuvenya khuyemela vankhora va ehema eyo, enwehexexaka Moise, mpakha owo ovolowa n'hemani. ⁹Ni okathi Moise akelawe n'hemani, nttitthi wa mekhulu wanikhuruwa khuyakhunela vankhora va ehema, ni Apwiya yanilavula ni Moise.¹⁰Imara tjotene atthu ale yawehaya mekhulu yemelalene oholo vankhora va ehema, atthu otene yahana ovenya ni okokhorela, wa khula ntthu vankhora va ehem'awe. ¹¹Ni Apwiya yanilavula ni Moise ekhove ni ekhove, ntoko ntthu onlavula ni mwaparawe. Vottharelana, Moise anihokolela omaxaxani, nto nrumeyi awe, m'miravo Yoxuwa, mwana a Nuni,anihala n'hemani.¹²Ni Moise ahahimerya Apwiya: ''Nyuwo mokihimerya: 'Mwakuse atthu ala mwarwaane elapo eyo', nto khamukihimeryale ti pani onrwaanyu onruma wira akihole. Mokihimerya-tho: 'Mokitjuwela ntjina naka, ni wira mokiphwanyana ikharari m'methoni mwaka. ¹³Kakhalale n'ikharari m'methoni mwinyu, kin'nulapelani nan'nano va wira nkoniherya iphiro tjinyu, wira miyo kitjuwele wira n'hokolele-tho ophwanya okiphwanyana ikharari m'methoni mwaka. Mupuwele wira nloko n'na atthwinyu''.¹⁴Apwiya yahakhula: ''Miyo kinrwaa ni nyuwo, ni kinamuvahani omumula''. ¹⁵Nave Moise ahahimerya: ''Nyuwo mwahirwee ni hiyo, muhinikumihe va. ¹⁶Ohiya vo, nintthuna otjuwelatjayi wira mokhala n'ikharari ni hiyo vamethoni venyu, miyo n'atthwinyu? Tjitjo mwarwaa ni hiyo, n'natjuwela wira miyo n'atthwinyu khaninlikana ni maloko makina ari nlaponi mu?''¹⁷Apwiya yahun'himerya Moise: ''Kinapaka-tho yeyo ekilepelalinyu, vano n'namomna wira kokhala n'ikharari ni nyuwo, ni kihutjuwelani ntjina ninyu''. ¹⁸Moise ahahimerya Apwiya: ''Xontte nkoniherye ekhovinyu yovuwa''.¹⁹Apwiya yahumwakhula wira: ''Kinawirelani tjorera tjotene oholo winyu, ni oholo winyu kinulaleya ntjina naka, 'Apwiya'. Miyo kinamwarerela nrima ale antthunaka warerela nrima, ni kinamwamorela ikharari ale antthunaka wamorela ikharari''. ²⁰Vano Apwiya yahihimya: ''Nyuwo khamunwerya wona ekhove aka, okhala wira khuvo ontthuna wona ekhove aka akhale''.²¹Apwiya yahihimya-tho: ''Mone, mwemele vamwala vavo; wattama nipuro Niryaka. ²²Kavira n'uvuwa waka, kinamuvithani mphakani mwa mwala ni kinamukhunelani ni ntata naka mpakha Miyo ovira. ²³Kivirakaru, kinakumiha ntata naka ni nyuwo n'nakiweha ottuli, nto ekhove Aka khinoniya-tho''.

¹Apwiya yahun'himerya Moise: "Mwikitthe mapawe meli a maluku ntoko mapawe opasera a maluku. Miyo kinulepa va mapaweni vavo a maluku mulumo yari vamapaweni ale opasera, mapawe yawo apwexalinyu. ²Mwilikanyihere vasisu ni nwele va mwako Sinayi, ni n'nakiphwanya vavo vatjulu vavo.³Ahikhale ntthu ontthuna owela ni nyuwo. N'hin'hiye ntthu ettaka vamwako vavo. N'nakhala muhinrume owela, n'nakhala inama ikukhuliyeke oholo wa mwako''. ⁴Nave Moise ahiparula mapawe meli a maluku ntoko yale opasera, ahuvenya vasiswene ni khuwela vamwako Sinayi, ntoko Apwiya yan'himeralyaya. Moise ahikusa mapawe meli a maluku m'matatani mwawe.⁵Apwiya yahikhuruwa m'mekhuluni ni yahikhala ni Moise vamwako vavale, ni owo ahiromola ntjina ''n'Apwiya''. ⁶Apwiya yahivira oholo wawe khukhuwela wira: ''miyo k'Apwiya, Apwiya, Muluku omoriya ikharari ni ovilela, opitsa oviruwa orera nrima ni ovilela ni ororomeleya, ⁷Miyo kin'narerela nrima atthu maloko malokwene, kalevelelaka ohinwelela waya, tjotakhala tjaya ni tjottheka tjaya. Vano Owo, khanliyala etthu n'nakhala emotja, on'ninreriha ntthu ottheka. Owo onahukhumu tjotakhala tjaya atthu n'asanaya, ni asanaya ni otjulu aya, mpakha nloko nonattharu wala nonetjese''.⁸Nananoru Moise ahurama mpakha vathi anankokhorela Muluku. ⁹Numala owo ahira: ''Vano mwatjiveliyaka ni miyo, Apwiy'aka, xontte nwe wa hiyo, wa atthu ala olipa nrima. Nlevelele otakhala wihu nrima ni tjottheka tjihu, ni n'nikuse ntoko asaninyu''.¹⁰Apwiya yahun'himerya Moise: ''Mone, Miyo kinamwatana ni nyuwo. Vamaithoni v'atthwinyu, Miyo kinupaka mitikiniho tjihinakhumelele elapo yotene wala eriyari ya maloko makina. Atthu otene, ankhala ni nyuwo, anamona miteko tjaka tjulupale, tiva kimpaka etthu yotikinisa ni nyuwo. ¹¹Mwinwelele etthu kinurumakani olelo va. Miyo kinarwaa owomola atthu amori, n'akanani, n'ahiti, n'aperizi, n'ahivi ni agebusi.¹²mwipatsope n'atthu a elepo enrwinyu okhala, wira awo ehotthekiheni. ¹³Ohiya vo, nyuwo mwanyanye altari aya, mwapwetjakatse maluku aya ankokhoreliya ni ntikile miri tjaya tjinkokhorelaya. ¹⁴Vano n'hakokhorele amuluku akina, kihikhalale miyo APWIYA, ntjina n'na ti nahatje'', ka Muluku e'hatje.¹⁵Nkhale phole wira n'hatanake n'atthu ankhala elapo eyo, vano awo mwatana n'awo wo anamulattulelani wakokhorela amulukwaya, yahelelaka nkuttho tjitjo nyuwo n'nakhanyereriya okhura enama ya mikuttho tjaya. ¹⁶Tjitjo mwatana ni yawo asaninyu axilopwana, anamwathela asanaya axithiyana vano athiyana awo yarwaaka wakokhorela amulukwaya, ni animwarwana asani'nyu wakokhorela amuluku yawo. ¹⁷N'hipakele amuluku eyuma.¹⁸Nttimihe nira na iphawu tjohiheliya miropo. Ntoko miyo korumalyakani, nyuwo nkhureke mikatthe tjohiheliya miropo mpakha mahuku mathanu nameli, okathi worerela, mweri w'abibi, vano wari mweri mwakhumalinyu Wigitu.¹⁹Asana otene opasera oyariya t'awaka, okhuma asana opatjerya ototholiya a inama tjinyu, okhuma inyompe ni ipwittipwitthi. ²⁰Nyuwo n'wakakhanye-tho aburwinyu opatjerya ototholiya ni ipwittipwitthi, vano mwahiwakakhanye m'mwinve mwimpwesaka esiko. Nyuwo n'wakakhanye-tho asanin'nyu otene opasera oyariya. Ahikhale ontthuna owa okikokhorela ahikusale tjovaha tjawe.²¹Mahuku mathanu namotja mvare miteko tjinyu tjotene, vano nihuku na nethanu namotja nihuku nomumula. Hata okathi wolima ni okathi wohatta, nyuwo n'hana omumula nihuku na nethanu neli. ²²Nyuwo n'hana ottittimiha nira n'ohepha mahuku ompaserinyu ohatta etiriku, ni nttittimihe nira nohepha wumalani wa mwakha.²³Alopwana otene a nloko ninyu ahana owa okikokhorela miyo, Apwiya, Muluku a Israyeli, imatra ttharu wa khula eyakha. ²⁴Vano Miyo kinuwomola atthu a nlaponi mwinrwaanyu okela ni kinamuntjererya mikano tjinyu. Khuvo ontthuna otuphela elapwin'nyu, okathi ontthunen'nyu okikokhorela miyo, Apwiya, Mulukw'innyu, imara ttharu vayakhani.²⁵Mwakivahaka nkuttho wa inama tjohitiya n'hikivahe wamotja n'iphawu tjiheliye miropo, wala enama ehitiye wira elyelyiye nira na pasika ehihale mpakha malo vasisu. ²⁶Nyuwo n'hana owana milipu tja m'matta mwinyu n'wanaka mpani mwaka. N'hapele epuri nipele na mam'aya.²⁷Apwiya yahun'himerya Moise: ''Nlepe mulumo ala, vano Miyo kin'nilaphela ni mulumo ala kilavulalyaka, ni kopaka watana n'atthu a Israyeli''. ²⁸Moise ahikhala vamwako n'Apwiyamahuku miloko mitjese othana ni ohiyu; owo khalya etthu ni khawurya matji. Owo vamapaweni mulumo owatana, Malamulo muloko.²⁹Okathi Moise akhuruwalyawe vamwako Sinayi akusalene mapawe meli m'matatani mwawe olepiya watana, owo khatjuwela wira owitho wawe wanarya okathi walavulawe ni Muluku. ³⁰Aroni n'atthu otene a israyeli wamonalyaya Moise, owitho wawe waryaka, ni awo yahova omwattama yowo. ³¹Nto Moise ahuwitthana, ni Aroni ni makhulupale a nttetthe yahuwa okumana ni yowo. Numala Moise ahalavuliha.³²Numala, atthu otene a Israyeli yahumwattama Moise, ni owo ahahimerya malamulo otene Apwiya yamvahalyaya yowo o'Mwako Sinayi. ³³Numala Moise omaliha walavuliha atthu awo, owoahikhunela owitho wawe n'ikuwo.³⁴Okathi wotene Moise akhalawe oholo w'Apwiya wira alavulane, owo anikhunula owitho wawe. Numala anikhunela-tho owitho wawe ahokolowaka. Owo anikhuma n'hemani ni anahimerya atthu a israyeli etthu yahimeriyawe ni Muluku. ³⁵Atthu a israyeli yahona owitho wa Moise wira wanarya. Tivo numala owo anikhunela-tho owitho wawe ni ekuwo mpakha ohokolowela olavula ni Apwiya.

¹Moise ahithukumanya nloko notene n'ana a Israyeli ni ahahimerya: ''Ikano tjinurumayani Apwiya wettela tin'ya. ²Mpakha mahuku mathanu namotja, nvaraka miteko tjinyu, otene anyu, nihuku na nethanu neli noreriheliya Apwiya. Nihuku na esabadu nihuku nomumula; nihuku norerihiya n'Apwiya. Wa khula ntthu ontthuna ovara nteko nihuku nen'no ohana winviya. ³Nyuwo n'hipattihe moro n'nakhala vakhani nihuku na sabadu''.⁴Moise ahahimerya atthu a Israyrli: ''Ela tinýela Apwiya arumalyaya: ⁵'M wawanele Apwiya tjovaha tjinyu ni nrima woleva, oteninyu nkhalane nrima woleva. Mwawanele Apwiya tjovaha tjinyu --- ewero,eparata, oboronze; ⁶ikuwo tja elinyu yopipila, tjorika ni tjophilivila ni elinyu yorikexa; ni tja manri epuri ⁷itjapala tja ipwittipwitthi tjowottihiya etinta yoxerya ni itjapala tjorika; ithapwa tja khampiri; ⁸makhura oheleliya mithuko tja otjantuwariyo, ixero tjotakanihiya makhura ottikitthela ni tjotakanihiya etupani yopahiya; ⁹maluku owarya ni maluku makina a khula enamuna wira eheliye vefotini ni vakuwoni ya vatthirima ya nlipa a nkuttho.¹⁰Alopwana otene oratta ekhumeke aweke opaka tjotene tjirumalyaya Apwiya ---- ¹¹empa ya Muluyku ni ehema, enikhunelelo, ivarelelo, ithapwa tjilupale, n'ithapwa tjintuphiha tjikhwaya, maripu aya n'ilipiheryyo tjaya; ¹²nivuku nowatana n'ivarelelo tjaya,wira ethateliyekeno, ekhunelelo aya ekuwo yulupale ni ekuwo yulupale yokawa mpani.¹³Metja ni mithatelo tjaya ni tjitthu totene tjinrumeliya mpani n'iphawu tjovelelihiya Muluku. ¹⁴Mwiri wa mithuko, ni tjitthu tjotene tjinrumela mwiri owo, ni mithuko tjaya; ¹⁵altari erupani, ni mithatelo tjaya anthatelaniyaya, makhura ottikitthela ni tjowunkhela tjopahiya tja erupani; ekuwo ekuwo yokhunela nkhora wa ehema y'Apwiya; ¹⁶altari an'heliya mikuttho tjopahiya, n'itarrato aya ya eboronze ni mithatelo tjaya tjinthatelaniyaya ni tjitthu tjotene tjinrumelaya; ekamelo ya eboronze ni mwemexeryo aya.¹⁷Ikuwo tja vankhora wota wa nikokoro, ni maripu aya ni miyemexeryo tjaya n'ikuwo ya vankhora wa nikokoro; ¹⁸miyexeryo tja empa yolompiwa ni tja vate, wamotja ni mikhoyi tjaya; ¹⁹tjowara tjonankuttho tjinrumela nipuro nowarya, tjowara tjorerihiya tj'Aroni, nlipa a nkuttho, ni asanawe, wira awo anwaraya yavaraka nteko wonankuttho''.²⁰Nave maloko otene a Israyeli yahikhuma khuvalana ni Moise. ²¹Otene yale nrima wamana ni eroho aya yatthunela ovaha yahuwana tjovahatjaya khwavaha Apwiya wira etekeliye empa y'Apwiya, mwa tjitthu tjotene tjinvareliya nteko ni tjowara tjowarya tj'onankuttho. ²²Nave, yahuwa alopwana n'athiyana otene yarina nrima woleva. Awo yahuwana maniya, ibirinku, anela ni inyattu, tjitthu tjotene tja khula enamuna tja ewero. Atthu otene yahavaha Apwiya tjovaha tjaya tja wero.²³Otene ale yarina ikuwo tjorika tjopipila, tjophilivila ni tjoxerya, ikuwo tj'elinyu, ni tja manri e'puri, tja manri a ipwittipwitthi tjowottihiya etinta yoxerya ni itjapala tjorika ni tjikina yahuwana. ²⁴Otene ale yarina tjovaha tja eparata wala eboronze yahuwana wavaha Apwiya ni otene ale yarina ithapwa tja khampiri tjinvareliye nteko yahuwana wira tjivareliye nteko wa Muluku.²⁵Athiyana otene oratta yahutthava ni mataaya ikuwo tjorika ni yahuwana tjapakalyaya -- ikuwo tjopipila, tjphilivila wala tjoxerya, wala tj'elinyu yorikexa. ²⁶Athiyana otene yarina nrima worera yahitthava ikuwo tja manri epuri.²⁷Makhulupale a maloko yahuwana maluku owarya ni maluku makina owarya a khula nthinto wira ettottheliye vefotini ni vakuwoni ya vatthirima wa tjowara tjonankuttho; ²⁸yahuwana-tho makhura owunkhela ni makhura a mithuko, makhura ottikitthela ni erupani yopahiya. ²⁹Atthu a israyeli yahuwana tjovaha tjaya votthuna waya wira yavahe Apwiya; khula nlopwana ni khula nthiyana, avaha nrima onttelalene, yahuwana tjitthu tjaphaveleliya nteko Apwiya yanrumalyaya Moise wira avare.³⁰Moise ahahimerya atthu a israyeli: ''Mone, Apwiya amwitthanabesaleli, mwana a Uri, mwana a Huri a nloko n'Ayuda. ³¹Awo antjariha eroho aya, khunvaha ankhili, miruku niotjuwela n'uratta wovara niteko tja mikhalelo tjotene, ³²wupuwelela enamuna yopaka tjitthu tjintji ni ovara ni ewero, eparata ni eboronze; ³³ni wikittha-thi ni oreriha maluku owarya oxora miri -- wira apakeleke tjitthu tjotene tj'orattawe.³⁴Apwiya ahela m'murimani mwawe oratta wira amwinttutjiheke, ventji Besaleli ni Aholiyabi, mwana Ahisamaki, a nloko na Dani. ³⁵Apwiya ahatjariha oweli aya wira evareke miteko tjotene tja khula enamuna, wira evareke ntoko aratti, ntoko oxora ni otthava ikuwo tjorika tjopipila, tjophilivila ni tjoxerya, vakuwoni tja elinyu atthu osora. Awo yari oratta yupuwelaka miteko tjaya tja khula enamuna epakaka-tho tjen'yo ni awo atthu aratti.

¹Tjitjam'mo, Besaleli ni Oholiyabi anuvara miteko tjotene ni wa khula ntthu ni nrima wolipihiya yowo Muluku onvahalyawe oratta ni miruku wira atjuweleke opaka nipuro nowarya, attharihelaka ntoko ittutjihiyawe ni Muluku wira avareke''.²Moise ahuwihana Besaleli ni Oholiyabi, n'atthu otene yavahiye oratta n'Apwiya yawo yaivaherenrye owa ovara nteko, ni Muluku akwan'nyalyaya m'murimani mwaya wira awe avare nteko. ³Awo yahakhela m'matatani mwa Moise tjovaha tjotene atthu a israyeli yavahalyaya wira tjivareliye ntoko tj nipuro nowarya. Atthu yanihokolela-tho onwanela Moise tjovaha votthunaya wa khula nihuku vasisu. ⁴Nave atthu otene okhomalihiya, yavara otjantuwario yahuwa oweha miteko tjavariya.⁵Awo yahun'himerya Moise: ''Atthu anutepa owana tjitthu tjintji ovikana tjimphaveleliya miteko tjinrumeliya Apwiya anirumalyaya ovara''. ⁶Tjitjam'mo, Moise ahattutjiha wira ahikhale-tho ntthu ohemani ontthuna owana-tho tjovaha tjawe wira tjivareliye nteko wa Muluku tjen'ye tjiwaniye tjophiyerya. Nto atthu yahihiya owana tjovaha tjaya. ⁷Awo yahikhalana ovikana tjitthu tjaphaveleliya ovareliya nteko.⁸Tjitjam'mo atthu otene oratta mwa yawo yahiteka ehema y'Apiwiya etekeliye ikuwo tjulupale muloko tjotthaviya n'elinyu yorika ni elinyu yopipila, yophilivila ni yoxerya ni ilatarato tjaya tja malaikha. Ola wari nteko wa Besaleli, muratti owivahererya. ⁹Khula ekuwo orakama waya yari ya miyono miloko minli ni thanu nttharu, ekhuvelo aya ya miyono mitjese. Ikuwo tjotene tjamulikana. ¹⁰Besaleli ahitakaniha ikuwo thanu ekina ni ekhwaya, ni ikuwo tjikina thanu ahitakaniha-tho ekina ni ekhwaya.¹¹Owo ahihela ithulula ekuwo yopipila vathi va ikuwo tjopatjerya, ni owo ahiriha-tho tjitjo vathi va ikuwo tjotthikela. ¹²Owo ahipaka ithulula miloko mithanu vathi va ikuwo tjotthikela ithulula n'yo tjamulikana ekina n'ikhwaya. ¹³Owo ahipaka-tho ivarelelo miloko mithanu tja wero ahivareleliha ikuwo n'yo ekina n'ikhwaya ni tjitjam'mo ehem y'Apwiya yahikhuneliya wamotjaru.¹⁴Besaleli ahitthava ikuwo ni manri epuri apakaka ehema wira ekhuneleke ehema y'Apwiya; owo ahitthava ikuwo n'yo muloko ni m'motja. ¹⁵Erakamelo ya khula ekuwo yari ya miyono miloko miraru, ni ekhuvelo ya khula ekuwo yari ya miyono mitjese. Ikuwo n'yo tjamulikana. ¹⁶Owo ahilupanyerya ikuwo n'yo thanu ekina n'ikhwaya ni tjikina-tho thanu namotja ahilupanyiha-tho ekina n'ikhwaya. ¹⁷Owo ahipaka ithulula miloko mithanu vathi va ikuwo tjopasera, ni yahittatthela vathi va ikuwo tjotthikela.¹⁸Besaleli ahipaka ivarelelo miloko mithanu tja eboronze wira ehema ekhuneliye wamotjaru. ¹⁹Owo ahipaka, wira ekhunele ehema y'Apwiya, ekhunele ni n'ikuwo tja manri a inama tjowottihiya etinta yoxerya, ni, vatjulu vaya, yahikhunela-tho ni ewero.²⁰Besaleli ahithatela ithapwa tjulupale tja khampiri ehema y'Apwiya. ²¹Erakamelo ya khula ethapwa yari ya miyono muloko, ni ekhuvelo aya ya mono m'motja ni nusu. ²²Wa khula ethapw yahiheliya ikwtjo pinli wira ilupanyeke ekina ni ekhwaya. Owo ahiriha tjitjam'mo ithapwa tjotene tja ehema. ²³Tjitjam'mo owo ahipaka ithapwa tja ehema. Owo ahipakela epa eyo ithapwa miloko minli mphatti w'okutsini.²⁴Besaleli ahipaka ivarelelo miloko mitjese tja eparata khuhela vathi va ithapwa n'ye miloko minli. tjahiheliya ivarelelo pinli vathi va ethapwa yopasera, ni ivarelelo pinli wa khula ethapwa wa ikwetja tjopinli tjolupanyaniya. ²⁵Wa mphantti nkina wa ehema, mphatti w'onikela epheyo, owo ahipakela ithapw miloko minli ²⁶ni ivarelelo tjaya miloko mitjese tja eparata. Tjahiheliya ivarelelo pinli vathi va ethapw yopasera, ivarelelo pinli vathi va ethapw yotthikela tjitjam'mo wa khula ethapwa.²⁷Vano m'makitseryoni mwa ehema, mphantti wonikela ntjuwa, Besaleli ahipakela ithapwa thanu namotja. ²⁸Owo ahipakela ithapwa pinli m'malothoni mwa m'makitseryoni mwa ehema.²⁹Ithapwa n'ya tja m'malothoni, yahitthukwanya wamotja ni maniya otjulu. Yahiriha tjitjo m'makitseryoni motene mwa malotho. ³⁰Tjahikhala ithapwa thanu nattharu, tjalupanyiye ni ivarelelo tjaya tja eparata. Ithapw tjotene tjarina ivarelelo thanu namotja, ivareleo pinli vathi va ethapw yopasera, ivarelelo pinli vathi va ethapwa yotthikela, tjitjam'mo wa khula ethapwa.³¹Besaleli ahituphiha ithapwa pinli tja khampiri -- ahituphiha-tho ithapwa thanu wa mphatti nkinaku wa ehema, ³²tjikina thanu ahituphiha mphantti nkina wonikela ntjuwa wa ehema. ³³Owo ahituphiha ethapw emotja variyari va ithapwa, eyo piyo, mpakha vatjulu, atupihaka ekina ni ekhwaya. ³⁴Owo ahimarela ni ewero ithapwa n'yo. Awo yahipaka maniya a wero, wira evirihele ithapwa tjintupha tjikhwaya, ni ithapwa n'ya-tho yahimarela ni ewero.³⁵Besaleli ahitthava evewu ya elinyu yopipila, yophilivila ni yoxerya, n'ikuwo tj'elinyu tjitthaviye vorera ni ilatarato tja malaikha, ola nteko wa nlipa a nteko oratta. ³⁶Owo ahithomeya evewu eyo vamaripuni matjese a ithapwa tja khampiri, ni khumarela ni ewero. Owo ahihela-tho ivarelelo tja wero m'miyemexeryoni, ni khwemexerya n'ivarelelo tjese tja eparata.³⁷Owo ahithomeya evewu vankhora va ehema. yatthaviye ni elinyu yopipila, yophilivila ni yoxerya, ya elinyu yorera, ola nteko wa nlipa a nteko oratta. ³⁸Owo ahipkela ekuwo eyo maripu mathanu n'ikwetjo tjaya. Owo ahimarela ikwetjo tjaya n'ilipiheryo tjaya ni ewero. Iyemetjeryo tjaya thanu tjari tja eboronze.

¹Besaleli ahipaka nivuku n'ithapwa tja khampiri. Erakamelo aya yari ya miyono minli ni nusu ekhuvelo aya yari ya mono m'motja ni nusu ni wemela waya yari ya mono m'motja ni nusu. ²Owo ahimarela ni eweroyorera n'hina ni ota ni ahirerih-tho mikala tjaya ni ewero arukurerihaka. ³Owo ahipakela maniya matjese a wero khuthipela m'malomoni mwa nivuku, meli mphantti m'motja meli mphantti nkina.⁴Owo ahipakela mithatelo tja ithapwa tja khampiri ni khumarela ni ewero; ⁵vano ivarelelo n'yo ahiviriha mphakani mwa maniya, muthatelo m'motja wa khula mphantti wira ithateliyekeno nivuku nen'no. ⁶Ahipaka-tho mukhunelo wa ewero. Erakamelo aya yari ya miyono minli ni nusu ni ekhuvelo aya yari ya mono m'motja ni nusu.⁷Besaleli ahipaka malaikha meli a wero ahihana n'inyutto khuhela vamakitseryoni meli a mukhunelo. ⁸Nlaikha nimotja vamakitseryoni ephantti emotja ni nlaikha nikina nari vamakitseryoni ephantti ekina. Malaikha awo ni mukhunelo owo tjapakiye ni ewero emotjaru tjiluttanaka. ⁹Malaikha awo yahikhalana mapuphaya ottukhuwela mutjulu wira ekhapeleleke mukhunelo. Malaikha yawo yaniwehanatsa nkina ni nkhwawe, owitho waya wanuramela mukhunelo.¹⁰Besaleli ahipaka metja n'ithapwa tja khampiri. Erakamelo aya yari a miyono minli; ekhuvelo aya yari a mono m'motja ni wemela waya yari a mono m'motja ni nusu. ¹¹Owo ahimarela ni ewero yowarya ni ahitekela-tho mukala wa wero arukurerihaka. ¹²Ahirukureriha n'ithapwa miphantti tjo tjese, ekhuvelo aya mphimo wa ntata khutekela mukala wa wero worukurerya wotene. ¹³Owo ahitototjerya maniya matjese a wero khuvareleliha matto mitjese tja metja.¹⁴Maniya awo yahintjathiya meli oholo wa makhwaya wira yakheleleke mithatelo tjapakeliye othata metja. ¹⁵Owo ahipaka mithatelo ni miri tja khampiri, khuhela ota, ni khumarela ni ewero, wira ithateliyekeno metj'awo. ¹⁶Owo ahipaka mirerelo tjinkhala vametja: iparatho, ikulyeri, ititjela ni itjaro wira tjirumeliyeke vametja vavo ni ovaheriya tjovaha tja Muluku. Owo apakale tjitthu n'yo ni ewero yowarya.¹⁷Owo ahipaka mwiri wa mithuko ni ewero yowarya yohaniya; ahipaka mwiri wa mithuko ni mwemexeryo aya ni nttoro naya. Wahipakeliya ikopho tjaya, iyemexeryo tjaya ni makukhu aya n'ikhomori tjaya tjtthu tjotene epakeliy'aya emotjaru. ¹⁸Miyono mithanu namotja tjakhuma wa khula mphantti: miyono miraru tjakhuma m'mwirini mwem'mo, ni miraru tjakhuma n'weroni. ¹⁹Mono wopasera warina ikopho ttharu ntoko ikhomori tja m'manka, ni makukhu aya ni ikhomori tjaya; ni mono nkina, ikopho ttharu ntoko ikhomori tja m'manka ni makukhu aya ni ikhomori tjaya. Yari ekhalelo emotjaru miyono tjotene tjakhuma m'mwirini m'mwe.²⁰Nttoro, na mwiei wa mithuko , tjahikhala ikopho tjese ntoko ikhomori tja m'manka, n'iyemexeryo tjaya ni makukhu aya n'ikhomori tjaya. ²¹Vathi vari makukhuwa mphantti wopasera wa miyino, epakeliyo yari emotjaru; ni vathi vari-tho makukhu mphantti wotthikela wa miyono, epakeliy'aya yari emotjaru. tjitjam'mo-tho, wahikhala vathi vakina ni makukhu wa mphantti wonattharu wa miyono, epakeliyo yari emotjaru. Tjitjam'mo mpakha miyono tjotene thanu namotja tjakhuma m'mwirini m'mwe. ²²Vathi vaya ni makukhu ni miyono epakeliy'aya yari emotjaru, tjihaniyaka n'inyutto tjipakiye n'iwero yowarya.²³Besaleli ahipaka mwiri wa mithuko ni mithuko tjaya mithanu namili, n'ipano tjaya ni mavali a etturwa tjipakiye ni ewero yowarya. ²⁴Owo ahipaka mwiri wa mithuko ni tjitthu tjinrumel'aya ni etalento aya ya wero.²⁵Besaleli ahapaka altari erupani. Owo apakale n'ithapwa tja khampiri. Erakamelo aya yari a mono m'motja ni ekhuvelo aya yari a mono m'motja. erakamelo ni ekhuvelo yanlikana yari miyono minli. Manyak'aya ni altari awo epakeliy'aya yari emotja. ²⁶Owo ahamarela ni wero altari awo a erupani yowarya, mphantti wa vatjulu, ni miphantti mikina ni manyak'aya. Ahitekela mukala wa wero.²⁷Owo ahipaka maniya meli a wero khuhela vathi va mukala, miphantti tjomili a altari a erupani. Maniy'awo yari wira tjivirihiye mithatelo tjarwaa othateliyakano altari awo. ²⁸Ahipaka mithatelo n'ithapwa tja khampiri ni khumarela ni wero. ²⁹Owo ahipaka makhura owarya ottikitthela ni erupani yowunkhela, yorera, wira tjivareke nteko wowunkheliha.

¹Besaleli ahateka altari a mikuttho ni ithapwa tja khampiri. Erakamelo ni ekhuvelo yanlikana erakamelo miyono mithanu ekhuvelo miyono mithanu wemela waya miyono miraru. ²Owo ahapakela inyaka vamalomoni matjese, yari ntoko inyaka tja emompe. Manyaka awo ni altari awo epakeliy'aya yari emotjaru, ni ahamarela altari awo ni eboronze. ³Owo ahipaka tjitthu tjotene tjinrumela altari awo: miyapu tja etturwa, ipotjolo, ipakhuli tjonyaweliya, ikarfu, n'iphatta ni miyapu tja makhala. Owo ahipaka tjitthu tjptene n'ya ni eboronze.⁴Owo ahipaka etarato ya altari, yalikana ni ntthavi na eboronze, vathi vaya wa nkhora worukurerya. Wemela waya walikana n'iriyari y'altari. ⁵Owo ahipaka maniya matjese khilipiha wa iphantti tjo tjese tja etarato ya eboronze, maniya awo yapakeliye wakhelela mithatelo.⁶Besaleli ahipaka mithatelo tja ithapwa tja khampiri ni ahimarela n'iboronze. ⁷Owo ahituphiha mithatelo n'yo m'maniyani miphantti tjominli tja altari, wira ethateliyekeno altari awo. Owo ahapaka altari ni mwiri, ohinetthu-mo.⁸Besaleli ahipaka ekamela ya eboronze ni mwemexeryo aya wiriwe ni eboronze. Owo ahipakela ilola tj'athiyana yarumela vankhora va ehema yokumana n'Apwiya.⁹Owo ahipaka-tho nikokoro. Ikuwo tja ephantti yokutsini wa nikokoro tjari tja elinyu yorika, erakamelo aya tjari tja miyono miloko muloko. ¹⁰Ikuwo n'yo tjari miloko minli ni ithomeiyaka m'maripuni miloko minli a eboronze. Ivarelelo n'ilipihiryo tja maripu tjari tja eparata.¹¹Tjitjam'mo-tho, mphantti w'onikela epheyo, tjahikhala ikuwo erakamelo aya tja miyono miloko muloko, ahithomeya ikuwo n'yo m'maripuni miloko minli, ni miyemexeryo tjaya miloko minli tja eboronze, ilipiheryo tja maripu n'ivarelelo tja ikuwo tjari tja eparata. ¹²Ikuwo tja mphantti wonikela ntjuwa tjari tja miyono miloko mithanu, m'maripuni mwaya muloko ni miyemetjeryo tjaya muloko. Ilipiheryo tja maripu n'ivarelelo tja ikuwo tjari tja eparata.¹³Ikuwo tja mphantti wonikhuma ntjuwa wa nikokoro erakamelo aya tjari tja miyono miloko mithanu. ¹⁴Ikuwo tja mphantti m'motja wa vankhora erakamelo aya tjari tja miyono muloko ni thanu. Tjathomeiye m'maripunu mararu ni iyemexeryo tjaya ttharu. ¹⁵Mphantti nkina wa vankhora, tjahikhala-tho ikuwo erakamelo aya tja miyono muloko ni thanu, tjathomeiye m'maripuni mararu n'iyemexeryo tjaya ttharu. ¹⁶Ikuwo tjotene tjarukurerya nikokoro tjatthaviye ni elinyu yorika.¹⁷²⁰Miyemexeryo tja maripu tjari tja eboronze. Ivarelelo tja maripu n'ithomelo tja ikuwo tjari tja eparata, ni ikwetjo tjotene tja maripu tjahimareliya eparata. Maripu otene a nikokoro yarokumanihiya n'ikwetjo tja eparata. Ekuwo ya vankhora va nikokoro yari ya miyono miloko minli. Ekuw'eyo yatthaviye n'elinyu yopipila, yoxerya ni yophilivila, n'ilinyu yorera yorikexa, ni yari ya miyono miloko minli. Yari ya miyono miloko minli erakamelo ni miyono mithanu ekhuvelo, ntoko ikuwo tja nikokoro. ¹⁹Maripu aya matjese ni miyemexeryo tja maripu mitjese tja eboronze ni ikwetjo tja ikuwo tari tja eparata. ¹⁸Ivarelelo ni mithomelo tjari tja eparata. Ivarelelo tjotene tja n'hemani mw'Apwiya ni tja nikokoro tjari tja eboronze.²¹Tjitthu n'ya tjotene t'itthu tjivareliyentwko w'ehema y'Apwiya, ehema ya nivuku nowatana, ntoko Moise arumalyawe olepa tjitthu n'ya. Wari ntako w'Alevi warumiyaya ni Itamari mwana a nlipa a nkuttho Aroni. ²²Besaleli mwana a Uri, mwana a Huri, a nloko y'Ayuda ahira tjotene Apwiya yanrumalyaya Moise. ²³Oholiyabi,mwana a Áhisamaki, a nloko na Dani, avara nteko wamotja ni besaleli ntoko ohotta miri, nlipa oratta, n'uxora ikuwo tja elinyu yopipila, oxora n'utthava ikuwo tja elinyu yorikexa.²⁴Ewero yotene atthu yavahalyaya evareliye miteko tjotene tja nipuro nowarya, eyo piyo, ewro yaveleliya, olemela waya yari ya italento miloko minli ni thanu na tjese n'ixekeli imiya thanu napili ni miloko miraru, ixekeli tsene tja ehema y'Apwiya. ²⁵Eparata atthu yavahalyaya olemela waya yari ya emiya emotja ya italento ni akonto emotja n'imiya thanu napili ni moloko mithanu napili ni thanu tja ixekeli, ²⁶olemela waya walikana ni tjovaha tjotene tj'atthu otene alepiye khula ntthu avahaka mphimo m'motja wala atthu eli evahaka miphimo minli, alopwana yalepiye yarina iyakha miloko minli orwaa otjulu, yari atthu ikonto miloko mithanu namotja n'ikonto ttharu n'atthu imiya thanu ni miloko mithanu alopwana, otene.²⁷Italentu emiya emotja tja eparata tjahirumela ototoxeriya miyemexeryo yja n'hemani mw'Apwiya ni miyemexeryo tja maripu a ikuwo: Khula Mwemexeryo tjarumeliya n'italeento emotha, miyemexeryo emiyammotja tjarumeliya n'italento emiya emotja. ²⁸Eparata ekonto emotja ni imiya thanu napinli ni miloko mithanu tja ixekheli yahalale, Besaleli ahipakela ivarelelo tja maripu, amarela ikwetjo tjaya, n'utotoxeriya mithatelo tjaikuwo. ²⁹Eboronze eyo yaveleliya olemela waya wari wa italento miloko mithanu na minli ni ikonto pinli n'imiya tjese tja ixekeli.³⁰Eboronz'eyo, yahipakeliya miyemexeryo tja vankhora va ehema yokumana n'Apwiya, altari n'itarato, n'itthu tjotene tjarumela altari awo tjari tja eboronze, ³¹miyemeeryo tja nikokoro, ivarelelo tjotene ta n'hemani mw'Apwiya n'ivarelelo tjotene tja ikuwo tja nikokoro.

¹Tjahikutjiya ikuwo tja elinyu yopipila, yophilivila ni yoxerya khupakiya tjowara tjonankuttho wira tjirumeleke nipuro nowarya. Awo yahipaka tjowara tj'Aroni awareleke nipuro nowarya, ntoko Apwiya yanrumalyaya Moise.²Besaleli ahipaka afodi ya wero n'ikuwo tjorika tjipipila, tjophilivila ni tjoxerya. ³Awo yahihana makukhu a wero ni khurithiya ikhulula tjikhani, wira tjitthaviye ikuwo tjorika tjopipila, tjophilivila ni tjoxerya ni elinyu yorika --- itjoriye n'uratta.⁴Awo yahottotthela maveru vefodini, attotthela iphantti tjaya pinli tjalipiha ekuwo eyo yawariyaka. ⁵Ntjako aya wa elinyu yorika, wari ntoko efod'iyo, epakeliy'aya yari emotjaru, wapakiye n'elinyu yorika yotthaviya wari worera, wopipila, wophilivila ni woxerya, ntoko apwiya yanrumalyaaya Moise.⁶Awo yahikusa maluku owrya khureriha ahiphariha khulupanyiha n'iwero akwerethaka ni yuma khulepavo matjina ána muloko neli a Israyeli. ⁷Besaleli ahittotthela vamaveruni meli a efodi, ntoko maluku owupuwelela Apwiya ána muloko neli a Israyeli, ntoko Apwiya yanrumalyaya Moise.⁸Owo ahipaka ekuwo ya vatthirima etthaviye ni ntthu oratta, alikanyihaka n'efodi. Owo apakale ni wero, n'elinyu yopipila, yophilivila ni yoxerya, ni yelinyu yorikexa. ⁹Ykhuneliya erakamelo aya yanlikana n'ekhuvelo. Erakamelo aya yari ya ntata nimotja ni ekhuvelo aya ya ntata nimotja.¹⁰Awo yahireriha ni maluku owarya yatthaviye mithinto mitjese. Nthinto wopasera ahihela maluku asrdonio, ni a topazio ni éameralda. ¹¹Nthinto wtthikela ahihela maluku a esmeralda, ni safira ni diamante. ¹²Nthinto wonattharu ahihela maluku a jacintu, ágata ni ámetista. ¹³Nthinto wonetjese ahihela maluku a berilio, óniksi ni jaspe. Maluku awo otene yalikanyiheriya mwivareleloni mwa ewero.¹⁴Maluku awo yattottheliyevo etthariheliyaka matjina ána muloko napinli a Israyeli, wa khula nluku nalepiye ntjina. Matjin'aya yahikwrethiya ntoko elatarato eri n'anelani a nkathani, wa khula ntjina nathonyiherya nloko nimotja wa malokpo ale muloko napinli. ¹⁵Ekuw'eyo yavatthirima yahipakeliya mikuhu minli tjowarya tjarithiye ntoko mikhoyi, ipakiyaka ni ewero yowarya. ¹⁶Awo yahipaka ivarelelo pinli tja wero ni maniya meli a wero ni khuvariha maniya omeli m'maveruni mw'ekuwo eyo.¹⁷Awo yahiviriha mikuhu minli tja wero m'maniyani meli m'maveruni mw'ekuwo eyo. ¹⁸Awo yahilipiha ikitsryo tja mikuhu minli mwivareleloni. Khuttotthela m'maveruni mw'efodi mphantti w'oholo.¹⁹Awo yahipakatja maniya meli a wero khuttotthela m'maveru makina meli mwa ekuwo ya vatthirima, otjulu mphantti wa n'hina. ²⁰Awo yahipaka-tho maniya makina meli a wero khuttotthela maveru makina meli mphantti w'ota w'ekuw'eyo ya vatthirima wattama nipuro ninlupanyiy'aya, otjulu wa ntjako worika w'efodi.²¹Awo yahivariha ekuwo eyo etakanihaka maniya ni maniya e'fodi evarihiyaka n'ikhulula yorika yopipila, ntoko yarerelaya otthukiya orattene otjulu wa ntjako worika wa efodi. Tjitjam'mo yapakiye wira ekuw'eyo ehitaphuwe-tho v'efodini. Ela yapakiye ntoko Apwiya yanrumalyaya Moise.²²Besaleli ahipaka nkhumi w'efodi attotthaka ekuwo yorika yophilivila --- ntek'ola wavariya ni ntthu oratta. ²³Nkhumi owo wahikhala mwithe variyari wira ewariyeke m'muruni. mwithe worukureriya n'ikuwo yolipa yoxoriya yattotthiye orattene wira nkhui owo ohikhereye. ²⁴Ephantti ya vathi, ahirukureriha ekhulula ya elinhyu yorika yopipila, yophilivila ni yoxerya ni elinyu yorikexa.²⁵Awo yahipaka ittiwi tja wero yorera, ni yahitthukwelela tsivatjanaka ni mihokhorokho tjirukureyaka m'mapontani mwa nkhumi, veri va mihikhorokho --- ²⁶ettiwi emotja ni nuhokhorokho m'motja, ettiwi emotja ni muhokhorokho m'motja ---- mpakha orukureriha ekhulula yotene ya vathi vankhumini wa Aroni. Tkjotene n'ya tjipakiye ntoko Apwiya yanrumalyaya Moise.²⁷Awo yahittotthiha malaya a elinyu yorika ya Aroni n'asanawe. ²⁸Awo yahittottha-tho ekhilempa y'elinyu yorika, ekhilempa y'onankuttho, ²⁹n'akapittula e'linyu yorika, ni ntjako w'elinyu yorika ni ya ikuwo tja elinyu yopipila, yophilivila ni yoxerya ---nteko woxoriya. Tjotene n'ya tjipakiye ntoko Apwiya yanrumalyaya Moise.³⁰Awo yapika nimettho n'ewero yowarya; awo yahihitserya -vo ni moro, ntoko mulumo ala: OTHANLELIYA APWIYA. ³¹Awo yahiphariha nimettho n'no vakhululani vekuwo yorika yopipila khuhela vakhilempani. Ahira tjitjo ntoko Apwiya yanrumalyaya Moise.Nave ahimaliha miteko tjotene tja ehema, eri ehema yokumana n'Apwiya. Atthu a Israyeli yahipaka tjotene. Awo yahitthariha ikettelo tjotene Apwiya yanttutjihalyaya Moise. Awo yahunvahererya Moise ehema y'Apwiya --- ehema n'itthu tjotene tjinrumelaya, ikwetjo, ithapwa tjulupale, n'ithapwa tjotuphiha tjikhwaya, maripu ni miyemexeryo. Nkhunelo wopakiya n'itjapala ³⁶Awo yahuwana metja, tjitthu tjotene tjinrumela n'iphawu tjovelelihiya Muluku; ³⁷mwiri wa mithuko opakiye n'iwero yowarya ni mithuko tjaya tjolikanyihiya, n'itthu tjotene tjinrumela mithuko ni makhura a mithuko; ³⁸altari a wero, makhura anttikittheliya ni erupani yowunkhela yopahiya; ekuwo ya vankhora w'ehema; ³⁹altari e'boronze n'itarato aya y'eboronze ni mithatelo tjaya ni tjitthu tjotene tjinrumela ni ekamela ni mwemexeryo aya.⁴⁰Awo yahuwana ikuwo tja nikokoro ni maripu aya ni miyemexeryo tjaya, n'ikuwo ya vankhora va nikokoro, ni mikhoyi tjaya n'ivarelelo ni tjitthu tjotene tjinrumele nteko tja n'hemani mw'Apwiya, ehema yokumana n'Apwiya. ⁴¹Awo yahuwana tjowara tjonankuttho tjinrumela nipuro nowarya, tjowara tjorerihiya tja nlipa a nkuttho Aroni n'asanawe, wira awo evareke nteko wonankuttho.⁴²Tjitjam'mo, atthu a Israyeli yahivara nteko wotene ntoko Apwiya yanrumalyaya Moise. ⁴³Moise ahona miteko tjotene tjavaralyayani ahona wira tjahivariya orattene ntoko Apwiya tjarumalyaya. Nave Moiseahareriha atthu awo.

¹Nave Apwiya yahun'himerya Moise, ²nihuku nopasera na mweri wopasera, mwemexe ehema, ehema yokumana n'Apwiya.³Mwintjathi nivuku nowatana mpani mwa ehema ni nkhunele n'evewu. ⁴Nwane metja mwintjathi-vo tjitthu tjotene tjinrumela. Nto nwane-tho mwiri wa mithuko ni mpattihe mithuko tkjaya.⁵Mwapwehe altari a wero ampahiya erupani mwapwehe oholo wa nivuku nowatana, ni nthomeye ekuwo vankhora v'ehema y'Apwiya. ⁶Mwpwehe altari a mikuttho ohgolo wa nkhora wa ehema, ehema yokumana n'Apwiya. ⁷Mpwehe ekamela eriyari y'ehema ni y'altari, ni ntjarihe matji ekamel'eyo.⁸Nthomeye ikuwo orukurerya nikokoro ni nthomeye ekuwo vankhora va nikokoro. ⁹Nkuxe makhura ottikitthela nttikitthele ehema n'itthu tjotene tjinkhala mwem'mo. Nrerihe tjitthu tjotene ithukeriye Miyo; nto tjinakhala tjorera. ¹⁰Mwarerihe altari a mikuttho rjopahiya n'itthu tjotene tjinrumela altari awo. Nkirerihele altari awo Miyo, ni awo anukhala orerexa wa Miyo. ¹¹Nrerihe ekamela y'eboronze ni mwemexeryo aya, ni nkirerihelaka Miyo.¹²Mwinrwaane Aroni n'asanawe vankhora v'ehema yokumana n'Apwiya ni mwinrapihe ni matji. ¹³Mwinwarihe Aroni tjowara tjonankuttho tjokirumelano Miyo, mwinttikitthele makhura ni Miyo kinunreriha wira akirumeleke Miyo ntoko nankuttho Aka.¹⁴Mwawane asanawe mwawarihe malay'aya. ¹⁵Nyuwo mwattikitthele makhura ntoko mwattikitthenlinyu atithyaya, wira ekirumeleke ntoko anankuttho aka.Ottikittheliya n'wo onamwakhaliha alipa a nkuttho wa mahuku otene.'' ¹⁶Ela tikhalale etthu Moise avaralyawe. Owo ahittharihela tjotene Apwiya yanrumalyaya. Owo ahipaka tjitthu n'ya tjotene.¹⁷Nto ehema y'Apwiya yahemexiya nihuku nopasera ni mweri wopasera, eyakha yonapinli. ¹⁸Moise ahemexa ehema y'Apwiya, khulipiha mwivareleloni mwaya, khuviriha ithapwa khulupaniha m'makitseryoni, ni khulipiha mwivareleloni mwaya ni m'maripuni mwaya. ¹⁹Owo ahatala ehema ekina vatjulu va ehema y'Apwiya khukhunela n'ihema ikina ntoko Apwiya yanrumalyaya. ²⁰Vano ahikusa malamulo owatana khwintjathi munivukuni. Ahiviriha mithatelo m'maniyani a nivuku ni khuhela mukhunelo vanivukuni.²¹Ahuwana nivuku n'hemani. Ahitomeya évewu wira ekhuneleke nivuku nowatana, ntoko Apwiya yarumalyaya. ²²Ahupweha metja n'hemani mokumana n'Apwiya, ephantti y'onikela epheyo wa ehema, ota w'evewu. ²³Ahithata iphawu orattene va metja oholo w'Apwiya, ntoko Apwiya yanrumalyaya.²⁴Owo ahupweha mwiri wa mithuko n'hemani ehema yokumana n'Apwiya, oholo wa metja, ephantti yokutsini wa ehema. ²⁵Ahipattiha mithuko oholo w'Apwiya, ntoko Apwiya yanrumalyaya.²⁶Ahapweha altari wero a mikuttho tjopahiya n'hemani mokumana oholo w'evewu. ²⁷Ahipaha tjowunkhela, ntoko Apwiya yanrumalyaya.²⁸Ahithomeya ekuwo vankhora va ehema. ²⁹Ahapweha altari a mikuttho vankhora va ehema, ehema yokumana n'Apwiya. Owo ahun'helela Muluku mnkuttho wopahiy valtari vavo, ntoko Apwiya yanrumalyaya. ³⁰Ahintjathi ekamela y'eboronze variyari va ehema ni altari, ni ahitjariha matji n'hina mwaya wira enyawiyeke.³¹Moise, Aroni n'asanawe yaninyawiha matataaya ni inawu tjaya nkamelani m'mo ³²wa khula nkwaha ykelaya n'hemani mokumana yanuwattama altari. Yaninyawa ntoko Apwiya yanrumalyaya Moise. ³³Moise ahuthomeya ikuwo tja nikokoro tjinrukurerya ehema n'altari. Ahuthomeya-tho ekuwo ya vankhora va nikokoro. Tjitam'mo, Moise ahumaliha nteko awe.³⁴Nave mekhulu yahikhunela ehema yokumana n'Apwiya, ni ovuwa w'Apwiya wahitjareya n'hemani mwem;mo. ³⁵Moise khawerya-tho okela n'hemani yokumana, vano okhala wira mekhulu yahitjareya n'hemani mwem'mo, ni okala wira ovuwa w'Apwiya wahitjareya n'hemani mwem'mo.³⁶³⁷³⁸Wa khula okathi nekhulu nawelaya nemelaka vatjulu v'ehema, atthu a Israyeli yanuvenya khuyetta. Vano, okathi nekhulu nahawelaya vatjulu v'ehema, nto atthu khiy'eta. Awo yanikhala mpakha nuhuku nekhulu n'ne nawelaya. Vano nekhulu n'Apwiya nanikhala mpakha nihuku notene, vano ohiyu m'moroni, wavarela n'hemani mwem'mo onamwalela

¹Apwiya yahimwihana Moise mpani mwa nthukumano, iiraka: ²''Mwahimerye atthu a Wisrayeli wira: 'Wakhula ntthu wa nyuwano ontthuna owaana yoowavaha Apwiya, nruheke yoovaha enama emotja, hata okhala yuulupale ni yankhini.³Yoovahawe yakhala nkuttho wa enyompe, owo ohana owaana yoolopwana yohikhalana eretta Mpani mwa Nthukumano, wira akheliye oholo wa Apwiya. ⁴Owo ohana wintjaatherya matata awe vamuro wa mwaminama onivahaiya nkuttho, ni nto, yoovaha eyo inimwaakheliya, wira oreelihiye.⁵Owo ohana ovaha enyompe oholo wa Apwiya. Anankuttho, anaawe Aroni, onoovaha ephome ni attikitthele vankhora wa Mpani mwa Nthukumano. ⁶Nto owo onarowa okawanyatja yoovaha eyo.⁷Ni anaawe Aroni, nankuttho, onaarowa wintjathi moro ni ikhuni waltari. ⁸Anankuttho, anaawe Aroni, anarowa wintjaathi tjana iphantti iyo tja enama, muro ni ekurtura vamoroni waltari. ⁹Vano marupo ni metto, arapiheke ni maatji. Ni nto, nankuttho opaheke tjootene waltari ntoko nkuttho. Eyo enaakumiha wunkhel ventji oholo Waka; enrowa okhala yoovaha yoopahiya wa Miyano.¹⁰Yoovaha yakhala enyompe yooxana, epwittipwitthi hata epuri, owo ohana owaana yoolopwana ekumi. ¹¹Owo inveke onikhuma ntjuwa waltari wa Apwiya. Anankuttho, anaawe Aroni, attikitthele ephome iphantti tjootene waltari.¹²Nto, owo okawanyeke iphantti tjoovirikana, otakaniha ekurtura ni muro, ni nankuttho athatanyeke waltari wamooroni; ¹³vano marupo ni metto tjirapihiyeke ni matji. Nto nankuttho ovahe iyo tjooene ni opaheke waltari. Owo nkutthoo, ni onamunkhela vooreera wa Apwiya; ontthuna okhala yoovaha ya vamoroni.¹⁴Wakhala yoovahiya Apwiya entthuna okhala axaapalame, nto yoovaha entthuna okhala matjiya walani ikhuntte. ¹⁵Nankuttho onaawaana waltari, onakhumiha muro wa axaapalame ni opaheke waltari. Nto owo ohiye ephome yeetteke waltari.¹⁶Owo okumiheke metto ni napwipwi, ni ottikheleke vatturyani, onikhuma epheyo waltari. ¹⁷Owo onthikileke mapupha, vano ohinkawanye iphantti pinli. Nto nankuttho ompaheke waltari, vaikhunini tjiri vaikho. Owo ontthuna okhala nkuttho, ni enimunkhela ventji wa Apwiy; enrowa okhala yoovahiye Owo n'hina mwa moro.

¹Ntthu awaanela yoovaha Apwiya eryene inuku, yoovaha eyo ohana okhala ephepa yoothiteya, ni otjulu waya oottiheryeke makhura. ²Owo orowaneke yovaha eyo oholo wa anankuttho, anaawe Aroni, ni nwo nankuttho okuxeke ephepa otjareya matata ni makhura ni yoowunkhula otjulu waya. Nto nankuttho owo opaheke yovaha eyo ntoko yoowupuwela waltari. Eyo enaakumiha wukhela wooreera oholo wa Apwiya. nrowa okhala yoovaha yoopahiya oholo wa Apwiya. ³Entthuna ohala mwa yoovaha eyo entthuna okhala ya Aroni ni anaawe. Tiyoovaha yowaarya ya Apwiya iye Tjinipaheriyaya.⁴Mwaavahaka nkuttho wa inuka tjoohikhala miropo, yoowoxiya wamoroni, ohanakhala makeya ooreera otakanihiy makhura, wala ephau yoolipa yoohikhalana miropo, ni yootakanihiya makhura. ⁵Wakhala yoovahinyu ya inuku yooxiye m'mwapuni ya eyuuma, ohana okhala makeya ooreera, wohikhalana miropo ni ootakanihiya makhura.⁶Nkawanye iphantti tjoovirikana ni ntakaniheke makhura. Eyo tiyoovaha ya inuku. ⁷Wakhala yoovahinyu ya inuku yooxiya m'mwaapuni, ohana okhala makeya ooreera ni otakanihiya makhura.⁸N'haana waaruhela Apwiya tjoovaha iyo tja inuku, ni ohana wooniheriya nankuttho, ontthuna owaana waltari. ⁹Nto, nankuttho onaakuxa mphantti m'motja wa inuku, tjintthuna ovahiya ntoko yoowupuwela, ni onoopaha waltari. ¹⁰Onrowa okhala nkuttho woopahiya, ni onawaanela wunkhela oholo wa Apwiya. Entthuna ohala yovahiya ya inuku entthuna okhala ya Aroni ni anaawe. Tiyoovahiya yoowarya ya Apwiya, n'hina wa iye tjoopaheriya Tjawe.¹¹Khuuvo nkuttho wa inuku tjintthunenyu wavaha Apwiya entthua oheliya miropo, n'nakhala oravo, ntoko nkuttho wa Apwiya. ¹²Nyuwano mwavaheke nkuttho Apwiya ntoko mihokorokho tjoopatjerya, vano iyo khatjintthuna okhala ntoko mikuttho tjoowunkhela waltari. ¹³N'haana otakanihaka wakhula yoovaha ni maakha. N'hihiye maakha oowatana a Muluku enyu, ohikhala n'hina mwa nkuttho enyu wa inuku. N'haana ovaha maakha wakhula nkuttho enyu.¹⁴Mwaavaha Apwiya mihokorokho tjoopatjerya, mwaavaheke inuku ikithi tjoowarikiya venkho ni, numala, tjooxiliya. ¹⁵Nto, n'heleke makhura ni tjoowunkhela. Eyo tiyoovaha ya inuku. ¹⁶Numala nankuttho opaheke mphantti m'motja wa inuku tjooxiliya, makhura ni yoowunkhela ntoko yowuupuweliya. Eyo tiyoovaha yoopahiya wa Apwiya.

¹Wakhala nttthu onvaha nkuttho worerela, onvahaka mwaminama m'motja, hata okhalaka moolopwana hata moothiyana, owo ohaana onvaha mwaminama nkumi wa Apwiya. ²Owo omwintjatheryeke ntata vamuru wa yoovaha awe ni inveke vankhora wa mpani mwa okumana. Nto anaawe Aroni, anankuttho, ohaana ottikitthela ephome ya yoovaha eyo nkherekhere mwa altari.³Nlopwana ohaana ovaha nkuttho wa Apwiya vamooroni. Ekurtura enkhala vamotja ni marupo, ⁴iphantti tjoopili, ekurtura enkhala yoovarana vamotja ni ihapa ni vamotja ni napwipwi ni marupo, --owo ohaana okhumiha tjootene. ⁵Anaawe Aroni ahaana opaha iyo waltari ntoko nkuttho, yeeyo eri vamoroni. Eyo enaarowa wunkhela wa Apwiya; entthuna okhala yoovahiya owo n'hina mwa mooro.⁶Wakhala nkuttho owo ontthuna'ya Apwiya tiwaenama; yoolopwana hata yoothiyana, owo ohaana ovaha nkuttho wooreera. ⁷Owo avaha epwittipwitthi n'hina mwa yoovaha awe, nto owo ohaana ovaha oholo wa Apwiya. ⁸Owo intjatheryeke matata awe vamuro wa yoovaha eyo ni inveke vankhora wa empa ya nthukumano. Nto anaawe Aroni attikittheleke makhura nkherekhere mwa altari.⁹Nlopwana ohaana ovaha nkuttho woopahiya wa Apwiya. Ekurtura, mwiila wootene othikiliyeke ottaiwene, ekurtura enkhuneela marupo ni ekurtura yootene eri waattamela vamaruponi, ¹⁰iphantti tjoopinli, eri eriyari, ni ekurtura eri vanapwipwini, ni marupo-owo ohaana okhumiha oteene. ¹¹Ni nankuttho opaheke tjootene waltari ntoko yoovaha ya yoolya wa Apwiya.¹²Wakhala nkuttho wa ntthu owo epuri, nto owo ovaheke oholo wa Apwiya. ¹³Owo ohaana wintjaathi matata awe vamuro wa epuri ni inveke vankhora wa mpani mwa nthukumano. Nto anaawe Aroni attikittheleke makhura nkherekhere mwa altari. ¹⁴Nlopwana avaheke nkuttho Apwiya woopahiya. Owo akhumiheke ekurtura enkhuneela marupo, ni ekurtura yootene ya vamaruponi.¹⁵Owo-tho akumiheke iphantti tjootene ni ekurtura aya, eri m'masasuni, ni ekurtura eri vanapwipwini ni iphantti tja marupo tjoopinli. ¹⁶Nankuttho opaheke tjootene n'yo waltari ntoko nkuttho woopahiya wira owaaneke wunkhela. Ekurtura yootene tiya'Apwiya. ¹⁷Entthuna okhala ntoko yooruma mpakha maloko enyu a n'hoolo wakhula nipuro nintthunenyu okhala, wira nyuwano n'hikhureke ekurtura hata ephome'''.

¹Apwiya yahin'himerya Moise, yiiraka: ²''Mwahimeerye atthu a Wisrayeli: 'Ntthu attheka voohitthuna, apakaka etthu Apwiya ahimalyaya wira ehipakiye, ni, opaka etthu ehintthunihiya, opake ntoko enihimyaya waholo. ³Akhala nankuttho otthekale khinaawanela atthu yoottheka eyo, avaheke Apwiya enama mwaha wa yottheka awe.⁴Owo ohaana owaana enama eyo oholo wa enupa ya Nthukumano, oholo wa Apwiya, omwintjatheryeke matata vamuro wa mwaaminama owo ni omwinveke oholo wa Apwiya. ⁵Nankuttho oorelihiya okuxeke ephome owaaneke Mpani mwa Nthukumano.⁶Nankuttho owo onaniheke ekatha awe ni ephome ni ittikittheleke ikwaha thanu napili oholo wa Apwiya, oholo wa nlyaya na napuro noowaarya. ⁷Ni nankuttho owo intjathiki, oholo wa Apwiya, ephome vakhani m'manyakani mwa waltari wa nkuttho, nri mpani mwa nthukumano,, ni ephome enrwa ohala iittheleke nkherekhere mwa waltari wa nkuttho, eri vankhora wa Mpani mwa Nthukumano.⁸Owo akumiheke ekurtura yootene ya mwaaminama a nkuttho: Ekurtura enkhuneela marupo, ekurtura yootene eri vamotja, ⁹maphantti opinli, ekurtura eri vamotja, ottuli wa masasu, ni oholo wa napwipwi vamotja ni maphantti opinli - owo ohaana okhumiha yootene eyo. ¹⁰Owo akhumiheke yootene, ntoko tjiniirawe nkuttho wooreera. Nto, nankuttho owo opaheke iyo waltari wa nuttho.¹¹Enama enrowa ohala, vamotja ni muro, inawu, marupo ni iphantti tjikina; ¹²wakhula mphantti wa mwaaminama onrowa ohala - owo arowaneke ota wa onxaxani, nipuro atthu aniirelihaya mwaha wa Miyano, wenwo onttikheliya ettuurya; epahiyeke tjitthu n'ye ni ikhuni. Awo apaheke tjitthu n'ye mapuro ale anttikheliya ettuurya.¹³Wakhula ntthu a Wisrayeli athheka voohitthuna ottheka, ahiitjuwele wiira ottheka, ni khupaka etthu Apwiya akhottihalyaya, ni khukhalaa nlattu, ¹⁴nto, etampi opakalyawe yatjuweliya, atthu ahaana winva enama ni awaane mpani mwa nthukumano. ¹⁵Manciyawu a mpani mwa nthukumano yintjathiki matata aya vamuro wa enama, oholo wa Apwiya, ni enama eyo yinviyeke oholo wa Apwiya.¹⁶Nankuttho oorelihiya owaaneke ephome ya mwaaminama owo Mpani mwa Nthukumano ¹⁷ni anaaniheke ekatha awe ni ephome ikwaha thanu napinli oholo wa Apwiya, oholo wa nlaya.¹⁸Owo aheeleke ephome vakhaani m'manyakani mwa altari, oholo wa Apwiya, eri Mpani mwa Nthukumano, ni oyeheryeke ephome yootene nkherekhere mwa altari a nkuttho eri Mpani mwa Nthukumano. ¹⁹Owo akhumiheke ekurtura yootene ni apaheke waltari.²⁰Eyo owo tokhalalyawe oopaka ni mwaaminama owo. Ntoko owo tjipakalyawe ni ole ooleveleliya, tjitjam'mo onaapaka ni mwaaminama owo, ni nankuttho anaamwaalompela atthu, ni awo anooleveleliya. ²¹Owo ankuxeke mwaaminama owo anrowaneke otata wa maxaxa ni ampaheke tjitjam'mo tjampakalyawe oopatjerya. Ela tiyoovaha mwaha wa yoottheka ya atthu.²²Nkhulupale attheka voohitthuna, apakaka wakhula etthu Apwiya, Muluku aya, ohimalyawe wira ehipakiye, ni, ni owo khukhalana nlattu, ²³nto, wakhala yootteka eyo owo on'nitjuwela, owaneke enama yoolopwana wira okhale nkuttho awe, yoolopwana ekumi.²⁴Owo intjaathiki matata awe vamuro wa enama eyo ni inveke naipuro onvahiya nkuttho wa Apwiya. Eyo tiyoovaha mwaha wa itampi. ²⁵Nankuttho akuxeke ephome ya nkuttho mwaha wa itampi ni ikatha tjawe ni intjaathiki m'manyakani mwa altari a nkuttho ni ephome ekina enrowa ohala oyiiheryeke nkherekhere nwa altari.²⁶Owo apaheke ekurtura yootene waltari, ntoko tjiralyawe ni ekurtura ya yoovaha yooreera. Nankuttho onlompeleke nkhulupale owo, n'hina mwa yoottheka awe, ni nkhulupale owo onaaleveleliya.²⁷Wakhula ntthu attheka voohitthuna, apakaka wakhula etthu Apwiya ahimalyaya wira ehipakiye, ni owo khukhalana nlattu, ²⁸nto, owo atjuwela yoottheka eyo apakalyawe, ohaana wiwaanela nkuttho awe epuri, yoothiyana ekumi, ntoko yoovaha mwa yoottheka awe.²⁹Owo intjathiki matata awe vamuro wa mwaaminama, oovahiya mwaha wa yoottheka, ovahaka ni invaka nipuro na nkuttho. ³⁰Nankuttho akuxeke ephome vakhani ni ikatha tjawe ni intjaathiki waltari wa nkuttho. Ephome enihala attikittheleke nkherekhere mw altari.³¹Owo akhumiheke ephome yootene, ntoko owo aakhumihawe yoovaha yooreera. Nankuttho apaheke waltari, ntoko yoowunkhela ya Apwiya. Nankuttho alompeke mwaha wa yoottheka, ni owo onaaleveleliya.³²Ntthu awaana epwittipwitthi ni nkuttho awe wakhala wooleveleliya itampi, owo awaaneke yoothiyana ekumi; ³³omwiintjatheryeke matata vamuro wa mwaaminama, a nkuttho wooleveleliyam itampi, ni omwinve ntoko yoovaha yooleveleliya itampi, nipuro na nkuttho.³⁴Nankuttho akhumiheke ephome vakhani ya nkuttho wooleveleliya itampi, ni ikatha tjawe, ni intjathiki m'manyakani mwa altari a nkuttho. ³⁵Owo attikittheleke ephome enkela ohala nkherekhere mwa altari. Owo ahiyeke ota ekurtura awe yootene, ntoko tjinkhumihiyaya ekurtura ya nkuttho wooreera ni nankuttho apaheke waltari wa nkuttho oholo wa Apwiya. Nankuttho alompeke mwaha wa yottheka, ni ntthu owo onaaleveleliya.

¹Wakhala ntthu oottheka mwaha wowira khanvahale namona etthu yaarerela onvaha namona, owo aweha hata inwa etthu tjam'mo, owo onamwaakhula. ²Hata wakhula ntthu ontthuna ovara etthu Muluku onoonawe okhala yoohiloka, hata okhala enama yookhwa ya ntakhwani, hata enama ya vate yookhwa, hata mwaminama onipurula, hata ntthu owo ohitthuna ovara, owo onaakhala onanara ni onamwaakhula.³Hata owo akwata ohiloka wa ntthu, wakhula etthu, hata vohitjuwela, nto owo onaakhwalana yoottheka atjuwela. ⁴Hata, ntthu alapha vowakuveya, hata ophelaka opaka etthu yooreera hata yoonanara, wakhula nthinto woolapha wa ntthu owo, hata voohitjuwela, owo atjuwela eyo, nto onrowa okhala yoottheka mwa tjitthu n'yo tjotene.⁵Ntthu akhalanaka tjoottheka ntokoni n'ya, owo ohaana ohimyahimya wakhula etthu opakalyawe. ⁶Nto, ohaana owaana yoovaha wa Apwiya mwaha wa yoottheka opakalawe. Enama yoothiyana, hata epwittipwitti hata epuri, yoovaha mwaha wa yoottheka, ni nankuttho onlompeleke ottharelaka mwa yootthekawe.⁷Owo ahiweryeke othuma epwittipwitthi, nto awaaneleke Apwiya, yoovaha mwa yoottheka, maciya menli hata ikhuntte pinli, emotja ovaha mwaha wa yoottheka ni ekina ovaha nkuttho. ⁸Owo ohaana onruhela nankuttho, onrowa opatjera ovaha mwaha wa yootthekawe - owo ononyopotthola exiko, vohikhla, nto, vohinkhumiha muru warutthuni wawe. ⁹Nto, owo onaattikitthela mphantti m'motja wa ephome ya oleveleliya mphantti m'motja wa altari ni ephome ekina nkherekhere wa altari. Eyo enrowa okhala yoovaha mwaha wa itampi.¹⁰Owo ohaana onvaha mwaxipalame nkina ntoko nkuttho, ntoko olempwalyaya moolelihiyani, ni nankuttho onaarowa onlompela, mwaha wa etampi awe. Nto, ntthu owo onaaleveleliya.¹¹Vano, owo ahiweryeke othuma maciya menli hata ikhuntte pinli, nto owaaneke yanamuloko erinawe ephepa ekumi. Owo ohihele makhura hata yoowunkhela, okhala wira eyo tiyoovaha mwaha wa itampi.¹²Owo orowaneke ori nankuttho, onrowa okuxa mphantti m'motja ntoko yoovaha yoowupuwela, ni nto opaheke waltari, otjulu wa tjoovahiya tjoopaheriya Apwiya. Eyo tiyoovaha mwaha wa itampi. ¹³Nankuttho onaarowa olompa mwaha wa tjoottheka tjootene etthekiye ni wakhula ntthu, ni ntthu owo onaaleveleliya. Tjoohala tja nkuttho entthuna okhala ya nankuttho, ntoko tjoovahiya tja inuku.¹⁴Nto Apwiya yahin'himerya Moise: ¹⁵''Wakhala ntthu ohiya otthara tjooruma tja Apwiya, nto opaka voohitthuna, nto owaaneke yoovahawe wa Apwiya. Yoovaha eyo ehana okhala mwaaminama nkumi; eyo ehana orukunuxiya okhala ntjurukhu - ntjurukhu wa mpani moowarya - ntoko yoovaha mwaha wa itampi. ¹⁶Owo ohaana wupuwelela yoottheka'we wa Apwiya ni mpani moowarya; ohana ohela-tho mphantti wa eneethanu wira onvahe nankuttho. Nto, nankuttho onaarowa onlompela ni mwapwittipwitthi mwaha wa yootthekawe, ni ntthu owo onaaleveleliya.¹⁷Wakhala ntthu ottheke opakaka etthu Apwiya akhottihalyaya, hata voohitjuwela, tjitjam'mo-tho owo ookhalana yoottheka, ni ohaana waakhula yootthekawe. ¹⁸Owo ohaana onwaanela nankuttho, ntoko yoovaha mwaha wa yoottheka, enama ekumi, enrowa owehawehiya. Nto, nankuttho onaarowa olompela mwaha wa yoottheka epakalyawe, hata okhalaka vohinlattu, owo onaaleveleliya. ¹⁹Tiyoovaha mwaha wa yoottheka, waholo ohaana nlattu ohoolo wa Apwiya.

¹Apwiya yahin'himerya Moise, yiiraka: ²''Ntthu attheka ohittharaka yooruma ya Apwiya, ntoko ompakela etthu yoohiloko mun'nawe ntoko etthu yoomoolela owo, hata, owo anwoka hata omwin'yerya, hata ³omoototha, hata ophwanya etthu enrimeelale ni khinootha mwaha wa yeeyo, olaphaka vowootha, hata wakhula etthu ntoko eyo, tjen'yo atthu antthekaya, ⁴nto, numala eyo okhumela ota, wakhala owo oottheka, ni khokhlana nlattu, otthikihe yin'yalyawe hata yoothalyawe, hata yoowolihiya hata yarimelale owo khuttota.⁵Hata, wakhala owo ohootha wakhula etthu, owo ohaana oreeriha voomaleliha ni ohana otakaniha ya eneethanu wira olive ele yoolihiyawe, nihiku ontthunawe wooniya wira ohaana nlattu. ⁶Nto, owo ohaana owaana yoovaha mwaha wa yootthekawe wa Apwiya: enama ekumi, entthuna okhalana ecisapo emotjaru, ntoko yoovaha yooleveleliya, owaaneliyeke nankuttho. ⁷Nankuttho onaarowa olompela mwaha wa yootthekawe oholo wa Apwiya, ni owo onaaleveleliya mwa yootthkawe''.⁸Nto, Apwiya yahin'himerya Moise, yiiraka: ⁹''Mwaahimerye Aroni ni anaaya, wira: 'Ola nkettelo wa nkuttho: nkuttho ohaana okhala vamurimani wa altari, ohiyu wootene mpakha omeelo, ni mooro wa waltari nleelo ontthuna okhala orikoopaha.¹⁰Nankuttho owareke ikuwo tjawe tja elinyu ni-tho kaputtulawe a elinyu. Owo akhupeke etturya enihala numala ovya nkuttho waltari ni intjaathiki okherekhere wa altari. ¹¹Owo aruleke ikuwo tjawe in'yo ni awareke ikuwo tjikina, wira akhuxe ettuurya aroweke ayeehiki ota wa maxaxa.¹²Mooro waltari nlelo ontthuna okhala woopatta. Owo ohitjipihiyeke ni nankuttho opaheke ikhuni wakhula vootjisu. Owo oimwintjathi yoovaha yoopahiya ntoko olipeliyaya ni opaheke waltari ekurtura ya tjoovaha tjooloka. ¹³Mooro waltari okhaleke woopatta wakhula okathi. Ohitjipihiyeke.¹⁴Ola nkettelo wa nkuttho wa inuku: Anaawe Aroni yavaheke Apwiya waltari. ¹⁵Nankuttho okuxeke mphantti m'motja wa ephepa yooloka wa nkuttho wa inuku ni makhura ni tjoowunkhela eri vatjulu wa nkuttho wa inuku ni owo opaheke waltari ntoko yoowupuwela yoohunkheriha Apwiya.¹⁶Aroni anaawe alyeeke enihala ya nkuttho. Eyo ehaana olyiya vohihela miropo nipuro noowarya. Awo alyeeke ota wa Mpani wa Nthukumano. ¹⁷Ihooxiyeke ni miropo. Miyano kaavahale mphantti aya onaarerela n'hina wa tjoovaha. Etthu yootepaxa waarya, ntoko yoovaha mwaha wa itampi ni yoovaha mwaha mwa yoottheka. ¹⁸Wakhula okathi nwa wa atthu a nloko nenyu, wakhula ntthu a nloko na Aroni van'nirerela olya ela ntoko mphantti awe, enikuxiya tjoovaha tja Apwiya. Wakhula ntthu ontthuna okwaata onaakhala waarya.¹⁹Nto, Apwiya yaahin'himerya-tho Moise, iiraka: ²⁰''Ela tiyoovaha ya Aroni ni anaawe, yeeyo awo antthunaya waavaha Apwiya nihiku antthunaya oreelihiya: mphantti wa enamuloko ya ephepa yooreera, ntoko yoovahiya ya khula nihiku, mphantti m'motja votjisu ni mphantti nkina othana.²¹Eyo entthuna opakiyaka ni makhura venkho. Yalikana nwaaneke mpaani. Iphantti tjowooxiya, nyuwano nvaheke nkuttho wa inuku ntoko yowunkhela ya Apwiya. ²²Mwanawe n'holeli a nankuttho onitthuna n'holeli a anankuttho n'hina wa anaawe avaaheke, ntoko yooruma yoohimala, tjootene n'yo tjihaana opaheriya Apwiya. ²³Wakhula yoovahiya ya nankuttho ehaana opahiya voomalela. Ehilyiyeke''.²⁴Apwiya yahin'himerya-tho Moise, iiraka: ²⁵''Mun'himerye Aroni ni anaawe, wiira: 'Ola nkettelo wa yoovaha mwaha wa itampi: yoovaha mwaha wa itampi ohaana ovahiya nipuro; etthu yoowaarya. ²⁶Nankuttho, enivahiya mwaha wa itampi, elyiyaka. Eyo ehaana olyiya nipuro noowaarya, ota wa Empa ya Nthukumano.²⁷Wakhula etthuna okwaata enama ya nkuttho entthuna okhala yoowaarya, ni, ephome aya yattikittheliya vakuwoni, nyuwaano n'haana okattha ekuwo eyo entthunaya omorela ekuwo eyo. ²⁸Vano nrinki wa oloko ontthunaaya wapeiya ohaana onyanyiya. Yapeiya mwaapu wa ebrontji, owo ohaana orapihiya ni maatji oreera.²⁹Wakhula nlopwana eriyari ya anankuttho ohaana olya mphantti wa jitthu n'ya, waholo titjoowaarya. ³⁰Waholo ehilyiya wakhula yoovaha ya itampi, ni-tho ephome ehaana owaaniya Mpani mwa Nthukumano, wira olompeliye nipuro noowaarya. Ohaana opahiya tjam'mo.

¹Ola nkettelo wa yoovaha mwaha wa yoottheka. ²Tiyoowaryaxa. Ao ahaana onvaha nkuttho mwaminama onivahiya mwaha wa yoottheka nipuro onavhiya nkuttho ni ahaana ottikitthela ephome awe iphantti tjootene waltari. ³Wakhula ekurtura aya ehaana ovahiya: ekurtura ya waamwiila, ekurtura ya m'maruponi, ⁴iphantti tjopinli ni ekurturaya, tjiri waattamela m'masasuni, ni enkhuneela napwipwi, ni iphantthi tjoopinli tja marupo - tjootene n'yo tjihaana okhumihiya.⁵Nankuttho ohaana opaha tjitthu n'ya tjootene waltari ntoko yoovaha yoopahiya wa Apwiya. Ela tiyoovaha mwaha wa yottheka. ⁶Wakhula nlopwana wa anankuttho ohaana olya ephantti ya yoovaha ela. Ehaana olyiya nipuro noowaarya, waholo tiyoowaarya.⁷Yoovaha mwaha wa itampi enolikana ni yoovaha mwaha wa yoottheka. Ekettelo emotjaru en'neettiheriya iphantti tjopinli. Eyo tiyanankuttho ontthuna walopela owenli aya. ⁸Nankuttho, ontthuna ovaha nkuttho wa ntthu, ohaana okhalana yoohala ya yoovaha eyo.⁹Wakhula yoovaha ya inuku, entthuna wooxiya nfornoni, ni yoovaha enlikanaya entthunaya warikiya impirijitelani hata vatthu vanooxiya entthuna okhala ya nankuttho ontthuna ovaha. ¹⁰Wakhula yoovaha ya inuku, hata ekhalaka yowum'ma ni yotakanihiya ni makhura, vamotjaru-tho entthuna okhala ya anaawe Aroni.¹¹Ola nkettelo yoovaha yooreerela, yeeyo atthu antthunaaya waavahaka Apwiya. ¹²Wakhala ntthu onvaha atthuna ovaha mahala, nto ohaana ovaha ni nkuttho wa iphau tjoopakiya ni miropo, ni tjootakanihiya makhura, ipahu tjoohikhala miropo, nto tjookhattiya ni makhura ni ipahu tjoopakiya ni ephepa yooreera, yootakanihiya makhura.¹³Ni-tho atthunaka ovaha mahala, owo ohaana ovaha, ni yoovaha ela yooreera, iphau tjooheliya miropo. ¹⁴Owo ohaana ovaha emotja ya khula nthinto wa mikuttho n'yo ntoko yoowaavaha Apwiya. Eyo entthuna okhala ya nankuttho ontthuna ottikitthela ephome ya yoovaha waltari.¹⁵Ntthu onvaha yoovaha yooreera ni otthunaka ovaha mahala ohaana okhuura enamene nihiku na nkuttho. Owo ohihiye etthu mpakha oxeleliya. ¹⁶Vano, wakhala yoovahawe eyo yaari ya natiri, hata yoovaha yowaakuveya, enemane ehaana okhuuriya nihiku owo onvahawe nkuttho, nto wakhula etthu entthuna ohala elyiyeke nihiku nikina.¹⁷Wakhula mphantti, wakhula enama ya nkuttho, entthuna ophiya nihiku na eneeraru, ehaana opahiya. ¹⁸Wakhula enama ya nkuttho wooreerela ya ntthu yakhuriya nihiku na eneeraru, eyo khentthuna waakheliya, hata khentthuna okhalana nrerelo ntthu ovahale. Entthuna okhala etthu yoonanara, ni ntthu ontthuna olya onaakhalana etampi.¹⁹Wakhula enama entthuna okwata etthu yoonanara ehikhuuriye. Ehaana opahiya. Enama ekina, wakhula ntthu oreera okhureke. ²⁰Wa tjootene, ntthu oohiloka, ontthuna okhuura enama ya nkuttho wooreera eri ya Apwiya, ntthu owo ohana winviya eriyari ya atthu awe.²¹Akhaa ontthuna okwata etthu yoohiloka - hata ohiloka wa nlopwana, hata ohiloka wa etthu yootakhala, hata etthu ekina yooholoka hata yoothanyeya, ni owo numala okhura enama ya nkutth wa Apwiya, ntthu owo ohaana winviya eriyari ya atthu awe''.²²Nto Apwiya yahin'himerya Moise, wira: ²³''Mwahimerye atthu a Wisrayeli wira: 'N'hikhure ekurtura ya enyompe hata epwittipwitthi hata ya epuri. ²⁴Ekurtura ya enama ekwiiye vohikhala ya nkuttho, hata enama yinviye ni mwaminama a ntakhwani, ehana ovareliya nteko nkinaku, nto vekhweeli n'hikhuure.²⁵Wakhula ntthu ontthuna okhuura ekurtura ya khula enama entthuna ovahiya ntoko yoovahiya yoopahiya wa Apwiya ohaana winviya eriyari ya atthu awe. ²⁶N'hiikhureereke ephome m'mawan'nyinyu moothene, hata ya mwaaxipalame hata ya mwaminama. ²⁷Wakhula ntthu ontthuna okhura ohaana winviya eriyari ya nloko nawe''.²⁸Nto Apwiya yahin'himerya Moise, wiira: ²⁹''Mwahimerye atthu a Wisrayeli wira: 'Ole ontthuna waavaha nkuttho woorerela Apwiya ohaana waaruhela Apwiya yoovaha eyo. ³⁰Yoowavaha Apwiya ehaana opahiya ni owaaniya ni matataya. Owo ohaana owaana ekurtura ni ephantti yooreerela wira ekhale yoovaha yoottittimiheya, yoowaniya oholo wa Apwiya.³¹Nankuttho ohaana opaha ekurtura waltari, nto epeto ekhaleke ya Aroni ni otjuulu awe. ³²Nyuwano mwaavaheke anankuttho etara ya moono woolopwana ntoko yoowarerela, mphantti wa nkuttho wa yoovaha enyu.³³Nankuttho, wa m'motja wa otjuulu wa Aroni, onivaha ephome ya nkuttho woorerela ni ekurtura - owo okhalaneke etara ya moono woolopwana ntoko yonrerelawe ya yoovaha. ³⁴Waholo miyano kin'nikuxa eriyari ya atthu a Wisrayeli epeto ni etara enivahiyaka Miyano, ni Miyano kin'novaha Aroni, nkhulupale a anankuttho; iyo tjintthuna okhalaka miphantti tjoovaha tja atthu a Wisrayeli.³⁵Ola mphantti wa Aroni ni otjuulu awe wa tjoovaha tjoopaheriya Apwiya, nihiku Moise awoniheralyawe waarumela Apwiya nteko wa onankuttho. ³⁶Ola tori mphantti Apwiya yaarumalyaya wira avahiyeke atthu a Wisrayeli, nihiku owo arelihalyawe anankuttho. Owo tuntthuna okhala mphantti aya wa maloko othene.³⁷Ela ekettelo ya nkuttho, yoovaha ya inuku, yoovaha mwaha wa itampi, yoovaha mwaha wa yoottheka, yoovaha yoorelihiya, ni nkuttho woorerela, ³⁸tjen'yo Apwiya yanrumalyaya Moise Omwaako Sinayi nihiku aarumalyawe atthu a Wisrayeli wira avaheke nkutho aya wa Apwiya Omwaako Sinayi'''.

¹Apwiya yahin'himerya Moise, yiiraka: ²''Munkuxe Aroni ni anaawe, ikuwo tjawe ni makhura oorelihiya, enama ya nkuttho wa itampi, inama pinli ni ettanka ya iphau tjoohikhla miropo. ³Mwaathukumanye ntthu othene Mpani mwa Nthukumano''.⁴Nto, Moise ahipaka tjitjam'mo Apwiya yahimalyaya, ni atthu yahithukumana vankhora wa Enupa ya Nthukumano. ⁵Moise ahahimerya atthu: ''Tiila Aapwiya ahimalyaya wira yiiriyeke''.⁶Moise ahin'waana Aroni ni anaawe, ni aharapiha ni maatji. ⁷Owo ahinwariha Aroni nlyaya ni khunviriha mphantti nkina nxikoni mwawe, ahinwariha nlaya noolemela ni nlyaya nonankuttho. Nto, owo ahintthukwa ni nlyaya noonankuttho ni khunwariha-tho ntjako wootthaviya tjaana.⁸Owo ahintjathi epeitoral wa Aroni. N'hina wa epeitoral eyo, ahintjaatherya Urim ni Tumim. ⁹Owo ahintjathi-tho etthu ekina m'muruni mwawe. Etthu iyo, elamina ya ewero, ekhaara yoowaarya, ntoko tjaarumale Apwiya.¹⁰Moise ahikuxa makhura oorelihiya, ahireeliha enupa ya nthukumano i tjitthu tjootene tjaarimo oholo wa Apwiya. ¹¹owo ahittikitthela makhura waltari ikwaha thanu napili ni tjitthu tjootene tjaariw, ni ebaciya ni yoolipiha, wira areelihele Apwiya.¹²Owo ahihela makhura oorelihiya vamuro wa Aroni ni ahinreliha oholo wa Apwiya. ¹³Moise ahawaana anaawe Aroni khwaawariha ni malaya. Owo ahatthukwelela mikhoyi tjooreera m'muthanani mwaya ni ahatthukwa miru tjaya, ntoko tjaarumalyaya Apwiya.¹⁴Moise ahiwana epwittipwitti ntoko yoovaha mwaha wa itampi, ni Aroni ni anaawe yahintjaathi matataya vamuru wa epwittipwitthi yeeyo yawanyalyaya ntoko yoovaha mwaha wa itampi. ¹⁵Owo ahimwinva, ahikuxa ephome awe ni ikatha khuttikitthela m'manyakani mwa altari; ahinreeliha altari, ahittikitthela ephome nkherekhere mwa altari ni ahinreeliha oholo wa Muluku ntoko olompa wooleveleliya itampi.¹⁶Owo ahikumiha ekurtura yootene yaari m'maruponi, yaakhuneela napwipwi, ni ipahntti pinli tja marupo ni ekurtura yaari kherekhere mwaya, ni Moise ahipaha tjootene n'yo waltari. ¹⁷Nto epwittipwitthi, nrapala nawe ni enamawe, mpakha tjitthu tjikina tjaahipahiya, ota wa maxaxa, tjitjam'mo tjaarumale Apwiya.¹⁸Moise ahinwaana epwittipwitthi wira evahiye nkuttho, ni Aroni ni anaawe yahintjaatherya matataya. ¹⁹Owo ahinva ni ahittikitthela ephome aya wakhula mphantti wa alatari.²⁰Owo ihakawanya enama ele iphantti tjoovirikana ni khupaha muro, ni iphantti iye ni ekurtura. ²¹Owo ahirapiha marupo ni metto ni maatji ni khupaha waltari. Owo waari nkuttho wowunkhela, yoovaha yoopaheriya Apwia, tjitjam'mo Apwiya yanrumalyaya Moise.²²Nto Moise ahoniherya eama ekinaku, ooreeliha, ni Aroni ni anaawe yahintjatherya matata aya vamuru va enama. ²³Aroni ahimwinva, ni Moise ahikkuxa ephome vakhani ni khunttikitthela Aroni on'yaruni wawe mono woolopwana. ²⁴Owo ahaawaana anaawe Aroni khwaattikitthela ephome vakhani nkherekhere wa n'yaru naya moono woolopwana, veekathani yuulupale ni valipwini. Nto, Moise ahittikhela makhura wakhula mphantti wa altari.²⁵Owo ahikhupa ekurtura, mwiila wootikana, ni ekurtura yootene yaari m'maruponi, yaakhuneela napwipwi, iphantti tjoopinli tja marupo ni ekurtura yaakhuneela, ni etara moono woolopwana. ²⁶Ni nttankani mwa iphau tjoohikhala miropo, ekina yoopakiya ni makhura ni ekiya ya makeya ooxileya, ni khuhela n'hina mwa ikurtura ni vatarani mooo woolopwana. ²⁷Owo ahintjaathi tjootene m'matatani mwa Aroni ni m'matatani mwa anaawe ni ahivaha ntoko yoovaha oholo wa Apwiya.²⁸Nto, Moise ahikuxa tjootene m'matatani mwaya ni khupaha waltari wira okhale nkuttho. Eyo yaari yovaha yoorelihiya, wunkhela wonrerela Muluku. Yaari yovahiya yoopaheriya Apwiya. ²⁹Moise ahikuxa epeto ni khuvaha ntoko yoovaha yoottekenyeya oholo wa Apwiya. Owo waari mphantti wa enama yonrerela Moise, yooruma ya anankuttho, ntoko Apwiya yaarumalyaya.³⁰Moise ahikuxa makhura oorelihiya ni ephome yaari waltari; khunttikitthela Aroni, nkuwoni mwawe, n'hina wa anaawe ni ikuwo tja anaawe. Tjitjam'mo, owo ahinreliha Aroni ikuwo tjawe, ni anaawe ni ikuwo tjawe oholo wa Apwiya.³¹Nto, Moise ahin'himerya Aroni ni anaawe: ''Mwaapeye enama yankhora wa enupa ya nthukumano, ni vavo nkhuure ni iphau eri ntankani mwa oreelihiya, tjitjam'mo tjihimalyaaka, wira: 'Aroni ni anaaya alye eyoolya eyo'. ³²Ni entthuna ohala ya enama eyo ni ephau nyuwano n'haana opaha. ³³Ni nyuwano n'hikhume vankhora va enupa yookumana n'hina mwa mahiku thanu napili, mpakha mahiku ahimiye amalele. Waholo animoorelihani n'hina mwa mahiku thanu napili.³⁴Eyo epakiye nihiku nlo ahimale t'Apwiya wira epakiye. ³⁵Nyuwano nkhale othana ni ohiyu, n'hina mwa mahiku thanu napili, vankhora wa Enupa ya Nthukumano, ni mpwehe ehimamyale Apwiya, wira n'hikhwe, okhala wira tiyeeyo enrumaka''. ³⁶Nto, Aroni ni anaawe yahipaka tjitthu tjootene Apwiya yaarumalyaya n'hina mwa Moise.

¹Nihiku na enethanu nattharu, Moise ahimwiihana Aroni, anaawe ni manciyawu a Wisrayeli. ²Owo ahin'himerya Aroni: ''Munkuxe mwaaminama m'motja wira munvahe mwaha wa itampi ni enama ekina yoohikhala ereeta wira nvahe nkuttho, ni nvahe oholo wa Apwiya.³Nyuwano mwahimerye atthu a Wisrayeli wira: 'Nkuxe enama yoolopwana wira nvahe mwaha wa itampi, ni bezeru ni epwittipwitthi, tjootene tja eyakha emotja ni tjoohikhalana eretta, wira nvahe nkuttho; ⁴ni nkuxe enyompe ni epwittipwitthi wira nvehe nkuttho woorerela, wira nvahe nkuttho oholo wa Apwiya, ni yoovaha ya inuku tjooheliya makhura. Okhala wira olelo Apwiya animoorya wa nyuwano''. ⁵Nto awo yahiwaana tjoothene Moise tjaahimalyawe n'hina mwa enupa ya nthukumano, ni atthu ootthene a Wisrayeli yaahaattamela khweemela oholo wa Apwiya.⁶Numala, Moise ahira: ''Tiiyo Apwiya ahimalyaya wira epakiye, ni nto waarya Waya onimooryelani''. ⁷Moise ahin'himerya Aroni: ''Nwe waattamela waltari wira nvahe yoovahenyu mwaha wa itampi ni nkuttho. Mwiilompele vekhiinyu ni atthu akina, ni navhe nkuttho mwaha wa atthu, wira mwiilompele, tjitjam'mo Apwiya ahimalyaya''.⁸Aroni ahirowa oholo wa altari ni khuvaha nkuttho wa bezeru mwaha wa itampi, waari wa wawe. ⁹Anaawe Aroni yahinwaanela ephome, nto, owo ahinaaniha ekatha awe ni ephome ni khuhela m'manyakani wa altari. Numala, ahiyeeherye ephome nkherekhere mwa atari.¹⁰Wa tjoothene, owo ahipaha ekurtura, iphantti tjoopili tja marupo ni ekurtura yaakhuneela napwipwi waltari, ntoko yoovaha mwaha wa itampi, ntoko Apwiya yanrumalyaya Moise. ¹¹Ni ahipaha enama ni tjikina ota wa omaxaxani.¹²Aroni ahivaha nkuttho, ni anaawe yahinvaha ephome, yeeyo owo attikitthelalyawe waltari. ¹³Numala, awo yahinvaha nkuttho, iphantti ni mphantti, vamotja ni muru, ni owo ahipaha waltari. ¹⁴Nto, ahikuxa marupo ni metto ni ahivaha nkuttho waltari.¹⁵Aroni ahivaha nkuttho mwaha wa atthu - epuuri yoolopwana - numala ahikuxa ntoko nkuttho mwaha wa itampi ni khiiva; owo ahivaha nkuttho mwaha wa itampi, ntoko tjaapaalyawe woopatjeryani. ¹⁶Ahivaha nkuttho ni khuvaha ntoko Apwiya yaahimalyaya. ¹⁷Owo ahivaha nkuttho wa inuku ni khuutjariha m'matatani mwawe ni khupaha waltari, vamotja ni nkuttho wa voocisu.¹⁸Owo-tho ahivaha enyompe ni epwitipwitthi, nkuttho wa yoovaha mwaha wa itampi mwaha wa atthu. Anaawe Aroni yahaavaha ephome, yeeyo owo attikitthelalyawe waltari woothene. ¹⁹Wa tjoothene, yahikumiha ekurtura inama tjoopili, ekurtura yaakhuneela marupo, ni iphantti tjoopili tja marupo ni ekurtura yaakhuneela napwipwi.²⁰Awo yahikuxa iphantti iyo tjaakumihiye yahihela vapeto, ni Aroni ahipaha waltari. ²¹Aroni ahivaha epeto ni etara moono woolopwana otjuulu ntoko yoovaha wa Apwiya ni ahinvaha Owo, ni tjitjam'mo Apwiya yanrumalalyaya.²²Nto, Aroni ahivenxa matata awe oholo wa atthu, ni khaareliha. Numala ovaha yoovaha mwaha wa itampi, nkuttho, yoovaha yoorerela, owo ahikhuruwa. ²³Moise ni Aroni yaahikela Mpani mwa Nthukumano, ni numala yaakhuma-tho khwaareliha atthu, ni waarya wa Apwiya yahaaweela awo thene. ²⁴Ahiwa mooro wa Apwiya ni khupaha nkuttho woothene waltari. Numala atthu ale othene woona eyo, awo yahikhuwela ni khukokhora, ni ethoni vathi.

¹Natabi ni Abiyu, anaawe Aroni, wakhula ntthu ahikuxa ekhantiyero awe yoowunkheliha, yahihela mooro numala khuhela yoowunkhela. Waholo, yahivaha mooro woohitthuneya oholo wa Apwiya, yoowo Owo ahaarumaalyaawe. ²Mwaha wa yeeyo, wahikhuma mooro wa Apwiya ni wahapaha; ni yahikhwa ohoolo wa Apwiya.³Nto, Moise ahin'himerya Aroni: ''Tiyeeyo Apwiya yaahimyaya yiiraka: 'Miyaano knamooniherya waarya Waka wa ale antthuna okaattamela ni kinaavuwihiya oholo wa atthu otene'''. Ni Aroni ahimaala. ⁴Moise ahimwiihana Misayeli ni Elisafa, anaawe Usiyeli, tata awe Aroni, ni ahahimerya: ''Mwaattamele ni mwaawani axin'ninyu ota wa omaxaxani, oholo wa etabenakulu''.⁵Tjitjam'mo, awo yahaattamela ni yahikuxiya, awaralene ikuwo tjaya tja onankuttho, arowaniyaka ota wa maxaxa, tjitjam'mo tjahimalyawe Moise ⁶ahin'meeralyawe Aroni, Elizari ni Itamari, anaawe: ''N'hihiye ikharari tja m'muri mwinyu tjikhalaka tjoohiloka ni n'nakhala n'hikhere ikuwo tjinyu, wira n'hikhwe n'nakhala Apwiya ahinanariye ni atthu othene. Wa tjotene, mwahiye amutjiinyu, atthu oothene a Wisrayeli, awunlele ale apahiye ni mooro wa Apwiya. ⁷N'hihiye nkhora wa Mpani mwa Nthukumano, wira n'hikhwe; waholo makhura ooreliha a Apwiya ari wa nyuwano''. Awo yahira tjitjam'mo, attharaka tjahimalyawe Moise.⁸¹¹Apwiya yahin'himerya Aroni, wiira: ⁹''Mwaakelaka Mpani mwa Nthukumano, n'himurye evinyu n'nakhala etthu ekina enihapala, n'nakhala nyuwano, n'nakhala aniinyu ari ni nyuwano, wira n'hikhwe. Ola ontthuna okhala nkettelo wa atthu othene a maloko oothee, wira nkhaleke ¹⁰oovirikaniha yooreera ni yootakhala, yooreera ni yoohiloka, wira n'wintthutjiheke atthu a Wisrayeli ikettelo tjoothe Apwiya an'himeralyaya Moise''.¹²Moise ahin'himeerya Aroni, Eliyazari ji Itamari, anaawe yahalale: ''Nkuxe yoovaha ya inuku ehalale tjoovaha tjoopaheriya Apwiya, nlye voohikhala miropo, waltari, waholo eyo tiyoowarya. ¹³Nyuwano nlye nipuro noowaarya, okhala wira owo mphanttinyu ni wa aniinyu, wa tjoovahiya tjoopaheriya Apwiya, okhala wira kirumiye tjitjam'mo.¹⁴Epeto ni etara ya yoovaha anivahiya Apwiya, nyuwano nlyeke nipuro nooreera, enitthuneya oholo wa Muluku. Nyuwano, aniinyu alopwana ni athiyana n'haana olya iphantti iye okhala wira titjen'nyu tjivahiyeenyu nyuwano ni aniinyu ntoko yoovaha yoorerela enikhumawa tjoovahiya tja atthu a Wisrayeli. ¹⁵Etara eri yoovahiya Apwiya ni epeto ya yoovaha ehana owaaniya vamotja ni tjoovahiya tja ekurtura yoopahiya, wira tjiikhale tjoovahiya Apwiya. Iyo tjintthuna okhala tjawinyu ni aniinyu, ntoko yoohalana voohimala, ntoko tjihimalyaya Apwiya.¹⁶Nto, Moise ahikoha mwaha wa epuri yoolopwana ya nkuttho ni ahoona wira eyo yoopahiya. Tivo, owo ahinyoonyiya ni Eliyasari ni Itamari, anaawe Arono yahalale. Owo ahira: ¹⁷''Mwaha wa xeeni n'hilyiin'yeenyu n'hina mwa etabernakulu? Okhala wira eyo tiyoowaarya, moonaka wira Apwiya yoovahaleni eyo wira okhume otakhala eriyarinyu ni wira atthu akhale oolompeliya oholo Wawe. ¹⁸Ephome ya nkuttho khiyaawaniye n'hina mwa etabernakulu; tivo, nyuwaano mwahana olya nkuttho n'hina mwa etabernakulutjitjam'mo tjoohimeralyakani''.¹⁹Nto, Aroni ahimwaakhuma Moise. Owo ahira: Awo avaha yoovaha mwaha wa itampi tjaya ni nkuttho aya oholo wa Apwiya eyo yiraneyale olelo. Miyano kalyaale yoovaha mwaha wa itampi olelo, eyo yaamwaatjivela Apwiya?''. ²⁰Numala winwa moolumo awo, Moise vahintjivela.

¹Moise ahin'himerya Moise ni Aroni, wira: ²''Mwahimerye atthu a Wisrayeli, wira: 'Iya tjiri inama tja vatthayani tjintthunenyu okhura.³Nyuwaano nkhureeke inama tjootene tjirina makharu okawaneya ni anitaphwela iyoolya. ⁴Wa tjotene, inama tjikina tjinitaphwela iyoolya i tjirina makharu okawaneya, nyuwano n'hikhuure. Inama ntoko ikamelo, okhala wira iyo tjin'nitaphwela, nto kharina makharu okawaneya. Vano, ekamelo entthuna okhala yoohirerela wa nyuwano.⁵Ni-tho inama tja m'malukuni, okhala wira en'nitaphwela iyoolya vano khatjirina makharu ookawaneya, tjintthuna okhala tjoohirerela wa nyuwano. ⁶Ni namarokolo, okhala wira on'nitaphwela iyoolya, nto khorina makharu ookawaneya, ontthuna okhala oohirerela wa nyuwano. ⁷Ni ekuluwe, hata ekhalanaka makharu ookawaneya, khentaphwela eyoolya, ntoko entthuna okhala yoohirerela wa nyuwano. ⁸Nyuwano n'hikhure enama aya, n'nakhala okwata ihalahala tjaya. Iyo tjintthuna okhala tjoohiloka wa nyuwano.⁹Inama tja m'matjini tjikhanlenyu ookhura titjen'ye tjirina makhuva nkherekhere ni tjiniwooma, hata m'matjini ni m'muro. ¹⁰Nto inama tjootene tjihirina makhuva nkherekhere n'nakhala tjihiniwoma, m'matjini ni m'muro, vamotja ni iye tjiniipurula m'matjini ni tjootene tjinkhala m'matjini, nyuwano n'nyokheke.¹¹Wonaneyaka wira iyo tjihaana okhala tjoonyokheya, nyuwaano n'hikhureke inama tjaya; ni-tho ihalahala tjaya tjihana okhala tjoonyokheya. ¹²Tjootene tjihirina makhuva nkherekhere ni tjihiniwoma m'matjini tjihana okhala tjoonyokheya wa nyuwano¹³Axaapame nkhaleenyu owaaanyokha ni ohaakhura taala: xawawe, aputri, ¹⁴xawawe a m'matjini, wakhula mwxipalame nkina, ¹⁵wakhula nthinto wa nakhuku, ¹⁶ekuruja yookhala manyaka ni ekuruja ya iphantti tjoorekama, ekaivota ni wakhula nthinto wa ekaviyawu.¹⁷Nyuwo -tho n'haana onyokha ekoruja yankhiini ni yuulupale, ekormorawu, ¹⁸ekoruja yoottela ni ya vatjasarini, xawawe om'mitjerya, ¹⁹esekonya, wakhula nthinto wa ekarasa, epopa ni wilema.²⁰Itjoope tjootene tjirina metto mitjese tjihaana onyokhiya wa nyuwano. ²¹Wa tjotene, nyuwaano nkhureke wakhula etjoope enivava ni-tho tjineetta ni metto, eyo yakhalana metto tjookhoromana tjinwerya otuphela vathi. ²²Ni-tho nyuwano nkhureke wakhula nthinto wa elokusta, elipelela, yiipo wala etjoope. ²³Nto tjinivava tjootene tjinkhalana metto mitjese tjihaana okhala tjoonyokhiya ni nyuwano.²⁴Nyuwano n'naakhala oohiloka, mpakha winla, mwaha wa inama iya, mwakwata ihalahala tjaya. ²⁵Ni wakhula ontthuna okwata ihalahala tjaya ohaana okattha ikuwo tjawe ni ontthuna okhala oonyokheya mpakha winla.²⁶Wakhula enama enkhalana makharu ookawaneya ohikawaneya voomalela ni ole ohin'taphwela eyoolya entthuna okhala yohiloka wa nyuwano. Wakhula ole ontthuna okwata onaanyokheya. ²⁷Wakhula enama eneetta ni metto tjaya n'hina a inama tjineeta tjineetta ni metto tjaya mitjese, iyo tjintthuna okhala tjoohiloka wa nyuwano. Wakhula ntthu ontthuna okwata wakhula makhotji aya onaakhala onanara mpakha winla. ²⁸Ni wakhula ntthu ontthuna okwata makhoji awo ohaana okattha ikuwo tjawe ni onaakhala onanara mpakha winla. Inama iya tjintthuna okhala tjoohiloka wa nyuwano.²⁹Inma tjiniipurula vathi, tjihintthuneenyu okhura tin'ya: edoninya, tthoro, wakhula nakhwiitti muulupale, nakhwiitti, nakhwiitti ovirikana nthinto aya, ³⁰nakhwiitti, nakhwiitti a m'mithakani ni namanriya.³¹Eriyari wa axinaama otheene aniipurula, ala tantthuna okhala oothanyeya wa nyuwano. Wakhula m'motja ontthuna waakwata, ookhwa, n'naakhala okhala oothanyeya mpakha winla. ³²Ni, wakhula inama n'nya tjamora khumorela wanipuroni, etthuna iyo entthunaya okwata entthuna okhala yoonanara; hata ekhalaka ya ethaapwa, ekuwo, hata nlaya na etjako. Khivanirela mphantti entthuna okhala hata entthunaya ovareliya. Nto, entthuna okhala yooreera. ³³Wakhula mirinki tja oloko, n'hina hata wakhula enama entthunaya omorela, wakhula enthuna okhala n'hina mwa nrinki enoonanara ni nyuwano n'haana onyanya.³⁴Wakhula yoolya ekumi, enrerela olya, nto khumoreliya i etthu yoonanara, enaakhala yoonanara. Ni wakhula evinyu ya m'murinkini m'mo entthuna okhala yoonanara. ³⁵Wakhula etthu entthuna omoreliya ni etthu yohiloka, enaakhala yonanara, hata okhala efornu hata mwaapu onapen'ya. Tjihaana opwexiya iphantti tjoovirikana. Iyo titjoonanara ni tjihaana okhala tjonanara wa nyuwano.³⁶Mapuro anrikiya maatji omuurya anaakhala ooreratjitthu n'ya tjamorelamo; vano ntthu akwatiha nikhotji noonanara m'maatjini, onaakhala onaanra. ³⁷Wakhula nikhotji noonanara namorela n'hina mwa ipyo tjintthuna waaliya, epyo eyo nlelo entthuna okhala yoonanara. ³⁸Vano, epyo eyo yakhala m'maatjini ni khumoreliya ni etthu yoohiloka, nto entthuna okhala yoonanara wa nyuwano.³⁹Wakhula inama n'ye nyuwano tjinoorerelani okhura yakha, nto, ole ontthuna okhata onakhala onanara mpakha ohiyu. ⁴⁰Ni wakhula ontthuna okhura enama eyo ohaana okattha ikuwo tjawe ni onaakhala onanara mpakha winla. Ni wakhula ole ontthuna oteexa inama n'ye tjookhwa onaakhala onanara.⁴¹Wakhula inama tjiniipurula vathi tjinaakhala tjoonyokheya wa nyuwano; tjihikhuuriyeke. ⁴²Wakhula enama eniipurula ni erukulu, ni tjoothene tjineetta ni metto mitjese, wala wakhula inama tjirina metto tjintji - wakhula inama tjineetta vatthayani - nyuwano n'hikhureeke, waholo iyo tjihaana othnyiya.⁴³Nyuwano n'hikhaleke oonanara mwaha wa inama tjiniipurula. Nyuwano n'hikhaleke owinanariha ni iyo, okhala wira iyo tjinimoonanarihani. ⁴⁴Waholo Miyano k'Apwiya, Muluku enyu. Nyuwano mwikhaliheke oowarya. Vano, nkhaleke Owarya okhala wira Miyano koowarya. Nyuwano n'hinanarihe ni wakhula enama ya ntakhwani. ⁴⁵Waholo Miyano k'Apwiya, yookumihaleni elapo ya Wegitu, wira okhale Muluku enyu. Vano, nyuwano n'hana okhala owaarya, waholo Miyano Koowarya.⁴⁶Ola tori nkettelo mwaha wa inama, okhuma axaapalame mpakha inama tjootene tjinvava ni tjiniipurula, ⁴⁷tjen'yo tjinvirikanyiya mwaha wa tjooloka ni tjoohiloka. Ni inama tjinkhuriya ni tjikina tjikina tjihinkhuriya.

¹Apwiya yahin'himerya Moise: ²''Mwahimerye atthu a wisrayeli wira: 'Nthiyana arupala khun'yara mwana, owo onaarowa okhala onanara mahiku thanu napili; tjitjam'mo ontthunaya okhala oonanara mahiku oophiyaka thanu napili mwa mahiku awe a nthiyana. ³Nihiku na enethanu nattharu, ohana mwana owo wun'nuwihiya.⁴Nto mahiku oowireliha mayawe mwaha wa ephome awe entthuna oyiheyaka, onaakhala n'hina mwa mahiku miloko miraru ni mararu. Owo ohkwate etthu yoowarya n'nakhala ophiya nipuro na nthukumano, mpakha omala mahiku a orelihiya wawe. ⁵Nto owo an'yara mwaha nthiyana, nto, owo onrowa okhala hiloka n'hina mwa mahiku muloko ni itjese, ntoko owo onkhalawe n'hina mwa mahikuwe oorelihiya. Tjitjam'mo, nthiyana owo ohana okhala mahiku oophiyaka miloko thanu namotja ni thanu namotja.⁶Numala mahiku oowireliha yaamala, mwaha wa mwana nlopwana hata nthiyana. Owo ohaana onwana mwapwittipwitthi a eyakha emotja, wira ovahiye nkuttho ni ekhuntte emotja yoolopwana hata yoothiyana, ntoko yoovaha ya itampi oholo wa nankuttho ota wa Mpani mwa Nthukumano.⁷Vano owo onaavaha oholomwa Apwiya ni onoonlompela, tuntthunawe orelihiya wa ephome awe. Ola tori nkettelo, wa nthiyana onin'yara mwana nlopwana hata nthiyana. ⁸Owo aahiwerye ovaha epwittipwitthi, nto owo akuxeke ikhuntte tjoolopwana pinli hata tjoothiyana pinli.'

¹Apwiya yahin'himerya Moise ni Aroni, wira: ²''Akhala ntthu ontthuna wiipa varutthuni vawe, hata nikhwatta, hata nikhwatta noowarya ni nlo khukhala nooraveya, nto ntthu owo ohana orowaniya wa Aroni, nkhulupale a anankhuttho, hata wa m'motja wa anaawe, anankuttho.³Nto nankuttho owo onaawehaweha nikhwatta na varutthuni vawe. Wakhala ikharari tja vanikhwattani vawe tjinoottela, ni nipuro wiixa khuvikana erutthu, nto eyo eretta yooraveya. Numala nankuttho owehaweha, owo onaahimya wira toonanara. ⁴Vano malepa oowarya a varutthuni vawe yakhala oottela ni nipuro nlo nahikhale noowixa ovikana enama ni ikharari tja nipuro nlo tjahiittela, nto nankuttho ohaana onvitha ntthu owo onwereya n'hina mwa ahiku thanu napili.⁵Nihiku na eneethanu napili, nankuttho ohaana onwehaweha wira awehe, wakhala wa miruku tjawe, wakhala oretta owo khotempe n'naakhala khuulan'ne erutthu yootene. Akhala khanuulan'ne, nto nankuttho ohaana onvitha'tho n'hina mwa mahiku thanu napili. ⁶Nihiku na eneethanu namotja, nankuttho ohaana'tho onwehaweha wira awehe, wakhala nipuro nlo noovona wala khanuulan'ne erutthu yootene. Nahulaane, nto nankuttho ohana ohimya wira khonanarale. Etthu enivira varutthuni; owo ohaana okattha ikuwo tjawe ni okhaleke ooreera.⁷Vano, wakhala malepa awo varutthuni yuulana varutthuni numala wixooniha wa nankuttho wira areelihiye, nto owo ohaana wixoniherya'tho wa nankuttho. ⁸Nankuttho ohaana onwehaweha wakhala malepa awe ahuulana erutthu yotene. Akhala ahuulana, nto nankuttho ohaana on'hmya wira toonanara. Eretta yooraveya.⁹Ntthu akhalana eretta eniraveya, nto owo arowaniyeke wa nankuttho. ¹⁰Nankuttho onaarowa onwehaweha akhala wira nookhala nipuro niipale hata ottela varutthuni, n'nakhala ikharari tja nipuro nlo tjottela, hata okhalana nikhwatta varutthuni vawe, ¹¹nto, eyo eretta enraviya yoolekela ni nankuttho ohaana on'himya ntoko ohiloka. Ni ohinvithe, okhala wira owo oonanara.¹²Wakhala eretta eyo yooraveya enootjarya erutthu yootene ya ntthu ole oranve, okhuma vamuro mpakha n'nawuni, nto van'nirerela nankuttho owehaweha; ¹³nto, nankuttho ohaana owehaweha wira awehe wakhala wira eretta eyo yookhuneela erutthu yootene. Yakhuneela, nanuttho ohaana on'himya ntoko ntthu aarina eretta khuvona. Wakhala erutthu yootene yoottela, nto ntthu owo oovona. ¹⁴Vano eruttu awe yakhumaka , makhwatta, onrowa okhala oohiloka.¹⁵Nankuttho ohaana owehaweha makhwatta awo nrutthuni ni ohimyeke wira khahiyo nkumi, okhala wira nikhwatta nookhala varutthuni vakumi tinoohiloka. Eyo ertta yooraveya. ¹⁶Vano nikhwatta nlo varutthuni vakumi natthikela okhala noottela, nto ntthu owo ohaana orow wa nankuttho. ¹⁷Nankuttho onaarowa owehaweha wakhala wira erutthu eyo ehalale yoottela. Yakhala yottela, nto, nankuttho owo onaarowa ohimya wira ntthu owo nkumi.¹⁸Ntthu akhalana nikhwatta ni oru varutthuni vakumi, ¹⁹ni-tho wakgala nipuro nlo nri ni nikhwatta ni oru, vakhala vowiipa hata nlepa noottela vakina vooxerya, nto, ohaana wooniheriya nankuttho. ²⁰Nankuttho onaarowa owehaweha wira awehe wakhala wira nlo nihiixa ovikana erutthu ni wakhala ikharari tja nipuro nlo tjoottela. Wakhala ekekhayi, nankuttho on'himye ntthu owo ntoko oohiloka. Eyo eretta yooraveya. Eyo eretta eniraveya, wakhala eyo entthuna okhala nipuro naaryaya nikhwatta nakhuma oru.²¹Vano nankuttho aweha wira khatjikhalale ikharari tjoottela nipuro nlo nri nikwatta, ni wira khaniixale ovikana erutthu, ni wira voorerela, nto, nankutho ohaana onvalanya ntthu owo mpakha mahiku oophiyaka thanu napili. ²²Wakhala wira nikhwatta nl on'naarowa wuulana erutthu yootene, nto nankuttho owo ohaana ohimya wira ntthu khahiyo nkumi. Eyo eretta yooraveya. ²³Nto malepa awo oottela yakhala nipuro nimotja khohuulana, nto murala wa nikhwatta ni oru ni nankuttho ohaana ohimya wira ntthu owo nkumi.²⁴Erutthu yavya ni erutth ekumi khukhalana malepa ooteela ni oxeerya hata malepa oottela, ²⁵nto nankuttho awehaweheke wira awehe wakhala wira malepa awo aavona wala vahiixa. Yakhala ekhweeli, eyo eretta ehiniraveya ekhum'me mwaha wa ovya, ni nankutthi ohaana ohimya wira ntthu owo khahiyo nkumi. Eyo eretta ehinraveya.²⁶Nto nankuttho awehaweha khuhiphwanya ikhararari tjoottela vamalepani ni khuhiixa ovikana erutthu, nto khuphwanya akhumalene, nto nankuttho onvalanyeke ntthu owo mahiku thanu napili. ²⁷Nto nankuttho ohaana onwehaweha nttu owo nihiku na eneethanu napili. Wakhala wira eretta eyo enimuulana erutthu yootene, nto nanuttho on'himye ntthu owo ntoko owereiya. Eyo eretta enraveya. ²⁸Wakhala malepa awo antthuna okhala nipuro nimotja ni khohuulana erutthu yootene, vano khooneyakavo, nto wiipa wa ovya ni nankuttho ohaana on'himya ntthu owo ntoko nkumi, waholo khiivo etthu ekini voohikhala murala woovya.²⁹Wakhala nlopwana hata nthiyana akhalana nikhwatta m'muro hata vareruni, ³⁰nto nankuttho anwehawehe ntthu owo apheelaka eretta yoohiraveya, wira awehe wakhala wira khaniixale ovikana erutthu ni tjahakhalale ikharari tjoottela ni tjoowootta. Yakhalavo, nto nankuttho ohaana on'himya ntthu owo ntoko oonanara. Eretta enihaniya ''ovele'', eyo eretta ehinraveya m'muru wala vareruni.³¹Nankuttho awehaweha nikhwatta ni khuweha wira nlo khanixale vovikana erutthu ni khatjikhalale ikharari tjooripa nipuro nlo, nto nankuttho ohaana onvalanya ntthu owo ni eretta yoohiraveya mahiku thanu napili.³²Nihiku na enethanu napili, nankuttho onawehaweha nikhwatta nlo wira awehe nahuulan'ne. jahikhale ikharari tjovirikana, nto ntthu owo ohaana metthiya, ³³nto nipuro nlo nri nikhwatta nlo vahimetthiye, ni nankuttho ohaana onvalanya ntthu owo yooraveya mahiku thanu napili.³⁴Nihiku naa eneethanu napili, nankuttho onarowa owehaweha nikhwatta wira awehe ahuulan'ne varutthuni. Noneya wira khaniixale ovikana erutthu, nto nankuttho ohaana on'himya ntthu owo ntoko nkumi. Ntthu owo ohaana okattha ikuwo tjawe ni nto ontthuna okhala nkumi.³⁵Nto ertta eyo yooraveya yuulana erutthu yootene numala nankuttho on'himya ntthu owo ntoko nkumi, ³⁶nto, nankuttho ohaana onwehaweha-tho. Eretta eyo yuulana erutthu yootene, nankuttho ohipheele-tho ikharari tjoovirikana. Ntthu owo toonanara. ³⁷Vano, oweha wawe nankuttho, eretta eyo yooraveya yahuulane ni khukhuma ikharari tjoottela nipuro nlo nari nikhwatta, nto ertta eyo yoovona. Nttu owo nkumi, ni nanuttho ohaana ohimya wira ntthu owo nkumi.³⁸Wakhala nlopwana hata nthiyana onaakhala malepa oottela varutthuni vawe, ³⁹nto nankuttho ohaana owehawehaka wira awehe wakhala wira malepa awo khahiyo oottela, hata, oneeniya pahi okhanle nrutthuni. Ntthu owo nkumi.⁴⁰Wahala ikharari tja nlopwana tjoomora m'muru, owo oorakala nt nkumi. ⁴¹Nto wakhala ikharari tjawe tjimorale ohoolo wa muru ni owitho wawe khuvirikana, owo nkumi.⁴²Nto akhalana nikhwatta m'muru mwawe hata ovirikana, eyo eretta ehinraveya ekhumelenle nrutthuni. ⁴³Nto nankuttho ohaana owehaweha wakhala wira wipa nwo m'muruni hata owitho tiwoottela wala wooxerya ntoko eretta yooraveya varutthuni. ⁴⁴Wakhala tjitjam'mo, nto ntthu owo ori ni eretta enraveya ni khahiyo nkumi. Nankuttho owo ohaana ohimya wira khahiyo nkumi mwaha wa muru.⁴⁵Ntthu orina eretta yooraveya ohaana owara ikuwo tjookhereya, ikharari tjawe tjihana okhala tjootaphuwa ni ohaana okhuneela owitho wawe ni akhuweleke: ''Nkilonke! Nkilonke!''. ⁴⁶Wakhula nihiku ontthunawe okhalana eretta yoohiraveya, ntthu owo tohiiloka. Okhala wira khahiyo nkumi mwaha wa eretta entthuna wuulana, ntthu owo okhaleke vekhawe. Okhaleke ota wa maxaxa.⁴⁷Ekuwo emotja, hata ya elinyu ni ekina, entthuna onanara ni eretta eyo, ⁴⁸hata wakhula ekuwo entthuna opakiya ni manri, hata elinyu, hata ekouru, hata wakhula ekuwo entthuna opakiya ni ekouru - ⁴⁹wakhala orava wooripelela hata wooxerya, vakouruni, hata va manrini, hata malinya oopakaniya, hata wakhula malinya antthuna opakaniya ikuwo iyo, nto oru onuulana; ohaana woonihiya nankuttho.⁵⁰Nankuttho ohaana owehaweha ikuwo n'yo apheelatjaka oru; owo ohaana ovitha ikuwo n'yo tjirina oru n'hina mwa mahiku thanu napili. ⁵¹Nihiku na eneethanu, owo attikele owehaweha-tho. Wakhala wira on'nuulana nkuwoni hata wakhula ikuwo tjoovirikana, nto eyo eretta yoohaaxa, ni ekuwo eyo tiyoonanara. ⁵²Nankuttho ohaana opaha ekuwo eyo wala wakhula etthu yoopakiya ni manri hata elinyu, hata ekouru, hata wakhula nipuro nintthuna ophwanyaneya oru owo a eretta, okhala wira owo vanooweryaneya orava eretta eyo. Ekuwo eyo ehaana opahiya.⁵³Wakhala wira nankuttho onooweha wira ekuwo eyo ephanyaniye oru owo wa eretta khuulan'ne, ⁵⁴nto owo arumihe okatthiya ekuwo eyo ni avalanye-tho mahiku oophiyaka thanu napili. ⁵⁵Nto nankutho atthikeleke owehaweha ekuwo eyo numala okatthiya. Oru owo wahivirikane, hata ohuulanaka, ekuwo eyo yonanara. Epahiye ekuwo eyo, voohonaneya nipuro oru owo onanarihalyawe.⁵⁶Wakhala ekuwo eyo numala okatthiya nankuttho onoweha wira woovukuwa, nto owo akhumihe ipuro nlo noonanara, wala wa ekouru, hata ekuwo eyo epakiye ni manri, ala epakiye ni eklinyu. ⁵⁷Nto oru owo waphwanyaneya-tho vakuwoni, wakhula ekuwo, owo on'nuulana. Mpaheke wakhula ekuwo wntthuna okhalana oru. ⁵⁸Ekuwo yoopakiya mithinto tjoovirikana yaphwanyaniya oru okhumalene nto enkuwo eyo ekatthiyeke ekwaha wa enenli ni eyo entthuna okhala ekumi.⁵⁹Ela ekettelo ya oru okhanle vakuwo yoopakiya mithonto tjoovirikana, wira nyuwano n'himyeke wakhala entthuna ohala yooreera hata yoonanara.

¹Apwiya yahin'himerya Moise wira: ²''Ela entthuna okhala ekettelo mwaha wa ntthu onanara, nihiku na orelihiya wawe. Owo ohaana wixooniherya wa nankuttho.³Nankuttho akhumeke omamaxani wira akumane ni ntthu owo wakhala nikhwatta nawe noovona. ⁴Nto nankuttho onanrowa oruma wira ntthu owo nwa wira areelihiye aruuhe axaapalame enli akumi, ithaapwa tja ecedru, ekarimesini ni essopu. ⁵Nankuttho onoorumiha wira inviye mwaxiipalame m'motja n'hina mwa matji oriirya antthuna okhala m'mwaapuni mwa oloko.⁶Nankuttho onoonwaana mwaxiipalame nkumi, ni ethaapwa ya ecedru, ni ekarimesini, ni essopo ni onooruweya tjitthu n'nya tjotene, vamotja ni mwaxiipalame ole nkumi, n'hina mwa ephome mwa mwaaxipalame ole n'viye n'hina mwa matji oorirya. ⁷Nto nankuttho onaarowa onttikitthela ntthu owo ovon'ne ikwaha thanu napili ni wahoolo onaahimya wira nkumi. Numala eyo, nankuttho owo onan'hiya mwaxipalame owo nkumi nipuro nootthukuwa.⁸Ntthu owo onrowa oreelihiya onaakattha ikuwo tjawe, ohaana ometthiya ikharari tjawe tjootene, onimwiirapiha m'matjini ni nto onaakhala nkumi. Numala eyo, ntthu owo aroweke omaxaxani, nto okhaleke ota wa muxaxawe mahiku thanu napili. ⁹Nihiku na eneethanu napili, ohaana omeethiya ikharar tjawe ni-tho ohaana ometthiya ereru awe ni iyaaphi tjawe. Owo ohaana ometthiya ikharari tjawe, okattha ikuwo tjawe ni wiirapiha m'maatjini; nto onaarowa okhala nkumi.¹⁰Nhiku na neethanu nattharu, ohaana okuxa ipwittipwitthi pinli ikumi, epwittipwitth emotja ya eyakha emotja ekumi, mithinto tthaaru tja efa ya ephepa yooreera yootakaihiya ni makhura. ¹¹Nankuttho ompaka mareeliho ononvenxa btthu owo ontthuna oreelihiya, vamotja ni tjitthu n'ya tjootene, oholo wa Apwiya, vankhora wa enupa ya nthukumano.¹²Nankuttho onoonkuxa mwapwittipwitthi m'motja m'motja ntoko yoovaha mwaha wa itampi, vamotja ni nthinto m'motaja makhura; owo onowaana oholo wa Apwiya ntoko yoovaha ni onimwaavaha. ¹³Owo ohaana winva epwittipwitthi nipuro tjinviya tjoovaha tja itampi ni mikuttho, nipuro na etabernakulu, waholo yoovaha mwaha wa itampi eyo tiyanankuttho, tjitjam'mo ntoko yoovaha mwaha wa itampi, waholo iyo titjootepa warya.¹⁴Nankuttho ohaana okuxa ephantti emotja ya ephome ya yoovaha mwaha wa itampi ni oheleke naaru moono woolopwana wa ntthu ontthuna orelihiya, ekatha awe yoopwana moono woolopwana. ¹⁵Nto nankuttho akuxeke makhura ni intjaathiki m'matatani mwawe moono woothiyana, ¹⁶onoohela ekathawe moono woolopwana m'makhurani ari m'matatani mwawe ni onoottikitthela makhura awo ikwaha thanu napili oholo wa Apwiya.¹⁷Nankuttho owo onoohela makhura antthuna ohala m'matatani mwawe moono woolopwana wookhitjeryani wa naaru wa ntthu ontthuna oreelihiya, ekathawe yuulupale ya moono awe woolopwana ni elipwi awe yuulupale n'nawu nuulupale. Owo ohaana wintjaathi makhura otjulu wa ephome ya yooleveleliya wa itampi. ¹⁸Ni mwakhura antthuna ohala antthuna okhala m'matatani wa nankuttho owo onoohela m'muruni wa ntthu ontthuna oreelihiya, ni nankuttho ononlompela oholo wa Apwiya.¹⁹Numala nankuttho ovahe yoovaha mwaha wa itampi ni onanlompela ole ontthuna oreelihiya mwaha wa onanara wawe ni numala owo avaheke yoovaha yoopahiya. ²⁰Nto nankutto ovaheke nkuttho ni yoovaha yoopahiya waltari. Nankuttho onlempeleke ntthu owo, nto owo onookhala oorelihiya.²¹Vano ntthu akhala oohawa ohiwerya oliva tjitthu n'ya, nto owo okuxeke epwittipwitthi ntoko yoovaha mwaha wa itampi wira avahiye Apwiya ntoko yoolompeliya ni yanamuloko ya efa yooreera yootakanihiya makhura ntoko yoovaha yoopahiya ni mphantti wa makhura, ²²vamotja wa ikhuntte pinli ni matjiya menli, tjitjam'mo ontthunawe owerya ovaha; mwaxipalame m'motja ontthuna okhala yoovaha mwaha wa itampi ni nkina nkuttho. ²³Nihiku na eneethanu nattharu, ohaana wawana wa nankuttho wira oreelihiye, vankhora wa mpani mwa ntukumano, oholo wa Apwiya.²⁴Nto nakuttho onkuxeke mwapwittipwitthi wira avahe yoovaa mwaha wa itampi ni mphantti wa makhura nto avaheke Apwiya. ²⁵Owo omwinveke mwapwittipwitthi a yoovaa mwaha wa itampi ni okuxeke maphantti wa ephome ya yoovaha ya itampi ni oheleke woomalelani wa naaru moono woolopwana wa ole ontthuna oleveleliya, ekathawe moono woolopwana yuulupale ni valipwini vawe yuulupale moono woolopwana.²⁶Nto nankuttho onoohela makhura m'matatani mwawe moono woothiyana ni ²⁷ottikittheleke ni ekathawe moono woolopwana akuxaka makhura ale ari moono awe woothiyana attikittheleke ohololo wa Apwiya ikwaha thanu napili.²⁸Nto, nankuttho onohela mphantti wa makhura ari m'matatani mwawe woomalelani wa naaru woolopwana wa ole onreelihiya, ekatawe yuulupale moono awewe woolopwana, ni elipwi awe yuulupale moono awe woolopwana, mapuro mamotjaru yawo ohelalyawe makhura a itampi. ²⁹Owo onoohela makhura anttuna ohala ari m'matatani mwawe m'muruni wa ole onreelihiya, wira alompeliye oolo wa Apwiya.³⁰Owo ohaana ovaa wa emotja ya ekhuntte wala ntjiya, tjitjam'mo ntthu owo ontthunawe owerya ophwanya - ³¹emotja ntoko yoovaha mwaha wa itampi ni ekina ntoko nkuttho, vamotja wa yoovaha yoopahiya. Nto nankuttho onoonlompela ole ontthuna oreelihiya ohoolo wa Apwiya. ³²Ela ekettelo ya ntthu iipale varutthuni, ohintthuna owerya ophwanya yoovaha mwaha wooreelihiya wawe''.³³Apwiya yahin'himerya Moise ni Aroni wira: ³⁴''Okathi ontthunenyu okela elapo ya Okanani, yeeyo yoovahalyakani ntoko yoohalana, ni miyano kihela maretta vatthokoni, elapo yeeyo entthunenyu ohalana, ³⁵nto mwanene etthoko ohaana owa on'himerya nankuttho. Owo ohaana wira: 'Kinoona wira yookhala etthu enkhala mwa maretta owan'nyaka'.³⁶Nto nakuttho ohaana ohimya wira atthu awo akhumihe tjitthu m'pani ohinatthi okela wira awehe maretta awo, wira ehikhale etthu ya m'pani entthuna okhae yoonanara. Numala eyo, nankuttho okeleke mpani wira awehe. ³⁷Owo ohaana owehaweha maretta awo yakhala ari nxirini mwa enupa, ni onooweha-tho wakhala wira awo tooripelela wala oottela nkherekhere mwa exiri. ³⁸Wakhala enupa eyo ehaana maretta, ntoko nankuttho akhumeke ni atthukhweke enupa eyo n'hina mwa mahiku tha u napili.³⁹Nto nakuttho owo atthikeke nihiku na eneethanu napili ni awehe wakhala wira maretta ale amwaarela nxirini mootene. ⁴⁰Wakhala wira amwareela, nto nankuttho onoohimya wira akhumohiye maluku mem'mo maretta ale aryaayamoni attikheliye nipuro noohiloka ota wa epoma.⁴¹Owo arumihe wira ixiri tjootene tja n'hina tjixiliye, ni akhuxeke tjen'ye tjaxiliya tjittikheliye ota wa epoma, nipuro noohiloka. ⁴²Awo akhuxeke maluku makina ni yintjaathi mem'mo akhumihiye maluku onnara ni akhuxeke oloko n'sya areerihaneke.⁴³Wakhala wira maretta anootthikela-tho enupa yeele akhumihiye maluku ni khukhumihiya malukune, ⁴⁴nto nankuttho onaawa-tho awehe wakhala wira maretta awo atjareya mpani mootene. Aphwanya, nto mareetta oothipelela, ni enupa eyo yonanara.⁴⁵Enupa eyo ehaana okwakwanyuliya. Maluku-ene, ithaapwa, ni ixiri tjootene tja enupa tjiihaana okhumiheriya ota wa epoma, nipuro noohiloka. ⁴⁶Tjitjam'mo-tho, wakhula ntthu ontthuna okela mpani mootthukiya onookhala ohiloka mpakha ntjuwa onaya. ⁴⁷Ole ontthuna orupa mpani m'mo ohaana okattha ikuwo tjawe, ni ole onthuna olya n'hina mwa enupa ohaana okattha ikuwo tjawe.⁴⁸Wakhala nankuttho onookela mpani wira awehawehe ni wira awehe wakhala maretta atjareya mpani, numala eyo oreerihiya, nto, maretta awo yahitthike, owo onoohimya wira enupa ekumi.⁴⁹Nto nankuttho ohaana okuxa matjiya menli wira areelihe enupa, ni ethaapwa ya ecedru, ekarisimini, ni issopo. ⁵⁰Owo ohaana winva ntjiya nimotja m'matjini ooriirya munrinkini mwa oloko. ⁵¹Owo akuxe ethaapwa ya ecedru, issopo, ekarimesini ni ntjiya nikumi ni aruweyeke mphomeni mwa ntjiya nowookhwa, n'hina mwa matji ooriirya, ni attikitthele enupa ikwaha thanu napili.⁵²Owo onooreeliha enupa ni ephome ya ntjiya ni matji ooriirya, ni ntjiya nikumi, ethaapwa ya ecedru, isoopo ni ekirimisini. ⁵³Vano owo ottikheleke ntjiya nlo ota wa epoma. Tjitjam'mo, owo onoolomepela enupa, ni eyo enookhala ekumi.⁵⁴Ola nkettelo wa wakhula wipa wa varutthuni enwaanela oneena ni mareetta a vakuwoni ⁵⁵ni vanupani, ⁵⁶wiipa, ohononeya wa erutthu ni malepa oottela, ⁵⁷entthuna wooniherya wakhala wira wakhula tjitthu n'yo wira tjikumi wala khahiyo tjikumi. Ola nkettelo wa wiipa wala maretta''.

¹Apwiya yahin'himerya Moise ni Aroni, wira: ²''Mwahimerye atthu a Wisrayeli, mwahimerye awo: 'Akhala lopwana ontthuna okhuma ephome yoohiloka ekhumaka nrutthuni mwawe, on'nimpaka oonanara. ³Onanara wawe mwaha wa ephome eyo yoonanara. Wakhala erutthu awe en'nikhuma ephome wala omaala okhuma, onoonanara.⁴Wakhula etthere ontthunawe orupela enookhala yoohiloka, wakhula etthu entthunawe okilathela enookhala yoohiloka. ⁵Wakhula ole ontthuna okwata etthere awe ohaana okattha ikuwo tjawe ni onookhala oohiloka mpakha ntjuwa onaya.⁶Wakhula ole ontthuna okilathi nipuro naakilathiye ni ntthu onkhuma ephome vaakulathalyawe, owo onaakhala ohiloka mpakha wiila. ⁷Wakhula ole ontthuna onkwata ole oohiloka ohaana okattha ikuwo tjawe ni ohaana orapa ni ontthuna oonanara mpakha wiila.⁸Wakhula ole onkhuma ephome anxuwela ntthu nkumi, nto ntthu owo ohaana okattha ikuwo tjawe ni orapa m'matjini, ni ontthuna okhala oohiloka mpakha wiila. ⁹Wakhula ntthu ontthuna okilathi vakhavaloni vaakilathalyawe ole onkhuma ephome onookhala oohiloka.¹⁰Ole ontthuna okwata wakhula etthu entthuna okhala vathi wa ntthu ole oonanara onaakhala oonanara mpakha wiila, ni ole ontthuna okuxa tjitthu n'ye ohaana okattha ikuwo tjawe ni orapa m'matjini; ni owo onaakhala oonanara mpakha wiila. ¹¹Wakhula ntthu ontthuna onkwata ole oonanara, voohipatjerya onyawa m'matjini, ohaana okattha ikuwo tjawe ni orapa m'matjini, ni ontthuna okhala oohiloka mpakha wiila. ¹²Wakhula nrinki wa oloko ontthuna okwatiya ni ntthu owo oohiloka ohaana opwexiya, ni ethaapwa ehaana orapihiya ni matji.¹³Okathi ole aakhuma ephome ahiya okhuma nwo, nto owo ohaana waalakhanya mahiku thanu napili wiira ooreelihiye; nto owo ohaana okattha ikuwo tjawe ni orapa ni matji anoovira. Nto onooreelihiya. ¹⁴Nihiku na eneethanu nattharu owo ohaana okuxa ikhuntte pinli wala matjiya menli owe oholo wa Apwiya vankhora wa enupa ya nthukumano; nipuro nlo owo ohaana onvaha nankuttho axaapalame awo. ¹⁵Nankuttho owo ohaana wavahererya, m'motja ntoko yoovaha mwaha wa itampi ni nkina ntoko nkuttho, ni nankuttho ohaana onlompela oholo wa Apwiya mwaha wa ephome eyo.¹⁶Wakhula nlopwana ontthuna okhuma elopwana awe voohitthuna, nto owo ohaana orapiha erutthu awe yootene ni matji; owo ontthuna okhala onanara mpakha wiila. ¹⁷Wakhula ekuwo hata ya nthinto nkinaku yeeyo entthunaya okhala elopwana eyo ehaana okatthiya ni matji; ontthuna okhala oonanara mpakha wiila. ¹⁸Ni nlopwana ni nthiyana yarupa vamotja ni khukhuma elopwana erowaka wa nthiyana, owenli aya ahaana orapa ni amtji; antthuna okhala onanara mpakha wiila.¹⁹Nthiyana akela m'mweerini mwawe, onanara wawe onaakhala mpakha n'hina mwa mahiku thanu namenli, ni wakhula ntthuna onkwata onaakhala oonanara mpakha wiila. ²⁰Wakhula nipuro ontthunawe wumpathi mahiku awo oryaawe m'mweerini vanookhala voonanara; ni wakhula nipuro ontthunawe okilathi vanookhala voonanara.²¹Wakhula ntthu ontthuna okwata vatthereni vawe ohaana okattha ikuwo tjawe ni orapa m'maatjini; ntthu owo onaarowa okhala onanara mpakha ntjuwa onaya. ²²Wakhula ntthuna okwata nipuro nikwatalyawe ohaana okattha ikuwo tjawe ni wiirapiha ni matji; ntthu owo ontthuna okhala oohiloka mpakha wiila. ²³Vattheereni hata wakhula nipuro owo ontthunawe wumpathi, akhala ntthu ontthuna okwata, ntthu owo onaakhala onanara mpakha wiila.²⁴Wakhula nlopwana otthuna orupana ni ephome khunkwata, owo onaakhala onanara mpakha mahiku thanu napili. Wakhula ekhama ontthunawe wumpathi enookhala yoohiloka.²⁵Wakhala nthiyana onaakhuma ephome mahiku mentji ni okathi owo ohikhalale mahiku a miyeeri tjawe hata akhalana mahiku oovikana ale a miyeeri tjawe, wakhula nihiku wa onanara nwo, owo ohaana okhala ntoko mahiu a miyeeri tjawe. Toohiloka. ²⁶Wakhula ekhaama ontthunawe wumpathela mahiku awo entthuna olikanaka ntoko ele onimpathelawe mahiku onkhalawe m'mwerini mwawe, ni wakhula nipuro nintthunawe ookilathi nintthuna okhala noonanara, tjitjam'mo onanara wa mahiku awe a m'mweerini. ²⁷Ni wakhula ntthu ontthuna okwata tjitthu n'ye onaaarowa onanara; ohaana okattha ikuwo tjawe ni orapa m'matjini, wa tjotene onaarowa okhala oonanara mpakha wiila.²⁸Vano owo akhala nkumi wa ephome eyo, nto owo ohaana waalakhanya mahiku thanu napili numala okhala ooreera. ²⁹Nihiku na eneethanu nattharu ohaana okuxa ikhuntte pinli wala matjiya menli ni akuxe arowane wa nankuttho vankhora wa enupa ya nthukumano. ³⁰Nankuttho ohaana onvaha m'motja ntoko yovaha mwaha wa itampi ni nkina ntoko nkuttho ni onlompele oholo wa Apwiya wira owo okhale ooreera wa ephome eyo.³¹Tjitjam'mo tinkhaleenyu oowavanya atthu a Wisrayeli mwaha woonanara waya, nto awo khantthuna okhwaka mwaha wa onanara waya, mwaha woraviha enupaka Aka, mem'mo Miyano kinkhalaka ni awo.³²Iya titjiri ikettelo mwa otene ale antthuna okhala oonanara, wakhula nlopwana ontthuna okhuma elopwana awe ni khun'nanariha. ³³Wakhula nthiyana ontthuna okhala m'mweerini, wakhula ntthu ni etthu yoonanara, hata nlopwana ni nthiyana, ni wakhula nlopwana ontthuna orupa ni nthiyana onanara''.

¹Apwiya yahilavula ni Moise, eyo numala okhwa anamwane owenli a Aroni, numala awo owaattamela Apwiya yahikhwa. ²Apwiya yahin'himerya Moise: ''M'muhimerye Aroni, mun'nenyu, wira ohikele n'hina mootepa waarya ovikana evewu, wootepaxa warya munivukuni. Owo akela, owo onaakhwa, okhala wira Miyano kinkhumela wenwo wootepaxa warya.³Nto Aroni ontthuna okelaka mpani moowaarya tjam'mo: ni epwittipwitthi yooxana, ntoko yoovaha mwaha wa itampi, ni enama ekina, ntoko nkuttho. ⁴Ohaana owara nlaya noowarya na elinyu, ni ikuwo tja n'hina tja elinyu, ohaana owara etjintu ya elinyu ni ekuwo ya elinyu m'muruni. Iya ikuwo tjoowarya. Owo ohaana owara ikuwo n'ya numala orapa m'maatjini. ⁵Ohaana okuxa eriyari ya atthu a Wisrayeli ipuri pinli tjoolopwana, ntomo yoovaha mwaha wa itampi, ni enama emotja ntoko nkuttho.⁶Nto Aroni ohaana owaana epwittipwitthi yooxana ntoko yoovahawe mwaha wa itampi, wira ailomepele ni vamotja ni amutju awe. ⁷Nto owo ohaana okuxa ipuri pinli avahe Apwiya vankhora wa Enupa ya nthukumano.⁸Nto Aroni ohaana opaka yppthanlya mwa ipuri n'yo, emotja ya Apwiya ni ekina mwaha wa itampi tjawe. ⁹Aroni ohaana wooniherya epuri yeeyo entthuna okhala ya Apwiya ni ovaha ntoko yoovaha mwaha wa itampi. ¹⁰Vano epuri entthuna okhala yoovaha mwaha woolompeliya ehaana okuxiya ekumi ohoolo wa Apwiya, wira olompeliye ohaana okuxa epuri orowaneke woothakoni.¹¹Nto Aroni ohaana okuxa pwittipwitthi wira oahe mwaha wa itampi. Owo ohaana wiilompela ekhawe ni amitji awe, nto inveke epwittipwitthi mwaha wa itampi tjawe.¹²Aroni ohaanokuxa ekhantiyero yootjareyaa mooro okhumihiyaka waltari wa Apwiya, ni m'matatani mwawe mootjareya tjoowunkhela orattene, ni owaaneke ovikana evewu. ¹³M'mo owo ntjaathiki yowunkhela eyo m'mooroni oholo wa Apwiya, wira mahutte a yoowunkhela eyo ekhuuneele nivuka na Namona, wira ohikhwe.¹⁴Nto owo okuxeke ephome vakhani ya epwittipwitthi ni ekathawe oottikittheleke oholo wa enupa ya nthukumano. Owo ohaana ottikitthela ephome vakhani ni ekathawe n'hina mwa enupa ya nthukumano ikwaha thanu napili.¹⁵Nto owo ohaan winva epuri entthuna ovahiya mwaha wa itampi tja atthu ni owaane ovikana evewu. m'mo opakele ephome tjitjam'mo tjipakalyawe ni ephome ya epwittipwitthi: ottikitthele n'hina oholo. ¹⁶Owo ohaana olompela nipuro nlo noowarya mwaha wa itampi tja atthu a Wisrayeli, mwaha woohiwelela waya ni itampi tjaya tjootene. Owo onoopaka-tho eyo mwaha wa mpani mwa nthukumano, mem'mo Apwiya ankhalaya ni awo, oholo wa miteko tjaya tjoonanara.¹⁷Ohikhale-tho ontthuna okela mpani mwa Nthukumano Aroni akelamo wira alompele nipuro noowarya, ni mpakha owo okhuma omalihalene ovara nteko awe wowilompela, mwaha wa amuti awe ni atthu otene a Wisrayeli. ¹⁸Owo ohaana okhuma waltari wa Apwiya ni olompeleke waltari ni akuxeke ephome ya epwittipwitthi, ni aphome vakhani ya epuri, ni intjaathiki mun'nyaakani orukurerya waltari. ¹⁹Ni ekathawe attikittheleke ephome vakhani ikwaha thanu napili waltari, wira oreelihe tjitthu tjootakhala a atthu a Wisrayeli.²⁰Okathi ontthunaya omaliha olompele nipuro nowaarya, mwaha wa enupa ya nthukumano ni waltari, owo ohaana woniherya epuri ekumi. ²¹Aroni ohaana winthaatherya matata awe omenli vamuro wa epuri ekumi ni ohimye tjoottheka tjotene tja atthu a Wisrayeli, ohiwelela waya ni tjottheka tjaya tjootene. Nto owo onoohela vamuro wa epri itampi tjotene tja atthu ni numala onvahereryeke ntthu onwerya okuxa epuri eyo orowanaka woothakoni. ²²Epuri eyo enookuxa tjottheka tjotene tja atthu orowanaka nipuro nihinkhaliya. Woothakoni nwo, nlopwana owo ohiye enama eyo erowaka vekhaya.²³Vano Aroni onootthikela mpani mwa nthukumano, oruleke ikuwo tja elinyu tjen'yo tjaawaralyawe ohinatthi okela mpani mwa nthukumano ni arule ahiye mem'mo. ²⁴Owo ohaana orapa ni matji ni nipuro nooreerani awareke ikuwo tjawe tjikina; nto owo akhumeke avaheke nkuttho mwaha wa atthu, ni tjitjam'mo, wiilompela ni waalompela atthu.²⁵Owo ohaana opaha waltari ekurtura ya yoovaha mwaha wa itampi. ²⁶Nlopwana ontthuna ontthikha mwaamina woothakoni ohaana orapa ni matji ni numala atthikeleke omaxaxani.²⁷Epwittipwitthi ni epuri envahiy mwaha wa itampi, tjen'yo ephome aya eruhiye nipuro ninlompiya noowarya, akuxiye arowaniyaka ota wa maxaxa. Ehaana opahiya ekouro, enama ni tjoohala. ²⁸Nlopwana owo ompaha tjitthu n'yo ohaana orapa ni matji ni okattha ikuwo tjawe; numala eyo, owo ohaana otthikela omaxaxani.²⁹Ela entthuna okhala ekettelo enyu voohimala: mweri wa enethanu napili, nihiku na enamuloko a mweri, n'haana wiiyeviha ni ohikhala ontthuna ovara nteko, okhuma axinenen mpakha oowa ontthuna okhalaka ni nyuwano. ³⁰Okhala wira nihiku nlo munrowa olompeliya, wira mwiirelihe itampi tjenyu, nto nyuwano n'naakhala oowarya oholo wa Apwiya. Ela entthuna okhala Esabadu yooreera yowitjuwawenyu, ni n'haana wiiyeviha ni ohivara nteko. ³¹Ela entthuna okhala ekettelo enyu voohimala.³²Nkhulupale a anankuttho ontthuna oreelihiya wira akhale n'holeli a anankuttho nipuro na atithi awe, ohaana olompela ni owara ikuwo tja elinyu, tjiri ikuwo tjoowarya. ³³Owo ohaana olompela nipuro nawe noowarya, enupa ya nthukumano ni waltari, ni onoonlompela nankuttho ni atthu otene.³⁴Ola ontthuna okhala nkettelo enyu woohimala: wira wakhula mwakha alompeliyeke atthu a Wisrayeli ekwaha emotja, mwaha wa itampi tjaya.'' Ni eyo yahipakiya ntoko Apwiya yanrumalyawe Moise.

¹Apwiya yahin'himerya Moise, wira: ²''M'muhimerye Aroni, anaawe ni atthu otene a Wisrayeli. Mwahimerye Apwiya anahimeryaya: ³'wakhula nlopwana a Wisrayeli ontthuna winva enyompe, epwittipwitthi hata epuri waraiyali, wala ota wa waraiyali, wira ovahiye nkuttho - ⁴ni khuhiwaana mpani mwa nthukumano wira ovahe nkuttho oholo wa Apwiya otabenakulun Waya, ntthu owo onookhalana yoottheka ni ohaana okumihiya eriyari ya atthu.⁵Yoopheeleya ya ekettelo ela tiwi atthu a Wisrayeli awaaneke mikuttho tjaya oholo wa Apwiya vankhora wa enupa ya nthukumano, wa nankuttho, wira okhale nkuttho woorerela wa Apwiya, ohiya mukuttho nipuro nootthukuwa. ⁶Nankuttho onoottikitthela ephome waltari wa Apwiya vankhora wa enupa ya nthukumano, ni paheke ekurtura wira okhume wunkhela wa Apwiya.⁷Atthu ahitthikele-tho ovaha mikuttho tjaya yavahaka amuluku ohikhala ntoko epuri, waholo, numala opakiya eyo, anakhala ntoko anamararuwa. Ela entthuna okhala ekettelo yoohimala ya owo ni nloko nawe.⁸Mwahimerya, waholo: 'wakhula nlopwana a Wisrayeli, wala wakhula nletto onkhal eriyari aya, ontthuna ovaha nkuttho ⁹ni khuhiwaana vankhora wa enupa ya ntukumano wira avahe Apwiya, nlopwana owo ohaana okumihiya munlokoni mwawe.¹⁰Ni wakhula m'motja a Wisrayeli ni wakhula nletto ankhala eriyari aya ontthuna omurya ephome, Kinanoonyakana ni ntthu owo ni kinonkhumiha eriyari ya nloko nawe, ¹¹waholo ekumi ya mwamina eri mphomeni. Miyano koovahaleni wira nreelihaneke ni yeeyo, waholo, ela ephome enlompela ekumi.¹²Tjitjam'mo, Miyano kihahimerya atthu a Wisrayeli wira ehikhuriye ephome, n'nakhala nletto onkhala eriyari aya ohikhuure. ¹³Ni wakhula ntthu a Wisrayeli ni wakhula nletto onkhala eriyari aya, onxaya wala oninva inama hata mwaxipaleme onkhuriya, ntthu owo ohaana okhumiha ephome eyo ni othipele vathi.¹⁴Waholo ekumi yakhula ele erina ekumi eri mphomeni mwaya. Tivo kahimeralyaka atthu a Wisrayeli: ''nyuwano n'hikhuure ephome ya enama, okhala wira ekumi ya khula enama eri mphomeni. Wakhula ole ontthuna okhura, ohaana winviya munlokoni mwawe.''¹⁵Wakhula ntthu ontthuna okhura enama yoowikhwela hata yoovinviya ni axinama akina, hata okhalaka mwanene elapo , hata ntthu oowa okhalaka eriyari enyu, ohaana okattha ikuwo tjawe, ni ohaana orapa ni onaakhala onanara mpakha winla. Numala eyo, ntthu owo onaakhala ooreera. ¹⁶Vano ahikatthe ikuwo tjawe hata wiirapiha m'matjini, nto owo onaakuxa yoottheka eyo'''.

¹Apwiya yahin'himerya Moise, wira: ²''Mwahimerye atthu a Wisrayeli wira: 'Miyano K'Apwiya Muluku enyu. ³N'hipake etthu emotjaru empakaya atthu a Wisrayeli, wenwo mwakhalanyuwo. Ni n'hipake jitthu tjimpakaya atthu a Okanani, elapo Miyano kinoorehakani, n'nakhala n'hittharihe tjoolimalela tjaya.⁴Ikettelo tjaka tjikhanlenyu ootthara, ni tjooruma Tjaka tjikhalenyu oowintjathi, wira mweetteleke, okhala wira Miyano ka Apwiya Muluku enyu. ⁵Wa tjotene, mwintjathiki tjooruma Tjaka ni ikettelo Tjaka. Ole ontthuna weettela, onaakha nkumi. Miyano k'Apwiya.⁶Ohikhale nlopwana ontthuna orupa ni m'mutji awe. Miyano k'Apwiya. ⁷N'hin'yevihe tithinyu nrupaka ni amayenyu. Awo t'amayenyu! N'hayevihe. ⁸N'hirupe ni mwaraya atithinyu; n'hayevihe atithinyu nthinto owo.⁹N'hirupe ni nrokorenyu, khavaniirela mphantti owo okhala mwana mphantti wa tithinyu hata mphantti wa mayenyu, hata oyariya owan'nyi hata ota. N'hirupe ni axirokorinyu. ¹⁰N'hirupe ni mwana a mwanenyu nlopwana hata mwana a mwanenyu nthiyana. Eyo entthuna okhala ehaya enyu. ¹¹N'hirupe ni mwana a amwaraya atithinyu, oyariye ni atithinyu. Owo nrokorinyu, ni n'hirupane.¹²N'hirupe ni nrokoraya atithunyu. Owo m'mtji oowattamela a atithinyu. ¹³N'hirupe ni n'himaaya amayenyu. Owo m'mutji owaattamela ni amayenyu. ¹⁴N'hirupe ni mwarawe n'himaaya atithinyu. N'himwaattamele ni yotthuna eyo; owo mathiinyu.¹⁵N'hirupe ni mwarawe mwanenyu. Owo mwarawe mwanenyu; n'hirupane. ¹⁶N'hirupe ni mwarawe mun'ninyu; n'hipake etthu iyo.¹⁷N'hirupe ni nthiyana m'motja wala ni mwaninyu, hata mwanawe mwaninyu nlopwana hata mwaninyu nthiyana. Awo amutji aya owaattamela, ni orupa ni awo etthu yootakhala. ¹⁸N'hinthele mun'nawe mwarinyu, ni orupana amwarinyu oopatjerya aryeene akumi.¹⁹N'hirupe ni nthiyana oryene m'mwerini mwawe. Owo toonanara mahiku awo. ²⁰N'hirupe ni nthiyana ntoko owo okhala wira onimooraviha.²¹N'haatuphihe aniinyu mooro, wira avahereriye Moloki, okhala wira n'hivehe ntjina na Muluku enyu. Miyano k'Apwiya.²²N'hirupe ni nlopwana nikina ntoko nthiyana. Eyo tiyootakhala. ²³N'hirupe ni enama, mwiiravihaka ni yeeyo. Ohikhale nthiyana ontthuna orupa ni enama. Eyo tiyootakhala.²⁴N'hiiravihe ni wakhula etthu wa tjen'ya, waholo tjam'mo atthu a nloponi ahiiraviha, atthu antthunaka waavalanya wa nyuwano. ²⁵Etthaya yoorava, nto Miyano koohukhumu itampi tjaya ni etthaya ahaarapheya atthu aya.²⁶Nyuwano, wa tjotene, mwintjaathi tjooruma Tjaka ni ikettelo Tjaka, ni n'hipake wakhula tjitthu n'ya tjootakhala, n'nakhala axineene n'nakhala atthu oowa. ²⁷Okhala wira iya titjootakhala atthu aravihanalyaya etthaya, ale yaakhala mu n'hinatthi nyuwano, nto wananano etthaya yoorava. ²⁸Vano, phoole etthaya ehoorapheyeni ni nyuwano mwaha wa tjootakhala tjenyu, tjitjam'mo eyo yaarapheyalya atthu akina n'hinatthi nyuwano.²⁹Wakhula ole ontthuna opaka wakhula etthu wa tjen'ya, ayo, ole ontthuna opaka tjitthu n'ya, animwinviya nloko nawe. ³⁰Vano, n'haana wintjaathi tjooruma Tjaka n'hipakaka wakhula tjitthu n'ya tjotene tjoonanara, nto n'hirave ni tjen'yo. Miyano k'Apwiya Muluku enyu'''.

¹Apwiya yahin'himerya Moise, wira: ²''Mwahimerye atthu ootene a Wisrayeli wira: 'Nkhaleke oowarya, okhala wira Miyano, Apwiya, Ka Muluku oowarya. ³Nyuwano otene mwatiitiimiheke atithinyu ni amayenyu, ni mwintjathiki Isabadu tjaka. Miyano K'Apwiya, Muluku enyu. ⁴N'hitthikele waamuluku a ethiru, n'hiipakeleke amuluku eethiru. Miyano K'Apwiya, Muluku enyu.⁵Mwavaha yoovaha enyu wa Apwiya, nvaheke wira yaakheliye. ⁶Ehana okhala yoolya ya nihiku nenlo munvahenyu, wala, nihiku nooxa. ⁷Yakhala entthuna ohala mpakha nihiku na neeraru, eyo yoorava. Eyo khintthuna waakheliya. ⁸Wa tjotene, ole otene ontthuna olya onookuxa yootakhala eyo, okhala wira owo ohoonana yoovahiya Apwiya. Nthu owo ohaana winviya eriyari ya nloko nawe.⁹Nyuwano mwahepa ni matata enyu, n'hihephe tjootene nkherekhere mwa ematta, n'nakhaka otakaniha yoohephenyu yootene. ¹⁰N'hintjathi evinya enyu yootene ya m'matta mwenyu, n'nakha ewuva entthuna omorela m'matta mwenyu wa evinya. Nyuwano n'haana wahiyerya ale oohikhalana ni aletto. Miyano k'Apwiya Muluku enyu.¹¹N'hiiye. N'hoothe. N'nakhala wawoka akina. ¹²N'hilaphele ntjina Naka moothaka, n'nakhala oveeha ntjina na Muluku enyu. Miyano k'Apwiya.¹³N'hin'haxe namwattamananenyu, n'nakhala omwin'yerya. Yoonliva nanteko enyu ehirupe ni nyuwano mpakha nihiku nikina. ¹⁴N'hintakhalihe ntthu ohininwa, n'nakhala n'hikhale nluku nonkwakwatthula ntthu onhinoona. Ohiya vo, m'mooveke Muluku enyu. Miyano k'Apwiya.¹⁵N'hahimyeke anamona owootha. N'himphukele mun'ninyu mwaha woohikhalana, hata mwaha wookhala mulupale. Ohiya vo, mphukeke voorerela. ¹⁶N'hiwootherye axin'ninyu, mpheleke okhapelela okumi wa axin'ninyu. Miyano k'Apwiya.¹⁷N'hin'nyokhe mun'ninyu vamurimani venyu. N'haana ni ekhweeli onkhottiherya mun'ninyu, wira n'hirele mphantti yoottheka awe. ¹⁸N'hiiphukele, n'nakhala wintjathi yootakahla mwaha wa mun'ninyu, ohiya vo, mumphenteke mun'ninyu tjitjam'mo tjiniiphentinyu. Miyano k'Apwiya.¹⁹Nyuwano mwintjathiki ikettelo Tjaka. N'hihiye inam tjenyu tjiyarihiyaka ni inama tjikina. N'hitakanihe ipyo pinli tjoovirikana, mwaala vale m'matta mwenyu. N'nakhala n'hiware ikuwo tjoopakiya ni mithinto minli.²⁰Wakhula nlopwana ontthuna orupa ni nthiyana ephottha ootheliya ni nlopwana nkina, nlelo ohinatthi otaphuliya hata ohin'ya, awo ahaana ohukhum'mwa. Khantthuna okhwa, waholo owo khahiyo aari ootaphuwa. ²¹Nlopwana ohaana ovaha nkuttho wa Apwiya, vankhora wa enupa ya nthukumano, epwittipwitthi yoovahiya ntoko nkuttho. ²²Wira nankuttho onlompele owo oholo wa Apwiya, ekina ntoko yoovaha mwaha wa itampi tjipakalyawe. Nto yoottheka eyo enooleveleliya.²³Okathi ontthunenyu okela m'muttettheni ni kwaala wakhula yoolya. Nto nyuwano n'haana okhottiha olyiya iyoolya tjootene, n'hina mwa iyakha ttharu. Iyo ihilyiye. ²⁴Wa tjotene, eyakha ya enetjese, wakhula yoolya ehaana oreelihiya, ntoko yoovaha yowavuwiha Apwiya. ²⁵Eyakha ya eneethau, nyuwano enlyeeke mihokorokho, wira mihokorokho nyo tjitepeke wim'ma. Miyano k'Apwiya, Muluku enyu.²⁶N'hikhure enama ni ephome. N'hikoheke minepa mwaha wa yoomelo, n'nikhala tjoowerya tja ephattu. ²⁷N'hitthareke tjoolimalela tja atthu ahinaamini, ntoko omettha ikharari tjenyu nkherekhere hata ereru. ²⁸N'hipophe erutthu enyu mwaha wa atthu ookhwa, n'nakhala olepa etthu erutthu enyu. Miyano k'Apwiya.²⁹N'hikhanyererihe mwanenyu wira araruweke, wira elapo ehiraruweke, n'nakhala etthaya otjareya tjootakhala. ³⁰Nyuwano n'haana wintjathi Isabadu Tjaka ni ottottimiha etabernakulu Aka. Miyano k'Apwiya.³¹N'haaphele atthu anaaphelatja atthu oowokhwa, n'nakhala minepa. N'haaphele wira n'hithanyiye. Miyano k'Apwiya, Muluku enyu.³²Nyuwano n'haana okhala ooweemela oholo waatthu oowuluvala ni atthu aalupale. Nyuwano n'haana omova Muluku enyu. Miyano k'Apwiya.³³Akhala nletto ontthuna okhala elapo enyu, nyuwano n'hikhale on'haaxa. ³⁴Nletto ontthuna okhala ni nyuwno, nyuwano n'haana omphenta ntoko nyuwano, waholo mwaari aletto elapo ya Wegitu. Miyano k'Apwiya, Muluku enyu.³⁵N'hiphime ni mphimo wowotha okathi oniphimenyu etthu. ³⁶Nyuwano n'haana ophima vooreerela mwa tjotene, ephepa, efa, ehini. Miyano k'Apwiya, Muluku enyu, okhumihaleni elapo ya Wegitu. ³⁷Nyuwano n'haana winwelela tjooruma Tjaka tjotene ni ikttelo Tjaka ntthariheleke. Miyano k'Apwiya'''.

¹Apwiya yahin'himerya Moise, wira: ²''Mwahimerye atthu a Wisrayeli: 'Wakhula m'motja a Wisrayeli, hata wakhula nletto onakhala Wisrayeli, ontthuna onvahererya mwanawe Moloko, vekhweeli onookhwa. Atthu a nttetthe owo ampwexe ni maluku.³Ni-tho kinoorukuxa owitho Waka wa ntthu owo, kinoonkhumiha eriyari ya nloko nawe, okhala wira owo onvahererya mwananwe Moloki, tjitjam'mo oraviha nipuro Naka noowarya ni ooveha ntjina Nka. ⁴Wakhala atthu a nttetthe owo onoophuta owitho waya mwaha wa ntthu owo onavahereryale mwanawe Moloki, ni khuhimwinva, ⁵nto Miyano kinoorukunuxa owitho waka mwaha wa yowo ni nloko nawe, ni kinonkhumiha, ni wakhula ole ontthuna oraruwa onttharaka Moloki.⁶Ale anaaphela ale anlavula ni atthu ookhwa, hata ale anlavula ni minepa, anararuwana, kinoorukunuxa owitho Waka ni kinimwakhumiha eriyari ya atthu aka. ⁷Tjitjam'mo wiraneyaka, mwireeliheke wa Apwiya ni nkhaleke oowarya, wahoo Miyano k'Apwiya, Muluku enyu.⁸N'haana wintjathi yjooruma Tjaka ni otthara. Miyano k'Apwiya, kinoorelihani. ⁹Wakhula ole ontthuna waatakhaliha atithi awe hata amayawe, ekhweeli ohaana okhwa. Okhala wira ohatakhaliha atithi awe ni amayawe, nto yootakhala eyo tiyaawe ni ohaana okhwa.¹⁰Nlopwana onraruwa ni nthiyana a nlopwana nkina, eyo piyo, wakhula nlopwana onraruwa ni nthiyana a mun'nawe --vekhweeli ahaana winviya, owo ni nthiyana namararuwa. ¹¹Nlopwana onrupa ni amwaraya amayawe ohaaveha atithi awe. Owenli, mwana ni amwaraya atithi awe, anrerela ookhwa. ¹²Akhala nlopwana ontthuna orupa ni mwarawe mwanawe, owenli ahaana okhwa. Awo apaka yootakhala. Awo akhalana nlattu ni ahaana okhwa.¹³Akhala nlopwana ontthuna orupa ni nlopwana nkina, ntoko nthiyana, owenli aya apaka yootakhala ni ahaana okhwa. Awo ahaana nlattu ni anrerela okhwa. ¹⁴Akhala nlopwana ontthuna onthela nthiyana ni khunthela-tho mayawe, eyo tiyootakhala. Awo ahaana opahiya, owo ni axithiyana, wira ohikhale otakhala eriyari enyu.¹⁵Akhala nlopwana ontthuna orupa ni enama, ohaana okhwa, ni mwinve enama eyo. ¹⁶Wakhula nthiyana ontthuna wattamela enama wira arupane, n'haana winva enama ni nthiyana owo. Awo ahaana okhwa. Awo attheka ni ahaana okhwa.¹⁷Nlopwana arupa ni nrokorawe, hata okhala mwana a atithi awe hata amayawe-- khurupana, etthu ya haaya. Awo ahaana okhumihiya eriyari ya atthu, okhala wira owo orupa ni nrokorawe. Owo onookuxa yootthrka eyo. ¹⁸Nlopwana arupa ni nthiyana oryeene m'mwerini mwawe, owo onootjuwela okhuma wawe ephome. Tjitjam'mo, owenli aya, nlopwana ni nthiyana, ahaana okhumihiya eriyari ya atthu.¹⁹N'hirupe ni mun'nawe mayenyu, n'nakhaka nrokorawe tithinyu, okhala wira on'nonyokhaniha nloko nenyu noowattamela. Nyuwano n'nookhalana yoottheka eyo. ²⁰Nlopwana arupa ni nthiyana a atatawe, owo on'nikwakwanyula tatawe. Awo anookhalana yoottheka eyo ni anookhwa vohikhalana anamwane. ²¹Nlopwana anthela mwarawe mun'nawe, eyo tiyoonanara, waholo owo on'nihiya ikettelo tjoothelana tja mun'nawe ni awo khan'yara.²²Nyuwano n'haana, nto, ikettelo tjaka tjootene; n'haana wettela nttetthe onoorowanakani wira eyo ehoorapheyeni. ²³Nyuwano n'heetteke nttharika tjoolimalela tja atthu, okhala wira Miyano kinoowettihani, waholo atthu awo an'nipaka tjitthu n'yo tjootene, ni Miyano kin'naanyokha.²⁴Miyano kin'noohimeryani: ''Nyuwano n'noohalana nttetthe owo; Miyano kinamoovahani ntoko yohalanenyu, nttetthe wookhala eleti ni oravo. Miyano k'Apwiya Muluku enyu, onoovalanyani ni atthuna akinaku. ²⁵N'haana, vano, waavalanya axinama akumi ni ohikla akumi ni axaapalame akumi ni ohikhla akumi. Nyuwano n'hinanariheke ni axinama ohikhala akumi hata axipalame akinaku hata inama tjikina tjiniipurula vathi, tjen'yo kinvalanyaka wa nyuwano ntoko tjohiloka.²⁶Nyuwano n'haana okhala oowarya, waholo, Miyano, Apwiya, koowaarya, ni Miyano kin'noovalanyani wa atthu akinaku, waholo timwaawaka.²⁷Nlopwana hata nthiyana onlavaula ni atthu okhwa hata minepa vekhweeli ohaana okhwa. Atthu ahaana omphwexa ni maluku. Awo akhalana yoottheka ni vekhweeli ahaana okhwa.

¹Apwiya hahin'himerya Moise: ''Mwahimerye anankuttho, anaawe Aroni, wira: 'Ohikhale wa nyuwano ontthuna wiinanariha mwaaha wa atthu ookhwa, ²vohikhala m'mutji oowattamela - mayenyu ni tihitnyu, mwaninyu nlopwana ni nthiyana, ³nrokorinyu ni n'himinyu harutji onkhale owan'nyinyu ni oohitheliya. Mwa awo mwiinanariheke.⁴Vano n'hinanarhe mwaha wa ntthu nkina, okhala wira mwamwinanariha nyenyu. ⁵Anankuttho ahimettheke ikharari tjaya n'nakhala ereru aya, n'nakhala othikila erutthu enyu. ⁶Awo ahaana ovanyiya wira anrumeeleke Muluku aya, ni wira attottopeke ntjina na Muluku, okhala wira anankuttho aniivaha nkuttho wa Apwiya, ephau ya Muluku aya. Nto anankuttho ahaana okhala oowarya.⁷Awo ahithelane ni nthiyana namararuwa n'nakhala natampi, ni awo ahithelane ni nthiyana omwalaniyeni awan'nyawe, okhala wira awo avalanyiya wira anrumeeleke Muluku aya. ⁸Nyuwano n'haana waattittimiha ale anvaha nkuttho wa Muluku. Owo ohaana okhala oowarya oholo wenyu, okhala wira Miyano, Apwiya, koorelaliheni wa Miyano, Koowaarya. ⁹Wakhula mwana a anankuttho ontthuna wiinanariha, oipakaka puta, khonaatittimiha atithi awe. Owo ohaana opahiya.¹⁰Ole ori nkhulupale a anankuttho eriyari ya axin'nyu, yoowo muru awe oniittheliya makhura ooreelihiya wira awareke ikuwo tjoowrya tja n'hooleli a nankuttho, ohihiyeke ikharari tjawe ota hata okhera ikuwo tjawe. ¹¹Owo ahiroweke nipuro n'ri ntthu ookhwa ni wiinanariha, hata okhala atithi awe ni amayawe. ¹²N'hooleli a anankuttho ahikhumeke nipuro noowarya a otabernakulu hata onanariha enupa ya Muluku, okhala wira owo ohaana oreelihiya ni makhura owaarya a Muluku awe. Miyano ka Apwiya.¹³Nkhulupale a anankuttho ontheleke nthiyana harutji. Ohin'theleke namukhweli, hata nthiyana puta. ¹⁴Owo ahithelaneke ni nthinto ola wa athiyana. Owo ohaana onthela nthiyana harutji a nloko nawe. ¹⁵Tjitjam'mo khomuntthuna onveeha mwaninyu, okhala wira Miyano k'Apwiya, yoowo oneerelihani'''.¹⁶Apwiya ahin'himerya Moise, wira: ¹⁷''M'muhimrye Aroni wira: 'Wakhulu otjuulu a nloko nenyu ontthuna orakala nrutthuni mwawe, ohaattameke wira avahe ephau ya Muluku awe.¹⁸Ohikhale nlopwana oorakala ontthuna waattamela owattamela Apwiya, ntoko ntthu ohinoona, ¹⁹wala nlopwana ohirina ikatha hata ilipwi, ²⁰okhurupuwa hata ookhuveya, hata nlopwana ni eretta m'menthoni, ni eretta, owereya, nrala, hata ekhete yoorakala. ²¹Ohikhale nlpwana wa nloko na Aroni, orina eretta nrutthuni ontthuna waattamela wira avahe nkuttho woopahiya wa Apwiya. Tjitjam'mo, nlopwana ookhala eretta nrutthuni, ohaattameleke wira avahe ephau wa Muluku awe.²²Owo on'nirerela okhura ephau ya Muluku awe, hata yootepaxa warya ni yoowarya. ²³Tjitjam'mo-tho, owo ahirowe woovikana malaya hata waattamela waltari, okhala wira owo oorakala nrutthuni mwawe, nto owo ahinanarihe nipuro Naka noowarya, okhala wira Miyano k'Apwiya, onaareeliha.''' ²⁴Nto, Moise ahin'himerya molumo ala Aroni, anaawe, ni atthu otene a Wisryeli.

¹Apwiya yahin'himerya Moise, wira: ²''Mun'himerye Aroni ni anaawe. Mwahimere wira ahaattamele tjitthu tjowaarya tja atthu a Wisrayeli, tjen'yo awo ankivahaya Miyano. Awo attittimiheke nipuro Naka Nowaarya. Miyano K'Apwiya. ³Mwahimerye awo: 'Wakhula ntthu, eriyari ya otjuulu enyu, okhuma woopatjeryani mpakha wookhitjeryani wa maloko, ori n'hina, akumana wa tjitthu tjoowaarya atthu a Wisryayeli anavahaya Apwiya, ntthu owo ohaana winviya oholo Waka. Miyano k'Apwiya.⁴Ohikhale otjuulu wa Aroni ontthuna okhalana eretta ya varutthu yooraveya, hata wiipa varutthuni vawe, ontthuna olya yoolya ya Apwiya mpakha ovona. Wakhula ntthuna okwata etthu yoonanara ntoko ntthu ookhwa, hata nlopwana onkhuma elopwana, ⁵hata wakhula ntthu ontthuna onkwata nakhwiitti ontthuna on'nanariha, wala wakhula ntthu ontthuna on'nanariha, wakhula nthinto woonanariha - ⁶nto, wakhula nankuttho ontthuna onanara ni wakhula etthu onaakhala onanara mpakha wiila. Owo ohilye wakhula etthu yowaarya, wahikhale ooroorapa ni matji.⁷Okathi ntjuwa ninkhumaaya, owo, nto, onaakhala ooreera. Numala onaya ntjuwa, owo vanonrerela olya yoolya yoowarya, walo iyo iyoolya tjinyu. ⁸Owo ahikhuure enama ephwanyiye yookhwa tjinviye ni inama tja ntakhwani, wira n'hinanarihe. Miyano k'Apwiya. ⁹Anankuttho atthareke ikettelo Tjaka, nto awo anookhalana yoottheka eyo ni anookhwa mwaha wookiveha. Miyano' k'Apwiya, anaareeliha.¹⁰Ohikhale ontthu ohikhanle nloko na nankuttho, vamotja ni atthu aya oolatuliya ni ipottha tjaya, okhanle olya eyoolya yoowarya. ¹¹Vano, nankuttho athuma epottha ni ntjurukhu awe, epottha eyo eyeelyeke yoolya ya Apwiya. Ni amutji akina a nankuttho ni ipottha tjooyariya owan'yeya, ni awo alyeeke tjitthu n'ya.¹²Akhala mwana a nankuttho ontthuna otheliya ni nlopwana oohikhala nankuttho, owo ahilye yoolya yoowarya. ¹³Nto mwana anakuttho akhala namukhweli, ni owo khuhiyaara, ni khutthikela okhala owan'nyaya atithi awe ntoko emwali awe, owo alyeeke yoolya ya atithi awe. Vano ohikhale ole ohikhanle nloko na nankuttho ontthuna olya yoolya ya nankuttho.¹⁴Akhala nlopwana ontthuna olya yoolya yowarya vohitjuwela, nto owo onlive nankuttho mwaha wa etthu eyo; owo ohaana watjererye ikwaha thanu ni antthikiherye nankuttho wa eyo olyalawe. ¹⁵Atthu a Wisryayeli ahikhaleke oothanya tjitthu tjavahalyaya Apwiya, ¹⁶n'nakhala wira etthu entthuna waatthekiha mwaha woolya yoolya yoowarya, waholo Miyano k'Apwiya, kinaareliha wa Miyano.'''¹⁷Apwiya yahilavula ni Moise, wira: ¹⁸''Mwin'himerye Aroni ni anaawe, ni atthu ootene a Wisrayeli wira: 'Wakhula ntthu a Wisrayeli, hata nletto onkhala eriyari aya, yavaha nkuttho - hata okhala anatiri aya, hata okhala yoovaha yootthuna, wala awo ovaha nkuttho aya wa Apwiya, ¹⁹wira tjaakheliye, awo ahaana ovaha enama yoolopwana yoohikhalana eretta enama ya nyompe, epwittipwitthi, hata ipuri.²⁰Vano nyuwano ehikhale entthunenyu ovaha yookhala mixankiho. Miyano nkinaakhela eyo wa nyuwano. ²¹Wakhula ntthu ontthuna ovaha nkuttho wa inyompe hata ipwittipwitthi wa Apwiya wira antthukule natiri, hata yoovaha yootthuna, eyo ehaana okhala ekumi wira yakheliye. Ohikhale nxakiho va mwaminamani.²²N'hivahe inama tjihinoona, tjoorakala hata tjoohikhala tjana, hata tjoohimalela, makhwatta ni ovele. N'haavahe iyo Apwiya ntoko nkuttho vaikho waltari. ²³N'haana ovaha yootthuna, enyompe wala epwittipwitthi hata yoorekama ni yookhuveya makhata, nto yoovaha ntoko ela khenaalhela nipuro na natiri.²⁴N'haavahe Apwiya inama tjoohikhala tjana ilopwana tjaya, tjooxileya, hata tjoothikileya. N'hipake eyo m'muttettheni mwenyu. ²⁵N'hivahe eyo matata maletto ntoko yoolya wa Muluku enyu, okhala wira iyo tjihaana mixankiho ni titjoohiloka. Iyo khainakheliya nipuro nenyu.²⁶Apwiya yahilavula ni Moise wira: ²⁷''Yayariya enama ebezeru, epwittipwitthi hata epuri, iyo tjihaana okhala ni aximamaya mahiku thanu napili. Nto, nihiku na eneethanu natthanru orowa oholo, tjinimwaakheliya ntoko nkuttho hata nkuttho woovahiya vaikho wa Apwiya.²⁸N'hivahe nkuttho enama ni mwasana aya, tjoopili nihiku nimotja. ²⁹Nyuwano mwavaha nkuttho yoovaha ya mahala, n'haana ovaha wira yakheliye. ³⁰Eyo ehaana olyiya nihiku nenlo entthunaya ovahiya. Ehikhale entthuna ohala mpakha nihiku nikina. Miyano k'Apwiya.³¹Nto, n'haana wintjahi ikettelo tjaka ni ntthareke. Miyano k'Apwiya. ³²Nttittimihe ntjina Naka Noowarya. Miyano kihaana owehiya nroko oowarya eriyari wa maloko a Wisrayeli. Miyano k'Apwiya, kinooreelihani wa Miyano, ³³Ole okhumihale elapo ya Wegitu, wira okhale Muluku enyu. Miyano k'Apwiya''.

¹Apwiya yahin'himerya Moise: ²''Mwahimerye atthu a Wisrayeli, wira: 'Niira nithanliye ni Apwiya, nyuwano tjikhanlenyu opaka ntoko ithukumano tjoowarya, awo miira aka atthuna wiraneyaka.³Nvareke nteko mpakha mahiku thanu namotja, nto nihiku na eneethanu napili eyo eSabadu noowintjuwa, othukumana wowarya. N'hivare nteko okhala wira eyo eSabadu ya Apwiya mapuro otene anttunenyu okhala.⁴Ala maniira oothanliya ni Apwiya, othukumana wowarya okhalenyu oohilyamyaka oakthi waphiya. ⁵Mweri woopatjerya, nihiku na muloko ni mahiku matjese varowaka wiila, onaakhala pasika a Apwiya. ⁶Nihiku na muloko ni mahiku mathanu na mweri en'nookhala Niira na Iphau tjohikhala miropo tja Apwiya. N'hina mwa mahiku thanu napili n'haana nkhuraka ipahu tjohikhala miropo.⁷Nihiku noopatjerya nyuwano n'noothukumana mwaha wa Apwiya, n'hivareke nteko tjalimalelalalenyu. ⁸N'haana ovaha mikuttho vamoroni eriyari ya mahiku thanu namenli wa Apwiya. Nihiku na enethanu namenli nihiku na nthukumano na Apwiya, nenlo, n'hivare nteko nto volimalela wenyu''.⁹Apwiya yahin'himerya Moise, wira: ¹⁰''Mwahimerye atthu a Wisrayeli ni mwahimerye, 'Mwaphiya elapo yovahalyakani, ni mwahepha ipyo, nto munwaneleke milipu nankuttho. ¹¹Owo avaheke milupu ntoko tjoovaha oholo wa Apwiya, wira tjakheliye oholo wenyu. Entthuna okhala nuuvira eSabadu nankuttho ontthunawe wavaha Apwiya.¹²Nihiku nyuwano muntthunenyu ovaha milipu wa Miyano, ohaana ovahiya epwittipwitthi yoosaana yoolopwana ya eyakha emotja ni ekumi ntoko yoovahiya yoopahiya wa Apwiya. ¹³Yoovaha ya inuku entthuna okhalaka inamuloko pinli tja efa ephepa yootepa oreera yootakanihiya makhura, yoovaha yoopahiya wa Apwiya, wira okhume wunkhela wooreera, ni vamotja yoovaha ya elibatju, ni mphantti wa etjese wa ehini. ¹⁴N'hikhure ephau, n'nakhala inuku tjoowooxiya n'nakhala ikithi, mpakha nihiku nenlo nintthunenyu owaana wa Muluku. Ela entthuna okhala ekettelo wa maloko enyu ootene, wakhula nipuro nintthunenyu okhala.¹⁵N'haana walakhanya mahiku okhuma eSabadu, nihiku nwanalenyu yoolya wira evahiye, itjuma thanu napili tjoomalela tjene, iSabadu thanu napili, ¹⁶mpakha nihiku na eSabadu ya eneethanu napili. Hata, n'haana walakhanya mahiku miloko mithanu. Nto nvaheke-tho ipyo tjikina wa Apwiya.¹⁷N'haana okhumiha owan'nyinyu iphau pinli tjoopakiya ni efa pili. Tjihaana opakiya ni etrigu yooreera ni wooxiya ni etrigu; eyo enrowa okhala yoovaha ya ipyo tjoopatjerya. ¹⁸N'haana ovaha vamotja ni iphau ipwittipwitthi thanu napili tja eyakha emotja tjoohirakala, etouru ya nanano, ni inama pinli. N'haan opaha nto yoovaha ya Apwiya, ni yoovaha ya inuku ni evinyu, yoovaha yoopahiya wira okhume wunkhela wowatjivela Apwiya.¹⁹N'haana ovaha epuri yoolopwana mwaha wa itampi, ni ipwittipwitthi pinli tja eyakha emotja, ntoko yoovaha yorerela. ²⁰Anankuttho ahaana ovaha oholo wa Apwiya, vamotja wa iphau tja milokorokho tjoopatjerya, ni owaana ntoko yoovaha ni vamotja wa ipwittipwitthi pinli. Tjintthuna ovahiya ni nankuttho oholo wa Apwiya. ²¹Tjihana owaaniya nihiku nimotja. Ohaana okhala nthukumano wowarya, nto n'hivareke nteko ntoko volimalela wenyu. Entthuna okhala ekettelo yoohimala wa maleko enyu ootene wakhula nipuro muntthuninyu okhala.²²Okathi ontthunenyu ohepha mihokorokho tja m'matta mwenyu, n'hiphiyeke mpakha m'malenle imatta tjinyu ni n'hittotteke tjintthuna omoraka mphironi. N'haana wahiyerye atthu oohikhalana ni aletto. Miyano K'Apwiya Muluku enyu''.²³Apwiya yahin'himerya Moise, wira: ²⁴''Mwahimerye atthu a Wisrayeli wira: 'Mweri wa eneethanu napili, nihiku noopatjerya nintthuna okhala noowitjuuwa wa atthu otene, yoowupuwela okhuwela wa nipenka, ni othukumana wowarya. ²⁵N'hivareke nteko ntoko yolimalelenyu, ni nvaheke mikuttho tjoopahiya wa Apwiya'''.²⁶Nto Apwiya yahin'himerya Moise, wira: ²⁷''Wananao nihiku na namuuko wa mweri m'motjaru ohaana okhala nihiku na oreelihiya. Ontthuna okhala nthukumano wa Apwiya, nyuwano n'haana wiyeviha ni onaha nkuttho wa APwiya.²⁸N'hivare nteko okhala wira nintthuna okhala nihiku nooleveleliya, wira nreelihiye oholo wa Apwiya Muluku enyu. ²⁹Wakhula ntthu ohintthuna wiireeliha nihiku nla ohaana okhumihiya n'hina wa nloko nenyu.³⁰Wakhula ntthu ontthuna ovara nteko nihiku nla, Miyano, Apwiya, kinon'nyanya eriyari ya nloko enyu. ³¹Nyuwano n'hivare nteko nihiju nla. Ela entthuna okhala ekettelo yoohimala wakhula maloko ya atthu enyu wakhula nipuro nintthunenyu okhala. ³²Nihiku nla nihana okhala esabadu yoowitjuwa woomalela, ni nyuwano n'haana wiyeviha woomalelani wa nihiku nla. Othana omotja mpakha othana okinaku, eSabadu eyo ehaana wintjaathiya.³³Apwiya yahin'himerya Moise, wira: ³⁴''Mwahimerye atthu a Wisrayeli, wira: 'Okhuma nihiku na namuluko neethanu n'haana okhalana niira na Etabernakulu nwuupuwelaka Apwiya. Eyo emaleke mahiku thanu namenli.³⁵Nihiku noopatjerya okhalaleke othukumana wowarya. N'hivare nteko. ³⁶N'hina mwa mahiku thanu namenli mwavaheke nkuttho woopahiya Apwiya. Nihoku na eneethanu nattharu okhaleke nthukumano wowarya, ni mwapaheryeke nkuttho Apwiya. Ola ontthuna okhala nthukumano woomalela, nto ohivariye nteko.³⁷Ala miira oothonyiya ni Apwiya, muntthunenyu ovahaka mikuttho tjoopahiya wa APwiya, yoovaha yoopahiya ni ekina ya inuku,mikuttho ni ilibasawu, wakhula etthu nihiku naya. ³⁸Miira ala n'haana otakaniha isabadu tja Apwiya ni tjoovaha tjaya, anatirinyu ootene, ni tjoovaha tjinyu tjintthunenyu wavaha Apwiya.³⁹Nikhanle-tho tjitjo niira na Etabernakulu, nihiku na eneethanu napili na mweri, numala othukumanya ipyo tja m'matta mwenyu, Niira na Apwiya nikhale mahiku thanu namenli. Nihiku noopatjerya nintthuna okhala noowitjuuwa ni nihiku na eneethanu nattharu nintthuna-tho okhala noowiitjuwa.⁴⁰Nihiku noopatjerya nyuwano n'haana okhumiha mihokorokho tjooreeraxa, mavuuru a ipalimera, mavuura a miri tjoowukha, ni salikero nkherekhere mwa muro, mwattittimiheke Apwiya, Muluku enyu, n'hina mwa mahiku thanu napili. ⁴¹N 'hina mwa mahiku thanu namenli wakhula mwakha, nkhalaneke niira na Apwiya. Ela entthuna okhala ekettelo yoohimala wakhula nloko wakhula nipuro nintthunenyu okhala. N'haana okhalana niira nla mweri wa eneethanu npili.⁴²Nyuwano n'haana okhala m'maxaxai itjikhani n'hina mwa mahiku thanu namenli. Wakhula anamwane a Wisrayeli ahaana okhala m'maxaxai itjikhani n'hina mwa mahiku thanu napili, ⁴³wira otjuulu aya, wakhula maloko, atjuwele nthinto Miyano kakhalihalyaka mixaxa itjikhani Wegitu. Miyano k'Apwiya, Muluku aya'''. ⁴⁴Tjitjam'mo, Moise ahahimerya atthu a Wisrayeli niira noothanloya na Apwiya.

¹Apwiya yahin'himerya Moise, wira: ²''Mwahmerye atthu a Wisrayeli wira yoowanele makhura oowarya a olivera wira aheliyeke m'mithukoni, wira wakhula ookathi tjipatteke.³Mphantti woota wa nlaya, oholo wa tjoohimiya tja natiri Mpani mwa Nthukumano, Aroni ohaana, wakhula okathi, opattiha nthuko okhuma ohiyu mpakha oxa, oholo wa Apwiya. Eyo entthuna okhala ekettelo yoohimala munlokoni mwenyu wa Atthu Enyu. ⁴Nkhulupale a anankuttho ohaana opattiha mithuko wakhula okathi oholo wa Apwiya, mithuko tjookantilabru ya ewero.⁵Nyuwano n'haana okuxa ephepa yooreera wira mpaka ipahu muloko ni pili. Iyo tjihana okhala efa pili wakhula ephau. ⁶Numala, n'haana wintjaathi iphantti pinli, vametja wa ewero ooreera ohoolo wa Apwiya.⁷Nyuwano n'haana wintjaathi etthu yoowunkhela wakhula ephantti ya iphau ntoko ethenyoryo ya iphau. Yowunkhela eyo entthuna opaheriya Apwiya. ⁸Wakhula nihiku na eSabadu, nankuttho ohaana wakhula okathi wooniherya ephau ohoolo wa Apwiya mwa ntjina na atthu a Wisrayeli, ntoko ethonyeryo ya watana woohimala. ⁹Yoovaha eyo entthuna okhala ya Aroni ni anaawe. Awo ahaana olya nipuro noowarya, okhala wira tiyaawaka Miyano, waholo tjikuxiye iyoolya tjoopahiya ni mooro tja Waka.''¹⁰Wahonaneya mwana m'motja a nthiyana a Wisrayeli, atithi awe yaari a wegitu, yaari eriyari ya Wisrayeli. Mwana owo aroowana ni nlopwana a omaxaxani. ¹¹Mwana owo a nthiyana owo avehale ntjia na Apwiya ni khuntakhaliha Muluku, nto, atthu yahinrowaana wari Moise. Ntjina na amayawe yiiriya Selomiti, mwanwe Dibri, a nloko na Da. ¹²Awo yaromwintjaathi yaalipelelaka Apwiya ohimya yaatthunaya.¹³Nto, Apwiya yahin'himerya Moise, wira: ¹⁴''Munkuxe nlopwana owo ovehale ntjina na Muluku munrowane ota wa omaxaxani. Wakhula ntthu n'hiwale ohaana omwintjatherya matata vamuro vawe ni, numala, atthu ootene ahaana ompwexa ni maluku.¹⁵Nyuwano n'haana wahimerya atthu a Wisrayeli, wira: 'Wakhula ntthu ontthuna ooveha ntjina Muluku aya ohaana okhalana yoottheka awe. ¹⁶Ole ontthuna oveha ntjina Apwiya ohaana vekhweeli otthukweliya okhwa. Atthu ootene ahaana ompwexa ni maluku, hata okhala nletto ni ohikhala nletto. Akhala ontthuna oveeha ntjina na Apwiya, ohaana winviya.¹⁷Ni ole ontthuna omwinva mun'nawe ohaana winviya. ¹⁸Ole ontthuna winva enama ya ntthu ohaana owaana ekinaku wira alive, ekumi ni ekumi.¹⁹Akhala nlopwana ontthuna omphwata namwattamanani awe, owo ohaana opakiya tjitjam'mo tjimpakalyawe namwattamanani awe: ²⁰nikhwatta ni nikwatta, niitho ni niitho, niino ni niino. Tjitjam'mo owo onkhumihalyawe nikhwatta wa ntthu, ni owo ohaana opakiya tjitjam'mo. ²¹Wakhula ole ontthuna wiiva enama ohaalam oliva ni wakhula ontthuna omwinva ntthu ohaana winviya.²²Nyuwano n'haana okhala ophuka omotjaru wa atthu owenli: nletto ni ntthu a Wisryayeli, waholo Miyano k'Apwiya, Muluku enyu'''. ²³Nto Moise ahilavula ni atthu a Wisryayeli, ni atthu yahinwaana ntthu ole ota wa omaxaxani, yoole aavehale Apwiya. Awo yahimpwexa ni maluku. Atthu a Wisryayeli yahikuxa yootthara ya Apwiya oholo wa Moise.

¹Apwiya yahilavula ni Moise Omwaako Siyoni, wira: ²''Mwahimerye atthu a Wisryayeli wira: 'Okathi antthunaya okela elapo ele yaavahalyaka, mwintjaathi esabadu ya Apwiya.³Nyuwaano n'haana waala ipyo m'matta n'hina mwa iyaakha thanu namotja, ni n'hina mwa iyakaha iyo n'haaa waala evinya ni ohepha. ⁴Vano eyakha ya eneethanu napili, n'haana wintjathi esabadu emotja yowintjuwiha etthaya, esabadu ya Apwiya. N'hilime m'matta mwenyu n'nakhala olimela evinya.⁵N'hireheryeke wakhula n'hokorokho om'mela vekhawe, nyuwano n'hitthareke wakhula n'horokorokho wa ewuva yun'nuwale nvinyani yohireheriya. Owo ontthuna okhala mwakha wowintjuwiha etthaya. ⁶Wakhula ipyo tjitthuna wun'nuwa eyaakha yowintjuuwa, ekhaleke yoolyinyu. Nyuwano, ipottha tjinyu, ipottha tjinyu tjoothumiya ni aletto ankhala eriyari enyu vekhweeli ahepheke yoolya eyo. ⁷Ni inyompe tjinyu, ni inama tja ntakhwani vekhweeli alyeke iyoolya iyo.⁸Nyuwaano n'haana walakhanya isabadu thanu napili, tjintthuna okhala, ikwaha thanu napili iyakha thanu napili, nto n'nookhala isabadu thanu napili, otakaniha iyakha thanu nattharu. ⁹Nto n'khuwelihe nipenka nowiwanyeya nihiku na enamuloko eyakha ya eneethanu napili. Nihiku na Oreelihiya vekhweeli nkhuwelihe nipenka nttetthe wootene.¹⁰Nyuwano n'haana ohiya eyakha ya miloko thanu ya Apwiya ni n'himye otaphuwa wa etthaya, ni atthu ootene. Ela entthuna okhala eyekha yotthapa wa nyuwano, yeeyo entthunenyu wattikiherya tjitthu axineene ni ipottha amutji aya.¹¹Eyakha ya namiloko mithanu entthuna okhala eyaakha yootthapa ya nyuwano. N'haale n'nakhala ohepha iyoolya tjowalakhanyiya. Nlyeeke entthuna omela vekhaya, ni n'hephe iwuuva tjohilimeliya. ¹²Waholo eyakha yoohakalala wa nyuwano. Nlyeke tjoomela vekhaya.¹³Nttikiheke tjitthu tja axineene eyakha yoohakalala. ¹⁴Nyuwano mwatumiha etthaya hata othuma etthaya, nto ohikhale owokana.¹⁵Nyuwano mwathuma etthaya ya namwattamanani enyu, mwalakhanye iyakha ni ipyo tjintthunenyu ohepha mpakha eyakha ekina yoohakalala. Ni namwattamananenyu ontthuna wootumiheryani ohaana-tho waalakhanya. ¹⁶Iyakha tjintthuna oviraka mpakha ophiya eyakha yoohakalala etjitjapo enaamwatjerereya, iyakha vakani mpakha iyakha ekina etjitjapo enanvukuwa ya etthaya, okhala wira eyoolya entthunenyu ohephaka enattharana ni iyakha. ¹⁷Nyuwano nkhaleke ekhweeli ni namwattamananenyu; ohiya vo, m'muttittimihe Muluku enyu, waholo Miyano k'Apwiya, Muluku enyu.¹⁸Vano n'haana otthara ikettelo tjaka, mwintjathiki Ikano Tjaka ni nrowaneke ohoolo. Nto nyuwano n'nakhala m'muttettheni voohova etthu. ¹⁹Etthaya enamwiima mihokorokho, ni nyuwano nlyeeke ni nvoneke ni nkhaleke voohova etthu.²⁰Nyuwano mwiira: ''Nintthuna olya exeeni eyakha ya eneethanu napili? Moone, khanikhanle oowaala, ohepha n'nakhala othkumanya.'' ²¹Miyano kinoowaana mareliho aka eyakha ya enethanu namotja, ni eyakhaeyo on'noohepha ipyo tjintthuna ophioyerya olya iyakha ttharu. ²²Nyuwano mpatjeryeke waala eyakha ya eneethanu nattharu ni nlyeeke yoolyaya ni ekina mwintjathiki. Mpakha ohepha okinaku wa eyakha, nlyeke iyoolya tjintjaathiye eyakha ekinaku.²³N'hintumiherye etthaya ntthu a nanano ontthuna okhalana okathi wootene, okhala wira etthaya Tiyaawaka. Nyuwano ootene mwa aletto unkhala ntthaya Mwaka n'hina mwa okathi. ²⁴Nyuwaano n'haana oweha wira nrimoolihiya ntthayani m'mo munkhalenyu; etthaya eyo yathumiya ehaana ottikiheriya axinene atumihe. ²⁵Akhala m'muninyu a wisryayeli oohawa awa khuntumiheerya etthaya, nto m'mutji enyu ohaana ohaana owa othuma etthaya eyo.²⁶Akhala ntthu ohintthuna okhala m'mutji oowopola etthaya awe, nto owo ookhalana ntjurukhu oowopolana etthaya eyo, ²⁷nto owo ohaana waalakhanya iyakha tjitumiheriyawe etthaya ni onliveke tjitjam'mo nlopwana owo antumiheryale. Vano owo atthikeleke etthaya awe. ²⁸Vano owo aahiwerye wiittikiherya etthaya eyo, nto etthayta eyo nlelo entthuna okhala ni yoole ahumale mpakha eyakha yoohakalala. Eyakha yoohakalala, etthaya eyo ehaana ottikiheriya ntthu othumale, ni mwanene atthikeleke ntthayani mwawe.²⁹Akhala nlopwana ontthuna otumiha enupa mpoma munkhaliha, owo ohaana othuma-tho enupa eyo n'hina mwa eyakha emotja. N'hina mwa eyakha emotja owo ohaana othuma-tho enupa eyo. ³⁰N'hina mwa eyakha yoomalela enupa eyo yahithumiye, nto enupa eyo enookhala yawawe mwanene othumale, n'hina mwa nloko nawe nootene na otjulu awe. Enupa eyo khenttikihiya eyakha yoohakalala.³¹Vano inupa tjikina tjihintthuna okhalana ixiri tjinkuttelela tjintthuna okhala itthaya tja axitithi aya. Iyo tjithumiyeke-tho, ni tjihana ottikihiya eyakha yoohakalala. ³²Vano, inupa tja malevita mpoma mwaya tjinooweryaneya ottikihiya wakhula okathi.³³Akhala levita ohintthuna owerya ottikiha enua etumihalyawe, nto enua eyo etumihiye, epoma eryaya, ehaana ottikihiya eyakha yoohakalala, waholo inupa mpoma mwa malevita mittetthe tjaya n'hina mwa anasarayeli. ³⁴Vano imatta tjinrukurerya ipoma tjihitumihiye okhala wira iyo mittetthe tjaya malevita vohimala.³⁵Akhala mun'ninyu ontthuna ohaawa mpakha ohinawerya wiilyiha, n'haana onkhaliherya tjitam'mo tjatthunenyu onkhaliherya nletto wala ntthu nkina atthuna okhalaka eriyarinyu. ³⁶N'hiphele omwin'yerya, nto m'muttittimihe Muluku enyu ni mun'ninyu nlelo okhaleke ni nyuwano. ³⁷N'hinkophihe ntjurukhu ni juru, n'nakhala ontumiherya eyoolya enyu emphelaka othatjiri. ³⁸Miyano Muluku enyu, okumihaleni wegitu, khoovahani nttetthe wa Okanani, wira kikhale Muluku enyu.³⁹Akhala mun'ninyu ontthuna ohaawa khwiitumiherya wa nyuwano, n'himweetihe ntoko epottha. M'mweettiheke ntoko nrumeyi oonliviya. ⁴⁰Owo ontthuna okhala ntoko ntthu onkhala ni nyuwano n'hina mwa okathi. Owo onimoorumelani mpakha eyakha yoohakalala. ⁴¹Vano, owo onimohiyani, owo ni anaawe, ni owo onootthikela wa amutji awe ni mittetthe tja axitithi awe.⁴²Waholo awo arumeyi aka yawaanalyaka elapo ya Wegitu. Awo ahitumihiye ntoko ipottha. ⁴³N'hahukhumu ventji, nto vehweeli m'muttittimihe Muluku enyu. ⁴⁴Eriyari ya ipottha tjinyu alopwana ni athiyana, n'haana wathuma mittetthe tjoowattamela tjinyu, vekhweeli mwathumeke oowaattamelani.⁴⁵Nyuwano-tho nthumeke ipottha tja aletto ankhala vakhiviru ni nyuwano, eyo piyo, mwa amutji aya ankhala ni nyuwano, anamwane ayariye m'muttettheni mwenyu. Awo anookhala atthu enyu. ⁴⁶N'haana okhala ipottha ntoko tjoohalana tja aniinyu nuvira nyuwano, wira tjikhale tjookhalana. Mwa awo, wakhula okathi nkuxeke ipottha tjinyu, n'hahukhumu axin'ninyu a Wisrayeli.⁴⁷Akhala nletto hata ntthu nkinaku onkhala eriyari enyu akhala thaatjiri, ni mun'ninyu a musarayelita akhala oohawa ni khwiitumiherya thaatjiri owo, hata amutji awe nletto, ⁴⁸numala mun'ninyu owo othumiya, owo ohaana othumiya-tho voottikihiya. M'motja wa amuti awe ahaana onttikiha.⁴⁹Hata okhala tatawe, wala mwanawe tatawe, ontthuna onttikiha hata m'mutji nkina oowaattamela. Wala akhalana ntjurukhu oitjopoleke mwanene. ⁵⁰Owo ohaana ovanela ni nlopwana onthumale; awo ahaana waalakhanya iyakha okhua eyaakha oitumiheralyawe pwiyawe mpakha eyakha yoohakalala. Etjitjapo awe entthuna otharela etjitjapo ya nrumeyi onliviya, ottharaka numuru na iyakha tjintthunawe onrumeela ole onthumale.⁵¹Tjahala iyakha tjintji mpakha eyakha yoohakalala, owo ohaana oliva etjitjapo enttharelana ni iyakha iyo. ⁵²Tjahala iyakha vakhani ni eyakha yoohakalala, nto owo ohaana wiwanana ni pwiyawe wa iyakha iyo tjin'hala, ni oliveke ottharaka iyakha iyo tjoothumiyawe.⁵³Owo ohaana wettihiya ntoko nlopwana onliviya vayakhani. Nyuwano n'haana otthunela wira ahihaxiyeke. ⁵⁴Akhala owo khontthuna okhala ikettelo eyo nto ohaana orumeela ni anaawe mpakha yoohakalala. ⁵⁵Wa Miyano atthu a Wisrayeli arumeyi. Awo arumeyi Aka, yaawo yawanalyaka wegitu. Miyano k'Apwiya, Muluku enyu.

¹N'hiipakele amuluku a ethiru, n'nakhala okokhorela ilatarato tjoopatthiya wala maripo oowarya a maluku, ni n'hiitjathi ilatarato tjoopatthiya nlaponi mwenyu khinakokhorela, waholo Miyano k'Apwiya, Muluku enyu. ²N'haana wintjathi iSabadu Tjaka ni ottittimiha enupa Aka yoowaarya. Miyano k'Apwiya.³Mweetta nttaraka ikettelo Tjaka ni khunatthara Tjooruma Tjaka, ⁴nto, miyano kinaarupiha epula okathi aya; etthaya enovaha mihokorokho tjaya, ni miri tjootakhwani tjinoovaha mihorokho tjaya.⁵N'niimoolya voohimala mpakha okathi woohepha ewuva, ni yoohepha eyo ehaana okhala mpakha okathi wowaala. N'nimolya yoolya enyu ni n'nookhala oolipa owan'nyinyu. ⁶Miyano kinoowaana nrettele nlaponi; n'nimpathi ni wohoova etthu, kinookumiha inama tjoowopha m'muttettheni mwenyu, ni ekatana khenivira m'muttettheni.⁷N'noowikara awananni enyu, ni awo anoomora oholom wenyu mwaha wa ekatana. ⁸Athanu a nyuwano anoowikara emiya, ni emiya a nyuwano anoowikara ikonto muloko; awanani enyu anoomora oholo wenyu mwaha wa ekatana.⁹Miyao kinaamowehani ni mphento ni kinoowatjereryani. Miyano kinoolipiha watana waka ni nyuwano. N'nimoolya eyoolya yowintjathiya okathi muntji. ¹⁰N'nookumiha eyoolya yoowintjathiya, okhala wira munrowa ophelaka -tho nipuro nowintjathi iyoolya.¹¹Miyano kinimwintjathi etabernakulu aka eriyari enyu, ni miyano nkintthuna woonyokhani. ¹²Miyano kineetta eriyari enyu ni kinookhala Muluku enyu, ni nyuwani n'nookhala atthu aka. ¹³Miyano k'Apwiya, Muluku enyu, okhumihaleni elapo ya Wegitu, wira khamwakhalale ipottha tjaya. Miyano kookwakwanyula owerya waya, wira kiweettiheni voorerela.¹⁴Vano nyuwano mwakinwe Miyano, ni khuhitthara tjooruma n'ya tjootene, ¹⁵ni khukhootta iketto Tjaka ni khunyokha ikettelo Tjaka, ni khuhinatthara Tjoruma Tjaka, ni khunyanya watana Waka,¹⁶Mwapaka tjitthu n'ya, vano Miyano kinamoopakela eyo: Miyano kinoowaana tjitthu tjoowopiha wa nyuwano, iretta ni ittekuxa tjintthuna onyanya mentho enyu ni onyanya ikumi tjinyu. Nyuwano n'namwaala ipyo tjinyu mahala, okhala wira awanani enyu tantthuna olyaka tjooruwerya tjinyu. ¹⁷Miyano kinoonanariya ni Nyuwano, ni nyuwano n'nan'haxiyaka ni awanani enyu. Atthu oowonyokhani tantthuna owettiheryakani, ni n'naamwittyawa ohikhalale ntthu oniwikarani.¹⁸Nyuwano mwahinwe ikettelo tjaka, nto Miyano kinimoohukhumuni ikwaha thanu napili mwaha wa itampi tjinyu. ¹⁹Kinoonyanya wikhurutula wenyu vakuruni venyu. Miyano kinoopaka erimu enyu okhala ntoko atju ni etthaya enyu, ntoko ebrontji. ²⁰Ikuru tjinyu khantjintthuna okhala etthu, okhala wira etthaya enyu khentthuna okhumiha yoolya, ni miri tjinyu khantthuna wiima mihokorokho.²¹Nyuwano mweetta voohikinwelela Miyano ni khuhikinwa Miyano, Miyano kinaawana ihatjara ikwaha thanu napili wa nyuwano, mwaha wa itampi tjinyu. ²²Miyano kinooruma inama tjootakhala owa wa nyuwano, tjintthuna wakhura aniinyu, onyanya inama tjinyu, ni tjintthuna waavukula atthu enyu.²³Wakhala, hat tjitjam'mo, nyuwano mwahitthare tjowintthutjiha tjaka, ni khinathipelela weetta vohikinwelela Miyano, vano ni Miyano kiineetta vohikhala ni nyuwano. ²⁴Miyano kamwanene kinamoohukhumuni ikwaha thanu napili tjootene mwaha wa itampi tjinyu.²⁵Miyano kinoowaana ekatana wa nyuwano mwaha wohiwelela tjooruma Tjaka. Nyuwano n'noothukumanyiya n'hina mwa ipoma tjinyu, ni Miyno kinoowana iretta wa nyuwano, ni nto n'nooxinttiya ni ikuro tja awanani enyu. ²⁶Okathi ontthunaka omaliha iyoolya tjinyu, athiyana muloko anaamooxa iphau tjaya efornu emotja, ni awo anamukawa iphau tjaya tjoowalakhanyiya. Nyuwano n'naamoolya, vano khuhivona.²⁷Wakhala tjitjam'mo, nyuwano Khuhikinwa, ni khinaathipelela ohikinwa, ni ²⁸nto onanariya Waka onaawa wa nyuwano, ni Miyano kinimoohukhumuni ikwaha thanu napili vano tjootene mwaha wa itampi tjinyu.²⁹Nyuwano on'nookhura enama ya aniinyu; nyuwano n'nookhura enama ya aniinyu athiyana. ³⁰Miyano kinimwakwakwanyula altari enyu, kinimwakwakwanyula altari enyu a tjowunkhela, ni kinoottikhela mirutthu tjinyu tjiryaya mirutthu tja amuluku enyu, ni Miyano kamwanene kinimoohukhumuni.³¹Miyano kinoonyanya ipoma tjinyu ni kinoonyanya mapuro enyu oowarya. Miyano nkintthuna otjiveliya ni wunkhela tja tjoovaha tjinyu. ³²Miyano kinoonyanya etthaya. Awananinyu antthuna okhalaka ni nyuwano anooxanka ni onyanyiya nwo. ³³Miyano kinimookawakawani nlaponi mootene, ni Miyano kinoowana ekatana aka kiwikarekeni. Mittetthe tjinyu tjinoothamiya ni ipoma tjinyu tjinoohononiya.³⁴Nto etthaya enootthapa ni isabadu tjaya numala othaamiya, ni nyuwano munrowa okhalaka mittetthe tja awanani enyu. ³⁵N'hina wa okathi owo, etthaya enaarowa wintjuuwa ni anoottottela murarelo isabadu. Okathi entthunaya othamiya, enimwiitjuwa, ontthuna okhala wintjuwa ohitonko enyu okhalana okathi mwaarinyu mem'mo. ³⁶Antthuna ohala wa nyuwano, antthuna ohiiwa m'muttettheni mwa awanani enyu, miyano kinaawana woova m'murimani mwaya wira hata nikukhu noomoora niwoopopiheke, ni nyuwano n'natthyawa ntoko ntthu ontthyawa ekatana. Nyuwano n'noomora, hata ohikhanle oniwikarani.³⁷Nyuwano n'nakwakwatthuwaka ntoko ntthu onttyawa ekatana, hata ohikhanle ontthuna owikarakani. Khan'nikhalana ikuru tjonxintta nwanani enyu. ³⁸Nyuwano n'naakhwa nlapni mwenyu hata elapo yeeyo ya awanani enyu enoowinvani. ³⁹Akina wa nyuwano anookhwa ni itampi tjaya, nlappni mwa awanani aya ni, mwaha wa itampi tja axitithi aya, anaakhwa.⁴⁰Vano awo yahimyahimya itampi tjaya ni itampi tja axitithi aya, ni yohinwelela aya wa Miyano, ni-tho iphiro tjaya wa Miyano - ⁴¹tjen'yo tjikinyonyihalyaya ni khwaavahererya nttetthe wa awanani aya - mirima tjaya tjoohin'nuwa tjaiyeveiha, ni awo yaakhulela ehukhumu aya mwaha wa itampi tjaya, ⁴²nto Miyano kinimuupuwela Watana Waka ni Yakobi, watana Waka ni Isaki, watana Waka ni Abrahaamu; Miyo-tho kinimuupuwela etthaya.⁴³Anoothaama ntthayani, bto n'yo tjinootthapela isabadu tjaya numala awo okhuma. Awo ahaana olivela ohinwelela waya mwaha wa itampi, okhala wira yaawo khiyiwelelalale tjoohimya tjaka ni ikettelo Tjaka.⁴⁴Vano, hata ni tjootene n'yo, awo nlelo aryene nlaponi mwa awanani aya, Miyano nkintthuna waakhootta, n'nakhala waanyokha wira kaamalihe ooteene ni okumiha waatana waka ni awo, waholo Miyano k'Awiya, Muluku aya. ⁴⁵Vano, mwaha wa mahala, Miyano kinimuupuwela watana waka ni axitithi aya, yaawo Miyano kakumihalyaka elapo ya Wegitu, yoniyaka ni maloko mentji, wira Miyano kikhale Muluku aya. Miyano k'Apwiya''.⁴⁶Iya titjooruma, ikettelo, ni tjooweettela tjen'yo Apwiya yahimalyaya Omwako Siyoni, n'hina mwa Moise.

¹Apwiya yahin'himerya Moise, wira: ²''Mwahimerye atthu a Wisrayeli wira: 'Akhala ntthuna om'mana natiri, ontthuneya wira iireele mphanttin ntjurukhu n'hina wa ntthu, owo avahe Apwiya ottharelaka ikettelo n'nya:³Etjitjapo ya ntjurukhu ya nlopwana orina iyakha miloko miili mpakha miloko thanu namotja enrowa okhalaka eparatha icikulu miloko mithanu, ottharelaka ecikulu ya nipuro noowarya. ⁴Wa nthiyana a iyakha imotjaru, etjitjapo aya entthuna okhala icikulu miloko miraru.⁵Okhuma iyakha thanu mpakha miloko miili, etjitjapo ya nlopwana, entthuna okhala icikulu miloko miili ni nthiyana, icikulu muloko. ⁶Okhuma mweeri m'motja mpakha iyakha thanu, etjitjapo ya nlopwana entthuna okhalaka icikulu thanuya eparatha ni nthiyana, icikulu tthaaru tja eparatha.⁷Okhuma iyaakha miloko thanu namotja wa nlopwana, ehaana okhala etjitjapo ya icikulu muloko ni thanu ya eparatha ni nthiyana, icikulu muloko. ⁸Vano, wakhala ntthu owo om'maale natiri ahiwerye oliva ntjurukhu wo wootthuneya, nto, ntthu owo atthuna ovahiya ohaana orowa wixooniha wa nankuttho. Nankuttho onaarowa onweha ntthu owo, ottharelaka etjitjapo ele atthunae oliviya ni ntthu owo.⁹Akhala ntthu ontthuna ovaha nkuttho enama wa Apwiya, ni Apwiya khwaakhela nto enama eyo ehaana ovahiya Owo. ¹⁰Ntthu owo ohin'hiye n'nakhala okuxa enama ekina, nkumi ni owereiya hata owereiya ni nkumi. Wakhala owo, wakhula ephantti, ankuxa mwaminama nkina, owenli onooreelihiya.¹¹Vano, entthunaya ovahiya Apwiya yakhala, vekhweeli, yoohiloka, mpakha Apwiya ohaakhela, nto ntthu owo ohaana orowana wa Nankuttho. ¹²Nankuttho onarowa oweha etjitjapo ya enama eyo. Wakhula etjitjapo nankuttho ontthuawe ovaha enama eyo, entthuna okhala etjitjapo yoomalela. ¹³Ni wakhala mwanene ontthuna woopola, nto ya enethanu wa ntjurukhu awe entthuna watjereriya ntjurukhu athumaniyawe.¹⁴Okathi ntthu ontthunawe oreeliha enupa awe wa Apwiya, nto nankuttho onoohimya etjitjapo aya. Wakhula etjitjapo entthuna ohimiya ni nanttho, eyo tintthuna okhala etjitjapo aya. ¹⁵Vano, mwanene avahererya enupa awe khinaaphela-tho woopola, nto mphantti wa eneethanu ya etjitjapo aya, enimwaatjereriya etjitjapo yathumaniyaya. Tjitjam'mo, enupa eyo enontthikela.¹⁶Akhala ntthu ontthuna ovahererya ephantti ya etthaya awe, nto etjitjapo aya entthuna ottharelana ni ipyo tjinaaliya. Ehumeri ya ecevata entthuna owehiyaka icikuku miloko thanu tja eparatha.¹⁷Owo avaha ematta awe eyakha yoohakalala, etjitjapo rntthuna ohimiya entthuna okhala emotjaru. ¹⁸Vano, owo avaha ematta awe eyakha eyo evinrene, nankuttho ohaana waalakhanya etjitjapo ottharaka iyakha tjin'haala ophiya eyakha yohakalala, etjitjapo entthuna ohimiya enuuvukuliya.¹⁹Nlopwana owo ontthuna ovaha ematta eyo, atthuna ottikiha, nto owo ohaana waatjererya mphantti wa eneethanu wa ntjurukhu wahimiye nto enootthikela okhala ematta awe. ²⁰Owo ahiwerye woopola ematta, ehoopoliye-tho. ²¹Ohiya-vo, ematta eyo, yataphuliya eyakha yoohakalala, entthuna okhala yoovaha yoowara wa Apwiya, nto ematta evahiye Apwiya. Eyo entthuna okhala ya nankuttho.²²Akhala ntthu ontthuna waavaha Apwiya ematta ethumalyawe, nto khohikhala ya amutji awe, ²³nto, nankuttho onaarowa ohimya etjitjapo mpakha eyakha yoohakalala ni ntthu owo ohaana oliva ntjurukhu owo, nihiku nlo, ntoko yoovaha yoowarya ya Apwiya.²⁴Eyakha yoohakalala, ematta enontthikela ntthu ole aathum'me, mwanene ematta. ²⁵Ntjurukhu wootene wahimiye, entthuna ottharela etjitjapo ya mpani moowarya. Miloko mili tja egera ehaana okhala ecikulu emotja.²⁶Vano enama yoopatjeriya entthuna okhala ya Apwiya ni avahiyeke. Hata okhala enyompe ni epwittipwitthi, entthuna okhala ya Apwiya. ²⁷Enama eyo yahikhale ekumi, nto mwanene oopoleke tjitjapo yoorerela ni ephantti ya eneethanu enimwaatjereriya, etjitjapo ele. Enama eyo yahoopoliye, nto enootumihiya ni etjitjapo entthuna ohimiya.²⁸Vano, ehikhale ntthu ontthunawe wavaha Apwiya, wa tjootene jirinawe, hata okhala ntthu ni enama, hata n'hakhu awe wa amutji awe, etumihiyeke ni yoopoliyeke. Yootene envahiya enkhala yoowarya wa Apwiya. ²⁹Ehikhale entthuna woopoliya ni etthu yaatthuna ottikhiya. Ntthu owo onaakhwa.³⁰Ya enamuloko yootene nlaponi, hata ipyo tja m'matta, hata mihokorokho tja miri, titjaa-Apwiya. Iyo tjinreeliheliya Apwiya. ³¹Akhala ntthu ontthuna woopola ya enamuloko, ohaana waatjererya ntjurukhu ephantti ya eneethanu.³²N'hina wa enamuloko ya inama tjin'huwiya, wakhula ontthuna ovira vattottoni va nkukhuli, ehaana ovahiya Apwiya. ³³Nkukhuli owo ahipheele enama ekumi hata yoowereiya, ni owo ahivirikanihe ekina ni ekina. Owo avirikaniha ekina ni ekina, tjoopili tjinoorelihiya. Ni eyo khenoopoliya.³⁴Iya titjooruma Apwiya yanvahalyaya Moise Omwako Siyoni, wira avahe atthu a Wisrayeli.

¹Apwiya yahilavula ni Moise n'hemani mokumana n'Apwiya mothakoni m'omwako Sinai, nihuku nopasera mweri wonapili eyakha yonapili numala atthu a Israyeli okhuma nlaponi mwa wixitu. Apwiya yahira: ²''Mwatthokihe atthu otene a Israyeli, ntoko tjiryaya omutj'aya wotene, nitthoko tj'asitithyaya. Mwalepe matjin'aya alopwana otene m'motja m'motja, ³otene ale arina iyakha okhuma miloko minli orwaa oholo, anwerya owana ekhotto ntoko anakhotto a Israyeli. Nyuwo Aroni mwalepe alopwana ntoko nikhuru nowireherya owana ekhotto.⁴Nlopwana m'motja khula nihimo, ori mulupale étthoko ya tithyawe, onamukhaliheryani owana ntoko muholeli a nihimo ninyu. Wa khula nlopwana aholeleke alopwana anrwwa okhaliheryaka owana nihimo nawe. ⁵Matjina a' lopwanaanrwaa wukhaliheryakani tala: nihimo na Rubeni, Elisuri, mwana a xedewuri, ⁶nihimo na Simeyoni, Xelumiyeli, mwana a Surixadayi;⁷a nihimo n'ayuda,m Nasomi, mwana Aminadabi; ⁸a nihimo na Isakari, Natanayeli, mwana a Suari; ⁹a nihimo na Zabuloni, Eliyabi, mwana a Helomi;¹⁰a nihimo na Efrayimi, mwana Yosefe, Elixama, mwana Amihudi; a nihimo na Manase Gamaliyeli, mwana a Pedasuri; ¹¹a nihimo na Beniyamini, mwana a Gideyoni;¹²a nihimo na Dani, ahiyezeri, mwana Ámixadayi; ¹³a nihimo na Axeri, Paxiyeli, mwana a Ókarani; ¹⁴a nihimo na Gadi, Eliyasafi, mwana a Deweli; ¹⁵ni a nihimo na Nefetali, Ahira, mwana a Énani''.¹⁶Ala alopwana athanliye n'atthu. Ala aholeli a maloko axitithyaya avirale. Awo yari maholeli a maloko anakhotto a Israyeli.¹⁷Moise n'Aronoi yahalattula alopwana awo, yalepiye matjn'aya, ¹⁸ni vamotja n'awo yahathukumanya alopwana a Israyeli, nihuku nopasera mweri wonapili. Numala khula nlopwana a iyakha miloko minli orwaa oholo yahilepiya matjinaya no omutji aya n'itthoko tj'axitithyaya, elepiyaka matjina a'lopwana yawerya owana ekhotto m'motja m'motja. ¹⁹Nave, Moise ahalepa watta waya mothakoni m'omwako Sinayi, ntoko Apwiya yanrumalyaya.²⁰Yapaserale olepiya yari maloko a Rubeni, mwana opasera a Israyeli, yahilepiya matjin'aya alopwana otene okhuma iyakha miloko minli orwaa oholo yawerya owana ekhotto, yahilepiya ni omutji aya axitithyaya ni maloko aya. ²¹Yahilepiya alopwana ikonto miloko mitjese ni thanu na motja ni alopwana imiya thanu a nloko na Rubeni.²²Maloko a Simiyoni, yahilepiya matjin'aya khula nlopwana arina iyakha miloko minli orwa oholo yawerya owana ekhotto, yahilepiya maloko aya ni omutj'aya n'axitithyaya. ²³Yahilepiya atthu yaphiyerya ikonto miloko mithanu ni thanu naxexde n'alopwana imiya ttharu a nloko na Simiyoni.²⁴Nihimo na Gadi, yahilepiya matjina a khula nlopwana arina iyakha okhuma miloko minli orwaa oholo yawerya owana ekhotto, yahilepiya ni maloko aya axititnyaya ni omutji aya. ²⁵Yahilepiya alopwana yaphiyerya ikonto miloko mitjese n'ithanu n'alopwana miloko mithanu a nloko na Gadi.²⁶Anihimo na yuda, yahilepiya matjina a khula nlopwana aphiyerya iyakha miloko minli orwa oholo yawerya owana ekhotto, yahilepiya ni maloko aya n'axitithyaya n'omutjaya. ²⁷Yahilepiya atthu yaphiyerya ikonto milo mithanu ni mili ni tjese ni alopwana imiya thanu namotja a nloko na Yuda.²⁸Anihimo na Isakari, yahilepiya matjina a'lopwana yarina iyakha miloko minli orwaa oholo yawerya owana ekhotto, yahilepiya ni maloko aya axitithyaya n'omutjaya. ²⁹Yahilepiya alopwana yaphiyerya ikonto tjese n'alopwana imiya tjese a nloko na Isakari.³⁰Anihimo na zebuloni, yahilepiya alopwana yarina iyakha miloko minli orwaa oholo yawerya owana ekhotto, yahilepiya ni maloko aya n'axitithyaya ni omutjaya. ³¹Yhilepiya alopwana yaphiyerya ikonto miloko mithanu nithanu napili n'alopwana imiya tjese a nloko na Zebuloni.³²A nihimo na Efrayimi, mwana a Yosefe, yahilepiya alopwana yarina iyakha miloko minli orwaa oholo yawerya owana ekhotto, yahilepiya ni maloko aya n'axitithyaya n'omutji ³³aya.Yahilepiya alopwana yaphiyerya ikonto miloko mitjese n'alopwana imiya thanu a nloko Efrayimi.³⁴Anihimo na manase, mwana a Yosefe, yahilepiya natjin'aya alopwana otene okhuma iyakha miloko minli orwaa oholo yawerya owana ekhotto, yahilepiya ni maloko aya n'axitithyaya ni omutji aya. ³⁵Yahilepiya alopwana yaphiyerya ikonto miloko miraru n'ikonto pinli n'imiya pinli a nloko na Manase.³⁶A nihimo na Beniyamini, yahilepiya matjin'aya alopwana yarina iyakha miloko minli orwaa oholo yawerya owana ekhotto, yahilepiya ni maloko aya n'axitithyaya n'omutj'aya. ³⁷Yahilepiya alopwana yaphiyerya ikonto miloko miraru ni thanu ni imiya tjese a nloko na Beniyamini.³⁸A nihimo na Dani, yahilepiya matjin'aya alopwana otene yarina iyakha okhuma miloko minli orwaa oholo yawerya owana ekhotto, yahilepiya ni maloko aya n'axitithyaya ni omutji aya. ³⁹Yahilepia alopwana yaphiyerya ikonto miloko mithanu namotja n'ikonto pinli ni imiya thanu na pinli a nloko na Dani.⁴⁰A nihimo na Axeri, yahilepiya matjinaya alopwana otene yarina iyakha okhuma miloko minli orwaa oholo yawerya owana ekhotto, yahilepiya ni maloko aya n'axitithy'aya ni omutji aya. ⁴¹Yahilepiya alopwana yaphiyerya ikonto miloko mitjese n'ekonto emotja ni imiya thanu a nloko n'Axeri.⁴²A nihimo na Nefeteli, yahilepiya matjina a'lopwana otene yarina iyakha miloko minli orwaa oholo yawerya owana ekhotto, yahilepiya ni maloko aya n'omutji aya n'axitithy'aya. ⁴³Yahilepiya alopwana yaphiyerya ikonto miloko mithanu n'ikonto ttharu n'imiya tjese a nloko na Nefeteli.⁴⁴Moise n'Aroni yahalepa alopwana ala otene, wamotja n'alopwana ale muloko napili yaholela maloko ale muloko ni meli a maloko a Israyeli. ⁴⁵Nave, alopwana otene a Israyeli okhuma iyakha miloko minli orwaa oholo otene yale yawerya owana ekhotto, yahilepiya wa khula ntthu ni omutji awe. ⁴⁶Yahilepiya alopwana yaphiyerya ikonto miloko miloko mithanu namotja n'alopwana imiya thanu ni miloko mithanu.⁴⁷Nto alopwana yari a nihimo n'Alevi khiyalepiye, ⁴⁸okhala wira Apwiya yahun'himerya Moise: ⁴⁹''Nyuwo n'halepe atthu a nloko n'Alevi hata n'hiwalikelele wamotja n'ana a Israyeli.⁵⁰Ohiya vo, mwavahe Alevi awo nteko w'owarumela Apwiya n'hemani mokumana, ni wokhapelela tjitthu tjinrumela mwem'mo ni tjitthu tjotene tjirinaya. Awo tantthuna othataka ehema eyo ni tjitthu tjotene tjinrumela ehema eyo, awo antthuna ovarelaka nteko ehema eyo ni anumaka nkherekhere mwya.⁵¹Okathi ehem'eyo enthamihiyaya erwaaniyaka nipuro nikina, Alevi awo antthuna okwanyulatjaka. Okathi antthunaya wemela , Alevi awo antthuna olupanyeryatjaka. Akhala ntthu ontthuna wattama ehema eyo ahikhalale n'Levi inviye. ⁵²Okathi atthu a Israyeli antthunaya omaka khula ntthu omaxaxani wawe, wa khula ntthu amakeke mwinlokoni mwawe niri nikhuru nawe nowireherya.⁵³Vano, Alevi ahana oteka maxax'aya erukureryalene ehema yokumana, wira atthu a Israyeli ehattame wira oviruwa Waka ohamorele. Alevi anuvarela nteko ehema yokumana''. ⁵⁴Atthu a Israyeli yahiwinwelela Apwiya. Yettelaka ikano tjotene Apwiya tjanrumalyaya Moise.

¹Apwiya yahilavulatho vaneili ni Moise ni Aroni yiraka: ²''Atthu otene a Israyeli ahana omaka khula ntthu mwinlokoni mw'anakhotto awe athukumanelaka ebandera ya nihimo nawe, ni ethonyeryo ya nihimo nawe. Etekeke maxaxaya erukureryeke ehema yokumana .³Yale ari a nihimo n'Ayuda etekeke maxaxaya erukureryeke ebandera y'Ayuda, mono w'op[heyoni wa ehema yokumana, mphantti wonikhuma ntjuwa.Nahaxoni,mwana a Aminadabi ontthuna okhala n'holeli a nloko n'Ayuda. ⁴Nloko n'Ayuda narina alopwana ikonto miloko mithanu napili n'ixexe n'alopwana imiya thanu namotja.⁵Nihimo na Isakari emakeke mono w'Ayuda. Netaneli, mwana a Zuwari nkhulupale a nihimo na Isakari. ⁶Anakhotto awe arina alopwana ophiyerya ikonto miloko mithanu ni tjese ni nimiya tjese.⁷Nihimo na Zabuloni ahana omaka mono wa nihimo na Isakari. Eliyabi, mwana a Heloni nkhulupale a'nakhotto a nihimo na Zabuloni. ⁸Anakhotto awe arina alopwana yaphiyerya ikonto miloko mithanu ni thanu na pili ni imiya tjese.⁹Anakhotto yamakale vamotja n'ayuda, yari alopwana ophiyeryaka ikonto emiya emotja ni miloko mithanu nattharu ni imiya tjese. Awo ti yapaserale oteka maxax'aya.¹⁰Nihimo na Rubeni yahimaka mphantti w'onikela epheyo, erukureryaka ebander'aya. Elisuri, mwana a Xedewuri nkhulupale a'nakhotto a nihimo na Rubeni. ¹¹Ahikhalana anakhotto awe ophiyerrerya alopwana ikonto miloko mitjese ni thanu namotja ni imiya thanu¹²Nihimo na Simeyoni yahimaka mono wa nihimo na Rubeni. Xelumiyeli, mwana Xurusadayi nkhulupale a'nakhotto a nihimo na Simeyoni. ¹³Anakhotto awe arina aloppwana ophiyererya ikonto miloko mithanu ni thanu na tjese ni imiya tharu.¹⁴Nihimo na Gadi yahimaka mphantti nkina. Eliyasafi, mwana a Deweli nkhulupale a'nakhotto a nihimo na Gadi. ¹⁵Anakhotto awe arina alopwana ophiyererya ikonto miloko mitjese ni thanu ni imiya thanu namotja ni miloko mithanu.¹⁶Anakhotto yamakale vamotja m'maxaxani mwa nihimo na Rubeni, otene yari ikonto emiya emotja ni miloko mithanu ni m'motja ni imiya tjese ni miloko mithanu. Awo yari otthikela omaka.¹⁷Vottharelana, ehema yokumana enuvenya omaxaxani vamotja ni Alevi, eriyari ya maxaxa otene. Awo ahana ovenya omaxaxani ettharihelaka ekhalelo tjamakalyaya. Khula ntthu akhaleke nipuro nawe, vamotja n'ebanderawe.¹⁸A nihimo na Efrayimi emakeke mphantti w'onikela epheyo wa ehema yokumana. Elixama mwana a Amihudi nkhulupale a'nakhotto a Efrayimi. ¹⁹Arina anakhotto awe ophiyererya alopwana ikonto miloko mitjese n'imiya thanu.²⁰A nihimo na Manase yahimaka mono wa nihimo na Efrayimi. Gamaliyeli, mwana a Padasuri nkhulupale a nakhotto a nihimona manase. ²¹Arina anakhotto awe alopwana yaphiyererya ikonto miloko miraru ni pili n'imiya pili.²²A nihimo na Beniyamini yahimaka mphantti nkina. Abidani, mwana a Gideyoni nkhulupale a'nakhotto a nihimo na Beniyamini. ²³Arina anakhotto awe alopwana ophiyererya ikonto miloko miraru ni thanu n'imiya tjese.²⁴Anakhotto awo yahimaka vamotja n'atthu a nihimo na Efrayimi otene aya watta waya yari ophiyererya ikonto emiya emotja ni thanu nattharu ni emiya emotja. Awo yari onattharu omaka waya.²⁵Nihimo na Dani yahimaka mphantti w'onikhuma epheyo wa ehema, erukureryaka ebandera aya. Ahiyexeri mwana a Amixadayi, nkhulupale a'nakhotto a nihimo na Dani. ²⁶Arina anakhotto awe alopwana ophiyererya ikonto miloko mithanu namotja n'aili n'imiya thanu napili.²⁷A nihimo na Axeri yahimaka mphantti wa nihimo na Dani. Pagiyeli, mwana Ókarani nkhulupale a'nakhotto a nihimo na Axeri. ²⁸Arina anakhotto awe alopwana ophiyererya ikonto miloko mitjese ni m'motja n'imiya thanu.²⁹A nihimo na Nefetali yahimaka mphantti nkina. Ahira, mwana Enani nkhulupale a'nakhotto a nihimo na Nefetali. ³⁰Arina anakhotto awe alopwana ophiyererya ikonto miloko miloko mithanu n'ikonto ttharu n'imiya tjese.³¹Anakhotto awo yahimaka vamotja ni maxaxa tj'atthu a nihimo na Dani otene aya watta waya yari ophiyererya ikonto emiya emotja ni miloko mithanu n'ikonto thanu napili n'imiya thanu namotja. Awo yari okitserya omaka ni ibandera tjaya''.³²Ola mwattelo w'anakjhotto a Israyeli yalepiye ni maloko aya. Anakhotto otene yalepiye omaxaxani waya watta waya yari ophiyererya ikonto imiya thanu na motja n'ikonto ttharu n'imiya thanu ni miloko mithanu. ³³Nto, Alevi khiyatakanihiye molepiyani m'mo n'atthu a Israyeli. Tjahiraneya tjitjo ntoko Apwiya yanrumalyaya Moise.³⁴Atthu a Israyeli yahira tjotene Apwiya yanrumalyaya Moise. Awo yahimaka yattamaka ebander'aya. Awo yahumaka ekaiwene miloko ni mahimo aya.

¹Ela ethale ya otjulu ya Aroni ni Moise, okathi Apwiya yalavulalyaya ni Moise omwako Sinayi. ²Matjina a'na Aroni tala Nadabi, mwana opasera oyariya, n'Abihu, Eleyazari ni Itamari.³Ala matjina a'na a Aroni, yattikittheliye makhura ni khuthanleliya ovara nteko w'onankuttho. ⁴Nto Nadabi ni Abihu yahukhwa oholo w'Apwiya, okathi wavaheralyaya Apwiya moro wohirerihiya mothakoni m'Osinayi.Nadabi ni Abihu khiyarina a'na, vekhweli , Eleyazari n'Itamari yahivara nteko w'onankuttho ni Aroni atithi aya.⁵Apwiya yahinlavuliha Moise yiraka: ⁶''Mwawane atthu a nihimo n'alevi ni mwithonyiherye Aroni, nankuttho, wira awo enrumeleke.⁷Awo yahittharihela nteko aya wonrumela Aroni ni atthu otene, oholo wa ehema yokumana. ⁸Awo yahikhapelela tjitthu tjotene tjinrumeliya n'hemani mokumana, ni yahikhaliherya maloko a'tthu a Israyeli, mwa miteko tja n'hemani.⁹Nyuwo mwakhalihe atthu a Levi arumeyi a Aroni nasanawe. Awo ekhale ovahiya evahereriyaka n'atthu a Israyeli. ¹⁰Nyuwo mwinkhalihe Aroni n'asanawe ntoko nankuttho, nto akhala ntthu nkina ówa noniwattama Apwiya , onamokhwa''.¹¹Apwiya yahun'himerya Moise. yiraka: ¹²''Miyo kihathanle aLevi variyari va atthu a Israyeli. Miyo kihira tjitjo, ohoya wathanlalyaka a'na otene axilopwana opasera oyariya variyari va atthu a Israyeli. aLevi ekhale awaka. ¹³A'na otene opasera oyariya tawaka. Nihuku nawinvalyaka a'na otene opasera oyariya a nlaponi mwa Wixitu, Miyo kahathanla a'na otene opasera oyariya a'tthu a Israyeli wira ekhale awaka, okhuma atthu ni inama. Awo tawaka Miyo. Miyo k'Apwiya''.¹⁴Apwiya yahun'himerya Moise mothakoni m'oSinayi. Yiraka: ¹⁵''Mwalepe atthu aLevi ni omutji aya, n'tthoko tjaya ni axitithi aya. Mwalepe alopwana otene okhuma mweri m'motja mpakha oholo''. ¹⁶Moise ahalepa, attharihelaka mulumo Apwiya yan'himeralyawe, ntoko Awo, Apwiya, yanrumalyaya.¹⁷Matjina á'na aLevi tala: Gerixoni, Kehati ni Merari. ¹⁸Maloko yaphattuwale ni á'na a Gerixoni, tala Libini ni Ximeyi. ¹⁹Molko yaphattuwale ni á'na a Kehati, tala Amarami, Sehari , Heboroni ni Uziyeli. ²⁰Maloko yaphattuwale ni á'na a Merari tala Mahili ni Muxi. Ala yari maloko aLevi, yalepiye nloko ti nloko.²¹Mloko a Libini, nloko n'aXimeyi, ala ti maloko akhumale wa Gerixoni. ²²Alopwana otene okhuma mweri m'motja mpakha oholo yahilepiya ophiyererya ikonto miloko mithanu na pinli n'imiya thanu. ²³Maloko a Gerixoni yanimaka, mphantti w'onikela ntjuwa w'empa y'Apwiya.²⁴Eliyasafi, mwana a Layeli ari n'holeli a maloko o'tjulu wa Gerixoni. ²⁵Amutji a Gerixoni yanikhapelela Ehema Yokumana, ehihiyaka-tho Empa y'Apwiya. Awo yanikhapelela Ehema, n'ikuwo tjakhunelaniyaya n'ekuwo ya vankhora va Ehema ya Nthukumano. ²⁶Awo ahana okhapelela ikuwo tja kako a vate, n'ikuwo tja nkhora onkeliya vate, vari empa y'Apwiya ni orukurerya otjantuwariyo ni altari. Ni awo yahitthava mikhoyi tja N'hemani Mokumana ni mikhoyi tjimphaveleliya miteko tjaya²⁷Ala maloko akhumale wa Kehati: nloko n'Amarami, nloko na Yisehari, nloko na Heboroni, nloko na Uziyeli. Maloko ala akhumale wa Kehati. ²⁸Alopwana yalepiyeokhuma mweri m'motja mpakha oholo watta waya yari ikonto miloko mithanu na ttharu n'imiya thanu na motja, wira ekhapeleleke tjitthu tj'Apwiya. ²⁹Amutji o'tjulu wa Kehati yanimaka mphantti w'okutsini wa Epa y'Apwiya.³⁰Eliyasafi, mwana a Uziyeli n'holeli a nloko na Kehati. ³¹Awo yahikhapelela nuvuku, metja, mwiri wa mithuko, altari, ni tjitthu tjorerihiya tjinrumeliya mpani mw'Apwiya, n'ikuwo ni tjitthu tjotene tjinvareliya nteko. ³²Eliyazeri, mwana A'ronin nankuttho, ari nlopwana aholela Alevi. Owo animwettiherya nlopwana ari nkhulupale a nipuro nowarya.³³Maloko meli akhumale wa Merari: nloko na mahili ni nloko na muxi. Maloko ala akhumale wa erari. ³⁴Alopwana yaepiye a mweri m'motja mpakha oholo watta waya yari ikonto miloko mithanu na motja n'imiya pini. ³⁵Suriyeli, mwana a Ábihayili, n'holeli a nloko na Merari. Owo ahumaka mphantti w'onikela epheyo wa emp'eyo.³⁶Otjulu wa Merari wahivara nteko wowetetela empa y'Apwiya, yetetelaka ithapwa tjulupale, ithapwa tjotuphiha tjikhwaya, maripu, ni tjotene tjaphaveleliya ovareliya nteko, wo'wemexa ehema ³⁷maripu anrukurerya niyte na empa eyo, ni miyemexeryo tjaya ni malipiheryo aya ni mikhoyi.³⁸Moise, n'Aroni n'asanawe yahumaka mphantti w'oholo w'Empa y'Apwiya, eyo piyo ohol w'Ehema yokumana, ephantti enikhuma ntjuwa. Awo yanivarela nteko wonankuttho evarelaka nipuro nowarya, nipuro n'atthu a Israyeli. Wa khula ntthu ówa ohikhalale nLevi ontthuna wattama nipuro nowarya onamokhwa. ³⁹Moise ni Aroni yahalepa alopwana otene a nihimo na'Levi wun'nuwa waya yari a mweri m'motja mpakha oholo, ntoko Apwiya yarumalyaya. Awo yahalepa atthu ophiyererya ikonto miloko minli ni pinli.⁴⁰Apwiya yahun'himerya Moise wira : ''Mwalepe a'na otene a Israyeli opasera oyariya wuun'nuwa waya arina mweri m'motja mpakha oholo. Mwalepe matjina aya. ⁴¹Nyuwo ,wavalanye na'Levi Alevi awo tawaka, ohiya-tho ána opasera oyariya a'tthu a Israyeli. Miyo k'Apwiya. Ni nyuwo n'valanye inama tjaya Alevi awo, ohiya wa inama tjopasera ototholiya tja otjulu w'atthu a Israyeli.⁴²Moise ahalepa ána otene opasera oyariya a'tthu a Israyeli, ntoko Apwiya yanrumalya'ya. ⁴³Owo ahalepa ána otene axilopwana opasera oyariya matjin'aya, a mweri m'motja mpakha oholo, otene yalepiye watta waya yari ikonto miloko minli ni pinli ni imiya pinli ni miloko mithanu na pinli ni ttharu.⁴⁴Apwiya yahunhimerya-tho Moise ekwaha yonapinli. Awo yahira : ⁴⁵''Mwavalanye aLevi otene awo tawaka, ohiya ána otene opasera oyariya a'tthu a Israyeli ni n'kivalanye-tho Miyo inama tjaya aLevi yawo, ohiya inama tj'atthu. Alevi awo tawaka Miyo. Miyo k'Apwiya.⁴⁶Nyuwo n'hana oliva miyavulo mithanu w'owopola wa khula ntthu a'tthu awo ikonto imiya pinli ni miloko mithanu na pinli ni ttharu w'ana opasera oyariya a'tthu aIsrayeli, an'navikana atthu a'Levi. ⁴⁷Nyuwo n'naliva miyavulo tja otjantuwariyo n'livaka miyavulo tjonankuttho. Miyavulo iyo n'hana oliva ikhera miloko minli wa khula exekheli. ⁴⁸Nyuwo nvahe etjitjapo yowopola nyuwo nlivalinyu Aroni n'asanawe''.⁴⁹Nto Moise ahuvaha etjitjapo yowopola atthu, ale yavikana alopwana a nloko na Levi. ⁵⁰Moise ahakhelela ntjurukhu w'ana otene opasera oyariya a'tthu a Israyeli. Owo ahakhelela ikhera ekonto emotja n'imiya ttharu ni miloko mithanu na motja ni thanu , attharihelaka etjitjapo ya otjantuwario. ⁵¹Moise ahunvaha Aroni n'asanawe ntjurukhu wakhelelalyawe. Moise ahira tjotene ahimeriyawe wira apake, mwa matju A'pwiya, ntoko Awo yanrumalyaya.

¹Apwiya yahun'himerya Moise ni Aroni. Awo yahira: ²''Mw'atthu a Levi mwalepe atthu a nloko na kehathi, ni maloko aya n'axitithi aya ni omutji aya. ³Mwalepe alopwana otene okhuma iyakha miloko miraru mpakha iyakha miloko mithanu. Alopwana awo ahana okela wira evareke nteko N'hemani mokumana. ⁴Otjulu wa kehathi etjukeke tjitthu tjowarya, tjithanleliye Miyo, M'hemani mokumana.⁵Okathi onrwiinyu olikanyiha nkwaha , Aroni n'asanawe ekele N'hemani, ethomole ekuwo yulupale envalanya nipuro nowaryexa ni nipuro nowarya, ni e enkhunela nivuku nowatana. ⁶Awo vatjulu vaya yatale ekettekha yovivyala -- yolipa ni ekhunele tjotene n'ikuwo yorika yopipila evirihe mithatelo tja nivuku m'maniyani wira ethateliyekeno.⁷Wametja a mikatthe tjovaha yatale ekuwo yorika yopipila. Wametja vavo, yintjathi iparatho, ikulyeri, ithalu, ni ixaro wira ivaheriyeke tjovaha. Mikatthe tjikhaleke wametja vavo. ⁸Yatalevo ekuwo yoxerya yoripa, yatalevo-tho ekattakha yovivyala ni yolipa, evirihe mithatelo m'maniyani a metja awo wira ethateliyekeno.⁹Ekuse ekuwo yopipila ekhunele mwiri wa mithuko, wamotja ni mithuko tjaya, ni tjitthu tjotene tjinrumela , ni mirinki tja makhura a mithuko . ¹⁰Awo ehele mwiri wa mithuko ni tjitthuntjotene tjinrumela mwintjakoni mwa ekattakha yovivyala--yolipa. ¹¹Vatjulu v'altari a wero yatalelevo ekuwo yorika yopipila n'ikattakha yorika--yovivyala, vottharelana, evirihe mithatelo tjothatelaniya.¹²Awo ekuse tjitthu tjotene tjinvaliya nteko nipuro nowarya ni ehele mwintjakoni mwa ekuwo yorika yopipila, wira ekhunele n'ikattakha yovivyala--yorika ni yintjathi vanrepani. ¹³Awo ekumihe etturwa v'altari a mikuttho ni yatale v'altari vavo ekuwo yorika yoxerya. ¹⁴Yintjathi-vo tjitthu tjotene tjinrumela nkuttho: ikamela tja etturwa, ikarufu, ipotjolo, ititjela ni tjitthu tjotene tjinrumela v'altari vavo. Ni mwatale v'altari vavo ekattakha yovivyala--yorika, numala, evirihe mithatelo tjothateliyanao altari awo.¹⁵¹⁶Okathi Aroni n'asanawe am'maliheryaya okhunela nipuro nowarya ni tjitthu tjotene tjinrumela, ni onlikanyihiyaya nkwaha, nave otjulu wa Kehathi ahana ahana okusa nipuro nowarya. Awo yavara tjitthu tjitthu tjowarya, anukhwa. Ola nteko w'otjulu wa Kehathi, w'othata tjitthu tjinrumeliya N'hemani mokumana. Eliyazari, nwana a nlipa a nkuttho Aroni, akuse makhura a mithuko. Owo ohana oweha-weha othatiya waya erupani yowunkhela , otthu onvahiya khula nihuku, makhura ottikitthela, atjukeke Empa y'Apwiya ni tjotene tjinkhala mwem'mo, ¹⁷Apwiya yahun'himerya Moise n'Aroni. Awo yahahimerya: ¹⁸''N'hatthuniherye wira atthu a nloko na Kehathi ekumihiye mwinlokoni mw'alevi. ¹⁹Mwapatjopeke, wira awo ekhale akumi ni ehikhwe mwiraka tjo. Okathi awo onattam'aya tjitthutjireriheliya Apwiya, ²⁰awo ehikele mpani oweha niouro nowarya, n'nakhala etthu emotja wa okathi vakhani, yira tjitjo, anukhwa. Aroni n'asanawe tantthuna oklaka mpani. Ala takhalale mulumo yahimeriyaya wa khula ntthu a nloko na Kehathi ntoko ekettelo awe, yolamalel'awe yotthuneyexa''.²¹Apwiya yahinlavuliha-tho Moise. Awo khun'himerya: ²²''Mwalepe-tho atthu a nloko na Gerixoni, ntoko tjiryaya omutji aya ni maloko aya. ²³Mwalepe alopwana otene arina iyakha miloko miraru mpakha iyakha miloko miraru. Mwalepe otene akelale nteko wira evareke nteko N'hemani mokumana''.²⁴Nteko wa nloko na Gerixoni arinaya ovara n'itthu tjirinaya othata tin'ya. ²⁵Awo ahana othata ikuwo tja mpani mw'Apwiya, Ehema yokumana, n'ikhunelelo aya, ekhunelelo ya ekattakha yovivyala--yorika n'ikuwo ya vankhora va Ehema yokumana. ²⁶Awo ethateke-tho ikuwo tja kako, n'ikuwo tja vankhora va nikokoro, yattamelale Empa y'Apwiya ni altari, ni mikhoyi tjaya, ni tjitthu tjotene tjinrumela nteko aya. Tjen'yo tjivahiyaya wira evareleke nteko aya mwa tjitthu tjen'yo.²⁷Aroni nasanawe ettiheryeke nteko wotene wa otjulu wa Gerixoni, mwa tjitthu tjotene awo tjiniraya ethateke, ni mwa miteko tjaya tjotene. Nyuwo mwakawele miteko n'itthu tjirinaya othata. ²⁸Nteko w'atthu a nloko na Gerixoni mwaha w'Ehema yokumana. Itamari, mwana Aroni, nlipa a nkuttho, onuwettiherya ovara nteko.²⁹Nyuwo mwalepe-tho atthu a nloko na Merari ni maloko aya, ni ntoko tjiryaya ni omutji aya ni axitithi aya, okhuma iyakha miloko miraru mpakha iyakha miloko mithanu. ³⁰Mwalepe wa khula ntthu wira etakanihane n'atthu orumelaka N'hemani mokumana.³¹Nteko aya atthu awo wophaveleyaxa arinaya ovarelaka N'hemani mokumana tula. Awo ahana othataka mirerelo tja Mpani mw'Apwiya, ithapwa tjotuphiha tja N'hemani, maripi aya n'ivarelelo tjaya, ³²vamotja ni maripu anrukurerya niyate orukurerya Empa yotene y'Apwiya, ni miyemetjeryo tjaya, n'ivarelelo tjaya, ni mikhoyi tjaya, ni tjitthu tjotene tjinrumela tjen'yo. Nlepe matjina aya tjitthu tjotene tjirinaya othata.³³Tula nteko w'atthu a nloko na Merari, awo arinaya ovara N'hemani mokumana, nimwatjaka Itamari, mwana Aroni, nlipa a nkuttho.³⁴Moise, Aroni, ni Makhulupale a maloko yahalepa atthu a nloko na Kehathi, ni maloko aya n'axitithi aya ni omutji aya. ³⁵Awo yahalepa atthu yale yarina iyakha okhuma miloko miraru mpakha iyakha miloko mithanu. Awo yahalepa atthua otene yatakanihanale wira evareleke nteko N'hemani mokumana. ³⁶Yahilepiya atthu yaphiyererya ikonto pinli, n'imiya thanu napinli ni miloko mithanu mwinlokoni mwaya.³⁷Moise ni Aroni yahalepa alopwana otene mwinlokoni mwaya ni omutji aya a nloko na Kehathi yarumela N'hemani mokumana. Iraka tjitjo, awo yahinwelela mulumo Apwiya, yan'himeralyaya Moise, yanrumalyaya wira avare.³⁸Atthu a nloko na Gerixoni yahilepiya ni maloko aya, n'axitithi aya ni omutji aya, ³⁹okhuma iyakha miloko miraru mpakha iyakha miloko mithanu, otene yale yathanliye ovarela nteko N'hemani mokumana. ⁴⁰Alopwana otene yalepiye ni maloko aya ni omutji aya n'axitithi aya, watta waya yari ikonto pinli, n'imiya thanu namotja ni miloko miraru.⁴¹Moise ni Aroni yahalepa atthu a nloko na Gerixoni yarwaa orumelaka N'hemani mokumana. Iraka tjitjo, awo yahinwelela Apwiya yanrumalyaya Moise wira avare.⁴²Maloko a Merari yahilepiya ni maloko aya n'otjulu w'axitithi aya wa khula omutji, ⁴³okhuma iyakha miloko miraru mpakha iyakha miloko mithanu, otene yale yathanliye ovarela nteko N'hemani mokumana. ⁴⁴Alopwana otene , yalepiye ni maloko aya n'axitithi aya ni omutji aya, watta waya yari ikonto ttharu n'imiya pinli.⁴⁵Moise ni Aroni yahalepa alopwana otene, a nloko na Merari. Iraka tjitjo, awo yahinwelela Apwiya yanrumalyaya Moise wira avare.⁴⁶Tjitjam'mo, Moise ni Aroni, ni Mkhulupale a'tthu a Israyeli, yahalepa atthu otene Alevi ni maloko aya ni omutji aya ni axitithi aya ⁴⁷okhuma iyakha miloko miraru mpakha iyakha miloko mithanu. Awo yahalepa atthu otene yavara nteko Mpani mw'Apwiya, ni yarwaa othataka tjitthu tja N'hemani mokumana. ⁴⁸Awo yahalepa atthu ophiyererya ikonto thanu na ttharu , n'imiya thanu ni miloko mithanu na ttharu.⁴⁹Ntoko Apwiya yanrumalyaya Moise, Moise ahalepa wa khula nlopwana, attharihelaka wa khula nteko akaweliyawe wa khula ntthu arwaawe ovaraka. Owo ahalepa wa khula ntthu atthariheliyaka ottittimiheya warinawe. Ni, iraka tjitjo, awo yahinwelela Apwiya yanrumalyaya, Moise wira avare.