¹Woopatjeroni, Nluku hunpa erimu niitthaya. Etthayeeyo yaari yoohiithu. ²Waanooripela n'maatjini, ni n'nepa waNluku waanokhala weettaka nmaatjini.³Nluku aahiira: Okhale nthuko. Ni nthuko waahoonyaa. ⁴Ni Nluku aahoona wiira vaahoreera; vano , aahokawaniha woonyaa nooripela. ⁵Nluku aahiihana woonyaa othana ni oripela ohiyu. Waahokhala owitjissu niwiila, nihuku noopatjera.⁶Ni Nluku aahiira: Maatji akawanyee. ⁷Ni Nluku yuulumalyaawe yaahiiranyaa ni maatji yaahokawanyaa yaari vathi nintjulu. Ni waahiiranyaa. ⁸Ni Nluku aahiihihana erimu. Waahokhala owitjissu niwiila, nihuku nonayeeli.⁹Ni Nluku aahiira: Akhale vamotja maatji ovathi worimu, ni okhale vohun'ma. Ni waahiiranyaa. ¹⁰Nluku aahuumiha etthaya, ni otakanihatja womaatji, on'mapahari. Nluku aahoona wiira vahoreera.¹¹Ni Nluku aahiira: Ekhale etakhwa, nimiri tjowiima mihokorokho, phanka ekhalelwaaya, epyoo ekhaleke mun'hokorokhoni. Ni waahiiranyaa. ¹²Etthaya yaahaana etakhwa, phanka ekhalelwaaya, niimiri tjowiima mihokorokho epyootjaya tjaakhala mon'mo. Ni Nluku aahoona wiira vahoreera. ¹³Waahokhala owitjissu niwiila, nihuku noneeraru.¹⁴Nluku aahiira: Woonyee wiirimu nookawaniha wiira okhale othana noohiyu; wiira tjikhale ethoonhero tjoottonka, mahuku nimyaakha. ¹⁵Tjikhale mithuko wiirimu wiira tjimwaleeleke etthaya. Ni waahiiranyaa.¹⁶Nluku aahopanka mithuko miili tjuulupale: Muulupale oomwaleela othana ni mwankaani oomwaleela ohiyu. Ni aahunpa etthontto. ¹⁷Nluku aaheessa wiirimu wiira tjimwaleele etthaya, ¹⁸Tjoomwaleela othana ni ohiyu. Ni Nluku aahoona wiira vahoreera. ¹⁹Waahokhala owitjissu niwiila, nihuku noneetjesse.²⁰Nluku aahiira: Tjikhale tjitthu tjintji tjikumi n'maatjini, ni enuni tjivaveke vatjulu votthaya, vathi wowiirimu. ²¹Nluku aahunpa enama tjuulupale tjon'maatjini niinama tjikhwaawe tjinkhala nmaatjini, niikhalelwaaya; enuni tjooteene, niikhalelwaaya. Ni Nluku aahoona wiira vahoreera.²²Ni Nluku aahoreeriha, iiraka: Nýaraneke, ni mwintjiveke nmaatjini tjonpahari. Enuni tjintjiveke vatthayani. ²³Waahokhala Owitjissu niwiila, nihuku noneethanu.²⁴Ni Nluku aahiira: Etthayeeyo ekhalane khula etthu ekumi, hula etthu niikhalwaaya, enama tjowapuwani, enama tjontakhwani, nitjitthu tjikhwaawe tjikumi tjovatthayani; khula etthu niikhalelwaaya. Ni waahiiranya. ²⁵Nluku hunpa enama tjontakhwani vatthayani, niikhalelwaaya, enama tjovapuwani, niikhalelwaaya, nitjitthu tjikhwaawe tjikumi tjovathi, niikhalelwaaya. Nluku aahoona wiira vahoreera.²⁶Ni Nluku aahiira: Nimunpe ntthu phanka ekhoveehu, oolikana nihi. Wiira yooyo ahoolele ehopa tjon'maatjini, enuni tjowiirimu, niinama tjooteene tjunpiye, etthaya yooteene ni wakhula etthu ekumi yovathi. ²⁷Nluku aahomunpa ntthu weekhalelwaawe, ekhalelo ya Nluku aahunpa; nlopwana ninthiyana Nluku aahowunpa.²⁸Nluku aahaareeriha ni aahiira: N'yarihaneke ni mwintjiveke, vatthayani. N'hoolele ehopa tjooteene tjon'maatjini, enuni tjooteene tjowiirimu ni wakhula etthu ekumi eneetta vatthayani. ²⁹Nluku aahiira: Kihoovahatjani miri tjooteene tjinima tjiri vatthayani nimri tjooteene tjiniima mihokorokho; phin'hala okhala eyoolyeenhu.³⁰Wonama tjooteene tjontakhwani, enuni tjooteene tjowiirimu, ni wakhula etthu ekumi eneetta vatthayani, ni wakhula yowunpiya erina ekumi yintji, nri wooteene on'hala wiima phun'hala okhala eyoolyeenhu. Waahiiranyaa tjitjon'mo. ³¹Ni Nluku aahoona wiira tjooteene tjaapankalyaawe, tjaari tjoreera. Waahossa niwiila, nihuku nonasita.

¹Yaahomalihiya erimu niitthaya ni tjooteene tjaarivo. ²Nihuku nonasaapa, Nluku aahomaliha tjooteene tjaavaralyaawe, ni nihuku nen'ne, nluku aahomumula. ³Ni Nluku aahoreeriha nihuku nonasaapa ni aahottakattifiha, kontha aahomalihera miteko tjooteene tjaavaralyaawe.⁴Ala phimakhalelo owiirimu ni vathi, owkathi wunpiyaaya. Apwiya Nluku wunpalyaaya erimu niitthaya, ⁵khayaarivo mataakhuru ni khuuvo nri waaphuwela, kontha aPwiya Nluku yaari ahinakurussa epula ni khaavo ntthu aalima vatthayani. ⁶Massi okame pwaanaaniha etthaya.⁷Vano, Nluku aahomunpa ntthu nintthupi notthaya, aahonpuussera nphulani nonvaha ekumi ni nlopwanoole aahokhala nkumi. ⁸Nluku aahotthukula ematta, yiihaniya Eden, ni aahomweessa nlopwana aamunpalyaawe.⁹Vatthayani, Nluku aahophuwiha khula enan'na yonri tjoophwanela olya. Wootakaneela nri weekumi, waari eriyari ematta, ni nri wootjuweliha yootakhala ni yooreera. ¹⁰Nro n'motja waakhuma, ni maatjyaayo yaakhuruwela Eden ni yaaniikawanihatja ephantte tjesse tjo muro.¹¹Ntjina nowantjera naari Pisom. Yooyo phaarukureerya etthaya yooHavila, waaphwanhanyaa ewooru. ¹²Ewoorwaaya etthayeeyo yomaana. Ni vaava yaanaphwanhanyaa maluku ooreera.¹³Ntjina nomuro yonayeeli yihaniya Giom. Eneetta etthaya yooteene yooCoxe. ¹⁴Ntjina nomuro yoneeraru yiihaniya Tigre. Eneetta nphantte wooAssiria. Emuro yoneetjesse yiihaniya Eufrates.¹⁵Nluku aahonkussa nlopwana ni aahomweessa n'hina womatta Eden wiira akhalenle noolima. ¹⁶Nluku aahomwiirela nlopwana, iiraka: Wakhula nri womatteela, olyeke. ¹⁷Massi, nri wootjuweliha yootakhala ni yooreera, ohilye, kontha, nihuku nin'hala olya, onaakhwa.¹⁸Vano, Nluku aahiira: Khwavareerenle nlopwana okhala veekha. Kinaahala opnka ettheremaawe. ¹⁹Nluku nunpaleene vatthayani enama tjooteene niinuni tjooteene wiirimu, Yena aahon'waanela tjooteene nlopwanoole wiira avahe matjina. Ni ntjina naahalaawe ovaha nlopwanoole wakhula etthu yoomumula, nen'no phaakookhala ntjinanaya. ²⁰Nlopwanoole aahovaha matjina enama tjooteene, enuni tjowiirimu, ni tjitthu tjooteene tjon'mattani. Massi nlopwanoole, khaarina amwaarawe.²¹Nluku aahonkurussela ekhove tjuulupale nlopwanoole, ni yena aahorupa. Nluku aahomyaa niparari ni aahottiyela niirutthu. ²²Niparari Nluku naakumihalyaawe, yena aahomunpa nthiyana ni aahonrweeha wa Adao. ²³Ni nlopwana aahiira: N'na nikhuva nomakhuvaaka, erutthu yorutthwaaka. Ayena an'hala wiihaniya nthiyana, kontha yunpiye wanlopwana.²⁴Phimaana, nlopwana naahala waahiya anumwanawe naanumwanawe, ni nkookhala naamwaarawe, naayenatja an'hala okhala erutthu emotja. ²⁵Ooyeeli yaari matamata, nlopwana naamwaarawe, massi khayoonelana ehaaya.

¹Vano, enua yaahaana ethapiya woovirikana niinama tjikhwaawe Nluku tjunpalyaawe. Ni yaahokohiya athiyana: Khweeli Nluku iirale: Ohikhale nri onpheeleenhu olya won'mattani? ²Nthiyana aahaakhula enua: Ninaalya wakhula nri on'mattani, ³massi nihilye n'hokorokho wonri ori eriyari ematta, kontha Nluku hohimya: N'hilye wala, n'hikwanhe, n'naahala okhwa.⁴Enua yaahomwiirela nthiyana: Khan'nohala okhwa, ⁵kontha Nluku naatjuwela wiira, nihuku nin'haleenhu olya, meethweenhu anaahala ohulya, ni n'nohala okhala phanka Nluku, ntjuwelaka yootakhala ni yooreera. ⁶Nthiyana woonalyaawe wiira nryuule waari ooreera olya, ni waapheelaawe okhala ootjuwelatja, aahokussa n'hokorokho aaholya, aahaavaha awan'nhawe ni yaaholya.⁷Meetho aatthu ooyeeli yaahotthukuwa ni yaahoonatja wiira ari matamata; yaahorukulatja mataakhuru moolupale ni yaahowaratja. ⁸Yaahiiwatja ntju naNluku, iira eettaka n'mattani. Vano, nthiyana ninlopwanoole yaahiipithatja nimiri.⁹Nluku aahomwiiha nlopwana ni aahiira: Ori vai? ¹⁰Ni nlopwana aahiira: Kinowiiwa ntjuuninhu ni kaahokhala owoova, kontha kaari matamata; vano, kaahiipitha. ¹¹Nluku aahiira: Tupani oohimeeryale wiira waari matamata? Onoolya n'hokorokho wiiralyaaka ohilye?¹²Nlopwana aahaakhula: Nthiyana kivahaleenhu nookivaha n'hokorokhooyo ni kihilya. ¹³Nluku aahomwiirela nthiyana: Opankaleni? Nthiyana aahaakhula: Enua enookithepya nimi kiholya.¹⁴Nluku aahiirela enu: Opankenleni tjo, onaahala otakhalihiya weenema tjooteene on'hala weetta n'mirimaniwaa ni on'hala olya ntthupi okhuma elelo npaka ohoolo. ¹⁵Kinaahala woopankela ewani naamwaaraa naatthu an'haleenhu waayara. Yena naahala orakaliha murweenhu ni n'naahala ohuva.¹⁶Ni nthiyana aahomwiirela: N'naahala ohuva tjinene mwiiyaraka; Otthunawinhu on'hala okhala waawan'nhinhu, massi yena n'hala woohoolelalni.¹⁷Ni nlopwana aahomwiirela: Ohowiiwelela amwaraa ni oholya n'hokorokho wonri wookhottihalyaaka, kiiraka: N'hilye, etthaya enaahala otakhalihiya mwaha wawaa, n'nohala ovara nteko tjinene woopheela olya, mahuku ooteene npaka onrweenhu. ¹⁸Anaahala orikrika makhalelwaa. ¹⁹N'nohala olya orettheelawinhu, npaka ohokoleela watthayani wakhumaleenhu. Kontha weetthaya ni watthayani onaahokoleela.²⁰Nlopwana aahowiihana amwaarawe ntjina na Eva, kontha ayena, yaari anumwanaya tjitthu tjooteene. ²¹Nluku aahopanka ekuwo tjonttapala Arao naamwarawe yaahowaratja.²²Nluku aahiira: Vano nlopwana aahokhala phanka hiivano, atjuwelaka yooreera ni yootakhala. Akin'hala otthuniha wiira alye nri weekumi ni akhalaka womahuku ooteene. ²³Phimaana, Nluku ahaarihela ota wa Eden, wiira yalimeke etthaya yeeyo ekhumalyaaya. ²⁴Vano, Nluku aahomoomola mlopwana, anamakhlenla nphantte nkhwaawe wa Eden niikatana yeemelale miphantte tjooteene, wiira akhalenle nri weekumi.

¹Adao aahorupa ni Eva, amwaarawe. Ayena yaahorupala ni yaahonýara Caim. Ayena yaahiira kaahaana mwaana n'motja nlopwana kaakhavihatjeriye niNluku. ²Vano, ayena yaahonýara mwaamun'nawe Abel. Abel aari n'hakheli onama, massi Caim aanaalima.³Onavirale owakathi mwintji, Caim aahowaana mihokorokho ni aahon'vaha Nluku. ⁴Ni Abel aahowaana mihuwotawe tjowiittivala. Apwiya waahaatjivela Abel ovahawawe, ⁵massi yena khantjivenle Caim niitthu yaavahalyaawe. Vano, Caim aahorussiya tjinene.⁶Apwiya yaahomwiirela Caim: Onrussiya tjon'mo essiyani? ⁷Wapankaka tjiri mantjira, khun'hala otthuniya? Phimana, weehipankeke tjiri mantjira, etanpi enthurumela vankhora owootolenla.⁸Caim, aahomwiirela Abel, mwaamun'nawe: Nttwee omattani.Anaritji omattani, Caim aahoonrweela Abel, mwaamun'nawe, ni aahomwiiva. ⁹Vano, Apwiya yaahonkoha Caim: Mwaamun'naa Abel rivai? Yena aahaakhula: Akintjuwela. Timi kinonkhalenla mwaamun'naka?¹⁰Apwiya yaahiira: Opankaleni? Vathi ethhaya, ntju nophome yamwaamun'naa enaakikhuwela. ¹¹Nen'nava ohotakhalihiya niitthaya mwaha womalakwaa waakhenla ephome yamwaamun'naa eri nmatataniwaa. ¹²Wavaraka nteko woolima, khun'hala ophwanha etthu. On'hala okhala namatthawa ni namakossa watthayani.¹³Caim aahowiirela Apwiya: Nttarusswaakooyo muulupale ohinkhwitiryaaka ovilela. ¹⁴Khweeli, olelo n'naakoomola vatthayaniva ni kin'hala okhala ottayi ninhu. Kin'hala okhala namatthawa ni namakossa vatthayani; ni n'hala okikuman'na, naahala okiiva. ¹⁵Ni Apwiya yaahomwiirela: Wayoole n'hala omwiiva Caim kinaahala onttarussa emaara saapa. Vano, Apwiya yaahomweessenra nthoonhero Caim, wiira hiiviye nintthu n'hala onkuman'na.¹⁶Caim aahokhuma ohoolo waapwiya ni aahokhala elapo yo Node, ohitto wa Eden. ¹⁷Caim ahaathela amwaarawe, yaahorupala ni yaahonýara Enoque. Caim aahoteka epooma ni aahiihana ntjina namwaamwanawe Enoque.¹⁸Enoque, aahon'yara Irade. Irade aahon'yara Meujael. Meujael aahon'yara Metusael. Metusael aahon'yara Lameque. ¹⁹Lameque aahaathela athiyana eeli: Ada ni Zila.²⁰Ada aahon'yara Jabal. Yena aari athumwanaya yaale yaakhala n'heemani ahuwaka enama. ²¹Mwaamun'nawe iihaniya Jubal. Yena aari athumwaane yaale yiipa etjipo. ²²Zila aahaana mwaana n'motja, Tubal-Caim, funti oopankatja tjitthu tjoporontje. Mwanrokorawe Tubal-Caim aari Naama.²³Lameque aahowiirela asaarawe: Ada ni Zila, mwiiwe en'himyaaka, mwiiwe moolumwaaka, kihomwiiva nlopwana mwaha wookirakaliha, nanttonpe mwaha wookinhakela. ²⁴Wakhala wiira Caim nkoottarussiya emaara saapa, Lameque nkoottarussiya emaara sapiini nasaapa.²⁵Adao aahorupatho naamwaarawe naayena naahon'ratho mwaana nkhwaawe, nanvahalyaawe ntjina na Sete; ayena yaahiira: Nluku aahokivaha mwaana nipuro naAbel, Caim noomwiiva. ²⁶Sete, aahon'yara mwaamwanawe ni aahonvaha ntjina naEnos. Waari owakathi yooyo attthu wantjeralyaaya okhuwela ntjina naapwiya.

¹Ala phaamutji aAdao. Nihuku Nluku waamunpalyaawe ntthu, Yena aapankale phanka tjiryaawe. ²Yena aahomunpa nlopwana ninthiyana, aahaareerihatja ni aahowiihanatja apinaatamu.³Adao aahokhala eyaakha emiya wotalaathiini, aahon'yara mwaana phanka yena, ni aahomwiihana ntjina naSete. ⁴Adao wan'yaralyaawe Sete, aahokhala eyaakha emiya naane ni ahaayara asaana assilopwana naasithiyana. ⁵Adao aahokhala eyaakha emiya khentta wotalaathiini; ni phaakhwaawe.⁶Sete aahokhala eyaakha emiya nathanu ni aahon'yara Enos. ⁷Wan'yaralyaawe Enos, Sete aahokhala eyaakha emiya naane ni aahaayara assaana assilopwana naasaana assithiyana. ⁸Sete aahokhala eyaakha emiya khentta wokhuumi napiili; ni phaakhwaawe.⁹Enos aahokhala eyaakha hanssiini naarupayini ni aahon'yara Quena. ¹⁰Wan'yaralyaawe Quena, Enos aahokhala eyaakha emiya naane wokhuumi nathanu ni aahaayara asaana assilopwana naasithiyana. ¹¹Enos aahokhala eyaakha emiya naane nathanu; phaakhwaawe.¹²Quena aahokhala eyaakha sapiini ni aahon'yara Maalalel. ¹³Wan'yaralyaawe Maalalel, Quena aahokhala eyaakha emiya naane waarupahini phaayaraawe asaana. ¹⁴Quena aahokhala eyaakha emiya khentta wokhuumi; phaakhwaawe.¹⁵Maalalel aahokhala eyaakha suthwiini nathanu ni aahon'yara Jarede. ¹⁶Wan'yaralyaawe Jarede, Maalalel aahokhala eyaakha emiya naane wotalaathiini ni ahaayara asaana. ¹⁷Maalalel aahokhala eyaakha emiya naane wohanssiini waarupayini nathanu; phaakhwaawe.¹⁸Jarede aahokhala eyaakha emiya wosapiini napiili ni aahon'yara Enoque. ¹⁹Wan'ralyaawe Enoque, Jarede aahokhala eyaakha emiya naane ni aahaayara asaana. ²⁰Jarede aahokhala eyaakha emiya khentta wosuthwiini napiili; phaakhwaawe.²¹Enoque aahokhala eyaakha suthwiini nathanu ni aahon'yara Matusalem. ²²Enoque aaheetta niNluku. Wan'yaralyaawe Matusalem, Enoque aahokhala eyaakha emiya tthaaru ni aahaayara asaana. ²³Enoque aahokhala eyaakha emiya tthaaru wosuthwiini nathanu. ²⁴Enoque aaheetta niNluku, ni aahorimeela, kontha Nluku aahonkussa.²⁵Matusalem aahokhala eyaakha emiya naane wothamaaniini nasaapa ni aahon'yara Lameque. ²⁶Wan'yaralyaawe Lameque, Matusalem aahokhala eyaakha emiya saapa wothamaaniini napiili ni aahaayara asaana. ²⁷Matusalem aahokhala eyaakha emiya khentta wosuthwiini nakhentta; phaakhwaawe.²⁸Lameque aahokhala eyaakha emiya wothamaaniini napiili ni aahon'yara mwaana, ²⁹amwiihan'nyaawe Noe, iiraka: Ola phin'hala onimaaliha nimiteko tjon'matataniwihu, tjaakhumenlale mwaha wotthaya Apwiya etakhalin'hyaaya.³⁰Lameque aahokhala eyaakha emiya thanu wohansiini naarupayini nathanu phan'yaraawe Noe ni phaayaraawe asaana. ³¹Lameque aahokhala eyaakha emiya saapa wosapiini nasaapa; phaakhwaawe.³²Noe ahokhala eyaakha emiya thanu phan'yaraawe Sem, Cam ni Jafe.

¹Owakathi apinaatamu wantjalyaaya oyarana ni yaayaraka asaana, ²asaana aNluku yaahoona wiira asaana aapinaatamu yaahotepa oreeratja ni yaahaakussa okhala asaaraya ooteene yaatjivela. ³Ni Apwiya yaahiira: N'nepaaka khun'hala okhala owakathi mwintji nipinaatamu, kontha erutthu, ni mahukwaaya an'hala okhala eyaakha emiya wosiriini.⁴Atthu oorekamatja yaahaavo vathi, mahuku yaale. Eyo yiiranyaale kntha asaana aNluku yaathela asaana aapinaatamu, naayenatja yaahaayaranatja asaana, yaayo yaari alopwana ookhuluveliya, ootjuwelessiya.⁵Apwiya yaahoona wiira otakhalihiya waari naapinaatamu ovathi nimuupuwelelotjaya nimirimatjaya tjaari tjootakhala. ⁶Ni Apwiya yaahiitjukulela mwaha woomunpa nlopwana yaahontjukuliha eroohwaawe.⁷Vano Apwiya yaahiira: Etthaya yeeyo emunpalyaaka ntthu kinaakwanhulatja; atthu ooteene, enama tjuulupale, tjitthu tjooteene tjineetta vathi niinuni tjowiirimu, kontha kihiituthuwa mwaha woowunpa. ⁸Massi Noe aahaana n'nema waaPwiya.⁹Ala phayaari makhalelo a Noe. Yena aari nlopwana oohittheka, ooreeresiya waatthu onikhotonawe ni eetta niNluku. ¹⁰Noe aari athumwaane aasaana araru: Sem, Cam ni Jafe.¹¹Etthaya yaari yootakhalihiya niNluku ni yaahotjara manhala. ¹²Nluku aahoona etthaya ni yaari yootakhalihiya, erutthu tjooteene tjaari tjootakhalihiya mittalatjawe aahotthuka.¹³Nluku aahomwiirela Noe: Kinoona wiira ohophiya owakathi woomaliha ekumi tjaatthu ooteene, kontha etthayeeyo tjinootjarana tjootakhala tjaapinaatamu. Phimaana kinawaakwanhulatja niitthaya yooteene. ¹⁴Opanke ekalawa yomiri. Wuunuwihe nookawanihatja n'hinan'mo oreerihaka ota nin'hina. ¹⁵Phiinan'na en'halaa opanka: erekamelo yokalaweeyo en'hala okhala emeeturu emiya tthaaru, eyaatapuwelo emeeturu hanssiini ni eyeemelelo emeeturu talaathiini.¹⁶Onaahala ottiyenla ekalaweeyo ni on'hala omalihera niimeeturu emotja vatjuluwaya. On'hala ohela nkhora n'motja. On'hala okawanihatja: Yowantjera, yonayeeli ni yoneeraru. ¹⁷Okiiwe: Kinaahala owaana epaluwa vathi, yowaakwanhula atthu ooteene naale arina ekumi yintji vathi worimu. Yooteene eri vathi enaahala okhwa.¹⁸Massi nin'hala okhala nkhayi.We on'hala orwaa n'hina wokalawa, asaanaa, amwaaraa naasaara aasaanaa. ¹⁹Enama tjooteene tjikumi, atthu ooteene, ohaana waahelaka nkalawani eeli wakhula enan'na, nlopwana ninthiyana, wiira waakhalane akumi.²⁰Enuni piili, enama piili, wakhula etthu eneetta vathi pili piili, ni tjinaahala wooweela khula enan'na piili piili, wiira okhalane. ²¹Osunke khula enan'na yoyoolya, kontha tjen'nho phin'halaa olya niinaman'nho. ²²Vano, Noe aahopnka tjitjon'mo. Phanka tjooteene tjaahimeeriyaawe niNluku, yena aahopanka.

¹Apwiya yaahomwiirela Noe: Orwee nkalawani, we naasimutjyaa ooteene, kontha kihoona wiira khunatanpi. ²Wakhula enama, onaahala okussa saapa tjoolopwana ni saapa tjeethiyana; ni, enama tjoohiphwanela, yoolopwana niiyo yoothiyana. ³Niinuni tjowiirimu, on'hala okussa saapa tjoolopwana ni saapa tjoothiyana, wiira yamala epaluweyo tjihale tjikumi.⁴Kontha womahuku saapa, kinaahala okurussa epula yomahuku arupayini othana noohiyu. Kinaahala otankulatja tjitthu tjooteene tjovathi tjunpalyaaka. ⁵Noe aahovara tjooteene tjiireliyaawe naaPwiya.⁶Wawaalyaaya epaluwa Noe iira narina eyaakha emiya sita. ⁷Noe aahokela nkalawani naasaanaawe naamwaarawe naasaara aasaanaawe, mwaha womaatji opaluwa.⁸Enama tjoophwanela nitjoohiphwanela, enuni, nitjooteene tjeetta vathi, ⁹tjaakhala piili piili, yoolopwana ni yeethiyana, tjaahorwaa wa Noe ni tjaahokela nkalawani, phanka Nluku tjaamwiirelalyaawe Noe. ¹⁰Waviralyaaya mahuku saapa, etthaya yaahomiriya naimaatji.¹¹Noe owakathi waarinaawe eyaakha emiya sita, mahuku khuumi nasita womweeri wonamiili, tjaahokwanhuwatja epahari tjooteene, mikhora tjowiirimu tjaahotthukuwa. ¹²Epula yaahantja orupa nimaatji yaahotjara vatthayani womahuku arupayini othana noohiyu.¹³Nihuku nen'no, Noe aahokela nkalawani naasaanaawe Sem, Cam ni Jafe, amwaara aNoe naasaara asaanaawe. ¹⁴Ayenatja, niinama tjooteene, wonayeeli niikhalelwaaya, enama tjooteene tjoohuwiya, nimakhalelwaaya, wakhula enama yeetta vathi, niikhalelwaaya, ni wakhula yowunpiya yaarina mapupha.¹⁵Wakhula enama tjaakhala piili piili tjinarina okumi tjaahorwaa wa Noe ni tjaahokela nkalawani. ¹⁶Enama tjaakelale tjaari tjilopwana ni tjithiyana; Tjaahokela phanka Nluku tjaahimyalyaawe. Vano, Apwiya yaahotthuka nkhora.¹⁷Ni yaahowa epaluwa vathi, womahuku arupayini, ni maatji yaahontjeryaa jikalawa yaahovussiya vathi. ¹⁸Niitthaya yooteene yaahomiriya nimaatji, ni ekalawa yaahokala vatjulu maatji.¹⁹Maatji yaahontjryaa tjinene vathi nimyaako tjoorekamessa tjaari vathi erimu tjaahomiriya . ²⁰Maatjyaayo anavikanale mwaako yaahaana emeeturu khuumi nathanu.²¹Apinaatamu ooteene yaari vathi yaahokhwa: enuni, enama tjovapuwani, tjntakhwani, naatthu ooteene. ²²Tjooteene tjaamumula niikumi ni ooteene yaari vatthayani yowuuma yaahokhwa.²³Vano, atthu ooteene yaakhala vathi yaahokwanhulatjiya, okhuma atthu npaka enama, niinuni tjowiirimu. Ooteene yaahorimeela vathi. Yaahanle paasi phiNoe naale yaarinaawe n'hina mokalawa. ²⁴Maatji yaahohala oweemela mahuku emiya wohanssiini.

¹Nluku aahomuupuwela Noe, niinama tjooteene tjaarinaawe nkalawani. Nluku aahokurussa ephyoo, nimaatji yaahantja ovukuwa. ²Muro tjuulupale tjovathi nimikhora tjowiirimu tjaahotthukiya, epula yaahaamussa. ³Maatji yeera arwaaka. Anavirale mahuku emiya wohanssiini, maatji yaahovukuwa tjinene.⁴Ekalawa yaaheemela mweeri wonsaapa, nihuku nonakhumi nasaapa, nmamyaakoni tjo Ararate. ⁵Maatji yeera avukuwaka npaka mweeri wonakhuumi. Nihuku nowantjera womweeri wonakhuumi, milootho tjomwaako tjaahokhumela.⁶Waamalela mahuku arupayini, Noe aahotthukula etjanela yaapankalyaawe ⁷ni aahon'hiya nakhuku, aarwaa noohokolyaa, npaka maatji wuumalyaaya.⁸Vano, aahoruma ekhuntta wiira awehe maatji yakhala wiira yaahomala vathi, ⁹massi ekhuntta khayoonale nipuro noomorela. Vano, yaahohokoleela wa Noe nkalawani, kontha maatji nanlelo yaanaamirya etthaya. Yena aahotaphula ntatanawe, aahovarenla ni aahowhela npaani mokalawa.¹⁰Yena aahanriiha mahuku saapa ni aahorumatho ekhuntta. ¹¹Ekhuntta yaahokolyaale otjootjilo, ni yaahowa enawapale omalakuni ntaakhuru nikithi. ¹²Noe aahotjuwela wiira maatji ahovukuwa. Yena aahaanriihatho mahuku saapa ni aahorumatho ekhuntta. Ni khihokoleelaletho wa Noe.¹³Nihuku nowantjera omweeri woopatjera mwaakha weettaka emiya namotja, maatji yaahomala vathi. Noe aahoweha ota wokalawa ni aahoona wiira maatji yaahomala. ¹⁴Mweeri wonamiili, mahuku yeettaka siriini nasaapa, etthaya yaahokhala yowuuma.¹⁵Nluku aahomwiirela Noe: ¹⁶Okhume nkalawani, naamwaaraa, asaanaa naasaara asaanaa. ¹⁷Okumihe enama tjooteene, enuni nitjooeene tjinkhala vathi, wiira tjiyaranatjeke.¹⁸Vano, Noe aahokhuma naasaanaawe, amwaarawe naasaara asaanaawe. ¹⁹Mihuwo tjooteene tjikumi: enuni, niinama tjooteene, phanka asimutjyaawe tjihiyalyaaya ekalawa.²⁰Noe aahaateka alteer waaPwiya. Yena aahokussa enama tjooreera ni enuni tjooreera wiira avahe waltaare. ²¹Apwiya wahaatjivela ni yaahiira wanrimani: Akinaakulelatho otakhaliha etthaya mwaha wapinaatamu, wanookhalaru tjowuupuwela tjootakhala tjeeyareelo, akinaakulelatho okwanhulatja, phanka tjivaralyaaka. ²²Etthaya yiira ekhalaka, waala noohepha, oririya nooviha, eyiita niilimwe, othana noohiyu khun'mala.

¹Ni Nluku aahonreeriha Noe naasaanaawe ni aahowiirelatja: Mwintjivihaneke vatthayani. ²Woovawinhu on'hala okhala niinama tjooteene, wonuni tjooteene tjowiirimu, ni tjooteene tjineetta vathi niihopa tjooteene tjonpahari. tjooteene tjiri nmatataniwinhu.³Wkhua etthu enmumula en'hala okhala eyoolyeenhu. Phanka tjoovahalyaakani mihokorokho, kihoovanitjitthu tjooteene. ⁴Khan'nohala olya enama ekumi, wala, niiphome.⁵Wokhweeli, kin'hala okhala niiphomeenhu, ephome yeekumiinhu; kin'hala okhala ni wakhula enama. Nintata nakhula ntthu mwiivale mwaamun'naa, kin'hala okhala niikumi yantthu yooyo. ⁶Wakhula ntthu n'hala omwaressa ephome yapinaatamu enaahala omwaressiya ephomyaawe nintthu yooyo, kontha Nluku homunpa ntthu phanka Yena. ⁷Vano nhu, n'yaraneke ni mwintjivihaneke vatthayani.⁸Vano, Nluku aahomuulumana Noe naasaanaawe, iiraka: ⁹Kinaahala woowiiherani nivuku nowaataana, ninlokoninhu mwakhwakavale ¹⁰ni wakhula ntthu n'hala okhala ninhu: enuni, niinama tjoteene tjaari nkalawani, ni wakhula etthu enkhala vathi.¹¹Kinaahala woowiiherani nivuku nowaataana, ehin'hala okwanhulatjiya niipaluwa yomaatji. Khin'hala okhumenlatho epaluwa yomaatji yookwanhulatja etthaya. ¹²Nluku aahiira: Ola nthoonhero owaataanihawaka onoopankelaakani naatthu ooteene an;hala owa. ¹³Kihohela nrekonaka nmahutteni ni en'hala okhala nthoonhero wowaataanawaka niitthaya.¹⁴Kakurussaka mahutte ninreko, ¹⁵kinaahala wuupuwela waataana wonama tjooteene. Ni khin'halatho okhumenla epaluwa yookwanhulatja enama tjooteene.¹⁶Nreko ninn'hala okhala nmahutteni ni kin'hala okhala kuupuwelaka waataana ni Nluku ni tjitthu tjooteene tjinkhala vathi. ¹⁷Nluku aahomwiirela Noe: Ola phunthoonhero wowaataana ovahalyaaka, tjitthu tjooteene tjovathi.¹⁸Asaana aNoe yaakhumale nkalawani yaari Sem, Cam ni Jafe. Cam yaari athumwaane Canaa. ¹⁹Asaana ooraaru aNoe ni yaayo etthaya yaahintjiva atthu.²⁰Noe aahantja olima ni aahaala tjowaala. ²¹Aahowurya nipha ni aahohapaliya. Yena aahohala matamata n'heemaniwawe.²²Cam, athumwaane Canaa, aahowoona matamata ni aahokhuma orwaa waattonkela assun'nawe. ²³Vano, Sem ni Jafe yaahokussatja ekaapa wanikhataniwaya, ni arukunuwaka, yaahaakhuneela athumwanaya. Yaareryale ettuli, wiira ahiwoonatje athumwanaya.²⁴Noe owakathi on'malamalalyaawe nipha, aahotjuwela yaapankiyaawe nimwaamwanawe. ²⁵Vano, aahiira: Ootakhalihiya akhale Canaa. Yena n'hala okhala nanteko aananteko aasun'nawe.²⁶Ni aahiiratho: Wiira Apwiya, Nluku aSem, akhale ooreerihiya, ni Canaa akhale nantekweenhu. ²⁷Nluku amuunuwihe Jafe ni akhale n'heemani mwa Sem. Ni Canaa akhale nantekweenhu.²⁸Waviralyaaya epaluwa, Noe aahokhala eyaakha emiya tthaaru wohanssiini. ²⁹Mahukwaae ooteene aNoe yaari emiya khentta wohansiini, phaakhwaawe.

¹Ala phimakhoto aNoe: Sem, Cam ni Jafe; Asaanaawe yaayarale epaluwa yomaatji enavirale.²Asaanaawe Jafe yaari: Gomer, Magogue, Madai, Java, Tubal, Messeque ni Tiras. ³Asaana aGomer yaari: Asquenas, Rifate ni Togarma. ⁴Asaana aJava yaari: Elisa, Tarsis, Quitim ni Dodanim. ⁵Asimutjaawe Java yaahokawelanatja etthaya, ni, yaahokussatja wonayeeli eluukaaya, naasimutjaaya.⁶Asaana aCam yaari: Cuxe, Mizraim, Pute ni Canaa. ⁷Asaana aCuxe yaari: Seba, Havila, Sabta, Raama ni Sabteca. Asaana aRaama yaari: Sabani Deda.⁸Cuxe aahon'yara Ninrode, yooyo aari owantjera otjuwanya elapo yovathi. ⁹Yena aari namatotha muulupale ohoolo waaPwiya. Phimaana wiiriyaaya: Phanka Ninrode, namatotha muulupale ohoolo waaPwiya. ¹⁰Epooma tjuulupale tjeehoolelwaawe tjaari: Babel, Ereque, Acade ni Calne, elapo yooSinar¹¹Elapo yeele, yena aahokhuma arwaaka waAssiriya ni aahonteka Ninive, Reobote-Ir Cala ¹²ni Resem okhuma Ninive ni Cala. Yaari epooma yuulupale. ¹³Mizraim aahon'yara Ludim, Anamim, Leabim, Naftuim, ¹⁴Patrusim, Casluim ni Caftorim.¹⁵Canaa aahon'yara Sidom, mwaamwanawe owantjera, ni Hete, ¹⁶aahon'yara jebuseu, amorreu, girgaseu, ¹⁷heveu, arqueu, sineu, ¹⁸arvadeu, zemareu ni hamateu. Amutji omacananeu yaahokawanyaatja.¹⁹Elapo yomacananeu yaari Sidom, nphantte woorwaa oGerar, npaka Gaza; arwaaka nphantte wooSodoma, Gomora, Adma ni Zeboim, npaka Lasa. ²⁰Ala phayaari makhoto aasimutjaawe Cam, eluukatjawe; tjonlaponiwawe.²¹Sem, nankhwi aasaana ooteene aHeber ni muulupalyaawe Jafe, aahaayara asaana. ²²Asaanaawe Sem yaari: Elao, Assur, Arfaxade, Lude ni Ara. ²³Asaanaawe Ara yaari: Uz, Hul, Geter ni Mas.²⁴Aefaxade aahon'yara Sela; ni Sela aahon'yara Eber. ²⁵Eber aahaayara asaana eeli. Ntjina namwaana owantjera naari Pelegue, kontha yaayo mahukwaayo yaari ookawanyaa. Ntjina namuulupalyaawe naari Jocta.²⁶Jocta aahon'yara Almoda, Selefe, Hazarmave, Jera, ²⁷Hadorao, Huzal, Dicla, ²⁸Obal, Abimael, Saba, ²⁹Ofir, Havila ni Jobabe. Ooteene yaari asaana aJocta.³⁰Elapwaayatja yaari okhuma Messa npaka Sefar, otakaniha myaako tjoohitto. ³¹Ala phaamutji aSem, niilukatjawe, niilapotjaya.³²Ala phaamutji omaloko aNoe, wonayeeli nimakhalelwaaya, niilapotjaya. Okhuma woyaala amutjaala, yaahintjivatja ni yaahomwareela elapo yooteene, enavirale epaluwa yomaatji.

¹Olumwenku waarina eluuka emotja paasi ni moolumelo yaari mamotja. ²Weeraaya yeettatjaka, yaaheemelatja elapo yooSinai ni yaahokhalatja wonwo.³Ni yaahiirelanatja yaayoru: Nipanke epulooku nipahe. Yaahuupatja epulooku ohiya maluku, niifiali. ⁴Ni yaahiiratja: Niteke epoomeehu, yoorekama yeeyo, ni nivahe ntjina, wowiira nihimwaryaanatje.⁵Apwiya yaahokhuruwa wiira awehe epooma yaatekiya. ⁶Apwiya yaahiira: Ooteenetjinhu mwatthu amotja n'nuuluma eluuka emotja. Eyo phantjaleenhu ovara, vano khiivo etthu en'hala wookutakutheelani npheeleenhu ovara. ⁷Nivirikanihe eluuka wiira nihiiwanane ntthu ninkhwaawe.⁸Ni aPwiya yaahaamwressela elapo yooteene; ni yaaheemelela oteka epooma. ⁹Phimaana, yaahiihaniya Babel, kontha aPwiya phaavirikanihalyaaya eluuka elapo yooteene ni yaahaamwaressela elapo yooteene.¹⁰Ala phamakhoto aSem. Yena aarina eyaakha emiya, owakathi wan'yaralyaawe Arfaxade, tjinavirale eyaakha piili waaviralyaaya epaluwa yomaatji. ¹¹Sem aahokhala eyaakha emiya thanu nan'yaraleene Arfaxade; ni aahaayara asaana akhwaawe.¹²Arfaxade aarina eyaakha talaathiini nathanu, owakathi wan'yaralyaawe Sela. ¹³Wan'yaralyaawe Sela, Arfaxade aahokhala eyaakha emiya tjesse natthaaru; ni aahaayara asaana akhwaawe.¹⁴Sela aarina eyaakha talaathiini wan'yaralyaawe Eber. ¹⁵Sela aahokhala eyaakha emiya tjesse natthaaru nan'yaraleene Eber; ni aahaayara asaana akhwaawe.¹⁶Eber aarina eyaakha talaathiini natjesse oakathi wan'yaralyaawe Peleque. ¹⁷Eber aahokhala eyaakha emiya tjesse wotalaathiini nan'yaraleene Peleque; ni aahaayara asaana akhwaawe.¹⁸Peleque aarina eyaakha talaathiini, owakathi wan'yaralyaawe Reu. ¹⁹Peleque aahokhala eyaakha emiya piili nakhentta nan'yaraleene Reu; ni aahaayara asaana akhwaawe.²⁰Reu aarina eyaakha talaathiini napiili owakathi wan'yaralyaawe Seruque. ²¹Reu aahokhala eyaakha emiya piili nasaapa nan'yaraleene Seruque; ni aahaayara asaana akhwaawe.²²Seruque aarina eyaakha talaathiini owakathi wan'yaralyaawe Naor. ²³Seruque aahokhala eyaakha emiya piili nan'yaraleene Naor; ni aahaayara asaana akhwaawe.²⁴Naor aarina eyaakha siriini nakhentta owakathi wan'yaralyaawe Tera. ²⁵Naor aahokhala eyaakha emiya wokhuumi nakhentta nan'yaraleene Tera. ²⁶Tera aarina eyaakha sapiini owakathi wan'yaralyaawe Abrao, Naor ni Hara.²⁷Ala phamaloko aTera. Tera aahon'yara Abrao, Naor ni Hara; ni Hara aahonyara Lo. ²⁸Hara aahokhwa waathumwaane Tera, elapo yaayareliyaawe, oUr womacaldeu.²⁹Abrao ni Naor yaahothelatja. Amwara aAbrao yiihaniya Sarai ni amwaara Naor yiihaniya Milca; aari mwaana aHara, yaari athumwaane Milca ni Isca. ³⁰Sarai khaayara, khaarina asaana.³¹Tera aahaakussa asaanaawe Abrao ni Lo, mwaana amwaamwanawe, ni Sarai, amwara mwanawe, amwaara amwaamwanawe Abrao. Ni phaamootja yaahokhuma Ur womacadeu arwaaka elapo yooCanaa. ³²Yaahorwaa npaka Hara ni wonwo phwaakhalaaya. Tera aahokhala eyaakha emiya piili nathanu phaakhwaawe elapo yoHara.

¹Vano, Apwiya yaahomwiirela Abraao: Okhume elapweeyo, ni eriyari waasimutjaa, niinupa yaathumwanaa, orwee elapo en'halaaka woothoonhera. ²Kinaahala wookhaliha nloko nuulupale, kinaahala wooreeriha, kinaahala wuunuwiha ntjinanaa ni kinaahala wooreeriha. ³Kinaahala waareeriha an'hala wooreeriha ni kinaahala waatakhaliha an'haa wootakhaliha. Mwaha wawe, assimutjaa ooteene anaahala oreerihiya.⁴Apwiya phaamwiirelalyaaya Abraao wiira apanke, ni Lo aahorwaa ni yena. Abrao aarina eyaakha sapiini nathanu waakhumalyaawe elapo yo Hara. ⁵Aahonkussa Sarai, amwaarawe, ni Lo, mwaana amwaamun'nawe, mihakhutjawe tjooteene naatthu ooteene yaaphwanhalyaawe elapo yo Hara. Ayenatja yaahokhuma arwaaka elapo yooCanaa ni yaahophiyatja.⁶Abrao aahorwaa npaka elapo yo Siquem oMore. Owakathi yoole, acananeu yaakhala elapo yeele. ⁷Apwiya yaahonkhumenla Abrao ni yaahomwiirela: Elapweela kinaahala waavaha assimutjaa. Vano, Abrao aahaateka altaare waaPwiya, yoole ankhumenlale.⁸Yena aahokhumatho arwaaka mwaako Betel, wantekalyaawe heemaawe, naryeene oBetel ohitto nuutjulu. Yena aahaateka altaare waaPwiya ni aahaavaha mwantjinanaya. ⁹Vano, Abrao aahokhuma arwaaka nphantte wooNequebe.¹⁰Ni yaahaavo etala nlaponi. Vano, Abrao aahorwaa wiigiipitu wiira akhale, maana etala yaahomwareela nlaponi. ¹¹Weeraawe attamenlaka wiigiipitu, aahowiirela amwaarawe: Kinaatjuwela wiira mwanthiyana oophwanela. ¹²Atthu owiigiipitu yoowehani, anaahala wiira: Athiyanaala amwaarawe; anaahala okiivatja ni wookussatjani. ¹³Mwawiirelatje omwanrokoraka tjon'mo kinaakhala saana, mahaleenhu, ni kinaahala okhala nkumi.¹⁴Abrao waphiyalyaawe wiigiipitu, yaahooniya amwaarawe ni yaari athiya ooreera. ¹⁵Akhulupale aFarao yaahowoona athiyanaayo, ni yaahorweehiya wa Farao. ¹⁶Yena aahonkhaliha ratta mwaha waathiyanaale ni aahon'vaha enama, naananteko.¹⁷Vano, Apwiya yaahaakurussela assinttuuttu enupa yaFarao, mwaha waSarai, amwaara Abrao. ¹⁸Farao aahomwiihana Abrao ni aahomwiirela: Opankaleni? Wahaakihimeeryelani wiira amwaaraa? ¹⁹Wakithepyatjerani wiira mwanrokoraa, kaakussaka phanka amwaaraka? Vano, n'nava waakusse amwaraa, waakusse orweeke. ²⁰Vano, Farao aahokumiha nlamulo mwaha wayena, ni yaahorwaatja, naamwaarawe ni tjooteene tjaavahiyaawe.

¹Vano, Abaro aahokhuma wiigiipitu arwaka waNequebe. Yena naamwaarawe nitjitthu tjooteene tjaarinaawe. Lo aari niyeneni. ²Abrao aari namihakhu: Aahaana mihuwo, eparatha niiwooru.³Yena aahaakulela ekwahaawe waNequebe arwaaka oBetel, npaka nipuro naari heemaawe, okhuma oBetel ni Ai. ⁴N'no phinipuro naatekalyaawe altaare khalayi, ni Abrao ni aahovekela ntjina naaPwiya.⁵Owakathi yooyo, Lo, eettaka ni Abrao, aahaana enama naaheema. ⁶Etthaya yaari yankaani woopheela oliha, maana mihakhutjawe tjaari tjintji, ni kawaaphwanela tjooteene okhala vamotja. ⁷Ni yaahaavo ewani naahakheli onama tja Abrao naahakheli tjonama tja Lo. Owakathi yooyo, macananeu nimaferezeu yaakhala elapo yeeyo.⁸Abrao aahomwiirela Lo: Nihiwanihanatje we ni mi, wala naahakheliihu, kontha niri vamotja. ⁹Elapo yooteene khinakhala yawaa? Kinawoolepela wiira okihuluwe. Warwaaka moono woothiyana, kin'hala orwaa moono woolopwana. Wala warwaa moono nlopwana, kin'hala orwaa moono nthiyana.¹⁰Vano, Lo aahoweha woorukureerya muro Jordao ni aahoona wiira aari nimaatji mentji nmittalani mooteene npaka Zoar; yaari phanka ojardim yaaPwiya, phanka elapo yowiigiipitu. Yiiranyaale aPwiya ahinatankula oSodoma ni Gomora. ¹¹Tjitjon'mo, Lo aahiithanlela muro Jordao ni aahokhuma arwaaka, ni yaahokawanyaatja khula ntthu arwaaka nphanttyaawe.¹²Abrao aahokhala elapo yooCanaa, Lo, aahokhala nmapooma, aatthonkomanihaka aheemaawe npaka oSodoma. ¹³Atthu ooSodoma yaari ootakhala nrima ni anatanpi oolupale waaPwiya.¹⁴Apwiya yaahomwiirela Abrao, owakathi waapheelaaya ohiyanatja: Otthukule meethwaa ni owehe okhuma nipuro niryaa owehaka onkhuma ntjuwa, okela ntjuwa, moono nthiyana ni moono nlopwana. ¹⁵Elapo yooteene enoonaa, kinaahala wooovaha naasimutjaa ooteene.¹⁶Ni kinaahala wintjiviha nlokonaa phanka ntthupi, weenan'na yowiira akhumenla ntthu oopheela waalikela ntthupin'no, ninlokonaa naalikeliye. ¹⁷Ovuwe, weetteette owehaka tjiryaaya elapweeyo, kinaahala woovaha. ¹⁸Vano, Abrao aahaatthukulatja aheemaawe ni aahokhala waattamenla oManre, nphantte wo Hebrom, waatekalyaawe altaare aaPwiya.

¹Mahuku aAnrafel, mwene oSinar, oArioque, mwene oElasar, oQuedorlaomer, mwene oElao ni oTidal, mwene oGoim, ²yaalatja yaahowana ni Bera, mwene oSodoma, Birsa, mwene oGomorra, Sinabe, mwene oAdma, Semeber, mwene oZeboim ni mwene oBela.³Mamwene athanu oomaliheraayo yaathukumanale muro wooSidim. ⁴Eyaakha khuumi napiili, yanvarela nteko Quedorlaomer, massi, mwaakha wonakhuumi namiraru, yaahohiyatja onvarela nteko. ⁵Mwaakha nkhwaawe, Quedorlaomer nimamwene yaarinaawe yaahowaattakan'na arefim oAsterote-Carnaim, azuzin oHao, aemin oSave-Quiriataim ⁶ni mahoreu omwaakowaya Seir npaka El-Para, waattamenla woothakoni.⁷Yaahohokolyaatja arwaatjaka En-Mispate, ni yaahokussatja elapo yaamalequita ni yomamorreu, yaakhala oHazazom- Tamar. ⁸Woottharenlana, mwene ooSodoma, mwene ooGomorra, mwene ooAdma, mwene ooZeboim ni mwene ooBela yaahokhumatja arwaatjaka okhottoni emuro yooSidim ⁹arwaaka omwaattakan'na Quedorlaomer, mwene ooElao, Tidal, mwene oGoim, Anrafel, mwene oSinar, Arioque, mwene oElasar: mamwene matjesse yaattakan'na nimamwene mathanu.¹⁰Muro Sidim waahotjara nimaatji, nimamwene ooSdoma ni Gomorra yaahotthawa ni yaahomorela mon'mo. Yaale yaari moono nthiyana yaatthawelale nmamyaakoni. ¹¹Vano, awanani yaahokussa mihakhutjaya tjooteene tjooSodoma ni Gomorra ni yaahorwaatja. ¹²Ayenatja yaahonkussatja Lo, vamotja naatthwaawe. Lo aari mwaana amwaamun'nawe Abrao ni aakhala oSodoma.¹³Nmotja aakhwitirale otthawa aahorwaa ontttonkela Abrao, yena aakhala oManre, mwaamun'nawe Escol ni Ener, ni ooteene yaari nphantte waAbrao. ¹⁴Abrao wiiwalyaawe wiira awananyaawe yaahonvara nmutjaawe, aahaaruma anakhottwaawe emiya tthaaru wokhuumi nanaane, yaayariye elapwaawe, ni yaahowoomolaniha npaka elapo yiihaniya Da.¹⁵Yena aahaakawaniha atthwaawe ni aahaawanana awananyaawe ohiyu, awoomolanihaka npaka elapo yiihaniya Hoba, nphantte wooDamasco. ¹⁶Tjitjon'mo yaahohokolossatja tjitthutjaya tjooteene ninmutjaaya Lo ni mihakhutjaya, athiyana naatthu akhwaawe.¹⁷Abrao wahokolyaalyaawe okhottoni wa Quedorlaomer nimahumu yaarinaawe, mwene ooSodoma aahokhuma wiira amoonan'ne emuro yooSave. ¹⁸Melquisedeque, mwene ooSalem, aahowaana nkatthe ninipha. Yena aari nankuttho aNluku owiirimu.¹⁹Abrao aahoreerihiya ni Nluku iiraka: Ooreeriya akhale Abrao niNluku owiirimu, unpale erimu niitthaya. ²⁰Ooreeriya akhale Mluku owiirimu, aavahale awananyaawe nmatataniwaya. Vano, Abrao aahovaha nphantte wonakhuumi watjooteene.²¹Mwene ooSodoma aahomwiirela Abrao: Okivaheke atthu ni we okusseke mihakhu. ²²Abrao aahomwiirela mwene ooSodoma: Kinaavenhihera matata Apwiya, Nluku owiirimu, unpale erimu niitthaya, ²³akinphwanela okussa etthu yawaa, wala ohikaakulele: Kihonthatjiriha Abrao. ²⁴Akin'hala okussa hata etthu, ohiya elyale amwaavanuaala. Ni, naatthu yaawaanalyaaka, Aner, Escol ni Manre, wiira akusse mapurwaaya.

¹Waviralyaaya eyo, Apwiya yaamwiirela Abrao, nttorani, yiiraka: Ohoove, Abrao! Mi kinttonttwaa ni etthuvwaa en'hala okhala yuulupale. ²Abrao aahaakhula: Awiya, n'nohala okivahani, kontha nanlelo akinamwaana, ni nkhalelwaaka on'hala okhala Eliezer ooDamasco? ³Ni aahintjenratjo Abrao: Khankivahale nmutji ni okhalawaka on'hala ophwanhawaka.⁴Vano, naahowa nuulumo naaPwiya, yiiraka: Khin'hala okhala ophwanhawaa, massi yoole n'halaa onkhalana phin'hala okhala ophwanhawaa. ⁵Ni aPwiya yaahonkumihera ota ni yaahomwiirela: Owehe erimu ni waalikele etthontto, wapheelavale. Ni yaahomwiirela: Phan'hala okhala amutjaa.⁶Abrao aahowaamini aPwiya ni aahovahiya onassariya. ⁷Ni Apwiya yaahiira: Thimi Pwiya, ookumihale oUr womacaldeu, wiira koovahe elapweela phanka yowoohiyera. ⁸Abrao aahaakoha: Kin'hala otjuwela tjani wiira kinaaphwanha?⁹Aahaakhuliya: Okiwiihere epwittipwitthi emotja, epuri emotja niimope emotja, khula enama tjoyaakha tthaaru tjeeyareelo, niikhuntta emotja. ¹⁰Yena aahowiiha enaman'nho, aahothikila eriyari ni aaheesa khula ephantte niikhwaaya, massi enuni khaahitale. ¹¹Enuni tjaananweela ni Abrao aanawoomola.¹²Wakelalyaaya ntjuwa, Abrao tjaahonweela ekhove tjuulupale, ni waahoripela ventji. ¹³Vano, Apwiya yaahomwiirela Abrao: Assimutjaa an'hala okhala elapo ehiri yawaya. Anaahala ohuvihatjiya eyaakha emiya tjesse.¹⁴Massi kinaahala waalamula ni anaahala okhumatja, ni anaahala okhuma nimihakhu tjintji. ¹⁵Vano we onaahala orwaa ninrettele wan'nathumwana ni onaahala ossikhiya owuuluvaleene. ¹⁶Nikhoto noneetjesse, anaahala owaatjatho, kontha tjoovaratjaya khatjinaaya oamalela.¹⁷Ntjuwa wakelalyaaya ni onaripenleene, mooro nimwiisyaaya waahovira eriyari wonama. ¹⁸Nen'ne nihukun'ne, Apwiya yaahopanka waataana ni Abrao, yiiraka: Asimutjaa kihaavaha elapweela, okhuma muro wowiigiipitu npaka muro muulupale oEufrates. ¹⁹Nqueneneu, nquenezeu, ncamodeu, ²⁰n'heteu, nperizeu, maarefain, ²¹amorreu, ncananeu, ngigaseu ni njebuseu.

¹Sarai, amwaara Abrao, khayan'yarale mwaana anakhala n'motja, massi ayena yaahaana epotthaaya, yiihaniya Agar. ²Vano, Sarai aahomwiirela Abrao: Apwiya khankitthuniha oyara. Orupe niipotthaaka. Wan'nokhala kikhalanaka asaana mwaha woyena. Abrao aahowiiwenla amwaarawe. ³Vano, Sarai, amwaarawe Abrao, aahonvaha epotthaawe, wiira akhale amwaarawe. Eyo yiiranyaale tjinavirale eyaakha khuumi Abrao akhala elapo yooCanaa. ⁴Yena aahorupa ni Agar, ni aahorupala; ni watjuwenlyaawe wiira aahorupala, aahontanhifu Sarai.⁵Vano, Sarai aahomwiirela Abrao: Otanhifwiyawaka mwaha wawa. Kihoovaha epotthaaka nmatataniwa ni, woonalyaawe wiira horupala, nkiweha niitanhifu. Mwaahiye Apwiya anilamule. ⁶Massi Abrao aahomwiirela Sarai: Epottheenhwiiyo enkhala mwaha wanhu, omwiirihe enpheelaa. Sarai aahonkhaliha nimarikoriko ni Agar aahotthawa.⁷Nlaikha naaPwiya naahonkhuruwela moothakoni, nttala wooSur. ⁸Yena aahiira: Agar epottha yaSarai, onkhuma vai ni onrwaa vai? Ni yena aahaakhula: Kinontthawa aakikhalana, Sarai.⁹Nlaikha naaPwiya naahomwiirela: Ohokoleele wa Sarai ni wiiyevihe. ¹⁰Nlaikha naaPwiya nahomwiirelatho: Kinaahala wintjiviha nlokonaa, ni an'hala okhala atthu entji, ahin'hala waalikeliya.¹¹Nlaikha naaPwiya naahomwiirela tootho: Ori niirukulu ni onaahala on'yara mwaana, n'halaa onvaha ntjina naIsmael, kontha aPwiya ahiiwa makhalelwaa. ¹²Yena n,hala okhala naatthu phanka, enama yonatakhwani. Yena n'hala okhala nwanani aatthu ooteene, ni n'hala okhala naasihimaawe.¹³Vano, Agar aahowiihana Pwiya yale yuuluma ni yena: We oNluku nkiweha, maana yena aahiira: Kaahaana kimoonaka yoole nkiweha? ¹⁴Phimaana, aahiihana emuro yo Beer-Laai-Roi, eri eriyariru yoCades ni Berede.¹⁵Agar aahon'yara mwaana aAbrao ntjinanawe Ismael. ¹⁶Abrao aarina eyaakha thamaniini nasita Agar wan'yaralyaawe Ismael.

¹Abrao waarinaawe eyaakha hnsiini waarupayini, Apwiya yaankhumenla Abrao ni yaahomwiirela: KaNluku oowerya tjooteene. Okhale nimi ni okaamini. ²Vano, kinaahala owaataaniha ni kinaahala owintjiviha.³Abrao aahokokhora vathi ni Nluku aahomwiirela: ⁴N'no phuwaataana onoovahaaka: On'hala okhala athumwaane atthu entji. ⁵Khuniihaniyatho Abrao, massi ntjinanaa nin'hala okhala Abraao kontha kihoovahatjera okhala athumwaane atthu entji. ⁶Kin'hala wookhaliha ntthu muulupale, kin'hala wookhaliha elapo tjintji.⁷Kinaahala okhala niwe naasimutja, ni waataana woohimala, wiira kikhale Nlukwaa ni Nluku aamutjaa ooteene. ⁸Kinaahala woovaha elapo we naasimutjaa, elapo yooteene yooCanaa okhala woohimala ni kin'hala okhala Nlukweenhu.⁹Nanlelo Nluku aahomwiirela Abraao: Wiisaathiki waataanawaka, we naasimutja ni makhoto ooteene. ¹⁰N'no phuwaataanawaka, vano ohaana okhaliha ratta naasimutjaa ooteene: Khula nlopwana haana uulaka. ¹¹Yuulakavale phun'hala okhala nthoonhero wowaataanawaka.¹²Khula nlopwana wanhu, omahuku naane eeyareelo, haana uulaka, womaloko ooteene. Ni wayoole ooyariya vapuwaniwinhu, yoole thumiye ni wakhula nan'mwa oohikhala assimutjeenhu. ¹³Yoole yariye vapuwaniwinhu ni athumiyaka ninsurukweenhu haana uulaka. Vano, waataanawaka on'hala okhala mwiirutthuniwinhu phanka waataana woohimala. ¹⁴Wayoole hin'hala wuula naahala wiiviya, kontha yena hohonona waataanawaka.¹⁵Nluku aahomwiirela Abraao: Naamwaarawe Sarai n'hiwiihanetho Sarai. Ntjinanawe Sara. Kinaahala wooreeriha ni onaahala on'yara mwaana. ¹⁶Kinaahala onreeriha ni n'hala okhala anumwaane aatthu entji. Mamwene aatthu an'hala okhumenla mwaha woyena.¹⁷Vano, Abraao aahokokhorela vathi, aahothya ni aahiira wanrimaniwawe: Ntthu oyaakha emiya naayara? Sara n'hala oyara tjani nuuluvanle? ¹⁸Abraao aahomwiirela Nluku: Ismael akhale ninhu.¹⁹Nluku aahiira: Amwaaraa, Sara, anaahala wooyarela mwaana, ni on'hala onvaha ntjina naIsaque. Waataanawaka on'hala okhala niyena, waataana woohimala naasimutjaawe. ²⁰Wa Ismael kinaawiiwaka. Kinaahala onreeriha, ni kinaahala owintjiviha. Yena n;hala okhala thumwaane omahooleli khuumi nayeeli omahimo, ni kin'hala onkhaliha omakhoto mentji. ²¹Waataanawaka on'hala okhala ni Isaque, yooyo Sara n'halaawe woovaha owakathi yoola mwaakha onwooyo.²²Wamalalyaawe omuulumana, Nluku aahokhuma waaryaawe Abraao. ²³Vano, Abraao aahonkussa mwaamwanawe Ismael ni ooteene yaale yaayariye vapuwaniwawe Abraao aahowuulihatja nihuku nimotja, phanka Nluku tjaahimyalyaawe.²⁴Abraao aarina eyaakha hanssiini waarupayini nakhentta, wuulihiyaawe. ²⁵Ni Ismael, mwaamwanawe, aarina eyaakha khuumi natthaaru wuulihiyaawe. ²⁶Nihuku nen'no, Abraao ni mwaamwanawe Ismal phuulihatjiyaaya. ²⁷Atthu ooteene ovapuwaniwawe yuulale niyena, waatakaniha naanan'mwa yaathumiye ninsurukhu.

¹Apwiya yaahonkhumela Abraao oManre, wookomalyaawe omakhumenloni woheema, oyhana. ²Abraao aahoweha ntjulu ni aahowoona alopwana araru aneemelale. owakathi waawehalyaawe aahatthawenla ni aahaakokhorela.³Yena aahiira: Apwiya, wakhala wiira kiri nmeethoniwinhu n'hikivire. ⁴Kinaahala orumiha owaaniya maatji vakaani; wiirapihatje enhan'nho ni wiitthunwe vathi wonri. ⁵Kinaahala owaana ephaawu; kinaahala wintjenra ekurutjinhu kontha n'hophiya npaka wanantekweenhu ni n'naahala ontthara. Ni yaahaakhulatja: Npanke tjihimyaleenhu.⁶Abraao, aahokela wowaakuvyaatja n'heemani ni aahomwiirela Sara: Waakuvatje okusse ekiilu tthaaru yotiriku, opanke mikatthe. ⁷Abraao aahotthawenla omihuwoniwawe, aahovara enama yiihaniya benzerro ni yooreera aahonvaha nantekwaawe, ni aahotthonkomanihatja. ⁸Nphantte nkhwaawe wonama aahokussa, aahaavahatja ni aahokhala oweemela ohoolowayatja, alyaka vathi wonri.⁹Ayenatja yaahonkohatja Abraao: Amwaaraa Sara, arivai? Yena aahaakhula: Ari n'heemani. ¹⁰Ni aahiira: Kinaahala owaatho mwaahiyu, ni amwaaraa Sara, anaahala okhalana mwaana. Sara iira iiwaka yuulumaawe ottuliwawe.¹¹Abraao ni Sara yaahuuluvalatja, ni Sara wahaaphwanelaawetho oyara. ¹²Vano, Sara aahothyaa ni aahiitjiirela: Kinaahala oreeriya kinuuluvalale, naawan'nhaka anuuluvalale?¹³Apwiya yaahomwiirela Abraao: Sara nthyaani ni iiraka: Kinaahala okhalana mwaana, kinuuluvalale? ¹⁴Yaanaahala okhumenla etthu yowaarikela Apwiya? Mwaahiyu owakathi yoola, kinaahala owaatho, ni Sara naahala on'yara mwaana. ¹⁵Vano, Sara aahoruna ni aahiira: Akithyaalemi, kontha aanawoova. Apwiya yaahiira: Mena! We ohothyaa.¹⁶Vano, assilopwanaale yaahovuwa ni yaahorwaa nphantte wooSodoma. Abraao aahaasafirisatja. ¹⁷Ni Apwiya yaahiira: Akinonthoonhihera Abraao enpheelaaka ovara. ¹⁸Kontha yena nkhulupale muulupale niilapo tjooteene tjin'hala oreerihiya mwaha woyena? ¹⁹Kontha kinonthanla wiira aahoolele asaanaawe naasimutjaawe wiira akhale munttalani mwaaPwiya, wiira akhale nsariyani, ni wowiira aPwiya avirihe emwiirenlyaaya Abraao.²⁰Vano, Apwiya yaahiira: Okhuwela waSodoma ni Gomorra ohuunuwa, tjoopakatjaya tjihintjiva. ²¹Kinaahala okhuruwa, ni kinaahala woona wiira khweeli, tjinvaraaya tjooteene tjinaaphwanela okhuwelawaya onkiphwanha. Woohikhala tjon'mo, kinaahala otjuwela.²²Vano, asilopwanaale yaahorukunuwa arwaaka nphantte wooSodoma, massi Abraao aahohala naaPwiya. ²³Abraao aahowaattamenla ni aahiira: N'nohala waakwanhlatja anasariya naanatanpi?²⁴Yakhala anasariya hansiini npooman'mo, n'naahala wiivakatja woohaahiya mwaha waanasariyaale? ²⁵Woopanka eyo mena, omwiiva nasariya ninatanpi, wookhala phanka nasariya naalikana ninatanpi. N'hipanke! Wakhala wiira nphunki olapo yooteene eehivare tjosariya? ²⁶Apwiya yaahiira; Kaaphwanha oSodoma anasariya hansiini, akin'hala wiiva mwaha waayenatja.²⁷Abraao aahaakhula: Enookhalaru ettuura nintthupi, kuulumeke naaPwiya. ²⁸Ni anasariya hansiini ahaleelaka athanu, n'naahala okwanhula epoomeeyo mwaha woyaale athanu? Yena aahiira: Akin'hala okwanhula, kaaphwanha arupayini naathanu.²⁹Abraao, aahiiratho: En'hala wiiranyaa essiyani mwaaphwanha arupayini? Yena aahaakhula: Akin'hala opanka eethu. ³⁰Abraao aahiiratho n'hirussiye mwaha wowookohanitho. Ni mwaaphwanha talaathiini? Ayena yaahaakhula: Akin'hala opanka etthu. ³¹Abraao aahiiratho: N'hirussiye mwaha wowookohani tootho. Mankhi mwaaphwanha siriini?. Ayena yaahaakhula: Akin'hala opanka etthu.³²Ni aahiira: Sontte, n'hirusiye mwaha wowookohanitho emaareela. Mankhi mwaaphwanha khuumi? Ayena yaahaakhula: Akin'hala opanka etthu mwaha wokhuumi. ³³Apwiya wamalihalyaaya wuuluma ni Abraao yaahokhuma, ni yena aahorwaa owanuwawe.

¹Malaikha meelyaayo yaahorwaa oSodoma ohiyu, Lo nookomale vankhora ooSodoma. Lo aahaawehatja, aahovuwa ni aahorwaa waaryaaya khwaakokhorela. ²Yena aahiira: Kinaalepela nvire wanantekweenhu, mwarupe noorapiha enhaatjinhu. Vano, owitjisuuru nkhumeke nrweeke. Ayena yaahomwaakhulatja: Mena, ninkoorupa eriyari epooma. ³Massi yena aahaakhanhenratja ventji jtinene, ni yaarorwaa owanuwawe. Yena aahottonkomaniha eyoolya, aahoossa ephaawu tjoohimiripo ni yaaholyatja.⁴Massi wiiraaya ahinaaya orupatja, atthu ooteene ooSodoma yaahorukureerya enupa yooteene, okhuma anamwane naatthu oolupale. ⁵Ayenatja yaahomwiihanatja Lo ni yaahonkohatja: Alopwana awaakhenlalyaa ohiyuulava arivai? Waawaane nihi nirupe naayena.⁶Vano, Lo aahotthuka nkhora. ⁷Ni aahiira: Kinawoolepelani assun'naka, n'hipankeni etthu yootakhala. ⁸Kihaana asaanaaka eeli ahinantjuwela nlopwana. Kinawaawaana mwaapankatje etthu enpheelatjeenhu. Massi alopwanaalamu n'haapankatje eethu kontha awaatjale omumulatja.⁹Ayenatja yaahiiratja: Okhumen'mo! Yaahiiratja tootho: Ola waale okhala phanka nan'mwa vano naanihoolelatho. Vano, ninawoohasara woovikana ayon'mo. Ayenatja yaahonkhanhenratja Lo, ni yaahaattamenlatja wiira akwanhule nkhora.¹⁰Massi malaikhaale yaahotaphula matataaya, yaahonvara Lo ni yaahonwiiha npaani ni yaahotthuka nkhora. ¹¹Vano assilopwana yaari nphantte woota wonupa, yaamakale owanuwawe Lo, yaahotthukatjiya meetho, muulupale nimwankaani, wiiraaya awehawehaka nkhora wonupa.¹²Vano, assilopwana eelyaale yaahomwiirela Lo: Haavotho rimoomu? Asitjulaa, asaanaa nintthu oteene notjuwela, waakumihe moomu. ¹³Kontha ninphela okwanhula nipuron'na, tjitthu tjiniiranyaa nipuron'na tjinkhala phanka onhakuliya ohoolo waaPwiya naayena anooniruma wiira nikwanhule.¹⁴Lo aahorwaa waasithelyaawe, alopwana yaakhuluvelihalyaawe wathela asaanaawe ni aahowiirelatja: Mwaakuvatje nkhumatje nipuron'na kntha aPwiya anphookwanhula elapweela. Massi asithelyaawe yoona phanka ehantissi. ¹⁵Wasalyaaya, malaikha yaahomwaakuvenla Lo an'himeeryaka: Waakusse amwaaraa naasaanaa wiira ahiphwnhe ehukhumu yolapweela.¹⁶Okhala wiira yena aanaapitja, aahovariya moono, naamwaarawe naasaanaawe, kontha aPwiya yaanomoonela ekiriri. Yaahohiyatjiya ota wopooma. ¹⁷Weeraaya arweehiyaka ota, nlopwana n'motja aahiira: Waapule ekumyaa! Ohiwehe ottuli, ni oheemele nipuro nowoonyaa. Otthawele n'mamyaakoni, wiira ohirimeele.¹⁸Lo aahomwiirela: Mena, sontte, Apwiya! ¹⁹Kinaaphwanhaka mahala nmethoniwinhu ni n'naakoonelaka ekriri tjinene mwaha weekumyaaka, kihitthaweleke nmyaakoni kontha mahuviho anaahala okiphwanha. ²⁰Kontha epoomeeyo eri vakhiviru ni yankaani. Sontthe nkihiye kitthawele woowu, ni ekumyaaka enaahala woophwaa.²¹Yena aahomwiirela: Khweeli, kiniira kiwehaka enlepelaa, akin'hala okwanhula elapo ehimyatjalyaa. ²²Waakuvatje! Otthawele woowu, kontha akinvara etthu ohiphiyale wu. Phimaana epooma yaahiihaniya Zoar.²³Ntjuwa naahokhuma Lo waaphiyaawe elapo yooZoar. ²⁴Apwiya vano, yaahokuussa epula yomooro Sodoma ni Gomorra. ²⁵Apwiya yaahokwanhula elapo tjoopiili, mowoonyaa mooteene, atthu ooteene yaakhala npooma nimiri tjooteene.²⁶Massi amwaarawe Lo, yaari ottuliwawe, yaahoweha ottuli ni yaahothatuwa nluku nomaakha. ²⁷Abraao aahovuwa owitjissu ni aahorwaa nipuro naaryaawe naaPwiya. ²⁸Yena aahoweha oSodoma ni Gomorra niilapo yooteene. AAhoweha ni aahotutthuwa oonaka mwiissi womooro.²⁹Vano, Nluku wakwanhulalyaawe epoomaan'nhe, aahomuupuwela Abraao ni aahonkumiha Lo eriyari wookwanhuwatja, wakwanhulatjalyaawe epooma Lo tjaakhalaawe.³⁰Massi Lo aahokhuma oZoar, wiira akhale nmamyaakoni naasaanaawe, kontha aanawoova okhala oZoar. Vno, aahokhala n'nikhukuni yena naasaanaawe.³¹Omuulupale aahomwiirela omwankaani: Athumwanihu ahuuluvala ni khaavo nlopwana vakhiviru oopheela orupanihi phanka elamalelo yolapo yooteene. ³²Nttwee naahapalihe ni anaanirupanatja wowiira nikhalihe nlokonaya. ³³Ayenatja yaahaavahatja nipha athumwanaya ohiyu yoole. Vano, omuulupale aahaarupana athumwaane; ayena khiivo yaatjuwelaaya.³⁴Nihuku nikhwaawe, omuulupale aahomwiirela mwaamun'nawe: Ohiyu, kihorupa naathumwanaka. Naavahetho nipha ohiyuula, niwe waarupaneke, wowiira nissunke nlokonaya. ³⁵Vano, yaahaavahatja nipha athumwanaya ohiyuule ni omwankaani owaarupana athumwaane. Ayena ahitjuwelaka etthu.³⁶Vano, asaana ooyeeli aLo yaahorupala erukulu tjan'nathumwanaya. ³⁷Omuulupale aahon'yara mwaana , anvahalyaawe ntjina naMoabe. Yooyo hokhala aamoabita olelo. ³⁸Omwankaani aahon'yara mwaana, anvahalyaawe ntjina naBen-Ami. Yena hokhala amonita olelo.

¹Abraao aahokhuma arwaaka elapo yiihaniya Nequebe ni aahokhala eriyariru woCades ni Sur. Yena aari nan'mwa ahalaka oGerar. ²Abraao aahowuulumela amwaarawe Sara: Yena mwanrokoraka. Vano, Abimeleque aahaaruma atthwaawe ni ahaakussa wiira akhale amwaarawe. ³Massi, Nluku aahonkhuruwel Abimeleque nttorani, ohiyu, ni aahiira: We ontthu ookhwa mwaha waathiyana yaakussalyaa, kontha ahaana awan'haya.⁴Abimeleque aari hinaakwanha, ni aahiira: Apwiya, n'naahala wiiva elapo yossariya? ⁵Khanakhala yena phiirale: Yena mwanrokoraka? Naayena phukiirelaka: Mwanrokoraka. Kivarale eyo nimuupuwelelwaaka ni tjoovaratjaka.⁶Vano, Nluku aahomwaakhula nttorani: Khweeli, kinaatjuwela wiira opankale nimuupuwelelwaa ni kihoohapussa okikossera, phimaana, akootthunihale waakwanha. ⁷Nen'nava, waahokolossere athiyanaayo awan'nhaya, kontha yena nrumeyi naahala woovekelela ni onaahala okhala. Massi, waahaahokolosse, onaahala okhwa naale ooteene ari awaa.⁸Abimeleque aahovuwa owitjisuru ni aahowiihana anantekwaawe ooteene. Yena aahaattonkela tjitthu tjooteene, ni yaahoovatja. ⁹Vano, Abraao aahiihaniya ni Abimeleque ni aahomwiirela: Onipankaleni? Kookosseraleni, owaaka okikossiiha nuumwenyaaka? Ohokipanka etthu ehinpankiya.¹⁰Abimeleque aahomwiirelatho Abraao: Yoopankihale essiyani tjitthun'nha? ¹¹Abraao aahaakhula: Kontha kaanowoonela kimwaneene: Wiira nipuron'na khanooviya Nluku ni anaahala okiivatja mwaha waamwaaraka. ¹²Ohiyavaa, wekhweeli yena mwanrokoraka, mwaana aathumwanaka, massi khanakhala mwaana aanumwanaka, phimaana akhalaka amwaaraka.¹³Nluku wakikumihalyaawe ookossa waathumwanaka, kaahomwiirela Sara: Ohaana okikhalihaka phanka amwaaraka: Mapuro ooteene anvireehu, wiireke mwanrokoraka. ¹⁴Vano, Abimeleque aahonliva enama nimihuwo; ananteko athiyana naananteko alopwana ni aahonvaha Abraao. Ni aahohokolosseriya Sara, amwaarawe Abraao.¹⁵Abimeleque aahiira: Elapwaaka eri niwe. Okhale nipuro ninpheelaa. ¹⁶Ni aahomwiirala Sara: Onvahe mwanrokoraa ekonto emotja tjonsurukhu woparatha, wooveehalyaaka, ohoolo watthwaa ooteene; oholaphululiya ohoolo waatthu ooteene.¹⁷Abraoo aahonvekela Nluku ni Nluku aahonvoniha Abimeleque, amwaarawe naaseettyaawe, wiira akhalane asaana. ¹⁸Kontha Apwiya athiyana ooteene yaakhala wa Abimeleque khayaayara, mwaha wa Sara, amwaara aAbraao.

¹Apwiya yaahonkhavihatjera Sara, phanka tjaahimyalyaawe. ²Sara aahorupala ni aahon'yara mwaana, owakathi yooyo waahimyalyaawe Nluku. ³Abraao aahovaha ntjina mwaamwanawe, Isaque. ⁴Abraao aahomuuliha mwaamwanawe Isaque weettaaya mahuku naane eeyareelo, phanka Nluku tjaahimyalyaawe.⁵Abraao aarina eyaakha emiya wan'yaralyaawe mwaamwanawe Isaque. ⁶Sara aahiira: Nluku hokiteeha, atthu ooteene yiiwavale anaahala othyaa nimi. ⁷Ni aahintjenratho: Tupani aahala omwiirela Abraao wiira Sara naahala omwaamwiha mwaana? Kihonvaha mwaana niwuuluvalawawe.⁸Mwaana aahuunuwa ni aahohiihiya nipele, ni Abraao aahotthonkomaniha essukuhuulu yuulupale owakathi Isaque waahiihiyaawe nipele. ⁹Sara aahomoona mwaana aAgar, an'yaralyaawe ni Abraao,anthanhaka Isaque.¹⁰Vano, ayena yaahomwiirela Abraao: Woomole epottheeyo nimwaamwanooyo, kontha mwaana eepottheeyo khan'hala okhalana yoohalana nimwaamwanaka Isaque. ¹¹Nuulumon'no naahonrussa Abraao mwaha wamwaamwanawe.¹²Vano, Nluku aahomwiirela Abraao: Ohirussiye mwaha wamwaana wala mwaha wanantekwaa. Omwiihenle Sara yooteene enoohimeeryaawe, kontha Isaque phin'hala wiihana nlokonaa. ¹³Nimi kinaahala owiiha nloko wamwaana anantekwaa, kontha yena nmutjya.¹⁴Abraao aahovuwa owitjissu, aahokussa ephaao nimaatji ni aahonvaha Agar, amweesenraka wanikhatani. Yena aahonvaha mwaana ni aahonleeha Agar. Ayena yaahokhuma arwaaka moothakoni oBerseba. ¹⁵Wamalalyaaya maatji yaavahiyaaya, yaahonhiya mwaana vathi woniphunpulu. ¹⁶Vano, ayena yaahokhuma orwaa wookoma nttayinttayi, kontha yaahohimya; Akinhala omoona nookhwe amwaana. Ayena yaahookoma ohoolowawe, aahokhuwela.¹⁷Nluku aahiiwa ntju namwaana, ni nlaikha naNluku naahomwiihana Agar ni naahomwiirela: Agar orinani? Ohoove, kontha Nluku hiiwa ntju namwaana waryaawe. ¹⁸Ovuwe, onkusse mwaanooyo ni onvarenle nmatatani, kontha kinaahala onvaha omutji.¹⁹Vano, Nluku aahohula meethwaawe, naayena yaahoona epuussu. Yaahokhuma okoorika maatji ni yaahonvaha mwaana ovurya. ²⁰Nluku aari nimwanlopwanooyo; yena aahuunuwa, aahokhala moothakoni ni aahokhala namattheere. ²¹Yena aahokhala moothakoni oPara, ni anumwanawe yaakhala elapo yowiigiipitu.²²Owakathi yoole, Abimeleque ni Ficol, n'hooleli aanakhottwaawe, yaahomwiirela Abraao, iiraka: Nluku riniwe en'halaa ovara yooteene. ²³Okikhuluvelihe mwaha waNluku, wiira khun'hala okihukhumu, wala mwaamwanaka, wala mwantjulaka. Okithoonhere elapo enkhalakaa wayeele yoothoonheralyaaka. ²⁴Abraao aahiira: Kinaakhuluveliha.²⁵Abraao aahonttokuttela Abimeleque mwaha wopuussu yomaatji yeeyo ananteko aAbimeleque phayaakhalenla. ²⁶Abimeleque aahiira: Akinontjuwela pankale. Ni khukittonkelale khalayi; kaari kihiniiwa nen'ne nen'ne npaka olelo. ²⁷Vano, Abraao aahokussa enama niimope emotja ni aahonvaha Abimeleque, ni alopwana ooyeeli yaahossikissana.²⁸Abraao aahossunka enama saapa. ²⁹Abimeleque aahomwiirela Abraao: Enama tjissunkalyaa saapa tjin'himyani? ³⁰Yena aahaakhula: Enama saapan'nha n'nohala waakhenla nmatataniwinhu wowiira tjikhale tjonamoona wiira kihothipa ehime.³¹Vano, aahiihana nipuron'ne Berseba, kontha yaaholuphela. ³²Ayenatja yaahotthukatjeranatja oBerseba, ni Abimeleque ni Ficol, n'hooleli aanakhotto, yaahohokoleela elapo yomafilisteu.³³Abraao aahaala nri oBerseba ni vaava aahovuwiha ntjina naaPwiya, Nluku oohimala. ³⁴Abraao aahokhala elapo yomafilisteu womahuku mentji.

¹Waviralyaaya tjitthun'nho, Nluku aahontteha Abraao ni aahomwiirela: Abraao! Yena aahaakhula: Mikiri vaa. ²Ni Nluku aahiira: Onkusse mwaamwanaa, yooyo nonfentaa, Isaque, ni orwee elapo yoMoria; wanvahe okuttho mwaako on'halaaka woothoonhera. ³Ni Abraao aahovuwa owitjissu, aahopakhira tjitthutjawe, naassilopwanaawe eeli, nimwaamwananwe Isaque, ni aahothikila nri owuukutthoni. Vano, aahokhuma arwaaka nipuro Nluku naahimyalyaawe.⁴Nihuku noneeraru, Abraao aahotthukula meethwaawe aahoona nipuron'no nttayinttayi. ⁵Abraao aahowiirela assilopwana yaarinaawe: N'halatjekeva niinameela, mikinaarwaa nimwaanoola. Ninkoovekela ninaahokolyaa. ⁶Vano, Abraao aahokussa nri wowuukutthoni ni aahomweesenra Isaque, mwaamwanawe. AAhokussa mooro nimwaalo nmatataniwawe ni yaahorwaatja nkhayi.⁷Ni Isaque aahowiirela athumwaane: Paapa! Ayena yaahaakhula: Mi mwaamwanaka. Ni yena aahaakoha: Kinoona mooro ninri, vano enama yoopheela opaha okutthweeyo erivayi? ⁸Abraao aahaakhula: Nluku phin'hala okumiha enama yowuukutthoni, mwaamwanaka. Ni yaahorwaatja nkhayi.⁹Waphiyatjalyaaya nipuro Nluku naahimyalyaawe, Abraao aahaateka altaare ni aahomweesenra nryuule mwaamwanawe; aahontthuka Isaque mwaamwanawe, ni aahomweesa waltaare, vatjulu wonryuule. ¹⁰Ni, ataphulaka ntata, aahokussa mwaalo wiira anvahatjere okuttho mwaamwanawe.¹¹Vano, nlaikha naaPwiya naahomwiihana wiirimu ni naahiira: Abraao, Abraao! Ni yena aahaakhula: Kirivaa. ¹²Ni nlaikha naahiira: Ohintaphulele ntata mwaanooyo, wala ohipanke yootakhala, kontha kinaatjuwela wiira onamoova Nluku, ni khukikhottiihale mwaamwanaa, n'motja yooyo paasi.¹³Abraao aahoweha otjulu ni aahoona ottuliwawe enama yaavarihiye enhaka wamaphunpuluni. Abraao aahovara, ni aahopaha okuttho opuro wamwaamwanawe. ¹⁴Abraao aahiihana nipuron'ne: Apwiya anaahala ovaha, phintjina niniihaneliya npaka nihuku nolelo.¹⁵Nlaikha naaPwiya naahomwiihana Abraao emaara yonapiili, wiirimu, ¹⁶ni naahiira: Kiholuphela, Apwiya phaneera, kontha khukaateelihale mwaamwanaa, n'motja yooyo paasi, ¹⁷weekhweeli kinaahala waareeriha ni wintjiviha nokonaa phanka etthontto tjowiirimu ni phanka npuusu woopahari; ni assimutjaayo anaahala okussa epooma tjaawananyaa.¹⁸Nlokonaa, ninaahala oreeriya niwaakhenliya elapo tjooteene, kontha ohiiwelela ntjuunaka. ¹⁹Vano, Abraao aahohokoleela waassilopwanaawe, ni yaahorwaatja nkhayi oBerseba. Ni yena aahokhala oBerseba.²⁰Waviralyaaya tjitthun'nha, aahohimeeriya Abraao: Milca haayarana asaana ni mwaamun'naa Naor: ²¹Uz, owantjeriya; Buz, mwaamun'nawe; Quemuel, athumwaane Arao; ²²Quesede; Hazo; Pildas; Jidlafe ni Betuel.²³Betuel aayon'yara Rebeca. Milca aahaayara asaana naane ni Naor, mwaamun'nawe Abraao. ²⁴Amweettyaawe Naor, ntjinanaya yiihaniya Reuma, ni yaahon'yara Teba, Gaao, Taas ni Maaca.

¹Sara aahokhala eyaakha emiya wosiriini nasaapa. ²Sara aakhwale oQuriate-Arba, waari Hebrom, elapo yooCanaa. Abraao aahomunlela Sara.³Vano, Abraao aahovuwa ni aahohuluwa nrutthu naanankhwelyaawe ni aahuuluma naamutji oHete, iiraka: ⁴Mikinan'mwa wanhu. Sontte, nkivahatje nipuro kaassikhe amwaaraka.⁵Atthu oHete yaahomwaakhula Abraao, yiiraka: ⁶N'niiwe, Pwiya. Nhu mwantthu ookhuluveliya aNluku wariihuva. Mwaassikhe amwaarinhu nipuro nooreerela. Khaavo wahi n'hala owaateelihani waassikha amwaarinhu.⁷Abraao aahovuwa, aahooromela vathi ohoolo waatthu olapweele, ⁸ni aahowiirelatja: Mwakitthunihatja waassikha amwaaraka elapweenhu, n'mwiirelatje Efrom, mwaana Zoar. ⁹N'mwiirelatje yena wiira akitumihere nipuro niihaniya Macpeta, akilanle tjinpheelaawe, phanka yoohiyeriya yomahiye eriyariinhutja.¹⁰Vano, Efrom, ookomale naatthu oHete, aahomwaakhula Abraao, wowiira yiiwe atthu oHete naale yaari nphantte wonkhora woopooma, yiiraka: ¹¹Mena, Pwiya, nkiiwe. Kinawoovahani paasi nipuron'no. Kinoovahani ohoolo waatthwaaka wiira mwaassikhe amwaarinhu.¹²Vano, Abraao aahooroma ohoolo waatthu eelapweele ¹³ni aahomwiirela Efrom, yiiwaka atthwaale ooteene: Wakhala wiira ohaamini kinawoolepela okiviriyane. Kinawooliva phanka tjin'halaa okilanla nipuron'no; waakhenle, ni phin'halaaka waassikha amwaaraka.¹⁴Efrom aahomwaakhula Abraao, iiraka: ¹⁵Sontte, Pwiya, nkiiwe. Nuussu noopuro ninkhala emiya tjesse tjoparatha. Essiyani yeeyo nhu nimi? Mwaassikhe amwaarinhu. ¹⁶Abraao aahomwiiwa Efrom ni aahokumiha nssurukhu phanka tjaahimwalyaawe yiiwaka atthu oHete, emiya tjesse tjoparatha, nssurukhu waatjuwanyaale naanamatumiha.¹⁷Tjitjon'mo nipuro nooteene na Efrom, naari oMacpeta, waattamenla oManre nimiri tjaarinaawe tjooteene tjaahokussiya ¹⁸ni Abraao ohoolo waatthu ooteene oHete ni ohoolo waatthu ooteene yaakela nkhora woopooma.¹⁹Waviralyaaya eto, Abraao aahonssikha Sara, amwaarawe, nipuro niihaniya Macpela, waattamenla oManre, Hebrom, elapo yooCanaa. ²⁰Tjitjon'mo, nipuro naaavahiye Abraao naatthu oHete womapuro woossikhaniya.

¹Abraao aahuuluvala, ni Apwiya yaahonreeriha Abraao weetthu tjooteene. ²Abraao aahomwiirela nantekwaawe, omuulupale ni aakhalenla tjitthutjae tjooteene tjaarinaawe: Weesenre ntatanaa nkatakatawaka, ³ni kinaahala wooluphela waaPwiya, Nluku owiirimu ni Nluku ovathi, wiira khun'hala onkussa nthiyana onvahaka mwaamwanaka aassaana aacananeu, yaayo anaakalaaka. ⁴Massi on'hala orwaa elapwaaka ni amuutjaaka ni onaahala onkussa nthiyana amwaamwanaka Isaque.⁵Nanteko aahomwiirela: ⁶Athiyanaayo yeehitthune okitthara npaka elapweeyo? Kin'hokolossereke mwaamwanaa elapo ewaalyaawe? Abraao aahomwiirela: Ohin'hokolosse mwaamwanakooyo! ⁷Apwiya, Nluku owiirimu, kikussale enupa yaathumwanaka niilapo yaamutjaaka ni kikhuluvelihale nuuluphela iiraka: Nlokonaa, kinaahala waavaha elapweela, Yena naahala oruma nlaikhanawe woohinaaya, ni onaahala onkussa nthiyana amwaamwanaka.⁸Massi, athiyanaayo yeehitthune wootthara, onaahala okhala ootaphuwa niyooluphelaaka. Massi ohin'hokolosse mwaamwanaka. ⁹Vano, nanteko aaheesa moonuaawe nkatakata mwa Abraao, aPwiiyaawe, ni aahonluphela mwaha wonlamulo nen'no.¹⁰Nanteko aahokussa ekamelo khuumi tjaapwiiyaawe ni aahorwaa. Ni yena aahokussa khula etthu yooreerela yaapwiiyaawe. Aahovuwa arwaaka elapo yooMesopotamia, epooma yoNaor. ¹¹Yena aahokhoromiha ekamelu tjooteene ota wopooma, waattamenla enro yomaatji, yootjootjilo, athiyana yeekhumaka orweela maatji.¹²Ni aahiira: Pwiya, Nluku aaPwiyaka Abraao, nkivahe olelo yooreerela ni yoothoonhera wapwiyaka Abraao. ¹³Kiri vaa, enro yomaatji, ni asaana aatthu oopooma anwoorika maatji. ¹⁴Wiiranyee tjitjon'mo. Kamwiirela mwanthiyana: Sontte, nkurusse ntiiteenhu kivurye, ni yene phukiirela: ovuryeke kinaaha ovaha maatji ekamelutjaatootho, vano, yooyo aPwiya phinthalalyaaya wiira nantekwaa Isaque anthele. Tjitjon'mo kinaahala otjuwela wiira n'hothoonhera nreerelo waaPwiya.¹⁵Hinaaya omaliha wuulumatja, Rebeca aahowa nimaatjaawe wanikhatani. Rebeca aari mwaana Betuel, mwaana Milca, amwaara Naor, mwaamun'nawe Abraao. ¹⁶Mwanthiyanooyo aahoreera, aari harussi. Yena aahorwaa omuro, aahorika maatji ni aahokhuma.¹⁷Vano, nanteko aahotthawenla ni aahomwiirela: Sontte, okimeele maatjaayo vakaani. ¹⁸Yena aahiira: Nvuryeke Pwiya ni wowaakuvyaatja aahokurussela maatji nmatataniwawe ni aahovurya.¹⁹Wavahalyaawe maatji, aahiira: Kinaavaha maatji enamatjaa, npaka wan'malihaaya ovurya. ²⁰Vano, yena aahaakuvatja arweelaka maatji makhwaawe oopheela ovurya enama.²¹Nlopwanoole aanoweha woomalelya wiira khweeli aPwiya yaari niyena. ²²Enama wamalihalyaaya ovurya, aahokussa ewooru, elemelelo yonuussu, niipulsseera piili nmoononiwawe, ephimelo khuumi tjowooru ²³ni aahokoha: Omwaana apani? Sontte, okihimeerye, ohaavo opuro waathumwanaa nakhale ohiyu?²⁴Yena aahomwaakhula: Kimwaana Betuel, mwaana Milca ni Naor. ²⁵Yena aahomwiirela tootho: Nihaana eyoolya yintji ninipuro noopheela okhala.²⁶Vano, nlopwana aahokokhoa ni aahon'vuwiha Pwiya. ²⁷Yena aahiira: Ooreerihiya akhale Pwiya, Nluku aapwiiyaaka Abraao, ahihiyale waakhuluvela aPwiyaka. Apwiya ahokikussa npaka waasimutjaaya aPwiyaka.²⁸Vano, nthiyana aahotthawa okowaahimeerya amutji aanumwaane tjitthu tjooteene. ²⁹Rebeca aahaana mwanrokorawe, ntjinanawe iihaniya Labao. Ni Labao aahotthawa npaka wanlopwana eemelale nparapaarani, waattamenla emuro. ³⁰Owakathi woonalyaawe tjitthu tjowooru nmoonooni wamwaanrokorawe ni iiwaka moolumo amwanrokorawe Rebeca: Phikihimeeryalyaawe nlopwanooyo, yena aahorwaa npaka wanlopwanooyo, ni yooyo aattamenlale enamatjawwe.³¹Ni Labao aahiira: Nkaawa, ooreerihiya ni Pwiya. Weemelenleni otan'wo? Kihotthonkomaniha enupa ni opuro tjonamatjaa. ³²Vano, nlopwana aahorwaa npaka wapuwani ni aahotaphula enama. Eyoolya tjaahovahiya enama nimaatji yaahokumihiya wiira tjirapihiye enhaatjawe niinhaa tjaalopwana yaarinaawe.³³Mun'vahatje eyoolya, massi yena aahiira: Akinlya kihuulumatjale enpheelaaka ohimya. Vano, Labao aahiira: Nkuuluma: ³⁴Yena aahiira: Kinanteko aAbraao. ³⁵Apwiya aanonreeriha tjinene, ni yene naakhuluvela. Ayena aahonvaha epwittipwitthi niimope, eparatha niiwooru, ananteko alopwana naanaanteko athiyana, niinama enaná ekhwaawe.³⁶Sara amwaara aamwenyaaka, yaahuuluvala owakathi wan'yaraaya mwaana naayena. Ni yene aahon'vaja tjooteene tjaarinaawe. ³⁷Amwenyaaka ahokilaphiha, yiiraka: Kunontheliha nthiyana mwaamwanaka asaana aacananeu, wayaayo anaakhalaaka. ³⁸Ohiya vaa, orwee elapwaaka ni wankusse nthiyana onphwanela mwaamwanaka.³⁹Kaahowiirela amwenyaaka: Nthiyanooyo khankitthara. ⁴⁰Massi ayena yaahokiirela: Apwiya yaale anaattharaaka, anaahala oruma nlaikha nikhale niwe, ni ayena anaahala wookhaliha munttalani, wowiira onkusse nthiyana amwaamwanaka ni wonupa yaathumwanaka. ⁴¹Massi onaahala okhala saawa nuuluphelawaka ni warwaa waamutjaaka ni ayenatja phuwaateeliha nthiyanooyo. Onaahala okhala ootaphuwatja.⁴²Vano, olelo kihophiya nkhayi emuro ni aahiira: Apwiya, Nluku amwenyaaka Abraaao, mwapheela, nkitthunihere nteko onpheelaaka ovara. ⁴³Mi kirivaa, waattamenla maatji. Ntthunihe wiira nthiyana n'hala oweela maatji, kimwiirelaka: Sontte okimeele maatji kivurye, ⁴⁴ni nthiyanooyo phukiirela: Ni kinaahala ovaha maatji enamatjaa, Pwiya akhale phinthiya nthanlelaleenhu mwaana aamwenyaaka.⁴⁵Kihinaaya omaliha wuuluma wanrimaniwaka, Rebeca aahowa nimaatjaawe wanikhatani ni aahokhuruwela nmuro wiira arike maatji. Vano, kaahomwiirela: Sontte, okimeele maatji kivurye. ⁴⁶Yena wowaakuvyaatja aahorula maatji ni aahiira: Ovurye ni minaahala ovaha maatji enamatja. Vano, kaahovurya ni yena aahovaha enamatjaka maatji.⁴⁷Kaahonkoha kiiraka: Omwaana apani? Yena aahokaakhula: Kimwaana Betuel, mwaana Naor ni Milca. Vano, kaahon'wariha tjitthu tjowooru nmoononiwawe. ⁴⁸Vano, kaahokokhora niwaavuwiha aPwiya, Nluku aamwenyaaka Abraao, keettihale nttala womaana wiira kaaphwanhe amutji aamwenyaaka wowiira mwaamwanwe akhalane othela.⁴⁹N'navaa, mwakhala ootthonkomanyaa woopheela waakhenla amwenyaaka phanka nmutji, nkihimeerye. Massi, mweehikihimeerye, kikusse nttala womoono weelopwana wala womoono weethiyana.⁵⁰Vano, Labao ni Betuel yaahaakhulatja: Eyo ewaale waaPwiya; nihoovaanhihe wala nihoorumenlihe. ⁵¹Rebeca ri ohoolowaa. Onkusse orwee, wiira akhale mwaara amwaana aamwenyaa, phanka aPwiya tjihimyalyaaya.⁵²Nanteko aAbraao wawiiwalyaawe, aahaakokhorela aPwiya. ⁵³Nantekoole aahowaana tjitthu tjoparatha niiwooru ni tjoowariya ni aahon'vaha Rebeca. Yena tootho aahaavaha tjitthu tjooreerela anumwaane nimwanrokorawe.⁵⁴Yaaholya ni yaahovurya yena naatthu yaarinaawe. Yaahovirihatja ohiyu wooteene, wavuwatjalyaaya owitjissu, yena aahiira: Nkihiye kirwee waamwenyaaka. ⁵⁵Mwanrokorawe naanumwaane yaahiira: Onihiyere mwanthiyanooyo akhale nihi wookhalaka mahuku khuumi. Vano arweeke.⁵⁶Massi yena aahowiirelatja: N'hikinkitthe, okhala wiira aPwiya ahoreeriha nttalaaka. Nkihiye keette ratta ninttala npaka waamwenyaaka. ⁵⁷Ayenatja yaahiiratja: Ninaamwiihana mwanthiyanooyo ni ninankoha. ⁵⁸Vano, ayenatja yaahomwiihanatja Rebeca ni yaahonkoha: Onaarwaa ninlopwanoola? Yena aahaakhula: Kinaahala orwaa.⁵⁹Vano, aahovleelihiya mwaamun'nawe Rebeca ni nantekwaawe, ekwaheeyo, ni nanteko aAbraao naatthaawe. ⁶⁰Ayenatja yaahonreerihatja Rebeca ni yaahomwiirelatja: Mwanrokorihu, okhale numwaane aatthu entji ni nkhotonaa nikusse nkhora waale anoothanha.⁶¹Vano, Rebeca aahovuwa ni, vamotja naanantekwaawe, aahontthonkomaniha ekamelu ni aahontthara nlopwanoole. Nantekoole phankussaawe Rebeca attharaka nttala. ⁶²Isaque aakhala oNeguebe ni aahokolyaale phiyaaru akhumaka oBeer-Laai-Roi.⁶³Isaque aahorwaa waasitja, yootjootjilo. Wawehalyaawe ntjulu, aahoona wiira tjinaawa ekamelu! ⁶⁴Rebeca aahoweha ni, wamoonalyaawe Isaque, aahotupha wakameluni ni ⁶⁵aahomwiirela nanteko: Nlopwanoole tupani neetta aniweelaka? Nanteko aahiira: Amwenyaaka. Vano, yena aahokussa nleesonawe ni aahiikhuneela.⁶⁶Nanteko aahonttonkela Isaque tjooteene tjaavaralyaawe. ⁶⁷Vano, Isaque aahonkussa npaka n'heemani mwaanumwaane, Sara, ni aahonkussa Rebeka, amwaarawe, ni yena aahaafenta. Vano, Isaque aahomaalihiya okhwa waanumwaane.

¹Abraao aahaakussa athiyana akhwaawe; ntjinanaya yiihaniya Quetura. ²Ayena yaahon'yara Zinra, Jocsa, Meda, Midia Isbaque ni Sua. ³Jocsa yaari athumwaane Seba ni Deda. Atthu oAssurim, Letusim ni Leumim naari nloko naDeda. ⁴Asaana aMidia yaari Efa, Efer, Hanoque, Abida ni Elda. Ooteene yaari maloko aQuetura.⁵Abraao aahonvaha Isaque tjitthu tjooteene tjaarinaawe. ⁶Wiiraawe nari nkumi, aahaavaha tjitthu asaana aassimweettyaawe ni aahaaveleeliha elapo ekwaawe, ottayi wiisaque, mwaamwanawe.⁸Mahuku yaakhalalyaawe Abraao phaala: Eyaakha emiya wosapiini nathanu. ⁷Abraao aakhwale nuuluvalale, niikumi yintji, ni n'nepaawe waari naasimutjaawe akhwale khalayi.⁹Abraao aahosikhiya naasaanaawe Isaque i Ismael, n'nikhukuni Macpela, ematta yaEfrom, mwaana Zoar, waattamenla oManre. ¹⁰Abraao aanoothuma nipuron'no naasaana omaheteu. Yena aassikhiye naamwaarawe Sara. ¹¹Nakhwaleene, Nluku aahonreeriha Isaque, mwaamwanawe, ni Isaque aahokhala waattamenla oBeer-Laai-Roi.¹²Alaphaamutji aIsmael, mwaana Abraao, yooyo Agar, nanteko aSara, an'yaralyaawe ni Abraao.¹³Alaphayaari matjina aasaana aIsmael, phanka tjiyariyaaya: Nebaiote, owantjeriya ni Ismael, Quedar, Abdeel, Mibsao, ¹⁴Misma, Duma, Massa ¹⁵Hadade, Tema, Jetur, Nafis ni Quedema. ¹⁶Alapayaari asaana aIsmael ni matjinaaya, yaavahiye nmaparassa ni mapuro yaakhalaaya; ahooleli khuumi neeli phanka nmalokoniwaya.¹⁷Eyaakha tjaakhalalyaawe Ismael phin'nha: emiya wotalaathiini nasaapa. ¹⁸Ayenatja yaakhala okhuma Havila npaka Sur, waattamenla weegito, nphantte woAssiria. Ayenatja khayaakhala ninrettele ntthu ninkhwaawe.¹⁹Isaque phimiteko tjaavaralyaawe, mwaana aAbraao. Abraao yaari athumwaane Isaque, ²⁰ni yoola aarina eyaakha arupayini waathelalyaawe amwaarawe Rebeca, mwaana Betuel, arameu oPada-ara, ni mwanrokorawe Labao.²¹Isaque aahovekela waaPwiya mwaha waamwaarawe, kontha khayaayara ni aPwiya yaahomwiiwa mavekelwaawe; ni amwaarawe Rebeca yaahorupala. ²²Asaana yaanawaattakana nmirimaniwaya, ni yena aahiira: Enpheela okiiraneela essiyani? Ni aahorwaa waakoha aPwiya.²³Apwiya yaahomwiirela: Tjihaavo elapo piili nmirimaniwinhu, ni miphwinko miili tjinaahala okawanyaa nmirimaniwinhu. Nphwinko n'motja on'hala okhala woolipa ovirikana nkhwaawe, muulupale naahala onkhavihera mwankaani.²⁴Waphiyalyaaya owakathi wooyara, nmirimaniwaya yaari mavatta. ²⁵Owantjeriya aayariye niikharari tjintji niirutthu yomapuruuru. Ni aahiihaniya Esau. ²⁶Woottharenlana, aahoyariya mwaamun'nawe, navarenlale ekotjokotjo ya Esau. Ni aahovahiya ntjina naJaco. Isaque aarina eyaakha suthwiini amwaarawe owakathi waayaralyaaya.²⁷Asaana yaahuunuwatja, ni Esau aari namatotha onama, nmwiini, vano, Jaco aari nlopwana oomaala ni aakhala n'heemani. ²⁸Isaque aananfenta Esau, kontha yena aanaakhuura enama tjiiva mwaamwanwe, Rebeca anfenta Jaco.²⁹Nihuku phin'no, Jaco aahaapyaatja, Esau wahokolyaalyaawe nmwiini, ootteetthyaatja niitala. ³⁰Vano, Esau aahomwiirela Jaco: Okimeele eyoolyeeyo, sontte. Okivola etala. Phimaana yena aahiihaniya Edom.³¹Jaco aahiirea: Okitumihereke eyuulupalyaa tooko. ³²Esau aahomwaakhula: Kihanle okhwa. Wantjeriyawaka oyariya orina ntekoni? ³³Ni Jaco aahaakulela: Oluphele tooko. Vano, Esau aaholuphela ni, weenan'na yeeyo, aahotumiha eyuulupalyaawe. ³⁴Jaco aahonvaha ephaawu muulupalyaawe. Yena aaholya ni aahovurya, vano, aahovuwa ni aahotthara nttalaawe. Tjitjon'mo, Esau aahotanhifu eyuulupalyaawe.

¹Yahovola etala nlaponi, ovika yoopatjera, yaakhumenlale okathi wa Abraao. Phimaana Isaque aahorwa mpaka wa Abimeleque, mwene omafilisteu, oGerar.²Pwiya ahonkhumenla ni hiira: "Ohiphiye wegito, okhale elapo Enkelaaka wuuthonyihera. ³Okhale elapo yeela, Kinaahala okhala ni we ni kinawuureeriha; kinaahala ovaha nikhoto naa nooteene ethayeela, kinaaha opanka yeele enkhuluvelihalyaaka thumwana Abraao.⁴Kinaaha wintjera nikhoto naa ntoko ethontto tjo wiirimu, kinaahala waavaha elapoeela yooteene. Nikhoto naa ninaahala oreerihiya elapo tjoteene. ⁵Kinaahala opanka yeeyo, kontha Abraao hin'wenla ntju naka ni hossunka ekettelo tjaka, moolumo aka, Ekano tjaka ni ekettelo tjaka".⁶Isaque ahokhala oGerar. ⁷Okathi alopwana onipuro n'ne wankohalyaaya mwaha waa mwaarawe, yena akhulale: "Nrokoraka". Kontha anomoova ohimya wiira: "Amwarka". Yena anowithupuwelela: "Alopwana onipuro n'na yaapheela okinva wo wiira akunsse Rebeca, kontha yena ari oreera". ⁸Isaque hokhala vaavale okathi muintji. Ni wiiraniaale wiira Abimeleque, mwene omafilisteu, ahoweha watjanelani ni ahomoona Isaque anvaravaraka Rebeca, amwaarawe.⁹Abimeleque ahomwiihana Isaque ni hiira: "Onoonania wiira ala amwaaraa. Vano, owaaka wiira: "Nrokoraka?" Isaque haakhula: "Kontha kanomoova winviya nlatto waawawe". ¹⁰Abimeleque hiira: "Opankenleni eyo nihiivano? Anarupaniye amwaaraayo, keera wanaahala oniwiihera nlatto". ¹¹Vano Abimeleque ahowiirela apoovo ale wiira: "Wa yoole nkela onkwanya nlopwana oola hata amwarawe ala, naahala winviya".¹²Isaque ahalatja elapo yeele ni, mwaakha yooyo, ahohepha ventji tjinene, kontha Pwiya ahonreeriha. ¹³Nlopwana ole ahothatjiri ni ahokhalana mihakhu tjintji mpaka okhala thatjiri. ¹⁴Kontha ahaana epwittipwithi tjintji, ni ananteko entji, mpaka ophiyera okathi mafilisteu wantjera omoonela nttima.¹⁵Phimaana, mafilisteu yahottiyenlatja ehime tjooteene tjaathipiye nananteko okathi wa Abraao, athumwana. ¹⁶Vano Abimeleque hiira: "Okhume muu, kontha othtjiri onivikanatho hiivano". ¹⁷Ni Isaque ahokhuma vaavale, ahokhala ncerecere woo Gerar, nipuro okhanlyaawe.¹⁸Isaque ahothipatho ehime tjo maatji tjapankiye okathi wa Abraao, athumwaane, mafilisteu tjavuhenlyaaya, nakhuale Abraao. Isaque hiihana ehime n'ye matjina yaale athumwaane yaavahalyaaya.¹⁹Okathi ananteko aa Isaque wathipalyaya, yaahophuanya nipuro yaweelaaya maatji. ²⁰Amakamputji oo Gerar yaahatjera waanyakulihana amakmpuji aa Isaque, yiiraka: "Matji ala awihu". Phimaana, Isaque ahovaha ehimeele ntjina naa Esaque, kontha yahonyakilihana nlattu wa yeele.²¹Yaahothipatja ehime ekina, wahonyakulihaniya tho nlattu wa yeele; phimaana, yaahovahiya ntjina noo Sitna. ²²Ahokhuma vaavale ni ahothipa tho ekina, khayanyakuliheraniye. Vano phaavahaave ntjina noo Reobote, ahiira: "Pwiya vano vaa n'honivaha nipuro, ninathatjiri nlaponi".²³Isaque ahokhuma vaavale orwa oo Berseba. ²⁴Pwiya ahon'wela ohiyu yoole ni hiira: "Mi Kimuluku aa Abraao, athumwana. Ohoove, kontha Kiri niwee ni kinawuureeriha ni kinaahala wintjiviha nikhoto naa, nlattu wa Nanteko aka Abraao". ²⁵Isaque ahoteka vaavale altare ni ahokhuwela ntjina naa Pwiya. Vaavale yena atteka etenda weeyo, anantekoaawe yaahothipa ehime.²⁶Vano Abimeleque ahokhuma oo Gerar ni Auzete, mpathaniaawe, ni Ficol, n'hooleli anakhotto, wo wiira emphuanye. ²⁷Isaque howiirela: "Owenleni vaa, ni okitafitale manan'na oohiloka ni okoomola eriyari winyu?".²⁸Ni ahakhulatja: "Nihoona wiira Pwiya ri niwe. Vano ninomoonela wiira nihaana nin'wananaka, wee ni hiivano. Phimaana, onaathuna win'wananatja ni wee: ²⁹Wee khun'hala onipanka yootakhala, toko hiivano tjihukuanyaleehu, nihootafiti saaneene ni nuuhiyaka okhuama saana. Khueeli, wee ooreerihiya ni Pwiya".³⁰Vano Isaque ahavahatja eyoolya, ni ayena yaaholyatja ni yaahovuryatja. ³¹Ni yahovuwatja owitjissuru ni yaholaphelana nthu ninkhuaawe. Isaque ahaaleehatja ni ayena ahokhumatja saana.³²Nihuku nen'ne, ananteko aa Isaque yaahowa ni yahon'himeeryatja mwaha wo hime yaathipalyaaya. Ni ahomwiirelatja: "Nihophuanya maatji". ³³Ni hovaha ntjina ehime eele Seba, phimaana ecitatiile eniihaniyaaya Berseba mpaka mahuku olelo.³⁴Okathi Esau waarinaawe eyaakha arupayini, ahonthela Judite, mwaana aa Beeri, oo heteu, ni Basemate, mwaana aa Elom, oo Heteu. ³⁵Ayena yaahowaana otjukula mwin'nepani wa Isaque ni Rebeca.

¹Okathi Isaque wuluvanlyaawe ni mentho awe owootjia tja, wo manan'na yahakhuitiriaawe woona, yena homwiihana mwaamwanawe Esau, mwaamwanawe omuulupale, ni homwiirela: "Mwaamwanaka". Hiira yena: "Kiri vaa". ²Yena hiira: "Nkoona, kihuuluvala. Mi akintjuwela nihuku ninkhuaaka;³Phimaana okusse ekaputhi tjan'yo, nrupa wo mavaka ni ntheere naa, oruee ntakhuaani wakilupathele enama. ⁴Opanke eyoolya yootjiva, wo manan'na okitjivela, wo wiira kilye ni kuureerihe kiinathi okhua".⁵Rebeca hin'wa okathi Isaque wuulumaawe ni Esau, mwaamwanawe. Esau horua ntakhuani olupatha ni awaane enama. ⁶Rebeca huuluma ni Jaco, mwaamwanawe, ni hiira: "On'noona, kihowin'wa athumwanaa yuulumaka ni Esau, mulupalya, yiiraka: ⁷"Okiwaanele enama ni okipankele eyoolya yootjiva, wo wiira kilye ni kuureerihe ohoolo wa Pwiya kinaathi okhua".⁸Phimaana vaa, mwaamwanaka, okiviriyane muulumoaaka wa yeele enkelaka owiirela. ⁹Orwe mwintjitjini, okiwiihere epuri piili; kinawaapia eyoolya yootjiva waavahe athumwana, wo manan'na ontjivela. ¹⁰Wee wakusse waavahe athumwana wo wiira yalye, wo manan'na wiira yuureerihe, ahinaaya okhua".¹¹Jaco howiirela anumwanawe Rebeca: "Mulupalyakooyo haana mapururu, vano mii akirina mapururu. ¹²Apaapaayo ankela okivaravara ni anaahala okitjuwelela wiira kinawoothi. kinkela wiiwaanela mananariho ohiya mareeriho".¹³Anumwaane ahomwiirela: "Mwaamwanaka, wa mananariho oteene yakimorele. Opanke muulumoaaka, orwe, okiwaanele. ¹⁴Vano Jaco ahorwa, hokussa epuri piili tjophiyaaru haaruaanela anumwaane. Ayena ahopanka eyoolya yootjiva, wo manan'na athumwaane tjaatjivelaaya.¹⁵Rebeca horussa ekuwo tjooreera tja Esau, mwaana omuulupale, tjaarinaaya owan'nyaya, yahon'wariha Jaco, mwaamwanaya onkani uyo. ¹⁶Yahomwapareryatja mapururu opuri mapuro yahaarivo mapururu yahaarinaawe nsikoni. ¹⁷Ahonkussiya eyolya yootjiva ni ephau yoossalyaaya m'matatani wa Jaco mwaamwanaya.¹⁸Jaco ahorwa mpaka waathumwaane ni hiira: "Paapa". Ayena ahakhula: "Kiri vaa; opani wee, mwaamwanaka?" ¹⁹Jaco hiira: "Ki Esau, mwaamwaninyu ompatjera; kihopanka ntoko tjikirenlen'nyu. Vano monkome nlye enama ewaanalyaaka wo wiira nkirerihe".²⁰Isaque homwiirela mwaamwanawe: "Ohakuva ophuanya enama, mwaamwanaka?" Yena haakhula: "Kontha Pwiya, mulukuin'nyu, nookiwiihera". ²¹Isaque homwiirela Jaco: "Okattamenle vaa wo wiira kuuvaravare, mwaamwanaka, wiira koone wiira weekhueeli mwaamwanaka Esau walani khanakhala".²²Jaco howaattamenla athumwane Isaque, ahonvaravara ni ahiira: "Ntju ninkhala ntoko naa Jaco, maassi moono n'yo tja Esau". ²³Isaque khantjuwelenle, kontha moono tjawe tjaahana mapururu, ntoko tjamulupalyaawe Esau. Vano Isaque honreeriha.²⁴Yena honkoha: "Weekhueeli wee oo Esau mwaamwanaka?". Ni yena hiira: "Thimiivano". ²⁵Isaque hiira: "Okiwiihere eyoolyeeyo, kilyeke , ni kuureeriheke". Jaco hawiihera eyoolyeeyo athumwaane. Isaque holya, ni Jaco haawanela evinyu, ayena ahovurya.²⁶Vano athumwaane ahiira: "Okattamenle vaa okivahe epeetjo, mwaamwanaka". ²⁷Jaco howaattamenla ni haapetjari, ni yena hoona onukhela ekuwo tjawe ni honreeriha, iraka: "Nkoona, onukhela wo kuwo tja mwaamwanaka onukhela wo ntakhuani Pwiya yuureeriahalyaawe.²⁸Muluku oovahe okame wo wiirimu, ni mihakhu ntuniyani muu ni etiriku yintji ni evinyu yophiyaaru.²⁹Wo wiira apoovo yuuvarele nteko ni elapo tjukokhore oholo waa. Okhale mwinthutjihi assihimaa, ni assaana anumwana akokhore ohoolo waa. Wa yaale ankela wuunanariha akhale onanarihiya, ni oteene yaale ankela wuureeriha areerihiye".³⁰Isaque honreriha Jaco, ni yena hokhuma wariyari wawe, Esau muulupalyaawe howa wuulupathani. ³¹Yena hopanka eyolya yotjiva ni hawaanela athumwane, iiraka: "Paapa, nvuweke, nlye ethu ewanale mwaamwaninyu wuulupathani, wo wiira nkireerihe".³²Isaque hiira: "Opani wee?" Yena hiira: "Mi mwaamwaninyu, ompatjera, Esau". ³³Isaque hokhala otikinihiya ni hiira: "Tipani akiwaanenle eyoolya? Mi kiholya wee ohinaaya owa, ni kihonreeriha. Weekhueli yena naahala oreerihiya".³⁴Okathi Esau win'walyaawe muulumo athumwaane, hunla veentji tjinene ni hiira: "Nkireerihe ni miivano, paapa". ³⁵Isaque hiira: "N'himaa howa vaa nuulavilavi awe hokussa mareeriho aa".³⁶Esau hiira: "Khunakhala wo sariya yena ophuanela wiihaniya Jaco? Yena hokithepiaa ekuaha piili. Hokussa eyuulupalyaaka ni n'na vaa hokussa mareeriho aka". Vano honkoha: "Khankissunkenre mareeriho?" ³⁷Isaque homwaakhula Esau: "Tjo, kihoohela n'hooleli, kihuvahatjera assihimaa wa anantekoaa. Ni kihonvaha yena etiriku yiintji ni evinyu yophiyaru. Kipankekeni tho, mwaamwanaka?"³⁸Esau howiirela athumwane: "Khanrina tho maareeriho, paapa? Nkireerihe ni miivano, paapa". Esau hunla tjinene akhuwelaka.³⁹Isaque haakhula iiraka: "Tjoo, mapuro ankela okhala ottayi wo thaya yowunttela, ottayi wa okame om'mora wiirimu. ⁴⁰Wo katana phimakalelo aawa ni onkela onvarela nteko n'himaa. Massi, wataphuwa vale, onaahala otaphuwa won'wehaweha yena.⁴¹Esau ahokhala okassiriya nlatto wo mareeriho athumwaane anvahalyaaya. Esau ahiira wanrimani wawe: "Mahuku okhua athumwanaka ari wakhiviru; yaviravale, kinaamwinva Jaco". ⁴²Muulumo aa Esau, mwaana opatjeriya, ahohimeeriya Rebaca. Vano yena homwiihaniha Jaco, mwaamwanawe onkaaniuuyo, ni homwiirela: "Vaa, muulupalyaa Esau hiimaaliha noolakela owinva".⁴³Phimaana n'na vaa, mwaamwanaka, othiawele owan'nyawe Labao, nrokoraka, oo Hara. ⁴⁴Wakhale okathi vakani, mpaka otjatja wa muulupalyaa ovukuwe, wo wiira yena aliyale wa yeele empankalyaa. ⁴⁵Vano, kinaahala wuuwaaniha. Kontha kinkela waahaleela assaana oyeeli nihuku nimotja?⁴⁶Rebeca homwiirela Isaque: "Kiri okassiriya nlattu wa assaana athiyana oo heteu. Jaco akussa assaana oo heteu, assaana olapo yeela, okumiaaka onkoomalela vai?"

¹Isaque homuiihana Jaco, honreeriha, homwiirela: "Ohimpheele nthiya ncanineia. ²Okhume vaa orwe oo Pada-Ara, ethoko ya Betuel, athumwanaya anumwanaa, wathele won'wo, mwaana aa Labao, nrokoraya anumwana.³Muluku Owerya Tjoteene oreerihe, oovahe oruwerya, ni awintjererye wo wiira okhale nikhoto nintji naa athu. ⁴Wo wiira uuvahe mareeriho aa Abraao, weeyova ni nikhottonaa, wo wiira ohalane ethaya mapuro yaaviraa, Muluku ankhuluvelihalyaaya Abraao".⁵Isaque aholeehana ni Jaco, orwaale oo Pada-Ara, ethoko ya Labao, aari mwaana aa Betuel, n'arameu, nrokorawe Rebeca, anumwaane Jaco ni Esau.⁶Vano Esau hoona wiira Isaque honreeriha Jaco ni honruma oo Pada-Ara wo wiira anthele nthiyana oo won'wo. Ni yena hoona wiira, anreerihakan'no, Isaque homwiirela iiraka: "Ohinthele nthiyana oo canineia". ⁷Esau hoona wiira Jaco hin'wenla athumwaane ni anumwaane, ni arwaaka mpaka oo Pada-Ara.⁸Esau hoona wiira athiyana oo Canaa khayaatjivela athumwaane, Isaque. ⁹Vano, yena horwa mpaka waa Ismael, okhala wiira athiyana yaarinaawe, honthela Maalate, mwaana aa Ismael, mwaana aa Abraao, ni nrokorawe Nabaiote.¹⁰Jaco hokhuma oo Berseba horwa oo Hara. ¹¹Naphiyaleene nipuro wo wiira amumule okhala wiira wahoripela, kontha ntjuwa neera nikelaka, ahokussa nluku, hopanka mphiteeryo ni horupaathi vaavale wiira arupe.¹²Yena holoha ni hoona escada eninssaathiye vathi erekameloaaya yanaaphiya wiirimu; ni malaikha aa Muluku yanaawela ni yanakhuruwela yeeyo. ¹³Otjuluwaya ahaavo Pwiya, iira: Mi ki Pwiya, Muluku athumwana Abraao, ni Muluku aa Isaque. Ethaya erupathalyaa kinawuuvaha ni nikhotonaa.¹⁴Nikhotonaa nin'hala okhala ntoko nthupi, on'hala okhala mphantti onkela tjuwa, mphantti onkhuma ntjuwa, ohitto waya ni otjuluwaya; athu onlaponi anaahala oreerihiya nlatto wawaa ni wa nikhotonaa. ¹⁵Kiri ni weeyova ni kinaahala wuussunka wo mapuro oteene on'hala orwa. Mi kinawuhokolossera ethayeela; akinuuhiya, mpaka okhumenla yoteene yeele ekhuluvelihalyaaka".¹⁶Jaco hovua nkhoveni wawe ni hiira: "Khweeli Pwiya ri nipuro nen'na ni mi akaatjuwela". Yena hoova ni hiira: ¹⁷"Nipuro thi nowoopiha! N'na khaninkhala nipuro nikinaku, wo hikhala enupa ya Muluku; oola nkhora wo wiirimu".¹⁸Vano Jaco hovuwa owitjissuru, hokussa nluku naphiteralyaawe, hothata ni hottikithela makhura watjulu waya. ¹⁹Hiihana nipuro nen'ne oo Betel, maassi ntjina no citati naari Luz²⁰Ni Jaco hokhuluveliha, iiraka: "Muluku akhala ni miivano ni akissunkaka mweetteloaaka oola, akivahaka ephau yokhuura, ekuwo tjoowara, ²¹wo wiira kihokoleele nkumi owaani wan'na thumwanaka, vano Pwiya n'hala okhala Muluku aka. ²²Ni nluku nen'na kithatavenlyaaka en'hala okhala Enupa ya Muluku, ni wa yooteene enkelaawe okivaha, wekhweeli kinaahala Wuuvahani Nthakelo".

¹Vano Jaco hokhola nkwahaawe ni hophiya ethaya yaa apoovo onkela ntjuwa. ²Awehakan'no, hoona ehime m'mattani ni epwittipwithi tjinarupaathale vaavale, kontha ehime yeeyo phavurihiya epwittipwithi. Vano, nahaavo nluku nuulupale watjuluwaya ehimeele. ³Tjathukumanaka epwittipwithi n'yo, amakamputji yanakumiha nlukun'no ni phuvahaka yoovurya, vano phupurulelaka nluku n'no wa nipuroni waya.⁴Jaco hiira: "Assun'naka, n'nokhumatja vai?" Ayenatja ahaakhulatja: "Ninkhuma oo Hara". ⁵Yena howiirela: "N'nantjuela Labao, mwaana aa Naor?" Ayena ahakhulatja: "Ninantjuwela". ⁶Yena haakoha: "Yena haavo nkumi?" Ayena ahiira: "Yena haavo nkumi, owehe valee, Raquel, mwaamwanawe, naawa nipwittipwithi tjawe".⁷Jaco hiira: "N'namoona, niri eriyari nihuku ni khunakhala okathi woothukumaniha epwittipwithi. N'haana nvaha yoovurya epwittipwithi, ni nkissaka okolihera". ⁸Ayena ahiiratja: "Khaninlamuliya ovuryiha epwittipwithi mpaka tjikumaneke tjoteene. Vano alopwana ayo phinkelaaya okumiha nluku n'no phinkeleehu ovuryiha epwittipwithi".⁹Jaco ulumaka n'no naayena, Raquel howa nii pwittipwithi tjaa thumwaane, kontha phoomolela. ¹⁰Wamoonalyaawe Raquel, mwaana aa Labao, nrokoraya anumwaane, ni epwittipwithi tja Labao, Jaco haattamenla vaavale, hopurula nluku n'no ni hovuryiha epwittipwithi tja Labao, nrokoraya anumwane.¹¹Jaco hompetjari Raquel ni hunla tjinene. ¹²Jaco hon'himeerya Raquel wiira m'mutjiaawe athumwaane, mwaana aa Rebeca. Vano yena horwa okowaahimeerya athumwaane.¹³Okahi Labao win'walyaawe ehapari tja Jaco, mwaana anrokorawe, horwa wo wiira antjuwele, amwaabrasar, ampetjar ni ankusse owan'nyawe. Jaco honttonkela Labao tjithu tjooteene. ¹⁴Labao hiira: "Wee khueeli onikhuvanaka ni eruthuaaka". Vano Jaco hokhala ni yena mweeri m'motja.¹⁵Vano Labao homwiirela Jaco: "Kontha om'mutjiaaka, onaakivarela nteko mahala? Okihimeerye, kinkela wuuliva kavi?". ¹⁶Labao ahaana assaana eeli. Omuulupale ihaniya Lia, onkani ihaniya Raquel. ¹⁷Mentho aa Lia yaaari owun'nuwatja, massi Raquel aari oreera makhalelo awe. ¹⁸Jaco anfenta Raquel. Vano hiira: "Kinaahala wuuvarela nteko eyaakha saapa kinompheela Raquel, mwaamwanaa onkani uyo"¹⁹Labao hiira: "Onareera wuuvaha weeyova kihinvahale nlopuana nkiina. Okhale ni miivano". ²⁰Vano Jaco hovara eyaakha saapa ampheelaka Raquel; yena tjanon'yevela eyaakha n'yo wo nifento naarinaawe ni yena.²¹Jaco homwiirela Labao: "Okivahe mwaaraka ayo, kontha mahuku ayo aphiyera; wo wiira kinthele". ²²Vano Labao haathukumaniha athu onttethe oteene hopanka essukuhuulu.²³Winlaliaaya, Labao honkussa Lia, mwaamwanawe, horwa ohonvaha Jaco, honrupana yena. ²⁴Labao honkussa nanteko awe Zilpa onvaha mwaamwanawe wo wiira akhale nanteko awe. ²⁵Wassalyaaya, Jaco hoona wiira aari Lia! Jaco homwiirela Labao: "Essiyani ekipankalya? Akivanre wiira kinthela Raquel? Okithepyenleni?"²⁶Labao hiira: "Khanilamalenle onvaha mwana onkaani hinapatjera otheliya omuulupale. ²⁷Omlihereke mahuku osaapa ni thiyanoola, ninawuuvaha nkinooyo, ovareketho eyaakha saapa".²⁸Jaco hopanka yeeyo homaliha essemana ni Lia. Vano Labao honvaha Raquel, mwaamwanawe, wiira antheleke. ²⁹Labao honvaha Bila mwaamwanawe Raquel wiira akhale nanteko awe. ³⁰Vano Jaco horupa ni Raquel totho, kontha yena anfenta tjinene Raquel ovirikana ni Lia. Vano Jaco hovaratho eyaakha saapa wa Labao.³¹Pwiya hoona wiira Lia khaafentiya, hon'hula nthukua nawe, massi Raquel khaayara. ³²Lia hon'yara mwaana, honvaha Ruben. Kontha hiira: "Kontha Pwiya hoona mahuviho aka; we khueeli awan'nyaka anaahala okifenta".³³Vano yena horupala tho hon'yara mwaana. Yena hiira: "Kontha Pwiya hin'wa wiira akinfentiya, vano Yena hokivaha tho mwaanoola", honvaha ntjina naa Simeao. ³⁴Vano yena horupala tho hon'yara tho mwaana. Yena hiira: "Vano, nkuahoola, awan'nyaka anaahala okivarecessa, kontha kihaavaha assaana araru". Honvaha ntjina naa Levi.³⁵Yena horypala tho ni hon'yara tho mwaana. Yena hiira: "Nkuahoola kinawaattittimiha aa Pwiya". Honvaha ntjina naa Juda; vano yena aheemelela oyara.

¹Okathi Raquel wonalyaawe wiira khan'yara mwaana Jaco, ahantja omoonela nttima mulualyaawe homwiirela Jaco: "Kuuyarane mwaana, wala kinawitjinva". ²Jaco ahonviruwela Raquel. Hiira: "Onoona wiira kiri nipuro na Muluku, wiira kukhikitjere oyara?"³Yena hiira: "Paasi, kihaana epotha aka Bila. Onrupane, wo wiira an'yare mwaana ni kan'yare ottuli, nlatto wa yena". ⁴Honvaha Bila ephotha awe, ni Jaco honrupana.⁵Bila horupala hon'yara mwaana aa Jaco. ⁶Vano Raquel hiira: "Muluku hokipankela essariya, hin'wa ntju nakahokivaha mwaana". Honvaha ntjina naa Da⁷Bila, epotha ya Raquel, horupalatho hon'yara mwaana aa Jaco onayeeli. ⁸Raquel hiira: "Kahaana owana ventji tjinene ni mulupalyaaka ni kihonthema". Honvaha ntjina naa Naftali.⁹Okathi woonalyaawe Lia wiira khaayara tho, honkussa Zilpa, nanteko awe, honvaha Jaco toko mwaarawe. ¹⁰Zilpa, nanteko aa Lia, hon'yarana mwaana Jaco. ¹¹Vano Lia hiira: "Otjaaliya!" Honvaha ntjina naa Gade.¹²Zila, nanteko aa Lia, hon'yaratho mwaana onayeeli aa Jaco. ¹³Lia hiira: "Kiri otteeliya" Assaana ankela okiirela otteliya." Honvaha ntjina naa Aser.¹⁴Mahuku ohephiya etiriku, Ruben horwa omattani hophuanya mihokhorokho tjo mafento. Yena hawiihera anumwaane Lia. Vano Raquel homwiirela Lia: "Okimeele mihokorokho n'yo tjiwaanale mwaamwana n'yo". ¹⁵Lia hiira: "Woonawa wiira ohaakussa awan'nyaka? Vano phimpheelaa okussa mihokorokho tja mwaamwanaka?" Hiira Raquel: "Jaco naahala orupa ohiyu ola wakakhanihaka ni mihokorokho tja mwaamwana".¹⁶Jaco ahokolyaale otjotjilo omattani. Lia ahorwa omonan'na ni hiira: "On'hala orupa ni mi ohiyu ula, kontha kihowaatjiya kiwakakhanihaka ni mihokorokho tjo mafento tja mwaamwanaka". Vano Jaco horupa ohiyu yoole ni Lia. ¹⁷Muluku homwin'wenla Lia horupala hon'yarana tho mwaana oneethanu Jaco. ¹⁸Lia hiira: "Muluku hokithuvela, kontha kihaavaha nanteko aka awan'nyaka". Honvaha ntjina naa Issacar.¹⁹Lia horupala tho hon'yara mwaana aa Jaco. ²⁰Ni hiira: "Muluku hokivaha nthuvelo woreera. Vano vaa awan'nyaka anaahala okittittimiha, kontha kihaayarana assaana sita". Honvaha ntjina naa Zebulom. ²¹Hon'yara tho mwaana mwanthiyana ni honvaha ntjina naa Dina.²²Muluku homuupuwela Raquel. Yena ahokhala oyaara. ²³Yena hon'yara mwaana ni hiira: "Muluku hokumiha ehaaya tjaarinaaka". ²⁴Honvaha ntjna naa Jose, hiiraka: "Pwiya nkintjenrihe tho mwaana".²⁵Okathi wa n'yaralyaawe Raquel Jose, Jaco homwiirela Labao: "Nkoomole vaa, wo wiira kihokoleele owan'nyaka. ²⁶Nkivahe assaaraka ayo ni assanaaka ayo, kihuuvarela nteko nkihiye kirwe, kontha n'naatjuwela nteko kuuvarenlyaakani".²⁷Labao hiira: "Okhala wiira kihophuanya oreeriya wa menthoni waa, okanriihe, kontha kihotjuwela nlattu wo hakowiira Pwiya hokireeriha nlatto waawa". ²⁸Vano yena hiira: "Okilanle ehissapu kinawuuliva".²⁹Jaco hiira: "We onaatjuwela wiira wo manan'na yuvarenlyaka kilihaka enama tjaa. ³⁰Kontha waarina vakaani kihinaaya owa, massi tjihintjiva tjinene. Pwiya hooreeriha mapuro avaralyaaka. Vano vaa, kin'hala tho ovara yaakhani owan'nyaka?"³¹Vano Labao hiira: Kuuvahekeni? Jaco hiira: "Kan'nokivaha ethu. Kinaahala olihera enama tjaa wakiankela yeeyo: ³²Okihiye keettakatje kiwehawehaka enema tjaa elelo, kaawayanihaka epuri tjomanema nempa ni tjotanyifuiya; ni epwittipwithi tjooripa, ni epuri tjeethiyana tjootanyifuiya. Phinkelen'nyu okiliva yeeyo.³³Makhalelo aka anaahala woonia, wakelaka owehaweha maliveliyo akaayo. Yoteene ehinkela wonania manempa wa epuri, ni epwittipwithi tjoriipa, kaphuanyaniya, tjinkela wiireliya wiira kinowin'nya". ³⁴Labao hiira: "Kihin'wa. Ekhale wo nayeeli molumoaa".³⁵Nihuku nen'no Labao haakawaniha apeperu omanempa, ni epuri tjeethiyana tjomanempa, tjoteene tjaaro tjootteela ni tjoriipa mwa epwittipwithi honvaha m'matatani wa assaana awe. ³⁶Labao hokhala mahuku mararu ettaka yena ni Jaco. Ni Jaco hohokoleela olihera enama tjahanle tja Labao.³⁷Jaco hokussa ekopo tjikithi tjostoraque, tjamentoa ni tjo platano. Akhavaka tjaka, mpaka okhaliha tjooteela, akhalihaka tjotteela toko tjaryaaya. ³⁸Vano yena phessaawe ohoolo wo enama ekopo tjapapaha lyaawe, mapuro ovuriya yavuryaaya. Ni ayena phathukumanihaaya tja vuryaka.³⁹Enama n'yo tjathelanatjaka wariyari wo miri n'ye ni enama n'yo tjanaayara enama tjottela tteela, tjomanempa. ⁴⁰Jaco phaawayanihaawe epwittipwithi ni heessa mphantti nkina enama tjottela tteela ni tjoripa wa enama tja Labao. Vano yena hawayaniha enama tjawe khatakaniherale ni enama tja Labao.⁴¹Okathi woteene enama tjowun'nuwatja tja thelanatjaya, Jaco pheessaawe ekopo mapuro yavuryaaya ohoolo wo nama, wo wiira tjithelanatje oholo wo ekopo n'ye. ⁴²Tjawaaka enama tjoyevatja n'yo, kheessa ekopo n'ye oholo waya. tjoyevatja phaari tja Labao ni tjowun'nuwa n'yo phaari tja Jaco.⁴³Nlopwana ole ahokhala othatjiri. Yena ahaana enama tjintji, ananteko athiyana ni alopuana, ekamelo ni ejumento.

¹Vano, Jaco aahiiwa moolumo aassaanaawe Labao, yiiraka: Jaco hokussa tjooteene tjaari tjaathumwanihu, ni mihakhu tjooteene nphwanhaka mwaha waathumwanihu. Jaco aahomoona nmeethonimwawe Labao. ²Jaco aahoona wiira muupuwelelwaawe waari nkhwaawe. ³Vano, Apwiya yaahomwiirela Jaco: Waakulele elapo yaathumwana naassimutjaa ni kin'hala okhala niwe.⁴Jaco aahomwiihaniha Raquel ni Lia nmwiini, niinamatjawe, ⁵ni aahowiirelatja: Kinoona phanka muupuwelelo aathumwaninhu nkhwaawe, massi Nluku aathumwanaka nkhalaka nimiivano. ⁶N'naatjuwelatja wiira, niikurutjaka tjooteene, kinaavarela nteko athumwaninhu.⁷Athumwaninhu anaakithepyaka noorukunussa enaakhelaaka emaara khuumi, massi Nluku khaantthunaka wiira yena nakipankale yootakhala. ⁸Owakathi wiiraaya: Enama tjoorakala phiinamatja, vano, enama tjooteene tjaayariya tjaakhala tjoorakala. Ni, owakathi wiiraaya: Tjotiiran'nho phin'hala okhala tjawaa, vano, enama tjooteene tjaayariya niitiira. ⁹Weenan'na yeeyo, Nluku naakumihaka n'huwo waathumwanaa okivaha.¹⁰Owakathi , womihuwo, kaahoona moolohani epuri tjoolopwana tjiwelaka. Tjaari tjomanenpa, etiira tjuulupale ni tjooyevatja. ¹¹Nlaikha naaPwiya naahokiirela moolohani: Jaco. Phaakhulaaka: Kiriiva.¹²Yaahiira: Ovusse meethwaa ni owehe epuri tjoolopwana tjiwelaka. Tjiri niitiira, ni manenpa, kontha kinawoonaka tjitthu tjooteene tjinoovarelaawe Labao. ¹³KiNluku ooBetel waatthapenleenhu nipotto, waaluphenleenhu yoothanla. Vano, ohiye elepweela ohokoleele oyariyaa.¹⁴Raquel ni Lia yaahaakhulatja ni yaahiiratja: Ehaavo yoohiyeriya yaathumwanihu? ¹⁵Khaninakhala hi ninkhaaniya phanka atthu oottayi? Kontha ayena anaatumihaka nookussa nssurukhweehu. ¹⁶Mihakhu tjooteene Nluku tjinkumihakaawe waathumwanihu tjawihu naassaaneehu. Vano, en'halaa wiireliya ni Nluku ovare.¹⁷Vano, Jaco aahovuwa ni aahoweessa assaanaawe ncameloni naassaarawe. ¹⁸Yena aahantja weethiha enamatjawe tjooteene, nimihakhutjawe tjooteene tjaaphwanhalyaawe, otakaniha nimihuwo tjaavahiyaawe, tjaaphwanhalyaawe oPada-Ara, yena aahokhuma wiira akhale ni Isaque, athumwanawe, elapo yooCanaa.¹⁹Owakathi Labao waathikilaawe mapuruuru enamatjawe, Raquel aahowin'nha an'luku aathumwaane. ²⁰Jaco aahonthepya Labao, woohin'himeerya wiira aanakhuma. ²¹Yena aahotthawa nitjitthu tjooteene tjaarinaaawe ni aaholapuwa wowaakuvyaatja muro, ni arwaale nphantte womwaako Gileade.²²Nihuku noneeraru, Labao aahohimeeriya wiira Jaco aahotthawa. ²³Vano, aahaakussa assimutjaawe ni aahomoomolaniha Jaco wookhalaka mahuku saapa. Yena aahonphwanha nphantte woomwaako Gileade.²⁴Nluku aahonkhumenla Labao, moolohani ni aahomwiirela: Wiitthonkomanihe, Jaco ohin'himeerye yootakhala wala yooreera. ²⁵Labao aahonphwanha Jaco. Labao naassimutjaawe yaahomakatja nphantte woomwaako Gileade.²⁶Labao aahomwiirela Jaco: Opankaleni, okithepya ni waakussa assaanaka phanka anantthukiya nkhottoni? ²⁷Otthawenleni niwinpithyaa, okithepyaka woohikihimeerya? Kaanawooleeha ninttottopelo niitjipo, niikoma nitjooruma. ²⁸Khukitthunihale woovaha etjwaatjwa ni waaleeha assitjulaka naassaanaaka. Wuupuwelale tjitthunalyaa.²⁹Kihaana ekuru yowoopanka yootakhala, massi Nluku aathumwanaa hokiirela ntjana ohiyu wiira: Wiitthonkomanihe, Jaco ohin'himeerye yootakhala wala yooreera. ³⁰Vano, waahokhuma, waapheelela essiyani ohokoleela ntthoko naathumwana. Essiyani waakussaka anlukwaaka?³¹Jaco aahomwaakhula Labao: Kontha kaanawoova ni kuupuwela wiira mwaanawaakussa assaaneenhu , phimaana kikhumaka niwiipithyaa. ³²Wayoole aakussale anlukweenhu khankahala nkumi. Ohoolo wassimutjeehu, munthoonhe ri awinhu ni munkusse. Kontha Jaco khaatjuwela wiira Raquel phaakussale.³³Labao aahokela n'heemani mwa Jaco, n'heemani mwa Lia, ni n'heemani mwaananteko ooyeeli, massi yena khaaphwanhale. Yena aahokhuma n'hemani mwa Lia ni aahokela n'heemani mwa Raquel.³⁴Raquel aahaakussa anluku vatthokoni, aahaattukela nkameloni, ni aahowookomela. Labao aahaapheelatja n'heemani kooteene massi khaaphwanhale. ³⁵Ayena yaahowiirela athumwanaya: N'hirussiye, Pwiya kontha akinphwanela ovuwa ohoolowinhu, kontha kiri nimweeri. Vano, yena ahaatholathola anlukwaawe khaaphwanhale npaanimwawe.³⁶Jaco aahorussiya ni aahonkoha Labao. Ni aahowiirela: kivaraleni? Kivaraleni yotanpi wookoomolaniha noorussiya? ³⁷Kontha n'nakukhuryatja tjithutjaka tjooteene. Ephwanhaleenhu essiyani womihakhu tjoowan'nhinhu? N'hiye ohoolo waassimutjiihu, wowiira nilamuliye ooyeeliwihu.³⁸Wokhalaka eyaakha siriini, kikhalaka ninhu. Mihuwotjinhu niinamatjinhu khatjinkhumaka, wala akinakhuura enamatjaa. ³⁹Evariye niinama tjontakhwani akiwaanale. Ohiya vaa, kaahovilela. Ohokiliviha khula enama yaahaleela, yaarimeela otahana wala ohiyu. ⁴⁰Kaari woowu: Othana kaanaarettheela, ni ohiyu okame waanaakiririya, akaarupa.⁴¹Eyaakha ssirini kinari owanuwa. Kihaavarela nteko assaanaa eeli eyaakha khuumi natjesse niiyaakha sita kikhalenlaka enamatjinhu. N'horukunussa emaaa khuumi etthuvwaaka. ⁴²Wakhala wiira Nluku aathunwaka, Nluku aAbraao, yooyo Isaque n'moovaawe, hikhale nimiivano, weekhweeli mwaanaakoomola woohiitthu. Nluku n'noonaka mahuvihwaaka ni tjinvaraaka nteko ni hootthukelani ntjana ohiyu.⁴³Labao aahaakhula ni aahomwiirela Jaco: Assaanaayo awaka, otjuulu wawaka niinaman'nho tjawaka. Tjooteene tjinoonaa tjawaka. Massi kaapankekeni olelo asaana wala assaanaaya ayarale? ⁴⁴Vano nipanke etthu emotja, ni nihiye wiira ekhale namoona ooyeeliwihu.⁴⁵Vano, Jaco aahokussa nluku ni aahokhaliha nipotto. ⁴⁶Jaco aahowiirela assimutjaawe: Nlokotthele maluku. Yaahokussatja maluku ni yaahotataanihatja. Ayenatja yaaholyatja vaavale. ⁴⁷Labao aahovaha ntjina Jegar-Saduta, massi Jaco iihanale Gileade.⁴⁸Labao aahiira: Nipotton'na phinamooneehu. Phimaana wiihaniyaaya Galeede. ⁴⁹Tootho waahiihaniya Mizpa, kntha Labao aahohimya: Wiia Apwiya aniwehawehe nahiyanatjavale. ⁵⁰Waahuvihatja assaanaaka wala waathela athiyana akhwaawe woohikhala assaanaaka, hata ohikhalaka nintthu, Nluku namooneehu.⁵¹Labao aahomwiirela Jaco: Nkaweha nipotton'na, niphwanhatjaleehu. ⁵²Namooneehu, nipotton'no namoona wahin'halaaka ovira npaka waryaa, ni wahin'halaa ovira wanipottoni owaaka waryaaka, woopheela owaana mirikoriko. ⁵³Nluku aAbraao, Nluku aNaor, Nluku an'nathumwanaya, anilamule. Jaco aahonluphela Nluku, yooyo athumwaane Isaque yaamoovaaya.⁵⁴Jaco aahovaha tjoovaha omwaako ni aahowiihana assimutjaawe wiira alye. Yaaholyatja ni yaahoviratja ohiyu wooteene omwaako. ⁵⁵Owitjissuuru, Labao aahovuwa, aahaavaha etjwaatjwa assitjulawe naassaanaawe aahaareerihatja. Vano, Labao aahaahiya ni aahohokoleela owanuwawe.

¹Jaco niyena ahotjissa nthalawe, ni malaikha a Nlukho yahompwanya. ²Wakhanliyawe Jaco owonakha, ahera: ''Nna niphoro nothukhumana na Nlukho,'' vano, yena neneh niphurone ahovaha ntjina Maanaim.³Jaco ahonveleliha nthava Esau muluphaliywe, elapo yo Seir, nphanthe wo Edom. ⁴Aleherakha irakha: ''Elah phinrua onhimiyera Esau muluphaliyakha: Elah phinhimiyawe nanthekhwa Jaco: 'Mi khihokhala ni Labao, ni kahri niyena nphakha va. ⁵Khihana enyomphe, aphuro ni mihuwo, enanthekho athiyana ni alopwana. Khinovelelihani nna nthava, wira khipwanye mahalenyo''.⁶Ananhuphi yahohokholela wa Jaco ni yahomuirela: ''Him nahorua wa muluphaliya Esau. Yena ri nphironi awakha wophwanya; ri nalopwana eminya tjesse''. ⁷Jaco ahova ni ahotjukhula; ahawanya ekhurupo phili athu arinawe; nimihuwo tjothene. ⁸Yena erakha: ''Akhalakha Esau athuphelakha ekhurupho emotja, ni athankhulakha, vano, ekhurupho ekhawe enahala wopwa''.⁹JAco ahira: ''Nlukho a paapa Abraao, ni Nlukho a paapa Isaque, Yahweh, khirenle: 'Ohokholele elapwa oyariya ni wamutjia, ni Mi khinahala orukhunussa makhalelua', ¹⁰akhinakhala opwanela orerawenyo nrima walani ekhiriiri tjenyo wananthekhoenyo. Mi khihothupha Jordao ni nthothuaka pahi, mansi va khinhokholiya ni khurupho pilii.¹¹Sonthe, okhophole nmathathani mwa muluphaliyakha Esau, khinamova yena okhiva na assinumuanaye na assana. ¹²Niwe wahira: 'Mi wekhweli khinahala khinahala orukhunussa makhalelo. Khinahala ophankha otjulua okhala muitji phankha mihava tjomakha, yole ohinkhithiriya walikheliya'''.¹³Jaco ahohala vale ohiyule. Ni tjarinawe ahawanyaniha wira anthuve Esau, muluphaiyawe: ¹⁴epuri tjonthiyana emiya pilii ni ephuri tjonlopwana sirini, epwithipwithi tjonthiyana emiya pilii ni tjonlopwana sirini, ¹⁵ecamelo tjowamuiha naassanaiya thalaaathini, emophe aruphaini ni emophe tjomathani khumi, aphuro onthoiyana sirini ni tjonlopwna khumi. ¹⁶Yena ahavaha ananthekuawe, khula nhuwo wo wawanyanihiya. Ni ahowirela ananthekhuawe: ''Nholelekhe ni inkhihyere ekhatho nhuwo nikwaiya''.¹⁷Yena aholakhihera nanthekhuawe ophatjera, erakha: ''Ohalawe Esau mulupaliyaka wopwanya ni wokhoha, erakha: 'Tjawani? Orua vai? Ni tjawani nya enamanya orinanya?', ¹⁸vano, wire: 'tja Jaco nanthekhwa. Elah ethuvo evahiyenyo nkhuluphale Esau. Ni yena nkhala awakha othuliwehum'''.¹⁹Jaco aholakhatho ekhurupo yonayeli, yoneraro, naatho othene yathara nihuwo. Yena ahira: ''Munhimiye ethu emotja muapwanya Esau. ²⁰Nmuirele: Nanthekua Jaco nawa othuliwehu.''' Mi khinahala othelihera ni thuvo khinonveleliherakha. Phonthi kankhumanana nahala okhakhenla worera''. Vano, ethuvo thahoholelihya. ²¹Yena ahohala yole ohiyole niphuro nathukhumaniye.²²Jaco ahunwa ohiyo, ahatjissa assarawe oiyeli, anathekhuawe assithiyana oyeli na assanawe khumi namotja. Yena ahavelela avirihakha niphuro nohissa o Joboque (muro). ²³Yalah mananaala, yena ahalaphussa muro mwankhani nitjithutjaiya tjothene.²⁴Jaco ahohiya vekha, ni ahayhakhana ninlopwana nphakha ossa. ²⁵Nlopwana onaliyawe wira khanhala okhithiri, ahonvara wanikhutha na Jaco, akhanliyawe okhonyokha, amuathakananyawe. ²⁶Nlopwana ahira: ''Okhihiye khirue, khontha ohantja ossa''. Jaco ahira: ''Mi akhinohiya nphakha okhirerihe''.²⁷Nlopwana ahokhoha: ''Ntjinana thiphani?'' Yena ahotjipo: ''Jaco''. ²⁸Nlopwana ahira: ''Ntjinana khaninakhalatho Jaco, masi ayo Israel. Khontha ohomuathakhanana Nlukho ni naatho ni ohothema''.²⁹Jaco ahonkhoha: ''Sonthe okhihimerye ntjinana''. Yena ahira: ''Onkhikhoherani ntjinanakha?''. Ni ahonreriha vava. ³⁰Jaco phihanawe neneniphurone Peniel erakha: ''Khihomona Nlukho ni okhomiyakha ohopholiya''.³¹Phankhumelaiya nthwa Jaco, wakhanliywe akhumakha o Peniel. Yena anathumphela nlathu wowokhonyua. ³²Phimana, nphakha elelo, assana a Israel khaym khura niphuro nolunthana, khontha nlopwanole anomokhonyola maphoro o lunthana a Jaco.

¹Jaco ahohula mentho awe, ni homoona Esau awaaka, naalopuana eminya tjesse. Jaco ahakawaniha assaana okhuma Lia, Raquel ni ananteko awe oyeeli. ²Vano yena haholelha ananteko awe ni assana awe, Lia naassana awe ottuli, woomalela Raquel ni Jose. ³Yena horwa ohoolo wawe, hokhoroma ekuaha saapa, mpaka wamwattamenlyaawe muulupalyaawe.⁴Vano Esau honthimakela, homwaabrassari ni hompetjari, yaahunlatja. ⁵Okathi Esau wawoonalyaawe athiyana aale ni anamwane aale, honkoha: "Athu aala thaapani orinaala?" Jaco haakhula: "Assanaaka Muluku akivahalyaawe".⁶Vano ananteko aale yahophiyeera vaavale naanamwane aale ni yahokokhora. ⁷Phaawaawe Lia naanamwane aale, phakokhoraaya. Woomalihera, Jose ni Raquel phaaphiyaawe vaavale ni phukokhoraka. ⁸Vano Esau phaakohaawe: "Ompheelani nanaanteko aala yawaale okonan'na? Jaco phiiraka: "Wiira kiphuanye olevenliya wa menthoni wa pwiyaaka".⁹Esau phiiraawe: "Kihaana mihakhu tjintji, n'himaaka; osunke erinaa". ¹⁰Jaco hiira: "Mena, sontte, kaphuanya mahala wa menthoni waa, vano waakhenle enuvahakeela, kontha we khueeli woona ekhoviaa ori woona ekhove ya Muluku, ni we ohokikupali. ¹¹Sontte wakhenle yuuwanelalyaaka; kontha Muluku hokireeriha ventji ni, nlatto wa yeeyo, kihaana tjokiphiyera". Jaco honkanyenriha, mpaka Esau waakhenlaliaawe.¹²Vano Esau hiira: "Nikhoole ekuahehu iyo, mi kuuthareke". ¹³Jaco homwiirela: "Pwiya aka, n'naatjuwela wiira anamwane ala ankani, ni epwittipwithi n'ya ni emope n'ya tjinowaamwiha assaana aya; tjakhanyenrihiya weetta tjinene nihuku nimotja paassi, enama tjoteene tjinaakhuatja. ¹⁴Sontte, pwiya aka, n'hoolele; Mi kinawuutharani vakani vakani, wo nayeeli mueettelo wo nama n'ya, ni mweettelo wa anamwane ala, mpaka n'nophiyen'nyu oo Seir".¹⁵Esau hiira: "Paassi kuuhiyere alopuana aka". Maassi Jaco hiira: "Mwimankeli tjom'mo? Pwiya aka n'hokhala oreera nrima ni mii". ¹⁶Vano Esau hokhussa ephiro awe yo Seir, nihuku nen'no. ¹⁷Jaco horwa oo Sucote, hoteka enupa awe ni hoteka ntjitji no nama tjawe. Phimaana nipuro n'ne ninihaniya aya oo Sucote.¹⁸Okathi Jaco wakhumalyaawe oo Pada-Ara, hophiya owopoeeneecitati yo Siquem, eri elapo yoo Cana, ni hokhala wakhiviru waya ecitati. ¹⁹Vano hothuma ematta ya assaana oo Hamor, athumwaane Siquem, wo peessa eminya tjo prata, vaavale phaatekaawe enupa awe. ²⁰Vano vaavale phaateka awe altaari ni howiihana aa Muluku, Muluku oo Israel.

¹Vano, Dina, mwaana Lia an'yaralyaawe ni Jaco, aahokhuma wiira aaatjuwele assaanaawe eelapweele. ²Siquem, mwaana Hamor, nkhulupa;e olapweele, aahomoona, aahonvara, aahonkussa ni aahonrupana. ³Yena aahonssan'mwa Dina, mwaana Jaco, ni aahomuulumana wonpheela.⁴Siquem aahowiirela athumwanawe Hamor: Mwaakhwitiri athiyanaala akhale amwaaraka. ⁵Jaco aahiiwa wiira yena honrupana Dina, mwaamwanawe. Assaanaawe yaari nmwiini niinamatjaya; Jaco aahomaala npaka wahokolyaatjalyaaya.⁶Hamor, athumwan Siquem, yaahokhuma wiira yamuulumane Jaco. ⁷Assaanaawe Jaco yaahohokoleela nmwiini ni yaahiiwa yaakhumenlale. Ayenatja yaahorussatjiya, yaahotiinihatjiya kontha yena aahontakharyatja Israel, mwaha wonrupanatja mwaana Jaco, etthu yaahaaphwanela wiira enapankiye.⁸Hamor aahowiirelatja: Mwaamwanaka Siquem nanpheela mwaamwaninhu. Sontte munvahatje wiira akhale amwaarawe. ⁹Mwaataane nihiivano, n'nivahatje assaaneenhu ninhu mwaakusse assaaneehu. ¹⁰Nin'hala okhala nkhayi ni elapo eri thayaari wowiira nkhale, n'naahala omwiira nakosso npaka ophwanha mihakhutjinhu.¹¹Siquem aahowiirela athumwaane naassirokorawe Dina: Nkihiye kiphwanhe muupuwelelwaaya ni en'haleenhu okilepela kinaahala woovahani. ¹²Nkilepele en'haleenhu opheela mwaha wanthiyana owaapuleliya ni kinaahala woovahani en'haleenhu olepela, massi nkivahe nthiyanooyo akhale amwaaraka. ¹³Assaana Jaco yaahomwaakhula Siquem ni Hamor, athumwaane, woohikhala, mwaha wa Siquem yanpankalyaawe Dina, mwanrokorayatja.¹⁴Ayenatja yaahiiratja: Khaninpanka tjon'mo: onvaha mwanrokorihu ntthu oohuula, enkookhala etthu yoohilika. ¹⁵Etthu emotja enpheeleehu muulatje phanka hiivano, ni khula ntthu haana uulaka. ¹⁶Vano, ninaahala woovahani assaaneehu nihi ninaahala waakussa assaaneenhu, ninaahala okhala nkhayi, ni nin'hala okhala nphwinko n'motja. ¹⁷Massi mweehiniiwatje ni mweehuulatje, ninan'hokolossa mwanrokorihu.¹⁸Moolumwaala yaahobtjivela Hamor ni mwaamwanawe Siquem. ¹⁹Nanttonpyoole khaapitjale noopanka yaahimyatjalyaaya kontha yena aanantjivela mwaana Jaco ni kontha yena aari ntthu oottittimihiya vatthokoni waathumwaane.²⁰Hamor ni mwaamwanawe Siquem yaahorwaa onkhora wopooma ni yaahuuluma naatthu ooteene, yiiraka: ²¹Atthwaala ari ninrettele nihiivano, mwaahiye akhale nlaponimu ni mwaahiye amwiire nakosso, elapweela yuulupale. Naakusse assaanaaya akhale assaarihu ni naavahatje asssaaneehu.²²Phaari phiitthu emotja atthwaale yaatthunalyaaya wiira akhale nihiivano nookhala nphwinko n'motja: Wakhala wiira khula ntthu namuula, phanka ayenatja tjiryaaya. ²³Enama tjooteene khatjinakhala tjawinhu nimhahu khatjinakhala tjawinhu? Niiwananeke, vano, anaahala okhala nihiivano.²⁴Atthu ooteene opoomeele yaahomwiiwa Hamor ni Siquem, mwaamwanawe. Nikhula nlopwana aahuula. ²⁵Nihuku noneeraru, yoonatjaka oweryaa nanlelo, assaana eeli a Jaco, Simeao ni Levi, assirokorawe Dina, yaahokussa ekatanatjaya, yaahokelatja woomalelyaa npooma ni yaahowiiva atthu ooteene. ²⁶Yaahomwiiva Hamor ni siquem, mwaamwanawe, niikatana ni yaahonkumiha Dina ntthoko na Siquem ni yaahorwaatja.²⁷Assaana akhwaawe a Jaco yaahorwaa npaka waari mahithi ni yaahokussa tjitthu tjooteene tjonpooma kontha atthu ooteene khayanttittimihale mwanrokorayatja. ²⁸Ayenatja yaahokussatja tjitthutjaya tjoteene tjaari npooma ni mooteene, ²⁹mihakhutjaya tjooteene. Anamwane ooteene naassaaraya yaahovarakatjiya. Ayenatja yaahokussatja tjitthu tjooteene tjaari nmatthokoniwaya.³⁰Jaco aahomwiirela Simeao ni Levi: N'hokiwiiheratja mikutakutho tjintji, wowiira atthu olapweela akitanhifu. Okhala wiira niri vakaani, ayenatja yatakaneela wiira akiwanane, anaakikwanhulatja niitthokwaaka. ³¹Massi Simeao ni Levi yaahiiratja: Siquem aahala onkhaliha mwanrokorihu phanka namararuwa?

¹Muluku homwiirela Jaco: "Okhume vaa orwe, oo Betel wakhale won'wo. Watekele Muluku altari okhumenlale okathi wanthiawalya Esau, mulupalyaa". ²Vano Jaco howiirela amutjiaawe ni wa yaale yaari ni yena: "Mwaahiye amuluku elapo tjikina eriyari n'nyu, mwiireerihe ni n'ware ekuwo tjikina. ³Nikhume nirwe oBetel. Kinkela waateka altari aMuluku won'wo yoole kaakhulale nihuku ossankatja ni hokhala ni mii mapuro yeettalyaaka".⁴Wahimalyaawe yeele, ayena ahonvahatja Jaco amuluku ohikhala oteene yaarri m'matatani waya, ni epirinku tjaari m'maaruni waya. Jaco hothipela vathi wa n'ri waari wakhiviru woo Siquem. ⁵Yeettakan'no, woopiha wa Muluku wahonaniaa m'macitati tjaari wakhiviru n'ye, wo wiira apoovo ale ahiwoomolanihe assaana aa Jaco.⁶Vano Jaco hophiya oLuz, onkhala elapo yo Canaa; yena naathu oteene yaarinaawe. ⁷Hateka altari vaavale ni hovaha ntjina naa El-Betel, kontha Muluku phan'himeryalyaawe vaava, okhathi wanthiawaawe muulupalyaawe. ⁸Debora, ofentiya ni Raquel, hokhua. Yena hossikhiyaoo Betel, vathi wa nri, okhanle wiihaniyaka Alom-Bacute.⁹Okathi Jaco ohokolyalyaawe oo Pada-Ara, Muluku honkhumenla tho ni honreeriha. ¹⁰Muluku homwiirela: "Ntjina naa Jaco, okhuma n'na vaa khuniihaniya tho. Okela wiihaniya Israel". Ni Muluku honvaha ntjina naa Israel.¹¹Muluku hiira: "Mi kiMuluku Owerya Tjooteene. Naavaha mihokorokho ni nawintjenriha. Elapo ni athu entji onlaponi anaahala owa oholowa ni anaakhumenla mamwene wa nikhoto naa. ¹²Elapo envahalyaaka Abraao ni Isaque, kinawuvaha ni wee ni nikhoto naa". ¹³Ni Muluku ahowa mpaka eriyariaawe, nipuro namwiirenlyaawe.¹⁴Jaco hothatavenla maluku nipuro niireliayaaawe ni Muluku. Omwarissela yoovahiya yo viinyu vaavale, ni makhura. ¹⁵Ni Jaco hovaha ntjina naa Betel wa nipuro Muluku nimwiirenlyaawe.¹⁶Ayena ahokhuma oo Betel. Anaryeene ni ttalivelo yoo Efrata, Raquel wahomphiyera okathi woopheela oyara. Wahonrikarikatja mayareloaawe. ¹⁷Omwryakan'no nthukuanawe, namayariha homwiirela: "Ohoove, kontha onaahala omphuanya mwaana nkinaku". ¹⁸Okhala wiira apheela okhua, mamumuleloaawe okhitjera honromola Benoni, vano athumwaane ahonvaha ntjina naa Benjamim. ¹⁹Raquel hokhua ni hossikhiya mwinttalani woo Efrata. ²⁰Jaco hothatavenla maluku wa mahiyeni vale. Piithoonyero wo mahiye mpaka mahuku olelo.²¹Israel horwa ni hotteka etendaawe wakhiviru wa etoore yoo Migdal-Eder. ²²Israel akhalakan'no elapo yeele, Ruben horupa ni Bila, amwettaya athumwaane, ni Israel hin'wa mwahooyo. Ni assaana aa Jaco yaari khuumi neeli:²³Ni Lia ahon'yarana Ruben, ompatjera, Simeao, Levi, Juda, Issacar ni Zebulom; ²⁴ni Raquel ahon'yara Jose ni Benjamim; ²⁵ni Bila, nanteko aa Raquel, hon'yara Da ni Naftali;²⁶Ni Zilpa, nanteko aa Lia, hon'yara Gade ni Aser. Otene ala assaana aa Jaco, ayarale oo Pada-Ara. ²⁷Jaco horwa mpaka wa Isaque, athumwaane, oManre, Quiriate-Arba, mapuro yeettalyaawe Abraao ni Isaque.²⁸Isaque hokhala eyaakha eminya wo ciriini. ²⁹Homumula ni hokua, ni ahokhupeliya mapuro aathu otepa wuuluvala ni okhalana mahuku mentji. Esau ni Jaco, assaanaawe, ahonssikha.

¹N'na phiri nloko na Esau, nihaniyaka Edom. ²Ala phaathiyana Esau ya thelalyaawe wa assaana oo Cana: Ada, mwaana aa Elom, ooheteu; Aolibama, mwaana aa Ana, oneethi wa Zibeao, n'heveu; ³ni Basemate, mwaana aa Ismael, nrokorawe Nebaiote.⁴Wa Esau, Ada ahomphuanya Elifaz, ni Basemate ahomphuanya Reuel. ⁵Aolibama ahomphuanya Jeus, Jalao ni Cora. Ala assaana aa Esau yaayaralyaawe elapo yo Cana.⁶Esau ahaakussa assaarawe, assanaawe, ni athu otene yaakhala owan'nyawe ni enamatjawe tjoteene, tjaphuanyalyaawe elapo yo Cana, ahorwa elapo yoottayi wa Jaco n'himaawe. ⁷Yena hopanka yeela okhala wiita tjarinaawe tjaari tjintji wo wiira akhale nkhayi. Elapo yathamenlyaaya khayalamuliya olihera nlattu wonama tjaarinaaya. ⁸Phimaana Esau, atjuwelehessiya Edom, hothamela nttethe tjo wintjiva myaako tjo Seir.⁹N'na phinloko na Esau, athu okhalayi oedonita, athu yaakhala nttethe tjo myiaako tjo Seir. ¹⁰Ala phasaana aa Esau: Elifaz, mwaana aa Ada, amwaarawe Esau; Reuel, mwaana aa Basemate, amwaarawe Esau. ¹¹Assaana Elifaz phaala: Tema, Omar, Zefo, Gata ni Quenaz. ¹²Timna aari mweettiaawe Elifaz, mwaana aa Esau, hon'yara mwaana Amaleque. Alaa phootjuulu wa Ada, amwaarawe Esau.¹³Ala phaasaana aa Reuel: Naate, Zera, Sama ni Miza. Ala phaari assaana aa Basemate, mwaara aa Esau. ¹⁴Ala phaassaana aa Aolibama, amwaara aa Esau, mwaana aa Ana, mwaana aa Zibeao. Yena ahon'yarana Esau Jeus, Jalao ni Cora.¹⁵Ala phaari ahooleli wa nloko na Esau: nloko na Elifaz, opatjeriya aa Esau, ahooleli Tema, Omar, Zefo, Quenaz, ¹⁶Cora, Gata ni Amaleque. Ahooleli an'yarale Elifaz elapo yo Edom; ala otjuulu wa Ada.¹⁷Ala phaari ahooleli aa Reuel, mwaana aa Esau: Naate, Zera, Sama ni Miza. Phaari ahooleli yaakhumale wa Reuel elapo yo Edom. Yaari otjulu wa Basemate, amwaara Esau. ¹⁸PHaahooleli aa Aolibama, amwaara Esau: Jeus, Jalao ni Cora. Ahooleli yaakhumale wa Aolibama, amwaara Esau, muaana aa Ana. ¹⁹N'na nloko na Esau, nari Edom, ni ahoolelyaawe.²⁰Ala phaari assaana aa Seir, n'hereu, mayantjoko wa yeele elapo yeele: Lota, Sobal, Zibeao, Anas, ²¹Disom, Eser e Disa. Ala phaahooleli omahereu, mayantjoko oo Seir elapo yo Edom. ²²Assaana aa Lota yaari: Hori ni Hema, ni Timna yaari arokorawe Lota.²³Ala phaari assaana aa Sobal: Alva, Manaate, Ebal, Sefo ni Ona. ²⁴Ala phaari assaana aa Zibeao: Aias ni Anas; ola phi Anas anaphwanyale ehime tjomaatji ooviha muuthakoni, akussaka orwa olihera enama mwapuuru aa Zibeao, athumwanawe.²⁵Phaari assaana aa Ana: Disom ni Aolibama, mwaana aa Ana. ²⁶Ni yaala phaari assaana aa Disom: Henda, Esba, Itra ni Quera. ²⁷Phaari assaana aa Eser: Bila, Zaava ni Aca. ²⁸Phaari assaana aa Disa: Uz ni Ara.²⁹Ala phaari ahooleli omahereu: n'hooleli Lota, n'hooleli Sobal, n'hooleli Zibeao, n'hooleli Anas, ³⁰n'hooleli Disom, n'hooleli Eser, n'hooleli Disa; ala phaari ahooleli omahereu, wo nayeeli n'ttaava naahooleli elapo yo Seir.³¹Ala phaari mamwene ya holenle elapo yo Edom hinaaya okhumenla nthu ohoolela wIsraei: ³²Bela, mwaana Beor, hohoolela wEdom; ni ntina nocitatiaawe naari Dinaba. ³³Okathi Bela wakhualyaawe, Jobabe, mwaana aa Zera, honttiya niuronawe n'no.³⁴Okathi Jobabe wakhualyaawe, Husa, olapo otemanita, honttiya nipuro nawe. ³⁵Okathi Husa wakhualyaawe, vano Hadade, mwaana aa Bedade, akhuitinri mamidianita etakhua tjo Moabe, honttiya nipuro nawe. Ntjina no citati nawe niireliya Avite. ³⁶Okathi Hadade wakhualyaawe, Samela oMasreca honttiya nipuro nawe.³⁷Samela hokhua, vano Saul oo Reobote, n'nenke ni wa muro, honttiya nipuronawe. ³⁸Okathi Saul wakhualyaawe, Baal-Hana, mwaana aa Acbor, honttiya nipuronawe. ³⁹Okathi Baal-Hana wakhualyaawe, Hadar honttiya nipuro nawe. Ntjina no citati naari Pau; ni amwaarawe yaari Meetabel, mwaana aa Matrede, oneethi wa Mezaabe.⁴⁰Ala phaari ahooleli onikhotto naa Esau, wo nayeele maloko awe ni mittethe, matjinanaya: Timna, Alva, Jetete, ⁴¹Aolibama, Ela, Pinom, ⁴²Quenaz, Tema, Mibzar, ⁴³Magdiel ni Irao. Ala phaari ahooleli omaloko oEdom, wo nayeeli tjakhalakhalaaya, elapo yakussalyaaya. Ola phaari Esau, papaaya oedomita.

¹Jaco hokhala elapo yakhanliya apapawe, elapo yo canaa. ²N'nha tjari tjonkumelela Jaco. Jose, ari muanlopwana oyaakha khumi nasaapa tjeeyareelo, akhalenla enema naassihimaawe. Yena aari naassaanaawe Bila naassaanaawe Zilpa, assaara aathumwaane. Jose aahowaana nuulumo nootakhala waayenatja.³Israel aananfenta Jose ventji woovirikana naassaanaawe ooteene, kontha yena aari mwaana eeyuulupalyaawe. Yena aahonpankela nlaya nooreera. ⁴Assuulupalyaawe yaahoona wiira athumwanayaayo yananfenta tjinene woovirikana naayenatja. Ni khayaamuuumihatja ratta.⁵Jose aahaana nttora ni aahaattonkela assuulupalyaawe. Ayenatja nanlelo yaananthanhatja. ⁶Yena aahowiirelatja: Sontte, nviriyane nttora nirinaaka.⁷Naari nmattani nihephaka etjoolya ni essakhwaaka yaaheemela niissaakhotjinhu tjaanoorukureerya essaakhwaaka. ⁸Assuulupalyaawe yaahomwiirela: Onaahala onihoolela? Weekhweeli, onaahala onihoolela? Ayenatja nanlelo yaananthanhatja mwaha watjoolohatjawe ni moolumwaawe.⁹Yena aahaana nnttora nikhwaawe ni aahaattonkela assuulupalyaawe. Yena aahiira: Kiholoha nttora nikhwaawe: Ntjuwa ni mweery niitthontto khuumi namotja tjaahokiweela ohoolowaka. ¹⁰Yena aahaattonkela athumwaane, tjitjon'mo phanka tjaattonkelalyaawe assulupalyaawe ni athumwaane yaahomwaakhula. Yiiraka: Nttorani nirinan'na? Miivano, anumwanaa naassuulupalyaa, weekhweeli, nin'hala wookokhorela? ¹¹Assuulupalyaawe yaari niihatje, massi athumwaane yiira yuupuwelaka nmurumwaya.¹²Assuulupalyaawe yaahorwaa okhalenla enam tjaathumwaane oSiquem. ¹³Israel aahomwiirela Jose: Assuulupalyaa khankhalenla enama oSiquem? Owe koorweehe oritjyaaya. Jose aahomwiirela: Akinatafauti. ¹⁴Yena aahomwiirela: Orwee phiyaaru waawehe assuulupalyaa yakhala akumi wiikihimeerye. Vano, Jaco aahonveleeliha ota womuro Hebrom ni Jose aahorwaa oSiquem.¹⁵Nlopwana n'motja aahonphwanha Jose aarimeelale nmattani. Nlopwanooyo aahonkoha: Onpheelatjani? ¹⁶Jose aahiira: Kinaapheelatja assuulupalyaaka. Okihimeerye, sontte, ankhalenlatja vayi enama. ¹⁷Nlopwanoole aahiira: Ayenatja ahohiyatja nipuron'na, kinoowiiwatja: Nttwee oDota. Jose aahovira aattharaka assuulupalyaawe ni aahaaphwanhatja oDota.¹⁸Ayenatja yaahomoonatja ottayi, hinaaya waattamenlatja, yaahopheela omwiivatja. ¹⁹Yaahiirelanatja yaayoru: Namaloha hophiya. ²⁰Ntthwee nimwiive phiyaaru ninrihe. Ni nin'hala wiira: Nookhuuriya niinama yontakhwani. Ninaahala woona tjaalohaawe.²¹Ruben ahiwah, ni ahonhulussa erakha: "Nihirueni omuiva". ²²Ruben ahowirelatja: "Nihimuarisseni ephome. Munrihele munlikhithini mothakoni, nhikhanle murihelakha yolah ntatah". Yena anawikhonkomanyia omopholahJose nmatathaniwaya wira ohokholossere waphaaphawe.²³Wokhumenla, wakhanliawe Jose aphiyakha wassuluphaliyawe, ayenatja ahonrulatja ehantjo. ²⁴Ahonvaratja ni ahonrihela inhimeni, yaharina etjo ni wala matji.²⁵Ayena yahonkhomatja wira akhure enkhatje. Ahunvussatja mentjoaya ni yahonatja npwinkho woma ismaelita okhumakha o Gileade, ni ecamelo, tjinatjissale eviompho, balsamo ni mirra (makhura onukhela), yaruanaiya Wegipto. ²⁶Juda howirela assuluphaliwe: "Ninhala opwanyani namwivakha nhymehum nivithakha ephomiyawe?²⁷Nkhawani, nthue nathumihera asi ismaelita ni khaninhala omwessera mathathenhum, khontha yena muamunihu, erutjuehum". Assulupheliyawe yahomuiwelela. ²⁸Yavireaiya anamathumiha a midianita, assuluphaliyawe ahonkhumihera Jose, ankhumihakha nhimeni yahonthumiha ni paratha sirini. Assi Ismaelita yahontjissa Jose Wegipto.²⁹Wakhanliyawe Ruben ahokolelakha wahimeni, Jose khampwanyale. Yena ahanyula ekhuwotjawe ³⁰ni, ahokholelakha wassunawe, hira: "Muahimoiyo khavonhuo. Ni mi, khinhala orua vai?".³¹Vano, ayenatja yahotjissatja ehantjo ya Jose, yahevatja ephuri ni yahoruwitja ahantjo nphomeni. ³²Ni phatjissaya wa papawe yerakha: "Nihopwanyela. Nwehehe sonthe, yakhalawira ehantjo yamuamuaninyo wala khinakhala". ³³Jaco ahotjuwelela ni ahira: "Yamuamuanakha. Muanama onthakhuani honkhura. Ekhweli Jose hothakhatjiya".³⁴Jaco ahanyula ekhuwotjawe ni ahowara ekhuwo essakho. Ni ahokhala atjokhuleleka muamuanawe mahunkho mentji. ³⁵Assanawe othene yahowa omaliha, mansi yena ahokhotha amalihiya, erakha: " Ekhueli, kinarua o sheol ( niphuro no ripela) khintjokhulelaka muamuanakha". Apapawe ahomunlela . ³⁶Ni asi midianita yahonthumihera Potifar Wegipto, nkhuluphale umotja a Farao, ovahatjeriya tjosunkha tjuluphale.

¹Okathi yoole, Juda haahiya assun'nawe ni ahokhala ni nlopwana oo Adulao, iihaniya Hira. ²Vaavale, yen homphuanya mwaana ancananeu, ni iihaniya Sua. Yena honthela ni honrupana.³Yena ahorupala erukulu, ahonyara mwaana ni yahonvahatja ntjina naa Er. Ahorupalatho ni hon'yara mwaana ni ⁴honvaha ntjina na Ona. ⁵Ahon'yaratho mwaana ni honvaha ntjina na Sela. Waari oo Quezibe yena wayarenlyaawe.⁶Juda ahomphuanya nthiyana ompheelela mwaamwanawe ompatjera Er, ihaniya Tamar. ⁷Er, mwaana opatjeriya ni Juda, ari ohiphiyeratja wa menthoni waa Pwiya ni Pwiya homwinva.⁸Juda homwiirela Ona: "Waarupane amwaara amulupalya, waavarele onteko weelamu wo wiira onvahe mwaana mulupalya". ⁹Ona anatjuwela wiira mwankani oyo khaahala okhala awawe. Wakhula okathi waarupanaawe amwaara amulupalyaawe, ekhentji amwarisela vathi wo wiira haarupalihe anvahaka mwaana mulupalyaawe. ¹⁰Yapankaaweele yaari ethu yoohiloka wa menthoni wa Pwiya ni Pwiya yahomwinva.¹¹Vano Juda homwiirela Tamar, amwara mwanawe: "Okhale toko nankhueli waathumwana mpaka Sela, mwaamwanaka, un'nuwe". Huupuwela: "Wo wiira hikhue ntoko assulupalyaawe". Tamar ahokhuma ni ahorwa okhala wathumwaane.¹²Onavirale owakathi, mwaana aa Sua, amwaara aa Juda, ahokhua. Juda ahokhala amaalihiyaka ni ahorwa wa yaale yarattavenla epwittipwithi tjawe oo Timnate, yena nimpathaniaawe Hira, ndulamita. ¹³Ahohimeeriya Tamar: "Ataataa owuuthelela anrwa oo Timnate okookassa epwittipwithi tjaya". ¹⁴Yena ahorula ekuwo tjeenankhueli, ahikhuneela ni ahittiyenla ni nleeso nawe. Yena ahokhala onkomaka wankhora wo Enaim, waattamenla eparapaara yoo Tamnate. Ahoona wiira Sela ahun'nuwa, yena ari hinavahatjeria yena toko mwaarawe.¹⁵Okathi Juda wamonalyaaew, oniha wiira nluvi, nlattu wo wiikhuneela ekhove awe. ¹⁶Yena ahorwa mpaka nipuro naaryaawe ni hiira: "Okithare, sontte, kuurupane", kontha khaatjuwela wiira mwaramwanawe, yena hiira: "N'nokela okivahani wo wiira nkirupane?"¹⁷Yena hiira: "Kinawuwiihera epuri yo mwintjitjini waka". Yena hiira: "N'naakikhuluveliha mpaka wan'halen'nyu okiwiihera?" ¹⁸Yena phiiraawe: "Nkhuluvelihoni onkelaaka wuuvaha?" Yena phiiraawe: Nlutto naa, nkhoyaa ni kopoaa eri m'matataniwaa". Yena ahonvaha tja, ahorupa niyena ni ahorupala erukulu ya wawe.¹⁹Yena ahokhuma. Horula nleeso nawe ni phuwaraka ekhuwo tjenankhueli. ²⁰Juda phawanihaawe epuro yo ntjitjini wawe anvhenrale mpathaniaawe ndulamita oole wo wiira akhale okhuluvelyaa m'matatani wa nthiyanoole, yena khaaphuanyale.²¹Vano, ndulamita ole ahakoha alopuana onipuro nen'ne: "Rivayi nthiyana onkomale mparaparani yoo Enaim?" Ayena yaahaakhulatja: "Konkomale nluvi vaa". ²²Yena ahohokoleela wa Juda ni homwiirela: "Akimphuanyale. Ni alopuana onipuro nen'ne yiirale konkomale nluvi vaa". ²³Juda hiira: "On'hiyereke ekaruman'yo wo wiira nihikhale opattatja ehaaya. Kihowaaniha epuriila, khumphuanyale".²⁴Wiraniaale wiira, tjinavirale myeeri miraru, ahohimeeriya Juda: "Tamar, mwara mwanaa, horaruwa ri niirukulu". Juda hiira: "Mun'waane vaa wo wiira apahiye". ²⁵Okathi wawihiyaawe, ahahimeerya atataawe ale nulumo n'na: "KIri niirukulu ya nlopuana mwaneene ekaruman'ya". Hiiratho: "N'nantjuwela, sontte, mwaneene ekaruman'ya: nlutto n'na, nkhiyi uula ni nkopoola". ²⁶Juda ahotjuwelela ekaruman'ye ni hiira: "Yena nassariya okivikana mii, wooniaale wiira akinvahaleto Sela toko mwaarawe, mwaamwanaka". Yena khanrupanaletho.²⁷Ekhumenlale tjo, onaphiyale owakathi wooyara, kontha yaari mavatta m'mirimani m'mwe. ²⁸Yakhumenlale wiira, okathi wayaraawe, mwaana m'motjooyo hokumihera mono ota ni parteroole hokussa efiiyu osheerya phinthukaka m'moononi wawe phiiraka: "Ola phipatjenre okhuma".²⁹Ahonvaratho ntatanawe n'no ni n'himaa phimatjenre okhuma. Aparteera ahiira: "Ovirikanihenleni!" Yena aavahiye Perez. ³⁰Vano, n'himaawe hokhuma, aarina nkhoi woosheerya m'moononi wawe, yena iihaniye Zera.

¹Jose ahokussiya wEgito. Potifar, nanteko aa Farao aari kapitau oguarta ni ngipcio, ahonthuma ni ma ismaelita yankussale won'wo. ²Pwiya ari ni Jose ni ahokhala othawali. Jose ahantjera okhala naa pwiyaawe eegiipcio.³Apwiyawe aale yahomoona wiira Pwiya aari ni yena ni Pwiya anareeriha wa yeele yapakaawe. ⁴Jose ahoreriya wa hoolo wa pwiyaawe, yavarelaawe nteko. Potifar o honhela namahoolela owapuwani vale, ahonvahatjera wo wiira arattavenle wa yeele yaarinaawe.⁵Okhuma mahuku wan'vahalyaawe namahoolela oowan'nyawe ni wa yeele yaarinaawe. Pwiya horeeriha ethoko ya egipcio ole nlaatu wa Jose. Mareeriho aa Pwiya yaari wa tjithu tjooteene Potifar tjaarinaawe pwan'nyawe ni m'mattaniwawe. ⁶Potifar ahonvahatjera wa tjithu tjooteene Jose. Yena khaarina yoopheela wuuuwela ohikhanle wo yoolya yaalyaawe. Jose aari nlopwana okuru ni oreeraa.⁷Yakhumenlale tho, anavirale mahuku, amwaara apwiyawe yanamphela Jose. Ayena ahiira: "Okirupane". ⁸Massi yena hokhotta howiirela: "Nkiviriyane: apwiyaaka ahikutakuthie wa yeele epakaaka wapuwani vaa. Ayena ahokivahatjera tjoteene wo wiira kiwehawehe. ⁹Khaavotho muulupale okivikana wapuwani. Ayena khakikottihale ethu, wa hikhanle nyuuva, kontha nyuuva mwa mwaara ayena. Ekelaka opaka ethu yohilokeela ni kikossaka wa hoolo wa Muluku?¹⁰Ayena yeera emuulumanaka Jose khula nihuku, yena akhottaka orrupa ni okhala naa yena. ¹¹Nihuku nimotja, yena hophiya enupa yaavaraawe nteko ni khaavo aarivo nipuro nen'ne wa yaale yavara nteko nipuro n'ne. ¹²Ayena yahonvara ekuwo tjawe ni ahiira: "Okirupane". Yena, horula ekuwotjawe hahiyera m'matatani waya, ahofonyuaa ni ahothiawela ota.¹³Okathi woonalyaaya wiira yena anowaahiyera ekuwo tjawe m'matatani waya ni hothiawela ota, ¹⁴ahomwiihana nlopwana owapuwani vaavale ni ahomwiirela: "Ohoona, Potifar non'waana n'hebreuula wo wiira aniruwanatje vaa. Yena noowa wo wiira arupe nimii mi phantjeraaka okhuwela. ¹⁵Wakin'walyaawe kikhuwelaka, paakihiyeraawe ekuwotjawe n'ya, phaathyawelaawe ota".¹⁶Ayena pahiyaaya ekuwo tjawe wakhiviru waya mpaka wawaalyaaya apwiyaawe wapuwani vale. ¹⁷Phaahimeryaaya moolumo ala: "Nanteko mwin'wanalen'nyu lava waale oniveeha. ¹⁸Okathi wakhuwenlyaaka, yena phukihiyeraka ekuwo tjawe ni phathiawelaawe ota".¹⁹Vano, okathi win'walyaaya apwiyaawe tjohimiya n'nye naa mwaarawe: "Nanteko en'nyuuyo phikiirihalyaawe". Potifar ahoviruwa. ²⁰Apwiyaawe Jose yahonthukela, nipuro naakhala athukeliyaka ananthukiya aMwene. Yena hokhala nkhatteya.²¹Pwiya ari ni Jose ni anokupaleela yena ni ahokhala anvaha emani wa yoole assunka ananthukiya. ²²Phimaana namaakhalenla yoole ahonvahatjera Jose wo wiira Jose arattavenle ananthukiya akhuaawe. Wakhula ethu yaakhumenla, Jose phavahatjeriya yoteene eyo. ²³Ole akhalenla khakutakuthieela ethu wa yeele yaarattavenlawe kontha Pwiya ari ni Jose. Wakhula ethu yankaawe, Pwiya ananreeriha.

¹Tjinavirale tjitthun'nha, naawiiha nipha ni namwaapyaatja amwene owiigiipitu yaahonveehatja funtyaaya, mwene owiigipitu. ²Farao aahotikinihiya naakhulupalyaawe ooyeeli. ³Yena aahaatthukelatja. nkhattyaa mon'mo mwaatthukeliyaawe Jose.⁴Nkhulupale aahon'vahatjera Jose wiira anvarele nteko. Yaahokhala nkhattya owakathi mwintji. ⁵Ooyeeli yaaholohatja anaritji nkhattyaa khula ntthu aaholoha nttoranawe, ohiyu n'motja ni khula nttora naahimya etthwaaya.⁶Jose warwaalyaawe waawehatja owitjissu, aahowoona wiira yaanaatjukulatja. ⁷Yena aahaakoha akhulupale aFarao yaarinaawe nkhattyaa: Essiyani olelo otjukulatjaka? ⁸Ayenatja yaahaakhulatja: Ninooloha ohiyu ni khaavo nkhwitiri otaphulela. Jose aahowiirelatja: Tjootaphulelan'nho khatjinakhala tjaNluku? Sontte nkittonkelatje.⁹N'motjoole aahonttonkela yoolohaawe Jose iiraka: Kilohale, nri n'motja onari ohoolowaka. ¹⁰Munrinin'mo, tjaahaavo eritta tthaaru. Weeraaya tjiphuwaka, tjaaniima mihokorokho tjoottokottha. ¹¹Etthuvo ya Farao yaari nmatataniwaka. Mi kaahokussa mohokorokho waamela ntthuvoni mwa Farao ni kaahon'hokolossera nmatataniwawe.¹²Jose aahomwiirela: Yootaphuleliya wayoolohiyeeyo phiila: Eritta tthaarun'nho mahuku mararu. ¹³N'hina womahuku mararu yaayo, Farao naahala okussa murwaa ni naahala woorunussa, okhalaihaka phanka nkhulupalyaawe. Onaahala okussa etthuvo ya Farao ni ovarelaka nteko nmatataniwawe, phanka vaavale tjanvarelaa.¹⁴Massi okuupuwele tjitthu tjooteene tjooreeravale; kinawoolepela, okuulumelaka wa Farao ni okikumihe nkhattyaamu. ¹⁵Weekhweeli, kaavariye elapo yomeebreu. Hata moomu akiiraleetthu woopheela otthukeliya.¹⁶Nlopwana nkhwaawe woonalyaawe wiira yoolohaawe yaahotaphuleliya, aahomwiirela Jose: Nimi kihaana yooloha, kaahoona etthuttu tthaaru tjophaawu vamuruwaka. ¹⁷Etthuttu yontjulu, yaahaana khula enan'na tjowoossiya tja Farao, massi enuni tjaaholya tjaari vamuruwaka.¹⁸Jose aahomwaakhula ni aahiira: Yootaphuleliyaaya phiila: Etthuttu tthaaru mahuku mararu. ¹⁹N'hina womahuku mararu, Farao naahala okussa murwaa ni onaahala otthukatjeriya wanrini ni enuni tjinaahala olyaerutthwaa.²⁰Nihuku noneeraru, Naari nihuku naayariyaawe Farao. Yena aahopanka essukuhuulu waanantekwaawe ooteene. ²¹Yena aahomwaakha ekhulupalyaawe ohoolo waanantekwaawe. ²²Yena aahorehenrya ekhulupalyaawe ni aaheessa etthuvo nmatatani mwa Farao. Massi yena aahon'variha nlopwanoole, phanka Jose tjaahimeeryatjalyaaya. ²³Massi nlopwanoole khaamuupuwenletho Jose; aahonliyala.

¹Waviralyaaya eyaakha piili, Farao aaholoha nttora nimotja. Yena iira neemelale waattamenla oNilo. ²Wowaakuvyaatja emope saapa tjaahorwaa oNilo, tjoophanela ni tjooneneva, tjaalya nkurukuru muro. ³Tjikhwaawe saapa, tjahorwaa omuro, tjoohiphwanela ni tjoohineneva. Tjeemelale vamotja niimope tjikhwaaya waattamenla omuro.⁵Vano, emope tjowootta tjaahokhuua emope tjowiittivala. Vano, Farao aahovuwa. ⁴Phaahokoleelaawe orupa ni aaholohatho emaara yonayeeli. ⁶Wowaakuvyaatja, mitathi saapa tjaahophuwa nri n'motja, tjikumi ni tjooreera. Phaaphuwaayatho mitathi saapa, tjowootta ni tjoopahiya niiphyoo.⁷Mitathi tjowootta tjaahomirya mitathi tjikumi. Farao aahovuwa, ni naari nttora. ⁸Orupossenliya, n'nepaawe waari wookutakuthyaa. Yena aahorumiha wiihaniya anamatjuwelatja ooteene owiigiipitu. Farao aahaattonkelatja nttoranawe, massi khaavo aakhwitirale ontaphulela Farao.⁹Vano, nkhulupale aanamakawa mapha aahomwiirela Farao: Olelo kinuupuwela mavehwaaka. ¹⁰Farao aanoorussiya nanantekwaawe, ni okikhalihe namakhalenla enupa yankhulupale, miivano ninkhulupale aatthu. ¹¹Hi naahaana tjoolohiya ohiyu n'motja, miniyena. Naaholoha khula ntthu nttoranawe, khula nttora nootaphuleliyawaya.¹²Naari nimwanlopwana, nanteko ankhulupale. Naahonttonkela tjoolohatjihu, ni aahonitaphulela. Yena aahotaphulela wakhula nttora. ¹³Ni tjihiiranyaa phanka tjaanitaphulenlyaawe. Farao aahokihokolossera ntekwaaka, ni aahontthukiiha nkhaawooyo.¹⁴Vano, Farao aahorumiha wiihaniya Jose. Wowaakuvyaatja, aahokumihiya nkalapoosso. Yena aahokassa ekhararitjae, aahowara ekuwo tjikhwaawe ni aahorwaa wa Farao. ¹⁵Farao aahomwiirela Jose: Kinooloha, massi khaavo ntaphulela. Vano, kihiiwa wuulumeliyaka, wiira wahimeeriyaka nttora onaataphulela. ¹⁶Jose aahomwaakhula Farao: Akinakhala, massi Nluku naahala waakhulela.¹⁷Farao aahomwiirela Jose: Kilohale kinari waattamenla muro Nilo. ¹⁸Wowaakuvyaatja, emope saapa tjaahorwaa oNilo tjowiittivala ni tjoophwanela, nitjaalya nimuroole.¹⁹Vano, tjaahorwaatho emope saapa, tjootteethyaa, ni tjowootta. Kaari kihinoona tjitthu tjoohiphwanela phanka n'nha. ²⁰Emope tjowootta tjaahokhuura emope tjowantjera tjophwanela ni tjowiitthivala. ²¹Wakhuuratjalyaaya, khawaatjuwanyaa wiira tjiholya, kontha tjaakhala tjowootta phanka khalayi. Vano, phaavuwaaka.²²Nttoranaka nikhwaawe, mitathi saapa tjaahuunuwa n'ri n'motja, tjootjara ni tjooreera. ²³Phaakhumenlaayatho mitathi tjikhwaawe saapa tjiphuwelaka, tjowootta ni tjoopahiya niiphyoo. ²⁴Mitathi tjowootta tjaahomirya mitathi saapa tjooreera. Kaahaattonkela atjuwelatji, massi khaavo khumenlale ookitaphulela.²⁵Jose aahomwiirala Farao: Tjooloha tja Farao tjitthu tjimotjaaru. Nluku yaapheelaawe onpanka aahon'himeerya Farao. ²⁶Emope saapa tjooreera tjaari eyaakha saapa, nimitathi saapa eyaakha saapa. tjoolohan'nho tjitthu tjimotjaaru.²⁷Emope saapa tjowootta tjaawelale eyaakha saapa, i mitathi saapa tjowootta ni tjoopahiya niiphyoo tjin'hala okhala eyaakha saapa tjotala. ²⁸Eyo phayan'himeeryalyaaka Farao. Nluku enpheelaawe ovara aahon'himeerya Farao. ²⁹Nkaweha: tjinaahala ovira eyaakha saapa niiyoolya yintji elapo yooteene yowiigiipitu.³⁰Tjaviravale eyaakhan'nho, tjinaahala owa eyaakha saapa tjotala, ni etjoolya tjooteene tjinaahala oliyaliya elapo yowiigiipitu, niitala en'hala okhala yintji. ³¹Atthu khan'hala wuupuwela wiira yaahopatja okhalana eyoolya yintji mwaha wotala en'hala owa, en'hala okhala yuulupale. ³²Oloha wa Farao waahaakuleliya, kontha aathoonheriye ni Nluku, ni Nluku naapanka woohipitja.³³Farao anphwanhe nlopwana owiiwananyaa ni ootjuwelatja, ni anvahatjere elapo yowiigiipitu. ³⁴Farao aathanle atthu, ni yaayo akusse nphantte woneethanu watjoolimiya elapo yowiigiipitu woyaakha saapa tjoyoolya.³⁵Atakanihatje etjoolya wotjen'nho eyaakha tjoyoolya yintjin'nho ni tjikhale mwantjina na Farao, wowiira eyoolyeeyo eliye n'mapooma, Ni assunkatje. ³⁶Eyoolyeeyo enaahala otossa womyaakha tjotala en'hala okhala elapo yowiigiipitu. Weenen'na yeeyo, elapo khin'hala ovoliya etala.³⁷Moolumwaayo yaahontjivela Farao naanantekwaawe. ³⁸Farao aahowiirela anantekwaawe: Ninanphwanha nlopwana phanka ola, nkhala nin'nepa waNluku?³⁹Vano, Farao aahomwiirela Jose: Okhala wiira Nluku hoothoonhera tjitthu tjooteenen'nha, khaavo ntjuweliya ni ootjuwelatja phanka we. ⁴⁰Onaahala ohoolela enupaaka, phanka tjuulumatjalyaa, atthwaaka ooteene anaahala weettiheriya. Massi weehitjeni kin'hala okhala muulupale woovirikana we. ⁴¹Farao aahomwiirela Jose: Nkaweha, kinawoovaha ohoolela elapo yooteene yowiigiipitu.⁴²Farao aahaarula anelaawe ni aahon'wariha Jose. Yena aahon'wariha ekuwo tjooreera ni aahon''wariha nkhova wowooru nssikoniwawe. ⁴³Yena aahon'weliha nkukuttha wonayeeli waarinaawe. Atthu yaaahonkhuwela: Okokhoriye. Farao aahon'hooleliha elapo yooteene yowiigiipitu.⁴⁴Farao aahomwiirela Jose MikiFarao, woohikhala otthunawaa, khaavo nkoovussa nata wala n'nha elapo yooteene yowiigiipitu. ⁴⁵Farao aahonvaha Jose ntjina naZefanete-Peneia. Aahonvaha Asenate wiira akhale amwaarawe, aari mwaana aPotifera, nankuttho olapo yiihaniya Om. Jose aaheettakatja elapo yooteene yowiigiipitu.⁴⁶Jose aarina eyaakha talaathiini owathi waarwaalyaawe wa Farao, mwene owiigiipitu. Jose aahokhuma waFarao ni aaheettakatja elapo yooteene yowiigiipitu. ⁴⁷Eyaakha saapa tjooteene, tjaahoruweriya.⁴⁸Yena aahotakaniha etjoolya tjooteene tjaaphwanhiye eyaakha saapa, elapo yowiigiipitu, ni nmapooma aaheessatja etjoolya. Wakhula epooma yaahaavo eyoolya. ⁴⁹Jose aahossunka eyoolya yintji phanka n'hava woopahari, aahohiya waalikela kntha yaari yintji.⁵⁰Jose aarina asaana eeli ni Asenate, mwaana Potifera, nankuttho olapo yiihaniya Om, tjihinaaya ophiya eyaakha tjotala. ⁵¹Jose mwaamwanawe oomwntjera aahonvaha ntjina naManasses, ni aahiira: Nluku hokiliyaliha mikatjamiho tjooteene ni tjitthu tjooteene yotthoko yaathumwanaka. ⁵²Mwaamwanawe owaakulela aahomwiihana Efraim, ni aahiira: Nluku hokivaha asaana entji.⁵³Eyaakah tjaaruweriye eyoolya yintji yaahophiya wuumaleloni. ⁵⁴Eyaakha saapa tjotala tjaahophiya, phanka Jose tjaahimyalyaawe. Yaahaavo etala elapo tjooteene, massi elapo yooteene yowiigiipitu yaahaavo eyoolya.⁵⁵Owakathi elapo yowiigiipitu waaryaaya niitala, atthu yaahokhuwela ventji ohoolo wa Farao mwaha woyoolya. Farao aahowiirela atthwaale: Nrwaatje waJose ni mwavare yeele en'halaawe ohimya. ⁵⁶Etala yaari nlaponi mooteene yovathi. Jose aahothukula makhupi ni aahaatumihera atthu owiigiipitu. Etala yaahotepa elapo yowiigiipitu. ⁵⁷Elapo tjooteene tjaarwaa wiigiipitu wiira yathume eyoolya yaJose, kontha etala yaari yintji elapo yooteene.

¹Jaco aahotjuwela wiira wiigiipitu yaahaavo eyoolya yintji. Yena aahowiirela asaanaawe: N'nowehanani ntthu ninkhwaawe? ²Yena aahiira: Kihiiwa wiira wiigiipitu ehaavo eyoolya. Nrwaatje npaka woowu ni mwathume eyoolya, wowiira nikhale ni nihikhwe. ³Assihimaawe ookhuumi aJose yaahorwaatja othuma eyoolya. ⁴Masii Benjamim, mwaamun'nawe Jose, Jaco khantthunihale orwaa naassuulupalyaawe, kontha aanawooha omwiiraneela etthu.⁵Asaana aIsrael yaahowa othuma naatthu akhwaawe yaawaale, kontha etala yaahophiya elapo yooCanaa. ⁶Vano, Jose aari n'hooleli olapweele. Yena phaatumihera atthu ooteene olapweele. Asihimaawe Jose yaahowa ni yaahooromatja ohoolowawe.⁷Jose aahaaweha asihimaawe ni aahaatjuwela, massi yena aahowiirelatja. N'nokhumatja vayi? Ayenatja yaahiiratja: Elapo yooCanaa, naawaale othuma eyoolya. ⁸Jose aahaatjuwelela asihimaawe, massi ayenatja khayaantjuwelenle.⁹Vano, Jose aahuupuwela tjoolohatjawe mwaha waayenatja, ni aahowiirelatja: Mwaanoohankawaani! Nwaatjale owehawehatja elapweela. ¹⁰Ayenatja yaahiiratja: Mena amwene. Anantekweenhu yaawaale othuma eyoolya. ¹¹Naasaana antthu n'motja. Naatthu oohitjuwela etthu. Khaninakhala naanoohankawaani.¹²Yena aahowiirelata: Nwaatjale owehawehatja elapweela. ¹³Ayenatja yaahiiratja: Hi niri khuumi neeli, asaana anlopwana n'motja nkhala elapo yooCanaa. Omwankaani rinaathumwanihu, mwaamun'nihu nmotjooyo khaavo.¹⁴Jose aahowirelatja: Phanka tjiwiirelalyaakani: Mwaanoohankawaani. ¹⁵Phimaana, n'naahala olawihatjiya. Mwaha wokumi yaFarao, khan'nokhumatjatho, woohinwaana mwaamun'ninhu nkhwaawe. ¹⁶Munrumatje nmotja anrweele hanlyooyo. N'nohalatja nkhattya, wowiira moolumweenhu alawihatjiye, wakhala wiira ekhweeli. ¹⁷Yena aahaatthukela nkhattya mahuku mararu.¹⁸Jose aahowiirelatja nihuku noneeraru: Npankatje yeeyo ni nkhalatje kontha mi kinaamoova Nluku. ¹⁹Mwakhala atthu ohiira etthu, mun'hiyatje mwaamun'ninhu n'motja nkhattyaa, n'naakussatja eyoolya mwaha wotala yon'mawan'nhinhu. ²⁰Nkiwiihatjere mwaamun'ninhu omwankaani, wowiira moolumweenhu akhale okhweeli ni khan'nohala okhwa. Vano, ayenatja yaahopankatja.²¹Ayenatja yaahiirelana yaayoru: Nihonkossera mwaamun'nihu, kontha naahomoona tjaaryaawe, owakathi waanikhuwelaawe ni khanimwiiwale. Phimaana, mahuvihwaala awaale mwaha wahi. ²²Ruben aahowaakhulatja: Akoohimeeryatjaleni: n'hikosse mwaha wamwan'hima, n'hikiiwelelatjaka? Vano nkawehatjani: Ephomyaawe ehonaatja.²³Ayenatja khayaatjuwela wiia Jose aanawiiwa, kontha aahaavo aataphulela. ²⁴Yena aahaahuluwatja ni aahunla. Jose aahohokolyaa ni aahuuluma naayenatja. Yena aahonkussa Simeao ni aahontthuka ohoolowayatja. ²⁵Jose aahowiirela anantekwaawe wiira atjalihe eyoolya nmasaakhoni waassihimaawe, ahokolosseriyaka missurukhutjaya nookhalenliya ekwahaaya. Ni yaahopankatjiya tjitjon'mo.²⁶Assihimaawe yaahokussatja enamatjaya ni yaahorwaatja. ²⁷N'motjaaya owkathi waakumihaawe eyoolya wiira avahe enamaawe waamumulaaya aahophwanha nssurukhwaawe. Kontha waari omalakuni wonrupaawe. ²⁸Yena aahowiirela assihimaawe: Nssurukhwaaka ohohokolossiya. Nwehatje nssaakhonimwaka. Mirimatjaya tjaahokhala tjowoova, yaahowehanatja yaayoeu yiiraka: Essiyaniila Nluku enipankalyaawe?²⁹Ayenatja yaahorwaatja wa Jaco, athumwanatjaya, elapo yooCanaa, yaahaattonkelatja tjiiranyaale. Ayenatja yaahiiratja: ³⁰Mwene olapweele, honuuluma tjinene oona wiira naanoohankawaani. ³¹Hiivano naahomwiirela: Khiivo entjuweleehu. Khaninakhala naanoohankawaani. ³²Niri khuumi neeli, asaana aathumwanihu. N'motja khaavo ni omwankaani ri naathumwanihu elapo yooCanaa.³³Mwenyooyo, honiirela: Niyeeyo kinaahala otjuwela wiira khiivo entjuwelatjeenhu. Nkihiyeratje mwaamun'ninhu n'motja, nkussatjeke eyoolya mwaha wotala yon'mawan'ninhu, ni nrwaatjeke. ³⁴Nkiwiihatjere mwaamun'ninhu omwankaani. Vano, phun'halaaka otjuwela wiira khan'nakhala mwaanoohankawaani. Vano, kinaahala ontthukula mwaamun'ninhu mwamwiireke nakosso elapweenhu.³⁵Weeraaya emalaka eyoolya, khula ntthu iira narina nssurukhwaawe munrupaniwawe. Ayenatja naathumwanaya woonalyaaya nssurukhu munrupani, yaahoovatja. ³⁶Jaco, athumwanatjaya, yaahowiirelatja: N'naakaakhatja asaanaaka. Jose khaavo, Simeao horwaa, ni n'nopheela onkussatja Benjamim. Tjitthu tjooteene tjiri wamiivano.³⁷Ruben aahowiirela athumwaane: Mwiivakatje asaanaaka ooyeeli kaahinwaane Benjamim. ³⁸Jaco aahiira: Khan'nonkussatja mwaamwanaka. Kontha mwaamun'ninhu hokhwa ni yooyo phihanle. Yamwiiraneela etthu ninttala onrweenhu, kinaahala woona owerya.

¹Etala yaari yuulupale nlaponi. ²Wamalihalyaaya eyoolya yaawaanalyaaya wiigiipitu, yaahowiirelatja athumwanaya: Nrwaatjetho mwathume eyoolya.³Juda aahomwaakhula: Nlopwana aahonaateeliha: Khan'noonatho ekhovyaaka, mwaamun'ninhu aahikhale ninhu. ⁴Mwanivaha mwaamun'nihu, ninaahala owaana eyoolya. ⁵Mweehinivahe khanin'hokolyaa. Kontha nlopwanooyo phiiralyaawe: Khan'noonatho ekhovyaaka, mwaahin'waane mwaamun'ninhu.⁶Israel aahiira: Opankenleni tjo, wiiraka kihaana mwaamun'naka nkhwaawe? ⁷Ayenatja yaahaakhulatja: Nlopwanooyo aahokohakoha mwaha waamutjiihu. Yena aahiira: Athumwanitjinhu nanlelo akumi? N'haanatja mwaamun'ninhu nkhwaawe? Yaahaakhulatja phanka tjaakohiyaaya. Mwaahala otjuwela tjani wiira phaahalaawe wuulumatja:Munwaanatje mwaamun'ninhu?⁸Juda aahomwiirela Israel, athumwaane: Munkussatjeke mwanlopwanooyo. Ninaahala orwaa wiira nikhale ni nihikhwe, okhuma hiivano, nhuuva, naassaaneenhu. ⁹Kin'hala okhala nkhuluvelwaawe ni n'naahala okikhaliha nkhulupale. Keehinwaane, kinaahala okhala ookossa woohimala. ¹⁰Nahaapitjale , weekhweeli naakowiiraka nihaakulela emaara yonapiili.¹¹Athumwanayatja, Israel, aahowiirelatja: Wakhala tjitjon'mo, npanke yeeyo. Nkussatje mihakhu tjooreeressa mweerwaaka. Munkussere nlopwanooyo phanka yoovahiya: ¹²Nkussatje nssurukhu. N'hokolosse nssurukhu waahokolossiye owakathi waatthukuliye mirinttitjinhu.¹³Nrwaatjeke ni munkussatjeke mwaamun'ninhu. ¹⁴Nluku oowerya tjooteene awoonelatjeni ekiriri ohoolo wanlopwanooyo, wiira yena anleve mwaamun'ninhu nkhwaawe ni Benjamim. Kaakhiya asaana, kinkoohala voohaasaana. ¹⁵Atthu yaahokussa tjoovaha ninssurukhu, vamotja ni Benjamim. Ayenatja yaahovuwatja ni yaahorwaatja elapo yowiigiipitu, ni yaahophiyatja waaryaawe Jose.¹⁶Jose wamoonalyaawe Benjamim naayenatja, aahomwiirela nkhulupalyaawe: Waakusse atthwaala waarweehe npaani, wiive enama alyaatje nimi, othana. ¹⁷Nkhulupale aahopanka phanka Jose tjaahimyalyaawe. Yena aahaakussa atthwaale aarweehaka npaani mwa Jose.¹⁸Atthwaale yaanawoova mwaha wookela npaani mw Jose. Ayenatja yaahiiratja: Nlattu wonssurukhu ohokolossiye nmirinttiniwihu nkwaha woopatjera naawaaniyeehu, kontha nolpwanooyo npheelatja maniphwanhero. Yena naahala onitthukela phanka epotthatjawe, nookussa enamatjihu. ¹⁹Ayenatja yaahomwaattamenla nkhulupale onupa ya Jose, ni yaahomwiirelatja wankhora wonupa, ²⁰yiiraka: Ninaalitjera owa othuma eyoolya.²¹Waphiyaleehu onikhupini, mitthukulaka mirinttitjihu, nssurukhu wakhula ntthu wahi waakhala vatjulu. Nihohokolossatho. ²²Nihowaanatho nssurukhu wiira nithume eyoolya. Khninontjuwela ntthu eessale nssurukhu nmirinttiniwihu. ²³Nkahulupale aahiira: Nrettele okhale ninhu, n'hoovatje. Nlukweenhu ni Nluku aathumwaninhu pheessale nssurukhu nmirinttiniwinhu. Kihaakhenla nssurukhweenhu. Vano, nkhulupale aahaawiihatjera Simeao.²⁴Nkhulupale ahaawaana atthwaale npaani mwa Jose. Yena aahaavahatja maatji, ni yaahorapihatja enhaatjaya. Yena aaholiha enamatjaya. ²⁵Ayenatja yaahotthonkomanihatja tjoovahatjaya wiira Jose waahalaawe owa othana, kontha yaahiiwatja wiira an'haala olyatja nkhayi.²⁶Jose wawaalyaawe, ayenatja yaahowaanatja tjoovahatjaya tjaarinaaya nmatatanimwaya ni yaahonkokhorela ohoolowawe. ²⁷Yena aahaakohatja iiraka: Athumwaninhu aniireenhu ahuuluvala, akumi? Ayena nanlelo akumi?²⁸Ayenatja yaahiiratja: Nantekweenhu, athumwanihu, akumi. Ayena nanlelo akumi. Ni yaahokokhoratja ni yaahooromatja. ²⁹Wavussalyaawe meethwaawe, aahomoona Benjamim, mwaamun'nawe, mwaana aanumwanawe, ni aahiira: Ola phimwaamun'ninhu amwaatjen'nhu? Vano, aahiira: Nluku ooreeriheni, mwaamwanaka.³⁰Jose aahaakuvatja wiira akhume npaani, kontha aari noothunku mwaha wamwaamun'nawe. Yena aahorwaa nipuro okowunla. ³¹Yena aahokhutja owiitho ni aahohokolya. Yena aahiira ekawiye eyoolya.³²Ananteko yaahonkawela Jose nphanttyaaweru, naassihimaawe nphanttyaayaru. Ni atthu owiigiipitu yaari vaavale yaaholya bphanttyaayaru, kontha atthu owiigiipitu khayaalya naatthu oweebreu. ³³Assihimaawe yookomale waaryaawe ni yookomihatjiye okhuma omuulupale npaka omwankaani, woottharenlana eyaakha. Ayenatja yaari ootikinihatjiya. ³⁴Jose aahaavahatja eyoolya yaari ohoolowawe. Massi eyoolya ya Benjamim yaari weemaara thanu ovirikana naassuulupalyaawe. Ayenatja yaahovuryatja ni yaahotthapatja ni yena.

¹Jose aahomwiirela nkhulupale ovapuwaniwawe, iiraka: Waavahatje eyoolya yintji atthwaayo, tjinhalaaya okhwitiri okussa, ni ohele nssurukhu wakhula essaakhwaaya. ²Ohele etthuvwaaka yoparatha, nssaakhonimwayan'mo, ninsurukhu wotjitthutjaya. Ni yena aahopanka phanka Jose tjaahimyalyaawe.³Owitjissu, alopwana yaahorwaa niinamatjaya. ⁴Wakhumatjalyaaya npooma, massi yaari ahinattaliviha, Jose aahomwiirela nkhulupalyaawe: Ovuwe ovire waattharaka atthwaale, ni waaphwanhavale, wiirele: Nkussenreni yooreera nuutakhali? ⁵Khinakhala etthu envurerya amwenyaaka, ni enwasseranaaya ehako? N'hopankatja yootakhala. epankaleenhwiiyo.⁶Nkhulupalyoole aahaaphwanhatja nii aahowaakuleliha moolumwaala. ⁷Ayenatja yaahomwiirelatja: Amwenyaaka ankowuulumelani moolumwaala? Anantekweenhu khanuuluma tjitthu phankan'nho.⁸Nkawehani nssurukhu ophwanhaleehu nmassaakhoniwihu, nihoohokolosseran elapo yooCanaa. Van, naakowin'yerani nntthoko naamweneenhu ewooru wala eparatha? ⁹Wayoole wanhu nkoophwanhaniya, akhwe, nihi nin'haka okhala epottha tjaamwenyaaka. ¹⁰Nkhulupale aahiira: Moolumweenhu akhale yaayo. Yoole n'hala ophwanhaniya n'hala okhala epotthaaka, akhwaawaayo khan'hala wiireetthu.¹¹Vano, khula ntthu aahohiya nrupaawe vathi, ni khula ntthu aahotthukula nrupaawe. ¹²Nkhulupalyoole antjerale okukhurya nrupa wamuulupale npaka omalihera omwankaani ni aaphwanhaniye omwankaani Benjamim. ¹³Vano, ayenatja yaahaahulatja ekuwotjaya. Khula ntthu aahokussa enamaawe ni yaahohokoleela opooma.¹⁴Juda aahorwaa naassihimaawe owanuwawe Jose. Yena iira nari woowu nanlelo, ni yaahokokhora ohoolowawe. ¹⁵Jose aahaakohatja: Npankatjaleni? Khan'notjuwela wiira ntthu phanka mi kinaaloha?¹⁶Juda aahiira: Nin'hala waahimeeryani apwiyaka? Ninkowiiratjani? Wala nin'hala opankatjani? Nluku hotjuwela tjipankalyaaya anantekweenhu. Nkaweha, nin'hala okhala epottha tjapwiyaka, okhuma hiivano nuule aaphwanhaniye etthuvo. ¹⁷Jose aahiira: N'hipanketho. Yooyo nlopwana aavaraniyooyo n'hala okhala epotthaaka, massi, akhwaawaayo, nrwee ninrettele waathumwaninhu.¹⁸Vano, Juda aahomwaattamenla ni aahomwiirela: Pwiyaaka, munviriyane nantekweenhu enpheelaawe ohimya, wowiira orusiyawinhu ohinphwanhe nantekweenhu, kontha nhu nri phanka Farao. ¹⁹Apwiyaka yaahaakoha anantekwaaya yiiraka: N;haanatja athumwaninhu wala assihimeenhu?²⁰Ni nihowaakhula wiira: Nihaana athumwanihu, owuuluvala nimwaana n'motja. Ni mwaamun'nawe hokhwa, yooyo phihanle paassi, naathumwaane ananfenta. ²¹Vano, nhu n'howiirela anantekweenhu: Nkiwiihatjre varyaaka kimoone. ²²Waviralyaaya eyo, naahimeerye afuntiihu: Mwaanooyo haahiye athumwaane, kontha athumwaane yaanaakhwa yan'hiyaka.²³Vano, mwaahowiirela anantekweenhu: Mwaamun'ninhu eehirwee ninhu, khan'noonatho ekhovyaaka. ²⁴Warwaaleehu wanantekweenhu, athumwanaka, nihaahimeerya moolumweenhu. ²⁵Athumwanihu yaahiira: Nrwaatjetho mwathumatje eyoolya. ²⁶Vano, naahiira: Khaninrwaa, Mwamun'nihu etthyaako akhala nihi, ninaarwaa, massi khanin'hala otthunihiya woona ekhove yanlopwana mwmun'nihu woohikhala nihi.²⁷Nantekweenhu, athumwanaka, ahoniirela: N'naatjuwelatja wiira amwaaraka akivahale assaana eeli. ²⁸N'motja hokitthawa, nimi kaahiira: Weekhweeli hiiviya, ni akimoonaletho. ²⁹Vano, mwankussakathoola, emwiiraneelaka etthupiitthu, kinaahala okhwa.³⁰Vano, kahokoleela wanantekweenhu, athumwanaka, woohimwaanooyo, wanamoonyaa wiira n'nepeenhu n'motja nimwaanooyo. ³¹Awavale khari niiivano, yena naahala okhwa. Anantekweenhu anaahala okhwa. ³²Nnatekweenhu nkhuluveliya nimwaana athumwanaka, yiiraka: Kaahoowaaneleni, athumwanaka phan'hala okhala nimakoossi oohimala.³³Vano, sontte, ntthunihe wiira nantekweenhu akhale nipuro namwaana phanka epottha yaamwenyaaka, ni mun'hiye mwaana arwee naassuulupalyaawe. ³⁴Vano, kin'hala orwaa tjani waathumwanaka mwaanooyo woohikhala nimiivano? Kinamoova yootakhala yaahala waakhumenla athumwanaka.

¹Vano, Jose khaakhwitiri wiikhikitjera ohoolo waananteko yarinaawe. Ni aahuulumatja nintjuu nuulupale: Ooteenetjinhu, nkiiwatje. Khaavo nanteko hata n'motja aari niyena, owakathi Jose waaryaawe naasun'nawe. ²Yena aahunla tjinene, atthu owiigiipitu yaahiiwa naatthu ooteene yaakhala waFarao yaahiiwa. ³Jose aahowiirela assihimaawe: Mi kiJose. Athumwanaka nanlelo akumi? Assihimaawe khaakhwitirale omwaakhula kontha yaanaamoovatja.⁴Vano, Jose aahowiirela assihimaawe: Sontte nkaattamenlatje. Vano, ayenatja yaahomwaattamenla. Yena aahiira: Mi kiJose, muulupaleenhu, yooyo ntumihaleenhu elapo yowiigiipitu. ⁵Ohooriipeni nrima, wala n'hitjukulatje mwaha wookitumiha, kontha waari ossunkawinhu ekumitjinhu Nluku hokiveleeliha ohoolowinhu. ⁶Eyaakha piili, enaahala okhala etala elapweela ni tjinaahala ovira eyaakha thanu woohilimiya wala ohephiya.⁷Nluku hokiruma wiira kiwehawehe malokweenhu nlaponi noowehaweha ekumitjinhu nootaphuwatja ventji. ⁸Vano, khan'nakhala tinhu nkiwiihale, massi Nluku; ni yena naakikhalihaka athumwaane Farao, n'hooleli onupaawe yooteene ninkhulupale olapo yooteene yowiigiipitu.⁹Mwaakuvatjenre waathumwanaka ni mwawiirele: Mwaamwaninhu Jose niiratjo: Nluku holikhaliha nkhulupale owiigiipitu. N'waatje waryaaka n'hirupatje. ¹⁰N'nohala okhalatja elapo yooGosen ni n'nohala okhala nimi, nhu naasaaneenhu naassaana aasaaneenhu ni tjitthu tjooteene tjirineenhu. ¹¹Kinaahala woolihatjani, wiira n'hihuvatje, nhu, nupeenhu nitjitthu tjooteene tjirineenhu, kontha tjinaahala ovira eyaakha thanu tjotala.¹²Nkawehani, meethweenhu an'noona, ni meetho amwaamun'nenhu Benjamim, ari phamalakwaaka anuuluma ninhu. ¹³N'naahala waatjuweliha athumwanaka watjitthu tjooteene tjoonaleenhu. Mwaakuve waawaana athumwanaka.¹⁴Yena aahaataana nimwaamun'nawe Benjamim ni ooyeeli yaahunlatja oovarelana. ¹⁵Yena aahaavaha etjwaatjwaa assihimaawe ooteene, unlaka. Waviralyaaya eyo, assihimaawe yaahohala niyena.¹⁶Nlamulon'no naakumiheriye owanuwawe Farao: Assihimaawe Jose yaahophiyatja. Yeeyo yaahontjivela Farao naanantekwaawe. ¹⁷Farao aahomwiirela Jose: Waahimeerye assihimaa: Akussatje enamatjaya arwee elapo yooCanaa. ¹⁸Mwaarweele athumwaninhu naassimutjiinhu ni n'waatje waryaaka. Kinaahala woovahani elapo yooreera nin'naahala olya tjoreera tjovathi.¹⁹Mwiirelatjetho, akusse mikukuttha tjolapo yowiigiipitu tjaassaaneenhu naasaarinhu. Mwaahaane athumwaninhu. ²⁰N'hikutakuthyee mwaha wotjitthutjinhu, kontha elapo yooteene yowiigiipitu en'hala okhala yawinhu.²¹Asaana aIsrael yaahopanka tjitjon'mo. Jose aahaavahatja mikukuttha, phanka Farao tjaahimyalyaawe, ni aahaavahatja tjitthu tjokwahaaya. ²²Ooteenetjaya aahaavahatja ekuwo, massi Benjamim aahaavahatja emiya tthaaru tjoparatha niikuwo. ²³Athumwaane aavahale: Ekavalo khuumi tjoopakhira tjitthu tjooreera tjowiigiipitu; ekavalo khuumi tjoopakhira etthaka, ephaawu nitjitthu tjikhwaawe tjokwaha tjaathumwaane.²⁴Vano, yena aahaaveleeliha assihimaawe ni yaahorwaatja. Ni aahowiirelatja: N'hithukatje ninttala. ²⁵Yaahokhumatja wiigiipitu ni yaahorwaatja elapo yooCanaa, elapo yaathumwanawe Jaco. ²⁶Ayenatja yaahomwiirelatja Jaco: Jose nanlelo nkumi, ni yena phin'hooleli olapo yowiigiipitu. Ni nrimaawe waahokhala ootuthuwa, kontha yena khaahala waamini yaahimiya.²⁷Yaahohimeeriya tjitthu tjooteene Jose tjaahimyalyaawe. Jaco wawehalyaawe mikukuttha tjaaveleelihiye ni Jose wiira akusse, n'nepa waathumwanawe waahotteeiya. ²⁸Ni Israel aahiira: Wahophiyera. Mwaamwanaka Jose nanlelo nkumi. Kinaahala okoomoona kihinakhwa.

¹Israel aahokhuma ni tjitthu tjooteene tjaarinaawe ni aahorwaa oBerseba. Waphiyalyaawe aahovaha okuttho waNluku waathumwanawe Isaque. ²Nluku aahuuluma ni Israel nttorani ohiyu, iiraka: Jaco, Jaco. ³Yena aahaakhula: Kiriiva. Nluku aahiira: MikiNluku, Nluku aathumwanaa. Ohoove orwaa wiigiipitu, kontha kinaahala wookhaliha nikhoto nuulupale. ⁴Nin'hala okhala nkhayi, ni weekhweeli kinaahala woohokolossa. Ni Jose naahala otthuka meethwaa nimatataawe.⁵Vano, Jaco aahokhuma oBerseba; ni asaana aIsrael yaahonkussa Jaco athumwanaya, asaanaaya naasaaraya, nmikukuttani Farao tjaarumihalyaawe wiira akussiye. ⁶Ayenatja yaahokussatja enamatjaya nitjitthutjaya tjaathukumanihalyaaya elapo yooCanaa. Jaco naassimutjaawe yaahowa wiigiipitu. ⁷Aahaakussa asaanaawe naasaana aasaanaawe naasimutjaawe ooteene.⁸Ala phamatjina aasaana aIsrael yaarwaale wiigiipitu: Jaco naasaanaawe: Ruben, mwaana owantjeriya ni Jaco, ⁹asaana aRuben: Hanoque, Palu, Hezrom ni Carmil. ¹⁰Asaana aSimeao: Jemuel, Jamim, Oade, Jaquim, Zoar ni Saul, mwaana anthiyana aakhala oCanaa. ¹¹Asaana aLevi: Gerson Coate ni Merari.¹²Ni asaana aJuda: Er, Ona, Sela, Perez ni Zera, vano Er ni Ona yaakhwale elapo yooCanaa. Asaana aPirez yaari Hezrom ni Hamul; ¹³Asaana aIssacar: Tola, Puva, Lobe ni Sinrom. ¹⁴Asaana aZebulom: Serede, Elom ni Jaleel. ¹⁵Ala asaana aLeia yaayaran'nyaawe Jaco oPada-Ara, on'hiya mwaamwanawe Dina. Asaanaawe ooteene yaari talaathiini.¹⁶Asaana aGade: Zifiom, Hagui, Suni, Ezbom, Eri, Arodi ni Areli. ¹⁷Ni asaana aAser: Imna, Isva, Isvi niBeria, ni Sera, mwanrokoratjaya; ni asaana aBeria: Heber ni Malqiel. ¹⁸Ala phaasaana aZilpa, Labao an'yaranalyaawe Leia; ni yaala aayarale ni Jaco, ooteene yaari khuumi nasita.¹⁹Asaana aRaquel, amwaara Jaco: Jose ni Benjamim. ²⁰Ni yaahon'yaratja Jose, elapo yowiigiipitu: Manasses ni Efraim, yaayo yaayaralyaawe ni Asenate, mwaana Potifera nankuttho oOm. ²¹Asaana aBenjamim: Bela, Bequer, Asbel, Gera, Naama, Ei, Ros, Mupim ni Arde. ²²Ala phaasaana aRaquel, yaayaralyaawe ni Jaco, ooteene yaari khuumi natjesse.²³Mwaana aDa: Husim. ²⁴Asaana aNaftali: Jazeel, Guni, Jezer ni Silem. ²⁵Ala phaasaana aBila, Labao yaavahalyaawe mwaamwanawe Raquel; ni yena yanvahale Jaco, ooteene yaari saapa.²⁶Atthu ooteene yaarwaale ni Jaco wiigiipitu, yaari assimutjaawe, woohiwaalikela asaara aasaanaawe, ooteene, yaari atthu suthwiini nasita. ²⁷Asaana aJose yaayareliye wiigiipitu yaari eeli. Atthu ooteene yaakhala waJaco yaarwaale wiigiipitu yaari sapiini.²⁸Jaco aahonveleeliha Juda ohoolo wonthukumano waJose, wowiira yoola akusse nttala wooGosen; ni yaahophiya elapo yooGosen. ²⁹Jose aahotthonkomaniha nkukutthaawe arwaaka omoonan'na Israel, athumwaane, oGosen. Yena aahowoona, aahaakapatta ni aahunla owakathi mwintji. ³⁰Israel aahomwiirela Jose: Vano ohophiya owakathyaaka wookhwa, kontha kihoona ekhovyaa, nanlelo ohaavo.³¹Jose aahowiirela assihimaawe niitthoko yaathumwaane: Kinaahala orwaa ni wuulumatja waFarao kiiraka: Assihimaaka nitthoko yaathumwanaka, yaari elapo yooCanaa, ahokiphwanha. ³²Alopwana ahakheli, kontha ayenatja anaakhalenla enama. Ni yaahowaana enamatjaya, nitjitthu tjooteene tjaarinaaya.³³Vano, Farao awiihanani ni ookohani: N'novara rittani? ³⁴Mwaakhuleke: Anantekweenhu yaari ahakheli ekhumelo yeenamwane npaka n'nava, hiivano nan'nathumwanihu. Mwapanke yeeyo, vano, n'nohala okhala elapo yooGosen, kontha n'hakheli ooteene onama oophwanela owiigiipitu.

¹Jose aahokhuma okonttonkela Farao: Athumwanaka naassihimaaka, enamatjaya nitjitthu tjooteene tjirinaaya tjihophiya elapo yooCanaa; vano n'natjo elapo yooGosen. ²Yena aahathanla assihimaae athanu ni aahaarweeha wa Farao.³Farao aahowiirela assihimaawe Jose: Nrinatja nrittani? Ayenatja yaahaakhulatja: Anantekweenhu ahakheli opwittipwitthi, phanka atthweehu okhalayi. ⁴Vano, ayenatja yaahiiratja: Niwaale wiira nikhale moomu, kontha elapo yooCanaa etaleeyo yuulupale ni khaavo mapuro oopheela oliha enama tjaanantekweenhu. Vano, n'natjo, sontte, waahiye anantekweenhu akhale elapo yooGosen.⁵Vano, Frao aahomwiirela Jose: Athumwanaa naassihimaa ahooweelatja. ⁶Elapo yowiigiipitu eriniwe. Wowiira athumwanaa naassihimaa akhale elapo yomaana, elapo yooGosen. Wantjuwela ntthu oophwanela waayenatja omwiirele ahoolele enamatjaka⁷Vano, Jose aahaawaana athumwaane waathoonha waFarao. Jaco aahonreeriha Farao. ⁸Farao aahonwiirela Jaco; Orina eyaakha kavi? ⁹Jaco aahomwaakhula: Eyaakha tjeettalyaaka nlaponi tjiri emiya wotalaathiini. Eyaakha tjeekumyaaka tjiri vakaani. Khatjittalinve phanka atthu okhalayi. ¹⁰Ni Jaco aahonreeriha Farao ni aahokhuma waaryaawe.¹¹Jose aahaakhikitjera athuwaane naassihikaawe. Yena aahaavahatja mapuro elapo yowiigiipitu, yooreeressa yeelapweeyo, elapo yoRemesses, phanka Farao tjaahimyalyaawe. ¹²Jose aahokuha eyoolya aavahaka athuwaane naassihimaawe niinupa ooteene yaathumwaane, phanka asaanaawe tjaaryaaya.¹³Elapweele yooteene khayarivo eyoolya, kontha etala yaari yuulupale. Elapo yowiigiipitu ni oCanaa yaahotteetthyaa mwaha wotala. ¹⁴Jose aahokhupa nssurukhu wooteene waari elapo yooCanaa ni wiigiipitu, atumihaka tjitthu tjaarivo, vano Jose aahokussa nssurukhu arweehaka waFrao.¹⁵Wamalalyaaya nssurukhu wolapo tjoopiili, atthu ooteene owiigiipiu yaahowa waJose yiiraka: Onivahe eyoolya! Naahala okhwa ohoolowa kontha khaninanssurukhu? ¹⁶Jose aahowaakhulatja: Wakhala wiira nssurukhweenhu ohomala, n'waane enamatjinhu mwaakakhaniheke niiyoolya. ¹⁷Vano, ayenatja yaahowaana enamatjaya waJose. Jose aahaavahatja eyoolya aakakhanihaka niwakhula enan'na yonama. Aahaalihatja mwaakhoole wooteene.¹⁸Wamalalyaaya mwaakhoole, yaahowaatja waJose, mwaakha nkhwaawe, yiiraka: Khanin'hala waavitha aPwiyeehu wiira nssurukhweehu ohomala, ni aPwiya an'nowiiha enamatjihu. Khiivo ehanle owiitho waaPwiya, woohikhala erutthutjihu niilapotjihu. ¹⁹Naahala okhwela essiyani, hi niilapotjihu wameethoniwinhu? Okusse elapotjihu vowaakakhaniha niiyoolya ni nin'hala okhala ananteko aFarao. Onivahe epyoo wiira nikhale ni nihikhwe ni elapo ehaakulele otteetthyaa.²⁰Tjitjon'mo, Jose aahokussa elapo yooteene yowiigiipitu wiira anvahe Farao. Khula ntthu aahotumiha mathalaawe, kontha etala yaari yuulupale. Weenan'na yeeyo, elapo yaahokhala yaFarao. ²¹Ni atthwaale yaahokhala epottha. ²²Mathala yahathumalyaawe aanankuttho, kontha anankuttho yaavahiya mathala oyoolya. Ayenatja yaalya nmathalani yaavahiyaaya ni Farao. Phimaana, khaatumihale mathalaaya.²³Jose ahowiirela atthu: Nkawehani, kihoothumani ni kihonthumea Farao elaptjinhu. Vano kinawoovahatjani epyoo mwaaleke. ²⁴Owakathi woohepha nphantte woneethanu n'nohala on'vaha Farao ninphantte woneetjesse phin'hala okhala yawinhu, yoopheela waala ni waaliha assimutjiinhu naassaaneenhu.²⁵Ayenatja yaahaakhula: Nhu n'hoopola ekumitjihu. Nihophwanha mahala wameethoniwinhu. Nin'hala okhala epottha tja Frao. ²⁶Vano, Jose aahopanka nlamulo elapo yowiigiipitu nihimanle npaka nihuku nolelo: Nphantte woneethanu waFarao. Mathala aanankuttho phahikhanle aFarao.²⁷Tjitjon'mo Israel aahokhala elapo yowiigiipitu, oGosen. Atthu yaahophwanha mapuro. Ayenatja yaahoruweryatja ni yaahoyaranatja ventji. ²⁸Jaco aahokhala elapo yoowiigiipitu eyaakha khuumi nasaapa, vano, eyaakha tjeekumi tja Jaco tjaari emiya waarupayini nasaapa.²⁹Waattamenlalyaa mahuku oopheela okhwa Israel, aahomwiihana mwaamwanawe Jose ni aahomwiirela: Wakhala wiira kinawoophwanhera mahala, okikhuluvelihe nroromelo. Sontte ohikissikhe wiigiipitu. ³⁰Kakhwavale naassithumwanaka, okirweehe nipuro nkhwaawe ni okissikhe nan'nathumwanaka. Jose aahowaakhula: Kinaahala opanka phanka tjihimyaleenhu. ³¹Israel aahiira: Olaphe, ni Jose aaholapha. Vano, Jose aahooromela wiimuru nkoryaawe.

¹Waviralyaaya tjitthun'nha, aahowa ntthu ni aahomwiirela Jose: Athumwanaa anaaweren'nha. Vano, yena aahaakussa asaanaawe eeli, Manasses ni Efraim. ²Wahimeeriyaawe Jaco wiira howa mwaamwanaa npheela owoona, Israel aahiilipiha ni aahookoma wakorihi.³Jaco aahomwiirela Jose: Nluku oowerya tjooteene aahokikhumenla opooma yowaarya, elapo yooCanaa. Yena aahokireeriha ⁴ni aahokiirela: Kinaahala owoolweeha noowintjiviha. Kinaahala wookhaliha atthu entji ni kinaahala woovaha maloko oohimala.⁵Vano asaana ooyeeli, ayariye wiigiipitu kihinaaya woophwanha, ayenatja awaka. Efraim ni Manasses an'hala okhala awaka tjitjon'mo phanka Ruben ni Simeao. ⁶Assaana an'hala waayara waahiya ayo an'hala okhala awaa; ni mwantjina waasun'naa anaahala waakhela yoohalana. ⁷Kontha wawaalyaaka oPada, otjukulatjawaka, Raquel khwale ninttala elapo yooCanaa, wahaleelaaya vakaani opheela ophiya oEfrata. Kaahonssikha ninttala wooEfrata, oBelem.⁸Israel waawehalyaawe asaana aJose: Aahokoha phan'napanyaala? ⁹Jose aahaakhula: Asaanaaka, Nluku akivahalyaawe. Israel aahomwiirela: Okiwiihere kaareerihe. ¹⁰Meetho aIsrael khayoonatho mwaha wowuuluvala, phimaana khaawehatja. Jose aahaarweeha asaana npaka waryaawe, aahaasalaamiha.¹¹Israel aahomwiirela Jose: Akaawehenra wiira kaanaawoonatho, massi Nluku hokitthuniha wiira kiwoone asaanaa. ¹²Jose aahaakumiha ottuliwawe Israel, vano, aahokokhora. ¹³Jose aahaakussa ooyeeli, Efraim moonuwaawe nlopwana arwaaka moono nthiyana wa Israel, ni Manasses moonuwaawe nthiyana arwaaka moono nlopwana wa Israel, ni aahaawiihatjera vaaryaawe.¹⁴Israel aahomweessenra ntatanawe nolopwana vamuru wa Efraim, omuulupale, ni ntatanawe neethiyana aahomweessenra Manasses, phaakumaanihaawe matataayo, kontha Manasses aari owantjeriya. ¹⁵Israel aahonreeriha Jose, iiraka: Nluku yoole nkhala nan'nathumwanaka Abraao ni Isaque, Nluku nkikhavihera npaka nihuku olelo, ¹⁶nlaikha ninkikhavihera tjowoopiha tjooteene, mwaareerihe assilopwanaala. Ni ntjinanaka nitjuwanye, nintjina nan'nathumwanaka, Abraao ni Isaque. Ni yintjivihanatje nlaponi.¹⁷Jose wawehalyaawe moon nlopwana waathumwaane vamuru wa Efraim, khawantjivenle. Vano, yena aahokumiha ntata naathumwaane ni aahokumiha vamuru wa Efraim arweehaka wa Manasses. ¹⁸Jose aahowiirela athumwaane: Tjon'mo mena, paapa, kontha yena muulupale. Nmweesenr ntataninhu vamuruwawe.¹⁹Athumwanawe yaahokhotta ni yaahiira: Kinaatjuwela, mwaamwanaka. Ni yena n'hala okhala ntthu, ni yena n'hala okhala muulupale. Massi mwaamun'na n'hala okhala muulupale wonvikana yena, ni nlokonawe nin'hala okhala naatthu entji onlaponi. ²⁰Israel aahaareeriha nihukun'ne naala moolumwaala: Atthu aIsrael an'hala oreerihiya nimatjineenhu, yiiraka: Nluku ookhaliheni phanka Efraim ni Manasses. Weenan'na yeeyo, Israel aahomweessa Efraim ohoolo wa Manasses.²¹Israel aahomwiirela Jose: Kinaakhwa phiyaaru, kontha Nluku naahala okhala nimi, ni Yena nawoohokolossesra elapo yan'nathumwana. ²²Phanka ntthu ookhala vatjulu waassihimaa, kinawoovaha mwaako okussalyaaka wan'naamorreu okhottoni.

¹Vano, Jaco aahowiihana asaanaawe ni aahowiirela: Nthukumanatje, koohimeeryatjeni enkowiinya ohoolo. ²Nthukumanatje ni nkiviriyanatje, assaana aJaco. Munviriyanatje Israel, athumwaninhu.³Ruben, omwaamwanaka owantjeriya, oophwanela ni okuru. ⁴Oohiiwehaweha phanka eluuka tjoohitjuwanyaa, khun'hala okhalatho owantjeriya, kontha onoowela wakorini waathumwanaa. Tjitjon'mo ohotakhaliha; onowela ekoryaaka.⁵Simeao ni Levi ntthu ni mwamun'nawe. Ekatanatjaya tjowoopiha. ⁶Nrimaaka ohikele mwatjoohimyatjaa. Akin'hala okhala nmithukumanoniwinhu, kontha nrimaaka ohomaalelyaa mwaha woyeeyo. Kontha ahowiivatja atthu. Yaahothikilatja metto tjomope.⁷Orussiyawaa okhale wootakhalihiya, kontha waari woolipa, ni orussiyawaa waari woolipa. Kinaahala waakawaniha wa Jaco ni waamwaressela wa Israel.⁸Juda, assun'naa anaahala woovuwiha. Ntatanaa nin'hala okhala naawananyaa. Assaana aathumwanaa anaahala wookokhorela.⁹Juda ntthu owoopiha. Ohokhwitiri tjoopankalyaawe, mwaamwanaka. Nooromale, aahokhala phanka kharamu. Tupani aahala onwehaweha?¹⁰Nopo khun'hala okhuma oJuda, wala oweryawawe khunkhumatho n'nhaaniwawe, npaka wan'waawe Silo. Atthu anaahala owiiwelela.¹¹Weeraawe atthukaka enamaawe nmattani yaathanliye, yena naahala okussa ekuwotjawe ninlayanawe nmaatjini mouuva. ¹²Meethwaawe an'hala okhala ooriipa nimeenuwaawe ootteela phanka eleeti.¹³Zebulom n'hala okhala nphantte nkhwaawe. Yena n'hala okhala nipuro noweemela anaviyu ni tjoovaratjawe tjin'hala okhala npaka oSidom.¹⁴Issacar ntthu oolipa, aariheliye wantjitjini wopwittipwitthi. ¹⁵Yena nahoona nipuro noomumula niilapo yontjivela. Naahala ovaha makhataawe i nawiivahenra nmitekoni.¹⁶Da naahala waalamula atthwaawe nloko nimotja nimotja naIsrael. ¹⁷Da n'hala okhala phanka enuaa nkurukuru niiparapaara, enuaa enluma ekotjokotjo yokavalo, ni tjitjon'mo enanvulussa nameettiha ekavalweeyo. ¹⁸Kinanriiha okoopolawinhu, aPwiya.¹⁹Gade, naahala okhumenliya naanakavalo, massi yena n'hala waaluma ekotjokotjotjaya. ²⁰Eyoolya ya Aser en'hala okhala yintji, ni naahala oruwerya ventji. ²¹Naftali ntthu ootaphwuwatja ni naahala pkhalana asaana ooreera.²²Jose nri wowiima mihokorokho, waattaman'na nro, tjuunuwaka woottharan'na. ²³Naahala okhumenliya naanamattheere.²⁴Nrekonawe ninaahala okhala noolipa nimatataawe anaahala okhala ooreera mwaha womatata okuru aJaco ni mwaha wontjina nan'hakheli, mwala waIsrael.²⁵Nluku aathumwanaa naahala wookhavihera ni Nluku oowerya tjooteene naahala wooreeriha ni tjooreerihiya tjowiirimu, tjooreerihiya tjowinssera tjinkhala vathi ni ooreeriha nmirimani.²⁶Tjooreerihiya tjaathumwanaa tjin'hala okhala tjuulupale ovirikana tjooreerihiya tjomwaako tjokhalayi wala tjitthu tjoopheelessiya tjoohimala. Ayenatja an'hala okhalatja omuruni wa Jose, tjooreerihiya tjinkhala wiimuru wayoole aari nkhulupale aassihimaawe.²⁷Benjamim mwalapwa muulupale. Owitjissu, n'hala okhuura, ni ohiyu, n'hala okawaniha tjookussatjawe.²⁸Ala phamaloko khuuminameeli aIsrael. Phaahimeeryatjiyaaya naathumwanaya owakathi waareerihatjalyaawe. Khula ntthu aareerihiye niinan'naawe. ²⁹Vano, yena aahowiirelatja: Nmaphiyaaruni, kinaarwaa waatthwaaka. Nkissikhe naamutjaaka munlikittini niri ematta yoEfrom, ³⁰nikhuku niri oMacpela, waattamenla oManre, elapo yooCanaa, nipuro nithualyaawe Abraao naEfrom, wiira ossikhaniye.³¹Vaavale, aahossikhiya Abraao ni Sara, amwaarawe; vaavale, ayenatja yaahonssikha Isaque ni Rebeca, amwaarawe; ni vaavale kaahossikha Lia. ³²Nipuro ninlikitti naaryaaya naathumiye naatthu oHete. ³³Jaco wamalihalyaawe waahimeeryatja assaanaawe, aahokumiha enhaatjawe vakorini ni aahiittha ephumu tjookhitjera ni aahorwaa waassimutjaawe.

¹Vano, Jose aahorwaa owiitho waathumwaane, unlaka ni aahaavaha etjwaatjwa. ²Jose aahowiirela anantekwaawe wiira assikhiye athumwaane. Vano, atjuwelatji yaahonssikha Israel. ³Ayenatja yaahovira mahuku arupayini, kontha phamahuku oomalela woossikha. Meegiipitu yaahomunlela mahuku sapiini.⁴Waviralyaaya mahuku owunliya, Jose aahowiirela akhulupale aFarao, iiraka: Wakhala wiira kihaana mahala nmeethoniwinhu, sontte, mun'himeerye Farao: ⁵Athumwanaka ahokilaphiha, yiiraka: Kihanle okhwa. Kissikhiye ekhapure ethipalyaaka elapo yooCanaa. Kassikhiye won'wo. Vano, nkihiye kaassikhe athumwanaka, vano kihokolyeeke. ⁶Farao aahaakhula: Orweeke waassikheke athumwana, phanka tjoolaphihalyaaya.⁷Jose aahorwaa waassikha athumwaane. Yena aahorwaa naakhulupale aFarao ooteene, atthu ooteene ovapuwaniwawe, naahooleli olapo oweegiipitu. ⁸Naatthu ooteene aJose naassun'nawe, niinupa yaathumwaane. Massi ayenatja yaahaahiya asaanaaya, mihuwo niinamatjaya, niinama tjolapo yoGosen. ⁹Yaahorwaa niicaarotjaya, naatthu entji.¹⁰Waphiyatjalyaaya wa Atade, nphantte womuro Jordao, ayenatja yaahotjukulatja ventji niwunla. Jose aahovira mahuku saapa awunlelaka athumwaane. ¹¹Owakathi wooniyaawe naatthu wiira aanawunla wa Atade, ayenatja yaahiiratja: Ola owakathi wootjukulatja waatthu owiigiipitu. Weenan'na yeeyo nipuron'ne niihaniye Abel-Mizraim waattaman'na Jordao.¹²Vano, asaana aJaco yaahopanka phanka tjaahimeeriyaawe. ¹³Yaahonteessatja npaka elapo yooCanaa ni aahossikhiya n'nikhukuni, oMacpela, waattamenla oManre. Abraao aanoothuma nikhuku noopheela ossikhaniya. Anthuman'nale Efrom. ¹⁴Wamanlyaawe waassikha athumwanawe, Jose aahohokoleela wiigiipitu, vamotja naassihimaawe, ni yaale ooteene yaan'veleelale wuussikhani waathumwaane.¹⁵Assihimaawe Jose woonalyaaya wiira athumwaane ahokhwa, yaahiiratja: Wakhala wiira Jose haana nruukwa mwaha wayootakhala emootheryaleehu? ¹⁶Vano, ayenatja yaahovahenra hikhanta waJose, yiiraka: Athumwana ahinakhwa yaahonihimeerya etthu, yiiraka: ¹⁷Mwan'himeerye Jose: Sontte, waalevenle assihimaa ni yootakhala tjoopankalyaaya. Vano, waalevenle ananteko aNluku aathumwanaa. Jose aahunla owakathi woonalyaawenikhantan'ne.¹⁸Assihimaawe yaahokokhora ohoolowawe ni yaahiira: Hi naanantekweenhu. ¹⁹Ni Jose aahowaakhulatja: N'hoovatje. N'nava kiri nipuro naNluku? ²⁰Ekhweeli n'nakilupatthatja, massi Nluku hoonela okhala yooreera, wiira akhalihe saana ekumi tjaatthu entji, phanka tjinooneenhu olelo. ²¹Vano, n'hoovatje. Kinaahala woothoonherani naassaaneenhu. Yena aahaalipihera wanrimani.²²Jose aahokhala wiigiipitu naamutji aathumwaane. Yena aahokhala eyaakha emiya wokhuumi. ²³Joe aahowoona asaana aEfraim npaka nikhoto noneeraru. Yena tootho aahowoona asaana aMaquir, mwaana aManasses. Ayenatja yaahoyaratja wa Jose.²⁴Jose aahowiirela assun'nawe: Kihanle okhwa, massi Nluku naahala wooweelani ni naahala woowelihani elapo yanluphelihalyaawe Abraao, Isaque ni Jaco. ²⁵Vano, Jose ahaalaphiha atthu owiisrael, yiiraka: Nluku naahala owootolani. Owakathi yooyo n'naahala oteessa makhuvaaka. ²⁶Vano, Jose aakhwale niiyakha emiya wokhuumi. Vano, ayenatja yaahonssikhatja wiigiipitu.

¹Ala phamatjina aassaana aIsrael yaawaale elapo yowiigiipitu ni Jaco, khula ntthu niitthokwaawe: ²Ruben, Simeao, Levi ni Juda, ³Issacar, Zebulon ni Benjamim, ⁴Da, Naftali, Gade ni Aser. ⁵Nloko naJaco nooteene yaari sapiini. Jose aari wiigiipitu.⁶Vano Jose, assihimaawe ooteene ni nikhoto nooteene yaahokhwa. ⁷Atthu owiisrael yaari atthu ooyarana ventji ni yaari atthu oolipa; elapweeyo yaatjanre phaayena.⁸Vano, mwene onaanaano aahovuwa wiigiipitu, yooyo ahaatafiti muupuwelelo wa Jose. ⁹Yena aahowiirela atthu: Mwaawehe atthu owiisrael; aritji entji ni oolipatja woovirikana nihi. ¹⁰Nkawehatjani. Nikhale naayenatja. Weehikhale tjon'mo, anaahala wintjenrihanatja ni, yakhumenla ekhotto, anaahala otakaneela naawananiihu, an'hala owana nihi, ni anaahala ohiya elapo.¹¹Vano, ayenatja yaahaahelatja atthu yaavarihatja miteko tjuulupale. Atthu owiisrael yaateka epooma ni mapuro oweessatja tjitthu tja Farao: Pitom ni Remesses. ¹²Vano, atthu owiigiipitu weeraaya yaavarihaka miteko atthu owiisrael phaatepaaya wintjivihana ni yaanaavavarya. Vano, atthu owiigiipitu yaahantjera owoova atthu owiisrael.¹³Atthu owiigiipitu yaahaavariha nteko muulupale atthu owiisrael. ¹⁴Ayenatja makhalelwaaya yaahaawaawela, nimiteko tjuulupale wowuupa epulooku nuuloko, ni wakhula enan'na tjmiteko tjon'mattani.¹⁵Woottharenlana, mwene owiigiipitu aahowiirelatja atthu yaayariha omahebreu; ntjinanaya amotjaayo yiihaniya Sifra, akhwaawaayo yiihaniya Pua. ¹⁶Yena aahiira: Athiyanaayo mwaakhalihera wuuyarani, mwaaweheehe. Akhala nlopwana, n'mwiive; akhala nthiyana mun'hiye. ¹⁷Vano anamayarihaale yaanomoova Nluku ni khaapankale phanka tjaahimyalyaawe mwene owiigiipitu. Ohiyavaa, yaahaahiya assilopwana akhalaka.¹⁸Mwene owiigiipitu aahowiihanatja anamayariha ni aahowiirelatja: Essiyani waahiyaka aasilopwana akhalaka? ¹⁹Anamayariha yaahomwaakhula Farao: Athiyana ohebreu khaari phanka athiyana owiigiipitu; ayenatja anaayaratja namayariha hinaaya waaphwanhatja.²⁰Nluku aahaakhavihera anamayarihaale. Atthu yaahuunuwatja entji ni yaaholipatja tjinene. ²¹Mwaha wowoova waanamayariha, Nluku aahovaha omutji. ²²Farao aahowiirela atthwaawe ooteene: Mwaarihele n'maatjini assilopwana ooteene an'hala oyariya, massi assithiyana mwaahiye akhale.

¹Nlopwana n'motja onihimo naLevi aahonthela nthiyana n'motja onloko naLevi. ²Athiyanaale yaahorupala ni yaahonýara mwaana nlopwana. Athiyanaale woonalyaaya wiira aari nlopwana oophwanela, ayena yaahonvitha myeeri miraru.³Massi, wahipheelalyaayatho onvitha, yaahon'hela ntthuttuni. Ni yaahomweessa nmaatjini yaavira. ⁴Mwaamun'naya aahokhala nttayinttayi wiira awehe enkoomwiiraneela.⁵Mwaana aFrao aahorwa omuro wiira arape, anantekwaawe wiiraaya arwaaka nmaatjini. Yena aahoona etthuttu ni aahonruma nantekwaawe wwira akusse. ⁶Watthukulalyaawe, aahomoona mwaana. Ohoolowaya mwaana iira unlaka. Yena nrimaawe aari nimwaanoole ni aahiira: Olamwaanoola anthiyana ohebreu.⁷Vano, mwanrokorawe mwaanoole aahomwiirela mwaana aFarao: Kinrweeleke nthiyana oopheela wookhaliherani mwaanoola? ⁸Mwaana aFarao aahaakhula: Orweeke. Vano, mwanthiyanoole aahorwaa ni aahaawaana anumwaane mwaanoole.⁹Mwaana aFarao aahowiirela anumwaane mwaanoole: Munkusse mwaanoola nkuunuwihere; kinaahala woolivani. Vano, athiyanaale yaahonkussa ni yaahomwaamwiha. ¹⁰Mwaanoole wuunuwalyaawe, ayena yaahonwiihera mwaana aFarao ni mwaanoole aahokhala awawe. Ayena yaahonvaha ntjina naMoises, yiraka: Kontha kinkumihale nmaatjini.¹¹Moises wuunuwalyaawe, yena aahorwaa waaweha atthwaawe ni aahoona miteko tjuulupale tjaavarihiyaaya. Nihuku nimotja, aahomoona ntthu owiigiipitu amwaattaka n'heperi, ntthu onssovwaawe. ¹²Yena aahoweha nphantte ni nphantte ni, woonalyaawe wiira khaavo aarivo, aahomwiiva nlopwanoole ni aahonvitha vanpuussuni.¹³Aahohokolya nihuku nikhwaawe ni aahowoona aheperi eeli yaattakanaka. Yena aahomwiirela yoole aakolokotjale ekhotto: On'mwaattelani nkhwooyo? ¹⁴Massi nlopwanoole aahomwaakhula: Tupani ookhalihale nkhulupale wala nphuki wahi? Onpheela okiiva phanka tjimwiivalyaa olevale? Vano, Moises aahoova ni aahuupuwela: Kipankaleni, weekhweeli aatjuweliya naakhwaawe.¹⁵Farao wiiwalyaawe moolumwaala, aahopheela omwiiva Mises. Massi Moises aahotthawa okowiipitha elapo yoMidia. Wookmalyaawe waattamenla emuro. ¹⁶N'hakheli ooMidia aahaana assaana assithiyana saapa. Yaahowaatja orika maatji, ni yaahotjaliha wiira tjiwurye enama tjaathumwaane. ¹⁷Ahakheli yaahowa wiira yaakumihatje assithiyanaale, massi Moises aahowaakihatja. Vano, aahowuriha enamatjaya.¹⁸Assithiyanaale warwaatjalyaaya waReuel, athumwanaya, yena aahaakohatja: N'hokolyaatjeraleni wowaakuvyaatja? ¹⁹Ayenatja yaahaakhulatja: Nlopwana n'motja noonaakiha. Yooyo honivaha maatji niinamatjihu. ²⁰Yena aahaakoha assaanaawe: Yena rivai? Mun'hiyatjenreni? N'mwiihane nilye nkhayi.²¹Moises aahaamini okhala ninlopwanoole, ni aahonvaha mwaamwanawe Zipora wiira anthele. ²²Ayena yaahonýara mwaana, ni Moises aahonvaha ntjina naGerson, iiraka: Kinkhala elapo yoottayi.²³Onavirale owakathi mwintji, mwene owiigiipitu aahokhwa. Atthu owiisrael yaahothamala mwaha wonteko weepottha. Ayenatja yaahokhuwelatja, ni okhuwelawaya waahophiya waNluku mwaha wokiriritjaya. ²⁴Nluku wiiwalyaawe okhuwelawaya, aahowaana waataana ni Abraao, ni Isaque ni Jaco. ²⁵Nluku aahaaweha atthu owiisrael ni aahiiwa mikuthakuthotjaya.

¹Moises, weeraawe ahakhelaka enama tja Jetro, ahaaluaawe, nankuttho oMidia. Moises aahorwaana enama ottayi womuuthakoni ni aahophiya Horebe, mwaako waNluku. ²Vano, nlaikha naaPwiya naahonkhumenla nimooro opharelaka waniphunpuluni. Moises aahoweha ni niphunpulun'ne naanaapharela, massi khanaalala. ³Moises aahiira: Kinaahala oweheeha , kontha niphunpulun'no khaninlala.⁴Apwiya woonalyaaya wiira aahorukureerya wiia awehe, Nluku aahomwiihana wamooroni ni aahomwiirela: Moises, Moises. Moises aahaakhula: Kiriva. ⁵Nluku aahomwiirela: Ohaattamenle! Orule etjapatthotjaa, kontha nipuro niryan'no kihoreeriha. ⁶Ni aahiiratho: Mi kiNluku aathumwana, Nluku aAbraao, Nluku aIsaque ni Nluku aJaco. Vano, Moises aahokhuneela ekhovyawe, kontha aanawoova onweha Nluku.⁷Apwiya yaahiira: Kweeli, kin'noonaka mahuviho aatthwaaka, ari wiigiipitu. Kin'niiwaka okhuwelawa mwaha watjitthu tjinpankiya. ⁸Kiwaale waakumiha nmatatani mwaatthu owiigiipitu wiira kaarweehe elapo yooreera, elapo yootjara tjitthu; elapo yaacananeu, maheteu, maamorreu, maperiseu, maheveu ni majebuseu.⁹Okhuwela waatthu owiisrael kin'niiwaka. Ohiyava, kin'noonaka mahuviho anpankiya naatthu owiigiipitu. ¹⁰Vano, kinawooveleeliha wa Farao, ni waawaane atthwaaka, owiisrael, waakumihaka elapo yowiigiipitu.¹¹Moises aahomwiirela Nluku: Mikipani oorwaa waFarao ni waakumiha atthu owiisrael wiigiipitu? ¹²Nluku aahaakhula: Weekhweeli kin'hala okhala niwe. En'hala okhala nthoonhero wiira timi koorumale. Waawaanavale assun'na wiigiipitu, n'nohala okikokhorela yoola mwaakoola.¹³Moises aahomwiirela Nluku: Karwaa wiisrael ni phuwiirela: Nluku an'nathumwaninhu hokiruma wanhu ni akikohaka: Ntjinanawe tupani? Kawaakhule tjani? ¹⁴Nluku aahomwaakhula Moises: MITIMI. Nluku aahiira: Yookohavale waahimeerye wiira: MIKIHAAVO hokiruma wanhu. ¹⁵Nluku aahomwiirelatho Moises: Waahimeerye atthu owiisrael: Apwiya, Nluku an'nathumwaninhu, Nluku aAbraao, Nluku aIsaque ni Nluku aJaco hokiruma wanhu. Phintjinanaka noohimala; phin'halaaka okhuweliya nimaloko ooteene.¹⁶Orwee waathukumanihe mahumu owiisrael. Waahimeerye: Apwiya Nluku aatthweenu okhalayi, Nluku aAbraao, Nluku aIsaque ni Jaco aahokikhumenla ni aahokiirela: Weekhweeli, kinawiiwaka ni woona tjooteene tjinpankiyeenhu wiigiipitu. ¹⁷Kinawookhuluvelihakani wiira kinawookumihani nmahuvihoni wiigiipitu woorwaa elapo yaacananeu, maheteu, maamorreu, maperizeu, maheveu ni majebuseu, elapo yotjitthu tjooreera. ¹⁸Ayenatja anaahala owiiwa. We nimahumu owiisrael n'naahala orwatja wamwene owiigiipitu ni n'naahala omwiirelatja: Apwiya, Nluku omahebreu, honiphwanha. Phimaana, n'nihiye nirwee mahuku mararu moothakoni, wowiira naavahatjere okuttho Apwiya, Nlukweehu.¹⁹Massi kinaatjuwela wiira mwene owiigiipitu khan'hala wootthunihani okhuma, woohikhanhenriha. ²⁰Kinaahala waakwanhulatja atthu owiigiipitu ooteene. Yaviraka eyo phun'halaawe wootthunihatjani okhuma. ²¹Kinaakupaleela wiira n'naahala ophwanha essontte waatthu owiigiipitu; khan'nohala okhuma nimatata ohiitthu. ²²Athiyana ooteena anaahala olepela eparatha, tjitthu tjowooru niikuwo tjaamwaattaman'nwaaya ni wakhula atthu an'hala omaka mwaamaattaman'nwaaya. N'nohala oweessenra mwaassaaneenhu alopwana naathiyana. Weenan'na yeeyo, n'naahala waawanana atthu owiigiipitu.

¹Moises aahiira: Ayenatja yeehikaaminitji, wala yeehikiiwe, wala ohiyavaa, yiiratjavale: Apwiya khayookhumenlale? ²Nluku aahomwiirela: Nkopo n'motja. ³Apwiya yaahiira: Ohiye vathi. Moises aahohiya vathi, ni nkopoole waahokhala enuaa. Moises aahotthawa.⁴Apwiya yaahomwiirela Moises: Otaphule ntatanaa ovare omwiilani. Vano, yena aahotaphula ntatanawe ni aahovara enuaa. Ni waahokhala nkopo. ⁵Eyo eri wiira ayena yaamini wiira Apwiya, Nluku aassimutjaaya, Nluku aAbraao, Nluku aIsaque, ni Nluku aJaco, hookhumenla.⁶Apwiya yaahomwiirelatho: Okusse ntatanaa ohele n'hina nlayanaa. Vano, Moises aahokussa ntatanawe ohela n'hina nlayanawe. Wakumihalyaawe, ntatanawe naari nimakuttula, ootteela. ⁷Apwiya yaahiire: Ohokolossere ntatanaa mun'layani. Vano, Moises aahopanka tjitjon'mo, wakumihalyaawe ntatanawe naahokhala nikumi, phanka erutthwaawe.⁸Apwiya yaahiira: Ayenatja yeehiwaamini, yeehikupalitji nthoonhero woopatjera weekurwaaka, vano, ayenatja an'hala waamini mwaha wonthoonhero onayeeli. ⁹Ni yeehaaminitji mithoonherotjaka tjoomiili, wala yeehiwiiwelelatje, wakusse maatji vakaani onmuro omwaressele watthayani wohuuma. Maatji an'hala okussa an'hala okhala ephome vatthayani yowuuma.¹⁰Vano Moises aahowiirela Apwiya: Apwiya, akinakhala namavekela, okhuma nankhuma, wala mwamuulumaneru nantekweenhu. Akinkhwitiri wuulumatja. ¹¹Apwiya yaahomwiirela: Tupani unpale malaku antthu? Tupani munpale ntthu oohuulumatja wala oohiiwa, wala noona, wala hinoona? Akinakhala timi, Pwiya? ¹²Vano, orweeke. Kin'hala okhala malakwaa ni kinaahala woohimeerya yoovara. ¹³Massi Moises aahokhuwela: Pwiya, sontte, munrume ntthu nkhwaawe, n'haleenhu omoonela.¹⁴Vano, Apwiya yaahorussiya ni Moises. Ayena yaahiira: Mankhi Arao, mwaamun'naa? Kinaatjuwela wiira naahala wuuluma rattta. Ohiyavaa, yena naawa owootola, oowehavale naahala otteeliya wanrimaniwawe. ¹⁵On'hala omuulumana yena moolumwaayo on'hala ohela mwaanowaa. Kin'hala okhala nimalakwaa ni malaku aArao. Kinaahala woothoonheratjani ooteene yoopheela ovara. ¹⁶Yena naahala waakhaliha atthu mwaha wawe. Yena n'hala okhala malakwaa, ni we on'hala okhala niyena phanka mi tjinkhalaaka niwe. ¹⁷On'hala okussa nkopooyo nmatataniwaa. Ni yooyo nkopooyo phun'halaa opankana mithoonhero.¹⁸Vano, Moises aahohokoleela waJetro ahaalwaawe, ni aahowiirela: Nkihiye kirwee waassimutjaaka ari wiigiipitu ni kaawehe wakhala wiira akumi. Jetro aahomwiirela Moises: Orwee ninrettele. ¹⁹Apwiya yaahomwiirela Moises oMidia: Orwee wiigiipitu, kontha atthu ooteene yaapheela owiiva ahokwatja. ²⁰Moises aahaakussa amwaarawe naasaanaawe ni aahaapakhira nkavaloni. Yena aahohokoleela elapo yowiigiipitu. Ni yena aahokussa nkopo waNluku nmatataniwawe.²¹Apwiya yaahomwiirela Moises: Wahokoleela wiigiipitu, wiikhikitjere wiira wapanke mithoonhero tjooteene ohoolo wa Farao tjihelalyaaka mooweryaniwaa. Massi kinaahala olipiha nimaawe, ni khan'hala waahiya atthu akhumaka. ²²Onaahala omwiirela Farao: Elaphin'himyaaya Apwiya: Israel mwaamwanaka, oomwantjeraaka, ²³nimi kinawoohimeerya: On'hiye mwaamwanaka arwee, wiira akikokhorele. Masii, weehintthunihe orwaa, weekhweeli kinaahala omwiiva mwaamwanaa, oomwantjeraa.²⁴Ninttala wowiigiipitu, weemelalyaaya wiira amumule ohiyu, Apwiya yaahonphwanha Moises ni yaahopheela omwiiva. ²⁵Vano, Zipora aahokussa mwaalo wonluku ni aahonthikila mwaamwanawe, ni aaheessa wamettoni wa Moises, iiraka. Weekhweeli nhu mwantthu ophome. ²⁶Vano, Apwiya yaahon'hiya. Ayena yaahiira: Weekhweeli, nhu mwantthu ophome mwaha wowuula.²⁷Apwiya yaahomwiirela Arao: Orwee woothakoni wanphwanhe Moises. Arao aahorwaa, aahonphwanha omwaako waNluku, ni aahonvaha etjwaatjwa. ²⁸Moises aahonttonkela Arao moolumo ooteene Apwiya yanrumalyaaya mwaha womithoonhero tjooteene woowerya waaPwiya, yaamwirelalyaaya opanka.²⁹Vano, Moises ni Arao yaahorwaatja ni yaahaathukumaniha mahumu aatthu owiisrael. ³⁰Arao aahuuluma moolumo ooteene Apwiya yaamwiirelalyaaya Moises. Ola hopanka mithoonhero ohoolo waatthu mwaha wokuru tjaaPwya. ³¹Atthu yaahaamini. Ayenatja wiiwalyaaya wiira Apwiya yaanowoona atthu owiisrael tjaapankiyaaya, vano ayenatja yaahooromiha murutjaya ni yaahothamala.

¹Waviralyaaya tjitthun'nha, Moises ni Arao yaahorwaatja waFarao ni yaahomwiirelatja: Apwiya, Nluku owiisrael yiirale: Waahiye atthwaka arwee. Tjitjon'mo anaahala okitthapenla assukuhuulu woothakoni. ²Farao aahiira: Pwiya tupani? Kontha essiyani wan'halaaka wiiwa ntjuunaa niwaahiya atthu owiisrael arwaaka? Akinontjuwela Pwiya. Ni akinon'hiya Israel arwaaka.³Ayena yaahiiratja: Nluku aaheperi npheela okumaana nihi. Onihiye nirwee nkhwaha homahuku mararu wiira natthapele ni waavaha okuttho Apwiya , Nlukweehu, wowiira nihikeliye naassinttuuttu mwaha wokatanaa. ⁴Massi mwene owiigiipitu aahowiirelatja: Kontha essiyani waakumihaka atthu nmitekoniwaya? N'hokoleele wantekoni. ⁵Yena tootho aahiira: Ahaavo aheperi entji nlaponiwihu, ni n'haatthawiihatja nmitekoniwaya.⁶Nihuku nen'no, Farao aahowiirela ahooleli omiteko tjaavara atthu. ⁷Woovirikana nikhalayi, n'haavahatjetho nteko wowuupa etijolu. Mwaahiye yuupe tjawaya. ⁸Massi nanlelo mwaakhanhenreke wiira apankeke tjintji phnka tjaapankaaya khalayi. Ohaatthunihe okhuma n'motja, kontha anawoolwaatja. Phimaana ayenatja anhuwelatjaaya yiiraka: N'nihiye nanvahe okuttho Nlukweehu. ⁹Wintjenre nteko waatthwaayo, wowiira attharuwe moolumo owootha.¹⁰Vano, ahooleli aatthwaale ni mafunti ontekoole yaahorwaatja waatthuni. Ayenatja yaawiiratja: Farao niiratjo: Akinoovahathoni nteko. ¹¹N'nohala orweelatja mwaassineene on'haleenhu ophwanha, massi ntekweenhu khunvukuwa.¹²Vano atthwaale yaahovavaryaana elapo yowiigiipitu, ahephaka ehalahalo. ¹³Mafunti omiteko, yaakhottiihaka, yaahiira: Mweemessere ntekweenhu, massi khaninoovahanitho. ¹⁴Mafunti omiteko tja Farao, yaari nimahooleli aatthu owiisrael, yaayo yaari naananteko, yaahaakohatja: Essiyani ohipankaka etijolu tjinkhanhenriyeenhu, phanka ntjana niilelo, phanka tjaapankeenhu khalayi?¹⁵Vano, ahooleli aatthu owiisrael yaahorwaa npaka wa Farao ni yaahottokutta: Essiyani waavaraka anantekweenhu enan'neela? ¹⁶N'hinivahetho anantekweenhu, ni nanlelo n'naaniirela: Npanke etijolu! Hi, anantekweenhu, ninaahuvihiya nen'nava, massi nlattu waatthweenhu. ¹⁷Phimaana Farao aahiira n'nawoolwaatja! Woolwaatja! N'niiratja: N'nihiye naavahe okuttho Apwiya. ¹⁸Vano, n'nava, mwaakulele wantekoni. Khaninoovahanitho etthu, massi npanke etijolu phanka tjaapankeenhu khalayi.¹⁹Ahooleli aatthu owiisrael yaahotjuwelela mwahaaya owakathi wiireliyaaya tjon'mo: Tjinpankeenhu etijolu khul nihuku khan'nohala ovukula. ²⁰Ayenatja yaahonpheelatja Moises ni Arao, yeemelal nphantte nkhwaawe wonupa yaamwene, ottayi ni waaryaawe Farao. ²¹Ayenatja yaahowiirelatja Moises ni Arao: Apwiya yoowehatjeni, kontha n'hopanka enan'na wowiira Farao aawehe anantekwaawe nimeetho ootakhala. N'hokussatja ekatana nmatataniwinhu wiira n'niive.²²Moises aahorukunuwela waaPwiya ni aahiira: Pwiya, essiyani waawiiheraka mikatjamiho atthwaala? Yoopatjera, nkiwiihenreni nipuron'na? ²³Kaweeru kuulumaka ni Farao mwantjinaninhu, yena nawaakatjamihatja atthwaala, ninhu khan'naataphulatja atthweenhu.

¹Vano, Apwiya yaahomwiirela Moises: Onaahala woona en'halaaka omwiiriha Farao. Onaahala woona wiira yena naahala waahiya arwaaka mwaha wontatanaka noowerya. Mwaha wontatanaka nokuru, yena naahala owoomola nlaponiwawe.²Nluku aahomwiirela Moises iiraka: MikiPwiya. ³Kihonkhumenla Abraao, Isaque ni Jaco, phanka Nluku ooweryessa; massi mwaha wontjinanaka, Pwiya, akaatjuweliya naayenatja. ⁴Nimi kihovaha waataanawaka, wowaavaha elapo yooCanaa, elapo ekhalalyaaya tjinene yeettakatjaka. ⁵Ohiyavaa, kinawiiwaka mahuviho aatthu owiisrael, yaayo apotthiye naatthu owiigiipitu, ni kinawuupuwelaka waataanihawaka.⁶Phimaana, waahimeerye atthu owiisrael: MikiPwiya. Kinaahala wookumihani mwiipiphini mwaatthu owiihiipitu ni kinaahala wootaphulatjani. Kinaahala wookumihatjani nintatanaka nooweryessa ni tjoovara tjuulupale tjohukhumu. ⁷Kinaahala wookussani phanka atthwaaka, ni kin'hala okhala Nlukweenhu. Ni nhu n'naahala otjuwela wiira mikiPwiya, Nlukweenhu, ookumihaleni mwiipiphini mwaatthu owiigiipitu.⁸Kinaahala wookussani koorweehakani elapo enkhuluvelihalyaaka Abraao, Isaque ni Jaco. Kinaahala woovahatjerani. MikiPwiya. ⁹Moises waahimeeryatjalyaawe atthu owiisrael, ayenatja khayaamwiiwenlale mwaha wonpottha waakhalihiyaaya.¹⁰Vano Apwiya yaahomwiirela Moises: ¹¹Orwee ni wamwiirele Farao, mwene owiigiipitu, wiira aahiye atthu owiisrael akhume nlaponiwawe. ¹²Moises aahowiirela Apwiya: Atthu owiisrael khankiiwenla, vano Farao naahala okiwenla, nimi kihitjuwelaka wuulumatja? ¹³Massi Apwiya yaahomwiirela Moises ni Arao, aavahaka moolumo atthu owiisrael ni Farao, mwene owiigiipitu, wowiira aatthu owiisrael ahiye elapo yowiigiipitu.¹⁴Ala phaakhulupale yaakhala vatthokoni wan'nathumwanawe: Assaana aRuben, owantjeriya wiisrael, Hanoque, Palu, Hezrom ni Carmi. Yaari amutji aRuben. ¹⁵Assaana aSimeao Jemuel, Jamim, Oade, Jaquim, Zoar ni Saul mwaana anthiyana ooCanaa. Ala yaari amutji aSimeao.¹⁶Ala matjina aassaana aLevi, Gerson, Coate ni Merari. Levi aakhalale eyaakha emiya wotalaathiini nasaapa. ¹⁷Assaana aGerson yaari Libni ni Simei. ¹⁸Assaana aCoate yaari Anrao, Isar, Hebrom ni Uziel. Coate aahokhala eyaakha emiya wotalaathiini natthaaru. ¹⁹Assaana aMerari yaari Mali ni Musi. Alayaari amutji aLevi.²⁰Anrao aahonthela Joquebede, mwanrokoraya athumwaane. Naayena yaahon'yara Arao ni Moises. Anrao aahokhala eyaakha emiya wotalaathiini nasaapa phaakhwaawe. ²¹Assaana aIzar yaari Cora, Nofeque ni Zicri. ²²Assaana a Uziel yaari Misael, Elzafa ni Sitri.²³Arao aahonthela Eliseba, mwaana aAminadabe, mwanrokorawe Nasom. Ayena yaahon'yara Nadabe ni Abiu, Eleazar ni Itamar. ²⁴Assaana aCora yaari Assir, Elcana ni Abiasafe. Alaphayaari amutji aCora. ²⁵Eleazar, mwaana Arao, aahonthela mwaana n'motja n'motja aPutiel. Ayena yaahon'yara Fineias. Alaphayaari akhulupale an'nathumwanawe Levi.²⁶Arao ni Moises, phaalopwana Apwiya yaawiirenlyaaya Mwaakumihe atthu owiisrael elapo yowiigiiitu, womiphwinkotjaya tjaanakhotto. ²⁷Arao ni Moises phaamwiirelale Farao, mwene owiigiipitu, wiira aahiye akhume atthu owiisrael elapo yowiigiipitu.²⁸Apwiya wamwiirelalyaaya Moises elapo yowiigiipitu, ²⁹Ayena yaahiira: MikiPwiya. On'himeerye Farao, mwene owiigiipitu, tjitthu tjooteene tjin'halaaka woohimeerya. ³⁰Massi Moises aahowiirela Apwiya: Akinkhwititi wuulumatja, vano, Farao n'hala okiiwa tjani?

¹Apwiya yaahomwiirela Moises: Kin'hala wookhaliha phanka Nluku ohoolo waFarao. Arao, mwaamun'na n'hala okhala nrumeyaa. ²On'hala wuulumatja yeele en'halaaka owiirela. Arao, mwaamun'naa, naahala omwiirela Farao wiira aahiye atthu owiisrael akhume nlaponiwawe.³Kinaahala olipiha nrima wa Farao, ni kinaahala opanka mithoonhero tjintji nooweryawaka nimiiriirya tjintji elapo yowiigipitu. ⁴Massi Farao khan'hala owiiwa. Kinaahala weessenra ntatanaka wiigiipitu ni kinaahala okumiha ekurutjaka, atthu owiisrael. Ni kinaahala waakumiha elapo yowiigiipitu mwaha watjoovaratjaya tjuulupaleru. ⁵Atthu owiigiipitu anaahala otjuwela wiira kiPwiya, kataphulela ntatanaka wiigiipitu ni kaakumiha atthu owiisrael eriyaryaatja.⁶Moises ni Arao, yaahopanka tjitjon'mo panka Apwiya tjaahimeeryalyaaya. ⁷Moises aarina eyaakha thamaaniini, ni Arao aariina eyaakha thamaaniini na tthaaru, waamuuluman'nyaaya Farao.⁸Apwiya yaahomwiirela Moises ni Arao: ⁹Farao awiirelanivale: Opanke mwiiriirya n'motja, vano wamwiirele Arao: Okusse nkopwaa orihele ohoolo waFarao, wiira otathuwe enuaa. ¹⁰Vano, Moises ni Arao yaahorwaatja waFarao ni yaahopankatja phanka tjaahimeeriyaaya naaPwiya. Arao aahorihela nkopwaawe ohoolo waFarao naanantekwaawe, ni yaahotathuwa enuaa.¹¹Vano, Farao aahowiihana atjuwelyaawe naananhanka. Naayenatja yaahopankatja weenhankatjaya. ¹²Khula ntthu waayenatja yaahorihela nkopwaaya vathi, ni tjaahotathuwa enuaa. Phimaana nkopo wa Arao waahomirya enuaatjaya. ¹³Nrima waFarao waaholipa ni khawiiwenlale, phanka tjaahimyalyaaya Apwiya.¹⁴Apwiya yaahomwiirela Moises: Nrima waFarao ori woolipa ni yena nawaakhottiiha atthu okhuma. ¹⁵Orwee waFarao owitjissu, akhala nmaatjini. Wakhale nkurukuru muro, ni wakusse nmatataniwaa nkopo waathatuwale enuaa.¹⁶Wan'himeerye: Pwiya, Nluku aaheperi, hokiruma wiira koohimeerye: Waahiye atthwaaka arwee, ni tjitjon'mo anaahala okikokhorela woothakoni. Npaka n'nava, khun'niwenla. ¹⁷Apwiya yaahiira: Tjitjon'mo onaahala otjuwela wiira kiPwiya. Kinaahala otakhaliha maatji omuro Nilo ninkopo won'matataniwaka, ni emurweeyo en'hala okhala ephome. ¹⁸Ehopa tjin'hala okhla nmuro tjinaahala okhwa, ni emurweeyo enaahala onukha. Atthu owiigiipitu khan'halatho ovurya maatji onmuro.¹⁹Ni Apwiya yaahomwiirela Moises: On'himeerye Arao: Okusse nkopo waatalele nmaatjini owiigiipitu, nmuro, mapuro ooteene arimaatji wowiira akhale ephome. Opanke tjitjon'mo, ni onaahala okhala ephome elapo yooteene yowiigiipitu.²⁰Moises ni Arao yaahopanka phanka Apwiya tjaahimyalyaaya. Arao aahotakhaliha maatji on'muro, ohoolo waFarao naanantekwaawe. Maatji ooteene on'muro yaahokhala ephome. ²¹Ehopa tjaahokhwa ni maatji yaahantjera onukha. Atthu owiigiipitu khayaavuryatho maatji on'muro, ni ephome yaari nphantte woteene owiigiipitu. ²²Massi ananhanka owiigiipitu yaahopanka tjitjon'mo weenanhankaaya. Vano, nrima waFarao waaholipa ni yena khaatthunale wiiwenlatja Moises ni Arao, phanka Apwiya tjaahimyalyaaya wiira onaahala wiiranyaa.²³Farao aahorukunuwa aahorwaa owanuwawe. Yena khaakhalihale etthu. ²⁴Atthu ooteene owiigiipitu yaahothipa wiira aphwanhe maatji oopheela ovurya, massi khaaphwanhale maatji oopheela ovurya. ²⁵Ni yaahovira mahuku saapa Apwiya yatakhaliheru emuro.

¹Apwiya yaahomwiirela Moises: Orwee waFarao ni wamwiirele: Apwiya aniira tjo: Waahiye atthwaaka arwee wowiira akikokhorele. ²Weehaatthunihe, kinaahala waatjariha amarapi elapo yooteene. ³Emuro tjooteene tjin'hala otjara amarapi npaka owanuwaa. Anaahala okela nmatthokoni mwanantekwaa; ni anaahala okela mwaatthuni, anaahala okela mapuro anoossaa ephawu. ⁴Amarapi anaahala wookelela, atthu ooteene naanantekwaa.⁵Apwiya yaahomwiirela Moises: Wamwiirele Arao: Otaphulele ntatanaa nphantte woomuro, matthiya ni miratthi ni waakurusse amarapi elapo yooteene yowiigiipitu. ⁶Arao aahotaphula ntatanawe nmamaatjini owiigiipitu ni amarapi yaahokhuneela elapo yooteene yowiigiipitu. ⁷Vano ananhanka yaahopanka tjitjon'mo weenanhankaaya: ayenatja yaahaawaana amarapi elapo yowiigiipitu.⁸Farao, aahomwiihana Moises ni Arao ni aahowiirelatja: Mwaalepelatje Apwiya wiira yaakumihe amarapi elapwaakeela. Yavira eyo, kinaahala waahiya atthu arweeke ni yavaheke okuttho. ⁹Moises aahomwiirela Farao: Kinawoovaha owakathi wookihimeerya tjoopheela olepela mwaha wawe, mwaha waananteko ni mwaha waatthu, wowiira amarapi akhume ni nmawan'nhinhu ahalaka paassi nmuro.¹⁰Farao aahaakhula: Meelo. Moises aahomwiirela: Okhale woopankiya phanka nimoolumwaa wiira otjuwele wiira khaavo nkhwaawe phanka Apwiya, Nlukweehu. ¹¹Amarapi anaahala wookhumani, nmawan'nhinhu, mwaatthuni naanantekweenhu. Amarapi an'hala okhala nmuro paassi. ¹²Moises ni Arao yaahokhumatja ohoolo waFarao. Waviralyaayava, Moises aahokhuwela waaPwiya mwaha waamarapi yanwiiheralyaaya Farao.¹³Apwiya yaahopanka phanka Moises tjaalepelalyaawe: Amarapi yaahokhwa nmatthokoni, nmaluwanini ni nmamatthani. ¹⁴Atthu yaahonkumanhihera. ¹⁵Massi Farao, wataphulatjiyaawe, aaholipiha nrimaawe ni khaatthunale waaviriyanatja yaahimyalyaawe Moises ni Arao, phanka Apwiya tjaahimyalyaaya.¹⁶Apwiya yaahomwiiela Moises: Omwiirele Arao: Otaphule ntatanaa ni okwanhe nthupi wiira tjikhume etthupo elapo yooteene yowiigiipitu. ¹⁷Ayenatja yaahopankatja tjitjon'mo ni Arao aahotaphula ntatanawe. Yena aahokwanha ntthupi ni etthupo tjaahaakhuruwela atthu niinama. Ntthupi nooteene novathi naahokhala etthupo, wolapo yooteene yowiigiipitu.¹⁸Ananhanka yaahomananiha, wenanhankaaya okhumenliha etthupo massi khaakhwitirale. Tjaahaavo etthupo mwaatthuni ni n'namani. ¹⁹Mwaha woyeeyo, ananhanka yaahomwiirela Farao: N'na nikokho naNluku. Vano Farao aaholipiha nrimaawe woohitthuna owiiwenlatja. Waahiiranyaa phanka Apwiya tjaahimyalyaaya.²⁰Apwiya yaahmwiirela Moises: Ovuwe ohinassa, wakhale ohoolo waFarao, akhumavale npaka omuro, wamwiirele: Apwiya aniira tjo: Waahiye atthwaaka akhume wiira yakikokhorele. ²¹Massi weehaatthunihe orwaa, kinawookurussela ephenpele, atthu, nmatthokoni naanantekwaa. Mapuro ankhalakhaliya tjin'hala okhala ephenpele, hata nimapuro an'nhakelaaya tjin'hala okhala ephenpele.²²Phimaana, nen'no nihukun'no kinaahala otafiti oGosen, elapo enkhala atthwaaka, weenan'na yoovirikana, kontha wu khiivo yanakhala ephenpele. Wanaahala wiiranyaa tjitjon'mo wiira otjuwele wiira kiPwiya olpweela. ²³Kinaahala waavirikaniha atthwaa naatthwaaka. Nthoonhero wokurwaaka on'hala wiiranyaa meelo. ²⁴Nluku aahopanka tjitjon'mo, ephenpele tjaahokela enupa yaFarao ni mwaakhala anantekwaawe. Elapo yooteene yowiigiipitu yaahotjara ephenpele.²⁵Farao aahomwiirela Moises ni Arao: Nrwaatje mwavahatje okuttho waNlukweenhu elapweehu yeela. ²⁶Moises aahomwiirela: Khawanphwanela hi opanka tjitjon'mo, kontha okuttho onaavaheehu Apwiya, Nlukweehu, etthu yoohikhala yaatthu owiigiipitu. Navahakavale okuttho ohoolowayatja, khan'hala onihomakatja? ²⁷Mena, nihaana neettaka mahuku mararu moothakoni, woopheela waavaha okuttho Apwiya, Nlukweehu, phanka tjiniirelalyaaya.²⁸Farao aahiira: Kinawoohiyatjani wiira mwaavahe okuttho Apwiya Nlukweenhu, woothakoni. Massi n'hirwaatje ottayi tjinene, ni nkivekelelatje. ²⁹Moises aahiira: Kakhumakavale kinaahala ovekela waaPwiya wiira akumihe ephenpele vapuwaniwaa, mwaanantekwaa ni mwaatthu ooteene. Vano, khun'hala onithepya woohipheela waakussa atthu wiira arwee yaavahe okuttho Apwiya.³⁰Moises aahokhumaohoolo waFarao ni aahaavela Apwiya. ³¹Apwiya yaahopanka phanka Moises tjaalepelalyaawe: Aahokumiha ephenpele etthoko yaFarao, mwaanantekwaawe naatthwaawe. Khayaahanle hata emotja. ³²Vano, Farao aaholipiha nrimaawe ni khaatthunihale atthu okhuma.

¹Vano, Apwiya yaahomwiirela Moises: Orwee waFarao ni omwiirele: Apwiya Nluku aaheperi aniira tjo: Waahiye atthwaaka arwee wiira akikokhorele. ²Massi weehaatthunihe okhuma, okhanhenraka nanlelo, ³vano ntata naaPwiya nin'hala okhala niinamatjaa nmamattani niikavalotjaa nimihuwotjaa tjooteene. ⁴Apwiya tjin'halaaya opmaka enama tjowiisrael kahi tjin'halaaya opanka enama tjowiigiipitu. Enama tjowiisrael khin'hala okhwa hata emotja.⁵Apwiya an'noovahaka owakathi. Ayena ahiira: Meelo phun'halaaka ovara tjitthun'nha elapweela. ⁶Apwiya yaahpanka tjitjon'mo orupa ossenliya: Enama tjooteene tjowiigiipitu tjaahokhwa. Massi enama tjowiisrael khatjaakhwale hata emotja. ⁷Farao aahokohakoha, mwaha woohikhwa enama tjowiisrael. Massi nrimaawe nanlelo wakhala woolipa ni yen khaatthunihale atthu okhuma.⁸Vano, Apwiya yaahomwiirela Moises ni Arao: Nkhupatje ettuura nfonuni. We, Moises, ohaana omwaresselaka ettuura ntjulu Farao awehaka. ⁹Ettuureeyo en'hala okhala nthaka wooyevatja elapo yooteene yowiigiipitu. Tjin'hala waarakalihatja atthu ooteene niinama tjolapo yowiigiipitu. ¹⁰Vano Moises ni Arao yaahokussatja ettuura ni yaahemelatja ohoolo waFarao. Moises aahomwaressela ntjulu, ni tjaahaarakalihatja atthu niinama.¹¹Ananhanka khayaapitjapitjale waMoises mwaha womakhwatta, yaaphwanhale naatthu ooteene owiigiipitu. ¹²Apwiya yaaholipiha nrima waFarao, ni khaatthunale omwiiwenla Moises ni Arao. Phanka tjaamwiirelalyaaya Moises wiira Farao phin'halaawe opanka.¹³Vano, Apwiya yaahomwiirela Moises: Ovuwe owitjissu, wakhale ohoolo waFarao ni wamwiirele: Apwiya, Nluku aaheperi, aniira: Waahiye atthwaaka arwee wiira akikokhorele, ¹⁴kinaahala waakurussa assinttuuttu owakathi yoola eriyari aanantekweenhu. Kin'hala opankela wiira otjuwele wiira khaavo ookilikan'na elapweela.¹⁵Nen'nava, kaarina woovara nimatataaka ni woohonona erutthwaa mwaha wokwerere ni onakhwale. ¹⁶Massi mwaha wokurutjaka, kihoohiya wiira okhale, wowiira ntjinanaka nitjuwanye elapo yooteene. ¹⁷Nanlelo tjitjon'mo, onawaakhottiiha atthwaaka wiira akhume.¹⁸Okiiwe! Meelo, owakathi yoola, kinaahala owaana epaluwa yuulupale, yeeyo ehinaaya wooniya yunpiyeru elapo yowiigiipitu. ¹⁹Phimaana, waarume atthu akusse enamatjaa tjooteene nimihuwotjaa tjeessiye nipuro nikhwaawe. Epula en'hala orupa en'hala waaphwanha atthu niinama an'hala okhala nmamattani, ni yaale ahin'hal orwaa nmawan'nhaya anaahala okhwa.²⁰Vano, ananteko aFarao yaaminale moolumo aaPwiya yaahaakuvatja orweela epotthatjaya nimihuwotjaya arweehaka npaani. ²¹Mssi yaale yahaaminale moolumo aaPwiya yaahohiya epotthatjaya nimihuwotjaya nmamattani.²²Apwiya yaahomwiirela Moises: Otaphulele ntatanaa wiirimu, ni enaahala orupa epula elapo yooteene yowiigiipitu: ²³Moises aahovussa nkopwaawe awehihaka wiirimu, ni Apwiya yaahokurussa etari, epula nooverunha nlaponi. Ayena yaahokurussa epula yuulupale elapo yooteene yowiigiipitu. ²⁴Tjaahaavo etari niipula yuulupale elapo yooteene yowiigiipitu nen'ne yaari ehinakhumenla.²⁵Elapo yooteene yowiigiipitu, epula yuulupale yaarupale yaahotankulatja tjitthu tjooteene tjon'mattani, atthu niinama. Yaahhotankulatja miri tjon'mattani tjooteene. ²⁶Elapo yoGosen, waakhalaaya atthu owiisrael, khayaarivo epula yuulupale.²⁷Farao aahaaruma atthu wiihaniya Moises ni Arao. Yena aahowiirelatja: Kihokossa emaareela. Pwiya ntthu ossariya ni mi naatthwaaka khaniniiwenla. ²⁸Mwaavekele Apwiya, kontha epuleeyo yuulupale tjinene. Kinawoohiyatjani nrwaatjeke ni n'hikhalatjetho va.²⁹Moises aahomwiirela: Kahiyaka epoomeela, kinaahala otaphulela ntatanaka waaPwiya. Etaritjinaahala omaala ni epula khináhala orupatho. Weenan'na yeela, n'naahala otjuwela wiira elapweela yaPwiya. ³⁰Vano, nhu nanantekweenhu kinaatjuwela wiira khan'nonttittimiha Pwiya Nluku.³¹Etjoolya tjonama nitjitthu tjikhwaawe tjaahokwanhulatjiya, ni etjoolya tjonama tjaahottokottha. ³²Massi miri tjikhwaawe khatjiiriye etthu, konth tjaari etjoolya tjootjuwanya. ³³Moises wakhumalyaawe ohoolo waFarao ni opooma, yena ahotaphula matataawe waaPwiya ni etari niioula yaahomaala.³⁴Farao woonalyaawe wiira epuula yaahomaala, aahokossatho ni aaholipiha nrimaawe wamotja naanantekwaawe. ³⁵Nrima waFarao waaholipihiya. Vano, yena khaatthunihale atthu owiisrael wiira akhume. Moises phaahimeeriyaawe naaPwiya wiiraFarao phin'halaawe opanka.

¹Apwiya yaahomwiirela Moises: Orwee waFarao, kotha kiholipiha nrimaawe naanantekwaawe. Kipankenle wiira kinthoonhere, eriyari womithoonherotjaka. ²Kipankenle wiira mwaahimeerye assaneenhu naassitjulenhu tjooteene tjinvaraaka; tjihukhumwalyaaka elapo yowiigiipitu nimithoonhero tjintji. Weenan'nayeeyo n'naahala otjuwela wiira mikiPwiya.³Vano, Moises ni Arao yaahorwaatja npaka waFarao ni yaahomwiirelatja: Apwiya, Nluku aaheperi, yiiraletjo: On'hala okitanhifu npaka eyaakhani? Waahiye atthwaaka arwee ni akikokhorele. ⁴Massi waakhottiha okhuma, okiiwe, meelo kinaahala okurussela etjoroope elapweela.⁵Tjinaahala okhuneela elapo yooteene ni khaavo n'hala onhakela etthaya. Tjin'hala okhuura tjooteene tjihanle owakathi waarunpe epula yuulupale. Tjin'hala okwanhulatja miri tjooteene tjuunuwale mwiini. ⁶Tjin'hala otjara nmapaani mwaatthu ooteene owiigiipitu, etthu yaari ehiniiranyaa nen'ne. Ni Moises aahokhuma ohoolo waFarao.⁷Anamalakalaka yaahomwiirela Farao: Nlopwanoola n'hala onoopopiha npaka eyaakhani? Mwaahiye atthu owiisrael arwee wiira yankokhorela Pwiya, Nlukwaaya. Khan'notjuwela wiira elapo yowiigiipitu ehokwanhuwa? ⁸Moises ni Arao, yaahorwaatjatho waFarao, ni aahowiirelatja: Nrwaatjeke mwankokhoreleke Pwiya, Nlukweenhu. Tupanitho n'hala orwaa?⁹Moises aahiira: Nin'hala orwaa naamwaavano ni oolupale, naasaaneehu alopwana naassithiyana. Ninaakussa enamatjihu, kontha nihaana otthapa wowaattittimiha aPwiya. ¹⁰Farao aahowiirelatja: Apwiya akhale ninhuuvaatja, koohiyatjani nrwaatjaka. Nkawehatjani n'haanatja nrima woohiloka. ¹¹Nrwaatje alopwanaru, wiira mwaakokhorele Apwiya, kontha phinpheeleenhu. Vano Moises ni Arao yaahorweehatjiya ohoolo waFarao.¹²Apwiya yaahomwiirela Moises: Otaphule ntatanaa wowiira etjoroope tjikhuruwele elapo yowiigiipitu ni tjihonone tjitthu tjooteene, tjitthu tjooteene tjihiirihiye etthu niipula yuulupale. ¹³Moises aahotaphula ntatanawe elapo yowiigiipitu, ni Apwiya yaahokurussa ephyoo yuulupale elapo yowiigiipitu, ekhumaka nphantte onkhuma ntjuwa, nihuku ntero ni ohiyu wooteene. Wassalyaaya, ephyoo yaahowaana etjoroope.¹⁴Etjoroope tjaahomwareela elapo yooteene yowiigiipitu. Etthu yaari ehinakhumenla nen'ne nen'ne. ¹⁵Tjaahokhuneela elapo yooteene yovathi, yaahoripela; ni tjaahokwanhulatja miri tjooteene nimihokorokho tjahaakwanhuliye niipula yuulupale yaawaale. Elapo yooteene yowiigiipitu, khuuvi nri waahalale nmattani.¹⁶Vano, wowaakuvyaatja Farao aahowiihanihatja Moises ni Arao ni aahowiirelatja: Kihaakossera Apwiya, Nlukweenhu, ninhuuvaatja. ¹⁷Vano, n'nava nkilevenlatje ni mwaalepelatje Apwiya wiira okhwa okikhale ottayi. ¹⁸Moises aahkhuma ohoolo waFarao ni aahaalepela Apwiya.¹⁹Apwiya yaahokurussatho ephyoo yuulupale ekhumaka nphantte onkhuma ntjuwa, akurussaka etjoroope epahari yoosseerya. Khiivi etjoroope emotja yaahanle wiigiipitu. ²⁰Massi Apwiya nanlelo yaaholipiha nrima waFarao, ni khaatthunihale atthu owiisrael okhuma.²¹Vano, Apwiya yaahomwiirelatho Moises: Otaphulele ntatanaa wiirimu wowiira oripele elapo yooteene yowiigiipitu, oripela atthu on'halaaya wooneeha. ²²Moises aahotaphulela ntatanawe wiirimu, ni yaahokhuruwa epiphi elapo yowiigiipitu mahuku mararu. ²³Khaavo amoona nkhwaawe. Ni khaavo aakhuma owanuwawe womahuku oomararu. Massi wiisrael tjaahaavi mithuko etthoko tjooteene.²⁴Farao aahomwiihaniha Moises ni aahomwiirela: Orwee ni waalepele Apwiya. Hata naassimutjeenhu n'naahala waakussatja, massi miuwotjinhu tjinaahala. ²⁵Massi Moises aahiira: Niwe ohaana onivaha enama wiira naavahe okuttho Apwiya, Nlukweehu. ²⁶Nimihuwotjihu ninaahala okussa, ni khiivo en'haleehu ohiya ottuli, nihaana naavahaka Apwiya. Kontha khanintjuwela hata niphiyaka en'haleehu waavaha Apwiya.²⁷Massi Apwiya yaaholipiha nrima waFarao, ni khaatthunihale atthu owiisrael wiira akhume. ²⁸Farao aahomwiirela Moises: Okhume ohoolowaka! Okiviriyane etthu emotja: Khunkoonatho, kontha nihuku nookoona ekhovyaaka onaakhwa. ²⁹Moises aahiira: Khweeli phanka tjitjon'mo tjiiralyaa: akin'hala woonatho ekhovyaa.

¹Vano, Apwiya yaahomwiirela Moises: Ahaavotho assinttuuttu an'halaaka onwiihera Farao ni wiigiipitu. Vano yena naahala woohiyatjani. Vano yena oolevatjani, naahala owoomolatjani. ²Mwaahimeerye atthu wiira khula nlopwana i khula nthiyana ahaana aalepelaka tjitthu tjowooru niiparatha. ³Apwiya yaahaahiya atthu owiigiipitu oorussiya ni waakhavihera atthu owiisrael. Ohiyavaa, meetho aananteko aFarao naatthu owiigiipitu, nlopwana Moises aari ntthu ootjuwanyaa.⁴Moises aahiira: Apwiya aniiratjo: Ohiyu eriyari, kinaahala ovira elapweela. ⁵Atthu owantjera oyariya ooteene anahaala okhwa, okhuma owantjera oyariya aFarao, anookoma weehitjeni, npaka owantjeriya opottha anvara nteko moohephani, ni owantjeriya oyariya tjomihuwo tjooteene.⁶Elapo yooteene yowiigiipitu, onaahala wunliya ventji tjaaryaaya ohinunliya khalayi. ⁷Massi wiisrael yanakhala mwalapwa khan'hala ophiya. Weenan'na yeeyo, n'naahala otjuwela wiira atthu owiigiipitu naatthu owiisrael kinaavara woovirikana. ⁸Anantekwaa ooteene Farao anaahala okhala nimi, ni anaahala okikokhorela. Anaahala wiira: Nrweeke nhu, naatthu ooteene anoottharani! Vano kinaahala okhuma. Vano yena aahokhuma ohoolo waFarao noorussiya ventji.⁹Apwiya yaahomwiirela Moises: Farao khan'hala owiwenla. Wowiira kipanke tjitthu tjuulupaleru elapo yowiigiipitu. ¹⁰Moises ni Arao yaahopankatja tjitthu tjuulupaleru ohoolo waFarao. Phimaana, Apwiya yaaholipiha nrima waFarao, ni khaatthunihale aatthu owiisrael okhuma elapweele.

¹Apwiya yaahomwiirelatho Moises ni Arao elapo yowiigiipitu, yiiraka: ²Ola mweeryuula onkookhala mweeri owantjera,mweeriinhu wowantjera womwaakhoola.³Waahimeerye atthu owiisael: Nihuku nonakhuumi womweeri yoola, khula ntthu wanhu haana akussaka epuri emotja; khula nloko phin'halaaya opanka. ⁴Wakhala wiira nlokon'no nankaani woopheela okumiha epuri emotja, nlopwana nimwaattaman'nwaawe an'hala okhuura enama en'hala okhumenla, phanka tjin'halaaya okhala atthwaayo. Enaahala waatossa atthu ooteene an'hala olya; tjitjon'mo ayenatja anaahala okussa enama en'hala wootossatjani.⁵Enameenhu en'hala okhala yoohirakala, yoolopwana yomwaakha n'motja. ⁶N'nohala ossunka npaka nihuku nonakhuumi natjesse womweeri yooyo. Vano, atthu ooteene an'hala wiiva khula enama otjootjilo. ⁷N'naahala okussa ephome wiittela nmamikhorani wonupa, mon'mo n'nohala orwaa enaman'nho. ⁸Ohiyu yoole, n'naahala okhuura enama, yowaaneeliya. N'nohala okhuura niiphaawu tjoohimiropo, nimihokorokho tjowaawa.⁹Khan'nohala okhuura ekithi wala yowaapeiya nimaatji. Wahikhanle waaneele, nimuru, metto nitjitthu tjooteene tjon'hina. ¹⁰Khan'nohala ohiyeethu mwiiraka nisseelele meelo. Yahalavale n'nohala opaha npaka owitjissu. ¹¹Phin'haleenhu okhuura tjitjon'mo: Niissuntu n'niitthukale, niitjapatthotjinhu ninkopweenhu nmatatani. N'naahala olyaatja wowaakuvyaatja. Ela essukuhuulu yaapwiya.¹²Apwiya yaahiira: Knaahala ovira ohiyu elapo yowiigiipitu, ni kinaahala waahonona owantjera oyariya atthu niinama. Kinaahala waattarussa anluku ooteene owiigiipitu. MikiPwiya. ¹³Ephome en'hala okhala nthoonhero ookitjuweliha nmawan'nhinhu. Kawavale, kin'hala ovira watjuluwinhu, kakwanhula elapo yowiigiipitu. Assinttuuttwaayo khaanooweelani phinhu ni khan'hala wookwanhulatjani. ¹⁴N'no nihukun'no nin'hala okhala muupuwelelweenhu, n'nohala okhaliha phanka essukuwuulweenhu yaaPwiya. En'hala okhala ekettelweenhu, mwaha womakhoto ooteene, n'nohala oweheeha n'no nihukun'no.¹⁵N'nohala okhuura ephaawu yoohimiropo womahuku saapa. Nihuku nowantjera, n'nohala okumiha miropo nmawan'nhinhu. Wayoole n'hala okhuura ephaawu yomiropo okhuma nihuku nowantjera npaka nihuku nonasaapa naahala othikiliya wiisrael. ¹⁶Nihuku nowantjera, anaahal wuulumiya moolumo mwantjinanaka ni nihuku nikhwaawe onaahala okhalatho nthukumano woolikana. Khuuvo nteko n'hala ovariya yaala mahukwaala, nteko on'hala okhala wowaapyaatjiya, wiira nlyatje ooteene.¹⁷Mwaweheehatje yooyo nthukumano wophaawu woohimiropo, kontha nen'no nihukun'no kinaahala waawaana anakhottweenhu oota wolapo yowiigiipitu. Tjitjon'mo mwaweheehe n'no nihukun'no womakhoto ooteene. En'hala okhala ekettelweenhu, yoohimala. ¹⁸N'nohala okhuura ephaawu yoohimoropo okhuma otjootjilo wonihuku nonaakhuumi womweeri wowantjera womwaakha yooyo npaka nihuku nonassiriini namotja womweeri yooyo.¹⁹Mahuku saapayaala, tjihikhale miropo tjin'hala ophwanhiya nmawan'nhinhu. Wayoole n'hala okhuura ephaawu yomiropo naahala ohukhumwiya wiisrael, ntthuuyo akhale nan'mwa wala onlaponi mon'mo. ²⁰Khiivo en'hala opankiya nimiropo en'hala oliya. On'haleenhu okhala mooteene, n'nohala okhuura ephaawu yoohimiropo.²¹Vano, Moises aahaalattula mahumu ooteene owiisrael ni aahowiirelatja: Nrwee mwathanle enama tjin'la waaphiyera assimutjiinhu, nintthonkomanihe enama yossukuhuulu. ²²Ni nkusse nritta wonri nruwyee nphomeni eri npassiyani. N'nohala omwaressela ephomeeyo nmamikhorani. Khaavo wanhu n'hala okhuma owanuwawe npaka ossa.²³Kontha Apwiya anaahala ovira wiira yaakhwanhule atthu owiigiipitu. Ayena yawavale awehaka ephome yanmikhorani, an'hala ovira watjulu nkhoreenhu ni khan'hala ontthuniha ntakhali ovira nmawan'nhinhu wiira akwanhule.²⁴Nweheehe woohimala, phanka ekettelweenhu naassimutjiinhu. ²⁵Mwaphiyatja elapo en'haleenhu ovahiya naaPwiya, phanka tjikhuluvelihalyaaya opanka, n'naahala woona yooreera.²⁶Mwakohiya naassaaneenhu: Ohakalalan'no on'himyani? ²⁷N'nohala waakhula: Ola okuttho wossukuhuulu yaaPwiya, kontha Apwiya avirale watjulu tjonupa tjaatthu owiisrael elapo yowiigiipitu, waakwanhulatjaaya atthu owiigiipitu. Ayena ahaataphulatja assimutjiihu. Vano, atthu yaahokokhora ni yaahaavekela Apwiya. ²⁸Atthu owiisrael yaahorwaa ni yaahopanka phanka Apwiya tjaamwiirelalyaaya Moises ni Arao.²⁹Ohiyu eriyari, Apwiya yaahowiivakatja owantjera oyariya ooteene elapo yowiigiipitu, okhuma owantjera oyariya aFarao, yooyo ookoma weehitjeniwawe, ni owantjera oyariya aanantthukeliya niinama tjowantjera oyariya. ³⁰Farao aahovuwa ohiyu, naanantekwaawe ooteene. Waahaavo wunla ventji, kontha khayaarivo enupa yahaaryaawe ntthu ookhwa.³¹Ohiyu Farao aahomwiihana Moises ni Arao, ni aahiira: Nkhumatje eriyari yaatthwaaka, nhu naatthu owiisrael phanka tjilepelaleenhu. ³²Nkussatje mihuwotjinhu, phanka tjihimyaleenhu, nrwaatje ni nkireerihatje. ³³Atthu owiigiipitu yawoona opitja okhumakhuma elapweele, kontha yiira: Ninaakhwa ooteene.³⁴Vano atthwaale yaahokussa otthwaaya woohimiropo. Myaaputjaya tjaanhattaaya tjaahotthukatjiya niikuwotjaya nmakhatani. ³⁵Atthu owiisrael yaahopanka phanka Moises tjaahimyalyaawe. Yaaholepelatjiya naatthu owiigiipitu tjitthu tjoparatha ni tjowooru, niikuwo. ³⁶Apwiya yaahopanka wiira atthu owiigiipitu yaatteelihe atthu owiisrael. Vano, atthu owiigiipitu yaahovaa khuula etthu yaalepeliyaaya naayenatja. Weenan'na yeeyo, atthu owiisrael yaahaahukhatjera atthu owiigiipitu.³⁷Atthu owiisrael yaahokahla niikwaha Oramesses arwaaka Sucote. Yaahaavo atthu wookhalaka ekonto sita mwentta vathi, waahiya anamwane. ³⁸Yaahotakaneela naanan'mwa, nimihuwotjaya, atthu yaari entji. ³⁹Yaahoossatja ephaawu tjoohimiropo niiphepa yawaanalyaaya wiigiipitu. Ephaawu tjaari tjoohimiropo kontha yaakhumale elapo yowiigiipitu ni kawaaphwanela opitjapitja yanriihaka eyoolya. ⁴⁰Atthu owiisrael yaari wiigiipitu eyaakha emiya tjesse wotalaathiini.⁴¹Woomaleloni womyaakha emiya tjesse, nen'ne nihukun'ne, anakhotto ooteene aaPwiya yaahokhuma elapo yowiigiipitu. ⁴²Waari ohiyu woopheela wunwa, kontha Apwiya yaahaakumiha elapo yowiigiipitu. Waari ohiyu waaPwiya, woopheela wooniya naatthu owiisrael ooteene mwaha womakhoto ooteene.⁴³Apwiya yaahomwiirela Moises ni Arao: N'na phinlamulo nopaskowa: Khaavo nan'mwa n'hala olya. ⁴⁴Vano, khula epottha ethumiye ninsurukhu n'hala olya napatjale wuula.⁴⁵Anan'mwa naananteko yaapokhera khan'hala olya eyoolyeeyo. ⁴⁶Khula ntthu n'hala olya owanuwawe. Khan'nohala okussa enama nrweehaka nipuro nikhwaawe, ni khan'nohala opwessa nikhuva.⁴⁷Atthu ooteene owiisrael an'hala oweheeha essukuhuulwiiyo. ⁴⁸Nan'mwa akhala ninhu apheelaka opankela nphantte wossukuhuulu yaaPwiya, amutjiinhu ooteene alopwana ahaana wuula. Vano yena phin'halaawe okhalela nphantte. Yena n'hala okhala phanka omon'mo. Vano, oohuula ooteene khan'hala olya.⁴⁹Ekettelweeyo en'hala okhala nintthu ooyariya mon'mo ni nan'mwa khala ninhu. ⁵⁰Tjitjon'mo, atthu ooteene owiisrael yaahopanka phanka Apwiya tjan'himeeryalyaaya Moises ni Arao. ⁵¹Yiiranyaale nihuku Apwiya yankumihalyaaya Israel elapo yowiigiipitu, naanakhotthwaaya.

¹Apwiya yaahomwiirela Moises: ²Okireerihele owantjeriya ooteene, alpwana ooteene owiisrael, atthu, niinama.³Moises aahowiirela atthu: Nmwaanatjeke muupuwenlaka nihukun'na, nikhumaleenhu wiigiipitu mwiipihini mwaha wontata nooweryessa na Pwiya, yookumihaleni nipuron'ne. N'hikhuure ephaawu yomiropo. ⁴N'naahala okhuma wiigiipitu nihukun'na mweeri waAbibe. ⁵Apwiya yoowaanani elapo yomacananeu, maheteu, maamorreu, maheveu ni majebuseu, elapo eluphenlyaawe kaayi wiira aanawoovahani, elapo yoovirikana nimana oravo niileeti vano n'nohala oweheeha otthapan'no yoola mweeryuula.⁶Mahuku saapa, n'nohala okhuura ephaawu yoohimiropo; nihuku nonasaapa, enaahala okhala essukuhuulu wowaattittimiha Apwiya. ⁷Ephaawu tjoohimiropo tjin'hala okhuuriya mahuku saapa; khin'hala woonanyaa ephaawu yomiropo eriyariinhu. Khatjin'hala woonanyaa miropo wariinhu.⁸Mhuku yaale, assaaneenhu n'nohala owiirela: ⁹Ela phinkipankalyaaya Apwiya owakathi okhumalyaaka wiigiipitu. Ola on'hala okhala muupuwelelweenhu woohimala. Phimaana ekettelo yaaPwiya en'hala okhala mwaanomwinhu, kontha, nintatanawe noolipa, hookumihani wiigiipitu. ¹⁰Phimana n'haana nssunkaka ni muupuwelaka mwaakha ni mwaakha.¹¹Apwiya yoowiihani elapo yooCanaa, okhala wiira ayena aholuphela wiira anaahala opanka, ¹²n'nohala waavaha owantjera oyariya ooteene, akhale atthu wala enama. ¹³Alopwana an'hala okhala aaPwiya. Khula enama yowantjera oyariya n'nohala othuma tootho niinama ekhwaaya, Mweehithumetho, khan'nohala ohita. Phimaana khula owantera oyariya waassaaneenhu assilopwana n'naahala waathumatho.¹⁴Mwaamwaninhuuyo ookohani, yeeyeeyo en'himya essiyani? Vano mwawaakhuleke: Waari mwaha wontata nokuru naaPwiya onikumihalyaaya elapo yowiigiipitu, mwiipiphini. ¹⁵Owakathi Farao wanikhottihaawe okhuma, Apwiya yaahowiiva owantjera oyariya ooteene elapo yowiigiipitu, attu niinama. Phimaana, kinawaavaha owantjera oyariya ooteene enama tjoolopwana, ni phimaana kinawaathumatho owantjera oyariya waassaanaaka. ¹⁶On'hala okhala muupuwelelo mwaha wontata nokuru naaPwiya ninikumihale wiigiipitu.¹⁷Owakathi Farao waahiyalyaawe atthu okhuma, Nluku aahoneettihera elapo yomafiliteu, onarri nttala wowaattamenla. Ni Nluku aahiira: On'nokhala aatthwaayo opittikussa muupuwelelo yatthema ekhotto, vano anaahala waakulela wiigiipitu. ¹⁸Vano, Nluku aahoweettihera atthwaale woorukureerya woothakoni arwaaka epahari yoosseeya. Atthu owiisrael yaahokhuma wiigiipitu ootthonkomanyaa wiira yawane ekhotto.¹⁹Moises aahokussa makhua Jose, kontha Jose aahaakhuluveliha atthu owiisrael wiira: Weekhweeli Nluku naahala wookussani, ninhu n'haana nkussaka makhuvaaka. ²⁰Atthu owiisrael yaahokhuma oSucote ni yaahomakatja oEta, ninkurukuru moothakoni. ²¹Apwiya yaarwaa naayenatja nihuku nooteene, ninttitthi womahutte aweettiheraka ninttala. Ohiyu ayena yaarwaa nimooro wiira yaamwaleelatjeke. Tjitjon'mo ayenatja yaahaana yeettaka othana noohiyu. ²²Apwiya khayaahiyale weettihera nimahutte othana ni ohiyu nimooro.

¹Nluku aahomwiirela Moises: ²Owiirele atthu owiisrael wiira yakhalatje oPi Hairote, eriyariru oMigdol niipahari, ohinaphiya Baal Zefom. N'nohala okhala niipahari, oPi Haiote. ³Farao naahala owiirelatjani ayenatja khaanoonatja wookelela. Aritji moothakoni.⁴Kinaahala olipiha nrima waFarao, ni yena naahala owoomalanihani. Kinaahala ottittimihiya mwaha waFarao naanakhottwaawe. Atthu owiigiipitu anaahala otjuwela wiira kiPwiya. Atthu owiisrael an'hala okhala phanka tjaahimeeriyaaya. ⁵Mwene owiigiipitu owakathi ohimeeriyaawe wiira atthu owiisrael ahotthawa, muupuwelelo waFarao naanantekwaawe waahaarukuhuwela atthwaale. Ayenatja yaahiiratja: Mipankaleni, mwaahiyaka atthu owiisrael orwaa?⁶Vano Farao aahotthonkomaniha ekaatjawe naanakhottwaawe aahaakussa. ⁷Aahokussa ekaaro emiya sita ni tjikhwaawe tjowiigiipitu naakhulupalyaawe ooteene. ⁸Apwiya yaaholipiha nrima waFarao, mwene owiigiipitu, ni mwenyoole aahowoomolaniha atthu owiisrael. Atthu owiisrael yaakhumale ootteeliya. ⁹Massi atthu owiigiipitu yaahowoomolaniha, niikavalotjaya, naanakhottwaaya. Ayenatja yaahaaphwanhatja aisrael niipahari, nphantte wooPi Hairote, ohinaphiya oBaal Zefom.¹⁰Farao owakathi waattamenlalyaawe, Atthu owiisrael yaahontuthuwa. Anakhotto yiira yeettaka ottuliwaya; ni yaahoovatja. Atthu owiisrael yaahonkhuwela Nluku. ¹¹Ayenatja yaahomwiirelatja Moises: Wiigiipitu khayaarivo mahiye phimaana n'niwiihaka wiira nikhwe? Onipankenleni tjo, woonikumiha wiigiipitu? ¹²Khanoohimeeryale? Naahoohimeerya: Onihiye ninrettele, ninawaatthara atthu owiigiipitu. Waanaareerela waavarela nteko wahikhanle okhwa moothakoni.¹³Moises aahowiirela atthu: N'hoovatje. Nlipatje ni moone woopwaa Apwiya tjin'halaaya woopankani olelo. Kontha khan'nohala owoonatho atthu owiigiipitu anooneenhu olelo. ¹⁴Apwiya anaahala owaakihani, massi nkhale oolipa.¹⁵Vano Nluku aahomwiirela Moises: Moises, essiyani okikhuwelaka nanlelo? Waahimeerye atthu owiisrael arwee ohoolo. ¹⁶Ovusse nkopwaa, otaphulele ntatanaa opahari ni okawanihe ephantte piili, wowiira atthu owiisrael alapuwe woohinaana. Onaatjuwela wiira kiholipiha mirima tjaatthu owiigiipitu wiira awoomolanihe. ¹⁷Kinaahala ottittimihiya mwaha waFarao naanakhottwaawe ooteene. ¹⁸Vano atthu owiigiipitu anaahala otjuwela wiira kiPwiya kattittimihiya mwaha waFarao, naanakhottwaawe.¹⁹Nlaikha naNluu naahoolelatja atthu owiisrael, naahorwaa ottuliwaya. Mahutte yeetta ohoolowaya yaahokhala ottuli. ²⁰Nihutte naahokhala waari atthu owiigiipitu ni waari atthi owiisrael. Ayenatja yoonatja epiphi, massi atthu owiisrael waari nthuko. Vano nphantte ninphantte nkhwaawe khayaattaman'nale ohiyu wooteene.²¹Moises aahotaphulela ntatanawe opahari. Niiphyoo yuulupale, ohiyu wooteene, Apwiya yaahokawaniha maatji onpahari, akhalihaka etthaya yohun'ma. ²²Atthu owiisrael yaaholapuwa epahari niitthaya yohun'ma. Maatjaale yaahaakutakutheehatja, nphantte ninphantte.²³Atthu owiigiipitu yaahowoomolanihatja. Ayenatja yaahaattharatja eriyari yopahari niikavalotjaya tjooteene, tjaFarao. ²⁴Massi wassalyaaya, Apwiya khayaatthunihale olapuwa atthu owiigiipitu mwaha womooro ni nihutte. Ayena yaahowiivakatja. ²⁵Maroota okaarotjaya khatjeettatho, ni anameettihaayo yeettiha woohilokaloka. Vano atthu owiigiipitu yaahiira: Nttwee nihokolyee, kontha Apwiya anaawaakihatja.²⁶Apaiya yaahomwiirela Moises: Otaphulele ntatanaa opahari wowiira maatjaayo yahokoleele atthu owiigiipitu, niikaarotjaya. ²⁷Vano Moises aahotaphulela ntatanawe opahari, ni maatjaale yaahohokoleela tjaaryaaya. Atthu owiigiipitu yaahomananiha otthawa nmaatjini, massi Apwiya yaarielale eriyari epahari. ²⁸Maatjaale yaahaakhuneela atthu ooteene aFarao naanakhottwaawe yaarwaale npaka opahari. Khaavo aahalale.²⁹Tjitjon'mo atthu owiisrae yaaheetta etthaya youuma eriyari epahari. Maatjaale yaari mwinkitthwaaya, moono nlopwana ni moono nthiyana. ³⁰Apwiya yaahonkumiha Israel nmatatani mwaatthu owiigiipitu nen'ne nihukun'ne, ni Israel aahona erutthutjaya nsseressere epahari. ³¹Israel wawehalyaawe owerya waNluku, atthwaale yaahaattittimiha Apwiya ni yaahonkhuluvela Nluku ni nrumeyaawe Moises.

¹Vano, Moises naatthwaale yaahomwiipelatja ntjipo Nluku. Kinawiipela Apwiya, kontha ayena aahaatthema; atthu, ayena ahaarihela opahari.²Apwiya ekurutjaka nintjiponaka, ayena ahokhala moopolyaaka. Ola Nlukwaaka ni kinaahala omwiipela, Nluku aathumwanaka, kinaahala omwiipela. ³Apwiya anakhotto. Apwiya ntjinanaya.⁴Ayena aahaarihela eriyari epahari ananteko aFarao niikaarotjaya. Akhulupale oothanliya ni Farao yaariheliye epahari yoosseerya. ⁵Yaahokhuneeliya mowiissa, yaahotjama vathi nookhuneliya phanka maluku.⁶Ntataninhu noolopwana, Apwiya, phinowaarya niikuru; ntataninhu noolopwana, Apwiya nihaahonona awanani. ⁷Nooweryawinhu, n'haakhwitiri yaale yaawoomolanihani. N'hoveleeliha orussiyawinhu ni ohaarimeelihatja. ⁸Wophyoo tjonphulaniwinhu, maatji yaahokawanyaatja, ni yaahokhala oweemela wanrimani wopahari.⁹N'wanani aahiira: Kinaahal owoomolaniha, ni kinaahala wootthema, kinaahala okawaniha mihakhu; kinaahala waapanka en'halaaka woona; kinaahala waakwanhulatja niikatana. ¹⁰Massi nhu n'hovukhenla niiphyoo, niipahari yaahaakhuneela; yaahoneelatja vathi maatji. ¹¹Wavirenle aNluku ooteene tupani owoovikanani nhu Apwiya? Tupani owoolikan'nani, okuru, oottittimihiya niitjipo, apankaka miiriirya?¹²N'haaphwanhatja nintataninhu noolopwana ni etthaya ehaamirya. ¹³Mwaha wowataanawinhu, n'howeettihera atthu yaakussaleenhu. Mwaha wokurutjinhu, n'howeettihera atthu nipuro ttakattiifu ninkhaleenhu.¹⁴Atthu anaahala wiiwa ni anaahala woova; ntakhali naahala waaphwanha atthu ankhala oFilistia. ¹⁵Vano, akhulupale oEdom anaahala woova, anakhotto oMoabe anaahala woova; atthu ooteene ankhala oCanaa anaahala okutakuthyaa.¹⁶Onaahala waa[hwanha woova; mwaha wokuru womoonwaaya, ayenatja an'hala okhala phanka nluku npaka atthwaayo wanviraaya, Apwiya, npaka atthu yaakussaleenhu alapuwe.¹⁷N'nohala oweessa omwaakowinhu, nipuro Apwiya nipankalyaaya wiira akhale, Nlukweehu ttakattiifu, matateenhu atekalyaaya. ¹⁸Apwiya anaahoolela woohimala.¹⁹Kontha mikukuttha tja Farao naatthwaawe anaahala okela npahari. Nluku aahaamwaresselatho maatji onpahari. Phimaana atthu owiisrael yaaheetta etthaya yowuuma, eriyari epahari. ²⁰Miriam, nrumeyi, mwanrokorawe Arao, yaahokussa ekoma, naathiyana ooteene yaahowa niikoma yiinaka. ²¹Miriam aahowiipelatja: Mwiipele APWIYA, kontha ayena ahotthema ventji. Mikukutthatjaya naatthwaawe ahaarihela nmaatjini.²²Vano okhuma epahari yoosseerya, Moises aahoweettihera atthu woorwaa ohoolo. Ayenatja yaavikanatja moothakoni wooSur. Yaaheettatja mahuku mararu moothakoni ahiphwanhaka maatji. ²³Vano phwaaphiyaaya oMara, massi khaawuryale maatji owoowu, kontha yaanaawaawa. Phimaana ahiihana nipuron'ne Mara.²⁴Vano atthwale yaanonttokutta Moises yiiraka: Niwuryekeni? ²⁵Moises aahokhuwela waaPwiya, ni Apwiya yaahonthoonhera ekhokolo yonri. Moises aahorihela nmaatjini, ni maatjaale yaahokhala ootjiva wiira awurye. Phinen'ne nipuron'ne Apwiya waattehattehalyaaya. ²⁶Yena aahiira: Mwiiweehaka ntjuunaka, mi, Pwiya, NLUKWEENHU, ni npankaka yoophwanela wameethoniwaka ni mwaweheehaka tjoorumatjaka, ni mwiiwelelaka ekettelotjaka, akin'hala woohuvihatjani tjaapankalyaaka atthu owiigiipitu; kontha kiPwiya, noole noovonihani.²⁷Vano atthu yaahophiya npaka oElim, nipuro naari maatji mentji. Ayenatja yaahomakatja waattamenla maatji.

¹Atthu yaaheetta oElim, nimittetthe tjooteene tjowiisrael yaahowa woothakoni wa oSim ankhala eriyariru okhuma Elim ni Sinai, nihuku nonakhuumi nathanu mweeri wonayeeli, anakhumale elapo yowiigiipitu. ²Mittetthe tjooteene tjowiisrael tjaahottokutta mwaha wa Moises ni Arao moothakoni. ³Atthu owiisrael yaahiiratja: Ninakhwale nmatatani mwaaPwiya elapo yowiigiipitu, ninookomale nissufuriiya onama nikhuuraka ephaawu enitossaka? Kontha n'honiwiihatja moothakoni, wiira nikhwe etala.⁴Vano, Apwiya yaahomwiirela Moises: Kinaahala okurusselani ephaawu. Atthu anaahala okhuma ni anaahala ohepha khula nihuku. Phin'halaaka owoona wakhala wiira anaahala weettela wala mena ekettelotjaka. ⁵En'hala wiiranyaa nihuku nonasita: Anaahala ohepha woovikana tjaahephaaya khalayi, i an'hala waapyaa en'halaaya owaana.⁶Vano, Moises ni Arao yaahowiirela atthu owiisrael: Wiilakavale, n'naahala otjuwela wiira phaapwiya yookumihaleni elapo yowiigiipitu. ⁷Ni, wassavale, n'naahala woona waarya waaPwiya, kontha yena hiiwa moolumweenhu. Naapanihi oopheela nhu onuulumela tjitthu? ⁸Moises aahiira: N'naahala waatjuwela Apwiya yoovahani enama wiilavale, niiphaawu owitjissu wiira nrupalatje, kontha yena hiiwa moolumweenhu. Hinaapani? Ottokuttawinhu khunakhala mwaha wahiivano mwaha waaPwiya.⁹Moises aahomwiirela Arao: Waahimeerye atthu ooteene owiisrael: Mwaattamenlatje Apwiya, kontha ayena an'niiwaka tjowuulumatjinhu. ¹⁰Arao wiiraawe uulumanaka atthu ooteene owiisrael, ayenatja yaaweha woothakoni ni waarya waaPwiya waakhuruwela nmahutteni. ¹¹Apwiya yaahomwiirela Moises: ¹²Kin'niiwaka moolumo aatthu owiisrael. Waahimeeryatje: Ohiyu, n'naahala okhuuratja enama, ni, owitjissu, n'nohala orupala ephaawu. Vano, n'naahala otjuwela wiira kiPwiya, Nlukweenhu.¹³Ohiyu yoole, enuni tjooyevatja tjaahowa ni tjaahokhuneela nipuro naamakiye nooteene. Owitjissu, okame waahomorela nipuron'ne. ¹⁴Okamyoole warwaalyaaya, vathivale yaahoona wiira tjaahaavo ehalahalo tjookame tjooyevatja. ¹⁵Atthwaale woonalyaaya, yaahiirelanatja yaayoru: Essiyaniila? Ayenatja khayaatjuwela etthweene. Moises aahowiirelatja: Phiiphaawu Apwiya enoovahakaayani.¹⁶N'na phinlamulo Apwiya ninvahakaaya: N'haana nssunkaka, yoopheela nhuuva olya: Eliituru piili khula ntthu, wonayeeli atthwaayo tjiryaaya. Phin'haleenhu opanka tjitjon'mo: Ntakaniheke yoopheela olya khula ntthu nkhala n'heemaniwawe. ¹⁷Ni atthu owiisrael yaahopanaka tjitjon'mo. Akhwaawe yaahossunka yintji, akhwaawe vakaani. ¹⁸Wawehatjeriyaaya niiphimelon'nhe, yaale yaatakanihale ventji khiivo yaahaleela, ni yaale yaassunkale vakaani khiivo ehaleelale. Khula ntthu aassukale yoopheela olya.¹⁹Moises aahowiirelatja: Hikhale nssunkera meelo. Massi ayenatja khaamwiwenlatjale Moises. ²⁰Atthu akhwaawe yaahossunkera nihuku nikhwaawe, massi ephaawu tjaahohon'nya. Moises aahorussiya naayenatja. ²¹Ayenatja yaanossunka khula owitjissu. Khula ntthu aanossunka yoopheela olya nen'ne nihukun'ne. Ni eyoolyeele, yaanaathuluwa ntjuwa waapharelaaya.²²Nihuku nonasita, yaahossunkatja ephaawu emaara piili, eliituru piili khula ntthu. Ahooleli ooteene omunttettheni yaahowa ni yaahonttonkela Moises. ²³Yena aahowiirelatja: Nluku phiiralyaawe: Meelo nihuku noomumula, saapatu ttakattiifu onttittimiha Nluku. Mwaapyee en'haleenhu otthuna. En'hala ohala yooteene, nssunkere nihuku nikhwaawe.²⁴Vano, ayenatja yaahossunkatja npaka owitjissu, phanka Moises tjaahimeeryalyaawe. Ni khayunttale wala khayaatjukumanale. ²⁵Moises aahiira: Nlyatje eyoolyeela olelo, kontha olelo nihuku noossunkeriya, saapatu, woopheela waattittimiha Apwiya. Olelo khan'nphwanha eyoolya nmamattani.²⁶N'nohala opanka tjitjon'mo mahuku sita, massi nihuku nonasaapa nihuku nosaapatu. ²⁷Nihuku nosaapatu, khan'hala okhala mana. Nihuku nonasaapa, atthu akhwaawe yaahokhuma arweelaka mana, ni khayaaphwanhale.²⁸Vano, Apwiya yaahomwiirela Moises: N'nohala otanhifu moolumwaaka wala ekettelotjaka npaka eyaakhani? ²⁹Nkawehani, mi, Pwiya kinawoohiyakani omumula. Vano, nihuku nonasita, n'nohala ovaha ephaawu womahuku meeli. Khula ntthu wanhu nohala okhala owanuwawe, khaavo n'hala okhuma owanuwawe, nihuku nonasaapa. ³⁰Vano, atthu yaahomumula nihuku nonasaapa.³¹Atthu owiisrael yaahovaha ntjina eyoolya namana. Yaari yootteela phanka epyoo, ni yaari phanka ehaawu yoopankiya nuuravo. ³²Moises aahowiirelatja: Apwiya phiiralyaaya: Mwaassunkere ephimelo emotja yomana assimutjiinhu, wiira yaayo awehe wiira phiiphaawu yoolihaakani moothakoni, owakathi wookumihalyaakani elapo yowiigiipitu.³³Moises aahomwiirela Arao: Okussentiita ohele eliituru piili tjomana weesse npaani. Mwaassunkere Apwiya womakhoto aathweehu. ³⁴Apwiya phaamwiirelalyaaya Moises, Arao aahossunka, nphantte wonuulumo nowaataana, n'nivukuni. ³⁵Atthu owiisrael yaaholya mana eyaakha arupayini, npaka waphiyalyaaya waarwaaya. Ayenatja yaaholyatja npaka waphiyalyaayamwiinano wolapo yooCanaa. ³⁶Eliituru piili nphantte wonakhuumi wakhula nphimelo.

¹Atthu ooteene owiisrael yaakhuma moothakoni wooSim, attharenlaka mwaahimyaaya Apwiya. Ayenatja yaamakatjale oRefidim, massi khayaarivo maatji oopheela ovurya atthwaale. ²Vano, atthwaale yaahonttokutta Moises ni yaahomwiirela: Onivahe maatji nivurye. Moises aahiira: N'nottokuttelani? N'nonttehatteherani Nluku? ³Atthwaale naanowaavola ntthona ni yanromola Moises. Ayenatja yaahiiratja: Onikumihenreni elapo yowiigiipitu? Onpheela oniiva ntthona, assaaneehu niinamatjihu?⁴Vano, Moises aahaakhuwela Apwiya: Kaahala waapankani atthwaala? Anpheela okihomakatja. ⁵Apwiya yaahomwiirela Moises: Orwee ohoolowaya yaayo atthwaayo ni waakusse aholeli owiisrael. Wiirwaaka okusse nkopwaa waattanalyaa nmaatjini. ⁶Kin'hala okhala niwe mwala ooHorebe, ni on'hala waatta mwala. Maatji anaahala okhuma wiira atthu avurye. Moises aahopanka tjon'mo ohoolo womahumu owiisrael. ⁷Yena aahiihana nipuron'ne Massa ni Meriba, mwaha womoolumo aatthu owiisrael, kontha ayena yaahaattehattehatja Apwiya yiiraka: Apwiya ari nihi wala mena?⁸Vano, anakhotto aamalequita yaahaakhumenla atthu owiisrael oRefidim. ⁹Tjitjon'mo, Moises aahomwiirela Josue: Waathanle atthu alopwana wiira arwee yaawanane amalequita. Meelo kin'hala okhala omalenle mwaako ninkopo waNluku nmatataniwaka. ¹⁰Vano, Josue aahopanka phanka tjaahimeeriyaawe aahaawanana amalequita, Moises, Arao ni Hur anaritji omwaako.¹¹Moises iira navussale matataawe, Israel aanaatthema; waakurussaawe matataawe wiira amumule, amalequita yaanaatthema. ¹²Matata aMoises wootjyaalyaaya, Arao ni Hur yaahokussatja nluku ni yaahomweessenratja nookomale. Owakathi yooyo, Arao ni Hur yiira anavussale matataaya, n'motja nphantte nkhwaawe nin khwaawe nphantte nkhwaawe. Tjitjon'mo, matata aMoises yaahokhala oweenela npaka ntjuwa okela. ¹³Weenan'na yeeyo, Josue aahaatthema amalequita niikatana.¹⁴Nluku aahomwiirela Moises: Wantikhe nliivuruni ni wassome wiira iiwe Josue, kontha kinaahala kinaahala waafutja nmuupuweleloni waamalequita vathi worimu. ¹⁵Vano, Moises aahaateka altaare ni aahovaha ntjina ''Apwiya nthoonherwaaka". ¹⁶Yena aahopanka, kontha aahohimya: Apwiya yaaholuphela wiira yena naahala owana naamalequita nikhoto ni nkhoto.

¹Jetro, nankuttho ooMidia, ahaalwaawe owaathelela Moises, aahiiwa tjooteene Nluku tjanpankalyaawe Moises naatthu owiisrael. Yena aahiiwa wiira Apwiya ahaakumiha wiigiipitu atthu owiisrael. ²Jetro, ahaalwaawe Moises, yaahonkussa Zipora, amwaarawe Moises, yaahaaveleeliha owaani, ³naassaanaawe eeli; ntjinanawe mwaana nmotjooyo iihaniya Gerson, kontha Moises aahohimya: Kiheettakatja elapo yoohitjuwela. ⁴Ntjina namwaana nkhwaawooyo iihaniya Eliezer, kontha Moises aahohimya: Nluku aamutjaaka okhalayi yaahokikhavihera. Ayena ahokikumiha waFarao.⁵Jetro, ahaalwaawe Moises, yaahorwaa naassaanaawe Moises naamwaarawe moothakoni waari mwaako waNluku. ⁶Yena aahomwiirela Moises, mi ahaalwa Jetro, kiniira kiwaaka nipuro niryaa naamwaaraa naassaanaa.⁷Moises aahokuma wiira akuman'ne ahaalwaawe, aahooroma, ni aahaakapatta. Ayenatja yaahokohanatja yaayoru tjaakhalaaya ni, yaahorwaatja oheemani. ⁸Moises aahaahimeerya ahaalwaawe tjooteene Apwiya tjanpankalyaaya Farao naatthu owiigiipitu mwaha wonfento owiisrael, mwaha womikatjamiho tjaarinaaya ninttala ni Apwiya tjaataphulatjalyaaya.⁹Jetro aahotteeliya mwaha wotjitthu Apwiya tjaapankalyaaya atthu owiisrael, mwaha wowaakumiha nmatatani mwaatthu owiigiipitu. ¹⁰Jetro aahiira: Oottittimihiya akhale Apwiya yookumihaleni wiigiipitu ni nmatatani mwa Farao. ¹¹Vano, kinaatjuwela wiira Nluku muulupale naanluku ooteene, kontha, atthu owiigiipitu owakathi waahuvihatjaaya atthu owiisrael, Nluku haakumiha.¹²Jetro, ahaalwaawe Moises, aahonvaha Nluku tjoovaha nuukuttho. Arao nimahumu ooteene owiisrael yaahowa olya naahaalwaawe Moises ohoolo waNluku.¹³Orupossenliya, Moises aahokoma wiira alamule atthu. Atthu yaahikhala niyenani okhuma owitjissu npaka wiila. ¹⁴Ahaalwawe Moises owakathi woonalyaaya etthu enaapankaawe atthwaale, aahiira, "Atthwaala oneerihani? Essiyani wookomaka veekha naatthwaala phoorukureeryaka okhuma owitjissu npaka wiila"?¹⁵Moises aahowaakhula ahaalwaawe: Atthwaala ankikoha mwaha waNluku. ¹⁶Yakhalana mikatjamihotjaya ankiweelami. Kinawaahimeerya ntthu ninkhwaawe, ni kinawaassomiha ekettelo tjaNluku.¹⁷Ahalwaawe Moises yaahomwiirela Moises: Enpankeeyo khinakhala etthu yomaana. ¹⁸Weekhweeli onaahala wootjyaa wee naatthu arinaayo, kontha nteoorinooyo mwintji. Ohivareke veekha. ¹⁹Okiiwwe. Kinawoohimeerya etthu, ni Nluku n'hala okhala niwe, kontha weeeyova niNlukuuyo on'hooleli aatthu, ni onaakussa mikatjamihotjaya waYena. ²⁰Ohaana waassomihaka malamulo niikettelo tjaNluku. Ohaana waathoonheraka meettelo ninteko woopheela ovara.²¹Ohaana waathanlaka atthu , anonttittimiha Nluku, atthu ookhuluvelyaa. Atthu oopheela waahoolela atthu, oopheela waahoolela atthu ekonto, emiya, hanssiini ni n'hooleli aathu khuumi. ²²Ayenatja anaahala waalamula aatthwaayo womikatjamiho tjooteene, massi mikatjamiho tjoorika anaahala woowiihera. Tjooyevayeva, anaahala wuuluma assineene. Wakhala tjon'mo, ayenatja anaahala woovukula kirintti. ²³Wapanka tjon'mo, ni Nluku aweettiheraka, vano onaahala otjuwela ovilela, ni atthu anaahala orwaa owaani ootthukuwatja.²⁴Vano, Moises aahiiwa moolumo aahaalwaawe ni aahopanka tjooteene tjaahimeeriyaawe. ²⁵Moises aahaathanla alopwana oophwanela ni aahaakhaliha ahooleli aathwawe, ahooleli aatthu ekonto, emiya, hanssiini naahooleli aatthu khuumi. ²⁶Ayenatja anaahala waalamula atthu womaana. Mikatjamiho tjoorika anaahala orweehatja waMoises, massi yaayotja an'hala olamula tjooyevayevatja. ²⁷Vano, Moieses aahaahiya ahalwaawe, ni Jetro aahohokoleela elapwaawe.

¹Mweeri woneeraru atthu owiisrael anahiyaleene elapo yowiigiipitu, nihuku nen'ne, ayenatja yaahohokoleela woothakoni Sinai. ²Anakhumale oRefidim, ayenatja yaahomakatja oSinai, ohoolo womwaako.³Moises aahowela npaka waNluku. Apwiya yaahomwiihana vamwaako ni yaahomwiirela: N'haana muulumelaka etthoko yaJaco, atthu owiisrael. ⁴N'hoonatja ewiirihalyaaka atthu owiigiipitu, tjookussalyaakani nmapuphani mwaassaanuni koowiihakani. ⁵Phimaana mwiiwa ratta ntjuunaka ni nssunkaka waataanawaka, n'nohala okhala awaka mwaatthu ooteene, kontha elapo yooteene yawaka. ⁶N'nohala okhala omwene weenenkuttho niilapwaaka ttakattiifu. Phamoolumo an'nhalaa wuulumela atthu owiisrael.⁷Vano, Moises aahohokolyaa ni aahaalattula mahumo aatthu. Yena aahaattomkelatja moolumo ooteene yaahimeeriyaawe naaPwiya. ⁸Atthu ooteene yaahaakhula yiiraka: Ninaapanka tjoteene Apwiya tjihimyalyaaya. Vano, Moises aahorwaa waattonkela Apwiya moolumo aatthwaale. ⁹Apwiya yaahomwiirela Moises: Kin'hala okhumenla nmahutteni wiira aathwaayo akiiwe kiwuulumanaka ni akhaleke oowiiwelela. Vano, Moises aahaahimeerya Apwiya moolumo aatthwaale.¹⁰Apwiya yaahomwiirela Moises: Orwee waatthuni. Olelo ni meelo nkittakattifihe, ni wiirele akatthe ekuwotjaya. ¹¹Nkhale oottonkomanyaa wonihuku noneeraru, kontha, nihuku noneeraru, mi, Pwiya, kinaahala waakulela omwaako Sinai.¹²Onaahala waahimeerya atthu ooteene mwiinano woorukureerya mwaako: Owiirelaka ratta: Hikhale n'hala owela mwaako wala okwanha. Wayoole n'hala okwanha mwaako naahala okhwa. ¹³Hikhale n'hala onvara yoole nkoovara mwaako. Ohiyavaa, yooyo ntthuuyo n'hala ohomakatjiya nimaluku wala ohomiya ninttheere. Akhale ntthu wala enama, anaahala okhwa. Nipalapatta naruma owakathi mwintji, ayenatja anaahala owela omwaako.¹⁴Vano Moises aahokhuruwa omwaako arwaaka waatthuni. Yena aahaattakattifiha atthu waaPwiya, ni ayenatja yaahokattha ekuwotjaya. ¹⁵Yena aahowiirela atthwaale: Nkhale oottonkomanyaatja wonihuku noneeraru; khan'nohala ophiya waassaarinhu.¹⁶Nihuku noneeraru, wassalyaaya, waahoverunha niitari ninihutte omwaako. Ni naahiiwanyaa ntju nuulupale nonipalapatta. Atthu ooteene yaahoova. ¹⁷Moises aahaakumihera atthu ooteene ota wiira yamoonan'ne Nluku, ni ayenatja yaahkhala nkurukuru mwaako. ¹⁸Mwaako Sinai waari wookhuneeliya nimwiissi kontha Apwiya yaakhuruwale nimooro nimwiissi. Mwiissi waawela phwanka mooro, ni mwaako wooteene waanaattettemela.¹⁹Owakathi nipalapatta waarumaaya ventji, Moises aanooluma, niNluku aanaakhula. ²⁰Apwiya yaahokhuruwela omwaako Sinai, woomaleloni mwaako, ni yaahomwiihana Moises. Ni Moises aahowela. ²¹Apwiya yaahomwiirela Moises: Okhuruwe ni waahimeerye atthu wiira ahituphe mwiinano awaaka waryaaka, wala entji anaahala oriimeelatja. ²²Anankuttho anaattamenla APWIYA ahaana yiittakattifihaka wiira APWIYA ahaarukunuwele.²³Moises aahowiirela Apwiya: Atthu ahiwele vamwaako, kontha nhu n'honiirela: Nthoonhe mwiinano womwaako ni mwaattakattifihe Apwiya. ²⁴Apwiya yaahomwiirela: Okhuruwe ni wanwaane Arao, massi anankuttho naatthu ahiwele, kinawaakwanulatja. ²⁵Vano, Moises aahokhuruwa npaka waatthuni ni aahaahimeeryatja.

¹Nluku aahuuluma moolumwaala ooteene: ²Mi kiPwiya, Nlukweenhu, ookumihaleni elapo yowiigiipitu, nipuro naapotthiyeenhu. ³N'hinkhalane Nluku nkhwaawe woohikhala miivano.⁴N'hikhalaneke ekhove yoovirikana khula etthu eri watjulu erimu, walaeri vathi ethaya, wala eri vathi womaatji. ⁵N'haakokhorele yaayo aatthwaayo, wala n'haakokhorele, kontha mi, kiPwiya, Nlukweenhu, kiNluku onfento. Kinawaahukhumu anamwane, mwaha watjoovara tjootakhala tjan'nathumwanaya, npaka nikhoto noneeraru wala noneetjesse wayaale ahinkitthuna. ⁶Massi inaahala waathoonhihera nfento yaale an'hala okifenta noossunka ekettelotjaka.⁷N'hikusse ntjinanaka, Apwiya, Nlukweenhu, mahala. Akin'hala onkhaliha ntthu yoole n'hala okussa ntjinanaka mahala.⁸Nkuupuweleke nihuku nosaapatu. ⁹N'haana nvaraka mitekotjinhu mahuku sita. ¹⁰Massi nihuku nonasaapa, nawaka, Apwiya Nlukweenhu. Nen'no nihukun'no, khan'nohala ovara nteko, wala mwaamwaninhu, nantekweenhu, enamatjinhu, wala ntthu ookhuma ottayi akhalaka nluwaniwinhu. ¹¹Kontha mahuku sita, mi, Apwiya, kihunpa erimu, niitthaya, epahari nitjooteene tjirivo ni kihomumula nihuku nonasita. Vano mi, Apwiya kihoreeriha nihuku nosaapatu wiira nikhale nawaka.¹²Mwaattittimihe athumwaninhu naanumwaninhu, n'naahala okhalana ekumi yintji vathi, mi Apwiya Nlukweenhu, yoovahalyaakani. ¹³N'hiive. ¹⁴N'heette oluva.¹⁵N'hin'nhe. ¹⁶N'hiwuulume onhala amwaattaman'nueenhu. ¹⁷N'hitanhifu etthoko yaamwaattaman'nueenhu; n'haatanhifu amwaara aamwaattaman'nueenhu, wala khula etthu yaamwaattaman'nueenhu.¹⁸Atthu ooteene yaahoona overunha niitari ni yaahiiwa nipalapatta ni yaahoona mwaako otthuwaka mwiissi. Atthu woonalyaaya tjon'mo, yaahoovatja ni yaahokhalela ottayi. ¹⁹Ayenatja yaahomwiirelatja Moises: Onihimeerye ninawiiwa; massi ohin'hiye Nluku anihimeeryaka ninaahala okhwa. ²⁰Moises aahowiirela atthu: N'hoovatje, kontha Nluku wale woolawihani wiira n'hikosse. ²¹Vano atthu yaahokhala ottayi, ni Moises aahaattamenla waaryaawe Nluku.²²Apwiya yaahomwiirela Moises: Phin'halaa waahimeerya atthu owiisrael: Nhuuvaatja n'nawoonaka wiira kin'wuulumanakani wiirimu. ²³N'hiipankelatje anluku akhwaawe ohoolowaka, anluku oparatha wala anluku owooru.²⁴N'haana nkipankelaka altaare vathi wiira nvaheke okuttho woopahiya, tjoovaha tjooreera, epwittipwitthi niimope. Wakhula nipuro nin'hala ottittimihiya ntjinanaka, kinaahala owa ni kinaahala wooreerihani. ²⁵Mwakipankelatja altaare omaluku, n'haateke nimaluku oothikiliya, kontha, mwaateka nitjitthutjinhu, anaahala otakhala. ²⁶N'haateke woopheela ossunka tjitthutjinhu.

¹Phiikettelo tjin'halaa waahimeerya atthu:²Mwathuma epottha waaheperi, yena n'hala ovara nteko eyaakha sita ni, mwaakha wonasaapa, naahala okhuma woohipokhera. ³Wakhala wiira waale veekhaawe, haana ahiinýaka; akhala oothela, naahala orwaa naamwaarawe. ⁴Amwenyaawe yanvaha nthiyana naayena yaayaraka asaana, vano amwaarawaayo naassaanaawyaayo an'hala okhala aamwenyaawe, ni yena haana akhumaka veekhaawe.⁵Massi epottheeyo yuuluma ratta: Kin'naafenta amutjaaka naamwenyaaka; akin'hala okhuma ootaphuwatja, ⁶vano, amwenyaawe ahaana ankussaka waNluku, ni an'hala omweesa wankhora, anaahala ottenla n'nharu nisinkano. Tjitjon'mo, nantekoole n'hala okhala epotthaaya.⁷Wakhala wiira nlopwana natumiha mwaamwanawe phanka epottha, yena khan'hala otaphulatjiya phanka ananteko. ⁸Yena aahaatjivelihe amwenyaawe, yaayo yiithanlelalyaawe, amweenyaayo ahaana antumihaka. Yena khanphwanela ontumihera ntthu oottayi. Yena khunonphwanela, kontha non'huvihatja.⁹Wakhala wiira amwenyaayo anantheliha mwaamwanaya, yena haana ankhalihaka phanka mwaamwanawe. ¹⁰Wakhala wiira mwaamwanayooyo nankhotta nthiyanooyo, ni aakussaka athiyana akhwaawe, yena khunphwanela ovukula eyoolya, nitjitthu tjikhwaawe. ¹¹Massi, awan'nhawaayo yeehivarele nteko tjitthu tjootthaaru, ayena ahaana akhalaka ootaphuwatja woohiliva wanakhala etthu.¹²Wakhula ntthu n'hala onpanka etthu ntthu woopheela okhwa, naahala ohukhumwiya npaka okhwa. ¹³Wakhala wiira ntthuuyo pankale woohilakela, kinaahala onthoonhera nipuro noopheela otthawela. ¹⁴Wakhala wiira ntthuuyo nonpanka mwayiini mwaataman'nuaawe noopheela omwiiva, ohaana onkumihaka, hata wankhalaawe waltaare waNluku wiira akhwe.¹⁵Wayoole nhala waahanhuriha anumwanawe wala athumwanawe, weekhweeli yena naahala ohukhumwiya npaka okhwa. ¹⁶Wayoole n'hala onkussa ntthu arwaaka ontumiha, wala aphwanhaniyaka, naahala ohukhumwiya npaka okhwa. ¹⁷Wayoole n'hala waatakhaliha athumwanawe wala anumwaane naahala ohukhumwiya npaka okhwa.¹⁸Atthu yaattakana, n'motja anrakalihaka nkhwaawe ninluku wala essooku, woohimwiiva, massi narupaathale wakorini; ¹⁹ni yoola antja weetta ratta, nlopwana anrakalihale haana alivaka owakathi ohaleelalyaawe, tjitjon'mo phanka tjivonalyaawe, massi nlopwanooyo khan'hala okhala ntakhali.²⁰Wakhala wiira ntthu nanrakaliha nantekwaawe niikopwaawe ni nantekoole phukhwa, ntthuule haana ohukhumwiya. ²¹Massi, nantekoole akhala mahuku meeli wala mararu, nlopwanoole khan'hala ohukhumwiya, kontha hohuva woohaleela epotthaawe.²²Alopwana yaattakana ni phumooniha oweryaa nthiyana eerukulu ni akhwaka mwaamwanawe, himwiirihale etthu ekhwaawe, weekhweeli namakossooyo haana alivaka phanka tjin'halaawe olanla namaphuka milattu. ²³Massi, wavara yootepa, onaahala oliva niikumi ekhwaawe, ²⁴niitho niniitho, niini niniino, ntata nintata, n'nha nin'nha, ²⁵mooro nimooro, nikhwatta ninikhwatta.²⁶Wakhala wiira ntthu nanrakaliha nantekwaawe nomwiiva, yena haana an'hiyaka orwaa wootaphuwatja mwaha woniithonawe. ²⁷Ankumiha niino, niyena naahala olivela niniinonawe.²⁸Emope yanrakaliha ntthu niinhakatjaya wala nthiyana emopeeyo ehaana ehomakatjiyaka npaka okhwa, ni khinphwanela okhuuriya enamaaya; massi mwaneenyooyo haana nlattu. ²⁹Massi wakhala wiira emopeeyo yaahaana elamalelo woorakaliha khalayi, i maneene atjuwelaka ni hitthunaka otafiti, ni emopeeyo enrakalihaka nlopwana wala nthiyana, emopeeyo ehaana ehomakatjiyaka ni mwanenyooyo okhwa. ³⁰Alepeliya yoolepeliya mwaha weekumyaawe, yena haana alivaka wayeele en'halaawe olepeliya.³¹Wakhala wiira emope enanrakaliha mwaana mwanlopwana wala nthiyana, mwaneene emopeeyo haana attharihenlaka ekettelo. ³²Emope yanrakaliha ntthu, mwaneene emopeeyo haana alivaka eparatha talaathiini wapwiiyawe, ni emopyaawe ehaana ehomakatjiyaka.³³Ntthu athipa nlikitti, khuhivuhela, emope wala enama ekhwaawe phumorela mon'mo, ³⁴mwaneene nliittin'no haana anlivaka mwaneene enameeyo, niinama yokhweeho enkhala yawawe.³⁵Emope yantthu yarakaliha emope yantthu nkhwaawe wanpheelaaya okhwa, en'hala otumihiya emope ekumiiyo nookawanatjiya nssurukhuuyo, naayenatja an'hala okawanatja emope yookhweeyo. ³⁶Massi, wakhala wiira yaari elamalelo yokhalayi womopeeyo, ni mwaneenyooyo atjuwelaka, yena n'hala oliva enama niinama, ni emope yookhweeyo en'hala okhala yawawe.

¹Wakhala wiira ntthu nawiin'nha emope wala enama ekhwaawe phyiiva wala otumiha, yena haana alivaka emope thanu mwaha womope emotja, niinama tjesse mwaha wonama emotja. ²Wakhala wiira ntthu naaphwanhiya in'nhaka, ni, ntthu anrakalihaka wala okhwa, yooyo ntthu n'hala omwiivooyo khan'hala okhala ntakhali. ³Massi, ntjuwa nakhuma yena hinaaya win'nha, ntakhali phuuule mwiivale. Nawiyooyo n'hala ohukhumweliya yeele yin'yalyaawe. Yena eehikumihe etthu, yena n'hala otumihiya mwaha wowin'yawawe. ⁴Wakhala wiira enama yowiyiya naaphwanhaniya, ekhale enama wala etthu piitthu, yena naahala oliva woovikana.⁵Wakhala wiira ntthu naakussa enamatjawe arwaaka oliha nmattani ni ahiyaka, enama tjirwaaka ematta yantthu nkhwaawe, yena haana akumihaka yoophwanela yonmattaniwawe.⁶Wakhala wiira mooro onaapharela ni okelaka nmattani, opahakatjaka etjoolya, yoole pahale mooroole haana alivaka.⁷Wakhala wiira ntthu nanssunkiha mwaattaman'nuaawe nssurukhu wala mihakhu tjikhwaawe, phuwa ttapaya win'nha, ttapayooyo phuvariya, yena haana alivaka woovikana. ⁸Ttapayooyo eehiphwanhiye, mwaneene etthokooyo haana arwaaka wiithoonha waanamaphuka milattu woopheela otjuwela wakhala wiira khakwanhakwanhale mihakhu tjamwaattaman'nuaawe. ⁹Woomaleloni, ekhale enama wala ekhale etthu piitthu en'hala orimeela, attonkaka mwaneene: Eyo yawaka, mwaha tjominphantte tjomiili tjin'hala orweehiya ohoolo wanphuki. Ntthu n'hala omwaatja phunki yena naahala onliva mwaattaman'nuaawe.¹⁰Wakhala wiira ntthu nanssunkiha mwaattaman'nuaawe emope wala enama phiinama ni, yakhwavale wala yoona owerya wala okussiya ntthu hinoona, ¹¹olupheela waaPwiya ohaana okhalaka mooteene weenen'na wiira amooneehe wakhala wiira khatankanhale mihakhu tjamwaattaman'nuaawe. Mwaneenyooyo haana aaminiki ni nkhwaawooyo khanliva. ¹²Massi, enameeyo phin'nhiya, nkhwaawooyo haana anlivaka mwaneenyooyo. ¹³Wakhala wiira enameeyo enaarimeela, nlopwana nkhwaawooyo haana awaanaka enama ekhwaawe. Yena khan'hala oliva mwaha woorimeela.¹⁴Wakhala wiira ntthu namwaatjima mwaattaman'nuaawe enama niinameeyo phoona owerya mwaneene hirivo, ntthuuyo haana anlivaka mwaneene enameeyo. ¹⁵Massi, mwaneenyooyo iira narivo, nlopwanooyo khan'hala onliva; wakhala wiira enameeyo yaanowaalukariya, ehaana eliviyaka niihissapu yaassikissaniye.¹⁶Wakhala wiira nlopwana naarupa niiharussi woohipheela onthela, weekhweeli yena haana akhalaka amwaarawe nooliva tjin'halaawe olanliya. ¹⁷Wakhala wiira athumwanawe anankhottiiha, yena haana alivaka ehissapu tjinliviya eharussi.¹⁸Nhuuvaatja n'hikupaleele okhala ninanhanka nkumi. ¹⁹Wayoole n'hala orupa niinama weekhweeli haana ahukhumwiyaka npaka okhwa.²⁰Wayoole n'hala onkokhorela nluku woohikhala Apwiya haana akhwaka. ²¹N'hin'hukhumwe wala ontanhifu ntthu oottayi, kontha mwaari atthu tjitjon'mo elapo yowiigiipitu.²²N'haatanhifu anankhweli wala ekhwaatjuni. ²³Mwaahuvihatja, ayenatja anaahala okikhuwela, Apwiya, ni kinaahala wiiwa okhuwelayaya. ²⁴Orussiyawaka onaahala owa, ni kinaahala owiivani niikatana; assaarinhu an'hala okhala anankhweli ni assaaneenhu an'hala okhala ekhwaatjuni.²⁵Wakhala wiira n'nawaatjima nssurukhu attwaaka amassikhini, n'haalivihe woovikana. ²⁶Mwaatjima nlaya namwaattaman'nueenhu, n'haana n'hokolossaka ntjuwa niinakela, ²⁷kontha nkhuneelo nmotja orinaawe; Yena n'hala orupa tjani? Yena akikhuwelavale, kinaahala omwiiwenla, kontha kinakiriri.²⁸Nhu khan'nophwanela okihanhuriha, Nluku, wala ontakhaliha nphuki aatthweenhu.²⁹N'waaneke tjoovahatjinhu tjooteene. Nkivaheke oowantjereenhu waayara ooteene. ³⁰N'nohala opanka tjitjon'mo niinamatjinhu. Womahuku saapa, an'hala okhalatja nan'nanumwanaya, massi, nihuku nonanaane, nkivaheke. ³¹N'nohala okhala awaka. Vano, n'hikhuureke enama yowiiviya niinama ekhwaaya nmwiini. Ohiyavaa, nrihele olapwani.

¹N'hinttonkelatje ntthu moolumo oohikhala, wala n'hitakaneele nintthu ontuniyani munvahaka namoona owootha. ²N'hitakaneele waatthuni npheelaka opanka yootakhala, wala n'hinpanke namoona woopheela waakiha atthu. ³Wala munkhalihaka massikhini mwha wawinhu.⁴Wakhala wiira n'naaphwanha emope wala enama ekhwaawe yan'wananiinhu enarimeelale, nkusse mwanvahe mwaneene. ⁵Mwaweha enama yantthu hinoopheela enamorale, n'hihiye. N'haana nkhaviheraka.⁶N'hipankeke tjitthu tjoopheela omwaatja massikhini. ⁷N'himootherye ntthu, ni n'himwiive nassariya, kontha akin'hala onlamula ontuniyani. ⁸N'haamini waakhiya etthu, kontha anoonaayo antthukela moolumo aanassariya. ⁹N'hin'huvihe ntthu ookhuma ottayi, kontha onawoonanya wiira n'naatjuwela makhalelo antthu oottayi, kontha mwaari tjitjon'mo elapo yowiigiipitu.¹⁰Eyaakha sita n'naahala waala noohepha tjilimaleenhu. ¹¹Massi mwaakha wonasaapa n'naahala ohiya ni omumula, wowiira amassikhini naatthwaaya alye, En'halaaya ohiya, enama tjontakhwani tjinaahala olya. N'nohala opanka tjitjon'mo niimattatjinhu.¹²Womahuku sita, n'nohala ovara ntekweehu, massi nihuku nonasaapa n'naahala omumula. Npanke tjitjon'mo wowiira enamatjinhu tjimumule, ni wowiira mwaana opottheenhu amumule. ¹³Mwaahimeeryatje tjooteene tjinoohimeeryakaakani. N'haassipe anluku akhwaawe, wala n'hitthunihe wiira matjinaaya yiiwiye mwaanomwinhu.¹⁴Emaara tthaaru khula mwaakha n'naahala okipankela essukuhuulu. ¹⁵N'nohala okipankela essukuhuulu tjophaawu phanka tiwiirenlyaaka, mahuku saapa n'nohala okhuura ephaawu yoohimiropo. Owakathi yoole, o'nhala ookonan'na mweeri waAbibe, opnkeliye yoola ntekoola. Phumweeri yoola okhumalyaa wiigiipitu. Massi hikhale n'hala owa woohiitthu waryaaka.¹⁶N'nohala otthapela essukuhuulu yoohepha, tjomihokorokho tjowantjera wontekweenhu, tjin'haleenhu waala nmattaniwinhu. Woomala mwaakha, n'nohala otthapela essukuhuulu yoohepha mwatakaniha tjiphwanhaleenhu nmattani. ¹⁷Khula ntthu haana awaaka waryaaka, mi Pwiya, emaara tthaaru khula mwaakha.¹⁸Khan'nohala ovaha ephome watjoovahiyaaka niiphaawu yomiropo. Okuttho wonssukuhuuluniwaka khun'hala okhala ohiyu wooteene npaka ossa. ¹⁹N'nohala okussa mihikorokho tjowantjera, tjooreeressa, n'waanaka owan'nhaka, enupa yaaPwiya, Nlukweenhu. Khan'nohala waapyaa epuri nleetini mwaanumwanaya.²⁰Kinaahala wooveleeliha nlaikha noopheela wookhavihera ninttala, ni wiira noorweehe nipuro nitthonkomanihalyaaka. ²¹On'himeeryatje ratta ni iiwelele ntjuunaa. Ohinpatjapatje, kontha yena khan'hala olevenla tjoovariya. Ntjinanaka niri niyena. ²²Wiiwelela ntjuunawe ni opankaka tjooteene tjinoohimeeryaka, kin'hala okhala n'wanani an'wananyaa.²³Nlaikhanaka nin'hala okhala ohoolowaa ni ninawookussa npaka waamorreu, maheteu, maperizeu, macaneu, maheveu nimajebuseu; nimi kinaahala oweemessatja. ²⁴Ohaakokhorele anlukwaaya, wakokhorelaka wala opankaka enpankaaya. Woovirikana, onaahala waakwanhulatja woomalela niwaatankulatja altaaryaaya omaluku. ²⁵N'nohala waavarela nteko Apwiya, Nlukweenhu, yena naahala oreeriha ephaawiinhu nimaatjiinhu; nimi kinaahala okumiha eretta eriyariinhu.²⁶Khaavo nthiyana n'hala okhala woohiyara wala onpwessakatja mwaamwanawe elapwaa. Mahuku eekumyaa kinaahala omalihera. ²⁷Kinaahala wooveleeliha ntakhalyaaka, wayaale an'halaa waaphwanha elapo en'halaa orwaa. Kinaahala waamaleliha atthu ooteene an'halaa waaphwanha. ²⁸Kinaahala opnaka wiira awanani ooteene atthawe niwoova. Kinaahala waakurussa assinttuuttu an'hala owoomola maheveu, macananeu nimaheteu ohoolowaa. ²⁹Akin'hala owoomola mwaakha n'motja paassi, wala elapweeyo en'hala okhala yootthawatthawiya, ni enama tjontakhwani tjinaahala wintjivihana mwaha wanhu.³⁰Ohiyavaa, kinaahala owoomola vakaani vakaani ohoolowinhu, npaka wan'haleenhu wintjivihana ni nkhalaka elapweeyo. ³¹Kinaahala opanka mwiinanotjinhu okhuma epahari yoosseerya npaka epahari yomafilisteu, ni okhuma moothakoni npaka muro Eufrates. Kinaahala opanka wiira ottheme elapweele. Onaahala owoomola ohoolowaa. ³²Khun'hala waataana naayena wala anlukwaaya. ³³Ayenatja khanphwanela okhala nlaponiwaa, wala yaanahala woophwanhiha etanpi. Waakokhorela anlukwaaya, weekhweeli on'hala okhala nryankhwaa.

¹Vano Apwiya yaahomwiirela Moises: Owe npaka waryaaka, we Arao, Nadabe, Abiu nimahumu sapiini owiisrael, ni nkikokhorela ottayi. ²Moises phin'hala owa waryaaka. Akhwaawaayo ahiphiye waryaaka.³Moises aahorwaa waattonkela atthu ekettelo tjooteene tjaaPwiya. Atthu ooteene yaahaakhula nintjuu nimotja yiiraka: Ninaapanka nuulumo naaPwiya nihimyaaya. ⁴Vano Moises aahantikha moolumo ooteene aaPwiya. Owitjissuuru, Moises aahaateka altaare imwaako ni aheessa mapotto khuumi nameeli omaluku, tjitjon'mo mapotto ookhuumi nameeli anthoonher wiira mahimo khuumi nameeli owiisrael.⁵Yena aahaaveleeliha amittonpe owiisrael wiira yaavahe okuttho waaPwiya. ⁶Moises aahokussa ephome vakaani ni aahohela npassiyani; ekhwaawe aahomwaressela waltaare.⁷Yena aahokussa eliivuru yowaataana ni aahossoma ventji waatthuni. Yena aahiira: Nihaana nipankaka Apwiya en'himyaaya. Nikhaleke owiiwelela. ⁸Vano Moises aahokussa ephome waamwaressela atthu. Yena aahiira: Ela ephome yowaataana Apwiya enoovahaayani ninkhuluvelo womoolumwaaya ooteene.⁹Moises, Arao, Nadabe, Abiu, ni mahumu sapiini wawelalyaaya omwaako. ¹⁰Ayenatja yaahomoona Nluku owiisrael. Mettotjawe tjaari tjomaluku, tjowoonya phanka erimu. ¹¹Nluku khataphulale ntatanawe noorussiya nimahumu owiisrael. Ayenatja yaahomoona Nluku, ni yaaholyatja noovurya.¹²Apwiya yaahomwiirela Moises: Owe npaka wamwaako waryaaka'Kinaahala woovaha kettelo ni tjooruma tjantikhalyaaka, wiira wassomiheke. ¹³Vano, Moises aahokhuma ni Josue, ni yaahowelatja wamwaako waNluku.¹⁴Moises aahaahimeeryatja mahumu: N'halatje ni n'nanriihatje npaka wan'hokolyaahu. Arao ni Hur an'halatja ninhu. Ntthu n'hala okhalana nrikariko aaphwanhatje yaayo. ¹⁵Vano Moises aahowela npaka omwaako ni nihutte naahonkhuneela.¹⁶Waarya waaPwiya waahokhuruwela omwaako Sinai ni nihutte naahokhuneela mahuku sita. Nihuku nonasaapa, Apwiya yaahomwiihana Moises nmahutteni. ¹⁷Okhumenla waaPwiya waari phanka mooro nmeethoni waathu owiisrael. ¹⁸Moises aahokela nmahutteni ni aahowela mwaako. Yena aari omwaako mahuku arupayini othana noohiyu.

¹Apwiya yaahomwiirela Moises: ²Waahimeerye atthu owiisrael, an'hala wiivahenra, wiira atakanihe tjoovaha. Okaakhenlele tjoovahiyan'nho.³Tjoovahiyan'nho ohaana okussaka eriyari yaatthu: Ewooru, eparatha, eporontje, ni tjitthu tjikhwaawe, ⁴tjotjankithi niinttapala nonama noosseerya; nttapala nopuri; ⁵nttapala nikithi tjonama tjon'maatjini; miri tjonpeeku; ⁶makhura oluussu tjonupa yaNluku, tjoophwanela tjomakhura niilunpani, ⁷nluku nwaarya nimaluku makhwaawe owaarya.⁸N'nohala okitekela enupa wiira kikhale eriyari waathu. ⁹Tjooteene n'nohala opanka tjin'halaaka woothoonherani nmitekoni nitjitthutjaya tjooteene.¹⁰Ayenatja ahaana apankaka ekalawa yootthuleliya miri tjonpeeku. Eyun'nuwelwaaya en'hala okhala emeeturu piili ninuussu; eyaatapuwelwaaya emeeturu emotja ninuussu; ni erekamelwaaya emeeturu emotja ninuussu. ¹¹On'hala otthulela niiwooru yooreeressa npaani noota, ni on'hala opanka ethoonhero yowooru watjuluwaya.¹²Onaahala otulussa ewooru ephantte tjesse, ni on'hala weemessera metto tjoomitjesse tjonivuku, miili khula nphantte. ¹³Onaahala okipankela ekopo tjonri wonpeeku ni on'hala okhuneela niiwooru. ¹⁴Ekopon'nho on'hala ohela n'hinawaya tjiri piili khula nphantte wonivuku, woopheela oteessa.¹⁵Ekopo tjihaana tjikhalaka ninivuku, ni tjoohikumihiyatho. ¹⁶N'hina wohivukun'no on'hala weessa ekettelo tjin'halaaka woovaha. ¹⁷Onaahala okipankela mwaapu wotanpa. Erekamelwaaya emeeturu piili ninuussu; winssawaya on'hala okhalana emeeturu piili ninuussu. ¹⁸Onahala okipankela ewooru yoophitiya nkurukurumwaya mwaapu.¹⁹Tjoopiili on'hala weessa nkurukuru wakhula nphantte. On'hala ototossa emotja paassi wootossera mwaapuuyo. ²⁰Tjinaahala otaphuwa ohoolowaya woopheela ovarenla mwaapuuyo. Tjin'hala opittikussiya emotja ohoolo weekhwaaya, ewehaka nphantte womaapu. ²¹Mwaapuuyo on'hala weessa wiitinli wonivuku, n'hina nivukun'no on'hala weessa ekettelo tjin'halaaka woovaha.²²Yookuneela nivukun'no, kinaahala woophwanha. Kin'hala owuulumana watjulu mwaapu. Kin'hala wuuluma waanakuru ooyeeli ari ninivuku tjirina ekettelo tjowaataana ni kin'hala owuulumela moolumo ooteene an'halaaka waavaha atthu owiisrael.²³Onaahala opanka meetja omiri tjonpeeku. Wuunuwawaya emeeturu piili; aatapuwawaya emeeturu emotja, ni orekamwaya emeeturu emotja ninuussu. ²⁴On'hala okhuneela niiwooru, erekamelwaaya niiwooru.²⁵Onaahala opanka ooreera ookuneelaka ewooru, ophimaka ekokho tjesse eyaatapuwelo. ²⁶Onaahala opanka tjooreerihela tjesse ni on'hala weessa nmakurukuru tjootjeesse, nri mettotjaya. ²⁷Tjihaana tjikhalaka tjooreera, wowiira ekopon'nho tjikhaleke ninipuro, woopheela oteessa.²⁸Onaahala opanka ekopo tjomiri tjonpeeku ni on'hala okhuneela niiwooru, woopheela oteessa meetjaayo. ²⁹Tjooreerelan'nho, mikhuki, ekhuyeri, mitiita niiparatho, tjin'hala ovareliya nteko woopheela okaweliya nipha. On'hala opanka niiwooru. ³⁰We ohaana owaanaka ephaawu wameetja, waryaaka.³¹Onaahala opanka essaminin'nha yowooru. Essaminin'nheeyo, nitjithujaya tjooreerela. Ekoophutjaya tjokhala phanka ethutu, ni tjihan'hala opankiya nipuro nimotja. ³²Moonotjaya sita tjin'hala okhala nmaloothoni, moono miraru nphantte nkhwaawe nimiraru nphantte nkhwaawe.³³Moono woopatjera on'hala okhalana ekoophu tthaaru tjookhala phanka ethutu, niikoophu tthaaru tjookhala phanka ethutu moono nkhwaawe. Moono tjoosiita tjin'hala okhala tjitjon'mo. ³⁴Moono tjooteene tjin'hala okhuma mon'mo. Mon'no, tjihaana tjikhalaka ekoophu tjesse tjoopankiya niithutu.³⁵Ekoophu niikhwaaya tjihaana tjikhalaka moono tjowantjera, tjoopankiya vamotja, ni ekoophu niikhwaaya vathi womoono tjonayeeli, tjoopankiya vamotja. Weenen'na yeeyo, ekoophu niikhwaaya tjihaana tjikhalaka vathi womoono tjoneeraru, tjoopankiya vamotja. Moono tjoosiita tjin'hala okhuma nssaminin'nhani. ³⁶Tjooteene tjin'hala opankiya niiwooru yoophitiya.³⁷On'hala onpanka ssaminin'nha nimithukotjaya saapa, tjoopheela omwaleela. ³⁸Tjoopharihela ni tjoottipuhera wapanke tjowooru. ³⁹Moono nmotja wowooru wokiilu talaathiini natjesse on'hala onpanka ssaminin'nha nitjitthutjaya. ⁴⁰Ni opanke tjoteene tjinthoonheriyaa omwaako.

¹Ohaana opankaka enpa yaNluku niikurtiina khuumi, tjotjankithi ni tjoosseerya, tjooreerihelatjiya. Nteko woovariya naanamatjuwelatja. ²Wuunuwawaya khula ekurtina ehaana ekhalaka emeeturu ssiriini nanaane, waatapuwawaya emeeturu tjesse. ³Ekurtiina tjooteene tjihaana tjikhalaka enan'na emotja. Ekurtiina thanu tjihaana tjitakanihiyakanitjikhwaaya, ni ekurtiina thanu tjikhwaawe tjootakanihiya nitjikhwaaya.⁴Ohaana opankaka tjoolipihatja ekurtiina yoomalihera wakurtiina tjowantjera. Tjitjon'mo, ohaana opankaka tjoolipihatjera nkurukuru wokurtiina yoomalihera wokurtiina tjonayeeli. ⁵Ekurtiina yowantjera ohaana opankaka tjoolipihatjera hanssiini, ni tjoolipihatjera hanssiini wokurtiina yonayeeli. Tjoolipihatjeran'nho tjakhaleke emotja niikhwaaya. ⁶Ohaana opankaka tjoolipihatjera hanssiini tjowooru wowiira npaanin'mo ekurtiinan'nho tjkhaleke vamotja.⁷Ohaana opankaka ekurtiina tjonttapala nopuri tjin'hala okhuneela enupeeyo. Ohaana opankaka ekurtiina khuumi namotja tjooteene enan'na emotja. ⁸Wakhula ekurtiina ehaana ekhalaka ephimelotjaya talaathiini, wuunuwawaya emeeturu tjesse. Khula ekurtiini tjikhaleke enan'na emotja. ⁹Ekurtiina thanu tjikhaleke vamotja ni ekurtiina sita vamotja. Ekurtiina yonasiita ohaana okhunaka ohoolo woheema.¹⁰Ohaana opankaka tjoovarenla hanssiini wokurtiina yoomalihera watjen'nhe thanu tjowantjera, ni hanssiini tjoovarenla ekurtiina yoomalihera. ¹¹On'hala opanka tjoovarenlan'nho hanssiini tjoparatha. Vano watakaniheke ekurtiinan'nho owiira tjikhale vamotja.¹²Ekurtiina enkoohala, yeele yon'heemani, ehaana ekhuneelaka enupeeyo. ¹³Ehaana ekhalaka emeeturu emotja nphantte nmotja, niimeeturu emotja yokurtiina nphantte nkhwaawe on'hala weerekamelo ohaana okhuneelaka miphantte tjonupa nphantte ninphantte nkhwaawe. ¹⁴Ohaana opankaka, wonupeeyo, ninttapala noosseerya.¹⁵Ohaana opankaka ethaaowa tjonpeeku, eyookweelo, yonupeeyo. ¹⁶Eyuunuwelo wakhula ethaapwa ehaana ekhalaka emeeturu khuumi, waatapuwawaya, emeeturu emotja ninuussu. ¹⁷Tjihaana tjikhalaka tjoovarenla piili, emotja wakhula ethaapwa, wowiira tjivarenlane emotja niikhwaaya. Ethaapwa tjooteene ohala opanka tjitjon'mo. ¹⁸Wapankavale ethaapwan'nho, ohaana opankaka ethaapwa ssiriini nphantte onkhuma ntjuwa.¹⁹Onaahala opanka epulooku arupayini tjin'hala okhala vathi wothaapwa ssiriini. Tjihaana tjikhalaka epulooku piili wothaapwa yowantjera wiira tjikhale nvarenlwaaya, ni wakhula ethaapwa tjihaana tjikhalanaka epuloku piili wiira tjikhale nvarenlwaaya. ²⁰Ni nphantte wonayeeli wonupa, onkela ntjuwa, ohaana opankaka ethaapwa ssiriini ²¹niipulooku arupayini tjoparata. Tjihaana tjikhalaka epulooku piili wakhula ethaapwa, tjitjon'mo npaka ohoolo.²²Npaani, nphantte onkhuma ephyoo, ohaana opankaka ethaapwa sita. ²³On'hala opanka ethaapwa piili wakhula nlootho yonupa. ²⁴Tjen'nho ethaapwan'nho tjihaana tjikhalanaka epulookutjaya tjookawanyaatja, ni vamotja waanela nmotjaaru. Tjihaana tjikhala tjitjon'mo nmaloothoni. ²⁵Tjihaana tjikhalaka ethaapwa naane niipulookutjaya. Tjihaana tjikhalaka epulooku khuumi nasita watjooteene, epulooku piili wakhula ethaapwa yowantjera, tjitjon'mo woorwaa ohoolo.²⁶Ohaana opankaka ethaapwa tjoovirikana thanu tjoopheela ovarenla ethaapwa tjonphantte wonupa, ²⁷tjoovirikan thanu tjoopheela ovarenla ethaapwa wonphantte wonupa, ni thanu tjoopheela ovarenla npaani wonupa nphantte onkhuma ephyoo. ²⁸Yoolipihera eriyari tjothaapwa, tjin'hala ovarenla, tjin'hala waatanliya nkurukuru niikhwaaya.²⁹N'nohala ovirihela ethaapwan'nho niiwooru. Ohaana tootho opankaka argola owooru, wowiira tjivarenle tjoovirikana, ni ethaapwan'nho oahaana ovirihela ewooru. ³⁰Enupeeyo ohaana opanka phanka tjithoonhiheriyaa omwaako.³¹Ohaana opankaka ekurtiina yonankithi, yoosseerya, ni yoovevyaala, tjooreerihatjiya. ³²Ohaana othomyaaka nmapottoni matjesse tjonpeeku niiwooru. Ni yaala mapottwaala ahaana akhalaka owooru ni oweessenriya epulooku tjesse tjoparatha. ³³Ohaana ovarenlihaka ekurtiinan'nho, ni ohaana opankaka nivuku nowaataana n'hina wonleesso. Nleesson'no nookawaniha nipuro ttakattiifu ni nipuro noottakattifessa.³⁴Onaahala weessa mwaapu wotampa wanivukuni nonamoona, ori nipuro ttakattiifu. ³⁵On'hala weessa meetja nphantte woota wonleesso. Ssaminin'nha n'hala weessiya ohoolo womeetja, nphatte onkhuma ntjuwa wonupa. Meetjaayo ahaana akhalaka nphantte onkela ntjuwa wonupa.³⁶Ohaana opankaka ekurtiina emotja wonkhora onkhumenla n'heemni. Ekurtiineeyo on'hala opanka yonankithi yoorattarattatjiya. ³⁷Nmakurtiinani ohaana opankaka mapotto mathanu ooviriheliya ewooru. Tjoovarenlatjaya tjihaana tjikhalaka tjowooru, ni onaahala weessenra epulooku thanu nmapottoni.

¹Ohaana opankaka altaare omiri tjonpeeku, emeeturu thanu tjeeyaatapuwelo niimeeturu thanu tjeerekamelo. Altaaryaayo ahaana akhalaka emeeturu tthaaru tjoyeemelelo. ²Ahaana akhalanaka milootho phanka enhaka tjomope. Enhakan'nho tjin'hala okhala tjoopankiya wamotja naataare, ni ohaana okhuneelaka niiporontje.³Ohaana opankaka tjooreerela waltaare: Myaapu tjottuura, epossolo, epassiya, ekaarufu. Ohaana opankaka tjitthu tjooteene niiporontje. ⁴Ohaana opankaka etthu yoovarenla altaare, yookhala phanka ntthavi noporontje. Ohaana waapanka anela oporontje wakhula nlootho.⁵Ohana weessaka ethaapwa n'hina waltaare, wanphiyaaya eriyariru waltaare. ⁶Ohaana opankaka ekopo tjoopheela oteessana altaaryaayo, ekopo tjonri tjonpeeku, ni ohaana okhuneelaka niiporontje.⁷Ekopon'nhi tjihaana tjihalaka n'hinawaya, ni tjikhaleke miphantte tjoomiili woopheela waateessa altaare. ⁸Ohaana waapankaka altaare othaapwa. Ohaana waapankaka phanka tjaathoonheriyaa omwaako.⁹Npaanin'mo ohaana weessaka ekurtiina. Nphantte onkhuma ntjuwa wokurtiina, tjihaana tjikhalaka emeeturu emiya tjeerekamelo. ¹⁰Ekurtiinan'nho tjihala okhalana mikupantte ssiriini, tjen'nhi tjin'hala okhala tjoporontje. Tjihaana tjikhalanaka tjoovarenlatjaya, nitjitthutjaya tjoparatha.¹¹Weenan'na yeeyo, nphantte onkhumantjuwa, tjihaana tjikhalaka ekurtiina emeeturu emiya tjeerekamelo, nimapotto ssiriini, niipulooku ssiriini tjoporontje, tjoovarenlatjaya tjoparatha. ¹²Erekamelwaaya ekurtiineeyo, nphantta onkhuma ephyoo, ehaana ekhalaka ekurtiina yomeeturu hanssiini yeerekamelo. Tjihaana tjikhalaka epulooku khuumi nimapotto khuumi. ¹³Ekurtiineeyo ehaana ekhalanaka emeeturu hanssiini yeerekamelo nphantte onkela ephyoo.¹⁴Ekurtiina tjin'hala okhala omakhumenloni jihaana tjikhalanaka emeeturu khuumi nathanu. Tjihaana tjikhalanaka mapotto mararu niipulooku tthaaru. ¹⁵Nphantte nkhwaaawe tjihaana tjikhalaka ekurtiina tjomeeturu khuumi nathanu. Tjihaana tjikhalaka epulooku tthaaru nimapotto mararu. ¹⁶Nkhoraayooyo ohaana okhalanaka ekurtiina yomeeturu ssiriini. Ekurtiineeyo ohaana opankaka yonankithi, ni yoosseerya, yoovevyaala, yoorattarattiya. Ehaana ekhalanaka mapotto matjesse niipulooku tjesse.¹⁷Mapotto ooteene ahaana akhalaka oparatha, tjoovarenla tjoparatha, niipulooku tjoparatha. ¹⁸Eyaatapuwelo yoluwani ehaana ekhalanaka emeeturu emiya, ni erekamelo emeeturu han'ssiini, ni wuunuwawaya emeeturu thanu, niikurtiina tjoovevyaala, niipulookutjaya tjoporontje. ¹⁹Tjitthu tjooreerela tjooteene tjin'hala ovareliya nteko n'heemani, niiphatta tjooteene tjonupa tjihaana tjipankiyaka niiporontje.²⁰Ohaana owiirelaka atthu owiisrael wiira awaane makhura onlanpatani, wowiira tjiohareleke woohittiphyaatho. ²¹N'heemani wonthukumano, nphantte woota ori nivuku nowaataana, Arao naassaanaawe haana ahiyaka elanpata tjipharelaka okhuma othana npaka owitjussu, ohoolo waaPwiya. Nen'no nuulumon'no nin'hala okhala ekettelo yooohimala waatthu ooteene owiisrael.

¹Omwiihane mwaamun'naa Arao naassaanaawe Nadabe, Abiu, Eleazar ni Itamar wiira akhale anankutthwaaka. ²Ohaana opankelaka Arao mwaamun'naa. tjoowariya. Tjen'nho tjoowariyan'nho, tjin'hala okhala nttittimiho waawa. ³Ohaana waahimeeryaka atthu ooteene ootjuwelatja, yaale yaatjalihalyaaka n'nepa wootjuwelatja, wiira apanke tjoowara Arao nookhala nankutthwaaka.⁴Tjoowariya tjin'halaaya opanka tjin'hala ohala tjoolipa, ekuwo yoolipihatjiya, yoovilikelatjiya nmuru niissuntu. Ayenatja ahaana apankaka tjoowariya. Tjin'hala okhala tjamwaamun'naa naassaanaa wowiira akikhalele onankuttho. ⁵Anamapankaayo ahaana apankaka niikuwo yoovevyaala, ewooru, yonankithi, ni yoosseerya.⁶Ahaana apankatjaka yeenankuttho yowooru, yokuwo yoovevyaala, yonankithi ni yoosseerya. Ohaana okhalaka nteko wantthu ootjuwelatja. ⁷Tjihaana tjikhalanaka tjooreeriha piili nkurukuruwaya. ⁸Essuntwaaya ehaana ekhalaka phanka yeenankuttho; ehaana epankiyaka vamotja i yoowara nankuttho, yoopankiya niiwooru, yonankithi ni yoosseerya. ⁹Ohaana okussaka maluku meeli ni wantikha mon'mo matjina aassaana khuumi nayeeli owiisrael.¹⁰Matjina sitaayo ahaana akhalaka nluku nimotja, ni matjina sitaayo ahaana akhalaka nluku nikhwaawen'no, woottharenlana eyaakhatjaya. ¹¹Nintthu ootjuwela wantikha wanlukuni, naahala wantikha maluku oomeeli matjina aassaana khuumi nayeeli owiisrael. Malukwaayo ohaana weessenraka tjoolipihera tjowooru. ¹²Maluku oomeeli on'hala weessa watjoowara nankuttho wiira muupuwenleke Apwiya naassaana owiisrael. Arao naahala okussa matjinaawe waaPwiya, wamakhatani oomeeli amuupuwenlaka.¹³Ohaana opankaka tjoohalaha tjowooru ¹⁴ni onholo miili wowooru, ni ohaana olipiheraka onholooyo nitjen'nhe tjoohalahala tjowooru.¹⁵Ohaana opankaka yananphuki, nteko wanamatjuwelatja, yoopankiya phanka yanankuttho. Opanke yowooru, yonankithi ni yoosseerya niikuwo yoovevyaala. ¹⁶Ehaana ekhalaka miphantte tjooteene tjoolikana. Ohaana okhunaka emaara piili. Ehaana ekhalaka ephimelo emotja eyun'nuwelo niiphimo emotja erekamelo.¹⁷Ohaana okhalihaka eliinha tjesse tjomaluku ooreeressa. Eliinha yowantjera yorubi nmotja, topazio nmotja ni granada nmotja. ¹⁸Eliinha yowaakulela esmeralda n'motja, safira n'motja ni diamante n'motja. ¹⁹Eliinha yoneeraru jacintu n'motja, agata n'motja ni amestia n'motja. ²⁰Eliinha yoneetjesse ehaana ekhalanaka berilo n'motja, onix n'motja ni jaspe n'motja. Tjooteene tjin'hala opankiya niiwooru.²¹Malukwaayo ahaana yiissaathiyaka nimatjina khuumi nayeeli aassaana owiisrael, khula nluku tjinttharenlanaaya matjina. Ahaana akhalaka phanka anela, khula ntjina nikhalaka phanka mahimo khuumi nameeli. ²²Ohaana opankaka tjoophwaneliha phanka mikhoyi, nteko woovariya niiwooru. ²³Ohaana opankaka tjitthu piili tjowooru weessaka nkurukurumwaya. ²⁴Ohaana weessaka mikhoyi tjoomiili tjowooru nkurukurumwaya moomiili.²⁵Ohaana weessenraka nkurukuru tjoopiili mikhoyi tjoolipihera tjoopiili. Vano ohaana otthukaka nphantte woohoolo. ²⁶Ohaana opankaka piili tjowooru, ni weessaka ekurukuru piili tjikhwaawe nmwiinanoniwaya wookhumenla.²⁷Ohaana opnakakatho piili tjowooru, ni ohaana otthukela n'hinawaya watjoowara nankuttho, watjoottotthiya tjikhwaawe, wayoottotthiya yoowara nankuttho. ²⁸Ayenatja ahaana etthukaka ninkhoyi wonankithi, wowiira tjikhale tjoolipa vatjulu wossuntu ettottheliye nankuttho. Ni wowiira ehihiyane niyoowara nankuttho.²⁹Arao arwaa nipuro ttakattiifu, yena haana akussaka matjina khuumi nameeli aassaana owiisrael wanphuki wanrimani ni wahimyatjiye wiira, okhale muupuwelelo woohimala ohoolo waaPwiya. ³⁰Ohaana okussaka Urim ni Tumim. Tjen'nho tjihaana tjikhalaka wanrimani wa Arao ni aphiya ohoolo waaPwiya, Arao haana ankussaka nphuki wanrimaniwawe npaka waaPwiya.³¹Ohaana opankaka nlaya nokuwo neenankuttho. ³²Nihaana nikhalanaka ephaa woopheela ovira muru. Epheeyo ehaana ekhalaka yoorukureerya wowiira hiphare. Nihaana niratteliyaka.³³Mun'halaaya ototthiyan'mo, nihaana nikhalaka nliinha nonankithi, ninoosseerya moorukureerya. Tjitthu tjowooru tjin'hala oheliya nkurukurumwaya. ³⁴Ehaana ekhalanaka ewooeu niiroma woorukureerya nlayan'no, ³⁵Nlayan'no nihaana nikhalaka ni Arao, wowiira ntjuunawe niiwiyeke akela nipuro ttakattiifu, waaPwiya, ni wookhuma. Wowiira yena hikhwe.³⁶Ohaana opankaka nikula nowooru niwantikha, NTTITTIMIHO WAAPWIYA. ³⁷Nikulan'no ohaana otthukaka ninkhoyi wonankithi ohoolo wokuwo. ³⁸Ehaana ekhalaka wayuutji ya Arao; yena haana akhalaka wowiira avahiye tjoovahiya tjattakattiifu tjaatthu owiisrael tjinaavahaaya Apwiya. Ekuweeyo ehaana ekhala wayuutjiwawe wiira Apwiya yaakhela tjoovahatjawe.³⁹Ohaana opakaka nlaya nokuwo yoovevyaala. Ohaana opankaka tootho essuntu, ninteko wanamaratta.⁴⁰Assaana aArao, ohaana waapankelaka nikula, essuntu ni waaphwanelihatja. ⁴¹Ohaana onwarihaka mwaamun'naa Arao naassaanaawe. Ohaana waattapelaka, waahimeerya, nookivahenra, wiira akhale anankutthwaaka.⁴²Ohaana waapankelaka ekuwo tjoohithoonha n'hinawaya, ekuwo tjoowara n'yuununi npaka nkotjokotjoni. ⁴³Arao naassaanaawe ahaana awaraka yiikelaka n'heemani wonthukumano, wala yaattamenlatja waltaare, wiira yakhal nipuro ttakattiifu. Ayenatja ahaana apankaka tjitjon'mo wiira ahikhwe. En'hala okhala kettelo yoohimala ya Arao naatthu an'hala onphwanha.

¹Vano phinpheelaa okivahenra wowiira akikhalele onankuttho. Okusse enama emotja niipwittipwitthi piili tjoohirakala, ²ephaawu tjoohimiropo nimakhura. Ni okusse mikatthe tjoohimiropo tjooruwen'nha nmakhurani. Opanke mikatthe niitiriku yoopeephyaa.³Ohaana weessaka nipuro nimotja, owaane ntthuttuni, niinaman'nho. ⁴Ohaana orweehaka waArao naassaanaawe omakhumenloni woheema wonthukumano. Ohaana onrapihaka Arao naassaanaawe nmaatjini.⁵Ohaana okussaka ekuwo tjoowara Arao ninlaya, ekuwo yanankuttho, tjooteene munwarihaka woorukureerya. ⁶Ohaana omweessenraka ekuwo nmuruwawe niitthuvo ttakattiifu vatjulu ekuwo. ⁷Vano okusseke makhura ooreeriha onmwaresseleke nmuruwawe.⁸Ohaana waawaanaka assaanaa nooweessenra nikula. ⁹Ohaana onwarihaka Arao naassaanaawe niissuntu niikuwo. Nteko weenankuttho on'hala okhala naayenatja niikettelo yoohimala. Weenan'na yeeyo, ohaaana onreerihaka Arao naassaanaawe wiira akivarele nteko.¹⁰N'haana n'waanatjaka epwittipwitthi n'heemani wonthukumano ni Arao naassaanaawe matataaya akhaleke vamuruwawe. ¹¹Ohaana wiivaka epwittipwitthiiyo ohoolowaka, Apwiya, n'heemani wonthukumano.¹²Ohaana okussaka ephome vakaani yopwittipwitthi ohelaka woomaleloni altaare ninikokhonaa, ni ohaana omwaresselaka ephome yoohaleeyo nkurukuru altaare. ¹³Ni ohaana okussaka makhura opaheke ooteene waltaare. ¹⁴Massi enameeyo, nttapala, ohaana opahaka ota. Eyo en'hala okhala yoovahiya tjotanpi.¹⁵Ohaana okussaka enama yowantjera, Arao naassaanaawe matataaya ahaana akhalaka vamuruwaya. ¹⁶Vano wiiveke enameeyo. Vano okusseke ephomeeyo omwaresseleke n'hina waltaare. ¹⁷Ohaana othikilatjaka enameeyo nphantte ninphantte, vano okusseke mettotjaya nitjitthutjaya tjikhwaawe nimuru, ¹⁸weesseke waltaare. Vano opaheke enameeyo yooteene. On'hala okhala okutthwaaka, Apwiya. En'hala okhala etthu yookitjivela; en'hala okhala yoovahiyaaka yookuttho.¹⁹Vano okusseke enama ekhwaawe, ni Arao naassaanaawe ahaana yeessaka matataaya vamuruwaya. ²⁰Vano ohaana wiivaka enameeyo nookussa nphantte wophome. Yeeyo ephomeeyo on'hele woomaleloni n'nharu moono weelopwana, ninikokho nontata noolopwana, ninikokho non'nha noolopwana naArao naassaanaawe. Vano ohaana omwaresselaka ephome khula nphantte waltaare.²¹Ohaana okussaka nphantte wophome eri waltaare ninphntte womakhura ooreeriha, on'mwaressele Arao niikuwotjawe, naassaanaawe niikuwotjaya. Vano, Arao, naahala oihiya tjitjon'mo niikuwotjawe, assaanaawe niikuwotjaya.²²Ohaana okussaka makhura onamaayo, makhura oomwiilani, nphantte ohapa, ephumu tjoopiili, makhura ankhalanaaya, ni mwetto womoono weelopwana kontha enameeyo yooreeriheliya anankuttho. ²³Okusse ephaawu emotja, nkatthe woopankiya nimakhura, nkatthe n'hina wotthuttu yophaawu tjoohimiropo tjin'hala okhala ohoolowaka, Apwiya.²⁴Ohaana weessenraka nmatataniwawe Arao naassaanaawe. Ayenatja ahaana akiwiiheraka, Apwiya, ni waathonhera phanka yoovahiyaaka. ²⁵Ohaana okussaka tjoolya tjn'matataniwaya ni opaha waltaare vamotja nookuttho. Eyo en'hala okhala yookitjivela; okuttho woopahiya nimooro.²⁶Ohaana okussaka ekhakaatja yonama yaareeriheliye Arao phanka yoovahiyaaka, Apwiya. Vano eyo phin'halaa okhuura. ²⁷Ohaana okivahaka ekhakaatja evahalyaa phanka yoovahiya nimwetto on'hala ovahiya, tjooteene tjikhumale n'namani tjooreeriheliya Arao naassaanaawe. ²⁸Tjen'nho enaman'nho, tjivahiye naatthu owiisrael, tjihaana tjikhalaka tja Arao naassimutjaawe. Tjin'hala okhala tjoovahiya tjaanankuttho, tjikumihiyaka naatthu owiisrael, kiwiiheriyaka, Apwiya.²⁹Ekuwo ttakattiifu tja Arao ahaana assunkeriyaka assaanaawe. Ayenatja an'hala oreerihatjiya noohimeeryatjiya. ³⁰Nankuttho n'hala onkhalenla waassaanaawe, n'hala owa n'heemani wonthukumano wiira akivarele nteko, nipuro ttakattiifu, n'hala owara ekuwon'nho mahuku saapa.³¹Ohaana okussaka enama yooreerihiya yaanankuttho ni waapyaa nipuro ttakattiifu. ³²Arao naassaanaawe ahaana akhuuraka enameeyo niiphaawu eri n'hina woheema onthukumano. ³³Ayenatja ahaana akhuuraka enameeyo niiphaawu evahalyaa, wowiira kireeriheliye. Khaavotho n'hala lya eyoolyeeyo, kontha ahaana yoonelaka wiira yooreeriheliyaaka, yoohiyeriyaaka. ³⁴Wakhala wiira enaahala enaahala enama erupaka ossenliya wala ephaawu, ohaana opahaka. Khin'hala oliyatho kontha kinooreeriheliya.³⁵Weenan'na yeeyo, woottharenla tjooteene tjoorumalyaaka wiira ovare, ohaana ovaraka ni Arao naassaanaawe. Ohaana okhalanaka mahuku saapa oopheela okireerihela. ³⁶Nihuku nooteene ohaana ovahaka epwittipwitthi emotja phanka yoovahiya watjoolevenliya tjoottheka. Ohaana waareerihaka altaare, ni ohaana waattikitthelaka makhura wookireerihela. ³⁷Womahuku saapa, ohaana waareerihelaka altaare Apwiya. Vano altaaryaayo kinaahala oreeriheliya woomalela. Yooteene en'hala okwanha altaare kinaahala okawaniheriya.³⁸Ohaana ovahaka, mahuku ooteene, waltaare, enama piili tjoyaakha emotja tjeeyareelo. ³⁹Enama emotja ohaana ovaha owitjissu. Enama ekhwaawe on'hala ovaha yootjootjilo.⁴⁰Enama yowantjera, on'hala ovaha ekiilu piili tjophepa niiliituru emotja yomakhura ni on'hala omwaressela eliituru emotja yonipha phanka yoovahiya yoowuriya.⁴¹On'hala ovaha enama yonayeeli niikelaka ntjuwa. On'hala ovaha phanka tjoovahiya owitjissu tjoopahiya watjoovahiya tjonipha. Tjin'hala okhala tjookitjivela. ⁴²Tjin'hala okhala tjoovahiya tjoopahiya naatthwaa. Ohaana okipankelaka omakhumenloni woheema onthuumano, on'halaaka woophwanha wiira kiwuulumane.⁴³Kinaahala okumaana naatthu owiisrael; heema naahala okhala ookawaniheriya waaryawaka. ⁴⁴Kinaahala onreeriha heema onthukumano ni altaare wayaale ari awaka. Kinaahala onreeriha Arao naassaanaawe wiira akhale anankutthwaaka.⁴⁵Kinaahala okhala naatthu owiisrael ni kinaahala okhala Nlukwaaya. ⁴⁶Ayenatja anaahala otjuwela wiira kiPwiya, Nlukwaaya, aakumihale elapo yowiigiipitu wowiira kikhale naayenatja. MikiPwiya, Nlukweenhu.

¹Ohaana waapankaka altaare woopaha elunpani. Ohaana waapanakaka nimiri tjonpeeku. ²Wuunuwawaya okhaleke emeeturu emotja ni waatapuwawaya emeeturu emotja. Altaaryaayo akhaleke oolikana ni eyeemelelwaaya ekhaleke emeeturu piili. Maloothwaaya akhaleke vamotja.³Altaaryaayo ohaana waakhuneelaka niilunpani niiwooru nkhuneelwaaya, miphanttetjaya nimaloothwaaya. ⁴Ohaana opankaka yooreerihela altaaryaayo yowooru. Miphanttetjaya altaaryaayo ohaana opankaka tjoovarenlatjaya piili. Tjikhaleke ekopo piili tjoopheela waateessana altaaryaayo.⁵Ohaana opankaka ekopo tjomiri tjonpeeku no ohaana okhuneelaka niiwooru. ⁶Altaare olunpani ohaana weessaka ohoolo wonleesso niri ohoolo wonivuku nowaataana. En'hala okhala ohoolo womwaapu ori ninivuku nowaataana, on'halaaka woophwanha.⁷Arao haana apahaka elunpani khula owitjissu. Yena haana apahaka natthonkomanihatjale mithuko. ⁸Arao apharihela tootho mithuko, ohiyu, yena haana apahaka elunpani waltaare. Eyo ehaana ekhalaka yoovahiyaaka yolunpani womakhoto ooteene aatthu. ⁹Massi we khunphwanela ovaha elunpani ekhwaawe waaltaare, wala okuttho nkhwaawe wala yoovahiya yoopahiya. We khunphwanela omwaressela nipha waltaare.¹⁰Arao haana apankaka tjitjon'mo nmaloothoni waaltaare khula mwaakha emaara emotja. Yena haana apankaka tjitjon'mo niiphome yoovahiya mwaha wotanpi. Nkhulupale aanankuttho haana apankaka tjitjon'mo womakhoto ooteene aatthu. Tjoovahiya tjooteene thimi kin'hala ovahiya, Apwiya.¹¹Apwiya yaahomwiirela Moises: ¹²Wawaalikela atthu owiisrael, vano khula ntthu haana avahenraka ekumyaawe waPwiya. Ohaana opankaka tjitjon'mo wawaalikelavale, wowiira ahaakhuwele assinttuuttu wawaalikelavale. ¹³Yoole n'hala waalikeliya naahala oliva, phanka elemelelo yonipuro ttakattiifu. Yeeyo en'hala okhala yoovahiyaaka. ¹⁴Yoole n'hala waalikeliya, oyaakha ssiriini woorwa ntjulu, haana akivahaka yoovaha.¹⁵Atthu yavaha tjovahatjaya mwaha weekumitjaya, thajiri khan'nhala ovaha tjinene, wala massikhini khn'hala ovaha vakaani. ¹⁶Ohaana waakhenlaka nssurukhu waatthu owiisrael ni ohaana waahimeeryaka nteko n'heemani wonthukumano. Oyo ohaana okhalaka muupuwelelo waatthu owiisrael ohoolowaka, wiira apanke mwaha weekumitjaya.¹⁷Apwiya yaahomwiirela Moises: ¹⁸Ohaana opankaka epassiya yuulupale yoporontje ninipuro noweessiy epassiyeeyo yoporontje, epassiya yooreeriheliya. Ohaana weessaka eriyariru woheema onthukumano ni altaare, ni ohaana wiitthelaka maatji.¹⁹Arao naassaanaawe ahaana anhawaka noorapiha enhaatjaya nimaatji onpassiyani. ²⁰Ayenatja yakela n'heemani wonthukumano, wala yaattamenla waltaare wiira apahe tjoovaha, ayenatja ahaana yiirapihaka nimaatji, wiira ahikhwe. ²¹Ayenatja ahaana yiirapihatjaka wiira ahikhwe. Eyo en'hala okhala ekettelo ya Arao naassimutjaawe nimakhoto ooteene aatthwaawe.²²Apwiya yaahomwiirela Moises: ²³Okusse mitithaari tjooyevatja: Ekiilu emiya thanu, ekiilu emiya piili wohansiini tjocanela, niikiilu emiya piili wohanssiini tjocamelo tjoonukhela. ²⁴Ekiilu emiya thanu tjocassia, niiliituru emotja yomakhura. ²⁵Ohaana opankaka makhura oreeriheliya nitjen'nha tjintthun'nha, nteko wantthu npanka tjoonukhelatja. An'hala okhala makhura ttakattiifu ooreeriheliya .²⁶Ohaana ottapelaka heema onthukumano nimakhura yaayo ni nivuku nowaataana, ²⁷meetja nitjitthutjaya tjooteene, ssaminin'nha nitjitthutjaya, altaare olunpani. ²⁸Altaare onkuttho nitjitthutjaya tjooteene niipassiya ninipuronaya.²⁹Ohaana okireerihelaka wowiira akhale ooreerihiya wami. Wayoole n'hala okwanha tjitthun'nha naahala okhala ottayi wami. ³⁰Ohaana ontthapelaka Arao naassaanaawe ni waareeriha wiira akhale anankutthwaaka. ³¹Ohaana waahimeeryaka atthu owiisarel: Ala makhura ootthapelela awaaniye waaPwiya womakhoto ooteene aatthu.³²Makhuraayo khanphwanela okela mwiirutthuni mwaatthu, wala ohioanketho makhura makhwaawe kontha phaaPwiya. N'haana npankaka tjitjon'mo. ³³N'hala opanka yoonukhela phanka yena, wala amoottihaka ntthu, oyo ntthuuyo haana iiviyaka naatthwaawe.³⁴Apwiya yaahomwiirela Moises: Okusse tjitthu tjinpankeliya yoonukhela tjooteene tjoolikana. ³⁵Opanke phanka elunpani, yootakaniheriya yoonukhela, nimaakha, ootthapeliya nimi. ³⁶On'hala wootwaa npaka othuluwa. Weesse ohoolo wonivuku nowaataana, niri n'heemani wonthukumano, on'halaaka woophwanha. On'hala okhaliha yawaka.³⁷Elunpani en'halaa opanka, khun'hala opanka ekhwaawe phanka yeeyo. An'hala okhala ttakattiifweenhu. ³⁸N'hala opanka phanka yaayo wiira akhalihe yowiinukhelihatjera haana iiviyaka naatthwaawe.

¹Apwiya yaahomwiirela Moise: ²Nkaweha, kinawiihanaka ntjina na Bezalel mwaana aUri mwaana aHur, nloko na Juda.³Kinaatjalihaka n'nepaaka waBezalel, wiira akhalane otjuwelatja, watjitthu tjoovariya tjooteene. ⁴Wiira apankeke tjitthu tjooteene tjowooru, tjoparatha niiporontje; ⁵Ni othikila maluku noopanka tjitthu tjomiri, wala ovara tjitthu tjooteene.⁶⁹On'hiya yena, kinaamuulumanaka Aoliabe, mwaana Aisamaque, nloko naDa. Kinaahelaka wanrimani waatthu ooteene anamatjuwelatja wiira ayenatja apanke tjooteene tjinorumaaka. Eri vamotja ⁷niheema onthukumano, nivuku nokettelo nowaataana, nkhuneelo on'hala okhala ninivuku, nitjitthu tjooteene tjon'heemani: ⁸tjitjon'mo nitjitthutjaya, ssaminin'nha owooru nitjitthutjaya tjooteene, altaare olunpani, altaare watjoovahiya tjopahiya nitjitthutjaya, niipassiya yuulupale.¹⁰Tjoowaratjaya tjokuwo, ntjuwelaka, tjoowara ttakattiifu tjaa Arao, nankuttho, niikuwo tjaassaanaawe, wiira akikhalele onankuttho; ¹¹Eyo enkhala vamotja makhura ootthapela niilunpani yoonikhela wonipuro ttakattiifu. Anamapankaayo ahaana apankaka phanka tjoohimeeryalyaaka.¹²Apwiya yaahomwiirela Moises: ¹³Waahmeerye atthu owiisrael: Weekeekhayi nhu n'naahaa waassunkera Apwiya nihuku nosaapatu, kontha on'hala okhala nthoonhero womakhoto; wowiira ntjuwele wiira Apwiya, yiikawaniheraleenhu. ¹⁴Vano nhu n'haana mwaassunkeraka nihuku nosaapatu, nihuku ttakattiifu. N'hala ohanhuriha nihuku nosaapatu naahala okhwa. Wayoole n'hala ovara nteko nihuku nosaapatu, oyo ntthuuyo haana oomoliyaka eriyari waatthu. ¹⁵N'naahala ovara nteko mahuku sita, massi nihuku nonasaapa nihuku noomumuliya, nikawanihiye woopheela waakokhorela Apwiya. N'hala ovara nteko nihuku nosaapatu weekhweli naahala okhwa.¹⁶Phimaana atthu owiisrael ahaana ossunka nihuku nosaapatu, akhalihaka phanka ekettelo yoohimala. ¹⁷Nihuku nosaapatu nthoonhero waaPwiya naatthu owiisrael woohimala, kontha Apwiya ahunpa erimu niitthaya womahuku sita ni, nihuku nonasaapa, ahomumula.¹⁸Nluku wamalihalyaawe wuuluma ni Moises mwaako wooSinai, yaahon'vaha ethaapwaa tjoopiili tjokettelo tjowaataana, ethaapwa tjoopankiya nimaluku, tjowantikhiya nimatataaya.

¹Atthu woonalyaaya wiira Moises aahopitja okhuruwa omwaako, ayenatja yaahothukumana wonrukureerya Arao ni yaahomwiirelatja: Onipankele ntthu wiira arwee ohoolowihu. Moises nlopwana nikumihale elapo yowiigiipitu, khanintjuwela emwiiraneelale. ²Vano Arao aahowiirelatja: Nrulatje epirinkutjinhu tjowooru tjaassaarenhu ni tjaassaaneenhu, nkiwiiheratje.³Ni atthu ooteene yaahorula epirinu tjaari nmanharunmwaya ni yaahonvaha Arao. ⁴Yena aahaakhenla ewooru tjaatthu, ni aahopanka enama. Vano atthu yaahiira: Israel, ola Nlukweenhu ookumihalni elapo yowiigiipitu.⁵Arao woonalyaawe eyo, yeena aahaateka altaare ohoolo wonameele ni aahokhuwela iiraka: Melo ehaavo essukuhuulu wonkokhorela Pwiya. ⁶Orupa ossenliya, atthu yaahovuwa owitjissu ni yaahovaha tjoovaha tjoopahiya ni yaahowaana tjoovaha tjooreerela. Vano yaahookomatja wiira alye ni ovurya, ni yaahovuwatja wiira ahakalalatje.⁷Vano Apwiya yaahomwiirela Moises: Orwee wowaakuvyaatja, maana atthu, yaayo yaakumihalyaaka wiigiipitu, ari oweemela. ⁸Ayenatja ahohiya nttala waahimeeryatjalyaaka. Ayenatja aheemessatja enama wiira akokhorelatje ni ahopankelatja okuttho. Ayenatja aniiratja: Ola Nluku ookumihaleni elapo yowiigiipitu.⁹Ni Apwiya yaahomwiirel Moises: Kinawawehaka atthwaala. Atthu oohiiwa. ¹⁰Vano, n'nava ohikaateelihe. Orussiyawaka onawaapaha ooteene, kinaahala waakwanhulatja. Yavireeyo kinaahala opanka nloko nuulupale eriyaryaa. ¹¹Kontha Moises homananiha waamaaliha Apwiya Nlukwaawe. Yena aahiira: Apwiya kontha essiyani orussiyawinhu okhalaka naatthweenhu, yaayo yaakumihaleenhu elapo yowiigiipitu nooweryawinhu?¹²Kontha essiyani atthu owiigiipitu waahalaaya wiira: Ayena yaakumihale moohuvani wiira awiive nmamyaakoni niwaakwanhulatja elapo yovathi? N'hokolosse orussiyawinhu ni nkumihe ehukhumu eriyari waatthweenhu. ¹³N'muupuwele Abraao, Isaque ni Israel, anantekweenhu, yaayo yaaluphelaleenhu, mwiirelatjaka: Kinaahala owintjivihatjani phanka etthontto tjowiirimu, ni kinaahalawoovahani elapweela yooteene yeeyo enuulumenlaaka. Ayenatja anaahala okhala woohimala. ¹⁴Vano Apwiya yaahohiya ehukhumu tjiiralyaaya wiira anaahala waawiihera atthwaaya.¹⁵Vano Moises aahorukunuwa ni aahokhuruwa omwaako, nakussale ethaapwa tjoopiili tjokettelo tjowaataana n'matataniwawe. Ethaapwan'nho tjantikhiye nphantte ninphantte. ¹⁶Ethaapwan'nho ni tjowantikhiyan'nho tjaari tjaNluku.¹⁷Josue wiiwalyaawe okhuwela waatthu, yena aahomwiirela Moises: Ohaavo nkhitto wowaattakan'niya onthukumanoni. ¹⁸Massi Moises aahomwiirela: Khunakhala okhuweliya waanamatthema, ni khunakhala okhuweliya waatthu ootthemiya, tjiniiwaaka ntju naatthu aniipa.¹⁹Moises waphiyalyaawe waathukumaniye, yena aahoona enameele naatthu yiinaka. Wowaakuvyaatja aahorussiya. Yena aahoriha ethaapwa tjaari nmatataniwawe ni aahopwessakatjera wamwaako. ²⁰Yena aahokussa enama atthu yaapankalyaayeele , aahopaha, npaka okhala ntthupinene, ni aahiittela nmaatjini. Ni aahaawuriha atthu owiisrael.²¹Vano Moises aahomwiirela Arao: Atthwaala awiirihale essiyani, wiira waawiihere tjoottheka? ²²Arao aahiira: Apwiya ohikhuruwe orussiyawinhu. Nhu n'nawaatjuwela atthwaala, ni n'nawaatjuwela tjinpankaaya yootakhala. ²³Aynatja ahokiirelatja: Onipankele Nluku oonihoolela. Moises, nlopwana nikumihale elapo yowiigiipitu khanintjuwela emwiiraneelale. ²⁴Vano kaahowiirelatja: Arina ewooru, akumihe. Ayenatja yaahokivahatja, nimi kaahoihela vamooroni, phaakhumaaya enameela.²⁵Moises aahoona wiira atthwaale yuupuwela enan'na yoohikhala, kontha Arao aahaahiya arimeelaka, aahiyaka naawananyaaya. ²⁶Vano Moises aaheemela, ohoolo wohipuro naathukumaniye, ni aahiira: Yoole rinphantte waaPwiya aew waryaaka. Alevita oteene yaahonrukureerya. ²⁷Yena aahowiirelatja: Apwiya, Nluku owiisrael, aniira tjo: Khula nlopwana atthonkomanihe ekatanaawe, nkhora ninkhora, nipuro nithukumaniye nooteene, ni awiive assihimaawe, anonttharenla nanwaattaman'nuaawe.²⁸Alevita yaahopanka phanka Moises tjaahimeeryalyaaya. Nen'ne nihukun'ne yaahokhwa atthu wookhalaka ekonto tthaaru. ²⁹Moises aahowiirela alevita: Olelo n'heessatjiya wantekoni waaPwiya, kontha khula ntthu wanhu honrukunuwela mwaamun'nawe, phimaana Apwiya ahoreeriha nihuku nolelo.³⁰Orupossenliya, Moises aahowiirela atthu: N'hopanka makoossi moolupale. Kinaarwaa waaPwiya. Wan'nokhala wiira kilaphululaka tjootthekatjinhu. ³¹Moises aahorwaa waaPwiya ni aahiira: Atthwaale ahopanka makoossi moolupale anonpankatja ttontto owooru. ³²Massi n'navaa, mwaalevenle tjootthekatjaya; mweehaalevenle, nkifutje eliivuru ekantikhaleenhu.³³Apwiya yaahomwiirela Moises: Yoole n'hala okikossera kinanfutja nliivuruniwaka. ³⁴Vano orweeke ni waweettihere atthwaayo nipuro noohimeeryalyaaka. Nlaikhanaka ninaahala woohoolela. Nihuku nin'halaaka waahukhumu, kin'hala waahukhumu niitanpyaaya. ³⁵Vano Apwiya yaahaakurussela assinttuuttu atthwaale, mwaha wonpanka ttontto, yoole anpankalyaawe Arao.

¹Apwiya yaahomwiirela Moises: Okhume naatthu yaakumihalyaa elapo yowiigiipitu. Orwee elapo yankhuluvelihalyaaka Abraao, Isaque ni Jaco, waamwiirenlyaaka: Kinaahala woovaha assimutjaa. ²Kinaahala oveeleeliha nlaikha ohoolowaa, ni kinaahala woomola acananeu, amorreu, aheteu, aperizeu, aheveu ni ajebuseu. ³Orwee elapo enkhuma oravo, konyha akinrwaa niwe, kontha mwaatthu oohitthuna wiiwa. Kinaahala owiivani ninttala.⁴Owakathi atthwaale wiiwalyaaya moolumwaala, khayaakussatjaletho tjookussa. ⁵Apwiya yaahomwiirela Moises: Waahimeerye atthu owiisrael: Mwaatthu oohitthuna ohimeeriya. Kinoottharatjaleni, kaanaawiivakatjani. Phimaana, nkumihe tjoonhalatjinhu wiira kitjuwele yoowiirihatjani. ⁶Vano atthu owiisrael khaawaratjale tjooreeressa, okhuma omwaako Horebe woorwaa ohoolo.⁷Moises aahonkussa heema ni aahomweemessa ohoolo wonipuro noothukumaniya, woottalivelana. Yena aahiihana heema onthukumano. Yoole alepela etthu waaPwiya n'heemani wonthukumano. ⁸Moises iirwaaka n'heemani, atthu ooteene yaanaweemela wankhora woheemaaya, an'wehaka Moises, npaka wankelaawe n'heemani. ⁹Ni Moises iikelaka n'heemani, mahutte yaanokhuruwa ni yaakhala wankhora woheema, ni Apwiya yuuluma ni Moises.¹⁰Atthwaayo waawehaaya mahutte aneemelale wankhora woheema, yaanaavuwa ooteene nootthapa, khula ntthu wankhora woheemaawe. ¹¹Ni Apwiya yuuluma ni Moises tjo nitjo, phanka ntthu oolumaka ninpwanaawe. Woottharenlana, Moises aarwa opuro onthukumaniya, massi nantekhwaawe, Josue, mwaana Num, aahala n'heemani.¹²Moises aahowiirela Apwiya: Nhu n'niira kaakusse atthu kirwee, massi khan'nonthoonha nrwaa nimi. N'hiiratootho: Kinaatjuwela ntjinanaa, n'hophwanha n'nema nmeethonimwaka. ¹³Wakhala wiira kihopwanha, kinawoolepelani wiira nkithoonhere mittalatjinhu, wiira kootjuweleni, wiira kiphwanhe n'nema nmeethoniwinhu. Muupuwele wiira nikhoton'na nawinhu.¹⁴Apwiya yaahomwaakhula: Thimi kin'hala orwaa niwe, ni kinaahala woomumuliha. ¹⁵Vano Moises aahiira: Mweehirwee nihi, n'hinikumihe nipuron'na. ¹⁶Weehikhale tjon'mo, kin'hala otjuwela tjani wiira kihophwanha n'nema nmeethoniwinhu, mi naatthweenhwaala? Wala khunakhala weetta nihi paassi, ooteene tjiriihuva nihovirikana naatthu akhwaawe elapo yovathiila?¹⁷Apwiya yaahomwiirela Moises: Kinaahala opanka ekilepelalyaa, kontha ohophwanha n'nema wameethoniwaka, ni kinaatjuwela ntjinanaa. ¹⁸Moises aahiira: Sontte, nkithoonhere waaryawinhu.¹⁹Apwiya yaahiira: Kinaahala woothoonhera n'nemanaka, ni ohoolwaa kinaahala ohuwela ntjinanaka, Apwiya. Kinaahala onvaha mahala oole npheela okhaleliya mahala, ni kinaahala omoonela ekiriri yoole npheelaaka omoonela ekiriri. ²⁰Vano Apwiya yaahiira: Khunoonatho ekhovyaaka, kotha khaavo npheela woona ekhovyaaka nookhala.²¹Apwiiya yaahiira: Nkaweha nipuro naattamenlalyaaka; We on'hala yoola mwaloola. ²²Wavira waaryawaka, kin'hala oweessa wamwala, ni kin'hala wookhuneela nintatanaka npaka wanviraaka. ²³Vano kinaahala okumiha ntatanaka ni onaahala woona ettulyaaka, massi ekhovyaaka khun'hala woona.

¹Apwiya yaahomwiirela Moises: Othikile ethaapwa piili tjomaluku phanka tjowantjeran'nhe. Kinaahala wantokha mon'mo moolumo yaari nthaapwani tjowantjera, tjipwessakatjalyaa. ²Wiitthonkomanihe owitjissu ni owele mwaako Sinai, ni wiithoonhere ohoolowaka woomaleloni mwaako.³Hikhale non'welanaa. Hikhaletho n'hala woonyaa omwaako. Ntthu wala nama hkhale nkoweettakatja omwaako. ⁴Vano Moises aahothikila ethaapwa piili tjomaluku phanka tjowantjera, aahovuwa owitjissu ni aahowela omwaako Sinai, phanka Apwiya tjan'himeeryalyaaya. Moises aahokussa ethaapwa tjoopiili nmatataniwawe.⁵Apwiya yaahokhuruwa nmahutteni ni yaahonphwanha Moises, ni yena aahiihana ntjina "Apwiya". ⁶Apwiya yaahovira ohoolowawe ni yaahokhuwela: "Apwiya, Apwiya, Nluku phokiriri ni omahala, n'hirussiye waataanawinhu mwintji ninroromelo ninkhuluvelo, ⁷okhalaka wowaamini waataana womwkhoto ekonto ekontotjene, nlevenlaka tjootakhala, mahuviho ni tjoottheka. Kontha ayena wanakhala khala khaanon'hiya namakossa. Ayena anaahala owaana mahuviho wa tjoottheka tjan'nathumwaane waassaanaaya ni assaanna naassaanaaya, npaka nikhoto noneeraru ni noneetjesse.⁸Moises wowaakuvyaatja aahooromela vathi ni aahovekela. ⁹Vano phiiraawe: Wakhala wiira kin'nopwanha n'nema owehawinhu, pwiyaaka, sontte nkhale nihi, waatthu oohiiwaala. N'nilevenle tjovaratjihu ni tjootthekatjihu, ni n'nikusse phanka awinhu.¹⁰Apwiya yaahiira: N'kaweha kinpheela waataaniha atthu ooteene, kinpheela opanka mitikiniho tjaari tjihinapankiya nlaponi. Atthu ooteene ari ohoolowa, anaahala woona mitekotjaka tjuulupaleru, phimaana kipanka etthu yuulupale ohoolowa. ¹¹Wiiwelele enoohimeeryaka olelo. Kinpheela owoomola ohoolowaa amorreu, acananeu, aheteu, aperizeu, aheveu ni ajebuseu.¹²Wiirattavenle wowiira ohaataane naatthu elapo enrwaa, wala ayenatja an'hala okhala ntthavinaa. ¹³Ohiyavaa, ohaana waatankulaka altaaryaaya, opwessakatja mapottwaaya omaluku. ¹⁴Kontha khan'nophwanela waakokhorela anluku akhwaawe, mikiri APWIYA, ntjinanaka nohatje, kiNluku ohatje.¹⁵Wiirattavenle wowiira ohaataane naatthu ankhala elapweeyo, kontha ayenatja anawaararuwela anlukwaaya, ni anawiivahatjera ni anaahala woolattula wiira walye tjoovahatjaya. ¹⁶Vano onaahala waakussa assithiyanaaya waavahaka assaanaa, ni assaanaayaayo anaahala waararuwela anlukwaaya. ¹⁷Ohiipankele anluku oohikhala.¹⁸Ohaana okhalihaka essukuhuulu yophwaawu yoohimiropo. Phanka tjihirelalyaaka, ohaana okhuuraka ephaawu yoohimiropo mahuku saapa, nimahukwaaya, mweeri wa abib kontha phumweeri owaalyaa wiigiipitu.¹⁹Owantjera oyariya ooteene awaka, otakaniha enama tjowantjera oyariya tjooteene tjoolopwana. ²⁰Ohaana othumakatho ttjowantjera oyariya tjooteene tjokavalo niinama, kontha weehithumatho ohaana ohitakatjaka. Ohaana waathumaka tootho owantjera oyariya aassaanaa ooteene. Khaavo npheela owa waryaaka woohiitthu nmatatani.²¹Ohaana ovaraka nteko mahuku sita, nihuku nonasaapa ohaana omumulaka. Hata wankhalaaya owakathi woolimiya wala ohephiya, ohaana omumulaka. ²²Ohaana oweheehaka essukuhuulu yomahuku oohephiya tjowantjera oruweriya tjotiriku, ni ohaana oweheehaka essukuhuulu watjoohephiya woomala eyaakha.²³Atthwaa ooteene ahaana akhalaka waryaaka, Apwiya, Nluku owiisrael, emaara tthaaru khula mwaakha. ²⁴Kinaahala woomola makhoto ohoolowaa ni kinaahala omwaressela mwiinanotjaya. Khaavo nkootanhifu elapotjaa, waphiya waryaaka, Apwiya, Nlukwaa, emaara tthaaru khula mwaakha.²⁵Khun'hala ovaha ephome okutthwaaka nimiropo, wala enama yossukuhuulu yopaskowa, yoohala owitjissu. ²⁶Ohaana owaanaka n'hokorokho wowantjera nmattaniwaa owiihaka owan'nhaka. Khun'hala waapya epuri yoleeti yanumwaane.²⁷Apwiya yaahomwiirela Moises: Wantikhe moolumwaala, kontha kinaakhuluveliha moolumo yuulumalyaaka, ni kihopanka waataana naatthu owiisrael. ²⁸Moises aari naaPwiya mahuku arupayini othana nuuhiyu, yena khalyale wala khawuryale maatji. Yena aahaantikha nthaapwani moolumo owaataana, tjooruma khuumi.²⁹Moises owakathi okhuruwalyaawe omwaako Sinai nimoolumo owaataana nmatataniwawe, yena khaatjuwela wiira ekhovyaawe yaanawaarya wiiraawe uulumaka niNluku. ³⁰Arao naatthu ooteene wan'wehalyaaya Moises, nttapala neekhovyaawe naanawaarya, naayenatja yaahovatja tjinene omwaattamenla. ³¹Massi Moises aahowiihanatja, ni Arao nimahumu ooteene yaahowa. Vano Moises aahowuulumanatja.³²Waviralyaaya eyo, atthu ooteene owiisrael yaahowa awa Moises, ni yena aahaahimeeryatja tjooruma tjooteene tjaavahiyaawe naaPwiya omwaako Sinai. ³³Moises wamalihalyaawe owuulumanatja, yena aahiikhuneela ekhovyaawe ninleesso.³⁴Khula nkwaha Moises waarwaawe wuuluma naaPwiya, yena aanaakumiha nleesson'no. Waahokolyaawe phaawaraawe nleesson'no. Yena aakhuma n'heemani ni aanawaahimeerya atthu owiisrael yaahimeeriyaawe. ³⁵Atthu owiisrael yaahoona ekhove ya Moises yaaryaka. Vano phiikhuneelaawe nleesso owiithowawe npaka waahokolyaawe wuuluma naaPwiya.

¹Moises hathukumaniha athu oteene oIsrael ni howiirela: "N'ya phiithu Pwiya wirenlyaaweni wiira nvare. ²Wo mahuku sita, wa kuta nteko ohaana ovariyaka, vano, nihuku nona saapa ninkhala nihuku noottakattifihiya. Nihuku nosaapatu ninkhala nihuku noomumuliya; nihuku neettakttifu naPwiya. Wa yoole n'hala ovara nteko nihuku nen'no haana akhuaka. ³Nyuu hikhale nkela oparihela mooro m'mawan'nyinyu nihuku nosaapatu".⁴Moises haahimeerya athu oteene oIsrael: "N'nya phiri tjoohimiya naPwiya: ⁵"n'haana n'waanaka ofeerta wa Pwiya, nyuuva nrina nrima n'nopheela. N'waane ofeerta wa Pwiya, ewooru, eparata, ebronze; ⁶etecido yoopipila, yokhuiila ni yoosheerya, eliinyu yooveviaala; mapururu opuri; ⁷mattapala onama opintariya yoosheerya ni koouro tjovevyaala; miri tjo mpeeku; ⁸petroolho onsaminiyani onsantuwaariyu, ekaruma omakhura, elumpani tjoonukhela; ⁹maluko onix ni maluku makinaku owaarya wo wiira aheliye nkuletini ni watheremani tjo kuwo tjaana mukutho.¹⁰Nlopwana oteene notjuwela opaka ethu wariyari winyu awe ni apanke yoteene yeele Pwiya erumalyaawe, ¹¹etabernakulo, ni etendaaya, mavatheliyo aya, ni mapuro an'wariheliya ekurtiina, manan'na anthenkiyaaya, manan'na tjikawanihiyaaya, apontto aya ni mithitteryo tjaya; ¹²hata n'novuku, no miri tjinkusseriyaaya, etamapa onrapiheliyaaya ni ekurtiina enkhuneela.¹³Meesa, ni mirir tjayan'yo tjinkusseriyaaya ni ekaruma tjinvareliya miteko ni ephaau tjoowa aPwiya. ¹⁴Ekantelaabru tja assaminiya, ni ekarumatjayan'yo, elampata tjaya ni makhura aa lampata; ¹⁵altaari opaheriya elumani, ni miri tjaya tjookusseriya, makhura owoottiheraniya ni elumpani tjoonukhela; ni ekurtiina tjo makhumenloni ontabernakulo; ¹⁶altaari anvaheriya ofeerta oopahiya, ni egarade tjaya tjo bronze ni mirir tjinkusseriya ni tjithu tjaya; ni ebaciaya yo bronze, ni nthitteeryo aya.¹⁷Ekurtiina tjoota tjimpatjera okhumenliya wiiphiyaka wapuwa, ni tjithu tjaya tjinlipihera aya ni ekurtiina wiikelaka wapuwani; ¹⁸ni miri otabernakulo ni tjo wapuwani vale, nimikhoyi tjayan'yo; ¹⁹ekuwo tjopakiya wo wiira avareliye mapuro ettakattiifu, ekuwo tjeettakattiifu tja Arao, namukutho, nassanaawe, wo wiira ayena avare toko anamukutho".²⁰Vano, makhto oteene oIsrael ahokhuma ni ahohahuwa wariyari wa Moises. ²¹Wa yoole ninrima wooreera ni wa yoole n'nepaawe waapheela, howa ni howaana ofeerta wa Pwiya wo wiira etekiye etabernakulo, wiira tjithu tjoteene tjonteko ni ekhuwo tjeettakattiifu. ²²Vano, ahowa alopwana ni athiyana, wa yaale yaari ni nrimaaya wootteeliya. Ayena yanawaana epirinku, aneli ni tjithu tjowiphuaneliha, wakuta ethu ejooia tjo wooru. Oteene waya ahovaha ofeerta tjo wooru wa Pwiya.²³Oteene yaale yaarina eteciido yoopipila, yossafarawu ni yoosheerya, elinyu yoovevyaala, mapururu opuri, mattapala opwittipwithi opintariya yoosherya walani yoovevyaala ekouro ahowaanatja. ²⁴Oteene yaale yaarian ofeerta wo parata walani wo bronze ahowaana wa Pwiya ni oteene yaale ethaapua tjo mpeeku wo wiira evareliye nteko ahowaana wiira tjivareliye nteko.²⁵Athiyana yaakhuitiri opanka ethu yanapanka eteciido ni etata tjaya ni yanawaana yeele yaapakaaya eteciido yoopipila, yossafarawu wa yosheerya, walani eliinyu yoovevyaala. ²⁶Athiyana oteene yaarina nrima wapheela ometha mapururu opuri.²⁷Ahooleli ayo ahowaana maluku oniix ni maluku makhuaawe owaarya wo wiira aheliye nkuletini ni watheremani wo khuwo tjaanamukutho; ²⁸ahowaana ekaruma ni petroolyu onlampatani, ni wakela oheleliya makhura ni olumpani yoonukhela. ²⁹Misraeliita ahowaana ofeerta woothuna wawe nthu wa Pwiya; khula nlowana ni khula nthiyana, mirimatjaya tjootteeliya, ahowaana ekaruma tjaakela ovareliya nteko wa Pwiya wanrumalyaaya Moises wiira avare.³⁰Moises howiirela mIsraeliita: "Moone, Pwiya honvaha ntjina naa Bezalel, mwaana a Uri, mwaana a Hur, nloko na Juda. ³¹Yena honvaha Bezalel N'nepaawe, anvahaka otjuwelatja, woonela ni otjuwelatja wa tjithu tjooteene tjopakiya, ³²wo wiira apakatje tjithu tjooreerela ni avarele nteko ni ewooru, eparata ni ebronze; ³³ni othikila ni oreeriha maluku ni opakatjera wa thaapuani wo wiira apanke wakuta ethu.³⁴Yena ho'hela wanrimani wawe wiira inthutjihe, Bezalel mpaka Aoliabe, mwaana aa Aisamaque, anloko na Da. ³⁵Yena honvaha otjuwelatja wo wiira avare wakuta ethu, wiira avare ntoko namapaka ethu, toko namahema, namapittikula eteciido yoopipila, yossafarawu ni yoosheerya, elinyu yoovevyaala ni toko wa yoole nopanka ekuwo tjo nliinya ni anamapanka ethu.

¹Wo manan'na yaayo, Bezalel ni Aoliabe anrwa ovara nteko, ni wakuta nthu ni nrima wo winthutjihiya wa yoole Muluku nvahalyaawe otjuwelatja wootjuwela oteka nipuro neettakattiifu, etharihenlaka tjoohimiya Yena tjuuvahalyaaweni wiira mpanke".²Moises homwiihana Bazalel ni Aoliabe, ni athu antjuwela ohema wiira Pwiya aavahe otjuwelatja, nrimayooyo waari okuan'nya ni Yena wo wiira evare nteko. ³Ayena ahaakhenlatja ni Moises ofeerta wooteene maIsraelita awanalyaaya wo wiira eteke lipuro neettakattifu. Apoovo yeera ewaanaka wa Moises ofeerta wo wivahenra owitjisu woteene. ⁴Vano oteene yinthutjihiye, evaraka nsantuwaariyu ahohokolya wa nteko wavarayooyo.⁵Ayena ahomwiirela Moises: "Apoovo ayo aneera ewaanaka tjen'ye tjimphuanela wiira epanke nteko wa Pwiya onirumalyaawe". ⁶Wo manan'na yaayo, Moises haleehera wo wiira hikhaletho nthu nowiiha ofeerta wiira etekeliye esantuaariyu. Vano apoovo ayo yaaheemelela owaana tjovahatjaya. ⁷Ayena yahaana venti tjinene ekaruma tjovarenla nteko.⁸Wa yaale anamatjuwelatja ayena ahoteka etabernaakulo nikurtina khuumi tjopankiya niliinyu tjovevyaala ni eteciido tjoopipila, tjosafarawu ni tjoosseerya niitesenyu tjo makerubim. Phaari nteko wa Bezalel, namatjuwelatja ovara. ⁹Erekamelo wa khula ekurtina yaari emeetru khuumi napiii ni ecentiimeetru yaari cithuiini, nii eyaatapuwelo emeetru emotja ni ecentiimeetru thamaaniini. Ekurtiina tjoteene tjaari enan'na emotja. ¹⁰Bezalel holutta ekurtiina thanu ekina nikhuaaya, ni tjikhuayan'yo holuttakatja tho ni tjikinan'yo.¹¹Yena holutta niilaaso tjoopipila nkherekhere wo kurtiina wo mphuinko woopatjera, ni yena hopanka yaayo manan'naayo wa mphuinko wo nayeeli nkherekhere. ¹²Yena hopanka elaaso hanciini ekurtiina yopatjera ni hanciini nkherekhere wa mphuinko wo nayeeli tjiluttenliyaka ni tjikhuaaya. ¹³Yena hopanka araame owooru ni holutta ekurtiina ni tjen'yo ni eholuttaana niitabernakulo.¹⁴Bezalel hopanka ekurtiina tjo mapururo opuri wiira ekhale toko etenda yo watabernaakulo; yena hopanka ekurtiina khuumi napiili. ¹⁵Erekamelo wa kuta ekurtiina yaari meetru khuumi na thaaru n'nuusu, ni eyaatapuwelo yaari meetru mamotja ni ecentiimeetru naane. Wakuta ekurtiina wa tjeen'ye khuumi namotja yaari enan'na emotja. ¹⁶Yena holutta ekurtiina thanu ekina niikhuaaya, ni ekurtiina sita nikhuaaya. ¹⁷Yena hopanka malutte hanciini nkherekhere wa kurtiina wa mphaantti woopatjera, ni malutte hanciini nkherekhere tjo kurtiina mphantti wo piili.¹⁸Bezalel hopanka araame o bronze wiira alutte eteenda wo wiira ekhale yooteene. ¹⁹Yena hopanka, wo wiira avathele etabernakulo, ovathela ni ettapala yo nama yoopintariya yoosheerya, watjulu waya, yaavatheliye ni ekouro yoovevyaala.²⁰Bezalel hopanka ethapua tjo wookoa atja tjo mpeku wiira etekeliye etabernakulu. ²¹Marekamelo wa khuta ethaapua yaari emeetru matjesse, ni eyaatapuwelo yaari ecentiimeetru sapiini. ²²Tjahaavo ethaapua piili tjaaphiteerihiya wiira tjiluttenliye. Yena ahopanka ethaapua tjo ntabernaakulo yaala mananna. ²³Phipankalyaawe manan'naal ethaapua tjo ntabernaakulo. Yena hopanka ethaapua ciriini wo mphantti wootjulu.²⁴Bezalel hopanka mithitteeryo arupaini tjo parata wiira tjikhale vathi waya ethapua. ni mithitteeryo tho miili vathi waya wakuta ethaapua wa mapuro wankelaaya oluttiya. ²⁵Mphantti wo nayeeli wo etabernakulo, mpantti woohitto, yena hopanka ethaapua ciriini, ²⁶ni mithitteeryo tjaya arupaini tjo parata. Tjahaavo mithitteryo vathi waya ethapua tjoopatjera, mithitteeryo miili vathi waya ethapua yootharenla yeeyo.²⁷Wa miphantti tjootabernakulo, onkhuma ntjuwa, Bezalel hopanka ethaapua sita. ²⁸Yeana hopanka ethaapua piili tjo m'maloothoni tjo ntabernakulo.²⁹Ethapua n'ya tjaari tjookawanihiya wa elipiheriyo tjaya, tjaari tjooluttiya ntjulu waya wa tjithu tjorukureerya. Yaari manan'na yaayo malootho ottalivelana. Tjahaavo ethaapua naane, tjooluttiya ni mithitteeryo tjayan'yo tjo parata. ³⁰Tjahaana khuumi nasita mithitteeryo tjaya n'yo, mithitteeryo miili tjoovathi ethaapua tjoopatjra, mithitteeryo miili tjoovathi waya wa ethaapua tjootharenla yeeyo, okelelaka vaale.³¹Bezalel hopanka eviiga tjo thapua tjo mipeeku, eviiga thanu wa ethaapua tjo wooru mphantti wo etabernakulo, ³²eviiga thanu wa ethaapua tja thipeeliye mphantti onkela ntjuwa. ³³Yena hopanka eviiga yoovarenla ethapua, eyo, mphantti wootjulu, mphantti ni mphantti. ³⁴Yena hottiyenla ethapua ni wooru. Yena hopanka ethu yoorukureerya ro wooru, wiira ekhale yoovarenlela wa eviga, hokhuneela tho ebaara n'yo ni wooru.³⁵Bezalel hopanka evewu yoteciido yoopipila, yossafarawu ni yoosheerya, ni eliinyu yoovevyaala, nii etesenyu tjo makerubim, nteko wana matjuwelatja wa nanteko. ³⁶Yena hopankela evewu elipihero tjesse tjo thaapua tja mipeku, ni hokhuneela ni ewooru. Yena hopankatho nri wo wooru wa epilaare, ni hothipelatja ni mithitteeryo tjesse tjo parata.³⁷Yena hothomya eveu omakhumenloni wootendani. Yaari yoopankiya niteciido yoopipila, yossafarau ni yoosheerya, yoliinyu yoovevyaala, nteko wa namattotha. ³⁸Yena hopankatho n'sowaalyuni epilaare thanu ni miri. Yena hokhuneela ntjulu waya ni miritjaya tjo wooru. Mithitteeryo tjaya thanu tjaari tjopankiya ni ebronze.

¹Bezalel hopanka nivuku nonri wompeku. Marekamelo aya yaari meetru mamotja ni ecentiimeetru khuumi, ni eyaatapuwelo yaari ecentimeetru sapiini ni erekamelo aya yaari ecentimeetru sapiini. ²Yena hokhuneela n'hinawaya ni otawaya ni wooru ni ahoreerihatjela nkurukuru waya m'mo. ³Hototocera makenkere matjesse owooru m'mettoni wayam'mo tjoomitjesse, ni makenkere meeli mphantti nkinakuuyo ni makenkere meeli mphantti nkinooyo.⁴Yena hopanka ekopo ni miri tjo mpeeku ni ahoottihatjera ewooru; ⁵ahothinyeratja ekopon'yo m'makenkere ni m'mwe, mwimphattini wo nivuku n'ne wiira yakusseriye. ⁶Hopankela etampa yo wooru. Erekamelo aya yaari meetru mamotja ni ecentiimeetru khuumi, ni eyatapuwelo yaarina meetru mamotja ni ecentiimeetru khuumi.⁷Bezalel hapanka makerubim meeli owooru yeesiyaka nkherekhere wo tampa vale. ⁸Querubim m'motjooyo ari mphantti nkinooyo nkinkuuyo ari mphantti nkinooyo. Ayena yapankela ethu emotja wo etampa yeele. ⁹Maquerubi ale yeera yatalelaka mapuphayaayo ntjulu ni ekhuneelaka etampa yeeyo. Ayena yaari oholo wa nkinakuuyo, anooromenle watampani vale.¹⁰Bezalel hopanka meesa onri ompeeku. Erekamelo aya yaari ecentiimeetru tusuiini; eyatapuwelo yaari ecentiimeetru arupayini na thanu ni erekamelo yaari sapiini. ¹¹Yena ahottihatjera ewooru ni ahatikhatja nkherekhere wayam'mo. ¹²Ahantikhatja wa eyatapuwelo wo makokho matjesse, yopakatjeriya ewooru wa ntikhatjiyayam'mwe. ¹³Yena hototocera makenkere matjesse owooru ni ahothukaniha m'maloothoni matjesse mapuro yaari metto aya.¹⁴Makenkere yanothukatjeriya m'mwe mwatikhatjiye wo wiira yaphovihatjiye miri tjinkusseriya yan'nyo wa meesa. ¹⁵Yena hohema miri tjo mipeeku, otawaya n'wo, hoottihatjera ewooru, wiira ekusseriye meesa. ¹⁶Yena ahopankatjera ekaruma tjaakela okhala wa meesa: eparatho, ekulyeri, etigela ni etjaaru tjivareliyaka wo wiira tjivaheriye ofeerta. Yena apankale ni ewooru.¹⁷Yena hopanka ekandelaabru yo wooru; hopanka ekandelaabru ni nthitteeryo ayooyo ni n'ri ayooyo. Ekophu tjayan'yo, mithitteryo tjayan'yo ni mataakhuru ni ethutu tjayan'yo yaakhalihera ethu emotja. ¹⁸Myoono sita tjahaana miphattini waya: myoono miraru tjaari mphantti nkinooyo wo kandelaabru, ni myoono miraru tjikinan'yotjaari mphantti nkhuawe oyo. ¹⁹Moono woopatjerooyo wahaana ekoophu thaaru tjaari toko ettuva tja amendoa, ni mataakhuru m'mithitteeryo ni wayam'mo ni ethutu; ni moono nkinooyo, ekoophu thaaru tjaari toko ethutu tja amendoa, ni matakhuru wa nthitteeryo ni waya ni ethutu. Yaari ethu emotja wa m'moononi sita tjaarinaaya ekandelaabru.²⁰Wa kandelaabru ni vaa, nri wo wariyari oyo, tjahaavo ekoophu tjesse tjoopakiya manaka ethutu tja amendoa, ni mithitteryo tjayan'yo ni mataakhuru ni ethutu. ²¹Wahaavo nthitteryo ni mataakhuru wa epaare emotja tjo myoono, epankaka ethu emotja; ni nthitteeryo tho ni mataakhuru wa epaare yo nayeeli eyo, epankihaka ethu emotja. Wo manan'na yaayo, wahaavo nthitteeryo ni mataakhuru wa epaare moono wo neeraru, enapankeliye ethu emotja paahi. Pharyaaya wiira epankiye moono tjo sita tjari wa kandelaabruni. ²²Mithitteeryo tjayanyo ni mataakhuru ni myoono tjapanka tjoteene ethu emotja, yaavareliye nteko ni ewooru.²³Bezalel hopanka ekandelaabru ni elampata tjayan'yo saapa, ni tjithu tjinvarelayan'yo ni tjittipiherayan'yo tjo wooru. ²⁴Yena hopanka ekandelaabru ni tjithu tjinkhalana yan'yo ni etalantu emotja yo wooru.²⁵Bezalel hopanka altaari onkela opahiya elumpani. Yena apankale yo miri tjo mpeeku. Erekamelo yaari ecentiimeetru arupaini na thanu ni eyatapuwelo ayeeyo. Yaari yo malootho matjesse ni erekamenlo yaari ecentiimeetru tusuiini. Enyaka tjayan'yo yakhalihera ethu emotja. ²⁶Yena ottihenre ewooru altaari ale, mpantti wo watjulu oyo, m'miphantini waya m'mo ni n'nyakani waya m'mo. Ahopanka tjithu tjonreerihela tjo wooru.²⁷Yena hopanka makenkere meeli owooru ni ahessihera vathi waya mapuro yantikhatjiye, mphantti nkinooyo wo altaari. Makenkere ale yaari elipihero mapuro yaavira ekopo wiira ekusseriye altaari. ²⁸Hohema miri tjo mipeeku phottiheraka ewooru. ²⁹Yena hopanka makhura ettakattiifu anoottiheraniya ni elumani yoonukhela, yoreera, miteko yanamanukhelihatja.

¹Bezalel hopanka altaari onkutho othaapwa ompeeku. Yaari omalootho matjesse omeetro nimotja wo talathiini na thanu yun'nuwelo waaya, erekamelo emetro piili wo ciriini na thanu. ²Yena anoothokola m'maloothoni omaatjesse, olikaneelaka ni enyaka tjo mope. Enyakan'yo yakhalihera ethu emotja ni altaari, ni yena phottihatjeraawe ni ebronze. ³Yena hopanka ekaruma tjaakea ovareliya miteko waltaari: etigela yakela omwaryeela ettuura, epaa, epiiya, egaarfu ni mapuro yakela opahiya mooro. Yena hopanka tjoteene n'ya ekaruman'ya tjo bronze.⁴Yena hopanka egrade wa yaayo altaari ayo, alikaniheraka wo nthavi noo bronze, vathi waya ncerecere. Yanaaphiya mpaka eriyari woo altaari. ⁵Yena hototossera wo malootho omatjesse wo grade o bronze ale, toko elipihero wo miri.⁶Bezalel hohema miri tjo mpeku ni hoottihatjera ebronze. ⁷Yena hothinyeratja mirin'yo waaneli wo miphantti tjaaltaari, wo wiira ekusseriye. Yena hopanka altaari ohiithu, akussaka ethaapua.⁸Bezalel hopanka epiiya yuulupale yo bronze ni nthitteryo aya wo bronze. Yena hopanka epiiya yoo espelho tjaari tjaathiyana yaa vara nteko omakhumenloni wo etenda yonthukumano.⁹Yena hopankela epuwa. Ekurtiina omiphantti wotjuulo wo puwa vale tjaari tjo liinyu tjooveviaala, tjaarupaini na thanu erekamelo. ¹⁰Ekurtiina tjaarina epilaare ciriini, ni khikitjero ciriini tjo bronze. Yahaavo araame yathukatjeriya epilaare n'ye, toko miri tjo parata.¹¹Wo manan'na yaayo, mphantti woo hitto, tjaahaavo ekurtina tjo meetro arupaini na thanu,epilaari ciriini, ni mithitteeryo tjo bronze ciriini, araame ya thukatjeriya epilaare ni miri tjo arata. ¹²Ekurtiina wo mphantti onkela ntjuwa tjaarina meetru ciriini na piili n'nuusu, ni epilaare khuumi ni mithitteeryo. araame ni miri tjo pilaare tjaari tjo parata.¹³Ekurtiina tjaariana emeetru ciriini na piili n'nuusu mphantti onkhuma ntjuwa wo wapuwani vale. ¹⁴Ekurtiina n'ye tjaari tjo makhumenloni tjaarina meetru sita ni ecentiimeetru sapiini nathanu. Tjahaana epilaare thaaru ni mithitteeryo thaaru. ¹⁵Mphantti nkinooyo woomakhumenloni, tjahaavo ekurtiina tjaari meeturu sita ni ecentimeetru sapiini na thanu, ni pilaari thaaru ni mithitteeryo miraru. ¹⁶Ekurtiina tjoteene tja ttekiye wa puwani vale tjaari tjopankiya ni liinyu tjoovevyaala.¹⁷Mithitteryo tjaya tjaari tjopankiya ni ebronze. Eretja ni miri tjaari tjopankiya ni prata, tjowariheliya wa nankatha tjaari tjopankiya ni parata. Epilaare tjoteene tjo wapuwani vale tjaari tjowoottiheriya eparata. ¹⁸Ekurtiina tjo wankhora vale tjo wapuwani vale tjaarina emeetru khentta. Ekurtiina yaari tjopankiya eteciidu yo pipila, yosheerya ni yosafarau, elinyu yovevyaala, ni yaarina emeetru khentta. Yanaaphiya emetru khentta mun'nuwelo aya ni ecentiimeetru cirini na thanu erekemalo, toko ekurtiina tjo wapuwani vale. ¹⁹Tjahaana mithitteeryo tjesse tjo bronze ni raame oparata. Tjawariheliye wanankatha vale ni miri tjaya tjaari tjopankiya tjo parata. ²⁰Miri tjoteene tjo ntendani tjo tabernaakulo ni tjo wapuva vale tjaari tjopankiya ni bronze.²¹N'ya phi tjithu tjapankiye tjo ntabernakulo, etabernakulo tjo Kettelo tjo Wataaniha, tjitharihenliyka toko tjintjutjihalyaawe Moises. Tjaari miteko tjo maleviita ovathiwaya ettiheriyaka ni Itamar, mwaana anamukutho Arao. ²²Bezalel, mwaana aa Uri, mwaana aa Hur, onikhoto na Juda, hopanka yeele Pwiya yanhimeralyaaya Moises. ²³Aoliabe, mwaaana aa Aisamaque, nikhoto naa Da, hovara ni Bezalel toko namahema, namatjiwelatja opittikula, toko namapakatja eteciido yo liinyu yoopipila, yoosheerya ni yoopuurpura ni yo liinyu yooveviaala.²⁴Ewooru tjavareliye miteko tjooteene, wo miteko tjoteene onari womphantti weettakattiifu, eri tjo, ewooru yofeerta, tjaari ciriini na khentta etalentu tjene ni eminya saapa wo talathiini esiikulo tjene, wo nayeeli ephimeliyo wo siikulo wo mapuro eettakattiifu ale. ²⁵Eparata yoovahiya naathu yaari eminya etalentu tjene ni ekonto wo minya saapa wo sapiini na thanu esiikulo tjene, ²⁶wala esiikulo emotja wakuta nthu, eyo enthoonyera wiira, esiikulo n'nuussu, wo nayeeli ephimeliyo yo siikulo yo mapuro eettakattiifu. Ola nthonyero ola waphuan'nye wo manan'na wo yaale yaalikeleliye wa oteene yaale yantikhiye, o hirimu o ciriini eyakhatjene oruaaka ntjulo, athueene yaari ekonto eminya siita ni ekonto thaaru wo elufu wo hanssiini, oteene waya.²⁷Etalentu tjene eminya tjo prata tja hototossiya wiira epankeliye nthitteeryo wo santuwaario ni mithitteeryo tjo kurtiina: mithitteeryo eminya, etalento emotja wakuta nthitteeryo. ²⁸Wo ekonto eminya saapa wo sapiini na thanu esiikulo tjene tjo prata tjoohala, Bezalel hapanka araame opilaare, ahavathela anankatha ale, ni ahohema miri tjo vaavale. ²⁹Ebronze tjaavahiye tjahophiyaka etalentu sapiini ni esiiculo ekonto piili ni minya tjesse.³⁰Wa yeeyo, yena hopanka mithitteeryo wo makhumenlo oteenda yonthukumano, altari oo bronze, egrade tjo bronze, ekaruma tjooteene tjo altaari, ³¹mithitteeryo tjo wapuwani vaa, mithitteeryo tjo omakhumenlo ni owapuwani vaa, miri tjoteene ontendani wa etaberanakulo ni miri tjoteene ontendani owapuwani vale.

¹Ni eteciidu yoopipila, yossafarau ni yosheerya ahopankatja ekuwo tjo teciidu wiira tjikhale tjikelaniyaka mapuro ossuali nipuro neettakattiifu. Ayena ahopanka ekuwo tja Arao tjo mapuro ettakattiifu, wo nayeeli Pwiya tjamwirenliaaya Moises.²Bezalel hopanka ekuleti yo wooru ni yoteciidu yoopipila, yossafarau ni yosheerya. ³Ayena yahonyatta ehalahalo tjo wooru ni yahothikila nihatja wo fio, wo wiira ettottiheriye wo eteciidu yoopipila, yossafarau ni yosheerya ni eliinyu yoovevyaala, nteko wa namahema otjuwelatja.⁴Ayena ahopanka tjo m'makhatani wo kuleti, tjothukenliya miphantti miili. ⁵Ecintu aya, yo teciidu, yaari toko yo kuleti, ya pankiye ni ethu emotja, yopankiya ni elinyu yovevyaala yothaviya ni yaari yowottiheriya ewooru, yaari yoopipila, yossafarau ni yosheerya, toko Pwiya tja mwirenlyaaya Moises.⁶Yahothomyaatja maluku onix owoottiheriya ewooru ale, yahantikhatjiya matjina assaana oIsrael. ⁷Bezalel ahohela m'makhatani wo kuleti, toko maluku omupuwela Pwiya assaana khuumi neeli oIsrael, toko Pwiya tjimwirenlyaawe Moises.⁸Yena hopanka watheremani, nteko wa namatjuwelatja ovara ethu, apankaka toko ekuleti. Yena hopanka yo wooru, yo teciidu yoopipila, yossafarawu ni yosheerya, ni yolinyu yoovevyaala. ⁹Yaari yo malootho matjece. Ahokhuna emaara piili Yaari ecentimeetru ciriini na thaaru erekamelo ni ecentimeetru ciriini na thaaru eyaatapuwelo.¹⁰Ayena ahothomiaatja efiila tjece tjo maluku owaarya. Efiila yoopatjera eyo ahaavo rubi, topazio m'motja ni berilo m'motja. ¹¹Efiila yo nayeeli nahavo esmeralda, safira m'motja ni ediyamante. ¹²Efiila yo neeraru nahavo jacinto, agata m'motja ni ametista m'motja. ¹³Efiila yo neetjece nahaavo crisolito, onix m'motja ni jaspe m'motja. Maluku ayo yottiheratjiye ewooru.¹⁴Yaari maluku khuumi neeli kontha yaari matjina assaana oIsrael khuumi neeli. Kuta nluku nahantikhiya, toko nlutto, ntjina wa mwaana oIsrael. ¹⁵Ayena ahopanka ekorenti tjooyevatja tjo wooru, tjoothaviya toko nkhoyi tjo wa theremani. ¹⁶Ayena ahopanka erenda piili tjo wooru ni aneli eli owooru, ni ahaalutta aneli oyeeli miphantti tjo miili owatheremani.¹⁷Ayena ahohela ekorenti tjoothaviya tjo wooru makenkereni nkerekhere wo m'makhatani. ¹⁸Ayena aholuttaaniha miphantti milin'yo wa ekorenti tjithaviyen'yo mapuro omiili. Aholutta tja m'makatani waya wa ohoolo wo kuleti.¹⁹Ahopankatja makenkere meeli owooru ahothukenlatja nkherekhere wo watheremani wattotheliyaaya n'hina, wattamenlaka wa ekuleti ya namukutho. ²⁰Ayena ahopankatho makenkere meeli ni ahothukaniha miphantti tjo m'makhatani, ohoolo waya ekuleti, wattamenlaka mapuro nttothiyaaya, watjulu waya ecintu yovevyaala yo eteciidu yo kulete.²¹Ayena yohothuthukenla wa theremani waya wo makenkere niwaya wa m'makenkereni ni nkhoyi woopipila, wo manan'na wa kelaaya othukiya saneene watjulu waya wo ecintu yovevyaala yo eteciidu okuleti. Phaakiyaaya tjoo wo wiira ehitaphuwatje ekuleti, Yapankiye w nayeeli toko Pwiya tjamwirenlyaawe Moises.²²Bezalel hopanka etuunika yo kulete yapankenle ni maliinya oteciidu yoopipila, nteko wa namattothatja. ²³Ayena yahaana nipuro nattenliaaya wo wiira ovire muru. nkurukuru waya m'mo yahothavenliya wo manan'na tjahakelaaya otaphuwa tja. ²⁴Mapuro yattothiyayam'mo, ayena yahopanka eroma yo eteciido yoopipila, yosafarau ni yoosheerya ni yo liinyu yoovevyaala.²⁵Ayena ahopanka esiinu tjo wooru, yahohela nroma wa nkurukuru yo tuunika, nenenke niiroma ²⁶esiinu emotja ni eroma emotja, esiinu emotja eroma emotja, nkurukuru wo tuunika ya Arao. Pwiiya phamwirenlyaawe Moises.²⁷Ayena ahopanka ekatjako tjo liinyu tjoovevyaala ya Arao ni assanaawe. ²⁸Ayena ahopanka eturbante yo liinyu yovevyaala, ni epaana yoovilikeliya yo liinyu yoovevyaala, efooru yo linyu yoovevyaala, ²⁹ecintu yo liinyu yoovevyaala ni yoteciido yoopipila, yosafarau ni yosheerya, nteko wa namattothatja. Pwiya phamwirenlyaawe Moises.³⁰Ayena ahopanka ekorowa yo wooru; ayena ahoottihatjera vaava, toko ethu yokolariya: YOVAHEN'YA PWIYA. ³¹Ayena ahothuka watjulu waya vaa nkhoyi woopipila. Ayo yaari manan'na Pwiiya tjanrumalyaawe Moises.³²Vano nteko wontabernaakulo, etenda yo nthukumano yahomalihiya. Apoovo oIsrael ahopanka tjoteene. Ayena ahotharenla toko tjaleheriyaaya Pwiya tjamwirenlyaawe Moises. ³³Ayena ahowaana etabernaakulo wa Moises, etenda ni ekaruma tjayan'yo, tjothukeliya, ethaapua, eviiga, ni mithitteeryo tjayan'yo. ³⁴Mavatheliyo ni mattapala onama, tjopintariya yosheerya, mavatheliyo ni ettapala yookoromala yo nama yom'maatjini, eveeu yaattiyenla, ³⁵nivuku nowataana ni ekopo tjayan'yo ni etampa tjaya.³⁶Ayena ahowaana meesa, ni ekaruma tjnkela wisaatheriya ni ephau wa owa wa Pwiya; ³⁷ekandelaabru yo wooru ni elampata tjaya tjo thatiya, ni tjithu tjinowanayan'yo ni petoroolyo onlampatani m'mwe; ³⁸altaari owooru, makhura owoottiheraniya ni elumani yoonukhela; ni ekurtiina wikela ntabernaakulo; ³⁹altaari obronze ni ekuwo tjaya ni ekaruma tjoovareliya miteko ni ebaciya ni nthitteeryo ayooyo.⁴⁰Ayena ahowanatja ekurtiina wa puwani vale ni mithitteryo tjayan'yo, ni ekurtiina yo makhumenloni wa puwani vale, mikhoyi tjayan'yo ni miri tjo etenda, ni ekaruma tjinkela ovareliya miteko nkuultuni ntabernaakulo, etenda yo nthukumanoni. ⁴¹Ayena ahowaana ekuwo tjoovevyaala wiira tjiwareliye yipankiyaka esuali mapuro ettakattiifu, ekuwo tjeettakattiifu tja namukutho Arao nassanaawe, wiira evare nteko we namukutho.⁴²Tjo, aoovo oIsrael ahopanka miteko tjooteene wo nayeeli Pwiya tjanrumalyaawe Moises. ⁴³Moises hoona nteko woteene ni howeha nteko ovaralyaaya. Vano Moises hareeriha.

¹Vano aPwiya ahomwiirela Moises, ²Nihuku noopatjera wo mweeri, oteke etabernaculo, enupa yoheema yonthukumano.³Orwaane nivuku no wataana mpaaniwaya m'mo ni waakhuneele nii veu. ⁴Ohaana owaanaka meesa ni waarumariki oratteene tjithu tjomphuanela. Vano ohaana owaanaka ekantelabru ni wissaatheraka akhanttiyero.⁵Ohaana waahela altaari olumpani owooru nenenke wo nivuku nowaataana, niohaana ohelatjaka okuurtiina omakeleloni wo tabernakulo. ⁶Ohaana waahelaka altaari ovaheriya okutho ohoolo womakhumenlo wo tabernakulo, enupa yonthukumano. ⁷Ohaana ohelaka epiiya nenenke wo enupa yonthukumano ni waltaari, ni ohaana otjarihaka maatji.⁸Ohaana orattavenlaka epuwa eyo woorukurerya etabernakulo, ni wataphulele ekuurtiina omakhumenloni wo wapuwanivale. ⁹Wakhusse makhura ni ohaana woottiheraka etabernakulo ni wa yooteene en'hala okhalela vaavale. Ohaana okivahenreraka wa ekaruma tjoteene tjinvarela miteko. ¹⁰Ohaana woottiheraka makhura altaari onkutho ni wa ekaruma tjinvarela miteko tjoteene. Wakivahenre altaari aayo, ni an'hala okhala ettakattiifu wa mii. ¹¹Woottihere epiya yo bronze ni nthitteryayooyo, ni okivahenre.¹²Wan'mwaane Arao nassanaawe ayo omakhumenloni wonupa yonthukumano ohaana waarapihaka ni maatji. ¹³Wan'warihe Arao ekuwo tjooreerela wa mii, ni wamottihere makhura ni okivahenrele wo wiira yena Akivarele nteko toko Namukutho aka.¹⁴Wawaane assaanawe ayo ni wawarihe ekatjako. ¹⁵We ohaana owoottiheraka makhura toko tjiwottihenrya apapayaayo, wo wiira akivarele nteko toko anamukutho. Othapeliya wayan'wo an'hala okhala anamukutho ohikhumatho wa makhoto oteene". ¹⁶Moises phipankalyaawe. Yena hotharihenla wa tjoteene Pwiya tjaahimalyaawe. Yena hopanka tjoteene n'ya.¹⁷Vano etabernakulo yahotekiya nihuku noopatjera wo mweeri, mwaakha wo na yeeli. ¹⁸Moises hoteka etabernakulo, hothipelatja mithitteryo tjayan'yo, holutta ethapua tjayan'yo, holutta eviga tjayan'yo, ni hothipelatja miri tjayan'yo ni apontto ayaale. ¹⁹Yena hovathela toko etenda, wo manan'na toko Pwiya tjaarumalyaawe. ²⁰Hohela ekettelo tjo Waataana n'hina wo nivuku. Hokomelatja miri wa nivukuni vale ni phawanaawe etampaaya watjulu vale.²¹Howaana nivuku n'ne mpaani wa etabernakulo. Hotaphula ekuurtiineele wo wiira attiyenle nivuko noo wataana, toko Pwiya tjirumalyaawe. ²²Hohela meesa mpaani wa etenda yonthukumano, mphantti woohitto wo etabernakulo, otawaya ekuurtiina. ²³Hinsaathi ephaau wa meesa wariyari wa Pwiya, toko Pwiya tjimwirenlyaawe.²⁴Yena hohela ekandelabru mpaani wo etenda yo nthukumano, wa hoolo wo meesa, mphantti wootjulo wo etabernakulo. ²⁵Hoparihelatja elampata wa hoolo wa Pwiya, toko Pwiya tjamwirenlyaawe.²⁶Phaahela altaari owooru ntendani wonthukumano, ohoolo wo kurtiina. ²⁷Hopaha watjulu waya vale elumpani, toko Pwiya tjimwirenlyaawe.²⁸Hothomya ekurtiina omakhumenloni wo etabernakulo. ²⁹Hinsaathi altaari onkutho omakhumenloni wo etabernakulo, enupa yo nthukumano. Yena hovaha nkutho ni hovaha oferta watjoolya tjo m'mattani waltaari vale, toko Pwiya tjimwirenlyaawe. ³⁰Hinsaathi epiiya yo bronze n'neke wo etenda yonthukumano ni waltaari, ni hoheela maatji mwen'mwe wo wirapihela.³¹Moises, Arao ni assaanaawe yaanyawa vaavale ni yatawatjera mpaciyani ³²wakunla okathi waakelaaya ntendani wo nthukumano yanarwa mpaka waltaari vale. Yanamwiirapiha, toko Pwiya tjimwirenlyaawe Moises. ³³Moises hothenkatja tjiri mantjira epuwa yo etabernakulo ni yaltaari. Hotaphula ekurtina omakhumenloni wo wapuwani vale. Womanan'na yaayo, Moises homaliha nteko.³⁴Vano nihutte nihokuneela etenda yonthukumano, ni waarya wa Pwiya ohotjara ntabernakulo m'mwe. ³⁵Moises khaalamuliya okela ntendani wo nthukumano, kontha nihutte naari watjulu waya, ni kontha waarya wa Pwiya ohotjaria ntabernakulo.³⁶Wakhula owakathi nihutte wawelaaya wa tjulo waya etabernakulo, apoovo oo Israel phakhumaaya ekahayeeyo. ³⁸Vano, nihutte n'no naahiweleke apovo ale khayaakhuma. Ayena yanakhala mpaka nihuku naawelaaya. ³⁷Kontha nihutte naa Pwiya naari wa tjulu waya etabernakulo nihuko nooteene, ni Mooro ayooyo ohiyu wo teene, woonaniaaya wa mentho wa poovo oo Israel, wa mwetteloaaya.

¹Pwiya aahomwiirela Moises npaani monthukumano moothakoni wooSinai, nihuku nowanthera womweeri wonayeeli mahuku ooteene womwaakha wonayeeli atthu owiisrael waakhumalyaaya elapo yowiiGipitu. ²Otthenkatje elumpani waatthu ooteene owiisrael, wakhuta nihimo toko amutji an'nathumwanaya. Owaalikele matjinaaya, wakhula nlopwana. ³Wayaale ooteene arina eyaakha ssiriini woorwaa ntjulu, oophwanela owana toko anakhotto wiisrael. We ni Abrao onaahala wantikha alopwana wonpwhinko ootthonkomanihiya.⁴Nlopwana n'motja wakhula nloko, n'hooleli onihimo, haana okhala ninhu toko n'hooleli onlokoninhu. Khula ntthu n'hala waahoolela alopwana an'hala owana mwaha wonlokonaya. ⁵Ala matjina omahooleli an'hala owana ninhu: Nloko na Ruben, Elizur, mwaana aSedeur. ⁶Nloko na Simeao, Selumiel, mwaana Zurisadai.⁷Nloko na Juda,Nasom, mwaana Aminadabe. ⁸Nloko na Issacar, Netanel, mwaana Zuar. ⁹Nloko na Zebulom, Eliabe, mwaana Helom.¹⁰Nloko na Efraim, mwaana Jose, Elisama, mwaana Amiude, nloko na Manasses, Gamaliel, mwaana Pedazur. ¹¹Nloko na Benjamim, Abida, mwaana Gideoni.¹²Nloko na Da, Aiezer, mwaana Amisadai. ¹³Nloko na Aser, Pagiel, mwaana Ocra. ¹⁴Nloko na Gade, Eliasafe, mwaana Deuel. ¹⁵Ni nloko na Nftali, Aira, mwaana Ena.¹⁶Ala yaari alopwana yaathanliye naatthu. Ayenatja yaahohoolela maloko aatthwaaya okhalayi. Ayenatja yaari ahooleli omahimo Wiisrael.¹⁷Moises ni Arao yaahaalattula athhwaala, yiihanatjiye matjinaaya. ¹⁸Ni wamotja naayenatja, yaahaathukuaniha alopwana oteene owiisrael, nihuku nowantjera womweeri onayeeli. Ohoolowaya, khula nlopwana oyaakha ssiriini woorwaa ntjulu aahaatjuwelela atthwaawe okhalayi, khula ntthu ahimyatjaka nlokonawe ni amutji omunlokoni waatthwaawe okhalayi. ¹⁹Vano, Moises aahowantikhatja moothakoni wooSinai, toko Pwiya tjaahimyalyaawe.²⁰Anamanloko aRubem, owantjera wiisrael, yaahaalikelatjiya matjina aalopwana ooteene oyaakha ssiriini woorwaa ntjulu wiira arwee okhottoni, tjowantikhiya nimalokwaaya naamutji. ²¹Yaahaalikeliya alopwana ekonto arupayini nasita niilufu nloko na Ruben.²²Anamanloko aSimeao, yaahaalikeliya matjinaaya ooteene wakhula nlopwana oyaakha ssiriini woorwaa ntjulu wiira arwee okhottoni, tjowantikhiya nimahimo aamutji aatthwaawe okhalayi. ²³Yaahaalikeliya alopwana ekonto hanssiini nakhentta niimiya tthaaru nloko na Simeao.²⁴Anamanloko aGade, yaahaalikeliya matjina waalopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ²⁵Yaahaalikelatjiya alopwana ekonto arupayini nathanu ni hanssiini nloko na Gade.²⁶Anamanloko aJuda, yaahaalikeliya, yaahaalikeliya matjinaaya aalopwana ooteene yaarina myaakha ssiriini woorwa ntjulu wiira arwee okhottoni, tjowantikhiya nimahimwaaya okalayi naamutji. ²⁷Yaahaalikeliya alopwana ekonto talaathiini natjesse nloko naJuda.²⁸Anamanloko aIssacar, yaahaalikeliya alopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ²⁹Yaahaalikeliya alopwana ekonto hanssiini natjesse nloko naIssacar.³⁰Anamanloko aZebulom, yaahaalikeliya matjina alopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ³¹Yaahaalikeliya atthu ekonto hanssiini nassaapa nloko naZebulom.³²Anamanloko aEfraim, mwaana Jose, yaahaalikeliya matjina aalopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalyi naamutji. ³³Yaahaalikeliya alopwana ekonto arupayini niimiya thanu nloko naEfraim.³⁴Anamanloko aManasses, mwaana Jose, yaahaalikeliya alopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ³⁵Yaahaalikeliya alopwana ekonto talaathiini neeli nimiya piili nloko naManasses.³⁶Anamanloko aBenjamim, yaahaalikeliya alopwana ooteene yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ³⁷Yaahaalikeliya alopwana ekonto talaathiini nathanu niimiya tjesse nloko naBenjamim.³⁸Anamanloko aDa, yaahaalikeliya matjina aalopwana ooteene yaarina myaakha ssiriini woorwaa otjulu wiira arwee okhottoni, tjowantikhiya nimahimo okhalayi naamutji. ³⁹Yaahaalikeliya alopwana ekonto sapiini niimiya saapa nloko naDa.⁴⁰Anamanloko aAser, yaahaalikeliya matjina aalopwana ooteene yaarina myaakha ssiriini woorwaa otjulu wiira arwee okhottoni, tjowantikhiya nimahimo okhalayi naamutji. ⁴¹Yaahaalikeliya alopwana ekonto arupayini namotja niilufu nloko naAser.⁴²Anamanloko aNaftali, yaahaalikeliya matjina aatthu ooteenne yaarina myaakha ssiriini woorwaa ntjulu wiira arwee okhottoni, tjowantikhiya nimahimo okhalayi naamutji. ⁴³Yaahaalikeliya alopwana ekonto hanssini natthaaru niimiya tjesse nloko naNaftali.⁴⁴Moises ni Arao yaahowaalikelatja alopwana ooteene, wamotja naalpwana khuumi neeli yaahoolela maloko khuumi neeli owiisrael. ⁴⁵Vano, alopwana ooteene owiisrael oyaakha ssiriini woorwaa ntjulu, ooteene yaarina orwaa okhottoni, yaahaalikelatjiya moomutjiniwaya. ⁴⁶Yaahaalikelatjiya alopwana ekonto emiya sita natthaaru niimiya thanu wohanssiini.⁴⁷Massi atthu yaari nloko na Levi khayaalikeliye. ⁴⁸Kontha Pwiya aahomwiirela Moises. ⁴⁹We khun'hala waalikela nloko naLevi, waha khun'hala waavussa assaana owiisrael.⁵⁰Ohiyavaa, on'hala waavahatjera malevita wiira akhikitjere nipuro nassaahiti, akhikitjeraka tjitthu tjooteene tjirinaawe. Ayenatja anaahala okumihatja nipuro ninonvekelaaya muluku nitjooreerelatjaya, anaahala okhikitjeratja ni anaahala okhala wonrukureerya.⁵¹Enupeeyo yatamihiyaka erweehiyaka nipuro nikhwaawe, malevita anaahala otankulatja. Enupeeyo yakhala yootthonkomanihiya, malevita anaahala opanka tjitjon'mo. Wakhula ntthu oohitjuwanyaa n'hala ophiya wanupani naahala okhwa. ⁵²Atthu owiisrael yaweemessatja aheemaaya, khula nlopwana naahala opanka waattaman'na epantera wiira rinphantte wonphwinko wootthonkomanihiya.⁵³Phimaana, malevita anaahala waatteka aheemaaya woorukureerya enupa ya ssaahiti, wowiira orussiyawaka ohaamorele atthu owiisrael. Malevita anaahala ossunka enupa yassaahiti. ⁵⁴Atthu owiisrael ahopanka tjitthu tjooteene. Ayena apankatjale tjooteene Pwiya tjaamwiirelalyaawe Moises.

¹Pwiya aahomuulumanatho Moises ni Arao, iiraka: ²Atthu ooteene owiisrael ahaana akhalatjaka woorukureerya epanteraaya niithoonhero nonlokonaya. Aheemaaya an'hala okhala woorukureerya heema onthukumano.³Yaale ari nloko naJuda ahaana akhalaka woorukureerya epantera yaJuda, moono weelopwana waheema wonthukumano, nphantte obkhuma ntjuwa. Nason, mwaana Aminadabe n'hala okhala n'hooleli aanakhotto ooJuda. ⁴Anakhotto ooJuda yaahaana alopwana ekonto sapiini natjesse niimiya sita.⁵Nloko naIssacar nihaana nikhalaka nphantte waJuda. Ntanel, mwaana Zuar n'hooleli aanakhotto aIssacar. ⁶Nphwinkwaawe wokhotto waahaana alopwana ekonto hanssiini natjesse niimiya tjesse.⁷Nloko na Zebulom nihaana nikhalaka nphantte wa Issacar. Eliabe, mwaana Helom n'hala okhala n'hooleli onphwinko wa Zebulom. ⁸Nphwinkwaawe waahaana alopwana ekonto hanssiini nasaapa niimiya tjesse.⁹Nphwinko woothukumana wamotja naaheema ooJuda, ooteene yaaritji alopwana ekonto emiya emotja wotuswiini nasaapa iimiya tjesse. Ayenatja phan'hala okhala oopatjera ovussa nthukumano.¹⁰Nloko na Ruben, nin'hala okhala nphantte wootjulu, woorukureerya epanteraaya. Elizur, mwaana Sedeur n'hala okhala n'hooleli wonphwinko wa Ruben. ¹¹Nphwinkwaawe waarina alopwana ekonto arupaini wosita niimiya thanu.¹²Nloko na Simeao nin'hala okhala nphantte wonloko na Ruben. Selumiel, mwaana Zurisadai n'hala okhala n'hooleli wonphwinko wa Simeao. ¹³Nphwinkwaawe waahaana alopwana ekonto hanssiini nakhentta niimiya tthaaru.¹⁴Nloko naGade nin'hala okhala nphanttiru. Eliasafe, mwaana Deuel n'hala okhala n'hooleli wonphwinko wa Gade. ¹⁵Nphwinkwaawe waahaana alopwana ekonto arupayini nathanu niimiya sita wohanssiini.¹⁶Miphwinko tjoothukumana wamotja naaheema aRuben, yaari nphantte waalopwana ekonto emiya emotja wohanssiini namotja niimiya tjesse wohanssiini. Yaayo phan'hala okhala onayeeli waateka aheema.¹⁷Woottharenlana, heema onthukumano naahala ovussa enupa wamotja nimalevita, eriyari womithukumano tjooteene. Ayenatja ahaana atekatjaka enupa weenan'a yeeyo enkhalatjaaya. Khula nlopwana haana okhala nipuronawe, wamotja niipanteraawe.¹⁸Nloko na Efraim nin.hala okhala nphantte onkela ntjuwa waheema onthukumano. Elisama, mwaana Amiude n'hala okhala n'hooleli onphwinko wa Efraim. ¹⁹Nphinkwaawe waahaana alopwana ekonto arupayini niimiya thanu.²⁰Nloko na Manasses nin'hala okhala nphantte wa Efraim. Gamaliel, mwaana Pedazur naahala okhala n'hooleli wonphwinko wa Manasses. ²¹Nphwinkwaawe waahaana alopwana ekonto talaathiini neeli niimiya piili.²²Nloko na Benjamim nin'hala okhala nphanttiru. Abida mwaana Gideoni n'hala okhala n'hooleli wonphwinko wa Benjamim. ²³Nphwinkwaawe waahaana alopwana ekonto talaathiini nathanu niimiya tjesse.²⁴Miphwinko tjoothukumana wamotja naaheema aEfraim ooteene yaari alopwana ekonto emotja nanaane niimiya. Ayenatja an'hala okhalatja oneeraru ooteka enupa.²⁵Nloko naDa an'hala okhala nphantte wootjulu waheema, woorukureerya epanteraaya. Aiezer mwaana Amisadai, n'hala okhala n'hooleli wonphwinko wa Da. ²⁶Nphwinkwaawe waarina alopwana ekonto suthwiini neeli niimiya sita.²⁷Nloko na Aser nin'hala okhala nphantte wonloko naDa. Pagiel. mwaana Ocra n'hala okhala n'hooleli wonphwinko wa Aser. ²⁸Nphwinkwaawe waahaana alopwana ekonto arupayini nan'motja niimiya thanu.²⁹Nloko na Naftali nin'hala okhala nphanttiru. Aira, mwaana Ena n'hala okhala n'hooleli wonphwinko wa Naftali. ³⁰Nphwinkwaawe waahaana alopwana ekonto hanssiini natthaaru niimiya tjesse.³¹Miphwinko tjoothukumana wamotja naaheema aDa ooteene yaari alopwana ekonto emiya wohanssiini wosaapa niimiya sita. Ayenatja an'hala okhala oomaliheratja oteka enupaaya niipanteraaya.³²Alatja phinun'muru nomiphwinko omaisraelita owaalikeliya nimalokwaaya. Miphwinko tjooteene tjowaalikeliya n'mapaaiwaya ooteene yaari alopwana ekonto emiya sita ni tthaaru niimiya thanu wohanssiini. ³³Massi, malevita khayaalikeliye naatthu owiisrael. Eyo yiiranyaale toko Pwiya tjaamwiirelalwaawe Moises.³⁴Atthu owiisrael yaahopanka tjooteene Pwiya tjaamwiirelalyaawe Moises. Ayenatja yaahomakatja tjitjon'mo niipanteratjaya. Ayenatja yaahotekatja enupa wonan'na niittharihelo tjomalokwaaya.

¹N'na phin'hantissi non'loko naaArao ni Moises, owakathi Pwiya wuulualyaawe ni Moises omwaako Sinai. ²Matjina aasaana aArao yaari Ndabe, owantjeriya ni Abiu, Eleazar ni Itamar.³Ala phamatjina aasaana aArao, yaatthapeliye ni yiirelatjiye wiira yaavarele nteko anamukuttho. ⁴Massi, Nadabe ni Abiu yaahokhwatja ohoolo wa Pwiya, owakathi ovahatjalyaaya mooro woohitjuwanyaa moothakoni wooSinai. Nadabe ni Abiu khayaarina asaana, phimaana, woohikhala Eleazar ni Itamar yaahovarela nteko toko anamukuttho ni Arao, an'nathumwanaya.⁵Apwiya yaahuuluma ni Moises ni yaahomwiirela: ⁶Owaane nloko na Levi ni munthoonhere Arao, wiira ayenatja ankhaviheratje.⁷Ayenatja anaahala ovara tjookhanhenriya mwantjina na Abrao naatthu ooteene, ohoolo woheeme wonthukumano. ⁸Ayenatja anaahala ovaratja nteko npaani. Ayenatja anaahala okhikitjera tjitthu tjooteene tjoheema tjonthukumano, ni anaahala okhavihatjera maloko owiisrael, n~mitekoni tjionpaani.⁹We onaahala waareeriha malevita Arao naassaanaawe. Ayenatja an´hala okhala ookawanyaatja wiira yaakhavihatjere atthu owiisrael. ¹⁰Onaahala waathanla, Arao naassaanaawe toko anamukuttho, massi wakhula nan´mwa n´hala waattamenla naahala okhwaa.¹¹Pwiya aahuuluma ni Moises. Aahomwiirela: ¹²Kihaathanla malevita eriyari waatthu owiisrael. Kihopanka tjon´mo, ohiya waathanla wakhula owantjeriya oyariya nlopwana eriyari yommaisrael. Malevita awaka. ¹³Owantjera oyariya ooteene awaka. Nihuku niwiivalyaaka owantjera oyariya ooteene elapo yowiigipitu, kihaakawaniha owantjeriya ooteene wiisrael wiira akhale nimi, atthu hata enama. Awaka ooteene. Mi kiPwiya.¹⁴Pwiya aahomwiirela Moises moothakoni wooSinai. ¹⁵Waalikele amutji aLevi wakhula nloko, n´mawan´nhaya atthu okhalayi. Waalikele alopwana ooteene arina mweeri n´motja weeyareelo hata naatthu oolupale. ¹⁶Moises aahowaalikela, attharenlaka moolumo yaavahiyaawe ni Pwiya, toko yena, Pwiya tjaahimyalyaawe.¹⁷Matjina aassaanaawe Levi phaala: Gerson, Coate ni Merari. ¹⁸Mahimo yaawaale waassaanaawe Gerson, yaari Libni ni Simei. ¹⁹Mahimo yaawaale waassaanaawe Coate, yaari Anrao, Isar, Hebrom ni Uziel. ²⁰Mahimo yaawaale waassaana aMerari yaari Mali ni Musi. Ala yaari mahimo omalevita, yantikhiye nihimo ni nihimo.²¹Mahimo omalibna, nikhoto namasimeita, yaakhuma oGerson. Ala mahimo omaGersonita. ²²Alopwana ooteene omweeri n´motja weeyareelo hata atthu oolupale yaahaalikeliya, waatakaniha ekonto saapa niimiya thanu. ²³Mahimo omaGersonita ahaana akhalaka, nphantte okela ntjuwa wonupa.²⁴Elisafe, mwaana Leal naahala ohoolela mahimo aamutji omaGersonita. ²⁵Amutji aGerson anaahala okhikitjera heema onthukumano, wamotja niinupa. Ayenatja anaahala onkhikitjera heema, wankhora woheema wonthukumano. ²⁶Ayenatja anaahala okhikitjera tjitthu tjowapuwani, woorureerya mapuro oolonpiya ni waaltaare. Ayenatja anaahala okhikitjera mikhoyi tjaaheema tjonthukumano ni nuulumonaya nooteene.²⁷Ala phimahimo awaale wa Coate: Nihimo nAnramita, ihimo nan´naIzarita, nihimo nan´naHebronita, nihimo nan´naUzielita. Yaala mahimwaala phan´naCoanita. ²⁸Alopwana ekonto naaneniimiya sita yaahaalikeliya omweeri n´motja eeyareelo npaka atthu oolupale, wiira akhalenle tjitthu tjaPwiya. ²⁹Nloko naamutji aCoate ahaana akhalaka nphantte woohitto wonupa.³⁰Elisafa, mwaana Uziel naahala ohoolela mahimo an´naCoatita. ³¹Ayenatja anaahala okhikitjera nivuku, meetja, essamininnha, altaare, tjitthu tjooreerihiya mooswalini, ni tjitthu tjooteene tjomuntekoni. ³²Eleazar, mwaana aArao, namukuttho, phin´hala waahoolela malevita. Yena naahala on´wehaweha nlopwana oophwanela wonipuro ttakattiifu.³³Mahimo meeli yaahowa wa Merari: Nihimo nan´namalita ni nihimo nan´namusita. Yaala malokwaala yaawaale wa Merari. ³⁴Alopwana ekonto sita niimiya piili yaahaalikeliya omweeri n´motja weeyareelo npaka atthu oolupale. ³⁵Zuriel, mwaana Abiail, naahaala ohoolela mahimo aMerari. Ayenatja ahaana akhalaka nphantte wootjulu wonupa.³⁶Nikhoto na Merari ninaahala okhikitjera wamotja naatthu onupa yamuluku, womapuro oohiviriya, ni tjitthu tjooteene. ³⁷Mapotto ooteene ari woorureerya enupa yamuluku, niiphatta nimikhoyi.³⁸Moises, Arao naassaanaawe ahaana akhalaka nphantte wonkurukuru onkhuma ntjuwa wonupa yamuluku, ohoolo woheema wonthukumano onkhuma ntjuwa. Ayenatja phin´hala okhalenla mapuro ttakattiifu, waatthu owiisrael. Khula nan´mwa n´hala waattamenla nipuro ttakattiifu naahala okhwaa. ³⁹Moises ni Arao yaahowaalikela atthu ooteene wonihimo na Levi yaari omweeri n´motja weeyareelo hata atthu oolupale, toko Pwiya tjaahimeeryatjalyaawe. Ayenatja yaahowaalikelatja alopwana ekonto siriini napiili.⁴⁰Pwiya aahomwiirela Moises: Owaalikele owantjera oyariya ooteene owiisrael arina mweeri n´motja weeyareelo hata atthu oolupale. Wantikhatje matjinaaya. ⁴¹Onaahala okireerihela malevita, waahiya owantjera oyariya ooteene naatthu owiisrael. Mi kipwiya. Ni onaahala oreeriha enama tjomalevita, ohiya enama tjowantjera oyariya wanikhoto nowiisrael.⁴²Moises howaalikela assaana opatjeriya oteene apoovo ooIsrael, ntoko Pwiya tjahimalyaawe. ⁴³Yena howaalikela assaana alopwana opatjeriya ni matjina, omweeri m'motja mpaka omuulupale, yahophiya ekonto piili, eminya piili ni miliko saapa na thaaru alopwaneene.⁴⁴Apwiya ahuulumatho ni Moises. Yena hiira: ⁴⁵''Waakawanihe maleviita, waahiya assaana opatjeriya wariyari wa apoovo oo Israel ni okawanihe enama tjo maleviita, ohiya enama tja poovo. Maleviita aawakaa Mii. Mii kaa Pwiya.⁴⁶We onaahala ophuanya esiculo thanu wavaheraka wa kuta mwaana opatjera wa yaale oo minya piili na miliko saapa na thaaru oo Israel, ⁴⁷esiculo tjo omapuro ettakattiifu ntoko ethu yoolemela. esiculo enaaphiya econtto siriini. ⁴⁸Onaahala ovaha eperesso enlivenliaa Arao nassaanaa''.⁴⁹Vano, Moises hotakaniha oliviya wo woopoliya waapoovo, yaavikana numeru athu owoopoliya ni malevita. ⁵⁰Moises hotakaniha nsurukhu wa assaana opatjeriya oo Israel. Yena hotakaniha ekonto emotja wo minya thaaru ni miliko sita ni siculu thanu, wonayeeli esiculo oo mapuro eettakattifu. ⁵¹Moises honvaha Arao naasaanaawe nsurukhu waakhenliye. Moises ahopanka yootene yiireliyaawe wiira apanke, ni nuulumo naa Pwiya, ntoko Yena Tjahimaliaawe.

¹Pwiya aahuuluma ni Moises ni Arao. Yena aahiira: ²Mweettihere ntthitto wonikhoto naatthu oCoata waalevita, mwaha wonihimonaya naatthu okhalayi. ³Mwaalikele atthu ooteene arina eyaakha talaathiini wala hanssiini tjeeyareelo. Yaala atthwaala an´hala ovara nteko n´heemani monthukumano. ⁴Nikhoto na Coate nin´hala okhikitjera tjitthu tjoottakattifihiya. tjikawanihatjalyaaka, n´heemani monthukumano.⁵Yatthonkomanatjaka woopheela okhuma, Arao naassaanaawe anaahala okela n´heemani, anaahala okurussa mwinkittho woomwalaniha nipuro ttakattiifu nottakattiifu, ni anaahala okhuneela nivuku nowaataana. ⁶Ayenatja anaahala okhuneelatja ninttapala nomope ni anaahala waatalatja ekuwo yoopipila ni anaahala waawariya anela nivuku wiira yaateesse.⁷Anaahala waatalatja wameetja ekuwo yoopipila. Vaava anaahala owiihatja eloossa, ni tjitthu tjooreerela tjooteene. Ephaawu tjin´hala okhala wameetja. ⁸Ayenatja anaahala okhunela niikuwo yoosseerya, tootho ninttapala nomope, anaahala waahelatja anela nmameetja wiira ateesse.⁹Anaahala okussa ekuwo yoopipila ni anaahala okhuneela eesaminin´nha, wamotja ni tjowooneelatjaya, anamakussa, ethaalu, nimitiita tjooteene tjomakhura. ¹⁰Ayenatja an´hala okhuneelatja, tjitthu tjooteene ninttapala nomope, yeessatjaka nipuro nomotja wiira ateesse. ¹¹Anaahala waatalatja ekuwo yoopipila waaltaare owooru ni anaahala okhuneelatja ninttapala nomope, woottharenlana, ohela ekopo tjoopheela oteesseana.¹²Anaahala otakanihatja tjitthu tjooteene tjonteko nipuro ttakattiifu ni anaahala weessatja nkuwoni yoopipila, wiira akhuneele ninttapala nomope ni weeessatja opuro nooteessa. ¹³Anaahala okumihatja ettuura waltaare nookhuneelatja niikuwo. ¹⁴Anaahala otakanihatja tjitthu tjooteene tjonteko: Anaahala waakhuneelatja altaare ninttapala nomope, vano, ekopo tjoopheela oteessana.¹⁵Arao naassaanaawe wakhuneelalyaaya nipuro ttakattiifu nitjitthutjaya tjooteene, ni enupeeyo yavussiya, nloko naCoate nihaana oteessa nipuro ttakattiifu. Ayenatja yakwanhaka thitthu ttakattiifu anaahala okhwatja. Ola phunteko wonloko naCoate, wooteessa tjitthu n´heemani monthukumano. ¹⁶Eliazar, mwaana anamukuttho Arao, anaahala oteessa makhura oonukhela arweehaka wanthukoni. Yena haana awehawehaka okussiya wolunpani, tjitthu tjoovahiya, makhura ooreerihiya, enupa yooteene yomavekelo ni tjitthu tjooteene tjirinaawe, tjitthu tjooreerihiya ni tjitthu tjooteene.¹⁷Pwiya aahomuulumana Moises ni Arao. ¹⁸Ohitthunihe wiira nloko naaCoatita okumiyiya womalevita. ¹⁹Mwaassunkatje, wiira akhalatje ni ahikhwatje apankaka yeeyo. Yaattamenlatjaka tjitthu ttakattiifu. ²⁰Ayenatja khan´hala woonatja nipuro ttakattiifu, wanakhala owakathi phuuwakathi, wala anaahala okhwaa. Arao naasaanaawe phan´hala okela. Yaala phaakawelatjale khula ntthu ooCoatita ntekwaawe.²¹Pwiya aahomuulumanatho Moises: ²²Oweettiheretho mwaathanle nikhoto na Gerson, an´hakhalayi aamutji omahimwaaya. ²³Waalikele ooteene arina eyaakha talaathiini wala hanssiini tjeeyareelo. Waalikele ooteene an´hala okela nteko n´heemani monthukumano.²⁴Ola phunteko nonloko nomagersonita, en´halaaya ovara phin´halaaya oteesa. ²⁵Ayenatja anaahala okussatja minkittho tjonupa yamuluku, heema wonthukumano, ekhuneelo tjomope tjaarinaaya, ni minkittho tjaari onkeliya n´heemani wonthukumano. ²⁶Ayenatja ahaana okussatja minkittho tjowapuwani, minkittho tjowankrora oomakhumenloni owapuwani, yaattamenlale enupa yamuluku, ni waattamenla waltaare, mikhoyitjaya, ni tjitthu tjooteene tjowantekoni. Anaahala ovarela nteko tjooteene tjohissima watjen´nho tjitthun´nho.²⁷Arao naasaanaawe anaahala ohoolelatja nteko wooteene wonikhoto nomagersonita, wotjitthu tjooteene tjin´halaaya olovolatja, ni womitekotjaya tjooteene. Mun´hala waakhavihatjera womitekotjaya tjooteene. ²⁸Ola phunteko wonihimo omaloko an´nagersonita n´heemani wonthukumano. Itamar, mwaana aArao, namuttho, haana aahoolelaka n´mitekoniwaya.²⁹Onaahala waalikela makhoto aMerari mwaha womalokwaaya, ni onaahala weettiheratja amutji aatthwaaya okhalayi, oyaakha talaathiini npaka eyaakha hanssiini tjeeyareelo. ³⁰Omwaalikele khula n´motja n´hala otakaneela nphwinko on´hala ovara nteko n´heemani wonthukumano.³¹N´no ovahatjeriya wontekwaayatja n´heemani wonthukumano. Ayenatja ahaana akhikitjeraka enupa yamuluku, nitjitthutjaya tjooteene. ³²Wootakaniha niikopo tjowapuwani woorukureerya enupa yamuluku, nitjitthu tjooteene. Wantikhe matjina tjotjitthu tjinpheelaaya okussa.³³Ola phunteko womahimo aMerari, en´halaaya owiihatja n´heemani wonthukumano, wonphantte wa Itamar, mwaana aArao, namukuttho.³⁴Moises, Arao, nimahooleli omunttettheni yaahaalikela makhoto omaCoate, womahimo aatthu okhalayi aamutjaaya. ³⁵Ayenatja yaawaalikelatjale yaale yaarina eyaakha talaathiini npaka hanssiini tjeeyareelo. Yaahowaalikelatja ooteene yiitakaniherale wiira avare nteko nheemeni wonthukumano. ³⁶Yaahaalikeliya atthu ekonto piili niimiyasita wohanssiini n´mahimoniwaya.³⁷Moises ni Arao yaahowaalikela atthu ooteene nmahimoni naamutji omacoatita yaavara nteko n´heemani wonthukumano. Ayenatja yaahomwiiwelelatja Pwiya, yan´himeeryalyaawe Moises wiira avaratje.³⁸Nloko naGerson yaahaalikeliya mahimwaaya, naatthwaaya okhalayi naassimutjaaya. ³⁹Oyaakha talaathiini npaka hanssiini tjeeyareelo, wiira ooteene yaataane avare nteko n´heemani wonthukumano. ⁴⁰Atthu ooteene, yaalikeliye munlokoni ni moomutjini mwaatthwaaya okhalayi, watakanihiyaaya yaari ekonto piili, niimiya sita wotalaathiini.⁴¹Moises ni Arao yaahaalikelatja mahimo omakhoto aGerson yaahala orwaa ovara nteko n´heemani wonthukumano. Ayenatja yaahiiwelelatja yaahimyalyaawe Pwiya , eriyari ya Moises.⁴²Nloko naMerari yaahaalikelatjiya n´mahimoniwaya womalokwaaya waatthu okhalayi wakhula n´mutji. ⁴³Oyaakha talaathiini npaka hanssiini tjeeyareelo, ooteene yaathukumanale wiira avare nteko n´heemani wonthukumano. ⁴⁴Atthu ooteene , yaalikeliye khula nihimo naatthu okhalayi, yaari ekonto tthaaru niimiya piili.⁴⁵Moises ni Arao yaahowaalikela atthu ooteene, nloko naMerari. Ayenatja yaahiiwelelatja, pwiya yaahimyalyaawe, eriyari ya Moises.⁴⁶Tjitjon´mo, Moises ni Arao, nimahooleli owiisrael, yaahowaalikelatja malevita ooteene n´mahimoniwaya naamutji aatthwaaya okhalayi. ⁴⁷Yaarina eyaakha talaathiini npaka hanssiini tjeeyareelo. Ayenatja yaahowaalikelayja ooteene yaahala ovara nteko npaani mwamuluku, ni yaahala oteessa nuukhikitjera tjitthu tjon´heemani wonthukumano. ⁴⁸Yaahowaalikelatja atthu ekonto naane, niimiya thanu wothamaaniini.⁴⁹Toko Pwiya tjaahimyalyaawe, Moises aahomwaalikela khula ntthu, aattharihenlaka wakhula enan´na yonteko khula ntthu yaavaraawe. Yena aahomwaalikela khula ntthu toko woovahatjeriya waahalaawe okhalana. Ni, apankaka yeeyo, ayenatja ahiiwelelatja yuulumalyaawe Pwiya, eriyari ya Moises.

¹Pwiya aahuuluma ni Moises. ²Waahimeerye atthu owiisrael wiira yaakumiheratje vate anamakuttula, yoole rina nikhwatta nookhuma oru ni ooteene yaale an´hala okhala oohilokaloka mwaha wookwanha nrutthu. ³Alopwana naathiyana anaahala okumihiya npaani mwamuluku. Ahipiihatje erettayeeyo npaani mwamuluku, weelamalelo. ⁴Tjitjon´mo atthu owiisrael tjipankalyaaya. Ayenatja yaahaakumihatja npaani mwamuluku, toko Pwiya tjaamwiirelalyaawe Moises. Atthu owiisrael yaahomwiiwelela Pwiya.⁵Pwiya, aahuulumatho ni Moises. ⁶Wiirele atthu owiisrael. Nlopwana wala nthiyana n´hala onkossera ntthu nkhwaawe, ni n´hala ohikaamini, oyo ntthuuyo hokikossera. ⁷Yena naahala olaphulula tjootthekatjawe tjipankalyaawe ni naahala oliva wohissapu mwaha wookossawawe, wintjenraka yoneethanu. Yena naahala onliva ntthu n´halaawe onkossera.⁸Massi, wakhala wiira ntthu kossalyooyo kharina ntjuweli oopheela waakhenla tjooliviya, yena naahala oliva ehissapu yokoossyaawe wamiivano eriyari wanankuttho, woohikhala enama yookuttho. ⁹Essoholo tjooteene tjinrweehiya wanamukuttho, wotjitthu tjooteene ttakattiifu ni tjitthu tjooteene tjikawanihiye wami waatthu owiisrael, tjinçhala okhala ninamukuttho. ¹⁰Tjoovahiya tjaatthu ooteene tjin´hala okhala tjanamukuttho. Yooteene en´halaawe okumiha wakhula ntthu anvahaka namukuttho tjin´hala okhala tjanamukuttho.¹¹Pwiya, aahuulumatho ni Moises. ¹²Waahimeerye atthu owiisrael. Akhala mwaara amwaneene iihapussaka, ankosseraka wan´nhawe, ni¹³Nlopwana nkhwaawe arupaka naayena, nthiyanooyo hokossa. Hata ahitjuwele awan´nha epankalyeeyo ekhalaka yowinpithyaa ni hirina ntthu oopheela onkhalela namoona, ¹⁴watjooteene, wan´nhawooyo akhalaka niihatje ni akhala aanhiheraka wiira amwaarawe ahokossa. Phimaana, ehatje tjinanweela nlopwana amwaarawe ahikossale.¹⁵Tjitthu tjowiira tjo, nlopwanooyo aawaaneke amwaaraawyaayo wanamukuttho. Awan´nhawyaayo anaahala ovaha nphantte wonakhuumi wotiricu. Yena khan´hala omwaressa makhura wala elunpani mwaha woyeeyo kntha yoovahiya tjohatje, yoovahiya yowaanhiheriya yotampi.¹⁶Namukuttho haana aattamenlaka ni eessaka ohoolo wa Pwiya. ¹⁷Namukuttho naahala owiiha ntiita womaatji ooreerihiya nookumiha ntthupi vathi wonupa yamuluku ni naahala ohela ntthupin´no n´maatjini.¹⁸Namukuttho naahala waarweeha athiyanaayo ohoolo waPwiya. Athiyanaayo anaahala otaphula murwaaya ni anaahala otaphula ekhararitjaya. Namukuttho naahala ohela etthaka n´matataniwaya toko yoovahiya yomuupuwelelo. Elaa phiitthaka yohatje. Namukuttho naahala ovarenla, n´matataniwawe, maatji oowaawa, an´hala on´waanela otakhalihiya. ¹⁹Namukuttho nahala owiirela athiyanaayo wiira apanke yoothanliya: Wakhalawiira khamunrupan´ne nlopwana ni ohirimeelaka woopanka yoohikhala, vano, onaahala okhala ootaphuwa womaatji oowaawa an´hala wootakhaliha.²⁰Massi, we, nthiyana wakhalaka owaahoolela awan´nhaa, ohiihapussa, wakhala ookossa ni, nlopwana nkhwaawe oorupanani, ²¹vano Pwiya naahala woovahani otakhalihiya on´hala othoonheriya atthu ooteene. Ni Pwiya naahala ovirikanihatja n´mirimaniwinhu. ²²Maatji an´waana otakhalihiya anaahala okela n´napwiipwiniwinhu, ni khamun´hala okhalatho ninteko. Nthiyanooyo naahala waakhula: Khweeli, wiiranyee kakhala ookossa.²³Namukuttho naahala wantikhatja tjootakhalihiyan´nho n´nikhantani ni, vano, haana arapihaka moolumo ootakhalihiya n´maatjini oowaawa.²⁴Namukuttho n´hala owiirela athiyanaayo wiira avurye maatji owaawa an´waana otakhalihiya. Yavuryaka maatji oowaawaayo naayena an´hala okhala oowaawa. ²⁵Namukuttho naahala okussa etthaka tjohatje n´matataniwaya. Yena naahala ovarenla etthaka npaka ohoolo wa Pwiya ni waawaana waaltaare. ²⁶Namukuttho naahala okussa etthaka tjoovahiya, yoovahiya yoopwanela, ni n´hala opaha waaltaare. Vano, yena n´hala waavaha athiyana maatji oowaawa wiira avurye.²⁷Anvahavale maatji wiira avurye, yakhala ookossa kontha anowaaphwanhera etanpi awan´nhaya, vano, maatji an´waana otakhalihiya anaahala onkela ni an´hala okhala owaawa. Ni n´mirimaniwaya khan´hala olokaloka. Nthiyanooyo naahala otakhalihiya ohoolo waatthu. ²⁸Massi, athiyanaayo yakhala oohikossa ni akhalaka ooreeratja, vano, naahala otaphulatjiya ni naahala waayara assaana.²⁹N´na nlamulo nohatje. N´na nlamulo naathiyana owaararuwela awan´nhaya. ³⁰N´na nlamulo nanlopwana nuupuwela ehatje naamwaarawe. Yena naahala waawaana athiyana ohoolo waPwiya ni namukuttho naahala opanka tjooteene tjantikhiye munlamuloni tjohatje.³¹Nlopwanooyo naahala okhala ookossa mwaha wowaawaana amwaarawe wanamukuttho. Ni athiyanaayo anaahala okhalana wakhula yookossa.

¹Pwiya aahomwiirela Moises. ²Waahimeerye atthu ooteene owiisrael, wiiraka: Nlopwana wala nthiyana ootthapenliya ni Pwiya wayoothanliya yooreeressa ya Nazireu, ³n´hala opheela okhala ottayi noniphaa. Khan´hala ovurya yoonhuunha wala nipha noohapala. Khan´hala ovurya wanakhala nkwaratati wo uuva, wala khan´hala olya uuva makithi wala owuuma. ⁴Womahuku ooteene an´halaawe okihiya, khan´hala olya etthu yoopankiya ni uuva, wootakaneela tjooteene tjoopankiya niitthaka.⁵Owakathi wooteene woothanliya wookawanyaa, khan´hala okassa ekhararitjawe npaka wan´maliheraawe mahukwaawe wa Pwiya. Yena naahala wiivahenra waPwiya. Yena naahala wiivahenra wa Pwiya, ni naahala ohiya ekhararitjawe tjuunuwaka n´muruniwawe.⁶Owakathi wooteene on´haleenhu okhala ookawanyaa ni Pwiya, n´haattamenle nrutthu. ⁷Yena khan´hala okhala oohilokaloka, hata wankhalaaya athumwaane, anumwaane, assun´nawe, yakhwavale. Phimaana yena nookawanyaa niMuluku, toko ooteene tjinoonaaya, mwaha wokhararitjawe tjuulupale. ⁸Owakathyaawe wooteene wowiikawaniha, yena n´hala okhala ttakattiifu, ahalaka wa Pwiya.⁹Ntthu akhwakavale wowakuvyaatja wonphanthyaa ni ephiyaka munthukumanoniwaa, vano yena naahala okassa ekhararitjaa nihuku nooreerihiya, nihuku nonassaapa.¹⁰Nihuku nonanaane, yena hana awaanaka matjiya meeli ni khuntta piili wanamukutho, omakeleloni wa etenda Yaathukumaniya. ¹¹Namukutho naahala onvaha mwaanuni ntoko yoovahenra etampi ni nkinakuuyo ntoko woopahiya. Yaala phinkela olivela, kontha athekale nlatto wookhala wakhiviru niiruthu yookhua. Yena naahala wiithapela tho nihuku nen'no.¹²Yena naahala wivahenra waa Pwiya owakathi woothapeliya. Haana awaanaka epwittipwithi yo mwaakha m'motja yoolivela nlatto. Mahuku ahinaaya wiinanariha khan'hala waalikeleliya, kontha othanliyawinyun'wo ohonanarihiya.¹³Eela phiikettelo ya nazireu, wo wiira yaphiyera mahuku ohathussiya. Yena naahala owaaniya omakhumenloni ootenda Woothukumaniya. ¹⁴Naahala othoonyera yoovahiya waa Pwiya. N'haana ovaha epwittipwithi yomwaakha m'motja yoohirakalatja. Owaanetho epwittipwithi ohirakalatja ntoko yoovahiya yooreerela. ¹⁵Owaane ecesto yophaau tjoopakiya woohiferementu, eboolu tjo phepa yooreera yootakanihiya ni makhura, ephaau tjohiferementu tjowoossiya ni makhura, nkhayi ni tjovahatjinyu tjooliya ni tjoowuriya.¹⁶Namukutho naahala othoonyera ohoolo wa Pwiya. Yena naahala ovaha tjovaha tjolivela etampi ni tjoovaha tjoopahiya. ¹⁷Ecesto tjo phaau tjohiferementu, yena naahala ovaha nkutho epwittipwithi, ntoko yovaha wooreerela waa Pwiya. Namukutho nahaala othoonyera tjoovaha tjooliya ni tjoowuriya.¹⁸Nazireu naahala ometha muruawooyo othonyeraka omwalanatja ni Muluku, omakhumenloni ootenda wo Nthukumano. Yena naahala okussa ekharari tjawe orihela wa mooroni ori vathiwaya wo mukutho woovahiya woomalelya.¹⁹Namukutho naahala okussa mphantti omakhata owapen'ya opwittipeithi, ebolu tjohimiropo tjoncestu ni phaawu tjohimiropo. Yena naahala onvaha m'matatani wa nazireu, namethaleene ekharari tjawe othoonyeraka omwalanatja. ²⁰Namukutho naahala okussa, othoonyera ntoko yoovaha ohoolo wa Pwiya; eyo eyoolya yeettakattiifu, yinsaatheriye anamukutho, niitherema niitara ethoonyeriye. Yavirakavale, nazireu nawaantja ovurya evinyu.²¹Ekettelo ya nazireu, nompaka natiri woovaha woomwalana wawe wa Pwiya. Wohikhala ethu ekhuaawe yoopheela ovaha, yena haana akhalaka ni natiri mpankalyaawe, wiira akhale huluveliho othonyeriye niikettelo wa nazireu.²²Tootho Pwiya huuluma ni Moises, iiraka: ²³''Wuulume ni Arao ni assaana. Wiire: Mwaareerihe apoovo oo Israel manan'naala: ²⁴Wiira Pwiya oreerihe ni ossunkeni.²⁵Apwiya akhale owaarya ohoolowinyu ni akhale oreera ninyuu. ²⁶Apwiya ooweheni wooreerela ni oovaheni nrettele. ²⁷Phumanan'na yaala ayena an'halaaya waavaha ntjinanaka apoovo oo Israel. Vano, Kinaahala waareeriha''.

¹Nihuku Moises nimalihalyaawe enupa ya Muluku, yena honthapela ni honvahenra Pwiaya, nkhayi nikaruma tjooreerela. Yenani hopanka ni altar ni karumatjawe tjooteene. Yena haathapela ni haathoonyera waa Pwiya. ²Nihuku nen'no, ahooleli oo Israel, ahooleli anam'mutjini okhalayi, ahovaha nkutho. Alopwanaayo yaahooleliya maloko. Yaari paayena yaawehaweha waalikeliya waa athu. ³Ayena ahowaana tjoovahatjaya ohoolo wa Pwiya. Ayena ahowaana ekaaro sita tjookhuneelatjiya ni mope khuumi na piili. Ayena yaahowaana ekaaro emotja wakuta ahooleli eli, wakuta n'hooleli hoowaana emompe emotja. Ayena ahothoonyera tjithun'ya ohoolo wa enupa ya Muluku.⁴Vano Pwiya huuluma ni Moises. Yena hiira: ⁵"Akhenle tjoovahatjaya ni evarele nteko etenda yonthukumano. Mwaavahe tjovaha maleviita, wa kuta nthu wo nayeeli ntekoaawe".⁶Moises hokussa ekaron'yo ni mopen'yo, ni haavaha maleviita. ⁷Yena hovaha ekaro piili ni mompe tjesse nikhoto na Gerson, okhala wiira ntekoayooyo phapheelaaya. ⁸Yena hovaha ekaro tjesse ni emompe naane nikhoto na Merari, akhuluveliye Itamar, mwaana aa Arao, namukutho. Yena apankele tjom'mo okhala wiira ntekoaayooyo phapheelaaya.⁹Massi, yena khaavahale nikhoto naa Coate, kontha waakhala nteko ni tjithu tjaari tja Muluku, ni tjen'yo yaakela okussa m'makhatani waya.¹⁰Ahooleli ahovaha mihakhutjaya wiira tjivahenriye waltaar, nihuku Moises nithapenliaawe altaar. Ahooleli ahovaha mikuthotjaya ohoolo waltaar. ¹¹Apwiya ahomwiirela Moises: "Wakuta n'hooleli, wakuta nihuku, haana ovaha nkuthoaawe wiira avahenre waltaar".¹²Nihuku nowantjera, Nasom, mwaana Aminadabe, nloko na Juda, aahovaha okuttho. ¹³Okutthwaawe waari ethaalu yoparatha, olemelawaya waari ephimelo talaathiini napiili niipassiya yoparatha olemelawaya waari ephimelo ssapiini, wonayeeli wonipuro naaryaaya. Phimaana tjitthutjaya tjaari tjootjara nluwa wophepa yoonaanihiya, wootakanihiya nimakhura. ¹⁴Yena aahovahatho nkhuki n´motja woparatha olemelawaya waarina ephimelo khuumi, wootjara elunpani.¹⁵Yena aahovaha okuttho woopahiya epwittipwitthi yankaani, niinama yoolopwana yomwaakha n´motja. ¹⁶Yena aahovaha yoovaha mwaha wotanpi. ¹⁷Yena aahovaha emoope piili, enama thanu, niipwittipwitthi thanu tjoolopwana tjomwaakha n´motja, toko tjoovaha tjooreerela. Waari okuttho wa Nasom, mwaana Aminadabe.¹⁸Nihuku nonayeeli, Natanael mwaana Zuar, n´hooleli aIssacar, aahovaha okutthwaawe. ¹⁹Okuttho waavahalyaawe waari ethaalu emotja yoparatha niipassiya yoparatha, elemelelwaaya wonipuro ttakattiifu. Tjitthutjaya tjaari tjootjala nluwa wophepa woweethen´nha, wootakaniheriya makhura watjoovahiya tjooreerela.²⁰Tootho yena aahovaha nkhuki n´motja wowooru, wootjara elunpani. ²¹Yena aahovaha okuttho woopahiya epwittipwitthi emotja, enama, niikhontwaa yoolopwana yomwaaka n´motja weeyareelo. ²²Yena aahovahatho emotja yoovawaawe yotanpi. ²³Yena aahovaha emope piili, enama thanu, epwittipwitthi thanu niikhontwaa thanu tjoolopwana tjomwaakha n´motja, tjoovahiya tjooreerela. Waari okuttho wa Natanael, mwaana Zoar.²⁴Nihuku noneeraru, Eliabe, mwaana Helom, n´hooleli onikhoto na Zebulom, aahovaha okutthwaawe. ²⁵Okutthwaawe waari ethaalu emotja yoparatha, niipassiya yoparatha, toko elemelelo wonipuro nomavekelo. Tjitjon´mo tjitthutjaya tjaari tjootjara nluwa wophepa yoonhattiya, yootakaniheriya makhura watjoovahiya. ²⁶Yena tootho aahovaha nkhuki n´motja wowooru, wootjara elumpani.²⁷Yena aahovaha okuttho woopahiya wonama yankaani, enama emotja niipwittipwitthi yoolopwana yomwaakha n´motja weeyareelo. ²⁸Yena aahovaha yoovaha mwaha wotanpi. ²⁹Yena aahovaha emope piili, enama thanu, niipwittipwitthi thanu tjoolopwana tjomwaakha n´motja tjeeyareelo, toko okuttho wooreerela. Ola waari okuttho wa Elibe, mwaana Helom.³⁰Nihuku noneetjesse, Elizur, mwaana Sedeur, n´hooleli onikhoto naRuben, aahovaha okutthwaawe. ³¹Okutthwaawooyo waari ethaalu emotja yoparatha, niipassiya emotja yoparatha, toko elemelelo wonipuro nomavekelo. Tjitthutjaya tjaari tjootjara nluwa wophepa yoonhattiya nimakhura watjoovahiya tjooreerela. ³²Yena tootho aahovaha nkhuki n´motja wowooru, wootjara elunpani.³³Yena aahovaha enama yankaani, niinama piili emotja yeelopwana yomwaakha n´motja yeeyareelo. ³⁴Yena aahovaha mwaha wotampi. ³⁵Yena aahovaha emope piili, enama thanu, niipwittipwitthi thanu tjoyaakha emotja tjeeyareelo, mwana okuttho woovahiya wooreerela. Oyo waari okuttho wa Elisur, mwaana Sedeur.³⁶Nihuku noneethanu, Selumiel, mwaana Zurisadai, n´hooleli onloko naSimaeo, aahovaha okutthwaawe. ³⁷Okutthwaawe waari ethaalu emotja yoparatha, niipassiya emotja yoparatha, weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura watjoovahiya tjooreerela. ³⁸Yena tootho aahovaha nkhuki n´motja wowooru, wootjara elunpani.³⁹Yena aahovaha enama yankaani, niinama yomwaakha n´motja yeeyareelo. ⁴⁰Yena aahovaha mwaha wotanpi. ⁴¹Yena aahovaha emope piili, enama thanu, niipwittipwitthi thanu tjayaakha emotja tjeeyareelo, toko tjoovahiya tjooreerela. Ola waari okuttho wa Selumiel, mwaana Zurisadai.⁴²Nihuku nonasita, Eliasafe, mwaana Deuel, n´hooleli omaloko aGate, aahovaha okutthwaawe. ⁴³Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura woovahiya tjooreerela. ⁴⁴Yena tootho aahovaha nkhuki n´motja wowooru, wootjara elunpani.⁴⁵Yena aahovaha enama yankaani, niiama piili emotja yomwaakha n´motja yeeyareelo. ⁴⁶Yena aahovaha mwaha wotanpi. ⁴⁷Yena aahovaha emope piili, enama thanu, niipwittipwitthi thanu tjoyaakha emotja tjeeyareelo, toko tjoovahiya tjooreerela. Ola waari okuttho wa Eliasafe, mwaana Deuel.⁴⁹Nihuku nonasaapa, Elisama, mwaana Amiude, n´hooleli omakhoto aEfraim, aahovaha okutthwaawe. ⁴⁸Okutthwaawe waariethaalu emotja yoparatha, niipassiya emotja yoparatha, wonayeeli weelemelelo wonipuro namavekelo. Tjitthu tjaari tjootjara nluwa wophepa yootakaniheriya makhura woovahiya tjooreerela. ⁵⁰Yena tootho aahovaha nkhuki n´motja wowooru, wootjara elunpani.⁵¹Yena aahovaha enama yankaani, niinama piili emotja yoolopwana yomwaakha n´motja yeeyareelo. ⁵²Yena aahovaha mwaha wotanpi. ⁵³Yena aahovaha emope piili, enama thanu niipwittipwitthi thanu tjeelopwana tjoyaakha emotja tjeeyareelo, toko yoovahiya yooreerela. . Oyo waari okuttho wa Elisama, mwaana Amiude.⁵⁴Nihuku nonakhentta, Gamaliel, mwaana Pedazur, n´hooleli omaloko aManasses, aahovaha okutthwaawe. ⁵⁵Okuthwaawe wari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wootakaniheriya ephepa nimakhura watjoovahiya tjooreerela. ⁵⁶Yena tootho aahovaha nkhuki wowooru, wootjara elunpani.⁵⁷Yena aahovaha enama yankaani, enama piili emotja yoolopwana yoyaakha emotja yeeyareelo. ⁵⁸Yena aahovaha mwaha wotampi. ⁵⁹Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, watjoovaha tjooreerela. Oyo waari okuttho waGamaliel, mwaana Pedazur.⁶⁰Nihuku nonanaane, Abida, mwaana Gideoni, n´hooleli omakhoto aBenjamim, aahovaha okutthwaawe. ⁶¹Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa weephepa yootakaniheriya makhura watjoovahiya tjooreerela. ⁶²Yena aahovaha nkhuki wowooru, wootjara elunpani.⁶³Yena aahovaha enama yankaani, niinama piili emotja yoolopwana yoyaakha emotja yeeyareelo. ⁶⁴Yena aahovaha mwaha wotampi. ⁶⁵Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, toko tjoovahiya tjooreerela. Ola waari okuttho wa Abida, mwaana Gideoni.⁶⁶Nihuku nonakhuumi, Aiezer, mwaana Amisadai, n´hooleli omakhoto aDa, aahovaha okutthwaawe. ⁶⁷Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaniheriya makhura woovaha tjooreerela. ⁶⁸Yena tootho aahovaha nkhuki wowooru, wootjara elunpani.⁶⁹Yena aahovaha enama yankaani, enama piili emotja yoolopwana yoyaakha emotja yeeyareelo. ⁷⁰Yena aahovaha mwaha wotanpi. ⁷¹Yena aahovaha emope piili, enama thanu niipwittipwitthi thanu tjoolopwana tjoyaakha emotja tjeeyareelo, watjoovahiya tjooreerela. Ola waari okuttho wa Aiezer, mwaana amisadai.⁷²Nihuku nonakhuumi namotja, Pagiel, mwaana Ocra, n´hooleli omakhoto aAser, aahovaha okutthwaawe. ⁷³Okutthwaawe waari ethaalu emotja yoparatha niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa yootakaniheriya makhura watjoovahiya tjooreerela. ⁷⁴Yena tootho aahovaha nkhuki wowooru, wootjara elunpani.⁷⁵Yena aahovaha enama yankaani, niinama piili emotja yoolopwana yoyaakha emotja yeeyareelo. ⁷⁶Yena aahovaha mwaha wotanpi. ⁷⁷Yena aahovaha emope piili, enama thanu, niipwittipwitthi thanu tjoolopwana tjoyaakha emotja tjeeyareelo, toko tjoovahiya tjonrettele. Ola waari okuttho wa Pagiel, mwaana Ocra.⁷⁸Nihuku nonakhuumi nameeli, Aira, mwaana Ena, n´hooleli omaloko aNaftali, aahovaha okutthwaawe. ⁷⁹Okutthwaawe waari ethaalu emotja yoparatha, niipassiya emotja yoparatha, wonayeeli weelemelelo wonipuro nomavekelo. Tjitthu tjaari tjootjara nluwa wophepa wootakaneela makhura watjoovahiya tjooreerela. ⁸⁰Yena tootho aahovaha nkhuki wowooru, wootjara elunpani.⁸¹Yena aahovaha enama yankaani, enama piili emotja yoolopwana yoyaakha emotja yeeyareelo. ⁸²Yena aahovaha mwaha wotanpi. ⁸³Yena aahovaha emope piili, enama thanu nnipwittipwitthi thanu tjoolopwana tjoyaakha ehakha emotja tjeeyareelo. Ola waari okuttho wa Aira, mwaana Ena.⁸⁴Ahooleli owiisrael yaahokawaniha tjitthu tjooteene Moises naatthapenlyaawe altaare. Ayenatja yaahokawanihatja ethaalu khuumi napiili tjoparatha, epassiya khuumi napiili nimikhuki tjowooru. ⁸⁵Khula ethaalu yaarina elemelelwaaya niipassiya elemelelwaaya. Mitiita tjooteene tjoparata tjaarina elemelelwaaya, wonayeeli elemelelo wonipuro nomavekelo. ⁸⁶Wakhula nkhuki tjookhuumi nimiili wowooru, tjootjra elunpani, tjaahaana elemelelwaaya wonayeeli wonipuro nomavekelo. Mikhuki tjooteene tjowooru tjaahaana elemelelwaaya.⁸⁷Ayenatja ahokawanihatja okuttho woopahiya, enama khuumi napiili, niipwittipwitthi khuumi napiili tjoolopwana tjoyaakha emotja tjeeyareelo. Yaahovahatja tjoovaha tjotthaka. Yaahovaha tjoovahatjaya mwaha wotanpi. ⁸⁸Mihuwotjaya tjooteene, ssiriini natjesse, enama ssapiini, niipwittipwitthi ssapiini tjoolopwana tjoyaakha emotja tjeeyareelo. Tjaarina orweehiya waaltaare, waatthapeliyaawe.⁸⁹Moises wakelalyaawe n´heemani wonthukumano wiira uulume ni Pwia, yena aahiiwa ntjuunawe amuulumanaka. Pwiya aahomuulumana watjulu wonkhuneelo, wonivuku wonamoona. Yena aahomuulumana.

¹Pwiya aahomwiirela Moises. ²Omuulumane Arao ni omwiirele: Mithuko tjoossaapa tjihaana tjimwaleelaka ohoolo wossaminin'nha waparihelakavale.³Arao haahopanka tjitjon'mo. Yena aahoparihela mithuko nssaminin'nhani wiira amwaleele, toko Pwiya tjaamwiirelalyaawe Moises. ⁴Essaminin'yeeyo yaapankiye niiwooru yoophitiya npaka wiikaani, niikoopu tjoophitiya toko maluwa, toko Pwiya tjanthoonheralyaawe Moises, tjitjon'mo Moises aahopanka essaminin'nha.⁵Pwiya aahomwiirelatho moises: ⁶Waakusse alevita n'hina mwaatthu owiisrael ni waareerihe.⁷Tjitjon'mo onaahala waareeriha: Waamwaresselatje maatji. Waakutthatje erutthu yooteene, akatthatje ekuwotjaya, weenan;na yeeyo anaahala okhalatja ssaawa. ⁸Vano waavarihatje enama yankaani ni tjoovaha tjotthaka yonluwa niiphepa yoonhattiya nimakhura. Waahiye akussatje enama ekhwaawe avahe mwaha wotanpi.⁹Alevitaayo on'hala waarweeha oheemani wonthukumano, ni onaahala waathukumaniha atthu ooteene owiisrael. ¹⁰Waarweehaka alevita ohoolo wa Pwiya, atthu owiisrael an'hala ohela matataaya mwaalevita. ¹¹Arao naahala waavahenra alevita ohoolo waPwiya, avahenraka toko yoovahiya ekumihiye mwaatthu owiisrael wiira anvarele nteko Pwiya.¹²Alevita anaahala weesenra matataaya nmuruni monama. Onaahala ovaha okuttho enama emotja mwaha wotanpi enama ekhwaawe on'hala okipahera, wowaakhuneela alevita. ¹³Waawaane alevita ohoolo wa Arao ni ohoolo waassaanaawe, ni waavahenre toko yoovahenriyaaka.¹⁴Weenan'na yeeyo onaahala waakawaniha alevita waatthu owiisrael. Alevita an'hala okhala awaka. ¹⁵Yaviraka eyo, alevita anaahala okela wiira avare nteko n'heemani wonthukumano. Onaahala waareeriha. Onaahala okivahenra toko yoovahiya.¹⁶Opanke yeeyo, maana ayenatja awaka mwaatthu owiisrael. Ayenatja anaahala okussa nipuro nokhula mwaana, owantjeriya oyariya nloko naIsrael. Kinawaakussaka alevita. ¹⁷Owantjera oyariya ooteene naatthu owiisrael awaka, athhu niinama. Nihuku nikumihalyaaka ekumi tjaatthu owantjera oyariya elapo yowiigiipitu, yaari ooteene awaka.¹⁸Kihaakussa alevita eriyari waatthu owiisrael wonipuro naatthu owabtjera oyariya. ¹⁹Alevita etthuvo yaArao naassaanaawe. Kihaakussatja, eriyari waatthu owiisrael, wiira awaane nteko waatthu, n'heemani wonthukumano. Kaahavahatjera wiira akhale mwaha waathu owiisrael, wowiira hikhale mwanttunttu n'hala waahuvihatja atthu owiisrael, yaattamenla nipuro ttakattiifu.²⁰Tjitjon'mo Moises, Arao, ninssovo wooteene waatthu owiisrael yaahopanka naalevita. Ayenatja yaahopanka tjooteene Pwiya tjaamwiirelalyaawe Moises mwaha waalevita. Tjitjon'mo yaahaapanka atthu owiisrael. ²¹Alevita yaahiireeriha yaayoru mwaha wookattha ekuwotjaya, ni Arao aahiivahenra toko yoovahiya yaarweeheliye waPwiya ni aahaarapihatja wiira akhalatje ssaawa.²²Waviralyaaya eyo, alevita yaahokela wiira avaratje ntekwaaya n'heemani wonthukumano ohoolo waArao naassaanaawe. Tjitjon'mo Pwiya phaamwiirelalyaawe Moises mwaha waalevita. Ayenatja yaahopankatja.²³Pwiya aahomwiirelatho Moises: ²⁴Tjooteene tjinaatjeriya wiira alevita akhalane eyaakha ssiriini nathanu wala tjoovikana. An'hala okhala nkhayi wiira avare nteko n'heemani wonthukumano.²⁵Ayenatja ahaana weemessenra mitekotjaya yapiihaka eyaakha hanssiini tjeeyareelo. Khanphwanelatho ovara nteko nitjen'nha eyaakhan'nha. ²⁶Ayenatja ahaana waakhavihera assun'naya an'hala ovara nteko n'heemani wonthukumano, massi ahivaretho nteko. Tjitjon'mo onaahala oweettihera alevita womiteko tjooteene.

¹Pwiya aahomwiirela Moises moothakoni wooSinai, mweeri wowantjera womwaakha wonayeeli, owakathi waakhumalyaaya elapo wowiigiipitu. Yena aahiira: ²Waahiye atthu owiisrael antthapenle Paaskoa owakathi puuwakathi womwaakha. ³Nihuku nonakhuumi neetjesse womweeri yoola, yootjootjilo, n'naahala ontthapenla Paaskoa. N'naahala ossunkatja, ottharenla ekettelo tjooteene ni wiiwenla moolumo ooteene.⁴Vano, Moises aahowiirela atthu owiisrael wiira yaahaana atthapenlaka essukuhuulu ya Paaskoa. ⁵Vano, ayenatja yaahontthapenlatja Paaskoa mweeri wowantjera, nihuku nonakhuumi namatjesse, yootjootjilo, moothakoni wooSinai. Atthu owiisrael yaahiiwenla tjooteene Pwiya tjaamwiirelalyaawe Moises.⁶Yaahaavo atthu yaari oohiloka, mwaha wonkwanha ntthu ookhwa. Ayenatja khayaaphwanela ontthapenla Paaskoa. Vano, ayenatja yaahorwaa wa Moises ni Arao nihuku nen'ne. ⁷Atthwaale yaahomwiirela Moises: Khanilokalokale mwaha wonkwanha ntthu ookhwa. Mun'naateeliherani ovaha okuttho waPwiya owakathi phuuwakathi womwaakha eriyari waatthu owiisrael? ⁸Moises aahowiirelatja: Nkanrihe kiviriyane en'halaawe Pwiya okintthutjiha mwaha wanhuuvaatja.⁹Pwiya aahomwiirela Moises: ¹⁰Owiirele atthu owiisrael. Akhala ntthu eriyariinhu wala makhotweenhu phukhala oohiphwanela, mwaha wookwanha nrutthu, wala n'nari niikwaha, muntthapenle Paaskoa waPwiya.¹¹Ayenatja anaahala onssunkatja Paaskoa, mweeri wonayeeli, mahuku yeettaka khuumi namatjesse, yootjootjilo. Ayenatja anaahala okhuuratja ephaawu yoohimiropo nimathapa owaawa. ¹²Ayenatja khiivo en'halaaya ohiyenra wonihuku nikhwaawe wala anaahala opwessa nikhuva nonama. Ayenatja ahaana ossunka ekettelo tjooteene tjopaaskoa.¹³Massi, akhala ntthu nkumi ni hirina ekwaha, woohintthapenla Paaskoa, oyo ntthuuyo naafutthiya moomutjiniwawe, kontha yena khavahale okuttho Pwiya onkhanhenraawe khula mwaakha. Yooyo ntthuuyo haana oteesa etnpyaawe. ¹⁴Akhala nan'mwa akhalaka ninhu ni phuntthapenla Paaskoa wonttittimiha Pwiya, yena haana apankaka tjooteene tjin'himyaawe, assunkaka ekettelo tjopaaskoa, wiiwenlaka malamulo. Mun'hala okhalana malamulo mamotjaaru ni nan'mwa ni wayoole oteene yareliye nlaponin'mo.¹⁵Nihuku naatekiyaaya enupa yamuluku, nihutte naahokhuneela enupa yamuluku, eyo phiiyo, heeme wonthukumano. Yootjotjilo, nihutte naakhuneela enupa yamuluku ni naakhala toko mooro npaka owitjissu. ¹⁶Phiinan'na naakhalaaya. Nihutte naakhuneela ohiyu, naakhala toko mooro. ¹⁷Nihutten'no khula owakathi weettelaaya nphantte woheema, atthu owiisrael yaakulela ekwahaaya. Nihutte neemelaka, atthu phaakhalaaya.¹⁸Womweettihero wa Pwiya, atthu owiisrael yeera yeettaka ni, womweettiherwaawe phaakhalatjaaya. Nihutte neemelaka wanupani yamuluku, ayenatja yaakhala mwaamakatjalyaaya. ¹⁹Nihutte nakhala mahuku mentji, atthu owiisrael yaaniiwenla tjaahimyaawe Pwiya ni khayeetta.²⁰Mahuku makhwaawe, nihutte naakhala mahuku vakaani. Tjitjon'mo yaaninwentja Pwiya tjaahimyaawe yaanohokolyaa ekwahatjaya ni yeetta mwaha woyena. ²¹Mahuku makhwaawe, nihutte naakhala wamakatjaaya okhuma otjootjilo npaka ossa. Nihutte navenhaka nphantte woowitjissu yaaneettatja. Naakulelaka othana wala ohiyu, nihutte navenhaka pheettaaya.²²Nihutten'no nakhala mahuku meeli wanupani yamuluku, mweeri n;motja wala mwaakha, atthu owiisrael yaakhala mwaakhalaaya ni khayeeta. Massi, khula owakathi nihutte weenheenhaaya, ayenatja pheettaaya. ²³Ayenatja yaakhala mwaha waPwiya ni yeetta mwaha waPwiya. Ayenatja yaaniiwenla tjaahimyaawe Pwiya, tjaavahiyaaya eriyari ya Moises.

¹Pwiya aahomwiirelatho Moises: ²Opanke mapalapatta meeli oparatha. Ni yaayo mapalapattaayo oopheela owiihana atthu wiira akhume nmakatjalyaaya.³Anankuttho anaahala woopa mapalapatta wiira yaatakanihe atthu ooteene ohoolowaa, onkhumenliya heema wonthukumano. ⁴Anankuttho yoopa nipalapatta nimotja, vano ahooleli, naahooleli omaloko owiisrael, ahaana atakaneelaka. ⁵Woopaka nipalapatta, atthu amakatjale nphantte wonkerekhere onkhuma ntjuwa ahaana akhumatjaka.⁶Woopakavale wemaara yowaakulela, atthu amakatjale nphantte woohitto, ahaana akhumatjaka. Ayenatja ahaana orumiha ventji wiira yiiwe atthu owiisrael. ⁷Atthwaayo yathukumanakavale, woopeke nipalapatta, massi kahi ventji. ⁸Assaana aArao, anankuttho, ahaana woopa nipalapatta. Yeela phin'hala okhala piikettelo yomakhoto ooteene.⁹Mwarwaaka okhottoni wan'wananiinhu owoohuvihatjani, vano n'naahala woopa nipalapatta. Mi, Pwiya, mulukweenhu, kinaahala owuupuwelatjani ni kinaahala owoopolatjani mwaawananiinhu.¹⁰Mahuku ootthapenla, wala essukuhuulutjinhu, woopatjeroni mweeri, n'naahala woopa nipalapatta wohissima watjoovahatjinhu tjoopahiya ni mwaha wookuttho watjoovahatjinhu tjowaataana. Yeela en'hala okhala okuupuwelawinhu, mulukweenhu. MikiPwiya, mulukweenhu.¹¹Mwaakha wonayeeli, mweeri wonayeeli, mahuku yeettaka ssiriini womweeri yooyo, nihutte naahovussiya npaani mwanluku mwaha wokettelo wonivuku. ¹²Atthu owiisrael, yaahokhuma moothakoni wooSinai mwaatthwaaya. Nihutte neemelale othako wooPara. ¹³Ayenatja yaahopankatua ekwahaaya yowantjera, atthara mweettihero waPwiya waavahiyaawe Moises.¹⁴Nikhoto naJuda phinantjerale okhuma, naanakhottwaaya. Nasom, mwaana Aminadabe, pheettihera anakhotto aJuda. ¹⁵Netanel, mwaana Zuar, pheettihera anakhotto nonloko nonikhoto na Issacar. ¹⁶Eliabe, mwaana Helom, pheettihera anakhotto nonloko nonikhoto naZebulom.¹⁷Nikhoto naGerson ni Merari, yaakhalenla enupa yanluku, yaahokwanhulatja enupa yanluku ni yaaheetta ekwahaaya. ¹⁸Anakhotto aRuben, yaahorwaa ekhayaaya. Elizur, mwaana Sedeur, aahoolela anakhotto aRuben. ¹⁹Selumiel, mwaana Zurisadai, aahoolela anakhotto nonloko wonikhoto na Simeao. ²⁰Eliasafe, mwaana Deuel, aahoolela anakhotto nonloko wonikhoto na Gade.²¹Macoatita yaahorwaatja. Ayenatja yaahokussatja tjitthu tjooteene tjonpaani mwanluku. Akhwaawe yeera yeemessaka enupa yanluku, macoatita ahinaphiyatja. ²²Anakhotto aEfraim, yaahokhumatja. Elisama, mwaana Amiude, aweettihera anakhotto aEfraim. ²³Gamaliel, mwaana Pedazur, aweettihera anakhotto aManasses. ²⁴Abida, mwaana Gideoni, aaweettihera anakhotto aBenjamim.²⁵Anakhotto aDa phayaamalihenre okhuma. Aiezer, mwaana Amisadai, aaweettihera anakhotto aDa. ²⁶Pegiel, mwaana aOcra, aweettihera anakhotto aAser. ²⁷Aira, mwaana Ena, aaweettihera anakhotto aNaftali. ²⁸Ala phamanan'na aanakhotto aatthu owiisrael, tjaakhumalyaaya ekwahaaya.²⁹Moises aahuuluma ni Hobabe, mwaana aReuel, n'midianita. Reuel yaari athumwaane amwaara aMoises. Moises aahuuluma ni Habobe ni aahiira: Hiivano ninrwaa nipuro Pwiya nihimyalyaawe. Pwiya aahiira: Mikinaahala woovahatjani nipuro. N'nitthare ninaahala woopankani ratta. Pwiya aahaakhuluveliha waapanaka ratta atthu owiisrael. ³⁰Massi Hobabe aahomwiirela Moises: Khaninrwa nkhayi. Kinrwaa elapwaaka.³¹Vano Moises aahaakhula: Sontte, n'hinihiye. Nhu n'naatjuwela tjinkhaliya moothakoni. N'naahala onikhaliha ratta. ³²Mwarwaaka nihi, ninawoopankani ratta toko Pwiya tjin'halaawe onipanka.³³Ayenatja yaahopankatja ekwaha yowamwaako waPwiya womahuku mararu' Nivuku nowaataana naPwiya naahorwaa ohoolowayatja womahuku mararu, woopheela ophwanha nipuro noopheela omumula. ³⁴Nihutte naPwiya naari naayenatja, nihuku nooteene weeraaya yeettaka.³⁵Nivuku owakathi phuuwakathi waakhumaaya, Moises iiratjo: Nvuwe Pwiya. Mwaawaresse awananiinhu. Mwaatthawihe yaale anoothanhani. ³⁶Nivuku neemelaka, Moises iiratjo: N'hokolyee Pwiya, waatthweenhu entji owiisrael.

¹Atthu yaanottokutta mwaha wopokohotjaya nmaaruni wa Apwiya. Apwiya aahowiiwa atthu ni aahorussiya. Vano mooro waapwiya waahopharela eriyaryaayatja ni yaahovya akhwaawe nkerekhere wonupa yanluku. ²Atthu yaahonkhuwela Mises, ni Moises aahonvekela Pwiya, ni mooro waaheemela. ³Nipuron´ne niihaniye Tebera, kontha mooro waapharelale eriharyaatja.⁴Anan´mwa akhwaawe ni nikhoto nowiisrael. Ayenatja yaapheela eyoolya yomaana. Vano atthu owiisrael yaahantjera wuulumatja yiiraka: Phaapani an´hala onivaha enama wiira nikhuure? ⁵Ninuupuwela ehopa tjaakhuureehu tjomahala weegiipitu, missiri, nitjitthu tjikhwaawe. Vano ni ootteetthya. ⁶Hii khaninooneetthu woohikhala manaa oopheela olya.⁷Manaa yaari phanka epyoo yo coentro, yaalikana nipyoo yo coentro ni yaakhala phanka yossafarawu. ⁸Atthu yaaneetta ni yaanohepa. Yaatthupuliya nraweni, yaapen'ya nssufurin`yani, ni yaanopankatja mikatthe. Yaatjiva phanka makhura ooliva makithi.⁹Owakathi waamora okame, ohiyu, npaani wanluku, manaa phaamoraaya. ¹⁰Moises aanowiiwa atthu yunlaka naassimutjaaya, ni atthu ooteene yaari nmakhumenloni womapuro yaatumihatjaaya. Pwiya aahokhala ootikinihiya. Nmeethoni mwa Moises, ayenatja yaahopanka yootakhala mwaha woottokutta.¹¹Moises aahowiirela aPwiya: Essiyani nhu onpakaka yootahala nantekhweenhu? N'hokihiya kaakussaka atthwaala. ¹²Wala timi kaavahale nthuko atthwaala? Mi kihotthuna woopheela okihimeerya: Waateesse wakhakaatjani toko tjinonfentaa mwaamwanaa? Kaakussatje kaarweehaka elapo eluphelaleenhu waavaha atthu okhalayi?¹³Kinkoophwanha vayi enama yoopheela okhuura atthu ooteene? Ayenatja aritji ohoolowaka ni akiirelaka: Onivahe enama nikhuure. ¹⁴Akinaakhwitiri atthwaala ooteene veekha. ¹⁵Mwakipankaka tjon'mo, nkiive phiyaaru, wakhalaaka wiira tinhu n'nokeettihera, n'hulusse mahuvihwaaka.¹⁶Apwiya aahomwiirela Moises: Okiwiihere mahumu sapiini owiisrael. Okhalane nkupaleelo wiira mahumu ni akhulupale aatthwaala. Waawaane n'heemani wonthukumano yakhale niwe. ¹⁷Kinaahala owa owuulumana. Kinaahala okussa n'nepa vakaani wawaa nii kinaahala waavahatja. Anaahala waakussa atthu niwe. Khun'halatho waakhalana veekha.¹⁸Wiirele atthwaayo: Mwiireerihe waPwiya meelo. Weekhweeli n'naahala okhuuratja enama, n'hotjukulatja ni aPwiya ahiiwa. Nhu mwiiratjale: Phaapani an'hala onivaha enama yoopheela okhuura? Weegiipitu naanaakhala ratta. Phimaana, aPwiya anaahala woovahani enama, ni n'naahala okhuuratja. ¹⁹Khamun'hala okhuuratja enama wonihuku nimotja, wala mahuku meeli, wala mahuku mathanu, wala mahuku khuumi, wala mahuku ssiriini. ²⁰Massi mun'hala okhuura mweeri n'motja, npaka okhumela nphulaniwinhu. En'hala okhala etthu yoohootjivelani, kontha n'nowaakhotta aPwiya, ari eriyariinhu, ntjukulaka eriyaryaawe mwiiraka: Nikhumenleni wiigiipitu?²¹Moises aahiira: Kiri naatthu emiya sita ekontotjene, ni nhu mwiirale: Kinaahala waalihatja enama mweeri n'motja. ²²Kin'hala wiiva mihuwo tjowaaphiyera? Kinawiiva ehopa tjooteene tjinaahala waatossa? ²³Apwiya yaahomwiirela Moises: Ntatanaka ninookhuvyaa? Vano onaahala woona wakhalaka wiira nuulumonaka nokhweeli wala mena.²⁴Moises aahokhuma ni aahattonkela atthu moolumo aPwiya. Yena aahaathukumaniha mahumu ssapiini ni yaahonrukureerya heema. ²⁵Apwiya yaahokhuruwa n'nihutteni ni yaahuuluma ni Moises. Apwiya yaahokussa nphantte won'nepa waari ni Moises ni yaahaavahatja mahumu. N'nepooyo wakhanlyaaya naayenatja, yaahantja wuulumatja, wayoole owakathyuule woohuulumatho.²⁶Alowana eeli yaahohala npaani wanluku. Eldade ni Medade. N'nepooyo waahokhala naayenatja. Matjinaaya yaari owantikhiya, massi ayenatja khayaakhumenlantje vate woheema. Tjitjon'mo, yaanoolumatja npaani wanluku. ²⁷Mwaavano n'motja npaani wanluku aahotthawa ni aahonttonkela Moises: Eldade ni Medade aniira yuulumatjaka npaani.²⁸Josue, mwaana Naum, nonkhavihera Moises, oothanliya n'motja, aahomwiirela Moises: Funtyaaka Moises, naawaateelihatja. ²⁹Moises aahomwiirela: Ori niihatje mwaha wawaka? Waakitjivela atthu ooteene aaPwiya akhale arumeyi ni yaavahaka n'nepa ooteene. ³⁰Vano, Moises nimahumu ooteene owiisrael yaahohokolya.³¹Vano, yaahowa ephyoo yaPwiya ni yaahon'waana mwaanuni npharyaa. Yaamorelatja nipuro noothukumana, nihuku nimotja neekwaha wonphantte nkhwaawe, ni nihuku nokwaha wonphantte nkhwaawe. Yaahorukureeryatja nipuro noothukumana weephimelo piili vatjulu wovathi. ³²Atthu yaari ookutakuthyaa atthonkomanihaka nihuku nooteene, ohiyu, npaka orupossenliya. Khaavo hephale woohikhala ephimelo khuumi. Ayenatja yaanyaatjale nipuro nonthukumano.³³Owakathi weeraaya akhuuraka enameeyo, Apwiya yaahaaviruwelatja. Yaahaakurusselatja ekwerere yuulupale. ³⁴Nipuron'ne niihaniye Quibrote-Taava, kontha ayenatja yaassikahle atthu yaatjivela enama. ³⁵Atthu yaahorwaa oQuibrote-Taava oHazerote, waakhalaaya.

¹Miria ni Arao yaahomuulumana Moises, mwaha wonthiyana anthelalyaawe. ²Ni yaahiiratja: Pwiya uulumale ni Moises paassi? Yena khanuulumanale? Vano, Pwiya aahiiwa yuulumatjalyaaya. ³Moises aari nlopwana owiiyeviha, owiiyeviha tjinene weelapo yooteene.⁴Wowaakuvyaatja, Pwiya aahuuluma ni Moises, Arao ni Miria: Ooraaruwinhu nrwaatje n'heemani wonthukumano. Vano, ooraaru yaahokhumatja. ⁵Pwiya, aahokhuruwa n'nihutteni. Akhumenlaka onkhorani woheema, aahomwiihana Arao ni Miria ni yaahowaatja ohoolowawe.⁶Pwiya aahiira: Vano, mwiiwatje moolumwaaka. Nrumeyaaka akhala ninhu, kinaahala omoonihera tjowooniya nkhoveni. ⁷Nrumeyaaka Moises kahi toko alatja. Yena mwaamini weenupaaka yooteene. ⁸Kinawuuluma tjo ni tjo ni Moises, wohikhala mowooniheriya. Yena nawoona ekhalelwaaka. Vano, essiyani ohoovaka wuuluma ninrumeyaaka, Moises?⁹Orussiya wa Pwiya waahopharela ni, vano, yena aahaahiyatja. ¹⁰Nihitte naahon'hiya heema, ni, Miria aahohala nimakuttula ootteela. Arao warukunuwalyaawe an'wehaka Miria, aahoona wiira yena aahaana makuttula.¹¹Arao aahomwiirela Moises: Funtyaaka, kinawoolepela ohinihiyere atanpiila. Ninawuuluma pufya ni ninaakossa. ¹²Sontte, n'hin'hiye akhalaka toko mwaana ookwa, kontha erutthwaaya eholiya nphantte waakhumaaya nmirimani mwaanumwaane.¹³Vano, Moises aahokhuwela waPwiya. Iiraka: Sontte, Nkulu, munvonihe Miria, sontte! ¹⁴Pwiya aahomwiirela Moises: Athumwana ananssuwenle owiitho, yaakookhala oohitafitiya mahuku saapa. On'hiye mwanrokora ota wonupa yanluku mahuku saapa. Vano, wan'hokolosseke. ¹⁵Vano, Miria aahokumihiya npaani wanluku mahuku saapa. Atthu khayaakhumale npaka Miria wahokoleelalyaawe npaani wanluku.¹⁶Waviralyaaya eyo, atthu yaaheetta ekwahaaya arwaaka Hazerote ni yookomatjale moothakoni wooPara.

¹Vano, aPwiya yaahomwiirela Moises: ²Waaveleelihe atthu arwee elapo yooCanaa, yaavahalyaaka atthu owiisrael. Onveleelihe ntthu n'motja wokhula nloko naatthwaaya okhalayi. Khula ntthu akhale n'hooleli aayenatja.³Moises aahaaveleelihatja woothakoni wooPara, wowiiwenla mweettihero aaPwiya. Oteene yaari ahooleli atthu owiisrael. ⁴Matjinaaya yaari phaala: Nloko naRuben, Samua, mwaana Zacur.⁵Nloko naSimeao, Safate, mwaana Hori. ⁶Nloko naJuda, Calebe, mwaana Jefone. ⁷Nloko naIssacar, Igal, mwaana Jose. ⁸Nloko na Efraim, Oseias, mwaana Num.⁹Nloko naBenjamim, Palti, mwaana Rafu. ¹⁰Nloko naZebulom, Gadiel, mwaana ¹¹Sodi. Womakhoto aJose, nloko naManasses, Gadi, mwaana Susi. ¹²Nloko naDa, Amiel, mwaana Gemail.¹³Nloko naAser, Setur, mwaana Micael. ¹⁴Nloko naNaftali, Nabi, mwaana Vofsi. ¹⁵Nloko naGade, Geuel, mwaana Maqui. ¹⁶Ala phamatjina aatthu Moises yaaveleelihalyaawe wiira yawehawehe elapo. Moises aahomwiihana Oseias, mwaana Naum, mwantjina naJosue.¹⁷Moises aahaaveleeliha wiira yawehawehe elapo yooCanaa. Yena aahowiirelatja: N'mwaattamenlatje Nequebe ni n'welatje npaka n'mamyaakoni. ¹⁸N'wehawehe elapweeyo tjiryaaya. Mwaawehe atthu arivo, yakhala oolipa wala ootteetthyaa, ni yakhala wiira ari vakaani wala entji. ¹⁹Yakhala wiira elapo yomaana wala mena? Epooma tjiri tjani? Tjiri mwana mapuro onthukumano wala epooma tjoolipihatjiya? ²⁰N'wehawehe elapweeyo tjiryaaya, yakhala wiira enaaphwanela waala wala mena. Nkhalatje oolipa nrima ni n'mwaane nthoonhero elapweeyo tjinruweryaaya. Khalayi yaari mapuro oohephiya Uva owantjera.²¹Vano, yaahowelatja ni yaahoonatja elapo okhuma woothakoni Zim npaka Reobe, waattamenla Lebo-Hamate. ²²Yaahowelatjale oNeguebe ni yaaphiyatja npaka Hebrom. Aima, Sesai, ni Talmai, mahimo omaloko Anaque, yaakhalatja vaava. Hebrom aatekale eyaakha saapa Zoa hinaaya, wiigiipitu.²³Waphiyatjalyaaya nssepa nooEscol, yaahothikilatja nritta wo Uva. Yaahokussatja nkoponi eriyari waatthu eel. Yaahowaanatja tjitthu tjikhwaawe. ²⁴Nen'ne nipuron'ne niihaniya nssepa nooEscol, mwaha wo Uva atthu owiisrael waathikilalyaaya.²⁵Waviralyaaya mahuku arupayini, yaahaakulela owehaweha elapo. ²⁶Yaahaakulelatja waMoises, Arao, ninssovo wooteene aathu owiisrael, yaari moothakoni ooPara, oCades. Yaahowuulumanatja ninssovo wooteene, ni yaahaathoonheratja mihokorokho tjooteene tjonlaponi.²⁷Yaahonttonkelatja Moises: Nihophiya elapo yaanirumaleenhu. N'nha mihokorokhotjinhu. ²⁸Phimaana mapuro ankhalaaya phokuru. Epooma phitjoolipihatjiya ni tjuulupale. Nihoona makhoto aAnaque. ²⁹Amalequita ankhala oNaquebe. An'naheteu, an'najebuseu, ni an'naamurreu ankhala nmamyaakoni. Acananeu ankhala waattaman'na nro Jordao.³⁰Vano, Calabe aahaamaliha atthu yaathukuman'ne ohoolo wa Moises. Yena aahiira: Niwele ni nikusse elapo, phimaana nihaana ekuru yoopheela okussa. ³¹Massi atthu akhaawe yaarwaale niyena yaahiira: Hi nihaana ekuru yoowattakan'na atthwaale, phoolipessa woonivikana.³²Vano, yaahowiirela atthu owiisrael elapo yaawehawehaaya. Ayenatja yaahiira: Elapo yaawehaweheehu elapo enaapwetessa atthwaaya. Ni ooteene yaawehaleehu atthu oolupale. ³³Nihoona atthu oolupale, nikhoto naAnaque, nssovo waatthu oolupale. Woonawihu, yaanooniha phanka etjoroope.

¹Ohiyu yoole, atthu ooteene yaahunla tjinene. ²Atthu ooteene owiisrael yaahonssakihatja Moises ni Arao. Atthu ooteene yaahiira: Waanaaphwanela ninakhwale elapo yowiigipitu wala moothakonimu! ³Apwiya aniwaanale elapweela wiira nikhwe nikatana?Assaarihu naasaaneehu an'hala okhala tjitjon'mo. Khawaareerela ohokoleela weegipitu?⁴Yaahiirelana yaayoru: Ninthanle n'hooleli nkhwaawe ni ahokoleele weegipitu. ⁵Vano, Moises ni Arao yaahooromatja ohoolo waatthu owiisrael.⁶Josue, mwaana Naum, ni Calebe, mwaana Jefone, yaari atthu yaarumiye okooweha elapweele, yaahaahulatja ekuwotjaya. ⁷Ni yaahowiirela atthu ooteene owiisrael. Elapo yaaviraleehu niwehawehaka phiyooreera. ⁸Apwiya yatjiveliyaka nihi anaahala onikussa ni anaahala onivahenra, elapo yomihakhu.⁹Massi n'hiihele nrima woohiloka waaPwiya ni n'hoovatje atthu ovathi. Ninaahala waalya woohipitja phanka eyoolya. Nkhaviherwaaya onaahala okumhiya, kontha aPwiya ari nihi. N'hiwoovatje. ¹⁰Massi atthu ooteene yaahowoopopihatja waahomakatja npaka okhwa. Vano waarya waaPwiya waahokhuruwela N'heemani wonthukumano waatthu owiisrael.¹¹Apwiya yaahomwiirela Moises: Atthwaala am'hala okitanhifu npaka eyaakhani? An'hala okaanhihera npaka eyaakhani, wohissima womithoonhero tjaathoonheralyaaka? ¹²Kinaahala waakelela naassinttunttu, kin'hala waakhaliha amutjyaa elapo emotja en'hala okhala yuulupale ni yoolipessa ovikana yawayeeyo.¹³Moises aahowiirela aPwiya: Mwapankaka eyo, atthu owiigipitu anaahala wiiwa, kontha atthwaayo n'haakumiha n'matataniwaya, wooweryawinhu. ¹⁴Anaahala waattonkela atthu ooteene onlaponi. Wala atthu aniiwa wiira nhu, Pwiya nriwakhiviru naayena, kontha nhu n'nowooniya ekhove niikhove. Nihutteninhu nikhale naayenatja ni nrwee ohoolowayatja wanipottoni wonihutte nihuku nooteene ni wonipotto nooteene ohiyu wooteene.¹⁵Vano, mwawiivaka atthwaala toko ntthu n'motja, elapo tjinwale mitekotjinhu tjinaala ottokutta tjiiraka: ¹⁶Kontha Apwiya ahaakusse atthwaaya elapo yaakhuluvelihalyaaya, ayena ahiiva moothakoni.¹⁷Vano, kinawoolepelani, niikurutjinhu tjuulupale. Kontha n'hohimya: ¹⁸Apwiya phoopiyja noorussiya ni okiriri tjintji. Ayena anaalevenla tjoottheka. Ayena anaakwetja tjoottheka yawaanaka ehukhumu tjotanpi tjaatthu okhalayi womakhotwaaya, npaka nikhoto noneeraru ni noneetjesse. ¹⁹Mwaalevenle, kinawoolepelani, tjoottheka tjaatthwaala mwaha wokiriritjinhu, tjitjon'mo toko tjinaalevenlakeenhu, okhuma owakathi waaryaaya weegipitu npaka n'nava.²⁰Apwiya yaahiira: Kinawaalevenlaka, kivirihaka, tjitjon'mo, elepelalyaa. ²¹Massi, toko tjinkhalaaka, tjitjon'mo toko elapo yooteene en'halaaya otjara oweryawaka. ²²Atthu ooteene yoonale oweryawaka nimithoonhero tjokuru tjipankalyaaka weegipitu ni woothakoni, ayenatja ahokittehatteha weemaara khuumi ni khayiiwale ntjuunaka.²³Kinaahimya weekhweeli khan'hala woona elapo yaakhuluvelihalyaaka atthwaaya okhalayi. Khaavo n'motjaaya kihanhurihale. ²⁴On'hiya nrumeyaaka Calebe, kontha yena aarina n'nepa nkhwaawe. Yena naakittharaka; Kinaahala onkussa elapo yaarwaalyaawe owehaweha. Atthwaawe okhalayi anaahala omoona. ²⁵N'hokolyaatje meelo ni nrwaatje moothakoni nttala wopahari yoosseerya.²⁶Apwiya yaahomwiirela Moises niArao: ²⁷Kin'hala waavilela tjani tjani atthwaala? Kinawiiwaka okittokutta waatthu owiisrael.²⁸Mwaahimeeryatje: Phanka tjinkhalaaka, Apwiya aneera, toko tjin'himyakeenhu nmaaruniwaka, kinaahala woopankani tjitjon'mo. ²⁹N'naahala okhwatja moothakoni moomu, ooteene yaakittokutta, ooteene yaalikeliye, oyaakha ssiriini woorwaa ntjulu. ³⁰Weekhweeli khan'nophiya elapo yookhuluvelihalyaakani yaahaleenhu oteka enupatjinhu, on'hiya Calebe, mwaana Jefone ni Josue, mwaana Naum.³¹Yaayo assaaneenhwaayo, phan'halaaka waakussa elapweeyo. Ayenatja anaahala ottehattehatja elapo enkhottatjakaaya! ³²Massi nheenhuvaatja, mun'hala okhwelatja moothakoni moomu. ³³Assaaneenhu an'hala okhala moothakoni woyaakha arupayini. Ayenatja ahaana avilelaka mwaha watjoovaratjinhu npaka okhwawinhu.³⁴Tjitjon'mo toko tjaarwaalyaaya owehaweha elapo mahuku arupayini, ahaana avilelaka tjootthekatjinhu woyaakha arupayini, mwaakha n'motja wakhula nihuku ni nhu n'haana otjuwela okhala n'wananiinhu essiyani. ³⁵Mi Pwiya kinaattonkaka. Weekhweeli kinawaapanka eyo atthu ooteene tjootakhala tjinkivarelaaya. Ayena anaahala okhwatja.³⁶Vano, atthu Moises yaawiirelalyaawe wiira awehe elapo yaahokhwa ohoolo waPwiya. ³⁷Yaala phaatthu yaahokolyaale ni awaanaka moolumo oohikhala nlaponi. Ni yeeyo atthu ooteene phiyaattokuttiha wa Moises. ³⁸Waatthu yaale yaarwaale oweha elapo, Josue, mwaana Num ni Calebe, mwaana Jefone yaahokhalatja akumi.³⁹Moises waahimeeryalyaawe moolumwaala atthu owiisrael, yaahotjukulatja ventji. ⁴⁰Yaahovuwatja ohinassa ni yaahorwaatja wiikaani mwaako i yaahiiratja: Hiivano, niriiva, ni ninaarwaa npaka aPwiya okhuluvelihalyaaya, maana naanamattheka.⁴¹Moises, aahiira: Essiyani ohanhurihaka mweettihero waPwiya? Khan'nohala ophwanha etthu. ⁴²Khan'norwaatja, kontha Apwiya khaarinhu wiira yookhavihereni awananiinhu. ⁴³Amalequita naacananeu phuritjyaaya ni n'nohala okhwatja niikatana kontha n'noohiya ontthara Pwiya. Vano, yena khan'hala okhala ninhu.⁴⁴Ayenatja yaahowelatja wamwaako; Vano, Moises, nivuku nowaataana khaahiyale nipuro noothukumana. ⁴⁵Vano, amalequita acananeu yaahokhuruwatja yaakhala n'mamyaakonin'mo. Yaahowaattakan'na an'naisrael npaka Horma.

¹Vano Apwiya yaahomwiirela Moises: ²Waahimeerye atthu owiisrael: Mwaphiya elapo en'haleenhu okhala, yeeyo Apwiya en'halaaya woovahani. ³Mwatthonkomanihe yoovaha en'hala waatjivela. Okuttho woopahiya wiira evirihiye yoothanliya, ovaha wowiivahenra, wala yoovaha tjossukuhuulutjinhu, ni n'nohala okhala niinamatjinhu.⁴Mwawaanaka okutho woopahiya, n'nohala waavaha Apwiya yoovaha yooreerela yonphantte wonakhuumi yonluwa yophepa yootakaniheriya makhura. ⁵N'nohala ovahatho okuttho woopahiya, nphantte vakaani wonipha toko yoovahiya yonipha wakhula enama.⁶Mwavahaka enama emotja, n'naahala otthonkomaniha yoovaha yooreerela womiphantte miili tjonakhuumi yophepa yootakaniheriya makhura. ⁷Wayoovaha yonipha, n'naahala ovahatho, yowaatjivela Apwiya.⁸Mwatthonkomanihaka enama toko okuttho woopheela oviriha yoothanla, wala toko yoovaha yooreerela waaPwiya. ⁹N'nohala ovaha enama, yoovaha yooreerela yomiphantte miraru tjonkhuumi yonluwa yophepa yootakaniheriya makhura. ¹⁰N'naahala ovaha nipha, toko okuttho woopahiya wowaatjivela aPwiya.¹¹Npanke tjitjon'mo wakhula enama, epuri yoolopwana wala yoothiyana. ¹²Okuttho wooteene on'haleenhu otthonkomaniha ni nvahaka npanke toko yowantikhiya. ¹³Ooteene ayariye wiisrael ahaana apankaka tjitthun'nha, awaanaka ntthu pintthu okuttho woopahiya, wowaatjivela aPwiya.¹⁴Wakhalaka wiira nan'mwa rininhu, wala yoole n'hala okhuma nikhoto nikwaawe, yena haana awaanaka okuttho woopahiya, wowaatjivela aPwiya. Yena haana opanka toko tjinpankeenhu. ¹⁵En'hala okhala ekettelo emotja naale an'mwa arineenhu,ekettelo en'hala 0khala mahuku mentji. Toko tjiryeenhu, n'haana okhala tjitjon'mo ninroromelo orineenhu. Yena haana wuupuwela toko tjinuupuweleenhu ohoolo waaPwiya. ¹⁶N'haana ovarela nteko ekettelo emotja ninlamulo nimotja naanan'mwa ooteene arininhu.¹⁷Apwiya yaahomuulumanatho Moises, yiiraka: ¹⁸Waahimeerye atthu owiisrael: Mwakelaka elapo en'halaaka woorweehani, ¹⁹mwalyaaka n'hokorokho wonlaponin'mo, n'nohala okiwiihera yoovahiya.²⁰Tjowantjera ohephiya tjoolimatjinhu n'haana ovaha nkatthe tjitjon'mo toko tjinpankiyaaya yoovahiya yoEira. ²¹N'nohala okivaha tjowantjera ohephiya nmakhotoniwinhu,²²Emaara tjikhwaawe n'nokhala mwana oohipheela okssa, mweehiiweleleke moolumo ooteene anon'himeeryessaaka Moises, ²³okhuma nihuku nantjeralyaaka woohimeeryani npaka ohoolo, eriyari womakhotweenhu. ²⁴Vano atthu ooteene anaahala ovaha enama toko okuttho, wowaatjivela aPwiya, mwaha wotampi tjoohitjuwela atthu. Wamtja niiyo enaahala otthonkomanihiya yoovahiya yonipha, toko tjaahimyalyaaka, toko yoovahiya yotanpi.²⁵Nankuttho naahal waakhunela atthu ooteene owiisael.Ayenatja anaahala olevenlatjiya kontha etanpi yaari yoovonha. Anaahala okiwiihatjera, okuttho woovonhawaya, okuttho woopahiya toko yoovahiya yotanpi. ²⁶Vano nssovo wooteene waatthu owiisrael anaahala olevenliya, nanan'mwa aritji yaayoru, kontha atthu ooteene ahokossa woohilakela,²⁷Ntthu akossaka woohilakela, vano yena naahala ovaha epuri emotja yoothiyana yomwaakha n'motja yeeyareelo toko yoovahiya yotanpi. ²⁸Nankuttho naahala onkhuneela waPwiya ntthu kossale woohilakela. Ntthuuyo naahala olevenliya akhuneelyaka. ²⁹Nkhalane nlamulo nimotja wayoole npanka khula eethu woohilakela, nlamulo nimotja wayoole yariye naatthu owiisrael ni anan'mwa ari yaayoru.³⁰Massi ntthu n'hala opanka etthu woopatjapatja, akhale ooyariya wiisrael, akhale nan'mwa, akirussihaka. Oyo ntthuuyo naahala woomoliya eriyari waatthu. ³¹Kontha hothanha nuulumonaka ni khiiwelelale moolumwaaka, oyo ntthuuyo haana ofutthiya. Etanpyaawe en'hala okhala niyena.³²Atthu owiisrael weeraaya anari moothakoni, ayenatja yaahonphwanha nlopwana alokotthela miri nihuku nosaapatu. ³³Yaale yaanphwanhale yaahon'waanatja wa Moises, Arao, naatthu ooteene. ³⁴Ayenatja yaahonvaratja kontha yaari ehinahimyatjiya yaavaralyaawe.³⁵Vano Apwiya yaahomwiirela Moises: Weekhweeli nlopwanooyo haana okhwa. Atthu ooteene ahaana an'homakatjaka nphantte woota wonipuro nonthukumano. ³⁶Vano atthu ooteene yaahonkumihera ni yaahon'homakatja npaka okhwa toko Apwiya tjaamwiirelalyaaya Moises.³⁷Apwiya yaahomwiirelatho Moises: ³⁸Waahimeerya anamanloko owiisrael wiira apankatje ephatta tjoopheela othomyaa ekuwotjawe, ni mon'mo onaahala otthukenliya nkhoyi woopipila. Ayenatja an'hala opankatja tjitjon'mo makhoto ooteene. ³⁹Mwan'wehaka yena, on'hala okhala muupuwelelo omoolumwaaka, woohipheela otthara tjomirimatjinhu womeethenhu ankussakeenhu woohipheela oraruwa.⁴⁰Npanke yeeyo wowiira muupuwelele ni mwiiwelele moolumwaaka ooteene, ni n'naahala okha oottakattifihiya, nkhalaka nphanttyaaka, Nlukweenhu. ⁴¹MikiPwiya, Nlukweenhu, yooyo ookumihaleni elapo yoweegipitu, wiira akhale Nlukweenhu. MikiPwiya, Nlukweenhu.

¹Vano, Core, mwaana a Izar, mwaana a Coate mwaana a Levi, wamotja ni Data wamotja ni Abirao, asaana a Eliabe, ni Om, mwaana a Pelete ,nikhoto na Ruben, yahaathukumaniha mkupatti waatthu. ²Yahomwemelatjera Moises,wamotja naatthu o wiisrael , ahooleli emiinya piili wo hansiini wo yooyo nthukumanooyo ,ni atthu oothaanliya omunttettheni. ³Yaahothukumanatja wiira an'wanane Moises ni Arao. Yaahowiirelatja: Paassi! Eyo yintji. Nihimo nooteene noottakattifihiya, ooteene phoottakattifihiya ni aPwiya ari naayenatja. N'naakusserani atthu ahanle aaPwiya?⁴Moises owakathi wiiwalyaawe iyo, aahooroma. ⁵Aahuluma ni Core ninphwinkwaawe wooteene iiraka: Owitjissuru, Nluku naahala onthoonha awawe phuuvi ni ttakattiifu phuuvi, naahala wiiwaanela. Yoole nohalaawe onthanla, yena naahala wiiwiihera wakhiviru.⁶Opanke yeeyo, Core ninphwinkwaawe wooteene. ⁷Meelo npahatje mooro wolunpani ohoolo waPwiya. Ntthu n'hala othanliya, n'hala oreerihiya waPwiya. N'noorweesa ottayi, nikhoto naLevi.⁸Moises aahomwiirelatho Core: Vano nkiiwatje, nikhoto naLevi. ⁹Phimaana etthu vakaani Nluku owiisrael enoovahaaweni, wiira nmwaattaman'ne, wiira nvare nteko npaani wanluku, ni nkhalaka ohoolo waatthu wiira mwaavarele nteko? ¹⁰Yena oowiihaleni wakhiviru, hoowiiherani eri yawinhu yooteene, nikhoto naLevi, ni nanlelo n'nopheelatja onankuttho! ¹¹Phimaana enthukumeneenhu naaPwiya. Vano essiyani omwaapaka Arao, nmwiiwelela Pwiya?¹²Vano, Moises, aahomwiihana Data ni Arao, assaana aEliabe, massi yaahomwiirelatja: Khaninrwaa! ¹³Vano, phimaana n'nikumihaka waakumiheehu eleeti nuuravo, wiira n'niive moothakoni? Vano, n'nopheela okhala n'hooleliihu! ¹⁴Phimaana khan'niwiihale elapo yaakumihaaka eleeti nuuravo, wala khan'nivahale ematta toko yoonihiyera. Vano n'nopheela onithepyatja? Khaninoottharani.¹⁵Moises aahotikinihiya ni aahowiirela Apwiya: Nhiweheehe yovahiyeenhu. Akikussale yawaya, wala khiivo yaatankulatjeralyaaka. ¹⁶Vano, Moises aahomwiirela Core: Meelo, ooteenetjinhu mwawaatje ohoolo waaPwiya ni Arao. ¹⁷Khula ntthu wanhu, n'hala okussa myaaputjawe noohela elunpani. Vano, khula ntthu n'hala okussa ohoolo waaPwiya, emiya piili wohanssiini myaaputjene. We ni Arao n'nohala okussatja tjawinhu.¹⁸Vano khula ntthu aahokussa okutthwaawe, ni aahopaha, ni yaahokhala omakumenloni woheeme wonthukumano Moises ni Arao. ¹⁹Core, aahaathukumaniha atthu ooteene wa Moises ni Arao wookhumenloni wohema wonthukumano, ni waarya waaPwiya waahaakhuruwela atthu ooteene.²⁰Vano, Apwiya yaahomwiirela Moises ni Arao: ²¹Mwiikumihatje eriyari waatthwaala, kaamwaressatje phiyaaruva. ²²Mooromelatje vathi, Moises ni Arao, yaahiiratja: Nluku, nluku ominepa tjaatthu ooteene, ntthu atthekakavale, n'naarussiya naatthu ooteene?²³Apwiya yaahomwaakhula Moises, yiiraka: ²⁴Wuulume naatthu ooteene wiiraka: Nkhumatje n'heemani wa Core, Data ni Abirao.²⁵Vano, Moises aahovuwa ni aahorwaa npaka wa Data ni Abirao, mahumu owiisrael ni yaahorwaatja. ²⁶Ni aahowiirela atthu ooteene: Nkhumatje n'heemani mwaatthu ontuniyanyaala, ehikhale enkwanheenhu yawaya, wala n'nohala orimeelatja mwaha wotanpitjaya. ²⁷Vano, atthu ooteene on'maheemani a Core, Data ni Abirao, yaahohiyatja. Data ni Abirao yaahokhumatja ni yaahorwaatja omakhumenloni waaheemaaya, naasaaraya naasaanaaya.²⁸Vano, Moises aahiira: Phimaana n'naahala otjuwela wiira Apwiya ahokiruma wiira kivare mitekon'nha tjooteene, kontha akinvara nootthunawaka. ²⁹Atthwaala yakhwaka ni nookhwe eeyareelo, toko tjiniiranyaakaaya, Apwiya khaakirumale. ³⁰Massi, Apwiya yunpa elapo yoothukuwa, yoomiryakani phanka mwaano, vamotja watjooteene tjiri tjawaya, ni ayenatja yakhuruwa akumi oSheol, vano, n'naahala othuwela wiira atthwaala anawaatanhifu Apwiya.³¹Moises wamalihalyaawe wuuluma moolumwaala, etthaya yaahohulya vathi waatthwaaale. ³²Etthaya yaahowula malakwaaya ni yaahomiryatjiya, assimutjaaya, naatthu ooteene aCore, ni tootho, nitjitthu tjooteene tjaarinaaya.³³Ayenatja naassimutjaaya ooteene, yaahokhuruwatja akumi oShoel. Etthayeeyo yaahiitthuka, ni yaahorimeelatja eriyari waatthu. ³⁴Israel ooteene aahotthwa nookhuwelawaya. Yiiraka: Nihi etthayeeyo enaanimirya! ³⁵Vano, waahopharela mooro waaPwiya, ni waahaapaha atthu emiya piili wohanssiini yaavahale elunpani.³⁶Apwiya yaahomwiirelatho Moises: ³⁷Omuulumane Eleazar, mwaana anankuttho Arao, wiira akumihe okuttho wamooroni, ni orihele ottayi, kontha kaahovahenriya. ³⁸Okusse okutthooyo tjihiyale okumyaaya mwaha wotanpitjaya, wiira akhale phanka exsaapa tjoophitiya ni tjikhuneeliye waltaare. Atthwaale yaavahale ohoolowaka, vano ayenatja phooreerihiya nimi. Ayenatja an'hala okhala nthoonherwaaka waatthu owiisrael.³⁹Eleazer, nankuttho, aahokussa myaapu tjoporontje tjaapaheriye atthu. Yena aahophitakatja phanka yookhuneeliya waltaare. ⁴⁰Toko aPwiya tjan'himeeryalyaawe Moises, wiira akhale nthoonhero waatthu owiisrael, wowiira hikhale ntthu onikhoto naArao haattamenle wiira apahe elunpani ohoolo waPwiya. Weenan'na yeeyo, khaavo ntthu aahala onlikan'na Core ninphwinkwaawe toko Apwiya tjaahimyalyaaya eriyari yaMoises.⁴¹Massi, ihuku nikhwaawe, atthu ooteene owiisrael, yaahomwaapa Moises ni Arao yiiraka: N'howiivatja atthu aaPwiya. ⁴²Vano, atthu yathukumana mwaha wa Moises ni Arao, awehaka nphantte woheema wonthukumano, ni yaahoona wiira nihutte naahokhuneela. Waarya waaPwiya waahowa. ⁴³Moises ni Arao yaahorwaa npaka ohoolo woheema wonthukumano.⁴⁴Vano, aPwiya yaahomwiirela Moises: ⁴⁵Nkhumatje eriyari waatthwaala kaarimeelihatje phiyaaruva. ⁴⁶Vano, Moises i Arao yaahooromelatja vathi. Moises aahomwiirela Arao: Okusse mwaapo ni opahe ohoolo waaltaare, ohele elunpani, oteessere wowaakuvyaatja waatthuni, ni waamwaresselatje, maana orussiya waaPwiya oneera owaaka.⁴⁷Vano, Arao aahopanka phanka Moises tjaamwiirelalyaawe. AAhotthawa arwaaka eriyari yaatthu. Assinttunttu yaahantja ovavaryeela waatthuni, vano, aaheessa elunpani ni aahaamwaressela atthu. ⁴⁸Arao aahiitjeessa wookhwani ni wookumini, weenan'na yeeyo, assinttuuttu yaaheemela.⁴⁹Akhwale mwaha waassintthunttu, yaari ekonto khuumi natjesse niimiya saapa, waahiya yaakhwale mwaha wossariya tja Core. ⁵⁰Arao aahaakulela wa Moises omakhumenloni woheema wonthukumano, ni assinttunttu yaahomala.

¹Apwiya yaahomwiirela Moises, yiiraka: ²Owiirele atthu owiisrael anthoonhera ekopo, emotja wakhula nloko waatthwaaya okhalayi. Okusse ekopo khuumi napiili, wakhula n'hooleli oothanliya wakhula nloko. Wakhula ntthu wantikhe ntjinanawe wakoponi.³Onaahala wantikha ntjina naArao ekopo ya Levi. En'hala okhala ekopo emotja wakhula n'hooleli nonlokonawe waatthu okhalayi. ⁴Onaahala ohela ekopon'nho n'heemani wonthukumano ohoolo womalamulo owaataana, on'haleehu okhala nkhayi. Ekopo yantthu nthanlalyaaka, enaahala wuunuwa. ⁵Kinaahala weemessa ottokutta waatthu owiisrael, yaayo yaari niwe.⁶Vano, Moises ahowiirela atthu owiisrael. Ahooleli ooteene omaloko yaahovahiya ekopo, ekopo emotja wakhula n'hooleli, yaathanliye wakhula nloko naatthu okhalyi, ekopo khuumi napiili. ⁷Ni Moises aaheessa ekopo eriyari waaPwiya n'heemani womalamulo owaataana.⁸Nihuku nikhwaawe, Moises aahokela n'heemani womalamulo owaataana, ni aahoona wiira ekopo ya Arao nonloko naLevi yaahaana ethutu. Tjaahiima mihokorokho tjoottokottha! ⁹Moises aahowaana ekopo tjooteene ohoolo waaPwiya waatthu ooteene owiisrael ni wakhula ntthu aahokussa ekopwaawe.¹⁰Apwiya yaahomwiirela Moises: Weese ekopo yaArao ohoolo womalamulo owaataana. Ni ohiye phanka nthoonhero waatthu owiimananiha, wowiira omalihe okittokuttawaya, wala ankookhwatja. ¹¹Moises aahopanka toko aPwiya tjaahimyalyaaya.¹²Atthu owiisrael yaahomwiirela Moises, ni yaahomwiirela: Hi ninaahala okhwelava. ¹³Wakhula ntthu n'hala owa, aattamenlaka enupa yanluku naahala okhwa. Ooteene ninaahala okhwa.

¹Apwiya yaahomwiirela Arao: We, naasaanaa, ni nihimo naatthwaa okhalayi n'nohaka okhala ahooleli wotanpi tjooteene tjiphwanhiye nipuro nooreerihiya. Massi we naasaanaa on'hala ovahatjeriya wotanpi tjooteene tjiphwanhiye ni wakhula nankuttho. ²Ni atthu onihimo na Levi, nihimo naatthweenhu okhalayi, onaahala waawaana nkhayi, wiira nvaratje nteko nkhayi ohoolo woheema womalamulo owaataana.³An'hala woovarela nteko ni heema ooteene. Nen'navaa, ayenatja khan'hala waattamenla nipuro ttakattiifu waltaare, kontha n'nohala okhwa. ⁴N'nohala okhalatja wamotja wiira munkhikitjeratje heema wonthukumano, wonteko wooteene won'heemani. Nan'mwa khan'hala owaattamenla. ⁵On'hala okhalenla nipuro ttakattiifu ni waltaare, wowiira orussiyawaka ohaaweele atthu owiisrael.⁶Kihothanla nikhoto nowiisrael naassun'naa, alevita. Ayenatja yoovahiya waaPwiya, wowiira avaratje nteko n'heemani wonthukumano. ⁷Massi we naasaanaa on'hala ohoolela tjooteene tjiri walataare ni n'hina wokortiina. Kinawoovahatjani okuttho toko yoovahiya, ni wakhula nan'mwa n'hala waattamenla naahala okhwa.⁸Vano, Apwiya yaahomwiirela Arao: Kinaahala woovahenrani ovussa tjoovahiyatjaka, ni tjoovahiya tjooteene ttakattiifu atthu owiisrael tjin'halaaya okivaha, tjinoovahessaakani naasaaneenhu phanka yoohimala. ⁹Wotjitthu tjoottakattifihiya, ahivirale wamooroni, tjin'hala okhala tjawaa, tjoovahatjaya tjooteene, ni tjoovaha mwaha wotanpi.¹⁰Tjen'nha tjoovahiyan''ya, khula ntthu haana olya, kontha phitjooreerihiya. ¹¹Tjin'hala okhala tjawaa. Tjoovahiya tjooteene tjiwaaniye naasaana owiisrael. Kihoovaha tjooteene, naasaana, tjoohimala. Atthu ooteene omoomutjini ari ooreera ahaana olya watjen'nho tjoovahiyan'nho.¹²Makhura ooreeressa, nipha nooreeressa, ni tjowantjera ohephiya tjaatthu tjin'halaaya okivaha, kinaahala woovaha. ¹³Mihokorokho tjowantjera tjovathi, tjin'halaaka owaaneliya, tjin'hala okhala tjawaa. Atthu ooteene omoomutjiniwaa ari ooreera anaahala olya.¹⁴Tjitthu tjooteene tjooreerihiya wiisrael tjin'hala okhala tjawa. ¹⁵Ooteene yaale an'hala wantjera oyariya, akhale ntthu, ekhale enama, atthu en'halaaya waavaha Apwiya, tjin'halaokhala tjawa. Maana, atthu anaahala waakussa ooteene owantjera oyariya wonama yoohiireera. ¹⁶Yaale an'hala okussiya waatthu, an'hala okussiya anapiihale mweeri n'motja weeyareelo. Tjitjon'mo, atthu anaahala waakussa weephimelo thanu tjoparatha, wonayeeli weelemelelo wonipuro ttakattiifu.¹⁷Emope yowantjera oyariya, epwittipwitthi, wala epuri, khatjin'halatho othumiya, tjawaka. N'nohala omwaressela ephomyaaya waltaare noopaha ethayi phanka yoovahiya yowaatjivela Apwiya. ¹⁸Enameeyo en'hala okhala yawaa, tjitjon'mo toko ekhakaatja wayoovahiya wonphantte weelopwana, enama tjin'hala okhala tjawaa.¹⁹Tjoovahiya tjooteene aathhu owiisrael tjin'halaaya ovaha waaPwiya, kinaahala woovaha, naasaanaa toko yoohiyeriya yoohimala. N'no waataana woohimala womaakha, waataana owaaniye woohimala naaPwiya wawaa ni nikhotonaa. ²⁰Apwiya yaahomwiirela Arao: Khun'hala okhalana yoohalana weelapo yaatthu, wala khun'hala okhalana nipuro noopheela olima. Thimi kiri nipuronaa ni yoohiyeriya waatthu owiisrael.²¹Wonikhoto na Levi, kaahaavaha yooreerela yooteene wiisrael toko yoohiyeriya mwaha wonteko waavaralyaaya n'heemani wonthukumano. ²²Okhuma olelo woorwaa ohoolo, atthu owiisrael khan'halatho waattamenla n'heemani wonthukumano, wala n'nohala ohiyeratjiya tjoottheka ni n'naahala okhwatja.²³Alevita anaahala ovara nteko n'heemani wonthukumano. Anaahala ovhatjeriya wakhula etanpi. Nin'hala okhala nlamulo omakhotweenhu ooteene. Ayenatja khan'hala phwanhatja yoohiyeriya waatthu owiisrael. ²⁴Kontha mwaavulo waatthu owiisrael, waakivahatjalyaaya, kaavahale alevita. Phimaana, waahimeeryatje: Khan'hala okhalana yoohiyeriya waatthu owiisrael.²⁵Apwiya yaahomwiirela Moises: ²⁶Wiirelatje alevita: Mwawaakhenla atthu owiisrael mwaavulo Apwiya woovahalyaayani toko yoohiyeriya, n'nohala waavaha Apwiya, mwaavulo tjomwaavulo. ²⁷Ntjankweenhuuyo on'halaokhala wonphantte wonakhuumi.²⁸Tjitjon'mo ninhuuvaatja, n'nohala othoonhera yoovaha waaPwiya ni mwaavulo tjooteene tjaakhelaleenhu waatthu owiisrael. Tjen'nho n'nohala onrweehela Arao, nankuttho. ²⁹Watjoovahiya tjooteene tjin'haleenhu waakhela, n'nohala waavaha aPwiya. Kin'hala opanka tjoovahiya toko tjoovahalyaakani, kithanlaka yootepessa oreera, ninphantte yoottakattiifu.³⁰Vano, n'nohala owiirelatja: Mwarweehaka yooreera ovikana yaakhelaleenhu, yoohala watjoovahatjinhu tjin'hala okhala naalevita epyoo yo Eira ni epyoo yo Lagar. ³¹N'nowala olya wakhula nipuro, naassimutjeenhu, kontha etthuvweenhu wonteko wooteene waavariya n'heemani wonthukumano. ³²Khan'nohala wootheriya mwaha woolya wala ovurya, mwaarweehelaka Apwiya yooreera woovirikana yaakhelaleenhu. N'hinanarihe yoottakattifihiya naatthu owiisrael, wala n'naahala okhwa.

¹Apwiya yaahomwiirela Moises ni Arao: ²N'na nlamulo ninoohimeeryaakani. Mwaahimeerye assaana owiisrael wiira awaane enama yankaani yoosseerya, yoohirakala, yoohiireetthu.³Enama yankaaniiyo en'hala ovahiya nankuttho Eleazar, en'laawe okussa wiira yiiviye ota wonupa yonthukumano. ⁴Eleazar, nankuttho, naahala okussa ephome vakaani, ninikokhonawe, emaara saapa, arwaaka omakhumenloni woheema wonthukumano. ⁵Nankuttho nkwaawe n'hala opaha enameeyo: ⁶Nankuttho naahala nri nmotja, ni naahala orihela wamooroni, enameeyo weeraaya epahiyaka.⁷Vano, yana naahala okussa ekuwotjawe ni naahala orapa. Tjitjon'mo, naahala okela nipuro nonthukumano, on'halaawe okhala oohivara nteko npaka wiila. ⁸Ni yoole pahale enama, naahala okattha ekuwotjawe nookattha, massi yena n'hala wiileliya hivarakeetthu.⁹Ntthu n'hala okhala ooreera, naahala okhupa ettuura yonama ni nkoweesa npaani wonthukumano, nipuro nooreera. En'hala wiinssaathiya naatthu owiisrael wiira atthonkomanihiye maatji ooreeriha, kontha ettuureeyo enama wayoovahiya wotampi. ¹⁰Yoole khupale ettuura yonama, haana akatthaka ekuwotjawe, ni yena n'hala okhala oohiloka npaka wiila. Nin'hala okhala nlamulo naasaana owiisrael naanan'mwa ankhala naayenatja.¹¹Yoole n'hala onkwanha ntthu ookwa, n'hala okhala oohilokaloka womahuku saapa. ¹²Yoola haana wiivoniha, nihuku noneeraru ni nihuku nonasaapa, vano phun'halaawe okhala ooreera. Vano, eehiivonihe nihuku noneeraru, khan'hala okhala ooreera nihuku nonasaapa. ¹³Wakhula ntthu n'hala ohiivoniha, naahala opiiha owerenhawawe npaani wanluku. Yooyo ntthuuyo haana afutjiyaka wiisrael, kontha maatji ooreeriha khakwanhale. Yena n'hala okhala ontuniyani ni ohilokawawe on'hala okhala niyenani.¹⁴N'na nlamulo nantthu akhwaka n'heemani. Oooteene yoole n'hala okhala n'heemani, ni en'hala onphwanha, n'hala okhala mahuku saapa. ¹⁵Wakhula mwaapu woohinkhuneelo, khun'hala olokaloka. ¹⁶Weenan'na yeeyo, akhalaka ntthu ota woheema, ankwanhaka ntthu ookwa niikatana, wala khula etthu yookhwa, wala nikhuva nantthu, oyo ntthuuyo n'hala okhala oohilokaloka womahuku saapa.¹⁷Woopheela ovonihiya ntthu oohiloka, nkusse ettuura wayoovahiya yoopahiya yotanpi, nootakanihera maatji. ¹⁸Ntthu ooreera, n'hala ouruwyaa Hissopo nmaatjini noorweeha n'heemani, nimyaapu tjooteene, naahala waamwaressela atthu an'hala okhala npaani, ni yoole n'hala onkwanha ntthu ookhwa, wala nikhuva, wala etthu ekhwaawe yookhwa. ¹⁹Nihuku noneeraru ninihuku nonasaapa, yoole n'hala okhala ooreera, n'hala onttikitthela ntthu hinavona. Nihuku nonasaapa, ntthu hinavona haana wiivoniha, ni naahala okattha ekuwotjawe noorapa. Yootjootjilo naahala ovona.²⁰Massi ntthu ooteene n'hala okhotta wiivoniha naahala ofutjiya naatthu, kontha naahala ophwanhiha enupa yomavekelo yaPwiya. Kontha maatji ooreeriha khamwaresseliye, n'hala okhala tjitjon'mo. ²¹N''na nlamulo noohimala: Yoole n'hala okela nmaatjini ooreeriha, naahala okattha ekuwotjawe, ni naahala okhala ooreera yootjootjilo. ²²Wakhuleetthu en'halaawe okwanha, khan'hala olokaloka.

¹Vano, atthu owiisrael, yaahorwaa moothakoni Zim, mweeri woopatjera. Ayenatja yaahokhala oCades. Miria okhwelalyaawe.²Atthwaale khayaarina maatji, phimaana, yaahotakaneela wa Moises ni Arao. ³Atthwaale yaahomwiirela Moises: Waanaaphwanela ninakhwale toko assun'nihu tjikhwalyaaya ohoolo waaPwiya.⁴Waawaanenleni atthu aaPwiya moothakonimu wiira akhwe, hi niinamatjihu? ⁵Ni onikumihenreni weegipitu oniwiihaka nipuro nowoopiha? Khatjivo epyoo, etthema, ni khaavo maatji oopheela ovurya.⁶Vano, Moises ni Arao yaahokhumatja ohoolo waatthu. Ayenatja yaahorwaatja omakhumenloni woheema wonthukumano ni yaahokokhoratja. Vaavale, waarya waaPwiya waahaaweelatja.⁷Apwiya yaahomuulumana Moises: ⁸Okusse nttonttwaa ni waathukumanihe atthu, we ni mwaamun'na Arao. Wuulumele nluku ohoolo womeethwaaya ni wiire akhume maatji. N'naahala okumihatja maatji ni n'naahala waavahatja atthu ooteene niinamatjaya wiira avurye. ⁹Moises aahokussa nttonttwaawe ohoolo waaPwiya, phanka Apwiya tjaahimyalyaaya.¹⁰Vano, Moises ni Arao yaahaathukumaniha atthu ohoolo womwala. Moises aahowiirelatja: Nviriyanatje, attiyamaaru. Nookumihatjerekeni mwaloola maatji? ¹¹Vano, Moises aahovussa ntatanawe ni aahaatta mwala emaara piili ninkopwaawe, ni yaahokhuma maatji mentji. Atthu ooteene niinamatjaya yaahovuryatja.¹²Vano, yaahomwiirela Moiss ni Arao: Kontha khankikhuluvelale ni khankuunuwihale phanka ttakattiifu ohoolo waatthu owiisrael, akin'hala waakussa atthwaala elapo yaavahalyaaka. ¹³Nipuron'na niihaniye maatji ooMeriba kontha atthu owiisrael yaahiithoonhera waPwiya, ni yena aahaathoonhera okumyaawe.¹⁴Moises aahaaruma anamitthaka aCades wamwene aEdom: Mwaamun'nawe Israel phaahimyale: ¹⁵Onaatjuwela ikuthakutho tjinkhalaneehu. Onatjuwela wiira atthweehu okhalayi yaahokhuruwela weegipitu ni yaahokhala owakathi mwintji. Atthu aweegipitu yaahonivara ratta naattweehu okhalayi. ¹⁶Waakhuwelaleehu aPwiya, ayena yaahiiwa ntjuunehu ni yaahoruma nlaikha ni naahonikumiha weegipitu. N'nawoona, niri oCades, epooma yomwiinano niilapweenhu.¹⁷Kinawoolepelani wiira n'nihiye nikele epoomeenhu. Hi nivirale n'mattani, wala khanin'hala ovurya maatji on'himeniwinhu. Nin'hala ovira ottayi niiparapaara. Khanin'hala ohapuwela moono nlopwana wala moono nthiyana, npaka wan'haleehu ovira n'mwiinanoniwinhu.¹⁸Massi mwene Edom aahomwaakhula: Khan'nohala ovira vaa. Mwapanaka, kinaahala owaattakan'na. Vano, atthu owiisrael yaahiira: ¹⁹Ninaahala orwaa niiparapaara. Hi niinamatjihu navuryaka maatjiinhu, ninaahala olivela. N'nihiye nivire mwentta vathi, woohivaratho etthu ekhwaawe.²⁰Massi mwene Edom aahaakhula: Khun'hala ovira. Weenan'na yeeyo, mwene Edom aahowa wiisrael nintata noolipa, naanakhotto entji. ²¹Mwene Edom aahokhotta on'hiya Israel aviraka n'mwiinanoniwawe. Mwaha woyeeyo, Israel aahohuluwa elapo ya Edom.²²Tjitjon'mo, yaakhuma oGades. Attu owiisrael yaahophiya omwaako Hor. ²³Apwiya yaahomwiirela Moises ni Arao omwaako Hor, nimwiinano wa Edom iiraka: ²⁴Arao naahala othukumana naatthwaawe, kontha yena naahala orwaa epooma yaavahalyaaka atthu owiisrae. Kontha khan'niiwelela nuulumonaka nmaatjini Meriba.²⁵Onkusse Arao ni Elezar, mwaamwana, ni nawookussa omwaako Hor. ²⁶Nrule ekuwo tjeenankuttho tja Arao ni onwarihe Eleazar, mwaamwana. Arao naahala okhwa ni naahala othukumana naatthwaawe.²⁷Moises aavara phanka aPwiya tjaahimyalyaaya. Ayenatja yaahowelatja mwaako Hor ohoolo waatthu ooteene. ²⁸Moises aahonrula ekuwo tjeenenkuttho ni aahonwariha Eleazar, mwaamwanawe. Arao aahokhwa woomaleloni mwaako. Vano, Moises ni Eleazar yaahokhuruwatja. ²⁹Atthu ooteene woonalyaaya wiira Arao hokhwa, elapo yooteene yaahomunlela mahuku talaathiini.

¹wakanlyaawe mwene cananeu owarade, akhalaka o Naguebe, ewaaka wira Israel naawa nunthalani wo Atarim, yena hothuphela Israel ni hatjisa akwawe phanka anamathukya. ²Israel wonlaphela Pwiya, ni hiira: " Wakhaala We onivahakha othema wa yolah otjamoolah, hii ninarwah othankula ephoma tjothene". ³Pwiya hiwah ntju na Israel ni hovaha othema wona Cananeu. Ayena ahathankula othene, niipomatjaya. Ni niphuron´no nahihania Horma.⁴Ayena ahokhalana unkwaha o muakoh Hor nphironi orwaka Emaakaha Yoserya, orukureriya elapo yo Edom. Ni otjama yahokala wohi tjivatjivia mphironi. ⁵Otjama wanamwapa Nluko ni Moises: " Nlathuni We ohonikumiha Wegipto wira nikwe mothakweni? Kanirina nkathe wala matji, ni onirussa yela eyolyelah yohitjivelah".⁶Vano, Apwiya horuma enua tjohapala wa otjama. Enuaanya tjihaluma athu, entji yahokwa. ⁷Otjama wahowa wa Moises ni wyraka: "Him nihotheka, kontha nihomwapa Pwiya ni we. Onvekhele Pwiya wira arwane enunya othay wa him". Vano, Moseis hovekelela otjama.⁸Apwiya ahomwirela Moises: "Ophanke enua ni wesse minkhoponi. Othene oleh kanlen alumiakah kanhalah okwa, akalakah awehaka yele". ⁹Vano, Moises hophanka enua emtja yo boronsi, ni hessa munkhoponi. Yakalaya enu enlumakha nthu, akalaka awehaka enua yo boronsi, kahala okwa.¹⁰Otjama wo Wisrael yahana ekwaha ni yahomaka o Obete. ¹¹Ayena yahana ekwaha okuma Obote ni yahomaka o Ije-Abrim, Moothakoni waholo wa Moabe, arwaka nkerekhere onkuma untjwa.¹²Okuma vale, ayena yahotjissenria ekwaha, ni yahomaka munsepani no Zerede. ¹³Ni, akumakatjaka vale, yahorwehela ekwahaya ni ahomkatja mphanthe nkwawe wo muro Arnom, okhanle muthakoni onmwarela nmwinanoni wo ma amorreu. Muroh Armom omphanka mwinano wa Moabe ni maamoreu.¹⁴Thimana, en´himiaya ephukih yokotho ya Apwiya: "Vaebe o Sufa, ni massepha o Arnom, ¹⁵wookuruwela massepha amphiya ophoma yo Ar ni amphiya omwinano wa Moabe".¹⁶okuma vale, ayena ahorwatja Obeer, ni horwa vale wa himeni wamuinrelyawe Pwiya Moseis: " Othukumanihe otjama, ni Mi kinawavaha matji".¹⁷Israel ayipha n´na ntjipohnna: "Aweleh, o emoro. Mwipe nlathu yela. ¹⁸Ehime tjikanliya miholeli tjithipaka, ehime tjikanle amassikhini otjama athipaka ni nithontoh ni mikhopoh". Vano, muthakoni, ahokalana nkwaha wo Matana.¹⁹Okumah Matana ayena ahokalana ekwaha arwakah o Naaliel, ni okhuma o Naaliel arwaka Bamote, ²⁰ni, okuma Bamote, orwka n´massephani elapoj yo Moabe. ori watulo wa muako Pisga oholo wo othako.²¹Israel aharuma arumei o Siom, mwene assi amorreu, erakah: ²²"okihie kivire enlaponiwa. Him kanin´hala okelah n,owalatjia walah ematha. Kanin´hala owurya matji om´muroniwenyu. Nin´hala ovira npararaparani, npakha nin´halehum ovikana mwinanuenyu". ²³Manso mwene Siom kanthunihenre Israel olapuwa nthethyaia. Ohieyo, Siom hathukumaniha anakhothon ni hothuphela Israel nuthakoni. Yena howa wa Jaza, wakhanliawe athakanaka ni Israel.²⁴Israel hothuphela ethoropah ya Siom ni ekhatana, ni hotjisa elapho yo muro Jaboque, mphaka mumwinano wo otjama wa Amon, wakhanle woliphiheriya. ²⁵Israel hotjisa ephoma tjothene tjo ma amorreu, ni hokhala mothene, othakanihaka Hesbom ni mitjokotjaiya tjothene. ²⁶Hesbom yari ephoma ya Siom, mwene oma amorreu, akhanle awanakha mi mwene okhalay o Moabe, atjissatjaka mithethe tjothene mphaka muro Arnom.²⁷Thimana, yale anuluma miwahala anira: "Nkawani o Hesbom. Ekhale ephoma othekiyatho ni oliphihenriya. ²⁸Moro ohopaha okuma Hesbom, malumi akhumaka ephoma yo Siom ethankule Ar yo Moabe, ni makhulupale o tjulo a Arnom.²⁹Khasope we, Moabe! We ohorimela, otjama wa Camos. Yena haphanka assanawe anamathawa ni assanawe assithiyana othukiya a Siom, mwene asi amorreu. Hii nihonthema Siom. ³⁰Hesbom rii othankuliya ephiro yothene mphaka o Dibom. Him nihathema mphaka o Nofa, omphiya mpahka Medeba".³¹Vano, Israel hokhala elapho yomaa amorreu. ³²Ni moises hsruma atho wira ya thurumele Jazer. Vano Israel hotjisa mitjoko ni howomola ma amorreu yakhala vale.³³Vano, ayenatja ahoruatja ephiro yo Basa. Ogue, mwene o Basa, hokuma arwelaka, yena na athoropha, wira awane o Edrei. ³⁴Vano Pwiya homwirela Moises: " Ohimove, kontha Mi kihovaha othema wa yayo. ni ethoropaawe yothene, ni elaphuawe yothene. Omphanke eleh omphankalya Siom, mwene o amorreu, akahalaka o Hebom". ³⁵Ayenatja ahomuiva, assanawe ni athoropahwe othene, mphaka hihaanliawe nankha n´motja nkumi. Mi ayena ahotjissatja elapho.

¹Otjama wo Israel hokalana ekwaha mphaka nmamwala tjo Moabe, ni vale ahothukumana, mphanthi mkwawe wo muro Jordao, wathamannaka ephoma yo Jerico.²Balaque, mwana a Zipor, hona tjothene tjakanliwe Israel avaraka wassi amorreu. ³Moabe ahokala niwova ventji anlathu womasiraelita. khontha ayenatja yaritji entji, ni yela yanawathukumeliha. ⁴Mwene Moabe howirela mahumo o Midiao: "Olaa npwinkhola omahala yothene phanka emophe enohephaiya malissi onmathani". Yoyo owakhathiyo, Balaque, mwana a Zipor, arii mwene o Moabe.⁵Yena haruma arumei wa Balaao, mwana a Beor, o Petor, nkhala wakiviro wa muro wo Eufrates, elapho yowanuwawe ni otjamawe. Yena howihana ni howirelatja: " Owehekeh, nikhotho ninkhuma wegipto. Ayena anakhunela ethaiya yothene ni arii phiyaro mphanthiaka. ⁶Vano, safathali, oweh wakinanarihele n´na nlokhona , khontha ni´hana ekhuro wokhivikna. Pooti, vano, mi kikhitiraka othuphela ni komolaka elaa elapwela. Mi khinatjuwela wira ole oyhene ononreriha n´hala orerihiya, ni othene on´hala on´nanariha n´hala onanarihiya".⁷Vano, mahumo o Moabe ni mahumo o Midia ahokhuma, atjissakha yalivah yo tjopankhelelya. Ayenatja ahorw wa Balaao ni ahon´himeryah moolumo a Balaque. ⁸Ni Balaao hirra: "Nkhale wa ohyula. Ni khina´hala owana elee Pwiya n´halawe okhihimeriya". Vano, miholely a Moabe ahohalatja ni Balaao yolee ohiyule.⁹Houwah Nlukho wa Balaao ni homwirela: "Thassiphani yala assilupwanaala yowelale?". ¹⁰Balaao hotjipho: "Balaque, mwana a Zipor, mwene a Moabe, nowaruma wira akhihimerye: ¹¹`weyo, olaa otjamola owale wegipto omakhunela othaiya. Vano owe wakinanarihe yolah otjamoola. Pothi khakhitiriyaka wawanana ni kiwomolakha elapowela"".<sup>12</sup>Nlukho homwirela: "Ohirwe nathwalale. Khon´nanariha otjama wo Israel, khontha ayena arri orerihya". <sup>13</sup>Balaao hunmwa owitjisso ni howirela miholeli: "N´hokholele owaniwiyutja, khotha Pwiya Ahokhottha wirra khirwe ninyenyuvatja". <sup>14</sup>Vano aholeli a Moabe ahokhuma ni ahohokholela wa Balaque. Ahonhynerya: "Balaao hokhotha owa nihim".<sup>15</sup>Balaque horuma toothoni miholelei, tjakhanle tjo wissimwiya ovirikhana npwinkho wo phatjerya. <sup>16</sup>Ayenatja ahorwatja wa Balaao ni ahomwirelatja: "Balaque, mwana a Zipor, niraa: `Sonthe, ehikhale enovarah wira ohiwenno, ¹⁷khontha mi khinaahala wuliva ventjitjinene tjithu ni khinawovaha wolupahale ohissimwiya, ni khinahala ophankha yothene onnhalaa wuluma".¹⁸Balaao hotjipoh, ni howirela assilopwana a Balaque: "Pothi wira Balaque nakhivahale enupaawe yomwene yotjala e paratha ni woro, ni akhahala owanana nulumo na Apwiya, Nlukhwaka, ni khivarakha ne ventji walah vakhani eleh Yena nkhirelawe. ¹⁹Vano, sonthe, mwarerihe va thootho ohiyulaa, wira khitjuweleletho assiani thoo Pwiya nnhalawe okhihimierya". Nlukho honwela Balaao yolee ohiule ni homwirela: ²⁰"Okhala wira alaa assilopwanaala ahowirelatja, ovuwe oruwe nayenatja. Nanso avareh yele kinnhalaka Mi owirela".²¹Balaao hovuwa maphinkhosa, honthotokhomaniiha phuruawe, ni horwa nimaholeli a Moabe. ²²Nanso nlathu yena worua, oviruwa wa Nlukho ohothepha. Nnepha wa Apwiya ohenela oholoh mphironi phanka nnwanani a Balaao, annwelale Phuro. Arumeyawe Balaao oyeli yarri niyena. ²³Phuro ahona nnepha wa Apwiya withonkhomakha mphironi, ni khatana yokhotoni nmathathani. Phuro horukhunuwa arwuakha nmathani. Balaao homwatha phuro wira ahokholele mphironi.²⁴Vano, nnepha wa Apwiya ohokhala niphuro nowotha nphironi wariari wo mirrii, wee siri nphantti wonlopwana nphantti nkuawe wonttiana. ²⁵Thoothoni phuro hoona nnepha wa Apwiya. Yena horuwa nphantth wo essiri ni hotthitheriha mwetto wa Balaao. Balaao hophatho.²⁶Nnepha wa Apwiya wahoruwatho oholoo, ni wa hemelaatto nphantti nkuawe wo wootha, wahariya ephiiro ne nnphantthe nmotja. ²⁷Phuro honna nnepha wa Apwiya, ni honruphatheliya Balaao. Oviruwa wa Balaao wo vuaa, ni yenna homwattha phuro ni nntthonttwawe.²⁸Vano, Apwiya ohotthukhula malaakho a phuro, ni yenna hokholomuwa wuluma. Yenna homuwirela Balaao: "kiwirihaleni wira okhoophe emarra tthaaru?". ²⁹Hotjiphwa Balaao: "Khontha onookhivarela uwohilokha. Wanakhitjivela khinarina ekhathana nmathathanimwakha. Khinarina, khanaahala owiva. ³⁰Phuro homwirela Balaao: "Akhinakhala phuro wuanwelakha mahukho othene mphakha eleelo? Khahana elamalelo yophankah niweiyova tjeiyatjithuniya?". Balaao hera: "meena".³¹Vano, Pwiya hothukhula metho a Balaao, ni yenna hona nnepha wa Apwiya onnemelale nphironi, ni khathana navarenlale nmathathani. Balao horomiha nruawe, ni horupha ni wittho wa tthiyani. ³²Nnepha wa Apwiya ohomwirela: "Omuattenleni phurwua emmara ttharu? Nkhona, kiwale phankha nmwananiya, khontha mithekhotja wariariwakha tjakhanle tjothakala. ³³Phuro hokhona emarah ttharo, mi hokhihapuwa emarah ttharu. Hakhihapuwale, wekhekhay khanaahala owivah ni onnlevelela yenna".³⁴Balaao hirela nnepha wa Apwiya: "Khihothekha. akhaatjuwela wira mwanokhemelenla nphironi. Vano, wahotjiveleni ekhwaha khirinakhela, khinahokholela onnwe onkhumakha". ³⁵Manssi, nnepha wa Apwiya ohomwirela Balaao: "Orwekhe oholoo naassilopwanaala, manssi we onnohala wuluma yele khinohalakha wohimyera". Vano, Balaao horwua nkhaiy nimiholeli tja Balaque.³⁶Wewaliyawe Balaque wira Balaao howa, yena ahonssitja nntthe wo Moabe, ori omwinanoni ni Arnom. ³⁷Balaque homwirela Balaao: "Akharumale athu wira awihane? Nlatthuni wahawaliya? Akhirina ekhuro tjowutthithimiha?".³⁸Vano, Balaao hotjipo Balaque: "Nnkhona, mi khihowa. Walani khihana ekhuru tjowira kholume etthu? Khinnohala woluma moolumo Nlukho nnhelawe nmwano mwakha". ³⁹Balaao horuwa ni Balaque, nphakha o Quiriate-Huzote. ⁴⁰Vano, Balaao hovahatjeriya emophe ni pwitthipwitthi, ni honvaha enaama Balaao ni miholely tjarinawe.⁴¹Okhuma owitjisso, Balaque hontjissa Balaao o miyakhoni wa Baal. Ni wonwo, Balaao mphantthi mmotjaphaahi woma israelita nmatthaniwawe.

¹Balaao homwirela Balaque: "Okithekele wa mikutho sapaa ni otthenkhatje epwitthipwitthi sapaa tjankhan ni tjonlopwana sapaa". ²Tjo, hopanka Balaque phanka Balaao tjalephenliyawe. Vano Balaque ni Balaao ohovahatjera epwitthipwitthi yankhani ni yonlopwana watjulo wakhula mkuttho. Vano, ³Balaao homwirela Balaque: " Okhale wakhiviro tjovahatjaa tjoophahiya ni mi khinaaha ohuluwa. Pooti Apwiya awaakha ni akhipwanyakha. Yottheene Ayeena ahalaiya okhithoniyea mi khinawohimiyera". Vano yeena horwua watjulo mwuakho wohikhalana miirri.⁴Nlukho himpwanya, ni Balaao homwiyrela: "mi khihotthonkhoma mukhuttho sapa, ni khihovahatjera epwitthipwitthi yankhani ni yonlopwana watjulo wakhula nkhuttho". ⁵Pwiya hessa ntthava mmano wa Balaao ni hira: "Ohokholele wa Balaque ni omwirele". ⁶Vano, Balaao hohokholela wa Balaque, akhanle oweemela wariari watjovaahatjeria ttjopahiya, na aholeli a Moabe yarri niyenani.⁷Vano Balaao hantja wooluma tjahimeriawe ni hirra: " Balaque hokhiwanela o Ara. Mwene a Moabe omwakhoni nphanthe wethiyana. `Nkhawa woakinnanarihe Jaco´, yenaa yeera: `Nkhaawa, okhitthukela Israel´. ⁸Kinnhaala onnanariha tjanni yoole Nlukho hinnaanarihaliyawe? Kinnhala owanana tjanni yoole Nlukho hinoowananaawe?⁹Watjulo miyala tjuluphale mi khinawaweha; wa mwala mi khinawaweha. Woonekhe, ohavo otjama umotja onkhala veekha ni khunihaliha nikhotho phaahi.¹⁰Thiphaani unnhala waalikhela mttuupi na Jaco walaani nphantti woneetjesse wo Wisrael? Khikhwe nookwe atthu opwanela, ni okhumiyaka omale phankha ayeena".¹¹¹²Balaque homwuirela Balaao: "Okhiphankhaleni? Mi khoowanale wira waananarihe awananiyakha, mansi we onoowareriha". Balaao hotjipwa hira: "Akhaahala okhaala okhikitjera owuuloma phaaahi Apwiya annhelaiya nmwano mwaakha?"¹³Tjo, Balaque womwirela: "Sonthe, owe nimiivanoh nphantti nkwuawe onnhala owunatja. Onnhala owoona aleh owakhiviro, khahi ottheene. Vale, we onaahala okinanarihena". ¹⁴Mansi, yenaa hontjissa Balaao emaattha yo Zofim, watjulo wa mwaakho Pisga, ni honmussa mikhuttho sapa. Yeena hovahatje epwitthipwitthi yankhani ni epwitthipwitthi yonlopwana wakhulaa nkhuttho. ¹⁵Vano Balaao homwirela Balaque: "Ohaale va ni tjovahatjera tjophahiya, mi khirwakha omoonana Pwiya ".¹⁶Tjo, Pwiya honpwanya Balaao ni honvaha ntthaava. Yeena yeera: "Ohokholeele wa Balaque ni onnhimyere ntthaavanakha". ¹⁷Balaao hohookholela wa yena, ni yena apwanyania oweemewela wankhuthoni woophahiya, ni aholeli a Moabe yaari niyena. Vano Balaque honhimiyera: "Pwiya himiyala essiyani?" ¹⁸Balaao hokholomua ohimiya tjorumiy tjawe. Yena heera: "Wunmwe Balaque, ni wiiwe. Okhiwe, mwaana a Zipor.¹⁹Nlukho khanaakhala ntthu, wira ootthe, walaani mwana antthu, wira aphitthikhuse yele yulumaliyawe. Yeena hoophatja okhuluveliha etthu wohiphankha? Yena hera wira naavara etthu yena woohivara? ²⁰Nkhaweha, khihorumiya wira khirerihe. Nlukho hovaha orerihiya, mi akhinpwanela orukhunussa.²¹Yena khoonale oliphaa wa Jaco waala ethamwalamwa mwa Israel. Pwiya, Nlukhuaya, rii naiyenatja, ni wariari waiya ohavo otthaapa wo ettheliya wa mweniya. ²²Nlukho hakhumiha Wegipto nikhu tjo emoophe yonthakwani.²³Khuvo ophankiya onnhala onvara nthekho Jaco, waala ehaakho ennhala okhunihera yothakhala wa Israel. Ohiyeyo, nnhala wireliya Jaco ni Israel: `Owehekhe Nlukho ephankhaliyawe!´²⁴Woonekhe, otjama ohurwa omwiva Kharamo ontthiyana, phanka kharamo erwuaka okhoovara. Yenaa khanrwua orrupha nphakha oliya emaamawe ni ovuriya ephomiyawe alee wivaliyawe".²⁵Vano Balaque homwirela Balaao: "Waahananarihe, ni oharerihe". ²⁶Mansi Balaao, akhulakha, homwirela Balaque: " Mi akhiwirenle wira khihanaa wooluma yotthene Apwiya ahalaiya okhirela wira khoolume?" ²⁷Vano Balaque hontjipo Balaao: " Nkhaawa phiyaro, mikhinaawutjissa nphantthi nkwaave. Pothi Nlukho ontjivelakha ni okhnanarihelakha".²⁸Vano, Balaque hontjissa Balaao watulo Mwakho Peor, wowonia wootthakhoni. ²⁹Balaao homuwirela Balaque: "Okhiphankhele nikhuttho sapa ni okhitthonthomaniyere epwitthipwitthi sapa ni tthonlopwana sapa". ³⁰Tjo hophankha Balaque phankha Balaao tjamwireliyawe; yena hovahatjera epwitthipwitthi yankhani ni yonlopwana wakhula nkhottho.

¹Balaao woonalyaawe wiira waahaatjivela aPwiya onreeriha Israel, yena khapankale, phanka emaara tjikhwaawe, onanhanka. Ohiyavaa, aarwaale nphantte owoothakoni.²Aahovussa meethwaawe ni aahoona wiira Israel aaholukamiya, khula ntthu ninihimonawe, ni n'nepa wa Nluku waahon'weela. ³Yena aahaakhela yowooniheriya ni aahiira: Balaao, mwaana Beor, naapheela wuuluma, nlopwanooyo meethwaawe ari ootthukuwa.⁴Yena nawuuluma ni nawiiwa moolumo aNluku. Yena nawoona nthoonhero aTjoowerya tjooteene, yooyo nonkokhorelaawe nimeetho ootthukuwa. ⁵Aheemeenhu phooreeratja, Jaco, nipuro ninkhalaa, Israel.⁶Phanka emuro tjinkawanyaaya, phanka ekerekhere muro, phanka miri tjowaaliya naapwiya, phanka cedro nphantte womaatji.⁷Maatji anaamwaryaa nmamyaapuniwaya, ni epyootjaya tjinaamitjeriya ratta. Mwenyaaya naahala ovuwa tjinene onvikana Agague, omwenyaawe onaahala ottittimihiya.⁸Nluku non'waana wiigipitu mwaha wokuru yomope. Naahala okwanhulatja elapo tjin'wana niyena. Naahala opwessakatja makhuveenhu, n'nohala waavikana nimattheeryaaya.⁹Yena nkhala phanka havara, nkwanhulatja? Ooteene an'hla oreeriha areerihiye; ooteene an'hala otakhaliha atakhalihiye.¹⁰Vano, orussiya wa Balaque waahopharela waBalaao ni yena aahaattaniha matataawe noorussiya. Balaque aahomwiirela Balaao: Kihooweela wiira waatakhalihe awananyaaka, massi nkaweha, onaareerihaka emaara tthaaru. ¹¹Vano, okihiye ni orwee nipuronaa. Iirale naahala wookhuneela ninttittimiho, massi aPwiya ahowaateeliha okhalana etthu.¹²Vano, Balaao aahomwaakhula Balaque: Kihaahimeerya arumeyi yaarumalyaa: ¹³Balaque hata nakivahale enupaawe tjootjara ewooru, akaahala orwaa woohikhala moolumo aPwyiya nokipanka yooreera wala yootakhala. Kin'hala ohimya yeele aPwiya ekirumalyaaya ohimya. Akaahimeeryale tjitjon'mo? ¹⁴Kinaahala ohokoleela waatthwaaka, massi nkihiye kaahimeerye atthwaala tjin'halaaya waapanka atthu oohoolo.¹⁵Balaao aahantjera olalyaa: Balaao, mwaana Beor nawuuluma, nlopwanooyo meethwaawe ari ootthukuwa. ¹⁶Olaleiya wantthu niiwa moolumo aNluku, rina otjuwelatja wowiirimu, rina tjooweha atjoowerya tjooteene, yooyo nonkokhorelaawe nimeetho ootthukuwa.¹⁷Kinaamoona, massi yena khaavovaa. Kinan'weha, massi yena khaavo vakhiviru. Etthontto enaahala owa waJaco, niicetro enaahala owela wiisrael. Yena naahala waakwanhulatja ahooleli aMoabe.¹⁸Vano, Edom naahala okhala n'hooleli owiisrael, ni Seir n'hala okhala n'wanani owiisrael, yooyo Israel n;haalaawe onkelela niikuru. ¹⁹Wa Jaco naahala owa mwene okuru, ni naahala wakwanhula ankoohala epoomeele.²⁰Vano, Balaao aahon'weha Ameleque ni aahantjera olalyaa. Ameleque horwaa elapo tjintji, massi n'malela okwanhulatjiya.²¹Vano, Balaao aahoweha nphantte waaqueneneu ni aahantjera olalyaa. Iiraka: Nipuro ninkhaleenhu phinoolipa, niinupatjinhu tjiri n'mamwala. ²²N'nava, nqueneneu naahala okwanhuwatja Assur ootthukelatjani.²³Vano, Balaao aahantjera omalihera olalyaawawe. Yena aahiira: Vaava! Tupani n'hala okhala nkumi Nluku apankaka eyo? ²⁴Ekalawa tjuulupale tjinaahala owa oQuitim; ayenatja anaahala on'wananatja Assur ni anaahala onkussatjaEber, massi ayenatja, anaahala waakwanhulatja. ²⁵Vano, Balaao aahovuwa ni aahorwaa. Aahaakulela owanuwawe, ni Balaque aahorwaa.

¹Israel aahohala oSitim, ni alopwana yaahantjera oraruwa naasaarawe Moabe. ²Maana amoabe yaahaalattula atthu wookutthoni waanlukwaaya. Ni atthu yaaholya ni yaahooroma ohoolo wanlukwaaya. ³Atthu owiisrael yaahothukumana wonthamala Baal-Peor, ni orussiya waaPwiya waahopharela wiisrael.⁴Apwiya yaahomwiirela Moises: Owiive ahooleli ooteene ni waathomyee ohoolowaka wiira kaathoonhere nthuko woothana, orussiyawaka okhume wiisrael. ⁵Vano, Moises aahaahimeerya anamuuluma milattu owiisrael: Khula ntthu wanhu naahala owiiva atthu onikhotonaya n'hala onkokhorela Baal-Peor.⁶Vano, n'sraelita n'motja aahaawaana amutjyaawe athiyana amotja. Yiiranyaale ohoolo wa Moises ni waatthu ooteene owiisrael, weeraaya yunlaka ohoolo woheema wonthukumano. ⁷Fineias, mwaana Eleazar, mwaana Arao, nankuttho, wiiwalyaawe eyo, aaheemela eriyari waatthu ninivaka.⁸Yena aahontthara nlopwana mwiisrael npaka oheemani, ni aahonvikana nlopwana ninthiyana. Vano, assinttuuttu aPwiya yaakurussalyaaya waatthu owiisrael, yaahomaala. ⁹Yaakhwale mwaha waassinttuuttu yaari atthu ekonto siriini natjesse.¹⁰Apwiya yaahomwiirela Moises: ¹¹Fineias, mwaana Eleazar, mwaana Arao, nankuttho, aahohulussa orussiyawaka wiisrael, kontha yena waanantjivela tjaavaraaka. Tjitjon'mo, akaakussale atthu owiisrael orussiyawaka.¹²Phimaana, waahimeerye: Apwiya aniira: Mi kinonvaha Fineias waataanawaka wonrettele. ¹³On'hala okhala waataana wonankuttho woohimala, wayena nimakhotwaawe, kontha aanokitjiveliha, Nlukwaawe. Yena ahaakhuneela atthu owiisrael.¹⁴Ntjina nanlopwana aakhwale wiisrael ninthiyana aari Zinri, mwaana Salu, n'hooleli an'napaapaawe. ¹⁵Ntjina nanthiyana aakhwale iihaniya Cozbi, mwaana Zur, n'hooleli onloko naamutjaawe.¹⁶Apwiya yaahomuulumanatho Moises: ¹⁷Waawanane amidiatita. Kontha ayenatja anookhalihatjani phanka awanani, niwiithepyawaya. ¹⁸Ayenatja ahoweettiherani mootakhala, mwaha wa Peor ni mwaha wamwanrokoraa Cozbi, mwaana an'hooleli ooMidia, yaakhwale nihuku nomwattuuttu, mwaha wa Poer.

¹Assinttuuttu anavirale apwiya phuulumalyaaya ni Moises ni Eleazar, mwaana anankuttho Arao. Yena aahiira: ²Waahimeerye atthu ootteene owiisrael, oyaakha siriini woorwaa ohoolo, mwaassimutjaawe aatthu okhalayi, ooteene ari saawa owana mwaha wa Israel.³Vano, Moises ni nankuttho Eleazar yaahowiirelatja wa Moabe ohoolo wa Jordao oJerico, ni yaahiiratja: ⁴Mwiirele atthu, oyaakha siriini tjeeyareelo, phanka apwiya tjimwiirelalyaaya Moises naatthu owiisrael, yaale akhumale elapo yowiigipitu.⁵Ruben aari owantjera oyariya owiisrael. Amwaamwanawe Hanoque, a Palu. ⁶Hezrom, aakhumale nihimo naherzonita, Carmi, aawaale nihimo naacarmita. ⁷Ala phamahimo aRuben, yaahaalikeliya ekonto arupayini natthaaru niimiya saapa wotalaathiini atthweene.⁸Eliabe aari mwaana aPalu. ⁹Assaanaawe Eliabe yaari Nemuel, Data ni Abirao. Data ni Abirao phayanttharatjale Core wanwananaaya Moises ni Arao ni yaahiitarumihatjela naapwiya.¹⁰Etthaya yaahohulyaa ni yaahaamiryatja vamotja ni Core awatthara ooteene wakhwatjalyaaya. Owakathi yoole, mooro waahaapaha atthu emiya piili wohansiini, yaakhanle nthoonhero. ¹¹Phimaana, amutjyaawe Core khaakhwale.¹²Mahimo aSimeao yaari phaala: Nemuel, nihimo naanemuelita, Jamim, nihimo naajaminita; Jaquim, nihimo naajaquinita; ¹³Zera, nihimo naazeraita; Saul, nihimo naasaulita. ¹⁴Ala yaari mahimo aSimeao, yaahaalikeliya atthu ekonto siriini napiili niimiya piili.¹⁵Mahimo aGade yaari phaala: Zefom, nihimo naazefonita; Hagui, nihimo naagita; Suni, nihimo naasunita; ¹⁶Ozni, nihimo nooznita; Eri, nihimo neerita; ¹⁷Arode, nihimo naarodita; Areli, nihimo naarelita. ¹⁸Ala yaari mahimo aGade, yaahaalikeliya atthu ekonto arupayini niimiya thanu.¹⁹Assaana aJuda yaari Er ni Ona, massi yaala atthwaala yaahokhwa elapo yooCanaa. ²⁰Mahimo makhwaawe aJuda yaari phaala: Sela, nihimo naaselanita; Perez, nihimo naaperezita; Zera, nihimo naazeraita. ²¹Maloko aPerez yaari phaala: Hezrom, nihimo naahezronita; Hamul, nihimo naahamulita, ²²Ala yaari maloko aJuda, yaahaalikeliya atthu ekonto sita niimiya thanu.²³Mahimo aIssacar yaari phaala: Tola, nihimo naatolaita; Pua, nihimo naapunita; ²⁴Jasube, nihimo naajasubita; Sinrom, nihimo naasinronita. ²⁵Ala yaari mahimo aIssacar, yaahaalikeliya atthu ekonto suthwiini niimiya tthaaru.²⁶Mahimo aZebulom yaari phaala: Serede, nihimo naaseredita; Elom, nihimo neelonita; Jaleel, nihimo naajaleelita. ²⁷Ala yaari mahimo aazebulonita, yaahaalikeliya atthu suthwiini niimiya thanu.²⁸Mahimo aJose yaari Manasses ni Efraim. ²⁹Maloko aManasses yaari phaala: Maquir, nihimo naamaquirita Maquir yaari athumwaane Gileade; Gileade, nihimo naagileadita.³⁰Maloko aGileade yaari phaala: Lezer, nihimo naaiezerita; Heleque, nihimo naahelequita; ³¹Asriel, nihimo naasrielita; Siquem, nihimo naasiquemita; ³²Semida, nihimo naasemidaita; Hefer, nihimo naaheferita.³³Zelofeade, mwaana Hefer, khaarina asaana alopwana, arina athiyana. Matjina aasaanaawe yaari phaala: Macla, Noa, Hogla, Micla ni Tirza. ³⁴Ala yaari mahimo aManasses, yaahaalikeliya atthu ekonto hanssiini napiili niimiya sita.³⁵Mahimo aEfraim yaari phaala: Sutela, nihimo naasutelaita; Bequer, nihimo naabequerita; Taa, nihimo naataanita. ³⁶Maloko aSutela yaari, Era, nihimo naaeranita. ³⁷Ala yaari maloko aEfraim, yaahaalikeliya atthu ekonto talaathiini napiili niimiya thanu. Ala yaari maloko aJose, yaalikeliye wakhula nihimo.³⁸Mahimo aBenjamim yaari phaala: Bela, nihimo naabelaita; Asbel, nihimo naasbelita; Aira, nihimo nairamita; ³⁹Sufa, nihimo naasufamita; Hufa, nihimo naahufamita. ⁴⁰Assaana aBela yaari Arde ni Naama. Arde, nihimo naardita, ni, Naama, nihimo naamanita. ⁴¹Ala yaari maloko aBenjamim. Yaahaalikeliya atthu ekonto arupayini nathanu niimiyasita.⁴²Mahimo aDa yaari, Suao, nihimo naasuamita. ⁴³Mahimo ooteene aasuamita yaahaalikeliya ekonto suthwiini natjesse.⁴⁴Mahimo aAser yaari phaala: Imna, nihimo naaimnaita; Isvi, nihimo naaisvita; Berias, nihimo naaberiaita. ⁴⁵Maloko aBerias yaari phaala: Heber, nihimo naaheberita; Malquiel, nihimo naamalquielita. ⁴⁶Ntjina namwaamwanawe Aser naari Sera. ⁴⁷Ala yaari mahimo aAser, yaahaalikeliya atthu ekonto hanssiini natthaaru niimiya tjesse.⁴⁸Mahimo aNaftali yaari phaala: Jazeel, nihimo naajazeelita; Guni, nihimo naagunita; ⁴⁹Jezer, nihimo naajezerita; Silem, nihimo naasilemita. ⁵⁰Ala yaari maloko aNaftali, yaahaalikeliya atthu ekonto arupayini nathanu niimiya tjesse.⁵¹Waari waalikeliya waatthu ooteene owiisrael: Ekonto emiya sita namotja, niimiya saapa wotalaathiini.⁵²Apwiya yaahuuluma ni Moises ni yaahiira: ⁵³Etthaya enaahala okawanyaa waatthwaala phanka yoohiyeriya toko tjaalikeliyaaya nimatjinaaya.⁵⁴Mahimo moolupale, n'nohala ovaha yoohiyeriya yuulupale, ni, mahimo ooyevatja, n'nohala ovaha yoohiyeriya yankaani. Amutji ooteene an'hala ovaha weenan'na waatthu tjiryaaya. ⁵⁵N'nava etthaya en'hala okawanihiya niikhipantte tjoparakha. Ayenatja anaahala okhala phanka tjikawanihiyaaya nimaloko aatthwaaya okhalayi. ⁵⁶Tjoohiyeriyaaya tjin'hala okawanihiya nimahimo moolupale ni ooyevatja, akawelatjiyaka niikhipantte tjoparakha.⁵⁷Mahimo aalevita, yaalikeliye nihimo ni nihimo, yaari phaala: Gerson, nihimo naagersonita; Coate, nihimo naacoatita; Merari, nihimo naamerarita. ⁵⁸Mahimo aLevi yaari phaala: nihimo naalibnita; nihimo naahenronita; nihimo naamalita; nihimo naamusita; nihimo naacoraita. Coate aari ntthu okhalayi aAnrao. ⁵⁹Ntjina naamwaarawe Anrao naari Joquebede, nloko naLevi yaayariye naalevita wiigipitu. Ayena yaahaayara assaana aAnrao, yaari Arao, Moises ni Miria, assirokoraya.⁶⁰Arao, ahaayara Nadabe ni Abiu, Eleazar ni Itamar. ⁶¹Nadabe ni Abiu yaahokhwatja owakathi waavahatjalyaaya mooro woohikhala ohoolo waapwiya. ⁶²Atthu yaalikeliye waalevita yaari ekonto siriini natthaaru, alopwana ooteene omweeri nmotja weeyareelo woorwaa ohoolo. Massi ayenatja khayaalikeliye nmalokoni owiisrael kontha khayaavahiye yoohiyeriya naatthu owiisrael.⁶³Ala phayaale yaalikeliye ni Moises ni nankuttho Eleazar. Ayenatja yaahowaalikela atthu owiisrael mapuro aMoabe, vamotja waJordao ni Jerico. ⁶⁴Massi, yaayoru, kharivo ntthu aalikeliye ni Moises wala nankuttho Arao owakathi waalikeliyaaya maloko owiisrael woothakoni Sinai.⁶⁵Kontha apwiya ahohimya wiira atthwaale ooteene an'hala okhwa woothakoni. Wayaayo khaavo nlopwana aahinýe, woohikhala Calebe, mwaana Jefone, ni Josue, mwaana Num.