¹Biehola muchindalo chiabahalaki besina babisia mbwe injala iri husialo, ne omundu undi wa betelehemu ya Yuda yachia omenya musialo sia Moabu alala nomuhasi waye nabasiani baye babiri. ²Erira riomundu oyo riari Elimeleki, ne erira riomuhasi waye riari Naomi. Amera kabasiani baye babiri kari Maloni nende Kilioni, bari baefrata ya Yuda.³Haro, Elimeleki, omusacha wa Naomi, yafwa mani nadong'a nabasiani baye babiri. ⁴Abasiani bano bakeka abahasi hurula muluyia lwa Moabu; mulala yalangwa Orpa, ne oundi yalangwa Ruth. Bamenya musialo omo humiaka ambi rihumi. ⁵Maloni nende Kilion bosi becha bafwa mani omuhasi oyo yadong'a ebiuma basiani baye babiri handi ebiuma musacha waye.⁶Yasingira yarula musialo sia Moabu alala nabahasi babasiani baye babiri hubera yaulira ari Nyasaye yari ahonyire bandu baye nebiahulia. ⁷Yarula abundu wa yari amenyire nende bahasi babasiani baye babiri mani badira lukendo bafunya musialo sia Yuda.⁸Naomi yabolera bahasi ba basiani baye babiri ari "Muchie, buri mulala afunye munyumba ya ng'ina. Nyasaye abe mulayi hweng'we, kori ngamuosi mubere balayi hu abafwa nende hwesie. ⁹Nyasaye ababeresie ohuuluha, buri mulala munyumba yomusacha undi." mani nabasebula, handi bakingula mioyo kiabu bachaka olira. ¹⁰Bamubolera bari "Haba! Hunachia nawe hubandu bao."¹¹Ne Naomi yabola ari "Mukaluheyo, bahana bange! Husina nimwenya ochia nasi? Siri nabasiani munda yange abanyala obakeka? ¹²Mukaluheyo, bahana bange, muchie chingira chieng'we, esie ndi mukofu sinyala okekwa. Ata nimbola mbwe nyole omusacha siro sia rero; mani njibule abasiani, ¹³Munyala orinda paka baahula? Simuna yiera okekwa nomusacha undi? Haba, bahana bange! Nebilulu muno mbwe Nyasaye aholeere sinyasio."¹⁴Mani bamuhamusiani baye bakiingula mioyo akulu bachaka olira. Orpa yasebula mafialang'ene, ne Ruth naye yamuhairaho. ¹⁵Naomi yabola, "Ulira, mwalihwa wao afunyire hubandu baye nende hu banyasaye baye. Chia nende mwalihwao.¹⁶Ne Ruth nabola ari "Oranjiika ohuleha mbwe njakame ohulonda, hubera onachia, nie andachia; onamenya nie andamenya, abandu bao banaba bandu bange handi Nyasaye wao anaba Nyasaye wange. ¹⁷Awahafwire nie andahafwire handi ao nie andahasihwe. Nyasaye amberesie sinyasio handi ohiraho, nibiri mbwe sindu siosi siosi, esirari lifwa, sinyala orukabula nawe." ¹⁸Naomi niyalola mbwe Ruth ahaire odong'a, yakama oyingana naye.¹⁹Mani babiri abo bakenda boola Bethlehemu. Niboola Bethlehemu, itauni yoosi yabasangalira. Abahasi babola bari "Uno ni Naomi?" ²⁰Naye yababolera ari "Murananga Naomi. Munange Omululu hubera Omwami Nyasaye ahholere bindu bilulu. ²¹Ndarulano ninjichule ne Nyasaye afunyisie bihaya. Haro husina nimunanga Naomi ne mulola nga Nyasye anyaalire?"²²Naomi nende Ruth omuhasi mumoabu, obere muhamusiani waye, bafunya hurula musialo sia Moab. Boola musialo sia Bethlehemu muhuchaka hwerikesa rieingano..

¹Haro Naomi yari nende omwiho womusacha waye, omundu wemiandu mingi woluyia lwa Elimeleki, ne erira riaye yalangwa Boasi. ²Ruth, omuhasi hurula Moabu, yabolera Naomi, ari "Hanjie fulule imere idong'ire mundalo. Ndalondana nende omundu yosiyosi onakanyana nasi." Naomi yamubolera ari "Mwanage, chia,"³ruth yachia yafulula imere idong'ire mundalo nibahamala okesa.Yechuhira niyolire mundalo ya Boasi, owari woluyia lwa Elimeleki. ⁴Ne lola, "Boasi yarula Bethlehem mani yabolera abakesa ari Nyasaye abenang'u" Bamukalusia bari "Nyasaye ahube chihabi."⁵Boasi yarulao nabolera omusumba waye owari niyemerere abakesa ari "Uno nomuhasi wawi? ⁶Omusumba wemerere abakesa yamukalusia ari "Nomuhasi muraga owafunya nende Naomi hurula musialo sia Moabu. ⁷Yambolere ari 'Nokanya hafulule imere idong'ire nibamalia okesa.' Mani aholire hurula ichuri huula isaino, humalaho mbwe auluhire bididi munyumba.⁸Boasi yabolera Ruth ari "Omuhana wange orekeresia ngambola? "Orachia ofulula mundalo indi; orareha indalo yange, dong'a ano ohole alala nabahosi bange besihasi. ⁹Rasa chimoni chiao abundu wabasacha bakesa handi olonde inyuma wa bahasi bandi baria. Sinjekesie abasacha endi barahuduraho? noulira obuluo onyala ochia a chisiongo chiri, ong'we machi kabaraga badaire."¹⁰Yehia bweni bwaye imberi wa Boasi mani niyenama asi. Yamubo;era ari "Husina niunjiera mani niunderalihira esie omukeni?" ¹¹Boasi yamukalusia namubolera ari "Malire hwekesibwa biosi bia omalire ohola hurula wamweo nafwa. Olehire Larao, Makoo nende esialo sia webulwamo nolonda mafialao handi wichire mubandu boramanyire. ¹²Nyasaye ahube esianwa hubihole biao. Onyole burungi mubwichufu hurula hu Nyasaye wa Israel; mumbaya chiaye onyolire bumenyo."¹³Ruth yamubolera ari "Uholere bilayi, omwami wange, hubera undemberesie handi unomanomere nesisa, ne kata sindi mulala hu bahosi bao besihasi."¹⁴Esiha siohukakula nisiola, Boasi yabolera Ruth ari "Icha ano olie mugati handi odonge mufini. Yehala alala nende abakesi bandi mani yamuberesia amadimwa masambe. Yalia yekura handi bindi nibidong'a.¹⁵Niyachaka ofulula, Boasi yabolera basiani baye ari "Mumulehe afulule ata imere ikesirwe, muramufwimbia murwe. ¹⁶Handi mumuberesie imere hurula mumuirwe kiboyirwe, mumurehere afulule handi muramwalabira.¹⁷Yafulula mundalo paka hula sichiambo. Yarulao yahonja imere yayari afulule mani yola simwero silamba sie ishairi. ¹⁸Yedwiha mani yachia mutauni. Mafialang'ene yalola ebia yafulula. Ruth yabukula amadimwa masambe akari kadong'ire mani yaberesia mafilan'gene.¹⁹Mafialang'ene yamubolera ari "Ochire ofulula ena? Ochire ohola ena? Omusacha ohweralihire abebwe chihabi."Ruth yekesia mafialang'ene chimbosi chiomwene indalo ya afululemo, namubolera ari "Rira riomusacha mwene indalo rilangwa Boasi." ²⁰Naomi yabolera muhamusianing'ene ari "Nyasaye ohonyanga abalamu nende abafwa, amede mundu oyo chihabi. Naomi yamubolera ari, Omundu oyo nomwiho wefwe, mulala hubebulwa befwe.²¹Ruth omuhasi hurula Moabu ya bola ari, "Yambolera mbwe hole alala nabahosi baye besisacha paka bamale likesa." ²²Naomi yabolera Ruth, Muhamusianing'ene ari "Nebilayi mwanange ohole nabahosi baye besihasi barecha bahunyaala mundalo indi."²³Haro yahola alala nende abahosi ba Boasi besihasi nibafulula ishairi nende ingano paka bamala rikesa. Yamenya nende mafialang'ene.

¹Naomi yabolera Ruth, "Muhanange, hukonyere abundu wohuuluha, haro hubulamu buhuchire bilayi? ²Haro Boasi, omusacha mwene bahosi bawabere nabo, sinomwiho wefwe? Anahonja ishairi mulwanyi siro sia rero.³Hulwako, weyoke, webahe mafura, wefwale chingubo chiao chindayi, mani ochie hulwanyi lwaye. Ne orakera yahumanya paka amale hulia nende hung'wa. ⁴Ne omanyirisie abundu anaba niyeyalisie hubiha biicha onachia ofunule makulu kaye mani weyalisie ao, naye anahubolera sionahola." ⁵Ruth yabolera Naomi ari "Ndahola buri sindu sia umbolera."⁶Yarulao yachia hulwanyi handi yalonda bilagiro biosi bia mafialang'ene yari amuberesie. ⁷Boasi niyamala olia nohung'wa handi omwoyo kwaye kwari nobusangafu, yachia yeyalisia asi. Ruth yecha kalakala, yamufunula makulu mani yosi yeyalisia.⁸Akari wesiro omusacha oyo yesinduha. Yakaluhana nalola omundu wesihasi nakonere ambi namakulu kaye! ⁹Yabola ari "Ori wina? Yakalusia ari "Nesie Ruth, omusumba wao wesihasi. Nokanya bambula ingubo yao obwihe omusumba wao wesihasi, hubera newe mwiho ori ambi."¹⁰Boasi yabola ari "Muhanange, Nyasaye ahumede chihabi. Oholire bihole bilayi ohiraho biawaholera mafialao, hubera solondane nomusiani yosi yosi omumanani kata omuyinda. ¹¹Haro, muhanange, oraria dawe! ndahola biosi bionabola hubera bandu befu boosi bamanyire bari ori muhasi oyerana.¹³¹²Nadieri ndi mwiho, abula mbwe aruo omwiho waambi huhiraho.Ba ano siro sia rero, ne nibiula ichuli, narahuholera omurimo ngomwiho, esie ndahuholera, hurira ria Nyasaye. Weyalisie paka ichuli."¹⁴Yeyalisia ambi namakulu kaye huula ichuli. Ne yasumuha maherebende , omundu aramulola. Hubera Boasi yabola ari "Sibihoya bimanyihane mbwe omuhasi akonire ao. ¹⁵Boasi yamubolera ari "Bambula isuka yao." Niyamala ohola ario, yadaya bipimo bibiri bieishairi mani namudwiha. Yarulao nachia mutauni.¹⁶Ruth niyola hu mafialang'ene yamubolera ari "Muhanange oholire orie? Ruth yamukanira biosi biomundu uria yamuholera. ¹⁷Yabola ari "Ino nie ishairi yaamberesie, nabola ari "Ihalano muhanange, orachia hu mafialao mahono mahaya." ¹⁸Naomi yamubolera ari "Ihalano mwanange paka omanye kori bindu binaba, hubera omusacha oyo sanauluha naramala sindu sino lero."

¹Harano Boasi yachia yehala husiribwa. Mubiha bididi, omwiho waambi wa Boasi yalomalomaho yecha. Boasi yamubolera, " Mwichange, icha wihale ano." Yecha mani yehala asi. ²Boasi yarulao nabukula abahulundu rihumi nababolera ari "Mwihale asi ano. Mani behala.³Boasi yabolera omwiho waambi ari, "Naomi, owafunyire hurula musialo sia Moabu, akusia mukunda okwari kwa mugandefu Elimeleki. ⁴Nyenya ohwikula marwi, nihubolera endi "Kula mukunda okwo imberi wabandu abehale ano, nende imberi wabahulundu babandu bange.' Niwenya okununula, okununule, ne norenya, unjekesie manye hubera abulao undi ohoya akununule arali ewe, nasi nondaho." Omwiho oyo yabola ari "Ndakununula."⁵Boasi yabola ari "Inyanga yawakule mukunda okwo hurula mumahono ka Naomi, paka obukule Ruth omuhasi hurula Moabu omufwire, huorinde rira liomufu." ⁶Omwiho waambi oyo yabola ari "Nibiri birio sinyala okununula hubera ndahanyasia miandu kiange omwene. Ewe bukula abundu ange okununule, hubera esie sinyala."⁷Muchinyanga chihale mu Israel kuno niekwali muluha hulondohana nende onunula nohukusia sindu. Omundu yafwalulanga silaro siaye naberesia wasie kori nga indagano mu Israel. ⁸Omwiho waambi yabolera Boasi ari "Ewe kula mukunda okwo mwene."Narulao afwalula silaro siaye.⁹Mani Boasi nabolera abahulundu nabandu boosi ari "Muli baloli inyaga ya lero mbwe esie ngulire biosi ebiali bia Elimeleki nende ebia kilioni alala nende ebia Maloni, hurula mumahono ka Naomi. ¹⁰Handi mbukule Ruth omumoabu, omuhaye wa Maloni abe muhasi wange, hu ngingule rira riomufu, rira riaye rirakora akari wabasie nende musiribwa siaye. Lero muli Baloli!"¹¹Abandu boosi abari musiribwa alala nabahulundu babola bari "Huri baloli. Nyasaye ahole omuhasi wichire munyumba yao abe nga Recho nende Lea, babiri abo abembaha inyumba ya Israel; handi omeebe mu Efratha handi omanyihane mu Bethlehemu. ¹²Inyumba yao ibe nga inyumba ya Persi, owa Tamari yebulira Yuda, hubirira mu luibulo lwa Nyasaye anahuberesia nende omuhasi muraga uno."¹³Boasi yabukula Ruth yaba muhasi waye. Yamuchiaho, handi Nyasaye yakera yadira machai mani yebula mwana musiani. ¹⁴Abahaye babolera Naomi, "Nyasaye ahube chihabi, sahulehire bihaya auma mwiho, omwana uno. Erira riaye ribe rihongo mu Israel. ¹⁵Hwewe abe ofunyia bulamu handi abe mulindi wao mubukofu, hubera muhamusianiwo owahuhera handi ohiraho basiani saba, ahwibulire.¹⁶Naomi yabukula omwana mani namura husirifu siaye handi namurera. ¹⁷Abahaye bolukongo bamuberesia rira nibabola, "omwana musiani yebulirwe Naomi."Bamulanga bari "Obedi. Yecha yaba samwana Yese owecha yaba samwana Daudi.¹⁸Haro bano niebecha baba bebulwa ba Peresi: Peresi yaba samwana Hesron, ¹⁹Hesron yaba samwana Ram, Ram yaba samwana Aminadab, ²⁰Aminadab yaba samwana Nason, Nason yaba samwana Salimon, ²¹Salimoni, yaba samwana Obed, ²²Obed yaba samwana Jese ne Jese yaba samwana Daudi.

¹Adamu, Sethi, ²Kenani, Mahalalel, Yaredi, ³Enoko, Methusela, Lameki. ⁴Abasiani ba Noa bari Shemu, Hamu, nende Yafethi⁵Abasiani ba Yafethi bari Gomeri, Magogi, Madai, Yavani, Tubali, Meseki, nende Tirasi. ⁶Abasiani ba Gomeri bari Askenasi, Rifathi, nende Togarima. ⁷Abasiani ba Yavani bari Elisa, Tarisisi, omuKititi, nende omuRodaniti.⁸Abasiani ba Hamu bari Kusi, Misiri, Puti, Kanani. ⁹Abasiani ba Kusi bari Seba, Havila, Sabuta, Raama, nende Sabuteka. Abasiani ba Raama bari Seba nende Dedani. ¹⁰Kusi yecha yaba larangene Nimrodi, owachaka ohuba omundu mukali husialo.¹¹Misiri yecha yaba kukangene aba Luditi, Anamiti, Lehabiti, Naftuhiti, ¹²Pathrusiti, Kasluhiti (hurula hubano aba Filistia becha),nende aba Kaftoriti.¹³Kanani yecha yaba larangene Sidoni, omwibulwa wa mberi, nende owa aba Hiti. ¹⁴Nie yosi yecha yaba kukangene aba Yebusiti, Amoriti, Girigasiti, ¹⁵Haviti, Arikiti, Siniti, ¹⁶Aravaditi, Zamariti, nende aba Hamathiti.¹⁷Abasiani ba Shemu bari Elamu, Asuri, Arfasadi, Ludi, Aramu, Us, Huli, Getheri, nende meseki. ¹⁸Arfasadi yecha yaba larangene Sela, handi Sela yecha yaba larangene Eberi. ¹⁹Eberi yari nabasiani babiri. Elira lia mulala riari Pelegi, huba mubiha biaye esialo siakabuhana. Elira lio omusiani wabu riari Yoktani²⁰Yoktani yecha yaba larangene Almodadi, Selef, Hasarmavethi, Yera, ²¹Hadoramu, Usal, Dikila, ²²Obali, Abimael, Seba, ²³Ofiri, Havila, nende Yobab; luno lwosi lwari oluibulo lwa Yoktani²⁴Shemu, Arfasadi, Sela, ²⁵Eberi, Pelegi, Reu, ²⁶Serugi, Nahori, Tera, ²⁷Abramu, owali Abrahamu.²⁸Abasiani ba Abrahamu bari Isaka nende Isimaeli. ²⁹Luno noluibulo lwabu: omwibulwa wa mberi wa Isimaeli yari Nebaiothi, olondaho ni Kedari, Abdeeli, Mibsamu, ³⁰Misma, Duma, Masa, Hadadi, Tema, ³¹Yeturi, Nafisi, nende Kedema. Bano bari abasiani ba Isimaeli³²Abasiani ba Ketura, omwicha wa Abrahamu, bari Simrani,Yoksani Medani, midiani, Isbaki, nende Sua. Abasiani ba Yoksani bari Seba nende Dedani. ³³Abasiani ba Midiani bari Efa, Eferi, Hanoki, Abida nende Eldaa. Luno lwoosi lwari olwibulo lwa Ketura³⁴Abrahamu yecha yaba larangene Isaka. Abasiani ba Isaka bari Esau nende Israeli. ³⁵Abasiani ba Esau bari Elifasi, Reueli, Yeusi, Yalam, nende Kora. ³⁶Abasiani ba Elifasi bari Temani, Omari, Sefo, Gatamu, Kenasi, Timuna, nende Amaleki. ³⁷Abasiani ba Reueli bari Nahati, Sera, Samma, nende Misa.³⁸Abasiani ba Seiri bari Lotani, sobali, Sibeoni, Ana, Disoni, Esa, nende Disani. ³⁹Abasiani ba Lotani bari Hori, nende Homamu, handi Timna yari omuhana wabu Lotani. ⁴⁰Abasiani ba Sobali bari Alvani, Manahathi, Ebali, Sefo, nende onami. basiani ba Sibeon bari Aia nende Ana.⁴¹Omusiani wa Ana yari Disoni. Abasiani ba Disoni bari Hemdani, Esbani, Ithrani, nende Kerani. ⁴²Abasiani ba Eseri bari Bilhani, Saavani, Akani. Abasiani ba Disani bari Us nende Arani⁴³Bano nie abaruki abaruka musialo sia Edomu omuruki yosiyosi nararuka abandu ba Israeli: Bela omusiani wa Beori handi elira lie itauni yaye riari Dinhaba. ⁴⁴Bela niayahafua, Yobabu omusiani wa Zera owa Bosira yaruka abundu waye. ⁴⁵Yobabu niyahafua, Husamu wesialo sia aba Temaniti yaruka abundu waye.⁴⁶Husamu niyahafua, Hadadi omusiani wa Bedadi, owahira Midiani musialo sia Moabu, yaruka abundu waye. Elira rie itauni yaye riari Avithi. ⁴⁷Hadadi niyahafua, Samula owa Masrieka yaruka abundu waye. ⁴⁸Samula niyahafua, Sauli owa Rehobothi huluuchi yaruka abundu waye.⁴⁹Sauli niyahafua, Baali-Hanani omusiani owa Akubori yaruka abundu waye. ⁵⁰Baali-hanani niyahafua,Hadadi yaruka abundu waye,handi elira rie itauni yaye riari Pau. Elira lio omuhasi waye liari Mehetabeli omuhana wa Matiredi omuhana wa Me-Sahabu⁵¹Hadadi yafua. omwami Oholibama, ⁵²omwami Ela, omwami Pinoni, ⁵³omwami Kenasi, omwami Temani, omwami Mibusari, ⁵⁴omwami Magidieli, nende omwami Iramu. Bano nibari abami ba Edomu

¹Bano nibari abasiani ba Israeli: Rubeni, Simeoni, Lawi, Yuda, Isakari, Sebuloni, ²Dani, Yusufu, Benyamin, Nafutali, Gadi, nende Aseri³Abasiani ba Yuda bari Eri, Onani, Sela, abo omuhana wa Sua yamwibulira, omuhasi omu Kanani. Eri omwibulwa wamberi wa Yuda yali wamaundu mumoni chia Yahwe, mani Yahwe namwira. ⁴Tamari muho womusiani waye, yamwibulira Peresi nende Sera. Yuda yari nabasiani baranu.⁵Abasiani ba Peresi bari Hesroni nende Hamulu, ⁶Abasiani ba Sera bari Simiri, Ethani, Hemani, Kalukoli, nende Darida, boosi baranu. ⁷Omusiani wa Karmi yari Akari owa rerera Israeli amanyahani niyahola amahua akauma risubira hulondohana nende ebiari bileherwe Nyasaye. ⁸Omusiani wa Ethani yari Asaria.⁹Abasiani ba Hesironi bari Yerameeli, Ramu, nende Kalebu. ¹⁰Ramu yecha yaba larangene Aminadabu, handi Aminadabu yecha yaba larangene Nasoni, omwemeresi akari wo lwibulo lwa Yuda. ¹¹Nasoni yecha yaba larangene salmoni, handi salmoni yecha yaba larangene Boasi. ¹²Yecha yaba larangene Obedi, Obedi yecha yaba larangene Yesse¹³Yesse yecha yaba larangene wo omwibulwa waye wamberi Eliabu, Abinadabu wohubiri, Simea wohudaru, ¹⁴Nethanieli wohune, Raddai wohuranu, ¹⁵Osemu wohusasaba, nende Daudi owa saba.¹⁶Abahana babu bari Seruya nende Abigaeli. Abasiani ba Seruya bari Abisai, Yoabu, nende Asaheli bosi badaru. ¹⁷Abigaeli yebula Amasa, larangene yari Yetheri omwi Isimaeli.¹⁸Kalebu omusiani wa Hesironi yecha yaba larangene bana hurula hu Asuba, omuhasi waye, nende hu Yeriothi. Abasiani baye bari Yeseri, Sobabu, nende Arudon. ¹⁹Asuba yafua, handi esialondaho Kalebu yakeka Efurathi owamwibulira Huri. ²⁰Huri yecha yaba larangene Uri, handi Uri yecha yaba larangene Besaleli²¹Nibiahabira Hesironi (niyari emiaka amahumi kasasaba) yakeka omuhana wa Makiri, larangene Gileadi. Yebula Segubu. ²²Segubu yecha yaba larangene Yairi, owemerera echitauni mahumi kabiri nende chidaru musialo sia Gileadi²³Gesuri nende Aramu babukula Havothi Yairi nende Kenathi, nende echitauni amahumi kasasaba akabodohana kosi. Abamenyi bano boosi bari olwibulo lwa Makiri, larangene Gileadi. ²⁴Hesironi niyahafua, Kalebu yachia Efuratha, humuhasi wa larangene Hesironi. Yamuibulira Asuri, larangene Tekoa.²⁵Abasiani ba Yerameeli, omwibulwa wemberi wa Hesironi, bari omwibulwa wamberi, Buna, Oreni, Osemu, nende Ahiya. ²⁶Yerameeli yari nomuhasi undi, owa langangwa Atara. Yari ngina wa Onami. ²⁷Abasiani ba Ramu, omwibulwa wamberi wa Yerameeli, bari Maas, Yamini, nende Ekeri. ²⁸Abasiani ba Onami bari Samai nende Yada. Abasiani ba Samai bari Nadabu nende Abisuri.²⁹Omuhasi wa Abisuri yari Abihaili handi yamwibulire Ahuban nende Molidi. ³⁰Abana ba Nadabu bari Seledi nende Apaimu, katakario Seledi yafua nauma abana. ³¹Omusiani wa Apaimu yari Isi. Omusiani wa Isi yari Sesani. Omusiani wa Sesani yari Ahilai. ³²Abasiani ba Yada, omusiani wabu Samai, bari Yetheri nende Yonathani. Yetheri yafua nauma abana. ³³Abasiani ba Yonathani bari Pelethi nende Sasa. Luno nolwibulo lwa Yerameeli.³⁴Harano sesani yauma abasiani,abahana bong'one. Sesani yari no omusumba, Omu Misiri owalangangwa Yariha. ³⁵Sesani yaberesia omusumba waye omuhana waye abe omuhasi waye. Yamwibulira Atai.³⁶Atai yecha yaba larangene Nathani, Nathani yecha yaba larangene Sabadi. ³⁷Sabadi yecha yaba larangene Efalal, handi Efalal yecha yaba larangene Obedi. ³⁸Obedi yecha yaba larangene Yehu, Yehu yecha yaba larangene Asaria.³⁹Asaria yecha yaba larangene Helesi, Helesi yecha yaba larangene Eleasa. ⁴⁰Eleasa yecha yaba larangene Sismai, handi Sisimai yecha yaba larangene Salumu. ⁴¹Salumu yecha yaba larangene Yekamia, handi Yekamia yecha yaba larangene Elisama⁴²Abasiani ba Kalebu, omusiani wabu Yerameeli, bari Mesa omwibulwa waye wamberi, owari larangene Sifu. Omusiani waye wohubiri, Maresa, yari larangene Heburoni. ⁴³Abasiani ba Heburoni bari Kora, Tapua, Rekemu, nende Sema. ⁴⁴Sema yecha yaba larangene Rahamu, larangene Yorikeamu. Rekemu yecha yaba larangene Samai⁴⁵Omusiani w Samai yari Maoni, handi Maoni yari larangene BethuSur. ⁴⁶Efa, Omwicha wesihaye wa Kalebu yabula Haran, Mosa, nende Gasesi. Harani yecha yaba larangene Gasesi. ⁴⁷Abasiani ba Yadai bari Regemu, Yothamu, Gesani, Peleti, Efa, nende Saafu⁴⁸Maaka, omwicha wesihaye wa Kalebu yebula Seberi nende Tirihana. ⁴⁹Yosi yebula Saafu larangene Madmana, Seva larangene Makubena nende larangene Gibea. Omuhana wa Kalebu yari Akisa. Luno nolwibulo lwa Kalebu⁵⁰Luno nilwari olwibulo lwa Kalebu. Abasiani ba Huri omuibulwa wa mberi wa Efuratha: Sobali larangene Kiriathi Yearim, ⁵¹Saluma larangene Bethlehemu, nende Harefu larangene Bethi Gaderi⁵²Sobali larangene Kiriathi Yearimu yari nolwibulo: Haroe, esimeka sia aba Manahathiti, ⁵³nende oluyia lwa Kiriathi Yearimu: aba Ithiriti, Puthiti, Sumathiti, nende Misraiti. Aba Zorathiti nende estaoliti barula hulwibulo luno.⁵⁴Olwibulo lwa Saluma lwari Bethlehemu, aba Netofthiti, Atrothi Bethi Yoabu, nende esimeka sia aba Manahathiti_aba Soriti, ⁵⁵nende echimbia chia abandiki abamenyanga eria Yabes: aba Tirathiti, Simeathiti, nende Skathiti. Bano bari aba Keniti abarula Hamathi, larangene inyumba ya Rekabu

¹Harano bano nibari abasiani ba Daudi abayebula nari Heburoni: omwibulwa wa mberi yari Amunoni, owe bulwa nende Ahinoam hurula Yesireeli; wohubiri yari Danieli owebulwa nende Abigaili hurula Karameli; ²wohudaru yari Abusalomu ngina yari Maaka, omuhana wa Talimai omuruki wa Gesuri. Wohune yari Adoniya omusiani wa Hagithi; ³wohurano yari Sefatia owebulwa nende Abitali; wohsasaba yari Ithireamu owebulwa nende Egila omuhasi waye.⁴Basasaba bano Daudi yebula nari Heburoni, ayaruka emiaka saba nemiosi kisasaba. Yecha handi yaruka emiaka amahumi kadaru-nende chidaru eria Yerusalemu. ⁵Abasiani bane bano, bebulwa nende Bathseba omuhana wa Amieli, yamwibulira eria Yerusalemu: Samua, Sobabu, Nathani, nende Sulemoni.⁶Abasiani abandi tisa aba Daudi bari Ibahari, Elisua, Elifeleti, ⁷Noga, Nefegi, Yafia, ⁸Elisama, Eliada, nende Elifeleti. ⁹Bano nibari abasiani ba Daudi, norarereho abasiani abayebula nende abecha baye abesihaye. Tamara yari omuhana wabu.¹⁰Omusiani wa Sulemoni yari Rehoboamu. Omusiani wa Rehoboamu yari Abiya, omusiani wa Abiya yari Asa. Omusiani wa Asa yari Yehosafati ¹¹Omusiani wa Yehosafati yari Yehoramu. Omusiani wa Yehoramu yari Ahasia. Omusiani wa Ahasia yari Yoasi. ¹²Omusiani wa Yoasi yari Amasia. Omusiani wa Amasia yari Asaria. Omusiani wa Asaria yari Yothamu.¹³Omusiani wa Yothamu yari Ahasi. Omusiani wa Ahasi yari Hesekia. Omusiani wa Hesekia yari Manase. ¹⁴Omusiani wa Manase yari Amoni. Omusiani wa Amoni yari Yosia.¹⁵Abasiani ba Yosia bari omwibulwa wamberi yari Yohanan, omusiani wohubiri yari Yehoiakimu, Omusiani waye wohudaru yari Sedekia, handi omusiani waye wohune yari Salumu. ¹⁶Abasiani ba yehoiakimu bari Yehoiachini nende Sedekia.¹⁷Olwibulo lwa Yehoiachini omuboye, lwari Sealtieli, ¹⁸Malkiramu, Pedaia, Senasari, Yekamia, Hosama, nende Nedabia.¹⁹Abasiani ba Pedaia bari serubabeli nende Simei Abasiani ba Serubabeli bari Mesulamu nende Hanania; omuhana wabu yari Selomithi. ²⁰Abasiani baye bandi baranu bari Hasuba, Oheli, Berekia, Hasadia, nende Yusab-Hesedi. ²¹Abasiani ba Hanania bari Pelatia nende Yesaia. Omusiani waye yari Refaia, olwibulo lweinyuma bari Arinani, Obadia, nende Sekania.²²Olwibulo lwa Sekania lwari Semaia nende abasiani beya: Hatusi, Igali, Baria, Nearia, nende Safati. ²³Abasiani badaru ba Nearia bari, Elioenai, Hisikia, nende Asirikamu. ²⁴Abasiani saba ba Elioenai bari Hadovia, Eliasibu, Pelaia, Akubu, Yohanan, Delaia, nende Anani.

¹Olwibulo lwa Yuda lwari Peres, Hesironi, Karimi, Huri, nende Sobali. ²Reaia, omusiani wa Sobali, yari larangene Yahathi. Yahathi yari larangene Ahumai nende Lahadi. Chino ne chimbia echiya aba Sorathiti.³Bano nibari abasiani ba Etamu: Yereeli, Isima, nende Idibas. Elira rio omuhana wabu liari Haseleliponi. ⁴Penueli yari larangene Gedori. Eseri yari larangene Husa. Luno lwari olwibulo lwa Huri, omwibulwa wamberi wa Efuratha, larangene Bethlehemu.⁵Asuri larangene Tekoa yari na bahasi babiri, Hela nende Naara. ⁶Naara yamwibulira Ahusam, Heferi, Temeni, nende Haahastari. Luno nolwibulo lwaye Naara. ⁷Abasiani ba Hela bari Serethi, Sohari, Ethnani, ⁸nende Kos, owecha yaba larangene Anubu nende Hasobeba, nende echimbia echia rula hu Ahariheli omusiani wa Harumu⁹Yabes yari nesiriibwa muno ohiraho abasiani babu. Ngina yamukuliha Yabes. Yabola, " Hubera ndamwibula mubuchuni." ¹⁰Yabes yalanga Nyasaye wa Israeli nabola, "Nikali mubwadieri umba echihabi, wameda esialo siange, handi omuhono kwao kube nasi. handi nohola kano mani waninda hurula muhunyaaliha,huniho mbololwe hurula mumachuni!" Endio Nyasaye yamukalusia amalamo kaye.¹¹Kelubu omusiani wabu Suha yecha yaba larangene Mehiri, owali larangene Eston. ¹²Eston yecha yaba larangene Bethi Rafa, Pasea, nende Tehina, larangene Iri nende Nahasi. Bano bari abasacha abamenya Reka.¹³Abasiani ba Kenasi bari Othinieli nende Seraia. Abasiani ba Othinieli bari Hathathnende Meonothai. ¹⁴Meonothai yecha yaba larangene Ofura, handi Seraia yecha yaba larangene Yoabu, owachakia Ge Harasimu, abandu bayio bari aberanyi. ¹⁵Abasiani ba Kalebu omusiani wa Yefune bari Iru, Ela nende Naamu. Omusiani wa Ela yari Kenas. ¹⁶Abasiani ba Yehalelel bari Sifu, Sifa,Tiria, nende Asareli.¹⁷Abasiani ba Esra bari Yetheri, Meredi, Eferi, nende Yaloni. Omuhasi wa Meredi omu Misiri yayera inda handi niyebula Miriamu, Samai, nende Isiba, owecha yaba larangene Esitemoa. ¹⁸Bano nibari abasiani ba Bithia, omuhana wa Farao owa Meredi ya keka.Omuhasi omu Yuda wa Meredi yebula Yeredi owecha yaba larangene Gedori; Heberi owecha yaba larangene Soko; nende Yekuthiel, owecha yaba larangene Sanoa.¹⁹Hu abasiani babiri abomuhasi wa Hodia, omuhana wabu Nahamu, mulala yecha yaba larangene Keila omu Garmiti. Oundi uria yari Esitemoa omu Maakathiti. ²⁰Abasiani ba Simomi bari Amnon, Rina, Ben-Hanan, nende Tiloni. Olwibulo lwa Isi lwari Sohethi nende Ben-Sohethi²¹Olwibulo lwa Sela omusiani wa Yuda, bari Eri larangene Leka, Laada larangene Maresa nende echimbia chiya abahosi bechingubo aba Bethi Asibea, ²²Yokimu, abasacha aba Koseba nende Yoasi nende Sarafu, abaruka eria Moabu nende Yasubi Lehemu. (Kano na mahuwa akechinyanga akandikwa mubwandike obuhale.) ²³Bano nibari abalongi abechindamu abari bamenyere eria Netaimu handi baholeranga omuruki.²⁴Olwibulo lwa Simeoni lwari Nemueli, Yamini, Yaribu, Sera, nende Sauli. ²⁵Salumu yari omusiani wa Sauli, Mibsamu yari omusiani wa Salumu, handi Misima yari omusiani wa Mibsamu. ²⁶Olwibulo lwa Mishma lwari Hamueli omusiani waye, Sakuri omwichuhulu waye omusiani, nende Simei omwichuhulu mbunda omusiani.²⁷Shimei yari nende abasiani lihumi nende basasaba nende abahana basasaba. Abasiani babu sibali nabana bangi, endio echimbia chiabu sichiemeda mubukali mububali ngolwa abandu ba Yuda bemeda. ²⁸Bamenya eria Beriseba, Molada,nende eria Hasari Suali.²⁹Bosi bamenya eria Biliha, Esemu, Toladi, ³⁰Bethueli, Horima, Sikilagi, ³¹Bethi Marikabothi, Hasari, Susimu, Bethi Biri, nende Saraimu. Chino nichiari echitauni chiabu hula oburuki bwa Daudi.³²Chingongo chiabu chirano chiari Etamu, Aini, Rimoni, Token, nende Asani, ³³alala nende echingongo chibodahane hula Balathi. chino nechingongo chiabu handi babiha obwandike bwoluibulo.³⁴Abemeresi abe chimbia bari Mesobab, Yamleck, Yosa omwana wa Amasia, ³⁵Yoeli, Yehu omwana wa Yosibia omwana wa Seraia omusiani wa Asieli, ³⁶Elioenai, Yakoba, Yesohaia, Asaia, Adieli, Yesimieli, Benaia, ³⁷nende Sisa omusiani wa Sifi omusiani wa Aloni omusiani wa Yedaia omusiani wa Simiri omusiani wa Semaia. ³⁸Bano abalangirwe namera bari abemeresi muchimbia chiabu,nende chinyumba chiabalarabu bemeda muno.³⁹Bachia ambi nende Gedori, olwande lwe emumbo lwe erihoho,ohukonya olwairo lwe maicho kabu. ⁴⁰Babukana olwairo lungi handi olulai. Esialo siali sirakalafu sinyifu, handi siomulembe. Aba Hamiti bari bamenya ao hale. ⁴¹Bano ababalwa namera becha muchinyanga chia Hesekia omuruki wa Yuda,handi nibahuya amahema aka aba Hamiti nende aba Meuniti,abari ao bosi. Babanyasia handi niba menya hubera babukana olwairo lwa maicho kabu⁴²Hurula hunibo, hurula hubasiani ba simoeni, abasacha mia chirano bachia hulugulu lwa Seiri nende Pelatia, Nearia, Refaia, nende Usieli, abasiani ba Isi, ngo bemeresi babu, ⁴³Bahira aba Amaleki abadonga, handi bamenyere ao hula ebiha bino.

¹Abasiani ba Rubeni omwibula owamberi owa Israeli ,harano Rubeni yari omuibula wamberi owa Israeli, kata kario obuhulundu bwaye yaberesibua abasiani ba Yusufu omusiani wa Israeli hubera Rubeni yakona husitanda esia larangene. Hulwako sabalua muluibulo ohuba omuibulwa wamberi. ²Yudah niwari wamani muno ohiraho bamugandang'ine bosi, handi omuruki yaharule munie. Katakario nafasi yohuibulwa hwamberi hwali ohwa Yusufu. ³Abasiani ba Rubeni , omuibulwa wamberi wa Israeli; bari Hamoko , Pallu Hesironi, nende Karimi.⁴Oluibulo lwa Yoelini luno; Omusiani owa Yoeli yari Semaiah, omusiani wa Semaia yari Gogi. Omusiani wa Gogi ni Simei. ⁵Omusiani wa Simei yari Mika. Omusiani wa Mika yari Reaia, omusiani wa Reaia yari Baali. ⁶Omusiani wa Baali yari Bera, muruki owa Asiria Tigalati-Pilieseri yari musialo siobukeni. Bera yari omuruki woluyia lwa Ruben.⁷Abanaluyia baye hulondohana nechinono chiabu bandikua muluibulo hulondohana ne lisimbuha liabu: Yeiel omuruki , Zakaria, ⁸nende Bela omusiani wa Azazi omusiani wa Sema omusiani wa Yoeli bamenya Areoeri ohula Nebo nende Baali Meoni , ⁹nende ebukwe bwe esichimi sichakira hula humwalo Eufrata, hubera ebiayo biabu bari biemedere muno musialo sia Gileadi.¹⁰Muchinyanga chia Sauli, oluyia ya Ruben lwahuyana nende aba Hagiriti mani nibabahira. Becha bamenya muma hema aka aba Hagiriti nende musialo siosi ebukwe bwa Gileadi.¹¹Abandu bo luyia lwa Gadi bamenya ambi nabo, musialo sia Basan huula Saleka. ¹²Yoeli niwari omwemeresi wabu ; Safamu yari owohubira , nende Yanai nende Safati musialo sia Basani. ¹³Abeho babu, hulondohana nende chinono chiabu bari Mikaeli,Mesullam , Seba , Yoari Yakani Sia, nende Eberi-bosi bari saba.¹⁴Abandu bano abalangirwe akulu ao niluibulo olwa Abihaili, ne Abihaili yari omusiani wa Huri.Huri yari musiani wa Yaroa. Yaroa yari omusiani wa Gileadi. Gileadi yari omusiani wa Mikaeli. Mikaeli yari omusiani owa Yesiai.Yesiai yari musiani wa Yahdo.Yahdo yari omusiani wa Buzi. ¹⁵Ahi omusiani wa Abidiel omusiani wa Guni, yari omuhulundu we inono yabu.¹⁶Bamenya Gileadi , mu Basani, mchitauni chiayio , nende mulwairo luosi olwa Saron husia humipaka kiayio. ¹⁷Kano kosi kandikua hulondohana nende obwandike obwo luibulo muchinyanga chia Yothamu omuruki wa Yuda nende obwa Yeroboamu omuruki wa Israeli.¹⁸Aba Rubeni ,Aba Gadi, nende esimeka sio oluyia lwa Manase lwari nende aberiye 44,760 abari namakesi akohuhuyana murie ,abakinganga eingabo nende lugangala nende obaya olukera .Abari nobunyala bwo huchia muriye. ¹⁹Bahuyana nende Aba Hagiriti Aba Yeturi ,Nafisi , nende Nodabu.²⁰Banyola obuhonyi obwa Nyasaye akulu wabu. Hubirira mungira eyao, Aba Habiriti nende bosi abarinabo bahirwa. Kano karikario hubera Aba Israeli balirira Nyasaye muriye , handi yabakalusianga , hubera barechanga obwesikwa bwabwe huniye . ²¹Badira ebisolo biabu ,abirimo echingamia elfu muhumi karanu, amakondi 250,000, echipunda elifu chibiri, nende abasacha 100,000. ²²Bangi bafua hubera eriye liarula hu Nyasaye.Abo bamenya musialo siabu hula ngabadirwa.²³Abasiani abe esimeka siyo oluya lwa Manase bamenya musialo sia Basani huula Baali Herimoni nende Seniri (olo nolugulu lwa Herimoni). ²⁴Abano nibari emirwe kie chinono chiabu Eferi , Isi ,Eliel, Asirieli, Yeremia, Hodavia nende Yahidieli. Bari aberiye bamani mangi, abandu abamanyiha , emirwe kie chinyumba chia balaraabu.²⁵Katakario sibecha baaba abesikwa hu bakuka babu nende Nyasaye. Bano behola ngabadamba nende abanyasaye obabandu abohusialo abanyasaye yari anyanyasia emberi yabu. ²⁶Nyasaye wa Israeli yatugula Puli omuruki wa Asiiria( yosi alangwa Tigilati ,omuruki wa Asiiria).Yabukula Aba Ruben,Aba Gadi,nende esimeka sia Aba Manase nabairi musialo sindi .Yabaira eria Hala, Habori nende humwalo kwa Gozani, abadongo hula Inyanga ino.

¹Abasiani ba Lawi bari Gerison, Kohati, nende Amramu. ²Abasiani ba Kohati bari Amramu, Isiha, Heburoni, nende Usieli. ³Abana ba Amramu bari Haroni, Musa, nende Miriamu. Abasiani ba Haroni bari Nadabu, Abihu, Eleazari nende Ithamari.⁴Eleazari yaba larangene Finehasi, handi Finehasi yali larangene Abisua. ⁵Abisua yali larangene Bukki, handi Bukki yari larangene Usi. ⁶Usi yari larangene Serahiah,handi Serahia yari larangene Meraiothi.⁷Meraioth yari larangene Ahitubi , ⁸Ahitubi yari larangene Zadoki, ne Zadoki yari larangene Ahimaasi, ⁹Ahimaasi yari larangene Asaria, Asaria yari larangene Yohanani.¹⁰Yohanani yari larangene Azaria, owa rumiha nga kuhani munyumba ya malamo eya Suleiman yembaha eria Yerusalemu. ¹¹Asaria yari larangene Amaria, Amaria yari larangene Ahitubi. ¹²Ahitubi yari larangene Sadoki, handi Sadoki yari larangene Salumu¹³Salumu yari larangene Hilika, handi Hilika yari larangene Asaria. ¹⁴Asaria yari larangene Seraia, handi Seraia yari larangene Yosadaki. ¹⁵Yozadaki yachia mumboye Yahwe niyakooba Yuda nende Yerusalemu musialo sindi humuhono kwa Nebukadiresa.¹⁶Abasiani ba Lawi bari Gerson, Kohati, nende Marari. ¹⁷Abasiani ba Gersoni balangwa Libni nende Simei. ¹⁸Abasiani ba Kohati bari Amurami, Izhari, Heburoni nende Usieli .¹⁹Abasiani ba Merari bari Mahli nense Mosi. Chino ne chinono chiya aba Lawi abandikwa hulondana nende balarabu . ²⁰Oluibulo lwa Gerisoni; Libni omusiani, Yahat omusiani waye, Simma omusiani waye. ²¹Yoah omusiani waye, Iddo omusiani waye, Sera omusiani waye, nende Yeatherai omusiani waye.²²Oluibulo lwa Kohati: Aminadabu omusiani waye, Kora omusiani waye, Asiri omusiani waye, ²³Elikana omusiani waye, Ebiasafu omusiani waye, Asiri omusiani waye, ²⁴Tahati omusiani waye, Urieli omusiani waye, Usia omusiani waye, nende Saul omusiani waye.²⁵Oluibulo lwa Elikana lwari Amasai, Ahimoti, ²⁶Elikana omusiani waye, Sofia omusiani waye, Nahati omusiani waye, ²⁷Eliabu omusiani waye, Yerohamu omusiani waye nende Elikana omusiani waye.²⁸Abasiani ba Samueli bari omuibulwa wamberi, Yoeli, nende Abiya, omuibulwa wohubiri. ²⁹Oluibolo lwa Merari lwari Mahili, libni omusiani waye, Simei omusiani waye, Usa omusiani waye, ³⁰Simea omusiani waye, Hagia omusiani waye, nende Asaia omusiani waye.³¹Kano na amera ka abasacha aba Daudi yarao hwemerera ohwembanga munyumba ya Yahwe, arisanduku likingire amalako niriahecha ouluha eria. ³²Barumiha huhwembanga imberi ye inyumba ya malamo, mulihema lio obukanana, husia nga Suleimani yembaha inyumba ya Yahwe eria Yerusalemu. Bosirisia emirimo kiabu olondohana nende amalagiro akababebwa.³³Bano ni baria abarumiha nende abasiani baabu. Hurula muchinono chiya Aba Kohati yarulmo Hemani omwembi. Bano nibari bakukangene, nibifunya inyuma: Hemani yari omusiani wa Yoeli. Yoeli yari omusiani wa Samueli. ³⁴Samueli yari omusiani wa Elikana. Elikana yari omusiani wa Yerohamu. Yerohamu yari omusiani wa Elieli. Elieli yari omusiani wa Toa. ³⁵Toah yari omusiani wa Sufu. Sufu yari omusiani wa Elikana. Elikana yari omusiani wa Mahati. Mahati yari omusiani wa Amasai. Amasai yari omusiai wa Elikana.³⁶Amasai yari omusiani wa Elikana. Elikana yari omusiani wa Yoeli. Yoeli yari omusiani wa Asaria. Asaria yari omusiani wa Sefania. ³⁷Sefania yari omusiani wa Tahati. Tahati yari omusiani wa Asiri. Asiri yari omusiani wa Ebiasafu. Ebiasafu yari omusiani wa Kora. ³⁸Kora yari omusiani wa Isaha. Isaha yari omusiani wa Kohati. Kohati yari omusiani wa Lawi. Lawi yari omusiani wa Israeli.³⁹Omuhosi wasie Hamani yari Asafu, owemanga humuhono kwaye omulungi. Asafu yari omusiani wa Berekia. Berekia yari omusiani wa Simea. ⁴⁰Simea yari omusiani wa Mikaeli. Mikaeli yari omusiani wa Baaseia. Baaseia yari omusiani wa Malikiya. ⁴¹Malikiya yari omusiani wa Etini. Etini yari omusiani wa Sera. Sera yari omusiani wa Adaia. ⁴²Adaia yarI Omusiani wa Simma. Simma yari omusiani wa Simei. ⁴³Simei yari omusiani wa Yehati.Yehati yari omusiani wa Geshoni.Geshoni yari omusiani wa Lawi.⁴⁴Humuhono muhasi okwa Hemani baruo abahosi basie abasiani ba Merari . Bano barimo Ethani omusiani wa Kisi. Kisi yari omusiani wa Abudi. Abudi yari omusiani wa Maluki. ⁴⁵Maluki yari omusiani wa Hasabia. Hasabia yari omusiani wa Amasia. Amasia yari omusiani wa Hilikia. ⁴⁶Hilikia yari omusiani wa Amusi.Amusi yari omusiani wa Bani. Bani yari omusiani wa Semeri. ⁴⁷Semeri yari omusiani wa Mahili. Mahili yari omusiani wa Musi. Musi yari omusiani wa Merari. Merari yari omusiani wa Lawi.⁴⁸Baria ambanana nabo, Abalawi, babebwa ohuhola emirimo kiosi kio mulihema lia Nyasaye, inyumba ya Nyasaye.⁴⁹Katakario Haruni nende oluibulo lwaye bainianga emisango humaika akomusango nende isadaka yohusambwa;nende isadaka yobubani humaika ako komusango hulwe emirimo eko akia abundu atakatifu muno. Echisadaka chainisibwangwa ohubabasiya amabi ka aba Israeli, hulondohana nende karia kosi aka Musa omuhosi wa Nyasaye yalagira.⁵⁰Oluibulo lwa Haruni lwabalwa ngori bilondaho; Haruni yari omusiani wa Eleasari. Eleazari yari omusiani wa Finehasi. Finehasi yari omusiani wa Abisua. ⁵¹Abisua yari omusiani wa Buki. Buki yari omusiani wa Usi. Usi yari omusiani wa Serahia. ⁵²Serahia yari omusian wa Meraioti. Meraioti yari omusiani wa Amaria. Amaria yari omusiani wa Ahitubu. ⁵³Ahitubu yari omusiani wa Sadok. Sadok yari omusiani wa Ahimaasi.⁵⁴Chino nie chingongo echiya oluibulo olwa Haruni echiya yabebwa ohumenyamo, endiyo, oluibulo lwa Haruni olwalula echimbiya chiya Abakohati (omukabo kwa mberi kwari kwabu). ⁵⁵Abo babebwa Heburoni musialo sia Yuda nende echinjairo chiayio, ⁵⁶katakario ebipapi bio muchitauni nende echingongo chiayio baberesia Kaleb omusiani wa Yefune.⁵⁷Huluibulo lwa Haruni bababeresia [eitauni Yahweonia], nende Libuna nende echunjairo chiayio, Yatiri, Esitemoa alala nende echinjairo chiayio, ⁵⁸Hileni nende echinjairo chiayio, nende Deberi nende echinjairo chiayio.⁵⁹Olwibulo lwa Haruni handi lwabebwa; Asani nende echinjaiorio chiayio, Yuta, nende Bethi Semesi nende chinjairo chiayo, ⁶⁰nende hurula huluyia lwa Benyamin, Geba nende echinjairo chiayo, Alemeti nende echinjairo chiayo, Anathothi nende echinjairo chiayio. Echitauni hurula muchimbya chiosi chiari echitauni elihumi nende chidaru.⁶¹Hu luibulo lwa Kohati olwadong'a babebwa omukabo okwe echitauni ehumi hurula hu simeka siyo oluyia lwa Manase. ⁶²Hu luibulo lwa Gerisoni muchimbiya chiabu chikabuhane babebwa echitauni lihumi nende chidaru hurula huluyia lwa Isakari, Aseri, Nafutali, nende esimeka siyo oluyia lwa Manase eria Basani.⁶³Hu luibulo lwa Merari babebwa omukabo okwe echitauni lihumi nende chibiri, oluyia nga oluyia, hurula hu oluyia lwa Ruben, Gadi, Zebuloni. ⁶⁴endio abandu ba Israeli babechana echitauni chino nende echinjairo chiabu hu Abalawi. ⁶⁵Babechana humikabo echitauni echilangire humera kabu hu chimbiya chia abasiani ba Yuda, Simeoni nende Benyamini.⁶⁶Echimbiya chindi chiyo oluibulo lwa Kohati babebwa echitauni hurula musialo sia oluyia lwa Efraimu. ⁶⁷Babebwa Sekemu (eitauni yohweonia) nende echinjairo chiabu musialo siye chingulu chia Efraimu, Gezeri nende chinjairo chiayio, ⁶⁸Yokameam nende echinjairo chiayio, Bethi Horoni nende echinjairo chiayio. ⁶⁹Aiyalon nende chinjairo chiayio, nende Gathi Rimmoni nende echinjairo chiayio.⁷⁰Esimeka siyo oluyia lwa ya Manase baberesia aba Kohati Aneri nende echinjairo chiayio nende Bileamu nende echinjairo chiayio. Kuno kwaba omukabo okwe echimbiya echia aba Kohati.⁷¹Hu luibulo lwa Gerisoni hurula huchimbiya chie esimeka sie oluyia lwa Manase, babechana Golani eria Basani nende olwairo lwayio nende Asittaroti nende olwayio lwayio. ⁷²Hu oluyia lwa Isakari babechana oluibulo lwa Gerisoni Kedesi nende echinjairo chiayio, Daberati nende olwairo lwaiyio. ⁷³Ramoti nende echinjairo chiayio, Anemu nende chinjairo chayio.⁷⁴Isakari yanyola hurula hu oluyia lwa Aseri, Masali nende olwairo lwayio, Abudoni nende olwayiro lwayio, ⁷⁵Hukoki nende echinjairo chiayio, nende Rehobu nende echinjairo chiayio. ⁷⁶Banyola hurula hu oluyia lwa Nafutali: Kedesi mu Galilaya nende echinjairo chiayio, Hamoni nende echinjairo chiayio, nende Kiriathaimu nende echinjairo chiayio.⁷⁷Oluibulo Merari olwadong'a lwanyola hurula hu oluyia lwa Zebuloni: Yokneamu, Karata nende Rimono nechinjairo chiabu nende Tabori nechinjairo chiabu; ⁷⁸handi hurula hu oluyia lwa Rubeni, oswiha Yordani olwande lwe ebukwe bwa Yeriko,banyola Bezeri muluumirira, Yazah, ⁷⁹Kedemothi nende echinjairo chiayio, nende Mefaathi nende echinjairo chiayio.⁸⁰Abalawi banyola hurulahu oluyia lwaGadi: Ramothi mu Gileadi nende echinjairo chiayio, Mahanaimu nende echinjairo chiayio. ⁸¹Hesboni nende echinjairo chiayio, nende Yaseri nende echinjairo chiayio.

¹Basiani bane bane aba Isakari bari Tolah, Pua, Yasubu nende Simuroni. ²Abasiani ba Tolah bari Usi, Refaiah, Yerieli, Yamai, Ibusamu, nende Samueli. Bari emirwe kio oluyia lwabu, hurula muluibulo lwa Tola handi babalwa oba aberiye abamani mulisumbuha liabu. Bari 22,600 muchinyanga chia Daudi. ³Omusiani wa Usi yari Isirahia. Abasiani baye bari Mikaeli, Obadiah, Yoeli nende Isia bosi baranu bari abemeresi abo oluyia.⁴Alala nabo , hulondohana nobwandike obwoluibulo obwa oluyia lwabu, bari nende aberiye elfu mahumi kadaru omukanda kwe riye, hubera bari nende abahasi na bana bangi. ⁵Abeho babu hurula muchimbiya chia Isakaria bosi babalwa oba elfu amahumi munane-nende saba aberiye abamani, ngolwa kandikwa muluibulo lwabu.⁶Abasiani badaru ba Benjamini bari Bela, Bekeri, nende Yediaeli . ⁷Abasiani ba Bela bari Esiboni, Usi, Usieli, Yerimothi, nende Iri, emirwe kiranu kiyo oluyia handi aberiye abamani. Bari 22,034 abandikwa mu luibulo lwabu.⁸Abasiani ba Bekeri bari Semira, Yoasi, Elieseri, Elioenai, Omri, Yeremothi, Abiyah, Anathothi nende Alemethi. Bano bosi bari abasiani baye. ⁹Bandikwa muluibulo luabu, hulondohana nende lisumbuha riabu bari 20,200 emirwe kio oluyia lwabu, aberiye abamani. ¹⁰Abasiani ba Yedieli bari Bilihan. Abasiani ba Bilihan bari Yeusi, Benyamini, Ehudi, Kenaani, Setani, Tarashishi, nende Ahisahari.¹¹Bano bosi bari abasiani ba Yediaeli. Ababalirwe mububali bwo olyia lwabu bari 17,200 emirwe kiechinyumba handi aberiye abamani abari namani kayera ohuhola emirimo kieliye. ¹²Aba Supiti nende aba Hupiti bari oluibulo lwa Iri, handi aba Husiti bari oluibulo lwa Aheri.¹³Abasiani ba Nafutali bari Yasieli, Guni, Yeseri, nende Silemu-oluibulo lwa Biliha.¹⁴Olwibulo lwa Manase lwari Asirieli, owali olwibulo hurula hu omwicha waye wesihaye omu Arameani. ( Yebula Makiri, larangene Gileadi. ¹⁵Esialondaho Makiri yakeka omuhasi hurula mu aba Hupiti nende aba Supiti, elira rio omuhana wabu riari Maaka.) Elira liya owo hubiri riari Selofehadi, owali na abana bahana bong'one. ¹⁶Esialondaho Maaka, omuhasi wa Makiri, yebula omwana omusiani handi namukuliha Peresi, elira liyo omusiani liari Seresi, handi abasiani baye bari Ulamu nende Rakem¹⁷Omusiani wa Ulamu yari Bedani. luno ni lwari olwibulo lwa Gileadi, owari omusiani wa Makiri, owali omusiani wa Manase. ¹⁸Omuhana wabu Gileadi Hamolekethi yebula Isihodi, Abieseri, nende Mahila. ¹⁹Abasiani ba semida bari Ahiani, Sekemu, Likhi, nende Aniamu²⁰Olwibulo lwa Efuraimu lwari Suthela, Bered omusiani waye, Tahathi omusiani waye, Eleada omusiani waye, ²¹Sabadi omusiani waye nende Suthela omusiani waye. Eseri nende Elead berwa nende abasacha ba Gathi, bene sialo, nibachia ohwiba ebiayo biabu. ²²Efuraimu larabu yabalilira huchinyanga chinyingi, handi abasiani babu becha ohumuberesia omuoyo.²³Yachia humuhasi waye.Yayera inda mani niyebula omusiani. Efuraimu yamukuliha Beria, hubera eihabi imbi yari yichiire lwibulo lwaye. ²⁴Omuhana waye yari Seera,owembaha Bethi Horon yemwalo nende yomukulu nende Useni Seera.²⁵Refa yari omusiani waye, Resefu omusiani waye, Tela omusiani waye, Tahan Omusiani waye, ²⁶Ladan omusiani waye, Ammihudi omusiani waye, Elisama omusiani waye, ²⁷Nuni omusiani waye, nende Yoshua omusiani waye.²⁸Emiandu nende obumenyo bwari Betheli nende amadala kaibodohane. Bameda ohuchia emumbo hula Naara nende ebukwe hula Geseri nende amadala kaiyio, nende Sekemu nende amadala kayio hula Aya nende amadala kayio. ²⁹Humupaka nende Manase bari Bethi Sani nende amadala kayio, Taanaki nende amadala kayio, Megido nende amadala kayio, nende Dori nende amadala kayio. Muchitauni chino olwibulo lwa Yusufu omusiani wa Israeli lwamenya.³⁰Abasiani ba Aseri bari Imuna, Isiva, Isivi, nende Beria. Sera yari omuhana wabu. ³¹Abasiani ba Beria bari Heberi nende Malikieli, owali larangene Birisaithi. ³²Abasiani ba Heberi bari Yafuleti, Somari, nende Hothamu, Sua yari omuhana wabu.³³Abasiani ba Yafuleti bari Pasaki, Bimhali, nende Asivathi. Bano nibari abana ba Yafuleti. ³⁴Someri, omusiani wabu Yafuleti yari nabasiani bano Rohiga, Huba, nende Aramu. ³⁵Omusiani wabu Semeri, Helemu yari nabana bano Sofa, Imuna, Selesi, nende Amali.³⁶Abasiani Sofa bari Sua, Harineferi, Sauli, Beri, Imurani, ³⁷Beseri, Hodi, Sama, Silisa, Ithirani, nende Beera. ³⁸Abasiani ba Yetheri bari Yefune, Pisipa, nende Ara.³⁹Abasiani ba Ula bari Ara, Hanieli, nende Risia. ⁴⁰Luno lwosi lwari olwibulo lwa Aseri. Bari emirwe kiye chimbiya, abandu besiriibwa, echidalangi chia mani, nende abami akari wa abemeresi. Baruo abasacha chilifu mahumi kasasaba nende chisasaba ababalwa abari nobunyala bwo ohuhola emirimo kieliye ngabandikwa lisimbuha.

¹Abasiani baranu aba Benyamini bari Bela omuibulwa wamberi, Asibeli, Ahara, ²Noha, Rafa. ³Abasiani ba Bela bari Adari, Gera, Abihudi, ⁴Abisua, Naamani, Ahoa, ⁵Gera, Sefufani, nende Huramu.⁶Luno nilwari olwibulo lwa Ehudi abari emirwe kiya balarabu be echinyumba huba bamenyi ba Geba, abaikwa ohuchia eria Manahathi: ⁷Naamani, Ahiya, nende Gera. Abamaliriha, Gera, yabemerera muhuchia hwabu. Yari larangene Usa nende Ahihudi⁸Saharaimu yecha yaba larangene abana musialo sia Moabu, inyuma ya ao yerusia abahasi baye Husimu nende Baara. ⁹Hubirira humuhasi waye Hodesi, Saharaimu yecha yaba larangene Yobabu, Zibia, Mesa, Malikamu, ¹⁰Yeusi, Sakia, nende Mirima. Bano bari abasiani baye abecha baba emrwe kiye chinyumba chiya balarabu. ¹¹Yari amalire ahuba larangene Abitubu nende Elpaali hubirira hu Husimu¹²Abasiani ba Elipaali bari Eberi, Misamu, Semedi (owembaha Ono nende Lodi alala nende amadala kachibodohane). ¹³Eria baruo handi Beria nende Sema. Bano bari emirwa kiye echinyumba echia balarabu hubaria abamenyere eria Aiyaloni, ni berusia ao abamenyi ba Gathi.¹⁴Beria yari na abasiani bano: Ahio, Sasaki, Yeremothi, ¹⁵Sebadia, Aradi, Ederi, ¹⁶Mikaeli, Isipa, nende Yoha bari abasiani ba Beria. ¹⁷Sebadia, Mesulamu, Hisiki, Heberi, ¹⁸Isimerai, Isilia, nende Yobabu bari abasiani ba Elipaali.¹⁹Yakimu, Zikiri, Sabudi, ²⁰Elienai, Silethai, Elieli, ²¹Adaia, Beraia, Simurathi bari abasiani ba Simei.²²Isipani, Eberi, Elieli, ²³Abudoni, Sikiri, Hanani, ²⁴Hanania, Elamu, Anithothiya, ²⁵Ifideia, nende Penueli bari abasiani ba Sasaki²⁶Samuserai, Seharia, Athalia, ²⁷Yaaresia, Eliya, nende Sikiri bari abasiani ba Yerohamu. ²⁸Bano nibari emirwe kiye echimbiyia_ hulondohana nende obwandiki bwe erisimbuha abo bari emirwe. Bano nibari abasacha abami abari bamenya eria Yerusalemu²⁹Larangene Gibeoni, wo omuhasi waye yalangwe Maaka, yamenya eria Gibeoni. ³⁰Omwibulwa waye wamberi omusiani yari Abudon, yalondiaho Suri, Kisi, Baali, Nadabu, ³¹Gedori, Ahio, nende Sekeri³²Omusiani oundi wa Yeieli, yari Mikilothi, owecha yaba larangene Simea. Bano bosi bamenya ambi nabeho babu eria Yerusalemu. ³³Neri yari larangene Kisi. Kisi yari larangene Sauli. Sauli yari larangene Yonathani, Maliki-Sua, Abinadabu, nende, Esi-Baali. ³⁴Omusiani wa Yonathani yari Meribu-Baali. Meribu-Baali yari larangene Mika.³⁵Abasiani ba Mika bari Pithoni, Meleki, Tarea, nende, Ahasi. ³⁶Ahasi yecha yaba larangene Yehoada, Yehoada yari larangene Alemethi, Asimavethi, nende Simiri. Simiri yari larangene Mosa, ³⁷Mosa yari larangene Binea. Binea yari larangene Rafa. Rafa yari larangene Eleasa. Eleasa yari larangene Aseli.³⁸Aseli yari nabasiani basasaba, ne kano ni amera kabu: Asirikam, Bokeru, Isimaeli, Searia, Obadia, nende Hanani. Bano bosi bari abasiani ba Aseli. ³⁹Abasiani ba Eseki, omusiani wabu, bari Ulami omwibulwa wa mberi, Yeusi owo hubiri, nende Elifeleti wohudaru. ⁴⁰Abasiani ba Ulami bari echidalang'i nende abalasi bechingera. Abo bari na abasiani nabechulu abasiani bangi, aboola 150. Luno lwoosi lwari olwibulo lwa Benyamini.

¹Endio Israeli yosi yandikwa muchinjibulo chiosi. Abo bandikwa misitabo sia abaruki ba Israeli.Naye Yuda babukulwa bairwa musialo sia Babuloni hulwa ohayaya oba nelifukirira hwabu. ²Abamberi ohwihala muchimbali chiabu, muchitauni chiabu, bari aba Israeli bandi, amakuhani, aba Lawi nende abarumihi abe ihekalu. ³Olwibulo lundi lwa Yuda, Benyamini, Efuraimu, nende Manase bamenya eria Yerusalemu⁴Abamenyi abalimo Uthai omusiani wa Amihudi omusiani wa Omiri Omusiani wa Bani, mulala hulwibulo lwa Presi omusiani wa Yuda. ⁵Muba aba Selaniti bari Asaia omwibulwa wa mberi nende abasiani baye. ⁶Mulwibulo lwa Sera yari Yeuel. Abeho babu mububali bali 690.⁷Mulwibulo lwa Benyamini bari Salu omusiani wa Mesulam omusiani wa Hodavia omusiani wa Hasenua. ⁸Ne baruo bosi Ibineia omusiani wa Yerohamu; Ela omusiani wa Usi omusiani wa Mikiri; nende Mesulamu omusiani wa Sefatia omusiani wa Reueli omusiani wa Ibiniya. ⁹Abanaluyia, hulondohana nende obuandike bwo olwibulo, obubali 956. Abasacha bano boosi bari emirwe kiye chinyumba chia balarabu huchinyumba chiya balarabu.¹⁰Amakuhani bari Yedaia, Yehoiaribu, nende Yakini. ¹¹Yarua yosi Asaria omusiani wa Hilikia omusiani wa Mesulamu omusiani wa Sadok omusiani wa Meraiothi omusiani wa Ahitubu, mulala owemerera inyumba ya Nyasaye.¹²Yaruo Adaia omusiani wa Yerohamu omusiani wa Pashuri omusiani wa Malikiya. Yaruo yosi Maasai omwana wa Adieli omusiani wa Yahisera omusiani wa Mesulamu omusiani wa Mesilemithi omusiani wa Imeri. ¹³Abeho babu, abari abemerersi abe chimbiya bali mububali 1,760. Bano bari abasacha banyala ohuhola emirimo kiohurumihi munyumba ya Nyasaye.¹⁴Muba aba Lawi, yaruo Semaia omusiani wa Hasuba omusiani wa Asirikamu omusiani wa Hasabia, akari wo lwibulo lwa Merari. ¹⁵Baruo bosi Bakibakari, Heresi, Galal, nende Matania omusiani wa Mika omusiani wa Sikiri omusiani wa Asafu. ¹⁶Bario bosi Obadia omusiani wa Semaia omusiani wa Galali omusiani Yeduthuni; nende Berekia omusiani wa Asa omusiani wa Elikana, abamenya mumadala aka aba Netofathiti.¹⁷Abalindi abemiliango bari Salumu, Akubu, Talimoni, Ahimani, nende abeho babu. Salumu yari omwemeresi wabu. ¹⁸Inyuma ya ao bemanga nibalinda omuliango okwo omuruki olwande lwe emumbo mukambi yolwibulo lwa Lawi. ¹⁹Salumu omusiani wa Kore omusiani wa Ebiasafu, omusiani wa Kora, nende abeho baye hurula muluyia lwaye, aba Korahiti bari bemerera emirimo kiohurumiha ohulinda. Balindanga omwingira kwe lihema, ngolwa bakukababu balindanga ikambi ya Yahwe, handi abo bosi bari nibalinda esiribwa²⁰Finehasi omusiani wa Eleasari niwali abemerere chinyanga chiabira, handi Yahwe yali alinaye. ²¹Sekaria omusiani wa Meselemia yari omulindi wo omuliango kwe elihema lio obukanana.²²Baria boosi abalobolwa nga abalindi bemiliango kiye miliango babalwa 212. Amera kabu kandikwa muolwibulo lwa bandu mumadala kabu. Daudi nende Samueli omuloli yari yabalobola mubweyango bwesikwa. ²³Endio abo nende olwibulo lwabu babebwa ohulinda emiliango kiye inyumba ya Yahwe, inynumba eyo yalangwa tabanakoli. ²⁴Abalindi bakihwa echimbali chine chiosi, huchira ebukwa, emumbo, masawa, nende (south.)²⁵Abasiani babu, abamenya mumadala kabu, babalananga huchinyanga saba, nibakaluhananga. ²⁶Katakario abemeresi bane abalindi, abari aba Lawi babebwa ebigoro nende ebiaki mu nyumba ya Nyasaye. ²⁷Abo bahiesiangia obwire muchimbali chibodohane einyumba ya Nyasaye, huba bari nende emirimo kio ohuilinda. Bakikulanga buri Ichuli.²⁸Abandi hunibo bari bemerera ebindu biomuhekalu; abo babalanga ebindu nibirerwa handi nibirusibwa. ²⁹Abandi hunibo bosi babebwa ohulinda ebindu bitakatifu, ebindu, nende ebirerwa, ebirimo obusie obunyuhe, edivai, amafura, obubani, nende ebindu ebihwangia ebiahula.³⁰Abandi hubana bamakuhani basasiangia ebindu bihwaniangia biahulia. ³¹Matithia, mulala hu ba Lawi owali omubulwa wamberi owa Salumu omu Kohathiti, yemerera ohwania omugati kwe ebianwa. ³²Abasiani babu bandi olwibulo olwa aba Kohathiti, bemerera omugati miyaha ekigengwa imberi wa Nyasaye, okihwania buri Isabato.³³Abembi nende emirwe akechimbia chia aba Lawi bamenya mubigoro ebiri muhekalu sibaholanga emirimo kindi kiosikiosi, hubera bari mbu bahole emirimo ekiyababebwa ohola esidere nesiro. ³⁴Bano bari abemeresi aboluyia lwa aba Lawi, hulondohana nende obwandike bwolwibulo, abasacha abami. Abo bamenya eria Yerusalemu.³⁵Larangene Gibeoni, Yeieli, womuhasi waye yalangangwa Maaka, yamenya Gibeoni. ³⁶Omuibulwa waye wamberi omusiani yari Abudoni, ne abasiani baye bari Suri, Kisi, Baali, Neri, nadabu, ³⁷Gedori, Ahio Sekaria, nende Mikilothi.³⁸Mikilothi yari larangene Simeamu. Abo bosi bamenya ambi nende abasiani babu eria Yerusalemu. ³⁹Neri yari larangene Kisi. Kisi yari larangene Sauli. Sauli yari larangene Yonathani, Malki-Sua, Abinadabu, nende Esi-Baali. ⁴⁰Omusiani wa Yonathani yari Merib-Baali yari larangene Mika.⁴¹Abasiani ba Mika bari Pithoni, Meleki, Tahirea, nende. ⁴²Ahasi yari larangene Yada. Yada yari larangene Alemethi, Asimavethi, nende Simiri. Simiri yari larangene Mosa. ⁴³Mosa yecha yaba larangene Binea; nende Refaia omusiani waye, Eleasa omusiani waye, Aseli omusiani waye. ⁴⁴Aseli yari nabasiani basasaba namera kabu kari Asirikamu, Bokeru, Isimaeli, Searia, Obadia, nende Hanani. Bano bari abasiani ba Aseli.

¹Harano aba Filisitia bahuyana nende Israeli. Buri omusacha wa Israeli yeruha imberi ya aba Filistia handi bakwa asi nibafua hulugulu lwa Giliboa. ²Aba Filisitia bahaaba Sauli nomusiani waye ambi. Aba Filisitia beera Yonathani, Abinadabu, nende Maliki-Sua, abasiani baye. ³Eriye liari erisiro hu Sauli, handi abalasi be chingera bamubukana, handi nibamunyaala.⁴Esialonaho Sauli yabolera omusacha owakinganga ebilasaniro biaye, " Banula olugangala lwao mani unjire. Biraba, bano abarahebwa banecha handi banjehe." Katakario omusacha owamukingiranga ebilasaniro biaye siyahola ario, huba yari omuri. Endio Sauli yabukula olugangala lwaye mwene handi nalukwaho.⁵Owamukingiranga ebilasaniro niyalola mbu Sauli afwire, yakwa hulugangala lwaye mungira eyo handi nafua. ⁶Endio Sauli Yafua, nende abasiani baye badaru, endio abandu be inyumba yaye yosi bafua alala.⁷Abasacha boosi aba Israeli abali mulihoho nibalola mbu beruhe handi Sauli nende abasiani baye bari bafwire, baleha echitauni chiabu handi niberuha. Esialondaho aba Filistia becha nibachimenyamo. ⁸Biecha biaba inyanga ilondaho, aba Filistia nibecha ohubukula ebilasaniro biabafu ba Israeli, handi banyola emilambo kia Sauli nabana baye hulugulu lwa Giliboa.⁹Babukula echingubo nende omurwe kwaye nende ebilasaniro biaye. Baruma abarumwa musialo siosi sia Filistia ohubalandasiria amahua ebifwanani biabu nende hubandu. ¹⁰Bachia nibara ebilasaniro biaye muhekalu ya banyasaye babu, handi nibagura esiongongo siye muhekalu ya Dagoni.¹¹Yabesi Gileadi yosi nibaulira koosi aka aba Filistia baholera Sauli, ¹²Abasacha bosi aberiye bachia handi nibabukula omubiri kwa Sauli nende okwa abana baye, handi nibabarera Yabesi. Basiha amakumba kabu asi yomurumba eria Yabesi handi nibasira ohulia echinyanga saba.¹³Endio Sauli yafwa hulwohuuma elisubira nende ako akayahola ohuraba neerisubira hu Yahwe. Siye yalonda amakerako ka Yahwe, Abula yachiya okonya amakerako hurula humundu walomalomanga nende emisebe. ¹⁴Haba siyakonya ohwemerwa nende Yahwe, endio Yahwe yamwira handi naberesia oburuki hu Daudi omusiani wa Yesse.

¹Esialondaho Israeli yoosi bebusia alala nende Daudi eria Heburoni handi nibabola, "Lingala, efwe huli inyama nende amakumba kao. ²Ambi saano, omuruki Sauli naruruka, neewe owemerera abeliye ba Israeli. Yahwe Nyasaye wao yahubolera, 'Neewe owicha ohwaya abandu bange Israeli, handi wicha ohuba omuruki akulu wabandu bange Israeli." ³Endio abahulundu ba Israeli boosi becha oomuruki eria Heburoni, handi Daudi nahwania eindagano nabo imberi ya Yahwe. Babaha amafura Daudi ohuba omuruki wa Israeli. Mungira eyo, eimbosi ya Yahwe eya lakulwa nende Samueli yecha yaba yobwadieri⁴Daudi nende Israeli boosi bachia Yerusalemu (eyo ni, Yebusi ). Harano aba Yebusiti, abamenyi besialo eso baliwo ao. ⁵Abamenyi ba Yebusi babolera Daudi, " Ewe sonecha ano." Katakario Daudi yadira eihumba ya Sayuni, eyo ni, eitauni ya Daudi. ⁶Daudi yari abolere, " Yosiyosi onarangirira ohuyana nende aba Yebusiti yecha huba omwemeresi owa beriye." Endio Yoabu omusiani wa Seruya niwa rangirira ohuyana, endio yaholwa omwemeresi⁷Esialondaho Daudi yachaka omenya muihumba. Endio bayilanga itauni ya Daudi. ⁸Yembaha itauni yoosi naibodohania hurula Milo nende ohufunyia husida esiali sibodohane. Yoabu yahwania chimbali chindi chie itauni. ⁹Daudi yecha yaba namani muno muno hubera Yahwe wemikanda yari naye¹⁰Bano nibari abemeresi abari nende Daudi, abelolosia ohuba namani naye muburuki bwaye, alala nende Israeli omubeka oburuki, ohufukirira eimbosi ya Yahwe hulondohana nende Israeli. ¹¹Buno nibuchane obwa abasacha abakali aba Daudi: Yasobeamu omusiani wa Hakimoniti, yari omemeresi omuhongo wa abemeresi. Uno yakwisia abasacha mia chidaru nende erifumo riaye esiha silala¹²Omulonda yari Eleasari omusiani wa Dodo, omu Ahohiti owari mulala hubasacha badaru abakali. ¹³Yari nende Daudi eria Pasi Dammim, handi aba Filisitia bebusia alala ohuhuyana, abundu yari nende eindalo yeingano handi aberiye ba Israeli beruha hurula hu ba Filisitia. ¹⁴Bema akari weindalo. Bayilinda handi nibaakamia aba Filisitia hande Yahwe yabaresia nende obuhiri obuhongo¹⁵Esialondaho badaru hu abemeresi amahumi kadaru behirira mu hombe nibecha hu Daudi, mu ihombe ya Adulamu. Aberiye ababa Filisitia bari behale mulihoho lia Refaimu. ¹⁶Esiha eso Daudi yari muihumba yaye, aihombe, ebiha ebo aba Filisitia bari bagurire obwihalo bwabu eria Bethlehemu. ¹⁷Daudi yadaha amachi handi nabola, "Ibere mbu mundu anyala ohumberesia amachi kohungwa hurula musulo iri Bethlehemu, eisulo iriambi nende siiribwa."¹⁸Endio abasacha badaru bakali bamuoma aberiye ba ba Filisitia handi nibatuoma amachi hurula muisulo ya Bethlehemu, eisulo irihusiiribwa. Babukula amachi ako mani nibairira Daudi, katakario yahaya okang'ua. Yachuha rwanyi hu Yahwe. ¹⁹Esilondaho yabola, "Kabe ale nasi imberi ya Nyasaye mbu esie ng'we amachai kabasacha bano abainisie obulamu bwabu?" Hubera bara obulamu bwabu abi, Daudi yahaya okangwa. Kano nikali amahole aka abasacha badaru abakali.²⁰Abisai omusiani wabu Yoabu yari omwemeresi weriye wa abo badaru. Lundi yehonyera elifumo riye ofunira abandu mia chidaru mani nabera. ²¹Hubadaru abo, yabebwa siriibwa mahabi kabiri handi yecha yaba omwemeresi weriye, atakario siyari mulala hunibo.²²Benaia omusiani wa Yehoiada yari eidalang'i weichwoni hurula Kabuseeli, owa hola ebihole bihongo. Yera abasiani babiri aba Arieli owa Moabu. Yeha mulina handi niyera eisimba inyanga ye ibarafu yari nikwichanga. ²³Yosi yera omu Misiri, omusacha owali noburambi bwe mita chibiri. Omu Misiri yari nerifumo ngomwini kwo muluhi, ne yamchira nende olusala lwong'one. Yang'ula erifumo hurula mumuhono kwo mu Misiri handi namwira nende erifumo rie mwene.²⁴Benaia omusiani wa Yehoiada yahola abihole bihongo bino, handi nabalwa alala nende abasacha badaru bakali. ²⁵Yari nende siriibwa siakulu ohiraho aberiye amahumi kadaru alala, katakario siayabukulwa wesiriibwa muno nga abasacha badaru bakali.Ne Daudi yamura oba omwemeresi wa balindi baye.²⁶Echidalang'i chingali chiari Asaheli omusiani wabu Yoabu, Elihanani omusiani wa Dodo wa Bethlehemu, ²⁷Samothi omu Haroriti, Helesi omu Peloniti, ²⁸Ira omusiani wa Ikesi omu Tekoiti, Abieseri omu Anathothiti, ²⁹Sibekai omu Husathiti, Ilai omu Ahohiti.³⁰Maharai omu Netofathiti, Heledi omusiani wa Bana omu Netofathiti, ³¹Ithai omusiani wa Ribai owa Gibea owoluibulo lwa Benyamin, Benaia omu Pirathoniti, ³²Hurai owe rihoho ria Gasi, Abieli omu Arubathiti, ³³Asimavethi omu Baharumiti, Eliahiba omu Saalboniti,³⁴abasiani ba Hasihemu omu Gisoniti, Yonathani omusiani wa Sagee omu Harariti, ³⁵Ahiamu omusiani wa Sakari omu Harariti, Elipali omusiani wa Uri, ³⁶Heferi omu Mekerathiti, Ahiya omu Peloniti, ³⁷Hesiro omu Karameliti, Naarai omusiani wa Esibai,³⁸Yoeli omusiani wa Nathani, Mibihari omusiani wa Hagiri, ³⁹Seleki omu Amoni, Naharai omu Berothiti (omukingi webilasaniro biya Yoabu omwana wa Seruya), ⁴⁰Ira omu Ithriti, Garebu omu Ithriti, ⁴¹Uria omu Hiti, Sabadi omusiani wa Ahilai,⁴²Adina omusiani wa Sisa omu Rubeni ( omuhongo owa ba Rubeni nende amahumi kadaru naye, ⁴³Hanani omusiani wa Maka, nende Yosafati omu Mithiniti, ⁴⁴Usia omu Asiterathiti, Sama nende Yeieli abasiani ba Hothamu omu Aroeriti,⁴⁵Yediaeli omusiani wa Simiri, Yoha ( omusiani wabu omu Tisiti), ⁴⁶Elieli omu Mahaviti, Yeribai nende Yosavia abasiani ba Elnaamu, Ithima omu Moabu, ⁴⁷Elieli, Obedi, nende Yaasieli omu Mesobaiti.

¹Bano nibari abasacha abechera Daudi eria Sikilagi, esiha siayari niekisire obweni bwa Sauli omusiani wa Kisi. Bano barimo aberiye, abahonyi baye muliye, ²Bano bari bekwihire nende echingera handi bali nobunyala bwo hwehonyera omuhono mulungi nende omuhono omuhasi muhulasa amakina nende muhulasa echingera. Bano bali aba Benyamini, abeho ba Sauli.³Omwemeresi wabu yari Ahieseri, olondaho yari Yoasi, boosi nibasiani ba Semaa omu Gibeaithiti. Baruo bosi Yesieli nende Peleti, abasiani ba Asimavethi, baruo bosi Beraka, Yehu omu Anathothiti, ⁴Isimaia omu Gibeoniti, oweriye hubaria amahumi kadaru ( handi owali omwemeresi owa amahumi kadaru); Yeremia, Yahasieli, Yohanani, Yosabadi omu Gederathiti,⁵Elusai, Yerimothi, Bealia, Semaria, Sefatia omu Harufiti, ⁶Aba Korahiti Elikana, ISia, Asareli, Yoeseri, Yasbeamu, nende ⁷Yoela nende Zebadia, abasiani ba Yerohamu oa Gedori⁸Aba Gaditi beyunga hu Daudi muihumba musichimi. Abo bari echidalang'i chiamani, abasacha beriye, berekeha huchia muliye, abo bari nobunyala bwo hwehonyera Ingabo nende amafumo; bari nobweni bwamarichasi nga obwene bwe chisimba. Bali bangu nga chinjobe muchingulu.⁹Eria yaruo Eseri Omwemeresi, Obadia wohubiri, Eliabu, wohudaru, ¹⁰Misimana wohune, Yeremia wohuranu, ¹¹Atai wohusasaba, Elieli owasaba, ¹²Yohanani owa munane, Elisabadi owatisa, ¹³Yeremia owehumi, Makabanai welihumi nende mulala.¹⁴Abasiani ba Gadi bari abemeresi abo mukanda kwe riye. Omaliliha yemera emia, owali mukali muno yemerera elifu. ¹⁵Baswiha omwalo kwa Yoridani humwosi kwamberi, nikumaalire, bekera abamenyi bo mumahoho ohwiruha, echimbeka chiosi chibri ohuchia emumbo nende ohuchia ebukwe.¹⁶Balala hubasacha ba Benyamini nende Yuda bechera Daudi muihumba. ¹⁷Daudi yarula obabukanira handi nalomaloma nabo: "Nikali mbu munjichire nonulembe ohuhonya, omuoyo kwange kunaba alala nang'u. Ne nimwichire ohuhoba hubasuku bange, leha Nyasaye waba kukefu balole handi babachike, hubera siholere amabi."¹⁸Esialondaho omusabwa kanina Amasai, owali omwemeresi owa mahumi kadaru. Amasai yabola, "Efwe huli bao, Daudi. Efwe huli lwanda lwao, omusiani wa Yesse. Omulembe, Leha omulembe kube nende yosiyosi ohuhonya, omulembe kube nende abahonyeri bao, hubera Nyasaye ali ohuhonyanga." Esialondaho Daudi yabengisia handi yabahola oba abemeresi aba abandu baye¹⁹Abandi hurula Manase beruhira Daudi niyecha nende aba Filisitia ohuhuyana liye nende Sauli. Ne sibahonya aba Filisitia, hubera abami ba baFilisitia bekerera bene handi niberusia Daudi. Babola, "Anaruleha handi afunye hu omwami waye Sauli obulamu bwefu bunyala bwaba abi." ²⁰Niyachia Sikilagi, abasacha ba Manase abeyunga naye bari Adina Yosabadi, Yediaeli, Mikaeli, Yosabadi, Elihu, Silethai, abemeresi abe chilifu aba Manase.²¹Bahonya Daudi ohuhuyana nende emikanda kia abebi abakendananga, hubera bari Chidalang'i chiamani. Endio becha baba abemeresi abo mukanda kweliye. ²²Ludalo ngo ludalo, abasacha bechera Daudi ohumuhonya, husia ohuba omukanda omukali kwe liye, nga omukanda kweliye kwa Nyasaye.²³Buno nobwandiki abeliye abekwihire hu liye abecha hu Daudi eria Heburoni, ohukaluhania oburuki bwa Sauli ohumu.chira, eikingire eimbosi ya Yahwe. ²⁴Abasacha ba Yuda abakinga echingabo nende amafumo bari 6,800, abekwihire hu liye. ²⁵Hurula aba Simeoni barua 7,100 echidalang'i chiamani abekesibwa eliye.²⁶Hurula huba Lawi barua 4,600 abasacha abahuyani. ²⁷Yehoiada niwari omwemersi wolwibulo lwa Haruni, handi naye barua 3,700. ²⁸Nende Sadoki, omusacha omuraga eidalang'i ya mani, barua abemeresi amahumi kabiri nende chibiri hurula muluyia lwaye.²⁹Hurula benyamini, abeho ba Sauli bari elifu chidaru. Obungi bwabu bari nibalindire einyumba ya Sauli hula ebiha bino. ³⁰Hurula aba Efuraimu barua 20,800 echidalang'i chiamani, absacha abari neifuma muchimbia chiabu. ³¹Hurula esimeka sia Manase baruo elifu lihumi nende munane abasacha abeifuma abecha obeka Daudi oba omuruki.³²Hurula hu Isakari baruo abemeresi mia chibiri abari bamanya olakula ebiha biicha handi bamanya esiya Israeli ihoyere ihole. Abeho babu boosi bari asi wa malagiro kabu. ³³Hurula hu Sabuloni baruo abasacha abahuyani elifu amahumi karanu, aberekeha ohuyana liye, nende ebilasaniro biabu biosi, handi berekeha ohubechana obwesikwa bura kabuhane³⁴Hurula hu Nafutali baruo abemeresi elifu ndala nende alala nabo abasacha elifu mahumi kadaru nende saba abari nende echingabo namafumo. ³⁵Hurula hu aba Dani baruo abasacha 28,600 aberekehe ohuhuyana liye.³⁶Hurula hu Aseri baruo abasacha abeliye elifu mahumi kane aberekehe ohuhuyana liye. ³⁷Hurula ingereha womualo kwa Yoridani, hurula hu aba Rubeni, aba Gadi, nende esimeka sio oluiyia lwa Manase, baruo abasacha elifu emiandala nende amahumi kabiri nende buli aina yebilasaniro biye liye.³⁸Abahuyani bano boosi, abali nende buli sindu siye liye, becha eria Heburoni becha nende omuoyo kwoosi ohubeka Daudi ohuba omuruki wa Israeli. ³⁹Aba Israeli boosi abadonga bafukirisania ohubeka Daudi ohuba omuruki bosi. Bari ao nende Daudi echinyanga chidaru, nibalichanga nende ohung'wa, huba beho babu balera biosi ebidahihana. ⁴⁰Humedaho, abo abari ambi nabo, hula Isakari nende Sabuloni nende Nafutali, balera emigati huchipunda, chingamia, abana be chipunda, ching'ombe chiguruhi,echikeki, Idivai, amafura, echingombe nende amakondi huba bwaruo obusangafu mu Israeli

¹Daudi yalomaloma nende abemeresi abe chilifu nende abe chimia, nende buri omwemeresi. ²Daudi yabolera omuhung'ano okwa Israeli, "Nikali mbu nebilayi hueng'we handi nikali kano karula hu Yahwe Nyasaye wefu, leha hurume abarumwa buli abundu abasiani befu badong'ere muchimbali chiosi chia Israeli, nende hu makuhani nende aba Lawi abari muchitauni chiabu. Leha babolerwe ohwicha alala nafu. ³Leha hulere erisanduku ria Nyasaye rirufunyire, Hubera sihwakonya ohudaha hwaye muburuki bwa Sauli." ⁴Omuhung'ano kwoosi kwakanya ohuhula ebindu bino, hubera muchimoni chia boosi abandu boosi baloloha ohuba siria esiri abwene.⁵Endio Daudi yahung'ania Israeli yoosi alala, hurula omwalo kwa Sihori ohula Misriri hula Lebo Hamathi, ohulera erisanduku ria Nyasaye hurula Kiriathi Yearimu. ⁶Daudi nende Israeli yoosi bachia eria Baala, eyo ni, Kiriathi Yearimu, eyiri Yuda, hulera hulula eyo erisanduku ria Nyasaye, erialangwa hurlira ria Nyasaye, Yahwe, owihalanga huburuki akulu wa makerubi⁷Endio behasia erisanduku ria Nyasaye hu eligare eliyaha. Nibalilera rwanyi weinyumba ya Abinadabu. Usa nende Ahio balindanga eligare. ⁸Daudi nende Israeli yoosi bari nibesangasia imberi ya Nyasye nende amani kabu kosi. Bembanga nende ebidingidi nende amarere, echingoma, amanyenga, nende chitrumbete.⁹Niboola hulwanyi lwe sihonjero sia Kidoni, Usa yakolola omuhono kwaye ohudiraho erisanduku, hubera echiguruhi chiari chiye gumule. ¹⁰Esialondaho elirima ria Yahwe riaha akulu wa Usa, handi Yahwe yemwira hubera Usa yakolola omuhono ohudiraho erisanduku. Yafwa mumoni chiya Nyasaye. ¹¹Daudi yari nelirima hubera Yahwe ahuire Usa. Abundu ao yilangwa Peresi Usa hula rero¹²Daudi yaria Nyasaye inyanga eyo. Yabola, "nyala orera erisanduku ria Nyasaye mudala riange endie?" ¹³Endio Daudi siyaira erisanduku mutauni ya Daudi, ne yaliraa hundulo munyumba ya Obedi-Edomu omu Giti. ¹⁴Erisanduku riadong'a munyumba ya Obedi-Edomu munyumba yaye humiosi kidaru. Endio Yahwe yaberesia echihabi inyumba yaye yoosi nende ebiali nabo.

¹Esialondaho Hiramu omuruki wa Tire yaruma abarumwa hu Daudi, nende emisala, aberanyi abechimbao, abafundi bohwimbaha. Bamwimbahira einyumba. ²Daudi yamanya mbu Yahwe amugurire oba omuruki wa Israeli, handi mbu oburuki bwaye bwakingulwa akulu hulwa abandu baye Israeli.³Mu Yerusalemu, Daudi yemada abahasi, handi yecha yaba larangene abasiani bangi nende abana bahana. ⁴Bano nibari abana abayebula eria Yerusalemu: Samua, Sobab, Nathani, Suleimani, ⁵Ibahari, Elisua, Elepeleti ⁶Noga, Nefegi, Jafia, ⁷Elisama, Beliada, nende Elifeleti.⁸Harano aba Filisitia nibaulira mbu Daudi yari abahirwe ngo omuruki wa Israeli, boosi bachia ohumukonya. Katakario Daudi niyakaulira yarula ochia ohuyana nabo. ⁹Harano aba Filisitia bari bechere bahuire handi bebere ebindu mu rihoho ria Refaimu¹⁰Esialondaho Daudi yakonya obuhonyi hu Nyasaye. Yabola, "Nyala ndahuya aba Filisitia?" Onamba obuhiri akulu wabu?" Yahwe yamubolera, "Bahuye, huba obwadieri bwene wicha obahira," ¹¹Endio becha eria Baali Perasimu, handi eyo yabahira. Yabola, "Nyasaye ahirire abasuku bange hubirira omuhono kwange nga omuhula kwa machi karandule." Endio elire ria abundu ao liecha liaba Baali Perasimu. ¹²Aba Filisitia baleha banyasaye babu eria handi Daudi yainia erilako mbwe basambwe.¹³Esialondaho aba Filisitia bengira namani mu rihoho ero handi. ¹⁴Endio Daudi yasaba obuhonyi hurula hu Nyasaye handi. Nyasaye yamubolera, "Orabahuya hurula imberi yabu, arali ao babodohane inyuma yabu handi obechere nimubirira mumisala kia balismu.¹⁵Nimuulira omuoyo okwa bandu bekenda mubuchane mumuyaka kufura nikubirira akulu yemisala kia balisamu, haro mubahuye namani. Muhole kano hubera Nyasaye anaba arulire imberi yengu nimurahuya aberiye aba ba Filisitia." ¹⁶Endio Daudi yahola ngolwa Nyasaye yari amulagire. Yahira abeliye liya aba Filisitia hurula Gibeoni hula Geseri. ¹⁷Esilondaho eifuma ya Daudi yachia mubialo biosi, handi Yahwe yahola ebialo biosi ohumuriya

¹Daudi yeimbahira echinyumba mutauni ya Daudi. Ya hwania abundu yabara erisanduku ria Nyasaye handi nalihwanisiria elihema. ²Esialondaho Daudi Yabola, " Aba Lawi bong'one nibanyala okinga erisanduku ria Nyasaye, hubera nibari balobolwe nende Yahwe ohukinga erisanduku ria Yahwe, nende ohu murumihira chinyanga chios. ³Esialondaho Daudi yahung'ania Israeli yoosi eria Yerusalemu, ohulera erisanduku ria Yahwe abundu ayali arihwanisirie⁴Daudi busia alala oluibulo lwa Haruni nende aba Lawi. ⁵Hurula muluibulo lwa Kohathi, yaruo Urieli omwemeresi nende abeho baye, abasacha 120. ⁶Hurula muluibulo lwa Merari, yaruo Asaia omwemeresi nende abeho baye abasacha,220.⁷Hurula muluibulo lwa Gerisomu, yaruo Yoeli omwemeresi nende abeho baye, abasacha 130. ⁸Hurula muluibulo lwa Elisafani, yaruo Semaia omwemeresi nende abeho baye, abasacha 200. ⁹Hurula muluibulo lwa Heburoni, yaruo Elieli omwemeresi nende abeho baye, abasacha mahumi munane. ¹⁰Hurula muluibulo lwa Usieli, yaruo Aminadabu omwemeresi nende abeho baye, abasacha 112.¹¹Daudi yalanga Sadoki nende Abiathari amakuhani, nende aba Lawi Urieli, Yoeli, Semaia, Elieli, nende Aminadabu. ¹²Yababolera, " engwe muli abemeresi aba abaLawi. Mwelafuyie, engwe nende abasiani bengu, mumede olera erisanduku ria Yahwe, Nyasaye wa Israeli, ohuira abundu yamalire olihwanisiria.¹³Simwalikinga olwamberi. Nibiakera Yahwe narusandia, huba sihwamukonya ata ohuria amalako kaye." ¹⁴Endio amakuhani nende aba Lawi belafuyia babukane olera erisanduku ria Yahwe, Nyasaye wa Israeli. ¹⁵Endio aba Lawi bakinga erisanduku ria Nyasaye humabeka nende emisiiro, ngolwa Musa yari alagire_ ohulondana nende amalako akabebwa hubirira imbosi ya Yahwe.¹⁶Daudi yalomaloma nende abaLawi baberesie emirimo abasiani babu kio hwebembi banyale ohukingula emuoyo kwa akulu ebindu biohuba obuhana, marere, nende amanyenga, ohukingula akulu emioyo kiobusangafu. ¹⁷Endio abaLawi balobola Hemani omusiani wa Yoeli nende mulala hubasiani babu, Asafu omusiani wa Berekia. Abo bosi balobola abeho hurula muluibulo lwa Merari nende Ethani omusiani wa Kusaia. ¹⁸Alala nabo baruo abeho babu abe ingasi yohubiri: Sekaria, Yaasieli Semiramothi, Jehieli, Unni, Eliabu Benaia, Maaseia, Matithia,Efelehu, Mikineia, Obed-Edomu, nende Yeieli, abalindi be miliango.¹⁹Abahubi abobuhana Hemani, Asafu, nende Ethani balobolwa ohuba amanyenga humuoyo kwa akulu ²⁰Sekaria, Semiramothi Yehieli, Unni, Eliabu, Maaseia, nende Benaia bafura amarere, nikarekehwe hu Alamothi. ²¹Matithia, Elifelehu, Mikineia, Obed-Edomu, Yeieli, nende Asasia bemerera nebidingidi ebirekehwe hu Seminithi.²²Kenania, omwemeresi owa ba Lawi yari niwemerera obuchane wohwemba hubera yari omwekesia wohwemba. ²³Berekia nende Elikana bari abalindi be erisanduku. ²⁴Sebania, Yosafati, Nethanieli, Amasai, Sekaria, Benaia, nende Eliesari, amakuhani baruo ohufura chitrumbete imberi ye erisanduku ria Nyasaye. Obed-Edomu bari abalindi aberisanduku.²⁵Endio Daudi, abahulundu ba Israeli,nende abemeresi abeliye abemerera echilifu bachia ohulera erisanduku rie indagano ria Yahwe hurula munyumba ya Obedi-Edomu nende ohusangala. ²⁶Eno Nyasaye yahonya aba Lawi abakinga erisanduku rie indagano ria Yahwe, bainia omusango okwe eching'ombe chiguruhi saba nende amakondi maguruhi saba.²⁷Daudi yefwala eijoho yeisufi inywerefu, nga aba Lawi abari bakingire erisanduku, abembi, nende Kenania, omwemeresi wolwembo nende abembi. Daudi yari yefwalire efodi ya sufi. ²⁸Endio Israeli yoosi barusia erisanduku rie indagano Yahwe nende obuyoko bwobusangafu, nende emioyo kie chinjika nende chitrumbete, nende amanyenga, nende amarere nende amahana.²⁹Katakario ngolwa erisanduku rie indagano ria Yahwe liola mutauni ya Daudi, Mikali omuhana wa Sauli, yahengera mulidirisa. Yalola omuruki Daudi nahinanga nende ohusangala. Esialondaho yamuleka mumuoyo kwaye.

¹Balera erisanduku ria Nyasaye handi nibaligeng'a akari we lihema elia Daudi yali aligurire. Esialondaho bainiyia ebianwa biohusamba nende ebianwe bio huhung' ana imberi wa Nyasaye. ²Daudi niyahamala ohuinia ebianwa biohusamba, yaberesia abandu echihabi mulira lia Nyasaye. ³Yakaba buri mundu wa Israeli, boosi absacha nende abahasi, omugati mulamba, esikusu sie inyama, nende echikeki.⁴Daudi yalobola aba Lawi bandi ohurumiha imberi we erisanduku, nende ohuhwania omwimo, ohuhuba oriyo nende ohupaka Yahwe, Nyasaye wa Israeli. ⁵Aba Lawi bano bari Asafu omwemeresi, wohubiri huniye Sekaria, Yaasieli, Semiramothi, Yehieli, Matithia, Eliabu, Benaia, Obedi-Edomu, nende Yeieli. Bano bari bafure amarere nende ohuba ebidingidi. Asafu yari ahube amanyenga, nomuoyo kwa akulu. ⁶Benaia nende Yahasieli amakuhani bari bafure echitrumbete buri ludalo, imberi we erisandaku lie indagano ya Nyasaye.⁷Esialondaho inyanga eyo Daudi olwamberi yalobola Asafu nende abasiani babu ohwemba olwembo lwo ohuba oriyo muno hu Nyasaye. ⁸Muhubire Yahwe oriyo muno, mulange elira liaye; mumanyisie ebihole biaye mubialo. ⁹mumwembere, mumwembere chinyembo chio humupaka; mulomalome ebihole biye bihongo biukisia.¹⁰Mwesungire elire lieye litakatifu; leha emioyo kia abo abakonya Yahwe basangale. ¹¹mukonye Yahwe nende amani kaye; mukonye oba ambi naye buri lwoosi¹²Mwichulire ebindu biukisia ebia aholere, nende ebihole biaye biamaiyia nende amalako karula mumunwa kwaye, ¹³Engwe oluibulo lwa Israeli omusumba waye, engwe bandu ba Yakobo, abalobole baye. ¹⁴Ni Yahwe, Nyasaye wefu.Amalako kaye kali musialo siosi.¹⁵Mudire indagano yaye mumaparo keng'u chinyanga chiosi, eimbosi eya yalagira huluibolo elifu. ¹⁶Yechulisiangia indagano eya yahola nende Abrahamu, nende indagano yaye hu Isaka. ¹⁷Sino ni siyayosirisia hu Yakobo nga lilako, nende hu Israeli nga indagano yechinyanga chiosi. ¹⁸Yabola," Ndabeberesia esialo siya Kanani sibe siengu nende oluibulo lwengu."¹⁹Nibaari abadidi mububali, badidi muno,handi bari abakeni musialo, ²⁰bang'abana hurula musialo sino nibachia musialo sindi, hurula muburuki buno ohuchia muburuki obundi. ²¹Siya kanya omundu yosiyosi obasandia; yasandia abaruki humbosi yabu. ²²yabola, " Muradiraho abalobole bange, handi muranyaala amanabi kange.²³Mwembere Yahwe, esialo siosi; mulandasie obuonia baye buri ludalo. ²⁴Mulandasie oluyari lwaya mubialo, nende ebihole biaye bimaiyia mubialo biosi.²⁵Huba Yahwe nomukali handi ahoerwe apakwe nobukali, handi ahoere abebwe esiribwe ohiraho banyasaye bandi. ²⁶Huba banyasaye boosi abomubialo nebifwanani, katakario ni Yahwe owalonga echingulu. ²⁷Obulai bwaye nende obukali bwaye buri aari. Amani nende obusangafu buli abundu waye.²⁸Hupake Yahwe, engwe chimbia chia bandu, hupake Yahwe oluyari nende amani! ²⁹Hupake Yahwe oluyari lwe rira riaye rikwanirwa. Mulere esianwa handi mwiche imberi waye. Muinamire Yahwe mubulai bwo obutakatifu bwaye.³⁰Murengerehe imberi waye esialo siosi. Esialo siosi sigurirwe; sisinyala odengeisibwa. ³¹Leha chingulu chisangale, handi leha esialo sisangale; leha babole mubialo, "Yahwe aruka."³²Leha inyanja iyinie omuoyo, nende siosi esiarumbamo siyokere nobusangafu, Leha ebipapi bisangale, nende biosi ebirimo. ³³Leha emisala musibira kiyokere nobusangafu imberi wa Yahwe, huba yecha ohuhalakira esialo sina³⁴Muhubire Yahwe oriyo, hubera nomulai, huba eindagano nende obwesikwa bwaye buruo chinyanga chiosi. ³⁵Haro boola, Ruresie, Nyasaye wobuonia bwefu. Rubusie alala handi oruresie hurula mubialo bindi, huniho hunyale ohubira oriyo elira laio litakatifu nende oluyari muhupakwa hwao."³⁶Leha Yahwe, Nyasaye wa Israeli, opakwe hurula echinyanga chiosi husia echinyanga chiosi.³⁷Endio Daudi yaleha Asafu nende abasiani babu ao imberi ye erisanduku lie indagano lia Yahwe, ohurumiha chindalo chiosi imberi ye erisanduku, ngolwa emirimo kiaburi ludalo kidaha. ³⁸Obedi-Edomu nende abeho abo mahumi kasasaba nende munane barimo. Omusiani wa Obed -Edomu Yeduthuni, alala nende Hosa, bari babe abalindi abemiliango. ³⁹Sadoki omukuhani nende abahosi basie bari barumihe imberi ya ihekalu ya nyasaye abundu akinguhire eria Gibeon⁴⁰Bari bainie ebiyanwa bio husambwa hu Yahwe humaika ako kohusambiraho ebiyanwa buri lwoosi ichuli nende esichiambo, ngolwa biandikwa mumalako ka Yahwe, aka yabechana nga amalagiro hu Israeli. ⁴¹Hemani nende Yeduthuni bari nabo, alala nende abandi baria abalobolwa namera, ohuhuba oriyo muno hu Yahwe, hubera obwesikwa obwe indagano yaye bumenya chinyanga chiosi.⁴²Hemani nende Yeduthuni bemerera abo abahubanga chitrumbete,amanyenga, nende amahana ako buhana bwoluyari. Abasiani ba Yeduthuni balindanga omuingira. ⁴³Esialondaho abandu boosi bafunya mumayumba kabu, handi Daudi yafunya ohuba echihabi einyumba yaye yene.

¹Daudi niyahamala ohwihala munyumba yaye, yabolera Nathani omunabi, "Ling'ala, Esie menyere munyumba yechimbao chia cedar, ne erisanduku lia Yahwe limenyere asi werihema." ²Esialondaho Nathani yabolera Daudi, " Chia, ohole esiri mumuoyo kwao, huba Nyasaye alinawe³Katakario musiro siye inyanga eyo imbosi ya Nyasaye yechera Nathani, niibola, ⁴Chia obolere Daudi omusumba wange, Kano niko Yahwe abola: Sonanyimbahira inyumba eyanyala omenyamo. ⁵Huba ndaramenyaho munyumba hurula inyanga yandarusia Israeli hula rero. Haba, Esie mbere nimenyere muhema, Kata Itabanakoli, muchimbali chiauhane. ⁶Muchimbali chiosi chia ngederemo akari wa Israeli, ndaboleraho wina sindu siosisiosi hu abahalaki abe sina ba Israeli, aba ndalobola ohwaya abandu bange, nimbola, " Husina sumunyimbahire inyumba ye chimbao?"⁷Haro esilondaho, Bolera omusumba Wange Daudi, Kano niko Yahwe owe mikanda abola:Ndahubukula hurula muhwaya, hurula muhulondanga amakondi, endio obe omuruki wa bandu bange Israeli. ⁸Mbere nawe abundu yosiyosi yochire handi omalire omalao abasuku bao boosi imberi wao, handi njicha ohuhwanisiria elira, nga elira ria baria abakali abari husialo⁹Njicha olobola abundu hu bandu bange Israeli handi njicha obaraka ao, bamenye abundu wabu bene handi sibanasandisibwa handi, Abandu babi sibanabasandia, ngolwa bahola inyuma ao, ¹⁰Ngolwa baholanga hurula echinyanga echia ndalagira abahalaki abe sina ohuruka abandu bange Israeli. Esinalondaho njicha ohwakamia abasuku bao boosi. Humeda huako Esie hubolera mbu Esie, Yahwe, njicha ohwimbahira inyumba¹¹Bineholeha mbu echinyanga chiao nichiahayera ewe ohuchia hu balarao, njicha ohusingisia oluibulo lwao inyuma yao, handi hu mulala wolwibulo lwao mwene, Njicha ohugura oburuki bwaye. ¹²Yecha hunyimbahira eiyumba, handi Esie njicha ohugura esisala sio oburuki bwaye echinyanga chiosi¹³Njicha oba lara huniye, handi yecha oba omusiani wange. Esie sindamumalaho obwesikwa obweindagano yange hurula huniye, ngolwa ndabukula hurula hu Sauli, owaruka imberi wao. ¹⁴Njicha omukingula munyumba yange handi nende muburuki bwange chinyanga chiosi, handi esisala siaye sio buruki sinagurwa chinyanga chiosi." ¹⁵Nathani yalomalomera Daudi handi namubolera echimbosi chino chiosi, yamubolera hubufumbuli obo bwoosi¹⁶Esialondaho Daudi omuruki yachia mukari handi niyehala imberi ya Yahwe; nabola, " Esie ndi wina, Yahwe Nyasaye, handi einyumba yange nisina, eikera niunjusia ano? ¹⁷Hubera sino nesindu sididi mumoni chao, Nyasaye. Olomalome huinyumba yomusumba wao husiha sikali siicha, handi unjekesie oluibulo lwicha, Yahwe Nyasaye. ¹⁸Sina sindi sia esie, Daudi, nyala ohubolera? Oberesie omusumba wao esiriibwa, Ewe oberesie omusumba wao ohumanyiha muno.¹⁹Yahwe hulwa omusumba wao handi huhusirisia ohudaha huao mwene, ewe oholere esindu sikali sino ohufunula ebihole biao bikali. ²⁰Yahwe aumao undi ngewe, aumao Nyasaye undi arali ewe, ngolwa humalire oulira buriluosi. ²¹Huba sialo sina husialo huno esiri nga bandu bao Israeli, aba ewe, Nyasaye waresia hurula Misiri nga bandu bao, ohwehwanisiria elira hubirira ebihole ebikali handi ebiukisia? Ewe werusia ebialo hurula imberi yabandu bao, aba waresia hurula Misiri.²²Ewe wahola Israeli oba abandu bao chinyanga chiosi, handi ewe, Yahwe wecha waba Nyasaye wabu. ²³Endio harano, Yahwe, leha esiawalaka ohulondohana nende omusumba wao nende einyumba yaye igurwe echiyanga chiosi. Hola ngolwa walomalome. ²⁴Leha elira lio ligurwe echinyanga chiosi handi libe likali, endio bandu banabola, " Yahwe owemikanda ni Nyasaye wa Israeli, 'ebiha ebo inyumba yange, Daudi, omusumba wao igurwe imberi wao²⁵Huba ewe, Nyasaye wange omalire ohufunulira omusumba wao mbu wicha omwimbahira inyumba. Niebikera esie, omusumba wao, mbukanire igili yohuhulama. ²⁶Harano, Yahwe, ewe oli Nyasaye, handi oholere esilako silai hu musumba wao: ²⁷Harano bihusangasisie ohuberesia inyumba yomusumba wao echihabi, mbu inyale ochirira chinyanga chiosi imberi wao.

¹Kano nikahabira Daudi yecha nahuyana nende aba Filisitia handi nabahira. Yabukula Gathi nende madala kayio hurula buruki bwabu. ²Esialondaho yahira Moabu, nende aba Moabu becha baba abasumba ba Daudi handi bamurunganga omusoloro.³Daudi handi yecha yahira Hadadeseri, omuruki wa Soba eria Hamathi, ngolwa Hadadeseri yari hulukenda lwohuchia ohugura oburuki bwaye hundulo yomwalo kwa Eufrata. ⁴Daudi yamung'ula amagare elifu ndala, aberusi abe chifarasi chilifu saba, nende abasacha chilifu mahumi kabiri bamakulu. Daudi yalasa chifarasi chiosi echiahwesanga amagare, katakario yadong'iya echiyera amagare akoola imia⁵Aba Arameani aba Damascus nibecha ohuhonya Hadadeseri omuruki wa Soba, Daudi yera abasacha echilifu amahumi kabiri nende babiri aba Arameani. ⁶Esialondaho Daudi yembahira emikanda kia aberiye eria Aramu ya Damaski, handi aba Arameani becha baba abasumba baye handi bumulerera omusoloro. Yahwe yaberesia Daudi obuhiri yosiyosi ayachichanga⁷Daudi yabukula echingabo chie idahabu echiari nende abasumba ba Hadadeseri handi nachirera Yerusalemu. ⁸Hurula Teba nende Kuni, echitauni chia Hadadeseri, Daudi yabukula Isaba inyingi. Isaba ino niyaya suleimani yecha yahwanisiria ebeseni ye isaba eyalangangwa " Einyanja," emisiro, nende ebindu biosi bye isaba⁹Tou omuruki wa Hamathi, niyaulira mbu Daudi ahirire omukanda kwe riye okwa Hadadeseri omuruki wa Soba, ¹⁰Tou yaruma Hadoramu omusiani waye hu muruki Daudi ohumuhesia nende ohumuba echihabi. Yahola kano hubera Daudi yali ahuyane nende Hadadeseri handi amuhirire, handi hubera Tou yali nahuyanaga nende Hadadeseri.Tou yosi yali arumire Daudi ebindu bingi ebiauhane ebiahwanisibwa nende idahabu nende ifedha nende isaba. ¹¹Omuruki Daudi yakabulira ebindu bino Yahwe, alala nende ifedha nende eidahabu eyabakinga hurula mubialo biosi: Edomu, Moab, abandu ba Amoni, aba Filisitia, nende Amaleki¹²Abisai omusiani wa Seruya yera aba Edomi chilifu lihumi nende munane mulihoho lie ichumbi. ¹³Yarayo Emikanda kia aberiye mu Edomu, handi aba Edomi boosi becha baba abasumba ba Daudi. Yahwe yaberesia Daudi obuhiri yosi yosi ayachia.¹⁴Daudi yaruka Israeli yoosi, handi yahola akakwanirwe nende akobwadieri hubandu baye boosi. ¹⁵Yoabu omusiani wa Seruiya yari omwemeresi weriye, handi Yehosafati omusiani wa Ahiludi yari omwandiki. ¹⁶Sadoki omusiani wa Ahitubi nende Ahimeleki omusiani wa Abiathari bari amakuhani, nende Savisa yari omwandiki. ¹⁷Benaia omusiani wa Yehoiada yari omwemeresi wa aba Kerethi nende aba Pelethi, handi abasiani ba Daudi bari abemeresi abahongo muno abo Muruki

¹Echinyanga nichiahabira mbu Nahasi, omuruki wa bandu ba Amoni, yafwa handi omusiani waye yecha yaba omuruki abundu waye. ²Daudi yabola, " Esie njicha ohwekesia omuoyo mulai hu Hanuni omusiani wa Nahasi, hubera larangene yanjikesia omuoyo mulai." Endio Daudi yaruma abarumwa ohumufunyia omuoyo hulwa larangene. Abasumba ba Daudi bengira musialo sia aba Amoni handi ni bachia hu Hanuni, amufunyie omuoyo. ³Katakario abemeresi ba Amoni babolera Hanuni, "Opara ori Daudi ari hubechanga larao esiriibwa hubera arumire abandu ohufunyia omuoyo? Abasumba baye sibechere ohuhengera nende obalira esialo babukane osikalula?"⁴Endio Hanuni yadira abasumba ba Daudi, handi nababeka echindefu nahenga echingubo chiabu akari ya madaho, handi nabasebula obwao. ⁵Nibemalira Daudi kano, yaruma bandu ochia obabukanira, huba abasacha abo bari nechisoni muno. Omuruki yabola, " Mwihale Yeriko hula nga chindefu chicha omera, handi esilondaho mufunye."⁶Aba Amoni nibalola mbu banyolesie Daudi, Hanuni nende aba Amoni bakodesia magare aka aba Arameani chitalanta chilifu nende aberusi abe chifarasi hurula Naharaimu, Maaka, nende Soba. ⁷Bakodesia amagare chilifu amahumi kadaru nende kabiri nende omuruki wa Maaka nende omukanda kwaye okwe liye, becha nibehala imberi ya Medeba. Esilondaho aba Amoni bebusia alala hurula muchitauni chiabu handi niba rula ohuhuyana⁸Daudi niyakaulira, Yarumayio Yoabu nende omukanda kwaye kwoosi okwa abasacha abakali. ⁹Abandu ba Amoni barula handi nibechaana hu siiribwa siya itauni, ebiha ebo abaruki abari bechere bali bong'one musipapi¹⁰Yoabu niyalola emikanda kia abeliye imberi waye nende inyuma yaye, yalobola balala hubahuyani abalai muno aba Israeli handi nabachana ohuhuyana nende aba Arameani. ¹¹Baria boosi abadonga, yabara asi yobwemeresi bwa Abisai omusiani wabu, handi yabara mumukanda okwo huhuyana nende omukanda kwe liye okwa Amoni¹²Yoabu yabola, " Nikali aba Arameani nibamani ohuhira, ewe Abisai , undesie. Ne nikali mbu abeliye aba Amoni nibamani ohuhira, mani esie ndecha ohuresia. ¹³Mweberesie amani, handi hweyekesie ohuba namani hulwa abandu befu nende hulwe echitauni chia Nyasaye wefu, hubera Yahwe yecha ohola esilai sialola mumoni chiaye¹⁴Endio Yoabu nende abeliye baye basuda ohuhuyana nende aba Armeani, abaiikwa ohwiruha imberi wa abeliye ba Israeli. ¹⁵Abeliye aba Amoni nibalola mbu aba Arameani beruhe, boosi beruha hurula imberi womusiani wabu Yoabu Abisai handi nibafunya mutauni. Esialondaho Yoabu yafunya hurula hubandu ba Amoni handi nafunya Yerusalemu¹⁶Aba Arameani nibalola mbu bari ohirwa nende Israeli, baruma abarumwa handi nibafunyia aba Arameani hurula ale eria humwalo kwa Eufurati, nende Sofaki omwemeresi weriye owa Hadadeseri. ¹⁷Daudi niyabolerwa kano, yabusia alala Israeli yoosi, nibaswiha omwalo Yordani, nibabolaho. Yachana abeliye ohuhuyana nende aba Arameani, handi niba huyana naye.¹⁸Aba Arameani beruha hurula hu ba Israeli, Daudi yera aba Arameani chilifu saba aberusia amagare nende abeliye abamakulu chilifu amahumi kane. Yosi yera Sofaki, omwemeresi oweliye. ¹⁹Abaruki boosi abari abasumba ba Hadadeseri balola mbu bahirirwe nende Israeli, bahwania omulembe nende Daudi handi bamurumihira. Endio abandu ba Aramu sibari nomuoyo okwo ohuresia aba Amoni handi

¹Echinyanga nichiabira musiminyu sio mwaka, ebiha bia abaruki bachiranga muliye, eya Yoabu yemerera abeliye ochia muliye handi nanyasulusia esialo sia aba Amoni. Yachia nakonerera Raba.Daudi yadong'a mu Yerusalemu. Yoabu yahuya Raba handi naiinyasia yoosi.²Daudi yamalaho eisimbihira yomuruki wabu hurula humurwe kwaye, handi yanyola mbu obusiro bwayio ni eyitalanta ye idahabu, handi mukari wayio yarimo amakina kang'enag'ena. Eisimbihira yarebwa humurwe kwa Daudi, handi yalera rwanyi ebindu bio bukusi bwa akulu ebibukulwangwa muliye hurula mutauni mubung'i. ³Yarusia rwanyi abandu abari mutauni handi nabaika ohuhola emirimo nende emisumeno nende chisururu nende echimbachi. Daudi yadaha echitani chiosi chioluibulo lwa Amoni ohuhola emirimo eko. Esialondaho Daudi nende abandu boosi bafunya Yerusalemu.⁴Echinyanga nichiahabira inyuma ya kano eriye liaruo eria Geseri nende aba Filisitia. Sibekai omu Husathi yera Sipai, mulala hu oluibulo lwa Refaimu, handi aba Filisitia bahirwa. ⁵Biyecha handi muliye nende aba Filistia eria Gobu, mbu Elihanani omusiani wa Yairi omu Bethlehemi yera Lahimi omusiani wabu Goliathi omu Giti, wo omwini okwe lifumo liaye kwali nga owini kwo muluhi.⁶Echinyanga nichia habira muliye lindi eria Gathi mbu yaruo omusacha omukali muburambi owali nechindunga hu mahono kaye koosi nende buri hukulu. Yosi yari omuibulwa hurula Rafa. ⁷Niya nyeka abeliye ba Israeli, Yonathani omusiani wa Simea, omusiani wabu Daudi, yamwira. ⁸Luno noluibulo lwa Rafa wa Gathi, handi berwe humuhono okwa Daudi nende hubirira omuhono okwa basumba baye.

¹Esihieno siakinguha akulu wa Israeli handi nisiisia Daudi ohubala Israeli. ²Daudi yabolera Yoabu nende abemeresi abo mukanda okwe liye, "Chia, mubale abandu ba Israeli hurula Beriseba hula Dani handi wiche underere amahua, huniho esie manye obubali wabu." ³Yoabu yabola, "Leha Yahwe amede omukanda kwaye kweliye amahabi emia mubukali ohirahi ngairi. Ne omwami wange omuruki, boosi sibahurumihira omwami wange? Husina omwami wange adaha kano? Husina olere amabi hu Israeli?"⁴Katakario imbosi yomwami yari namani ohira eya Yoabu. Endio Yoabu yarula yachia mu Israeli yoosi. Esialondaho yafunya Yerusalemu. ⁵Esialondaho Yoabu yafunyia amahua akobubali bwa abasacha abeliye hu Daudi. Barua mu Israeli abasacha 1,100,000 aba banula olungangala. Yuda yong'one yari nende abeliye 470,000.⁶Katakario Lawi nende Benyamini sibabalwa nabo, hubera amalagiro ako muruki kanyolesia Yoabu. ⁷Nyasaye yanyolesibwa nende ebihole ebo, hulwako yahuya Israeli. ⁸Daudi yabolera Nyasaye, "Esie holere obwononi obuhongo muno ohola kano. Harano malayo obwononi bwo omusumba wao, huba Esie holere obusiru muno."⁹Yahwe yabolera Gadi, Omunabi wa Daudi, ¹⁰"Chia obolere Daudi, 'Kano nika Yahwe abola: Huba amahua kadaru. Olobole lala huako.'"¹¹Endio Gadi yachira Daudi namubolera, "Yahwe abola kano, Lobola lala hu kano: ¹²emiaka kidaru kiye injala, emiosi kidaru kio ohabwa nabasuku bao nende ohengwa ne ching'angala chiabu, kose echinyanga chidaru chiolugangala lwa Yahwe, alo ni obulwaye bubi musialo, nende malaika wa Yahwe niyera musialo siosi sia Israeli. Harano esilondaho, yamuaho elikalusio eliahoye njirire ulia oundumire."¹³Esialondaho Daudi yabolera Gadi, "Esie ndi nesibera singi! Leha ngwe mumahono ka Yahwe ohira mumahono ako mundu, huba ebihole biaye biesisa nibikali." ¹⁴Endio Yahwe yaruma obulwaye bubi hu Israeli, handi abandu chilifu amahumi saba bafwa. ¹⁵Nyasaye yaruma malaika eria Yerusalemu ohuinyasia. Ngolwa yari ambi ohuchia oinyasia, Yahwe yabalira handi nakaluhania amaparo huhunyaala. Yabolera malaika owali na nyasia, "Kayerere! Harano funyiayo omuhono kwao." Esiha eso malaika yari niyemere hulwanyi lwo hukesa olwa Orinani omu Yebusi.¹⁶Daudi yalingala akulu handi nalola malaika owa Yahwe niyemere akari wesialo nende elikulu, nari nolugangala lubanule mumahono nalukingulire akulu wa Yersalemu. Esialondaho Daudi nabahulundu, bafwala amagunia, nibeyalisia nibafumame huloba. ¹⁷Daudi yabolera Nyasaye, Sinesie owalagira mbu abeliye babalwe? Esie ndahola esindu sibi sino. Ne amakondi kano, kaholere si? Yahwe Nyasaye wange! Leha omuhono kwao kuuhuye nende oluyia lwange, Ne oraleha obulwaye bubi buno budong'e hubandu bao."¹⁸Endio malaika wa Yahwe yalagira Gadi ohubolera Daudi, mbu Daudi achie handi yembahire Yahwe amaika akomusango eria mulwanyi lwohukesa olwa Orinani omu Yebusi. ¹⁹Endio Daudi yachia nga Gadi yamulagira ohuhola mulira lia Yahwe. ²⁰Orinani niyari akesanga ingano, yakaluhana na lola malaika. Nie nende abasiani baye bane abali naye bekisa²¹Daudi niyola a Orinani, Orinani yalingala akulu nalola Daudi. Yaleha olwanyi lwohukesera handi niyenamira Daudi obweni bwaye nibulingire asi. ²²Esialondaho Daudi yabolera Orinani, "Ngusirie olwanyi olwohukesa luno, nyale ohwimbaha amaika okamusango hu Yahwe. Ndahurunga obukusi bwoosi, hu obulwaye bubi buno bunyale humalwayo hurula hubandu."²³Orinani yabolera Daudi, "Bukula nga bwao, omwami wange omuruki. Hola esiolola silai mumonoi chio, lingala njicha ohwana eching'ombe chiguruhi nga ebianwa biohusambwa, emitwangiro nga chihwi, nende ing'ano ibe esianwa sie imere; Esie ndahuberesia biosi." ²⁴Omuruki Daudi yabolera Orinani, "Haba, Esie ndaha obukuula hu bukusi bwoosi. Sinyala obukula siao handi nyinie ngo esiyanwa sio husamba hu Yahwe esiandarainisie sindu siosisiosi."²⁵Endio Daudi yarungira abundu ao chisekeli mia chisasaba echie idahabu. ²⁶Daudi yembahira Yahwe ao amaika ako musango handi naiinia ebianwa biohusambwa nende ebianwa biohuhung'na. Yalanga Yahwe, owamukalusia nende omuliro hurula mwikulu akulu wa maika akohusamba ebianwa. ²⁷Esialondaho Yahwe yalagira malaika, handi malaika nafunyia olugangala mulisero liayio.²⁸Daudi niyalola mbu Yahwe amukalusie eria mulwanyi lwo ohuhonja olwa Orinani omu Yebusi, yahola omusango ao ebiha biene ebo. ²⁹Harano ebiha ebo, elihema lia Yahwe, elia Musa yahwania eria musichimi, nende amaika akohusambiraho ebianwa, biari abandu akinguhire eria Giboeni. ³⁰Atakario, Daudi siyachiao ohureba amaparo ka Nyasaye, hubera yari arire olugangala lwa malaika wa Yahwe.

¹Esialondaho Daudi yabola, "Ano nainyumba ya Yahwe Nyasaye icha oba, alala nende amaika ake ebianwa biohusambwa aka Israeli." ²Endio Daudi yalagira abasumba baye ohubusia alala abakeni boosi abamenya musialo sia Israeli. Yababeresia emirimo kia ohuhenga amakina, ohuhenga amatafwari akamakina, abukane ohwimbaha inyumba ya Nyasaye.³Daudi yabechana echichuma chinyingi chiyohuhwania emisumari ekiemiliango ekirebwa mubiribwa, nende ekie chipata. Yosi yabechana isaba inyingi eiranyala opimwa, ⁴nende emisala kia seda ekiranyala obalwa ( Aba Sidoni nende aba Tiro balera emisala ekiohwimbaha hu Daudi abale.) ⁵Daudi yabola, "Omusiani wange Suleimani nomuraga handi asiuma obukesi, ne inyumba ihoiere imbahirwe Yahwe idaha ibe indayi, huibe neiifuma nende oluyari mubialo bindi biosi. Endio esie ndiohuhwania ohwimbahwa hwaiyio." Hulwako Daudi yahola obuchane buyaku narafwa.⁶Esialondaho yalanga Suleimani omusiani waye handi namulagira ohwimbahira Yahwe einyumba, Nyasaye wa Israeli. ⁷Daudi yabolera Suleimani, Omusiani wange, liari eliparo riange ohwimbaha einyumba esie mwene, hulwa elira lia Yahwe Nyasaye wange. ⁸Katakario Yahwe yanjichira handi nabola, 'Ewe omalire ohwidisia amachai mangi handi ohuyane amaye mangi. Sonaa nyimbahira inyumba hulira liange, hubera omalire ohwidisia amachai mangi husialo mumoni chiange.⁹Katakario, ewe onaba nomusiani onaba omundu womulembe. Njicha omuulusia hurula hubasuku baye chimbeka chiosi. Huba elira liye rinaba Suleimani, handi njicha obechana omulembe nende obuyenjefu hu Israeli chinyanga chiaye. ¹⁰Anembaha eiyumba yelira liange. Yecha ohuba omusiani wange, handi njicha ohuba larangene, Esie ndagura esisaala sioburuki bwaye mu Israeli chinyanga chiosi.'¹¹Harano, omusiani wange, leha Yahwe abe nawe handj ahunyalire ohuulilira. Ewe onyale ohwimbaha einyumba ya Yahwe Nyasaye wao, ngolwa yabola yahole. ¹²Yahwe yong'one ahube amakesi nende ohumanya, endio mbu ewe olonde amalako ka Yahwe Nyasaye wao, nahura ohuruka Israeli. ¹³Hu ewe obe wohuulilira, nikali onalonda bilai amalako nende amalagiro aka Yahwe yaberesia Musa akadiraho hu Israeli. Obe wamani nende weichuoni. Oraria kata wafuamuoyo.¹⁴Harano, lingala, nende amachuni makali esie hwanisirie einyumba ya Yahwe echitalanta 100,000 chie idahabu, chitalanta emilioni ndala cheifedha, nende Isaba nende eyichuma mubungi. Esie siosi mbechane chimbao nende amakina. Ewe biri mbu omedeho bindi hubino biosi.¹⁵Olinende abahosi abemirimo bangi nawe: abahengi aba makina, abembahi aberanyi abe chimbao, aberanyi abari nohumanya hungi abangi muno abauhane, ¹⁶abanyala ohuhola nende idahabu, ifedha isaba, nende ichuma. Singira ochake emirimo handi leha Yahwe abe nawe."¹⁷Daudi yosi yalagira abemeresi boosi ba Israeli ohuhonya Suleimani omusiani waye, nabola, ¹⁸Yahwe Nyasaye wao alinawe handi ahubere omulembe chimbeka chiosi. Nie abechane abamemyi abebialo mumahono kao. Esialo sihirirwe imberi wa Yahwe nende abandu baye. ¹⁹Harano konya Yahwe Nyasaye wao nende omuoyo kwao kwoosi nende obulamu bwao. Singira wimbahe abundu atakatifu wa Yahwe Nyasaye. Esilondaho orere erisanduku elie indagano ya Yahwe nende ebindu bitakatifu ebia Nyasaye munyumba imbahirwe elira lia Yahwe."

¹Daudi niyahakofula handi aliambi nende esiakamo sio bulamu bwaye yahola Suleimani oba omuruki wa Israeli. ²Yabusia alala abemeresi boosi aba Israeli, nende amakuhani nende aba Lawi. ³Aba lawi abari emiaka amahumi kadaru ochia imberi babalwa muchinyanga chio hubala abandu, handi bari chilifu amahumi kadaru nende munane⁴"Hu bano, chilifu amahumi kabiri nende bane bari balingale emirimo kiomunyumba ya Yahwe, handl echilifu chisasaba bari abemeresi nende abahalaki abe sina. ⁵Chilifu chine bari abalindi abemiliango, handi chilifu chine bari abapaka Yahwe nende biombo ebia Esie ndabechana ohupaka," ⁶Daudi yabola. Daudi yabakabula mubikanda ebichichana nende abasiani ba Lawi: Gerisoni, Kohathi nende Merari.⁷Hurula huchimbia echiarula hu Gerisoni, baruo Ladani nende Simei. ⁸Baruo abasiani badaru aba Ladani: Yehieli omwemeresi wabu, Sethamu, nende Yoeli. ⁹Baruo abasiani badaru aba Simei: Selomothi, Hasieli, nende Harani. Bano bari abemeresi abo luyia lwa Ladani.¹⁰Baruo abasiani bane aba Simei:Yahathi Sisa, Yeusi, nende Beria. ¹¹Yahathi omuhulndu, nende Sisa owohubiri, Yeusi nende Beria sibali nabasini bangi,endio babalwa nga oluyia lulala nende emirimo kifwanana¹²Baruo abasiani bane aba Kohathi: Amramu, Isihari, Heburon, nende Usieli. ¹³Bano bari abasiani ba Amramu: Haruni nende Musa.Haruni yalobolwa ohukabula ebindu bitakatifu muno, ebia nie nende olwibulo lwaye bari bainie obubani imberi ya Yahwe, ohumurumihira nende oberesia echihabi mulira liaye echinyanga chiosi. ¹⁴Katakario hulwa Musa omundu wa Nyasaye, olwibulo lwaye lwabalwa nende oluyia lwa Lawi¹⁵Abasiani ba Musa bari Gerisomu nende Elieseri. ¹⁶Olwibulo lwa Gerisomu lwari Subaeli, omuhulundu. ¹⁷Olwibulo lwa EIieseri yari Rehabia. Elieseri yauma abasiani, ne Rehabia yari nolwibulo lungi. ¹⁸Omusiani wa Isihari yari Selomithi omwemeresi.¹⁹Olwibulo lwa Heburoni lwari Yeria, omuhulundu, Amaria wohubiri, Yahasieli wohudaru, nende Yekameamu wohune. ²⁰Abasiani ba Usieli bari Mika omuhuludu, nende Isia wohubiri.²¹Abasiani ba Merari bari Mahili nende Musi. Abasiani ba Mahili bari Eleaseri nende Kisi. ²²Eleaseri yafua nauma abasiani. Yari nabahana bong'one. Endio abeho babu, abasiani ba Kisi, babakeka. ²³Abasiani badaru aba Musi bari Mahili, Ederi nende Yerimothi.²⁴Luno nolwibulo lwa Lawi oluchichana nende oluyia lwabu. Bano bari abemeresi, ababalwa nende ohuchanwa namera kabu mububali bwa bandu, olwo luyia olwaholanga emirimo kio ohurumiha munyumba ya Yahwe hachakira emika mahumi kabiri ohuchia akulu. ²⁵Huba Daudi yabola, " Yahwe, Nyasaye wa Israeli, aulusisie abandu baye. Ahwanisie eridala riaye mu Yerusalemu chinyanga chiosi. ²⁶Abalawi sibanakinganga handi elihema nende ebindu biosi ebiehonyerwe muburumuhi."²⁷Huba hulwe chimbosi chia Daudi chio lumalirihi aba Lawi babalwa, hurula emiaka amahumi kabiri nende akulu. ²⁸emirimo kiabu kiari ohuhonya Olwibulo lwa Haruni muburumuhi bweinyumba ya Yahwe. Bari balinde olwanyi, ebigoro, omwimo kwohu lafuyia ebindu biosi ebia Yahwe, nende emirimo kindi ekioburumuhi munyumba ya Nyasaye. ²⁹Boosi balindanga emigati miyaha ,obusie obunyuhe obwa ebianwa bieimere, obusie bubahirwe obuumamo esimera, ebianwa obwobusie obukandirwe, ebianwa bisasanisibwe nende amafura, nende ebipimiro biosi biobusiro nende siako.³⁰Bosi bemanga buri ichuli ohuhuba oriyo nende ohupaka Yahwe. Baholanga kano esichiambo ³¹Nende ebiha biosi biosi ebianwa ebiohusambwa biainisibwagwa hu Yahwe, inyanga ya Sabato nende emwimo ekio mwosi omuyaha nende echinyanga echio hulia. Obubali burerweo, eyag'enwa nelilako, yari ebeo burilwosi imberi wa Yahwe.³²Bari bemerere erihema lio obukanana, abundu atakatifu, nende ohuhonya abeho babu olwibulo lwa Haruni muburumuhi obwe inyumba ya Yahwe.

¹Emikanda kie mirimo abari olwibulo lwa Haruni bari bano: Nadabu, Abihu, Eleasari nende Ithamari. ²Nadabu nende Abihu bafwa larabu narafwa. Abo bauma abana, endio Eleasari nende Ithamari barumiha nga makuhani. ³Daudi, alala nende Sadoki, omubulwa wa Eleasari, nende Ahimeleki, omwibulwa wa Ithamari, yabakabula mumikanda hu emirimo kiabu nga amakuhani.⁴Baruo abasacha abemerere mu lwibulo lwa Eleasari ohiraho oluibulo lwa Ithamari, endio bakabulwa mumikanda lihumi nende chisasaba. Bahola kano hubira emirwe kioluyia nende huoluibulo lwa Ithamari. Emikanda kino kiari munane, ekichichana nende oluyia lwabu. ⁵Bakabulwa nende eimbulu auma hubalira, huba baruo abahongo batakatifu nende abahongo ba Nyasaye, hurula muluibulo lwa Eleasari nende Oluibulo lwa Ithamari boosi.⁶Semaia omusiani wa Nethaneli omwandiki, omu Lawi, yandika asi amera kabu mumoni chiomwami, abahongo, Sadoki omukuhani, Ahimeleki omusiani wa Abiathari, nende abemeresi abo bukuhani nende echinyumba chia aba Lawi. Oluyia lulala lwabukulwa neimbulu hurula oluibulo lwa Eleaseri, handi abalondaho babukulwe hurula muluibulo lwa Ithamari.⁷Imbuulu yamberi yakwira Yehoiaribu, yohubiri yachira Yedaia, ⁸yohudaru yachira Harimu, yohune yachira Seorimu, yohuranu ⁹yachira Malkiya, yohusasaba yachira Miyamini, ¹⁰owasaba yachira Hakosi, owamunane yachira Abiya,¹¹Eyatisa yachira Yesua, eya ehumi yachira Sekania, ¹²eya lihumi nende ndala yachira Eliasibu, eya elihumi nende chibiri yachira Yakimu, ¹³eya lihumi nende chidaru yachira Hupa, eya lihumi nende chine yachira Yesebeabu, ¹⁴eya lihumi nende chirano yachira Bilga, eya lihumi nende chisasaba yachira Imeri,¹⁵eya lihumi nende saba yachira Hesiri, eya lihumi nende munane yachira Hapisesi, ¹⁶eya lihumi nende tisa yachira Pethahia, eya mahumi kabiri yachira Yehesikeli, ¹⁷eya lihumi nende ndala yachira Yakini, eya mahumi kabiri yachira Gamulu, ¹⁸eya mahumi kabiri nende chidaru yachira Delaia, nende eya mahumi kabiri nende chine yachira Maasia.¹⁹Buno nibwali obuchane bwoburumihi bwabu, nibechanga munyumba ya Yahwe, hulondana nende amalako akababebwa nende Haruni kukawabu, ngolwa Yahwe Nyasaye wa Israeli, yamulagira.²⁰Bano nibari olwibulo lwa Lawi olwadonga: Hubasiani ba Amuramu, Subaeli hubasiani Subaeli, Yehideia., ²¹Hubasiani ba Rehabia, abasiani ba Rehabia: Isihia omwemeresi. ²²Hurula hu aba Isihari: Selomothi; hurula hubasiani ba Selomothi: Yahathi.²³Abasiani ba Heburoni: Yeria omwemeresi, Amaria wohubiri, Yahasieli wohudaru, nende Yekameamu wohune. ²⁴Omusiani wa Usieli: Mika; hurula hubasiani ba Mika: Samiri. ²⁵Omusiani wabu Mika: Isihia: Sekaria.²⁶Abasiani ba Merari: Mahili nende Musi; hurula hubasiani ba Yaasia: Beno. ²⁷Abasiani ba Merari hurula hu Yaasia:Beno, Sohamu, Sakuri, nende Iburi. ²⁸Hurula hu Mahili: Eleasari, owauma abasiani.²⁹Hurula Kisi: Omusiani wa Kisi: Yerahimeli. ³⁰Abasaini ba Musi: Mahili, Ederi, nende Yerimothi. Bano nibari aba Lawi, abablwa nende chimbia chiabu. ³¹Abascha bano bari emirwe kiechimbia chiabu nende buri abasiani babu abaraga, bahuba eimbuulu imberi yo omuruki Daudi, nende Sadoki nende Ahimeleki, alala nende abemeresi abechinyumba chia amakuhani nende aba Lawi. Abo bahuba eimbuulu ngolwa oluibulo lwa Haruni lwari luholere

¹Daudi nende abemeresi abo mukanda kwe liye balobola abandi hubasiani ba Asafu, Hemani nende Yeduthuni ohuinia obufumbuli nende amarere nende ebidingidi, nende amanyenga. Ano abasacha abandikwa ohuhola oburumihi kino: ²Hurula hu basiani ba Asafu: Sakuri, Yusufu, Nethania, nende Asarela, abasiani ba Asafu, asi yobwemeresi bwa Asafu, owainiangia obufumbuli asi yobwemeresi bwo omuruki. ³Hurula hubasiani ba Yeduthuni: Gedalia, Seri, Yesaia, Hasabia, nende Matithia, boosi basasaba, asi yobwemeresi bwa larabu Yeduthuni, owa iniangia obufumbuli, nahuuba obuhana nahuuba orio nende ohupaka Yahwe.⁴Hurula hubasiani ba Hemani: Bukia, Matithia, Usieli, Subaeli, nende Yerimothi, Hanania, Hanani, Eliatha, Gidaliti, Romamuti-Eseri, Yosibekasa, Malothi, Hothiri, nende Mahasiothi. ⁵Bano boosi bari abasiani ba Heman omunabi womuruki. Nyasaye yaberesia Hemani abasiani elihumi nende bane nende abahana badaru ohukingula olwika lwaye akulu⁶Bano boosi bari asi yobwemeresi obwa balarabu. Bano bari abembi munyumba ya Yahwe nende amanyenga, amarere, ngolwa barumiha munyumba ya Nyasaye. Asafu, Yeduthuni, nende Hemani bari asi yobwemeresi obuomuruki. ⁷Abo nende abasiani babu abari namakesi handi bekesibwa ohuba obuhana bari 288. ⁸Bahuba echimbuulu humirimo kiabu ebiakana, ebifuanana hubaraga nende huba bakofu, omwekesia nende owekesibwa.⁹Harano hulondohana nende abasiani ba Asafu: Eimbuulu yamberi yakwira einyumba ya Yusufu; yohubiri yakwira inyumba ya Gedaliia, abandu elihumi nende babiri mububali; ¹⁰yohudaru yakwira Sakuri, abasiani baye nende abeho baye, abandu lihumi nende babiri mububali; ¹¹yohune yakwira Isiri abasiani baye nende abeho baye, abandu elihumi nende babiri mumubali; ¹²yohurano yakwira Nethania, abasiani baye nende abeho baye, abandu elihumi nende babiri mububali.¹³yohusasaba yakwira Bukia, abasiani baye nende abeho baye, abandu elihumi nende babiri mububali; ¹⁴eyasaba yakwira Yesarela, abasiani baye nende abeho baye, abandu elihumi nende babiri mububali; ¹⁵eyamunane yakwira Yesaia, abasiani baye nende abeho baye, abandu elihumi nende babiri mububali; ¹⁶eyatisa yakwira Matania, abasiani baye nende abeho baye, abandu elihumi nende babiri;¹⁷eya ehumi yakwira Simei, abasiani baye nende abeho baye, abandu elihumi nende babiri mububali; ¹⁸eya lihumi nende ndala yakwira Asareli, abasiani baye nende abeho baye, abandu elihumi nende babiri mububali; ¹⁹eye lihumi nende chibiri yakwira Hasabia abasiani baye nende abeho baye, abandu lihumi nende babiri mububali; ²⁰eya elihumi nende chidaru yakwira Subaeli, abasiani baye nende abeho baye, abandu elihumi nende babiri mububali;²¹eya lihumi nende chine yakwira Matithia, abasiani baye nende abeho baye, abandu elihumi nende babiri mububali; ²²eya lihumi nende chirano yakwira Yerimothi, abasiani baye nende abeho baye, abandu elihumi nende babiri mububali; ²³eya lihumi nende chisasaba yakwira Hanania, abasiani baye nende abeho baye, abandu elihumi nende babiri mububali; ²⁴eya lihumi nende saba yakwira Yosibekasa, abasiani baye nende abeho baye, abandu lihumi nende babiri mububali;²⁵eya lihumi nende munane yakwira Hanani, abasiani baye nende abeho baye, abandu elihumi nende babiri mububali; ²⁶eya lihumi nende tisa yakwira Malothi, abasiani baye nende abeho baye, abandu lihumi nende babiri mububali; ²⁷eya amahumi kabiri yakwira Eliatha, abasiani baye nende abeho baye, abandu lihumi nende babiri mububali; ²⁸eya mahumi kabiri nende ndala yakwira Hothiri, abasiani baye nende abeho baye, abandu lihumi nende babiri mububali;²⁹eya mahumi kabiri nende chibiri yakwira Gidaliti, abasiani baye nende abeho baye, abandu lihumi nende babiri mububali; ³⁰eya mahumi kabiri nende chidaru yakwira Mahasiothi, abasiani baye nende abeho baye, abandu lihumi nende babiri mububali; ³¹eya mahumi kabiri nende chine yakwira Romamuti-Eseri, abasiani baye nende abeho baye, abandu lihumi nende babiri mububali.

¹Kino nie emikanda kia abalindi abemiliango: Hurula hu aba Korahi, Meselemia omusiani wa Kore, omuibulwa wa Asafu. ²Meselemia yari nabasiani: Sekaria omuibulwa wamberi, Yediael wohubiri, Sebadia wohudaru, Yathinieli wohune, ³Elamu wohurano, Yehohanani wohusasaba, Eliehoenoi owasaba⁴Obedi-Edomu yari nabasiani: Semaia omuibulwa wamberi, Yehosabadi wohubiri, Yoa wohudaru, nende Sakari wohune, Nethaneli wohurano, ⁵Amieli wohusasaba, Isakari owasaba, Peulethai owamunane, hubera Nyasaye yari amubere echihabi. ⁶Hu Semaia omusiani waye bebulwa abasiani abaruka echimbia chiabu; bari abasacha abari nende obunyala obukali.⁷Abasiani ba Semaia bari Othini, Refaeli, obedi, nende Elisabadi. Abeho baye Elihu nende Semakia bari bosi abasacha abari obunyala bungi. ⁸Bano boosi lwari oluibulo lwa Obedi- Edomu. Abo nende abasiani babu nende abeho bari abasacha abari nobunyala bwohola emirimo kiabu kiorumiha mulihema. Baruo amahumi kasasaba nende babiri hunibo abari noluiho nende Obedi-Edomu. ⁹Meselemia yari nabasiani nende abeho, abasacha bari nobuyala, elihumi nende munane boosi.¹⁰Hosa, omuibulwa wa Merari, yari nabasiani: Simiri omwemeresi (atakario siyari omwibulwa wamberi, larang'ene yamuhola oba omwemeresi), ¹¹Hilikia wohubiri, Tabalia wohudaru, Sekaria wohune. Abasiani boosi aba Hosa nende abeho babu bari elihumi nende badaru mububali¹²Emikanda kino ekia abalindi abemiliango, ekichichana nende abemeresi babu, bari nemikabo kiabu, nga abeho babu, orumiha munyumba ya Yahwe. ¹³Bahuba echimbulu, boosi abaraga nende abakofu, ochichana nende chimbia chiabu, huburi omuliango. ¹⁴Nibahubira eimbulu omuliango okwe ebukwe, yakwira Selemia. Bahubira eimbulu Sekaria omusiani waye, omukeraki omulayi, handi eimbulu yaye yecha yaba yomuliango kwa Masawa.¹⁵Hu Obedi-Edomu yabebwa omuliango okwe mulambo, handi abasiani baye babebwa ebiaki. ¹⁶Supim nende Hosa babebwa omuliango okwe mumbo nende omuliango okwa Salekethi, hungira ya akulu. Abalindi bari ambi ambi muno nende owasie¹⁷Ebukwe bario aba Lawi basasaba, Masawa bario bane hu ludalo, mulambo bario bane hu ludalo, nende nabiaki bario bane. ¹⁸Humisiiro ekiri ebukwe bario bane abari ao hungira nende babiri humusiiro ¹⁹Kino nikiari emikanda ekia balindi abemiliango abari oluibulo lwa Kora nende Merari.²⁰MubaLawi, Ahiya yari omwemeresi owe bibihiro munyumba ya Nyasaye, handi nende ebibihiro bie bindu bia Yahwe. ²¹Oluibulo lwa Ladani, olwari oluibolo olwa aba Gerisoni hubirira hu Ladani, abari emirwe kie chinyumba echia Ladani omu Gerisoni, bari Yehieli ²²handi abasiani ba Yehieli: Setham nende Yoeli omusiani wabu. Abo bemerera ebibiho bio munyumba ya Yahwe.²³Hurula muchimbia chia Amuramu, echimbia chia Isihari, echimbia chia Heburoni, nende echimbio chia Usieli: ²⁴Subaeli omuibulwa wa Gerisomu omusiani wa Musa yari omwemeresi webibihiro. ²⁵Abeho baye hurula muluyia lwa Elieseri bari omusiani waye Rehabia, omusiani wa Rehabia Yesaia, omusiani wa Yesaia Yoramu, omusiani wa Yoramu Sikiri, omusiani wa Sikiri Selomithi²⁶Selomithi nende abeho baye bemerera ebindu boosi ebiarebwa indulo mubibihiro ebia Daudi omuruki, nende abemeresi abechinhyumba, abemeresi abeliye abe chilifu nende abe chimia, nende abemeresi abemikanda kie liye bali balere indulo. ²⁷Bakabula indulo ebindu biababukulanga nibahirire eliye ohurumiha munyumba ya Yahwe. ²⁸Abo boosi bemerera buri sindu siagenwa indulo esia Yahwe nende omunabi Samueli, Sauli omusiani wa Kisi, Abneri omusiani wa Neri nende Yoabu omusiani wa Seruya, Burisindu esiagegwa indulo esia Yahwe siari asi wobulindi bwa Selomithi nende abeho baye²⁹Huluibulo lwa Isihari, Kenania nabasiani baye bemerera amahua aka bandu Israeli. Bari abemeresi nende abahalaki ebebiina. ³⁰Huluibulo lwa Heburoni, Hasabia nende abasiani babu, 1700 abandu bari nobunyala, abemerera emirimo kia Yahwe nende emirimo kiomuruki. Bari elwande lwe ebukwe bwa Yordani³¹Hulwa aba Heburoni, Yeria yari omurwe okwe chimbiya, hulondohana nende obwandike obwoluibulo. Mumwaka amahumi kane ekioburuki bwa Daudi babalira obwandike handi nibanyolamo abasacha abakali abari nobunyala eria Yaseri ya Gileadi. ³²Yeria yari nende abeho 2,700, abari abemeresi abe chinyumba abali abenyala. Daudi yabahola oba abemeresi abechimbia chia Rubeni nende Gadi, nende esimika sio luyia lwa Manase, huburi lihua esiholegana nende Nyasaye, nende akaholegana nende amahua ako omuruki.

¹Buno nobwandike obwa abemeresi abechinyumba chia abandu ba Israeli, abemeresi abe chilifu nende chimia, nende abemeresi abomukanda kweliye abarumihira omuruki muchingira chikabuhane. Buri omukanda kweliye barumiha omwosi hu mwosi humwaka kwoosi. Buri omukanda kwali nende abasacha elifu amahumi kabiri nende chine ²Hu omukanda kwomwosi kwamberi kwali okwa Yasobeamu omusiani wa Sabudieli. Mumukanda kwaye kwalimo abasacha chilifu mahumi kabiri nende bane. ³Yari mulala huluibulo lwa Peresi handi yali yemerere omukanda kwa bemeresi abeliye.⁴Humukanda kwomwosi kwohubiri yari Dodai hurula muluyia hurula muluibulo lwa Ahoa. Mikilothi yali wohubiri mubwemeresi. Mumukanda kwaye barimo abasacha chilifu amahumi kabiri nende bane. ⁵Omwemeresi womukanda kwe liye womwosi kwohudaru yari Benaia omusiani wa Yehoiada, omukuhani handi omwemeresi. Mumukanda kwalimo abasacha chilifu amahumi kabiri nende bane. ⁶Uno nie Benaia owali omwemeresi wabaria amahumi kadaru, handi akulu owa mahumi kadaru. Amisabadi omusiani waye yari mumukanda kwaye.⁷Omwemeresi womwosi kuohune yari Asahel omusiani wabu Yoabu. Sebadia omusiani waye yecha yaba omwemeresi inyuma yaye. Mumukanda kwaye balimo abasacha chilifu amahumi kabiri nende bane. ⁸Omwemeresi owomuosi kwohurano yali Samuhuthi, omwibulwa wa Isira. Mumukanda kwaye kwalimo abasacha chilifu amahumi kabiri nende bane. ⁹Omwemeresi womuosi kwohusasba yari Ira omusiani wa Ikesi, hurula Tekoa, Mumukanda kwaye kwalimo abasacha chilfu amahumi kabiri nende bane.¹⁰Omwemeresi womuosi kwasaba yari Helesi omu Peloni hurula mubandu ba Efuraimu. Mumukanda kwaye kwalimo abasacha chilifu amahumi kabiri nende bane. ¹¹Omwemeresi womuosi kwa munane yari Sibekai omu Husathi, hurula muluyia lwoluibulo lwa Sera. Mumukanda kwaye kwalimo abasacha chilifu amahumi kabiri nende bane. ¹²Omwemeresi owomuosi kwa tisa yari Abieseri omu Anathothi, hurula muluyia lwa Benyamini. Mumukanda kwaye kwalimo abasacha chilifu amahumi kabiri nende bane.¹³Omwemeresi womuosi kwa ehumi yari Maharai hurula mutauni ya Netofa, hurula oluyia lwoluibulo lwa Sera. Mumukanda kwaye kwalimo abasacha chilifu amahumi kabiri nende bane. ¹⁴Omwemeresi womuosi kwe lihumi nende mulala yari Benaia hurula mutauni ya Pirathoni, hurula muluyia olwa efuraimu. Mumukanda kwaye kwalimo abasacha chilifu amahumi kabiri nende bane. ¹⁵Omwemeresi womuosi kwa lihumi nende chibiri yari Helidai hurula mutauni ya Netofa, hurula muluyia lwoluibulo lwa Othinieli. Mumukanda kwaye kwalimo abasacha chilifu amahumi kabiri nende bane.¹⁶Bano nibari abemeresi abe chimbia chia Israeli: Hurula muluyia lwa Rubeni, Elieseri omusiani wa Sichiri yari omwemeresi. Hurula muluyia lwa Simeoni, Sefatia omusiani wa Maaka yari omwemeresi. ¹⁷Hurula muluyia lwa Lawi, Hasabia omusiani wa Kemueli yari omwemeresi, nende Sadoki yemerera oluibulo lwa Haruni. ¹⁸Hurula muluyia lwa Yuda, Elihu, mulala hubasiani babu Daudi, yari omwemeresi. Hurula muluyia lwa Isakari, Omuri omusiani wa Mikaeli yari omwemeresi.¹⁹Hurula muluyia lwa Sebuloni, Isimaia omusiani wa Obadia yari omwemeresi. Hurula muluyia lwa Nafutali, Yerimothi omusiani wa Asiriel yari omwemeresi. ²⁰Hurula muluyia lwa Efuraimu, Hosea omusiani wa Asasia yari omwemeresi. ²¹Hurula mu esimeka sioluyia lwa Manase eria Gileadi, Ido omusiani wa Sekaria yari omwemeresi. Hurula muluyia lwa Benyamini, Yaasieli omusiani wa Abuneri yari omwemeresi. ²²Hurula muluyia lwa Dani, Asareli omusiani wa Yerohamu yari omwemeresi. Bano nibari abemeresi abe chimbia chia Israeli.²³Daudi siyaabala abo abari emiaka mahumi kabiri kata abari asi, hubera Yahwe yalaka ohumeda Israeli nga ching'ing'i chio mwikulu. ²⁴Yoabu omusiani wa Seruya yachaka obala abandu basacha, katakario siyamala. Elirima ria Yahwe liakwira Israeli hulwa kano. Obubali obo sibwandikwa asi mumahua akechindalo ako muruki Daudi.²⁵Asimevethi omusiani wa Adieli niwali yemerera ebibihiro ebio muruki. Yonathani omusiani wa Usia niwali yemerera ebiaki ebiari mubipapi, ebiari muchitauni, muchingongo nende eminara ekiali kialindwa. ²⁶Esiri omusiani wa Kelubi niwari yemerera abalimi, baria abalimanga chindalo. ²⁷Simei omu Ramathi niwali yemerera echindalo chia musabibu, nende Sabadi omu sifimi niwali yemerera emiseituni nende echingore chie Ifini.²⁸Owali yalinda emisala kia musabibu nende emisala ekie mihuyu ekiali musialo siemwalo yari Baali-Hanani hurula Gederi, owali yalinda ebiaki bya amafura yali Yoasi. ²⁹Owali yalinda ebiayo ebiayaangwa eria Saroni yari Sitirai hurula Saroni, owali yalinda ebiayo ebiali mumahoho yali Safati omusiani wa Adilai.³⁰Owali yalinda echingamia yari Obili omu Ismaeli, owali yalinda echipunda chihasi yari Yehideia hurula Meronothi. owali yalinda amakondi yari Yasis omu Hagiriti. ³¹Yasis omu Hagiriti yemerera amaicho kamakondi koosi. Bano boosi bari abemeresi abalindanga emiandu kio Omuruki Daudi.³²Yonathani, hochang'ene Daudi, yari omukeraki, huba yali omundu omukesi handi yari omwandiki. Yehieli omusiani wa Hakimoni yalingalanga abasiani abo omuruki. ³³Ahithofeli yari omukeraki womuruki, nende Husai hurula hubandu ba Arikite yari omukeraki womukari. ³⁴Abundu wa Ahithofeli yabukulwa nende Yehoiada omusiani wa Benaia, nende Abiathari. Yoabu yari omwemeresi womukanda kwoosi okweliye okwomuruki.

¹Daudi yahung'ania abemeresi boosi ba Israeli eria Yerusalemu: abemeresi abechimbia, abemeresi abemikanda ekiarumihira omuruki mumirimo ekia bachanirwa, abemeresi abe chilifu nende abechimia, abemera emiandu kioosi nende ebindu bio omuruki nende abasiani baye, nende abahonga boosi nende abasacha abeliye, nibaraho abari abamakesi muno hunibo.²Esialondaho Daudi yema humakulu kaye handi nabola, Muderekeresie, abasiani befu nende abandu bange. Liari eliparo liange mbu nyimbahe eyinyumba ibe nga siuluhiro sie erisanduku lie indagano ya Yahwe; esiteni sia makulu ka Nyasaye wefu, handi ndali hwanisie obuchane boosi obwoimbaha. ³Katakario Nyasaye yambolera, 'Sona nyimbahira ihekalu eilangwa elira liange, hubera ori mundu weliye handi omalire ohwidisia amachayi.'⁴Ne Yahwe, Nyasaye wa Israeli yandobola hurula muboosi munyumba ya larange ohuba omuruki wa Israeli echinyanga chiosi. Alobole Yuda aba omwemeresi, handi hurula munyumba ya Yuda yalobola einyumba ya larange, handi hurula mubasiani boosi abalarange yasangasibwa ohuhola omuruki wa Israeli. ⁵Hurula mubasiani bangi aba Yahwe amberesie, yalobola Suleimani, omusiani wange, ohwihala husisala sio buruki esia Yahwe, akulu wa Israeli.⁶Yambolera, 'Suleimani omusiani wao ananyimbahira inyumba nende echinyanyi chiange, hubera mulobole ohuba omwana wange, handi njicha oba larangene. ⁷Njicha ohuimbaha oburuki bwaye chinyanga chiosi, nikali mbu anadonga hweberesia ohuria malagiro nende amalako kange,ngolwa muri inyanga ino.'⁸Harano esilondaho, mumoni chia Israeli yoosi, omuhung'ano kuno okwa Yahwe, handi mumoni chia Nyasaye wefu, engwe mwoosi mulonde handi muteme ohuhola amalagiro koosi aka Yahwe Nyasaye wengu. Muhole kano huniho mubukane esialo silai sino handi mulehere oluibulo lweng'u ohubukerama inyuma yeng'u echinyanga chiosi.⁹Ne ewe, Suleimani omusiani wange, orie Nyasaye wa larao, omurumihire nende omuoyo kwao kwoosi nende omuoyo okwohukanya. Hola kano hubera Yahwe akonyeresiangia emioyo handi amanyire ohupara hwa maparo ka buri mundu. Nomukonya, onamubukana, ne nomuleha, anahuhaya echinyanga chiosi ¹⁰Omanye mbu Yahwe aulobole ohwimbaha ihekalu yaye nga abundu waya atakatifu. Weberesie amani handi okahole."¹¹Esialondaho Daudi yaberesia suleimani omusiani waye obwandike obwo omuse okwa marakola ake ihekalu, ebuimbahe ebia ihekalu ebiaki, ebigoro bia akulu ebigoro bio mukari, nende ebigoro ebiabiha esidiniro siebindu ebitakatifu. ¹²Yamuberesia obwandike obwo muse okwali achorere obwe echinyanyi chie inyumba ya Yahwe, nende ebigoro ebibodohane, ebiaki munyumba ya Nyasaye, nende ebibihiro ebie bindu bia Yahwe.¹³Yamuberesia amalako ake bikanda ebia amakuhani nende aba lawi, humirimo ekiababebwa ekio burumihi obwe inyumba ya Yahwe, nende hubindu biosi bio burumihi munyumba ya Yahwe. ¹⁴Niwarao obusiro obwe idahabu yebindu bia buri burumihi, obusiro obwe ebindu bie ifedha muburi burumihi, ¹⁵Obusiro bwe idahabu hubindu biosi ebie idahabu, ohuba emisiro kiechitara nende echitara chie idahabu, obusiro bwa buri idahabu obwa buri emisiro kwe chitara, obusiro obwe ifedha obwa buri emisiro ekie chitara chie ifedha, nende ohurumiha hwa buri emisiro kie chitara muburumihi¹⁶Yabechana obusiro obwe idahabu ye chimesa chio emigati miyaha, nende buri imesa, nende obusiro obwe ifedha obwe echimesa echie ifedha. ¹⁷Yabechana obusiro obwe idahabu indafu eye miuma ekie chinyama, echibeseni, nende ebikombe. Yabechana obusiro obwa buri ebikaye, nende obusiro obwa buri ebikaye ebia ifedha.¹⁸Yabechana obusiro obwe idahabu indafu humaika ako bubani, nende idahabu yohulongera erigare, nende makerubi akabambule chimbaya chiayio ohubuiha erisanduku rie indagano ya Yahwe. ¹⁹Daudi yabola, "Ndere bindu bino bioosi mubwandike ngolwa Yahwe yalagira handi ngolwa yamberesia ohumanya ifuani yayio."²⁰Daudi yabolera Suleimani omusiani waye, "Obe wa mani handi oweichwoni. Hola mirimo. Oraba muri kata ofwa muoyo, huba Yahwe Nyasaye, Nyasaye wange, alinawe. Sanahuleha kata ohujwanga husia emirimo kiosi ekioburumihi munyumba ya Yahwe kimalwe. ²¹Lola, kino nie emikanda ekia makuhani nende aba Lawi huburumuhihi obwe inyumba ya Nyasaye. Bano banaba nawe, alala nende boosi abakanyire nende abasacha abobujusi, ohuhonya mumirimo handi ohuhola oburumuhi. Abemeresi nende abandu boosi berekehe ohulonda amalagiro kao."

¹Omuruki Daudi yabolera omuhung'ano kwoosi, "Suleimani omusiani wange, owa yong'one Nyasaye alobole, asiri muraga handi asiuma amakesi, nemirimo kiri imberi waye nemikali. Huba eihekalu sini ya bandu niya Yahwe Nyasaye. ²Endio esie holere nganyala ohurusiria eihekalu ya Nyasaye wange. Esie ndihubechena idahabu hubindu bihwansibwa nende Idahabu, ifedha hubindu bihwansbwa nende ifedha, Isaba hubindu bihwanisibwa nende isaba, eichuma hubindu bihwanisibwa nende ichuma, nende chimbao hubindu bihwanisibwa nende chimbao.Esie ndi obechananga amakina ka onikisi,amakina ako hurekehwa, Amakina ake mirimo kio mukari ake chirang'i chikabuhane_amakina koosi akang'enang'ena aka kabuhane_nende amakina marachari mubung'i.³Harano, hulwo obusangafu bwange hunyumba ya Nyasaye, Esie ndihubechana emiandu kiange kie idahabu nende ifedha ekie inyumba eyo. Ndi oholanga kano ohumedaho hukalia aka esie hwanisirie eihakalu ino itakatifu: ⁴echitalanta chilifu chidaru echia idahabu hurula Ofiri, nende chitalanta elifu saba echia ifedha indafu, ohwanisiria ebida bie biumbahe. ⁵Esie ndiobechana eidahabu hubindu ebi hwanisibwa nende idahabu, nende ifedha hubindu ebi ohwansibwa nende ifedha, nende ebindu boosi ebukabuhane ebie mirimo ekiholwa nende aberanyi. Wina undi odaha ohuinisiria Yahwe rero handi yebechane hunie?"⁶Esialondao abemeresi abechinyumba chiabakuka babu bainia ebiyanua muhuhera, abemeresi abechimbia chia Israeli, abemeresi abe chilifu nende chimia, nende abahongo abemerera emirimo ekio muruki. ⁷Babechana hu burumuhi obwe inyumba ya Nyasaye echitalanta chilifu chirano nende obusiro obwa chilifu elihumi lie idahabu, echitalanta chilifu lihumi lie ifedha, nende echitalanta echilifu elihumi nende munane chie isaba, nende echitalanta 100,000 chie eichuma.⁸Baria abali nende amakina akobukusi bwa akulu babiha musibihiro sie inyumba ya Yahwe, asi yobwemeresi bwa Yehieli, omubulwa wa Gerisoni. ⁹Abandu basangala hulwa ebiyanua ebiagolwa muhuhera, hubera bari bainisie nemioyo kiabu kioosi hu Yahwe. Omuruki Daudi yosi yasangala muno.¹⁰Daudi yaberesia Yahwe echihabi imberi yomuhung'ano. Yabola, "Leha opakwe, Yahwe, Nyasaye wa Israeli kuka wefu, echinyanga chiosi. ¹¹Bwao, Yahwe, nobukali, obunyala, Oluyari, obuhiri nende oluyari. Huba biosi ebiri mwikulu nende husialo nebiao, Oburuki ni bwao, Yahwe, handi wakingulwa ngo muruki akulu wa boosi.¹²Biosi obuyinda nende esiriibua birula hwewe, handi oruka abandu boosi. Mumahono kao burulamo obunyala nende amani. Oli nende obunyala nende amani akohola abandu ohuba abakali nende hubechana amani humundu yosiyosi. ¹³Harano ne, Nyasaye wefu, huhubira orio muno nende ohupaka elira rio rioluyari.¹⁴Katakario esie ndi wina, handi abandu bange niwina, mbu efwe hunyale ohuinia nihuherere ebindu bino? Mubwadieri, ebindu bioosi birula hwewe handi efwe huhufunyisirie sa ebiao. ¹⁵Huba efwe huli abakeni handi obulamu bwefu nobuimbikiri imberi wao, ngolwa bakuka befu bali. Echinyanga chiefu husialo chili nga esiniha, handi huuma eligeno riohudong'a husialo.¹⁶Yahwe Nyasaye wefu, obuinda buno bwoosi obwa hubusisie hunyale ohwimbaha ihekalu yohuberesia esiriibwa elira liao_burula hwewe handi ni bwao. ¹⁷Esie siosi manyire, Nyasaye wange, mbu obaliranga omuoyo handi osangasibwa nende obukololofu. Hulwesie, mubukololofu bwo omuoyo kwange ndeyanire muhuhera ebindu bino, handi lingala nobusangafu ngolwa abandu bao abaruo ano beyanire muhuhera ebiyanua hwewe¹⁸Yahwe, Nyasaye wa Abrahamu, Isaka, nende Israeli_nende bakuka befu, bechulisie kano mumakesi kamaparo ka bandu bao. Chomia emioyo kiabu huewe. ¹⁹Beresia Suleimani omusiani wange omuoyo okwohudira amalagiro, nende amalako akeindagano, nende amalako kao madididi, ahole obuchane bwoosi obwohuimbaha inyumba yomuruki eya esie malire hurao buri sindu sienyihana²⁰Daudi yabolera omuhung'ano, "Harano muberesie echihabi Yahwe Nyasaye weng'u." Omuhung'ano kwoosi kwaberesia Yahwe echihabi, Nyasaye wabakuka babu, handi nibeinama asi nende ohuba Yahwe esiriibwa nende Humuruki yosi. ²¹Inyanga ilondaho, baholera Yahwe Omusango nende ebianwa biohusambua hunie. Baana eching'ombe echiguruhi elifu ndala, amakondi amaguruhi elifu ndala, amakondi mahasi elifu ndala, nende ebianua ebiohung'ua nende ebianua mubung'i hu Israeli yoosi.²²Inyanga eyo, balia nende ohung'ua imberi ya Yahwe nobusangafu bungi. Esialondaho ²³Suleimani yehala husisala sio luyari esia Yahwe ngo muruki abundu wa Daudi larangene. Yachirira oba namani, handi Israeli yoosi yamuria.²⁴Abemeresi boosi, abeliye, abasiani obo Omuruki Daudi bakanya oba besikwa hu Omuruki Suleimani. ²⁵Yahwe yakingula esiriibwa sia Suleimani muno imberi wa Israeli handi yamuduiha oluyari nobunyala olwa araberesiaho omuruki yosiyosi owamurangirira mu Isreali.²⁶Daudi omusiani wa Yesse yaruka Israeli yoosi. ²⁷Daudi yali nali omuruki wa Israeli humiaka amahumi kane. Yaruka eria Heburoni emiaka saba handi emiaka mahumi kadaru nende chidaru eria Yerusalemu. ²⁸Yafua ne emiaka milai ekiolukofu, niyahamala ohusangalira obulamu burambi, emiandu nende esiriibwa. Suleimani omusiani waye yaruka abundu waye²⁹Aka Omuruki Daudi yosirisia kandikwa mu amahua akichindalo aka Samueli omuloli, mu mahua akechindalo aka omunabi Nathani, nende mu mahua akechindalo aka Gadi omuloli. ³⁰Akandikwa omo nebihole ebio buruki bwaye, obunyala bwaye nende amahua kamweholehaho, Israeli, nende oburuki bwoosi obwe bialo bindi.

¹Nikwari omwaka kwa mberi okwa Koresi, omuruki wa Uwajemi, Yahwe yosirisia eimbosi yaye hurula mumunua kwa Yeremia. Yasakasia omuoyo kwa Koresi, handi Koresi ya huba omuoyo mani nikuchia muburuki bwaye bwoosi. Kano niko kandikwa handi nikaboolwa: ²Koresi, omuruki wa Uajemi, abola: Yahwe, Nyasaye wo mwikulu, yamberesia oburuki bwoosi bwo husialo, handi yandobola ohwimbahira einyumba eria Yerusalemu musialo sia Yuda.³Endio buri mundu hwengwe hurula mubandu baye ( leha Nyasaye waye abe naye ) anyala ochia Yerusalemu, eria mu Yuda, handi yembahe inyumba ya Yahwe, Nyasaye wa Israeli, Nyasaye oli mu Yerusalemu. ⁴Abandu abari abundu yosiyosi muburki a bari baona abe sialo eso handi bamenya nga abakeni baberesibwe ifedha nende idahabu, nende ebindu nende ebiayo, nende ebianwa biohweiinia hu nyumba ya Nyasaye mu Yerusalemu⁵Esilondaho emirwe kiabakuka abe chimbiya chia Yuda nende Benyamini, amakuhani nende aba Lawi, nende buri mundu awa Nyasaye yasakasia omuoyo ohuchia ohwimbaha einyumba yaYahwe, eiri Yerusalemu, yasingira. ⁶Baria abari ambi nabo boonga omuhono emirimo kiabu nende ifedha nende ebindi bie idahabu, ebindu, ebisolo, ebindi biobukusi, nende ebianwa bio hweiinia.⁷Koresi omuruki wa Uajemi yosi yarehusiria ebindu ebiali bie inyumba ya Yahwe ebiya Nebukadresa yali yarusia Yerusalemu handi nabigeng'a muyumba wa nyasaya waye mwene. ⁸Koresi, omuruki wa Uajemi, yabigeng'a mumahono ka Mithiredathi omubihi owabibala imberi wa Sesibasa, omuhongo wa Yuda.⁹Buno nibwali obubali: echibaseni echie idahabu amahumi kadaru, echibeseni chie ifedha ilifu ndala, echibeseni chindi amahumi kabiri nende tisa, ¹⁰echibakuli amahumi kadaru, echibakuli chindidi 410, nende ebindu bindi ilifu ndala. ¹¹Biaruo ebindu bie idahabu nende ifedha bioosi 5,400, Sesabasa yabirera bioosi esiha sia baria abali beruhire eyo nibarula Babeli ohuchia Yerusalemu.

¹Bano nibari abandu abali musialo eso abarula mumboye eyo Omuruki Nebukadresa, owali yababoya eria Babeli, abandu abakaluha buri mulala muchitauni chiabu chia Yerusalemu nende mu Yuda. ²Abo becha nende Zerubabeli, Yoshua, Nehemia, Seraia, Reelaia, Moridekai, Bilisan, Misipari, Bigivai, Rehumu, nende Baana.³Abechuhulu ba Parosi: 2,172. ⁴Abechuhulu ba Sefatia: 372. ⁵Abechuhulu ba Ara: 775. ⁶Abechuhulu ba Pahathi-Moabu, hubirira Yesua nende Yoabu: 2,812.⁷Abechuhulu ba Elamu: 1,254. ⁸Abechuhulu ba Satu: 945. ⁹Abechuhulu ba Sakai: 760. ¹⁰Abechuhulu ba Bani: 642.¹¹Abechuhulu ba Bebai:623. ¹²Abechuhulu ba Asigadi: 1,222. ¹³Abechuhuli ba Adonikamu: 666. ¹⁴Abechuhulu ba Bigivai: 2,056.¹⁵Abechuhulu ba Adini: 454. ¹⁶Abasacha aba Ateri hubirira hu Hesekia: amahumi tisa nende munane. ¹⁷Abechuhulu ba Besai: 323. ¹⁸Abechuhulu ba Yora: 112.¹⁹Abasacha ba Hasumu: 223. ²⁰Abasacha ba Gibari: amahumi tisa nende barano. ²¹Abasacha ba Bethelehemu: 123. ²²Abasacha ba Netofa: amahumi karano nende basasaba.²³Abasacha ba Anathothi: 128. ²⁴Abasacha ba Asimavethi: amahumi kane nende babiri. ²⁵Abasacha ba Kiriathi Arimu, Kefira, nende Beerothi: 743. ²⁶Abasacha ba Rama nende Geba: 621.²⁷Abasacha ba Mikimasi: 122. ²⁸Abasacha ba Betheli nende Ai: 223. ²⁹Abasacha ba Nebo: amahumi karano nende babiri. ³⁰Abasacha ba Magibisi: 156.³¹Abasacha ba Elamu bandi: 1,254. ³²Abasacha aba Harimu: 320. ³³Abasacha aba Lodi, Hadidi, nende Ono: 725³⁴Abasacha ba Yeriko: 345. ³⁵Abasacha aba Senaa: 3,630.³⁶Amakuhani: Abechuhulu ba Yedaia owe inyumba ya Yesua: 973. ³⁷Abechuhulu ba Imeri:1,052. ³⁸Abechuhulu ba Pasihuri: 1,247. ³⁹Abechuhulu ba Harimu: 1,017.⁴⁰Aba Lawi: Abechuhulu ba Yesua nende kadmieli, oluibulo lwa Hodavia: amahumi saba nende bane. ⁴¹Abembi abo muhekalu, Abechuhulu ba Asafu:128. ⁴²Abechuhulu ba abalindi abe chinjiki: Abechuhulu ba Salumu, Ateri, Talimoni, Akubu, Hatita, nende Sobai: boosi 139.⁴³Abo abari baberesibwe emirimo kiohurumiha muhekalu: Abechuhulu ba Siha, Hasufa, Tabaothi, ⁴⁴Kerosi, Siaha, Padoni, ⁴⁵Lebana, Hagaba, Akubu, ⁴⁶Hagabu, Salmai, nende Hanani.⁴⁷Abechuhulu ba Gideli: Gahari, Reaia, ⁴⁸Resini, Nekoda, Gasamu, ⁴⁹Usa, Pasea, Besai, ⁵⁰Asina, Meunimu, nende Nefusimu.⁵¹Abechuhulu ba Bakibuki: Hakufa, Harihuri, ⁵²Basiluthi, Mehida, Harisa, ⁵³Barikos, Sisera, Tema, ⁵⁴Nesia, nende Hatifa.⁵⁵Abechuhulu ba abasumba ba Suleimani: abebulwa aba Sotai, Hasoferethi, Peruda, ⁵⁶Yaala, Darikoni, Gideli, ⁵⁷Sefatia, Hatili, Pokerethi-Hasebaimu,nende Ami. ⁵⁸Baruwo abandu 392 boosi abali Abechuhulu ba baria abali babebwa oburumihi muhekalu nende Abechuhulu ba abasumba ba Suleimani.⁵⁹Baria abarula Tel Mela, Tel Harisa, Kerubu, Adoni, nende Imeri_ne sibanyala ohwekesia obulafu obo luibulo lwabu hurula Israeli_ ⁶⁰bano abandu 652 oluibulo lwa Delaia, Tobia, nende Nekoda.⁶¹Handi hurula mubechuhulu aba makuhani: Abechuhulu ba Hobaia, Hakosi, nende Barisilai ( owa keka omuhasi waye hurula mubahana aba Barisilai owa Gileadi handi yalangwa nelira liabu ). ⁶²Bakonyeresia mubwandike olwo luibulo, katakario sibaba nyolamo, endio babara indulo hurula hubukuhani nga abandu abamali. ⁶³Endio omwemeresi yabakania baraliaho emisango mitakatifu hula nga omukuhani oli nende Urimu nende Thumim abakanyire.⁶⁴Omukanda okwo kwola 42, 360, ⁶⁵nihusiri oraho abasumba nende abasumba abesihaye ( bano bari 7,337 ) nende abembi abo muhekalu abesisacha nende abesihasi ( mia chibiri ).⁶⁶Chifarasi chiabu: 736. Abana bechipunda: 245. ⁶⁷Echingamia: 435. Echipunda: 6,720.⁶⁸Nibachia munyumba ya Yahwe mu Yerusalemu, abemeresi abechimbia bainia ebianua biohweyana ohwimbaha inyumba ya Nyasaye, huifunyia humuse kwayio. ⁶⁹Baiinia hulondohana nende obuyanyala bwabwe musibihiro esie mirimo: chidariki chilifu amahumi kasasaba nende ndala echie idahabu, echimina chilifu chirano, nende ebiefualo imia ndala chia makuhani.⁷⁰Endio amakuhani nende aba Lawi, abandu, abembi abe ihekalu nende abalindi abe miliango, nende abo ababebwa ohurumiha muhekalu bamenya muchitauni chiabu. Abandu boosi mu Israeli bari muchitauni chiabu.

¹Kwali mwosi kwa saba oluibulo lwa Israeli nulwahafunya inyuma muchitauni chiabu, abandu bebusia alala nga mundu mulala mu Yerusalemu. ²Yesua omwana wa Yosadaki nende abasiani babu amakuhani, nende Serubabeli omusiani wa Sealitieli, nende abasiani babu basingira handi nebembaha amaika ka Nyasaye wa Israeli ohuiinia ebianua ebio husambwa ngolwa kandikwa mumalako ka Musa omundu wa Nyasaye.³Esialondaho bagura amaika humakulu kayio, huba bali noburi hulwa abandu abesialo eso. Baiinia ebianua ebio husambwa hu Yahwe eichuli nende esichiambo. ⁴Bosi bosirisia omwimo okwe bibanda ngolwa kandikwa handi baiinia ebianua bio husambwa buli inyanga hulondohana nende elilako, buri murimo nende inyanga yayio. ⁵Handi, biaruo buli inyanga ebianua bio husambwa, ebianua bio mwosi omuyaha, nende ebianua bie emimo kiosi ekiarebwao ekia Yahwe ekiali kikabulwe, nende handi ebianua biohweiinia hurula hubaria abaiinisirie Yahwe.⁶Ba chaka ohuiinisiria Yahwe ebianua ebio husambwa inyanga ya saba yomwosi, ata ihekalu nirachakisibwa. ⁷Endio baberesia abahola na makina nende aberanyi ifedha, handi baberesia abandu ba Sidoni nende Tiro, ebiahulia, ebingwebwa, nende amafura huniho balere emisala kia seda hurula Lebanoni ohuchia Yopa hubirira munyanja, ngolwa balagirwe nende Koresi omuruki wa Uajemi.⁸Esialondaho mumwosi kwohubiri okwo mwaka kwohubiri niba hecha munyumba ya Nyasaye mu Yerusalemu, Serubabeli omusiani wa Sealitieli, Yesua omusiani wa Yosadoki, nende abasiani babu amakuhani nende aba Lawi, nende baria boosi abarula mumboye nibafunya Yerusalemu bachaka emirimo. Baberesia aba Lawi abie miaka amahumi kabiri ohuchia akulu emirimo ekio hulingala einyumba ya Yahwe. ⁹Yesua,nende abasiani baye nende abasiani babu, nende Kadimieli nende abasiani baye ( olwari oluibulo lwa Hodavia ), nende abasiani ba Henadadi nende abasiani baye nende abasiani babu-boosi abari aba Lawi beyunga alala muhulingala baria abahola hu inyumba ya Nyasaye.¹⁰Abembahi baala omuse okwe ihekalu ya Yahwe. Bino biakanyira amakuhani ohuema nibefualire echingubo chiabu nende chiturumbete, nende aba Lawi, abasiani ba Asafu, ohupaka Yahwe nende amanyenga, ngolwa omuhono kwa Daudi, omuruki wa Daudi yalagira. ¹¹Bemba nende nibamupaka nende ohuba oriomuno hu Yahwe, "Nomulai! Eindagano yobwesikwa bwaye hu Israeli iruo chinyanga chiosi." Abandu boosi ba humuula nende omuoyo mukali okwo busangafu nibapaka Yahwe huba omuse okwe ihekalu kwari kwalirwe.¹²Katakario bangi humakuhani, aba Lawi nende abahulundu abe chimbia, baria abali abakofu handi abalola inyumba yamberi, esiha sia omuse okwe inyumba ino kwaalwa mumoni chiabu, balira nomuoyo kwa akulu. Katakario bandu bangi bali nobuyoka bwobusangafu nende isangalo nende emioyo kiohusangasia. ¹³Esiarulamo, abandu sibanyala okabuhania emioyo kiobusangafu hurula hubandu abali nibalira, huba baliranga nende obusangafu, nemioyo kiaulihana ale.

¹Harano abasuku bandi ba Yuda nende Benyamini nibaulira mbwe abandu abali mumboye harano bari ohwimbahanga ihekalu ya Yahwe, Nyasaye wa Israeli. ²Endio bechera Serubabeli nende emirwe kiabakuka abechimbiya. Nibabolera, " Leha hwimbahe nang'u, huba, ngori eng'we, hukonya Nyasaye weng'we handi humalire omuholera emisango hurula echinyanga chia Esarihadon omuruki wa Asuri, nalulera abundu ano."³Katakario Serubabeli, Yesua, nende abandi emirwe kiabakuka ebechimbiya chiabu babola, " sineg'we, nefwe huhoire huimbaha einyumba ya Nyasaye, huba nefwe hunembaha inyumba ya Yahwe, Nyasaye wa Israeli, ngolwa Omuruki Koresi wa Uajemi yalagira.''⁴Endio abandu besialo eso badofusia emioyo kiabandu ba Yuda; bekera abandu ba Yuda ohuria ohwimabaha. ⁵Abo bosi babaresia abemeresi asoya bafwisie obuchane bwabwe. Bahola kano chinyanga chioosi echia Koresi handi muburuki bwa Dario omuruki wa Uajemi. ⁶Esialondaho muhuchaka ohwoburuki bwa Ahasuero bamuandikira ibarwa yohusitaka abamenyi ba Yuda nende Yerusalemu.⁷Chiali echinyanga chia Artasasta nolwa Bisilamu, Mithredathi, Tabeeli, nende abecha babu bandikira Omuruki Artasasti wa Uajemi. Eibarwa eyo yandikwa mulu Aramu handi nulukaluhanisibwa. ⁸Rehumu omwemeresi nende simsai omwandiki yandikira endi Omuruki Artsasta hulondohana nende Yerusalemu.⁹Esialondaho Rehumu omwemeresi, Simsai omwandiki, nende abecha babu bandi, abari abahalaki be bina nende abahongo bandi muburuki obo, oba Uajemi, abasacha hurula Uruki nende Babeli, nende abasacha hurula Susa ( bano ni, aba Elami )_ bandika ibarua_ ¹⁰handi bonganisibwa nende abandu aba Asuribanipali yali yaboya handi nabaika ohumenya Samaria, alala nende baria abali Musialo esiali Ingereha yo Luchi.¹¹Ino ni ibarua eyabamurumia: Hu Omuruki Artasasta, abasumba bao, abasacha abe Esialo siri Ingereha yo Luchi, bandika kano: ¹²Leha omuruki amanye mbu aba Yahudi abahurulaho barukaluhaneho eno Yerusalemu ohwimbaha itauni yohuhuchuba. Bamalire ohwibaha ebida handi bahwanisie emise.¹³Harano leha omuruki amanye mbu itauni niimbahwa handi bamalirisie esida, sibanahuba obusuri, kata obusuri obwe chingira, handi ako kecha ohunyaala esibihiro sio omuruki.¹⁴Obadieri huba humalire oliaho omunyu okwe inyumba yoburuki, sinaabwene hwefwe ohulola omuruki naraberesibwa esiriibwa. Hulwako efwe huri ohurumiranga kano ohwekesia omuruki ¹⁵ohukonyeresia obwandike bwa larao nende ebitabo handi ohweka mbu ino ni Itauni yesichubo eicha ohunyaala abaruki nende ebialo. Imalire ohuba omuoyo okwa machubo hurula hale.Nibiakera itauni eyo ohunyasibwa. ¹⁶Efwe hwekesiangia omuruki mbu itauni nende esida eso nisimbahwa, esinalodaho siumao esinahudong'era Musialo siri Ingereha yo Luchi.¹⁷Endio omuruki yarumira Rehumu omwemeresi amakalusio nende Simsai omwandiki nende abecha babu eria Samaria nende boosi abari Musialo siri Ingereha yo Luchi: "Leha omurembe kube kwengu. ¹⁸Eibarua yamwandumira baikaluhanisirie handi basomere. ¹⁹Nyinisie arilako, handi ngonyeresie mani mbukanire mbu husiha sirambi itauni eyo ikinguhire akulu ya abaruki,nende ohuba esichubo nende ohung'aya hweholeremo.²⁰Abaruki abakali barukire Yerusalemu handi bali nobunyala huburi sindu Musialo siri Ingereha yo Luchi, Obusuri, nende obusuri bwe chingira babarung'ang'wa. ²¹Harano, hwania erilako hubasacha abo bemie handi bara embaha itauni eyo husia hwanie erilako. ²²Mube batangu murecha mwaleka kano. Husina hukanyire obubi buno ohula handi hulere asara bungi hurihula rio oburuki?²³Erilako rio Omuruki Artasasta niriasomwa imberi wa Rehumu, Simsai omwandiki, nende abecha babwe bachia lwangulwangu eria Yerusalemu handi nibaika aba Yahudi ohwemia ohuimbaha. ²⁴Endio emirimo ekie inyumba ya nyasaye mu Yerusalemu kiema hula omwaka kwohubiri okwoburuki bwa Dario omuruki wa Uajemi

¹Esialondaho Hagai omunabi nende Sekaria omunabi, omuibulwa wa Ido, yainia obunabi mulira ria Nyasaye wa Israeli huba Yahudi mu Yuda nende Yerusalemu. ²Serubabeli omusiani wa Sealitieli nende Yesua omusiani wa Yosadaki basingira handi nibachaka ohuimbaha inyumba ya Nyasaye mu Yerusalemu nende amanabi ababasiira.³Esialondaho Tatenai omwemeresi owe Sialo esiri Ingereha wo Luchi, Sethari-Bosenai, nende abecha baye becha nibabareba, " Wina obabere erilako rio hwimbaha inyumba ino nende omalirisia ebida bino?" ⁴Bosi babareba, "Amera aka basacha bebahanga esiumbahe sino ni wina?" ⁵Katakario eimoni ya Nyasaye yari bahulundu baba Yahudi ne abasuku baabu sibabemia. Balindanga eibarua eichiira Dario nende erilako ribafunyire humahua kano.⁶Buno ni bwandike obwe Ibarua ya Tatenai, omwemeresi owe sialo siri Ingereha wo Luchi, nende Sethari- Bosenai nende abecha baye Musialo siri Ihgereha wo Luchi, eyabarumira Dario omuruki. ⁷Barumana amahua, nibandikira kano Omuruki Dario, "Leha omurembe kwoosi kube kwao.⁸Leha omuruki amanye mbu hwachia musialo sia Yuda eria munyumba wa Nyasaye mukali. Iri hwimbahuangwa nende amakina mahongo nende Emisala ekirebwe Mubida. Emirimo kino kiri oholwangwa ebilai handi kiri ohula mumahono kaabu. ⁹Hwareba abahulundu, 'Wina yababeresia erilako eriohwimbaha inyumba ino nende ebida biayio?' ¹⁰Efwe fwosi hubarebere amera kabu omede obamanya; ne amera aka basacha abemerere kandikirwe asi.¹¹Endi nolwa barukalusia; babola, 'Efwe huli abasumba ba Nyasaye mulala womwikulu nende esialo, handi huli hwimbahanga obuyia inyumba ino eyali imbahwe emiaka mingi ekiabira esiha sio omuruki omukali wa Israeli yaiimbaha nende oimala.¹²Atakario, ebiha bia bakukaefu banyolesia Nyasaye womwikulu, yabaana mumahono ka Nebukadresa omuruki wa Babeli, omu Kalidayo, owanyasia inyumba ino handi nabukula abandu mumboye nabaira Babeli. ¹³Katakario, humwaka kwa mberi ebiha bia Koresi yari omuruki wa Babeli, Koresi yaiinia erilako ohwimbaha inyumba ya Nyasaye¹⁴Omuruki Koresi yafunyia ebindu bie idahabu nende eifedha ebiali bio munyumba ya Nyasaye ebia Nebukadresa yari abukule hurula muhekalu ya Yerusalemu naiira muhekalu iri Babeli. Yabifunyisiria omundu undi olangwa Sesbasari, owa yali olobole ngo omwemeresi. ¹⁵Yamubolera, "Bukula ebindu bino. Chia obiire mu hekalu lia Yerusalemu. Leha inyumba ya Nyasaye imbahwe handi eyo."¹⁶Esialondaho Sesbasari uno yecha niyaala omuse okwe inyumba ya Nyasaye eria Yerusalemu; handi iri hwimbahwa, katakario isiri ohuubwa¹⁷Harano nikali mbwe bisangasia omuruki, leha binoneresibwe mu nyumba ye sibihiro sie bitabo esia Babeli nikali mbu erilako hurula hu Omuruki Koresi eria iniisibwa ohwimbaha einyumba ya Nyasaye eria mu Yerusalemu. Esilondaho leha omuruki arurumire obuhalaki bwaye

¹Endio Omuruki Dario yagola erilako, mani nibakonya munyumba yohubiha ebindu, a bindu bari biabihwa, eria Babeli. ²Mutauni eyalindwa eya Ekibatana musialo sia Media esitabo sianyolwa; ne buno nibwandike bwayio:³Humwaka kwamberi okwe Omuruki Koresi, Koresi yaiinia erilako hulondana nende einyumba ya Nyasaye eiri Yerusalemu: 'Leha einyumba imbahwe handi ngori abundu yohuinia omusango,leha omuse kwayio kwaalwe, leha obulei bwayio bube mita amahumi kabiri nende saba, ne burakalafu bwayio bube mita amahumi kabiri nende saba, ⁴nende echinyari chidaru chia amakina amahongo nende olunyari lwe emisala emiyaha, leha omurungo oko kurungwe nende einyumba yomuruki. ⁵Harano mufunyie ebindu bie idahabu nende ifedha ebialichingi munyumba ya Nyasaye, ebia Nebukadresa yaira babeli hurula muhekalu ya Yerusalemu mani mubifunyie muhekalu iri mu Yerusalemu. Engwe mubiire munyumba ya Nyasaye.'⁶Harano Tatenai, omwemeresi we sialo siri ingereha wo Luchi, Sethari-Bosenai, nende abecha beng'we abali Musialo siri Ingereha wo Luchi, mubweyo! ⁷Mulehane nende emirimo kie inyumba ya Nyasaye kibe. Omwemeresi nende abahulundu aba ba Yahudi banembaha einyumba ya Nyasaye abundu ao.⁸Esie ndi huiiniangia erilako mbu muholere kano abahulundu ba ba Yahudi abo abembaha einyumba ya Nyasaye: Amatongolo hurula musibihiro sio omuruki esiri ingereha wo Luchi kanehonyerwa ohurunga abasacha abo emirimo eko kira ema. ⁹Siosisiosi esinenyihana_echingombe chiguruhi chindaga, amakondi maguruhi, amakondi maraga hulwe ebianua ebio husambwa hu Nyasaye womwikulu, eimere, omunyu, idivai, kata amafura hulondohana nende elilagiro ria amakuhani kari Yerusalemu_mubaberesia ebindu bino buri inyanga auma hukosa. ¹⁰Muhole endio babukane olera emisango ekisangasia Nyasaye womwikulu handi balamire obulamu obwo muruki nende abasiani baye¹¹Esie nyiinisie erilako mbu nikali omundu yosiyosi anahaya olonda erilako ero, omusala kuna hwesua hurula hunyumba yaye handi bana mubambaho. Einyumba yaye ina kaluhanisibwa esifumi sie itakataka hulwa kano. ¹²Leha Nyasaye oholere elira riaye ohwihala omo akalule buri omuruki kata abandu abana kingula omuhono ohaya olonda erilako rino, kata ohunyasia inyumba ino eya Nyasaye eria Yerusalemu. Esie, Dario, harano nyiinia erilako rino. Leha riholwe nende amani koosi!"¹³Esialondaho hulwe erilako eriarumwa nende Dario omuruki, Tatenai, omwemeresi we Sialo siri Ingereha wo Luchi, Sethari-Bosenai, nende abecha babwe, bahola buri sindu esia Omuruki Dario ya lagira. ¹⁴Endio abahulundu aba ba Yahudi bachirira asi yobufumbuli obwa Hagai omunabi nende Sekaria omuichuhulu wa Ido. Bamalirisia ebiumbahe hulondohana nende erilako ria Nyasaye wa Israeli nende hubirira erilako ria Koresi, Dario, nende Artasasta omuruki wa Uajemi. ¹⁵Einyumba yabwa inyanga yohudaru omwosi kwa Adari, humwaka kwohusasaba okwo oburuki bwo Omuruki Dario.¹⁶Abandu ba Israeli, amakuhani, aba Lawi, nende ababoye abadong'a basangalira ohuikulwa ohwe inyumba ya Nyasaye nobusangafu. ¹⁷Baiinia eching'ombe chiguruhi eimia ndala, amakondi maguruhi eimia ndala, amakondi amaraga chimia chine echio hwikula einyumba ya Nyasaye. Echimbusi chiguruhi lihumi nende chibiri chiosi chia inisibwa ngori esianua sio bwononi hu aba Israeli boosi, imbusi ndala huburi oluyia lwa Israeli. ¹⁸Abo bosi baberesia amakuhani nende aba Lawi ohuhola nende emikanda hulwe oburumihi bwa Nyasaye oli Yerusalemu, ngolwa kandikwa musitabo sia Musa.¹⁹Endio abari mubialo bindi basangalira ei Pasaka einyanga ye elihumi nende chine omwosi kwa mberi. ²⁰Amakuhani nende aba Lawi belafuiyia; boosi bari abalafu. Esialondaho babaaka emisango ekia Pasaka hulwa abo boosi abari mubialo bindi, nende abene bosi.²¹Abandu ba Israeli abaliaho einyama yei Pasaka bari balia abari bafunyire hurula mubialo bindi handi bari bekabule nende obumali bwe bialo bindi handi bari nibakonyanga Yahwe, Nyasaye wa Israeli. ²²Abo mubusangafu basangalira Omwimo okwo omugati kuumamo esimera huchinga saba, Huba Yahwe yali abalerere obusangafu handi yari akalule omuoyo okwo omuruki wa Asuri ohujing'ia emihono kiabu humirimo ekie inyumba, eiyumba ya Nyasaye wa Israeli.

¹Harano inyuma ya kano, esiha sio buruki bwa Artasasta omuruki wa Uajemi, Esra yarula eria Babeli. Bakukang'ne Esra bari Seraia, Asaria, Hilkia, ²Salumu, Sadoki, Ahitubu, ³Amaria, Asaria, Meraiothi, ⁴Serahia, Usi, Buki, ⁵Abisua, Finehasi, Eleasari, owari omusiani wa Haruni omukuhani omuhongo.⁶Esra yarula Babeli handi yari omwandiki owali nende obujusi mwa hwandika amalako ka Musa aka Yahwe, Nyasaye wa Israeli, yali yamuba. Omuruki yamuba buri sindu sia yadaha hubera omuhono kwa Yahwe kwali naye. ⁷Abechuhulu ba Israeli bandi nende amakuhani, aba Lawi, abembi abo muhekalu, abalindi abemiliango, nende abo boosi ababebwa ohurumiha muhekalu bosi bachia Yerusalemu humwaka kwasaba okwa Omuruki Artasasta.⁸Yola eria Yerusalemu humwosi kwo hurano, okwali omwaka kwasaba okwo muruki. ⁹Yarula Babeli inyanga ya mberi omwosi kwa mberi. Yari inyanga yamberi yomwosi kwo hurano okwa yoliraho Yerusalemu, hubera omuhono mulai kwa Nyasaye kwali naye. ¹⁰Esra yali yaule mumuoyo kwaye ohueka elilako lia Yahwe nende ohusirisia nende ohwekesia amalako kayio mu Israeli.¹¹Buno nibwandike obwe ibarua eya Omuruki Artasasta yaberesia Esra omukuhani, omwandiki, obwandike obwe chimbosi echie ebilagiro bia Yahwe, nende amalako kaye hu Israel. ¹²Omuruki wa baruki Artasasta, omukuhani Esra, omwandiki owa malako ka Nyasaye womwikulu: ¹³Esie harano nyinia erilako mbu yosiyosi hubandu ba Israeli abari muburuki bwange_alala nende amakuhani kabu nende aba Lawi_ abekomba ohuchia Yerusalemu banyala ohuchia nawe.¹⁴Esie, omuruki, nende abakeraki abange saba, mbaruma ohureberesia koosi akadiraho hu Yuda nende Yerusalemu hulondohana nende erilako ria Nyasaye, akali mumahono kao. ¹⁵Ewe oli mbwe olere ifedha nende idahabu eya omuruki nende abakeraki baye babechane ebihaya hu Nyasaye wa Israeli, owamenya Yerusalemu. ¹⁶Bechana ebihaya ifedha nende idahabu yoosi eya munabukana musialo sia Babeli, alala nende ebianua biohweiinia ebia bandu nende amakuhani bainisie muhuhera hwabu hu inyumba ya Nyasaye eria Yerusalemu.¹⁷Endio rumuhira amatonglo ako koosi ohukula chingombe echiguruhi, amakondi amaguruhi, nende amakondi amaraga, nende ebianua bie imere nende ebianua bing'webwa. Mubiinie hu maika ako musango akari munyumba wa Nyasaye weng'u eria Yerusalemu. ¹⁸Muholere Ifedha nende idahabu eidongere siosisiosi esiamunalola esilai hweng'we ohola nende oholera abasiani beng'u, ohusangasia Nyasaye weng'u.¹⁹Mure ebindu ebia bahuanira ebihaya imberi yaye huburumuhi obwe inyumba ya Nyasaye mu Yerusalemu. ²⁰Esindu siosisiosi esi nenyihana hu nyumba ya Nyasaye, esia munadaha, sirungwe hurula musibihiro sio bururki²¹Esie, Omuruki Artasata, harano nyiinia erilako hu ababihi boosi mu Sialo siri Ingereha wo Luchi, mbu esindu siosisiosi esia Esra omukuhani, omwandiki owe erilako ria Nyasaye womwikulu, anabadahaho hweng'we biri bwe mumuberesie mubwichufu, ²²husia echitalanta chie ifedha imia ndala, chigori imia chie imere, ebipimo imia ebie idivai, ebipimo imia ebia mafura, nende omunyu okuuma esikero. ²³Esindu siosisiosi esirula hu rilako ria Nyasaye womwikulu, muhole nende ohweiinia hu inyumba ino. Huba husina eririma riaye riche akulu yoburuki bwo omuruki nende abasiani baye?²⁴Efwe huri obekesiangia mbu buumao obunyala obunarao obusuri kata obusuri obwe chingira hu omukuhani, Omulawi, abembi, abalindi abe miliango yosiyosi, kata humundu owabebwa oburumihi obwe ihekalu nende abasumba abeinyumba ya Nyasaye uno²⁵Esra, nende amakesi aka Nyasaye yahuba,biri mbu olobole abahalaki abe bina abemeresi babwe ohulakira abandu boosi mu Sialo siri Ingereha wo Luchi, handi ohurumihira boosi balia abamanyire amalako ka Nyasaye weng'we. Ewe biri mbu wekesie abo abakoribwe amalako. ²⁶Huulia yosiyosi onahaya ohulonda amalako ka Nyasaye weng'we nende amalako ako muruki_leha obuhalaki buholwe lwang'ulwang'u hunie, binyala ohuba elifwa kata ohwirusibwa kata ohunyasia ebindu biaye kata ohuboywa.²⁷Abebwe echihabi Yahwe, Nyasaye waba kukaefu, owageng'a kano mumuoyo kwo omwami ohuberesia oluyari inyumba ya Yahwe mu Yerusalemu, ²⁸handi osudisie obwesikwa obweindago hwesie imberi yomuruki, abakeraki baye, nende abohongo baye boosi abamani. Esie mberesibwe amani nende omuhono kwa Yahwe Nyasaye wange, handi esie mbusisie abascha bamanyifu hurula Israeli ohuchia alala nasi.

¹Bano ni abemeresi abe chinyumba chia bakuka babwe handi noluibulo lwa baria aba rula Babeli nasi echinyanga chio buruki bwa Omuruki Artasasta. ²Abo luibulo lwa Finehasi, Gerisomu.Abo luibulo lwa Ithamari, Danieli, Abo luibulo lwa Daudi, Hatusi. ³Abo luibulo lwa Sekania, owa rula muluibulo lwa Parosi, Sekaria, nende alala naye baruo abasacha 150 ababalwa muluibulo lwaye.⁴Abo luibulo lwa Pahathi-Moabu, Eliehoenai omusiani wa Serahia handi abari naye abasacha mia chibiri. ⁵Abo luibulo lwa Satu, Beni Yahasieli handi abari naye bali abasacha mia chidaru. ⁶Abo luibulo lwa Adini, Ebedi omusiani wa Yonathani handi abali naye abasacha mahumi karano. ⁷Abo luibulo lwa Elamu, Yesaia omusiani wa Athalia handi abali naye bali abasacha amahumi saba⁸Abo luibulo lwa Sefatia, Sebadia omusiani wa Mikaeli handi abali naye bari abasacha amahumi munane. ⁹Abo luibulo lwa Yoabu, Obadia omusiani wa Yehieli handi abali naye bari abasacha 218. ¹⁰Abo luibulo lwa Bani, Selomithi omusiani wa Yosifia handi abali naye bali abasacha 160. ¹¹Abo luibulo lwa Bebai, Sekaria omusiani wa Bebai handi abali naye bali abasacha mahumi kabiri nende munane.¹²Abo luibolo lwa Asigadi, Yohanan omusiani wa Hakitani handi abali naye bali abasacha 110. ¹³Baria abo luibulo lwa Adonikamu becha inyuma. Kano nikari amera kaabu: Elifeleti, Yeueli, nende Semaia handi alala nabo becha abasacha amahumi kasasaba. ¹⁴Abo luibulo lwa Bigivai, Uthai nende Sakuri handi abari naye bali abasacha amahumi saba.¹⁵Ndubuusia alala aba Yahudi boosi humwalo okuchia Ahava, handi hwehala ao echinyaga chidaru, ndalingalamo abandu nende amakuhani, katakario sindanyolamo oluibulo lwa Lawi ao. ¹⁶Endio Esie ndalanga Elieseri, Nathani, Semaia, Elnathan, Yaribu, nende Elnathani nende Nathani, Sekaria, nende Mesulamu_abari abemeresi_nende hu Yoiaribu nende Elnathani_abari abaalimu.¹⁷Esilondaho ndabaruma hu Ido, omwemeresi eria Kasifia. Ndababolera esia bahoye babolere Ido nende abeho baye, abasumba abomuhekalu abamenya Kasifia, ako ni, ohururumira abasumba abe inyumba ya Nyasaye.¹⁸Endio barurumira humuhono mulayi okwa Nyasaye omusacha olwangwa Serebia, omundu omukesi. Nie yari omuibulwa wa Mahili omusiani wa Lawi wa Israeli. Yecha nende abasiani elihumi nende munane nende abasiani babu. ¹⁹Alala naye yecha Hasabia. Barua bosi Yesaia, mulala hu omuibulwa wa Merari, nende abasiani babu nende abasiani babwe, abasacha mahumi kabiri boosi. ²⁰Abo ababebwa ohurumiha mu hekalu, aba Daudi nende abahongo baye yabechana ohurumihira aba Lawi: 220, buri mulala hunibo ngolwa yabebwa nelira²¹Esialondaho esie ndalandisiria abandu ohu haya olia eria humualo kwa Ahava ohweduduyia efwe bene imberi wa Nyasaye, ohukonya eingira ikololohe hurula huniye hulwefwe, abaraga befu, nende ebindu biefu biosi. ²²Echisoni chianyamba ohusaba omuruki abeliye kata abe chifarasi ohurulinda hubasuku befu hwingira, huba hwali huboolere omuruki, 'Omuhono okwa Nyasaye wefu kuli akulu wa balia boosi abamukonya humalai katakario obunyala nende elirima biri akulu wa balia abamwibirira.' ²³Endio hwahaya olia handi nihukonya Nyasaye hu kano, handi yaulira amalamo kefu.²⁴Esialondaho esie ndalobola abasacha lihumi nende babiri hurula abahongo abamakuhani: Serebia, Hasabia, nende abasiani babu lihumi. ²⁵Esie ndabapimira ifedha, idahabu nende ebindu nende ebianua ebie einyumba ya Nyasaye ebia omuruki, abakeraki baye nende abahongo bali bagolere ebihaya.²⁶Endio ndabapimira mumahono kabu echitalanta 650 echie ifedha, nende echitalanta imia chie bindu bie Ifedha, echitalanta imia yei idahabu, ²⁷Chibakuli mahumi kabiri chie idahabu alala chiari nobukusi obwe chidariki elifu ndala, nende echindoo chibiri echiali chihurirwe bilai handi chiali nobukusi nga idahabu.²⁸Esialondaho ndababolera, " Engwe mwalobolwa ohuba aba Yahwe, nende ebindu bino bwoosi, nende Ifedha nende idahabu buli ebianua ebiohweinia hu Yahwe, Nyasaye waba kukaefu. ²⁹Mubilingale handi mubilinde hula mubipime imberi wa abahongo abamakuhani, aba Lawi, nende abemeresi abe chimbia chia bakuka ba Israeli mu Yerusalemu mubigoro ebie inyumba ya Nyasaye." ³⁰Amakuhani nende aba Lawi babukula ifedha, idahabu, nende ebindu bakoobe Yerusalemu, munyumba ya Nyasaye wefu.³¹Hwarula humwalo kwa Ahava inyanga ye lihumi nende chibiri yomwosi okwa mberi okwohuchia Yerusalemu. Omuhono kwa Nyasaye wefu kwali nafu; yarulinda hurula mumuhono okwomusuku nende baria abekomba orubwoga hwiingira. ³²Endio efwe hwengira Yerusalemu handi hwehala eyo echinyanga chidaru.³³Esialondaho huinyanga yohune ifedha, idahabu, nende ebindu biapimwa munyumba wa Nyasaye wefu, mumuhono kwa Meremothi omusiani wa Uria omukuhani. Alala naye baruo Eleaseri omusiani wa Finehasi, Yosabadi omusiani wa Yesua, nende Noadia omusiani wa Binnui Omulawi. ³⁴Obubali nende obusiro bwaburi sindu bwamanyiha. Obusiro bwoosi bwa andikwa asi ebiha ebo.³⁵Balala abafunya hurula mumboye, abandu abali beikame mubialo bindi, baiinia ebianwa ebiohusambwa hu Nyasaye wa Israeli: ching'ombe chiguruhi elihumi nende chibiri huba Israeli boosi, amakondi amaguruhi mahumi tisa nende kasasaba, amakondi amaraga mahumi saba nende saba, nende echimbusi echiguruhi lihumi nende chibiri oba nga esianua sio bwonono. Bwoosi biari ebianua ebiohusambwa hu Yahwe. ³⁶Esialondaho baberesia amalako ako mwami hu abahongo abakulu abo mwami nende abemeresi mu Sialo siri Ingereha wo Luchi, handi bahonya abandu nende einyumba ya Nyasaye.

¹Ebindu bino nibiaholwa, abahongo banjichira handi nibambolera, "Abandu ba Israeli, amakuhani, nende aba Lawi berekabula nende abandu bomibialo nende amahua kabahola: aba Kanani, aba Hiti, aba Perisi, aba Yebuse, aba Amoni, aba Moabu, aba Misiri nende aba Amori. ²Huba babukule abana babu abahana nende abasiani, basasanisie abandu batakatifu nende abandu abomubialo, handi abameresi nende abahongo babere abamberi ohuraria Nyasaye."³Nindaulira kano, Esie ndarandula ebiefwalo biange handi ndachunula elifwiri hurula humurwe nende esirefu, mani nijihala asi, nindinobuchuni bungi. ⁴Baria boosi abarengereha echimbosi chia Nyasaye wa Israeli nende ohuuma elisubira ohwa balia abari beruhira ebialo bindi bandebusiaho esiha siandali ninjihale asi nobuchuni bungi hula ebiha ebie esianua sie sichiambo.⁵Katakario esiha siohwana esianua esie sichiambo ndasingira hurula andali nindi nechisoni muchingubo chiange neijoho iranduhe, handi ndasikama asi handi nindakalasie amahono kange hu Yahwe Nyasaye wange. ⁶Ndaboola, "Nyasaye wange, Esie ndinechisoni handi mumasiriibwa esio hukingula obweni bwange hwewe, ohuba obwononi bwefu bwemedere akulu we mirwe kiefu, handi ohusasiha hwefu huhulire hula mwikulu.⁷Hurula echinyanga chia bakukaefu hula ebiha bino efwe hubere mubwononi obukali. Mumabi kefue, abaruki befu nende amakuhani kefu bahirwa mumahono aka abaruki abomusialo sino, hulugangala, mumboye nende ohunyasibwa nende ohudirwa nechisoni, ngolwa huli rero.⁸Ne harano hubiha bididi, esisa sia Yahwe Nyasaye wefu yecha yarureha efwe aberuha hwadong'a handi naruberesia ohusena abundu waye atakatifu. Kano kali aka Nyasaye wefu ohuruamula echimoni chiefu nende oruberesia obuuluhi obuyeranu mububoye bwefu. ⁹Huba efwe huli ababoye, katakario Nyasaye wefu asiri hurwibirira mububoye bwefu. Haba, arusiirie obwesikwa obweindagano hwefwe imberi womuruki wa Uajemi. Arubere amani amayiaha ohumbaha einyumba ya Nyasaye wefu handi nende ohusingisia amagofu kayio, handi arubere esida siohurulinda mu Yuda nende Yerusalemu.¹⁰Katakario harano, Nyasaye wefu, sina siahunyala obola kano nikahabira? Efwe hwibirire amalagiro kao, ¹¹amalagiro aka waberesia abasumba bao amanabi, niwabola, "Esialo siamuingiramo ohubukula nesialo siononi. Siononisibwa nende abandu besialo nende ebindu bibi biabahola. Basichusie nende amabi hurula eno husia eria nende obwononi bwabu. ¹²Endio harano, muraberesia abana abahana bengu abasiani babu; murabukula abana bahana babu ohuberesia abasiani beng'we, handi murakonyaho omulembe nende ohubao hwabwe, huniho munaba namani nende ohulia amalai ake sialo, endio munakera abana beng'we ohusibukula chinyanga chiosi."¹³Ne inyuma ya kano koosi orunyola hulwa emiluha kiefu emibi nende obwononi bwefu obukali_huba ewe, Nyasaye wefu okaiire akahukwanirwe onyola hulwa amabi kefu handi orurehereho abadong'a nibaonere_ ¹⁴Efwe handi huufunake amalagiro kao nende ohusasania eching'eka nende abandu abemiluha mibi? Sonanyolera nafu handi orumaleo endio sanabao onadong'a, aumao oneruha?¹⁵Yahwe, Nyasaye wa Israeli, orimulonga, huba efwe hudong'a abaona badong'a hula inyanga ya rero. Lingala! Efwe huli imberi wao mubwononi bwefu, huba aumao onyala ohwema imberi wao hulwa kano.

¹Ngolwa Esra yalama ohulama nende ohwekanira, yalira muno handi niyefubire asi imberi we inyumba ya Nyasaye. Omuhung'ano omukali okwa basacha ba Israeli, abahasi, nende abana bebuusia hunie, huba abandu bari niba liranga muno. ²Sekania omusiani wa Yehieli obechulu ba Elamu yabolera Esra, "Hubere abarali abesikwa hu Nyasaye wefu mani hukekere abahasi abakeni hurula mubandu abesialo. Katakaro nikarari kano, Israeli isiri neligeno³Haro leha huhwanie eidagano nende Nyasaye wefu ohwirusia abahasi abo boosi nende abana baabu hulondohana nende amalagiro ako Omwami nende amalagiro aka abo abareng'erehera amalagiro aka Nyasaye wefu, handi leha kaholwe hulondohana nende elilako. Musiingire, huba esindu sino nisieng'u ohuhola, handi huli nang'u. ⁴Mweberesie amani mani muhole kano."⁵Endio Esra yasingira handi nahola obahongo aba makuhani, aba Lawi, nende Israeli yoosi ohulaka ohola mungira ino. Endio balia esilulu. ⁶Esialondaho Esra yasingira imberi we inyumba ya Nyasaye handi nachia mubigoro bia Yehohanan omusiani wa Eliasibu. Siyalia omugati kwosikwosi kata ohung'we amachi kosikosi, hubera yari naliranga hulondohana nohuraba nobwesikwa obwa abo abari mumboye⁷Endio baruma elihuwa mu Yuda nende Yerusalemu hubandu boosi abarula mubialo bindi ohwebusia eria Yerusalemu. ⁸Yosiyosi ona haya ohwicha muchinyanga chidaru hulondohana nende amalagiro hurula hubahongo nende abahulundu_emiandu kiaye kioosi kinabukulwa, handi omwene anageng'wa eindulo hurula muhung'ano omukali okwa bandu abaria bafunyire hurula mubialo bindi.⁹Haro abasacha boosi aba Yuda nende Benyamini bahung'ana eria Yerusalemu hu chinyanga chidaru. Kwali omwosi kwa tisa einyanga ya mahumi kabiri yomwosi. Abandu boosi behala mulwanyi imberi ye inyumba ya Nyasaye, nibareng'ereha hulwa amahua kano nende hulwe ifula. ¹⁰Esra omukuhani yasingira nabola, "Engwe bene muholere amahuwa kanyolesia. Engwe mwamenya nabahasi abebialo bindi hulwako mumedere obwononi bwa Israeli.¹¹Katakario mwekaluhasie hu Yahwe Nyasye waba kukaeng'we, mani muhole ohuhera hwaye. Mwekabule hurula bandu abesialo nene hurula hubahasi abakeni."¹²Omuhung'ano kwoosi kwakalusia mumuoyo muhongo, "Efwe hunahola ngolwa mubolere. ¹³Atakario baruo abandu bangi, handi chiali echinyanga chie ifula. Efwe huuma mani akohwema rwanyi, handi kino sini emirimo ekeinyanga ndala kata chibiri, hubera ewfwe hwononire muno mumahua kano.¹⁴Endio Leha abahongo befu baruemerere mumihung'no kiosi. Leha boosi abari muchitauni chiefu abakeka abahasi abakeni beche hubiha binarebwao ebinarebwao nende abahulundu abomutauni nende abahalaki abe biina husia elirima likali lia Nyasaye wefu ngalicha oruleha. ¹⁵Yonathani omusiani wa Asaheli nende Yahiseia omusiani wa Tikiva bahaya kano, ne Mesulamu nende Sabethai omu Lawi babonga omuhono.¹⁶Endio abandu abarula mubialo bindi bahola kano. Esra omukuhani yalobola abasacha, abemeresi muchimbia chia bakukaabu nende chinyumba_ boosi abo namera, handi bakonyeresia amahua kano inyanga yamberi omwosi kwe ehumi. ¹⁷Hula inyanga yamberi omwosi kwamberi bari bamalire ohuduhira ni abasacha sina abamenya nende abahasi abakeni.¹⁸Akari wa bechuhulu aba makuhani baruo abari bamenya nende abahasi abakeni. Akari webechuhulu ba Yesua omusiani wa Sadoki nende abasiani babu baruo Maaseia, Elieseri, Yaribu nende Gedalia. ¹⁹Endio batema namani ohwirusia abahasi babu. Hulwo huba bari abononi, baiinia elikondi riguruhi hurula mumaicho hulwa amabi kabu.²⁰Akari wa abechuhulu aba Imeri: Hanani nende Sebadia. ²¹Akari wa bechuhulu aba Harimu: Maaseia, Eliya, Semaia Yehieli, nende Usia. ²²Akari wa abechuhulu ba Pasihuri: Elioenoi, Maaseia, Isimaeli, Nethaneli, Yosabadi, nende Elasa.²³Akari wa aba Lawi: Yosabadi, Simei, Kelaia_oyo ni, Kelita, Pethahia, Yuda,nende Elieseri. ²⁴Akari wa abembi: Eliasibu. Akari wa abalindi abe miliango:Salumu, Telemi, nende Uri. ²⁵Akari waba Israeli badong'ere_akari webechuhulu aba Parosi: Ramia, Isia, Malkiya, miyamini, Eleasari, Malikiya, nende Benaia.²⁶Akari wa abechuhulu aba Elamu: Matania, Sekaria, Yehieli, Abdi, Yeremothi, nende Eliya. ²⁷Akari wa abechuhulu ba Satu: elieonai, Eliasibu, Matania, Yermothi, Sabadi, nende Asisa. ²⁸Akari wa abechuhulu ba Bebai: Yehohanan, Hanania, Sabai, nende Athilai. ²⁹Akari wa abechuhulu ba Bani: Mesulamu, Maluk, Adaia, Yasub, Seali, nende Yermothi.³⁰Akari wa abechuhulu ba Pahathi-Moabu: Adna, Kelal, Benaia, Matania, Besaleli, Binnui, nende Manase. ³¹Akari wa abechuhulu ba Harimu: Elieseri, Isiya, Malikiya, Semaia, Simeoni, ³²Benyamini, Maluk, nende Semaria.³³Akari wa abechuhulu ba Hasumu: Matenai, Matata, Sabadi, Elifeleti, Yeremai, Manase, nende Simei. ³⁴Akari waabechuhulu ba Bani: Madai, Amramu, Ueli, ³⁵Benaia, Bedeia, Keluhi, ³⁶Vania, Meremothi, Eliasibu,³⁷Matania, Matenai, nende Yaasu. ³⁸Akari wa abechuhulu ba Binnui: Simei, ³⁹Selemia, Nathani, Adaia, ⁴⁰maknadebai, Sasai, Sarai,⁴¹Asareli, Selemia, Semaria, ⁴²Salumu, Amaria, nende Yusufu. ⁴³Akari wa abechuhulu ba Nebo: Yeieli, matithia, Sabadi, Sebina, Yadai, Yoeli nende benaia. ⁴⁴Bano boosi bali bakekere abahasi abakeni handi bari bebule abana nende abandi hunibo.

¹Olwimbo olwe chinyimbo , echia Sulemani, ²Bayie,iberembwe anyala yanuna omunwa kwange nende omunwa kwaye, hubera obuheri bwaye hwe esie nobulai ohiraho idivai. ³Amafura kao akobubahe kali nesiuya sisangasia; lira lawo liri nga amafura ake esing'ari akamola, endio abahasi baraga bahuhera. ⁴Mbukule nawe, handi huneruha.⁵Ndi mudicholi handi mulai, engwe abahana aba Yerusalemu -abadicholi nga amahema aka Kedari, abalayi ngori echipasia chia Suleimani ⁶Murambalira hubera ndi ndimudicholi, hubera okubasu kwasamba. Abasiani aba mama banyolera nasi; Bahola oba omulindi owa musabibu, katakario emisabibu kiange mwene ndarakihuania.⁷Mumbolere, ewe womuoyo kwange kwahera, mwayanga ena amakondi keng'u? Ena amuulusiriangia amakondi keng'u esidere? Husina mbe nga mundu okendana mumakondi ake becha bao?⁸Nikali simumanyire, omulayi muno akari wa abahasi, londa amakulu kamakondi, handi yaya echimbusi chiao chindaga ambi nende amahema aka bayi.⁹Esie hufwanania, omwicha wange, nende eifarasi isacha mumagare akechifarasi chia Farao. ¹⁰Amarama kao namalai nga ebiefualo ebia mubweni, elikosi liao nga olusia lwa amakina akobukusi. ¹¹Hunahuhwanisiria ebiefualo ebie idahabu ebiri nende amakondo ake ifedha.¹²Esiha sia omuruki yali nakona husisala siaye, amafura kange kainia esing'ari. ¹³Omuherwa wange ali nga esikapo esie bindu bilai ebikonere akari wechimbere chiange siro silamba. ¹⁴Omuherwa wange ali huesie nga esifurusi sia henna mu chindalo chia musabibu echia En Gedi.¹⁵Rekeresie, ewe oli mulai, omwicha wange; rekeresia, ewe oli mulai; echimoni chiao na amagugu.¹⁶Rekeresia, oli omusiani omulai, omuherwa wange, ngolwo oli omusiani mulai. Obuyasi obunyifu nesitanda siefu. ¹⁷Emisiro kieinyumba yefu nemisala kia seda; neireru yefu niya seda.

¹Esie ndi eliuwa elilayi elia Saroni, eliyombayombe elie mumahoho. ²Ngolwa eliyombayombe liri akari ya mabwa, endio nolwa omuherwa wange ali akari wabahasi abaraga.³Ngori omusala okwe biamo bilai kuri akari we sibira, endio nolwa omuherwa wange ari akari wa abasacha abaraga. Njihala asi wesiniha siaye nobusangafu bukali, handi esiamo siaye nesimilumilu muhanwa kwange. ⁴Oyo yandera munyumba iri nende idivai,handi obulindi bwobuheri bwaye bwali akulu wange.⁵Mberesie amani nende amigati handi saangasie nende ebiamo bilai, huba esie ndimujong'u nobuheri. ⁶Omuhono kwaye omukada kuli asi womurwe kwange, handi omuhono kwaye omulungi kung'wakire.⁷Esie ndaha mweyame, abahana ba Yerusalemu, huchinjobe nende ebisolo bio mubipapi, mbu simuna simusia kata osingisia obuheri hula nga anahera.⁸Kuria nomuoyo okwo muherwa wange! Rekeresia, nguyo yecha, asola muching'ulu naduma akulu ye biswa. ⁹Omuherwa wange ari nga injobe kata eifarasi indaga; lingala ali hwemanga inyuma yesida siefu, nahengeranga mudirisa, nahengeranga mumena akelidirisa.¹⁰Omuherwa wange ya nomanomera nabola, "Buha, omuherwa wange; omulai wange, icha eno nasi. ¹¹Regala, esiha sie imboo sibirire; eifula yakame handi ibwereo.¹²Amaua kasebuhe husialo; esiha sio ohubialire nende amayoni hwemba huulire, nende emioyo kia magugu kiulihana husialo. ¹³Emisala ekie ebiamo kiengisie ebiamo biayio, handi emisababu kiinia ebimuli; nikigola esing'ari siayio. Buha, omuherwa wange, omulai wange, mani wiche obweo.¹⁴Erigugu riange, muchimbenyenye chio luanda, muchimbenyenye chiekisire humwihiriro okwo lugulu, leha ndole obweni bwao. Leha mbulire omuoyo kwao, huba omuoyo kwao kunyunyula, handi obweni bwao nobulaiyi."¹⁵Murudirire amabwe, amabwe amadoro akanyasia echindalo chia musabibu, huba eindalo yefu ya musabibu imuliha.¹⁶Omuherwa wange nowange, handi esie ndiwaye; yayanga akari wa mayombeyombe nende obusangafu. ¹⁷Rula ochie, omuherwa wange, niburahia handi ebiniha nibiiruha. Rula ochie; ba nga injobe kata eifarasi indaga mulugulu luholere amakina.

¹Ebiha bie siro husitanda siange ndekombanga ohuba nende ulio womuoyo kwange kwahera; Ndamukonya, katakario sindanyala omubukana. ²Esie nde boolera, "Esie ndasingira mbirire mutauni, mbirire huchingira nende ebipapi; Esie njicha okonya ulia womuoyo kwange kwahera."Ndamukonya, katakario sindamubukana.³Abalindi bambukana ngolwa bari nibalinda mutauni. Nibareba, " Engwe muluchiho ulia owo muoyo kwange kwahera?" ⁴Nebiari ebiha bididi sa nidahababira nolwa nda bukanana nende ulia owo muoyo kwange kwahera. Esie ndamudirira handi sindanyala omurehulira achie husia nga ndamurera munyumba yamama, musigoro sia ulia owanjibula.⁵Ndaha mweyame, abahana ba Yerusalemu, hu chinjobe nende ebisolo bio musipapi, mbu si munasimusia kata osingisia obuheri hula ebiha bia ndahereramo.⁶Nesina eso esi dumuhanga ngo muosi musichimi, esiunya esing'ari sie bindu bilai, nende eipoda eikusibwa nende abeinganga? ⁷Ringala,eso nisitanda sia Suleimani; aberiye amahumi kasasaba basibodohane_abandu bakali ba Israeli.⁸Boosi hunibo bamanya ohwehonyera olugangala handi bali namakesi mumahua akohuhuyana. Buri musacha ali nolugangala lwaye, yekwihire akulu ya amabi akeholeha ebiha biesiro. ⁹Omuruki Suleimani yehwanisiria esisala sio lubao lwa seda olurula Lebanon.¹⁰Emisiiro kiayio kiahwanisibwa nende ifedha; omukongo kwahwanisibwa nende idahabu, obuihalo nende ingubo iranjaiyi. Mukari wayio yahwanisibwa nobuheri nende abahana ba Yerusalemu. ¹¹Murule rwanyi, abahana ba Sayuni, muhengere Omuruki Suleimani, niyefwalire eisimbihira eya ngina yamufuala einyanga ye siserero siaye, inyanga yobusangafu obwo muoyo kwaye.

¹Bayie, olimulai, omuherwa wange; oli mulai. Echimoni chiao na amagugu inyuma yeipasia. Elifwiri liao lifwana nga eliicho lie chimbusi chiihirira hurula hulugulu lwa Gileadi.²Ameno kao kali nga eliicho liamakondi amahasi akabekerwe ambi ano, nikecha hurula abundu yohwosibwa. Koosi kari namahwana, riumao hata rilala huniko akafwirirwe.³Omunua kwao kuli nga olusia luranjaiyi; omunua kwao kusangasia. Echindama chiao chiri nga ebiamo bibiri ebiahanyu inyuma yesitambaya siobweni bwao.⁴Elikosi liao liri ngo omunara kwa Daudi okwimbahwe mulunyari lwa makina, nende echingabo elifu echidembaho, chingabo chiosi echia abeliye. ⁵Echimbere chiao chibiri chiri nga echinjobe mahwana, echiri hwayanga akari wa mayombeyombe.⁶Niburahia handi ebiiniha nibiruhe, njicha ochia hulugulu olu unya bilai nende husiswa esiunya esingari. ⁷Oli mulai mung'ira chioosi, omuherwa wange handi oumaho imbala.⁸Icha nasi hurule Lebanoni, omuhaye wange wesiserero, icha nasi hurule Lebanoni; icha hurula akulu wa Amana, hurule akulu wa Seniri nende Hermoni, hurule mubuihalo ebie chisimba, hurule hulugulu olwe chihombe chie echingwe.⁹Ewe wibire omuoyo kwange, omuhana wefu, omuhaye wange we siserero; ewe wibire omuoyo kwange, nende iningala yao ndala sa huesie, nende esiuma silala sa sio lunyolo lwao¹⁰Obuheri bwao nobulayi, omuhana wefu, omuhasi wange wesiserero! Obuheri bwao nobulai ohiraho idivai, handi esingari sia amarasi kao sihiraho esitunguyu. ¹¹Omunwa kwao, omuhaye wange wesiserero, kudonya obuuhi; obuuhi nende amabere kali asi wo lulimi lwao; esingari sie chingubo chiao siri nga singari sia Lebanoni.¹²Omuhana wefu, omuhaye wange wesiserero neindalo yomundu aranyala hwingiramo, eindalo yomundu aranyala hwingiramo. eisulo eifunihwe. ¹³Amasaga kao nesibira sie misala kiri nebiamo bilai, nende hina nende emisala kia bamalangamo mafura akohwebaha akesingari silai, ¹⁴omusala kuiniangia amafura akohwebaha, obubani bwesingari safuroni, kalamusi nende cinnamoni nende emisala kiosi kiobubani, myrra nende amakaha nende ebindu biosi ebiunya esingari silai.¹⁵Ewe oli isulo yomundalo, eisulo yamachi malai, omwalo kuhulukusia nikwihirira hurula Lebanoni. ¹⁶Singira omuyaka kwa masawa, omuyaka okwe mulambo,wuuchira indalo yange huniho ebiamo biange biinie esingari siayio. Leha omuherwa wange yeche mundalo yaye mani alieho ebiamo biayio ebilai

¹Esie njichire mu ndalo yange, omuhana wefu, omuhaye wange wesiserero; Esie mbusisie alala miri eyange nende biosi ebiesingari biange. Esie malire ohuhomba obuuhi; malire ohung'wa idivai yange nende amabere kange.²Esie ndali ngonere, katakario omuoyo kwange kwali kubakabaka. Mubulire omuoyo okwo muherwa wange nikuli okudanga nabolanga, " Njikulire, omuhana wefu, omuherwa wange, eligugu liange,omwesikwa wange, huba omurwe kwang kuholere olume, ne elifwiri liange liholere obunyifu bwe siro."³Esie malire ohwefwalula eingubo yange; biri mbu esie ndefwale handi? Esie malire ohweyosia amakulu kange; biri mbu esie ngamalie handi? ⁴Omuherwa wange yaara omuhono kwaye musikaliro sio muliango, mani omuoyo kwange niku musangalira.⁵Ndasingira ohwikulira omuherwa wange oluiki; omahono kange kali nikadonyia amafura akesing'ari, echinjala chiange chiali chimbafu nende manemane, husikuliro sio luiki.⁶Ndekulira omuherwa wange oluiki, katakario omuherwa yari nakaluhane handi abwereo. omuoyo kwange kweha niyalomaloma. Ndamukonya, katakario sindamubukana; ndamulanga katakario siangalusia.⁷Abalindi bambukana nibalindanga mutauni. Bahuya mani ni banyaala; abalindi abali husida bafwalulu eigubo yange nibamalaho.⁸Esie ndaha mweyame, abahana ba Yerusalemu, mbwe nimu munyola omuherwa wange_Sina sia munamwekesia?_mbwe esie ndi mudofu nobuheri.⁹Omuherwa wao nomulai arie ohiraho omuherwa wo omusacha undi, abalai muno mubahasi? Husina omuherwa wao nomulai ohiraho omuherwa undi, mbwe engwe mururebanga ohulia esilulu endio?¹⁰Omuherwa wange ali nesihoba esinywerefu, esiloloha akari wechilifu lihumi. ¹¹Omurwe kwaye neidahabu indafu handi elifwiri liaye liesiringisia handi neliratengi nga agaki.¹²Echimoni chiaye chiri nga amagugu hudulo yemialo kia machi, akeyoka mumabere, akapambirwe nga amakina ako bukusi.¹³Amarama kaye kali nga esitanda sie ebindu biunya singari, nibiinia esingari siunya bilai. Omunua kaye namayombeyombe, akadonya nende manemane.¹⁴Amahono kaye kechula nga omusala okwe idahabu okuliho amakina kang'enang'na; einda yaye iri nga echinjika chie injofu echikufunihwe nende samawi.¹⁵Amakulu kaye kali emisiro kia makina amarachari, akesiirire hu muse kwe idahabu indafu; eifwani yaye iri nga Lebanoni, emilai nga emisala kia sida.¹⁶Omunua kwaye kwalioya; niye ali nobuheri buulilire. Uno nomuherwa wange, uno nomwicha wange, abahana ba Yerusalemu.

¹Omuherwa wao achire ena, omulai muno akari wa abahasi? Omuherwa achirire ena, huniho humukonye nawe?²Omuherwa achire mwalo mundalo, mundalo ya ebindu biunya sing'ari, ohwaya mundalo nende obusia amayombeyombe. ³Esie ndi womuherwa wange, nomuherwa wange nowange; yayanga akari wa mayombeyombe nende obusangafu.⁴Oli mulai nga Tirisa, omuherwa wange, omulai nga Yerusalemu, bisangasia kori abeliye abecha nibakingire echitochi chio muliro⁵Leha huninga, hubera echimoni chiao chimbwoga. Elifwiri liao riri nga eliicho lie chimbusi echihirira asi hurula humwihiriro okwa Gileadi.⁶Ameno kao kali nga eliicho lia amakondi amahasi nikarula abundu wa kokwangwa. Buri mulala ari namahwana. abulao akari wabu ofwirirwe. ⁷Echindama chio chiri ebimeka bia komamanga inyuma yesitambaya sio mubweni⁸Baruo abahasi abaruki amahumi kasasaba, abahasi abecha amahumi munane nende abahasi abaraga abarebala. ⁹Erigugu riange, owange owolirira, ni yong'ne; nimwana mulala owa ng'ina; ni mwana mulai hu uria omuhasi owamwibula. Abahasi abaraga nibamulola bamulanga oweihabi; abahasi abaruki nende abahasi abecha boosi bamulola, handi niba musima;¹⁰"Niwina uno ololoha ngeliuba lie ichuli, nomulai ngo omwosi , nomulafu nga eluiba, asangasia nga abeliye abali nende echitochi chiomuliro?"¹¹Ndehirira ninjia musibira sie emisala ohulolaho emisala emiraga mulihoho, ohulola nikari mbwe emisabibu kiboerera, handi nikali mbu chipamoguranati chimulihe . ¹²Sindamanya esiha sio omuoyo kwange kwa ngeng'a huligare lia abandu bange abesiriibwa.¹³Kaluhana, kaluhana, ewe Sulami! Kaluhana, kaluhana huniho efwe huhubalire!

¹Ngolwa amakulu kao kaloloha mubilaro biao, omuhana owomuruki! Amarango kao kelonga bilai nga amakina kang'enag'na, emrimo kia amahono komwiranyi olina nobujusi.²Elidondo liao liri nga esikaye esie esiesiringisia; leha sirahaya obaho nende idivai eisasanisibwe. Inda yao iri nga esifumi sie ingano esibodohanwe nende amayombeyombe.³Echimbere chiao chiri nga echinjobe chibiri chindaga, amahwana akeiinjobe. ⁴Elikosi riao liri nga omunara okwechijika chie injofu; Echimoni chiao chiri nga amadisi akali mu Lebanoni husiribwa sia Bathii Rabbim. Amolu kao kali nga omusiiro kwa Lebanoni akichomere eria Damaski.⁵Omurwe kwao kuhuliho nga Karmel; elifwiri lio humurwe kwao neliahanyu. Omuruki aholerwe omuboye nende elifwiri riao eriesiringisie ⁶Ngolwa oli mulai handi ngolwa ewe oli mulai, omuherwa wange, nende obusangafu!⁷Oburambi bwao buri nga omusala okwo omutende, handi echimbere chiao chiri nga esisasi sie ebiamo. ⁸Esie ndabola, " Ndaha onina omusala okwo munasi; njicha odira amasaga kayio." Leha echimbere chiao chibe nga ebisasi bia musabibu, handi leha esing'ari sio huyera hwao sibe nga amapera.⁹Leha omunua kwao kube nga idivai indayi muno, eihulukusia bilai hu muherwa wange, ni imola kaala muminua kia balia abakona.¹⁰Esie ndi womuherwa wange, handi andaha. ¹¹Icha omuherwa wange, huchie rwanyi musialo; leha huchie hukone mumadala siro.¹²Leha huune ichuli ohuchia muchindalo chia musabibu; huchie hulole nikali mbu musabibu kuboerera,nikali mbu kumuliha handi kwaamule, handi nikali mbu amakomamanga kamulihe. Eyo esie njicha ohuba obuheri bwange.¹³Esiamo sia mitunguja iinia esingari siayio; amuliango ahwihale huli nende buri ebiamo ebikabuhane, ebiyaha nende ebikofu, ebia hubiihire, omuherwa wange.

¹Esie ndekomba mbu wahabere ngomusiani wefu, owahusibwa nende chimbere chia mama. Esilondaho esiha siosisiosi esia mbukanana nawe erwanyi, hunune omunua, handi aumao onyala hundekeresia.²Ndahwemerera handi hulere munyumba ya mama_ulia owa njekesia. Ndahahuberesie idivai ekikanire nende amakomamanga kange akadinyirwe. ³Omuhono kwaye omukada kuli asi womurwe kwange handi omuhono omulungi kung'wakire.⁴Esie ndaha engwe mweyame, abahana ba Yerusalemu, mbu simuna simusia kata osingisia obuheri husia nga anahera.⁵Oyo niwina oli hwichanga hurula musichimi niyegeng'ere humuherwa waye?⁶Nde nga omuhuri mumuoyo kwao, nga omuhuri humuhono kwao, huba obuheri bulinamani ngo hufua. Eimbaliha sijong'anga nga emagombe; omuliro kwayio kubabuluhanga; nomuliro kwaduha, omuliro omuyu muno ohiraho omuliro kundi kwosikwosi.⁷Amachi mangi sikanyala osimia obuheri, kata amachi kamala sikanyala obusihia. Nikali mbu omundu anyala obechana ebindu bioosi bia muyumba yaye hulwo buheri, ohweyana hwaye ohuo hunalekwa muno.⁸Huli nomuhana wefu mudidi, nechimbere chiaye chirahula.Hunaholera sina omuhana wefu uno einyanga yomundu yahecha ohudaha omukeke?⁹Nikali mbu ali esida, efwe huna mwimbahira omunara okwe ifedha, Nikali mbu ali oluiki, hwicha omufwala nende ecimbao chia seda.¹⁰Ndari esida, handi ecimbere chiange chiali nga eminara ekie eihumba; endio esie ndi mumoni chiaye ngo mundu olera omulembe.¹¹Suleimani yari nende eindalo ya musabibu eria Baali Hamoni. Yaberesia eindalo yaye ya musabibu hubaria abanyala oilinda. Buri mulala yari alere echisekeli ilifu ndala yeifedha ye biamo biayio. ¹²Eindalo yange ya musabibu, yange mwene, iri imberi wange; echisekeli ilifu nichiao, Suleimani, handi echisekeli mia chibiri nichia abo abalindanga ebiamo biayio.¹³Engwe abamenya muchindalo, abecha bange bari ohuliranga omuoyo kwengwe; leha mbaulire.¹⁴Yalalaho, omuherwa wange, handi obe nga injobe kata injobe indaga huchingulu olu unya esingari.

¹Itauni eyari yarumbamo bandu haro idongere ihaya.Idong'ere nga omuhasi mufwire, kata niyari esialo sikali .Yari omuhana womwami akari we bialo bindi, ne harono ayikirwe oba omurumwa. ²Alira bilulu musiha siesiro handi masika kaye kamola huchidama chiaye .Baumao abaherwa baye abechere omufunyia mwoyo .Becha baye boosi bamukulakulanie.Behorere oba abasuku baye.³Yuda achire muhwekisa olondohana nende amachuni nohuhosibwa hukali. Amenyere akari webialo ne auma buluhi.Bosi abamuhabanga bamarire omuulaho mumanyahani kaye.⁴Chingira chia Sayuni chiri muhurira hulwobera aumao yosi yosi owicha mumwimo ekialobolwa. Miriangiro kiaye kireherwe kiongone. Amakuhani baye bosi bauuma. Abasisira baye asandisibwe ne handi huniye,nebichuni hunie. ⁵Abasuku baye babere abahongo baye; abasuku baye bemedere huchirira.Yahweh amuhuire hulondohana namabi kaye mangi. Abana baye abadidi bachia mumboye hubasuku baye.⁶Obulayi burehere omuhana wa Sayuni. Abasiani boburuki bwaye bafwanire neyimbongo eranyala ohwakana olwayiro, handi bachia nibauma mani imberi ya baria ababahaaba.⁷Muchindalo chio husandisibwa hwaye nende ohuuma obumenyo, Yerusalem yechulira obuyinda bwaye obwa yali nabwo echinyanga chihale. Siha sia abandu baye bakua mumahono kabasuku babwe, ne yaumao owamuhonya. Abasuku bamulola handi bacheha ohunyasibwa hwaye.⁸Yerusalem yahola mabi muno, hulwako akaluhane amanyeko ngasindu simari. Bosi abari bamuba siriibwa bamuleka hubera bamarire olola siekenye siaye. Auuma handi atema orulayo. ⁹Nie amalire ohumalia asi wesikati siaye. Siyecha yaparaho obulamu bwaye bwichayo. Hukwa hwaye hwari ohuukisia. Yaumao owecha ambi naye ohumuba omuoyo. Yoba chimbungu, ''Lolaho husanda hwange, Yahweh, huba omusuku amalire oba mukali muno! ''¹⁰Omusuku arereho omuhono kwaye hu miandu kiefu milayi. Amarire olola ebialo nibingira abundu yaye yohulama, kata nimwari mubalagire mbu barengira abundu yo muhungano kweng'we.¹¹Bandu baye boosi bauuma nibakonya omukati. babechane emiandu kiabu milayi hulwe biahuria ohwonia bulamu bwabwe. Ringala, Yahweh, handi unjichurire hulwobera muma inganga. ¹²Nebihaya hweng'we, mwosi ababira ambi? Ringala handi olole naruo mundu undi oriho nesibera esifwana nesibera esiri husandia , ohuba Yahweh asandisie mu inyanga yeririma riaye.¹³Arumire muliro hurula akulu mumakumba kange , mani kuuhirire.Yarire ineti hulwa makulu kange handi afunyisie inyuma. Ahorere oba omulehwa buri lwosi handi mudehere. ¹⁴Erijoko ria mabi kang'e riboyirwe alala namahono kaye. Kaluhirwe alala handi karerwe mulikosi riange . Aholere mani kang'e ohubwa . Omwami yandere mumahono kabwe, handi muma mani kanyala hwema.¹⁵Omwami amarire ofuba hundulo basacha bakali boosi abanindanga. Amarire olanga omuhungano akulu wange ohwira abasacha bange bamani beriye. Omwami asenere omuhana musisira owa Yuda musidinyiro sie idivai.¹⁶Hulwe bindu bino,chimoni chiange chisulula masika; huba uria ombechanga omuoyo asudire are ninasi, mulala oyera ofunyianga bulamu bwange . Abana bange bari abalehwa hulwohubera omusuku wange amarire huuhira. ¹⁷Sayuni abakale muhono kwaye mubuyaku; aumawo onyala omuba muoyo. Yahweh amarira hulagira mbu baria ababodohaneYakobo bahoyere oba basuku baye. Yerusalemu nesindu simali hunibo.¹⁸Yahweh nowadieri, huba marire ohaya ofukirisania ne bilagiro biaye. Muulire abandu eng'we mwosi handi mulole sibera siange. Abasisira bange nende basacha bange bamani bamarire oiyirwa mumboye. ¹⁹Ndalanga badia bange, nibambeyasa. Amakuhani nende abahuludu bafwa mutauni, siha siabachia okonya ebiahulia oresia bulamu bwabwe.²⁰Ringala, Yahweh, huba ndimumanyahano; inda yange irokora, mwoyo kwange kuri mumanyahani mukari wange, huba malire oba womurwe mumu. Erwanyi, olugangala lulira; mukari weyinyumba hurimosa ofwa hwong'one.²¹Baurire ohuuma hwenge, ne aumawo kata mulala wohumba omuoyo. Abasuku bange boosi bamalire oulira amanyahani kange, handi nabasangafu mbu hubera omalire okahola. Omalire husirusia inyanga ya walandasia; harano leha babe nga esie ²²Reha obubi bwabu bwiche imberi wawo. Hola nabo ngolwa wahola nasi hulwohubera bubi bwange bwoosi. Ohuuma hwange no hungi handi omwoyo kwange kufwiririre

¹Omwami afunihe muhana wa Sayuni asi wa maresi keririma riaye. Nafubire obulai bwa Israeli asi hurula mwikulu.Siyechurisia esiteni sia makulu kaye inyanga yeririma riaye. ²Omwami amalire obamira handi auma esisa huchitauni chiosi chia Yakobo. Munyanga yeririma riaye afubire asi chitauni echiayalindwa chio omuhana wa Yuda; nauma siribwa afunyisie huloba oburuki nende abaruki bayio.³Nende eririma ringi yakamie buri lwika lwa Israeli. Amalire omalao omuhono kwaye omulungi hurula hubasuku. Asambire Yakobo nga muliro kubabuluha okusamba buri sindu siri ambi nasio. ⁴Akodisie olukera lwaye naruchomia nga abasuku, Arengeheyo omuhono kwaye omulungi ngo musuku. Abaakire baria bosi abari ya sangalira mulihema rio omuhana wa Sayuni; achuhire elirima riaye ngo muliro.⁵Omwami yeholere ngo omusuku. Amirire Israeli. Amirire chinyumba chiaye chioluyari. Anyasisie chiuhumba chiaye. Amedere ohulira nende hwekanyirisia mukari wa omuhana wa Yuda. ⁶Aholere maundu inyumba yaye ya malamo nge indalo. Anyasisie abundu waye wo muhungano. Yahwe akerere biosi omuhungano nende inyanga ya Isabato ohwibirirwa mu Sayuni, huba alekere bosi omuruki nende omukuhani mulirima riaye likali⁷Omwami ahaire alitari yaye handi yekanire inyumba yaye yamalamo. Abechane ebida bie chinyumba chiaye chio luyali mumahono aka basuku. Bakingule emioyo kiabuyokamunyumba ya Yahwe, ngolwa inyanga yemiimo ekialobolwa⁸Yahwe yabisia ohunyasia esida sie itauni yo omuhana wa Sayuni. Akolole olusia lwohupima handi sakaire omuhono kwaye hura nyasia esida. Akerere echihumba nende ebida ohulira; alala babwere. ⁹Emingira kingire muloba; anyasisie handi afunake ebichuma chiye emiliango kiaye. Omuruki waye nende abasiani bo buruki bari akari webialo, amalako kaumao handi abanabi baye bauma obufumbuli hurula hu Yahwe.¹⁰Abahulundu bomuhana wa Sayuni behala huloba niba nyirire. Bebahire olufu humirwe kiabu handi befwalire echingubo chia amagunia. Abasisira ba Yerusalemu benamie emirwe kiabu huloba.¹¹Echimoni chiange sichirusia amasika; inda yange iduduma; echifwonero chinge chio mukari chi chuhirwe rwanyi huloba hulwohuba ohunyasibwa hwo omuhana owa bandu bange abana nende abadoro babwa babwererwe amani huchingira chie itauni. ¹²Babolera banginabu, "iri ena aimere nende idivai?" nibabwerwa amani nga omundu onyaalihe muchingira chie itauni, obulamu bwabu buchuhirwe rwanyi huchinda chia bangina babwe¹³Nisina esia ndahuinisiria obuloli? Nisina esia ndahukerania nawe, omuhana wa Sayuni? Nisina esianda hukerania nawe, mbukane ohuba omuoyo, omuhana omusisira wa Sayuni? Elikonjo liao nelikali nga inyanja. Onahulera niwi? ¹⁴Amanabi kao kaluchi ofumbuli bwobubeyi handi obuuma inganga hueng'we. Sibarumbule obwononi bwen'gwe bukaluhanie obuboye bweng'u, nehulwen'gwe babechana echimbosi echiri obubeyi handi obukosia¹⁵Baria bosi ababira huingira banahupamira amahono. Bana siiya handi nibadengeiya emirwe kiabu akulu womuhana wa Yerusalemu handi nibabola, "Ino ni itauni eilangwa 'Eyolerera Mubulayi,' ' Obusangafu Bwe Sialo siosi'?" ¹⁶Abasuku bafunula eminwa kiabu akulu wao. Bahunyoholesia handi nibasia ameno kabu mulirima nibabola, " humumirire! ino nie inyanga yahwalindanga! Efwe humenyere ohwilola!"¹⁷Yahwe aholera esiachana ohuhola. Yosirisie eimbosi yaye, eya yalagira muchinyahga chihale. Amalire ohukalula nauma esisa, hubera akanyire omusuku wao ohusangala akulu wao; Nie amalire okingula akulu olweika lwa abasuku bao.¹⁸Emioyo kiabu kialilira omwami, ebida bio omuhana wa Sayuni! Hola amasika kao kamole asi nga oluuchi sidere ne siro. Oraeberesia obuuluhi, echimoni chiao chira uluha. ¹⁹Singira, olire esiha sie siro, ohuchaka hwesiro! Chuha rwanyi omuoyo kwao nga amachi imberi yobweni bwo Omwami. Kingula akulu amahono kao hu nie hulwo obulamu bwa abana beng'u abauma amani hulwe injala huchigomu chia buri ingira."²⁰Lola,Yahwe, handi opareho abo aba ewe oholere mungira eyo. Bihoyera abahasi balie ebiamo bye echinda chiabu abana babamalire olinda? Bihoyere omukuhani nende omunabi babakwe munyumba ya malamo yo Omwami²¹Bosi abayere nende abakofu beyalisia mulufu lwo huchingira. Abasisira nende abasacha baraga bakwire nolugangala; obabaakire muinyanga yeririma riaye aumao obalolera esisa. ²²Olulangire, ngolwa wahalanga abandu inyanga yomwimo, marichasi kange buri chimbeka, huinyanga yeririma ria Yahwe aumao oweruha kata owaona; baria aba ndalinda handi nimbahusia, omusuku wange abanyasisie

¹Esie ndi mundu oluchi eisando asi yolusala lwe eririma ria Yahwe. ²Yanjirusia handi yakera ndakenda musirima arali mubulafu ³Obwadieri yakaluhania omuhono kwaye akulu wange nalondiamo, inyanga yosi inamba. ⁴Yakera einyama yomubiri nende esihoba siange ohuubwa; afunake amakumba kange.⁵Yembaha eihumba ebimbodohane akulu wange, ambodohane obululu nende amanyahani. ⁶Aholere omenya muchimbali chiesirima nga baria abafwa echinyanga chiabira. ⁷Yambodohana ne esida handi sinyala ohwiruha. Asidoiiye eminyororo kiange ⁸handi kata nidalanga nende olirira obuhonyi, yekalira amalamo kange erwanyi.⁹Yadina eingira yange nende esida sia amakina kabachwe; yahiamia echingira chiange. ¹⁰Ali nga Idubu eilindire humbwoga, eisimba eikisire; ¹¹Yakuluhania hundulo echingira chiange, aholere aba siongone.¹²Yakodia olukera lwaye handi na ahola esindu sibaywa ¹³Yafunira echifuko chiange nende olukera lwaye. ¹⁴Mbere omundu ochehwa nende abandu bange bosi, bemba echinyembo chio hungada sidere siosi. ¹⁵Anjichusie nende emisala milulu handi anjikire ohungwa halulu.¹⁶Aholere ameno kange ohusia amakina, handi aholere esie ohuba muri mumakohe. ¹⁷Omuoyo kwange kuuma omulembe; Ndebirira ohuchia imberi nisi. ¹⁸Haro esie mbola,"Ohwesimirisia hwange hukorere nende ohwegena hwange hu Yahwe."¹⁹Paraho ohusandisibwa ohwange nende ohukendana hwange, amachuni. ²⁰Esie njirira okapaara handi omuoyo kwange kwiname asi mukari wange. ²¹Katakario esie njichulira kano handi hulwako esie ndi nende eligeno;²²Obuheri obwa Yahwe sibubwechanga handi obulindi bwaye buuma esiakamo, ²³nobuyiahu buri ichuli; obwesikwe bwaye nobukali. ²⁴" Yahwe ni obumenyo bwange." omuoyo kwange kubola, hulwako esie njicha ohura ligeno liange muniye²⁵Yahwe nomulai hu baria abumulinda, hukulia omuoyo kumukonya. ²⁶Nebilai ohulinda nonyirire obwonia bwa Yahwe. ²⁷Nebilai humundu oweduiha erijoko muluraga lwaye. ²⁸Leha yehale yongone nanyirire, nibamuduiha. ²⁹Leha aree omunwa kwaye mulufu_linyala liabao eliegeno handi.³⁰Leha abechane elirama liye huulia omupama, leha yechusibwe namanyeko mangi. ³¹Hulwo huba Omwami sanaruhaya chinyanga chiosi, ³²kata nalera amachuni, yecha oruholera amalai hulondohana nende obungi bwo obuheri bwaye. ³³Hubera sasandiangia hurula mumouyo kwaye kata ohuhuya abana ba bandu.³⁴Ohusenera asi ya makulu ababoye abohusialo, ³⁵ohwima omundu obwadieri mumoni chia ulia oli Akulu Muno ³⁶ohuhaya omundu ohubukana obwadieri inyanga yomusango kwaye_Omwami sanyala ohukanyira ebindi nga ebo!³⁷Ni wina olomalome mani bieholeha, Omwami narasibisisie? ³⁸Sikarula mumunwa kwa ulia ori Akulu Muno kosi amamanyahani nende amalai? ³⁹Omundu omulamu anyala hwelilira arie? Omundu anelirira arie nasandisibwa hulwa amabi kaye.⁴⁰Leha hubalire echingira chiefu handi huchiteme, handi leha efwe hufunyire Yahwe. ⁴¹Leha efwe hukingule emioyo kiefu nende emihono kefu hu Nyasaye oli mwikulu: ⁴²"Huononire handi hung'anyire, handi sorurehere. ⁴³Ewe omalire ohwebwiha nende elirima handi oruhabire, omalire oruira handi so rurehere.⁴⁴Ewe webuihire nende amalesi huniho amalamo kefu karabira. ⁴⁵Ewe omalire oruhola nga sindu simali handi nga obunyaka akari ya bandu. ⁴⁶Abasuku befu bosi barubwaba, ⁴⁷obuuri nende amanyahani kekisire karukwireho, ohusasiha nende ohunyasiha.⁴⁸Echimoni chiange chimokosia amasika hulwo obusasihi obwa bandu bange. ⁴⁹Echimoni chiange china mokosia amasika akara akama, auma buuluhi, ⁵⁰hula Yahwe alingale asi hurula mwikulu alole⁵¹Echimoni chiange chikerere omuoyo kwange ohuba nobuchuni hulwo bahana bosi abeitauni yange. ⁵²Malire ohuiimwa nga eliyoni nende baria abari abasuku bange; banyiima bihaya. ⁵³Bamalayo obulamu bwange mulina handi bambaya ne likina, ⁵⁴handi bakera amachi ohwidiha, nikabwiha omurwe kwange. Ndabola, 'malire ohengwayo!'⁵⁵Ndalanga elira liao, Yahwe hurula asi we lina. ⁵⁶Waulira omuoyo nindabola, ' Orasiba amarwi kao humaliro kange ako buhonyi.' ⁵⁷Ewe wecha ambi inyanga ya ndahulanga; wabola, ' oraria.'⁵⁸Omwami, ewe wakwira esina sio omuoyo kwange, wa resia obulamu bwange! ⁵⁹Yahwe omalire olola amabi kabaholere; halaka esina siange. ⁶⁰Omalire olola ohurungisia hwabu, kosi akabehobere ohuholera. ⁶¹omalire oulira amanyeko kabu, Yahwe, ohwehoba hwabu akulu wange⁶²Eminwa nende amalamo aka basuku bange kecha akulu wange sidere silamba. ⁶³Lingala ngolwa behala handi ngolwa basingira; bang'adanga nende chinyembo chiabu⁶⁴Barunge esikwanirwe nabo, Yahwe hulondohana nende ebihole bia amahono kabu. ⁶⁵Onaleha emioyo kiabu kiume echisoni! Leha obuhalaki bwao bube akulu yabu! ⁶⁶Obahabe mulirima liao handi obanyasie hurula asi yo mwikulu, Yahwe!"

¹Idhahabu imalire hunyasibwa; ngolwa idhahabu indafu ekaluhane! Amakina matakatifu kasalanire muchigomu chia buri ingira. ²Abanasiani abalai aba Sayuni bari nobusiro nga idhahabu indafu, katakario ebiha bino babafwanania chindamu chie riloba, emirimo kiamahono kiomulongi we chindamu³Ata mabwe kanunianga abana bayio, katakario omuhana wa bandu bange amalire oba omwalaba nga maudo mulukalange.⁴Olulimi lwo omwana onuna lwandire musidahula sio omunwa kwaye hu buluwo; abana basaba ebiahulia, katakario biumao. ⁵baria abalichanga ebinulu ebiha bino balehwa bongone huchingira. Baria abahula nibafwala echingubo chia sambarao lero bakona hubifusi biamakohe⁶Obwononi bwa abahana ba bandu bange nobukali ohiraho amabi ka sodoma, eyakalulwa musiha sidudu handi kaumao amahono kamuhonya.⁷Abana babaruki bari abalafu ohiraho ibarafu, barachai nga mabere; emibiri kiabu kiali milafu nga amakina ka Koral, obulai bwabu bwari nga amakina ka safaya. ⁸Esiso siabu lero nesimali nga lifiro liomumaika; sibamanyihe huchingira. Esihoba siabu siepada humakumba kabu; komere ngoluhwi⁹Baria aberwa nende olugangala bariho ebilai ohiraho baria aberwa nende injala, abadofuhe, abafunirwa nende hurabao elikesa hurula muchindalo. ¹⁰Emihono kia abahasi abobuhonyi karokosie abana babu bene; becha baaba ebiahulia echinyanga chio omuhana wa bandu niyari anyasibwa.¹¹Yahwe yalolosia eririma riaye riosi; yachuha ririma riaye lingi. Yambia omuliro mu Sayuni okwasamba omuse kwayio¹²Abaruki besialo si basubira, kata abamenyi bomusialo si basubira, mbu omusuku anyala yengira mumiliango kiya Yerusalemu. ¹³Kano keholeha hulwa amabi ka manabi kaye nende obwononi obwa makuhani kaye abedisia amachayi aka bandu bobwadieri akari waye¹⁴Bakendana, abofu, hubirira muchingira. Abo bari bemaliye nende amabanga ako aumao owanyala kata odiraho echingubo chiabu. ¹⁵Murule! Abamalia!" abandu babalirira. "Murule! Murule! Muradiraho!" endio bakendana; abandu babola akari webialo, "Sabanyala omenya ano."¹⁶Yahwe omwene yabasalania; sabalindanga handi. sibana esiiribwa humakuhani, sibekesia abahulundu omuoyo mulai¹⁷Echimoni chiefu chilimba, nihulinganga obuhonyi buumao; hurula ahwali hwemere hwabalira esialo esiranyala oruresia. ¹⁸Balonda amakulu kefu, sihwanyala ohukenda huchingira chiefu. Esiakamo siefu siari ambi handi echinyanga chiefu chiari chimalire obalwa, esiakamo siefu siari siulire¹⁹Abaruhabanga bari bangu nga amaumgu mumiyaka. Baruirusia hwachia muchingulu handi barukonerera musichimi. ²⁰Emiuya mumolu kefu_omubahe wa Yahwe_oyo niwadirwa mumena; huulia owabolwaho, " Asi wesiniha siaye humenya akari webialo."²¹Sangala handi bamusangafu, omuhana wa Edomu, engwe abamenya musialo sia Uzi. Katakario engwe mwosi esikombe sinabolaho; munamera handi mwefwalule biekenye. ²²Omuhana wa Sayuni, ohusandisibwa hunola husiakamo; sanameda ohwihala hwengu mubialo bikeni. Katakario omuhana wa Edomu, anahusandia hulwo obwononi; anabwihula amabi kao.

¹Paraho,Yahwe akarweholeheho, lingala handi olole isando yefu. ²Emiandu kiefu kikalulwe oba kia babirangira; echinyumba chiefu hubandu bebialo bindi. ³Hweholere abana abalehwa, abauma larabu, bangina befu bari nga abahasi abafwire. ⁴Biruika orunga ifedha humachi kahung'wa,handi biruika ohurunga ifedha ohubukana echihwi chiefu bene⁵Baria abaruhabanga inyuma bari ambi nafu; huli abajongu handi sihunyala obukana obuuluhi. ⁶Hwebechane hu Misiri nende hu Asiiria ohubukana ebiahula ebiyera. ⁷Balara befu bahola amabi, haro baumao handi nefwe hukinga obwononi bwabu.⁸Ababoye baruruka, handi aumao onyala oruresia hurula mumahono kabwe. ⁹Hubukana ohulia hwefu huhuinia obulamu bwefwe, hulwo olugangala oluri musichimi. ¹⁰Esihoba siefwe sibalire nga amaika hulwa obubafu obwe injala eisamba.¹¹Abahasi bakonwa namani mu Sayuni, nende abasisira muchitauni chiya Yuda. ¹²Abana ba baruki bamikwa namahono kabwe abene, handi siumao esiriibwa sibebwa abahulundu¹³Abasacha abaraga baiikwa ohusia imere nende olukina, handi abasiani baraga badokana hubusiro bwe chihwi. ¹⁴Abahulundu baleha emilingo kiye itauni, handi abasacha abaraga baleha ohuba obuhana bwabu¹⁵Obusangafu bwe emioyo kiefwe bwabwa handi ohuhina hwefwe hukaluhane ohulira. ¹⁶Isimbihira ikwire hurula humirwe kiefwe; hwelalihire, hubera huholere amabi!¹⁷Hulwako emioyo kiefwe kimalire oba emilwaye, hulwe ebindu ebo chimoni chiefwe sichilola muno ¹⁸Huba Olugulu lwa Sayuni ludong'ire ahaya, na amabwe kaimanga akulu yayio.¹⁹Katakario ewe, Yahwe, oruka chinyanga chiosi, handi onehala husisala siao sio luyari hurula hulwiblo hula olwibulo lundi. ²⁰Husina orwibirire chinyanga chiosi? Husina orujwang'e huburambi bwe chinyanga chiao? ²¹Rufunyie huewe,Yahwe handi efwe hunahufunyira.Hola chinyanga chibe chinjiaha ngachinyanga chihale_ ²²Biraba mbu ewe oruhaire lala handi orunyolere obira esikero.

¹Ino nieimbosi ya Nyasaye eyechera Hosea musiani wa Beeri muchinyanga chia Usia, Yosamu, Ahasi nende Hesekia, abami ba Yuda, nende muchinyanga chia Yeroboamu omusiani wa Joasi omwami wa Israel. ²Nyasaye niyalomaloma olwamberi hubirira mu Hosea, yamubolera ari "Chia obukule omuhasi mudamba okeke. Anebula bana hubirira mu budamba bwaye. Hubera sialo sihola budamba bungi nisijwang'a Nyasaye."³Hosea yachia yakeka Gomeri omuhana wa Diblaimu, handi yadira inda mani namwibulira mwana musiani. ⁴Nyasaye yabolera Hosea ari "Mukulihe ori Yesreeli. Hubera musiha simbikiri siicha njioberesia inyumba ya Jehu sinyasio huluohwidisia mabanga mu Yesreeli, handi ndaakamia obwami bweinyumba ya Israel. ⁵Bicha hwehola hunyanga ya Ndafunaka (lukera) lwa Israel muhoho lia Yesreeli."⁶Gomeri yadira inda handi yebula omwana muhana. Nyasaye yabolera Hosea, "Mukulihe ori Lo-Ruhama, hubera sindalorera sisa inyumba ya Israel mbwe mbarehere kata bididi. ⁷Omalaho mbwe ndalorera sisa inyumba ya Yuda, handi ndabaonia esie mwene, Nyasaye wabwe. sindabaonia nende Olukera, lugangala,liiye kata abechiparasi."⁸Haro Gomer niyahamala onunia Lo-Ruhama, yadira inda handi yebula mwana undi musiani. ⁹Nyasaye nabola ari "Mukulihe ori LO-Ami, hubera simuri bandu bange, handi sindi Nyasaye weng'we.¹⁰Ne obubali bwabandu ba Israel bunaba nga olusenye kuri hundulo we inyanja, okuranyala opimwa kata obalwa. biahabe mbwe ababolerwa bari 'Simuli bandu bange; banabolerwa bari 'muri bandu ba Nyasaye omulamu.' ¹¹Abandu ba Yuda nende bandu ba Israel bachia hubusibwa alala. Bana lobola omwemeresi mulala, handi banachia hurula musialo, hubera inaba inyanga ihongo muno mu Yesreel.

¹Bolera basiani beng'we, 'Abandu bange! nende abahana beng'we, 'Mumalire ololerwa sisa."'²Mulomalome nende ng'ineng'u, mulomalome naye hubera sino muhasi wange handi sindi musacha waye. Alehane nende miluha kiaye kiobudamba nende bihole biaye biobueeyi hurula akari wechimbeere chiaye. ³Nibirari birio, ndamufwalula chingubo handi mulehe siekenye kori nga yebulwa. Ndamuhola abe nga esichimi, ngobulime handi ndakera afwe nobuluo.⁴Sindalorere bana baye esisa hubera nabana bobudamba. ⁵Hubera ng'inabu abere mudamba handi ngayadira inda yabwe yahola bindu biechisoni. Yabola ari "Ndakonya abecha bange bamberesie omugati namachi, esiebwiho, ingubo, mafura nende esiohung'wa."⁶Hulwako ndarao olukaka lwamabwa humukaira hwingira. Ndembaha sida esimukaira onyola ingira. ⁷Analonda becha baye ne sanabalola. Anabakonya ne sanabaakana. Anarulao nabola ari "Ndakaluha hu musacha wange wamberi hubera bialiho bilayi hwesie chinyanga echio ohira bulano."⁸Hubera siyamanya ari nesie owamuberesia imere, ifini injiaha nende amafura nende owamuberesia ifedha nende idhahabu, eyabehonyera hu Baali. ⁹Ndamung'ula imere yaye siha siokesa nende ifini yange injiaha. Ndabukula buriri bwange nende owaro, echiafuniha siekenye siaye.¹⁰Ndamufwalula siekenye imberi wabaherwa baye handi aumao omundu onyala omuresia hurula mumahono kange. ¹¹Ndaakamia obusangafu bwaye ebisahiro biaye, omwimo kwomuosi muyiaha, Isabato yaye nende ebisahiro bipangirwe.¹²Ndanyasia misabibu kiaye nende Mihuyu, kiayabola ari, 'Bino nibio omusara kwa abecha bange bamberesia.' Ndabihola huba sichimi handi ebisolo binabiria. ¹³Ndabaholera sinyasio hulwa esisahiro sia Baali, ngayabasambira obubani, ngayefwala chingila nende emigasa , narulao alonda abecha baye nasi anjibirira - ino nie imbosi ya Nyasaye.¹⁴Haro esie njia humubemberesia, murere musipapi handi nomanome naye bilayi. ¹⁵Ndamufunyisiria mikunda kiaye kiemisabibu nende lihoho lia Achori kori nga omuliango kwohwegena.Anangalusia ao kori ngayahola muchinyanga chia oburaga bwaye, ngayari narula mu sialo sia Misiri.¹⁶Biahabe munyanga eyo - ino nie imbos ya Nyasaye - wahanange ori 'Amwange; handi siwahanangeho ori, Baali wange.' ¹⁷Hubera ndahamaleo amera ka Baali hurula mumunwa kwaye, amera kabu sikahaparwe haba.¹⁸Inyanga eyo ndabaholere indagano nebisolo musichimi, namayoni mumareesi, alala nende ebindu bimola muloba. Ndasuhuna are olukera, olugangala, neliiye hurula husialo, handi ndakera mweyalisie asi muburehule..¹⁹Ndesinga ohuba Wamuo chinyanga chiosi. Ndesinga oba Wamuo mubwadieri, obulafu, ohuria indagano, nende esisa. ²⁰Esie mwene ndahulaka mubwadieri, handi onamanya Nyasye.²¹Inyanga eyo ndahakalusie - ino nie imbosi ya Nyasaye. Ndahakalusie chingulu, nachio chinakalusia riloba. ²²Eriloba rinakalusia imere, ifini injiaha nende mafura handi binakalusia Yesreel.²³Ndamurake esie mwene muloba, handi ndaba nesisa hu Lo-Ruhama. Ndabolera Lo - Ammi, 'Muri bandu bange,' nabo banambolera bari 'Ori Nyasaye wange.

¹Nyasaye yambolera, "Chia handi, hera muhasi, owaherwa nomusacha waye, lakini nomueeyi. Muheresa kori nga esie, Nyasaye, ndahera bandu ba Israel, kata bahakaluhana bachia hu banyasaye bandi handi bahera ebitumbua." ²Haro ndamukula nende chisekeli erihumi nende chiranu chieifedha nende erigunia rilala nesimeka chie isairi. ³Ndamubolera endi "Paka omenye nasi chinyanga chinyingi. Sonaba omudamba handi sonabaho nomusacha undi. Siosi ndaba nawe mungira nga eyo.⁴Haro bandu ba Israel banamenya chinyanga chinyingi nibauma omwami, omwana womwami, ebisahiro, omusiiro kwamakina kata ebifwanani biomunyumba. ⁵Inyuma ya ako, abandu ba Israeli banafunya handi banakonya Nyasaye wabwe nende Daudi omwami wabwe, handi muchinyanga chimalirisi baheche niba rengereha imberi wa Nyasaye nende obulayi bwaye.

¹Muulire imbosi ya Nyasaye, eng'we bandu ba Israel. Nyasaye ari nomusango hubamenyi bomusialo, hubera obwadieri buumamo ne kata ohuria indagano, handi huumao omanya Nyasaye musialo. ²Huriwo ohwebwaba, Obubeyi ohwira, obwibi nende obueeyi. Abandu bafunake malako kosi handi haro ohwidisia machai hulondana³Esialo sirira, ne buri mundu omenyiremo achirira odora; ebisolo biomusichimi nende amayonu komuikulu, katasa ching'eni munyanja chiosi chibukulwa.⁴Ne murakanyira omundu yosi yosi yarera omusango; murakanyira mudu yosi yosi yasitaka owasie. Hubera neng'we abayali, niebasitakanga. ⁵Eng'we abakuhani mwicha ohwegumula sidere, ne Abanabii bosi banegumula nang'u siro, Nasi ndabiiyia Ng'ineng'we.⁶Abandu bange beerwa huluohubera bauma makesi, hubera eng'we Abakuhani muhayire amakesi, siosi ndabahaya nga Abakuhani hwesie. Hubera mwibiriure malako kange, kata ngandi Nyasaye weng'we, Siosi ndebirira abana beng'we. ⁷Kori nga Abakuhani bemeda nie ngabemeda ohola mabi. Bakaluhania oluyari lwabu lwaba chisoni.⁸Behonyera bionono bia bandu bange; basangasia mioyo kiabu hubionono biabwe. ⁹Binaba nasilala hubandu nende hubakuhani: Ndababeresia sinyasio boosi hulwebihole biabu, ndabarunga hulebihole biabwe.¹⁰Banalia ne sibanekura; banahola budamba ne sibanemeda mubungi, hubera baakama orekeresia chimbosi chia Nyasaye.¹¹Obudamba, ifini, nende ifini yelisibisi, bikosiangia ohumanya. ¹²Abandu bange barebanga bibache biabwe, handi emidiro kiabu kibaberesiangia obulakusi. Omwoyo kwobudamba kubakosisie, Beholire kori nga abadamba abundu wohuba abesikwa hu Nyasaye wabwe.¹³Baholanga misango huchingulu handi basamba obubani hubiswa, asi wemisala, hubera siiniha nesilayi. Haro abahana bengu bahola binono biohubuoba, handi bahasi babasiani beng'u bahola obueeyi. ¹⁴Sindaba abahana beng'u sinyasio nibayiera ohola bionono biohiubuoba. Hubera abasacha babwe bosi banaba baholire bario nabadamba ne handi baholanga misango mbwe hubahole bihole bibi nabadamba balafu. huako, abandu bano abara urira banafubwa asi.¹⁵Ata biahaba mbwe eng'we Israel muholire obueyi, Yuda iraba namakosa. Murachia Giligali, abandu eng'we; Muroola Beth Aveni, handi murebwaba nimubola mbwe, "Nga Nyasaye yamenya." ¹⁶Hubera Israel yekesie siboli kori nga imoli yesiboli. Nyasaye anyala arie obarera muhwaya nga amakondi?¹⁷Efraimu yari mubulala nende ebibache; mumulehe abe. ¹⁸Ata malwa kabu malulu nikabwere, bachirirasa ohola obueyi; omuruki wabwe yahera muno chisoni chiabwe. ¹⁹Omuyaka kunamubwiha mumbaya chiakwo; handi banafwimbwa mirwe hulwemisango kiabwe.

¹Muulire kano, amakuhani! Murekeresie, inyumba ya Israeli! murekeresie, inyumba yomwami! Hubera obuhalaki bwe siina bubechera muosi. Mwahaba omutego mu Mizpa nende olwero lubambulwe hu Tabori. ²³Esie manyire Efraimu handi Israel siyekisire hwesie. Efraimu, haro ofwanasa ngomudamba; Israel ibiyisibwe. ⁴Ebihole biabwe sibibakanyira ofunya hu Nyasaye, hubera omwoyo kwobudamba kubalimo handi sibamanyire Nyasaye.⁵Isunga ya Israel imuholera buloli bubi; haro Israel nende Efraim banegumula mubumayanu bwabwe, ne Yuda yosi inegumula alala nabo. ⁶Banachia namaicho kabwe nebiayo ohukonya Nyasaye ne sibanamunyola, hubera amalire hubemalaho. ⁷Sibaali abesikwa hu Nyasaye hubera bebule bana berwanyi. Haro ebisahiro biomuosi muyiaha binabanyaala nemikunda kiabwe.⁸Muube olwika lwerikondi mu Gibea, nende iturunbeta mu Rama. Muube chimbungu chieriiye mu Beth Aveni: "Hunabalonda eng'we Benjamini!" ⁹Efraimu inabiiya imyanga yobusolo. Akari we chimbya chia Israeli malire olagira esihoya siehole.¹⁰Abaruki ba Yuda bali nga abandu basegia rikina riolwaho. Ndabachuhaho ririma riamge nga amachi. ¹¹Efraimu ahayirwe; afunakwe mubuhalaki bwesina hubera afukirire olondana nende ebibache.¹²Hwako ndaba nga inyende hu Efraimu, handi nga obubolu munyumba ya Yuda. ¹³Efraimu niyalola obulwaye bwaye, handi Yuda yalola rikonjo riaye, Efraimu yachia Asiria handi Yuda yaruma abandu humwami muhongo. Ne siyanyala obarera kata oonia rikonjo rieng'u.¹⁴Haro ndaba nga Idalang'i hu Efraimu, handi nga omwana weidalang'i munyumba ya Yuda. Esie, katasa esie, ndabarandula mani mbweo; ndabasuhuna are handi abulao omundu onabaonia. ¹⁵Esie ndabwao handi ndafunya ange paka nga bahakanye makosa kabwe mani bakonye obweni bwange, paka baangonye namaino muhusanda hwabwe.

¹Mwiche hukaluhe hu Nyasaye. Hubera arukabule, ne anaruonia; arunyaalire ne anarera amakonjo kefwe. ²Inyuma we chindalo chibiri anarulamusia; anarusingisia hunyanga yohudaru handi hunamenya imberi waye. ³Humanye Nyasaye; Hwekase humanye Nyasaye. Ohwicha hwaye nohwadieri ngeichuli; anarwichaho ngolunyirira, ngeifula yemihula muburime."⁴Efraimu ndahuhola endie? Yuda, ndahuhola endie? Obuheri bwao buri nga eriresi rieichuli, nga olume olubwa lwangu. ⁵Haro mbahengire mubimeka nende abanabii. mbeerire nende chimbosi chiomunwa kwange. Ohuhalaka hweng'u hwesina huri nga obulafu.⁶Esie sangalira obwesikwa bwe indagano, sisangalira misango, handi ohumanya Nyasaye ohiraho bisahiro bisambwa. ⁷Kori nga adam yahola bosi bafunake indagano; sibandesika haba.⁸Gileadi ni itauni yabandu bahola amabi, ebipapa biabu biholire machai. ⁹Kori nga ebikanda biabang'usi bibondiohera omundu, nielwa amakuhani kebusiangia alala ohwira bandu hungira ichia Sekemu; baholire obuononi bwechisoni.¹⁰Munyumba ya Israeli ndolire sindu siohuukia; Obudamba bwa Efraimu buri omo, handi Israeli imaliiye. ¹¹Hwewe wosi Yuda, erikesa riyierirwe, ebiha bia ndakaluhanie obuboye bwa abandu bange.

¹Bulisiha sia nyenya oonia israeli, ebionono bia Efraimu birumbuha, alala nende bihole bibi bia Samaria, hubera babola bubeyi; omwibi yengiranga mukari ne omukanda kwa abamaundu kuhola hundara. ²Sibamanyire mumioyo kiabwe mbu njichulisia bihole biabu bibi. Haro ebihole biabu bibabodohane, bari imberi wobweni bwange.³Basangasia omwami nebionono biabwe handi nobubeyi bwabwe basangasia abemeresi. ⁴Boosi nabairani, kori nga itanuru yambisibwe nomudehi, oreha husidiamo muliro hurula nga abaha sinoho husia ngasikwamo bululu. ⁵Inyanga yomwami wefwe. abemresi behola abalwaye nobudundumu bweifini. Yakolola muhono kwaye huabo abahola sireka.⁶Hubera nibari nemioyo kifwana itanuru, bachana emipango kiabwe kiobubeyi. Lirima riabu liahasa siro siosi; nibuhia ichuli liahira akulu ngomuliro kubabuha. ⁷Boosi baba bayu nge itanuru, handi balia baria ababaruka. Abami babwe bakwire boosi; aumao ata mulala ounjichaho.⁸Ephraimu yehubananiangia nabandu. Ephraimu nomugati okurakaluhanisibwa. ⁹Abakeni bamalire amani kaye naye akorirwe echimbuchi chisalanire humubiri kwaye naye akorirwe.¹⁰Inyaji ya Israel imusitaaka; ne kata kario barakaluha hu Nyasaye wabwe handi basiri omukoonyaho. ¹¹Ephraimu ari kori nga erigugu, erikarkara handi eliuma amakesi, ilanga misiri ne iburuha niiichia Assiria.¹²Nibachia, ndabambula olwero lwange mbafunihe; ndabeehia asi ngamayoni komuikulu. Ndababa sinyasio muhuburuha hwabwe ¹³(Ole huabo!) hubera bangorireho. obunyahani bubechaho! bandulaaho,! ndahabaonisie, abula mbwe banomanomaho obubeeyi¹⁴Basiri hundiriria nomwoyo kwabu kwosi, ne boba siyoka hubitanda bibabu. Bebusia alala hulwobusie nende amalwa ni bangaluhanaho. ¹⁵Kata kario esie ndabekia handi ndadinyi a mahono kabwe, ne bulano bambangira mabi.¹⁶Bafunya; ne sibaafunyaho, hu uria oriakulu. Bali kori nga olukera ludembuhe. Abahongo babu banakwisibwa nolugangala huluohubera chinimi chiabwe. Sino sinaba esireka siabu sihongo musialo sia Misiri.

¹Geng'a olwika lwerikondi humunwa kwao! Ihwasi icha hunyumba ya Nyasaye hubera abandu bafunake indagano yange handi bahaire malako kange. ²Bandirira nibabola bari, "Nyasaye wefwe efwe mu Israeli humanyire ewe," ³Ne Israeli ihaire malayi, omusuku anabalonda.⁴Basingisie abami, sinihwesie haba. Bahwanisie abana babami, ebiandaramanyire. behwanisirie bifwananai nechi fedha nende chidhahabu chiabu, ne biali birio hubadong'e rwanyi" ⁵Imosi yao ihairwe, Samria. Lirirma liange lisamba bandu bano. Bahabe abaranyala ouma amakosa hula rina?⁶Esifwanani sino siarula Israeli; omuhosi nie wasihwania; sini Nyasaye! Imosi ya Samaria inafunakwa bimeka. ⁷Hubera abandu baraaka omuyaka ne bakesa sinafusie. imere yemire akulu iumaho mirwe; siinyala orusia busie. niyangala, abakeni banairia.⁸Israeli yamirwa; bulano behala akari webialo ngeindamu eyadiha. ⁹Bachia Asiria ngeipunda yomusichimi, bong'onesa.Ephraimu yakula abaherwa baye omwene. ¹⁰Kata nibakula abaherwa akari webialo, ndababusia alala. Banachaka oniala huluohubera emisigo kiabami ba bana babami.¹¹hubera Efraimu yahwania chialtari chie bisahiro biobuononi, ne chikaluhane chialtari chiohuhola buononi. ¹²Ndahanyalire obandikira malako kange mara chilifu rihumi, abula mbu banyala obilola kori bindu bikeni.¹³Hulondohana nende emisango kiebianwa biange, bahola misango kieinyama ne handi bailia, ne esie, Nyasaye, simbikanya. Haro ndapara chimbi chiabwe handi ndabakuuma hubionono biabwe. Banakaluha misiri. ¹⁴Israeli injibirire, esie owaihwania, yimbahe madala mahongo, Yuda iserire chitauni chinyingi, ne ndambia miriro huchitauni chiaye, handi kunasamba madala kaye.

²¹Murasangala, Israeli, nobusangafu ngobwa abandu bandi. hubera simubeere besikwa, murehire Nyasaye weng'we. Muhera orunga omusara kwa omudamba adaha hubweru bwoosi hulwa ohuhonja imere. Ne obweru bwohuhonja nende esidinyiro sieifini sibinabalisia handi ifini injiaha inabiiya.³Sibanachiririra omenya muloba lia Nyasaye; arali mbwe Epfraimu banakaluha Misiri handi inyanga indi bahalie biahulia bibi mu Asiria. ⁴Sibahanyale odonyisiria Nyasaye ebianwa bie ifini, handi sibahamusangasie. emisango kiabwe kiahabe nga ebiahulia bia amasika, hubera, ebiohulia ebio binaba biabwe bong'one sibihoya hwingira mu hekalu ya Nasaye.⁵Mwahahole siina inyanga yomwimo okwalakwa, inyanga yomwimo kwa Nyasaye? ⁶Hubera, lola, nibeyiba hurula musinyasio, Misiri inababusia, handi Memfisi inabasiiha. Ne ebindu biabu biobukusi bie ifedha - ebioki binabagwara handi amabwa kanechula muchihema chiabu.⁷Chindalo chiesinyasio chiicha; chindalo chiohalaka siina chiicha. Reha Israeli imanye bindu bino. Omunabii nomusiru, omundu wechula nomwoyo kwa Nyasaye yabiiya obwongo huluebionono nende obwalaba bweng'we.⁸Omunabii niye omulindi wa Nyasaye hu Efraimu. Ne omutego kwamayoni kuri huchingira chiaye chiosi handi yaswilwa munyumba ya Nyasaye waye. ⁹Bedwanyire muno kori nga biari muchindalo chia Gibea. Nyasaye yecha hwichulira bionono biabwe handi yecha obaberesia sinyasio hulwebibi biabwe.¹⁰Nyasaye abola ari, "Inyanga yandanyola Israeli yari kori nga onyola misabibu musichimi. Kori nga wahanyola esiamo sirangira hu muhuyu nie lwandabukana balareng'we. Abula mbwe baachia hu Baali mani nibalama esibache siechisoni esio. Becha baba bamayanu nga esibache siabahera esio.¹¹Abaefraimu nabo, luyari lwabu lunaburuha ngeriyoni. ohwibula, ohuba asiro nende ohudira inda binaumao. ¹²Ata nibaahusia abana, ndabeera boosi. Banaba namasira mahongo nimbareha!¹³Ndolire Efraimu yarakwa abundu alayi, kori nga Tiro, ne Efraimu anaberesia omwiri, abana baye." ¹⁴Babaeresie, Nyasaye, onababeresia sina? Baberesie chinda chibuogia bana nende chimbere chiumamo mabeere.¹⁵Hulwebionono biabwe mu Gilgali, ao nie andachakira obaswila. Hulwebihole biabu bibi, ndaberusia hurula munyumba yange. Sindabahera ata bididi; abemeresi babu boosi nabesireka.¹⁶Efraimu yafwa handi emisi kiabwe kioma; Sibebula ebiamo. nende bahaba nabana, ndeera abalayi barimo. ¹⁷Nyasaye wange anabahaya hubera sibaaurira chimbosi chiaye. Banaba bang'abani mubialo.

¹Israeli nomusabibu okwibula ebiamo. Ebiamo biaye ngabiemeda, nielwayembaha chialtari chinyingi. Kori nga obulime bwaye bwebula biamo bingi nielwayahwania misiiro kiaye. ²Emioyo kiabu nekiobubeyi, Nyasaye anamukula chialtari chiabu; anamukula missiro kiabwe.³Banabola bari, "Huuma nomwami, hubera sihwaria Nyasaye, ne omwami Anyala oruholera sina? ⁴Balomaloma chimbosi chiuma mahulundu, handi bebwaba biobubeyi. Haro obwadieri burumbuha kori nga hayongo eibiyia riloba..⁵Abamenyi ba Samaria banaba bari hulwohubera chimoosi chia Beth Aveni. Abandu bayio balira, kori nga abakuhani abalamanga bifwanani behoyera obulayi bwachio, ne rero baumao. ⁶Banakingwa , bayirwe Asiria ngesianwa hu omwami muhongo. Ephraim anaba nechisoni handi Israel anafwimbwa murwe hulwesifwanani siaye.⁷Omwami wa Samaria anamalwao ngesimeka siolubao akulu wamachi. ⁸Chimbeka chiakulu hubumayanu chinanyasibwa. Sino niesionono sia Israeli! Amabwa nende chingehe chinamera hubiembeho biabwe. Abandu banabolera chingulu bari "Murufunihe" handi ebilima bari "Murukweho!"⁹Israeli, oholire bionono hurula chinyanga chia Gibea; Eyo nie awadong'a. Eliiye sirinahira abasiani bobuononi mu Gibea?¹⁰Nindaha, ndabakolola, abandu banebusia alala handi banarebwa mububoye hulwebionono biabwe bingi. ¹¹Epfraimu neimoli eyekesebwa handi eyahera ohonja imere; haro ndageng'a ijoki hurikosi riaiyo. Ndageng'a ijoki hu Efraimu; Yuda inalima; Yakobo inahwesa imbako yong'one.¹²Mwerakire obwadieri mani mukese ebiamo bielisubira lieindagano. Mware bulime bweng'u oburaalimwa hubera nebiha biohukonya Nyasaye huula nga lwa anabachuhira obwadieri. ¹³murimire obumayanu; mukesire ihinda. Muliire ebiamo biobubeyi hubera mwesikire emipango kieng'u nende mubasikari beng'we abangi.¹⁴Esiyoka sieliiye sinechaka akari wabandu beng'u handi amadala keng'u kosi akaserwa kanabiyisibwa. Binabasa ngori Salmani yabiyia Beth Abeli inyanga yeliiye lihongo, inyanga ya abebusi barandulwa mubimeka alala nabana babwe. ¹⁵Haro binabeholaho, Betheli, huluobumayanu bweng'we. Ichuli maherebende omwami wa Israeli anaba amalire hwikalirwa.

¹Israel niyali nasiri musiani, ndamuhera, handi ndalanga musiani wange hurula Misiri. ²Ngolwa ndameda obalanga, nielwa bameda obwao nibandulaho. Baholera Baali misango handi basambira bifwanani obubani.³Nesie ndekesia Efraimu ohukenda. Nesie ndabakingula ukulu nemihono kiabwe, nabo sibamanya bari ndabaonia. ⁴Ndabemerera nolunyari lwabandu, nende obuheri bungi. ndali nga owababolola ijoki hurula huchisaya chiabwe, handi ndenama handi ndabalisia biahulia.⁵Sibahakaluhe musialo sia Misiri? Asiria sibanabaruka hubera bahaya okaluha hwesie? ⁶Olugangala lunakwa huchitauni chiabwe handi lunabiyia biribwa biabwe. Lunabamala hulwohubera emipango kiabwe. ⁷Abandu bange bahalabana hundulaho. Nende bahananga hu uria ori akulu muno, aumao onabahonya.⁸Nyala endie ohuleha, Efraimu? Nyala endie ohufuba Israeli? Nyala endie ohuhola ofwane nende Adma? Nyala endie ohuhola ofwane nende Zeboyim? Mwoyo kwange kukaluhane, esisa siange sidubulwe. ⁹Sindarehula ririma riange, handi sindabiyia Efraimu. Hubera esie ndi Nyasaye , sindi omundu; Nesie omutakatifu akari weng'we handi sindecha neririma.¹⁰Banalonda Nyasaye; handi anarokora ngeidalang'i. Narokora, abana baye banecha nibarengereha hurula mumbo. ¹¹Banecha nibarengereha ngeriyoni hurula Misiri, ngerigugu hurula musialo sia Asiria. Ndakera bamenye mumadala kabwe - ino nieimbosi ya Nyasaye.¹²Efraimu yambodohana nobubeyi handi inyumba ya Israeli yambodohana nobubeyi. Ne Yuda nayio isiri ikenda nende Nyasaye handi isubira mu oyo ori mutakatifu."

¹Efraimu yelisiangia omuyaka handi alondanga muyaka kurula bukwe. Achiriranga orera obubeyi nende amaundu. Bahola indagano nende Asiria nibakinga mafura ka karafu nibayira Misiri. ²Nyasaye yosi ari nomusango nende Yuda handi anaberesia Yakobo sinyasio hubiayahola handi anamurunga hulwebihole biaye.³Nibari munda Yakobo yadira sibonge sia mwanang'ina, handi mubuhulundu bwaye yayingana nende Nyasaye. ⁴Yayingana nende malayika mani nahira. Yalira nasaba sirehero. Yabukanana nende Nyasaye mu Betheli; eyo nie a Nyasaye yalomaloma naye.⁵Uno niye Nyasaye wemikanda; erira riaye ni "Yahwe" ria ahoyire alangwe. ⁶Haro Kaluha hu Nyasaye. Linda lisubira lie indagano nende obwadieri handi olinde Nyasaye wao chinyanga chiosi⁷Abeinganga bari nende chiratili chiobubeyi mumahono kabwe; bahera ohukadia. ⁸Efraimu yabola ari "Malire okaluhana muyinda; ndenyolere obuyinda. mumirimo kiange kiosi sibanakanamo sindu siosi siosi esinyala oba esionono."⁹"Nesie Yahwe Nyasaye weng'we hurula musialo sia Misiri. Ndakera handi mumenye muchihema kori mwahola muchinyanga chiemimo. ¹⁰Ndalomaloma nende abanabii handi ndabekesia amaloro mangi. Humihono kiabanabii ndaarera chingado chinyingi."¹¹Nibuliyo obumayanu mu Giliadi, adieri bandu bauma mani. Mu Giliadi bahola misango nechisurusi; Ebiembeho biabwe binaba kori nga ebiswa biamakina muchinyiriri chiobulime. ¹²Yakobo yeruha yachia musialo sia Aram; Israel naye yanyahana hunanyola omuhasi; handi yaaya maicho kamakondi huyakane omuhasi.¹³Nyasaye yarera Israeli hurula Misiri hubirira hu nabii, handi hubirira hu nabii yabalinda. ¹⁴Efraimu anyolesie Nyasaye muno. Haro omwami waye anamulehera amachai kaye handi anamukwong'a.

¹"Efraimu niyalomaloma, sialo siarengereha. Yafuma mu Israel ne yari namakosa kohulaama Baali, mani nafwa. ²Haro bachirira ohola bionono. Beeranya bifwanani hurula huchifedha chiabwe, namakesi kaakulu, biosi nemirimo kiabafundi. Abandu babalomalomaho nibabola mbwe, Abayia bano bahola misango nechimoosi."³Haro banaba nga amaresi keichuli, nga olume oluuna huoma, nga amadere akabuyulwa nomuyaka hurula mubweru bwohuhonja, handi nga omuosi kurula mumaika.⁴Ne nesie Yahwe, Nyasaye weng'u hurula musialo sia Misiri. Murakanya Nyasaye undi omalaho esie; paka mumanye mbwe aumahoo Nyasaye undi handi aumao omuonia orali esie. ⁵Ndabamanya musichimi nende musialo siomu muno. ⁶Ngamwali nobunyasi, mwekura, ne nimwekura mioyo kieng'u kiakinguha. hulwako mwanjibirira.⁷Hunibo ndaba nga idalang'i; nga ingwe ndalinda chingira. Ndabakwaho ngesisolo sing'ulirwe abana basio. ⁸Ndarandula birifu biabwe handi ndabaluma neidalang'i handi kori esisolo siomusichimi sinyala obarandula mubimeka.⁹Ndababiyia, eng'we Israel; wina onanyala obahonya? ¹⁰Omwami weng'u ariena, abaonie muchitauni chieng'u chiosi? Abaruki beng'u baliena, aba mwambolera mbu "Ruberesie omwami nende omwana wo'mwami? ¹¹Ndababeresia omwami muririma riange,handi ndamubukula muririma riange.¹²Amabi ka Efraimu kaboyirwe,; esionono siaye sibihirwe. ¹³Obuchuni bwohwibula mwana bunamwichira, naye sari mwana mukesi, hubera nisiola siha siohwibulwa, sarula muunda¹⁴Ndahabaonie hurula mumahono ka Sheol? Ndahabaonie hurula mulifwa? Ena, lifwa, kaliena amalwaye kao? Ebinyasio biao biriena? Esisa siange siekisire mumoni chiange."¹⁵Efraimu nende yahaba muyinda akari wa bana babwe, omuyaka hurula ebukwe kwaheche; omuyaka kwa Nyasaye kunaucha hurula musichimi. Omwalo kwa Efraimu kunooma handi isebere yaye sinabamo machi. Omusuku waye anabukula bindu biobukusi hurula musibihiro siaye.¹⁶Samaria anaba namakosa, hubera ang'aanyire hurula hu Nyasaye waye. Olugangala lunabakwisia; abana bayere banakangwa bimeka bimeka handi abahasi bali asiro banarandulwa chinda.

¹Israel kaluha hu Yahwe Nyasaye wao, hubera wegumuule hulwebionono biao. ²Bukula chimbosi okaluhe hu Nyasaye. mubolere, "Malayo ebionono biefwe biosi mani okanye ebiri bilayi huhuruleo huhuanire ebiamo bieminwa kiefwe.³Asiria sibanyala oruonia; sihuneruhira huchiparasi nihuchia muliiye, handi sihunabolaho sindu humirimo kiemihono kiefwe, "Neng'we Nyasaye befwe; mu eng'we abafwire bananyola ohuuluha."⁴Ndaonia amalwaye kabwe; Ndabaherasa, hubera ririma riange rimubwereho. ⁵Ndaba kori nga olume hu Israel; Anang'enang'ena ngeliuwa handi anamera misi nga omuhuyu mu Lebanoni. ⁶Amasaga kaye kanayakuha; obulayi bwaye buri nga emisala kia karafu handi esiuya siaye sinaba nga (cedars} mu Lebanoni.⁷Abandu abamenya musiiniha siaye banafunya; banamera nga imere handi banalaba ngemisabibu. Ifuma yaye inabanga ifini ya Lebanoni. ⁸Efraimu, sina sindi siandahola nende nende ebifwanani? Ndamukalusia handi ndamulinda. Ndi kori nga omusala kwa sipro, okwa amasafu kakwo kabeechangasa majani., esiamo siao sirula hwesie."⁹Wina omukesi onyala oulira bindu bino? Wina oulira bindu bino hu abimanye? hubera chingira chia Nyasaye nechiadieri handi abalafu banachikendamo, ne abesireka banegumulamo.

¹Ino nie imbosi ya Nyasaye eyechera Joel omusiani wa Pethwel. ²Muulire kano eng'we abahulundu, handi murekeresie eng'we muosi abamenyi besialo, esindi ngasino siamala hweholaho munyanga chieng'u kata munyanga chia bakukeng'we? ³Mubolere abana beng'u chimbosi chino, ne abana beng'u babolere abana babwe, ne abana babwe babolere lwibulo lulondaho.⁴Ebia esidiiha siechisike siadong'ia, isike ihulundu yalia, ebia yadong'ia, ridede rialia, ne ebia eridede riadong'ia erisirikudi rialia.⁵Musumuhe, eng'we abamesi, handi mulire! Muube chimbungu muosi eng'we abang'wi beifini, hubera mwimirwe ifini imilumilu. ⁶Omukanda kundi kwechisike kwiichire muloba riange, omuhongo okurebala, Ameno kaye nameno ke idalang'i handi arinameno keidalang'i ihasi. ⁷Akerire indalo yange yemisabibu yakaluhana siparara, handi yaakule masaga komudodo kwange kwadong'a bihaya. Aboholire amola kakwo mani yafuba eria; handi amasaga kakaluhane rachari.⁸Murire ngomuhana weboyire rigunia naririra ohufwa hwomusiani owari amukeke. ⁹siumao esianwa sieimere ata siohung'wa munyumba ya Nyasaye. Abakuhani, abahosi ba Nyasaye, barira. ¹⁰Emikunda kibiyire, riloba ririra hubera imere ifwire. Ifini injiaha ihamire handi amafura koomire.¹¹Mube nechisoni eng'we balimi, handi mubbe chimbungu, eng'we abalimi bemisabibu, ingano nende isairi. hubera rikesa rihamire mumikunda. ¹²Emisabibu kiniarire handi emidodo kiomire; emikomamanga nende echihindu nemisala kiosi kiomumikunda kiniarire. hubera obusangafu bubwere hubandu.¹³Mweboye amagunia mani murire eng'we amakuhani! mubbe chimbungu eng'we abahola hu altari. Mwiche, muhiesie bwire nimweboyIre magunia, eng'we basumba ba Nyasaye wange. Hubera ebianua bieimere nende ebiohung'wa bihamire munuyumba ya Nyasaye weng'we. ¹⁴Langa ohuboya hutakatifu handi olange omuhung'ano mutakatifu. Buusia abahulundu nende abamenyi bomusialo boosi munyumba ya Yahwe Nyasaye wao, mani mumuririre.¹⁵Inyanga ya Nyasaye iriambi huula. Ne inyanga eyo inecha namasira mangi hurula hu uria owamakana. ¹⁶Ebiahulia sibiabwa imberi we chimoni chiefwe? handi obusangafu bwabwa munyumba ya Nyasay? ¹⁷Imuo yabola handi ebiaki biadong'a bihaya handi ebibanda biarandulwa hubera imere yaniala.¹⁸Ebiayo birira, amaicho kebiayo kasalana hubera biuma bunyasi. Ata makondi kosi kari nobudinyu. ¹⁹Nyasaye huririra. Hubera omuliro kusambire bunyasi musichimi handi omuliro kusambire misala mumikunda. ²⁰Ebisolo biomumukunda biosi bihuririra, echisebere chiamachi chiosi chiomire, handi omuliro kubiyisie obunyasi bwomusichimi.

¹Mufure olwika lwerikondi mu Sayuni handi muhube uuwi hulugulu lwange lutakatifu! Abamenyi boosi bomusialo barengerehe, hubera inyanga ya Nyasaye iicha, handi iri ambi muno. ²Ne inyanga yesiirima, inyanga yamaresi nesiirima sihongo. Kori nga amaherebende kasalana hulugulu, omukanda muhongo okwabeliye kwicha. Kurabahoo omukanda kwa aberiye ngokwo, handi sikwahabeo inyuma wechinjibulo chinyingi.³Omuliro kusamba buri sindu imberi wakuo ne inyuma wakuo injeserie isamba. Esialo sifwana nga indalo ya Edeni imberi wasio, ne inyuma wasio nesichaha sibiyire. Adieri, siumao esiaheibe hurulamo.⁴Omukanda kwaberiye kufana ngechifarasi handi beruha ngaberusi bechifarasi. ⁵Baduma nesiyoka kori esiamagare akulu wechingulu, ngesiyoka siomuliro mwalaba okusamba bunyasi, ngomukanda muhongo kwabeliye aberekehere olwana riye.⁶Ohubao hwabu, hukera bandu baba noburi handi bweni bwabwe buba busamufu. ⁷Beruha ngabalwani bahongo; bang'anja, mubulala handi sibakabuhana.⁸Aumao osindiha wasie; bahumbaliha burimundu hungira yaye; bamaala mubulindi bwabasuku handi sibarula mulaini. ⁹Bamaala mutauni, beruha husida, banina muchinyumba handi babira mumadirisa nga abebi.¹⁰Riloba rieyienga imberi wabwe, handi rikulu rirengereha, eriuba nomuosi bimaliya, handi ching'ining'ini chireha ong'enang'ena. ¹¹Nyasaye akingula mwoyo imberi womukanda kwaye kweriye, hubera abalwani baye nabangi; nabamani, baria abahola ebilagiro biaye. Hubera inyanga ya Nyasaye neihongo handi eyamayia muno. Wina onyala osimirisia.¹²"Atasa bulano" imbosi ya Nyasaye niyo ino - "Mufunye hwesie nemioyo kieng'u kiosi. Muboye, murire handi mube nesibera" ¹³Murandule emioyo kieng'u, sichingubo chiong'one, mani mufunye hu Nyasaye weng'we. Hubera noweinema handi nowesisa, achia kala neririma handi nomukololofu mubuheri handi siyalala orusia binyasio.¹⁴Omanyire nuwi? Aundi anyala okaluhana mani yareha ihabi inyuma, humumuholere Nyasaye weng'we omusango kweimere nende esiohung'wa?¹⁵Mufure lwika lwerikondi mu Sayuni, mulange huboya hutakaktifu, handi mulange omuhung'ano mutakatifu. ¹⁶Mubuusie bandu; mulange muhung'ano mutakatifu. Mubuusie abahulundu, mubuusie abana nede abadoro basinuna. Abesiserero barule rwanyi handi abeeya barule mubigoro biabwe.¹⁷Abakuhani, abasumba ba Nyasaye barire akari womwingira nende altari. Babole bari "Rehera abandu bao, Nyasaye, handi orakera obwami bwao bwalekwa mbwe emikanda kindi kichehe. Husina babole akari webialo bari "Nyasaye ariena?¹⁸Mani Nyasaye yasangalira sialo siaye handi yalolera abandu baye sisa. ¹⁹Nyasaye yakalisia bandu baye, Lola, "Ndabarumira imere, ifini injiaha nende amafura. binabayera handi sindahabambie chisoni akari webialo bindi.²⁰Ndasegia are neng'u abalwani bemumbo handi ndaberusia bachie musialo siomu handi siparara. Abalwani babu beimberi banachia munyanja yebukwe, ne abeinyuma nabo banengira munyanja ye (Western). Obufundo bwayio bunemeda, handi ohuunya hunemeda." Adieri, aholire bindu bihongo bingi.²¹Muraria, Sialo; Musangale hubera Nyasaye anahola bindu bihongo. ²²Muraria, eng'we bisolo biomusichimi! Hubera obunyasi bwomusichimi bunamera, emisala kinebula biamo biabwe, handi emihuyu nemisabibu binarera rikesa mubwichufu. ²³Mwehoye eng'we abandu ba Sayuni, handi mwehoyere Nyasaye weng'we. Hubera anababeresia ifula iyera the(autumn) handi ifula yesirumbi inabakwira kori nga bibechanga.²⁴Ingano inechula mulwanyi lwohwaniha, handi emimiro kinechula neifini injiaha handi nende amafura. ²⁵Ndabarunga imere yemiaka kiosi kiechisike chialia - Echisike chihongo, Chisike echilia handi echibiyia - Omukanda kwange muhongo kwabeliye bandaruma akari weng'we.²⁶Munalia biahulia bikali handi munekura, handi munapaka rira ria Nyasaye weng'we, omalire ohola biohuukia akari weng'we, handi sindarereho chisoni hubandu bange. ²⁷Munamanya mbwe ndi akari wa Israeli, handi mbwe ndi Nyasaye weng'we, handi abulao oundi, handi sindarereho chisoni hubandu bange.²⁸Biicha huba inyuma webio mbu ndachuha mwoyo kwange humibiri kiosi, handi abasiani nbeng'u nende qbakoko beng'u bahahole obunabii. Abakofu beng'u banalora maloro; abasiani beng'u banalola biemberi. ²⁹Handi Abasumba nende abasumba besihasi, mucjhindalo echio, ndahagole mwoyo kwange.³⁰Ndahekesie amayia muikulu nemde husialo, amachai, omuliro nende omuosi. ³¹Eriuba riakaluhane siirima handi omuosi kwakaluhane machai emberi we inyanga ihongo handi eyohurisia yohwicha hwa Nyasaye.³²Biahabe mbu buri mundu orumbula rira ria Nyasaye yahaonisibwe. Hubera hulugulu lwa Sayuni nende mu Yerusalem yabeo omundu oweyiba, yadong'a, kori nga Nyasaye abolire, nende akari wa abo abaona, aba Nyasaye alanganga.

¹Ringala, Muchinyanga echio handi mu biha ebio ningaluhania obuboye bwa Yuda nende Yerusalem. ²Ndabusia bialo biosi, mani mbirere muuhoho lia Yehosafati. Ndabahalakira siina abundu ao huluohubera abandu bange nende sialo siange Israel, esia basalania akari webialo, handi huluohubera bakabula riloba riange. ³Bahubira bandu bange ikura, bakalula omusiani nende omudamba, baakusia omuhana neifini hu bang'we.⁴Haro, husina nimusambiha nasi, Tiro, Sodom nende chingongo chiosi chia Filistia, mwahandunge? ne ata nimundunga ndakalusia omurungo okwo humirwe kieng'we. ⁵Hubera mwabukula ifedha yange nende idhahabu yange handi mwarera miandu kiange kiobukusi bwakulu muchikanisa chieng'we. ⁶Abandu ba YUda nende abandu ba Yerusalem mwakusiria Abayunani, mbwe hu mubakobe are nesialo siabwe.⁷Lola, ndi ambi obarusia hurula abundu a mwabakusia handi munarunga kamwahola' ⁸Ndakusia abasiani nabahana beng'we, hubirira humahono kabandu ba Yudah. Banabakusiria Abasabea, esialo siare, hubera Nyasaye alomalome.⁹Mwekesie bialo mbwe, "Mwerekehere riiye; Musingisie bandu bamani basege ambi; mulange abalwani boosi beeche. ¹⁰Mwiranye chimbako chieng'we chibe chingangala ne echingeso chieng'u chibe mafumo. Abakara babole, "Ndiwamani"¹¹Mwalale eng'we bialo bia ambi, mwebusie alala ao. Nyasaye, rera abalwani bao bahongo.¹²Ebialo bisumuhe mani biiche muhoho lia Jehosafat. Ao nie andahehale nihalakira sina, ebialo ebiri ambi. ¹³Mubukule omusumeno, likesa ririambi. Mwiche muhonje misabibu hubera lukina lweifini lwichule. Emimiro kirumbire hubera amabi kabwe namangi."¹⁴Abandu mubungi, abandu bari muhoho liohalaka siina. Hubera inyanga ya Nyasaye isegire anbi. ¹⁵Eliuba nomwuosi bikaluhane rateng'i, ne ching'ining'ini siching'enang'ena.¹⁶Nyasaye anaduduma hurula Sayuni, handi akiingula omwoyo hurula Yerusalem. Erikulu nesialo binarengereha ne Nyasaye anaba esiniha siabandu baye, handi ingabo yabandu ba Israel. ¹⁷Huako munamanya mbwe ndi Nyasaye weng'we, owamenya mu Sayuni, olugulu lwange lutakatifu. Yerusalem inaba itakatifu handi abakeni sibanabiramo handi,¹⁸Inyanga yeneyo, chingulu chiahadache ifini indayi, chindi chiahadache namabeere ne emialo kiosi kiabe namachi handi isebere yarule munyumba ya Nyasaye niibisia amachi muhoho lia Sittim. ¹⁹Misiri yahakaluhane rikunda, ne Edom nayio inakaluhana lisino hulondohana nende amaundu kabaholera abandu ba Yuda, hubera bedisia amachai kauma amakosa musialo.²⁰Bahamenye mu Yuda chinyanga chiosi ne Yerusalem bahamenye chinjibulo nechinjibulo. ²¹Ndaharungie amachai kabu aka ndararungia, hubera Nyasaye yamenya mu Sayuni.

¹Obufumburi bwa Obadia. Omwami Nyasaye abola bino hulondohana nende Edomi. Humarire huburira imbosi hurula hu Nyasaye handi omurumwa amarire hurumwa hubioalo, nabola, "Singira akulu" reha husingire akulu huluane naye." ²Barira, njicha obahola oba badidi hubialo; munarekwa muno.³Ei sunga yomwoyo kwao imarire ohubeya ewe ,yewe omenyere mubirindwa bio mumakina, munyumba yao eyiri akulu, uria obola mumwoyo kwao, "Niwina ona njihia esie asii? ⁴Niri buwena akulu ngori ihwasi ne niri sitaria siao sirebwa akari ye chingi'ingingi' ndahhwihia asii hurula eyo-abola Nyasaye.⁵Niri bebi, bahwichalo niri abanguli bahwichireho siro-ngori wahahairwe sibahanyarire kuiba ebibayera ?niri mbu ababusi be mizabibu bahwichacho, sibarehaho gleanings (rekesa) ?. ⁶Ngori Esau amarire ohunywaane ne miyandu kiaye ekiakisibwa kirebwe ruayi.⁷Bandu boosi abe ribukano riao banahiira hungira hula hulwaho. Bandu abari nende mirembe ahala nawe bahubenyere handi nibahuhira. Baria abaria mugati kwao barere (omutego) asi wao. Huumao huburira muniye. ⁸"Ne sindanyarirwa inyanga eyo"- abola Nyasaye- hubanyaala abandu bakesi hurula Edomu handi humanya hurula hulungulu lwa Esau? ⁹Abandu bao beriye becha hwesinduha, Temani, huhuho buri mundu ahengwe hurula hulungulu lwa Esau huhurwa.¹⁰Hubera mahundu akawahorera mgandao Yakobo, wichahundirwa hufunihwa nende chisoni handi wicha huhengwa chinyanga chiosi . ¹¹Nyanga iria wari wemere ,inyanga ya bakeni babukula miandu kiae handi huba ikura huyerusalemu. Ewe wari nga mlala wabu.¹²Ne orasangala nende sibera sia mgandao ne handi orasangala hubandu ba Yuda inyanga yohusasiha hwabu murepaka inyanga Yabu yohusanda. ¹³Murengira musiribwa sia bandu bange inyanga yabu ye sibera ; orasangala husando yabu inyanga ye sibera siabu ,ne murakosia emiandu kiabu inyanga yo husasiha huwabu. ¹⁴Orema abundu echungira echiakanirira huniho humukaine abaonire baye, handi orabainia baye inyanga ye husamela.¹⁵Hubera inyanga ya Nyasaye iri ambi nende bialo biosi, ngori wahola, bicha huhuwehoreraho ebihole biao biahufunyire humurwe kwao mwene. ¹⁶Ngori mungwere hulungulu lwange utakatifu, nulwa bialo biosi bicha hungwa chiandalo chiosi. Banang'ua nende humira ne ichahuba nga abumao larira.¹⁷Ne hulungulu lwa Sayuni kwabeo baria abalokoha ne biabe bitakatifu; handi inyumba ya Yakobo banaruka oburuki bwabu. ¹⁸Inyumba ya Yakobo inaba muriro, handi einyumba ya Yusufu inaba injserie yo muriro, ne inyumba ya Esau inaba nende amakoha momu nabo banabasamba, handi hubamala. Sihunabao abaonika munyumba ya Esau, hubera Nyasaye aborere.¹⁹Bandu hurula Negebu banaruka lungulu lwa Esau ne bandu be banabukula biaasi banaruka sialo sia bafilistisia. Nabo banabukula sialo sia Efraimu nende sial sia Samaria, handi Benjamin banaruka Gileadi.²⁰Ababuyi army rino ria bandu ba Israel becha huruka rilaba ria kanaani ula sarepta. Ababuyi ba Yerusam, abari Sefaradi, banabukula chingongo chia Negebu. ²¹Abahonyi becha huchia hula akulu yo hulungulu lwa sayuni huruka sialo sie chingulu chindidi esia Esau, handi obuami bunadong'ga hu Nyasaye.

¹Harano imbosi ya Nyasaye yechera Yona omusiani wa Amitai niibola mbwe ²Singira ochie Nineve, itauni ihongo, mani obalakaire hubera miluha kiabu mibi kiemedire imberi wange. ³Ne Yona naye yekisira Nyasaye mani yachia Tarsisi. Yehirira mwalo yachia Jopa mani nanina imeli eichia Tarsisi. Yarunga murungo kwolukendo mani nanina imeli nachia nabo, are nende Nyasaye.⁴Ne nyasaye yaruma omuyaka kwamani munyanja bialoloha mbwe imeli ichia hwadiha. ⁵Abafuki beimeli, oburi bwabamba handi buri mundu yaririra nyasaye waye. Basuhuna emisigo munyanja mbwe hu imeli yanguye. ne Yona naye yari yengire musigoro sieimeli mani yeyaslisie chindolo chia chio.⁶⁷Omwemeresi we imeli yamwichaho namureba, mbu "Husina niweyalisia ano? Singira! lama Nyasaye wao yechuhira yarulola hwahaya ofwa." Buri mundu yabolera wasie, "Icha, huube ikura, huhumanye huri niwina okera bino nibirweholaho. Bahuba ikura mani ikura nikwira Yona.⁸Haro nibabaolera Yona, "Nokanya rwekesieho niwina okera bino nibirweholaho. Oholanga mirimo sina, ne orula ena, Orula musialo esiri, Muluyia sina? ⁹Yona yabakalusia ari "Ndi Omuebrania; handi ndaria Nyasaye womuikulu owalonga inyanja nende esialo." ¹⁰Oburi bwamba bandu abo nibabola, bari Haro oholire sina sino? Bari bamanyire mbu Yona yeruha hurula mumoni chia Nyasaye hubera yari ababolere.¹¹Bareba Yona bari "Huhole sina hu inyanja ikwalale?" Hubera inyanja yari yemeda obiiya. ¹²Yona yabakalisia ari , mumbukule mani mundakasie munyanja. Ne inyanja inakwalala, hubera manyire endi nesie okera bino biosi nubibeholaho. ¹³Kata kario abandu abo bafuka namani mbu bakaluhe humukulu, ne inyanja yemeda obiiya.¹⁴Hulwako baririra Nyasaye nibabola bari, "Huhusaba, Nyasaye, huhusaba, orakanya hwafwa hulwohubera obulamu bwomundu uno, handi orara machai komundu ouma likosa mumahono kefwe, hubera oholire kori nga bihusangasia. ¹⁵Babukula Yona bamulakasia munyanja mani inyanja nikwalala. ¹⁶Mani abandu baaria Nyasaye muno. Bahola omusango handi besinga.¹⁷Haro nyasaye yalobola ing'eni ihongo yamira Yona. Ne Yona yamala bidere bidaru nende ebiro bidaru munda ye ing'eni.

¹²Yona yalama Nyasaye waye nari munda mweing'eni. Yabla ari, ndalanga Nyasaye wange hulweminyahano kiange, naye yanagalusia; hurula munda ya Seoli. Ndasaba buhonyi! ne waulira mwoyo kwange.³Wandakasia asi, mumwoyo kweinyanja, handi amachi kambodohana; handi amafwinda kao koosi kambiraho. ⁴Ndabola mbwe, "Njirusibwe imberi we chimoni chiao; ne kata kario ndaringala imberi weikanisa yao itakatifu.'⁵Amachi kandumbaho huula mukosi riange; olusiba lwari lumbodohane; amayombayombe keboya humurwe kwange. ⁶Ndachia asi mubichakiro biechingulu; Esialo nemisiiro kiasio siamboya chindalo chiosi. Nawe wafunyia bulamu bwange hurula muliina. Omwami, Nyasaye wange!⁷Omwoyo kwange nikwafwa mukari wange, ndalanga Nyasaye wange mumaparo; mani amalamo kange nikecha mukanisa yao itakatifu. ⁸Balingala binyasaye bindi ebiuma mahulundu, nibajwang'a abasubiri beindagano.⁹Ne esie nasi ndahuholera musango nomwoyo kwohwebasia; ndahole siria esiandesinga. Obuonia burulanga hu Nyasaye. ¹⁰Nyasaye yalomalomera ing'eni mani ing'eni niisala Yona humukulu.

¹Imbosi ya Nyasaye yechera Yona olwahabiri, niibola mbwe, ²Singira ochie Nineve, itauni ihongo iria, olandasie chimbosi chia ndahubolera endi waane. ³Yona yasingira yachia Nineve, hulondohana neimbosi ya Nyasaye. Haro Nineve yari itauni ihongo muno, lwari lukendo lwechinyanga chidaru.⁴Yona yachaka hwingira mutauni eyo handi niyahamala okenda hunyanga ndala, yalanga bandu narulao abola,"Muchindalo amahumi kane Nineve inakalulwa." ⁵Abandu ba Nineve basubira mu Nyasaye mani bachaka oboya. Boosi bafwala amgunia hurula humuhongo paka mudidi.⁶Lwangu lwangu chimbosi chiolera omwami wa nineve. Yasingira hurula husisala siaye siobwami, yafwalula ijoho yaye, yeboya rigunia mani niyehala murikohe. ⁷Yarusia rilako ribola mbwe, "Mu Nineve,⁸Ne leha buri biosi mundu nende chisolo nebisolo beburile amaguria handi barirere Nyasaye muhonga reha , buri mulala alehe mileha kiaye mubi namundu karia mumahono kaye. ⁹Somanyanga ,Nyasaye anyala okwisia mwoyo mani yaleha liuruma riaye bihole muchingirachiabi mani.¹⁰Nyasaye yakalula maparo kaye hulwe sinyasio sia yari abolere mlowe amaboherera mani siyahola.

¹Ne bino si biasngasia yana handi yecha yanyolera muno. ²Mani Yona yalama hu Nyasaye, handi nabola "Ah Nyasaye, sino siniesia ndabola nindahakaluha mu sialo siange mwene ? Ebo niebiakera ndaleine hwirula ninjia Tarsisi hubera ndamanya endi eli Nyasaye weinena owesisa, soli mwangu wohunyolera handi owabuheri bungi handi ohindanga orera anadinyu. ³Hwakoharo, Nyasaye husaba, bukula bulamu bwange, hubera, nebilayi fwe ohiraho mbe omulamu.⁴Nyasaye yabola ari "Nebilayi onyolere erio? ⁵Yona yaviulao yachia yehala rwanyi weilaumi, ebukwe. Ao yebaha sikali mani yehala musimiha hu yachuhira yalola esinaduhira itauni.⁶Mwami Nyasaye yalobola omusala mani yakera kwahula hu Yona lukwahaba esiniha humurwe kwaye kumumalire esibeera. Yona yasangala muno hulwo musala okalo. ⁷Ne Nyasaye yalobola eying'ende muisanya mchuri yayo musanya kwalia omusala okwo manikwa niala.⁸Ehuba ninanula muchuli waluo Nyasaye yaruma omuyaka muyu hurula ebukwe. Omubasu kwosi kwaha humurwe kwa Yona. Yona yekonda hufwa, nabola ari nebilayi nifwa ohiraho eba mulambwe ⁹Nyasaye yabolera Yona ari Nebilayi mbu oli munyolefu muno hubwomusala? Yona yabola ari nebilayi mbwe ndi munyolefu at hunda hufwa.¹⁰Nyasaye nabola wahalolera omusala esisa okworanyahanire, ata sinewe wakera kwamera kwahula musiro nikufwa musiro. ¹¹Haro esie sihoya ololera Nineve esisa, Ilauni hongo eyo eirumo abandu chilifu umia nende amahumi kaburi, abaramanyire obukabuhani akari womuhono kwabu mulungi hurula humuhomo kwabu mukanda, alala nende ebisolo bingi?

¹Ino nieimbosi ya Nyasaye eyechera Mika Mumoreseti muchinyanga chia Yotham, Ahazi nende Hesekia, abami ba Yuda, eyayalola hu Samaria nende Yerusalem.²Murekeresie abandu eng'we muosi, murekeresie, sialo nende biosi ebirimo, murehe Omwami Nyasaye abe omuloli weng'we hurula musiembeho siaye silafu. ³Lola, Nyasaye,arula mubwihalo bwaye; aneeha asi mani asene abundu akinguhire. ⁴Chingulu chinsaluluha asi waye, Amahoho kanahaliha kori nga musuma imberi womuliro, ngamachi kachuhirwe hurula akulu.⁵Bino biosi bilondohana nende ohukora hwa Yakobo handi nende obuononi bweinyumba ya Israel. Ohukora hwa Yakobo nisi? Sini samaria? Ne abundu wakulu wa Yuda, si ni Yerusalem?⁶Njichohola Samaria ibe erikunda musipapi , abundu wohuraka misala kiemisabibu handi ndachuha amakina kaye muhoho handi ndafunula mise kiaye. ⁷Ebifwanani biaye biohubachwa biosi binaabulwa bibe bimeka handi ebianwa biosi biayanyola binasambwa mumuliro handi ndabiiyia bifwanani biaye biosi. Ngayabusia ebianwa biaye hurula huburungi bwabadamba, bunakaluhana omusara kwobudamba.⁸Hulwako ndarira handi ndahuba chimbungu, ndakenda makulu mahaya handi siekenye; ndahuba chimbungu kori mabue handi ndarira nga (owls) . ⁹Hubera rikonjo riaye sirinyala oona, hubera richire mu Yuda. Riurire musiribwa siabandu bange, mu Yerusalem. ¹⁰orasilomalomaho mu Gath. orarira katasa bididi. Mu Beth Leafra ndefufula mulufu.¹¹Mubire, abamenyi ba Safiri, musiekenye nende chisoni. Abamenyi ba Saanani murarula rwanyi. Beth Eseli arira, hubera obulindi bwabu bumalirweo. ¹²Ne abamenyi ba Maroth barinda chimbosi chindayi, hubera amasira kehire asi hurula hu Nyasaye huula musiribwa sia Yerusalem.¹³Boya ligare huliicho liechifarasi, abamenyi ba Lachisi. Eng'we Lachisi neng'we mwari sichakiro siamabi humuhana wa Sayuni, hubera ebionono bia Israel bianyolwa mweng'we. ¹⁴Haro munasebula Moreseth Gathi nende ebianwa; ne inyumba ya Aksib inarera chisoni hu bami ba Israel.¹⁵Handi ndarerera abamenyi iba Maresha Omulwani; Oluyari lwa Israel lunecha hu Adulamu. ¹⁶Mubeke mirwe mumaleho rifwiri riosi hulwabana babasangasia. mudong'e nebiore ngechihwasi, hubera abana beng'u banabarulaho bachie mubialo bindi.

¹Nderarihira bandu bachana amabi, abachana huburiri bwabu ochia ohola mabi. Bahola bino mubulafu bweichuri hubera bari namani. ²Bekomba mikunda nibang'ula, bekomba chinyumba nibachibukula. Basandia omundu neinyumba yaye, omundu nende emiandu kiaye.³Hulwako Nyasaye abola kano, "Lola, Njaana orera masira huluyia luno, ne simunanyala oonia amakosi keng'u. Simunakenda nimuhumbaliha, hubera binaba biha bibi. ⁴Inyanga eyo abasacha baheembe olwimbo lwamaliro handi banalira nechimbungu. Baneemba bari, 'Efwe abaisraeli barumaliire larira; Nyasaye akaluhanie abandi hubandu bange. Akenda arie yabagolao? Mikunda kiefwe akabiire baria abarunjoga!" ⁵Hwako eng'we abayinda, munabula abechuhulu abanyala okabula sialo nechikura mumuhung'ano kwa Nyasaye.⁶"Murahola obunabii," Abanabii babwe babola. "Baraholera bindu bino obunabii; amabi sikanarulonda." ⁷Bihoyera babole bari, inyumba ya Yakobo, "Omwoyo mulafu kwa Nyasaye sikweoya? Buino adieri nebihole biaye? Echimbosi chiange sichihonyanga omundu omutiiri? ⁸Muchinyanga chino abandu bange beholire nga abasuku. Mufwalula ijoho, ingubo, hurula hubandu ababira nibakorirwe, kori nga abalwani bafunya hurula muriiye nibachia hubindu bilayi.⁹Mwirusia abahasi babandu bange hurula muchinyumba chiabwe chindayi, mung'uula abana babu badoro chihabi chiange miaka kiosi. ¹⁰Singire mubweo hubera ano sini abundu a muhoya ouluhirao, huluobuchafu buri ano; ano amalire obiyira lala. ¹¹Omundu nabechaho mungira yohwekadia nababeya nabola ari "Ndabaholera obunabii hulondohana ne ifini namalwa malulu" Oyo anabukulwa nga omunabii wabandu bano.¹²Esie ndababusie alala muosi, Yacobo. Ndababusie mwosi abadong'a Israel. Ndabare alala kori nga amakondi musiduori, kori nga eliicho niliri muhwaya. Siabeo siyoka sihongo huluobungi bwabandu. ¹³Omundu owahabekulire siribwa niye owahabemerere; Omwami Nyasaye wabwe yahabe imberi.

¹Ndaabola endi "Haro murekeresie, eng'we bemeresi ba Yacobo nende inyumba ya Israel: Sinebilayi mbu eng'we mumanye obwadieri? ²Eng'we abahaya amalayi nimuhera amabi, eng'we abarandula amasero nechinyama hurula hu makumba kabwe - ³Eng'we abalichanga chinyama chia abandu bange, nimurandula masero kabwe, nimufunaka amakumba kabwe handi nimubadonyola mubimeka ngeinyama idehwa mundamu.⁴Eng'we abaruki mwalirire Nyasaye, ne siyahabakalusie. Yahakise bweni bwaye esiha esio, hubera muholire bihole bibi."⁵Nyasaye abola sino, "Abanabii abakosia bandu bange, omundu nababeresia esiohulia nibayala 'omulembe.' Ne nahaya ora sindu mumuinwa kiabu, nibalandasia riiye huniye. ⁶Huluako, binababera ngesiro handi sibanalola bufumbuli; sinaba sirima handi sibanahola bunabii. Eriuba rinakwira abanabii handi sialo sinababera sirirma, ⁷Abalakusi banafimbisibwa mirwe handi abalami banalola chisoni. Boosi banafuniha minwa kiabu, hubera kaumao makalusio hurula hu Nyasaye."⁸Nasi, ndi nende mani hurula humwoyo mulafu kwa Nyasaye, handi ndi nende obwadieri nobunyalo bwohwekesia Yakobo bibi biaye alala nende bionono bia Israel.⁹Haro murekeresie, eng'we abemeresi beinyumba ya Yakobo, nende abaruki beinyumba ya Israel, eng'we abaradaha bwadieri, handi muhiamia buri sindu siri abwene. ¹⁰Mwimbaha Sayuni namachai handi Yerusalemu namaundu. ¹¹Abemeresi beng'u bahalaka misango hulwa asoya, abayali beng'u barungia amalamo handi abanabii beng'u bahola bunabii hulwamapesa. Ne handi mwesika Nyasaye nimubola mbwe, "Nyasaye sari nafu? Kaumao mabi kanyala orukwaho."¹²Hulwako, hulwohubera eng'we, Sayuni ichioba indalo irimirwe, ne Yerusalem inakaluhana rikunda, ne olugulu lweihekalu lunakaluhana sichaha.

¹Ne muchindalo chimalirisi biahabe mbwe olugulu lweinyumba ya Nyasaye lwahabe akulu wechingulu chindi. Lwahabe luhongo ohiraho handi abandu bachane lunyari nibaluchiaho.²Ebialo bingi biahabole biri, "Hunine akulu hulugulu lweinyumba ya Nyasaye wa Yakobo. Anarwekesia miluha kiaye handi hunakenda muchingira chiaye." Hubera hurula mu Sayuni rilako rinarusibwa ne imbosi ya Nyasaye inarula mu Yerusalem. ³Anahalakira bandu bangi siina handi anaaula ata bialo biare. Buri mundu aneranya lugangala lwaye lube imbako handi elifumo liaye libe ingeso. Aumao sialo sinakiingula lugangala olwana nesindi handi sibanerekehera riiye.⁴Buri mundu yahehale musiniha siomusabibu kwaye handi asi womuhuyu kwaye. Aumao omundu owaharisie wasie, hubera omunwa Kwa Nyaasye wemikanda kulomalome. ⁵buri mukanda kwabandu kulamanga murira ria Nyasaye wakwo. Nafu efwe, hunalama hurira ria Nyasaye wefwe chinyanga chiosi.⁶Inyanga eyo, - ino nie imbosi ya Nyasaye - "Njicha obusia abalema nende abafubwa rwanyi, baria abandasandia. ⁷Ndakaluhania abalema nende abadong'a handi aberusibwa babe sialo siamani, handi esie Nyasaye, ndabaruka hurula hulugulu lwa Sayuni, bulano nende chinyanga chiosi. ⁸Ne ewe omunara kweliicho, lugulu lwomuhana wa wa Sayuni - oburuki bwao buhare bunahufunyira, obwami bwomuhana wa Yerusalemu.⁹Husina nohuba siyoka nomwoyo kwakulu? Aumahoo omwami akari weng'we? Omukeraki weng'we yafwa? Sino niesikera muba nobuchuni ngomuhasi olumwa? ¹⁰Basa nobuchuni handi lumwa mani wibule, muhana wa Sayuni, ngomuhasi olumwa, muhana wa Sayuni. Bulano onarula rwanyi weitauni, ochie omenye mumukunda, handi ochie Babiloni. Eyo onaresibwa. Eyo Nyasaye anahununula hurula humahono kabasuku bao.¹¹Harano ebialo bingi biebusisie akulu wao; babola mbwe reha omuhana oyo abiyisibwe; reha chimoni chiefu chiriingale Sayuni.' ¹²Sibamanyire maparo ka Nyasaye handi sibamanyire emipango kiaye, hubera ababusisie kori nga emisole kie imere ekianihwa mulwanyi.¹³Singira ohonje, muhana wa Sayuni, hubera ndahola lwika lwao lube ichuma, handi ndahola bibonge biao bibe (Bronze). Wicha hwira bandu bangi handi obuhala bwabu bwabanyola mungira eirari indayi onaberesia Nyasaye, obuyinda bwabwe onaberesia omwami wesialo siosi."

¹Harano mwiche alala mubikanda bieriiye abahana ba balwani! Barwekonerere! Bahuya omuhalaki wesiina wa Israel nesirodo hulusaya.²Kata kario ewe, Betelehemu Efrata, nende wahaba omudidi muchimbia chia Yuda, hurula hueng'we mulala yecha hwicha oruka mu Israel, owohuchaka hwaye hwarula njinyanga chihare echiuma siakamo. ³Hulwako Nyasaye anabareha ohuula siha siomuhasi olumwa yahebule omwana handi bamwanang'ina abadong'a bafunye hubandu ba Israel.⁴Anema handi anaya makondi kaye mumani ka Nyasaye, muluyali lwerira ria Nyasaye waye. Banadong'a, handi anaba muhongo ohuula hu biakamo biosi biesialo. ⁵Anaruberesia emirembe. Aba Asiria nibecha musialo siefwe, handi nibamonja madala kefwe, hunemia nabo abayi saba nende abemeresi munane.⁶Banaya sialo sia Asiria nolugangala, nende mubiribwa bie sialo sia Nimrodi. Anaruresia hurula hu ba Asiria, nibamaala musialo siefu, nibakenda mukari wechinjaho chiefwe. ⁷Aba Yakobo abadong'a baba akari wa bandu bangi kori ngolume hurula hu Nyasaye, kori nga olunyirira hubunyasi, olurarinda omundu, handi sibarinda abana bomundu.⁸Aba Yakobo abadong'a bahabe akari webialo, akari wabandu bangi, neidalang'i akari webisolo bindi biomusichimi, ngeidalang'i indaga akari wamaicho kamakondi. Nababiramo, anabaseena handi anabarandula mubikusu handi anaumao omundu onabaonia. ⁹Omuhono kwao kunakingulwa imberi wa basuku bao handi kunabamala.¹⁰"Binehoreha munyanga eyo" -ino nieimbosi ya Nyasaye - "Mbwe ndera chifarasi chieng'u hurula akari weng'we handi ndafunaka amagare keng'we. ¹¹Ndasasia echitauni musialo sieng'u handi ndakwisia chihumba chieng'we chiosi.¹²Ndasasia riloko riri mumahono keng'u handi simunabaho nabalakusi bosi bosi. ¹³Ndasasia ebilonge bieng'u bioosi nende ebibache biamakina akari weng'u'. Simunachirira olama mirimo kiamahono keng'we. ¹⁴Ndeya emiguro kia Ashera hurula akari weng'u handi ndasasia echitauni chieng'we. ¹⁵Ndahola oburungi muririma hubialo bihaire ourira."

¹Harano muurire esia Nyasaye abola, "Yema mani obole omusango kwao imberi wechingulu; reha chingulu chindidi chiulire omwoyo kwao. ²Muurire eng'we chingulu, chimbosi chia Nyasaye, eng'we mise kiesialo. Hubera Nyasaye ari nomusango nabandu baye, handi analwana nende Israel mukoti.³Bandu bange, sina siandabaholera? Mbajong'isie endie? Mungaluasie! ⁴Hubera ndabainia hurula musialo sia Misiri handi ndabaresia hurula munyumba yobuboye. Ndabarumira Musa, Aaroni nende Miriam. ⁵Bandu bange, mupareho ebia Balaki omwami wa Moabu yahwania, nende ebia Baalamu omusiani wa Beo yamukalusia ngamwarula Sitimu nimuchia Gilgali, humumanye ebihole biadieri bia Nyasaye.⁶Sina siahoya nderere Nyasaye, Ngamwinamira Nyasaye ori akulu? mwicheho ningingire misango kiosambwa, nende imoosi yomwaka mulala? ⁷Nyasaye anasangala nechilifu chiamakondi, kose nende emialo chilifu rihumi chiamafura? Nyinie omwana wange wamberi hulwamakosa kange, esiamo siomubiri kwange hulwamabi komwoyo kwange? ⁸Amalire ohwekesia ewe mundu, ebiri bilayi, nende ebia Nyasaye adaha hurula hwewe: Hola obwadieri, hera esisa handi kenda nobudemberefu nende Nyasaye wao.⁹Omwoyo kwa Nyasaye kulandasiria itauni - ata bulano abamakesi baria rira riao: "Rekeresia olusala nende owalura abundu ao. ¹⁰Obuyinda buri muchinyumba chiabandu babi oburari bwadieri nende ebipimo biobubeyi obihoya okwong'wa.¹¹Nyala ndabala mundu nga ouma makosa niyehonyera chiratili chimayanu nende isawo yebipimo biobubeyi? ¹²Abayinda barumba namaundu, abamenyi balomlome bubeyi, nechininmi chiabwe muminwa kiabwe chiechula bubeyi.¹³Huluako ndakera mube abalwaye mani mbare asi, muniale hulwamabi keng'we. ¹⁴Munalia nesimunekura; injala inadong'a mumala keng'we. Munabiha miandu ne simunaonia ne ebiamunaonia ndakaba muriiye. ¹⁵Munaraka ne simunakesa; munakema mikarafu ne simunebaha mafura; munadinya misabibu ne simunang'wa ifini.¹⁶Mulondire malako komwami wa Omri, nende bihole biosi bieinyumba ya Ahab. mwehonyere makerako kabwe. Huako ndababiyia handi abamenyi beng'u musicharo handi munacharwa nabandu bange."

¹Ndelarihira! Fwana nga ebiamo bikesebwa musimiyu handi nge misabibu kifululwe; handi biumaho bisaga biriibw, handi biumao bisaga biomuhuyu biomwoyo kwange kwekomba. ²Abandu besikwa bahamire hurula husialo; Aumao mundu mukololofu mubandu boosi. Boosi bekonerera odasia machai, buri mulala ayima mwanang'ina nolwero.³Amahono kabwe namalayi hu hunyaala: omuruki asaba amapesa, omuhalaki webina yerekehere asoya, handi omundu wamani abolera bandu ohwekomba hwomwoyo kwaye. Bario bahoba alala. ⁴Omulayi obahiraho ari nga olubwabwa ne omutiiri abahiraho nomubi nga olukaka lwamabwa. Ino nieinyanga eyalakulwa nabalindi beng'we, inyanga yesinyasio sieng'we. Sino niesiha siohukoyana hwabu.⁵Oresika jirani wao yosi yosi; oraba nende ohwesika omwicha. Nende yahaba omuhasi okonanga mumahono kao linda munwa kwao. ⁶Hubera omusiani alekanga samwana, omuhana aleka ng'ina, muhamusiani aleka mafialang'ene. Abasuku bomundu nabandu bomunyumba yaye omwene.⁷Esie nasi, Ndaringala Nyasaye. Ndalinda Nyasaye wohuonisibwa hwange, Nyasaye wange anambulira. ⁸Orasangala hulwange, omusuku wange . Nimala okwa ndasingira. Ninjihala musiirima, Nyasaye anaba obulafu bwange.⁹Hubera ndaholera Nyasaye obuononi, ndasimirisia ririma riaye ohuula nga yahayale musango kwange handi ahalakire siina. Anandera mubulafu, handi ndalola obwadieri bwaye.¹⁰Mani omusuku wange anasilola, handi chisoni chinafuniha uria owambolera ari "Nyasaye wao ariena?" Chimoni chiange chinamuringala; anasenwa asi kori nga amadosi hundara.¹¹Inyanga yao yohwimbaha bida biao inecha. Indalo eyo chinjaho chinasidisibwa are muno. ¹²Indalo eyo bandu bao baahwicheho, hurula Asiria nende echitauni chiri mu Misiri, hurula Misiri huula humwalo, hurula hunyanja huula hunyanja nende hurula hulugulu huula hulugulu. ¹³Kata kario esialo sinadong'a sihaya hulwohubera bandu bamenyamo hubera ebiamo biebihole biabwe.¹⁴Ruka bandu bao neindabuhi, eliicho liawareherwa. Behala bong'one musichaha, akari wolwairo. leha baaye mu Bahani nende Gilidi kori ngechindalo chihare. ¹⁵Kori nga chinyanga chia mwarula musialo sia Misiri, Ndabekesia ebiamakana.¹⁶Ebialo binalola handi bibe nechisoni hulwamani kabwe. Banara mahono kabu huminwa kiabwe; amarwi kabu kanadimba. ¹⁷Banahomba lufu ngeinjuha , ngebisolo bimolanga muuloba. Banarula mumadala kabu noburi, banahwichaho noburi, Nyasaye wefwe handi banaba bari hulwao.¹⁸Nyasaye sina ofwana nawe - omalangao obuononi, obiranga humabi kabandu baye abadong'ao? Sabihanga ririma riaye chinyanga ch iosi hubera asangaliranga hwesikwa hweindagano yaye.¹⁹Wicha orulolera sisa handi; onaseena buononi bwefu asi wamakulu kao. Onasuhuna bionono biefu biosi munyanja. ²⁰Onaberesia Yakobo obwadieri handi obwesikwa bweindagano onaberesia Abraham, kori ngawesingira bakukefu muchinyanga chia hare.

¹Chimbosi chiya bisiibwa hu Ninevah. Esitabo siyo amaloro aka Nahum, Mwiekosita.²Nyasayeni nyasaye weimbaliha handi arungisiya;Nyasaye arungisiya handi yarumbia ririma;Nyasaye arungisia basuku baye, handi achiririsiyangiyaririma riya hubasuku baye. ³Nyasaye sarimwangu we ririma handi ni wamani mangi; handi sarehusirianga abamabi.Nyasaye yahuanianga ingira yaye mu siyefusiye handi mufula yo muyaka,handi amareesi no lufu lwa makulu kaye.⁴Yalabiranga Inyanja handi akera inyuma Yomingiya miyalo kiyosi. Bashani ni mudehere,nende carmeli yosi;ebimuli bya Lebanonibimarire oba bi dehere. ⁵Echingulu chindidi chisaluluha; esilosikw mumoni chiaye,Sialo siyosi nende bandu bosi aba menya omo.⁶Owina onyala hwema muririma riya?Wina onyala huwikarira obwoki bwe ririma riye? Eririma riye rinachuhwa rwanyi ngo muliro handi lwande linafunakwa nilukabulwa naye.⁷Nyasaye nomulaye ,neyihumba muchinyanga chiya madinyu;handi abaliranga baria abeikama muniye. ⁸Kata kario anaakamia abasuku baye bosi nende amachi kamala;namani anabahaaba hula musirima.⁹Sindu sinaa esiamwehobanga ohola hu Nyasaye? Anabira biyosi husiya kamo; manyahano sikanabao handi wohubiri. ¹⁰Nga mabwa kadirana handi nga malwa ka abamesi becha.Oyia nga makoha momu. ¹¹Hurula hwe ewe , Nineveh, aruliremo omundu owehobere ohol era Nyasaye mabi, amukeraki mubi.¹²"Kano niko aka Nyasaye abola, mbu kata,nibari mumani kaba kosi nende ngolwa baaka ,atakario sibanabekwa; bandu baba banafwa.Nawe ewe, Yudah: ata nibere machuni,sinda hola endiyo handi. ¹³Haro njicha ohufunaka ijoki ya bandu bihurule,ndafunaka minyororo kiao".¹⁴Nyasaye arusisiye arilakohu ewe,Nineveh:"Sonaba no iwibalo olulangwa hulira riao.Njicha omalao ebifwanani ebyiabachwa nende ebifwanani ebiya chichuma hurula muchinyumba chia banyasaye babu. Ndahuhwanisiria ing'ani yao, hubera ouma esiribwa."¹⁵Barira huchingulu eyo, makulu ko mundu ori hureranga amakeni malai, ori hulandasiyanga omureheree: Musangarire miimo kiyengu, Yuda. handi musirisiye hwesinga hwengu, hubera abandu babi sibache obengirira handi; yecha hwakamisibwa.

¹Uria osalaniangiya yecha akulu wao.handi asida siye itauni, mubarire ingira,wehande sibuno, buusia alala mani kao. ²Hubera Nyasaye afunyia oluyari olwa yakobo kori oluyari olwa israali,kata abanyasiya banyasia masaga aka misabibu kiabwe.³Echingabo chiya abasacha ba mani ne chi ranjayi handi abaliye befwere chingabo chiya mzambarao,magari keliye ne chifarasi kamesa ne chichuma chiabu inyanga chicha aba' tayari.nemafumo ka kingulwe mumiyaka. ⁴Amagarikeliye keruha chimbiro chingi hu chingira; keruh imberi ne inyuma hu chingira,chihono. Chifwana nga itochi, handi beruha nga .lumeso.⁵Aparanga abalobole bafe;be gumulanangaho mulukendo iwabu iwo hwalala okwisiya esida siye itaunio.Ingabo ihongo irerwe ao okaria baria abadaha ohuyana nabo.⁶Miliango ekiri ombi no mwalo kiliku;wa na mani, ne obwihalo bwa omurukibukwa asi. ⁷Huzab afwalulwe handi abukulwe; handi abahosi baye besihasi bari nesibera nga amagugu, nibahuya chimbere chiabu.⁸Nineveh ivi nga isulo ya machi isulula, ya bandu bayio bari hwairuhanga bachiya nga machi kamola namani.Obandi bahuba buyoka ni babola mbweu "Yema, yema," kata kario aumao ofunya inyuma. ⁹Musbukule onyasia ifedha,bukula onyasia idahabu hubera humao siyakamo ebiya mwandu hubulai bwe bindu biyekombwa ebiya Nineveh. ¹⁰Nineveh ni Ihaya ,ni ihaya handi inyasibwe.moyo okwa buri mundu kusaluluhe,mahumbo ka buri mundu kakudana alala handi machuni kari muburi sibuno;Bweni bwabu busamuhire.¹¹Obumenyo bwe isimba buri ena ,abandu ne chisimba chiadanga chialisibwangwa,alisimba nende isimba ihasi ya kendanga,nende bana bayio ni bauma buri. ¹²Isimba ya randula aba idirire ebukusi bididhuberesia baiyo; yamikira abaidirire huberesia chihasi chayio handi yechusia ihombe yaye nende milambo kirandulwe ka baria abaidirire.¹³Barira ndi akulu waochino ne chimbosi chiya Nyasaye we mikanda.Ndasamba magare kaye konga mumosi handi oluganga luicha ohwira chisimba chiengu chindaga.Ndaba kabuhaniya nende ababadirire hurula musilo siyengu,nende mioyo kiya abarume bengu sikinaulihana".

¹Hwelalihira ewe silo sirumbiremo amchai!siarumba obubeyi nende ebindu byo bwibi;abrali neihabi bili lwosi bari mu niye. ²Harano huri nende obuyoka bwe chihoba nende mwoyo kwa magurudumu kamagare kaye nende chikenda ni chiya shinganende magari ka duma duma³Aberusi be chifarasi bari hwicha nibasobole chigangala chiabu nende mafumo kabu akangena ngena!Siruli siye bandu bangi bafweire, milambo ikiranyala obalwa ababera be gululahu malambokiabu. ⁴kano kosi ke hola hulondohana nende ebihole bwiyo bwekombi obwo uria mundamba, owehwanisiye, oli namakesi kobulosi okusiangiya ebiyalo hubirira mubudamba bwaye,nende abandu hubirira mubihole biaye biyo bwaye⁵Barira, ndabaswaila chino ne chimbosi chiya Naysaye we mikanda .ndakingulasibunguya siao akulu yobweni bwao mani njekesia ebiyalo esiyekenya siaonende chisoni chiao hu abami bomusilo ⁶nda hufubaho obumali bunyolesiyo handiobunahuhola obaomumali; ndahura akulu obonga silolero. ⁷Binola siha uria yosi yosi ohulola anahwiruha handi anabola; Nineveh Inyasiibwe; onamulilira ni wina?Ndachiya ena mbukane uriya onyala ohumberesiya omwoyo?'⁸Nineveh ori mulayi ohira Tebes eyibukaniha hu mwalo kwa Nile,Okwabodohanua nende amachi, we mugigo kwayio ni inyanja, hadi sida sari inyanja? ⁹Kusi nende misirinikali amani kaiyohandi sioumao siakamo hu niyo;Sialo siya Puti nende libia bari nobwambanani.¹⁰Naye Tebes yakingua yairwa are mumboye; abana baye badidi nibadonyolwa mubi kusu bidiidi muburi musichako siya buri ingira; Asasuku baye bahubira ikura basocha baye besiirbwa,handi basacha baye basiribwa ba boywa nende chinyororo. ¹¹Ewe wosi onaba omumesi; onatema hwekisa, handi wosionatema hukonya hweonia hu bauku bao.¹²Chinyumba chiao chiosi cho luyari chiyafuaniheno musala okwo omuhuyu okutinebyamo ebilabire ebiamberi;niku dengesisibwa bi nakua mu minwa kiabu abalia ebyamo ebo. ¹³Lola abandu abari wao ni abahasi;Engira kye sialo siyengwe kikulwe miyaku hulwa abusuku bengu;omuliro kumalire osamba ebikaliro ebiye mingira eko.¹⁴Muchiye mudaye amachi hulwa ab abmwikalira; mujingiye obusene nobwengwe muchiye muriloba mani muli hwaniye;mubukule ebiubiro ebya matafwari. ¹⁵Omuliro kuna basamba eyo,ne olungangala lunabeera.lunabera ngolwa chisike chindaga chinyasiangiya buri sindi.Muhubanane alala mubungi nge chisike chindaga, mu bungi nge chisike chinyangafu.¹⁶Omalire hwaibusiya abaholi be inganga ohiraho chingini ngini chiyo mwikulu;ne bafwanane chisike chindaga;Basiyasia siayoloni handi ba beburuha babwao. ¹⁷Abana ba abaruki bafwana nge sidieha siye chisike,bemeresi be riye bengwe bafwana nende chisike echiye busisiye hu sida inyanga ye imboo ne liuba liri duma chiburuha chiya bwao,handi siyalo siya chichianmo sisi manyihane.¹⁸omuruki we siyalo esiya Siyria,abayi bao chindolo chibairire; Obesiribwa bao bakonere asi bauluha.Abandu bao basalanire muchingulu, handi aumao oundu onyala ababusiya. ¹⁹Kaumao ameresi akanyala huoniya makonjo kao.Makonjo kao ni akara nyala hwelera.Mundu yosi yosi oulira chimbosi chiyao chino anapama mahono kaye mubusangafu nahuchecha.Ni huwina owa mabi kao karasenaho ano na ano.

¹Ino nie imbosi ya Nyasaye eyiechera Sefania musiani wa Kusi musiani wa Gedalia musiani wa Amaria musiani wa Hezekia, muchinyanga echia Yosia musiani wa Amoni ,mwami wa Yuda ²Ndanyasia burisindu hurula husialo_ Yahwe abola. ³Ndanyasia abandu nende bisolo ; ndanyasia mayoni kowikulu nende ching'eni echio munyanja,ndanyasia alala nende abachibi. Hubera abandu hurula husialo- Yahwe abola.⁴Ndakolola omuhono kwange akulu ya Yuda nende abamenyi bosi aba Yerusalemu.Ndanyasia abadong'a aba Baal musialo muno nende mera kabandu abiyirani akari wa mumakuhani ⁵Abandu abari akulu yechinyumba abalama ebindu biri mwikulu, nende baria abalama nende abelaira hu Yahwe abula handi belaya humuruki wabwe. ⁶Ndahenga baria abakaluhane hurula hu Yahwe, baria abarakonya Yahwe kata makerako kaye."⁷Nyira imberi ya Yahwe hubera chinyanga echia Yahwe chiriambi;Yahwe ahwanisiye omusango handi akabule abakeni baye ⁸kecha hurula chinyanga chio musango okwa Yahwe,ndanyasia abaana abobwami nende abasiani bobwami nende burimundu ofwala mwifwalo kiyeobukusi ⁹Inyanga eyo ndanyasio baria abadumanga chingaka, baria abechusia inyumba eya mwemeresi wabwe nende maundu nobubeyi.¹⁰Haro inyanga eyo yabe irio_ abola Yahwe wemikanda-amariro akeisando kanalurira Husiriibwa yeching'eni, Amariro hurula hulukongo lwohubiri, nende omuoyo muhongo hurula huchingulu ¹¹Mulire ,abamenyi Abolukongo olwe siro, nende bandu bosi aba Canani bananyasibwa; baria bosi abapimanga ifedha banahengwayo.¹²Kanecha mubiha ebio ndakonya Yerusalemu nende chitara nende obaba manyasio baria abamenyi abengira mubumesi nibabola mumwioyo kiabwe mbwe 'Yahwe sinahole sindu siosi siosi silai ama sibii; ¹³Obuyinda bwabwe bunabukulwa ,chinyumba chiabwe chinarehwa nichinyasibwe! Banembaha chinyumba katakario sibanachimenyamo,banaraka misabibu katakario sibana ngwa idivai yayio.¹⁴Inyanga ihongo eya Yahwe iriambi, iriambi ne yalala bwangu! Omwoyo okwe inyanga ya Yahwe inaba eya balwani hurira na machuni muno! ¹⁵Inyanga eyo inaba eyeririma ,manyasio nende machuni,inaba inyanga ye ifula yomuyaka nende husasia,inaba inyanga eye sirima nende sibera ,inaba inyanga eye maresi nende sirima ¹⁶Inaba inyanga eye chinjika echie makondi nende chikeng'ele ohurira nichipinga chingongo chiria echiari chigengerwe nende chihombe chia akulu.¹⁷Ndabarera manyasio hubandu,huniho bakende ngori abandu abofu hubera bahorere bionono hu Yahwe .Machai kabwe kanachuhwa kama olufu,bindu bio mubiri biomukari binaba ngori amasingo. ¹⁸ifedha kata idahabu sinabaonia inyanga yeririma lia Yahwe. Mumuriro kwaye okwe imbariha yaye kunanyasia sialo siosi,hubera anarera siakamo, hubamenyi abohusialo."

¹Mwebusie alala handi mubusie, esialo siuma echisoni_ ²amalako nikarachaka ohola handi inyanga eyo ibira nga makuiyi, elilirima lia Yahwe nirirecha akulu wengu. ³Mukonye Yahwe, engwe bandu bademberefu abohusialo abafukirira amamlako kaye! Mukonye obwaderi. Mukonye obudemberefu, ne alundi munanyala olindwa muinyanga ye lirima ria Yahwe.⁴Huba Gaza inalehwa, handi Asikelon inaba ohusasiha. Banerusia erwanyi Asdodi sidere mumoni, handi baneya Ekuron! ⁵Mwelalihire abamenyi abohundulo weinyanja, esialo sia aba Kerethiti! Yahwe alomalome akulu wengu, Kanani esialo sia Filistia.Njicha ohunyasia hula aumeo omumenyi onadonga.⁶Endio hundulo weinyanja inaba olwairo lwa abayi handi lwe chisulo chiamakonde. ⁷Olukongo lwohundulo lweinyanja lunaba lwa baria abadonga munyumba ya Yuda, abanaya amaicho kabu eyo. Abandu babu banakona asi sichiambo muchinyumba chia Asikelon, huba Yahwe Nyasaye wabu anabalinda handi yecha okaluhania obuboye bwabu.⁸"Mbulire oburangani bwa Moabu nende amanyeko aka bandu ba Amoni ngabaranga abandu bange handi nibengira mumipaka kiabu. ⁹Hulwako,ngolwa nduo_ino ne imbosi ya Yahwe owemikanda Nyasaye wa Israeli_Moabu yicha oba nga Gomora; abundu we misala kiamabwa handi nga lina lia chumbi eriumamo abandu chinyanga chiosi.Katakario bandu bange abadonga banabanyasia,handi baria abadonga abesialo siange banababukula."¹⁰Kano kaneholeha hu Moabu nende Amoni hulwe isunga yabu, ngolwa baranga handi becha baba abeisunga hu bandu ba Yahwe wemikanda. ¹¹Esilondaho Yahwe anabarisia, huba yecha onyasia banyasaye abo husialo. Burimundu anamuinanamira burimundu hurula abundu waye, hurula hundulo yechinyanja chie bialo biosi¹²Engwe abaKusi mwosi mwicha ofunirwa nende olugangala lwange, ¹³handi omuhono kwa Nyasaye kwicha ohuhuya masawa nende ohunyasia Asiiria, huniho Nineve inalehua handi inanyasibwa, ngalukalangwe oluumu. ¹⁴Esilondaho amaicho kanakona asi eyo, buri isolo ye bialo: biosi okuududu kwo olukalangwe nende okuududu kwesioka kina uuluhira humisiro kiayo. Eriyoni rinemba hurula mumadirisa;sifurusi sia makina sicha oba amuliango; chimbao echiabachwa chinaloloha.¹⁵Ino ni itauni yobusangafu eyari yamenya auma buri, eyabola mumuoyo kwaye,"Esie, siumao esiakana nasi." Ngolwa akaluhane oukisia, abundu we bisolo bikonamo asi.Buri mundu obira ambi naye auma handi amuteng'era omuhono.

¹Welalihire eitauni yesireka! Itauni ya maundu inyasibwe. ²Saulire omuoyo kwa Nyasaye kata ohukanya ohukololwa nende Yahwe. Sadaha ohwesika Yahwe handi siyecha hu Nyasaye waye³Abana ba baruki ne chisimba chihuba emioyo akari waye. Abahalaki besiina bayio na mabwe akaranyala oreha sindu siosi soisi sioogwena nibiamuhana ichuli. ⁴Abamanabi bayio nibascha bauma echisoni handi abauma bwesikwa.Amakuhani bayio bamaliye biria ebitakatifu handi baholere malako amaundu.⁵Yahwe nowobwadieri akari waye. Sanyala ohuhola esindu sibi. Buri ichuli anaana obwadieri! Sikanekisa mubulafu, ne baria abauma obwadieri bakorwa isoni.⁶"Malire ohuhuya ebialo; chihombe chiabu chinyasihe. Nyasisie chindara chiabu, huniho yosiyosi arachilondaho. Echitauni chiabu nyasisie huniho abuleo mundu ochimenyeremo. ⁷Ndabola, 'Obwadieri mwicha ohundia. Mukanye hurekehwa handi murahengwayo hurula muchinyumba chiengu hulondohana ngolwa njanire ohubaholera.' katakario bekomba ohuchia buri ichuli huhu nyasia ebihole biabu bosi.⁸Hulwako muniinde_ino neimbosi ya Yahwe_ husia inyanga ya njicha ohusingira nende ohudira esindu. Huba obuhalaki bwange ni ohubusia ebialo, ohubusia oburuki, ohubachuhira wranyi elilima liange_elirima liange risamba riosi; huba mumuliro okwe imbaliha yange esialo siosi sinayia.⁹Katakario esinalondaho njicha ohwosia eminwa kia bandu, mbu abandu bosi balange elira ria Yahwe omurumihira libeka hu libeka. ¹⁰Hurula humwalo kwa Kusi abalami bange_abandu bange abasalana_bana rera ebiyanwa biange. ¹¹Inyanga eyo simunadirwa nechisoni hubihole biengu mwang'anyira, huba ebiha ebo ndamalao hurula akari wengu abefumia muisunga yengu, handi hulwohuba simunahola handi isunga hulugulu lwange lutakatifu¹²Katakario njicha obalehera akari wengu abandu ba asi nende abamanani, handi becha obukana obwiruhiro mulira ria Yahwe. ¹³Abandu ba Israeli abadonga sibanahola amahua kauma obwadieri kata obola obubeyi, olulimi lwobubeyi silunanyolehana muminwa kiabu; endio banaya handi bakone asi, handi aumo mulala onabahola oba bari."¹⁴Emba, omuhana wa Sayuni! Yokera, bamusangafu handi wehoye nende omuoyo kwao kwosi, omuhana wa Yerusalemu. ¹⁵Yahwe amalireo isando yeng'u yerusie abasuku beng'u! Yahwe niomuruki wa Israeli akari weng'u. Engwe simunaba noburi bwa mabi handi! ¹⁶Inyanga eyo babolere Yerusalem, Oraba noburi,Sayuni. Orareha amahono kao kabe madofu¹⁷Yahwe Nyasaye wengu aliakari weng'u, mulala wa mani ohubaresia. Nie anasangala akulu weng'u nobusangafu; anaba munyifu akulu wao mubuheri; anahusangalira nende omuoyo kwo busangali. ¹⁸Esie njicha obusia abo abari nesibera, baria abaranyala oyuora emimo kiange ekiandobole, endio sona kinga handi echisoni hulwako.¹⁹Balira, Esie ndiambi oholegana nende bosi abahusandia. Ebiha ebo,njicha ohuresia abalema handi njicha obusia abafubwa erwanyi.Esie njicha obahola nga ohupaka, handi njicha obilania echisoni chiabu oba esiriibwa musialo siosi. ²⁰Ebiha ebo njicha obemerera; ebiha ebo ndababusia alala. Esie njicha obaberesia esiriibwa nende ohupakwa akaari ya bandu bosi besialo nifunyia inyuma hudirwa hweng'u mumoni chiabu," abola Yahwe.

¹Mumwaka kwohubiri kwa Dariusi Omwami, mumuosi kwohusasaba, hunyanga irangira mumuosi, imbosi ya Nyasaye yechera mumuhono kwa Haggai omunabii womuruki wa Yuda, Serubabeli mwana wa Sialitieli, nende omukuhani muhongo Yosua, musiani wa Yosadaki, nibola mbwe, ²"Nyasaye wemikanda abola sino: Abandu bano babola, bari "Sino sinesiha siefu siohwicha kata siohwimbaha inyumba ya Nyasaye."³Mani imbosi ya Nyasaye niicha hubirira humuhono kwa Haggai omunabii niibola, ⁴"Nesiha sieng'u eng'we abene humenya muchinyumba chieng'u chindayi ne ino idong'a niibongohe? ⁵Bulano Nyasaye wemikanda abola ari: Mupareho chinyanga chieng'we! ⁶Murakire imuo inyingi ne mukesa bididi; mulia ne simwikura; mung'wa ne simunyala omeera. Mwefwala chingubo ne simudunduma, olia omusara alia nikwingira musao eyechulamo amena!⁷Nyasaye wemikanda abola ari: "Mupare chingira chieng'we! ⁸"Muchie hulugulu murere misala, mwimbahe inyumba yange; mani ndaisangalira handi ndaba noluyali! abola Nyasaye" ⁹"Mukonyire bingi, ne lolaho! mureriresa bididi, hubera ndabisalania! Husina? abola Nyasaye wemikanda. "Hubera inyumba yange yamukuha ne buri mulala hweng'we yeruha niyengira munyumba yaye.¹⁰Hulwohubera sino Rikulu riabeema olume handi riloba riabahaya hu imere. ¹¹Nderire siminyu husialo nende huchingulu, hu imere nende hu ifini injiaha, hu mafura nende hu biosi biesialo sihoya sigole, hu bandu nende hu bisolo alala nende humirimo kiemihono kiemg'we!"¹²Huako Serubabeli musiani wa Sialitieli, nende omukuhani muhongo Yosua musiani wa Yosadaki, alala nende bandu boosi abadong'a, baurira mwoyo kwa Nyasaye wabwe nende chimbosi chia Haggai omunabii, hubera Nyasaye wabwe yari amurumire ne abandu baaria obweni bwa Nyasaye. ¹³mani Haggai, omurume wa Nyasaye, yalomaloma imbosi ya Nyasaye hubandu nabola ari, "Ndinang'u! - ino niimbosi ya Nyasaye!"¹⁴Huako Nyasaye yasumusia omwoyo kwomuruki wa Yuda, Serubabeli musiani wa Sialitieli, nende omwoyo kwomukuhani muhongo Yosua musiani wa Yosadaki, nende emyoyo kiabandu boosi abadong'a, mani bachia bahola mirimo hunyumba ya Nyasaye wemikanda, Nyasaye wabwe. ¹⁵inyanga ya mahumi kabiri nende chine, chimuosi kwohusasaba, mumwaka kwohubiri kwomwami Dariusi,

¹Mumuosi kwa saba inyanga yamahumi kabiri nende lulala lwomuosi, imbosi ya Nyasaye yechera mumuhono kwa Haggai omunabii niibola mbwe, ²"Lomaloma nende omuruki wesialo sia Yuda, Serubabeli musiani wa Sialitieli nende omukuhani muhongo Yosua musian wa Yosadaki nende abandu abadong'a. Bola,³'Mweng'we, wina odong'ire onyala hwichulisia inyumba ino ngayari muluyali lwayio? Oilola orie bulano? si ifwana ngebihaya mumoni chiao? ⁴Mani kuma, Serubabeli! - ino niimbosi ya Nyasaye - handi dinya, Mukuhani muhongo Yosua musiani wa Yosadaki handi mudinye eng'we muosi musialo! ino neimbosi ya Nyasaye - mani muhole, hubera ndi nang'u! - ino nieimbosi ya Nyasaye wemikanda. ⁵Ino nie indagano yandahwania nang'u nimwarula misiri, handi omwoyo kwange kwemire akari weng'we. Muraria!⁶Nyasaye wemikanda abola sino: mubiha bididi biicha, njicha handi oyienga rikulu nesialo, inyanja nende riloba! ⁷Ndayienga buri sialo ne buri sialo sinanderera bindu biabu biobukusi handi ndechusia inyumba ino noluyari, abola Nyasaye wemikanda.⁸Ifedha neidhahabu nebiange! ino nieimbosi ya Nyasaye wemikanda. ⁹Oluyari lweinyumba ino lunaba luhongo muchinyanga chicha ohiraho muhuchaka, abola Nyasaye wemikanda, handi ndarera mirembe abundu ano! - ino nieimbosi ya Nyasaye wemikanda"¹⁰Hunyanga yamahumi kabiri nende chine, mumuosi kwa tisa, mumwaka kwohubiri kwa Dariusi, imbosi ya Nyasaye yechera hu Haggai omunabii, niibola, ¹¹Nyasaye wemikanda abola sino: "Reba abakuhani hulondohana namalako mani obole mbwe, ¹²Omundu nakinga inyama eyabihirwa Nyasaye mungubo yaye, ne ingubo idira mugati, ata munyu ata ifini ata mafura ata siahulia siosiosi, inyala okaluhana itakatifu?" abakuhani bakalusia bari "Haba."¹³Haggai nabola, Ne omundu ori namabi huluohufwa nadira silala hubindu bino, binyala okaluhana bibi?" Abakuhani bakalusia bari, "Eee, bikaluhan biaba bibi." ¹⁴Huako Haggai yakalusia nabola ari, "Nielwabiri nabandu bano nende sialo sino imberi wange! - ino nie imbosi ya Nyasaye - handi nielwabiri nemirimo kiemihono kiabwe. Ebia bamberesia nebimali!¹⁵Harano mupare mumaparo keng'we, hurula hare ohuula inyanga ya rero. Rikina nirirakerehwa hu rindi mukanisa ya Nyasaye, ¹⁶Biari birie muchinyanga echio? Niwola hubipimo mahumi kabiri bie imere nonyola lihumi riong'one; ne niwicha humumiro kweifini odaya bipimo mahumi karanu, nonyola mahumi kabiri. ¹⁷Ndahunyaala nemirimo kiemihono kiao kiosi nobulwaye, ne osiri siwanjichaho - ino nie imbosi ya Nyasaye.¹⁸Para hurula inyanga ya rero huchia imberi, hurula inyanga yamahumi kabiri nende chine chiomuosi kwa tisa, hurula inyanga yomuse kweikanisa ya Nyasaye kwarebwao. Ipare. ¹⁹Imuo isiri musiaki? Indalo yemisabibu, Omuhuyu, (pomegrenate) nende (olive) birebula biamo! Ne ohurula inyanga yarero ndababa chihabi!"²⁰Mani imbosi ya Nyasaye yecha lwohubiri hu Haggai inyanga ya mahumi kabiri nende chine yomuosi niiboola iri, ²¹"Lomaloma nende omuruki wa Yuda, Serubabeli, mani oboole, 'Ndayienga rikulu nesialo. ²²Hubera Ndakalula sisala siobwami handi nyasie amani kobwami bwebialo! Ndakalula amagare nende aberusi bako; echiparasi nende aberusi bachio banakwa asi, buri mulala hulwohubera lungangala lwa mugandang'ene.²³Inyanga eyo - ino nie imbosi ya Nyasaye wemikanda - Ndahubukule, Serubabeli musiani wa Sialitieli, obe musumba wange - ino nie imbosi ya Nyasaye. Ndahuhole nge ingila, hub era marire ohuyiera! - ino nie imbosi ya nyasaye wemikanda!"

¹Mumwosi kwa munane okwo omwaka kwo hubiri okwo oburuki bwa Dario', imbosi ya Yahwe yechera Sakaria omwana wa Berekia omwana wa Ido,omunabi, nabola, ²"Yahwe yari neririma muno nende balarabengu! ³Babolere,' Yahwe wemikanda abola kano; mungaluhire!-Ino neimbosi ya Yahwe owemikanda-mani ndabakaluhira.⁴. Muraba nga balaraengu aba manabii balirira muchinyanga chihale, nibabola, "Yahwe owemikanda abola kano: Mukaluhane hurula muchingira chieng'u chimbi nende ebihole bimayanu!" Katakario sibaulira handi sibandekeresia-ino ni imbosi ya Yahwe. ⁵. Balaraengu-baliena? Ne manabii-bamenyanga chinyanga chiosi? ⁶Katakario echimbosi chiange nende amalako kange akandalagira abasumba bange amanabii, sikanyola balaraengu?⁷Huinyanga ya mahumi kabiri nende chine eyomwosi kwe lihumi nende mulala, okuli mwosi kwa Sibati omwaka kwo hubiri okwo buruki bwa Dario, imbosi ya Yahwe yechera Sakaria omusiani wa Ido, omunabi niibola, ⁸Esie ndalola musiro, handi Lola! Omusacha yari niyerusia ifarasi iranjayi, handi yari niyemere akari we misala kio mihadasi ekiari muhoho; ne inyuma yaye chiaruwo echifarasi chiranjayi, nasiloba-loba nende rachari." ⁹Ndareba, "Bino ni bindu sina, Omwami?" Esialondaho uria malaika owa lomaloma nasi yambolera, "Ndahwekesia bindu bino nisi."¹⁰Esialondaho omusacha owali yemera akari wo omusala kwa muhadasi yakalusia nabola, "Bano nibo aba Yahwe arumire ohukenda musialo siosi, " ¹¹Bakalusia malaika wa Yahwe owali niyemera akari wo musala kwa omuhadasi; bamubolera. "Efwe hubere nihukendananga musialo siosi; balira, sialo siosi siyenjerere handi siuluha."¹²Esialondaho malaika wa Yahwe yakalusia nabola, "Yahwe wemikanda, ne ni husiha siaka siriye ewe haba sonekesia esisa hu Yerusalemu nende huchitauni chia Yuda,echia ewe obere ne lirima nachio emiaka kino amahumi saba? " ¹³Yahwe yakalusia malaika owari alomelome nasi,nende chimbosi chindayi,chimbosi chio hundeberesia.¹⁴Endio malaika owalomaloma nasi yambolelera, "Langa muno mani obole, ' Yahwe owemikanda abola ari: Esie mbere ne imbaliha hu Yerusalemu handi nende hu Sayuni nende imbaliha ingali! ¹⁵Esie ndi ne elirima nende ebialo biri mulidembe.ni ndari ne lirima lididi nabo,bahola amasira kaaba mabi muno.¹⁶Hulwako Yahwe wemikanda abola ari: Esie funyire Yerusalemu nende sisa. Einyumba yange inembahwa mu niye_ino ne imbosi ya Yahwe owemikanda_handi olusia lwo hupima lunakololwa akulu wa yerusalemu !' ¹⁷Handi langa, nobola, 'Yahwe owemikanda abola ari: Echitauni chiange chicha handi orumbamo nende obulayi, handi Yahwe yecha ohudemberesia Sayuni. handi yecha olobola Yerusalemu¹⁸Esialondaho ndakingula chimoni chiange akulu handi ni ndola echinjika chine! ¹⁹Ndalomaloma nende malaika owa lomaloma nasi."Bino ni sina?" Yangalusia."Chino ne chinjika echisalania, Yuda,Israeli, nende Yerusalemu²⁰ESialondaho Yahwe yanjekesia aberanyi bane. ²¹Nimbola, "Sina sia bandu bano becha ohuhola? "Yakalusiya, handi nabola,Chino ne chinjika echiasalaniya Yuda omundu yosiyosi arakingula omurwe kwae akulu. katakario aberanyi bechere obabwoga, bafube asi echinjika chie biyalo bakingulira esialo sia Yuda omusalania

¹Esialondaho ndakingula chimoni chiange handi nindola omusacha oli nende olusia lwohupima mumuhono kwaye . ²Ndamureba,"Ochia ena?" yambolera, "Ohupima Yerusalemu, ohumanya obuyaku nende oburambi bwayio³Esialondaho malaika owa lomaloma nasi yabwao handi owundi yachia omubukanira. ⁴Malaika wo hubiri yamubolera."Iruha handi olomalome nende omusiani omuraga uria: bola, 'Yerusalemu icha ohwihala musialo siahahu ohubera obungi obwa basacha nende biayo ebiri mukario yayio. ⁵Huba Esie_ino ne imbosi Yahwe_ yecha oba hunie esida sio muliro esimubodohane⁶Akulu! Akulu! Iruha orule musialo sie mumbo_ino nie imbosi ya Yahwe_hubera mbasalani sie nga emiyaka kine kie likulu! Ino nie imbosi ya Yahwe. ⁷Akulu! iruhira Sayuni,ewe owa menya nende omuhana wa Babuloni!"⁸Hubera Yahwe owemikanda niyahangigula handi niyahanduma akulu ye bialo ebiya husandia_huba yosiyosi ohudiraho. adira hu ndolero ya Nyasaye_Yahwe niyahola kano, yabola, ⁹"Esie mwene njicha odengeyia omuhono kwange akulu wabu, handi becha onyasibwa nende abasumba babu." Esilondaho mwicha ohumanya mbu Yahwe owemikanda andumire.¹⁰"Emba nobusangafu handi bamusangafu, omuhana wa Sayuni, hubera Esie mwene ndi ambi hwicha handi omenya akari wengu! ino ne imbosi ya Yahwe." ¹¹Esinalondaho ebialo bikali bineriba hu Yahwe inyanga eyo. Hubera abola, " Esilondaho egwe mwicha ohuba abandu bange; hubera njicha omenya akari wengu," handi mwicha omahya mbu Yahwe owe mikanda andumire huengwe.¹²Hubera Yahwe anabukula Yuda oba ngori omwandu kwaye okwabwadieri musialo sio luyari handi ana londamo olobola Yerusalemu oba yaye. ¹³munyire, engwe mwosi, imberi wa Yahwe, hubera amalire osingira hurula atakatifu waye

¹Esialondaho Yahwe yanjekesia Yoshua omukuhani omuhongo niyemere imberi wa malaika wa yahwe ne esihieno siari siemere humuhono kwaye omusacha namusitaka hulwa amabi. ²Malaika wa Yahwe yabolera esihieno, "Yahwe ahwalabire ewe, esihieno ; Yahwe, owa lobola Yerusalemu, ahwalabire! sino sini sikenga esiahwesua hurula mumuliro?" ³Yoshua yari na fwalire echingubo chimari muno niyari yemere imberi wa malaika.⁴Malaika yalomaloma handi nabolera baria abari bemere imberi waye, " Mumufwalule chingubo chimari echimuuliho," Esialondaho yabolera Yoshua, Balira! malire okera amabi kao ohumalwayio handi njicha ohufwala chingubo echie siriibwa." ⁵Esilondaho ndamubolera," Leha mufwale esilemba esilafu hu murwe kwaye!" Endio baraho esilemba esilafu hu murwe okwa Yoshua handi nibamufwala echingubo chindafu, malaika wa Yahwe niyemere ao⁶Esialondaho malaika wa Yahwe yalagira Yoshua handi nabola, ⁷Yahwe wemikanda abola kano: Nikali ona kenda muchingira chiange,handi nonadira amalagiro akange, esilondaho wicha ohuruka einyumbe yange handi onalinda olwanyi lwange, hubera ndahukanyira ohuchia handi ohwicha akari ya abo abema imberi wange⁸Rekeresia, Yoshua omukuhani omuhongo, ewe nende omukanda kwao okwa menya nawe! hubera abascha bano nesilolero,huba esie mwene ndarerera omusumba wange erisaga. ⁹Harano lingala elikina eria ndere imberi wao Yoshua.Chiruo chimoni saba hulikina lala rino, handi njicha ohugoraho obwandike_ino niimbosi ya Yahwe wemikanda_handi njicha ohumalao amabi akesialo hu inyanga ndala.¹⁰Hunyanga eyo_ino neimbosi ya Yahwe owemikanda_buri musacha ya halange jirani waye ohwihala asi wesiolo sia musabibu nende omuhuyu kwaye."

¹Esialondaho malaika owa lomalomanga nasi yangaluhania handi nasumusia nga mundu asumusibwa hurula mundolo. ²Yambolera, " Olola sina?" Nimbola, "Ndola omuguriro okwe itara okuhwanisibwe nende idhahabu ihaya, nende eskaye akulu yasio.Iriho echitara saba nende chindambio akulu wa buri itara. ³Emisala kia mseituni kibiri kiari hundulo yayio, mulala omuhono omusacha okwe sikaye ne kundi kwari omuhono omuhasi⁴Endio ndalomaloma handi nende malaika owa lomalomanga nasi. Ndabola, "Ebindu bino biyekesiasi, omwami wange?" ⁵Malaika owa lomalomanga nasi yangalusia nambolera, "Ewe somanyire sie ebindu biyekesia?" Ndakalusia, "Haba, omwami wange."⁶Endio yambolera, Ino neimbosi ya Yahwe hu Serubabel: Sini humani kata obunyala, katakario nihubirira Humuoyo kwange, abola Yahwe wemikanda. ⁷Ori sina, olugulu olukali? Imberi wa serubabel ewe wicha ohuba espapi, handi yecha ohurusia rwanyi erikina ria akulu ohuba obuyoka 'Esisa! Esisa hunisio!"⁸Eimbosi ya Yahwe yanjichira, niibola, ⁹"Amahono ka Serubabeli kembaha omuse okwe inyumba ino handi mahono kaye kwicha oimalirisia." Hu munamanya mbu Yahwe owemikanda abandumireho. ¹⁰Wina orekeresie einyanga ye bindu biididi? Abandu bano becha osangala handi becha olola elikina liohupima mumuhono kwa Serubabeli. (Echitara saba chino niye chimoni chia Yahwe echikendanga akulu we sialo siosi.) ¹¹Esialondaho ndareba malaika, Emisala kibiri kino ekiemere humuhono omuhasi nende omuhono omusacha hu muguriro kwe itara nekiri?"¹²Ndalondamo ohumureba, "Amasga kabiri aka omusala kwa mseituni akali hundulo yechinjehe chie idhahabu akali nende amafura akeidhahabu akari hwidihanga hurulamo nisina?" ¹³Hunambolera, "Somanyire bino nisina?" Ndabola, " Haba omwami wange."¹⁴Endio yabola,"Bano ni abasiani ba mafura mayiaha aka mseituni abemanga imberi Yomwami we sialo silamba."

¹Esialondaho ndakingula chimoni chiange, handi nindabalira, ndalola olupapula oluburuha mumiyaka! ²Malaika yambolera, "Olola si?" Ndamukalusia, "Ndola olupapula oluburuha, oburambi bwayio ni chimita mahumi kabiri nende mita elihumi obuyaku³Esialondaho yambolera, "Ino niikuong eirula ochia musialo siosi. Huba buri omwibi anafuwa hulondahana nende esiaibola lwande lulala, nende buri mundu oweyama nende esilulu siobubeyi anafua hulondohana ngolwa ibola lwande lundi. ⁴"Ndaruma rwanyi_Ino nieimbosi ya Yahwe owemikanda_endio yicha ohwingira munyumba yo omwibi nende uria olia silulu siobubeyi nende elira liange. Inadonga munyumba yaye ohusamba chimbao nende amakina kayio."⁵Esialondaho malaika owa lomaloma nasi yarula nambolera, "Kingula echimoni chao olole esiicha!" ⁶Ndabola, "Sina eso?" Yabola, " sino nesimwero esikingire efa eiicha. Kano ni amabi kabu musialo silamba." ⁷Esialondaho esifuniko siarusibwa hurula husimwero handi yarimo omuhasi owari yehale asi yasio!⁸Malaika yabola, buno nobulosi!" Yafuba omuhasi oyo namufunyia musimwero, handi nafunyiaho esifuniko akulu yomunua kwayio. ⁹Ndakingula echimoni chiange handi nindola abahasi babiri becha nibanjomere, ne omuyaka kwali muchimbaya chiabu_Huba bali nechimbaya echifuana nende echimbaya chie ligungu. Bakingula akulu esimwero akari we sialo nende likulu¹⁰Endio ndabolera malaika owalomalomanga nasi," Oirena esimwero eso?" Yambolera, ¹¹" Ohusimbahira ihekalu musialo sia Sinari, endio niahamala ohwimbahirwa, esimwero eso sicha ogengwa eyo abasihwanisiriya.

¹Esialondaho ndakaluhana handi ndakingula echimoni chiange handi nindola amagare kane nikecha hurula akari wechingulu chibiri; handi chingulu chibiri echo chiari chihwanisibwe nende ichuma ye isaba. ²Erigare riamberi riari nende chifarasi chiranjayi, erigare rio hubiri liari nende chifarasi chiratengi, ³ne erigare riohudaru riari nende chifarasi chirachari, nende erigare riohune liari nende chifarasi chesikohe. ⁴Endio ndakalusia handi ndabolera malaika owalomaloma nasi,"Bino nisina,omwami wange?"⁵Malaika yakalusia handi nambolera, "Kino ne miyaka kine kio mwikulu ekichia erwanyi nikirula abundu akiari kiemere imberi wo omwami we sialo siosi. ⁶Mulala ori nende chifarasi chia ratengi achia rwanyi musialo sia (north); echifarasi chia rachari chichia erwanyi musialo sia mumbo; nende echifarasi chia makondo ka rabuori chichia rwanyi musialo sie mulambo."⁷Chifarasi chino chiamani chirula rwanyi ni chikonya ochia ohukenda musialo siosi, endio malaika yabola, "Chia handi mukende musialo siosi!" handi nibarula ochia musialo siosi. ⁸Esialondaho yananga handi nalomaloma nasi, "Balira baria abachia erwanyi musialo sia(north); baulusisie iroho yange hulondohana nende sialo eso."⁹Endio eimbosi ya Yahwe yanjichira,nibola, ¹⁰Bukula ebianwa hubaria aberuha hurula musialo siabu_hurula hu Helidai, Tobiyah,nende Yedaia_handi ochie inyanga eyo obukule handi oyire munyumba ya Yosia omusiani wa Sefania owichire hurula Babiloni. ¹¹Esilondaho bukula ifedha nende idhahabu, mani ohwanie isimbihira oyire humurwe okwa Yoshua omusiani wa Yozadaka,kuhani omuhongo.¹²Lomaloma naye omubolere, 'Yahwe owemikanda abola kano; omusacha uno, elira riye ni Erisaga! Anahulira ao ari handi yecha ohwimbaha ihekalu ya Yahwe! ¹³Nie owimbahanga ihekalu ya Yahwe, handi yecha ohufwalwa nende oluyari, handi yecha ohwihala handi aruke husisala sioburuki. Yecha oba omukuhani husisala siye sioburuki, handi yecha ohweduiha oba omukeraki womurembe akari wabu babiri.¹⁴Isimbihira inabebwa Helidai, Tobiya,Yedaia,nende hu Heni omusiani wa sefania sibe nga sichulisio muhekalu ya Yahwe. ¹⁵Hu baria abari are banecha handi bembahe ihekalu ya Yahwe owemikanda,endio munamanya mbu Yahwe owemikanda abandumireho; huba kano kecha hweholeha nikali munaulira mubwadieri omwoyo kwa Yahwe Nyasaye wengu!"

¹Omuruki Dario niya haruka humiaka kine, inyanga yohune ya Kisilevi (oko ni mwosi kwa tisa), imbosi ya Yahwe yechera Sekaria. ²Abandu ba Betheli bari barumire Sareseri nende Regem-Meleki nende abasacha babu ohusaba imberi ya Yahwe. ³Balomalomera amakuhani abari munyumba ya Yahwe owemikanda nende hu bamanabi; babola, "Esienyala oba nisibera humwosi kwo hurano mungira yoleha ohulia, ngolwa mbere nihola amiaka mingi kino?"⁴Endio eimbosi ya Yahwe owemikanda yanjichira, niibola, ⁵"lomaloma nende bandu bosi be sialo nende humakuhani handi obole, 'Ngamwahaya olia nende ohuba nesibera mwosi kwo huranu nende okwasaba humiaka amahumi saba, mwari mubwadieri muhayanga olia humbosi yange? ⁶Nga mwalichanga nende ohungua, simwalichanga nende ohungwa humbosi yengu bene? ⁷Chino sinie echimbosi chiria echia Yahwe yabalandasiria hubirira mumahono aka manabi akabira, esiha siya Yerusalemu nende echitauni chiibodohane chiarimo bandu handi charimo miandu, handi Negevu nende ebipapi biye mumbo biari nabandu?"⁸Eimbosi yechera Sekaria, niibola, ⁹"Yahwe owemikanda abola kano, 'Halaka esiina nende obwadieri, indagano yobwesikwa,nende sisa.Leha buri mundu aholere kano omusiani wabu. ¹⁰Ako muhasi mufwire nende omwana mufwire, omkeni, nende omundu mumanani_orabasakandia, handi aumeo mundu yosiyosi huengwe ochana onyaala owasie mumuoyo kwaye.¹¹Katakario bahaya ohurekeresia handi bakingula amabeka kabu neisunga. Badimba amarwi kabu endio bahaya ohuurila. ¹²Bahola emioyo kiabu oba miumu nga olwanda endio sibanyala ohuulira amalako kata echimbosi echia Yahwe owemikanda. Yari yaruma milome hubandu hubirira hu Iroho yaye huchinyanga chiabira hubirira hu eminwa kia manabi. Katakario abandu bahaya ohuulira, endio Yahwe owemikanda yanyolera muno nabo.¹³Biyehola mbu niyalanga, sibaulira. Mungira ifwana nende eyo," abola Yahwe wemikanda, banananga, katakario sindaulira. ¹⁴Huba njicha obasalania nende omuyaka kwe siifusie ohuchia mubialo ebia bali bakorwa, handi sialo sicha odonga elikunda inyuma yabu. Huba aumao onabira musialo eso kata ofunyamo hubera abandu baholere esialo siabu siobusangafu oba elikunda."

¹Imbosi ya Yahwe owemikanda yanjichira, niibola, ²Yahwe owemikanda abola kano: Esie ndi neimbaliha hu Sayuni nende eimbaliha ingali, handi ndi nesisa naye nende elirima likali! ³Yahwe wemikanda abola kano: njicha ofunya Sayuni handi njicha omenya akari ya Yerusalemu, huba Yerusalemu icha olwangwa Eitauni yo Bwadieri handi olugulu lwa Yahwe owemikanda lwicha olangwa Olugulu Lutakatifu!⁴Yahwe owemikanda abola kano: abasacha abokofu nende abahasi abakofu becha handi oba muchingira chia Yerusalemu, handi buuri mundu yecha oba nomudiro mumuhono kwaye hubera amalire ohuba omukofu. ⁵Echingira chio mutauni chicha orumba abasiani na abahana nibabaya omo.⁶Yahwe owemikanda abola kano: Nikari esindu siloloha esiranyalihana mumoni chiabandu abadonga chinyanga echo, sisinyala siosi sialoloha esiranyaliha mumoni chiange?_ino neimbosi ya Yahwe. ⁷Yahwe owemikanda abola kano: Balira, esie ndiambi ohuresia abandu bange hurula musialo sie riuba ridumanga handi hurula musialo sie ruiba rikwiranga ! ⁸Huba njicha obafunyia ,handi becha omenya akari wa Yerusalemu, endio becha handi oba abandu bange, handi njicha oba Nyasaya wabu mubwedieri nende mubutakatifu!⁹Yahwe owemikanda abola kano: Harano engwe abachirira ohuulira chombosi chiria chiria echia rula huminwa kia manabi esiha sio omuse kwe inyumba yange kwarebwao_inyumba yange ino, Yahwe owemikanda: Mujingie amahono kengu ihekalu imbahwe. ¹⁰Huba chinyanga echo nichirola imere siyakesuanga nende mundu yosiyosi, obuhala bwaumao hu bandu kata chisolo, handi kwaumao omurembe hurula hubasuku hu uria ochia kata owingira.Esi ndali njubire buri mundu nende jirani waye¹¹Katakario sibinaba nga chinyanga chiabira, esie njicha oba nende abandu badonga_ino neimbosi ya Yahwe owemikanda. ¹²Huba eimwo yomurembe inarakwa; musabibu kulandanga kwicha ohugola ebiamo biayo handi esialo sicha ogola biamo biayo; erikulu licha ohugola olume lwayio, huba njicha ohuhola baria abadonga ohukerama ebindu bino biosi.¹³Ewe wari eslolero hu bialo bindi biesibwabo,inyumba ya Yuda nende inyumba ya Israeli. Endio njicha ohuresia handi wicha oba echihabi. Oraba muri; mahono kao kabe kamani! ¹⁴Huba Yahwe owemikanda abola kano; ngolwa ndari njanire ohunyaala bakuka bengwe nibasingisie elirima riange_abola Yahwe wemikanda_handi sibafunya inyuma. ¹⁵Endio njicha ohuchana muchinyanga chino ohuhola amalayi handi hu Yerusalemu nende inyumba ya Yuda! murariya!¹⁶Bino nie ebindu ebiohoyere ohole: Lomaloma obwadieri buri mundu nende jirani waye. halaka sina nende obwadieri, nende omulembe mubiribwa biao. ¹⁷Orachana ohuhola amabi mumwoyo kwao huwasio, handi orahera ohwesinga ohwobubeyi_huba ebindu ebo nibiandaswila!_ino neimbosi ya Yahwe."¹⁸Esialondaho imbosi ya Yahwe ya njichira, niibola, ¹⁹"Yahwe owemikanda abola kano: ohuhaya olia ohuomwosi kwohune,nende omwosi kwohurano,omwosi okwasaba, nende omwosiokwehumi hunaba ebiha bwoobusangafu,nende emimo kioobusangafu munyumba ya Yuda! Harano hera obwadieri nende omulembe!²⁰Yahwe wemikanda abola kano: Abandu becha ohwicha handi, kata abo abari bamenyere muchitani chindi chikabuhane. ²¹Abamenyi abeitauni ndala becha huchia muitauni indi handi babole, 'Leha huchie bwangu ohusaba imberi yo mumoni chia Yahwe handi ohukonya Yahwe owemikanda! Efwe bene huli ochichanga.' ²²Abandu bangi nende ebialo bihongo binecha ohukonya Yahwe owemikanda mu Yerusalemu nende ohusaba sisa hu Yahwe!²³Yahwe owemikanda abola kano; Echinyanga echo abasacha lihumi hurula muburi lulimi nende sialo becha ohudira alikemo liye ingubo yo Omuyahudi mani abole, 'Leha huchie nawe,huba huulire mbu Nyasaye alinangu!'

¹Kano nikabisibwe nende imbosi ya Yahwe hulondohana nende sialo sia Hadaraki nende Damaski, nesiuluhiro; sie chimoni chia bandu bosi nende chimbia chiosi echia Israeli hu Yahwe. ²Akabisibwa ako kosi kadiraho hu Hamath, eisibihana nende Damaski,handi idiraho Tire nende Sidoni,hubera bari bamakesi muno.³Tire yeyimbahire abundu ya amani handi yebusirie ifedha ngolufu nende idhahabu yosibwe ngaamadosi hwingira. ⁴Balira! owami yecha omubukula handi yecha onyasia amani kaye hunyanja, endio yecha osambua nomuliro⁵Asikeloni yecha olola handi yecha oba muri! Gaza yosi yecha orengereha muno! Ekuron, lisubira liaye, linafwisibwa omwoyo! Omuruki wa Gaza yecha huirwa, handi Asikelon sanadonga. ⁶Ababirangira becha ohwimbaha chinyumba chiabu eria Asidodi, handi njicha ohuheengayo isunga ya aba Filipino. ⁷Hubera njicha omalayo amachai kabu hurula muminwa kiabu nende ebihole biabu bimayanu hurula akari ya meno kabu. Esilondaho becha ohuba abadongere Nyasaye wefu nga oluyia mu Yuda, handi Ekuroni yecha oba nga aba Yebuse.⁸Esie njicha ohumenya nimbodohane esialo siange ohukaira abamaye abasuku, endio aumao onyala obiramo kata ofunya huba aumao obasandia onabengiramo, huba harano Esie ndalola nende chimoni chiange⁹Sangala muno, omuhana wa Sayuni! Huba obuyoka, omuhana wa Yerusalemu! Balira! omwami wao ahwichaho. Nie nomutakatifu handi nomuhiiri. Nomudemberefu handi yeruhira hu ipunda, humwana we ipunda. ¹⁰Esilondaho Esie njicha ohwakamia amagare akarula Efraimu nende ifarasi irula Yerusalemu, handi olukera lunakamisibwa hurula muriye; hubera analomalomera ebialo omulembe, ne handi oburuki bwaye bunarula hunyaja huusia hunyanja, handi hurula huluchi hula esiakamo sie sialo.¹¹Hulwewe, hulwa amachai akeindagano yange nawe, Njicha orehusiria ababoye babe abarehule hurula mulina eriaumamo amachi. ¹²Mufunye muihumba, ababoye berisubira! Kata rero Esie mbalandasirianga mbu njicha obafunyira mahabi kabiri, ¹³Huba ngodisie Yuda ngolukera. Esie njichusie omufuko kwan ge nende Efraimu. Esie simusie abasiani bao,Sayuni, obachuba nende abasiani bao.Ugiriki, handi bahuholere ewe, Sayuni nga olugangala lwe idalangi¹⁴Yahwe yecha obalolohera, ne olukera lwaye lwicha oyokera nga olumesu! Ohuba omwami wange Yahwe yecha ofura olwika olwelikondi yecha osuda ambi nende olukeka hurula Temani. ¹⁵Yahwe owemikanda anabagengerera handi becha obamira handi obahira nende amakina akesibairo. Esilondaho banang'wa mani bayokere nga basacha bamerere na malwa, handi banarumbisibwa namalwa nga ebikwada, nga chimbeka chia alutari¹⁶Endio Yahwe Nyasaye wabu anabaresia einyanga eyo, nga eliicho lia abandu baye.Abo bari amakina kangenangena hu isimbihira eicha ohuhosia husialo siaye. ¹⁷Ngori obulai handi ngolwa siso siicha oba! Abasacha baraga banasimbuhira hu imeere handi abasisira hu ifini emilumilu!"

¹Saba eifula hurula hu Yahwe musiha sie ifula yeirocho_Yahwe ohwanianga ifula yomuyaka_handi abechanga eifula hu buri mundu nende omuboka muspapi. ²Huba ebifwanani bio muchinyumba bilomaloma amamayanu; abalakusi balakula obubeyi, endio bang'abana nga amakondi handi basanda hulwohuba abulao omwayi.³"Elirima riange riaha akulu ya abayi; nechimbusi chihole_abemeresi_abanjicha ohusandia. Yahwe owemikanda yosi anaya maicho kaye, inyumba ya Yuda, obahola nga ifarasi ye riye muriye!⁴Hurula Yuda anecha alikina rio hundulo; hurula hunie kunecha omuguro kwe rihema; hurula hunie lunecha olukera lweriye; hurula hunie banecha buri omuruki alala. ⁵Banaba nga chidalang'i echisenera asi abasuku babu muma dosi huchingira muriye; banahwania riye, huba Yahwe ari nabo, handi becha ohwambia echisoni abo aberuhira huchifarasi chie riye.⁶njicha ojing'ia einyumba ya Yuda nende oresia inyumba ya Yusufu, huba ndabafunyia nende obalolera sisa. Abo sibanafuana ngori abandu abari ndahaya, huba Esie Yahwe Nyasaye wabu, njicha obakalusia. ⁷Esinalondaho Efraimu anaba nga idalang'i, handi emioyo kiabu kina sangala ngori abari nende ifini; abana banalola handi banasangala. Emioyo kiabu kinasangala mu esie!⁸Ndabahubira omuulosi nende hubabusiya, huba njicha obaresia, handi becha oba bakali ngolwa bari imberi! ⁹Ndabaanya akari wa bandu, katakario becha ohumbara mubialo bia are, endio abo nende abana babu banamenya handi banafunya. ¹⁰Huba ndabafunyia hurula musialo sia Misiri nende obabusia hurula Asiiria.Njicha obarera musialo sia Gileadi nende Lebanoni hula obweyango bwabu buumeo.¹¹Njicha obira munyanja ya manyahani kabu; Njicha ohuhuya amafwinda keinyanja handi kecha ohumia olusiba lwa Nile.Oluyari lwa Asiiria lunakwisibwa asi, handi olusala lwoburuki lwa Misiri lunbarulaho. ¹²Njicha obajingia muesie,handi becha okenda mulira riange_ino neimbosi ya Yahwe."

¹Ikula miliango kieng'u, Lebanoni, omuliro oko kunyala osamba misala kieng'u! ²muliire engwe misala kia sipuras, huba emisala kikwire! Esiali noluyari simalire onyasibwa MuIire eng'we misala kia Basani, hubera esibira esiali siamani ohwingira sichire asi. ³Eria huli nende omwoyo okwa abaayi, huba oluyari lumarire onyasibwa! Eria huli nende omwoyo okwe chisimba chindaga, huba eisunga ya Omwalo kwa Yorodani kunyasibwe⁴Kano niko Yahwe Nyasaye abola, " Ngo omwayi, balira eliicho elirerwe indulo liyohubakwa! ⁵( Baria abachikula bachibaaka handi bauma siina,handi baria abachikusia, babola, Abebwe echihabi Yahwe! malire oindiyala!'huba abayi abaholera abene amaicho bauma esisa hunibo.) ⁶Huba handi sinjicha ololera abamenyi abesialo sisa!_ino neiembosi ya Yahwe. Lola esie mwene ndiambi okaluhania buri mundu mumahono aka jirani waye nende mumahono ko omuruki waye, handi njicha onyasia esialo handi aumao owandaresia hurula mumahono kabu."⁷Endio ndaba omwayi we liicho likabule ohubakwa hubaria abaholegana mumakondi. ndabukula echindauhi chibiri; indauhi ndala ndalulanga "Sisa"handi lundi luria ndalanga"Buala." Mungira eyo njicha ohwaya eliicho, ⁸Humwosi mulala ndanyasia abayi badaru. Esie ndecha ndaba nende huresimirisia nabo, handi becha baaswila. ⁹Esialondaho esie ndabolera abenechio, Sinjicha ohuhola ngo mwayi weng'u handi. Amakondi akali ofwichanga_leha kafwe; Amakondi kari onyasibwangwa_leha kanyasibwe. Leha amakondi akadonga kalie inyama ya buri jirani waye¹⁰Endio ndabukula eyindauhi yange"Sisa" handi nindufunaka ohufunaka eindagano eya ndahola nende bandu bosi. ¹¹Einyanga eyo eindagano yafunakwa, handi baria abaholegana mumakondi handi abari nibandolanga bamanya mbu Yahwe yari alomalome. ¹²Ndababolera, "Nikali mbwe biloloha ebilayi hueng'we mundunge omurungo kwange. Ne nikarari kario, murakahola." Endio ba mbimira omurungo kwange_ebidonye mahumi kadaru bie ifedha.¹³Esialondaho Yahwe yambolera, "Biiha ifedha musibihiro, hubukusi bulai obwa ba hugengaho!" Endio ndabukula ebidonye mahumi kadaru ebeifedha handi nimbiha musibihiro munyumba ya Yahwe. ¹⁴Esialondaho ndafunaka indauhi yo hubiri,"Bulala," ohufunaka olwiho akari wa Yuda nende Israeli.¹⁵Yahwe yambolera, "Handi bukula ebindu bio omwayi musiru wekabe, ¹⁶huba lola, Ndi ambi hurao omwayi musialo. Sanabalira amakondi akasasihe. Siyecha okonya amakondi kaumao,kata olera makondi akalemere. Nie siyecha olisia amakondi kari nobulamu, ne analia inyama ya makondi amahomefu handi anarandula namalaho ebibonge biabu.¹⁷Hwelalihira ewe omwayi ouma omulimo oreha eliicho! Leha olugangala lwiche akulu womuhono kwaye nende imoni yaye yomulungi ilimbe!"

¹Ino neimbosi ya Yahwe hu Israeli_eimbosi ya Yahwe, owa kolola elikulu handi niyaala omuse kwe sialo, uria ochananga emioyo kia bandu mukari waye, ²Lola ndiambi ohuhola Yerusalemu oba esikombe esicha okera abandu abamubodohane ohwegumula. Binaba birio biosi hu Yuda echinyanga chie aberiye becha huekonera Yerusalemu. ³Inyanga eyo, ndahola Yerusalemu oba likina lisiro hu bandu bosi. Yosiyosi onatema olikinga anenyaala muno,handi bialo biosi musialo bine busia akulu we Itauni eyo.⁴Inyanga eyo_ino neiimbosi ya Yahwe_ndahuya buri ifarasi nende obudondobanu nende omwirusia wayio ne erilalu.Hu nyumba ya Yuda ndalimbula echimoni chiange, ne buri ifarasi ya abandu njicha ohuya nende obwofu. ⁵Esinalondaho abami ba Yuda banabola mumioyo kiabu, 'Abamenyi ba Yerusalemu namani kefu hulwa Yahwe owemikanda, Nyasaye wabu.'⁶Inyanga eyo ndahola abami ba Yuda nga chindamu chio muliro akari we chihwi handi nga esikenga siaduha akari we imere eyemere, huba ndasamba bandu bosi aba babodohane omuhono mulungi nende omuhono muhasi. Yerusalemu yicha omenya handi abundu wayio,"⁷Yahwe anaresia amahema ka Yuda mberi, mbwe esiiribwa sie inyumba ya Daudi nende siiribwa sia baria abamenyere siraba sikali muno ohiraho Yuda bosi. ⁸Inyanga eyo Yahwe anaba omukayuli wa bamenyi ba Yerusalemu, inyanga eyo abo abali badehere akari wabu anaba nga Daudi, musiha eso inyumba ya Daudi inaba nga Nyasaye, nga malaika wa Yahwe imberi yabu. ⁹"Inyanga eyo ndachaka onyasia ebialo biosi ebinaranga Yerusalemu.¹⁰Katakario njicha ohuchuha omuoyo okwe sisa nende ohusaya hu nyumba ya Daudi nende abamenyi ba Yerusalemu, endio becha huningala, esie mulala wa bafunire. Abo banandirira nga ulio olirira omusiani mulala; banamulirira ebilulu nga baria abalirira ohufwa hwo omwana musiani wamberi. ¹¹Inyanga eyo ecimbungu mu Yerusalemu chinaba nga echimbungu echiari Hadadi Rimoni musipapi sia Megido¹²Esialo sinalira, buri oluyia olukabuhane ne chimbia chindi. Oluyia lwe inyumba ya Daudi lunakabulwa handi abahasi babu banakabulwa hurula hu basacha. Oluyia lwe inyumba ya Nathani lunakabulwa handi abahasi babu banakabulwa hurula hubasacha. ¹³Oluyia lwe inyumba ya Lawi lunakabulwa handi abahasi babu banakabulwa hurula hu basacha. Oluyia lwa AbaSimei banakabulwa handi abahasi babu banakabulwa hurula hubasacha_ ¹⁴Buri luyia lwe chimbia chidong'ere_buri luyia lunakabulwa hadi abahasi babu banakabulwa hurula hubsacha."

¹" Einyanga eyo omwalo kunekulwa hunyumba ya Daudi nende abamenyi ba Yerusalemu, hulwa mabi nende obumali bwabu. ²Einyanga eyo_ ino neimbosi ya yahwe owemikanda_Ndamalayo amera akebifwanani hurula musialo handi sikecha ohuparwa handi. Esie njicha omalao amanabi nende omwoyo okwo bumali hurula musialo.³Ne omundu yosiyosi anachirira ohulakula, larangene nende ngina abamwibula bana mubolera, 'sonabao mulamu, huba olomaloma obubeiyi murila ria Yahwe!' Esinalondaho larangene nende ngina abamwibula banamuhoma esiha sialakula.⁴Einyanga eyo buri omunabi anadirwa ne chisoni chia obulakusi bwaye esiha sia naba ambi ohulakula. Amanabi bano sibanefwala handi echikanjo chio bwoya, babukane obeya abandu. ⁵Huba buri mulala wabu anabola, 'Esie sindi omunabi! Esie ndi mundu ohola mirimo kie liloba, huba eliloba liecha liaba emirimo kiange nisiri omusiani omuraga!' ⁶Katakario mundu mulala anamubolera, ' 'Ne amakonjo koli nako akari wo mahono kao ni kasi?' naye yecha okalusia, 'Ndanyaalwa nende baria abari munyumba yo mwicha wange.'⁷"Olugangala! Wesingisie nochoma omwayi wange, omundu owemanga ambi nasi_ino neimbosi ya Yahwe owemikanda. Huya omwayi, ne eliicho linasalana! Hubera njicha okaluhania omuhono kwange ochomia baria ba asi⁸Esinalondaho bicha huba musialo siosi_ino neimbosi ya Yahwe_ mbu babibiri hu badaru bana hengwayo! Bandu abo banafwa; anadonga eria mulala hubadaru yong'one. ⁹Ndabisiria mulala oyo mumuliro handi njicha obalafuyia nga ifedha ilafuywe; Ndabatema nga idhahabu itemangwa. Banalanga elira liange, ne njicha obakalusia handi mbole, 'Bano nibandu bange!' handi banabola, 'Yahwe ni Nyasaye wange!'"

¹Balira! inyanga yicha yebindu bia mweba bicha okabanwa akari wengu. ²Huba njicha obuusia buri sialo hwechomia Yerusalemu hu riye handi itauni inadirwa. Echinyumba chinebwa handi abahasi becha okonwa. Esimeka sie itauni sicha ochia mumboye, katakaria abanadong'a sibana hengwayo hurula mutauni.³Katakario Yahwe anarula handi anahuyana nende ebialo ebo ngolwa ahwaniangia eriye inyanga yohuhuyana. ⁴Inyanga eyo amakulu kaye kaneema hulugulu lwa mseituni, eiri hundulo ya Yerusalemu ebukwe. Olugulu lwa mseituni lunaarwamo akari habiri ebukwe nende emumbo nelihoho likali handi esimeka sio lugulu sinafunya nisichoma masawa handi esimeka nisichoma mulambo.⁵Esinalondaho muneruha nimwihrira asi akari yolugulu lwa Yahwe, huba erihoho eliri akari we echingulu echo linola eria Asel. Engwe muneruha ngolwa mweruha hurula nga sialo siarengereha muchinga chia Usia omuruki wa Yuda.Esinalondaho Yahwe Nyasaye wange anecha handi abatakatifu bosi banaba alala naye.⁶Inyanga eyo obulafu bwaumeo, kata obunyifu kata esing'ong'o. ⁷Inyanga eyo, eimanyihe nende Yahwe yong'one, Esidere kata siro sinabulao, huba eschiambo sinaba nga esidere. ⁸Inyanga eyo amachi kobulamu kanahulukusia nikachia rwanyi ya Yerusalemu. Esimeka siako kanahulukusia nikachira ebukwe bwe inyanja handi esimeka sindi emumbo bwe inyanja, musiminyu nende muimboo.⁹Yahwe yecha oba omuruki akulu we sialo siosi, Inyanga eyo Yahwe anabao , Nyasaye mulala, nende elira riye riong'one. ¹⁰Sialo siosi sinaba nga Araba, hurula Geba hula Rimoni mulambo wa Yerusalemu. Yerusalemu inachiirira ohukingulwa akulu handi inadong'a abundu wayio, hurula husiiribwa sia Benyamini ohula abundu we siriibwa siamberi siali, hula siriibwa sie Igomu, handi hurula omunara kwa Hananeli hula bidinyiro biye ifini yo omuruki. ¹¹Abandu banamenya mu Yerusalemu sihunabao onyasibwa hurula hu Nyasaye akulu yabu.Yerusalemu anamenya mumulembe.¹²Buno nibunaba obulwaye obwa Yahwe yecha ohuya abandu bosi aberekeha ohuyana nende Yerusalemu: Emibiri kiabu kicha obola nibemere humakulu kabu. Echimoni chiabu chinabola muchisohe chiabu handi chindimi chiabu chicha obola muminua kiabu. ¹³Inyanga eyo ohwelalihira huhonga hunarula hu Yahwe akari yabu. Buri mulala anadira omuhono okwo wasie, handi omuhono mulala kunakingulwa akulu wo omuhono kwo wasie¹⁴Yuda anahuyana nende Yerusalemu. Banabusia obuyinda bwosi obo bialo bibabodohane_idhahabu, Ifedha nende chingubo chindayi mubungi. ¹⁵Obulwaye obo bwosi bwicha ohuhuya echifarasi nabana bachiyio, echingamia nende echipunda, nende hu buri isolo muchikambi china lwala obulwaye bufwanana.¹⁶Esilondaho bichia hwehola mbu bosi abanadong'a mubialo ebo ebiyecha ohuyana nende Yerusalemu banachia buri omwaka ohulama omuruki, Yahwe owemikanda, nende ohuhola Emimo kie Bibanda. ¹⁷Biicha ohwehola mbu nikali omundu yosiyosi arula mubialo bie sialo sanachia Yerusalemu olama omuruki, Yahwe owemikanda, esinalondaho Yahwe sanabarera eifula. ¹⁸Nikali mbu sialo sia Misiri sisinachia, esinalondaho sisinanyola eifula. Obulwaye hurula hu Yahwe bunahuya ebialo ebirachia ohuhola Omwimo kwe Bibanda¹⁹Sino nesinyasio sia Misiri nende esinyasio sia buri sialo esirachia ohuhola Omwimo okwe Bibanda.²⁰Katakario inyanga eyo amabombolio akechifarasi kanabola, "kabulira Yahwe," handi chibeseni echiri munyumba ya Yahwe chinaba nga ebikaye imberi ya altari. ²¹Huba buri indamu mu Yerusalemu nende Yuda inakabulirwa Yahwe owemikanda handi buri yosiyosi olera esianwa analia hurula omo handi binarokosibwa omo. Inyanga abaholi abeinganga sibanaba munyumba ya Yahwe owemikanda.

¹Omusigo okwe Imbosi ya Yahwe hu Isreali hubirira hu muhono kwa Malaki. ²"Esie ndabahera," abola Yahwe. Ne eng'we mubolanga mbwe "Ewe waruhera orie?" "Esau siyali omusiani wabwe Yakobo?" Abola Yahwe. Nasi ndahera Yakobo, ³Abula Esau ndamuswila. Ndakera echingulu chiaye chiaba echiajwang'wa chianyasiha, handi ndakera Obukerami bwaye ohuba nga abundu wamabwe komusichimi."⁴Ne Edomu nabola , "Efwe barubire asi, arali mbwe hunakaluha handi Hunembaha ebianyasiha." Yahwe owemikanda anabola ari, 'Banyala hwimbaha, ne handi ndakwisia asi. Abandi banabakuliha mbwe "Esialo esiamabi 'handi nabandu aba Nyasaye alinabo nelirima chinyanga chiosi." ⁵Echimoni chiao mwene chicha hulola kano, handi onabola ori, "Yahwe nomukali erwanyi wemipaka kia Israeli."⁶"Omwana aberesiangia samwana siriibwa, handi Omusumba aberesiangia omwami waye. Nibiri mbwe esie ndi Baba, esiriibwa siange siri ena? Ne nikali mbwe ndi Omwami, esiriibwa siange siri?" Yahwe owemikanda abolera eng'we abakuhani, abaaleka elira liange." "Nang'u mubola mbu, hwaleka elira liao hurie?" ⁷Huluo ohwana migati kinyasihe hu Alitari yange. Abula eng'we mubolanga , "Hwahunyasia hurie?" Huluo hubola mbwe Imesa ya Yahwe yanyasibwa.⁸Nimuana ebisolo biofu humisango, esio sinesionono? Nimwana, ebilema nende ebilwaye, ebio sinebibi? Yanaho ebio humuruki wao! anahukanyira kose anakingula bweni bwao akulu?" Abola Yahwe owemikanda. ⁹Haro eng'we muchiririranga ohusaba bweni bwa Nyasaye, mbwe abeho wesisa hwefwe. Ne Yahwe owemikanda abola ari esianwa nga esio mumuhono kwao, munyala okingula bweni bwengu akulu?¹⁰Oo,nikari aruo sa mulala hweng'we onyala ohwikala esiribwa sie Ihekalu, mbwe muranyala ohwahia omuliro hu Altari yange bihaya! Mbula obusangafu mweng'we," abola Yahwe owemikanda, "handi sindafukirira esianwa siosi siosi hurula mumahono keng'we ¹¹Ohubera ohurula ohuduma hwe eliuba ohuusia ohukwa, elira liange linaba lihongo akari webialo nende mubuli chingongo obubani nende imere indafu binaanwa mulira riange. Hubera elira liange linaba lihongo musialo," Abola Yahwe owemikanda," ¹²Abula eng'we mwarekeresia Esiha siamubola mbwe Imesa yo omwami inyasihe, handi mbwe Ebiamo biayio birekeresibwe, Ebiahulia biayio, bilehwe.¹³Handi mubolanga mbwe, sino sijong'ia sirie; handi musichara," abola Yahwe owemikanda. "Murera ebiranduhe ao ebilwala, ne bino murera kori ebianwa bieng'we. Nyala okanya bindu nga bino hurula hu mahono keng'we?" abola Yahwe. ¹⁴Akuong'we omubeyi ori nende esiayo sisacha musiduoli siaye, mani nabola ari anamberesia naye handi aholera esia omwami musango nende esinialire, esie ndi mwami muhongo abola Yahwe owemikanda handi erira riange rinaberesebwa siriibwa akari webialo."

¹Haro eng'we Abakuhani, amalako kano nakeng'we ²Nikali mbwe simunarekeresia, handi nikali mbwe eng'we simunakanya Mumioyo kieng'we ni muberesia elira liange siriibwa, "Abola Yahwe owemikanda, "Ne esie ndabakuong'a. handi ndakuong'a echihabi chieng'u. Kata kario, malire obakuong'a, ohubera simura amalako kange mumioyo kieng'we.³Lola, ndi ambi huseya olwibulo lweng'u, handi ndaanya amasingo hubweni bweng'we, amasingo karula mu biserero bieng'u, handi anabwao nang'u alala nako. ⁴Munamanya mbwe esie ndumire amalako kano hweng'we, handi mbwe Indagano yange inyole ohuchirira ohuba nende Abalawi," Abola Yahwe owemikanda.⁵"Indagano yange naye yali obulamu nende omulembe, handi ndamuberesia; Ndamuba oburii handi yandia, handi yema muburi bwe erira riange. ⁶Amemalo kobwadieri kalli muhanwa mwaye, handi sibulao esibi esianyorehana hu lurimi lwaye. Yakenda nasi mumulembe handi mubukololofu handi nakaluhania abangi hurula mubumayanu. ⁷Ohubera olulimi lwo omukuhani luhoye lubihe amakesi handi abandu bahoyire bakonye amemalo hurula mumunwa kwaye, hubera niye omurumwa wa Yahwe owemikanda.⁸Abula eng'we mwakaluhana lwande ohurula hungira yobwadieri. Engwe muholire abangi ohwe gumula alala nende esiriibwa esiia amalako.Mwanyasia Idagano ya Abalawi,"Abola Yahwe owemikanda . ⁹"Haro, Esie mbaholire murekeresibwe nende ohuihisibwa imberi wa bandu bosi ,ohubera haba simwadira chingira chiange,abula mbwe mwekesia okabula humahuwa akamalako".¹⁰Sihali nende batoa mulala owa efwe hwosi? sini Nyasaye mulala owarulonga ?husina hubula nende hwesikana hubuli mundu oohulondohana nende omusiani wabwe , nimunyasia Idaganno ya baba befwe? ¹¹Yuda balire isubira . Esindu sisnisia simalire bwesikwa hweinia mu Isreali nende mu Yerusalemu.ohubera Yuda ya nyasia abandu abatakatifu ba Nyasayeowa Yahera ,handi yakeka omuhana we emunyasaye ekmikini. ¹²Nyasaye ahoya yahalakania ohurula muliyema lia Yakobo omundu oyo ohola kano, Oyo abakabaka nende oyo okalusia ,kata nkari mbwe areranga ebianwa hu Nyasaye mwene obunyala .¹³Eng'we mwosi muhole kano: Mufuniha Alitari ya Nyasaye nende amsika, nohulira nohwesisiha, hubera haba sakanya ebianwa ebio ohurula humuhono kwao.¹⁴Abula eng'we mubolanga ,"Husina sali?"Ohubera Yahwe yali masaidi akari wawo nende omuhasi wo luraga lwao, huulia ewe obulire obwesikwa, kata kario yari owasio handi omuhasi wao owe indagano. ¹⁵Ne siyabaholaho ohuba mulala, nende esimeka sio omwoyo kwaye? Haro husina yabahola ohuba mulala? ohubera yakonyanga olwibulo hurula hu Nyasaye.Haro mwelinde eng'we mumiyo kieng'we ,handi orahaya ohuba omwesikwa hu muhasi woluraga lwao. ¹⁶"Ohubera esie ndaswila ohulehana ,"Abola Yahwe, ;"Nyasaye wa Isreali,"handi ulia ofuniha ingubo yaye nede maundu ,"Abola Yahwe we mikanda ." Haro mwelinde mumioyo kieng'we handi muraba baria abauma erisubira."¹⁷Mujongisie Yahwe nende chimbosi chieng'we. katakario mubolanga, humujongisie hurie?"Huhubola, "buli mulala ohola echimbi nomulai muchimoni chia Yahwe, Handi abasangalira,"kose Aliena Nyasaye wo obwadieri?"

¹"Lola, ndi ambi oruma omurumwa wange, handi anahwania ingira imberi wange. Ne omwami owamukonyanga, munechuhira niyecha muhekalu yaye. Omurumwa we Indagano owa yasangalira, lola, achia hwicha," Abola Yahwe owe mikanda. ²Abula niwina onyala ohwesimirisia inyanga yohwicha huaye? Ni wina owahanyala ohwema niyecha? Ohubera achia ohuba ngori omuliro okwolafuyia handi nga isabuni yohufuya. ³Achia ohwihala ngori olafuia handi omwosia we ifedha, handi achia ohulafuia abasiani ba Lawi. Achia hubosia ngori idhahabu nende Ifedha, handi bachia hulera ebianwa bio obwadieri hu Yahwe.⁴Ne ebianwa bia Yuda nende Yerusalemu bichia husangasia Yahwe, ngori muchinyanga chia hale, handi ngori mumiaka mihale. ⁵Ne ndasega ambi nang'u mubuhalaki bwesina. Esie ndaba omuloli hu abalakusi, abairani, abo abebwaba hububei, handi hwabo abasandia omuhosi hu musara kwaye, abo abasandia abalehwa nende abafwire, hwabo aberusia abakeni nende hwabo abaramberesia esie esiriibwa," abola Yahwe owe mikanda.⁶Ohubera esie, Yahwe siri okaluhana; hulwako eng'we olwibulo lwa Yakobo haba simwamalwa. ⁷Hurula muchinyanga chia balareng'we mwasega elubeka nimuleha malako kange handi simwakadira. Mukaluhe hwesie, handi siosi ndabakaluhira," abola Yahwe owe mikanda. "Abula eng'we mubola, 'Hunakaluha hurie?"⁸Omundu anyala ong'ula Yahwe? Abula eng'we muung'ula. Ne mubola "Huhung'ula hurie?' Musilala hwe ehumi nende ebianwa. ⁹Eng'we mwakuong'wa nende ikuong'i, ohubera eng'we muung'ula, esialo siosi.¹⁰Mulere silala hwe ehumi yoosi musiaki, hu biahulia bibe munyumba yange, mundemeho bulano mukano," abola Yahwe owemikanda, "Nindara ikula , amadirisa ko mwikulu nende ohubachuhira chihabi hweng'we , kata sibunabao obweyango buyera. ¹¹Esie ndalabira abo abanyasia eimere yengu, baranyasia elikesa riye sialo sieng'u. Musabibu kieng'we mumikunda haba sikinateng'ula ebiamo biako," Abola Yahwe owe mikanda. ¹²Ebialo biosi bichia ohubalanga eng'we abeihabi ,ohubera eng'we muchia ohuba esialo siobusangafu," Abola Nyasaye owe mikanda.¹³"Chimbosi chieng'we chibere chiamani hwesie ", Abola Yahwe ."Katakario eng'we mubola ,' hubolere sina efwe bene hu bene hwewe?' ¹⁴Mubolere, 'ohuholera Nyasaye hubola inganga.Hubukana inganga sina hulwo hudira amalako kaye kata hukenda nende esibera imberi wa Yahwe owe mikanda? . ¹⁵Endio harano hulanga abo abahola chimbi abeihabi.Abahola amabi sibakingulwa sa, abula batema Nyasaye handi baona."¹⁶Esialondaho abaria Yahwe nibabolerana abene hubene.Yahwe yarekeresia handi nabulira ,handi esitabo sio obwichulisi ni siandkwa imberi waye ohulondohana nende balia abaria Yahwe nende ohuberesia esiribwa elira liaye.¹⁷Nabo bachia ohuba abange,"Abola Yahwe owemikanda, " esiange siobukusi bwa akulu, inyanga eyo ndahole. Njicha obalorera esisa, ngolwa omundu aloleranga omusiani waye omuholeranga esisa. ¹⁸Ne handi inyanga eyo munakabuhania akari oobwadieri nende uria omubi, akari wa uria olama Nyasaye nende uria oramulama

¹Huba lola Inyanga yicha ,eyaduha ngori itanuru, ne balia bosi abesiireka nende bosi abaholi be chimbi bachia ohuba nga makoha. Inyanga eyo yicha ohubasamba ," Abola Yahwe owe mikanda ,"Hulwo huba sikwicha ohubalehera emisi kata amasaga. ²Katakario eng'we abaria elira liange, eliuba lia obwadieri lichia ohusingira nende ohuonia muchimbaya chialio. Muchia hulura erwanyi, handi munaduma duma ngori chimosi echirula musikulo. ³Inyanga eyo muchia husenasena asi abechimbi, ohubera bachia ohuba elikohe asi we busenero bwa amakulu keng'we hunyanga ya ndilihola,"Abola Yahwe owe mikanda.⁴Yichurisia amalako ako omusumba wange Musa mbwe ndamulagira nali Horebu hu Israeli yosi, amaloko nende obuhalaki. ⁵Lola ,Esie njicha obarumira eng'we Elija omunabi inyuma we inyanga ihongo nende eyohurisia eya Yahwe. ⁶Achia hukaluhania emioyo kia balara kichie hubana babwe, handi emioyo kia abaana kichie hu balarabu ,mbwe ndarecha ndahuya esialo nende ohusinyasia siosi."

¹Mube batang'u mureyekesia imberi yabandu mbu babalole ngamuri balafu, nimuhola murio simunanyola sianwa hurula hulareng'u orimuikulu. ²Hulwako nimuhonya abarenyala,mura balandasia nichiturumbeta, mura ngabandi babeyi bebeyanga nibahola husiembeho nende hulhingira mba beberesibwe siribwa na bandu. mbaborera obwadieri,abo bamala ontola ebianwa biabwe.³Niwana esianwa, orakanya omuhono kwao mukada kumanye esiomuhono mulungi kuhola. ⁴Yana ebianwa biao mubwekisi. Ne Lareng'u ololanga mubwekisi anababa ebianwa.⁵Esiha siamulama, muraba nga abapinga Nyasaye bahera hwema nibalama mu chisinagogi nende hundulo yechindara hubandu babalole. Adieri mbabolera bamala onyola esianwa. ⁶Ne ewe nolama ingira musigoro ikalao lwiki mani olame Larao ori mubwekisi. Ne larao ololanga mubwekisi anahuba esianwa. ⁷Nimulama muralondamo chimbosi chiuma mahulundu kori nga abakafiri baholanga. Bapara mbu bandu banabaurira hulwobola chimbosi chinyingi.⁸Murafanana nabo hubera Lareng'u amanyire bindu biamwenya atanimurasaba. ⁹Mani mulamenge muri: Baba ori muikulu, rira riao ribebwe siribwa. ¹⁰Obwami bwao bwiche. Biehole musialo kori ngabiehola muikulu.¹¹Ruberesie ebiahuria biefu biarero. ¹²Orurehere amabi kefu kori ngahwosi hureheranga abarukosera. ¹³Oraruyira mumatemo, ne orurusie mu mabi. Hubera obwami namani nende luyari nebiao chindalo chiosi. Amina.¹⁴Norehera abandu amakosa kabwe, Nyasaye womuikulu yosi anahurehera. ¹⁵Norarehera bandu amakosa kabwe, larao yosi sanahurehera amakosa kao.¹⁶Nimuboya huria muralama kori nga bapinga Kristo, bahada bweni bwabu hubandu balole mbu baboyire. Adieri mbabolera bamala onyola esianwa siabu mubwichufu. ¹⁷Nang'u nimuboya, mubahe mafura hu mirwe kieng'u mani mwosie obweni.

¹Ichuli maherebende, Makuhani bahongo alala nende abahulundu babandu bapanga ohwira Yesu. ²Bamuboya nemikoye mani bamuyira imberi wa Pilato omuruki./v 3 Yuda owamukusia niyalola ari bachia hwira Yesu, yekanira bibi biaye mani yafunyisiria makuhani bahongo nende abahulundu, chisilingi mahumi kadaru karia, ⁴naboola ari "Horire bibi okusia machai kabula erikosa. Nabo bamubolera bari "Ebio nisina hwefwe, wehonye omwene." /v 5 Yasuhuna asi chisilingi echio mukanisa, yachia ruanyi mani yemika./v 6 Makuhani bahongo abo babukula chisilingi echio nibabola bari "Sinebilayi ora chisilingi echio musubihiro siomukanisa hubera nobukusi bwamachai." /v 7 Baulisania alala mani nibakula sipapi sia Pota siohusiha bandu baramanyihane. /v 8 Huluako sipapi silangwa mbwe "Sipapi siamachai" hula rero./v 9 Biosia chimbosi chiabolwa nende nabii Yeremia nabola ari "Babukula chisilingi amahumi kadaru, obukusi bwa bamuraho nende abasiani ba Israili, /v 10 mani barunga sipapi sia Pota, kori nga omwami yari ambolere./v 11 Haro Yesu yema imberi yomuruki ne omuruki yamureba ari "Newe omwami wabayaudi?" Yesu yamukalusia ari, "Obola orio." /v 12 Ne niyasitakwa nende makuhani bahongo nende abahulundu, siyakalusia sindu siosiosi. /v 13 Pilato yamubolera ari "Souriranga mbwe nebindu bianga bia bahusitaka nabio?" /v 14 Naye siyakalusia ata imbosi ndala, handi omuruki yauka muno./v 15 Inyanga yomwimo, kwari muluha mbwe omuruki yarehulanga omuboye mulala oyierirwe nomuhung'ano. /v 16 Muchindalo echio bari nende omuboye wamakana owalangwa Baraba./v 17 Huako nibehung'ania alala, Pilato yabareba ari "Mwenya mbarehurire wina? Baraba, kose Yesu olangwa Kristo?" /v 18 Yamanya mbwe bamurerera Yesu hulweimbaliha. /v 19 Ngayari niyehale husisala siohenga musango, muhaye waye yamurumira chimbosi nabola ari "Oraholaho sindu siosiosi humundu ouma makosa. Hubera amaloro kasandisie muno hulwomundu oyo."²⁰Makuhani bahongo nende abahulundu babolera muhung'ano mbwe basabe Baraba ne barehe Yesu yerwe. ²¹Omuruki yabareba ari "Hubandu babiri bano mudaha mbarehurire wina?" Bakalusia bari "Baraba." ²²Pilato yabareba ari "Ne holendie Yesu olangwa Kristo?" Boosi bakalusia bari "Mubambe"/v 23 Narulao abola ari "Husi, aholire sibi sina?" Nabo bakalusia nomwoyo kwa akulu bari "Mubambe" /v 24 Pilato niyalola ari siumao sianyola, handi riye richakire, yabukula machi yesaba imberi yomuhung'ano nabola ari, "Amachai komundu uno kamumaho. Mumanye ngamuhola abene."/v 25 abandu bosi babola bari, "Reha amachai kaye kabe huefwe nabana befwe." /v 26 Yabarehurira Baraba, nababeresia Yesu,bachie bamubambe.²⁷abasikari bomuruki babukula Yesu bamwingisia mudala rihongo riasirikali mani nibabusia omukanda kwoosi kwabasikari. ²⁸Bamufwalula chingubo mani nibamufwala ikanju injahanyu. ²⁹Bahwania isimbihira yamabwa mani nibamura humurwe, nibabukula indabuhi nibamura mumuhono mulungi. Barulao nibasikama imberi waye nibachaka chingera nibabola, "Yogaho, Omwami wabayaudi!"/v 30 Bamufuchaho mare, nibabukula indabuhi nibamuhuya humurwe nibalondamo. /v 31 nibamala omuchara, bamufwalula ikanju nibamufwala chingubo chiaye, nibarulao bachia naye omubamba./v 32 bari barula rwanyi nibabukanana nomundu olangwa mbwe Simoni hurula musialo sia Sirini, nibamuyika ochianabo akinge Omusalaba. /v 33 Bola abundu alangwa Golgotha, ebiekesia mbwe "Abundu a makumba komurwe." /v 34 Bamuberesia Ifini ikikirwemo indusie. Ne niyahombaho, biamuhaya ong'wa./v 35 Nibamala omubamba, bakabana chingubo chiaye niboba ikura. /v 36 Handi behalao nibamurinda. /v 37 Akulu humusalaba bandika chimbosi chia bamusitaka nachio, echibola mbwe "UNO NIE YESU OMWAMI WABAYAUDI."/v 38 Abang'usi babiri babambwa naye, mulala muhono kwaye mulungi noundi muhono kwaye mukada. /v 39 Abandu babirao bamunyeka nibayiengia mirwe kiabwe. /v 40 handi babola, "Ewe owari ochia humukula ikanisa norulao oyimbaha muchindalo chidaru, weonie omwene! Nori mwana wa Nyasaye iha hurula humusalaba!"⁴¹Hulwa kano abemeresi Wa malako nende bekesia bamalako wamucheha nababola mbu,⁴²Yawonia bandi ne husiana hero sanyala hweonia?ne sinie omuruki owabaisraeli?harp yeheho hurula omusalaba,nafu huna hunamukana./v 43 Yegena Nyasaye, reha Nyasaye amuonie nibiri mbu anyal a okanya omubolola. Hubera yabola ari 'Nesie musiani wa Nyasaye.'" /v 44 Mungira ngeyo irio Abang'uusi bayabambwa nabo boosi bamunyeka./v 45 Ohurula musiha siohusasaba esirima siari musialo ohuula musiha sia tisa. /v 46 Ambi nesiha siatisa, Yesu yarira nomwoyo kwakulu nabola ari "Eli, Eli, lama sabakthani?" Ebiekesia biri "Nyasaye wange, nyasaye wange, husina niundeha?" /v 47 Abandi hu abari bemire ambiao nibaurira bario babola bari "Alanga Eliya."/v 48 Esihasienesio mulala hunibo yeruha yabukula esiponji, niyeniha mufini, narulao yakiha hulusala namura muhanua ang'we. /v 49 Abadong'ire babola bari, "Mumurehe. Hahulole Eliya nanecha omuonia." /v 50 Yesu yarira handi nomwoyo kwakukulu narulao ahalaka mwoyo./v 51 Lola, Ipasia yomukanisa yaranduha habiri hurula akulu paka asi handi sialo siarengereha mani olwanda lwakabuhanamo. /v 52 Ching'ani chiekuha, emibiri kiabandu balafu abakona basingira. /v 53 Barula muching'ani inyuma yohulamuha hwaye, bengira mutauni itakatifu, handi balolohera bandu bangi./v 54 Abasikari nende baria abari nibaringala Yesu, nibalola sialo nisirengereha alala nende bindu biari biehorire, bari noburi muno nibabola bari "Adieri uno yari mwana wa Nyasaye." /v 55 Abahasi bangi abari bolondire Yesu hurula Galilaya nibamurumihira baariao nibamokera are. /v 56 Akariabu barimo Maria Magdalina, Maria ng'ina Yakobo nende Yosefu, nende ng'ina abasiani ba Sebedayo./v 57 Nibiola sichiambo, omundu muyinda hurula Arimasia, owalangwa Josefu mulala hubeki ba Yesu. /v 58 Yachia hu Pilato, yamusaba amuberesie omubiri kwa Yesu. Pilato yarusia rilako mbwe aberesebwe./v 59 Joseph yabukula mubiri, yakuboya mungubo indafu, /v 60 Narulao ara mung'ani yayari ayabire mulwanda. Yasegia rikina rihongo humuliango kweing'ani Mani nabwao. /v 61 Maria magdalina nende maria undi uria bari nibehale ambi neing'ani./v 62 Muchuli waluo, eyari inyanga yohwehwania, Makuhani bahongo nende abafarisayo bebusia alala nende Pilato. /v 63 Babola bari " Omuhulundu, hwichurisia mbwe omubeyi uria niyari asiri mulamu yabola ari, Inyuma yechindalo chidaru ndalamuhe handi.' /v 64 Huako rusia rilako mbu ing'ani irindwe paka indalo yohudaru, bihayasa Abeki baye banyala hwicha nibamwiba nibarulao babolera bandu mbwe alamuhe hurula mubafu,' handi obubeyi bweinyuma bunaba bubi muno ohira bweimberi."/v 65 Pilato yababolera ari Bukula omusikari. Chia orinde ing'ani eyo kori oba nomanyire. /v66 Bachia mani nibalinda ing'ani, nibekala muliango, nibarehao omusikari.

¹Huno niohuchaka hwe injili ya Yeso Krisito, omwana wa Nyasaye. ²Ngolwa kandikwa nende munabii Isaya, "Lola, nduma omurume wange imberi wao, onahwania ingira yao. ³Omwoyo kwomundu mulala Olanga musichimi, 'Muhwanie indara yomwami; kolola chingira chiaye."⁴Yohana yecha, nabatisia musichimi nayala hubatisia hwohwekanira nende obuleheri bwamabi . ⁵Sialo siosi esia Yudea nende bandu ba Yerusalemu bamuchiaho. Babatisibwa naye mumwalo kwa Yorodani nibekanira mabi kabwe . ⁶Yohana yafwala ingubo yobwoya bweingamia nende omusipi kwerisero musibuno, handi yarichanga chisike nende obuhii.⁷Yayala nabola mbu, owicha inyuma wange nomuhongo huuhira; sihoyera kata hwinama oboya chisia chie bilaro biaye. ⁸Esie mbabatisia nende machi, naye anababatisia nende omwoyo mutakatifu.⁹Kehola muchinyanga chia Yeso yarula Nasareti eya Galilaya nabatisibwa nende Yohana mumwalo kwa Yorodani. ¹⁰Yeso ngolwa ya rula mumachi yalola likulu niliikuha ne omwoyo mulafu kufanana nerigugu nikwihirira. ¹¹Omwoyo kwarula mwikulu nikubola mbu, "Ori mwana wange muherwa. Sangalire muno nawe."¹²Omwoyo mutakatifu kwamwemerera hula musichimi. ¹³Yaba musichimi chinyanga mahumi kane, natemwa nende sihieno. Yari nende bisolo biomusino, handi malaika kamurumihira.¹⁴Yohana namala odirwa, Yeso yecha Galilaya nayala injili ya Nyasaye. ¹⁵Nabola mbu, "Ebiha biorire ne obwami bwa Nyasaye buli ambi, mwekanire mabi, handi musubire mu injili.¹⁶Niyari nakenda andulo womwalo kwa Galilaya yalola Simoni nende Andrea musiani wabwe nibareka chinjero munyanja hubera bari banabi. ¹⁷Yeso yababolera mbu, icha munonde ndabahola abanabi ba bandu. ¹⁸biha ebio balekha chinjero bamulonda.¹⁹Yeso nakendaho bididi yalola Yakobo nende Yohana bana ba Sebedayo muliaro nibahwania chinjero. ²⁰Yabalanga mani nibaleha larabwe Sebedayo nende bandu bayari nabukule humuhonya, nibamulonda.²¹Bengira Kaperanaumu, ne inyanga ya Sabato Yeso yengira mu sinagogi hwekia. ²²Bauka muno mekesio kaye, huba yekesia nende ichwoni huhira abandiki.²³Yariwo musacha musinagogi owali nende bihieno, yoba chimbungu, ²⁴Nabola mbu "Nisina siahulara nawe, Yeso wa Nasareti? wichire hurumala? Humanyire. Newe omutakatifu wa Nyasaye" ²⁵Yeso yabialabira nabibolera mbu muulere mani mumurulemo!" ²⁶Ebihieno biria biamukwisia asi mani nibimurulamo nibirira nende omwoyo kwakulu.²⁷Bandu bosi bauka muno nibarebana mbu sino ni sina? Amekesio mayiaha kamani? Alagira kata bihieno ne biosi bimuulira!" ²⁸Chimbosi chiaye chialanda mulukongo lwa Galilaya lwosi.²⁹Nibaharula musinagogi, becha munyumba ya simoni nende Andereya alala nende Yakobo nende Yohana. ³⁰Babolera Yeso mbu mafialang'ene simoni momulwaye neihoma, ³¹Yeso yecha namudira muhono namukingula, nebiha ebio yaona mani nachaka obarumihira.³²Ingolobe eyo liuba niliahakwa bamulerera abalwaye abari nebihieno. ³³Mukanda kuoosi kwahung'ana amuliango. ³⁴Yeso yaonia amalwaye kosi narusia kata bikhieno ne siyakanyira bihieno olomaloma huba biamumanya.³⁵Yeso yasimuha maherebende sialo nisisiri sirima; nachia mubwekisi nachia abundu adiyu mani nalama. ³⁶Simoni nende balia abayali nabo bamukonya. ³⁷Nibamunyola bamubolera mbu "Bandu boosi bahukonya."³⁸Yeso yabola mbu huchie muchingongo chindi yoshi njaleyo. Nisio sikera ninjicha ano." ³⁹"Yakenda Galilaya yosi nayala muchisinagogi chiabwe handi narusia bihieno.⁴⁰Omundu wamakere yamwichakho. Yari namusaba; niyoba maskamo namubolera, "Nokanya, onyala humbonia" ⁴¹Niyechule nesisa, Yeso yarusia muhono kwaye namudira, nabola mbu, "Nganyire. Ba mulafu." ⁴²Bihasa ebio amakere kamubwaho, handi yaba mulafu.⁴³Yeso yamuchooma namubolera abweo. ⁴⁴Yeso yamubolera mbu oraboleraho mundu yosiosi dawe abula mbu chia weyekesie hu makuhani mani orusie sianwa ngolwa musa yalagira bube ngobulori hu nibo."⁴⁵Naye Yachia nachaka osalania imbosi eyo mubungi, kata Yeso siyanyala hwingira mutauni yosiosi muburehule. Haro yandong'asa mungongo ne bandu bamwichira hurula buri abundu.

¹Handi inyuma we chinyanga chinjeranu, Yeso yakaluha kapernaumu ne biamanyihana mbu ali munyumba. ²Abandu bangi bebusia ohula humuliangiro paka bweyango bwosi bwabulao, naye yabayalira imbosi ya Nasaye.³Abasacha bandi balera omulwaye weindulume hu Yeso; abandu bane bari nibamukingire. ⁴Nibahirwa osuda ambi nende Yeso hulwobungi bwa bandu, bamala bafunula esirama sie inyumba nibehia omulwaye hu sitanda sia yali nakonirekho.⁵Naye Yeso ngolwayalola obusibiri bwabwe, yabolera omulwaye weindulume ari mwana wange oleherwe chimbi chiao. ⁶Omukanda kwa baandiki baliwo, bereba mumioyo kiabwe, ⁷"Husina omundu uno alomaloma ario? Chimbosi chisinisia! ni wina onyala olehera bandu mabi arali Nasaye yeng'ene?"⁸Bihebio Yeso yamanyirisia lwangu mumwoyo mulafu akabali nibarebananga mumioyo kiabwe. Yabareba ari sina sikera nimwereba chimbosi chino mumioyo kieng'we? ⁹Sina siangu? ohubolera omulwaye wa indulume mbu oleherwe chimbi chiao? kose singira, obukule omugojoro kwao mani obweo?¹⁰Ne humumanye nyale khumanya mbwe omwana womundu ali nende obunyala bwo hike her a mabi musialo, ¹¹yaabolera omulwaye weindulume, "Hubolera mbu singira, obukule ribambo liao ochie munyumba mwao. ¹²Naye nasingira lwangu nabukula ribambo riaye nabira imberi wabwe, nabo nibaka muno, nibafumia Nyasaye nibabola bari, " Huralolaho sindu ndasino."¹³Handi Yeso yarulao hubirira hundulo yeinyanja, nakwo omukanda kwa bandu kwecha owa Yeso yali, naye nabekesia. ¹⁴Ngayali nabira yalola Lawi mwana wa Alfayo niyehale muliyema lia basolosi bobusuri, namubolera ari "Nonde" lawi yasingira mani yamulonda.¹⁵Yeso yali nakakula munyumba ya Lawi nende abasolosi bobusuri, nabononi alala nende abeki baye, handi baruo bandi bangi abamulondire. ¹⁶Ne abandiki abari bafarisayo, nibalola mbu Yeso alia nende abononi nende abasolosi, bobusuri, bareba abeki baye mbu, "Husina Yeso alia nende basolosi bobusuri nende abononi?"¹⁷Yeso niyaulira kano yababolera, "Bandu balamu sibahenya mulesi; nibalia sa abalwaye niabenya omulesi. Sindecha hulwa batakatifu abula hulwa bandu bahola mabi.¹⁸Biha bienebio abeki ba Yohana nende ba Bafarisayo bali ni baboya. Abandu becha hu Yeso nibamureba bali, "Husina abeki ba Yohana nende ababafarisayo baboya ,ne abeki bao nabo sibaboya dawe?" ¹⁹Yeso yababolera ari, "binyalihana abari mumuhung'ano kwesiserero huboya owesiserero mwene nalinabo? sibahasiba wesiserero mwene nalio.²⁰Chinyanga chiicha echia owesiserero yaharusibweo, nie chinyanga chia bahaboye. ²¹Abulao osonanga esiraka siyiaha khungubo ingofu. Siraka siyiaha siba sinaradukha khurula khu ngubo ingofu,handi sinaloloha bibi ohiraho.²²Aumao ochuhanga ifini injiaha musibuka sikofu. Ifini inyala hwabula sibuka mani ifini yediha asi handi sibuka siabiya. Chuha ifini injiaha musibuka siyiaha."²³Inyanga yeisabato Yeso yabira mundalo ya misabibu ne abeki bae bachaka hukema ngolwa bachiririra. ²⁴Abafarisayo baborera Yeso mbu "linga, husina bahola akarahoyera inyanga yasabato?"²⁵Yeso yababolera mbwe, "Musiri husomaho aka Daudi yahola nari neinjala nende basie bayari nabo - ²⁶Ngayachia munyumba ya Nyasaye chinyanga chia Abiata yali kuhani muhongo, yalia migati kia omundu orali mukuhani sahoyera hulia dawe, handi naberesia abayali babo?"²⁷Yeso yabola ari, "isabato yarebwao hulwa olwibulo, oburali lwibulo hulwa isabato. ²⁸Huako, mwana womundu nomwami weisabato."

¹Yeso yengira musingongi ne mubwene omwo yalimo omulema owo mohono. ²Abandu bandi bamulingala balole niyaphamuonia inyanga ya sabato, banyale humusitaka.³Nabolerea omulema oyo mbu, "Singira weme akari wabuli mundu." ⁴Yarulao nareba bandu ari, "Bikanyirwa mumalako ohola malayi inyanga ya sabato, kose ohola mabi, huonia bulamu kose ohwira?" Nabo nibabulera chii.⁵Yabaringala neririma, handi naba nesibera hulwemioyo kiabu miumu, handi nabolera omulema womuhono oyo mbwe, "Nyiira omuhono kwao."Yanyiira muhono mani nikukololoha nikuba abwene. ⁶Abafarisayo bachia rwanyi mani nibachaka alala nende abaherodia opanga kori ngabanyala omwira.⁷Yeso nende abeka baye nibachaia munyanja, omukanda muhongo kwabandu kwabalonda hurula Galilaya nende hurula Judea. ⁸Nende hurula Yerusalemu, Idumea, nende kata imberi wa Yorodani, Tiro nende sidoni. Nibaulira ebiehola, omukanda omuhongo kwamwichira.⁹Naye nababolera abeka baye ari barekehe obwaro budidi bumulinde ohubera obungi bwabandu, bunyala omufwinya. ¹⁰Khubera yali naonisie abandu bangi, buri mundu owari namadinyu yadaha mbu amudireho.¹¹Ebihiebo nibiamulola, biakwa asi imberi waye nibirira mbu, "Newe mwana wa Nyasaye." ¹²Yabakania barakera yamanyihana.¹³Yacha hulugulu nalanga balia abayenya, mani ni becha. ¹⁴Yalobola rihumi nende babiri (bayakuliha ari abarume), Babe naye handi abarume ohuyala oburume. ¹⁵nende ohuba namani kohurusia bihieno. ¹⁶Yalobola erihumi nende babiri; Simoni, owayakuliha erira mbu Petero;¹⁷Yakobo, omwana wa Sebedayo, nende Yohana mwanang'ina Yakobo, owayakuliha ari Boanegesi, ebiekesia 'omwana werikulu; ¹⁸nende Anderea, Pilipo, Batholomayo, Matayo, Tomasi nende Yakobo omusiani wa Alifayo,Tadayo,Simoni omukereno. ¹⁹nende Yuda musikarioti owamuhobe.²⁰Yachia munyumba ne handi omuhung'ano kwebusia paka bahirwa hulia biahulia. ²¹Abeho baye nibabulira, bachia humudira, nibabola mbwe, "Abiyire murwe." ²²Nabo abandiki barula Yerusalemu babola mbwe, "Ali nesihieno sia Beelsebuli," handi arusiangia bikhieno humani komuhongo webihieno."²³yabalanga owayali, nababolera muchingado, sihieno siaherusia esihieno siasie? ²⁴Ne oburuki bwesialo siosi soisi nibukabuhanamo sibunyala bwema. ²⁵Kata inyumba nikabukhanamo habits siinyala hwema.²⁶Ne kata kario sihieno nisikabukhanamo sisiahema arali sikwa, nisiula hu siakamo. ²⁷!Aumao mundu onyala hwingira munyumba yomundu wa maani yebe ebindu biaye naramuboyire mberi hwabukule ebindu biaye ebiri munyumba.²⁸Adieri mbabolera chimbi chiosi chiabana ba bandu chialeherwe, nende manyeko koosi akabanyeka, ²⁹Ne yosi yosi onyeka omwoyo mulafu siyahaleherwe, arali mbwe aba aholire buonono obuuma sikamo". ³⁰, Yeso yabola kano hubera babolanga mbwe "ali nende sihieno."³¹Mani ngina nende abasiani babu becha nibema rwanyi, nibamulanga. ³²Ne omukanda kwali kwihale nikumubodohane nibamubolera bari, "Lola, mao nende abana basiani beng'we bali rwanyi bahukonyanga.³³Naye nabakalusia nabola niwina mama, nende abana befwe? ³⁴Mani yalingala abali nibekhale naye nabola, "lola, bano nibo mama nende abasiani befwe! ³⁵Buli mulala ohola ohwenya hwa Nyasaye omwene oyo niye omusiani, nende omuhana wefwe, nende mama."

¹Handi nachaka okhwekesia nali hundulo weinyanja, ne omukanda omuhongo kwebusia nikumubodohane. Yengira muliaro niyehalamo. Omukanda kwosi kwali hundulo weinyanja. ². Mani nabekesia ebindu bingi muchingado, nababolera mumekesio kaye, sino nisia yababolera.³. Muulire, omurimi yarula yachia ohwanya imuo. ⁴. Ngayanya, imwo yindi yakwa hungira, amayoni nako nikecha nikaboocha imuo eyo, ⁵Ne eyindi nikwa hulwanda, auma riloba liingi. Imwo eyo yamera lwangu lwangu hulwohuba riloba riaumao ringi.⁶Ne ngolwa liuba riaduma mani mubasu nikuisamba, ne ohubera yabula emisi, yooma. ⁷Ne eyindi yakwa mumabwa. Amabwa kahula nikaifunira, nikahaya ohwama.⁸. Ne eyindi nayo yakwa muriloba rilayi, mani niyama, nihula niyemeda, eyindi nirera biamo mahabi amahumi kadaru, neyindi amahumi kasasaba, neyindi imia. ⁹. Mani nabola mbu, "Buri mundu ori namarwi kaurira, Aurire.¹⁰Ne Yeso ngolwa yali yong'one, abali ambi naye nende balia lihumi nende babiri bamureba hulondohana nechingado echo. ¹¹Naye yababolera "Eng'we mwaberesibwa ohumanya ebiekisa mubwami bwa Nyasaye. Ne hubalia abali rwanyi ebindu bino bioosi bibolwa muchingado, ¹²Mbwe nibaringala baringale, ne kata kario baralola, ne handi nibaurira baulire, arali ao bahakaluhire Nyasaye ne yahabareheere".¹³Mani nabareba mbwe, "Eng'we haba simumanyire olukado luno?, Ne munamanya murie echingado Chindi chiria chiosi? ¹⁴Omurimi owanya imuo niye uria owanya imbosi. ¹⁵Ne ino nieimuo eyakwa hungira, aimbosi yanywa ne nibaurira, esihieno sicha lwangu lwangu nisibukula imbosi eyanywa munibo.¹⁶Ne bano nibo abafwanana nende imuo eyarakwa hulwanda, nibaulira imbosi, lwangu lwangu baibukula nobusangafu. ¹⁷Hulwohuba bauma misi mukari mwabu, besimirisia husiha simbikiri. Ne amatemo nende eminyahano kiicha hulweimbosi, ne lwangu lwangu begumula.¹⁸Ne bano niebarakwa mumabwa. bauliranga imbosi, ¹⁹ne eminyahano akesialo sino, nende obubeyi bwemiandu nende obwekombi obwe bindu bindi bwingira nibumika imbosi handi siibula ebiamo. ²⁰Ne bano nibo imwo eyarakwa muliloba erilayi, nibo abauliranga imbosi handi baifukirira, mani baama ebiamo - amahumi kadaru abandi kasasaba, nabandi mara imia hubiria ebiarakwa."²¹. Yeso yababolera "Mureranga itara munyumba huira asi wesimwero, kose mulwalo wesitanda? Muireranga nimwakiha humusiiro kweitara. ²²khubera siumao esiekisa, esirahamanyihe, kata sibulahoo esiekisa esiraharule mubwahahu. ²³. Omundu ori namarwi kaulira aulire!"²⁴. Yababolera, "mwekenderesie ebiamuulira, hubera esikero esia okerera, wosi wakererwe, handi wamederwe, ²⁵. Ohubera omundu yosi yosi oli nabio, yaamedwe, naye obula nabio, yahang'ulwe kata biali nabio."²⁶. Handi yabola, "Obwami bwa Nyasaye bufwanana nende mundu owanya imuo muuloba. ²⁷. Yeyalisia siro, nasumuha sidere, imuo nayo imera handi ihula, naye akorirwe ngabiehola. ²⁸Eriloba riene rihusia ebiamo: bichaka namasafu, amahanja kalondaho nirulao iba imere humadere. ²⁹. Ne ebiamo nibiangala nadira ingeso hubera rikesa riulire".³⁰. Handi nabola, "Huna kerakerania obwami bwa Nyasaye nende sina? kose hunyal ohosesia lukado sina hwekesia? ³¹Bakeranisibwa nende imwo eyelidodo eya noraka muliloba neindindi muno okhira chimwo chosi echili khusialo: ³². arali noyiraka imwo ikhula mani ikhire ebisusulwe biosi mani ibe nende amasaga makhongo: mbwe a may on akomumiyaka kanyale ohwihala musimiha siakwo.³³. Nende chingado chinyingi echifwana chirio yabalomalomera imbosi ngolwa banyala oulira. ³⁴. Ne handi arali chingado siyabalomalomera dawe, ne ngolwa bali bong'one, yabafunulira abeka baye ebindu biosi³⁵. Inyanga eyo ngolwa bwera, yababolera hwambuhe ingereha. eria. ³⁶. Nibasebula omukanda bachia nende Yeso,ngolwa yari mubwaro. Karuo maro kandi akachia naye. ³⁷. Just then omuyaka omuhongo kwasingira namafwinda kahuyanga bwaro mani bwaro ambi hwichula amachi.³⁸. Ne Yeso omwene yali muwanga niyeyalisie humuto. Bamusumusia nibabola "Omwekesia, sodebaho mbwe huriambi hufwa? ³⁹Yasingira, yakania omuyaka mani nabolera inyanja ari "Omurembe! Uleera!" Omuyaka kwakama mani sialo siayenjera.⁴⁰. Mani nabareba "Husina nimuba abari? musiuma lisubira? ⁴¹. Bari noburi bungi muno nibabolerana bene hu bene " Uno no wina, hubera at a omuyaka nende inyanja bimuulira?

¹. Beecha lwande lundi lweinyanja musialo esia Bagerasi. ². Ne ngolwa yarula mubwaro mulwangu omundu yamwichaho orula mubirindwa owari nomwoyo mumali.³. Omundu oyo yari yamenya mubirindwa. Yabulao mundu owanyala omugeng'a kata umuboya neminyororo. ⁴. Yali yaboywa mahabi mangi nende makombo neminyororo. Yahalaka minyororo handi makombo kahaliha. yaumao omundu ata mulala owari namani kanyala omuhira.⁵. Siro nesidere mubirindwa nende muchingulu yobanga chimbungu niyehenga namakina moki. ⁶. Niyalola Yeso hurula areh, yamwiruhira mani niyenama asi imberi waye.⁷. Yalira nende omwoyo muhongo nabola, "hulaara nawe sina, omwana wa Nyasaye muhongo ori akulu? husaba imberi hurira ria Nyasaye orasandia". ⁸. Okhubera yamuboleranganga "murulemo, ewe mwoyo mumali.⁹Yamureba, "Rira riao ni wina?" yamkalusia " Rira liange ni Legion ohuba huli bangi. ¹⁰Yamusaba nalondamo arabainia musialo siria.¹¹Eliicho rie chingurube riari riaya hulugulu, ¹²Nibimusaba nibibola, "Rurume muchingurube; huchiingiremo." ¹³Mani Yeso nabikanyira; ebihieno ebio bieruha namani nibingira muchingurube, nichiihirira asi wolugulu nichingira munyanja, ambi chingurube elfu chibiri chiasihira munyanja.¹⁴. Abayi bechimbichi berukha nibachia mutauni nende muchingongo nibabolera bandu esiaholeha, mani bandu nibachia olola ebiehola. ¹⁵Barulao beecha hu Yeso mani balola mundu wali nebihieno uria, owali adirirwe neiLegioni, niyehalao niyefwalire chingubo nali nobwongo bulamu; handi baria.¹⁶Balia abalola esiehola humundu wali nebihieno babakanira muburambi, handi nibabakanira ebiechingurube. ¹⁷Nibachaka omusaba mbu arule musialo siabu .¹⁸Niyari yengira muliaro, uria owali nende ebihieno namusaba mbwe achie naye. ¹⁹Naye Yeso siyamukanyira, abula yamubolera "Bwao ochie munyumba yao nende bandu bao mani obekesie ebia Nyasaye ahuholere, nende ngolwa ahwekesie sisa." ²⁰Mani nabwao nachaka olandasia bindu bihongo ebia Yeso yamuholera nari Dekapoli, handi buri mundu yauka.²¹Naye Yeso niyamala oswiha ingereha eria, muliaro, omukanda muhongo kwamubodohana, nali hundulo weinyanja. ²²Mani mulala hu bemeresi beisinagogi olangwa Yairo, yecha, ne niyamulola, yakwa mumakulu kaye. ²³Namusaba nalondamo nabola "Omuhana wange ahirirwe ariambi hufwa. Husaba, icha omureho omuhono kwao, anyala yaona yaba omulamu", ²⁴Yachia naye, handi omukanda muhongo kwamulonda nibasega ambi naye.²⁵Haro, omuhasi undi owali nadachirira mabanga emiaka lihumi na kibiri. ²⁶Yali yasanda muno mumahono kabalesi bangi handi yehonyera biosi ebiayali nabio, kata kario abundu wohuona yachirira huba bibi. ²⁷Ne niyaulira chimbosi chia Yeso, yecha inyuma yaye akari womukanda mani nadirakho ingubo yaye.²⁸. Hubera yabola mumwoyo mbwe "Nindirahosa khuchingubo chiaye, ndaona." ²⁹. Niyamudiraho, ohudachirira hwakama, handi yeurira mumubiri kwaye mbwe aonire hurula hu manyahano kaye.³⁰Naye Yeso ebihebio yeulira mbwe amani kamuruliremo. Yakaluhanira omukanda nareba ari "Niwina odirire chingubo chiange? ³¹Abeki baye nibamubolera, "Ewe olola mukanda nga kuhubodohane ne handi orebanga mbwe Wina undirire? ³²Yeso nalingala echimbeka chiosi alole omudirireho.³³Omuhasi uria namala omanya esimweholireho, oburi bwamwamba handi narengereha. Yecha yakwa imberi waye namubolera obwadieri bwosi. ³⁴Yeso yamubolera, "Omuhana wange, obusubiri bwao buhuonisie, bwao nomulembe oone obulwaye bwao.³⁵Nasilomaloma,abandu bandi becha ohurula hu mwemeresi weisinagogi nibabola, "Omuhana wao afwire. Husina ochirira onyasia omwekesia?"³⁶Yeso niyaurira bia baabola, yabolera omwemeresi wesinagogi, "Oraria, ewe subirasa." ³⁷Yeso siyakanyira yosi yosi huchia naye omalaho Petero, Yakobo nende Yohana mwanang'na Yakobo. ³⁸Bola munyumba yomwemeresi weisinagogi, nanyola bandu niboba siyoka singi; bali balira handi niboba chimbungu.³⁹Niyengira munyumba yababolera, "Husina nimuhola sioka handi husina nimurira? Omwana haba safwire, akona." ⁴⁰Bamucheha. Nabarusia bosi rwanyi nabukula samwana mwana nende ngina alala nende balia abali naye, mani nibachia omwana yali nakonere.⁴¹Nabubukula muhono kwomwana, namubolera, "Talita koum!" elikalulwa mbu, "Omuhana! khubolera, singira." ⁴²Siha sieneso omwana yasingira yakenda (hubera yari nemiaka lihumi nende kibiri). Besinduha handi bauka muno. ⁴³Nababolera ari omundu aramanyaho kano. Yarulao nababolera ari baberesie omwana sindu siohulia.

¹Yarula awo yecha mutauni yabwe handi abeki baye nibamulondayo. ²Inyanga yeisabato niyola, Yekia musinagogi. Abandu bangi bamuurira handi bauka muno. Babola, " Yanyolae amekesio kano? "Kano ni makesi sina akayaberesebwa? " Chino nechihono sina chiaholanga namahono kaye?" ³Uno siniomufundi wechimbao, omusiani wa Maria handi mwanang'ina Yakobo nende Yosesi nende Yuda nende Simoni? Bambochong'ene sibariano nafu?" Basinyisibwa nende Yeso.⁴Yeso yababolera, "Omunabii sakosanga esiriibwa abula musialo siaye handi mu beho baye nende mubomunyumba yaye." ⁵Mani siyaholayo bihole bihongo, omalaho ora mahono hubandu bayeranu abalwaye nabaonia. ⁶Yauka muno ohurasubira hwabwe. Yarulao yakenda nabodohana muchingongo niyekia.⁷Yalanga baria lihumi nende babiri nabaruma babiri babiri nababeresia obunyala akulu webihieno; ⁸Nabalagira oburakinga esindu siosi siosi mulukendo lwabwe, arali indabuhi yong'ene, omugati haba kata amapesa muchisao chiabwe. ⁹. Arali bafwale ebilaro biabwe, handi barafwala echikanjo chibiri.¹⁰Yababolera "Buri nimwingira munyumba, mumenyemo huula nga mwaharule abundu awo. ¹¹Ne itauni yosiosi eirabengisia ata eirabarekeresia, nimubwao muteng'e olufu hurula hu makulu kengwe ngobuloli hunibo."¹²Barulao nibayala mbwe bandu bekanire echimbi chiabwe. ¹³Barusia ebihieno bingi, handi nibabaha amafura abalwaye bangi nibabaonia.¹⁴Omwami Herode yaurira kano, hubera rira ria Yeso riecha riamanyihana muno. Bandi bari babola, "Yohana omubatisia niesikera akamakana kano mangi kaholeha muniye. ¹⁵Abandi nibabola mbu " Ni Eliya." Nabandi nibabola mbwe "Nomunabii, nga mulala hubanabii bahale.¹⁶Ne Herode niyaulira kenako yabola mbwe "Yohana, owa ndahenga murwe, yabukhire." ¹⁷Ohubera Herode mwene yali narumire bamudire Yohana, mani bamuboye mujela okhubera Herodiasi (omuhaye wa Filipo omusiani wabwe) owa yali adehisie.¹⁸Yohana yari abolere Herodi ari, "sinerilako mbu ewe okeke muhasi womusiani weng'u." ¹⁹Herdiasi lirima Iyamwamba Mani yekomba omwira ne sibianyalihana. ²⁰Herode yari yaria Yohana, yamanya ari nomundu wadieri handi mutakatifu, Mani yamuberesia bulindi, Narekeresia biabola yauka Juno neyamuulira nobusangafu.²¹Ne ihabi yola Herode nahola omwimo kweinyanga yohwibulwa hwaye nahwanisiria abahongo baye nende abemeresi nende abahulundu ba Galilaya. ²²Ne omuhana wa Herodia yecha yabahinira, mani nasangasia Herode nabakeni baye. Omwami Herode yabolera omuhana "Sabe siosi siawenya nasi ndahuberesia.²³Yamwebwabira nabola, "Siosi siosi esia onaasaba ndahuberesia, kata obunusu bwobwami bwange." ²⁴Yarula yachia yareba ng'ina, "Sabe sina? Ng'ina namubolera mbu "Omurwe kwa Yohana omubatisia." ²⁵Yalala yachia humwami yasaba ari, "Ndaha umberesie, isaino, omurwe kwa Yohana omubatisia huluderu.²⁶Ata sino nisiakera omwami yaba nesibeera singi, biumao nga yahahaya hubera yebwaba imberi ya bakeni baye. ²⁷Omwami yaruma omusikari namulagira achie arere omurwe kwa Yohana. Omusikari yachia yamuhenga murwe mujela. ²⁸Yarera omurwe huluderu naberesia omuhana ne omuhana naye naberesia ng'ina. ²⁹Abeki baye nibabulira, becha babukula omulambo kwaye nibakusiha mung'ani.³⁰Abarume bakaluha hu Yeso handi bamukanira biosi biabahola handi bekia. ³¹Naye nababolera, "Mwiche eng'we abene mwong'one abandu bauma muuluhe bididi," Hubera bangi bechanga nibababwao, bauma kata biha biohulia. ³²Babwao muriaro bachia abundu bandu wa bali bong'one.³³Abandu babalola nibabwao handi abangi babamanya, niberuha nibachia humakulu ohurula muchitauni chiosi handi bolayo imberi wabu. ³⁴Niboola husikobero yalola omukanda muhongo handi yabalolera sisa hubera bali kori amakondi kabula omwayi. Mani nachaka obekia ebindu bingi.³⁵Ne inyanga niyola sichiambo, abeki baye nibamwichira nibamubolera, abundu ano naomu, ne handi ebiha bichire muno. ³⁶Balehule babweo bachie muchingongo bekulire abiahulia."³⁷Yabakalusia nababolera, "Mubaberesie esiohulia." Nabo nibamubolera, "Hunyala huchia hwakula emigati Elie hiding to chimia chibiri hubaberesie balie?" ³⁸. Nabareba, muli nende migati kianga? Muchie muringale." Nibalingala nibabola, "Emigati kiranu nende eching'eni chibiri."³⁹Yabalagira abandu bosi behale asi mumikanda, hubunyasi bubisi. ⁴⁰Nibehala asi mumikanda muchimia nende mumahumi karano. ⁴¹Yabukula emigati kirano kiria nende eching'eni chibiri naringera mwikuli nahuba orio, namekula emigati naberesia abeki baberesie bandu. Handi boosi nabakabira chingeni chibili chiria.⁴²Boosi baria paka bekura. ⁴³Babusia ebimeka biemigati, bimwero lihumi nende bibiri ebiichufu alala nebimeka bieching'eni. ⁴⁴Ne abalia migati bali abasacha chilifu chiranu.⁴⁵Esiha esio yalagira abeki baye bengire lwangu muliaro bamurangire lwande lwa Bethsaida, nasisebula omukanda. ⁴⁶Nibamala obwao, yachia mulugulu ohulama. ⁴⁷Biola sichiambo ne eliaro liali akari we inyanja naye yari adong'ire yong'one humukulu.⁴⁸Yabalola nibanyahana muhufuka liaro ohubera omuyaka kwali nikubasindiha: Ne musiro ambi musiha siohune yecha abari, nakenda akulu weinyanja, ambi hubabiraho. ⁴⁹Ne ngolwa bamulola nakenda humachi, bapara mbwe ne sihieno handi boba chimbungu, ⁵⁰Hubera bamulola besinduha. Sihesio yalomaloma nabo nabola, "Mube bajing'u! nesie! muraria!"⁵¹Yengira mubwaro nabo, ne omuyaka kwakama. baukamuno ohira sikero. ⁵²Ohubera sibamanya mbwe emigati kiria kiekesia sina. omalaho mbwe emioyo kiabwe kiari miumu.⁵³. Nibamala ounguha ingereha, boola musialo sia Genesareti nibemia liaro. ⁵⁴. Ngolwa barula muliaro, abandu bamumanya. ⁵⁵. Beruha nibarula musialomo siosi handi nibachaka okinga abalwaye humayambo ohula a Yeso aba nari.⁵⁶Buri niyengiranga mulukongo ata mutauni ata musialo barechanga abalwaye mubiiro. Bamusabanga abakanyire badire ingubo yaye, ne bosi abamudira baona.

¹Abafarisayo, nende abandi hubandiki, abarula Yerusalemu bebusia bamubodohana.²Balola abeki baye nibalia emigati nibaresabire, ³. (Okhubera abafarisayo nende abayahudi bosi, nibaresabire ebilayi amahono kabwe, haba sibalia, khulondana nende emiluha kia abakofu. ⁴Handi nibarula husiro, sibalia nibareyoka, handi badira namani miluha kindi kori nga huosia ebikombe,chindamu, bifulia nende mikeka kia behalaho nibaria.)⁵Abafarisayo nende abandiki bareba Yeso, "Husina abeka bao sibalondanga emiluha ekia abahulundu, balia nibaresabire amahono?⁶. Yabakalusia nabola, "Isaya yalomaloma hweng'we Abohwekadia. Yaandika ari, "Abandu bamba siriibwa neminwa kiabu, ne emioyo kiabwe kiri are nasi. ⁷Baaholera Obupaki bwebihaya nibekia amalako kabandu nga amekesio kabwe.'⁸Muleha Malagiro ka Nyasaye nimudira miluha kiabandu." ⁹Handi nababolera, "Ngamuri namaino ohaya Malagiro ka Nyasaye humurinde miluha kiaeng'we! ¹⁰Musa yabola, beresia larao nende mao siriibwa handi oyo obola mabi hu samwana ata ng'ina anafwa.¹¹Ne mubola, "Omundu nabola husamwana kose hungina, " Obuhonyi bwosi bwa wahanyolire hwesie ni Corban " ebiekesia,(Biberesebwe Nyasaye') - ¹². Haro simufukirira oholera samwana ata ngina. ¹³Ohola lihuwa lia Nyasaye ohubula amani hubirira mumilukha kieng'we, ekia mwarera hurula akulu nimwiha asi, nende bindu bindi ngebio birio.¹⁴Yalanga omukanda handi nababolera, "Mundekeresie, eng'we muosi mani mumanye. ¹⁵. Sibulao esindu siosi esirula erwanyi womundu, esimwingiramo esinyala omumala. ¹⁶. Omundu yesi olinende amarwi aulire.¹⁷Yeso Niyaleha omukanda Mani yengira munyumba, abeki baye bamureba hulondohana nolukado. ¹⁸Mani nabareba, Eng'we mwosi muramanya? si mumanyire mbwe esindu siosi esimwingira omundu sisinyala omunyaala. ¹⁹Hubera sisinyala omwingira mumwoyo, narulao hia siwakala? Nechimbosi chino Yeso yalafuyia biahulia biosi.²⁰Nababolera mbwe, Nesimurulamo niesinyala omunyaala. ²¹Ohubera ohurula mukari mwomundu, hurula mumoyo, niemurulamo maparo mabii, obudamba, obulaya, obwiri, ²²Obueyi, Obwibi obwekombi bubii, obubacha, obumanyani chimoni chimbi manyeko. ²³Ebibi bino biula mukari, ne niebi bibiyia omundu."²⁴Yasingira, yarulao nachia musialo sia Tira nende sidoni. Yengira muyumba narekomba omundu amanye nariao, Kata kario siyanyala ohwekisa. ²⁵esihesio omuhasi undi, owo muhana waye yalimo sihieno omubi yaulira ifuma yaye, yecha, nakwa mumakulu kaye. ²⁶. Omuhasi oyo yali omuyunani, omuserofana muhwibulwa; namusaba mbwe yerusie esihieno ohurula mumuhana waye.²⁷Yeso yamubolera, "leha abana mberi bekure ohubera haba bihoyere ohubukula ebiahulia bia abana, mani osuhunire echimbwa. ²⁸Naye namukalusia namubolera eee, Omwani echimbwa chiosi echiri asi weimesa chirichanga ebidongere.²⁹Namubolera,"Hulwo hulomaloma hwao, bwao; esihieno simalire orula mumuhana wao. ³⁰. Ne ngolwa yola munyumba mwaye, yanyola omuhana nakonere husitanda, esihieno nisimuluriemo.³¹Handi, yarula musialo sia Tiro nabirira Sidoni, nachia hunyanja ya Galilaya niyola musialo sia Dekapoli. ³². Nibamurerera omundu wali omudimbe, handi yali nende esirimi muhulomaloma hwaye, nibamusaba amureho omuhono .³³Namurusia mumuhung'ano namuira indulo, nasiba amarwi kaye nende chinjala, nafucha mare, nadira hulurimi lwaye. ³⁴. Naringala mwikulu, namubolera, "Ephphatha" biekesia mbwe, "Ikuha". ³⁵. Abwene na bwene amarwi kaye nikekuha, ne olusia olwolilimi lwaye nilubololoha, nalomaloma ebilayi.³⁶Yabalagira barabolera omundu yosi, ne obungi bwa yabalagira nibwo obungi obwa balandasia chimbosi. ³⁷. Nibauka ohuhira esikero, nibabola, aholere ebindu biosi ebilayi; ahola abaraulira ohuulira ne abasiru hulomaloma.

¹Munyanga echio handi omukanda muhongo nibabula esiohulia, Yeso nabalanga abeka baye, mani nababolera, ². Ndolera sisa omukanda, ohubera bahaba nasi nge echinyanga chidaru bulano; ne sibaliho nende esiabahalia. ³. Ne nikaba mbwe ndababolera endi babweo ohuchia munyumba, injala, banyala babwerwa amani hungira: ohuba abangi hunibo barula ale muno." ⁴Abeka baye nibamukalusia, bari hunanyola ena ebiahulia ebilisia abandu bano bosi musichimi muno?⁵. Nabareba, muli nende emigati kianga? nabo nibamukalusia "saba". ⁶. yabalagira bandu boosi behale asi; naye nabukula emigati ekio saba, nahuba orio muno, nababeresia abeka babakabire abandu, mani nibabakabira bandu.⁹⁷Handi bali nende ching'eni chinjeranu ne namala huba orio muno yabalagira babakabire chiosi: ⁸. Ababdu nibalia nibekura, nibabusia ebindong'ere ebimekameka ebimwero saba . v 9. Abandu abalia bali aboola chilifu chine: narulao abasebula nibabwao. ¹⁰. Naye mulwangu niyengira mubwaro nende abeka baye nachia musialo sia Dalmanuta.¹¹. Abafarisayo nibamwichira nibachaka ohuyingana naye nibamureba esilolero ohurula mwikulu, nibamutema . ¹². Nahwesa emiuya mumwoyo kwaye, nababolera, mbu nisina olwibulo luno lwekomba esilolero? mubolera obwadieri, sibulao esilolero esia olwibulo luno lunaberesebwa. ¹³. Mani nabaleha namalire ohwingira muliaro yachia ingereha indi.¹⁴Abeki baye bali nibebirire okinga emigati, ne kata si baliho nende omugati muliaro okuhira mulala. ¹⁵Nabalabira nabola "Murekeresie, mutang'e nende rimera riabafarisayo nende handi rimera ria Herode.¹⁶Abene nibeparira, nibabola, mbu "Nohubera huuma nende emigati" ¹⁷Yeso yamanya kano, nababolera ari, "Husina muyingana nimweparira abene mbwe muuma migati? simulola? simumanyire? emioyo kieng'u kimalire oba miomu?¹⁸Muli nende chimoni, simulola?, muli namarwi, simuulira haba? Simwichulira? ¹⁹Ngolwa ndamekula emigati kiranu hubandu echilifu chiranu, ebiamwabusia biali ebimwero bianga? nibamukalusia, "Lihumi nende chibiri."²⁰Ngandamekula migati saba ekiamwalisia echilifu chine, mwabusia ebimwero bichule binga? nibakalusa "saba". ²¹. Naye nababolera mbwe husina nimuhaya omanya?²²Bola bethsaida, Abandu abaari eyo bamurerera omundu omwofu, nibamusaba amudireho. ²³. Mani namudira omuhono omundu mwofu oyo, namurusia erwanyi wolukongo. Niyamala ohumufuchaho mare huchimoni chiaye namuraho amahono kaye, yamureba, Olola sindu siosiosi?"²⁴Yaringa akulu, nabola, Ndola bandu bafwana nga emisala ekikenda". ²⁵Namalire ario yageng'a amahono huchimoni chiaye,handi omundu oyo yekula chimoni chiaye handi yalola bindu biosi bilayi. ²⁶Namusebula achie waye nabola, orengira mutauni.²⁷Yeso narula nende abeka baye muchingongo chia Kaisaria Philipi. Nibali hungira nabareba abeka baye ari, "Abandu babolanga mbwe esie ndi wina?." ²⁸. Nibamukalusia bari, "Yohana mubatisia". Abandi mbwe 'Eliya' nabandi mbu " Mulala hubanabii."'²⁹Nabareba, "Nang'u mubola mbwe esie ndi wina? Petero namukalusia namubolera " Ewe newe Kristo." ³⁰. Nabalagira nababolera mbwe baraboleraho omundu yosi yosi ebimudiraho.³¹Yachaka obekesia, mbwe omwana womundu biri mbwe anabirira mumanyahano mangi, handi anahaywa nende abahulundu, abakuhani bahongo nende abandiki, handi anerwa, ne inyuma we chinyanga chidaru analamuha. ³²Petero namuyira andulo mani nachaka ohumwalabira.³³Naye Yeso yakaluhana yabaringala abeka baye, namwalabira Petero namubolera, "Funya inyuma wange, "Saitani! Sorechanga maparo kao hubindu bia Nyasaye, ne orechanga hu bindu biabandu." ³⁴Nalagira omukanda nende abeki baye nababolera, "Yosi owenya ohunonda, paka yekane omwene abukule omusalaba kwaye, mani anonde.³⁵Ohubera yosi yosi onaonia bulamu bwaye anabukosia, arali omundu yosi onakosia obulamu bwaye hulwesie nende hulwa injili, omwene oyo anabuonia. ³⁶Nebuhala sina obwomundu ananyola nanyola esialo siosi, naye akosie omwoyo kwaye?. ³⁷Nisina esia omundu yahakulania nende omwoyo kwaye?.³⁸. Omundu yosi onandolera chisoni nechimbosi chiange alolera echisoni amakhuwa kange mulwibulo luno olwa buyeyi nende obuononi, omwana womundu yamulorere chisoni, niyecha muluyali lwa samwana nende abamalaika batakatifu.

¹. Yababolera, "Adieri mbabolera, baruo bandu hubemire ano, abarahabile lifwa, nibaralola obwami bwa Nyasaye nibwicha namani." ²Inyuma we chinyanga chisasaba Yeso yabukula Petero, Yakobo nende Yohana nanina nabo hulugulu bong'one. Elikondo liaye nilikaluhana mberi wabwe. ³. Echigubo chiaye nichiba echindafu muno ohuhira obulafu bwaye elinangongo, ohuhiraho kori omufuyi yahanyala olabia ario.⁴Mani Eliya nende Musa baloloha nibalomaloma nende Yeso. ⁵Ne Petero nakalusia nabolera Yeso, "Omwekesia bihoyera efwe ohuba ano, reha hwimbahe ebikali bidaru, silala siao ne esindi sia Musa handi sindi sia Eliya." ⁶. Ohubera siyamanya esiohubola, ohubeera bali nende oburi obungi.⁷Elilesi nilibafuniha. Ne omwoyo nikuuliriha ohurula mulilesi nikubola, "Uno niye Omwana wange omuherwa; mumuulire." ⁸Mulwangu nibalingera echimbeka chiosi, nibaralolaho omundu undi arali Yeso.⁹Ne ngolwa beha ohurula hulugulu, nabakerera oburabolera omundu yosi ebia bali nibalolire hulugulu, ohuula ngolwa omwana womundu yahabe nabuhire ohurula mubafu. ¹⁰. Nibalinda chimbosi echo, ne abene nibarebana ebia "Ohubuha mubafu biekesia sina?.¹¹Bamureba nibabola mbwe sina bandiki babolanga mbwe Eliya niye owaharangirire ohwicha?. ¹². Naye nabakalusia nababolera, "Eliya yecha ohurangira ohwicha, hukalusia ebindu biosi ne husina kandikwa omwana womundu, hula abirire muminyahano mingi naraberesibwa oluyali. ¹³. Arali mbabolera mbwe, Eliya yamala ohwicha, nibamuhola ebia benya ohumuhola ngolwa akandikwa.¹⁴Ne ngolwa yecha hubeka baye , yalola omuhung'ano nikuli nabo, abandiki niberebanga. ¹⁵. Ne mulwangu abandu bosi nibamulola bauka muno nibamwiruhira nibamuhesia. ¹⁶. Naye nareba abaandiki muingananga sina?"¹⁷Mulala huba omuhung'ano namukalusia nabola "Omwekesia, hureerere omusiani wange, oli nende sihieno sioburalomaloma, ¹⁸Ne buli siha olwa amwingiramo amukoka asi, handi arusia elifiro, nende ohusia ameno nende niyangalala. mani sabire abeka bao bamurusiemo, ne sibanyalire haba. ¹⁹Namukalusia nabola, oraba olwibulo olurasubira ndaalaba nangwe ohula lina? ndabanyahanira ohula lina? mumunderere.²⁰Barera omusiani hu Yeso. esihieno ngolwa sialola Yesu, lwangu lwangu nisimukwisia asi napapala narusia elifiro mumunwa. ²¹Yeso nareba samwana, "Yahaba ario ebiha biyera biriye? naye namubolera, "hurula obudoro bwaye. ²². Mubiha bingi amukwisiangia mumuriro, kata handi mumachi, mbwe amunyasie arali nonyala ohola siosi orubere esisa oruhonye."²³Yeso namubolera, "Nonyala'? Ebindu biosi binyalihana hu mundu osubirira." ²⁴Abwene awo samwana omwana oyo nalira nabola "Subira! Honye oburasubira hwange!" ²⁵. Ne ngolwa Yeso yalola abandu nibecha echimbiro, yalabira sihieno esio nabola, "Ewe sihieno omudimbe oralomaloma hulagira, murulemo, handi oramukaluhamo."²⁶Esihieno sialira nisimuramo hupapala, nisirulao simurulamo. Omusiani oyo yafawana nga omundu ofwire. Abangi babola, "Afwire" ²⁷Naye Yeso namubukula nomuhono namukingula akulu naye nasingira niyema.²⁸Yeso niyengira munyumba abeka baye nibamureba nari yong'one, mbwe "Husina efwe sihunyalire ohumurusiamo sihieno? ²⁹. Naye nabakalusia, ebifwana ngabino sibiaharula arali nende amalamo.³⁰Barula abundu awo nibalondera Galilaya. Siyadaha omundu yosiosi amanye abari, ³¹Yari niyekia abeki baye. Nababolera, "Omwana womundu achia orebwa mumahono kabandu, nabo banamwira. ne nibamalire ohumwira analamuha inyanga yohudaru. ³². Arali mbwe nabo sibaamanyirisia chimbosi echo, nibaria ohumureba.³³Becha Kaperinaumu. Namala hwingira munyumba yabareba, "Muyingananga sina hungira?" ³⁴Nabo nibabulera. Hubera bayinganenge bene hu bene hungira mbwe wina muhongo ohira undi. ³⁵Namala hwihahala asi, yalanga abeki baye lihumi nababiri nababolera, "Omundu yosi owekomba ohuba oweimberi, omwene oyo paka anaba owohumaliliha hubosi, handi abe omusumba wabosi."³⁶Yabukula omwana mudoro yamura akari wabwe. Yamukinga mumahono kaye mani yababolera, ³⁷"Omundu owingisia omwana kama uno mulira liange aba anyingisia esie ne yosi onyingisia sianyingisia esie, siong'one arali yengisia nende owanduma.³⁸Yohana yamubolera, "Omwekesia, Hulorire omundu niyerusia bihieno mulira liao mani nihumukania huberahaba salondananga nafu. ³⁹Naye Yeso nabola, "Muramukania haba hubera abulao omundu yosi ohola akamayia mulira liange, onyala olomaloma mabi hwesie.⁴⁰Yosi Oraruswila aba nowefu. ⁴¹Yosi ohuberesia esikombe siamachi kohung'wa hubera ori mundu wa Kristo, adieri mbabolera, siyakosie esianwa siaye.⁴²Ne yosi yosi onakera abadidi bano abasubira mwesie begumule, bihoyere elikina lihongo huboywa mulikosi liaye, mani afubwe munyanja ⁴³Ne omuhono kwao nikukera wahola mabi, kuhalake. ⁴⁴Nebilayi ohwingira mubulamu nobula omuhono mulala ohuhira hubanakio kibiri nochia mumuliro kurasima.⁴⁵Ne ohukulu nihukera wakosa, Kuhalake. ⁴⁶Nebilayi ohwingira mubulamu nobulema, ohira huba namakulu kosi kabiri nofubwa mumuliro.⁴⁷Imoni yao niikera niwegumula, "Irusiemo" ohubera nebilayi ohwingira mubwami bwa Nyasaye nende imoni ndala, ohira hwingira mumuliro nende echimoni chibiri. ⁴⁸. Omwa chinyende chirafwa , handi omuliro kurasimisibwa.⁴⁹àOhubera buli mundu alirebwamo ichumbi nende omuliro. ⁵⁰Ichumbi neindayi arali mbu ichumbi nikosia esiuya siayio, ohola orie? Mube nende ichumbi mweng'we bene, mani mube nomulembe abene hubene.

¹Yeso yarula abundu awo yachia buyudea, ingereha wa Yorodani, handi emikanda kiamwi chira. Yari nabekia kori nga yanala ohola. ²Abafarisayo nibabamwichira, omutema nibamureba, "Bihoyera omundu ohumuleha omuhaye waye?" ³Naye nakalusia nababolera, "Musa yabalagira ariye? ⁴Nabo nibabola, Musa yakanyira omusacha ohurusia obwandike bwohulehana, mani amuirusie.⁵"Yabandikira rilako rino hubera obwomu bwemioyo kieng'u," ⁶Ne muhuchaka Nyasaye yalonga owesisacha nende owesihasi.'⁷Huako omundu yaamulehe samwana nende ng'ina, niyambana nende omuhasi waye, ⁸Nabo babiri banaba omubiri mulala. ⁹Mbwe bulano esia Nyasaye yambanisiya alala, omundu yosi arakabuhania.¹⁰Ne nibali munyumba abeka baye nibamureba handi ako. ¹¹Naye nababolera omundu yosi onalehana nende omuhasi waye, namudehia oundi, ahola obueyi, ¹²Ne omuhasi yosi olehana nende omusacha waye, nadehesibwa nende oundi ahola obueyi.¹³Mani nibamurerera abana abadidi mbwe abareho omuhono, nabo abeka baye nibabalabira balia abarera abana. ¹⁴Naye Yeso niyalola, yasinyiha muno mani nababolera ari mukanyire abana banjicheho murabakaira, ohubera obwami bwomwikulu nobwa abafwana nabo.¹⁵Obwadieri mbabolera, oyo yosi orafukirira obwami bwomwikulu kori omwana mudidid, haba siyahengiremo. ¹⁶Mani nabakinga mumahono kaye nabaraho amahono nabasabira echihabi.¹⁷Naye nachakire olukendo oundi yecha niyeruha namusikamira namureba, omwekesia omulayi, esie hole sina hunyole obulamu oburabwa?. ¹⁸Naye Yeso namubolera mbwe husina nonanga omulayi? Abulao omulayi arali Nyasaye yong'one. ¹⁹Ewe omanyire malako: 'orera, oraeya da, orebanga da, orang'ula, ria larao nende makoo."²⁰Nakalusia namubolera omwekesia, ako kosi holanga ohurula obudoro bwange. ²¹Yeso yamulingala mani namuhera. Namubolera, olemerwe esindu silala, "Chia okusie emiandu ekioli nakio kiosi oberesie abamanani, ne onaba nende esibihiro mwikulu. Mani wiche unonde." ²²Naye naba nesibera hulwechimbosi chino nachaka lukendo nabwao nasinihe hubera yari nemiandu mingi.²³Yeso naringala chimbeka chiosi, nabolera abeka baye ari Biahabe ebindinyu muno abayinda ohwingira mubwami bwa Nyasaye!" ²⁴Abeka baye nibauka muno huchimbosi chiaye Naye Yeso nababolera handi, "Abana, nebindinyu biangerosi hwingira mubwami bwa Nyasaye! ²⁵Nebiangu ingamia ohubira mumoni yeisindani ohira omuyinda ohwingira mubulamu bwomwikulu."²⁶Bauka muno handi nibabola abene mbwe "Haro ni wina mani onyala yaonesibwa? ²⁷Naye Yeso nabalingala nababolera, " Hubandu si binyali hana, arali hu Nyasaye, hubera hu Nyasaye ebindu biosi binyalihana." ²⁸Naye Petero nachaka omubolera ari, "lingala, efwe hwaleha bindu biosi mani nihuhulonda."²⁹Yeso yabola, "Obwadieri mbabolera, abulao omundu yosi owaleha inyumba yaye, kose abana babwe, kose abahana babwe, kose samwana, kose ng'ina, kose bana kose mikunda hulwange, nende hulwa Injili. ³⁰Orahaberesebwe hula imia musialo siabulano. chinyumba abanababwe, nende abahana babwe, nende bang'ina, abana baye, nende emikunda, nende mumanyahano; nende musialo esichayo, obulamu oburabwa. ³¹Ne abali imberi baliba inyuma, nabo bali inyuma baliba imberi.³²Ne bari hungira nibachia Yerusalemu. Yeso nachia imberi wabwe nabo nibauka muno; ne abamulonda bali noburi. Mani handi Yeso nabukula elihumi nende babiri, nachia obabolera chimbosi echiahamweholeho. ³³Nababolera, lole, huchia Yerusalemu omwana wo mundu anarebwa imberi wa bakuhani abahongo, nende abaandiki; becha ohumuhalakira sina esio hufwa ne bachia ohumuana hubanasialo. ³⁴Nabo banamuholera amabii nibamuhoba nibamufuchaho amare, nibamurocha nibamwira; ne inyuma wechinyanga chidaru analamuha.³⁵Yakobo nende Yohana abana Basebedayo nibamwichaho nibabola, "Omwekesia, hwenya oruholere siosi esiahuhusaba." ³⁶Naye nababolera, nisina esiamwenya mbaholere? ³⁷Bamubolera mbwe "Rukanyire hwihale nawe muluyari lwao mulala yehale, humuhono kwao mulungi noundi humuhono kwao omukada muluyali lwao.³⁸Naye Yeso nabakalusia, ari "khaba simumanyire esiamusaba eng'we munyala mwang'wa musikombe esia esie ndang'wa; ata osimirisia obubatiswi obwa esie ndabatisibwa?" ³⁹Nabo nibamukalusia bari "Hunyala." naye Yeso nababolera "Munang'wera musikombe esiangweramo; handi batisimo yambatisibwa Mwosii munabatisibwa. ⁴⁰Arali mbwe akohwihala omuhono kwange omulungi nende omuhono kwange omukada, haba sinesie oberesia, arali mbwe binaberesebwa balia abarekeherwa.⁴¹Ne abeki bandi balia lihumi ngolwa baulira kano, bachaka onyolera nende Yakobo nende Yohana. ⁴²Naye Yeso nabalanga nababolera ari; mumanyire mbwe balia abalobolwe ohuruka banasialo babahira amani, abaami bali namani akulu wabwe.⁴³Ne ako sikabe kario hueng'we. Yosi owenya oba omuhongo akulu weng'we, paka abe omusumba weng'we. ⁴⁴Naye oyo owekomba oba weimberi akari weng'we paka anaba omuhalabani wabosi. ⁴⁵Kata kario omwana womundu haba siyecha mbwe arumihirwe, ne yecha ohurumiha nende ohurusia obulamu bwaye hulwa abangi⁴⁶Bola Yeriko. Ngolwa yarula Yeriko nende abeka baye nende omukanda omuhongo okwa bandu, omusiani wa Timayo olangwa Batolomayo omwofu owesabiririsia, yehala hundulo weindara. ⁴⁷Ne ngolwa yaulira mbwe yali Yeso owa Nasareti; yachaka hurira, nabola "Yeso omwana wa Daudi ndolere esisa!" ⁴⁸Ne abangi nibamwalabira mbwe aulere. Naye nalira muno, "Omwana wa Daudi ndolere esisa!"⁴⁹Yeso yema mani nalagira mbwe bamulange. Nibamulanga omwofu oyo, nibamubolera bari "Dinya omwoyo! singira! ahulanganga ewe." ⁵⁰Yasuhuna erikabuti riaye indulo nasingira niyecha hu Yeso.⁵¹Yeso namukalusia namubolera ari, "Nisina esia wenya huholere?" Omundu omwofu oyo namubolera, "Omwekesia, ndaha olola." ⁵²Yeso namubolera ari, "Bwao. Obusubili bwao buhuonisie." Abwene sao yanyola ohulola, namulonda Yeso hundara.

¹Ne ngolwa bali ambi nende Yerusalemu, nibali Betifage nende Bethania, hulugulu olwa Olivia, Yeso yaruma imberi abeka baye babiri. ²Nababolera, muchie mulukongo oluli imberi wefwe. Nimulayo munanyola omwana weipunda naboyirwe, owomundu asiri hwiruhiraho. mumubolole mani munderere. ³Naye omundu nababolera mbwe 'Husina nimuhola murio? nimubola muri omwami ayidaha ne yecha oifunyia ano lwangu."⁴Bachia nibanyola omwana weipunda naboyerwe rwanyi amuliango nibamubolola. ⁵Ne abandu bali nibemere ambi awo nibababolera, "Muhola sina? Husina nimubolola omwana weipunda? ⁶Nibabolera kori Yeso yali nababolere, nibabaleha nibabwao.⁷Abeki babiri abo barera omwana weipunda hu Yeso, mani nibayialaho echikanjo chiabwe hu ayihaleho. ⁸Abandu bangi nibala echingubo chabwe hwingira nabandi nibarema amasaga kemisala nibaala hwingira. ⁹Ne abo bachia imberi nende abo ababalonda, bahuuma nibabola, "Hossana! nowechihabi owicha mulira liomwami. ¹⁰Chihabi chibe hu bwami obwicha bwa sefwe Daudi! Hossanna akulu mwikulu!"¹¹Yeso yengira Jerusalemu mani nachia muhekalu handi nalingala echimbeka chiosi nalola bindu biosi. Harp biha biari bichire muno, yarula yachia Bethania nende lihumi na babiri. ¹²Ne, muchuli walwo nibaharula Bethania yaulira injala.¹³Nalola orula are omusala okwomuhuyu nikwamire amasafu, nasuda nende obusangafu mbwe anyoleho esiamo, ne ngolwa yola ambi nomusala, siyanyolaho esiamo siosi arali masafu kong'one, ohubera ebiha ebiemihuyu biali nibisiri. ¹⁴Yeso nakubolera ari, "Aumao omundu wahalieho esiamo hurula hwewe handi." Abeki baye baulira kano.¹⁵Becha Yerusalemu, naye Yeso niyengira muhekalu nachaka ohwirusia balia abali nibakusia nende ohukula muhekalu. yakaluhania echimesa echia abakaluli aba mapesa, nende ebisala ebia bandu bakusia amagugu. ¹⁶Handi haba siyakanyira omundu yosi ohubirira muhekalu nende esindu siosi esinyala okusibwa.¹⁷Yabekia nababolera, "Sikandikwa, mbwe inyumba yange inalangwa inyumba yamalamo mubialo biosi'? Nang'u muyikalule ohuba obwina obwa abang'usi." ¹⁸Makuhani bahongo nende abaandiki baulira, nibakonya ngolwa bahamwira. Ohubera bali bamuria hulwohuba abandu bosi baukisibwa nende amekesio kaye. ¹⁹Ne olwa bwali nibwirire, barula mutauni eyo.²⁰Ne ichuli ngolwa bali nibabira, balola omusala okwomuhuyu kuria nikuumire akulu ohuula humisi. ²¹Naye Petero niyechulisia namubolera, " Omwekesia, lingala! Omusala kwomuhuyu okwa wakwong'ire kuumire."²²Yeso yabakalusia nabola, "Mube nende elisubira mu Nyasaye. ²³Obwadieri mbabolera, mbwe yosi yosi onabolera olugulu luno, " Singira ochie welakasie munyanja,' naye narabaho nende ohubeyabeya mumwoyo kwaye, mani asubire mbwe ebindu ebia abolire binehola, ebio nie bia Nyasaye anahola.²⁴Hulwako mbabolera: ebindu biosi ebiamulama nimusaba, musubire mbwe munyola, handi binaba ebieng'we. ²⁵Ne nimwema ohusaba, mulehere biosi, nimuba nende siosiosi humundu yosi, mbwe lareng'we oli mwikulu yosi anabalehera amabi keng'we. ²⁶Ne nimurarehera, kata seng'we womwikhulu yosi haba siyahabalehera echimbi chieng'we.²⁷Handi nibecha Yerusalemu. Ngolwa Yeso yali nakendanga muhekalu, abakuhani bahongo, abaandiki nende abakhulundu nibamwichira. ²⁸Nibamubolera, "Oholanga bindu bino hubunyali sina? Ne niwina ohuberesia obunyalo ohuhola bindu bino?²⁹Yeso nakalusia nababolera, "Ndabareba rirebo rilala. Mungalusie,ne siosi ndababolera hubunyala bwa wina esie hola bindu bino. ³⁰Obubatisi bwa Yohana bwarula mwikulu kose hubandu? mungalusie."³¹Abene hubene nibayingana, nibabola, nihubola mbwe bwarula mwikulu anabola, hubera sina simwamusubira? ³²Ne nihubola mbwe, hurula hubandu. Baaria abandu ohubera abandu bosi abamulola bakanya mbwe Yohana yali omunabii. ³³Bakalusia Yeso nibamubolera Yeso, ,"Haba sihumanyire." Naye Yeso nababolera, "Esie siosi haba sindababolera hubunyala sina esie hola bindu bino.