¹Amana bande boto Yesu u Beterepeme u shini ndja Yuda u matuwu mawara Herode kumu, bini buanya ba upunu u mbete ya meke punu itanga bakutoro u Yerushareme, barorok' ande : ²Ndo kuroro: << Kumu ndjua Bayuda a moto bande ikueyi? Shin'ande tshuamono moto muande u ma pununu mitanga, ndo tshuamiyi ku ntoro.>> ³A woko kumu Herode, rueyi runu nteme muande muku bandiyi, ndo Yerushareme ndja ikimi ando nde. ⁴Ya ku kokoyo bakubanganga baba kimi ndo bapundu mikanda nyi baboro, ndo ku bawuru:<⁵Ba ku marar'ande:<< u Beterepeme u shini ndja Yuda; shin'ande rende rini ra pundu bande u boro ngandjambe: ⁶<< Ndo wene, Beterepeme, shini ndja Yuda, wakapa ndjua nkenke wu ndenge a mara ma manene ma Yuda, shin'ande Kumu ipupunu u katawa, yand'idjidjishi isarere bate bama.>>⁷Ambishi yini Herode ya ku boko bina buanya mbere u bushuama, ndo ya ku shoto yebe busheke ande to itanga nana mooto a npunu mundu, ⁸ambishi ya kubatomo u Beterepeme, uror'ande: << Yaka nana ndo bu yebe busheke areke ra muana ndjua nkeke; itanga ri mono buinu, bu karu wushosho amiyi, kek'a miyi mi mene ndende u ntoro.>>⁹Amana banda woko kumu, bakuwende. Ndo rende, mooto mua mono bande mbete ya meke punu itanga mua weke-wende u bosho bua bande inamana awe mutoro ariki ri raka rini ra wara muana ndjua nkeke, mu ku yembete. ¹⁰Itanga ra mono bande mooto, baku yoro ando bunyaka bua buiki.¹¹Ba ku nini u mburu, ku mono muana ndjua nkeke ba inyanda Mariye, ba kuboro mamongo ndo ku ntoro; ambishi ba kuripiri kombo sha bande, ndo ku nguamba bikete ndja war'abande : woro, karanga aki mire. ¹²Ambishi amanaba ba wibiri u iru ra Ndjamb'ande areke bua kara karuawa u bora Herode, ba kue karuwa u bora bande u mboko ndjeke.¹³Anana amana bande wende, muanjero ndjua bora Kumu yande ku monyiyi u bora Yosefe u iru, ndo ku roro :<< Katuwa, wosho muana ndjua nkeke ndo inyande, ya tini ra Egypitu, ndo wara nono inaman'ishosho miyi, shin'ande Herode ishoshoto muana ndjua nkeke bua yande ku nyaka.>>¹⁴Butuwu bunu Yosefe ya ku katuwu, ya ku wosho muana ndjua nkeke ndo inyande, bakuetini ra Egyptu. ¹⁵Ba kushara u nono inamana iwa ra bora Herode, shin'ande rutoto rua bora Kumu rua toto yande ubora Ngandjambe ande : << Nda ma wuru muan'ame u punu u Egypitu>>.¹⁶Anana Herode, amono yand'ande bina buanya ba ku nimbi, ya ku woko kabua sha buiki, ndo ya ku reye ru toto ande bi djaka bana bi barungu ba bakimi bana biyi ando mashewe utapa mapende ndo we rata ra shini bana bawara u Beterepeme ndo itenye rande ra shini ra rikimi, uraba itanga ra wokoya rushanga ubora bina buanya.¹⁷Keke anana rueye rua toto Ngandjambe Yeremiye kuyemen'ande: ¹⁸<< Ba ku woko djobo u Rama, birere ndo ntanda mua buiki; Rashere anereke bana bande, ndo a berek'ande reke ba nkitisi nteme ishin'ande bakapa bi.>>¹⁹Herode amana ya wa, mono, muanjero ndjua bora Kumu ya kumonyiyi wu iru bora Yosefe, u Egypitu, ²⁰ndo kuroro: << Katuwa, wosho muana ndjua nkeke ba inyanda, ndo yaka u boro bua Isarere, shin'ande bana baraka djaka muana ndjua nkeke ba mana wa.>>²¹Yosefe ya ku wumuwu, kuwosho muana ndjua nkeke ba inyande, ndo kuende u boro bua Isarere.²²Keke awoko band'ande Arkerause ya nkiti bu kumu bu'ishande Herode, u yuda ,ya kuwoko butete bu wende; ndo, amaraba nguibiri u iru ra Ndjambe, ya kuende itenye ra shini ra Ngarere,²³ndo ya kue shimiki u boro bua nguruku banda Nazareth, runu rua nyemeshe rutoto rua toto ba ngandjambe, run'ande< bi ngunguru muina Nazarete>.

¹Matu mana, Yone mu Batise awiyi u muanga rushanga u nenge mua yere mua Yuda. ²Arok'ande: < Barara nana miteme, ishini bu kumu bua riki buiyi ngama.>> ³Keke renda na,Yone yanda yono aroro ngandjambe Yeshayi, ya kuroro : << Rubere rua yono amoko mbere u ndenge bushobo roriy'ana mboko a boro Kumu, shember'anana tshu boko tshuande tshua tshukeke.>⁴Yone a wara mapere ma nyosho nya shutu Kamere ake nkoro mua iyobo ra shutu u irongo randa. Bidjere ndjande ndja wara bapashe ndo bwitshi bu bandjueye. ⁵ Keke yerushareme, yuda ndja ikimi aki itenyi ra shini ra rongo mashi ma yadene baweke babakimi u boro buanda; ⁶Ndo ba todondoko madimba ma mabanda, ba weke nde bi batisi uboro buande u ndjara ndja Yadene.⁷Keke, amono yande Bafarisayi ndo Basadisayi babuiki ba biyi u ibatishi rande, ya ku baror'ande :<< mboto ndja ba ndjowo ba kabua , nana amabuwibiri buini u tini kabua shini shamiki ?⁸ Tu nana ndombo shashi sheke u ma barara mi miteme nyini.⁹ Areke bua boko buanya u rora buina men'ande : << Tshuiy'ando Abrapam ngo mama iti >> Keke ndak bushosh'ande, Ndjambe a nguara ruere barara mamanya mana ma wiya bana ba bora Abrapam.¹⁰Anana ikenge kara ra nguara ushina nyiri nyi mite. nti mua mukimi ake mua meke tu ndombo shashi sheke bi muba mubatera ndo u muboko ukata tiyi. ¹¹Miyi, ndaka bu tishi ku mashi, ishini kue bu rata u mabarara mi miteme; Keke yono a miki u mbish'ame a ma ndeke miyi bu nono, ndo she nda yemene u reye poko shande sha para. Yande, yi kubutishi u nyuma ndjua ntsheke ndo u tiyi. ¹²Iya ndo ntshowo muanda u djara; yiroroyo iraka rande ri mawanyiyi, ndo yikokiyo mashanga manda u yanga, keke bitete yi bikobikoro tiyi tshunu tshua meke we nyimi.>>¹³Keke Yesu kupunu u ngarera kutoro ubora Yona u masha ma yadena, shini ya u ntisi. ¹⁴Keke Yone a berk' ande: << Miya ndiya nyingi ndja wene u tishi, ndo keke wene wamiki u miyi ? >> ¹⁵ Yesu ya ku marar'ande: rekere djikereme kek'angowo, shin'ande dja nomboko ngowo ishini biti uyemeshe rurukimi runu rua ngondoko Ndjambe, ndo Yone katoko rubere bi.¹⁶Ambishi amana ya wosho ibatisi, Yesu ya ku punu u mashi, riki ku ripuwu.Yaku mono nyuma Ndjambe kutshuerewe ariki ra ntshu muanda ngo kakutukumbu. ¹⁷Ru toto rua punu u riki ande, yono yiyi muana me ndjua rowondo yono a ntshereke mi nteme muama mua mukimi.

¹Keke Nyuma Ndjambe kue rata Yesu u kata nenge mua yere, shini diaboro ye nkike. ²Ambishi a mana ya kini bidjere nyanya masha mane ndo matuwu , masha mane, ya kuwoko ndjare. ³Nkik'a ya kukaruwa ngam'ande keke ya ku noro: Mbe yar'ande u Muana a bora Ndjambe, roro mamanya mana mi barama ma bata ma kata. ⁴Keke Yesu ya kumarara y'ande : Bapund'ande moto a ka ruera war'ando monyo pa ishini kata yind'amene bi. kek'ake ishini rutoto rua rukimi rua punuku u numbu mua bora Ndjambe.⁵Diaboro kwe nata wu boro bu ikini, keke ya ku ntotoro ya kwe ntshiki wu tot'a Tempero ⁶Ndo ya ku noro :<⁷ Yesu ya ku marara y'ande :<>⁸ Diaboro ya ku kar'we ntshende ayash'a riki ra nkondjo mua ndemb'a riki, keke ya ku ntshundju makumu mamakimi mashini ndo rutono rua manda. ⁹Ya ku noro y'ande :<< ndi yeyeke bikete djini ngowo dja bikimi, mbe wa boro mamongo ndo watoro miyi>>Yesu ya ku noro y'ande: kobuw'anana satana, ishini ba pund'ande:<< Wu toro kumu, Ndjamb'awu ndo wu kereshe pa yand 'amene>> ¹¹Kek'anana diaboro ya ku nekere, keke rend'ana banjero ba kuwiyi ndo ba ku nguatishe.¹²Itanga ra woko Yesu ande ba wate Yone , ya kwende ra Ngarere.¹³Ya ku kobuwu wu Nazarete, keke ya kue shikimi wu Kapernawum kana kiyi ngama-ngama ando iribi ra Ngarere wu shini dja bora Zabulone ndo ndja Nefatali.¹⁴Rueyi runu ngowo rua wiyi ishini ku yemeshe rutoto runu rua toto ngandjambe Yeshayi ¹⁵Bina shini ndja boro Zabulono ndo ndja Nefetali, u mbet'a iribi, u muiri mua wono mua Yadene, u Ngarere dja bate ba bere yebe Ndjambe.¹⁶Bate bana ba shikimi u muimini ba ku mono yembe ra buiki ndo bana ba ntshikimi u itenye ra shini ndo irurumbu riwa, muanya mu ku babarara>>.¹⁷To itanga rini, Yesu ya ku tapa u yisi ndo ku roro : << barar'ana miteme nyini, shin'ande bukumu bua riki buiyi ngama.>>¹⁸Ngo pwar yini ya wiki ya wiyi u kwandja mui ribi ra Ngarere ya ku mono bana ba moto moko bapende,Simo,yono ndjua nguruku ba Imanya ba muan'inyande Andere, ba wara bi boko buanda bua bande bumoko u iribi shin'ande birembe dji bashue. ¹⁹Yesu ya ku ba roro y'ande: Yi nana, ndab'anana, keke ndi bubarare birembe dja bate.>>²⁰ Mun'anana rini, baku rekere mande ma bande keke ba ku tapa u naba.²¹Itanga Yesu a weke ya wende u rende ruanda, ya ku karya mono bana ba moto moko bapende bi barungu Jake, muan'a bora Zebedayi ba mua'inyande Yone, ba wara ba ntshikimi u kata buat' ando ishaba Zebedayi , ba bi roriye manda ma bande, ya ku baboko mbere.²²Keke mun'anana ba ku sha rekere buat'ando ishaba ke ba ku naba.²³Yesu ya ku ribiri u shini ndja Ngarere ndja ikimi a wiki yishi u ba synangongo ba band' a wiki shono rushanga rua rusheke ru bukumu ndo a ukubereshe mawara ma makimi ndo bitowo djia bikimi djini dja war'ando bate. ²⁴Rushanga ruande ru ku muaman'a shini ndja ikimi ndja Siri keke ba wiki nasha bate ba bakimi bana ba tatake,djoro sha mboto sha shakimi, bana ba war'ando ba demo, bana ba weke tikinyi ando bin' ishesheke, ndo Yesu ya ku ba bereshe. ²⁵Djoro dja bate dja buiki dji ku naba utapa u Ngarere,Decapore, Yerushareme, Yudaya inamana muiri mua wono mua yadene.

¹Ambishi Yesu amana ya wuru baweke bande ishanga ndo bapende, ya ku bayeke bukumu bu bingi nyumu sha mbindi, ndo u bowo mabere ma makimi ndo bitowo dja bikimi.²Rende kombo shi ba postoro ishanga bapende: ndjua bukoto, Simo, yono anguruku bande Petero, ndo Andere muan'inyande; Jake muana bora Zebedayi ndo Yone muan'inyande; ³Firipe ndo Barteremi; Toma ndo Matayi nambasha a namba; Jake muana bora Alfe ndo Tade; ⁴Simo Zerote ndo Yudasa Isakariote yono a kapa Yesu.⁵Banda bana ishanga a bapende batomo Yesu, a mbishi ya u mana bayeke marongo mana: <⁶Yak'anana aki u bete ba panga ba mburu ndja Isarere bana ba rimi. ⁷Yakana, yishana ndo ror'ana: "Bukumu bua riki bu ngama."⁸Beresh'ana ba bere, wumunu ana bana bawa, yembesh'ana bina bara, ndo bu bingi anana ba demo. Bua wosho ntshongo, bu yeke ntshongo. ⁹Areke bua wosho mbe woro, mbe parate, mbe puaranga, u kata kombo shini; ¹⁰a reke bua wosho kombo ndja rende, mbe ipere ra mpende, mbe poko sha para, mbe muanga. Ishin'ande muina ngunu a nyiki ku ngunu muanda.¹¹U kata boro bunene mbe aki boro bua bukeke bunu bu nini buini, wur'ana mbe moto yiyi yono a nyemene ruere u bu waya; ndo bushara u boro buande inamana ikobuwo buini. ¹²A nini buini u kata mburu, bu roro: ; ¹³ndo, mbe mburu yara ndja yiwaya, poro shini shi wiyi a riki ra indi; kek'ake mbe ya bere wara ndja yiwaya, poro shini shi karuwu ando yini.¹⁴U itanga ri bere banda buwaya ndo aki ba bere woko toto shini, pun'anana u mburu yini mbe aki u boro bunu bua bunene ndo bu pupuru yushu ra para shini. ¹⁵Ndaka bushosho u barabara: U rushuwu ru ma rumbushu, bini a boro bua Sodomo ndo Gomore bi baru mbushu ka keke u reke bina boro bunu bua bunene.¹⁶Rende, ndaka butomo ngo ba panga u ndenge mambongo. War'ana ba penye ngo ba ndjowo, ndo bere ya wondo ngo ba puru bi bakutukumbu. ¹⁷Bua penye ana a bate, ishin'ande beke burata u ikindki ri makamb ra bina Yude, ndo bibo buboro koro u kata Sinagongo sha banda. ¹⁸Bi weke burata, ishini miyi, u bosho bu ba Guvene ndo bu bakumu, shini buini wara ngo nondo u banda ndo u bora bana ba bere yebe Ndjambe.¹⁹Kek'ake, itanga ri bu pundu banda, areke bua riti mbe ku ipu ri ruere buini toto, mbe ku runu ru ruere buini roro: runu rua nguara buini u roro bi buye buyeke a rundu itanga muni rini. ²⁰Ishin'ande dja kapa buini bu toto, djiyi Nyuma a boro Ishini ya yi toto u kata yini.²¹Mua yinyande a moto irereye muan' inyanda u iwa, ndo tata yi reye muan'ande; bana biba barama ba boto ba bande, ndo bi ba ndjaka. ²²Bate ba bakimi bi buwo buwoko pishi, ishini rukombo ruama; kek'ake yono ishuku inamana mamanasha yiwo wondjowo. ²³Itanga ri bumonosho bande ntanda u boro bumoko bua bunene, tin'anana u bunu ibueke. U bara-bara ndaka bu shosh'ande, buapa she mana u ribiri mara ma manene ma Isarere bi u bosho bua Muana moto u bere wiyi.²⁴Ngueke she reke murongosho muande, mbe muina ngunu she a reke kum'ande. ²⁵Dja nyemene bi kereshe ngueke yi buaka ngo murongosho muande, ndo muina ngunu ngo kum'ande. Mbe djar'ande ba wuru kumu a mburu Berzebure, ipu nan'ake yi bere ba wuru ngowo u reke bate ba mbur'ande! >>²⁶Areke bu batin'aki bi; ishin'ande kua rueye ru bushuama rubere moniyi u yembe mbe rua shueye rubere ba yebe. ²⁷Runu ruaka miyi bushosho u muimini, ru shono anana u muanya; ndo runu ruaka ba bushosho u ito, ru bok'ana meke a riki ra shamba mburu.²⁸A reke bua tini bana ba nyaka rutoko ndo bi bere wiyi a ruere djaka monyo. Tin'ananake yono yi ruere djaka shoko imoko monyo ndo rutoko u ibembe ra nginde ra tiyi. ²⁹Ka tshua kapaka matshodjo mape u rupuaranga rumoke? Keke, kuapa imoko ra muaka a shin'amana Ishini riki u bere yebe. ³⁰Ndo ipu imoko a puiyi sha ntshu muawa shi sha bara sha shikimi. ³¹Arek'aki buara a butete a bumoko; bua reke matshodjo ma buiki nganga.³²Irake rini, ndjua nkimi yono yi pueshe u mishi ma bate, ndi ngue ngueshe a miyi u mishi ma Tata yono indjuama yiyi u kata riki; ³³kek'ake yono yi bere pueshe miyi u mishi ma bate, a miyi ndapa she ngueshe u mishi ma Tata yono indjuama yiyi u kata riki.³⁴Areke bua wengey 'ande nda wi rata poro u shin'a mana; ka nda toko wi rata poro, kek'ake kueshe. ³⁵Ishin'ande nda mi shiki makapasha u ndenge a moto ndo ishanda, u denga mua ngata ndo inyanda,u ndenge mua ngata ndo mbosh'ande ndjua ba bawata; ³⁶ndo moto yi wara a bini ikembe bate ba mbur'ande.³⁷Yono a ngondoko ishanda mbe inyanda u ndeke miyi a kapa ndjua yemene u miyi, ndo yono a ngondoko muan'ande ndjua ba rungu mbe ndjua ba wata u ndeke miyi a kapa ndjua yemene u miyi. ³⁸Yono a mereke wosho nte muande mua wesheshe, ndo a mereke u ndaba miyi bi, a kapa ndjua yemene u miyi. ³⁹Yono yi rondo monyo muande yi muri murimishi, ndo yono yi rimishi monyo muande shini miyi yi karake mupete.⁴⁰Yono a maka bu waya a mpuayiki miyi, ndo yono a mpuayiki miyi, a nguayika yande yono ndjua a tomo miyi. ⁴¹Yono a nguayika ngandjambe u nongo mua nde ngandjambe yi pepete iputu ra ngandjambe, ndo yono a nguayika moto ndjua rongo u nongo mua nde moto ndjua rongo yi pepete iputu ra moto ndjua rongo.⁴²Ndo ndjua kimi yono yi yeke moko ndjua baana ba bakeke pa ikopo ra mashi ma piyi shin'ande yiyi ngueke yone indjuama, ndake bushosho a rundu a bara-bara, yande ya pa rimishi iputu rande bi.

¹Itanga a mana Yesu u yeke ba weke bande ishanga ando ba pende marongo, ya ku kobuwo u nono, shini ku yishi ndo u toto ikambu ra risheke u mara ma manene mi itenye ra shini yini. ²Yone Mubatisi, a woko yande u mburu buroko bi toto mingunu nya bora Kristu, ya ku ntomosho ndambe baweke bande, ³shini ku wuru Yesu: "Wiyi yande yono a miki, mbe tshu kara baka yi ndjueke?"⁴Yesu ya ku ba barara: "Yakanana bu shosho Yone mana ma ngoko buini ndo mana ma monoko buini: ⁵Ba boriyi a mishi bake mono, batikinyi bake boko para, bina bara ba yembuwe, bane ba koko mato bake woko, bane bawa bake wumuwu, ndo Rushanga rua rusheke bake yishi a rundu bapoto. ⁶Bunyaka u bora yono ibere miyi wara iya ri ma buare mande."⁷Ngo a weke ba karuwa, Yesu kutapa u shosho yoro ra bate, rueyi rua bora Yone : "Nana a wende buini u mono u nenge mua yere ? Iboro ra nenge ra nyinyiki mungu ? ⁸Kek'ake, bua we mono nane ? Moto djua aneye mapere ma nganga ndja inono ? Rende, bane ba neyeke mapere ma nganga ndja inono biyi ku ma mburu mi ba kumu.⁹Bua we mon'aki nane ? Ngandjambe ? Ngosho, ndake bu shosho, ndo a ma reke ngandjambe. ¹⁰Ishin'ande yiyi yande yono a punda bande: 'Rende, nda ntomoko nyamboko ame u bosho buawa, shini ku roroyo mbok'awa u bosho buawa.'¹¹Ndake bu shosho a bara-bara, u ndenge a bate bana ba boto banda u boro ba wata, kuapa yono ndjua a punu u reke Yone Mubatisi bunene. Dji sheke wara ngosho, yono ndjua reke bukeke u bukumu bua riki yiyi ndjua nene u neke yande. ¹²U tapa itanga ra ngunu mua boro Yone Mubatisi inamana karini, bu kumu bua riki buiyi ku ya yeke a bunono, ndo pa ba nono bake bu wosho.¹³Ishin'ande ba ngandjambe ba bakimi ndo Mikendji nya bora Mose ba ma shakara inamana ku Yone; ¹⁴ndo mbe bua wondo u ntshimbiri, yande yiyi Eliyi yono yara wiyi. ¹⁵Yono yiyi a mato, yi woko.¹⁶A nane yi koriyi miyi nkumbu yine ? Ya puanyaka baana bane ba ntshikimi u ndenge a moshoro, ndo bane, ba wuruku baana bane ibeke, ¹⁷ba noko: Tshua nguara tshu bu beteshe mishembe, ndo shi bua mini bi! biti kubara ndjembe shi irere, ndo buini shi bua rere bi!¹⁸Ishin'ande Yone a ma wiyi, ka djiki mbe kunyo, ndo bate ba noko: Yiya demo. ¹⁹Muana moto a mawiyi, a nyiki ndo a nyuku, ndo bate ba noko: Rende yiyi nyi bidjere ndo nyo, mbaya ndjua ba putushu ba namba ndo ndjua bate ba meye ma mabe. Kek'ake buanya bua Ndjambe bua moniyo u mingunu nyanda.²⁰Keke ya ku tapa u roro mara mana ma manene ma kereme bishana djande buika-buiki u kata manda, shin'ande ka ma toko barara miteme. ²¹Irerere rawa, Korazine! Irerere rawa, Betesayida! Ishin'ande, mbe bishana djini dja nkereme u ndenge awa dja kereme ku Tyre ndo u kata Sidone, shini ba ma biki u barara miteme tamba yini, u reye ma pundju ndo u ya koro butoko. ²²Iraka rini ndake bu shosho: u rushu ru marumbushu, Tyre ndo Sidone bi baru barumbushu ndo ndamba boro u ireke wene²³Ndo wene, Kaperenaum, Ndjambe yi ito yitoro inamana ku riki ? Kuapa, yi kayi karasha a shini inamana iraka ra bate ba wa; ishin'ande, yare war'ande bishana djini dja nkereme u ndenge awa djakereme ku Sodomo, djarak' wara inamana karini. ²⁴Iraka rini ndake bushosho: U rushuwu ru marumbushu shini ndja Sodomo bi yiru yirumbushu ndo ndamba boro u ireke wene.²⁵U itanga rini, Yesu ku ror'ande : "Ndake itonosho wene, Tata, Kumu ndjua riki ndo ndjua shini, ipu ra shueye wene meye mana ngowo u banya ndo bayebe, ndo ipu ra ntshundju wene a manda baana ba bakeke. ²⁶Ngosho, Tata, ipu ra wondo wene u ruwondo ruawa ande djare ngowo. ²⁷Meyi ma makimi miyi ma peke u bora Tata yone indjuama, ndo kuapa a moto a nyebeke Muana, pa Tata; kua a moto bi a nyebeke Tata, pa Muana, ndo yono Muana a nguesheke yanda utshundju.²⁸Yi nana u boro buama, buini bakimi bana ba nteke ndo biya ndo mariti, ndo miyi ndi buki bukitiyi inyomo. ²⁹Totor'anana nkamba muame ariki rini ndo woshana marongo mama, ishini ndiyi ndjua wundjuwu ndo ndjua kitiyi nteme; ndo bu pepete makitiri mi nyomo u nyonyo nyini. ³⁰Ishin'ande nkamba muama mua kapa bunono u mu shende, ndo buriti buama buiyi shanga.

¹U itanga rini, Yesu a shambe yanda u mashobo ma ble u rushuwu rua sabata. Baweke bande, bana ba wara a ndjara, ba kutapa u bokoro nyeshe nya ble ndo ba kudja. ²A mono ba farisayi rueyi runu, ba ku ntshosho: "Rende, baweke bawa koyo ba nkereke rueyi runu rua bere ba yeke mboko u ru kere rushuwu rua sabata."³Kek'ake Yesu ya ku ba barare: "Ka bua toko bara runu rua kere Davidi, itanga ra woko yande ndjara, yande ndo bana ba war'ando nde; ⁴ipu ra nini yande u kata mburu a Ndjambe, ndo a dji bande mampa mikini, mana ma bere ba nyeke mboko ndja ya u ndja, ayasha bana ba wara ndo nde, kek'ake ma rondo ba pa ishini banganga-Ndjambe?⁵Mbe aki, ka bua toko bara rueyi runu u kata mikendje ande: matuwu ma sabata, ba banganga-Ndjambe ba make djaka ma benge ma sabata kata tempero, u bere wosho buriti bu bube bua bande? ⁶Kek'ake, ndake bu shosh'ande, djiyi ande yono yiyi ane a ma reke tempero.⁷Djare ware ande buake yebe rini ra noko roro: Ndiyi a nyingi ndja tshongo mua buiki, u iraka ra ndamba shi bashutu, ka buara buishi bana bi bere wiyi a rueyi makamba bi. ⁸Ishin'ande Muana a moto yi Kumu ndjua sabata."⁹Yesu ya ku kobuwo u nono, ndo kunini u sinagongo a banda. ¹⁰U nono moto a ma wara ando iyata ra womo. Ba farisayi ku wuru Yesu: "Ba ma yeke mboko ndja u bereshe moto rushuwu rua sabata?" Dja wara shini ba u npundu.¹¹Ya ku ba barar'ande : Nana u ndenge a yini, mbe yara ando panga pa moko ndo yi buaka u ibembe rushuwu rua sabata, yi bere wende u nguata ndo upunushe u none? ¹²Keke moto yiya ando nganga u reke panga! Djiyi dja yek'aki mboko u kere busheke rushuwu rua sabata.¹³Keke ya ku roro moto yono: "Shembere iyata rawa." Ya ku rishembere, ndo ri kukaruwa busheke ngo ireke. ¹⁴Ba farisayi ba kupunu, ndo ku ya kokiyi u boko pungu shi mapu mi nyaka.¹⁵Ndo Yesu a ruyebe yande, ya ku kobuwo a nana. Yoro ra rinene ra wiki naba. Ya ku bereshe babere ba bakimi, ¹⁶ndo yaku bakara buika-buika ande a reke bua shono ande ndiyi nana, ¹⁷shin'ande runu rua roro ngandjambe Ishaya ru yemene:¹⁸Rende muina ngunu muama ndjua shoro miyi. Indjuama ndjua ru wondo yono nteme muame mua nyaka a nde. Ndi shishiki Nyuma a me a riki randa, ndo ishosho mabiri rongo.¹⁹Yande ko she nanashe a moto bi, ko iteye ruaba bi, ndo kua moto iwoko rutoto ruanda u misheshe nya mboko. ²⁰Yi rene she bokoro iboro ra nenge rini ra nunu, ndo irene she nyimi nkoro mua tiyi mua nkaka npunushu ningi, yi ke kere ngono inamana yi shambasha yande rongo bunono. ²¹Ndo mabiri mishishiki nteme u rukombo ruanda.²²Keke ba u nasha muina demo a boriyi mishi ndo a beke we toto, ndo ya ku mereshe, u ipu ande kamama ka ku toto ndo ka ku mono. ²³Yoro ra rikimi ra keme ndo ra ror'ande:" Yono, akapa Muan'abora Davidi?²⁴Bafarisayi, a woko bande rueyi runu, kuroro: "Moto yono a mingiki ba demo pa ndo Berzebur, kumu nene ba demo." ²⁵Ngo Yesu a yebeke yande manya ma banda, ya ku baroro: Bu kumu bua bukimi mbe bu ya kapasha bund-a-bundu bua meke pandjisha, ndo kua boro bua bunene mbe mburu iya kapasha yi mene ya kapa rene kara wara bi.²⁶Mbe yar'ande satana abingi satana a ma ya kapara yanda mene; ipu nanaki bukumu buanda bu rene bundu kara war'arue? ²⁷Ndo mbe djar'ande miyi nda mingiki ba demo ku Berzebur, baweke bini, baka mingi ku nane? Iraka rini yi wara banda mene ba shushu bini.²⁸Kek'ake, mbe djar'aki ande ku Nyuma a Ndjambe a mingiki miyi ba demo, bukumu bua Ndjambe bua wiyi kek'angowo u mbete ayini. ²⁹Mbe, ipu nan'ake moto anguara ruere nini u mburu a moto ndjua nono ndo yi wosho bi kete djande u bere toko kanda bukoto? Ku itanga rini ri rene yande wosho bikete u mbur'ande. ³⁰Yono ibere wiy'ando me, yiyi nash'ami, ndo yono a meke kokoyo ando me a make pandja.³¹Iraka rini ndake bushosh'ande: bube bua bukimi ndo matoworo ma Ndjambe bi ririmbisha amande bate, kek'ake matoworo ma Nyumu ndjua ntsheke bapa marimbishi bi. ³²Moto ndjua nkimi yono yi toto bube ariki ra Muan'a moto, bi ninimbishi a rundu; kek'ake moto ndjua nkimi yono yi toto bube ariki ra Nyumu ndjua ntsheke, ko bishe nimbishi a rundu, mbe ku matuwu ma rini mbe ku matuwu mana ma miki.³³Mbe kuapa bu roro ande nte muiyi busheke ndo rundombo rua mundu ru busheke, mbe kuapa bu roro ande nte muiyi bube ndo ru ndombo rua mundu ruiyi bube; ishin'ande ba nyebeke nte ku ndombo. ³⁴Mboto ndja bandjowo bipere, ipu nana irene buini toto meye ma masheke, ngo yi buini bina kabue? Ishin'ande ku buiki bua meye u nteme iraka numbu mua ntotoko mundu. ³⁵Moto ndjua ntsheke a mpunushuku bikete ndja bi sheke u nteme mua nusheke, ndo moto ndjua me a mpunushuku bikete dja bibe u nteme mua mube.³⁶Ndaka bushosh'ande butuwu bu marumbushu, bate, bi rorondoro shini toto sha ngona-ngono sha shikimi sha punushuku bande. ³⁷Ishin'ande u mboko ndja toto shawa, bi ishu-ishuwuru, ndo u mboko ndja toto shawa biyi dja yi djaka ma kambu.³⁸Keke ba pundu mikanda beke ndo bafarisayi ba kuwosho rutoto, ndo kuroro: "Muyishi tshua nguesheke ku imono u kere yendje rishana." ³⁹Yaku ba barar'ande: "Kumbu a kabua ndo ndja peme ya nomboko yendje rishana; kuapa a yendje ri bu yeke banda paki ri rini ra bora ngadjambe Yona. ⁴⁰Ishin'ande, ipu ra wara Yona u ikundu ra shue ndjua nene nyanya mi shata ndo matuwu mashata, ipu ri moko Muan'abora moto yi kere nyanya mishata ndo matuwu mashata u kata shini.⁴¹Barungu ba Niniwe bi ka katuwu, wu butu bu marumburu, ando kumbu yini ndo bi yi dja yidjaka makambe. Ishin'ande ba ma barara miteme nya banda u mayishi ma bora Yona; ndo rende, djiyi ani ngowo u reke Yona.⁴²Kumu ngata ndjua Midi yi ka katuwu butuwu bu marumburu, ando kumbu yini ndo yi yidjaka makambe, ishin'ande a wiyi ku mbete shi ma manasha ma shin'amana shini yande u woko buanya bua Soromo, ndo rende, ndji ane ngowo u reke Soromo.⁴³Itanga nyumu ndjua mbindi a mpunuku yande u moto, a meke ku maraka mawomo, u shoto ipu ri kiti, ndo ko she rimono bi. ⁴⁴Keke yi roro: Ndi ka karuwu u mbur'ame u mbete yini ya npunu miyi; ndo, itanga ritoro yande, yito yi mono bu wana, ba yi wombo ndo ba yi roroyo. ⁴⁵Yende, ndo yi wosho nyumu sheke ando nde shamboro shini sha neke yande kabua, shinini u kata mburu, shi wata iraka, ndo puara dja ma manasha ndja moto yono yi buaka bube u reke ndja bukoto. Dji wara ipu ri moko shini kumbu yini ndja kabua.⁴⁶Ngo Yesu a kaka ya shosho yoro ra bate meye, mono inyande ndo ba binyande, ba wara u bushobo, ba shotoko u tot'ande. ⁴⁷[Moto ya ku ntshosho: "Rende, nyowo ndo bana ba nyowo kaba u bushobo, ndo ba ntshotoko ku toto awa."]⁴⁸Kek'ake Yesu ku barara yono a ntshoshoko: "Nana yi maya, ndo baana ba maya ba nane?" ⁴⁹Ambishi, a shembere iyata rande ariki ri baweke bande, ya kuroro: "Rende maya ndo baana ba maya. ⁵⁰Ishin'ande ndjua nkimi a nkereke ruwondo rua bora Tata yone indjuama yiyi u kata riki, yande yono yiyi muan'amaya ndjua barungu, ndo muan'amaya ndjua bawata, ndo maya."

¹Munu rushuwu runu, Yesu ku punu u mburu, ndo ku shikimi u mbonga ndjare. ²Yoro ra rinene ri ya kokoyo rindi ngama nde, irak'rini ya kunini ukata buate, ndo ya kushimi. Yoro ra rikimi ra wara ra shumu a mbongo.³Yesu ku ba shosho meye ma buiki u mikondo, ndo ya ku roro: "Ngono, a punu shini ku wono. ⁴Ngo a wonoko yande, ndamba ndombo sheke shiku buaka u kuandja a mboko, bapuru ba wiyi, ndo ku shidja. ⁵Ndamba indjeke yi ku buaka u iraka ri ma manya, rini ra bere wara a mana ma buiki: Mun'anana shiku pushuwu, shin'ande ka sha shepete shini dja ngindi; ⁶kek'ake, itanga a punu rindi, shi ku rembe ndo shi ku womo, shini ku bere wara a nyiri⁷Ndombo sheke shi ku buaka ukata minambe nya kenge: minambe ananga nyindi ndo ku shiringi u shi wubushe unanga. ⁸Ndombo shek'ake shi ku buaka u shini ndja isheke, kutu ndombo, rundombo kutu rukama, irueke kutu mashanga ma shamunu, irueke kutu mashanga ma shata. ⁹Yono iy'ando mato iwoko.¹⁰Baweke baku karuwa a ngama, ndo ku noro: Ishini yeye amak'wene ba totosho u mikondo? ¹¹Yesu ku babar'ande: Shini buini ba buyeke buanya buyebe meye mashuama mi bukumu bua riki, ndo ki u bande kaba toko bayeke a bundu. ¹²Ishini bi yeyeke yono iya ikete, ndo iwar'ando dja buiki u reke, kek'ake yono ibere wiy'arindi bi tantambara a rini riy'ando rindi.¹³Irak'rini a make mi bashosho meyi u mikondo, ishin'ande u rende ka ba ntsheke mono bi, ndo woko, ka ba ntsheke woko mbe ku shimbiri. ¹⁴Ndo shini banda ru toto rua ngandjamba Yeshaye ruyemene: Bu wowoko a mato mini, ndo ko bua shimbiri bi; bu rende a mishi mini, ndo ko bu mono bi.¹⁵Ishini nteme mua bate bana mua wiyi mua munono; ba kanga mato mabanda, ndo ba riti mishi ma banda, ipu rin'ande ko bamono a mishi ma banda, ko bawoko a mato ma banda, ko ba shimbiri u nteme mua banda, ko ba barara nteme, ndo miyi ubere ba bereshe.¹⁶Kek'ake buini buiya a bunyaka, shini mishi mini make mono, ndo mato mini make woko. ¹⁷Ndake bushosho ku bara-bara, ba ngandjambe ba buiki ndo bate barongo ba ma shoto umono meye mana ma monoko buini, ndo ka batoko ma mono, u woko mana ma ngokoko buini, ndo ka batoko mawoko.¹⁸Buin'aki woko anana runu rua nesheke nkondo mua ngono. ¹⁹Itanga rangoko moto rueyi ru bukumu ndo she irushimbire, Muina yongo yiyi ndo iteye rini rangono banda u nteme muanda: Moto yono yiyi yande yono awosho ndombo u kuandjua mboko.²⁰Yono a wosho ndombo u kata shini ndja mamanya, yiyi yande yono angoko rueyi ndo a maka ruwaya anana ando bunyaka. ²¹Kek'ake akapa nyiri u yand'amene, akapa mashukuru, ndo itanga ramiki ntanda mbe ke ma monosho ma ndjoro shini rueyi rua Ndjambe, munana yande ipete mboko dja u buaka.²²Yono a wosho ndombo u ndenge mishueye, yande yono angoko rueyi kek'ake nyingi sha meye ma shini a mana ndo mashikiri ma nteme u biroko dji kanda rueye, ndo ngo rua tu ndombo. ²³Ndombo sha buaka u shini dja ishike, yanda yono a ngoko rueye ndo a make rishimbiri; a ntuku ndombo, rundombo rua motoko ru kama, irueke masha ma shamunu, runu irueke masha mashata.²⁴Ya ku ba bokosho nkondjo mueke, ndo ku ror'ande: Bu kumu bua riki buiyi ngo moto yono awono ndombo sha shisheke u ngond'ande. ²⁵Kek'ake itanga awara bata u ndjondjo muini ikembe randa a wiya ndo ya ku wono itete ra ribe undenga ble, ndo kue yanda. ²⁶Itanga ra pushuwu ndombo ndo a boto shindi, itete ra ribe kupushuwu a rindi.²⁷Bina ngunu ba muina mburu ba kuwiyi ba ku tshosh'ande: Kumu, wene ka watoko wono ndombo sha shike u kata ngondo a wu mbe? Itete ra ribi ra mi punaki kueye? ²⁸yande ya ku bashosh'ande : Dji muin'ikembe a nkere runu. Ndo bina ngunu ba ku nor'ande: Wawesh'ande tshue bitokoro?²⁹Kumu ya ku ba barar'ande : Kuapa , u butete a nde u matokoro mi itete ra ribe bua nguara ruene tokoro ayasha ble shoko imoko. ³⁰Bireker'anana dji nang'irak'imoko rina a rini inamana itanga ri makununu, ndo itanga ri ma kununu, ndi shosho bakun'ande : "Butey'anana itete ra ribe bukote, ndo ri kanda ma boko shini ku rikoro tiyi, kek'ake bu kunu ble bu yorosho yanga rama."³¹Ya ku kara ba bokosho nkondo mueke, ndo ku roro: Bukumu bua riki buiyi ngo ru ndombo ru mutade rua wosho moto ndo wono u kata ngond'ande. ³²Rundombo runu ruiyi rua rukeke u kata ndombo sha shikimi; kek'ake a pushuwu rundu, ru reke bipuru bi dja ndo rubuaka nte, ipu nde ba puru ba riki biyi u wara u kata tamba sha mundu.³³Ku karababokosho nkondo mueke munu: Bu kumu bua riki buiyi bua puanyish'ando Levire ndja a ngoshoko ngata ndo a tshiki u woshoro ando ndamba bunana bua buiki, inamana a totowoko djindi.<<<<<<< HEAD³⁴Yesu a shosho yoro ra bate meyi mana ma makimi u mikondo, ndo ka toko ba totosho bi ubere boko mikondo, ³⁵shini ku yemeshe runu rua toto ngandjambe ande: Ndi toto u mikondo, ndi shoshono meye mana ma shuama to ma wangara ma shina mana.=======³⁴Yesu a shosho yoro ra bate meyi mana ma makimi u mikondo, ndo ka toko ri totosho bi ubere boko mikondo,³⁵shini ku yemeshe runu rua toto ngandjambe ande: Ndi ri ripiri numbu muama u mikondo, ndi toto meye mana ma shuama to ma wangara ma shina mana.>>>>>>> 72b19f479ac29af3eb0ad7ba3eec1ac63f00160a³⁶Keke ya ku karasha yoro ra bate, ndo ku nini u kata mburu. Baweke bande kukaruwa a ngam'ande, ndo ba kuror'ande: "Tshu shimbishi busheke nkondo mu itete ra ribe ra ngondo." ³⁷Yande ku barar'ande: "Yono a ngonoko ndombo sha shisheke, iyi Muana moto; ³⁸ngondo iyiyi ngo shina mana, ndombo sha shisheke shiyi baana bi bukumu; itete ra ribe baana ba muina yongo. ³⁹Muini ikembe yono a wono itete ra ribe yiyi diaboro; itanga ri kunu riyi mamanasha mashin'amana; bakunu biyi banjero.⁴⁰Keke, ngo a ntokoro bande bitete dja bibe, ndo baka biboko ku tiyi, dji wara ipu rin'imoko u ma manasha ma shin'amana. ⁴¹Muana a moto itotomo banjero bande ndo biteye u bukumu buande bana ba muishiki bate u bube ndo bakere bube. ⁴²Ndo ba u baboko u ibembe ra tiyi tshua tshunono, u iraka riwara bi rere ndja buiki ndo mashumunu ma mini. ⁴³Keke bate ba rongo bi kere-kere ngo itanga u kata bukumu bua bora ishaba. Keke yono yiy'ando mato yi woko .⁴⁴Bukumu bua riki bu kara wiyi ngo biroko djini dja shuama u kata ngondo. Moto yono ama bimono ibishueye; ndo ukata bu nyaka buande, ye kapa bikete djande dja bikimi, ndo ishombo ngondo yini. ⁴⁵Bukumu bua riki buiyi ngo nkapa bikete, yono ye shoto mayenge ma masheke manganga. ⁴⁶Itanga a mono yande iyenge ra nganga ndja inono, ya kuende, ya kukapa bikete djande dja bikimi, ndo ya ku rishombo.⁴⁷Bukumu bua riki buiyi shoko sheke ngo buanda bunu bua moko banda u kata iribi ndo uwate bashue bi mapu mama kimi. ⁴⁸Itanga a nyoroko bundu, bawata bashue ba ku bunana u kuandja masha, bishikimi ndo bishiki u ndjawu rini riyi ra risheke, ndo bi boko rini riyi ra ribe.⁴⁹Dji wara ipu imoko u mamanasha mashin'amana. Banjero biwiyi shini ku kapara bate ba babe ando bate ba rongo, ⁵⁰ndo bi ba boko u ibembe ra tiyi tshua tshunono, u iraka ri wara birere ndo mashumunu ma mini.⁵¹Yesu ku wuru baweke band'ande bua shimbiri meyi mana ma makimi? Eh, ku barara bande. ⁵²Ndo ya ku ba roro: Irak'rini nyebe a nkedje ndjua nkimi ayishe bande u rueye ru bukumu bua riki, yiyi ngo kuma mburu yono ampunushuku bikete dja wara ndo dja yembe u kata ntshete muanda. ⁵³Itanga Yesu amana ya mikondo nyini nya mikimi, ya kukobuwu u iraka rini.⁵⁴A we yande ra boro bua nanga yanda, ndo ya ku yishi u kata sinangongo a bande, ipu nde bana bawara bi ngoko, bawara biya kama ndo baroko: Buanya bunu ndo bishana djini dja miki npununu kueyi? ⁵⁵Yapa wara muana nkombo mabaya? Mariya akapa inyande? Jake, Yosefe, Simo ndo Yude bakapa ba binyande? ⁵⁶ndo ba binyanda bi ba wata bakapa ba bakimi u ndenga yiti? Meye manake ma makimi ma nku npununu kueyi?.⁵⁷Ndo a wara shini bande ngo ibuakare ra banda. Kek'ake Yesu ku baror'ande: Ngandjambe yiyi a rutono u maraka ma makimi, kek'ake akapa rutono u bora bande ndo u mbur'ande. ⁵⁸Ndo katoko kere meye ma buiki mi bishana u iraka rini, shini a bere bande u ngueshe.

¹U itanga rini, Herode, Guvene ndjua Ngarere a woko yande ba bi toto rushanga rua bora Yesu. ²Ya ku shosho bina ngunu muand'ande: "Moto yosho yiyi Yone Mubatise! Yanda a ngumuwu u bawa, ndo irak'rini yiyi a bukumu bu bishana dja nkeremeke u yande."³Ishini Herode, ndjua a washe Yone, a nkanda minamba ndo ku ntshiki u buroko shini Herodiase, ngara Filipi, muan'inyande, ⁴Ishin'ande Yone a noko: Ka dja ntsheke iyeke mboko wene u ngoshe ngo ngar'awu. ⁵Herode a wesheke u nyaka, kek'ake a tiniki yoro ra woko Yone ngo ngandjambe.⁶Ke rushuwu ru iyoro ri mabotoro ma Herode, muana ndjua ba wata ndjua boro Herodiase ya ku mini wu ndenge a bate ba wuru bande, ndo ku nyakasha Herode, ⁷u ipu nde ya ku naya u ya tshipi u nyeke ra rikimi ri rombo yande.⁸U matomono ma bor'inyande, ya ku ror'ande : "Pek'ani ngowo, ntshu mua boro Yone Mubatise a riki ra yawu." ⁹Kumu ku woko ndjoro sha buiki, shiniki itshipi rini ri ya tshipi yande ndo bana ba wuru yande, ya ku tomo rueyi ande bi nyeke a mundu.¹⁰Ya ku tomo ande bi kekere ntshu mua boro Yone u mburu buroko. ¹¹Ba kushende ntshu muande u kata yawu, ndo ba ku yek'a mundu irenge ra mua ngata, ya kueshesha mund'inyanda. ¹²Baweke ba Yone kuiyi u wosho rutoko ruanda, ndo kue ba ru reye. Ndo ba ku wende we shoshe Yesu.¹³U rushangu runu, Yesu ku kobuwu anana u kata buata shini ku wende u pishimi u iraka ra nenge mua yere; ndo yoro, a yebe rindi, ku punu u mara ma manene ndo ba ku naba u mikoro. ¹⁴Itanga ra punuku ya u buate, ku mono yoro ra ri nene, ndo ku riwoko irere, ndo ya ku bereshe ba bere.¹⁵A kere ikokoro, baweke kuiyi ngama nde, ndo kuror'ande: Iraka rini ngowo ri nenge mua yere, ndo itanga ra mana shanba; karasha bate be wende u kata mara ma makeke shini ku ya shombosho bidjere dji dja.¹⁶Yesu ya ku ba barara ya nde: Ba kapa a nyingi ndja ba wende bi; "ba yek'anana buin'amene bi kete bi dja." ¹⁷Kek'ake ba ku noro band'ande: Biti tshuiyi ane pa mun'ando mampa ma tana ndo bashu bapende. ¹⁸Ndo ya kororo: Yi na sheshe a djindi u wenye¹⁹Ya ku shikiyi yoro a shini ariki ra nenge, ku wosho mampa matana ndo bashu bapende, ndo ku totoro mishi u riki, ku karasha maranga. Ambishi, ku peshere mampa ndo ku yeke ba weke ba u kapasha a manda yoro. ²⁰Ba bakimi ku dji ndo ba kuwutu. Ndo ba ku kokoyo peshere shini sha shara, ku yorosho mitete ishanga mipende. ²¹Bane ba dji ba wara ruere rua bate bi nunu bi tana, u teye ba wata ndo baana.²²Mun'anana ambishi yini, ya ku kureshe baweke a bunono u banda ukata buata, ndo bi te wende u bosho buanda u muiri mua wono, itanga rini ra karashaka yande yoro. ²³Amana yande karasha yoro, ya ku banda u nkondjo shini kue rombo Ndjambe ya mene u pishimi; ndo ikokoro a kere rindi, ya ku wara yand'amene u nono. ²⁴Buate, bua waraki u ndenge a ndjare, bua wara bu nyu-nyungu a ma pakara ma masha, ishini pungu ya kumuku u pende ya weke buate.²⁵U ba koko baneye bi bu tuwu, Yesu ya ku shepere akora banda, ya yi boko para ariki ra masha. ²⁶Itanga baweke a mono banda ya yi boko para ariki ra mashi, ba ku riti, ndo ba ku roro: "Yara ngeshe," ndo ba ku wabuwu a bu tete. ²⁷Yesu ya ku ba shosho mun'anan'ande: "War'anana a bundueye! Yi miyi; a reke bua wok'anana butete."²⁸Petero ya ku marara: Kumu mbe djar'ande wene, punushu ru tot'ande ndiyi u mbete yini yi wene mi ndi boko para ariki ra masha. ²⁹Yesu ku nor'ande: "Iya." Petero ya ku punu u buate ndo ya ku boko para ariki ra masha shini kuende u mbete yini ya wara Yesu. ³⁰Kek'ake a mono yande pungu dja inono ku woko butete. Ngo puara yini ya tapa yande u ya nyimi u masha, ya ku punushu ruab'ande: "Kumu, pondjoro!"³¹Mun'anana Yesu ya ku shembere rowo, ku nguata ,ndo ku noro: Moto ndjua maweshere mama keke, ishini iyeye a ntshiki wene nyana? ³²Ndo ba ku banda u kata buate, ndo pungu yi ku rekere u kuishi. ³³Bana bawara u kata buate, ba ku boroshe Yesu ma mongo ba roro: "Wiyi u bara-bara Muana bora Ndjambe."³⁴Amana banda u katasha iribi, ba ku wiyi u kata shini dja Genezarete. ³⁵Bate bi iraka rini a yebe ba Yesu, ba ku tomo ba wende shanga u mbete shini sha shi kimi sha ngama ngama, ndo ba ku ntsheshe ba bere ba bakimi. ³⁶Ba ku mondoro ande bikumunu pa shosho ndja mapere mande. Ndo bane ba bakimi ba nkumunu ba ku beruwu.

¹Keke bafarasayi ndo bapundu mikanda ba u punu u Yerushaleme ba wiyi gama a bora Yesu, ndo ku roro band'ande: ²Ishini iyeye baweke bawo ba nyaka kerere dja ba wotara? Ishini ka ba ntsheke woko djara itanga ra nyiki ba bidjere dja banda. ³Ya ku ba barara: Ndo buina ki ishini iyeye a nyakaka buinu ibenge ra bora Ndjambe u nyakasha kerere a yini?⁴Ishini Ndjambe a ror'ande : U yeke isho ba nyowo rutono; keke yono ikok'ishanda bube mbek'inyanda, yiyi djua reye u iwa. ⁵Kek'ake buini, bua noko: Yono iroro ishanda mbe inyand'ande: "Rini ra naka miyi yeke u washe riyi ikete ri ye Ndjambe namba," ⁶moto yono a noko ngoshe she sheyeke ishanda mbe inyanda rutono. Irakake bua nteyeke ru toto rua bora Ndjambe nganga a rundu u nyakashe kerere a yini.⁷Bina masha ma pende, Yeshaya a ma shuwu a toto yande busheke ariki rini, itanga aroro yand'ande: ⁸Bate bana ngowo, ba ntonoshoko ku mayobo ma numbu, kek'ake miteme nya banda nyiyi tamb'ando mi. ⁹Ma toro ma ntoroko banda miyi ngona-ngono, ishini mayishi ma nyishiki banda miyi mabenge ma bate.¹⁰A wuru ya yoro ndo ya ku ri roro: "Wokanana ndo shimbira nana. ¹¹Kuap'ande rini ra niniki u numbu ri ra ngonoko moto; kek'ake rindi rini ra punuku u numbu, ri ra ngonoko moto."¹²Keke baweke banda ku karuwu ngama, ndo ba ku nor'ande : "Wake yeb'ande bafarasayi ba nguara ntanda u miteme nya banda u toto sha ngoko bande?" ¹³Yesu ya ku ba barar'ande: "Nti mua mukimi munu mua bere wono Tata yono indjuama yiyi u riki, bi mupu muputuru. ¹⁴Bareker'anana: biyi ba boriyi ya mishi ba meke rate ba boroyi ya mishi; mbe moriyi a mishi yiki rate moriyi a mishi, pend'abande beke buaka u kat'ibembe."¹⁵Petero, a wosho ya rutoto, ku noro: "Tshu shimbishi nkondo munu." ¹⁶Ndo Yesu ku roro:" A yasha buinaki, buakapa ba bayemene buini rene shimbire? ¹⁷Kabua tsheke shimbiri a buini ande ra rikimi ra niniki u numbu ra meke ra kat'ikundu, ambishi bi ri boko u ngumbu?¹⁸Kek'ake rini ra punuku u numbu ra mikupunu ku nteme, ndo rindi ra ngonoko moto. ¹⁹Ishin'ande ku nteme muameke punu manya ma mabe, madjara ma bate, ma woshoro mi bawara shibakana, bushoshombo, buembe, buteme bua bube, ma bangashe ma bate meye, matoworo ma Ndjambe ²⁰Rende meye ma ngonoko moto, kek'ake wudji u bere woko djare, ka dja meke wono moto bi.²¹Yesu a kobuwu yanda u nono, kuende u kata shini dja Tyre ndo dja Sido. ²²Ndo rende, ngata djua Kanana, djua upunu u mbete shi itegne ra shini yini, ku morosho wobo: Poko ntshongo , Kumu, muan'abora Davidi! Muan'ami ndjua bawate indjua monosho ndjoro u bora demo. ²³Yesu ka toko marara a rueyi bi, ndo baweke banda ku karawa a ngama, ndo ku nombo band'ande: Nkarasha ishin'ande a miki tshu shere rubua a mbishi.²⁴Ya ku barar'ande: "Ba tomaki pa ku bapanga ba rimi ba mburu ndja Isarere. ²⁵Kek'ake ngata yono kuiyi ku boro ma mongo u bosho buande, u ror'ande : Kumu, pondjoro!" ²⁶Yesu ku barara: Dja kapa busheke u wosho diampa ra baana, ndo ribokosho baana bi ba mbua.²⁷Ngate ku marara: Eh, Kumu, kek'ake bana bi ba mbua ba nyiki peshere sha muakaka shini u meshe mi bakumu ba banda. ²⁸Keke Yesu ku noro : Ngate, maweshere mawu miyi ma manene; ndji ikereme ipu rini ra ngondo wene. Ndo, munu itanga rini, muan'ande djua ngata ku berewu yanda.²⁹Yesu ku kobuwu u maraka mana, ndo kuende a kuandja iribi ra Garere. A banda yande u nkondjo ya ku shikimi u nono. ³⁰Keke yoro ra rinene ku karuwu ngam'ande, rawara ando rindi bate ba weke tikinyi, ba boriyi a mishi, bini bitowo, tshumama, ndo babere beke ba buiki. Baku bashiki u para shanda, ndo ya ku ba bereshe; ³¹ipu rin'ande yoro ra wara ri keme, umono tshumama utoto, bini bitowo u berewu, bane ba weke tikinyi ba ku boko busheke, baboroyi a mishi ba monoko; ndo ra tonosho Ndjambe ndjua Isarere.³²Yesu, a wuru ya baweke bande, ku roro: "Ndiyi ndo irerere shini yoro rini; ishini rende matuwu ma shata biyi u ngam'ama, ndo ba kapa ndo rini ridja. She nda wondo u ba karasha a djara u bu tete nde ka be shoto bunono a mboko." ³³Baweke ba ku noro: "Ipu nana ri ruene biti shombo u ndenge bushobo bunu bua womo mampa ndamba buiki mi rene wutushu yoro ra rinene ngo?" ³⁴Yesu ku ba wur'ande: "Buiya a mampa buiki mbuenye?" Ba ku barara,"shamboro, ndo tshushu tshueke tshua tshukeke." ³⁵Keke Yesu ku punushu rutoto u shikiyi yoro a shini,³⁶Ku wosho mampa shamboro ndo bashu, ndo ambishi a mana yande karasha maranga, ya ku ma peshere ndo ku ma yeke baweke bande, ke baweke ku kapasha yoro. ³⁷Ba bakimi ba ku dja ndo ba ku wutu, ndo ba kutoro mitete shamboro nya yoro a peshere shini sha shara. ³⁸Bana badja ba wara barungu binunu binene, u bere bara ba wata ndo baana. ³⁹A mbishi yini ya ku karasha yoro, ku banda u buate, ndo ya kuende u kata mbete a shini ndja Magadana.

¹Ba farasayi ndo ba sadisene kuiyi a ngama a Yesu ndo, shini ku nkiki, ba ku nomba u bashundju yendje ra mike punu u riki. ²Yesu ku babar'ande: "Ikokoro, bua noko: "Tshuara a itanga ra risheke, ishini riki riyi baba.'³Ndo ngebutuwu, bua noko:"Djara itanga ra ribe, ishini riki riyi baba a muimini.' Bua keyebe ukapara ipu rini ri riki, ndo bua karene ukapara djendje dji ma tanga. ⁴Kumbu a kabua ndo bundumbu ya nomboko yendje rishana, kuapake yendje reke ri rene banda u iyeke mbe ra bere wara rini ra bora Yona." Ambishi ku ba kobuwu, ndo a wende yanda.⁵Baweke bande a shamba bande u muiri mua wono, baku u pimbi u wosho mampa. ⁶Yesu ku baror'ande : "Bu keb'anana ndo buyarama busheke u luevene ru Bafarasayi ndo ba Sadisene." ⁷Baweke ba ku wengeye banda-banda, ndo ba roko:" Ndji nde ishini a mere biti wosho mampa." ⁸Yesu, a ru yebe ya, ku roro: "Ishini yeye amoko buini buanya u buin'amene, bate bi ma weshere ma makeke, ishini a noko buini bua kapa mampa?⁹Yara buiyi a buini ubere wara a bushimbiri? Ndo ka bua nkananaka mampa matana mi binunu bitana dja bate ndo mitete buiki mbuenye nya posho buini? ¹⁰Mbe mampa shamboro mi binunu binene dja bate ndo mitete buiki mbuenye nya posho buini?¹¹Mbuenye amereke buini shimbir'ande kuapa rueye rua mampa rua mi bushosho? Ya rondo anana u luevene ru ba Bafarasayi ndo ba Sadisene." ¹²Keke ba ku shimbiri kuapa luevene rua mampa rua roro yande u ya rondo, kek'ake u mayishi mi Bafarasayi ndo Basadisene.¹³Yesu a toro ya u kata itenye ra shini ra Sesare ra Filipi, a wuru baweke banda u roro: "U bate nana yiyi Muana moto?" ¹⁴Baku barar'ande: "Bana banok'ande wiyi Yono Mubatizi; ibeke, Eliyi; ibeke, Yeremiyi, mbe moko ndjua ba ngandjambe." ¹⁵Buin'aki, ya ku ba wuru, bua noko ndi nane? ¹⁶Simo Petero ku barara:" Wiyi Kristu, Muana a Ndjambe ndjua monyo."¹⁷Yesu, ku karawosho ru toto, ku nor'ande:" Wiyi ndjua nyaka, Simo muana boro a Yone; ishini kuapa rutoko ndo makere dja yi ripire runu, kek'ake djiyi Tata yono indjuama yiyi u riki. ¹⁸Ndo miyi, ndak'ishosh'ande, wiyi Petero, ndo ki ariki ri manya rini ndi shoshoro Ekelesia indjama, ndo ki makuku mi iraka ri bawa makapa ruere ishamba bi.¹⁹Ndi iyeyeke shapa shi Bukumu bua riki: Rua rukimi rukanda wene a shini a mana ruake wara rua kanda u riki, ndo runu rutunu wene a shini a mana, ruake wara rua tunu u riki." ²⁰Keke ya ku kara bawek'ande areke ba shosho moto nde yande yiyi Kristu.²¹U tapa itanga rini Yesu ku shosho baweke band'ande u yembe dja romboko yande wende ra Yerushareme, u mono mitanda nya buiki u boro ba wotara ba bate, u boro bakubanganga ba Ndjambe ndo bapundu mikanda, bara nyaka, ndo yara wumuwu u butuwu bua tshiata. ²²Petero a nnana u mbete ndjeke ndo ku tapa nkanyine, ndo ku roro: "Kumu! Areke dja nyakasha Ndjambe, rueye runu rua karere toko yiwiri bi." ²³Kek'ake Yesu ku ya barara ndo ku roro Petero: "U mbish'ama, Satana! Wiyi ibuishiri rama; ishini manya mawa makapa manya ma Ndjambe, kek'ake manya ma bate."²⁴Keke Yesu kushosho baweke bande : "Mbe moto aweshe u ndaba, yiya bere, iyatotosho nte muanda mua wesheshe, ndo yi ndaba. ²⁵Ishini yono a ngondo u wondjoro monyo muande yi musho-mushotosho, kek'ake ndjua yi mu shotosho shini miyi, ikaraka mu pete. ²⁶Ndo mpoto nana mu buishe moto a wosho yanda shin'a mana ndja yikimi, mbe ashotosho monyo muande? Mbe ke mpoto nana mu reye moto u mu barara a monyo muande?²⁷Ishin'ande muana a moto yi wiki wiyi u kata rutono ru'ishanda, ando bajero bande; ndo keke ipuputu moto a moto u raba mingunu nyande. ²⁸Nda ku bushosho u bara-bar'ande: Bate beke u ndenga yini ane bapuwu bi, ba u bere mono Muana moto wiyi u kata bukumu buande."

¹Ambishi matuwu mashamunu, Yesu ku wosho Petero, Jake, ndo Yone muan'inyanda, ndo kue ba rata u pishimi uriki ra nkondjo mua ndembe. ²Ya ku barama u mishi ma banda; bosho buande bua temuwuku ngo itanga, ndo mapere mande kuiyi yeme ntshee.³Ndo rende, Mose ndo Eliyi ku ba pununu, ba totoko ando nde. ⁴Petero, ku wosho ru toto, ku roro Yesu : "Kumu dji busheke biti u wara ane; mbe wa weshe, ndi shoro ane matombo mashata, imoko shini wene, imoko shini Mose, ndo imoko shini Eliyi."⁵Ngo kaka ya yebe toto, ibende ra yeme ku ba kukiyi. Ndo rende, rutoto rua upunu u ibende a meye mana: "Yono yiyi Muan'ami ndjua ruwondo, yono a ndjereke miyi nteme: "Ngok'anana!" ⁶Itanga ra woko banda rutoto runu, baweke ku purumu masha a shini, ndo baku wara ando butete bua buiki. ⁷Kek'ake Yesu, a karawa ya ngama, ku ba kumunu, ndo ku ror'ande : "Katuwa nana, areke buara a bu tete." ⁸Ba ku shendere mishi u riki, ndo ba mono pa Yesu ya mene.⁹Ngo a tshuerewuku bande u nkondjo, Yesu ku ba kara: Areke buashosho moto imoniyi rini ra mono buini, inamana Muana moto yi wumuwu yanda u bawa. ¹⁰Baweke ba ku nguru ikongo rini: Shini yeye ba pundu mikanda a noko bande Eliyi ite wiyi bukote?¹¹Ya ku barara: Djiyi a bar'ande Eliyi yi wiyi, ndo shini ku shiki bikete dja bikimi a mboko. ¹²Kek'aki ndaka bushosho Eliyi a mamana wiyi, ka bashekare nyebe, ndo ba ku nkere ngo ipu rini ra wondo banda. Ipu imoko bi momonosho Muana moto mitanda. ¹³Keke baweke ba ku wok'ande amake ba shosho rueyi rua Yone Mubatisi.¹⁴Itanga ra toro bande u mbete a yoro, moto moko ya kuwiyi ya boro ma mongo a shini ubosho bua Yesu, ndo ya ku roro: ¹⁵Kumu woko muan'ame ntshongo, yono yiyi muin' isheshere, ndo antataka buiki; shoko sha buiki ameke buaka u kata tiya, ndo u kata masha. ¹⁶Nda me nata u bora baweke bawa, ndo she ba she yemene u mowo.¹⁷Yesu ya ku barara: kumbu ya shoto maweshere ndo ndja bube, inamana itanga kueye yara miyi ando yini? Inamana itanga kueye ri totoro miyi buriti buini? Yi ndash'anan'ande wenye. ¹⁸Yesu ya ku pangashe buiki demo ndo ya ku punu u muana, ndo mun'itanga rini muana ya ku beruwu.¹⁹Keke baweke ba karuwu ngama a bora Yesu, ndo baku nguru u pishimi: "Shini yey'aki biti tshua mere biti bingi demo?" ²⁰Yesu ku ba barar'ande: "Djiyi ishini yi buini a maweshere ma makeke. Ndake bushosho a bara-bar'ande mbe buara a maweshere ngo ru ndombo ru mutarede, bu roro nkondjo munu: Towo ane yaka u wono, ndo mu ya toya-totoro anana uwende u wono; kuapa a ikete rirene bu wara bunono." ²¹[ Kek'ake demo ndjua ipu rini a meke punu pa ndo maromboro aki ukini bidjere.]²²Rushuwu rua kokomo baweke bande ba bakimi u Garere, Yesu ku ba roro: "Muana moto bineneye u djara dja bate; ²³bi nya nyaka, ndo butuwu bua ntshata yiwu wumuwu." Ba wara ba bondomo buika buiki.²⁴Itanga ra toro Yesu ando baweke banda u Kapernaumu, bate bana ba putushuku namba mua tempero, ku karuwu ngame a Petero, ndo ku nguru: "Kumu a yini a make putu namba mua tempero? ²⁵Ya ku weshe eh. Ndo itanga aniniya u kata mburu, Yesu ku wosho rutoto bukoto, ndo ku roro: "Simo wa mono mbuenye? Ba kumu ba shin'amana, ba meke wosho minamba, mbe uputushu ka reke ri banana? Ku bina boro mbeki ku benyambanga?"²⁶Petero ku tshosho: "Benyambanga." Ndo Yesu ku marara: "Bina boro bakapa ruere putu namba." ²⁷Kek'ake, shini ku bere ba tatasha, yaka ri iribi, boko iropo, ndo a wata wene shu ndjua bukoto ibara; nipiri numbu muanda, ndo u momono rupuaranga, u ruwosho, ndo u ba yeke a rundu shini miyi ndo shini wene.

¹Munu itanga rini baweke bakuwiyi u bora Yesu ndo ba ku ngur'ande: Nana aneke bunene u bukumu bua riki? ²Yesu ku wuru muana ndjua nkeke, ku ntshiki u ndenga bande, ³ndo ku roro: "Ndake bu shosho u bara-bara, mbe bua bere bamana ndo mbe bua bere wara ngo baana ba bakeke, ko bu shenini u bukumu bua riki bi.⁴Iraka rini, ndjua nkimi yi ya karasha shini ngo muana yono ndjua nkeke yi wara ndjua reke bunene u bukumu bua riki. ⁵Ndo yono a nguayaka u rukombo ruama muana ndjua nkeke ngo yono a npuayaka miy'amene. ⁶Kek'ake mbe moto a nishi moko ndjua bana bana ba bakeke ba npueshe miyi u bube, dji busheke shini yande bi nendiyi u ikoro randa imanya ra rinene, ndo bi moko u ngindi dja iribi.⁷Irere a shin'amana shini meye mi buishi bate u bube miyi ma buiki. Ndji bara a nde meye mi buishi bate u bube ruere mi waraki matuwu ma makimi. Kek'ake irere u bora yono a miki rata meye mi buishi bate! ⁸Mbe djar'ande iyata rawu mbe parawu rare 'ikete ri ma buara mawu, u batara ndo u boko tamba a ndo wu; dji busheke shini wene u nini u kata monyo mua musheke ubere wara a yata mbe rupara, a shumu ndja wara a para ipende mbe mayata mapende ndo biboko u kata tiyi tshua shera-shere.⁹Ndo mbe rishi rawa rara ikete shini mabuara mawa, ritokoro ndo riboko tamba a ndo wu; dji busheke shini wene u nini u kata monyo mua musheke ndjua wara a rishi rimoko a shumu yini ndja wara a mishi mapende ndo biboko u kata ibembe ra nginde ra tiyi.¹⁰Ya ram'anana u bere beshere a moko ndjua bana bana ngowo. Ishini ndake bushosho a nde badjero ba banda u kata riki bake mono matanga ma makimi bosho bua Tata yono idjuama yiyi. [ ¹¹Ishini Muana moto a wiyi ku wondjoro rini rarime.]¹²Bua moko buanya mbuenye? Mbe djar'ande moto yiyi ndo ba panga rukama, ndo ke moko djua band'irime, yape rekere bana ibeke masharibu a ribui areke ra nkonjo shini kue shoto yono animi? ¹³Ndo, mbe amono, ndake bushosho a bara, yara a bunyaka bua shamba u yanda u reke bana masharibu ba bere rime. ¹⁴Ipu yi moko, dja kapa u ruwondo rua bor'Ishini yono yiyi u rik'ande moko ndjua baana bana ngowo ba bakeke irimi.¹⁵Mbe muan'anyowo a yi kereshe bube, yaka ndo undjundju bundimbi bua nkere yanda buanguara ba pende wen'amene ando yande. Mbe yi wokosho, wa kareshe a mboko muan'anyowo. ¹⁶Kek'ake, mbe a bere yi woko, wosho ando wa moto moko mbe bapende, shin'ande rueye rushiri a riki ri matotoro mi bateme bapende mbe bashate.¹⁷Mbe a bere ba woko, rushosho Ekelesia; mbe a bere woko a yasha Ekelesia, yara u wene ngo yono a bere weshe Ndjamba mbe ngo mputushu minamba.¹⁸Ndake bushosho u bara, rua rukimi rukanda buini a shin'amana bi rukarukanda u kata riki, ndo runu rua rukimi rutunguru buini a shin'amana bi rutu rutunguru u kata a riki. ¹⁹Nda nkake bushosh'ande, mbe bate bapende u ndenge a yini bawokosho a shin'amana shini ku rombo ikete shongoro, bi bayeyeke a rindi u bora Tata indjuame yono yiyi u kate riki. ²⁰Ishini u iraka ra ya kokoyo bate ba pende mbe bashate u rukombo ruama, ndiyi u ndenga bande.²¹Keke Petero ku karawa a ngama a Yesu, ndo ku roro: "Kumu, shoko buiki mbueye irimbishi muan'amaye, itanga ri kereshe yande bube? Dji rene war'inamana shoko shamboro?" ²²Yesu ku nor'ande: "Ndapa iroro inamana shoko shamboro, kek'ake inamana masha shamboro uboko a shoko shamboro."²³Iraka rini, bukumu bua riki bua mpuanya a kumu moko yono ndjua a wesheke u yebe makerere mi bikete djande u bina ngunu bande. ²⁴Itanga ri ya reye yande u bara bikete, ba kunasha moko yono awar'ande inyeke mbombo binunu ishanga sha puaranga sha talanta. ²⁵Kek'ake puara yini a bere ya war'ando ikete ri putu, kum'ande ku tomo rueyi ande bi bakapa yande, ngar'ande, bana bande, ndo bikete dja bikimi djini djawara ya ndo ndjindi, ndo ibasha randa rara shiri.²⁶Muina ngunu, ku moroshe mamongo u nereshe, u ror'ande: Kumu, ya kiti nteme amburama, ndo ndi ipu iputu dja bikimi. ²⁷Ndjua yoro a irere, kumu a muina ngunu yono ku nekere yanda u wende, ndo ku nekeshe ibasha.²⁸Ambishi a punu yanda, muina ngunu yono ku tashara a moko ndjua ba mbayi bande ba ngunu, yono awar'ande inyeke ru kama rua puaranga. Ya ku nguata ndo ku nguama moyo, a roko: "Putu rini riy'ande upeke: ²⁹Mbay'ande, ku buak'ashini u para shanda, ku nereshe, u ror'ande: 'Kiti nteme a mburama, ndo ndi ipu iputu.,³⁰Kek'ake indjueke kato weshe, ndo ya kuende we moko u mburu buroko, inamana a putu yande rini ra wara yande unyeke. ³¹Ba mbayishande ba ngunu amono bande rueyi runu ruakereme, ba ku wara a ma bondomo ma buiki, ndo ba ku wende u rondosho kumu a bande runu rua rukimi rua shamba.³²Keke kumu a wuru muina ngunu yono, ndo ku noro: Muina ngunu ndjua kabu, nda ma yi karasha ibasha rawa ra rikimi ishini a mbondoro wene; ³³Ka wara woko a wene mbay'awu irere, ngo puara a yi wokoro miyi irere?³⁴Ndo kum'ande, ku wata yande kabua, ku neye u djara dja bina nkomo inamana a putu yande bikete dja bikimi djini dja wara yande u putu. ³⁵Dji ipu imoko Tata yono indjuama djua riki ibukere yande, mbe moko a moko a bere rimbishi muan'anyande ndo nteme muande mua mukime.

¹Itanga Yesu a mana yande u toto meyi mana, ya ku kobuwu u Garere, ndo ya kuende u itenye ra shini ra Yudaya u muiri mua wono mua Yadena. ²Yoro ra rinene ku naba, ndo u nono ya ku bereshe babere.³Bafarasayi ba ku nguru, ndo ku roro, shini ku nkotiyi irongo: "Ndji dja yeke mboko moto ubere ngar'ande shini rueyi shongoro?" ⁴Yesu ku barara: "Ka buatoko bar'ande Nguanga, u matapara, a wanga nungu ndo ngata?⁵Ndo ya ku roro ngowo: 'Iraka rini nungu, yi ko kobuwu ishanda ndo inyanda, ndo iba-bama ngar'ande, ndo pend'abande biwara ru toko ru moko.' ⁶Ndo ba kapaki bikara wiyi bate ba pende, kek'ake biyi rutoko rumoko. Kekaki shini ngoshe areke moto a kapara rini rakanda Ndjambe.⁷Ba ku marara:"Ishini yeke ake Mose a yeke ya rueye u yeke ngata nkanda mu ma kapara itanga ri mingi u ibaka?" ⁸Ya ku ba barara: "Ishini nteme muini mua munono Mose a bu yeke yande mboko dja bingi ba warashini u ibaka; u matapara ka dja toko wara ngosho. ⁹Kek'ake ndaka bushosho: "Yono a mingiki ngar'ande u ibaka, mbe dja bere wara shini bundumbu, ndo a ntshiki ngata ndjueke, a nkereke bundumbu."¹⁰Ba weke banda ku nor'ande:" Mbe djara shini ngoshe rueye rua nungu ambura ngata, dja kapaki a iputu rishiki ngata." ¹¹Ya ku ba barara: "Ba bakimi kabatsheke shimbiri rutoto runu, kek'ake pa bande bana bayeke band'arundu. ¹²Ishini ba rungu bana bawu mbishi biyi to u tapa ikundu ri bi nyaba; ibeke dji bawiri ku bate, ndo ibeke bande bi yabuishi band'amene shini bukumu bua riki. Ke yono irene shimbiri, ishimbiri."¹³Keke ba winasha bana ba bakeke shini yande u ba nyaya djar'ando u ba rombosho Ndjambe. Kek'ake baweke ku ba pangeshe a ba kara. ¹⁴Ndo Yesu ku ror'ande: "Reker'anana baana ba bakeke, ndo reke bu ba kiniyi wiyi ra boro buami, ishin'ande bukumu bua riki buiyi shini bande bana bakabapuanyi. ¹⁵Ya ku ba nyaya djara, ndo ku kobuwu u nono.¹⁶Rende, moto ku karuwu ngama, ndo ku roro Yesu: "Murongosho, ndi kere rueyi nana rua rusheke shini miyi wara a monyo mua shera-shere?" ¹⁷Ya ku marara: "Ishini yeye a npurukuwe ikongo a rike ra runu ruiyi rua rusheke? Pa moko yiyi ntsheke. Mbe wa wondo u nini u monyo, rondo mabenge."¹⁸Moto ku roro Yesu, "Mikendje nana?" Yanda ku nor'ande:" A reke wadjaka bi, areke wakere bundumbu, areke wa wembere, areke wa bangasha moto bi; ¹⁹tini isho ndo nyowu, ndo wondo muendjawu ngo wen'amene."²⁰Irenge ra nungu ku nor'ande: "Nda mana tomowo djini dja bikimi, yeye ireke ra kara shara u miyi?" ²¹Yesu ya ku nor'ande: "Mbe wa weshe u wara ndjua yemene busheke, yaka ukapa djini dji wene a djndi, ndo u bi yeke bapoto, ndo upetaki biroko u riki. Ambishi, iya ndo ndaba" ²²Amana ya woko toto shini, irenge ra nungu ra wende ra bondomo; ishin'ande a wara ndo biroko dja buiki.²³Yesu ku roro baweke banda:" Ndaka bu shosho u bara-bara dji bunono muini biroko ya u nini u bukumu bua riki. ²⁴Nda ka bu shosho shoko ndjeke djiyi boro bua buiki u kamere ushambe u rishi ra ndongo u muini biroko unini u kata bukumu bua Ndjambe."²⁵Baweke a woko banda rueyi runu, ba ku ya kama buika buiki, ndo ba kuroro: "Nakaki iruere wondjowo?" ²⁶Yesu ya ku barende, ndo ku roro: "U bate djiyi rueyi rua runono, kek'ake u bora Ndjambe dja bikimi djiyi boro. ²⁷Petero, ku wosho rutoto, ku nor'ande: "Rende, tshua kobowo dja bikimi, ndo tshua iraba; dji wara mbuenye shini biti?"²⁸Yesu ku ba barar'ande : "Ndake bu shosho u bara-bara, u ma barama mayembe mi bikete dja bikimi, itanga Muana moto yi wara a tshikimi u nguash'ande dja rutono, buini bana ba ndaba bu wara ipu imoko bashikimi u nguasha ishang'ando ipende, ndo bu rumbushu marondjo ishang'ando ma pende ma Isarere.²⁹Ndo ndjua nkimi a kobuwu shini rukombo ruama, ma mburu manda, bab'inyanda bi barungu mbe bi bawata, mbe ishanda, mbe inyanda, mbe bana bande, mbe shini shanda, iwo wosho kama sha shamba, ndo yi wosho monyo mua shera-shere. ³⁰Ba buiki bana biyi bi bukoto bi wara bi ma manasha, ndo ba buiki bi ma manasha bi wara bi bukoto.

¹Kek'ake bukumu bua riki buiyi ngo kuma mburu yono a punu ngeshe butuwu, ishini ku shoto bina ngunu ba vign'ande ukere ngunu. ²Ya ku wokosho a banda iputu ri rupuaranga ru moko u rushuwu, ndo ku batomo u vign'ande³Ya ku punu u mbete itanga ribua ra ngeshe butuwu, ndo ya ku mono ibeke bana ba wara u mbete iraka ra bate ba buiki bere kere a ikete. ⁴Ya ku ba roro: 'Yak'anana a buini u kata vign'ama, ndo ndi buye-buyeke rini rara ra wengeye busheke.'⁵Keke ba kuende. Yande ku kara punu mbete itanga rishanga a bapende ndo itanga ra ntshata ri ikokoro, ndo ku kara kere ipu imoko. ⁶A punu yanda u mbete itanga ra ntana, ku kara to mono ibeke ba nguara u iraka, ndo yande ku ba ror'ande:"Ishini yeye yiyi buini rushuwu ibitiki ana u bere kere a ikete?" ⁷Ba ku marara: 'Dji nde kuapa a moto a ma tshu wuru u tshu yeke ngunu.' "Ya ku ba roro: 'yak'anana a buini u vign'ama.'⁸Itanga ikokoro a yemene rindi, kuma vigni ku roro nond'a bikete: 'Wuru bina ngunu, ndo ba yeke iputu ra banda, utapa ndjua ma manasha to ndo djua bu koto.' ⁹"Bina ngunu bana a wosho ba itanga ra ntana ri ikokoro ba ku wiyi, ndo ku wosho moto a moto ru puaranga ru moko. ¹⁰Ambishi bana ba wosho ba bukoto kuiyi a banda, ba wengiye wosho ureke; kek'ake ba ku wosho a banda moto a moto rupuaranga ru moko.¹¹A ruwosho banda, ba ku yimi-yimi ambura muina mburu, ¹²ndo ba ku ror'ande: "Bana bi ma manasha ba nkere ngunu pa itanga imoko, ndo wa bakereshe ipu imoko a yiti, bana tshua ngoko nteke mu rushuwu ndo muanya mua munono mua rundu.'¹³Ya ku barara moko ndjua band'ande: Mbay'ama, ndapa ibuish'ikamba, she wua wokosh'ama u ru puaranga ru moko?¹⁴ Wosho rini riyi irawa, ndo yaka. Nda ngueshe u yeke a yono djua ma manasha ipu ngono imok'awene.¹⁵Nda kapa mboko u kere runu rua ngueshe miyi a ikete rame? Wa monoko a rishi ra ribe mbete kuey'ande miyi ndara ntsheke? ¹⁶Shinaki ngosho bi ma manasha biwara bi bukoto, ndo bi bukoto biwara bi ma manasha.¹⁷Itanga Yesu a bandaka ya u Yerushaleme, yakuwosho u pishimi baweke ishanga a bapende, ndo ku ba roro a mbok'ande: ¹⁸"Rende, tshua mandaka u Yerushaleme, ndo Muana a moto bi nkakapa u boro bawotara bi bakubanganga a Ndjambe ndo u ba pundu mikanda. Bi u masha makamba mi iwa, ¹⁹ndo bi u neye u bata bana ba bere yebe Ndjambe, shini bande u ntsheye, bi moro koro, ndo bi nkoko u nte mua wesheshe u nyaka, kek'ake rushuwu rua ntshata iwu-wumuwu."²⁰Kek'inyanda bora bana ba Zebedaye ku karawa a ngama a Yesu ando bana banda, ndo ku kotiyi bosho a shini ku nombo ikete. ²¹Yesu ku noro: "Wagueshe iyeye?" Ya ku noro:" Punushu ru tot'ande bana bama bapende ba monoko wene, bara bashikimi ukata bukumu buawa, moko u rowo ruawa ru barungu ndo indjueke u rowo ruawa ru ba wata.²²Yesu ku barar'ande: "Kawa bua nyebeke rini ra nomboko buini. Bu ruere nyua nteke munu muruere miyi unyo?" Banda ku roro: "Tshu ruere nyua." ²³Ndo ya ku ba barara: "Djiyi bara-bar'ande bu nyu-nyu nteke muama; kek'ake shini ku shikimi u rowo ruama ru barungu mbe ku rowo ruama ru ba wata, runu ka ruandeke miyi, ndo bi ruyek'aki pa ku bana ba rorosho bande u bora Tata yon'indjuama." ²⁴Baweke ishanga bana ibeke a woko bande rueyi runu, ku wara a kabua amburu a bana bapende.²⁵Yesu ya ku ba wuru, ndo ku roro:"Bua yebe ande bakumu bi mabiri ba meke wara a bukumu bua bukimi a riki ra manda, ndo ke banene ba meke ya shiki u riki ra manda. ²⁶U ndeng'ayini areke djara ipu rini bi. Kek'ake yono anguesheke u wara nnene u ndeng'ayini, yara muina ngun'ayini; ²⁷ndo yono a ngueshe u wara djua bukoto u ndenga yini, yara ntshowo muini. ²⁸Djiki ngosho iraka Muana moto awiyi, kuapa shini bi nkereshe, kek'ake shini yanda u kereshe, ndo ureye monyo muande ngo nganga dja wondjoro ba buiki."²⁹Itanga ra punu Yesu ndo baweke banda u Yeroko, yoro ra rinene ku raba Yesu. ³⁰Ndo rende, ba boriyi a mishi bapende, ba wara ba ntshikimi u kuandja mboko, bawok'ande Yesu a ntshambaka, ndo ba ku boko mbere: "Tshuwoko ntshongo, Kumu, Muana bora Davidi! ³¹Yoro ri ba karaka, shini ku ba warasha poro; kek'ake banda ku boko mbere a nono u reke: "Tshuwoko ntshongo, Kumu, muana bora Davidi!³²Yesu ku yembete, ya ku ba wuru, ndo ku roro: "Bua ngueshe ndi bu kereshe iyeye?" ³³Ba ku noro: "Kumu, mishi miti mi ripuwu," ³⁴A wara a band'irere, Yesu ku kumunu mishi ma banda; ndo mun'anana, mishi ku mono, ndo ba ku naba.

¹Itanga ra karawuke ba ngama a Yerusareme, ndo a toro banda u Betefage, mbete a nkonjo mu mite nyi ba Olive, Yesu ku tomo baweke bapende, ²a ba roro:" Yak'anana u boro bunu buiyi u bosho buini; bu mo mon'anana muana pundu ndjua ngara djua shupiyi, ndo djua nomo ando nde; bu batunu, ndo bu ndash'a banda. ³Mbe, moto yi bu roro rueyi, bu marara: 'Kumu yiy'ando bande rueyi.' Ndo mun'anana yi bare ba rekere u wende."⁴Keke, dji ku kereme shini ku yemeshe rueyi runu rua toto ngandjambe: " ⁵Shosho mua ngata ndjua Siyona: 'Rende, kum'awu, koyo a miki ra wene, ndjua yoro a poro, ndo a nyama ariki ra muana a pundu djua ngara,ndo ariki ra muana pundu ndjua nomo, muana pundu a ngara."⁶Baweke ba ku wende, ndo ba ku kere runu ru batomo Yesu. ⁷Ba ku rata muana pundu ndo irenge ra pundu, bi ba wariyi mapere, ndo Yesu ku ntshikimi a riki raba. ⁸Bate ba buiki ba yoro ku wariyi mapere ma banda a mboko; ibek'aki ba ku kekere tamba shi mite, ndo ku shi shiki a mboko.⁹Bana baweke u bosho ndo bana ba u kuraba Yesu u ku boko mbere: "Hosana u Muana a bora Davidi! Nyanga u yono a miki u rukombo rua Kumu! Hosana u kata maraka ma ndemba riki." ¹⁰Itanga ra nini Yesu u Yerusareme, boro bunene bua bukimi ku nyinyi ndo ya wururu u roro: "Nana yono ngowo?" ¹¹Yoro ri ku barara: "Yiyi Yesu, ngandjambe, ndjua Nasarete u Garere."¹²Yesu ku nini u kata tempero. Ya ku bingi bane ba bakimi ba kapaka ndo ba shomboko u kata tempero; ndo ku pukuru meshe mi ba barar'a pwaranga, ndo nguashe shi bakapa tshu kutukumbu. ¹³Ndo ku ba roro: "Dji dja pund'ande: 'Mbur'ama bi iwuru mburu ndja rombo Ndjambe.' Kek'ake buini bua ipibishi mburu ndja ba kere a meyi ma mabe." ¹⁴Ba boriyi a mishi ndo ba tikinyi ku karawa ngama a Yesu u kata tempero. Ndo ya ku ba bereshe.¹⁵Kek'ake bawotara bi bakubanganga a Ndjambe ndo bapundu mikande ba ku wara a kabua u mono meye ma nkame mane ma kere yande, ndo ke baana ba boko mbere u kata tempero: "Hosana u Muana a bora Davidi!" ¹⁶Ba ku noro: "Wake woko mane ma noko bande?" Yesu ya ku ba barara, eh. Kebe bu bara toto shini: Wi ya rorosho rutono u minumbu nya baana ba bakeke ndo nya baana bana ba nyomoko mabere?" ¹⁷Ambishi a sha ya barekere, ya ku punu u boro bunene shini kuende u Betaniyi, u iraka rawende yande u ntshondjo.¹⁸Ngeshe butuwu, a karawa yande u boro bua bunene, ya ko woko ndjara. ¹⁹A mono yande nte mua finki a mboko, ku karuwu ngama a mundu, kek'ake a mono pa mawosho, ndo ku muroro: "A shere kuapa ru ndombo ruto u wene bi. Ndo mun'anana, nte mua finki ku womo.²⁰Baweke, bana ba mono rueyi runu, ku keme, ndo ku roro: "Ipu nanake nte mune mua fingi a ngomo mundu mun'anana?" ²¹Yesu ku ba barara:"Ndaka bushosho u bara, mbe buar'ando maweshere, ndo u bere wara a nyana, kuapaki nde bu kekere pa rundu runu rua nkere ba nte mua fingi munu, kek'ake itanga ri roro buini nkondjo munu: 'Towo u wono ndo yaka we ya boko u iribi, rueyi runu ru kekereme.' ²²Ra rikimi rini ri rombo buini ando maweshere u maromboro ma Ndjambe, bu riwo-riwosho."²³Itanga Yesu a weke yanda u kata tempero, ndo a yishiki yanda, bawotara bi bakubanganga a Ndjambe ndo bawotara ba bate bawiyi u moko makongo u roro: "Ku bunono nana bua nkereke wene meyi mane? Ndo nana a ma iyeke bunono bunu?" ²⁴Yesu ku ba barara: "Ndi bu buwuru a buini ikongo imoko; ndo mbe bua mbarara, ndi bu bushosho u bunono nana bua nkereke miyi meyi mane.²⁵Ibatisi ra bora Yone, ra u punu kueyi? ku riki, mbeki ku bate? Kek'ake ba ku boko buanya ngowo u band'amen'ande: "Mbe tshua barara: 'U riki, yi tshu roro: 'Shini yeyaki a bere buini ngueshe?' ²⁶Ndo mbe tshua barara u roro: 'U bate,' tshua tiniki yoro ra bate ishin'ande ba bakimi ba ngoshoko Yone ngo nga ndjambe. ²⁷Keke ba ku barara Yesu : "Ka tshua tsheke yebe." Ndo a yanda ku ba ror'ande: "A miyi, ndapa bushosho a bunono nana bua nkereke miyi meyi mane.²⁸Bua monoko mbuenye? Moto moko a wara ando baana bi ba rungu bapende; ndo ya ku roro ndjua bukoto: 'Muan'ame, ya kere nneme a rini u kata vign'ama.' ²⁹Yaku barara: 'Ndapa she wende.' Kek'ambishi ku barara nteme, ndo ya kuende ra vigni. ³⁰Ya ku roro ndjua mpende, ya ku ntshosho ipu imoko. Ndo muana yono ku barara: Busheke, nde kuende, kumu. Ndo ki katoko wende bi.³¹Nana u bana bapende a kereke ru wondo ru'ishaba? Ba ku barara:" Ndjua bukoto." Ndo Yesu ku ba roro: "Ndaka bushosho u bara, ba putusha minamba ndo bawata bi bundumbu bi nini ubosho buini ukata bu kumu bua Ndjambe. ³²Ishini Yone a wiyi u buini u mboko ndja rongo, ndo ka bua toko ngueshere bi. Kek'aki ba putushe minamba ndo bawata bi bundumbu ba ma ngueshere, ndo buini bana ba mono meyi mane, ka buatoko barara miteme nyini shini ku ngueshe yande.³³Wok'anana nkondo mueke: Moto moko a ma wara kumu djua mburu, yono a wono vigni. Ya ku rongo rupanga mbete sha shikimi, ku kere ruendje, ku shoro mburu ndja ndemba a riki ndja u rende, ku sha irekeshe ba bendje a vigni u irende, ndo ya kuende ra rende. ³⁴Itanga ri kunu a yemene rindi, ya ku tomo bina ngunu banda u bora ba bendje a vigni shini ku wosho mpoto mua vign'ande.³⁵Ba bendje a vigni, a wata ba bina ngunu muanda, ba ku boro moko, ba ku djak'indjueke, ndo ba ku kuete ndjua tshiata mamanya.³⁶Ku kara tomo bina ngunu banda ibeke ba buiki u shamba bana bi bukoto, ndo ba bendje a vigni ba ku ba kere pa ipu imoko. ³⁷Keke ma manasha, ku ba tomosho muan'anda, a roko: ba ku wara a u tini muan'ami.³⁸Kek'ake, itanga ba bendje a vigni a mono banda muan'ande ba ku roro banda a banda: 'Rende nkiti; yinana, tshua nyaka, ndo tshua kiti rini rara ya kiti.' ³⁹Ndo ba ku nguata, ku moko u bu shobo bua vigni, ndo ba kunyaka.⁴⁰Keka a ngowo, itanga riwiyi kumu a vigni, yi kere mbuenye a ba bendje a vigni bana?" ⁴¹Ba ku marara: "Yi dja-djaka bina ngunu bana ba babe u bere wara a banda irere, ndo iyeyeke vigni a ba bendje a vigni ibeke u irende, bana bi u nyeke mpoto u itanga ri makununu."⁴²Yesu ku ba roro: Kebe bu bara u kata Mapunduru {Nkanda mua Ndjamba}: Imanya rini ra boko bashoramburu, ra mawiyi ra ndenge a rini ritumu; djiyi ku Kumu a wiyi rindi, ndo djiyi rueyi runu rua nkama u mishi miti?⁴³Irak'rini, a mak'miyi bushosho, bu kumu bua bora Ndjambe bi bute-buteye a bundu, ndo bi yeyeke bu biri bunu bu boto ndombo. [ ⁴⁴Yon'ibuak'ariki ri imanya rini ibatuwu itenye, ndo yono ri muere rindi ariki, iwara djua peshewu.]⁴⁵Amana banda woko mikondo nyini, bawotara bi baku banganga a Ndjambe ndo ba Farisayi ku shimbiri ande Yesu a ba roko banda, ⁴⁶ndo ku shoto banda u nguata, kek'ake ba woko ndjoro ndja bate butete, ishini ndja ngoshoko ngo ngandjambe.

¹Yesu, a wosho ya rutoto, ku kara bashosho u mikondo, ndo ku roro: ²"Bukumu bua riki bu ngo kumu yono ndjua roriyo bunyaka bu' ibaka shini muan'ande ndjua barungu. ³Ku tomo bina ngunu muande we wuru bana ba wuru banda u ibaka; kek'ake ka ba sheke wondo u wiyi.⁴Ku kara tomo bina ngunu beke, a baror'ande: 'Yak'anana bu shosho bana ba wuru banda: "Rende, nda mana roroyo yoro rama, ba ngombo bama ndo bashutu bama banyutu biyi badjaka, dja bikimi dji ngama, inana u bunyaka bu'ibaka."⁵Kek'ake, banda iraka riwosho a nganga mawururu, ba ku wende, yono ngowo u ngond'ande, yono u wono makapara manda; ⁶ndo ibeke, baku wata bina ngunu ba bora kumu, baku ba monosho ntanda ndo ku badjaka. ⁷Kumu ku wata kabua; ku tomo djoro dji mayoro u djaka badjaka bate bana, ndo u koro boro bunene bua banda tiyi.⁸Keke ku roro a bina ngunu banda: 'Manyaka mi baka miyi ngama, kek'ake bana bawuru banda kabashewara bayemene. ⁹Yak'ananaki u mashashana ma mboko, ndo bu wuru u bunyaka bu'ibaka bana ba bakimi bito buini mono.' ¹⁰Bina ngunu bana kuende banda ushoto u kata mboko ukokoyo bana ba bakimi bara ba to mono, bababe ndo ba basheke, ndo mburu ndja bunyaka bu'ibaka yi kuyoro a bate bana ba wuru ba.¹¹Kumu ku nini shini ku mono bana bawara u meshe, ndo ke kumono nono moto moko a bere reye mapere mi bunyaka bu'ibaka. ¹²Kumu ku noro yande: 'Mbaya, ipu nana ra nini wen'ani u bere wara a mapere mi bunyaka bu'ibaka?' Moto yono ku shara numbu mua kanga.¹³Keke kumu ku roro bina ngunu banda: 'Nkand'anana mikoro ndo nyowo, ndo mok'anana u muimini u bushobo, ku nono yi wara birere ndo mashumunu ma mini. ¹⁴Ishini bawuru biyi ba buiki, kek'ake bashoro biyi ba bakeke."¹⁵Keke Bafarasayi baku wende u ya urushu ariki ri mapua mi wata Yesu utoto shanda. ¹⁶Baku ntomosho baweke ba banda ando ba Herodiyi, shini ku nor'ande: "Muyishi, tshuake yebe wiyi bara-bara, ndo ke wanyishiki mbok'a Ndjambe ipu riy'indi bara-bara, u bere tini a moto, ishini ande ka waneke u mapua ma masha ba bate. ¹⁷Tshushoshaki mbe wa monoko mbuenye; djiyi dja yeke mboko mbe kuapa, u putu namba u bora Sesare?"¹⁸Kek'ake Yesu ayebe ya buanya bua banda bua bube, kuba ror'ande: ''Bina masha mapende shini yey'ankiki buini? ¹⁹Shundj'anana rupuaranga rua nputuku baru namba." Ndo baku ntshundju rupuaranga.²⁰Ya kuba wuru : "Ipu ranana rini ndo ipunduru rini djiyi ukata?" ²¹Baku marar'ande: "Dja bora Sesara." Keke ya ku ba ror'ande: Yek'anana Sesara rini riyi ra bora Sesara, ndo Ndjamba rini riyi ra Ndjamba. ²²Biya kama a woko banda meye mana, ba ku nkobuwu, ndo bakuwende.²³Rushuwu munu runu, Basadisene, bana banoko kuapa mawumuwu, baku wiyi ngama a Yesu, ndo ku nguru ikongo rini: ²⁴"Muyishi, Mose aroro: 'Mbe moto awua bere wara a bana, muan'inyanda irere wosho ngar'ande, ndo ipunushu irondjo shini muan'inyanda.'²⁵Keke bana ba moto shamboro ba mawara u ndeng'ayiti. Ndjua bukoto ku shiki ngata, ndo kuwa; ndo ngo a bere yawara a bana, ku rekeshe muan'inyande ngar'ande. ²⁶Djakereme ipu imoko a yono djua mpende, ambishi ndjua tshata inamana ndjua shamboro. ²⁷Ambisha banda ba bakimi, ngata kuwu a yande. ²⁸U ma wumuwu, ngata iwara djua nana u ndenga banda shamboro? Ishini ba bakimi ba ma ntshiki?"²⁹Yesu ku ba barara: "Buiyi ku bu ndimbi, shini ka bua ntsheke shimbiri mbe mapunduru ma Kanda mua Ndjamba, mbe bunono bua Ndjambe. ³⁰Ishin'ande u ma wumuwu, barungu birene wosho ba wata bi, mbe wata wosho barungu bi, kek'ake biwara ngo banjero ba bora Ndjamba ukata riki.³¹U runu rua neke ma wumuwu ma bate bawa, ka bua toko bara runu ru bushosho Ndjambe: ³²Ndiyi Ndjamba a bora Abarapama, Ndjamba a bor'Isaka, ndo djua bora Yakobo? Ndjambe a kapa Ndjambe djua bata ba bawa, kek'ake djua bata ba monyo. ³³Yoro, rini ra woko, ra wara ra wata a nkama a mayishi ma bora Yesu.³⁴Ba Farisayi, a woko bande a ma kanga ba Sadisene numbu, ba ku yakokoyi, ³⁵Ndo moko ndjua ndeng'abande nyebe mikendje ku moko ya ikongo rini shini ku nkiki: ³⁶"Muyishi, ibenge nana ra neke bunene u mikendje?³⁷Yesu ku marara: "U wondo Kumu, Ndjamb'awu, a nteme muawa mua mukimi, a monyo muawu mua mukimi, ndo buanya buawa bua bukimi. ³⁸Riyi ibenge ra neke bunene ndo ri bukoto.³⁹Ndo rende ra mpende, ra mupuanya: 'U wondo muendjawu ngo wen'amene. ⁴⁰U mabenge mana mapende ma nguekemeke mikendje nya mikimi nya Mose ndo mikanda nyi ba Ngandjambe."⁴¹Ngo ba Farisayi awara banda baya kokiyi, Yesu ku ba boko ikongo, ⁴²a rok'ande: "Bua moko buanya mbuenye shini Kristu? Yiyi muan'abor'anani?" Ba ku marara: "Muana a bora Davidi."⁴³Ndo Yesu ku baroro: "Ipu nakake Davidi, u Nyumu, a maka nguru Kumu, itanga ra roko yand'ande: ⁴⁴Kumu ku roro a Kum'ama: "Shikimi u rowo ruama ru barungu inamana ishiki miyi bin'ikemb'awa u shini sha para shawa?''⁴⁵Mbe djar'ande Davidi a mak'nguru Kumu, mbuenyak'irere ya wara muan'ande? ⁴⁶Kuapa a moko a wara ruere marara rueye. Ndo, u tapa ru shuwu runu, kuapa a moto a wara ruere kara kiki u moko makongo.

¹Keke Yesu, ku shosho yoro ndo baweke banda, ²ku roro: "Bapundu mikanda ndo ba Farasayi biya ngunu mu yishi mikendje nya bora Mose. ³Keranan'aki ndo rabanana rua rukimi ruake ba bushosho; kek'ake areke bua kere puar'abanda. Ishini ka ba nkereke runu rua nyishiki banda.⁴Ba nkandaka mariti mi buriti [mi bunono u totoro], ndo bake mashiki a riki ri ma mbanda ma bate, kek'ake band'amene, ka bangondoko u mabarara a nembe. ⁵Ba nkereke, mingunu nya banda nya mikimi shin'ande bate bi bamono. Iraka ra nkoroshoko banda bitenye ndja toto sha pundu sha Ndjambe sha ntshiki banda ariki ra mbombo a u nyowo itanga ri rombo Ndjambe, ndo binama ntumu shi mapere sha shitara⁶Bangondoko maraka mi bukoto u iraka ri manyaka, ndo u nguasha shi bukoto u kata sinangongo, ⁷Ba mekeweshe bi ba wimbishi ukata maraka mi baboro, ndo bate bi bawuruku Rabi, Rabi⁸Kek'ake buini, areke buaweshe bi bu wuruku Rabi; ishini moko yanda yiyi Muyishi muini, ndo buini bakimi buiyi bana moto moko. ⁹Ndo areke bua wuru moto ashin'amana tata, ishini moko yiy'Ishini yande yono yiyi ukata riki. ¹⁰Areke bua weshe bi bu wuru ba rata bate "Ishin'ande buiyi a nata a yini moko, Kristu.¹¹Kek'ake ndjua reke bunene u ndeng'ayini yi wara muina ngunu a yini. ¹²Ndjua nkimi a make ya totoro riki bi nki nkitishe, ndo ndjua kimi a make ya kitiyi bi nto ntotoro.¹³Ntanda muini, bapundu mikanda ndo ba Farasayi, bina mashe mapende! Ishini a nitiki buini bate bukumu bua riki; buin'amene kabua niniki bi, ndo kabua nekereke bana ba ngondoko u nini. [ ¹⁴Ntanda muini, bapundu mikanda ndo ba Farasayi, bina masha mapende! Ishini bua ngonoko ma mburu mi bawata bawushu barungu, ndo u ya shundju bua nomboko maromboro ma matara; ishini kerere a yini, bi u bu rumbushu ureke.] ¹⁵Ntanda muini bapundu mikanda ndo ba Farasayi, bina masha ma pende! Ishini bua nibiriki u masha ndo u shin'amana shini ku buishi nab'ayini anana buini u ma romboro mini; ndo, itanga rinana buini u ma romboro mini, buaka muishi shok'ipende muana ibembe ra ngindi ra tiyi u bureke buini.¹⁶Ntanda muini, ba boriyi a mishi ba miki rata bate! bua noko: "Mbe moto yi ya koko u rukombo rua mburu ikini ndja Ndjambe, dja karueye; kek'ake, mbe moto yiya koko u woro a mburu ikini ndja Ndjambe, yi yeriye rua yanda ya koko.' ¹⁷Bi pushuru ndo ba boriyi a mishi! Iyeye raneke bunene, woro, mbeki mburu ikini ndja Ndjambe ya nkiniyiki woro?¹⁸Bua noko shoko ndjeke, mbe moto, yi ya koko u rukombo rui iraka ri tumbu minamba, dja karueye; kek'ake, mbe ki moto yiya koko u rukombo rua nnamba munu muiyi iraka ri ntumbu, yi yemeshe rua yanda ya koko. ¹⁹Ba boriyi a mishi! yeye ra neke bunene, namba, mbek'iraka ra tumbuku banda minamba rini ra nkiniyiki namba?²⁰Yono a make ya koko u rukombo rui iraka rameke ba tumbu minamba a ma ya koko a dja bikimi djiyi ariki; ²¹ndo yono a make ya koko u rukombo rua mburu ikini ndja Ndjambe a make ya koko u rukombo rua mburu yini ndo u rukombo rua yono a mek'iwara; ²²ndo yono a make ya koko u rukombo rua riki a make ya koko u rukombo rua nguasha bukumu ndja bora Ndjambe ndo u rukombo rua yono a make yi shikimi.²³Ntanda muini, bapunda mikanda ndo ba Farasayi bina masha mapende! Ishin'ande bua nputuk'itenye ri ishanga ri bikete ndja bikeke ndja ngonoko buini ndja meke roroyo bidjere busheke, ndo ke bua nekereke rini ra neke nganga ukata nkedje, ngo rongo, ntshongo ndo maweshere; ndjindi djini djarake buini kere, ubere rekere u mbishi, bikete djeke. ²⁴Ba boriyi a mishi ba rata bate!, bua nyembesheke masha u teye tshutunguru, ndo bua miniki shutu kamere.²⁵Ntanda muini, ba pundu mikanda ndo, ba Farasayi bina masha mapende! Ishini bua nkuishiki bushobo bua nteke ndo bu'irongo, kek'ake ukata djindi dji ndja yoro a bikete ndja buembe ndjini a tambara buini bate. ²⁶Mufarasayi, aboriyi mishi, kuishi bukoto kata ndja nteke , keke ayasha u bushobo djara dja yembe.²⁷Ntanda muini, bapunda mikanda ndo ba Farasayi bina masha mapende! Ishin'ande buiyi ngo ngiri sha yembuwu, shamoniyiko busheke u bushobo, ndo ki, ukata shiyi sha yoro a biyoro ndja bate bawa ndo bikete dja bibe dji mapu ma makimi. ²⁸Ipu yimoko, a buini u bushobo bua moniyoko bina rongo u bate, kek'ake ukata buiyi ba yoro a masha mapende ndo bube.²⁹Ntanda muini bapundu mikanda ndo ba Farasayi, bina masha mapende! Ishin'ande bua ntshoroko mabandja mi bangandjambe ndo u roriyo mabandja ma bate barongo, ³⁰ndo buanok'ande: 'Tshuara wara itanga ri ba mamashiti, ka tshuara ya posho a banda utshaka makere mi bangandjambe. ³¹Bua ya shiki bateme buin'amen'ande buiyi baana ba bora bana ba djaka bangandjambe.³²Yemesh'ananaki runu rua kere ba mamashini. ³³Bandjowo, irondjo ri ipere! Ipu nana ribanda buini tanda muashamba mu ibembe ra ngindi ra tiyi?³⁴Iraki rini, rende, ndak'butomosho bangandjambe, bina buanya ndo bapundu mikanda. Budja-djaka ndo bukoko bana u mite nya wesheshe, bu boboro ibeke koro u sinangongo shini, ndo bu ba monosho ndjoro u boro a boro bua bunene bu wende banda, ³⁵kek'ande makere ma makimi mi berewiyi a rueye matshanuwa a shini miwara a riki rini, utapa makere ma bor'Abere djua rongo inamana makere ma bora Zakariyi, muan'abora Barashi, yono adjaka buini a ndenge iraka rikini ndo iraka ri tumbu minamba. ³⁶Ndak'bushosh'u bara: Rua rukimi runu ru buak'ariki ra kumbu yini.³⁷Yerushareme, Yerushareme, yono wanyaka bangandjambe ndo akueteke ma manya bana bateba itomosho, shoko buiki mbuenye sha ngueshe miyi ukokiyi bana bawa, ngo koko a nkokiyiko bana banda u shini mayambe mande, kek'ake kawa toko ruweshe bi! ³⁸Rende, mbur'awu yi shake yi sharara bu wana. ³⁹ishini, ndake bushosh'ande buapa karambono a piti, inamana iroko buini: "Yara a bunyaka yono a miki u rukombo rua Kumu!"

¹Ngo Yesu a weke yanda, u mapununu ma tempero, baweke bande ba ku karuwa a ngama shini ku ntshundju ipua ra shoro ba tempero. ²Kek'ake ya ku baroro: Buake mono rua rukimi runu? Ndak'bushosho u bara-bara, kuapa a imanya a ri moko a riki ri imanya reke ri shara ane u bere ri buishi.³Ngo a wara ya ntshikimi a riki ra nkondjo mu ba olive, Ndo baweke ba kuiyi u pishimi u nguru ikongo rini: "Tshu shosho, itanga nana ri wiyi rueyi runu, ndo yendje nana ri wara ri mawiri mawa ndo ri ma mamasha ma shini?" ⁴Yesu ku barar'ande: "Ya rond'anana a reke moto yi bu rimbi." ⁵. Ishin'ande ba buiki biki wiyi u rukombo ruama, u ror'ande: "Miyi ndiyi Kristu!" Ndo bi ri rimbi bate ba buiki.⁶Bu wowoko bi toto rueyi ru matumbu ndo shanga shi matumbu, bu ya rondo u bere ya tatashe, ishin'ande dja nomboko meyi mane miyi. Kek'ake djapa war'aki anana ma manasha bi. ⁷Bubiri bu moko bu nanasha bubiri bueke, ndo bukumu bumoko bu nanasha bukumu bueke; ndo dji wake wara u maraka a maraka, ndjara ndo manyinyini ma shini. ⁸Ndja bikimi djini dji wara ma tapara ma pamba ngo yini ndja u boto.⁹Keke bi bu reye u ndjoro ndo bi budjaka; ndo bi bu woko bube uboro mabiri ma makimi, ishini rukombo ruama. ¹⁰Keke a yasha ba buiki bi ri rimishi maweshere, ndo bi ya kapa, bi ya wokosho bube bana a ibeke. ¹¹Bangandjambe ba buiki bi manimbi bi pu punu ndo bi rimbi bate ba buiki.¹²Ndo, shin'ande bube bu wara bua puru, ruwondo rua bate ba buiki ru kakaruwu mbishe. ¹³Kek'ake yono ndjua yi bambete inamana ma manasha yi wara djua wondjowo. ¹⁴Rushanga runu rua rusheke ru bukumu bi ru ruyishi u shini ndja ikimi, shini wara ngo buteme u mabiri ma makimi. Keke ma manasha mi wiyi.¹⁵"15 Iraki rini, itanga rini ri mono buini "kerere ndja yibe ndja uwono", bua toto ngandjambe Daniere, bua we nini u kata iraka ri ikini," -ndjua a maraka yara a upegne-, ¹⁶Keke bane bi wara u Yuda, bi tini ukata mikondjo; ¹⁷Keke yono yiwar'ariki ra mbarata ndja riki ra mburu a rek'a tshuerewe shini ku wosh'ikete riyi u kat'a mbur'ande; ¹⁸ndo yono yiwara u mangondo areke a karuwu u mbishi shini ku wosho kazak'anda.¹⁹Ntanda u bawata bane bi wara a makundu ndo u bana biwara bi nyomosho matuwu mana. ²⁰Bu rombo Ndjambe shin'ande ma tinini mini a reke ma wiyi u ishewe mbe rushuwu rua sabata. ²¹Ishini keke yini, ntanda mu wake wara mua munene munu mua bere toko wara to matapara ma shini inamana karini, ndo ko murene kara wara a kapiti. ²²Ndo, mbe matuwu mana bara bere makarasha bukuiyi, kuapa moto yara wondjowo; kek'ake ishini bane ba shoro banda, matuwu mana bi maka-karasha bukuiyi.²³Mbe moto a buror aki: Kristu koy'ani, mbe: Koyo wono, a reke bua ngueshere bi. ²⁴Ishin'ande ba Kristu bi manimbi ndo bangandjambe bi manimbi bi pu punu; bi kekere djendje dja binene ndo bishana u ipua rini ri rimishi, shoko sheke gono a bana ba shoro banda. ²⁵Rende, nda mana bu shosho aru a bosho.²⁶Mbe aki bi bu roro: "Rende, yiyi ukata nenge mua yere!" a reke buende bi; "rende yiyi u mburu ipoko," a reke bu ba weshere bi. ²⁷Ishini, ngo iyareme ra mburu a punuku rindi u mbete ya meke punu itanga inamana mbete ya meke rikiti, dji ngosho iwara mawiri mi bukumu bua Muana moto. ²⁸U mbete ya meke wara rutoko rua nniwi, ku mbete yini ya meke ya kokoyi mayapanga.²⁹Mun'anana a mbishi matuwu mane mi mitanda, itanga ri wiki piti muimini, ngondo yi sho shotosho muere muanda, nyoto nyi ro rokowo u riki, ndo manono ma riki mi nyinyini.³⁰Keke yendje ra Muana moto ri mo moniyi u riki, marondjo ma shin'amana ma makimi mi rerere, ndo mi momono Muana moto wiyi a riki ri mabende ma riki ando bunono ndo rutono rua runene. ³¹Yi totomo banjero bande irere pungu ndja inene, ndo bi ko kokiyi bane ba shoro yande to matumu mane ma shini, u tapa itumu ra riki imoko inamana ireke.³²Ya yek'anana irongo a rueyi rua kereme a nte mua fiki, keke itanga tamba yishi masha ndo mawosho a punu manda buake yebe ande keka mburu ya wiyi a ngama. ³³Ipu imoko a buini itanga ri mono buini meyi mane ma makimi, yebe ana ande Muana moto yi ngama, u makuku mini.³⁴U bara-bara ndake bushosh'ande, kumbu yini yapa she shamba meye mana ma makimi u bere yemene bi. ³⁵Riki ndo shini dji sha shamba kek'ake toto shama ko shi she shamba boo.³⁶Shini rundu runu ruaneke rushuwu ndo itanga, kua moto a nyebeke, mbe banjero ba riki, mbe Muana, kek'ake pa Tata yamene.³⁷Runu rua wiyi u itanga ra bora Nowo ru wiyi ipu imoko u mawiri ma Muana moto. ³⁸Ishini, u kata matuwu ma bosho ma mburu sha buiki, bate ba djiki ndo ba nyuku, ba shikishiki ndo ba shiki bana ba banda u mabaka, inamana butuwu bua nini Nowo ukata buate; ³⁹ndo ka ba wengiyike a rueye a rumoko, inamana mburu sha buiki a wiyi shindi ndo ku ba posho ba bakimi; dji war'ipu imoko a mawiri ma Muana moto.⁴⁰Keke, barungu ba pende biwara u ngondo imoko, bi wowosho moko ndo indjueke ishare; ⁴¹bawata bapende biwara bitu u ngoro, bi wowosho moko ndo indjueke ishare. ⁴²bua penye anan'ake ishin'ande ka bua nyebeke rushuwu ruwiyi Kum'ayini.⁴³Bushara ba yeb'ande djare war'ande kuma mburu a mayebe itanga nana ri butuwu rara wiyi muembe, yarake wara bushungu ndo ka yara rekere muembe u boro mbur'ande. ⁴⁴Iraki rini, ayashe buini, buara ngama, ishin'ande Muana moto yi wiki wiyi u itanga rini ra mereke buini boko buanya.⁴⁵Muina ngunu nana yi ndjua yemene ndo ndjua wibiri yono kum'ande a ntshiki a riki ra bina ngunu bande ibeke, shini ya bayeke bidjere u itanga ra yemene? ⁴⁶Bunyaka buiyi u muina ngunu yono kum'ande u ma wiri mande yi to mono ya yi kere ngosho. ⁴⁷Nda, ku bushosho u bara, yi ntshi ntshiki ariki ri bikete djande dja bikimi.⁴⁸Kek'ake, mbe yara muina ngunu ndjua bikerere dja bibe, yono a maka ya roro yamene: Kum'ama a make yere u wiyi, ⁴⁹ndo a tapa u boro bakere a ngunu a nde, u dja ndo u nyo a bawu mana, ⁵⁰kuma muina ngunu yono yi wiyi rushuwu runu rua meke yande u wengiyi ndo itanga ra meke yande yebe bi, ⁵¹yi mo monosho ndjoro sha buiki, ndo yi nyeke ikapa randa ngo rini ra rorosho ba bina mashe mapende: U mbete yini yi wara birere ndo mashumunu ma mini.

¹Keke bukumu bua riki bu wara bua puanya birenge dji bawata ishanga dja bere yebe barungu, bana ba wosho nyindi nya banda, ku wende u tashana a nungu ibaka. ²Batana u ndenga bande ba wara bipushunu, ndo batana ba buanyi. ³Bipushunu a wosho djindi nyindi nya djindi, ka dja she wosho shara djindi bi; ⁴kek'ake banya ba wosho nyindi nya banda, ando shara ukata miteke⁵Ngo nungu ibaka a yereke yanda, ba bakimi ku wumburu ntshondjo ndo ba ku tshondjo. ⁶U ndenge butuwu, "ba boko mbere: rende nungu ibaka," yak'anana u we tashan'ande.⁷Keke birenge dji ba wata djini dja bikimi ku wumuwu, ndo ku roriyi nyindi nya banda. ⁸Bipushunu dji ku roro banya ande: "Tshu yek'anana biti shara yini, ishini nyindi nyiti nyake nyimi." ⁹"Banya ku ba barara: Kuape; yapa she wara ndja buiki u yemene shini biti ndo buini boo; yaka anan'ake u bana ba nkapaka, ndo ya ya shombosh'ana buini.¹⁰Itanga ra weke banda u we shombo, nungu a ngata ku toro; bana ba wara ngama ba ku nini ando nde u mburu bunyaka bu ibaka, ndo ba ku kanga ikuku. ¹¹Ambishi matanga, birenge bawata djini idjeke bitana dji ku wiyi, ndo dja roko: "Kumu, Kumu, tshu ripiri.' ¹²Kek'ake ku barara: Ndake bushosho a bara, kara ntsheke buyebe bi. ¹³Wara anan'aki bushungu, shin'ande ka bua nyebeke mbe rushuwu, mbe itanga.¹⁴Dji wake wara ngo moto moko yono, a weke ya ra rende, ku wuru bina ngunu muande, ndo ku bayeke biroko djanda. ¹⁵U moko ku nyeke puaranga sha talanta mobombo itana, ndjua mpende ku nyeke puaranga sha talnta mbombo ipende, ndo ndjua ntshata ku nyeke mbombo imoko ndja puaranga sha talanta. Moto a moto ipu ri bunono buanda bu kere ndo ya kuende ra rende. ¹⁶Mun'anana, yono a wosho mbombo sha puaranga sha talanta itana kuende, ya ku shi purushu, ndo a buishi mbombo sha puaranga sha talanta sheke itana.¹⁷Ipu ri moko, yono a wosho mbombo sha puaranga sha talanta ipende ku buishi isheke ipende. ¹⁸Yono a wosho pa mobombo yi moko ndja puaranga ya ku wende utimi ibembe a shini, ndo ku shueye ru puaranga rua bora kum'ande.¹⁹Ambishi matuwu ma buiki, kumu a bina ngunu bana ngowo, ku karuwa, ndo ku ba rombo ande bi nondosho ipu ra kere bande. ²⁰Yono a wosho mbombo sha puaranga sha talanta itana ku karuwu a ngama, ku rata mbombo sha puaranga sha talanta sheke itana, ndo ku roro: Kumu, wa peke mbombo sha puaranga sha talanta itana; rende, nda buishi isheke itana. ²¹Kum'ande ku ntshosho: "Dji busheke, muina ngunu ndjua ntsheke ndo ndjua yemene; wa wara ndjua yemene u bikete dja bi keke, ndi iye iyeke buriti bu bi kete dja buiki; nini u bunyaka bua bora kum'awa.'²²Yono a pete mbombo sha puaranga sha talanta ipende ku karawa a yande a ngama, ndo ya ku roro: Kumu, wa peke mbombo sha puaranga sha talanta ipende; rende nda buishi isheke ipende. ²³Kum'ande ku nor'ande: Dji busheke, muina ngunu ndjua ntsheke ndo ndjua yemene; wa wara muina ngunu ndjua yemene u bikete dja bikeke, ndi ye iyeke buriti bu bikete dja buiki; nini u bunyaka bua bora kum'awa.²⁴Keke yono a pete pa mbombo a puaranga sha talanta yi moko ku karawa a ngama, ndo kuroro: "Kumu, nda yebek'ande u moto ndjua meye ma manono, wa meke kunu mbete ya bere we wono, wa meke kokiyo rini ra bere we wushu mboto. ²⁵Nda wara a butete, ndo mi ku we shueye mbombo a puaranga sha talanta shawa a shini; rende, wosho mbombo a puaranga sha talanta shawa.²⁶Kum'ande ku marara: 'Muina ngunu ndjua meyi ma mabe ndo ndjua buporo, wa mana yebe ande miyi nda meke kunu u iraka rini rabere miyi wono, ndo nda meke kokiyi rini ra bere miyi u wushu mboto. ²⁷Warak'aki we shiki puaranga shama u mburu ya meke ba rondo puaranga, ndo u makaruwu mama, ndara to pete puaranga shama ando isheke sha riki.²⁸Ntambar'ana mbombo a puaranga sha talanta, ndo ruyek'anana yono yiyi ando mbombo sha puaranga sha talanta ishanga. ²⁹Ishini bi yeyeke yono yiyi a ikete, ndo yara a ndji dja puru u reke, kek'ake yono yi bere wiyi ando ikete, bi ntambara a rini ra ri keke riyi ya ando rindi. ³⁰Ndo muina ngunu djua ngona-ngono, mok'anana u bushobo u kata muimini, u iraka rini ri wara birere ndo mashumunu ma mini.³¹Itanga ri wiyi Muan'a moto u kata rutono ruanda, ando banjero ba bakimi, yi shi shikimi u nguash'ande ndja rutono. ³²Mabiri ma makimi mi yako ya kokiyi u bosho buanda. ndo yi ka kapara bate bane ando ibeke, ngo maka ba panga a nkaparaka yanda ba pang'ando ba kambara; ³³ndo yi shiki ba panga u rowo ruanda ru iromo, ndo ba kambara u ikosho.³⁴Keke Kumu iroro bana bi wara u iromo randa: "Iyi nana, buini bana ba nyakasha ba u bora Tata; wosh'anana iraka u bukumu bunu bi bu rorosho banda to matapara ma shini. ³⁵Ishini a wara miyi a ndjara, ndo buini ku peke bidjere; a wara miyi a posha unyo, ndo buini ku peke rinyo; a wara miyi muenyambanga, ndo buini ku puayi; ³⁶nda wara butaka, buini ku ndeye mapere; nda wara ndjua tata, ndo buini ku mbono; nda wara u buroko, ndo buini kuiyi u mbet'ami."³⁷"Keke bina rongo bi ma marara: Kumu, itanga nana ri imono biti we ndo djara, ndo biti ku iyeke bidjere? mbe a posha ndja nyo, ndo biti ku iyeke rinyo? ³⁸Ndo Itanga nana ri yi mono biti we muenyambanga, ndo biti ku yi waya? mbe butaka, ndo biti ku yi reye mapere? ³⁹Itanga nana a yi mono biti we u tata, mbe ku buroko, ndo biti ku wiyi u yi mono?" ⁴⁰Ndo Kumu yi ba barara: "U bara-bara ndake bu shosho, shoko sha shikimi sha kereshe buini meye mana u moko ndjua baana ba maya bana ngowo ba bakeke, djiyi bua kereshe miyi ."⁴¹A mbishi yini iroro bana bi wara u rowo ruanda ru ikosho: "Kobuw'ana a kor'ame, bana ba koko bande bube, yak'anana u kata tiyi tshua shera-shere tshua roriyi banda shini djaboro ndo shini banjero bande. ⁴²Ishini nda wara a ndjara, ndo ka bua toko peke bidjere bi dji bi, nda wara a posho unyo, ndo ka bua toko peke ri nyo; ⁴³nda wara muenyambanga, ndo ka bua toko puayi, nda wara butaka, ndo ka bua toko ndeye mapere, nda wara ndjua tata ndo u buroko ka bua toko wiyi u mbono".⁴⁴Bi ma marara a bande: "Kumu, itanga nana ri yi mono biti we a ndjara, mbe ndo posha u nyo, mbe muenyambanga, mbe aki butaka, mbe u tata, mbe aki u buroko, ndo tshua bere u yi kereshe rueyi?" ⁴⁵"Ndo yi ba barara: 'Ndake bu shosho u bara-bara, shoko sha shikimi sha bere buini kereshe moko ndjua baana ba bakeke bana ngowo meye mana, dji miyi yono a bereke buini kereshe." ⁴⁶'Ndo banda bana bi weke wende u ndjoro sha shera-shere, kek'ake bina rongo u monyo mua shera-shere."

¹Itanga ramana Yesu mayishi manda, ya ku shosho baweke band'ande: ²Buake yeb'ande bunyaka bua paska buiyi u matuwu mapende, ndo Muana moto yi ngama ba u nkapa shini kunyaka u nte mua wesheshe.³Keke ba wotara bi bakubanganga ndo bawotara ba bate ba ku ya kokiyi u ruanda rua bora kumu ndjua bakubanganga, rukombo ruanda Kayife; ⁴ndo ba batara mapu mi wata Yesu u mboko ndja u mangashe meyi ndo ba nyaka. ⁵Kek'ake ba ku ror'ande: "A reke djara rushuwu ru iyooro, shin'ande a reke maweye mara u ndenga bate."⁶Ngo Yesu a wara yanda u Betaniya, u kata mburu a bora Simo muina bara, ⁷ngata moko ku karuwu ngam'ande. a wara a ntshuku nondo mua alabata, mua yoro a mananashe ma nganga ndja inono; ndo itanga ra wara Yesu u mese, ya ku wuitiri mananasha a riki ra ntshu mua Yesu. ⁸Baweke, a mono banda rueyi runu, ba kuwoko bube, ndo ku roro: Busheke nana buiyi u wono mananshe? ⁹Barke kapa mananasha mana u nganga ndja inono u reke, ndo u yeke bapoto npoto mua manda.¹⁰Kek'ake Yesu a yebe yanda rueyi runu, ku baroro: Ishini iyeye a monoshoko buini ngata yono ntanda? Yande a nkere rueyi rua rusheke a riki rame; ¹¹ishin'ande buiyi a bapoto matuwu ma makimi ando yini, kek'ake miyi, bua kapa a mi matuwu ma makimi.¹²A nguitiri yande mananasha u rotoko ruama, a noriyo mareyere mama. ¹³Ndake bu shosho u bara-bara: Maraka ma makimi miyishi banda rushanga rua rusheke runu, u kata shini ndja ikimi, bitoto ndo ayasha wibuwu rueyi rua ngata yono runu rua nkere yande.¹⁴Keke moko ndjua ishanga ndo bapende, a nguruku banda Yudase Iskariote, kuende u bora bawotara bi bakubanganga, ¹⁵ndo ku roro: Bua ngueshe peke yeye, ndo miyi u bu kapash'ande? Ndo ba ku mputu puaranga sha mboro masha mashata. ¹⁶Utapa itanga rini, ya ku shoto itanga ra risheke shini ku kapa Yesu¹⁷Butuwu bu bukoto bua mampa mibere wiy'ando levure, baweke kuwuru Yesu ande : "Wa ngueshe biti u irorosho bidjere dja Paska kueyi ?" ¹⁸Ya ku ba barar'ande: Yak'anana ra boro bua bunene u bora shono, ndo buntshosh'ande: Murongosho a nok'ande: "Itanga rama ra karuwa ngama; ndi ndji bidjere dja Paska ku boro bu'awa ando baweke bama." ¹⁹Baweke ku kere puara yini yi batomo Yesu, ndo ba ku roriyi bidjere dja Paska.²⁰A yemene itanga ikokoro, ya ku shimi u meshe ando baweke banda ishang'ando bapende. ²¹Itanga ra djiki banda, ya ku ror'ande: "Ndake bu shosho a bara-bara, moko ndjua ndenge a yini yi kakapa. ²²Ba ku bondomo buika-buika, ndo moto a moto ku tapa nguru, "Kumu dji miyi?"²³Ya ku ba barara: "Yono amoko djar'ando me ukata irongo, djiyi yande yikapa miyi. ²⁴Muana moto yekewende wanda, ngo puasha apunda banda u rueye ruanda. Kek'ake ntanda u moto yono ikapa Muana moto! Djara wara busheke u bora moto yon'ande kabara mmoto bi." ²⁵Yudase, yono a nkapa, ya kuwosho rutoto ndo ya ku roro:" Rabi miyi mbe?" Yesu ku marar'ande: "Wa ru roro."²⁶Itanga ra djiki banda, Yesu a wosho diampa; ndo, amana yande rikiniyi, ku ripeshe, ndo ku riyeke baweke banda ndo a baroro: " Wosh'anana, budji, runu ruiyi rutoko ruama."²⁷Ku wosho ambish'iyini nteke; ndo, amana yande kareshe maranga, ya ku bayek'amu ndo a ba roro: Mu nyu nana buini bakimi; ²⁸ishini rini riyi makere mama, makere ma nkondo, mana mashopo shini bate ba buiki, u ma rimbishi mi mandimbi. ²⁹Ndake bu shosho ko rikara nyo imomo ra vigni yini ngowo, inamana rushuwu rukara miyi nyua aro ando yini mana mayembe u kata bukumu bua boraTata yon'indjuama."³⁰Ambishi yini, ba ku bara ndjembe. Ndo ba ku punu wende ra nkondjo mu miti nyi ba Olive. ³¹Keke Yesu ku bashosh'ande: "Butuwu bua rini buini bakimi bushake ndekere. Ishini bapund'ande: "Ndi boboro nondo bapanga, ndo tumu bapanga imua-muamana mbete sha shikimi. ³²Kek'ake ambishi yi wumuwu miyi, ndi teke wende a bosho buini u Garere."³³Petero, awosho rutoto ndo ku noro:" Isheke wara ba bakimi ba yi rekere, miyi ko rishe yi rekere bi." ³⁴Yesu ku nor'ande: "Ndake ishosho u bara, butuwu bunu bua rini, u bosho ba koko ubere te beke, u mbembere shok'ishata. ³⁵Petero ya ku marara: "Isheke war'ande ndi wa ando wua, ndapa she yi bere bi." Ndo baweke ba bakimi ku ror'ipu imoko.³⁶Ariki ra runu, Yesu ku tor'ando banda u iraka ranguruku banda Getesemane ndo ku shosho baweke: "Shikim'anan'ane itanga ra meke miyi u rombo Ndjambe u wono." ³⁷Ku wosh'ando nde Petero ndo bana bapende ba bora Zebedaya, ndo ku tapa wara a ubondomo ndo butete. ³⁸Keke ku ba shosho: "Nteme muama muiyi mua bondomo inamana iwa; shar'anan'ane, ndo bu yembeshe butuwu ando me."³⁹Ambishi ku pambuwu ndamba tamba u bosho, ku boro mbombo a shini, ndo aromboko Ndjambe ande: "Tata yono indjuama, mbe ipu rirere wara, nteke munu muende tamb'ama! Kek'areke djaraki u runu ruangondoko miyi, kek'ake runu rua ngondo wene. ⁴⁰Ndo ku karuwu u mbete awara baweke, a to bamono batshondjo, ndo ku roro Petero: "She bua toko wara a bunono bu keraki a itanga ri moko bushungu rombo Ndjamb'ando mi? ⁴¹War'anana bushungu ndo burombo Ndjambe, ishin'ande ka bua buaka u makikiri; nyumu yiyi a nyingi ndja u kere busheke, kek'ake rutoko ru boro.⁴²Ya ku pambuwu shok'ampende, ndo ku rombo ngowo: "Tata yon'indjuama, mbe ipu ra bere war'ande nteke munu mu karawu tamb'ama miyi ubere munyo, ruwondo ruawa rukereme!" ⁴³Ya ku kara-karuwu, ndo ku tobamono munu ba ntshondjo, ishini mishi ma banda ma wara mankomo buriti. ⁴⁴Ya ku ba kobuwu, ndo, ku kara pambuwu tamba, kurombo Ndjambe shok'antshata, ukaruwu toto munu shini shi moko.⁴⁵Ambishi kuende u mbete ba weke bande, ndo ku baroro: "Bu munu bua tshondjo keka ngowu, ndo bua nkitiki! Rende, itanga ra karuwe a ngama, ndo Muana moto ba nkapa u djara dja bate ba babe. ⁴⁶Katuw'anana, tshuende, rende, yono a nkapaka a ma karuw'angama."⁴⁷Ngo kaka yatoto, rende Yudase moko ndjua ndjua baweke ishang'ando ba pende, kutoro, ndo yoro ra buiki, ba shuku kueshe ndo mite, bi batomo ku bora ba wotara bi bakubanganga ndo bawotara ba bate. ⁴⁸Yono a nkapa a bayeke yendje rini: "Yono yi tushuru miyi bit'ande minumbu, yanda yono; bu nguat'anana."⁴⁹Mun'anana Yudase a karuya ngama a Yesu, kuroro: "Ndake yiwimbishi, Rabi!" Ndo ya kuntu numbu. ⁵⁰Yesu ya ku noro: "Mbayi ami, runu rua miyi wene a rundu u kere, ru kere. Keke bate bana ku karuwu u bosho, ku boko Yesu ndjara, ndo ba ku nguate.⁵¹Ndo rende, moko ndjua bana bawar'ando Yesu ku boko djara ishokoro ku punushu kueshe, ndo ku boro muina ngunu a kumu ndjua bakubanganga, ndo ku matara ito. ⁵²Keke Yesu kunoro: "Karasha kuesh'awu u iraka ra yindi; ishini bate ba bakimi bana biwosho kueshe biwu ku kueshe. ⁵³Wa nguengey'ande miyi ndakapa ruera rombo iwashereTata yon'indjuama, upeke norot'ane bituruku dja bandjero ndja reke bituruku ishanga bipende ndja banjero ? ⁵⁴Kek'ake Ipu nanake riyemene mana mapundu banda u Nkanda mua Ndjambe, mana ma nombok'ande mi kereme ngono?⁵⁵Itanga rini Yesu ku roro yoro: "Bua miyi ando kueshe ndo mite shini buini u puate miyi ngo nde ndiyi nkere a meyi ma mabe? Matuwu ma makimi nda wara djua shikimi u ndeng'ayini, u yishi u kata tempero, ndo ka buatoko puata bi. ⁵⁶Kek'ake meye mana ma makimi ma nkereme shini ku yemeshe toto shi ba ngandjambe sha pundu banda u Kanda mua Ndjambe. Keke baweke ba bakimi ba kusha nekere, ndo ba kutini.⁵⁷Bana bawata Yesu bawe nata u boro Kayife kumu ndjua bakubanganga, u iraka ri ya kokoyo ba pundu mikanda ndo bawotara. ⁵⁸Petero a wuku naba tamba a tamba inamana ku ruanda rua bora kumu ndjua baku banganga, ya ku nini u ruanda, ndo ya ku shikim'ando ba baka ba kumu, shini ku mon'ande rueyi runu rushiri mbuenye.⁵⁹Bawotara bi ba kubanganga ndo ikindi ri makamba ra rikimi ra bina Yude ba shotoko buteme bu manimbi buayemene ambura Yesu shini banda u nnyaka, ⁶⁰Kek'ake ka batoko pete buteme bi, isheke war'ande bateme bi manimbi ba buiki ba moniyi. Ambishi matanga mana, bateme bapende ba kuwiyi, ⁶¹ku ror'ande: "Moto yono ngowo a ror'ande: 'Ndi ruere buishi tempero ndja Ndjambe, ndo ndi kar'ishoro u matuwu mashate.'"⁶²Kumu ndjua ba kubanganga ku katuwu, ndo kuroro Yesu ande: "Kawa mararaka a rueyi bi? Bate bana ba kibanda ru nana?" ⁶³Kek'ake Yesu aboto poro. Ndo kumu ndjua bakubanganga, ku wosho rutoto, ku nor'ande: "Nda ki romba u rukombo rua Ndjamba ndjua monyo, wu tshushosho mbe djar'ande wene wiyi Kristu, Muana bora Ndjambe. ⁶⁴Yesu kumarar'ande: "Wene wa ru roro. Kek'ake ndake bu shosho utap'arini bu mo mono Muana moto a ntshikimi urowo ru barungu rua runono rua bora Ndjambe, ndo yi wiyi u mabende u riki."⁶⁵Keke kumu ndjua bakubanganga ku karara mapere mande ndo ya kuror'ande: "A ntowo Ndjambe! Tshua nkaraka shoto bateme ba yeye? Rende, bua woko ntshingi muanda. Buini bua monoko mbuenye? ⁶⁶Ba ku barar'ande: "A nyemene bi nnyaka."⁶⁷Keke ba ku ntushuru mashonyo u bosho, ku mmoro makasha ndo ibeke ku mmoro bakomo, ⁶⁸ndo ba roko: "Kristu, pumbuwu! Tshu shosho nan'ama yi boro?"⁶⁹Itanga rini, Petero awara a ntshikimi u bushobo bua ruanda. Muina ngunu ndjua ngata ku karuwu a ngam'ande: ndo ku roro: "A yasha wene wa mawara ando Yesu muina Garere. ⁷⁰Kek'ake ya ku tono u bosho bua bate ba bakimi, kuror'ande: "Kanda nyebeke runu rua nguesheke wene roro."⁷¹Ngo aweke yande u mbete ikuku, muina ngunu ndjueke ndjua ngata ya kumono, ndo ku shosho bana bawar'anana:"Moto yono ngowo a ma wara a yand'ando Yesu djua Nazarete." ⁷²Ku tono shoka mpende, ando u ya koko: "Kara ntsheke yebe moto yono bi."⁷³Ambishi itanga ra rikeke, bana bawara u nono, ku karuwu banda ngam'ande, ba ku roro Petero: "Dji bara-bara awene wiyi moko ndjua bate bana, ishini totor'awa yake tshu shundju." ⁷⁴Keke ku tapa u yaraka bube ndo u ya koko: "Kara ntsheke yebe moto yono." Mun'anana koko ku beke. ⁷⁵Ndo Petero ku wibuwu rutoto rua roro Yesu ande: "Bukoto koko ya u bere te beke, u totonono shok'ishata." Ndo a punu yanda, ya ku rere buiki a buiki.

¹Itanga ra ngeshe butuwu a yemene rindi, bawotara bi ba kubanganga ba bakimi ndo ba wotara ba bate, ku ya kokoyo bokosho Yesu pungu shi n'nyaka. ²A mana banda nkanda minamba, ba kue nata, u ntshiki u djara dja guvene Pirata.³Keke Yudase, ndjua a nkapa, a mono yand'ande ba buishi Yesu makamba, ku woko pamba nteme, ndo ku karasha puaranga mashanga mashata sha mboro u bora bawotara bi ba kubanganga ndo ba wotora ba bate, ⁴ku ror'ande: "Nda kere bube ukapa makere ma moto yi bere wiyi a rueyi." Ba ku barara: "Dji rueyi nana u boro buiti? Runu rua kirende wene." ⁵Yudase ku boko puaranga shini ukata tempero, ndo ya ku punu, ndo kuende u ya shupiyi ntshuku u moyo.⁶Bawotara bi ba kubanganga ba ku toro puaranga shini, ndo baroko: "Dja kapa ndja yeke mboko u shishiki u itanga ri ikini, ishini shiyi mpoto mu makere." ⁷Ndo a ya kokoyo banda ba bakimi ku wokosho ndo ba shombo a puaranga shini, nngondo ndja nkera poko shi ma bombo, shini ku reye miniwi nya benyambanga. ⁸Iraki rini inamana karini nngondo yini ba iyeke rukombo rua yindi, "nngondo ndja makere."⁹Keke toto sha ngandjambe Yeremiyi shi ku yemene a roro yand'ande: "Ba ku wosho puaranga masha mashata sha mboro, u nganga ndja ya wengeye banda u bora baana ba Isarere shini yanda, ¹⁰ndo ba ku shi yeke u shombo nngondo ndja nkere a poko shi ma bombo, ngo ipu ra ndoro Kumu."¹¹Yesu ku punu ubosho bua guvene. Guvene ku nguru ikongo a meye man'ande: ''Wene wiyi Kumu ndjua binaYude? Yesu ku marara : "We wa ru roro." ¹²Kek'ake kasheke barara a rueye u mana ma npunduku banda u bora bawotara bi ba kubanganga ndo ba wotara. ¹³Keke Pirata ku nor'ande: ''Ka wa ngoko meye buiki mbuenye make ba ipundu?" ¹⁴Kek'ake Yesu ka toko marara mbe rueyi a ru moko ariki ra meye ma makimi mana, dji ku kemeshe buika buiki guvene.¹⁵U yoro ra rikimi, guvene awara kerere dja urekere muini buroko yono djua romboko yoro. ¹⁶Keke ba wara muina buroko ndjua a yebe ba buika buiki, ru kombo ruande [Yesu] Barabase.¹⁷Ngo a ya puturu banda, Pirata ku ba wuru:''Bua nguesheke ndi bu rekeshe nani? [Yesu] Barabase, mbe kuapa Yesu yono a nguruku banda Kristu? ¹⁸Ishini a yebeke yanda ba mpundu Yesu ku nteme mua mube. ¹⁹Itanga ra wara yande a ntshikimi u iraka rameke ba batara bi rumbu, ngar'ande ku tomo rutoto u ntshosh'ande: ''Areke u ya nishi u rueye rua moto yono ndjua yemene, ishini nda mono ndjoro sha buiki a rini u iroto a rueye ruanda."²⁰Bawotara bi ba kubanganga ndo ba wotara ku tapa u ntindiyi bate ba buik'ande bi rombo Barabase, ndo bidjake Yesu. ²¹Guvene ya ku ba wur'ande: "U kata bate bana ba pende nana angueshe buin'ande ndi bu rekash'ande?" Ba ku ror'ande :" Barabase." ²²Pirata ya ku ba wur'ande: "Ndi kere mbueny'ake a Yesu yono a nguruku banda Kristu? Ba bakimi ku barara: 'Bi nyaka u nte mua wesheshe!"²³Guvene ku ror'ande: "Kek'ake bube nana bua nkere yande? Ndo ba ku kara wabuwu a nono u roro: "Nyak'anana u nte mua wesheshe! ²⁴Pirata, a mono yand'ande dji ngona ngono, kek'ake a rubu a puruku rundu buiki, ya ku wosho mashe ku woko djara djande u mishi ma yoro, ndo ku ror'ande: "Ndiyi ndjua ibere wara rueyi u makere ma moto yono. Runu ruake burende buini."²⁵Ndo bate ba bakimi ku barar'ande: "Makere manda mar'ariki riti ndo ariki ra bana biti!" ²⁶Keke Pirata ku ba rekeshe Barabase; ndo ambishi u mana boro Yesu koro, ku ba yek'ande shini ku nyaka u nte mua wesheshe.²⁷Mayoro ma bora guvene ma kue rata Yesu ukata ruanda, ndo ba ku kokoyo tumu ndja ikimi yi u nongo. ²⁸Ba ku ngororo mapere manda, ndo ku neye muzaba mua baba. ²⁹Ba ku kere poko ndja mishueye, baku neye a yindi u ntshue muanda, ndo ba ku ntshere muanga ukata iyata ri barungu; ambishi, ba ku boro ma mongo a shini u bosho buanda, ba ntsheyeke u ror'ande:"Tshua ki yiwimbishi, Kumu ndjua bayude!"³⁰Ndo ba ku ntushu rukoto areke rande, ndo ba wosho muanga ba moroko u ntshue. ³¹Ambishi amana ba sheye Yesu ngowo, ba ku ngororo muzaba, ba ku nkarasha mapere manda, ndo ba kuetshende shini ku nyak'ariki ra nte mua wesheshe.³²Itanga a punu banda, ma ku tashana a moto ndjua boro bua Sirene, rukombo ruande Simo, ba ku nkereshe a bunon'ande itotoro nte mua wesheshe mua bora Yesu. ³³A toro banda u iraka rini ra wuruku bande Golgota,"dja nesheke Iraka ra mbemba a ntshue." ³⁴Ba ku nyeke mana ma woshoro a bikete dji buroro. Kek'ake a kiki yanda, kato weshe u nyo.³⁵Itanga ra mana banda u nkoko a riki ra nte mua wesheshe, ba ku ya kapasha mapere mande, ba boko mubere. ³⁶Ambishi ba ku shikimi, ndo shini ku mmaka. ³⁷Shini ku shundju rueye ru madjara manda, ba ku npundu u mbete a riki ra ntshu muanda:"Yono yiyi Yesu, Kumu ndjua bina Yude."³⁸Ba koko Yesu ando ba nkere a meyi ma mabe ba pende u mite nya wesheshe, yono u rowo ruande ru iromo ndo indjueke u rowo ruande ru ikosho. ³⁹Ba shamba mboko ba ntowoko mishingi bi wete kuishi mitshu, ⁴⁰u ror'ande: :"Wene wa meke buishi tempero, ndo u kare ishoro u matuwu mashata, ya wondjoro wene wen'amene! Ndo mbe djar'ande wiyi muana a bora Ndjambe, tshuerewe u nte mua wesheshe!"⁴¹Bawotara bi bakubanganga, ando ba pundu mikanda ndo ba wotara ba bina yude, ba ntshieyeke a banda, ndo barok'ande: ⁴²"Yande a wondjoro bate beke, kek'ake akapa ruere ya wondjoro yand'amene. Mbe yara yi Kumu ndjua Isarere, itshuerewe kek'angwo u nte mua wesheshe, ndo biti tshu ngue-ngueshe.⁴³A ma shiki nteme u bora Ndjambe; Ndjambe yi ngondjoro kekangowo, mbe djara a ma ngondo. Ishini a roro ya ande: "Ndiyi muan'a bora Ndjambe." ⁴⁴A ba kere ba meyi ma mabe, bana ba wara ando nde u nte mua wesheshe a banda ba ntowoko mishingi ipu imoko.⁴⁵U tapa itanga a ndenge a tshu inamana ku itanga ra ntshata ri ikokoro, muimini ku wara a shini dja ikmi. ⁴⁶A kor'itanga ra nthata ri ikokoro, Yesu ku wabuwu a nono: "Eli, Eli, rama sabakatani:" Dja neshek'ande: "Ndjamb'ame, Ndjamb'ame, wa ndekere ishini iyeye?" ⁴⁷Ibeke bana ba wara nana, a ngoko banda, ku roro: "A nguruku Elie."⁴⁸Mun'anana moko u kata banda kuende mbanga we wosho biburu, dja yorosho ya a vinekere, ndo a kanda u shosho a rutere, ndo ya ku yeke Yesu shini ku nyo. ⁴⁹Kek'ake ibeke ba roko:" Neker'anana, tshu mo mono mbe Eli yiki wiyi u ngondjoro. ⁵⁰Yesu ku wabuwu anono shok'ampende, ndo ku batuwu monyo⁵¹Ndo itanga rini, mapere ma batara ba tempero ma ku bandiyi a ndenge, to u riki inamana ka shini, shin'amana ku nyinyi, ma manya ma manene ku bandiyi, ⁵²ma bandja ku ripuwu, ndo miniwi nya buiki nya bate bikini bana bawa nyi ku wumuwu. ⁵³A mbishi mawumuwu ma bora Yesu, ba ku punu u ma bandja, ba ku nini u kata boro bua bunene bu ikini, Yerushareme, ndo ba ku ya monosho u bate ba buiki.⁵⁴Kumu mayoro rukama ndo mayoro mana mawar'ande u baka Yesu, a mono banda manyinyiri ma shini ndo runu rua kereme, ba ku wara a butete bua buiki, ndo ba ku roro: "U bara-bara, moto yono a wara Muana bora Ndjambe." ⁵⁵Ba wata ba buiki bana ba wuku raba Yesu u tapa munu Garere shini ku nguasha ba wara ku nono bi rende tamba-tamba. ⁵⁶U kata banda, ba wara Marie djua Magadala, Marie inyande Jake ndo Yosefe, ndo inyanda baana ba bora Zebedaye⁵⁷A yemene ikokoro, moto muini biroko ndjua Arimata ya kuiyi, rukombo ruande Yosefe, yono a wara a yande ngueke ndjua bora Yesu. ⁵⁸Ya kuende a ngama a Pirata, ndo ku rombo rutoko rua bora Yesu. Ndo Pirata ku tomo rutoto bi nyek'a rundu.⁵⁹Yosefe ku wosho rutoko, ku ru ringi irongo ri ipere ra yembe, ⁶⁰ndo ya ku ru nishi u ngiri ande ndja yembe, yini ya timi yande u kata imanya ra rinene. Ambishi, yande ku burungu imanya ra rinene u riti mboko a ngiri, ndo kue yanda. ⁶¹Marie djua Magadala, ndo Marie meke ba wara u nono, ba ntshikimi u bosho bua ngiri.⁶²Rushuwu runu rua raba, runu rua wara rushuwu ru ma roroyo ma Sabata, bawotara bi bakubanganga ndo ba Farisayi bi ya puturu irak'imoko u bora Pirata, ⁶³ba ku ror'ande: "Kumu, biti tshua ku wibuwu, muina manimbi yono itanga ra wara yanda monyo, a rok'ande: 'Ambishi matuwu mashata ndi wu wumuwu.' ⁶⁴Tom'aki rutoto bi baka ngiri inamana rushuwu rua ntshata, shini baweke bande ka biwembere niwi, ndo u shosho bate: "A ma wumuwu u bawa." Rushanga ru manimbi runu ru reke u shamba runu rua bosho bube.⁶⁵Pirata ku ba roro: "Buiyi a babaka; yak'anana, ndo bue baka ngiri ngo ipu ra ngondo buini." ⁶⁶Ba kuende, ndo ba ku roriyi mabakara ma ngiri busheke, ndo ku riti imanya u maninini ngiri ndo ba ku shiki mayoro shini ku sha yi baka.

¹Ambishi a Sabata, u mapununu m'itanga mi rushuwu ru bukoto ru rubingi ru bayude, Mariyi ndjua Mangadala ndo Mariyi meke ba kuende we mono ibandja. ²Mun'anana, manyinyini ma shini maku wara ma manono, ishin'ande muanjero a bora Kumu a tshueruwu u riki, ku burungu imanya, ndo ya ku shikim'a riki ra rindi.³Ipu randa ra wara ngo mayarama, ndo mapere mande ma wara ma yeme ngo mbongo. ⁴Ba baka ku riti ndo wara a butete, ndo ku buaka ngo bate bawu.⁵Kek'ake muanjero ku roro bawata: Shini buini, "a reke buara a butete, ndake yebe bua ntshotoko Yesu, yono ndjua a djara banda a riki ra nte mua wesheshe. ⁶Akap'ani ngowo, a ma mana wumuwu ngo puar'yini ya roro yande: "Yi anana, mon'anana iraka rini ra nguara yande a ntshondjo, ⁷ndo yak'anana buasha bu shosho baweke banda a ma wumuwu u bawa. Ndo rende, a mate wende u bosho buini ra Garere; ku nono ito buini mono. "Rende, runu rua ngare'ami u bushosho."⁸Bawata ku kobuwu buasha u ibandja a butete ndo ba wara a bunyaka bua buiki, ndo ba ku tshuku mbanga we shosho baweke banda rushanga. ⁹Ndo rende, Yesu a wiki u tashara ando banda, ndo ku roro: "Nda ku bu wimbishi." Bawata ku karuwu a ngama ku shuku para shanda, ndo ku ya puriyi bosho u ntonosho. ¹⁰Keke Yesu ku ba roro: "Areke bua woko bu tete, yak'anana bu shosho bana bamaya bende ra Garere. Dji ku nono yi mbono banda."¹¹Itanga ra wara bawata a mboko, ndamba mayoro mana ma baaka ibandja ku tenini u kata boro bunene, ndo ba ku shosho bawotara bi bakubanganga runu rua rukimi ruakereme. ¹²Bana ngowo, ambishi a mana banda ya puturu ando ba wotoro ba bate ndo a shiki banda ikamba, ba ku yeke mayoro pwaranga sha buiki, ¹³ba ku ba ror'ande: "Buroro, baweke banda ba u nguembere butuwu, itanga rini ra ngwara biti tshu ntshondjo."¹⁴Ndo mbe guvene a ru woko, biti tshu nko nkomono kabua, ndo biti tshu buteye u tshirumbu." ¹⁵Mayoro ma ku wosho pwaranga, ndo ma ku raba meye puara yini yi ma shosho banda. Ndo rubu runu ngowo ru ku muamana u ndenge ba yude inamana karini.¹⁶Baweke ishang'ando moko bakuende ra Garere, a riki ra nkondjo munu mu ba shundju Yesu. ¹⁷Itanga ra mono banda Yesu, ba ku weteme masha a shini u ntonosho. Kek'ake ndamb'indjeke ya wara a nyana.¹⁸Yesu a karuwu yanda ngama, ku ba shosho ngo: "Bu kumu bua bukimi ba ma peka bundu u kata riki ndo a riki ra shin'amana. ¹⁹Yak'ana, ndo bu kere bate bi mabiri ma makimi baweke, bu batishi u rukombo rua Tata, rua Muana ndo rua Nyumu ndjua Ntsheke,²⁰ndo bu ba yishi u raba meyi ma makimi mana mi bu shosho miyi. Ndo rende, ndiy'ando yini matuwu ma makimi inamana ma manasha ma shin'amana."

1. ¹Ndjua ruwondo Teyofile, nda toto, u kata nkanda muama mu bukoto, meyi ma makimi mana Yesu a kere ndo u yishi to matapara, ²Inamana rushuwu runu rua mandasha banda u riki, ambishi u mana reye toto shini, u mboko ndja Nyumu ndjua ntsheke, u batomo bana ba shoro yanda. ³Ambishi u mana mono mitanda, ya ku ya monosho u banda ndjua monyo, ndo ku ba shundju ndjendje dja buiki, u ya punushu u banda matuwu mashanga manene, ndo u toto a riki ri bikete djini dja neke bukumu bua Ndjambe.⁴Ngo a wara yand'ando banda, ya ku ba shere ibenge ande a reke ba pambuwu a Yerushareme, kek'ake u baka runu Tata a raka yande, runu ru bu shosho miyi, a ba roro yande; ⁵Ishini Yone a tishi bate ku masha, kek'ake buini, u kata matuwu ma makeke, bi bu ti butishi u Nyuma ndjua Ntsheke.⁶Keke batomo yi ya kokoyi bande ba ku nguru: " Kumu, djiyi ku itanga rini anashe ri royi wene bukumu bua Isarere ? ⁷Yande ku ba barare: dja kapa u buini runu rua yebe matanga mbe ake shoko nana Tata a batara yanda u bunono buanda yand'amene. ⁸Kek'ake bu pe pete bunono, Nyumu ndjua Tsheke a wiyi yande a riki rini; ndo buake wara ba teme bama u Yerushareme, u kata Yude ndja ikimi, u kata Samariyi, ndo inamana matupuru ma shin'amana.⁹A mana yande roro ngosho, ba ku mandasha u riki itanga ra nendeke banda, ndo ibende ri ku niti u mishi ma banda. ¹⁰Ndo ngo a wara banda munu ba mpiki mishi u riki itanga ra tetewuku yande, rende, bate ba pende ba reye mapere ma yeme ba ku ba pununu, ¹¹ndo ku ba roro : "Buini bate ba Garere, ishini yeye a nyembete buini u rende mishi u riki? Yesu yono, ndjua a totoro bande u riki kata ndeng'ayini, yi wiki wiyi u ipu munu ri moko puara yini ya ma buini mmono ya yende ra riki."¹²Keke ba ku karuwa ra Yerushareme, to nkondjo mua nguruku banda mu mite nyi ba olive, munu muiyi a ngama a Yerusareme, tamba ndja ruere kirometere imoko. ¹³Itanga ra toro banda, ba ku banda u kata mburu ipoko ndja riki u mbete ya weke banda ya kokoyi matuwu ma makimi. Ba wara Petero, Yone, Jake, Andere, Firipe, Toma, Bareteremi, Mataya, Jake muan'abora Alfe, Simo muina Zerote, ndo Yude, muan'abora Jake. ¹⁴Ba bakimi u iwokosho ri moko, bi ya yekeke u maromboro ma Ndjambe, ando bawata, ndo Mariyi, inyand'abora Yesu, ndo aki babi yanda ba bora Yesu.¹⁵U matuwu mana, Petero ku katuwu u ndenge baana binyanda, buiki bua bate bana bi ya puturu ruera rukama ndo mashanga mapende, ndo ya ku roro: ¹⁶"Baana ba maya, dja nomboko ande ru yemene, runu Nyumu ndjua Ntsheke a te ya toto a bosho u Nkanda, u numbu mua Davidi, u runu rua neke Yudase, yono a wara ntshende a bana ba wata Yesu.¹⁷Yande a wara ba mara u ndeng'ayiti, ndo a wara a ikapa u nneme munu moko ando yiti." ¹⁸Moto yono, a shombo yande ngondo ando iputu ra rueyi rua ru be. Ya ku buaka bu purumu, ku batuwu rutoko a ndenge, ndo bikete dja kata djande dja bikimi ku pandjishi. ¹⁹Rueyi runu bate ba bakimi ba Yerusareme ku ruyebe ande ngondo yini ba meke yi wuru a rutoto rua banda hakeredama, dja noko ror'ande, "nondo ndja makere."²⁰Keke, ba pundu u nkanda mua Ndjemb'ande: "djiyi ande Mbur'ande yi shara buwana, ndo ake moto a reke yi iwara! ndo ake moto ndjueke yi wosho buriti buanda .²¹Dja nombok'aki ande, ndenge a bate bana baweke ribiri ando yiti matanga ma makimi mana Kumu Yesu a wara yanda yi bungu a yiti, ²²to u ibatishi ra Yone ntishi inamana ku rushuwu runu rua nteye banda u ndenge a yiti, djake romb'ake ande moko ndjua ndenga banda yi buake ando yiti teme ndjua ma wumuwu manda." ²³Ba ku punushu bate bapende: Yosefe a nguruku bande Barsabase, ndjua a yeke ba rukombo rueke Justuse, ndo Matiyasa.²⁴Keke ba ku rombo Ndjambe ngow: "Kumu, wene wa nyebeke miteme nya bate ba bakimi, tshu shundju u bana bapende yono a ntshoro wene, ²⁵shin'ande yande yi buishi ikapa u nneme munu ndo u rutomo, runu Yudasa a ntsha buabara a shini ku wende u mbet'ande. ²⁶Ba ku ba borosho mubere, ndo mashororo ku buaka a riki ra bora Matiyasa, yono a nyayi bande a riki ri u batomo ishanga a moko.

2. ¹Rushuwu rua Pakasa, ba wara ba bakimi iraka ri moko. ²Shok'imoko rubua ru ku punu u riki ngo runu rua pungu ndja inono, ndo ru ku yoro mburu ndja ikimi ya wara banda ba shikimi. ³Maneme ma puanyisha a maneme ma tiyi, ma ku ba pununu, mi ya kapara mana a yi meke, ndo ma ku tshuerewe a riki ra moko-moko ndjua bande. ⁴Ndo ba bakimi ku yoro a Nyumu ndjua Ntsheke, ndo ba ku tapa u toto, toto sheke, ngo ipu rini Nyumu yi ba yeke yand'ande bi toto.⁵Keke dja ma wara u itanga riniu u Yerushareme bina Yude, bata ba yemene, bi mabiri ma makimi bana biyi u shini a riki. ⁶U rubu runu rua kereme, bate ba buiki kuende mbanga, ndo ba kupueyi-pueyi ishin'ande moto a moto a ba wokoko bi toto u rutoto rua bora bande. ⁷Bawara ba bakimi u kata u keme ndo u rushishiwu, bi ya wururuku bana a ibeke:Rende, bate bana ba ntotoko, ba kapa ba bakimi bina Garere?⁸Ndo ipu nana a make biti ba woko u rutoto ruiti moto a moto, u rutoto ru ma botoro miti? ⁹Tshuiyi bina Partes, Medese, Elamitese, bana ba meke wara u Mesopotamiyi, u Yudaye, u Kapadose, u Pont, u Asiya, ¹⁰U Firigi, u Pamfili, u Egipte, u itenye ra shini ndja Libierini ra bamasha a Sirene, ndo bana ba u punu u Romo, ba Yude ndo a bana bi ya buishi ba yuda, ¹¹Bina Krete ndo ba Araba, ipu nana a make biti ba woko bi toto u toto shiti meyi ma manene mankama ma Ndjambe?¹²Ba wara ba bakimi u kata u keme, ndo, ba yebeke pa ku sha wete wengiyi, bi ya roko bana a ibeke: "Runu rueyi rua noko resh'iyeye?" ¹³Kek'ake ibeke ba sheyeke, ndo ba roko: "Biyi ba wu maana ma piyi.¹⁴Keke Petero, ku ya punushu ando ishanga a moko, ku shendere rutoto, ndo ku baroro u meyi mana: Barungu ba Yude, ndo buini bakimi bane ba ntshikimi u Yerusareme, yeb'ana ngo, ndo shik'ana matu u toto shama! ¹⁵Bate bana she ba wu maana bi, puara ya nguengeyiki buini, ishini djiyi itanga ra ribua ra ngeshe butuwu.¹⁶Kek'ake djiyi kane runu rua toto bande u bora ngandjambe Joel: ¹⁷'U kate matuwu mi ma manasha,' a roro Ndjambe, 'ndi mua muanga Nyum'ame a riki ri rutoko ru rukimi, baana bini bi barungu ndo bi bawata bi we wendjuwu, ndo birenge dja bate bi wake wara a ma monono, ndo binunu djini dja bate dji wake wara a maru.¹⁸Ngosho, a riki ra bina ngunu muama bi barungu ndo bi bawata, kata matuwu mana, ndi mua muanga Nyum'ame; ndo bi wewendjuwu. ¹⁹Ndi pu punushu bishana u kata ndemba riki ndo meyi ma nkamua ani a riki ra shin'amana, a makere, a tiyi, ndo ingungu ra ningi.²⁰Itanga ri ba bamana muini, ndo gondo yi ba bamana makere, u bosho bu ma wiri mi rushuwu rua Kumu, u rushuwu runu rua runene ndo ru rutono. ²¹Keke ndjua kimi yono iboko rukombo rua Kumu mbere yi wo wondjowu.²²Bate ba Isarere, wok'anana toto shini: Yesu ndjua Nazarete, moto yono Ndjamba a reye yande buteme u bosho buini u mboko ndja meyi ma nkama, bishana ndo djendje dja kere yande u mbo'ande u ndeng'ayini, ngo ipua ra make buini ru yebeke buin'amene; ²³. moto yono, bi bu yek'ande u raba ma roroyi ndo u raba buyebere bua meyi ma Ndjambe mana ma miki u bosho, buini ku nyaka u nte mua wesheshe, buini ku nkapa u djara dja bate ba babe. ²⁴Kek'ake Ndjambe ku ngumunu u iwa, u ntunu mi namba nyi iwa, ishin'ande ka djashe yemene ande bi ntshuku u bora rinde.²⁵Irake rini Davidi a roro ishini yanda: 'Nda mmonoko shoko sha sha shikimi Kumu u bosho buama, ishin'ande yiyi ku rowo ruame ru iromo, kek'ande ko ba ndjinyi. ²⁶Ngono a nteme muama muiyi ku kata bunyaka, ndo runeme ruama ruiyi a nyanga; ndo ayasha rutoko ruama ru ki ya kiti poro ando mashikiri ma nteme.²⁷Ishini wa kapa ruene she rekere monyo muama u kata iraka ra bate bawu bi, ndo wa kapa ruene weshe ande indjuawu ndjua Ikini yi shiri nganga bi. ²⁸Wa ma shundju tshuboko tshua monyo, u ndjo ndjorosho a bunyaka u mboko ndja umono bosho buawa.²⁹Bana ba maya, dji bi peke mboko miyi u bu shosho u wororo, a riki ra mama yiti Davidi, djiyi ande a ma wu, ba ma nneye, ndo aki ibandja randa ri kare wiyi inamana karini u ndenga yiti. ³⁰Ngo a wara yande ngandjambe, ndo a yebe yand'ande Ndjambe a ma nakasha ando u ya koko u shikiyi a riki ra nguash'ande ndja bukumu moko ndjua ikundu randa, ³¹Dja wara ma wumuwu ma Kristu ma roroyi yanda ndo a toto yande, u roro ande ko bi she muabara u kata iraka ra bate bawu bi ndo aki rutoko ruanda ko ru shiri nganga bi.³²Yesu yono Ndjambe a wumunu yande u iwa; tshuiyi bite ba kimi bateme ba rueyi runu. ³³Ndjua totoro u riki u mboko ndja rowo ru iromo rua ndjambe, ya ku pete u bora tata nyumu ndjua ntsheke yono ndjua a raka banda, ndo ya ku muanga, ngo ipu ra monoko buini ndo ra ngoko buini.³⁴Ishini Davidi, ka toko banda u riki boo, kek'ake ya ku roro yand'amene: 'Kumu ya ku roro Kum'ama: "Shikimi u rowo ruama ru iromo, ³⁵inamana yi shiki miyi bini ikembe bawa inyekere rawa ra para. ³⁶Kek'ande mburu ndja ikimi ndja Isarere bi yeb'aki ando bu bara-bara ande Ndjambe a ma shiki Kumu ndo Kristu Yesu yono a djaka buini u nte mua wesheshe."³⁷Ambishi a mana ba woko minondo nyini, ba ku woko pamba u miteme, ndo ba ku roro Petero ndo batomo beke: "Baana ba maya, tshukere mbuenyi?" ³⁸Petero ku ba barara: "Barar'anana miteme nyini, ndo moko a moko yara ndjua tishi u rukombo rua Yesu Kristu, shini ku rimbishi mandimbi mi mabe mini; ndo bu wosho ikapa ra Nyumu ndjua Ntsheke. ³⁹Ishini iraka riyi shini buini, shini baana bini, ndo shini ba bakimi bana biyi tamba, ayasha u buiki bua banda bana Kumu Ndjamba a yiti yi ba wuru yanda.⁴⁰Ndo, u mboko ndja toto sheke sha buiki, yi ba shoshoko ndo yi ba windjiriki, a roko: "Ya wondjor'anana u kumbu yini ndja kerere ndja ibe. ⁴¹Bana baweshe mayishi manda ba ku ba tishi; ndo, u rushuwu runu, buiki bu baweke ku puru u ruere rua bate binunu bishata dja nyonyo nya bate. ⁴²Ba windjuwu miteme u woko mayishi mi batomo ba bora Yesu, u kata itupu ri buwokosho bua buana bua maya, u kata idjiri ri iraka ri moko, ndo u kata marombo ma Ndjambe.⁴³Butete ku wara u moko-moko, ndo meyi ma nkamu ndo bishana dja keremeke u mboko ndja batomo. ⁴⁴Bate ba bakimi bana ba wesheke ba waraka kata iraka ri moko, ndo ba kokiyi bikete dja banda ndja bikimi iraka ri moko. ⁴⁵Ba kapaka mangondo ma banda ndo bikete dja banda, ndo ba kaparaka puaranga u ba bakimi, u raba nyingi ndja moko-moko.⁴⁶Ba waraka rushuwu rua rukimi iraka ri moko u kata tempero, ba djiki mampa u kata mamburu, ndo ba djiki bidjere dja banda ando bunyaka ndo miteme nya kitiyi. ⁴⁷Ba tonoshoko Ndjambe, ndo bate ba bakimi bi ba kanyika. Ndo Kumu a nyayaka ru shuwu ndo rushuwu u Ekelezia bana ba waraka bi wondjowo.

3. ¹Petero ndo Yone ba tetuwuku ntshere moko u tempero, u itanga ra rombo Ndjambe: dja wara itanga a ndenge a ntshu. ²Moto moko ndjua itikinyi to ba moto a ma wara, yono ndjua a weke ba totoro ndo a weke ba shiki matuwu ma makimi u bosho bu ikuku ra tempero a wuruku ba ande ndjua ntsheke,.shini ya u romboko bate bana ba niniki u kata tempero bikete dja ntshongo. ³Moto yono, a mono yande Petero ndo Yone biro nini u tempero, ku ba rombo bikete dji ntshongo.⁴Petero ngona Yone, ku ntshumiyi mishi shoko imoko a riki rande, ndo ku roro: "Tshurende." ⁵Ndo yande ku ba rende mishi poro, ushiki ntem'ande yi pe pete ikete u banda. ⁶Keke Petero ku noro: "Nda kapa, mbe a puranga, mbe woro; kek'akirini riy'ami,ndake iyek'arindi: U rukombo rua Yesu Kristu ndjua Nazarete, katuwa ndo boko para."⁷Ndo ku ntshuku u rowo ru barungu, ya ku nkatishe. Mun'anana para shanda ndo bipoto ku buaka bunono ndo ku windjuwu. ⁸U irondowo rimoko ya ku yembete a nkiti, ndo ya kutapa u boko para. Ya ku nini ando banda u tempero, u boko para, u rondowo ndo utonosho Ndjambe.⁹Bate ba bakimi ba ku mono yi boko para ndo yi tonosho Ndjambe. ¹⁰Ba ku yebe ba bakimi yiyi yande yono a weke shikimi u ikuku Busheke ra tempero u rombo bikete dji nguashe ndo ba ku keme ndo ba ku ya kara u runu rua kereme ishini yande.¹¹Ngo a bereke yande kobuwu Petero ndo Yone bate ba bakimi bi ya karaka, ba weke mbanga mbete ya wara banda u mbarata a mburu a Salomo. ¹²Petero a mono yande ngono ku roro bate: Buini bina Isarere shini yeye a maka buini ya kara u rueye runu ? Ndo shini yeye a maka buini tshu rende, ngo nde dja nkereme ku bunono buiti amene mbeki shemene ayiti, iraka tshua nker'ande moto yono iboko para ?¹³Ndjamb' a bora Abrapama, ndjua Isaka, ndo ndjua Yakobo, Ndjambe ndjua ba mama shiti a ntonosho muina ngunu'ande Yesu, yande yono akapa buini ndo a bere buini u mishi ma Pirata, yono a wara a buanya bu nekere. ¹⁴Buini bua bere ndjua Ikini ndo ndjua Ntsheke ndo bua rombo bi bu woko ntshongo mu bu rekeshe moto yono awara nyak'a bate.¹⁵Buini ku djaka Kumu ndjua monyo, yono Ndjambe a wumunu yande u kata bate bana bawa ;biti tshuiyi bateme. ¹⁶Djiyi ku maweshere u rukombo ruande rua nkarashe moto yono bunono ndjua a monoko buni ndo a yebe buini, djiyi maweshere u yande ma mowo moto yono u mishi ma buini bakimi.¹⁷Keka ngowo, bana bamaya nda nyebeke bua nde bua kere ku ndimbi, ayasha bakumu bini. ¹⁸Kek'ake Ndjambe a mareyemeshe ipu rini ra runu rua toto yanda u bosho u minumbu nyi bangandjambe bande ba bakimi ande: Kristu ande yi momono ntanda.¹⁹Barar'anana miteme nyinaki ndo barm'anana, shini ba burimbishi mandimbi mini. ²⁰Keke Kumu yi bu yeke matanga ma poro ndo yi bu tomosho yono yi bu rorosho yanda, Yesu Kristu.²¹Yiyi yanda riki ri nguaya u shara inamana itanga ri maroroyo ma meyi ma makimi, mana Ndjambe a toto yande u wara u minumbu nyi bangandjambe bande bikini. ²²Moise a roro: 'Kumu Ndjambe ayini ipu punushu u ndenga ba binyini ngadjambe moko ngo miyi, bu ngoko u kata rua rukimi ru bu shosho yanda, ²³ndo yono ibere woko ngandjaembe yono bi nyanyaka u ndenga bate.'²⁴Ba ngandjambe ba bakimi bana bi ya rabesha u toto, tapa Samuere ndo bana ba naba ma toto a banda u bosho matuwu mana miyi biti. ²⁵Buiyi bana bi bangandjambe ndo bi ma wokosho mana Ndjambe a ndji nkondo a ba mamashiti, itanga ra raya yanda Abrapama: 'Makundu ma makimi ma shin'amana mi nyanyaka u mboko ba kana shawa. ²⁶Ndji ku buini bukoto Ndjambe a punushu yanda muina ngun'ande, a bu ntomosh'ande shini ku bu nyakeshe, u barara moto ndjua ndenga yini ndjua nkimi u mboko mandimbi mande.

¹Awara Petero ndo Yone bi toto a bate, ba ngangandjambe kupunu ipushumu, kumu ndjua tempero ndo ba sadussayene, ²ba wara kabua shi mayishi ma banda u bate, ndo a ba shoshoko bande u rukombo rua Yesu ma wumuwu ma bate u kata bawa. ³Ba ku bawata, ndo ku ba shiki u buroko inamana butuwu bua mpende, ishini dja wara itanga ri ikokoro. ⁴Ndji sheke wara ngosho, bate ba buiki bana bawoko rueye ba kuweshe, ndo buiki bua bate ku puru ruere ru binunu bitana.⁵Rushu rua raba, ba kumu ba bate, bawotara ndo bapundu mikanda, ba ku ya puturu u Yerusareme, ⁶Annasa, kubanganaga, Kayife, Yone, Alekezadre, ndo bana ba bakimi bawara bina irondjo ri bawotara bi bakubanganga. ⁷Ba ku wuru Petero ndo Yone u barumbushe ku ba shiki u ndenga banda, ndo ku bawuru: U bunono bua nana mbeki ku rukombo rua nana rua nkere buini rueyi runu ?⁸Keke Petero, ayoro a Nyumu ndjua Ntsheke ku ba barare: Bakumu ba bate ndo bawotara bina Isarere, ⁹buake tshu wuru arini ishini rueye rua rusheke rua nkereshe biti moto ndjua ntataka, ishin'ande tshu roro ipu nana rameruwu yande. ¹⁰Bu yebe buini bakimi, ndo a bina Isarere bi yebe! Djiyi ku rukombo rua Yesu Kristu ndjua Nazarete, yono a djaka buini u nte mua wesheshe, ndo yono Ndjambe a wumunu yande u kata bate bawu, ku yande a monoko buini moto yono rutoko busheke u mishi mini.¹¹Yesu Kristu yiyi imanya raboko banda u boro bashoro kek'ake rabuaka imanya ri itumu ra mburu. ¹²Mawondjowo makapa u moto amoko, ishini kuapa a shin'amana ane rukombo a rumoko u ndenga bate runu ru ruere wondjoro bate.¹³Itanga ramono banda Petero ndo Yone bitoto ando imama ra rikimi ba ku keme a yebe banda biyi bate bana ba bere yebe nkanda, ndo ku ba yebe biyi bate ba wara ando Yesu. ¹⁴Kek'ake a monoko banda moto yono aberuwa a nguara ando banda, ka batoko wara a rueyi rutoto bi.¹⁵Baku bayeke mboko ndjia upunu u mburu ndjia birumbu, ndo basha toto banda-banda u roro: "Tshukere mbuenye a bate bana?" ¹⁶Ishini dji dja yebe u bate ba bakimi ba Yerusareme, rueyi ru bishana rua kereme u djara dja bande, ndo biti tshua kapa ruere rutono bi. ¹⁷Kek'ake, ishin'ande rueyi runu areke rua muana buika-buiki u ndenga bate, tshu ba kar'anana u bere kara shosho moto a moko rueye u rukombo rushu. ¹⁸Ndo a ba wuru bande ba ku ba kara u toto ndo u yishi koka koko u rukombo rua Yesu.¹⁹Petero ndo Yone ku ba barara: "Ya rumbush'anana buin'amene mbe djiyi busheke u mishi ma Ndjambe u bu tomuwu buni iraka ritomuwu Ndjambe. ²⁰Ishini tshua karene u bere toto meyi mana ma mono biti ando mawoko biti.²¹Ba ku kara bapangeshe puiri ndjeke, ndo ku kara barekere, ka ba toko mono ipu ri ba shiki u ntanda ishini bate, ngo bate bakimi a wara bande bi tonosho Ndjambe u rueyi runu rua kereme. ²²Ndo shini moto yono a beruwu u ishana a wara a ma shambeshe mashewe mashamanene ariki.²³Ambishi a ba rekere banda, bakuende u mbete ya wara bate ba banda, ndo ba ku ba rondosho meyi ma makimi mi baroro bawotora bi bakubanganga ndo bawotara ba boro. ²⁴Itanga ra woko banda meyi mi bashosho banda, ba ku totoro rutoto a nono ba bakimi u bora Ndjambe u roro: "Kumu, wene wa wanga riki a shina mana, a masha ma manene ndo bikete djini dja bikimi, ²⁵Wene wa toto u Nyumu ndjua Ntsheke u numbu mua mamayiti muina ngunu awa Davidi. Ishini yeye bi tototo ukata mabiri, ndo manya ma ngona-ngono u ndenga bate?²⁶Bakumu ba shin'amana ba ya totoro, ndo bakumu ba bate ba buara Kumu ndo Mashiy'ande ndjua shara ndja ikini?²⁷Keke dji kubere weshe muina ngunu awa ndjua ikini Yesu, yono Herode ndo Ponso Pirata a ya puturu banda a bina Isarere u nashe u boro bunu bua bunene, ²⁸shini ku kere rua rukimi runu iyata rawa ndo yirongo rawa ra roriyi wene a bosho.²⁹Keka ngowo, Kumu, rende manashere ma banda ndo yeke bina ngunu muawa u yishi rueyi ruawa ando bunono bua bukimi, ³⁰Shembere iyata rawa ,mabereshe ndo ndjendje dji bishana dji kereme ndo meye u rukombo rua muina ngunu awa ndjua Ikini Yesu. ³¹Itanga ra rombo banda Ndjambe, iraka rini ra wara banda ba ya puturu riku nyinyi ba bakimi ba ku yoro ando Nyumu ndjua Ntsheke, ndo ba ku yishi rueyi rua Ndjambe bundueye.³²Buiki bua bate bana baweshe ba wara nteme ndo monyo moko. Kuapa a moto moko a roko bikete djiyi djande dja ya mene, kek'ake bikete dja wara shini ba bakimi u makapara ma djindi. ³³A unono bua buiki batomo ba bora Yesu ba yishiki ru shanga ru ma wumuwu ma Kumu Yesu, ndo ntshongo mua Ndjambe mua wara ariki ra banda ba bakimi³⁴Ishini kuapa a moko u ndenge banda awara mono a ntanda, ba bakimi bawara a mangondo, mbe ki mamburu bi ma kapaka, ³⁵ndo ba reyeke puaranga sha buishiki banda u djara dji ba postoro u shi kapara ndo u yeke moto a moto ikapa ra nyingi ini indjanda.³⁶Yosefe, yono baposotoro a yeke banda rukombo Barnabasa(Nguindjiri a bat) Lewiyi ndjua boro bua Shipiri, ³⁷akapa ngond'ande, ndo ku rata puaranga sha shikimi u bosho bu bapostoro.

¹Kek'ake nungu ndjueke rukombo ruande Ananiya ando ngar'ande Safira, ba ku kapa ngoondo, ²ndo ya ku wokoshe ande u shueye itenye ra puaranga sha buishi banda, ndo wueyeke ndamba ya shara uboro ba postoro.³Kek'ake Petero ku nor'ande : "Ananiya ishini yeye Satana anyoro yande nteme muawa wene rimbi Nyumu ndjua Ntsheke ndo u shueye itenye reke ra puaranga ra nkapa wene ngoondo ? ⁴Ka wa tokoro wara ruere rondo ngoondo awa? Mbe ki a kapara wene ka wa tokoro wara ruere kere ra rikimi ra wondoro a puaranga? Ipu nanaki a ntshiki wene u nteme muawa buanya bua bube ngowo ? Kapa wa nimbi bate kek'ake wa nimbi Ndjambe. ⁵Ananiya a woko yande toto shini ya ku buaka shini kuwa. Butete bua buiki bu ku wata bate ba bakimi bana bawoko rueyi runu. ⁶Birenge ndji barungu dji ku wiyi u ningi mapere, ambishi ku ntotoro shini kue neye.⁷Ambishi matanga mashata a shamba manda, ngar'ande ku nini, ubere yebe rueyi runu rua shamba. ⁸Petero ku noro: Shosho miyi, nganga yindi yini ya kapara buini ngoondo a yini? Bara-bara, ku barara yanda tshua nkapa ku nganga yini.⁹Keke Petero ku noro: "Ipu nana ra ngokosho buini u kiki Nyumu a bora Kumu? Rende, bana ba mende u reye nom'awa kaba u ikuku ra mburu, ndo bi toyi yitotoro a wene." ¹⁰Munu itanga rini ya ku buaka u para sha Petero, ndo ya kuwa. Birenge dji ba rungu dji ku nini, ku to mono ndjua wa , ba ku ntotoro, ndo ba kuende u neye akora nom'ande. ¹¹Butete bua buiki ku wata yoro ra rikimi ndo bata ba bakimi bana bawoko rusanga rua meye mana.¹²Baposotoro ba kere ndjendje dja kama ndo mashana ma buiki u ndenge a bate. Bate ba bakimi bi ya puturuku u mbarata ndja mburu a Salomo. ¹³Kuapa a moko a shotoko kiki u ya puturu a banda, kek'ake bate ba bakimi bi ba tonoshoko buiki u reke.¹⁴Buiki bua bate bana ba weshe Kumu bu tuwu a butuwu, barungu a bawata ba ku puru ndo ba ya puturu a banda, ¹⁵ipu nde ba uku rata ba bere ndo bi ba shiki a mboko ariki ri mashasha ndo ngarashambandje, kek'ande itanga ri shamba Petero, irurumbu rande ri shashamba u kukuyi moko ndjua ndenga banda. ¹⁶Bata ba buiki ba u kupunu u mara ma manene ma ngama Yerusareme, ba u ku rata ba bere ndo bate bana ba wara a nyumu sha shibe, ndo ba bakimi ba ku beruwu.¹⁷Ngo ke pishi a ba wata shindi, ngotara a bakubanganga, ndo ba war'ande, u roro busheke bina itenye ri ba sadisene ba ku ya kanda u nini u rueye runu. ¹⁸Baku wata baposotoro ndo ba ku ba shiki u mburu buroko ndja bate ba bakimi.¹⁹Kek'ake muandjero a bora Kumu, kuiyi ndenge butuwu u ripiri makuku mi buroko ndo ku ba punushu, a ba roro: ²⁰"Yak'anana, bu yembete u tempero ndo bu shosho bate toto shini sha shikimi sha monyo munu. ²¹A woko banda ru toto runu ba ku nini ngeshe mu butuwu u tempero, ndo ku tapa u yishi. Ngotora kubanganga ndo bana bawar'ande, ba ku wuru ba shushu ndo ba wotara ba bakimi ba bina Isarere, ndo ba kutomo bate we wosho baposotoro u mburu buroko.²²Ba purushu ku wende, ke ka bato ba mono u kata mburu buroko, ndo ba ku karuwa u barasha rusanga. ²³Ba ku roro: "Tshua ntomono mbura buroko ndja riti busheke, ba baka ba wara u bosho bu makuku, kek'ake a nipiri biti makuku, she tshua mono moto a moko.²⁴Itanga ra woko banda toto shini, kumu ndjua tempero ndo bawotara bi bakubanganga ka ba sheke yebe ipu nana ri boko buanya ariki ri baposotoro ndo u yebe rueyi runu shiri mbueye. ²⁵Moto moko kuiyi u ba shosho: Bate bana ba shikiri buini u buroko kaba u kata tempero ndo ba nyishiki bate.²⁶Mun'anana kumanda kuende ndo ba purushu boboro shini ba wara a butet'ande areke bate bi ba ndjaka u ba kuete ma manya. ²⁷Ambishi a ba karashe bande kue barate u bosho bua yoro ri bashushu. Ngotara a ba kubanganga ku ba wuru ikongo, u roro: ²⁸Tshua ku bukara koko buini kara yishi bate u rukombo runu, ndo rende bua yorosho boro bua Yerusareme ando mayishi mini, ndo bua nguesheke u shiki makere ma moto yono ariki riti.²⁹Kek'ake Petero ndo baposotoro ku barara: "Ndji nde tshu tomowu Ndjambe u iraka ri tomuwu bate. ³⁰Ndjambe ndjua ba mama shiti a wumunu Yesu, yono a djaka buini ndjua shupuyu ariki ra nte. ³¹Yanda Ndjambe a tonoshe yande u wara u rowo ruande ru barungu ngo Kumu ndo Ngondjoro, u yeke Isarere ma barara mi miteme, ndo marimbishi mi mandimbi. ³²Biti tshuiyi ba teme ba meyi mana, ipu rimoko ando Nyumu ndjua Ntsheke, yono Ndjambe ayeke yande bana bake ntomuwu."³⁴Awoko banda toto shini kabua ku banda buiki yoro ri bashushu ndo ba ku shoto djaka baposotoro. ³³Kek'ake Mufaresayi u rukombo Gamariere, nyishi ndjua mikendje, ndjua a wondo bate ba bakimi, ku yembete u reye buanya buanda ndo u rombo u punushu kakeke baposotoro.³⁵Ambishi ku ba shosho: "Barungu bina Isarere, bu yebe busheke runu rua noko buini kere ariki ra bate bana. ³⁶Wibuw'anana, u matuwu ma makeke Tewuda, mara ya yeke ngo moto ndjua nganga, ndo yono ruere kama a inene sha bate ku naba: Ba ku nyaka, ando bate ba bakimi bana ba wiki naba ba ku pandjishi, u bere kara wokomo bi. ³⁷Ambish'ande, Yudasa ndjua muina Garere ya ku punu itanga rabaraka banda bate, u yebe buiki bua banda, ndo a nana bate shere yiyondo u mbish'ande, ndo a yanda kuwa, ndo bana bawar'ande ba ku pandjishi.³⁸Kek'angowo ndake bu shosho, areke bua kara ya nishi u meyi ma bate bana ndo ba rekere anana benda bande, Mbe djara maroriyi mbeki nde ngunu munu mua mi punu ku bate mu wowonyoyi. ³⁹Kek'ake mbe djiyi ngunu mua mi punu u bora Ndjambe, buapa yereme u mu wono bi. Areke bu ya yeke ipu ri nasha Ndjambe.⁴⁰Ba ku weshe mana ma toto yande ndo ba ku wuru baposotoro, ba ku ba boro ndo ku bakara u bere kara toto u rukombo rua Yesu, ndo ba ku barekere. ⁴¹Baposotoro ku punu u iraka ri bashushu a bunyaka ishini iya mono banda ba yemene u nini ntanda u rukombo rua Yesu. ⁴²Rushuwu ndo rushuwu ka batoko rekere u wende ra tempero ndo mburu a mburu u yishi ru shanga rua Yesu nde Yiyi Kristu.

¹U itanga rini, baweke ba kupuru ba buike, mananashe ku wara u ndenge baweke ba bina Yude ba Gereke ando bana ba boto banda u Parestine; ishini bawata ba banda ba wushu barungu ba maka ba peshere u ma kapara mi bikete rushuwu a rushuwu.²Bapostoro ishanga ndo bapende ba ku wuru bu biri bu baweke, ndo ku ba roro: Djakapa busheke biti urekere u yishi rueye rua Ndjambe shini ku kapara bidjere u meshe. ³Iraka rini, bana binyiti, bu shoro u ndenga yini barungu shamboro, bana biyi a shikimi ndja isheke, bayoro a Nyumu ndjua Ntsheke ndo buanya, biti u bayeke bu riti bua ngunu munu. ⁴Keke biti tshu ya yeke u maromboro ma Ndjambe ndo u ngunu muyishi.⁵Rutoto rua banda ruku nyakesha yoro ra rikimi. Ba ku shoro Etshiene, moto ndjua yoro a maweshere ndo Nyumu ndjua Ntsheke, Filipe, Prokoro, Nikanoro,Timo, Parmenase, ndo Nikolose, Proselite ndjua Antioche. ⁶Ba ku ba punushu u mishi mi baposotoro, ba ku ba rombosho Ndjambe ndo ku ba nyayi djara.⁷Rusanga rua Ndjambe ru ku muamana buika buiki, ndo baweke ba ku puru ba buiki u boro bua Yerusareme. Ndo a yasha bangandjambe ba buiki ba tomowoko u weshe.⁸Etiene djua yoro a ntshongo ndo bunono bu bundjamba a kereke meyi ma nkama ndo mi bishana dja binene u ndenga bate. ⁹Keke bate beke ba bina sinangongo bi ya roko bapunu u bushowo ba wara bina Yude ba bina Sirene, ndo bina Alekezadre, bina Silisi ndo bina Asiyi, kutapa nanashe ando nde,¹⁰Kek'ake ka batoko wara ruere yereme a buanya buande ndo Nyumu yono a nyeke mboko u toto. ¹¹Keke ba ku nishi manya ma banda u ndamba bate u roro: "Tshua woko toto sha Etshiene yi towo Mose ndo Ndjambe."¹²Ba ku tindi bate, bawotara ba boro ndo bapundu mikanda, ba ku npununu ipushumu u nguate ndo ba wend'ande u mburu dja inene ndja bashushu. ¹³Ba ku punushu bateme bi manimbi uroro: "Moto yono ka ntsheke rekere toto shitowo iraka rikini ndo mikuara nya Mose, ¹⁴Ishini tshua ngoko itot'ande Yesu ndjua Nazarete, yi wowono iraka rini ndo barara kerere shi bamama shi tshuyeke Mose. ¹⁵Bate ba bakimi bana bashikimi u mburu birumbu, ba shiki mishi ariki ra Etshiene ndo ba mono bosho buande bua barama ngo bosho bua muandjero

¹U itanga rini kumu Herode kutapa monosho bina Ekelezia beke ntanda. ²Ndo ya ku djaka Jake ando kueshe mua yinyanda a bora Yone.³Amono yand'ande rueyi runu rua nyakeshe bina Yudu, yaku karawata Petero. Dja wara butuwu buikini bua mapa mabere wara ndo ruevene. ⁴Ambishi u nguata ndo u ntshiki u buroko, ku ntshere mayoro u maka, mayoro mane-mane shoko a shoko u makuku, ando buanya bu numbushu u mishi ma bate ambishi a Paka.⁵Petero awara ndjua shiki u mburu buroko, ndo Ekelezia kayatoko rekere u rombo Ndjambe ishini yande. ⁶Butuwu bunu buashamba rushuwu runu Herode a wara yanda a buanya bu punushu Petero u numbushu, Petero ndjua kanda minamba mipede ndo a wara a ntshondjo a ndenge mayoro mapende mabaka u bosho bui ikuku ra mburu buroko.⁷Kek'imoko muandjero a bora Kumu kuyamonosho u yanda, ndo ku yorosho mburu buroko a yembe. Ya ku shuku Petero djara u mbamba u ngumunu ndo u noro: "Katuwu buasha ndo minamba nya mboro ku batuwu u nyowo. ⁸Muandjero kunor'ande : "Reye nkoro muawa ndo poko shawu sha para." Petero ku kere ipu rini. Muandjero ku kara noro: "Reye mapere mawa mariki ndo yi ndaba."⁹Petero ku raba muanjero ndo upunu. Katoko yebe runu ruakereke muanjero ubara. A wara yi mono ngo nde a make roto. ¹⁰A shamba banda nere mu bukoto ndo mua mpende mu mayoro, ba kutoro u ikuku ra mboro ri punu u boro bua bunene, ra ripiwu rimene u bosho bua bande. Ba kupunu ndo a tindi banda a mboko, muanjero ku sha rekere Petero kek'imoko.¹¹Keke Petero a yebe yanda rueyi runu busheke, ya kuror'ande: "Nda yebe dji Kumu a ntomo muandjer'ande ndo u mpondjoro u djara dja bora Herode, ndo u meyi ma makimi ma mabe manake kereshe bina Yude. ¹²Ambishi amana yande u wengiyi buanya, ya kuende ra mburu bora Mariyi inyand'aboro Yone, yono anguruku bande Maraka, u mbete yi ya puturu bate buiki ndo ba romboko Ndjambe.¹³A kokoro yande ikuku ra mburu, ngata muina ngunu rukombo ruanda Rodo, kuiyi u nipiri ikuku. ¹⁴Ya kuyebe rutoto rua bora Petero, ya ku yoro a bunyaka, katoko ripiri ikuku, ku karuwu mbanga u shosho ibek'ande Petero koyo u ikuku. ¹⁵Banda ku noro: "Wiyi a irara mbe."Kek'ake ya ku ba roro :"Rrueyi ruiyi rua bara-bara."Banda ku roro:"Yiyi muanjero yono ameke nodo."<<<<<<< HEAD¹⁶Itanga rini Petero a wara a mikokoro ikuku, ndo aripiri banda ikuku, ba ku mmono ndo ba wara bi ya wururu. ¹⁷Petero ku ba nyinyi djara u baroro u boto poro, ndo ya barondosho ipu ra mpunushu Kumu u mburu buroko. Ku roro:"Bu rushosho Jake ndo ba binyiti beke."Ambishi ya ku karuwa ndo kuende u mbete ndjeke.=======¹⁶Keke petero awara ikokoro ikuku. Baku ripiri ikuku,ba ku yakara ipu ramono banda. ¹⁷ Petelo ku nyinyi iyata ku baror'ande war'ana poro,ku barondosho ipu rampunushu kumu wu buroko,keke ya kuror'ande Rondosho anana Ijak'ando bana ba mayi.Keke yandea kupunu kuende wu kata iraka reke>>>>>>> 34f1224c51bf704f48dd8e7cdd509c6f2341106e<<<<<<< HEAD¹⁸Itanga butuwu a yembuwu bundu, rubua ku kereme u ndenge mayoro u yebe ipu ra punu Petero. ¹⁹Herode ku tomo bate u ntshoto ndo ka ba tokomono, ku boko mayoro ikongo, ndo keke ku reye rueye u badjaka. Ambishi Herode ku kobuwu u Yude we wara ndamba matuwu u Sesare.=======¹⁸A yembu butuwu mayoro mawara miriti buika buiki ande Petelo yi kueye. ¹⁹Herode,ya kutapa wu ntshoto,abere yande wu mono ya kururu ba baka buroko,ya kubarumbushu,ku bashiki wu buroko ande bi badjaka.Yande kukobuwa wu boro bua yuda,ya kuende ra boro bua Cezare ishini kuende shikima ndamba matuwu.>>>>>>> 34f1224c51bf704f48dd8e7cdd509c6f2341106e<<<<<<< HEAD²⁰Kekaki Herode a wara a kabua a bina Tyri ndo bina Sidono. Banda ku wokosho u tomo bate bayemene u boro buanda u nombo poro, amana banda wosho irongo u bora Blasta, nab'ande, ishini mandjiri ma banda ma u kupunu ku boro bua bora Herode kumu. ²¹Itanga ra shiki Herode a yemene rindi ya ku reye mapere mi bukumu, ndo ya ku shikimi u nguashe bukumu, kutapa ba rupushu meye.=======²⁰Herode awoko kabua sha buiki ishini bina boro bua Tire ndo Sidono, Bina Tire ndo bina Sidono banda kuwokosh'ande beya monsho wu mishi ma bora Hero ishine kue wokosho ndo Baste nondo bikete dja bora kumu, bawende ndo nteme moko wu bora Herode wu wokosh'ando nde ishin'ande mbet'a bora kumu ya weke djishi mbeta banda. ²¹Ayemene rushuwu rua banda wu yaputuru Herode ya ku reye mapere mi bukumu ya kushikeme wu nguash'ande ndja bukumu,awara ibashosho meyi mamasheke.>>>>>>> 34f1224c51bf704f48dd8e7cdd509c6f2341106e<<<<<<< HEAD²²Bate ku wabuwu u roro:"Rutoto rua ndjambe, kuapa rua moto!" ²³Mun'anana muanjero a bora Kumu ku nyaka, ishini ka sheke yeke Ndjambe rutono. Yande kuwa ndo ku nyi u bora mishopo.=======²²Bate baku boko mber'ande runu ruakap'ande moto antotoko,keke Ndjambe ndjua shini antotoko. ²³Muandjero ndjua bora Ndjambe kumoro mun'anana ishini ande katoko yeke Ndjambe rutono yakuwa mishopo nyi kunya.>>>>>>> 34f1224c51bf704f48dd8e7cdd509c6f2341106e<<<<<<< HEAD²⁴Kek'ake itanga rini rueye rua ndjambe ku muamana buika buiki, ndo buiki bua bate bana ba weshe bu kupuru. ²⁵Baranabase ndo Shauru amana banda ngunu mua banda, ku karuwu u Yerusareme u rata a banda Yone a wuruku banda Maraka.=======²⁴Keke rusanga rua Ndjambe ruku kupandjishi buik a buiki baweke baku bakupuru ba buki. ²⁵Barnabasha ba Saula amana banda rutoto rua banda baku karuwa ra yerusareme awende ndo yone yono anguruku banda maka.>>>>>>> 34f1224c51bf704f48dd8e7cdd509c6f2341106e