¹Neghe nialoloba injil aulu yesus kritu,Ana Allah ²Yo atertulisa nezurata Bia dana Nabi Yesaya : " Etabele! Zauwa kukirima atagu ka ulugu ghou abei siapkange lara-Mu. ³Ghai lii ata aberseru-seru ne tana luasa: `Siappai lara bagina mori, jadikange lara-Na bana lurusa.⁴Bagge yohanes nabaptisai ata-ata ne marada kikapa dana mono banakhotbahkange babtisan panaradangada taguna katta uwaopi zalada. ⁵Monno, ngarakua penduduk Yudea monno ngara kua Ata Yerusalem mai barana Yohanes. Nia nabaptisai ghida ne loko Yordan, sambila ghida bamangakudi ngara zalada. ⁶Yohanes natau loge Unta monno kalerewage kalita na kalokoge ne ebadetana. Nia na ngaa kabala monno kanena kadaghu.⁷Yohanes namakhotba monno napaneghe, "Ne babaku maii na Ata loukka berkuasa walibaragu zauwa. Zauwa daku layakkaki katunura monno paziligudi kalere kappeghaii-Na. ⁸zauwa kubaptisau ghou waigu we'e, niakaba babaptisa ghou waigu Roh kudusa.⁹monno, nadadi ne lodo-lodo gheti. Yesus namai wali Nasaret, wilaya Galilea, monno abaptisaza ole Yohanesa ne loko Yordan. ¹⁰Nebanaba louzo wali we'e dana, Yesusa naeta lagita namabakka monno Roh azama na keila merpati burru ne ponu-Na. ¹¹Monno nemmi lii amai wali surga dana, " Ghou nialoloba Ana pamanawaragu. Nebara-Mu kukadanaga." Yesusa anungai iblisa¹²Niaba ghetipo na, Roh aghinde yesusa ne'e marada kikapadana. ¹³Nia ne'ei nemarada kikapa dana pata kabulu lodona monno anunga iblisa Yesusa neei aroda rangga-rangga mataba monno ngara malaikat alayan Nia. Yesus nabritakange injil Allah ne Galilea¹⁴Naba Yohanes banei gollu dana, Yesusa nakako neti wilaya Galilea monno napadukkige Injil Allah. ¹⁵Nia natekiwe,"Natutuba rapana, kerajaana Allah natukkebawe. Darage monno waige ne Injil!" Yesusa Napede Apirra Murita¹⁶Na Yesusa neena zaga upu oba Galilea, Nia na eta Simon monno Adreasa, oledadina, nena tubage dala nee oba dana orona ghidda loloba tagu dala igha . ¹⁷Bage, Yesusa natekkiwe barada ghida "Dekuga Zauwa, monno Zauwa kujadikanmiyemmi tagu dala ata pia. ¹⁸Simon mono Andreas agaige dala ghidda monno adeku-Ni.¹⁹Neti Nia bana kako louka maro kia, Nia na eta Yakobus, anai Zebedeusa, monno Yohanesa oledadina, aneena netenadeta monno nena paduawe dala. ²⁰Badommo,na Yesusa nakadangngadi ghidda monno ghidda againi amada ghidda, Zebedeusa, ne tenadeta oledangadi buru-buru pakazewana, bage kako dekunni Yesusa. Yesusa Napanungana monno Bonnuna Kuasa²¹Bage, ghida adukki ne Kapernaum monno beidukibage nelodo sabat, Yesusa natama ne sinagoge monno napanungada. ²²Ghida akagumai barengge papanunga-Na orona nia bana panungada yo ata amangunai marapunai, dayogheti ahli-ahli Taurat.²³Neti neghe gheti, ne ummatabaya ghai nakabani akerasukan roh jahat monno nia nakawaro, ²⁴Patekina, "Appa urusan antara ghou monno zamme, Yesusa wali Nazaret? Appaka ghou bumai untuka bupamatema zamme? Zauwa kupadegu bagaragu ghou. Ghou nialoloba akudusa wali bara Allah!" ²⁵Takka, Yesusa nakazakai nia, pateki-Na, " Kanagha! louza wali barana na ata!" ²⁶Nabah nagha roh najisa bana kodo-kodokai nia sambila bannakawaro waina lii kalada, nalouzoba nati roh wali barana.²⁷Ghidda ngarakua akagumai lappata batua iya monno wadekka, pateki-Na, "Apako ne? Neiya papanungga baru monno kuasa! Nia baka napareta nati roh-roh najisa monno ghida apadeku ne bara-Na." ²⁸Bage, monno nangatage patekida tentangga Nia natanamara nemmi iya-iya padou duki nenngarakua wilaya Galilea. Inna mattona Simon monno ata mangeda Papalangngada²⁹Nebana ba Yeusa monno murid-murid-Na agaige neumma tabaya, ghidda tama neummana Simon monno Andereasa, pazama dangngai Yakobus monno Yohanesa. ³⁰Takka, inna mattona Simon ne nabeika orona bana nganga, baka ghidda atekkiwe ne agahina barrai Yesu. ³¹Yesu kaina napatobboka dangngani lappta banatulini bana dede. Nemeghinna meme pongngu kaina nekalikkana namuage monno namaghinne namulai bana layandi ghidda.³²Ne bana riaka gedde, nebana tamaba loddo, ghidda angindi barrai Yesu ngarakua ata karodduka monno parusakada roh dirraka. ³³Badommo, ngarakua penduduk kota apakuana ne aro binna umma na. ³⁴Yesu napalangngazi ngarakua ata karodduka ngarakua a eka macam lappata aisirai kabailika mangeda. Ba ka, Nia dana naukidi kabailika-kabailika bapaneghe, orona bapadde Nia. Yesu Natabaya monno Napadukkuge Lii³⁵Kapugedde gagaro, nebana kapattapoge, Yesu nakedde monno nakako neiya paddou a akaringngi, bage nenei Nia atabaya nee. ³⁶Badommo, Simon monno ata apazama dangngani nia aghewa Yesu. ³⁷Ne ghidda batobboka Yesu, ghidda atekkiwe, "Ngarakua ata aghewau Ghou!"³⁸Monno, Yesu natekkiwe, "Maida kata kako ne kota-kota atukkegai Zauwa kaina kaku padde pakhotbah barra ata-ata ne nee. Sebab, neghe niabawe paddou paligo Zauwa bakumai." ³⁹Orona ne, Yesu nakako ngarakuadi ngarakua wilayah Galilea. Nia napadukkige Lii ne umma-umma tabaya ghidda monno aghalozi kabailika-kabailika. Ata Katuppu Apalangngaza⁴⁰Bage, ghai na ata akarodduka katuppu amai barrai Yesu. Nia nadengngi monno nakatikka barra-Na monno natekkiwe, "Neka ne ghou bubeidoge, Ghou mupalangngaga zauwa." ⁴¹Nakede bawe ne rasa manawwara, Yesu napadoladi limm-Na monno natodo na ata sambil bana paneghe, "Zauwa kubeige. Langngalolo ghu!" ⁴²Nemeghinna mema kaina, karodduka kayuppuna namuage monno na ata nalangngabana.⁴³Yesu napatukani na ata bana kako monno napalolodangngana banategasge. ⁴⁴Nia natekkiwe barrana, "Ammanapa tekki du dua lakka garra barrana pongnguna taguna ne hal neghe. Takka, kakololo, paetawekkige toumu barra imam, monno yadighidda maraka taguna bulangngana ghinna ghaikaina paparetai Musa sabagai ne iya kesakksian tagu ghidda."⁴⁵Ba ka, na ata nakako monno namulai bana padukkige ghinna takkana monno napadukki ngarakuage ne parenge. Ole sebab nawe, Yesu danapadde dommo baki ne mangela-mangewala ne kota, takka neeni gounga, ne daerah akaringngi. Takka, ata-ata wali ngarakua paddou enganiadi bamai barra-Na.

Yesusa Napadaradadi monno Palangadi ata aKaliku ¹Nepira lodona amuri, netina Yesusa bana bali ne Kapernaum, renggeba patekida baneei nia ne umma. ²Bage, luana ata apakuana sampai badaii padou domo, bahkan ne tidi bina lakkakupuna,monno Nia natekiwe firman barada ghidda.³Bage, ghidda maii barana Nia, aghide naata kaliku napapalozoda pata ata. ⁴Ne ghidda dabisaki paghinde naata ne barra Yesusa orona baluana ata, ghidda aghukke ne magho ne ponuna Yesusa. Nebanaba paghukkewe, ghida apaburuge teppe padouna naata kaliku a beika.⁵Na Yesusa naeta imanda ghidda, Nia napaneghe barana naata kaliku, "Ta ana-Gu, nezala-zalamu ku uwaopibadi." ⁶Takka, ghida apira ali taurata amadidi ne ne nebadi apangada atedanada ghidda, ⁷"Appa nagha atana bana paneghe ghina ghaina? Nia neena apanii! Garrai na uwwa opizi zala-zala wattena Allah douna?"⁸Yesusa nalangngaba bana paddekua wali ne Roh-Na bahwa ghidda apangadda-ngadda ge ate danada ghidda. Nia napaneghe barrada ghidda, "Appa yemmi kipangadda ghinna ghaige ate danami? ⁹Geniage alouka padua, tekkinawe ne barrana ata kalikku, 'Zala-zalamu uwwaopibazi', atau tekkiwe, 'Kedde, keketa teppemu monno kakoghu'?¹⁰Ba ka, kipaddege bahwa Ana Atapia aterrege kuasa ne ponnutana taguna bauwwaopizi zala-zala," Yesu napaneghe barrana na ata kalikku, ¹¹" Zauwa kupaneghe barramu: kedde, keketa teppemu, monno balighu nee ummamu," ¹²Na ata laikku nadedeba, nadekewe teppena, monno na kako gounga, nearoda ngarakua ata. Ghidda ngaraku atakjub monno adeikaza Mori, lappta natekkiwe, "Zamme dama eta pongngukiwe ne hal aghinna ne!" Lewi Nadekuni Yesusa¹³Yesu nakako dommo nee uppu oba, monno ngarakua ata aboddo-boddona ba mai barra-Na, monno Nia napanungngadi ghidda. ¹⁴Ne nia bana lawiwe, Nia na eta Lewi, anai Alfeus, nene madii ne paddou bayara pajakka. Bage, Yesusa napaneghe barrana, "Dekuga Zauwa." Bage, Lewi nadede monno nadeku-Ni¹⁵Monno, neba neeni Yesusa amadii bana ngaa ne ummna na ata Lewi, ghaidi mangeda pakuana pajakka monno ata-ata zala ne kaida angaa dangngani Yesu lappata murid-murid-Na, orona nenee amangeda ata, monno ghidda adekuni Yesusa. ¹⁶Ne pipira ahli Taurat wali kelompok Farisi aeta Yesusa nene manaa oledangadi ata-ata zalah monno pakua- pakua pajak, ghidda amatua barada murid-murid-Na, " Appa Nia bana manaa dangadi ngara patada pajakka monno ata-ata zalah?"¹⁷Ne Yesusa bana renggewe, Nia naapaneghe barada ghidda, "Ghida a sehata da perluki doktera, eka ghida a karoduka. Zauwa kumai inda kadanggakigo ata-ata benar, eka ata-ata zalah." Patua tentang Berpuasa¹⁸Murid-murid ata Yohanesa monno ata-ata Farisi needi berpuasa. Pirra ata amai monno amatua barra-Na, "Bakkaghinawai muid-muridta Yohanesa monno murid-muridta ata Farisi baberpuasa, bakka murid-murid-Mu kada berpuasa?" ¹⁹bage, Yesusa napaneghe baradda ghida, "A berpuasa takka ghida ngara papalolodangada pengantin sementara pengantin kabane neepu barada ghidda, ghidda da bisaki berpuasa.²⁰Takka, loddo-Na na mai ketika pengantin kabane adeke wali barada ghidda, monno neti lodo gheti ghidda aberpuasa. ²¹Daiki ata a kadabara kalabi toina a mairra waina kaba a baru. Niaka bakaghinako, kadabara kaba a baru neti nabei irawe kalabi a madoi, monno amairage nama tabo kaladana.²²Monno, daiki ata a buriwe anggur baru ne karibo kalita dana amadoi. Niaka bakaghinako, neti anggur nabei ira karibo kalita niaka ne anggur lakaniako kantung-Na ba rusaka. sebaliknya, anggura baru abadala ne karibo kalita dana a baru." Yesusa nialoloba mori ponu lodo sabat²³monno, ne netti loddo poddu, Yesusa nalewata ne oma gandum, monno ne laradana, murid-murid-Naneedai aopu weza gandum. ²⁴Bage, ata-ata Farisi apaneghe bara-Na, "Etazi, apa ghidda barawige ne a langgar hukum loddo poddu?"²⁵Bage, Nia napaneghe barada ghidda, "Du pernakipo ghou bubaca apa ne parawina Daud ne Nia monno ata-ata a oledangani needi karita monno kareba? ²⁶Peighaikona Nia bana tama ne uma Allah ne masa Abyatar namajabata yo imam Kalada, monno ngaa roti persembahan, a bisakina ne ba ngaadi ata ngara imam, monno kaina nayadi netti roti nebarada ata-ata a oledangani?"²⁷Nemmi, Yesusa napaneghe barada netti ata-ata Farisi, "Loddo poddu apaduawe taguna atapia, ida atapiake taguna loddo poddu. ²⁸Bage, Ana atapia nialoloba mori, monno neghe loddo poddu."

Yesusa Napalangana ne Loddo Poddu ¹Monno, Yesusa natama domo ne padou tabaya, monno ne nekke ghai ata a mate ngabba limana. ²Ghida aeta Yesusa taguna baeta apataka Nia bana palangga nakka ata ne loddo poddu niakka ghidda ba bisa batudu Nia.³Bage, Yesusa napaneghe barana natti ata mate ngaba limana, "Dedeghu ne tiluna." ⁴monno, Yesusa napaneghe barada ghida, "Apa tabisa padua dua atau tapadua diraka ne loddo poddu? Tapaluputa dewa atau tapamate" bakka, ghida akanagha.⁵Nemmi, Yesusa napazaradi nesekitarda ghida monno nabani. Nia na milla langutakka orona ne katona ateda ghidda. Bage, Yesusa napaneghe barana natti ata amate ngaba limana, "Padoladi limamu."Monno, natti ata napadoladi lima-Na, monno limana alangana. ⁶Orona netti, ata-ata Farisi abona kakoba, monno amulai bapaiya dangadi ata-ata Herodian a lawa-Nia tentanag bapeighaikona patapamateza. Luana Ata Deku Yesusa⁷Naika, Yesusa napamarowekina walina murid-murid-Na netti obadana, monno aluanaata ata wali wilaya Galilea adeku Nia, monno wali Yudea, ⁸Wali Yerusalem, Idume, daera bali loko Yordan, monno kaina wali bara Tirus monno Sindo, luana ata ketika barenge ngrakuana ne parawina Yesusa, mai bara-Na.⁹Orona gheti ata aluana, Yesusa napaneghe barada murid-murid-Na gaikana siapa tena tagu-Na gaikana ghidda da desakai nia. ¹⁰Orona Yesusa npalangana ata mangeda, niaka ngara kuaana ata a manggu karodukana adesa-desaka gaika kale batodoza.¹¹Monno, ghegheti roh-roh najisa baeta Yesusa, ghidda akaghodo ne aro-Na monno nakawaro, "ghou loloba Ana Allah" ¹²Takka, Yesusa nabaka langgu takka ghidda taguna bateki garai Nia. Yesuas Natetapkandi Kabulu Duada Murid-Na¹³Bage, Yesusa napenne ne kaladakadetana monno na boghodi ata-ata pakahendakina Nia gaikana oledangani, monno ghidda amai bara-Na. ¹⁴Nia natetapkandi kabulu duada ata niaka ghidda bisa baoledangani monno Nia nakole bana utusai ghidda taguna bamakhotbah, ¹⁵Monno nayadi kuasa taguna bana ghazoli kabalika-kabalika . ¹⁶Yesusa natetapkandi netti kabulu duada ata: Simon ( A Nebarana Yesusa nayani ngara Petrusa),¹⁷Yakobusa, anai Zebedeusa, monno Yohanesa, angughuai Yakobusa ( Ne barana Yesusa ayadi ghidda ngara Boanerges artina "ana-ana guru"), ¹⁸Andreasa, Pilipusa, Bertolomeusa, Matiusa, Tomasa, Yakobusa, anai Alfeusa, Tadeusa, Simon ata Zelot, ¹⁹monno Yudasa Iskariota, akianatiza Nia. Kuasa Yesusa Walina barai Mori²⁰Badomo, Yesusa na tamage ne iya uma, monno kabonuna ata bali pakuana ne-nee lappata Yesusa monno murid-murid-Na bakka dabisaki ngaa kababa. ²¹Gheti dughu-Na arengewe ne-neghe, ghida mai taguna ba ghinde Yesusa bana bali orona ghida bapaneghe bawa Nia dana warasa domobaki. ²²Monno, Ahli-ahli Taurata aburu wali Yerusalema atekiwe, "Nia arasuka Beelzebul!" monno "Nia naghalozi kaballika waige kuasa kapala kaballika."²³Bage, Yesusa nakadangadi ghidda bamai bara-Na, monno bapaneghe monno bawaina tuda, "Peighaikona banapadedi kaballika ghalozi kaballika? ²⁴Niaka neiya kerjaan bana begha-begha bana lawage toudouna, ne kerajaan dana madukikiwe bana bertahanwe. ²⁵Monno, niaekka neiya umma na begha-begha lawage tou douna. Ne umma ba dana madukike bana betahanwe.²⁶Niaka kaballika kede lawage tou douna monno napa begha-begha, Nia dana dukiki bana bertahan takka nadukkabage riwayatna. ²⁷Dai ponuki iya ata atama ne umma ata apaghezi monno arampokazi harta bendana, watena bana louka ulu Nia bana kete na ata paghezzi, niaka ghuddi nia bana rampoka ummana."²⁸"Zauwa kutekiwe aghinana baramu, ngrakua zala ana-ana ata pia a ampundi, monno ngra hujatan ne ghidda patekida. ²⁹Ba ka, garakuni ahujata Roh Kudus ba dapa ampunbakiza, watena pazala oronan zala kekal." ³⁰Orona, ghida ahli-ahli Taurata apaneghe, "Nia arasuka roh najisa." Dughuna Yesusa a Ghinana³¹Badommo, ina monno oledadi-oledadi Yesusa mai monno nadede gounga. Ghidda apatukana ata bara-Na taguna bakadanga-Ni. ³²Kabonuka ata needi madii bagholetai Yesusa monno ghidda panege bara-Na,"Eta, inna-Mu monno oledadi-oledadi-Mu needi gounga aghewa Ghou."³³Mon, no, Yesusa nawalezi ghidda monno napaneghe " Garrani inna-Gu monno oledadi- oledadi-Gu?" ³⁴Badommo, Nia napazarradi ata-ata amadii agholeta-Ni monno paneghe, " Etaza, nagha inna-Gu monno oledadi- oledadi-Gu! ³⁵Oron, bagarakuni rawige kehendakana mori niadona ole kabani-Gu, monno oledadi maghinne-Gu monno inna-Gu."

Tuddana aghina ghaina Mazabara ¹Monno, Yesusa na mulai panungga domona ne niri oba. Pakuana bakarumuni Yesusa ata mangeda ajumlahna kaladana niaka Nia napene ne tena dana monno madii ne ponnu oba. Sementara, ghaida ata mangeda needi tana mara, ne niri oba. ²Monno, Nia napanungana ghidda tentang neluana hal monno tudda-tuddana. Ne papanununga-Na, Nia napaneghe barada ghidda,³"Renggewe! Ghaii naata mazabara a kako taguna mazabara. ⁴Niaka dadiwe, ketika nia neene amazabara, nepira winni awaraka ne upu lara ,monno keila-keila amai, bage angaage. ⁵Nepakobuh nawarakwe ne ponu tana apawatuna a daluana tanana. Ne winni nanggu dadi mema monno nangatage orona ne tana danna madalekige.⁶Ketika namatalodo nabangata kia, gheti patodaka akara monno orona da manggu kalaritana, netti patodaka anggo marokota. ⁷Sebagian awaraka ne tilu-tilu tara kabogho. Bage, tara kabogho amato monno amajepita netti tanaman dukki bamate, monno netti tanaman da ghua memapongoki.⁸Takka, nemme wadeka waraka netana a dua monno hasilkange ghua, amatto, monno amatabo kaladana, serta bahasila touda kabulu kali lipata, ene kabulu kali lipata, monno nghau kali lipata." ⁹Nenemmi, Yesusa napaneghe, "Garai a manggu katiluna tagu parenge wai, gaiiku nia banarenge!"¹⁰Neghe waktu Yesusa banakanua, ata ne bara-Na, oledangadi monno kabulu duada rasula, amatua bara-Na gheti tuda-tuda. ¹¹Bage, Nia walezi ghidda, "Rahasia kerajaan Allah a yabago baramu. Akka ghina ghaiipo, ne barada ata-ata waddeka, ngara hal apadukidi tuda-tuda dana, ¹²Gaikana, 'Laka nakole banaeta, ghidda aeta monno da padde domoki; monno lakka nakole bana rengge, ghida barenge monno dapahamkige. Gaikana ghidda kada bertobatkana monno baampundi."'Papajelasada tentang Winni Tudda Ne Mazabara¹³Ne Yesusa napaneghe barada ghidda, "Dumangertikipoge ne tudda? Peighaimo ghou kole ngrakuage bumangertige netti tudda? ¹⁴Ghatti mazabara nazabaradi firman. ¹⁵Ghetti ghida nialolobai ata-ata awaraka ne niri lara, netti padou firman neede zabarage. Ne ghidda barengge, monno abona mai kabalikka monno arebutage ne firman a pazabarada barada ghidda.¹⁶Ghina kaido, ghidda a ne pazabarada ne tana pawatuna nialolobai ata-ata a rengewe firman monno bona dibawe waige magheghera ate. ¹⁷Takka ghinaghai, ghidda da pakalaritakina ne tou douna monno hanya namapatu sementarakido. Nenemmi, ne banamaiko kesulitan atau paaniyaya orona netti firman, ghidda abei warakka.¹⁸Monno, wadeka nialolobai a warakka ne tilu-tilu tara kabogho. Ghidda nialolobai ata-ata a renggewe firman, ¹⁹takka nepakawatirda nemmi ponutana, monno ate beina nemmi kekeyaan, monno keinginan-keiginan nemmi hal-hal wadekka tama ne antara netti firman monno asempita niakka nia dana hasilkange ghua. ²⁰Takka, ghidda a pazabara ne tana a dua nialolobai ghidda a renggewe ne firman, adibawe, monno ahasilkange ghua, tauda kabulu kali lipata, ene kabulu kali liapata, ,monno ngau kali liapata." Tuddana tentang pelita²¹Bage, Yesusa napaneghe nebarada ghidda, "Inda palitakiwe da ghinde taguna babadala ne kabu iya gentang atau ne kabu iya padou dura? indatakaki netti palita ba badalawe ne ponu ghaii pelita? ²²Orona, da daiki a mauri a dapa ungkapada. Ghinaghai kaina, da daiki rasia apa pongoko orona ghetti hal pa nyatakanda. ²³baka ghaiku ata a manggu katiluna tagu parengewai, gaiku nia banarenge"²⁴Bage, Yesusa napaneghe barada ghidda, "Matarapaduage appa neghe parenggemu ghouu. Ukuran na pawaimu akan baukur nebaramu, monno ghai domopo a akana nepatambada baramu. ²⁵Orona gara a mangguna, nia akana baya kiai, takka garaku a da mangguna, apa pongu kaiko a ghaina barana akan badeke walibarana." Tuddana tentanga winni²⁶Nenemmi, Yesusa napaneghe, "Kerajaan Allah niaba yo ata a mazzabara winni ne tanadeta. ²⁷Natti tagumazzabara nadura monno nakedde loddo monno gedena, monno netti winni napalouzodi kalungana monno namato. Ghatti tagumazzabara dana padekige peighaina banadadiwe. ²⁸Netti tana nahasilkange ghua douna. Ulu-ulu kalungana, banemmi ghulina, bage weza-weza gandum ne netti ghuli dana. ²⁹Ketika weza-weza gandum natti namodu, ghetti ata angobona bakeni orona ghula makeni nadukibawe." Tuddana tentanga Weza Sesawi³⁰Nenemmi, Yesusa napaneghe, "Monno appataka ghito takole batabandinge kerajaan Allah? Atau, monno tudda appataka ghito battakolege battabandinge? ³¹Ghetti kerajaan Allah yo wezza sesawi a nepazzabarada ne tanadeta, takkaghinaghaiko natti wezza nialoloba wezza a palinga ki'ina ne antara ngarakua wezza ne ponutana, ³²takka ne bazzabarage, netti wezza nangu dadi monno nangu jadi louka kaladana daripada ngarakua patodaka omadana, monno napalouzodi kazaa-kazaa kaladana niakka keila-keila ne udaradeta ba padua obbu ne kabu naunganna³³Monno nawai luana tudda yo netti, Yesusa napadukige firman nebarada ghidda, azama monno a kolege ghidda barengge. ³⁴Nia dana pernaki paneghe ne baradda ghidda tanpa neghe tudda, takka Nia napalarage ngarakua monno napakanuadi nebara murid-murid-Na. Yesusa Napakaringi Naparingi Kalada³⁵Monno, netti lodo ghetti, ne bana raimalege Yesusa napaneghe barada murid-murid-Na, "Maida ghitto kata kako netti bali oba." ³⁶Ne banagaidi netti ata manged, ghidda aghinde Yesusa oledangadi ghidda tama ne tenadana padou Yesusa bane'ei. Monno, tena-tena wadeka aole dangga-Ni. ³⁷Bage, nanggukede paringi kaladana a bottu monno bokara kalada napakapokai tena niakana natena nanggu bonuna we'e.³⁸Takka, Yesusa ghai ne lira tena, dura ne ponu luna. Niaka, ghidda apakedeza monno apaneghe bara-Na, "Guru, appataka ghouu du pedulibakima bata mateko?" ³⁹Bage, Yesusa nakede monno nakazakai naparingi, bage napaneghe dangage bonu, "Kanagha! kadanaghu!" Bage, natti paringi nangau monno nangu jadi kanagha.⁴⁰Bage, Nia napaneghe barada ghidda, "Appa yemmi bimadauta? Appataka yemmi dimangu imam kipona?" ⁴¹Ghidda ajadi madauta takka monno apaneghe iya mono wadeka, "Garatakaku Nia na? Bahka paringi kalada monno bonu bahka adekuni-Nia

Naiyaata wali Gadara Apazala wali Roh jahat ¹Adukiba ghidda ne bali oba, ne daerada ata-ata Gadara. ²Nebana buru Yesusa wali tenadeta, monno nangungatana na ata wali kuburdana a rasuka roh najisa taboka Yesusa.³Nia nadanggi ne kubur dana.Daiki ata a tara baketeni, bahka waina rantai. ⁴Orona, nia a kete paoroni wai beleggu ghai monno rantai, takka nia napyotai rantai monno narikuzi belegguna. Daiki iyaata ponggo a tuba bottu untuka kapakatunurai.⁵Setiap loddo monno gedena, nia nakawaro ne padoukubura monno ne kaladakana monno napamanua netou douna waina watu. ⁶Ne natti ata banaeta Yesusa wali maro, nia namale monno nakaghodo ne arona Yesusa.⁷Bage, monno nakawaro waina li'i kalada nia napaneghe, "Appa urusan antara zauwa monno Ghouu, Yesusa, Ana Allah a madetana? Zauwa komohan bara-Mu demi Allah, amana pasiksaga!" ⁸orona, Yesusa paneghe ba ne barana, "Louzo wali na ata, co roh najis"⁹Bage, Yesusa namatua barana natti ata, "Gara ngaramu?" Monno, nia nawalewe, "Ngaragu Legion orona zamme maluana." ¹⁰Nia naduni-duni banamaneggi barana Yesusa gaiika kadana usirkai ghidda wali netti padou.¹¹Ne nekke ghai wawi pakuana akaladana neede ngaa ne bara kaladakana. ¹²Bage, netti roh-roh diraka madenggi barana Yesusa, monno napaneghe, Patukama zamme nebarada netti wawi gaika zamme bamatama ne danana." ¹³Yesusa nakabulkange. orona netti, netti roh najisa nakako monno natamadi wawi-wawi. Apakuana a luana noto duaka bulu rata nette malle ne tidi madalena dukki ne obadana, bage atadobulana ne oba dana.¹⁴Bage, ghetti tagumadaga wawi kedu monno natekiwe netti kota dana monno netti wanedana. Monno, ata-ata aluzo ba ete appa a ne adadi. ¹⁵Bage, ghetti ata-ata amai barana Yesusa monno aeta nia ghatti nena kerasukan roh diraka, a manggu legion, neene madii, monno napakalabi bana, monno nia na warasa baliba. Monno, ghidda pongu amadauta.¹⁶Bage, ghidda a etawe ghetti dadi, apaneghewaige nebarada ata-ata bapeighaina netti hal banaterjadi ne barana ata kerasukan roh diraka monno netti tentang wawi-wawi. ¹⁷Orona netti, ata-ata abeibana badengge Yesusa gaikana eruge nepadouda ghidda.¹⁸Bage, netti waktu Yesusa baneene pene ne tenadeta, natti ata nena akerasukan roh diraka namaneggi gaikana nia nakole oledangai Yesusa. ¹⁹Takka, Yesusa dana palodaki-Nia, eka banapaneghe barana, " Balighu nebaran sanak angughuamu. Tekiwe barada ghidda ngarakua hal a ba parawina mori nebaramu monno bakka mori banabadala nemanawara nebaramu." ²⁰Bage, natti ata nakako monno nabei padukige nebarada ata-ata ne Dekapolis netii ngarakua hal a ba palakukana Yesusa nebarana. Monno, ngarakua ata angojadi mangadala. Anai Yairus Apabangkita monno Maghine Araana Apalanggaza²¹Na Yesusa banapala domo waina tena netti bali, ata mangeda apakuana ne bara-Na, monno Nia neei ne niri oba. ²²Bage, naiyaata kapala padou tabaya a ngarana Yairus mai monno naba eta Yesusa, nia nakaghodo ne ghaideta-Na. ²³monno, nia namadengi takka nebarana Yesusa, patekina, "Ana maghinegu a kiipona nabei mateba. Mai monno badala lima-Mu ponuna gaikana nia bakole bapalanggaza monno moripa." ²⁴Bage Yesusa nakako oledanggai Yariusa. Ghai takka ata mangeda a dekuni Yesusa monno apakua-Ni.²⁵Monno, ghai naiya maghine a raana selama kabulu duada douna. ²⁶Nia naba berkali-kali menderita ole tabib mangeda, monno naba napalozo ngarakuadi a ghaina, takka daiki gunana monno namatabo keadaana badana duawe. ²⁷Naba barengge tentang Yesusa, naatti maghine nakako barai Yesusa walina lira ne tilu-tilu kabonuna ata monno toroge kalabi malou-Na.²⁸Natti maghine napaneghe, "Baku kolekoge baterege kalabi malou-Na, zauwa ku langgana." ²⁹Ne ghetti kaina neraana nagauwe monno nia bana rasawe bakka netouna na langabage wali penyakitana.³⁰Yesusa naggu bonapadege wali tou douna-Na bakka ghai kuasa a bona louzzo walibara-Na. Nia nakabaleka ne tilu netti kabonuna monno napneghe: "Garai a terega kalabi-Gu?" ³¹Bage murid-muridtai Yesusa apaneghe nebara-Na, "Ghouu mueta kabonu ata adesak-desakka-Gu monno Ghouu mupaneghe, 'Garai a toro-Ga?"' ³²Bage, Yesusa naeta nekalilingana gaikana eta bagarai a telah rawige.³³Takka, naba padege appa a telah terjadi ne touna, natti maghine jadi madauta monno nakadadaka. Nia namai monno nakaghodo ne arona Yesusa serta natekina Yesusa ngarakua abenara. ³⁴Bage, Yesusa napaneghe barana natti maghine, "Ana-Gu, imanmu napalupatagu. Kakoghu ne duadana monno langana wali karodukamu."³⁵Baneepu Yesusa apaneghe, amai pira ata wali umma kapala padou tabaya a paneghe, "Anamu na mateba. Bakkappa bu gangu Guru?"³⁶Takka ghinaghae, Yesusa dana beikina bana renggewe appa ne pateki bada, Nia napaneghe barana natti kapala padou tabaya, "Amana pamadauta, wai koge." ³⁷Bage, Yesusa dana palodakidi iyaata pongguko badeku-Ni, kecuali Petrusa, monno Yokobusa, monno Yohanesa, angghuai Yokobusa. ³⁸Bage, ghidda aduki ne umma kepala netti padou tabaya, monno Nia naeta kawizzaka, monno ata-ata angiokaina bagelo waina li'i kalada.³⁹Bage, bana Yesusa banatama, Nia napaneghe barada ghidda, "Bakkaappa yemmi bikawaro monno bingioo? nakka lakawa dana mateki, takka neene dura." ⁴⁰Takka ghidda amaditai Yesusa. Takka, Nia napatukadi ghidda louzo ngarakua monno Nia laikozi ama monno inana natti lakawa, lapata ata-ata a oledangga-Ni, bage tama ne netti padouna lakawa ki'i baneei.⁴¹Bage, natere-Nai limana natti lakawa ki'i monno Nia napaneghe barana, "Talita kum!"(Artina, "Maghine Ki'i, zauwa kupaneghe baramu, kedeghu!") ⁴²Natti lakawa maghine nanggu dede monno mulai banakako, orona nia banaumura kabulu duada douna, monno abona ngarakua ata barasa bana takjub. ⁴³Bage, Yesusa nayadi pateki akaghonguka ne barada ina-amada natti lakawa gaikana ka daikana ata ponggo a padege neghe hal, monno tekidda barada ghidda gaikana natti lakawa kayai pangaa.

Yesusa Dadibake ne kota Pawali-Na ¹Bage, Yesusa nakako wali nee monno nadduli ne kota pawai-Na, monno murid-murid-Na badeku Nia. ²Banadukki ne lodo podu, Yesusa neemane panungana ne umma padou tabaya. Monno, luana ata arenggeza arasa takjub, monno napaneghe, "Ge waliniana Nia banakolege ngarakuana ne netti hal? Pade appa ne payada nebara-Na monno mukjizat-mukjizat yo ghetti parawida waina lima-Na? ³Indaniaki ghatti tukang ghazu, anai Maria, monno angughuai Yakobusa monno Yosesa monno Yudasa monno Simon? Indaniakizi oledadi-oledadi msnghinne-Na?" Baka, ghidda kaina akatunnura monno batullarai Nia.⁴Badommo,Yesusa napaneghe barrada ghidda, "Lakka geniniage ata apaakana na ata nabi, watte nepaddou wali douna, monno ne barra dughu oledadi duona." ⁵Baka, Yesu dana padadikige mukjizat ne nee, wattwna banataini limmana ne ponnu apirra ata karodduka monno napalngngazi ghidda. ⁶Monno, Nia namangaddala orona danawaidi ghidda. Badommo, Nia nakako pagholetadi ghidda wanno-wanno monno napanungngana. Yesu Napatukadi Murid-Murid-Na⁷Badommo, Yesu nakadangngadi kabullu duada monno mulai banapatukadi ghidda kaduada-duadana, monno nayadi ghidda kuasa barra roh-roh najisa. ⁸Baka, Nia nayadi pareta barra ghidda gai ghidda kada ngindikana appa-appa nee laradana, wattena niakidona tokko, daiki kababa, daiki kappe, daiki riti nee kette kobbu dana daghidda, ⁹takka tau kappeghai monno ammana patau duada kalabbi.¹⁰Monno, Yesu napaneghe barrada ghidda, "Ge niniami yemmi bitamage ne iya umma, dangngi lolokumi nee dukkiwe yemmi bilouza wali nannna. ¹¹Monno, niakabaghaiko paddou dadeibami yemmi monno da rengngemi yemmi, ne bikako yemmi kabbakadi kobbura wali ghaidetamu gaikayongngu iayage paeta taguda ghidda."¹²Baka, ghidda kaina atekkiwe monno bapadukkige bahwa ata-ata gaika darra. ¹³Baka, ghidda aghalozi mangeda kabailika monno uwwaopizi mangedana ata karodduka waige minyak, lappata palangngazi ghidda. Herodesa Narengngewe Berita taguna Yesu¹⁴Monno, Raja Herodesa narengnge bawe, orona ngarana Yesu naterkenal bawe, monno ata apaneghe, "Yohanesa Pembabtisa nakedde ba wali barrada ata mate, baka mukjizat-mukjizat ghidda apaghilli ne barrana Nia." ¹⁵Ghiddawaddeka apaneghe, "Nia banana Elia." Takka, ghiddawaddeka apaneghe, "Niadona na ata nabi, yongngu niako naiya wali ghidda nabi."¹⁶Ba ka, na Herodesa banarengngewe ne neghe, nia napaneghe, "Yohanesa, napa kerri bagu katowana, baba papakeddeza!" Yohanesa Pembabtisa Apamateza ¹⁷Memang Herodesa douna apatuka bana ata, naparetaza raguna banaghappaza Yohanesa, monno bana tagukawaa nee gollu dana orona Herodiasa, manghinne angughuanai kabani-kabanina, Filipusa, orona Herodesa nanikah dangnga bani Herodiasa.¹⁸Sebab, napapirra ghudda bana Yohanesa bana paneghe barrana Herodesa, "Di duaki yemmi bi deke manghinne angughuamu." ¹⁹Oro orona ne, Herodiasa nabaddala atedanana taudelu barrai Yohanesa monno nabeige bana pamateza, takka nia dana paddeki. ²⁰Sebab, Herodesa namadauta barrai Yohanesa nebana paddege bahwa Yohanesa niadona ata dua monno ata suci, monno Herodesa naoleni. Na Herodesa bana rengngeza na Yohanesa, nia nabingung langngutakka, takka Herodesa nasenangnga bana rengngeza Yohanesa.²¹Takka, riaka ba loddo ateppata, na Herodesa bana madukkiwe loddo padadiwaina narawige neiya perjamuan tagu pejabat-pejabattana amadetana, perwira-perwirana, monno kapala-kapala Galilea. ²²Baka na ana maghinnena Herodiasa natama monno nanego, nia napasenangnga Herodiasa monno ghidda amadii dangngani. Monno, raja napaneghe barrana namaghinne, "Dengngilologhu baappawe nepabeimu monno zauwa ba kuyawe barramu."²³Monno, Herodesa naaura barrana, "Lakka appakowe nepadengngimu barragu, zauwa ba kuyagowe barramu, baka newaddeka wali kerajaangu." ²⁴Monno, namaghinne na kako monno napaneghe barra innana, "Zauwa appawe nepadengngi pongngugu?" Innana nawalewe, "Katowana Yohanesa Pembabtisa." ²⁵Monno, neme ghinna mema na ngatta-ngattana, na maghinne na mai barrana na raja monno napaneghe, "Zauwa kubeige nemeghinna mema ghou muyaga barragu katowana Yohanesa Pembabtisa ne ponno bokora."²⁶Orona ne, na raja namilla langngu takka, takka orona aurana monno ata-ata a ngaa dangngani, nia dana talakakiza na maghinne. ²⁷Baka, raja napatukabana na iya ata algojo waige pareta taguna bangindiwe ne katowana Yohanesa, baka na algojo na kako bana kerrinawe katowai Yohanesa ne gollodana. ²⁸Badommo, nia nangindiwe katawana Yohanesa ne ponnu bokora monno nayanawe ne barrana na maghinne, monno na maghinne nayanawe barrana innana. ²⁹Monno, ghetti murid-muridna Yohanesa barengngewe, ghidda mai badekenawe touna Yohanesa monno bataige nee odidana. Yesu Nayadi Pangaa barra Louka wali Limma Rata Ata³⁰Badommo, ghidda rasulla apakua dabbana barrai Yesu monno natekkiwe barra-Na ba appa kowe neparawi bada monno baappakowe nepapanungngabada. ³¹Monno, Yesu napaneghe barrada ghidda, " Mailoloda kata marroge ne paddou akaringngi mono kara dura yodi." Sebab, ghaide mangeda ata amai monno akako, monno taguna bangaa ghidda dasempataki. ³²Baka, Yesu monno murid-murid-Na amarro wekkina waini tena ne paddou akaringngi.³³Takka ghinawe, ata mangedda aeta ghidda akako monno akenali ghidda. Monno, netti ata mangedda amale daba alewata lara tana marawali ngarakua kota, monno adukki ne'e aluza Yesusa monno ngara murid-Na. ³⁴Ne netti Yesusa bana kako ne niri oba, Nia na ete aluatakana ata, monno Nia narasa banamanawaradi ghidda orona ghidda yo domba a da mangguna gembalana. Bakka, Yesusa namulai panunggadi ghidda luana hal.³⁵Neghe lodo nabei gedebage, murid-muridtada Yesusa amai nebara Yesusa monno apaneghe, "Neghe padou padou a karinggina monno naluabage gedde. ³⁶Patukadi ghidda kakako nemmi padou pabara monno nemmi desa-desa gaikana ghidda awoi nemmi apako taguna bangaa."³⁷Takka ghinawe Yesusa nawalewe, "Ghouloloba ayadi ghidda pangaa." Monno, ghidda apaneghe nebara-Na, "Baharusatakka zamme bamakako monno woi nekababa awelina 200 dinar monno bayadi taguna ghidda bangaa?" ³⁸Yesusa napaneghe nebarada ghidda, "Ghaige nepira kababa a pamanggumi yemmi? Kako monno etawe!" Setelah ghidda bapadege, ghidda apaneghe, "Limma kababa monno duada igha."³⁹Bage, Yesu naparetazi ghidda ngarakua gai kamadii kapa ibbo-ibbona ne ponnu ruta moro. ⁴⁰Ghidda ata mangeda amadii paibbona, ghai a ngau ata monno ghai alimmakabullu ata. ⁴¹Baba ne, Yesu nadeke limma kababa monno ghidda duada igha, natangara ne togo langita, Nia namengucap syukura monno napibbi-pibbizi ghidda kababa, bage nayadadi barrada murid-murid-Na gai kabagizi barra ata mangeda. Nia kaina napaddo-paddo ghidda duada igha barrangarakua ata.⁴²Monno, ghidda ngarakua angaa lappata babekuta. ⁴³Badommo, ghidda dekezi kabullu duada kadoge a bonnu waina krei-krei kababa monno igha. ⁴⁴Monno, ghaide limma tara kabani-kabani a ngaa kababa. Yesu Nakako ne Ponnu Wee⁴⁵Badommo, Yesu napatuka badi murid-murid-Na ba penneni na tena monno kakao baullu-Ni ne bali, Nee Betsaida, takka ne Nia neena patukadi ghidda ata ba kako. ⁴⁶Nebana ba papanauizi ne ghidda, Nia nakako nee pamuddurana taguna banatabaya. ⁴⁷Neba ammibage geddena, natena neebani tillu oba, monno Yesu nakanua ne tanah mara.⁴⁸Monno, nebana etezi murid-murid-Na bamaboze waige susah payah orona paringngi amapoghi baparagga dangngage ne arahda ghidda, kira-kira ne jam daga gedde kapatana, Yesu na mai barrda ghidda ne ponnu oba monno Nia nabeige bana kako bana lawizi ghidda. ⁴⁹Ba kan neba etana Yesu bana kako ne ponnu oba, ghidda mangaddala bahwa Nia yongngu wanneza, bage neghidda akawaro, ⁵⁰orona ghidda ngarakua baetaza Yesu monno madauta. Takka, Yesu napaneghe ne barrada ghidda, monno natekkidawe ghidda, "Kadannami. Neghe Zauwadona! Ammana pamadauta."⁵¹Bage, Nia napenne bana pazamadangngadi nee tenadeta, monno napangngi kaina nakadanna, monno ghidda takjub langngutakka. ⁵²Sebab, ghidda napadde paduakipoge taguna ne mukjizat limma kababa ne orona ateda ghidda engapoge kattona. Yesu Napalangngazi Mangeda Ata⁵³Monno, nebana ba Yesu monno murid-murid-Na bapala, ghidda kako tanah ne tanah Genesatera monno berlabuh. ⁵⁴Ghetti, ghidda burru wali tenadeta, ata-ata abeige paddeni Yesu, ⁵⁵monno amalle ne ngarakua daerah ne monno mulai bangindizi ata-ata karodduka ne ponnu boslak, lakka ge niniage barengngewe taguna baghaini Yesu.⁵⁶Niaka, lakka ge niniani Yesu banatamage ne desa-desa, atau kota-kota, atau daerah-daerah nebarrana,ghidda apabeikazi ata-ata karodduka ne paddou arame monno dengngi barra-Na gai ghidda kajamah uppu kalabbi-Na niakido. Monno bagarrakuni atodona kalabbi-Na bana langngana.

Humkummana Mori monno Tradisi Atapia ¹Bage, pakuabadawe ata Farisi adukkini Yesu pazamadangngadi ghidda pirra ahli Taurata amai wali Yerusalemma.²Monno, ghidda etazi pirra muridtana Yesu angaa kababa waidi limma najisa, niniaduzi limma dappa wanu. ³Sebab, ata-ata Farisi monno ngarakua ata Yahudi ba dangaaki niaka ghidda limmada ba dawanudi dukki kokolimma deta orona ne tradisi innakawedawaikada ne ghidda paterreda. ⁴Monno, niaka ghidda ata-ata Yahudi bamai wali paddou ghinnabana, ghidda danauki pangaa nebada wanupudi limmada. Monno, ghai mangeda tradisi waddeka ne ghidda padeibada taguna ba terre, ghinnana babasuhzi cawan-cawan, kendi-kendi, monno bejana-bejana tembaga.⁵Badommo, ata-ata Farisi monno ahli-ahli Taurata amatua barrana Yesu, "Appawe ghidda murid-murid-Mu damoripaki ghinnana tradisi innakawedawaika, takka malah ngaa kababa waina limma najisa?"⁶Yesu napaneghe barrada ghidda, "Yesaya nabernubuata waige dua tagumi yemmi a munafika, ghinnana matulisa: 'Bangsa ghidda apaakaga Zauwa waige rowiwwida ghidda, takka ne ateda ghidda namarro wali barragu Zauwa. ⁷Ghidda kaghodogaga Zauwa kadanna sia-sia kawe orona bapanungngana panungnga neparawida ghidda atapia.' Yesaya 29:13⁸Sambil bataudage paretana Mori, yemmi mipaghezzi terrege tradisi atapia." ⁹Bage, Yesu kaina napaneghe barrada ghidda, "Waige cerdik yemmi mitolakawe paretana Mori lappata mi pattuwe tradisi doumi yemmi. ¹⁰Sebab, Musa napaneghe, 'Bagarrakuni akutukaza amana atau innana harusa bahukumadi mate.'¹¹Takka, yemmi mitekkiwe niaka naata paneghe barrana amana atau innana, 'Appake nepautumu ba ne ghou wali barragu niadowe kurban, niniaduzi maraka,' ¹²bage yemmi diyakinikaloga barawige baappakowe tagu amana atau innana, ¹³neba waige ghinnana yemmi mizaddabawe lii Mori waige tradisimu ne aburru ba burrudommo. Monno yemmi mirawi dommoge ne hal aghinnana ne."¹⁴Badommo, Yesu nakadangnga dommodi ngarakua ata monno napaneghe barrada ghidda, "Rengngega Zauwa, yemmi ngarakua, monno pangaddage. ¹⁵Daiponnu iya wali gounga atapia a tama ne tou danana bana panajisawe, takka ne hal-hal a louza wali atapia niadowe apanajisawe." ¹⁶Niaka naata baghaiko katilluna taguna banarengngewe, gaikuni nia kanarengngewe!"¹⁷Bage, na Yesu bana tamage ne umma bana gaidi ghidda ata-ata, murid-murid-Na amatua barra-Na taguna ne tudda ne. ¹⁸Monno,Nia napaneghe barrada ghidda, "Appa ne yemmi kaina dipaddekige? Appa ne yemmi dipaddekige ba appawe walina gounga tama nee barra atapia ba dappa najisawe? ¹⁹Sebab, a tama ne danna tamakiwe ate danana, takka tiana, monno dommo nalouzawe ne jamban dana." ( Neba ghinnakowe, Yesu natekkiwe bahwa ngarakua pangaa a halalla.)²⁰Bage Nia napaneghe, "Appawe ne louza wali atapiado a panajisawe. ²¹Sebab, wali dana, wali ate atapia, na oudawe papangdda-papangadda bokala, zalah-zalah seksual, kedu, pamate, ²²zina, badda, bokala, boto tetakka, pabei ate, kagoula ngau, tekkidua, takozzuka, monno kabika. ²³Ngarakua hal a bokala ne mai walidana barra atapia, monno niabawe apanajisawe." Atewai Naiya Maghinne Siro-Fenisia²⁴Wali paddou ne, Yesu nakedde monno nakako ne wilayah Tirusa monno Sidona. Monno, Nia natamage ne iya umma monno dana beikige baghai ponnu ata paddeni, takka Nia danaluputaki wali papazarra. ²⁵Segerabana nebana ba parengngewe taguna Yesu, naata maghinnae na ana maghinnena arasukaza roh najisa namai monno nakaghodo ne barra ghaina Yesu. ²⁶Na maghinne na niadona ata Yunani, dadi nee Siro-Finesia. Nia nadengngiwe barrana Yesu kana ghlozi kabailika gaikalouza walibarra anana.²⁷Badommo, Yesu napaneghe barrana na maghinne, "Gaikudi lakaw-lakawa kapa bekuta ulluzi. Sebab, dana duakiwe padekezi kababa taguna lakawa-lakawa monno baletoge barra bagga-bagga." ²⁸Ba ka, na maghinne nawale monno napaneghe barrana Yesu, "Dua, Mori. Takka, bagga-bagga a ghaina ne kabu meja kaina ngaa kabirraka-kabirraka ghidda lakawa-lakawa."²⁹Bage, Yesu napaneghe barrana na maghinne, "Orona yemmi bitekkiwe ne, yemmi padde bi kako. Na kabailika ba nagaiguni anamu." ³⁰Badommo, na maghinne nabali ne ummana banaetza anana neena beika ne paddou dura, monno na kabailika nakako ba. Ata Katillu Apalangngaza³¹Badommo, Yesu nalouza dommo wali wilayah Tirusa monno na kako bana lawiwe Sidona nudu nee oba Galilea, ne wilayah Dekapolisa. ³²Bage, ghidda angindiza barra Yesu naata katillu a sulita paneghe. Ghidda dengngi barrana Yesu gai kana taini limma-Na netodduna naata.³³Badommo, Yesu nangidiza naata bana kanua wali pakuana ata mangeda. Nia napatamai wallalimma-Na ne katillu danana na ata, monno naba papaniiza, Nia najamahwe lammana naata. ³⁴Bage, Yesu napazarrana ne togo langita, Nia natongngu pamalouge ngauna monno napaneghe, "Efata!" artina "Maghukkelolo!" ³⁵Nemeghinna mema, katilluna naata namaghukke, nemakette lammadetana nakaloga, monno nia napanegheba waige ghinnabana.³⁶Monno, Yesu nabakazi ghidda ammana patekkiwe ne marawi lakka garra barrana. Ba ka, semakin bana bakazi ghidda, ghidda semakin batekkiwe. ³⁷Ghidda benar-benar takjub monno paneghe, "Nia narawi bage ngara kuanawe waige dua. Nia bakana rawini ata katillu banarengnge monno ata kabangnga paneghe."

Pittu Kababa taguna Balouka walina Pata Rata Ata ¹Ne loddo-loddo neghe, neba pakuana ghidda ata amangedana monno pongnguki appa-appa taguna bangaa, Yesu nakadangngadi murid-murid-Na monno napaneghe barrada ghidda, ²"Zauwa kumanawwara langngutakkadi ghidda ata a mangedana orona nemeghinna ghidda dapazama dangngaki-Ga selama touda loddana, monno dai pongnguki appa-appa taguna bangaa. ³Monno, niaka Zauwa baku patukakudi ghidda neba bali ummada ghidda tangngara bakakeba, ghidda ba golena monno nepakakoda orona pirra wali ghidda mai wali marro." ⁴Monno, murid-murid-Na waleza Nia, ""Ge wali niana naata bana pabekutazi ghidda waidi kababa ne paddou karingngi ghinnana ne?"⁵Bage, Yesu namatua barrada ghidda, "Pirradi kababa ghaina barramu?" Ghidda walewe, "Pittu kababa." ⁶Badommo, Yesu napatukadi ghidda ata mangeda bamadii ne tanahdeta. monno Nia nedekezi ghidda pittu kababa, monno namengucappa syukura, monno Nia napibbi-pibbizi, monno nayazi barrana murid-murid-Na taguna bapadoladi barrada ata mangeda. Ghidda kaina apadoladi barra ata mangeda.⁷Monno, murid-murid kaina ghaina yodi igha kii. Nabana ba pamengucap syukura ponnuna, Yesu napatukadi murid-murid-Na ka padola kaina igha-igha barrada ghidda ata mangeda. ⁸Ghidda ata mangeda ngaa lappata babekuta, monno ghidda apakuana kapibbika pangaa a rei ghidda pittu kadoge. ⁹Gahi kira-kira pata rata ata a ngaa. Baba ne, Yesu napatukadi ghidda bakako. ¹⁰Bage Yesu na tama tenadeta pazama dangngadi murid-murid-Na monno dukki ne daerah Dalmanuta. Yesu Anengigiza Banaboghona Tada wali Surga¹¹Monno, ata-ata Farisi mai monno nebadi patara dangngani Yesu, bawaige badengngiza Yesu banaboghoge tada walina surga, taguna banungnga-Nia. ¹²Neba ba patongnguwe ngau malouna nedana Roh-Na, Nia napaneghe, "Appa generasi ne baghewa tada? Zauwa kutekkiwe ghinnatakkana barramu, dai pongnguki iya ne tada ba paya barra generasi ne." ¹³Badommo, Yesu nagaidi ghidda, tama bali nee tenadana, monno kako ne bali. Ragi Ata Farisi monno Ragi Herodesa¹⁴Murid-murid bullage bangindi kababa, monno niakidowe kapibbika kababa nee tenadana. ¹⁵Monno, Yesu napanau barrada ghidda, "Siap sedialolo! Daga-dagawekkina barra ragi ata-ata Farisi monno ragi Herodesa."¹⁶Bage ghidda mulai bapaperage iya monno waddeka soal ghidda a da ghaina kababa. ¹⁷Monno, neba ba paddege ne neghe, Yesu napaneghe barrada ghidda, "Appa ne yemmi bitekkiwe tagumi yemmi a da ghaina kababa na? Appa yemmi kaina dipaddekipoge atau dimgertikige? Appa ne atemu apakattoguwe?¹⁸Appa ne yemmi ghai matami, takka dappa etaki? Monno, ghai katillu, takka daiki rengnge? Di lolokiwe yemmi, ¹⁹ne baku pibbi-pibbizi limma kababa taguna limma rata ata, pirradi mangedada kadoge apa i waina kapibbika-kapibbika pangaa ne yemmi papakuami?" Ghidda walewe, "Kabullu duadaza kadoge."²⁰"Monno, ne pittu kababa raguda ghidda pata rata ata, pirradi kadoge a bonnuna kapibbika-kapibbika pangaa ne yemmi papakuami?" Ghidda walewe, "Pittu kadoge." ²¹Bage, Nia napaneghe barrada ghidda," Yesu Napalangngana Ata Kaburra ne Betsaida²²Badommo, Yesu monno murid-murid-Na dukki ne Betsaida. Monno, pirra ata angindiza na ata kaburra monno dengngi barrana Yesu gai kana terreni. ²³Yesu kaina naterreni limmana na ata kaburra na monno mangindiza ne iya desa. Bage, Yesu napanii mata na ata kaburra monno nataini limma-Na netoddona nia. Nia namatua barrana, "Appa ne yemmi mi eta sesuatu?"²⁴Bage, na ata napazarrana ne togona monno napaneghe, "Zauwa kueta ata-ata, takka ghidda paetana yongngu ghazu-ghazu a tangngara kako." ²⁵Baba ne, Yesu natai dommoni limmana ne ponnu mata na ata dommo, bage na ata naghukkezi matana, nepaetana nalangngana, monno nia kaina na eta ngaraku monno jelassawe. ²⁶Bage, Yesu napatukani bana bali ummana waige patekki, Ammana patamage nee desa." Yesu Niadona Krittu²⁷Baba ne, Yesu nakako, pazamadangngadi murid-murid-Na, nee desa-desa nee Kaisarea Filipi. Monno, ne tillu lara, Yesu namatua barrada muridta waige patekki barrada ghidda, "ghiddage ata-ata, garraga Zauwa ne?' ²⁸Ghidda walewe, "Yohanesa Penbabtisa, ghidda waddeka atekki Elia, monno ghidda waddeka niadona iya walina nabi-nabi."²⁹Badommo, Yesu namatua barrada ghidda, "Takka, menurutamu, garraga Zauwa ne?" Petrusa nawaleza-Nia, "Ghou dona Krittu." ³⁰Monno, Yesu napalolodawe ghidda gai kada tekkikawe lakka garra barra konawe tagu tou-Na. Papadukki taguna Penderitaanna Yesu³¹Badommo, Yesu namulai bana panungngadi murid-murid-Na bahwa Ana Atapia harusa bana menderita mangeda hal monno tolakka ghidda tua-tua Yahudi, imam-imam kapal, lappata ahli-ahli Taurata, monno pamateza, monno bawe touda loddo na kedde bali. ³²Monno, Yesu natekkiwe ne aro. Orona ne, Petrusa natongnguza Yesu nee tidi monno mulai banategura-Nia.³³Takka, sambil bana tidi bana etazi murid-murid-Na, Yesu nabakaza Petrusa monno napaneghe, "Kakoghu wali barra-Gu, ta Kabailika! Sebab, yemmi dipangaddakige perkara-perkarana Mori, takka perkara-perkara atapia." ³⁴Baba ne, Yesu nakadangngadi ata mangeda, lappata murid-murid-Na, monno napaneghe barrada ghidda, "Niaka naata bana beiko banadekuga Zauwa, nia harusa bana kedege tou douna, monno nakawaaza salibpana, bage nadekuga Zauwa.³⁵Sebab, bagarrakuni a beige pasalamataza dewana ba namuana. Ba ka, bagarrakuni a muana dewana oro Zauwa mono Injila ba pasalamatazania. ³⁶Sebab, appa pautuwe naata banakolege ngarakua ponnutanah, takka namuana dewana? ³⁷Appa ne pakolene ata banaya taguna batebbusa dewana?³⁸Sebab, bagarrakuni a makke orogu Zauwa monno lii-Gu ne generasi a dadekuge monno pazalah ne,maka Ana Atapia kaina bana makke bana mengakuni naata ne Nia mai ne kemuliaanna Ama-Na pazamadangngaidi malaikata-malaikata a kudusa,"

¹Badommo, Yesu napaneghe barrada ghidda, "Zauwa kutekkiwe a ghinnatakkana barramu, ghaidi pirra ata a tangara dede ni nia ne ba da mate dukkiwe ghidda baetawe Kerajaanna Mori namai waige kuasana." Yesu Napazadangngai Musa monno Elia ²Monno, enne loddonawe murri, Yesu nalaikoza Petrusa, Yakobusa, monno Yohanesa, bage a ngindizi ghidda bakanua ne laddakana a madeta. Bage, Yesu napahungngawe rupana ne aroda ghidda. ³Monno, kalabbi-Na na kagheghakawe monno naka langngutakkage. Daiki takangnga taguna pakakana kalabbi ne ponnutanah padde pakakana ghinnana ne.⁴Bage, ouda ne aroda ghidda, Elia pazadangangani Musa, monno neede a paneghe dangngani Yesu. ⁵Badommo, Petrusa napaneghe barrai Yesu, "Rabi, loukapo padua taguma zamme baneema ni nia. Maida kata padua touda kabubbu, iya tagu-Mu. iya tagu Musa, monno iya tagu Elia.' ⁶Sebab, Petrusa dana paddekige baappawe pawalena orona ghidda ngarakua madauta.⁷Bge na oudawe karoba kurrudi ghidda, monno rengebawe ne lii a mai wali ne karobadana, Ghinna-Ge, "Naghaniabana Ana-Gu pama Manawwaragu. Rengngeza Nia!" ⁸Nemeghinna mema kaina, neba ba paeta ne pabarra, ghidda da eta dommo baki lakka garrani pazamadangngadi ghidda wattena Yesu.⁹Monno, baneede tangata burru wali kaladdakadetana, Yesu na ya pareta barrada ghidda gai kada tekkikawe lakka garra barranawe baappawe nepa etabada, dukki Ana Atapia bana kedde wali barra ata mate. ¹⁰Orona ne, ghidda terrege ne patekki ne taguna ghidda douna sambil bamatua-tua appa artinawe nebapa kedde wali ne mate.¹¹Bage, ghidda matua barrana Yesu, "Appa ghidda ahli Taurata bapaneghe bahwa Elia harusa bana mai ullu?" ¹²Bage, Yesu napaneghe barrada ghidda, "Elia memang bana mai ullu taguna bana walekazi ngara kuanawe. Monno, peighainawe a matulisa taguna Ana Atapia bahwa Nia harusa banamillige ngarakua hal monno aghinaza? ¹³Takka, Zauwa kutekkiwe barramumu bahwa memang Elia na mai ba, monno ghidda arawini ghinnana ne pabeida ghidda, ghinnana a matulisa taguna nia." Ghidda Miridta Da Tarraki Bapazallaza Roh Dirraka wali Naghaata¹⁴Badommo, na Yesu, Petrusa, Yakobusa, monno Yohanesa bali barra murid-murid, ghidda eta bapabodona ata mangeda ne gholetada ghidda murid-murid, monno ghidda ahli Taurata neede wale dangngadi ghidda. ¹⁵Monno, nebadi nebaba ngarakua ghidda ata pakuana etaza Yesu, ghidda a katattaka monno a malle baraggaza-Nia. ¹⁶Bage, Yesu namatua barrda ghidda, "Appa ne yemmi papabale dangngamidi ahli-ahli ghidda Taurata?"¹⁷Naata wali ghidda pakuana waleza Nia, "Guru, zauwa kungindiza ana kabanigu barra-Mu orona nia batamani roh a paduaza banakabangnga. ¹⁸Setiap kali na roh a kuasani, nia napabbani ne tanahdeta monno nia napalouzage ghurra wali nagada danana, monno napakatidi ngudduna, bage nia nakoudangnga, takka ghidda datarraki." ¹⁹Monno, Yesu nawalezi ghidda monno napaneghe, " Ta, generasi a da mangngu atewaina! Pirra dommopo madoina Zauwa baku pazamadangngami yemmi? Pirra madoi dommona Zauwa baku pattuwekkina barrami? Ngindiza na lakawa barra-Gu!"²⁰Bage, ghidda ngidiza na lakawa barrana Yesu. Monno, na roh bana etaza Yesu, nia nabona bana kudda-kuddakani na lakawa. Na lakawa nagolena tanahdeta monno nakaballe-balleka dangngage ngadana palouzage ghurra. ²¹Badommo, Yesu natua barra amana na lakawa, "Pirra ba madoina ne negha bana marawiwe barrana?" Walena, "Ne bana kikipona. ²²Monno, na roh na seringba bana letoni api dana monno ne wee dana taguna banaurrakaza. Ba ka, niaka Ghou bupaddedona rawige sesuatu, manawwarama zamme monno tuluma zamme."²³Yesu napaneghe barrana, " Niaka Ghou mupadde? Ngara kuanawe neghe mungkin taguda ghidda a waige." ²⁴Na amana na lakawa neebane ngio monno nakaghodo, "Zauwa kuwaige!" Tuluga ne dappawaigu!" ²⁵Na Yesu bana etawe mangeda ata a mai papakuana waige ngattana, Nia nakazakani na roh sambil bana paneghe barrana, "Yemmi roh kabangnga monno katillu, Zauwa kuparetami yemmi louza wali na lakawa na monno ammana patama dommo barrana!"²⁶Neba kaila monno bana kudda-kuddakani na lakawa na waige bakkuna, maka na roh nalouza. Na lakawa yongngu ata mateza lappata ghidda ata mangeda a paneghe, "Nia namate!" ²⁷Ba ka, Yesu naterreni limmana na lakawa monno napakeddeza, maka na lakawa nadede.²⁸Monno, na Yesu natama ne dana umma, murid-murid-Na matua barra-Na waige kanua, "Appa ne zamme kadama padde paghaloza?" ²⁹Monno, Nia napaneghe barrada ghidda, " Na ghinna ne dana paddeke palouzawe wattena niakidowe waige tabaya." Yesu Napaneghe Dommo taguna Mate-Na³⁰Wali nee, Yesu monno murid-murid-Na kako monno lawiwe wilayah Galilea. Monno, Nia dana beikige baghai ata paddege. ³¹Sebab, Nia neene panungngadi murid-murid-Na monno napaneghe barrada ghidda, "Ana Atapia ba yaza ne tana limmadetada atapia, monno ghidda ba pamateza-Nia. Monno, baba papamatezz Nia, touda loddona Nia ba na kedde." ³²Ba ka, murid-murid da paddekige nepatekki ne monno madauta matua barra-Na. Papabale taguna Bagarrani a Kaladana³³Badommo, Yesu monno murid-murid-Na a dukki nee Kapernaumma. Monno, neba neeni Yesu nee umma, Nia namatua barrada ghidda, "Appa nepatekkimi ne laradana?" ³⁴Ba ka, ghidda kadanna orona ne laradanada ghidda pabalena iya monno a eka taguna bagarrani a kaladana. ³⁵Bage, Yesu namadii monno nakadangngadi kabullu duada murid. Monno, Nia napaneghe barrada ghidda, niaka na ata na beige bania a ullu, nia harusa bana murri wali ngarakua monno pelayan tagu ngarakuada."³⁶Badommo, Yesu nadeke na iya ana lakawa monno nataini banadede ne barrada ghidda. Monno, sambil bana ghapuza nalakawa ne, Nia napaneghe barrada ghidda, ³⁷"Bagarrakuni a raggaza na lakawa kiki ghinnana na awaige ngara-Gu, nia naragga Zauwa, danaraggakiga Zauwa , takka Nia a patukaga Zauwa." Ata a Ghalozi Kabailika waige Ngarana Yesu³⁸Yohanesa napaneghe barrana Yesu, "Guru, zamme maeta ata a ghlozi kabailika-kabailika bawaigiwe ngara-Mu. monno zamme maadani orona nia ba dana dekuma zamme." ³⁹Ba ka, Yesu napaneghe, Ammana pa bakaza orona badai ata rawige parawi ajaib waige ngara-Gu, kolege nemeghinna mema kaina bahujataga Zauwa.⁴⁰Sebab, garrani dalawada ghitto, ghaini barrada ghitto. ⁴¹Sebab, Zauwa kuyekkiwe a ghinnatakkana barramu, bagarrakuni a yagu iya koba wee orona yemmi bidekuni Krittu, dana muakige upahna." Taguna baghaige Zalah⁴²"Monno bagarrakuni apakeddewe neiya wali lakaw-lakawa kii ghidda a waige barra-Gu barawina zalah, loika padua tagu touna niaka na iya watu kilanganna a kaladana ateruni barra bukkuna monno nia aletoni nee bonnudana. ⁴³Monno, niaka ghidda limmamu barawikona zalah, kerrilolozi ghidda limmamu. Louka Padua tagumu tama ne moripa waini limma kadubu, daripada waina duada limma tama nee neraka, nee api dana da ba da pernahki baddana, ⁴⁴paddou ghidda kaledoka ba da mate monno api ba da baddana.⁴⁵Monno, niaka ghaimu barawikugu zalah, kerrilolozi ghidda ghaimu. Louka Padua yemmi tamami ne moripa waidi ghai kadubu, daripada waide duada ghai baletodi nee neraka dana, ⁴⁶paddouda kaledoka ba da mate monno api ba da baddana.⁴⁷Monno, niaka ghidda matamu barawikugu buzala, wikkozi ghidda matamu. Louka padua yemmi tama ne Kerajaanna Mori waini iya mata daripada waidi duada mata baletodi ne neraka dana, ⁴⁸paddouda kaledoka ba da mate monno apina ba da baddana.⁴⁹Sebab, ngara ata ba ataudimei waige api. ⁵⁰Ne mei naduawe, takka ne mei bana muabakoge meinawe, peighaina yemmi ba birawige bana mei dommoge? Milikage mei ne tou danamu monno damelolo iya monno a eka."

Taguna Bapegha ¹Badommo,Yesu nagaige ne paddou monno nakako ne wilayah Yudea monno nee bali loko Yordan. Monno, ata pakuana bakapongini Nia dommo. Monno, ghinna bana-Nia, Nia napanungngadi ghidda dommo. ²Badommo, ata-ata Farisi akako-Ni, monno taguna banungngaza Nia ghidda matua, "Appa naduawe naata kabani bana peghani maghinnena?" ³Yesu nawalezi ghidda, " Appa nepaparetana Musa barramu?" ⁴Ghidda paneghe, "Musa napakalokodi ata kabani bapdua zurata pegha monno papaeghana."⁵Ba ka, Yesu napaneghe barrada ghidda, "Orona mupakattoge neatemuniado, Musa kana tulisawe nepareta ne barramu. ⁶Ba ka, ghettipona ullu bapadadina, 'Mori napadadi ghidda kabani-kabani monno maghinne.⁷Oronawe neghe, ghidda ata kabani-kabani ba gaidi amana monno innana. ⁸Monno, ghidda duada ba iyadi kanaa.' Neba ghinnanakowe, ghidda da duada dommo baki, takka iya kanaa. ⁹Niaka, appa ne Mori papaiya bana, gai kadaikana atapia a beghawe."¹⁰Badommo, ne dana umma, murid-murid-Na matua dommo barra-Na taguna ne neghe. ¹¹Niaka, Nia napaneghe barrada ghidda, "Bagarrakuni peghani maghinnena monno nikahdangngani a eka, narawina zina barra maghinnena. ¹²Monno, niaka maghinne bana peghani laena, monno nanikahdangngani a eka, nia narawina zina." Yesu Napamaringngizi Lakawa-Lakawa¹³Monno, ghidda ngidizi lakawa-lakawa kii barrana Yesu gai Nia katodozi ghidda lakawa-lakawa, takka ghidda murid-murid bakazi ghidda. ¹⁴Takka, ne Yesu bana etazi, Nia nabani di monno napaneghe barrada murid-murid-Na, "Gaikudi lakawa-lakawa kii gai ka mai barra-Gu ammana paeru-erudi ghidda orona Kerajaanna Mori niadowe milikada ata-ata ghinnana ghidda.¹⁵Zauwa kutekkiwe ghinnatakkana barramu, bagarrakuni da raggawe Kerajaanna Mori ghinnana na lakawa, ba dana tamaki ne danana." ¹⁶Badommo, Yesu naghapuzi ghidda lakawa-lakawa, Nia napamaringngizi ghidda monno nataini limma-Na ponnuda ghidda. Ata Kaya Tolakaza Banadekuni Yesu¹⁷Bage, na Yesu neena pagallege pakako-Na, naiya ata namalle barra-Na monno nakatikka ne aro-Na monno matua, "Guru a dua, appa ne a harusa parawigu taguna baku kolena warisanna moripa a kekalla? ¹⁸Monno, Yesu napaneghe barrana, "Appa ne yemmi mitekkiga Zauwa dua? Dai pungnguki iya ata a dua, wattena Mori douna. ¹⁹Yemmi mipaddege pareta-pareta: 'Ammana papamate, ammana pawinazina, ammana pakedu, ammana paya kesaksianna boto, ammana paboto, paakadi amamu monno innamu.'"²⁰Bage, na ata napaneghe barra-Na, "Guru, zauwa kudeku kuabadi ghidda walipoge zauwa baku boupo." ²¹Takka, Yesu napazarrana barrana lakawa bou na monno nayawe manawwara barrana, monno napaneghe barrana, "Iyage hal a kurangnga walibarramu. Kako monno batta ngarakuadi ne yemmi ghaimi, monno yazi barra ata dengo, niaka yemmi ba mimilikana harta ne surgawi. Bage, maghu kudekuga Zauwa." ²²Takka, ne patekkine narawige milla ate monno nia kako waina milla orona nia bana milikana mangeda harta.²³Badommo, Yesu napazarrage ne gholetana monno napanegha barada murid-murid-Na, "Arro nasulitatakkawe taguda ghidda a ghaina neba tama ne Kerajaanai Mori!" ²⁴Murid-murid akatattakage nepatekki-Na. Takka, Yesu napaneghe dommo barrada ghidda, "Ta lakawa-lakawa, harro suliatawe taguna tamage Kerajaanai Mori. ²⁵Louka pakaloga naiya unta banatama melalui lubang karuwwe walibarra ata ghaina tama Kerajaanai Mori."²⁶Murid-murid tabo katattaka monno paneghe iya zama eka, "Bage, garrani nabisa pasalamatada?" ²⁷Yesu napazarrana barrada ghidda monno napaneghe, "Tagu arapia ne neghe dana mungkinkiwe, takka indaki taguna Mori. Sebab, ngara kuanawe na mungkinwe tagu Mori." Welli Badekuni Yesu ²⁸Petrusa namulai bana paneghe barrana Yesu, "Eta, zamme ma gai ngara kua bage monno dekuni Yesu!"²⁹Yesu napaneghe, "Zauwa kutekkiwe ghinnanatakkana barramu, dai pongnguki iya ata a gaige umma, atau oledadi-oledadi kabani-kabani, atau oledadi-oledadi maghinne, atau inna, atau ama, atau lakaw-lakawa, atau oma-omana orona Zauwa monno orona Injila, ³⁰ne masa ne neghe ba daiki deiba ngau ghuddana padappetana -- umma-umma, monno oledadi-oledadi kabani-kabani, monno oledadi-oledadi maghinne, monno inna-inna, monno ana-ana, monno oma-oma, waige aniayaya; monno ne masa ba a mai, moripa a kekalla. ³¹Ba ka, mangeda ata a ullu ba bania a murri, monno a murri a ullu." Yesu Napaneghe Dommo taguna nebanamate-Nia³²Ghidda tangangara neede ne laradana penne nee Yerusalemma monno Yesu nakako ne aroda ghidda. Monno, ghidda merasa takjub, sementara ata-ata a dekuni-Nia merasa madauta. Monno, Yesu nabali bana ngindizi lappata kabulli duada murid-Na, Nia namulai bana tekkidawe ghidda ba appawe ba a marawi barra-Na, ³³Ghinnage-Nia, "Eta, ghitto needa penne nee Yerusalemma monno Ana Atapia ba yaza barra imam-imama kapala monno ahli-ahli Taurata. Ghidda ba a hukummai-Nia lappata namate monno ba Yaza-Nia barra ata-ata inda Yahudi. ³⁴Ghidda ba a ghinaza-Nia, monno paniiza-Nia, monno hajarra-Nia, monno pamateza-Nia. Ba ka, baba ne touda loddona, Nia ba nakedde." Padengngi Yakobusa monno Yohanesa³⁵Badommo, Yakobusa monno Yohanesa, ana-ana Zebedeusa, mai barrana Yesu monno paneghe, "Guru, zamme mabeigu Ghou rawige taguma zamme lakka appa kowe ne zamme padengngima." ³⁶Monno, Yesu napaneghe barrada ghidda, "Appa ne pabeimi tagugu Zauwa baku rawige tagumi?" ³⁷Ghidda paneghe barra-Nia, "Izinai naata wali zamme kana madii ne bali kawana-Mu, monno na aiya ne bali ghello-Mu, nee kemuliaan-Mu."³⁸Ba ka,Yesu napaneghe barrada gidda, "Yemmi dipaddekige ba appa ne yemmi padengngimi. Sangupkadowe yemmi enuge wali cawanna a harusa PaenuGu atau a baptis waige baptisanna ne pabaptisadaga barra-Gu?" ³⁹Ghidda paneghe barrana-Nia, "Zamme masangguppa!'' Bage, Yesu napaneghe barrada ghidda, "Cawanna ne Zauwa paenu memang yemmi enu, monno yemmi ba baptisa waige baptisanna ne baptisdaga barra-Gu. ⁴⁰Ba ka, taguna madii ne bali kawana-Gu atau bali ghello-Gu, inda hakigowe-Zauwa taguna bayawe, takka ne paddou ne niadowe taguda ghidda ne papagallebada."⁴¹Rengngewe ne, kabullu muridta a eka nede bani barrai Yakobusa monno Yohanesa. ⁴²Bage, Yesu nakadangngadi ghidda monno napaneghe barrada ghidda, "Yemmi paddege bahwa yemmi a anggapapawe baniawe pareta ata-ata inda Yahudi rawige seolah-olah berkuasa taguda ghidda. Monno, petinggi-tinggida ghidda waina kuasa barra ghidda.⁴³Takka, dana harusakiwe barrami yemmi. Ghinnaghaidowe, bagarrakuni a beige kaladana ne barrami yemmi, harusa bania pelayannamu, ⁴⁴monno bagarrakuni beige bania a ullu ne barra yemmi, harusa bania pelayanna wali ngarakuana. ⁴⁵Sebab, Ana Atapia kaina mai inda tagukina balayannani, takka taguna banamelayani, monno taguna bayaza dewa-Na bania patebusawi tagu mangeda ata." Yesu Napalangngani Bartimeus a⁴⁶Badommo, ghidda dukki nee Yerikho. Na Yesu bana gaige Yerikho napzama dangngadi murid-murid-Na monno ata mangeda, naata pengemis kaburra nengarana Bartimeusa, anai Timeusa, neena madii ne uppu lara. ⁴⁷Ne bana rengngewe nia bahwa ghaini Yesu wali Nazreta, nia kaina naberseru monno napaneghe, "Yesu Anai Daudta, manawwaraga zauwa!" ⁴⁸Monno, mangeda ata bakaza monno patukani kadanna. Takka, nia namatabo banakawaro, "Anai Daudta, manawwaraga zauwa!"⁴⁹Bage, Yesu nadangngi monno napaneghe, "Kadangngani nia." Monno, ghidda kaina akadangngani naata kaburra monno napaneghe barrana, "Paghezzige atemu! Dedelolo, Nia nakadangngagu." ⁵⁰Sambil bana pazallawe jubahna, na ata kaburra nadede monno na mai barrana Yesu.⁵¹Monno, Yesu napaneghe barrana, Appa ne yemmi pabeimi taguna Zauwa bakurawige barramu?" Ata kaburra na nawalewe, "Rabi, gaiga zauwa kakueta." ⁵²Bage, Yesu napaneghe barrana, "Kakololo. Atewaimu napalangnga baghu." Nemeghinna mem ne, monno nia nadekuni Yesu netti laradana.

Yesu Tama nee Yerusalemma Yongngu Raja ¹Monno, ghetti ghidda yodikia dukki ne Yerusalemma, barra Betfage monno Betania, Ne Bukit Zaitun, Yesu namayukadi duada murid-Na, ²monno napaneghe barrada ghidda, "Kakaklolo needesa nee aromu, monno kakomemami yemmi ba bitamage, yemmi ba mitobbokaza naiya keledai bou ne makette, dappa kalete pongngupoda ata. Pazilliza na keledai na monno ngindiza. ³Niaka baghaiko ata amatua barramu, 'Appa yemmi birawige?', tekkiwe, 'Mori nabutuhza na keledai monno ba napangindi memamni bana bali ni nia."'⁴Bage, ghidda kako monno batobbokaza na keledai bou amakette ne binnadeta, ne aro gounga, ne laradana, bage ghidda apazilliza. ⁵Pirra ata a dede ne nee matua barrada ghidda, "Appa ne yemmi parawimi waige bipazallaza keledai na?" ⁶Ghidda walewe ghinnana patekki bana Yesu barrada ghidda, monno ata-ata ghidda taudadi ghidda bakako.⁷Bage, ghidda ngidiza na keledai barrana Yesu, ataige jubahda ghidda ne keledai deta ne, monno Yesu namadii ne ponnuna. ⁸Monno,mangeda ata taige jubahda ghidda ne laradana, monno ghidda wadde a palakkara karaa-karaa ne papogoda wali ne omadana. ⁹Ata mangeda a kako ne aro monno a dekuni berseru, "Hosana! Paringngiza Nia a mai waige ngarana Mori. Mazmur 118:25-26 ¹⁰Pamaringngiza banamaiwe kerajaanna Daudta, inna kawedawaikada ghitto! Hosana, ne paddou a madetana!"¹¹Badommo, Yesu natama nee Yerusalemma monno kako ne Baitta Mori. Monno, bana ba paetawe ngara kuanawe ne gholetana, Nia nakako nee Betania pazamadangngadi kabullu duada murid-Na orona loddo gede bage. Yesu Nakutukaza Ghazu Ara ¹²Monno, nekoka banaloddona, ghidda gaige Betania, Yesu namerasa Kareba¹³Baba paeta naiya ghazu ara a paroo wali marrona, Nia nakako taguna banaeta niaka mungkin baghaiko ge a bisa Nia patobbokana wali ghazu na. Ne Nia bana dukki ne barrana ghazu na, Nia dana tobbokaki appa-appa niakiduzi roo-roona sebab rapa ne inda musimkipona ghua ara. ¹⁴Orona ne, Yesu napaneghe barra ghazu na, "Gai kadai dommo kana ata a ngaani na ghua walibarramu taguna moriwali-moriwalina."Monno, murid-murid-Na rengngewe. Yesu Kako nee Baitta Mori¹⁵Badommo, ghidda dukki ne Yerusalemma. Monno, Yesu tama nee Baitta Mori monno bana ghalozi ata-ata a neena mabatta maghoi ne Baitta Mori. Nia nakaballekazi meja-meja patukarawai riti monno kursi-kursi ata a mabatta keila-keila merpati, ¹⁶monno Nia dommo dana pakalokokidi ata bangindi ngaghu-ngahu lawiwe Baitta Mori.¹⁷Badommo, Yesu napanungngadi ghidda monno napaneghe, "Dana matulisakiwe, 'Umma-Gu ba atekkiwe umma tabaya tagu ngara bangsa'? Ba ka, yemmi mighungnga bage yongngu oppu perampokka." ¹⁸Monno,imam-imam kapala monno ahli-ahli Taurata rengngeza monno ggidda waina ngindi peighai bapa mateza-nia. Sebab, ghidda madauta barra-Na orona ghidda ata mangeda ba kagumge nepapanungnga-Na. ¹⁹Monno, ne bana mulaibawe bana geddege, Yesu monno murid-murid-Na gaige kota ne. Milikalolona Atewai ne Barrana Mori²⁰Bage, kapugedde gagaro ne ghidda ba lewata, ghidda eta ghazu ara a marokkota ba seakar-akarnya. ²¹Petrusa nalolo monno napaneghe barrana Yesu, "Rabi, eta! Ghazu ara ne Ghou pakutukamu namarokkota ba!"²²Monno, Yesu nawalezi ghidda, "Milikalolona atewai ne barrana Mori. ²³Zauwa kutekkiwe ghinnatakkana barramu, ba garrakuni a paneghe barrana ne kaladdakana, 'Makeketalolo monno maletololo ne bonnu dana,' monno daikige ragu ne ate danana, takka waige ba appa ne patekkina ba ghinnatakkana, baka ne neghe ba namarawi takkawe barrana.²⁴Sebab ne, Zauwa kutekkiwe barramu, appa kowe ne yemmi patabayami monno padengngimi, wailologe bahwa yemmi mi deiba bawe, baka ne neghe kayaguwe barramu. ²⁵Monno, apabila yemmi midede monno miazala, eidjage niaka yemmi mibaddalawe ne barrana naata, gai na Amamu a ghaina ne surga dana kaina ba na eidjagudi zala-zalamu. ²⁶Takka, niaka yemmi badi eidjakoge, Amamu a neena surga dana kaina ba dana eidjakidi zala-zalamu." Kapala Yahudi Matua taguna Kuasana Yesu²⁷Badommo, ghidda mai dommo ne Yerusalemma. Sementara na Yesu nakako ne Baitta Mori, imam-imam kapala, ahli-ahli Taurata, monno tua-tua Yahudi mai Barra-Na. ²⁸Monno, ghidda paneghe barra-Na, "Waige kuasa appawe Ghou burawige hal-hal ne, atau garrani yagu barra-Mu kuasa taguna barawigene?"²⁹Yesu napaneghe barrada ghidda, "Zauwa ba kumatua iya patuagu barramu. Walega Zauwa, ghuddi Zauwa kutekkiguwe waige kuasa appa Zauwa bakurawige hal-hal ne. ³⁰Appane baptisanna Yohanesa walina wali surga atau wali atapia?Walega Zauwa!"³¹Ghidda paperage iya monno iya waige patekki, " Niaka ghitto batawaleko, 'Walina surga,' Nia ba napaneghe, 'Bage, appa ne yemmi badiwaige barrana?' ³²Ba ka, niaka ghitto barawaleko, 'Walina atapia'?" Ghidda kapal a madauta barra ata mangeda orona ghidda ngarakua anggapawe bahwa na Yohanesa benar-benar baata nabiza. ³³Orona ne, ghidda waleza Yesu, "Zamme dama paddekige." Badommo, Yesu apaneghe barrada ghidda, "Ghinna kaina Zauwa, Zauwa kaina ba daku tekkikigo waige kuasa appa ne Zauwa bakurawige hal-hal ne."

¹Tudda taguna Kazewa Oma Anggura a Bokala Bage, Yesu nazagabawe bana paneghe barrada ghidda nee tudda-tudda. "Ghaina a paghillige neiya oma anggura. Nia napakedde glollu ne gholetana, monno nakoda iya lubang taguna bana pazzu anggura, monno napakedde iya menara pengawasa. Badommo, nia nakazewawe barrada penggarappa-penggarappa oma monno kako ne bali negeri. ²Rapa panenna, nia napangindidi ata pelayanna barrada ghidda penggarappa oma na taguna banadeiba wali ghidda welli oma anggurana. ³Ba ka, ghidda ghappana pelayanan, monno paluza, bage naghaloza wai limma kalua.⁴Orona ne, nia napangindi dommodi pelayana ekana barrada ghidda, monno ghidda palunawe katowana, monno naperlakukanni waige ngidi nepa makkedangnga. ⁵Bage, nia napangindina pelayana ekana monno ghidda pamateza. Hal neghe narawiwe barrada ekana, waddeka paluzi, monno waddeka pamatezi.⁶Namilikage oma na ghai punni iya dommo, niadona ana ne pamanawwarana. Akhirnawe, nia napangindini anana na barrada ghidda monno napaneghe, 'Ghidda ba paakagani anagu.' ⁷Ba ka, ghidda penggarappa oma ne paneghe iya waige a eka, 'Nagha niadona ahli warisana. Mai, kata pamateza nia monno warisanna ba niazi milikada ghitto.'⁸Bage, ghidda ghappaza, monno pamateza, bage tubbani ne gounga wali oma anggura. ⁹Appa neparawina na ghaina oma anggura na? Nia ba na mai monno napabinasazi ghidda penggarappa ne monno nayawe oma anggurana barrada a eka.¹⁰Di pernahkipo yemmi bi bacawe Zurata Bia neghe; 'Watu paletoda ghidda tukang pakedde, najadi watu penjuruba. ¹¹Neghe niabawe parawina Mori, monno parawi ne na ajaibwe ne aromatada ghitto'?" Mazmur 118:22-23 ¹²Badommo,ghidda paghillipongnguge gai kagahappaza-Nia, takka ghidda madauta barrada ghidda ata mangeda orona ghidda bapaddege bahwa Yesu napadukkige tudda ne taguda ghidda. Bage, ghidda gaini Yesu monnokako. Taguna Bakazewa Pajakka¹³Badommo, ghidda patukadi mai barrana Yesu ghidda ata Farisi monno ata-ata Herodian gai kajebbakka Nia waige patekki douna-Nia. ¹⁴Ghidda mai monno paneghe barana Yesu, "Guru, zamme paddege bahwa Ghou dua monno dukizzokaki waige pakole ata wadde. Sebab, Ghou duetakiwe penampilanda ata takka mupanungngadi larana Mori a ghinnana waige dua. Apaa naduawe babayara pajakka barrana kaisara atau indaki?" ¹⁵Harusawe ne zamme bama bayara atau harusa ne zamme badama bayara? Ba ka Yesu, nebana paddege kemunafikanda ghidda, Nia napaneghe barrada ghidda, 'Appa ne yemmi binungngaga Zauwa? Ngindi barra-Gu 1 dinara monno gaikoge Zauwa etanawe."¹⁶Bage, ghidda ngidiza, monno Yesu napaneghe barrada ghidda, "Gambara monno garra patulisanadi ghidda?" Ghidda waleza-Nia, "Gambara monno patulisanadi kaisara." ¹⁷Badommo, Yesu napaneghe barrada ghidda, "Yawe barrana Kaisara hak-hal a jadi milikana kaisara monno barrana Mori hal-hal a jadi milikana Mori." Monno, ghidda mangaddala barrana Yesu. Patuda Ata Saduki taguna Bajebbakka Yesu¹⁸Bage, ata-ara Saduki, a tekkiwe nahwa daikige bapakedde, mai barrana Yesu monno matua barrana, tekki ghidda, ¹⁹"Guru, a milikana oledadi kabani-kabani, mate monno nagaini naata maghinne, takka dana gaikidi ana, oledadina a kabani-kabani na harusa bana nikahdangngani janda na monno napakeddeza turunan tagu oledadina.²⁰Ghaide pittu ata apaoledadina. Oledadi a ullu nadekeza na maghinne, monno nebana mate, nia dana gaikige keturunanna. ²¹Bage, oledadi a kedua nanikahdangngani na maghinne, monno mate tanpa keturunan. Ghinna kaina oledadi-oledadi a ketiga. ²²Monno, daiki wali ghidda pittu oledadina ne a gaina ana. Akhir wali ngarakuana, maghinne kaina na mate. ²³Ne loddo papakedde, ne ghidda bakedde, ba garra maghinnekonai namaghinnena? Sebab, ghidda pittu apaoledadina ne a jadikanbani maghinne."²⁴Yesu nawalezi ghidda, "Indaniakiwe ne alasanami yemmi bi tillira, orona yemmi dipaddekige Zurata Bia ataupun kuasana Mori? ²⁵Sebab, Ne ghidda bakedde bali wali ata mate, ghidda daiki kawnna ataupun nebapakawindi, takka yongngu ghidda jadi ghidda malaikata ne surga.²⁶Tagu ata-ata mate nepapakeddeda, di bacakiwe nee zurata danana Musa, ne bagian tagunawe semak belukarra, peighaina Mori bana paneghe barrana, 'Zaua dona Mori Abraham, monno Mori Ishak, monno Mori Yakubpa,? ²⁷Nia inda Mori ata mateke, takka Mori ata a moripa. Yemmi bener-bener bitillira!" Pareta a Paling Benningana²⁸Badommo, ne aiya wali ghidda ahli Taurata mai monno rengngezi ghidda apabalena. Ne nia bana eta bahwa Yesu nawalebazi ghidda waige dua, niaka nia kanamatua barrana Yesu, "Geniage paerta a louka pabenningngana wali ngarakuana?" ²⁹Yesu nawalewe, "Hukumma a ullu pongngu niadowe: 'Rengnge, ta ata-ata Israella! Mori Allah daghitto niadona iya-iyana Mori. ³⁰Monno, manawwarani Mori Allahmu waige atemu, monno waige nadewamu, monno waige papangaddamu, monno waige nepaghezzimu.' ³¹Monno, a kedua niadowe: 'Manawwarani oleh atamu ghinnana tou doumu.' Dai ki hukumma a louka kaladana walibarra neghe."³²Bage, Ghidda Ahli Taurata paneghe barrana Yesu, "Ghou bennara, Guru. Ghou bennara waige patekki bahwa Nia na iyani, monno daiki eka selain Nia. ³³Monno, manawwarai-Nia waige ne ate, monno waige ne padde, monno waige ne paghezzi, lappata manawwarani ole ata ghinana tou dou, memang louka pabenningnga walibarra ngarakua kurban patunnu monno pamaraka." ³⁴Badommo, na Yesu bana eta bahwa na ata wale waige bijaksana, Nia napaneghe barrana, "Ghou du marroki wali na Kerajaanna Mori." Baba ne, dai dommo baki ata kaddena matua barrana Yesu. Krittu niadona Mori³⁵Monno, sambil bana panungngana ne Baitta Mori, Yesu napaneghe, "Peighaida babisa ahli-ahli Taurata bapaneghe bahwa Krittu niadona anai Daudta? ³⁶Daudta douna napaneghe ne barrana Roh Kudusa, 'Mori napaneghe barra tuangu: Madiilolo ne bali kawana-Gu, dukki Zauwa bakutaidi kamuka-kamuka-Mu ne kabu ghai-Mu.' Mazmur 110:1 ³⁷Daudta douna tekkiza Krittu bania 'Mori'. Niaka, peighai nawe Krittu baniadona anana?" Monno, ata mangeda rengngeza-Nia waige sennangnga. Pata barra Ahli-Ahli Taurata³⁸Ne papanungngana-Nia, Yesu napaneghe, "Daga-dagawe barra ahli Taurata, a beige kako-kako batau jubah malou monno beige deiba salam papaaka ne paddou-paddou umumma, ³⁹monno ghaina paddou papaaka ne ummatabaya-ummatabaya monno paddou-paddou papaaka nee perjamuan-perjamuan. ⁴⁰Ghidda a paregho umma-umma daghidda janda monno niawe dalih tabaya a malou-malou. Ghidda ba deiba hukumanna a louka paboto." Papamaraka Sejati⁴¹Badommo, Yesu namadii banaaroni kotak maraka monno pazarrani ata-ata a patamana riti nee kotak maraka na. Mangeda ata aghaina a patamana aluana. ⁴²Badommo, naata janda dengo mai monno napatama duada kapibba riti bei, a wellina waige 1 sen.⁴³Bage, Yesu nakadangngadi murid-murid-Na monno napaneghe barrada ghidda, "Zauwa kutekkiwe ghinnatakkana barramu, janda dengo nagha napatamana louka luana nee kotak dana papamaraka ne wali barra ngarakua ata ekana. ⁴⁴Sebab, ghidda ngarakua yawe wali abongudi ghidda, takka na janda dengo, naya wali dengona, naya ngarakuazi ne nia ghaini, niaduzi ngarakua paghewana."

KHOBAHNA YESU TAGUNA KADUKKA ZAMAN Baitta Mori ba Nunggarage ¹Bage, Yesu nagaige Baitta Mori, na iya murid-Na napaneghe barra-Na,"Guru, eta betapa manadada watu-watu monno betapa manadada bangunan-bangunan ne!" ²Monno, Yesu nawaleza, "Appa ne yemmi mieta bangunan-bangunan a manada ne? Dai pongnguki iya watu ba a dangngi ne ponnu watu a ekana ne ba dappanunggara," Ullu Dadina Penderitaanna³Monno, tangngara madiina Yesu ne ponnu bukit Zaitunna a aro Baitta Mori, Petrusa, monno Yakobusa, monno Yohanesa, monno Andereasa matua kanua barrana Yesu, ⁴"Tekkima zamme, pirrage ne neghe ba bana marawiwe, monno appawe ba a jadi tada apabila ngara ne ba bana madukkiwe?"⁵Bage, Yesu nazagabawe bana tekkiwe barrada ghidda, 'Daga-dagawe gai kadaikana ata apatillrami yemmi. ⁶Mangeda ata mai waige ngara-Gu, tekkiwe, 'Zauwadona Nia.' Monno, ghidda ba apatillirana ata.⁷Ne yemmi biurengnge taguna bapatauna monno berita-berita taguna patauna, ammana madauta. Hal-hal neghe harusa banamarawi, takka dukki wali ngarakuana dana marawikiwe. ⁸Sebab, bangsa ba nakedde lawani bangsa, monno kerajaana lawani kerajaana. Ba ba nakedde epu neiya paddou iya paddou; ba ghaige kareba. Neghe niabawe ulluna rasa karodduka bapadadina.⁹Takka, dagawe toumu. Sebab, ghidda ba ayagu barra pengadilan, monno ba yemmi abalumi ne umma-umma tabaya monno ba yemmi dede ne arona Sanhedrin monno raja-raja orona Zauwa, baniadowe kesaksianna taguda ghidda. ¹⁰Monno, Injila harusa louka ullu bapadukkige barra ngara bangsa.¹¹Monno, ne bangindighu monno bayaghu, ammana kwatira ullu waige appa ne yemmi harusa patekkimi, takka tekkiwe baapa pongngukowe ne pakaruniana barramu nemeghinna ne oro inda yemmiki a paneghe, melainkan Roh Kudusa. ¹²Monno, naata oledadi ba nayaza oledadina barra mate, monno ama barra anana. Ana-ana banakedde lawadi inna amana monno napamatezi ghidda. ¹³Monno, yemmi ba buttumi ghidda ata mangeda orona ngara-Gu. Ba ka, ata a engana pattuwekkina dukkiwe rapana ba pasalamatazi." Hal Bokala a a sebabkange Kehancuran¹⁴"Takka, ne yemmi bieta binasa keji dede ne paddou da seharusana (ghidda bacawe hendakna paddege), ghidda ghaina ne Yudea harusa bamalle ne kaladdakadetana. ¹⁵Ata a neena ne ponnu umma ammana paburru atau tama ne uma dana taguna bapalouzage app punnuko wali barra ummana. ¹⁶Monno, ata a neena ne omadana, ammana pabali taguna badeke jubahna.¹⁷Cekalah ghidda a neena patia monno ghidda a neena pazuzu lakawararra-lakawararrna ne loddo-loddo ne. ¹⁸Tabayalolo gai hal-hal neghe ba namarawiwe musim magheggela. ¹⁹Sebab, ne loddo-lodda ba namarawiwe rapa penderitaanna kaladana ne dapernahki marawi newalina bapadadina, na Mori napadadige dukkiwe nemeghinna, monno dana pernah bakiwe bana marawi dommowe. ²⁰Monno, niaka Mori dana pakatoddukoge ne loddo-loddo ne, dai pongngu iya ata pasalamatada. Ba ka, taguna napapede, nepa pede bana Nia, Nia napakatodduge loddo-loddo ne.²¹Badommo, niaka ghai ata a paneghe barramu, 'Eta, Krittu ghaini ni nia!' Atau, 'Eta, Nia neeni nee!' Ammana pawaini. ²²Sebab, mesias-mesias palsu monno nabi-nabi palsu ba kedde monno boghoge tada-tada monno keajaiban-keajaibanna taguna bapasesatawe, niaka mungkin, baka ata-ata padede. ²³Dagawekkina! Zauwa kuetkki ngarakubawe neghe barramu sebelumna.²⁴Takka, ne olddo-loddo ne, ne baba ne masa penderitaanna kaladana, ' Mata loddo ba naka pattana, monno ghulla ba dana oudaki. ²⁵Madubbu-madubbu ba a warraka wali langitadeta, monn kuasa-kuasa ne langitadeta ba kuddakage."' Yesaya 13:10; 34:4 Ammibani Ana Atapia ²⁶"Badommo, ghidda ba eta Ana Atapia mai walina karobadana waige kuasa monno kemuliaan a kaladana. ²⁷Bage, Nia ba napakuadi malaikata-malaikata monno pakuadi papede wali nepata arah mata paringngi, wali uppu-uppu tanah dukki nee uppu-uppu langita.²⁸"Panungngani wali tudda ghazu ara: baka dahan-dahanna a mubbukaba monno roo-roona alouza, baka yemmi mipaddebage musimma bangata bana tukkeba. ²⁹Ghinna kaina ne yemmi, baka ne yemmi mieta hal-hal neghe marawi, kipaddege bahwa Nia na tukke ba, nebarra binna.³⁰Zauwa kutekkiwe ghinnatakka barramu, generasi neghe ba dana berlalukiwe dukki ngarakua ne marawi. ³¹Langita monno tanah ba naberlaluweta, takka firman-Gu ba dana pernahkiwe bana berlaluwe." Waspada monno daga-dagawe ³²"Ba ka, tagu loddo atau jam ne, dai pongnguki iya ata paddege, inda kaina malaikata-malaikata ne surga, baka inda kaina Ana, nikidona Ama.³³Waspadalah, daga-dagawe. Sebab, yemmi dipaddekige pirra rapana ba mai. ³⁴Hal neghe yongngu ata a tangngara kako laradana. Ne bana gaige ne umma monno bana ya kuasa barra pelayan-pelayanna, waige paghillina tagu-taguna, monno kaina aparetazi adagawe binna taguna baenga egande daga-daga.³⁵Orona ne, daga-dagawe orona yemmi dipaddekige pirra na tuan umma bana mai, loddo remalewe, atau tillu geddewe, atau rapana manu bakuku, atau kapugedde kii, ³⁶dappa padde dangngaza nia bana mai monno nadukkimi yemmi neeme dura. ³⁷Appa ne Zauwa patekkigu barramu ne, Zauwa kutekkiwe barra ngarakua ata: 'Daga-dagawe!"'

Pangadda Bapamateza Yesu ¹Loddo Rame Paskah monno Loddo Rame Kababa da Beragi paremapoge duada loddo dommona, imam-imam kapal monno ahli-ahli Taurata neede ghewa lara taguna baghappaza Yesu waige boto muslihat monno pamateza-Nia. ²Sebab, ghidda paneghe, " Ammana ne selama loddo rame gai kadana marawikawe karibbaka ne barrada rakyata." Yesu Aronani waini Minyak Narwastu³Tangngarana Yesu ghaini ne Betania, ne ummana Simon ata katuppu, neba neene madii ne meja ngaa, ammibani na iya maghinne ngidi iya guci kii wali watu pualamma apaina minyak bouzirita wali narwastu a dingngira monno botowelli. Nia napuaza na guci monno nalegawe ne ponnu katowana Yesu. ⁴Ba ka, ghaide pirra ata a paneghe waige kesalla iya zama eka, "Appa bapa bage ne minyak bouzirrita ghinnana ne? ⁵Sebab, ne minyak ne bisa ba battage 300 dinar louka monno gai kayawe barra ata dengo." Monno, ghidda kaina nedebanini na maghinne.⁶Takka, Yesu napaneghe, "Gaikuni nia. Appa ne yemmi bipasusahza nia? Nia narawi bage nginde a dua barra-Gu. ⁷Sebab, yemmi slalu ghaini ata dengo papazamadangngami, monno pirrakoge yemmi binau, yemmi bida birawige nginde dua taguda ghidda. Ba ka, yemmi ba dislaluki baghaiga Zauwa. ⁸Maghinne na narawi bage appa ne nia papaddena. Nia naoraga tou-Gu louka ullu taguna patane. ⁹Zauwa kutekkiwe barramu ne ghinnatakkana, ge niage Injila bapadukkige ne ngara ponnutanah, appa ne parawina bana na maghinne na ba kaina a tekkiza baninia palolo ba nia." Papangaddana Yudasa taguna Berkhianat¹⁰Badommo, Yudasa Iakariota, na wali ghidda kabullu duada murid, kako barra imam-imam kapala taguna bayaza Yesu barrada ghidda. ¹¹Ne ghidda barengngewe, ghidda sennangnga monno berjanji bayani Yudasa riti. Orona ne, Yudasa naghewa kaloga a dua taguna banayaza-Nia. Hidangan Paskah¹²Ne loddo ullu Loddo Rame Kababa Da Beragi, ne ghidda mengurbankan ana bebe Paskah, murid-murid Yesu matua barra-Na, "Ge niniage pabeimu Ghou nezamme taguna bamakako pagallena tagu-Mu ngaa Paskah?" ¹³Bage, Nia napatukade duada murid-Na monno napaneghe barrada ghidda, "'Kakololo nee kotadana, monno naiya naata kabani-kabani a tangngara ngindi kendi apai wee ba natobbokaghu. Dekuloloni nia, ¹⁴monno ba ge kako nia banatama, tekkiwe barrana na mori umma, ''Guru napaneghe: Ge niniage ruangan paddougu Zauwa baku ngaa Paskah dangngadi murid-murid-Gu?'¹⁵Bage, nia ba nabghogowe barramu ne iya ruangan kalada ne lanatai ponnu a berperabotta ba monnosiao sedia. Siapwe perjamuan taguda ghitto ne nee." ¹⁶Badommo, murid-murid akako dukki ne kota. Ne nee, ghidda koledi ghinnatakkana patekkina Yesu barrada ghidda, bage ghidda asiapna Paskah.¹⁷Na loddo banageddena, ammibani Yesu pazamadangngadi kabullu duada murid. ¹⁸Monno, ne rapa ghidda tangngara madii monno ngaa, Yesu napaneghe, "Zauwa kutekkiwe a ghinnatakkana barramu, naiya ata wali barrami yemmi, a tangngara ngaa pazamadangngaga Zauwa, ba na khianati-Ga." ¹⁹Ghidda mulai barawidi milla monno paneghe barra-Na iya monno iya, "Pasti inda zauwaki, to?"²⁰Yesu napaneghe barrada ghidda, "Nia dona aiya walina kabullu duada murid, ata alobburana kababa pazamadangngaga Zauwa nee koba dana. ²¹Sebab, Ana Atapia ba nakako, ghinnana matuilisa ba taguna Nia, takka nacelaka naata a pazadangngani Ana Atapia pabokaladangngada! Ba nalouka padua taguna naata niaka nia da pernahki bapadadini." Papalolo ba Tou monno Raa Krittu²²Ne ghidda neede ngaa, Yesu nadeke kababa, monno banaba paringngizi, Nia napaddo-paddozi monno nayadi barrada ghidda, lappata napaneghe, "Dekewe, neghe tou-Gu." ²³Monno, Nia nadeke cawanna, monno namengucap syukura. Nia nayawe barrada ghidda, monno ghidda ngrakua enu wali necawan ne. ²⁴Bage, Yesu napaneghe barrad ghidda, "Neghe niawe raa-Gu, raa perjanjian, ne baburrida taguna mangeda ata. ²⁵Zauwa kutekkiwe barramu ghinnatakkana, Zauwa ba daku enu dommo baki hasila ghuia walina ghazu anggura, dukkiwe ne loddona ne baku enu anggura a baru ne dana Kerajaanna Mori."²⁶Ne baba padodoni naiya dodo rohani, ghidda kaina kako nee Bukit Zaitunna. Murid-Murid Yesu ba gaini-Nia ²⁷Badommo, Yesu napaneghe barrada ghidda, "Yemmi ngarakua ba mi gaiga Zauwa, orona ghaige matulisa, 'Zauwa ba kuserangngazi gembala, mono ghidda bebe-bebe ba pegha-pegha.' Zakharia 13:7²⁸Ba ka, nebaba Zauwa papakeddega, Zauwa ba kukako nee Galilea baku ullumi yemmi." ²⁹Takka, Petrusa napaneghe barra-Na, "Lakkakupu ghidda ngarakua gai-Gu, takka zauwa indaki."³⁰Monno, Yesu napaneghe barrana, "Zauwa kutekkiwe a ghinnatakkana barramu, gedde ne, ba da kukupo manu paduada ghuddana, yemmi ba mi menyangkalaga Zauwa patouda ghuddana." ³¹Ba ka, Petrusa napawaddekiage banawalewe, "Lakkakupu zauwa harusa mate pazamadangngagu Ghou, zauwa ba daku menyangkalakigu Ghou!" Monno, ghidda ngarakua atekkiwe hal a zama. Yesu neeni Taman Getsemani³²Badommo,dukki ba ghidda ne iya paddou ngarana Getsemani, monno Nia napaneghe barra murid-murid-Na, " Madii nnia tangngara neega Zauwa tabaya." ³³Monno, Nia nangindi lappata Petrusa, monno Yakobusa, monno Yohanesa pazamadangngai-Nia, monno mulai bamadauta langngutakka monno mateka. ³⁴Bage, ghinnage-Nia barrada ghidda, " Dewa-Gu namilli langngutakka, baka dukki tippa mate. Enga engami dangngi ni nia monno madaga-dagami."³⁵Baka, ne ba marro yodi, Nia nakaghodo ne ponnutanah monno natabaya, niaka banamungkinkowe, nemeghinna naberlaluwe walina barra-Na. ³⁶Monno, Nia napaneghe, "Abba, Ama, ngara kuanawe namungkin tagu-Mu. Dekewe neghe cawanna wali-Gu. Takka, inda appake ne Zauwa pabeigu, melainakan appa ne Ghou pabeimu."³⁷Badommo,Nia na mai bali monno kolebadi murid-murid-Na neede dura, monno Nia napaneghe barrana Petrusa, "Simon, appa bi dura? Di bisaki yemmi bimadaga-daga selama iya jam? ³⁸Madaga-daga monno tabaya gai yemmi kadi warrakakana nee dana banungngami. Roh memang namenurutawe, takka kanaa nadakkewe." ³⁹Monno domo, Nia nakako monno tabaya bana tekkiwe patekki a zama.⁴⁰Monno dommo, Nia na mai monno nakoledi ghidda neede dura orona ghidda botolangngutakkaba, monno ghidda dapaddekige baappa newaleda barra-Na. ⁴¹Baba ne, Yesu namai taguna ne patouda ghuddana monno napaneghe barrada ghidda, "Yemmi neepumi dura onno ngau? Tutuba, rapana nadukki bawe. Eta Ana Atapia yaba nee limma danana ata-ata zalah. ⁴²Keddelolo, maida kata kako. Eta,a zaga Zauwa natukke ba."Yesu Ghappaza⁴³Baba mema ne, tangngara neepuni Yesu paneghe, Yudasa, na iya ata walina ghidda kabullu duada murid, mai pazamadangngadi ata mangeda waina teko monno pentungnga, nepapatuda ghidda imam-imama kapala, ahli-ahli Taurata, monno tua-tua bangsa Yahudi. ⁴⁴Nia a ya aya badi ghidda ne iya tada, ghinnage, "Ata ba a dekkiga Zauwa, Niaba Atana. Ghappaza Nia monno ngindiza Nia kako ne kabu pengawasanna." ⁴⁵Monno, na Yudasa banadukki, nia nabarrani Yesu monno napaneghe, "Rabi!" Bage, nia nadekkiza Yesu. ⁴⁶Badommo,ghidda terreni Yesu monno ghappaza-Nia.⁴⁷Takka, na iya walina ghidda nadede, nakoukage tekona monno naserangngai pelayan Imam Kalada, bage nakerrinani katilluna. ⁴⁸Monno, Yesu napaneghe barrada ghidda, "Appa ne yemmi maime waina teko monno pentungnga taguna baghappga Zauwa yongngu ata perammpokkai? ⁴⁹Ne iayaloddo, Zauwa kupazamadangngami ne Baitta Mori sambil panungngana, takka, yemmi dighappakiga Zauwa. Takka, hal neghe namarawiwe gai Zurata Bia bakagenapiwe." ⁵⁰Badommo, ghidda ngarakua gaini-Nia monno eru wekkina.⁵¹Ghaini naiya ata bou a dekuni Yesu, niakido bana tau kaba lenan ne toudetana. Monno, ghidda ghappaza, ⁵²takka nia nagaige ne kaba lenan ne monno namalle wekkina bana kagola. Yesu Ahakaimiza Kapala Yahudi⁵³Badommo, ghidda ngindiza Yesu barra Imam Kalada. Monno, ngarakua imam kapala, monno, tua-tua, monno ahli-ahli Taurata pakua dabbana. ⁵⁴Monno, Petrusa nadekuni Yesu wali marro, dukki ne aro umma Imam Kalada. Ne nee, nia namadii dangngadi ghidda pengawala sambil banapabangata touna ne barraapi.⁵⁵Ghidda imam kapala monno ngarakua Mahkamah Agama ghewa pakita sakksi taguna balawani Yesu gai ghidda kapamateza-Nia, takka ghidda tobbokaki appa-appa. ⁵⁶Sebab, mangeda ata aya kesaksian daghinnana taguna balawai-Nia, takka ne kesaksian ghidda dana binnakige iya zama eka.⁵⁷Badommo, pirra ata dede monno ya kesaksianna daghinnana taguna balawani Yesu, ghinnage, ⁵⁸"Zamme parengngeza Nia paneghe, 'Zauwa ba kunungngarage Baitta Mori parawiwai limma atapia, monno ne touda loddona, Zauwa ba kupakedde a ekana, ne dappa paduawai limma." ⁵⁹Takka, taguna hal neghe kaina kesaksianna ghidda dana binnakige iya zama eka.⁶⁰Bage, Imam Kalada dede ne tillu-tilluda ghidda monno matua barrana Yesu, "Appane Ghou duyaki pawalewai barra ata-ata a bersakksi lawa-Mu?" ⁶¹Ba ka, Nia engana kadanna monno dana waleki. Imam Kalada namatua dommo barrana Yesu monno napaneghe, "Appane Ghou Mesiasa, Anai Mori ne Padeikada?" ⁶²Monno,Yesu napaneghe, "Zauwadona Nia, monno yemmi mieta Ana Atapia madii nee bali kawanana A Mahakusa monno pazama dangngage karoba ne langitadeta."⁶³Bage, sambil bana irrawe jubahna, Imam Kalada napaneghe, "Appane ghitto bata perlu dommopo sakksi? ⁶⁴Yemmi birengnge bawe hujatan. Appa papuatamu?" Monno, ghidda ngarakua ahukummani-Nia waige hukumana mate. ⁶⁵Pirra ata mulai bapaniiza Nia, monno todinawe mata-Na, monno atukkuza-Nia, onno paneghe barra-Na, "Bernuatalolo!" Ghidda pengawala a deiba-Nia waige bapakaparrakai-Nia. Petrusa Dana Mengakukini Yesu⁶⁶Monno, tangngara neepuni Petrusa ne kabu aro umma Imam Kalada, na iya ata pelayan maghinne Imam Kalada namai. ⁶⁷Monno, naetza Petrusa neene pabangata wekkina, pelayan na napazarrai monno napaneghe, "Yemmi kaina pazamadangngani Yesu, Ata Nazareta na." ⁶⁸Takka, Petrusa namenyangkala sambila bana paneghe, "Zauwa daku paddekige monno daku mengertikige appa ne patekkimu." Bage, nia nakako ne binna gerbang, monno manu maghailo nakuku.⁶⁹Pelayan maghinne na na eta kia dommoza Petrusa monno namulai bana paneghe dommo barra ata-ata a dede, "Ata na nidona iya waida ghidda." ⁷⁰Ba ka, nia namenyangkalla dommo. Monno, dana madoi dommoke, ata-ata a dede bapaneghe dommo barrana Petrusa, "Ghou pongnguba ne iya wali ghidda orona ghou kaina ata Galilea."⁷¹Takka, Nia mulao bana makutuka monno naaura, "Zauwa daku paddekini naata patekkimi!" ⁷²Nemeghinna, manu maghailo nakuku taguna paduada ghuddana monno Petrusa nalolo ba appa ne patekki bana Yesu barrana, "Ba dana kukupo manu maghailo paduada ghuddana, ghou ba mu menyangkallaga Zauwa patouda ghuddana." Bage, Petrusa dana bisaki banapattuwe millana.

Yesu neeni Arona Pilatusa ¹Kapu gedde kii, imam-imam kapal paduwe neiya papapera dangngadi tua-tua, monno ahli-ahli Taurata, lappata ngarakua Sanhedrin. Monno, ghidda ketteni Yesu, akako ngindiza-Nia. Monno, yaza-Nia barrana Pilatusa. ²Bage, Pilatusa namatua barra-Na, "Appane Ghou Raja ata Yahudi?" Monno, Nia nawalewe, "Ghou a tekkiwe." ³Baba ne, ghidda imama kapala atudaza Yesu bapaduttu-duttuna.⁴Monno, Pilatusa namatua dommo barra-Na, "Appane yemmi diwalekiwe? Eta, pirra mangeda patududa ghidda taguna balawa-Gu." ⁵Ba ka, Yesu dana wale dommobaki lappata Pilatusa namangaddala. Yesu monno Barabasa⁶Ne loddo Rame Paskah, Pilatusa biasa na pabebasazi tagu ghidda nattuata papa ne ghidda dengngi. ⁷Monno, ghai naata ngarana Barabasa neeni papattu pazamadangngadi ghidda pemberontakka a rawina papamate ne iya pemberontakkana. ⁸Ata mangeda mai monno mulai badengngi barra Pilatusa taguna barawige ghinnana biasa ne nia parawina taguda ghidda.⁹Monno, Pilatusa nawale zi ghidda monno napaneghe, Appa ne yemmi mibeige gai kaka pakalogaza tagumi na Raja ata Yahudi na?" ¹⁰Sebab, nia napddege bahwa imam kapal a yabaza Yesu orona kagoula ngau. ¹¹Ba ka, imam-imam kapala malah apengaruza ata mangeda gai kadengngiza Pilatusa banapakalogaza Barabasa.¹²Bage, Pilatusa napaneghe dommo barrada ghidda, " Niaka, appa ne harusa parawigu waina ata ne yemmi patekkimi Raja ata Yahudu na?" ¹³Monno, ghidda akabuara-kabuara dommo, "Salibza Nia!"¹⁴Badommo, Pilatusa napaneghe barrada ghidda, "Peinawe? Bokala appawe ne Nia parawi bana?" Takka, ghidda kabuara-kabuara louka pawadde dommoge, "Salibza Nia!" ¹⁵Orona beige bapadukkadawe ateda ata mangeda, Pilatusa napazilliza Barabasa taguda ghidda, monno baba papadapini Yesu, nia nayaza-Nia taguna ba salibpaza.Yesu atedekaza monno Asiksaza¹⁶Monno, ghidda prajurita angindiza Yesu tama nee istana, niniado umma pengadilanna, monno ghidd kadangngadi ngara pasukanna bapakuana. ¹⁷Bage, ghidda apatauni jubah ungu, monno baba paghanani naiya mahkota patara, ghidda apataunani barrana Yesu. ¹⁸Badommo, ghidda mulai bapadukkige salam barra-Na, "Salam, Raja ata Yahudi!"¹⁹Mono, ghidda palunawe katowana waine iya ghullu monno paniiza-Nia, bage kaghodo barra-Na. ²⁰Ne baba patede-tedekaza Yesu, ghidda apazilliwe jubah ungu walina Yesu, monno apataunawe kalabbi dou-Na. Bage, ghidda louza ngidiza Yesu taguna basalibza-Nia. Salibbadai Yesu ²¹Monno, ghidda apakksazi ata a tangngara lewata, Simon ata Kirena, a tangngara mai walina desa, ama wali Aleksandera monno Rufusa, taguna bakawaaza salib-Na.²²Bage, ghidda ngidiza Yesu nee paddou ngarana Golgota, ne artinawe "Paddou Tengkorakka". ²³Ghidda yanawe anggura papakaula mur, takka Nia dana dekekiwe. ²⁴Badommo,ghidda salibpani Nia monno paddo-paddowe kalabbi-Na ne barrada ghidda, sambila bakabena undi taguna bapatutuna tagu appa ne padekeda ghidda masing-masing.²⁵Monno, ne neghe jam katouda ne ghidda basalibza-Nia. ²⁶Monno, patulisa taguna batuduwe barrai Yesu amatulisa, "Raja Ata Yahudi." ²⁷Bage, ghidda salibzi duada ata perampokka pazamadangngani-Nia, naata bali kawana-Nia monno naata bali ghellona-Nia. ²⁸Niaka, natutubawe Zurata Bia ne patekkinda, "Monno, Nia akirabaza ne barra ata-ata duehaka."²⁹Badommo,ata-ata tangngara lewata a paniiza Yesu sambila bakiddikage katowada ghidda monno paneghe, "Ta! Ghou ba a nunggarage Baitta Mori monno pakedde baliwe ne touda loddona, ³⁰pasalamatage tou dou-Mu monno berru wali salibdeta!"³¹Ghinna kaina imam-imam kapala, pazamadangngadi ghidda ahli-ahli Taurata, tedekaza Yesu waige paneghe iya zama eka, "Nia napasalamatadi ata wadde, takka Nia dana pasalamata doukige tou dou-Na! ³²Gaikuni Mesiasa, Sang Raja Israella, nemeghinna burru wali salibdeta gai zamme kama eta monno waige." Ghidda pasalibpada pazamadangngani Yesu kaina acella Nia. Namate Yesu³³Ne rapa jam kaenne, namaraba kapatta ne ngara tanah ne dukki ne jam kaiwwana. ³⁴Ne jam-9, Yesu naberseru waige lii kalada, "Eloi,Eloi, lama sabaktani," ne artinawe "Mori-Gu, Mori-Gu, appa Ghou bugaiga Zauwa?" ³⁵Monno, ne bana rengnge bawe, pirra ata dede ne barra-Na bapaneghe, "Eta,! Nia nakadangngani Elia."³⁶Bage, naata namalle, monno napaige ne iya spons waige anggura maghillura, monno nataige neiya ghullu, monno nayanawe barrana Yesu kana enu, sambil paneghe, "Gai kata etaza appa na Elia ba namai bana paburruni Nia." ³⁷Badommo, Yesu naberseru waigi lii kaladana monno napalouzage ngau terakhir-Na. ³⁸Neme ghinna, tirai Baitta Mori namairra jadi duadawe, wali togona dukkiwe ne kabu.³⁹Monno, na kapala pasukanna a dede aroni Yesu, naeta peighaina Yesu bana palouzage ngau terakhir-Na, nia napaneghe, "Ghinnatakkana, ata nagha niadona Anai Mori!" ⁴⁰Ne nee kaina ghaide pirra maghinne a eta wali marro, ne barrada ghidda niadona Magdaleda, monno Maria inna Yakobusa Bou monno Yosesa, lappata Salome. ⁴¹Na Yesu baneeni wilayah Galilea, ghidda dekuni Nia monno balayanai Nia. Monno, ne nee ghai maghinne waddeka a mai pazamadangngani Yesu nee Yerusalemma. Patane Yesu⁴²Na loddo bana geddebana, orona ne loddo ne loddo persiapanna, niadowe loddo bainda loddo Poddopowe, ⁴³Yusufa ata Arimatea mai, na ata anggota Majelis Kalada ne papaakada, ne otu kaina naparma-remage baammige Kerajaanna Mori, napaberanige touna bana kako barrana Pilatusa monno dengngiwe touna Yesu. ⁴⁴Pilatusa nakatattaka banarengngewe bahwa Yesu namate ba. Nia nakadangngani kapala pasukanna monno namatua barrana, appa nabennara Yesu namate ba.⁴⁵Nebana padde bage Pilatusa wali barra kapal pasukanna, nia nayawe nekamatena barrana Yusufa. ⁴⁶Monno, Yusufa naghoi kaba linen monno naburruge kamatena Yesu, bana ba pakaboroza-Nia ne kaba linen dana ne, nia napabeikaza ne ododana nepakodada ne bukita watu. Monno, nia nakaballekaza na watu ne binna tamana odi. ⁴⁷Maria Magdalena monno Maria inna Yoses eta paddou kamatena Yesu bapabeikaza.

Berita Banakedde Yesu ¹Monno, ne loddo Poddu malawi, Maria Magdalena, Maria innai Yakobusa, lappata Salome, a ghpi ba rempah-rempah lappata ghidda a kako monno meminyaki Yesu. ²Kapu gedde kii,ne loddo ullu ne mingngu ne, na mataloddo naouda, ghidda mai nee odidana.³Ghidda paneghe iya zama eka, "Bagarrai na agullingngani na watu wali binna tama odi na?" ⁴Takka, ne ba pazarrana ne togona, ghidda eta watu kalada pongnguna na tagulingnga ba.⁵Mono, neba ba patama ne odidana, ghidda etana ata bou tau jubah kaka neena madii ne bali kawana, monno ghidda katattaka. ⁶Bage, nia napaneghe barrada ghidda, " Ammana katattata, yemmi mighewaza Yesu ata Nazareta ne pasalib bada. Nia nakedde ba. Nia daki ni nia. Eta paddou ne ghidda bapabeikaza-Nia. ⁷Ba ka, kakomi, tekkiwe barra murid-murid-Na monno barrana Petrusa bahwa Nia neena ullumi yemmi nee Galilea. Ne nee, yemmi ba tobbokaza Nia, a ghinnana patekki bana Nia barramu."⁸Badommo,ghidda louza monno malle wekkina wali barrana naodi na orona ghidda kadaddaka monno takjub, monno ghidda daiki patekki ghai pognguda lakka garra barrana orona ghidda bamadauta. [Monno, ngara kuanawe ne papareta ba gai ghidda katekkiwe barrana Petrusa monno ole-olena, gidda dukki waige damadoiki. Baba ne, Yesu dou dona a patukadi ghidda wali Timura dukki nee Barata, taguna batekkiwe berita a kudusa monno ne dappa binasaki taguna moripa kekalla. Amin.] Yesu Nabogho Wekkina barra Murid-Murid-Na⁹Na Yesu banakedde kapugeddena ne loddo ullu ne minggu ne, Nia na ouda ullu barrana Maria Magdalena a walina Yesu na ghalobaze pittu roh dirraka. ¹⁰Bage, nia nakako monno napadukki dawe barrda ghidda a pazamadangnga bani Yesu, sementara ghidda neede milla monno ngio. ¹¹Monno, ne ghidda barengngewe na Yesu bana moripa ba monno eta doubaza ghidda, ghidda dawaikige.¹²Nebaba marawi ne, Yesu kaina na ouda waige bentukka eka barra duada ata wali ghidda a neena kako banudu nee deas. ¹³Bage, ghidda bali monno tekkidawe ghidda waddekana, takka ghidda wadde kaina da waikipudi ghidda. Yesu Napaneghe barrada Ghidda murid-Na¹⁴Nebaba ne, Nia naouda dou wali barra ghidda kabullu duada murid-Na ne ghidda neede madii ngaa mono Nia nateggurazi ghidda orona badawaige monno katto ateda ghidda. Sebab, ghidda da waikige barra ata-ata a etabaza-Nia ne bana kedde ba Nia. ¹⁵Monno, Nia napaneghe barrada ghidda, "Kakomi ne ngara ponnutanah monno padukkige Injila barra ngarakua papadadi. ¹⁶Bagarrakuni wai bage monno pabaptis ba apasalamatazi, takka bagarrakuni da waige ba hukumani.¹⁷Monno, tada-tada ne ba dekudi ghidda a waige: Waige ngara-Gu ghidda ba ghalozi roh-roh dirraka; ghidda ba paneghe waige paneghe-paneghe baru; ¹⁸ghidda ba terreni nippe waidi limmada ghidda; monno niaka ghidda baenuko racunna a pamatezi, hal neghe ba dappa celakakizi ghidda; ghidda ba taidi limmada ghidda ponnu ata-ata karodduka, monno ghidda ata-ata ba langngana." Yesu Namakeketa nee Surgadana¹⁹Bage, nebana ba Yesu patekkiwe barrada ghidda, Nia namakeketa surgadana monno madii ne bali kawanana Mori. ²⁰Bage, ghidda kako monno berkhotbah lakka ge niniage, sementara Mori napaghilli pazamadangngadi ghidda monno nateguhkan bage lii-Na melaui tada-tada a pazamadangngani. [[ayt.co/Mrk]]

¹Ghaiba ata akatikkawekina banasusunge nepacacatada taguna peristiwa-peristiwa aghaibana amarawi netillu tongada ghitto, ²Aghinnaghaikaina nepacacatabada bapadukkige barada ghitto ole ata-ata awalipona bapaetawaidawe mata monno bapadukkige nelii. ³Orona baku nungngawe kubawe monno kukaniki wali ulluna, niaka ne zauwa kaina kutulisawe secara berurutange barramu,e Teofilusa a mulia, ⁴gai kupadde pakolege ne adua taguna ne hal-hal papanungngabadagu barramu.⁵Ghettipona paparetawaipona Herodesa, Raja Yudea,ghai na ata akapalage angarana Zakharia awalighaikaina kalompokka kapala Abia. Namaghinnena awalinani turunanna Harun,monno nengarana Elisabetza. ⁶Zakharia monno Elisabet ghidda niaduzi ata-ata adua nearo marana Mori. Neba moripa dabotoki monno ngarakua hukum monno pareta Mori. ⁷Niaka niniwe,ghidda dakolekina ana orona Elisabeth naghoto monno ghidda duada akawedaloloba.⁸Nebana dukkiwe taguna bana paghilli,Zakharia nakolege paghilli taguna bana toroge kapala ne barrai Mori. ⁹Pakaliwaina ghetti kapala,Zakharia bapedeza walighaege undian taguna nebatamage ne pandou Mori monno tunnu ukupan. ¹⁰Tangara ghidda ukupana babaddalai,ngarakua umat a tabaya ne gounga.¹¹Tiba-tiba na malaikatana Magholomarawi napaetawekina barrana Zahkaria monno nadede ne balikawanana nearo ukupanna. ¹²Nebaetaza namalaikata, na Zakharia nakadaddaka monno namadauta langutaka. ¹³Akan tetapi na malaikatta napaneghe barrana, '' ammana pamadauta,Zakharia sebab nekaghodokatabamu butabaya rengebawe. Maghinnemu Elisabeth napaanaguni naha lakawa kabani tagumu monno ghou kupangarani Yohanesa.¹⁴Neyemmi mikalada ate monno mimahehera ate, monno mangedakaina ata apadeku mahehera ate nebadadi. ¹⁵Nakalada ne aro Mori monno dana enuki anggur atau naenu weepaenu akattona waddeka. Bage,wali bebedana innana aponnumemabani ngau amatua.¹⁶Narawi ata israela babalibarrana Mori, Amada ghidda. ¹⁷Nakako bana ulluni Mori monno ngau monno kuasa Elia, ' taguna banarawida ateda paama-paama babali barra ana-anada ghidda; Nia kaina narawidi ata-ata dappadeku taguna babali nepapangaddada ata-ata dua. Monno ghinna dommona, nia nasiapbadi umat nepasadiada taguna Mori. ''¹⁸Na Zakharia napaneghe barrana malaikata,peighaikona baku paddege ne ghinnana? Sebab,ne zauwa kukawedabana monno namaghinnekaigu nakawedabawe umurna. '' ¹⁹Na malaikata nawalewe, " zauwa dona Gabriella, malaikata adede ne aro Mori. Zauwa papatukada baku paneghe dangngagu monno apadukkige ne kabara dua ne barramu. ²⁰Takka, nebeghinna rengewe! Ba yemmi mikabangnga monno dipaddeki papaneghe banadukkiwe nerapa amarawi orona yemmi diwaige nepatekkigu, nebana tutuwe rapana.''²¹Tangngaranawe, umat baparemai Zakharia. Nee de matua-tua apapnawe Zakharia bana madoi ponggngu ne ummadana Baitna Mori. ²²Nebanalouza,Zakharia dannna paddeki papaneghe barrada. A pandepongngubai na Zakharia banakolebana pamangewalawamatane Bait danana Mori sebab nia narawi pakitage paneghe isyarat barrada ghidda, takka danapaddeki papaneghe. ²³Banaba nerapa taguna bana kapala nababawe, balibana Zakharia ne ummana.²⁴Babawe ne terjadi, Elisabeth napatia monno naurrige ne limma ghullana. Na tekkiwe, ²⁵'' Neghe niabawe parawinaga Mori barragu. Na mattaraga monno naopigadi wali naata mangeda. ''²⁶Nerapa papatiwaina Elisabeth enneba ghullanawe. Na Mori napatukani malaikata Gabriella netana aneena wilayah Galile,angarana Nazareta. ²⁷Apatukani gai kana tobboka naata aperawan kapatutu dangnganani nakabani angarana Yusup, keturunan Daudta. Ngarana naperawan Maria ghinnawe. ²⁸Bage,na malaikata namai barrana na Maria monno natekkiwe, '' Salam, ne ghou pamaringngida! Mori napazama dangngagu. '' ²⁹Banarengngewe ne patekki, namangaddala na Maria. Nena matua-tua atedana tentang appawe ne Salam.³⁰Na malaikata natekkiwe barrana, '' Ammana pamadauta, Maria, arona Mori nayabago manawwara-Na barramu. ³¹Rengewe,bamupatia monno mupadadini na lakawa kabani, monno kupangara-Ni Yesu. ³²Banakaladana monno ba atekkiza Ana Mori A Madetana. Na Mori Ama-NA ayani takhta daudta, innakaweda waikana- Na. ³³Nia ba naaparetawe ketturunanna Yakubpa ne moriwali-moriwalina monno ne krajaan-Na ba danna dukkapongngukige. ''³⁴Bage,na Maria napaneghe barrana na malaikata. '' Pei ghainawe ba bana madukkiwe takka ne zauwa daikipo laegu?'' ³⁵Na malaikata nawaleza monno natekkinawe, '' Na Nga Amatua ba ammini toddumu monno Kuasa Mori A madetana a gollughu. Niabawe, ba nalakawa adadiba nia patekkida a kudus monno ba atekkiza Ana Mori.³⁶Nia na patekkida ghettipona ghoto, nemeghinna napatiaba ne enne ghulana. ³⁷Sebab daiki a mustahil barrai Mori, '' ³⁸Monno, Maria na tekkiwe, '' Ghinna takka pongnguna, ne zauwa hambanaga Mori. namarawiba barragu a ghinnaghaina ne patekkimu. '' Bage, na malakaikata nakako banagaini. Maria paddeni Elisabet³⁹Ba ne loddo-loddo, Maria nebana siap-siap bana kako ghetti daerah amadetana, ne kota aneena Yehuda. ⁴⁰Natamage neummana Zakharia monno nayawe salam barrai Elisabet. ⁴¹Na Elisabet narengewe salam wali barrai Maria na anana aneena bebedana nataloka monno Elisabet aponnuza Ngau Amatua.⁴²Na Elisabet nawalewe pakaladage liina, '' Apamaringngi ghou ne ngarakuada maghinne, monno apamaringngigo ghua bebemu. ⁴³Garraga zauwa ne inna Morigu amai barragu? ⁴⁴Ghinna takkana, ne lii salammu nadukkiwe nekatillu danagu, lakawa neena bebedanagu nataloka orona banagirangnga. ⁴⁵Naberbahagia nia awaige baappa nepatekkina Mori barrana ba ponnuwe.⁴⁶Bage, napaneghe Maria, '' Nadewagu nadeikaza Mori, ⁴⁷monno neategu namahehera barrai Mori, tagulizutagukoukagu.⁴⁸Niaka, Na Mori nakiraibai naata-Na amilladengo. Rengngewe, neme ghinna napakitage, ngarakua ata batekkiga mahehera. ⁴⁹Orona ba-Na Maha Kuasa narawibage neakaladana barragu, monno na kuduswe ngara-Na.⁵⁰Rahmat-Na nayawe wali generasi ke generasi, barrada ata-ata amadautani Nia. ⁵¹Na boghobadi kuasa-Na monno limma-Na. Nia napapeghadiba ata-ata atakozzuka nepapangadda ate danana.⁵²Nia napaburrudi ghidda akakuasage wali takhtada ghidda,monno nadeikazi ata-ata amarada ate. ⁵³Nia napabekutabaza ata akareba monno dua, takka naghaloza na ata aghaina monno bali limma kalua.⁵⁴Mori nayabadi banatulidi ghidda israella,ata-Na, orona balolona rahmat-Na. ⁵⁵Nebapeighaikona nepatekkibada barrada innakawedawaikada ghitto, barrana Abraham monno keturunanna tagu moriwali-moriwalina. ''⁵⁶Na Maria nadangngi dangngani Elisabet kira-kira ne touda ghulla madoina. Bage nabali ne ummana. Kelahiran Yohanesa Pembabtisa ⁵⁷Nemeghinna nariakaba rapana na Elisabet bana paana monno napadadini nalakawa kabani. ⁵⁸Ghidda olebarrana monno dughuna arengewe bahwa na Mori napaboghobage rahmat-Na akaladana barrai Elisabet, monno ghidda apadeku mahehera dangngani.⁵⁹Ne loddo pakapaddoda, ammidi amai pasunata nalakawa. Apangangarai nalakawa Zakharia, ghinnado ngarana amana. ⁶⁰Ba ge, napaneghe innana, '' indaki, pangarani Yohanesa. '' ⁶¹Ghidda ata atekkiwe barrai Elisabet, '' Daikipongnguki ata ne tidibarra dughu oledadimu a ngarana ne nara ne. ''⁶²Badommo, ghidda aya papangadda barrai Zakharia taguna nebatuawe barrana, ngara appa ne pabei bapangarani ni lakawa. ⁶³Zakhari na nengngi papan tulisa, monno ghinna bana tulisawe: ''' Ngarana Yohanesa. '' Monno, ngarakua ata amangaddala.⁶⁴Nebaghinnawe, namanganga ngadana Zakharia monno lammana namalukkuta. Nia bana paneghebali monno nadeika Mori. ⁶⁵Ngarakua ghidda ole barrada amadauta monno niawene papanehewaida ngarakua aneena kaladakana desa Yudea. ⁶⁶Monno, ngarakua ata arengngewe nene ama tua-tua neate danada, '' Baba appakoza ba nalakawa? '' Sebab,limma Mori amarangngani.⁶⁷Zakharia amai Yohanesa, aponnukaiza ngau amatua monno bernubuat, ⁶⁸'' Padeikaza Mori, Mori israella monno nakalagharabazi monno napakalogabai umat-Na.⁶⁹Napakeddebazi kadu toleka taguda ghitto wali turunanna Daudta, hamba-Na, ⁷⁰ghinna ghai lii papadukkina lewt nengada nabi-nabi-Na a kudus wali ghettipona ⁷¹gai ne ghitto kapakalogada wali musuh-musuh da,monno wali limmada ata abencida ghitto.⁷²nia narawige taguna banaboghoge rahmat barra innakawedawaikada ghitto, monno orona banalolozi janji-Na akudusa, ⁷³ghidda sumpah patekibana barra innakawedawaikada ghitto, Abraham, ⁷⁴bahwa ghitto apakalogada wali limma musuh-musuhda gai ne ghitto kata ngindina nelii-Na kadaikana madauta, ⁷⁵Nebana kudusa monno bana bennara ne aro-Na, nee moripada ghitto.⁷⁶Monno ghou, anagu, atekkighu nabi Mori A Madeta, sebab ghou hetti bago akako paulluni Mori, taguna busiapnai lara tagu-Na. ⁷⁷Taguna bayawe manganne tagu toleka barra-Na meleui bauwwaopizi ghidda zala-zalada ghidda.⁷⁸Orona rahmat monno manawwaranada Mori ghitto,mata loddo napamangewalada ghitto wali paddou amadeta ⁷⁹gai kapamangewalazi ghidda aneena kapattadana monno aghaina nee bayang-bayang maut, banapalolo dangngadadi ghaida ghitto bata kako nee damai sejahtera. ''⁸⁰Bage, nalakawa namatto-matto kiaba, monno napaghezzi kiawe ne ngauna. Nenadangngi marada kikapadana dukki bana riakawe taguna bana boghoge wekkina barrada bangsa israella.

Data monno dadina Yesu Krittu ¹Ne rapa na, Kaisar Agustus napalozage pareta gai kada ngarakuaza na penduduks ne ponnutana ²Nehe niabawe data penduduku aullu pongnguna papaghaida ghettipona kireniusa banajadi gubernur ne Siria. ³Maka, ngarakua ata abali ne kota padoubada masing-masing batulisada touda⁴Yusupa kaina nagaige Nazareta, kota nee Galilea, monno aarone Yudea, ghetti kota Daudta ne patekkida Betlehem, orona nia banawali garis turunanna Daudta, ⁵gai nia kadatakaiza kana pazama dangngai Maria,tutuna, a tangngara patia.⁶Nebaneedi Yusupa monno Maria ne Betlehem, riakaba rapana na Maria bana paana. ⁷Maria kaina napanani ana kabanina a ullu. Nakaboro-Za waini kaba kaka monno napabeika-Za nee rabadana orona badai koro taguda nebataddo. Ghidda Gembala Etaza Bayi Yesu.⁸Ne daerah azama, ghaidi ghidda pira gembala adangngi nemaraddadana gai kadakazi ghidda domba nebana gedege. ⁹Tiba-tiba, malakatana Mori nadede nearoda monno kemuliaan Mori namangewala nekalilingda ghidda niaka neghidda amadauta langutakka.¹⁰Akan tetapi, namalaikata napaneghe barrada, '' Ammana pamadauta monno rengewe, Kupadukkige barramu kabara dua tentang sukacita a kaladana taguna ngarakuana na bangsa. ¹¹Ne loddo ne, nadadiba tagumu na ata Tagulizu Tagukouka,niadona Krittu, Mori, nee kota Daudta. ¹²Neghe niabawe tada tagumu: Bayemmi mietaza na lakawa pabungkusda waida kaba kaka ne rabadana.¹³Idapikuna, napaetana napaza-zama dangngadi ghidda malaikata kalada tentara surgawi a deikaza Mori monno bapaneghe, ¹⁴''Kemuliaan na Mori nee paddou amadeta monno dame sejahtera ne ponnutana, ne antara ata-ata aberkenen barra-Na. ''¹⁵Ghatti para malaikata agaidighidda para gembala monno bali ne zurga, ghinna gembala apaneghe barrana iya monno iya, '' Maida nee Betlehem kata etawe ne terjadi ba, nepatekki banada Mori barrada. '' ¹⁶Bage, ghidda angatta-ngattana bakako monno akatemmuza Maria monno Yusupa, lapata na lakawa abeika ne rabadana.¹⁷Ghatti para gembala a eta Nia, ghidda apadukkuge nepatekki patekkibada barrada ghidda taguna na Lakawa. ¹⁸Monno, ngarakua ata arengewe ne amangaddala atas hal-hal nepatekkida para gembala barrada ghidda. ¹⁹Akan tetapi, Na Maria nabaddalawe monno nataige atedanana. ²⁰Bage, ghidda gembala abali barrada domba-dombada sambil badodo monno adeika Mori ne ngarakua paetaba da ghinnaghaina patekkida barrada.²¹Monno, nebana genapba apaddo loddona taguna basunata na Lakawa, ngar-Na apangarani Yesu, Nia abebeni nerahim dana. Bayi Yesu angindiza ne Baitna Mori.²²Ghatti lodo-loddo pazingirawai nasesuaiwe hukumna Musa babawe, Mari bada Yusupa angindin Yesu ne Yerusalema gai kayana-Ni barrai Mori, ²³A ghinna ghai kaina amatulisa ne huku danana Mori, '' Ngara lakawa kabani aullu harusa bapamaringngi zi barrai Mori. ²⁴monno kaya persembahankaka sesuai neappa patekki nee hukumna Mori, ghiddaniazi a iya pasang keila kangaka atau duada ekora keila merpati abou. '' Simeon monno Hana a eta Yesu²⁵Ghai nakabani angarana Simeon adangngi nee Yerusalema, nia ata adua monno amazalu, aparema-remana mahehera ate Mori taguna israella, monno Ngau Amatuaadekuni. ²⁶Ngau Amatua atekkinawe bahwa nia danna mateki nebadana etapo krittu na uwwaopina mori.²⁷Bage, na Simeon namai ne Baitna Mori monno apalolodangngani Nga Amatu, ghatti Yusupa monno Maria angindena Bayi Yesune Baitna Mori taguan bapaghillige barra-Na apap nepatekkibana ne hukum taurata. ²⁸Badommo, na Simeon nalirana lakawa monno nadeika Mori, ghinnage, ²⁹'' Nebaghinna, o Mori, kiranya Ghou muizinnage ne paya-Mu kako ne damaidana, nasesuai lii-Mu;³⁰Sebab ghidda matagu kuetabawe moripa-Mu, ³¹Nepasedia bamunebarrada ngarakua bangsa; ³²ne kawiddaka ba apamangewalai bangsa-bangsa dapaddeni Mori, monno ajadi kemuliaan tagu umat-Mu, Israella. ''³³Yusupa monno innana nalakawa amangaddala neappawe nepatekkina Simeon tauna Nia. ³⁴Badommo, Simeon napamaringngizi monno natekkiwe barrai Maria, innna Yesu, '' Renge, nalakawa ataibai taguna banapawarraka monno banapakedde ngarakua ata ne israella, lapata nebanajadi ne tada patentangda mangeda ata. ³⁵( Monno, kapibbika keto ba adukagu waddimu ) gai ne i ateda ata mangeda ba apaboghoge. ''³⁶Ne nee kaina ghaina ata nabiah angarana Hana, anai Fanuel wali kabizzu Asyer, nia nakaweda langngutakkaba. Nia namoripa dangngani laena ne pittu douna bana ba panikah, ³⁷monno dommo najandaba dukki usia 84 douna. Nia dana gaikige Baitna Mori, tapi nee na tabaya gede monno loddo monno napusa monno natabaya. ³⁸Ne ghettipona, ammibani Hana monno na megucap syukur barrai Mori lapata banatekkina Yesu barrada ngarakua ata aparema-remana penebusan Yerusalemma. Yusuppa monno Maria abali nee Nazareta.³⁹Na Yusupa monno Maria arawige ngarakua ne asesuai hukumna Mori, ghidda abali ne Galilea, ne kota paddou walida ghidda, ne Nazareta. ⁴⁰Na lakawa namatto monno semakin banakaladana, paghezi, nabonnuna padde, monno Mori napamaringngi-Za. Yesu nee Baitna Mori.⁴¹Ne iyadou-iyadou, inna amana Yesu akako nee Yerusalemma loddo pa paskahwai. ⁴²Na Yesu naumurra kabullu duada douna, ghettide kako neghinna bana loddo parayawaida ne. ⁴³Nepa rayada napababage, ghidda abali. Namun Yesus engana dangngi nee Yerusalemma tanpa badapaddege inna ama- Na. ⁴⁴Orona ghidda inna ama Yesu akirawe bahwa nia neeni tidi barrada rombongan, ghidda apakitage nepakakoda lapata ne iya loddona abonnuna. Bage, ghidda neede ahewa-Za nee barra dughuda monno ata-ata papaddeda.⁴⁵Ne bada tabboka na Yesu, ghidda bali nee Yersalemma ba ghewa-Za. ⁴⁶Namalawiba touda loddona, ghidda azabboraba Yesu ne Baitna Mori tangngara neena amadii dangngadi guru-guru agama, sambil mana rengewe monno banamatua barrada ghidda. ⁴⁷Ngarakua ata atangngara renge-Za amangadda-ngaddala nepetuna monno nepawale-wale-Na.⁴⁸Ghidda inna ama-Na aeta Nia, ghidda kaina amangaddala. Bage inna-Na namatua, '' Nak, appa kurawige neghinnana barrama zamme? Ama- Mu monno zauwa pangadda langu takkagu bama ghewag- Ghu. '' ⁴⁹Nawale Yesu barrada, '' Appa kighewaga Zauwa? Du paddekige ne ghou ba neega ummana Ama-Gu? '' ⁵⁰Ba appakowe, ghidda dapandekige appa ne patekki-Na barrada ghidda.⁵¹Bage, Yesu nabali bana palolo dangngadi nee Nazareta monno nadekudi ghidda. Takka inna-Na nabaddala nepetekkina nee ate danana. ⁵²Yesu na madeta kaina bana kalada monno bana bijaksana. Nia kaina a beini Mori monno atapia.

¹Ne dou pakabullu limmada masa paparetawaina Kaisar Tiberias, ghettipona na Pontius Piltusa banaterrege gubernur Yudea, Herodes naterrege raja Galilea; Filipusa angughuai Herodesa naterrege raja wilayah Iturea monno Trakhonitis; monno Lisanias naterrege raja Abilene, ²Hanas monno Kayafas ajabatawe imam agung, ammige liina Mori barrai Yohanesa, anai Zakharia, a dangngi ne maradda kikapadana.³Baga, nakako yohanasa ne ngarakua daerah nee barra Yordan monno apadukkige baptisan pertobatan taguna bauwwa opi dadi zalada,⁴ghinna ghaikaina nee patulisada ne kitab dana Nabi Yesaya: Neghe niabawe liina ata a kawaro-waro nee maradda kikappadana, ' Padualoloza lara taguna Mori, palurusanai lara tagu-Na.⁵Ngarakua rababa azowage, monno ngaraku akaladdakana monno apamuddurana ba aparatawe. Lara amaikko-ikko apa lurusaza, monno nghidda ngarakua lara darata a pamelutai. ⁶Monno, ngarakua ata a eta ne pamoripa dangnga wali barrai Mori!"' Yesaya 40:3-5⁷Baeg, na yohan esa napaneghe barrada ata mangeda a mai gai kaparigho kaiza nia, " Co, yemmi keturunanna nippe beludakka! Garra apalolo dangngame yemmi taguna bikeduge ne murka ba amai?⁸Niaka ne ghinnawe, kolelolodi ghua-ghua aboghoge ne patobata dangngamu. Ammana patekkiwe ne tou detamu, ' Abraham niakaidona innakawedawaikama zamme!' Zauwa kutekkiwe barramu, aghinnatakkapongnguna wali ghidda watu-watu Mori bisa bapakeddezi lakawa-lakawa tagu Abraham!⁹Baka, nebeghinna ne pogo ataibage ne kalarita hayu deta. Ghidda hazu a daina ghuana a dua baloppudi monno aletodi nee apidana. "¹⁰Ata-ata amatua barra Yohanesa, " Nebaghinna kowe, appakowe ne parawima?" ¹¹Nia nawale, " Ngarakua ata aghaina duada kalabina, niakaidona banabagi dangngani na ata daghaina. Monno, ngarakua ata aghaina pangaana, ghinna ghai kaido bana rawige ne ghinnana."¹²Ghidda pakuana pajak.Ghidda kaina taguna bapamaringngizi. Ghidda amatu barrai Yohanesa, "Guru, appa neparawima?" ¹³Na Yohanesa na tekkida ghidda, " Ammana padeke pajak aluana wali patekki bada barramu. "¹⁴Ghidda pirra tentara amatua barrana, "Peighaiba ne yamme? Appa neparawima?" Yohanesa napaneghe barrada ghidda, " Ammana padengi riti wali garra kupunni bupadukkai atau butekki dua. Patutuwekkige ne toumu monno gajimu. "¹⁵Ghidda ngarakua ata tangngara neede bana mai Mesias, neede matua -tua ne ate danada tubana Yohanesa, niakadoka Krittu atau indaki. ¹⁶Yohanesa nawalezi ghidda monno natekkiwe, " Zauwa kubaptismi yemmi monno wee. Takka niawe, Naata alouka berkuasa wali barra gu ba a mai. Taguna maghukkuna ne kalere kappeghai-Na ne zauwa daku layakkaki. Nia ba nabaptismi yemmi nawaimi Roh Kudus monno api.¹⁷Ne papelewaina ghaibani ne limma deta-Na taguna banapazingira ne lante pengirikan monno taguna bapakuadi gandum a dua ne dana kaneghu dana-Na. Ne baghinna, nia ba netuntuzi sekam ne apidana a dadukkakina pabaddana. "¹⁸Monno mangeda nasihata waddeka, Yohanesa napanungngage injila barra ata mangeda. Yohanesa pembabtis a patamani gollu ¹⁹Ba ne, orona Yohanesa banategguraza Herodesa, rato wilayah, ne parawi bana ghidda Herodias, maghinne angughuai Herodesa, monno orona ngarakua hal abolaka neparawibana, ²⁰Baka Herodesa natabowe ne ngarakuana monno nataini Yohanesa golludana. Yesu Neeni pababtissa²¹Ne ngarakua ata ba baptisai, Yesu kaina a baptisa. Monno, nebe neeni a tabaya, langita namaghukkewe, ²²monno Roh Kudusa naburru ne toddu-Na yongngu keila merpatiza. Bage, ghaige lii wali langitadeta monno napaneghe, " Ghoudona Ana-Gu Pama Nawwaragu. Nebarra-Mu Zauwa kukadanna." Larapalina yesu²³Na Yesu ghudi mulainawe pelayan-Na, Niakaina kira-kira touda kabullu douna. Ata-ata bapangaddage bahwa na Yesu anai Yusupa. Yusupa anai Eli. ²⁴Eli ananai Matat. Matat ananai Lewi. Lewi ananai Malkhi. Malkhi ananai Yanai. Yanai ananai yusupa.²⁵Yusupa ananai Matica. Matica ananai Amos. Amos ananai Nahum. Nahum ananai Hesli. Hesli ananai Nagai. ²⁶Nagai ananai Maat. Maat ananai Matica. Matica ananai Simei. Simei ananai Yosekh. Yosekh ananai Yoda.²⁷Yoda nia ananai Yohanan. Yohanan ananai Resa. Resa ananai Zerubabel. Zerubababel ananai Seiltiel. Sealtiel ananai Neri. ²⁸Neri ananai Malkhi. Malkhi ananai Adi. Adi ananai Kosam. Kosam ananai Elmadam. Elmadam ananai Er. ²⁹Er ananai Yesua. Yesua ananai Eliezer. Eliezer ananai Yorim. Yorim ananai Matat. Matat ananai Lewi.³⁰Lewi nia anai Simeon. Simeon ananai Yehuda. Yehuda ananai Yusupa. Yusupa ananai Yonam. Yonam ananai Elyakim. ³¹Elyakim ananai Melea. Melea ananai Mina. Mina ananai Matata. Matata ananai Natan. Natan ananai Daud. ³²Daud ananai Isai. Isai ananai Obed. Obed ananai Boas. Boas ananai Salmon. Salmo ananai Nahason.³³Nahason nia anai Aminadab. Aminadab ananai Admin. Admin ananai Arni. Arni ananai Hesron. Hesron ananai Peres. Peres ananai Yehuda. ³⁴Yehuda ananai Yakub. Yakub ananai Ishak. Ishak anani Abraham. Abraham ananai Terah. Terah ananai Nahor. ³⁵Nahor ananai Serug. Serug ananai Rehu. Rehu ananai Peleg. Peleg ananai Eber. Eber ananai Salmon.³⁶Salmon nia anai Kenan. Kenan ananai Arpakhsad. Arpakhsad ananai Sem. Sem ananai Nuh. Nuh ananai Lamekh. ³⁷Lamekh ananai Metusalah. Metusalah ananai Henokh. Henokh ananai Yared. Yared ananai Mahalaleel. Mahalaleel ananai Kenan. ³⁸Kenen ananai Enos. Enos ananai Set. Set ananai Adam. Adam nia anai Mori.

Anungnga Yesu ¹Yesu,na bonnubana Roh Kudus banawali Yordan. Badommo, Nia napalolo dangngani Roh Kudus bana kako nee maradda kikapa dana ²selama pata kabullu loddona anungngaza kaballika. Nia daiki pangaa ghaina selama neloddo gaina. Nebana dukkabage, Nia nakareba.³Bage, nakaballika napaneghe barra-Na, " Neba Anadonagu Mori, patukai na watu kana kabali kababana. " ⁴Yesu nawalewe, " Ghaige matulisa, ' Atapia moripa indaniakipo kababa. "'Ulangan 8:3⁵Badommo, kaballika angindiza Yesu nee paddou amadeta monno bana paeta-Na ngarakua ne aghaina neponnu tanah. ⁶Bage, kaballika napaneghe barra-Na, " Zauwa kuyaguwe Ne kuasa monno ne kemuliaan ne ngarakua paddou aghaina, sebab nengarakua ayabaga zauwa. Monno, zauwa kaina kuyawe barrana bagarai napayagu. ⁷Niaka, ne Ghou bukhodokobarragu, ngarakuana ne niabawe tagu-Mu. "⁸Bage, Yesu nawalewe, " Ghaige matulisa, ' Yemmi harusa bi deikaza Mori Amamu, monno niakido barra-Na mikaghodo kataba. "' Ulangan 6:3⁹Badommo, na kaballika na ngidiza Yesu ne Yerusalemma bage natai-Ni ne paddou amadeta Baitna Mori. Ghinnage kaballika barrana Yesu, " ne Ghou ba Anadonagu Mori, pawarraka netou-Mu wali nia dukki ne kabu, ¹⁰orona ghaige matulisa, 'Aghannau Ghou, Mori ba naparetai malaikat-malaikata-Na taguna banadaga-Ghu; Mazmura 91:12 ¹¹Monno, Na Limmada ghidda, ghidda atema-Ghu, gai kada katundurakana ne watu deta." Mazmur 91:12¹²Nawale Yesu barrana kaballika, "Ghaige matulisa, 'Du nungngaka Mori Amamu. "' Ulangan 6:16 ¹³Banalangngapaba iblis bana dungnga Yesu, na kako bana gai-Ni monno bana paremage ne rapa waddeka. Neulluna Pelayananna Yesu nee Galilea¹⁴Yesu nabali nee Galilea monno ponnuza kuasa Roh, monno berita tagu-Na natanapbara ne ngarakua daerah ne pabarrana. ¹⁵Bage Nia namulai bana panungngana ne umma paddou tabaya monno ngarakua ata adeika-Za. Yesu da deibake ne kota pawali-Na.¹⁶bage Yesu nakako nee Nazareta, kota paddouna Nia bapamattoza. Ghinna ghaina Nepata-Na, Yesu nakako nee sinagoge bana loddo podduna monno nadede taguna banabacawe. ¹⁷Kitab Nabi Yesaya ayana barra-Na , bage Na ghukke ne kitab monno natabboka netagu tulisawe,¹⁸Roh Mori ghaige barra-Gu, orona Nia bana urapi baga taguna bakupadukkige ne lii dua barrada ata-ata dengo. Nia nautusaga Zauwa taguna baku padukkige kaloga barrada para tawanan, monno pulihkange nepaeta barrada ata-ata kaburra, taguna bapakalogai ata-ata pahukumda, ¹⁹monno taguna nebapadukkige ne dou rahmatai Mori ammibage. "Yesaya 61:1-2²⁰Yesu natodiwe kitab bage nayabaliwe barrai pejabat umma tabaya, monno dommo Nia madii. Mata ngarakua ata needi dana nesinagoge amangaddala nebarra-Na. ²¹Bage, Yesu namulai bana paneghe barrada ghidda, "Lodde ne, tutuba appa nepatulisai Kitab Suci ne saat yemmi birengngewe, " ²²Monno,ngarakua ata apabennara-Za sambil bamangadda-ngddala nepatekkibana amadana a louza wali ngada dana-Na. Ghidda apaneghe, " Bane Nia inda anakinai Yusupa?"²³Badommo, Yesu napa neghe barrada ghidda, "Yemmi pasti bitekkiwe ne pri bahasa barra-Gu, 'Tabib, palangngawe tou dou-Mu! Zamme rengnge ne hal-hal neparawiMu nee Kapernaum, rawi kaikoge ni nia, ne kota pawali ghai-Mu. ''' ²⁴Ba Nia napaneghe, " Zauwa kupaneghe barramu, ghinna taka pongnguna daiki nabi adeiba ne kota paddou wali ghai douna.²⁵Nee dua, Zauwa kupadukkige barrama, a mangeda maghinne damangulaena ne israella ghettipona zaman Elia, ne langitta manamatodiwe touda douna monno enne ghullana, ghetti bana keddelangutakkawe ne kareba ne ngarakua tanah. ²⁶Ba niaka, Elia dappatukakini lakka gara barrakupuna kecuali barrada manghinne damangu laebana ne daerah Sidon. ²⁷Monno, a mangeda ghanna kusta ne israella ghetipona zamanna Nabi Elisa, takka dai pongnguki ata walina ghidda a langngana wattena Naaman, na ata Siria. "²⁸Ne bana rengewe ne hal-hal,ngarakua ata aneena ne umma paddou tabaya monno abani langutakka. ²⁹Baka, dedelolobana ghidda matongnguza Yesu gounga wali ne kota, bage kangindi-Za ne togona appakaladdakana paddou kota da ghidda bapakedde taguna bapawarraka-Za wali ngaba deta. ³⁰Ba niaka, Yesu na arone wali tillu-tongada ghidda monno kako.Na kabani appakalogaza wali roh kaballika³¹Yesu na kako ne Kapernaum, ne kota wilayah Galilea, monno napanungngana ata mangeda ne loddo poddu. ³²Ghidda akatattaka nebana panungnga-Na orona ghidda patekki-Na abonnuna monno kuasa.³³Ne umma tabaya, ghaina ata kabani papangadeda roh kaballika a bokalada. Na ata nakawaro monno napawaddi ge liina, ³⁴"Lakka zamme douna! Appa-Ku urusama neghe zamme, co Yesu, ata Naszareta? Appako-Mu nemai taguna buhukumma zamme? Zauwa kupaddege ba garra-Gu, A Kudus wai Mori!"³⁵Ba niaka, Yesu nakazadadi ghidda roh setanna, ghinna-Ge, "Kadanna! Louzaghu wali barrana na ata!" Bana ba na kaballika papabbani na ata, nalouza wali wekki danana na ata monno dana pakaroodudakakiza. ³⁶Ne bana bonnuna kagum, ngarakua ata aneena nanna apaneghe iya monno iya, " Appa patekkiwe ne? Orona ne ngindina monno kuasa, Nia napatezi ghidda roh-roh najis monno alouza." ³⁷Monno, parengeda taguna Yesu namazabbara ne ngarakua tanah. Inna gherai Petrusa monno Ata Mangeda Apalangngazi³⁸Badommo, Yesu na gaige ne umma paddou tabaya monno nakako nee ummana Simon. Ne ne, inna mertuana Simon nena akaghidduka tetakka, oroba ghinnawe nekarodduka niaka nengngiza yesu kana palangngage. ³⁹Bage, nadede Yesu nebarra inna mertuana Simon monno nakazakage nekarodduka, monno nekaroddukana nalangngabage. Nemeghinna memapongngu, inna mertuana Simon nakedde monnobana paghilli taguda ghidda.⁴⁰Neba ghuddi tamana naloddo, ngarakua ata angindizi dughuda ghidda aghanna nekarodduka barrai Mori. Bage na Yesu nataini limma-Na neponnuda ghidda iya ata-iya ata monno napalangngazi ghidda. ⁴¹Ghidda kaballika-kaballika a louzabana wali barrada ghidda ata mangeda monno akawaro, "Ghoudo na Anai Mori!" Ba ge, yesu nakazakadi ghidda, dana gaikidi ghidda bapaneghe orona bapandebai bahwa Nia dona Krittu. Yesu Berkhotbah ne kota-kota waddeka⁴²Koka kapugeddena Yesu nakako ne paddou a karingngi taguna banakanua. Ata mangeda a ghewa-Za, monno ne ghidda abatobboka-Za, ghidda aberusaha ba zadda Nia gai kadana gaikadi ghidda. ⁴³Ba ge,Nia napaneghe barrada, " Zauwa harusa baku padukkige ne Lii na Amarawi ne kota-kota waddeka kaina oroniadowe ne Zauwa kapatukaga." ⁴⁴Bage, Yesu na berkhotbah nee umma-umma panddou tabaya nee Yudea.

Kadangnga taguna Bana Dalazi Atapia ¹Ghettipona ghinna bana, atamangeda apakuana netidi-Na taguna barengewe ne Lii Na. Ne rapa, Yesu nadede ne uppu oba Genezareta, ²monno naetazi aduada tena tangngara neena ne uppu oba, takka ghidda tagu madala alouzaba wali tena-tena detada monno nede wanudi dalada ghidda. ³Yesu napenneni na ia tena, na tenana Simon, monno napatukani Simon bana tadiza tenana yodi kana marro wali tanamara, Badommo, Yesu namadii monno napanungngana ata wali ponnu tena.⁴Bana langnga ba papaneghe, Yesu na tekkiwe barrana Simon, "Kakoghu nepaddou wee amadalena monno tubbage ne dalamu gai kughappa igha." ⁵Nawalewe Simon, "Mori, zamme mapaghilli tetakkaba gede mangengeda, takka daikipongnguki pakole ghaima! orona ba Ghou apatuka, zauwa kutubbage ne dala." ⁶Monno, ne ghidda adekuge, ne ghidda akole tetakkana igha lappata ne dalada namairrawe. ⁷Bage, ghidda aya isyarat barra ole-ole da ghidda ne tena deta waddeka gai kamai monno katuludi ghidda. Bage, ammibadi ole-ole daghidda monno apai dangngadadi igha ghidda aduada tena lappata ghidda tenana da ghidda yodi kiana atadanena.⁸Na Simon Petrus bana etawe ne,nia nakaghodo nearo Mori monno napaneghe, "Kakoghu walibarragu, Ama, sebab ne zauwa ata adirrakaga" ⁹Na Petrus baghinnakoge bana tekkiwe orona nia monno ghidda ata mangeda apazadangngani ba luana igha pakoleda. ¹⁰Ghinna ghai kaina Yakobusa monno Yohanesa, anai-anai Zebedeusa, apa ole dangngani Simon. Yesu napaneghe barrai Simon, " Ammana pamadauta. Nemeghinna nee, yemmi ba midala atapia." ¹¹Balangngapaba batongnguzi ghidda tenada ne tana mara, ghidda agai ngarakuabage ngarakuanawe monno adekuni Yesu. Ata akarodduka a Katuppu Apalangngaza¹²Nepaiya loddona, Yesu neeni ne iya kota. Ne kota ne, gahi na ata abonnuna katuppu ne wekkina. Nebana eta Yesu na ata, nene akaghodo lappata ne arona na todo tanah monno nadengngi barra-Na, " Mori, ne Bu naudona, Ghou kudengngighu kupalangngaga zauwa." ¹³Bage, Yesu nalotarai limma-Na monno natodo na ata. Ghinna-Ge, "Zauwa kunau, langngalolona." Nemeghinna nene kaina, katuppuna na ata namuage.¹⁴Takka, Yesu naparetazi ata gai kadatekkika lakka garani monno natekkiwe, "Kakoghu monno paetage toumu barrada imam. Padoladi maraka taguna nebulangngabana aghinna ghai kaina paparetana na Musa gaikana jadi bukti barrada ghidda."¹⁵Berita tagu Yesu namatabo bana tanabbara niaka mangeda ata azarongi barengeza Nia monno apalangngadadi karoddukada ghidda. ¹⁶Takka, Yesu naseringnga nakako banalili nepaddou-paddou karingngi ne bana tabaya. Ata a Kalikku Apalangngaza¹⁷Ne apaiya loddona, tangngara panungngana na Yesu, ata-ata Farisi monno ahli-ahli Taurat amai kua wali kota wali wilayah Galilea, Yudea, monno kota Yerusalemma nee kaige amadii ne nee. Monno kuasana Mori palodangngai Yesu lappata napalangngazi ata mangeda.¹⁸Bage, apaetana ghidda pirra ata akawaa na ata akalikku ne ponnu paddou beikana, monno nedeberusaha batamangindiza monno atai na ata nearo Yesu. ¹⁹Ba ge, orona ghidda badaeta lara taguna banginde na ata ba tama akibat bapakuana ata, penebada ghidda nee togona monno apaburruni na ata kalikku monno padoubeikana ne tillu-tillu ne arona Yesu.²⁰Nebana etada ne imanda ghidda, Yesu napaneghe, "Co angughua, zalamu uwwa opibai." ²¹Ahli-ahli Taurat monno ata-ata Farisi nebade matua-tua, garapu na dapaampundi ghidda zalah-zalah baindaniakona Mori da?"²²Na Yesu bana paddeda papangadda ghidda, Nia napaneghe, " Appa yemmi kimatua ghinna ghaina ne ate danami? ²³Ge niage alouka padua, bakutekkiwe ' Zalah-zalamu uwwaopibazi ' atau 'Kede monno kakoghu'? ²⁴Ba ge, gai yemmi kipaddege bahwa na ana atapia berkuasa ne ponnutana taguna bana uwwaopi zalah," Yesu na tekkiwe barrana na ata kalikku, " Zauwa kutekkigo barramu: Keddeghu, keketa paddou beikamu monno balighu. ""²⁵Nebe ghinna kaina, na ata nabona banadede ne aroda ata mangeda monno nadekewe paddoubeikana, bage nabali sambil bana deikaza Mori. ²⁶Ngarakua ata a merasa takjub monno deika Mori. Monno aponnuza rasa madauta a kaladana taguna ne kuasai Mori, ghidda appaneghe, "Ne loddo zamme maetawe hal-hal a luar biasa!" Lewi Adekuni Yesu²⁷Bawe neghe, Yesu na louza monno na eta na ata tagu pakuana pajakka ngarana Lewi nena tangngara madii ne paddou deiba pajakka." ²⁸Bage na Lewi kaina nadede, na gai ngarakuage, monno nadekuni Yesu.²⁹Badommo, nia napaghaige pesta kalada tagu Yesu ne ummana. Mangeda tagu pakuana pajakka monno ata-ata waddeka manaa dangngadi ghidda. ³⁰Ba ge, ata-ata Farisi monno ahli-ahli Taurata nebade tukke barra murid-murid Yesu, " Peina yemmi ngaa monno enu dangngadi ghidda ata apakuna pajakka monno ata-ata zalah?" ³¹Yesu nawale monno natekki barrada," Indaniakipuzi ata-ata sehat a butuh tabib, takka ata-ata karodduka. ³²Nebaku maiga indaniake baku mai pa kadangngadi ata dua, takka kukadangngadi ata-ata zalah gai ghidda kadarra." Ata Farisi Abandingdi Murid Yohanesa monno Yesu³³Ghidda tekkiwe barra Yesu, "Murid-murid Yohanesa Pembabtisa sering bapuasa monno batabaya, ghinna ghai kaidu murid-murid ata Farisi. Ba ge, murid-murid-Mu selalu bangaa monno enu." ³⁴Yesu natekkiwe barrada ghidda, "Mikolekadoge yemmi mipatukadi ghidda apalolodangngadi pengantin kabani taguna ba puasa na pengantin kabani kaina neepona pazama-zama dangngadi ghidda? ³⁵Takka, lodo-loddo ba amai, niaka na penganti kabani badeke wali ghidda, monno ne loddo-loddo niawe ghdda pa puasa."³⁶Yesu kaina napadukkige ne tudda barrada ghidda, " Daipongngu iya ata airra ne kabiata kaba wali kalabi a baru taguna ne kalabi pakadabbara bada amadoi. Orona baghinna walikaiwe, na ata ba naparusaka nekalabbi a baru, monno kaba pakadabbarawai wali ne kalabbi ne a baru dana tubake monno nekalabbi ama doi.³⁷Ghinna ghaikaina, dai pongnguki iya ata alega anggura a baru ne dana kalita kribbo amadoi. Ne anggura a baru ba na irra kantong kalita amadoi lappata ne anggura namalega monno kantong kalitana na maurraka. ³⁸Anggura a baru harusa baddalawe ne dana kantong kalita a baru. ³⁹Dai pongnguki ata bana ba paenuge ne anggura amadoi, beina anggura baru ghiddage ba tekki, ' Anggura amadoi nalouka paminnaka. "'

Mori atas Loddopoddu ¹Ghetti pona, ne loddo poddu, Yesu nakako banali neiya oma gandum. Ne rapa neghe, muri-murid-Na aoppu ghidda pirra biji gandum, akuddo-kuddozi monno bawaidi limmada ghidda, bage angaadi. ²Ghidda apirra ata Farisi amatua, "Appa birawige paghilli dapparawi ne bei loddo poddu?"³Yesu nawale ghidda monno natekkidawe, "Diangngadangngakige ne yemmi mibaca appa neparawina Daudta ghetti nia monno ata-ata azama dangngani bana kareba, ⁴Ba peinawe nia bana tama nee dana Ummai Mori, deke kababa maraka, nangaage ne kababa, lappata nayakaidi barrada ata-ata apazamadangi, a danau pangaage, watteda ghidda iman saja?" ⁵Bage, Yesu napadukkige barrada ghidda ata-ata Farisi, "Ana atapia kaina Mori atas loddo Poddu." Yesu Napalangngana ne Loddo Poddu⁶Ne loddo Poddu a riakadommo, Yesu nakako ne umma tabaya monno napanungngana. Ne paddou ne ghai na ata limma kawananana likku. ⁷Ahli-ahli Taurata monno ata-ata Farisi apatetini Yesu neba etaza appa kanapalangngakona ne loddo Poddu, gai ghidda kaghai alasanda ba tuduza Nia. ⁸Ba ge, Yesu napaddedi ghidda baappawe nepapangddada. Nia na tekkiwe barrana na ata na limmana kalikku, "Kedde monno dedeghu ne tilluna." Bage, na ata nakede bana dede nenekke.⁹Yesu natekkiwe barrada ghidda, "Zauwa kumatua barrami yemmi, giege ne pakalogada taguna naparawi ne loddo Poddu: paduawe dua atau paduawe adirraka? ¹⁰Tapaslamata na dewa atau tagai douni?" Bana ba paetawe tidi lirana, barrada ghidda ngarakua, Yesu natekkiwe barrana na ata a limmana kalikku, " Lotarai limmamu." Bage,na ata nalotarai limmana monno nalimmana nalangngabana. ¹¹Ba ge,ata-ata Farisi monno ahli-ahli Taurata nedebani langngutakka monno apa addege baappawe neparawida barrana Yesu. Mapede Kabullu Duada Rasulla¹²Neghe loddo-loddo, Yesu napenne nee pakaladdakana tagunabana tabaya, monno ne nee Nia natabaya barra Amana gede mangengeda. ¹³Nekoka kapugeddena, Nia nakadangngadi murid- -Na monno bapede kabullu duada ata wali ne ghidda, niaduzi ata-ata ghidda patekkina rasulla:¹⁴Simon niakaidona papangarana "Petrusa" ,Andreasa angughuai Petrusa, Yakobusa, Yohanesa, Filipusa, Bartolomeusa, ¹⁵Matiusa, Tomasa, Yakobusa anai Alfeusa, na Simona patekkida ata Zelota, ¹⁶Yudasa anai Yakobusa, monno Yudasa Isakariota a jadi pengkhianata. Papanungngai Yesu¹⁷Bana ba Yesu monno ghidda rasulna buru, Nia nadede ne iya paddou a liddaka. Bage, ammidi barra-Na rombongan kalada ghidda murita-Na monno ata mangeda amai ngarakua wali wilayah Yudea, Yerusalemma, lappata wali daerah pantai kota Tirus monno Sidon. ¹⁸Ghidda ngarakua amai taguna barengnge Yesu monno taguna bakolege nepaduadangnga wali ngarakua karoddukada ghidda. Monno, ata-ata parasukada roh-roh dirraka ghiddakaina alangngana. ¹⁹Ngarakua ata berusaha batodo na Yesu sebab ghaige kuasa alouza wali Nia monno napalangngazi ghidda ngarakua.²⁰Yesu naaro barrada murd-murid-Na monno natekkiwe, "Apamaringngimi yemmi adengo sebab milikamo ne Kerajaan Mori. ²¹Apamaringngimi yemmi nemeghinna akareba sebab yemmi apabekutami. Apamaringngimi yemmi nemeghinna a ngio sebab yemmi mi madita.²²Apamaringngimi yemmi neba nebabuttumi, azokaghu, aghinaghu, lappata atekkiwe ngara duamu orona Ana Atapia. ²³Maheheraghu ne loddo pazagamu, monno talokaghu bugirangnga orona neupahmu nakaladage ne surgadana; sebab niabawe inna kawedawaikada ghidda aghinna ghaidi para nabi.²⁴Ba ge, celakalah hai yemmi a kaya sebab yemmi mikolena dua moripa. ²⁵Celakalah yemmi nemeghinna abekuta sebab yemmi ba akareba. Celakalah yemmi nemeghinna a madita sebab yemmi ba bikalollu monno ngio.²⁶Celakalah yemmi niaka ngarakua ata tekkiwe hal-hal adua tagu toumu sebab ghinnabazi inna kaweda waikada ghidda neba tekkizi tagu nabi-nabi palsu." Manawwarai Musuhmu²⁷Ba ge, zauwa kutekkiwe barramu a rengega zauwa. Manawwarai musuhmu monno dua dangngani na ata abencighu. ²⁸Pamaringngi ata kutukami yemmi monno tabayadi ghidda a aniyayami yemmi.²⁹Na ata apakaparrakago poomu, ya dommona poomu a iya. Monno, garrakunina a rampasgo jubahmu, duerukai bana rampassago kalabbi kaimu. ³⁰Yani bagarrakuni na ata amadengngi barramu, monno ba na ata adekegudi doumu, ammalolona padengngi balizi.³¹Nummu ghai kaini ata waddeka aghinnaghaikaina yemmi mibeige maghiddagu ole atamu. ³²Neyemmi niakido bimanawwarai ata amanawwarami yemmi, appane padeikamu ayago barramu? Sebab, ata zalah kaina namanawwarai ata-ata amanawwara kaidi ghidda. ³³Niakido yemmi birawige dua barra ata arawige dua barramu, napantaskado yemmi badeikami? Sebab, na ata zala kaina narawige hal a zama. ³⁴Ne yemmi midengngitudduko barang barra ata wadde monno midengngibalizi, appa nepadeikadagu barramu? Sebab, ata zala kaina nadengngituddu barra ata zala waddeka gai ghidda kadeiba balikawe monno jumlah a zama.³⁵Ba ge, manawwarai musuhmu monno paduawe a dua, yatuddukuni na ata wadde tanpa mudengngibali imbalan. Monno baghinnawe, yemmi mikolena upah akaladana monno neyemmi ba mijadi lakawa-lakawa A Mahatinggi, sebab na Mori nadua barrada ata-ata a dapadde patrimakasih monno abokala. ³⁶Orona ne, hendaklah yemmi pamanawwara wekkina, zama ghinnana Amamu ghinna ghaina nabonnu dangngabage pama manawwara. Ammana Pahakimiza Ata Wadde³⁷Ammana pahakimi gai yemmi kada hakimikamigi. Ammana pamahukumma gai yemmi kadahukumkammigi. Pamalangiza monno yemmi kaina ba apamalangimi.³⁸Yani monno ba aya ne barramu: Ne ukuranna a dua, ne paparakkada, nepakoddokada monno na matabowe, monno ba alegawe nebabadetamu. Orona ne ukuran a zama nepawaimi taguna biukura, ne niakaido paukur balida barramu."³⁹Yesu natekkiwe barrada ghidda ne tudda, "Nabisakado naata kaburra banakodoni ata kaburra? Indaghiddaki ba golena ne dana madalena? ⁴⁰Naata papanungnga dana loukake na guruna. Ba ge, ghidda ata palatibada ba ghinna ghaikaina guruda ghidda.⁴¹Peikona yemmi mietaza nakarobbuka mata danana oledaimu, takka neyemmi dipaddeki nabalok ghayu ne mata dana doumu? ⁴²Peikona yemmi bikolege bitekkiwe barra oledadimu, 'oledadi, taudage kukaikuni nakarobbuku ghayu ne wali mata danamu', takka neyemmi douna dietake nabalok ghayu nematadanamu? Co ata munafikka! Palouza ulluni nabalok ghayu ne wali mata dana doumu. Baka nemeghinna, yemmi mietaba monno jelasa taguna mipalouzani nakarobbuka ghayu wali mata dana oledadimu." Ghayu a Dua Nakoleni Ghua dua⁴³"Ghayu a dua dana kolekini ghua a bogho, monno ghayu a bogho dana kolekini ghua a dua. ⁴⁴Ngarakua ghayu apaddeni wali jenis ghua na hasilla. Ata dapakuakina ghua ara wali semak apatara, ato aoppu anggura wali semak belukara.⁴⁵Ata a dua napalouzage hal-hal dua wali atena a dua monno ata abokala apalouzage hal-hal a bokala wali atena a adirraka. Appane a louza wali ngadadanada ghidda ata awalina wali appa ne ponnu na atena." Duada Macamma Pondasi⁴⁶"Appa yemmi mikadangngaga Zauwa, 'Mori, Mori,' takka diwaikige appa ne Zauwa papanungnga? ⁴⁷Zauwa ba kuboghoge barramu, ghinna ghai kaikona na ata amai barra-Ku, arengewe papanungnga-Gu monno nadekuge. ⁴⁸Nia yonngo ata apakedde ne iya umma, a koda pamadale-pamadalege, bage ataige pondasi ne ponnu watu. Neba ammini wangu, wee atauwe ne umma, takka dadukkakige bakoddokage sebab ne umma apakedewe monno napaghezi tetakkawe.⁴⁹Takka, ata a rengewe papanungnga-Gu takka dadekukige, nia yongngu ata apadede umma ne ponnu tanah damangngu pondasi. bage ammini wangu, ne umma nabukkage monno narusaka tetakkawe."

Yesu Napalangngaza Naata Papatuka Perwira ¹Banalangngapaba Yesu banabakuazi patekki-Na nearoda ata mangeda, nia natamage ne Kapernaum.²Ne nee, ghaina ata Perwira Romawi a ghaina atana pa hargaina. Naatana nena tangngara karodduka tetakka monno tippana mate. ³Bage naperwira narenge taguna Yesu, nia napatukadi apirra tua-tua Yahudi baelle Yesu monno badengngi-Za gai kanapalangngaza naata." ⁴Neba mai ghida ata barrai Yesu, neede anengngilangutakka-Za bakaghodo barra-Na. Ghinnawe nepatekkida, "Na ata nabeige bana dengngi tulu-Ghu, ⁵Sebab nia namanawwarage ne bangsada ghitto monno niadona apadedewe ne umma tabaya taguda ghitto."⁶Nakako Yesu banapazamadangngadi ghidda. Nemana tukke bage ne ummana na perwira, na perwira napatukadi ghidda pirra olena gai katekkiwe barrana yesu, "Tuan, ammana Ghou papasusahtoumu tagugu sebab zauwa daku mennekige baku deiba-Ghu nee ummagu. ⁷Niabawe sebabnawe, zauwa douna daku mennekige baku mai barra-Mu. Ba dommo, tekkikowe neyodi patekkimu, nagha atagu gai kanalangngana. ⁸Sebab, zauwa kaina ata papatuka angindizi prajurita-prajurita, 'Kakoghu!', nia nakako. Ne bakutekkiko nebarrada prajurita waddeka, 'maighu!', nia na mai. Monno, baku tekkikowe barrada atagu, 'Paghillige ne', naatagu pasti bana paghillige."⁹Na Yesu banarengewe neghinnana, Nia narasa mangaddala orona na perwira Romawi, sambil mana eruna wali barrada ata adeku-Ni, Nia napaneghe, "Zauwa kutekkiwe barramu, baka netidi barra pongnguda ata Israella Zauwa dakupernah pongnguki baku tobboka iman akaladana aghinna ne." ¹⁰Ghidda rombongan papatukada barrai Yesu abali nee ummana perwira, ghidda aetabana atana nalangngabana. Ananai Naata Janda Apakeddebaza¹¹Ne koka kapugedde, Yesu nakako ne iya kota ngarana Nain napazamadangngadi ghidda murita-Na monno rombongan ata mangeda adekuni Nia. ¹²Ne bana tukkebage ne binna gerbang kota,ghai mayat naiya kabani papalouzada gounga. Na ata mate niadona anakanuana wali innana a janda ba. Monno, ghaidi ata mangeda walina ne kota apazama-zama dangangadi ghidda maghinne. ¹³Na Mori neba etana maghinne, Mori namanawwara langutakkani natekkinawe," Ammana pangio. ¹⁴Bage, Nia natukke monno natodo na tandu atamate. Ghidda ata a palouzani na tandu kaina adangngi. Niaka, Yesu napaneghe, "Ta lakawa bou, Zauwa kutekkigo barramu, keddeghu! ¹⁵Na ata nena amate namadii monno napanegheba. Monno, Yesu napabalini barra innana.¹⁶Ngarakua ata a etawe ne ne amadautabana bage adeikaza Mori monno bapaneghe, "Naata nabi kalada naoudabana netillu tongada ghitto!" monno "'Mori nadagabai ata-Na." ¹⁷Monno, parengeda taguna Nia natanabbarawe nengarakua Yudea monno ne ngarakua paddou waddeka ne abarranage. Yohanesa Pembabtisa Nautusai Muritana barrai Yesu¹⁸Murid-murid Yohanesa apadukkige barra Yohanesa taguna ngarakua ne neghe. ¹⁹Bage, Yohanesa nakadangngadi adua muritana monno napatukadi barrai Mori monno amatua, "Ghoukadona ne ba amai? Ato, zamme pongngupo aparemadi ghidda waddeka?" ²⁰Neba ammide mai barrai Yesu, ne ghidda kaina a tekkiwe, "Yohanesa Pembabtisa napatukama zamme bama mai barra-Mu monno matua, 'Ghoukadona a mai ba? Ato, zamme pongngupo aparemadi waddeka?"'²¹Ghettipona ne neghe, Yesu neena apalangngazi mangeda ata wali ngarakua karodduka, wabah, monno roh-roh dirraka. Nia kaina nayadi mangewalamata barrada ata mangeda akaburra. ²²Nawale Yesu barrada ghidda aduada ata, "Kako monno padukkilologe barrai Yohanesa tagu appawe ne paeta bami monno renge: ata kaburra na etabana, ata kalikku nakakobana, ata katuppu apalangngabaza, ata katillu narengeba, ata mate apakeddebaza, monno barrada ata-ata dengo apadukkida ne adua. ²³Niaka ghinnawe, Naberbahagia lolo nia a da katunnura oro-Gu."²⁴Bage utusan-utusan Yohanesa a kako, Yesu napaneghe barra ata mangeda nelarapalina yohanesa, '''Taguna baeta appatakka ne yemmi mikako nee maraddakikappadana? Mieta ghullu palerangindida paringi? ²⁵Takka, appa ne yemmi pakakomi bieta? Ata a tau kalabbi manada? Etaza, ata a tau kalabbi manada monno moripa ne bongudana aghaina ne istana-istana raja. ²⁶Niaka, appa ne pakakomi bieta? Naata nabi? Ya, Zauwa kutekkiwe barramu, bahkan nalouka walibarra na ata nabi²⁷Niadona naata, monno kiranawe taguna ghaige matulisa: 'Rengewe! Zauwa kupatukadi papatuka-Gu aullugu Ghou. Niabana a siapguni lara ne barra-Mu.' Maleakhi 3:1 ²⁸Zauwa kutekkiwe barramu, ne ngarakua ata ne papaanabada ne ghidda manghinne, daipongnguki iya ata alouka pakalana walibarra Yohanesa. Ba ge, akii pongnguna nee Kerajaanna Mori, nalouka pakaladana boddi nia."²⁹Neba mangeda ata monno ghidda apakuana pajakka arengewe ne ne, ghidda ngarakua a akuiwe nedua Mori, orona ghidda nebapabtisaibai babtisanna Yohanesa. ³⁰Ba ge, ata-ata Farisi monno ahli-ahli Taurat azzada rencana mori nebarrada touda ghidda orona ghidda da baptiskipu oleh Yohanesa.³¹"Monno appako Zauwa bakupatuddadi ata-ata a moripa nee generasi ne? Yongngu appakuzi ghidda ne? ³²Ne ghidda yongngu lakawa-lakawa a madii-madii nee paraggadana, a kawaro iya monno iya, 'Zamme mapoghiza seruling tagumu, takka ne yemmi dinegoki. Zamme madodoni dodo perkabungan takka yemmi dingioki.'³³Sebab, ne ba ammini Yohanesa Pembaptisa amai monno dana ngaaki kababa ato enu anggura, yemmi mipaneghe, 'Nia arasuka kaballika.' ³⁴Ba ka, na Ana Atapia amai pangaa monno enu, yemmi mipaneghe, 'Etawe! Nia ata abadda monno naenu! Nia kaina oledai ghidda apakuana pajakka monno ata-ata zalah!' ³⁵Ba ka, ghidda apangadage bapabennarrazi ghidda ana-anada." Na ata Maghinne Azalah Naaza Yesu³⁶Ne pa iyana, ghaina ata walina golongan Farisi a undangnga Yesu taguna banangaa dangnga-Ni. Yesu nakako ne umma na ata Farisi monno madii banamanaa. ³⁷Ne kota ne, ghai na iya maghinne azalah. Ne nia bana paddege bahwa Yesu neena ngaa ne umma na ata Farisi, nia kaina naghoiwe ne iya gozi pualam a paina minyak wangina. ³⁸Bage, nia nadede ne lirai Yesu, barra ghai-Na, sambil manangio monno bana azazi ghai Yesu bana waidi wee matana monno banaopizi waidi logena. Banabawe ne, nia na dekkizi ghai Yesu monno naora waidi minyak wangina.³⁹Na ata Farisi a undangnga Yesu aetawe ne, nia napaneghe ate dana, " Niaka na atana ata nabiza, nia napaddege bagarrai monno maghinne appaza na atodo-Za sebab na maghinne ata arawinaizalah." ⁴⁰Yesu naghappawe monno natekkiwe, "Simon, ghai a beige bakupatekkiwe barramu ." Wale Simon, "'tekkilolowe, Guru."⁴¹Yesu natekkiwe, "ghaidi duada ata a paghutta barrana ata apabeikana riti, na iya ata napaghutta 500 dinar monno ghidda waddeka apaghuttana 50 dinar. ⁴²Baka ghidda aduada dataluke babayardi, na apabeikana riti nataudabadi ghuttada ghidda aduada. Nemeghinna, garradi ghidda duada ata a louka pamanawwarai naapabeikana riti?" ⁴³Walewe Simon, "Nebazauwa, ata a paling luana papabada ghuttana," Yesu napaneghe barrana, "Yemmi binileza monno dua.⁴⁴Sambil banatalirani na manghinne, Yesu napaneghe barrai Simon, "Appa ne yemmi mieta na maghinne? Baka zauwa baku kako ne ummamu, yemmi diyakiga wee baku parigho ghai-Gu, takka nia naparighogadi ghai-Gu monno wee matana monno naopi waige logena. ⁴⁵Yemmi didekkiki-Ga dekki, takka nia dana dukkakige banadekki ghai-Gu ne Baku tama.⁴⁶Yemmi di opikiga katowa-Gu monno minyak, takka nia naoragadi minyak ghai-Gu monno minyak wangina. ⁴⁷Orona we, Bakutekkiwe barramu, ghidda zalahna aluana aopibanadi sebab nia naboghodi manawwara akalana. Ba ge, ata a yodi aampunbadi, yodi kidi bamanawwarai,"⁴⁸Baka na Yesu napaneghe barrada na manghinne, "zalahmu baba paopizi." ⁴⁹Ata-ata amadii angaa dangngani Yesu nebadi matua-tua ne ate dana ghidda, "Garrai na ata niakana uwwa opizi zala?" ⁵⁰Yesu natekkiwe barrana na maghinne, "na dewamu apasalamataghu, kakoghu monno dame,"

Maghinne-Maghinne Atuluni Yesu ¹Ne bana kokana, Yesu nakako bana banamagholetadi ne monno desa-desa taguna bana padukkige monno napaetage Injila Kerajaanna Mori. Ghidda akabullu dua rasul ghaidi apazamadangngani Nia, ²ghinna ghai kaina ghidda apirra maghinne ne papalangngabana Yesu wali ngarakua roh-roh dirraka monno ngarakua penyakita. Ne tidibarrada niadona Maria, na patekkida Magdalena, ne pakalogabana Yesu wali pittu roh adirraka. ³Ghai kaini Yohana maghinne Khuza bendaharai Herodesa, Susana, monno amangeda pongngupo maghinne waddeka awaidi ghidda kekayaanda ghidda douna taguna badukungngai Nia. Tudda taguna Azabbarana Winni⁴Ghidda ata mangeda apakuana monno ata-ata wali iya kota amai barrai Yesu, Nia natekkiwe barrada monno naiya tudda: ⁵"Na iya petani nakako pazabbarage winni. Neba nena zabbarage, ghaige ne yodi awarraka ne uppu lara monno deke-dekege, baka ngaa dommoge ghidda keila-keila a lera. ⁶Neyodi dommona nawarraka nepaddou apawatuna, monno ne winni bana bei dadiba,ne winni namarokkota orona badai wee.⁷Ne waddeka nawarraka ne tillu-tillu ruta tara nadadi dangngage niaka ne ruta napatekkelaza. ⁸Newinni waddeka aengapona nawarraka ne tanah deta a subura monno nadadiwe lappata bana ghuawe seratus kali liapt luanawe. " Nebana ba patekkiwe netudda na Yesu naberseru, "Nia amangngu katilluna taguna banarenge, niaka renge paduawe!"⁹Baba ne, murid-muridna yesu atua barra-Na ba appawe artina ne tudda. ¹⁰Nia natekkiwe, "Barramu apadukkige rasia Kerajaan Mori, takka ne barra ata waddeka a tekkidawe ne tudda gai, 'Nebapa zarrana, ghidda daetaki, monno lakka rengeko, ghidda dapaddeki, Yesaya 6:9 Papadukkina Yesu taguna Tudda Winni¹¹Negheniabawe atina ne tudda: "Newinni niadowe liina Mori. ¹²Winni a warraka ne uppu lara ghidda arengewe liina Mori, bage, amminina kabailikka nadeke ne lii wali barra ghidda gai ghdda kadawaikage monno kadappasalamatakai. ¹³Winni a warraka ne ponnu tanah apawatu niaduzi ata-ata arenge lii Mori monno deibawe ne mahehera, takka dana pakalarritakige. Ghidda niakido bawaige yudikia, takka baammige ne sulita, ghidda abali walina Mori.¹⁴Winni a warraka ne barra semak tara niaduzi ata-ata arengewe lii Mori, takka ghidda tangngara dadida, ghidda apatekkelai rasa khawatira, abonguna, lappata banasenangnga moripa niaka ghidda daoppuki ghua a moddu. ¹⁵Neka ne winni awarraka ne tanah a subura niaduzi ata-ata arenge lii Mori monno nabaddalawe neate danana a jujura monno adua, lappata na ghua nebana katikka wekkina," Paetage Mangewalamu¹⁶"Dai pongnguki iya ata apawegara ba ne pelita, bage natodiwe waige gantang atau nataige ne kabu paddou beika. Ghinnaghaikaina, nia bana taige ne pelita ponnu ghai pelita gai ata atama ne dana umma kaeta mangewalana. ¹⁷Sebab, daike amaurri monno daiki ba baetage, monno daiki rasia ne dappatekki ba monno angidizi nee mangewala dana. ¹⁸Niaka ne, pazarra pongnguge peinawe yemmi birenge bagarrai naaghaina ba ayani alouka paluana. Ba ge, garrani a daghaina, ba deke balizi wali barrana, baba appako ne nia papangddana namilikana," Keluarga Yesu A Ghinnatakkana¹⁹Baka,inna monno oledadi-oledadi Yesu amai barra-Na, takka ghidda dana madukkikiwe patukke-Za orona bapaboduna ata. ²⁰Nia, tekkilolokonawe barra-Nam "Inna monno oledadi oledadi-Mu neede adede ne gounga, ghidda abei pongnguge bapatobboka dangngagu Ghou." ²¹Ba ge, Yesu nawalezi ghidda, "Inna-Gu monno oledadi-oledadi-Gu niazi ghidda arengewe liina Mori monno adekuge," Yesu Napakamattaka Paringngi Kalada²²Ne paiya loddona, Yesu napenne nee tena deta napazama dangngadi murid-murid-Na monno nia natekkiwe barrada ghidda, "Maida katapala nepaddou wadde ne oba." Baka kako bada ghidda ne baili. ²³Takka, nebaneedi ghidda berlayar, Yesu nadura. Bage namapoghi paringngi kalada ne obadana monno natena ghidda atamai wee lappata ghidda needi dana abahaya.²⁴Badommo, ghidda murita amai barrai Yesu monno apakedde-Za sambil bapaneghe, "Mori! Mori! Binasabada ba ghitto!" Bage,Na Yesu nakedde monno nakazakai paringngi kalada lappata ne glombangnga a punniwaliate. Na paringngi kalada na ngauba monno ne oba nakadanna. ²⁵Monno, Nia tatekkiwe barrada ghidda, "Ge niniage imanmu?" Ghidda amadauta monno amangaddala sambil bapaneghe barra iya monno iya,"Garrai na Ata? Baka Nia dommo aya pareta barra paringngi monno wee, monno ghidda adeku-Ni" Naata Gerasa Apakaloga wali Roh Dirraka²⁶Bage adukki Yesu monno murid-murid-Na ne wilayah ara Gerasa, ne balina Galilea. ²⁷Neba nee Yesu aburru ne tana mara, nia atabboka na ata kabani wali neghe kota naparasukada ghidda roh-roh jahat. Na ata namadoiba badana tau kalabbi monno dana dangngiki ne umma, takka nee ghini paddou kuburanna.²⁸Na ata nebana etana Yesu, nia nakawaro langngu takka monno nakaghodo ne barra-Na. Monno lii akalollu nia napaneghe," Appa paurusamu ne Ghou monno zauwa, hai Yesu Anai Mori Amadetana? Zauwa kudengngi barra-Mu ammana nasiksaga zauwa!" ²⁹Nebana terjadiwe orona Yesu aparetazi roh dirraka kalouzo wali na ata. Na kabailika nasering bana bana tongngu-tongnguza na ata niaka nia aranteza, aborgolza, monno adaga ata, takka nia napadde bana puatawe rantena monno angindiza kabailika nee paddou-paddou akaringngi.³⁰Badommo, Yesu namatua barrana na ata, "Garragu ngaramu?" Nawale na ata, "Legion" orona baluana kabailika arasukaza. ³¹Ghidda kabailika-kabailika adengngiza barra-Na gai kadana paretakazi ghidda ba kako nee ngaba pamatedangnga.³²Nee paddou ne, ghaidi ghidda wawi akaladana nee diatangngara ghewa pangaa nee akaladdakana. Ghidda kabailika-kabailika adengngi barra Yesu gai kagaidi ghidda batama ghai ne paddou da wawi, monno Yesu napakalokodi ghidda. ³³Baka, ghidda kabailika-kabailika kaina a louza wali barrana na ata monno a tama ne wawi-wawi dana, baka ghidda wawi amalletetakka baburruge lereng kaladdala a curam azaga ne oba tadanena.³⁴Ghidda ata adagazi wawi aetawe, ghidda a malle monno a tekkiwe neamarawi ne kota monno ne wanno apabarrana. ³⁵Niaka, ata mangeda amai a etawe appawe ne amarawi. Ghidda ammidi amai barrai Yesu monno akoledi na ata balaogabada wali ghida kabailika-kabailika atangngara madii ne barra ghia Yesu, atauba kalabbi, monno namangewalaba papangaddada. Ne niawe ne arawidi ghidda bamadauta.³⁶Ghidda a etawe ne a marawi apadukkige barra ata waddeka bapeighaina na ata patamada kabailika bana langangabana. ³⁷Bage, ngarakua ata a dangngi nee daerah barra Gerasa adengngiza Yesu ka gaidi ghidda sebab ghidda acekammazi madauta akaladana. Orona ne, Yesu napenne ne tena deta monno nabali nee Galilea.³⁸Ba ge, na ata pakalogabada wali kabailika-kabailika adengngi barra Yesu gai kana pazama-zama dangngadi Yesu. Takka, Yesu napatukani kako, ghinna-Ge, ³⁹Balighu ummamu monno tekkiwe hal-hal kalada parawi bana Mori tagumu," Na ata kaina nakako ne ngarakua penjuru kota monno natekkiwe baappawe ne parawi bana Yesu taguna. Anai Yairus Apakeddeza monno Naiya Maghinne Apalangngaza⁴⁰Na Yesu banabali nee Galilea, ata mangeda aragga-Za orona ghidda ngaraku baparemai-Nia. ⁴¹Ne nee ghaina ata angarana Yairus amai barra-Na, nia kaina ata kapala umma tabaya. Sambil bana kaghodo kataba barra ghaina Yesu, Yairus nadengngi gaika Nia amai ne ummana. ⁴²Orona nia ba ghaina ana maghinnena iya akaiyana a kira-kira neumurrana kabullu dua douna, monno na lakawa tippa namate. Monno, Na Yesu bana kako ne nee, ata mangeda apakuzze-kuzzena nelira arona-Na⁴³N e nee ghaina maghinne a menderitaba pendarahan aboto madoina 12 dou, monno dai pongnguki ata apalangngaza. ⁴⁴Na maghinne nabarrai Yesu wali lira monno natodo ne uppu jubah-Na, baka ne pendarahan nangauwe.⁴⁵Bage, Yesu natekkiwe, "Garrai na todo-Ga?" Orona ngarakua ata baboto, Petrusa napaneghe, "Mori, ata mangeda apakuana ne arolira-Mu monno apakuzze-kuzze dangnga-Gu!" ⁴⁶Ba ka,Yesu napaneghe, "Na ata todo-Ga orona Zauwa baku rasa ghai kuasa a louza walibarra-Gu."⁴⁷Na maghinne bana eta bahwa nia dana kolekige bana urri wekkina, nia namai barra Yesu monno nakadaddaka monno nakaghodo ne barra-Na. Ne aroda ngarakua ata, nia na tekkiwe appa kana todoza Yesu, monno peighaina nia bana palangnga memaza. ⁴⁸Badommo, yesu na tekkiwe barrana, "Ana-Gu, imanmu kupalangngabaza. Kakoghu nee dame sejahtera."⁴⁹Bana Yesu nee pona apaneghe, naiya ata wali umma kapala umma tabaya nama monno tatekkiwe barra Yairus, "Ana maghinnemu na mateba amma dommona parepota Guru," ⁵⁰Ba ka, na rengewe ne yesu na tekkiwe barrai yairus,"Ammana pamadauta. wai lologe monno na anamu ba nasalamata.⁵¹Na Yesu nebana dukki ne umma Yairus, Nia dana yakiwe lakka garra pongngukuni dangnga-Ni wattena Petrusa, Yohanesa, Yakobusa, lappata ama monno innna nalakawa. ⁵²Ngarakua ata ngio monno meratapi lakawa maghinne, takka Yesu natekkiwe, Ammana pangio, nia dana mateki takka durana." ⁵³Na ata mangeda pongngu amanita-Ni orona ghidda paddege na lakawa maghinne bana mateba.⁵⁴Ba ge,Yesu naterenai limmana na lakawa monno nakadangngani, "Keddeghu, ana!" ⁵⁵Baka, nabali dewana nalakawa monno apatukakaini nia bana dede. Bage Yesu naparetazi gai nalakawa kayani pangaa kana ngaa. ⁵⁶Adua orang tuana nalakawa a takjub, takka na Yesu naeridi ghidda bapadukkige lakka garra pongngukuni taguna appawe amarawiba.

Yesu Nautusai Ghidda Rasul-Na ¹badommo, Yesu nakadangngadi akabullu duada murita-Na bage nayadi ghidda kuasa monno otoritas atas roh-roh dirraka, monno kaina gai kapalangazi karodduka. ²Nia nautusai ghidda gai kapadukkuige tagunawe Kerajaan Mori monno memulihkan.³Ghinna-Ge barrada ghidda, " Ammana pangindi appa-appa nee laradanamu, ammana pangindi tokko, kappe, kababa, atau lakka nia duada kalabbi. ⁴Lakka geniniage neumma yemmi patamami, dangngi lolo nee lappata mi kako wali nee paddou.⁵Ba ghidda danau padeibami yemmi, gaige ne kota monno kabbakadi kobburana wali ghaimu gai kalolo barrada ghidda." ⁶Bage kako bada ghidda rasul monno akalilingge ne desa-desa sambil bapadukkige Injil monno apalangngazi ata-ata karodduka lakka geniniage. Nabingung Herodesa taguna Yesu⁷Herodesa, katowa wilayah, narenge taguna ngarakua ne tangngara marawi monno nia nabingung langngutakka sebab apirra ata atekkiwe bahwaYohanes Pembabtisa nakeddeba wali tidibarrada ata mate, ⁸Takka ghidda wadde atekkiwe na Elia ghai balibani, monno ghai kaina atekkiwe bahwa na iya ata wali ghidda moripa pada zaman ullu a kedde. ⁹Herodesa natekkiwe, "Zauwa akerriwe katowana Yohanesa. Niaka, garraku naata a tagu-Na baku rengnge kabar aghinna ghai kaina ne?" Baka, Herodesa naingin langutakka bana tobboka Yesu. Pangaa taguna Limma Rata Ata¹⁰Ghidda para rasui babali, ghidda apadukkige barrai Yesu taguna ngarakua neparawi bada ghidda monno ne ghidda ajaka nia bana kanua ne iya kota angarana Betsaida. ¹¹Ba ka, ata mangeda apaddege ne monno ghidda kaina adeku-Ni. Ba ka, sambil baragga ghidda, Yesu natekkiwe barrada ghidda taguna Kerajaanna Mori monno ghidda kaina a butuhwe langngana.¹²Ne loddo na geddege, ghidda akabullu dua muritana Yesu amai barrana monno apaneghe, "Patukadi ata-ata gai kakako nee wanno-wanno monno pedesaan ne barra nia gai kaghewa paddou taddo monno pangaada orona ni nia ghitto baneeda ne paddou a terpencila." ¹³Ba ka, Yesu natekkiwe barrada, "Yemmiba ayadi ghidda pangaa." Awale murid-murid-Na, "Zamme niakido baghaina limma kababa monno aduada igha, wattena ne zamme bama kako paghoi pangaa taguda ghidda ata mangeda." ¹⁴Ne nee ghaidi sekitar limma rata kabani. Yesu natekkiwe barrada murid-murid-Na, "Patukadi ghidda kamadii secara berkelompokka, kira-kira limma ata per kelompoka."¹⁵Baka, ghidda arawige ghinna ghaina dangngage napaparetana Yesu monno napatukadi ngarakua ata madii. ¹⁶Bage, Yesu nadekezi alimma kababa monno ghidda aduada igha, natangara ne langita, napamaringngizi, napipbi-pipbizi, nayadadi barrada ghidda murita gai ghidda kapadoladi barrada ata mangeda. ¹⁷Monno, ngarakua ghidda angaa lappata babekuta. Badommo, karei-kareida kapipbika apakuadi akabullu duada karanjang abonnuna. Petrusa Naakuiza Yesu bania Karittu¹⁸Ne kaiyana, na Yesu neena tabaya kanua, murid-murid-Na ghaidi apazamadangngai-Nia. Bage, Nia natuazi ghidda, "Garraga Zauwa ne nepatekkida ata mangeda?" ¹⁹Awale ghidda, "Yohanesa Pembabbatisa, ghidda wadde a tekki Elia, baghidda wadde dommo Ghou dona iya wali nabi-nabi ghettipona a kede bali."²⁰Badommo, Yesu natekkiwe barrada ghidda, "Takka, neyemmi, garraga Zauwa?" Wale Petrusa, Ghou dona Krittu wali Mori." ²¹Ba ka, Yesu napalolo dangngada ghidda bana pawaddege, monno naparetai ghidda gai ka datekki pongngukawe lakka garra pongnguku taguna ne ne.Yesus natekkiwe nepamatedangngana. ²²Badommo Yesu natekkiwe, "Ana Atapia harusa bana milla kuage hal monno atolaka ghidda tua-tua, imam-imam kapala, monno ahli-ahli Taurata, bage apamate monno ba apakedde ne loddo a katouda."²³Yesu natekkiwe barrada ghidda ngarakua, "Niaka na ata abeige dekuga Zauwa, nia harusa bana paakkala netou douna, monno nakawaa nasalibpa iya lodo iya loddo, monno dekuga Zauwa. ²⁴Sebab, lakka garra pongngukuni a berusaha apasalamata dewana. Ba ka, bagarrakuni amuana dewana orona Zauwa, nia ba napasalamataza. ²⁵Appa pautuna nia na ata akolege ngarakua ponnu tanah, na mate atau namua na dewa douna?²⁶Barrada ata a rasa makke orona Zauwa monno ne patekki-Gu, Ana Atapia kaina ba namakke bana akuina ata ne Nia banamai nee kemuliaan-Na monno kemuliaan Ama-Na, lappata ghidda malaikata kudus. ²⁷Zauwa kutekkiwe aghinnatakkana barramu, ghaidi ghidda apirra ata ne barrami yemmi adede ni nia damateki ba badaetapo kerajaanna Mori." Yesu Napazamadangngadi Musa monno Elia²⁸Kira-kira, 8 loddo banaba Yesu papadukkige ne papanungnga-Na, Nia nalaiko Petrusa, Yohanesa, monno Yakobusa penne ne laddakana ba tabaya. ²⁹Neba neena Yesu tabaya, namagho-Na naeka monno kalabbi-Na a kakana bakagheghaka.³⁰Badommo, apaetana duada ata needi apaneghe dangnga-Ni. Ghidda duada ata niaduzi Musa monno Elia, ³¹apaetage tou nee kemuliaan monno apaneghe taguna banamate Yesu ne ba bapagenapiza nee Yerusalemma.³²Ghetti pona ne, Petrusa monno ole-olena tangngara kuasaidadi rasa dura aboto, takka ne ghidda benar-benar basadara, ghidda eta kemuliaan Yesu monno duada ata adede apazama-zama dangngai Nia. ³³Ghidda Musa monno Elia ba againi Yesu, Petrusa napaneghe, "Mori, duaba ghitto baengada ni nia. Zamme ba mapadede toda kemah, iya tagu-Mu, iya tagu Musa, iya tagu Elia." Ba ka, Petrusa danasadarki ba appawe ne patekkina.³⁴Na Petrusa ba nena tekkiwe ne ne, ammibage karoba apakorodi ghidda niaka na Petrusa, Yohanesa, monno Yakobusa amadauta ne ghidda ba tama nee karoba dana. ³⁵Badommo, aparengngebawe ne lii wali karobadana, "Niabana Ana-Gu, Niaba na Papede, rengeza Nia," ³⁶Ba nelii banakadannawe, Yesu nee bana akanua. Ghidda aurrige monno datekki pongngukiwe barra ata ne loddo-loddo taguna baappabawe ne paetada. Naiya Lakawa Kabani Apakaloga wali Roh dirraka³⁷Koka mewana, ne ghidda burru wali kaladdakana, ammidi aluana ata mangeda amai barrai Yesu. ³⁸Naiya ata wali ata mangeda a berseru, "Mori, zauwa kudengngi barra-Mu, pazarrani anagu sebab niakidona agu iya-iyana. ³⁹Etaza, ghai roh akkusani, monno indapiddakuna nia nakawaro-kawaro. Na Roh kaina awegu-wegutani baka nengadana napaghurra, na roh napakarodduka pakita monno dana nauki bana gaini. ⁴⁰Zauwa kudengngiba barra murid-murid-Mu gai kausiraza, takka ghidda ghidda dapaghillikige."⁴¹Wale Yesu, " Hei, yemmi generasi dapercaya monno kabillira! Pirra dommoko madoina baku zama dangngamigi monno baku sabar barrami yemmi? Ngidiza anamu niami." ⁴²Na lakawa baneene tukke barrai Yesu, na roh dirraka apabbani. Ba ka, Yesu nakazakani na roh a allu, napalngnga na lakawa kabani, bage nabalini barra amana. Yesu Natekkiwe pamatedangnga-Na⁴³Ngarakua ata a takjub ne kuasai Mori, takka baneepudi ghidda mangada-ngaddala taguna ne ngakua parawina Yesu, nia natekkiwe barra murid-murid-Na, ⁴⁴"Renge paduawe ne patekki ne: Ana Atapia ba ayaza ne limmadetada atapia." ⁴⁵Ba ka, ghidda muridta dapahamkiwe appa ne patekki, ne ne namaurriwe taguda ghidda niaka ghidda dapahamkiwe. Takka, ghidda amadauta bamatua barrai Yesu baappa artinawe nepatekki. Garrani a Ullu?'⁴⁶Ghetti pona,ne patauna marawi nebarra murid-murid Yesus agahanna garrai a ullu nebarrada ghidda. ⁴⁷Ba ka,Yesu napaddege papangadda ateda ghidda, bage nia nadeke naiya ana lakawa kii monno nalaiko banadede ne tidi-Na. ⁴⁸Bage,Nia natekkida barra murid-murid, "Ngara ata adeiba na ana lakawa na bawaiga ngara-Gu, nia nadeibaga Zauwa. Monno, bagarrakuni adeiba-Ga, nia kaina nadeiba Nia atusaga Zauwa. Sebab na ghina pongngu nebarra yemmi, niabana aullu." Pihak a zama⁴⁹Yohanesa nawale-Za monno natekkiwe, "Mori, zamme maeta na iya ata aghalozi roh dirraka banawaigo ngara-Mu monno zamme maberusaha zaddania orona nia baindakalompokkadai ghitto," ⁵⁰Ba ka, Yesu natekkiwe barrana, "Ammana zaddaza orona garrai pongnguni a dalawagu, nia pihakmu." Yesu Atolaka ne Samaria⁵¹Ne rapa na tukkebawe na Yesu bakeketa, Nia napakattoge ate bana kako nee Yerusalemma. ⁵²Nia napatukadi ghidda apirra utusan aullu-Ni. Bage, utusan-utusan kaina akako monno tama ne iya desa nee daerah Samaria gai kasiapage ngarakua taguna Nia. ⁵³Ba ka, ata-ata ne paddou nee dadeibake Yesu orona Nia nenaaro nee kota Yerusalemma.⁵⁴Ghetti murid-murid Yesu, na Yakobusa monno Yohanesa, aeta ne neghe, ghidda atekkiwe, "Mori, appa Ghou mubeipongnguma zamme bamaparetawe api burru wali langita monno pakarrai ghidda?" ⁵⁵Ba ka, Yesu nazarrana ne lira monno banateggurazi ghidda. ⁵⁶Bage, Yesu monno murid-murid-Na kako nee desa a eka. Tantangan taguna Badekuni Yesu⁵⁷Ghetti ghidda baneedi ne lara dana, ghai na ata apaneghe barrai Yesu, "Zauwa ba kudekugu Ghou lakka geniage pakako-Mu." ⁵⁸Yesu kaina napaneghe barrana, "Rubah ghaige lubangna bana dangngi monno keila-keila di udara ghai kaina obbuda. Ba ka, Ana Atapia daiki paddou bana dura."⁵⁹Yesu napaneghe barrada ata waddeka, "Dekuga Zauwa!" Ba ka, na ata napaneghe, "Mori, piiliga kaku kako monno taneni amagu terlebih dulu," ⁶⁰Ba ka, Yesu napaneghe barrana, " Taudadi ata mate atanedi ghidda ata mate, takka yemmi harusa kako monno padukkige Kerajaanna Mori,"⁶¹Monno, ghai dommnoni na ata apaneghe, "zauwa kudekugu Ghou, Mori, takka pilli beliga kaku pamit ullu belizi ghidda dughugu." ⁶²Yesu napaneghe barrana, "Daipongnguki iya ata a baddala ba limmana barra luku takka nepona abali ne lira, a pantas taguna Kerajaan Mori."

Yesu nautusai Pittu Kabullu Pengikut-Na ¹Babawe ne, Yesu enganiadi a pittu kabullu ata padeku a eka, monno Nia nautusai ghidda kako kaduada-kaduadana gai kaullu-Ni ne ngara kota monno paddou ne ba pakunjung-Za. ²Ghinna-Ge barrada ghidda, "Hasil panen alua langutakkana, takka ghidda apaghilli yodikidi. Orona baghinnawe, dengngilolo ne barrana Tuan amilikana hasil panen kanautusai pekerja-pekerja taguna bana pakuadi hasil panen-Na."³Kakololo! Zauwa kuutusaghu ghinaghaina ana bebe ne tillu-tillu kawanan serigala. ⁴Ammana pangindi kantong rii, atau sandala. Monno, ammanapategurra lakka garrani ne lara dana.⁵Ne umma giepoge nedapata mi, tekki ullu beliwe, 'Dame sejahtera ne umma ne.' ⁶Niaka na ata a ghaina nanna cinta dame, dame sejahtera ba engage barrana. Ba ka, ba indako, ne dame sejahteremu ba nabaliwe barramu. ⁷Dangngighu ne umma ne. Ngaaghu monno enughu appawe ne pasiapda ghidda tagumu, orona na ata paghilli pantas banakolege upahna. Ammana padikki-dikki wali iya umma ne umma a eka.⁸Setiap kali yemmi bitamage neiya kota monno ata-ata ne nee raggaghu, ngaage nepangaa pasiapdagu nearomu. ⁹Palangngazi ata-ata karodduka adangngi ne nee, monno tekkidawe barrada ghidda, 'Kerajaan Mori natukkeba barramu.'¹⁰Ba ka, ne yemmi bitama ne iya desa monno ata-ata ne nee daraggakighu, kako ne lara-lara ne monno paneghe, ¹¹Baka kobbura wali kotamu akadakke ne ghaidetama zamme ba zamme makabbakadi ne aromu. Ba ka, lolowe neghe: Kerajaan Mori natukkebawe.' ¹²Zauwa kutekkiwe barramu: ne loddo ne tanggunga Sodom ba nalouka pamalewara walibarra tanggungan ne kota." Papalolo Tagu a Tolaka Yesu¹³Celakalah yemmi, Khorazim! Celakalah yemmi, Betsaida! Tuddakona Zauwa baku rawige mukjizat-mukjizat azama nee Tirus monno Sidon, niaka neghidda pasti amadoi ba darra ba madii monno batau kaba kabung monno parabukana. ¹⁴Ba ka, ne rapa penghakiman, taguna Tirus monno Sidon luoka palewara daripada tagumu. ¹⁵Monno yemmi, Kapernaum, apane yemmi a keketa ne surga? indaki, yemmi ba aletomi ne ponnu tanah ata mate!¹⁶Garra pongngukuni a rengemi yemmi, arengega Zauwa. Ba ka, garrai atolakaghu, nia kaina natolakaga Zauwa, nia natolaka Nia autusaga Zauwa." Kabailika-Kabailika Kaghodo Barra adeku Yesu¹⁷Badommo, ghidda pittu kabullu padeku a bali ba bersukacita sambil ba paneghe, "Mori, kabailika-kabailika akaghodo langnguntakka barrama zamme nee bawaige ngara-Mu." ¹⁸Yesu napaneghe barrada ghidda, "Zauwa kueta kabailika warraka wali langitadeta yongngu kawiddaka. ¹⁹Gai kipaddege bahwa Zauwa kuyabamigi kuasa taguna bidekedi nippe monno palettika, ghinnakaina atas paghezzi musuh. Daiki ba apa karoddukami yemmi. ²⁰Ba ka, ammana yemmi pabersukacita orona ghidda roh-roh a kaghodo barramu, takka bersukacitami orona ngaramu amatulisa nee surgadana." Yesu Natabaya Barra Ama²¹Ne ghetti pona, bersukacitalah Yesu ne Roh kudus dana monno napaneghe," Zauwa kubersyukur barra-Mu Ama, Mori ne langita monno tanah, sebab Ghou muurrige ne hal-hal wali ata bijaksana monno cerdas. Ba ka,Ghou muboghona barra lakawararra-lakawararra. We Ama oroniabawe a berkenan barra-Mu²²Ama-Gu na yabaga ngarakua barra-Gu, monno dai pongnguki ata a paddeni Ana wattena Ama. Monno, dai pongnguki iya ata a padde Ama, wattena Ana lappata ata-ata barrada ghidda Ana berkehendak taguna bana paboghoge."²³Badommo, Yesu natalira wali barra murid-murid-Na monno natekkiwe barrada secara kanua, "Bebahagialah mata a eta ba appawe napaetami, ²⁴Seaba Zauwa kutekkiwe barramu: mangeda nabi monno raja abei pongnguna eta hal-hal nepaetami nemeghinna, takka ghidda da etakiwe. Monno, abei langngu takkana renge hal-hal nepa rengemi yemmi nemeghinna, takka ghidda darengekiwe," Ata Samaria a Pamanawwara ewkkina²⁵Badommo, na ata ahli Hukum Taurata nadede taguna bana nungnga Yesu, ghinnage, "Mori, appa pongngukowe ne parawigu taguna baku kolena moripa a kekal?" ²⁶Nawale Yesu barrada, Appa a matulisa ne Hukum Taurata? Appawe ne pabacami ne danana?" ²⁷Na ata nawalewe, "Manawwarani Mori Amamu, monno wali kalaki atemu, monno wali jiwamu, monno wali paghezzimu, monno newali akal budimu. Monno, manawwarani oleh atamu ghidda ghai kaina bu manawwarage tou doumu." ²⁸Yesu nawale barrana, "Nepawalemu natepatwe. Rawilologe ne, baka yemmi ba mimoripa."²⁹Ba ka, na atana nabeige bana pabennarawe touna, baka nia natekkiwe barrai Yesu, "Monno, Garrakuni ole atapiagu?" ³⁰Yesu nawalewe ne monno natekkiwe, "Ghaina ata a burru wali Yerusalemma nee Yerikho, nia nawarraka ne limma detada perampoka a rampasa kalabbina monno paluza, bage kagaini banatalenga nerapa tippa mate.³¹Kebetulan, na ata imam nalawiza na lara. Nebana etaza na ata, nia na kako ghinnakidona monno bana kako neuppu lara a eka. ³²Ghinna ghai kaina parawina na iya ata Lewi, ne bana mai nepddou ne, nia nalawiza monno bana kako ne uppu lara a eka.³³Ba ka, Ghai na iya ata Samaria a tangara kako banalewata na nanna. ne bana eta na ata, nia narasa manawwarani. ³⁴Bage, na ata Samaria nabarrani, nakaboroza amanua-amanuani. Nia naorani ne minyak monno anggura, bage napenneni na ata ne ponnu keledaina monno nangindiza ne iya paddou taddo, bage narawata na ata. ³⁵Nekoka banaloddona, na ata Samaria napalozana riti 2 dinar monno nayawe barra tagu madaga ne paddou taddo monno natekkiwe, 'Rawata na ata amanua na. Monno, pirra pongnguko riti pabami taguna, zauwa ba agantiza ne baku baliga."'³⁶Bage, Yesu natekkiwe, "Menutghou, garrakudi ghidda ata a touda a jadi sesama atapia wali ata awarraka ne limmada ghidda perampoka?" ³⁷Na wale na ahli taurata, " ata a boghoge manawwarana barrana," Bage, ghinnage Yesu, "Kakoghu, monno rawige hal azama." Maria monno Marta³⁸Ghetti Yesu monno murd-murid-Na needi laradana, Yesu natamage ne iya desa monno na ata maghinne a ngarana Marta aragga Yesu ne ummana. ³⁹Marta ghaini oledadina manghinne a ngarana Maria amadii ne barra ghai Yesu monno arengewe papanungngana Yesu.⁴⁰Ba ka, Marata na allu pongu bana paghillige ngarakua paghilli a harusa banabazi. Marta kaina na barrai Yesu monno na tekkiwe, "Mori, du pedulikiwe Ghou bahwa oledadigu magninne gaiga zauwa baku paghilli kanuge ne paghilli? Patukani gai kana tuluga zauwa!" ⁴¹Ba ka, Mori nawaleza, "Marta, Marta, ghou kwatira monno bupakawangawe toumu monno mangeda hal. ⁴²Niakido iya hal abenningana. Maria napedewe ne tagu a dua, monno ne taguna ba dappadekekiwe wali barrana."

Papanungnga Taguna Doa ¹Ne appaiya loddona, Yeusu natabaya neiya pddou, ne Nia bana batabaya, "'Mori panungangama zamme tabaya ghinna ghai kaina Yohanesa banapanungngadi murid-muridna."²Badommo Yesu napaneghe barrada ghidda, "Ne yemmi bi tabaya, tabayaghu aghinnana ne: 'Ama, appakudusgowe ngara-Mu. Ammibage Kerajaan-Mu.³Yakoma barrama zamme pangaama atutu ne loddo, ⁴monno ampunmadi zala-zalama zamme sebab zamme dou kaina maampunbadi ngara ata a zala ne barrama zamme. Monno, ammana pangindima zamme nee dana banungngama."' Dengngiwe, Ghewawe, monno tuddawe⁵Badommo Yesu naneghe barrada ghidda, "Tudda kona neiya wali yemmi aghaina iya ole monno yemmi mikako ne ummana olemu ne tillu gede monno batekkiguwe barrana, 'Ole, ya tudduga zauwa touda kababa, ⁶orona naiya olegu nene tangara kako nelara dana na li ne ummagu, takka zauwa daiki agahaiga ne umma baku tawaraza barrana.' ⁷Anguniako naolemu wali umma dana awlewe, ' Ammana paullaga zauwa! Umma namakuzibawe monno zauwa lappata ana-anagu nee bama paddoubeika deta. Zauwa daku bisaki kedde taguna baku ya lakka appa barramu,' ⁸Zauwa kutekkiwe barramu bahwa lakka dana keddekupu naolemu bana yagu ne payana barramuorona yemmi basahabatanami, takka orona yemmi bidengngi pakita, nia pasti bana kedde monno bana ya appa ne yemmi pabutuhmi.⁹Baka, zauwa kutekkiguwe barramu dengngiwe, yemmi ba mideiba. Ghewawe, yemmi ba atobbokawe. Tuddawe, binna ba aghukkeme tagumi. ¹⁰Sebab bagarrakuni amadengngi ba adeibawe. Bagarrakuni amaghewa ba tobboka. Monno bagarrakuni atuddawe, binna ba aghukkena taguna.¹¹Gahikadu na iya paama ne barramu ba ayagu nippe barra anana ne nia bana dengngi igha? ¹²Atau bayani palettika, ne nia bana dengngi tollu? ¹³Ne yemmi a bokala paddege bapeighaina nepaya adua barra ana-ananmu, appakiawa Amamu a neene surgadana. Nia ba nayagu Roh Kudusa barra ata-ata a dengngi barra-Na." Yesu Nawaige Kuasana Allah¹⁴Ne apaiya loddona, Yesu naghalozi kabailika awli naiya kabani akabangnga. Ne bana louza ba na kabailika, na ata nena akabangnga napaneghe baliba monno ata mangeda amangaddala. ¹⁵Ba ka, ghidda apirra ata apaneghe, "Nia naghalozi kabailika monno kuasa Beelzebul, apimpinadi kabailika."¹⁶Ghiddapirr Ata waddeka anungnga Yesu, ghidd adengngiza Nia gai kana boghoge neiya tada walina surga. ¹⁷Ba ka, Yesu napaddege baappawe ne papikirda monno natekkidawe barrada ghidda, "Ngara kerajaan abua-bua monno aparaggana ba amaurraka. Monno, keluarga a mangngu anggota-anggotana apamusuhwekkina ba buata-buata.¹⁸Baka, niaka kabailika kaina napua-puawe monno nalawa douge netouna, peighaikonawe ne rerajanna baengage amapattu? Ne zauwa banunggukoge orona yemmi bitekkiwe bahwa Zauwa kuwaina kuasa Beelzebul taguna baghalozi kabailika-kabailika. ¹⁹Ne zauwa baku ghalokuzi kabailika-kabailika monno Beelzebul, monno garra kuasa kona ana-anamu baghalozi ghidda? Niaka orona, ghidda lolobana ba ajadi hakimmu. ²⁰Ba ka, Ne Zauwa bakuwaikoge kuasai Allah taguna baghalozi kabailika, Kerajanna Allah namaibawe barramu.²¹Niaka na ata apaghezzi awaina senjata tuba nadagawe tana douna, harta bendana pasti ba ne aman. ²²Takka, nia ba ghaiku a louka paghezzi wali nia naserangnga monno napakalabaza, baka ata alouka papahezzi harusa ba rampassazi senjata-senjata ne andalna na ole ata monno napibbi-pibbineharta parampasna. ²³Bagarrakuni na daneene barra-Gu, nia nalawaga Zauwa. bagarrakuni dapakuana barragu Zauwa, nia nabegha-beghazi." Balidommobana Roh Apazoputa²⁴"Nebana louzako roh apazoputa wali touna naata, na roh ba nakaliling bana lawiwe paddou-paddou amarokkota taguna mana ghewa paddou ngauna, takka nia dana tobbokaki. Orona ne, nia natekkiwe, 'Zauwa ba kubali ne umma pagaibagu.' ²⁵Ne bana bali, nia nadukkuige ne umma namazapu zingira monno narammi paduabawe. ²⁶Badommo, na roh apazoputa nakako monno nalaikozi apittu roh alouka dirraka walibarrana kanatama monno nadangngi ne umma ne niaka na ata nalouka kiaba paburukka daripada ghettipona." Ata-ata a Berbahagia²⁷Na Yesu bana tekkiwe ne, naiya ata maghinne a neena ne tillu-tillu ata mangeda berseru, "Apamaringngiwe rahim apaanabagu Ghou monno ghua tukkungau apazuzu Ghou." ²⁸Ba ka, Yesu natekkiwe, "Aberbahagia ata-ata arengewe lii mori monno nadekuge." Tada Yunus²⁹Ghidda ata-ata appakuana aloukakia pamangedana, Yesu napaneghe, "Generasi ne niabawe generasi a dirraka; ghidda atuntuta na iya tada, takka daipongnguki iya tada ne ba paboghoda barrada ghidda selain Yunus. ³⁰Yongngu yunusa a jadi tada taguna ata-ata ninewe, ghinna ghai kaidona Ana Atapia ba na jadi tada taguna generasi ne.³¹"Ne loddo kiamata, Ratu wali Selatan ba akedde dangngadi ata-ata wali generasi ne monno nia monno nia ba nahukumdi ghidda orona nia mai wali karape tana taguna bana rengnge hikmat Salomo, niaka ni nia ghai na ata alouka pakaladana daripada Salomo.³²Ne loddo kiamata, ata-ata ninewe ba kedde dangngadi generasi ne monno nahukumadi, oroda ata-ata niniwe adarra ketika Yunusa bana berkhotbah nearoda ghidda, sedangkan ni nia gahi na ata alouka pakaladana daripada Yunusa." Mata Niaduzi Pelita Wekki³³"Daiponnuki naata a baba papawegara pelita, ba na taige nepelita paddou amaurri atau ne kabu gantang. Ghinnaghaikaido, ghidda taige ne pelita ne ghai pelita niaka ata-ata atama daetaki mangewala. ³⁴Mata niaduzi pelita natoumu. Ba dua dona matamu, ngarakua toumu ba aponnuwe ne mangewala. Ba ka, badirrakako matamu, ngarakua toumu appnnuzi kapatta. ³⁵Orona ne, daga-daga wekkina gai kane mangewala kaneege tou danamu gai kadana kapttakage. ³⁶Niaka ne toumu bana bonnudoge mangewala monno daiki akapttana, ne toumu ba na mangewala zama yongngu neiya pelita banapamangewalaghu monno kagheghekana." Yesu Nateggurai Ata monno Ahli Taurata³⁷Na ayaesu bana ba papaneghe, na ata Farisi a undangnga-Za gai kangaa. Nia kaina na mai, bage namadii monno nangaa. ³⁸Ba ka, na ata Farisi namangaddala nebana eta Yesu danawanukidi ullukidi limma-Na badana ngaapo³⁹Takka, Mori napaneghe barrana, "Ata-ata Farisi yongngu apazingira ne gounga bekera monno angnga, takka ne toudanamu nabonnuge nebadda monno dirraka. ⁴⁰Ta ata-ata kataba! Indaniaki apaduawe ne gounga ghinnakaina bapaduawe ne dana? ⁴¹Orona ne, bagilolozi appa ne aghaina ne barramu dana sebagai sedekahmu. Monno ghinna ghaikaina, yemmi ba benar-benar zingira.⁴²Ba ka, celakalah yemmi, ata-ata Farisi! Sebab, yemmi miya perpuluhan nehasila selasi, inggu, monno ngaraku macam patodaka neomadanamu, takka yemmi diangngadangngakige ne adilla monno manawwarana Mori. Niaka ne ghinna,yemmi rawige ngarakua ne hal tanpa daingngadangage hal-hal a eka.⁴³Celakalah yemmi, Ata-ata Farisi orona yemmi a beige madii ne paddou adua ne umma tabaya monno ghiddakaina abeige deiba hormat ne paraggadana. ⁴⁴Celakalah yemmi orona yemmi yongngu kuburami a dappa tai tada, napadeke-dekeda ata tanpa ghidda basadarra,"⁴⁵Badommo, na iya ata ahli Taurata napaneghe barrai Yesu, Mori, ne Ghou butekkizi ghighidda, Ghou kain muhinama zamme." ⁴⁶Takka, Yesu nawalewe, "Celakalah yemmi , ta ata-ata ahli Taurata! Sebab, yemmi mitaini bebanna a boto taguna bakawaa ata waddeka, takka ne tou doumu dunauki botodowe ne bebanna monno iya wallalimma pongngumu.⁴⁷Celakalah yemmi orona bipakedde paddoupatane taguda nabi-nabi ne papamateda ghidda innakawedawaikamu. ⁴⁸Baka, yemmi mipaetage barra ngarakua ata bahwa yemmi miakuiwe nepata innakawedawaikamu; ghidda ba a pamatezi ghidda nabi-nabi, takka yemmi apadedezi kuburanda.⁴⁹Neniabawe sebabna, Mori nehikmat-Na napaneghe, 'Zauwa ba kuutusa nabi-nabi monno rasul-rasul barrada, takka apirra wali ata-ata pautus-Gu baapamatezi monno basikksai,' ⁵⁰gai raa ngarakua nabi, a malega walipoge netana bapadadige gai kapadukkage wali generasi ne,' ⁵¹mulai wali raa Habel dukki raa Zakharia, ne papamateda ne altar monno Bait Allah. ya, Zauwa kutekkiwe barramu bahwa ne generasi ba aterrege terhadap ne hal.⁵²Celakalah yemmi, ta ahli-ahli Taurata! Sebab yemmi midekeba kuzi papaddedangnga, takka yemmi douna dinauki patama monno bizadda-zadda ata wadde bana tama."⁵³Naba na Yesu nagaige ne paddou, ahli-ahli Taurata monno ata-ata Farisi mulaiba bamusuh-Ni monno teka-Ni monno ngarakua patuadani. ⁵⁴Ghidda apa iyana taguna baghappa na Yesu monno nepatekki patekkiba-Na.

Kemunafikan Kapala Yahudi ¹Tangara ghinna, nebaghaidrata ata apakuana monno ghidda apadeke wekkina, Yesu namulai bana paneghe barrada ghidda murita a louka paullu, " Daga-daga wekkina nearo ragi ata-ata Farisi, neniado kemunafikan.²Sebab, ngarakua amatodi ba aghukke ne amaurri ba apaoudage. ³Orona ne, appa ne patekkimi kapatta dana ba arenge ne mangewala dana monno nepakabuttika mi ne korodana ba apadukkige ne ponnu magho-magho umma. Madauta na Mori⁴Zauwa kutekkiwe barramu, hai sahabat-sahabatKu, ammana pamadautadi barra ghidda a bei pamate tou, takka babawe ne daparawibakige a louka pamarro dommo. ⁵Takka, Zauwa ba kupalologuwe taguna garra aharusa yemmi pamadautami; madautani barrai Nia, a baba papamate, ghinnakaina berkuasa a letomi yemmi nee neraka dana. Ya, Niadona a harusa yemmi pamadauta⁶Indaghiddaki 5 keila kii pabatta niakido awellina 2 kapbbika waina? Takka, dai pongnguki iya kikku wali ghidda keila-keila a bulladi nearo Mori? ⁷Baka, tangngada logemu nekatowa detamu kaina amakira. Ammana pamadauta, yemmi milouka papawelli daripada mangeda keila kii." Papalolo taguda a Amanyangkala Yesu⁸Zauwa kutekkiwe barramu, na ata a akuiga Zauwa ne aroda ata wadde, niakaina ba pa akuida ole Ana Atapia nearoda malaikata-malaikata Mori. ⁹Ba ka, na ata amanyangkalaga Zauwa nearo ata wadde niakaina ba asangkala nearo malaikata-malaikata Mori. ¹⁰Monno, bagarrakuni a tekkiwe ne aiya a lawani Ana Atapia monno uwwaopiza, takka bagarrakuni akatuwwekani Roh Kudusa ba da uwwaopibaza.¹¹Ne ghidda mangindighu nee umma tabaya monno nee aroda ghidda kapala monno penguasa, ammana pakwatira taguna bapei ghaimi yemmi bibela toumi atau appa aharusa patekkimi yemmi, ¹²sebab nemeghinna mema kaina Roh Kudusa ba napanungngagu taguna appa aharusa patekkimi yemmi." Tudda taguna Ata Bonguna¹³Naata antara wali na ata mangeda apaneghe barrai Yesu, "Mori, Patukani oledadigu taguna bayaga warisan barragu." ¹⁴Ba ka, Yesu natekkiwe barrana, "Oledadi, garra akeketaga Zauwa menjadi hakim atau pengantara ne toddumi yemmi?" ¹⁵Badommo, Yesu natekkidawe barrada ghidda, "Daga-dagawekkina monno waspadami ngarakua bentuk abadda orona moripa iya ata dana bergantungke barra mangedana harta ne nia pamilikana."¹⁶Baka, Yesu napadukkige ne iya tudda barrada ghidda, "Ghai tanah milikana na ata bongu langngutakkana a hasilana mangeda tetakka hasil panen. ¹⁷Niaka, na ata napangaddage ate danana, 'appa a harusa parawiguorona zauwa badaibaki paddou dommo taguna baku baddalazi hasil panengu?' ¹⁸Monno, nia napaneghe, 'Neniabawe nezauwa parawigu. Zauwa ba kuhuggaradi lumbung-lumbunggu monno kupakedde a louka pakalana. Na nanna, zauwa ba kubaddala ngarakuzi gandum monno barang-baranggu. ¹⁹Bage, zauwa kutekkiwe barra dewagu, 'Ta dewagu, ghou mumilikana mangeda barang abaddala taguna iyadou-iyadou; ngaghu, ngaa, enu, monno senang-senangghu!'²⁰Takka, Mori natekkiwe barrana na ata, 'Ta ata kabika! Ne gedde mema, dewamu ba a dekegu walibarramu. Bage, garrakuni ba amilikana barag-barang nepabaddalami yemmi?' ²¹Ghinna ghaikaidowe ba a terjadi barra ata abaddala harta tagu tou douna, takka dana bongukina nearo Mori." Ammana Kwatirra²²Yesu natekkidawe murid-murid-Na, "Sebab ne, Zauwa kutekkiwe barramu, ammana kwatirra taguna moripamu,tentangne appa ba nepangaami. Atau, kwatirra tentang toumu, tentang appane ba pawaimu. ²³Sebab, moripa napentingpowe daripada pangaa monno tou louka papentingnga daripada kalabbi.²⁴Etazi keila-keila gaga. ghidda damenaburaki monno damenuaiki, ghidda kaina daiki gudangda atau lumbung, takka Mori nayadi ghidda pangaa. Yemmi miloukapo paberharga daripada ghaida keila-keila. ²⁵Garrai ne antara yemmi aorona kwatirra nebana tabowe sehasta kidonane umurra moripana? ²⁶Nia yemmi dipaddeki parawige ne hal-hal akiina ne, peina yemmi bi kwatairrage hal-hal a eka?²⁷Pazarrani bunga bakung, peigahida badadi. ghidda bunga-bunga dapaghilli botoki atau memintal, takka Zauwa kutekkiwe barramu, baka Salomo nee kemuliaan pongnguna dana tauki kalabbi amanadana salah satu wali ghidd bunga-bunga. ²⁸Niaka Mori na mendandani ruta ne maraddadana, ne loddo na dadi monno koka akapettini nee api dana, indakinia bana mendandanimu louka wali nagha ruta? Hai, yemmi da a waige!²⁹Niaka, ammana ne yemmi paghewa appa ne ba pangaami atau appa ne ba paenumi, monno ammana mencemaskannya. ³⁰Sebab, bangsa-bangsa ne ponnu tanah naghewa ngarakuawe ne, takka Amamu napaddege bahwa yemmi mibutuhwe.³¹Ghinnaghaikaina, ghew a ulluwe Kerajaan Allah, baka ngarakuanawe ba atabogo barramu." ³²Pakuana Harta nee Surgadana Ammana pamadauta, hai kawanan kii, orona Amamu berkenan nayawe barramu ne Kerajaanna.³³Battadi ngaraku ne milika mi monno yadi sedekah. Paduawe tagumu kantong riti a darusaka, ne niado harta a neena surgadana a damuana, dapabisada ba dekezi ata kedu ataupun baparusakazi ngengat. ³⁴Sebab, ne paddou hartamu baghaidi, nee gaige ne atemu." Hamba Asetia Rawige taguna³⁵"Hendaklah kobbumu engage amakette monno pelita-pelitamu engadi amanyala. ³⁶Jadilah yongngu ata-ata aparemana tuanna bali wali rame pernikahan gai ghidda baghukkewe binna taguna, na tuan na nabali monno natudda binna.³⁷Nekapamaringngizi hamba-hamba, akoledi tuanna basiap sedia, ne nia ba ammini. Zauwa kutekkiwe barramu, ghinnatakkana, nia ba nakettege kobbuna bana melayani monno napatukadi pelayan-pelayanna kamdii manaa. Nia namai monno nalayanidi ghidda. ³⁸Niaka na tuan namai ne tillu gedde atau diddara loddo monno akoledi ghidda nede rawikaige ghinnana, apamaringizi ghidda!³⁹Takka paddege, nia na ata tuan umma napaddeni jam piira nakedu bana mai ummana, nia ba dana gaikige ummana banogarage. ⁴⁰Ole orona ne, yemmi kaina harusa selalu siap sedia orona Ana Atapia bana mai ne rapa dappa sangka-sangka mi."⁴¹Badommo, Petrusa natua barra-Na, "Mori, appa ne Ghou mupadukkige ne tudda niakido barrama zamme atau barra ata mangeda kaina?" ⁴²"Garrakuni kapala pelayan a padeku a bijaksana na pawaida tuanna taguna bana etazi hamba a eka, taguna bana yadi ghidda ngaa nerapa a a tepat? ⁴³Paringizi na hamba, neba ghai na tuanna amai, akole nia nena apaghillige taguna. ⁴⁴Zauwa kutekkiwe barramu, ghinna takkana, na tuan ba na napedeza taguna bana etaza ngarakua douna.⁴⁵Ba ka, niaka na atana bana paneghe neate danana, 'Tuangu dana mai memaki,' monno mulai ba paluzi ata kabani monno ata maghinne waddeka, badommo ngaa monno enu dukki bamabokka, ⁴⁶Neba ammini tuanna, nerapa dappa padde dangnga monno dapaddekige na ole atada, sang tuan ba napamate na atana monno natai dangngani ata-ata adapadeku.⁴⁷N a ata apaddena babeina tuanna, takka dana siap sediaki atau manapaghillige sesuai nepabeina tuanna ba kole ngedana palu. ⁴⁸Takka, na atana dapaddege baappa ne pabeina monno napaghillige hal-hal a pantas bana kolena palu, nia ba nakolena palu a yodikidona. Ngara na ata payada a luana, atuntutza amangeda. Monno, ne ghidda pawaida na louka paluage atuntuta a louka pamangeda dommona. Yesu Narawige Pamabeghadangnga⁴⁹Zauwa baku mai kuletona api ne ponnu tanah, monno Zauwa kudengngi api a wegara ba! ⁵⁰Ba ka, ghai ne baptisan aharusa Baku pakakowe, monno Zauwa kurasa langngutakkta baku matane dukki hal banatutuwe.⁵¹Appa ne yemmi bisangka bahwa Zauwa mai taguna baku ngindiwe dame ne ponnu tanah? Indaki, Zauwa kutekkiwe barramu, wattena papegha! ⁵²Mulai nemeghinna, limma ata neiya keluarga ba apeghazi. Touda ata ba agabbani a duada ata monno aduada ata agabbadi atouda ata. ⁵³Ghidda ba apeghazi; ama agabbani ana kabanina, monno ana kabani agabbani amana. Inna ba gabbani ana manginnena, monno ana maghinnena ba agabbani innana. Inna mantu ba nagabbani wazzena maghinnena, monno wazzena manghinne ba agabbani inna mattona." Menafsirkan Zaman⁵⁴v54 Bage, Yesu natekkiwe barrada ata mangeda, "Ne bi eta ne karoba apakuana ne sebelah barat, yemmi mitekkiwe, 'Urra ba naburru,' monno urra naburru takka. ⁵⁵Ne bi rasaza na paringngi bana manghughura wali selatanna yemmi mipaneghe, 'Ne loddo ba nabangata langngutakkawe,' monno neghe namarawi takka pongnguwe. ⁵⁶Yemmi ata munafik! Yemmi padde bitafsirge ne langita monno tanah, takka peinawe yemmi bidipadde patafsirwe ne zaman?''⁵⁷"Appa ne yemmi douna dipadde papuatawe appawe neadua? ⁵⁸Yemmi bi kako bipazamadangngadi musuhmi taguna biarodi tagupareta, usaha pongnguge gai kibawe masalahmu monnonia ne laradana gai nia kadana tongngukaghu barra hakim monno hakim ba ayagu barra pengawal, monno ghidda pengawal ba aletogu nee gollu dana. ⁵⁹Zauwa kutekkiwe barramu, yemmi ba di louzaki wali nee neba dibayarpudi ghuttami dukkige pesera akadukkana."

³Pakadangnga taguna Badarra ¹Na nananna, ghaidi apiira ata atekkinawe Yesu tagu ata-ata Galilea araana papakaulana Pilatusa monno kurban papamaraka ghidda. ²Wale Yesu barrada ghidda, "'Appa ne yemmi bikirazi ata-ata Galilea louka pazalah daripada ata-ata Galilea waddeka orona ghidda bamenderita nghinnana ne? Zauwa kutekkiwe barramu, indaki, niaka yemmi didarrako, yemmi ngarakua ba mimate.⁴Atau mengenai akabullu paddo ata a mate, neghe kaladdakana ne barra kolam Siloam warraka monno padaadi ghidda, appa yemmi mikirazi ghidda arawina zala a louka kawirra daripada ngarakua ata a dangngi ne Yerusalemma? ⁵Zauwa kutekkiwe barramu, indaki. Ba ka, ne yemmi bidi darrako, yemmi ngarakua ba mimate!" Ghazu a Daina Ghuana⁶Yesu natekkiwe ne tudda: "Ghai naiya ata aghaina kadipullu ghayu ara ne patodakana ne oma anggurana. Ba ka, ne bana mai taguna bana ghewa na ghua ghazu, nia danatobbokakiza. ⁷Niaka, nia napaneghe barra tukang omana, 'Touda ba douna baku mai paghewa ghuana na ghazu ara na, takka zauwa indazadapongnguki baku tobboka iya. Pogopoza na gahzu! Appa naharusa pasia-siakange ne tanah taguna na ghazu?'⁸Ba ka, tukang oma nawalewe, 'Tuan, gai kiaku na ghazu dommo ne dou kana ghua.Gaikoga zauwa kaku koda tanah ne barrana monno kuyani pupuka, ⁹mungkin na ghazu ba ghai ghuana ne dou aro. Ba dana ghua dommo ko, Tuan bisa bupogoza,"' Yesu Napalangngana ne Loddo poddu¹⁰Ne paiyana, Yesu napangngana neiya umma tabaya bana loddo podduna. ¹¹Ne nee ghaina iya manghinne parusaka roh niaka a rawini karodduka amadoi kabullu paddo douna. Ghodona na maghinne nakabukkuwe lappata dana paddeki padede diddara.¹²Na Yesu bana etaza, Nia nakadangngani namaghinne monno natekkinawe, "Ta maghinne, yemmi apakalobaghu wali karoddukamu." ¹³Badommo, Yesu nataidi limmana barrana namaghinne monno nemeghinna meme kaina na padde padede diddara monno deika Mori. ¹⁴Ba ka, kapala umma tabaya na geram orona Yesu manapalgngana karodduka ne loddo poddu. Nia napaneghe barra ata mangeda, "Ghaige enne lodduna taguna bapaghilli. orona ne, maighu taguna bapalangngaghu ne loddo-loddo ne, indaniake ba loddo podduwe."¹⁵Takka, Mori nawale na ata, "Yemmi ata-ata munafik! Inda yemmiki ngarakua apazallazi zape atau keledai doumu amakette ne golludana monno butuntundi balouza taguna baenu ne loddopoddu? ¹⁶Orona ne, indaniaki na maghinne na, naata turunanna Abraham napakette bada ne kabullu paddo douna ole kabailika, ghiddakaina harusa bapazillizi wali ne belenggu ne loddo poddu?'¹⁷Na Yesu bana tekki ghinnage, ngarakua lawa-Na apamakkezi, monno ata mangeda bersukacita nengarakua parawina ajaib nepa babana neparawi-Na. Tuddawe Biji Sesawi monno Ragi¹⁸Badommo, Yesu napaneghe, yongngu appa ne Kerajaan Mori? Monno appako Zauwa baku patudda waige? ¹⁹Ne Kerajaanna Mori yongngu biji sesawi ne padekeda ata monno patodaka ne omadanana; na biji nadadi bana jadi ghazu, monno keila-keila ne togona appadua obbu ne ne karaa-karaana."²⁰Monno nia dommo napaneghe, "Monno appako zauwa baku patuddage Kerajanna Mori? ²¹Ne Kerajaanna Mori yongngu ragi ne padekeda na ata manghinne monno napakaulage ne tuoda sukat tepung lappata ngarakua ne adonan namaghubbewe." Niakidowe Yodina a Paslamatada²²Yesu nanuduzi kota-kota monno desa-desa, nia napanungngana monno nakako pakita bananudu ne Yerusalemma. ²³Bage, naiyaata natua barra-Na, "Mori, appa niakiduzi ata yodina pasalamata?" Yesu napaneghe barra ghidda ngarakua, ²⁴"Katikkawekina taguna mikolege bitamage ne binna a dingngota; sebab Zauwa kutekkiwe barramu, mangeda ata ba berusaha tama ne nee, takka ghidda ba dabisaki.²⁵Ne binna ummana, takka ne yemmi ne medede ne gounga monno tudda binna sambil bipaneghe, 'Tuan, tulima ghukke kaima taguma zamme.' Nia ba ' nawalewe, 'Zauwa daku paddekimi yemmi bage wali niami.' ²⁶Bage, yemmi ba miwale, 'Zamme mababa pangaa monno enu dangngagu Ghou. Ghou mupanungngabana ne lara-lara kotama zamme.' ²⁷Takka, Nia banawalewe, 'Zauwa daku kenakighu monno daku paddekige bage waliniamo. Kakoghu wali barragu, yemmi ngarakua arawige dirraka!'²⁸Yemmi ba mingio monno bipatarikadi nguddumi ne bieta na Abraham, Ishak,Yakub, lappata ngarakua nabi aghaina ne Kerajaanna Mori sementara yemmi aletomi ne gounga. ²⁹Badommo, ata-ata ba amai wali timura monno barata, monno wali kaina utara monno selatanna. Ghidda ba madii monno ngaa ne Kerajaanna Mori. ³⁰Ghinnatakkana, ata-ata a murri ba ghidda a ullu monno ata-ata a ullu ba ghidda a murri." Yesu Harusa Kako ne Yerusalemma³¹Ne ghinna ne, apirra ata Farisi amai barrai Yesu monno bapaneghe, "Kakoghu, gaige ne paddou ne orona Herodesa nabei bana pamate-Ghu." ³²Yesu nawalezi ghidda, "Kakoghu monno tekkinawe barrana na rubah, 'Ne loddo monno koka,Zauwa ba kughalozi roh-roh dirraka monno palangngazi ata, monno loddo pakatouda waida, Zauwa ba a bawe papaghilli-Gu. ³³Ba ka, Zauwa harusa baku palitage nepakako ne loddo, koka, monno mewa orona dana mungkinkiwe na ata nabi ba mate ne gounga Yerusalemma.³⁴Yerusalemma, Yerusalemma! Yemmi mipamate ghidda raja monno merajam ata papatuka barramu! Berulang kali Zauwa beige baku pakuadi ana-anamu, zama ghai kaiza nabeida manu apakuadi ana-anana ne kabu kapana. Ba ka, yemmi di nauki. ³⁵Nemeghinna ummamu ba apakagola monno nakaringngiwe. Zauwa kutekkiwe barramu, yemmi ba di etbaga Zauwa ba dukki bana riakawe rapana yemmi bitekkiwe, 'Apamaringngiza Nia a mai waige ne ngara Mori!

Taguna Bapalangngana ne Loddo Poddu ¹Ne apa iyana loddo Poddu, Yesu namai ne ummana na iya ata kapal ata-ata Farisi kana ngaa dangngani kababa monno ghidda ngarakua apatetini Yesu. ²Ne rapa, ghai naata akarodduka busung wee ne aro-Na. ³Yesu na tekkiwe barrada ata-ata Farisi monno ahli-ahli Taurata, " appa nabisawe bapalangngana ata ne Loddo Poddu?"⁴Ba ka, ghidda dawaleki-Za, Bdommo, Yesu kaina naterreni na ata karodduka monno napalangngaza, baka napatukani na ata kako. ⁵Yesu natekkiwe barrada, "Garrani wali barra ne yemmi niaka na anana atau zape manena awarraka nee zumur dana ne loddo Poddu, dappa palouza memake ne ngounga?" ⁶Baka, ghidda kaina da bantakiwe patekki-Na. Paddou Papaaka⁷Badommo, Yesu natekkiwe ne iya tudda barra kulla-kulla babogho ne Nia bana etazi bapeighaida ghidda bapede paddou-paddou madii ane papaakada ne barra meja ngaa, ghinna-Ge barrada ghidda, ⁸" Niaka ne ghou baboghogu na ole atamu ne iya rame pernikahan, ammana pamadii ne paddou papaakada orona na tuan umma noto nabogho badi ata a louka neenaarowalibarramu. ⁹Baka, na tuan umma ba namai barramu monno natekkiwe," Yawe ne paddoumu barrana na ata!' Monno, yemmi kaina harusa bi dikki ne paddou a paling radeka monno rasa makke.¹⁰Takka, ne yemmi baboghokumi, madiimi ne paddou aneena pongnguna lira gai kaghidda boghogu ghou mai, nia ba natekkiwe barramu, 'Monno ghinnage, yemmi ba mukolege ne papaaka nearo ata-ata amadii angaa dangngagu ghou. ¹¹Sebab, ngarakua ata apamadeta touna ba aparadekaza, takka nia aparadeka wekkina ba namadeta." Pabogho Ngaa monno Pabalasa¹²Bage, Yesu napaneghe barra na ata a bogho-Ni, "Ne yemmi baghaikoge jamuan ngaa loddo atau ngaa gede, ammana paboghona ole-ole, angughua-angughua, kaum keluarga, atau ole barra umma abonguna orona ghidda ba abalasaghu ba boghogu taguna ngaa dabba barrada ghidda.¹³Ba ka, nebi rawikona rame, boghodi ata-ata dengo, ata-ata cacat,ata-ata kalikku, monno ata-ata kaburra. ¹⁴Monno, yemmi ba apamaringngi orona ghidda ata-ata dana madukkikiwe balas balighu; yemmi ba mikolege balasanna ne rapa keddeda ata-ata dua." Tudda taguna Bogho Jamuan Ngaa¹⁵Na iya ata angaa dangnga-Ni narenge nepatekki-patekki ne, na ata napaneghe barra-Na, "Napamaringngiza ata ba angaa kababa ne dana Kerajaanna Mori." ¹⁶Ba ka, ghinna ge Yesu barrana na ata," ghina na iya ata apadua jamuan ngaa gede akaladana monno nia naboghona mangeda ata, ¹⁷monno ne rapa ngaa gede nariakaba, na ata napatukani atana taguna bana tekkiwe barra da kulla nepabogho bana ne, 'Mailolo, orona ngarakua basiapba.'¹⁸Takka, ngarakua kulla pabogho da mulai barawina alasan-alasanna. Naata ullu natekkiwe, Zauwa ghodi ghoigo na iya oma monno zauwa harusa baku kako paetawe. Deibaga padengngigu baku eijage.' ¹⁹Ghidda waddeka apaneghe, ' Zauwa ghodi ghigu limma pasang zape monno zauwa harusa baku kako taguna baparetazi ghidda zape-zape. Deibaga padengngi eijagu ²⁰Sementara a eka dommo apaneghe, 'zauwa ghodi ba lengngegu panikah. Orona ne, nia zauwa ka daku bisa mai.'²¹Bage, na tagupadola kaina nabali monno nalapurawe ngarakuana barrana tuanna. Niaka, na majikanna nabaniba, bage napaneghe barrana na palayanna, ;Ngattana! Kakughu ne lara-lara monno ngarakua gang ne kota ne. Ngindigadi barragu ata-ata dengo, ata-ata kalikku, ata-ata kabeko, monno ata-ata kaburra. ²²Badommo, na padolana na tekkiwe barrana, 'Tuan, zauwa kurawi bage appa ne ghou paparetamu, takka ghai poge paddou a kosongnga.'²³Na tuan napaneghe barra atana, kako koghu ne lara-lara kalada monno ngara gang. Laikozi ata-ata ne nee taguna ba mai nia ummagu ka bonnuna. ²⁴Zauwa kutekkiwe barramu, dai pongnguki iya ata wali ghidda ne paboghogu ullugu ne ba nikmatiwe nepangaa sajianku,"' Taguna Badekuni Yesu²⁵Mangeda ata kako pazama-zama dangngani Yesu. Badommo Yesu naaro barrada ghidda monno napaneghe, ²⁶" Niaka naiya ata mai barra-Gu takka dana buttukidi ama monno innana, manghinnena monno ana-anana, oledadina kabani monno oledadina maghinne, baka moripana nakanua, nia dana bisake bana jadi murita-Gu. ²⁷Garra pongngukuni a dakawaa salibna monno dekuga Zauwa, nia dana bisake bana jadi murita-Gu.²⁸Garrani ne barra yemmi a beige padede neiya menara, takka dana madii ullu beliki monno dana kirakizi biaya taguna bana paddedi appaka nia namilikana tutu rititaguna bana bazi? ²⁹Ba inda ghinnakowe, ne nia banataige pondasi monno dana dukkakige bana bawene, ngarakua ata a etaza ba amaditai nia. ³⁰Ata-ata ba a paneghe, 'Ata na madukkikawe pakedde, takka nia dana dukkakige banabawene.'³¹Atau,geniakuni raja ba a kako papatauna gabbadi raja wadde takka dana madii ulluki monno napangaddageappakah nia napazama 10.000 tentarana bagabbadi musuhna a milikana 20.000 tentara? ³²Niaka ne nia dana bisako bana palakazi ghidda raja waddeka, nia ba napangindina na ata papatuka monno natuawe appa-appawe padamedangnga ghidda pasukan gabbana ba marropo. ³³Ghinna ghai kaina ne yemmi masing-masingnga, dai pongnguki iya ata ne barra yemmi a jadi murita-Gu niaka ne nia badana yakuakuzi ngarakua aghaini." Mei a Kabba Daiki Gunana³⁴"Ne mei naduawe, niaka ne mei bana muabakoge rasa meinawe, peighaikonawe gai kana mei balige? ³⁵Mei ne dana bisa bake bawai dommoge taguna oma atau pupuk lappata ata baniakido banaletoge. Garrakuni a mangu katilluna bana rengnge, gaikuni nia kana rengnge!

Tudda Domba a Muana ¹Gidda apakuana pajakka monno ata zalah atukke barrai Yesu taguna barenge-Za. ²Badommo, ata-ata Farisi monno ahli-ahli Taurata mulai menggerutu, "Ata na nadeibai ata-ata zalah monno baka na ngaa dangngadi ghidda"³Badommo Yesu natekkiwe ne tudda barrada ghidda ghinna-Na, ⁴"Garrani ne barra yemmi niaka milikana 100 ekor bebe, monno namuana naiya, ba dana gaikidi a 99 ekor waddekana ne marada kikapa? Inda niaki ba a kako paghewazi ghidda muana dukki nia bana tobbokazi? ⁵Monno ne nia na tobbokabazi, nia ba nalirazi ghidda domba ne ponnu lakona monno namahehera langngutakka.⁶Nebana dukki ne umma, nia ba nakako padukkidi ole-ole monno pabarra-pabarra lappata atekkiwe barrada ghidda, ' Bergembira dangngaga orona zauwa baku tobbokaza dombagu amuana.' ⁷Zauwa kutekki barramu, ghinna ghai kaido ba ghaige sukacita alouka kalada ne surgadana ata 1 ata azalah adarra daripada atas 99 ata dua a da butuhwe nedarra. Tudda Riti a Muana⁸Atau ge maghinne nia a ghaina kabullu kabikka riti perak, niaka nia bana muakoge iya kabikka ne antarana, dana pawegarake pelita monno nazapu ummana, bage naghewa ne kabikka riti bana daga-daga dukkie nia banaetabaliwe? ⁹Monno,apabila nia bana tobboka baliwe, nia nakadangngadi ole-ole monno pabarra-pabarrana monno natekkiwe barrada ghidda, 'Bergembira dangngaga orona zauwa baku tobboka ba ne kabikka amuana ne.' ¹⁰Zauwa kutekkiwe barramu, ghinna ghai kaina ghai sukacita na barrada ghidda malaikata Mori orona iya ata zalah a darra." Tudda Duada Lakawa Kabani Ana Kamurri Againi Amana¹¹Badommo Yesu napaneghe, "Ghai naiya ata a gahaina duada ana kabanina. ¹²Ana kamurri napaneghe barra amana, 'Ama, yagadi barragu ghidda harta a jadi miklikagu.' Baka, amana kaina nabagizi kekayaanna barrada aduada anana.¹³Dana madoi dommoke, ana kamurri napakuadi ngarakua taguna, bage nakako nee wanno amarro monno ne nee nia nahambur-hamburdi milikana bana moripa berfoya-foya. ¹⁴Ne nia bana pababadi ngarakuana, namarawibawe ne kareba alangngutakkana ne wanno ne, monno nia kaina namulaiba berkekurangan.¹⁵Niaka, kakobana nia monno napaghilli barra ata dou ne wanno, apatukani nee omadana taguna bayadi ngaa wawi-wawina. ¹⁶Nia nabeilangngutakkage bana paige tiana monno ghua karob ne pangaada ghidda wawi-wawi, takka daipongnguki iya ata ayani barrana. Lakawa Kamurri Bali barra Amana¹⁷Na lakaw kamurri na sadara, nia napaneghe, 'Appako mangedana tagupaghilli-tagupaghillina amagu aghaina pangaana berlimpah-limpah, takka zauwa ni nia tipa mate kareba. ¹⁸Zauwa baku kedde monno kubali barra amagu. Zauwa ba kutekkiwe barrana: Ama, zauwa kuzalahba barrana surga monno ne aromu. ¹⁹Zauwa daku pantasbaki bu tekkiga anamu, yakaikoga zauwa ne ata pekerjamu,'²⁰Baka, dedebana nia monno nakako barra amana. Ba ka, na ana ba neepongngupona marro, amana na eta nia monno namanawwara langngutakkani, na amana namalle bage naghapuza monno nadekkiza. ²¹Badommo, na lakawa napaneghe barra amana, 'Ama, zauwa kuzalahba barrana surga monno ne aromu. Zauwa daku pantasbaki tekkiga anamu,'²²Takka, amana natekkidawe tagupadola-tagupadolana, 'Ngattana! Ngindiwe kalabbi a dua bage pataunawe barrana. Tau kaini tahurru ne walla limmadetana monno kappi ghai ne gahaidetana. ²³Gindiza nia ana zape a morru monno tebaza. Mai kata ngaa monno bergembira, ²⁴orona na anagu namateba, takka nemeghinna namoripa baliba! Nia namuabana, takka nemeghinna tobboka balibaza!' Baka ghidda kaina amulai babergembira." Lakawa Sulung Bani ni amana²⁵Ne netti, na lakawa sulung tangngara neeni omadana, monno ba ne nia ghaibani ne barra ummana, nia narenge lii musika monn anego-nego. ²⁶Niaka, nakadangngai na iya wali ata-atada monno natua appawe ne marawi. ²⁷Nawale na pelayan barrana, 'Allikamu ghaibana mai, monno amamu nateba ana zape a morru, orona nia bana baliba bana selamata.'²⁸Takka, lakawa sulung nabani mono dana nauki tama lappata amana na louza bana laikoza. ²⁹Ba ka, nia napaneghe barra amana, 'Bertahun-tahun zauwa baku paghilli melayanimu mono daku pernah pongnguki baku gaigo paretamu, takka ghou baka du pernaha pongnguki buyaga iya ekor ghibbi bou gai zauwa kaku pesta dangngadi ole-olegu. ³⁰Takka, na anamu na bali ba napabagu hartamu monno pelacr-pelacur, ama tebani ana zape amorru taguna.'³¹Baka, amana nawale barrana, ' Anagu, yemmi selalu bipazamadangngaga, monno ngarakua aghaina niadu milikamu. ³²Takka, ne loddo ghitto harysa batapesta monno bersukacita sebab naallikamu na mateba, takka nemeghinna namoripa baliba; nia na muabana, takka nemeghinna tobboka balibaza."'

Ghitto Databisaki Batalayani Duada Tuan ¹Yesu napanegghe barra murid-murud-Na, "Ghai na iya ata a bonguna a ghaina kapala padolana. Monno, na ata kaya alaporaza bahwa kapala pelayanna nababazi hartana. ²Orona ne, na ata kaya na kadangdangngani kapala pelayanna monno natekkiwe, 'Appa ne parengngegu netagumu ne? Yawe ne pertanggungjawaban atas nepapaghillimu orona yemmi dana bisa dommo bake baku jadi bendaharagu.'³Na kapala padola kaina napangaddage, 'Appawe ba parawigu orona nemeghinna tuangu napecat baga zauwa wali nepapaghilligu? Zauwa daku paghezzi piaki baku kanakka monno makke taguna baku badengngi. ⁴Zauwa kupaddege appawe a harusa neparawigu gai kadapecatkaga wali bendahara, ata-ata ba adeibaga ne ummada ghidda.'⁵v5 Badommo, nia kaina nakadangngadi ngaraghidda ata apaghutta barra tuanna. Barrana na iya ata nia napaneghe, 'Pirra ghuttamu barrana tuangu?' ⁶Na ata nawalewe, 'Ngau bat minyak zaitun.' Bage, na kapala tagupadolana napaneghe barrana, 'Dekewe zurata ghuttamu, nema diighu monno tulisaza 50 bat.; ⁷Badommo na kapala pelayan namatua barra ata wadde, 'Pirra luada ghuttamu?' Na ata nawaleza, 'Ngau kor gandum.' Bage nabendahara napaneghe barrana, 'Dekewe zurata ghuttamu monno tulisaza bahwa ghuttamu 80 kawaa.'⁸Badommo, na ata bonguna nadeikaza kapala padolana na a da jujura orona nia batindaka waige padde nepaurus dangnganai oleatapiana daripada ana-ana mangewala. ⁹Zauwa kutekkiwe barramu, paduawe persahabatan monno mamon a da dua gai ne mamon na babawe, yemmi ba araggami ne umma abadi.¹⁰Bagarrakuni a padeku ne hal-hal a kiina, nia kaina napadeku ne hal-hal akaladana. Monno, bagarrakuni a da jujura ne hal-hal akiina, nia kaina dana jujurki ne hala-hal akaladana. ¹¹Niaka, neka ne yemmi bada waikumi tagu na bikalolazi harta ponnutanah, bagarrakuni ba pawaida harta a ghinna takkana barramu? ¹²Monno, neka ne yemmi bada waikumi biwaidi milikana ata wadde, bagarrai ba aya appa ne a harusa jadi milikamu?¹³Daiki tagupadola ayadi duada majikan orona nia ba nabuttuni majikan a iya monno nabeini majikan a eka. Atau, nia ba napadeku barra majikan a iya monno dana angngakidi a waddekana. Yemmi dibisaki biyani Mori monno mamon." Palolo taguna Ata Farisi¹⁴Ata-ata Farisi, a niaduzi abei pongnguna riti, arengewe nene atedeka Yesu. ¹⁵Yesu natekkiwe barrada ghidda, "Yemmi bane ata-ata a pabennarawe tou douna ne aro atapia, takka Mori napaddege i atemu a ghinna takkana orona na napaagung-agungkanda ne antara atapia niadowe nene pamadiggiladangnga ne aro mori.¹⁶Hukum Taurata monno ghidda nabi apanungngage dukki na Yohanesa; ghettipona na Yohanesa, Kabara Adua taguna Kerajaanna Mori apadukki bage monno ngarakua ara aruppunawe taguna neba tama ne barrana. ¹⁷Takka neghinnatakkana, loukapo paduawe tagu langita monno tanah banalenyappa newali iya titika nee hukum taurata azddawe. Taguna Bapegha¹⁸"Naraga na ata apeghadangngani maghinnena monno nanikahdangnga maghinne eka, nia narawige zina, Monno, ata anikahdangngani maghinne na paeghadangngana laena, niakaina narawige zina.'' Ata Bongu monno Lazarusa¹⁹"Gahi na ata kaya a selalu bana tau kalabbi ungu monno kaba linen, monno nabersenangnga iya loddo iya loddo ne banapaduawekkina. ²⁰Ne binna gerbang ummana na ata kaya, nabeikaba na ata dengo a ngarana Lazarusa, netouna nabonnuge kadekketa. ²¹Nia naharapa ba yani ngaa lakka appawe awarraka ne wali meja detana na ata kaya; baka bagga-bagga mai monno adailiwe kadekketana.²²Ne ghettina, na ata dengo na mate monno angidiza ole ghidda malaikata ne babadetana Abraham. Na ata kaya kaina na mate bage ataneni. ²³Nee alam maut, nebasiksa, na ata kaya natangara ne togona monno naeta Abraham ne amarro pazamadangngani Lazarusa ne babadetana.²⁴Monno, na ata kaya nakadangnga, 'Ama Abraham, manawwarakiga zauwa monno patukani Lazarusa kalobburai uppu limmana ne wee monno kanapalotikaga lammagu sebab zauwa menderita ne api dana awegara.'²⁵Ba ka, Abraham natekkiwe, 'Nak, lolowe ne bi moripa po, yemmi mideiba ba hal-hal adua, sementara Lazarusa nadeibawe hal-hal adadua; ni nia Lazarusa ahiburaraza, tangngara yemmi asikksami,. ²⁶Wattena ne ngarakua, nghaige ngaba kalada abeghada ghitto niaka ata beige pala wali nia ne paddoumu dana bisake bapala, monno ata a wali paddou kaimu da bisaki bapala ne paddoumi yemmi.'²⁷Bage, na ata kaya napaneghe, 'Neba ghinnako, zauwa kudengngi barramu Ama, patukani Lazarusa ne ummana amagu, ²⁸orona zauwa ghaide limma oledadigu kabani. Gai na lazarusa napalolo dangngada ghidda gai ba ghidda kada tamakana nee paddou pasikksada.'²⁹Takka, Abraham napaneghe, Ghidda ghaige hukumna Musa monno kitabda ghidda nabi, gaikudi ghidda kapaddege wali ngarakuana ne.' ³⁰Ghinna dommoge na ata kaya, 'Indaki, Ama Abraham. Niaka na ata wali barra ata mate mai barrada ghidda ghuddi niawe ghidda badarra.' ³¹Nawale Abraham barrana na ata kaya, 'niaka oleda-oledadimu na rengngewe Hukum Musa monno kitabda ghidda nabi, ghidda ba dana paddeki bawaidi, baka olena naata a kedde wali barra ata mate."'

Zalah monno Uwwaopizi ¹Badommo, Yesu natekkidawe murid-murid-Na, "Watu katunnura pasti ghai ba, takka nacelaka ata ataini. ²Louka padua naiya watu kilangan nepaketteda bukkudetana monno nia aletoni nee bonnu dana walibarra nia naka katunnura taguna lakawa-lakawa kii.³Waspadalah! Niaka naoledadimu narawina zalah barrami yemmi, bakaza nia; niaka nia bana menyesaldi zalana, ampunai nia. ⁴Baka, niaka nia bana zalahko barrami yemmi ne apapittu ghuddana ne iya loddo, monno nabali barramu,' eijani nia." Kuasa Atewai⁵Ghiddage rasul-rasul ne barrai Mori, "Tabokiawe atewaima zamme!" ⁶Wale Mori barrada ghidda, " niaka yemmi bimilikakona iman sebesar biji sesawi kidona, yemmi bisa bitekkiwe ne barrana na ghazu murbei, 'Namakouka wali tanah monno namatanewe ne bonnu,' monno na ghazu ba napadeku barramu." Hamba a Adekuge pareta Tuanna⁷"Garrani wali barra yemmi aghaina atana, a tangngara matabeka atau amakadi, ba natekkiwe barrana na atana ne nia bana bali wali ne omadana, 'Mai, madiighu monno ngaa'? ⁸Indanieke nia ba atekkiwe barrana naata, 'Pagallege pangaa tagugu monno tau kalabbi adua taguna buyaga baneega zauwa ngaa monno enu. Ba nene, ba kabuddi mi ngaa monno enu'?⁹Appa nene niaba naberterima kasih barrana na atana orona bana rawige ne paparetana? ¹⁰Ghinna ghai kaina yemmi. Niaka ne yemmi bi ba parawige ngarakua nepaparetana barrami, niaka nene yemmi tekkiwe, 'Zamme bane hamba a da pawelli. Zamme niakodo bamarawige ba appa ne zamme parawima."' Kabullu Ata Katuppu Apalangngazi¹¹Ne laradana-Na bana aro Yerusalemma, Yesu nanudu nesepanjang watte barra Samaria monno Galilea. ¹²Ne bana tamage ne iya desa, Nia napatobboka dangngadi akabullu ata katuppu a dede marro-marro walibarra-Na, ¹³monno ghidda akawaro waige lii akalollu, "Yesu, Guru, manawwarama zamme!"¹⁴Na Yesu bana etazi ghidda, Nia napaneghe barrada, "Kakololo monno boghoge toumi barra imam-imam." Monno, neba needi ghidda ne laradana, ghidda ajadi tahir. ¹⁵Nagha a iya wali ghidda eta bahwa touna nalangngabage, nia nabali monno nadeika Mori monno lii a kalollu, ¹⁶Bage nakaghodo ne aro ghai Yesu monno naberterima kasih barra-Na. Na ata nagha ata Samariaza.¹⁷Badommo, na Yesu napa neghe barrana na ata, "Indaikide akabullu ata ne a langngabana? Ge niadi iwwa ata a eka? ¹⁸Daikidi ne barra ghidda a bali taguna badeika Mori wattena na ata eka iya? ¹⁹Bage, Yesu napaneghe barrana, "Kedde monno kakololo, neatewaimu napamoripaghu ghou." Ammibage Kerajaanna Mori²⁰Neba tuazi ghidda apirra ata Farisi taguna bapirrawe Kerajaan Mori ba amai, Yesu nawalezi ghidda bana tekkidawe, Kerajaana Mori ba mai tanpa tada-tada ne pakole apaetana, ²¹daikiiya ata ba apaneghe, 'Eta, Kerajaana Mori neege ni nia!' atau 'Kerajaanna Mori neege tillu-tillu yemmi."²²Bdommo, Yesu napaneghe barra murid-murid-Na, "Ba nariaka rapana yemmi bei takkage eta iya loddo wali loddo-loddo Ana Atapia, takka yemmi dibisaki bietaza. ²³Ata-ata ba apaneghe barramu, 'Eta, ni nia!' Ba ka, ammana yemmi pakako monno padekudi ghidda ata-ata." Ammibani Ana Atapia ²⁴"Seba b yongngu kawiddaka atanabbara wali uppu langita a iya nee uppu langita a eka, ghinna ghaikaina Ana Atapia ne loddo-Na.²⁵Ba ka, Ana Atapia harusa bana menderita ngaraku hal alouka ullu monno atolaka ole ne generasi. ²⁶Monno, ghinnana amarawi ba ne loddo-loddo ne zamanna Nuh, ghinna ghai kaido ba ne loddo-loddo Ana Atapia. ²⁷Ata-ata ngaa monno enu, anikah monno apanikahzi dukkiwe ne loddo Nuh tama ne tena dana monno ammini wangu kalada bage apamatezi ghidda ngarakua.²⁸Zama halnawe amarawi netti zamanna Lot, ne neghe ata-ata ngaa, enu, maghoi, mabatta, matodaka, monno apadede. ²⁹Takka, ne loddo ghetti Lot bana gaige kota Sodom, api monno lattu awarraka wali langitadeta yongngu urra monno pamatezi ghidda ngarakua.³⁰Ginna bawe keadaanna ne loddo Ana Atapi nanyataba. ³¹Ne loddo ne, ngara pongngu a neene togo umma, monno barang-barangna needi ne umma, ammana paburru badekezi; monno bagarrakuni a neena omadana, ammana pabali.³²Lolowe appa a marawi nebarra manginne Lot! ³³Bagarrakuni a berusaha akalaghara dewana, ba na muana dewana, monno bagarrakuni amuana dewana, ba napasalamataza.³⁴Zauwa kutekkiwe barramu, ne gedde ne ba ghaide 2 ata a dura ne 1 paddou dura. Ba ka, na iya ata ba angindiza, takka a eka ba agaidi. ³⁵Duada maghinne ba gezo dabba gandum. Na iya ba angindiza, takka a eka ba agaidi. ³⁶[Ghinna kaiduzi duada paghilli omadana, a iya ba angindiza, takka ghidda a eka ba agaidi."] ³⁷Bage murid-murid amatua barrana Yesu, "Ge niani, Mori?" Wale Yesu barrada ghidda, "Ge niniai baghai bangkai, ne nannabai keila elang ba pakuana."

¹Tudda taguna Hakim monno Naata Damangngulaena ²Badommo, Yesu natekkiwe ne iya tudda barra murid-murid-Na taguna bana tekkidawe ghidda bahwa ghidda harusa baslalu tabaya monno dappa kii atekina. Ghinna-Ge, Ne iya kota, ghaina naiya ata hakim a damadauta barrai Mori monno dana paakakina ata waddeka.³Ne kota ne, ghaina iya manginne damangngu laena a mai pakita barrana na hakim monno napaneghe, 'Yalologawe a adilla barragu barrada ghidda gabbagu.' ⁴Taguna ne pirra rapa, sang hakim dana nauki bana tuluni na janda na. Ba ka, badommo na hakim napaneghe ate dana, 'Lakkakupuna zauwa daku madauta barrai Mori monno daku paakani lakka garrakupuni, ⁵takka orona na manghinne da magngu laena naulla pakitaga, zauwa ba kuyani keadilan barrana gai nia kadana pasusahkaga zauwa monno ne bana mai pakita-kita na."'⁶Bage, Mori napaneghe, "Rengngewe baappa nepatekkina na hakim a daadilla na. ⁷Inda Mori ke ba a ya keadilan barra ata-ata papede-Na akadangngani barra-Na loddo monno gedde? Apakah Nia ba napattu-pattuwe dukki madoina taguna bana tuludi ghidda? ⁸Zauwa kutekkiwe barramu, Nia ba naya keadilanna barrada ghidda. Ba ka, na Ana Atapia mai, apakah Nia ba natobboka iman ne ponnutanah?" Tudda taguna Ata Farisi monno Tagupakuana Pajakka⁹Yesu kaina napa dukkige ne tudda barra pirra ata a anggappa touda ghidda adua monno baparadeka ata wadde. ¹⁰"Ghaidi duada ata kako ne Baitta Mori taguna batabaya. A iya nagha ata Farisi nagha iya ata apakuanai pajakka.¹¹Na ata Farisi nadede monno natekkiwe tabaya tagu touna, "Oo, Mori, zauwa kuberterima kasih barra-Mu orona zauwa daku zamake ata wadde; ghinnaghaina ngaaweekaburreta ata, paboto, pezina, atau baka yongngu apakuanani pajakka na. ¹²Zauwa kupuasaga paduada ghudda iya minggu, zauwa kuyawe neghekabullu ngarakua nepakolegu.'¹³Ba ka, na appakuana pajakka nadede yodi amarro, baka dana pazarrakina netogo langita. Ghinnaghaikaina, nia napalu-paluwe tukku ngauna sambil banapaneghe, 'Oo, Mori. Manawwara lolokiga zauwa, ne arawina zalah.' ¹⁴Zauwa kutekkiwe barramu, na tagu pakuana pajakka nabali ne ummana yongngu ata a louka papabennarada daripada na ata Farisi sebab ata akeketa wekkina ba aparadekaza, monno ata paradeka wekkina ba akeketaza." Yesu monno Lakawa-Lakawa¹⁵Bage, ata-ata angindi ana-anada ghidda a kii pona barrai Yesu gai Nia kana jamahzi ghidda. Ba ka, ne ghidda murita baetawe, ghidda mulai ba banidi ghidd ata-ata. ¹⁶Takka, Yesu nakadangngadi ghidda lakawa-lakawa gai ka mai barra-Na monno natekkiwe, "Gaikudi lakawa-lakawa kii ka mai barra-Gu, ammana paeridi ghidda sebab ne Kerajaanna Mori milikana ghidda ata-ata aghinna ghaina ne ghidda. ¹⁷Zauwa kutekkiwe a ghinna takkana barramu, bagarrakupuni dadeiba Kerajaanna Mori aghinnana lakawa kii, nia ba dana tama kige ne barrana." Ata Kaya monno Kerajaanna Mori¹⁸Ghai naata kapala ghidda amatua barrai Yesu, "Mori a dua, appa pongnguwe neparawigu gai kaku kolege ne moripa abia?" ¹⁹Wale Yesu barrana, "Appa neyemmi bitekkiga zauwa dua? Dai pongnguki iya ata a dua wattena Mori douna. ²⁰Yemmi mipaddege taguna ne hukum: 'Ammana berzina, ammana kedu, ammana paya kesaksian dalaku, lappata paakadi ama monno innamu."' ²¹Nawale na ata, "Zauwa kudeku ngarakua badi ne ghettipona baku boupo."²²Na Yesu narengngewe, Nia natekkiwe barrana na ata, "Ghaipoge neiya hal a kurangnga. battadi ngarakua ne aghaigu monno bagizi barra ata-ata dengo, baka yemmi mikolena harta ne surgadana; monno maighu, dekuga Zauwa." ²³Na ata bana rengngewe nepatekkina Yesu, nia namilla langutakka sebab nia nabungu langngutakka.²⁴Badommo Yesunapazarrai nia monno natekkiwe, "Appakana sulitalolowe tagu ata-ata kaya taguna batama nee dana Kerajaana Mori! ²⁵Baka, louka duapo taguna iya unta nebana tama ne madale karuwwe daripada ata kaya tama nee dana Kerajaanna Mori." Dekuni Yesu ba Deiba Moripa Dadukkana²⁶Ata-ata a rengnge ne patekki apaneghe, "Neba ghinnako, garrani a padde papamoripada?" ²⁷Wale Yesu, "appa a mustahil tagu atapia niadowe noto barrai Mori."²⁸Bage, Petrusa napaneghe, "Etawe, zamme magaibage ngarakua ne pakolema monno dekugu Ghou." ²⁹Yesu natekkidawe barrada ghidda, "Zauwa kutekkiwe a ghinna takkana barramu, dai pongnguki iya ata a gaige umma, maghinne, oledadi-oledadi, inna ama, atau ana-anana taguna Kerajaanna Mori, ³⁰A da deiba ba ne hal-hal napadappeta paduadage ne rapa ne, monno ne rapa ba amai, niniadowe moripa a dadukkana." Papadukki taguna Nemate monno Keddena Yesu³¹Bage, Yesu napakuadi kabullu duada murid-murid-Na monno natekkiwe barrada ghidda, "Rengnge, ghitto ba kako nee Yerusalemma monno ngara kuanawe ne patulisa bada ole ghidda nabi tagu Ata Atapia ba patutubage. ³²Nia ba a yaza barra ata-ata a dapaddeni Mori. Nia ba atedeka, aniyayaza, monno paniiza. ³³Monno, balangngpaba ghidda bapadapi-Ni, ghidda ba apamate-Za. Ba ka, ne loddo katouda, Nia ba nakedde bali."³⁴Takka, ghidda murita da padde pongngukige iya wali ne neghe amarawi. Artina ne patekki nama urriwe taguda ghidda lappata ghidda da pahamkiwe baappa pongngu nepatekki ba. Yesu Napalangngana Ata Kaburra³⁵Neba neeni Yesu natippa riakaba ne kota Yerikho, ghai na ata kaburra a tangngara madii ne uppu lara sambil bana madengngi. ³⁶Na ata kaburra ne bana rengnge ata lewata, nia natuawe apawe ne tangngara marawi. ³⁷Monno, ata-ata apaneghe barrana, "Yesu wali Nazareta tangngara lewata."³⁸Niaka, nakaghula na ata kaburra, "Yesu, Anai Daudta, manawwaraga zauwa!" ³⁹Ata-ata a kako ne aro atamangeda, abanini na ata kaburra monno patukani kanakadanna. Ba ka, malah nia naluoka kia banakawaro, "Anai Daudta, manawwaraga zauwa!"⁴⁰Baka Yesu nadangngi monno napatukai gai na ata kaburra kangindiza barra-Na. Na ata kaburra bana tukke, Nia natua barrana, ⁴¹"Appa nepa beimu ghou gai Kurawige barramu?" Na ata kaburra na walewe, "Mori, zauwa kubeige matagu kaeta."⁴²Yesu natekkiwe barrana, "Etalolo, imanmu napalangngabaghu." ⁴³Nemeghinna mema, nia na etaba monno neebani adekuni Yesu sambil bana deikaza Mori. Neghidda ata mangeda etawe ne hal, ghidda kaina adeika Mori.

Yesu monno Zakheus ¹Baka, natama Yesu monno nalawiwe kota Yerikho. ²Ne nee ghai naata kabani ngarana Zakheus, nia nagha kapala pakuana pajakka monno na ata a kaya.³Nia naberusaha banaetaza Yesu, takka dana bisaki orona bahalangnga ata mangeda; sebab touna napadakawe. ⁴Niaka, Zakheus namalle bana ulludi ata mangeda monno napenneni na iya ghazu ara kana etaza Yesu orona Nia ba nalewata na lara.⁵Nagha Yesu bana dukki ne paddou ghaini Zakheus, Nia natangara monno natekkiwe barrana, "Zakheus, burru ghu orona ne loddo Zauwa harusa baku dou ne ummamu." ⁶Baka, Zakheus kaina naburru monno deiba Yesu bana bersukacita. ⁷Takka, ghidda ngarakua ata ba eta ne ne, ghidda neebadi menggeerutu monno paneghe,. "Nia neebani pakulla ne umma naata a zalah."⁸Badommo, Zakheus na dede monno napa neghe barrai Mori, "Mori, yodi wali hartagu ba kuyazi barra ata dengo, monno niaka zauwa kupakapattabadi harta iya ata iya ata." ⁹Baka, Yesu napaneghe barra Zakheus, "Ne loddo ne, moripa na mai bawe ne barra umma ne orona na ata kaina ananai Abraham. ¹⁰Sebab, Ana Atapi mai taguna bana ghewa monno apamoripazi a muana." Naatada a Padeku monno Naatada a Bokala¹¹Tangngara ghidda rengngewe ngarakua ne, Yesu napakitage bana tekkiwe ne iya tudda orona Nia bana tukke bada Yerusalemma monno orona ghidda basangkawe bahwa Kerajaanna Mori ba ammi bage. ¹²Ole orona ne, Nia kaina napaneghe, Naata bangsawan nakako nee negeri a marro taguna bakeketa banajadi raja, monno banabawe ne nia bana bali.¹³Badommo, na tuan napakuana kabullu ata tagupadola monno nayadi ghidda riti akaladana 10 mina. Ghinnage barrada ghidda, 'Mabattami kiwaidi ghidda riti dukki zauwa kubali.' ¹⁴Ba ka, ata-ata sebangsana abenciza nia monno napangindi perwakilan nebanaba nia taguna paneghe, 'Zamme dama nauki na ata bana nia raja barrama zamme.' ¹⁵Ne baba pakeketa bana jadi raja, na bangsawan nabali monno naparetazi ata-atana ne paya bana riti nakadangngadi baaroni gai nia kana paddege bapirra kaladana nepautuna ne ghidda pakoleda wali bamabatta.¹⁶Tagupadolana a ullu namai monno napaneghe, 'Tuan, riti 1 mina milikamo ne na hasil ba 10 mina dommo.' ¹⁷Na Raja napaneghe barrana, 'Dua takka, ta yemmi atatagupdolana a duada! Orona yemmi bipadeku nee urusanna a kii, yemmi ba miparetazi a kabullu kota.'¹⁸Tagupadolana a kedua kaina namai monno napaneghe, 'Tuan, riti 1 mina tagumuwe ne hasil ba 5 mina.' ¹⁹Bage, sang raja napaneghe barrana na ata tagupadola, Kuasalologe yemmi ne 5 kota.'²⁰Badommo, 'Tuan,ne riti 1 mina milikamo ne pabaddalagu zauwa nee sapu tangan dana. ²¹Zauwa kumadauta barramu sebab ghou ata a kattona. Ghou mudeke appa ne dappa pernahmu ghou bubaddala monno bupanenge appa ne dappa pernahmu ghou mutodaka.'²²Badommo, na raja napeneghe barrana, 'Zauwa ba kuadillaghu aghinna ghaina nepetekkimu, ta yemmi hamaba a bokala! Niaka, yemmi mipaddege bahwa ne zauwa ata akattona, a dekewe appa ne dappa pernahgu baku baddala monno panenge appa ne zauwa dappa todakagu? ²³Neba ghinnako, appa ne yemmi kaditaige ne ritigu ne paddou ata apakako riti niaka ne zauwa kubali, zauwa ba kudeibazi ghidda ritigu lappata ghidda bungana?'²⁴Bage, Na raja natekkiwe barra ata adede ne nee, 'Dekewe ne mina wali barrana monno yanawe barra ata aghaina 10 mina.' ²⁵Takka, ghidda apaneghe barrai sang raja, 'Tuan, na hamba na milikabana 10 mina.'²⁶Nawale na raja, 'Zauwa kutekkiwe barramu, ngara ata aghaina ba yani a louka, takka wali ata da ghai wali ate pongnguna, ngarakua ghaina ba adekezi. ²⁷Ba ka, taguda musuh-musuhgu a da beiga zauwa a jadi raja atas ghidda, ngindizi ghidda nia monno pamatezi ghidda ne arogu."' Yesu Aragga Nebania Raja²⁸Nebana ba Yesu petekkizi ghidda hal-hal, Nia nakako pa ullu bananudu Yerusalemme.²⁹Ne Nia bana dukki ne barra desa Betfage monno Betania, barra kaladdakana angarana bukita Zaitun, Nia napatukadi aduada ata murita-Na. ³⁰Ghinna-Ge barrada ghidda, "Kakololo nee desa a ghaina ne aromu ne. Monno, nebi tama ne nee, yemmi ba mieta na iya ana keledai a makette monno dapenne pongngukipu ata. Pazallalolo na ana keledai monno ngidilolo niami. ³¹Niaka baghaiko ata amatua barramu, 'Peina yemmi bingindiza na keledai?', Tekkilolowe neghe: Mori awaini."³²Bage, kakobada duada murita ne papatuka-Na monno tobboka ngarakuazi ghidda teppata a ghinna ghaikaina patekki-Na barrada ghidda. ³³Neba needi ghidda apazilliza na ana keledai, naamilikani namatua barrada ghidda, 'Appa ne yemmi bipaziliza na ana keledai?" ³⁴Ghidda kaina awalewe, "Mori naperluza." ³⁵Baka, ghidda angindiza na ana keledai monno taini kalabbina ne ponnu odo na keledaina, badommo apa penneni Yesu nee ponnuna. ³⁶ghetti Yesu bana lewatazi ghidda lara, ata-ata abaddalazi kalabbida ghidda ne laradana.³⁷Monno, na Yesu bana tukke kiabage Yerusalemma, naniadona na lara a burru wali arah bukit Zaitun, ngarakua a deku-Ni nadukkikiwe badeika Mori ba bersukacita monno lii a zalolu. Ghidda bersyukur barrai Mori ne ngarakua mukjizat ne paeta bada. ³⁸Ghidda akawaro, " Apamaringngiza Nia a mai banajadi raja nee ngarana Mori, dame sejahtera nee surgadana monno kemuliaan ne paddou amadetana!" Mazmur 118:26³⁹Apirra ghidda ata Farisi wali papakuana ata mangeda a tekkiwe barrai Yesu, "Mori, bakazi murid-murid-Mu." ⁴⁰Ba ka, Yesu nawale, "Zauwa kutekkiwe barramu, niaka ghidda bakadannako, ghidda watu-watu niabazi ba a dangnga-dangnga." Yesu Nangioge Yerusalemma⁴¹Na Yesu bana tukke bage ne kota Yerusalemma monno na eta ne kota, Nia kaina nangioge. ⁴²Ghinnagepatekki-Na, "Niaka ne loddo yemmi mipaddege appawe ne apa maina dame sejahtera barramu. Ba ka, ne ne namaurriwe wali matamu.⁴³Sebab ba na maiwe rapana ghidda musuh-musuh bapakedde tembokka pazadda nekalilingamu monno araggaghu wali ngara arah. ⁴⁴Ghidda ba a pawarrakaghu, ghou lappata ana-anamu amagho barra tembokkamu. Monno, ghidda ba da gai pongngukina iya watu pasusun ne ponnu watu a eka nee barramu sebab yemmi dipaddekige rapa na Mori banakalagharaghu." Yesu Naghalozi Ata-Ata a Mabatta ne Baita Mori⁴⁵Badommo, Yesu natamage ne Baita Mori monno namadukkiwe bana ghalozi gounga ata-ata a mabatta ne nee. ⁴⁶Ghinnagepatekki-Na barrada ghidda, "Ghaige matulisa: 'Umma-Gu ba kurawige ka umma tabayawe,' takka yemmi miwaibage paddou parampokka!"⁴⁷Baka, Yesu napanungngana ne Baitana Mori iya loddo iya loddo. Takka, imam-imam kapala, ahli-ahli Taurata, monno ghidda a kapalge ne bangsa aghewa lara gai kapamateza-Nia. ⁴⁸Ba ka, ghidda dapaddekige bapei ghaina barawige sebab ngarakua ata aterre pongngubage ne patekkina Yesu.

Patua taguna Kuasana Yesu ¹Ne paiya loddona, na Yesu ba neene apanungngana ata mangeda ne Baita Mori monno padukkige Injila, imam-imam kapala monno ahli-ahli Taurata apazama dangngadi tua-tua mai barra-Na. ²Ghidda atekkiwe barra-Na, "Tekkilolowe barrama zamme monno kuasa appako Ghou burawige hal-hal ne? Atau, garrai a yago Ghou barra-Mu ne kuasa?"³Wale Yesu barrada ghidda, "Zauwa kaina kutuawe neiya patuagu barramu. Walega Zauwa, ⁴ge wali nianawe ne baptisanna Yohanesa? Wali surga atau wali atapia?"⁵Ghidda a paperage ne hal barra ghidda monno apaneghe, " Ne ghitto batawaleko, 'Wali surga, 'Nia ba napaneghe, 'Neba ghinnako, appa ne yemmi bidiwai na Yohanesa?' ⁶Ba ka, niaka ne ghitto batapaneghe, 'Wali atapia,' ngarakua ata arajamda ghitto dukki mate orona ghidda terrege bahwa na Yohanesa ata nabi."⁷Niaka, ghidda kaina wale bahwa ghidda dapaddekige bagewali nianawe ne baptisan. ⁸Badommo, Yesu napaneghe barrada ghidda, "Neba ghinnakowe, Zauwa kaina ba daku tekkikime monno kuasa appako Zauwa rawige hal-hal ne." Tudda taguna Ghidda Kazewa Anggura⁹Baka, Yesu natekkiwe ne tudda barra ata mangeda, "Ghai na iya ata atodakage ne iya oma anggura bage nakazewadawe barra ghiddapirra petani, monno kako nee wanno a marro taguna ne rapa a madoi. ¹⁰Ne musim panen bana riakawe, nia napatukani naiya tagupadolana kako barrada petani-petani gai ghidda kayawe barrana ne ngabba hasila oma anggurana ne. Ba ka, ghidda petani apaluza na tagupadola nagha monno ghaloza bana kako waidi limma kalua.¹¹Monno nia kaina napangindidi tagupodola a eka, takka petani-petani kaina apaluza nagha tagupodola monno bapaghinnaghaini bana ghinaza, bage aghaloza banakako monnolimma kalua. ¹²Bage, na milikage oma anggura napatukani tagupadola akatouda barra ghidda petani na, takka ghidda petani-petani kaina apammanuaza tagupadola a iya na monno aghaloza ngounga.¹³Na milika kaige ne oma namatua, 'Appa a harusa zauwa parawigu? Zauwa ba kupangindini naanagu pamanwwara, noto ghidda ba apaakani.' ¹⁴Ne ghidda petani ne aeta lakawa amilikage ne oma, ghidda paperage iya monno iya, 'Nia bana ahliwaris a milikage ne oma anggura, mai kata pamate nia gai warisanna kata milikadi ghitto!'¹⁵Badommo, ghidda kaina aletoni na lakawa ne ngounga wali oma anggura monno apamateza. Bage, appa ne ba parawina na milikage ne oma anggura barrada ghidda? ¹⁶Nia ba na mai monno napabinasazi ghidda petani-petani, bage akazewana omana barra ata wadde." Ghidda ata mangeda arengewe ne tudda, ghidda apaneghe, "Ammana ne hal kadanadukkikawe banamarawiwe!"¹⁷Ba ka, Yesu naarodi ghidda monno napaneghe, "Neba ghinnako, appawe artina na ayat: 'Watu paletoda ghidda tukang bangunan ajadi watu penjuru'? Mazmur 118:22 ¹⁸Ngra ata awarraka ne ponnu watu ne ba natawezara yodi-yodi monno bagarrakuni na papadadda watu ba amubbuka!"¹⁹Ghetti ahli-ahli Taurata monno imam-imam kapala asadar bahwa ne tudda ne paneghedawe taguda ghidda, ghidda abiege ghappa Yesu nemeghinna mema. Ba ka, ghidda amadauta barra ata mangeda. Patua taguna Babayar Pajakka ²⁰Badommo, ghidda ahli Taurata awasiza Yesu monno apangindina pirra ata a mata-mata a pura-pura dua gai ghidda kajebbaka Yesu monno matua gai ghidda kapadde paghappa-Na bawaina patekki dou-Na monno yaza Nia ne dana kuasa monno wewenang gubernur.²¹Ata-ata papatuka kaida amatua barrai Yesu, "Mori, zamme paddege bahwa Ghou atekkiwe monno apanugngage a dua. Ghou kaina dupa eka-eka kidi ata, takka panungngage lara Mori nee duadana. ²²Appakai ne zamme mipillima bama bayar pajakka barra Kaisara atau indaki?"²³Ba ka, Yesu napaddege ne licikada ghidda monno napaneghe barrada ghidda, ²⁴" Nungnga baboghopoge barra-Gu akapibbika dinar. Gambar monno tulisan garrakuni a makole na riti ne." Wale ghidda, "Gambar monno Tulisanna Kaisar."²⁵Baka, Yesu napaneghe barrada ghidda, "Neba ghinnako, yalolokona barrai Kaisar appawe a jadi milikana Kaisara, monno yawe barrai Mori appawe ne jadi milikana Mori." ²⁶Neba ghinnakowe ata-ata dabisaki pajebbaka Yesu monno nepatekki-Na nakanua nearoda ata mangeda; ghidda amangaddala atas nepawale-Na monno akamaddi. Patuana Ata Saduki²⁷Badommo, ammidi barrai Yesu apirra ata Saduki, ghidda dona golongan a da waige baghaige kebangkitan, monno amatu barra-Na, ²⁸"Mori, Musa natukisawe tagu ghitto, niaka naata kabani namate, niaka ne nia ghaini manghinnena monno dai ki anana, angghuana kabani harusa banadekeza na janda angughuana monno kanapakedde keturunan taguna.²⁹Ghinnawe, ghaide pittu ata apaoledadina. Na oledadida a ullu namenikah, takka na mate daiki anana. ³⁰Badommo, oledadi a kedua nanikah dangngai na manghinne monno namate kain tanpa ba daiki ana. ³¹Bage, oledadi a ketiga na nikah dangngai na maghinne monno hal ne marawiwe dukki oledadi kapittuna, takka ngarakua mate tanpa daiki ana. ³²Ne kadukkana, na maghinne kaina namate. ³³Niaka orona ne, ne loddo penghakiman, garrakuni ba a jadi lae wali na maghinne orona ghidda pittu apaoledadina ne ba bananikahdangngabaini?"³⁴Wale Yesu barrada ghidda, "Ata-ata ne zaman ne anikah monno apanikahdi, ³⁵Ata-ata paanggapda a pantas banakolege ne tagu ne ponnu tanah ba a mai, monno ne kebangkitan wali antara ata mate, ba da nikahki monno dappanikah kaikizi. ³⁶Ghidda da bisa baki mate dommo orona ghidda zama dangngaini ghidda malaikata. Ghidda niaduzi ana-ana i Mori orona ghidda bapakeddezi wali mate.³⁷Musa baka na ba paboghoge tagu kebangkitan ata-ata mate nee tagu tulisawe tagu semak tara a muttuna. Nee tagu ne Mori a tekkiza sebagai 'Allah Abraham, Allah Ishak, monno Allah Yakubpa.' ³⁸Nia inda Allah ata mate takka Allah ata amoripa, orona ngarakua ata moripa ne barra-Na.³⁹Nebaba ne, pirra ahli Taurata paneghe, "Mori, nepawalemu natepata." ⁴⁰Monno, dai dommo baki ata a kaddena aya nepatua barra-Na. Krittu Niadona Mori⁴¹Badommo, Yesu napaneghe barrada ghidda, '" Bapei ghainawe ata-ata paneghe bahwa Krittu niadona ana Daudta? ⁴²Padahal nedana kitab Mazmur, Daudta douna napaneghe, 'Mori Allah napaneghe barra tuangu, "Madiilolo ne bali kawana-Gu, ⁴³dukke zauwa baku taidi musuh-musuhmu ne kabu ghai-Mu."'Mazmur 110:1 ⁴⁴Niaka Daudta natekkiza Krittu bania 'Tuan,' bapeighaina ba na Krittu ba nia anai Daudta?" Papalolo taguna Berhati-hati barrada ahli Taurata⁴⁵Ghidda ata mangeda ba rengngewe, Yesu napaneghe barra murid-murid-Na, ⁴⁶"Berhati-hatilah barrada ahli-ahli Taurata a beige kako-kako ba tau jubah malou, asenang bapaakadi ata ne pazara, a beige madii ne paddou amadeta ne umma-umma tabaya, monno ne paddou papaaka ne pesta-pesta. ⁴⁷Ghidda rampassai umma-umma monno tabaya malou-malou gai ka etai ata. Ata-ata aghinna ne pasti ba deiba hukuman a louka boto."

Marakana Naata Janda ¹Na Yesu bana tangara ne togona, Nia naetai apirra ata kaya apatamana maraka barra ne kotak maraka. ²Nia kaina na etana naata janda dengo apatamana 2 kapibbika riti tembaga. ³Yesu napaneghe, "Zauwa kutekkiwe a ghinna takkana barramu, janda dengo na yawe louka mangedana daripada ngarakua ata a kaya. ⁴Sebab ghidda ya maraka louka wali ghidda, takka na janda na ya marakana wali neakurangngani, niniadu ngarakua ne pamilikana taguna palodoge moripa." Tada-tada Akhir Zaman⁵Ghidda pirra murita needi apaneghege tagu Baittana Mori a hiaszi waidi watu-watu manada monno maraka-maraka, Yesu natekkiwe, ⁶"Ba na riaka rapana,ngarakua nepa etami ne ba namaurrakawe. Dai pongnguki iya watu adede ne ponnu watu a eka a da papawarrakada ba."⁷Bage, ghidda murita amatua barra-Na, "Mori, pirrage ne neghe ba namarawiwe? Monno appa tada-tada bahwa ngarakua ne ba namarawiwe?" ⁸Wale Yesu, "Berhati-hatilah gai yemmi kadappa ngadekami sebab mangeda ata ba mai awaiga ngara-Gu monno paneghe, 'Zauwadona Nia,' monno' Rapana natukke ba,' Ammana yemmi padekudi ghidda. ⁹Ba ka, ne yemmi mirenge taguna patauna monno brontakka, ammana yemmi pamadauta orona hal-hal ne memang harusa bana marawiwe ne aullu, takka nebaammini ba dana ngattakige mai."¹⁰Badommo Yesu napaneghe barrada ghidda, Bangsa ba kedde lawani bangsa monno kerajaan ba kedde lawani karajaan. ¹¹Ba namarawiwe gempa bumi a dasyat, bencana karebalagare, monno eka-eka karodduka ne iya paddou. Ba kaina naoudawe peristiwa-peristiwa a ngeripongngu monno tada-tada kalada wali langitadeta.¹²Takka, ne ngarakuna badana marawipo, ata-ata ba aghappmi monno baaniayami yemmi. Ghidda ba yagu ne umma-umma tabayada ghidda monno patamagu gollu-gollu ne dana. Ghidda kaina ba angindighu miarodi ghidda raja monno gubernur orona ne ngara-Gu. ¹³Takka, ne neghe ba najadi kesempatanna tagumu bubeksakksi.¹⁴Oleh orona ne, patettapage atemu taguna midipangaddage appa ba ne yemmi patekkimi taguna mibela toumi, ¹⁵sebab Zauwa ba kuyawe patekki monno kebijaksanaan barramu ne dapa kole balawage monno patentangda musuh-musuhmu.¹⁶Yemmi ba khianati oleh inna amamu, oleh dadimu kabani, dughumu, monno ole-olemu, monno ghidda ba apamate pirra ata ne antara yemmi. ¹⁷Yemmi ba a bencimi oleh ngarakua ata orona ngara-Gu. ¹⁸Ba ka, inda iya pongnguki loge wali katowamu ba a warraka. ¹⁹Monno nebutabahghu, yemmi ba miperolewe moripamu." Papadukki tagu Banamaurraka Yerusalemma²⁰"Ba ka, ne yemmi bietawe kota Yerusalemma akeppungnga oleh pasukan-pasukan tentara, yemmi ba mipaddege bahwa nebanamaurrakawe natukke ba. ²¹Ne rapa ne, ata-ata anee na wilayah Yudea harusa bamalle nee pakaladdakana, ata-ata anee na nee kota dana harusa bakako louzana kota, monno ata-ata aghainana nee desa-desa da tamakana ne kota Yerusalemma. ²²Niabawe loddo-loddo penghukuman gai ngarakua hal nepatulisa ba agenapiwe.²³Celakalah manghinne-manghinne atangngara patia mono pazuzu ne rapa ne sebab ba na maiwe penderitaan a luar biasa ne negeri ne, monno murka kaladana atas bangsa ne. ²⁴Ghidda ba apamate waidi pedangnga monno atawandi oleh bangsa-bangsa. Kota Yerusalemma ba a kuasa ge bangsa-bangsa eka dukki masa banajaya bangsa-bangsa a murri." Nebanama Ana Atapia nee Kemuliaan²⁵"Ba ghai tada-tada na loddo, ghulla, monno madubbu-madubbu. Ne ponnutanah, bangsa-bangsa ba amadauta neba bingung oleh kamura bonnu monno deru ombak. ²⁶Ata-ata ba abadda orona bamadauta monno aparemage ba hal-hal amarawi ba ne ponnotanah ne sebab ngarakua kuasa a neena ne langita deta ba akuddakage.²⁷Badommo, ghidda ba aeta Ana Atapia mai ne karoba dana waige kuasa monno kemuliaan a kaladana. ²⁸Apabila ne hal-hal mulai banamarawiwe, dedelolo monno keketa katowamu orona ne rapa bapabebasaghu na tukkebawe." Tudda Ghazu Ara²⁹Badommo Yesu natekkiza na iya tudda barrada ghidda: "Etaza ghazu ara monno ngarakua ghazu a eka. ³⁰Apabila ghidda ghazu-ghazu adadi roo-roona, yemmi ba mimengertige monno mipaddege bahwa musim bangata natukke ba. ³¹Ghinna ghaido apabila yemmi mieta ngarakua na marawi, yemmi ba paddege bahwa Kerajaanna Mori natukke ba.³²Ghinnatakkana Zauwa kutekkiwe barramu, ne generasi ba dana matekiwe dukkige na hal amarawi. ³³Langita monno tanah ba nalenyappa, takka nepatekki-Gu ba dana berlalukiwe." Siap Sedialolo Setiap Saat³⁴"Berhati-hatila agar atemu danabonnu waikige nepabei taguna baberpesta, bermabuk-mabukan, monno mengkhwatirkan moripa. Monno, ne loddo ba mai barramu yongngu perangkappa. ³⁵Sebab, ne loddo ba namai ne ponnu ngarakunawe a dangngi ne ngarakua aro tanah ne.³⁶Daga-dagawekkina ngara nerapa monno slalu tabaya gai yemmi kikolena paghezzi taguna mipazzala tou mi wali ngarakua hal ba amarawi ne monno taguna badede ne arona Ana Atapia."³⁷Ne waggar loddo, Yesu napanungngana ata mangeda ne pelataran Bait Allah, takka bana geddena loddo Nia nagaige kota monno nataddo ne Bukit Zaitun. ³⁸Monno, kapugedde gagaro, ngarakua ata mai barra-Na ne dana Bait Suci taguna barengngeza-Nia.

Rencana taguna Bapamateza Yesu ¹Loddo raya kababa da beragi ne patekkida loddo Paskah natukke ba. ²Imam-imam kapala monno ahli-ahli Taurata aghewa cara taguna bapamateza Yesu, orona ghidda madauta barra ata mangeda. Pengkhianata Yudas³Badommo, na tama Kabailika ne barrai Yudasa, na patekkida Iskariot. Nia niadona iya wali kabullu duada murid. ⁴Baka, kakobana Yudasa bana papera dangngadi imam-imam kapala monno pegawai Bait Allah taguna bapeighaina nia bana yaza na Yesu barrada ghidda.⁵Monno, ghidda bei langngutakkage monno sepakat taguna bayani riti. ⁶Baka, Yudas nabeige monno mulai banaghewa kesempata taguna banayaza Yesu barrada ghidda neba tangngara dai ata mangeda. Hidangan Paskah⁷Badommo, nariakaba loddo raya kaba da beragi, niabawe rapa taguna bapersembahkanai ana bebe Paskah. ⁸Ne rapa ne, Yesu napatukadi Petrusa monno Yohanesa, ghinnage-Nia "Kako monno siaplolona pangaa Paskah taguna bata ngaa." ⁹Ghiddage ghidda barrai Yesu, "Ge niniage Ghou pabeimu gai zamme kamasiapana?"¹⁰Wale Yesu barrada ghidda, "ne yemmi bitamage ne kota, yemmi ba patangadangngani naata kabani a ngindi kendi; dekuni nia ne umma ba patamana, ¹¹monno tekkilolowe barra amilikage ne umma, 'Guru natua barramu: Ge niniage ruang kulla paddougu Zauwa baku ngaa Paskah dangngadi murid-murid-Gu?'¹²Baka, nia ba naboghoge barramu ne iya ruangan kalada ne lante togona, ne perabotanwe nasiapabawe. Siaplolona pangaa taguda ghitto ne nee." ¹³Baka, Petrusa pazadangngai Yohanesa kako monno kolena ngarakuana marawi a ghinnana nepatekkina Yesu monno ghidda kaina asiapana pangaa Paska. Perjamuan Paskah¹⁴Nebana riaka ba rapana, Yesu monno ghidda rasula amadii ngaa ne sekelilingnga meja. ¹⁵Badommo, Yesu naneghe barrada ghidda, "Zauwa kubei waliatege ngga hidangan Paskah ne pazamadangngami yemmi, naba daku menderitapo. ¹⁶Sebab, Zauwa kutekkiwe barramu, Zauwa daku ngaa dommo bakige dukkiwe ne hal bagenapiwe nee Kerajaanna Allah."¹⁷Baka, Yeu nadekeza cangkira apa ina anggura monno mengucap syukura, badommo napaneghe, "Dekeza na cangkira monno bagilolo ne antara yemmi. ¹⁸Sebab, Zauwa kutekkiwe barramu bahwa mulai nemeghinna nee Zauwa ba daku enuki anggura dukkiwe Kerajaanna Allah banamai."¹⁹Badommo, Yesu nadeke kababa monno na mengucap syukura, Nia napaddo-paddo ne kababa monn nayada ghidda sambil bana paneghe, "Kababa ne niadowe tou-Gu nepaya barramu; rawiwe ne sebagai ba bilologa Zauwa." ²⁰Ghinnaghai kaina, baba pangaa, Yesu nadeke na cangkira anggura monno napaneghe, "Cangkira amalega tagumu ni niadowe Perjajianna Abaru nee raa-Gu. Papadukki tagu Ata a Ayaza Yesu²¹Ba ka, etaza, limmana na ata ba ayaga Zauwa ghaini apazama dangngangaga Zauwa ne mejadeta. ²²Sebab, Ana Atapia bana kako nawaige cara ne pababa patekkiwe, takka nacelaka na ata ayaza Nia!" ²³Murid-murid-Na apamatua wekkina garrai ne antara ghidda ba rawigene. Jdilolo Ata a Melayani²⁴Nepatauna kaina namarawiwe ne antara ghidda rasula taguna bagarrai ne antara ghidda a anggappa louka pakaladana. ²⁵Ba ka, Yesu napaneghe barrada ghidda, "Raja-raja bangsa a dapaddeni Yesu berkusa atas ghidda raja-raja patekki ' Pelindung Rakyata.'²⁶Takka, yemmi ammana paghinna ghaina. Ghinnaghai, a louka kaladana ne antara yemmi harusa bertindak yongngu paling bou, monno kapal harusa bana yongngu pelayan. ²⁷Garrai a louka pakaladana, ata a madii ngaa atau ata apadolana? Indaniaki na ata ata a madii ngaa? Takka, Zauwa ghaiga netillu-tillumi yongngu ata apadolana.²⁸Yemmi dona ata-ata ba dangngi barra-Gu. ²⁹Orona ne, Zauwa kuyawe barramu neiya kerajaan, a ghinnana nepayana Ama-Gu barra-Gu, ³⁰gai yemmi kingaa monno enu iyameja dangnga-Ga nee Kerajaan-Gu. Monno, ba yemmi a madii ne ponnu takhta taguna bihakimizi ghidda kabullu duada kabizzu Israella." Petrusa ba Namenyangkalai Yesu³¹"Simon, Simon, rengega Zauwa. Kabailika natuntuta tagu bana tippami yemmi ghinnana gandum, ³²Takka Zauwa ba tabayatagumu gai imanmu kadana munukana. Monno, nebiba yemmi padarra, paghezzizi oledadi-oledadimu."³³Takka, Petrusa napaneghe barrai yesu, "Mori, zauwa kusiap tamana gollu baka mate dangngagu-Ghou!" ³⁴Wale Yesu barrana, "Zauwa kutekkiwe barramu, Petrusa, ne loddo namanu maghailo ba dana kukuki sebelum bupa touda ghuddana bumenyangkala bahwa yemmi mikenalaga Zauwa." Bersiap-siapalah Aroge Asulita³⁵Badommo, Yesu namatua barrada ghidda murid "Ne Zauwa baku utusami yemmi tanpa kantong riti, tas, atau kappeghai, appa ne yemmi ghai pokurangnga?" Awale ghidda, "Indaki." ³⁶Ghinnage-Nia barrada ghidda, "Takka nemeghinna, bagarrakuni aghaina kantong riti atau tas, ngidiza,. Monno, garrai a da ghaina pedang, gaikuni nia kana battage jubahna monno ghoi pedang.³⁷Sebab, Zauwa kutekkiwe barramu bahwa aapwe matulisa Kitab Suci dana neghe harusa bagenapiwe nee barragu Zauwa, 'Nia ba akira oleza ata-ata azalah.' Yesaya 53:12 Sebab, a matulisa tagu Zauwa nee ge marawi nemeghinna." ³⁸Bage ghidda apaneghe, "Etaza Mori, ni nia ghaidi aduada pedang." Monno, Yesu napaneghe barrada ghidda, "Na tutuba." Yesu Natabaya ne Taman Getsemani³⁹Badommo, Yesu nalouza monno kako ghinna ghaina baghettini Bukit Zaitun aghinna ghaina neparawi-Na; monno murid-murid-Na kaina kako padekuni Nia. ⁴⁰Na Yesu bana dukki ne paddou ne, Nia napaneghe barrada ghidda, Tabayalolo gai yemmi kaditamakana nee panungngada."⁴¹Badommo, Yesu namarro wekkina wali barrada kira-kira marronawe sepelempar watu, bage nakatikka monno natabaya, ⁴²"Ama, ne Ghou bunauko, dekegawe ne cawan wali barra-Gu. Ba ka, gai kaindanikawe ne pabei-Gu marawi, melainkan ne pabei-Mu."⁴³Baba ne, naata malaikata walina surga napabogho wekkina barra-Na monno napaghezziza-Nia. ⁴⁴Monno, nee penderitaan-Na, Nia natabaya walikalakiate dommo; kaburreta-Na najadi yongngu tetesan raa amalotika ne tanahdeta.⁴⁵Na Yesu banalangngapaba tabaya, Nia nakako barra murid-murid-Na monno nakoledi ghidda neede dura monno amilla. ⁴⁶Yesu natekkiwe barrada ghidda, appa ne yemmi bi dura? Kedde monno tabayalolo gai yemmi kaditamakana nee banungngami." Aghappaza Yesu⁴⁷Na Yesu baneepona pwneghe, ammibadi ghidda ata mangeda; monno na nia patekkida Yudasa, a iya wali ghidda kabullu duada ghidda murita, na kapaldi ghidda. Yudasa natukkeni Yesu taguna bana dekkiza-Nia. ⁴⁸Ba ka, Yesu napaneghe barrana, "Yudas, appa ne ghou muyaza Ana Atapia muwaige dekki?"⁴⁹Ghidda murid-murid a dede ne kelilinga-Na aeta appa ba amarawi, ghidda paneghe, "Mori, haurasa ne zamme bama serangnga waina pedang?" ⁵⁰Badommo, na iya walighidda murita a serangnga pelayan Imam Agung lappata aroponai katillu kawanana. ⁵¹Ba ka Yesu napaneghe, "Baba, tutba!" Bage, Yesu najamah katilluna na pelayan monno napalangnganani.⁵²Badommo, Yesu napaneghe barra imam-imam kapala, kapala akawalawe Bait Allah, monno tua-tua a mai taguna baghappaza-Nia, "Appa yemmi ngarakua bimai waina pedang monno pentungan seakan-akan mibeige ghappa perampokka? ⁵³Ne Zauwa baku pazama dangngagu ne Bait Allah iya loddo iya loddo, yemmi dighapakiga Zauwa. Takka, neghe niabawe rapana tagumu monno taguda kuasa kapattana." Petrusa Amanyangkalani Yesu⁵⁴Ne baba paghappaza-Nia, gidda ata-ata kaina angirrina monno bangindiza Yesu ne umma imam kalada. Ba ka, Petrusa na dekudi ghidda wali marro. ⁵⁵Monno baba ghidda ata-ata apawegara api ne tillu-tillu halaman monno madii dabba, Petrusa kaina madii ne antara ghidda.⁵⁶Takka, naata pelayan maghinne naetaza Petrusa madii barra ne barraapi bana pazarrana wajai Petrusa monno napaneghe, "Ata na kaina napazama dangngai-Nia." ⁵⁷Ba ka, petrusa nababoto, ghinnage, "Ta manghinne, zauwa daku kenalkiza Nia." ⁵⁸Dana madoi dommoke, na ata a eka naetaza monno napaneghe, "ghou kaina mutermasuk a iya wali ghidda!" Takka Petrusa napaneghe, Indaki, zauwa idasala satukiga wali ghidda!"⁵⁹Kira-kira iya jam dommonawe, na ata a eka dommo napaneghe bana yakin, "Pasti naata kaina pazama dangngai-Nia, sebab nia kaina ata Galilea." ⁶⁰Ba ka, Petrusa napaneghe. "zauwa daku paddekige ba appa ne patekkimu!" Neme ghinna mema, baneepuna Petrusa apaneghe, nakuku manu maghailo.⁶¹Baka, nakaballeka Yesu monno napazarrai Petrusa. Monno, Petrusa naloloba patekkina Yesu, bah Nia na tekkiwe barrana, "Nebada kukupo manu maghailo ne loddo, ghou mumenyangngkal baga zauwa ne apa touda ghuddana." ⁶²Badommo, Petrusa nakako nee ngounga monno nangio langngu takka. Tagumadaga Aaniayayaza Yesu⁶³Ata-ata a pattuza Yesu monno apluza-Nia. ⁶⁴Ghidda todinadi mata-Na monno paneghe, "Bernubuatlah! Garra a palugu Ghou?" ⁶⁵Ghidda kaina atekkiwe mangeda hal a eka a tentangngaza-Nia monno baghianaza-Nia. Yesu neeni Aro kapala Yahudi⁶⁶Nekokabana loddona, tua-tua kapala Yahudi, imam-imam kapala, lappata ahli-ahli Taurata apakuana monno a ngindiza Yesu nee Mahkamah Agama daghidda. ⁶⁷Ghidda paneghe, "Niaka ba Ghouko ne Mesiasa, tekkilolowe barrama zamme." Takka Yesu napaneghe barrada ghidda, " Niaka Zauwa baku tekkikuguwe, yemmi ba diwaikiga barra-Gu. ⁶⁸Monno niaka Zauwa baku matuako barramu, yemmi ba diwalekiwe.⁶⁹Ba ka, mulai nemeghinna Ana Atapia ba namadii ne bali kawanana Mori A Maha Kuasa." ⁷⁰Ghidda ngarakua paneghe, "Niaka manghinnako, apaka ne Ghou Anai Mori? Yesu nawalezi ghidda, Yemmi dona a tekkiwe bahwa Zauwadona Nia. ⁷¹Badommo ghidda paneghe, "Kesaksian appa dommowe ne pabutuh da ghitto? Ghitto tarenge doubaza wali ngada-Na!"

Yesu Angindiza Barrana Pilatusa ¹Badommo, ngrakua ghidda ata dede monno a ngindiza Yesu nee arona Pilatusa. ²Monno, ghidda mulai batuduhza Yesu monno bapaneghe, "Zamme pakoleni na Ata apadingngazi bangsa mazamme monno nalarangngama zamme bama bayarana pajakka barrana Kaisar, lappata natekkiwe bahwa Nia dona Krittu, naata Raja."³Pilatusa namatua barrai Yesu, "Apakah Ghou Raja ata Yahudi?" Walewe Yesu, "Nia dowe ne patekkimu." ⁴Bdommo, Pilatusa napaneghe barra imam-imam kapala monno ata mangeda, "Zauwa daku paddegige pazalahna na Ata na." ⁵Ba ka, ghidda manuntutta sambil paneghe ba pawaddege, "'Nia nahasutai ata-ata bana waige papanungnga-Na ne ngarakua wilayah Yudea mulai wali Galilea dukki ni nia!" Yesu Angindiza barrana Herodesa⁶Na Pilatusa bana rengnge ne neghe, nia namatua apakah Yesu ata Galilea. ⁷Monno, nebana langnga papaddege nia bahwa Yesu walina wali wilayah kekuasaanna Herodesa, Pilatusa kaina napangindini Yesu Barrana Herodesa a tangngara nee na ne kota Yerusalemma.⁸Na Herodesa bana etaza Yesu, nia nasenanga langutakka. nia namadoi ba beige bana katemu dangngai-Nia orona nia bana rengnge mangeda hal tagu Yesu sebab nia naharapa bisa bana eta neiya mukjizat nepapaghillina na Yesu. ⁹Bage, Herodesa na ya mangeda patuana barrana Yesu, takka Yesu dana yaki patoobo pongnguki pawale barrana. ¹⁰Imam-imam kapala monno ahli-ahli Taurata a dede ne nee atudu langngutakkaza Yesu bawaige sengit.¹¹Baka, Herodesa monno ghidda tentara kaina apawarraka monno tedeka Yesu. Bawe ne, ghidda apataunawe jubah a manadana bage apangindini-Nia barrana Pilatusa. ¹²Ghettipona, Pilatusa monno Herodesa apamusuh wekkina, takka ne loddo ne ghidda bersahabata. Pilatusa Nagagala Banapabebasaza Yesu¹³Badommo, Pilatusa napakuadi imam-imam kapala, ghidda pemimpin Yahudi, monno ata mangeda, ¹⁴Baka napaneghe barrada ghidda, "Yemmi mingidiza na Ata barragu sebagai ata a patilliraza na ata mangeda. Ba ka, ne baku adiliza-Nia ne aromi, zauwa daku tobbokakiwe pazalahna a ghinna ghai na ne yemmi patudumini barra-Na.¹⁵Herodesa kaina dana tobbokakizi pazalah-Na lappata nia napangindizi na Ata bana bali barrada ghitto, Nia dana rawikige ne zalah a layakka banakolena hukuman mate. ¹⁶Orona ne, ne baku ba pahajara-Nia, zauwa ba kupazilliza-Nia." ¹⁷[Neiya loddo raya Paskah, Pilatusa harusa bana pabebasa naata papattu tagu ata mangeda.]¹⁸Ata mangeda akawaro dabba, "Paeruloloni na Ata! Pazilliza Barabasa taguma zamme!" ¹⁹[Barabasa niadona ata anee na golludana orona bana terlibat nee pemberontakan ne kota monno kaina rawige banapamate.]²⁰Orona Pilatusa beige bana pazallaza Yesu, baka nasadakka dommo nia bana paneghe barra ata mangeda. ²¹Ba ka, ghidda engadi akawaro, "Salibza Nia! Salibza Nia!" ²²Taguna nepatouda ghuddana Pilatusa namatua barrada ghidda, "Appawe? Bokala appa bawe ne parawina na Ata? Nia danna zalahki. Zauwa daku tobboka pongukiza ba appazalazi barrana-Nia a layakka kolena hukuman mate. Orona ne, zauwa ba kuhajarraza-Nia bage kupazallaza-Nia."²³Takka, ghidda apakitage bapakattona monno atuntutta waige lii nyaring gai Yesu kasalibza. Monno, liida ghidda na loukawe. ²⁴Akhirnya, Pilatusa napuatawe taguna banamadukkiwe nepatuntutda ghidda. ²⁵Nia napabebasa ata a dengngi oleh ata mangeda, na papatamada gollu orona bana rawige pemberontakan monno tagu papamate. Ba ka, ayaza Yesu barra pabeida ghidda. Salibbadai Yesu²⁶Ne ghidda tentara a kako ngindiza Yesu, ghidda kaina a pattuza naiyaata, niadona Simon wali Kirene a ghuddi mai wali desa. Ghidda tentara ataini salibna Yesu nebukkudetana Yesu monno apatukani bana kawaa na salibpa nee lirana Yesu.²⁷Mangeda ata a dekuni Yesu, monno ne antarada ghidda ghaidi maghinne-maghinne angio monno akalolluni Nia. ²⁸Ba ka, Yesu naaro barrada ghidda monno napaneghe, "Ta manghinne-manghinne Yerusalemma, ammana pangioga Zauwa. Ngio douge ne tou doumu monno ana-anamu.²⁹Ba nariaka rapana ghetti ata-ata ba paneghe, 'Berbahagialah manghinne-manghinne a ghoto, monno ne rahimna dana pernahki bana paana ana, monno ghidda zuzunna da pernahki pazuzuzi.' ³⁰Ne rapa ne ba ghidda apaneghe barra kaladdaka-kaladdaka, 'Warraka ne ponnuma zamme!' monno barra bukit-bukit, 'Padaddama zamme!' ³¹Sebab, apabila ghidda arawige ne hal-hal na ghazu bana moripa, appawe marawi ba na ghazu bana marokkota?"³²Ghai kaidi aduada ata abokala nepangindida taguna bahukumdi mate pazama-zama dagngani Yesu.³³Ne ghidda ba dukki ne iya paddou aa ngarana "Tengkoraka," ghidda tentara asalibni Yesu pazama dangngadi aduda a bokala, naata a neena bali kawana-Na monno naata dommo ne bali ghello-Na. ³⁴Badommo, Yesu napaneghe, "Ya Ama, ampundi ghidda, orona ghidda dapaddekige appa ne ghidda parawida." Bage ghidda tentara a letona undi taguna bapaddo-paddo kalabbina-Nia ne antara ghidda.³⁵Ata mangeda a dede ne nee aetawe ngarakuana, takka ghidda kapala Yahudi tedeka Yesu sambil madita batedeka. Ghidda paneghe, "Nia napasalamatadi ata wadde, niaka gaiku Nia kanasalamatage tou dou-Na niaka Nia bana Krittu, Papedena na Mori!"³⁶Ghidda tentara kaina atedeka Nia, bage ghidda amai monno atawarawe anggura maghillura barra-Na, ³⁷monno napaneghe, " Niaka Ghou Raja ata Yahudi, paluputa douge ne tou dou-Mu!" ³⁸Monno, ghai kaina ne patulisa ne togo-Na: "NAGHA NIABA RAJA ATA YAHUDI."³⁹Na iya wali penjahat a tagantung ne nee aghina Yesu, ghinnage, "Inda Ghouki Krittu? Pasalamatawe tou-Mu monno zamme!" ⁴⁰Ba ka, penjahat a ekana nateguraza nia monno napaneghe, "Dimi dautakimi barra Mori orona yemmi kaina deiba hukuman azama? ⁴¹Ghitto memang bana harusawe deiba setimpal monno baappawe ne parawida, takka na Ata dana rawikina zalah appa pongngu."⁴²Bage, nia napaneghe barrai Yesu, "Ya Yesu, lologakiga zauwa ne Ghou tama ne dana Kerajaan-Mu." ⁴³Zauwa kutekkiwe a ghinnatakkana barramu, ne loddo kaina ghou mupazama dangngaga Zauwa ne dana Firdausa." Namate Yesu⁴⁴Ne neghe sekitar pukul 12 loddo, kapatta todi ngarakua ne daerahdukki pukul 3 raimale ⁴⁵orona na mata loddo bana kapattana monno tirai neene Bait Allah namairra bagi duawe.⁴⁶Ba na Yesu naberseru monno lii aleitana, "Ya Ama, nee limma dana-Mu kuyaza dewa-Gu." Nebana ba pateki ne, Yesu napalouzage nga-Na a terakhira. ⁴⁷Ghidda kapala pasuan ba eta ba appawe marawi, nia nadeika Mori monno napaneghe, "Ghinnatakkana, na Ata daiki zalah!"⁴⁸Ghidda ata mangeda a mai pazama-zama taguna baeta ne peristiwa bapaddege appawe ne amarawi, ghidda bali sambil batukku-tuukuwe tukkungauda ghidda. ⁴⁹Ngarakua a paddeni Yesu monno pirra manghinne a dekuba-Ni wali Galilea adede marro-marro bapaddege hal-hal ne. Yesu Ataneni⁵⁰Ghai naiya kabani angarana Yusuf, anggota dewan penasihat, naata a dua monno ghinnana. (Nia douna danabeikige nepapauata monno nepabeida ghidda). ⁵¹Yusuf walighaina wali wanno Arimatea, neiya wanno ata Yahudi. Nia kaina ata aparema-remage Kerajaanna Mori.⁵²Nia kako barra Pilatusa monno nadengngi kamatena Yesu. ⁵³Bage, nia kaina napabuuru kamatena Yesu wali ghazu zalibpa monno nakaboroza waige kaba linen. Bana ba nia napabeika-Za neiya odi na papahatda ne watu kaladdakana. Ne nee, dai pongngukipo ata papabeikaghaida.⁵⁴Ne loddo ne niabawe loddo pasadia, monno loddo poddu niabawe ba mulaige. ⁵⁵Manghinne-manghinne a mai pazamadangngai Yesu wali Galilea adekuni Yusuf. Ghidda aeta na odi monno peighaina nekamatena Yesu bapabeikaza nee danana. ⁵⁶Baba ne, ghidda bali pasadina rempa-rempah taguna baorani nakamatena Yesu. Ne loddo Poddo ghidda angau aghinna ghaina hukumna Musa.

Papadukki Manakedde Yesu ¹Ne loddo kaiyana neminggu ne, Na loddo bana kapugede pongngupona, Ghidda manghinne -manghinne a kako nee odina Yesu sambil bangindi rempah-rempah ne pa siap bada. ²Monno ghidda akolebani na watu kalada bana madingngi wali na odi. ³Ba ka, ne ghidda batama, ghidda datobbokake kamatena Mori Yesu.⁴Ne ghidda ba nee pudi amangada-ngaddala orona ne hal, inda piddakuna ghaidi aduada ata atau kalabbi akabibba-bibbaka adede ne tidi da ghidda. ⁵Ghidda manghinne-manghinne amadauta langngutakka monno apakatongirage matada ghidda, takka ghidda aduada ata apaneghe, "Appake yemmi mighewa na ata amoripan ne tillu ata-ata mate?⁶Yesu dai kini nia, Nia na keddeba. Lolowe taguna ba appawe nepatekki-Na. barramu ghetti Nia ba neepuni Galilea. ⁷Nia napaneghe bahwa Ana Atapia harusa bayaza ne limmadeta ata-ata zala, azalibpaza, monno ba nakedde bali ne loddo katoudana."⁸Baka, ghidda maghinne-maghinne aloloba ne patekkina Yesu. ⁹Nebaba ghidda bali wali odi Yesu, ghidda apadukkige ngarakua ne amarawi barra akabullu touda rasul lappata ghidda adekuni Yesu a ekana. ¹⁰Maghinne-maghinne apadukkige ne hal barrada ghidda rasul niadona Magdalena, Yohana, Maria innai Yakobusa, monno pirra manghinne eka.¹¹Ba ka,patekkida ghidd maghinne-maghinne a anggapawe tekki boto oleh rasul monno ghidda dawaikige barrada ghidda maghinne-maghinne. ¹²Ba ka, Petrusa nadede monno namalle ne odidana Yesu. Nia nakabukku monno na eta nee dana, takka nia niakido bana tobbokawe kaba linen pakaborowai kamate. Babawe ne, Petrusa nabali monno namangaddala langngutakka atas ba appawe marawi ba. Yesu Napaboghowekkige Touna barrada Adekuni-Ni na lara Anudu Emaus¹³Ne loddo ne kaina, 2 ata dekuni Yesu kako nee iya desa a ngarana Emaus marronawe kira-kira 60 stadia wali kota Yerusalemma. ¹⁴Ghidda ata duada atekkiwe tagu ngaraku peristiwa a marawi.¹⁵Ne ghidda ba neede paneghe-neghe monno pazebaladi papangadda, Yesu douna na mai patukke lappata kako pazama-zama dangangadi ghidda. ¹⁶Ba ka, matada ghidda terhalang niaka ghidda da bisaki ba paddeni Nia.¹⁷Yesu napaneghe barrada ghidda, "apawe ne patekkimi yemmi a duada sambil bikako?" Ghidda duada ata kaina adangngi monno wajah da ghidda napaeta langngutakka banamillawe. ¹⁸Na iyaata wali ghidda a ngarana Kleopas napaneghe barra-Na, "Apakah Ghou iya-iyana ata eka ne Yerusalemma a dapaddege tagu appa a marawi ne nee ghuddi-ghuddi ne?"¹⁹Yesu napaneghe, "Tagu appa?" Ghidda kaina apaneghe barrana Nia, "Tagu Yesu wali Nazareta. Nia dona naata nabi a bonnuna kuasa nee patekki lappata nengindi-Na ne arona Mori monno nearoda ngarakua bangsa zamme. ²⁰Ba ka, imam-imam kapala monno ghidda kapalama zamme ayaza Nia taguna bahukummai mate, monno ghidda azalibpaza-Nia.²¹Ghinnatakkana zamme maharapawe bahwa niadona ba apakalogazi bangsa Israella. Takka, loddo ne niadowe loddo katouda banawalige ngarakuanawe ne amarawi.²²Ba ka, ghidda pirra maghinne wali na zamme apakatattakabama zamme. Ne ghidda aghaina ne paddouodi nebei kapu gedde kii, ²³ghidda datobbokakiwe kamatena Yesu. Ghidda bali monno atekkiwe bahwa ghidda a eta ba nepabogho malaikata-malaikata, a tekkiwe bahwa Nia namoripa. ²⁴Badommo, pirra ne wali zamme kako ne barra odi a kole dommoni ghidda a tekkiwe ole ghidda maghinne-maghinne. Ba ka, ghidda daetakiza Yesu."²⁵Badommo, Yesu napaneghe barrada ghidda, "Oh, betapa kabikana yemmi monno dakke ate taguna biwaige ngara kuanawe a ba nepatekkida ghidda nabi. ²⁶Indaniaka Krittu harusa bana alamiwe ne boto monno tama nee dana kemuliaan-Na." ²⁷Baka, Yesu napajelasage ngara kuanawe a matulisa nee ngarakua Zurata Abia tagu tou-Na, ghukku wali Zuratana Musa dukki ngarakua zuratada ghidda nabi.²⁸Ne ghidda batukke nee desa Emaus, Yesu napakitana banakako seakan-akan bana pakitage pakako-Na. ²⁹Ba ka, ghidda pattuza Nia monno bapanegehe, "Dangngilolo barrama zamme sebab loddo baba dukkiwe gedde monno mataloddo nadukki banatama," Baka, Yesu natama taguna bana dangngi dangngadi ghidda.³⁰Ne Nia bana paiya dangngadi ghidda ne meja ngaa, Yesu nadeke kababa monno bana pamaringngizi. Nia napibbi-pibbizi, bage nayadadi barrada ghidda. ³¹Neme ghinna, matada ghidda amaghukke monno ghidda apaddeni na Yesu. Takka, indapidda-piddakuna Yesu namuana wali aroda ghidda. ³²Baba ne, paneghe bada ghidda iya zama eka, "Indaniake ateda ghitto mahehe- hehera ne Nia bana paneghe dangngada ghitto negaina laradana monno ne Nia napadukkige Zurata Bia barrada ghitoo?"³³Ne meghinna ne kaina, ghidda dede monno abali nee Yerusalemma. Ghidda atobbokazi kabullu iya murita monno ata-ata pazamadangngadi ghidda needi apakua dabbana. ³⁴Murid-murid ghidda apaneghe barrada ghidda aduada, "Mori benar-benar bana kedde ba monno napaetawekkige touna barrai Simon!" ³⁵Ghidda duada padeku kaina batekkiwe baappawe ne a marawi nee pakakoda ghidda. Ghidda apadukkige peighainawe ghidda bapaddeni Yesu ne Nia bana pibbizi kababa. Yesu Napaboghoge Touna barra Adeku-deku-Ni³⁶Ghidda ata duada neepudi atekkiwe ne marawi ne, Yesu nadede ne tillu-tillu ghidda monno napaneghe barrada ghidda, "Dame pazamadangngagu." ³⁷Ba ka, ghidda akatattaka monno amadauta. Ghidda asangkawe bahwa ghidda needi aeta wanne.³⁸Badommo, Yesu napaneghe barrada ghidda, Peina yemmi mikatattaka monno neragu bana ouda atedanamu? ³⁹Etagadi limma-Gu monno ghai-Gu. Ne benar-benar Zauwa. Todoga Zauwa monno Etaga, wanne dana mangngu kanaakina monno ruwwi aghinna ghaina yemmi bieta barra-Gu." ⁴⁰Ne baba ba Yesu patekkiwe ne, Nia naboghodi limma monno ghai-Na barrada ghidda.⁴¹Sementara ghidda neepudi dawaikige orona mahehera monno mangdda-ngaddala, Yesu namatua barrada ghidda, "Apakah ni nia yemmi mimilikana lakkaappa taguna ne pangaa?" ⁴²Bage ghidda aya ne ngabba igha papadarra barra-Na. ⁴³Yesu nadeke ne igha monno nangaage ne aroda ghidda.⁴⁴Badommo, Yesu napaneghe barrada ghidda, "Neghe niabawe nepatekki patekkigu Zauwa barramu neba nee poga pazama dangngagu. Ngarakua amatulisa tagugu Zauwa nee hukumma Tauratana Musa, zuratada ghidda nabi harusa bagenapi."⁴⁵Badommo Yesu naghukkeda papangaddada ghidda akolege ba pahamiwe Zurata Abia. ⁴⁶Yesu napaneghe dommo barrada ghidda, "Ghaige matulisa bahwa Krittu harusa menderita monno kedde wali ghidda ata mate ne loddo katoudana. ⁴⁷Monno, padarra dangnga taguna bauwwaopizi zalah ba apaetage nee ngara-Na barra ngarakua bangsa, ghukku wali Yerusalemma.⁴⁸Yemmiba ba saksi-saksi wali ngarakua neghe. ⁴⁹Kipaddege, Zauwa kupangindige janji Ama-Gu barramu. Ba ka, dangngighu ne kota Yerusalemma dukki yemmi bapagannami waige kuasa wali paddou madeta." Yesu Namakeketa ne Surga⁵⁰Badommo, Yesu nalaikozi ghidda ngara deku-Ni nee gounga kota dukki ne Betania. Ne nee, Nia nakeketazi limma-Na monno napamaringngizi ghidda. ⁵¹Na Yesu napamaringngizi ghidda,Nia napegha wali ghidda monno namakeketa nee surga dana.⁵²Baka, ghidda akaghodo-Ni monno bali nee Yerusalemma monno bersukacita langngutakka. ⁵³Ghidda slalu ba nee di Baitta Mori monno deika Mori. [[ayt,co/Luk]]

Ne Mangewala Naburuwe ponu Tana ¹Ne kaghungana niakido ne li'i, ne Li'i niadomodona Allah. ²Ne li'i napaiyadangani Allah gheti kaghungana. ³Ngarakuanawe niadona apadadige. Badaiku Nia, ngarakua a ghaina, daikige.⁴Ne barana Nia ghaige toleka monno ne toleka Nia domodona mangewala ata pia. ⁵Ne mangewala napatazzarage ne kapatta, monno ne kapatta dana paghezi kiwe.⁶ghai na ia ata papatukana Allah,ngarana yohanesa. ⁷Nepamaidangana tubana mangewala gai kawaidabbage ata. ⁸Na yohanesa indaniadoukina mangewala,takka ne bana maitekkinawe ne tubana mangewala.⁹Mangewala a dua langutakka Nia a pamangewala ngarakua ata,a mai ne ponutana.¹⁰Ne mangewala ghai memabage ne ponutana nia apadadige , takka ne ponutana da tadakiza. ¹¹na pamai dou-Na, takka ghida douna da dibake Nia.¹²Takka, ghidda dibba Nia na yadi boto gaika ana-ana Allahzi, ghidda awaina ne ngara-Na. ¹³Ne bana dadi inda parawi bokalakida monno inda pa bei kabanikiwe, takka walina bara Allah.¹⁴Ne li'i na dadi kanaawe monno na dangiwe barada ghitto. Ne ghitto taetabawe ne mangewala, ne mangewala ana kanuana Ama na bonuge paghezzi monno na bia langgutakka . ¹⁵Na Yohanesa na yawe ne taguna nia monno napadadalage, "Na niadona ghatti palangigu ghetti baku tekiwe, ' Ba nebadaiga zauwa, amini amai auluga, orona ghaimemaba Nia ba daipoga zauwa."'¹⁶Wali bara-Na, ghitto ngarakua tadibawe ne kanuru kanangga. ¹⁷Niaka, ne paretana na yawe bara Musa, takka ne kanuru monno ne abia langutaka walina bara Yesu karitu. ¹⁸Daiki ia ata aetaba Allah, aneena babadeta Ama, Nia aboghoge. patekina Yohanesa Pembaptis¹⁹Neniawe patekina Yohanesa ketika ata-ata Yahudi papatuka imam-imam monno ata lewi awalina Yerusalem monno atua na Yohanesa, "Garagu ghouu?" ²⁰Na Yohanesa natekiwe, monno dana kedekiwe, monno na tekiwe ne aghina takkana, "Zauwa inda Yesu karitukiga." ²¹Ghidda amatua barana, "ba ghinako, garagu ghouu? Apataka ghouu Elia?" Nia nawalewe, " Zauwa inda Eliakiga." "Apatakka ghouu ghetti Nabi?" Nia nawalewe, " Indaki."²²Kabage, ghidda katekina barana, "Garagu ghouu, orona zamme kama ya pateki barada ata apatukama zamme? Apa ne pateki taguna tou doumu?" ²³Yohanesa nawalewe aghinana pateki nabi Yesaya, "Zauwadona li'i ata a ghetti palangina Nabi Yesaya apadadalage ne tilu marada kikapa: 'Palurusa lara taguna mori!"' Yesaya 40:3²⁴Ata-ata Yahudi a papatukada ghetti nialoloba ata Farisi. ²⁵Bage, ghidda ka tekiwe bara yohanesa, " Ba ghouu inda Mesiaskughu, inda Eliakughu, monno Inda nabikughu, bakka apa ghou bumabaptisa?"²⁶Yohanesa na walezi ghidda, "Zauwa kumababtisa waina we'e, takka ne tidi barami yemmi dede iya ata dapa pademi yemmi. ²⁷Niadona amai liragu zauwa. Ne babughenadi kalere kapeghaina, daku pantasaki." ²⁸Ngarakuakona ghetti na dadi ghaiwe ne Betania, ne bali loko Yordana, padou Yohanesa bana mabaptisa. Ana bebe Allah²⁹Na mewage tana, na Yohanesa na Yesusa amai barana, monno Yohanesa na tekiwe, "Etaza, Ana bebe Allah aopi zala ponu tana! ³⁰Niadona ghetti palagigu ne baku teki, 'ne baligu zauwa amini nammi ata alouka kiapakaladana wali zauwa orona nia ghaimemabai Nia ba daipoga zauwa. ³¹Ghetipona, zauwa daku padeki Nia, takka gai ka tekiwe bara ata Israel, niawe kakumaiga pamabaptisa waina we'e."³²Monno, Yohanesa nateki, ghinage, "zauwa ku eta ne ngau aburu wali langitadeta apatudana keila merpati monno ne ngau na dangiwe ne barana. ³³zauwa douna daku padeki Nia, takka Nia apatukaga zauwa gaii kamabaptisa waina we'e na tekiga baragu, 'Nia aneena togona paetami na ngau aburu monno adangi, Niadona abaptisawaimigi ngau erri.' ³⁴zauwa douna ku eta monno na yaga pateki bania nagha ana Allah."' Ana-Ana papanungana Yesusa a Ullu³⁵Na mewage tana, Yohanesa na dede dangadi aduada ana papanungana, ³⁶monno nia na eta Yesusa akako. Yohanesa kana tekiwe, "Etaza, Ana Bebe Allah!"³⁷Kaghidda aduada ana papanungana arengewe ne patekina, kadeku namaramba Yesusa. ³⁸Yesusa na gilaka ne lira monno kana etazi badekuni, Nia kana tekiwe barada ghidda, "Appa paghegami?" Ghidda katekiwe bara-Na, "Rabi (a ne paterjemahkanda a artina: Guru), geniage padou dangimu?" ³⁹Nia napaneghe barada ghidda, "Mai monno kietawe." kabage, ghidda kamai monno ba eta padouna Nia bana dangi monno ghidda adangi dabba orona gheghetti noto jam kesepuluh.⁴⁰Na ia wali duada ana papanungana arengewe ne pateki Yohanesa bage ba deku Yesusa niadona Andreas, angua Simon Petrusa. ⁴¹Netipona, Andreas napatabokadangani Simona, anguana, monno napalaranawe, "zamme matabokaba Mesias (a nepaterjemakanda ajadi 'Kritu')." ⁴²Kabage, Andreas na ghinde Simona bara Yesusa. Yesusa napazarai Simona monno napaneghe, "ghouu Simona, ana Yohanesa. Ghouu akadangagu kefasa (a artina 'Petrusa' atau 'watu')."⁴³Namewage tana, Yesusa napangadage kako ne'e Galilea. Nia napatabokadangani Filipusa monno kana tekina barana, "Dekuga zauwa!" ⁴⁴Filipusa wali ghaina Betsaida, wanno padou dangida Andreasa monno petrusa. ⁴⁵Filipusa na patabokadangani Natanael monno kana tekina barana, "zamme ma tabokaba Nia ghatti patulisana Musa ne hukum taurat dana monno ngara nabi, Niadona Yesusa wali Nazareta, ana Yusufa."⁴⁶Natanael napaneghe barana, "Noto enga ammige adua wali Nazareta?" Filipusa napaneghe barana, "Mai monno etaza." ⁴⁷Yesusa naeta Natanael ba ammi barana monno natekiwe taguna Natanael, "Etawe, ata Israel sejati, daiki boto ne barana nia!" ⁴⁸Natanael namatua, "peipatana ghouu bu padega zauwa?" Yesusa na wale, "badana kadangapugu Filipusa, zauwa ku eta memebagu baneegu ghouu ne ne kabu ghazu ara."⁴⁹Walena Natanael, "Rabi, Ghouu loloba ana Allah. Ghouu loloba tokko ata Israel." ⁵⁰Yesusa na walewe monno napaneghe barana, "orona zauwa kupaneghe baramu, 'zauwa kuetagu ne kabu ghazu ara', Niaka Ghouu ku waige? ghouu ba mueta hal-hal alouka pakaladakiana wali neghe!" ⁵¹Bage, Nia napakitage, "aghinatakana, bakutekigo baramu, ghouu bamueta langita amabughe monno malaikat-malaikata Allah pene buru na layani Ana ata pia."

Wee Nakabali Anggura ¹Ne loddo paka touda wainawe ghaige rame perkawinanna ne Kana, Galilea, monno innana Yesu neeni nee. ²Yesu monno murid-murid-Na kaina aboghodi ne rame perkawinanan ne.³Ne bana pabage anggura, innana Yesu napaneghe barra-Na, "Ghidda apa babana wee anggura." ⁴Yesu nawalewe, "Maghinne, appa hubungana dangnga-Gu? Rapa-Gu dana riakakipowe." ⁵Innana Yesu napaneghe barrada ghidda tagupadolana, "Appa pongngukowe ne patekkina Nia barramu, rawige ne."⁶Ne nee, ghaide enne gentong wali watu, ne ghinnabana pawaida ata Yahudi ne acara penyucianna. Tagu-tagu gentong na abotiza kira-kira duada atau touda kapuzza. ⁷Yesu napaneghe barrada ghidda tagupadolana, "Paidi ghidda gentong-gentong taudi wee." Monno, ghidda apaidi gentong-gentong ne monno wee lappata ba bonnuna. ⁸Badommo, Yesu napaneghe barrada ghidda, "Nemeghinna, deke yodi monno ngidiwe barra kapala rame." Bage, ghidda a ngindiwe barrana kapal rame.⁹Na kapala rame bana nungngawe ne wee ne ajadi ba anggura ne, monno nia dana paddekige bage wali nianawe (takka ghidda tagu padoli a deke wee ne paddege), bage na kapala rame nakadangngani na iya kabani, ¹⁰monno napaneghe barrana, "Ngara ata hidangkan wee anggura a dua na ullu monno ne ngarakua ata padukkage enu, niabawe bahidangkange anggura da dua pia. Takka, ghou baddalawe anggura a dua dukki nemeghinna."¹¹Tada ajaib ullu parawina na Yesu nee Kana, Galilea, monno napaetage kemuliaan-Na, monno murid-murid-Na waige barra-Na.¹²Baba ne, Yesu naburru nee Kapernaum pazamadangngani inna, oledadi-oledadi, monno murid-murid-Na. Ghidda dangngi ne nee selama pirra loddona. Yesu Neeni Baittana Mori¹³Loddo Raya Paskah ata Yahudi na tukke bawe, monno Yesu kaina na penne nee Yerusalemm. ¹⁴Nee Baittana Mori, Nia naetazi ata-ata a battana lembu, bebe, monno merpati, lappata ghidda a tukarazi riti madii ne nee.¹⁵Yesu napadua apadapiwaini wali kalerre monno ghalozi ngarakua louza wali Baita Mori, termasukka ngarakua domba monno lembuda ghidda. Niakaina naletodi riti-riti bei wali ghidda atukara riti monno apalaballekazi meja-mejada ghidda. ¹⁶Barrada ghidda daga merpati, Yesu napaneghe, "Louza ngindi ngarakuazi wali ninia! Ammana parawi ummana Ama-Gu paddou taguna mabatta maghoi!"¹⁷Murid-murid-Na lolobawe bahwa ghaige matulisa: " Beige ne umma-Mu, pakarraga Zauwa." Mazmur 69:10 ¹⁸Badommo, ata-ata Yahudi walewe monno pabegha barrana-Nia, "Tada ajaib appae ne Ghou paboghomu barrama zamme lappata Ghou berhak buboghoge hal-hal neghe?" ¹⁹Yesu nawalezi ghidda, "Kogarage Batta Mori neghe monno touda loddona ba Zauwa kupakedde baliwe."²⁰Ghidda walewe, "Perluwe 46 douna taguna bapakeddewe Baattana Mori neghe, monno Ghou ba pakeddewe ne rapa touda loddona?" ²¹Takka, na Yesu pamaksudna Baitta Mori niadowe tou dou-Na. ²²Orona ne, na Yesu apakeddeza wali barra ata mate, murid-murid-Na lolo ba tekkiwe ne; monno ghidda waige barra Zuratz Bia monno patekkina na Yesu patekkida.²³Na Yesu baneeni ne Yerusalemma selama Rame Paskah, mangeda ata waige ne ngara-Na orona baeta tada-tada ajaibpa ne parawina-Nia. ²⁴Ba ka, Yesu kaina dana wai doukige ne touna-Nia barrada ghidda orona Nia bana paddedi ngara ata, ²⁵monno dana butuhki lakka garrani taguna baya kesaksianna tagu atapia sebab Nia napddege appa ne ghaina ate danada atapia.

Arti Bapadadi Bali ¹Ghai naata Farisi ngarana Nikodemusa. Nia dona naata kapala bangsa Yahudi. ²Neiya gedde, nia na mai barrana Yesu monno napaneghe, "Rabi, zamme mapaddege bahwa Ghou dona Guru a mai walina Mori orona badai pongngu iya ata a paddege barawidi tada-tada ajaibpa ne Ghou parawimu, wattena Mori ghai pazamadangngani."³Walewe Yesu barrana, "Ghinna takka pongnguna Zauwa paneghe barramu, niaka naata ba dappa padadi balikoza, nia dana kolekige Kerajaanna Mori." ⁴Nikodemusa namatua, "Peina banamungkinnawe naiya ata bapadadi balini baka nia bana kaweda bako? Bisadommokadowe nia bana tama bali ne bebe dana inna monno nadadi bali?"⁵Walewe Yesu barrana, "Ghinnatakkana, Zauwa kupaneghe barramu, niaka naata badappa dadiko wali wee monno Roh, nia dana tama baki ne Kerajaanna Mori. ⁶Appa nepadadi wali kanaa niadowe kanaa, monno appa ne papadadi wali Roh niadowe roh.⁷Ammana pamangaddalla orona Zauwa baku tekkiwe barramu, 'Yemmi harusa bapakedde balimi.' ⁸Paringngi namapoghi ba ge ninia nia bana nau onno yemmi trengngewe punnina, takka yemmi di paddekige ba ge wali nia monno ba ge niniani bana kako. Ghinna kaina na ngara ata ne papadadida wali Roh."⁹Nikodemusa namatua, "Peighainawe banamunkinnawe ngarkua hal bana marawiwe?" ¹⁰Yesu nawalewe, "Indayemmiki guruda ata Israella, takka yemmi di padde ngakuakige hal neghe? ¹¹Ghinnatakka pongnguna, Zauwa kutekkiwe barramu bahwa zamme mapaneghe ragu appa ne zamme papadde monno paya kesaksianna tagu appa ne zamme paeta, takka yemmi di deibakiwe kesaksiannama zamme.¹²Niaka Zauwa baku tekkigowe taguna hal-hal ponnutanah niakidowe yemmi di waige, peigahinawe banamungkinnanawe yemmi ba waige niaka Zauwa tekkiguwe taguna hal-hala surgawi? ¹³Dai pongnguki iya ata penne surgadana, wattena Nia a burru ba wali surgadana, niadona Ana Atapia.¹⁴Zama ghinnana Musa apapenni nippe tembaga ne maradda kikappadana, ghinna kaina Ana Atapia harusa bakeketaza, ¹⁵gai ngara ata waige barrana-Nia nakolena moripa a kekalla.¹⁶Orona Mori bana manawwarage ne ponnutanah ne, Nia nayaza Ana-Na a kanua gai ngara ata a waige barra-Na da binasakana, melainkan kolege moripa a kekalla. ¹⁷Orona Mori bana patukani Ana-Na ne ponnutanah inda tagukinawe bana hakimiwe ponnutanah, melainkan gai ponnutanah kapassalamatawe melalui Anan-Na. ¹⁸Ata waige barra-Na ba da hukumma kidi, takka ata da waige nee bani ne kabu hukumanna oroba nia dana waige ne ngarana Anai Kanuana Mori.¹⁹Neghe niabawe hukumanna ne: Mangewala na maibawe ne ponnutanah, takka atapia na louka pabeige kapattana walibarra mangewala orona appa ne parawida niadowe bokala. ²⁰Orona ngara ata a padawe bokala nabuttuge Mangewala monno dana mai kaiki barra Mangewala ne gai parawi-parawina dana makeke-keketakiwe. ²¹Ba ka, ata a rawige dua namai barra Mangewala ne gai kapaetage parai-parawina ne kana rawige ne barrana Mori," Yohanesa Bersaksi taguna Yesu²²Nebaba ne, Yesu monno murid-murid-Na kako ne tanah Yudea. Ne nee, nia napa bage rapa pazamadangngadi ghidda monno babaptisa. ²³Yohanesa kaina na baptisa ne Ainon barra Salim orona ghai wee mangeda ne nee. Ata-ata mangeda mai monno abaptisazi. ²⁴Rapa ne, Yohanesa dappa patamakipuni nee dana golludana.²⁵Monno, Nakeddebawe bapabalena barra pirra murid Yohanesa monno na ata Yahudi taguna penyucianna. ²⁶Ghidda kakoni Yohanesa monno paneghe, "Guru, Ata pazamadangngagu ne bali Yordanna, ne taguna Nia ghou mubersaksi ba, etaza, Nia kaina nabaptisa monno ngarakua ata mai barra-Na."²⁷Yohanesa nawalewe, "Atapaia dana bisa banadeibawe lakka appawe, watte hal neghe bayawe barrana wali surgadana. ²⁸Yemmi douna bisa biyawe kesaksianna bahwa zauwa pernah paneghe, 'Zauwa inda Mesiaskiga,' takka zauwa patukaga taguna baku ulluni-Nia.²⁹Ata ghaina mempelai maghinne niadona mempelai kabani-kabani; takka sahabata mempelai kabani-kabani, a dede monno rengngeza, na bersukacita takka bana rengnge lii mempelai kaban-kabani. ³⁰Niaka, sukacitagu kaladage monno zauwa harusa semakinna kiina."³¹"Nia a mai wali togona niadona neena togona ngarakuana,Nia walina wali ponnuntanah niadona wali ponnutanah monno paneghe taguna hal-hal a neena ne ponnutanah. Nia mai wali surgadana niadona ne ponnuna ngara kuanawe. ³²Nia naya kesaksianna tagu appawe nepaeta monno arengngeza-Nia, takka ata-ata da deibakiwe kesaksiannn-Nia. ³³Ata deibawe kesaksianna-Nia akuiwe waige ghinnana bahwa Mori na dua.³⁴Sebab, ata papatukana Mori ba napadukkige patekkina Mori orona Mori banaya Roh ne dai batasnawe. ³⁵Ama namanawwarana Ana monno a ya ba ngar kuanawe nee limma dana-Na. ³⁶Ata a waige barrana Ana ghaige moripa a kekalla, takka ata da dekuni Ana ba danna etaki moripa, melainkan murkana Mori enga ghaige barrana."

¹Papaneghe dangngana Yesu Maghinne Samaria Na Yesu bana paddege kalau ata-ata Farisi rengnge ba bahwa Nia nakolebadi monno banabaptisazi louka mangeda murid walibarra Yohanesa, ²(lakkakupu Yesu douna dana baptisa, takka murid-murid-Na), ³Nia nagaige Yudea monno nabali dommo nee Galilea.⁴Takka, Nia harusa bana lawiwe wilayah Samaria. ⁵Dukkiba Yesu ne Samaria, ne iya kota a ngarana Sikhar, a neena ne barra tanah ne ghettipona payana Yakubpa barra anana, Yusufa.⁶Sumurana Yakubpa ghaige ne nee. Badommo, Yesu na lelah orona bakako, madii ne uppu sumura ne. Ne neghe, kira-kira jam kaenne. ⁷Ammibani maghinne Samaria taguna oke wee. Yesu napaneghe barrana, "Yaga Zauwa enu." ⁸(Sebab, murid-murid-Na kako bage nee kota taguna baghoi pangaa.)⁹Maghinne Samaria na napaneghe barrana Yesu, "'Peighaina mungkinna Ghou, ata Yahudi, dengngi wee paenu barragu na niadona maghinne Samaria?" (Sebab, ata Yahudi dappa tegera wekki kina monno ata Samaria). ¹⁰Yesu nawale monno napaneghe barrana, " Niaka ne yemmi paddege tagu karuniana Mori monno paddege garrani a paneghe barramu, 'Yaga Zauwa wee', yemmi pasti ba madengngi barra-Na, monno Nia ba nayagu wee moripa."¹¹Maghinne na napaneghe barra-Na, "Tuan, Ghou daiki paokewaimu monno sumur neghe namadale pongnguge, ge wali nianawe Ghou bukolena wee moripa ne? ¹²Appa ne Ghou louka kaladana walibarra inna kaweda waikama zamme, Yakubpa, a yawe sumur neghe barrama zamme monno ba enu douna wali sumura neghe lappata ngara anana monno rangana?"¹³Yesu nawalewe monno napaneghe barrana, "Ngara ata a enugewali wee neghe ba marou dommo, ¹⁴takka ata a enuge wali wee ne Payagu barrana ba dana pernahki marou dommo; takka wee Nepayagu barrana ne ba niawe mata wee neene tou danana ne ba pakita tobbula dukkiwe barra moripa a kekalla."¹⁵Maghinne na napaneghe barrana Yesu, "Tuan, yaga zauwa wee ne gai zauwa ba kadaku marou dommokana monno zauwa daku perluki mai dommo ne nia taguna baku oke wee." ¹⁶Yesu napaneghe barrana, "Kakowa, kadangngani laemu monno baliwa nw nia."¹⁷Maghinne na nawalewe, "Zauwa daiki laegu." Ghinnage Yesu barrana, "Yemmi bennara ne bupaneghe, 'Zauwa daki laegu'. ¹⁸Orona yemmi pernah baghaina limma lae, monno kabani-kabani dangngidangngagu nemeghinna inda laekimudi. Neghe hal ne, yemmi tekkiwe bennra."¹⁹Ghinnage maghinne na barra-Na "Tuan, nemeghinna zauwa paddege bahwa Ghou dona neata Nabi. ²⁰Inna kawedawaikama zamme kaghodo ne kaladdakana neghe, takka bangsa-Mu tekkiwe bahwa Yerusalemwe paddou ara harusa kaghodo."²¹Yesu napaneghe barrana, "Waigawe barra-Gu, ta maghinne! Ba nariaka rapanawe ba indaniakowe ne kaladdakadetana ne lakkakupu nee Yerusalemma ata kaghodoni Ama. ²²Yemmi mikaghodoni ne yemmi dappa paddemi, takka zamme makaghodoni na zamme papaddema orona moripa mai wali bangsa Yahudi.²³Takka, ba riaka rapana, niado nemeghinna, pakaghodo-pakaghodo dua ba kaghodoni Ama roh dana monno ghinnana; sebab Ama natuntutawe ghinnana ne taguna bakaghodoni Nia. ²⁴Mori niadona Roh monno ghidd a kaghodoni Nia harusa bakaghodoni-Nia roh dana monno ghinnana."²⁵Maghinne na napaneghe barra-Na, "Zauwa kupaddege bahwa Mesiasa ba na mai (Nia dona patekki Krittu). Ne Nia banamai, Nia ba natekki ngarakuawe barrama zamme." ²⁶Wale Yesu barrana, "Zauwa, a neena paneghe barramu niadona Nia."²⁷Neghe ne, ammibani murid-murid-Na monno ghidda mangaddala baeta Yesu neena paneghe dangngani naiya maghinne. Takka, dai pongnguki iya ata amatua barra-Na, " Appa ne Ghou paghewamu?" atau "Appa ne Ghou bupaneghe dangngani Nia?"²⁸Badommo,maghinne na nagaini kendi weena monno nakako nee kota lappata banapaneghe barrada ata-ata ne nee, ²⁹"Mai, etaza ghaini Naiyaata a tekkigawe barragu ngara kuanawe ne parawi ba. Mungkin Nia dona Mesias na?" ³⁰Ghidda kaina kako palouzage ne kota monno patangadangngani Yesu.³¹Tangngarana ne, murid-murid-Na rudduza Yesu waige patekki, "Rabi, ngaabelli." ³²Takka, Yesu napaneghe barrada ghidda, " Zauwa ghaige pangaagu ne dappa paddemi yemmi." ³³Bage, murid-murid matua iya barra a eka, "Appa dai pongnguki iya ata ngidi lakka appa barra-Na taguna nebangaa?"³⁴Yesu napaneghe, "Pngaa-Gu niadowe bakudekuge pabeina Nia a patukaga Zauwa monno bapabage paghilli-Na. ³⁵Inda yemmike paneghe ne, 'Pata kia ghulana musim panen nariakawe'? Etabelli, Zauwa kupaneghe barramu, ghukkezi matamu monno eta bellizi oma-oma adingngirabana taguna ba dekezi. ³⁶Nemeghinna kaina, nia atuaiwe nadeiba bawe upanah monno pakuadi ghua taguna moripa kekalla lappata penuai monno penaburra gaika bersukacita dabba.³⁷Ne hal neghe nepatekki na biawe, 'Na ata menaburra monno na wadde menuai.' ³⁸Zauwa kupatukami yemmi gai kimenuai neiya ne dappa papaghillimi yemmi; ata wadde apaghilli bage monno yemmi mitama ba ne papaghilli danada ghidda."³⁹Mangeda ata Samaria wali kota ne ba waige barrana Yesu orona patekkina maghinne na, ne ayawe kesaksianna, "Nia padukkigawe zauwa ngarakua hal ne parawibagu." ⁴⁰Niaka, Ghidda ata-ata Samaria badukki ne barrana Yesu, ghidda dengngiza gai kana dangngi dangngadi ghidda monno Yesu dangngi ne nee selama duada loddona.⁴¹Monno, ghaide louka ata dommo a waige orona ptekki Yesu douna. ⁴²Ghidda paneghe barrana maghinne na, "Inda nia dommokiwe orona patekkimu zamme bama waige, melainkan orona zamme douna marengngewe, monno zamme paddege bahwa Nia na benar-benar Tagulizzu Tagukouka ponnutanah," Anana Pegawai Istana Apalangngaza⁴³Nebaba 2 loddo, Yesu nagaige paddou ne monno nakako Galilea. ⁴⁴(Ghettipona, Yesu douna nayabawe kesaksianna bahwa naiya nabi dappaakakini ne negeri douna.) ⁴⁵Na Yesu nebana riaka ne Galilea, ata-ata Galilea raggaza-Nia orona ghidda baeta ba ngara kuanawe ne papaghillina Yesu nebaramege nee Paskah ne Yerusalemma orona ghidda kaina bakako nee rame ne.⁴⁶Orona ne, Yesu na mai dommo nee Kana, Galilea, paddou kako bana Nia bana paduawe wee banakabali wee anggurage. Nee Kapernaum ghai na pegawe istana na ana kabanina neena karodduka. ⁴⁷Na pegawe istana bana rengngewe bahwa Yesu na maiba wali Yudea nee Galilea, nia nakako bana patangadangngani monno nadengngi barrana Yesu gai kanamai monno kanapalangnganani anana ba tippa mate.⁴⁸Bage, Yesu napaneghe barrana, "Kalau yemmi ba di etako tada-tada monno hal-hal ajaibpa, yemmi dinauki pawaige." ⁴⁹Pegawe istana na napaneghe, "Tuan, maibelli naanagu neba dana matepo." ⁵⁰Yesu napaneghe barrana, "Balibelli, anamu moripa!" Ata na nawaige ne patekki ne patekkina Yesu barrana monno nakabelli ata na.⁵¹Neba neepuni pegawe isatana na engapuni nee laradana, ata-atana patangadangngani monno natekki dawe bahwa ana kabanina moripa. ⁵²Pegawe istana na namatua barrada ghidda taguna jam pirra kondisi anan bana duaba. Monno, ghidda walewe, "Manna kira-kira jam pittu kaghiddukana namuage."⁵³Amana na lakawa napaddege, ne rapa neghe niabawe Yesu bana tekkiwe barrana, "Anamu moripa." Niaka, pegawe isatana na monno ngarakua dughuoledadina a waibage barrana Yesu. ⁵⁴Niabawe tada ajaibpa kaduadana ne parawina Yesu ne bana bali wali Yudea nee Galilea.

Naiyaata Kabani Apalangngani ne Kolam Betesda ¹Nebaba ngarakuana ne, ghai rame loddo rame ata Yahudi monno Yesu napenne nee Yerusalemma. ²Ne Yerusalemma, ne barra Binna Gerbang Bebe ghaige neiya kolamma neba paneghe ibarani dana kowe tekkiwe Betesda, a ghaina limma serambi. ³Ne serambi-serambi ne, ghaide mangeda ata karodduka beika: ata kaburra, ata kabeko, monno ata kalikku (ghidda paremage ne wee kolamma dana nebanabergolakkawe. ⁴Sebab, ne rapa-rapa nawe, malaikatana Mori ba naburru ne kolamma monno napakaghoddekawe weena. Ata ullu pongngu tama ne kolamma dana nebaba bergolakkawe ne wee, ba palangngazi lakka appa karoddukawe ne papaddana).⁵Na nana, ghaina ata karodduka ba selama 38 douna. ⁶Na Yesu naetaza nia bana beika ne nekke monno napaddege bahwa nia namadoi pongnguba banamenderita karodduka, Yesu namatua barrana, "Appae ghou nau bapalangngaghu?"⁷Ata karodduka na nawalewe, "Tuan, daiki ata a paburruga zauwa ne kolamma dana ne wee bana bergolakkawe, takka tangngara neega berusaha ata waddeka burru ba ba ulluga." ⁸Yesu napaneghe barrana, "Dedeghu! Keketawe teppemu monnokakoghu."⁹Nemeghinna mema, ata na nalangngana, nia nakeketawe teppena, monno nakako. Takka, loddo ne niadowe loddo Poddu.¹⁰Orona ne, ata-ata Yahudi paneghe barra ata nepapalangngada ne, "Loddo ne niadowe loddo Poddu, yemmi di keketakawe teppmu." ¹¹Ba ka, nia nawalewe, "Ata a palangngaga, Niadona a paneghe barragu, 'Keketa teppemu monno kakoghu."'¹²Ghidda matua barrana, "Garrai na ata a tekkigo barramu, 'Keketa teppemu monno kakoghu'?" ¹³Takka, ata na papalangngabada ne dana paddekige ba garrai Nia orona Yesu bana menyelinap ba wali ata mangeda ne paddou ne.¹⁴

Pangaa taguna Louka wali Limma Rata Ata ¹Nebaba ne,Yesu napalage oba Galilea, niadowe oba Tiberiasa. ²Mangeda ata dekuni Nia orona baeta tada-tada ajaibpa ne Nia parawina barra ata-ata karodduka. ³Badommo, Yesus na penne ne ponnu kaladdakana monno madii ne nee pazamadangadi murid-murid-Na.⁴Rapa ne, rame Paskah ata Yahudi natukke bawe. ⁵Sambila bana pazarrana ne gholeta-Na monno naeta ata mangeda mai barra-Na, Yesu napaneghe barrana Filipusa, "Ge niniage ghitto gai kata ghoi kababa gai ata-ata ne ka ngaa?" ⁶Yesu natekkiwe ne hal ne taguna bana nungngaza Filipusa orona ghinnatakkana Nia douna paddege appa ne ba Nia parawina.⁷Filipusa nawalewe, "Kabab wellina 200 dinar ba da tutki taguda ghidda, lakkakupu masing-masing niakido bakolena yodi pitti kido." ⁸Nagha iyaata murid-Na, niadona Anderisa, oledadina Simon Petrusa, napaneghe barrana Yesu, ⁹"Ni nia ghaina naata lakawa a ghaina limma kababa jelai monno duada igha, takka appa artinawe ne tagu ata mangeda ne?"¹⁰Yesu napaneghe, "Patukadi ngara ata kamadii." Ne paddou ne mangeda ruta, niaka ghidda ata-ata madii kira-kira limma rata kabani-kabani mangedana. ¹¹Badommo,Yesu nadeke ghidda kababa-kababa monno bana ba patekkiwe syukura, Nia na paddozi ghidda kababa-kababa barra ata madii; ghinna kaina parawina-Nia barra igha-igha nene mangedana ghidda pabeida. ¹²Ne ngarakua ata babekuta, Yesu napaneghe barra murid-murid-Na, "Pakuadi kapibbika-kapibbika a rei gai kadaikana paleto."¹³Orona ne, ghidda muridta apakuadi monno paidi kabullu duada kadoge waide kapibbika-kapibbika wali limma kababa, jelai ne pagaida ghidda baba pangaa. ¹⁴Na ata-ata bana eta tada ajaibpa ne parawina Yesu, ghidda paneghe, "Nia nagha pasti Nabiza ne pajanjina ba na mai ponnutanah." ¹⁵Orona bapaddege bahwa ata mangeda na pangaddage mai monno ba paksaza Nia bania Raja atas ghidda, Yesu naeru dommona ne kaladdakana bana kanua. Yesu Nakako ne Ponnu Wee¹⁶Na loddo bana mulai geddena, ghidda muridta burru ba kako ne oba dana ¹⁷monno nebana penne nee tenadeta, ghidda mulai bapalage oba bakako Kapernaumma. Loddo mulai ba bana kapattage, takka Yesu dana maikipo bana patangadangngadi ghidda. ¹⁸Oba mulai bana bergelorawe orona paringngi apaghezzi tetakka banamapoghi.¹⁹Badommo, ne ghidda ba boze tena nemarronawe sekitara 25 atau 30 stadia, ghidda eta Yesu bana kako ne ponnu oba monno natukkeni tena lappata ghidda madauta. ²⁰Takka, Yesu napaneghe barrada ghidda, "Neghe Zauwa, ammana madauta!" ²¹Nebaba ne, ghidda bei papenneni Nia ne tena dana monno tiba-tiba na tena na dukki ba ne paddou ne ghidda paaroda. Ata Mangeda Ghewa Yesu²²Koka banaloddona, ata mangeda egnapona dede ne bali oba eta bahwa daiki tena eka ne nee, wattena iya kiduni tena ne murid-murid nepatama bada ne danana. Takka, Yesu nadekukidi bana tama nee tenadana pazama dangngadi ghidda murid-murid-Na ne ba kako douna. ²³Ammibadi tena-tena eka walina Tiberiasa nee barra paddou ghidda ata-ata ngaa kababa, nebaba Mori natekkiwe syukura.²⁴Na ata mangeda etawe bahwa Yesu monno ghidda murid-murid-Na dai dommo baki ne nee, ghidda pennedi ghidda tena-tena monno bakako ne Kapernaumma taguna baghewaza Yesu. Yesu niadona Kababa Moripa ²⁵Nerapana ata mangedana ghidda patangngadangngani Yesu ne bali oba, ghidda matua barra-Na, "Rabi, pirrage Ghou budukki ni nia?"²⁶Yesu nawalezi ghidda monno napaneghe, "Ghinnana, Zauwa kutekkiwe barramu, yemmi mi ghewaga Zauwa inda orokinawe yemmi mi eta ba tada-tada ajaibppa, melainkan orona yemmi mi ngaa ba kababa dukki bebekuta. ²⁷Ammana papaghilli taguna ghewa pangaa ne pakole binasa, melainkan taguna pangga nepa pattu dukki moripa a kekalla, Na Ana Atapia ba yawe barramu orona barra Ana Atapia na, Ama, niadona Mori, ya ba pengesahan-Na."²⁸Bage, ata mangeda ghidda matua barrana Yesu, "Appa ne harusa zamme rawige gai zamme kama paghillige papaghilli ne pabeina Mori?" ²⁹Yesu nawalewe monno napaneghe barrada ghidda, "'Negheniaba papaghilli ne babeina Mori: wailologe barrana Nia ne papatukabana Mori."³⁰Ghidda matua barra-Na, "Neba ghinnakowe, tada ajaibpa appako ne ba parawimu Ghou gai zamme kama eta monno waige barra-Mu? Paghilli appawe ne parawimu Ghou? ³¹Innakaweda waikama zamme ngaa manna ne maradda kikapadana, ghinnana matulisa, 'Nia nayadi ghidda kababa walina surga taguna bangaa."'³²Yesu napaneghe barrada ghidda, "Ghinnatakkana, Zauwa kutekkiwe barramu, inda Musa kiza yagughou kababa a sejati wali surga. ³³Sebab, Kababa walina Mori niadona Nia a burru wali surga monno ya moripa barra ponnutanah." ³⁴Ghidda paneghe barra-Na, "Moro, yama zamme ne kababa ne senantiasa."³⁵Ghinnage Yesu barrada ghidda, "Zauwadona kababa moripa; ata a mai barra-Gu ba dana kareba dommobaki, monno ata waige barra-Gu ba dana marou dommobaki. ³⁶Ba ka, Zauwa kutekki bawe barramu lakkakupu yemmi mieta baga Zauwa, yemmi engami dawaige. ³⁷Ngarakua ne payana Ama barra-Gu ba namai barra-Gu, monno a mai barra-Gu ba Zauwa daku ghalokiza.³⁸Sebab, Zauwa baku burru wali surga inda tagukina rawige pabei dou-Gu, melainkan pabeina Nia a patukaga Zauwa. ³⁹Monno, neghe niabawe pabeina Nia a patukaga Zauwa: gai ngarakuanawe ne payana-Nia barra-Gu ne daike a muana, takka Zauwa kedde ne kadukka zamanna. ⁴⁰Sebab, negheniaba pabeina Ama-Gu, bahwa ngara ata a eta Ana monno waige barra-Na ba nakolege moripa kekalla, monno Zauwa ba kupakeddeza nia ne kadukka zamanna."⁴¹Orona ne, pirra ata Yahudi milai bamenggerutu taguna Nia orona Nia banapaneghe, "Zauwadona kababa a burru ba wali surga ne." ⁴²Ghidda paneghe, "Indaniaki na Yesu? Peighaina Nia bana paneghe, 'Zauwa kuburru ba wali surga?"'⁴³Yesu nawalezi ghidda monno napaneghe, " Ammana panenggerutu ne barra yemmi douna. ⁴⁴Dai pongnguki iya ata mai barra-Gu, wattena Ama a patukaga Zauwa tongnguna, monno Zauwa ba kupakeddenia ne kadukka zamanna. ⁴⁵'Monno, ghidda ngarakua ba panungngadi na Mori.' Ngara ata rengngewe monno bejara wali Ama ba mai barra-Gu.⁴⁶Hal neghe dana berartikiwe ghai ata pernah ba eta Ama, wattena Nia a mai walina Mori; Niabana eta ba Ama. ⁴⁷Zauwa kupaneghe barramu, 'Ghinnatakkana, ngara ata a waige ghaina moripa kekalla.'⁴⁸Zauwadona kababa moripa. ⁴⁹Inna kaweda waikamu nangaa ba manna ne maradda kikapadana, takka ghidda mate.⁵⁰Negheniaba kababa burru wali surga, gai ngra ata ngaagene monno dana mateki. ⁵¹Zauwadona kababa moripa ne a burru ba wali surga. Niaka ata ngaage kababa neghe, nia ba namoripa moriwalina; monno kababa ne payaGu ba taguna moripa ponnutanah ne niadowe tou-Gu."⁵²Ata-ata Yahudi mulai pabalena zama iya eka, ghidda paneghe, "Peighaina na Ata na bana yawe tou-Na taguna nebangaa?" ⁵³Yesu napaneghe barrada ghidda, "Zauwa kutekkiwe barramu, ghinnatakkana niaka yemmi di ngaakige tou Ana Atapia monno baenuge raa-Na, yemmi dimilikakina moripa ne tou danamu.⁵⁴Ngara ata ngaage kanaa-Gu monno naenuge raa-Gu namilikana moripa kekalla, monno Zauwa ba kupakeddeza nia ne kadukka zamanna. ⁵⁵Sebab, kanaa-Gu niadowe pangaa a sejati monno raa-Gu niadowe paenu a sejati. ⁵⁶Garrane ngaage kanaa-Gu monno enuga raa-Gu dangngi ne barragu Zauwa monno neega barrana nia.⁵⁷Ghinnana Ama a moripa patukaga Zauwa, monno Zauwa moripa oleh orona Ama, ghinna kaina nia a ngaaga Zauwa, nia ba namoripa orona Zauwa. ⁵⁸Negheniaba kabab burru wali surga, inda kababa ghinnakina ne pangaa ba inna kaweda waikamu monno ghidda mate, ata ngaage ne kababa ne ba namoripa moriwalina." ⁵⁹Yesu natekki ngarakuawe neghe ne Kapernaumma neba neeni Nia panungngana ne ummatabaya. Mangeda Padeku Gaini Yesu⁶⁰Na mangeda wali murid-murid rengnge hal negha, Ghidda paneghe, "Papanungnga ne naalluwe. Garrani a paghezzi deibawe?" ⁶¹Orona ba paddege bahwa dekuni-Nia menggerutu taguna hal neghe, Yesu napaneghe barrada ghidda, "Appa ne patekki-Gu ne rawigu kazuu?⁶²Neba ghinnako, peighaina niaka bietako Ana Atapia penne bali ne paddou wali-Na? ⁶³Rohniadona ya moripa, sedangkan kanaa dai waliateki gunannawe. Patekki-patekki ne patekki-Gu barramu niadona roh monno moripa.⁶⁴Ba ka, ghaide pirra ne barra yemmi a da waige." Sebab, wali ullupona, Yesu napaddege garrani a da waige monno garrani ba a khianatiza Nia. ⁶⁵Yesu napaneghe, "Niabawe sebabna Zauwa baku tekkiwe barramu bahwa dai pongngiki iya ata a da mai barra-Gu, wattena hal neghe bakaruniakange barrana na Ama."⁶⁶Ghettipona ne neghe, mangeda dekuni-Nia eruwekkina monno dangngi badekuni Nia. ⁶⁷Orona ne, Yesu napaneghe barrada kabullu duada murid-Na, "Appa kaina ne yemmi beige kako?" ⁶⁸Simonna Petrusa nawaleza Nia, "Mori, barra garrakona zamme ba makako? Ghoukidona a milikana patekki moripa kekalla. ⁶⁹Zamme ma waibage monno paddebagu Ghou, bahwa Ghoukidona a Kudusa walina Mori."⁷⁰Yesu nawalezi ghidda, "Inda Zauwa doukina a pedemi yammi, kabullu duada ata neghe? Meski ghinnawe, salah satu wali yemmi niadona kabailika." ⁷¹Na Nia patekkikina niadona Yudasa, anai Simonna Iskariota, sebab Yudasa niadona iya wali kabullu duada muridtana ne, takka nia nakhianatiza Yesu.

Oledadi-Oledadi yesu Da Waikige Barrana-Nia ¹Nebaba ne, Yesu nakako bana gholetage Galilea. Nia dana nauki bana kako ne Yudea sebab ata-ata Yahudi ne nee pangaddage taguna bapamateza Nia. ²Ne Ghetti pona, loddo rame ata Yahudi , niadowe loddo rame Pondok Daun, natukke ba.³Orona ne, oledadi-oledadi Yesu paneghe barra-Na, "Kakowa wali ni nia nee Yudea gai murid-murid-Mu kaina ba eta paghilli-paghilli ne Ghou parawimu. ⁴Sebab, dai pongnguki iya ata rawige lakka appawe waige maurri niaka Nia nabeige bapaddeni secara umum. Niaka Ghou burawige hal-hal ne, boghoge tou-Mu barra ponnutanah."⁵Sebab, oledadi-oledadi Yesu dou kaina dawakige barra-Na. ⁶Yesu napaneghe barrada ghidda, "Rapa-Gu dana riaka kipo, takka rapamu ba na slaluwe banatersidiawe. ⁷Ponnu tanah dana kolekige ba buttumi yemmi, takka ponnotanah buttuga Zauwa orona Zauwa yawe kesaksianna tagu ponnutanah, bahwa ngidi-ngindina niadowe bokala.⁸Kakowami yemmi nee rame ne. Zauwa daku kakokipo ne rame ne orona rapa-Gu dana riakakipowe." ⁹Nebaba patekkiwe ghinnana, Yesu egane dangngi ne Galilea.¹⁰Takka, nebaba oledadi-oledadi-Na kako nee rame ne, Yesu kaina nakako ne nee, dana waikige mangela-mangewalana, takka waige kadanna-kadanna. ¹¹Atat-ata Yahudi ghewaza Nia ne ramedana ne, monno paneghe, "Ge nia Nia?"¹²Ghaige kamuzzika-kamuzzika ne barra ata mangeda taguna Nia. Ghai a paneghe, "Nia ata dua." Ghai kaina paneghe, "Indaki, Nia napatillirarakyata." ¹³Ba ka, dai pongngu iya ata kaddena paneghe terus terang taguna Nia orona madauta barra ata-ata Yahudi. Yesu Napanungngana ne Baitta Mori¹⁴Ghetipona rame ne engapo pakitana, Yesu na tama ne Baittana Mori monno nazaga bana panungngana. ¹⁵Ata-ata Yahudi nedemangaddala monno paneghe, "Peighaina ata nagha baghaige papaddena a ghinnana, padahal Nia dana belajaraki?" ¹⁶Yesu nawalezi ghidda monno napaneghe, "Papanungnga-Gu dana walikige wali tou dana-Gu, takka walina Nia a patukaga Zauwa.¹⁷Niaka iyaata nau parawige pabeina Mori, nia ba napaddege papanungnga-Gu, appa ne wali Mori atau walina tou dou-Gu. ¹⁸Ata a paneghe wali tou douna ghewa paakana taguna tou douna, takka ata a ghewa paakana taguna Nia a patukani, nia nadua monno da ghaiki dabennara na barra touna.¹⁹Indaniaki Musa ya ba Hukumma Taurata barramu, takka dai pongnguki ata wali barrami a dekuge hukum ne?" Appa ne yemmi biberusaha bipamatega Zauwa? ²⁰Ata mangeda ghidda walewe, "Ghou tamagu roh dirraka! Garrane a berusaha bapamate-Ghu?"²¹Yesu napaneghe barrada ghidda, "Zauwa niaki dowe baku rawina iya paghilli monno yemmi ngarakua mangaddala. ²²Musa nayagu sunata, ghinnana ne inda walikinawe Musa, takka wali inna kaweda waika, monno yemmi misunatazi ata ne loddo Poddu.²³Niaka ngaraata basunata loddo Poddulappata Hukummana Musa dappa lawikiwe, appa ne yemmi bibani barra-Gu orona Zauwa kupadua ngaraata balangngana bana ne loddo Poddu? ²⁴Ammana pahakimi ghinnana a paetana, melaikan hakimiwe waige pahakimi a dua." Appana Yesu niadona Sang Mesiasa?²⁵Badommo, ghiddapirra ata a dangngi ne Yerusalemma paneghe, "Inda Niaki na Ata ne pabei mateda ghidda? ²⁶Ba ka, etaza, Nia napaneghe waige terang-terangan monno ghidda da tekkiwe lakka appawe barra-Na. Mungkin ghidda kapala ne benar-benar ba paddege bahwa Nia dona Krittu? ²⁷Ba ka, ghitto tapaddege ba ge walinianawe na Ata na. Sementara ne, na Krittu namai, padahal nebana maiko na Krittu, dai pongnguki iya ata paddege ba geniage Nia pawalina."²⁸v 28 Orona ne, tangngara panungngana Yesu ne Baitta Mori, Nia naberseru, "Yemmi memang mipaddega Zauwa monno paddege ba ge waliniagowe Zauwa. Takka, Zauwa daku maiki atas tou dou-Gu, takka Nia patukaga Zauwa niadona dua, yemmi dipaddekini Nia, ²⁹takka Zauwa kupaddeni Nia orona Zauwa bawaligo barrana-Nia monno Niadona a patuka baga Zauwa."³⁰Bage, ghidda berusaha ba ghappa Nia, takka daiki pongnguki iya ata todo Nia orona rapa-Na dana riakakipowe. ³¹Takka, mangeda wali ata-ata ne waige barrana Yesu. Ghidda paneghe, "Apabila Krittu bana mai, appa ne Nia ba narawina louka mangedana tada ajaibpa walibarra a rawibani na Ata na?" Kapala Yahudi Naberusaha Banaghappaza Yesu ³²Ata-ata Farisi rengnge appa ne patekkida ata mangeda ne taguna Yesu, baka imam-imam kapal monno ata-ata Farisipayukadi ghidda dagawe Baitta Mori gai kaghappaza Nia.³³Orona ne, Yesu napaneghe, "Rapa-Gu kupazama-zama dangngami dangngi yodi dommo monno baba ne, Zauwa ba kukako barrana Nia a patukaga Zauwa. ³⁴Yemmi ba mighewaga Zauwa, takka ba di tangaki-Ga. Monno, ba ge niaga Zauwa baghaiga, yemmi di mai ne nee."³⁵Ata-ata Yahudi ne paneghe iya barra a eka, "Ge niniakuni Ata nagha ba nakako lappata ghitto data tangaliza Nia? Appa ne Nia nakako barra ata Yahudi a mazabbara ne barra ata-ata Yunani, monno panungngana ata-ata Yunani? ³⁶Appa maksudnawe patekki-Na nebana paneghe, 'yemmi ba mighewaga Zauwa, takka dappa tangangaki-Ga. Monno, be ge niniaga Zauwa baghaiga, yemmi di maiki ne nee?"' Yesu Napaneghe taguna Roh Kudusa³⁷Ne loddo kadukkana, niniado puncakkanawe rame ne,Yesu nadede monno naberseru, ghinnage, " Niaka baghaiko ata marou duaba nia bana mai barra-Gu monno enu. ³⁸Ata waige barra-Gu, ghinnana patekkina Zurata Bia, wali tou danana ba nakokkora aliran wee moripa."³⁹Hal ne pamaksudtana Yesu niadona Roh, ne ba padeibana na ata waige barra-Na. Sebab, Roh ne dappa yakipowe orona Yesu da muliakankipuni. Papabale taguna Yesu⁴⁰Ne ghidda ba rengnge patekki ne, pirra wali ghidda paneghe, "Ata na benar-benar ata Nabi." ⁴¹Ata a eka paneghe, "Nia niadona Krittu." Ata a eka dommo paneghe, "Mungkinwe Krittu mai wali Galilea? ⁴²Indaniaki Zuratz Bia tekkiwe bahwa Krittu walina wali turunanna Daudta monno wali Betlehem, desa paddouna Daudta ghettipona banadangngi?"⁴³Bage,namarawibawe perpecahanna ne barra ata-ata ne orona Nia. ⁴⁴Pirra ata wali barra ghidda beige ghappa Yesu, takka dai pongngoki iya ata todoza-Nia. Nedappawaida Pirra Kapala Yahudi⁴⁵Orona ne, ghidda tagumadaga Baitta Mori ne bali barra imam-imam kapal monno ata-ata Farisi, a matua barrada ghidda, "Appa ne yemmi kadingindiza Yesu?" ⁴⁶Ghidda tagudaga Baitta Mori ne walewe, "Dai pongngu iya ata a paneghe-neghe ghinnana ata na!"⁴⁷Ata-ata Farisi ne walezi ghidda, "Appa kaina ne yemmi pangade bami? ⁴⁸Ghaikadu ngaraata wali barra kapala ataupun ata Farisi a wai bage barra-Na? ⁴⁹Ba ka, ata mangeda da paddege Hukumma Taurata ne niadona terkutukka!" Pembelaan Nikodemusa⁵⁰Ba ka, Nikodemusa, iya naata wali ghidda, ne ghettipona pernah tanga Yesu, paneghe barrada ghidda, ⁵¹"Appakowe Hukumma Taurata ghitto hakimizi ngaraata nebada rengngepowe hal ne patekkina monno paddege hal a iya parawina?" ⁵²Ghidda walewe, "Appa kaina ne yemmi ata Galilea? Slidikka monno etawe bahwa daiki nabi a mai wali Galilea." Maghinne ne Paghappada Berzina⁵³Badommo, ghidda ngarakua bali ne umma-umma douda.

¹Ba ka, Yesu nakako nee Bukit Zaitunna. ²Kapu gedde gagaro, Nia kakako dommo ne Baitta Mori monno ata mai barra-Na. Nia namadii banapanungngadi ghidda. ³Bage, ahli-ahli Taurata monno ata-ata Farisi ngindiza naata naghinne rawina zina, monno nebaba pataini maghinne na dede ne tillu-tillu,⁴ghidda paneghe barrai Yesu, "Guru, maghinne na paghappa meggela neba neene berzina. ⁵Hukumma Tauratana Musa paretada ghitto taguna bakabenaza na maghinne ghinnana na waini watu. Appane pakolemi taguna hal neghe?" ⁶Ghidda tekkiwe ghinnanna ne taguna banungngaza Yesu gai ghidda kaghai dasara taguna bapazalaza Nia. Ba ka, Yesu nakaghuddura waini wallalimma-Na, Nia natulisawe ne tanahdeta.⁷Orona ghidda ba tua pakita-kitaza Nia, Yesu nadede monno napaneghe barrada ghidda, "Ata da zala ne barrami yemmi hendaklah nia bana jadi a ullu pakabena maghinne na waini watu." ⁸Bage, Yesu nakaghuddura dommo monno natulisawe ne tanahdeta.⁹Ne ghiddg barengngewe hal neghe, ghidda mulai kako iya onno iya, mulai wali louka kaweda, monno Yesu Yesu nadangngi bana ata kanua, monno maghinne nena a ngapona dede ne tillu-tillu. ¹⁰Bage, Yesu napaneghe monno nadede barrana maghinne na, "Ta maghinne, ge niadi ghidda? Daiki ata a hukummagu?" ¹¹Wale na manghinne na, "Dai ki, Mori." Yesu napaneghe, "Zauwa kaina ba daku hukumammakigu. Kakowa, monno mulai nemeghinna, ammana parawina zalah dommo." Yesu Mangewala Ponnutanah¹²Badommo, Yesu napaneghe barrada ata mangeda ne, ghinna-Ge, "Zauwa dona mangewala ponnutanah. Ngara ata dekuga Zauwa ba da kakokine kappatta dana, takka ba ghaige mangewala moripa." ¹³Badommo, ata-ata Farisi paneghe barrana Yesu, "Ghou mubersakksi taguna tou dou-Mu, niaka ne kesaksiannnamu dana duakiwe."¹⁴Yesu nawalezi ghidda, ghinnage-Nia, "Lakkakupu Zauwa bersakksi tagu tou dou-Gu, kesaksianna-Gu niadowe dua orona Zauwa paddege bage waliniago Zauwa bakumai monno bage kako niagu Zauwa , takka yemmi dipaddekige ba ge waliniago Zauwa bakumai monno ba ge niniaga Zauwa baku kako. ¹⁵Yemmi mihakimi ghinnana pata kanaa, takka ne Zauwa dai pongngiki pahakimigu lakka garra ni. ¹⁶Takka, tudda kupuna penghakimanna-Gu ne naduawe orona Zauwa daku hakimikiwe tou dou, melainkan pazamai Ama a patuga Zauwa.¹⁷Baka, nee Zurata Tauratamu namatulisa bahwa kesaksianna duada ata niado dua. ¹⁸Zauwa kubersakksi taguna tou dou-Gu monno Ama a patuga Zauwa bersaksi tagugu Zauwa."¹⁹Niaka, ghidda matua barrana-Nia, "Ge niniani Ama-Mu?" Yesu nawalewe, "Yemmi dipaddekiga Zauwa lakka Ama-Gu, niaka yemmi paddega Zauwa, yemmi kaina mipaddeni Ama-Gu." ²⁰Nepatekki ne Yesu napadukkige ne barra perbendaharaanna banee Nia panungngana ne baitta Mori, takka dai pongngu iya ata ghappaza Nia orona rapana-Nia dana riaka kipowe. Yesu Napaneghe taguna Ama²¹Bage, Yesu napaneghe dommo barrada ghidda, "Zauwa ba kugaimi yemmi monno yemmi ba ghewaga Zauwa, takka yemmi mimate nezala danamu. Ge niage Zauwa baku kako, yemmi di maiki." ²²Badommo, ata-ata Yahudi ne paneghe, "Appa Nia na nau bana pamate wekkina orona Nia napaneghe, 'Ge niniage Zauwa ba baku kako, yemmi ba di maiki'?"²³Ba ka, Yesu napaenghe barrada ghidda, "Yemmi waleme kabu, takka Zauwa waligowe togona. Yemmi waleme wali ponnutanah ne, takka Zauwa indawalikigowe ponnutanah ne. ²⁴Oro orona ne, Zauwa kutekkime barrami bahwa yemmi ba mate ne zalahdanamu orona niaka yemmi diwaikige barra-Gu, yemmi ba mimate ne zalah-zalahdanamu."²⁵Bage, ghidda matua barrana-Nia, "Garragu Ghou?" Yesu nawelezi ghidda, "Zauwa kutekki bawe barramu ghetti pona. ²⁶Ghaige mangeda hal tagumi yemmi a harusa Zauwa patekkigu monno hakimi, takka Nia patukaga Zauwa niadona dua monno appa ne Zauwa parengngegu wali Nia, niabawe ne papadukku-Gu barra ponnutanah." ²⁷Ghidda dapaddekige bahwa Yesu neena paneghe barrada ghidda taguna Ama.²⁸Oro sebab ne, Yesu napaneghe, "Ne yemmi mikeketa baza Ana Atapia, ne niabawe yemmi ba paddege bahwa Zauwa dona Nia, monno bahwa dai pongnguki lakka appawe ne Zauwa parawigu wali tou dou-Gu, melainkan Zauwa kutekkiwe appa ne papanungngana Ama barra-Gu. ²⁹Monno, Nia patulaga Zauwa ghai kaiduni pazamadangngaga Zauwa, Nia dana gaikiga Zauwa baku kanuaga orona Zauwa slalu baku rawige hal-hal a dua barrana-Nia." ³⁰Tangngara neeni Yesu tekki ngarakuawe ne, mangeda ata waige barrana-Nia. Ana-Ana Abraham monno Ana-Ana Kabailika³¹Badommo, Yesu natekkiwe barra ata-ata Yahudi a waige barrana-Nia, " Niaka yemmi engami barra lii-Gu, yemmi benar-benar murid-Gu, ³²monno yemmi ba paddege dua, monno ne dua ne ba pakalogaghu ghou." ³³Ghidda walewe, "Zamme dona turunanna Abraham monno dappa pernahki ba atana lakka garra kupuni. Niaka, peina ghou bupaneghe, 'Yemmi ba mikaloga?"'³⁴Yesu nawalezi ghidda, "Ghinnanatakkana, Zauwa kupaneghe barramu, ngara ata rawina zalah niadona hamba zalah. ³⁵Naata hamba dana dangngiki nee iya keluarga taguna moriwalina. ³⁶Niaka, apabila ana bana pakalogami yemmi, yemmi benar-benar kaloga.³⁷Zauwa paddege bahwa yemmi dona turunanna Abraham, takka yemmi beige bipamate-Ga orona papanungnga-Gu dana kolekige paddou barramu. ³⁸Zauwa kutekkiwe hal-hal ne paeta bagu pazamani Ama-Gu, ghinna kaina yemmi rawige hal-hal ne yemmi parengnge wali amamu."³⁹Ghidda wale monno paneghe barrana-Nia, "Abraham niadona amama zamme." Wale Yesu, "Niaka yemmi turunanna Abraham, yemmi seharusanawe rawige ba appa na Abraham parawina. ⁴⁰Ba ka, yemmi miberusaha pamatega Zauwa, ata tekkigowe taguna dua, ne parengngegu walina Mori. Abraham dana rawikige hal ne. ⁴¹Niaka, yemmi niakido birawige ba appa ne parawina ama doumu." Ghidda panegha barrana-Nia "Yemmi ba dappa dadikimi wali hasilla perzinaanna. Yemmi mimilikana iya Ama, niadona Mori."⁴²Yesu napaneghe barrada ghidda, " Niaka Mori niadona Amamu, yemmi ba manwwaraga Zauwa orona Zauwa mai monno walina wali Mori. Monno, Zauwa baku mai inda tagukinawe pabei dou-Gu, melainkan Nia patukaga Zauwa. ⁴³Appa d

Ata a Kaburra Sejak Dadi Palangngaza ¹Neba neeni Yesu kako, Nia na eta ata kaburra sejak dadina. ²Murid-murid Yesu matua barrana-Nia, "Guru, Garrani a zalah, ata na atau inna amana lappata nia padadini nakaburra?"³Yesu nawalewe, " Inda niaki ataupun inna amana zalah, melainkan Gai paghilli-paghillina Mori a paetage ne barrana nia. ⁴Ghitto harusa bata paghillige papaghilli-papaghillina Nia a patukaga Zauwa selama loddo engapona loddona; gedde ba na maiwe ne ba dai pongngu iya ata kolena paghilli. ⁵Selama Zauwa baneepoga onnutanah, Zauwadona mangewala ponnutanah."⁶Nebanaba patekkiwe ghinnana, Yesu napanii ne tanadeta monno nakaulage wee panii-Na waige tanah, bale naorage ne matadetana na ata na, ⁷monno napanegha barrana, "Siloam artinawe "papatuka". Bage, ata na kako, wanuge touna, monno nia nabali bana eta.⁸Ghidda pabarra monno ghidda ne ghettipona etaza nia yongngu ata kaburra paneghe, "Indaniaki ata na a biasana madii monno tagumadengngi?" ⁹Waddeka ata paneghe, "Oo, niadona tagumadengngi na." A eka paneghe, "Inda, nia niakido bana zama dangngani tagumadengngi na." Takka, ata ne nenana kaburra na paneghe, "Zauwa dona tagumadengngi ne."¹⁰Bage, ata-ata na matua barrana, "Peighaida matamu bisa bapatabullekadi?" ¹¹Ata na walewe, "Ata ngarana Yesu na nakaulage tanah monno naoraga ne matagu. Badommo, Nia napaneghe barragu, 'Kako nee Siloam monno parighowe toumu', Niaka zauwa kukako monno parighowe tougu, monno zauwa kibisa baku eta." ¹²Ghidda paneghe barrana, "Ge niniani ata na?" Nia nawalewe, "Zauwa daku paddekini."¹³Badommo, ghidda ngideza ata ne nenana kaburra na barra ata-ata Farisi. ¹⁴Ghaikaige loddo na Yesu banakodawe tanah monno naghukkenadi matana ata na niadowe loddo Poddu. ¹⁵Niaka, ata-ata Farisi sadakka dommo batua barrana ata na peighaina nia bana eta. Nia napaneghe barrada ghidda, "Nia naorage tanah pakoda ne matadetagu, monno zauwa kuparighowe tougu monno zauwa kueta ba."¹⁶Orona ne, pirra ata farisi na paneghe, "Ata na inda walikina wali Mori orona Nia dana dekukige loddo Poddu." A eka paneghe, "Ba ka, peighaina ata a zalah bana rawige tada ajaibpa ghinnana ne?" Niaka, nadadiba papeghana ne barra ghidda. ¹⁷Niaka, ghidda bali bamatua barrana ata kaburra na, "'Appa ne pakolemu taguna Nia orona Nia bana ghukke bagudi matamu?" Ata na nawalewe, "Nia niadona naata Nabi." ¹⁸Ata-ata Yahudi na enganiadi da waige barrana, bahwa ata na nenana memang nakaburra takka nemeghinna naeta ba, dukkiwe ghidda bakadangngadi inna ama wali ata ne nemeghinna naeta ba na,¹⁹monno matua barrada ghidda, "Appa nagha anamu, ne patekkimi kaburra walipoge banadadi? Neba ghinnako, peighaina nia nemeghinna bana etaba?" ²⁰Inna amana walezi ghidda monno tekkiwe, "Zamme paddege bahwa nia anamai zamme monno bahwa nia nakaburra wali dadina, ²¹takka peighaina nemeghinna nia bana etaba, zamme damma paddekige; atau garrani a ghukke ba nadi matana, zamme damma paddekige. Tua doukoza barrana, nia na mattobana; nia ba napaneghege tagu tou douna nia."²²Inna amana tekkiwe ghinnana orona ghidda bamadauta barra ata-ata Yahudi. Sebab, ata-ata Yahudi ne apapera bage, bahwa ngara ata amengakuni Yesu bania krittu, ba weitakani wali ummatabaya. ²³Niabawe sebabna inna amana paneghe, "Nia na matto bana, tua doukoza barrana."²⁴Niaka, taguna paduada ghuddana ata-ata Yahudi kadangngani ata ne nenana kaburra na, monno napaneghe barrana, "Yawe kemuliaanna tagu Mori, zamme paddege bahwa Ata na nazalah." ²⁵Nia nawalewe, "Appana Ata na nazalah atau indaki, zauwa daku paddekige, waliponawe zauwa kukaburra, takka nemeghinna zauwa kueta."²⁶Ghidda paneghe barrana, "Appane Nia parawina barramu? Peighaina Nia bana ghukke gudi matamu?" ²⁷Nia nawalezi ghidda, "Zauwa kutekki bawe barramu takka yemmi di nauki parengngewe; peina ne yammi beige birengnge dommowe? Appane yemmi beige bana murid kaimi Nia?" ²⁸Niaka, ghidda ghinaza Nia monno paneghe, " Yemmi bana muridna Ata na, takka zamme niadu murid-muridna Musa. ²⁹Zamme paddege bahwa Mori napaneghe ba barrana Musa, takka tagu Ata na, zamme damma paddeki ge wali niana Nia!"³⁰Ata na nawalewe monno napaneghe barrada ghidda, "Na aneh takkawe bahwa yemmi di paddekini ge wali niana Nia, padahal Nia naghukkebagudi matamu. ³¹Ghitto paddege bahwa Mori dana rengngeke ata zalah, takka bagarra kuni a madautani Mori ba monno rawige pabeina-Nia, Mori narengngeza nia.³²Walina ullu dukkiwe nemeghinna, dappa rengngekipowe bahwa ngaraata ghukkezi mata ata a kaburra wali dadina. ³³Niaka Ata na walina wali Mori, Nia dana paddeki parawina appa-appa." ³⁴Ata-ata Yahudi na bonnu dangngana zalah, monno yemi nau bagurumi zamme?" Niaka, ghidda ghaloza ata na.³⁵Yesu rengngewe bahwa ata-ata Yahudi ghalobaza ata kaburra na; na Yesu patangadangngai nia, Yesu napaneghe, "Appane yemmi waige barra Ana Atapia?" ³⁶Ata na nawalewe, 'Garrani Nia na, Mori, gai zauwa kuwaige barra-Na?" ³⁷Yesu napaneghe barrana, "Yemmi mi eta ba Nia. Nia niadona a neena paneghe dangngagu." ³⁸Ata na nawalewe, "Mori, zauwa kuwaige!" Badommo, nia nakaghodo ne arona-Nia.³⁹Yesu napaneghe, "Taguna baku hakimi Zauwa mai ne ponnutanah ne gai ghidda a da eta, ka eta monno ghidda a eta, ba nakaburra." ⁴⁰Pirra ata Farisi a ghaina ne barra-Na rengngewe hal ne, monno napaneghe barra-Na, "Appa yemmi kaina kaburra?" ⁴¹Yesu napaneghe barrada ghidda, "Niaka yemmi mikaburra, yemmi daiki zalah', zalahmu enga ghai."

Yesu Gembala a Dua ¹"Yesu napaneghe, "waige ghinnanatakkana, Zauwa kuetkkiwe barramu, ata a tama nee gollu bebe dana dana liki binnadana, melainkan bana kalabbeta melalui lara eka, ata na niadona kedu monno perampokka. ²Ba ka, ata a tama melalui binna, nia dona gembala bebe.³Taguna, tagu daga binna naghukkewe binna, monno bebe-bebe rengngewe liina, monno nia nakadangngadi beb-bebe douna waige ngarada ghidda, lappata nakodi ghidda ne balouza. ⁴Nebana ba papalouzadi ngarakua bebena, nia nakako ne aroda ghidda monno bebe-bebena ba dekuni nia orona ghidda paddena liina.⁵Ata eka ba ghidda da dekukini, takka ghidda ba malle wali barrana orona ghidda da paddekige lii ata-ata eka." ⁶Tudda neghe niabawe patekkina Yesu barrada ghidda, takka ghidda da paddekige ba appa ne ghuddi patekkina Yesu barrada ghidda.⁷Oleh sebab ne, Yesu napaneghe dommo barrada ghidda, "Ghinnatakkana, Zauwa kupaneghe barramu, Zauwadona binna ne bebe-bebe- ne. ⁸Ngara ata mai neba dakumaipo Zauwa niadona kedu monno perampokka, takka bebe-bebe da rengngekizi ghidda.⁹Zauwadona binntu. Niaka naata tama melalui Zauwa, nia ba pasalamataza, monno ba natama louza, lappata kolege maradda ruta. ¹⁰Nakedu na mai niakido bana kedu, pamate, monno membinasakan; Zauwa kumai gai ghidda kapede moripa, monno milikage waige bonguna.¹¹Zauwadona gembala a dua; gembala a dua nayaza dewana-Nia tagu bebe-bebe. ¹²Naata upahanna, inda ata gemabalakiza, ne da milikana bebe-bebe ne, eta serigala mai, nia nagaidi bebe-bebe ne monno malle; serigala na ba nakabolloni monno pegha-peghadi bebe-bebe ne. ¹³Nia malle orona nia nata upahanna monno dana akadangngakidi ghidda bebe-bebe ne.¹⁴Zauwadona gembala a dua. Zauwa kupaddedi bebe-bebe-Gu monno bebe-bebe-Gu paddega Zauwa ¹⁵zama ghinnana Ama paddega Zauwa monno Zauwa paddeni Ama; monno Zauwa kuyaza dewa-Gu tagu bebe-bebe na. ¹⁶Zauwa kaina ghaidi bebe-bebe eka a dawalina ne golludana ne; Zauwa harusa baku ngindizi ghidda kaina, monno ghidda ba rengngegawe lii-Gu; monno ghidda ba jadi iyadi kawananna waine iya gembala.¹⁷Orona negheniba Ama manawwaraga Zauwa, sebab Zauwa kuyaza dewa-Gu gai Zauwa kaku deke baliza. ¹⁸Dai pongngu iya ata deke baliwe ba walibarra-Gu, melainkan Zauwadona a yawe menuruta pabei dou-Gu. Zauwa ghaige hak taguna baku ya dewa-Gu, mono Zauwa kaina ghaige hak taguna baku deke baliza. Negheniaba pareta ne Zauwa padeibagu wali Ama-Gu."¹⁹Sadakka dommo, ghaige papeghahana ne barra ata-ata Yahudi orona patekkina Yesu ne. ²⁰Mangeda wali ghidda a paneghe, "Nia a tamani roh dirraka monno na dua. Appa ne yemmi birengngeza nia?'' ²¹A eka paneghe, "Ne inda patekki atakiwe ne patamada roh dirraka. Nabisa na roh dirraka bana ghukkezi mata ata kaburra?" Yesu monno Ama niaduzi Iya²²Ne rapa ne, loddo rame penahbisanna naberlangsungngawe ne Yerusalemma. Rapa ne musim magheggela, ²³monno Yesu neena tangara kako ne Baitta Mori, niniado ne Serambi Salomo. ²⁴Bage, ata-ata Yahudi pakuana gholetani Nia monno paneghe barrana-Nia, "Pirra dommopo madoina bugaini dewama zamme bamabimbangnga? Niakaba Ghouko Krittu, tekki lolowe ghinnana barrama zamme."²⁵Yesu nawalezi ghidda, "Zauwa kutekki bawe barramu, takka yemmi diwaikige. Paghilli-paghilli ne Zauwa parawi waige ngarana Ama-Gu, niadowe yaga kesaksianna tagu Zauwa. ²⁶Ba ka, yemmi diwaikige orona yemmi ditamaki bebe-bebe-Gu.²⁷Bebe-bebe-Gu rengngega lii-Gu, Zauwa kupadde badi ghidda monno ghidda dekuga Zauwa. ²⁸Zauwa kuyawe moripa kekalla barrada ghidda, monno ghidda ba da pernahaki binasa; monno dai pongnguki iya ata badekezi ghidda wali limmadeta-Gu.²⁹Ama-Gu, a ya bagadi ghidda barra-Gu, louka pakaladana walibarra ngarakuna, monno dai pongnguki iya ata adekezi ghidda wali limmana Ama. ³⁰Zauwa monno Ama niadona iya." ³¹Sadakka dommo, ata-ata Yahudi deke watu taguna ba kaburaza Yesu.³²Ba ka, Yesu napaneghe barrada ghidda, "Zauwa kubogho badi barramu mangeda paghillie dua walina Ama, paghilli giege wali barrana a rawigu bubeige kaburaga Zauwa waiga watu?" ³³Ata-ata Yahudi na waleza Nia, ''Inda orona ne paghille dua zamme beige bama kaburau Ghou waina watu, melaikan orona hujat; monno orona Ghou, ne niakido atapia, pazamage otu-Mu Mori."³⁴Yesu nawalezi ghidda, "Dana matulisakiwe ne Zurata Tauratamu, 'Zauwa kuberfirman ba, Yemmi dona mori'? ³⁵Niaka Mori natekkizi ghidda a deiba liina 'mori', padahal Zurata Bia dana bisakiwe bapabatalwe, ³⁶Appa ne yammi mitekkiwe taguna Nia ne pakudusakan bana Ama monno patuaki nee ponnutanah, 'Ghou muhujata', orona Zauwa paneghe barramu, 'Zauwa dona Anai Mori'?³⁷Niaka Zauwa daku rawikige paghilli-paghilli Ama-Gu, ammana pawaige barra-Gu. ³⁸Ba ka, niaka Zauwa baku rawige paghilli-paghilli ne, lakkakupu yemmi diwaige barra-Gu, waige ba ne paghilli-paghilli ne, gai yemmi kipaddege monno mengertige bahwa Ama ne eni barra-Gu, monno Zauwa neega barrai Ama." ³⁹Sadakka dommo, ghidda nungnga baghappaza Yesu, takka Nia nalolosa wali ghidda.⁴⁰Bage, Yesu nakako dommo bana palani loko Yordan nudu nee paddou Yohanesa pertama kali membaptisa waina monno Yesu dangngi ne nee. ⁴¹Mangeda ata mai barra-Na monno paneghe, "Lakkakupu Yihanesa dana rawikina ita tada ajaibpa kaina, takka ngarakua ne patekkina Yohanesa tagu Ata na duawe," ⁴²Monno, mangeda ata bana waige barra-Na ne nee.

Marena Lazarusa ¹Ghiana naata kabani-kabani neena karodduka, ngarana Lazarusa wali Betania, wannona Maria monno oledadina, Marta. ²Maria naghaniadona maghinne a pernah oranadi miniyak ghaina Yesu waidi minyak wangi monno opinadi ghai-Na waige logena, ne oledadina kabani-kabani, Lazarusa, nee na karodduka.³Sebab ne, duada oledadi na pangindina kabara barra-Na, a paneghe, "Mori, ata ne Ghou pamanawwaramu neena karodduka." ⁴Takka, na Yesu banarengngewe kabara ne, Nia napaeghe, "Penyakita ne ba dana padadikige mate, takka ba napaetage kemuliaanna Mori gai Anai Mori deikaza melaluina."⁵Yesu memang namanawwarani Marta, monno oledadina maghinne, monno Lazarusa. ⁶Niaka, na Yesu narengngewe bahwa Lazaarusa karodduka, Nia nasengaja bana dangngi kia 2 loddona ne paddouna Nia baghaini. ⁷Nebaba ne, Yesu napaneghe barrada murid-murid-Na, "Maida kata kako dommo nee Yudea."⁸Ghidda muridta paneghe barra-Na, "Guru, ata-ata Yahudi dama doikipo ne berusaha bakaburau Ghou waina watu, appane Ghou ba ghetti nee dommo?" ⁹Yesu nawalewe, "Inda ghaiki 12 jam ne iya loddona? Niaka naata bana kako ne loddo diddara, nia dana katunnuraki orona nia bana eta mangewala ponnutanah ne.¹⁰Ba ka, niaka naata bana kako waina ne gedde, nia naka tunnura orona ne mangewala daikige barrana." ¹¹Nebanaba Yesu paneghe ghinnana, Nia napaneghe barrada ghidda, "Oleda ghitto, Lazarusa, nadura ba, takka Zauwa ba kukako taguna baku pakeddeza nia."¹²Murid-murid paneghe barra-Na, "Mori, niaka nia bana dura ba, nia ba nalangngana." ¹³Yesu sebenarnya napaneghe tagu matena Lazarusa, takka murid-murid kirawe Nia napeghe tagu adura nee artinawe ngaubelli. ¹⁴Orona ne, Yesu napaneghe dommo waige terus terang barrada ghidda, "Lazarusa na mate ba,¹⁵monno Zauwa kusenangnga tagu benningngamu, Zauwa daikiga nee gai yemmi kiwaige. Niaka, maida ghitto kata kako barrana." ¹⁶Badommo,Tomasa, ne patekkida Didimusa, paneghe barrada murid-murid a eka, "Mai kaida ghitto kata kako gai ghitto kata mate pazamani-Nia."¹⁷Na Yesu nariaka, Nia na dukki bani Lazarusa nee bani odo dana selama 4 loddona. ¹⁸Ghaiponnu Betania neena kabullu limma stadia marrona wali Yerusalemma. ¹⁹Mangeda ba ata Yahudi amai katemuzi Maria monno Marta, taguna bahiburazi ghidda berkaitan dangngani oledadina na. ²⁰Ne bana rengnge bahwa Yesu ammi bani, Marta nakako monno raggaza-Nia, takka Maria enga engani ne umma.²¹Marta napaneghe barrana Yesu, "Mori, tuddanawe rapa na Ghou ghaigu ni nia, oledadigu pasti ba dana mateki. ²²Ba ka, nemeghinna ne zauwa paddege bahwa ba appapongngukuwe Ghou padengngi walina Mori, Mori ba nayawe barra-Mu." ²³Yesu napaneghe barrana, "Oledadimu ba nakedde."²⁴Marta nawaleza Nia, "Zauwa kupaddege nia ba nakedde ne loddo papakedde ne kadukka zamanna." ²⁵Yesu napaneghe barrana, "Zauwadona papakedde monno monno moripa; bagarrapongngukune a waige barra-Gu, nia ba namoripa lakkakupu nia na mate ba, ²⁶monno ngara ata moripa monno waige barra-Gu ba dana pernahki mate. Appa ne yemmi waige ne hal neghe?"²⁷Marta napaneghe barrana-Nia, " O Mori, zauwa waige bahwa Ghoudona Krittu, Anai Mori, a mai ne ponnu tanah." Yesu Nangio ²⁸Neba ba patekkiwe hal neghe, Marta nakako monno nakadangngani Maria, angumaghinnena, monno napaneghe waige pribadi, "Guru, ghai ni nia monno Nia nakadangngagu." ²⁹Rengangewe hal ne, Maria neebana dede monno katemuza Yesu.³⁰Saat ne, Yesu dana dukkikipo ne desa ne, takka engapuni ne paddou Marta ketemuza-Nia. ³¹Ata-ata Yahudi pazamadangngani Maria ne umma ne, a tangngara hiburaza nia, etawe na Maria nangattana kedde monno kako gounga; ghidda dekuni nia orona ba kirawe nia ba na kako ne barra odi taguna bana ngio ne nee. ³²Na Maria dukki ne paddou Yesu baghaini, nia naetaza Yesu monno nakataba ne barra ghai-Na, lappata paneghe barrana Nia, "Mori, tuddana Ghou ghaigu ni nia rapa ne, oledadigu ba da mateki."³³Na Yesu naetaza Maria ngio, monno ata-ata Yahudi pazamadangngani nia kaina padeku bangio, mengerangbana Yesu ne Roh dana monno natergangngu langngutakka. ³⁴Yesu namatua, "Ge niani Lazarusa yemmi mitaneni?" Ghidda waleza Nia, "Mori, mai dekuna monno etawe." ³⁵Yesu kaina nangio.³⁶Niaka, ata-ata Yahudi paneghe, "Etaza! Betapa Nia bana manawwara langngutakkani Lazarusa!" ³⁷Ba ka, pirra ata ne barrada ghidda paneghe, "Dana bisakiwe Nia na ghukke banadi matana na ata kaburra na kaina Rawini Lazarusa dana mate?" Lazarusa Pakeddeza wali Matena³⁸Yesu, ne sadakka dommo namengerangwe ne tou-Na, kako ne barra odi. Odi na niadowe neiya gua, monno nawatu taini batodiza. ³⁹Yesu napaneghe, "Kaini nawatu na!" Marta, oledadina na mate na, paneghe barra-Na, "Mori nemeghinna pasti ghaige bou bogho orona nia bana mate selama 4 loddona." ⁴⁰Yesu nawaleza nia, "Indakipo Zauwa ba patekkiwe barramu bahwa niaka yemmi waige, yemmi ba mieta kemuliaanna Mori?"⁴¹Niaka, ghidda keketaza na watu. Bdommo, Yesu napazarrana monno napaneghe, "Ama, Zauwa kubersyukura barra-Mu orona Ghou burengnge baga Zauwa. ⁴²Zauwa kupaddege bahwa Ghou slalu burengngega Zauwa, takka orona ata-ata a dede ne gholeta-Gu, Zauwa kutekkiwe hal ne gai ghidda waige bahwa Ghoudona a patuka baga Zauwa."⁴³Nebaba patekkiwe ne, Yesu naberseru waige lii kabuara, "Lazarusa, louzaghu!" ⁴⁴Ata mate ba ne na louza, limmana monno ghiana egapude makette kalerre kafan, monno wajahna egapoge matodi kaba kafan. Yesu napaneghe barrada ghidda, "Pazallazi kaba-kaba ne walina monno gaukuni nia kana kakao." Papangadda taguna Bapamate Yesu⁴⁵Ata-ata Yahudi a mai papaddeni Maria, monno etawe ba appawe na Yesu parawina, bana waige barra-Na. ⁴⁶Ba ka, pirra wali ghidda amaibarra ata-ata Farisi monno tekkidawe ghidda appa ne parawi bana Yesu.⁴⁷Niaka, imam-imam kapal monno ata-ata Farisi mengadakan pertemuan Sanhedrin monno paneghe, "Appane ghitto parawida? Sebab, ata na narawina mangeda tada ajaibpa. ⁴⁸Niaka ghitto bata gai pakitakuni Nia ghinnana neghe, ngarakua ata ba waige barra-Na monno ata-ata Roma ba mai taguna rampasawe paddou ne monno bangsada ghito."⁴⁹Ba ka, naata walina ghidda a ngarana Kayafasa, ne jadi imam kalada ne dou ne, paneghe barrada ghidda, "Yemmi daiki papadde ghaimi, ⁵⁰ataupunnu pangaddage bahwa louka padua iya ata mate taguna ngarakua bangsa, walibarra ngarkua bangsa binasa."⁵¹Nia dana tekkiwe wali tou douna-Nia, takka bania imam kalada ne dou ne, nia nabernubuata bahwa Yesu bana mate taguna bangsa ne. ⁵²Monno, inda ghidda waiki bangsa Yahudi, melainkan kaina tagu kaina bapakuana bapaiyana ana-anai Mori a mazabbara. ⁵³Niaka, walipona loddo ne, ghidda paperage taguna bapamate Yesu.⁵⁴Orona ne,Yesu dana kako dommo baki waige terang-terangan ne barra ata Yahudi, takka Nia nakako wali nee ne wilayah barra maradda kikappa ne iya kota ngarana Efraim; monno Nia nadangngi ne nee pazamadangngadi murid-murid-Na. ⁵⁵Saat ne, Paskah ata Yahudi natukke bawe, monno mangeda ata wali wilayah ne kako nee Yerusalemma sebelum Paskah taguna bapasuciwe touda ghidda.⁵⁶Bage, ghidda ghewaza Yesu monno paneghe iya barra a eka tangngara ghidda dede ne baitta Mori, ghidda saling matua, "Peinawe menurutamu? Appa Nia sama skali ba dana maiki ne rame ne?" ⁵⁷Adapun imam-imam kapalamonno ata-ata Farisi palouza bana pareta bahwa niaka naata paddege ge niniage Nia baghaini, ata na harusa balaporaza gai ghidda kaghappaza-Nia.

Maria Naoradiminnya Ghai Yesu ne Betania ¹Enne loddona neba da Loddo Rame Paskah powe, Yesu nakako ne Betania, Paddou dangngina Lazarusa, ne Nia papakedde bana wali kamatena. ²Ne nee, siap bana jamuan ngaa gedde taguna Yesu; monno Marta neena padolana, takka Lazarusa niadona salah satu wali ghidda madii nearo meja pazamadangngani Yesu. ³Badommo, Maria nadeke pakobbu kati minnya narwastu dingngira a boto pongngu wellinawe, bage naoradiminnya ghaina Yesu monno napamarokkotadi waige logena. Niaka, umma ne a ponnuwe waige bou minnya bouzirita nepatekkine.⁴Takka, Yudasa Iakariota, wali naiya muridta-Na, ne ba khiantiza Nia, napaneghe, ⁵"Appane minnya bouzirita ka dappa battamoge wellina touda rata dinara monno yawe ne barra ata-ata dengo?" ⁶Nia natekkiwe ghinnana inda orokina nia banapedulizi ata-ata dengo, melainkan orona nia dona naata kedu, monno nia bana ngindiza kotakka riti, nia nadamma ba bana deke riti ne kotakka dana ne.⁷Bage, Yesu nawalewe, "Gaikuni maghinne na, nia narawige taguna batane-Ga. ⁸Sebab, ata dengo slalu ghaine pazamadangngagu, takka Zauwa daku slaluki ghaiga pazamadangngagu." Ghidda Imam Kapala Beige Pamate Lazrusa⁹Ne mangeda kalada ata Yahudi rengngewe bahwa Yesu neeni Betania, ghidda kako ne nee, inda orokina Yesu, melainkan kaina orona ba beina etaza Lazarusa ne papakedde bana Nia wali kamatena. ¹⁰Bage, imam-imam kapala pangaddage taguna bapamate Lazarusa kaina. ¹¹Orona Lazarusa, mangeda ata Yahudi gaidi ghidda monno waige barrai Yesu. Yesu Tama nee Kota Yerusalemma Yongngu Raja¹²Koka banaloddona, ata mangeda a danage rame ne, ne ba rengngewe bahwa Yesu ba na mai nee Yerusalemma, ¹³ghidda deke roo-roo palemma monno kako ne gounga taguna baragga Nia monno zaga baberseru-seru, "Hosana! Apamaringngiza Nia a mai nee ngarana Mori, Raja Isrealla!" Mazmur 118: 25-26¹⁴Nebaba ba pakoleni naiya keledai bou, Yesu namadii ne ponnuna, ghinnana matulisa: ¹⁵" Ammana madauta, ta maghinne Sionna! Etaza! Rajamu mai, madii ne ponnu keledai bou." Zakharia 9:9¹⁶Ulluna, murid-murid-Na da mengertikige ngarakua hal ne, takka na Yesu ba muliakanni, ghidda dommo mengerti bahwa ngarakua ne a tuli bawe taguna Nia, monno bahwa ghidda rawi bage ngarakua ne taguna Nia. Ata Mangeda Paneghe taguna Yesu¹⁷Niaka, ata-ata a pazamadamgmgai Yesu saat Nia bana kadangngani Lazarusa louza wali odidana monno pakeddeza nia wali kamatena palitana bersakksi. ¹⁸Oleh sebab ne, mangeda ata raggaza Yesu bahwa ghidda rengebaza Nia ne bana rawige mukjizat ne. ¹⁹Niaka, ata-ata Farisi paneghe iya zama eka, "Yemmi eta, appa ne ghitto papangadda dana berhasilake. Etawe, ngarakua ponnutanah deku bani Nia!" Yesu Napaneghe taguna Moripa monno mate²⁰Ne saat ne, ghai kaidi ata-ata Yunani ne barrada ghidda a kako taguna beribadah ne rame ne. ²¹Ghidda tangaza Filipusa, a walina wali Betsaida ne Galilea, monno paneghe barrana, "Tuan, zamme bei patangadangani Yesu." ²²Filipusa nakako monno napadukki nawe Andreasa; bage Andreasa monno Filipusa monno padukki nawe Yesu.²³Yesu nawalezi ghidda, " Rapana na riaka bawe tagu Ana Atapia tagunabamuliakanni. ²⁴Waige ghinnatakkana, Zauwa kutekkiwe barramu, wattena biji gandum warraka nee tanahdeta monno mate, biji na enga kidune iya; takka na biji bana mateko, nahasilanna mangeda ghua.²⁵Ata beini dewana, ba namuana dewana, takka ata na beini dewa ne ponnutanah ne, ba nakalagharaza taguna bana moripa kekalla. ²⁶Niaka naata bana layanikoga Zauwa, nia harusa bana dekuga Zauwa. Ge niniakoga Zauwa baghaiga, na nanna kaina pelayanan-Gu ghai kaige; niaka naata bana layanikoga Zauwa, Ama ba napaakani nia." Yesu Paneghe yaguna Banamate-Nia²⁷"Nemeghinna, dewa-Gu gelisah. Appa ne ba PatekkiGu? 'Ama, pasalamataga Zauwa wali ghinna neghe. ²⁸Ama, muliakange ngara-Mu!" Bage, rengngebawe lii walina surga, "Zauwa kumuliakan bage ngara-Gu monno Zauwa ba kumuliakan dommoni." ²⁹Ata mangeda dede na nanna monno rengngewe patekki bahwa ne lii kagurruka, takka ghidda wadde a paneghe, "Naata malaikata paneghe ba barra-Na!"³⁰Yesu nawalewe monno paneghe, "Lili ne barengngekowe inda tagu benningngakiguwe Zauwa, melainkan taguna beningngamu. ³¹Nemeghinna bawe penghakimanna tagu punnutahan ne, nemeghinna bawe penguasa ponnutanah ba ghalozi.³²Monno, niaka Zauwa bakeketakoga wali ponutanah ne, Zauwa kutongngu ngarakuazi ata barra-Gu." ³³Yesu na tekkiwe hal ne taguna bana bogho waige mate ghinnana ba appa Nia ba namate.³⁴Ata mangeda na waleza Nia, "Zamme marengnge bawe wali Hukumma Taurata bahwa Krittu ba egana dangngi moriwali-moriwalina; peighaina Ghou bupaneghe, 'Ana Atapi na harusa ba keketaza?' Garrani Ana Atapia na?" ³⁵Yesu nawalezi ghidda, "Remakia dommoge Mangewala ne ghaige pazamadangngagu. Kakalolo selagi Mangewala ne enga ghaige gai ne kapatta ba da kuasakigu; seba ata kako ne kapattadana dana paddekige ba ge niagenia pa kakona. ³⁶Saat yemmi bimilikage mangewala ne, waige barra Mangewala ne gai yemmi kijadi ana-ana mangewala." Nebaba patekkiwe ghinnana, Yesu nakako bana urri wekkina wali ghidda. Pirra Ata Yahudi Da Waikige barrana Yesu³⁷Lakkakupu Yesu narawi bage mangeda tada ajaibpa ne aroda ghidda, ghidda egnage da waige barra-Na, ³⁸gai kana biawe patekki ne papadukkina na Nabi Yesaya, "Mori, garrakuni waige ne papadukkima zamme? Monno, garra barrana limmana Mori ba paetage?" Yesaya 53:1³⁹Niabawe sebabna, ghidda da paddeki pawaige orona Yesaya kaina napaneghe, ⁴⁰"Nia napakaburra badadi matada ghidda monno pakattoge ateda ghidda, gai ghidda ka da eta waikage matada ghidda monno memahami waige ateda ghidda, bage kaballeka lappata Zauwa kupalangngazi ghidda." Yesaya 6:10⁴¹Yeasaya natekki ngarakua bawe ne orona nia naeta ba kemuliaanna Mori monno nia napaneghe taguna Nia. ⁴²Meski ghinnawe, mangeda kaina ghidda kapal a waige barrai Yesu, takka orona madauta barrada ata-ata Farisi, ghidda da tekkikiwe trus terang orona madauta ba wikkozi wali ummatabaya. ⁴³Sebab, ghidda louka pabeige deiba kemuliaanna walina atapia walibarra kemuliaanna wali Mori. Papanungngana Yesu Ba Hakimizi Atapia⁴⁴Badommo, Yesu naberseru ghinnage, "Ngara ata a waige barra-Gu, da waikige barra-Gu, melainkan barra Nia a patukaga Zauwa. ⁴⁵Monno, ngara ata eta baga Zauwa, na eta ba Nia a patukaga Zauwa.⁴⁶Zauwa ku mai ba sebagai Terang ne ponnu tanah neghe, gai ngara ata waigawe barra-Gu dana dangngiki ne kapattadana. ⁴⁷Niaka naata narengngegawe patekki-Gu, takka nia dana dekukige, Zauwa daku hakimikiza nia; sebab Zauwa mai inda tagukina baku hakimiwe ponnutanah, melainkan taguna baku pasalamatawe ponnutanah.⁴⁸Garrani a tolakkaga Zauwa monno dana deibakiwe patekki-Gu, maka lii ne Zauwa patekki-Gu ba hakimiza nia ne kadukka zamanna. ⁴⁹Orona Zauwa daku paneghe ata nepabei-Gu, melainkan Ama a patuka Zauwa aya-Ga pareta atas appa ne harusa Zauwa tekki monno Zauwa patekki. ⁵⁰Monno, Zauwa kupaddege bahwa pareta-Na niadowe moripa kekalla. Sebab ne, hal ne papadukkigu Zauwa, Zauwa kupadukkige ghinnana ne patekkina Ama barra-Gu."

Yesu Nawanudi Ghaida Murid-Murid-Na ¹Nabada Loddo Rmae Paskah powe, Yesu napaddege bahwa rapa nariaka bawe bahwa Nia ba nagaige ponnutanah ne barra Ama, nebaba ba panawwaradi tagu dou-Na ne ponnutanah, Nia namanawwaradi ghidda dukkiwe dukkana. ²Selama ngaa gedde banaberlangsungngawe , kabailika natama ba nee ate danana Yudasa Iskariota, anai Simonna, taguna bakhianatiza Yesu.³Yesu, ne bapaddege bahwa Ama naya bawe ngara kuanawe ne limma dana-Na, monno Nia namai walina Mori, monno nakako bali barrana Mori, ⁴Nia nadede wali jamuan ngaa gedde monno nakaige jubah-Na, lappata nadeke kaba linen monno nakettege ne kobbudeta-Na. ⁵Badommo, Nia naburriwe wee ne iya baskomma monno mulai bana parighozi ghaida murid-murid-Na lappata pamarokottadi ghaida ghidda waige kaba a makette ne kobbudeta-Na.⁶Bage, Nia nadukki barrana Simonna Petrusa monno nia napanegha barrana Yesu, "Mori, Ghou muparighogadi ghaigu?" ⁷Yesu nawalewe monno napaneghe barrana, "Appa ne Zauwa parawigu, yemmi di pahamkiwe nemeghinna, takka ba nemmi yemmi mimengertige." ⁸Petrusa napaneghe, "Ghou du pernahki buparighogadi ghaigu!" Yesu nawalewe, " Niaka Zauwa badauparighoghu, yemmi dideke tagu ne barragu Zauwa." ⁹Simonna Petrusa napabeghe barra-Na, "' Neba ghinnako Mori, ammana baniaki duzi ghaigu, takka kaina limma monno katowagu!"¹⁰Yesu napaneghe barrana, "Ata ba parigho niakidowe bana wanudi ghaina, takka nazingira ngarakua bawe. Yemmi mizingira ba, takka inda ngarakuaki walina yemmi mizingira." ¹¹Orona Yesu napaddege bagarrani a khianatiza Nia, niawe sebabna Nia napaenghe, "Inda ngarakuaki wali yemmi mizingira."¹²Niaka, na Yesu bana langnga pa ba paparighodadi ghaida murid-murid-Na, natau baliwe jubah-Na, monno nabali ne paddou-Na, Nia napaneghe barrada ghidda, "Appa ne yemmi mipaddege appa ne Zauwa parawigu barrami yemmi? ¹³Yemmi mitekkiga Zauwa Guru monno kaina Mori. Ne natepattawe orona Zauwa memang Guru monno Mori. ¹⁴Niaka Zauwa, ne niadona Mori monno Gurumu, parigho bagudi ghaimu, yemmi kaina harusa biparigho wekkidi ghaimu. ¹⁵Sebab, Zauwa kuya ba tudda barramu gai yemmi kaina rawige ghinnana ne Zauwa parawigu barramu.¹⁶Waige ghinnanatakkana, Zauwa kutekkiwe barramu, naata hamba dana loukaki pakaladana walibarra tuanna, ataupnnu ata papatuka dana loukaki pakaladana wali barra ata ne papatukana. ¹⁷Niaka yemmi mipadde ngarakua bage neghe, yemmi pamaringngimi niaka yemmi birawigene. ¹⁸Zauwa daku paneghe-negheki tagumi yemmi ngarakua. Zauwa kupaddege bagarrakuni na Zaiuwa papade-Gu, takka nas nagha harusa bana bia, 'Ata ngaage kababa-Gu nakeketa ba tanaghaina barragu Zauwa.'¹⁹Zauwa kutekkiguwe nemeghinna, neba dana marawipowe ne hal ne gai ne hal ne namarawiwe, yemmi ba miwaige bahwa Zauwa dona Nia. ²⁰Waige ghinnatakkana, Zauwa kutekkiwe barramu, ngara ata deiba naata ne papatuka-Gu, deibaga Zauwa; monno ata deibaga Zauwa, deibaza Nia na papatukagu Zauwa." Yesu Natekkiwe Bagarrani Ba a Khianatiza Nia²¹Nebana ba papaneghe ghinnana, Nia pagelisahza Roh dana monno bersaksi, "Ghinna-ghinnatakkana Zauwa kutekkiwe barramu, iya ata wali yemmi ba khianatiga Zauwa." ²²Murid-murid pazarrawekki iya ata barra a eka monno bana bingungnga taguna garrai ne Nia patekkina.²³Na iya murid-Na madii adde barra tukku ngauna Yesu. Niadona murid pamanawwara langngutakkana na Yesu. ²⁴Badommo, Simonna Petrusa naya isyarata barrana taguna bana matua barrana Yesu taguna bagarrai ne Nia patekkina. ²⁵Niaka, murid a adde ne tukkungaudetana Yesu na matua barra-Na, "Mori, garrai na ata na?"²⁶Yesu nawalewe, "Atana niadowe ne barrana Zauwa bayani kapibbika kababa ne baku ba balobburanina." Bage, nebaba palobburage ne kapibbika kababa ne, Yesu nayawe barrana Yudasa, anai Simonna Iskariota. ²⁷Monno, nebana ba padeibawe ne kapibbika kababa ne, Kabailikka atamani. Orona ne, Yesu apaneghe barrana, "Appa ne zauwa ba parawigu, rawilolo ge!"²⁸Dai pongngu iya ata wali ghidda a tangngara ngaa ne paddege appa na Yesu patekkina ghinnana barrana Yudasa. ²⁹Pirra wali ghidda sangkawe orona Yudasaza a terreni kotakka riti lappata Yesu napaneghe barrana, "Ghoiwe hal-hal ne pabutuhda taguna rame," atau gaini nia kana yawe baappawe barra ata dengo. ³⁰Niaka, nebaba padeiba kapibbika kababa, Yudasa na kakao louza mema nemeghinnana; monno neghe ne nagede bage. Yesu Napaneghe taguna Mate-Na³¹Nebaba ba Yudasa nakako, Yesu napaneghe, "Nemeghinnabawe rapana Ana Atapia dimiliakan monno Mori dimiliakan melalui Nia. ³²Niaka Mori bapamuliakanni ne barra Nia, Mori kaina ba muliakanni Nia ne tou dana-Na, monno ba muliakanni waige ngattana. ³³Ana-Ana-Gu, Zauwa baghaiga pazamadangngagu niakidowe dangngi yodikia dommo. Yemmi ba mighewaga Zauwa, monno ghinna bana petekkigu barra ata-ataYahudi, nemeghinna Zauwa kutekki kaiwe barramu, 'Gi niniaga Zauwa baku kako, yemmi di mai ki.'³⁴Iya pareta baru Zauwa kuyawe barramu, niniado gai yemmi kipamanawwara wekkina, zama ghinna Zauwa baku manawwarami yemmi, ghinnakaidowe yemmi kaina pamanawwara wekkina. ³⁵Waige ghinnana, ngarakua ata paddege bahwa yemmi dona murid-murid-Gu, niniadowe niaka yemmi pamanawwara wekkina." Papalolona Yesu barrana Petrusa³⁶Simonna Petrusa namatua barrana Yesu, "Mori, ge niniagu Ghou bukako?" Yesu nawaleza nia, "Ge niniaga Zauwa kako, yemmi di bisaki bidekuga Zauwa nemeghinna, takka ba yemmi midekuga Zauwa." ³⁷Petrusa namatua barra-Na, "Mori, appa ne zauwa dana bisakiwe baku dekugu Ghou nemeghinna? Zauwa ba kuyaza dewagu tagu Ghou!" ³⁸Yesu nawalewe, "Yemmi ba miyaza dewamu tagu-Gu? Waige ghinnatakkana Zauwa kutekkiwe barramu, manu ba da kukukipo yemmi mimenyangkallaga Zauwa patouda ghuddana."

Yesu Nahiburazi Murid-Murid-Na ¹" Amamana pagelisahge atemu; wailologe ne barrana Mori, wailolo kaige barra-Gu. ²Nee umma Ama-Gu mangeda paddou dangngi; niaka inda ghinnakowe, Zauwa tentu kutekki bawe barramu orona Zauwa kako taguna bapagallege neiya paddou tagumu. ³Monno, niaka Zauwa kako baku pagallege neiya paddou tagumu, Zauwa ba ku mai bali monno ngindighu barra-Gu gai bage niniaga Zauwa baghaiga, yemmi kaina ghaimi.⁴Monno, yemmi mipaddeni lara ne paddou kakogu Zauwa." ⁵Bage, Tomasa napaneghe barra-Na, "Mori, zamme damma paddekige bage niniage Ghou bukako, peighaima zamme bama paddeni lara na?" ⁶Yesu napaneghe barrana, "'Zauwadona lara, monno kebenaranna, monno moripa. Dai pongnguki iya ata a mai barrai Ama, ba dappa melaluiko Zauwa. ⁷Niaka yemmi padde baga Zauwa, yemmi kaina mipaddebani Ama-Gu; mulai nemeghinna, yemmi padde bani Ama monno ete ba Nia."⁸Filipusa napaneghe barra-Na, "Mori, boghoni Ama barrama zamme, monno ne natutu bawe taguma zamme." ⁹Yesu nawale nia, "Filipusa, gai ba madoina Zauwa pazama-zama dangngami yemmi, monno yemmi dipaddekipoga Zauwa? Bagarrakuni eta baga Zauwa, nia naeta ba Ama, peighaimi yemmi bisa paneghe, 'Boghoni Ama ne barrama zamme?'¹⁰Appane yemmi diwaikige bahwa Zauwa neega barrai Ama monno Ama neeni barragu Zauwa? Patekki-patekki ne Zauwa patekki barramu, Zauwa daku tekkikiwe wali tou dou-Gu, takka Ama a dangngi ne barra Zauwadona a rawige paghilli-Na. ¹¹Waigelologe barra-Gu, bahwa Zauwa neega barrai Ama monno Ama neeni barragu Zauwa; atau indakinawe, wailologe orona paghilli-paghilli nia doudo.¹²Waige ghinnatakkana, Zauwa kutekkiwe barramu, ngara ata a waige barra-Gu, paghilli-paghilli ne Zauwa parawi, nia kaina ba narawige; monno paghilli-paghilli a louka kaladana walibarra ngarakua ne orona Zauwa kako barrai Ama. ¹³Appa pongngukowe ne padengngimu waige ne ngara-Gu, ne ba Zauwa kurawige gai Ama kadeikaza ne barra Ana. ¹⁴Niaka yemmi dengngi appa pongngukowe barra-Gu waige ngara-Gu, Zauwa ba kurawige. Janji taguna Roh Kudusa¹⁵" Niaka yemmi manawwaraga Zauwa, yemmi ba mideku ngarakuadi pareta-Gu. ¹⁶Zauwa ba kudengngi barrai Ama, monno Nia ba nadengngi barramu Patulu a eka, gai Nia pazamadangngagu moriwalina, ¹⁷niniado Roh Kebenaranna, ne dappa bisa badeibawe ponnutanah, orona ponnutanah da etakiza Nia atau padde Nia; takka yemmi paddeni Nia orona Nia dangngi dangngagu monno ba ghai ne barramu.¹⁸Zauwa ba daku gaikigu yongngu yatim piatu; Zauwa ba kumai barramu. ¹⁹Dana madoi dommo bakiwe, ponnutanah ba dana etakiga Zauwa dommo, takka yemmi etaga Zauwa; orona Zauwa moripa, yemmi kaina ba moripa. ²⁰Ne loddo ne, monno yemmi neemi barragu Zauwa, monno Zauwa neega barrami yemmi.²¹Bagarra pongngukuni a terregawe pareta-Gu monno narawige, nia manawwaraga Zauwa; monno ata manawwaraga Zauwa ba namanawwarani na Ama-Gu, monno Zauwa ba kumanawwarani nia monno ba paetage tou-Gu barrana." ²²Yudasa, a da Iskariota, paneghe barra-Na, "Mori, peighaimu Ghou bupaetage tou-Mu barrama zamme monno inda barra ponnutanahkiwe?"²³Yesu nawalewe monno napaneghe barrana, "Niaka naata namanawwraga Zauwa,nia ba nadekuni firman-Gu; monno Ama-Gu ba manawwaraninia, monno Zamme ba mai barrana monno dangngi dangngani. ²⁴Ba ka, ata da manawwaraga Zauwa, dana dekukige firman-Gu. Monno, firman ne parengngemi yemmi ne inda walikinawe barra-Gu, melainkan wali Ama a patukaga Zauwa.²⁵Ngarakua hal ne kutekki bawe barramu selama Zauwa engapoga pazamadangngagu. ²⁶Ba ka, Patulu na, niadona Roh Kudusa, ne ba Ama papatukanawaige ngara-Gu, Nia ba panungngage ngara kuanawe barramu, monno ba napalologuwe ne ngarakua ne patekki ba-Gu barramu. ²⁷Damai Sejahtera Kugaige Pazamadangngagu; inda ghinnakiwe ne ponnutanan payana ne Zauwa payagu barramu. Ammana pagaige atemu banagelisahwe ataupunnu gentarra.²⁸Yemmi mirengnge bawe bahwa Zauwa kutekki bawe barramu, 'Zauwa ba kako, monno Zauwa ba kumai dommo barramu.' Niaka yemmi manawwaraga Zauwa, yemmi ba bersukacita orona Zauwa kako barrai Ama, seba Ama louka pakaladana wali barra Zauwa. ²⁹Zauwa kupadukki bage barramu nemeghinna ne ba dana marawipowe hal ne gai ne hal ne namarawiwe, yemmi ba waige. ³⁰Zauwa ba daku paneghe dangnga dommo bakigu orona penguasa ponnutanah ne neege mai. Nia dana berkusaki yodi pongngu ponnu-Gu. ³¹Ba ka gai ponnutanah paddege bahwa Zauwa manawwarani Ama. Zauwa kurawige teppata ghinnana na Ama banaparetawe barra-Gu. Keddelolo, maida ghitto kako wali nia."

Yesu Niadona Pukke Anggura ¹Yesu natekkiwe, "Zauwadona pukke anggura a sejati monno Ama-Guniadona pengusahana. ²Ngara karaa barra-Gu a da ghua, naletodi-Nia monno ngara karaa a ghua, napazingirazi-Nia, gai karaana kana ghua louka mangeda.³Yemmi memang baba papazingirami orona firman ne patekkiba-Gu barramu. ⁴Dangngilolo ne barragu Zauwa monno Zauwa neega barrami yemmi. Zama ghinnana karaa da ghua wali tou douna, , wattena nia dangngi ne pukke anggura, ghina ghai kaina yemmi di ghuaki, wattena yemmi ne barra-Gu.⁵Zauwadona oukke anggura monno yemmidona karaana. Ngara ata a dangngi ne barragu Zauwa, monno Zauwa neega barrana nia, nia ba naghua mangedana orona banamabigha Wali-Gu. yemmi di ghua appa-appaki. ⁶Niaka naata dana dangngiki ne barra-Gu, nia ba letoni ghinnana karaa monno na marokkota; monno ata pakuana monno kapettidi ne api dana monno muttuna. ⁷Niaka yemmi engamie danggi ne barragu Zauwa monno patekki-Gu dangngiwe ne barrami yemmi, dengngiwe lakka appakowe ne ywmmi pabeimi. monno ne ba yagowe tagumu.⁸Ama-Gu ba muliakanni waige hal neghe, niniado niaka yemmi bighua mangedana monno waige ghinnana, yemmi dona murid-murid-Gu." Pareta Yesu taguna Pamanawwara Wekkina ⁹"Ghinnana Ama namanawwaraga Zauwa, ghinna ghaina Zauwa kumanawwara bagu; enga engagu dangngi ne manawwara-Gu.¹⁰Niaka yemmi mideku ngarakuadi pareta-Gu, yemmi ba midangngi ne barra manawwara-Gu, zama ghinnana Zauwa deku bageparetai Ama monno dangngi ne barra manawwara-Na. ¹¹Hal-hal neghe Zauwa kutekkiwe barramu gai sukacita-Gu ghaige ne barramu, lappata sukscitamu na bonnuge.¹²Negheniaba pareta-Gu: Yemmi harusa bipamanawwara wekkina, zama ghinnana Zauwa baku manawwara bami yemmi. ¹³Daiki manawwara a louka kalada wali barra manawwara ngaraata a yaza dewana taguna sahabat-sahabatna.¹⁴Yemmi dona sahabat-sahabat-Gu niaka yemmi rawige appa ne papareta-Gu barramu. ¹⁵Zauwa daku tekki dommo bami yemmi hamba orona hamba dana paddekige appa ne parawina natuanna. Ba ka, Zauwa kutekkimi yemmi sahabata orona ngarakua ne Zauwa parengnge walina Ama. Zauwa kutekki bawe barramu.¹⁶Inda yemmiki a pedega Zauwa, melainkan Zauwadona a pede bami monno tai bamigi yemmi gai yemmi kikako monno hasilana ghua, monno ghuamu engani lappata appapongngukowe ne yemmi padengngimi wali Ama waige ngara-Gu, Nia ba nayawe barramu. ¹⁷Negheniadowe pareta-Gu: Yemmi harusa pamanawwara wekkina!" Yesu Napalolodawe Ghidda murid-Na¹⁸Niaka ponnutanah buttugu, yemmi paddege bahwa ponnutanah buttuga Zauwa ne ba daku buttupumiyemmi. ¹⁹Niaka yemmi walime ponnutanah, tentubawe ponnutanah ba manawwarani na milikana; takka orona yemmi inda walime ponnutanah, orona hal neniawe ponnutanah buttumi yemmi.²⁰Lolowe patekki ne patekki -Gu barramu: 'Naata hamba dana loukaki pakaladana wbarrami yemmi,walibarra tuanna'. Niaka ghidda aniaya baga Zauwa, ghidda kaina aniayami yemmi. Niaka ghidda badekuni firman-Gu, ghidda kaina ba nekuge patekkimu. ²¹Ba ka, ngarakuanawe ne ba ghidda rawige barrami yemmi, oleh orona ngara-Gu. Sebab, ghidda da paddekini Nia a patukaga Zauwa. ²²Niaka Zauwa daku maiko monno tekki ngarakuawe ne barrada ghidda, ghidda ba daikige zalah. Ba ka, nemeghinna, ghidda daiki dalihda taguna zalahda ghidda.²³Ngara ata a buttuga Zauwa, nia kaina na buttuni Ama-Gu. ²⁴Tuddanawe Zauwa daku rawikoge ne barrada ghidda paghilli-paghilli a da pernah parawida ata eka, ghidda ba daiki zalah. Ba ka nemeghinna, ghidda eta bana takka ghidda buttuga Zauwa monno Ama-Gu. ²⁵Takka, firmanna a matulisa nee zurata Tauratada ghidda harusa bapagallege: 'ghidda buttuga Zauwa tanpa alasanna.'²⁶Na Patulu nebana mai, ne ba Zauwa patukagu barramu walina Ama, niado Roh Kebenaranna a walina wali Ama, Nia ba nabersakksi tagugu Zauwa. ²⁷Monno yemmi kaina ba mibersaksi orona yemmi mipazama dangnga-Ga wali ghettipona."

¹"Ngarakua ne Zauwa kutekki bawe barramu gai yemmi di goncangkana. ²Ghidda ba ghaloghu wali ummatabaya. Baka, rapana naria bahwa ngara ata a pamateghu ba pangaddage bahwa ghidda neede berbakti barrana Mori.³Monno, hal-hal ne ba ghidda rawige orona ghidda da paddekini Ama ataupunnu Zauwa. ⁴Ba ka, ngarakua ne Zauwa kutekki bawe barramu gai apabila ne rapana bana maiwe, yemmi lolowe bahwa Zauwa kutekki bawe barramu. Monno, hal-hal ne Zauwa daku tekkikiwe barramu ne walipoge orona Zauwa engepoga pazamadangngagu. Paghillina Roh Kudusa⁵Ba ka, Zauwa ba kako barrana Nia a patuga Zauwa, monno dai pongnguki ata wali yemmi a tuaga Zauwa, 'Ge niniagu Ghou ba mukako?' ⁶Takka, orona Zauwa kutekki ngaraku bawe neghe barramu, milla ponnuguwe atemu. ⁷Ba ka, Zauwa kupadukkige kebenaranna barramu: louka padua tagumu niaka Zauwa daku kako, Patuluna na ba dana maiki barramu; takka niaka Zauwa kako, Zauwa ba kupatunai-Nia barramu.⁸Monno, na Patulu na ma, Nia ba napasadarawe ponnutanah tagu zalah, kebenaran, monno penghakimanna; ⁹taguna zalah, orona ghidda da waighe barra-Gu; ¹⁰taguna kebenaranna, orona Zauwa kako barra Ama monno yemmi ba dietakiga Zauwa dommo, ¹¹monno tagu penghakimanna penguasa ponnutanah ne hakimi bawe.¹²Mangeda pongngupo hal ne Zauwa patekkigu barramu, takka yemmi di paddeki pataguge nemeghinna. ¹³Takka, ne Nia, Roh Kebenaranna na mai, Nia ba nabimbingngaghu ne ngarakua kebenaranna dana. Sebab, Nia dana panegheki atas pabei dou-Nia, melainkan ngarakua hal ne Nia rengnge niadowe ne ba Nia patekkina; monno Nia ba natekkiguwe hal-hal ba a marawi. ¹⁴Nia ba namuliakanga Zauwa orona Nia ba nadeiba ne Zauwa padeiba, monno ba natekkiwene barramu.¹⁵Ngara kuanawe na Ama pamilikana niadowe milika-Gu. Oleh sebab ne, Zauwa kutekkiwe bahwa Roh Kebenaranna ba tekkiguwe barramu appa ne padeiba-Na wali-Gu." Dukacita niadowe Sukacita ¹⁶"Dangngi niaki dowe, monno yemmi ba di eta bakiga Zauwa dommo; monno sadakkakia dommo, dangngi niaki dowe, monno yemmi ba mietga Zauwa."¹⁷Pirra murid Yesu matua wekkina, " Appa maksud-Na Nia paneghe barrada ghitto, 'Dangngi niaki dowe, monno yemmi ba di eta dommo bakiga Zauwa; monno sadakkakia dommo, Dangngi niaki dowe, monno yemmi ba mietga Zauwa?' monno 'orona Zauwa ba kako barrai Ama'?" ¹⁸Niaka, ghidda matua, "Appa ne Nia maksudnawe waige, 'dangngi niaki dowe'? Ghitto data paddekige appa ne Nia patekki."¹⁹Yesu napaddege bahwa murid-murid-Na beige bamatua barra-Na, baka Nia napaneghe barrada ghidda, "Appa ne yemmi matua barra yemmi douna taguna hal ne Zauwa pamaksudgu ne Zauwa patekki, 'Dangngi niaki dowe monno yemmi di etakiga Zauwa dommo; monno sadakkakia dommo, dangngi niaki dowe, monno yemmi ba mietaga Zauwa'? ²⁰Waige ghinnatakkana, Zauwa kutekkiwe barramu, yemmi ba mingio monno meratap, takka ponnu tanah nabergembirawe; yemmi ba miberduka, takka dukacitamu ba namanghungngawe jadi sukacita. ²¹Ne naata maghinne bapadadini, nia namenderita orona rapana riaka ba; takka bana langngadadi ba anana, nia nabulluge penderitaanna a boto orona sukacita bahwa naata atapia padi bani ne ponnutanah.²²Ghinnakaidowe yemmi kaina alamiwe penderitaanna ne neghe, takka Zauwa ba kutobboka dommo ghu monno atemu ba bersukacitawe, monno dai pingnguki iya ata dekewesukacitamu walimu. ²³Ne loddo ne, yemmi ba dituake lakka appawe barra-Gu. Waige ghinnatakkana, Zauwa kutekkiwe barramu, lakka appawe ne padengngimu barra Ama-Gu waige ngara-Gu, Nia ba nayawe barramu. ²⁴Dukki nemeghinna, yemmi di pernahki bidengngi lakka appawe barra ngar-Gu. Dengngiwe, monno yemmi ba mideibawe gai sukacitamu na bonnuge." Pamenangnga atas Ponnutanah²⁵" Zauwa kutekki bawe hal-hal ne barramu waige tudda; saatna ba riaka ne zauwa daku paneghe dommo baki barramu waige tudda, takka ba paneghe barramu waige trus terang taguna Ama.²⁶Ne loddo ne, yemmi ba midengngi waige ngara-Gu, monno Zauwa daku tekkikiwe barramu bahwa tabayani barra Ama tagumu. ²⁷Sebab, Ama douna namanawwarami yemmi orona yemmi mimanawwara baga Zauwa monno waige bahwa Zauwa mai walina Ama. ²⁸Zauwa waligo wali Ama monno mai ba ne ponnutanah; nemeghinna, Zauwa ba kugaige ponnutanah monno bali barrana Ama."²⁹Murid-murid-Na paneghe, "Nah, nemeghinna Ghou paneghe trus terang monno du wai dommo bakina tudda. ³⁰Nemeghinna, zamme paddege bahwa Ghou paddege ngara kuanawe monno dana perlukiwe naata bana matua barra-Mu. Orona ne, zamme waige bahwa Ghou mai wali Mori." ³¹yesu nawalezi ghidda, "Waikadoge yemmi nemeghina?³²Etawe! Saatnawe bana mai, baka namai ba tagumu bapegha-peghadi, masing-masing bali paddou wali douna monno ba gai kanuaga Zauwa. Ba ka, Zauwa daku kanuaki orona Ama pazamadangnga-Ga. ³³Ngarakua ne Zauwa tekkiwe barramu gai nebarragu Zauwa, yemmi ghaige damai sejahtera. Ne ponnutanah, yemmi ba alamiwe penganiayaanna, takka paghezzige atemu! Zauwa kupakala bawe ponnutanah!"

Yesu Natabaya taguda murid-murid-Na ¹Niabane patekki-patekki Yesu, badommo Nia natangara ne togo langita monno paneghe, "Ama, satnawe nariaka bawe, Muiakandi Ana-Mu gai Ana-Mu kaina ka muliakangu Ghou. ²Zama ghinnana Ghou yabani Nia kuasa atas ngarakua atapia, gai barra ngarakua ne Ghou yawe barra-Na, Nia nata bawe moripa kekalla.³Negheniaba moripa kekalla ne, niniado bahwa ghidda paddegu Ghou, iya-iyana Mori a dua, monno paddeni Krittu Yesu ne papatuka bamu Ghou. ⁴Zauwa kudeikabaghu Ghou ne ponnutanah waige baba bawe papaghilli ne Ghou paya barra-Gu taguna ba paghillige. ⁵Monno nemeghinna, o Ama, deikaga Zauwa pazamadangnga-Gu waige padeika ne Pamilika pazamadangnga-Gu sebelum ponnutanah baghaige.⁶Zauwa kupaeta bage ngara-Mu barra ata-ata ne Ghou para barra-Gu wali ponnutanah ne. Ghidda ne milika-Mu monno Ghou yabazi ghidda barra-Gu, monno ghidda kaina deku bage fiman-Mu. ⁷Nemeghinna, ghidda paddege bahwa ngarakua ne Ghou paya barra-Gu walina barra-Mu. ⁸Sebab, Zauwa kuya bawe barrada ghidda firman ne Ghou paya barra-Gu, monno ghidda deiba bawe lappata benar-benar paddege bahwa Zauwa walina wali Ghou, monno ghidda waige bahwa Ghoudona a patukaga Zauwa.⁹Zauwa kutabaya taguda ghidda, Zauwa daku tabayaki taguna ponnutanah, takka taguda ghidda ne Ghou paya ba barra-Gu; sebab, ghidda dona milika-Mu. ¹⁰Ngarakua ne Pamilika-Gu niadowe milika-Mu, monno ngarakua ne Ghou pamilika-Mu niadona milika-Gu; monno Zauwa deika baga ne barra ngarakua ne. ¹¹Zauwa inda nee dommo bakiga ne ponnutanah ne, takka ghidda ghaipudi ne ponnutanah ne, monno Zauwa mai barra-Mu. Ama a Kudusa, dagazi ghidda ne barra ngara-Mu, ngara ne paya bamu Ghou barra-Gu, lappata ghidda iya di zama ghinnana Ghitto.¹²Selama Zauwa pazamadangngadi ghidda, Zauwa kudaga bazi ghidda waige ngara-Mu ne paya bamu Ghou barra-Gu. Zauwa kudaga bazi ghidda monn dai pogngu iya ata wali a muana wattena na lakawa kebinasaanna, gai Zurata Bia kapagallege. ¹³Takka nemeghinna, Zauwa ba mai barra-Mu; mono ngarakua ne Zauwa kutekkiwe ne ponnutanah ne gai ghidda kamilikage sukacita-Gu ne paponnuda ne tou danada ghidda. ¹⁴Zauwa kuya bawe firman-Gu barrada ghidda, monno onnutanah buttudi ghidda orona ghidda da walikina wali ponnutanah, zama ghinnana Zauwa da walikigo wali ponnutanah.¹⁵Zauwa daku dengngiki-Ghu taguna badekezi ghidda wali ponnutanah, takka taguna ba lindungdi ghidda wali a bokala. ¹⁶Ghidda da walikidawe wali ponnutanah, zama ghinnana Zauwa da walina wali ponnutanah. ¹⁷Sucikandi ghidda barra kebenaranna; fiman-Mu niadowe kebenaranna.¹⁸Ghinnana Ghou mupatuka baga Zauwa ne barra ponnutanah, ghinnaghaina Zauwa bakupatukadi ghidda ne barra ponnutanah. ¹⁹Demi ghidda, Zauwa kupasuciwe tou-Gu gai ghidda kaina kapasucikandi barra kebenaranna.²⁰Zauwa da niakiwe baku tabaya taguda ghidda, takka kaina taguna ata-ata a waige barra-Gu melalui papadukkida ghidda, ²¹gai ghidda ngarakua kaiyadi, zama ghinnana Ghou, o Ama, neena barragu Zauwa monno Zauwa ne barramu Ghou; gai ghidda kaina kaiyadi ne barrada Ghitto lappata ponnutanah waige bahwa Ghoudona a patuka baga Zauwa.²²Kemuliaanna ne paya bamu Ghou barra-Gu, kuya bawe Zauwa barrada ghidda gai ghidda kaiyadi, zama ghinnana Ghou monno Zauwa niadona iya. ²³Zauwa nega barrada ghidda monn Ghou ghaigu ne barragu Zauwa, gai ghidda kaiyadi pabolana. Neba ghinnako, ponnutanah ba paddege bahwa Ghoudona a patukaga Zauwa, monno bahwa Ghou manawwaraga Zauwa.²⁴O Ama, Zauwa kubeige gai ghidda, ne Ghou paya bamu barra-Gu, kaina ghaide pazamadangnga-Ga ge ninia punnukoga Zauwa baghaiga, gai ghidda ka eta kemuliaan-Gu, ne paya bamu Ghou barra-Gu, orona Ghou manawwaraga Zauwa sebelium ullunawe ponnutanah.²⁵O Ama a adilla, lakkakupu ponnutanah da paddegu Ghou,takka Zauwa kupaddegu Ghou; monno ghidda paddege bahwa Ghoudona a patukaga Zauwa. ²⁶Zauwa kutekki bawe ngara-Mu barrada ghidda monno ba pakitage ba tekkiwe gai manawwara ne dangngana Ghou manawwara-Ga ghaige barrada ghidda, monno Zauwa ghaiga barrada ghidda."

Baghappza Yesu ¹Nebana ba Yesu patekkiwe hal-hal ne, Nia nakako pazadangngadi murid-murid-Na ne bali loko Kidron, paddou kolena neiya taman monno Yesu tama ne dananapazabadangngadi murid-murid-Na. ²Yudasa, na iyaata murid a khianatiza Yesu, na padde kaige taman ne orona Yesu seringnga pakuana pazamadangngadi murid-murid-Na ne nee. ³Yudasa, nebana ba padeiba magnedada pasukanna monno hamba-hamba wali imam-imam kapala monno ata-ata Farisi, mai ne taman ne waige ngidi lentera, obora, monno beddila.⁴Yesu, a padde ngarakuge hal ne ba marawi barra-Na, tukke ne aro monno matua barrada ghidda, "Garrani na paghewami?" ⁵Gidda walewe, "Yesu wali Nazareta." Yesu napaneghe barrada ghidda, "Zauwadona Yesu." monno kaina Yudasa, a khianatiza Nia, dede pazamadangngadi ghidda.⁶Na Yesu napaneghe, "Zauwadona Yesu," ata-ata na eruna monno warraka ne tanahdeta. ⁷Badommo, Yesu namatua dommo barrada ghidda, "Garrai na yemmi paghewami?" Ghidda walewe, "Yesu wali Nazareta."⁸Yesu nawalewe, "Kutekki bawe barramu, Zauwadona Yesu. Niaka, yemmi mighewaga Zauwa, gaikudi murid-murid-Gu ka kako." ⁹Hal ne namarawiwe gai kanagenapwe patekki ne patekki bana Yesu: "Wali ngarakuanawe ne Ghou payamu barra-Gu, Zauwa dai muana iya ponnu."¹⁰Simonna Petrusa, a ngindi sebilah teko, nazarruwe tekona monno napaaroge barra pelayanna Imamma Kalada, lappata naropoza katillu pelayanna na; ngarana pelayan Imamma Kalada na niadona Malkhus. ¹¹Baka, Yesu napaneghe barrana Petrusa, "Patamage teko ne ne wanno danana! Cawan ne ne paya bana Ama barra-Gu, indaniakiwe Zauwa harusa bakuenuge?" Yesu Angindiza ne Barrai Hanasa¹²Badomo, ghidda prajurita Romawi monno perwira-perwirana lappata ghidda pelayanna ata Yahudi ghappa Yesu mono ketteni Nia, ¹³monno louka paullu ngindiza Yesu barrana Hanasa, mertuana Kayafasa, ne niadona Imamma Kalada ne dou ne. ¹⁴Monno, Kayafasaniadona a nasihataza ata-ata Yahudi bahwa niadona hal a berguna niaka iya ata mate demi rakyata. Petrusa Dana Akuikiza Yesu¹⁵Simonn Petrusa monno naata murid eka dekuni Yesu. Murid a eka na paddeni ghidda Imamma Kalada mono nia tama pazamadangngani Yesu ne dana halamanna istana Imamma Kalada. ¹⁶Ba ka, Petrusa dede ne gounga, ne barra binna. Badommo, murid a eka na, a paddeni Imamma Kalada, bali ne gounga monno paneghe dangngani maghinne tagudaga binna, bage ngindiza Petrusa tama.¹⁷Baka, maghinne tagudaga binna na namatua barrana Petrusa, "Inda yemmi kaiki neiya ata murid wali ata na?" Wale Petrusa, "Indaki!" ¹⁸Nebaba papadua perapian, ghidda pelayanna onno perwira dede ne nee orona rapa ne udara nama gheggela, monno ghidda berdiangnga. Petrusa kaina pazamadangngadi ghidda, dede monno baedingnga. Imamma Kalada Matua barrana Yesu¹⁹Badommo, Imamma Kalada tuaza Yesu tagu murid-murid-Na monno tagu papanungnga-Na. ²⁰Yesu nawaleza nia, "Zawa kupaneghe ba trus terang barra ponnutanah. Zauwa slalu baku panungngana ne umma-umma tabaya monno ne Baiitta Mori, paddou ngarakuada ata Yahudi bapakuana. Zauwa daku pernahki baku paneghe waige maurri-maurri. ²¹Peina ne yemmi matua barra-Gu? Tuazi barrada ghidda a rengnge bawe appa ne Zauwa patekki barrada ghidda; ghidda paddege appa ne Zauwa patekki-Gu."²²Na Yesu napaneghe ghinnana, naata madaga a dede na nanna pakaparrakage muka-Na monno paneghe, "Ghinnawe patamu buwaleza Imamma Kalada?" ²³Yesu nawaleza nia, " Niaka Zauwa baku tekkikowe ne iya a zalah, boghoge zalahnawe; takka ne patekki-Gu nabennarawe, appa ne yemmi mipakaparrakaga Zauwa?" ²⁴Bage, Hanas napangindini Yesu ne keadaan makette barra Imamma Kalada Kayafasa. Petrusa Bali Dana Mengakukini Yesu²⁵Semaentara ne, Simonna Petrusa engapona dede monno berdiang. Baka, ghidda matua barrana, "Inda yemmi kaiki salah satu murid Ata ne?" Petrusa napaerege monno nawalewe, "Indaki." ²⁶Kazalah iya ata pelayan Imamma Kalada, a ghinnaghaina dughu wali ata na katilluna paropana Petrusa, napaneghe, "Da zauwaki etaghu mupazamadangngani Nia ne tamanna ne?" ²⁷Sadakka dommo, Petrusa napaerena, monno ghinna mema kaina, manu nakuku. Yesu Angindiza Aroni Pilatusa²⁸Badommo, ghidda ngindiza Yesu wali paddou Kayafasa ne gedungnga pengadilanna, rapa na engapona diddara loddo, monno ghidda douna da tamaki ne gedung pengadilanna gai ghidda ka dappa najisakage touda, lappata ba ngaa Paskah. ²⁹Baka, Pilatusa louza patangadangngadi ghidda monno matua, "Appa ne patuduhmu taguna na Ata nagha?" ³⁰Ghidda walewe monno paneghe barrana, "Niaka Ata na inda ata bokalakiza, zamme tentu ba dappa ngindikiza-Nia barramu."³¹Pilatusa napaneghe barrada ghidda, "Ngindiza Nia monno hakiza ghinnana hukummamu." Ata-ata Uahudi na walewe, "Niadowe dana sesuaikiwe hukumma tagu zamme taguna ba hukumma mateni naata." ³²Neghe namarawiwe taguna bapagallege taguna Yesu, a boghoge waige mate ghinnana baappa Nia ba namate.³³Baka, Pilatusa natama bali ne gedungnga pengadilanna dana monno kadangngani Yesu, monno matua barra-Na, "Appane Gjou Raja ata Yahudi?" ³⁴Yesu nawalewe, "Appane pamatuamu walina tou dana doumu,atau ghai ata wadde a padukkiguwe tagugu Zauwa?" ³⁵Pilatusa napaneghe, "Appa ne zauwa ata Yshudi ga? Bangsa monno imam-imam kapala-Mu douna yaghu Ghou barragu. Appa ne Ghou parawi bamu?"³⁶Yesu apaneghe, "Kerajaan-Gu inda walinawe ponnutanah ne, pelayan-pelayan-Gu pasti ba malawanna gai Zauwa ka da yakaga barra ata-ata Yahudi. Ba ka, kerajaanna-Gu inda niakiwe wali ponnutanah ne." ³⁷Pilatusa napaneghe, " Niaka, Ghou ata raja?" Yesu nawalewe, "Ghoudona a tekkiwe bahwa Zauwa dona raja. Tagu neghe niadowe Zauwa bakudadi, monno tagu neghedowe Zauwa kumai ne ponnutanah, niniado bersaksi taguna kebenaranna. Ngara ata walina kebenaranna ba rengngewe lii-Gu."³⁸Pilatusa napaneghe barra-Na, "Appane kebenaranna ne?" Monno, neba ba patekkiwe ghinnana, Pilatusa na louza dommo patangadangngadi ata-ata Yahudi, mono paneghe barrada ghidda, "Zauwa daku tobbokakizi appa zalah kuzi barra-Na. ³⁹Takka, yemmi ghaina neiya ghinnabana bahwa zauwa harusa baku pakalogaza naata tahanna ne loddo Paskah. Niaka, appane yemmi nau gai zauwa kakupakalogaza 'Raja Ata Yahudi' nagha?" ⁴⁰Ghidda wale dommowe waige kabuara, "Ammana pakalogaza Ata na, melainkan Barabasa!" Barabas niadona Naata Perampokka.

¹Pilatusa deke Yesu monno naparetawe gai Yesu kasesahza. ²Ghidda prajurita ghana iya mahkota wali karaa-karaa patara monno pataunani ne katowa detana Yesu, monno pataunawe jubah ungu barra-Na. ³Ghidda tukke ba barrani Yesu monno paneghe, "Salam, ta Raja ata Yahudi!" Bage, ghidda pakaparrakana muka-Na.⁴Pilatusa nalouza dommo monno napaneghe barrada ghidda, "Etawe! Zauwa ba kungindiza Yesu louza barramu gai yemmi kipaddege bahwa zauwa daku tobbokaki zalahna apppunnu barra-Na." ⁵Bage, Yesu nalouza bana tauza mahkota patara monno jubah ungu. Pilatusa napaneghe barrada ghidda, "Etaza Nia!" ⁶Na imam-imam kapal monno kapal perwira eta Yesu, ghidda kabuara, "Salibza Nia, salibza Nia!" Ba ka, Pilatusa napaneghe barrada ghidda, "Ngindiza Nia monno salib douza orona zauwa daku tobbokaki zalahna appa punnu barra-Na."⁷Ata-ata Yahudi na waleza Pilatusa, "Zamme ghaige hukumma, monno ghinnana hukumma ne, Nia harusa mate orona Nia anggapawe tou-Na niadona Anai Mori." ⁸Na pilatusa bana rengnge patekki ne, nia semakin madauta ⁹monno tama bali ne gedungnga pengadilanna, monno namatua barrana Yesu, "Ge niniage pawali-Mi?" Ba ka, Yesu dana walekiza.¹⁰Pilatusa napaneghe barra-Na, "Ghou du nauki paneghe dangngaga zauwa? Appane Ghou du paddekige bahwa zauwa milikana kuasa taguna bapakaloga-Ghu monno milikana kuasa taguna basalib-Ghu?" ¹¹Yesu nawalewe, "Ghou daiki lakka kuasa appawe atas tou-Gu, wattena kuasa ne bayagowe barramu wali togona. Niaba sebabna, ata yaga Zauwa barramu louka kaladana zalahna."¹²Nebaba parengngewe hal ne, Pilatusa naberusaha taguna bana pakalogaza Yesu, takka ata-ata Yahudu kabuara, " Niaka ghou bupakalogako Ata na, ghou inda sahabatkigu Kaisara; ngara ata anggapwe touna raja berarti nalawani Kaisara." ¹³Na Pilatusa bana rengngezi ghidda patekki-patekki ne, nia nangindiza Yesu ne gounga, monn madii ne kursi pengadilanna, ne iya paddou ngarana Litostrotos, takka paneghe Ibrani tekkikiwe Gabata.¹⁴Lodo ne niadowe loddo persiapanna taguna Paskah, saat ne sekitara jam ennewe. Pilatusa napaneghe barra ata-ata Yahudi, "Naghaniaba Rajamu!" ¹⁵Baka, ghidda kabuara, "Enyahkanni Nia! Enyahkanni Nia! Salibza Nia!" Pilatusa napaneghe barrada ghidda, "Harusawe zauwa baku salibza Rajamu?" Imam-imam kapal walewe, "Zamme daiki rajama selain Kaisara!" ¹⁶Akhirna, Pilatusa nayaza Yesu barrada ghidda taguna basalibza. Yesu Asalibza¹⁷Yesu nalouza mon nakawaaza salib dou-Na kako ne paddou a ngarana "Padou Tengkorakka", ne paneghe Ibarana tekkiwe "Golgota". ¹⁸Ne nee, ghidda salibza Yesu pazadangngadi duada ata eka, ne pasalibda ne kawana monno ghello Yesu, sementara Yesu neeni tilluna.¹⁹Pilatusa kaina natulisa iya tulisanna monno natainawe ne togo ghazu salibpa. Tulisanna ne ghinnanawe, "YESU ATA NAZARETA, RAJA ATA YAHUDI." ²⁰Mangeda ata Yahudi bacawe matulisa ne orona paddou Yesu basalibpaza ne ghaige ne barra kota, monno patulisa ne atulisawe waige paneghe Ibrani, Latinna, monno Yunani.²¹Baka, imam-imam kapala ata Yahudi paneghe barrana Pilatusa, " Ammana patulisa, 'Raja Ata Yahudi,' takka tulisawe, Ata na napaneghe, 'Zauwadona Raja Ata Yahudi."' ²²Wale Pilatusa, "Appane zauwa patulisa ba, ba engage matulisa!"²³Ghidda prajurita, ne ghidda salibbani Yesu, dekewe kalabbi-Na monno paddo bagi patawe, iya bagianna tagu masing-masing prajurita, kaina kalabbi-Na; jubah ne dai baki kelimna, niakido batonnuge wali togona dukki kabu tanpa kottuna. ²⁴Ghidda prajurita ne paneghe barra a eka, "Ammana ghitto pairrana, melaikan letona undi togona taguna bapuatawe garrai ba kolenawe." Hal ne namarawiwe gai kana biawe ne patulisa ba ne Zurata Bia dana: "Ghidda paddo-paddoga kalabbi-Gu ne barrada ghidda monn taguna jubah-Gu, ghidda letona undi." Mazmur 22:18 Ghinnaghaina ghidda prajurita rawige ngarakua hal ne.²⁵Sementara ne, innai Yesu, oledadina maghinne innai Yesu, Maria maghinnena Klopasa, mono Maria Magdalena, dede ne barra salibNa. ²⁶Na Yesu naeta inna-Na monno murig ne Nia pamanawwarana dede ne nee, Nia napaneghe barra inna-Na, "Maghinnne,etaza, nagha anamu!" ²⁷Bage, Yesu napaneghe barra murid na pamanawwarana ne, "Naghaniaba innamu!" Ghettipona ne, murid na nadeiba innai Yesu dangngi ne ummana. Matebana Yesu²⁸Nebaba ne, Yesu, ne paddege bahwa ngarakua na na terlaksana bawe, taguna banabia bawe Zurata Bia, Nia napaneghe, "Zauwa marou!" ²⁹Na nanna ghiage iya bejana bonnuna anggura maghillura. Orona ne, ghidda a tainani bunga karangnga ne palobbura bada dana ne anggura maghillura ne katikkupa hisopa monno patumanani ne ngadadana Yesu. ³⁰Nebana ba padailiwe anggura maghillura ne, Yesu napaneghe, "Ba bawe." Nia napakatongirage katowa-Na monno nayaza dewa-Na.³¹Orona ne loddo ne loddo persiapanna, monno gai ghidda kamate-kamate ne kainda enga ghaikadi ne ghazu salib ne loddo Poddu, sebab Poddu niadowe loddo kalada, ata-ata Yahudi dengngiwe barrana Pilatusa gai ghaida ata-ata ne salibdeta ne patazi mono kamate-kamatena paburrudi wali salibdeta. ³²Bage, ghidda prajurita mai monno patadadi ghaida ata a ullu monno ata a ekana, ne pasalibda pazamadangngani Yesu. ³³Ba ka, Ne ghidda badukki barrai Yesu monn eta bahwa Nia na mate ba, ghidda dapatakizi ghai-Na.³⁴Takka, naiya prajurita na dukana numbuh ne bulledanana Yesu, monno nemeghinna mema kaina, raa monno wee nakokkora banalouzawe. ³⁵Ata saksige ne marawi niadona a yawe kesaksianna ne, monno kesaksiaanna nabenarwe monno nia paddege neba nia tekkiwe a ghinnana, gai yemmi kaina kiwaige.³⁶Sebab, ngarakua ne namarawiwe gai kana tutuwe ne matulisa ba nee Zurata Bia dana: "Dai pongnguki iya wali ruwwi-Na ne ba patikkupada." ³⁷Monno dommo, ne bagian wadde Zurata Bia napaneghe, "Ghidda ba pazarrani Nia ne paduka bada ghidda." Yesu Ataneni³⁸Nebaba ngarakua ne, Yusufa walina Arimatea, ne kaina muridta Yesu takka waige maurri-maurri orona madauta barra ata-ata Yahudi, dengngiwe barrana Pilatusa gai nia kanadekewe kamatena Yesu; monno Pilatusa nanaubanawe. Niaka, Yusufa wali Arimatea mai monno dekena kamatena Yesu. ³⁹Nikodemusa, ata a ullu patangadangngai Yesu ne gedde loddo, niakaina mai bana ngindiwe papakaula minnya mur monno gaharu, ne botonawe sekitar limma kabullu kati.⁴⁰Baka, ghidda dekena kamatena Yesu monno kaborowaini kaba linen nepataida rempah-rempah, ghinnana adat patanewaida ata Yahudi. ⁴¹Ne barra paddou Yesu ba salibpaza, ghaige iya tamanna monno ne tamanna dana ne ghaige iya odi baru a dai pongnguna iya kamate paitai ghaida ne nee. ⁴²Orona ne loddo ne loddo persiapanna tagu ata Yahudi, monno paddouna na odina dana marroki, ghidda taige kamatena Yesu ne nee.

Kabara taguna Banakedde Yesu ¹Ne loddo ullu ne mingngu ne, Maria Magdalena kako nee odidanana Yesu kappu gedde gagaro, ne loddo baengapune kapattana, monno eta watu todiza odi na. ²Baka, nia namalle bana tobbokaza Simonna Petrusa monno murid wadde pamanawwarana Yesu, monno napaneghe barrada ghidda, "Ghidda deke baza Mori wali odidana, monno zamme damma paddekini ba ge tainiadani -Nia."³Baka, Petrusa monno muridta a eka ne kako nee odidana. ⁴Aduada malle dabba, takka murid a eka na malle louka pangattana walibarra Petrusa lappata nia dukku louka paullu ne ododana. ⁵Nia namelongokka monno eta ne dana, monno etawe kaba linen pakaborowai kamatena Yesu engage ne nee, takka nia dana tamaki ne dana.⁶Badommo, Simonna Petrusa mai, dekuni nia, monno tama ne odidana monno nia etawe ne kaba linen pakaborowai engage ne nee. ⁷Monno, kaba patodiwai mata ne pakaborowai katowana Yesu inda engakige barra kaba linen pakaborowai nena, takka namakillorawe ne paddou a eka.⁸Badommo, murid a eka nena, a dukki ullu ne barra odi, tama kaina. Nia eta monno waige. ⁹Sebab, sebelum kejadian ne, ghidda da paddekipo Zurata Bia, bahwa Yesu harusa bana kedde bali wali kamatena. Yesu Nabogho Wekkina barrana Maria Magdalena ¹⁰Niaka, ghidda duada muridta bali nee umma.¹¹Ba ka, Maria nadede ne gounga barra odi monno ngio. Sabil ngio, nia namelongokka ne ododana dana ne, ¹²monno nia naetaze duada malaikata taukalabbi kaka neede madii ne paddou kamatena Yesu paddou pabeikadaidi walipona. Na iya madii ne barra katowana monno na iya neeni barra ghaina. ¹³Duada malaikata matua barrana Maria, "Maghinne,appa neeme ngio?" Maria nawaleza malaikata na, "Ghidda deke baza kamatena Morigu monno zauwa daku paddekidi ge niniadi ghidda bataini Nia."¹⁴Nebana ba patekkiwe ghinnana, Mria naaro ne lirana monno naetaza Yesu dede na nanna, takka dappa paddekiza kalau na bania Yesu. ¹⁵Yesu namatua barrana, "Maghinne, Appane yemmi bingio? Garrani paghewami?" Orona banakirawe bahwa niadona dagawe tamanna, Maria napaneghe barra-Na, "Mori, niaka Tuan padikki bani-Nia, tekkiga zauwa bage niniai Tuan bana taibani-Nia, monno zauwa ba kudekeza-Nia."¹⁶Yesu napaneghe barrana, "Maria." Mari naarobali monno napaneghe barra-Na waige paneghe Ibrani, "Rabuni", ne artinawe "Guru". ¹⁷Yesu napaneghe barrana, " Ammana yemmi paterrega Zauwa orona Zauwa daku kakkipo barrana Ama. Ba ka, kakoghu barra oledadi-oledadi-Gu monno tekkidawe ghidda, 'Zauwa ba kukako barra Ama-Gu monno Amamu, barrana Mori-Gu monno Morimu."' ¹⁸Maria Magdalena nakako monno tekkidawe murid-murid, "Zauwa kueta ba Mori," monno bahwa Yesy dona a tekkiwe bawe hal-hal ne barrana. Yesu Nabogho Wekkina barrada Murid-Murid-Na¹⁹Ne loddo ne nagedde bage, niado loddo ullu ne minggu ne, monno binna-binna paddouda ghidda muridta pakuana matodi orona ghidda madauta barra ata-ata Yahudi, Yesu namai monno dede ne tillu-tilluda ghidda lappata paneghe, "Dame sejahtera tagumi yemmi!" ²⁰Nebaba patekkiwe ghinnana, Yesu naboghodi limma monno bullen-Na barrada ghidda. Ghidda muridta bersukacita takka ne ghidda baetza Mori.²¹Badommo,Yesu napaneghe dommo barrada ghidda, "Dame sejahtera tagumi yemmi. Zama ghinnana Ama napatuka baga Zauwa, ghinnaghai kaina nemeghinna yemmi kupatuka bami yemmi." ²²Monno bana ba patekkiwe ghinnana, Yesu napoghizi ghidda monno napaneghe, "Deibawe Roh Kudusa! ²³Niaka yemmi bieidjadi zalahna naata, baka zalah ghidda eidjadi. Niaka baghaiko ata zalah-zalahna ba di eidjakudi, maka zalahda ghidda da eidjakidi." Yesu Nabogho wekkina barrana Tomasa²⁴Tomasa, na iya ata wali kabullu duada muridta, ne patekkida Didimusa, daikini pazamadangngadi ghidda na Yesu mai. ²⁵Baka, murid-murid a eka tekkinawe nia, "Zamme maeta ba Mori." Takka, Tomasa napaneghe barrada ghidda, "Wattena zauwa eta oro paku ne limmadeta-Na monno patani wallalimmagu ne dana oro paku ne, lappata patamani limmagu ne bulle dana-Na, zauwa ba daku waikige."²⁶Paddo loddo dommona, murid-murid bali monno pakuana ne umma ne, monno Tomasa ghai kaini zamadangngadi ghidda. Meskipun binna-binna matodi, Yesu namai monno nadede ne tillu-tilluda ghidda, lappata paneghe, "Dame sejahtera tagumu yemmi!" ²⁷Badommo, Nia napaneghe barrana Tomasa, "Padoladi limmamu ni nia monno etagadi limma-Gu; monno padoladi limmanu ni nia monno taidi ne bulledana-Gu. Ammana duwaikage, takka wailologe!"²⁸Tomasa nawaleza Yesu, "O, Morigu monno Allagu!" ²⁹Yesu napaneghe barrana, "Appane ghou nemeghinna waige orona yemmi eta baga Zauwa? Pamaringgizi ghidda da eta, takka waige." Tujuanna Yohanesa Banatulisawe Zurata ne³⁰Enga mangedapoda tada ajaibpa eka ne parawina Yesu ne aroda murid-murid-Na, ne dappa tulisa ne Zurata Bia dana ne. ³¹Ba ka, ngarakua ne katulisawe gai yemmi kiwaige bahwa Yesu niadona Krittu, Anai Mori, monno gai melalui nepawaimu ne, yemmi kikolena moripa ne biwaige ngara-Na.

Yesu Nabogho Wekkina barrada Pittu Murid-Na ¹Badommo, Yesu nabogho wekki dommona barrada murid-murid-Na ne barra oba Tiberiasa. Nia naboghoge tou-Na waige pata yongngu ghinnane: ²Simonna Petrusa, Tomasa ne patekkida Dididmusa, Natanael wali Kana ne Galilea, ana-ana Zebedeusa, monno duda murid a eka neede pakuana. ³Simonna Pterusa napaneghe barrada ghidda, "Zauwa ba kukako ghappa igha." Ghidda paneghe barrana, " Zamme makako zamadangngagu." Ghidda ngara kako ne gounga monno penne ne tenadeta, takka gedde ne, ghidda da ghappaki appa-appa.⁴Ne subuh langnga, Yesu nadede ne pantai, takka murid-murid da paddekige bahwa na niadona Yesu. ⁵Nia napaneghe barrada ghidda, "Ana-ana, appane yemmi ghaina igha?" Ghidda walewe, "Indaki." ⁶Nia napaneghe barrada ghidda, "Tubbage dalamu ne bali kawana tena, monno yemmi ba kolena." Baka, ghidda tubbage dala, takka da paddeki patongnguwe ne tena dana orona mangeda ihga.⁷Oleh sebab ne, murid pamanawwara Yesu napaneghe barrana Petrusa, "Na Mori!" Na Simonna Petrusa rengngewe bahwa na Mori, Nia natauwe kalabbina orona nia bana kaige kalabbina saat paghilli, monno kaluu ne oba dana. ⁸Murid-murid wadde a mai waina tena monno tongngu dala a bonno na igha. Sebab, ghidda da marroki wali tanahmara, jaraknawe kira-kira duada ngau hasta. ⁹Ne ghidda ba dukki ne tanahmara, ghidda eta bara api monno igha neena ne ponnuna monno kaina kababa.¹⁰Yesu napaneghe, "Ngindizi pirra kikku igha ne ghuddi paghappami yemmi." ¹¹Simonna Petrusa na penne ne tenadeta monno tatongnguwe dala a bonnu dangngage ghidda igha kalada ne tanahmara, jumlahda ngau limma kabullu touda kikku. Lakkakupu igha ne a luana, dalana dana mairrakiwe.¹²Yesu napaneghe barrada ghidda, "Mai monno ngaalolo." Dai pongnguki wali murid-murid ne barani matua barra-Na, "Garragu Ghou?" orona ghidda paddege bahwa Nia niadona Mori. ¹³Yesu mai monno deke kababa ne lappata banayadawe barrada ghidda. Ghinnaghai kaina bana rawidi ghidda igha. ¹⁴Negheniabawe patouda ghuddana Yesu banabogho wekkina barrada ghidda murid-Na nebaba papakeddeza Nia wali barra ata mate. Yesu Nadengngiza Petrusa Mengembalaka bebe-bebe-Na¹⁵Nebaba ghidda pangaa, Yesu napaneghe barrana Simonna Petrusa, "Smonna, anai Yohanesa, appane yemmi manawwaraga Zauwa walibarra ngarakua ne?" Petrusa nawalewe, "Bennara Mori, Ghou paddege bahwa zauwa manawwaragu Ghou." Badommo Yesu napaneghe barrana, "Gembalakandi bebe-bebe-Gu!" ¹⁶Yesu napaneghe dommo taguna paduada ghuddana barrana, "Simonna, anai Yohanesa, appane yemmi manawwaraga Zauwa?" Petrusa nawalewe, "Bennara Mori, Ghou paddege bahwa zauwa manawwaragu Ghou." Yesu napaneghe barrana, "'Gembalakandi bebe-bebe-Gu!"¹⁷Yesu napaneghe barrana taguna patouda ghuddana, Simonna, anai Yohanesa, appane yemmi manawwaraga Zauwa?" Atena Petrusa na millibawe orona Yesu bana matua taguna patouda ghuddana, "'Appane yemmi manawwaraga Zauwa?" Bage, Petrusa napaneghe barra-Na, "Mori, Ghou padde ngara kuage. Ghou paddege bahwa zauwa manawwaragu Ghou!" Yesu napaneghe barrana, "Gemabalakandi bebe-bebe-Gu! ¹⁸Zauwa kutekkiwe ghinnatakkana barramu, saat yemmi bou, yemmi douna kettege ebami monno kako bage niage yemmi pabeimi; takka saat yemmi bikaweda, yemmi ba lotarazi limmamu monno ata eka ba kettege ebamu, monno ngindighu ne paddou ne yemmi dappa beimi."¹⁹Yesu natekkiwe hal neghe taguna bana bogho waige kamatena bapeighaina Petrusa bana muliakanni Mori. Monno baba patekkiwe hal ne, Nia napaneghe barrana Petrusa, "Dekuga Zauwa!" Appawe ba Marawi dangngadi Murid ne Pamanawwra Langngutakkana Yesu?²⁰Petrusa nagillakana monno etazi murid pamanawwara waliatena Yesu neede dekudi ghidda. Nia niadona murid a madii barra tukkungauna Yesu ne perjamuan gedde mono matua, "Mori,garrani ata ba a khianatigu Ghou ne?" ²¹Ne baeta nia, Petrusa namatua barrana Yesu, "'Mori, peighai dani nia?"²²Yesu nawalewe, "Tuddana Zauwa nau nia engana moripa dukkiwe Zauwa mai bali, appa urusanmu? Yemmi, dekuga Zauwa!" ²³Baka, patekkina Yesu ne namazabbara ne barra oledadi-oledadi ne bahwa murid na ba dana mateki, padahal Yesu dana tekkikiwe barrana bahwa nia ba dana mateki, melainka niakido paneghe, "Tuddana Zauwa nau nia engana moripa dukkiwe Zauwa mai bali, appa urusanmu?"²⁴Niadona murid a bersaksi taguna ngara kuanawe ne, monno tulisa ngarakua bawe ne, monno ghitto paddege bahwa kesaksianna ne bennara. ²⁵Enga ghai mangeda hal eka dommo ne parawi bana Yesu, ne niaka patulisa iya monno iya, zauwa paddage ngara ponnutanah ne kaina daiki ba tutu taguna ngara zurata a harusa patulisa ne. [[ayt.co/Yoh]]