To view a copy of the CC BY-SA 4.0 license visit
http://creativecommons.org/licenses/by-sa/4.0/
Deuteronomy
Chapter 1v 1 diidi Musa n den maadi yeni Isalele yaba kuli yaa maama, yaa kpenu n yi Judana jaali puoli po, mi fanfanpienma nni, yaa tialu n tuoli Sufi, ki ye palana , Tofeli , Labana, yaa siloti yeni Disahaba siiga nni. v 2 dine piiga n dayenli n yeni ti sancenli po hali tin ñani Heliki, ki tagini yaa sanu n ña Seyili juana po ki ki pundi hali Kadasa baliniaya.v 3 li binpiinaali po, piiga nŋmayendo nni, o dayenli daali, Musa den maadi yeni Isalele bila LI Miali daano OTienu n den puogo ke wan yediba yaa maama kuli. v 4 li den tie wan paadi AMola yaaba bado Sohoni yua n den ye Hesiboni dogu nni Basana bado Ogi yua mo n den yeni Ataloti yeni o dogu yaaba kuli ke li pendi.v 5 Judana kpenjaali puoli po, Mɔaba yaaba diema nni Musa den cili ki bundi li balimaama ki yedi: v 6 li miali daano ti Tienu den maadi ti Olebi dogu nni ki yedi : yi waagi boncianla li naa juali kani.v 7 fii mani ki ŋmagidi ki gedi; gedi mani ki kua Amola yaaba juana nni, yeni A lindima kuli, yeni ajuana po yaa tialu nni o nuganu po, Mi ñincianma jaali po, Kanana yaaba diema nni , Libana po, ki yaa caa hali o kpenciamu yufilata po. v 8 diidi mani n bili mi diema yi nintuali. gedi mani ki ban taama Li Miali daano n den poli ke o baa puni yi yaajanba Ablahama , Isaaka Jakoaba yeni bi yaa puoli ŋuani, bi puoli yaa diema yeni.v 9 laa yogunu yo ke n den maadi yeni yi yaa maama n tie na,n kan fidi ki kubi yi mini n bebe. v 10 Li Miali daano, Yi Tienu, cedi ke yi pugini,kiyaba nani tanpoli po ŋmabila yeni. v 11 Li Miali daano yi yaajanba Tienu n go pugini yi yeni hali taalima tudili ki go teni yi o ŋalibaligo nani wan yedi maama yeni.v 12 mini n bebe n baa tieni lede, ki fidi ki tugi yi yiema yeni yi koankoana tugili? v 13 gandi mani yi buolu siiga nni yaa jaba n pia mi yama yeni mi yanfuoma ke bi go baniba bonŋanla lani n baa tuni ba yi yuli . v 14 yi den guani ki ŋmiani nni, ki yedi: ŋan jagi ke a baa tieni yaala yeni tie yaabonla n ŋani.v 15 lanwani n den taa yi buoli siiga yaa jaba n pia mi yama ke bi go bani ba bonŋanla ki teni ke bi tua nitudili tudili yudanba, niba kobiga kobiga yudanba , niba pii mu mu yudanba, yeni niba piiga piiga yudanba, nani yi buoli nni yudanba n tie maama yeni. v 16 li yogunu po n den teni yi bujiaba li ñoabonli: cengi mani yi ninjaba ki nanjia ti buudi yua kuli po yeni wan pia yaa maama yeni o kpiilo bi caano.v 17 yi bujiali nni yin da pia gandima yeni nilo ba kuli, yin go da jie nilo ba kuli , kelima UTienu n die li bujiali, lanwani li yaa tie ke yaa buudi jiama n paagi yi po hali boncianla yin cuani ti n yaa kani ke min gbadi ti. v 18 lan yogunu po mini n den bili yaala ke yi baa yaa tiendi yeni.v 19 ti den ñani Holebi ki poandi yaa fanfanpiencianma n den foagi ki yabi ke yi la yeni kuli. ti den ta yaa sanu n caa Amola yaaba juali po, nani Li Miali daano ti Tienu n den bili ti po maama ke ti ban pundi Kadesa balineya.v 20 n den yedi yi, yin pundi Amola yaaba kani LI Miali daano ti Tienu n teni yi, yaali yeni kani. v 21 diidi mani LI Miali daano yi Tienu bili mi diema yeni yi nintuali yin gedi mani ki diedima LI Miali daano yi yaajanba Tienu n den yedi maama ,yin da jie mani pu yi gbannu mo n da ŋoa.v 22 yi kuli den ca n kani ki yedi nni: tin soani bijaba ban gedi ki ban diidi mi diema yeni n tie yaala, ki guani ki waani ti tin baa tagini maama ki kua mi diema yeni nni. v 23 laa maama den mangi n po, n den taa yi nibuoli kuli niyendo yendo. v 24 bi den tagini ki doni li juali ki ban lindi hali Ekoli joaloangu ki diidi mi diema.v 25 bi dewn kpeni yeni li dogu nni bonluonkaala ki waani ti. bi den togidi ti ki yedi: Li Miali daano ti Tienu n puni ti yaa dogu yeni tie yaa dogu n ŋani hali bonnŋanlav 26 ama yii den bua yin gedi mi niini, ki den tua yaa niba n yie yi Tienu ñoabonli. v 27 yi den bunbi bunbi yi diedi kani ki tua ki ne: kelima Li Miali daano yie ti ki den ñani ti Ejipiti diema nni, ki baa ŋaa ti Amola yaaba nuu nni ke ban biani ti. v 28 ti baa kuale ? ti ninjaba cedi ke ti gbanu wadi ke ti ji ki pia paali, yeni ban yedi ke ne: bi tie yaa buolu n yabi ki go foagi ki cie ti; li tie yaa dogu n yabi ki maa ki kpedihali tanpoli; ba ti la lien nni Anaga bijaba.v 29 n den yedi yi : yi yama n da tiini ka yin da jie mani v 30 Li Miali daano yi Yienu wani o ba baa kua yi liiga ki koani yi po, nani wan tieni yi po yaala kuli ke yi la yeni nunu Ejipiti diema nni, v 31 yeni mi fanfanpienma, a den la Li Miali daano yi ATienu, den kuba nani ojoa n kubi o biga maama, yaa yogunu ke den paa o sanu nni, yeni yin tagini naani ki ban pundi yin ye naaniv 32 ama ba yeni lan kuli yi pali ki den pa Li Miali daano yi Tienu po. v 33 wan yua n den kua yi liiga ki lingi po yin baa sedi naankani ki fuopdi, o ñiagu o den yen yendi yi po a mu kpaana ke yi cuoni, oyienu wan legini yi po otawaligu.v 34 Li Miali daano den gbadi yi fuugu yeni yi macianma. o pabienli nni o den poli ki yedi ki ne. v 35 yaa ni fiima n yena yeni bi biadima bi siiga, nilo ba kuli kan la min poli ki niani ke n baa puni yi baan ba yaa dieŋanma nni, v 36 li yaa tie jufine bijua Kalebi yaa ka, wan wani baa la ma. n go baaa puni wani yeni o bijaba, wan ŋmaa yaa diema niini yeni, kelima o den ŋoadi mini Li miali daano ke li ŋani.v 37 li Miali daano palin den biidi n po kidugini yinba yaa po, ki yedi : fini moko kan baa ki kua Palip. v 38 Josue nuni bijua yua n tie a todika yeni, wani baa kua mi niini, ŋan paagi o pali kelima wan n baa cedi Isalele yaaba n baa ki je o dogu yeni faali.v 39 yi yaabila yaabi yaa po ke den maadi: ke bi baa ti tua jiema yeni ! yeni ki bani dina yaala ŋani yeni yaala n ki ŋani, n taama ki tieni bi yaa nugu ne, bani n baa kua mi niini ki diedi ma. v 40 ama yinba wani, ŋmagidi mani mi fanfanpiema po ki totli mi ñinciama po.v 41 lanwani yio den goa ki ŋmiani nni ti tieni ti tuonbiadi Li miali daano po. ti baa gedi ki ban koani nani Li Miali daano n puogi ti maama; yi siiga yua kuli den taa ojatiagu ki tieni ogbanñagidu kani ki tama ke li baa tie faala yo, ki doni ki kandi li juali. v 42 lanwani Li Miali daano den maadi nni ke min yediba; da do mani, da koani yeni ba kelima mii ye yi siiga nni. yeni yibalinba kan deli yi.v 43 n den maadi yeni yi ama yi naa den bua yin cengi nni, yi den tua yaa niba n yei Li Miali daano ñoabonli , yi den yie ki gedi ywni jama ki doni li juali po. v 44 lanwani Amola yaaba, yaaba n kua laa juali pom den ñani ki tuogi yi ki deli yi nani inankpasii yeni. bi den pua yi, ki cili seyili ki ban punai hali Holima.v 45 yin den lebidi ki kpeni yi buudi Li Miali Daano kani, ama waa den cengi v 46 yi go den sedi Kadasa keli waagi nani yin den kpoa tieni yi kani yaa dana bianu.
Chapter 2v 1 ti den ŋmagidi ki toli mi fanfanpienma po, ki ta ki tagini yaa n caa o ñincianmoangu po, nani Li Miali daano n den yedi nni maama, ti den taa o yogunu boncianla yo ki lagidi Seyili juali. v 2 li Miali daano den maadi nni, v 3 li waagi hali boncianla ke kalindi li naa juali. ŋmagidima ki toli nujienu po.v 4 teni aniba yeni kuli li naa lanbonli: yi baa balini ki pendi yi ninjaba Esayu bijaba yaa tinbanlu po, yaaba n ye Seyili baa jie yi ama yin tieni ujuudu ki bogini mani. v 5 yin da yedi ke yi baa ña ki tuogiba yeni oToabu; kelima mii puni yi ba yin baa sedi yi taana naankani laa tinga nni. kelima n den boagidi ki puni Esayu Seyila juali.v 6 yi baa da bi kani yin baa je yaa jiema yeni iligi yeni ba yaa ñima ke baa ño moko. v 7 kelima Li Miali daano, tieni yi po, o ŋalibaligo yi nugu tuona kuli po, ki go bani yio cenli mi fanfanpiencianma nni. diidi bina piina n yeni ke li miali daano yi Tienu ye yeni yi: li ba kuli naa poadi yi.v 8 tin den tagini ki ñani den foagi yeni ti ninjaba Esayu bijaba yaaba n den ye Seyili juali po, li go den foagi yeni yaa sanu n tagini ki ña alaba, Elati yeni ETisoyoli- Jerbeli. li yaa puoli ti den ŋmagidi ki tagini yaa sanu n caa moaba fanfanpienma poLi Miali daano den maadi nni:ŋan da bogini ke a baa pua moaba yaaba yeni otoabu, kelima mii puna kaanu ba kuli ŋan yendi laa tinga nni; n puni Loto bijaba yo n yendi laa tyinga nni.v 10 Emita yaaba n den cili ki ye li kani hali yogu, bi den tie yaa nibuolu n pia o paalu ki foagi hali tanpoli hali boncianla nani anaga buolu yeni. v 11 bi den bi mo nani Lefayima yaaba yeni Anaka yaaba yeni, ama Moaba yaaba den yiba Emita yaaba.v 12 Holita buolu yaaba mo n den cili ki ye ki ye Seyili dogu nni bi diema nni, Esayu bijaba n den cua ki pua ki paadiba ki biani bi kuli, ki kali bi kaanu nani Isalele yaaba n den tieni maama ki diedi Li Miali daano n den puni ba yaa tinga yeni nni.v moala yin fii mani ki puodi Eledi kpenu, lanwani ti den fii ki puodi o kpenu yeni. v 14 ti den ñani kadesa - balineya ki cuoni hali ban puodi Seledi kpenu kuli li den tie piita n bina niine. laa yogunu po yo, ke yaa jaba n den baa fidi ki gedi toabu kuli ki tie laa nifiima siiga nni yaaba kuli bodi naani Li Miali daaano n den poli ki yedi maamayeni. v 15 Li Miali daano nugu den guani ki ba bi po , ki baa biandiba bi jondi nni hali bi kuli n ban bodi ki gben.v 16 mi kuuma n den dini yaa jaba n den fidi ki gedi otoabu laa niba siiga nni ki gbeni yaa yogunu, v 17 Li Miali den maadi yeni nni ki yedi: v 18 dine ŋan tagini ki ña moaba tinbianu ki pundi fAli tin bianu ki nagini Amoni yaaba, v 19 ŋan nagini Amoni Bidi kani, yin da ña ki tuogi ba yeni o toabu kelima mii puni ŋa ŋan diedi kaanu ba kuli AMoni yaaba tinga nni. n puni Loto bijaba yo n diedi Amoni tinga.v 20 bi go den nua ke laa dogu moko tie Lefayima yaa diema Lefayima yaaba n den kpa ka li kani hali yogu, ke Amoni yaabaq den yiba Samisuniti buolu. v 21 bi den tie yaa nibuolu n pia opaalu ki yabi ki go foagi boncianla nani a Anaka yaaba yeni. Li Miali daano den bolinio bi kuli Amoni yaaba nintuali nni, ki cedi ke bi fie bi tinga ki kali bi kaanu. v 22 Li miali daano yeni Esayu bijaba po, yaaba n den ye Sayila Tinga nni. o den biani Holita yaaba bi nintuali nni, bi den fie ki diedi bi tinga ki kali ki kaanu kitaa ki pundi hali dinla.v 23 kafitodi tinga yaaba mo den ñani ki biani Afi diema nni yaaba, bani yaaba n den ye yaa dogi n ye , ki tinkuonga nni, ki taa ki ban pundi hali Gasa dogu ki mo kali bi yaa kaanu.v 24 fii ki kandi, mani amoni yaa joaloangu,; diidi n ta amola yaaba bado Siyoni yua ye Esiboni yeni Dogu kuli ki tieni yi nugu nni. boni mani ki tuogi yeni ba otoabu moala moala yin diedi bi tinga. v 25 dine dine n baa cedi yi tinga nibuoli kuli n yaa ye yeni ojejiegu yeni ti jawaanciandi kelima yi yaa po. bi yaa gbadi ke bi taa yi yeli ñama labaalo, bi baa yaa digibi, li paboanli mo n cuoba.v26 tin den ye Kedemoti yaa fanfanpienma nni, n den soani atonda Esiboni yaa bado kani, yeni n yanduanma yaa maama ki yedi: v 27 ŋan ŋaa min tagi ki ña a doguni tinga nni n baa ta osancianmu n kan poani nujienu po ki buali nuganu po. min baa je yaa jiema ŋan cabi min pa mi ligi, min go baa ñu yaa ñima kuli ŋan pa li ligi; n baaa yaa cuoni bebe ki pendi.v 28 min baa je yaa jiema a kani kuliŋan cedi min pa i ligi, min go baa ñu yaa ñima kuli ŋan cebi min pa li ligi; n baa yaa cuoni bebe kio pendi. v 29 yeni ke Esayu bijaba yaaba n ye Seyili diema yeni Moaba yaaba , yaaba n ye Ali dogu den puni nni o sanu ke n tagi. amoko n puni nni li sanu, hali min poandi juadana ki kua Li Miali daano ti Tienu n den puni ti yaa tinga.v 30 ama Esiboni bado Siyoni den ki tuo tin tagini o dogu nni. kelima Li Miali daano Yi tienu den cedi ke o paagi opali ki juagi o yantiali mo , ki taa o ki tieni nuguni nani yin nua maama dine yeni. v 31 Li Miali daano den yedi nni: diidi Moala moala n baa tena Siyoni yeni o tinga ŋan taa ga ki diedi ki diema kuli.v 32 Siyoni den ñani yeni o niba kuli ki baa tuogi ti otoabu. Jayatisi kani. v 33 Li Miali daano ti Tienu den cedi ke ti pua ki paado wani oniba yeni obijaba kuli.v 34 lanwani ti den fie odogi kuli ki kpa o niba kuli, bi puoba , bi jaba, yeni abila kuli kaa ŋa ba niyendo ciadi. v 35 tin den taa yaala ti yuli po den tie ti yandi yeni tin den fie yaa dogi yeni yaa piama.v 36 lan cili Ayeli, Alinoni, kpenu jaali kani yeni yaa dogi n ye joaloangu nni, ki yaa caa hali Galaati laa den pia tin ki fidi ki paadi yaa dogu. n Li Miali daano den taa li kuli ki cabi ti. v 37 ama yin da nagini Amola bi jaba diema nni, yaaboki kpenu kani, ajuana dogi Li Miali daano ti Tienu n den bili ke tin ŋaa yaa dogi kuli.
Chapter 3v 1 ti den ŋmagidi ki taa basana. basana bado Goi den ñani yeni oniba kuli ki tuogi ti yeni otoabu. Edileyi yaa dogu kani. v 2 Li Miali daano den yedi nni: ŋan da jie o, kelima n taa wani oniba yeni o tinga kuli ki tieni anugu nni , ŋan soano nani ŋan den soani Amola yaaba bado yua n den ye Esiboni maama yeni :v 3 Li Miali daano go den taa Basana ya bado Ogi yeni o niba kuli ki tieni ti nugu nni. ti den pua ki naa ŋa bi siiga nni ba niyendo ciadi, v 4 ti den gaa bi dogiciami kuli ba doyendu ki den sieni ke tii gaa u. Basana bado Ogi diema nni tin den fie yaa dogi kuli den tie dogi piiluobba ke yi ye Adiegobi diema nni.v 5 bi den maa yaa guona n kpedi ki lindi yi dogi yeni kuli, yeni yaa buliñoana n luo ki kpaali yeni ti kudi: yaa dogi n ki den pia guona mo den yaba hali boncianla. v 6 ti den biuani bi kuli nani tin den soani maama Siyoni Esiboni bado yeni, bi dogi , bijaba, bi puoba, yeni a bila kuli. v 7 ama ti den taa ti yeni wani yeni yi dogi yeni n den pia yaa faali kuli.v 8 li den tieni yene ke ti den fie yaa ba tie liediba n ye judana kpenu jaali kandima Amola yaaba kani lan cili Alinoni kpenu kani ki taa ki ban pundi yetimoni juali kani. v 9 Sidoni yaaba n den yi Elimoni yeni Siluoni, A mola yaaba mo n yaa yiba Elimoni Sinili. v 10 yaa dogi n den ye judana kpenduoli kuli , Galaati yeni basana kuli. ki taa ki pundi Basana bado ogi Saqdika yeni Edileyi kuli ti den fie li kuli.v 11 Basana bado bebe n den tie yua n sieni Lefayima yaaba siiga nni. o duanu den tie ti kudi yaa duanu, ki den ye Amola yaaba dogiciamu nni, gu foagimu den tie nukpanduna yia, o piamu mo nukpanduna na ja yaa nukpanduna.v 12 laa yoginu po yo ke n den diedi laa tinga. n den puni laa diema Lubena diema yeni gada buolu yo ki cili Aloyeli, Aloni yeni Galaati juali boagidima yeni li dogi. v 13 Manase, yaa buolu yaaba boagidima n puni ba yaala n den sieni Galaati nni, yeni basana bado Ogi diema kuli Adigobi tin kuni kuli. yeni Basana kuli yeni ban yi naani Lefayima diema.v 14 manase bijua yaa yeli n den ga Adigobi, tinga, n biani yeni yaa dogi kuli, ki yaa caa hali gesuli Makati, yaaba tinbianu. o go den teni o yeli Basana, ke bi ji yi Jayeli tinkuonga dogi.v 15 n den taa Galaati tinga ki puni makili. v 16 n den taa Galaati tinga yagiyenli ki puni LuBena buolu yeni gada buoli hali alinoni dogu yuu n den tie bianu yeni hali yagibogi kpenu yu mo n den ye Amoni yaaba tinbianu.
17n go punba Alaba moko, Judana kpenu n den tie o bianu, ki cili Keneleti ki yaa caa hali Alaba ñincianma , ñincianyaama yaama yepisika juali jiima ki goa puoli po.v 18 laa yoginu yo ke den teni yi li naa ñoabonli Li mIali daano yi Tienu taa laa dogu ki teni yi ke yin diedigu. yinba ajakoanda kuli yin bobi yi jatiadfi ki cua ki tagini ki gaa yi ninjaba isalele yaaba liiga.v 19 yi puoba, yi biñidimu yeni yi yandi, bani bebe n baa sedi yi dogi yi ke n puni yeni niini, kelma n bani ke yi pia ti yandi boncianla v 20 yin todima ni yi ninjaba hali Li Miali daano n baa ki cabi ban kali nani yinba yeni, ke bi moko n diedi Li Miali daano n puniba yaa tinga Judana kpenpuoli yeni. lani yaa pendi yi siiga yua kuli ji baa fidi ki goa ki lebidi mini puni yaa tinga ki di laa dogu faali.v 21 laa yogunu ke n den teni Josue yaa ñoabona na: anuni la Li Miali daano yiTienu n tieni yaala laa batieliediba; Li Miali daano go baa tieni yene ŋan baa tagini yaa badiba diema nni kuli. v ŋan da jieba kelima Li Miali daano yi Tienu wani oba n baa koani yi po.v 23 laa yogunu po, n den jaandi ki mia Li Miali daano ninñingbadima ki yedi: v 24 Li Miali daano UTienu a cili ki waani anaacemo a nugu paalu yeni ŋan yabi maama. kelima o laa Tienu n ye Tanpoli yeni tinga ki baa fidi ki togidi atuona yeni abancianma. v 25 n miadi a, hali bonŋanla nbi suni ke ŋan puni nni osanu min baa ki la yaa tinŋanga n ye judana kandima. yeni Libani joaŋama.v 26 ama Li Miali daano pali den beni n po, kelima yi yaa po, ke o naa den cengi. Li Miali daano den yedi ke li dagidi da go maadi nni laa maama. v 27 do pisiga juali po, ki taa nunjoma ki teli puoli, nintuali, nuganu yeni nujienu po kuli ki ŋanbi ki diidi bonŋanla kelima kan baa ki kandi judana kpenu n na.v 28 teni josue a ñoabona ki paagi o pali; ke wan cuo ki sieni ogbanu kelima wani baa kua biniba na liiga ki teni ban je ŋan baa la yaadoigu na yaa faali. v 29 ti den sedi yaa joaloandigu n tuoli yeni Beti- beyoli po.Chapter 4v1 moala , isalele yaaba cengi mani ki go tieni min bangi yaa ñoabona yeni yaa bali maama, ke yin go yaa ye ki diedi Li Miali daano yi baanba n puni yi yaa tinga. v 2 yin da pugini min bili yi po yaa balimaama yeni kani li ba kuli yin go da wadi li ba mo li kani; ama yi baa kubi Li Miali daano yi Tienu balimaama nani min teni yi maama.v 3 yi nunu la Li Miali n daano n soai obulo baali- peyoli. Li Miali daano yi Tienu den biani yi siiga nni yaa nba n den ŋoadi obulo baali-pyoli yeni kuli. v 4 ama yinba yaaba n den ŋoadi Li Miali daano yi tienu yeni kuli ye hali dinla yeni yi miana.v 5 diidi min n den bangi yi yaa mabilikaama yeni yaa ñoabona nani Li Miali daano n Tienu n den puogi nni maama. ke yin yaa kubi ki go tiendi man yedi yaala kuli bonŋanla, yin baa kua ki diedi yaa diema yeni niini. v 6 baa kubima ki go tiendi man yedi yaala. kelima lani n baa tie yi yanfuoma yeni yi yama yi nibuolitiani kuli nuni po yaaba n gbadi ke bi maadi laa balimaama po baa yedi: o naa nibuoluciamu kafidi ki yaa tie nitianu li yaa tie yaa nibuolu n yanfuoma yeni mi yama yama yaaka!v 7 u laa nibuolu ciamu mo n pia ibuli ke bi kuu o, nani Li Miali daano n kuu yeni ti maama, ki toditi ti yaa mia o yaa yogunu ? v 8 bi u laaa nibuoluciamu n mo n pia yaa mabilikaama yeni yaa ñoabona keli tuoli nani min teni yi yaa mabilikaama dina ?.v 9 bon yenli bebe n ye lani n tie ke ŋan yaa bani fini aba po, ki yaa tiani a miali po bonŋanla yi yema nni daali kuli ke yin da ti sundi yin laa yaala yeni yi nuni, ke lan dati foagidi yeni yi pala mo yin bangila yi bijaba yeni bijaba yaa bijaba. v 10 yin da sundi mani yin den sedi Li miali daano yi Tienu Nintuali. yaa daali Olebi juaali kani, Li Miali daano n den yedi nni yaa yogunu. taani biniba kuli n kani! n baa cedi ban ban gbadi n maama lani ban kpaagi li po ki yaa jie nni, bi miali yema nni yogunu kuli ki tinga ne po; ban bangimka bijaba.v 11 yi den nagini ki sedi li juali tii po, li juali yeni co o mu, ki do hali tanpoli, o muñiiboangu yeni den cedi ke li boandi ke li biigili ye. v 12 Li Miali daano den yini yi omu yeni siiga nni! yi den gba o nialu yeni o maama, ama yi naa den nua o nunga, o nialu bebe n den li ye.v 13 o den doagidi yi po odanlingu wan den puogi yi yin kubi yugu, yeni o mabilikaala piiga: wan den diani yaama,tanpaba lie po. v 14 laa yogunu po Li Miali den puogi nni ke min bangi yi o ñoabona yeni o mabilikaama yin go tieni lan yedi kaala yin baa kua ki diedi yaa diema yeni nni.v 15 nani yin ki laa nunga ba yaa daali ke Li Miali daano den maadi yeni yi omu siiga nni, Olebi kani yeni, yin diidi mani yi miana po bonŋanla; v 16 da kuani mani yi yula ti tuonbiadi nni ki fii ki ban taa bonla ba ki tagi bulo ba, ki baa nango yeni joa bi pua yaa nannanli. v 17 bi ŋan da taa yanga ba kuli yaa nannanli ki tinga ne po, bi nuanga ba kuli yaa n yugi tanpoli yaa nannanli . v 18 bi yaa bonfuodibuolu n balini ki tinga ne po kuli yaa nannanli. bi jamo ba yua n ye ki tinga yaa tiipo mi ñima nni yaa nannanli.v 19 yin ŋanbi ki diidi mani yi yula po, ki da yaadi ki diidi tanpoli po, o yienu, o ŋmaalo, a ŋmabila yeni lan pia yaa toagola kuli, ke yin da ti kuani yi yama ki baa gbaani ki pugiba, kelima lani tie yaa bonla ke LiMiali daano boagidi ki puni ki tinga bibuoli kuli. v 20n ama yinba, Li Miali daano taa yi ki ñani yi Ejipiti kudimubuaga nni ke yin tua o yaa niba nani yin tie maama dinla yeni.v 21 Li Miali dano pali den beni nnpo, kelima yin ba yaa po, o den poli ki n kan kandi judana kpenu ki kua Li Miali daano yi Tienu n puni yi yaa die ŋanma yeni nni. v22 n baa kpe yaa diema n yene yaa niini n kan baa ki kandi judana kpenu; ama yinba yi baa kandi judana kpenu ki diedi laa tinŋanga.v 23 yaa jie mani yi yula po, ke yin da ti sundi, Li Miali daano yi Tienu yaa danligu n ye yinba yeni wani, ke yin da ti tagi yi yaa yuli po bulo, Li Miali daano yi Tienu den kuani yi, yaala ke yin da tienla yi siiga nni. v 24 kelima Li Miali daano yi Tienu tie nani yaa mu n co yeni. ki go tie nunponli Tienu.v 25 yi ban mali abila yeni yaa bilaa yaa yogunu, ki waagi ki ye mi diema yeni niini, yin da joagini yi yula ki tagi yi buli. ki da tieni yaala n ki dagidi ki fiini Li Miali daano yi Tienu pali. v 26 Tanpoli yeni tinga tie mini yeni yinba siiga nni siedi daano, li yaa tie ke yi tieni laa tuonbiadi buolu yi baa kpe ki bodi tontoni, yin baa puodi judana ki kua yaa diema yeni niini. yi miana kan foagidi yi kuli baa bodi cianv 27 Li Miali daano baa cedi yin yadi nibuoli siiga nni, lanwani Li Miali daano n baa gedini yaaba yi siiganni yi nilanbuoli, yaaba diema nni baa tie waamu bebe.v 28 lan po yo ke yi baa pugi ibuli yii ke o nisaalo tagiyeni o nugi, yaala ke li tie daadi tana , yaala n ki nua, ki go kan fidi ki gbadi nuulu ba.v 29 lankane yi go baa lingi Li Miali daano yi Tienu, yi go baa la o, li yaa tie ke yi lingo yeni yi yantiana kuli.v 30 laa bonla kuli yaa tieni yi ke yio kua lipaboanlini yaa yogunu, yi baa lebidi ki guani Li Miali daano yi Tienu kani ki cengi o nialu. v 31 kelima Li Miali daano, yi Tienu, tie Ninñingbadima Tienu, yua n kan ŋaa yin bodi : o go kan sundi wan den poli ki kuani yaa danligu yeni yi baan ba.v 32 buali mani ki bandi yaali n den pendi hali yaa yogu, yaa dana n den ye ke yi daa ye, ki cili O Tienu n den tagi o nisaalo ki tinga nni yaa daali, lan cili puoli ki yaa caa hali nintuali. laa bonla buolu den kpia tieni, bi yi den kpa gbadi ke bi maadi laa bonbuolu maama ?. v 33 lanwani nibuolu ba ye ki den kpa gbadi OTienu nialu ke o maadi o mu nni. nani yin gbadi maama ki go da baa ki pia li miali ki yee ?.v 34 lanwani li pia yaa TIenu den kpa cua ki baa taa o yuli po nibuolu yi siigani, yeni mibiigima yeni yi sinankeeni, yeni n bancianma yeni n jama, yeni o paciamu, yeni li bonlidikaala, nani Li Miali daano yi Tienu n tieni yi po maama yi nunbu nni Ejipiti nni ?.v 35 yinba n den baa o sanu ki baa fidi ki tieni siedi, ki la ki bandi ke Li Miali daano n tie Tienu, ke Tienu ba kuli ki ye. v 36 o den cedi ke yi gbadi o nialu Tanpoli po, ke wan bangi yi, o den cedi ke yi la o,umu pienciamu yi tinga ke yi den gbadi o maama o mu siiga.v 37 o den bua yi baanba ki gandi bi puoliŋuani li yaa po n cedi wani o ba cua ki ñani yi Ejipiti nni yeni o paciamu . v 38 o den deli ki ñani yaa nibuolu n yabi ki go pia o paalu ki cie yi yi nintuali. ki puni yi, ke yi kua ki diedima ke lan tua yi yaa tinga nani lan tie maama dine.v 39 yin yaa bani ki go tiani ki kubi yi pala nni, ke Li Miali daano tie OTienu tanpoli yeni tinga nni ke toa kuli ki ye. v 40 yin kubi omaama yaama ke o bili yi po yeni oñoabona min teni yi yaama dine, ke yin yaa ye yeni lipamanli, yinba yeni yi bijaba, yaaba n baa ŋoadi yi puoli po, ke yi miali dana mo n foagidi Li Miali daano yi Tienu n puni yi yaa tinga yeni nni yogu kuli po.v 41 lanwani Musa den gandi dogi ta judana kpenu jaali puoli po. v 42 ke yua n kpa o lielo keli tie jalibu ke laa tie ki o den kpa pia nanga yeno ka, n fidi ki sani ki kua laa dogi siiga dogi yendu nni ki gaa o miali. v 43 lan den tie yaa dogi na: beseli yugu n ye mi fanfanpienma nni. Lubena buolu yaaba yaa dogu nni, Lamoti, Galaati doguni, Gada yaaba kani yeni Golani Basana dogu nni Manase buolu yaaba kani.v 44 mine n tie Musa n den bili Isalele yaaba nintuali yaa balimaama. v 45 diidi Musa maama yeni wan den teni Isalele yaaba yaa mabilikaama yeni yaa ñoabona ban den ñani Ejipiti yaa yogunu. v 46 li den tie Judana kpenu kandima, yaa joaloangu n tuoli yeni Beti -peyoli, Amola yaaba bado Siyoni tinga nni, wani Siyoni den ye Esiboni, ama Musa yeni Isalele yaaba den pua ki paadiba ban ñani Ejipiti yaa yogunu.v 47 bi den fie o tinga yeni Ogi Basana mo yaa tinga, Amola yaaba bateliediba kuli den ye Judana kpenu kandima , puoli o yienu n pudi naan po. v 48 Isalele yaaba den ga yaa tinga n den cili Aloyeli, Alinoni kpenujaali po, ki taa ki yaa caa hali Siyono juali yiili Elimoni juali. v 49 li go taa yene ki cili yaa tinga n ye juda joaloangu nni, ki goa puopli ki taa ki yaa caa hali Alaba ñincianma, yaama n ye Pisiga juali jiidima tii po.
Chapter 5v 1 Musa den yini Isalele yaaba kuli ki yediba: cengi mani min kpaandi ki wangi yi yaa mabilikaama, yeni li ñoabona kuli yi tuba nni yin kubima ki go bangima ki tieni lan yedi yaala. v 2 Li Miali daano yi ti Tienu den kuani laa danligoe yeni ti Olebi juali kani, v 3 laa tie ki o den kuani laa danligu yeni ti bebe ka. o den kuani yeni tinba, tinba yaaba n ye ne dine ki pia Li Miali kuli.v 4 Li Miali daano den maadi yeni yi o nunga yeni ki yaga li juali kani umu siiga nni, v 5 lanwani n den ye yinba yeni Li Miali daano yaa siiga nni, ki baa yaa wangi yi LI Miali daano maama. kelima yi den jie o mu ki naa doni li juali po. v 6 mini n tie Li Miali daano yi yaa Tienu, yua n den ñani yi Ejipiti tinga nni yin den ye naani ti yonbidi nni yeni.v 7 yin go da pia Tienu ba kuli n yaa nintuali. v 8 yin da taa bonla ba kuli ki tagi bulo ki tieno wan yaa naani yeni yaa bonla nj ye tanpoli, yaala n ye ki tinga nni, yeni yaala n ye n ñima nni. tinga yaa tiipo.v 9 yin da gbaani ki pugiba ŋan go da kpiagidila : kelima Mini Li Miali daano tie yaa Tienu n pia li nunponli, yua n guandi bi baanba panpani bi bila kani hali nifiima ta bi nifiima na yaaba n nani nni po. v 10 mama n gba mi ñima yaaba n buani po hali nifiima tudili.v 11 yin da taa Li Miali daano yi Tienu yeli fanma kelima UTienu kan ŋaa yaaba n taagi o yeli fanma fanma po.v 12 yin yaa tiadi mani n fuodi daali ki ŋanbi ki kubili bonŋanla nani Li Miali daano yi Tienu n bili yi po maama. v 13 yi baa taa dana luoba ki soani yi tuona kuli. v 14 ma li danlele tie Li Miali daano yi Tienu fuodima daali yi kan soani tuonli ba kuli yinba, yi bijaba yi bi siaba bi yi tuonsoanba yi ne, yi pee yi nŋunbi, yeni bicanba yaaba n ye yi kani yeni yi naacenba kuli. mo fuodi nani yinba yeni laa daali.v 15 yi mo n yaa tiani ke yi den tie canba Ejipidi tinga nni, ke Li Miali daano yi Tienu den ñani yeni o yaa nugu paciamu po: li yaa ki tie Li Miali daano yi Tienu n teni ke yin kubi li dafuodi daali maama.v 16 ŋan da koani yeni aba yeni ana, nani Li Miali daano yi Tienu n yedi maama, lan fidi ke miali dana n foagidi yin go yaa ye li pamanli nni yaa tinga ke Li Miali daano yi puni yi yaa niini.v 17 ŋan da kpa nilo palip. v 18 yin da conbi. v 19 yin su, v 20 yin da pua faama anisaali lielo po.v 21 an bua anisali lielo den pua yin da pia yaa nunponli nbia yi nisaalilielo diegu po. ba o kuanu po, o naacemo, bi yaa pua n suani o po, ba o nua po, ba yeni yi nisaali lielo n pia yaala kuli po.v 22 lani n tie Li Miali daano n den kpaandi ki maadi yeni yi yaa maama li juali po yi kuli nintuali nni, umu siiga yeni umuñiboangu nni, ki naa pugini li ba kuli li po. o den diani ma tanpabimu lie po ki teni nni.v 23 yin den gbadi o nialu li boanboanli nni; ke li juali n den co yaa yogunu. yinba yeni yudanba, yeni yi buolu nikpela kuli den nagini n kani. v 24 lanwani yi den yedi; diidi Li Miali daano, ti Tienu cedi ke ti laa o yaa kpiagidi yenio o yabinu, ti go gbadi o nialu mo o mu siiga nni dina, tii bani ke O Tienu baa fidi ki maadi yeni o nisaalo ke lan daano n go yaa ye.v 25 lanwani bee yaa po yo ke ti kuli baa kpe ? kelma yaa mu ciamu n yena baa fidi ki je ti; li yaa sua ke ti baa tundi ki cengi Li Li Miali daano ti Tienu nialu ti kuli baaa kpe. v 27 yi kpeli ki gbadi o laa nisaalo n baa gbadi UTienu nialu ke o maadi yeno umu siiga nni nani tinba yeni, ke laaa daano pia li miali ki ye ? v 27 nagini kio cengi Li MIali daano ti Tienu n baa yedi a, yaala kuli, guani ki waani ti, ti baa cengi ki go tieni man yedi yaala.v 28 li Miali daano den gbadi yin den goa ki maadi nni yaala kuli, Li Miali daano den yedi nni n gbadi bi naa niba n maada yaala kuli: ban yedi yaala kuli ŋani. v 29 diida bi yaa den tuodi nmaama bi pali nni ki go pia o jejiegu n mabilikaama po. bi baa ye yogunu kuli lipamanli nni bani yeni bijaba. v 30 gedi ki ban maadiba yua kuli n guani o den po.v 31 ama fini, sedi o kaanu na yeni nni, ke min tena li balimaama yeni a ñoabona kuli ke ŋanbangiba ke ban tieni man yedi yaala min puni ba yaa tinga yeni niini.v 32 yin ŋanbi ki tieni ki tagini Li MIali daano yi Tienu n yedi maama yin da lebidi ki ta ganu bi jienu. v 33 yi baa ŋoadi Li Miali daano yi Tienu n bili yi po yaa sanu yeni omaama lan fidi ke yi miali dana n foagidi ke yin go yaa ye lipamanli nni yaa tinga ke yi baa kua ki diediga yeni niini nni.
Chapter 6v 1 diidi Li Miali daano yi Tienu n puogi nni ke min bangi yi yaa balimaama, yeni yaa mabilikaama yeni yaaa ñoabona, ke yin yaa kubi la ki tiendi man yaala, yin baa kandi ki kua ki diedi yaa tinga yeni nni. v 2 yin yaa jie mani Li Miali daano yi Tienu yi miali dana kuli nni. yin ba yi bijaba yeni yi bijaba yaa bijaba, yin kubi o mabilikaama yeni o balimaama kuli, min teni yi yaama, ke yi Miali dana n foagidi.v 3 lanwani Isalele yaaba cengi mani, laa maama, ki go kubima ki yaa tiendi man yedi yi yaala, yene ke yi baa yaa ye li pamanli nni, ki ma ki pugidi boncianla Nani LI Miali daano y baanba Tienu, n yedi maama, ke o baa puni yi yaa tinga nni ke mi naaŋanma yeni ti siadi kuli ye.v 4 Isalele yaaba cengi man: Li Miali daano ti Tienu, Li Miali daano yeni tie Yendo bebe. v 5 yi baa yaa bua Li Miali daano yi Tienu yeni apali kuli, yeni a paalu kuli, yeni a miali kuli.v 6 min tena yaa maama na dina baa yaa ye apalini, v 7 a baa bangi laa maama abila, ago baa waanima adiegu nni yaaba. ki go kubima a sanu po, 'ŋan baa duani yaa yogunu yeni ŋan go baa fii yaa yogunu.v8 yin loli ki tabinima yi nugi yeni yi yutuna, lan yaa tie yi po banma. v 9 a baa dianma a deni guona po yeni a buli ñoana kuli po.v 10 Li Miali daano yi tienu n baa cedi yin kua yaa tinga ke o den niani ke o baa tenga yi baanba ABalahama, Isaka, Yeni Jakoabo, yin baa diedi yaa bona n yabi yeni yeni yaa dogi ke yii maa yeni yi nugi mo. v 11 a baa diedi yaa diena ngbie yeni mi piama boncianla, yaama ke naa den kuanma lieni , yaa caana ke naa den gbiidi, yeni Olife tiidi kuani yii ke naa den buli.v 12 yaa yogunu ke yi baa dini ki guo yi da sundi Li MIali daano yi Tienu po, yua n den ñani yi Ejipiti ti yonbidi nni.v 13 yin yaa jie Li Limiali daano yi Tienu ki yaa kpiagidi wani bebe, ki go yaa poligi o yaa yeli po. v 14 yin da ŋoadi yaa nibuoli n ye lieni kuli yaaba ba nibuolu yendu yaa buli . 15 kelima Li Miali daano yi Tienu tie yua n pia li nunponli yi siiga nni, Ke Li Miali daano yi Tienu pabienli n da fii yi po ke wan biani yi kuli ki tinga po.v 16 yin da bigini Li Miali daano yi Tienu nani yin den kpa bigino maama Masa dogu nni yeni, 17 ama yin yaa kubi Li Miali daano yi Tienu bali maama bonŋanla. yeni wan bili yi po yaa ñoabona yeni omabilikaama kuli.v 18 yin yaa tie yaaba n tuoli Li MIali daano nuni po, lan fidi ŋan yaa ye yeni lipamanli, ki go kua ki diedi yaa tinga ke Li Miali daano den poli ke o baa teni yi baanba. v 19 li baa sua ke o deli ki ñani yi nannanda nani wan yedi maama.v 20 saala po yi bidi yaa ti faa ki buali yi ke Li Miali daano yi Tienu n kadi ki maadi yi yaa maama yeni wan bili yaa ma bilikaama, yeni yaa ñoabona yi po ne mo bua ki yedi be ? v 21 yi baa goa ki yedi yi bidi ti den ye ti yonbidi nni Falono Ejipiti tinga nni ke li Miali daano den ñan ti yen o yaa paaciamu. v 22 Li Miali daano den soani yi nintuali ne Ejipiti nni , Falono yeni diegu nni yaaba kuli yaa sinankeeni yaa bancianma n yabai ki go pia li paboan. v 23 ki den fidi ki ñani ti lieni ke baa gedi ti wan den poli ke o baa puni ti baanba yaa tinga.v 34 Li Miali daano den puogi ke tin kubi o balimaama ki tieni man yedi yaala ku;li ke tin go yaa jie LI Miali daano ti Tienu, lani tin yaa ye yeni li pamanli nani wan tiendi ti po maama dine. v 25 tinba yaa po yaala n tiegi n tie tin ŋanbi ki kubi ki go tieni libalimaama n yedi yaala kuli bonŋanla Li Miali daano nuntuali nni nani wan puogi ti maama yeni.
Chapter 7v 1 li miali daano yi Tienu yaa ban gogidi yi ki kuani yaa tinga ke yi baa diega yeni niini, o yaa deli ki ñani yi po yaa nibuolu n yabi ki cie yi, Hata yaaba, Giligasa yaaba, Amola yaaba, Kanana yaaba, Hefa yaaba, Felesa yaaba, Jibusa yaaba, nibuoliedi lele yaaba n yabi ki go pia o paalu ki cie yi yeni yaa yoginu.v 2 li Miali daano yi Tienu yaa ban cedi ke yi pua ki paadiba yin da cuo yeni li buoli danligu, yin go ŋanbili ba kuli bi po. bi yin go da gbadi bi po ninñima. v 3 yinba yeni laa buolu siiga yin da kuandi yi lieba, yin da taa bisiaba ki teni yi bijaba ban kuani yin go da taa yi mo yaa bisiaba ki teni bi mo yaa bijaba.v 4 kelima bi baa cedi yi bijaba n foagidi yeni nni, ki cedi ban yaa kpiagidi yi buli, ki fiini Li Miali daano pali li po wan biani yi kuli. v 5 diidi yin baa soani bi maama, yi baa tudi ki lu bi padi binbina kuli, ki mudi bi juana, ki jendi jiendi bi budaadi ki ju li kuli umu.v 6 kelima yi tie yaa buolu n gagidi ki ŋani Li Miali daano yi Tienu po. Li Miali daano yi Tienu n gandi yi yi nibuoli kuli siiga nni ke yin tua o yaa nibuolu mi tinfanma niini kuli.v 7 kelima laa tie ke yi tie ke yi yabi ki cie yaa nibuoli n sieni kuli ke Li Miali daano den gandi yi ki nagini yi o kani, ama yinba n tie yaa nibuolu n wa, v 8 ama Li Miali Daano n bua yi, kelima o den bua ki kuani o ñoaniani yi ke o den kuani yeni yi baanba, Li Miali daano yaa nugu paaciamu po yo, ke o den gaa ti bado Falono nuguni yaa yogunu ke ti den ye ti yonbidi nni Ejipiti tinga nni.v 9 bandi ke Li Miali daano yi Tienu n tie O Tienu. wani n tie yaa Tienu n tiegi ki kubi o danligu yeni o ninñingbadimka hali nifiima tudili yeni yaa niba n tiendi o buama. v 10 ama yaaba n nano o baa pa ba bi panpaani, ki go bianba tonmi tonma. waa pia wan gandi yua o lipa bi kuli bi panpaani. v 11 yeni wani yi baa yaa kubi libalimaama ki tiendi o ma bilikaama. yeni oñoabona n yedi yi yaala.v 12 li yaa tie ke yin cengi a naa ñoabona ki kubi ŋa ki tiendi ŋan yedi yaala Li Miali daano yi Tienu baa kubi wan poli ki ki kuani yaa danligu yeni yaa ŋanbili yeni yi baaba. v 13 o baa bua yi ki go tieni o ŋalibaligo yi po, yin yaa ma ki pugidi. o go baa tieni o ŋalibaligo yi madi yeni yi tinga bon luonkaala, yi ŋalikaama, yi duven tiidi kuani , yi kpama, yi ne yeni yi yan bidi kuli baa yaa poadi ki pugidi wan den poli yeni yi baanba ki go baa puni yi yaa tinga yeni niinni.v 14 yi baa ba oŋalibago ki cie yaa nibuoli n ye kuli joa yoo bi pua yoo kan go yaa tie ŋoaliga, yi yandi siiga nni kaa pia yaa yandi n kan yaa ma, v 15 Li Miali daano yi Tienu baa foagini yi kani yeni yi yiani buoli kuli y kan go baa yi niini nani yi den baa yi niinni maama Ejipiti yeni ama laa yiani buoli baa pua yi nannanda kuli.v 16 yi baa biani li Miali daano n den teni ke yi paadi yaa nibuoli yeni kuli, yin da gbadi bi po ninñima, yin da ŋoadi bi buli kelima yi baa ti tua a po diagu,v 17 yogunu n ba yin ti yedi yi pala nni yaa nibuoli n ye ne yabi ki cie ti. ti baa tieni lede ki deli baa ? v 18 yin da jieba palip, yin tiadi mani Li Miali daano yi Tienu n den tieni yaala obado Falono yeni Ejipiti nni kuli. v 19 yeni yin den laa yaa bigina buolu buolu, yaa sinankeene yeni yaa bonlidikaala, yeni Li Miali daano nugu paciamu, wan den ñani yi Ejipiti tinga nni yaa yogunu, Li Miali daano yi Tienu baa soani yin jie yaa nibuoli mo yene.v 20 li Miali daano baa soani bi kani yaala n tie nani alon lona yeni, yeni hali ke yaaba n sieni ki sani ki wuoni yeni kuli n ban bodi ki gbeni. v 21 yin da cedi yi gbani n wudi kelima bi yaa po, kelima Li Miali daano yi Tienu ye yi siiga nni. o tie yaa YTienu n yabi ki go pia o jejiegu. V 22 yi kan fii ki biani li nibuoli kuili yenma, Li Miali daano yi Tienu baa biandi ba waamu waamu yi nnituali, ke ti moayandi n da ti yabidi ki koani yeni yi.v 23 Li Miali daano yi Tienu baa digiba, ki taa ba ki teni yin paadiba, hali yin ban biani bi kuli. v 24 o baa taa bi batieba kuli ki tieni yi yaa nugu nni, ki teni ban bianba, bi kuli yela n bodi. o baa go kan fidi ki tuogi yeni yi, yeni hali yin baan biani bi kuli.v 25 yi baa ju bi buli yeni bi nannana kuli o mu nni, yin da kuani yi yama bi ligi yeni bi wula nni, ki taa lan tua yi yaa yaala, yin yaa jie lan da tua yi po diagu, kelima li tie yaa bonla n gundi ki joagini Li Miali daano yi Tienu po.v 26 yin da kuani joagindi bonla kuli n diegu kuli yi diegu kani, ki mon n da ti tua nani yaa bonla n baa bodi yeni, yi baa nua laa bonla ke li tie cagindi, ki go gundi kelima li tie kuale yi po.
Chapter 8v 1 yin kubi mani kli tieni min bili yi po yaa balimaama ne dine. ke yin yaa ye ki fo, ki maa ki pugidi, ki ban fidi ki kua LiMiali daano n den poli ki niani ke o baa puni yi baanba yaa tinga yeni niini. v 2 yi baa tiadi Li Miali daano yi Tienu n den cedi ke yi cuoni yaa cenli, hali bina piina, mi fanfanpienma nni, kelima o den bua ki waani yi fala, ki go bigini yi, ki bandi ke yaa baa kubi o balimaama bi ki yaa kan kubima yo.v 3 o den wangi yi fala ki den teni ke mi koma gbadi yi , o den dindi yi mana yin ki den bani yaala. yi baanba mo n naa den bandi yaala, ki bua yin bandi ke onisaalo kan yaa ye mi jiema bebe po ka. ama onisaalo baa yaa ye yaa mjaama n nñani Li Miali daano ñoabu nni kuli yaa po.v 4 yin den la yaa tiadi naa den cadi yi taana mo naa den moali, laa binpiinaadi nni. v5 lan yaa po yin bandi ke Li Miali daani yi Tienu den tundi nani o nisaalo n baa tundi o bijua maama yeni. v 6 yi baa kubi Li Miali daano yi Tienu bali maama ki yaa cuoni o sani nni, ki yaa pia mi po ojejiegu.v 7 kelima LI Miali daano yi Tienu baa cedi yin kua n die ŋanma nni, naani ke yi kpeni ñinbuna yeni yaa ñinsani n bundi a joatana nni yeni a juana n ye yaa diema nni, v 8 li tie yaa timga nni n pia n ŋalikaama, yeni Olije, duven tiidi, yi kankandi, yeni grinadie tiidi, laa tinga nni n go pia Olifetiidi yeni ti siadi.v 9 laa tinga nni yi baa di ki guodi yi kaa biigidi yi jiema ka. naankani li ba kuli kan poadi yi, laa tinga nni atana tie kuboande, yi go baa yaa ñandi ti ku moandi, bijuana nni. v 10 yaa yogunu ke ban dini ki guo yin pagi Li MIali daano yi Tienu, yeni wan puni yi yaa tinŋanga bi yaa dieŋanma yaa po.v 11 yinn yaa jie mani yi yula po ki da sundi Li Miali daano yi Tienu po, ki da ŋa o balimaama oñoabona yeni o mabilikaama, min teni yi yaama dine. v 12 yaa yogunu ke yi ban dini ki guo ki maa yi dieŋama, ki ye lieni yaa yogunu.v 13 yaa yogunu ke yi baa ke yi ne yeni yi yanbidi kuli yabidi ki pugidi, iligi yeni yi wula kuli yabidi ki pugidi, yeni yin pia yaala kuli yabidi ki pugidi pugidi yi po. v yin ŋanbi ki yaa bani mani ki da ti fiini yi yula nni ti japaadi, ki sundi Li Miali daano yi yi Tienu yua n den ñani yi Ejipiti tinga nni yin den tie yonbi naankani.v 15 o den teni ke yi cuoni laa fanfanpienciangu nni yaama yaa niini n pia ojejiegu yeni. iwebiadi yeni inami yeni o ñuñuunu n ye yaa diema nni ñima n ki ye naankani, o den cedi ke mi ñima ñani yi po yaa tangbaagu n yabiboncianla nni. v 16 o den cedi ke yi dini mifanpienma nni mana yi yaajanba n ki bani yaala, ki waani waani yi fala ki bigi yi ki nan yuandi ki tieni yi po li ŋanbili. v 17 ke yin ŋanbi ki yaa bani yi yula nni ke yin da ti yedi yi pala nni ti palu, yeni ti nugi fidu po ki baa pia yaa ŋalimano yene.v 18 yi baa yaa tiani Li Miali daano yi Tienu po kelima wani n puni yi o fidu, ke yi baa laa ŋalimano , kelima o bua ki kubi wan den poli ki kuani yaa danligu, yeni yi yaajanba nani wan tieni maama dina. v 19 yi yaa sundi Li Miali daano yi Tienu po ki gedi ki ban ŋoa ibuli, ki gbaandi ki pugi yi, n waani yi laa maama dina ke yi kuli baa bodi. v 20 yi baa bia nani Li Miali daano yi Tienu n den cedi ki yaa buoli n den tuogi yeni o toabu n bodi maama, kelima yii cengi Li Miali daano yi Tienu yedima.
Chapter 9v 1 Isalele yaba cengi dina yi baa puodi ki gedi judana ki diedi yaa nibuoli n yabi ki go pia o paalu ki cie yi, yeni bi dogi yii yabi ki li guona pia o paalu, ki go kpedi hali bonciala. v 2 laa nibuoli pia o paalu ki go tie yaaba n foagi boncianla, Anaki bijaba, yin bani yaaba ki go gba ke bi maadi bi maama ki tua; ŋme n baa fidi ki mua n jama Anaki buolu yaaba yaa kani.v yin bandi mani dina ke li Miali daano yi tienu ki ye yi liiga wani oba nani yaa mu n co ki buondi yeni wani n baa jieni ba ki biani ba yi nintuali, yin deli ba li kani ton toni nani Li Miali daano n yedi yi maama.v 4 yaa yogunu po ke Li Miali daano yi tienu deli ki ñani laa nibuolu yi nintuali nni, yin da ti yedi yi pala nni li tie ti teginma po yo, ke Li Miali daano puni ti ke ti kua ki diedi yaa tinga n yena. kelelima laa nibuolu biadima po yo, ke Li Miali daano deli ki ñanba yi nintuali.v 5 laa tie yi yaa teginma yeni yi tagiŋamu po ka, ki baa kua ki diedi bi tinga ama li tyie laa nibuolu biadima po yo, ki Li Miali daano yi Tienu deliba yi nintuali, ki niani yi yaajanba Abalahama, Isaaka, yeni Jakoabo, yaa maama yeni n tieni.v 6 yin bandi ke laa tie yi teginma po ka, ki Li Miali daano yi Tienu puni yi laa tinŋanga, kelima yi tie yaa danba yaa tuli npa. bi yaa danba n paagidi bi tuli.v 7 yin yaa tiani mani ki da sundi yin yin den bieni Li Miali daano yi Tienu pali n fanfanpienma nni maama, lan cili yin den ñani ejipiti tinga nni yaa daali ki taa ki ti pundi hali yin ti cua o naa kaanu yaa daali, yi den li fiindi n yiema Li Miali daano po. v 8 Holebi kani ki yi den cedi ke Li Miali daano pali den fii yi po, lane li Miali daano pali den fii yi po ke o den bua ki biani yi kuli.v 9 min den doni li juali po ki baan ga i panpabimu yaamu n den kuani tinba yeni Li Miali daano o danligu yeni, n den tieni lijuali po dana piina yeni ñadipiina. ki naa dini jiema ki naa go ñuni ba ñima. ki buali ba ñima.v 10 Li Miali daano den teni nni a tanpabilieda ya ke wani UTienu nubili n den diani li po. yeni yaa maama ke Li Miali daano den kpa maadi yeni yi lijuali po. o mu siiga nni yi den taani li kani yaa daali.v 11 dana piina yeni ñadi piina den pendi yo ki Li Miali daano den teni nni li tanpabilieda ke li tie danligu.v 12 lanwani Li Miali daano den yedi nni Fii ki jiidi ton toni, kelima aniba yaaba kaa den ñanba Ejipiti tinga nni yeni biidi bi yula, bi lebidi ki ŋaa min den bili bi po yaa sanu, ki duadi bi yuli po li nannanli.v 13 Li Miali daano den ydi nni diidi n sua ke yaa niba na tie yaaba yaa tuli npa. v 14 cedi min biani bi kuli ki ñani bi kuli yaa yela n tinfanma nni.lanwani n baa teni ŋan tua yaa nibuolu n pia o paalu, ki go yabidi ki cie o naa nibuolu.v 15 n den goa ki jiidi lijuali ki li co o mu yeni o danligu tanpabilieda n nuu nni. v 16 n den diidi ki sua ke yi tieni ti tuonbiadi Li Miali daano yi Tienu po. ki duadi ki naa biga ki lebidi ki ŋa Li Miali daano n den waani yi yaa sanu.v 17 lanwani n den taa atanpabilieda ya ke n den kubi ŋa nugini yeni ki mabi ki muda yi nintuali nni.v 18 lanwani n den gbaani Li Miali daano nintuali nni nani mi kpiama yeni dana piina yeni ñadi piina, kaa dini jiema kaa ñuni ñima mo kelima yin den tieni yaa tuonbiadi yeni yaa biadima kuli Li Miali daano po, ki fiini o pali.v 19 kelima ti jawaandi den cuo nni yeni min den la ki Li Miali daano pabienli yeni o nintuali fii yi po maama hali ke o bua ki biani yi kuli. ama Li Miali daano go den ga n miabu laa yogunu po. v Li Miali daano pali den beni Alono po hali boncianla hali ke o bua ki biano laa yogunu n den mia Alono moko yaa po.v 21 n den taa ki naa biga yi tuonbiadi n den teni ke yi tagi yaaga ki juuga, o mu nni ki nandiga ki mudiga yomi yomi, ki gi tua bonyoma. n den taa ga ki luni yaa ñinsanu n ña lijuali po ki jii.v 22 yi den fiini Li Miali daano pali Tabeela nni masa nni, yeni kibiloti, Hatafa po kuli. v 23 yaa yogunu po ke Li MIali daano den soani yi Kadesa Balineya, o den yedi yi gedi mani ki ban kua min puni yaa tinga yaa niini ki diedi ga yi go den yie Li MIali daano yi Tienu ñoabonli, yii den pia papaali yii den cengi o yedima. v 24 yi den tie niyiekaabe, li Miali daano po, hali min cili ki bandi yi yaa yogunu.v 25 n den gbaani Li Miali daano nintuali n den gbani dana piina yeni ñadi piina, kelima Li miali daano den yedi ke o baa biani yi kuli. v 26 n den jaandi ki mia li Miali daano ki yedi o, n yonbi daano Li MIali daano, ŋan da biani a nibuolu yaaba n tie a faali ŋan den da ki faabi yaaba ejipiti tinga nni, yeni a nugu paciamu po.v 27 ŋan tiadi a naacenba Abalahama Isaaka, yeni jakoabo po,. ŋan da diidi yaa nibuolu tie na n paagidi bi tuli bi biadima yeni ban tiendi yaa tuonbiadi ka. v 28 ti jie ke ŋan den ñani ti yaa tinga nni yaa niba n da ti yedi: kelima LiMiali daano naa den pia yaa paalu ke o baa fidi ki kuani ba yaa diema ke o den niani ba, kelali wan go nani ba yeni yaaa po cedi ke o den ñan ba ki bua ban kpe mi fanfanpiena nni. v 29 ama ba yeni lan kuli bi nan tie yaa niba, yeni a yaa faali ke a den cedi ke ni ñani e jipiti nni a yaa nugu paciamu po.
Chapter 10v 1 laa yogunu po Li Miali daano den maadi nni. : kpie tanpabalie ya n naani nani mi kpiama ya yeni, ki do n kani li juali po na, ŋan go kpiedi ti daadi yaa kagigu. v 2 n baaa diani atanpaba yeni po yaa maama n den kpa ye, ŋan den mudi atanpabilieda ya yeni yaa po. ŋan taa ŋa ki kpieni o kpagigu yeni nni.v 3 n den ta akasia daadi ki kpiedi o kpaagu, ki den kpie a tanpabilieda ke a naani yeni kpiama ya n den tie maama n den doni lijuali po ki muubi a tanpabilieda yeni n nugu nni. v 4 Li Miali daano den guani ki diani atanpaba yeni po libalimaama piiga, yaama ke o den kpa yedima lijuali po o mu siiga nni, yin den taani o kani yaa daali ke o den taama ki teni.v 5 lanwani n den guani ki lebidi ki jiidi li juali po. n den taa atanpaba ki kpieni ku kpagu yugu ke n den kpiedi yeni niini, ke a ji ye lieni nani Li MIali daano n den waani nni maama.v 6 Isalele yaaba den ñani Beeloti Bene- yaakana, ki gedi Mosela, Lan kane ke Alono den kpe ki piino, o bijua Eliasala den lebido, ki ji ga osalayidikaciamo tuonli. v 7 bi den ñani li kani ki gedi Gidigoda, ki go ñani Gidigoda ki gedi Yotibata, i ñinfuani n yabi yaa tinga nni.v 8 laa yogunu ke Li MIali daano den gandi Lefi ke wan yaa bugi Odanligu ŋantaadi kpaagu, o den yedi ke ban yaa se Li Miali daano nintuali ki yaa yadi mi yediŋanma o buolu po o yeli nni. li go da li tie yene hali dinla. v 9 li yaa po n cedi ke Lefi buolu yaaba ki pia faali ba bani yeni binijabasiiga nni. Li Miali dano yi Tienu n Tie yi yaa faali nani wan yedi maama.v 10 n den tieni lijuali po dana piina yeni ñadi piina nani mi kpiama yeni Li Miali daano den ga n miabu yi po laa yogunu ki tuo ke o kan go biani yi. v 11 Li Miali daano den yedi nni fii ki kua biniba ne liiga, ban gedi ki diedi min den poli ki niani bi yaajanba ke n baa puni yaa tinga yaa niini nni.v 12 moala Isalele yaaba Li MIali daano miadi yi be yo? ke laa tie ke yin yaa jie Li MIali daano yi Tienu ki yaa cuoni o yaa sanŋoadima nni ki go yaa bua wani, ki go yaa suani Li Miali daano yi Tienu po yeni yi pali kuli yeni yi naano kuli. v 13 bi laa tie ke ŋan kubi Li MIali daano baklimaama yaama ke o dianima.ki tena dina, lan fidi ke ŋan yaa ye li pamanli nni kaa?v 14 diidi mani li Miali daano yi Tienu n die Topli yeni Tanpoli yaa tanpoli, ki tinga yeni kan pia yaala kuli . v 15 li Miali daano den kuani obuama yewni yi yaajaba bebe po yo; bi yaa po n pendi , ke o taa yinba bipuoliŋuani , yinbe ke o gandi yi yio nibuoli kuli siiga nni nani yin nua maama dina.v 16 yin ŋanbi ki kubi yi yula ke tulinma ba n da ti kua yi pala nni ke yin pugi yi buli. v 17 keloima Li Miali daano yi Tienu tie ban pugi yaala kuli yaa Tienu, bi yondanba yaa yonbi daano, UTienu yua yaa yeli n yabi ki go [pia o paalu yeni o jejiegu waa tiendi gagidi ma ba biniba siiga waa go gaani suuli ba kuli mo.v 18 o ja yaa buudi n tuoli, nkpebimu po yeni a kpepuona po, ki bua o caano ki puuno n jiema yeni ti tiayeikaadi. v 19 yin yaa bua bi canba kelima yi mo den tua canba Ejipitin tinga nni.v 20 yi baa yaa jie LI Miali daano yi Tienu ki yaa suani o po, ki kuandi yi yama o niini ki go yaa poligi o yaa yeli nni v 21 o tie yi yaa kpiagidi ki go tie yi Tienu wani tieni yi siiga nni yaa banacianma n pia ti jawandi yeni o yaalidiu yin den la yaamayeni yio nuni.v 22 yi yaajanba den cua Ejipiti tinga nni ki tie niba piilele yo, ama Li MIali daano yi Tienu den cdei ke yi tua yaa niba n yabidi nani tanpoli po ŋmabila yeni.
Chapter 11v 1 yi baa bua LI MIali daano yi Tienu ki yaa kubi o mabili kama yogu kuli, o ñoabona o bujiali tunda yeni o balimaama.v 2 yin yaa tiani mani Li Miali daano yi Tienu n den tundi yi yeni yaa fala. ke yi bila naa ba ki la ki bandila mo. yin go yaa tiani o Tienu paaciamu yeni nugu n pia yaa fidu. v 3 yeni wan den tieni yaa banma yeni yaa bonlidikaala Ejipiti tinga nni o bado falono yeni o niba kuli siiga nni.v 4 yin yaa tiani mani wan den tieni Ejipiti toa tieba yeni bi toateli kuli yaala, o den cedi mi ñinciama guani yili ki piini kuli ki bi bodi. yaa yogunu ke bi den ŋoa ki bieli yi, v 5 yeni wan tieni yi po yaala mi fanfanpienma nni yeni hali yin den ban cua ki pundi yin ye naani ne.v 6 yin yaa tiani mani wan den tieni yaala Eliabi bijaba Natana yeni Abilama yaaba n den tie Lubena buolu nni yaaba o den cedi ke tinga yaadi ki ñoabu ki nalio bani yeni bi cuga nni yeni yaala n tie yaala kuli i salele yaaba siiga nni. v 7 kelima yeni yi nuni LiMiali daano yi n tieni yi po yaa tuoncianma kuli.v 8 lanwani yi baa kubi min teni yi yaa balimaama yeni ki fidi ki yaa pia opaalu ki kua ki diedi yaa tinga ki teni yi. ki yin diedi yeni. v 9 yeni wani yi miali dana baa foogidi yaa tinga nni ke Li Miali daano den niani ke o baa puni yi yaajanba yeni bipuoliŋuani naani ke minaaŋanma yeni ti siadi kuli ye lieni.v 10 kelima yin baa kua yaa tinga nni ki diega yeni naa tie nani Ejipiti yaa diema nni yin den ñani naan kani yeni ka, yin den coagi yi bonbulikaala ki go joagini mi ñima yeni yi taana nani o gogidigu yeni ka. v 11 yin baa kua yaa tinga nni ki diedi yeni tie juana yeni joaloandi yo, ki ñu ki taaga yaaga n ñatanpoli po yaa ñima. v 12 li tie yaa tinga ke LiMiali daano wani o ba bani gi po,. ke o nuni mo go maa li diema po li binli cilima yeni li juodima.v 13 yi yaa tuo ki ŋua min teni yi yaa mabilikaama dine ki baa yaa bua Li Miali daano yoi Tienu, ki tuo ki baa yaa tuuni o po yeni yi pala kuli yeni yi yantiana kuli. v 14 n baa teni yi ki taaga yi diema po ki yoginu, osiagu cilima yeni ku juodima ke yin baa ŋalikaama, duven paano, yeni mi kpama. v15 n go baa tieni yi kuani nni ti muadi yi yandi po yin go yaa di ki guodi.v 16 yin ŋanbi ki yaa jie yi yula po ke yi pala n da ti boandi yi ki cedi yin lebidi ki ŋoadi ibuli ki yaa gbaandi binintaul. v 17 lanwani Li Miali dssno pali baa biidi yi po; o baa luoni tanpoli po tabona ki taaaga kan yaa mi, ki tinga mo kan go yaa luoni bonŋanla. yi kuli baa bodi Li Miali daano n puni yi yaa dieŋanma yeni yaa niini nni.v 18 yin kubi mani min teni yaa maama na yi pala nni yeni yi yantiana nni. yin loma yi nugi po, man yaa tie maalima bonla, ke yin yilinma yi yutuna po. v 19 yi baa bangima yi bila, yaa yognu ke a ye a diegu kani yaa yogunu ke a ye osanu po yaa yogunu ke a baa duani yeni yaa yogunu ke ba fii kuli.v 20 n yin dianma mani yi diena buliñoatuoga po, yeni yi buliñoana kuli po.v 21 lanwani yinba yeni yi bijaba dana baa yabidi hali boncianla yaa diema nni ke Li miali daano den poli ki niani ke o baa teni yi yaa janba, nani dana n waagi ki yiini ki tinga po maama yeni.v 22 li yaa tie ke yi kubi bonŋanla min teni yi yaa balimaama ne kuli, ki tiendi man yedi yaala, ki bua Li MIali daano yi Tienu ki cuoni o sanu nni ki kuani yi yama o niini. v 23 Li Miali daano baa deli ki yaani laa nibuoli kuli yi nintuali nni ki cabi yin tua inibuoli bani yaaba n yabi ki go pia o palu yeni kuli yaa canbaanba.v 24 yi taana n baa ŋmaa naankani kuli baa tie yi ya yaala: yi bianu baa cili mi fanfanpienma po ki ban tuoni li bani, ki go taa yufilata kpenu kani ki ban tuoni hali nintuali yaa ñincianma. v 25 oba kuli kan fidi ki fii ki mua jama ki tuogi ki koani yeni yi Li Miali dano yi TYienu baa tieni nani wan yedi yi maama yeni. ki cedi yin ŋma yeni yaa niba kuli ti jawaandi yeni o jejiegu n cuoba.v 26 yin diidi mani dina n bili yi nintuali nni li seli yeni ti solindi. v 27 li seli li yaa tie ke tuo LI Miali daano yi teinu balimaama yaama ke n tieni yi dine. v 28 ti solindi li yaa tie ke yi yie LI Miali daano yi Tienu mbalimaama ki lebidi ki ŋa min bili yi po yaama dine ki ŋoadi yin ki bani yaa buli.v 29 Li Miali daano yi Tienu yaa ban kuani yi yaa tinga nni ki baa diega yeni, yin bili liseli Galisima juali po, ki bili ti solindi Ebali juali po. v 30 laa juana ye Juadna kpenu puoli po. ki kandi yaa sanu n ye u yienu n pudi naan po Kanana yaaba diema nni yaaba nye Alaba tialu po, ki tuoli Giligali ki nagi yeni yaa juana n tuugi ki ye moalla po.v 31 kelima yi baa puodi judana yo ki fidi ki kua LI Miali daano yi Tienu n puni yi yaa tinga nni yeni; ki diedima ki yaa ye ki niini. v 32 yi go baa kubi ki go tiendi min teni yi yaa mabilikaama yeni yaa ñoabiona kuli.
Chapter 12v 1 yaa mabilikaama na yeni ya ñoabona yeni yin baa kubi ki go yaa tiendi yaala, Li Miali daano yi yaajanba Tienu n puni yi yin baa kua ki diedi yaa tinga yeni niini, v 2 yi baa bolini caiŋ yin baa gedi ki diedi yaa tinga yeni yaa nibuoli, n pugi yaa buli, ajuana, yeni a joabila po, yin ban padi bipada yeni yaa tisondi kani kuli.v 3 yi baa tudi ki lu bi padibinbinada kuli, ki mudi bi bulo, ki juu o u mu nni ki pua ki jendi jendi bi buli nannanaki biani bi yela li kaani kuli. v 4 yin tieni yeni ka Li Miali daano yi Tienu po.̵ama n baa tieni Li Miali daano yi Tienu n gandi yi buli yeni kuli siiga yaa kaanu o yeli baa yaa ye, li kani lani n tie yin baa ca naan kani. v 6 lankane yi baa cuani yi padijuukaana yeni yi pada yin ñani yaa piiga boagidma yi kuani nni, yin niani ya paabu yeni yi yan bua paabu, yi yangbenga nni yeni yi yanbidi nni kuli n yaa bontoncincina.v 7 lankane ke yi baa di Li Miali yi Tienu nintuali nni yinba yeni yi diedi nni yaaba ki mangidi yi pala yeni yin baa yaa baali ke Li Miali daano yi Tienu n puni yi ki go seligi yi.v 8 lanwani yin da tieni nani tin ye ne kanba ke yua kuli tiendi o pali n bua yaala. v 9 kelima yi daa pundi yaa tinga nni ke Li MIali daano yi Tienu puni yi , ke yin fuodi ki go diedi ki faali niini.v 10 ama yi baa puodi judana ki kua Li MIali daano yi Tienu n baa kaani yi yaa diema nni o baa puni yi mi fuodima ki gaa yi yibalinba yaaba n kaagi ki lindi yi nunga nni, ke yin yaa ye yeni n yanduanma. v 11 lanwani yi baa pia yaa kaanu ke Li Miali daano yi Tienu gandi ki teni o yeli. lankani ki baa cuoni yeni yi padijuukaana, yi pada, yi piiga boagidima yi kuani nni bonluonkaala po, yi boncincina kuli, yeni yin niani ke yi baa tieni yaa paabu li Miali yi Tienu po kuli.v 12 lankane ke yi baa taandi yeni li pamanli Li Miali daano yi Tienu nintuali nni yinba yi bijaba yi bisiaba yi tuonsoanla bipuoba yeni bijaba, yeni Lefi buolu yaaba yaaba n ye yi diedi kani kuli kelima baa pia faali ba kuli yeni yi.v 13 ŋan ŋanbi ki yaa bani ki da rtiendi padijuukaala ŋan la yaa kaanu kuli. v 14 ama yi baa padi apadijuukaana yaa kaanu ke Li Miali daano baa gandi yi po yi buoli yeni siiga nni buolu yendu yaa kaanu.v 15 yi baa fidi ki yaa kodi ti yandi ki ŋmani ti nandi yin baa yaa ye naan kani kuli nani Li Miali daano yi Tienu n puni yi n piama ki go tieni o seli po maama yua jogini yeni yua n ki joagini kuli, baa fidi ki ŋmani li nandi nani ban ŋmani o nŋago yeni okabilo maama yeni. v 16 ama yin da ŋmani mi soama yi wulma tinga nni nani mi ñima yeni,v 17 yi kan fidi ki di yi ŋalikaama ki ñu yi duven paano, yeni yi kpano yaama ke yen teni yi piiga boagidima ki ŋmani yi yanbidi yeni yi yangbenga bonton cincina, bi yin niani yi siiga nni yaa paabu bi yi yanbua paabu bi yin ñani yi kuani po yaala kuli.v 18 ama yi baa di laa bonla kuli LI Miali daano yi Tienu nintuali nni, naankani Li Miali daano yi TIenu gandi yi, yinba yeni bijaba yeni yi bisia, yi tuonsoanla, bijaba yeni bipuoba yueni Lefi buolu siiga nni yaaba ye yi diedi kani, ki Li Miali daano yi Tienu nintuali nni ki baa tiendi laa bonla yeni lipamanli yeni wan teni yi yaa piama po. v 19 yin baa kua ki kali li tinga nni ki waagi maama kuli, yin yaa pia ojejiegu yi yula po ki da sundi Lefi buolu yaaba po.v 20 yaa yogunu po ke Li Miali daano yi Tienu ti cedi ki tinbiani yabidi nani wan niani maama, ke o nialu cuo yi ke yi yedi; ti bua ki ŋmani ti nandi yin bua maamav 21 li yaati tua ke Li Miali daano yi Tienu n gandi yaa kaanu ki tieni o yeli foagidi yeni yi, yi baa fidi ki kpa yi yangbenga bi yanbidi nni ki ŋmani yin bua maama nani wan bili yi po mama. v 22 yi baa fidi ki ŋmani nani ban ŋmani o ŋago yeni o kabilo maama yua n ŋani yeni yua n ki ŋani kuli.v 23 ama yin ŋanbi ki yaa bani ki da ŋmani n soama kelima mi soama tie li miale, lanwani yi kan ŋmani ti nandi ki taani yeni mi soama. v 24 yi kan ŋman ma yi baa wulima tinga nni nani mi ñima yeni. v 25 yi kan ya ŋmani ma ke lan fidi ŋan yaa ye li papaali fini yeni a bidi yi yaa puoli po, ki yaa tiendi tuoli li Miali daano nunga nni.v 26 ama yin die yaala yeni yin gagidi yaala ke li tie yin niani yaa paabu kuli yi baa gedini yaa kaanu ke Li Miali daano gandi yeni. v 27 yi baa padi yi padijuukaana, ti nandi yeni misoama Li Miali daano yi Tienu padi binbinli po; yi baa wuli yi pada soama Li Miali dano yi Tienu padi binbinlio po, ama ki ŋmani ti nandi.v 28 yin ŋanbi ki cengi n mani ki go kubi min bi bili yi po yaa maama kuli. ke yin yaa ye yeni li pamanli yinba yeni bijaba yi puoli po, yaa yogu n tu yaa yogu, ki yaa tiendi yaala n ŋani ki go dagidi li Miali daano yi Tienu po.v 29 Li Miali daano yi Tienu yaa ti biani yin baa diedi yaa nibuolu yeni yaa yogunu , ke yi diedi bi tinga ki kua kali ki niini. v 30 yin ŋanbi ki yaa bani ki da ti baa bi diagu nni ki togidi ban biani yaa nibuoli yi nintuali yeni. ki da ti tiadi bi buli po ki yedi: u naa nibuolu den pugi bi buli lede ? mini moko bi ba bua ki yaa tiendi yeni.v 31 yin da tiendi yeni Li Miali daano yi tienu po; kelima bi den tiendi bi bulo po ti tuonjoagindi buoli kuli yeni ti cagindi yaala n ki den mani li miali daano po n ba bi den ban juugi bijaba yeni bisiaba o mu nni bi buli kpiagidi po. v 32 yi baa yaa kubi min bili yi po yaala yin da pugini pu li kani yin go da wadi pu mo li kani.
Chapter 13v 1 li yaa tie ke yi siiga nni ti baa sawali pualo ba bi jababuulo ba yua n wangi yi si nan keenba bi bonludikaala ba. v 2 ke laabonla tieni ke nan maadi yeni yi ki yedi : tin ŋoadi mani yi buli, yin ki den bani yaa buli po ki ban pugi yi ! v 3 yin da cengi laa sawali pualo bijabaabuulo yaa maama kelima li tie Li Miali daano yiTienu n bua ki biigi yi ki bandi yi bua Li Miali yi Tienu yeni yi pali kuli yeni yi yantiana kuli.v 4 yi baa ŋoadi Li Miali daano yi tienu ki yaa jie o., ki kubi o mabili kaama ki yaa jaando ki kubi o ñoabona. yi baa yaa kpiagido ki ŋoa wan bebe . v 5 laa laa sawalipualo bi lijabaabuulo, bi baa kpa o, kelima o maadi ki fiindi nyiema Li Miali daano yi Tienu po, yua n den ñani yi ejipiti diema nni ki faabi yi rti yonbidi nni, o bi bua ki cedi yin tudi ki foagidi ki ŋaa Li Miali daano yi Tienu n den bili yi po yaa sanu. yi baa tieni yeni ki ñani o boin biigu yi siiga nni.v 6 li yaa tie ke a ninjua bi bijua bi bisalo bi a denpua yua n ye yena bi a danli, yua ke a bua o nani fini a ba yeni tulindi ŋa ŋasiili nni ki yedi: tin gedi ki ban yaa pugi ibuli fini yeni a yaajanba n ki den bani yaa buli. v7 yaa nibuolu n kaa ki lindi yi siiga nni yeni yaa buli, lan kuu yeni yii bi lan foagi yii ki cili bi biga kani ki ban tuoni bi tinbianu.v 8 ŋan da tuo ki cengo ŋan da mua o po ninñinma ŋan da juogo ŋan go da ga o. v 9 ama baa kpa o; a yaa nugu n baa kpia tuuni o po yaaba n sieni mo n ŋoadi.v 10 a baa lugido a tana wan kpe, kelima o den lingi ki bua ki tulina ŋan foagidi yeni LI Miali daano ATienu yua n den ñana Ejipiti tinga nni ti yonbidi nni. v 11 lanwani Isalele yaaba kuli ba gaa laabaalo ki ye yeni o je jiegu ke laa tuonjoagindi buolu n da go tieni yi siiga nni.v 12 yi yaa gbadi ke bi maadi Li Miali daano yi Tienu n puni yio yaa dogi ke yin yaa ye yeni siiga nni, yaa dogu po maama ke bi yedi: v 13 nisaali fanmi fanma den ñani yi siiga ki ŋoa ki tudi o dogu nni yaaba ki maadi ; tin gedi ki ban yaa pugi ibuli yin ki bani yaa buli. v 14 yi baa ŋanbi ki buali ki lingi, ki buali hali bonŋanla ki bandi laa bonla tieni yeni imoamoani bi li doagidi ki waani ke laa tuonjoagidi tieni yi siiga nni.v 15 lanwani yi baa kpa odogu yeni niini yaaba kuli yeni ajugi manga ki biani yaalla n ye gu niini yi baa kpa ti yandi kuli mo yeni ki jugimanga. v 16 yi baa dogini o dogu yeni piama kuli ki daaga siiga nni, ki juu odogu yeni yin juu gun pia yaala o mu nni li Li Miali daano yi Tienu nintuli nni laa dogu baa tua die gbengu hali yaa yogunu kuli ke bi kan guani ki maagu palip.v 17 yin baa biani yaaba kuli yi kan taa li ba kuli yi nugu nni ki tieni yi yaa yaala. lani n tie Li Miali daano pali mangi wan gbadi yi po mi ninñima ki cedi yin yaa pugidi nani wan den poli ki niani yi yaajanba maama. v 18 li yaa tie ke tuo ki coalini Li Miali daano yi tienu yaa yedima ki kubi min teni yi obalimaama yaama kuli ki tiendi yaala n tuoli Li Miali daano yio Tienu po.
Chapter 14yi tie Li miali daano yi Tienu yaa bijaba, li yaa tie ke kuuma kpe yin da jiamani yi ba, yin da go kuo mani yi yudi. v 2 kelima yi tie yaa nibuolu ngagidi ki ŋani Li Miali daano yi Tienu po. lanwani Li Miali daano yi Teinu den gagidi yi, ki tinga na niini ke yin tua o yaa buolu.v 3 yin da ŋmani yaa bonla n joagini kuli. v 4 diidi mani yinj baa ŋmani i den yandi siiga nni yin baa ŋmani yaaa yandi : onua o pia yeni o yuobo. v 5 ti moayandi mo yaa siiga nni yi baa ŋmani okabilo, o ñoago, opiamoano, ojoaŋoabo, o gubo yeni okoa.v 6 yi baa ŋmani yaa yandi n pia taa wogalie, ki go bugidi ki ŋmaadi ki bugindi. v 7 ama yaa yandi n kan ki yugidi yeni yaaba n pia n taa badima ki tie taa woga lie kuli siiga nni, yin kan ŋmani yaa yandi nne: oyoyuogu o wuomo, yeni bi ŋmani ki bugidi ama bi taa woga pia mi badima. bi baa tie yi po yaala n joagini.v 8 yin da ŋmani oduolo yua n pia mitaabadima, ama ki naa bugidi, o baa yaa tie yi po yaa yanga njoagini. yin da sii li yan kpienga mo.v 9 diidi yaa bonfuoda n ye mi ñima nni yin baa ŋani yaaba nne: yi baa ŋmani yaa jami n pia ti lelegidi, ki go pia ti wagidi kuli. v 10 ama yin da ŋmani yaa jami n ki pia lelegidi ki ki nan go pia ti wagidi yi baa yaa nua li ke li tie yi po yaala n joagini.v 11 yi baa ŋmani yaa nuanga n ŋani kuli. v 12 ama diidi yin kan ŋmani yaa nuani nne: o yobilo, o kacigu, yeni okaciamo. v 13 li fenfenli a fenfentabida bi ki puakinleda, yeni yaala n tie bi yaa buoli kuli.v 14 okankaagu yeni o ya buoli kuli. v otataagu, o fiingu, ki fenfenmoanga, yeni ki yaa buolu kuli. v 16 li juuli, yeni o kpelikpiedo. v 17 li baa yienli, okudijoaloangu.v 18 Goliya, okpennagangu yeni yaaba n tie o yaa buoli kuli. yeni ti janjandi. v 19 yi kan ŋmani yaa bonbalikaala bonyugida n ki pia soama kuli bi baa tie yi po yaala n joagini. v 20 yaa bonfuoda n pia yi fiabi ki ŋani kuli yi baa ŋmaniv 21 yi kan ŋmani yankpienga kuli, yi baa ki tinga nilamo, n kaa yi siiga nni wan ŋmani , bi baa kuadiga o caano po, kelima yi tie yaa nibuolu n gagidi ki ŋani Li Miali daano yi Tienu po. yi kan ŋmani yaa yanbiga n ŋaani naaŋani.22 binli kuli yi baa ñani piiga siiga siiga yendo, yin baa yaala yi kuani bonluonkaala nni kuli kani. v 23 a baa jdi Li Miali daano nintuali wan gandi yaa kaaanu ke o yeli baa ye, yeni Apiiga boagidima aŋalikaama, adaama, akpama a yangbenga yeni a yabidi kuli, ke ŋan banbandi ki yaa jie Li Miali daano ATienu.v 24 li fidi ke Li Miali daano ATienu yaa ti seliga Ke osanu foagi ke a kan fidi ki cuani apiiga boagidima kuli, kelima lan foagi maama yaa po ke kan fidi ki ki cua AMiali daano ATienu n gandi naankani ke o yeli baa ye. v 25 lanwani abaa lebidi a piiga boagidima yeni lan yaa tie anugu nni, ŋan gedi Li Miali daano ATienu n gandi yaa kaanuv 26 a baa ta aligi ki da apali n bua yaala,inee a pebila, odimoangu yeni mi dapaama, yeni yaali kuli n baa yaa mani apo, a baa di la, Li Mialidaano ATienu nintuali nni, ki mangi a pa;i fini yeni adiegu yaaba. v27 a kan ŋaa Lefi yua yua n ye a buliñoana kani,kelima waa pia biinu ba bi faali ba yeni yi,v 28 biana ta po, abaa ñani a bon baakaala nni piiga boagima yeni kuli li bin taali nni ki bili a buliñoana kani, v 29 lanwani Lefi yua yua ki pia biinu bi faali yena yeni baa cua, yeni o caano ki kpienbiga likpepuoli, yaaba n ye adiegu buliñoana kani bi baa je ki guo, ke Li Miali daano ATienu n fidi ki seligi atuonli kuli anugi n tuuuni yaala kuli.
Chapter 15v 1 bina lele kuli abaa cabi opandaano wan faabi yeni o panli. v 2 noanli ŋan baa kubi gi cabi ŋan dingi yabi a pama maama yaa ogunu ki bi tieni o kpaanu li panli cabima po, Limiali daano kpiagidi po. yabi n dingi apana baa cabi bi pandanba ban kubi bi po yaa pana, o kan go mabini o lielo bi o ninja wan pa on den kubi o po yaa panli. v 3 a ba fidi gi mabini ocaano, ama abaa cabi aninja wan bi kubi apo yaa panli wan da pa.v 4 yi kan yaa pia luoda yi siiga, kelima Li miali daano baa teni o alibaliga n yaa ye yin ye ya dogu nni, ki li miali daano cabi ŋan yaa die wan puna li faali naakani. v 5 yali n ye lieni tie gi ŋan tuo ki kubi Limiali daano ATienu maama, gi yaa tiendi o yi koti n bili yali bonŋanla dine ke n tena. v 6 Li miali daano ATienu baa puna o alibaliga nani wan den yedii a maama, a ba yaa dingi apana midiema boncianla, akan yaa ledi bi kani ka, abaa paadi gi diedi mi diema boncianla, bi kan ba gi diedi fini.v 7 hali ke yi pia yi ninja bi i kpiilo yisiiga nni ke o tie luodo, yali n tie yi buliñoana buliñoabu ba kani, yaa dogu ki Li Miali daano ATienu puna ŋan da juagi apali, gi da mubini anugu aninja yua n tie luodo po, anintuali, v 8 ama abaa mubidi anugu o po, abaa dino li panli yali kuli n tie o ti ladima wan bua yali o yema po.v 9 ŋan kubi a ba ki da tua biadi daano moamoani, a binleleda nagini apana cabima po, ŋan fangi aba gi da kuoni anunga , ki kan gbadi mi ninñiima aninja yua n tie luodo po, gi tien o, ki yie o po, o yaa yigini LiMiali daano ATienu kani, gi tuogi yena a baa ba tugi ti biidi li po. v 10 puno ki da ŋmadi ayama li po, kelima lanbonla po Li Miali daano ATienu baa puni o alibaliga anuu tuona kuli, yaa tuona ke a suani kuli nni.v 11 li baa pia yogu kuli a luoda mi diema nni, li tie lane ke puna yaa balimaama n tiene: ŋan da mubini a nugu a ninjoa po, yua n luo ki ye a diema nni, ki tie luodo.v 12 li yaa tie Ebilu yua ja bi pua, ta o yuli gi cabi apo, o baa soani apo bina luoba, ama libinleleeli a baa cabi wan ña akani gi faabi.v 13 yaa yogunu ki baa cabi wan ña akani gi faabi akan cabi o yeni nugu kuomu akani. v 14 a baa pa opaabu a yanbidi siiga nni, yeni a bonkokuodi kali nni, yeni a tiidi bonloanda ŋanbima nni, yeni ŋan ba ya seli kuli Li Miali daano A Tienu kani.v 15 ŋan da sundi ki den tie yonbo Ejipiti nni, ama Li Miali daano ATienu den da gi faabi a, li tie lane ke n puna yaa bali maama n yene. v 16 li yaa tie ki yonbo yedi mii bua gi ña akani kelima o bua fini yeni adiegu kuli, ki o la yaala n ŋani a deni. v 17 lani a baa taa yaa kudi n sondi gi muu o tubili gi tabini yeni o ganluodigu ki cibi, yeni o baa tua a yonbo yaa yo kuli . li baa tie yene, yeni yua n tie naacen pua po.v 18 ŋan da nua ki li pa a po ke a baa guani gi cabi yua n ye a deni gi suani a po, kelima o soani a po , hali bina lele, yali n baa fidi gi pundi taalima lie o tuonsoanlo pan paani po, Li Miali daano ATienu baa tieni o alibaliga a bontienkaala kuli nni.v 19 abaa gagidi aba Li Miali daano ATienu po, yaa yandi n cindi gi mali, a yangbenga yeni a yanbidi kuli siiga, a kan soani yeni yaa nua n cindi gi mali a kan moagidi a yandi nni yaa yanga n cindi gi mali. v 20 a baa di binli kuli, fini yeni adiegu yaba Li Miali daano ATienu nintuali wan gandi a po yaa kaanu. v 21 li yaa tie poadima ye gi yanga po, ki diani, bi ki juani, bi yaa ka poadi li ye po, o kan taa ga gi padi Li Miali daano ATienu po.v 22 abaa ŋani ga a buliñoana kani, yaa nilo n joagini yeni yua n ki joagini kuli, baa fidi ki ŋmani bi niini wan bua yua nani ban yen ŋmani okabilo yeni o pialo maama yeni. v 23 o kan ŋmani ki soama wani, o baa wulima gi tinga po nani mi ñima yeni.
Chapter 16v 1 ŋan kubi o jetaagu ŋmaalo paki jaanma yeni tiadima, Li Miali daano A Tienu ya kpiagidi po, kelima o jetaagu yaa ŋaalo niini nne ke Li Miali daano A Tienu den ñana Ejipidinni o ñiagu. v 2 a baa padi Paki jaanama po li padili, Li Miali daano A Tiienu po. yaa yandi n baa padi ti yanbidi bii a yangbenga siiga, baa tie yaa kaanu ke Li Miali daano gandi ke o yeli n yaa ye.v 3 li jaanma dana nni, a kan yaa di yaa dupen n ki pia dabinli, a baa di yaa dupen n ki pia dabinli hali dana lele, yaa dupen n tie fala po, kelima li den tie yeni jaligue ke yi ñani Ejipiti nni; li baa yaa tiadi tie yene, a miali yen yienu nni kuli, yaa daali ki ñani Ejipidi diema nni. v 4 bi kan le yi kani yaa dupen n pia dabinli ,lan danleleeda nni, idogi gaani lindima kuli,bi kan kubi ban baa padi yaa yandi siiga yeni li ncin cindaali dajuagu ki nandi hali si ŋaagu.v 5 a kan Paki jaanma yanga lan tie naan kani kuli se LiMiali daano ATienu n puna ke a ye naankani. v 6 ama li baa tie yaa kaanu ke Li Miali daano A Tienu gandi ke o yeli baa ya ye, lan kane a baa tieni Paki jaanma padili odajuagu, o yienu n koa yaa yogunu, ŋan den ñani Ejipiti diema nni yaa yogunu.v 7 a baa ŋaani gi padi yanga yeni nandi ki ŋmani ti Li miali daano A Tienu n gandi yaa kaanu, o siŋaagu abaa fidi guaani agbandiena po. v 8 dana luoba abaa di yaa dupen n ki pia dabinli, li danleleeli li baa pia o taayienu jaanma Li Miali daano A Tienu kpagidi po.a kan ya suani tuonli ba kuli.v 9 a baa coadi dana lele taalima lele, [ semeniba lele], gi cindi hali kaama cenma a yaa cindi coadi dana lele taalima lele, [ semeni lele] v 10 yeni yi baa tieni dana lele taalima lele jaanma, yeni a baa puni yanbuama paabu gi tieni nani Li Miali daano ATienu n tieni alibaliga nani wan puna maama yeni.v 11 a baamangi apali Li miali daano A Tienu nintuali , yaa kaanu ke Li Miali daano ATienu gandi ke O yeli n yaa ye li kanai,fini yeni a bijua, yeni abisalo, yeni anaacenja , yeni anaacenpua, yeni Lefi yua yua n ye a diegu buliñoabu kani, yeni ocaano, yeni gi kpienbiga, yeni yaa kpepuoli n ye akani. v 12 a baa tiadi ke a den tie yonbo Ejipiti nni, a baa kubi li ikoti gi yaa tiendi lan bili maama.v 13 a baa tieni a koajona jaanma,dana lele, yaa yogunu ke a taani a kuaani bonkokuodi bon ba kaala yeni i tiidi yaa ŋanbima bonlonda yala kuli. v 14 a baa tieni li jaanma gi mangi apali, fini yeni a bijua , yeni a bisalo, yeni a naacenja, yeni anaacenpua, yeni Lefi yua, yeni ocaano, yeni ki kpienbiga, yeni li kpepuoli yua n ye a buliñoabu kani.v 15 a baa tieni li jaanma dana lele Li Miali daano A Tienu ya kpiagidi po. kelima Li Miali daano A Tienu baa tieni alibaliga ŋan baa taani yaa bon kokuodi kuli nni, anuu n suani yaa tuonli kuli , yeni a baa ye yeni li pamanli yugunu kuli.
17v bina ta kuli bonjaga yi siiga baa cua ki doagidi o ba Li Miali daano ATienu kani wan gandi yaa kaanu, yaa dupen n ki pia dabinli jaanma yogunu , yeni dana lele taalima lele, yeni a koajona jaanma po, a kan cua Li Miali daano kani yeni nuu kuomu. v 17 yua kuli baa puni nani Li Miali daano n puno alibaliga nani wan puno maama.a baa gandi gi kaani bi bujiaba yeni bi patieba, idociami kuli nni nani Li Miali daano n puni i nibuoli maama, bi baa ja biniba buudi yeni mitengima. v 19 ki da samoamoani yua n pia tagili po, ki da pia gagidima biniba n tie maama po, ki da ga suuli, kelima li suuli juandi o yanfodaano yanfuoma nuni, ki biidi biniteginkaaba maama. v 20 a baa cuoni yeni mi teginma yogunu kuli, ke ŋan baa gi yaa ye gi fo, yene ke ŋan baa gi diedi li Miali daano A Tienu n puna yaa diema.v 21 ŋan da fiini ki caani gi balini budaagu ŋan tieni yaa padi binbinli Li Miali daano A Tienu po. v 22 ŋan da tieni nan nanli ba li baa gundi Li Miali daano A Tienu po.Chapter 17v 1 an tieni pada bi paabu Li Miiali daano A Tienu po yaa nua bi yaa pebiga n pia poadi, bi li yaa tie ke o mali ki pia poado ba, li baa tie caginciandi Li miali daano A Tienu po.v 2 li fidi ki la Li Miali daano yi Tienu n puni yi yaa dociami yeni nni joa bi pua tiendi yali n bia Li Miali daano ATienu po,ki miidi o ŋantaado. v 3 ki o gedi ibuli po ki baan yaa suani bi nintuali gi kpiagidi ba. yali n tie o yienu , oŋmaalo, yeni tanpoli bonla kuli, ke ki tie yali ke n den bili gi yedi ban yaa suani. v 4 yaa yogu ke a li bandi ki gbadila ŋan li gbadi yaa yoginu , a baa lingi gi bandi li yaa tie moamoani, hali li tie laa bonla yeni caginciandi tieni Isalele diema nni,v 5 lanwani a baa cuani li joa bi li pua yua n tieni laa tagili biadi a buliñoana kani ban cuo li joa bi li pua gi lugidi gi kpa o. v 6 yua n pundi ki kpe li baa tie nibilie bi nibita n tieni siela yua yaa po; bi kan kpa nilo niyendo be rbe yaa siela po. v 7 bi siela bi lie yeni yugidi bi nugi o po gi lugidi o, li yaa puoli po yaaba n sieni nyugidi bi nugi o po, a baa tieni yene ki ñani li bonbiadila akani.v 8 li yaa tie yaa buudi jiama n tuugi yeni kuuma bi sanpoagilu ke li pa ki jia li buudi, yeni keli cuani niama abuliñoana kani , a baa fii ki do gi cuani la Li Miali daano ATienu n gandi yaa kaanu. v 9 a baa gedi bisala
Chapter 18v 1 Lefi buolu yaaba bi saidikaaba bani Lefi yaba kan yaa pia biinu bi faali ba Isa'lele yaaba nni bi baa yaa di ban padi ki juugi o mu Li Miali daano kpiagidi po yo, yeni Li Miali daano n tie bi faali. v 2 bi kan yaa pia faali ba bininjaba siiga, LI Miali daano n baa tie bi faali nani wan den yedi ba maama.v 3 noanli bisalayidikaaba n baa pia yaa sanu yaaba n baa puni o paabu apada p, li yaa tie nua bi pebiga o baa teni osalayidikaciamo boacabili [yanbuagu] yeni iyaagi yeni o puogu. v 4 o baa teni wane o alikaama n cindi ki loni yali, yi duven tiidi daama yeni yi kpama yeni yi pe kobidi. 5 kelima li tie yeni wane ke li LiMiali daano ATienu gandi yi nibuoli nni, ke o baa suani Li Miali daano yeli nni, wani yeni o yaa bila o yogunu kuli po.v 6 li yaa tie yaa yogunu ke Lefi buolu yua ñani a buliñoana siiga buliñabu ba kani, lan ti yaa kaanu kuli ke o baa ye Isa lele nni, ke o bua gi tieni nani opali n bua maama o baa kali wan bua naankani, Li Miali daano n gandi yaa kaanu. v 7 o baa suani li tuonli li Miali daano A Tienu yeli nni, nani o ninjaba Lefi yaba yabi n sieni ki ye ki suani Li Miali daano nintuali maama. v 8 o baa ga o biinu ki da yeni bani n baa ga maama, yeni o pali baa yaa mani, ke laa ta yeni kuadi o diegu yaala ki cuani o po.v 19 yaa yogunu ke a ban kua ki diedi Li Miali daano A Tienu n puna yaa diema ŋan yaa die, ŋan da ŋoadi ki ŋuani bicacagintuada, v 10 a ba n da la akani yua n ta obijua bi o bisalo ki padi ki juu omu. nilo ba n da suani yaa tuonli n tie jabaadi tuonli. bi ki bu yeni iŋmaali, bi tie tanbipualo, ki tiendi ti beliboandi. v 11 o ba n da tiendi o ñoagu o lieba, lan da pia yua n bu o baagu yeni a sanpola, ke ban waani o oyema n baa faa ki cuoni ki ŋani maama, lan da pia yua n bu tijabaadi yeni bi kpienba.v 12 kelima yua n tieni lanbonla kuli li tie caginciandi Li Miali daano po, li tie kelima laa caginciandi yaa po yo ke Li Miali daano baa beli mi diema anintuali. v 13 a baa puni a ba celi kuli Li Miali daano A Tienu po. v 14 kelima ŋan baa beli yaa diema yeni tie yaaba n bu a ŋmabila tijabaadi, ki bu jabaadi, ama fini wani Li Miali daano A Tienu ki puna li sanu.v 15 li Miali daano A Tienu baa fiini o nisoagika nani mini yeni ; yin ti cengi o, v v 16 a baa guani tiadi yaa miabu ki den amia Li Miali daano A Tienu Olebi po, biniba n den tieni li tantaanli yaa daali, yaa yogunu ke a den yedi ke ŋaa go bua gi gbadi Li miali daano A Tienu nialu, ke ŋaa go bua gi le yaa muciamu n o ke an da ti kpe.v 17 Li Miali daano den yedi nni ban yedi yaali ŋani . v 18 n baa fiini bininjaba siiga o nisoaginka nani fini yeni, n baa kuani n maama o ñoabu nni, o baa waani mini n baa puno yaa lanbona kuli. v 19 lani li yaa tie yua n ki cengi o maama. wan baa yedi yaala n yeli nni mini n baa bu yeno.v 20 ama yaa nisoaginka n baa fii ki pua o pali gi yedi n yeli nni yaa maama ke mii yedi wan maadi , bi ke o maadi bulo ba yaa yeli nni, laa nisoaginka bi baa bu ki cuo o ki kpa o. nv 21 li fidi ke baa yedi n baa ga lede ki bandi yaa maama ke Li Miali daano naa maadima.v 22 li yaa tie yaa yogunu ke li nisoaginka maama ki kua ki pundi o yedima, li tie yaa maama ke LiMiali daano ki yedi, li nisoaginka pua o pale ki maadi ŋan da pia je jiegu o po.
Chapter 19v 1 yaa yogunu Li Miali daano A Tienu bolini li diema, ke wani Li miali daano A Tienu baa pa li diema, yaa yogunu ke adiedi ba a baa fidi ki kali li dociami yeni nni. bi diema nni. v 2 a baa gandi dociami ta Li Miali daano ATienu puna ke a die yaa diema yeni nni. v 3 a baa tieni sani ki boagi mi diema yeni kaani ta, ke Li Miali daano A Tienu puna man tua a faali li baa tie yeni yua n ku nilo kuli baa sani ki gedi ki dogi nni.v 4 li ikoti baa ye yua n kpa nilo ki sani ki ba ciadi o miali po, li yaa tie ke o ku nilo ke laa tiae o yan buama po, ke laa tie ke o den cindi ki tie o yibali ka. v 5 nan nanli li yaa tie ke o nilo yegi yeni o lielo ki gedi li fuali po, ki ban pe o tibu ki mubini li yali o nugu nni ki pe o tibu, ke li yali bugidi gi pua o lielo yeni ke o tua kuuma , lanwani o baa sani ki gedi dogi yeni nni docianyendu ki ciadi o miali.v 6 wan pia yaa jejiegu yua n bua ki tu wan kpa yua soama panli po., yeni wan gbie yaa pabieli gi ŋoa ki bua ki kpa o yeni ku yaa kuuma po, ke lan ti juodi ke bi cuo o, li yaa tie ke laa pia sani boncianla yeni bi ba ti pua ki kpa yua n ki bi pundi ki kpe. kelima o lielo yeni ki den cindi ki tie o yibali. v 7 li tie lani yaa po ke n tena yaa lanbonli n tiena ke ŋan gandi ki paadi dociami ta.v 8 yaa yogunu ke Li Miali daano ATienu ba yabidi a diema tinga biani, nani wan den poli a baanba po maama, ke o baa ti puni li dogi tinga kuli, nani wan den tieni li ñoapoli yeni yi baan ba maama ki puni ba. v 9 ŋan kubi libalimaama ki yaa tie man yedi yaala nani min den cindi ki waana maama. v 10 ke yaa nilo n ki pia tagili soama n da wuli , Li Miali daano A Tienu n puna yaa diema ke man tua a faali, ke ŋan da tua tagili daano li kuuma po..v 11 ama li yaa tie ke nilo sani ki gedi li dociami nni dogu ba nni, ke o den cindi ki tieni o diagu o lielo po, kelima ti yibalinti po, ti ti yuandi ki tuogi yeno ki pua ki kpa o, v 12 odogu nikpela baa soani ban ban cuo li daano ki cabi yaaba n bua ki tuu gi guani wan wuli yaa soama yeni panli ki teni ban kpa o. v 13 a kan gbadi o po ninbaagu, a baa tieni yene ki biani yaa soama n ki pia tagili Isalele yaaba siiga, yeni a baa ye yeni lipamanli.v 14 a kan ŋmiagi alielo bianu kpaali. a yi janba n den bili yali Li Miali daano A Tienu baa puna midiema nni lan yaa tie a faali.v 15siela yendo ki dagidi ki tuo ke nilo tieni tudima bi tuonbiidi, ke lan tie yali kuli niyendo siela ki dagidi, se lan yaa tie nibilie bi niba ta ya sieda. v 16 li yaa tie siela faama daano ba fii ki tuogi yeni nilo tudima ba po.v 17 laa niliediba nianaima po bi baa gedi ki doagidi Li Miali daano nintuali bisalayidikaaba kani, ban jia ti buudi nani lan bili maama. v 18 bi bujiaba baa lingi ŋanma ki bandi li siela li tie faama bii ke o fii ki tuogi yeni o lielo , faama sieda po. v 19 lanwani yi baa soano yeni nani wan den baa li yanjagili ki baa tieni o lielo maama yeni,yene ke a baa ñani yaala n bia a kani.v 20 ke nitoaba n gbadi baa ojejiegu ki ki go soani li tuonli buolu a kani.v 21 ŋan da pia ninñingbadima ba lan daano po, yua ñani olielo nunbinli bi baa ñani o yaa nunbinli, ñinli ŋan pa ñinli buagu ŋan pa buagu, taali ŋan pa taali.
Chapter 20v 1 yaa yogu ke a gedi o toabu ki baa tuogi yeni a yibalinba ki la itaami yeni ti toateliti yeni li niba yabi ki cie ŋa ŋan da pia jejiegu ba li po, kelima Li Miali daano A YTienuye yua n den duoni ki ñana Ejipiti nni ye yena.v 2 a yaa nagi o toabu kani, osalayidikaciamo baa nagini ki yedi biniba. v 3 o baa yedi cengi mani yin ba Isalele yaba, yi baa gedi ki tuogi yenio toabu yi yibalinba dine, ke yi pala n dajeligi palip, yin da jie ki da pia jejiegu li po, ke jawaanti n da pia yi bi nintuali. v 4 kelima Li Miali daano A Tienu baa yegi yeni yi ki tuogi yeni yi yibalinba ki faabi yi.v 5 o toabu yudaano baa suagi ki maadi yeni biniba ki yediba, ŋme n maa diepangu ki daa duani gu niini, wan lebidi ki guani ke wan da ti kpe o toabu nni ke nitoa n taa o diegu.v 6 ŋme n ŋuu o ti kuanu ki daa dini ki mangi o pali li bonluokaala po. wan lebidi ki guani o den po, i yaa jie ke wan da ti kpe otoabu nni ke nitoa n di o ti londa gi mangi opali li po. v 7 ŋm n pia ojafaano ki daa ta o, wan lebidi ki guani o den po ke wan da ti jie otoabu nni ki kpe nitoa n ta o.v 8 otoabu yudaano go baa suagi ki yedi biniba : ŋme n pia ti jawaanti ki luo li papaali,wan ŋmagidi ki guani o den poke o ninjaba n da ti luo lipapaali nani wani yeni. v 9 yaa yogunu ke o yudaano maadi gi gbeni o baa dini bi yudanba binba siiga cagili kuli.v 10 yaa yogunu ke anagini dociamu ba otoabu, ŋan cindi ki maadi yeni ba mi yan duanma maama. v 11 li yaa tie ke bi tuo miyanduanma n tieni yi siiga ki luodi bi buliñoana yaa niba n ye laa docu nni kuli baa yaa ye yi yaa po ki tuuni yi po.v 12 li yaa tie ke baa bua ki tieni mi yanduanma yinba yeni bani, ki bua ki tieni o tobu yeni yi, lanwani a baa sedi ki tuogi yeni ba. v13 li yaa tie ke LiMiali daano A Tienu taa ba ki tieni nugu nni, a baa kpa bonjaga kuli yeni ki jugisiega.v 14 ama taa bi puoba ayuli po, yeni abila yeni ti yandi, yeni yali kuli n ye laa dogu nni, yeni ubonpia kaala lan tua ayali, yeni a baa di ŋan fie yaala a yibalinba kani yali ke Li Miali daano a Tienu puna. v 15 a baa tieni yene , yeni yaa dociami n foagi yena kuli, ke laa dociami ki taaa yeni yaa diema n tiena.v 16 ama yaa diema n tiena ke Li Miali daano A Tienu puna ke lan tua a faali, a kan ŋaa miali yaala n fo kuili siiga. v 17 kelima abaa bolini laa dogu niba kuli yi baa bolini Hilititi, aMoriti, Kanana, Perisi, Heviti, Jebusi, yabi nani LiMiali daano yi Tienu n bili maama. v 18 ke ban dati bangi yin ŋoadi bi cacagin tuona, ya ke bi suana bi buli kani, ke yin da kua ti tuonbiidi nni ki tudi yi Tienu po.v 19 li yaa tie ke a kpa a toa cagili ki lindi odogu ke li waagi, ki banpaadi yaa dogu n ye yena o toabu,a kan ta yali ki baa bolini itiidi , a baa di la, a kan kpa itiidi, kelima itiidi mo tie nilo yo, ke baa bolini yi. v 20 ama abaa fidi ki bolini yaa tiidi n i louni bonjekaala wani, ki taa yi yin tua guongu lan tua guongu yin tuogi ya dogu o toabu po. ke yin paadi ki bolinu.
Chapter 21v 1 li yaa tie yi longbanli nni ke Li Miali daano A Tienu puna ŋan diedi , ke bi laa nilo ke o bili ki o kuanu nni ki kpe, ke baa bandi yua n mabi ki kpa o. v 2 odogu nikpela baa gedi ki ban biigi ki cingi o kpiemo kani, ki ban pundi yaa longbanli n nagi ki cie li kani.v 3 li yaa tie ke bi bandi yaa longbanli n kuu yeni o kpiemo ki cie, laa longbanli nikpela baa taa yaa nasalo n ki soani tuonli ba , ki lani nadaagu. v 4 yeni bi baa taa ki jiino yaa ñima n puubi kpenu kani ki kan ñuudi ke baa ko li kpenu kani, kaa coagi liba li kani,lankane bi mudi o yukpankpanli mi ñinpuubi kaama yeni nni.v 5 lanwani bi baa nagini bisala yidikaaba kani bani Lefi buolu yaaba yeni, kelima Limiali daano A Tienu gandi ke bane n yaa suani opo, ke o alibaliga n yaa ye bi po o yeli po, bani n baa ja ti buudi yaa mafuugu yeni yaa poagilima n tie duolima buudi kuli po.v 6 yaa longbanli n nagi yeni o kpiemo yeni nikpela baa nidi bi nugi o ban mudi onasalo yeni yukpankpanli yaa kpenu ñinpuubi kaama nni. v 7 bi baa ga mi maama ki yedi ti nugi ki wuli o naa nilo soama ti nunbinli mo ki la osoama n wuli maama.v 8 ki yedi LiMiali daano tieni aniba po sugili , ke a den daa ki faabi ba ŋan da tuni aniba Isalele yaa soama n ki pia tagiline, lani laa soama tagili kan tugi bi yula po. v 9 o baa tieni yene ki bolini yaa soama n ki pia tagili okani ki yaa tiendi yaala tiegi LiMiali daano nunbinli po.v 10 yaa yogunu ke a tuogi o toabu yeni ayibalinba li yaa tie ke Li Miali daano taa ba ki tieni anugu nni ke a kuani ba li yonbi dieli nni.v 11 li baa fidi ke a baaa le niinni, yaa pua n ŋani ke o nuga mo ŋani a po, ke a bua ki taa o wan tua a pua. v 12 lanwani a baa ñano ki kuano adiegu nni,ki kuo o yudi ki ñani o taanubiñadi.v 13 a baa landi ŋan den cuo ke o la yaaa tiadi, o baa yaa ye a diegu nni o baa mua o boali yeni o naa po hali ŋmaalo li yaa puoli a baa gedi o kani, ki ta o ki yaa die o wan tua aupa. li yaa tie ke a naa go bua o a baa cabo wan gedi wan bua naankani,akan kuado ki baa ga ligi, bi ki go teni wan tua yonbo, kelima a den ta o ki teni ke o tua apua.v 15 li yaa tie ke nilo pia puoba lie , ki bua yendo ki cie o lielo li yaa tie ke bi kuli mali opo a bila wangi bua yaa pua yeni wan bua yaa pua li yaa tie wan ki bua yua yeni n cindi ki mali o po a bila v 16 o kan fidi ki ta wan bua yaa pua yeni bila ki sieni obijakpelo wan ki bua yaa pua yeni kaanu, yaa yogunu ke o baa boagidi o bonpia kaala. v 17 o baa bai ke wan ki bua yaa pua yeni yaa biga n tie obijakpelo, o baa taa kaani lie o biinu po, kelima laa biga n cindi ki tie opaalu yogunu , ki bikpiaga n pia o soanu lan tie yaala kuli po.v 18 li yaa tie ke nilo pia yaa biga n kan gbadi ki kan cengi o boali bi o naa nialu, ki bia bi kan tuo ki ŋoadi ba bi yaa tundo yeni fala o kan cengi. v 19 o boali yeni o naa ba taa o ki cuani o dogu nikpela n ye yaa buliñoabu kani.v 20 bi baa yedi o dogu nikpela noanli mani ti bijua n ne yua n ki gba ki go tie bi yiekaaga ki kan cengi ti nialu ki go puni oyuli li dañoli ki ñu midaama gi gaadi. v 21 o dogu nikpela kuli baa taani ki lugido atana wan kpe, a baa tieni yeni ki ñani mi biadima akani. ke Isalelen yabi kuli n gbadila gi yaa pia o jejiegu li po.v 22 a yaa kpa yaa nilo yaa tagili n pundi mi kuuma ki joano odaagu po. v 23 okpiemo gbanandi kan yaa juani o daagu hali o si ŋaagu, ama bi baa piino laa daali, ligue, kelima ban joani yua o daagu po tie solindi bonla o Tienu nunbinli po, a kan joagini yaa diema ke LiMiali daano A Tienu puna lan tua a faali.
Chapter 22v 1 li yaa tie ke a la aninja yanga onua bi o pia yaadi, ŋan da cedi wan yaa ca ŋan gogidi gi guano aninjoa kani. v 2 li yaa tie ke aninjoa yeni gi kuu akani a baa kubi gi yanga yeni a diegu nni, gi baa ye a deni hali aninjoa yeni n baa ti cua ki gaa ga, lanwani a baa taa ga gi teno.v 3 a baa tieni yeni li yaa tie o ŋunbo po, ago baa tieni yene o tiagu po, yeni obonla yali n bodo kuli po, a yaa laa la akan ŋaa la. v 4 li yaa tie ke la a ninjoa ŋunbo, bi o nua gbali ki ba osanu nni, a kan buli anunga a baa todo wan fiino.v 5 pua kan la joa tiagu, joa mo kan yie pua tiagu, kelima yua n tieni lanbonla li tie cagiciandi li miali daano ATienu po. vv 6 li yaa tie ke a la noantediga gi ye o tibu po, bi tinga po, ke noan na ye yeni o bila bi ke o wuugi o jena po, a kan taa noan na yeni o bila. v7 a baa ŋaa bi na gi ta abila. ŋan kubi li bali maama, ke ŋan fidi ki yaa pia lipamanli ki amiali dana mo n foagidi.v 8 v li yaa tie ke maa die pangu a baa o maa guonjenli ki gondi o giegu yeni tanpoli,ke ŋan da ti wuli mi soama o diegu nni, li yaa tie ke nilo ñani li po ki ti ba.v 9 a kan buli a duven ti kuanu nni , bonbuolie, ke ŋan ti taani gi di ŋan buli yali yeni a duven tiidi bonloanda. v 10 a kan taani ki lani a naa kokuodi daagu onua , yeni o ŋunbo ki ko. v 11 akan la yaa tiadi n ŋmadi ti pekobidi yeni len.v 12 a baa gbini ti mucuadi ki gaani a kpalikaabu ñoakun naadi.yaabu ke baa yaa pingi.v 13 li yaa tie ke o nilo taa pua gi ye leno, ki yuadi ki sua ke o yama ñani o niini. v 14 li yaa tie ke o nilo tabi o pua tieni tuongundda ba ki biidi o yeli, ki yedi n den taa yaa pua n tie ne min kua o kani mii la ke o tie wandiali, {kaa banjoa}.v 15 lani o jafaano yeni ba yeni o na baa ta yaa bonla n doagi ke o den tie wan diali ki cuani o dogi nikpela kani.v 16 jafaano yeni ba baa yedi a nikpela, n den puni n bisalo yaa joa n tiea, wan tua o pua ama o yama ñani o niini v 17 oyedi ke o tieni ti cagindi, gi yei ke o waa ta o ki sua ke o ki bani joa, ama yin bandi yaa maamlima n doagidi ke n bisalo ki bani joa bi baa tandi o kpalibu yeni a nikpela nintuali.v 18 lanwani o dogu nikpela baa cuo o joa yeni gi tundi o, yeni fala. v 19 yeni kelima o biidi Isalele yaa jafaano yua n tie powandiali yeli. bi baa buni yeno ti buudi gi cuo o, ki bili wan pa kujapiena kobiga o jafaano danba. o baa taa o wan yaa ye o deni, ki tie o pua o kan fidi ki ñano o miali dana kuli po.v 20 amali yaa tie ke wan yedi yaala tie moamaoni.ke o jafaano o taa o ki sua waa tie wandiali. v 21 i baa ñani o jafaano yeni o baa diegu ; o dogu yaaba baa lugido a tana wan kpe, kelima o den tieni ti cagindi Isalele yaaba siiga, ki tieni mi conconma o baa diegu nni. a baa tieni yene ki ñani yaala n bia a kani.v 22 li yaa tie ke joa dua yeni yaa pua n pia joa bi baa kpa bai nilie yen kuli, o joa yua dua o pua yeni opua moko,a baa tieni yene ki ñani yaala n bia Isalele yaaba nni.v 23 li yaa tie jafaano pia joa ki daa kuni, ke joa kadi yeno o dogu nni ki duani yeno. v24 yi baa gedini bani nibalie yeni kuli o dogu buliñoabu kani ki lugidiba atana ban kpe.o jafaano baa kpe kelima waa den yini o dogu nni ban gaa o, o ja baa kpe kelima o cagini o lieo pua. a baa tieni yene ki ñani yaala n bia a kani.v 25 ama li yaatie ikuani po ke o joa kadi yeni yaa jafaano n pa joa ki daa kuni, ki ñii o yeni o paalu ki duani yeno, bi baa cuo ki kpayaa joa n duani yeno. v 26 akan tieni o jafaano li ba. waa tieni yaa tudima n bia ki pundi mi kuuma, kelima li tie nani yaa bonla ki naani nani yaa joa n fii ki baa o lielo ki bua ki ñani o miali yene. v 27 yaa jafaano n ki kuni joa ke o joa kadi yeno i kuani po, ke o yini ki naa ba yua n baa gaa o ki faabo.v 28 li yaa tie ke joa kadi yeni powandiali ke waa pia joa, ke o tieno o paalu gi duani yeno, kenilo cua ki kadi yenba. v 29 yaa joa n duani yeno yeni baa pa o jafaano danba kujapiena piimu, kelima o cagino o baa ta o wn tua o pua okan fidi ki ñano wan pia li miali ki ye yaayogunu kuli.v o ba kan ta o ba pua ki ŋoagidi oba n pingi yaala.
Chapter 23v yua yaa koncanbili n biidi bi wan ñindi naani jia kan kua LiMiali daano nitaanli nni. v li kpiabili kan kua Li Miali daano tantaanli nni.ba nifiima piiga kan kua LiMiali daano nitaanli nni.v 3 AMoni yaaba yeni Moaba yaaba kan kua LI Miali daano nitaanli nni,ba nifiima piiga, li baa tie yene yaa yogunu kuli po. v 4 kelima baa den cua yeni dupen yeni mi ñima yin den ñani Ejipiti nni yaa yogunu gi ye o sanu nni ama kelima bi den pani iligi Be oli bijua balaama Petoli doguni Mesopotanidiema nni ke wan sola.v 5 ama Li Miali daano ATienu naa den bua ki cengi balaama yeni, LiMiali daano A Tienu den lebidi o solindi ke li tua yedi ŋanma po. kelima o tie Li Miali daano A Tienu yua n bua ŋa. v ayama n da ŋamadi , bi piama puginma po ba bi yema ŋamu po ŋan li baa yaa ye ki fuodi yaa yogu kuli.v 7 da pia Edoma yaaba cagindi tuona kelima o tie a yualo yeni Ejipiti yaaba cagindi tuonli kelima a den tie caano Ejipiti dogu nni. v 8 ban baa ma yaa bila hali nifiima na kan kua Li Miali daano tantaanli nni.v 9 yaa yogunu ke a tieni otoabu cagili ki baa tuogi a yi balinba ŋan kubi a ba yaala n kaa ŋani kuli po. v 10 li yaa tie yaa joa n joagini o ñiagu ke o gangi ke li ludo ke o ñiani biidi o ba o baa ña bi kali kaan buoli ki kan guani ki kua palip bi jongu nni. v 11 o dajuagu o baa wali ki ŋuudi o tiadi o yienu yaa koa o baa fidi gi guani kua bi kali kaan buoli.v 12 a baa yaa pia o kaanu li kali kaan buoli niin po,li tie lan kane li kali kaanbuoli niini po yeni ke baa caa li po.v 13 a baa yaa pia a sancenboagili nni kuuli bonbiga yali n baa todi a, ŋan kpiidi ki piini ti bindi yaa yogunu ke a gedi niin po. v 14 kelima Li Miali daanon A Tienu cuoni a yenyienbuoli nni ki baa guudi a, ki ta a yibalinba ki mubin anugu nni, yeni li ŋani yi yenyienbuoli n yaa gagidi ki ŋani ke Li miali daano n da le yaala n gundi yi kani ke wa da ti buli yi ki nunga.v 15 a ka guani yaa yonbo n sani ki wuoni a kani o canba wan sani ki ñani yua yaa kani. v 16 o baa yaa ye a kani o baa gandi wan bua yaa godu ki kali a kan mabino.v 17 li kan yaa pia pokaga Isalele yaaba bisiaba siiga, li kan yaa pia ja conconna Isalele yaaba bijaba nni v 18 a kan cuani Li Miali daano A Tienu diegu nni pococon ligi, bi ban kuadi o sangbanlo yaa ligi, lan tie yaa ñoapoli kuli yaa kuanma po kelima lanbonla lie yeni kuli tie cagindi bonla, Li Miali daano ATienu po.v 19 a kan mabini a ninja wan guani yeni ti ñuadi wan ledi yaa ligi bi yaa jiema po, ba lan tie yali kuli. v 20 a baa fidi ki mabini ki gaa o caano kani ti ñuadi ama a kan ga aninja kani , Li Miali daano ATienu n tieni alibaliga ŋan baa kua ki diedi yaa diema nni.v 21 li yaa tie ke a tieni yeni ñoapoli yeni Li Miali daano ŋan da waagi ki kuani a yedima. kelima li Miali daano ATienu ba buala yeni a baa tugi li tudima. v 22 ŋan kubi a ba ki da tieni ñoapoli gi da ti tugi biidi. v 23 a baa kubi ki kuani yaala ñani a ñoacuuna kani, li tie kelima yaa coagili n ye ŋan tieni yaa ñoapoli ke li ñani a ñoabu nni Li Miali daano A Tienu kani.v 24 li yaa tie ke a kua a lielo duven tiidi kuanu nni, a baa fidi gi di gi guo ama a kan tugi li ba atiagu nni. v 25 li yaa tie ke a kua alielo ŋalikaama kuanu nni a baa fidi gi cie ki nugi a nu nni ki ŋmani ama akan ta goadigu ki ce alielo ŋalikaama.
Chapter 24v 1 li yaa tie ke joa taa pua ki kuano ke o tua o pua.ke o naaba nunmaga o nunbina po,kelima o la o kani yali n gundi o baa diani o po ku kadaagu,ki tieni o nuguni li yaa puoli o baa ñano o diegu nn. v 2 o ba ña o deni ki gedi ki ban tua jatiano den pua.v 3 li yaa tie ke yua n juodi ki taa o yeni yama ñani o niin nni,ke o diani o po ku kadaagu ki teni o nugu nni, ki ñano o deni ,bi ki sua yua n juodi ki taa o pua yeni tua yua n ki ye. v 4 yua n den cindi ki taa o yeni ki pia sanu ki go ta o, wan go tua o den pua wan den biidi yua,keliama li tie caginciandi Li Miali daano kani ŋan da tugi laa tuonbiidi LiMiali daano ATienu n puna yaa diema man tua afaali.v 5 li yaa tie ke joa ta pua cancani o kan gedi o toabu, bi kan puogo tuonli ba,. o baa ye yeni kelima o diegu po hali binli po, o baa mangidi wan taa o den pua yua yaa pali.v 6 bi kan fie nilo ba naali yeni o bindu, li tie yenme ki ga wan bi pia yaala ki baa di ki ye.v 7 li yaa tie ke bi laa nilo ke o tieni naayigibu Isalele bila nni ki suni biga ki teni ke o tua yonbo, bi kuado ki ga ligi bi baa kpa li nayigo, a baa tieni ki ñani a kani yaala n bia.v 8 ŋan kubi aba yali n n tie mi gbaadima yianu po,ki kubi bi sala yidi kaaba Lefi yaaba n baa babga yaali li po
Chapter 25v 1 li yaa tie niba koani ki gedi bi bujiaba kani ke ban jia bi po ti buudi, bi baa sa yua n ki pia tudima po i moamoani ki nan cuo yua n pia mi tudima po.v 2 li yaa tie ke nilo kua yaa tuonbiidi n pundi ti puadi b baa labino ki tinga po ki pua o, ke o lielo yeni ye li kani, o puadi baa da yeni o tudima n de maama.v 3 bi kan pua o ki pendi lanbana piina, ki yaa bani hali ke bi poa boncianla ki pugidi o ninja yeni n da ti tieni yali n gundi bi nunbinli nni ki fiago.v 4 a kan yilini nua ñoabu wan ŋmaadi ki suodi ti siandi yaa yogunu.v 5 li yaa tie ke nilo taaki ye bininjali nni, ke yendo ti kpe ki gi ŋaa bila yua kpe yeni pua ki pia sanu ki kuni niin po, yua yua n tie caano ama o waalo n baa taa o wan tua o pua kelima o tie o waalo. v 6 wan cindi ki mali yua ba ga o yualo kaanu ki kubi o yeli lin da bodi Isalele yaaba siiga.v 7 li yaa tie ke laa joa naa bua ki ta o yualo kpe puoli, o pua yeni baa gedino odogu nikpela n ye yaa buliñoabu kani ki yedi : n calo waalo naa bua ki fiini o yualo yeli lin yaa ye Isalele yaaba siiga, waa bua ki taani nani wan pia li sanu maama kelima o tie o waalo. v 8 o dogu nikpela ba yino ki maadi yeno li yaa tie ke o li baa se o yiema nni. ki yedi mii bua ki ta o.v 9 lanwani o yualo pua ba nagini o kani anikpela nintuali, ki pidi o cacaagu, ki sii o nunga nni, gi gaa mi maama ki yedi bi baa soani yene yua n ki bua ki fiini o yualo diegu. v 10 yeni bi baa yi o diegu Isalele nni die gbengu.v 11 li yaa ie ke jaba lie koani ki poa biyaba li yaa tie yendo pua cua ki baa ga o calo yua n poa nugu nni, li pua yaa tandi o nugi ki cuo poa yeni naani n pia imfe kimcie v 12 a baa jia o nugi a kan gbadi o po ninñima palip.v 13 akan yaa pia a boagili nni bonbiigi kaali lie yaali n yabi yeni yali n wa, v 14 akan yaa pia a kani bon biigikaala lie efa yaabonbiigi kaala yei yaa bonbiigikaala n wav 15 a baa pia yali n da gi tiegi, ke amiali n foagidi Li Miali daanoA Tienu n puna yaa diema nn. v16 kelima yua n tieni yeni kuli lan tie yua kuli o tieni tuonbiigu li tie caginde Li Miali dano ATienu po.v 17 ŋan yaa tiani Amaleki yaaba n den tiena yaala yaa yogu ke yi den ye o sanu nni, yin den ñani ejipiti nni. v 18 a laa ban den tuoga maama o sanu nni ki jie OTienu, gi baa yaaban den ye puoli po ki den gbali ban ye yeni li coagili yaa yoginu. v 19 yaa yogunu ke Li Miali daano ATienu ti faaba a yibalinba yaaba n gaani ki linda nuguni, ki puna mi fuodima ke Li Miali daano A tienu puna mi diema mantua a faali ŋan yaa die ŋan duuni ki ñani Amalekiyaaba tiama gi tinga po ŋan da sundi li po.
Chapter 261 yaa yogunu ke a bu kua yaa dogu nni, yi Tienu Li Miali daano, n den teni ke li tie faali, lan yogunu ke a bu kali ki guani ki yendi, v 2 a baa tugi yeni o kpan cubigu A Tienu Li Miali daano n tena yaa dogu nni yaa bon kokuodi, li bonluacincina, ki yidi A Tienu A MIali daano n lugidi ki ye naan kani, ki kpiagi o yeli.v 3 A bu gedi o sala yidikaciamo kani ki maadi: ti maadi dine ke ti kua yaa dogu ke Li Miali daano den puoni ti yaajanba, v 4 osalayidikaciamo ba ga ku kpancibigu ki sieni Li Miali daano padibinbinli kani.v 5 ŋan guani ki ga mi maama ki maadi ATienu Li Miali daano nintuali, N baa den tie wawaadi; o den jiidi ki kua Ejipiti dogu nni yeni biniba waamu nne, o den ye lankani; lankani, o den tua yaa buolu yabidi ki go den pia u paaalu.v 6 Ejipiti buolu den mabiti ki go caginiti, bi den coagi ti yeni ti yonbiti ke waagi. v 7 ti den yigini Li Miali daano nintuali, ti ba ba, ti Tienu Li Miali daano den gaa ti miali o den la ti maba yeni ti fala yeni ti ca cagima.v 8 Ti Miali daano den ñani ti Ejipiti dogu nni , yeni o nuu yua n den pa ki go fɔagi, yeni o yaa lidigu paalu yeni o ciila paalu. v 9 wani den cianti okaanu ne, wani n den teni ti o dogu ne, yaa dogu n puubi mi naaŋanma yeni ti siidi.v 10 moalane diidi, n kubi n bonkokuodi bonluancincina yeni, n LiMiali daano kani! n bili A nintuali Li Miali daano n Tienu, N gbaa a nintuali Li Miali daano n Tienu, v 11 a baa ye yeni lipamanli, fini yeni a den yaaba Li Miali daano A Tienu n den tena yaa piama kuli yeni Lefi buolu yeni bicanba.v 12 yaa yogunu po ke a ñani a bintaali po, piiga boagidima ki gbeni, a baa teni Lefi buolu yeni bicanba, yeni a kpepuona yeni bibilia ban di ki guo bani yaaba a deni. v 13 mii kandi a yi koti mii go sundi li po, n tugi yaala n tie a yali ki teni Lefi buolu yeni bicanba yeni a kpepuona yeni bi bila.v 14 min di lanbona yaa yogunu ki bu ye ninbaagu nni, min bu ŋaa ke lanbona bodi ki kuani jɔagindi mii bi ŋaa ke lanbona tua kuuma npo, n gbadi Li miali daano N Tienu maama, n go coalini N Tienu yi koti. v 15 diidi abali kali kaanu n ŋani maama, yadi a yedi ŋanma bi po, yeni yaa dogu ke a den puoni ti baan ba, yaa dogu n puubi mi naaŋanma yeni ti siidi.v 16 dine n Miali daano n Tienu, apali yeni anaano n kubi yaa yikoti ke o den diani ki teni ti. v 17 dine a puoni ke A Miali daano ba ba n tie ATienu, ke a baa cuoni yeni o maama, ki guani ki kuibi o yi koti kuli, yeni omaama.v 18 dine A Miali daano puoni ke a baa tie o yaa buolu yua n kubi o yi koti. v 19 ke yin tua yaa buolu n ye kuli yaa liiga, yaa buolu n ye yeni ti kpiagidi, ke o yeli gedi yi kaani kuli, yaa buolu n ŋani ki dagidi, ki suani yaa tuona n ŋani ki naani nani wan maadi maama.
Chapter 27v 1 Musa yeni binikpejuoginkaaba den teni Isalele yaaba yaa yikoti ne: kubi mani yaa yikoti ke teni dine ne. v 2 yaa yogunu ki bu puodi okpenu ki kua yaa dogu Li miali daano yi Tienu n den puoni, yi bu bili a tana ki guani ki padi li tana po. v 3 yi bu diani lan tana po UTienu maama yikoti, lan yogunu po ke a bu puodi o kpenu ki kua yaa dogu ke a Miali daano ATienu den tena, yaa dogu n puubi mi naaŋanma yeni ti siidi, nani wan den yedi maama.v 4 yaa yogunu ke yi puodi o kpenu, yi baa bili atana Ebali juali po ki guani ki pada, lan yikode ke o cabi dine. v 5 lan kane ke a bu maa a padi binbinli Li Miali daano ATienu po, lan binbinli baa tie tana bebe yo kudi kan kua lieni.v 6 yi kan tugi yaa tana n kpiedi ka ki ma lan padi binbinli po, Li miali daano yi Tienu po. li padibinbinli po, LI Miali daano yi Tienu sala po. v 7 a baa ye yeni li pamanli LI Miali daano A Tienu nintuali nni, kelima a dini ŋan yido yaa saliga po. v 8 lan tana po a bu diani UTienu maama yi koti lan ŋanbi ki yaa nua.v 9 Musa yeni bisalayidikaaba, yeni Lefi buolu bi baa maadi yeni Isalele buolu yaaba, ti maadi: Isalele yaaba ŋanbi ki gbadi, dine a tie Li Miali daano ATienu buolu,. v 10 a bu coalini Li miali daano ATienu yikoti yaali ke o diani ki tena, ki guani taali ki sɔani yeni li tuonli.v 11 lan daali ke Musa den teni UTienu buolu lani yikoti. v 12 yaa yoginu ke yi puodi o kpenu, Simiyono, Lefi, Jada, I Sakaali, Josefi, yeni Bejamina, bi den sedi yaa juali ke bi yi galisima po ki seligi OTienu buolu.v 13 yeni LuBena, Gada, ASela, Sabilona, Dana, Nefitali, bi den sedi yaa juali ke yi Ebali po ki maadi mi yediŋanma yaa lanbona. v 14 Lefi buolu n maadi yaa lanbona UTienu buolu yaa siiga ga nni:v 15 li yuboanli n ba yaa daano n kpiedi daagu bi nan nangu ba, ki wuoni ki sieni ki pugi o li tie biide yeni o nisaalo n naanaani yaala yeni o nugu, ke biniba kuli taani ke lan tieni yeni.v 16 li yubɔanli n baa yaa nilo nundi o na yeni o ba, ke biniba kuli taani ke lan tieni yeni. v 17 li yubɔoanli n baa yaa nilo n fuadi wani yeni o tiano yaa kpaabu banlu po, ke biniba kuli taani ke lan tieni yeni.v 18 li yuboɔanli n baa yaa daano n piadi yeni o juamo ki kaa pundi yeni o deni, ke biniba kuli taani ke lan tieni yeni. v 19 li yubɔanli n baa yaa daano n maadi ki nuani ocaano po. li kpepuoli yeni bi bila po, ke biniba kuli taani ke lan tieni yeni.v 20 li yubɔanli n baa yaa daano dua yeni o ba den pua, kelima o laa o ba fe n yeni, ke binba kuli taani ki maadi ke lan tieni yeni. v 21 li yubɔanli n baa yaa daano n dua baa yeni yanga ba kuli, ke binba kuli taani ki maadi lan tieni yeniv 22 li yu bɔanli n baa yaa daano n dua yeni o na yeni o ba yaa bisalo, ke bi niba kuli taani ki maadi ke lan tieni yeni. v 23 li yubɔanli n baa yaa daano n dua yeni o cuado, ke biniba kuli taani ki maadi ke lan tieni yeni.v 24 li yubɔanli n baa yaa daano n sedi li bɔanbɔanli ki pua o lielo ke biniba kuli taani ki maadi lan tieni yeni. v 25 li yubɔanli n baa yaa daano bɔandibɔandi ki kuadi o lielo ke bi kpa o, ke biniba kuli taani ki maadi ke lan tieni yeni.v 26 li yubɔanli n baa yaa daano n ki taa yaa yikoti n ye ne ki sɔani yeni li tuonli, ke binba kuli taani ki maadi ke lan tieni yeni.
Chapter 28v 1 a yaa tuo ki cɔalini AMiali daano Atienu maama yikoti, ki guani ki sɔani yeni li tuonli, AMiali daano ATienu baa tena ti yikoti ŋan paadi yaa buolu n sieni kuli po. v 2 diidi yaa yedi ŋanma n tie a yali, li yaa tie ke a cɔalini ATienu AMiali daano maama yikoti.v 3 Asela baa ye yena adoguni yeni a kpaabu nni. v 4 aniba kaa pia cɔadima bi go baa ko ki baadi boncianla, a yandi kaa pia cɔadima .v 5 o baa gbieni a cancaaga a bonluana yeni mi yoma. v 6 o baa seligi a ñama yeni a kuama kuli.v 7 A Miali daano baa tena o paalu a nannanda yaaba n baa fii a po kuli po, bi baa ba a kani yeni sanyendu, ama baa beliba ban sani yeni sani lele. v 8 A miali daano baa caba a sela n jiidi a bonbuana nni, a tuonsɔanjaana kuli nni, yaa dogu nni ke AMiali daano ATienu tena.v 9 a baa tie yaa buolu ŋani nani A miali daano n poli ki yedi maama. yaa yogunu ke A kubi li maama yikoti ki guani ki cuoni lan buali nande. v 10 yi nibuoli kuli baa bandi Ke A Miali daano n yini yi, bi baa guani ki sani yi.v 11 A miali daano yua n den puoni yi baan ba lan dogu nni ban ŋanbi ki pugini yi biniba boncianla, yeni ti jiedi boncianla, yeni ti yandi boncianla. v 12 A Miali daano baa jiini li faali yua n yabi, ki taaga ba baa o baa yogunu ki go guani ki gbeni o gbeni yogunu, a baa kpendi yi nibuoli tiami ama inibuoli tiami kan kpenda.v 13 Amiali daano baa tena. ŋan tua yuli a kan yaa tie juoli, a baa ye tanpole akan baa ki jiidi. li yaa tie ke a ta A miali daano yikoti ki sɔani yeni li tuonli, ki guani ki cuoni nani lan buali nande. v 14 li yaa sua ke ŋaa lebidi ki ŋoadi tien tiami.v 15 a yaa ye ki kaa cɔalini A miali daano A Tienu maama yikoti, ki guani ki ta ki sɔani yeni li tuonli, diidi yaa yubɔana n baa cua akani.ki tua abiinu.v 16 li ñoapoli baa ŋɔada a dogu nni yeni a kpaabu nni kuli. v 17 li ñoapoli baa kua a kpancibu nni yeni ayonbobiga nni.v 18 li ñɔapoli baa kua a niba nni yeni a kpaabu nni yeni a yandi nni kuli. v 19 li ñɔapoli baa jiidi a ñama nni yeni a kuama nni.v 20 A miali daano n bu jiini o yu bɔanli a po, li ŋmadili mi nuama, a tuonsɔanjaana kuli nni, o baa biana tonma, kelima a tuonbiadi yeni ŋan yie A Miali daano A Tienu yaa po. v 21 A Miali daano bu lola ki taani yeni mi kuuma, hali umu n di yaa dogu ke a baa kua ki yendi.v 22 A Miali daano n baa kuani fala yeni ti gbananbiendi yeni o tontongu, o baa ŋɔada yeni fala buoli kuli, ki biani yi kuli.v 23 Tanpoli ba wagidi hali ki ban sii yi yula po. ki tinga n wagidi ki cie ti kudi, ke a tana kan fidi ki baa sedi. v 24 ki taaga baa tie li tangungu yeni li ŋunli, lani n baa ña poli po ki jiidi ki biani yi.v 25 a Miali daano n baa teni A nannanda o paalu, yi baa ki baa tuogi ba yeni sanyendu yi baa sani bi nintuali yeni sani lele; yi nibuolu kuli baa yie yi. fala yeni i fe. v26 yi gbanandi baa tie a bonyugida yeni ti yandi jiedi, ba nili kan beliba.v 27 Amiali daano baa jiini Ejipiti yaaba n den cuo yaa tugi yianu buolu, yeni linibonmɔanli yaa yianu, yeni isankpali yaa yianu. v 28 o baa kuani o waagu yeni ti juanti. yi kaa pia yua n baa teni yi mi yan fuoma. v 29 a baa tulibi tulibi oyensiigu yeni o ñiagu nani o juamo yeni, a tuona kuli kan cuoni a kan baa papaali a yema nni, a kan go la nilo wan todav 30 yi siiga nni yendo yaa pia o jafaano tiano n baa liidi ki dua yeno, a baa maa o diegu a kan yendi, a baa ŋuu itiidi a kan di li ñɔadi. v 31 bi baa kodi a nua a nintuali nni, a kan go ŋmani o nandi bi baa taa a ŋɔabo bi kan ŋmiani yi, anannanda baa pigi a yandi kuli, a kan la nilo wan toda.v 32 abijaba yeni a bisaba baa ña a nintuali nni ki gedi buolu tianu kani, ke a guu bi kpenma a kan la ba kelima ŋaa pia paalu.v 33 yaa buolu ke yii kpeli ki banu n baa cagini yi, kelima yii pia paalu, ki baa di yi bonkokuodi yeni yi tinga bonluonkaala kuli yaa ñɔadi. v 34 yi baa kua mi juama nni yeni mi waadi ma nni. v 35 Li Miali daano bi kuana a tugi nala a kpiedi nni yeni a duna nni , yeni a yuli po, yeni a taana po kuli.v 36 fini yeni abado kuli baa cuoni ki kua yaa buolu ke bu ki banu siiga, ki pugi o tienu yuu n tie ti daadi yeni a tana. v 37 A Miali daano n bu tugi ki gedi yena yaa buolu kuli yaaba n tena mi faama.v 38 a baa buli boncianla, ki yendi waamu, kelima ti ñankpandi baa ŋmani. v 39 a baa ŋuu duven tiidi ki guani ki ko lieni, ama a kan ñu lan daama kelima a bonfuoma baa fua lan tiidi kuli.v 40 mi kpama tiidi baa yaba, ama mi kpama kan yaa ye, kelima ti bonbiidi baa biidila. v 41 ŋan mali yaa bijaba yeni yaa bisiaba kuli bi baa cuoba ti yonbidi.v 42 ti ñankpandi baa yendi adogu nni ti lonti kuli. v 43 bi canba yaaba n ye yi siiga nni kuli baa li do yo ke fini jii. v 44 a kan fidi kpendi pu ama bani n baa kpenda abaa tie juole ke bi tie yuli.v 45 lan ñɔapola kuli baa ŋɔa ŋa hali ki ban biana, kelima ŋaa cɔali A Miali daano ATienu maama yikoti yeni o tunda yaala ke o den diani ki tena, ŋaa den ta ki sɔani yen tuonli mo. v 46 lan maama kan tua a yaali li go kan tua a yaa bila yaali li baa tie maalima yeni ciila yogunu kuli po.v 47 ki fidi yin yaa ye li pamanli nni, li tie ke ke yin sɔani Li Miali daano ATienu tuona yeni li pamanli yeni a pali kuli. v 48 abaa sɔani yeni Mi koma yeni o ñuñuunu a kan yie pu yeni mi cacagimakuli, AMiali daano n kuana anan nanda yaaba yaa siga nni. bi baa ta ti kudi lan tua anaa bugidu lan banli ki bugini a tulu nni.v 49 Li Miali daano baa ta ŋaa ki foagida hali u tinbanlu po yaa diema n baa ba ŋa yeni baa tie nani o kaciigu yeni yaa diema yaa niba ke a daa cindi ki gbadi bi maama palpe.v 50 yaa niba n pia i nunkuomi ki kaa fangi jakpelo bi ki buali ki jie biga ninbaagu. v 51 bi baa ta a bonkokuodi yeni a yandi ki di, hali ki ban biana, bi kan ŋaa a di yeni a kpama yeni a yoma yeni a bonkobibila yeni a bonkobigbenga kuli, ki yaa caa yeni ban bu biana yaa yogu po.v 52 bi baa kali a buliñɔana kuli nni, ki guudi hali yi baa yogunu, a guonfɔagidigu yua ke a pali den pa a po adogu yeni. bi baa kali landoguni diñɔana yaa po yo, AMiali daano n den tena yaa dogu. v 53 o fala ciamo nni yeni ninbaagu nni ke yi nannannda baa cagini yi hali yin ban ŋmani yi bi jaba yeni yi bisaba kuli.v 54 yi siiga yaa nilo ŋmini ki pia bu nunfanbu kaa ti pia ninñingbadima o ninjoa yeni o pua yeni o bila po. v 55 o kan ti taa o bila gbanandi wan di yaala ki pa bi siiga o ba kuli, kelima lan bebe n sieni ki tie o jiema, yaali n tie O pabɔanli yeni o fala ke a nannanda cagina a buliñoana kuli nniv 56 yi siiga nni yaa pua n ŋmini ki pia bu nunfanbu, kelima o ŋminma yeni o nunfanbu po ki kan fidi ki sedi kaan yendu, kaa ti pia ninñingbadima ocalo yua ke o taa ye yeno po, yeni o bidi po. v 57 ba yaa canpandiga ke o malo yeni o bali kuli o baa wuoni ki ŋmani ba kkelima o nannanda n kuanba yaa yubɔanli yeni yaa fala nniban ye yaa dogu nni po.v 58 kelima ŋaa tugi AMiali daano ATienu yikoti ki sɔani yeni li tuonli, kaa go jie yaa yeli n pia ti kpiagidi yeni yaa yeli n ki pia tama tama A Miali daano ATienu po. v 59 AMiali daano baa kuana yaa lidigu anala yaa kan gbeni tonma, ki go kuana yaa yianu n bia hali boncianla.v 60 o baa loli ki taana yeni Ejipiti yianbiadigu yua ke a den jiegu. v 61 AMiali daano baa biana cain yeni yaa nala n pa, yeni yaa yianbiadi yeni yaa yii n ki diani yikokadaagu. 62 ba yi yaa yabidi hali ki pundi Tanpoli ŋmabila yi baa guani ki ñiligi ki sieni waamu, kelima ŋaa cɔalini AMiali daano ATienu yikoti.v 63 AMiali daano den cuo ke o baa ŋanba, ki yabidi a buolu hali boncianla, ama ba yeni o baa guani ki cuo ke o baa biana, ki go fiina ŋan ye yaa dogu nni. v 64 AMiali daano baa fiina ki yadi ŋan kua ki tinga po ne yi kaani kuli, ki pugi yaa tieni n tie atana yeni ti daadi yaa tieni ke a baan ba ki den ban ba.v 65 a baa ye lan dogu nni ke yanduanma ki ye, ke kua kaanu mo ki ye. a baa ye li paŋmadilini, a nunbina mo kan yaa nua, anaano mo baa ye ca cagima nni kelima A Miali daano A Tienu po. v 66 a yema mo kani ji yaa pia fuoma, o yienu yeni o ñiagu kuli a baa ye ti ja waanti nni yeni o yan pudigu nni.v 67 yi la lan biadima buoli gbie yi pala nni yi baa maadi: ke o siŋaagu n tua o dajuagu ke o dajuagu mo n tua o siŋaagu. v 68 n baa teni Ejipitin ŋadi n ta ki gedini yi yin cuoni yaa sanu nani min den maadi nande, a kan guani ki la ŋa ye kaanu, yi nanananda baa kuadi yi nani ban kuadi bi yonjaba yeni yonbi puoba nande. yi kan la yua n baa da ki faabi yi.
Chapter 29v 1 diidi yaa danligu lanbona ke AMiali daano den teni Musa ke wan teni yinba Isalele yaba, Mɔaba dogu nni yeni Holebi dogu nni.v 2 Musa den yini Isalele yaaba kuli ki maadiba: yi kuli den la yeni yi nunbina Li Miali daano n den Sɔani yaala Ejipiti dogu bado yeni o tuonsɔanla po kuli. v 3 yaa yaalidigu tuona ke yi nunbina den la, yeni yaa ciila yabi ke den la kuli. v 4 ama, yeni lan daali po, A Miali daano ki den tena yaa pali ke a baa bandi yeni yaa nunbina ke a baa la, yeni yaa tuba ke a baa gbadi.v 5 n den kuba binpiina li fuasieli nni, atiadi ki den cadi a gbanandi po. a cacaadimo ki den cadi a taana po. v 6 yi den ŋmani mana, yi den ñuu duven ke yin fidi ke yin bandi ke n tie Yi Miali daano Yi Tienu .v 7 yin den pundi; Sihon Esibon, yeni Hogi, yeni Basan yaa bado den fii ki baa tuogi yeni o tɔabu ke yi den paadiba. v 8 lan yaa po yo ke yi baa cuo ki kubi yi Tienu danligu, ke lan fidi ke yi tuona n gedi liiga. v 9 taa mani yi Tienu maama danligu ki sɔani yeni li tuonli ke yi tuonsɔanjaana kuli n gedi liiga.v 10 yi kuli baa taani ki sedi UTienu nintuali, yeni yi cugani liigi yaaba, yi nikpela yeni yi soje gbenga yeni yi niba kuli.v 11 yi bila, yeni yi puoba yeni yi canba yaaba n ye yi siiga nni kuli, ki ko yi kpaabu, yeni cuani yi po, yi daadi, hali ki taa pundi yaaba n lu yi ñima.v 12 yene ke yi baa tie o buolu, ke o mo tie yiTienu, nani wan den puoni maama. v 13 lan fidi ŋan yaa tie o buolu ke o mo tie A Tienu, nani wan den maadi maama, ki go puoni yi baanba maama.v 14 mii n cuo n danligu yeni yinba baba ka, ama yeni yaaba n da ki mali kuli yaa po yo. v 15 ama yeni yaaba n ye dine n nintuali nni, yeni yaaba n ki ye n nintuali kuli yaa po. v 16 yi bani ti den ye Ejipiti dogu nni nande, yeni tin den taa ye yeniyaa buolu kuli nni.v 17 yi den la lan buoli yaa tieni yaa tieni n den tie daadi yeni a tana yeni iligi. v 18 ke yin da pia siiga nni joa bi pua bi diegu bi cugili yua lebidi ki ŋa LiMiali daano ki sɔani lan diema tieni po, yi siiga nni n da pia yua n tie nani lobidi yeni. ki go da tie nani yaa jiin tonli yen. v 19 ke yinba yaaba n gbadi yaa danligu maama n yene yeni li puoni nne, n da yedi o pali nni, n yali n ba n yaa bua yaala n baa tieni, ki da guani ki kuani oba li dañoguoli nni.v 20 AMiali daano, kan puni lan daano o biidi sugili, o pabieni yeni o ponponli baa biidi lan daano po, yaa yubɔana kuli ndiani yaa kadagu n yene kuli baa jiidi a po, AMiali daano baa piini a yeli Tanpoli. 21 lan daano ba paadi yeni Li Miali daano kelima oyubɔanli po yeni Isalele cuga kuli. yaa yu bɔana n diani yaa yiko ka daagu ne kuli po.v 22 yi yaa bila yaaba n da ki ye ibila yaaba n da ki mala, bi canba yaaba n baa ña foagima baa la yeni bi nunbina ke LI Miali daano n baa jiini yaa fala yeni yaa yiani, yeni yaa nala yi po nande. v 23 yi dogu nni yi kaani kuli, bon buoli kan yaa ye, bonla kan tieni muagu kan kpedi, li baa tie nani Li Miali daano n den ŋmadi Sodoma yeni Gomɔala datima yeni teboyima opabiencianli nden jiidi bi po maama. v24 yi buoli kuli baa maadi yi maama be yaa po yo ke Li Miali daano den cuo yeni yaa buolu ne o Danligu be yaa po ke opali fii ki beni boncianli nande .v 25 biniba baa maadi: kelima bi yie bi baanba Tienu yua n den ñanba Ejipiti yaa dogu nni, ki den kuani yeni ba o danligu yeni oñɔapuoni. v 26 yene ke bi pugi yaa tieni ke baa den bani ba ke AMiali daano ki den cabi ke ban pugi lan tieni.v 27 lan po n cuani A Miali daano nintuali nni yeni a yubɔana nye lan dogunni po, kelima bi yie o yikoti. v 28 AMiali daano ga yeni o paalu yen pabiencianli wan den teni ba yaa dogu, ki guani ki luni ba dogitianui, yaa dogu ke bi ye mɔala nne.v 29 yaa bona n duagigi kuli tie ti Miali daano ya yaali: yaala n dɔagidi tie tinba yeni ti bila yaale libina yeni li bina. lanfidi tin ta ti Tienu yikoti ki sɔani yeni li tuonli.
Chapter 30v 1 yaa yogunu po ke lan lanbona kuli baa akani: asela yeni li yubɔanli kuli yua n ye a kani a yaa taa A Miali , daano maama ki sɔani yeni li tuonli, ŋan ye yaa buolu yaa siiga, A Miali daano Tienu n den ñana naankani. v 2 a yaaa cɔali lan maama yeni apali kuli, anaano yeni abidi dine. v 3 AMiali daano baa jie aninbaagu ki ñana ti yonbidi nni, ki guani ki taana Li Miali daano n den yadi ki kuana naankani kuli.v 4 A Miali daano bu kpaana ki taana ŋan den kua naankani kuli ki tinga ne po. v 5 A Miali daano, ATienu, ba taana ki kuana a baanba dogu ke ŋan yendi lan dogu, a baa ŋanbi, ki guani ki yabidi ki cie a baanba.v 6 A Miali daano, A Tienu, o baa kuani apali nni yeni a yaa bila pali nni. ŋanbuadi AMiali daano, A Tienu yeni a pali yeni anaano kuli ki guani ki yaa ye.v 7 AMiali daano , ATienu, baa guani ki jiini o ñoapola a nannanda yaaba n den cagini ŋa po yo. v 8 Fini guani A Miali daano kani, ki cɔalini omaama ki go sɔani yeni li tuionli yeni o yiko yua ke o diani ki tena dine.v 9 AMiali daano, A Tienu, baa seligi anuu tuona kuli , o baa puni aniba a yandi a bonkokuodi, o baa kuba nani wan den maadi a baanba nande yeni. 10 yaa yogunu po ke a baa cɔalini A miali daano ATienu maama yikoti yaama ke o diani ki tena dine, a yaa taa ki sɔani yeni li tuonli yeni apali yeni a naano kuli.v 11 min tena yaa yikoti ne ki cie a paalu yeni ŋan gbadi: v 12 li yikoti nan ki ye Tanpoli ka ke a baa maadi ŋme baa do Tanpoli ki kpaani lan maama ti po ke tin gbadi, ki fidi ki taama ki sɔani li tuonli.v 13 li go ki ye kpenpuoli ka ke baa maadi: ŋme baa puodi ukpenu ki gbadi lan maama ti po ke tin taama ki sɔani li tuonli v 14 mi ye nintuali nni, yeni a ñoabu nni, yeni a pali nni, ke ŋan fidi ki taa ki sɔani yeni li tuonli.v 15 diida, a baa bili anintuali nni limiali yeni yaala ŋani, mi kuuma yeni yaala n bia. v 16 n baa diani dine ŋan bua A Miali daano ATienu O Maama; ki baa cuonio o yikoti yeni o tunda, ki fidi ki waani o sela yaa doguni ke a ye.v 17 a yaa ŋaa a ba ki lebidi ki guani ki gbaani i tieni kani ki pugiba. v 18 n maadi dine ke baa biani ke yi waagi yaa dogu nni ke teni yi nba li yaa sua ke yi puodi o kpenu.v 19 dine Tanpoli yeni ki tinga tie a sieda: n bili a nintuali nni li miali yeni mi kuuma, a sela yeni a ñɔapola gandi li miali ki yaa fo fini yeni a yaa bina. v 20 ki yaa bua li miali daano, A Tienu, ki cɔali omaama ki yaa ye o nintuali nni lan waagi amiali n fɔagidi. lani tie ŋan fidi ki ya ye ya dogu nni ke a Limiali daano den puoni ki Teni a banba, ABalahama , yeni Isaaka Yeni Jakoaba.
Chapter 31v Musa den guani ki taa lan maama ki madi Isalele yaaba kuli. v 2 dine, n maadi, n pia bina kobiga yeni bina lele n kan fidi ki ña ki cuoni ki gedi, n Li Miali daano maadi ke mini kan puodi ukpenu. v 3 Li MIali daano, ATienu, ji bu cuoni yena ki biani i buoli kuli; ŋan tua o ŋmagidi daano josue n ba cuoni yena nani AMiali daano n den maadi nande.v 4 Amiali daano ba waanai a lan buudi kuli fala. nani Siyon yeni Ogi yeni, bani yaaba n den Amoala batianba, wan yua n den biidi bi dogu. v 5 yi baa caginba nani min den yedi maama yeni. v 6 paagi yi ba, ki ba lipapaali, da jie, ki da pia jawaandi AMiali daano, ATienu kan ŋaa ŋa o baa cuoni yena.v 7 Musa den yini Josue biniba kuli yaa nintuali nni ki maadi paagi aba ki baa li papaali, kelima fini n baa ta o buolu ne ki kuani yaa dogu nni ke Li Miali daano den puoni ti baanba. v 8 A Miali daano baa cuoni yena, wani go baa ye yena no ŋaa ŋa o go kan ñoala. da jie jawaandi.v 9 Musa den diani yiko ka daagu ki teni Isalele yaaba, yeni Lefi yaa buolu bani yaaba n den tugi A Miali daano Danlii kpagu, yeni Isalele yaaba nikpela. v 10 Musa n den tenba yaa yikoti li bin leleeli panli pama. ki taa ki pundi ti juoli jaanma yogu. v 11 yaa yogu ke Isalele yaaba kuli baa ña ki cua Li Miali daano n lugidi naan kani. lan yogunu po yo ke baa sedi ki cogi lani yiko kadaagu yua kuli yaa nintuali nni.v 12 a baa taani binba kulbijaba, bi puoba, abila yeni bicanba yaaba n ye a deni. ke ban gbadi ki guani, ki jie AMiali daano A Tienu, ki guani ki taa maama yikoti kadaagu ki guani ki soani yeni li tuonli v 13 yi bila yaaba n ki bia ne n gbadi ki jie Li Miali daano yi Tienu, yaa dogu nni yaa yogunu ke baa kua, ya yogunu ke yi puodi ukpenu.v 14 li Miali daano den maadi yeni Musa: o yogu pundi yeni ŋan kpe yini Josue ki kuano o jongu nni, ke n bua ki teno yikokadaagu, Musa yeni Josue den kua o jongu nni UTienu Nintuali nni. v 15 ke AMiali daano jiidi nani li ŋunli yeni; ke li ŋunli sedi li jonli dañoabu nni.v 16 A Miali daano den maadi Musa: diidi a baa duani ki taani yeni a baanba a ba kpe, u buolu ne baa fii ki tua concona, bi baa ŋoadi ban ye yaa dogi nni tieni, bi baa ŋaa nni, bi baa kandi min den cuo yaa danligu yeni ba.v 17 li daali, omutuoli baa jiidi bi po, n buŋaa ba, n go baa wuoni ba n nunga, bi baa tie fanme buolu tianu po., fala bu kuaba hali boncianla, lan po n cedi ke fala baa yi po kelima n Tienu ki ye yeni yi. v 18 mini n baa wuonba n nunga lan daali yeni bani bandi yi tien tiami ki guani ki soani yaa tuonbidi.v 19 moala diani yi yani, tundi, Isalele bidi bi ñoabu nni ke lan yani n tua sieda. v 20 n kuani ba min den puoni bi bannba yaa dogu nni, yaa dogu n puubi mi naaŋanma yeni ti siidi, bi ba di, bi baa guo, bi baa gbengi, ama bi baa lebidi ki guani yi tien tiami po. ki pugiba bi baa nundinni, bi ba gua ba ki yie ki yie n danligu.v 21 yaa yogunu ke fala yeni mi cacagima kua ba, yaa yogunu ke daa sundi li po, ke li daa ye binunbuni, li baa tie sieda li po kuli. n bani ban ye nandi yeni, ban tie yaala dine , yeni n fidi ki kuanba min den poli ki tenba yaa dogu.v 22 lan daali po, Musa den diani lan yanu ki go den tundiba, v 23 A Miali daano den teni Nuni bijua Jose lani yikoti ki yedi: paagi aba ki ba li papaali, fini n baa kuani n buolu ne ki tinpuonkaaga nni. mini moano n baa ye yena.v 24 lanyogunu ke den diani A Miali daano maama yikoti, v 25 o den teni Lefi yaaba yaa buolu n den tugi Li Miali dano danli kpagu, v 26 gaa mani yiko maama ka daagu ne, bili mani li Miali daano danli kpagu kani o baa tie yi sieda yo.v 27 kelima n bani yi japaadi, yeni ayupaama po, yi yaafiini ti japaadi li Miali daano po, min da pia li miali ne, yi jibaa soani lede n yaa kpe. v 28 taani mani yi cuga nikpela yeni yi nigbenga; ke min maadi lan maama yua kuli yaa nintuali nni ke tanpoli yeni tinga n tua n sieda. v 29 kelima n bani n yaa kpe n yi kan yaa tie yaaba n ŋani. ki bu ŋaa ki kan diani ki bili yi, li tie ke li yuboanli n cua yi po, yi yaa tiendi yaala n ki ŋani Li Miali daano nintuali ne opali baa be ki dugini yi nugi n tiendi yaala.v 30 Musa ji den taa lan yani yaa lanbona ki maadi Isalele yaaba nintuali nni.
Chapter 32v 1 tanpoli -luodi atuba, n bua maadi; ki tinga n gbadi n ñoabu nni yaa lanbona. v 2 n n tunda jiidi nani ki taaga yeni. n maama mo baa jiidi nani o mangu yene, nani mi ñima n maa o muagu po nandi yeni nani mi ñima n todi o muagu nandi yen.v 3 kelima n ba kpiagi Li Miali daano n Tienu yeli- v 4 o tie N tagido; o tuona ŋani, osani kuli tuoli, o tie yaa Tienu n tiegi, waa pia biidi oŋani ki go tiegi.v 5 yi yaa joagini, wan naa pia jaligi, ifetie yi bidi yaala, yaa buolu n pia yi jali ki go baa bia. v 6 yi tie li Miali daano liiga yua, yaa buolu n ki pia yama. ki go ki pia yanfuoma ? mii tie a baa kaa? a tagigido kaa ? laa tie wan ka tagi yi ki go paagi yi ?v 7 tiadi ayama nni yaa dana n den pendi puoli po, tiadi ya bina n den pendi puoli po nifiima n tu nifiima kuli yaa po, buali aba o ba waana yi nikpela ba maadi yi. v 8 yaa yogunu ke tanpoli yua teni o faali yaa yogunu ke o paadi abila yeni anikpela, wani n bili ibanli buoli kuli yaa po. yeni isalele bidi n dua maama kuli.v 9 A Miali daano biinu, tie o buolu yo, jakoabo tie o faale. v 10 o la o lifuali nne ke o ye obaba lan yema nni lanfuali nni ke o tugi o, ki kubi o, nani o ningbankaagu yene.v 11 nani yaa kaciigu n yen yugi ki diidi o bila otiagu nni, o ba taaba o kpankpana nni, ki gediniba wan bua naani kani. v 12 A Miali daano baba kpaa o buolu, Tien tianu den ki ye, ki baa kpaaba.v 13 O Miali daano den duono ke o cie dogu kuli, Isalele yaaba den dini ti kpaandi jiema, o den guani ki tien o go den dino ti tan kuodini siidi, yaa kpama n den ña ti tankuodi den pa,v 14 yi naa ñoe yeni yi pe yaa biime ke den ñu yeni ti yandi yaa kpama, a petona yeni apesala yeni a ŋoatona, bi den di yaa jiema ke bi yidi naaŋanma lalaagu, o den ñuni i tidi bonluonkaana ñima yeni o dimoangu, o den fali o faabima tangu.v 15 Isalele den dini ki gbengi ki ŋanbi ki guani ki yie bi tagido, ki fali bi fielu. tangu ki luno. v 16 bi den fiini o nunponli ki ŋoadi tien tiami bi den bieni o pali kelima bi tubiidi po.v 17 bi yidi saliga atangbenga yaa ki tie Tienu po, boncianla, yaa titni ke baa bani ba. ni canba yaaba n den cua ke li waagi waamu, ke bi baaba naa den pia li po jejiego. v 18 a ŋaa yaa tanli n den mala, asundi yaa Tienu n den mala po.v 19 A Miali daano la ke o pali boandi kelima abijaba yeni a bisiaba po. v 20 o maadi, wuonba n nunga po, n baa la ban baa juodi maama, kelima bi tie yaa buolu n bodi bi tie yaa bila n ki tiegi.v 21 bi fiini bi mutuoli yaala n tie UTienu po. kelima bi ŋoadi a tungbana, n baa ŋanbi ki fiini bi pala yeni yaa buolu n ki pia yama.v 22 kelima n mutuoli mu cuo, hali ki kua bi tinkpiigu nni, li baa di ki tinga yeni li bonkokaala kuli, yeni a juana kuli baa cuo.v 23 n baa taani yi boanbuoli kuli bi po, n baa yegiba n piemi kuli. v 24 mi koma baa gbadiba, u yukoanu yaa mu baa juuba n baa cua yeni i yian paali bi po, yeni yi yanbiadi ñina yeni iwe yaa loabidi.v 25 cancanli po juga n baa kpa yi, deni po mo ti jawaandi n baa kpa yi, li baa tie yene yi bijaba yen yi bisiaba yeni n biñidimu yeni anikpela kuli yaa po. v 6 n baa maadi ki da n baa tugi yeni n ñoafaama, ki biani yi biniba siiga nni.v 27 ama, n jie bi nannanda sugidi, n jie ke bi nannanda n gbadi ki yedi : ti nugu pia u paalu, Li Miali daano ka teni lan lanbona kuli.v 28 bi tie yaa buolu n ki pia yama yeni yanfuome, v 29 bi yaa bi pia yanfuome bi baa gbadi, bi baa guadi ki malidi yaala n baali bi po.v 30 yendo baa tieni lede ki beli niba tudili, bonbilie ba fidi ki beli niba tuda piiga bi tangu yaa den kuadiba, Li Miali daano yaa den kuanuniba bi nannanda nugu nni. v 31 kelima bi tangu naa tie nani ti yaa tangu yeni. bi nannanda bani ke yaa tieni naa pa ki pundi Isalele yaaba tienu.v 32 bi ti londi den tie nani Sodoma ti ŋuuke yeni , nani Gomoala tinmu bonluonkaala yaa bonluonkaala n gbie yeni ti loabidi ke li ti loanda mo to.v 33 bi dimongu tie o wa yaa loabide, bi tie yaa ñoagi biigu yua n kpa yo, v 34 laa wuo n yaa kani kaa ki ye n yaa wuon kaanu.v 15 mini n baa guani mibiadima panpaani kelima bi yuboanli daali nagini, yaala n guuba kan waagi.v 36 li Miali baa bu o buolu, o jie o tuonsoanla ninbaagu, o la ke bi paalu gbeni yonbo ki ye yaajoa mo n yali o ba mo ki ye.v 37 o den maadi : bi tinu yele yaa tangu n den tie bi po wuonkaanu. v 38 yi tieni yua ki den yediba yin yidini sala, ki kaa den teniba dimongu ke bi ñuni ke ban ji gaa yi ke ban ji guudi yi.v 39 bandi mani kemini n tie UTienu, Tientoa ki ye mini ya kani. mini n tie li miali, mini mi kuuma, mini n tieni yi yiani mini go tebi nilo kan fidi ki ña n yaa nugu nni. v 40 kelima n yaa yugidi n unugu ki duoni tanpoli po, mini n maadi n ye a bina yeni abina .
Chapter 33v 1 diidi yaa sela ke UTienu tuonsoanlo Musa den seligi Isalele yaaba ki fidi ki kpe, v 2 o den maadi, Amiali daano den fii Sinayi juali po ki doagidi oba Seyili dogu nni ke o kpiagidi ñuligi Para ya juali po, ki kuani yeni o niba ŋanba kani yeni yaa miali ke o baa yabidi hali boncianla ki kubi o nigu nni o yiko mu.v 3 o bua yi buoli ; biniba kuli ye anugu nni bi kuli den sedi a taana kani ki gaa amaama. v 4 musa n den teni li yiko maama. bani yaaba n Jakoabo faali.v 5 o den tie bado Isalele yaa dogu nni, yaa yogunu ke biyudanba den taani yei inibuoli. v 6 Ke lebena n yaa p[ia li miali ki da kpe, ke o jaba n yabidi.v 7 diidi wan den maadi juad po yaala; cengi , nialu ki guano oniba kani ke o nugi n yaa pia o paalu, ke ŋan yaa tie o todika ki o nannanda.v 8 lefi yaa po oden yedi o den teni o nigadi ŋamo ban yi yaala tumimi yeni Rumi, ŋan den bigini yaaba Masa kani yaaba ke a den nia yenba Meliba kani.v 9 lefi yedi ona yeni oba mi den laba waa pia paadima yeni o ninjaba, ki bani o bila mo, kelima bi kubi a maama ki kubi a danliguv 10 o bangi a lanbona jakoabo buolu i yeni a yikoti Isalele bila, ki tieni yaa tibidi n pia onuuli manu a miani po, yeni li padijuukaali a padi binbinli po.v 11 fini li Miali daano, a seligi bi nugi tuona kuli, biani bi nannanda kuli, ke ban da fii bi po.v 12 wanmaadi yaala benjamina buolu po, Amiali daano n bua, wan yaa ye o nuntuali nni, yeni li papaali, AMiali daano n wuono yogunu kuli, wan yaa ye o nugu paalu po.v 13 wan maadi yaala josefi buolu po, odogu kuli n yaa ye li Miali daano sela nni, yaa paabu n ŋani nni, o mangu, yaa ñinŋanma n ye tinga po.v 14 yaa bonluanŋanma yaala n ye o yienu nni, yeni yaa bonŋanma n ye ŋmali kuli. v 15 yaa bonŋanma n ye li juali po, yeni yaa bonluanŋanma n ye yogunu kuli a juana nni.v 16 abonluanŋanma yeni yaali n tinga po yeni kan kubi yaala kuli, yua n den dongidi o ba o fatuugu nni n tieni o ŋanbili, wan tua josefi yudaano. yaala n tie bibadi bijaba yula po.v 17 a naatonli yua kpia mali ga li bali kpiagima o yina tie nani li moa naatonli ya yeni, yeni laa yina o poa yi nibuoli kuli ki ban pundi hali 'ŋanduna jojuoga, Efilayima tie niba tudi banm, Manase mo tie tuda tuda,v 18 osabilono buolu po o den yedi, mangi apali Sabilono a tacendi nni, fini esikali mo, n yaa ye ajona nni, v 19 o den yi yi nibuoli kuli li juali po, lankani ke o tieni miteginma sala, kelima o baa di miñincianma nni bona boncianla yeni yaa pia n wuo o tan biigu nni.v 20 gada po den yedi, li seli ye yeni yua n yabidi gada, gada dua nani oyangbanlo yeni ki mudi i nugi yeni li yuli.v 21 o den gandi abonluakpiala, kelima lankane ke ban bi ti lugidi yua wuo.dana yaapo o den yedi, dan tie nani li yanboapanli yeni. ke o yugi ki tuoli basan po. ̵v 23 nefitali po den yedi: Nefitali yali o ba yeni wan bua ki tieni yaala kuli, o gbie yeni li Miali daano sela, o kaa midiema nintuali yeni mi nuganu.v 24 Asela o den yedi; li seli n yaa ye yeni Asela, wan yaa mangidi o ninjaba pala, o taana n yaa cuoni mi kpama nni. v 25 ke a bonkaala n yaa tie nani ti kudi moandi yeni.a paalu n yaa ye nani o yen siigu yeni.v 26 laa pia yua n naani yeni Isalele Tienu, o den ñani tanpoli ki ba ke wan toda, o ye yeni o bali kpiagidi o tawali gbangu nni,v 27 li Miali daano n tie o wuonkaanu, o buadi nni li Miali daano tie todika, anintuali nni o deli a nannanda , o den yedi: bodimani.v 28 Isalele yeyeni li papaali, jakoaboñinbunli ye li ba, yaa dogu n pia i fee yeni midaama. o tanpoli bundi o mangu.v 29 ke li pamanli n yaa ye yena. Isalele ŋme n baa nandi yena, Li Miali daano n faabi yaa nibuolu, o gbankoandigu tie n gaa ka, o juga manga mo tie ti kpiagidi anannanda baa ba mi tudima anintuali nni. bi baa ga bi kaan moani.
Chapter 34v 3 v musa den fii ki kua moaba yaa tinfuali nni, yaala n tie Nobo juali po, pisiga yaa juali yali ki ji foagi yeni jelikoli Miali daano den cedi ke o la lan dogi kuli. v 2 galati ki taa ki dan yaa bianu po, Nefitali yeni Efiyima y dogi kuli, Manase yeni Juda ki taa ki pundi o kpenciamu .v 3 ki ta o naa banlu yaaba n ye o kpenpuoli jeliko yaa joaloangu Akadima yaa dogu ki taa pundi Tisoali po.v 4 liMiali daano den maado, lan dogu yo ke n den puoni yi, ki teni ABalahama , yeni Isaaka ,yeni Jakoabo , n den maadiba: n baa teni a yaabila yo, n cedi ke a la yeni anunbina ama akan kua lan dogu nni. v 5 Musa Amiali daano tuonsoanlo den kpe lan kanje Moaba yaa dogu nni, naani AMiali daano den maadi o yiko kadaagu maama. v 6 Li Miali daano den piini Musa Moaba yaa joaloangu nni, naani den ki foagi yeni Beli yeyoli, nili ki bani o ka kuli kani hali dine.v 7 Musa den pia bin kobiga nbina piilele ki den kpe. o nunbina den nua ki go pia o gbamaanu, v Isalele yaaba den buudi Musa ku bubuli dana piita Moaba yaa tinfuali nni.v 9 Josue yua n tie nuni bijua den gbie yeni Utienu fuoma yua yanfuoma, kelima Musa den maani o nugu o po, o yaa poe ke Isalele bidi den coalini ki go gaa Li Miali daano n den teni Musa yaa yikoti.v 10 Isalele yaaba siiga nni, daa pia Musa yaa tuonsoalielo. v 11 nili daa fidi ki tieni Uteinu n den teni Musa ke o tieni yaa ciila Ejipiti yaa dogu nni yeni Falono, yeni o tuonsoanla kuli ya po. v 12 yeni yaa ciila paala ke Musa den tieni yeni onugu Isalele yaaba nintuali nni.
2 Samuel
Chapter 1
1Sayula ya kuuma puoli po, ki sua Dafidi den lebidi gi guani wan den tuogi yeni sikilagi Amaleki yabi danan lie po. 2danan ta po,oja den ñani Sayula toacagili po ki cua ke o tiadi toatadi ke mi tama ye oyuli po, wan den pundi Dafidi kani o den poadi ba o nunga po gi labini gi tinga po wani o yaa ba.3Dafidi den yedi o,"a ñani le ?" o den guani o," n sani ki ciadi Isidayeli toacagili po yo, 4Dafidi den yedi o n mia ŋa waani nni acenli po ŋan la yaala", o den guani ki yedi o, Biniba sani butoabu kani niba boncianla gbali ki ba niba boncianla kpe Sayula yeni o bijua Jonatan moko kpe" 5Dafidi den yedi o jawaalo yeni, atieni lede ki bandi ke Sayuli yeni o bijua Jonatan kuli kpe.6ojawaalo den guani ki ŋmiani o, nden se Giliboa juali yuli po, ki nua Sayula ba ñii o kpaali po, yeni ki nua ke ti toateli yeni bitanjaba ki den foagi ban nando. 7wan den ŋmadi ki ki laa nni o den yini nni n den ŋmiano ki yedi mini ne.8o den buali nni ki yedi a tie n ŋme yo? n den goa ki ŋmiano n tie Amaleki yua. 9o den yedi nni lanwani ŋan nagini ki kpa nni kelima n nunga banbiga cuo nni, ba ke n da ye yeni limiali. 10n den nagini o kani ki kpa o, n den bani ke wan gbali maama po ke o kan suagi ki yaa ye, n den ñani o badi fogiliga yaaga n den ye o yuli po. yeni o biana o nugi po, n taa li kuli ki cuani fini n daano kani.11Dafidi den cuo wani o ba yaa tiadi ki dadi ki padi, yaaba n ye yeno kuli mo den tieni nani wan tieni maama yeni. 12bi den ye yeni mi kuuma pabiicianli hali o dajuagu, kelima Sayula yeni o bijua Joanatan yeni Li Miali daano niba po. yeni Isalele yaaba diegu po, kelima bi den gbali ki ba ke bi ku ba yeni ki jugisiega. 13dafidi den yedi yaa jawaalo n cuani o po yi labaali yeni a tie li po yua yo? o den yedi n tie caano yaa biga Amaleki yua.14dafidi den yedi li ga lede ke ŋaa den pia o jejiegu ki tandi a nugu Li Miali daano ngagidi yua po, ki kpa o. 15Dafidi den yini bi siiga nni niyendo ki yedi o, nagini ki kpa o, li joa den pua Amaleki yua ke o kpe. 16Dafidi den yedi ke o soama n guani ki ba o yuli po. kelima a ñoabu maadi ki tuogi yeni fini aba, kelima a yedi n den kpa Li Miali daano n gagidi yua.17diidi Dafidi n den ñani yaa ku yani Sayula yeni o bijua Joanatan po. 18ki den teni li lanbonli ke ban bangi Juda bila, li tie li dabanli yaa yanbu, bi den diani la biniteginkaaba kadaagu nni. 19Isalele toatieba gbali ki ba ki kpe li juali yuli po. li galedeke laa jakoanda gbali ki ba ki kpe yeni ?. 20ban da waani li labaali Gadi, ŋan da cedi li labaali n yayadi Asikalono nni, ke Felisita yaa jafanba n dati mangi bi pala li po, ki yaa jie ke laa jifola bisiaba n da ti yedi ke bipaadi.21fini Giliboa juali mangu n da go baa a po ki buali taaga, ki buali yaa kuani yaa bon londi ciala n baa ti tua apada paabu ! kelima lan kane ke a Jakoanda gbankoandi ba Sayula gbankoandigu, ke mikpagagidi kaama sedi lan kani. 22o liiga yaaba n duoli sdoama n wuli naakani, o liiga yaa jakoanda n cie kpama n ba naakani, Joanatan dabanli yaali n ki den suligi ki doa puoli, yeni Sayula jugisiega yaaga n kan yen guani fanma.23Sayula yeni Joanatan yaaba n den bua yaba, ki tie yaaba n bua bi yaba ban ye ki fo yaa yoginu. ba mikuuma njni baa paadi yeni bi yaba, bi den jaligi ki cie li fenfenli bi den pa ki cie li yangbanbili. 24Isalele jafanba mua mani Sayula po wani yua n den yiendi yi yaa tiadi n moani ki ŋani, yua n den tiendi wula ki maandi yi tiadi po, ke li ŋani.25li gaa lede ke laa jakoanda ba butoabu nni ki kpe yeni ? li ga lede ke Joanatan ba a juana nni ki kpe nande ? . 26li koani nni fini Joanata n nunjoa po, a buama n po den pia mi ñuadima ki cie bi puoba yaa buama. 27li tieni lede ke a jakoandiciama ba ki kpe yeni ? li ga lede ki bi toatiadi bodi ? .
Chapter 2
1li puoli po Dafidi den buali Li Miali daano ki yedi min do ki gedi Juda dogi nni docianyendu nni ? Li Miali daano den ŋmiano ki yedi do, Dafidi den yedi n baa do ki gedi le ? Li Miali daano den ŋmiano Hebilon. 2Dafidi ki doni ki gedi yeni o denpuoba bani bonbilie, Akinuama Jisiyeli yua ,yeni Abigayili Kameli yua n den tie Nabali pua. 3Dafidi den teni ke yaaba n den ye yeno den doni ki yegi yeno, yua kuli yeni o diegu yeni bi den kali kali Hebilon dociamu nni.4Juda jaba den cua o kani ki gagido ke wan yaa tie o bado Juda diegu po. bi den waani Dafidi ke li tie Jabesi yaa niba yaaba n tie Galaati yaaba bani n den piini Sayula : 5Dafidi den soani otondu Jabesi yaaba po. bani yaaba n ye Galaadi nni, ki den yediba Li Miali daano n yadi o yedi ŋanma yi po, kelima yi waani mi ŋanma Sayula po, yin den piini yi canba yua po.6Moala ke Li miali daano tieni o ŋanma yeni o teginma n po.n moko baa tieni yi po yaala n ŋani. kelima yin den tieni yaala yaa po. 7ke yi nugi n yaa paagidi ki pugidi, ki tua jadanba kelima yi canba Sayula kpe, li tie mine ke Juda diegu yaaba gagidi nni ke min yaa tie bi bado.8ki sua li yogu, Neeli bijua Abineeli yua n den tie Sayula toatieba yudaano, den ta Isiiboseti ki teni ke o tagini ki pendi Manayima nni. 9ki gandi ki dino li bali Galaadi yaaba po. yeni Gesuudi yaaba po, yeni Jesiriyeli yaaba po, yeni Efilayima yeni Benjamina yaala n tie Isalele yaaba kuli po.10Sayula Bijua Isiiboseti den pia bina piina yaa yogunu ke o den tua Isalele yaaba bado, o den yendiba binalie, Juda yaaba bebe n den se ki tuugi yeni Dafidi. 11yaa yoginu ke Dafidi den yeni Juda diegu Hebilon nni. li den tie bina lele yeni ŋaali luoba.12Neeli Bijua ABineeli, yeni Sayula bijua, Isiiboseti niba den ñani Manayima ki cuoni Gabayono po. 13Tiseruja bijua Joaba yeni Dafidi niba moko den cindi ki cuoni, bi den cendi bi yaba Gabayono ñinsanu kani, bi den sedi bine den se li naa ñinduoli bi ne ne po yaa ñinduoli ! .14Abineeli den yedi Joaba ke bi jawaaba n fii ki tuogi bi yaba ti nintuali nni ! Joaba den guano ke ban fii. 15bi den fii ki cuoni ki togidi yaba ke bi coali kuli de, piiga n niba lie Benjamina yaaba po, yaaba n ye Isiibosedi po, piiga n niba lie Dafidi yaa niba po.16yua kuli den cuo wan baa koani yeni yua yeni yuli ki muu o logima nni ke bi kuli den taani ki ba ki kpe. bi den puni lan kaanu yaa yeli Heli katitasurimu (lan tie ti tanciandi kaanu) li den nagi yeni Gabayono. 17lan daali toabu den bia, Dafidi niba den pua ki paadi Abineeli yeni Isalele yaaba.18Li kani den pia Tiseruja bijaba ni ta, Joaba , Abisayili, A sayeli, Asayeli taana den yua nani o muagu nni pialo yene. 19o denŋuadi Abineeli ki kanjadi ganu ki buali jienu.20Abineeli den noanli o puoli po , ki yedi nani li tie fine Asayeli, o denŋmiano ki yedi li tie mine. 21ABineeli den guano ki yedi; guani ganu bi jienu ki cuo bijawaaba siiga ŋan ba yua, ki kpa ki ta wan pia yaala, ama Asayeli ki den bua ki lebidi ki ŋaa o.22ABineeli go den yedi Asayeli, lebidi ki ña n puoli po, ki ŋaa nni be yaa po ke baa pua ki kpa ŋa ki tinga ne po ? yeni n baa ti tieni lede ki suagi ki yugidi n nunga a yualo Joaba nintuali. 23Asayeli den yie ke o kan lebidi ki ŋaa o, li yaa po ke ABineeli den taa o kpaanli joma ki muu otuguni ke o kpaanli den ban ñani o puoli po, o den ba ki kpe likani li kani, yaaba kuli n den pundi Asayeli n den ba ki kpe naankani den yen sedi.24Joaba yeni Abisayili den suagi ki ŋoa ABineeli uyieniu den kua yaa yoginu ke bi den pundiAmima kunu yuu n tuoli yeni Giyasi Gabayono fanpienma po. 25lan yen waamu Bejamina bila den cua ki taani ABineeli kani ke li tie nani gbananyendi bi den sedi li juali yuli po.26ABineeli den yini Joaba ki yedi: ki jugisiega li baa suagi ki yaa bolindi ki kan cedi ? naani a ki bani ke li baa tua pabiicianli li juodima ? hali be yogu ne a baa waagi ki kan yedi biniba ke ban cedi ki da go ŋuadi ki beli bi kpiiba?. 27joaba den goa ki ŋmiano hali UTienu yua n fo po ! a yaa bi maadi binba kan cedi ki kan yaa ŋoa ki beli bikpiiba hali o siŋaagu.28Joaba den piebi o naatunli binba kuli den sedi ki kaa go den ŋuadi ki beli Isalele yaaba, baa den suagi ki baa yaa pua ki kpaanba. 29ABineeli yeni o niba den cuoni ñamungu mifanpienma nni, bi den duodi Judana, ki tagi ki pendi Bitiron, ki pundi Mahanayina30Joaba den cedi ki kaa go beli ABineeli ki guani ki taani biniba kuli, o den la dafidi yaa niba nni ke piiga n niyendo n ki ye, yeni ASayeli. 31AMa Dafidi yaa niba den pua ki kpa Benjamina yaa niba yeni ABineeli po yaa niba kobita n piiluoba. 32bi den tugi Asayeli ki ban piino o boali ka kula nni Betelema, Joaba yeni o niba den tieni ñamungu ki cuoni o yienu n den pudi yaa yogunu bi den pundi Hebilon.
Chapter 3otoabu deen waagi ki ye Sayula yaa diegu yeni dafidi yaa diegu nni, Dafidi den baadi o paalu ki pugidi ke Sayula yaa diegu mo den tadigidi ki pugidi.
2Dafidi n den mali yaa bila Hebilon, wan den cia ki mali yua Amino o na Asinuama, Jisiyeli yua. 3ki biliega den tie Kilabi, Abigayili Nabali pua Kalimeli yua n den mali opo yua ki bitaaga den tie ABisalon Gesuli Talimayi bado bisalo Maaka n den mali o po yua.4o binaaga Adonija Agiti n den mali yua, o bijamuulo , Sefatia Abitaali n den mali yua. 5ki biluobiga, Jitidama, Dafidi pua Agila n den mali yua o po, bani n tie Dafidi n den mali yaa bila Ebilon.6yaayoginu ke o toabu den ye Sayula diegu yeni Dafidi yaa diegu siiga, Abineeli den se bonŋanla Sayula diegu po. 7ki sua Sayula den pia o ponabangu ke biyi o, Risitipa, Ayija bisalo, Isiibosedi den yedi ABineeli be yaa po ke a kua n ba po nanbangu kani.8Abineeli pali den beni boncianla Isiiboseti maama po, o den guano n tie sangbanyuli yo? ke n se juda po. n waani dine n ŋanmasayula diegu po, abaa diegu po, yeni o ninjaba yeni o danlinba po, ke n naa taa ba ki teni Dafidi nugu nni, yeni ke dine ke a baa kuli nni yeni o pua ne .9ke UTienu n wuli ABineeli po, wan soli yaala kuli n yaa tieni Dafidi po, Li Miali daano n den tieni yaa ñoapola Dafidi po. 10ki yedi ke o baa taa Sayula diegu ki puni o, ke o baa kaani Dafidi bali gbandi kpagu Isalele kuli po. yeni Juda po yeni ki cindi Dana ki ban pundi Beeli seeba. 11Isiboseti naa den fidi ki baa goa ki ŋmiani Abineeli maama ba kuli kelima o den jie o.12ABineeli den soani Dafidi po o tondu ki baa waano o mayedi kaama, ki yedi, ŋme n yeni midiema ? ŋan kuani o danligu yeni nni, diidi n nugu baa toda ŋanguani Isalele yaaba a kani. 13o den duano li ŋani ki tieni o danligu yema; ama n miada bonyenla lani n tie ke a kan baa ki le n nunga se a yaa kpendi ŋan cuani Sayula bisalo Mikali n kani.14eni Daidi den soani o tondu Sayula bijua Isiboseti po, teni npua Mikali min den pani yua yaa po Filisita yaaba punjodi kobiga ki den ta o, 15Isiboseti den ga o, ocalo Layisi bijua Palilieli kani. 16ocalo den ŋoa ki mua hali ki ban pundi bakurima kani, lani ABineeli den yedi o lebidi ki guani ki yaa ban ca o den lebidi ki gedi.17ABneeli den ban tieni o juogu yeni Isalele yaaba nikpela, ki yedi yi den bua hali yaa yogunu n pendi ki dini Dafidi wan tua yi bado. 18yin gando moala, kelima LiMiali daano den yedi: li tie yeni wani n naacemo Dafidi ke n baa faabi Isalele yaaba Filisita yaaba nugunu nni yeni bi yibalinba kuli.19ABineeli den maadi yeni Benjamina yaaba, yeni o den taa li maama ki gedi ki ban maadi Dafidi tubili nni, Hebilon po, Isalele yaaba yeni Benjamina yaaba kuli n taani ki cuo yaala. 20o den cua Dafidi kani ki yegi yeni jaba piilie, Dafidi den tieni mijaanjiema ABineeli po yeni yaaba n den yegi yeno po.21ABineeli den yedi Dafidi, n baa fii ki kuni ki ban taani Isalele yaaba fini n daano o bado po. bi baa kuani o danligu yema , a baa yendi bi kuli nani ŋanbua maama. Dafidi den cabi ABineli ke o gedi yeni mi yanduanma.22diidi ke laa waagi ke joaba yeni Dafidi niba den ñani otoabu po ki kpeni bi den cuani ti fagidi boncianla, ki sua ke ABineeli naaa go ye Hebilon Dafidi kan, kelima Dafidi den cabo ke o gedi yeni mi yanduanma. 23yaa yogunu ke joaba yeni otoacagili kuli den pundi, bi den waani Joaba Neeli bijua ABineeli maama, yeni wan cua o bado kani ke o cabo ke o guani ki kuni yeni mi yanduanma.24Joaba den kua o bado kani ki yedi o, atieni be nyeni, noanli ABineeli bi cua akani, bee yaa po yo ke a ŋaa ke o guani ki kuni. 25abani Neeli Bijua Abineeli po, li tie ke wanjanba yo ke o cua ki baa bandi acena n tie maama, yeni ki bandi n ŋan tie maama kuli. 26li yaa puoli Joaba den ñani Dafidi kani, o den soani atonda ABineeli fuuli nni ki ban nando Sila caali kani ki ŋmagidi ki guano; Dafidi ki den bani.27yaa yogunu ke Joaba goa ki cua Hebilon Joaba den ñano odiegu buliñoabu kani ki piadi yeno, nani o baa maadi yeno ŋasiili ba po yeni, lan kani o den muu o tugu nni ki kpa o, ki guano o waalo Asayeli kuuma panli.28Dafidi den suagi ki gbadi o den yedi ; li kan li tuo palip ke n kan yaa pia tagili neeli bijua ABineeli soama po. n yema kuli LI Miali daano nintuali. 29ke li soama n guani ki baa joaba yeni o ba diegiu po. ke lan da luo Joaba diegu nni yua n ña ti soabiidi, bi mi gbaadima, bi mo yua n baa gunba ki ñii o gbianu, yeni yua n baa kpe ki jugisiega, yeni yua n miadi ti jiedi. v 30li tie yene ke Joaba yeni A bisayi den kpa ABineeli , Kelima o den kpa bi waalo, Asayeli ban tieni yaa toabu gabayono po.31Dafidi den maadi Joaba yeni yaa niba n den ye yeno kuli; yin padi mani yi tiadi kiñaini ki yie yaa tiadi n saagi.ki mua ABineeli po, Dafidi wani o ba den cuoani o kukpagu puoli po. 32bi den piini ABieeli hebilon. o bado den kpaandi yeni ki buudi, ABineeli kakuli po. biniba kuli den buudi.33obado den yini ABineeli po yi kuyani, yeni o den yedi ABineeli abaa kpe yaa kuuma n tie nani o nikpalo yeni? . 34a nugi ki den luo, a taana mo ki den luo yeni kudi ! ke a nan ba nani yua n ba o nibiado nintuali nni yeni.35biniba kuli go den buudi ABineeli po, biniba kuli den nagini Dafidi kani ke wan baa jiedi ba ki di, hali ke o yienu daa kua ama dafidi den tieni li ñoapoli ki yedi: ke UTienu solindi kuli n jiidi o po li yaa tie ke o dini jiedi ba, ke o yienu ki kua. 36lanbonla kuli den doagidi ke biniba bandi la , ke o bado n tieni yaala ŋani.37biniba yeni Isalele yaaba kuli den gbadi ki bandi ke laa tie obado n cabi li ñoabonli ke neli bijua ABineli kuuma po. 38obado den yedi o naacenba;m yii bani ke yudaano yua n tie niciamo n ba dine Isalele yaaba siiga ki kpe? 39n baa ye otadigu nni ba ke n ba migagidima ki dini li bali; yaa niba n yene Tiseruja bila po, pa ki cie nni, Li Miali daano n guani ba bi bontienkaala pan paani.Chapter 4
1lani Sayula bijua den gbadi ke ABineeli kpe Hebilon, binugi ki den ye yeni paalu, Isalele den ye yeni o jejiegu. 2Sayula bijua den pia toatieyudanba lie: bi den yi yendo Baana o lielo Rikabi. bi den tie yilimoni bila, Beyoli dogu yaaba, Benjamina bila siiga nni yaba. kelima bi den nua Beyoli ke o tie Bejamina yaaba n yeni naakani. 3ke Beyoli yaaba den sani ban den ye Gilitayima ban den ye naakani ki ban tieni bi ye kaanu hali dine.4Sayula bijua Joanatan den pia o bijua yua yaa taana n ki pa, ke o pia bina mu, yayogunu ke o labaalo den ñani jisirayeli ki cua ke Sayula yeni o bijua Joana tan kuli kpe, o wubido den taa o ki siani nani wan den jaligi yeni, o den ba ki tua diamo, o den yi Mefiboseti.5ki sua yalimi bijaba Redikaba yeni baana ye Beyoli, bi den kua Isiboseti dieli nni li naali yogu ki sua ke o dua o yensigu o fuodikaanu. 6bi den kua hali o diegu siiga nani bi baa taa jiedi ba, yeni bi den muu o tugu nni lanwani Rekaba yeni o ninjoa den sani ki ciadi. 7bi den kpa o o diebili nni wan dua naai ki fuodi o duanu po. bi den pua ki kpa o, ki jia o yuli, ki taali bi den cuoni ñamungu mifa mifanpienma nni .8bi den tugi Isiboseti yuli ki cuanili Dafidi kani Hebilon. bi den maadi obado ki yedi noanli Isiboseti Sayula bijua a yibali yuli, yua n den bua ki ñani amiali, Li Miali daano guani Sayula yeni o buolu po bi bontienkaala, Fini n daano po. 9Dafidi den guani Rekaba yeni o waalo bani yilimonio bila yaaba n ñani Beyoli yeni, Li MIali daano wani yua n faabi nni mi kuuma kuli nni ye ki fo. 10yua n den cuani n kani ilabaali ki yedi Sayula kpe, ki tama ke labaaliŋanle ke o puni nni, n den cuo Tigila ki kpa o, ki den teni o o labaali paabau yeni panpaani.11yeni ke yaa nibiada n kua ki taani yaa nilo n tiegi o dieduan kaanu nni ki cuo o ki kpa, li baa tuo ke n kan guani laa nilo soama binugu nni. yeni ke n kan bolini laa niba ki tinga po?. 12Dafidi den teni li lanbonli oniba ke ban kpaba, bi den jia binugi yeni bi taana ki joanba o baagu jaali po, n Hebilon kani, bi den suagi ki taa aisiboseti yuli ki ban piini ABineeli kakuli nni Hebilon.
Chapter 5
1Isalele buoli kuli den cua Dafidi kani Hebilon. ki den yedi diidi ti tie akpaba yeni a gbandi. 2o yogunu cialu a den tie yua n cindi ki tie yua n den ñandi Isalele yaaba ki guandiba . Sayula n den tie bado yaa yogunu, Li Miali daano den maada ke a baa kpaa Isalele yaaba, ki tua bi yudaano.3yeni Isalele nikpela kuli den cua Hebilon obado kani, lani Dafidi den ieni o danligu yeni ba. Li Miali daano nintuali Hebilon kani. bi den wuli o po libali kpama ki gagido ke o tua Isalele yaaba kuli bado. 4Dafidi n den pia bina pii ta cyaa yogunu ke o den tua bado o den gobidi bina piina 5o en yendi ki gobidi Juda ki gobidi bina lele, yeni ŋmaali luoba, ki yendi ki gobidi Isalele yaaba yeni Juda yaaba bina piita nbina ta.6obado den cuoni Jelusalema ki baa tuogi otoabu yeni jebusa yaaba yaaba n ye li dogu nni, bi den maadi dafidi ki yedi a kan kua ne ba ajuama yeni atadima baa tudi ki guana, lani n bau ki maadi ke dafidi kan kua ne palip 7ama Dafidi den paadi siono kaanpaalu ke li tua Dafidi dogu.8laa daali Dafidi den yedi; yua n fidi ki pua ki paadi jebusa yaaba ki pundi hali o tiabu kani, yua n pua ajuama yeni a tadima ki paadi wani dafidi yibalinba yeni, li tie lani yaa po yo ke bi tua ajuama yeni a tadima kan kua o diegu nni. 9Dafidi den tieni li kani o kaan paalu ki yinu o dokaanjigu, o den maa ki cebi ki lindi ki cindi niin po yeni deni nni. 10Dafidi den yabidi ki pugidi pugidi ki tua niciamo, Li Miali daano otoabu Daano den ye yeno.11Tili bado Hirama den soani a tonda Dafidi kani, yeni ti daadi yeni yaaba n cie ti ciedi, yeni yaaba n kpie atana ban maa Dafidi po o diegu. 12Dafidi den guani ki bandi ke Li miali daano kaani o bali paalu, wan yaa tie Isalele yaaba bado, ki yugidi o yema kelima Isalele yaa niba po.13Dafidi go den taa ti ponanbandi yeni bi puoba Jelusalema nni, wan ñani Hebilon nni ki cua yaa puoli po, o go den mali ti bonjadi yeni ti bonpodi. 14diidi yaaba n den mali Jelusalema; Sikanimia, Sikobabi, Natan, Salimono, ` 15Jibali, Elisua, Nefegi, Jafia. 16Elisikama, , Eliada, yeni Elifeleti.17Felisita yaaba den gbadi ke bi gagidi Dafidi ke wan tua Isalele yaaba bado yeni bi den doni ki baa kpaano, bi den waani Dafidi ke o jiidi ki kua o kaan paalu nni. 18Filisita yaaba den cua ki ladi Refayima joaloandigu nni.19Dafidi den buali Li Miali daano ki yedi: Min do ki tuogi yeni Filisita yaaba ?, naani a baa taa ba ki teni n nugu nni, LI Miali daano den yedi Dafidi do n baa ta Filisita yaaba ki teni a nugu nni. 20Dafidi den cua ki balini Pekatisima, lan kane ke o den pua ki paadiba, o den yedi Li Miali daano, yadi n yibalinba n nintuali, li tie lane ki yini li kani Baali Peratisima. 21b i den ŋaa bi buli yeni Dafidi yeni o niba den tugiba.22filisita yaaba go den doni ki baa tuogi o, ki ladi Refayima joaloandigu. 23Dafidi den buali Li Miali daano, Li Miali daano den ŋmiano ŋan da do ki tuoli ba, ŋan guani bi puoli po, ki ban bali mili tiidi kani.24yaa yogunu ke a gbadi a taana sagimu ŋanjaligi, li tie Li Miali daano n cuoni Anintuali. ki baa tie otoabu yeni filisita yaaba toatieba. 25. Dafidi den tieni nani Li Miali daano n den puno li lanbonli maama, o den pua filisita yaaba ki cindi Geeba ki gedi hali Geeseri.
Chapter 6
1Dafidi go den taani Isalele yaaba siiga yaa toatieba pundi tuda piita. 2Dafidi yeni yaa nbiba n den ye yeno kuli, ki nagi okani, bi den cuoni ki cili baali - juda, ki baa ta ki duoni Li Miali daano danli kpagu, naankani ke bi yi wani Li Miali daano yeli, wani yua n ye Selunbaanba siiga yaaba nye o kpagu tanpoli.3bi den ta oUtienu danli kpagu ki den tieni teli gu nni, bi den taagu ABinadaba deni li juali po, Usa yeni ASijo den ŋmagidi teligu yeni. 4lan niba den ñangu ABinadaba deni li juali po. Usa den cuoni ki baali odanli kpagu, yeni Asijo den cuoni o danli kpagu liiga. 5Dafidi yenii isalele diegu yaaba den mangidi bi pala, Li Miali daano nintuali, yeni baantiadi bonciala. li den sua ke bi tugi Sipila yaa daadi ki tieni agangaana, ti kogidi, ki bayogimu, ki tieni ti kupanpandi ki taani ki poa.6ban den pundi Nakoni Jalu kani, inee den ŋadi ki baa ba, Usa den tandi ki baa cuogu ke kun da ba. 7Li Miali daano pali den fii Usa po, UTienu den pua o, kelima o tudima po, Usa den kpe. ki nagi yeni odanli kpagu.8Dafidi pali den fii Li Miali daano po, yeni wan waani Usa yaa mabili ki pua o, b yi lan kaanu hali dina Peresita Usa. 9lan daali Dafidi den jie Li Miali daano, yeni o den maadi, li baa tieni lede li Miali daano danli kpagu n kua ki yaa ye n kani.10o ki den bua ki taa Li Miali daano danli kpagu ki kuani odogu nni wani Dafidi n ye naankani, bi den gedini gu OBedi Edoma den po. 11Li Miali dano danli kpagu den tieni ŋmaali ta, Gati yua OBedi Edomi deni. li Miali daano den yadi o yedi ŋanma OBedi Edomi Yeni o deni yaaba kuli po.12b i den cua ki waani obado Dafidi, Li Miali daano seligi OBedi Edoma diegu. yeni yaa bonla n ye o kani kuli. kelima UTienu danlikpagu po. yeni Dafidi den fii ki cuoni ki baa ta UTienu danlikpagu, OBedi Edoma den po. ki baa cuani Dafidi n ye yaadogu nni yeni lipamancianli. 13yaaba n den bugi Li Miali daano danlikpagu yaa den yaagi tayaagidi luoba, bi den yen padi naatonli yeni naatonbili.14Dafidi den jeli yeni opaalu kuli Li Miali daano nintuali, o den lia ki ñagini o liadibiga. 15Dafidi yeni Isalele diegu yaaba den duoni Li Miali daano danlikpagu yeni yaa kpaandi n tie pamanli yeni li naatunli piebima.16yaa yogunu ke Li Miali daano danlikpagu den kua Dafidi kaanpaalu nni, Sayula bisalo Mikali den biini ki noanli li diebonli kani, ki la obado Dafidi yugi ki jeli Li Miali daano nintuali o den falo. o pali nni. 17wan den cuani Li Miali daano danlikpagu ki kuani ki siengu,, Dafidi n den ŋanbi gu po yaa jonli tugu nni. yeni dafidi den tieni a padijuukaana , yeni aaituondi pada li Miali daano po.18Dafidi n den tieni apadijuukaana yeni Ituondi ya pada, o den gaali ba, Li Miali daano yeli nni. 19o den boagidi lan nicianba kuli, Joa yeni pua kuli, Isalele yaaba siiga, ke nilo kuli den ga dupen yendo yeni nanjenli, yeni yaa kpano n tie atilonda yalai biniba kuli den kuni yua kuli o den po.20Dafidimo den guani o diegu po ki baa n gaali ba, yeni Sayula bisalo Mikali den ñani ki tuogo. ki maadi bee kpiagide ke fini Isalele yaaba Bado ba anaacenjaba yeni anaacenpuoba nunbina po ke li waani nani yaa joa n ki pia fuoma yeni.21dafidi ŋmiani Mikali, li tie kelima li Miali daano po , wani yua n gandi nni, ki ŋaa aba, yeni o diegu kuli, wani yua n kaani nni libali po. min yaa tie bado li Miali daano niba po, bani Isalele yaaba po, Li tie Li Miali dano nintuale ke n bi jela. 22n go baa tie yaa bonla n gundi ki cie, n ba jiini n ba, bi nunbina, ba yeni n baa ba li coalinli n nacenpuoba kani ŋan maadi yaaba yaa maama yeni. 23lani Sayula bisalo yeni ki den mali biga hali wan ban kpe.
Chapter 7
1yaayogunu ke Dafidi den ye o diegu ni, ke liMiali dano puno Mifuodima. wan den ga o,o nannanda yaba n kaa ki lindo. 2o den maadi Natan osawalipualo,diidi n maa yaa diegu n maa yeni Sedili daadi, ke UTienu danlikpagu nan ye ti gbandi jonli tugu nni.3Natan den goa ŋmiani obado gedi ki tieni nani ŋansua ke yaali n tuoli apali po, Li mIali daano ye yena, 4yaa ñiagu n den ŋoadi Li Miali daano den maadi yeni Natan. 5ŋan gedi ki maadi yeni n naacemo Dafidi; li Miali daano maadi yaa maama n yen ne, nani fini n baa maa n po odiegu ke min tieni n ye kaanu bii?6mii den ye diegu nni , ki cindi min denñani nIsalele yaba Ejipiti nni, ki ban pundi hali dine,n n den cuoni yeni ba ki ye ti gbandi dieli ne. 7min den yegi yeni bani Isalele bila naakani kuli, naani n den maadi sawali pualo ba li lanbonli, Isalele yaaba siiga nni min den yedi yaaba ke n baa kpa ki gobidiba, naani n den yedi bee yaa po yo ke yii ma n po diegu ?.8abaa maadi n naacemo dafidi Li Miali daano oToabu daano,maadi yaa mama n yene; n den ta ŋa o yan kpaakaanu kani ,, a yangoli puoli po, ke ŋan tua obado Isalele yaaba po. 9n den yegi yena ŋan den caa naankani kuli.n den bolini a nannanda kuli a nintuali ki teni ke ayeli ñani nani ki tinga nni yaa niciama yeni.10n den puni n niba Isalele yaaba o ye kaanu, n den ŋuuba ke ban yaa se ki pa, yeni bi kan yaa jegibi ke bi nibaidiba n da go manbidi ba, nani o yogun kpialu. 11yeni nani yaa yogunu ke n den gandi bi bujiaba n niba Isalele yaaba po.n gaa ŋa anananda kani, ki puna mi fuodima, yeni Li miali daano waani ke o baa tagi a po odiegu.12yeni li yaa tie ke amiali dana gbeni ke a duani, abaan ba duankaanu, yeni yaa puoli n ba fiini ŋan mali yaa biga a tugu nni, n baa teni obali n yaa ye ki pa. 13li baa tie wani n baa ma n po odiegu, n baa teni obali kpagili n yaa ye ki pa yogunu kuli po. 14n baa tie o po ba o mo baa tie n po bijua, li yaa tie ke o tieni yaala n bia n baa tundo yeni li lanbanli nani nilo n yen pua o bila maama.15ama n kan foagidi o kani n ŋanbili, nani min ñanli maama Sayula kani ke n den luno n nintuali nni. 16a diegu ni yeni abali gbandi baa ye yogunu kuli ki pa, abali kpagili baa ye yogunu kuli ki pa. 17Natan den tugi li maama yeni li lanbona kuli ki waani Dafidi.18lani obado Dafidi den fii ki gedi Li Miali daano kani, ki yedi n mo tie ŋme ke a n daano Li Miali daano, n diegu mo tie be, ke a ban teni ke n pundi hali ne? 19lan bonla kuli daa dagidi anunbina po, ke fini yua n die nni tie Li Miali daano, ke a maadi mini a naacemo diegu po yaa yogunu n kpendi, yeni a pundi ki bangi onilo ya bonla n yene, fini yua n die ki tie Li Miali daano. 20dafidi den maadi n go baa maadi be ki pugini, a bani mini anaacemo, fini yua n die ki tie Li Miali daano.21kelima amaadi nani apali n bua maama, a tieni yaa bonla n yabi ne kuli ki baa doagidi anaacemo po. 22Li Miali daano n Tienu n tieni nani wan yabi maama. o ba ki ye ki naani yena, laa pia tientoa fini li tie UTienu, yene tin den gbadi yaala yeni kuli tiega, 23naani li go pia ki tinga ne po yaaba n tie nani aniba nani Isalele yaaba, ke UTienu cua ki da ki faabiba, ki boginba ki teni ke bi tua aniba, ke bi yeli n yaa ye. ke wan tieni ki gbeni wan puni yaa sanu, adiema, lan tie mi banciama yeni sinankeene, ke a den deli mi diema yeni buli, aniba nintuali ŋan den da ki fabi yaaba Ejipiti nni.24o den teni ISalele yaaba se ki pa, ke ban yaa tie oniba yogunu kuli po, yeni fini Li Miali daano n yaa tie bi bado. 25moala fini Li Miali daano o Tienu ŋan maadi yaala anaacemo yeni o diegu , ŋan tieni nani amaama n yedi maama ban yaa ye hali yaa yogunu kuli. 26ke ayli n yaa baadi ti kpiagidi yogunu kuli, ke nilo nilo n maadi : Li Miali daano yua n die otoabu ki tie UTienu Isalele po, ke anaacemo Dafidi diegu n yaa se a nintuali ki pa.27kelima fini aba Li Miali daano, Isalele Tienu yua n tie toabu daano, a waani mini anaacemo ki yedi: n baa sieni adiegu, li tie lani yaa po , ke mini anaacemo ba lipapaali ki baa jaanda. 28moala n daano yau n tie oTienu Li Miali daano yeni amaama tie moamoani, awaani mini a naacemo laa ŋanma. 29lanwani ŋan yadi a yedi ŋanma a naacemo diegu po, ke kun baa ki yasa ye a nintuali yogunu kuli, kelima fini n daano Li miali daano n maadi, kelima a tieni a ŋanbili a naacemo diegu po yogunu kuli po.
Chapter 8
1li yaa puoli Dafidi den tieni otoabu yeni Filita yaaba yeni o den miidiba, oden ñani bi dociamu nni bi nugu nni li bali.2dafidi den paadi Moaba yaaba, ki den teni ke bi duani tinga po niba taa siiga o den kpa nilei , niba ta kuli siiga o den ŋaa niyendo yendo yeni li miali. o den teni ke bi pa Lonpo, i panpani.3Dafidi den paadi Tisoaba Bado Rehoba bijua Hadedeseli, yaa togu ke o den diedi Efilata kpenu ke utua wan die naakani. 4Dafidi den fie toateli tudili, yeni tanjagila tudalele, yeni taacenla tudapiilie.o den jia itaami kuli taa gada, ki ŋa yaaba n baa dadi ti toateliti bebe.5Sili yaaba den cua ki baa todi Tisoanba bado Hadadeseli dafidsi den paadi Sili yaaba toatieba tuda piilele. 6Dafidi den tieni otoabu Damasa Sili yaaba dogu nni, dafidi den die ba ki teni ke bi pa Lonpo, Li Miali daano den kubi dafidi wan den caa naan kani kuliu.7dafidi den ta yaa gbankoandi n tie wula, Hadadeseli naacenba kani ki kuni yeni la Jelusalema. 8Obado dafidi den ga ti kumoandi ke li yabi, Hadadeseli dociamu nni Betase , yeni Belotayima.9Hamate bado Toyi, den gbadi ke dafidi paadi Hadadeseli toatieba kuli. 10yeni wan fogido yeni Ada o den soani obijua jolama dafidi po, ki baa fuondo ki pagi a yeni wan fogidi yeno Hadadeseli ki paado, kelima Toyi den pia otoabu yeni Hadadeseli, Jolama den tugi iligi yeni ti kumoandi dafidi po.11Dafidi den gagidi li kuli Li Miali daano po, nani wan den ga yaa ligi yeni yaa wula, yaa diema ke o den paadiba kani. 12yaala n tie Sili po, yeni Moaba po, yei Amimoni bila kani, yeni Filisita yaaba kani, yeni Amaleki po, yeni ban den paadi ki ga yaala, ke o den baa Tisoaba bado Hadadeseli kani.13wan den paadi sili yaaba ki lebidi ki kpeni, dafidi yeli go den ñani wan den paadi Edoma yaaba yaaba n ye mi yaama Joaloangu nni, nibi piiga ntuda nii. 14o den tieni obianu Edoma nni, wan den tieni ibiani kuli Edoma nni. dafidi den diedi Edoma yaaba. li Miali daano den kubi Dafidi, wan den caa naankani kuli.15Dafidi den diedi Isalele yaaba kuli. o den tiendi yaala n tiegi yenii yaa bujiali n tiegi, biniba kuli po. 16Tiseruja bijua joaba den die bitoatieba Asiludi bijua Josafadi den tie obado soagindo. 17Asitubi bijua Tisadoki, yeni Abiataali, bijua Asimeleki den tie bisalayidikacianba, Selaja den tie o tidianlo. 18Johojada bijua benaja den tie keleti yaba yudaano, yeni Peleti yaaba Dafidi bijua den tie midiema koanbacianli.
Chapter 9
1dafidi den maadi: naani li go pia onilo sayula diegu nni ke min fidi ki tieno mi ŋanma kelima Joanatanpo. 2li den pia naacenyendo Sayuladiegu nni ke bi yi o, Tisiba , o den teni ke bi cuano wani Dafidi kani, obado den maado; fini ntie Tisiba o den ŋmiano mini n tie anaacemo,3obado go den yedi : naani lio go pia yaa nilo, Sayula diegu ni ke min tieni o po UTienu ŋanma. Tisiba den guani ki maadi obado: li pia o diamo otaalieda kuli. Joanatan biga. 4obado den buali o ye le/ tsiba den yedi obado o ye Lobeli Amimieli bijua makili den po.5obado den soani Atonda Amimieli bijua Makili deni ke ban kpaani o. 6Sayula bijua joanatan biga Mefiboseti den cua obado Dafidi kani, ki baa ki lanini o nunga po. yeni o den pugi o, Dafidi Dafidi den yedi Mefiboseti ! Oden ŋmiano diidi anaacemo.v 7 Daidi den maado ŋan da pia jejiegu ba, n baa tieni mi ŋanma , kelima aba Joanatan po, n baa guani Sayula tinga kuli aba , amo baa di yogunu kuli n saajekaanu kani. o den labini ki pugi ki yedi ; anaacemo tie ŋme ke a noanlo mini yua n tie nani osangbankpiemo yeni ?.v 9 obado den yini Tisiba o bado naacemo, ki den maado n guani ki teni acanba, bijua, Sayula n den die yaala wan yeni o diegu kuli. v 10 a baa ko opo li tinmu fini yeni abijaba yeni anaacenba, kli yaatandi li kuli acanba bila jiema po, Acanba Mefiboseti mo baa di n sa jekaanu kani, li den sua ke Tisiba pia piiga n bila mu yeni naacenba piilie.11o den maadi obado mini anaacemo baa tieni fini n daano n teni mini anaacemo li lanbonli yaali. yeni Mefibosedi den di obado kani nani obijaba siiga nni yua yeni. 12mefibosete den pia obijua ke o den tie jawaabiga, ki yiMaka yaaba kuli n den ye Tisiba diegu nni, den tie Mefiboseti naaceba, 13Mefiboseti den ye jelusalema. kelima o den di obado saajekaanu yogunu kuli, otalieda kuli den diana.
Chapter 10
1lani lanbona puoli po, Amimon bijaba siiga yua n den tua obado den kpe, ke obijua Hanuni den kali li balikpagili po, ki yendi ki ga o kaanu, 2Dafidi den maadi n baa wani n ŋanma Nacaali bijua, Hanuni po, nani o ba n den tieni n po maamayeni, dafidi den soani atonda ban bago o ba kuuma po, yaa yogunu ke Dafidi naacenba den pundi Amimon yaabili yeni dogu nni, 3Amimon buolu bila yudanba den maadi, bi canba Hanui, atama ke li tie ki kpiaga po yo ke , Dafidi soani okoanbala akani naani laa tie ki bandi odogu, ki diidi u, ki bolini ka keo soani akani o naacenba?.4lanwani Hanuni den cuo dafidi naacenba ki kuo bi langbina boagidima kii jia bikpataana hali ki pundi bipana . ki ŋaa ke bi kuni. 5dafidi den gbadi ki soani biniba ke ban tuogi ba. keliama li den lidiba, ke biye yeni ife boncianla, obado den yedi ke ban waanba ke ban sedi Jeliko hali bi langbiadi n pudi yo, yeni ban ji fidi ki kpeni.6Amimon bila n den la ban guani Dafidi tonda maama ki cabiba bi den bogini bi toatieba tudapiilie, Sili yeni Betiroba, yeni ataa cenda, sili yaaba n ye Tisoaba. Maaka bado mo yaa po toatieba tudili, Toba yaaba po toatieba tudapiiga. 7dafidi den baa li labaalo ki soani joaba yeni otoatieba yaaba n tie jakoanda bantuogi yeni ba. 8AMimon den ñani kio sedi tuli ki baa tuogi otoabu o buliñoabu kani, Tisoaba yaa Sili yaaba yeni Beroba yaaba yeni Toba yaa jaba, yeni Maaka yaaba bi den ye bi ba ikuani fuali nni.9Joaba n den la ke o baa tuogi onintuali nni yeni o puoli po o den gandi toacagi yenli Isalele nni, ki baa tuogi yeni Sili yaaba. 10oden teni owaalo Abisayi tugi bi yuli ki teno li lanbonli, yaniba n sieni mo wan tuogi yeni AMimon bila,11o den maadi li yaa tie ke sili yaba pa ki cie nni ŋan cua ki todi nni. li yaa tie ke Amimon yaaba mo pa ki cie ŋa n baa cua ki toda, 12ŋan yaa se ke li pa ki waani apapaali ti buolu niba po. yeni UTienu dogiciamu po. yeni LiMiali daano n tieni nani wan sua yaala n dagidi o po.13Joaba yeni o niba den suagi ki baa tuogi yeni sili yaaba,ke bi sani o nintuali. 14Ammon bila n den la yaa yogunu ke sili yaaba sani, bani moko den sani Abiyili nintuali. ki goa ki kua odogu nni, Joaba den fii ki foagidi yeni Ammon bila, ki guani Jelusalema.15Sili yaaba n den la ke Isalele yaaba pua otoabu ki padiba, bi den taani ki ba lipapaali. 16Hadaseli den soani ke ban cuani yaaba n ye okpenu duoli po, bi den cua ki pundi Helama ki pia Sobaki ke o tugi biyuli, ki tie Hadaseli toatieba yudaano.17bi den waani dafidi ke o taani Isalele yaba. kuli ki duodi Judana, ki cua Helama, Sili yaaba den bogini ki baa tuogi yeni Dafidi ki tieni otoabu. 18ama siiri yaaba den sani Isalele yaaba nintuali. Dafidi den kpa bicagili nni toatelidanba kobilele, yeni atanjagila tudapiina, o den pua bi toatieba yudaano ke o kpe lankane. 19Hadadeseli yeni yaa badiba n den la ke Isalele yaaba padiba bi den tieni Isalele yaaba yeni o danligu ke bi dieba, Yeni Siiri yaba kan den tuo ki biigi ke bi baa todi ANmon bila.
Chapter 11
1li binli yaabinli n baadi, yagounu ke bibatiebaa yen gedi otoabu, Dafidi den soan Joaba, yeni onaacenba, yeni Isalele yaaba kuli, ke ban blini ANmon bila, ke ban sedi ki tuogi yenba Roba, ama Dafidi den sedi Jelusalema.2dajoayengu Dafidi den fii o duankanu kani , nani wan den goadi o badi dietuadigu po yeni o den la o pua ke o wuu, o nunga den ŋani ŋanma. 3Dafidi den buali o pua yeni n tie yua, bi den yedi ke o tie Batiseba aEliaba bisalo, Etiti yua uli pua.4dafidi den soani biniba ban ban kpaano, o dee cua o kani o den duani yeno. wan den wuli ki ñani o joagidi,li puoli po oden guani o diegu nni. 5laa pua den pili ki soani ke ban daadi Dafidi n pili.6Dafidi den soani otondu joaba kani ki teni li lanbonli. ŋan soani Uli Etiti yua wan cua n kani, yeni joaba den soani Uli Dafidi po. 7Uli den cua Dafidi kani, o den buali Joaba n ye yeni maama, yeni biniba mo n ye yeni maama, yeni otoabu n tie maama li po. 8lanwani Dafidi den yedi Uli jiidi ki kua adiegiu po ki ban ŋuudi ataana. Uli den ñani obado diegu nni bi den ŋuano yeni o paabu.9ama Uli den dua o badi diegu Buliñoabu kani. wan yeni bi naacenba yeni bi canba, waa den jiidi ki kuni oden po. v 10bi den waani dafidi ke Uli naa den kuni, oden po, Dafidi den maadi Uli, a daa ñani sancenli ka be yaa po ke ŋaa kuni a den po. 11Uli den goa ŋmiani Dafidi UTienu danli kpagu yeni Isalele yaaba yeni juda yaaba kuli ye ajona nni, n daano yaaba yeni fini n daano naacenba kuli ye kuli ban ye otoabu kaanu li tuogili po. ama mini wani n kua n den po ki ñu ki je ki duani yeni n pua?12Dafidi den maadi yeni Uli go sedi ne dina saala n baa caba ŋan gedi, laa daali Uli go den sedi Jelusalema hali li siŋaagu, 13Dafidi den yino wan di ki go ñu o nintuali.yeni o den ñuni ki gaadi, yeni odajuagu Uli den ñani ki ban tani ki duani yeni o naacenba, yeni bi canba waa den kuni o den po.14lan den fii ki fa , dafidi den diani okadaagu joaba po, ki den soani Uli ke o kubi okadaagu yeni o nugu nni. 15okadaagu yeni nni den diani li ne, yin gedini Uli butoabu n bia naani ki lebidi ki sani ki ŋa o, ke ban pua o wan kpe.16joaba den cebi ki lindi odogu, ki sieni Uli naankani ke o tama ke yaa jakoanda n pia o paalu baa cua ki todo ki koani opo. 17odogu yeni ki tieni otoabu yeni joaba,, biniba siiga niba boncianla den kpe, yeni naacenba Heti yua Uli moko den kpe.18joaba den soani otondu ke ban ban waani Dafidi yaala kuli n tieeni otoabu nni, . 19o den teni li lanbonli otondo ke yaa yogunu ke o waano yaala ntieni kuli ki gbeni, 20li fidi o pali n fii wan yedi be yaa po ke yi ba nagini odgu ki baa tuogi otoabu, ? yii bani ke bi toa yi piemi oguongu tanpoli kandima.21be n den kpa Abimaleki Jelubesetite bijua,naani laa den tie ke pua ka den n den lugidi li naali bindicabili o guongu tanpoli naani waa den kpe Tibesiti dogu nni,? be yaa po ke yi den nagini odogu guonciangu ? lanwani ŋan maado a naacemo Uli moko kpe ? .22otondo den gedi: yeni wan den pundi o den waani Dafidi joaba n teno yaa lanbonli kuli. 23otondo den yedi laa niba baa ti ti den bi den ñani ki tuogi hali ti toacagili kali kaanbuoli kani, ti den guani ki beliba hali obuliñoabu kani.24adabantuada den toani ipiemi anaacenbaa o guogu tanpoli, fini obado niba boncianla kpe, anaacemo uli Hetiti yua moko kpe. 25Dafidi den yedi otondo noanli ŋan baa maadi joaba yaala, ŋan da cedi lanbonli yaa tienma n koana ki wudi agbanu, kelima ki jugisiega yen di yogunu ba ne po yaaa ka ne po, yin tuogi odogu yeni o paalu ki paadi ki lu u, a mo n paagi apali .26Uli pua den gbadi ocalo kuuma o den mua o calo po, 27li pabiidili n den pendi Dafidi den soani ke kpaano o po, yenin o den ga o, odeigu nni ke o tua o pua, o den mali o po bonjaga, Dafidi n frn tieni yaala ki den mangi Li Miali daano.
Chapter 12
1Li Miali daano den soani Natan Dafidi kani Natan den cua okani o den maadi yeno ki yedi: odogu den ye ke nibilie ye uniini nni ke yendoi den tie piado ki yendo mo tie luodo, 2ke o piadon yeni den pie ti yanbidi yeni ine, ke bi yabi boncianla, 3ke o luodo ki den pie li ba se pebiyenga bebe,. wan den da yaaga, oden dinga ke ki fandi yeni obial, ki den di wani oba yaa jiema , ki ñu wan ñu yaa ñima, ki dua o diueli nni, oden bugiga nani obiga yeni.4o san cenlo den cua ki cani opiado o piado ki den bua ki bua ki si o pe , ki buali one, ki baa ga o caano yua n ñani li sancenli ki cano odeni o den ta o luodo yaa pebiyenga ki den ŋanbi ojoa yua n den cua ki cano yeni . 5Dafidi pali den fii boncianla laa nilio po. Oden yedi Natan Li Miali daano ye ki fo yaa nilo n tieni yeni pundi ki kpe. 6o baa guani pe na li po yeni wan den tieni laa bonla, kaa gbadi mininñima.7Natan den yedi Dafidi fini n tie laa joa. Yeni Li Miali daano Isalele yaaba Tienu yedi n den gagida ki dina n den faaba Sayula nugu nni. 8n den teni ke a yendi a canba diegu, n den taa a canba puoba ki tieni a kani, n den puna Isalele yaaba diegu yeni Juda yaaba diegu, ba yeni lan kuli, yaa den wa a po , n den baa pugina.9lanwani be yaa po, ke a fali Li Miali daano, ki tieni yaa bonla n bia onubina po ? apua ki kpa Uli yeni ki jugisiega, ki taa o pua, wani a teni ANmon bila kpa o yeni ki jugisiega. 10moala ki jugi kan foagidi adiegu kani, kalima a faligi nni, kelima a taa Uri pua, Hetiti yua, pua ke o tua apua.11yeni Li Miali daano yedi diidi n baa ñani yaala n bia a diegu nni ki tuogi yena,. n baa ta a puocele anunbina po ki teni nitoa wan duani yenba ki yensiiga, ke biniba nua. 12kelima fini wani wuone kii tieni, ama mini wani baa tienni la ke Isalele yaaba kuli nua. 13Dafidi den yedi Dafidi n tieni ti tuonbiadi, Li Miali daano po, Natan den yedi Dafidi Li Miali daano puna sugili a kan kpe.14` ama kelima ŋan tiueni yaa sugibiadi ti Li Miali daano nannanda kani ki tieni laa bonla ŋan mali yaa biga baa kpe. 15Natan den kuni den po Li MIali daano den pua Uri pua n den mali yaa biga Dafidi po, li yianu den bia boncianla.16Dafidi den miadi UTienu ki biga po, ki lou oñoabu, yaa yogunu ke o yen kua oniagu o yen dua ki tinga po. 17odiegu nikpela den yen tigino ke wan fii ki tinga po, ama waa yen bua ki fii, waa den di li ba yeni ba. 18li danleleeli ki biga den kpe. Dafidi naacenba den jie ke banwaano ke ki biga kpe. bi den tua diidi hali ki biga da fo, ti den maado waa den bua ki cengi ti. ti baa tieni lede ki waano ke ki biga kpe.? ogo baa waani oba falaboncianla.19Dafidi den la ke o nacenba maadi ke biniali ki ña, bi siga, o den bandi ke kibiga tie yua n kpe, o den maadi o naacenba ki biga kpe yo,? bio den ñmiano okpe. 20lani Dafidi den fii ki tiipo, ki wuli ki sogi mi kpama. ki lebidi otiadi ki gedi Li Miali daano diegu po. ki labini ki pugi o, wan den lebidi ki guani o den mia ke ban cuani opo mijiema, bi den puno ke o dini.21onaacenba den bualo ŋan tieni yaala ne bua ki yedi be,? yaa yogunu ke ki biga da fo a den luo ñoabu , ki buudi ke moala ke ki biga kpe ke a fi ki dini . 22o den gua ŋmianba, yaa yogunuke ki biga dafo n den luo oñoabu, ki jaani ki mua kelima , n den tua ŋme n bani LiMiali daano yaa kan gbadi opo mininñima ki biga n ciadi. 23moala ke biga kpe, be yaa po ke go baa luo buñoabu? naani n go baa fidi ki lebidi ki guano min wani baa gedi opo wani kan guani n kani.24Dafidi den baagi Batiseba opua, oden gedi o kani ki duani yeno, o den mali bonjaga ke bi yino Salimoano, ke Li Miali daano den bua o, 25o den ta o ki tieni osawalipualo nugu nni, Natan den puno yaa yeli den tie Jedija, kelima Li Miali daano pou.26Joaba yua n den cebi ki lindi Roba ANmon bila, o den paadi yaa doguni ke obado ye. 27o den soani atonda Dafidi kasni ki yedo, n tuogi Roba n n mali paadi miñima n ye yaa dogu nni. 28ŋan taani yaa niba n sieni ki cua ki tuogi odogu,. ŋan cuo u ki paadi ki diedi u, ke min da ti cuo ki paadi ki die u ke ti kpiagidi n tua n yaagi.29Dafidi den taani biniba kuli o den cuoni ki caa Roba; o den tuogi yenu ki diedi u ki tua canba. 30o den ñani li bali fogiliga bado yuili , ki kpiagu den pundi kilo piita. ki jabi ki kaalindi yeni yaa tana ŋani, bi den taaga ki cini Dafidi yuli po. o den baa odogu yeni nni li baali boncianla.31bi den ñani yaa niba n ye odogu yeni niini, ki teni ke bi suani yeni ti galijadi,, akpieda kudi yeni a yala, ki teni ke bi tiendi itankonkuomi ki puli. o den tieni odogu yeni yaaba yaaba n den ye, ANmoh bila kuli yeni, Dafidi den guani Jelusalema yeni oniba.
Chapter 13
1li yaa puoli po diidi yaala n den cua Dafidi bijua abisalomo po, o den piq o waalo ke bi yi o Tamala, o den ŋani boncianla. dafidi bijua Amino den bua o. 2Amino yama den yagi hali ke o den yiagi kelima o waalo Tamala po., kelima o den tie yua n daa bani joa, li den pa o po boncianla ke wan biigi ba yaala n wa nni ke wan bandi ke o bua o,3Amino den pia odanli ke o tie Semeya bijua, ki yi Joanadabi, ki tie Dafidi waalo wani Joanadabi den fani hali ŋanma. 4o den yedi bee yaa po yo ke daali kuli siŋaagu ali dondi ki pugidi, fini yua n tie badi biga anaa bau ki waani nni yaala yaa po,? Amino den goa ki ŋmiano n bau n ninjoa waalo Tamala yo.5Joanadabi den maado ŋanduani ki nagi ke a yia, li yaa tie ke o bado kua ki baa le ŋa ŋan maado : pani Tamala wan cua ki ŋanbi n po mi jiema ke n nua ki ga o nugu nni jiema. 6Amino den duani ki nangi ke o yia, o bado den cua ki baa le o, Amino den yedi obado, n mia nŋa ŋan puni n waalo tamala n cua ŋanbi npo kpano bonbilie n kani yeni min di onugunni jiema.7Dafidi den soani ban banyedi Tamala,o diegu liiga po, wan ye naan po, gedi a yualo dieli po ki ban ŋanbi opo mijiema, 8tamala den gedi Amino dieli po, o yualo n dua naan kani, o den taa mi yoma ki buuni ki ŋanbi kpano ki ŋaani. 9lan beni o den ŋaadi ki tieni otiagu nni. ki sieni onintuali nni ama Amino den yie ke o kan di, o den yeddi ñani mani biniba kuli biniba kuli den ñani. o kani.10lanwani Amino den yedi Tamala taa ti jiedi ki kuani n dieli liiga po. yeni ke min di a nugu nni, Tamala den ta wan den ŋanbi yaa kpano ki kuani li diebili nni, o yualo Amino po. 11nani wan den ta ki baa teno o ncuo o , ki yedo n waalo cua ki duani yeni nni. 12o den maado yen ka n yualo, ŋan da fiaginni ba, kelima baa tie yeni Isalele yaaba siiga. ŋan de tieni laa tuogundili.13n baa gedi le yeni I fe ? fini mo a baa tua cacagin nilo Isale yaaba siiga. moala min mia ŋa yaala tie ŋan maadi obado o kan yie apo ke min tua apua. 14ama waa den bua ki cengi o den tieno o paal;u ki dua yeno ki biido.15li puoli po Amina yama denñani o niinni hali bonciala, ke li pa ki cie wan den bua o maama, o den yedo fii ki gedi! 16o den maado ŋan da pugini ki baa deli nni akani. yeni yaa bonbiala ke a tieni nni. 17waa den bua ki cengo, o den yini yaa jaba n tuuni opo, ki yedi ñani o pua ne n kani, ki gedino niinpo ki luoni o buliñoabu.18oden pia yaa gaaliciangu n ŋma ŋmadi ki ñoalini, kelima li den tie obadi bisiaba nden yie yaa tiadi yaa yogunu kuli ke baa bandi jaba. Amino naacemo den ñano niini po ki luoni o buliñoabu, 19Tamala den wuli oyuli po, mi fantanpienma ki dadi ki padi o gaaligu yaala n den doagidi ke waa bani joa. ki taa onugi ki tugi o yuli po ki kpaandi ki yigini ki banca.20O yualo Abisalo den maado Ayualo Amino bi ye yena yo? moala n waalo yaa ŋmini kelma o tie a yualo, ŋan da kubi lan bonla kuli boncianla apali nni. Tamala gbanu den wudi o den ye o yualo Abisalo diegu nni. 21obado Dafidi den gbadi lanbonla kuli ke o pali den beni boncianla. 22Abisalono naa den maadi Amino yaala ŋani bi yaala n bia, ama o den taa la ke tie namga . kelima o den biidi o waalo Tamala.23binalie n den pendi nani Abisalono n den bua ki moagi o pe kobidi baali hatisoli, ke li nagi yeni Efilayima, o den yini obado bila kuli. 24abisalono den gedi obado kani ki maado, diidi anaacemo bua ki moagidi ope kobidi, ke fini yeni a naacenba kuli n cua anaacemo kani.25oibado den yedi o bijua yen ka ti kuli kan gedi, ke tin da tua apo tugili, Abisalono den tigino ama obado ki den bua ki gedi, yeni o den gaalo. 26Abisalono den maadi lanwani ŋan nanpa ba Amino n yualo wani n nanciani nni, obado den yedi be yaa po ke o baa gedi apo?27Abisalono den tigini maama , den cedi ki cabi ke o gedi ke Mino yegi ki gedi yeni obijaba . 28Abisalono o naacenba li lanbonli. yin yaa faami Amino po, o yaa ñuni ke opali mangi kelima mi daama po, n yaa madi yi pua mani Amino yin pua o,maani ki da jie,. lanwani yin kpa o ki da jie li ba , naani mini ka teni li ñoabonli? yin yaa se ke li pa ki doagidi yi pa paali. 29Abisalono, naacenba den soani Amino nani Abisalono n den teno li ñoabonli maama, o bado bila yua kuli den jagini obuomo ki sani.30nani ban da den ye osanu nni olabaalo den pundi ke Abisalono kpa o bado bila kuli, ke ba yendo ki sieni, 31o bado den fii ki padi otiadi ki dua ki tinga po, onaacenba kuli den ye li kani ke bi tiadi kuli papadi.32Joanadabi Semeya bijua den ga mi maama ki maadi, n Daano n da tama ke fini obado bila biwaaba kuli kpe! li tie Abisalono n den cuo yaa jagili ki cindi yaa daali ke Amino biidi o waalo Tamala, 33ke fini obado n da yagi a yama ki laadi ki mabindi aba, yaa yantiali n tie ke fini obado bila kuli kpe ! kelima li tie Amino bebe n kpe.34Abisalono den sani ki sua ban den sieni yaa toatieguudo, den yaadi ki diidi ki la nicagili ke bi cuoni li juali po sanu, 35joanadabi den maadi obado diidi obado bila n kpendi yeni! li tua nani anaacemo n bi yedi maama. 36wan den li maadi ki gbeni diidi o bado bila den pundi, bi den yugidi bi niali ki kpaandi kii buudi n yeni o badso yeni onaacenba kuli, den wuli tininsiidi boncianla.37Abisalono den sani ki gedi Talimayi, Gesuli, bado Amihuli bijua kani, Dafidi den mua daali kuli o bijua po. 38Abisalono den ye Gesuli hali bina ta wan den sani ki gedi naankani. 39o bado den ŋaa kaa go ŋoa ki kpaani Abisalono, kelima o den ba ibaagi Amino kuuma po.
Chapter 14
1Tiseruja bijua joaba n den la ke obado pali soangi Abisalono po. 2o den soani ban kpaani Tekoa dogu nni yaa pua n pia o nunfanbu boncianla, o den maado ke wan doagidi ke o ye yani li pabiidi li ke o gbanu wudi ki la li pabiidili tiadi , ki da sogi kpama ki yaa tie nani yaa pua n buudi ke li waagi n mi kuuma po yeni. 3a baa gedi obado kani a baa maadi yaa maama n tiena buolu, joaba den teno yaa maama ke o baa maadi kuli.4Tekoa pua den gedi obado kani ki maadi yeno, o den baa tinga po ki pugi o, o denyedi o bado faabi nni, 5o bado den maado be n pia ŋa ? o den ŋmiano n tie kpepuoli n calo kpe ! 6n a naacenpua den pia bila lie, bani bonbalie den ye i kuani po ki koani, baa den pia yaaba n ye li kani ki baa paadi ba, yendo den pua ki kpa o lielo,7o diegu yaaba kuli den fii ki tuogi yeni a naacenpua, ki yedi se ŋan teni ti, onikpalo, yua n kpa oninjoa, ti bua ki kpa wan ñani o ninjoa yua yaa miali yeni po, ti bua ki bolino wani yua n tie o faajielo!, ke bi baa gbindi yaa mudaagu n sieni, ke bi kan ŋaa n calo yeli , n yaa suagi ki ye fo ki naa tinga po.8obado den yedi o pua kuni a den po n baa teni li ñoabonli li po. 9tekoa pua den maadi o bado. li tie n yaa po, Oo n daano, yeni n baa diegu po, ke li fala baa n po;o bado yeni o bali kali kaanu kuli kan yaa ye li mabili nni.10obado den yedi li yaa tie ke nio ba maadi maama, ki tuogi yena ŋan cuani li maama ne, o kan baa ki pundi ki sii ŋa , 11o den maadi ke bado n tiadi Li Miali daano UTienu po, ki yua n bua ki guani ibiadi panpaani n da n da pugini mi bolima, ke wan da bolini n bijua yeni, abiga yuboangu kan baa tinga po.12o pua den yedi puni mini a naacenpua fini n daano, n maadi fini obado, o den maadi. 13opua den , be yaa po, ke o pia yaa yantiali, n tiena, UTienu niba po, kelima mi maama ña ke ba fini o bado ki kaa tiadi yua n den tieni lan bonla. 14li tie Moamoani ke tin baa kpe yeni, ti baa tua nani yaa ñima n wuli ki tinga po, ki kani ti yaa naani li ba kuli, UTienu naa ñandi miali ama o sugini ke yua n sani ki ban wuoni, wan ye naani wan da bodi anintuali.15li yaa tie ke moala ke n cua ki maadi fini n daano lanbonla, li tie kelima biniba n jieni nni , yeni mini a naacenpua yedi: n baa maadi o bado, ke li fidi fini o bado n tieni mini a naacenpua n maadi yaala, 16ŋuh yeni o bado cengi mini a naacenpua, ki baa faabi mini yeni n bijua yua n tie UTienu faajielo, yaaba n kpaani ki bua ki bolini ti nugi nni. 17anaacenpua yedi fini n daano obado maama n puni nni mi fuoma, kelima fini obado tie nani UTienu maleki yene, ki bogini ki baa cengi yaala n ŋani yeni yaala n bia, ke Li Miali daano Utienu n yaa ye yena!.18obado den goa ki buali o pua ki yedo: ŋan da wuoni nni min baa buala yaala, yeni o pua den yedi fini n daano n maadi !. 19lanwani o bado den yedi : naani Joaba nugu ki ye ŋan maadi yaala kuli ne po, o pua den ŋmiano, li tie moamoani ke a nalinga ye ki fo, ho ! n daano laa pia ki gedi ganu bi jienu, fini n daano n yedi yaala kuli po, li tie moamoani ke a naacemo joaba n teni nni li lanbona kuli, wani n tieni li lanbona kuli fini a naacenpua ñoabu nni, 20li tie puni nni li ma guankaama lanbona ke Joaba teni ama n daano mo nan pia mi yanfuoma nani UTienu maleki yei ki fidi ki bandi yaala n tieni ki tinga po kuli.21obado den yedi joaba diidi n bua n baa tieni lanbonla,lanwani ŋan gedi ki guani ojawaalo Abisalono, 22joaba den baa ki tinga ki labini ki pugi ki gaali obado, yeni o den maadi anaacenmo bandi dine ke o baa li ŋanbili a nunbina po, hoo obado n daano kelima o bado tieni nani anaacemo n maadi maama.23Joaba den fii ki gedi Gesuri, yeni o den ban kpeni nni Abisalomi, jelusalema. 24ama obado den yedi ke wan gedi o dieli po ke wan da le o nunga, Abisalomi den gedi o deni ki naa la o bado nunga palip.25laa den pia yaa nilo yaa yeli nñani Isalele yaaba siiga u ŋamu po, kaa tie Abisalomi,ki cindi o taana ki ban pundi o yuli po waa den pia kuli poadima ba. 26binla kuli o yen kuo o yudi, kelima o yudi den kpiagi o po, o yudi kpiagu yen pundi sikili kilo kobilie o bado bonbiigi kaala po. 27Abisalomi den mali bonjala ta yeni bonpoyenga,k e o yi tamala,o den tie yua yaa nunga n ŋani ŋanma.28Abisalomi den ye hali binalie Jelusalema ki kaa la obado nunga. 29o den mia joaba ke wan cua wan soano obado kani. ama joaba naa den bua ki cua o kani, o den soani ke ban mia joaba wan cua waa den bua ki cua.30lanwani Abisalomi den yedi o naacenba diidi joaba kuanu nagi yeni nyaa kuanu, ke o daa duo o kpaangu gedi mani ki juu u, Abisalomi naacenba den gedi ki juu o kuanu, 31joaba den fii ki gedi Abisalomi diegu kani, ki yedi be yaa po yo ke a naacenba juu n kuanu ?.32Abisalomi den ŋmiano joaba diidi n den soani ban yina,ŋan cua ne, ke min soana o bado po, ke ŋan maado: be yaa po yo hali min ñani Gesuri ki kpeni naani li tie min yaa ba ki ye yeni yo ? n bua moala ki le o bado nunga , hali li pia biadima ba n niini ki pundi wan kpa nni wan kpa nni. 33Joaba den gedi obado kani ki waano laa bonla.yeni o bado den yini Abisalomi ke o cua o kani,ki labini ki tinga po ki pugi o nintuali nni, obado den bibi Abisalomi.
Chapter 15
1li yaa puoli po , Abisalomi den baa teligu, yengu yeni itaami yeni jaba piimu ke bi ye o liiga ki siani. 2o den yen faa ki fii o si ŋaapanpangu, kisedi o sanu nni, yeni li yaa tie nilo ba pia maama ba, ki caa o bado po, ki bua wan jia om po ti buudi, Abisalomi den yen yino ki bualo, ñani u laa buolu nne, yeni o dogu n tie yu, li nilo yaa ŋmiano, n tie Isalele diema nni yaa dogu n yena, yeni o naa buolu yua.3Abisalomi den yen maado, waani nni ŋan pia yaa maama n tie yaala, o yen yedi li ŋani ki go tiegi, ama o bado kani o ba kuli kan cenga, 4Abisalomi den tua ŋme n dini nni li bujiali bali, odogu nni ?. yaa nilo n pia maama ba yeni nitoa wan cua n kani min jia o po ti budi.5li yaa tie nilo nagini o kani ki baa pugo o yen tandi o nugu ki cuo o, ki bibo, 6Abisalomi den tiendi yene Isalele yaaba kuli po. yaaba kuli n den yen kpendi obado kani ki miadi wan jia bi po ti buudi bi po, A bisalomi den ŋmagidi Isalele yaaba ki guani o kani.7lan den pundi bina na, Abisalomi den gedi obado kani ki maadi yeno puni o sanu ke min gedi Ebilon ki ban kuani n ñoapoli, nani min den puoni Li Miali daano maama. 8kelima Anaacemo den tieni li ñoapoli wan den ye Gesuri Sili diema nni yaa yogunu n den yedi hali Li Miali daano guani nni Jelusalema, n baa soani Li Miali daano po.9O bado den yedi ŋan gedi yeni mi yanduanma. Abisalomi den fii yeni ki ban ca Ebilon. 10Abisalomi den soani atonda ŋasiili nni Isalele buoli kuli nni, ki baa waanba hali yaa yogunu ke yi gbadi li naatunli piebima yi baa maadi Abisalomi yendi Ebilon.11li den pia Jelusalema nni wan yini yaaba ke bi pundi niba kobilie,ke bi yegi yeni wani Abisalomi, bi den li ŋoado yeni payenli ki naa bani yaala. 12yaa yogunu ke Abisalomi den tiendi opada,o den soani atonda ke ban kpaani Giyoniti yua Akitofeli, Dafidi tundika, yeni o janbi boginli den baa o paalu,biniba den pugidi pugida hali boncianla Abisalomi kani.13niyendo den sani ki cua ki waani Dafidi,yeni o den maadi Isalele nibaŋmagidi ki guani Abisalomi po. 14ye4ni Dafidi den yedi yaa naacenba n ye yeno, Jelusalema, fii mani tin sani, kelima laa pia ti po ciadima, Abisalomi kani, jaligi mani tin gedi kelima li kan waagi, wan cua ki nandi ti, o baa luti fala nni ki pua o dogu yeni ki jugi manga. 15bi naacenba den yedi o bado a naacenba baa tieni ti daano n bua maama kuli.16o bado den ̄ñani o diegu yaaba kuli den ŋoado, ama o den ŋaa ponanbandi piiga, ban yaa guu o diegu, 17obado n den ñani biniba kuli den ŋua o, bi den sedi o diejuodikaagu. 18o naacenba kuli, yeni Keliti yaaba, yeni Peliti yaaba kuli, den balini ki pendi, yeni Gadi yaaba, yeni yaaba n den ñani Gadi ke ke bijaba den bua ki pundi niba kobiluoba, den pendi o bado kani.19obado den yedi Atayi Gadi yua, be yaa po yo ke a mo cua ki baa yegi yeni nni, guani yeni a baa ye yeni obado kelima a tie caano, ki go sua wonle ke dañani odogu po, 20wonle ke a da pundi, yeni ke dinla ke baa ta ŋa ki yaa wa, ne yeni ne po, ki sua mini n ba ki bani yaa yogunu ke n baa lebidi ki guani, yeni ŋan taa a kpiiba ban yegi yena, ke Li Miali daano n tieni apo ,mi ŋanma yeni miteginma.21Itayi den ŋmiani obado yeni ki maadi, Li Miali daano ye ki fo, ndaano bado ye ki fo, bado n baa ye naankani lan tie li miali bi mi kuuma, a naacemo moko baa ye lankane. 22, lanwani Dafidi den yedi, Itayi, gedi pendi, yeni Gadi yua Itayi den pendi, wan yeni o niba kuli, yeni yaa bila n den ye yeno kuili. 23lan ka lindima kuli den ye yeni imoe,boncianla, binba n den ki pendi yaa yogunu, obado den tagi ki pendi Sedili ñinsanu po wan yeni o niba kuli, ki tagi ki pendi yaa sanu n tuoli ki caa mifanpienma po.24Tisadogi moko den ye li kani, wan yeni Lefi buolu yaaba, yaaba n den tugi UTienu danli kuanu kpagu,Abiari den doni yaa yogunu ke biniba ñani ki gbeni odogu nni. 25Obado den yedi Tisadogi guani UTienu danligu ŋantaado odogu nni, li yaa tie ke ba li ŋanbili Li Miali daano nunbia po, o baa guani ki cuani nni , o baa teni min odanligu kpagu, yeni o ye kaanu, 26ama hali o yedi n pali ki go mani yena, diidi mini ne wan tieni nni nani wan sua maama n dagidi opo,27obado go den yedi osalayika Tisadogi, naani afidi ki gbadi?, ŋmagidi ki guani odogu po, fini yeni Abijua Asimatisi, yeni Abiatari bijua, Joanatan yinba yeni yi bilieda. 28diidi n baa ye mi fanpienman nni, ki guu hali hali o labaali paano n baa ña yi po ki cua n kani, 29yeni Tisadogi yeni Abitaari den guani ki tugi UTienu danli kpagu, ki gedi ki ban ye Jelusalema.30Dafidi den doni Olife triidi juali o den do ki buudi ki ŋoani o yuli, ki ncuoni taakpankpana, yaaba n den ye yeno kuli den ŋoagini bi yula yeni bi den do ki buudi, 31bi den cua ki waani Dafidi Akitofeli taani Abisalomi niba po. Dafidi den yedi ke UTienu n biani Akitofeli tundi fanma.32obado den pundi li juali yuli po, o den ba ki labini ki tinga po Li Miali daano nintuali nni ki pugo, noanli Husikayi, Arikayeni den cua o nintuali yeni yaa liadiciama n papadi, ke bi yula po pia o tangungu, 33Dafidi den maado li yaa tie ke oa cua ki baa yegi yeni nni a baa tie n po tugile,. 34yeni ŋantieni bontoama, ki biani Akitofeli tundi fanma n po, li yaa tie ke a lebidi ki guani odogu po, yeni ŋan maadi Abisalomi n baa tie anaacemo,o yogun kpialu n den tie a ba naacemo, ama moala n tie a yaa naacemo.35naani bisalayidikacianba ATisadogi yeni Abiatari kan yaa ye yena li keni ? ŋan baa gbadi yaala kuli obado diegu nni, ŋan waani, bisalayidikacianba, aTisadogi yeni Abiatari. 36nani ban ye li kani yeni bi bilieda yeni Tisadogi bijua Akimaatisi, yeni Abiatari bijua Joanatan. li tie yeni bane ke n baa ba ki bandi ŋan gbadi yaala kuli. 37lanwani Husikayi Dafidi danli den lebidi ki guani odogu po, Abisalomi den kua Jelusalema nni.
Chapter 16
1lanwani Dafidi den pendi li juali yuli po.diidi Tisiba mefibosedi naacemo,ki kubi ŋunbilie ki tugi ban kpiedi yaa daagu nni dupen, kobilie, ititalike bonluopnkaala bonkonkuoma kobiga,yeni bonluonkaala bonfiidi kobiga,yeni dimongu gbanyuaguyengu, 2obdo den yedi Tisiba abua ki tieni be yeni li ne kuli. Tisiba den guani ki ŋianu , iŋunbi baa tie fini obado diegu nni yaaba po li bonjaginkaala, dupen yeni li bonluonkaala baa tie ti jiedi ajawaba po yeni odamongu mo yaaba n coagi li fuali nni yaa po.3Bado den yedi acanba bijua ye le ?. Tisiba den ŋiani o bado,o sedi Jelusalema, kelima o yedi dine Isalele yaaba guani mi diema n ba. 4o bado den yedi : Tisiba diidi yaala ke Mefiboseti bi die kuli tie a yaala,Tisiba den yedi n labini ki pugi ki la li ŋanbili a nunbina po fini n daano obado,5Dafidi den puhali bakurimu, li kani ojoa den ñani Sayula cugili yaa diegu nni, ke bi yi o, Simeyi, Gela bijua, o den nagini ki maadi ki solini Dafidi. 6o den lugidi Dafidi atana yeni o bado naacenba kuli, ki sua biniba kuli, yeni obado jakoanda kuli den ka ki lindi dafidi,o bado ganu yeni ojienu kuli.7Simeyi den maadi nande ki solini ki tua: gedi gedi, yaa nilo n pia mi soama o nibiado ? 8Li miali daano guani ki wuli a po sayula diegu soama,lanwani a den die libalikali kaanu ama Li MIali daano ta mi diema ki puni ki teni abijua, Abisalomi, nugu nni,diidi a ji ye li mabili nni, naniŋan bi yaala n punda, kelima a tie soawulima nilo.9lanwani Tiseruja bijua den yedi obado,be yaa po yaa san gbankpiemo n tie maadi fini n daano o bado po n miaŋa ŋan cedi min gedi ki jia o yuli. 10n baa tieni be yeni yinba Tiseruja bijaba ? li yaa tie ke o solini nni li tie ke Li Miali daano n yedi soli n po, Dafidi, ŋme n baa fidi ki maadi ki yedi be yaa po yo ke a tieni nanda?11yeni Dafidi den yedi Abisayi yeni o naacenba kuli, noanli n bijua yua ke n malo yaa bua ki ñani n miali, li ji baa tie lede Benjamina buolu yua mo yaa po, cedi wan yaa solini nni, kelima Li Miali daano n yedi wan maadi. 12Li Miali daano ba diidi n mabili ki tieni n po yaala n ŋani yaa solindi n baa n po dine po.13Dafidi yeni o niba den suagi yeni bi cenli, yeni Simeyi den cuoni ojoaloangu tinga, ki baali Dafidi ki kuudi, ki ŋadi Dafidi ki lugido atana, ki yugindi otangungu tanpoli.v 14obado yeni oniba kuli den pundi Ajefima li kani bi den sedi ki fuodi.15Abisalomi yeni oniba kuli den kua Jelusalema nni. yeni A bisalomi den yegi yeni Akitofeli. 16Husisayi, yeni Arikieli Dafidi doanlinba n den pundi Abisalomi kani, yaa yogunu, bi den yedi obado n yaa ye ki fo o bado yaa ye ki fo.17yeni Abisalomi den yedi : Husayi, diidi ŋan pia yaa tugin ma, yeni a danli,! be yaa po ke ŋaa yegi yeni a danli ki gedi. 18Husayi den ŋmiani obado Abisalomi,li tie ke n bua ki yaa ye yeni yue ke Li Miali daano gandi, yei biniba kuli yeni Isalele yaaba kuli gandi. li tie yeni wane ke n baa ye.19bi mo n baa suani ŋme yaa po yo naani laa tie ojibua po kaa ? nani min den soani o baa po maama n baa suagi o bijua mo yaa po yene.v 2o Abisalomi den yedi : A kitofeli buali biniba ti baa tieni lede ? v 21 Akitofeli den yedi gedi ki dua yeni aba ponanbandi, a baa n den ŋaa yaaba ke bi guu odiegu, yeni Isalele yaaba kuli baa bandi ke a cabi aba, yeni yaa niba n ye yena kuli nugi ba paagi.22bi den tieni Abisalomi po li jonli odiegu tanpoli, yeni Abisalomi den gedi ki duani yeni o ba ponanbandi ke Isalele yaaba kuli nua. 23Akitofeli n den puuni yaa tundi li yogunu po, den pia libali nani yua n buali Li Miali daano ba yene, Akitofeli tundi kuli den tie yene. ke lan tie Dafidi po Bi Abisalomi po.
Chapter 17
1Akitofeli den yedi Abisalomi: cedi min gandi niba, piiga n tudalie, yeni n baa ŋoado dine ñiagu,. 2n baa ludo yaa yogunu ke o coagi ke o nugi tadigi, n baa jieno, yeni yaa niba n ye yeno kuli baa sani n baa pua ki kpa o bado bebe. 3n baa guani ki cuani binba kuli a kani; yaa nilo ke a bua wan kpe yaa kpe yaa niba n guani a kani kuli baa sedi ki yaa pa, yeni biniba kuli baa yaa ye yeni mi yanduanma. 4laa maama den mangi Abisalomi yeni Isalele yaaba nikpela kuli.5li yogunu Abisalomi den yedi : ban yini, Husisayi yeni Arikiyeli ke tin gbadi bani moko n baa maadi maama. 6Husisayi den cua Abisalomi kani, yeni Abisalomi den maado, noanli Akitofeli n maadi maama tin tieni yeni bii ? tin cedi fini a ba mo n maadi! 7Husisayi den ŋmiani obado: usanu ne wani Akitofeli n puni yaa tundi daa ŋani.8yeni Husisayi den yedi: a bani abaa n pia yaa jama. wan yeni oniba, bi ye yeni li pabiencianli nani yaa Ulisi ke bitaa o biga yene, a baa den tie Toa tiele o kan duani oñiagu yeni biniba, 9noanli moala o wuo buogu ba nni bi kaanu ba, yeni li yaa tie yeni hali micilima , ke nilo ba bi nugu nni, li kan waagi biniba n gbadi ke bi tua yaa niba n ŋoadi gbali ke bi paadi ba, 10lanwani yaa jakoanda n pia o paalu ki cie ki tie nani oyangbanlo yeni bi baa tuo ti jawaandi n jienba, kelima Isalele yaaba kuli bani ke a ba den tie jakoando ki go ye yeni lipapaali.11mini wani yaa tundi nne, ke Isalele yaaba kuli n taani akani, ki cindi Dana ki pundi Beriseba, ke liniwuligu n yaa yabi ki naani nani miñinciama jaali tanbiiba yeni, a mo n cuoni fini aba butoabu nni. 12ti baa pundi wan ye naankani kuli, ti baa le o, ti baa baa opo nani omangu yeni, ba yendo kan sani ki ciadi, ka lan tie yaaba n ye yeno kuli ba yendo kan ciadi.13li yaa tie ke o ñani ki ye Dociamu ba yaa niini, Isalele yaaba kuli baa ta ibaabi ki doali ki tudi li dociamu ti baa tudi ki lu li kuli ki kan ŋaa ba tanyenli. 14Abisalomi yeni Isalele yaaba kuli den yedi: Husisayi yeni Ariyeli yaaba tundi ŋani ki cie Akitofeli yaa tundi, li den tie ke Li Miali daano den jagi ke o baa biani Akitofeli tundi ŋanmi, ke wan cuani fala Abisalomi po.15Husisayi den maadi yeni bi salayidikacianba Tisadogi yeni Abiataari, ki yedi: Akitofeli puni Abisalomi yaa tundi n tie na, n mo tundi i naa tundi. 16moala ŋan soani ki ban waani Dafidi ki maado ke wan da duani mifanpienma nni, ŋan gedi naani n foa ki yaa pia o je jiegu ke o bado yeni yaaba n ye yeno kuli n da ti kua mi bolinma nni.17joanatan yeni Asimaatisi den se Enirogeli dogu kanio jafaano den cua ki waanba kelima bi kan den tuo ki kua odogu nni, 18o jawaalo den la ba ki ban waani Abisalomi, ama bani nilie yeni kuli den jaligi ki sani ki pundi Bakurimi, ki kua jayendo deni ke o pia licaali olojagu nni bi den jiidi ki kua lieni.19opua den ta li bon ŋoaginkaala ki pii licaali ñoabu, yeni o den ta wan fabidi yaala ki wuli li caali ñoabu yeni po. ki deni ke ban da ti kpaagi li ba li po. 20Abisalomi naacenba den kua o dienu nni, laapua kani ki yedi Asimaatisi yeni Joanatan ye le? o pua den goa ki ŋmian ba, bi tagi ki pendi oñisanu po, bi den kpaan ba ban kaa den la ba, bi den lebidi ki guani Jelusalema.21ban den guani ki kuni , Arimaatisi, yeni, Joanatan, den doni ki ñani li caali nni, ki ban waani obado Dafidi, bi den yedi: Dafidi fii mani tonma, ki jaligi ki duodi mi ñima, kelima Akitofeli tundi yaa tundi n tiena ki tuogi yeni yi. 22Dafidi yeni yaa niba n den ye yeno kuli den fii ki doni okpenu,osiŋaagu faama ki den pia ba niyendo yua n sieni ki kaa duodi judana.23Akitofeli n den la ke biniba kiŋoadi o tundi o den bogini ki jagini o ŋunbo, ki kuni oden po o baa dogu po. o den puni li lanbonli o diegu nni yaaba, ki gedi ki ban soadi oba, li tie yene ke o den kpe bi den bi den piino oba ka kuli nni.24Dafidi den pundi Manayima, Abisalomi den duodi Judana yeni Isalele yaaba kuli yaaba n den ye yeno, 25Abisalomi den tuni Amasa Bitoatieba yuli ki lebidi Joaba, Amasa den tie Isalele buolu yua ki tie ye tera, ki den taa abigayila Nahasi, bisalo, Joaba nawaali,. 26Isalele yaaba yeni Abisalomi den tieni bi kalikaanbuoli, Galati dogu nni.27Dafidi den pundi Manayima Sikobi Nahasi bijua Roba dogu Amimon bila, Makili Amimieli bijua, Lodabli yua yeni, yeni Bariselayi. yeni Galaati Rogelima, dogu yaaba. 28bi den cuani iduani , ti tiaciandi yeni yaa tiadi n tie tandi yeni ban ŋanbi yaa naa ŋanma bonkpaga, yeni Olije yenii tuuna, yeni yoma, yeni disagidi, yeni bonsagikatoala. 29yeni (ti tiadi ) ti siidi, yeni ipe biima, yeni Inañoe naaŋankpama, bi den cuani li kuli Dafidi kani yeni yaa niba n den ye yeno, ke ban baa ki je kelima bi den yedi: biniba ne la li coagili mi koma yeni o ñu ñuunu mi fanpienma nni.
Chapter 18
1Dafidi den taani yaa niba n den ye yeno,n o den gandi ki dini niba tudili yudanba yeni niba kobiga yu danba, 2o den tuni Joaba bitoatieba kuli yuli, ki den dini biniba boagidima cagili mo , Abisayi, Joaboaba waalo Tiseruja, mi boagidi liema Gati yua Itayi n yaa ŋmagidiba, obado den maadi mini moko baa ña ki yegi yeni yi.3ama biniba den yedi a kan ña ,li yaa tie ke ti lebidi ki sani, li ki tie tinba ka ke bi bua, ba li yaa tie ti siiga nni boagidima ba ki kpe, nilo kan tiadi lan moani maama, fini wani tie nani niba tuda piiga yene, yeni li pundi ŋan diidi ki baa dogu ba ki yaa ye, ke ŋan ti fidi ki cua ki todi ti. 4obado den yedi n baa tieni nani yin la ke maama n tuoli yi po.yeni o bado den sedi o buliñoabu kani, yaa yogunu ke biniba ña niba kobiga kobiga yeni niba tudili tudili.5o bado den teni li lanbonli Joaba Abisayi, yeni Atayi, yin pia yaa buama n po, yin tieni suo suo yni o jawaalo Abisalomi, biniba kuli den gbadi o bado n teni yaa lanbonli, bani yeni bi yudanba kuli yaala n tie Abisalomi po.6biniba den ñani i kuani nni ki baa tuogi yeni Isalele yaaba, otoabu den tieni Efilayima yaaba yaa fuali ne. 7li kani Dafidi naacenba den paadi Isalele yaaba, li daali mi gbalima den tieni ŋanma, ke totieba tuda iilie den ba ki kpe. 8otoabu den cebi bi ye kaani kuli li fuali n den di yaa niba den cie ki jugimanga n den di yaaba.9Dafidi niba den la Abisalomi , o den jagi o buomo o buomo den kua Telebinti tibu bena siiga yeni Abisalomi yudi den joani Telebinte tibu, o den juani tanpoli yeni ki tinga sinsiiga, yeni wan jagi yaa buomo den tagini santo. 10ni yendo den la o, ki cua ki yedi joaba: n la Abisalomi ke o juani telebinte. 11yeni joaba den yedi o joa yua puno o labaalo yeni, a bi la o, be yaa po ke ŋaa kpa o, li kani, n bi baa paŋa sikili bonbipiiga yeni o gbanñagidigu.12ama laa joa den madi joaba, li yaa tie ke a baa biigi n nugu nni sikili bonba tudili, n kan tandi nugu o bado bijua po; kelima ti kuli bi gbadi o bado n bi tena yaa lanbonli, fini yeni Abisayi yeni Itayi, ki maadi yaa faami mani o jawaalo Abisalomi po. 13yeni li yaa tie ke bi bigni ki baa biani o miali, li ba kuli kan bi wuoni nni o bado kani, yeni fini mo bi baa tuogi ki koani yeni nni.14joaba den maado: n kan yaa se a kani ! o den ta kpandakuondi lanbana ta , o nugu nni, ki muu Abisalomi ke o da juani telebinte po, ki da pia o miali. 15jawama piiga yaaba n den tugi joaba toatiadi den cebi ki lindi Abisalomi ki den kpa o.16Joaba den piebi li naa tunli biniba den lebidi ki ki cedi ki ki suagi ki beli Isalele yaaba, kelima joaba den yie bi po. 17bi den ta Abisalomi ki luno o buoñuangu nni, li fuali siiga, ki dogini tanconcianli o po, Isalele yaaba yua kuli den sani ki gedi o jonli po.18Abisalomi n den ye o den ma nannancianli, o bado joaloandigu nni, kelima o den maadi mii pia biga yua n baa ti yaa tiani n po ki kubi n yeli. o den yini li nannanli yeni wani o ba celi yeli, ke bi baa yi li hali dinla Abisalomi nannanli.19Akimaatise Tisadoki bijua den yedi cedi min sani ki ban puni obado li labaali manli, ke Li Miali daano guano dina mi teginma ki ga o, o yibalinba nugu nni, 20Joaba den ŋmiano laa tie fini n baa gedi nni i labaali dine, oa baa gedini dantianli, ama li kaa tie dine, kelima o bado bijua kpe.21joaba den yedi : Kusisi gedi ki ban waani o bado,ŋan la yaala, Kusisi den labini ki pugi joaba, yeni ki sani ki gedi, 22Tisadogi bijua Asimaatise, go den yedi joaba, ba ke li tua yeni ŋan cedi min sani ki ŋuani A Kusisi puoli joaba den yedi o, n bijua be yaa po ke abua ki sani ki c gedi ? laa tie yaa tondu n baa cuani a po yaala n ŋani. 23Akimaatise den den goa ki ŋmiano ba ke li tua yeni, n bua ki sani ki gedi , joaba den yedi sani ki gedi Akimaatise den den sani ki tagini yaa sanu n ye mi fanpienma po, yeni o den kua Kusisi liiga.24Dafidi den kaa bu buli ñoabu kani guonlieda siiga, o odguudo den gedi ki se o buliñoabu guonli tanpoli, o den yaadi ki noanli ki la, ki niyendo siani ki ki kpendi wani bebe, 25o doguudo den kpaandi ki waani o bado, o bado den yedi li yaa tie wani bebe, o baa pa labaali , yeni li joa den nagidi ki pugidi.26o doguudo go den la nitiano ke o siani o den kpaandi ki maadi yua n guu o buliñoabu, noanli nilo n go siani wani berbe ki kpendi o bado den yedi wani moko kpendi nni labaalae. 27o doguudo den yedi miin kpa la yua ke o siani wan siani maama naani nani Tisadogi bijua Akimaatise, yeni obado den yedi o tie yaa nilo n ŋani, o cuoni nni labaali manle.28Akimaatise den kpaandi ki maadi o bado: li bonla kuli ŋani, o den labini ki pugi o bado ke o nunga caa ki tinga po, o den yedi LI MIali daano n yadi o yedi ŋanma a po, o ta yaa nilo n fii ki tuoga yeni fini n daano ki teni ti. 29o bado den yedi o jawaalo Abisalomi pia laa fia ? Akimaatisi, den guani ki ŋmiani n den la biniba boncianla, yaa yogunu ke joaba soani o bado naacemo yeni mini a naacemo naa bandi lan tie maama. 30o bado den yedi kali ŋan ye naankani, yeni Akimaatise den se li kani.31Kusisi den pundi ki yedi : o bado n gaa li labaali manli, dinla LI Miali daano guani fini mi teginma, ki faaba yeni yaaba kui n den fii ki tuogi yena. 32o bado den yedi : Kusisi, o jawaalo Abisalomi pia laa fia ? Kusisi den guani kiŋmiano ke wan tua nani li jawaaalo fini o bado yibalinba yeni, yeni yaaba kuli n fii ki tuogi yena. ki baa tieni fini n daano mi biadima. 33lanwani o bado yama den ŋmadi o den doni o diebili tanpoli o buliñoaluodigu kani ki buudi, o den cuoni ki maadi ki tua,: N BIJUA, ABISALOMI , N BJUA ! Abisalomi ! ke min bi gaa a kaanu ki kpe ! Abisalomi n bijua n bijua !
Chapter 19
1bi den cua ki waani joaba noanli o bado mua ki ka lindi kelima o bijua Abisalomi po, 2laa daali koanpaadima den lebidi ki tua kuuma paboanli, laa daali biniba den gbadi ke o bado ye yeni li coagili kelima o bijua po.3lan daali liga biniba den wuoni ki kua o dogu nni nani ban ban paadi yaaba o toabu po, ke lebidi ki sani guani yeni I fe yene. 4o bado den pii o nunga ki kpaandi yeni o nialu, ki ji maadi N bijua Abisalomi Abisalomi, n bijua n bijua .5den kua o bado n den ye yaa diebili nni ki yedi, a cuani dinla a ŋmada, a naacenba, kuli nunga po, bani yaaba n faabi a miali yeni a bijaba, yeni abisiaba yeni a puoba, yeni a ponanbandi. 6a bua yaaba n nana ki nan nani yaaba n bua ŋa, kelima a waani dine ke laa pia a po yudaano bi naacemo, n la dine Abisalomi yaa bi ye ki fo, ke ti kuli nan kpe laa daali bi baa yaa ŋani a nunga po.7lanwani ŋan fii ki maadi ki duani a naacenba pala ! kelima n poli Li Miali daano kani hali a yaa ñani li kan sieni ba niyendo dine ñiagu ke o baa ye yena, li baa tie yaa bonbiadila n bia ki cie a po. ki cindi a jawaama ki ti cua halli dine. 8lanwani o bado den fii ki ñani ki kali o buli ñoabu kani, bi den waani biniba kuli diidi o bado ka o buliñoabu kani, biniba kuli den cua o bado kani
Chapter 20
1li den pia jayendo ke bi yi o, Seeba Bekidi bijua benjamina yua , o den piebi li naa tunli ki yedi : tii pia biinu yeni Dafidi, tii pia faali yeni Isayi Bijua, Isalele yaaba yua kuli n guani o jonli po. 2yeni Isalele yaaba yua kuli den foagidi yeni Dafidi. yeni BI den ŋoadi Bikidi bijua Seeba, ama juda yaa niba den sedi yeni mi teginma yeni bi bado, ki den yegi yeno ki cindi Juda na ki ban pundi jelusalema.3Dafidi den kua Jelusalema o diegu nni, o bado den taa ponanbandi piiga wan den ŋaa yaaba ke ban yaa guu o diegu, o den kuanba naankani ke bi baa yaa guuba, ki yaa puuniba yaala n dagidi,ama waa den kua bi kani, bi den lo hali bi kuuma, ki ye a kpepuona yema.4o bado den yedi ŋan yini ki taani n po biniba ne yeni dana ta, a mo n yaa ye li kani. 5Ama den gedi ki baan yini ki taani juda yaaba.ama o den waagi ki pendi o bado n den bili yaa yogunu.6lanwani o bado den maadi A bisayi, Bikidi bijua baa tieni ti moala yaala n bia ki cie Abisalomi, ŋan taa ba a canba naacenba, ki ŋoado, ki yaa faami ke wan da ti wuoni dogu ba yaa niini ti nuni po. 7Abisayi den fii ki gedi ki ŋoadi joaba wan yeni keliti yaaba yeni yeni Peleti yaaba, yeni ajakoandiciamakuli, den ñani jelusalema ki baa ŋoadi Bikidi bijua Seeba.8yaa yogunu ke bi pundi Gaba on tanciangu kani Amasa den pundi bi kani, Joaba den yie o jugisiega ki ñagini yeni wani o ba yaa tiadi o den ñagini o tiadi ke o juga yeo tuagu nni, naani ke ki ŋandi ki tabi , nani joaba n den togido yeni.9joaba den yedi Amasa a pia laa fia ? n ninjoa o den taa o nugi jienu ki cuo AMasa langbiali ki bibo, yeni, 10aaaaaaaAma ki den faami yaa juga n ye o nugu nni, joaba den muu o tugu nni, ki ñani o nuadi ki wuli ki tinga po, yeni AMasa den kpe, Joaba yeni o waalo Abisayi den cuoni ki ŋua Seeba Bikidi.11joaba niba siiga yendo den sedi Amasa kani, o den maadi ŋme n bua joaba , ŋme n taa Dafidi po, wan ŋoadi joaba ! 12Amasa den bilini misoama nni o sanu nni, yaa nilo kuli n den la den yen sedi, ki tudi Amasa ki ñano sanu ki kuano u kuanu nni, ki lu o po o tiayiekaagu wan den la ke yaaba kuli n den yen pundi o kani den yen sedi. 13wan den ñano o sanu nni yaa yoogunu, yua kuli den ŋoadi joaba, ke ban fidi ki ŋoadi Bikidi bijua Seeba.14joaba den tagi ki tuoli ki poandi Abelibeti Maaka. yeni bi toatieba kuli den taani ki ŋoadi o, 15bi den cebi ki lindi o dogu ABelibeti Maaka, dogu nni, bi den fii o dogu guonli ki pundi yaa faanma n tuugi o guonciangu joaba yeni o niba kuli den baa o guongu ki cindi ki baa lu gu 16lanwani yaa pua n pia mi yama ki fani den kpaandi o dogu nni, ki maasd: cengi mani cengi mani n mia ŋa joaba nagini hali ne n bua ki maadi yena.17o den nagini o kani, o den maado fini n tie joaba o den ŋmiano mini n tie o den guano n cenga, 18o den yedi yaa yogunu n pendi puoli po bi den maani ki maadi tin bu Beli , li kuli yen juodi ki ŋani, 19u tie yaa dogu n pia mi yanduanma, ki go tiegi Isalele nni, yeni ke a kpaani ki bolini yaa dogu n tie na! be yaa po ke a bua ki bolini Li Miali daano faali.20joaba den guani ki ŋmiano foagidi n kani yeni yaa yantiali n tie ki bolini! 21laa bonla ki tie yeni ka ama li tie yaa joa n ye Efilayima juali nni ki yi Seeba, Bikidi bijua,wani n yugidi o nugi ki tuogi yeni o bado Dafidi taa wan ba ba ki teni nni n baa foagidi yeni o dogu o pua den yedi diidi o yuili baa kandi o guongu ki ba. v o pua yeni den gedi biniba kuli kani yeni mi yan fuoma, 22yeni bi den jani Bikidi bijua Seeba yuili, ki lunli joaba kani, joaba den piebi li naatunli bi den yadi ki ŋaa o guongu, yeni yua kuli den guani o gbandieli po. joaba den guani jelusalema o bado po.23joaba dn ŋmagidi Isalele toacaga kuli, ke johojada bijua Benaaja den tugi kelititi yaaba yeni Peleti yaaba yuli. 24Adolama den gaani Lohpo, Asiludi bijua josafati den tie o tundi ka. 25Seja den tie o gbandianlo, ke Tisadoki yeni Abiatari den tie bi salayidikacianba. 26yeni jayila yua Ira den tie Dafidi koabacianli, mi diema po.
Chapter 21
1Dafidi yogunu mi koma den tieni ki waagi hali bina ta. Dafidi den lingi li Miali daano nunga, yeni Li Miali daano den yedi li tie kelima Sayula yeni o diegu yaaba soama po yo, kelima o den bua ki bolini Gabayono yaaba.2o bado den yini Gabayono yaaba ki maadi yeni ba, Gabayono, yaaba ki den kua Isalele bila yaaba siiga, palpe A mola yaaba yaaba n den sieni , ke Isalele yaaba den kuani o danligu ñoapoli, ama ba yeni Sayula den bua ki poaba yeni wan den pia yaa yan koacianli Isalele bila po, yeni juda yaaba po. 3Dafidi den maadi: Gabayono yaaba n baa fidi ki tieni yi po be ? yeni be n baa tieni li padili, ke yin yadi yi yedi ŋanma Li Miali daano faali po.4gabayono yaaba den goa ŋmiano laa tie ti po yaa bualibu n tie yeni ligi, yenin wula ka, yeni Sayula yeni o diegu po, yeni laa tie yeni tin ka ke tin kpa Isalele yaaba siiga nilo ba lani o bado den yedi yi nan bua min tieni yi po be ?.5bi den ŋmiani o bado , kelima laa joa den bua bolini ti.o den pia li yan jagili ki baa bolini ti, ki duuni ki ñan ti Isalele tinmu kuli nni. 6ban taa o bila siiga niba lele ki teni ti, yeni yeni tin joaniba ti daadi po, Gibeya Sayula dogu nni, Li Miali daano nintuali, Li Miali daano n gandi yaaba siiga, yenin o bado den yediba n baa taaba ki teni yi.7o bado den paadi ki ñani mefiboseti joanatan bijua, Sayula yaabili kelima yaa ñoapoli ke Dafidi yeni joanatan Sayula bijua den tieni Li Miali daano nintuali po. 8ama o bado den ta Aja bisalo Ritisipa bilieda, wan den mali sayula po yaaba, . Arimoni yeni Mefibosedi, yeni Malabi bila bila mu Sayula bisiaba n den mali yaaba Adieyeli po, mahala kani Baliselayi bijaba. 9o den taa ba ki teni Gabayono yaaba nugu nni, bi den joani ba ti daadi po, li juali po, Li Miali daano nintuali, bi kuli den taani ki kpe, bi den kpe o ŋmakpialo dan kpiali , ban cindi olije cema yaa yogunu.10Aja bisalo den taa o kpaliopiagu ki tandio ki ŋoagini ba o tangu po, ki cindi olije cema yogunu ki ban pundi tanpoli po taaga n baa ba bi po yaa yogunu, li den pigini ke tanpoli bonyugidi n da nagini bi kani o yensiinu o ñiagu mo ti fuayandi n da cua bi kani, 11Bi den waani o bado Risitipa Aja bisalo n tieni yaala Sayula ponanbangu12Dafidi den gedi ki baa ta Sayula yeni o bijua Joanatan kpaba, galaati yaaba yaa ba n den ye Jabesi, den gedi ki joandi ba, Filisita yaaba n den kpa Sayula Giboa po, ki joandiba Beti sikani naani. 13bi den ta li kani joanatan kpaba yeni o bijua Joana tan ya, bi go den taani ki ta ban den joani yaaba moko yaa kpaba.14bi den piini Sayula kpaba yeni o bijua joanatan yaa kpaba, Sela Bejamina dogu nni, Sayula ba Kisi kakula kaanu, bi den tieni nani o bado n den teni ba li lanbonli maama, li puoli po O Tienu pali den jiidi o dogu po.15Filisita yaaba go den tieni o toabu yeni Isalele yaaba, Dafidi den jiidi yeni o naacenba, ki den tuogi o toabu yeni Filisita naacenba, Dafidi den coagi, 16yeni Jisibibenobi Rafa bijaba siiga yendo, den baa li yantiali ki baa kpa Dafidi, o den pia li kpaanli ke li tie ku moadi, ke li kpiagu pundi sikili bon biigi kaala kobita, ki ñaagi o jugimanga, 17Abisayi Tiseruja bijua den cua ki todi Dafidi, ki den pua ki ku filisita yua yeni, lani Dafidi niba den tieni li nñoapoli, ke Dafidi kan go ña ki yegi yeni ba otoabu, ke ŋan da ti gbindi Isalele nni figidisanga.18li yaa puoli po o toabu go den tieni Gobi yeni Filisita yaaba lanwani Sibibelikayi, yeni yusihatiti, den kpa Rafa bila bonbilele. 19o toabu go den tieni Gobi yeni Filisita yaaba po, yeni Elisama, Jaade Oliguma bijua Betelema yua den kpa Goliyati, yua n den pia yaa kpandaagu n tie nani o lugindaagu yeni.20o toabu go den tieni Gati dogu nni, yaa joa n foagi ki pia nugibila luobi luoba, ki pia taatanbila luobi luoba. wani mo den ñani Rafa buolu nni. 21o den kpaani li koanli yeni Isalele yaaba, SiSimeya bijua joanatan Dafidi waalo den ku o. 22laa ninaadiba den tie Rafa bijaba, Gati yaaba, Dafidi nugu den pua ki kpaba yeni o naacenba yaa nugi.
Chapter 22
1Dafidi den maadi yeni Li MIali daano ki yiini o yanbu, yaa yogunu ke Li Miali daano den gaa o, o yobalinaba nugu nni, 2o den yedi Li Miali daano tie n tangu, yeni n kaan paalu yeni n gaa ka.3OTienu tie n tangu min baa wuoni naankani, n gbankoandigu yeni n paalu yuu n ciadi ni, yaa fuodi kaanu n kpedi yeni li wuonkaanu, a den gaani yaala n bia nni, 4n den kpaandi ti pagidi n tua Li Miali daano yaala, yeni n tua yau n faabi yeni n yibalinba.5kelima mi kuuma kpenu den gaani ki cebini, mi bolinma kpenciamu den teni ke n pia o jejiegu. 6li kakuli baabi den loli ki gaani nni, mi kuuma jancuadi den ludi nni.7n paboanli nni n den yini Li MIali daano, n den yini n Tienu o badi cugili nni o den gbadi n miabu, n yiini den pundi hali o tuba nni8ki tinga den jeligi, tanpoli tanpuuna den duni ki jeligi kelima o pali fii. 9i muñii den ña o miani nni, yaa mu n bolindi den ña o ñoabu nni, a mukuana den ña ki cuoni.10o denñuani Tanpoli ki jiidi, o den pie yaa tawaligu n kpiagi o taana tii po. 11o den jagi selunbaanba ki yugi, o den doagidi o fiabi nni o faalu, 12o den tieni li biigili o gbandieli ki lindiba, mi ñinciianma den ŋoagini ki mundo, yeni yaa tawaligu n biigi.13yaa mukuana n kpiagi den ye o liiga ki toa ki ña o mu, 14li Miali daano den maadi tanpoli, yua n kpedi ki cie den teni ke o nialu ñani ke biniba gbadi. 15o den toani i piemi ki yadi o yibalinba, ki taaga tianma den teni ke bi sani.16miñincianma den doagidi mi ba ki tinga tanpuuna den doagidi, kelima Li Miali daano n waani ma fala maama po, kelima o miani fawaama yaa fuugu po.17o den tandi o buagu tanpoli, ki dadi ki ñani nni mi ñincianma nni, 18o den ciadi nni yeni yaa yibalo n pa kani, yaa yibalinba n pia o paalu ki cie nni.19bi den ludi nni n pabienli daali ama Li Miali daano den tie minñii yua yaa po. 20o den piagi n ye kaanu ki faabi nni, kelima o bua nni, 21Li Miali daano den soani nani n teginma n den tie maama, o den guani nni nani n nugi n ki den pia joagindi maama po.22kelima n den coalini Li Miali daano sani, mii den pia tagiliciami NTienu po. 23o lanbona kuli den ye n nintuali, mii den ŋaa ayikoti n bili yaala.24n den tie ban kan kuli yua o kani, mii den kubi ki tuugi yeni n tagili a kani . 25yeni Li miali daano den guani nni n teginma n den tie maama nani min ki den pia joagindi maama o nuni po.26yeni yaa nilo n ŋani a yen wangi a ŋamu, yeni yua n tiegi a yen tiendi a teginma. 27yeni yua n ki pia joagindi a yen wangi a teginma, yeni binibodi kaaba mo a yeni tieni nani ban tie nibodikaaba maama.28a faabi yaaniba n jiini bi ba, yeni a nun nualima a jiini bi japaa danba, 29ŋun a tie n yenma, ho ! Li miali daano, , Li Miali daano yendi li biigili nni.30yeni fini n yen tudi ki lu li toacagili, yeni fini NTienu n yen kandi o guongu. 31OTienu sani kuli tiegi Li MIali daano maama biigi ki dagidi mi tie gbankoandigu yaaba n dugi mi po kuli.32kelima ŋma n tie OTienu li yaa tie LI Miali daano yaa ka, ŋma n tie ti tangu li yaa tie ti Tienu yaa ka? 33O Tienu tie n paalu naani n pa, ki gobidi nni yaa sanu n tiegi nni.34o teni ke taana jaligi nani o pialo yeni, o yugidi nni ki sieni nni yaa kaanu n kpedi po. 35o den soani yeni n nugi o toobu nni, yeni n nugi buadi den tandi tikumoandi dabanli.36o puni nni Ogbankoandigu tindima, n tua niciamo kelima o ŋanma po 37o piagi n taana n baa cuoni yaa sanu nni,n taana naa jaligi palipe,38n yen ŋoadi n yibalinba ki bolinba. mii yen guani ki kpeni kaa biaqni ba fanma. 39n fen biani ba fanma ki mudiba, ke kan go guani ki fii bi yen baa n taana tinga po.40loli n ciaga o paalu, a poali n yibalinba n kani tinga po. 41a yen teni n yibalinba n jigidi bi puoli ki teni nni, n nintuali n yen bolini yaaba n nani nni.42bi yen diidi bi gaani lindima bi kan la yua n baa gaa ba, bi kpaandi ki miadi Li miali daano waa ŋmiandi ba li ba. 43n yen mudiba ban dingi nani o tangungu yene, n yen mudiba ki yagidiba ki ŋmaa bi po nani o sanu nni mimidi yene.44a yen gaani n niba yaaba n koani yeni nni, a den kubini ke min ke min yaa tie yu daano, 45bi canba bila yaaba n janbidi nni yen tuo min cindi ki ñani yaa lanbonli. 46bi canba bila ye mi gbalima nni ki jegili, o kaan paalu dapuoli.47Li Miali daano n ya ye ki fuo, mi yedi ŋanma n tangu po, ke UTienu yua n tie n tangu n baa ti pagidi. 48yaa Tienu n guandi n yiblinba bi panpaani, ki yendi li niba. 49wani n ciadi nni n yibalinba nugi nni, a fiini nni ke n kpedi ki cie yaaba n koani yeni nni, a gaa nni o biado kani.50li tie lani yaa poe ke n baa kpiagida inibuoli siiga , ho Li Miali daano ! n baa yiini ki kpiagi a yeli. 51o tuo n fabicianma n cua o bado kani. o tieni mi ninñingbadima wan gandi yua po, wan yeni o puoliŋuani o yogunu kuli po.
Chapter 23
1noanli Isayi bijua Dafidi majuodi kaama yaa nilo yaa kaanu n kpedi. o jakoando O Tienu n gandi yua, yua n yiini yaa yani n mani Isalele yaaba siiga. 2LI Miali daano fuoŋanma den maadi nni. o maama ye n ñoabu nni.3Isalele yaaba Tienu maadi, Isalele yaaba tanciangu maadi, wani yua n die binba yeni mi teginma, wani yua n ŋmagidi yeni OTienu fangili. 4o naani yeni mi yenma o siŋaaga yaa yogunu ke o yienu ñani o yenma. yaa siŋaagu ke tawala ki ye, ki taaga puoli n o yentaana yen ñani ki tinga bonsoagila ŋamu.5naani laa tie yeni kaa n diegu po OTienu nintuali nintuali. kelima bi kuani yeni nni yaa danli taanu n kan gbeni. ke li bonla kuli sedi ki dagidi, yeni yaa paabu n gbie , yeni yaa guudima n dagidi ?.6ama binibiadiba tie nani yaa konkoni ke bi luni yi yeni, yeni, bi kan fidi ki taa yi yeni nugu. 7yua n sii la tie nani yua n sii ti kudi tiagu bi nani yua n sii li kpaanli dogu, yeni nilo baa juu la o mu lan ye naankani.8noanli yaa jakoanda n den suani Dafidi po yela: Josiseebi basisebeti yua, Takikemoniti, sojenba yudanba siiga yendo, yua n den taa o kpaanli ki yogi jaba kobinii ke bi den kpe yogi yenma.9o yaa puoli GDodo bijua Eliasala, o den tie jakoanda ta siiga nni yendo, ki den tuogi o toabu wani yeni Dafidi, filisita yaaba den taani ki tuogi o toabu ki sua ke Isalele yaaba ñani yaa kaani n kpedi po. 10o den pe ki kpaani filisita yaaba hali ke o nugu den ban coagi ke o jugi manga kan den fidi ki ña o nugu nni. laa daali Li Miali daano den tieni gaacianma, Eliasala tuonli puoli biniba den cua ki tugi wan den kpa yaaba n pia yaala bebe.11o yaa puoli Sisamima, Age bijua Hara yua, filita yaaba den taani Laki, li den pia atuuna kuanu, biniba kuli den siani Filisita yaaba nintuali. 12Sisamima den sedi o kuanu yeni nni ki guudu, ki kpoaani Filisita yaaba , Li MIali daano OTienu den tieni faabicianma. bi po.13biniba sdiiga nni jadanba ta den jiidi Dafidi kani o jetaagu yogu nnu, ke o ye Adulama tanlongu nni, yaa yogunu ke Filisita yaaba toacagili den cebi ki gaani lindi Rafayima joaloandigu. 14Dafidi den ye yaa kaanu n pa nni. li den pia filisita yaaba toacagili ke li ye Jelusalema.15Dafidi den baa mi yanbuama, yeni o den yedi ŋma n baaa puni nni Betelema buli ñoabu kani caali ñima, min ñu. 16lanwani laa jakoandi taadiba den poandi filisita yaaba toacagili nni , ki ban ñani Betelema buliñoabu kani caali ñima ki cua ki tenma Dafidi. ama waa den bua ki ño ma o den wulima Li Miali daano nintuali. 17o den maadi li foagi yeni nni, OoLi MIali daano, lanbonla yantiali ! naani n baa ñu yaaba n biani bi miana ki gedi soama,? yeni baa den bua ki ño noanli laa jakoanditaadiba n den tieni yaala.18Abisayi Tiseruja bijua joaba waalo den tie laa jataadiba siiga yua yendo,. o den taa o kpaanli ki yogi jaba kobita ki kpaba. o yeli den ñani binitaadiba yeni siiga. 19bi den coalino ki cie binitaadiba yeni siia, yeni o den rtua bi yudaano ama waa den pundi binitaadi kpiaba.20kabitiseli yaabili johhojadia bijua Benaja, o mo den baa o coalingu yeni ti pagidi laa tuona nni. o den pua ki kpa yangbanli lie Moaba po, o debn jiidi ki kua o buogu nni naankani ke o den pua ki kpa o yangbanlo ti waciandi daali. 21o den pua ki kpa Ejipiti yua yweni yaa nunfanbu n pia lidiga, ke o den pia li kpaanli o nugu ni ke o mo den jiidi ki tuogo yeni o gbianu ki den gaa ejipiti yua yeni kpaanli ki taali ki kpa o.22noanli johojada bijua Benaja n den tieni yaala o yeli den ñani binitaadiba yeni siiga. 23bi den fango ki cie binipiitqqbq yeni siiga nni, ama waa den pundi yaa nitaadsiba n den cindi. Daqfidi den dino o ŋasiili tundi ka.24joaba waalo Abisayeli nipiita yeni cagili nni yua, Dodo bijua Elisama Betelema yua. 25Sisamima Rodrodi yua, Elika Rorodi yua. 26Elisiti Peliti yua , Ekesisii Bijua Ira, Tekua yua. 27Abiesli, Anatodi yua, Husisa yua Mebinnayi. 28Tisalimoni, Akoasi yua, Maharayi, Natofa yua.29Baana bijua, Helebi, Natofa yua, Reboyin bijua, Itayi, Gebeya yua. Benjamina yaabili. 30Benaja, Piraton yua, Hidayio Nacaali, Gaasibi yua, 31Abialibon, Araba yua, Asimafiti Bakurimi yua, 32Eliasiba sisaalibon yua, Bene- jasisen jonatan.33Sisamioma Dara yua, Sisara bijua, Asiyama dara yua. 34Dasitibayi,bijua, Elifeleti nakatien bila, Akilofeli biga Eliami, Gilo yua, 35Hesisarayi karimeli yua, parayi Arabi yua, 36Natan bijua Siguali, Tekua yua, Bani Gati yua.37Tiseleki Amimoni yua, Naharayi Beroti yua, yua n den tugi Tiseruja bijua Joaba toatiadi. 38Ira jeteri yua, Garebi jeteri yua. 39yuri Etien yua, bi kuli taani ki tie piitaa niba lele.
Chapter 24
1li Miali daano pali go den beni Isalele yaaba po. ke o tuogi yeni ba, o den fiini Dafidi ke o tuogi yeni ba. ki maado gedi ki coadi Isalele yaaba yeni Juda yaaba. 2o bado den maadi joaba wan yua n den tie bi toa tieba yudaano, ki ye o kani , ŋan gaani Isalele buoli kuli nni ki cili Dana ki ban pundi Beeliseba, ki coadi biniba ke min bandi niba yeni n da maama.3joaba den yedi ke Li Miali daano n teni ke Isalele yaaba n pundi hali taalima kobiga, ki yabidi ki cie, ke fini n daano yua n die n la, ama be yaa pom ke fini n daano bua ki tieni laa bonla. 4o bado den baa ki se o lanbonli yeni nni, wan den teni yaala joaba, yeni, bitoatieba yudaano joaba yeni bi toatieba yudanba kuli den ñani, ki gedi ki baan coadi Isalele niba.5bi den kandi Judana ki kali Arayeli, Gadi dogu yuu n ye ojoaloadig siiga jienu po, ki nagi yeni jayeseeli. 6bi den gedi Galati yeni yaa dogi n yi Tasitimi- Hotisisii bi den gedi DanjaaNi yeni Sidoni gaanma kuli. 7bi den gedi Tili tinga banlu, yeni Hefe yaaba tinga nni kuli, yeni Kanana yaaba, ki ban juodi Juda nuganu Beliseebakani.8bi den gaani i dogi kuli ki ban pundi Jelusalema, o ŋma yialo dan piilie po. 9joaba den teni o bado li coali n da maama,; Isalele nni den pia jaba tuda kobi nii, yaaba n baa ta jugimanga o toabu po. yeni juda nni toatieba tudakobiga.10wan den tieni li coali puoli po Dafidi den gbadi ke o pali poa, yeni o den maadi n tieni ti tuonbii ciandi, yeni min tieni lanbonla, moala n daano nŋan puni sugili a naacemo tagili po, kelima n tieni li kuli nani nani o yanluo daano yeni.11li dan taali daali Li Miali daano maama den cua osawalipualo Gati kani ki maado yua n nua n bu Dafidi po, 12gedi ki maadi yeni Dafidi LI Miali daano maama, ŋan gandi maba ta ne siiga ŋan bua yaala ke min pua ŋa.13Gadi den gedi Dafidi kani ki teni ke o bandi laa bonla. ki maado a bua mikoma n yaa ye o dogu nni hali bina lele bi? bi ŋmaali ta ke a yibalinba ŋoa ki belilŋa ?, bi o yianbiadu n pua adogu dana ta ? moala gandi , ki noanli min baa goa ki ban ŋmiani yua n soani o tondu maama. 14Dafidi den guani ki ŋmiani Gadi n ye li paboancianli nni, ! ho ki ba LI Miali daano nugu nni kelima o pia mininñingbadima ke li yabi ama lani n cie ki ba binba yaa nugu nni.15liMiali daano den soani o yianbaidu puodi ko, Isalele nni ki cindi o siŋaagu ki banpundi lan bili yaa yogunu, yeini ki cindi Dana ki pundi Beliseeba, binba siiga jaba tuda piilele den kpe. 16Maleki den tsndi o nugu Jelusalema po,, ki baa bolinu, Li Miali daano den lebidi o yama yeni wan duani yaa biadima o den yedi Maleki yua n poa biniba yeni li dagidi! ŋan ñani a buagu, Li Miali daano Maleki yeni den se Ravima Jebusa yua jalu kani.17Dafidi den nua Maleki yua n den poa biniba yeni, ki yedi LI Miali daano n tieni ti tuonbiidi, Mini n tieni itagili, ama a pebila bani mo nan tieni be? ke a nugu n bi yaa ye mini yeni n baa diegu po.18li daali Gadi den cua Dafidi kani ki maado, do ki fiini li padibinli Li Miali daano po Aravima jebusa yua jalu kani 19Dafidi den doni nani gadi n den waano maama, ke li tie nani LI Miali daano n den teno li lanbonli maama. 20Aravina den noanli ki la o bado ke wan yeni o naacenba cuoni ki tuo o kani Aravina den ñani ki labini ki pugi o bado o nuntuali ke no nunga caa tinga po.21Aravina den maadi be yaa po ke n diero o bado cua a naacemo kani, Dafidi den ŋmiano li tie ki daa a kani o jalu ki maa li padibinbinli ki Li Miali daano po ke yaa mabili n ye n ña biniba po. 22Aravina den yedi Dafidi ke n diedo o bado n taa o jalu ki padi a pada yaala n mani o po, noanli i ne nne ban tua li padijuukaali, yeni teligu mo yeni yaala n puani puani mo n tua ti daadi . 23Aravina den puni li kuli o bado, yeni Aravina den maadi o bado Li Miali daano OTienu n tua yua yua n gaa a po, yeni ki nunmanga.24ama o bado den maadi Aravina yen ka n bua ki da yeni i lige, n kan padi LiMiali daano N Tienu po, yaa padijuukaali ke mi i biani li ba li po yeni Dafidi den da o jalu yeni i ne, yeni yaa ligi n pundi sikili piimu. 25Dafidi den ma li padibinbinli Li Miali daano po, o den tieni li padijuukaali yeni ituondi pada, lanwani LI Miali daano den jiini o yama o dogu po, yeni oyianbiadu den ñani Isalele yaaba po.
Nehemiah
Chapter 1
1NEhemi maama, Yakalia Bijua. yaa ŋmaalo n yi kilisi yaa niin nni, n bin piiliedi binli po, ke n ye Suse dociamu nni, 2Hanani n ninjaba siiga yendo den ñani juda diema nni ki cua. n den buali ba n ninjaba yaaba n den sieni Jelusalema ki ba mi faabima ti yonbidi po , n ye maama.3bi den goa ki yedi nni : ya niba n ñani ti yonbidi nni ki goa kpeni ye li kani yeni ofalaciamo yeni yaa fe n yabi ; Jelusalema guonciama kuli mudi ki omu dini o buliñoana.4min den gbadi laa maama n den kali , ki buudi, n den tieni dana boncianla ki ye yeni lipaboanli. ki luo oñoabu ki jaandi ki miadi UTienu yua ye Tanpoli, 5ki yedi o: li miali daano UTienu yua ye Tanpoli fini yua n yabi ki pia o jie jiegu , fini yua n kuandi ŋan den bili yaa ŋantaado yaaba n bua ŋa ki kubi a bali maama po ki go gba bi po mi ninñima,6cengi nni, a nuni n diidi nni: mini a naacemo n jaandi ki miada yaala moala , u yienu yeni o ñiagu , a naacenba Isalele yaaba biidi po , ki wangi ŋa Isalele tuonbiadi , tin den tieni a po yidi , kelima mini yeni n baa diegu yaaba kuli tieni ti tuonbiadi. 7ti tiena ti tuonbiadi , tii kubi palp li bali maama ŋan den diani yaama ki teni anaacemo Musa.8tiadi ŋan den teni anaacemo Musa ke wan yedi ti yaali nne. yi ya tieni ti tuonbiadi n baa yadi yi inilanbuoli siiga nni. 9ama yi yi yaa lebidi ki guani n kani , ki kubi n balimaama ki tiendi man yedi yaala , lanwani ba bi ya gedi ni yi ti yonbidi hali ŋanduna bianu, n baa ñani yi li po ki taani yi ki guani yi min den gandi yaa kaanu , ki bili ke yi baa yaa kpiadi n yeli naan kani .10bi tie anaacenba yeni abuolu , ŋan fidi ki da ki faabi yaa nibuolu yeni apaciamu . 11hain ! n yonbi daano , ŋan cengi a naacemo n jaadi ki miada yaala yeni anaacenba yaaba n bua ki jie Ayeli kuli n miada yaala ! teni mini anaacemo sanu n pendi dine ki go teni min ba gi nunmanga obado kani. laa yogunu po n den tie yua n tieni obado o bon ñokaala.
Chapter 2
1Obado Artalikisese bali binpiilieli po yaa ŋmaalo n yi Ninsan nani o duven n den se oBado nintuali ke n taa duve ki teni oBado. 2n ununga ki den kpeli biidi nani lan daali yeni OBado nintuali : OBado den buali nni: bee yaa po ke a biidi a nunga ? anaa yia wani; li fidi ke li tie apo pabiidile .ti jawaandi boncianla den cuo nni.3kin den ŋmiani o :̇ me OBado n yaa ye ki waagi ! li baa gaa lede ke n nunga kan biidi yaa yoginu ke n danba kakula n ye yaa dogu nni biidi ke umu dindini u buliñoana kuli ? .4OBado den maadi nni : a mia be? n den jaandi ki mia Tanpoli Tienu, 5n den goa ki yedi obado : a yaa diidi gi sua ke li dagidi a tuosoanlo yaa moani apo, soani nni Juda n danba kakula n ye yaa dogu nni, ke min guani ki maa u. 6li yoginu ke OBado ka yeni opua, o den maadi: a baa tieni yogini ŋa, a baa kpeni be yoginu ? OBado pali den mangi ke o cabi nni osanu, ke waani yaa yoginu ke n baa kpeni.7den yedi OBado : a yaa sua li dagidi apo, ŋan teni nni li tili ke n yaa pundi Guveneeli yua ye Ukpenpuoli, wan cabi nni osanu , ke min kua Juda. 8ki go puni nni li tili ke min teni a naacemo Asafi yua guu li fuali, ke wan puni nni yaa daadi n baa ŋanbi a buliñoana yeni udogu guonciagu yeni adiena yeni wan moano ngaa yaa diegu. obado den puni nni lan tila, kelima UTienu nuŋamu den maa npo.9min pundi yaa Guvelineeli n den ye ukpenpuoli kani, ke n teni o Obado tila yaali ke n den ga, yeni wan den yegini osoje gbenga yeni yaa tan jagila kuili . 10Sabala , Aroniti, yeni Tobija yua n den tie Amoninba tuonsoanlo n gbadi , bi pala den biidi hali boncianla yeni ban laa Isalele buolu yua kpaani li bonŋanla Isalele bidi kuli po,11min pundi Jelusama, nden tieni danata. 12li puoli po,n den fii gu ñiagu yeni nibiba kaa maadi o ba yeni UTienu n den tieni yaalan pali nni, ke min soani Jelusalema po, yanga ba kuli ki den ye n kani li yaa tie min da yaa yanga n yuli po ki baa jagi yaa ka,13n den fii oñiagu ki ta ojoaloangu yaa sanu, ki teli o bonfuodibiado yaa buliñoabu yua n tie imuñii, ke n ji maali Jelusalema buliñoana n cuo umu ki biidi maama. 14n den tagini ki balini yaa buliñoabu kuu yeni obado ñinbunli, mii den laa sanu naani ke n baa pendi yeni yaa yanga ke n den jagi opo.15n den fii o ñiagu ki tagini mi ñima n ye yaa sanu ki goa ki diidi gu guonciangu n den goa ki kua gu joaloangu buliñoabu kani kiguani den po 16bi bujiaba naa den bani min gedi yaa kaanu, ki buali min tieni yaala. li yogunu po, mii den pia min maadi jufinba yaala ki buali salayidikacianba, ki buali anigbenga, bi bujiaba, ki buali yaaba n den ŋmagidi atuona kuli.17n ji den maadiba: yi la tin ye fala nni, Jelusalema mudi umu mo dini obulñoana kuli !. cua mani tin guani ki maa, Jelusalema guonli, gi da ye i fe nni, 18ke n ji togidiba UTienu nuŋamu n den maa npo, yeni obado n den maadi nni yaala. bi den maadi: fii mani, tin maa ! bi pala den paagi yeni ban den cuo lan maama.19Sanbala, ORoniti, Tobija, Amoni tuonsoanlo , Gesemi, Larabu, n gbadi lan maama, ke bi la laati ki go nunditi. bi den maadi: yi tie be lan kani? yi yie obado maame bii?. 20n den goa ki ŋmianba : Tanpoli Tienu n baa tendi upaalu. tinba otuonsoanla, tin fiimani ki maa; ama yinba yii pia biinu, yii pia iko, bi kantiadi yi po Jelusalema dogu nni
Chapter 3
1Eliasibi osalayidi kaciamo den fii wani yeni o ninjaba bani bi salayidikaaba ki maa ipe buliñoabu bi den gagidibu ki den caani agana gi gagidi gi ŋanbi li guonli ki cili meya diefoagili ki ban pundi Hananeeli diefoagidili , 2Jeliko yaaba yeni Isimiri biga Sakuri den maa ki tugini Eliasibi kani,3Sena Bijaba den maa ijami buliñoabu ki yoagini ki pini ki caani gi luoni agana , ki tieni yaa daadi n poandi mi luonma po, 4URi Bijaba Hokotisi wani Merometi yaabili den soani ki ŋanbi gi maa gi tugini bi kani Belikia Bijaba Mesalami omo den tie Mesabeeli yaabili yeni Baana bijaba Sadoki bi mo den maa ki tugini bi yaa kani 5Tekoa dogu yaaba den ŋuani bani gi maa ama bi dogu yudanba den yie ke li tuonli yudanba kan ŋmagidi ba ban soani .6Pasa Bijua yeni Besodia Biga Mesulami den goa ki maa ki ŋanbi bu buliñoakpelibu gi pini gi caani agana gi tieni li bon luonkaala yeni yaa daadi n poandi mi luonma po, 7bi yaa puoli Gabaon yua Melatie Melonoti yua Yadon yeni Jatianba yaaba n ñani Gabaon yeni Misipa yaaba n ñani Gufeneeli n kaa naan po ukpen duoli po.8bi yaa puoli OMaano Usieli Hadaja Biga den maa gi tugini bi kani Hanania yua n ŋanbidi Tulale den maa ki ban pundi liguonli n piagi naankani bi tuonli den gbeni lankani Jelusalema. 9Refaya Uri bijua Jelusalema boagidima yudaano den maa gi tugini bi yaa ka 10bi yaa puoli Halumafi Bijua Yedaya den maa gi tugini bi yaa kani gi tuoli yeni o diegu Hasabini Bijua Hatusi mo den maa gi tugini o yaa kani11Harima Bijua Malikia yeni Pohati Moaba Bijua Hasubi den maa liguonjenli yeni mubuamu diefoagidili, 12Jelusalema boagidima yudaano Salumi Halosesi Bijua den maa gi tugini bi kani wan yeni o bisiaba .13Hanuni yeni Samoa dogu yaaba den maa yaa buliñoabu ke bi yi bu gu joaloandigu buliñoabu bi den maa gi caani agan luoda gi tieni ya daadi n poandi mi luonma po, gi ŋanbi li guoli nukpandunyenli gi ban pundi gi biliga buliñoabu.14Beti - Hakelemi dogu yudaano Malikiya Rekabi Bijua den maa gi biliga buli ñoabu o den maa gi caani agan luoda ki tieni li bonluonkaala yeni yaa daadi n poandi mi luonma po. 15Misipa dogu yudaano Salumi kolihose Bijua den maa li ñinbunli buliñoabu gi tieni agan luoda yeni ya daadi n poandi mi luonma po , o den guani gi ŋanbi yaa guonli n nagi yeni Silowe boangu Obado sadidinga yeni Dafidi dogu ŋmaa do kaanu siiga.16Asibuki Bijua Nehemi yua n den tie Betisuri dogu boagidima yudaano den maa gi tugini o yaa kani ki ban pundi Dafidi ka kulla kani nintuali ki ban pundi ban kpiidi yaa boangu kani ki go ban pundi obado guudi kaaba diegu kani, 17bi yaa puoli Lefi buolu yua den maa gi tugini o kani oyaa puoli Bani bijua Rehuma yeni keyila dogu boagidima yudaano Hasabia den soani o dogu po .18o yaa puoli o ninjaba Bab bayi yaaba Hanada bijua keyila dogu yudaano den maa ki tugini o yaa kani. 19Josue Bijua Eseli Misipa dogu yudaano yua n den maa li guonjenli ki gi tiegi yeni titoatiadi ŋmaa do kaanu aguona yeni gi lagidiga.20Sabayi bijua Baruki den paagi o ba ki maa guonjentoali ki tugini o yaa kani gi cili liguonli lagima kani ki ban pundi salayidikaciamo Eliasibi diegu, 21o yaa puoli hakotisi Bijua Uri Bijua Merimoti den maa guonjentoali gi cili Eliasibi diegu buliñoabu kani gi ban pundi o diegu bianu.22yaa salayidikacianba n den kaa gi nagi Jelusalema den maa gi tugini o yaa kani, 23bi yaa puoli Benjamina yeni Hasubi den maa guonjentoali gi tiegi yeni bi diedi Maaseya Bijua Asariya ki tie Hanania yaabili den maa ki tugini bi kani gi nagi yeni bi diegu 24o yaa puoli po , Hanadadi Bijua Binuyi den maa guonjentoali gi cindi Asariya diegu kani ki ban pundi a guona lagima kani.25Usayi Bijua palali den maa ki tuoli a guona lagima kani yaa diefoagili n kpedi gi cie ki ye obado diegu nintuali ki nagi dansaliga diegu luolu Pereyasi Bijua Pedaya den maa gi tugini o kani, 26UTienu Diegu naacenba dogu yaaba yaa ba n ye gi juaga po den maa gi ban pundi yaa diefoagidili n tuugi yeni li guonli ki tuoli mi ñima buliñoabu puoli po. 27bi yaa puoli Tekoa dogu yaaba , den maa guon jentoali gi tuoli yeni yaa diefoagidili n tuugi yeni yaa guonli n ban pundi ki juaga guonli kani.28ki cindi itaami buliñoabu tanpoli Salayidi kaaba den maa ke yua kuli tuoli o diegu 29bi yaa puoli Imeri Bijua Sadoki den tugini bi kani gi maa o dieu nintguali kani , puoli po yaa buliñoa guudo Sekania Bijua Semaya den tugini o kani gi maa. 30Selenia Bijua Hanania yeni Ti salafi bija luobilo Hanuni den maa guonjentoali ki tugini o yaa kani Belikia Bijua Mesulami mo den maa gi tugini bi yaa kani gi tuoli o dieli.31OMaano Melikiya den maa gi tugini o kani ki ban pundi UTienu diegu Nacenba yeni akpenda dieli kani ki tuoli Mefikodi buliñoabu ki ban pundi hali tanpodieli gondima kani 32bi maaba yeni akpenda den maa ki logidiga gondima kani yeni tanpodieli yeni ipe buliñoabu siiga.
Chapter 4
1yaa yoginu ke Sanbala den gbadi ki tinba jufinba guani ki ma u guonciangu o den bieni o pali, ki fiini limutuonli hali boncianla. 2o den sugidi jufinba ti sugidi, oninjaba leni Samaadi toatieba kani ki yedi: jufinba jandi jandi ki suani be yo ? ti baa cedi ban aa suani bii ? bi ba baa ki paadi bi ? bi nan kan fidi ki soani ki juodi wani ? li baa tie nani umu n juu yaa tana ke a tangbana dogidogini ki piina, ke bi goa gi baa faada bi ? 3amoani buolu yua Tobija den ye li kani omo den yedi: < ban yaa maa be ba nantantobili yaa doni ban maa yaa guonli yeni tana yeni po kuli o baa lu ŋa .4n den yaadi gi yedi : ti Tienu agbadi ban fali ti maama. cedi bi sugidi n guani ki guani gi jiidi bi yula po, cedi ban fii ke bontienkaala n gedini ba ti yonbidi. 5da tieni bi po sugili bi tuonbiadi po, da sundi bi biidi po, kelima bi sugidi tinba yaaba n maa gu guonciangu. 6ti den guani gi maa gu guonciangu yeni tin den maa ki gbeni ikaani kuli ki ban pundi o kpedima boagidima kelima yua kuli den kuani o yama li tuonli yen nini cain.7yaa yoginu ke Sanbala Tobija, yeni Alabi buolu yaaba AMoni yeni Asidodien dogu yaaba den gbadi gi jufinba guonciangu ŋanbima tuonli cuoni bonŋanla ke li bona kuli cili ki biindi bi den bieni bi pala hali boncianla. 8bi kuli den taani gi juogi ñoayenbu ban baa cua gi ba Jelusalema maama gi biidi yaala, 9lani ti den mia ti Tienu gi go guuni biniba u yensiinu yeni gu ñiagu kuli ke bi yaa ti cua tin moa gi gaa ti yula.10li yogu gi Juda buolu den tua : yaa tuonsoanba n tugi atuga gbamanu gbeni atangbana mo dayabi ti kan fidi gi maa li guonciangu. 11ti nananda mo nan den tua : bi kan bandi pu bi kan la pu hali tin ban kua bi sinsiigini ki kpaba ki cedi bi tuonli n sedi.12ama yaa jufinba n den ye yaa dogi n nagi yeni ti yibalinba yeni den cua hali taalima piiga, ki tuodi ki waani ti ke bani ti yibalinba yeni n jagi ke bi baa tieni ti yaala kuli. 13lani yaa po, n den sieni biniba yaa kaani nua ki go tie kaan paalu, gu guonciangu puoli po. bi den taa ki ye li kani buolu buolu ke yua kuli kubi ojugisiega yeni okpaanli yeni odabanli. 14n den diidi diidi ki fii yedi bi patieba yeni libali danba yeni yaa niba n sieni kuli, yin da jie mani yibalinba tiadi mani yi yonbidaano yua yabi ki pia gu jiejiegu po ki koani mani yi ninjaba po yeni yi bijaba po, yeni yi bisiaba po yeni yi puoba po yeni yi diedi kuli po.15yaa yoginu ke ti yibalinba den gbadi ke bi tuodi ki waani ti bi yanjagibiali UTienu den bolinli bi cila lanwani ti kuli den guani ki suani gu guonciangu kani yua kuli yeni o tuonli. 16hali lan daali n naacenba siiga boagidima den suani ki boagidima mo kubi akpaana agbankoanda yeni a dabana ki la ti kudi liada bi yudanba mo den se Juda yaaba kuli puoli po17yaaba n den maa gu guonciangu yeni yaaba n den tugi atugi atuga yeni yaaba n tungi ba yua kuli den suani yeni nugi yendu ki muubi u lielu mo yeni otoatiagu 18yua kuli den suani ki go yie ojugisiega yua n den piebi linaatuntunli mo den se li kani.19n den yedi bi patieba li balidanba yeni yaa niba n sieni kuli : li tuonli yabi ti go yadi yadi ki lindi o guonciangu ki foagidi yeni ti lieba. 20bi yaa piebi li naatuntunli naan po yin taani mani lan kani yin gbadi ke bi piebi naan po, ti Tienu baa koani ti po.21n yene ke ti suani li tuonli ti sinsiigin nni boagidima yua kuli den muubi o kpaanli ki cili osiŋaapanpangu ki yaa caa hali gu ñiagu. 22lanyoginu n go den maadi yeni biniba kuli ki yediba : nili kuli n yaa dua jelusalema nni wan yeni onaacemo, tin guu o ñiagu ki yaa suani u yensiinu. 23tii den landi ti ti tiadi mini yeni n kpiiba n naacenba yeni yaa guudikaaba n den yegi yeni kuli nili kuli den kubi o jatiagu yeni o ñima baba
Chapter 5
1bijaba yeni bi puoba den fii ki biidi bi pala boncianla bi jufi lieba po. 2binitianba den tua: tinba yeni ti bijaba yeni ti bisiaba, ti yabi , ban pundi mijiema tin yaa di ki ye . 3bine den tua: ti teni ti kuani yeni ti duven tiidi , yeni ti diedi ki fidi ki baadi mijiema mikoma yoginu.4nitoaba mo den tua : ti kpendi iligi yeni ti duven tiidi ki pani obado lonpo, 5ama yeni lan kuli tinba yeni ban kuli tie buolu yendu, ti bila tie nani bi bila yeni, ti teni ke ti bila kua ti yonbidi nni. ti bisiaba boncncianla kua ti yonbidi yeni niino tii ji pia tin baa tieni maama kelima ti kuani yeni ti duven tiidi kuli ji tie nitianba yaala.6min den gbadi bi fanfabini yeni laa maama po n pali den beni hali boncianla. 7n den jagi ke n baa funi bi paatiea yeni bi batieba n den yediba : bee yaapo yo ke yi tungi yi lieba yaa tugi kpiaga na. n den taani biniba boncianla. 8n den yediba : tin den goa ki da ki faabi ti ninjaba jufinba yaaba ke bi den kuadiba yi nilanbuoli po, nani tin fidi maama; ke moala yinba yi ba mo nango kuadiba, tinba ngo baa goa ki yaa kuadiba ti ŋmiali nni .... bi den ŋmini, kelima baa den pia ban baa ŋmiani nni yaala kuli.9lanwani n den yediba : yin tiendi yaala na ki ŋani . yi kan yaa jie ti daano UTienu ki cuoni osanŋoadiman nni ti nannanda nibuolu tianu n da sugiditi ? 10mini yeni n kpiiba yeni n naacenba moko den kpendiba iligi yeni mijiema. ama ti den cabiba ban da goa pa ban kubi ti po yaala. 11dina yin guani ki ŋmianba bi kuani yen bi duven tiidi kuani yeni Olive tiidi kuani yeni bi diena . yin cabiba yin den kpendiba iligi yeni mijiema yeni mikpama ke bi ba ti goa ki pa yi yeni ti ñuadi .12bi den goa ki yedi : ti baa tieni ŋan yedi yaala ti baa goa ki ŋmiani ba tin den ga yaala kuli bi kani , ti go kan buali ba pu. lani den yini bisalayidicacianba ki teni ke bi poli ki niani ke bi baa kubi li maama. 13lanwani den yogi yogi n liadi gbenli ki yedi : UTienu mo n yogi yogi yaa danba n kan tieni ban yedi yaala yeni. wan cedi ban luo bi diedi yeni bi bon piakaala kuli ki ji da pia pu . biniba yaa den taani den yedi : amina ! bi kuli den pagi limiali daano. bi den tieni ban yedi yaala .14hali yaa daali ke o bado den dini libali ke n tua Gufeneeli Juda diema nni, hali Atarsese bado binpiilieli po, ki taa ki pundi hali o piita n binlieli nni, piiga n binalie siiga, mini bi ninjaba oba kuli , tii den gaani Gufeneeli kani liba. 15yaaba n den kpia liiga, ki tua Gufeneeli midiema po den tugi bi buolu yaaba yaa tuga n yabi, bi den gaani bi kani mijiema yeni duven, bi go den gaani iligi yaala n pundi dibala piina, bi naacenba mo den kuandi u buolu yaaba mi luoma nni. mini wani ki ta laa yanjagili , kelima n jie UTienu.16yen ba min den fidi ki soani ki ŋanbi ki bogini liguoli, tii den da oba kuli kuanu, n naacenba kuli den ye li tuonli nni. 17min yeni yaa niba n den taagi ki di den tie jaba kobiga n piimu, Jufinba yeni ti buudi danba, laa taa yeni yaaba n den tie nibuolu tianu yaaba.18daali kuli n den yen teni ban kodi npo ine bonbi luoba i pe bonbi luoba , yeni ti bonyugiditi; danpiiga siiga kuli bi den yen bogini ki ŋanbi duven lan yaa yabi. mii den buali ki baa ga li ba kuli Gufeneeli kani, kelima atuona kuli den tie u buolu yaaba tugili. 19ho NTienu tiadi n po yeni min tieni bi naa niba po yaala, ki tiadi n po.
Chapter 6
1n da den den fii ki sieni aganluoda ke Sanbala, Tobija, Gesemi, larabu yeni yaaba n den maani ti siiga toaba n den gbadi ke ti guani ki maa gu guociangu kaa sieni ba waamu. 2lanyogunu ke Sanbala yeni gesemi den soani ki maadi: cuana tin taani ti lieba, ki juogi mu dobimu yeni i dociamu Dono nni . bi den bi den bua ki tieni nni yaala n bia yo ki den taani lan niba.3n den soani n tondiba ki yediba: n pia tuongbenile ki suani, n kanfidi ki cua n yaa cua li tuonli baa sedi, yaa yoginu ke siedi ki caa li po li tuonli baa sedi. 4bi den yedi ke min cua hali taalima na po, ke n denŋmianba ke n kan fidi ki cua kelima li tuonli po.5taalima mu po Sasnbala den soani o tuonsoanlo ke o kubi li tili o nuu nni ke li luodo. 6wan den diani yaala nne: gu fuugu yadi udogu nni i kaani kuli, Geschumi maadi ke fini yeni Jufinba mali ke yin yie, ke lani yaa po ke yi bua ki guani ki maa gu guonciangu. ke a bua ki tua bi bado7alugidi UTienu masogida ke ban yaa donda Jelusalema ke a tie Juda bado . lan bona kuli baa fidi ki tieni ke bado ki banii ? cuana ki maadi ti kuli.8ke n guani ki ŋmiani Sanbala :ŋan maadi yaala laa ye : fini afayo 9lan niba kuli den jiendi ti , ki ji maadi : ke tin luo li pa paali ke li tuonli n da cuoni moala, UTienu, paagi nni !10n den fii ki gedi Semaja bijua Delaja yua n tie Mehetabeeli bijua. ke o den lo li dieli nni, ke o maadi fii mani ti kuli n gedi gu jaandiegu nni ke ban luoni li buli ñoana ke ŋan da ya ka, ke bi baa cua ki kpa o. kelima gu ñiagu nne ke bi baa kpa o. 11ke n den ŋmianba : ja nani mine n sanii ! ja nani mine n kua li jaandieli nni ki yaa jie. n kan kua.12n den bani ke UTienu ka soano, o den pua faama kelima sanbala yeni Tobija den teno i ligi. 13bi yaa den ba yeni bi den sugini ke ti jawaandi n cuo nni ke min tieni ti tuonbiidi, bi den baa fidi ki baa ki cuani npo yaala n bia nani n yeli n ñani maama po. 14Tiadi UTienu , Sanbala , yeni Tobija bi tuona po! guani ki tiadi NOdia yua n tie utienu ma soagido yeni ma soagidi lieba yaaba kpaani ke min jie ti ja waandi ti15gu guongu den maa ki juodi yaa ŋmaalo n yi eluli o piilie n danamu . piimu n dana lie puoli po. 16yaa yoginu ke ti nannanda kuli den bandi, ti jawaandi ti den cuo i nibuoli kuli yaaba n den kua ki kuu ti kuli. lani ni buoli kuli den jiini bi ba, ki bandi ke ti tuonli den soani UTienu yaa buama po.17lan yoginu po Juda yaa diema nigbenga den diandi a tila yoginu yoginu kuli ki tieni Tobiija. 18Juda den pia yaa niba n taa Tobija po. kelima bi den pia i ñoa puoni bi siiga, kelima o den tie bi cuado yo, yeni sekania bijua, arasi , obijua Josana den ta Melisulami , bijua Belikiasi yaa bonpuoga ki kuani, 19bi den waani wan tiendi yaa ŋanma n nintuali nni, ki go maado n maama, Tobija den tieni atila ke ti jawaandi n cuo nni.
Chapter 7
1tin den maa ki gbeni li guoli ke n caani agan luoda gi teni a buliñoaguuda n yaa guu ki teni bi yan yinba yeni Lefi buolu yaaba bi tuonli. 2n den teni n ninja Hanani yeni Hanania yua n tie u kaan paalu toatieba yudaano Jelusalema, o den tie yua n pia gu jejiegu Utienu po boncianla ki cie biniba.3n den yediba bi kan luodi jelusalema buli ñoana ke uyienu gi yugidi gu dajuogu mo bi baa luoni libuliñoana yeni li bon luonkaala ke a buliñoaguuda daa ñani li kani Jelusalema yaaba baa yaa gu yua kuli baa yaa se odiegu nintuali gi guu. 4udociamu yeni fanma den pia ki go yaba boncianla, ama uniba naa den yaba, ti diedi mo ki den maa.5UTienu den tieni n pali nni , ke min taani bi paatiebayeni li balidanba yeni biniba kuli ki coadiba , n den taa yaa tili n den pia yaa ba n den cindi ki kpeni yela n den la lieni yaala n tiena.6diidi Babilono Badiciamo Nebukanesa n den cuo ki gedini yaaba ti yonbidi niba boncianla den guani ki kuni Jelusalema bani Juda diema nni, 7yaaba n den ŋmagidiba den tie: Solobeli ,Josue , Nehemi , Asariya , Raamia , Nahanmani , Mardoke, Bilisani , Misipeleti, Bigifayi, Nehume, yeni baana , Isalele buolu yaaba yeni bi coali nne.8palayosi cugili yaaba den tie tudalie n kobiga n piilele 9n jabilie Sefatia cugili yaaba tie kobita n piilele 10n jabilie o Ara cugili kobiluoba n piimu n jabilie .11Pahati - Moaba cugili bani Josue yeni Joabi yaabila mo den tie tudalie nkobinii n piiga n jabi nii, 12Elami cugili yaaba tie tudili n kobilie n piimu n jabinaa, 13Satu yaaba cugili tie kobinii n piina n jabimu, 14sokayi cugili yaaba tie jaba kobilele n piiluoba.15binuyi cugili yaaba mo tie kobiluoba n piina njabinii. 16bebayi cugili bila tie kobiluoba n piilie n jabinii . 17Asigadi bila cugili tie kobita n piilie n jabile. 18Adonikami bila cugili mo tie kobiluoba n piiluoba n jabilele.19Bigifayi bila cugili yaaba tie tudalie n piiluoba n jabi lele, 20Adini bila cugili mo tie ; kobiluoba n piimu njabimuu, 21Esekiasi bila cugili mo tie: piiyia n jabi nii. 22Hasuni bila cugili mo tie: kobita n piilie njaba nii.23Betisayi bila cugili yaaba tie kobita npiilie njabi na 24Halifi bila cugili tie : kobiga n piiga njabilie, 25yaaba n den ñani Gabayono mo tie piiyia njabilie. 26Betelemi yeni Nefofa dogu yaaba tie : kobiga n piinii njabi nii .27ANatodi dogu yaaba den tie kobiga n piilie n jabi nii, 28Beti Asimafeti dogu yaaba mo tie piina n jabilie . 29Kiriyati yelami, Kefila yeni Beeroti dogu yaaba kobilele n piinaa n jabita. 30Rama yeni Geba dogu yaaba mo tie kobiluoba n piilie n jabilie.31Mikimasi dogu yaaba kobiga n piilie njabilie 32Beteli yeni Ayi dogu yaaba mo tie kobiga n piilie n jabita 33Nebo dotianu dogu yaaba piimu njabilie. 34Elami nitoa yaa cugili mo den tie tudili n kobilie n piimu n jabita.35halima bijaba cugili tie kobita n piilie. 36Jeliko dogu yaaba tie kobita n piimu n jabimu. 37Lodi Adidi yeni Ono, dogu yaaba mo tie kobilele n piilie n jayendo, 38Sena dogu yaaba tie tudata n kobiyia n jabi piita.39biSalayidikacianba den tie den tie yedaya bila cugili bani Josuwe yaa bila kobiyia n pii lele n jabita 40IMeri bila cugili tie tudili n piimu n jabilie, 41Pasikuri bila cugili mo tie tudili n kobilie npiinaa n jabilele, 42Alima bila cugili mo tie tudili n piiga n jabilele.43Lefi buolu den tie Josue Kalimieli buolu bani Hodifa yaa bila piilele n jabinaa, 44bi yan yinba den tie Asafi cugili kobiga n piinaa n jabi nii, 45abuli ñoaguuda den tie Saluma bila cugili Ateli bila cugili Talimi cugili Akubi cugili Hatita cugili yeni Sabayi yaa cugili bi kuli den taaani gi tie kobiga n piita n niba nii.46UTienu diegu naacenba den tie Tisisa bila cugili bani Hasufa,Tabaoti, 47korosi bila cugili yaaba , Siaha bila cugili yaaba , Padoni bila, cugili yaaba 48Lebana bila cugili yaaba, Hagaba bila cugili yaaba, Salimayi bila cugili yab, 49hamani bila cugili yaba , gedeli bila cugili yab, gahali bila cugili yaba.50beaya Letisini bila, Nekoda bila. 51Gasami bila usa bila, Peseyaki bila. 52Besayi bila, Mehunimi bila Nefisimi bila,53Bekibuki bila,Hakufa bila, haluli bila. Batisiliti bila, 54mehida bila, Halisa bila. 55Balikosi bila, Sisera bila, Tamaka bila. 56Netisiaki bila yeni hatifa bila cugili.57Salimono Naacenba puoliŋuani den tie Satayi bila Sofeleti bila, Pelida bila. 58Jaali bila Dolikoni bila, Gedeli bila 59Sefasia bila hatili Bila Pokeleti bila , Hatiseba bila, Yini bila yeni Amoni cugili bila. 60UTienu diegu naacenba yeni Salimono naacenba bila den taani gi tie kobi taa n piiyia n jabilie.61diidi yaaba n den ñani Teli-Malaki Telihalisa, kerubi- Adoni yeni IMeri, gi kuni gi naa fidi ki waana ban tie yaa cugili yaaba, gi waani a ke bi tie isalele yaaba 62Delaya bila Tobija bila yeni Nekoda bila cugili bi kuli den tie kobiluoba n piinaa n jabilie 63yeni salayidikacianba siiga , Hobaya bila, Hakotisi bila, Balisilayi bila, wan yua n den taa Galati yua balisilayi bi siiga yendo bi yela nne.64bi den kpaani bi yela, li coali tila nni baa la bi yaa janba yela, bi den ñanba salayidikaaba tuonli nni. 65Guveneeli den yediba, ke ban da di sala jiedi, yaala n gagidi ŋani boncianla, hali sala yidiyidikacianba n baa ki diidi Urimi yeni Tumimi ki le wan jagi yaala li po.66li niba kuli taanma den tie piinaa n niba tudalie n kobita n nibiluoba . 67kaa taani bi naa cenba yeni a puotuada yaaba n den taani ki tie tudalele n kobita n piita n niba lele bi yan yinba den ye bi siiga ki tie kobilie n piinaa n niba mu bijaba yeni bi puoba.68bi den pia taami kobilele n piita yeni buomi kobilie n piinaa n buomi mu. 69ki pia yodiyuodi kobina n piita n bobi mu yeni ŋunbi tudalie kobilie n ŋunbilie.70bi die danba boncianla den puni li tuonli po, wula bonkpaga tudalie Gufeneeli den teni o ligi kubilo yeni tadimu piimu yeni liadiciama kobimu sala yidikaaba tuonli po. 71bi diedanba den puni li tuonli po wula bonkpaga tudapiilie yeni ŋanjilifa ligi tudalie n kobilie ki ta li ligi ki teni o ligi kubilo. 72yaa niba n sini den puni wula bonkpaga tuda piilie yeni ŋanjilifa ligi tudalie yeni liadicianma piiluoba salayikaaba tuonli po.73Salayikaaba yeni yaaba n den tie abuliñoaguuda yeni bi yanyinba yeni biniba siiga nitianba , yeni UTienu diegu naacenba yeni bani Isalele yaaba kuli yua kuli den kakali bi dogi nni.
Chapter 8
1ŋma lele n den la Isalele niba yaaba n den ye bi dogu nni kuli den cua, bi kuli den taani yanyenma yaa maalima n tie udogu guonciangu buliñoabu yugu n tiegi mi ñima kani. bi yedi li balimaama bangi ka, Esidilasa ke wan ta Musa balimaama tili , UTienu n den teni Isadayeli yaaba yaaa balimaama yeni ki cuani . 2wani wani osalayidikaciamo Esidilasa den ta libalimaama tili ki cuani li nitaanli kani, bani bijaba yeni puoba yeni yaaba n ba fidi ki ga limaama kuli. li tie ŋma lele da kpiali daali. 3Esidilasa den sedi yaa buliñoabu n tiegi udogu guonciangu yua tuoli miñima kani ki cogi li tili yeni ki cili osiŋaagu ki yaa caa hali uyensiinu, ke bijaba yeni bipuoba yeni yaaba n ba fidi ki gbadi laa maama kuli niima nni. Biniba den cengi bonŋanla wan cogi yaala.4ogbanbando Esidilasa den doni ki sedi ban taa ti daadi ki ŋanbi yaa sedi kaanu, li taanli yeni po. Matitia yeni SENa , yeni ANaja, yeni Uli yeni Hilikiya yeni Masaja bani n den se ujienu po, ke Padaja yeni Mikayeli yeni Malikiya, yeni Hasumi, hasibadani , yeni Sakali , yeni Mesulami bani n den se uganu po. 5Esidilasa den poaidi li tili yeni biniba nunga nni, kelima wan den se naankani yeni li den kpedi ki cie biniba kuli n den fii ki sedi naani.6Esidilasa den jaandi ki kpiagi utienu yua n yabi. biniba kuli den yugidi binugi ki yedi: ke bi kuli labini tingi po ki kpiagi yonbidaani yua die limiali. 7li puoli po yii, i Jesue yeni Bani Sedabia , Jamini, Akubi, Sebetayi, hodija, Maseja, Kelita, Asalia, Josabadi, Hanani, Pelaya, yeni Lefi buolu yaaba den bundi biniba po libalimaama, ki nilo kuli se o kaanau kani 8bi den cogi UTienu balimaama tili bonŋanla, ki go bundi ke biniba kuli n fidi ki gaa ban cogi yaaa .9Nehemi, yua n den tie udogu daano yeni liBalimaama bangika Esidilasa yua n go tie osalayidikaciamo, yeni Lefibuolu yaba, yaaba n den bangi biniba yene bi den yedi biniba kuli: ¨dine yaa daali ye li ba, ti Tienu tiyonbidaano yua die li miali po, yin da boandi yi pala gi da buudi yene¨ kelima n den cengi liBalimaama n yedi yaala, bi den buudi. 10bi go den yediba , ¨yaa kuni mani ki ban di yaa jiema ŋaniki guo, ki ñu yaa bonñokaala n mani, ki boagidi yi jiedi ki puni yaaba n ki pia, kelima dina tie yaa daali n gagidi Ti yonbidaano po ki puni tinba laa pamanli ke li tie ti paalu.¨11Lefi buolu yaaba mo den duani biniba kuli yama ki yediba : << suoni mani kelima dine yaa daali tie yaa daali gagidi li ba. da boandi manai yi pala>> 12yaa niba n den taani kuli den kuni ki ban dini ki go ñu , ki soani bijiema yaaba n ki pia po, ki mangi bi pala hali paa, kelima bi den gbadi ban bundi bi po yaa maama yeni niima nni.13li danlieli daali Isidayeli yaaba kuli die danba yeni bi salayidikacianba yeni Lefi buolu yaaba den taani liBalimaama bangika Esidilasa kani ki baa cengi UTienu balimaama bundima. 14bi den la ke li diani UTienu n den teni Musa yaa Balimaama nni li den tie ke Isidayeli buolu yabi baa yaa ye Akuanjona nni, ŋmalele jaanma yoginu. 15bi go den yi cedi o nilo n kpaandi bi dogu nni kuli yeni Jelusalema nni, ki yedi ¨ gedi mani ajuana po ki ban ta Olife tiidi bena ban ko yaa Olife yeni li fuali nni yua yaa bena yeni Militi tiidi yaa bena, yeni kpakpa tiidi yaa bena, yeni yaa tiidi n pia ti faadi boncianla kuli yaa bena ki pua Akuanjona nani lan diani maama.¨16lanwani nilo kuli den gedi ki ban taa Abena ki pua Akuanjona bi diena yula po, yeni bi luoli nni, yeni bi cancanni yeni UTienu diegu luolu nni, yeni oguonciangu buliñoabu yaa fanfanma ñima buliñoabu kani, yeni yaaba n yi Eflayima yaaaba buliñoabu yaa fanfanma kuli. 17yaa niba n den taani kuli tie tie yaaba n den ñani ti yonbidi nni bi den pua bi kuanjona ki ye lieni . li den Nuni Bijua Josue yoginu ki ban pundi hali laa daali Isidayeli buolu yaaba daa ba ki jaani laa jaanma buolu. bi den mangi bi pala hali boncianla18Bi den cogini bi po, UTienu Balimaama tili daali kuli, ki cili li jaanma cilima daali ki ban pundi hali juodi daali. ki tieni li tantaanciangu li dan nii daali nani lan den bili maama.
Chapter 9
1ŋma lele piilie ndana na daali, Isalele yaaba den taani ki baa loli o ñoabu. bi den lani ti kpalipadi ya tiadi ki wuli bi ba po ti tandi. 2bi den paadi yeni binilanba ki sedi ki tuo bani yeni bi yaa yaajanba n tieni yaa tuonbiad.3ban den taani ki sedi ki gbeni , bi den cogi bi bi po Limiali daano bi Tienu balimaama ti li nni hali kumundi ta . 4Josue , Bani, Kadimiali, Sebania, Buni, n Selibia, bani yeni kanani den doni ki sedi Lefi buolu yaaba sedi kaanu po, ki kpaandi ki mia Limiali daano bi Tienu mi todima.5lanwani lefi buolu yaaba Jose, Kadimiali , Bani, Hasabinia, selibia Odija, Sebinia yeni Petaya den yedi : fii mani, pagi mani Limiali daano yi Tienu yogu n tu yaa yogu kuli ! nili kuli n pagi ayeli, yili n pia ti kpiagidi, yili n cie li seli yeni ti pagidi kuli . 6fini Limiali daano, fini bebe, n tagi tanpoli yeni Tanpoli yaa Tanpoli, yeni Tanpoli n pia yaa toacaga, yeni gi tinga yeni yaala n ye gi niini kuli, miñincianma yeni yaala n ye mi niini kuli. fini n puuni laa bonla kuli li miali, ke Tanpoli toacaga kuli gbaandi anuntuali nni.7fini Limiali daano UTienu , n den gandi Abalama fini n den ñano Uli, Kalide Diema nni ki yino ABalahama. 8a den sua e o pia yaa pali n tiegi apo, ke a kuani adanligu yeno , ke a baa puni opuoliŋuanu Kanana yaaba diema, Heta buolu yaaba diema, Amola yaaba diema, Jebusa yaaba diema, Giligigasa buolu yaaba yaa diema kuli. a kuani danligu amaama kuli po kelima atiegi.9aden la ti yaa janba fala Ejipiti nni ki gbadi bi bubula miñincianma kani. 10a den tieni mibancianma yeni yaalidigu bonla gi tuogi Obado Falo tuonsoanba yeni odiema yaaba kuli, kelima a den bani wan soani ti yaajanba yaa tuonjoagima, ke a den doagidi akpiagidi nani ŋan doagidi ti dine maama11a den yagidi miñincianma kaani lie bi nuntuali ke bi laa yeni nuni ke mi tua tinkuonga ke bi tagini mi siiga nni, ama aden goa ki piini yaaba n den ŋoa ki dieliba kuli mi ñincianma nani gu tanciangu yeni.12uyienu a den yeni ŋmagidiba usanu yeni liŋunli, o ñiagu mo yeni amukpaana. 13a den yi jiidi Sinayi juali po gi maadi yeni ba hali tanpoli, a den teni ba yaa ñoabona n tiegi, yaa mabilikaama n tie moamoani yaa tundi yeni yaa mabilikaama n moani boncianla.14aden cedi ke bi bandi ŋan gagidi yaa daŋanli a fuodima po, a den cedi ke anaacemo Musa waani ba laa mabilikaama ki go tundi ba yeni li mabilikaama. 15a den yen teni ba yaa jiema ña Tanpoli yaa yogu ke mi koma piaba, a go den cedi ke o tangbaagu pudi miñima ke bi ñuni yaa yoginu ke uñuñuunu den piaba. a go den yediba kua mani ki diedi yaa tinga ke n pooni ki baa teni yi.16ama ti yaajanba den tieni ti japaadi ki juagi ki sieni bi tuli, baa den cengi abalimaama. 17bi den yie baa coalini bi den sundi ŋan tieni yaa bonŋanciama kuli bi po. bi juagi bi tuli, bi yiema nni bi den gandi bi yudaano ki baa guani ki lebidi ban den ye ti yonbidi nni naaan po. ama fini, a tie yaa Tienu n puuni sugili, ki juogidi ki gba minunñima, ki pia li juunli yeni mi ŋanma. lani yaa po ŋaa den ba.18bi den naani ki naabiga ki yedi: diidi ti Tienu yua n den ñani ti Ejipiti diema nni, bi den tudi a po tudi cianma. 19a ninñingbadicianma po ŋaa den yie ki ŋaa ba ki tinkuonga po, a den sieni li ŋunli yaala n den ŋmagidi ba usanu uyienu, yeni amukpaana yaa n den yendi bi po Usanu gu ñiagu.20a den teni ba yaa yantiali n ŋani ke ban tua yanfodanba , aden ki ŋa ke Mana poadiba, a den puuni ba miñima ke bi ñu. 21hali bina piina, aden puni ba libonla kuli bi yema po yaa yoginu ke bi den ye ki tinkuonga nni, bi tiayiekaadi ki den cadi bi taana mo den ki moali palip.22a den cedi ke bi paadi midiema yeni yi nibuoli, a den boagidi ki teniba yaa tinmu n ki kuuba, bi den diedi Sion, hesiboni bado yeni Dog Basana bado.23v 23 a den cedi ke bi puoliŋuani yabidi nani Tanpoli po ŋmabibila yeni, a den gediniba ŋan den yedi ke bi yaajanba baa diedi yaa diema yeni niinnni. 24bi kua lieni ki diedima ; a den cedi ke bi paadi Kanana yaaba , a den taa Kanana yaaba ki tieni ba bi nuginu nni, bani yeni bi batieba yeni li kani nilanbuoli kuli, ke n ban soaniba ban bua maama.25bi diedi ajuana n lindi ki cebini yaa dogi yeni bi tinŋanmu, yeni yaa diedi n gbie yeni mi piama, yeni ban gbiidi yaa caanna lieni, Duven tiidi kuani, Oli fe tiidi, yeni i tilondi boncianla, bi den dini ki guo, ki gbengidi, ki ye yaa yema n mani yaa niinni boncianla kelima aŋanbicianli po.26ama ba yeni , bi den fiini mi yiema apo. bi den luni abalimaama bi puoli, bi den kpa anisoaginkaaba yaaba n tigini ki taagiba ke ban guani akani, bi den tudi akani boncianla ke li tie sugi ciandi apo. 27lani yaa po ke a den kuani ba bi yibalinba nuguni , ke bi mabiniba, ama bi fala yema yoginu ke bi kpaandi ki yigini apo, ke fini yua ye hali Tanpoli po ke a gbadi yigini ; yeni, aninñingbadicianma niinni ke a soani bi gaa kaaba ke bi faabi ba bi yibabalinba nugu nni.28ban den ba n faabima bi den goa gi ki cili tiendi yaala n bia anintuali nni, lanwani a go den kuani ba yibalinba nugu nni, ama bi didi go den goa ki yigini gi miaŋa ki amo go den gbadi bi nialu hali tanpoli po. aninñingbadicianma po a den faabiba ke li yabi. 29a den tigini ki taagiba ke ban guani ki kubi a balimaama; ama bi den kuani bi yula liiga yeni ti japaadi , baa cengi amabilikaama, bi miidi añoabona yaa ke a den teni ke yua n tuo ki kuba baa yaa ye, bi den fiini yiema ki sieni bi tuli kaa tuo a maama.30a den kubiba yaa bina n yabi boncianla, ki teni ke a fuoma yua tuodi ki wangiba ki tagini bi sawalipuaba po; ama baa den cengi amaamaa. lani yaa po a den cedi ke bi kua yi nilanbuoli yaaba nugu nni. 31ama yeni aninñingbadicianma po ŋaa biani ba, ŋaa go ñoali ki ŋaa ba, kelima a tie yaa Tienu pali n koani ki go pia mininñingbadima.32moala UTienu, ti Tienu , fini yua n yabai ki pia upaaciamu yeni jejiegu, fini yuaa n kubi ŋan den kuani yaa ŋantaado ki tiendi aninñingbadima ti po, ŋan da noanli ti ke tin laa yaa fala ke o tie waamu ti po, tinba yeni ti batieba yeni ti yudanba yeni ti salayidikacianba, yeni ti sawalipuaba, yeni ti yaajanba yeni aniba kuli, lan cili hali Asili batieba yoginu ki taa pundi hali dina. 33a kubi a teginma yeni yaala n den tieni ti siiga nni kuli, kelima a den doagidima ti po, ke tinba wani tiena yaaala n bia 34ti batieba , ti yudanba, ti salayikacianba, yeni ti baan ba tii kubi amabilikaama baa go cengi abalimaama n yedi ba yaala.35ban den ye ŋan den puni ba yaa tincianŋanga nni, yeni den ŋan puniba yaa bonŋanla kuli siiga nni baa den ŋa bi tuonjoagindi ki lebidi ki suani apo.36diidi dina, tinba n kaa ti yonbidi nni ! ti tua yonbi ŋan den puni ti yaajanba yaa tinga nni, ke ban yaa di ki bonluonkaala yeni ki piama ! 37ki pugini bonluokaala boncianla yaa batieba ke a cedi bi diedi ti kelima tin tieni yaa tuonbiadi a po; bi die tinbaa yeni ti yandi kuli nani ban bua maama ke ti ji ye li paboacianli nni.38yeni laa po kuli, tin tuo yaa danligu, ke tinba ti ba dianma; ti yudanba , yeni Lefi buolu yaaba yeni bisalayidikacianba n den bili mi po mi naa buama.
Chapter 10
1diid mani yaaba n den tieni mi banma Nehemi Gufeneli Akalia yaa bijua. 2Sedekiasi, Seraja, Azarya, Jermi. 3Passuuri, AMaria, Malikiya.4Hatusi, sebania, Maluki. 5Harime, Meremote, Abidiase, 6Daniali, Gineton, Baluki. 7Mesulame, Abija, Mijamin, 8Maazia, Biligayi, Semaeja, osalayidikaciamo.139Lefi buolu yaaba: Josue, Dazania bijua yeni binuyi, Henada bidi Kadimieli. 10yeni bininjaba Sebania, odija, Kelita, Pelaja, Anan. 11Mise, rehobe, hasabia. 12zakuri,Serebia, sebania.
Chapter 11
1Isalele yu danba den kali Jelusalema ke yaa niba n sieni bi den tieni lugidima ke niba piiga siiga niyendo cua ki ye Jelusalema dogu yu ngagidi nni, ke yaaba n sieni ye bi dogi nni. 2biniba den gaali yaa niba n cuo bi yama po ke bi baa ye Jelusalema .3diidi i dogi yudanba yaaba n den cua gi kali Jelusalema , yua kuli den kali wanden diedi yaa kaanu odogu nni , bani Isalele yaaba , salayidikaaba, yeni lefi buolu yaaba , yeni UTienu diegu naacenba yeni Salimono bila naacenba . 4Atoya yua den tie Peresi yaabili wan Peeresi den mali Malaleeli wan mo n ma Sisefatia omo den mali Amariya o mon n ma Sakali, o mon n ma siasi, wani n den mali wani AToya.5uda buolu yaaba siiga go yaaba n den kali nne, Maaseya yua n den tie Solomi yaabili wani Solomi den mali Sakali omon n ma Joyalibi, wan mo n ma Daya o mo n ma Hasaja, wan mon n ma Holi hose, o mo n maa Baruki, omo den mali Maaseya. 6Peere bila kuli taanma den tie kobinaa n piiluoba n jakoanda nii, yaaba n den kali Jelusalema .7diidi Benjamina buolu yaaba n den kali Esayi biga den tie Itiali , o mo n maa Maaseya, wan mo n maa Kolaya, o mo n maa Pedaya , o mo den mali Joyedi o mo nmaa Mesulami o mo den mali Salu. 8o yaa puoli li den pia Gabayi yeni Salayi ke bi taani gi tie kobiyia n piilie n niba nii. 9Sikidi Bijua Jowoli den tie bi yudaano yeni Semua biga Juda yua den tie udogu yudaano.10Salayidi kaaba den tie Joyalibi Bijua Yedaya , yeni Jakini. 11UTienu diegu Badijaba yaaba den tie Salayidikacianba tuonli po den tie Ayitubi, wan den mali Malajoti, o mo n maa Sadoki, wan mo n maa Mesulami o mo den mali Hilikiya o mo n maa Sedaya. 12li den tie bani yeni bi ninjaba niba kobinii n piilie n niba lie, yaaba n den tuuni UTienu diegu nni Malikiya Bijua Pasuuru o mo den mali sakali wan mo n maa Amitisi o mo n maa Pelalia wan mo n maa Jelolami o mo n maa wani Adaya.13yeni o ninjaba ke bi tie diedanba kobilie n piinaa n niba lie ki kpi yeni yaba, Imimeri den mali Mesilamoti , o mo n maa Akisayi , o mo den mali Asareli wan mo maa Amasisayi. 14yeni bi ninjaba yaaba n den tie jakoanda kobiga n piilie n niba nii, Jelemi biga sabidieli den tie bi yudaano.15lefi buolu yaaba bijaba den tie Buni bija Hasabia, o mo n maa Asirikami, wan mo den mali Hasubi, o mo n maa Sedaya. 16Sebayi yeni Jesabadi, den die UTienu diegu, tuona bi den tie Lefi buolu yaaba yudanba siiga nni yaaba.17Asafi yaabili Matania wani Asafi den mali Sabidi, o mo n maa Mise, wani mo n maa Matania, yua n den ŋmagidi ti pagidi yani i jaandi yoginu yeni Bakibukia o yeni oninjaba yaaba n den yeni bi siiga yaaba n den ŋmagidi gi todiba Jutuni den mali Galali o mo den mali Samua wan mo n maa Abida. 18Lefi buolu den ye yaa dogu n gagidi nni bi kuli den taani gi tie kobilie n piinii n niba na.19Abuñoaguudaden tie Akubi yeni Talimani, yeni bininjaba bi buliñoaguudilieba den taani gi tie kobiga n piilele n niba lie. 20Isalele yaaba yeni Salayidi kaaba yeni Lefi yaaba n sieni den ka kali Juda dogi nni yua kuli o doceli nni. 21UTienu diegu naacenba den kali gi juaga po, bi den pia bi yudanba Tisika yeni Jisipa.22Lefi buolu yaaba yudanba den tie Usi Mice yaabili wani Mise den mali Atania o mo n maa Hasabia o mo den mali Bani , wan mo n ma wani Usi bani Asafi bila bani bi yan yinba yaaba nkubi UTienu diegu nni tuonli kaanu. 23kelima obado den teni li lanbonli bani bi yanyinba po. yaa panpani n den bili bi po, ban kubi ki yaa tendiba daali kuli. 24Petakija o den tie Salaki yaa bili, Mesalabeli bija ki tie Juda buolu yua gi tie comiseri gi tuuni obado diegu nni yeni isalele yaaba n den pia yaa ŋantaadi kuli po.25Juda buolu yaaba den ka kali idogini yeni li longbanbila nni kuli, bi den kali Kilijaiti Ariba yeni li koajaana nni kuli, yeni Bidon yeni li longbanbila nni yeni Jakatitiseli dogu yeni li longbanbila kuli. 26ki kali Jesisua, Molada, Betipeleti, 27Asari suali, beriseba yeni li longbanbila nni.28gi kali Tikidagi, Mikona yeni li longbanbilanni . 29E ni- Remoni, Tisoreya , Yarimuti. 30Sanoaki , Adulami, dobila yeni li longbanbila nni, yeni Laki yeni li longbanbila , yeni Aseka yeni li longbanbila bi den kakali gi cili Belieba ki ban pundi Himoni Joaloandigu,31Benjamina buolu bila den kakali ki cindi Gibeya , Migimaki yeni Aja , yeni Betelema dogu yeni Ulongbanbila, 32ki kali ANatodi yeni Nobi yeni Hanania, 33Hatisori yeni Rama yeni Gutitayimi, 34ki kali Haditi yeni Tiseboyimi yeni Nabaliti, 35yeni Halodi, yeni ONO bi tuonsoaba joalondigu. 36li den pia Lefi buolu yaaba yaaba n den ŋoadi Bejamina, ba ke bi den ye Juda yaaba siiga boagidima gi taani bani Juda yaaba timu po.
Chapter 12
1bisalayidikaaba yeni Lefi buolu, yaaba n den ñani ti yonbid ki yegi yeni Seyalisili Bijua SoloBabeli yeni Josue ki guani ki kpeni, Selaja, Jelimi Esidilasi. 2Amalia, Maluki, Hatusi, 3Sisakania, LuGume, Melomoti,4IDo, Ginetoyi, ABija, 5Mijamini, Moadia, Biliga, 6Semayeja,Joyalibi, yedaya, 7Salu, AMoki, Hikiya, yen yedayeya, bani n deitie bisalayidikacianba, yeni bi kpiiba yudanba Josue yogunu.8Lefi buolu yaba den tie : Josue,Binugi, Kadimieli, Selibia, Juda yeni Matania yuan den ŋmagidi ti yeni ti pagidi yani, wan yeni o diegu yaba . 9Bakibukia,yeni Uni den se bi nintuali ki todiba.10Joue den mali jojakimi, Jojakimi n mali, Eliasibi Eliasibi n mali Joyada, 11Joyada n mali Jonatan, Jonatan n mali Jadua,12Bisalayidikacianba bado Jojakimi yaa yogunu yaaba n den tie bi salayidikaaba diedanba nne: Selaja diegu nni Melaja n den tie o diedaano,Jelemi diegu nni hanania. 13Esidilasa diegu nni MeSulami, Amalia diegu nni Yohahana. 14Meluki diegu nni, Jonatan, Sebania diegu nni Josefi.15Halimi diegu nni Adina, Melayoti diegu nni Helikiya, 16IDo diegu nni Sakali, Ginotoni ya diegu nni Mesulami, 17Abiya ya diegu nni Sikili, Minjanini yeni Moadia diegu nni Pilitayi. 18Biligia diegu nni Samua, Semayeja ya diegu nni Jonatan, 19Jojalibi ya diegu nni Matinayi, Yedaya diegu nni Usi. 20Salayi ya diegu nni Kalayi, Amoki ya diegu nni EBeli. 21Hilikiya diegu nni Hasabia,Yedaya ya diegu nni Netameli.22yayogu gi Eliasibi yeni Yohanana Jadua den taani ki tie bisalayidikaaba bado , bi den diani Lefi buolu yaba bi diedanba yeni bi slayidikaaba yela,Pelisa Bado Daliyusi Bali yoginu 23Lefi buolu yaba siiga yaba n tie bidiedanba yela den dangi daali kuli n jaanma tilia nni hali Heliasibi yaabili Yohanana yogunu.24Lefi buolu yaba salayidikaaaba yu danba Hasabia Selebia, yeni Kadimieli Bijua Josue tuonli den tie ki yaa se ki tiegi bi kpiiba gi yiini ki kpiagidi ki go pagi Limiali diero, bi li yogunu yaa pundi, Nani UTienu nilo Dafidi n den bili maama. 25Abuliñoaguuda Matania, Bakibukia, Abidiasi, Mesulami, Talimona, yeni Akubi tuonli den tie ban yaa guu ban bili bi ligi bi bi tiadi ya diegu nni yaa buliñoana kani. 26Bi den ye Jotisada bijua Josue bijua Jojakimi yoginu yeni, Odogidaano Nehemi yeni Esidilasa yua n den tie osalayidikaciamo yeni libalimaama bangika li yaa yugu.27Jelusalema guonciangu ŋanbima jaanma yoginu , bi den yini Lefi buulu yaaba ban ye naan kani kuli gi cuani ba Jelusalema ki ban jaani gu guonciangu ŋanbima jaanma yeni ti pagidi yeni i yani ki poa yi lomu , ti kogidi yeni ti kogidi ciandi. 28bi yan yanba den ñani Jelusalema kaalindima yeni Nitofatien dogu bila nni.29yeni Beti Giligali yeni Geba, yeni Asimafiti, yaa dogi nni gi taani, kelima bi den maa maa adogi bila Jelusalema kaalin̄dima, 30salayikacianba yeni Lefi buolu yaba den gagidi ki ŋanbi bi ba, gi go gagidi ki ŋanbi Isidayeli yaaba , yeni udogu buliñoana yeni oguonciangu.31n den cedi ke Juda buolu yaba yudanba doni Oguonciangu po, nden boagidi yanyan cagi cincinli den cuoni Oguonciangu po jienu po, ki tiegi ti bugidi buliñoabu,32Hose yeni Juda buolu yaba yudanba boagidima den cuoni bi yaa puoli po, 33yeni Asalia, Esidilasi , Mesulame , 34Juda , Bejamina, ASemaja, yeni Jelemi, 35bisalayidikacianba, yeni bi naatunpiebiba yeni Sakali , yeni joanatani bijua, Semaja bi joa Matania, bijua, Mise bijua Sakudi bijua, Asafi bijoa.36yeni bininjanba yaaba n den ŋoa Semayeja ,Asadeli, Melalayi, Gilalayi, Mayi, Netaneli Juda yeni Hani mo den kubi UTienu nilo Dafidi kogidi mandi, li Bali maama bangika Esidilasi den ye bi liiga, 37ban den pundi li ñinbunli buli ñoabu kani, li den sua ke bi ye Dafidi dogu dojiidima kani Nuntuali, BI den doni o guonciangu do kaanu kani, bi den bi ŋmiagi ki ban caadi Davidi badi diegu gi cuoni gi ban pundi hali miñima Buliñoabu odogu puoli.38li cagilieli den tagini, ganu po, n den ŋoa bi puoli po,oguonciangu po, mi yeni Isidayeli, yaba, boagidi liema, ti den tagini gi ṅani abuabauana diefoagidi kani yeni o guonciangu n pia naani, 39yeni Efilayima buliñoabu yeni o buliñoakpelibu, yeni Ijami buliñoabu kani , yeni Hananeeli diefoagili yeni Meya ya diefoagili kani, ki ban ñani hal I pe buliñoabu, kani , ti ban sedi iyonbi kpaadidieli buliñoabu kani.40bi yan yindanba cagilieli yeni den tie UTienu diegu nni, mini yeni libalimaama yeni yaaba n den yegi yeni nni, moko den sedi, 41yeni bi sala yidikacianba, Eliakimi, Maaseja, Minjamini, Mise, Eliyomayi, Sakali yeni yaaba n den kubi a naatuna, 42yeni Maaseja, Semayija, Eleyasala, Usi, Yohanana, Malikiya,,Elami, yeni Eseli, Bi yandanba den yiini, Sisilakija den ŋmagidiba.43laa daali bi den padi apada boncianla ki mangi bi pala kelima UTienu den puni Isidayeli yaaba lipamancianli, bi puoba yeni abila moko den mangi bi pala lani biniba den gbadi Jelusalema pamanli kuudi hali foagima.44laa daali bi den cedi ke biniba guu bu paabu yeni tinga bon luokakpiali yeni ban ñandi yaa piiga boagidi siiga yendo, n biliti yaa dieli nni, biden puogi ba ban yaa gaani ki biliti lieni li longbanbila nni kpaandi, LiBamaama n bilai ban yaa tendi bi salayikaaba yeni Lefi buolu yaba yaala, Juda buolu yaba pala den mani ke Bi salayidikaaba yeni Lefi buolu yaba kubi bi tuonli . 45ki kubi UTienu tuonli yeni mi gagidi ŋanma yaa tuonli Biyanyinba yeni abuliñoaguuda moko den kubi bi tuona nani Dafidiyeni oBijua Salimono n den bili maama46kelima hali yoginu ba Dafidi yeni Asafi, yogunu li den pia bi yanyinla , yudanba yaaba yaaba n ŋmagidi ti pagidi yani yeni Ituondi bi baliga yani UTienu kpiagidi po. 47Solobabeli yeni Nehemi yaa yogunu kuli Isidayeli yaaba kuli den teni a yanyinla yeni abulñoaguuda bi biinu daali kuli bi den tieni Lefi buolu yaaba moko yaala n gagidi ke bi mo teni la Alono yabila bi salayidikacianba bi biinu
Chapter 13
1lan yogunu, ban cogi biniba kuli siiga nni, Musa n den diani ya tili, li sua ke laa dagidi Lamoniti yua yeni Moabiti yua buolu n kua UTienu buolu taanli nni, 2kelima den baa cuani Isalele bidi po, yeni jiema ki buali ba ñima, ba yeni lan kuli bi go soani ki yini Balama ki teni o iligi ke o wan soli bani Isalele buolu yaaba; ama ti Tienu den lebidi cedi ti solindi yeni ke ti tua ti po yedi ŋanma. 3ban gbadi liBalimaama, Isalelelyaaba kuli n paadi yeni binilanba.4hali ke laabonla kuli daa tieni, bi den gandi osalayidikaciamo Eliasibi ke wan die UTienu diegu diena maama, nani wan den tie Tobija kpiilo yeni, 5wani Eliasibi den ŋanbi o yuli po diecianli ban den kpa kuandi naan kani opaabu afidijuukaana, ti tiadi, piiiga boagidi ŋalikama , yeni duven, mi kpama ke li tie Lefi buolu yaaba ya yaala, ayanyinla yeni yaaba n guu abuliñoana, yeni den ban baa ñandi yaala ki tieni bi salayidikacianba.6li den sua ke n ye Jelusalema lanbonla kuli n den tieni yaa yogunu, n den guani obado alitakiselise o piita n binlieli po Babilona. 7libinli n pendi obado den puni nni usanu ke n gua kpeni Jelusalema, nden la ke Liasibi tieni yaa bonla ke li bia, ki teni Tobija li dieli UTienu diegu luoli nni.8n palli den biidi hali boncianla ke ñani Tobija n die yaa tiadi kuli ki luni ti niinpo ` 9n den guani ki cedi ke bi ŋanbi adiena ke goa bili UTienu diegu tiadi opaabu yeni afidijuukaana.10n go gbadi ke baa tieni Lefi yaaba lan bili ban ya tieni ba yaala, ke bani yeni bi yanyinba yaaba n den kubi UTienu diegu tuonli mo, den sani ke yua kuli guani o diema po, 11n den funi yeni libalidanba ki yediba: ¨ be yaa po yo ke yi ŋa UTienu diegu?¨ n den yini ki taani Lefi buolu yaaba yeni bi yanyinba ki gua kuaniba bi tuonli nni.12lanwani juda buolu yaaba den kuani ti tiadi n biligi yaa diena nni, bi ŋalikaama, duven yeni mikpama yaa piiga boagidima , 13n den guuni osalayidikaciamo Selemia yeni libalimaama bangika, Tisadogi, yeni Lefi buolu yua Pedaya, ti tiadi n bili ya diena nni. Matania yaabili Anaia, Sakuli den pugidi bi po, kelima bi kuli den tie ban dugi yaaba yaa po. bi tuonli den tie ban yaa boagidi o paabu bi lieba, 14n Tienu ŋan yaa tiani n po , kelma laa bonla po , ŋan da sundi min soani a tegima tuona maama yeni a yaa jejiegu a diegu nni, yeni ŋan bili tin yaa ŋoa yaala kuli yaa niini.15lan yogunu, n den laa ke juda diema nni yaaba ye ban ŋanbidi duven naan kani ki ŋmaadi duven tiidi bonluonkaala UTienu fuodima daali, bi tianba den kuandi ŋalikaama bonbaba, ki tugi yeni ŋunbi duven, duven tiidi bonluonkaala akankana yeni bonbuoli kuli ki caani Jelusalema UTienu fuodima daali; n den funi ba yeni ban kuadi bi kuadima yaa daali yeni po.16Tili ya yaaba, yaaba n den ye Jelusama moko den cuoni yeni Ijami yeni bi bon kuadika buolu kuli ki kuadi juda buolu yaaba po UTienu fuodima daali Jelusalema nni, 17n den funi yeni Juda nigbenga ki yediba: be n cedi ke yi tiendi yaa tuona n ki ŋani ki cagini UTienu fuodima daali? 18yi yaa janba mo den ki tieni yueni kaa, lani yaa po ka cedi ke UTienu cuani tinba yeni ti dogu po yaa fala n tie naa yinba moko cagini UTienu fuodima daali ki go baa cedi o pali n biidi Isalele po!19lanwani n den bili ke ban yi luoni Jelusalema buliñoana uyienu n koa yaa yogunu, hali ke UTienu fuodima daali daa cili ki da go luodi ŋa ke UTienu fuodima daa pendi. n den siensieni n naacenba a bulñoana kani ke ban da tuo tugili ba kuli n kua udoguni UTienu fuodima daali 20lanwani akpenkpenda yeni yaaba n kuadi bonkuadi buolu kuli den dua niinpo dayenli bi daalie.21n den funi yeni ba, ki yedi: ¨be yaapo yo ke dua li guonli puoli po? yi yaa go fa tieni yeni n baa cuo yi.¨ hali laa yogunu po baa go faa cua UTienu fuodima daali. 22n go den bili ke Lefi buolu yaaba n ŋanbi biba ki cua ki yaa guu abuliñoana ki go gagidi ki ŋanbi UTienu fuodima daali. n Tienu ya tiani n po, kelima laabonli kuli po ki yaa guu nni kelima aninñingbadicianma po.23laa yogunu po, n den laa yaa Jufinba n den taa yaa puoba n tie Asidoni yaaba yeni yaa puoba n tie Amoni buolu yaaba yeni Moabi buolu yaaba. 24bi bila siiga nni boagima ji den maadi Asidoni buolu yaaba yaa buolu maama, ke bi tianba mo maadi ma buolu tianu, oba kuli ji ki bani Jufinba yaa mabuolu.25n den funi yeni ba, ki soliba; bi siiga nni n den pua bi tianba ki ŋabi bi yudi, ki cedi ke bi poli hali Tienu po, ki yedi: ki bi kan go puni bisiaba binilanba bijaba, ki kan go ta binilanba bisiaba bi bijaba po bi biyula po mo, 26n den yediba; lan ka den cedi ke Isalele yaaba bado Salimono kua ti tuonbiadi nni ? yaa ba tieba n den ye inilanbuoli nni kuli ki den pia yaa bado n naani yeni wani, UTienu den bua o ki cedi ke o tua Isalele yaaba kuli bado, ama ba yeni lan kuli binilanpuoba taama den kuano ti tuonbiadi nni, 27tii go bua ke tin gbadi ke yi tiendi laa tudicianma ti Tienu po, ki go yaa taadi yaa puoba n tie nilanbuoba de ?28Joyada bijua yendo yua n den tie osalayidikaciama Eliasibi yaa yaabili den cuadi yeni sanbala yua n tie Roni yaa yua, n den den deli ki foagido yeni n kani. 29n Tienu ŋantiadi bipo, kelima bi den cagini salatuonli kaanu, yeni ŋan den kuani yaa danligu fini yeni bisalayidikacianba yeni Lefi buolu yaaba siiga nni.30n den ñani nilanmo kuli Isalele yaaba siiga nni ki ŋanbiba, n den ñii bonŋanla yaa Balimaama n bili ke o salayidikacianma yeni Lefi buolu yaaba yua kuli n baa yaa tiendi yaala o tuonli nni, 31yeni Isalele yaaba n tieni ti daadi yeni li bonluonkakpiala yaa yogunu. n Tienu ŋan yaa tiadi n po ki mangidi n po Anunga. !
