²(Silsilah Yesus Kristus) ¹Kitab silsilah Yesus Kristus, anak Daud anak Abraham. v 2 Abraham adolah ayah si Ishak, Ishak adolah ayah Yakub. Yakub adolah ayah si Yehuda dan sodaro-sodaronyo. ³Yehuda adolah ayah Peres dan Zerah, dari Tamar. Peres adolah ayah Hezron. Hezron adolah ayah Ram.⁴Ram adolah ayah Aminadab. Aminadab adolah ayah Nahason. Nahason adolah ayah Salmon. ⁵Salmon adolah ayah Boas, dari Rahab. Boas adolah ayah Obed, dari Rut. Obed adolah ayah Isai. ⁶Isai adolah ayah dari Rajo Daud. Daud adolah ayah Salomo, dari bokas istri Uria.⁷Salomo adolah ayah Rehabeam. Rehabeam adolah ayah Abia. Abia adolah ayah Asa. ⁸Asa adolah ayah Yosafat. Yosafat adolah ayah Yoram. Yoram adolah ayah Uzia.⁹Uzia adolah ayah Yotam. Yotam adolah ayah Ahas. Ahas adolah ayah Hizkia. ¹⁰Hizkia adolah ayah Manasye. Manasye adolah ayah Amon. Amon adolah ayah Yosia. ¹¹Yosia adolah ayah Yekhonya dan sodaro-sodaronyo, pas maso pambuangan ka Babel.¹²Sasudah pambuangan ka Babel, Yekhonya adolah ayah Sealtiel, Sealtiel adolah ayah Zerubabel. ¹³Zerubabel adolah ayah Abihud. Abihud adolah ayah Elyakim. Elyakim adolah ayah Azor. ¹⁴Azor adolah ayah Zadok. Zadok adolah ayah Akhim. Akhim adolah ayah Eliud.¹⁵Eliud adolah ayah Eleazar. Eleazar adolah ayah Matan Matan adolah ayah Yakub. ¹⁶Yakub adolah ayah Yusuf, suami Maria. Maria malahirkan Yesus, nan di bilang jugo Kristus. ¹⁷Jadi, samuo katurunan dari Abraham sampe ka si Daud, samuonyo adolah Ompat Bolas Katurunan, dan dari Daud sampe ka pambuangan ka Babel, banyaknyo same ompat bolas katurunan, dan sojak pambuangan ka Babel sampe Ka Kristus, banyaknyo sampe ompat bolas katurunan.(Kalahiran Yesus Kristus) ¹⁸Kinin, kalahiran Kristus Yesus adolah macam gini. Pas Maria, omak-Nyo dah batunangan samo si Yusuf, bolum lagi orang tu hidup basamo, ruponyo dio mangandung dari Roh Kudus. ¹⁹Untungnyo, Yusuf, lakik nyo, adolah orang elok dan tak ondak mamalukan Maria di mukak umum, sahinggo dio baniat ondak mancorekan Maria sacaro diam-diam.²⁰Tak taunyo, pas Yusuf tongah mamikirkan hal tu, Tengoklah, manampakkan diri lah Malaikat Tuhan samo dio dalam mimpinyo dan bacakap, "Yusuf, anak Daud, tak usah ko takut ondak mangawini Maria jadi istri kau, korno, Anak nan dikandungnyo tu, adolah dari Roh Kudus. ²¹Dio akan malahirkan saorang Anak Laki-laki dan kau buatlah namo-Nyo Yesus, korno Dio akan manyalamatkan umat-Nyo dari doso-doso orang tu.²²Samuo hal ni tajadi ondak manggonapi nan difirmankan samo Tuhan malalui nabi-nyo. ²³"Tengoklah, saorang parawan akan mangandung dan akan malahirkan saorang Anak laki-laki. Orang tu akan manyobut namo-Nyo Imanuel," nan artinyo: "Allah basamo kito".²⁴Pas Yusuf tabangun dari tidurnyo, dio malakukan, macam nan di katokan samo Malaikat Tuhan perintahkan samo dio, dan dio mangambil Maria jadi Istrinyo. ²⁵Tatapi tak basatubuh samo maria, sampe dio malahirkan Anak laki-lakinyo. Dan, Yusuf manami-Nyo Yesus.

(Orang-orang Majus Manyombah Yesus) ¹Kinin, satolah Yesus lahir di Betlehem, di Yudea, pas zaman Rajo Herodes, tengoklah, orang-orang Majus dari timur datang ka Yerusalem. ²Orang tu batanyo, "Dimanonyo Dio, Rajo orang Yahudi nan dilahirkan tu? Korno, kami dah manengok bintang-Nyo di timur dan kami datang ondak manyombah-Nyo" ³Pas Rajo Herodes mandongar hal ni, suntuklah dio dan saluruh Yerusalem basamonyo.⁴Trus, dio mangumpulkan samuo imam kapalo dan ahli-ahli taurat bangso tu. Dio batanyo samo orang tu, dimano Kristus dilahirkan. ⁵Orang tu manjawab, "Di Betlehem, wilayah Yudea, karono kek ginilah nan ditulis oleh nabi: ⁶'Tatapi engkau, hai Betlehem Efrata di tanah Yudea, engkau tak lagi nan takocik diantaro panguaso Yehuda, karono darimu akan bangkit untuk-Ku, saorang nan akan mamarintah Israel.'"⁷Torus tu, Herodes diam-diam mamanggil orang-orang Majus tu, minta kapastian dari orang tu, tontang waktu basinarnyo bintang tu. ⁸Trus, dio manyuruh orang tu ka Betlehem dan bacakap, "Pogi dan salidikilah motan-motan tontang Anak tu. Dan, kolok kamu dah manomukan-Nyo, kasihtaukanlah samoku bak supayo aku jugo bisa datang dan manyombah-Nyo."⁹Satolah mandongarkan rajo, orang tu pun pogi, dan, tengoklah, bintang nan orang tu tengok di timur tu manuntun orang tu sampe tibo dan baronti di atas tompat Anak tu barado. ¹⁰Pas manengok bintang tu, orang tu basukocito , dan dengan sukocito nan sangat bosar.¹¹Satolah masuk kadalam rumah, orang tu manjumpoi Anak tu basamo omak-Nyo, Maria. trus, orang tu tasungkur dan manyombah-Nyo. Kamudian, orang tu mambuko tompat-tompat harto orang tu dan mamparsombahkan hadiah-hadiah samo Dio, yaitu: Omas, Kamonyan dan Mur. ¹²Dan, Sasudah diparingatkan dalam mimpi bak supayo jangan balek samo Herodes, orang tu balek ka nogrinyo lewat jalan nan laen.(Parintah Bak Supayo Lari Ka Mesir) ¹³Satolah orang-orang Majus tu pogi, tengoklah, Malekat Tuhan manampakkan diri samo si Yusuf dalam mimpi dan bacakap, "Bangunlah! kau bawaklah Anak tu samo omak-Nyo dan larilah ka Mesir. Ontoklah disanan sampe Aku bacakap samo kau, korno Herodes ondak mambunuh Anak tu dan mambinasokan-Nyo." ¹⁴Torus tu, Yusuf bangun dan mambawak Anak tu samo omak-Nyo pas waktu malam ondak pogi ka Mesir. ¹⁵Dan ontok disanan, sampek Herodes mati, bak supayo digonapilah nan difirmankan Tuhan malalui nabi, "Dan dari Mesir Kupanggila Anak-Ku."(Pembunuhan Samuo Anak Laki-Laki di Betlehem) ¹⁶Kamudian, pas Herodes tahu, kolok dio dah dibongak'i samo orang-orang Majus tu, marah kalilah dio dan mamarintahkan ondak mambunuh samuo anak laki-laki di Betlehem dan saluruh wilayah di sakitarnyo, nan barumur duo tahun kabawah, sasuei samo waktu nan dah dio pastikan dari orang-orang Majus.¹⁷Maka, gonaplah nan disampekan samo Nabi Yeremia: ¹⁸"Suatu suaro tadongar di Rama, tangisan dan ratapan nan sangat sodih. Rahel manangisi anak-anaknyo, dan tak mau dihibur, korno orang tu dah tiado.(Parintah ondak Balek ka Israel) ¹⁹Namun, pas Herodes mati, tengoklah, malaekat Tuhan manampakkan diri dalam mimpi si Yusuf di Mesir. ²⁰Dan bacakap, "Bangunlah, bawak Anak tu samo omak-Nyo dan pogilah ka tanah Israel, karono orang-orang nan barusaho ondak mambunuh nyawo Anak tu dah mati. ²¹Trus, dio bangun dan mambawak Anak tu samo omak-Nyo dan balek katanah Israel.²²Tak taunyo, pas di dongarnyo, kolok Arkhelaus mamarintah di Yudea manggantikan Herodes, ayahnyo, Yusuf takut ondak pogi kasanan. Satolah diparingatkan dalam mimpi, dio pogi ka wilayah Galilea. ²³Tibo lah dio dan tinggal di satu kota nan banamo Nazaret, bak supayo gonaplah nan disampekan para Nabi, "Dia akan disobut orang Nazaret"

(Khotbah Yohanes Pambaptis) ¹Pas hari-hari tu, munculah Yohanes Pambabtis, bacaramah di padang balantaro Yudea. ²Dio bacakap, "Batobatlah, korno Karajaan Surgo dan dokat," ³Korno, diolah nan diucapkan Nabi Yesaya, bacakap, "Ado suaro basoru-soru :'Siapkanlah jalan di padang balantaro samo Tuhan!, ratokanlah jalan di padang gurun bagi Allah kito'.⁴Dan, Yohanes sandiri, mamake baju dari bulu onta dan ikat pinggang kulit di pinggangnyo. Makanannyo adolah balalang-balalang dan madu hutan. ⁵Torus tu, orang-orang Yerusalem datang samo dio, dan saluruh Yudea, dan saluruh daerah di sakitar Yordan. ⁶Trus, orang tu dibaptis samo dio di sunge Yordan, sambil mangaku doso-doso orang tu.⁷Namun, pas Yohanes manengok banyak orang Farisi dan Saduki datang samo baptisannyo, dio bacakap samo orang tu, "Kamu katurunan ular baludak, siapo nan mangingatkan kamu ondak lari dari murka nan akan datang?" ⁸Karono tu, hasilkanlah buah-buah nan sasue samo partobatan, ⁹Dan tak usah bapikir ondak bacakap samo diri kau sandiri, 'Kami mampunyoi Abraham, bapak leluhur kami, 'Korno aku mangatokan samo kamu, kolok dari batu-batu ni, Allah tolap mambangkitkan anak-anak untuk Abraham.'¹⁰Bahkan, kinin, kampak dilotakkan di akar pohon-pohon, dan satiap pohon nan tak manghasilkan buah nan elok, pasti ditobang dan dicampakkan ka dalam api ¹¹Sabotulnyo aku mambaptis kamu dengan air untuk partobatan, tatapi Dio nan datang sasudah aku, adolah lobih bakuaso dari padoku, nan mambawa sandal-Nyo pun aku tak layak. Dio akan mambaptis kamu samo Roh Kudus dan samo api. ¹²Alat panampi ado ditangan-Nyo, dan Dio akan mamborsihkan tompat pangirikan-Nyo, dan akan mangumpulkan gandum kadalam lumbung, Namun, Dio akan mambakar rabuknyo dengan api nan tak dapat di padamkan.(Yesus Dibaptis Samo Yohanes Pambabtis) ¹³Torus tu, Yesus datang dari Galilea ka Yordan kapado Yohanes ondak dibaptis samo dio. ¹⁴Namun, Yohanes barusaho manolak-Nyo dan bacakap, "Akunyo nan porlu dibaptis samo-Kau, tatapi Kau pulak nan datang samoku?" ¹⁵Trus, Yesus manjawab dan bacakap samonyo, "Udahlah, biarlah ini tajadi samo kito baduo, bak supayo manggonapi saluruh kabonarannyo." Dan, Yohanes pun mambabtis Dio.¹⁶Sasudah di Baptis, Yesus langsung kaluar dari air, dan tengoklah, surgo tabuko dan Dio manengok Roh Allah turun macam burung merpati datang kaatas-Nyo. ¹⁷Dan, kadongaranlah suaro dari surgo bacakap, "Inilah Anak-Ku nan Kukasihi, Samo-Nyolah Aku bakonan."

(Iblis Mancuboi Yesus) ¹Torus tu Yesus dipimpin samo Roh ka padang balantaro ondak dicuboi samo iblis. ²Dan, Dio bapuaso ompat puluh hari dan ompat puluh malam, sasudah tu, jadi lapar lah dio, ³Torus, datanglah si iblis tu mancuboi Dio dan bacakap samo Yesus, "Kolok botul Kau tu Anak Allah, cok Kau ubah batu ni jadi roti." ⁴Di jawab Diolah, dan bacakap, "Ado tatulis, 'Manusio tu hidup, bukan dari roti sajo, tatapio oleh satiap firman nan kaluar dari Mulut Allah.'"⁵Kamudian, iblis mambawa-Nyo ka kota suci dan manompatkan-Nyo di puncak Bait Allah, ⁶Dan bacakap samo Dio, "Kolok botul Kau Anak Allah, campakkanlah diri-Kau ka bawah sanan, karono, ado tatulis: 'Tontang Kau, Allah akan mamarintahkan malekat-malekat-Nyo dan mangangkat Engkau di atas tangan orang tu, bak supayo kaki-Kau tak tarantuk ka batu.'"⁷Dijawab Yesus samo si iblis, "sakali lagi, ado tatulis, 'Jangan kau cuboi Allahmu sandiri.'" ⁸Sakali lagi iblis mambawak Yesus ka atas bukit nan sangat tinggi dan manunjukkan samo Dio samuo karajaan dunio longkap samo kamogahannyo, ⁹Dan Bacakap samo-Dio, "Ondak ku kasihkan samuonnyo ni samo Kau, tapi, kolok Kau sujud dan manyombah aku."¹⁰Kamudian, Yesus bacakap samo dio, "Hambuslah kau iblis! ado tatulis, "Kamu harus manyombah Tuhan Allahmu dan kapado-Nyo sajo lah kamu harus baribadah.'" ¹¹Sasudah tu, iblis maninggalkan Dio, dan tengoklah, malaikat-malaikat datang ondak malayani-Nyo.(Yesus Mamulei Palayanan-Nyo di Galilea) ¹²Lalu, pas Yesus mandongar kolok Yohanes dah ditangkap, Dio manyingkir ka Galilea. ¹³Dio maninggalkan Nazaret dan tibo di Kapernaun, trus ontok disanan, di pinggir danau, di parbatasan Zebulon dan Naftali,¹⁴Bak supayo digonapi apo nan dikatokan lewat nabi Yesaya : ¹⁵"Tanah Zebulon dan Tanah Naftali, jalan dokat danau, di saborang Yordan Galilea, wilayah orang-orang bukan Yahudi. ¹⁶Bangso nan diam dalam kagolapan manengok Torang nan bosar, dan samo orang tu nan ontok dinogri dan dalam bayang-bayang kamatian, Torang tu dah torbit.¹⁷Sojak waktu tu, Yesus mulai bacaramah dan bacakap, "Batobatlah, karono Karajoan Surgo dan dokat!"(Yesus Mamanggil Ompat Murid-Nyo nan Partamo) ¹⁸Pas Yesus bajalan di pinggir danau Galilea, Dio manengok duo basodaro yaitu, Simon nan di panggil Petrus, dan Andreas, sodaronyo, tongah malempar jala di dano, korno orang tu adolah panjalo ikan. ¹⁹Dan, Dio bacakap samo orang tu, "Moh lah ikut Aku dan Aku ondak manjadikanmu panjalo manusio." ²⁰Orang tu langsung maninggalkan jalo-jalonyo dan mangikut Dio.²¹Dan, pas pogi dari sanan, Dio manengok duo basodaro nan laen, Yakobus dan Zebedeus dan Yohanes, sodaronyo. Orang tu barado dalam sabuah sampan basamo Zebedeus, ayah orang tu, tongah mambolo jalo-jalonyo, dan, Dio mamanggil orang tu. ²²Dan, orang tu langsung maninggalkan sampan dan ayah orang tu, trus mangikut Yesus(Yesus Mangajar dan Manyombuhkan Banyak Orang) ²³Yesus bakaliling ka saluruh daerah Galilea, mangajar di sinagoge-sinagoge orang tu, mambaritokan Injil Karajoan dan manyombuhkan sagalo macam panyakit dan sagalo macam kasakitan diantaro banyak orang. ²⁴Dan, berita tontang Dio tasobar sampek ka saluruh Siria. Dan, orang tu mambawak samo Dio samuo orang sakit nan mandarito bamacam-macam panyakit dan raso sakit, dan nan karasukan ta'un, nan sakit ayan, dan nan lumpuh, dan Dio manyombuhkannyo. ²⁵Nan banyak'an lah Bakarumunan orang dan mangikuti Dio dari Galilea, Dekapolis, Yerusalem, Yudea, dan dari saborang Yordan.

(Caramah Yesus Dibukit {Ucapan Berkat}) ¹Pas manengok orang banyak tu, Yesus naik ka atas bukit. Dan, sasudah Dio duduk, murid-murid-Nyo datang samo Dio. ²Dan, Dio mambuko mulut-Nyo dan mangajar orang tu, katonyo, ³"Diborkahilah orang nan miskin dalam roh, korno orang tu nan mampunyoi Karajoan Surgo. ⁴Diborkahilah orang tu nan badukocito, korno orang akan dihibur.⁵Diborkahilah orang nan lombut atinyo, korno orang tu akan mawarisi bumi. ⁶Diborkahilah orang nan lapar dan haus akan kabonaran, korno orang tu akan dikonyangkan. ⁷Diborkahilah orang nan mudah mangkasihani, korno orang tu akan dikasihani. ⁸Diborkahilah orang nan murni atinyo, korno orang tu akan manengok Allah.⁹Diborkahilah orang nan suko badame, korno orang tu akan disobut anak-anak Allah. ¹⁰Diborkahilah orang nan dianiayo korno kabonaran, korno orang tu nan mamiliki Karajaan Surgo.¹¹Diborkahilah kamu, kolok ado orang nan mangejekmu dan manganiayo kamu, dan mancakapkan samuo macam cakap nan jahat samo kamu, dengan fitnah, karono Aku. ¹²Basukocito dan bagambiralah, korno upahmu bosar disurgo, karono, kek gitulah orang tu nan manganiayo para nabi nan sabolum kamu."(Garam dan Torang Dunio) ¹³"Kamu tu adolah garam dunio, tatapi kolok garam tu dah manjadi hambar, pake apo lagi lah dio ondak diasinkan balek? dio tak baguno lagi samo sakali, salain dibuang dan dipijak-pijak samo orang." ¹⁴"Kamu tu adolah torang dunio, kota nan talotak diatas bukit, tak biso di rondokkan.¹⁵Orang-orang jugo tak mangidupkan api lampu dan malotakkannyo di bawah gantang, pastinyo malotakkannyo diatas tompat lampu dan dio manorangi samuo nan ado di dalam rumah. ¹⁶Bak biarlah torangmu jugo bacahayo macam cara kek gitu jugo, bak supayo orang tu dapat manengok parbuatan-parbuatan nan elok dan mamuliokan Bapamu nan di Surgo."(Panggonapan Hukum Taurat dan Kitab Paro Nabi) ¹⁷"Jangan kalian pikir kolok Aku datang ondak maniadokan Hukum Taurat ato Kitab paro Nabi, Aku ni datang ondak manggonapinyo. ¹⁸Aku bacakap ni nan sabotulnyo samo kamu, sampe langit dan bumi balalu, tak ado satu iota ato satu coretan pun nan akan hilang dari Hukum Taurat sampe samuonyo digonapi.¹⁹karono tu, siapo nan maniadokan salah satu dari parintah-parintah nan kocik ni, dan mangajarkan orang lain ondak malakukan hal nan samo, dio akan disobut nan takocik dalam Karajoan Allah. Namun, siapo nan malakukan parintah-parintah tu dan mangajarkannyo, akan disobut bosar dalam Karajoan Allah. ²⁰Korno, Aku bacakap samo kamu ni, koloklah perangaimu tak lobih elok dari pado perangai ahli-ahli Taurat dan orang-orang Farisi, samo sakali kamu tu tak akan masuk kadalam Karajoan Surgo.(Tontang Orang Nan Marah samo Sodaronyo) ²¹Kamu dah mandongar nan dicakapkan samo nenek moyang kito, Jangan mambunuh, dan 'siapo nan mambunuh, cocok dibawak ka pangadilan.' ²²Akan tatapi, Aku kasihtau samo kamu, kolok siapopun nan marah samo sodaronyo, pantas barado dalam hukum, dan siapopun nan bacakap samo sodaronyo "Kamu tolol", cocoknyo ado dihadapan Mahkamah Agamo, dan siapopun nan bacakap, 'kamu bodoh' cocok ado dalam narako api.²³Karono tu, kolok kamu mamparsombahkan parsombahan di atas altar, dan disanan kamu taringat, kolok ado nan tak cocok dalam ati mu samo sodaromu, ²⁴Tinggalkanlah dulu parsombahanmu itu didopan altar dan pogilah dulu dan badamelah samo sodaromu itu, kolok dah salose, balek lah dan parsombahkanlah parsomabahanmu.²⁵Sacopat mungkin, badamelah samo orang nan manuduhmu salagi kamu dalam parjalanan basamonya, bak supayo jangan sampe panuduhmu itu manyorahkan kamu ka Hakim, dan Hakim tu manyorahkanmu samo pagawenyo, dan kamu dijobloskan kadalam panjaro. ²⁶Aku cakapkan ni nan sabotulnyo samo kamu, kamu tak akan pornah kaluar dari sanan samuo kamu dah mambayar sen nan tarakhir.(Orang nan Bazinah) ²⁷"Kamu dah mandongar kolok dikatokan, "Jangan Bazinah". ²⁸Akan tatapi, Aku kasihtaukan samo kamu, kolok satiap orang nan manengok'i parampuan dan mangingininyo, sabotulnyo dio tu dah bazinah samo parampuan tu di dalam hatinyo.²⁹Kolok mato kananmu mambuek kau badoso, cungkillah mato kau tu dan campakkanlah, korno, eloklah kau tu tak punyo satu mato dari pado saluruh tubuhmu dibuang ka dalam narako. ³⁰Dan, kolok tangan kananmu mambuek kau badoso, potong sajolah tangan kau tu, dan buang tangan kau tu, eloklah kau tak punyo satu tangan dari pado saluruh tubuh kau dibuang kadalam narako.( Paraturan Tontang Parcorean) ³¹Dah dikatokan :Siapo nan mancorekan binik nyo, harus mambuek surat core samo biniknyo tu, ³²Akan tatapi, Aku kasihtau ka kamu, kolok siapo nan mancorekan binik nyo, kacuali karono zina, dio mambuek binik nyo bazina. dan, siapo nan kawin samo parampuam ma dah dicorekan tu, dio jugo bazinah.(Tontang Sumpah) ³³Sakali lagi, kamu dah mandongar nan dikatokan samo nenek moyang kito. 'Jangan basumpah palsu, tatapi topatilah sumpahmu tu di dopan Tuhan.' ³⁴Namun, Aku bacakap samo kamu: Jangan sakali-kali kamu basumpah, antah itu domi surgo, korno surgo adolah takhto Allah. ³⁵Atopun domi bumi, karono bumi adolah tumpuan kaki-Nyo, atopun domi Yerusalem, karono itu adolah kota sang Rajo Bosar.³⁶Jangan jugo kamu basumpah domi kapalamu, karono kamu tak dapat mambuek sehelai rambutpun, putih ato hitam. ³⁷Namun, ondaknyo parkataanmu, ya kolok ya, tidak kolok tidak, karono, salain dari itu, pasti barasal dari si Jahat.(Tontang Pambalasan) ³⁸Kamu dah mandongar apo nan dah dicakapkan, 'Mato ganti mato dan gigi ganti gigi.' ³⁹Namun, Aku kasihtaukan ka kamu, jangan malawan nan jahat, malainkan siapo nan manampar pipi kanan mu, kasihkan jugo samo dio pipi kiri kau.⁴⁰Dan, kolok saorang ondak manuntun kau mangambek bajumu, kasihkanlah jugo jubah kau samo dio. ⁴¹Dan, siapo nan mamaksamu bajalan 1 mil, bajalanlah samo dio 2 mil. ⁴²Kasihkanlah samo orang nan mamintak samo kau dan jangan manolak orang nan ondak maminjam samo kau.(Kasihilah Musuhmu) ⁴³"Kamu dan mandongar nan difirmankan, "Kasihilah sasamamu, dan boncilah musuhmu." ⁴⁴Namun, Aku kasihtau samo kamu, "Kasihilah musuh-musuhmu dan badoalah samo orang-orang nan manganiayo kamu" ⁴⁵Dengan kek gitu, kamu dapat manjadi anak-anak Bapamu nan di Surgo, korno Dio mamunculkan matahari-Nyo samo nan jahat dan nan elok, dan manurunkan hujan samo nan elok dan nan tak elok.⁴⁶Korno, kolok kamu hanyo mangasihi orang-orang nan mangasihimu, apolah upah nan kau dapat? bukannyo pangumpul pajak jugo mambuek kayak gitu jugo? ⁴⁷Dan, kolok kamu mangasih salam hanyo samo sodaro-sodaromu, apolah lobihnyo parangaimu tu? bukannyo orang nan tak mangonal Allah jugo keg gitu jugo dibueknyo? ⁴⁸Karono tu, kamu tu harus manjadi sampurno, samo macam Bapamu sampurno, nan ado disurgo.

(Ajaran Tontang Mambori) ¹"Waspadolah dalam malakukan kawajiban agamamu di dopan manusio, kolok ondak di tengok manusio, Kolok kek gitu, kamu takkan kamu tarimo upah dari Bapa-mu nan di Surgo. ²Karono tu, pas kamu mangasih sadokah, tak usah mambunyikan tarompet di dopan mu, macam nan dibikin orang-orang munafik di sinagoge-sinagoge dan di jalan-jalan bak supayo dipuji orang tu samo nan laen. Aku kasihtaukan samo kalian nan sabotulnyo, kolok orang tu sabonarnyo dah manarimo upahnyo.³Sabaiknyo, pas kamu mambori sadokah, tak usah pala tangan kirimu jugo tau, antah apopun nan dibuek tangan kananmu. ⁴Bak supayo sadokahmu tu tasambunyi, dan Bapamu nan manengok nan tasambunyi tu, akan mangasihkan upah samo kau."(Ajaran Tontang Bado'a) ⁵"Dan, pas kamu bado'a, jangan pulak kamu macam orang-orang munafik, karono orang tu suko badiri dan bado'a di sinagoge-sinagoge dan disudut-sudut jalan, bak supayo ditengok orang laen. Aku kasihtaukan samo kalian nan sabotulnyo, sabonarnyo orang tu dah manarimo upahnyo. ⁶Lobih eloklah, pas kalian bado'a, masuklah kalian kadalam kamarmu, dan tutuplah pintunyo, dan bado'a lah samo Bapamu nan ado ditompat tasambunyi, pasti Bapamu nan manengok nan tasambunyi tu akan mangasih upa samo kau. ⁷Dan, Pas kamu bado'a, tak usah palah pakek kato-kato nan tak ado artinyo, macam dibuek samo orang-orang nan tak konal samo Allah, korno disangko orang tu, kolok banyaknyo kato-kato, do'a orang tu pasti didongarkan Allah.⁸Karono tu, janganlah kayak orang tu, karono, taunyo Bapamu apo sajo nan kamu porlukan, sabolum kamu maminta samo-Dio. ⁹Bado'alah kayak gini, : "Ayah kami nan di Surgo, dikuduskanlah namo-Mu. ¹⁰Datanglah Karajoan-Mu, jadilah kahondak-Mu dibumi macam di Surgo.¹¹Kasihkanlah samo kami, untuk hari ini, makanan kami nan sacukupnyo. ¹²Dan, ampunilah kasalahan-kasalahan kami, kayak kami jugo mangampuni orang-orang nan basalah samo kami ¹³Dan, jangan pulak mambawak kami kadalam pancobaan, tatapi, lopaskanlah kami dari nan jahat. Karono, Engkaulah Sang pamilik Karajoan, dan Kuaso, dan Kamulioan sampek salamo-lamonyo. Amin."¹⁴Karono, kolok kamu mangampuni kasalahan-kasalahan orang laen, Ayah mu nan Surgo pun pasti mangampuni kamu. ¹⁵Cilakonyo, kolok kamu tak mangampuni kasalahan-kasalahan orang laen, Ayahmu nan di Surgo pun tak akan mangampuni kasalahan-kasalahan kau jugo.(Sikap Kito pas Kito Bapuaso) ¹⁶"Dan, kolok kamu bapuaso, usah murung macam orang munafik, karono orang tu mangubah mukonyo, bak supayo ditengok orang laen, kolok dio tongah bapuaso, Aku kasihtaukan nan sabotulnyo samo kalian, sabonarnyo dah ditarimo orang tu nyo upahnyo. ¹⁷Eloknyo, pas kamu bapuaso, minyakilah kapalomu dan cucilah mukakmu, ¹⁸Bak supayo puasamu tak ditengok orang, tatapi ditengok samo Ayahmu nan ado ditompat tasambunyi, dan, Ayahmu nan manengok parbuatanmu nan tasambunyi tu, akan mambalasnyo samo kau.(Kumpulkanlah Harto Disurgo) ¹⁹"Tak usah kau manimbun hartomu di bumi ni, dibumi ni tompat ngongat dan karat akan marusaknyo, dan tompat pancuri nan ondak mancuri hartomu. ²⁰Nan botulnyo, kumpulkanlah hartomu di Surgo, disanan tak ado ngongat dan karat nan ondak marusaknyo, dan tak ado tompat pancuri nan ondak mancuri hartomu disurgo. ²¹Karono, dimano hartomu barado, disitu jugolah hatimu barado.²²"Mato adolah panorang tubuh, jadi, kolok matamu elok, torang jugolah saluruh tubuhmu, ²³Cilakonyo, kolok matamu jahat, jadi golaplah saluruh tubuhmu. Jadi, kolok saharusnya torang nan ado samo kau tu jadi golap, kek mano lagilah golapnyo kagolapan tu. ²⁴"Tak ado orang nan biso malayani duo tuan, karono dio akan mambonci tuan nan satu dan mangasihi nan laen, ato, dio akan satio samo tuan nan satu dan maremehkan nan laen. Kamu tak biso malayani Allah dan mamon.(Tak Usah Kamu Khawatir) ²⁵"Korno tu Aku bacakap samo kalian, "Tak usah khawatir samo hidupmu, antah apo nan ondak kamu makan ato antah apo nan ondak kamu minum. Kekgitu jugo tontang tubuhmu, antah apo nan ondak kamu pakek. Bukannyo hidup tu lobih ponting dari pado makanan, dan tubuh tu lobih ponting dari pado pakean.? ²⁶Tengoklah burung-burung di langit nan tak manabur, tak mamanen, dan tak mangumpulkan kadalam lumbung, tatapi Ayahmu nan di Surgo mangasih mereka makan. Bukannyo kamu tu lobih bahargo dari pado burung-burung tu?²⁷Siaponyo diantaro kalian nan karono khawatir biso manambah sahasta samo umurnyo? ²⁸Dan, tontang pakean, mangapo pulak kamu khawatir? tengokilah bungo bakung di padang, kek mano mereka tumbuh, mereka tak bakorjo dan jugo tak mamintal. ²⁹Tatapi, Aku katokan samo kamo, kolok si Salomo dalam samuo kamulioanyo pun tak bapakean saelok macam bungo-bungo tu.³⁰Jadi, kolok Allah manyoleki rumput dipadang sampek kek gitu, nan hari ni ado tapi besok dah di campakkan kadalam parapian, pastilah Dio, lobih lagi akan manyolek'i kamu, kamu sakalian nan kurang iman? ³¹Karono tu, tak usah kamu khawatir sambil bacakap, "Apo nan ondak kami makan?, ato, Apo nan ondak kami minum?, ato apo nan ondak kami pakek?³²Karono, bangso-bangso laen pun mancari-cari samuo ni dan Ayah mu nan di Surgo tau, kolok kamu mamorlukan samuo ni. ³³Eloknyo, Carilah dulu Karajoan Allah dan Kabonaran-Nyo, dan samuonyo tu akan ditambahkan samo kamu. ³⁴Jadi, tak usah pala khawatir tontang hari besok, karono kasusahan hari besok, cukuplah besok, kolok hari ni, cukuplah hari ni ajo.

(Jangan Manghakimi) ¹"Jangan manghakimi, bak supayo kamu tak dihakimi, ²Karono, dengan panghakiman nan kamu gunokan ondak manghakimi, kamu akan dihakimi, dan ukuran nan kamu gunokan pndak mangukur akan diukurkan samo kamu.³Mangapo pulak kamu manengok dobu kayu di mato sodaromu, tatapi, kau tak tau kolok ado jugo balok dimatomu sandiri? ⁴Ato, kek manolah kamu biso bacakap samo sodaromu, "Bak ku kaluarkan dobu kayu tu dari mato kau,' tatapi tengoklah, ado balok di mato kau sandiri? ⁵Hei, orang munafik, kaluarkan lah dulu balok nan ado di mato kau tu, abis tu, bak jolas kau menengok dan mangaluarkan dobu kayu dari mato sodaromu.⁶Jangan mangasih barang nan kudus samo anjing-anjing, jangan pulak malempar mutiaro samo babi, bak supayo mereka tak manginjak-injaknyo pakek kakinyo dan babalek mancabik-cabik kamu.(Mintaklah, Cariklah dan Godurlah) ⁷"Mintaklah, dan hal tu akan dikasihkan samo kau, Carilah, dan kau akan mandapat. Godurlah, dan hal tu akan dibukokan samo kau. ⁸Karono, satiap orang nan mamintak akan manarimo, dan orang nan mancari, akan mandapat, dan samo dio nan manggodur akan dibukokan. ⁹Ato, siaponyo dari antaro kamu, nan kolok anaknyo mamintak roti akan dikasih batu samonyo? ¹⁰Ato, kolok anaknyo mamintak ikan, tak mungkin dikasihkan ular samo anaknyo tu.!¹¹Jadi, kolok kamu nan jahat tau kek mano mangasih anak-anakmu nan elok, talobih lagi lah Ayahmu nan di Surgo nan mangasihkan nan elok samo orang tu nan maminta samo-Dio. (Hukum Nan Tarutamo) ¹²"Karono tu, sagalo sasuatu nan kamu ondak orang laen lakukan samo kamu, kek gitu jugolah kamu lakukan samo orang tu, karono inilah isi Hukum Taurat dan kitab paro Nabi."(Jalan Manuju Kahidupan) ¹³"Masuklah lewat gorbang nan sompit, karono lebarlah gorbang dan luaslah jalan nan manuju kapado kabinasoan, dan ado banyak nan masuk lewat jalan tu. ¹⁴Karono, nan sompitan gorbang dan sosaklah jalan nan manuju kapado kahidupan dan sadikit nan manomukannyo."(Paringatan Mangonoi Nabi-Nabi Palsu) ¹⁵"Namun, waspadolah samo nabi-nabi palsu nan datang samo kamu dengan bapakean domba, tatapi sabotulnyo orang tu adolah sarigalo-sarigalo nan buas. ¹⁶Dari buahnyolah kamu akan mangonali orang tu, dapatnyo agaknyo orang mangumpulkan buah-buah anggur dari somak-somak duri dan buah-buah ara dari tumbuh-tumbuhan baduri? ¹⁷Kek gitu jugolah, satiap pohon nan elok manghasilkan buah nan elok, tatapi pohon nan tak elok manghasilkan buah nan tak elok jugo.¹⁸Pohon nan elok tak mungkin manghasilkan buah nan tak elok, ato pohon nan tak elok biso manghasilkan buah nan elok?. ¹⁹Satiap pohon nan tak manghasilkan buah nan elok akan ditobang dan dibuang ka dalam api. ²⁰Jadi, dari buah-buahnyolah kamu akan mangonali orang tu.²¹Tak samuo orang nan bakato samo-ku, "Tuhan, Tuhan, akan masuk kadalan Karajoan Surgo, salain orang nan malakukan kamauan ati Ayah-Ku nan di Sorga. ²²Pas hari tu, banyak orang akan bacakap samo-Ku, 'Tuhan, Tuhan, bukannyo kami dah banubuat dalam namo-Mu, dan mangusir ta'un dalam nao-Mu dan malakukan banyak mukjizat dalam namo-Mu jugo?, ²³Torus, Aku akan manyatokan samo orang tu, 'Aku tak paronah mangonal kamu! Onyahlah dari-Ku, kamu samuo nan babuek palanggaran!'"(Mandongar dan Malakukan) ²⁴"Karono tu, samuo orang nan mandongar cakap-Ku ini dan malakukannyo, dio akan manjadi macam orang bijaksano nan mambangun rumahnyo diatas batu. ²⁵Torus, turunlah hujan dan datanglah banjir, dan angin batiup manghantam rumah tu, dan rumah tu tak rubuh, karono didirikan di atas batu.²⁶Dan, satiap nan mandongar parkatoan-Ku ni dan tak malakukannyo akan manjadi macam orang bodoh nan mambangun rumahnyo diatas pasir. ²⁷Torus, turunlah hujan dan datanglah banjir, dan angin batiup menghantam rumah tu, dan rumah tu rubuh dan sangant bosarlah karusakannyo."²⁸Pas Yesus salose mangatokan hal-hal ni, orang banyak taheran-heran samo pangajaran-Nyo. ²⁹Karono Dio mangajar orang tu sabage orang nan bakuaso, dan tak macam ahli-ahli Taurat orang tu.

(Yesus Menahirkan Orang nan Sakit Kusta) ¹Pas Yesus turun dari bukit tu, bakarumun orang mangikuti Dio, ²Dan, tengoklah, saorang nan sakit kusta datang samo Dio dan sujud di dopan-Nyo, dan bacakap, "Tuhan, kolok mau Kau, Kau bisa mantahirkan aku." ³Dan, Yesus mangulurkan tangannyo jugo manjamahnyo, katonyo, "Aku mau, tahirlah kau." saat tu jugo, ditahirkanlah dio dari kusta tu.⁴Dan, Yesus bacakap samo dio, "Tengoklah, tak usah pala kau kasihtaukan samo orang, apo nan dah kau rasokan, tapi, pogilah kau dan tunjukkanlah samo imam, dan parsombahkanlah parsombahan nan diparintahkan Musa sabage kasaksian samo orang tu.(Saorang Anak Buah Perwira Romawi Disombuhkan) ⁵Pas Yesus masuk ka Kapernaum, saorang parwira datang samo Dio, mamohon samo Dio. ⁶Dan bacakap, "Tuan, anak buahku tongah tabaring lumpuh di rumah, dan sangat mandarito dio." ⁷Dan, Yesus bacakap samo dio, "Datang pun Aku dan manyombuhkan dio."⁸Akan tatapi, perwira tu manjawab dan bacakap, "Tuan, aku tak layak untuk manarimo Engkau masuk kabawah atapku, tatapi, katokan sajolah sapatah kato, dan aku yakin, anggotaku tu pun pasti sombuh. ⁹Karono, aku jugo adolah orang nan ado dibawah kakuasoan, dengan tantaro-tantaro di bawahku. Dan, aku bacakap samo nan satu, 'Pogilah, diapun pasti pogi, dan samo nan laen, ' datanglah, dan dio pun pasti datang. dan samo anggota ku, 'lakukan ini, dan dio pun pasti malakukan. ¹⁰Pas Yesus mandongar hal ni, Dio pun kagum dan bacakap samo orang-orang nan mangikuti Dio, "Aku cakapkan nan sabotulnyo samo kalian, Bolum paronah Aku manjumpoi iman nan bosar macam ni, diantaro orang Israel.¹¹Aku mangatokan samo kamu, kolok banyak nan akan datang dari timur dan barat, dan duduk makan samo Abraham, Ishak, dan Yakub dalam Karajoan Surgo. ¹²Tatapi anak-anak Karajoan tu akan dibuang kadalam kagolapan nan paling golap. Dianan akan ado ratapan dan kortak gigi. ¹³Dan, Yesus bacakap samo perwira tu, "Pogilah, bak biarlah tajadi samo kau macam nan kau parcayai tu." dan, Pada saat tu jugo, anggotanyo pun disombuhkan.(Omak Martua Si Petrus dan Orang Banyak Disombuhkan) ¹⁴Pas Yesus tibo dirumah Petrus, Dio manengok omak martua nyo tongah tagolek dan domam. ¹⁵Trus, Yesus manjamah tangan omak martuonyo dan domamnyo pun lonyap, kamudian, dio bangun dan malayani Yesus.¹⁶Pas manjolang malam, orang tu mambawak samo Dio banyak orang nan karasukan ta'un, dan Dio mangusir ta'un tu pakek satu kato, dan manyombuhkan samuo orang nan sakit. ¹⁷Bak supayo Digonapilah apo nan dicakapkan oleh Nabi Yesaya: "Diolah nan mangambek kalomahan-kalomahan kito dan mananggung panyakit-panyakit kito."(Manjadi Pangikut Yesus) ¹⁸Kinin, pas Yesus manengok orang banyak di sakaliling-Nyo, Dio mangasih parintah ondak batulak ka saborang. ¹⁹Torus tu, saorang ahli Taurat datang dan bacakap samo Dio, "Guru, aku akan mangikuti-Mu kamano sajo Engkau pogi." ²⁰Dan, Yesus bacakap samo nyo, burung dilangit mampunyoi sarang, akan tatapi, Anak Manusio tak mampunyoi tompat ondak malotakkan kapalo-Nyo."²¹Salah satu murid-Dio bacakap samo Dio, "Tuhan, izinkanlah aku dulu, aku ondak manguburkan ayahku." ²²Dan Yesus bacakap samo dio, "Ikutlah Aku, dan biarlah orang mati manguburkan orang nan mati tu sandiri".(Yesus Manonangkan Badei) ²³Dan, Pas Yesus naik ka parahu, murid-murid-Nyo naik mangikuti Dio. ²⁴Dan tengoklah, tajadilah badei bosar di danau, sahinggokan parahu tu tatutup ombak, pas waktu tu Yesus masih tatidur. ²⁵Dan, murid-murid mandatangi Yesus dan mambangunkan-Dio sambil bacakap, "Tuhan, salamatkanlah kami! kito ni tongah ondak binaso!".²⁶Dan, Dio bacakap samo orang tu, "Mangapolah kamu ni takut, hei kamu orang nang kurang bariman?" trus, Badirilah Dio dan malonyapkan angin ribut tu dan manonangkan danau tu, jadi tonanglah samuo. ²⁷Orang-orang tu taheran-heran dan bacakap, "Orang macam aponyo Dio ni sabonarnyo? sampek angin dan dano pun manurut samo Dio?"(Duo Orang Gadara Karasukan roh ta'un) ²⁸Pas Yesus tibo di saborang dano, didaerah orang Gadara, duo orang nan karasukan roh ta'un manjumpoi Dio. Orang tu kaluar dari kuburan dengan sangat ganas, sahinggokan, tak ado orang nan dapat malewati jalan tu. ²⁹Dan, tengoklah, orang tu manjoriti, katonyo, "Apo urusan Kau samo kami, hai Anak Allah? apo ondak Kau siksonyo kami? sabolum waktunyo tibo?"³⁰Dan, agak jauh dari orang tu, ado karumunan bosar babi nan tongah mancari makan, ³¹Ta'un-ta'un tu mamintak samo Dio dan bacakap, "Kolok ondak Kau usirnyo kami, eloklah Kau usir kami ka dalam karumunan babi tu. ³²Dan, Yeus bacakap samo ta'un tu, "Pogilah!" trus, ta'un tu kaluar dari badan orang tu dan masuk ka karumunan babi, dan babi tu pun bacampak'an dari tebing ka dano dan mati dalam air.³³Orang-orang nan manggambalokan babi-babi tu pun malarikan diri, dan masuk kadalam kota, dan mancaritokan samuonyo, tarmasuklah apo nan tajadi samo orang-orang nan dirasuki ta'un tu. ³⁴Dan, tengoklah saluruh kota kaluar ondak bajumpo samo Yesus. Pas manengok Yesus, orang tu maminta samo Dio, bak supayo maninggalakan daerah orang tu.

(Yesus Mangampuni Dan Manyombuhkan Saorang Lumpuh) ¹Satolah masuk ka parahu, Yesus manyobrangi dano dan tibo di kota-Nyo sandiri, ²Dan, tengoklah, orang tu mambawak samo Dio saorang lumpuh nan tabaring ditompat tidur. Pas manengok iman orang tu, Yesus bacakap samo orang lumpuh tu. "Toguhkanlah hatimu , anak-Ku, dosomu dah diampuni."³Torus tu, tengoklah, babarapo orang Ahli Taurat bacakap dalam atinyo, "Orang ni manghujat Allah!" ⁴Tak taunyo Yesus tau isi pikiran orang tu, kato-Nyo, "Mangapo pulak kamu bapikir nan jahat dalan ati kau? ⁵Nan manolah nan lobih mudah diucapkan, 'Doso-doso kau dah diampuni, ato bacakap, ' Bangunlah dan bajalanlah? ⁶Biar kalian tau, kolok dibumi ni, Anak Manusio mampunyoi kuaso untuk mangampuni doso." Kamudian, Yesus bacakap samo orang lumpuh tu, "Bangunlah, angkatlah tompat tidurmu, dan baleklah kau karumahmu!.⁷Mako, dio bangun dan balek karumahnyo. ⁸Namun, pas orang banyak manengok hal ni, orang tu manjadi tacongang dan mamuliokan Allah nan mangasi kuaso macam tu samu manusio. (Matius Pangutip Pajak, Mangikuti Yesus) ⁹Pas Yesus pogi dari situ, di tengok-Nyo lah saorang nan di panggil Matius tongah duduk di tompat pangutipan pajak, torus, Yesus bacakap samo dio, "Ikutlah Aku." dan, Matius pun badiri dan mangikut Yesus.¹⁰Pas waktu Yesus duduk makan didalam rumah tu, tengoklah, banyak pangutip pajak dan orang-orang badoso datang, trus duduk dan makan basamo Yesus dan murid-murid-Nyo. ¹¹Dan, pas orang-orang Farisi manengok hal ni, orang tu bacakap samo murid-murid-Nyo, "Mangapo pulak gurumu makan basamo pangutip pajak dan orang-orang badoso?"¹²Tak taunyo, pas Yesus mandongar hal tu, backaplah Dio, "Orang nan sehat tak mambutuhkan tabib, malain nan sakitlah nan mambutuhkan tabib. ¹³Namun, pogilah dan palajarilah apo artinyo ni, "Aku mangingini belas kasihan, bukannyo parsombahan,' karono Aku datang bukan ondak mamanggil nan elok, malainkan orang-orang badoso."(Partanyaan Tontang Bapuaso) ¹⁴Kamudan, murid-murid Yohanes datang samo Yesus dan batanyo, "Mangapo kami dan orang-orang Farisi malakukan puaso? tatapi murid-murid-Mu tak bapuaso?" ¹⁵Dan, Yesus bacakap samo orang tu, "Bisanyo agaknyo para pangiring pangantin badukocito salamo pangantin laki-laki masih basamo-samo dengan orang tu?, akan tatapi, akan tibo waktunyo pas pangantin laki-laki tu diambil dari orang tu, dan barulah orang tu akan bapuaso."¹⁶Tak ado saorang pun nan manambalkan kain nan baru pado pakaian nan lamo, karono tambalan tu akan manguyak pakean nan lamo dan makin bosarlah kuyaknyo.¹⁷Dan jugo, tak ado orang nan manuang anggur nan baru kadalam kantong kulit dan lamo, kolok kek gitu, kantong kulit tu pasti akan kuyak, dan anggurnyopun akan tumpah, dan kantong kulitnyo pun hancur. Ekoknyo, orang tu manyimpan anggur nan baru tu kadalam kantong kulit nan baru jugo, sahinggo, kaduonyo tapaliharo.(Yesus Mambangkitkan dan Manyombuhkan) ¹⁸Samantaro Yesus mangatokan hal-hal ni samo orang tu, tengoklah, saorang pamimpin rumah ibadah datang manyombah-Nyo dan bacakap, "Anak parampuanku baru sajo mati, kuraso, datanglah dulu dan lotakkanlah tangan-Mu ka atasnyo, bak hidup dio balek." ¹⁹Trus, Yesus bangkit dan mangikuti dio, murid-murid-Nyo pun ikut samo Dio.²⁰Dan, tengoklah, saorang parampuan nan dah mandarito pandarahan salamo duo bolas tahun, mandokati Yesus dari balakang dan manjamah ujung jubah-Nyo. ²¹Karono parampuan tu bacakap samo dirinyo sandiri, "Kolok ku sontuh sajo jubah-Nyo, pasti aku sombuh," ²²Tak taunyo, Yesus babalik dan manengok'i parampuan tu, trus bacakap, "Toguhkanlah hatimu anak-Ku, iman mu dah manyombuhkanmu." saat tu jugo, sombuhlah parampuan tu.²³Pas sampek lah Yesus di rumah kapalo rumah ibadah tu dan manengok para paniup seruling dan orang banyak nan bising. ²⁴Dio bacakap, "Pogilah, karono tak matinyo anak parampuan ni, nan tatidurnyo dio," dan, orang tu pun manggolak'i-Nyo²⁵Namun, pas orang banyak tu dah diusir kaluar, Yesus masuk, trus mamegang tangan anak tu, dan anak parampuan tu pun bangun. ²⁶Dan, barita ni tasobar ka saluruh daerah tu.(Yesus Manyombuhkan Duo Orang Buto) ²⁷Pas Yesus pogi dari situ, duo orang buto mangikuti Dio sambil batariak-tariak, "Kasihanilah kami, Anak Daud," ²⁸Satolah Dio mamasuki rumah tu, kaduo orang buto tu mandatangi Dio, trus Ditanyak Yesuslah ka orang tu, "Parcayonyo kamu, kolok aku tolap malakukan hal ni?" orang tu pun manjawab, "Ya, Tuhan!"²⁹Kamudian Yesus manjamah mato orang tu, kato-Nyo, "Jadilah samo kalian manurut iman kalian." ³⁰Dan, tabukolah mato orang tu, trus, Yesus mangingatkan orang tu dengan tegas, "Tengok kalian, jangan sampe ado orang nan tau tontang hal ni" ³¹Tak taunyo, orang tu kaluar dan manyobarkan berita tontang Yesus ka saluruh daerah tu.(Yesus Manyombuhkan Orang Bisu) ³²Satolah kaduo orang itu kaluar, tengoklah, orang-orang mambawak samo Yesus saorang nan bisu nan dirasuki Ta'un. ³³Sasudah roh ta'un tu diusir, orang bisu tu pun bacakap. Orang banyak tu pun manjadi taheran-heran dan bakato, "Hal macam ni bolum paronah nampak di Israel." ³⁴Sayangnyo, orang-orang Farisi bacakap, "Dio mangusir roh-roh jahat pakek kuaso roh-roh jahat jugo.(Banyak nan Ondak di Panen, Tapi Pakorjonyo Sadikit) ³⁵Dan, Yesus pogi mangalilingi samuo kota dan desa sambil mangajar di sinagoge-sinagoge orang tu. dan mambaritokan Injil Karajoan, jugo manyombuhkan sagalo panyakit dan kasakitan. ³⁶Pas Yesus manengok orang banyak tu, Dio maraso kasihan samo orang tu, karono orang tu lotih dan talantar macam domba-domba tanpa gambalo.³⁷Kamudian Dio bacakap samo murid-murid-Nyo, "Sasungguhnyo, banyak nan di panen, tatapi pakorjo-pakorjonyo sadikit. " ³⁸Korno tu, mintaklah samo Tuhan nan mampunyoi Panenan, bak dikirmkan-Nyo pakorjo-pakorjo nan ondak mamanen.

(Yesus Mangutus Murid-Murid-Nyo) ¹Dan, Yesus mamanggil kaduo bolas murid-Nyo jugo mangasih orang tu kuaso atas roh-roh najis, untuk mangusir roh-roh itu dan untuk manyombuhkan sagalo macam kasakitan.²Inilah namo-namo kaduo bolas Rasul tu : "Nan partamo, Simon nan disobut Petrus, dan Andreas sodaronyo, dan Yakobus anak Zebedeus, dan Yohanes sodaronyo, ³Filipus dan Bartolomeus, Tomas, dan Matius si pangutip pajak, Yakobus anak Alfeus dan Tadeus, ⁴Simon orang Zelot dan Yudas Iskariot nan mangkhianati Yesus.⁵Yesus mangutus kaduo bolas Rasul tu dan mamarintahkan orang tu, "Jangan pogi kajalan bangso-bangso lain ato masuk kadalam kota Samaria. ⁶Malainkan pogilah kapado domba-domba nan tasosat dari antaro umat Israel. ⁷Dan, salamo kamu pogi, baritokanlah dengan bacakap, "Karajoan Surgo dah dokat.⁸Sombuhkanlah nan sakit, hidupkanlah nan mati, tahirkanlah nan kusta dan usirlah roh-roh ta'un. Kamu manarimo dengan cumo-cumo, kasihkanlah jugo dengan cumo-cumo. ⁹Tak usah pala kamu mambawak omas, ato perak, ato tembago dalam ikat pinggangmu, ¹⁰Ato tas dalam parjalanan ato duo potong baju, ato sandal, ato tongkat, korno, saorang pakorjo, pantas mandapat makanan.¹¹Dan, dikota ato desa manopun nan kamu masuki, salidikilah siapo nan layak didalamnyo dan tinggallah disanan sampe kamu barangkat. ¹²Pas kamu mamasuki rumah tu, ucapkanlah salam. ¹³Dan kolok rumah tu layak, biarlah dame sejahtromu turun atasnyo, tatapi kolok tidak, biarlah dame sejahtromu tu balek ka kamu.¹⁴Dan, siapo sajo nan tak manarimo kamu ato tak ondak mandongar cakap mu, pas kamu kaluar dari rumah ato kota tu, kebaskanlah dobu kakimu. ¹⁵Aku mangatokan nan sabotulnyo samo kamu, kolok waktu hari panghakiman, tanah Sodom dan Gomora akan lobih tolap mananggungnyo dari pado kota tu."(Kasulitan-Kasulitan Nan Akan Dihadapi Para Murid) ¹⁶"Tengoklah, Aku mangutus kamu kayak domba ka tongah-tongah sarigalo, Karono tu, jadilah cerdik macam ular dan tulus macam burung-burung merpati. ¹⁷Akan tatapi, bahati-hatilah samo orang-orang, karono orang tu ondak manyorahkan mu samo Sanhedrin dan akan mancambukmu di sinagoge-sinagoge orang tu. ¹⁸Dan, kamu akan dibawak ka dopan para panguaso dan para rajo demi Aku, sabage kasaksian untuk orang tu dan untuk bangso-bangso lain.¹⁹Namun, pas orang tu manyorahkan kamu, tak usah pala khawatir kek mano ato antah apo nang ondak kamu cakapkan, karono, saat tu jugo, akan dikasihkan samo kamu apo nan ondak kamu cakapkan, ²⁰Korno, bukan kamu nan bacakap, malainkan Roh Ayahmu nan bacakap di dalam kamu.²¹Nan basodaro akan saling manyorahkan pado kamatian, dan ayah samo anaknyo, dan anak-anak akan malawan para orang tuo dan mambunuh orang tu. ²²Kamu akan dibonci samo satiap orang karono namo-Ku, tatapi orang nan batahan sampe akhir akan disalamatkan, ²³Pas orang tu manganiayo kamu dalam satu kota, larilah kakota nan laen. Aku cakapkan nan sabotulnyo samo kamu, kolok kamu tak akan salose malewati kota-kota Israel sampe Anak Manusio datang.²⁴Murid tak malobihi gurunyo, kek gitu jugolah hamba tak malobihi tuannyo. ²⁵Cukuplah kolok murid manjadi kayak gurunyo, dan hamba manjadi kayak tuannyo. Kolok orang tu manyobut tuan rumah itu Beelzebul, batapo lobih buruk lagi kapado anggota kaluargonyo."(Takutlah Samo Allah, Bukan Samo Manusio) ²⁶"Karono tu, janganlah kamu takut samo orang tu, karono tak ado apopun nan tatutup nan tak akan diungkapkan, ato nan tasambunyi nan tak akan dikatahui. ²⁷Apo nan Aku katokan samo kamu dalam kagolapan, katokanlah itu dalam torang. Dan, apo nan kamu dongar dibisikkan ditalingamu, baritokanlah diatas atap rumah.²⁸Tak usah pala takut samo orang tu nan mambunuh tubuh tatapi nan tak tolap mambunuh jiwo, tatapi, lobih takutlah samo Dio nan tolap mamusnahkan jiwo maupun tubuh di narako. ²⁹Bukannyo duo ekor burung pipit dijual untuk satu duit? dan tak ado saekor pun dari burungtu akan jatuh katanah diluar kahondak Ayahmu. ³⁰Sampek, rambut kapalomu pun samuonyo tahitung. ³¹Karono tu, usah pala takut, kamu tu lobih banilai dari pado banyak burung pipit."(Mangakui Yesus Di Dopan Orang Laen) ³²"Jadi, satiap orang nan mangakui Aku didopan manusio, Aku jugo akan mangakui dio di dopan Ayah-Ku nan ado di Surgo. ³³Sabaliknyo, siapo nan manyangkal Aku di dopan manusio, Aku jugo akan manyangkal dio di dopan Ayah-Ku nan ado di Surgo.(Tujuan Kadatangan Yesus) ³⁴"Usah bapikir kolok Aku datang ondak mambawak pardamean di bumi. Malainkan, Aku ni datang mambawak Podang. ³⁵Korno, Aku datang ondak mamisahkan laki-laki dari ayahnyo, anak parampuan dari omaknyo, manantu parampuan dari omak martuonyo. ³⁶Dan, musuh sasorang adolah dari anggota kaluargonyo.³⁷Siapo nan Lobih mangasihi ayah ato omaknyo dari pado Aku, tak layak samo-Ku, dan siapo nan lobih mangasihi anak laki-laki ato anak parampuannyo dari pado Aku, tak layak samo-Ku. ³⁸Dan, siapo nan tak mamikul salibnyo dan mangikuti Aku, tak layak samo-Ku. ³⁹Siapo nan mampartahankan nyawonyo akan kahilangan nyawonyo, dan siapo nan kahilangan nyawonyo demi Aku, akan mandapatkannyo.(Upah Dari Allah) ⁴⁰"Siapo nan manarimo kamu, manarimo Aku, dan, Siapo nan manarimo Aku, manarimo Dio nan mangutus Aku. ⁴¹Siapo Nan manarimo Nabi dalam namo nabi, akan manarimo upah nabi. Dan, siapo nan manarimo orang bonar dalam namo orang bonar akan manarimo upah orang bonar.⁴²Dan, Siapo nan mangasih minum samo salah satu dari orang-orang nan kocik ni, kolok pun hanyo sacangkir air dingin dalam namo saorang murid, Aku katokan nan sabotulnyo samo kamu, dio tak akan kahilangan upahnyo."

¹Pas Yesus salose mangasih parintah samo kaduo bolas murid-Nyo, Dio pogi dari sanan untuk mangajar dan bacaramah di kota-kota orang tu. (Yesus dan Yohanes Pambabtis) ²Kinin, pas Yohanes, nan ado di panjaro, mandongar pakorjoan-pakorjoan Kristus, dio mangirim posan malalui murid-muridnyo. ³Dan batanyo samo Dio, "Apo Engkaunyo nan akan datang tu? ato apo harus manunggu nan laen nyo kami?"⁴Yesus manjawab dan bacakap samo orang tu, "Pogi dan kasihtahukan lah samo Yohanes apo nan dah kamu tengok dan apo nan dah kamu dongar. ⁵Nan buto manengok, nan lumpuh bajalan, nan sakit kusta ditahirkan, nan mati dibangkitkan, dan kapado nan miskin diberitakan Injil. ⁶Dan, diborkatilah orang nan tak kacewa samo-Ku⁷Dan, Satolah orang tu pogi, Yesus mulai bacakap, samo orang banyak tontang Yohanes, "Apo nan ondak kamu tengok di padang balantaro? sabatang buluh nan digoyang angin? ⁸Kamu pogi ondak manengok apo? saorang nan bapakean halus? orang tu nan bapakean halus tu ado diistano-istano rajo.⁹Untuk aponyo kamu pogi? ondak manengok nabi? ya, Aku katokan ni samo kamu, bahkan dio lobih bosar dari pado saorang nabi. ¹⁰Karono, diolah orangnyo nan dah tatulis : 'Tengoklah!, AKu mangirim utusan-Ku mandahului-Mu. Dio nan akan mamparsiapkan jalan bagi-Mu dihadapan-Mu¹¹Aku bacakap nan sabotulnyo samo kamu, diantaro orang tu nan dilahirkan samo parampuan, tak pornah muncul orang nan lobih bosar dari pado Yohanes Pambabtis. Akan tatapi, nan paling kocik dalam Karajoan Surgo, lobih bosar dari pado dio. ¹²Sojak zaman Yohanes pambabtis sampek kinin, Karajoan Surgo mandarito kakorasan, dan orang-orang nan kojam tu malakukannyo dengan paksa.¹³Karono, samuo Nabi dan Hukum Taurat banubuat sampe zaman Yohanes. ¹⁴Dan, kolok kamu mau manarimonyo, diolah Elia nan akan datang tu.' ¹⁵Siapo nan mampunyoi talingo untuk mandongar, ondaknyo dio mandongar!¹⁶Namun, pake apolah ondak Kubandingkan generasi ini? Orang tu macam kayak anak-anak kocik nan duduk ditompat-tompat umum, nan mamanggil kawan-kawannyo. ¹⁷Dan bacakap, 'Kami maniupkan saruling untuk mu, tatapi kamu tak manari. Kami manyanyikan lagu dukocito, tatapi kamu tak baduko.'¹⁸Karono Yohanes datang tanpo makan jugo tanpo minum, dan orang tu bacakap, "dio karasukan roh jahat" ¹⁹Akan tatapi, pas Anak Manusio datang, trus makan, dan minum, dan orang bacakap, 'Tengoklah, saorang nan rakus dan pamabuk, kawan para pangumpul pajak dan orang-orang badoso.' Akan tatapi, hikmat dibotulkan samo parbuatannyo."(Paringatan Untuk Orang nan Tak Ondak Pacayo) ²⁰Kamudian, Yesus mulai mencela kota-kota tompat Dio malakukan paling banyak mukjizat karono orang tu tak batobat. ²¹"Calakolah kamu, Khorazim! Calakolah kamu, Betsaida!, Korno, kolok mukjizat-mukjizat nan dah tajadi diantaro kamu jugo tajadi di Tirus dan Sidon, orang tu dah lama batobat dengan bapakean kabung dan abu. ²²Akan tatapi, Aku kasihtaukan ka kamu, kolok pas waktu panghakiman, Tirus dan Sidon akan lobih tolap mananggungnyo dari pado kamu.²³Dan, kamu, Kapernaum, mungkinnyo agaknyo kamu ditinggikan sampe ka langit? Tidak, kamu akan diturunkan kadunio orang mati, karono, kolok mukjizat-mukjizat nan dah tajadi diantaro kamu tu, tajadi di sodom, kota tu akan totap ado sampe kinin, ²⁴Akan tatapi, Aku katokan hal ni samo kamu, kolok pas waktu hari panghakiman, tanah Sodom akan lobih tolap mananggungnyo dari pado kamu.(Kelegaan Samo Orang Nan Datang Samo Yesus) ²⁵Pas waktu tu Yesus bacakap, "Aku mamuliokan Engkau, ya Ayah, Tuhan atas langit dan bumi, kolok Engkau marondokkan samuo ni dari orang-orang nan bijaksano dan pande, dan mangungkapkannyo samo anak-anak kocik. ²⁶Ya, Ayah, Karono kayak itulah nan bakonan di hadapan-Mu. ²⁷Sagalo sasuatu dah disorahkan samu-Ku oleh Ayah-Ku. Dan, tak saorang pun nan mangonal Anak, salain Ayah: tak saorang pun mangonal Ayah salain Anak dan stiap orang nan di kahondaki sang Anak untuk mangungkapkannyo.²⁸Datanglah kapado-Ku, samuo nan lotih losu dan baboban borat, dan Aku ondak mangasih kau kalogaan. ²⁹Pikullah kuk nan Kupasang, dan balajarlah dari-Ku karono Aku lomah lombut, dan kamu akan mandapatkan katonangan dalam jiwomu. ³⁰Karono, kuk nan Kupasang tu mudah dan boban-Ku enteng."

(Yesus adolah Tuhan Atas Hari Sabat) ¹Pas waktu tu, Yesus bajalan malewati ladang gandung pas hari Sabat, dan murid-murid-Nyo lapar, dan orang tu mulei mamotik bulir-bulir gandum dan mamakannyo. ²Akan tatapi, pas orang-orang Farisi manengoknyo, orang tu bacakap samo Dio, Tengoklah, murid-murid-Mu itu malakukan apo nan tak botul pas hari sabat,."³Namun Yesus bacakap samo orang Farisi tu, "Nan bolum paronah nyo kamu mabaco apo nan dilakukan Daud pas dio dan paro pangikutnyo kalaparan? ⁴Kek mano dio masuk kadalam Rumah Allah dan makan roti parsombahan nan tak dibotulkan samo-Dio untuk makanannyo, kek gitu jugolah orang-orang nan basamonyo, kacuali hanyo untuk paro imam?⁵Ato, bolum pornahkah kamu mambaco dalam Hukum Taurat, kolok pas hari sabat, para imam di Bait Allah malanggar sabat dan orang tu tak basalah? ⁶Akan tatapi, Aku kasihtaukan samo kamu, kolok nan lobih bosar dari pado Bait Allah ado disinin.⁷Namun, kolok kamu dah mangatahui artinyo ni, "Nan ondak ati-Ku adolah Kasih, dan bukan parsombahan', kamu tak akan pornah manghukum nan tak basalah. ⁸Karono, Anak Manusio adolah Tuhan atas hari sabat.( Yesus Manyombuhkan Pas Hari Sabat) ⁹Satolah barangkat dari sanan, Yesus tibo di sinagoge orang tu, ¹⁰Tengok, ado saorang laki-laki nan lumpuh sabolah tangannyo, dan, orang tu batanyo samo Yesus, kato orang tu, "Apokah dibotulkan ondak manyombuhkan pas hari sabat?" bak supayo orang tu biso manyalahkan Yesus.¹¹Dan, Dio bacakap samo orang tu, "Siapokah diantaro kamu nan mampunyoi saekor domba, dan kolok domba tu jatuh ka dalam lubang pas hari sabat, bukannyo dio akan manariknyo dan mangaluarkannyo? ¹²Batapo lobih banilainyolah manusio dari pado saekor domba! karono tu, dibotulkan babuek baik pas hari sabat."¹³Abistu, Yesus bacakap samo orang itu, "Ulurkan tanganmu." orang itu pun mangulurkan tangannyo dan disombuhkan saponuhnyo macam tangannyo nan lain. ¹⁴Akan tatapi, orang-orang Farisi pogi dari situ dan basubahat malawan Dio, kek mano caronyo ondak mambinasokan-Nyo.(Yesus Hamba Pilihan Allah) ¹⁵Namun, Yesus, pas mangatahui hal ini, manyingkirlah Dio dari sanan, Banyak nan mangikuti-Dio dan Dio manyombuhkan orang tu samuo. ¹⁶Dan mamparingatkan orang tu, supayo tidak mambuek diri-Nyo diketahui orang banyak. ¹⁷Hal ini tajadi untuk manggonapi apo nan disampekkan lewat Nabi Yesaya :¹⁸"Tengoklah, hamba-Ku nan dah Kupilih, nan Kukasihi, nan samo-Nyo Aku akan manaruh roh-Ku ka atas-Nyo dan Dio akan manyatokan kaadilan kapado bangso-bangso lain.¹⁹Dio tak akan mambantah, ato batariak, dan tak akan ado saorangpun nan mandongar suaro-Nyo dijalan-jalan. ²⁰Buluh nan patah tak akan Dio putuskan, dan sumbu nan hampir padam, tak akan Dio matikan, sampe Dio mambuek kaadilan monang. ²¹Dan dalam Namo-Nyo, bangso-bangso laen akan baharap.(Kuaso Yesus Barasal Dari Roh Allah) ²²Kamudian saorang nan karasukan roh ta'un, nan buto dan bisu, dibawak ka Yesus. Dan, Yesus manyombuhkannyo, sahinggo orang nan buto dan bisu tu pun bacakap dan manengok. ²³Samuo orang manjadi tacongang-congang dan batanyo, "Mungkinnyo Dio ni anak Daud?"²⁴Akan tatapi, pas orang-orang Farisi mandongarnyo, bacakaplah orang tu, "Orang ni tak mungkin mangusir roh-roh ta'un kolok tak pake kuaso Beelzebul, pamimpin roh-roh ta'un." ²⁵Yesus tau pikiran orang tu, dan bacakap samo orang tu, "Satiap Karajoan nan tapocah-pocah, malawan dirinyo sandiri, ditinggalkan. Dan, satiap kota ato rumah nan tapocah-pocah, malawan diri-nyo sandiri dan tak akan batahan.²⁶Dan, kolok iblis mangusir iblis, dio tapocah-pocah malawan dirinyo sandiri, Kolok kek gitunyo, kek manolah karajoannyo akan batahan. ²⁷Dan, kolok Aku, magusir roh-roh ta'un pakek kuaso Beelzebul, pakek apolagilah anak-anakmu mangusir orang tu? karono tu, orang tu akan manjadi hakimmu.²⁸Akan tatapi, kolok pakek Roh Allah, Aku mangusir roh-roh ta'un, Karajaan Allah dah datang atas kamu. ²⁹Ato, kek manolah sasaorang tolap masuk ka rumah orang nan kuat dan marampas barang-barangnyo, kolok tak diikatnyo dulu orang kuatnyo, dan marampok rumah tu. ³⁰Siapo sajo nan tak basamo dengan Aku, pasti tacore-borei.³¹Karono tu, aku mangatokan samo kamu, kolok satiap doso dan hujatan manusio akan diampuni, tatapi hujatan samo Roh, tak akan diampuni. ³²Dan, siapo sajo nan mangatokan sasuatu hal nan malawan Anak Manusio akan diampuni, tatapi siapo sajo nan bacakap malawan Roh Kudus, tak akan diampuni, elok pas masa kinin maupun pas maso nan akan datang."(Pohon Dikonal Dari Buahnyo) ³³"Kolok pohon tu elok, elok jugolah buahnyo, ato, kolok pohon tu tak elok, tak elok jugolah buahnyo, karono, pohon tu dikonal dari buahnyo. ³⁴Hai, katurunan ular baludak, apo mungkin kamu nan jahat mangucapkan hal-hal nan elok? karono, apo nan diucapkan mulut, kaluarnyo dari hati. ³⁵Orang elok mangaluarkan hal-hal nan elok dari panyimpanan hatinyo nan elok, dan orang jahat dari panyimpanan hatinyo nan jahat.³⁶Namun, Aku bacakap samo kamu, kolok satiap kato nan sio-sio, nan diucapkan orang, mereka akan mampartanggung-jawabkannyo pas hari panghakiman. ³⁷Karono oleh parkataanmu, kamu akan dibotulkan, dan karono parkataanmu, kamu akan dihukum.(Orang Farisi dan Ahli Taurat Mamintak Tando) ³⁸Abistu, babarapo ahli taurat dan orang Farisi bacakap samo Yesus, "Guru, kami ondak manengok tando dari-Mu." ³⁹Dijawab Yesus lah orang tu, "Generasi nan jahat dan bazinah ni, manuntut suatu tando. Dan, tak akan ado tando nan dikasihkan samo mereka, kacuali tando Nabi Yunus. ⁴⁰Karono, Kayak Yunus nan sompat ado diporut ikan bosar salamo tigo hari dan tigo malam, kek gitu jugo lah Anak Manusio akan barado dalam porut bumi salamo tigo hari tigo malam.⁴¹Orang-orang Niniwe akan badiri basamo-samo dengan generasi ini pas penghakiman dan akan manghukumnyo, karono orang tu batobat satolah mandongar caramah si Yunus. Dan tengoklah, nan lobih bosar dari pado Yunus ado disinin.⁴²Ratu dari salatan akan bangkit basamo-samo generasi ini pas hari panghakiman dan akan manghukumnyo karono dio datang dari ujung bumi ondak mandongar hikmat Salomo. Dan, tengoklah, nan lobih bosar dari pado Salomo ado disinin.(Bahayo Dari Kakosongan) ⁴³"Pas roh najis kaluar dari manusio, dio malewati tompat-tompat nan tak barair ondak mancari tompat istirahat, tatapi tak manomukannyo. ⁴⁴Trus, dio bakato, "baleklah aku karumahku samulo," dan, pas tibo dio ka tompatnyo samulo, ditengoknyolah rumah tu kosong, dah borsih dan taratur. ⁴⁵Abis tu, pogi lah dio dan mambawak kawannyo nan lobih jahat dari dio, dan masuklah orang tu dan tinggal di rumah nan samulo tadi, tarakhir, kaadaan orang tu pun manjadi jauh lobih buruk dan jahat dari sabolumnyo. Kek gitu jugolah nan akan tajadi samo generasi nan jahat ni.(Kaluargo Yesus Nan Sabotulnyo) ⁴⁶Samantaro Yesus masih bacakap samo orang banyak, tengoklah, omak dan sodaro-sodaro-Nyo badiri diluar, barusaho ondak bacakap samo Dio. ⁴⁷Sasaorang bakato samo-Dio, "Guru, omak dan sodaro-sodaro-Mu badiri di luar, barusaho ondak bacakap samo Engkau"⁴⁸Yesus manjawab orang nan mangasihtaukan samo Dio dan bacakap, "Siapolah agaknyo omak-Ku dan siapolah agaknyo sodaro-sodaro-Ku? ⁴⁹Dan, sambil mambontangkan tangan-Nyo ka arah murid-murid-Nyo, kato Yesus, "Inilah omak-Ku dan sodaro-sodaro-Ku! ⁵⁰Karono, siapo sajo nan malakukan kehendak Ayah-Ku nan ado disurgo, diolah sodaro laki-laki-Ku, sodaro parampuan-Ku dan omak-Ku."

(Parumpamaan Tontang Panabur) ¹Pas hari tu, Yesus kaluar dari rumah dan duduk di pinggir danau. ²Dan, orang banyak bakumpul samo Dio. Karono tu, Dio naik ka sampan dan duduk, dan samuo orang banyak tu badiri di pinggir danau.³Dan Dio mangatokan banyak hal samo orang tu dalam parumpamaan, kato-Nyo, "Ado saorang panabur, pogi ondak manabur, ⁴Dan pas waktu dio manabur, babarapo bonih tu jatuh di pinggir jalan, trus datang lah burung mamatuknyo sampe abis. ⁵Bonih nan laen jatuh di tompat babatu, nan tak banyak tanahnyo, dan copat tumbuh karono tak punyo kadalaman tanah, ⁶sayangnyo, pas sasudah matahari terbit, tanaman tu tasongat panas, dan, karono tak mamiliki akar, tanaman tu pun jadi koring dan mati.⁷Bonih nan laen jatuh di antaro somak duri, dan somak duri tu tumbuh dan mangimpitnyo. ⁸Namun, bonih nan laen jatuh di tanah nan elok dan manghasilkan buah, ado nan saratus kali lipat, ado nan onam puluh kali lipat dan ado nan tigo puluh kali lipat. ⁹Siapo nan batalingo, bak biarlah dio mandongar.(Yesus Mangajar Pakek Parumpamoan) ¹⁰Dan, murid-murid Yesus datang dan batanyo samo Dio, "Mangapolah Engkau bacakap samo orang tu pakek parumpamoan?" ¹¹Yesus manjawab orang tu, "Samo kalian dah dikaruniokan untuk tahu rahasio Karajoan Surga, tatapi samo mereka, tak dikaruniokan." ¹²Korno, orang nan mampunyoi, kapadonyo akan dikasihkan dan dio akan bakalimpahan, Namun, siapo nan tak mampunyoi, bahkan, apo nan dio punyoi akan diambil darinyo.¹³Korno itulah, aku bacakap samo orang tu pake parumpamoan, karono, pas kito bisa manengok, orang tu tak manengok, orang tu tak mandongar, jugo tak mangorti. ¹⁴Tontang orang tu, digonapilah nubuat Yesaya nan bakato, 'Dengan pandongaran kamu akan mandongar, tatapi tak akan pornah mangorti, dan dengan manengok, kamu akan manengok, tatapi tak akan mamahami.'¹⁵Karono hati bangso ini dah manobal, talingo orang tu malas ondak mandongar, dan orang tu manutup mato orang tu. Kolok tidak, pastilah orang tu dapat manengok pakek mato orang tu, mandongar pakek talingo orang tu, dan dapat mangorti pakek hati orang tu, lalu babalik samo-Ku dan disombuhkan.¹⁶Akan tatapi, diborkatilah matomu karono manengok dan talingomu karono mandongar. ¹⁷Aku mangatokan nan sabonarnyo samo kamu, kolok banyak nabi dan orang-orang botul nan ondak manengok apo nan kamu tengok, tatapi tak manengoknyo, dan ondak mandongar apo nan kamu dongar, tatapi tak mandongarnyo."(Panjolasan Tontang Parumpamoan Panabur) ¹⁸"Oleh korno tu, dongarlah arti parumpamoan tontang panabur. ¹⁹Pas orang mandongar Firman Karajoan dan tak mamahimnya, si jahat datang dan marampas apo nan dah tatabur dalam hati orang tu. Inilah orang nan bonihnyo tatabur di pinggir jalan.²⁰Adopun nan tatabur di tompat nan babatu, inilah orang nan mandongar firman dan langsung manarimonyo dengan sukocito . ²¹Tatapi dio tak mampunyoi akar dalam dirinyo dan batahan sabontar sajo. Dan, pas panindasan ato panganiayoan tajadi karono firman tu, dio langsung tajatuh.²²Bonih nan jatuh di tongah somak-somak duri adolah nan mandongar firman itu, kamudian kakhawtiran dunio dan tipu daya kakayoan mandosak firman tu sahinggo tak babuah. ²³Namun, orang nan bonihnyo tatabur di tanah nan elok, diolah orang nan mamndongarkan firman itu dan mamahaminyo. Diolah nan botul-botul babuah dan manghasilkan, ado nan saratus kali lipat, onam puluh kali lipat dan babarapo lagi 30 kali lipat.²⁴Yesus manyampekkan parumpamoan nan lainnyo kapado orang tu, kato-Nyo, "Karajoan Surgo tu dapat diumpamokan kayak orang nan manabur bonih nan elok diladangnyo. ²⁵Akan tatapi, samantaro orang-orang tidur, musuhnyo datang dan manabur bonih lalang di antaro bonih gandum, dan pogi. ²⁶Pas tanaman batunas dan babulir, kamudian lalang tu tatengok jugo.²⁷Maka, hamba-hamba dari pamilik ladang tu datang dan batanyo, tuan, bukannyo engkau manabur bonih nan elok diladangmu? trus, dari manokah datangnyo lalang tu? ²⁸Dio bacakap samo orang tu, 'saorang musuh dah malakukannyo. 'lalu, hamba-hamba tu bacakap samonyo, 'apokah engkau mau kami pogi dan mangumpulkannyo?'²⁹Akan tatapi, tuan tu bacakap, 'Jangan! korno, pas kamu mangumpulkan lalang-lalang tu, jangan-jangan kamu jugo mancabut gandum tu basamonyo. ³⁰Biarlah kaduonyo tumbuh basamonyo sampe musim panen. Dan, pas waktu panen aku akan bakato kapado para panabur, "Partamo-tamo, kumpulkanlah lalang-lalang tu dan ikatlah dalam berkas-berkas untuk dibakar. Namun, kumpulkanlah gandumnyo kadalam lumbungku."(Karajaan Allah Macam Biji Sasawi dan Ragi) ³¹Abistu, Yesus mancaritokan parumpamoan nan laen samo orang tu, katonyo: "Karajoan Surgo tu kayak biji sasawi nan diambek orang dan ditaburkan diladangnyo. ³²Biji tu adolah nan takocik dari samuo jonis bonih, tatapi kolok pas tumbuh, dio lobih bosar dari samuo jonis sayuran, bahkan manjadi pohon bosar, sahinggo burung-burung dilangit datang dan basarang di cabang-cabangnyo."³³Kamudian Yesus mancaritokan sabuah parumpamoan nan laen kapado orang tu, "Karajoan Surgo tu kayak ragi, nan diambek samo saorang parampuan dan dimasukkan kadalam adonan topung tarigu sabanyak tigo sukat sampe saluruh adonan tu tacampur ragi.³⁴Samuo hal ni Yesus katokan kapado orang banyak dalam parumpamoan-parumpamoan, dan Dio tidak bacakap samo orang tu tanpo parumpamoan. ³⁵Dengan kek gitu, tagonapilah apo nan disampekan lewat nabi, "Aku akan mambuko mulutku dalam parumpamoan-parumpamoan, Aku akan mangucapkan hal-hal nan tasambunyi sojak dunio dijadikan."(Parumpamoan Tontang Rumput Liar di Ladang) ³⁶Abistu, Yesus maninggalkan orang banyak tu trus masuk rumah. Dan, murid-murid-Nyo datang kapado-Nyo dan bacakap, "Jolaskanlah samo kami, parumpamoan tontang lalang-lalang di ladang." ³⁷Dan, jawab-Nyo, "orang nan manaburkan bonih nan elok adolah Anak Manusio. ³⁸Dan ladang tu adolah dunio ni, Bonih nan elok adolah anak-anak Karajoan, dan lalang adolah anak-anak sijahat. ³⁹Dan musuh nan manaburnyo adolah iblis, dan musim panen adolah akhir zaman, dan para panuai tu adolah para malaikat.⁴⁰Jadi, samo macam lalang nan dikumpulkan dan dibakar dalam api, kek gitulah nan akan tajadi pas akhir zaman. ⁴¹Anak Manusio akan mangutus para malaikat-Nyo, dan orang tu akan mangumpulkan samuo batu sandungan, jugo orang-orang nan malakukan kajahatan dari karajoan-Nyo. ⁴²Dan akan malemparkannyo ka dalam tungku api. Di tompat tu akan ado tangisan dan kortak gigi. ⁴³Abistu, orang-orang bonar akan basinar kayak matahari dalam Karajoan Ayah orang tu, Siapo nan batalingo, bak biarlah dio mandongar."(Karajaan Surgo Macam Harto Tapondam dan Mutiaro) ⁴⁴"Karajoan Surgo adolah macam harto nan tapondam di ladang, nan di tomukan orang, trus, dirondokkannyo lagi. Dan, karono sukocitonyo, dio pogi manjual samuo nan dipunyoinyo dan mamboli ladang tu. ⁴⁵Sakali lagi, Karajoan Surgo adolah kayak saorang padagang nan mancari mutiaro nan indah, ⁴⁶Pas dio manomukan sabiji mutiaro nan banilai tinggi, dio pogi dan manjual samup nan dipunyoinyo, trus mamboli mutiaro tu."(Karajoan Surgo Macam Jala nan Ponuh Ikan) ⁴⁷Kek gitu jugolah, Karajoan Surgo adolah kayak jala nan ditobarkan kadalam laut, dan mangumpulkan barbage macam ikan. ⁴⁸Pas jala tu ponuh, orang tu manyeretnyo ka pantai dan duduk, trus mangumpulkan ikan-ikan nan bagus kadalam karanjang-karanjang bosar, tatapi mambuang nan tak bagus.⁴⁹Jadi, itulah nan akan tajadi pas akhir zaman. Para malaikat akan kaluar dan mamisahkan nan jahat dari orang-orang bonar. ⁵⁰Dan malemparkan orang-orang jahat tu kadalam tungku api. Ditompat tu akan ado ratapan dan kortak gigi.⁵¹Dah mangortinyo kamu samuo nan Ku torangkan ni? mereka pun manjawab, "Ya". ⁵²Dan, Yesus bacakap samo orang tu, "Karono tu, satiap ahli Taurat nan dah manjadi murid Karajoan Surgo, dio macam tuan rumah nan mangaluarkan harto nan baru dan nan lamo dari kakayoannyo." (Yesus Ditolak Di Kota Asal-Nyo) ⁵³Pas Yesus dah manyalosekan parumpamoan-parumpamoan tu, Dio pogi dari sanan.⁵⁴Dan, pas Dio tibo di kota asal-Nyo, Dio mangajar di sinagoge-sinagoge orang tu, sahinggo orang tu takjub dan bakato, "Dari manonyo orang ni bisa dapat kebijaksanoan dan mukjizat-mukjizat ni? ⁵⁵Bukannyo Dio ni anak saorang tukang kayu? bukannyo omak-Nyo nan dipanggil Maria, dan sodaro-sodaro-Nyo Yakobus, Yusuf, Simon, dan Yudas? ⁵⁶Bukannyo sodaro-sodaro-Nyo nan parampuan ado diantaro kito? trus, dari mano Orang ni mandapat samuo hal ni?"⁵⁷Dan, orang tu manolak Dio. Namun, Yesus bakato samo orang tu, "Saorang nabi bukannyo tak dihormati, kacuali di tompat asalnyo dan di rumahnyo sandiri. ⁵⁸Dan, Dio tak malakukan banyak mukjizat disanan, karono katidak percayoan mereka.

(Herodes Mandongar Berita Tontang Yesus) ¹Pas waktu tu, Herodes, Rajo Wilayah, mandongar berita-berita tontang Yesus. ²Dan, dio bacakap samo anggota-anggotanyo, "Inilah Yohanes Pembabtis. Dio dah bangkit dari antaro orang mati dan karono tu mukjizat-mukjizat ni bakorjo didalam-Nyo.(Kajadian Kamatian Yohanes Pambabtis) ³Korno, Herodes dah manangkap Yohanes, mangikatnyo, dan mamanjarokan dio karono Herodias, istri Filipus sodaro Herodes. ⁴Karono Yohanes pornah bacakap samo dio, "Tak botul lah kolok kau mangawini Herodias.: ⁵Dan kolok pun Herodes ondak mambunuh Yohanes, dio takut samo orang banyak, karono orang tu manganggap Yohanes sabage Nabi.⁶Sayangnyo, pas hari ulang tahun Herodes, anak parampuan Herodias manari di mukak Herodes, ⁷Sahinggo dio basumpah ondak mangasihkan apo sajo nan diminta anak gadis tu.⁸Korno itulah, sasudah didosak samo omaknyo, gadis tu bacakap, "Kasihkanlah samoku disinin, kapalo Yohanes Pambabtis, diatas nampan." ⁹Walopun Rajo sodih, tatapi karono sumpahnyo dan karono orang-orang nan makan basamonyo, dio pun mamarintahkan bak supayo dilakukanlah macam tu.¹⁰Disuruhnyolah bak supayo mamonggal kapalo Yohanes di panjaro. ¹¹Dan, kapalo Yohanes dibawak di atas nampan, dikasihkannyo lah samo gadis tu dan di bawaknyolah samo omaknyo. ¹²Abistu, murid-murid Yohanes datang, mangambek tubuhnyo, dan manguburkannyo. Trus, orang tu pogi dan mangasihtaukannyo ka Yesus.(Limo Roti Dan Duo Ikan Untuk Makan Limo Ribu Orang) ¹³Pas Yesus mandongar hal ini, Dio manarik diri dari sanan pakek sampan, ka tompat nan sunyi sandirian. Dan, pas orang-orang mandongar ni, orang tu mangikuti-Nyo dengan bajalan kaki dari kota-kota. ¹⁴Pas Yesus kaluar, Dio manengok karumunan bosar orang, dan kasihanlah Dio samo orang tu, dan manyombuhkan sakit orang tu.¹⁵Pas hari dah sonjo, para murid datang samo Yesus dan bacakap, "Tompat ni sunyi dan hari dah sonjo, suruhlah orang tu pogi ka desa-desa dan mamboli makanan untuk orang tu sandiri."¹⁶Yesus bacakap samo mereka, "Tak usah pala pogi orang tu. Kamu, kasihlah orang tu makan." ¹⁷Orang tu manjawab-Nyo, "Kito tak punyo apo-apo disinin, kacuali limo roti dan duo ikan sajo." ¹⁸Dan, Dio bakato, "Bawaklah kasinin,"¹⁹Abistu, Dio manyuruh orang banyak tu duduk di rumput, dan Dio mangambek limo roti dan duo ikan tu, trus sambil manengok kalangit, Dio mangucap syukur dan mamocah-mocahkannyo, Abis tu, di kasihkan-Nyo lah samo murid-murid-Nyo, dan murid-murid mambagikannyo ka samuo orang banyak tu. ²⁰Dan, orang tu samuo makan dan dikonyangkan. Trus, orang tu mangambek potongan-potongan nan sisah, ado duo bolas karanjang ponuh lah sisahnyo. ²¹Dan, orang tu nan makan, sabanyak limo ribu orang laki-laki, bolum lagi dihitung parampuan dan anak-anak.(Yesus Bajalan Diatas Air) ²²Yesus mamaksa murid-murid-Nyo masuk kasampan dan manyuruh pogi duluan dari Dio ka saborang, samantaro Dio tongah manyuruh orang banyak tu pulang. ²³Dan, satolah Yesus manyuruh orang banyak tu pulang, Dio naik ka atas gunung sandirian ondak badoa. Pas dah sonjo, Dio sandirian disanan. ²⁴Tak taunyo, sampan tu dah jauh dari daratan, dan diombang ambingkan ombak, karono balawanan samo angin.²⁵Dan, pas jam tigo malam tu, Dio datang ka murid-murid-Nyo dengan bajalan kaki diatas air. ²⁶Pas murid-murid-Nyo manengok Dio bajalan diatas air, katakutan lah orang tu dan batariak, "itu anggo!", trus, orang tu manjoriti karono katakutan. ²⁷Tak taunyo Yesus langsung bacakap samo orang tu, Katonyo, "Kuatkanlah hati kau!, Akunyo ini, tak usah pala takut."²⁸Bacakap lah Petrus samo Dio, "Tuhan, kolok botullah itu Kau, ajaklah aku samo Kau diatas air." ²⁹Yesus manjawab, "Sininlah!" maka, Petrus kaluar dari sampan dan bajalan diatas air, dan datang samo Yesus. ³⁰Tak taunyo, pas manengok angin, dio pun mulei katakutan dan tanggolam. batariak lah dio, "Tolong salamatkan aku Tuhan!"³¹Yesus langsung mangulurkan tangan-Nyo, mamogang Petrus, dan bacakap, "Kanapo pulak lah kau sangsi, kurang iman kau." ³²Pas orang tu masuk kadalam sampan, angin pun barhonti. ³³Abistu, orang tu nan ado di sampan manyombah Yesus dan bacakap, "Sasungguhnyo, Engkau adolah Anak Allah!"(Yesus Manyombuhkan Orang Sakit) ³⁴Satolah manyaborang, orang tu sampek di tanah Genesaret. ³⁵Pas orang-orang di tompat tu mangonali-Nyo, orang tu mangasihtaukan kasaluruh daerah tu, dan mambawa samuo orang sakit samo Yesus. ³⁶Orang tu mamohon samo Yesus, bak supayo boleh manyontuh ujung jubah-Nyo, dan samuo orang nan manyontuhnyo, manjadi sombuh.

(Hukum Allah dan Tradisi Manusio) ¹Abistu, babarapo orang Farisi dan ahli-ahli Taurat dari Yerusalem datang samo Yesus dan bacakap. ²"Mangapo murid-murid-Mu malanggar tradisi nenek moyang kito? Korno, orang tu tak mancuci tangan pas makan roti." ³Dan, Yesus manjawab jugo bacakap samo orang tu, "Dan, mangapo kamu malanggar parintah Allah demi tradisimu?⁴Korno Allah bafirman, 'Hormatilah ayah dan omakmu, dan 'Siapo nan mangutuki ayah ato omaknyo, harus dihukum mati.' ⁵Namun, kamu bakato, "siapo sajo nan bakato samo ayah ato omaknyo, ' apo pun pamborian untuk mu dah diparsombahkan samo Allah." ⁶dio tak porlu manghormati ayah ato omaknyo. Dengan kek gitu kamu mambatalkan firman Allah demi tradisimu.⁷Kamu, orang-orang munafik, memang botullah nubuatan nabi Yesaya tontang kalian. : ⁸'Bangso ni manghormati Aku pakek mulut orang tu, tatapi hati orang tu jauh dari-Ku. ⁹Dan, sio-sio lah orang tu manyombah Aku pakek pangajaran parintah-parintah manusio."¹⁰Dan, Yesus mamanggil orang banyak dan bacakap, "Dongar dan pahamilah! ¹¹Bukan apo nan masuk kadalam mulut nan manajiskan orang, tatapi, apo nan kaluar dari mulutnyo lah, itulah nan manajiskan orang.¹²Abistu, murid-murid Yesus datang dan batanyo samo-Nyo, "Taunyo Engkau, kolok orang-orang Farisi tasinggung pas mandongar cakap Kau ni? ¹³Yesus manjawab dan bakato, "satiap tanaman nan tak ditanam samo Ayah-Ku nan disurgo akan dicabut sampe akar-akarnyo. ¹⁴Bak biarlah orangtu, orang tu adolah panuntun-panuntun buto dari orang-orang buto. Dan, kolok orang buto manuntun orang buto, kaduonyo akan jatuh kadalam lubang."¹⁵Petrus bakato samo Dio, "jolaskanlah parumpamoan tu samo kami." ¹⁶Yesus manjawab, "apo masih bolum paham jugonyo kalian? ¹⁷Apo tak paham kalian, kolok apopun nan masuk kadalam mulut akan turun ka porut dan dibuang kadalam jamban?¹⁸Akan tatapi, apo nan kaluar dari mulut, muncul dari hati, dan itulah nan manajiskan orang. ¹⁹Karono dari hati timbul pikiran-pikiran jahat, pambunuhan, parzinaan, doso-doso seksual, pancurian, kasaksisan palsu dan fitnah. ²⁰Hal-hal inilah nan manajiskan orang, tatapi makan tanpo mancuci tangan tak manajiskan orang."(Yesus Manolong Parampuan Kanaan) ²¹Abistu, Yesus pogi dari sanan dan manyingkir ka daerah Tirus dan Sidon. ²²Dan, Tengoklah, sorang parampuan Kanaan nan barasal dari daerah tu datang dan berseru, "Kasihanilah aku, Tuhan, Anak Daud, anak parampuanku karasukan roh ta'un nan sangat parah." ²³Akan tatapi Yesus tak manjawab parampuan tu, satu kato pun tidak, dan, murid-murid-Nyo datang dan mandosaknyo, kato orang tu, "Suruh ajolah dio ni pogi, karono dio torus-torusan batariak dibalakang kito."²⁴Trus, Dio manjawab dan bacakap, Aku ni hanyo diutus kapado domba-domba nan hilang dari umat Israel." ²⁵Kamudian, parampuan tu mandatangi dan sujud dihadapan Yesus, katonyo, "Tuhan, tolonglah aku!" ²⁶Yesus manjawab dan bacakap, "Tak cocok mangambek roti punyo anak-anak dan mancampakkannyo samo anjing-anjing."²⁷Parampuan tu pun manjawab pulak, "Botulnyo itu Tuhan, tapi, anjing-anjing tu pun ondak jugonyo mamakan bokas pocahan nan jatuh dari meja tuannyo." ²⁸Abistu, Yesus bakato samo dio, Hai parampuan, iman kau tu bosar!, jadilah samo kau kayak apo nankau inginkan." Pada saat itu jugo, anak parampuannyo pun disombuhkan.(Yesus Manyombuhkan Banyak Orang) ²⁹Yesus pogi dari sanan, manyusuri pinggir danao Galilea. dan sasudah mandaki kaatas bukit, Dio duduk disanan. ³⁰Abistu, karumunan bosar orang datang samo Dio, mambawak orang-orang nan lumpuh, cacat, buto, bisu dan orang banyak nan lainnyo. Lalu, orang tu mambaringkan orang-orang tu di kaki Yesus dan Dio manyombuhkan orang tu. ³¹Sahinggo orang banyak tu tacongang-congang pas orang tu manengok nan bisu bisa bacakap, nan cacat dipulihkan, nan lumpuh bisa bajalan, dan nan buto bisa manongok, dan orang tu mamuliokan Allah Israel.³⁵(Yesus Mangasih Makan Samo Ompat Ribu orang Lobih) ³²Yesus mamanggil murid-murid-Nyo dan bakato, "Jadi kasihan pulak Aku samo orang-orang itu, karono mereka dah basamo-Ku salamo tigo hari dan tak mampunyoi makanan. Dan Aku tak ondak manyuruh orang tu pulang kalaparan, bak supayo orang tu tak pengsan di jalan." ³³Abistu, para murid bakato samo Dio, "Dari manolah kito ondak mandapatkan roti sabanyak itu, ditompat nan sunyi ni, ondak mangonyangkan orang tu pulak nyo. ³⁴Yesus batanyo samo orang tu, "Ado barapo banyak roti nan ado samo kamu?" dijawab orang tu, "ado tujuh roti dan babarapo ikan kocik." Trus Yesus mamarintahkan orang banyak tu duduk ditanah.³⁶Abistu, Dio mangambek katujuh roti jugo ikan-ikan itu, dan sambil mangucap syukur, Dio mamocah-mocahkannyo dan mangasihkannyo samo murid-murid-Nyo, dan murid-murid-Nyo mambagikannyo samo orang nan banyak tu. ³⁷Orang tu samuo makan dan dikonyangkan, Trus orang tu mangambek potongan-potongan nan sisah, ado tujuh karanjang ponuh. ³⁸Orang nan makan tu samuo, jumlahnyo ompat ribu orang laki-laki, bolum tarmasuk parampuan dan anak-anak. ³⁹Satolah manyuruh orang banyak tu pulang, Yesus masuk ka parahu dan pogi ka daerah Magadan.

(Orang Farisi dan Orang Saduki Mancuboi Yesus) ¹Sudah tu, orang-orang Farisi dan Saduki datang buek mancuboi Yesus. Mareko mamintak bak Yesus mampartunjukkan kepado mareko suatu tando dari surgo. ²Tapi, Yesus manjawab, ''Pas manjolang malam, kamu mambilang, 'Cuaco corah karono langit merah.'³Dan, pdo pagi hari, 'Hari ni ondak ado angin koncang karono langit merah dan golap.' Kamu tau comano mambedokan rupo langit, tapi tak tolap mambedokan tando-tando zaman. ⁴Suatu angkatan nang jahat dan pazinah ni manuntut sabuah tando, tapi satu tando pun tak akan dibagikan kepadonyo, kacuali tando Nabi Yunus. "Lalu, Dio maninggalkan mareko dan pogi.( Panjolasan tontang Ragi Orang Farisi dan Saduki)⁵Waktu murid-murid sampe di saborang dano, orang tu lupo mambawak roti. ⁶Dan, Yesus bacakap kepado mareko. "Parhatikanlah, dan waspadolah tarhadap ragi orang-orang Farisi dan para Saduki." ⁷Dan, mareko mulo mambincangkan hal tu di antaro mareko sandiri dan bacakap, "Ini karono kita tak mambawak roti." ⁸Tapinyo, Yesus mangatahui hal ni dan bacakap, "Hai, orang nang kurang iman, mangapo kamu mambincangkan di antaromu sandiri tontang tak ado roti?⁹Apokah kamu masih bolum mangorti dan jugo tak ingat akan limo roti buek limo ribu orang, dan barapo banyak karanjang sisanyo nang kamu kumpulkan? ¹⁰Ato, tujuh roti buek ompat ribu orang, dan barapo banyak karanjang sianyo nang kamu kumpulkan?¹¹Bagemanokah kamu tak mangorti bahawa Aku tidak tongah bacakap kepadomu tontang rotio? Tapinyo, waspadolah tarhadap ragi orang-orang Farisi dan para Saduki." ¹²Sudah tu, mareko mangorti bahawa Dio tidak mambilangkan supayo waspado tarhadap rago roti, tapi tarhadap ajaran orang-orang Farisi dan para Saduki. (Yesus adolah Mesias)¹³Pas Yesus sampe di daerah Kaisarea Filipi, Dio batanyak kepado murid-murid-Nyo, "Manurut kato orang, siapokah Anak Manusio tu? ¹⁴Mareko manjawab, "Babarapo mambilangkan Yohanes Pambabtis, nang laen mambilangkan Elia, dan nang laen lagi mambilangkan Yeremia, ato salah ssatu dari pado nabi." ¹⁵Lalu, Yesus batanyak kepado mareko, "Tapi, manurut kamu, siapokah Aku ini?" ¹⁶Simon Pewtrus manjawab,"Engkau adolah Mesias, Anak Alllah nang hidup!"¹⁷Yesus bacakap kepadonyo, "Diborkatilah kamu, Simon anak Yunus, karono bukan daging dan darah nang manyatokan ni kepadomu, malainkan AYAH-Ku nang di surgo. ¹⁸Dan, Aku jugo mambilangkan kepadomu bahawa kamu adolah Petrus. Dan, diatas batu ni, Aku ondak mambangaun jamaat-Ku dan gorbang-gorbang Hades tak akan manguasoinyo.¹⁹Aku akan mambagimu kunci-kunci Karajaan Surgo. Dan, apo sajo nang kamu ikat di bumi akan tarikat di surgo. Dan, apo sajo nang kamu lopaskan di bumi akan talopas di surgo." ²⁰Lalu, Yesus mamparingatkan murid-murid bak supayo tidak mambagitukan siapo-siapo bahawa Dio adolah Mesias. (Yesus Mambagitahukan tontang Kamatian-Nyo)²¹Samonjak saat tu, Yesus muloi manunjukkan kepado murid-murid-Nyo bahawa Dio harus pogi ka Yerusalem dan mandarito banyak hal dari para tuo-tuo, imam-imam kepalo, maupun ahli-ahli Taurat, lalu dibunuh dan dibangkitkan pado hari katigo. ²²Lalu, Petrus manarik Yesus ka samping manogur-Nyo dan bacakap, "Tuhan, kironyo Allah manjauhkan hal tu dari Engkau! Hal ni tak kan paronah tarjadi pado-Mu." ²³Tapinyo, Yesus barbalik dan bacakap, "Lonyaplah dari dopan-Ku, hoi Iblis! Kamu adolah batu sandungan buek-Ku karono engkau tidak manotapkan pikiranmu pado hal-hal dari Allah, malainkan hal-hal dari manusio."²⁴Sudah tu Yesus bacakap kepado murid-murid-Nyo, "Bilo ado nang ondak mangikuti Aku, dio harus manyangkal dirinyo sandiri, mamundak salibnyo,dan mangikut Aku. ²⁵Karono siapo nang ondak manyalamatkan nyawonyo akan kahilangan nyawonyo. Tapinyo, siapo nang kahilangan nyawonyo karono Aku, dio akan mandapatkannyo. ²⁶Apo untungnyo bilo sasaorang mamparoleh saluruh dunio, tapi kahilangan nyawonyo? Ato, apo nang sasaorang biso bagikan sabage ganti nyawonyo?²⁷Karono, Anak Manusio akan datang dalam Kamulioan AYAH-Nyo basamo-samo dongan para malaekat0Nyo dan kamudian akan mambalas satiap orang manurut parbuatannyo. ²⁸Aku mambilangkan nang sabotulnyo kepadomu, ado babarapo oarng nang togak disinin nang tidak akan mangalami kamatian sampe mareko manengok Anak Manusio datang dalam Karajaan-Nyo."

²(Yesus Kalihatan Basamo Musa dan Elia) ¹Onam hari kamudian, Yesus mangajak Petrus, Yakobus, dan mambawak mareko naek ka gunung nang tinggi, disinan mareko sandiri sajo. Lalu, Yesus barubah mukonyo di dopan mareko. Muko-Nyo basinar macam matahari dan baju-Nyo manjadi putih barcahayo.³Dan, nampaklah samoorang tu Musa, Elia, tongah bacakap-cakaop samo Yesus. ⁴Petrus bacakap samo Yesus, "Tuhan, adolah elok buek kito ado disinin, aku ondak mambuek tigo kemah disini, satu buek-Mu, satu buek Musa, dan satu buek Elia."⁵Waktu Petrus masih bacakap, sabuah awan nang torang manudungi mareko, dan tengok, adao suaro dari dalam awan tu nang bacakap, "Inilah Anak-Ku nang Kucinto, kepado-Nyo Aku bakonan, dongarkanlah Dio." ⁶Pas, murid-murid mandongar ni, mareko tasungkur sahinggo muko sampe ka tanah dan katakutan sangat. ⁷Tapi, Yesus datang dan manyontoh mareko, kato-Nyo, "Bangkitlah dan jangan takut." ⁸Waktu mareko mareko mandongakkan mato mareko, mareko tak manengok siapo pun salaen Yesus sandiri.⁹Waktu mareko turun gunung, Yesus mamarentahkan orang tu, kata-Nyo, "Jangan caritokan panengokan tu kepado siapo pun hinggo Anak Manusio dibangkitkan dari antaro orang mati." ¹⁰Dan, murid-murid batanyak kepado-Nyo, "Lalu, mangapo ahli-ahli Taurat bacakap kalo Elia harus datang talobih dulu?"¹¹Yesus manjawab, "Elia memang datang lobih awal dan ondak mamulihkan sagalo sasuatu. ¹²Tapi, Aku mambilangkan kepadomu kalo Elia sudah datang, tapi mareko tidak mangonalnyo dan mamparlakukannyyo manurut kahondak hati mareko sandiri.Bagitu jugo Anak Manusio akan mandarito di tangan mareko." ¹³Abis tu, para murid mangorti kalo Dio bacakap kepado mareko tontang Yohanes Pambabtis. (Saorang Anak Dibebaskan dari Roh Jahat)¹⁴Waktu Yesus dan murid-murid balek kepado orang banyak, ssaorang laki-laki datang kepado Yesus dan manyombah-Nyo katanyo, ¹⁵"Tuhan, kasihanilah anakku karono dio saket ayan dan sangat mandarito.Dah korap kali dio tajatuh ka dalam aer. ¹⁶Aku sudah mambawaknyo kepado murid-murid-Mu, tapi orang tu tak biso manyombuhkannyo."¹⁷Yesus manjawab, "Hoi, kamu angkatan nang tidak porcayo dan sosat! Barapo lamo lagi Aku ondak tinggal basamomu? Barapo lamo lagi Aku harus basabar samo kamu? Bawaklah budak tu kepado-Ku." ¹⁸Lantas Yesus mambontak roh jahat tu sahinggo kaluar dari budak laki-laki tu, dan budak tu sombuh saat tu jugo.¹⁹Sasudah tu para murid datang kepado Yesus, waktu mareko sandiri sajo basamo-Nyo dan batanyak, "Mangapo kami tak biso mangusir rroh jahat tu?" ²⁰Kato-Nyo kepado mareko, "Karono imanmu kocik. Aku mambilangkan nang sabotulnyo samo kamu, kalo kamu punyo iman sabosar biji sesawi sajo, kamu biso bacakap kepado gunung ni, 'Pindah dari tompat ni ka sanan!' dan gunung ni akan pindah. Tidak adonang mustahil buekmu. ²¹[Tapinyo, roh jahat jonis ni cumo biso di usir dongan doa dan puaso."](Yesus Bacakap tontang Kamatian-Nyo)²²Waktu Yesus dan murid-murid-Nyo tongah bakumpul di wilayoh Galilea, Dio bacakap kepado mareko, "Anak Manusio ondak disorahkan ka dalam tangan manusio, ²³dan mareko ondak mambunuh-Nyo, Dio akan dibangkitkan pado hari nang katigo." Dan, para murid-Nyo tu manjadi basodih. (Pangajaran tontang Mambayar Pajak)²⁴Waktu mareko sampe di Kapernaum, para pangumpul pajak datang kepado Petrus dan batanyak, "Apokah gurumu tidak mambayar pajak duo dirham?' ²⁵Petrus manjawab, "Iyo." Pass dio masuk ka dalam rumah, Yesus talobih duluan bacakap kepadonyo, "Comano pandapatmu, Simon? Dari siapokah rajo-rajo di dunio ni managih bea dan pajak? Dari anak-anaknyo ato dari orang laen?"²⁶Waktu Petrus manjawab, "dari orang laen," Yesus bacakap kepadonyo, "Kalo bagitu, anak-anaknyo bebas. ²⁷Tapinyo, bak supayo kita tak manyinggung mareko, pogilah ka dano dan campakkan pancing. Ambeklah ikan nang partamo muncul dan waktu kamu mambuko mulutnyo, kamu akan mandapatkan sakoping stater. Ambeklah duit tu dan bayarkan kepado mareko, buek-Ku dan buekmu jugo."

Siapo nang Tarbosar di Dalam Karajaan Surgo? ¹Pado waktu tu, murid-murid datang kepado Yesus dan batanyak, "Siapolah nang tabosar dalam Karajaan Sorgo?" ²Lalu, Yesus mamanggil aorang budak kocik kepado-Nyo, dan manompatkan budak kocik tu di tongah-tongah mareko, ³dan bacakap, "Aku mambilangkan nang sabotulnyo kepadomu, kacuali kamu batubat dan manjadi macxam budak-budak, kamu tak akan masuk ka dalam Karajaan Surgo.⁴Siapo nang marondahkan dirinyo macam budak ni adolah nang tabosar dalam Karajaan Surgo. ⁵Dan, siapo nang manyambut budak kocik macam nang satu ni dalam namo-Ku, dio manarimo Aku." Paringatan tontang Panyobab Doso ⁶Tapi, siapo nang manyosatkan slah satu dari budak-budak kocik nang porcayo kepado-Ku ni, talobih baek bueknyo bilo sabuah batu kilangan digantungkan pado lehernyo dan ditanggolamkan ka laut nang paling dalam.⁷Cilakolah dunio karono panyosat-panyosat nang ado di dalamnyo! Karono, panyosatan memang harus tajadi, tapi cilakolah orang nang mandatangkannyo. ⁸Bilo tangan ato kakimu mambuekmu badoso, potong dan buanglah tu. Talobih elok buekmu masuk ka dalam hidup dongan tangan nang puntung ato pincang daripadomampunyoi duo tangan dan duo kaki, tapi dibuang ka dalam api kokal.⁹Bilo matomu mambuekmu badoso, cungkil dan camakkanlah tu. Lobih elok kamu masuk ka dalam hidup dongan satu mato, daripado mampunyoi duo mato tapi dibuang ka dalam api narako."¹⁰"Parhatikanlah, jangan kamu malayaskan satu dari budak-budak kocik ni. Karono, Aku mambilangkan kepadomu bahawa malaekat-malaekat mareko di surgo salalu mamandang muko AYAH-Ku nang di surgo. ¹¹[Karono, Anak Manusio sudah datang buek manyalamatkan orang nang hilang.] Parumpamoan tontang Domba nang Hilang¹²Comano manurutmu? Bilo sasaorang mampunyoi 100 ekor domba, tapi nang satu daripadonyo tasosat, tidakkah orang tu maninggalkan nang 99 ekor di gunung dan pogi buek mancari satu nang sosat tu? ¹³Dan, bilo dio manjumpoinyo, sasungguhnyo Aku mambilangkanyo kepadomu, dio talobih sukocito buek satu nang tasosat tu daripado 99 ekor nang tak sosat. ¹⁴Bagitu jugo, bukannyo kahondak AYAHmu nang di surgo bilo saorang dari budak-budak kocik ni binaso." Manasehati Orang nang Basalah¹⁵Bilo sudaromu badoso, pogi dan tunjukkan kasalahannyo, antaro kamu dan dio sajo. Bilo dio mandongarkanmu, kamu udah mandapatkan sudaromu. ¹⁶Tapi, bilo dio tak ondak mandongarmu, ajaklah satu ato duo orang lagi basamomu bak supayo dongan mulut dari duo ato tigo orang saksi, satiap parkatoan ditotapkan.¹⁷Bilo dio tak tarimo buek mandongarkan mareko, bilangkanlah parkaro tu kepado jamaat. Dan, bilo dio malah lanjar manolak buek mandongar jamaat, biarlah dio manjadi macam bangso-bangso laen dan pamungut pajak.¹⁸Aku mambilangkan nang sabotulnyo kepadomu bahawwa apo nang kamu ikat di bumi akan tarikat di surgo. Dan, apo nang kamu lopaskan di bumi akan talopas di surgo." ¹⁹Sakali lagi, Aku mambilangkan kepadomu bilo duo orang di antaro kamu sapakat di bumi tontang sasuatu nang mareko mintak, hal tu akan tajadi buek mareko oleh AYAH-Ku nang di surgo. ²⁰Karono di tompat duo ato tigo orang bakumpul basamo dalam Namo-Ku, Aku ado di tongah-tongah mareko.Patrumpamoan tontang Pangampunan²¹Lalu, Petrus datang kepado Yesus dan batanyak, "Tuhan, sabarapo korap kali saharusnyo aku mangampuni sudaroku nang badoso kepadoku? Hinggo 7 kali?" ²²Yesus bacakap kepadonyo, "Aku tidak mambilangkan kepadumo hinggo 7 kali tapi sahinggo 70 kali 7 kali.²³Karono tu lah, Karajaan Surgo diumpamokan macam saorang rajo nang mambuek parhitungan samo para hambanyo. ²⁴Waktu Dio mulo mambuek parhitungan, ado orang nang barutang sabanyak 10.000 talenta dibawak kepadonyo. ²⁵Karono dio tu tak sanggup mambayar, tuannyo mamarentahkan bak supayo diuo dijual, samo binik dan anak-anaknyo, jugo samuo nang dio punyoi, dan dongantu pambayaran dibuek.²⁶Lalu, hamba tu tasungkur dan manyombah tuannyo, katanyo, 'Basabarlah kepadoku dan aku ondak mambayar samuonyo kepadomu,' ²⁷Lantas, tuan dari hamba tu babolas kasihn, dan mambebaskannyo, dan mambagi ampunan atas utangnyo tu.²⁸Tapi, waktu hamba tu kaluar dan bajumpo samo hamba laen nang barutang 100 dinar kepadonyo, dio manangkap dan mancokik hamba tu, dan bacakapo, 'Bayar balek duit nang kamu pinjam dariku!' ²⁹Lalu, hamba nang barutang tu basujud dan mamohon kepadonyo, katnya, 'Basabarlah kepadoku dan aku ondak mambayar samuonyo kepadomu.'³⁰Tapi, dio manolaknyo dan mamasukkan kawannyo tu ka panjaro sampe dio tu biso malunasi samuo utangnyo. ³¹Waktu hamba-hamba nang laen manengok kajadian tu, mareko manjadi basodih lalu datang dan manyampekan kepado tuannyo tontang sagalo sasuatu nang tajadi.³²Lalu, tuannyo mamangil hamba nang partamo tu dan bacakap, 'Kamu hamba nang jahat. Aku mangampuni samuo utangmu karono kamu mamohonkan kepadoku. ³³Bukankah kamu jugo saharusnyo mampunyoi bolas kasihan kepado sasamomu hamba, macam aku jugo udah manunjukkan bolas kasihan kkepadomu?'³⁴Dan, tuannyo, dongan ponuh kamarahan, manyorahkannyo kepado para panyikso sampe dio biso mambayar balek samuo nang dipinjamkan kepadonyo. ³⁵AYAH-Ku di surgo jugo akan malakukan nang samo kepadomu, bilo kamu tidak mangampuni sudaromu dari dalam hatimu."

Pangajaran tontang Parcorean ¹Waktu Yesus sudah manyalosekan parkataan-parkataan ni, Dio barangkat dari Galilea dan sampe di wilayo Yudea, di saborang sunge Yirdan. ²Dan, karumunan orang banyak mangikuti-Nyo, dan Dio manyombuhkan mareko di sanan.³Babarapo orang Farisi datang kepado Yesus ondak mancuboi Dio dan batanyak, "Apokah dibonarkan buek laki-laki mancorekan biniknyo dongan macam-macam alasan?" ⁴Lalu, Yesus manjawab dan bacakap, "Tidakkah kamu mambaco bahawa Dio, nang manciptokan mareko dari awalnyo, manjadikan mareko laki-laki dan parompuan.⁵dan Dio bafirman, 'Karono tu, laki-laki harus maninggalkan ayahnyo dan omaknyo, dan manjadi satu samo biniknyo, dan kaduonyo tu akan manjadi satu tubuh? ⁶Jadi, mareko tu bukannyo duo, tapinyo satu tubuh. Karono tu, apo nang sudah diparsatukan Allah, manusio tak boleh mamisahkannyo."⁷Mareko bacakap kepado Yesus, "Lalu, kenapo Musa mamarintahkan buek mambagikan surat core dan mancorekan binik?" ⁸Yesus bacakap kepado mareko, "Karono kadogilan hatimu, Musa mangizinkan kamu mancorekan binikmu. ⁹Dan, Aku mambilangkan keopadomu kalo siapo nang mancorekan biniknyo, kacuali karono zinah, lalu manikah samo parompuan laen, dio bazinah."¹⁰Murid-murid bacakap kepoado-Nyo, "Bilo macam ni halnyo suami samo biniknyo, elokan tak manikah." ¹¹Tapi, Yesus bacakap kepado mareko, "Tidak samuo orang biso manarimo parkataan ni,kacuali mareko nang dikarunioi. ¹²Karono, ado orang nang tak manikah karono memang talahir bagitu dari rahim omaknyo, dan ado orang nang tidak manikah karono dimandulkan samo orang laen, dan ado jugo orang nang mandul nang mamandulkan dirinyo sandiri domi Karajaan Surgo. Barangsiapo biso manarimo hal ni, biarlah dio manarimonyo." Yesus dan Anak-Anak Kocik¹³Lalu, babrapo anak kocik dibawak kepado-Nyo supayo Dio biso malotakkan tangan-Nyo atas budak-budak tu dan mandoakan mareko. Tapi, murid-murid manogur orang-orang tu. ¹⁴Tapi, Yesus bacakap, "Biarkanlah budak-budak kocik tu. Jangan manghalangi mareko datang kepado-Ku karono Karajaan Surgo adolah punyo orang-orang nang macam budak-budak kocik ni.'' ¹⁵Sasudah Yesus malotakkan tangan-Nyo atas budak-budak tu, Dio pogi dari situ.Macammano Mandapat Hidup Kokal?¹⁶Lalu, datanglah sasaorang kepado Yesus dan batanyak, "Guru, hal baek apo nang harus aku buekkan bak supayo mandapat hidup nang kokal?'' ¹⁷Dan, Yesus bacakap kepado orang tu, "Mangapo kamu batanyak kepado-Ku tontang apo nang baek? Cumo ado Satu nang baek. Tapi, bilo kamu ondak masuk ka dalam hidup, patuhilah parintah-parintah tu."¹⁸n Orang tu batanyak kepado Yesus, "Parintah nang mano?" Jawab Yesus, "Jangan mambunuh, jangan barzinah, jangan mancuri, jangan mambagi kasaksian palsu, ¹⁹hormatilah ayahmu dan omakmu, ddan kasihilah sasamamu manusio macam dirimu sandiri."²⁰Orang mudo tu bacakap kepado-Nyo, "Samuo hal tuudah aku patuhi, apo lagi nang masih kurang?" ²¹Uesus bacakap kepadonyo. "Bilo kamu ondak sampurno, pogi dan juallah samuo nang kamu punyoi. Lalu, bagikanlah kepado orang miskin, dan kamu akan mampunyoi harta di surgo, dan moh ikutlah Aku." ²²Tapi, waktu orang mudo tu mandongar parntaan ni, dio pogi dongan sodih karono dio sangat kayo.²³Lalu, Yesus bacakap kepado murid-murdi-Nyo, "Aku mambilangkan nang sabotulnyo kepadomu, sulit buek orang kayo ondak masuk ka dalam Karajaan Surgo. ²⁴Sakali lagi, Aku mambilangkan kepadomu bahawa talobih gampang buek saekor unto buek malewati lubang jarum daripado orang kayo masuk ka dalam Karajaan Allah."²⁵Waktu para murid mandongar parkataan tu, mareko manjadi sangat taheran-heran, dan bacakap, "Kalo macam tu, siapo nang biso disalamatkan?" ²⁶Sambil dipandang-Nyo mareko, Yesus bacakap, "Basamo manusio, hal ni mustahil, tapi basamo Allah, samuo hal tu mungkin." ²⁷Lantas, Petrus bacakap kepado-Nyo, "Tengoklah, kami sudah maninggalkan samuonyo dan mangikuti Engkau. Jadi apo nang akan kami tarimo?"²⁸Dan, Yesus bacakap kepado mareko, "Aku mambilangkan nang sabotulnyo kepadomu bahawa kamu, nang mangikuti Aku dalam dunio nang baru, waktu Anak Manusio duduk di takhta kabosaran-Nyo, kamu jugo akan duduk di atas duo bolas takhta buek manghakimi kaduo bolas suku Isarael.²⁹Dan, satiap orang nang sudah maninggalkan rumah, sudaro laki-laki, sudaro parompuan, ayah, omak, anak-anak, atau ladangnyo karono namo-Ku akan manarimo saratus kali lipat dan akan mawarisi hidup nang kokal. ³⁰Tapinyo, banyak orang nang partamo akan manjadi nang tarakhir, dan nang tarakhir akan manjadi nang partamo."

Parumpamoan tontang Para Pakorjo Ladang Anggur ¹"Karono, Karajaan Sorgo adolah macam pamilik ladang nang pagi-pagi kali pogi buek mancari pakorjo-pakorjo buek ladang anggurnyo. ²Waktu dio sudah bapokat samo para pakorjo tu buek sadinar sahari, dio manyuruh mareko ka ladang anggurnyo.³Dan, kiro-kiro pada jam ka tigo, dio pogi dan manengok nang laennyo tongah togak manganggur di tompat umum. ⁴Lalu, dio bacakap kepado mareko, 'Kamu, pogilah jugo ka ladang anggur dan apo nang cocok akan aku bagikan kepadomu.' Dan, maareko pun pogi.⁵Sakali lagi, kiro-kiro jam kaonom dan jam kasambilan dio pogi dan malakukan hal nang samo. ⁶Dan, kiro pado jam kasabolas, dio pogi dan manjumpoi nang laennyo tongah togak dan dio bacakap kepado mareko, 'Mangapo kamo togak di sinin manganggur sahari suntuk?' ⁷Mareko bacakap kepadonyo, 'Korno bolum ado nang mampakorjokan kami.' Pamilik ladang tu bacakap kepado mareko, 'Kamu, pogilah jugo ka ladang anggurku.'⁸Pas, hari udah ondak malam, pamilik ladang tu bacakap kepado mandornyo, 'Panggillah para pakorjo dan bayarkan kepado mareko upahnyo, dimuloi dongan nang tarahir sampe nang partamo.' ⁹Waktu mareko nang dipakorjokan pado jam kasabolas , datang masing-masing orang manarimo 1 dinar. ¹⁰Pas, mareko nang dipakorjokan partamo kali, datang, mareko mangiro ondak manarimo talobih banyak. Tapi, matreko masing-masing jugo manarimo 1 dinar.¹¹Waktu manarimonyo, mareko parotes kepado pamilik ladang. ¹²Mareko bacakap, 'Orang-orang nang tarakhir cumo bakorjo salamo 1 jam sajo, dan engkau mambuek mareko samo dongan kami, nang sudah mananggung boban dan panas manggigit saharian.'¹³Tapi, pamilik ladang manjawab dan bacakap kepado satu dari mareko, 'Sudaro, aku tidak basalah kepadomu. Bukannyo kamu sudah sapakat samoku buek satu dinar? ¹⁴Ambeklah punyomu dan pogilah, tapi aku ondak mambagi kepado orang nang tarahir ni, samo macam kepadomu.¹⁵Apokah aku tak dibolehkan buek malakukan apo pun nang kuondak tarhadap punyoku sandiri? Ato apokah matamu jahat karono aku baek?' ¹⁶Jadi, nang tarahir akan manjadi nang partamo, ddan nang partamo akan manjadi nang tarhir." Yesus Bacakap Lagi tontang Kamatian-Nyo¹⁷Waktu Yesus ondak pogi ka Yerusalem, Dio mambawak duo bolas murid-Nyo sacaro tarpisah. Dalam parjalanan, Dio bacakap kepado mareko, ¹⁸"Tengoklah, kito tongah manuju Yerusalem dan Anak Manusio ondak disorahkan kepado imam-imam kaplo dan ahli-ahli Taurat. Mareko ondak manghukum-Nyo dongan kamatian. ¹⁹Lalu mareko akan manyorahkan Dio kepado bangso-bangso laen buek diejek. mancambuki, dan manyalibkan-Nyo. Dan, pado hari katigo, Dio akan dibangkitkan." Parmintaan Omak dari Anak-anak Zebedeus²⁰Kamudian, ibu dari anak-anak Zebedeus basamo anak-anaknyo datang kepado Yesus dan basujud buek mamintak kepado Yesus. ²¹Dan, Yesus bacakap kepadonyo, "Apo nang kamu ondak kan?" Ibu tu manjawab, "Parintahkanlah bak supayo kaduo anakku boleh duduk dalam Karajoan-Mu satu di sabolah kanan-Mu dan satu di sabolah kiri-Mu."²²Tapi, Yesus manjawab, "Kamu tak mangorti apo nang kamu mintak. Apokah kamu sanggup minum dari mangkok nang harus Kuminum?" Mareko bacakap kepado Yesus, "Ya, kami sanggup." ²³Yesus bacakap kepado mareko, "Kamu memang akan minum dari mangkok-Ku, tapi buek duduk kanak-Ku ato kiri-Ku, bukannyo hak-Ku mambagikannyo, malainkan buek mareko nang udah disiapkan samo AYAH-Ku." ²⁴Waktu kasapuluh murid nang laen mandongarnyo, mareko marah kepado kaduo sudaro tu.²⁵Namun, Yesus mamanggil mareko baduo dan bacakap, "Kamu tau kalo para panguaso bangso-bangso laen mamarentah atas mareko, dan orang-orang bosar mareko manjalankan kuasonyo atas mareko. ²⁶Tak harus jugo musti bagitu diantaro kamu, tapi siapo nang ondak manjadi bosar di antaro kamu, dio harus manjadi hambamu. ²⁷Dan, siapo sajo nang ingin manjadi nang partamo di antaro kamu, dio harus manjadi hambamu, ²⁸samo macam Anak Manusionang datang bukan buek dilayani, tapi buek malayani dan mambagikan nyawo-Nyo sabage tobusan buek banyak orang." Duo Orang Buto Disombuhkan²⁹Dan, waktu mareko mninggalkan Yerikho, karumunan orang banyak mangikuti-Nyo. ³⁰Dan, duo orang buto nang tongah ontok di topi jalan, pas mandongar kalo Yesus lewat, mreko basoru, "Tuhan, Anak Daud, kasihanilah kami!" ³¹Orang banyak manogur mareko bak supayo orang tu sonyap. Tapi, mareko samangkin koncang batariak, "Tuhan, Anak Daud, kasihanilah kami."³²Lalu, Yesus baronti dan mamanggil mareko. Dio bacakap, "Apo nang kamu ondak Aku buek untukmu?" ³³Mareko bacakap kepado-Nyo, "Tuhan, kami ondak mato kami dibukukan." ³⁴Yesus tagorak oleh karono bolas kasihan kepado mareko, dan mamogang mato mareko, dan saat tu jugo mareko manarimo panengokannyo balek, dan mangikut Yesus.

³Yesus Disambut Sabage Saorang rajo ¹Waktu mareko udah dokat kota Yerusalem dan sudah sampe Betfage, di bukit Zaitun, Yesus mangutus duo orang murid-Nyo; ²Kata-Nyo kapado mareko, "Pogilah ka kampung nang ado didopanmu, dan kamu akan manjumpoi saekor kalodai nang tarikat dan anak kalodai basamonyo. Lopaskan ikatannyo dan bawaklah kaduonyo kepado-Ku. Bilo dao orang nang manbilangkan sasuatu kepadomu, harus kamu bilangkan, 'Tuhan mamorlukannyo,' dan Dio akan copat mambalekkannyo."⁴Hal ni tajadi bak supayo tagonapilah apo nang dbilangkan oleh nabi; ⁵"Bilangkanlah kepado putri Sion, 'Tengoklah, Rajomu datang kepadomu, roondah hati, dan manunggang saekor kalodai, dongan saekor kalodai mudo, anak dari kalodai baban. Zakhria 9:9⁶Murid-murid pogi dan mangorjokan macam nang sudah Yesus parentahkan kepado mareko. ⁷Mareko mambawak kalodai basamo anak kalodai tu, dan Yesus duduk di atasnyo. ⁸Orang banyak nang bosar jumlahnyo tu mambontangkan jubah-jubah mareko di jalan, dan nang laennyo mamotong ranting-ranting pokok, lalu manyerakkannyo di jalan.⁹Banyak orang bajalan di dopan-Nyo dan mareko nang mangikuti-Nyo basoru, "Hosana buek Anak Daud! 'Diborkatilah Dio nang datang dalam Namo Tuhan.' Hosana di tompat nang paling tinggi!" Mazmur 118:25-26 ¹⁰Pas Yesus masuk ka Yerusalem, saluruh kota digomparkan. Mareko batanyak, "Siapokah Dio ni?" ¹¹Dan, orang banyak tu manjawab, "Dio adolah Nabi Yesus, dari Nazaret di Galilea." Yesus Manyucikan Bait Allah¹²Lalu, Yesus masuk ka Bait Allah dan mangusir orang-orang nang tongah bajualan di Bait Allah, lalu manjungkirbalikkan mejo-mejo panukar duit dan bangku-bangku mareko nang manjual burung-burung marpati. ¹³Dio bacakap kepado mareko, "Ado tartulis, 'Rumah-Ku akan disobutkan rumah doa,' tapi kamu manjadikannyo sabage sarang parampok." ¹⁴Dan, orang nang buto dan lumpuh datang kepado-Nyo di Bait Allah, lalu Dio manyombuhkan mareko.¹⁵Tapi, waktu para imam kapalo dan ahli-ahli Taurat manengok mujizat-mujizat nang sudah dibuek Yesus dan manengok budak-budak basoru dalam Bait allah, "Hosana buek Anak Daud," mareko manjadi marah. ¹⁶Lalu, mareko batanyak kepado Yesus, "Apokah Engkau mandongar nang dibilangkan budak-budak ni?" Dan, Yesus manjawab mareko, "Ya. Bolum paronakah kamu mambaco, 'Dari mulut bayi-bayi dan budak-budak nang manyusu, Engkau sudah manyiapkan pujian buek diri-Mu sandiri?" ¹⁷Kamudian, Yesus maninggalkan mareko dan kaluar dari kota tu ka Betania dan barmalam disanan. Yesus Manunjukkan Kuaso Iman¹⁸Pado saat pagi hari, waktu Yesus balek ka kota, Dio manjadi lapar. ¹⁹Dan, waktu manengok pokok ara di pinggir jalan, didatangi-Nyo dan tak mandapat apo-apo, kacuali daun-daunnyo sajo. Dan, bacakaplah Dio kepado poko tu, "Takkan paronah ado lagi buah dari padomu sampe salamo-lamonyo!" Saat tu jugo, pokok ara tu dibuek jadi koring.²⁰Waktu murid-murid manengok hal ni, taheran-heranlah para murid dan batanyak. "Macam mano pokok ara tu jadi koring kojap tu jugo?" ²¹Dan, Yesus manjawab mareko, "Sasungguhnyo Aku bilangkan kepadomu, bilo kamu punyo iman dan tak ragu, kamu bukan sajo akan mangorjokan apo nang dibuekkan samo pokok ara ni, malahan bilo kamu bilangkan kepado gunung ni, 'Tarangkatlah dan tacampaklah ka dalam laut,' hal tu akan tarjadi. ²²Dan, sagalo sasuatu nang kamu mintak dalam doa, porcayolah, kamu akan manarimonyo." Pamimpin Yahudi Manyangsikan Kuaso Yesus²³Waktu Yesus masuk kadalam Bait Allah, para imam kapalo dan para tuo-tuo bangso Yahudi datang kepado-Nyo samantaro Dio tongah mangajar dan batanyak, "Dongan kuaso apokah Engkau malakukan hal-hal ni? Dan, sipokah nang mambagi samo-Mu kuaso ni?" ²⁴Yesus manjawab, "Aku jugo ondak mananyakkan satu hal kepadomu, nang bilo kamu biso manjawabnyo, Aku jugo akan mambagitau dongan kuaso apo Aku malakukan samuo hal ni.²⁵Dari manokah babtisan Yohanes? Dari surgo ato dari manusio?" Dan, mareko mulo mambincangkannyo diantaro mareko sandiri, katanyo, "Bilom kito mambilangkan, 'Dari Surgo,'Dio akan bacakap, 'Kalo bagitu, mangapo kamu tidak porcayo kepado Yohanes?' ²⁶Tapi, bilo kita bilang, 'Barsal dari manusio, 'Takut kito samo orang banyak karono mareko samuo manganggap Yohanes adolah nabi." ²⁷Lantas mareko manjawab, "Kami tak tau." Dan Yesus bacakap, "Kalo bagitu, Aku jugo tak akan mambagitaukan kamu dongan kuaso apokah Aku mambuek hal-hal ni." Parumpamoan tomtang Duo Orang Anak²⁸"Tapi, apo pandapatmu? Ao orang nang punyo duo anak laki-laki, dan datanglnakku, pogi dan bakorjolah hari ni di ladang anggur.' ²⁹Dan, dio manjawab, 'Ya, Ayah,' tapi udah tu dio tak pogi. ³⁰Lalu ayah tu pogi kepado nang kaduo dan mambilangkan hal nang samo. Anak tu manjawab, 'Tak ondak,' tapi dio manyosal dan pogi.³¹Siapokah dari kaduo anak tu nang mamatuhi ayahnyo?" Mareko manjawab, "Nang tarhir." Yesus bacakap kepado mareko, "Sasungguhnyo aku mambilangkan kepadomu bahawa para pamungut pajak dan palacur-palacur akan masuk ka dalam Karajaan Allah mandului kamu. ³²Karono, Yohanes datang kepadomu dalam kabonaran dan kamu tidak porcayoi dio, tapi, para pamungut pajak dan palacur-palacur mamporcayoinyo. Dan, kamu, waktu manengok hal nimalah tak manyosal sasudahnyo sahinggo kamu biso mamporcayoi dio." Parumpamoan tontang Pamilik dan Panyewa Ladang Anggur³³Dongarlah parumpamoan nang laen. Ado pamilik ladang anggur nang mananami sabuah ladang anggur, dan mamasang pagar saklilingnyo, dan manggali tompat pamorasan anggur, dan mandirikan manaro. Lalu, dio manyewakan ladang anggurnyo kepado babarapo patani, dan dio barangkat ka luar nagori. ³⁴Waktu musimbuah ondak tibo, dio mangutus hamba-hambanyo kepado patani-patani tu buek manarimo buahnyo.³⁵Dan, para patani manangkap para palayan tu dan mamukul nang saorang, dan mambunuh nang satu, dan nang laennyo dilutari batu. ³⁶Sakali lagi, pamilik ladang tu manyuruh hamba-hamba nang laen, nang lobih banyak dari sabolumnyo. Dan, para patani tu malakukan hal nang samo kepado mareko. ³⁷Ahirnyo, pamilik ladang tu mangutus anaknyo kpado mareko, katanyo, 'Mareko akan manghormati anakku.'³⁸Tapi, waktu para patani tu manengok anaknyo, mareeko bacakap di antaro mareko sandiri, ' Dio adolah ahli waris, moh kita bunuh dio dan marampas warisannyo.' ³⁹Lalu, mareko manangkap anak pamilik ladang tu, malemparkannyo ka luar ladang anggur, dan mambunuhnyo.⁴⁰Karono tu, waktu pamilik ladang anggur tu datang, apo nang ondak dio buekkan kepado patani-patani tu?'' ⁴¹Mareko bacakap kepado-Nyo, "Dio akan mambinasokan orang-orang jahat tu dongan sangat jahat, dan akan amnyewakan ladang anggurnyo kepado patani-patani nang laen, nang ondak manyorahkan kepadonyo buah-buah pado musimnyo."⁴²Yesus bacakap kepado mareko, "Apokah kamu tidak paronah mambaco dalam Kitab Suci: 'Batu nang ditulak samo tukang-tukang bangunan udah manjadi batu panjuru. Hal ni tarjadi dari pihak Tuhan, dan hal ni ajaib di mato kito?' Mazmur 118:22-23⁴³Karono tu, Aku bacakap kepadomu, Karajaan Allah akan diambek darimu dan akan dibagikan kepado orang-orang nang manghasilkan buah darinyo. ⁴⁴Dan, siapo nang tajatuh diatas batu ni akan dipocahkan bakoping-koping; dan siapo pun nang ditimpo batu ni akan romuk."⁴⁵Waktu imam-imam kapalo dan orang-orang Farisi mandongar parumpamoan-parumppamoan-Nyo, mareko mangorti kalo Yesus tongah mambicarokan tontang orang tu. ⁴⁶tapi, waktu mareko barusaho ondak manangkap Yesus, mareko takut kepado orang banyak karono orang banyak tu manganggap bahawa Yesus adolah nabi.

⁴Gadis yang Bodoh dan yang Bijaksana ¹"Lalu, Karajaan Sorga akan diumpamokan dongan sauluh anak daro nang mambawak palito-palitonyo dan pogi buek bajumpo mampolai laki-laki. ²Limo diantaro orang tu adolah cak odoh, dan limo nang laennyo adolah bijaksano. ³Waktu nang cak odoh tu mambawak palito-palitonyo, mareko tidak mambawak minyaknya jugo. Tapi, nang bijaksano mambawak minyak jugo dalam kondi kocik samo palito-palito orang tu.⁵Kinin, pas mampolai laki-laki tu manundo kadatangannyo, orang tu samuo mangantuk dan talolap. ⁶Tapi, pas tongah malam ado suaro batariak, ' Mampolai laki-laki tibo! Kaluarlah buek manyambutnyo!'⁷Lantas, samuo anak daro tu bangkit dan mambereskan palito-palito orang tu. ⁸Dan, nang bodok bacakap samo nang bijaksano, 'Bagilah samo kami sadikit minyak klen karono palito kami udah ondak padam.' ⁹Tapi, nang bijaksano manjawab, 'Tak ondak lah baya, takkan cukup buek kami jugo buekmu. Elok lahpogi mambolik sandiri samo panjual minyak buyek kamu.'¹⁰Samantaro orang tu pogi ondak mamboli, mampelai laki-laki tu tibo, dan mareko siap, masuk basamo-samo dongannyo ka parjamuan kawin, dan pintu di tutup. ¹¹Sasudah tu, baleklah pulak anak daro nang laennyo dan bacakap, 'Tuan,tuan! Bukakkan lah pintu buek kami.' ¹²Tapinyo, dio manjawab, 'Motan kubilangkan samo kamu, aku tak konal samo kamu.' ¹³Oleh korno tu, bajago-jago lah karono karono kamu tak tau hari ato waktunyo." Parumpamoan tontang Tigo Palayan¹⁴"Karono, Karajaan Surgo samo macam sasaorang nang ondak pogi ka luar nagori, nang mamanggil hamba-hambanyo dan manyorahkan hartanyo kepado mareko. ¹⁵Samo nang saorang, dio mambagikan limo talenta. Kepado nang laennyo, duo talenta, dan samo nang laennyo lagi, satu talenta. Masing-masing sasuai kasanggupannyo. Kamudian, pogi lah dio. ¹⁶Orang nang manarimo limo talenta langsung barambus, dan manjalankan talenta tu dan dihasilkannyo limo talenta lagi.¹⁷Bagitun jugo orang nang manarimo duo talenta, dio manghasilkan duo talenta lagi. ¹⁸Tapinyo, orang nang manarimo satu talenta tu pogi, manggali lubang di tanah, dan manyurukkan duitnyo.¹⁹Lamo sasudahnyo, truan dari hamba-hamba tu tibo dan mambuek bakiro samo mareko. ²⁰Orang nang udah manarimo limo talenta tu manghadap dan mambawak limo talenta lagi, katonyo, 'Tuan, engkau mambagikan limo talenta samoku. Tengoklah, aku sudah manghasilkan limo talenta lagi.' ²¹TUannyo bacakap samo dio, 'Mantab sakali, hamba nang baek dan satio. Kamu sudah satio samo hal-hal kocik, aku ondak mangangkat kamu buek banyak hal, masuklah ka dalam sukocito tuanmu.'²²Dan, orang nang manarimo duo talenta jugo manghadap dan bacakap, 'Tuan, engkau mambagikan duo talenta samoku. Tengok, aku udah manghasiilkan duo talenta lagi.' ²³Tuannyo manjawab, 'Bagus kali, hamba nang satio samo parkaro kocik, aku ondak mangangkat kamu buek banyak hal, masuklah ka dalam sukocito tuanmu.'²⁵²⁴Lantas, orang nang manarimo satu talenta jugo manghadap dan bacakap, 'Tuan, aku tau engkau orang nang kojam, mamanen di tompat nang engkau tidak manabur, dan mangumpulkan di tompat nang engkau tidak manyerak bonih. Korno tuh, aku takut, dan pogi dan manyurukkan talentamu di dalam tanah. Tengok, engkau punyo apo nang manjadi punyomu.'²⁶Tapi, tuannyo manjawab dan bacakap kepadonyo, 'Kamu hamba nang jahat dan pamalas! Kamu tau kalo aku manuai di tompat nang aku tidak manabur dan mangumpulkan di tompat nang aku tidak manyerak bonih. ²⁷Korno tuh, saharusnyo kamu manyimpan duitku di bank dan pas aku balek, aku akan manarimo punyoku balek samo bungonyo.²⁸Ambeklah satu talenta tuh dari dio dan bagikan samo dio nang punyo sapuluh talenta tuh. ²⁹Karono, satiap orang nang mampunyoi akan dibagi lagi, dan dio akan barkalimpahan. Tapi dari orang nang tidak mampunyoi, malahan apo nang dio pnyo akan diambil. ³⁰Campakkanlah hamba nang tak baguno tuh ka dalam kagolapan nang paling pokat. Di tompat tuh akan ado tangisan dan badorak gigi." Panghakiman oleh Anak Manusio³¹Waktu Anak Manusio datang dalam kamulioan-Nyo, dan para malaekat-Nyo, lalu Dio akan duduk di tahta kamulioan-Nyo. ³²Samuo bangso akan dikumpulkan di hadapan-Nyo, dan Dio ondak mamisahkan mareko satu dari nang laennyo, macam gambalo nang mamisahkan domba dari kambing-kambing. ³³Dan, Dio ondak manompatkan domba-domba di sabolah kanan-Nyo, dan kambing-kambing di sabolah kiri.³⁴Kamudian Rajo akan bacakap samo mareko nang di sabolah kanan-Nyo, 'Kamarilah, kamu nang diborkati oleh AYAH-Ku, warisilah Karajaan nang disadiokan buekmu dari parmuloan dunio. ³⁵Karono pas Aku lapar, kamu mambagi Aku makan. Aku haus dan kamu mambagi Aku minum. Aku orang asing, dan kamu mangundang Aku masuk. ³⁶Aku talanjang dan kamu mamakekan Aku pakaian. Aku sakit dan kamu manengok Aku. Aku di panjaro dan kamu datang samo-Ku.'³⁷Lantas, orang-orang bonar tu akan manjawab-Nyo, 'Tuhan, bilo kami tengok Engkau lapar dan mambagi-Mu makan, ato haus dan mambagi-Mu minum? ³⁸Bilo kami manengok Engkau saorang asing dan mangundang Engkau masuk, ato talanjang dan mamakekan Engkau pakaian? ³⁹Bilo kami tengok Engkau sakit ato di panjaro dan kami datang kepado-Mu? ⁴⁰Rajo tu akan manjawab, 'Aku mambilangkan nang sabotulnyo samo kamu, macam mano nang kamu buek kepado satu dari sudaro-sudaro-Ku nang paling kocik ni, kamu mambueknyo untuk-Ku.'⁴¹Kamudian, Dio akan bacakap jugo kepado mareko nang di sabolah kiri-Nyo, 'Barambuslah dari dopan-Ku, kamu nang tarkutuk ka dalam api kokal nang sudah disiapkan buek Iblis dan malaekat-malaekatnyo. ⁴²Karono, Aku lapar dan kamu tak mambagi Aku makan. Aku haus dan kamu tak mambagi Aku minum. ⁴³Aku orang asing dan kamu tak mangundang Aku masuk; talanjang dan kamu tidak mamakekan Aku kain; sakit dan di panjaro, dan kamu tak manengok Aku.'⁴⁴Kamudian, mareko jugo akan manjawab, 'Tuhan, bilo kami manengok Engkau lapar ato haus, ato saorang asing, ato sakit, ato talanjang, ato di panjaro, dan kami tidak malayani-Mu?' ⁴⁵Kamudian, Dio akan manjawab mareko, ''Aku mambilangkan nang sasungguhnyo kepadomu, samo macam mano kamu tidak malakukannyo tarhadap satu dari mareko nang paling kocik ni, kamu tidak malakukannyo samo-Ku.' ⁴⁶Dan, mareko ni akan pogi ka dalam panghukuman kokal, tapi orang-orang bonar ka dalam kahidupan kokal."

Roncano buek Mambunuh Yesus ¹Pas Yesus sudah manyalosekan samuo nang dibilangkan nih. Dio bacakap samo murid-murid-Nyo. ²"Taunyo kamu kalo duo hari lagi hari Paskah, dan ondak di sorahkan buek disalibkan."³Lalu, para imam kapalo dan tatuo-tuo bangso tu bakumpul basamo di istano Imam Bosar, nang banamo Kayafas. ⁴Dan, orang tu baopokat buek manangkap Yesus dongan tipu dayo dan mambunuh-Nyo. ⁵Tapinyo matreko bacakap, ''Jangan pas salamo parayaan bak supayo tak ado karusuhan di antaro orang banyak." Yesus Diurapi oleh Saorang Parompuan⁶Kinin, pas Yesus ado di Betania, di rumah Simon si kusta, ⁷saorang parompuan datang kepado-Nyo dongan sabotol pasu pualam kocik barisi minyak wangi nang sangat mahal, dan parompuan tu manuangkannyo ka atas kapalo Yesus pas Dio tongah duduk makan. ⁸Waktu murid-murid manengoknyo, maralah mareko dan bacakap, "Kenapao pamborosan ni? ⁹Korno, minyak wangi tu biso dijual buek hargo mahal dan dibagikan samo orang nang minskin."¹⁰Tapi, Yesus mangatahui hal ni, bacakap samo mareko, "Mangapo kamu manyusahkan parompuan ni? Karono, dio mangorjokan parbuatan baek samo-Ku. ¹¹Karono, kamu salalu punyo orang miskin basamo kamu, tapi kamu tak salalu mampunyoi Aku.¹²Saat parompuan ni mancurahkan minyak wangi ka tubuh-Ku, dio mambueknyo bak manyiapkan panguburan-Ku. ¹³Aku mambilangkan nang sabotulnyo kepadomu kalo di mano sajo Injil ni dibaritokan ka saluruh dunio, apo nang sudah dikorjokan parompuan ni akan dibicarokan pulak sabage paringatan buek dio." Roncano buek Mangkhianati Yesus¹⁵¹⁶¹⁴Kamudian, satu dari kaduo bolas murid, nang banamo Yudas Iskariot, pogi kepado imam-imam kapalo, dan bacakap, "Apo nang ondak kamu bagikan samo aku bilo aku manyorahkan Dio kepadomu?" Dan mareko manotapkan 30 koping perak bueknyo. Dan, samonjak tu dio mancari kasompatan baek buek manyorahkan Yesus. Hidangan Paskah¹⁷Kinin, pado hari partamo Roti Tak Baragi, para murid datang kepado Yesus dan batanyak, "Dimano Engkau ondak kami mamparsiapkan makan Paskah buek-Mu?" ¹⁸Yesus manjawab, "Masuklah ka kota, kapado sasaorang dan bilangkan samo dio, 'Guru bacakap,"Waktu-Ku sudah dokat. Aku ondak marayakan Paskah di rumahmu basamo murid-murid-Ku." ¹⁹Para murid malakukan macam nang Yesus udah posankan samo mareko, dan mamparsiapkan Paskah tu.²⁰Sakarang pas muloi malam, Yesus duduk makan basamo dongan ka duo bolas murid. ²¹Dan, waktu mareko tongah makan, Dio bacakap, "Aku mambilangkan nang sabotulnyo kepadomu kalo salah satu dari klen akan mangkhianati Aku." ²²Mareko sangat sodih dan masing-masing mulo bacakap kepado-Nyo, "Pasti, bukan aku, Tuhan?"²³Dan, Dio manjawab, "Dio, nang mancolupkan tangannyo ka dalam mangkok basamo-samo Aku, diolah nang ondak mangkhianati Aku. ²⁴Anak Manusio akan pogi macam nang tartulis tontang Dio. Tapi, cilakolah orang tu, nang oleh kornonyo Anak Manusio dikhianati! Akan talobih elok buek orang tu bilo dio tak paronah di laherkan." ²⁵Lalu, Yudas nang ondak manyorahkan Yesus, bacakap kepadonyo, "Pasti bukan aku ya, Rabi? Yesus bacakap kepadonyo, "Kamu sudah mambilangkannyo." Paringatan buek Tubuh dan Darah Yesus²⁶Waktu mareko tongah makan, Yesus mangambek roti. Dan sasudah mamborkatinyo, Yesus mamocah-mocahkan dan mambagikannyo kepado para murid sambil bacakap, "Ambek dan makanlah, ini adolah badan-Ku"²⁷Lalu, Dio mangambek mangkok, mangucap syukur, dan mambagikannyo kepado mareko, kato-Nyo, "'Kamu samuo minumlah darinyo. ²⁸Karono, ini adolah darah-Ku, darah parjanjian, nang dicurahkan buek pangampunan doso-doso. ²⁹Aku mambilangkan kepadomu kalo Aku tidak akan maminum hasil pokok anggur ni, muloi sakarang sampe hari tu pas Aku maminum anggur nang baru basamo kamu dalam karajaan Bapak-Ku."³⁰Sasudah manyanyikan sabuah pujian, mareko pogi ka bukit Zaitun. Petrus Akan Manyangkal Yesus ³¹Kamudian Yesus bacakap kepado murid-murid-Nyo, "Kamu samuo akan tasandung karono Aku malam ni. Karono ado tatulis, 'Aku ondak mamukul gombala, dan domba-domba dari kawanan tu akan core-bore.' Zakharia 1:7 ³²Tapi, sasudah Aku bangkit, Aku akan mandului kamu ka Galilea."³³Bacakap Petrus, "Sakalipun samuo tasandung karono-Mu, aku tak akan tasandung." ³⁴Kata Yesus kepadonyo, "Aku mambilangkan nang sabotulnyo samo kau kalo pado malam ni, sabolum bakokok ayam, kau akan manyangkal Aku tigo kali." ³⁵Petrus bacakap kepado-Nyo, "Sakalipun aku harus mati basamo-Mu, aku tak ondak manyangkal-Mu!" Samuo murid nang laen jugo mambulangkan hal nang samo.Yesus Badoa di Getsemani³⁶Kamudian Yesus tibo basamo murid-murid-Nyo di tompat nang banamo Getsemani dan Dio bacakap kepado murid-murid-Nyo, "Ontoklah disinin, samantaro Aku ondak badoa ka sanan." ³⁷Dan, Dio mambawak Petrus dan kaduo anak Zebedeus basamo-Nyo, dan Dio mulo basodih dan susah hati. ³⁸Lantas, Dio bacakap kepado mareko, "Hati-Ku sangat baduka macam nang ondak mati rasonyo. Ontok tinggal disinin dan totaplah bajago-jago basamo-Ku."³⁹Dan, Dio sadikit manjauh, lalu sujudsampe muku-Nyo manyontuh tanah dan badoa, kato-Nyo, "AYAH_Ku, kalo mungkin, biarlah mankok ni balalu dari pado-Ku. Akan tatapi, janganlah macam nk, malainkan kahondak-Mu." ⁴⁰Lalu, Dio pogi kepado murid-murid-Nyo dan manjumpoi mareko tongah tidor. Lantas, Dio bacakap kepado Petrus, "Jadi, tak sanggup kamu bajago-jago basamo-Ku salamo satu jam?' ⁴¹Bajago-jago dan badoalah bak supayo kamu jangan jatuh ka dalam pancuboan. Roh memang panurut tapi daging lomah."⁴²Pogi lagi Yesus ka duo kalinyo buek badoa, kata-Nyo, "AYAH_Ku, bilo ini tak bisa balalu kacuali Aku maminumnyo, kahondak-Mu lah nang akan tajadi." ⁴³Sakali lagi, Dio datang dan manjumpoi mareko tongah tidor karono mato mareko borat rasonyo. ⁴⁴Hinggo, Dio maninggalakan mareko, dan Dio pogi balek, lalu badoa buek ka tigo kalinyo, mangucapkan kato-kato nang samo.⁴⁵Kamudian Yesus balek kapado murid-murid-Nyo dan bacakap, "Tidorlah sakarang dan rehatlah. Tengok, waktunyo makin dokat dan Abnak Manusio disorahkan ka tangan orang-orang badoso. ⁴⁶Bangkitlah, moh kito pogi. Tengok, orang-orang nang ondak manyorahkan Aku sudah dokat." Panangkapan Yesus⁴⁷Samantaro Yesus tongah bacakap, Yudas, satu dari kaduo bolas murid tu datang. Basamo-samo dongan dio, karumunan bosar orang banyak dongan podang dan pamukul, dari imam-imam kapalo dan tatuo-tuo bangso tu. ⁴⁸Sakarang, dio nang manyorahkan Yesus mambagi mareko tando, katanyo, io, tangkaplah Dio."⁴⁹Yudas lokas mandokat kepado Yesus dan bacakap, "Salam, Rabi!" Dan, Yudas mancium-Nyo. ⁵⁰Yesus bacakap kepadonyo, "Kawan, korjokanlah maksud kadatanganmu." Kamudian orang banyak tu mandokat, malotakkan tangan kepado Yesus, dan manangkap-Nyo.⁵¹Dan, tengok, satu dari mareko nang basamo Yesus mangulurkan tangannyo, manarik podangnyo, dan manyorang hamba imam bosar tu, dan mamotang talingonyo. ⁵²Kamudian, Yesus bacakap kepadonyo, "Balekkan podangmu ka tompatnyo, karono samuo nang manggunokan podang akan binaso oleh podang. ⁵³Ato, kamu pikir Aku tak sanggup mamohon kepado AYAH-Ku, dan Dio, sakarang jugo, akan mambagi lobih duo bolas pasukan malaekat buek Aku? ⁵⁴Tapi, macam mano kamudian Kitab Suci ondak dogonapi nang mambilangkan kalo harus tarjadi bagitu?"⁵⁵Pado waktu tu, Yesus bacakap kepado orang banyak tu, "Apokah macam malawan parampok kamu kaluar dongan podang dan pamukul buek manangkap Aku? Satiap hari, Aku ontok mangajar di Bait Allah dan kamu tak mangangkap Aku. ⁵⁶Tapinyo, samuo ni tarjadi bak supayo kitab-kitab para nabi digonapi." Kamudian, samuo murid maninggalkan-Nyo dan malarikan diri.Para Pamimpin Yahudi Manghakimi Yesus⁵⁷Mareko nang manangkap Yesus mambawak-Nyo kepado Kayafas, sang Imam Bosar, tompat para ahli Taurat dan tatuo-tuo bakumpul basamo. ⁵⁸Lalu, Petrus mangikuti Yesus dari jauh sampe ka halaman rumah imam bosar. Dan , Petrus masuk, duduk basamo para pangawal buek manengok kasudahannyo.⁵⁹Sakarang, para imam kapalo dan saluruh Sanhedrin mancai kasaksian palsu tarhadap Yesus bak supayo biso manghukum mati Dio. ⁶⁰Tapi, mareko tak biso mandapatkannyo walopun banyak saksi dusta nang datang. Kamudian, ado duo orang muincul, ⁶¹dan bacakap, "Orang ni bacakap, 'Aku sanggup maruntuhkan Bait Allah dan mambangunnyo balek dalam tigo hari."⁶²Kamudian, Imam Bosar togak dan bacakapm kepado Yesus, "Apokah Engkau tak punyo jawapan? Apo nang orang-orang ni saksikan tarhadap-Mu?" ⁶³Namun, Yesus totap diam. Dan, Imam Bosar tu bacakap kepado Yesus, "Kusumpahi Kau domi Allah nang hidup bak Engkau mambilangkan kepado kami, apokah Engkau adolah Mesias, Anak Allah?" ⁶⁴Yesus bacakap kepadonyo, "Kamu udah mambilangkannyo sandiri. Tapi, Aku mambilangkan kepadomu bahawa muloi dari sakarang kamu akan manengok Anak Manusio duduk di sabolah kanan Yang Mahakuaso, dan datang di atas awan-awan di langit."⁶⁵Kamudian, Imam Bosar manguyak bajunyo dan bacakap, "Dio, sudah manghujat! Apo lagi porlunyo para saksi? Tengok, sakarang kamu sudah mandongar hujatan-Nyo. ⁶⁶Macam mano pandapatmu?" Para pamimpin Yahudi tu manjawwab, "Dio cocok dihukum mati."⁶⁷Kamudian, mareko maludahi muko-Nyo dan malongsut-Nyo. Dan, nang laen manampar-Nyo. ⁶⁸Mareko bacakap, "Barnubuatlah tarhadap kami, hai Mesis; siapolah nang mamukul Engkau?" Petrsu Tidak Mangakui Yesus⁶⁹Kinin, Petrus duduk di luar halaman dan saorang palayan parompuan datang kepadonyo dan bacakap, "Kamu jugo basamo dongan Yesus, orang Glilea tu." ⁷⁰Tapi, Petrus manyangkalnyo di dopan mareko samuo, katanyo, "Aku tak tau apo nang kamu bilangkan."⁷¹Pas Petrus kaluar ka pintu gorbang, palayan parompuan nang laennyo manengok dio dan bacakap kepado orang-orang nang ado di sanan, "Orang ni basamo-samo dongan Yesus dari Nazaret tu." ⁷²Dan, sakali lagi Petrus manyangkalnyo dongan sumpah, "Aku tidak mangnal Orang tu."⁷³Tak lamo kamudian, orang-orang nang togak disitu mandokati Petrus dan bacakap, "Pasti kamu jugo adolah salah satu dari mareko korno logatmu mambueknyo jolas." ⁷⁴Kamudian, Petrus molui mangutuk dan basumpah, katanyo, "Aku tak mangonal Orang tu." Dan, tibo-tibo, ayam jantan bakokok. ⁷⁵Dan, Petrus taringat akan kato Yesus, "Sabolum ayam jantan bakokok, kamu akan manyangkali Aku tigo kali." Kamudian, Petrus kaluar dan manangis dongan sodihnyo.

Yesus di Hadapan Gubernur Pilatus ¹Sakarang, waktu pagi tibo, samuo imam kapalo dan para tuo-tuo bangso tu mangambek kaputusan basamo tontang Yesus buk manghukum mati Dio. ²Dan, mareko mangikat Yesus, lalu mambawak dan manyorahkan-Nyo kepado Gubernur Pilatus. Yudas Bunuh Diri³Pas YUdas, nang manyorahkan Yesus manengok kalo Yesus dijatuhi hukuman mati, manyosal lah dio dan dibalekkannyo 30 koping perak kepado imam-imam kepalo dan para tuo-tuo, ⁴katanyo, "Aku udah badoso karono mnyorahkan darah orang nang tak basalah." Tapi, mareko bacakap, "Apo ursannyo samo kami? Itu urusanmu!" ⁵Dan, Yudas mancampakkan koping-koping perak tu ka dalam Bait Allah dan maninggalkannyo. Lalu pogi dan manggantung dirinyo.⁶Tapin imam-imam kapalo mangambek koping-koping perak tu dan bacakap, "Tak dibolehkan buek manyimpannyo dalam parbandaharoan karono ini adolah hargo darah." ⁷Makonyo, mareko mambuek kaputusan basamo dan dipake duit tu, mareko mamboli tanah tukang pariuk sabage tompat buek orang-orang asing. ⁸Itulah sobabnyo tanah tu disobut 'Tanah Darah' sampek kinin.⁹Dongan bagitu, gonaplah apo nang dibilangkan Nabi Yeremia: "Kamudian, mareko mangambek 30 koping perak. Itulah hargo buek diri-Nyo nang udah ditaksirkan samo orang-orang Israel. ¹⁰Dipake orang tu 30 koping perak buek mamboli tanah tukang pariuk, macam nang sudah Tuhan parentahkan kepadoku." Yesus dan Gubernur Pilatus¹¹Sakarang Yesus togak di dopan Gubernur dan Gubernur batanyak kepado-Nyo, "Apokah Engkau Rajo orang Yahudi?" Jawab Yesus, "Ya, macam nang kamu bilangkan." ¹²Tapi, pas Dio dituduh oleh imam-imam kapalo dan para tuo-tuo, Dio tak manjawab apopun. ¹³Kamudian, Pilatus bacakap kepado-NYo, "'Apokah Engkau tidak mandongar sahinggo nang banyak mareko manuduh Engkau?" ¹⁴Tapi, Yesus tidak manjwab Pilatus, lanjar satu tuduhan pun sahinggo Gubernu tu sangat taheran. Pilatus Gagal Mambeb askan Yesus¹⁵Sakarang ni, pado satiap hari rayo, Gubernur biaso mambebaskan buek orang banyak, saorang tahanan nang dikahondaki oelh mareko. ¹⁶Pado waktu tu, mareko mampunyoi saorang nang tarkonal nang dibilang Barabas.¹⁷Jadi, pas orang banyak bakumpul, Pilatus batanyak kepado mareko, "Siapo nang kamu ondak buek kubebaskan, Barabas ato Yesus nang disebut Kristus?" ¹⁸Karono, Pilatus tau karono dongki, mareko udah manyorahkan Yesus kepadonyo. ¹⁹Waktu Pilatus tongah duduk di kursi pangadilan, bininyo mangkirim posan kpadonyo, "Jamgam korjokan apo pun tarhadap Orang Botul tu. Karono, aku udah mandarito banyak hal hari ni dalam mimpi karono Dio."²⁰Tapi, imam-imam kapalo dan para tuo-tuo manyakinkan orang banyak buek mamintak Brabas dan mambunuh Yesus. ²¹Btanyaklah Gubernur samo orang tu, "Nang mano dari kaduo orang tu nang kamo ondak bak kubebaskan buekmu? Dan, nareko bacakap, "Barabas!" ²²Pilatus bacakap samo orang tu, "Kalo bagitu, apo nang harus kubuek samo Yesus, nang disobutkan Kristus?" Mareko bacakap, "Salibkan Dio!"²³Dan, Pilatus batanyak, "Mangapo? Kajahatan apo nang Dio dah buek?" Akan tapinyo, mareko bartariak lobih koncang lagi, "salibkan Do!" ²⁴Waktu Pilatus manengok kalo dio tak manyalosekan apo pun, lanjar karusuhan muloi tarjadi, dio mangambek aer dan mancuci tangannyo di doipan orang banyak tu dan bacakap, "Aku tak basalah atas darah Orang ni. Itu ursanmu sandiri."²⁵Dan samuo orang tu manjawwab, "Darah-Nyo ado atas kami dan anak-anak kami!" ²⁶Lalu Pilatus mambebaskan Barabas buek mareko dan sasudah mancambuki Yesus, Pilatus manyorahkan Dio buek disalibkan. Tantaro P{ilatus Mangolok-olok Yesus²⁷Kamudian, para tantaro gubernur mambawak Yesus ka markas tompat tinggal gubernur dan mangumpulkan saluruh pasukan Romawi mangalilingi Dio. ²⁸Mareko manamnggalkan pakean Yesus dan mamakekan jubah ungu kepado-Nyo. ²⁹Dan, sasudah mangnyam sabuah mahkota baduri b asamo-samo mareko mamakekannyo di kapalo Yesus, sabatang buluh pado tangan kanan-Nyo, dan basujud di dopan-Nyo, dan mangejek Dio, kato mareko, "Salam Rajo orang Yahudi!"³⁰Mareko maludahi-Nyo, mangamil bukuh tu, lalu mamukulkannyo ka kapalo-Nyo. ³¹Sasudah mareko mangejek Dio , mareko malopaskan jubah ungu tu dari Yesus, dan mamakekan balek pakaian-Nyo sandiri, dan mambawak-Nyo pogi buek manyalibkan-Nyo. Yesus Disalibkan³²Pas para tantaro tu kaluar, mareko manjumpoi saorang laki-laki dari Kirene nang banamo Simon. Mareko mamaksa Simon buek mamikul salib Yesus. ³³Dan, waktu mareko sampe di sabuah tompat nang barnamo Golgata, nang artinyo "Tompat Tangkorak," ³⁴mareko mambagi-Nyo anggur buek diminum nang dicampur dongan empedu, dan sasudah mangocapnyo, Dio tak ondak maminumnyo.³⁵Waktu mareko manyalibkan Yesus, mareko mambagi-bagikan pakaian-Nyo dan mambuang undi. ³⁶Lalu mareko ontok mangawasi-Nyo disinan. ³⁷Dan, di atas kapala-Nyo, mareko mamasang tuduhan tarhadap-Nyo, "INILAH YESUS RAJO ORANG YAHUDI."³⁸Pado waktu tu, adolah duo orang panjahat nang disalibkan basamo Yesus. Satu di sabolah kanan dan nang satu di sabolah kiri. ³⁹Dan, orang-orang nang lewat manghujat Dio sambil manggeleng-gelengkan kapalo, ⁴⁰dan bacakap, "Engkau nang ondak maruntuhkan Bait Allah dan mambangunnyo balek dalam tigo hari, salamatkanlah diri-Mu sandiri! Bilo Engkau Anak Allah, turunlah dari salib tu!"⁴¹Bagitu jugo imam-imam kapalo, basamo ahli-ahli Taurat, dan para tuo-tuo mangejek Yesus, kata mareko, ⁴²"Dio manyalamatkan orang laen, tapi Dio tak biso manyalamatkan Diri-Nyo sandiri. Bilo Dio adolah Rajo Israel, biarlah Dio turun dari salib tu sakarang dan kito ondak parcayo kepado-Nyo.⁴³Dio porcayo kepado Allah, lantas biarlah Allah manyolamatkan-Nyo sakarang, bilo Allah mangkahondaki-Nyo. Karono Dio sandiri mambilangkan, 'Aku adolah Anak Allah." ⁴⁴Para panjahat nang disalibkan basamo dongan Dio juga mangejek-Nyo. Kamatian Yesus⁴⁵Sakarang, dari jam kaonam, kagolapan atas saluruh tanah tu, sampe jam kasambilan. ⁴⁶Kira-kira, pado jam ka sambilan, Yesus basoru dongan suaro koras, kato-Nyo, "Eli, Eli, Lama sabakhtani?" Nang artinyo, "Allah-Ku, Allah-Ku, mangapo Engkau maninggalkan Aku?" ⁴⁷Dan, babarapo dari mareko nang togak di sanan, pas mareko mandongar tu, mareko bacakap, "Orang ni tongah mamanggil Elia."⁴⁸Tibo-tibo, satu dari mareko balari, dan mangambel bungo karang, mambasahino dongan anggur asam, dan mangkatkannyo pado sabuah bukuh, dan mambagikannyo kepado Yesus buek diminum. ⁴⁹Tapi, nang laennyo bacakap, "Mah kita tengok, apokah Elia ado datang buek manyolamatkan-Nyo." ⁵⁰Dan, Yesus basoru balek sakali lagi dongan suaro koras dan manyorahkan Roh-Nyo.⁵¹dan, tengoklah, tirai dalam Bait Allah kuyak duo bagian, dari atas sampe ka bawah, dan bumi baguncang, dan batu-batu tabolah. ⁵²Kuburan-kuburan tarbuka, dan banyak tubuh orang-orang suci nang udah mati dibangkitkan. ⁵³Dan, sasudah kaluar dari kuburan-kuburannyo, sasudah kabangkitan Yesus, mareko masuk ka kota kudus dan manampakkan diri kapado banyak orang.⁵⁴Sakarang, kapalo pasukan, dan mareko nang basamo dongannyo manjago Yesus, pas mareko manengok gompo bumi dan sagalko hal nang tarjadi ni, manjadi katakutan dan bacakap, "Botullah, Dio adolah Anak Allah." ⁵⁵Disanan, ado banyak parompuan nang manengok dari jauh, nang mangikuti Yesus dari Galilea buek malayani Dio. ⁵⁶Diantaro mareko ado Maria Magdalena, maria omak Yakobus dan Yusuf, jugo ibu dari anak-anak Zebedeus. Yesus Dikuburkan⁵⁷Waktu hari mulo malam, datanglah saorang nang kayo dari Arimatea banamo Yusuf, nang jugo sudah manjadi murid Yesus. ⁵⁸Dio pogi kapado Pilatus dan mamintak tubuh Yesus. Lalu, Pilatus mamarentahkan bak tubuh Yesus disorahkan kepado Yusuf.⁵⁹Dan, Yusuf mangambil tubuh Yesus dan mambalut-Nyo dongan kaen lenan nang borsih, ⁶⁰dan malotakkan-Nyo dalam kuburan nang baru, punyo dio sandiri, nang sudah digali pado bukit batu. Lalu, Yusuf manggulingkan sabuah batu togap ka pintu kuburan tu ddan pogi. ⁶¹Dan, disanan, ado Maria Magdalena dan Maria nang laen tongah ontok di hadapan kuburan tu.Kuburan Yesus Dijago⁶²Pado hari barikutnyo, yakni hari sasudah parsiapan buek Sabat, imam-imam kapalo dan orang-orang Farisi dikumpulkan ka hadapan Pilatus. ⁶³Mareko bacakap, "Tuan, kami taringat kalo waktu si pambongak tu masih hidup, Dio paronah bacakap, 'Sasudah tigo hari, Aku ondak bangkit balek.' ⁶⁴Karono tu, parentahkanlah bak supayo kuburan tu dijago sampe hari nang katigo, bilo tidak murid-murid-Nyo mungkin datang dan mancuri-Nyo, dan bacakap samo orang banyak, 'Dio sudah bangkit dari antaro orang mati.' Dan, panipuan nang tarahir ni akan talobih buruk daripado nang partamo."⁶⁵Pilatus bacakap samo orang tu, "Kamu puyno panjago. Pogilah jago macammano nang kamu tau." ⁶⁶Lalu, mareko pogi dan mangamankkan kuburan tu basamo dongan kalompok regu panjago, jugo manyegel batu panutup kubur.

²Paristiwa Kabangkitan Yesus ¹Sakarang, sasudah Sabat, pas manjolang fajar, pado hari partamo minggu tu, Maria Magdalena dan Maria nang laen pogi ondak manengok kuburan tu. Dan, tengok, tarjadi gompo bumi nang bosar karono malaekat Tuhan turun dari surgo dan manggulingkan batu tu, kamudian ontok di atasnyo.³Mukanyo bagekan kilat dan bajunyo putih macam salju. ⁴Karono maraso katakutan kepadonyo, mareko nang manjago tu taguncang dan manjadi kek macam orang-orang mati.⁵Dan, malaekat itu bacakap kepado parompuan-parompuan tu, "Jangan takut karono aku tau kalo kamu mancari Yesus nang sudah disalibkan. ⁶Dio tak ado disini karono Dio sudah bangit macam nang dibilangkan-Nyo. Moh, tengoklah tompat Dio baring. ⁷Copatlah pogi dan bagitau murid-murid-Nyo kalo Dio sudah bangkit dari antaro orang mati, dan tengok, Dio mandului kamu ka Galilea. Disanan kamu akan manengok Dio. Parhatikanlah aku sudah mambilangkannyo kepadomu."⁸Dan, mareko copat-copat maninggalkan kuburan tu dongan katakutan jugo mogah hati; dan balari buek mambagitaukan tu kepado murid-murid-Nyo. ⁹Dan, tengok, Yesus manjumpoi mareko dan bacakap, "Salam!" Lalu, mareko datang kepado Yesus, mamogang kaki-Nyo. ¹⁰Lalu, Yesus bacakap kepado mareko, "Jangan takut; pogi dan bagitaulah sudaro-sudaro-Ku buek barangkat ka Galilea, dan orang tu akan manengok Aku." Para Panjago Kubur Dibayar buek Mambongak¹¹Samantaro mareko tongah pogi, babarapo panjago pogi ka kota dan mambagitau imam-imam kapalo tontang samuo hal nang tarjadi. ¹²Dan, waktu mareko dikumpulkan basamo para tuo-tuo. Sasudah bapokat, lalu mareko mambagikan banyak duit kepado para panjago tu, ¹³dan bacakap, "Bilangkanlah, 'Murid-murid Yesus datang pado malam hari dan mancuri-Nyo pas kami tidor,'¹⁴Dan, bilo parkaro ni kadongaran samo gubernur, kami akan mayakinkan dio dan mambuekmu tak comas." ¹⁵Lantas, mareko manarimo duit tu, dan mangorjokan macam nang udah diajarkan kepado mareko; dan kato-kato tu masih tarsobar diantaro orang Yahudi sampe hari ni. Amanat Agung Yesus¹⁶Lalu, kasabolas murid tu pogi ka Galilea, ka bukit nang sudah ditunjukkan Yesus kepado mareko. ¹⁷Waktu mareko manengok-Nyo, mareko manyombah-Nyo. Tapinyo babarapo orang sangsi.¹⁸Lalu, Yesus datang dan bacakap kepado mareko, "Sagalo kuaso sudah dibagikan kepado-Ku, di surgo maupun di bumi. ¹⁹Karono tu, pogilah dan muridkanlah samuo bangso, babtiskanlah mareko dalam namo Bapa, dan Anak, dan Roh Kudus,²⁰ajarkanlah mareko buek mamatuhi samuo nang Aku parentahkan kepadomu; dan tengoklah, Aku salalu basamomu, malahan sampe kepado akhir zaman."

(Tontang Manyombuhkan Pas Hari Sabat) ¹Pas suatu hari Sabat, Yesus ka rumah salah saorang pamimpin orang-orang Farisi ondak makan roti basamonyo dan orang tu samuo mangawasi-Nyo. ²Waktu tu ado saorang nan mandarito busung air di dopan-Nyo. ³Yesus bacakap samo orang-orang Farisi dan ahli-ahli Taurat, "Apo bolehnyo manyombuhkan orang pas hari sabat?"⁴Tapinyo, orang tu dak manjawab-Nyo. Torus tuh, Yesus pun mamegang orang sakit tu dan manyombuhkannyo, trus manyuruh orang tu pogi. ⁵Yesus bacakap ka ornag tu, "Siaponyo dari antaro kalian nan kolok anaknyo ato sapinyo jantannyo jatuh kadalam sumur pas hari sabat, tak langsung manariknyo kaluar? ⁶Mako, orang tu pun tak lalu mambantah cakap-Nyo itu.(Tompat Kahormatan) ⁷Torus tu, Yesus mancaritokan sabuah parumpamaan samo tamu-tamu undangan pas Dio manengok kek mano orang tu mamilih tompat-tompat duduk nan tarhormat disakitar meja makan, katonyo ka orang tu, ⁸"Kolok kamu diundang samo orang ka sabiah pesta parnikahan, tak usah kamu langsung duduk di tompat nan tarhormat, korno, mungkin ajo tuan rumah tu dah mangundang orang nan lobih tarkamuko dari kamu." ⁹Trus, tuan rumah tu akan mandatangi kamu dan bacakap, "kasihkanlah tompatmu itu kapado orang ni!," dan kamupun harus pindah ka tompat nan paling rindah dengan maraso malu.¹⁰Namun, kolok kamu diundang, duduk ajo ditompat nan paling balakang, bak supayo pas nan mangundang kau tu datang, dio akan bacakap ka kamu, 'hai Sahabat, pindahlah katompat nan lobih tarhormat." dengan kek gitu, kamu akan mandapat panghormatan di hadapan orang-orang nan duduk makan basamo dengan kamu. ¹¹Korno, samuo orang nan maniinggikan dirinyo akan dirondahkan, tatapi dio nan marondahkan dirinyo akan ditinggikan."(Undangan Makan dan Balasan) ¹²Lalu, Yesus bacakap kapado orang nan mangundang-Nyo tu, "Kolok kamu mangadokan jamuan makan siang ato makan malam, jangan mangundang toman-toman, sodaro-sodaro, kaum kaluargo ato tetanggamu nan kayo, karono orang tu akan mambalasmu dengan mangundangmu ondak makan basamo orang tu.¹³Akan tatapi, kolok kamu mangadokan pesta, undanglah orang-orang miskin, orang-orang cacat, orang-orang lumpuh, dan orang-orang buta. ¹⁴Dan, kamu akan diborkati karono orang-orang ni tak dapat mambalas mu balek, kamu akan mandapat balasanyo pas waktu kabangkitan orang-orang bonar."(Umpamo Mangonoi Undangan Jamuan Makan) ¹⁵Pas salah saorang nan makan basamo-Nyo mandongar parkatoan ni, orang tu bakato kapado-Nyo, "Diborkatilah orang nan akan makan roti didalam Karajaan Allah." ¹⁶Akan tatapi, kato Yesus kapado orang tu, "Ado saorang nan mangadokan jamuan makan malam nan bosar dan dio mangundang banyak orang. ¹⁷Dan pas waktu makan malam dah tibo, orang tu manyuruh hamba-Nyo ondak bacakap kapado para tamu undangan tu, "Datanglah, karono samuonyo dah siap,"¹⁸Namun, samuo tamu undangan tu mulai mambuat alasan-alasan. Orang partamo bacakap, 'aku baru mamboli sabuah ladang dan aku harus pogi manengoknyo, tarimolah parmintaan maafku ni,' ¹⁹Nan lainnyo bacakap, 'aku baru mamboli limo pasang sapi dan aku harus pogi ondak mamarikso sapi-sapi tu, tarimolah parmintaan maafku.' ²⁰Santaro nan laen lagi bacakap, 'aku baru ajo kawin, karono tu, aku tak biso datang.'²¹Lalu, palayan tu pun balek dan malaporkan samuonyo kapado tuanyo. Mako, majikannyo tu pun jadi marah, trus bacakap samo palayannyo, 'Copatlah! pogi ajolah ka jalan-jalan dan satiap gang di kota ni, bawalah orang-orang miskin, orang-orang lumpuh, orang-orang pincang, dan orang-orang buta ka pestaku.' ²²Kamudian, palayan tu bacakap ka padonyo, 'Tuan, aku dah malakukan apo nan engkau cakapkan, tatapi masih ado tompat kosong.'²³Tuan tu bacakap ka palayannyo, 'pogilah ka jalan-jalan rayo dan satiao gang, ajaklah orang-orang di sanan bak supayo datang kamari, supayo rumahku manjadi ponuh. ²⁴Aku bakato ka kamu, "tak saorang pun dari orang tu nan aku undang sabolumnya tu akan manikmati makanan sajianku."(Tontang Mangikut Yesus) ²⁵Banyak orang bajalan basamo-samo dengan Yesus. Kamudian, Dio manoleh kapado orang tu dan bacakap, ²⁶"Kolok sasaorang datang kapado-Ku, tatapi tak mambonci ayah dan ibunyo, istri dan anak-anaknyo, sodaro laki-laki dan sodaro parampuannyo, bahkan hidupnyo sandiri, dio tak biso manjadi murid-Ku. ²⁷Siapopun nang tak mamikul salibnyo dan mangikut Aku, dio tak biso manjadi murid-Ku.²⁸Siapokah diantaro kamu nan ondak mandirikan sabuah menara, tatapi tak duduk dulu dan manghitung biayo bak supayo tau apokah dio mamiliki cukup uang ondak manyalosekannyo? ²⁹Kolok kek gitunyo, pas dio malotakkan fondasi dan tak sanggup manyalosekanyo, pas samuo orang nan manengoknyo akan manggolakinyo, ³⁰Orang-orang tu akan bacakap, 'orang ni mulai mambangun, tatapi dio tak sanggup manyalosekannyo.'³¹Ato, rajo mano nan ondak pogi baporang malawan rajo lain, tapi tak duduk dulu dio dan mampartimbangkan apokah dio dengan 10.000 tantaronyo tolap malawan musuhnyo nan mamiliki 20.000 tantaro? ³²Kolok dio tak dapat mangalahkan rajo lain tu, dio akan mangirim saorang utusan dan mananyokan syarat-syarat pardamean pas pasukan lawannyo tu masih jauh. ³³Kek gitu jugo kamu masing-masing, tak ado saorang pun di antaromu nan dapat manjadi murid-Ku kolok dio tak manyorahkan saluruh kapunyaonnyo.³⁵(Garam Nan Tawar Tak ado Gunonyo) ³⁴"Garam tu elok, tatapi kolok garam tu dah kahilangan raso asinnyo, kek manolah ondak mangasinkannyo balek? Ondak dipake untuk apopun, garam tu dah tak elok lagi, ondak kaladang maupun pupuk, dicampakkan jugo nan botul. Siapo nan mampunyoi talingo untuk andongar, bak lah dio mandongar."

Saudaro-saudaro Yesus tak percayo Kepada-Nyo ¹Sasudah tu, Yesus bajalan barputar Galilea. Io tidak mau bajalan di Yudea sobab orang-orang Yahudi ondak mau membunuh Dio. ²Waktu tu, hari royo Yahudi, atau hari royo Pondok Daun, dah dokat.³Sobab tu, saudaro-saudaro Yesus bekato Kepada-Nyo, " Berangkotlah dari sini ke Yudea supayo murid-murid Kau akan menengok korjo yang Kau lakukan. ⁴Sobab, tidak ado orang nan melakukan apo pun dengan secara tarondok jika di konal orang banyak. Jika kau mambuat hal tu, nampakkan mukak-Mu ke dunia ni".⁵Oleh karena tu, saudaro-saudaro Yesus sandiripun tidak percayo pada Kepada-Nyo. ⁶Yesus becakap kepada mereka, "Waktu-ku bolum tibo, tetapi waktumu tak akan selalu ado. ⁷Dunio ni tak dapot bonci kau, totapi dunio ni bonci akan Aku, karona Aku membori kesaksian tontang dunia, kareno kelakuannyo jahat.⁸Pogilah kalian samuo ke pesta tu. Aku bolum sompat ke Pesta tu, kareno waktu - Ku bolum tibo. ⁹Setolah becakap tu, Yesus ontok di Galilea.¹⁰Namun , setelah tu saudaro-saudaro Yesus pogi ke pesta tu, Yesus juga pogi kesana, tetapi dengan diam-diam. ¹¹Orang - Orang Yahudi tu mencari Dio dalam pesta tu, dan bercakap, " Di mana Dio?"¹²Ado banyok cakap orang mengenai Dio. Ado yang bekato, "Io orang baik". ado pula becakap, " Tidak, Io menyesatkan kito." ¹³Sobab tu, tak ado yang berani becakap mengenai Dio karono takut kepado orang-orang Yahudi tu. Yesus menjadi guru di Bait Allah.¹⁴Ketiko pesta tu masih berjalan, Yesus becakap dalam Bait Allah tu. ¹⁵Orang-orang Yahudi takjub dan berkato, "Kok bisa orang ni pintar, padahal tak belajar?" ¹⁶Jawab Yesus kepado mereka, " Ajaranku tidak berasal dari aku, totapi dari Dio yang menyuruh Aku.¹⁷Jiko ado orang melakukan kehendak Allah, io tau ajaran-Ku, apakah dari Allah atau dari diriku Sendiri. ¹⁸Orang yang becakap tentang dirinya sendiri untuk di hormati, tapi orang tu mencari hormat tuk Dia yang mengutusnya, ia benar dan tidak ado yang salah dalam dia.¹⁹Bukankah usah sudah mengkasihkan Hukum Taurat padamu, tak ondak kalian mengikuti aturan hukum tu? Kenapo kau mau membunuh Aku?". ²⁰Orang banyak tu menjawab, " Kau di masuki Ta'un! siapo yang ondak membunuh-Mu?".²¹Becakaplah Yesus kepado mereko, " Aku melakukan karejoku, dan kamu semua heran. ²²Musa memberimu sunat, yang bonar itu bukan dari Musa, totapi dari nenek moyang, dan kau menyunat sendiri waktu hari Sabat.²³Apa bilo sasaorang di sunat waktu hari sabat sehinggo Hukum Musa tak di langgar, mengapo kau marah kepada-Ku karono Aku membuek sasaorang sombuh sapenuhnya pada hari sabat? ²⁴Jangan menghakimi apo nang nampak, melainkan adililah dengan penghakiman nang elok." Apokah Yesus adalah Sang Mesias?²⁵Satolah tu, babarapo orang nang tinggal bak Yerusalem bacakap, " Diokah orang nang ondak orang tu bunuh? ²⁶Akan tetapi, tengoklah, io becakap secara torang-torangan dan orang tu tak mangatokan apo-apo kepada-Nyo. Apo mungkin pamimpin itu bonar-bonar sudah tau io adolah Kristus? ²⁷Sobat tu, kito tau asal orang ni. Pas tu, Ketiko Kristus datang, kalau Kristus datang, tak ado sasaorang yang tau dari mano io berasal."²⁸Sobab tu, pas tu Yesus mengajar di Bait Allah, Ia bekato, " Kau sudah kenal Aku dan tau dari mano asal-Ku. Sobab, Aku tak ondak datang dari -Ku sendiri, totapi Dio nang nyuruh Aku adaloh bonar, tak konal Dio. ²⁹Sobab tu Aku mengenal Dio karona asal-Ku berasal dari-Nya dan Diolah yang menyuruh Aku."³⁰30 Pas tu, mereka berusaho menangkap Dio, Totapi tak seorang pun yang biso menyentuh Dio karona waktunya bolum topat. ³¹Pas tu, orang banyak tu percayo kepado Yesus. Becakaplah mereka, " Apbilo Kristus datong, ia akan melakukan tando-tando heran dari yang di lakukan orang lain?" Pamimpin Yahudi totap mau manangkap Yesus ³²Orang Farisi tu madongar apo nang di cakapkan orang banyak tontang Yesus. Sobab tu imam-imam kapala dan orang Farisi mayuruh panjaga Bait Allah manangkap Dio.³³Sobab tu, Yesus bacakap, " Waktu-Ku tinggal dikit sasudah tu aku ondak bali kepada Dio yang manyuruh Aku. ³⁴Kau tu akan mencari Aku, Totapi tak kan jumpa dengan-Ku. Dimano aku ado, kau jugo datong ke sana".³⁵Orang-orang Yahudi tu bacakap ke yang lain, "Ondak kemanokah orang ni porgi sahinggo kito tak dapot jumpo Dio? Apo io porgi ke orang Yahudi yang beserak diantoro orang-orang Yunani, dan mamukul orang-orang Yunani? ³⁶Apo maksud cakap-Nyo berkato, " kau akan mencari Aku, Totapi tak akan jumpa dengan-Ku. Sobab tu, dimana Aku ado, kau tak dapat porgi kesana?" Yesus Bacakap tontang Roh Kudus³⁷Hari terakhir tu, puncak pesta, Yesus bardiri dan berteriak, kata-Nyo, " Jiko ado yang haus datonglah kepada-Ku tuk minum. ³⁸Orang yang percayo kepada-Ku, samo yang ditulis di kitab suci, dalam dirinya akan ado air hidup yang mengalir".³⁹Ondak yang dinginkan Yesus adalah Roh, yang akan di terimo orang percayo kepada-Nyo. Sobab tu, Roh itu belum diberi karona Yesus bolum dimuliakan. adu mulut cerito tontang Yesus⁴⁰Pas tu mereka madongar cakap tu, beberapo dari mereko becakap, " Orang ni bonar-bonar saorang nabi." ⁴¹Orang yang lain bacakap, "Io ni Kristus." Orang yang lain becakap jugo, " Mungkinkah Kristus datang dari Galilea? ⁴²Sudah dikatakan Kitab Suci bahwo Kristus asalanya dari keturunan daud dari Betlehem, kampung tempat daud dulu monotap?".⁴³Pas tu, torjadilah pertikean diantaro mareko karona Dio. ⁴⁴Babarapo orang dari mereka tu mau manangkap Yesus, totapi tak ado satu orang pun yang barani mayuntuh-Nyo. Pamimpin Yahudi babarapa tak parcayo⁴⁵Sobab tu, para panjaga Bait Allah kembali kepado imam-imam kapalo dan orang-orang Farisi, yang bartanyo kepado mereko. "Mengapo kalian tak membawo Yesus?" ⁴⁶Panjaga Bait Allah tu manjawab, "Tak ado orang bacakap kayak orang ni!"⁴⁷Orang Farisi tu manjawab mareko, " Apo kalian jugo sudah di sesatka? ⁴⁸Ado saorang dari antaro pamimpin atau orang Farisi yang tolah parcayo kepada-Nyo? ⁴⁹Pas tu, orang banyak tak tau hukum Taurat ni adalah terkutuk!" pambelaan Nikodemus⁵⁰Sobab tu, Nikodemus, yang pernah bejumpo dengan Yesus, bekato kepado mereka, ⁵¹Apakah hukum Taurat kito mengadili sasaorang di dongar dan tau yang di lakukanyo?" ⁵²Orang tu menjawab, " Apakah kau orang Galilea? Salidiki dan liat bahwo tak ado nabi yang datang dari Galilea.Betina nang tertangkap Berzina⁵³Waktu tu, mereko samuo pulang ke rumah masing-masing.

Orang buta sejak lahir disembuhkan ¹Waktu tu Yesus sodang bajalan, Ia menongok orang nang buta sejak lahirnya. ²Murid-murid betanyo kepada Yesus, " Guru siapo nang badoso, orang ni atau ayah omaknyo sahingga io dilahirkan buto?"³Yesus manjawab, "bukan dio ataupun orang tuanyo badoso, malainkan supayo pekerjaan-pekerjaan Allah dinyatokan di dalam dio. ⁴Kito harus mangkorjokan pekerjaan-pekerjaan Dio nang mangkirim Aku salamo hari masih siang; malam kan tibo saat tak ado saorang pun dapat karojo. ⁵Salama Aku masih bak dunio, Akulah torang dunia."⁶Satelah mancakapkan begitu, Yesus maludah ke tanah dan mengaduk ludah-Nya dengan tanah, lalu mangoleskannyo pada mato orang tu. ⁷dan bacakap kepadanyo, "Pogi, basuhlah diri kau bak kolam siloam." Siloam artinya "diutus". Lalu, orang itu pogi, mambasuh dirinyo, dan dio balek dengan manengok.⁸Para tetanggo dan orang tu nang sabelumnya manengok dio nang buto becakap, "Bukankah orang ni nang biasanyo duduk bak mengemis?" ⁹Sebagian orang bacakap, "Io, diolah pengemis tu." Yang lain bacakap, "Bukan, dio hanya sarupo dengan pangemis tu." Namun, orang nang tadinyo buto bacakap, "Awaklah pengemis tu."¹⁰Lalu, orang-orang tu batanyo kepadanyo, "Bagaimano mata kau bisa di celikkan?" ¹¹Orang tu manjawab, "Orang nang banamo Yesus tu mangaduk tanah dan mangoleskannyo di mata awak. Satolah tu, Io bacakap kepadaku, 'Pogilah ke Siloam dan basuhlah diri kau', jadi awak pogi bak mambasuh diri, bak awak dapot manengok." ¹²orang tu bacakap kepadanyo, "Dimanakah Orang tu?" Io manjawab , " tak tau awak."¹³Kemudian, orang tu mambawa orang nang tadinyo buto kepado orang-orang Farisi. ¹⁴Adapun hari ketiko Yesus mengaduk tanah bak mambuko mato orang tu pada hari Sabat. ¹⁵Maka, Orang-orang Farisi sakali lagi mananyokan pada orang tu bagaimano io biso manengok. Io berkato kepada orang tu, "Io mangoleskan adukan tanah ka mataku, bak awak mambasuh diri dan awak biso manengok."¹⁶Karena tu, babarapo orang Farisi bacakap, "Orang tu tak berasal dari Allah karono Io tak mamatuhi hari Sabat." Nang lain bacakap, "Akan Tetapi, macam mano mungkin orang nang badoso bisa malakukan tando ajaib saperti ini?" Mako, timbullah pertengakaran diantaro orang tu. ¹⁷Jadi, orang tu balek betanyo kepado orang buta tu, apo pandapot kau tontang Dio karono Dio sudah mambukakkan mata kau?" Orang tu manjawab, "Io adalah saorang Nabi." ¹⁸Orang-orang Yahudi tu totap tak percaya kepadanyo, bahwa orang tu tadinyo memang buta tapi saat ni dapat manengok, sampai orang tuo dari orang nang sekarang dapat manengok tu,¹⁹dan betanyo pada orang tu, " Apokah ni anakmu, nang kau cakapkan buto sejak lahir?" ²⁰orang tuanya manjawab orang tu dan bacakap, " Kami tak tau bahwo dio anak kami dio buto sejak lahir, ²¹tetapi macam mano sakrang io dapot manengok kami tak tau; atau siapo nang sudoh mambukak matanyo, kami tak tau kau. Tanyakan saja kepadanyo io sudah dewaso; ia akan bacakap untuk dirinya sendiri."²²Orang tuanyo membilangkan begitu karono orang tu takut pada orang-orang Yahudi. Sobab, orang-orang Yahudi sudah sapakat, bahwo satiap orang nang mangakui Yesus sebagai Kristus akan di kucilkan dari sinagoge. ²³Itulah sobabnyo orang tuanyo bacakap, "Io sudah dewasa, tanyakan sajo kepadanyo."²⁴Jadi, untuk kadua kalinya orang-orang Yahudi mamanggil orang nang tadinyo buto tu, bak bacakap kepadanyo , "Berikan kemuliaan buat Allah, kami tau bahwa orang ni badoso." ²⁵Ia manjawab, Apokah orang tu orang badoso atau tidak, awak tak tau; satu hal nang awak tahu, sabelumnyo awak buto, tetapi sakarang awak manengok."²⁶Mareka bacakap kapadanyo, "Apo nang io lakukan padamu? Bagaimana Io mambuka matamu? " ²⁷Io manjawab mareko, " Aku sudah bacakap padamu, tapi kau tak mau mandongarkannya; mangapo kau ondak mandongarkannya lagi? Apo kau ondak menjadi murid-Nyo jugo?" ²⁸Maka, mereko mengejek dio dan bacakap, " Kau Murid Orang tu, tapi kami adalah murid-murid Musa. ²⁹Kami tahu Allah sudah bacakap pada Musa, tapi tontang orang tu, kami tak tau io dari mano asalnyo!"³⁰Orang tu manjawab dan bacakap pada mereka, " Sungguh aneh kau tak tau dari mano Dio barasal, Padahal Dio sudah mambuka mata kau. ³¹kita tau bahwo Allah tak mandengarkan orang badoso, tapi siapo pun nang takut akan Allah dan melakukan kehendak-Nyo, Allah mandengorkannyo.³²32 Dari dulu sampai sekarang ni, bolum pernah di dongar ado saseorang mambuko mato orang buto sojak lahir. ³³Jiko orang tu tak berasal dari Allah, Dio tak dapot barbuta apo-apo." ³⁴Orang-orang Yahudi tu manjawab dan bacakap padanyo, " Kau lahir penuh dengan dosa, dan kau mau jadi guru kami?" Maka, orang tu di usir.³⁵Yesus mandongar bahwa orang-orang Yahudi tu tolah mangusir orang buta tu; katiko Yesus bajumpo dengan dio, Yesus bacakap, " Apo kau parcayo pado Anak Manusio?" ³⁶Orang tu manjawab, "Siapo Dio tu, Tuhan, supaya Aku percayo pada-Nyo?". ³⁷Yesus becakap kepadanyo, "Kau sudah malihat Dio. Dio adalah yang sodang bacakap padamu." ³⁸Orang tu manjawab, " Tuhan, aku percayo!" Kamudion, io sujud mayombah-Nyo.³⁹Yesus bacakap, " Tuk penghakiman Aku datang ke dunia ni supayo mereko yang tak melihat, dapat melihat dan mereko yang melihat, manjadi buto." ⁴⁰Baberapo orang Farisi yang ado di dekat-Nyo mandengar, dan bacakap pada-Nyo, " Apokah kami juga buto?" ⁴¹Yesus bacakap pada mereka, " jika kau buto, ku tak mamiliki dosa; tapi kau bacakap, 'Kami malihat', dosamu masih ado.'

Kematian Lazarus ¹ado saorang jantan yang sodang sakit, namanyo Lazarus dari Betania, Kampung Maria dan saudarinya, Marta. ²Maria ni adalah batina yang pornah maminyaki kaki Yesus dongan rambutnyo, nan saudaro laki-lakinyo, Lazarus waktu tu sodang sakit.³Sebab tu, kedua saudari ni mangkirimkan kabar kepada-Nyo, nang becakap, "Tuhan, orang nang Engkau kasihi sedang sakit." ⁴Namun, katiko Yesus mandongar kabar tu, ia becakap, "Penyakit tu tak akan manyobabkan kamatian, tetapi akan menyatokan kamuliaan Allah supayo Anak Allah dimuliakan lewatnyo. "⁵Yesus memang mengasihi Marta, dan saudaro batinonyo, bak Lazarus. ⁶Jadi, katiko Yesus mandongar bahwa Lazarus sakit, Io sangajo tinggal salomo 2 hari lagi di tempat io berado. ⁷Sasudah tu Yesus becakap buek murid-murid-Nyo, "Moh kito pogi lagi ka Yudea."⁸Paro murid becakap kepado Yesus, " Guru, orang-orang Yahudi bolum lamo nih barusaho melempari Engkau dengan batu, apokah Engkau totap akan ka sanan lagi?" ⁹Yesus manjawab, " Bukankah ado 12 jam dalam sahari? Bilo sasaorang bajalan waktu siang hari, io tak tarsandung karono io manengok torang dunio ni.¹⁰Akan totapi, bilo sasaorang bajalan waktu malam hari io tasandung karono torang tu tak ado padanyo." ¹¹Sasudah Yesus becakap begitu, Io becakap buek orang tu, "Kawan kito, Lazarus, sudah ta tidur, totapi Awak akan pogi untuk mambangunkan dio."¹²Murid-murid becakap pada-Nyo, " Tuhan, bilo io sudah tatidur, io akan sombuh." ¹³Yesus becakap nang botul tontang kematian Lazarus, totapi dikiro murid-murid io becakap tontang tatidur dalam arti istirahat. ¹⁴Karono tu, kamudian Yesus becakap dongan torus torang buek orang tu, "Lazarus sudah mati,¹⁵dan awak sonang demi kapontingan kau, Aku tak ado disanan supayo kau bisa pacayo. Jadi moh kita pogi padanyo." ¹⁶Satolah tu, Tomas nang disebut Didimus, bacakap buat murid-murid nang lain, "Moh kito pogi jugo supayo kito dapat mati bersama-Nyo."¹⁷Katiko Yesus tibo, Io mandapati Lazarus sudah tak ado dalam kuburan salamo 4 hari. ¹⁸Adopun Betania tarlotak limo bolas stadia jauhnyo dari Yerusalem. ¹⁹Banyak orang Yahudi sudoh datang manjumpoi Maria bak Marta, untuk manghibur orang tu berkaitan dongan soudaronyo tu. ²⁰Katiko mandongar bahwa Yesus sudah tibo, Marta porgi bak manyambut-Nyo, totapi Maria totap tinggal bak rumah.²¹Marta bacakap buek Yesus, "Tuhan, seumpayonyo waktu tu Engkou ado disini saudaroku pasti tak akan mati. ²²Akan totapi, sekarang ni awak tau bahwo apo pun nang Engkau minto dari Allah, Allah akan mengkasihkannyo kepada-Mu." ²³Yesus becakap kepadanyo, "Saudaramu akan bangkit."²⁴Marta manjawab Dio, " Awak tau io akan bangkit pada hari kebangkitan pado akhir zaman." ²⁵Yesus becakap padanyo, "Awaklah kebangkitan dan kehidupan; siapopun nang parcayo kepada Awak, io akan hidup walaupun io sudah mati, ²⁶dan satiap orang yang hidup dan parcayo kepada Awak tidak akan pornah mati. Apo kau percayo akan hal ini?"²⁷Marta becakap kepada-Nyo, " Tuhan, awak percayo bahwo Engkoulah Kristus, Anak Allah, yang sudah datong ka dunia ni." Yesus Manangis ²⁸Satolah bacakap tontang hal tu, Marta porgi nan mamanggil Maria, saudarinya, dan bacakap sacara pribadi, "Guru ado di sini dan Io mamanggilmu." ²⁹Mandongar tu, Maria sagora bardiri nan jumpai Yesus.³⁰Pas tu, Yesus bolum tibo ke kampung tu, totapi Marta ondak bajumpo dengan-Nyo. ³¹Orang-orang Yahudi nang basamo Maria di rumah tu, sodang manghibur dio, malihat Maria bargegas bangkit dan porgi kaluar; mereka ondak mangikuti dio karono mangira io akan porgi ke kubur tuk manangis di sano. ³²Katiko Maria tibo di tompat Yesus berado, io malihat Yesus dan mayombah di kaki-Nyo, dan bacakap pada-Nyo, "Tuhan, kalo Kau di sini waktu tu, taklah mati saudaroku ni."³³Katiko Yesus malihat Maria manangis, dan orang-orang Yahudi yang ado bersamanyo jugo ikut manangis, barteriaklah Yesus dalam Roh dengan sangat. ³⁴Yesus bacakap, " Dimano Lazarus kau kubur?" Jawab Dio, "Tuhan, mo ondak ikut dan lihatlah". ³⁵Yesus ikut manangis.³⁶Sobab tu, orang-orang Yahudi becakap, " Tengoklah! Betapo Io sangat mengasihi Lazarus!" ³⁷Akan totapi, babarapo orang di antaro mereko ado yang becakap, " Gak bisakah Io yang tolah mambuka mata orang buto ni mambuat Lazarus tidak mati?" Lazarus dibangkitkan dari Kematian³⁸Yesus, sangatlah hati-Nyo sodih sakali, sahinggo io porgi ka kuburan. Di kuburan tu ada sabuah goa, dan sabuah batu di lotakkan tuk manutupnya. ³⁹Yesus bacakap, " Buang batu tu!" Marta, saudara yang maninggal tu, becakap pada-Nya, "Tuhan, ado bau busuk kaluar karono dio sudah maninggal salamo ompat hari." ⁴⁰Yesus manjawab dio, " Aku sudah pornah becakap padamu jiko kau percoyo, kau akan tengok kamuliaan Allah?"⁴¹Maka, mereko mangangkat batu tu. Kamudian Yesus manengadah dan becakap, " Bapa, Aku bersyukur pada-Mu karono Engko tolah mandongar-Ku. ⁴²Aku tau bahwo Engko salalu mandongarkan-Ku, totapi karono orang-orang yang bardiri di sekeliling-Ku, Aku becakap ke orang tu agar percoyo bahwo Engkaulah yang tolah mangutus Aku."⁴³Satolah bacakap tu , Yesus ber tariak dengan suara koras, "Lazarus, kaluarlah!" ⁴⁴Orang nang mati tu kaluar, tangan nan kakinya masih tarikat tali kafan, dan mukanyo masih tar tutup kain kafan. Yesus becakap pada orang tu, "Lepaskan kain-kain tu darinyo dan biarkan io pogi". Rencano tuk bunuh Yesus⁴⁵Orang-orang Yahudi mou bajumpo Maria, dan manengok apo yang tolah Yesus lakukan, manjadi parcoyo kepada-Nyo. ⁴⁶Akan totapi, babarapo dari orang tu mandatangi orang -orang Farisi dan membilangkan ke orang tu apo yang tolah di lakukan Yesus.⁴⁷Maka, imam-imam kapala dan orang-orang Farisi sepakat bajumpo dongan Sanhedrin dan becakap, "Apo yang kito lakukan? Sobab, Orang ni ondak malakukan tando-tando ajaib. ⁴⁸Jiko kito bebaskan Dio torus, maka samuo orang tu parcoyo pada-Nyo dan orang-orang Roma ondak datang tuk marampas tompat ni dan bangso kito."⁴⁹Akan totapi, saorang dari orang tu yang bernamo Kayafas, nangtu manjadi imam bosar pada tahun tu, becakap pado orang tu, " Kalian tak tau apo-apo, ⁵⁰io mempartimbangkan bahwo lobih baik satu orang mati tuk saluruh bangso, daripado saluruh bangso binaso."⁵¹Io tak bacakap tontang dirinyo sandiri, totapi sebagai Imam Bosar tahun tu, io barnabuat bahwo Yesus akan mati tuk bangsonyo. ⁵²Dan, bukan hanya tuk bangso Yahudi sajo, malainkan jugo tuk mangumupulkan manjadi satu anak-anak Allah yang sudah baserak. ⁵³Maka, sejak hari tu, orang tu sapakat tuk mambunuh Yesus.⁵⁴Sobab tu, Yesus tak lagi bajalan sacara torang-torangan diantaro orang Yahudi, totapi Io porgi dari sano ka wilayah dokat padang balantara ka sabuah kota barnama Efraim; dan Io ontok di sana bersamo murid-murid-Nyo. ⁵⁵Saat tu, Paskah orang Yahudi dah dokat, dan banyak orang dari Wilayah tu porgi ke Yerusalem sabolum Paskah tuk mamborsihkan diri orang tu.⁵⁶Lalu, orang tu mancari Yesus dan bacakap satu kepado yang lain samantaro orang tu bardiri dalam bait Allah, orang tu saling bartanyo, "Bagaimano manurutmu? ⁵⁷Adapun imam-imam kapalo dan orang-orang Farisi tolah mangaluarkan perintah bahwo jiko ado sasaorang tahu dimano io barada, orang tu harus malaporkannyo supayo mereko dapot manangkap-Nyo.

Maria Mamiyaki Kaki Yesus di Betania ¹Anam hari sabolum Hari Raya Paskah, Yesus porgi ke Betania, Tompat tinggal Lazarus, yang dulu pornah di bangkitkan Yesus dari kematian. ²Disana, tolah disiapkan jamuan makan malam tuk Yesus; nan Marta sodang molayani, totapi Lazarus adalah salah satu dari mereka yang duduk di meja barsamo Yesus. ³Kamudian, Maria mangambil sotongah kati minyak narwastu nang asli dan sangat mahal, lalu maminyaki kaki Yesus dan mangeringkannyo dongan rambutnyo. Maka, rumah tu ponuh wangi minyak tu.⁴Namun, Yudas iskariot, salah satu murid-Nyo, yang akan mengkhianati Dio, becakap, ⁵Mangapo minyak wangi tu tidak dijual sajo sahargo tigo ratus dinar dan diborikan pado orang-orang miskin?" ⁶Io bekato demikian bukan karono io paduli pado orang susah, malainkan karono io adalah saorang pancuri, dan io mambawo kotak uang, io mangambil uang yang di masukkan ke dalam kotak tu.⁷lalu, Yesus manjawab, " Biarkanlah batino tu, io malakukannyo sabagi parsiapan tuk panguburan-Ku. ⁸Sobab, orang miskin selalu dokat denganmu, totapi Awak tak selalu ado barsamomu," Para Imam Kapalo ondak bunuh Lazarus⁹Katiko sajumloh bosar orang Yahudi mandongar bahwo Yesus ado di Betania, orang tu porgi ke sano, bukan karono Yesus, malainkan ondak manengok Lazarus yang tolah bangkit dari kematian. ¹⁰Lalu, imam-imam kapalo barencano ondak mambunuh Lazarus jugo. ¹¹Sobab Lazarus, banyak orang Yahudi tu maninggalkan orang tu dan parcayo pado Yesus. Yesus masuk ka kota Yesrusalem saperti Raja¹²Kaesokan harinyo, orang banyak yang menghadiri pesta tu, katiko mandongor Yesus ondak ke Yerusalem, ¹³orang tu mangambil Dio dan bersorak-sorak, " Hosana! Diberkatilah Dio yang datang dalam namo Tuhan, Raja Israel!" Mazmur 118:25-26¹⁴Satolah mandapatkan saekor kaledai mudo, Yesus duduk diatasnyo, seporti yang torsirat : ¹⁵Jangan takut, hai betino Sion! Tengoklah! Rajamu datang, duduk di atas saekor kaledai mudo." Zakharia 9:9¹⁶Sobelumnya, murid-murid tu belum paham semuo karona tu, ketika Yesus dimuliakan, setelah tu mereka paham bahwa semuo tu tolah di tulis tontang Dio, dan mereka tolah melaksanakan tuk Dio. Orang banyak tu bacakap tontang Yesus¹⁷Jadi, orang-orang nang barsamo Yesus saat Io mamanggil Lazarus kaluar dari kubur dan mambangkitkan dio dari kamatian tu torus barsaksi. ¹⁸Sobab tu, orang banyak tu mayambut Yesus karono orang tu mandongar bahwo Diolah yang tolah malakukan mukjizat tu. ¹⁹Maka, orang-orang Farisi becakap satu samo yang lain, " Kau tengok, apo yang kito rencanakan tak berhasil. Tengoklah, saluruh dunia tolah ikut Dio!" Yesus becakap tontang Kahidupan dan Kamatian²⁰Pada saat tu, ado orang-orang Yunani diantaro orang tu yang porgi tuk ibadah pado perayaan tu. ²¹Orang tu manemui Filipus, yang berasal dari Betsaida di Galilea, dan becakap padanyo, "Tuan, kami ondak mou bajumpa dengan Yesus." ²²Filipus porgi dan barcarito ke Andreas; lalu Andreas dan filipus porgi dan momboritahu Yesus²⁴²³Yesus manjawab mereka, " Waktunyo tolah tibo bagi Anak Manusia tuk dimuliakan. Sasungguhnyo, Awak becakap padamu, kecuali biji gandum jatuh dan mati, biji tu totap satu aja; tapi jika biji tu mati, io menghasilkan banyak buah.²⁶²⁵orang yang mancintai nyawonyo, akan kehilangan nyawonyo, tapi nang tidak mancintai nyawanya di dunia ni, akan mameliharanyo tuk hidup nang kokal. Jika sasaorang malayani Awak, io harus mangikuti Awak; dimano Awak ado disitu pulo pambantu-Ku barado; Jiko sasaorang malayani Awak, Ayah akan manghormati dio." Yesus bacakap tontang kamatian-Nyo²⁷"Saat ni, jiwo-Ku golisah. Apo nang akan Kucakapkan? 'Ayah, salamatkanlah Awak dari saat ni. ²⁸Ayah, muliakanlah nama-Mu!" Lalu, tadongarlah suaro dari surga, "Awak sudah mamuliakan nama-Ku bak Awak mamuliakannyo balek." ²⁹Banyak orang nang bardiri di situ bak mandongarnnyo membilangkan bahwa itu suaro guntur totapi nang lain bacakap, "Saorang malaikat tolah bacakap kepado-Nyo!"³⁰Yesus manjawab bak bacakap, "Suaro itu tardondar bukan tuk kepentingan-Ku, malainkan tuk kepenganmu. ³¹Saat nilah penghakiman bagi dunio ni, saat ni lah penguaso dunio akan diusir.³²Dan, jika Awak di tinggikan dari dunio ni, Awak akan manarik samuo orang kepada-Ku." ³³Yesus membilangkan hal ni untuk manunjukkan dongan kematian seperti apo io akan mati.³⁴Orang banyak tu manjawab Dio, "Kami sudah mandongar dari hukum Taurat bahwa Kristus akan totap tinggal selamo-lamonyo; bagaimano mungkin Engkau becakap, 'Anak Manusio tu harus ditinggikan?' Siapo Anak Manusia tu? ³⁵Yesus manjawab orang tu, "Tinggal sebentar lagi torang itu ado sama kau. Bajalanlah salagi terang tu masih ado supayo kegelapan tak kan manguasai kau; sobab orang nang bajalan dalam kegolapan tak tau kemano io porgi. ³⁶Saat kau mampunyoi torang tu, percayolah kepada torang tu supayo kau menjadi budak-budak terang." Satolah mancakapkan demikian Yesus porgi dan mamborondokkan diri dari orang tu. Babarapo orang Yahudi tak percayo kepado Yesus³⁷Meskipun Yesus tolah melakukan banyak tando ajaib di depan orang tu, totap tidak percayo kepada-Nyo. ³⁸supayo gonaplah perkataan yang disampaikan oleh Nabi Yesaya, "Tuhan, siapakah yang percayo kepado berita kami? Dan, kepado siapakah tangan Tuhan tolah dinyatakan?" Yesaya 53:1³⁹itulah sobabnyo, orang tu tidak dapot percayo karono Yesaya jugo bacakap, ⁴⁰"Io tolah mambutokan mato orang tu dan mangoraskan hati orang tu, supayo orang tu tak manengok dengan mato orang tu bak memahami dengan hati orang itu, lalu babalik sahinggo Awak manyombuhkan orang tu," Yesaya 6:10⁴¹Yesaya mebilangkan samuo ni karono io sudak manengok kamuliaan Yesus bak io barcarito mangonai Dio. ⁴²Meski demikian, banyak jugo para pamimpin nang parcayo kepado Yesus, namun karono takut kepado orang-orang Farisi, orang tu tan membilangkannyo torus torang karono takut akan dikucilkan di sinagoge. ⁴³Sobab, orang tu lebih suko manerimo kemuliaan dari manusio dari pado kemuliaan dari Allah. Ajaran Yesus Akan Menghakimi Manusio⁴⁴Satolah tu, Yesus bartariak, kata-Nyo, "Satiap orang nang parcayo kepada-Ku, tidak percayo kepada-Ku, melainkan kepada Dio nang mangkirim Awak, ⁴⁵Dan, satiap orang nang sudah manengok Awak, tolah manengok Dio nang mangkirim Awak.⁴⁶Awak sudah datang sebagai Torang ka dunia ni, supayo satipa orang nang parcayo kepada-Ku tak tinggal dalam golap. ⁴⁷Jika sasaorang mandongarkan cakap-Ku, tetapi io tak menurutinyo, Awak tak menghakimi dio; sobab Awak datang bukan untuk menghakimi dunio, melainkan tuk manyolamatkan dunio.⁴⁸Siapo nang manolak Awak dan tak manarimo cakap-Ku, maka firman nang Awak cakapkan akan menhakimi dio pada akhir zaman. ⁴⁹Karono Awak tak bacakap atas kemauan-Ku, melainkan Ayah nang mengkirim awak mambori-Ku perintah atas apo nang harus Awak cakapkan dan Awak caritokan. ⁵⁰Dan, Awak tau bahwo perintah-Nyo adalah hidup kokal. Sobab tu, hal nang Awak sampaikan, Awak sampaikan saporti nang di cakapkan Ayah kepada-Ku."

(Kabar Tontang Kabangkitan Yesus) ¹Pas hari partamo minggu tu, Pas hari masih golap, Maria Magdalena pogi ka kuburan dan manengok batu panutup kubur tu dah tageser dari kubur tu. ²Karono tu, dio balari dan manjumpoi Simon Petrus dan murid nan laennyo, nan dikasihi Yesus, dan bacakap samo orang tu, "Orang tu dah mangembek mayat Tuhan kito dari kubur, dan kami tak tau dimano orang tu malotakkan-Nyo."³Abistu, Petrus dan murid nan lain tu pogi ka kubur. ⁴Kaduonyo balari basamo-samo, tatapi murid nan laen tu balari lobih copat dari pado Petrus, sahinggo dio sampek lobih dulu kakuburan. ⁵Dio malongok dan manengok kadalam, dan manengok kain linen pambungkus mayat Yesus tagalotak disanan, tatapi dio tak masuk kadalam.⁶Kamudian, Simon datang manyusul dio, dan masuk kadalam kubur, dio manengok kain linen pambungkus tagalotak disanan, ⁷Kain panutup wajah nan mambalut kapalo Yesus tak tagalotak basamo kain linen pambungkus tadi, tatapi dah tagulung ditompat nan babeda.⁸Abistu, murid nan laen tadi, nan lobih dulu sampek ka kuburan tu, jugo masuk, dio manengok dan parcayo. ⁹Karono, sabolum kajadian tu, orang tu bolum mangorti Kitab Suci, kolok Yesus harus hidup balek dari kamatian. (Yesus Manampakkan Diri Samo Maria) ¹⁰Jadi, kaduo murid tu pulang ka rumah.¹¹Tak taunyo Maria badiri diluar kuburan dan manangis. dio malongok kadalam kuburan sambil manangis. ¹²Dan dio manengok duo malaikat bapakaian putih tongah duduk di tompat mayat Yesus dibaringkan sabolumnyo, nan satu duduk dibagian kapalo dan nan satunyo lagi dibagian kaki. ¹³Kaduo Malekat tu batanyo samo Maria, "Perempuan, mangapo kamu manangis?" Maria manjawab malekat tu, "Mereka dah mangambek mayat Tuhanku, dan aku tak tau dimano orang tu malotakkan-Nyo."¹⁴Sasudah dikatokannyo macam tu, Maria manoleh kabalakang dan manengok Yesus badiri di situ, tatapi tak sodar dio kolok itu adolah Yesus. ¹⁵Yesus batanyo samonyo, "Parampuan, mangapolah kamu manangis?" Siapo nan kamu cari tu?" Karono disangko Maria, Yesus tu adolah panjago taman kuburan, Maria bakato samo-Nyo, "Tuan, kolok Tuan dah mamindahkan-Nyo, kasihtaukanlah samo kami, dimano Tuan dah malotakkan-Nyo, dan aku ondak mangambek-Nyo balek!"¹⁶Yesus bakato samonyo, "Maria." Maria pun manoleh dan bakato samo-Nyo dalam bahaso Ibrani, "Rabuni", nan artinyo adolah, "Guru". ¹⁷Yesus bacakap samonyo, "Usah dulu kau jamah Aku, karono Aku bolum lagi pogi samo Ayah-Ku, Akan tatapi, pogilah samo sodaro-sodaro-Ku dan katokanlah samo orang tu, 'Aku akan pogi kapado Ayah-Ku dan Ayah mu, samo Allah-Ku dan Allah mu. ¹⁸Maria Magdalena pogi dan mangasihtaukan ka murid-murid, "aku tadi dah manengok Tuhan." dan kolok Yesuslah nan dah mangatokan hal-hal ni samonyo(Yesus Manampakkan Diri Samo Murid-Murid-Nyo) ¹⁹Pas hari tu dah malam, yaitu hari partamo dalam minggu tu, dan pintu-pintu tatutup, ditompat para murid bakumpul, karono orang tu takut samo orang-orang Yahudi, Yesus datang dan badiri di tongah-tongah orang tu samuo sambil bakato, "Dame sojahtralah samo kalian samuo!" ²⁰Sasudah mangatokan kek gitu, Yesus manunjukkan tangan dan lambung-Nyo samo orang tu, para murid sangat basukocito pas orang tu manengok Tuhan.²¹Abistu, Yesus bakato lagi samo orang tu, "Dame Sojahtra samo kalian samuo, samo kayak Ayah dah mangutus Aku, kek gitu jugolah kinin Aku mangutus kamu." ²²Dan, sasudah Dio mangatokan kek gitu, Yesus mangombusi orang tu dan bacakap, "Tarimolah Roh Kudus! ²³Kolok kamu mangampuni doso sasaorang, doso orang tu diampuni, Kolok ado orang nan doso-dosonyo tak kamu ampuni, doso orang tu pun tak akan diampuni."(Yesus Manampakkan Diri Samo Tomas) ²⁴Tomas, salah saorang dari kaduo bolas murid, nan disobut Didimus, tak ado basamo orang tu pas Yesus datang. ²⁵Karono tu, murid-murid nan laen mangasitaukan samo dio, "Kami dah manengok Tuhan.: Namun Tomas bakato samo orang tu, "Tak yakin aku, kolok tak ku cucukkan jariku ni kadalam bokas paku tu dan kolok tak kutengok langsung, tak yakin aku doh."²⁶Dalam hari kamudian, murid-murid balek bakumpul di rumah, dan Tomas ado basamo dengan orang tu. Walopun pintu-pintu tatutup, Yesus datang dan badiri ditongah-tongah orang tu, jugo bacakap, "Dame Sojahtra samo kalian samuo." ²⁷Kamudian, Dio bakato samo Tomas, "Cucukkanlah jarimu disinin dan tengoklah tangan-Ku, dan cucukkan jugo tanganmu ka lambung-Ku, tapi yakin dan pacayolah!."²⁸Tomas manjawab Yesus, "Ya, Tuhan dan Allahku!" ²⁹Yesus bakato samonyo, "Apo dah pacayo kau samo-Ku sakarang? karono kau dah manengok, mangkonyo kau pacayo? diborkatilah orang tu nan tak manengok, tatapi pacayo."(Tujuan Yohanes Manulis Kitab Ini) ³⁰Masih banyak tando ajaib lain nan dilakukan Yesus didopan murid-murid-Nyo, nan tak tatulis dalam kitab ni. ³¹Akan tatapi, samuo ni ditulis, bak supayo kamu pacayo, kolok Yesus adolah Kristus, Anak Allah, dan bak supayo lewat kayakinanmu tu, kamu mandapatkan hidup dalam namo-Nyo.

(Yesus Manampakkan Diri Samo Tujuh Murid-Nyo) ¹Abistu, Yesus manampakkan diri-Nyo lagi, samo murid-murid-Nyo di dokat danau Tiberias. Dio manampakkan diri-Nyo dengan caro sabage barikut: " ²Simon Petrus, Tomas nan disobut Didimus, Natanael dari Kana di Galilea, anak-anak Zebedeus, dan duo murid nan lain tongah bakumpul. ³Simon Petrus bacakap samo orang tu, "Aku ondak pogi manangkap ikan." mereka bakato samo Petrus, "Ikut kami samo kau pogi." orang tu pun pogi kaluar dan naik sampan, tatapi malam tu, orang tak manangkap apo-apo.⁴Pas subuh manjolang, Yesus badiri di pantai, tatapi murid-murid tak sodar kolok itu adolah Yesus. ⁵Dio bacakap samo orang tu, "Anak-anak, ado nyo ikan samo kamu?" dijawab orang tu, "Tak ado." ⁶Dio bakato samo orang tu. bontangkan jalo kau tu ka sabolah kanan parahu, pasti kau dapat ikan." trus di bontangkan orang tu lah jalo orang tu, tatapi tak tolap manariknyo kadalam parahu, karono nan banyak'an ikannyo.⁷Korno itulah, murid nan disayangi Yesus bacakap samo Petrus, "Tengok, Itukan Tuhan?!" pas Simon Petrus mandongar kolok itu Tuhan, trus dipakeknyo bajunyo balek, korno dilopasnyo tadi pas korjo, dan malumpat ka danau. ⁸Murid-murid nan laen datang pakek sampan dan manarik jalo nan ponuh dengan ikan, Korno orang tu tak jauh dari darat, kiro-kiro 200 hasta. ⁹Pas orang tu sampe didarat, orang tu manengok bara api samo ikan nan talotak di atasnyo dan ado jugo roti.¹⁰Yesus bacakap, "Bawaklah babarapo ekor ikan tu nan baru sajo kamu tangkap tu," ¹¹Simon Petrus naek ka sampan dan manarik jalo nan ponuh ikan bosar tu ka darat, banyaknyo 153 ekor. Walopun ikan tu bagitu banyaknyo, tapi jalonyo tak kuyak.¹²Yesus bacakap samo orang tu, "Moh lah dan makanlah." Tak ado satupun dari murid-murid tu barani batanyo samo Dio, "Siaponyo Engkau" karono orang tu tau kolok Dio tu adolah Tuhan. ¹³Yesus datang dan mangambek roti tu, jugo mangasihkannyo samo orang tu. Kek gitu jugo dibuek-Nyo samo ikan tu. ¹⁴Inilah katigo kalinyo Yesus manampakkan diri-Nyo samo murid-murid-Nyo sasudah Dio dibangkitkan dari antaro orang mati.(Yesus Mamintak Petrus Manggambalokan Domba-Domba-Nyo) ¹⁵Sasudah orang tu salose makan, Yesus bacakap samo Simon Petrus, "Simon, Anak Yohanes, "apo kau mangasihi Aku lobih dari pado samuonyo ni?" Petrus manjawab, "Botul Tuhan, taunyo Kau kolok aku ni mangasihi Engkau. abistu Yesus bakato, "kolok gitu gambalokanlah domba-domba-Ku!" ¹⁶Ditanyak Yesus lagi untuk nan kaduo kalinyo, "Simon anak Yohanes, apokah kau mangasihi Aku?" dijawab Petrus lagi, botul Tuhan, taunyo Kau kolok aku mangasihi Engkau, Yesus bakato lagi, "gambalokanlah domba-domba-Ku."¹⁷Yesus batanyo lagi untuk nan katigo kalinyo, "Simon, anak Yohanes, "apokah kau botul mangasihi Aku?" jadi sodih lah hati Petrus, karono Yesus batanyo sampe tigo kali. "Apokah kau mangasihi Aku?" trus, Petrus pun manjawab, "Tuhan, Kau taunyo sagalo sasuatu, taunyo Engkau kolok aku mangasihi Engkau!" Yesus bacakap, "Gambalokanlah domba-domba-Ku!. ¹⁸Aku mangasihtaukan nan sabotulnyo samo kamu, pas kamu mudo, kamu sandiri nan mangikat pinggangmu dan bajalan kamanopun kamu ondak, tatapi pas kamu manjadi tuo, kamu akan mambontangkan tangamu dan orang lain akan mangikat pinggangmu, dan mambawakmu ka tompat nan tak kau ingini.¹⁹Maksud Yesus mancakapkan ni, ondak mangasitaukan samo Petrus, kek mano dio mati karang, akan mamuliokan Allah. Dan, Satolah mangatokan hal tu, Dio bacakap samo Petrus, "Ikutlah Aku!"²¹(Apo Nan Akan Tajadi samo Murid Nan Sangat Dikasihi Yesus?) ²⁰Petrus manoleh dan manengok murid nan sangat dikasihi Yesus tongah mangikuti orang tu. Dio adolah nan duduk dokat dada Yesus pas parjamuan malam dan batanyo, "Tuhan, siapokah orang nan ondak mangkhianati Engkau tu?"²²Yesus manjawab, "Saandainyolah Aku ondak dio totap hidup sampe Aku datang balek, apolah urusanmu? Kamu, ikutlah Aku!" ²³Abistu, parkatoan Yesus ni tasobar diantaro sodaro-sodaro tu, kolok murid tu tak akan mati, padahal Yesus tak mangatokan macam tu samonyo, kolok dio tak akan mati, malainkan hanyo bakato, "saandainyolah Aku ondak, dio totap hidup sampe Aku datang balek, apolah urusanmu?"²⁴Diolah murid nan basaksi mangonoi samuonyo ni, dan dah manuliskan samuonyo ni, dan kito tahu, kolok kasaksiannyo tu botul. ²⁵Masih ado banyak hal laen lagi nan dah Yesus lakukan, nan kolok dituliskan satu per satu, aku raso agaknyo, saluruh dunioni pun tak akan cukup untuk dituliskan samuo kitab tu.