Bible

Matthew

Chapter 1

¹Tenei takarɗa jɛɓɓan shɔmmɔ ma shiino Yeesho Kĩrĩtĩ, laanɔ Daʊɗa ²Ĩbĩraayĩm yei fɔnɔ Ishaaku, ƙan Ĩshaakʊ fɔnɔ Yɑɑkubu, ƙan Yɑɑkubu fɔnɔ Yawʊɗa ƙan ma molonni. ³Yawʊɗa fɔnɔ Pɛrɛj ƙan Jɛɛra tĩ piree ƙan Taamar, Perej fɔnɔ Hɛjrɔn, ƙan Hɛjrɔn fɔnɔ Raam.⁴Raam shĩĩ fɔnɔ Ammĩnadab, Ammĩnadab fɔnɔ Naashɔn, ƙan Naashɔnl fɔnɔ Salmɔn. ⁵Salmɔn shĩĩ fɔnɔ Bʊwaj tĩ pireé ƙan Rahab, Bʊwaj fɔnɔ Ɔbɛd tĩ piree ƙan Ruut, Ɔbɛd fɔnɔ Jesshe. ⁶Jesshe shĩĩ fɔnɔ gub Daʊɗa, Daʊɗa fɔnɔ Sɔlmɔnto piree ƙan manna Yuriyɑ.⁷Sɔlmɔn fɔnɔ Rehoobowɑm, Rehoobowɑm fɔnɔ Abĩĩja, Abĩĩja fɔnɔ Asha.⁸ Asha fcnɔ Jɛhɔshaphat, Jɛhɔshaphat fɔnɔ Jɔrɔm, ƙan Jɔrɔm kooro shiino Ujiiyɑ.⁹Ujiiyɑ fɔnɔ Jɔɔtam, Jɔɔtam fɔnɔ Ahaj, Ahaj fɔnɔ Hɛjɛkɛya. ¹⁰Hɛjɛkɛya fɔnɔ Manaashɛ́, Manaashɛ fɔnɔ Amɔn, Amɔn fɔnɔ Jɔɔshɛya. ¹¹Jɔɔshɛya kooro shiino Jɛkɔɔnĩya ƙan ma molonni tĩ ta ƙɔɗɗĩ ye palaan shinui we war Babĩĩla.¹²Ƙa bi we war Babĩĩla, Yɛkɔɔnĩya shĩĩ mo pattaa Shɛyaltĩyɛl, Shɛyatĩyɛl shĩĩ an-pɑrino Jɛrʊbaabɛl. ¹³ Jɛrʊbaabɛl shĩĩ an-pɑrino Ɑbiihudu, Ɑbiihudu shĩĩ an-pɑrino Elĩyaakĩm, ƙa bi Ɛlĩyaakĩm shĩĩ an-pɑrino Ɑjuuru. ¹⁴Ɑjuuru shĩĩ an-pɑrino Shɑduuku, Shɑduuku shĩĩ an-pɑrino Aƙĩĩmʊ, Aƙĩĩĩmʊ shĩĩ an-pɑrino Alĩyʊʊdʊ¹⁵Alĩyʊʊdʊ shĩĩ an-pɑrino Alĩ'aajara Alĩ'aajara shĩĩ an-pɑrino Mataata, Mataata shĩĩ an-pɑrino Yɑɑkubu ¹⁶Yɑɑkubu shĩĩ an-pɑrino Yushubu shĩĩ manna Maryamʊ ye tĩ piree ƙan tɛ ĩn pattɔ Yeesho, ye tĩ ye shĩĩ ƙa Kĩrĩtĩ. ¹⁷Wee yĩnna tĩ shikno Ĩbĩraayĩm we war shikno Daʊɗa, yʊʊna ƙʊ-ƙĩra ƙpʊmʊ gɛɛ-peereu, we yĩnna tĩ shikno Daʊɗa we war ƙɔɗɗĩnɔ ye palaan shinui we war Babĩĩla, ƙʊ ƙpʊmʊ gɛɛ-peereu, ɓĩrang we yĩnna tĩ ƙɔɗɗĩnɔ ye palaan shinui we war Babĩĩla we war ƙɔɗɗĩnɔ Yeesho ƙʊ-ƙĩra kpʊmʊ gɛɛ-peereu.¹⁸Gɛɛ ɗangan pĩ ye pattaanɔ Yeesho yʊwaan tɛn wono. Nonnoni, ta Maryamʊ tĩ ƙʊ gasshɔ tɛĩ ta Yushubu, pɛnɛ ye shinui ĩn tang waraa ya ɗiyɑɑ, nang ĩn shɛmɔ we tɛĩ ƙan uu tĩ piree ƙan Shɔɔm Yen Shaana. ¹⁹Mannarɔ ta Yushubu, niyo an yaanĩ ɗɔb, pɛnɛ a lɛwɔ ĩn ɗʊʊlɔ shikroi tĩ ƙʊ-damʊm. Nang ĩn sheri ƙa ƙʊ nyĩmmɔnĩ ta fɔran ƙĩra ƙa tɛĩ ƙa jiri.²⁰Tĩ shɑkki nyĩmmɔ ween shurme te, nang an-shʊrannɔ Fo-mĩna ĩn keru tĩ ɗoonii tĩ shʊna, ĩn tɛwɔn ya "Yushubu, laanɔ Daʊɗa, mɔƙɔ yʊ shɛwɔ sharʊ Maryamʊ tĩ pɔ sheri mannaƙɔĩ̵ Lɔngƙʊ wee tĩ ta aarɔĩ, tĩ piree ƙan Shɔɔm Yen Shaana ye wɛɛanan shĩĩ. ²¹Tɛĩ ta pattɔ La, ƙɛ ta ye shɔmmɔnĩĩ ƙa Yeesho, lɔngƙʊ shĩĩ ta ƙawʊttʊ memmeni tĩ ta shasshalaʊjʊ."²²Ween shurme te ɗing yʊwaarɔĩ ƙa lɔngƙʊ ĩn ƙɛmrɔ wee tɛnna tĩ ta fɔƙ an-pigrɑ ya ²³"Gɛɛrʊ La-geje ta ya uu, tɛĩ ta pattɔ la shinui ta ye shɔmmɔĩ ƙa "Ĩmmaanʊwɛl" wee ta shʊƙlanĩĩ ya, "Yamma ƙa shaayĩ ƙan ƙama"²⁴Yushubu ĩn ĩllĩna tĩ ɗo shaklɔ, ĩn ya ƙaa ye an-shʊrannɔ Fo-mĩna pɛƙraan shĩĩ nang ĩn shar tɛĩ ƙa mannanĩ. ²⁵Pɛnɛ Yushubu a kpom ƙan tɛĩm nang ɓara ƙa bi sho pattan laĩ. Ĩn ye shɔmmɔnĩĩ yaa Yeesho.

Chapter 2

¹Ƙa bi ye patta Yeesho tĩ Baĩtalaamĩ tĩ ta ɓuk Yɑwuudiyɑ, tĩ ta ƙɔɗɗĩ ya gubno Hiriidush, nang mannĩ me an pen-we ĩn warʊ ta shinui tĩ booli we war Ʊrshalĩĩma, ĩn tewi ta shinui ya, " ²Tĩ tong ta shĩĩ mo pattaa gub Yawudaawaĩ? Min wɛɛna shik ar-shalĩ tĩ ɓooli ɓĩrang minun warʊ minun waʊ shĩĩ." ³Ɓaa ye gub Hiriidush yaaraa ƙaa te, ĩn turmoni ƙpĩng, ɓĩrang ƙaa te ta memme Ʊrshalĩĩma ɗing.⁴Hiriidush ĩn ganglɔ ɗo men gbidinɑ anƙpaa ƙan me an ɓalĩlɔ memme, ĩn tel shinui ya, Ta paatɔ Kĩrĩtĩĩ tĩ tong?" ⁵Shinui ĩn tɛwɔn tĩ shĩĩ ya, "Baĩtalaamĩ ȳe tĩ ta ɓuk Yɑwuudiyɑ, lɔngƙʊ ƙaa te ye an-pigrɑ ɓallaa ya, ⁶"Pɛnɛ shĩ Baĩtalaamĩ, ye tĩ ta ɓuk Yɑwuudiyɑ, a shĩ ye ye ƙattanĩ ɗing tĩ ta me an-toom Baĩtalaamĩ Yɑwuudiyɑm, lɔngƙʊ tĩ taajĩ mo an ya gub ta peru ye ta shiwɑni mo an tĩĩ memmeno Ĩshɛrɛĩla."⁷Nang Hiriiush ĩn ye me pɛnaa-we te ƙa jiri ĩn tel shinui ɗɔb-ɗɔb ƙɔɗɗĩ ye ar-shalĩ pɛnnanĩ. ⁸Ĩn shɛmɔ shʊr shinui tĩ Baĩtalaamĩ, ĩn tɛwɔn ya, "Ma ƙɔɔ man wa yĩppĩrĩnɔ gun la te ƙpang. Mam maa wɛɛna man warĩnɔ ƙa shinnyii, lɔngƙʊ nɛ shɛɛnɔ nɛn wanna nɛn wa yʊʊn wawɔ tĩ shĩĩ. "⁹Ɓara ye shinui yaaraa Gubi, shinui in kooju, kan ar-shal ye shinui weena shiki ti boolii in koona ti toomju we waraa sherero ti ta ku piree kan bwiik lai. ¹⁰Bara ye shinui weeya shik ar-shali, nang shinui in ya beere kan gbong twaalan shaari.¹¹Nang shinui in ri ta minai in we shik la bwiik li kan nooni ta Maryamu. Nang shinui in juuna ti ku vurumju in wau shii. Shinui in appo ta vooro birmaju in minin kunngu bela kan lubban kan muur. ¹²Yamma in pekro shinui ti do shuna mo shinui wessho meyani ti piree kan Hiriidushi, longku kaa te, shinui in meeju ta bukju ti bi manni kokoi.¹³Ka bi ye shinui kookoju, an-shuranno Fo-mina in keru doono Yushubu ti do shuna in tewon ya, "Illo, ken shar bwiik lai kan nonni, ken juwako we war Mashar. Ken deeko ti po teere we war koddi ye ne ta teuko, longku Hiriidush ta gassho bi bwiik lai ka we tuk shii." ¹⁴Ka yippa teere Yushubu in illina in shar bwiik lai kan nonni in juwani in wanni Mashar. Shii in deeni ti po teere ¹⁵we war koddi murono Hiriidush. Tene in kem wee Fo-mina teka ti ta fok an-pigro ya, "Ti Mashar ye ne yeena laano."¹⁶Nang Hiriidush, bara ye shii weyaa me an shen nywinnyaani fokni, in kpalani den. Shii in shuri in tukyo shiba shwiji me ti Baitalaami kan me ti ta buk teere ding me shinui fooraa sheno palau kan mei foorom, ti bi koddi ye shii yaaraan dob-dob ti fok me an sheni.¹⁷Nang in kemro wee tebraa ta Irimiya an-pigra ya, ¹⁸"Yaaraa ele ti Raama, kwii kan gbong bau kenni, Reila ti ku kunngu bi shibaro, kan tei in kuroro yiu kem shaari, longku shibaro adoo shinu birangum."¹⁹Ka bi ye Hiriidush muraani, nang an-shuranno Fo-mina in keru doono Yushubu ti do shuna ti Mashar in tewon ti shii ya, ²⁰"Illo ken shar lai kan nonnii ken warko ta buk Ishereila, longku me ti ku gassho gun kerang lai muttaaju.²¹ "Nang Yushubu in illina in shar lai kan nonni, in wanni ta buk Ishereila.²²Pene bara ye Yushubu yaaraa ya Arkilaawush tappaa po shoono foni ta Hiriidush ka ya gub ti Yawuudiya, nang shewo in yiu shii ka we war po²³ teere. Ka bi ye Yamma pekraa shii ti do shuna, shii in wanni kpakan po buk Galiili in wanna in deeni ti ta gok-mina Naajeret. Tene in Kem wee tenna ta me an-pigro ya, ta ye shii ka niyo Naajeret.

Chapter 3

¹Ti ta shaklo shurme Yuwaana an ya Yulma in waru in ti kpaalo pi paaro ti dan-doon Yawuudiya in ti sheerra ya, ²"Ma for fok, longku gub ku-dang yuuna nimmi."³ Longku tenei mo an-pigro Isheya yuwaan paaro ti kwi ya, "Eleno mondok ti ku ya yee ti dan-doon ya, 'Ma limma do kokono Fo-mina, man shupro shik kokoni dob.' "⁴Wende Yuwaana shoppii kan lanna shok penwe kan beel leeda dawii ti kumani. Gwaangnii golom kan shagni doon.⁵ Nang Urshaliima kan Yawuudiya, kan kpakan po buk me kpomlii ti jele Shiiruk Urdun shinui in wanna ka shaayi kan shii.⁶ Shinui in ti sheero pi shasshalauju, nang shii in yuun Yulma ti shinui ti ta shiiruk Urdun.⁷Pene bara ye shii weyaa memme Parishiyaawa kan Shadikiyaawa gbe ti ku waru shiknii ka we ya Yulma, nang shii in tewon ti shinui ya, "Ma me shiba shammam, pekraa mai nong ya mo ma yoppo den ye ta warui?⁸ Ma sheelo shiili ye ta shuklo foran fokma. ⁹Mo ma nyimmo maa , 'Min kan fono ta Ibiraayim.' Longku ne ta teuma Yamma kan kumen shokro shibo ti Ibiraayim koo ti shakki shiila me.¹⁰Fuwaa po liin gbaamei ti shoorin biroi. Longku kaa te, biro yei sheelo shiili yen kpangum ta peerani ti buk in vingi ti ta deet. ¹¹Ne ta yuuma Yulma ka doo ka longku foran fok. Pene mo ta waru ti biino yekano gba, birang ne ta dum shar taa ta shoonim. Shii ta yuuma Yulma ka shoom Yen Shaana kan deet.¹² Shii yiwii ka we dekro weeni ti ta kirani ta shwaaron po dusshoni kan in ganglo do shauni ti ta kang gal we-kira. Pene shii ta kur jongrangi ka deet yei ti bittinam."¹³Nang Yeesho in waru ti Galiili ta shiiruk Urdun longku Yuwaana in yuuni yulma.¹⁴ Pene Yuwaana in yiu yaani kaa shii ta beelo foki ti shii ya, "Nennaa ken yuuno yulma, pene ke wanna shikno ya?" ¹⁵Yeesho in lignon ti shii ya, "Kum piri wende, longku yuwaa kpang ka ken kemro dob-dob." Nang Yuwaana in kumin piri ti shii.¹⁶Ka bi ye fuwaa po yuun yulma ti shii, Yeesho in peru peeb ti ta dooi, nang geeru, ku-dang in awon ten ti shii. Shii in we shik Shoomno Yamma ti ku shaaru kaa ammaluk kan in dunguro ti kuunii.¹⁷ Kpantidi, ele in shaaru ti ku-dang in ti tewi ya, "Tenei laano. Ye ne ti sha tomonnii kping."

Chapter 4

¹Nang Shoom in shar Yeesho in warin dan-doon ka we nawani ta shuuro. ²Bara ye shii yikka fokni po darang naa-peereu kan yippa naa-peereu, shii in yaaro kpiyam.³ Nang an nawo in waru in tewon ti shii ya, "Ke maa laano Yamma, pekro shiila me in shiwaju we-ta-kele." ⁴Pene Yeesho in lignon ti shii ya, "Ballii ya, 'Niyo a ta kpiranii ka we-ta-kele waanim, pene ti bi koo peen pa-paaro me ti peru ti ta fokno Yamma.' "⁵Nang shuuro in shar shii in warin tarang gok-mina ye shaana in ammon shii piree kan joorii ti ku mina Yamma, ⁶in tewon ti shii ya, "Ke maa laano Yamma, nyaattu shikko, longku ballii ya, 'Shi ta pekro me an-shuranni shinui in jooroko kuuko,' kan, 'Shinui ti shokroko ti ku-dang ti ta kiraju, kulang ke ta tura po-shooko ka shiilam.' "⁷Yeesho in tewon ti shii ya, "Birang ballii ya, 'Koo la-wiiu, ke ta nau Fo-mina Yamma kom.' " ⁸Birang, shuuro in shar shii in ammon ku joori gungum in shukyon shik po yuyyo ya-gub ku peewe-piri kan shokranju ding. ⁹Shuuro in tewon ti shii ya, "Ween shurme te ding ne ta minko, ma ke maa juuna ti toomno ken wauno."¹⁰Nang Yeesho in tewon ti shii ya, "Kooko won ti po te, ta Shuuro! Longku ballaa ya, 'Ke ta wawanii Fo-mina Yammako, kan ke ta yuun shuran ti shii waani.' " ¹¹Nang shuuro in wessho shii, kpantidi, me an-shuran ku-dang in waru in yuun shuran ti shii.¹²Wende bara ye Yeesho yaaraa ya yikka Yuwaana, in pereni ti Galiili. ¹³Shii in wessho Naajeret in wanna in wa deeni ti Kapanahum, ye ti jele shiiruk Galiili ti ta kpakan fok buk ma Jeblon kan Naptali.¹⁴Tene yuwaa in kemro wee sheeraa ta an-pigro Isheya ya, ¹⁵"Buk Jeblon kan Naptali, we war shik paali, ka we kooka Urdun, tenei Galiili mei Yawudaaam! ¹⁶Shinui memme me dii ti ta dil shinui weyaa shik gbong aaro, kan ti me dii ti ta kpakan fok lukni muro, ti kuujui ye aaro pennan."¹⁷We yinna ti ta kiddi teere Yeesho in liiru gun ya kaawi in ti tewi ya, "Ma for-fok, longku po ya gub ku-dang wanna nimmi."¹⁸Kaa ye shii to Ku ya mere ti jele shiiruk Galiili, nang in we shik an moli Palau, ma Shimon mo ti ye shii yaa Biiturush kan Andaraawush molli, to Ku ving ja ti ta paali, longku shinui shwiji me an yippo shirim.¹⁹ Nang Yeesho in tewon ti shinui ya, "Ma waru, ma yiru biino, nang ne ta shiwan man me an yippo memme."²⁰ Kpantidi shinui in wessho jaju in yiwaju biinii.²¹Kaa ye Yeesho ti ku kowani ti po teere shii in we shik ma molon shin palau, Yaakubu laano Jabadi kan Yuwaana molli. Shinui ti ta gongi kan Jabadi foju in ti limma bi jaju. Shii in ye shinui,²² nang shinui kpantidi in wessho gongi kan foju in yiwaju biinii.²³Yeesho in merko koo tong ti Galiili, in ti ya shubet ti ta mina for-fokju, in ti kaawo shinnyi po ya gub, kan in ti tassho shik koo peen pira kan agin ti hik memme. Shinnyinii in wangro ²⁴piri ding ti ta Dimashka, kan memme in ti wangittu ka me shikjui bangum kan peen pirai peen-peeni, kan me shanngau sharaa kuujui, kan me shikju muraano kan me kuulaaju. Yeesho in tassho shinui. ²⁵Gbong jima in yiu biinii ti Galiili, Dikaapolish, Urshaliima kan Yawuudiya kan we war kpakan po shiiruk Urdun.

Chapter 5

¹Bara ye Yeesho weyaa shik jimai, nang shii in ammani ku sheela. Bara ye shii shaani po diyo, me an yiu-shubetni in waru shiknii.² Shii in au ku fokni in shuppon shinui, in ti tewi ya, ³"Kpangi ti ku me an kenni ti ta shoom, longku sheejui ya gub ku-dang. ⁴Kpangi she me ti ku bau kenni, longku ta kem shaarijui.⁵Kpangi ti ku me an yiu poshaari, longku shinui ta tappo ku ku-buk. ⁶Kpangi ti ku me ti yaaro kpiyam kan in ti yaaro isshi fok ka longku yaani dob-dob, longku ta kem shinui. ⁷Kpangi ti ku me ti ya kunngo, longku shinui ta we kunngo. ⁸Kpangi ti ku me shaana ti po shaari, longku shinui ta we shikno Yamma.⁹Kpangi ti ku me an diyo twaalo-shaari, longku ta ye shinui ka shibano Yamma. ¹⁰Kpangi ti ku me ti minin shilibi ka longku yaani dob-dob, longku po ya-gub ku-dangi weeju.¹¹Kpangii sheema ye memme maa ti kpakyoma kan in ti min ma shilibi kan in ti tebro koo peen piire ti kuuma ka shaba ka longkuuno.¹² Ma yu beere kan twaalan-shaari kping, longku we shik shuranmai yen gbe ti ku-dang. Longku kaa te memme minaa shilibi ti me an-pigra me beyaa ma.¹³"Mai anjaa ku-buk. Pene ma tomon anjaa maa wiilaro, tomoni ta meerui ka yee? Birang a kpang ti ta fok niyom, bara in ukkina in tabyo kwi ka sho ta memme.¹⁴ Mai aaro ku-buk. Gok-mina ye digii ti ku gungum a ta dum lattorom.¹⁵Pene memme a ti wul deet in assho kwi ti gun gurangum, pene ti dayii ti ku dangla, nang tei ta ee ku memme ta minai ding.¹⁶ Shero mo aaro ma ee ti toom memme kulang shinui in we shik kpang shuran ma kan shinui in wau Foma ti ku-dang.¹⁷"Mo ma nyimmo maa ne wannai foddo fok shoro koo me an-pigrai. Nei warui ka longku fokjum, pene bara nen kemro shinui.¹⁸ Longku kulli ne ta teuma na ku-dang kan ku-buk ta wiilaju, koo koran-we dok koo lawiiu a ta wiilani ti ta shorom, ar we war we ding ta kemron.¹⁹Longku kaa te, maa mo belaa ti ta dok shakki shoro shurme in ti shuppo peddi ya mo piime yu ta ye shii mo kattani ti ta ya-gub ku-dang. Pene maa mo shoraa shinui in ti shuppo shinui ta ye shinui ka mon gba ti ta ya-gub ku-dang. ²⁰Longku ne ti ku teuma na bara mam maa yu dob in yek she me an ya balla kan Parishaawam, ma ta dum ri ta ya-gub ku-dangum.²¹Ma yaaraa ye tennan ti shinui milam ya, 'Mo ko tuk niyom, kan, 'Maa mo tuka ku ta ri ta shilib shiire.'²² Pene ne ta teuma ma koo nong ye yuwaa den kan molli shii ta ri ta taa shilib shiire; kan maa mo teka ti molli ya, 'Kei piire niyo!' Ke ta ri ta taa shilib me an galo; kan maa mo teka ya, 'Kei dili!' shii ta ri ta deet ku-dang.²³Longku kaa we te, ke maa ta min kunngu ti ku po li-dungo kan ken nyimmina molko kan paaro kan ke, ²⁴wessho kunnguko ti po teerei ti toom po li-dungoi, kan ken kooko. Ka toom ken wa limma shakkiko kan molko, nang ken waru ken tang min kunnguko.²⁵Limma shakkiko kan mo an jeere paaroko ye tida maan kaji ti ku koko war ta mina shiire, koo an jeere paaroko ta minko ti ta kira mo an shiire, kan an shiire in minko ti ta kira mo an jooro-ku mina muruk, kan ta dum vingko ti ta mina muruk.²⁶ Kulli ne ta teuko, ke ta dum peru ti po teerem ye ke maa anngo kattan kine ye shii ta yiwin biikom.²⁷"Ma yaaraa ya teka milam ye, 'Moko yu shomakum.' ²⁸Pene ne ta teuma na koo nong mo geeka shik paamun ka dalak fuwaa po ya shomak kan te ti po shaarini.²⁹Ma adooko ku kira temme maa ti liiko shuwat, kuklo ken vingi won. Longku yuwaa kpang ye dok ti shakki ku-gul shikko in ri ta deet kan ye lo-shikko ding in vingii ti ta deet ku-dang.³⁰ Ma kirako kira temme maa ti liiko shuwat, peero ken vingi won. Longku yuwaa kpang dok ti shakki ku-gul shikko in ri ta deet kan ye lo-shikko ding in vingi ti ta deet ku-dang.³¹Birang tenna ya, 'Maa mo kayaa biino mannani, shero mo shii minin takarda tuk diyaa.'³² Pene ne ta teuma na maa mo tuka diyaano mannani, yei a ti ku paaro ye kan shomakum, shigan tei an shomak. Mo ding ye diga tei ka bi ye tuka diyaaro shii yuwaa shomak.³³"Birang, ma yaaraa ye tenna ti me ti ta koddi ye fiji, 'Moko yu pammi shabam, pene yu ³⁴pammiko ti Fo-mina.' Pene ne teuma na, ma wessho ya pammii foki dok, koo kan ku-dang, longku tei po ya gubno Yamma;³⁵ koo kan ku-buk, longku tei po tabyo shooni; koo Urshaliima, longku tei gok-mina gbong Gub.³⁶Koo ken ya pammi ti kuuko, longku ke ta dum shiwan shok kuuko dok yen pe koo yen dingum.³⁷ Pene shero mo paaroko yooro 'Oo, oo,' koo 'Onngoo, onngoo.' Wee ding kookaro ti fokno te, tei ti piree kan shuuro.³⁸"Ma yaaraa ye teka ya, 'Ado ti po sho ado, kan wuro ti po sho wuro.' ³⁹Pene ne ta teuma, mo ma kai bi mo shekum. Kan ye kaa teere, maa mo paalaako ti jaklumko ku kira temme, shiwan yen dok ti shii birang.⁴⁰Maa mo leka warin ken ta mina shiire ka longku in lawwo lannako, shero mo niyo teere mo shii shar lanna kawoko.⁴¹ Maa mo teka ya mo maan kaji yu mere po meel dok, koo kan shii po meel palau. ⁴²Min ti koo nong ye telaako, kan moko shiwa ta bi ti mo ding leka yiu jan ti kirakom.⁴³"Ma yaaraa ye teka milam ya, 'Ke lewo mo an ganglangko kan ken kura mo an geiko.'⁴⁴ Pene ne ta teuma na, lewo mo an geiko kan ken for-fok ti me ti ku minko shilibi,⁴⁵ longku ma ta yooma shibano Foma ye ti ku-dang. Longku shii ti li darangni in ti peru ti ku me an shek kan men kpang, kan in ti reru doo ti ku me dob kan mei dobum.⁴⁶Longku mam maa lekai me leka ma, we bii wen ye ma ta weyanii? A kaa te ye me an yiu kine buk ti ya kaa te maa?⁴⁷ Mam maa ti ya kaayi ti ma molon ma, wee ma yuwaa wen ye yeka she peddii? ⁴⁸Longku kaa te, ma yooma dob, kaa ye Foma ti ku-dang shii dob.

Chapter 6

¹"Ma jooro yoo ya shuran dob ma yooro yei longku memme shinui in ti we shiki, koo yoo ma ta we we shik shuran ma ti piree kan Foma ye ti ku-dang. ²Nang mam maa ta min kunngu, mo ma biya adununu ti fok ma kaa ye me an wawo ado ti ya ti ta mina po for-fokju kan ti ku gbong kokom, longku shinui in we kum-piri ti piree kan memmem. Kulli ne ta teuma, shinui fuwaa po yiu we shik shuranju.³Pɛnɛ mam maa ta min ƙʊnngʊ, moko kumu kirako jiyau in pen gun wee kirako temme ti ku yaanim ⁴longku kunnguko ta minoro ka jiri. Nang Foma ye ti we shiki ka jiri ta min ma we shik shuran ma.⁵Nang mam maa ta for-fok, mo ma yooma kaa we me an wawo adom, longku shinui leka in ti shereju sherii ka we for-fok ti ta mina for-fok kan ti ku bwaariya koko ka longku memme in ti we shikju, shinui fuwaa po yiu shik shuranju.⁶ Pene ma, mam maa ta for-fok, ma reema ta gume ma ye ti nangshakki. Man nummo po-dangi kan man for-fok ti Foma, ye ti we shiki ka jiri ta min ma we shik shuran ma.⁷ Mam maa ta for-fok, mo ma matto bi paaro kaa ye mei Yawudaawam ti ya longku shnui ti nyimmina ya ta yaaroju ka longku gbe pa-paaroju.⁸Longku kaa te, mo ma yooma kaa shinuim, longku Foma penaa wee ma leka ye man tang waraa beng shii. ⁹Longku kaa te, ma for-fok kaa te: 'Fomu ti ku-dang, mo shor shik shommoko ka shaana. ¹⁰Shero mo ya gubko waru. Shero mo nyimmoko yooro ti ku-buk kaa ye ti ku-dang¹¹Minmu weshiina darang ye booi. ¹²Ken foddomu janmu, kaa ye min ti fuddon jan me min ti ku yiu bi. ¹³Moko warin mun po nawom, pene ken formu ti ta kira mo shek.'¹⁴Longku mam maa ti fuddo shasshalau memme, Foma ye ti ku-dang shi sheeni ta fuddoma sheema. ¹⁵Pene mam maa ti fuddo shasshalaujum, Foma sheeni a ta fuddoma shasshalaumam.¹⁶"Mam maa ta yiu fok, mo ma yooma kaa me an bau kenni kaa ye me an wawo ado ti yam, longku shinui ti ya adooju ka longku shinui in shuki ti memme ya shin ti ku yiu ku-fokju. Kulli Ne ta teuma, shinui fuwaa po yiu we shik shuranju.¹⁷ Pene ke, ke maa ta yiu ku-fokko, shak mor ti kuuko, ken shutto adooko,¹⁸ kulang ke ta shuklani ti peddi ka ke ti ku yiu ku-fokkom, pene bara Foma mo ti we ka jiri; kan Foma mo ti we ka jiri ta min ma we shik shuranko.¹⁹"Mo ma gal birma ma ti ku-buk, ti piree kan joniyo koo kayuk ta daklanim, kan me an jiri ta beblani in jirim. ²⁰Kan ye kaa teere, ma gal ti kuuma birma ti ku-dang, ti piree joniyo koo kayuk a ta daklanim, kan me an jiri ta belani in jirim. ²¹Longku piree kan birmako, teerei piree kan poshaariko.²²Adoi wulan deet lo-shik. Longku kaa te, ma adooko maa kpang, lo-shik ding kemii ka aaro. ²³Pene adooko maa kpangum, lo-shikko dingkemi ka dil. Longku kaa te, ma aaro ye ti taako maa yen kulli dil, duma dil tei ka wen! ²⁴Adoo mo ta wawo fo-mina palawum, longku koo shii ta kuroni mo dok in leweni ye dok, koo shii in kumi kan mo dok in kuroni mo dok. Ke ta wau Yamma kan birmam.²⁵Longku kaa te Ne ta teuma, mo ma turmoma ka longku kerangma, wee ma ta shaani koo wee ma ta sheyani; koo ka longku lo-shik ma, wee ma ta showani. Longku a kerang ye yeka weshiina, kan lo-shik yeka lanna maa? ²⁶Ma gee ka adeewe ta pirit. Shinui a ti tobbina koo kasshanim, koo in gali ti ta kangum, pene Foma ye ti ku-dang in ti kang shinui. Mai yeko shinui kping kpang maa?²⁷Wo nong ti shakki ma ka longku lewanni ye ta tokko shaari joori shaklonii? ²⁸Longku wen ma turmooma ti ku paaro ye kan lannai? Ma nyimmo kan bilit ta shwee, kaa ye shinui ti kpirin. Shinui a ti ya shuranum, kan shinui a ti bee lellewum. ²⁹Pene Ne ta teuma, koo Sholmon ti ta shokranni a nau ya kparin kaa dok ti shakkijum.³⁰Ma Yamma maa ti shoppo lanna ti shik shwee me ti dan-doong, me shinui booi kan dwei kan dwei in ving shinui ti ta riwit, ka yee ye shii a ta yuuma lanna ti shik ma, ma me kan kattan li-shaarim mi? ³¹Longku kaa te, mo ma turmoma man ti tewi maa, 'Minui ta sha wen?' koo 'Lanna wen ye min ta shoppanii?'³²Longku mei Yawudaawam shinui ti gassho ween shurme te, kan Foma ye ti ku-dang penaa ma leka shinui.³³ Pene ka toom ma gassho po ya gubni tida kan dobni, nang dogi wei ta min ma ding. ³⁴Longkuuno te, mo ma turmoma ka longku dweyum, longku dwei ta turmoro ka longkukuro. Koo darang shire kan shek ye keraa tei.

Chapter 7

¹"Mo ma shiirom, kan a ta shiiro mam. ²Longku ka peen shiire ye ma ti shiiron, ta shiiron man, birang we ker-we ye ma keraan, ta keron man ti tai.³Longku wen ye ke ti geeko la po-shwee lawiiu ye ti adoono molko, pene ke ti gee gbong biro ye ti ado sheekom mi? ⁴Ka yee ke ta tewani ti molko ka, 'Shero mo ne forko la po shwe ye ti adooko, ' pene gbong biro ti ado sheekoi? ⁵Ma me an wawo ado! Ka toom for gbong biro ye ti ado sheeko, nang ke ta dum weyani kpang ka we for la po-shwee ye ti adoono molko.⁶Mo ma min wee shaana ti bayi, birang kan mo ma ving lu'ulu'u ma ti toom annyanshaarim. Yoo shinui tabyo kwi ka shooju, ka bi birang shinui in shiru shikju in jadiro ma taama nyajuk-nyajuk.⁷"Ma bengo, ta min ma; Ma gassho, kan ma ta weyani. Yu gbaaraa, kan ta au ma. ⁸Longku koo nong ye bennga, ta yiwani; koo nong ye gasshaa, ta weyani; kan niyo ye yuwaa gbaaraa, ta awin. ⁹Koo wo nong ti shakki ma, ye laani maa bennga shii ka awan we-ta-kele, ta minin shiila ti shii? ¹⁰Koo ma shii maa bennga shirim, ta minin kuretii?¹¹Longkuuno te, ma me an shek penaa min ween kpang ti shiba ma, pene dogii Foma ti ku-dang ta min ween kpang ti me benngani ya? ¹²Longkuuno te, koo wen ye ma leka memme in yuuma, ma sheema ma yuun ti shinui, longku tenei shoroi kan balila me an-pigrai.¹³"Ma ri ti kattan po-dang. Longku bangtang po-dang kan bwalang do koko ye ta war mina muro, kan ka memme gbe me ti yiu bi. ¹⁴Pene po-dangi benjirung kan do kokoi shilib ye ta war mina kerang, nang bara memme lawiiu me ta weyani.¹⁵"Ma jooro me an-pigra me an shaba, me shinui ti waru shik ma ti ta lakat dinnyi pene kulli shinui an-gurateelu. ¹⁶Ti bi shiiliju ma ta pen shinui. Memme ti leppo shiili inaabi ti shik kpaka-diling yei dugni ti shik biro bilit ya? ¹⁷Kaa teerei, koo bang biro shire ti sheelai shiili yen kpang, pene piire biro ti sheelai piire shiili.¹⁸Biro yen kpang a ta sheelo shiili ye daklanim, yei biro ye daklani a ta sheelo shiili yen kpangum. ¹⁹Koo biro shire yei sheelo shiili yen kpangum ta keyani in vingi ti ta deet. ²⁰Kaa te nang, ma ta pen shinui ti bi shiiliju.²¹A koo nong ye ta teuno ya, 'Fo-mina, Fo-mina,' ye ta ri ta ya gub ku-dangum, pene bara me ti ya lewanno Fono ye ti ku-dang. ²²Memme gbe ta teuno ti ta darang teere ya, 'Fo-mina Fo-mina, duma minui yu pigra ti ta shommoko maa, ti ta shommoko minun kajiyo bi shanngau, kan ti ta shommoko minun yuyyo gbidina shuran maa?' ²³Pɛnɛ nɛ ta tɛwɔn ti shinui tĩ pĩĩra na, Nɛĩ pɛn mam, ma ƙɔɔma won tĩ piree ƙan nɛ, ma me an yʊyyɔ shek!'²⁴Longkuuno te, koo nong ye yaaraa paarono kan in minn gba, ta yooju kaa niyo ye shen ye diga minani ti ku karinkasshi. ²⁵Doo ku-dang in reru, ashaa in waru, kan pirit in pittina kan in tudira ku mina teere, pene a vuurorom, longku diga tei ti ku ar-karinkasshi.²⁶Pene koo nong ye yaaraa paarono kan a minin gbam, ta yooni kaa niyo ye dili mo diga minani ti ta shwiyak. ²⁷Doo ku-dang in reru, ashaa in peru, kan pirit in pittina in tudira mina teere, kan tei in vuuroro, pene bubrantoi po ding."²⁸Koddi ye Yeesho fuwaa po sheero paaro te, jima memme in ya maam shubetnii, ²⁹longku shii shuppaa shinui kaa mo kan kumen, pene a kaa me an balilajum.

Chapter 8

¹Bara ye Yeesho shaanan ti ku gungumi, gbong jima memme in yiu biinii. ²Kpantidi, an-baluk in waru in juunani ti toomnii in tewi ya, "Fo-mina, ke maa kunnga, ke ta dum tasshono nen yoono shaana." ³Yeesho in shou kirani in tawin shiknii ya, "Ne kunnga. Tasshoko." Kpantidi shii in tasshani ti piree kan balukni.⁴Yesho in tewon ti shii ya, "Nyimmo moko yu paaro ti niyom. Kooko, shuk shikko ti me ankpaa, kan ken min kunngu ye Muuja pekraan, longku jimro ti piree kan shinui."⁵Bara ye shii ta riiru ta buk Kapanaawum, manni mon gba an beet in waru shiknii, in ti beng shii⁶ kan in ti tewi ya, "Fo-mina, shookno kannii ti mina shiki muraaro kan shii ti ta shilibi kping." ⁷Nang Yeesho in tewon ti shii ya, "Ne ta warani nen tassho shii."⁸Mon gba an bee deeti in liginna ya, "Fo-mina, nei nenno ken waru ken wa ri ta minanom. Bara yu paaro waani nang shookno ta tasshani. ⁹Longku nei niyo ye liyaa ti ta gun kumen, ne kan me an bee deet ti ta gunno. Ne ti tewi ti mo dok na, 'Koo, kan shii in koona, kan ti manni mondok na, 'Waru,' kan shii in waru, kan ti shookno na yu lee,' kan shii in ya." ¹⁰Bara ye Yeesho yaaraa te, shii in ya maam kan in tewi ti me ti yiu biini ya," Kulli ne ta teuma, Nei wa mondok mo kan li-shaari kaa we te ti Ishereilam.¹¹Ne tekama, memme gbe ta waru ti booli kan ta vuro, kan shinui ta diyani ti ku dangla ka shaayi kan Ibiraayim kan Ishaako kan Yaakubu, ti ta po ya gub ku-dang. ¹²Pene shiba po ya gubi ta vingyo shinui ti ta dil peewe, ti piree ta yuun kwii kan ar-ku wuro." ¹³Yeesho in tewon ti gbong an bee deeti ya, "Koo! Kaa ye ke kunngan, kaa te mo yooro ti piree kan ke." Nang shooki in tasshani ti ta dob-dob koddi teerei.¹⁴Bara ye Yeesho wanna ti ta minano Biiturush, shii in we shikno gbarumno Biiturush kuttii a bangum kan agin. ¹⁵Yeesho in tau shik kiraroi, nang bweewi in peron ten ti shikroi. Nang tei in illina in yuun shuran ti shinui.¹⁶Bara ye kiryippa yuwaaro, memme in wangittu ti Yeesho ka me piire shoom paalaa kuujui. Nang shii in kajiyo piire shoomi ka paaro kan in tassho shik me shikii bangum ding. ¹⁷Ti taano te in kemro wee tenna ta fok an-pigra Isheya ya, "Shi po kuuni sharaa aginmu kama kan piramu kama."¹⁸Nang bara ye Yeesho weyaa shik jimai ti jeleni, nang shii in tewi ya mo shin maalaju jele nan dok Shiiruk Galiilii. ¹⁹Nang manni mo an ya ballai in waru shiknii in tewi ya, "An-shubet, Ne ta yiu biiko ti piree ke ta warani ding." ²⁰Yeesho in lignon ti shii ya, "Waak kan jwalju kan adeewe ku-dang kan luwaju, pene La Niyo a kan piree ta kannon kuunim."²¹Yen dok an yiu shubetnii in tewon ti shii ya, "Fo-mina, shero tida ne wa nannu fono." ²²Pene Yeesho in tewon ti shii ya, "Yiru biino ken wessho me kumai mo nan kumaju."²³Nang bara ye Yeesho riyaani ta gongi, me an yiu shubetni in yiu biinii ti tai. ²⁴Kpantidi, gee pirit doo yen bangin illirin ti ku shakyai, kaa shum doo in ti ri ta gongi. Pene Yeesho ti ku shaklo. ²⁵Me an yiu shubet in wanna in pigro shii ya, "Fo-mina, kauromu! Min nennga muttani!"²⁶Yeesho in tewon ti shinui ya, Longku wen ma ti ya shewoi, ma me kan kattan li-shaari?" Nang shii in illina in pekro piriti kan shum paalii. Nang in ya lubaj foki dok. ²⁷Shwiji shurme in ya maam kan telyo ya, "Duma tenei peen niyo wen, ye modaa pirit kan shum dooi in ti minin gba ti shii?"²⁸Bara ye Yeesho wanna jelono yen dok,birang kan jele gok-min Garashinaawa, shwiji shin palau me shanngau sharaa kuujui penna ti ku duwa in kpomi kan shii. Shinui we shewo kping, tenei ye adoo niyo ti kum yiu po teerem. ²⁹Kpantidi shinui in yiu shoppo yallo ya, "Ke lekai wen ti piree kan minui, laano Yamma?" Ken wanna po lee tida koddii yum, longku minmu shilibi ya?³⁰Wende ka anpali annyanjyaari mina a tali kan po teerem ti ku sha fok. ³¹shaabugi in beng Yeesho ya, "Ke maa kayaamu, shur gunmu ti shik annyanjyaari mina me." ³²Yeesho in tewon ti shinui ya, "Ma koo!" Shanngawi in pereju nang in wa riyyaju shik annyanjyaari minai, anpalii ding in gbolin ka shinui ti gbaari in shaaju ta shakya, doo in tukyo shinui.³³Me an tii annyanjyaari minai in juwaju yoba nang shinui in reeju tarang gok-mina in sheeron gun wei ding, toom-toom wee yuunaro ti shik shwiji me palau me me shanngau paalaa kuujui. ³⁴Kpantidi, me ti tarang gok-minai in perui kpom fokno Yeesho. Bara ye shinui weyaa shiknii, shinui in beng shii mo wessho kpakan fok bukju.

Chapter 9

¹Yeesho in reeni ta gong, in teeleni, nang in waru tarang gok-minani. ²Kpantidi, shinui in warin ti shii ka niyo ye shiki muraaro kannii ti ku irau. Bara ye Yeesho weyaa shik lishaarijui, shii in tewi ti mo shiki muraaroi ya, "Laano, yu beere. Fuwaa po fuddoko shasshalauko."³Kpantidi, peddi me an ballo wei in yiʊ tebrani ti shakkiju ya, "Lamoye ti Ku ya shwaal." ⁴Yeesho penaa nyimmoju nang in tewi ya, "Longku wen ma ti ya piire nyimmo ti poshaari mai? ⁵Longku maj-majii shire, in tewi ya, 'Fuddaako shasshalauko? koo in tewi ya, 'Illo ke kooko'? ⁶Pene longku man peni La Niyo kan kumen ti ku-buk ka fuddo shasshalau, shii in tewi ti niyo ye shiki muraaroi ya, " Illo, shokro irauko, ken warko minako."⁷Nang niyoi in illani in kooni war Minani. ⁸Bara ye jimai weyaa shik we te, shinui in ya maam kan kum pirino Yamma, mo minaa peen kumen ti memme. ⁹Kaa ye Yeesho ti ku kowani ti po teere, shii in we shik manni niyoi shommonii Matta deeni ti po yiu keni-buk. Shii in tewon ya, "Yiru biino."Shii in illina in yiu biinii.¹⁰Kaa ye Yeesho diyoni dii ka we sha weshiina ti ta mina, kpantidi, me an yiu keni shin gbe kan me an shasshalau in waru sha weshiina kiryippa ka shaayi kan Yeesho kan me an yiu shubetni. ¹¹Bara ye Parishiyaawa weyaa shiki, nang shinui in tewon ti me an yiu shubetnii ya, "Longku wen an shubetma ti sha weshiina kan me an yiu kine-buk kan me an shasshalawi?"¹²Bara ye Yeesho yaaraa te, in tewi ta shii ya, "Me shikju bang a lewo an-gunulum, bara me shikjui bangum. ¹³Nennaa man wa yiu shubet ti ku 'we tei' ta shuklo wen: Ne lekai kunngo a min ding ta kiram.' Longku Ne wannai ye me an dob in for fokum, penei me an shasshalau."¹⁴Nang me an yiu shubetno Yuwaana in waru shiknii in tewi ya,"Longku wen min kama Parishiyaawa ti yiu fokmu, pene me an yiu shubetko a ti yiu sheejummi?" ¹⁵Yeesho in tewon ti shinui ya, "Me an jeere diyoi ta bau kennii ka yee ye tida mo an diyoi ka shaayi kan shinui? Pene darangi ta waru ye ta shar mo an diyoi ti piree kan shinui, nang shinui in tang waraa yiu fokju.¹⁶Adoo mo ta shar kooro lanna in kpalin-jwal lanna yen fom, pene maa yuwaa kaa te, kpalan-jwali ta jaattiro ti shik lannai, jaaran jwali ta yooro perak.¹⁷Kaa tei, memme a ta der men yen fo ti ta kooro lakat we-ta-gunum. Ma shinui maa yuwaa, lakati ta jaaroro, meni ta derero, kan meni ta dakloro. Kan ye kaa teere, shinui ta der men yen foi ti ta lakat we-ta-gun yen fo, kan shin ding a ta daklanim.¹⁸Koddi ye Yeesho ti ku sheeron we te ti shinui, kpantidi, manni mon gbai in waru in wa juunonnen ti toomnii. Shii in tewi ya, "Laino baa wende muraaro, pene waru ke wa liin kirako ti kuuroi, kan tei ta we bang shikro. "¹⁹Nang ye Yeesho in illina in yiu biinii gale kan me an yiu-shubetni.²⁰Kpantidi, manni paamuni ti ku bau pere-dom ti gunto po sheno kpumu gee-palau in mru ti kudo ta biino Yeesho in tau shik jele lannanii. ²¹Longku tei teka ti kuuro ya, "Ne maa bara taka shik lannani, ne ta we bang shikno." ²²Pene Yeesho in shiwa dooni in we shikroi, nang in tewi ya, "Lai, pee shikji; lishaariji tasshaaji shikji."Nang paamuni in tasshoro ti ta koddi teerei.²³Bara ye Yeesho wanna ta mina mon gba shurme, shii in weme an biya dooro kan jimai ti ku ya bobak gbe. ²⁴Shii in tewi ya, "Kooma won, longku la-gejei a murorom, pene tei ti ku yaani shaklo." Pene shinui in ya shuro kan nwinnyo-fok.²⁵Bara ye liina bi jimai ti peewe, shii in ri ta gumei, in yiwin la-gejei ti kirai in shokro shikro, nang la-gejei in illoro po sheri. ²⁶Shinnyi we te in wiilo kpakan-fok buk teere.²⁷Kaa ye Yeesho ti ku kowani ti po teere, me an fugum shin palau in yiu biinii. Shinui in sha toom ka shoppo yallo kan in ti tewi ya, "Laano Dauda, kunngomu!" ²⁸Bara ye Yeesho riina ta minai, me an fugum in waru shiknii. Yeesho in tewon ti shinui ya, "Ma liyaa shaari ne ta dum ya we te ya?" Shinui in lignon ti shii ya, "Oo, ta Fo-mina."²⁹Nang Yeesho in ta shik adoojui in tewi ya, "Shero mo yooro ti shik ma ti bi liyaan shaari ma," ³⁰nang adoojui in appoju. Nang Yeesho in pekro shinui kping ya, "Mo ma kumu mondok in pen gun we tem." ³¹Pene me an fugumi shin palawi in warjui kpaalo po shinnyii ti ta kpakan-fok buk teere ding.³²Kaa ye men shwiji shurme kooju, kpantidi, shinui in waru ka manni baabai in shanngau paalaa kwi ti Yeesho. ³³Bara ye kayaa bi shanngawi, baaba niyoi in ya paaro. Jimai in ya maam kan tewi ya, "We te a nau yooro ti Ishereilam!" ³⁴Pene Parishiyaawa in ti tewi ya, "Shii ti ya we tei ka kumen shanngau, ye shii ti kayin bi shanngawi."³⁵Yeesho in wangro koo tong ti tarang gok-mina kan tarang meno-mina. Shii in sha toom ka yuyyo shubet ti ta mina for-fokju, in ti kpaalo fok shinnyi po ya-gub ku-dang kan tassho koo peen pira shire. ³⁶ Bara ye shii weyaa shik jimai, shii in kunngo shinui, longku shinui turmooju kan belan-poshaari. Shinui kaa dinnyi mei akan an tiim.³⁷Shii in tewi ti me an yiu shubetni ya, "Kasshani gbe, pene me an shurani kattani. ³⁸Longku kaa te kpantidi ma for-fok ti Fo-mina mo an ku kasshoi, longku shii in shuru gun me an shuran ka we ya kasshoni."

Chapter 10

¹Yeesho in ye me an yiu shubetni shin kpumu gee-palau ka shaayi in minin kumen ti ku piire shoom, mo shinui kai biijui won, kan tassho peen pira kan peen agin ding.²Wende shommo me an kaawi ma mee. Mo dokii Shimon (mo ti ye shii birang ya Biiturush), kan Andaraawush molli; Yaakubu laano Jabadi, kan Yuwaana molli; ³Pilibush, kan Battilamawush; kan Tooma, kan Matta an yiu kine-buk; kan Yaakubu laano Alpayo, kan Tadaawush; ⁴Shimon yei niyo ye leka kuuni, kan Yawuuda mo ta min shii.⁵Me shin kpumu gee-palau shurme, Yeesho in shur shinui. Shii in yuun nawit ti shinui ya, "Mo ma war shakki mei Yawudaawam, kan mo ma war tarang gok-mina me ti Shamaariya dokum. ⁶Kan ye kaa teere ma war mina shekyan dinnyi me ti Ishereila; ⁷kan mam maa ta warani, ma kpaalo po shuran te maa, "Po ya-gub ku-dang wanna nimmi.'⁸Ma tassho shik mei bangum, man shokro me kuma, ma shaano me an baluk, man kai bi shanngau won. Ma yikka kunngu, ma sheema ma minu kunngu. ⁹Mo ma shar koo bela, koo laa-bela koo we-eem yen gakal ti ta vooromam. ¹⁰Mo ma shar vooro mere ka longku mere mam, koo manni wei, koo taa, koo la-shugo, longku mo an shuran nennaa in we gwaangni.¹¹Mam maa riyaa ta gok-mina koo meno-mina, ma gassho bi mo fooraa ti tai, kan man dee ma ti po teere we war koddi ye ma ta koon ma. ¹²Kaa ye mam maa riyaa ta minai, ma kaa shinui. ¹³Ma minai maa fooraa, shero mo twaalan-shaari ma mo deen ten ti kwi. Pene maa fooroom, shero mo twaalan-shaari ma meerito shik ma.¹⁴Kaa she me shinui a yiu ma koo in ke kumoju ti shik paaro mam, bara mam maa wessha ta mina koo gok-mina teere, ma tudira kpisshi ta shoo ma. ¹⁵Kulli Ne ta teuma, ta yooro maj-maji ti ku buk Shodom kan Gomoora ti ta darang shiire kan ti ku gok-mina teere.¹⁶"Ma gee, Ne shuraa ma kaa dinnyi ti shakki angurateelu, longku kaate, ma yooma shen kaa kuret, kan an shekum kaa we ammaluk. ¹⁷Ma geniro memme! Shinui ta min ma ti me an shiire, kan shinui ta bir ma shik ma ti ta mina for-fokju. ¹⁸Nang ta warin man toom me an-toom kan me an-gub ka longku shommono, birang ma ta yooma me an jimro we te ti mei Yawudaawam.¹⁹Ma shinui maa minaa ma, mo ma turmoma ka wee ma ta tewanim, longku wee ma ta tewanii ta min ma ti ta koddi teere. ²⁰Longku a ma ye ta ya paaroi, penei Shoomno Foma ye ta paaroi ti ta aama.²¹Me an moli ta min an moli ka we tukani, kan an fowi ta min laani. Men Shiba ta illo Kenne kan me an pariju kan li shinui we war mina muro. ²²Koo nong ta kura ma ka longku shommono. Pene maa mo shasshaa we war wiilani, niyo teere ta kaurani. ²³Ma shinui maa kuraa ma ti ta gok-mina lee, ma juwa ma we war lennyi, longku kulli Ne ta teuma, ma ta fuyyo shanglo tarang gok-mina Ishereila dingum La Niyo ta waru.²⁴"La an yiu shubet a yeko an shupponim, koo shook in kooni ti fokno fo-minanim. ²⁵Keraa kaa te longku la an yiu shubet in yooni kaa shupponi, kan shook kaa fo-minani. Ma shinui maa yeyaa fo-mina minai ka Baljaabul, ta yooro piire shommon ka yee ye shinui ta yoon me ta minanii?²⁶Longkuuno te, mo ma shi shinuim, longku a doo wee vumani yei ta piddo dweim, kan a doo wee lattani yei ta penorom. ²⁷Wee Ne teka ma ti ta dil, ma sheeropiri ka aaro darang, kan wee ma yaaraa karaang ti ta kumo ma, ma ammo ma ku daalan ku-mina man kpaalon piri.²⁸Mo ma yu shewo me ti tuk lo-shikum pene a ti tuk kerangum. Kan ye kaa teere, ma shi mo ta dum tuk kerang kan lo-shik ti ta deet ku-dang. ²⁹A bakri palau ye ti pilin-we ti ku kattan kine maa? Ar wende a doo ye dok ti shakkiju ye ta shuwani ti buk akan penanno Fomam. ³⁰Pene koo shok kuuma maa maarani. ³¹Mo ma yu shewom. Ma yeka bakri gbe kpang.³²Longkuuno te, mo kunnga ya shii sheeno ti toom memme, Ne sheeno ne ta kumani kan shii ti toomno Fono mo ti ku-dang, ³³Pene mo yuwaa jiram ya shii pennom ti toom memme, Ne sheeno ne ta ya jiramnii ti toomno Fono mo ti ku-dang.³⁴"Mo ma nyimmo maa ne wannai ka diyo twaalan shaari ti ku peewe pirim. Nei warui ka twaalan shaarim, pene ne wannai ka agarum. ³⁵Longku ne wannai li niyo kenne kan foni, kan la-paamun kenne kan nonto, kan gbarum la-paamun kenne kan gbarumto yen paamini. ³⁶Me an gei niyo ta yoojui me ta minani.³⁷"Mo ding ye leka foni koo nonni in kooro ti fok leuno, a nenno shiwa sheenom; mo ding ye leka laani la shwiji yei la-paamun in kooro ti fok leuno, a nenno shiwa sheenom. ³⁸Maa moi shar biro loo kuuni in yiru biinom a nenno shiwa sheenom. ³⁹Maa mo weyaa kerangni ta shekon ka te. Pene mo shekan ka kerangni ka longkuuno ta weyani.⁴⁰"Mo minna ma wanniya minnai ti ne, kan mo minnano wanniya birang minnai ti mo shunnano. ⁴¹Mo minna wanniya ti an-pigra longku shii an-pigra, ta yiu we shik shuran an-pigra, kan shi mo minna wanniya ti niyo mo dob longku shii mo dob, ta yiu we-shik shuran mo dob.⁴²Maa mo minaa ti dok shakki nyitti shiba meere modaa la-temme doo ka we sheyani longku shii an yiu shubet, kulli Ne ta teuma, a doo koko ye shii ta kaano we we shik shurannim."

Chapter 11

¹Bara ye Yeesho wiilo po pekro me an yiu shubetni shin kpumu gee-palawi, shii in wanna in ti shuppina kan kaawi ti tarang gok-minaju. ²Wende bara ye Yuwaana yaaraa ti ta mina muruk shinnyi ku shuranno Kiriti, shii in shur me an yiu shubetni ³in tewon ti shinui ya ma telo shii maa, "Kei mo ta warui ya, koo min gee ku manni yen dokro?"⁴Yeesho in lignon ti shinui ya, "Ma koo man wa tewi ti Yuwaana wee weyaa shiki kan man yaarra. ⁵Me an-fugum in ti we ta piri, me kuulei in ti ya mere, me an pira lakat in ti tasshaju, me gballa in ti yaarra birang, me muttaaju in ti pigro biijui kan dwei, kan in ti kaawo shinnyi yen tomon ti me an kenni. ⁶Kpangi ti kuuno moi shuwa ka longkuunom."⁷Kaa ye me an yiu shubetno Yuwaana kooju, Yeesho in yiu sheero paaro ti kuuno Yuwaana ti jimai ya, "Ma waraai gee wen ti ta shweei? Ma waraai gejiyo shik jodiri alau shwee ye pirit ti ku midiro shik ya? ⁸Pene ma kaa tem, ma waraai gejiyo shik wen? Niyo ye shoppaa lanna yen kpattirin ya? Onngoo, me ti shoppo lanna men kpattirinii shinui me ti ta mina me an gub.⁹Pene ma peraai gee shik an pigra ya? Oo, Ne ta teuma, nang yeka an pigra. ¹⁰Tenei shii mo ballaan we ti kwi ya, 'Gee, Ne ti ku shur mo an shuranno ti toomko, mo ta limma do koko ken tang waru.'¹¹Ne ta teuma yen kulli, ti shakki me shereb patiraa a doo mo yeka Yuwaana an ya Yulma gbam. Pene mo kattani ti ta ya-gub ku-dang yeka shii gba.¹² We yinna ti ta koddino Yuwaana an ya Yulma we foottu wende, po ya-gub ku-dang ti ku taa shilib shabbi, kan memme me an shabbi sharaa tei ka bang.¹³Longku yuyyan balila me an pigra kan shoro ding shinui yuyyaa pigrai Yuwaana in tang waru; ¹⁴kan mam maa leka yiwani, shii Iliya ye wanna. ¹⁵Shi mo kan kumo yaarani, shero mo shii yaaro.¹⁶Ne ta temyo ku-kira tei ka wen? Tei kaa shiba ti ya yarang ti ku-am po-piplo-we, me dii in ti yeyyo shaayi ¹⁷in ti tewi ya, 'Min biika ma dooro, mai yu shorum. Minui bau kenni mai yu kwiim.'¹⁸Longku Yuwaanaa ti sha kan she menum, shinui in tewi ya, 'Shii mo kan shanngau.' ¹⁹La Niyo in waru in ti sha kan sheyani kan shinui in ti tewi ya, 'Gee, shii an gawa niyo kan an sheyyo-we, an jeere me an yiu kine-buk kan me an shasshalau!' Pene ti pen shenii kan shuranto."²⁰Nang Yeesho in yiu pekro gok-mina me yuyyaan gbidina shuranni, longku shinui a for fokjum. ²¹"Dil-dil ma ta Karajiin! Dil-dil ma ta Batshaida! Mo da gbidina shura ye yuyyaa ti taama daa yuyyaa ti Taaya kan Shiidon, shinui daa foraa fokju yau ti ta shoppan janjiruk lanna ti shikju kan dimlim. ²²Pene ta yooro maj-maj ti ku Taaya kan Shiidon ti ta darang shiire ti kuuma.²³Shi, ta Kapanaawum, shi nyiimaa ta shokro shi ti ku-dang ya? Onngoo, ta shaan shin ta duwa, Longku mo da wee yuyyaa ti taaji daa yuyyaa ti taaro, daa diyaan ten kaa we tei we foottu booi. ²⁴Pene Ne ta teuji na ta yooro maj-maj ti ku buk Shodom ti ta darang shiire kan ye ti kuuji."²⁵Ti ta koddi teere, Yeesho in tewi ya, "Ne shokraa shommoko, ta Fowi, Fo-mina ku-dang kan ku-buk, longku ke nummaa-do we te ti piree kan me shen kan penani, kan ken au-dwei ti nyitti shiba. ²⁶Oo, Fowi, longku tene kpang ti geyanko. ²⁷We te ding minnano ti piree kan Fowi; kan a doo mo penaa Laim bara Fowii, birang a doo mo penaa Fowiim bara Lai kan mo ding Lai leka in awin dwei ti shii.²⁸Ma waru shikno,ma me ding ti ku taa shilibi kan tira shari, Ne ta minma nessho. ²⁹Ma shar biro bongno ti kuuma man shar shubet ti piree kan ne, longku Ne baam-baami kan duulan ti poshaari, kan ma ta we nessho ka longku kerangma. ³⁰Longku biro bongno a tiram kan sharino lib."

Chapter 12

¹Ti ta koddi teere, Yeesho in peri ti ku Darang Nessho Yawudaawa ti ta doon shau. Me an yiu shubetni in yaaro kpiyam, nang shinui in yiu gbaaro ka shawi shinui in ti ari. ²Pene bara ye Parishaawa weyaa kaa teere, nang shinu in tewi ti Yeesho ya, "Gee, me an yiu shubetko ti ku ya wee a nenno in ya Darang Nessho Yawudaawam."³Pene Yeesho in tewon ti shinui ya, "Mai nau maarani maa wee Dauda yuwaa koddi ye shii yaaraa kpiyam, kan memme me shinui ka shaayi kan shii maa? ⁴Shii riyaa ta mina Yamma in sha we-ta-kele ye waka, yei nenno shii in sham kan a nenno me ka shaayi kan shiim, pene nenaai bara me ankpaa.⁵Mai maaro ti ta shoro ye ya ti ku Darang Nessho Yawudaawa ankpaa ti ta mina Yamma aka shooju ti ta ku shoro Darang Nessho Yawudaawa pene a yooro we kelnye ti piree kan shinui maa? ⁶Pene Ne ta teuma gee mo yeka mina Yamma wono.⁷Mo da ma daa penaa wee we te ta shuklani, 'Ne lekai kunngo pene a ding ta-kiram,' ma daa shwaalo me an kelnyem. ⁸Longku La Niyoi Fo-mina Darang Nessho Yawudaawa."⁹Nang Yeesho in wessho po teere in wanni ta mina for-fokju. ¹⁰Kpantidi, ka manni shwijii ye kirai muraaro. Parishaawa in tel Yeesho ya, "Nennaa in ya tassho Darang Nessho Yawudaawaa?" Longku shinui in ya gunnii ti ku ya shasshalau.¹¹Yeesho in tewon ti shinui ya, "Wo shwiji nong ti shakki ma, ye shii kan dinnyini dok, maa shuga ti ta joori jwal Darang Nessho Yawudaawa, a ta yiru tei in forommi? ¹²Sho tiyee ye niyo yeka dinnyi kpangi! Longku kaa te shoro kunnga in ya wee kpang Darang Nessho Yawudaawa."¹³Nang Yeesho in tewon ti niyoi ya, "Shupro shik kirako." Shii in shupro shiki, nang meenaro bang, kaa yen dok kirai. ¹⁴Pene Parishiyaawa in peri in wa deppina ta shinui ka we tuk shii. Shinui ti ku gassho koko po li shi murani.¹⁵Bara ye Yeesho jemlaa we te, shii in kooni ti po teere. Nang memme gbe in yiu biinii, nang shii in tassho shinui ding. ¹⁶Shii in pekro shinui ya mo piime wessho kumani dogi memmei in penii, ¹⁷longku in yooro yen kulli, ka wee tenna ta an-pigra Isheya ya,¹⁸"Ma gee, Shookno ye ne shaka; dok mo ne leka, ti taanii ye kerangno ti sha tomoni. Ne ta liin Shoomno ti kuunii, kan shii ta ya shiire ti mei Yawudaawam,¹⁹Shii a ta deewani koo in ya paaro ka eleyen bangum; koo manni niyoi ta yaaro eleni ti gbong koko tarang minam. ²⁰Shii a ta bel ta goonan ta wem; shii a ta bitto ogro ye nennga bittorom, we war koddi ye shii ta yuun shiire sha-toom, ²¹kan ti ta shommoni mei Yawudaawam gbe ta we lishaari."²²Nang manni an-fugumi kan baaba, ye sharaa kwi ta shanngau, in warin ti Yeesho. Shii in tassho shii, kaa ye baaba niyoi yikka ya paaro kan in ti we ta piri. ²³Jimai ding in ya maam kan tewani ya, "Koo niyo tei laano Dauda?"²⁴Pene bara ye Parishiyaawa yaa pi we maam te, shinui in tewi ya, "Niyo te ti for shaabugii waanim, barai ka Beeljebul, la gub shaabug." ²⁵Pene Yeesho penaa nyimmoju nang in tewon ti shinui ya, "Koo po ya-gub shire ye bwaaraaro ti ku kenne, ta dakloro, kan a doo gok-mina yei mina ye bwaaraaro ti ku kenne ta sheranim.²⁶Ma shooro maa ti kai shooro, shii ti ku ya kenne kan kuuni. Wende ka yee ye po-ya gubni ta sheranii? ²⁷Kan pene ne maa ti for shaabugii ka Beeljebul, shiba ma ti for sheejui ka nong? Longkuuno te shinui ta yooju me an shiiro ma.²⁸Pene Ne maa ti for shaabugii ka Shoomno Yamma, oo po ya-gub Yamma shaana kuuma. ²⁹Ka yee mondok ta ri ta mina mo kan bangni in ya jiri ye shii tida maa dabyo shik mo bangi ka toomum mi? Nang shii in tang waraa jir we-kiranii ti ta minanii. ³⁰Moi ka shaayi kan nem shii an kenneno, kan mo a ti gal-dwei ka shaayi kan nem shii ti pilii-tai.³¹Longkuuno te, Ne ta teuma, koo shasshalau kan bek shire ta fuddon ti shinui, pene bek ye yuwaa kenne kan Shoom a ta fuddanim. ³²Maa mo teka ding paaro ti shik La Niyo, teere ta fuddo shii. Pene maa mo yuwaa paaro kenne ti shik Shoom, teere a ta fuddo shiim, koo ti ku-buk te, koo ti taano ye ta waru.³³Man li biro in yooro yen kpang kan shiiliro yen kpang, koo man li biro in yooro ye piirei kan shiiliro yen piirei. longku ti pen biroi ti bi shiiliro. ³⁴Ma gbuman-ku shammam, kaa ye mai me an shek, ma ta teu ween kpangi ka yaa? ³⁵Niyo yen kpang ti ta po gal weeni yen kpang ye ti poshaarini ti perui ka ween kpang, kan piire niyo ti ta piire galan wee ti poshaarini ye ti peru ka piire we.³⁶Ne ta teuma na ti ta darang shiire, memme ta sheero pi piire pa-paaro ye shinui shediraa. ³⁷Longku ti bi paaro ta fokko ye ta shiiron ken, kan ti bi paaroko ta kelmon ken."³⁸Nang me an balilo we kan Parishaawa in liginna ti Yeesho ya, "An shubet, min leka minun we shik temo ti piree kan ke." ³⁹Pene Yeesho in lignon ti shinui ya, "Me piire kan me an shomak ku-kira te ti gassho bi we temo. Pene a doo we temo ye ta shukin ti shinui, bara temono Yunaana an-pigra. ⁴⁰ Kaa ye Yunaana yuwaa darang tat kan yippa tat ti ta aa gbong shirim, kaa te ye La Niyo ta ya darang tat kan yippa tat ti ta duwa.⁴¹Memme me ti Nennebe ta illani ta shinui ti ta darang shiire kan ku-kira memme te kan ta kelmo tei. Longku shinui foraa fokju koddi yaa kaawino Yunaana, kan ma gee, mo yeka Yunaana gba wono.⁴²La-paamun ye ta ya gub ti Dang ta illani ti ku darang shiire kan memme ku-kira te kan ta kelmo shinui. Tei wanna ti po aja-karu longku yaaro shenno Sholmon, kan ma gee, mo yeka Sholmon gba wono.⁴³Ma piire shoom maa peraa ti shik niyo, ti yiwajui piree a doo doom in gasshon po nessho, pene maa wam. ⁴⁴Nang ta tewani ya, "Ne ta meeno ta kooro minano piree milam ne diin.' Maa shinna, in we ta minai temmani kan tai limmani. ⁴⁵Ta kowani in wa pallu piire shoom shin parilau me yeka tei piire, kan shinui shin ding in waru wa deeju ti po teere. Nang diyo niyo teere ye ka bi ta yek ye ka toom. Ta yooro kaa teere ti piree kan piire ku-kira te."⁴⁶Ye tida Yeesho ti ku sheero paaro ti jimai, kpantidi, nonni kan ma molonni in shengreju ti peewe, in ti gassho koko po ya paaro kan shii. ⁴⁷Manni niyoi in tewon ti shii ya, "Gee, nonko kan ma molonko shengrii ti peewe, shinui leka yuuko paaro."⁴⁸Pene Yeesho in lignna in tewon ti shii ya, "Nonnoi nong kan ma molonnoi pitte?" ⁴⁹Nang shii in shuklo kirani ti kudo piree kan me an yiu-shubetni in tewi ya, "Gee, ma meyyei ma nonno kan ma molonno!⁵⁰Longku maa mo ti ya wee Fono ti ku-dang leka, niyo teerei mollo, kan molano, kan nonno."

Chapter 13

¹Ti ta darang teere Yeesho in peri ti ta mina in wa deeni ti fok paali. ²Nang jima galo in gallin ti jelenii, nang shii in reeni ta gong in deennin ti tai dogi memmei in shengreju ti ku-shwiyak fok paalii.³Nang Yeesho in sheeron we gbe ti shinui ti ta shiwan-do-paaro. Shii in tewi ya, "Kpantidi, an-shirau waraai tobbo peen. ⁴Kaa ye shii tobbaa, peddi peeni in shugyaju ti jele koko, adeewe in waru in jobbina shinui. ⁵Peddi peeni in shugiyya ti ku karinkasshi, piree shinui a kan buk gbem. Kpantidi shinui in peru longku buki a sha talim. ⁶Pene bara ye darang penna, shinui in kudan loowoju longku shinui a kan shoorinum, nang shinui in isshaju.⁷Peddi peeni in shugiyya ti ta arat. Arati in kpiri in kpakro shikjui. ⁸Peddi peeni in shugiyya ti ku buk yen kpang in a weshiina, peddi shig-dok sho shig-dok, peddi naa-paragbanang, kan peddi naa-tat. ⁹Mo shii kan kumo yaarani, shero mo shii yaaro."¹⁰Me an yiu-shubetti in waru in tewon ti shii ya, "Longku wen ke ti ya paaro ti jima ka shiwan-do-paaroi?" ¹¹Yeesho in liginna kan in tewon ti shinui ya, "Ma sheema fuwaa po kum ma pir pen we maam ye ti po ya-gub ku-dang, pene ti piree kan shinu a minium. ¹² Longku maa mo kan te birang ta minin manni gbe, kan shii ta yooni kan te gbe. Pene maa moi kan tem, koo ye shii kan tei ta yiwin ti kiranii.¹³Tenei ye ne ti yuun paaro ti shinui ka shiwan-do-paaroi: kan koo shinui ti geena, shinui a ti wem; kan kaa ye shinui ta yaarra, shinui a ti yaarram, koo in peni. ¹⁴Ti kuujui ye yaan pigrano an-pigra Isheya kenngan, ye tenna ya, 'Yei yaarra ma ta yaarani, pene a do koko ye ma po penenum; yei geyani ma ta weyani, pene a doo koko ye ma po jemlonum.¹⁵Longku poshaari memmei muraaro, kan shinui a ti dum yaaranim, kan shinui luppaa a dooju, longku a ta dum weyani ka adoojum, koo in yaarra ka kumoju, koo in peni ti poshaariju, longku shinui in meeru birang, kan nen tassho shinui.'¹⁶Pene kpangii ti ku adoo ma, longku shinui ti we; kan kumo ma , longku shinui ti yaarra. ¹⁷Kulli Ne ta teuma na me an-pigra gbe kan me dob leka we shik wee ma ti we pene a ti we shikjuim. Shinui leka yaaro wee ma ti yaarra pene a ti yaaro shinuim.¹⁸Nang ma ka kumo ma ka shiwan-do-paaro mo an shirau mo tobbaa peennii. ¹⁹Ma mondok maa yaaraa paaro po ya-gub ku-dang pene a dum penanim, me piirei wanna in lawwo wee tobbaan ti poshaarimii. Tenei peen ye tobbaa shinui ti jele koko.²⁰Wee tobbaa ti ku karinkasshi teerei niyo ye yaaraa paaroi, nang kpantidi in yiwi ka beere, ²¹pene shii akan shoorin ti taanim nang bara shii ta shasshani po koddi la-wiiu. Koddi ye taa-shilib koo min shilib maa illina ka longku paaroi, shii ta kudan shuwani won.²²Wee tobbaa ti shakki pere arat, tenei niyo mo yaaraa paaroi, pene leu we ku-buk kan dokko we birma in kpakro paaroi, nang shii in yooni akan shiilim. ²³Peen ye tobbaa ti ku buk yen kpang, tenei niyo mo yaaraa paaroi in pen tei. Shii in sheelo shiili i ya weshiina, ka me shig-dok, peddi naa-paragbanang, kan peddi naa-tat sho gbe ti kuuno ye tobbaai."²⁴Yeesho in sheeron manni shiwan-do-paaroi ti shinui. Shii in tewi ya, "Po ya-gub ku-dang kaa niyo ye tobbaa peen yen kpang ti t doongni. ²⁵Pene koddi ye memme ti ku shaklo, mo an geini in waru sheeni in tobbon kulu ti ta shawi nang in kooni. ²⁶Pene bara ye peraa-ku in ya weshiina, nang kului in shuklo shikro.²⁷Me an shuran an ku doongi in waru in tewon ti shii ya, "Fo-mina, ke tobbaai peen yen kpang ti ku doong te maa? Duma penei ka yee ye kulu pennan ti tai?' ²⁸"Shii in tewon ti shinui ya, 'Yuuna we teerei an gei.' "Me shooki in tewon ti shii ya, 'Oo ke leka minun wanna minun wa keyyo shinui ti buk ya?'²⁹"Mo an ku doongi in tewon ti shinui ya, 'Onngoo. Longku kergum koddi ye ma keyyo kului, kergum man keyyo shaayi kan shawi. ³⁰Ma wesshon shin ding mo kpiru ka shaayi we war koddi kasshani. Ti ta koddi kasshani Ne ta twani ti me an kasshoi na, "Ma keyyo kului tida man yipyo shinui ka we kurani, pene man gal-do shawi ti ta kangno."""³¹Nang Yeesho in sheeron manni shiwan-do-paaroi ti shinui ya, "Po ya-gub ku-dang kaa ar-tinnyak ye niyo tobbaa ti ta doongni. ³²Peen sheere kullii ye kattan peen kping. Pene koddi ye kpiraa, tei in yek dogi pere alau ta doongi. Tei in yooro biro, ar adeewe ku-dang in wangittu in limyon luwoju ti ku-fungai."³³Nang Yeesho in sheeron ti shinui manni temoi ya, "Po ya-gub ku-dang kaa yiij ye paamun sharaa in kpisshina ka keran lummo shau la-temme tat ye ar lummoi in oworo."³⁴Wee shurme te ding Yeesho in sheeron ti jimai ka temo; kan shii in tewon ti shinui birangum bara ti ta temo waani. ³⁵Tenei yuwaaro kaa we tei longku wee tenna ta an-pigra in yooro yen kulli, koddi ye shii teka ya, " Ne ta au ku-fokno ti ta temo-temo. Ne ta teu wee lattaa ti liyan gun ku-buk."³⁶Nang Yeesho in wessho jimai in reeni ta mina. Me an yiu shubetnii in waru shiknii in tewi ta shinui ya, "Teumu wee temo kulu ta doongi ta shuklani." ³⁷Yeesho in liginna ya, "Shi mo tobbaa peen yen kpangii La Niyo. ³⁸Doongii ku-buk; kan peen yen kpangii, shurme tei shiba po ya-gub ku-dang. Kului shiba mo piirei, ³⁹kan mo an geyi mo tobbaa shinui shuuro. Kasshanii wiilan ku-buk, kan me an kasshoi me an-shuran ku-dang.⁴⁰Longkuuno te, kaa ye maa galaa do kului in kuri ka deet, kaa te ta yooro ti ta wiilan ku-buk. ⁴¹La Niyo ta shuru gun me an-shuran ku-dang, shinui ta ganglo do wee ti ta po ya-gubni ye ti yeeru ya shasshalau kan me ti yuyyo ween doon. ⁴²Shinui ta vingyo shinui ti ta bilak-bilak deet, piree ta yuyyon kwii kan angro ku wuro. ⁴³Nang memme me dob ta aarani kaa darang ti ta ya-gubno Foju. Mo kan kumo, shero mo shii yaaro.⁴⁴"Po ya-gub ku-dang kaa galaan birma ti ta doong. Manni niyoi in we in lattina. Ti ta beereni shii in wanna, in pilin-we ka wee shi kan te ding in pilin doong teere. ⁴⁵Birang, po ya-gub ku-dang kaa niyo mo an birma ye ta gassho bi lu'ulu'u yen illo. ⁴⁶Bara ye shii weyaa lu'ulu'ui dok yen illo kping, shii in wanna in wa pilin ka wee shi kan te ding in pilin bi.⁴⁷"Birang, po ya-gub ku-dang kaa ja ye teraa ti ta paali, kan in gangillu kpijiyan we peeni-peeni. ⁴⁸Bara ye kemnaro, shwiji me an yippo shirimi in tollu ti peewe ti po gangrai. Nang shinui in deeju dii in shakko meen kpattiri ti ta manni sharii, pene mei kpangumi shinui in ukkina won.⁴⁹Ta yoo kaa te ti wiilan ku-buk. Me an-shuran ku-dang ta waru in bwaaro shakki me shek kan me dob. ⁵⁰Shinui ta vingyo shinui ti ta bilak-bilak deet, piree ta yuun kwii kan ar-ku wuro.⁵¹"Ma penaa ween shurme te ding ya?" Me an yiu shubeti in lignon ti shii ya, "Oo." ⁵²Nang Yeesho in tewon ti shinui ya, "Longku kaa te koo an ballo-we ye shigani an yiu shubet ti ta po ya-gub ku-dang shii kaa niyo ye an ku-mina, ye palla yen kooro kan yen fo ti po gsl we-kirani." ⁵³Nang in yooro kaa tei koddi ye bara ye Yeesho wiilaa shediro temo shurme te, shii in kooni ti po teere.⁵⁴Nang Yeesho in reeni ta kpakan-fok bukni in yuun shubet ti memme ti ta mina for-fokju. Ween yinna bii ye memme in ya maam in tewi ya, "La moo ye weena shenni kan we maam tei? ⁵⁵Tenei la mo an limyo we po-dang maa? Nonnonii ye ti ye yaa Maryamu maa? Kan ma molonnii ma Yaakubu, Yuwaana, Shimon kan Yawuda maa? ⁵⁶A ma molani me shinui ka shaayi kan kama maa? Duma shii weena we tei ti tong?"⁵⁷Nang ta aajui in daklon ten ti shiknii. Pene Yeesho in tewon ti shinui ya, "Mo an-pigra a ti kaano we gbam nang bara ti gok-minani kan ti piree kan me ta minani." ⁵⁸Nang shii a yuyyo we maam gbem ka longku ye shinui akan lishaarim.

Chapter 14

¹Ti ta dob-dob koddi teere, Hiiridush in yaaro pi shinnyino Yeesho. ²Shii in tewi ti shookni ya, "Tenei Yuwaana an ya Yulma; ye illaa ti ta duwa. Longku kumen shurme shinui ti ku ya shuran ti shiknii."³Longku Hiriidush yikka Yuwaana, in kpakko shii, in shou shii ti ta mina muruk ka longkuuno Hiruudiya manna molli ta Pilibush. ⁴Longku Yuwaana tekwn ti shii ya, "A yu kpang shii in dig teim." ⁵Hiriidush leka tuk shii, pene shii in shi memme, longku shinui sharaa Yuwaana kaa an-pigra.⁶Pene bara ye darang pattano Iriidush makilla, Laino Iruudiya in ya shor ti ku-dam ar Iriidush in sha tomoni. ⁷Iriidush in deewoku kan pammo-we ya shi ta min koo wen ti tei wee tei telaa.⁸Ka bi ye nonto shuulla tei, in tewi ta tei ya, "Minno kuuno Yuwaana an Yulma wono ti ta gurang." ⁹Nang gub in ya den ka longku bengoro, pene ka longku yaan pammi kan ka longku me ti po sha temrei kan shii, shii in tewi ya mo yooro.¹⁰Shii in shuri in wa foru kuuno Yuwaana ti ta mina muruk. ¹¹Nang in waru ka kuunii ti ta gurang in mini ti la-geje nang tei in warin ti nonto. ¹²Nang me an yiu shubetnii in waru, in shar kumai, in wa nani. Ka biino te, shinui in wanna in wa tewi ti Yeesho.¹³Nang bara ye Yeesho yaaraa we te, shii in wessho po teere in ti ta gong in waani piree a doo niyom. Bara ye jimai yaaraa piri, shinui in yiu biinii ka sho ti tarang gok-minai. ¹⁴Nang Yeesho in waru toomjui in we shik gbong jimai. Shii in kunngo shinui in shemo tassho bau shikjui.¹⁵Bara ye kiryippa yuwaa, me an yiu shubeti in waru shiknii in tewi ta shinui ya, "Po tenei ta shwee, kan darang fuwaa po shuwaro. Li bi jimai, longku shinui in wangro tarang meno-mina in pi-pillin weshiina ti kuuju."¹⁶Pene Yeesho in tewon ti shinui ya, "A doo ye shinui po koojum. Ma minin wee shinui po shaani." ¹⁷Shinui in tewon ti shii ya, "Wee min kan tei bara appan we-ta-kele shin fuwat kan shirim shin palau." ¹⁸ Yeesho in tewi ya, "Ma warin nen ka shinui wono."¹⁹Nang Yeesho in tewi ti jimai mo dijiyaju dijiyii ti ku shwee. Shii in shokro appan we-ta-kelei fuwati kan shirim palawi In deero dooni ti ku-dang, shii in liin kpang kan in beblo ta appan we-ta-kelei in mibinna ti me an yiu shubetni, me an yiu shubeti in bwatton ti jimai. ²⁰Shinui in shuyyina in kemreju. Nang shinui in paplo dogi beblan ta weshiinai kemran ganga kpumu gee-palau. ²¹Me shuyyaai memme shin shig dok sho naa-fuwat, kaananii shereb kan shiba.²²Kpantidi shii in li me an yiu shubeti in reeju ta gongi in kooju ti toomni we war jeleno yen dok, koddii shii in li bi jimai.²³ Ka bi ye shii liyaa bi jimai, shii in ammoni ku sheela ka we fo-fok. Bara ye kiryippa yuwaa, shi dokni ti po teere. ²⁴Pene gongi tida ti nangshakki paali, shum-doo in ti minin shilibi ti shinui kan pirit in ti kudo piree kan shinui.²⁵Pelle yaan kwii fee an palawi, Yeesho in tumjuru waru piree kan shinui, in ti yuuru mere ti ku paali. ²⁶Bara ye me an yiu shubet weyaa shiknii ti ku yuuru mere ti ku paali, shinui in turmoju kan in ti tewi ta shinui ya, "We tei an sha-duwa," nang shinui in ya yallo kan bangi. ²⁷Pene Yeesho in yuurin paaro ti shinui kan talii ya, "A weenan dokom! Tenei Ne! Ma wessho ya shewoi."²⁸Biiturush in lignon ti shii ya, "Fo-mina, maa ke, min kumen ti ne nen waru shikko ti ku dooi." ²⁹Yeesho in tewi ya, "Waru." Longkuono te, Biiturush in peren nin ti ta gongi in ya mere ti ku doo ka we war piree kan Yeesho. ³⁰Pene bara ye Biiturush weyaa shik pirit, shii in ya shewo. Kaa ye shii yikka shaani gun doo, shii in yallina in tewi ya, "Fo-mina, kaurono!"³¹Yeesho kpantidi in shou kirani, in yiru Biiturush, nang in tewon ti shii ya, "Ke mo kan kattan lishaari, longku wen ke ti ya gbobgbobi?" ³²Nang bara ye Yeesho riyaa ta gongi, piriti in sherero. ³³Nang me an yiu shubeti me ti ta gongi in wau Yesho kan in ti tewi ya, "Kulli kei Laano Yamma."³⁴Koddi ye shinui teeleju won, shinui in waru ta manni buki yaa Jenishereeta. ³⁵Bara ye memme po teere jemlaa Yeesho, shinui in shur me an shuran ti koo tong ti ta kpakan-fok po teere, nang shinui in wangittin ti shii ka koo nong ye shikii bangum. ³⁶Shinui in beng shii ya mo shin bara tau po gerang lannanii, nang me ding taka shiki, shinui in tasshaju.

Chapter 15

¹Nang peddi Parishaawai kan me an-balilo-we shinui in waru shikno Yeesho ti Urshalilima. Shinui in tewi ya, ²"Longku wen me an yiu shubetko ti kuroju yiu bi waari me an toomi? Longku shinui a ti fuddo kiraju ka we shaanim." ³Yeesho in liginna in tewon ti shinui ya, "Nang longku wen ma sheema ma ti au shoo ma ti ta ku shorono Yamma ka longku waarimai?⁴Longku Yamma tenna ya, 'Min gba ti foko kan nonko.' kan 'Shi mo teka piire ti shikno foni koo nonni kulli shii ta murani.' ⁵Pene ma mondok maa teka ti foni yei nonni ya, "We shawo ye milam ma ta weyani ti kiranoi, ne fuwaa po wakani ti Yamma," ⁶nang shii a min gba ti me an parini ka weenim. Kaa ye shigan paarono Yamma we waani ka longku waarinma.⁷Ma me an wawoa ado! Kaa te ye Isheya yuwaa pigra ti kuuma ye shii teka ya, ⁸'Memme shurme te ti minno gbai ka dii ku-fok, pene poshaariju tali ti piree kan ne. ⁹Shinui ti waunoi ta meere longku shinui ti shuppina kaa waariju yei pekro memme.' "¹⁰Nang shii in ye jimai ti jeleni in tewon ti shinui ya, "Ma yaaro man peni. ¹¹Adoo wee ti ri ta fok niyo ye ti daklo niyom. Kan ye kaa teere, wee ti peru ti ta fok, teerei wee ti daklo niyo."¹²Nang me an yiu shubeti in waru in tewi ti Yeesho ya, "Ke penaa Parishaawa yuwaa den koddi ye shinui paaro te ya?" ¹³Yeesho in liginna in tewi ya, "Pere alau buk ding ye Fono ti ku-dangii tobbom ta ugron kan shoorini. ¹⁴Ma wesshon shinui wei, shinui me an fugum me an yiu toom me an fugum. Ma niyo an fugum maa ti yiu toom niyo an fugum, shin ding ta shuwani ta jwal."¹⁵Biiturush in liginna ya, "Teumu wee temoi ta shuklani." ¹⁶Yeesho in tel shinui ya, "Bambirma ti shakki kenni penani ya?" ¹⁷Ma ti we wee ding ti ri ta fokti shaajui ta vungul ka bi in pereju ti ta oppan ta buk laa maa?¹⁸Pene wee ti peru ti ku fok, ti perui ti poshaari. Shinui wee ti shiwan niyoi an doon. ¹⁹Longku ti poshaari ti perui piire nyimmo, kaa, tuk niyo, shomak, doon, jiri, jimro-shaba, kan daklo shommo peddi. ²⁰Meen shurme tei me ti niyo in yooni mo an doon, pene sha weshiina ka kira yei fuddanim teerei wee ta li niyo in yooni mo an doonum."²¹Nang Yeesho in wessho po teere in wanni ta buk Taaya kan Shiidon. ²²Ti po teerei ka paamun Kanaana ti ta buk teere in waru shiknii ka yallo ya, "Fo-mina, Laano Dauda, kunngono! Ka laano La paamun ti ku taa shilibi kping ti kira shaabug." ²³Pene Yeesho a lignon paaro ti teim. Me an yiu shubetnii in waru shiknii in beng shii ya, "Li biiroi won, longku tei ti ku ya bobak ti biimu kama."²⁴Pene Yeesho in lignna ya, "A shurino ti shikno koo nongum, bara ti shik shkan dinnyi mina Ishereila." ²⁵Pene tei in waru in juunaro juunii ti toomnii, in ti tewi ya, "Fo-mina, shauno." ²⁶Shii in lignon ti tei ya, "A nenno in shar we-ta-kele shiba in vingi ti shiba bayum."²⁷Tei in tewi ya, "Oo ta Fo-mina, pene koo shiba bai ti sha dogi nyittan ta wee shugyaa ti ku dangla sha weshiina fo-minaju." ²⁸Nang Yeesho in lignon ti tei ya, "Paamun, lishaariji gba, shero mo yooro ti piree kan shi kaa ye shi lekan." Kpantidi lairo in we bang shikro ti ta koddi teerei.²⁹Yeesho in wessho po teere in wanni nimmi kan shakya Galiili. Nang shii in ammani ku gungum in deeni ti po teere. ³⁰Gbong jima in waru shiknii. Shinui in wangittu ka me shwei muraaro, me an fugum, me kuulei, me baaba kan peddi gbe, in galin shinui ti toomnii, nang shii in niyan ka shinui. ³¹Longkuuno te, jimai in ya maam ye shinui weyaa me baabai yikka ya paaro, me kuulei yuwaa bang, me shwei muraaro in yiu ya mere, kan me an fugum in yiu we ta piri. Nang shinui in yiu kum pinno Yamma Ishereila.³²Yeesho in ye me an yiu shubetni ka nimmi in tewon ti shinui ya, "Ne ti kunngo jimai longku ye shinui diyaa kan ne po shaklo tat, nang shinui akan wee po shaanim. Nei lewo li biijui kan kpiyamum, yoo shinui wa yiu shugyani ti koko." ³³Me an yiu shubeti in lignon ti shii ya, "Kama ta weeru appan we-ta-kele duum-duumii ti tong ti ta shwee te ka we fu-fok gbong jimai tei?" ³⁴Yeesho in tewon ti shinui ya, "Appani ti yaa ye ma kan tei?" Shinui in liginna ya, "Appani shin parilau, kan nyamli shirim." ³⁵Nang Yeesho in tewon ti jimai mo deeju dii ti buk.³⁶Shii in shokro appan we-ta-kelei kan nyamli shirimi, kan in pammina, shii in beblo ta appani, in minin ti ti me an yiu shubeti. Me an yiu shubeti in minin ti jimai. ³⁷Memmei ding in sha ta shinui in kemreju. Nang shinui in ganglo do dogi ganga parilau kemrii kan beblan ta dogi ye diyaa. ³⁸Shin me shuwaai shwiji shig dok sho naa-peereu, kaananii shersb kan shiba. ³⁹Nang Yeesho in li bi jimai in shemo reeni ta gong in wanni ta kpakan-fok buk Mageedan.

Chapter 16

¹Parishaawa kan Shadukiyaawa in waru shikno Yeesho longku in nau shii mo shukyo temo ye ti ku-dang. ²Pene shii in liginna in tewon ti shinui ya, "Ma kiryippa maa yuwaa, ma ti tewi maa ta piri ta ya kpang dwei, longku ku-dangi gakal.³Maa ka shaat , ma ti tewi maa booi ta ya pirit doo, longku ku-dangi gakal kan wiila ta piri.' Ma penaa ye ma po tewani kaa ye ku-dang danngan pitto, pene mai peno ye ma po twaalon-do temo koddim. ⁴Piire ku-kira me an shomak kan me an wau shuuro ti gassho koko po we shik we temo, pene a doo we temo ye shuklonum, bara temono Yunaana." Nang Yeesho in wessho shinui in kooni won.⁵Bara ye me an yiu shubeti fooraa awo nan dok, pimbirim jiyee shar we-ta-kelei sheka me an yiu shubetno Yeesho. ⁶Yeesho in tewon ti shinui ya, "Ma jooro kpang man ti shero ma bang ka longku yiij Parishaawa kan Shadukiyaawa." ⁷Me an yiu-shubeti in deppina ti shakkiju in ti tewi ya, "We tei longku ye kamai sharu we-ta-kele ti kiramu kamam." ⁸Yeesho penaa nyimmojui, in liginna ya, "Ma me an kattan lishaari, longku wen ma ti ku deppani ti shakki ma maa a doo we-ta-kelemmi?⁹Ar wende mai pena kan nyimmo ti ku awan we-ta-kele fuwat ye niyon-ding shig sho naa-fuwat shuwaa kan dogi in kemro ganga ye man shaddina maa? ¹⁰Kan awani shin parilau ye niyo shig sho naa-peereu shuwaa kan dogi kemran ganga ye ma shaddaa maa?¹¹Ka yee ye mai peno ne tai ku yuuma paaro ka longku we-ta-kelemmi? Ma shero ma kpang man ti jooro yiij Parishaawa kan Shadukiyaawa." ¹²Nang shinui in peni a ti sheeroju paaroi ka longku jooro yiiji ye ti showi ti ta nyee we-ta-kelem, penei ka longku shubetParishaawa kan Shadukiyaawa.¹³Wende koddi ye Yeesho wanna ta kpakan-fo buk nimmi kan Kaisheeriya ye ti Pilibi, shii in tel me an yiu shubetni ya, "Ma ti tewi maa La Niyoi nong? ¹⁴Shinui in liginna ya, "Peddi ti tewi ya kei Yuwaana an Yulma, peddi yaa Ilya, kan peddi yaa Irimiya yooi dok ti shakki me an pigra." ¹⁵Shii in tel shinui ya, "Pene ma sheema ma ti tewi maa nei nong?" ¹⁶Nang Shimon Biiturush in liginna ya, "Kei Kiriti, Laano Yamma mo kan dwei."¹⁷Yeesho in liginna in tewon ti shii ya, "Kpangii sheeko ta Shimon laano Yunaana, longku a Shukloko wei tei niyom, penei Fono mo ti ku-dang. ¹⁸Ne ta teuko birang na kei Biiturush, kan ti ku karinkasshi te ne ta digin memme me an yiu biino kan po-dang mina deet a ta yek bangim.¹⁹Ne ta minko we au po-dang po ya-gub ku-dang. Birang wee ma kpakkaa ti ku-buk, ta kpakkoro ti ku-dang, kan wee ma ta piddani ti ku-buk ta piddani ti ku-dang." ²⁰Nang Yeesho in tol kumo me an yiu shubetni mo shinui wessho tewani ti niyo dok ya shii Kiritii.²¹We yĩnna tĩ ta ƙɔɗɗĩĩ, Yeesho ĩn yĩʊ twaalo do paaro ti me an yiu shubetni ya yiika ti gbare-do, shin war Urshalilima, shin taa shilibi peeni-peeni ti kira me an toom, kan mongba me ankpaa kan me an shubet ti ta shorono Muuja, ta tukni, kan ta illani kan dwei ti ku darang an tat. ²²Nang Biiturush in ye shii ti jele in pekro shii ya, "Mo we te yooro tali kan ke, Fo-mina; mo we te wessho yooro ti shikkoi." ²³Pene Yeesho in shiwa dooni in tewi ti Biiturush ya, "Meeko ta biino ta shuuro! Kei we kulnya ti piree kan ne. Longku kei turmo ka wee weeno Yammam, penei ka longku we memme."²⁴Nang Yeesho in tewi ti me an yiu shubetni ya, "Maa mo leka yiru biino, shii ta kura kuuni, in shar biro loo-kukuni in yiru biino. ²⁵Longku maa mo leka kauro kerangni ta shekon ka te, kan mo shekan ka kerangni ka longkuuno, shii ta weyani. ²⁶Longku Kpangii shire ye mondok in we ku-buk te ding, in kaano we kerangnii? Nang wo wenee ye La Niyo ta minani ka we paaro-ku kerangnii?²⁷Longku La Niyo ta waru ti ta shokranno Foni kan me an shuran. Nang shii ta min we shikshuranno koo nong kaa ye yuwaan shuranni. ²⁸Ne ta teuma yen kulli, peddi shengrii ti po lee ye shinui a ta nau murom in tang waraa we shik La Niyo ta waru ti ta gubni."

Chapter 17

¹Ka bi shaklo paragbanang, Yeesho in ye Biiturush kan Yuwaana mollo Yaakubu in ammon shinui ku joori sheela nang in deeju ku jwalju. ²Ti po teerei shiknii in paaro-kuuro ti toomjui. Adoonii in ti eena kaa aaro darang, kan lanna shikni in yooro yen pek sha-shak kaa aaro.³Kpantidi, nang Muuja kan Ilya in peru in ti yuun paaro kan shii. ⁴ Biiturush in tewi ti Yeesho ya, "Fo-mina, yuwaa kpang ka longkuumu kama ye kama ti po te. Ke maa kunnga, Ne ta limma tam tat, dokii sheeko, dokii sheeno Muuja kan dokii sheeno Ilya."⁵Kaa ye tida shii ti ku ya paaro, kpantidi shungu ye pe in kau kuujui, nang ele ti ta shungui ya, "Sheyyei laano, ye ne leka, nen ti sha tomoni kping. Ma yaaro shii!" ⁶Bara ye me an yiu-shubet yaaraa kaa te, kan shewoi, shinui in shugiyya adooju ti buk. ⁷Nang Yeesho in waru in tau shikjui ya, "Ma wessho ya shewoi, ma illo." ⁸Nang shinui in deero dooju pene shinui a wa shik manni niyoim, bara Yeesho shi dokni.⁹Kaa ye shinui ti ku shaarin ti ku sheelai, Yeesho in tol kumojui ya, "Mo ma tewo ti mondok wee ma weena shikim we war koddi ye La Niyo ta illon ti shakki kuma." ¹⁰Me an yiu-shubetnii in tel shii ya, "Longku wen me an shubet shiire teka ya ta shirui Ilyai?"¹¹Yeesho in lignon ya, "Kulli Ilya ta waru, shii ta limma we dind. ¹²Pene ne ta teuma, Ilya fuwaa po warini, nang shinui a jemlo shiim, pene shinui yuwaan wee leka ti shiknii. Kaa te, La Niyo ta waraa taa shilib ti ta kirajui." ¹³Nang me an yiu shubeti in peni shii ti ku yuuju paaro ti kuuno Yuwaana an Yulma.¹⁴Bara ye shinui foonna piree kan jimai, manni shwijii in waru shiknii, in juunani ka po vurumi ti toomnii in tewi ya, ¹⁵"Fo-mina, kunngo laano, longku shii ti kpissho-biro, birang shii ti taa shilibi kping. Sho gbe ye ti shugna ti ta deet dangii ta doo. ¹⁶Ne wannan ka shii ti me an yiu shubetko, pene shinui a dum niyan ka shiim."¹⁷Yeesho in liginna in tewi ya, "Ai ma ku-kira te, me an kenni lishaari kan me an shek, we war dimin ye ne ta diyani kan mai? We war dimin ye ne ta kurmo mai? Warin nen ka shii wono." ¹⁸Yeesho in pekro shaabugi, nang in perenjun ti shik lai, nang in tasshani ti ta koddi teere.¹⁹Nang me an yiu shubeti in waru shikno Yeesho ku-jalju in tewi ta shinui ya, "Longku wen ye minui dum foranimmi? ²⁰Yeesho in lignon ti shinui ya, "Longku ma kan kattan lishaari. Longku Ne ta teuma yen kulli, mam maa ka lishaari kaa ar-tinnyak, ma ta dum tewani ti sheela ye maa, "Geyaji won ti po lee' nang ta giyaro. A doo wee ma ta dum yaanim. [ ²¹Ai peenno tr a ti perim nang bara ka for-fok kan yiu fok ]"²²Ye tida shinui dii ti Galiili ka shaayi, shii in tewon ti shinui ya, "Ta waraa min La Niyo ta kira memme, ²³kan shinui ta tuk shii, nang ti ku shaklo an tat shii ta illani kan dwei." Nang me an yiu shubeti in turmoju kping.²⁴Bara ye Yeesho kan me an yiu shubetni fooraa Kaparnaawum, me an yiu kine-buk ta mina Yamma in waru shikno Biiturush in tel shii ya, "An-shubet ma a ti anngoo kine-buk ka longku minna Yamma maa?" ²⁵Shii in liginna ya, "Oo." Koddi ye Biiturush riina ta minai, Yeesho in yuun paaro ti shii ka toom ya, "Ke nyimmaai wen Shimon?" Me an gub ku-buk te ti yiu kine shoro kan bukii ti kira pitte, ti kira shibaju ya nangii ti kira peddi shiba memmei ya?"²⁶"Biiturush in liginna ya, "Ti kira peddi." Nang Yeesho in tewon ti shii ya, "Nang shibai a taajum." ²⁷Pene ka longku yoo kamai daklo ta aa me an yiu kine-bukim, Koo ke war ta shakya Galiili, ken vingin kokman fiik yiu shirim. Shirim ye ke yikka ka toomi, ken au ta foki, nang ke ta waan laa bela ye ta ker anngo kine-buk sheeno kan sheeko."

Chapter 18

¹Ti ta dob-dob koddi teere me an yiu shubet in waru shikno Yeesho in teli ya, "Wo nongee ye yeka gba ti ta po ya-gub ku-dangi?" ²Yeesho in ye la la-wiiu ti jeleni, in sheron ka shii ti po sheri ti shakkijui, ³in tewon ti shinui ya, "Ne ta teuma yen kulli, mam maa paaro-ku mere ma man yooma kaa nyitti shibam, ma ta dum ri ta gubno Yammam.⁴Longku kaa te, maa mo muraa kuuni kaa la la-wiiu te, shii mo kan gbai ti ta po ya-gub ku-dang. ⁵Maa mo minna wanniya ti la-wiiu la ye ti ta shommono, yikkai ne. ⁶Pene ma mondok maa liyaa dok ti shakki nyitti shiba me me shinui kunnga kan ne in ya shasshalau, ta ya kpang in loon gbong vin issho-we ti ta bongi, in shen biinii ti ta paali yen joori.⁷Dogii she ku-buk ye ti li memme in ya kulnya. longku yikka ti gbare-do we kulnya shurme in waru, pene dogii sheeno mo we kulnya teere wannan ti shiknii! ⁸Ma kirako yei shooko maa ti liiko ya shasshalau, peero ken vingi won. Ta yuuko kpang ken ri ta kerang po-ding ka gbittum kira yei sho kan ye ke kan kira palau yei sho palau in vingko ti ta deet po-ding.⁹Ma adooko maa ti liiko kulnya, kpikullo ken vingi won. Ta yooro kpang ti piree kan ke ken ri ta kerang po-ding ka adooko dok kan ye adooko palau in vingko ti ta deet shwal.¹⁰Ma jooro,mo ma beko dokti shakki nyitti shiba mem. Longku Ne ta teuma me an shuran me ti ku-dang, kpaaliya ding ti war toomno Yamma ka kwii nyitti shiba me. ¹¹[Longku La Niyo wannai kauro me sheka].¹²Ma ti nyimminai wen?Ma mondok maa kan dinnyi shig-dok, nang dokti shakkijui in shekero, shii a ta wessho naa-fejereu kan fejereu ti toom gungumi in waraa gassho biino ye shekaroi maa? ¹³Ma shii maa weena, Ne ta teuma yen kulli, shii ta ya beere ti ku dok ye weenai ti ku naa-fejereu kan fejereu mei shekommi. ¹⁴Kaa te a lewanno Fo-mina dok ti shakki nyitti bangru-gurang in shekim."¹⁵"Ma molko maa yuwaako shasshalau, war shiki ken tewon kelnyoni, shakki ma maan kaji ma palau. Ma shii maa keyaa kumoni ti shikko in yaaroko, nang ke kawirra molko. ¹⁶Pene ma shii maa yaarokom, yo niyo dok yei palau man war shiknii, longku we ding mo yooro kan me an jimro-fok palau yei tat.¹⁷Birang ma shii maa kuraani yaaro shinui, sheero gun paaro ti msan balla. Birang ma shii maa kuraani yaaro me an ballai, shero mo shii yooni kaa mo ta dil kan mo an yiu kine-buk.¹⁸Ne ta teuma yen kulli, wee ma daka ti ku-buk ta yooro dawani ti ku-dang, kan wee ma piddaa ti ku-buk fuwaa po piddani ti ku-dang. ¹⁹Birang Ne ta teuma, ma palau ma maa kunnga ti ku wee shin bennga, ta yoon ten ti shinui ti piree kan Fono mo ti ku-dang. ²⁰Longku piree palau yei tat galaa ti ta shommono, ti po teerei ne ti shakkijui."²¹Nang Biiturush in waru in Yeesho in tel shii ya, "Fo-mina, sho tiyee ye mollo ta yuuno shasshalau ye nen ti fulin bii? sho parilau?" ²²Yeesho in tewon ti shii ya, "Nei teuko na sho parilawum, pene naa-parilau sho parilau.²³Longkuuno te, po ya-gub ku-dang kaa dob-dob manni gubi ye leka in pen kpalan-ku birmani ti kira me shookni. ²⁴Kaa ye shii liyaa gun yippo guni, dok ti shakki me shookni ye shii ta yiu biinii kine shig-kpumu sho shig-dok in warin shii toomnii. ²⁵Pene kaa ye shii akan koko po anngoo shiim, nang fo-minani in min kumen ya mo pilin ka shii kan mannani kan shibani kan wee shii kan te ding, nang in anngonnin.²⁶Longku kaa te, nang shooki in shuwan ti toomnii, in tewi ya, "Fo-mina, kunngono, nang ka bi ne ta anngoko koo wen.' ²⁷Nang fo-minai shook teerei, kaa ye shii kenngeni ka kunngo, in shemo foran kira ka shii kan in tukku jannii.²⁸Pene shook teere in peri in wa we jeenni shook, mo ye shii ta yiu bi dinaari shig-dok. Shii in mwassho shii, in yiwin shii ti gooroki, in tewi ya, "Anngono wee ne ta yiwin biiko.' ²⁹"Pene jeenni shooki in shuwan ti toomi in ti beng shii ya, "Diijikujum, kunngono, kan ne ta anngoko bi weeko.'³⁰Pene yen dok shookiin kurani. kan ye kaa teerei in wanna in wa ving shii ti ta mina muruk we war koddi ye shii ta anngon wee shii ti ta yiwin biinii. ³¹Bara ye me jeenni shooki weyaa wee yuwaaro, shinui a shu tomonim. Shinui in wanna in wa tewi ti fo-minaju wee ding yuunaro.³²"Nang fo-mina shook teere in ye shii, in tewon ti shii ya, "Kei mo piire shook, ne wesshaako janno teere ding lonngku ye ke benngano. ³³Ke sheeko ke ta kunngo jeenniko, kaa ye ne kunngooko maa?'³⁴Fo-minanii in ya den ar in min shii ti ta kira me an kpakki mo kpakko shii kan minin shilibi, we war koddi ye shii ta an anngon jan ye ding ta yiwin biinii. ³⁵Kaa te ye Fono ti ku-dang ta yuuma ye mam maa wessho ti ma molon ma ka poshaari dokum."

Chapter 19

¹Ti ta dob-dob koddi ye Yeesho wiilaa po sheero we te, shii in wessho Galiili in wanni ta buk Yawuudiya ti jele shiiruk Urdun. ²Gbong jima in yiu biinii, nang shii in tassho shinui ti po teere,³Parishaawa in waru shiknii, in ti nau shii ya, "Nennaa niyo in tuk diyaano mannani ti ku manni wei dokro ya?" ⁴Yeesho inginna in tew ya, "Mai maaro ye ya mo yuuna shinui ti liyan guni yuunai shwiji kan paamun maa?⁵Shi mo yuuna shinui birang in tewi ya, "Ka longkuuno te, shwiji ta wessho foni kan nonni in mayani kan mannani, kan shin palawi ta yooju lo-shik dok.' ⁶Longku kaa te, shinui birang a palawum, pene dok. Longkuuno te wee Yamma mayaa ka shaayi, shero mo niyo wessho jaaro tai."⁷Shinui in tewon ti shii ya, "Longku wen ye Muuja pekraamu ya mo minu min takarda tuk diyaa kan minun kai biiroi woni?" ⁸Shii in tewon ti shinui ya, "Longku bang poshaari ma, Muuja kunnga ma mo ma tuk diyaa shereb ma, pene ti liyan guni akaa teerem. ⁹Ne ta teuma, maa mo tuka diyaa mannani, a ti ku doon shomakum, kan in digani manni, yuwaa shomak; kan niyo ye diga paamun ye tuka diyaai yuwaa shomak."¹⁰Me an yiu shubuti in tewiti Yeesho ya, "Maa kaa te ti ku paaro ye kan shwiji kan paamun, a yu kpang in ya diyaam." 11 Pene Yeesho in tewon ti shinui ya, "A niyo ding ye ta kumani kan shubet tem, pene bara ti me kunnga ta kumani. ¹²Longku shinui me fwara kaa ye pattinan shinui kaa te ti ta aano nonju, ka me memme shigan shinui fwara, peddi kurooju ya diyaa ka longku ri gubno Yamma. Maa mo ta dum kumani kan shubut te, shero mo shii yiu te.¹³Nang shinui in wangittu ti shii ka peddi nyitiri shiba longku in liin kira ti kuujui in forin-fok, pene mean yiu shubet in pekro me wannan ka shinui. ¹⁴Pene Yeesho in tewi ya, "Ma wessho nyitti shiba, kan mo ma beelo shinui waru shiknom, longku po ya-gub ku-dangii ti peenju." ¹⁵Shii in liin kirani ti ku nyitti shibai, nang shii in kooni ti po teere.¹⁶Wende manni niyoi in waru shikno Yeesho in tewi ya, "An-shubet, wo ween kpang wen ye ne ta yaani kulang nen waan kerang po dingi?" ¹⁷Yeesho in tewon ti shii ya, "Longku wen ke ta tello ka longku ween kpangii? Ween kpangi bara dok waani, pene ke maa leka ri ta kerang po ding, jooro shoro shurme."¹⁸Niyoi in tewon ti shii ya, "Wo shoro shire?" Yeesho in tewonti shii ya, "Moko tuk niyom, moko yyu shomakum, moko yu jirim, moko yu jimro-shabam, ¹⁹min gba ti foko kan nonko, kan ken leu an-ganglangko kaa kuuko."²⁰La-kparin shurme in tewon ti shii ya, "Ne jooraa ween shurme te ding. Ne leka birangii wen?" ²¹Yeesho in lignon ti shii ya, "Ke maa leka ken yooko dob, koo, piplon ka wee ke kan te, ken mini ti me an kenni, nang ke ta yooko kan birma ti ku-dang, kan ken waru ken yiru biino." ²²Pene bara ye la-kparini yaaraa wee Yeesho teka, shii in kooni ka gbanan-ta-gongo, longku shii mo kan birma gbe.²³Yeesho in tewi ti me an yiu shubetni ya, "Kulli ne ta teuma, ta yooro shilib ti piree kan niyo an birma in ri ta po ya-gub ku-dang. ²⁴Birang ne ta teuma, ta yooro maj-maj ti piree kan penwe in ri ti jwal yiri kan niyo an birma in ri ta po ya-gubno Yamma."²⁵Bara ye me an yiu shubet yaaraa kaa we te, shinui in ya maam kping kan in ya telyo ta ya, "Wo nong ta dum we markui?" ²⁶Yeesho in gee shinui in tewon ya, "Ti piree kan memme a ta dum yoorom, pene ti piree kan Yamma koo wen ta dum yooro." ²⁷Nang Biiturush in liginna in tewon ti shii ya, "Gee, min wesshina koo wen minun yiru biiko. Wo wen nang ye min ta weyanii?"²⁸Yeesho in tewon ti shinui ya, "Ne ta teuma yen kulli, ti ta koddi ye ta paaro-ku we ding, koddi ye La Niyo ta deeni ti ku shokran juk po ya gubni, in ti shiiro po-peen Ishereila kpumu gee-palau.²⁹Koo nong ye wesshina mina, kan ma molon men shwiji, kan men shereb, kan fowi, kan noni, kan shiba, yei doong ka longku shommono, shii ta we we-shik shuranni ye yeka sho shig-dok kan shii ta we kerang po ding. ³⁰Pene me gbe ka toom ta yooju me an gbattokro, kan me an gbattokro ta yooju me an toom.

Chapter 20

¹Longku po ya-gub ku-dang kaa mo an-ku doong ye peraa kan vubnai ka we waraa pal me an shuran ka we ya shun ti ta doongni. ²Ka bi shii in kumi ta anngo shinui dinaari dok ti ta darang, shii in shur gunjui ti ta doongni.³Shii in peri birang pelle ks dad-darang in wa we peddii shengrii ti ku-dam po piplo-we dijiyii waani. ⁴Shii in tewon ti shinui ya, "Ma sheema, ma koo ma wa yu shuran ti ta doongno, ne ta waraa anngoma wee nennaa ma.' Longku kaa te shinui in koo waraa shurani.⁵Nang shii in peri birang ka pelle shere darang kan pelle ka kettan darang in ya kaa teerei. ⁶Birang in peri ta shii pelle ka bukan po darang, shii in wa we peddi shengrii waani. Shii in tel shinui ya, 'Longku wen ma shengrii ti po ka darang waanii?' ⁷"Shinui in lignon ti shii ya, "A doo niyo sharaa mum.' Shii in tewon ti shinui ya, 'Ma sheema ma koo man wa ya shuran ti ta doongno.'⁸"Bara ye kiryippa yuwaaro, an ku doong inaabii in tewi ti la an fokni ya, 'Yo me an shurani ken wa anngo shinui we shik shuranju, li guni ka mo wanna ka bi we war ku me wanna ka toom. ⁹"Bara ye me an shuran me wanna ka bukan po darang koo nong in yiu dinaari dok. ¹⁰Nang shin me fooraa ka toomi in waru, shinui in li shaari shin ta yiwanii dinaari gbe. Pene koo nong ti shakkijui in yiwii dinaari dok.¹¹Bara ye shinui fuwaa po yippani, in yiu kpanglo den ta shinui kan mo an ku doongi. ¹²Shinui in ti tewi ya, 'Shwiji me wanna ka bi, yuwaa shuranii po koddi dok waani, nang ken anngomu po shaayi kan shinui min me sharaa tira shurani kan den darangi.'¹³"Pene mo an ku doongi in liginna ti mo dok shakkijui ya, 'Jeereno, nei yuuma wee daklanim. Mai kum ka toom maa ma ta ya shurani ti ku dinaari dok maa? ¹⁴Yiu we shik shuranko ken kooko. Lewanno nen min ti shwiji me ne yeena ka bi po shaayi kan ke.¹⁵Ne ta dum ya wee ne leka ka kineno maa? Nangke ta ya mwisshi ka longku ye ne kan kpang poshaari ya?' ¹⁶"Kaa te me an gbattokro ta yooju me an toom, me an toomi in yooju me an gbattokro."¹⁷Kaa ye Yeesho ti ku ammo Urshaliima, shii in ye me shin kpumu gee-palawi ti jele, kan ti ku kokoi shii in tewon ti shinui ya, ¹⁸"Ma gee, kama ta ammo Urshaliima, kan ta waraa min La Niyo ti mongba ankpaa kan me an shubet shiire. Shinui ta karin kelmo muro ¹⁹kan ta min shii ti mei Yawudaawam ka we nwinnyo foknii kan bir shiknii in sheewo shii. Ti ku shaklo an tati, shii ta illani kan dwei²⁰Nang non shibano Jebedi in war shikno Yeesho ka shibaro,in juunoro juunii ti toomnii, in beng manni wei ti piree kan shii. ²¹Yeesho in tel tei ya, "Shi lekai wen?" Tei in tewi ya, "Li shibano palau me, dok ti ku kirako temme kan dok ti ku kirako jiyau, ti ta gubko."²²Pene Yeesho in liginna in tewi ya,"Mai peno wee ma po benganim, ma ta dum she doo ta kuuro ye ta waraa sheyani ya?" Shinui in lignon ti shii ya, "Min ta dumani." ²³Shii in tewon ti shinui ya, "Kulli ma ta dum sheyani ti ta kuurono, pene diyani ti kira temme yei ku kira jiyauno a ta minanii nem. Fono moti ku-dang limmaa po sheri teerei ka longku me shakkaa." ²⁴Bara ye dogi kpumu ti shakki me an yiu shubeti yaaraa kaa te, shinui in yiu ya den ka ma molon palau me.²⁵Pene Yeesho in ye shinui ti jeleni kan tewon ya, "Ma penaa me an gub mei Yawudaawam tappaa kuujui, kan men gbidinaju ti shuklo bangjui ti kuujui. ²⁶Pene akaa ti piree kan kamam. Kan ye kaa teere, mo leka shiwani mongba ti shakki ma yikka shii ti gbare-do in yooni shook ma, ²⁷kan mo leka yooni an-toom, yikka shii ti gbare-do in yooni shook ma. ²⁸Kaa ye La Niyo wannai ka longku in wau shiim, nang bara longku in ya wawo, kan in min kerangni ka longku marku memme gbe."²⁹Kaa ye shinui pereeju ti Jeeriko, gbong jima in yiu biinii. ³⁰Ka me an-fugum shin palau dii ti jele koko. Bara ye shinui yaaraa ya Yeesho ti ku kowani, shinui in showin ka yallo ya, "Fo-mina, Laano Dauda, kunngomu." ³¹Jimai in pekro shinui, in ti tebron ti shinui mo yu yititi, pene shinui in tokko-shaari yallani bang ya, "Fo-mina, Laano Dauda, kunngomu."³²Nang Yeesho in shereni in ye shinui in tewi ya, "Ma leka nen yuuma wen?" ³³Shinui in tewon ti shii, "Fo-mina, min ya adoomu daa akaro. ³⁴"Nang Yeesho, kemii ka kunngo, in tau shik adoojui. Kpantidi, shinui in yiu we ta piri, nang shinui in yiwaju biinii.

Chapter 21

¹Kaa ye ma Yeeshi kan me an yiu-shubetni nennga Urshaliima kan shinui foonna Betapaaji, we war shik Sheela Jaitun, nang Yeesho in shur palau ti shakki me an yiu-shubet ²in tewon ti shinui ya, "Ma war meno-minai ye ti toom, nang kpantidi ma ta we girbi tooi ti po teere kan laaro. Ma piddiru shinui man warin nen. ³Ma mondok maa yuwaa paaro ka longkuuno teere, ma ta tewon maa, 'Fo-mina leka shinui,' kan niyo teere kpantidi ta liiru ma bii ma kan shinui."⁴Wende tenei yuwaaro kaa tei longku in kemro wee sheeraa ta mo an-pigra. ⁵"Ma tewo ti memme Urshaliima, 'Gee gubji ta waru shikji, shii mo an mur-ku ta waru ti ku girbi.' Ti ku la-girbi yen shwiji.' "⁶Nang me an yiu-shubet in wanna in wa ya kaa ye Yeesho tekan ti shinui. ⁷Shinui in warin ka girbii kan laaro kan in lippan lannaju ti ta bi,nang Yeesho in deennin ti kwi. ⁸Jima memme gbe in wejiyon lannaju ti do kokoi kan peddi in keyyiru kira biro dabiino in wejiyon ti ku kokoi.⁹Nang Jimai me kooka ti toomno Yeesho kan me yinna biinii ti ku yallo ya, "Shokranii weeno laano Dauda!" Kpangii weeno mo ta waru ti ta shommono Fo-mina! Shokranii weeno Yamma ti ku-dang bak!" ¹⁰Koddi ye Yeesho fooraa Urshaliima, me ti tarang minai ding gbob-gbob in yiu shinui nang in ya telyo ya,"Tenei nong?" ¹¹Jimai in liginna ya, "Tenei Yeesho, an-pigra ye penna ti Naajeret ye ti Galiili."¹²Nang Yeesho in ri ta kudam mina Yamma. Shii in kajiyo bime an pilani kan pilin ti po teere ding. Shii in bubro dangla me an paaro-ku kine kan gburam me an piplani ka bakri. ¹³Shii in tewon ti shinui ya, "Ballii ya, " 'Minanoi mina po for-fok,' pene man shiwan vuluk po latto shik me an-jiiri." ¹⁴Nang me an-fugum kan me kuulei in waru shiknii ti ta mina Yammai, nang shii in niyan ka shikjui.¹⁵Pene bara ye mongba me ankpaa kan me an shubet ti ta shiire weyaa shik we maam ye shii yuwaa kan shiba ye ti ku yallobeere ti ta kudam mina Yamma, in ti tewi ya," shokranii Laano Dauda," shinui in kpalaju den. ¹⁶Shinui in tewon ti shii ya, "Ke yaaraa wee ma niyo me ti ku tewani ya?" Yeesho in lignon ti shinui ya, "Oo, mai nau maarani ma, ye ya ti dak nyitti shiba kan me dum, ke liyaa shokro shommoko in peru maa?' " ¹⁷Nang Yeesho in wessho shinui in peren nin ti tarang gok-minai in wanni Betaani, piree wiilaan yippai.¹⁸Kan vubnai, kaa ye shii ti koko meerini tarang gok-minai, kpiyam ti ya shii. ¹⁹Shii in we shik biro dukni ti jele koko, shii in ammo shiki, pene a waan shiili ti taim, bara alawi. Nang shii in tewon ti biroi ya, "Mo shiili wessho yiu sheelani ti taaji birangi!" Kpantidi biroi in isshoro..²⁰Bara ye me an yiu-shubet weyaa kaa te, shinui in ya maami in ti ya telyo ta shinui ya, "Ka yee biroi duknii ta isshoro peebi?" ²¹Yeesho in liginna in tewon ti shinui ya, "Kulli Ne ta teuma, mam maa kan lishaari kan ma ti bel poshaari mam, ma ta dum yaanii bara wee yuwaa ti shik biro dokni tem, pene ma ta dum tewani ti sheela ye maa, 'Ugron shin kan guni shi shuwaju won ti ta paali doo.' kan ta dum yooro. ²²Wee ding ma bennga ti ta for-fok, kan liyaan-shaari, ma ta yiwani."²³Bara ye Yeesho riina ta mina Yamma, mongba ankpaa kan men gbidina memme shinui in waru shiknii ti ku yuun shubet ksn in tewi ya, "Wo ka kumenno nong ye ke ti yuun we tei kan minaako kumen tei nong?" ²⁴ Yeesho in lignon ti shinui ya, "Ne sheeno ne ta yuuma telyo dok. Mam maa lignaano, ne ta teuma ka kumenno nong ye ne ti yuun we te.²⁵Yulmano Yuwaana, wannai tong ta tei? Shaanai ti ku-dang ya koo ti piree ka memme?" Shinui in deppina ti shakkiju in ti tewi ya, 'Ma kama maa teka, 'Ti ku-dang,' shii ta teumu kama ya, 'Longku wen nang mai kum kan shiim mi?' ²⁶Pene kama maa teka, 'Ti piree kan memme,' kama shi jimai, longku shin ding ti gee Yuwaanai kaa an-pigra." ²⁷Nang shinui in liginna ti Yeesho ya, "Minui penom." Shi sheeni in tewon ti shinui ya, "Ne sheeno ne ta teuma ka kumenno nong ye ne ti yuun we tem.²⁸Pene ma ti nyimminai wen? Manni niyoi kan shibani palau. Shii in war shikno modok in tewon ya, "Laano, koo ke wa yuuru shuran booi ti ta doong.' ²⁹"Lai in lignon ya, 'Ne ta waranim,' pene ka bi in paaro-ku nyimmoni in wanna. ³⁰Nang niyoi in war shik yen dok lai in tewon peen paaro ye boi. Shii in liginna ya, 'Ne ta warani ta an-shubet,' pene shii a warum.³¹Ti shakki shiba me shin palau me, wo nong ye yuwaa wee foni lekai? Shinui in lignna ya, "Mo ka toomi." Yeesho in tewon ti shinui ya, "Kulli Ne ta teuma, mo an yiu kine-buk kan me an piplani-ka-shik shinui ta ri ta gubno Yamma man ta waraa riyaani. ³² Longku Yuwaana wanna shik ma kaa te ti ta diya dob, pene mai kumu kan shim. Pene me an yiu kine-buk kan me an piplo we ka-shik in kumi kan shii. Pene ma, kan ye ma weyaa shik we tei, mai for fokma ka bi man kumi kan shiim.³³"Ma yaaro manni temoi. Ka manni mo an doong ye tobbaa inaabini. In kpakro foki, in oppon po kpai doo inaabii kan in digin tam po geren ti tai. Nang shii in min gee doong inaabii ti me an shirau, in wannii shalo ti manni buki. ³⁴Bara ye koddi kassho weshiina doong nemna, shii in shur shookni ti shik me doongi ti ta kirai mo yinni sheeni weshiina doongi.³⁵Pene me an gee doongi in yiu shooki, shinui in yuun tuwa ti mo dok, in tuk mo dok, in kpailo an tat ka shiila. ³⁶Birang mo an ku doongi in shur manni me shooki ti shikjui, me yeka me ka toomi gbe, nang me an gee doongi in yuun we ti shikjui kaa me ka toomi. ³⁷Ka bi ding, shii in shurin laani ti shikjui, shii in tewi ya, 'Shinui ta min ta gba ti laani.'³⁸"Pene bara ye me an gee ku doongi weena shik lai, nang shinui in tewi ti kuuju ya, 'Geeru la-po-ganglang wono. Ta waru, shero kama tuk shii kaman tappo ku doongi.' ³⁹Nang shinui in shar shii in vingi won ta bi kpakran-fok doong inaabii shinui in tuk shii.⁴⁰Wende kaa te, koddi ye an ku doong inaabii maa wanna, shii ta ya wen ti shik me an gee doong inaabi tei?" ⁴¹Shinui in lignon ti shii ya, "Kulli shii ta tukyo me an shek shurme, nang in min gee doongi ti me an gee doongi dokro, me shinui ta minni po aa sheeni koddi kassho weshiina doongi."⁴²Yeesho in tewon ti shinui ya, "Mai maaro ti ta yaan balla paaro Yamma ya, 'Shiila ye me an diye kuraa shigaro shiila shuglo minai. Tenei yaan weeno Fo-mina, kan in yooro we maam ti adoomu kama.⁴³Longkuuno te, Ne ta teuma, Po ya-gubno Yamma ta sharani ti piree kan ma kan in mini ti buk ye ti sheelo shiiliro. ⁴⁴Maa mo shuga ti ku shiila sheere ta nyittoni nyit-nyit. Pene maa mo shiila sheere shugan ti kuunii, ta issho shii buk-buk."⁴⁵Bara ye mongba me ankpaa kan Paeishaawa yaaraa temoni te, shinui in peni shii ti ku ya paaroi ti kuuju. ⁴⁶Shinui in yiu gassho koko po yiu shii, pene shinui in ti shi jimai, longku memme kunnga ya shii an-pigra.

Chapter 22

¹Yeesho in yuun paaro ti shinui birang ka temo in ti tewi ya, ²"Po ya-gub ku-dang kaa manni gubi ye yeyaa temre diyaa ka longku laani. ³Shii in shur me an shuranni mo yeeru me munnyaa ka we war po sha temre diyaai, pene shinui in kuroju warani.⁴Birang gubi in shur manni shiba me an shurani ya, 'Tewon ti shinui me munnyaai ka, "Gee, Ne wiilaa po ya weshiina kiryippano. Ne karaa tangkano kan bulumi me ne kannga me shidar kan we ding wiila po yooro. Ma waru po temre diyaai.' "⁵Pene shinui a kaan kumoju ti shik paaroniim, in kobyoju, mondok in wannii gee doongi, mondokin wanni po pilani kan pilin. ⁶Peddi in yippo me shooknii, in yuyyon tuwa duulan-shik, kan in tukyo shinui. ⁷Ta aa gubi in gbanoro. Shii in me an bee deetni in wa toddo me an tukyo niyo shurme in kur gok-minajui ka deet.⁸Nang shii in tewi ti me shookni ya, 'Koddi diyaa yuwaaro, pene me munnyinai a nenno in warum. ⁹Longkuuno te, ma wangro ku po kpomit koko man munnyuru memme gbe ye ma ta dumani ka we waraa sha temre diyaai.' ¹⁰Me shooki shinui in war ku gbong koko in gangillu do memme me ding shinui weena, men kpang kan mei kpangum. Longku mina po ya diyaai in kemrero ka bino.¹¹Pene gubi in riirui gee binoi, shii in we shik manni shwijii mo adoo lanna diyaa ti shikim. ¹²Gub in tewon ti shii ya, 'Jeereno, duma ke riina po te adoo lanna diyaa ti shikkom mii ka yaa?' Pene niyoi in tooro kuuni.¹³Nang gubi in tewi ti meshookni ya, 'Ma kpakko niyo ye kira kan sho, man ving shii ti ta dil peewe, teerei piree ta ukko muru.' kan ar-wuro ¹⁴Longku memme gbe me yeyaa, pene me shakkaai la-wiiu."¹⁵Nang Parishaawa shinui in wanna in gassho kokopo yiu Yeesho ti ta paaroni. ¹⁶Nang shinui in shurin me an yiu shubetju gale kan Sheeno Hiriiduya. Shinui in tewi ti Yeesho ya, "An-shubet, min penaa kei mo an shubet yen kulli, kan ken ti shuppina ka do kokono. ¹⁷Kei turmo ka longku nyimmono mondokum, kan birang ke ti shuk kaalim ti shakki memmem. Longku kaa te, teumu, ke nyimmaai wen? Nennaa ken anngo kine-buk ti Keishar ya koo onngoo."¹⁸Pene Yeesho in pen piire nyimmoju nang in tewi ya, "Longku wen ma ti ku nauno, ma me an wawo adoi? ¹⁹Ma shukillino shik kine ye ti anngon kine-buki. Nang shinui in warin ka dinaari ti shii.²⁰Yeesho in tewon ti shinui ya,"Wo jirim kan shommono nong ta ma meyyei?" ²¹Shinui in lignon ti shii ya, " Weeno Keishar." Nang Yeesho in tewon ti shinui ya, "Nang ma min ti Keishar wee weeno Keishar, kan man min ti Yamma wee weeno Yamma, "²²Bara ye shinui yaaraa kaa te, shinui in ya maam. Nang shinui in wessho shii in kooju won.²³Ti ta darang teere peddi Shaduukiyaawa, me teka yaa adoo ilit ta duwam, in waru shiknii. Shinui in ya telyo in ti ²⁴tewi ya, "An-shubet, Muuja tenna ya, 'Ma mondok maa murooni, a patiro shibam, molli ta dig mannanii in patiron shiba ti mollii.'²⁵Ka ma molon shin parilau. Mo ka toomi in ya diiyaa in muroni. A wessho shibam, shii in wessho mannani ti molli. ²⁶Nang an-palau molii in ya kaa te, nang an-tati, ar we war an-parilawi. ²⁷Ka biijui ding, paamuni in muroro. ²⁸Wende ti ta darang ilit ta duwa, wo manna nong ta tei ti shakki ma molon parilau tei? Longku shinui shin ding digyaa tei."²⁹Pene Yeesho in liginna kan in tewon ti shinui ya, "Ma sheka longku mai peno paaroi yei kumenno Yammam. ³⁰Longku ti ta darang ilit ta duwa, shinui a ta ya diyaam koo shinui in min diyaam. Kan ye kaa teere, shinui ta yooju ka me an-shuranno Yamma ti ku-dang.³¹Pene ti ku paaro ye kan ilit ta duwa, duma mai maaro wee tenna ma ta Yamma ya, ³²'Nei Yammano Ibiraayim, Yammano Ishaaku, kan Yammano Yakuubu maa'? Yammai Yamma me kumayim, penei we me kan dwei." ³³Bara ye jimai yaaraa te, shinui in ya maam kan shubet te.³⁴Pene bara ye Paeishaawa yaaraa ya Yeesho kannaa Shadukiyaawa, shinui in gal dooju ka shaayi. ³⁵Dok ti shakkijui, mo penaa-we ti ta shoro, in yuun telyo in ti nau shii ya, ³⁶"An-shubet, yen gba pekro ding ti ta shoroi shire?"³⁷Yeesho in lignon ti shii ya, "Lewo Fo-mina Yammako ka po shaariko ding, kan kerangko ding, kan nyimmoko ding.' ³⁸Tenei ye dok kan yen gba pekroi.³⁹An palawi kaa tei, 'Lewo an-ganglangko kaa kuuko.' ⁴⁰Shiire ding kan yuyyaan balila me an-pigra looi ti ku me shin palau me.⁴¹Wende kaa ye Parishaawai tida galii ka shaayi, Yeesho in tel shinui ka teliyo. ⁴²Shii in ti tewi ya, "Ma ti nyimminai wen ti kuuno Kiritii? Wo laano nong ta shii?" Shinui in lignon ti shii ya, "Shii laano Dauda."⁴³Yeesho in tewon ti shinui ya, "Ka yee nang ye Dauda ti ta Shoom yeyaa shii yaa, Fo-mina, in ti tewi ya, ⁴⁴'Fo-mina teka ti Fo-minano ya, "Deeko ti ku kirano temmeno, we war koddi ye ne ta shiwan me an geiko po tabyo shookoi' "?⁴⁵Ma Dauda nang maa ti ye Kiriti ka 'Fo-mina' ka yee shii shigani laano Daudai?" ⁴⁶Adoo mo dumna lignon paaro ti shiim, kan adoo niyo telaa shii ka telyo birangum we yikka darang teere we war toom.

Chapter 23

¹Nan Yeesho in ya paaro ti jimai kan me an yiu-shubetni. ²Shii in tewi ya, "Me an shubet shiire kan Parishaawa diyaaju ti po diyono Muuja. ³Longkuuno te, wee shinui pekraa ya mo ma yu, ma yu ween shurme kan man ti joorra shinui. Pene mo ma shar shorjum kan shuranjum, longku shinui ti teu-we pene nang a ti ya shinui.⁴Oo, Shinui in Dawin ween tira me po sharini shilib, kan shinui in to li to Ku temel me me. Pene shinui po kuuju koo po kiraju ka we shau shinuim. ⁵Shinui ti ya shuran te ding ka longku memme in we shiki. Longku shinui to ... kan gbai, kan shinui ti tokko awn po gun lannaju.⁶Shinui Leka po diya me an-gub ti temre yen kpang ti mina for-fok, ⁷kan kaa yen kpang ti po piplo-we, kan memme in ti yeeju Ka me 'an-shubet'.⁸Pene a ta yeema ka an-shubetum, kan ma molon ma. ⁹Nang no ma ye manni niyo ti ku-buk ka fowii, longku ma kan fowi bara dok waani, kan shii ti ku-dang. ¹⁰Kan a ta yeema ka me 'an-shubetum, longku an-shubet ma bara dok waani, nang shii Kiriti.¹¹Pene mon gba ti shakki ma ta yoonii shook. ¹²Maa mo shokraa kuuni ta bek shik. Kan maa no Beka kuuni a ta kan shokro shik.¹³Pene rash-rash ma ta me an-shubet Shiire kan Parishaawa me an wawo ado! Ma nummaa po-dang ya-gub ku-dang man ti beelo memme. Longku mai ri Sheeman, kan mai wessho me leka riyani in rim. ¹⁴[Rash-rash ma ta me an Shiire shoro kan Parishaawa, me an wawo ado, longku ma wiila we ta mina shereb kolo ti bi joori for-fok ma, longkuuno te, ma ta yiu gbong kelmo.] ¹⁵Rash-rash ma, me an-shiire shoro kan Parishaawa, me an wawo ado! Longku ma ti wangro Ku paali doo kan merko buk kulang man gassho mo ta yiu biima, pene ma shii maa shigani dokma, man shiwan shii sho palau la ta deet kaa ma.¹⁶Dogii sheema, ma me an fugum, ma me ti tewi maa, 'Maa no yuwaa pammi ka Mina Yamma, teerei wem. Pene maa mo yuwaa pammi ka bela ta Mina Yammai, pamminii yikka shii.' ¹⁷Ma me dil me an-fugum! belai koo Mina Yammai ye ti li belai in shaanoro ya?¹⁸Kan maa mo yuwaa pammi ka po li-dungo, teerei wen. Pene maa mo yuwaa pammi ka kunnguye ti Ku po li-dungoi, pamminii yikka shii.' ¹⁹Ma memme me an-fugum! yen gbai shire, kunngui ya koo po li-dungo ye ti li kunngui in shaanoro ya?²⁰Lonkuuno te, maa mo yuwaa pammi ka po li-dungo pammaa ti the kan wee ti kuuro ding. ²¹Mo pammaa-we ka Mina Yamma pammaai ti te kan mo diin ti tai. ²²Kan pammaa-we kan ku-dang pammaai ka po ya-gubno Yamma kan ti shii mo diin ti kwii.²³Rash-rash ma, me an shiire shoo kan Parishaawa, me an wawo ado! Longku ma ti for dok ti shakki kpumu katiran alau-alau limyo viye-gwaang kaa ma (a'na'a, kan aniishe kan lafshur), pene man ti wessho ya men tirai akan yaanim. Pene shurme me ma daa ti yai ma daa ti wessho peddi a yaanim. ²⁴Ma me ti yiu toom me an-fugum, ma ti shor shik tuk kurmet kantan-we....pene man ti del penwe!²⁵Dogii sheema ma, me an shoro-shiire kan Parishaawa, me an wawo ado! Longku ma ti fuddinai ta bi temmei kan kummam, pene ma ti wessho tai kan gik-gik ding kan leu shor-ku. ²⁶Ma me an-fugum Parishaawa! Ma fuddo ta temme kan kummami tidai, kulang ta bi in yooro fwal-fwal sheero.²⁷Dogii sheema, me an-shubet shoro kan Parishaawa, me an wawo ado! Longku ye ma kaa duwa ye shakan kulinji ti shiki, ye ti kudo peewe po geyani illo, pene tai kemii ka ganglan wiyak me muttaaju kan ween doon ding. ²⁸Kaa te, ma ti peru kaa me ti yai dob ti do memme, pene ta aa ma ku-jal shek kan kura yiu bi shoro.²⁹Rash-rasha ma, me an shubet shoro kan Parishaawa,me an wawo ado! Longku ma ti digyo duwa me an-pigra, man nyijiyo shik duwa me dob, ³⁰Ma ti tewi maa, 'Modaa min ta ti ta koddi ma fomu, min da ti shakki me dediraa dom me an-pigram.' ³¹Longkuuno te, ma shediraa ka fokma maa mai peen me an tukyo me an-pigra.³²Nang ma sheema ma kemro dogi shuran ma fowon ma. ³³Ma kuret, ma gbuman-ku shiba shammam! Ma ta tooloma ti ta kelmo shiire ri ta mina deet po-dingii ka yee?³⁴Longkuuno te, ma gee ne ti ku shuma gun me an-pigra kan shwiji me shen kan me an shubet. Peddiju ma ta tukyani man shebbo shinui ti ku biro, kan peddi ma ta bibro shikjui ti ta mina for-fokma, man kayin biijui ti ta gok-minai we war manni gok-minai. ³⁵We bii dom me dob me ma dediraa ti ku-buk, ta shaaru ti kuuma, we tangna ti domno Abiila mo dob we war domno Shakariya laano Bariikiya, ye ma tuka ti shakki po li-dungo kan mina Yamma. ³⁶Kulli ne ta teuma, ween shurme te ding ta waru ti ku-kira te.³⁷"Ayyaa me ti Urshaliima, Urshaliima, ma me tukyaa me an-pigra ka man kpailo me shunna shinui ti shik ma! We war dimin ye ne ta yiu gal-do shiba ma ti do shaayi, kaa we fwee ti galin-do shibaro ti ta baakro, pene ma ti kumim! ³⁸Ma gee, wesshaa ma ta mina ma waani. ³⁹Longku ne ta teuma, ma ta we shikno birangum we war koddi ye ma ta tewani maa, 'Kpangi sheeno mo ta waru ti ta shommono Fo-mina.' "

Chapter 24

¹Yeesho in perennin ti ta mina Yammai kan ti ku kooni. Me an yiu-shubetni in waru shiknii kulang shinui in shuklon shik digyan mina Yamma. ²Pene shii in lignon ti shinui ya,"Ma ti we shik ween shurme te ding ya? Kulli ne ta teuma, koo shiila dok a ta wesshani ti kuuno shatto a raamo bim."³Kaa ye shii diyaani ti ku Sheela Jaitun, me an yiu-shubet in waru shiknii ku-jalju in tewi ya, "Teumu, ween shurme te ta yooroi dimin? Pene teman-pi waranko kan she wiilan ku-buki?" ⁴Yeesho in liginna kan in tewi ya, "Ma jooro kpang ye ado niyo ta shalma doo mam. ⁵Longku gbe ta waru ti ta shommono. Shinui in ti tewi ya, 'Nei Kiriti.' kan shinui ta shal-do memme gbe.⁶Ma ta yaaro pi gei-ge kan shinnyi gei-gei. Mo poshaari ma shokrorom, longku yikka ti gbare-do in yooro kaa te, pene wiilani tidai yum. ⁷Longku buk ta illo shabbi kan manni buki, kan po-ya-gub shabbi kan po ya-gub. Ta yuyyo kpiyam kan midiro-shik-buk ti piri gbe, ⁸Pene ween shurme tei bara liyan gun pari pera waani.⁹Nang shinui ta liima taa-shilib kan ta tukma. Ta kurama ka ta ku-buk ding longku shommono. ¹⁰Nang gbeju ta ya kulnya, kan min shaayi kan in kura shaayi. ¹¹Me an-pigra shaba gbe ta illiru in shal-do memme gbe.¹²Longku kurayiu bi shoro ta tokko shaariro, lewan peddi ta kuwaro. ¹³Pene maa mo shasshaa we war wiilani ta kauro shii. ¹⁴Shinnyi yen kpang ti ku po ya-gub te, ta shuppani ti koo tong ti ku-buk ka longku jimro ti me ti ku-buk te. Nang po wiilani in tang waru.¹⁵"Longkuuno te, mam maa weyaa shik gbong we-doon kan we kunne, ye Daaniyel an-pigra sheeraa piri, shengrii ti piree shaana" (shero mo an maari peno), ¹⁶"Shero mo me ti Yawuudiya mo juwaju we ammo ku sheela, ¹⁷shero mo shii ti ku daala-ku-mina shaarui shar manni wei ti ta minaim, ¹⁸kan shi mo ti doong tewo ya shi ta shirui shar lanna-kawonim.¹⁹Pene dogii she me shinui kan uuju kan me ti ku min wiri ti dum ti ta darang teere! ²⁰Ma for-fok yoo koddi yoba ma in yooro koddi viyo koo Darang Nessho Yawudaawa. ²¹Longku ta yuyyo gbidina taa-shilib, kaa mei nau yuyyanim we tangna ti liyan gun ku-buk we foottu booi, onngoo, kan a ta yooro birangum. ²²Modaa kuma ye kuuga peddi darang shurmem, daa a doo lo-shik ye ta kauranim. Pene ka longku me shakkaa tenei ye kuugan peddi darang shurme.²³Nang ma mondok maa teka ma ya, 'Gee Kiriti wono!' koo, 'Gee Kiriti won!' mo ma kumum. ²⁴Longku me an-shaba Kiriti kan me an-shaba an-pigra ta wanguttu in yuyyo gbidina we temo kan maam, longku shal-do, maa ta dum yooro koo me shakkaai. ²⁵Ma gee, Ne teka ma ye tida koddii yum.²⁶Longkuuno te, ma shinui maa teka ma ya, 'Gee, shii ti ta shwee,' mo ma pero tita shweem. Koo, 'Gee, shii ti ta nangshakki gume,' mo ma kumum. ²⁷Longku kaa ye maljo ti maljiru ti booli kan in aara we war ta vuro, kaa te ye La Niyo ta warin. ²⁸Piree kan kuma we-ta-gun, ti po teerei ye shelle ti galin.²⁹"Pene kpantid ka bi taa-shilib darang shurme te, darang ta yooro dil, tere a ta shallanim, arshal ta shugiyyu ti ku dingling ku-dang, kan kumen-kumen ku-dang ta yikro shiki.³⁰Nang temo La Niyo ta peru ti dingling ku-dang, kan po-peen ding me ti ku-buk ding ta bau kenni. Shinui ta we shik La Niyo ti ku waru ti ta shungu dingling ku-ga kan kumen kan gbong shokran. ³¹Shii ta shur me an shuranni ka bang ele adununu, kan shinui in gallu-do me shaKkaa ti bwattan ku-buk peereu. we yikka ti kpakan-fok dingling ku-dangno lee we war yen dok.³²"Ma shubet ti biro dugni. Ma fungai maa yikka paaro kuuro alawi in yiu moottu, ma peno koddi sha buk nemna. ³³Kaa te, mam maa weyaa shik ween shurme te ding, ma ta penani shii yuuna nimmi, ti dob-dob podangi.³⁴Kulli ne ta teuma, ku-kira te a ta wiilajum, nang bara ween shurme te ding yuunaro. ³⁵Ku-dang kan ku-buk ta wiilaju, pene paarono a ta wiilanim.³⁶Pene ti ku ye kan paaro darang kan koddim, teere adoo mo penaam, koo me an shuran ku-dang, koo Lai, pene bara Fowii.³⁷Kaa ye ti ta koddino Nubu, ta yoo kaa te ta meyan La Niyo. ³⁸Longku ti ta koddi teere ye gbong paali doo in tang waru, memme ti ku shaani kan shyani, yuyyo diyaa kan mibno diyaa, we war koddi ye Nubu riyaan ta gongi doo yen gba. ³⁹Kan ye shinui a peno wee ta waraa yoorom we war koddi gbong paali doo wannan in pal shinui ding won. Teerei ye ta yoon ten ti ta koddi meyan La Niyo.⁴⁰Nang shwiji palau ti doong, ta shar dok in wessho dok. ⁴¹Shereb palau ti ku issho-we ti ku vin, ta shar ye dok in wessho ye dok. ⁴²"Longkuuno te, ma yu geren bang, longku mai peno darang ye Fo-mina ma ta warinum.⁴³Pene ma peno te, moda an-ku mina daa penaa koddi yippa ye an-jiri ta warin, shii daa diyaa ta ya geren kan daa wessho in vubro minanim. ⁴⁴Longkuuno te, ma sheema yikka ma ti gbare-do man limma shik ma, longku La Niyo ta waru ti ta koddi ye mai nyimmom.⁴⁵"Longku wo shook nong kan bang lishaari ye fo-minani maa liyaa ka we gee dogi shookni ta minani ye shii minin weshiina ti ta dob-dob koddiroi? ⁴⁶Kapgi ta yooro ti ku shook teere ye fo-minai maa shinna in wa we shii ti ku yaani kaa te. ⁴⁷Ne ta teu ma yen kulli, fo-minai ta li shii ti ku we-kirani ding.⁴⁸Pene pelle shook teerei an-shek in ti tewi ti kuuni ya, 'Fo-minano ta diiru bak,' ⁴⁹nang shii in yiu bibro shik dogi me-shaani shooki kan in ti sha kan she kan me an-sheyyo-we. ⁵⁰Nang fo-mina shook shurme ta shiru ti ta darang ye shii a nyimmo shiwannim kan ti ta koddi ye shii a penom. ⁵¹Fo-minanii ta petto taani nyit-nyit kan in minin po diya ti shii ti piree kan me an-wawo-ado, piree ta yuun kwi kan ar wuro.

Chapter 25

¹"Nang po ya-gub ku-dang ta yooro ka shiba-geje shin kpumu me sharaa okro deetju in waraa kpom ku an ya-diyaa yen fo. ²Me fuwat ti shakkijui me dili kan me fuwati shinui me darani. ³Pene shiba-geje me dili in shar okro deetju, shinui a shar mor koo la-wiiu ti kirajum. ⁴Pene shiba-geje me daranii in dubya mor ti ta okro deetju.⁵Wende bara ye an-diyaan foi a waru shwatum,nang shin ding shinui in yiu yaaro shaklo in yooju shaklo. ⁶Pene ka nangshakki yippa, ka ele yallo ya, 'Gee an ya-diyaan foi wono! Ma pero man kpom foknii.'⁷Nang shiba-gejei in illina in limyo shik okro deetju. ⁸Me dili in tewi ti me daranii ya, 'Ma naanmu peddi mor mai longku okro deet sheemu ti ku bittoro.' ⁹"Pene me daranii in lignon ti shinui in tewi ya, 'Kaa ye a ta dum fooromu kama dingum, ma koo man war shik me ti pilin man pillin ti sheema.'¹⁰Kaa ye shinui kooka waraa pilani, an ya-diyaan foi in waru, nang me shikjui limmani in reeju ka shaayi po sha temre diyaai kan shii, nang in nummuru podangi. ¹¹Ka bi dogi shiba-gejei sheeju in meeru in tewi ta shinui ya, 'Fo-mina, fo-mina, au mu podangi.' ¹²"Pene shii in liginna in tewi ya, 'Ne ta teuma yen kulli, nei penmam.' ¹³Longkuuno te, ma yiu ya diyo geren, longku mai peno darangi yei koddiim."¹⁴"Longku ta yooro ka manni niyoi leka ya mere war manni buki. Shii in yeyyuru me shookni in minin birmani ding ti shinui. ¹⁵Ti mo dok ti shakkijui shii in minin kine fuwat, ti mondok shii in minin palau, kan ti mondok birang shii in minin kine dok. Koo nong in yiu dob-dob bangni, nang niyo teere in kooni mere. ¹⁶Mo yikka kine fuwati shii kpantidi in wanna in wa yuun shuran ka sheeni, in shemo waan dooi shin fuwat ti kwi.¹⁷Kaa te mo yikka kine palawi in wa waan palau ti kwi. ¹⁸Pene shook mo yikka kine doki in wanna in wa oppo ta buk in latton kineno fo-minani.¹⁹Wende ka bi diyaa bak, fomina shurme te in meeru in wa yippo gun birmani ye ti kirajui. ²⁰Shook mo yikka kine shin fuwati, in waru ka manni kinei shin fuwat birang. In tewi ta shii ya, 'Fo-mina, ke minaano kine shin fuwat. Gee ne weenan manni fuwat ti kwi.' ²¹"Fo-minanii in tewon ti shii ya, 'Nyee ta shook yen kpang, mo an yiu-poshaari! Ke yikka po shaariko ti ku wee kattani. Ne ta liiko ti ku ween gbe. Waru ke ri ta beereno fo-minako.'²²"Shook ye yikka kine shin palawi in waru in tewi ya, 'Fo-mina, ke minaano kine shin palau. Gee, Ne gasshinan manni kinei palau ti kwi. ²³"Fo-minanii in tewon ti shii ya, 'Nyee, ta shook yen kpang kan an yiu poshaari! Ke yikka po shaariko ti ku we kattani. Ne ta liiko ti ku wee gbe. Waru ke ri ta beereno fo-minako.'²⁴"Nang shook mo yikka kine doki in waru in tewi ya, 'Fo-mina, ne penaa kei niyo ye po yuuko shilib. Ke ti ganglo-do wee kei tobbom kan ken ti kassho wee kei kaawom. ²⁵Ne yuuna shewo, longku kaa te, nen wanna nen nan kineko ti ta buk. Gee weeko wono.'²⁶"Pene fo-minanii in lignon ti shii in tewi ya, 'Ke mo an shek kan daklan shook, ke penaa ne ti ganglo-do wee nei tobbom kan kassho wee nei kaawom. ²⁷Longkuuno te, ke daa liina kineno ti ta mina kine ye ne maa meeru nen wa waan doo ti kwi.²⁸Longku kaa te, ma lauwon kinei ti kirai man mini ti shook mo kan kine kpumui. ²⁹Longku ti mo kan te gbe, ta minin manni gbe. Pene ti piree kan moi ti gassho wem, modaa ye shii kan te la-weewii, ta lauwon ti kirai. ³⁰Nang man ving piire shook teere ti won ti ta dil. Ti po teere ta ya kwii kan ar ku wuro.' "³¹"Koddi ye La Niyo ta waru ti ta shokranni kan me an shuran ku-dang ka shaayi kan shi, nang shii ta deeni ti ku shokran juk po ya-gubni. ³²Ku-buk ding ta gallin ti toomnii, nang shii ta bwaaro ta memme kaa ye an-tii bwaaron ta dinnyi kan wii. ³³Shii ta gal dinnyii ti ku kira temmeni pene shii ta gal wii ti ku kira jiyauni³⁴Nang Gub ta tewani ti me ti ku kira temmeni ya, 'Ma waru, ma me Fono liyaa ma kpang ti kuuma, man tappo-ku po ya-gub ye limma ma ti liyan gun ku-buk. ³⁵Longku ne ti ku yaaro kpiyam, man minno gwaang; Nen ti yaaro isshi-fok, man minno we-sheyani; Nei bino kan man riin ka ne ta mina ma; ³⁶Nei gun vire kan man dauno lanna; Shiknoi bangum kan man jooro kuuno; Ne ti ta mina muruk kan man wanna man yuuno kaa.'³⁷"Nang me dob ta lignani ta shinui ya, 'Fo-mina, wo dimin ye min weyaa ke kan kpiyam kan minun kangkoi? Koo ke ti ku yaaro isshi-fok kan minun minko we sheyanii? ³⁸Wo dimin ye min weyaa kei bino minun riin ka ke ta minamui? Koo gunko vire minun dauko lannai? ³⁹Wo dimin ye shikkoi bangum koo ke ti ta mina muruk minun waru shikkoi? ⁴⁰Nang Gub ta lignani in tewon ti shinui ya, 'Ne ta teuma yen kulli, wee ma yuuna ti dok shakki nyitti ma molonno me, ma yuunai ti ne.'⁴¹Nang shii ta tewon ti me ti ku kira jiyaunii ya, 'Ma koo ma won ti piree kan ne, ma me shaamaa, ti ta deet shwal ye limmaa ka longku shuuro kan me an-shuranni. ⁴²Longku ne kan kpiyam, pene mai minno gwaangum; Ne kan isshi-fok, pene mai minno we sheyanim; ⁴³Nei bino, pene mai riin ka nem, gun vire, pene mai dauno lannam, bangum kan ti ta mina muruk, pene mai jooro kuunom.'⁴⁴"Nang shinui ta lignani ya, 'Fo-mina, wo dimin min weyaa shikkok kan kpiyam, koo isshi-fok, koo bino, koo gun vire, koo bangum, koo ti ta mina muruk, kan minui waraa kaa bang shikkomi?' ⁴⁵Nang shii ta lignani in tewon ti shinui ya, 'Ne ta teuma yen kulli, wee mai yuuru ti dok shakki me nyitti tem, mai yuurunom.' ⁴⁶Shurme te ta waranii ta kelmo po-ding, pene me dob waranii ta kerang po-ding."

Chapter 26

¹Bara ye Yeesho wiila-po sheero we te, shii in tewi ti me an yiu-shubetni ya, ²"Kaa ye ma penaa, dogi darang shaklo temre teelani palau in waru, kan ta min La Niyo ka we sheewani."³Nang mongba me ankpaai kan men gbidina memme in gallu ti toom mongba ankpaa ye shommonii Keepash. ⁴Nang shinui in deppina ka jiri koko ye shinui po yiwin Yeesho ka we tuk shii ka jiri. ⁵Longku shinui ti ku sheerani ya, "A koddi temrem, yoo shabbi illina ti shakki memme."⁶Wende koddi ye Yeesho ti Betaani ti ta minano Shimon mo an-pira lakat, ⁷kaa ye shii teeka shikni ti shik gangla-sha weshiina, ka paamun in waru shiknii ka okro mor ye gijii yen tomon ye kparkadak, nang tei in deren ti kuunii. ⁸Pene bara ye me an yiu-shubetnii weyaa kaa te, shinui a shu tomonim in tewi ya, "Tenei ya kalang ka we maa? ⁹Ai daa pilaan-we ti ku kine gbe kan in daa minaa kinei ti me an kenni."¹⁰Pene Yeesho, penaa te, in tewon ti shinui ya, "Longku wen ma ti ku turmo paamun tei?Longku tei yuwaano ween kpang. ¹¹Ma kama me an kenni ka shaayi kpaaliya ding, pene ma ta diyani kan ne kpaaliya dingum.¹²Longku bara ye tei deraa mor te ti shikno, tei yuwaa ka longku nanono. ¹³Ne ta teuma yen kulli, koo ti tong ye ta kaawon shinnyi yen tomon te ti ku-buk ding, wee paamun sheere yuwaa ta sheero piri ka we nyimmani kan te."¹⁴Nang dok ti shakki kpumu gee-palawi, mo shommonii Yawuda Ishkarooti, in war shik mongba me ankpaa ¹⁵kan shii in tewi ya, "Ma ta minno wen ye ne maa minaa ma shii?" Nang shinui in maaron kine bela naa-tat ti shii. ¹⁶We tangna ti ta koddi teere, shii in yiu gassho koko po minin shii ti shinui.¹⁷Wende ti ku darang an dok ta koddi sha jong we-ta-kele, me an yiu-shubet in waru shikno in tel shii ta shinui ya, "Ke leka minun wa limma po sha temre teelanii ti tong?"¹⁸ Shii in lignon ya, "Ma war tarang gok-mina ti shik manni niyoi,man tewon ti shii maa, 'Fo-mina teka ya, koddino nemnaro. Ne ta waraa shaweshiina teelani kan me an yiu-shubetno ti ta minako.' " ¹⁹Kaa te, me an yiu shubeti in wa ya kaa ye Yeesho tennan ti shinui, nang shinui in wa limman weshiina temre teelanii.²⁰Bara ye kiryippa yuwaa, Yeesho in deeni dii ka we shaani ka shaayi kan kpumu gee-palawi. ²¹Kaa ye shinui ti ku shaani, sii in tewon ti shinui ya, "Ne te teuma yen kulli, na dok ti shakki ma ta pilin ka ne." ²²Shinui in turmoju, kan koo nong in yiu tel shii ya, "Kulli a nem maa, Fo-mina?"²³Yeesho in lignon ti shinui ya, "Mo kirano kan sheeni kpongan ti ta gurangi shii mo ta waraa pilin ka ne. ²⁴La Niyo ta kooni, bara kaa ye ballaan ti kuunii. Pene rash-rashii sheeno mo ye ti piree ta waraa pilin kan La Niyo! Daa yuwaa kpang ti shikno muyei ye daa patto shiim." ²⁵Yawuda, mo ta pilin ka shii in teli ya, "We tei Ne ya, An-shubet?" Yeesho in lignon ti shii ya, "Ke teka ka fokko."²⁶Ka ye shinui ti ku shaani, Yeesho in shokro we-ta-kele in liin kpang ti kwi, in beblo tai. Shii in mini ti me an yiu-shubet kan in tewon ti shinui ya, "Ma sharu, man sha. Tenei lo-shikno."²⁷Shii in shar la-temmei in pammina, nang in minin ti shinui kan in tewi ya, "Ma sho, ma ding. ²⁸Longku tenei domno we deewanku ye deraa ka longku memme gbe ka longku fuddo shasshalauju. ²⁹Pene ne ta teuma, Ne ta she doo shiili inaabi te birangum, we war darang teere koddi ye ne ta sheyani ka shaayi kan ma ti ta po ya-gubno Fono."³⁰Bara ye shinui yuwaa vonak, shinui in pereju in ammaju ku sheela Jaitun. ³¹Nang Yeesho in tewon ti shinui ya, "Ma ta shugyani ka yippa ka longkuuno, longku ballii ya, 'Ne ta bir An-tii kan an-pali dinnyii ta pil taaju.' ³²Pene ka bi ye maa shokraano, Ne ta kowani ti toom ma we war Galiili."³³Pene Biiturush in lignon ti shii ya, "Koo dogi ta shugyani won ka longkuuko, Ne ta dum shuwani wonum." ³⁴Yeesho in lignon ti shii ya, Ne ta teuko yen kulli ka yippa tenei, ye gok in tang waraa gbol-kwii, ke ta ya jiramno sho tat ka kei pennom." ³⁵Biiturush in lignon ti shii ya, "Koo ne daa ta murono ka shaayi kan kei, ne ta dum ya jiramkom." Dogi me an yiu-shubeti shin ding in tewi kaa te.³⁶Nang Yeesho in wanna ka shaayi kan shinui ti piree ya Getshammani kan in tewon ti me an yiu-shubeti ya, "Ma dee ma wono man dang kuuno nen wa for-fok." ³⁷Shii in ye Biiturush kan shibano Jabadi shin palau ka shaayi kan shi kan in yiu gbanoro kan turmo. ³⁸Nang shii in tewon ti shinui ya, "Ta aano gbanaaro kping, ar kaa ne ta murono. Ma dee ma ti po lee man ya geren ka shaayi kan ne."³⁹Nang shii in giyani la-wiiu, in tuwo dooni ti buk, in for-fok. Shii in ti tewi ya, "Fono, maa ta dum yooro, shero mo la-temme mo taa-shilibi te wakoro ti piree ne. Pene a lewan sheenom, pene mo kaa ye ke lekan."⁴⁰ Shii in waru jele me an yiu-shubeti, in we shinui shaklo shaddaa, nang shii in tewi ti Biiturush ya, "Wo wen, ma ta dum ya geren ka shaayi kan ne po koddi dokum ya? ⁴¹Ma yu geren kan for-fok kulang ma ta shuwani ti ta nawom. Shoomi kulli leka, pene lo-shiki bukani.⁴²Nang Yeesho in wessho shinui koddi an palawi. Shii tewi ya, "Fono, ma tene maa ta kooro wonum ye yikka ti gbara-do nen she, sheeko lewani mo yooro." ⁴³Birang shii in meeru in wa we shinui ti ku ya shaklo, longku shaklo yeka doojui. ⁴⁴Yeesho in wessho shinui birang, shii in kooni an tati, in ti sheero bi paaro ye boi.⁴⁵Nang Yeesho in waru shik me an yiu-shubet kan in tewon ti shinui ya, "Ar wende ma ti ku ya shaklo kan nesshani ya? Ma gee, koddii yuwaa ye fuwaa po min La Niyo ti ta kira me an shasshalau. ⁴⁶Ma illo, kama koo. Ma gee, mo ta pilin ka ne yuuna nimmi."⁴⁷Koddi ye tida ti ku ya paaroi, Yawuda, dok ti shakki kpumu gee-palawi, in foottu. Gbong jima ka shaayi kan shii kan mongba me ankpaa kan men gbidina memme. Shinui shaddii kan biro-biro. ⁴⁸Wende shwiji mo ta waraa pilin ka Yeesho fuwaa po jirin-kwi, in tewi ya, "Mo ne ta waraa taamo shii teerei shwijii. Man tollo shii."⁴⁹Kpantidi shii in waru shikno Yeesho in tewi ya, "Ne kaakoko ta an-shubet!" kan shii in taamo Yeesho.⁵⁰ Yeesho in tewon ti shii ya, "Abo, yu wee ke wanna yaani." Nang shinui in waru, in shou kiraju in yiwin Yeesho, nang shinui in tollo shii.⁵¹Kpantidi, dok ti shakki me ka shaayi kan Yeesho in shou kirani, in kpaattu agarumni, in shemo kaan kumo shook mongba ankpaai, in shemo fur kumonii. ⁵² Nang Yeesho in tewon ti shii ya, "Maan ka agarumko ta baramto, longku me ding ti shar agarum ta koon-shwal ka longku agarum. ⁵³Ma nyimmina maa ne ta dum ye fono, kan shii ta dum shuruno gun me an shuran ku-dang me shinui yeka bang shig-dok sho kpumu gee-palau maa? ⁵⁴Pene ka yee ye yuyyan balilai ta kemranii?"⁵⁵Ti ta koddi teerei Yeesho in tewon ti jimai ya, "Duma ma peppina ka agarum kan biro-biro ka we tollono kaa nei an-jiri? Kpaaliya din ne ti ya shubet ti ta mina Yamma, kan mai yiu nom. ⁵⁶Pene tene yuwaa ding ka longku yuyyan balila me an-pigra yuyyaa in kemirra." Nang me an yiu-shubet shii shinui in jubyoju.⁵⁷Me tollaa Yeeshoi shinui in warin shii shikno Keepash mongba ankpaa, ti piree me an shoro shiire kan men gbidina galii ka shaayi. ⁵⁸Pene Biiturush in yiu biinii la-tali we war ku-dam ta mina mongba ankpaai. Shii in wa ri in wa deeni dii kan me an geren, in ti gee dangan-pi ye ta wiilon.⁵⁹Wende mongba me ankpaa kan me an galoi shinui ti ku gassho jimro shaba ti kuuno Yeesho ka longku shinui in tuk shii. ⁶⁰Shinui a wa koo dokum, kaa ye gbeju pepinna toom ka jmro shaba. Pene ka bi palau in peru toom ⁶¹kan in tewi ya, "La mooye teka ya, 'Ne ta dum vubro minano Yamma nen dig bi birang ti ta shaklo tat.' "⁶²Nang mongba me ankpaa in illo shik in tewon ti shii ya, "Ke kan wee po lignanim ya? We tei wenee ye shinui ti ku jimranii ti kuukoi?"⁶³ Pene Yeesho in yooni boboj. Mongba me ankpaa in tewon ti shii ya, "Ne pekraako ti piree Yamma mo kan dwei." teumu, ye ke maa Kiriti, Laano Yamma." ⁶⁴Yeesho in lignon ti shii ya, "Ke teka ka shikko. Pene Ne ta teuma, we yikka wende we war toom ma ta we shik La Niyo dii ti ku kira-temme ya-gbu kan ta waru ti ta shunngu ku-dang."⁶⁵Nang mongba me ankpaai in jaaro lannani in tewi ya, "Shii yuwaa paaro shwaal! Longku wen kama bambiri ti ku gassho manni jimroi? Ma gee, wende ma yaaraa shwaali. ⁶⁶Ma nyimmaai wen?" Shinui in liginna in tewi ya, "Shii nennaa muro."⁶⁷Nang shinui in fisshon elet ti adoonii kan in yuun tuwa ti shii, kan shinui in it padilo shii ka ta dannam kiraju, ⁶⁸kan shinui in tewi ya, "Yuumu pigra, ke Kiriti. Wo nogee ye paalaakoi?"⁶⁹Wende Biiturush dii peewe ti ta ku-dam mina shiirei, kan manni shook la-gejei in waru shiknii kan in tewi ta tei ya, "Ke sheeko ke ka shaayi Yeesho niyo Galiili." ⁷⁰ Pene shii in ya jirami ti toomjui shin ding, in ti tewi ya, "Nei peno wee ma ti ku sheeron paaro ti kwim."⁷¹Bara ye shii peraa gbong po-dangi, manni shook la-gejei in we shiknii kan in tewi ti me ti po teerei ya, "Niyo sheere, shi sheeni ka shaayi kan Yeesho Niyo Naajeret." ⁷²Shii birang in ya jiram kan pammi ya, "Nei peno niyom!"⁷³Ka bi la-wiiu kaa ye me shengrii wanna kan in tewi ti Biiturursh ya, "Kulli ke sheeko kei dok ti shakkiju, longku dangan-pi ye ke ti yuun paaroko shuklaako." ⁷⁴Nang shii in yiu ya shaami kan pamyo-we ya, "Nei peno niyom," kan kpantidi gok in ya kwii. ⁷⁵Biiturush in nyimmina ka paaro ye Yeesho ye tekan ya, "Gok maa ta ya kwii, ke ta ya jiramno sho tat." Nang shii in pereni peewe in wa ya kwii wirit-wirit.

Chapter 27

¹Wende bara ye shaat yuwaa, men gbidina me ankpaa kan me an toom memme shinui in gal fokju ka we tuk Yeesho. ²Shinui in kpakko shii, in koon ka shii, kan in wa mini ti Gub Bilaatush.³Nang bara ye Yawuda mo pilaan ka shii, weyaa minaa kelmo muro ti Yeesho, shii in ya den in shirin ka kine bela nee-tat ti men gbidina me ankpaai kan me an-toomi, ⁴kan shii in tewi ya, "Ne yuwaa shasshalau, longku ye ne pilaa ka dom yei daklo wem." Pene shinui in liginna ya, "Taaka mui wen birangi? Teere dogii sheeko." ⁵Nang shii in wakyon kinei ti ta mina Yammai, kan in kooni in wa shou fwaala ti bongni.⁶Mongba me ankpaa in yokko kine beleei in tewi ya, "A nenno in li kinei ti ta po gal birma ta mina Yammam, kan yei kine dom." ⁷Shinui in deppina, in pilin ku-dam ka kinei. Ye ti ye ku-damii yaa, "Ku-dam mo an digyo telang, longku po teerei in yooro po-nan bino. ⁸Longku kaa te, we foottu booi ti ye ku-dami ka yaa, "Ku-dam Dom.⁹Nang in kemro wee an-pigra Irimiya tenna ya, "Ahinui in shar kine bela ye naa-tati, kine ye shin memme Ishereila ye kunnga ya mo anngon ti kuunii, ¹⁰nang shinui in pilin ku-damno mon an digyo-telang, kaa ye Fo-mina shuklaano."¹¹Ti ta koddi teere Yeesho in sheri ti toomno gub, nang Bilaatush gub Rooma, in tel shii ya, "Kei gub Yawudaawa ya?" Yeesho in liginna ya, "Ke teka kaa te." ¹²Pene bara ye mongba me ankpaa kan me an-toom, in gbumin shaba ti kuunii, shii a lignon we birangum. ¹³Nang Bilaatush in tel shii ya, "Kei ti yaaro wee ti ku kpaan ken ti kwim ya?" ¹⁴Pene shii a ligino koo paaro dokum, longku kaa te, wei in li gub in ya maam kping.¹⁵An tei waari gub, maa koddi sha temre ta fora kira ka niyo dok ye ti ta mina muruk ye galoi shaka. ¹⁶Ti ta koddi teere, shinui kan manni mo an bang kumoi ti ta mina muruk, shommonii Barabbash.¹⁷Longku kaa te bara ye shinui galaa shin ding, Bilaatush in tewon ti shinui y, "Wo nong ye ma leka nen foran man kira ka shii? Barabash ya koo Yeeho mo ti ye yaa Kiriti ya?" ¹⁸Shii penaa shinui wannan ka Yeesho ti shii ka longku mwisshi. ¹⁹Kaa ye shii diin ti ku juk shiirei, mannani in shurin shuran ti shiknii ya, "Wessho ya weenan dok ti shik niyo yei daklo we teerem. Longku ka yippa booi ne taa shilibi ti do-shuna ye ne yuwaan ti kuunii.²⁰Wende mongba me ankpaa kan me an-toom shinui in shuppo jimai mo shinui bengeju Barabbash ka we foran-kira, kan in tuk Yeesho. ²¹Gubi in tel shinui ya, "Wo shire ti shakki palau me ye ne ta foran man kira ka shii ti mai?" Shinui in liginna ya, "Barabbash" ²²Bilaatush in tel shinui ya, "Wo wen ye ne ta yaani ka Yeesho ye ti ye yaa, "Kiriti?" Shinui in liginna ya, "Sheewo shii."²³Nang shii in tewi ya, "Longku wen, wo gbong wen ye shii daklaai?" Pene shinui in yallina bang ya, "Sheewo shii." ²⁴Longku kaa te ye Bilaatush weyaa a ta dum ya weenan dokum, pene bara ye memmei leka shokro eleju kan bangi, shii in duwa doo in fuddon kirani ti toom jimai, kan in tewi ta shii ya, "A doo wee taakano ka der domno la-moo ye yei daklo we yem. Dogii sheema."²⁵Memmei ding in liginna ta shinui ya, "Shero mo shar-ku domni mo deero kuumu kan shibamu." ²⁶Nang shii in forin kira ka Barabash ti shinui, pene shii in bir shikno Yeesho kan in minin shii ti shinui ka we sheewani.²⁷Nang me an bee-deetno gub in shar Yeesho in riin ta ku-dam mina po ya-gubi nang in ganglo-do gbumyan-ku me an bee-deeti ding. Shinui in foddo lanna ²⁸shiknii kan shinui in shoppo in showin lanna yen gakal, peen she me an gub ti shiknii. ²⁹shinui in wa lau shik arat kaa we-ku an gub shinui in showin ti kuunii. Shinui in juunaju juunii ti toomnii in nwinnyo-foknii in tewi ta shinui ya, "Min kaako, ta Gub Yawudaawa!"³⁰Shinui in fissho elet ti shiknii, shinui in shar la-biro in birin shii ti ta kwi ti kwi-ti kwi. ³¹Bara ye shinui nwinnyaa foknii, shinui in for lanna gubi ye ti shiknii, in showin bi lanna sheenii ti shiki, nang shinui in koon ka shii ka we waraa sheewo shii.³³Kaa ye shinui penna, shinui in kpomi kan manni niyo Shiraayim ye shommonii Shimon, mo shinui liyaa ka bang in koona ka shaayi kan shinui longku shii in shar gbong biro loonii. ³³Shinui in waru piree ti ye yaa, "Golgoota," ye ti shuklani yaa, "Piri Gunglung-ku." ³⁴Shinui in minin doo inaabi lonngani ka ween den ti Yeesho ya mo sho. Pene bara ye shiii naka, nang shii in kuroni sheyani.³⁵Bara ye shinui fuwaa po sheewo shii, shinui in bwatto ta lannanii ti bi ving kaari, ³⁶kan shinui in diina ta gee kuunii. ³⁷Ti ta kuunii shinui in tannan yaan balla ye ti maarra ya, "Tenei Yeesho, gub Yawudaawa."³⁸Me an-jiri me palau me sheewaan ka shaayi kan shii, dok ti ku kira-temme kan dok ti ku kira-jiyau. ³⁹Me ti yiu po teere maa ta kowani in ti kpaa shii, kan ti yigro shik kuuju⁴⁰ kan in ti tewi ya, "Ke mo ta vubro mina Yamma kan ken dig bi ti shakki shaklo tat, kauro kuuko! Ke maa Laano Yamma, shaarin ti ku biro-sheewoi!"⁴¹Kaa teerei mongba me ankpaa, kan me an shubet ti ta shoro kan me an-toom shinui in nwinnyo foknii. Shinui in tewi ya, ⁴²"Shii maraaku peddi, pene a dum markuunim! Shii Gub Ishereila. Shero mo shii shaarin ti ku biro sheewoi, nang minin tang kumani kan shii.⁴³Shii kunnga kan Yamma, shero mo Yamma kauro shii wendei. Ma Yamma maa leka foran kira ka shii. Longku shii ti teka ya, 'Nei laano Yamma.' "⁴⁴ Kaa tei birang, me an jiri me sheewaa shinui kan shii shin sheeju in yuun ding paaro ti shii.⁴⁵Wende wee yikka ti pelle ka sheri darang we war kettan darang, dil in nummo ta piri. ⁴⁶Dob-dob koddi kettan darang, Yeesho in yallina ka ele yen bang ya, Eloi, Eloi, lamaa shabaktaani!? Tenei wee ta shuklani ya, "Yammano, Yammano, longku wen ye ke fulaan bi ka nei?" ⁴⁷Koddi ye peddi me shengrii ti po teere yaaraa kaa te, shinui in tewi ya, "Shii ti ku ye Ilya."⁴⁸Kpantidi dok ti shakkijui in juwa yoba in wa shar fong, in showi ti ta doo yen shwang, in showi ti ku shugo, kan in showin ti shii mo sho. ⁴⁹Dogijui in tewi ya, "Wessho shii shi dokni. Shero kama gee kergum Ilya maa ta warui mar shii." ⁵⁰Nang Yeesho in yallina ka ele yen bang birang, nang shii in tol shuna shoomni ye wiilani.⁵¹Dob-dob koddi teere, lanna kawo ta mina Yamma in jaaro taaro palau we yinna ti tuu-kwi we shaaru tuu-guni. Ku-bukin midiro shikro kan gbidina gaddi in badilaju. ⁵²Duwa-duwa in appaju kan kuma memme gbe me muttaaju mereju dob in shokro shinui kan dwei. ⁵³Shinui in pepittu ti ta duwaju ka bi ilitni, in riyyo tarang gok-mina, kan in kengro do memme gbe.⁵⁴Wende bara ye mongba an bee-deet kan me ka shaayi kan shii me ti ku geniro kuuno Yeesho weyaa shik midan shik buki kan wee yuyyaaju, shinui in ya shewo kan in tewi ya, "Kulli, la-moo yei Laano Yamma." ⁵⁵Shereb gbe me yinna biino Yeesho ti Galiili kan shinui in ti yuun shuran ti shii shengreju kan talii in ti gee wee ti ku yooro. ⁵⁶Ti shakkijui ka Maryamu Magadaaliya, Maryamu nonno Yakuubu kan Yuwaana kan non shibano Jabadi.⁵⁷Bara ye kiryippa yuwaaro, nang manni mo an-birmai niyo Armatiya, ye shommonii Yuwaana, ye shi sheeni an yiu-shubetno Yeesho in waru. ⁵⁸Shii in war shikno Bilaatush in beng shii ka kumano Yeesho. Nang Bilaatush in min kumen ya mo minin ti shii.⁵⁹Yuwaana in shar kumai, in dau shiki ti ta lanna yen yelek-yelek, ⁶⁰kan in kanno kumai ti ta duwani ye shii yemmaa yen fo ti shik gaddi. Nang shii in gbumillu gbong shiila in nummon fok duwai in kooni. ⁶¹Maryamu Magadaliiya kan yen dok Maryamui ka shin ti po teerei, deeju shiwan dooju ti shik duwai.⁶²Pirbang, yei darang ka bi limmai, mongba me ankpaa kan Parishaawa in gallu ti jeleno Bilaatush. ⁶³Shinui in tewi ya, "An-shubet, min nyimmaa ye koddi ye mo an-dokko ye kan dwei, shii tenna ya, 'Ka bi shaklo ta Ne ta illlono birang.' ⁶⁴Longkuuno te min kumen mo geniro ku duwai kping po shaklo tat. maa kaa tem, me an yiu-shubetni ta dum warani in wa jir shii, ka bi in wa tewi ti memme ya, 'Shii illaani ti ta duwa,' ke ti waa, dokko ye ka bi ta yek ye ka toomi perak gbe."⁶⁵Bilaatush in tewon ti shinui ya, "Ma shar me an-geren. Koo man wa genirra kpang kaa ye ma lekan." ⁶⁶Kaa te, shinui in wanna in geniro ku duwai kpang kan neewan showan kirano gub ti ku shiilai kan shinui in li me an-bee-deet mo yu geren po teere.

Chapter 28

¹Ka bi Darang Nessho Yawudaawa, kaa ye nennga waru ta darang dok she shaklo parilau, Maryamu Magadaaliya kan yen dok Maryamui shinui in warui gee ta duwai. ²Kpantidi, in shemo ya mirid buk, longku an-shuranno Yamma shaana ti ku-dang, waru in gbumlo shiilai won, in deennin ti kwi.³Shiknii in ti eena kaa aaro , kan lanna shikni yen pe shak-shak kaa ar-deele. ⁴Shik me an-geren in tari ka longku shewo kan in yooju kaa me kumai.⁵Nang an-shurano Yamma in yuun paaro ti sherebi ya, "Ma wessho ya shewoi, longku ne penaa ma ta gassho biino Yeesho, ye sheewaa. ⁶A doo shii ti po tem, pene illaani, bara kaa ye shii tekan. Ma waru man gee piree kannaan Fo-mina. ⁷Ma koo peeb kan ma wa tewi ti me an yiu-shubetni maa, 'Shii illaani ti shakki me kuma. Gee, shii ta warani ti toom ma we warGaliili. Ti po teere ma ta we shikni.' Ma gee, ne teka ma."⁸Nang sherebi in wessho ku duwai peeb kan shewoi kan beere gbe, kan shinui in ya yoba in wa tewi ti me an yiu-shubet.⁹ Kpantidi, Yeesho in waru shikjui in tewi ya, "Ne ti kaa ma! Sherebi in nemru in yippo shik shoonii in wau shii. ¹⁰Nang Yeesho in tewon ti shinui ya, "Mo ma yu shewom. Ma koo man wa tewi ma molonno mo shinui koo war Galiili. Ti po teere shinui ta we shikno."¹¹Wende ye tida sherebi ti ku mereju, kpantidi, peddi me an-gereni in ri tarang gok-minai in tewi ti mongba me ankpaa wee ding yuunaro. ¹²Bara ye me ankpaai kponnga kan men gbidinai, shinui in deppo shik paaroi ka shaayi, shinui in min kine gbe ti me an-bee-deet ¹³kan in tewon ti shinui ya, "Ma tewo ti memme maa, 'Me an yiu-shubetno Yeesho wanna ka yippa in wari jir kumanii koddi ye min ti do shaklo.'¹⁴Ma gun paaro te maa fooraaro shikno gub, min ta dimmo shii kulang ma ta we turmom." ¹⁵Longkuuno te, me an-bee-deeti in yiu kinei in wa ya kaa ye pekinnan shinui. Shinnyi sheere te in wiilo ta kumo Yawudaawa kan in shooro toom ar we foottu booi.¹⁶Pene me an yiu-shubeti shin kpumu gee doki in war Galiili, ti ku sheela ye Yeesho temyaan ti shinui. ¹⁷Koddi ye shinui weyaa shiknii, shinui in wau shii, pene peddi a deeno kumanim.¹⁸Yeesho in waru shikju in yuun paaro ti shinui kan in tewi ya, "Minnano kumen ku-dang kan ku-buk ding. ¹⁹Longkuuno te ma koo man wa shiwan memme ku-buk ding me an yiu-shubet. Ma yuun Yulma ti shinui ti ta shommono Fowi kan she La kan she Shoom Yen Shaana.²⁰Ma shuppo shinui mo mur-ku ti wee ding ye ne pekraan man. Ma gee, Ne ka shaayi kan ma koo dimin, kan we war wiilan ku-buk."

Mark

Chapter 1

¹Tenei liyan gun paaro yen tomonno Yeesho Kiriti, Laano Yamma. ²Kaa ye ballii ti ta takardano Isheya an-pigra ya, "Gee, ne ti ku shurma gun an-shuranno ti toomko, mo ta limmako do koko. ³Eleno mo ti ku ya ye ti dan-doon, 'Ma limma do koko ti Fo-mina; man shupron shik koko ti shii.' "⁴Yuwaana in waru, in ti ya Yulma ti dan-doon in ti shuppo pi Yulma for-fok ka longku fuddo shasshalau. ⁵Memme me ti ta buk Yawuudiya kan me ti Urshaliima ding in waru shiknii. In ti for fokju ka shasshalauju. Shii in yuun yulma ti shinui ti ta Shiiruk Urdun. ⁶Lanna me shoppii ti shikno Yuwaanai tonninai ka shok penwe, in dau ta gongoni ka peeran fok lanna-doo, weshiina fokni golom kan shagni doong.⁷Shii in ti kpaalo piri ya, "Ka biino ka mo ta waru ye yekano gba, nei fooro nen piddo fwaala taanim. ⁸Ne yuwaa ma yulma ka doo, pene shii ta yuuma yulma ka Shoom Yen Shaana."⁹Tene yooro ti ta shaklo shurme ye Yeesho in waru ti Naajeret ti ta buk Galiili, nang Yuwaana in yuu yulma ti shii ti ta Shiiruk Urdun. ¹⁰Kaa ye Yeesho ti ku perin ti ta dooi, shii in we ku-dang in aworo kan Shoom in shaarin ti kuunii kaa ammaluk. ¹¹Ele paaro in peru ti ku-dang ya, "Kei laano ye ne leka, nen ti sha tomoni kping."¹²Nang Shoom in warin shii dan-doong. ¹³Shii ti dan-doong po shaklo naa-peereu, Shuuro in wa nau shii. Shii dii kan lo-ta-shwee, nang me an-shuranno Yamma in yuun shuran ti shii.¹⁴Ka bi showanno Yuwaana ti ta mina muruk, Yeesho in waru ta buk Galiili in ti kpaalo fok shinnyino Yamma. ¹⁵Shii in ti tewi ya, "Koddii kennga, kan gubno Yamma yuuna nimmi. Ma for fok ma kan man kumi kan shinnyii."¹⁶Koddi ye shii ti ku mere ti jele Shakya Galiili, shii in we shikno Shimon kan Andaraawush mollo Shimon shinui ti ku vingyo ja ti ta shakya, longku shinui me an yippo shirim. ¹⁷Yeesho in tewon ti shinui ya, "Ma waru, ma yiru biino, kan ne ta shiwan man me an yippo memme." ¹⁸Nang kpantidi shinui in wessho jai in yiwaju biinii.¹⁹Kaa ye Yeesho giika la-wiiu, shii iin we shij ma Yaakubu laano Jabadi kan Yuwaana Molli, shinui ti ta gong-doo ti ku limma bi ja. ²⁰Shii in ye shinui kan shinui in wessho foju ta Jabadi ti ta gongi kan me an shuran me sharaa, nang shinui in yiwaju biinii.²¹Nang shinui in waru Kapanaawum, nang ti ku Darang Nessho Yawudaaw, Yeesho in reeni ta mina for-fok in yuun shubet. ²²Shinui in ya maam ka yaan shubetnii, longku shii ti ku shuppo shinui kaa niyo mo kan kumen a kaa me an shubet ta shorom.²³Wende ka manni shwijii ti ta mina for-fokju ye kan piire shoom in showin ka yalloi, ²⁴in ti tewi ya, "Minui ta yuun wen ka kei, Yeesho niyo Naajeret? Ke wannai tukyomu ya? Ne penaa kei nong. Kei dok Shaanan weeno Yamma!" ²⁵Yeesho in pekro piire shoomi kan in tewi ya, "Nummo fokko ken perin ken ti shiknii!" ²⁶Nang piire shoomi in shokro moon shurme in birin buk in pereni koddii in ti ya yallo ka ele yen bang.²⁷Memmei ding in ya maam, longkuuno te, shinui in tel shaayi ya, "Tenei wen? Shubet yen fo kan kumen! Shii ti dum pekro piire shoom kan shinui in ti murin-ku ti shii!" ²⁸Shinnyi kuunii in war koo tong ti ta kpakan-fok buk Galiili.²⁹Ka bi pereni ti ta mina for-foki, shinui in war ta mina ma Shimon kan Andaraawush, ka shaayi kan Yaakubu kan Yuwaana. ³⁰Wende gbarum Shimon kuttii kan agin beeu, nang shinui in teu pir tei ti Yeesho. ³¹Longkuuno te shii in waru, in yiwin tei ti kirai, in shokro shikroi; beewi in peren ten ti shikroi, nang tei in yiu yuun shuran ti shinui.³²Ka kiryippa teere ka bi shuwan darang, nang shinui in wangittin ti shii ka me shikii bangum koo me shanngau shaddaa- kwi. ³³Nang memme tarang minai in gallin ti podangi. ³⁴Shii in tassho peen pira shikjui kan in ti foddo shaabug, pene shii a wessho shaabugi in ti ya paarom, longku shinui penaa shii.³⁵Shii in illina ka vubnai, ye ta pirii tida lib-lib, shii in kooni in wanni piree a doo niyom in forin-fok. ³⁶Shimon kan me ka shaayi kan shii in gassho biinii. ³⁷Shinui in wa we shii kan shinui in tewon ti shii ya, "Koo nong in ti gassho biiko."³⁸Yeesho in tewi ya, "Kama warmu meno-mina ye nimmi kulang ne in wa kaawon paaro Yamma ti po teerei birang." ³⁹Shii in wangro koo tong ti ta buk Galiili, in ti shuppina ti ta mina for-fokju kan in ti kajiyo bi shaabug.⁴⁰Shwiji mo an pira-lakat in waru shiknii. in juunanii nang in tewon ti shii ya, "Ke maa leka ke ta dum liyani nen shaanono." ⁴¹Yeesho kemii ka kunngo, in shou kirani in tawin shiknii,in tewi ya, "Ne kunnga. Shaanoko." ⁴²Kpantidi baluki in wiilon ten ti shiknii, kan shiiin shaanani.⁴³Yeesho in pekro shii bang ya, ⁴⁴ "Jooro, moko kumu ken tewi ti niyom. Pene koo, ken wa shuk kuuko ti me ankpaa kan ken wa min ding ta-kira kaa ye Muuja pekraan longku fuddoko, ka we jimro ti piree kan shinui."⁴⁵Pene shii in peri in yiwani kpaalo pi shinnyii ti kudam, longkuuno te, Yeesho a ti dum ri tarang gok-mina ka dallamum, pene shii ti deenii ti piree a doo memme gbem. Kama ye kaa teerei memme in ti waru shiknii ti koo tong.

Chapter 2

¹Bara ye shii meena Kapanaawum ka shaklo lawiiu, in yaanna ya shii ti mina. ²Longku kaa te memme gbe in gallu ti po teere ye ta minai in kemero kama podang ri ta gumei yei a doo po shou shom, nang Yeesho in kaawon paaro ti shinui.³Peddi in waru shiknii ka mo shwei muraaro, shanna shii niyo peereu ⁴Bara ye shinui weyaa a ta dum nemru nimmi kan shim, shinui in appo daalan ku mina ti piree kan Yeesho, ka bi ye shinui appaai, nang shinui in durin irau ye mo shwei muraaro kuttiin ti kwii.⁵Bara ye weyaa shik lishaarijui, Yeesho in tewon ti mo shwei muraaroi ya, "La, fuddako shasshalauko." ⁶Wende peddi me an shoro ta shiire dijiyii ti po teere, nang shinui in ya nyimmo ti poshaariju ya, ⁷"Ka yee la-moo ta ya paaro kaa tei? Shii ti yai bek! Ta dum fuddo shasshalawii nong pene maa bara Yammam mi?"⁸Kpantidi Yeesho penaa ti ta shoomni wee shinui ti ku nyimmani ti taaju, "Longku wen ma ti ya nyimmo we te ti poshaari mai? ⁹Wo shire yeka maj-maj ka in tewi ti shwiji mo shwei muraaroi ya, 'Fuddaako shasshalauko, koo in tewi ya, 'Illo shikko, shar irauko, ken kooko'?¹⁰Pene kulan man peni La Niyo kan kumen ti ku-buk ka we fuddo shasshalau, " shii in tewi ti shwei muraaroi ya, ¹¹"Ne tekako, illo shikko, shar irauko, ken kooko war minako." ¹²Shii in illo shikni kan kpantidi in shar irawi, kan in perin ti ta minai ti toomno koo nong, longkuuno te, shin ding in ya maam kan shinui in min gba ti Yamma, kan shinui in ti tewi ya, "Minui nau we shik we kaa we tem."¹³Birang Yeesho in perii merko jele shakyai, kan jimai ding ka shaayi kan shii, kan shii in shuppo shinui. ¹⁴Kaa ye shii ti ku kowani, shii in we shikno Leewi laano Alpayo deeni ti po yiu kine-buk, nang shii in tewon ti shii ya, "Yiru biino."Shii in illo shikni in yiu biinii.¹⁵Yeesho ti ku sha weshiina ti ta minano Leewi kan me an yiu kine-buk gbe kan me an shasshalau ti ku shaani ka shaayi kan shii ka me an yiu-shubetni, longku shinui shin gbe kan shinui in ti yiu biinii. ¹⁶ Bara ye me an-shubet ti ta shiire, me shinui Parishaawa, weyaa ye Yeesho ti ku shaani kan me an shasshalau kan me an yiu kine-buk, shinui in tewi ti me an yiu-shubetnii ya, "Longku wen ye shii ti sha kan me an yiu kine-buk kan me an shasshalawi?"¹⁷Bara ye Yeesho yaaraa te in tewon ti shinui ya, "Memme me ta diiju bang, a lewo an-gunulum, bara memme me agin ti shiki teerei me leka. Nei warui ka longku nen ye me dobum, penei me an shasshalau."¹⁸Wende me an yiu-shubetno Yuwaana kan Parishaawa ti ku yiu-ku fok. Peddi memmei in waru kan in ya telyo ta shinui ya, "Longku wen me an yiu-shubetno Yuwaana kan me an yiu-shubet Parishaawa ti yiu fokju, pene me an yiu-shubetko a ti yiu sheejummi?" ¹⁹Yeesho in lignon ti shinui ya, "Me wanna po diyaa yen fo ta yiu fokju ye tida mo an diyaai maa ka shaayi kan shinui ka yee? Kaa ye ma shinui maa ka shaayi kan an-diya yen foi, shinui a ta yiu ku fokum.²⁰Pene darangi ta waru koddi ye ta shokron an ku-diyaa yen foi ti piree kan shinui, kan ti ta darang shurme, shinui ta yiu ku-fokju. ²¹A doo mo ta shar peeran-fok lanna yen fo in tonnon yen koorom. Maa yuwaa kaa te, kpalan jwali ta jaatito ti shikroi, yen foi ti shikno yen kooroi. kan jaaraani ta yooro perak in yek ye ka toomi.²²A doo mo ta der doo inaabi ti ta kooro luru doo inaabim. Maa yuwaa kaa te doo inaabii ta jaattu lurui nang doo inaabii kan lurui shin ding ta daklaju. Kan ye kaa teere, doo inaabi yen fo ti derii ti ta luru yen fo."²³Darang Nessho Yawudaawa Yeesho in ti shanglo peddi ta doong alkama, kan me an yiu-shubetni shinui in yiu bel-ku alkamai. ²⁴Nang Parishaawa in tewon ti shii ya, "Gee, longku wen ye shinui ti ya wee shoro beelaa-fok yaani Darang Nessho Yawudaawai?"²⁵Shii in lignon ya, "Mai nau maarani wee Dauda yuuna koddi ye shii leka kan in ti yaaro kpiyam shii kan shwiji me ka shaayi kan shii ²⁶ dangan piri ye shii riyaa ta Yamma koddi ye Abiyaatar shii mongba me ankpaa, kan in sha we-ta-kele ye waka, ye shoroi kum piri ti mondok mo shum bara me ankpaa, nang shii in min peddi ti me shinui ka shaayi kan shi maa?"²⁷Yeesho in tewi ya, "Darang Nessho Yawudaawa yuunai ka longku niyon-ding, a niyon-ding longku Darang Nessho Yawudaawam. ²⁸Longkuuno te, La Niyo shii Fo-mina, kan koo she Darang Neesho Yawudaawai."

Chapter 3

¹Yeesho birang in ri ta mina po for-fok, kan ka manni shwijii ye kirai isshaaro. ²Peddi memmei in dira shii ka nimmi koo shii ta tassho shii Darang Nessho Yawudaawa longku shinui in we koko po kpaa shii.³Yeesho in tewon ti shwijii ye kirai isshaaroi ya, "Illo shikko ken shereko sherii ti wono ti nangshakki memmei." ⁴Nang shii in tewi ti memmei ya, "Nennaa in ya ween kpang Darang Nessho Yawudaawa koo mo daklo; mo kauro kerang koo mo tuku ya?" Pene shinui in yooju yititi.⁵Yeesho in muuro shinui ka gbanan-ta-gongo, kan poshaarinii dakloro kping ka longku bang poshaariju, nang shii in tewon ti niyoi ya, "Tol shik kirako." Shii in tol shik kirani, nang kiranii in meerito yen kpang. ⁶Parishaawa in pereju kpantidi in yiu gassho koko po tuk Yeesho shin kama memmeno Iriidush.⁷Nang Yeesho, kan me an yiu-shubetni, shinui in pereju in warju po paali, nang jima memme in yiu biinii ti Galiili kan Yawuudiya ⁸kan Urshaliima birang kan ti Iduumiya, kan me kooka Urdun kan kpomlan-fok Taaya kan Shiidon. Koddi ye shinui yaara pi wee shii ti ku yuyyani, gbong jima in waru shiknii.⁹Yeesho ĩn tewi tĩ me an yĩʊ shʊbɛtnĩ mɔ shinui gasshɔnĩ gɔng-dɔɔ yen tɔb ƙa lɔngƙʊ jĩmaĩ, ƙʊlang shinui a ta we ƙɔƙɔ pɔ pɛsshɔnĩm. ¹⁰lɔngƙʊ shĩĩ niyɑɑn ƙa memme gbɛ, lɔngƙʊ ƙaa te, mo ƙan ɑgin tĩ ta diini ĩn yĩʊ gasshɔ ƙɔƙɔ pɔ lĩ shikni ƙa we nem piree ƙan shĩĩ ƙa we taʊ shiknii.¹¹Maa koddi ye piire shoom weyaa shiknii, ma yuwaa shinui in ti shugiyya ti toomnii ka yallo, kan shinui in ti tewi ya, "Kei Laano Yamma." ¹²Shii in tol kumojui mo shinui wessho kpaalo piri shii nongeei.¹³Yeesho in ammani ku sheela, nang shii in ye shinui me shii leka, nang shinui in waru shiknii. ¹⁴Shii in shakko kpumu gee-palawi (me shii yeyaa yaa me an-kaawi) longku shinui in wariju jeleni kulang in shur shinui ka we kpaalo fok shurani, ¹⁵kan shinui in we kumen we for piire-shoom. ¹⁶Shii in shakko kpumu gee-palawi: Shimon, ti shii ye minaan shommo Biiturush,¹⁷Yaakubu laano Jabadi, kan Yuwaana mollo Yaakubu, ti shii minaan shommo yaa Buwaanajish ye ta shuklani yaa shiba naani, ¹⁸kan Andaraawush , kan Pilibush, kan Batalamaawush, kan Matta, kan Tooma, kan Yaakubu laano Alpayo, kan Tadaawush kan Shimon mo leka bukni, ¹⁹kan Yawuuda Ishkarooti mo pilaan ka shii.²⁰Nang shii in wanni mina, kan jimai in waru ka shaayi birang, longku shinui a ta dum sha we-ta-kelem. ²¹Koddi ye me ta minani yaaraa piri, shinui in peri in ti mwajiyo shii ya, "Shanngau paalaa shii." ²²Me an-shubet ti ta shiire me shaana ti Urshaliima in ti tewi ta shinui ya, "Ka Baaljaabu ti ta diinii" kan "Ƙa ƙʊmɛn shɑɑɓug ye shĩĩ tĩ forin shɑɑɓug."²³Yeesho in ye shinui ti jeleni kan in tewon ti shinui ka temyan ya, "Ka yee ye Shuuro ta kai bi shuuroi? ²⁴Ma po ya-gub maa bwaaraaro in ti ya kenne kan shaayi, po ya-gub teere a ta sheranim. ²⁵Ma mina maa bwaaraaro in ti ya kenne kan shaayi, mina teere a ta dum sheranim²⁶Ma shuuro maa illaa gei kan kuuni kan tai bwaarani, shii a ta dum sheranim, pene wannai po wiilani. ²⁷Pene a doo mo ta ri ta mina niyo ye bang in jir wee shii kan shinum, bara ma shii maa dabyaa shik niyo ye bang ka toomi, kan nang shii in tang waraa pal we ta minanii.²⁸Kulli ne ta teuma, shasshalau shiba memme ding ta fuddon ti shinui, koo kan paaro bek ye shinui yuyyaa, ²⁹pene maa mo yuwaa paaro bek ti Shoom Yen Shaana, a ta fuddo shiim, pene shii an kelnye shasshalau po ding." ³⁰Yeesho teka tei longku shinui ti ku tebrani ya, "Shii kan piire shoom."³¹Nang nonni ƙan ma molonni ĩn warʊ ĩn shereju tĩ pɛɛwɛ. Shinui ĩn shʊrĩn tĩ shiknii mɔ yeeru shĩĩ. ³²Ƙa jĩma me ɗii kollii ƙan shĩĩs nang shinui ĩn tɛwɔn tĩ shĩĩ ya, "Nɔnƙɔ ƙan ma molonko shengrii tĩ pɛɛwɛ, ƙan tĩ ƙʊ gasshɔ biiko."³³Shĩĩ ĩn lignon tĩ shinui ya, "Wo ma nɔngɛɛ yei ma nɔnnɔ ƙan ma molonnoi?" ³⁴Shĩĩ ĩn shiwɑ ɗooni tĩ shik me dijiyii kollii ƙan shĩĩ ĩn tewi ya, "Gɛɛ, tenei ma nɔnnɔ ƙan ma molonno! ³⁵Lɔngƙʊ maa mo tĩ ya wee Yamma lɛƙa, niyo tɛɛrɛĩ mɔllɔ ƙan mɔlanɔ ƙan nɔnnɔ."

Chapter 4

¹Bĩrang Yeesho ĩn yĩʊ ya shʊbɛt tĩ shaƙya. Jimɑ memme gbɛ ƙpĩng ĩn gallʊ tĩ jɛlɛnĩĩ, ye shĩĩ ĩn reeni ta gɔng-dɔɔ ĩn ɗeen nin tĩ taĩ tĩ ƙʊ shaƙyaĩ. Jimɑ memmei ɗing ĩn ɗijiyɑju tĩ ƙʊ shwĩyaƙ tĩ pɔ jɛlɛ dɔɔĩ. ²Shĩĩ in shʊppɔ shinui ƙa we gbɛ ƙa tɛmɔ, nang tĩ ta shʊbɛtnĩĩ ĩn tewĩ ya, tenei wee tennan ti shinui.³"Ma yaaro! An-shirau waraai ya tobbo peenni. ⁴Kaa ye shii tobbaa, peddi peeni in shugna ti ku koko, kan adeewe in waru in yokko peenni. ⁵Peddi peeni in shugiyya ti ku karinkasshi buk, ti piree adoo buk gbem. Kpantidi in periju, longku ye ta buki a joorim.⁶Pene bara ye darang amna, in kur shinui, alawi in isshaju longku ye shinui a kan shoorinum. ⁷Peddi peenni in shugiyya ti ta arat. Shinui in kpiri ka shaayi arati in kpakro shiki, nang shinui a yu arim.⁸Peddi peeni in shugiyya ti ku buk yen kpang kan shinui in kpiri in ya ari in tokko-shaariju peddi naa-tat, peddi naa-paragbang, kan peddi sho shig-dok." ⁹Nang shii in tewi ya, "Maa mo kan kumo yaarani, shero mo shii yaaro!"¹⁰Koddi ye Yeesho shi ku dokni, me nimmi kan shii kan me kpumu gee-palawi in tel shii ti ku temoi. ¹¹Shii in lignon ti shinui ya, "Ti piree kan ma, kunnga ma piri man pen wee ti ta gubno Yamma. Pene mei ti taim koo wen ta sheeron ti shinui ti ta temo, ¹²longku ma shinui maa geeka, oo shinui geeka, pene a ta weyanim, kan longku ma shinui maa yaaraa, pene a ta penanim, koo birang shinui a ta shiru shikno Yamma kan in fuddo shinuim."¹³Shii in tewon ti shinui ya, "Mai peno temo te maa? Namg ka yee ma ta pen temo te dingii?" ¹⁴Mo an-kaawii, kaawaa paaro. ¹⁵Ma meyyei me ti jele koko, piree kaawaan paaroi. Koddi ye shinui yaaraa, kpantidi Shuuro in waru in lawwo paaro ye kaawaan ti poshaarijui.¹⁶Kan ma meyyei peen me kaawaa ti ku karinkasshi, me, koddi shinui yaaraa paaroi, kpantidi shinui in yiwi ka beere. ¹⁷Pene shinui a kan shoorin ti taajum, shinui in sheri po koddi la-wiiu. Ka bi kodii ye taa-shilib koo kunne illina ti ku paaroi, shinui kpantidi in shugna won.¹⁸Birang peddi peenii ye shugyaa ti ta arat, Shinui me yaaraa paaroi, ¹⁹pene turmo ku-buk kan dokko-dokko birma, kan leu peddi wei in waru in kpakro paaroi, kan in yooro a doo arim. ²⁰Me kaawaa shinui ti ku buk yan kpang teerei me yaaraa paaroi, in yiwi in ya shiili, peddi naa-tat, peddi naa-paragbanang, koo sho shig-dok gbe.²¹Yeesho in tewon ti shinui ya, "Ma ti waru ka okro deet ti ta mina ka longku dayani ti gun ganga ya koo ti gun gburam? Ma ti warinii ka longku dayani ti ku-dangla po dayani. ²²Longku a doo wee lattii yei ta penoro ta gunim, kan a doo wee nummani, yei ta dum peru peewe ti ku-damum. ²³Maa mo kan kumo yaaraani, shero mo shii yaaro!"²⁴Shii in tewon ti shinui ya, "Ma ka kumo ti shik wee ma yaaraa, longku ka gurang ye ma keraan, ta keron kan birang ta tokkoma shaarii. ²⁵Longku maa mo kan te, ti shii ye ta minin manni gbe, kan moi kan tem, koo ye la-wiiu ye kan tei, ta lawwon ti kirai."²⁶Birang shii in tewi ya, "Po ya-gubno Yamma kaa niyo ye tobbina peenni ti buk. ²⁷Shii in wa yooni shaklo ka yippa kan in illina ka darang, kan peeni in peru in kpiri, kaa ye shii a peno koo ka yaam. ²⁸Ku-buk in ya ari po kuuro, ka toomii jwijak, birang kumo kan ka bi kwii in ya ari ti ta kumoro. ²⁹ Koddi ye weshiinai maa niyaa, kpantidi ta shiwani ka po-demli longku koddi kasshoi wanna."³⁰Birang shii in tewi ya, "Ka wenee ye ta temyon po ya-gubno Yammai, koo wo temo shire ye kama ta twaalon-do we tei? ³¹Tei kaa ar-tinnyaak, ti ta koddi ye tobbaan, tei ye kattani ti shakki peen ku-buk ding. ³²Kan ye kaa teerei, koddi ye tobbaan, in kpiri kan in yooro gba ti ku dogi biro ta doongi ding, kan in liyyo ku-funga, longku adeewe ku-dang ta dum liyyon luwaju ti ta lukniroi."³³Ka temyo gbe kaa te shii in sheeron paaro ti shinui, gbe kaa ye shinui ta dum penani, ³⁴kan shii a yuun paaro ti shinuim in maa ka temyom. Pene koddi ye shii shi ku dokni, shii in twaalon-do koo wen ti me an yiu-shubetnii.³⁵Ti ta darang teere, koddi ye kiryippa yuwaa, shii in tewon ti shinui ya, "Ma shero kama teelemu awono shennyi." ³⁶Kaa te shinui in wessho jimai, shinui in shar Yeesho, kaa ye kan shii, ti ta gong-doo. Ka peddi gong-dooi in koona ka shaayi kan shii. ³⁷ Kpantidi gbong pirit-doo in illiru, kan shum-doo yen bang in yiu badilo ta gong-dooi ye gongi in shemo nem kemrero ka doo.³⁸Pene Yeesho po kuuni ka shi ti ta bi, ti do-shaklo deewaa kuuni ka we-deewo. Shinui in pigro shii ya, "An-shubet, duma kei turmo kaa ye kama nennga muttani maa?" ³⁹Shii in illo shikni, in pekro piriti kan in tewi ti shum-dooi ya, "Yu yititi! Ken sheri!" Nang piriti in sherero, kan nang in shemo ya gbong yititi ti po teere.⁴⁰Nang shii in tewon ti shinui ya, "Longku wen ma ta ya shewoi? Ar wende ma kan li-shaarim ya?" ⁴¹Shinui in kemreju ka gbong shewo kan shinui in ti tebiyya ti shaayi ya, "Duma nang tenei nong, longku modaa pirit kan paali-dooi in ti minin gba ti shii?"

Chapter 5

¹Shinui in fooroyen dok awo paalii, ti ta kpakan fok buk Garashinaawa. ²Koddi Yeesho ti ku peron ti ta gong-dooi, kpantidi ti po teerei in amru shiknii ta niyo ti ku duwa ye ka piree shoom.³Niyoi ti deenii ti duwa. Adoo mo ta dum too shii we eem birangum. ⁴Tobyaa shii sho gbe ka an-kop kan we-eem. Shii ti bebro ta we-eemi birang an-kopi maa yuwaa in tonglo tai. Adoo mo kan bang kping ye ti yippo shikniim.⁵Koo ippa kan darang shii ti ku-duwa kan ta sheela, shii ti yuyyo yallo kan in ti shippo shikni gerang shiila. ⁶Koddi ye shii weyaa shikno Yeesho ka la talii, shii in juuru waru shiknii kan in juunan nen ti toomnii.⁷Shii in yallina ka ele yen bang ya, "Ke lekai wen ti piree kan minui, Yeesho Laano Mo ti Ku-dang baki? Ne benngako ti piree kan Yamma po kuuni, wessho minno shilibii!" ⁸Longku shii ti ku tewon ti shii ya, "Periko ti shik shwijii, ke mo piree shoom."⁹Yeesho in tel shii ya, "Shommokoi wen?" Shii in lignon ti shii ya, "Shommonoi Liijiyon (shig-kpumu sho paragbanang), longku min gbe." ¹⁰Shii in beng shii ti kwi ti kwi mo wessho kaiju biiju ti ta kpakan-fok buki.¹¹Wende ti po teere ka an-pali annyanjyaari mina ti ku sha fok ti toom gungumi, ¹²nang shinui in beng shii ya, "Shur mu gunmu ti shik annyanjyaari mina me." ¹³Kaa te shii in kumin piri ti shinui, piire shoomi in pereju in wa reeju shik annyanjyaari minai, gbeju fooraa shig kpumu sho palau nang in gboloju ti gbaari ti shik gungumi we sha ta paalii, nang doo in dello shinui¹⁴Nang me an-tii annyanjyaari-minai in juwaju yoba in wa sheero gun wee yuunaro ti me ti tarang gok-minai kan kpomlan-fok bukro, kaa te memme in perii waraa gee wee yuunaro. ¹⁵Nang shinui in waru shikno Yeesho nang shinui in we shik mo shanngau sharaa-kwi milami, mo sharaa-kwi ta Liijiyon (Shig-kpumu sho Paraganang), deeni ti po teere, kan shoppan lanna ti shikni kan ti ta nyimmono dob. Nang shewo in yiu shinui.¹⁶Me weyaa shik wee yuunaro ti shik shwiji mo shanngau sharaa-kwi milami, in sheeron guni ti shinui ti liyan guni, nang shinui sheeju in sheeron pi anyanjyaari-minai. ¹⁷Nang shinui in yiu dimmo shii mo wessho ta bukju.¹⁸Koddi ye shii ti ku ri ta gong-dooi, shwiji mo milam shanngau shaaraa-kwii in beng shii ya shii ta kowani kan peemo. ¹⁹Pene Yeesho a kumin piri ti shiim, nang in tewon ya, "Koo ke warko minako kan shik memmeko kan ken sheeron ti shinui wee Fo-mina yuunako, kan ye shii kunnginako." ²⁰Longku kaa te shii in kooni kan in yiu kpaalo piri ti ta gok-mina kpumu pi gbidina wee Yeesho yuuna ka longkuuni, kan koo nong in ya maam.²¹Wende koddi ye Yeesho teelaa awo shiiruk nan dok ti ta gong-dooi birang, gbong jima in gallin ti jelenii, kaa ye shii ti jele paali. ²²Nang dok ti shakki me an-toom me ta mina fur-fok ye shommonii Yayiirush in waru, kan koddi ye shii weyaan shiknii, shii in juunani ti toomi. ²³Shii in bengi ti-kwi ti-kwi in te tewi ya, "La-kattan laino yuwaa nimmi muroro. Ne benngako, waru ken liin kirako ti kuuroi kulang tei in we bang shikro, tei in diina." ²⁴Longku kaa te, shii in koona ka shaayi kan shii, nang gbong jima in yiu biinii ar in yiu pessho shii.²⁵Wende ka paamun ti po teere ye dom ti peri ti shiki po sheno kpumu gee-palau. ²⁶Tei baka shikro kping ti piree kan me an-gunul kan tei in wiilaa wee te kan te ding, pene kan ye tei in we maj-maj shikro, wei in ti tokko-shaariro yooro perak. ²⁷Koddi ye tei yaaraa pinno Yeesho, tei in amru ti kudo ta biinii ti shakki jimai nang tei in tau shik geran lanna kawonii.²⁸Longku tei teka ya, "Ne maa bara takai shik geran lanna kawoni waani, ne ta we bang shikno." ²⁹Koddi ye tei takan shiknii, nang pere domi in sherero, kan tei in yaarra ti ta diiro tei tasshaaro ti piree kan taa-shilibro.³⁰Yeesho kpantidi in peni ka shikni ya kumen peraa ti shikni. In shiwa dooni ti shakki jimai in tewi ya, "Taka shik lannanoi nong?" ³¹Me an yiu-shubetnii in lignon ti shii ya, "Ken ti we shik jima te kpalii diring ti jeleko, birang ken ti tewi ka, 'Taka shiknoi nong wa? ' " ³²Pene Yeesho in gejiyo jeleni ka we we shik mo yuwaai.³³Paamuni, penaa wee yuunaro ti shikro, gbob-gbob in yiu tei ka longku shewo. Tei in waru in juunan ten ti toomnii kan in tewon ti shii kpang-paaroi ding. ³⁴Shii in tewon ti tei ya, "Lai, lishaarishi minaashi bang shik. Kooshi ka twaalan-shaari kan shin bwaaraashi kan taa-shilibshi."³⁵Koddi ye Yeesho tida ti ku ya paaro, peddi memmei in waru ti minano Yayiirush mo an- toom ta mina Fura-fok in tewi ya, "Laiko muraaro. Longku wen ke ta turmo an-shubet birangi?"³⁶Pene Yeesho in fulin-bi kaa we teka ta shinui,in tewon ti mo an-toom ta mina fur-foki ya, "Wessho ya shewoi, bara kumu waani." ³⁷Shii a wessho manni niyo in koona ti biiniim, bara ma Biiturush, Yaakubu kan Yuwaana ta mollo Yaakubui. ³⁸Bara ye shinui fooraa ta mina mo an-toom ta mina fur-foki, Yeesho in we memme ti ku bau kenni, shinui in ti yuyyo kwii kan yallo ka ele yen bang.³⁹Koddi ye shii riyaa ta minai, shii in tewon ti shinui ya, "Longku wen ma ti ku bau kenni kan longku wen ma ti ku ya yalloi? Layii murorom, pene ti ku yaani shaklo." ⁴⁰Shinui in yuun shuro bek ti shii. Pene shii in kajiyiru biijui ti peewe, nang shii in ye fo lai kan nonii kan me an yiu-shubetni me ka shaayi kan shii, nang shii in ri piree kan lai.⁴¹Shii in yippon lai ti kirai in tewon ti tei ya, "Taliita, kumi!" (Tenei wee ti shukilla yaa "Kattan la-geje), Ne teka shi, na shi illo shik shi." ⁴²Kpantidi layii in illo shikro in ya mere (longku tei shenero kpumu gee-palau kan pari). Shinui kpantidi in ya maam kan gbong beere. ⁴³Shii in yuun pekro ti shinui kping ya mo koo niyo dok wessho pen gun we tei. Nang shii in tewon ti shinui mo minin we po shaani ti tei.

Chapter 6

¹Yeesho in wessho po teerei in waru tarang gok-minani, kan me an yiu-shubetni in yiru biinii. ²Bara ye darang Nessho Yawudaawa yuwaaro, shii in ya shubet ti ta mina fur-fok. Memme gbe in yaaraa shii kan shinui in yuyyo maam. Shinui in ti tewi ya, "Duna shii weena shubet tei ti tong?" Duma wo shen wen ye minnan ti shii?" Duma tenei we maam wen ye shii ti yuyyina ka kiranii?" ³"Tenei la an-teddo we-po-dang, laano Maryamu kan ma molonni ta ma Yaakubu, Yushubu, Yawuda kan Shimon maa? A ma molonni shereb ka shaayi kan kama ti po te maa?" Poshaarijui in dakloro ti shikno Yeesho.⁴Nang Yeesho in tewon ti shinui ya, "Ai, mo an-pigro a ti kaano we gbam bara ti gok-minanju birang kan ti shakki ma molonni kan ta-minaju." ⁵Shii a dum ya gbong shuran koo dokum, bara liyaa kira ye shii liyaa ti ku peddi me shikjui bangum kan in tassho shinui. ⁶Shii in ya maam kenni lishaariju. Nang shii in yiu merko meno-mina meno-mina in ti ya shubet.⁷Nang shii in ye kpumu gee-palawi in yiu shungro shinui palau-palau, nang shii in minin kumen ti shinui ti ku piire shoom, ⁸kan shii in pekro shinui mo wessho shar we ti kirajui, koo we-ta-kele, vooro koo kine ti gunjui, bara la-biro mere, ⁹Ma shoppo taa pene mo ma shar manni laanaim.¹⁰Shii in nang tewon ti shinui ya, "Mam maa riyaa ta mina, ma dee ma ti po teere we war koddi ye ma ta wessho po teere. ¹¹Maa ka gok-mina yei ta yiu mam koo in yaaro mam, mam maa ta wessho po teere, ma tudira kpisshi shik shoo ma in yooro we jimro ti kuuju."¹²Shinui in koona in wa kpaalo piri ya mo memme for-fokju. ¹³Shinui in foddo shanngau gbe, kan in der mor ti ku memme gbe me shikjui bangum kan in tasshaju.¹⁴Gub Iriidush in yaaro we te, longku shommono Yeesho penaaro ti koo tong. Peddi yaa, "Yuwaana an Yulma ye illaani ti shakki me kuma, kan teerei ye we maam kumen shurme te ti ya shuran ti shiknii." ¹⁵Peddijui in te tewi yaa, "Shii Ilya." Ar wende peddi in tewi yaa, "Shii an-pigra, kaa dok ti shakki kodiro me an-pigra me milam."¹⁶Pene bara ye Iriidush we te in tewi ta shii ya, "Yuwaana, mo ne foraa kwi, illaani." ¹⁷Longku Iriidush shuraa in yiru Yuwaana, kan shii in li in kpakko shii ti ta mina fur-shuna ti ku paarono Iriiduya (manna molli ta Pilibush), longku shii diga tei.¹⁸Longku Yuwaana teka ti Iriidush ya, "A yu kpang ken dig manna molkom." ¹⁹Pene Iriiduya in kpal den kan shii kan in leu tuk shii, pene tei a ta dumanim, ²⁰longku Iriidush shiyaa Yuwaana; shii penaa yaa niyo ye dob-dob kan shaana, kan shii in naa shii kpang. Bara ye Iriidush yaaraa Yuwaana, shii in turmoni, kaa ye shii leka yaaro Yuwaana.²¹Nang koddi yen kpang in waru, koddi ye Iriidush ta ya temre darang pattanni, nang shii in ya weshiina kiryippa ti men-gbidina me an-toom bee-deetni kan men gbidina shwiji me ti Galiili. ²²Laino Iriiduya ka shikro in riiru, tei in yuun shor ti shinui, ma Iriidush kan me an sha weshiina temreni in beero kuuroi ta shinui. Nang gub in tewon ti la-gejei ya, "Bengno ka wee shi leka ding kan ne ta min shi."²³Shii in pammon-we ti tei ya, "Wee shi bennga ding ti piree kan ne, ne ta min shi, koo modaa awo bwaari po ya-gubnoi ne ta min shi." ²⁴Tei in perero in war shikno nonto in tewon ya, "Ne ta beng shii ka wen?" Tei in tewon ya, "Kuuno Yuwaana an ya Yulma." ²⁵Kpantidi tei in meeru shikno gub ka dawal, nang tei in bengi in ti tewi ya, "Ne leka ken minno, wendei, kuuno Yuwaana an ya Yulma ti ta kummam."²⁶Gub in turmoni kping, pene longku yaan pammini kan me binoni, shii a lewo beelon teim. ²⁷Nang gub in shur an-dongoori ka pekro mo waruni ka kuuno Yuwaana. An-dongoorii in wanna in wa for kuuno Yuwaana ti ta mina fur-shuna. ²⁸Shii in warin ka kuunii ti ta kummam in mini ti la-gejei, nang la-gejei in wa mini ti nonto. ²⁹Koddi ye me an yiu-shubetni yaaraa pi we te, nang shinui in wa shar kumai in wa kannina ti ta duwa.³⁰Me an-kaawii in waru ka shaayi kan Yeesho nang in tewon ti shii wee shinui yuuna kan wee shin shuppinan.³¹ Nang shii in tewon ti shinui ya, "Ma war ma piree a doo niyom man wa nesshon la-wiiu." Longku memme gbe ti ku waru in ti kooju, nang shin me an-kaawii a wa koddi ye po shuun weshiinam. ³²Longkuuno te shinui ku-jalju in reeju ta gong-doo in warju piree a doo niyom.³³Pene kaa ye shinui ti ku wessho po teerei, memme gbe in jemlo shinui, nang shinui in juwan yoba ti biijui ti tarang minai, ar shinui in be mean kaawii foorani. ³⁴Koddi ye shinui foonna ku-shwiyak po paali dooi, shii in we shik gbong jimai, nang shii in kunngo shinui, longku shinui kaa dinnyi mei a doo mo an-tiim. Nang shii in yiu shuppo shinui ka we gbe.³⁵Ti ta Koddii po darang buka, me an yiu-shubetni in waru shiknii in tewi ya, "Po tei a doo niyom kan koddii kuugaro. ³⁶Li bi memmei longku shinui in wangro tarang gok-mina kan meno-mina me nimmi kulang shinui in pillin wee shinui po shaani ti kuuju."³⁷Pene shii in lignon ti shinui ya, "Ma minin ti shinui we po shaani." Shinui in lignon ti shii ya, "Mo min war minun wa pillu we-ta-kele po dinaari shig-palau ka we minin ti shinui ka we shaani ya?" ³⁸Shii in tewon ti shinui ya, "Duma appannii ye ma kan tei tiyaa? Koo ma gee." Bara ye shinui weyaa, shinui in tewon ti shi ya, "Appani fuwat kan shirim palau."³⁹Shii in tewi ya mo memmei dijiyaju mina-pitto mina-pitto ti ku shwee. ⁴⁰Shinui in dijiyaju mina-pitto mina-pitto ye shig-dok shig-dok kan naa-fuwat naa-fuwat. ⁴¹Shii in shar appani fuwat kan shirim palau in beblo tai in mibinna ti me an yiu-shubetni mo dajiyon ti toom memmei. Birang shii in bwairon ta shirim ye palawi ti shinui ding.⁴²Shin ding in shuyyina ar in kemreju. ⁴³Nang me an yiu-shubeti in ganglo do beblan ta we-ta-kelei, kemran ganga kpumu gee-palau, birang kan buk-buk shirim. ⁴⁴Ti po teerei, gbe memme me shuwaai appanii shin shig-fuwat sho kpumu.⁴⁵Kpantidi shii in lin me an yiu-shubetni in reeju ta gong-doo in kooju toom we war awo nan dok, ti Basheeda, ye shii in tang waraa li bi jimai. ⁴⁶Koddi ye shinui kookoju, shii in ammani ku sheela ka we fur-fok. ⁴⁷Kiryippa in yooro, kan gongi ti nangshakki paalii, kan shii shi ku dokni ti buki.⁴⁸Yeesho in we me an yiu-shubetni ti ku taa shilib kai-doo gong, longku piriti ti ti pitturui ti kudo shikju. Ka fuwan ta-piri ka vubna, nang gee Yessho ti ku waru shikjui, shii ti ku ya mere ti ku paali-doo, kan kaa shii ta koonnin ti fokjui. ⁴⁹Pene koddi ye shinui weyaa shiknii ti ku ya mere ti ku paali-dooi, shinui in nyimmina ya kergumii an-sha-duwa, nang shinui in yallina, ⁵⁰longku shinui weyaa shiknii in shemo turmoju. Kpantidi shii in yuun paaro ti shinui ya, "Ma kemo shik ma! Tenei ne! Ma wessho ya shewoi!"⁵¹Nang shii in ammani ta gong-doo ye kan shinui, nang piriti in dai-fok pittani. Nang shin ding in ya maam. ⁵²Longku shinui peno kangan niyo shig-fuwat sho kpumu ka appani ta shuklanim.⁵³Koddi ye shinui teelaaju awo yen dok, shinui in shaaju ti Jenishereeta kan shinui in too gong-dooi ti po paali. ⁵⁴Koddi shinui pennan ti ta gong-dooi, memme in jemlo shii kpantidi, ⁵⁵nang shinui in wangro koo tong ka yoba ti ta buk in ti wangittu ka me shikjui bangum ti ku irau ti piree ding shin yaaraan ya shii ti po teere.⁵⁶Piree shii riyaa ding ti tarang meno-minai, koo gok-minai, koo ti ta buki, shinui ti kaniro me shikjui bangum ti ku-dam po pilblo-we. Shinui in ti beng shii mo shin tau po gerang lannani, kan ding me taka shiknii shinui ti we bang-shikju.

Chapter 7

¹Parishaawa kan me an shubet ta shiire me wanna ti Urshaliima in gallun ti jelenii.²Shinui in we peddi me an yiu-shubetnii ti ku sha we-ta-kele ka kiraju a fuddanim.³ (Longku Parishaawa kan Yawudaawa a ti sha-wem ma kiraju maa fuddanim, longku shinui yiwii kan waari me an-toom. ⁴Koddi ye Parishaawa maa wanna ti ku-dam po piblo-we, shinui a ti sham ye ma shinui maa bina shikjum, birang shinui yiwii kan peddi wei gbe me shinui yinna, kaa ma fuddo shik temme, fuddo shik telang, fuddo shik bwatte laa-bela kan ku-dangla piree shinui ti shuun weshiina.)⁵Parishaawa kan me an-shubet ti ta shiire in tel Yeesho ya, "Longku wen me an yiu-shubetko a ti ya kaa ye waari me an-toom kunngan, pene in ti sha we-ta-keleju ka kiraju a fuddanimmi?"⁶Pene ahii in tewon ti shinui ya "Isheya yuwaa pigrai kpang ti kuuma me an wawo-ado. Kaa ye ballii ya, "Memme te ti minno gbai ka ku-fokju, pene poshaariju tali kan ne. ⁷Ti waunoi ti ta meere, shuppani ka shoro memme teerei wee shinui shereenjun ti kwi.'⁸Ma fulaa bi ka shorono Yamma man yiwo waari memme." ⁹Birang Shii in tewon ti shinui ya, "Ma kan koko yen kpang ye ma po wakin shorono Yamma kulang man yiwo ma bi waari ma! ¹⁰Longku Muuja tenna ya, "Min-gba ti ma foko kan nongko,' Shi mo kpaaka foni yei nonni yikka ti gbare-do in tuk shii.'¹¹Pene man ti tewii maa, 'Maa mo teka ti foni yei nonni maa, 'Peen shawo ye ma po weyaani ti kirano, ne fuwaa po wakani ti Yamma. ¹²nang ma ti kumin ti shii mo yu manni wei ka longkuuno foni koo nonnim. ¹³Ma ti ku pitto ku paaro Yamma ka waari ma ye ma ti shuppon shiba ma. Birang man ti yuyyo peen we gbe."¹⁴Yeesho in ye jimai birang in tewon ti shinui ya, "Ma yaarono, ma ding man peni. ¹⁵Adoo wee ye ti peewe ti shik niyo ye ta li shii in yoon an-doon ye maa riyaa shiknim. Pene bara wee ta peru ti poshaari niyo teerei ye ta li shii in yooni mo an doon." ¹⁶"[Maa ka mo kan kumo we yaarani, shero mo shii yaaro]".¹⁷Wende koddi ye Yeesho wesshaa jimai in reeni ta mina, me an yiu-shubetni in tel shii ti ku temoi. ¹⁸Yeesho in lignon ti shinui ya, "Ar wende bambirima ti ta kenni penani ya? Ma ti we wee riyaa ta aa niyo ti peewe a ta li shii in yooni an-doonum, ¹⁹longku a ta ri poshaarinim, pene ta shaaro ta vungul kan ka bi in perero ti lo-shikum ya?" (Tewan paaro te, Yeesho kunnga ya weshiina ding ku-jallal kpang).²⁰Shii in tewi ya, "Nang bara wee ti peru ti ku-fok niyo teerei wee ti li shii in yooni an-doon. ²¹Longku ti ta aa niyo, ti shakki wee ti poshaari, ti perui kaa ma, nyimmo doon, jiri, tuk-niyo, ²²shomak, dalak, shek, dokko, piire lewo, mwisshi, daklo-shommo, kpir-ku kan kenni-nyimmo. ²³Piire ween shurme te ding ti pepittui ti poshaari, kan shinui wee ti li niyo in yooni an-doon."²⁴Shii in illani ti po teere in kooni war ta buk Taaya kan Shiidon. Ti po teerei shii in wa ri ta mina, kan shii a lewo koo niyo in pen piree kan shim, pene shii a ta dum latto shiknim. ²⁵Kulli pene, kaa ye kpantidi manni paamuni ye kan lairo kattani ye ka piire shoom yaaraa shinnyinii, tei in waru in juunan ten ti toomnii. ²⁶Paamuni niyo Elenaawa, ye pattaa tei ti kpakan-fok buk Finiikiya ti ta buk Shuuriya. Tei in beng Yeesho mo for shaabug ye ti shik lairo.²⁷Yeesho in tewon ti tei ya, "Shero mo kang shibai tida. Longku yikka ti gbare-do minun kang shiba Ishereila tida." ²⁸Pene tei in lignon ti shii ya, "Oo ta Fo-mina, koo bai ti shai nyittan weshiina ye ti shugiyya ti buk ti ku dangla po sha weshiina shiba."²⁹Yeesho in tewon ti tei ya, "Ka longku deewan paaroji, shi ta dum kooji. Shanngawi fuwaa po perenjun ti shik laiji." ³⁰Tei in meero minaro in wa we lai kuttii ti ku gburam, kan shanngawi fuwaa po pereju.³¹Nang Yeesho birang in wessho kpakan-fok buk Taaya, in merko ta buk Shiidon ar we war Shiiruk Galiili we ammo shakki gok-mina kpumu. ³²Ti po teerei shinui in waru ka manni niyoi ye gballa kan ta foknii dasshani, kan shinui in beng shii mo liin kira ti kuunii.³³Nang shinui in ye shii ti jele ti piree kan jimai shi dokni, shii in showin po kirani ti ta kumoi, kan shii in fiya ele birang in tau shik daki. ³⁴Nang shii in deero-dooni ti ku-dang, in for shabak,kan in tewi shii ya, "Ephphatha," tene ta shuklani yaa, "Awu!" ³⁵Kpantidi ta kumonii in aworo, Yeesho in li niyoi in ya paaro, kan shii in yiu ya paaro daar-daar.³⁶Yeesho in pekro shinui mo wessho tewani ti koo niyoi. Pene ma shii ti foddon foki ti shinui, kaa shii ti tewon ya mo shinui shuun toom ka kpaalo piri. ³⁷Shinui in ya maam kping, in ti tewi ya, "Shii yuwaa we te ding kpang. Ar shii liyaa gballa in yiu yaarani kan mo baaba in yiu ya paaro."

Chapter 8

¹Ti ta shkalo shurme, birang ka gbong jima in gallu, kan shinui a kan wee po shaanim. Yeesho in ye me an yiu-shubetni in tewon ti shinui ya, ²"Ne ti ku kunngo jima te ka longku shinui shuwaa-toom ka diyani kan ne ye booi yuwaa shaklo tat, kan adoo we po shaanim. ³Ne maa shuraa gunjui ka we war minaju a gale kan shaanim. Peddiju wanna tali." ⁴Me an yiu-shubetnii in lignon ti shii ya, "Min ta waraanii tong minun weeru appan we-ta-kele gbe ti piree adoo niyom ka we kemron ka memme tei?"⁵Shii in tel shinui ya, "Ma kan appani tiyaa?" Shinui in liginna ya, "Parilau." ⁶Shii in ya paaro ya mo memmei dijiyaju ti buk. Shii in shokro appani ye parilawi, in pammina, kan in beblo taajui. Shii in mibnon ti shinui ti me an yiu-shubetni mo dajiyon ti toomjui, nang shinui in dajiyon ti toom jimai.⁷Birang shinui kan shirim a gbem, kan ka bi ye shii pammina ka longkuuju, shii in pekro me an yiu-shubetnii mo bwatton ti shinui kpang. ⁸Shinui in shuyyina in kemreju, nang shinui in pablo dogii beblan tai, shinui in kemro gbidina ganga shin parilau. ⁹Ti po teerei ka shwiji shin shig kpumu sho naa-peereu. Nang shii in li biijui won. ¹⁰Kpantidi shii in reeni ta gong-doo kan me an yiu-shubetni, nang shinui in warju ta kpakan-fok buk Dalmanuuta.¹¹Nang Parishaawa in peru in yiu ya jiram kan shii. Shinui in leu we shik we-temo ti ku-dang, ka we nau shii. ¹²Shii in fur-shuno tiriim ti ta shoomni kan in tewi ya, "Longku wen ku-kiran te leka we shik we-temoi? Kulli ne ta teu ma, adoo temo ye ta shuklani ti ku-kira tem." ¹³Nang shii in wessho shinui, in reeni ta gong-doo birang, kan in koo wanni awo yen dok.¹⁴Wende jiyee waru ka we-ta-kele shekna me an yiu-shubet. Shinui a kan wee yeka bang awoi dok ti ta gong-dooim. ¹⁵Shii in pekro shinui ya, "Ma yu geren kan jooro ka yiij Parishaawa kan yiijno Iriidush."¹⁶Me an yiu-shubeti in yiu tenglo shaayi ya, "Tenei ye kamai kan we-ta-kelem." ¹⁷Yeesho fuwaa po pen te, nang shii in tewon ti shinui ya, "Longku wen ma ti ku yuyyo telyo ti kuuma maa ma kan we-ta-kelemmi? Ar wende tida mai jemlo maa? Ar wende tida mai peno maa? Poshaarima yuwaa dil ya?¹⁸Ma kan ado, ma ti wem ya? Ma kan kumo, ma ti yaarram ya? Ma ti nyimminam ya? ¹⁹Koddi ye ne beblaa ta appani fuwati ti shakki shig-fuwat sho kpumui, wo dogii ganga buk-buki we-ta-kele tiyee woraai?" Shinui in lignon ti shii ya, "Kpumu gee-palau."²⁰Koddi ye ne beblaa ta appani shin parilawi ti shakki memme shin shig kpumu sho naa-peerewi, kemran beblan ta we-ta-kele tiyaa ye ma pablaai?" Shinui in lignon ti shii ya, "Parilau." ²¹Shii in tewi ya, "Ar wende tida mai peno maa?"²²Shinui waru Batshaida. Memme ti po teerei in warin ti shii ka Manni shwijii kan shinui in beng Yeesho mo tau shiknii. ²³Yeesho in yiwin an-fugumi ti kirai, kan in peron ka shii ti tarang meno-minai. Koddi ye shii fiikan elet ti adoonii kan in liin kira ti kuunii, shii in tel shii ya, "Ke ti we shik we ya?"²⁴Shii in deero dooni, kan in tewi ya, "Ne ti we shik memme shinui ti ku yuyyo mere kaa biro-biro." ²⁵Nang shii birang in liin kira ti ku adoonii, nang niyoi in au adooni, po-geenii shinnaro, kan shii in ti we shik we ding kpang. ²⁶Yeesho in li biinii mo wanni minani kan in tewi ya, "Wessho ri tarang minam."²⁷Yeesho kan me an yiu-shubetni in yiu merko meno-mina me nimmi kan Kaisheeriya ye ti Pilibi. Ti ku koko shii in tel me an yiu-shubetni ya, "Memme ti tewi ya nei nong?" ²⁸Shinui in lignon ti shii ya, "Yuwaana an Yulma. Peddi yaa, 'Ilya,' kan peddi yaa, 'Dok ti shakki me an-pigra.' "²⁹Shii in tel shinui ya, "Pene ma sheema ma ti tewi maa nei nong?" Biiturush in lignon ti shii ya, "Kei Kiriti." ³⁰Yeesho in pekro shinui mo wessho tewani ti koo niyo dok maa nei Kiritii.³¹Sii in yiu shuppo shinui ya La Niyo yikka ti gbare-do in taa shilibi we gbe, kan birang men gbidina kan mon gba me ankpaa kan me an shubet-shoro ta kuraa shii, kan ta tukani, kan ka bi shaklo tat ta illani. ³²Shii in sheero shuran te ti kudam. Nang Biiturush in ye shii ti jele kan in yiu pekro shii.³³Pene Yeesho in shiwa dooni in geen me an yiu-shubetni kan nang in pekro Biiturush ya, "Meeko won ti piree kan ne, longku ke ti ku yaani kaa kei Shuuro! Kei li poshaariko ti ku wee sheeno Yammam, penei ti ku we memme." ³⁴Nang shii in ye jimai kan me an yiu shubetni ti do shaayi, kan shii in tewon ti shinui ya, "Ma mondok maa leka yiu biino, shii ta ya jiram kuuni, in shar biro loo-kuuni, nang in yiru biino.³⁵Longku maa mo leka kauro kerangni ta shekon ka te, kan maa mo shekan ka kerangni ka longkuuno ka longku paaro Yamma kauron ka te. ³⁶Niyoi ta we wenee ye shii maa weyaa ku-buk ding in kaano we kerangnii? ³⁷Wo wen ye niyo ta minani ka we paaro-ku kerangnii?³⁸Maa mo ta yaaro duulan-shik ka longkuuno kan paarono ti ta koddi te yei adoo yiu poshaari kan Yamma kan me an shasshalau ti ku-kira te, La Niyo ta yaaro duulan-shik ye shii maa meena ti ta shokranno Foni kan ka shaayi kan me an shuran ku-dang me shaana."

Chapter 9

¹Nang shii in teown ti shinui ya, "Ne ta teuma yen kulli, ka peddi ti shakki ma me shengrii ti po te me shinui a ta nau murom shinui ta we shik po ya-gubno Yamma wanna ti ta kumen." ²Ka bi shaklo paragbanang, Yeesho in ye ma Biiturush, Yaakubu kan Yuwaana in ammaju ku joori sheela ku-jalju. Nang shii in paaroo kuuni ti toomjui. ³Lannani in shiwaro yen pek shak-shak, pei yeka pe wee mondok ti ku-buk ta dum wunin shinui.⁴Nang ma Ilya kan Muuja in perin ti jelejui, kan shinui in ti ya paaro kan Yeesho. ⁵Biiturush in tewi ti Yeesho ya, "An-shubet, yuwaa kpang ye kama ti po te, kan shero mo min limma tam tat, dok ka longkuuko, dok ka longkuuno Muuja kan dok ka longkuuno Ilya." ⁶(Longku shii a peno wee po tewanim, longku shinui yuwaa shewo.)⁷Nang shunngu in shaaru in kau kuujui, nang ele paaro in perin ti ta shunngui ya, "Leyyei Laano. Ma kaan kumo ti shii." ⁸Kpantidi, koddi ye shinui shibyaa dooju ti jele gongoju, shinui a wa shik koo niyo dok kan shinuim, pene bara Yeesho.⁹Kaa ye shinui ti ku shaarin ti ku sheelai, shii in pekro shinui mo wessho tewani ti koo niyoi wee shin weena shikii we war koddi ye La Niyo ta illon ti shakki me kumai. ¹⁰Longku kaa te shinui in wessho wei ti kuuju, pene shinui in ti deppina ti shakkiju "illani ti shakki kuma" ta shuklo wen.¹¹Shinui in tel shiiya, "Longku wen me an-shubet shoro tenna ya Ilya ta shiru ka toom an marku in tang warui?" ¹²Shii in ligno ti shinui ya, "Oo, Ilya ta shiru ka toom in meeru ka we ding. Pene ka longku wen ye ballaa ya La Niyo ta taa shilib we gbe kan ta kura shii? ¹³Pene ne ta teuma na Ilya fuwaa po warini, me an-toomu kama in yuun wee pire shilib shiknii kaa ye shinui leka yuun ti shii, kaa ye balliin ti kuunii."¹⁴Koddi ye shinui wanna shik dogi mean yiu-shubeti, shinui in we tappan jima ti jelejui, kan me an-shubet ta shoro in ti ya jiram kan shinui. ¹⁵Kpantidi kaa ye shinui weyaa shikno Yeesho, jimai ding in ya maam ka ye Yeesho foona kan ye shinui juuga ammoi kakyo shii. ¹⁶Shii in tel me na yiu-shubetni ya, "Ma ti ku ya jiram kan shinui ti ku wen?"¹⁷Mondok ti shakki jimai in liginon ti shii ya, "An-shubet, ne wannako ka laano. Shii kan shoom ye a ti mini koko po ya paarom. ¹⁸Ti shokro shii in ti birin buk, kan maa yuwaa fubul in t perin ti foki, in ti ar ku-wuroni, kan maa yuwaa shiknii in isshoro. Ne bennga me an yiu-shubetko mo shinui forin ti shiknii, pene shinui a dumum." ¹⁹Shii in lignon ti shinui ya, "Mei kan lishaarim ti ku-kira te, ne ta diyani bakii ka yee nen ti shassho mai? Ma warin nen ka lai wono."²⁰Shinui in warin ka la-shwijii ti shii. Koddi ye shoomi weyaa shikno Yeesho, kpantidi in shokinna in birin buk ka Shii shiki in tari. La-shwijii in shugna ti buk kan fubul in ti perin ti ku-foki. ²¹Yeesho in tel fonii ya, "We te liina gunii dimin?" Fowii in liginna ya, "Liina guni ye tida shii ti ta ya laani. ²²Manni koddii ti ter shii ti ta deet koo ti ta doo kan in ti gassho po tuk shii. Ke maa ta dum ya weenan dok, kunngomu ken shaumu."²³Yeesho in tewon ti shii ya, "Ke teka ka ne maa ta dum yaa'? We ding ta dum yooro ti piree kan mo kan lishaari." ²⁴Kpantidi fowi lai in showin ka bang ele ya, "Ne liyaa shaari! Shau kenni lishaarino!" ²⁵Koddi ye Yeesho weyaa jimai juun yoba waru shikju, shii in pekro piire shoomi in tewi ya, "Ke baaba kan gballa shoom, Ne pekraako, periko ti shiknii, kan moko tokko shaari ri shiknii birangum."²⁶In yallina kan bangi kan in tar shik la-shwijii kping kan nang in periro. Lai in yooni kaa mo muraani, longku kaa te memme gbe in tewi ta shinui ya, "Shii murooni." ²⁷Pene Yeesho in yiwin lai ti kirai in shokro shiknii ti po sheri, kan lai in shereni sherii.²⁸Koddi ye Yeesho riina ta minai,me an yiu-shubetnii in tel shii ku-jalju ya, "Longku wen ye minui dum foranmmi?" ²⁹Shii in tewon ti shinui ya, "Peen ween shurme te a ti perim nang bara ka fura-fok."³⁰Shinui in pereju ti po teere yiwaju shakki Galiili. Shii a lewo koo niyo in pen piree kan shinum, ³¹longku shii ti ku shuppo me an yiu-shubetni. Shii in tewon ti shinui ya, "La Niyo ta waraa minani ti ta kira memme, kan shinui ta tuk shii. Koddi ye tukaa shii, ka bi shaklo tat shii ta illani birang." ³²Pene shinui a peno paaro tem, nang shinui in ya shewo tel shii ka wee paaroi ta shuklani.³³Nang shinui in foottu Kapanaawum. Ka bi ye shii riyaa ta Minai shii in tel shinui ya, "Ma ti ku deppanii wenee ti ku kokoi?" ³⁴Pene shinui in yooju yititi. Longku shinui ti ku ya jiram kan shaayi ti koko ti ku ye mon gba dingii nong. ³⁵Nang Yeesho in deeni dii, shii in ye kpumu gee-palawi ti do shaayi kan in tewon ti shinui ya, "Maa mo leka in yooni an toom, yikka shii ti gbare-do in yooni mo an-gbattorok kan shook ti memme ding."³⁶Nang shii in ye la la-weeu in sheron ka shii ti shakkijui. Shii in shokro shii ti kirani kan in tewon ti shinui ya, ³⁷"Maa mo yikka peen nyitti shiba te ti ta shommono yikkai ne; maa mo yikkano a yiwii nem penei mo shunnano."³⁸Yuwaana in tewon ti shii ya, "An-shubet, min weena manni niyoi ti ku foddo shanngau ti ta shommoko kan nang minun beelon foki ti shii, longku shii a ti yiu biimu kamam." ³⁹Pene Yeesho in tewi ya, "Mo ma beelo shiim, longku adoo mo ta ya gbidina shuran ti ta shommono kan kpantidi ka bi in teu manni piire wei ti kuunom.⁴⁰Maa moi ta ya gei ka kamam shii sheemu kama. ⁴¹Maa mo minaa ma la temme doo ti ta shommono longku mai sheeno Kiriti, kulli ne ta teuma, shii a ta kaano we we shik shurannim⁴²Maa mo ta li dok ti shakki nyitti meere me kunnga kan ne in shugna, ta ya kpang ti muyei in dawin gbong vin issho-we ti ta bongi kan in ving shii ti ta paali-doo. ⁴³Ma kirako maa ti liiko ya shasshalau, peero nyit. ⁴⁴Ta yuuko kpang ken ri ta ta kerang ka gbiiran kira kan ye ken ri ka ta deet po ding kan kirako palawi, deet yei ti bittinam.⁴⁵Ma shooko dok maa ta liiko ya shasshalau, peero ken kpaalla won.⁴⁶ Ta ya kpang ken ri ta kerang ka gbiiran sho dok kan ye in vingko ti ta deet po ding kan shooko ding palawi.⁴⁷Ma adooko maa ti liiko ya shasshalau, kukullu ken vingi won. Yuwaa kpang ken ri ta ya-gbno Yamma ka adooko dok kan ye in ving lo-shikko ti ta deet po ding, ⁴⁸ti piree dolooni me ta sha niyo a ti murin, kan deet a ti bittinam.⁴⁹Koo nong ta pen anjyaa shiknii ka deet. ⁵⁰Anjyaa kpang, pene anjyaa maa adoo tomonim, ka yee ye ma ti liyan in ya tomon birangi? Ma yu kpang ti shaayi kaa ye anjyaa ti tokko shaari tomon ti weshiina, kan man dee ma ti ta kuttan shaari kan shaayi."

Chapter 10

¹Yeesho in wessho po teere in wanni ta buk Yawuudiya kan piree kpakan-fok Shiiruk Urdun, kan jimai in waru shiknii. Shii ti ku shuppo shinui birang, kaa ye waarii kunngan ti shii mo yu. ²Nang Parishaawa in waru shiknii ka we nau shii kan in ya telyo ya, "Shoro kunnga ya mo shwiji tuk diyaano mannani ya?" ³Shii in liginna ya, "Muuja pekraa ma ya yee?" ⁴Shinui in tewi ya, "Muuja kunnga mo shwiji ballo takarda tuk diyaa kan in kai biiroi won."⁵Yeeshon in lignon ti shinui ya, "Ka longku bang poshaari ma ye shii ballaa ma shoro te.' ⁶ Pene ti liyaan gun ku-buk, 'Yamma yuuna shinui shwiji kan paamun.'⁷'Longku kaa teshwiji ta wessho foni kan nonni kan in deeni kan mannani, ⁸kan shin palawi ta yooju lo-shik dok.' Kaa te shinui birang a palawum, pene lo-shik dok. ⁹Longkuuno te, wee Yamma kponngan shaayi mo la niyo wessho bwaaranii."¹⁰Koddi ye shinui ti ta minai, me an yiu-shubeti in tel shii ti ku we te. ¹¹Shii in lignon ti shinui ya, "Maa mo tuka diyaa mannani kan in dig manni paamuni yuwaa shomak kan tei. ¹²Ma tei maa bwaaraa diyaaro kan mannaro kan in digaro nanni shwijii tei yuwaa shomak."¹³Nang shinui in wangittu ka nyitti shibaju ti shii ka longku shii in tau shikjui, pene me an yiu-shubetni in yiu pekro shinui. ¹⁴Pene koddi ye Yeesho jemlaa kaa te, shii a shu-tomonim nang in tewon ti shinui ya, "Ma wessho nyitti shiba mo waru shikno, kan mo ma foddon foki ti shinuim, longku gubno Yammai we peen me kaa shinui.¹⁵Kulli ne ta teuma, maa moi yiu gubno Yamma kaa kattan lam, shamma-det a ta ri taim." ¹⁶Nang shii in shokro nyitti shiba ti ku kirani kan in liin kpang ti kuujui kaa ye shii liyaan kirani ti kuujui.¹⁷Koddi ye shii liyaa gun mereni, manni shwijii in juuru yaba ti biinii in juunan nen ti toomnii kan in tel shii ya, "An-shubet mon kpang, ne ta yaanii wen mem waan kerang po dingii?" ¹⁸Yeesho in lignon ti shii ya, "Longku wen ke ta yeeno kaa kpangii? Adoo mon kpamgum bara Yamma shi dokni. ¹⁹Ke penaa shoroi: Moko tuk niyom, moko yu shomakum, moko yu jirim, moko yu jimram shabam, moko dokko niyom, min gba ti ma foko kan nonko.' "²⁰Shwijii in tewi ya, "An-shubet, ween shurme te ding ne fuwaa-po joorani ye tida ne ta ya laano."²¹ Yeesho in dira shii ka gee lewan. Shii in tewon ti shwijii, "Ka we dok ye ke kan tem. Yikka ti gbare-do ken piplon ka wee ke kan te ding kan ken mibinna ti me an kenni, kan ken ta yooko kan birma ti ku-dang. Nang ken waru ken yiru biino." ²²Pene ka longku yaan paaro te shwiji shurme in dungyo dooni kan in kooni won ka gbanan-ta-gongo, longku shii kan birma gbe.²³Yeesho in gee jelen-gongoni kan in tewi ti me an yiu-shubetni ya, "Ta yooro shilib ti shik me an birma shinui in ri ta gubno Yamma!" ²⁴Me an yiu-shubeti in ya maam ka pa-paaronii. Pene Yeesho in tewon ti shinui birang ya, "Me an jeereno, ta yooro shilib ka ri ta gubno Yamma! ²⁵Ta yooro maj-maj penwe in ri ta jwal yiri kan ye mo an birma in ri ta gubno Yamma."²⁶Shinui in ya gbong maam kan in tewi ti shaayi ya, "Nang wo nong ta kauranii?" ²⁷Nang Yeesho in dira shinui in tewi ya, "Ti piree kan memme a ta dum yoorom, pene a kaa te ti piree Yammam." ²⁸Biiturush in sha-toom ka yuun paaro ti shii ya, "Gee, min wesshina koo wen minun yirumu biiko."²⁹Yeesho in tewi ya, "Kulli ne ta teuma, adoo mo wesshina minani koo molli koo molani koo nonni koo foni koo shibani koo bukni ka longkuuno kan paaro Yamma ³⁰ye shii a ta yiu shig-dok sho gbe wendei ti ku-buk tem: mina-mina kan ma molon men shwiji kan men shereb kan noni kan shiba kan buk, kan kunne ti piree kan memme, kan ti ku-buk ye ta waru, tenei kereng po ding. ³¹Pene gbe me ka toom ta yooju an-gbattokrok, kan me an-gbattokrok ta yooju me an toom."³²Shinui ti ku koko ammo Urshaliima, kan ye ti toojui. Me an yiu-shubeti in ya maam, kan me shinui ti ku waru ti bi yuwaa shewo. Nang Yeesho ye me shin kpumu gee-palawi ti jele birang kan in yiu tewo ti shinui wee ta yooro peeb ti shikni. ³³"Ma gee, kama ta ammo Urshaliima, kan ta min La Niyo ti mon gba me ankpaa kan me an-shubet shoro. Shinui ta kar kemmo muro kan in min shii ti mei Yawudaawam. ³⁴Shinui ta nwinnyo-foknii, fisshan elet ti shiknii, bir shiik kan in tuk shii. Pene ka bi shaklo tata shii ta illani."³⁵Ma Yakuubu kan Yuwaana shibano Jabadi, in amru shiknii in tewi ta shinui ya, "An-shubrt, min leka ken yuumu wee min bennganken." ³⁶Shii in lignon ti shinui ya, "Ma lekai wen nen ya ka longkuumai?" ³⁷Shinui in liginna ya, "Kummu piri minun deemu ka shaayi kan ke ti ta shokranko, dok ti ku-kira temmeko kan dok ti ku-kira jiyauko."³⁸Pene Yeesho in lignon ti shinui ya, "Mai pene wee ma po benganim, ma ta dum she la-temme ye ne ta dum shayani koo shassho yulma ye ne ta yaanii ya?" ³⁹Shinui in lignon ti shii ya, "Min ta dumani." Yeesho in tewon ti shinui ya, "La-temme ye ne ta sheyani, kan yulma ye ne ta yaani, ma sheema ta yuuma. ⁴⁰Pene mo ta diyani ti ku-kira temmeno koo ku-kira jiyauno a ne ye ta minanim, pene tei longku me limmaan ti shinui."⁴¹Pene dogi me an yiu-shubet shin kpumui maa ti yaaro guni, shinui in yiu ya den kan ma Yaakubu kan Yuwaana. ⁴²Yeesho in ye shinui ti do shaayi kan in tewon ya, "Ma penaa me shinui sharaa yaa me an-toom mei Yawudaawm tappaajui, kan me an toomju sheeju ti ya gub ti ku memmei ka kumen kping.⁴³Pene a ta yooro kaa te ti shakki mam. Mo leka in yooni mon gba ti shakki ma yikka ti gbare-do ta yooni an-shuran ma, ⁴⁴kan mo leka yooni an-toom ti shakki ma yikka ti gbare-do in yooni shook me ding. ⁴⁵Longku La Niyo a warui kulang in waunim, pene in wawi, kan in min kerangni ka we paaro-ku memme gbe."⁴⁶Shinui in waru Jeeriko. Kaa ye shii ta wessho jeeriko kan me an yiu-shubetni nang ka gbong jima, ka an-fugum shommonii Batalamaaweush an bengo, shii laano Timotaawush, deeni ti jele koko. ⁴⁷Koddi ye shii yaaraa yaa Yeesho niyo Naajeret, in yiu shoppo yallo in ti tewi ya, "Yeesho, Laano Dauda, kunngono!" ⁴⁸Memme gbe in pekro shii mo yu yititi. Pene shii in shuun-toom ka yalloi ya, "Laano Dauda, kunngono!"⁴⁹Yeesho in shereni in ya paaro ya mo yeeru shii mo waru wono. Shinui in yeeru an-fugumi in ti tewi ya, "Yu bang-vurum! Illo shikko! Yeesho ti ku yeeko." ⁵⁰Shii in ving la-biro mereni, in illiru-jura, in waru shikno Yeesho.⁵¹Yeesho in lignon ti shii in tewi ya, "Ke leka nen ya wen ka longkuukoi?" An-fugumi in liginna ya, "An-shubet, Ne leka nen yiu weyani." ⁵²Nang Yeesho in tewon ti shii ya, "Koo. Lishaariko tasshaako." Kpantidi shii in yiu weyani birang, nang shii in yiwani biino Yeesho ti ku kokoi.

Chapter 11

¹Wende kaa ye shinui foonna Urshaliima, shinui yuuna nimmi kan Betapaaji kan Betannya ti ku Sheela Jaitun, nang Yeesho in shur palau ti shakki me an yiu-shubetni ²kan in tewon ti shinui ya, "Koo ma ri tarang meno-minai ye ti toommu kama. Kpantidi mam maa riyaa, ma ta we la-girbi yei nau ammo kwim. Man piddiru man warin nen. ³Ma mondok maa telaa ma ya 'Longku wen ye ma ta yaani kaa tei?, ma ta tewon maa, 'Fo-mna leka tei kan ta meerin piri peeb.' "⁴Shinui in kooju in wa we la-girbii tooi ti po-dang gbong koko ri tarang gok-minai, nang shinui in piddina. ⁵Peddi memme shengrii ti po teere nang in tel shinui ya, "Ma ti ku ya wen, ma ti ku piddo la-girbi teere ya?" ⁶Me an yiu-shubeti in yuun paaro ti shinui kaa ye Yeesho tennanjun, kan memmei in wessho shinui in kooju.⁷Shinui in waru ka la-girbii ti Yeesho nang shinui in lippan Lanna kawoju ti ta bi, nang shii in deen nin ti kwi. ⁸Memme gbe in wejiyon lannaju ti Ku kokoi, kan peddi in wejiyon sheeju alau Biro ye shinui keyyina ti dan-doong. ⁹Me kookan ti toomnii kan me ti bi in ti shoppo foki ya, "Shokrani! Kpangii sheeno mo ta waru ti ta shommono Fo-mina. ¹⁰Kpangii gubno fomu Dauda ye ta waru! Shokrani ti ku-dang back!"¹¹Nang Yeesho in ti Urshaliima kan wanni ta Mina Yamma many in gejiyo shii koo wen. Wende koddii kuugaro, shii in wanni Betaani kan me kpumu gee-palawi. ¹²Pirbang shinui ti Ku perani ti Betaani, ta aanii daklaaro.¹³Shii in we Biro dugni tali ye kan alau gbe ti taaro, shii in wanni ka we geyani koo shii ta waan shiili ti tai, kan koddi ye shii shiki, shii in a waan we ti tai bara alau, longku shii a koddi shiili dugnim. ¹⁴Shii in ya paaro ya, "Adoo niyo ta sha shiili ti taaji birangum." nang me an yiu-shubetnii in yaarra.¹⁵Shinui in waru Urshaliima, nang shii in ri ta mina Yamma kan in yiu kajiyo bi me an pilin kan pilani ti ta mina Yammai. Shii in ramyo bi dangla me an paaro ku-kine kan juk po diya me ti piplo-we ka bagri. ¹⁶Shii a kumu ti koo nong in shar koo we ti ta mina Yamma ye ta pilin-wem¹⁷Shii in tewo ti shinui ya, "Ballii ya, 'Minano ta yeyanii ka mina po fur-fok ka longku ta piri ding maa'? Pene man shiwan ten vuluk me an-jiri." ¹⁸Mongba me ankpaa kan me an-shubet ti ta shoro shinui in yaaro wee shii teka, nang shinui in gassho koko ye po tukin shii. Longku shinui shiyaa shii longku gbe jimai yuwaa maam ka shubetni. ¹⁹Koddi ye kiryippa yuwaaro, shinui in wessho tarang gok-minai.²⁰Kaa ye shinui ti ku kowani ka shaat, shinui in we shik biro dugnii isshaaro ar kan shoorini. ²¹Biiturush in nyimmina in tewi ya, "An-shubet, Gee! Biro dugnii ye shaamaai isshaaro."²²Yeesho in lignon ti shinui ya, "Ma lishaari kan Yamma. ²³Yen kulli ne ta teuma na maa ka mo ta tewani ti sheela te, 'Illaji shin wa sheeweji ti ta paali-doo,' kan ma poshaarinii maa yu shorum pene liyaa shaari ya wee shii teka ta yooro, teerei wee Yamma ta yaani.²⁴Longkuuno te ne ta teuma: Wee ding ma ta fur-fok kan bengani, ma lishaari ma ta yiwani, kan ta yooro weema. ²⁵Maa koddi ye ma ta fur-fok, yikka ti gbare-do man fuddo wee ma kan te ti piree kan koo nong, longku Foma mo ti ku-dang shii ta fuddo ma sheema shasshalawi." ²⁶[Pene mam maa foddom, Foma sheeni ye ti ku-dang a ta foddo ma shasshalau mam].²⁷Shinui in waru Urshaliima birang. Kaa ye Yeesho ti ku merko ta mina Yammai, mongba me ankpaa kan me an-shubet ti ta shoro, kan men gbidina in waru shiknii. ²⁸Shinui in tel shii ya, "Wo ka kumenno nong ye ke ti yuun we te, kan wo nong ye minnako kumen ka we ya shinui?"²⁹Yeesho in lignon ti shinui ya, "Ne ta tel ma ka telyo dok. Ma teuno kan ne ta teuma ka kumen shire ye ne ti yuyyon ween shurme te. ³⁰Yulmano Yuwaana, shaanai ti ku-dang ya koo ti piree kan memme? Ma lignano."³¹Shinui in deppina ti shakkiju kan jimro kan in tewi ya, "Kama maa teka, 'Ti ku-dang,' shii ta tewani ya, 'Longku wen ye mai liin shaari kan shiimmi?' ³²Pene ma kama maa teka, 'Ti piree kan memme teere a ta ya kpangum,' Shinui ti ku shi memme, longku koo nong kunnga ya Yuwaanai an-pigra. ³³Nang shinui in liginna ti Yeesho ya, "Minui penom." Nang Yeesho in tewon ti shinui ya, "Ne sheeno ne ta teuma ka kumen shire ye ne ti yuyyon ween shurme tem."

Chapter 12

¹Nang Yeesho in sha toom ƙa shʊppɔ shinui ƙa tɛmɔ, Shĩĩ ĩn tewi ya, "Mannĩ niyoi tɔɓɓa dɔɔng inɑɑbini, ĩn ƙɔllɔ fɔƙĩ, ĩn ɔppɔ ta jwal pɔ ƙpaĩ dɔɔ inɑɑbii. Shĩĩ ĩn ɗig ganglangg pɔ ɗiyɑ an-gefen nang shĩĩ ĩn min dɔɔng inɑɑbii tĩ me an-gereni wɑnni pɔ jɛlɛl pɔ binɑ. ²Ɗɔb-ɗɔb ƙasshɔ weshiinɑ dɔɔngĩ, shĩĩ ĩn shɔɔƙ tĩ shik me an-gɛɛ dɔɔngĩ mɔ wa yĩnnĩ tĩ ta nii weshiinɑ dɔɔng inɑɑbii. ³Pɛnɛ me an-gɛɛ dɔɔngĩ shinui ĩn yĩʊ shĩĩ yʊʊn tʊwa tĩ shiknii, shinui ĩn lĩ biinii ƙĩra waanĩ.⁴Ɓĩrang shĩĩ ĩn shʊr mannĩ la an-shʊranĩ, shinui ĩn yʊʊn tʊwa ĩn lĩyyɔn pĩra tĩ shik ƙwĩ shinui ĩn minin ɗʊʊlan-shik tĩ shiknii. ⁵Ar wende ĩn shʊr mannĩ ɓĩrang, nang tenei shinui ĩn tʊƙĩ. Shinui ĩn yʊyyĩna tĩ peɗɗi ƙaa te, yʊyyɔ tʊwa tĩ peɗɗi ƙan ĩn tʊƙyɔ peɗɗi.⁶Shii ar wende kan manni niyo dok ye ta shurani, laani ye shii leka. Shii in shuri ka bi ding ya, 'Shinui ta min gba ti laano.' ⁷Pene me an geren inaabi in tewi ti shaayi ya, 'Tenei la po-ganglangi. Ma waru, kama tuk shii, kan doong inaabi in yooro weemu kama.'⁸Shinui in tolloo shii, tuk shii kan in kpaalo shii won tali kan doong inaabii. ⁹Longkuuno te, mo an ku doong inaabii ta ya wen? Shii ta waru in tukyo me an geren doong inaabii kan ta min doong inaabii ti peddi me an gereni dokro.¹⁰Mai nau maaro we te ti ta paaro Yamma maa? 'Shiila ye me an-diyee kuraa, Fo-mina shigan shiila shuglo mina. ¹¹Tenei yaanno Fo-mina, kan minun nyimmina po geyanii we maam ti adoomu.' " ¹²Ka biino te men gbidina Yawudaawa in gassho koko po yiu Yeesho ka longku shinui penaa shii yuwaa shiwan-do paaroi ti shikju. Pene shinui in ti shi jimai. Longku kaa te shinui in wessho shii in kooni.¹³Nang shinui in shur peddi Parishaawa kan me an dau gunno Iriidush ti shiknii ka we jaklo shii ka pa-paaro. ¹⁴Koddi ye shinui wanna, shinui in tewi ya, "An-shubet, min penaa ke ti turmina ka eleno mondokum, kan ke ti shuk kaali ti shakki memmem. Ke ti shuppinai ka kokono Yamma yen kulli. Shoro kunnga ya mo anngo kine-buk ti Keeshar ya koo onngoo? Mo min anngo ya koo onngoo?" ¹⁵Pene Yeesho penaa a kulli ye shinui leka ya wee Yamma leka shinui in yam, nang in tewon ti shinui ya, "Longku wen ma ti ku naunoi? Ma warino ka dinaari longku nen gee shiki."¹⁶Shinui in waru ka dok ti Yeesho. Nang shii in tel shinui ya, "sheyyei kuuno nong? Kan wo shommono nong? " Shinui in liginna , " Keeshar" ¹⁷Nang Yeesho in tewon ti shinui, "Ma min ti Keeshar wee weeno Keeshar kan ti Yamma wee weeno Yamma." Nang shinui in ya maamnii.¹⁸Nang shadukiyaawa, me teka yaa a doo ilit ta duwam, in waru shikno Yeesho ka telyo ya, ¹⁹"An-shubet, Muuja ballamu ya mollo mondok maa murooni in wessho paamun, pene a doo shibom, molli ta dig paamun-koloi kulang in waan shibo ti molli.²⁰Ka me molon shaayi shin parilau. Mo dok yuwaa diyaa in muroni, a wessho lam. ²¹An palawi in dig paamun koloi, pene shi sheeni in muroni, a wessho lam. Mo an tati sheeni maa kaa teerei. ²²An parilawi a wessho lam. Ti wiilan ding, paamuni in muroro sheero. ²³Ti ta ilit ta duwo, tei ta yooroi manna nong, Kaa ye shin parilawii digyaa tei?"²⁴Yeesho in liginna ya, "Duma tenei ye liyaa ma man sheki maa, longku mai peno paaro Yamma koo kumennim maa? ²⁵Me kumai maa illaa, shinui a ta ya diyaam yei diginum, shinui ta yooju kaa me an shuranno Yamma ti ku-dang.²⁶Pene ti ku paaro me murooju me illaa, mai maaro ti ta takardano Muuja, ti ku kuran duk-duk, ye Yamma tekan ti shii ya, "Nei Yammano Ibiraayim, Yammano Ishaako, kan Yammano Yaakubu maa? ²⁷Shii Yamma me kumaim, penei we me kan dwei. Mam maa teka maa me muttaaju a ta illani birangum, Ma sheka gbe"²⁸Dok ti shakki me an-shubet ta shoro in waru, in wa we shinui ti ku ya jiram. Penaa Yeesho lignaan ti shinui kpang, shii in tel Yeesho. "Ti shakki shoro ding, ye yeka gbai shire?" ²⁹Yeesho in liginna ya, "Yen gbei lee, 'Ma yaaro, ta memme Ishereila, Fo-mina Yammamu kama, Fo-mina shi dokni. ³⁰Lewo Fo-mina Yammako ka poshaariko ding, kan nyimmoko ding, kan bangko ding. ³¹An palawii lee, " Lewo an ganglangko kaa ye ke lekan kuuko. A doo manni shoroi ye yeka meen shurme gbam.³²Shwijii in liginnan, " An-shubet" Ke teka ye ka Yamma dok kan a doo mannim pene jalli. ³³Ken leu shii ka poshaariko ding, kan penanko ding kan bangko ding, kan ken leu an ganglangko kaa kuuko, ye tei yeka kur ding-ta-kira kan der dom gbe." ³⁴Bara ye Yeesho weyaa shii liginaa ka shen, shii in tewon ti muyei, "Kei tali kan gubno Yammam." Nang we yikka koddi te, a doo niyo dok ye telaa shii ka telyo birangum.³⁵Kaa ye Yeesho ti ku ya shubet ti kudam ta mina Yamma, shii in ya telyo, "Ka yee me an-shubet ta shorono Muuja ta tewani ya kiritii laano Daudai? ³⁶Dauda po kuuni, teka ti ta shoom ya, Fo-mina teka ti Fo-minano, "Deeko ti ku kira temmeno we war koddi ye ne ta li me an ³⁷geiko in yooju po-shooko." Dauda po kuuni yeyaa shii ka, 'Fo-mina,' Oo, ka yee pene kiriti ta yooni la ti piree kan shii?" Galan jimoi in kaan kumoju ti shiknii ka beere.³⁸Kaa ye shii ti ku shuppon, Yeesho in tewi ya, " Ma jooro me an-shubet shoro. Shinui leka in ti shali kan lannan jodiri ti shikju kan in ti yuuju kaa ti po piplo-we, ³⁹kan in ti deeju ti ku we po-diyo yen kpang ding ti ta mina for-fok kan po-diyo min gba ti po temre. ⁴⁰Shinui in wiilo we kira shereb-kolo kan in shuki ka joori for-fok. Peen shwiji shurme te Yamma ta minin kelmo ti shinui kping."⁴¹Nang Yeesho in deeni ti ta mina Yamma adwei shiwii ti po min ding ta kira in ti gee jimai ti ku ganglo kineju ti ta gurang ta mina Yamma. Gbe me an jikko in ti ukkon kine gbe ta gurangi. ⁴²Pene paamun kolo an kenni in waru in galin ar kine eemro palau, ye fooraa tuulan ta kine dok.⁴³Nang Yeesho in ye me an yiu-shubetni in tewon ti shinui ya, "Ne ta teuma yen kulli, paamun-kolo ye galaa kine gbe ti gurang gal-we, ye yeka sheeno koo nong. ⁴⁴Shinui ding minaai ti ta birmaju, pene tei, ti ta kenniro, minaa koo wen, ding wee tei po keen kerangro."

Chapter 13

¹Kaa ye Yeesho ti ku wessho ta mina Yammai, dok ti shakki me an yiu-shubetni in tewon ti shii ya, "An-shubet, gee kpattirin shiila kan ililo digyan mina shurme te!" ²Yeesho in tewon ti shii ya, "Ke ti we shik gbidina digyan mina shurme te ya? A doo dok ye ta wesshani ti kuuno shatto yei ta shiwa shikin."³Kaa ye shii diyaani ti ku sheela Jaitun shiwan dwei ti shik mina Yamma, Biiturush kan Yaakubu kan Yuwaana kan Andaraawush in tel Yeesho ku jalju ya, ⁴"Teumu, wo diminee ye ween shurme te ta yoojui? Kan temoi ta yooroi ka yee, ya wei nennga kemroroi?"⁵Yeesho in li gun tewon ti shinui ya, "Ma jooro mo mondok dokko mam. ⁶Memme gbe ta waru ti ta shommono kan in ti tewi ya, 'Nei Kiriti.' kan shinui ta dokko memme gbe.⁷Koddi ye ma yaaraa pi gei kan shinnyi gei, mo ma turmo mam, ween shurme te yikka ti gbare-do in yooju, pene wiila tidai foottum. ⁸Longku buk ta illo shabbi kan buk, kan po ya-gub ta illo shabbi kan po ya-gub. Ta yuyyo mirid buk ti piri gbe kan kpiyam yen shilib. Ween shurme te ta yooju kaa shilib ye ka toom ye paamun ta yaarani koddi ye tei tannga patto la.⁹"Ma shere ma shwei. Shinui ta min ma ti me katiran me an-toom, kan yuyyo ma biro-biro ti ta mina-mina fur-fok. Ma ta shengrani ti toom me an-toom kan me an-gub ka longkuuno, kan we jimro ti shinui. ¹⁰Pene ta ya kaawi paarono Yamma ka toom ti me ti ku-buk ding.¹¹Koddi ye shinui yippaa ma in mibno ma, mo ma turmo ti ku wee ma ta tewanim. Longku ti ta koddi teere, wee ma po tewani ta min ma; a ta yooroi ma ye ta ya paaroim, penei Shoom Yen Shaana. ¹²Moli ta liyani an moli in muri, kan an fowi ti laani. Shiba ta illo shabbi kan me an-pariju kan in li shinui in waan kaara muro. ¹³Koo nong ta kurama ka longku shommono. Pene maa mo shasshaa we war wiilani, niyo teere ta kauroni.¹⁴"Koddi ye ma weyaa shik we kunne ye ta daklo ween kpangno Yamma shengrii ti pirii a nennom," (shero mo mo an-maari peno) "Shero mo me ti Yawuudiya juwaju we ammo ku sheela, ¹⁵shero mo ti ku daalan-ku mina tewo ya shi ta shaarui shar-we ti ta minaim, ¹⁶kan shero mo shii ti doong tewo ya shi ta shirui shar lanna kawonim.¹⁷Pene dogii she me kan uu kan me ti ku min weri ti dum ti ta darang teere! ¹⁸Ma fur-fok yoo yoba ma yooro ka viyo. ¹⁹Longku shurme ta yooju darang taa-shilib kping, kaa ye a nau yaani ti liyan gun, koddi ye Yamma yuunan ku-buk we foottu booi, kan a ta yaani birangum.²⁰ Modaa kuma ye Fo-mina kuuga peddi shaklo tem, daa koo niyo dok ye ta tuulanim. Pene ka longku me shakkaa, shii in kuwa peddi darangi dwakra.²¹Nang ma mondok maa teka ma ya, 'Gee, Kiriti wono!, koo gee, shii won!' Mo ma kumum. ²²Longku me an-shaba Kiriti kan me an-shaba pigra ta pipittu kan ta yuyyo we temo kan maam longku in shalin-do, koo modaa, me shakkaai. ²³ Ma sheroma ka geren! Ne sheeraa ma ween shurme ye ti tida koddii yum.²⁴Pene ka bi taan shilib shaklo shurme, 'Darang ta yooro dil, tere a ta shallanim,²⁵ ar-shal ta shugiyyu ti ku-dang, kan kumen me shinui ti ku-dang ta midiro shikjui; ²⁶Nang shinui ta we shik La Niyo ti ku waru ti ta shungu kan gbong kumen kan shokran. ²⁷Nang shii ta shuru me an-shuranni kan shinui ta ganglo-do me shii shakkaa ti kudo-kudo ku-buk peereu, we yikka ti kpakan-fok buk we war kpakan-fok ku-dang.²⁸Ma shar shubet ti piree kan biro dugni. Kpantidi ma ku-fungai maa yikka yooro-alau kan shiki buk alawi in yiu moottu, ma peno koddi sha-buk nemna. ²⁹Longku kaa te, koddi ye ma weyaa shik ween shurme ti ku yooro, ma peno La Niyo nemna, nimmi kan po-dangi.³⁰Kulli ne ta teuma, ku-kira te a ta muttoju dingum, we te maa yoorom. ³¹Ku-dang kan ku-buk ta kooju, pene paarono a ta dum kowanim. ³²Pene ti ku paaro ye kan darang teere koo koddii, a doo mo penaam, modaa me an-shuran ku-dangii koo Lai, pene bara Fowii.³³Ma yu diya geren! Man ya jooro kan fur-fok, longku mai peno koddii ye ween shurme te ta yuunum. ³⁴Dob-dob kaa niyo ye ta ya mere, shii ta wessho minani kan in li shiba me an-shuranni ti ku minani, koo nong kan shuranni, kan shii ta pekro shwiji mo an-gereni mo jooro.³⁵Longkuuno te, ma yu geren longku mai peno koddi ye fo-mina ta meerin minam; ta dum yooro ka kiryippa, ka non-ku-yippa, koddi kwii fwee, koo ka shaat. ³⁶Ma shii maa dawilla meeru, mo ma kumu in wa weema ti ku shaklom. ³⁷Wee ne teka ma ne teka ti koo nong: Ma yu geren!"

Chapter 14

¹Wende dogi shaklo palau in ya temre teelani kan temre jong we-ta-kele. Men gbidina me ankpaa kan me an-shubet shoro ti ku nyimmo ye shinui ta yiwin Yeesho kan in tuk shii a kan penan memmem. ²Longku shinui ti ku tewani ya, "A koddi temrem, longku a ta yoo we shabbi ti shakki memmem.³Koddi ye Yeesho ti Betaani ye ti ta minano Shimon mo an-pira lakat, kaa ye shii teeka ta biinii ti ku dangla sha-weshiina, manni paamuni in riiru kan okro turaali yen kparkidak, ye limmaa ka naar. Tei in au-fok naati ti kuunii. ⁴Pene ti po teerei ka peddi me ta gongoju gbanaaro. Shinui in yiu shedirani ti shakkiju ya, "Longku wenee ti ku daklo we tei? ⁵Turaali te daa pilaan-we ti ku kine ye yeka dinaari shig tat, kan daa minaa kinei ti me an-kenni." Nang shinui in pekro tei ka den.⁶Pene Yeesho in tewi ya, "Ma wessho tei waani. Longku wen ye ma leka turmo tei? Tei yuwaa ween kpang ka longkuuno. ⁷Ma kan me an-kennii ka shaayi kpaaliya ding, kan koo dimin mam maa geeka ma ta yuun ween kpang ti shinui, pene a koo dimin ye ma ta weenom. ⁸Tei yuwaa wee ta dum yaani ta tei. Tei sheenaa lo-shikno ka longku nanani. ⁹Kulli ne ta teuma, koo ta kpaalo fok shinnyi yen tomon tei dimin ti ku-buki, wee paamun sheere yuwaa ta sheero piri, ka we nyimmani kan te."¹⁰Nang Yawuda Ishkarooti, dokei shakki kpumu gee-palawi, in kooni in wanni ti mongba me ankpaa kulang shii in minin shii ti shinui. ¹¹Koddi ye men gbidina me ankpaai yaaraa, shinui in ya beere kan shinui in deewoku ta minin kine ti shii. Shii in yiu gassho koddi ye po minin shii ti shinui.¹²Darang an dok ti ku temre jong we-ta-kele, koddi ye shinui deraa dum la-galma, me an yiu-shubetnii in tewin ti shii ya, "Ke leka minun war tong minun wa limmina, ka longku ken shuun weshiina temre teelanii?" ¹³Shii in shur palau ti shakki me an yiu-shubetni kan in tewon ti shinui ya, "Ma war tarang gok-mina, kan ma ta kpomani kan manni shwijii sharii kan diye doo ma yiu biinii. ¹⁴Mina ye shii wa riyaa tai, ma riin ti bi man tewon ti an ku-minai maa, 'An-shubet tenna ya, "Gume po dur binoi tong ye ne ta shuun weshiina temre teelani kan me an yiu-shubetnoi?¹⁵Shii ta shuk ma manni gba ta gume mina ku-dang ye fuwaa po limmani tai. Man limmiru ti kuumu kama ti po teere." ¹⁶Me an yiu shubeti in wanna we war tarang gok-minai. Shinui in wa we wei kaa ye shii tennan ti shinui, nang shinui in limmirin weshiina temre teeelani.¹⁷Koodi ye kiryippa yuwaa, shii in waru kan kpumu gee-palawi.¹⁸ Kaa ye shinui diin ti ku dangla kan ti ku shaani, Yeesho in tewi ya, "Kulli ne ta teuma, dok ti shakki ma mo ti ku shaani ka shaayi kan ne ta waraa pilin ka ne." ¹⁹Shin ding in yiu bau kenni kping, ka dok-dok shinui in yiu tebyon ti shii ya, "kulli a ne ye ta waraa pilin ka kem maa?"²⁰Yeesho in liginna in tewon ti shinui ya, "Shii dok ti shakki kpumu gee-palawi, mo wende kirani kan sheeno ti ku kpomin ti ta gurang we-ta-kelei. ²¹Longku La Niyo in kooni kaa ye ballaan ti kuunii. Pene dogii she shwiji teere ye ti piree kan shi ye ta pilin ka La Niyo! Nennaa daa yuwaa kpang ti shii ye daa paato shiim."²²Kaa ye shinui ti shaani, Yeesho in shar we-takele, in liin kpang ti kwi, in beblo tai. Shii in bwairon ti shinui ya, "Ma shu lee. Tenei lo-shikno." ²³Shii in shar la-temme, in pammina, nang in minin ti shinui, kan shinui shin ding in sheyyon ti tai. ²⁴Shii in tewon ti shinui ya, "Tenei domno we deewanku, dom ye deraa ka longku memme gbe. ²⁵Kulli ne ta teuma, Ne ta sheyani ti ta doo shiili inaabi birangum we war darang teere ye ne ta shoon yen fo ti ta gubno Yamma."²⁶Koddi ye shinui yuwaan vonak, shinui in kooju ammo ku sheela Jaitun. ²⁷Yeesho in tewon ti shinui ya, "Ma ding ma ta shugyani, longku ballii ya, 'Ne ta bir an-tii kan ta dinnyii ta lekreju.'²⁸Pene ka bi ye ne illaano, Ne ta beema war Galiili." ²⁹Biiturush in tewon ti shii ya, "Moda dogi ding daa ta shugyanii, ne ta shuwanim."³⁰Yeesho in tewon ti shii ya, "Kulli ne ta teuko, booi oo, toom-toom ka yippa tei, gok maa ta waraa ya kwi sho palau, ke ta ya jiramno sho tat ka kei pennom." ³¹Pene Biiturush in liginna ya, "Koo ne daa ta waraa murani kan kei, ne ta ya jiramkom." Shin ding in yuyyo peen deewanku te.³²Shinui in waru manni pirii ye ti ye yaa Geeshamaani, nang Yeesho in tewi ti me an yiu-shubetni ya, "Ma deema wono man dangin kuuno Ne wa fur-fok." ³³Shii in ye ma Biiturush kan Yaakubu kan Yuwaana kan in yiu bau kenni kan turmo kping. ³⁴Shii in tewon ti shinui ya, "Shoomno yuwaa marak ti ta aano kaa we war mina-muro. Ma deema ti po te man ya geren."³⁵Shii in geyani la tali, Yeesho in juunani kan tuumon kuuni ti buk in fur-fok ya maa yikka ti gbare-do ye ya we te ta yooro ti piree kan shi. ³⁶Shii in tewi ya, "Abba, Fowi, we ding ti piree kan ke ta dum yooro. Shokro la-temme te ti piree kan ne. Pene a lewannom, penei sheeko lewani."³⁷Shii in meere in wa we shinui ti ku ya shaklo, kan shii in tewi ti Biiturush ya, "Shimon, ke ti ku ya shaklo ya? Ke ta dum ya geren po koddi dok maa? ³⁸Yu geren kan fur-fok ye ke ta shuwani ti ta nawom. Shoom leka, pene lo-shiki bukani." ³⁹Birang shii in kooni in wa fur-fok, kan shii in matto bi paaronii.⁴⁰Koddi ye shii meena birang, shii in wari we shinui ti ku ya shaklo, longku shaklo yuwaa tira ti adoojui. Shinui peno wee shin po tewon ti shiim. ⁴¹Shii in meeru ti ku an-tati kan in tewon ti shinui ya, "Ar wende ma bambiri ti ku ya shaklo kan nesshani ya? Keraa! Koddii foonna. Ma gee! Fuwaa po min La Niyo ti ta kira me an shasshalau. ⁴²Ma illo; kama koo. Ma gee, mo ta minnoi nemna."⁴³Ye tida shii ti ku ya paaro, Yawuda, dok ti shakki kpumu gee-palawi, in foottu, kan gbong jima ka shaayi kan shii shaddii kan agarum kan biro biro-biro, shunna shinui ta ma mongba me ankpaa, me an-shubet ta shoro kan me an-toom. ⁴⁴Wende mo an min shii shuka temo ti shinui ta shii ya, "Mo ne ta taamani teerei shii. Man tollo shii man koon kan jooro yen kpang." ⁴⁵Koddi ye Yawuda foonna, kpantidi shii in amru shikno Yeesho in tewi ya, "An-shubet," nang shii in taamo Yeesho. ⁴⁶Nang shinui in yiu Yeesho in tollo shii.⁴⁷Pene dok ti shakkijui mo sherii nimmi in kpaattu agarumni in kaan shook mongba ankpaai ar in for kumoi fwab. ⁴⁸Yeesho in tewon ti shinui ya, "Ma pepinna, kaa ma ta waraanii ku mo an-jiri, ka agarum kan biro biro-biro ka we yiuno ya? ⁴⁹Koddi ye ne kpaaliya ding ne ka shaayi kan ma nen ti shuppina ti ta mina Yamma, mai yiunom. Pene tenei yuwaaro kulang in kemro paaro Yamma." ⁵⁰Me an yiu-shubet me ka shaayi kan Yeesho shin ding in jubyaju yoba in wessho shii.⁵¹Ka manni la-kparini dawii kan lanna ye malliin ti shiki ti ku yiu biino Yeesho. Koddi ye memme tollaa shii ⁵²shii in wessho lanna dawoi in juwani yoba gun vure.⁵³Shinui in warin Yeesho toom mongba ankpaa. Ti po teerei me ankpaa shin ding galii ti jelenii, kan me an-toom, kan me an-shubet shoro ⁵⁴Biiturush in koon in yiu bi shakkiju la tali, we war kudam po shiire mongba ankpaa. Shii in deeni dii ka shaayi kan me an-gereni, me ti jele deet in yiu wowwon shikni.⁵⁵Wende mongba me ankpaa kan me an galo Yawudaawa ding shinui in yiu gassho jimro ti kuuno Yeesho longku shinui in tuk shii. Pene shinui a wa koo dokum. ⁵⁶Longku gbeju wanginna ka jimro shaba ti kuunii, pene koo nodaa jimrojuii fokjui a waru dokum.⁵⁷Peddi in illina in wangiitu ka jiram shaba ti kuunii; shinui in ti tewi ya, ⁵⁸ "Min yaaraa shii ti ku tewani ya, 'Ne ta vubro mina Yamma te ye diga ka kira, kan ti ta shaklo tat ne ta dig manni yei digui ka kiram.' " ⁵⁹Ar wende jimroi a waro dokum.⁶⁰Mongba me ankpaai in illo shikni ti shakkijui in tel Yeesho ya, "Ke kan wee po lignani maa? Kaa yaa ti ku wee shwiji me ti ku jimrani ti kuukoi?" ⁶¹Pene shii a awin fokum kan a ligno wem. Mongba me ankpaa birang in tel shii ya, "Kei Kiriti, Laano Yamma ya?" ⁶²Yeesho in liginna ya, "Oo wo nei; kan ma ta we shik La Niyo koddi ye shii maa diyaa ti ku-kira temme kumen we shokrani kan in ti shaaru ti ta shunngu ku-dang."⁶³Mongba me snkpaai in jaaro lannani in tewi ya, "Kama bambiri ti ku gassho jimro birang ya? ⁶⁴Ma fuwaa po yaarao we bek ye shii sheeraa. Nyimmoma wendei wen?" Shinui ding in sher ku paaroi ya shii nennaa muro. ⁶⁵Peddi in yiu fisshon elet ti shiknii kan in ti nummo adoonii ti padilo shii kan in ti tewi ya, "Yu pigra! Paalaako nong?" Me an geren Ku mina mo an-toom in yiu shii in yuun biro-biro ti shii.⁶⁶Koddi ye Biiturush ti ta gun kudan po shiirei, dok ti shakki shiba-shereb me an shuran mongba me ankpaa in waru shiknii. ⁶⁷Tei in we shikno Biiturush ti ku wowwo shikni, nang tei in dira shii ka nimmi kan in tewi ta tei ya, "Ke sheeko ke ka shaayi kan Yeesho niyo Naajeret." ⁶⁸Pene shii in ya jiram in ti tewi ya, "Ne po kuuno nei peno wee shi ti ku tewanim." Nang shii in pereni ta appalau minai.⁶⁹Pene la-paamun shurani in we shiknii in yiu tewani birang ti me shengrii ti po teerei ya, "Shwiji moi dok ti shakki me an yiu-shubetno Yeesho!" ⁷⁰Pene Biiturush in ya jiram birang. Ka bi la-wiiu me shengrii ti po teerei ni yiu tebyani ti Biiturush ya, "Kulli kei dok ti shakkiju, longku ke sheekoi kei niyo Galiili."⁷¹Pene shii in yiu shaamo kuuni ka pammi ya, "Nei peno niyo ye ma ti ku yuun paaro ti kwiim." ⁷²Kpantidi gok in ya kwii an-palawi. Nang Biiturush in nyimmo paaro ye Yeesho tennani: Ma gok maa ta ya kwii sho palau, ke ta ya jiramno sho tat ka kei pennom," kan shii a dum yiu poshaarinim nang in gboloni kwii ka muru.

Chapter 15

¹Pirbang kan vubnai, mongba me ankpaai in kpomi ka shaayi shin kama me an-toom kan me an-shubet shoro kan foduk fok Yawudaawa me an deewo shik paaro. Nang shinui in kpakko Yeesho in koo ka shii. Shinui in wa min shii ti Bilaatush. ²Bilaatush in tel shii ya, "Kei Gub Yawudaawa ya?" Yeesho in lignon ti shii ya, "Ke teka." ³Mongba me ankpaa ti ku nyoo shiknii ti ku we gbe.⁴Bilaatush in tel shii birang ya, "Ke ta lignani maa? Geeru gbe wee shinui ti ku kpaan ken ti kwi!" ⁵Pene a ligno ti Bilaatush birangum, nang teerei in minin maam ti shii.⁶Wende tenei waari ti ta koddi temre, Bilaatush ti fora kira ka niyo dok mo ti ta mina muruk, mo an for-shuna ye shinui bennga, ⁷kan ka manni shwijii shommonii Barabash ti ta mina muruk ye kpakkaa shii tuka niyo koddi shabbi. ⁸Jimai in waru shikno Bilaatush kan in yiu tel shii mo yuuju kaa ye shii ti ya milam.⁹Bilaatush in lignon ti shinui ya, "Ma leka nen foran mam kira ka Gub Yawudaawa ya?" ¹⁰Longku shii penaa minaa Yeesho ti ta kiranii ka longku nwisshi waani. ¹¹Pene mongba me ankpaai in shuulo jimai mo shinui tewo mo foraju kira ka Barabash.¹²Bilaatush in lignon ti shinui birang ya, "Pene ne ta ya wen ka Gub Yawudaawai?" ¹³Shinui in yallina birang ya, "Sheewo shii!"¹⁴Bilaatush in tewon ti shinui ya, "Daklaai wen ta shii?" Pene shinui in yallina sho gbe ya, "Sheewo shii." ¹⁵Bilaatush leka ya wee poshaari jimai leka, nang shii in foran kira ka Barabash ti shinui. Shii in bir shikno Yeesho nang in munin shii ti shinui ka we waraa sheewani.¹⁶Me an-bee-deet in riin shii kudam shiire (yei po diya ya gub), kan shinui in yeyyo bwattan ta me an bee deeti in gal-dooju. ¹⁷Shinui in showin lanna ya gub ti shikno Yeesho, kan shinui in lau arat kaa we mallo-ku me an gub in dawin ti kuunii. ¹⁸Shinui yiu yuun kaa ti ka shokro kira inti tewi ya, "Min kaakako ta Gub Yawudaawa!"¹⁹Shinui in ti gbobbo ta kuunii ka la-biro yiu kira yen gakal kan in ti fisshon elet ti shiknii. Shinui in juunaju ti ku vurumju kan in shaan buk ti toomnii. ²⁰ Ka bi ye shinui nwinnyaa foknii, shinui in for lanna yen joorii nang in showin bi lanna sheenii ti shiknii, kan nang in koon ka shii ka we waraa sheewani. ²¹Ka nanni niyo shiraayin, shommonii Shimon, ti ku riiru tarang gok-minai (shii fono Elekjanda kan Rufush), kan shinui li shii ka bang in shar biro sheewo shii.²²Me an bee deet in warin piree ti tewi yaa Golgoota (Ye ta shuklaa yaa piren "Gunglumg-ku"). ²³Shinui in minin doo yen shwang ye lonngaa ka ka worin we kuwa shilib pira ye yaa muur, pene shii a shom. ²⁴Shinui in sheeo shii kan bwatto lannanii ka ving kaari kulang in pen piranno ye koo an bee deet shire ye ta sharani.²⁵Dob-dob koddi ye shinui sheewan Yeesho pelle ka da-darang. ²⁶Ti ku tannan we temoi, shinui in ballon kuwak ye shinui ti kpaan shii ya, "Gub Yawidaawa." ²⁷Ka shaayi kan shii shinui in sheewon me an jiri palau, dok ti ku kira temme kan yen dok ti ku kira jiyau.²⁹Me an koo in ti yuun bek ti shii, shinui in ti yigro shik kuuju kan in ti tewi ya, "Ohoo! Ke ta vubro mina Yamma kan ken dig-bi ti shakki shaklo tat, ³⁰kauro kuuko kan ken shaarin ken ti ku biro sheewoi!"³¹Kaa ye yuwaai mogba me ankpaa in nwinnyo foknii ka shaayi kan me an shoro ti ta shiire nang in tewi ya, "Shii maraa ku peddi, pene shii a rta dum mar kuunim. ³²Shero Kiriti, gub memme Ishereila, shaaru wende ti ku-biro sheewoi, kulang minun we shiki minun we shiki minun kumi." Me sheewaa shinui ka shaayi kan shii, kan in minin shilibi ti shii.³³Ka koddi shere darang, dil in nummo ta piri ar we war kettan darang. ³⁴Ka kettan darang Yeesho in yallina ka ele yen bang ya, "Elooi, Elooi, lama shabaktaani?" ye ti shukilla yaa, "Yammano, Yammano, Longku wen ye fulaan nen bii?" ³⁵Peddi me shengrii nimmi in yaaro paaronii kan in tewi ta shinui ya, "Ma gee, shii ti ku ye Ilya."³⁶Mondok in juwa yoba in wa shar fong in shou shiki ti ta doo inaabi yen shwang, in showi ti ku la-biro, kan in showin ti shii mo sho. Shwijii in tewi ya, "Shero kama gee koo Ilya ta shaarui duru shii ti buk." ³⁷Nang Yeesho in yallina ka ele yen bang kan in muroni. ³⁸Lanna kawo ta mina Yamma in jaaro taaro palau we yinnan ti tuu-kwi we shaaru tuu-guni.³⁹Koddi ye gbong mo an bee deet mo sherii shiwan dwei ti shikno Yeesho weyaa shii muraa kaa te, shii in tewi ya, "Kulli shwiji sheerei Laano Yamma." ⁴⁰Birang ka shereb me ti po teere shereju tali in ti gee wee ta yooro. Ti shakkijui ka Maryamu Magadaaliya, kan Maryamu (nonno ma Yaakubu mon tob kan Jooshe) kan Shaloomi. ⁴¹Koddi ye shii ti Galiili shinui yinna biinii in ti yuun shuran ti shii. Ka shereb gbe me shin sheeju amna ka shaayi kan shii ti Urshaliima.⁴²Koddi ye kiryippa yuwaa, longkui Darang Limma ye pirbangii Darang Nessho Yawudaawa, ⁴³Yushubu niyo Armatiya in waru po teere. Shii dok mo ti minin gba ti shakki me an-toom, mo ti ku dangku ya-gubno Yamma. Shii in war shikno Bilaatush ka bang-vurum kan tel pi kumano Yeesho. ⁴⁴Bilaatush in ya maam ye yaaraa ya Yeesho fuwaa-po muroni; shii in ye gbong mo an bee deeti in tel shii ma Yeesho maa muroni.⁴⁵Koddi ye Bilaatush yaaraan ti fok mongba an bee deeti ya Yeesho fuwaa-po muroni, shii in min kumai ti Yushubu. ⁴⁶Yushubu fuwaa-po pillu lanna yen yelek-yelek. Shii in duru kumai ti ku biro sheewoi, in mallon shiki ka lanna yen yelek-yeleki, kan in wa kanno kumanii ti ta duwa ye fuwaa-po yemmani ti shik gba shiila (Gaddi). Nang shii in gbumullu shiila in nummon fok ri ta duwai. ⁴⁷Maryamu Magadaaliya kan Maryamu nonno Jooshesh in we piree nanaan Yeesho.

Chapter 16

¹Bara ye Darang Nessho Yawudaawa kookaro, Maryamu Magadaaliya, kan Maryamu nonno Yaakubu kan Shaloomi, shinui in pillu turaali ye shin ta waraa sheenon kumano Yeesho. ²Yau kan vubnai ti ku darang an dok ti ta shaklo parilau, shinui in war ta duwai ka dad-darang.³Shinui in ti deppina ti shakkiju ya, "Wo nong ta waraa gbumlomu kama shiilai ti fik duwai?" ⁴Koddi ye shinui deeraa dooju, shinui in we fuwaa-po gbumlo shiilai won, longku shiilai kan gbai.⁵Shinui in ti ta duwai nang in we shik la-ilit showii kan lanna yen joori yen pe, deeni ti ku-kira temme, nang shinui in ya gbaral. ⁶Shii in tewon ti shinui ya, "Ma wessho ya shewoi. Ma ti ku gassho biino Yeesho, niyo Naajeret, ye sheewaa. Shii fuwaa-po illani! Adoo shi ti po tem. Ma gee piree shinui kannaan shii wono. ⁷Pene ma koo, ma wa tewi ti Biiturush kan dogi me an yiu-subetni maa ya, 'Shii ti ku wanni ti toom ma we war Galiili. Ti po teere ma ta we shiknii, bara kaa ye shii tenna ma.' "⁸Shinui in peron ti ta duwai ka yoba; shikjui in ti tari kan maam. Shinui a tewo koo we ti koo niyo dokum longku shinui yuuna shewo kping.⁹[Yau kan vubnai ti ku darang an dok ti ta shaklo parilau, ka bi ilitnii, shii ka toom in keru doono Maryamu Magadaaliya, ye shii foraan shaabug shin parilau ti shiki. ¹⁰Tei in wanna in wa tewi ti me milam shinui ka shaayi kan shii, koddii shinui ti ku bau kenni kan ya kwii. ¹¹Shinui in yaarra ya shii kan dooni kan tei weena shiknii, pene shinui a kumum.¹²Ka bi ween shurme te shii in ker-do ti ta peen ado dokro ti me palau kaa ye shinui ti ku ya mere peren ti ta buki. ¹³Shinui in wanna in wa tewi ti dogi me an yiu-shubeti, pene dogi me an yiu-shubeti a kumu kan shinuim.¹⁴Ka Yeesho in keru-do me shin kpumu gee doki kaa ye shinui teeka shikju ka we sha weshiina ti ku dangla, nang shii in pekro shinui ka longku kenni li shaari kan bang poshaari, longku shinui a kumu kan me shinui weena shiknii ka bi ye shii illaan ti ta duwaim. ¹⁵Nang shii in tewon ti shinui ya, "Ma koo man war ku-buk ding, kan man kpaallin pi shinnyi yen tomon ti ku peewe-piri ding. ¹⁶Shi mo kunnga kan in ya yulma ta kauro shii, kan maa moi kumum ta kelmo shii.¹⁷Temo te ta kowani ka shaayi kan me kunnga. Ti ta shommono shinui ta foddo shanngau. Shinui ta ya paaro kan bino-dak. ¹⁸Shinui ta shokro kuret ti ta kiraju, kan ma shinui maa ta she wee ta dum tuk niyo, a ta yuun we ti shinuim. Shinui ta li kira ti ku me shikjui bangum, kan me an agini ta we bang shik."¹⁹Ka bi ye Fo-mina wiila po yuun paaro ti shinui, in shokro shii in ammo ku-dang kan in wa li shii ti po diya ti ku-kira temmeno Yamma. ²⁰Me an yiu-shubeti in koona in wa kpaalo po paaro ti koo tong, kan Fo-mina ti biijui in ti ya shuran ka shaayi, in kemro paaroi ti bi we temo ye kooka ka shaayi kan shinui.]

Luke

Chapter 1

¹Memme gbe liyaa shikju ka we te ye yuwaaro ye kenngari ti shakkimu kama, ²Bara kaa ye sheeraa mu kama ti piree me shinui weyaa shik wee yuunaro ka adooju kan shinui me shiba me an-shurani. ³Longku yuwaa kpang ti piree kan nen, longku ne yippaa gun wei ding ti liyan guni, na ne ballo kaa ye tei ka longkuuko, ta mongba Tiyaapolosh, ⁴longku ken pen kulli wei ye shuppaan ken.⁵Ti ta koddino Iriidush gub Yawuudiya, ka manni ankpaai shommonii Shakaariya ti ta bwatta ta me ankpaa ye ti ta gunno Abiija, mannani ta Alishabatu te sheeroi po-peenno Aruuna. ⁶Shin ding merejui dob-dob ti toomno Yamma, shinui ti yiu bi shoroi kan waarino Fo-mina. ⁷Pene shinui a kan lam, longku Alishabatui jemra, kan shinui shin ding kodirooju ti ta koddi te.⁸Wende koddi ye Shakaariya ta riin toomno Yamma, ka we ya shuran kaa ye bwaari ta ankpaa sheeni shuka. ⁹Kaa ye waari kunnga ye po shakin ankpaa ye ta ya shurani, in shak shii ka ving kaari mo ri ta mina Yamma ka we kur ding-ta-kira. ¹⁰Jima memmei ding ti ku fura-fok ti peewe ti ta koddi ye ti ku kurin ding-ta-kirai.¹¹Kpantidi an-shuranno Yamma in keru doonii kan in shereni ti ku kira temme po li-dungoi. ¹²Koddi ye Shakaariya weyaa shiknii, shii in gbaral, kan shewo in yiu shii. ¹³Pene an-shuranno Yamma in tewon ti shii ya, "Wessho ya shewoi ta Shakaariya, longku yaaraa fura-fokko. Mannako ta Alishabatu ta pattoko la. Ke ta ye shii ka shommo Yuwaana.¹⁴Maa pattaa, ke ta ya beere kan twaalan shaari kan memme gbe ta shuk twaalan shaari longku lai. ¹⁵La ye ta shiwani mongba ti toomno Fo-mina Yamma. A ta she doon shwang kan wee ta daklo nyimmonim, ta kem shii ka shoomno Yamma ye tidai patto shiim.¹⁶Ta meeru ka poshaari Ishereila ti shikno foju Yamma. ¹⁷Ta koo toom fowi mongba, in ya shuran ka shoom kan bang poshaari kaa ye Iliya an-pigro yuwaa. Ta waru ka diya yen kpang ti shakki me fowi kan shiboju. Ta meeru ka memme an bangku in wessho memmen kpang, kaa te ta limmo memme ti fowi mongba.¹⁸Shakaariya in tel an shuranno Yamma, 'Ne ta pen wee ke tekai ka yee ta yooroi? Gee nei kooroi mannano sheero kaa te" ¹⁹An shurani in liginna, "Ne Jibriilu ye sheeri ti toomno Yamma, birang shunnano ne yuuko paaro nen teuko kpang paaro te. ²⁰Pene wende ke ta ya yititi ke ta ya paaro birangum, we war koddi ye wei yuwaan, longku ye ke kum paaroim, ye ta yooro yen kulli ta dob-dob koddirom."²¹Wende memme ti ku gee kuuno Shakaariya, ti ya tarbo-tarbo ti poshaariju, longku wen ta diiru bak ti ta mina Yowo Yammai. ²²Bara ye penna, a dum yuun paaro ti shinuim. Nang in peni ta shinui ya kergum weena shik jirim ti ta mina Yowo Yamma. In yiu temyo wei ti shinui, pene a ta dum ya paarom. ²³Pene koddi wawo sheeni maa ti fuworo in meeni minani.²⁴Ka biino teerei, mannani ta A lishabatu in yooro kan uuro, in ti latto kuuro po tere fuwat. ²⁵Alishabatu in tewi ya, "Fowi Yamma yuwaano kaa te," in tewi ta tei, "Ti shakki shaklo te, shuklaano lewanni in shemo yaaro kwiino, in bwaarono kan kenni la ti shakki memme."²⁶Ti ta tere an paragbanang, Yamma in shuru an shuran Jibriilu ti Naajeret, gokmina ye ti Galiili, ²⁷ti shik la-paamun, ye ti ku gasshani ka we digani ta manni la-shwijii shommonii Yushubu, po peenno Dauda. Shommo la-paamunii Maryamu. ²⁸An shurani in war shikroi ya, "Twaalan shaari, ye shi weyaa kunngu! Fowi Yamma ti shikji." ²⁹Kuuno Maryamu in shiworo poshaarii in illoro kping ka peen kaa te.³⁰Pene an shurani in tewon ya, "Wessho ya shewoi, ta Maryamu, shi weyaa kunnguno Yamma. ³¹Gee shi ta yooji kan uuji, shi ta patto la, shin liin shommonii 'Yeesho.' ³²Ta shiwani niyo mongba, birang ta tewani yaa Laano Mo ti ku dang Bak. Fo-mina Yamma ta minin ti shii ku gburmi gubno foni ta Dauda. ³³Birang, in ya gub ti ku minano Yaakubu po-ding, po ya Gubni a ta wiilanim."³⁴Maryamu in tel an shurani ya, "Ta yooro ka tei ka yee pene tida nei la-gejei?" ³⁵An shurani in liginna ya, "Shoomno Yamma ta shaaru ti kuuji, kan kumen gbano Mo ti ku-dang Bak ta nummoji kuujii. Longku wee ta pattanii we shor shiki, ta yeyani yaa Laano Yamma.³⁶Alishabattu sheero ta we la ti ta koororo, birang ye yaa jemra, pene ta tere an paragbanangro. ³⁷Longku ye a doo wee ta yek bangno Yammam." ³⁸Maryamu in liginna, "Ne la-paamun shookno Fowi Yamma. Mo yooro ti kuuno kaa ye ke tekan." Nang an shurani in wessho tei.³⁹Ta koddino teere Maryamu in illina in war gokmina ye ti ta sheela kpakan po-buk Yawuudiya, ⁴⁰Tei in wa ri ta minano Shakaariya in ya kaa ti Alishabattu. ⁴¹Alishabattu maa ti yaaro kaano Maryamu, nang lai in middon shikni ta aaroi, kan Alishabattu in kemero ka shoomno Yamma.⁴²Tei in shokro elero ka bangi ya, "Shii niyo yen kpang ti shakki shereb, la ye shi ta patturu kpang ti kuunii. ⁴³Pene longku wen yuwaano ween kpang kaa tei, nonno Fo-mina ta waru shiknoi? ⁴⁴Longku ne maa ti yaaro keleji riyaa ta kumono, la ye ti ta aano in bee shikni longku beere. ⁴⁵Shii niyo yen kpang ye kunnga ka shuranno Fo-mina Yamma ye shunna ta kemoro yen kulli"⁴⁶Maryamu in tewi ya, "Kerangno ti ku wau Fo-mina, ⁴⁷kan shoomno yuwaa beere-beere ti taano Yamma An-markuuno.⁴⁸Longku nyimmaa kan ne shommoi ye nei la-paamun shookni. Longku gee, we yikka booi, ku-kira ku-kira ding ta yeeno ya nei niyo yen kpang. ⁴⁹Longku ye shi Mongba yuwaano wee kan gbai, kan shommonii sheenaa.⁵⁰Kunnguni in deero ti ku me shiini ti ku-kira we war ku-kira ti me ti shi shii. ⁵¹Ka kirani yen bang yuwaa ween gbidino, Shii wakyaa me an shokro kuuju kan wee ti liin shaari ti bi nyimmoju.⁵²Shii in kajiyo bi shiba me an gub ti ku jukju kan in shokro me beka kuuju. ⁵³Shii in kemro me an kpiyam kpiyam ka ween kpang, pene in li bi me an birma kira waani.⁵⁴Yamma in shau shookni Ishereila, longku ka we nyimmina ka shuk kunngoni ⁵⁵(kaa ye shii teka ti ma fowonmu kama) Ibiraayim kan po-peenni po-ding."⁵⁶Maryamu in diina ti jeleno Alishabattu po tere tat, nang in meero minaro. ⁵⁷Wende koddi parino Alishabattu in ya tei in patto laaro la shwiji.⁵⁸ Me an ganglangro kan ma molonto yaaraa ya fowi Yamma shuka kunngoni ti tei, nang shinui in ya beere-beere kan tei. Longku kpangno Yamma ye yuwaan ti tei.⁵⁹Nang lai in kem shaklo pididau, in warin longku kar kuwoi, birang leka liin shommono foni "Shakaariya." ⁶⁰Pene non lai in tewi ya, "Ma wessho. Ta ye shii ka Yuwaana." ⁶¹Shinui in tewon ti tei ya, "Ti ta minama a doo mo ti ye shii ka shommo tem."⁶²Shinui in wa tel fo lai ka kira mo temyoju shommo ye ta yoon lai. ⁶³In temi ya mo warini ka we balla, in ballon, "Shommonii Yuwaana." Memmei ding me ti po teerei in ya maam .⁶⁴Kpantidi Shakaariya in we ku fok ya paaro birang in yiu wau Yamma. ⁶⁵Shewo in yiu an-ganglangnii ding. Memme in ya shinnyi wee yuwaaro ti ku sheela gok-mina me ti Yawuudiya ding. ⁶⁶Ding me yaaraa shinnyi te in yiu ya nyimmo in ti tewi ya, "La te ta yoonii wen?" Longku kirano Fowi Yamma ti shiknii.⁶⁷Foni ta Shakaariya kemii ka shoomno Yamma in ya pigro ya, ⁶⁸"Kpangii weeno Fowi, Yamma memme Ishereila, longku wanna in shawi kan in for memmeni ti ta shilibi.⁶⁹Shii in minmu kama an-marku mongba ti ta minano shookni Dauda ⁷⁰(kaa ye teka ti ta fok me an-pigrani me sheenaa yau.) ⁷¹Marku ti kira me an geimu kama kan ta kira me kurooju kama. kan ti ta kira me kuraamu kama ding.⁷²Shii in shuk kunngoni ti ma fowonmu kama kan in nyimmo sheenan deewan-kuuni, ⁷³Yaan pammi ye yuwaa ti fomu kama Ibiraayim, ⁷⁴Shii pammaa-we ya shii ta minmu kama, ya shii fuwaa po formu ti ta kira me an geimu kama, kama ta wau shii adoo shewom ⁷⁵kama in deemu ta shaana kan dob-dob ti toomni ta shaklo mu kama ding.⁷⁶Oo, kan ke, la, ta yeeko ka an-pigro Mo ti ku-dang Bak, longku ke ta yuuru toom ti Fo-mina ken limmo do kokoni, kawe limma memme ka longku shiwanni, ⁷⁷in min penan mar- kuuni ti memmeni longku ka we fuddo shasshalauju,⁷⁸Tene ta yooro ka longku shuk kpang kunngono Yammamu kama, longku aaran darang ta aatu kuumu kama ti ku-dang ye ta waru in shaumu kama, ⁷⁹ta ee ku me dii ti ta dil kan ti ta lukni muro. Shii ta ya we te ka we shuppomu kama ye kana ta yuun diyo kuttan-shaari kan Yamma."⁸⁰Nang lai in kpiri in yooni bang ti ta shoom, deen ti ta shwee we war koddi ye yikka kaawo paaro ti Ishereila ti ku-dam.

Chapter 2

¹Ti ta shaklo shurme, Keeshar Agushta minaa paaro ya mo ballo memme ding ye ti ta gun gub Rooma. ²Tenei balla ye ka toom ye yuwaa koddi ye Karniyush ta ya gub ti ku-buk Shuuriya. ³Kaa te memme ding in meeju gok-minaju longku in balloju.⁴Yushubu in illina ti ta buk Naajeret ti shakki Galiili in war gokmina Baitalaami ti shakki Yawuudiya ti ta gok-minano Gub Dauda, Yushubu in war won longku shii ta minano Dauda. ⁵Shii in kooni kan Maryamu ye deewaa-kuuro shinu ta ya diyoo, longku in ballo shinui ka shaayi. Koddi teerei kan uu ta tei.⁶Koddi ye tida shinui ti Baitalaami shaklo pariro in yooro. ⁷Tei in patto la newero in dawi ka lanna dau la in li shii ti po shaklo ti ta gong, we min we-shiina we-ta-gun longku shinui a wa gume ti po duroim.⁸Ti ta buk teere, ka me an tii we-ta-gun kuttii ti ku-dam in ti gee dinnyiju ka yippo. ⁹Kpantidi, gee an shuranno Fo-mina Yamma in perin ti jelejui, birang shokranno Fo-mina in ee shikjui nang shewo in yiu shinui kping.¹⁰Nang an shurani in tewon ti shinui ya, "Mo ma yu shewom, ma yaaro, ne wanna ka paaro yen kpang ye ta li memme ding ya gbong beere kping. ¹¹Booi te, ti ta gok-minano Dauda! pattaa ma An mar ku, shii kiriti Fo-mina! ¹²Tenei ye ta shukma, ma ta we la daka shiki ka lanna mooli in li shii ti ta we min we-shiina we-ta-gun."¹³Kpantidi, gee galan jima me an shuran ti ku-dang, in peru kan in ti wau Yamma in ti tewi ya, ¹⁴ "Shokrani ti Yamma ti ku-dang, kan mo kuttan shaari deeri ti ku-buk ti shakki memme shii ti sha tomonju."¹⁵Ma me an shurani maa ti wessho shinui, in meeju ku-dang, nang me an tii we-ta-guni in tewi ti shaayi ya, "Ma shero wende kama war Baitalaami kama in wa gee wee yuwaaro ye Fo-mina tekamu kama." ¹⁶Shinui in koona peeb, in wa we Maryamu kan Yushubu, kan lai, ye kannii ti po shaklo ti ta gong, wee ti minin we-shiina ti we-ta-gun ti tai.¹⁷Ka bi ye me an tii we-ta-guni weyaa shiknii, shinui in sheero pi wee an shuranno Yamma tennan ti shinui ti ku lai. ¹⁸Me ding me yaaraa sheer te, nang in yiu fokju, in yuun maam kan wee me an tii we-ta-guni teka. ¹⁹Pene Maryamu in yiu wei ding in ti yuun nyimmo ti poshaariro. ²⁰Me an tii we-ta-guni in meeriju, in ti mun gba kan wau Yamma longku wee ding shinui yaaraa kan we shiki, bara kaa ye me an shuranno Yamma tennan ti shinui.²¹Koddi ye lai yuwaa shaklo pididau, koddi ye karaan kuwoi, in liin shommo ti shii yaa Yeesho, shommo ye me an shuranno Yamma minnan ti shii in tang waraa yuun uunii.²²Koddi yuwaa ye Maryamu kan Yushubu ta ya wee shorono Muuja teka yamo yu, longku nyik la, nang in shar Yeesho in warin Urshaliima longku in mini ti Fowi Yamma. ²³Kaa te ye ballii ti ta shorono Fo-mina ya, "La newe yen shwiji ding ta tewani ya nyika shii ti Fo-mina." ²⁴Nang shinui in kur-we kaa ye gasshaa ti ta Shorono Fo-mina ye teka ya, "Ammaluk palau koo bakri palau."²⁵Kpantidi, ti ta koddi te ka niyo deeni ti Urshaliima ya shommonii Shimiyon shii niyo an kunngu an wau Yamma, birang in ti dangku darang ye ta kem shaari Ishereila, kan Shommo Yamma ti shiknii. ²⁶Shoomno Yamma shuklaan ti shii ya a ta muranim peemo maa wa shikno kiriti ye shii dok shakan weeno Fowi Yammam.²⁷Shoom in shuulo shii in reeni ta kudam ta mina Yamma ti ta koddi ye me an patto Yeesho wannan ka shii ti ta mina Yamma longku shinui in ya kaa ye shorono Muuja teka ya mo yu. ²⁸Pene Shimiyon in yiu lai ti kirani in pammina ti Yamma ya, ²⁹"Wende ai Fo-mina, ken li bi shooko bang, kaa ye ke kunngan piri.³⁰Longku adoono weyaa shik mar-kuuko, ³¹ye ke limmaa ti toom memme ding. ³²Aaro ye ta shukloko a ti me Yawudaawam birang in waru ka shuk gbe ti memme Ishereila."³³Fowii kan non lai in yiu fokju, in ti ya maam ka wee Shimiyon tekan ti kuunii. ³⁴Shimiyon in liin kpang ti kuujui, in tewi ti Maryamu non lai, "Yaaro, Yamma shaka lai longku shuwot kan ilit memme ti Ishereila kan we shuklonii tekan ti kwi. ³⁵Kaa we te, wee lattii-lattii ta peru. Wee shee te ta perji ka agerum ye ta kpe poshaariji. Longku shii ta au-do wee memme ti nyimmina."³⁶Ka manni kooro an-pigro ye shommoroi Annatu laano Fanuwel ti po peenno Aashiru. Tei kan mannaro sheena parilau waani. ³⁷ Nang tei paamun kolo. Wende shenero naa- pididau kan peereu. A ti wessho ta mina Yamma ta teim, ti tuumina ti toomno Yamma yippo kan darang ti fur-fok kan kura sha we-shiina ka darang. ³⁸Dob-dob koddi te, nang tei waru nimmi kan shinui, in yiu pammina ti Yamma, birang tei in ya paaro ti ku lai ti me ding ta dangku Yamma in for Urshaliima ti ta shilibi.³⁹Ma Yushubu kan Maryamu in wiilo ya wee ding ye shorono Fo-mina Yamma teka, nang in meeju minaju Naajeret ti Galiili.⁴⁰ Lai in kpiri in ya bang, kemii kan shen ta shii, kunnguno Yamma birang ti kuunii.⁴¹Shene ding me an parino Yeesho ti war Urshaliima longku Peewe Teelani. ⁴²Yeesho maa ti kem shene kpumu gee palau kan pattanni, nang shinui in waraa ya peewe kaa ye ti ya shene-shene. ⁴³Ya peewei maa ti fuworo, in koo meeju mina, pene Yeesho in deeni ti bi ti Urshaliima, pene a kan penanjum. ⁴⁴Shinui birang ti nyimmina ya ti shakki jimo memme, longku kaa te in ya mere shuwo darang dok. In yiu gassho bi ti shakki po-peenju kan me an jeereju.⁴⁵Koddi ye shinui a wa shiim, longku kaa te shinui in meeju Urshaliima kan in yiu gassho biinii ti won. ⁴⁶Ti ku darang an tat in we shii ti ta mina Yamma deeni ti shakki me an shubet. In ti yaaro shinui kan tenglo shinui. ⁴⁷Shin ding me ti yaaro shii, in yiu fokju, in ya maam penanni kan ye ti lignon.⁴⁸Koddi ye me an-patto shii weyaa shiknii, shinui in ya maam weyan shiknii ti po te, nang nonnii, in tel shii ya, "Laano, longku wen ke yuwaamu kaa tei? Gee, foko kan ne min balaa kping ta gassho biiko." ⁴⁹Shii in lignon ti shinui ya, "Longku wen ma ta gassho biinoi? Mai peno nennaa nen deeno ti ta minano fono maa?" ⁵⁰Birang shinui a peno piree paaroni liyaan kuurom.⁵¹Nang in illina in yiu biijui, in meeju Naajeret ka shaayi, in yiu ya wee me an-parini teka. Nonni birang in yiu wei ding ti poshaariro. ⁵²Pene Yeesho in kpiri ti tokko shaari kpira kan pen-we, Yamma in leu shii kan memme.

Chapter 3

¹Ti ta sheno kpumu gee-fuwat ti ta gubno Tibeeriya, Buntush Bilaatush gub Yawuudiya Iriidush ti ya gub Galiili, Molli ta Pilibush ti ya gub Ituuriya kan Tarakuniitash, Lishaaniyash ti ya gub Abiiliya, ²ta koddi ye Anaana kan Keyaapash men gbidina ankpaa. Ta koddi te, pene paaro Yamma in waru shikno Yuwaana laano Shakaariya ti ta shwee.³Yuwaana in wangro koo tong ti jele shiiruk Urdun, shii in ti kaawo paaro yulma for-fok ti shinui longku fuddo ding shasshalau⁴Kaa ye ballii ti ta lakarda paarono Isheya an-pigra ya, "Ele niyo ti ku ya yee ti ta shwee, 'Ma limma do koko ti Fo-mina, man shupro shik kokoni dob.⁵Ta kemro ta gida ding, kan koo sheela kan gungum shire ta dodirani kan meklan do koko ta shupro shiki ta limyo do koko ye daklaaro longku in ya yen kpang, ⁶Kan memmei ding ta we shik mar-kuuno Yamma.' "⁷Longku kaa te Yuwaana in tewi te memme me wanna longku in yuuju yulma ya, "Ma gbuman ku shiba shammam! Pekinna mai nong, ya ma yoppo den ye ta warui?⁸Longkuuno te, ma sheelo shiili ye ta shuklani ma foddaa fokma ka shasshalau, mo ma nyimmo ti poshaari ma maa, 'Ibiraayii fomai.' Ne ta teuma Yamma fooraa ya shiba ti Ibiraayi ka shiila me.⁹Koo wendei, fuwaa po liin gbaamei ti shoorin biroi. Longku kaa te, biro yei sheelo shiili yen kpangum, ta keyani in vingi ti ta deet."¹⁰Nang jimai in yiu tenglo shii ya, "Minui ta ya wen?" ¹¹Shii in lignon ti shinui ya, "Ma mondok maa kan lanna palau, mo bwaaro kan moi kan tem. Mo kan weshiina shi sheeni in ya kaa te."¹²Me an yiu kine-buk me shinui wanna longku in yuuju yulma, kan shinui in tel shii ya, "An-shubet, minui ta ya wen?" ¹³Shii in lignon ti shinui ya, "Mo ma yiu kine gbe in kooro ti fok wee ya ma yiwii."¹⁴Peddi me an bee deet shin sheeju in tel shii ya, "Min sheemu paa? Minui ta ya wen?" Shii in tewon ti shinui ya, "Mo ma lawwo kine ti kirano koo nong ka bangum, kan mo ma yu shaba ti kuuju ye kurooju min mam. Ma pammo ka wee ti anngon man."¹⁵Wende kaa ye memme ti ku gee ku waranno Kiriti ye Yamma ta shuru ka we waru, koo nong in ti ya tarba-tarba ti poshaarini ti kuuno Yuwaana, koo shii Kiritii ya. ¹⁶Yuwaana in lignon ti shinui shin ding ya, "Kaa sheeno, ne ta yuuma yulma ka doo, pene ka mo ta waru mo yekano gba, kan nei ta dum piddo fwaala taanim. Shii ta yuuma yulma ka Shoom Yen Shaana kan deet.¹⁷Shii yiwii kan we dekro weeni ti ta kirani, shii ta dekron shauni ding, birang in ganglo-do shawi in gali ti ta kang. Pene shii ta kur jongrangi ka deet yei ti dum bittanim.¹⁸Kan peddi pekroi gbe, Yuwaana in ya kaawi shinnyi yen kpang ti memme.¹⁹ Koddi ye Yuwaana pekraa mo an-toom Iriidush ka longku shi Iriidush diga Iriiduya manna molli. Birang shii in yuyyo peddi sheki gbe, ²⁰Iriidush in tokko shaarii ti shinui ding, ye shii nummaa Yuwaana ti ta mina-muruk.²¹Wende in yooro ye koddi ye fowaa po ya yulma ti memme ding, in ya ti Yeesho sheeni kan kodii ye shii ti ku fur-fok, ku-dang in aworo, ²²kan Shoom Yen Shaana kaa ammaluk in shaarin ti kuunii, kan ele in peru ti ku-dang ya, "Kei Laano, mo ye ne leka. Ne ti sha tomonnii kping."²³Koddi ye Yeesho liyaa gun shuran shubetni pelle kan shene naa-tat. Memme liyaa ya shii laano Yushubu yei laano Eli, ²⁴Eli laano Mataat, Mataat laano Leewi, Leewi laano Malki, Malki laano Yanna, Yanna laano Yushubu.²⁵Yushubu laano Mataatiya, Mataatiya laamo Emuj, Emuj laano Naawum, Naawum laano Ajaaliya, Ajaaliya laano Najaaya, ²⁶Najaaya laano Maata, Maata laano Mataatiya, Mataatiya laano Shimeya, Shimeya laano Joshek, Joshek laano Yawuda.²⁷Yawuda laano Yuwaana, Yuwaana laano Reesha, Reesha laano Jerebebel, Jerebelel laano Shiyeltiyel, Shiyeltiyel laano Neeri, ²⁸Neeri laano Malki, Malki laano Addi, Addi laano Kosham, Kosham laano Almadam, Almadam laano Eer,²⁹ Eer laano Yasshi, Yasshi laano Eliyaajar, Eliyaajar laano Yorima, Yorima laano Mattat, Mattat laano Leewi.³⁰Leewi laano Shimiyon, Shimiyon laano Yawuda, Yawuda laano Yushubu, Yushubu laano Joonam, Joonam laano Eliyaakim, ³¹Eliyaakim laano Malya, Malya laano Menna, Menna laano Mataata, Mataata laano Naatan, Naatan laano Dauda, ³²Dauda laano Jesshe, Jesshe laano Obiida, Obiida laano Buwaj, Buwaj laano Shalmon, Shalmon laano Naashon.³³Naashon laano Aminadad, Aminadad laano Admin, Admin laano Arni, Arni laano Asharuuna, Asharuuna laano Fereesha, Fereesha laano Yawuda, ³⁴Yawuda laano Yaakubu, Yaakubu laano Ishaako, Ishaako laano Ibiraayi, Ibiraayi laano Teera, Teera laano Naawor, ³⁵Naawor laano Sherug, Sherug laano Reeyu, Reeyu laano Peleg, Peleg laano Eber, Eber laano Sheela.³⁶Sheela laano Kenan, Kenan laano Arfakahaad, Arfakshaad laano Sheem, Sheem laano Nubu, Nubu laano Lamek, ³⁷Lamek laano Metusheela, Metusheela laano Anufu, Anufu laano Yaared, Yaared laano Kenan, ³⁸Kenan laano Enush, Enush laano Shiitu, Shiitu laano Adamu, Adamu laano Yamma.

Chapter 4

¹Nang Yeesho shinna ti shiiruk Urdun kemii ka Shoomno Yamma. Shoom in warin shii ta shwee, ²ti piree shuuro ta nawin shii po shaklo naa-peereu. Shii a shu we ti ta shaklo shurme, kan ta wiilani ti ta koddi teere kpiyam in yiu shii.³Nang Shuuro in tewon ti shii ya, "Ma ke maa laano Yamma, shiwan shiila me in yooju we-ta-kele." ⁴Yeesho in lignon ti shii ya, "Ballii ti ta paaroYamma ya, 'A ku jal ka weshiina waani ye niyo ta kpirinum.' "⁵Nang shuuro in ammon Yeesho manni pirii yen joori kping in shukyon po ya-gub ku-buk ti ta koddi la-wiiu. ⁶Shuuro in tewon ti shii ya, "Ne ta minko gub ti ku we te ding kan kpangro, longku ye minnano we te ding, kan ne ta minani ti mo ne leka. ⁷Longku kaa te nang, ke maa ta juunani ti toomno ken wauno, ta yooju weeko."⁸Pene Yeesho in lignon ti shii ya, "Ballii ya, 'Ke juuna ti Foko Yamma, kan ke ta wau shii shi ku dokni.' "⁹Nang Shuuro in warin Yeesho Urshaliima kan in ammon shii won piren joori ti ku Mina Yamma kan in tewon ti shii ya, "Ke maa Laano Yamma, nyaattu shikko ti wono. ¹⁰Longku ballii ya, 'Shi ta li me an shurani, in jooro kuuko,' ¹¹kan, 'Shinui ta shokroko ti ku kiraju, kulang ke ta tura shooko ka shiilam.' "¹²Ti po lignon ti shii, Yeesho in teewi ya, "Tenna ya, 'Moko nau Fo-mina Yammam.' " ¹³Bara ye shuuro fuwaa po nau Yeesho, in shemo kooni in wessho shii we war manni koddii.¹⁴Nang Yeesho in meeni Galiili ti ta kumen Shoom, kan shinnyi kuunii in fu ta piri ti koo tong ti ta kpakan po buki. ¹⁵Nang shii in yiu shuppani ti ta mina fur-fokju kan memme ding in ti kum pirnii.¹⁶Shii in waru Naajeret, piree shii kpiraan, kan ye kaa ye shii ti yuun, shii in ri ta mina fur-fokju ti ku Darang Nessho Yawudaawa kan shii in illo shikni ka we ya maari ka ele yen bang. ¹⁷Shinui in minin lawan lakardano an-pigra Isheya ti shii. Shii in au ta lawani kan in we manni pirii ye ballaan ya,¹⁸"Shoomno Fo-mina ti kuuno, longku shii sheennano ka we kpaalo po shinnyi yen tomon ti me an kenni. Shii shunnano nen kpaalo po nessho timeti ta mina muruk kan nen au ado me an fugum, nen min nessho ti me ti ta shilibi, ¹⁹nen kpaalo pi sheno ye Fowi Yamma ta liin kpang ti ku memmeni."²⁰Nang shii in lawin do lakardai tipiri, shii inmin ti mo an geren minai, kan in deeni dii. Me ti ta mina fur-foki shinui in ukkon ado ti shii. ²¹Shii in yiu yuun paaro ti shinui ya, "Booi paaro Yamma kennga ti ta kumo ma." ²²Koo nong ti po teere in ya paaro yen kpang ti kuunii kan shinui in yaa maam ka kpattirin pa-paaro me ti ku pe-pittin ti ku foknii, kan shinui in ya telyo ya, "Duma tei laano Yushubu maa?"²³Nang shii in tewon ti shinui ya, "Kulli ma ta yuuno shiwan-do paaro te, ye ya 'An-gunul, ninngo shikko. We maam ding ye min yaaraa ke yuyyina ti Kapanaawum, yuuro kaa te ti gok-minako.' " ²⁴Pene shii in men tewon ti shinui ya, "Kulli ne teka ma, adoo an-pigra ye memme ta kumani kan shi ti gok-minanim.²⁵Pene yen kulli ne ta teuma na ka shereb kolo gbe ti Ishereila ti ta koddino Ilya, koddi ye ko-dang nummaaro fo sheno tat kan tere paragbanang a ti ya doo ku-dangum, gbong kpiyam-doo in waru ku me ding ti ta buki. ²⁶Pene Ilya a shur gunnii ti shik manni niyom, penei ti Jaripat ti Shiidon, ti shik paamun kolo ye dii ti po teere. ²⁷Birang ka me an baluk gbe ti Ishereila ti ta koddino Ilisha an-pigra, pene adoo dok ti shakkiju mo tasshaam, bara Naaman niyo Shuuriya."²⁸Me ding ti ta mina fur-foki me yaaraa we te, shinui in gbanta-gongoju ti shiknii. ²⁹Shinui in illina, ka bang in peron ka shii ta bi mina, kan in ammon shii ku gungum ta gangrung minaju ye milam, kaa te shinui leka raamuru biinii ti garak. ³⁰Pene Yeesho in yirini shakkijui nang shii in wanni manni pirii dokro.³¹Nang shii in shaani Kapanaawum, gok-mina ye ti Galiili, kan shii in yiu shuppo shinui ti ku Darang Nessho Yawudaawa. ³²Shinui in ya maam shubetnii kping, longku shii ti ya paaroi kan gbong kumen.³³Wende ti ta mina fur-foki ka manni shwijii ye kan piire shoom, kan shii in yallina ka ele yen bang ya, ³⁴"Wuu! Taakakoi wen kan minui, Yeesho niyo Naajeret? Ken wannai tukyomu ya? Ne penaako- kei dok shaana weeno Yamma!"³⁵Yeesho in pekro piire shoomi, ya, "Wessho ya paaroi! Periko ti shiknii!" Koddi ye piire shoomi biraan buk ka shwijii ti shakkijui, shii in peren nen ti shiknii, kan a liin pira ti shiim. ³⁶Memmei ding in ya maam kping, kan shinui in yiu ya paaro ti shaayi. Shinui in ti tewi ya, "Tenei peen paaro shire kaa tei? Shii in pekro piire shoomi ka bang kan kumen nang shii shinui in pereju." ³⁷Kaa te shinnyi kuunii in yiu fu ta piri ti dogi kpakan-fok ta buki.³⁸Nang Yeesho in wessho ta mina fur-foki in wa reeni ta minano Shimon. Koddii gbarumno Shimon ti ku bau agin, kan shinui in beng shii ka longkuuroi. ³⁹Kaa te shii in wa shere nin ti ta kuuroi in pekro beewi, kan in peron ten ti shkroi. Kpantidi tei in illo shikro peeb kan in yiu yuun shuran ti shinui.⁴⁰Koddi ye darang ti ku shuwaro, memme wangittu shikno Yeesho ka me shikjui a ka me an peen pira peeeni-peeni. Shii in liyyo kirani ti kuuno koo nongjui kan in tajiyo shinui. ⁴¹Pidire shoom sheeju in pepittin ti shik gbejui, in ti ya yallo in ti tewi ya, "Kei Laano Yamma!" Yeesho in pekro pidire shoomi kan in beelo shinui ya paaro, longku shinui penaa shii Kiriti.⁴²Ta pirii maa ti kpaalla, shii in peri we war piree adoo niyom. Jima memme in yiu gassho biinii kan shinui in waru piree kan shii. Shinui in li shikju ka we foddon foki ti shii ka war manni pirii.⁴³ Pene shii in tewon ti shinuiya, "Nennaa ti kpaalo pi shinnyi gubno Yamma ti peddi gok-minai gbe, longku tenei wee shunnan nen ti kwi ti po te." ⁴⁴Nang shii in yiu shuppani ti ta mina fur-fok me ti ta buk Yawuudiya ding.

Chapter 5

¹Wende in yooro ye memme in ti gallu ti jeleno Yeesho kan in ti yaaro paaro Yamma, shii shereni ti jele shakya Jenishereeta. ²Shii in we shik gong-doo palau ye shenrii ti po-ganra shakyai. Pebraan ti tai ta me an yippo shirim in ti fudiro shik jaju. ³Yeesho in reeni ta dok gong-dooi, yei sheeno Shimon kan in beng shii mo la sheno guni ti ta dooi la-wiiu kan ku-buki. Nang shii in deeni dii ti tai kan in yiu shuppon memme.⁴Koddi ye shii wiila poya paaroi, shii in tewi ti Shimon ya, "sheno gongi we war pirin joori ti ta dooi kan ken ving ja yiu shirimko ken tollu shirim." ⁵Shimon Biiturush in liginna ya, "Fo-mina, min wiila yippa po te min ti ku taa shilibi minui wa wen, pene gee kaa ye ke tekan, ne ta vingin jano ti ta dooi." ⁶Koddi ye shinui yuwaa kaa te, shinui yippuro shirim gbe, ar jaju in yiu bebrero. ⁷ Longku kaa te nang shinui in aplo me-shaaju me ti ta yen dok gong-dooi ka we waraa shauju. Shinui in waru kan in kemro ta gongi ding, longku gbe shirimi, gongi in yiu shaaju gun dooi.⁸Pene koddi ye Shimon Biiturush weyaa shik we te, shii in juunani ti toomno Yeesho in tewi ya, "Wesshono ta Fo-mina, longku nei mo an shasshalau." ⁹Longku shii kan me shaani shinui yuwaa maam ka yippan shirim gbe ye shinui shanna. ¹⁰Tenei ma Yaakubu kan Yuwaana, shibano Jabadi, me shinui me an-jeereno Shimon. Yeesho in tewi Shimon ya, "Wessho ya shewoi, longku we yikka booi we war toom ke ta yippanii memme a shirimum." ¹¹Koddi ye shinui shenna gongju in giirin po-gangrai, shinui in wessho koo wen in yiwaju biinii.¹²In yooro ye Yeesho tida ti tarang manni gok-minai, ka manni niyo ye kan pira baluk ti po teere. Koddi ye shii weyaa shikno Yeesho, shii in juunani kuwan-kwi ti buk in beng shii ya, "Fo-mina, ke maa leka, ke ta dum tasshono."¹³Nang Yeesho in shou kirani in tawin shiknii, in ti tewi ya, "Ne leka. Tasshoko." Kpangtidi baluki in wessho shii.¹⁴Shii in pekro niyoi ya mo peemo wessho tewani koo niyo doki, Pene kooko, ken wa shuk kuuko ti me ankpaa kan ken min ding-ta-kira we fuddani, kaa ye shorono pekraan, longku in yooro we jimro ti shinui."¹⁵Pene shinnyii in wangro koo tong ar kan piri tali, kan gbong jima memme in yiu gallu ka we yaaro shii ti ku shubet kan in tassho aginju. ¹⁶Pene manni koddii shii ti wessho po teere in wanni piree adoo niyom ka we fur-fok¹⁷Manni darangi Yeesho ti ku shuppani, ka Parishaawa kan me an-shubet ti ta shoro dijiyii ti po teere me shinui wanginna ti meno-mina me ti Galiili kan Yawuudiya kan Urshaliima. Kumenno Fo-mina ka we tasshanii ka we ti shiknii.¹⁸Wende peddi shwijii kan sharan niyo ti ku irau ye kuulei, kan shinui in gassho ye shin po riirin ka shii kulang shinui in kanno shii ti toomno Yeesho. ¹⁹Shinui a dum we koko ye shi ta riirin ka shiim longku jimai, longku kaa te, shinui in ammaju daalan-ku mina kan shinui in shorin shwijii ding kan irauni in li shii kpantidi ti shakki memme ti toomno Yeesho.²⁰Bara ye Yeesho geeka lishaarijui, nang shii in tewon ti mo kuttii ya, "Jeereno, fuddaako shasshalauko. ²¹Me an-shubet ti ta shoro kan Parishaawa in yiu yuyyo telyo ya, "Duma leyyei nong ye ti ya paaro bek ti Yamma kaa tei? Ta fuddo shasshalawii nong in maa bara Yamma shi doknim mi?"²²Pene Yeesho, mo fuwaa po pen nyimmojui, nang in tel shinui ya, "Longku wen ye ma ti ku tenglo kuuma ti poshaari ma kaa tei? ²³Yekai shiri yen tewi ya, 'Fuddaako shasshalauko, ' kan yen tewi ya, 'Illo, ke merei? ²⁴Pene kulang man peni La Niyo kan kumen ye Yamma shunna fooraa in fuddo shasshalau ti ku-buk." shii in tewi ti niyo ye kuulei ya, "Ne tekako, illo, ken shar irauko ken warko minako."²⁵Kpantidi shi in illina ti toomjui kan in shar irauni ye bo shii kuttiin ti kwii. Nang shii in kooni war minani, in ti kum pinno Yamma. ²⁶Koo nong in ya maam kan shinui in kum pinno Yamma. Shewo in yiu shinui, in ti tewi ta shinui ya, "Min weyaa shik manni bino wei."²⁷Ka bi yaan wen shurme te, Yeesho in peri ti po teere in we shik an yiu kine-buk ye shommonii Leewi, deeni ti ta tam po yiu kine-buk. Yeesho in tewi ya, "Yiru biino." ²⁸Longku kaa te Leewi in illina in yiu biinii, in wessho shuranni she yiu kine-buk.²⁹Nang Leewi in ye gbong temre ti ta minani ka longkuuno Yeesho. Ti po teerei ka me an yiu kine-buk gbe kan peddi memmei me diin ti ku dangla sha weshiinai kan shinui in ti sha kan shinui. ³⁰Pene Parishaawa kan me an shubet shoro me shinui ti ku ya nyitti in ti tewi ti me an yiu-shubetnii ya, "Longku wen ma ti sha kan sheyani kan me an yiu kine-buk kan me an shassshalawii?" ³¹ Yeesho in lignon ti shinui ya, "Memme me shikju bang a lewo mo an-gunulum, bara me shikjui bangum. ³²Nei warui ye me mereju dobum, penei me an shasshalau kulang in for-fokju."³³Me an-toom ta mina wawo in tewi ti Yeeaho ya, "Me an yiu-shubetno Yuwaana manni koddi ti yiu-fok kan fur-fok, kan me an yiu Parishaawa ti yai kaa te. Pene me an yiu shubetko shinui in ti she kan in ti sha a doo berantaim. ³⁴ Yeesho in tewon ti shinui ya, "Ka muyo mo ta li me an war po ya diyaa in yiu-fok ye tida mo an-diyaa maa ka shaayi kan shinui ya? ³⁵Pene darangi ta waru koddi ye ta sharin mo an-diyaai ti piree kan shinui, nang ti ta darang teere shinui ta yiu-fok."³⁶Nang Yeesho birang in yuun paaro ka temyan ti shinui ya, "A doo mo ta peero fok lanna ti shik gbong lanna yen fo in toonon yen koorom. Maa yuwaa kaa te, shii ta jaaro gbong lanna yen foi, kan peeran-fok lannai ye ti shik gbong lannai a ta diyani kpang kan kooro gbong lannaim.³⁷A doo mo ta der doo inaabi yen fo ti ta kooro luru-lakat we-ta-gunum, ma shii maa yuwaa kaa te, doo inaabi yen foi ta jaaro lurui kan doo-inaabii ta derero, kooro luru-lakat we-ta-guni in dakloro. ³⁸Pene doo-inaabi yen fo yikka ti gbare-do in der tei ti ta luru-lakat yen fo. ³⁹A doo mo ta leu doo-inaabi yen fo ka bi ye sheyaa peere doo-inaabiim, longku shii ta tewani ya, 'Yen kooroi yeka kpang.' "

Chapter 6

¹Wende ti ku Darang Nessho Yawudaawa, Yeesho kan me yiu-shubetni in yiwaju ta doong tinnyak, nang peddi me an yiu-shubeti in yiu bel-ku tinnyaki in ti pikinna in ti ari. ²Pene peddi Parishaawai in yiu tewani ya, "Longku wen ma ti ya wee shoro foddaa fok yaani Darang Nessho Yawudaawai?"³Yeesho in lignon ti shinui ya, "Mai nau maaro wee Dauda yuwaa ye shii kan me an mereni yaaraa kpiyam maa? ⁴Shii riyaa ta mina Yamma kan in shar we-ta-kele ye waka in sha, in min dogi ti me an mereni yei nenno niyo ding in sham, bara shoro kunnga pirii ti me ankpaa. ⁵Nang shii in tewon ti shinui ya, "La Niyoi Fo-mina Darang Nessho Yawudaawa."⁶Ti ku manni Darang Nessho Yawudaawai, ye Yessho riyaa ta mina fur-fok in shuppo memme ti po teere. Ka niyo ti po teere ye kira temmenii isshaaro. ⁷Me an shubet ti ta shoro kan Parishaawa in ti dira shii ka nimmi kulang shinui in we koo shii ta tassho pira niyo Darang Nessho Yawudaawa, longku shinui in we koko po shwaalo shii. ⁸Pene shii fuwaa po pen wee shinui ti ku nyimmani nang shii in tewi ti niyo ye kirai isshaaroi ya, "Illo shikko ken sheroko wono ti toom memme ding. "Kaa te niyoi in illina in shereni sherii ti po teere.⁹Yeesho in liginon ti shnui ya, "Ne ta tel ma, shoro kunnga ti ku Darang Nessho Yawudaawa mo yu yen kpang ya koo mo daklo, mo kauro kerang ya koo mo tuk ya?" ¹⁰Nang shii in gejiyo shikjui ding kan in tewon ti niyoi ya, "Tol shik kirako." Shii in ya kaa te, kan kiranii in meerito yen kpang. ¹¹Pene shinui in kpalaju den kan shinui in yuyyo paaro ti shaayi ti ku wee shinui ta yaani kan Yeesho.¹²In yooro ti ta shaklo shurme, shii in ammo ku-sheelai fura-fok. Shii in shuun toom we war kpaalo ta-piri in ti fura-fok ti Yamma. ¹³Koddi ye ta piri kpaalaa, shii in ye me an yiu-shubetni ti jeleni, nang shii in shakko kpumu gee-palau ti shakkijui, me shii birang ti ye ya shinui me an kaawi.¹⁴Gee shommo me an kaawii wono:- Shimon (mo ye liyaan shommo yaa Biiturush) kan molli ta Andaraawish, Yaakubu, Yuwaana, Batalamaawush, ¹⁵Matta, Tooma, Yaakubu laano Alpayo, Shimon ye ti ye yaa mo leka bukni, kan ¹⁶Yawuda Ishkarooti, mo shigani an mal-fok.¹⁷Nang Yeesho in shaarin ti ku sheelai kan shinui in shereni ti diyang-diyang kudam kan jima me an yiu-shubetni kan jima memme me wanna ti gok-mina Yawuudiya kan Urshaliima kan me penna ti kudo buk Taaya kan Shiidon me ti po gba Shiiruk. ¹⁸Shinui wannai ka longku yaaro shii kan in tasshoju agin shikju. Memme me piire shoom turmaa shinui, shin sheeju in tasshoju. ¹⁹Koo nong ti shakki jimai in li shikni ka we tau shiknii longku kumen tasshani ti perin ti shiknii, kan shii in tassho shinui ding.²⁰Nang shii in dira me an yiu-shubetniin tewi ya, "Kpangii sheema ma me an-kenni, longku sheemai po ya-gubno Yamma. ²¹Kpangii sheema ma me ti yaaro kpiyam, longku ta kemon kama. Kpangii sheema me ti ku ya kwii wende.²²Kpangii sheema ye memme maa kuraa ma, kan koddi ye shinui waka ma kan in kpaa ma kan in kura shommo ma kaa shek, ka longku La Niyo. ²³Ma yu beere ti ta darang teere kan ilit-jura ka beere, longku kulli ma ta we we shik shuran ma kan gbai ti ku-dang, longku ma shiiju minaa shilibi ti me an-pigra kaa te.²⁴Pene dogii sheema ma me an birma, longku ma fuwaa po yiu sha-tomon ma. ²⁵Dogii sheema ma me kennyei wendei, longku ma ta ya yaaro kpiyam ka bi. Dogii sheema ma me ti ku ya shuro wende, longku ma ta bau kenni kan kwii ka bi.²⁶Dogii sheema ma me memme ti kum pirma, teerei dob-dob kaa ye ma shiiju yuyyaa ti me an-pigra shaba.²⁷"Pene ne ta teuma ma me ti yaarono, ma lewo me an gei ma man ya ween kpang ti mo kuraa ma. ²⁸Ma bengo Yamma mo li kpang ti ku me ti shaamo ma kan man fura-fok ti ku me ti min ma shilibi.²⁹Maa mo paalaako ti jaklumko ye dok, shiwan ye dok. Ma mondok maa lawwaa lannako, moko beelon shii ka yen tobim. Minu ti koo nong mo benngako. ³⁰Ma mondok maa lawwaa wee weeko, moko telo shii in meerin ken pirim.³¹Kaa ye ke leka memme in yuuko, ke sheeko yuun ti shinui kaa teere. ³²Mam maa ti lewii memme me leka ma, we bii shire ti piree kan mai? Longku koo me an shasshalau shinui ti lewii me lekaju. ³³Mam maa ti ya kpangii ti me ti yuuma kpang, we bii shire ti piree kan mai? Longku koo me an shasshalau shinui ti yai kaa te. ³⁴Mam maa ti min jani ti bara memme me ma ti nyimmina ta maan man ka foki, we bii shire ti piree kan mai? Koo me an shasshalau ti minii ti me an shasshalau, kulang in yiu bi dob-dob gbe wei.³⁵Pene ma lewo me an gei ma kan man yuun kpang ti shinui. Ma min jan a kan nyimmo we ta meerum, kan we shik shuranma ta yooro kan gbai, kan ma ta yooma shibano Mo ti ku-dang Bak, longku shi po kuuni mon kpang ti piree kan me an-shik kan mei ti pammonim. ³⁶Ma yooma me an kunngo, bara kaa ye Fomai mo an kunngo.³⁷Mo ma shiirom, kulang a ta shiiro mam, mo ma kelmom kan a ta kelmo mam. Ma fuddo ti peddi, kan ma sheema ta foddo ma.³⁸Ma minu, kan ta min ma. Gurang kemani in kemi shuk-shuk in ti ukkoro, ar in paaroma dogi ti ta kira lannama. Longku Gurang ye ma keraan, teerei ye ta keron man ti tai."³⁹Nang birang shii in sheero manni temoi ti shinui ya, "Ka an-fugum ta dum yiu toom mo an-fugum ya? Ma shii maa yuwaa, shin ding ta shuwani ti ta jwal, a kaa tem maa? ⁴⁰La an yiu shubet a yeko mo an shubetni gbam, pene koo nong ye shii maa yikka shubet kping, ta yooni kaa an-shupponi.⁴¹Longku wen yeke ti geeko kattan jimit ye ti adoono molko, pene kei peno ka gbong biro ti ado sheekommi? ⁴²Ka yee ke ta tewani ti molko ka, 'Mollo, shero mo ne forko la jimit ye ti adooko, 'pene ke sheeko tida kei for gbong biro ye ti adookommi? Ke mo an wawo ado! For gbong biro ye ti adooko tida, kan ken tang weyani kpang ka we for jimit ye ti adoono molko.⁴³Longku adoo biro yen kpang ti sheelo shiili ye ommanim, kan adoo omman biro ye ta sheelo shiili yen kpangum. ⁴⁴Longku koo biro shire ti pen tei ti bi shiiliro ye sheelaa. Longku memme a ti yokko dugni ti shik kpaka-dilingum, koo shinui in yokko inaabi ti shik twaalem.⁴⁵Niyo yen kpang ti yai wee yen kpang, gee niyo ye shek ti yai piire-we longku wee ti poshaarii a yen kpangum. Wee kemii ti poshaari teerei wee ta peru ti ku-fokni.⁴⁶"Longku wen ma ti yeeno maa, 'Fo-mina, 'Fo-mina kan kpat ma ti murku ti wee ne tekam mi? ⁴⁷Koo nong mo wanna shikno kan in ti ke-kumoni ti shik paarono in ti murin-ku ti paaroi, Ne ta teuma ka yee shii ta yoonii. ⁴⁸Shii kaa niyo ye diga mina, mo oppaa ta buk kan joorii in teron kel-mina ti ku sheela men bang. Koddi ye shum-shiiruk kemna, doo in waru in wa tura minai, pene a dum yikro shikim, longku niyoi diga kpang.⁴⁹Pene niyo mo ti yaaro paarono kan a ti murin-ku ti shinuim, shii kaa niyo ye diga mina ti bama-buk a doo kelim. Koddi ye shum-shiiruk wanna in tura minai, kpantidi in vubroro, kan daklan mina teere ta yooroi foki-dok."

Chapter 7

¹Ka bi ye Yeesho fuwaa po sheero koo wen ye shii ti ku sheerani ti ta kumo memme, shii in wanni Kapanaawum.²Wende ka manni mongba an bee deet Rooma ye kan shookni ye shii leka kping, shikii a bangum kan nennga muroni. ³Koddi ye mongba an-bee-deeti yaaraa pinno Yeesho, shii in shurin men gbidina Yawudaawa ti shiknii, mo bengo shii mo waru in wa tassho shookni. ⁴Koddi ye shinui wanna shikno Yeesho in tewi ta shinui ya, "Shii nennaa ken yuun we te ti shii, ⁵longku shii leka bukmu, kan shii mo dok mo diga mina po fura-fok ti minu."⁶Nang Yeesho in koona ka shaayi kan shinui. Pene bara ye nennga fooro minai, mongba shurme in shur peddi me an jeereni mo tewon ti shii ya, "Fo-mina, wessho turmo kuukei longku nei fooro ken waru minanom. ⁷Longkuuno te, nei nyimmo ne foora nen war jelekom, pene yu paaro waani, shookno in ya bang. ⁸Ne penaa ne ta gun me ti toomno men gbidina, ka me an bee deet me ta gunno. Ma nei teka ti moo, 'Kooko", in kooni, manni nen tewon, "Waru", in waru, nen tewi ti shookno, 'Yu kaa lee, in ya."⁹Koddi ye Yeesho yaaraa kaa te, in ya maam ta shii, in shiwo dooni ti shik memme me ti biini ya, "Ne ta teuma, ti shakki Ishereila nei wa lishaari yen kpang ka tem". ¹⁰Me an shurani maa ti me mina wa we shooki shiki bang.¹¹Kpantidi ti ta shaklo teere, Yeesho in wanni gok-mina ye ti ye yaa Naayin, me an yiu shubetni kan jima memme gbe in ti yiu biinii. ¹²Kaa ye shii nennga ri podang tarang minai, nang gee memme in ti peru ka kuma manni la-kparini, ye shii dok laano nonni, (tei paamun kolo ta tei), kan Jima memme gbe ti biirei. ¹³Koddi ye Fo-mina weyaa shik paamuni, shii in kunngo tei nang in tewon ti tei ya, "Wessho ya kwii." ¹⁴Nang shii in wanna in tau shik we shar kumai, nang me an sharii in shereju. Yeesho in tewi ya, "La kparin, Ne ta teuko, illo." ¹⁵Nang kuma Lai in illo posheri in yiu ya paaro, Yeesho in maan ka shii ti nonni.¹⁶Nang shewo kping in yiu shinui shin ding, kan shinui in beero kuuno Yamma, in ti tewi ya, "Mongba an-pigra illa ti shakkimu kama," kan "Yamma wannai shau memme". ¹⁷Sheer wee Yeesho yuuna darang teere foki in war piri ding ta buk Yawuudiya kan me ti jelero ding.¹⁸An yiu shubetno Yuwaana an ya yulma in tewon wei ding ti shii. ¹⁹Nang Yuwaana in ye palau ti shakki me an yiu-shubetni, in shur shinui ti shikno Fo-mina mo telo, "Kei mo ta warui ya, nang min yiu gee ku manni niyoi dokro ya?" ²⁰Koddi ye foonna shikno Yeesho, shwiji shurme in tewi ya, "Yuwaana an ya yulma shunnamu ti shikko mo min telko, "Kei mo ta warui ya, nang min gee ku manni niyoi dokro ya?' "²¹Ta koddi teere Yeesho in min bang shik ti memme gbe kan pira peeni-peeni, bau shik kan piire shoom, kan me an-fugum gbe in yiu we ta piri. ²²Nang Yeesho in liginna in tewi ti me an shurani ya, "Ma ma shikno Yuwaana man tewon wee ma weyaa shiki man yaaraa. An-fugum ti we ta piri, me kuuloni ta shwei ti ya mere, me an-baluk in ti we bang shikju, gballa ti yaaro paaro, in ti pigro me muttaaju, in ti sheero kpang paaro ti an kenni. ²³Niyo yei dai-fok lishaari ti shikno ka longku wee ne ti yam, shii mo kan kpang ti kuuni."²⁴Ka bi me n shuranno Yuwaana kookoju, Yeesho in yiu sheero paaro ti jimai ka longkuuno kuuno Yuwaana ya, "Ma waraa gee shik wen ti ta shweei? Ma waraai gejiyo shik alau shwee ye pirit ti ku midiro shiki ya? ²⁵Pene ma peraai gee shik wen? Manni niyoi ye shoppii kan lanna men kpattirin ya? Onngoo me an shoppo lanna me kan kine in ti sha tomonju, dii ta shinui ti ta mina me an-gub. ²⁶Pene ma peraai gee wen? An-pigra ya? Oo, ne ta teuma, shii yeka an-pigra gba.²⁷Tenei mo yuwaa balla ti kwi ya, 'Gee, Ne ta shur an shuranno ti toomko, mo ye ta limmako do koko ken tang waru.' ²⁸Ne ta teuma, ti shakki me shereb patiraa a doo mo yeka Yuwaana gbam. Pene mo kattani ding ti ta gubno Yamma yeka shii gba."²⁹(Koddi ye memme yaaraa we te ding, gale kan me an yiu kine-buki, shinui in kumi ya Yammai mo dob, longku yuwaan yulma ti shinui ka yulmano Yuwaana. ³⁰Pene Parishaawa kan me penaa-we kping ti ta shorono Muuja, in kuroju limmano Yamma yei ka longkuuju, longku Yuwaana a yuun yulma ti shinuim.)³¹Ne ta temyo memme ku-kira tei ka wen kergumii? Shinui kaa wen? ³²Shinui kaa shiba ti ku ya yarang ti kudam po piplo-we, me deeju in ti yeyyo shaayi in ti tewi ya, 'Min biika ma dooro, kan mai yu shorum. Minun yuuma vonak muro, kan mai yu kwii kan minum.'³³Longku Yuwaana wanna a ti sha we-ta-kele koo she doo inaabim, kan man ti tewi maa, 'Shii kan shaabug ti shikni.' ³⁴La Niyo in waru in ti sha kan sheyani, kan man ti tewi maa, 'Gee, shii niyo ye an shaani kan sheyani, an-jeere me an yiu kine-buk kan me an shasshalau!' ³⁵Pene penani shiiro tei ka shibaro."³⁶Wende dok ti shakki Parishaawai in mwinnyo Yeesho ka we sha weshiina ti minani. Kaa ye Yeesho riyaa ta mina niyo Parishaawai, shii in deeni ti jele danglai ka we sha weshiinai. ³⁷Kpantidi ka manni paamuni ti ta gok-minai ye tei an-shasshalau. Koddi ye tei yaaraa ya shii ti ku sha weshiina ti ta mina niyo Parishaawa, tei in waru ka okro mor turaali. ³⁸Kaa ye tei sheraan ten ti ta biinii nimmi kan shoonii, in ti ya kwii ta tei, tei in yiu allo shik shoonii ka muru-dooro, kan tei in ti tekilla ka shok-kuuro kan shummo shik shoonii kan sheeno shinui ka mor turaalii.³⁹Koddi ye Parishaawa mo mwinnyaa Yeesho weyaa shik we te, shii in tewi ti kuuni ya, "Modaa la-moo ye daa an-pigra, nang shii daa penaa nong kan peen paamun wen ye ti tau shiknii, ye tei an-shasshalau." ⁴⁰Nang Yeesho in lignon kan in tewi ya, "Shimon, Ne kan wee ne po teuko." Shii in liginna ya, "Teru, ta an-shubet!"⁴¹Yeesho in tewi ya, "Ka manni mo an min jan kine ye ta yiu bi niyo palau. Ye dok ta yiub bi dinaari shig-fuwat, kan yen dok naa-fuwat. ⁴²Koddi ye shinui a ta dum anngo shiim, shii in fuddo shinui shin ding. Longkuuno te, wo nong ti shakkijui ye ta leu shii kpingi? ⁴³ Shimon in lignon ya, "Ne ti nyimmina mo dok ye fuddaan sheeni gbei." Yeesho in tewon ti shii ya, "Ke shiiraa dob-dob."⁴⁴Yeesho in shiwa dooni ti shik paamuni kan in tewi ti Shimon ya, "Ke ti we paamun ye. Ne riina ta minako. Kei minno doo ka we fuddo shik shoonom, pene tei allaa shik shoono ka muru-dooro kan in tekilla ka shok-kuuro. ⁴⁵Kei taamonom, pene tei we yinna ti koddi ye Ne riinan tei a dai-fok shummo shik shoonom.⁴⁶Kei sheeno kuuno ka murum, pene tei sheenaa shoono ka mor turaali. ⁴⁷Longkuuno te Ne ta teuko, shasshalauro ye gbe, fuddaan, longku tei shuklaa lewando gbe. Pene mo dok ye fuddaan la-wiiu, shiklaa lewan sheeni la-wiiu."⁴⁸Nang shii in tewon ti paamuni ya, "Fuddaaji shasshalauji." ⁴⁹Me dii ka shaayi ti ku dangla sha weshiinai in yiu yuyyo pap-paaro ti shakkiju ya, "Wo nong ta tei ye koo shasshalau in ti fuddinai?" ⁵⁰Nang Yeesho in tewon ti paamuni ya, "Lishaariji kauraaji. Kooji kan kuttan-shaari."

Chapter 8

¹Kpantidi in yooro ka bi ye Yeesho yikka merko tarang gok-mina kan meno-mina, in ti kaawo paaro, in ti sheero pi paaro shinnyi Gubno Yamma. Shin kama kpumu gee- palawi ka shaayi kan shii, ² birang kan peddi shereb me weyaa bang shikju ti piree kan ti kira piire shoom kan dogi pira ta diiju: Ka Maryamu, (ye yaa Magdaaliya ) ye foraan shaabug parilau ti shiki. ³Kan Jowanna manna kuja, an gee ku minano Iriidush, Shujaana, kan peddi gbe, shereb me ti deewo gunjui ka wee kan te ta shinui.⁴Bara ye jima gbe maa ti gallu, kan memme in ti waru shikno Yeesho gok-mina gok-mina, nang shii in tewon temyan te ya, ⁵"An shirau waraai kaawo peenni. Kaa ye shii kaawaa, peddi in shugno ti jele koko, in tamyo kwi, nang adeewe ku-dang in yokkina. ⁶peddi in shugno ti ku karinkasshi, kaa ye kpantidi in kudan kpiru, in isshaju, longku adoo yennam.⁷Peddi peeni in shugno ti ta arat, in kpiri ka shaayi, arat in kpakro shiki. ⁸Birang peddi peeni in shugno ti ku bukin kpang, in Shemo peru in kpiri, in ya ari, maari shig-shig in yek ye kaawai." Ka bi ye Yeesho wiilaa we te, nang in tewi ka ele yen bang ya, "Mo ding kan kumo yaarani, shero mo shii yaaro."⁹An yiu shubetnii in tel shii wee temyani te ta shuklani. ¹⁰Nang shii in tewi ya, "Kaa ma, kunnga man pen lattan wee ti ku Gubno Yamma, pene, kaa she peddi, Ne ta sheeron ti shinui ka temyan, longku, kaa te geyani, shinui a ta weyanim, kan yaarani shinui a ta penanim.¹¹Seyyei wee temyani ta shuklani, peen teerei paarono Yamma. ¹²Me ti jele kokoi me yaaraa paaroi, nang shuuro in waru in lauwon paaroi ti poshaarijui, longku shinui a ta kumani kan in kauro shinuim. ¹³Me ti ku karinkasshii teerei me yikka paaroi ka beere koddi ye yaaraa. Pene shinui a kan shoorinum, in kumi po koddi la-wiiu, kan ti ta koddi nawo, in shugno ta shinui.¹⁴Pene me shugna ta arat, teerei memme me yaaraa paaroi, pene kaa ye shinui ti ku mereju, turmo we ku bukin berero poshaarii. Birma kan sha tomon kerang te in kpakro shikjui. ¹⁵Pene peen me shugyaa ti ku bukin kpang, shurmei me kan poshaari yen kpang, me yaaraa paaroi, in li ti poshaarijui, nang in ya ween kpang ka yiu poshaari kan shasshani.¹⁶"Adoo mo ti wul deet ta kele in nummo kwi ka paawim, koo in dayi ti gun gburamum, kan ye in ya kaa teere, ta dayani ti ku dangla, longku ma me riina ta minai ta we shik aroi. ¹⁷Longku adoo wee lattani, yei ta peru kudamum, birang adoo numman ku wee a ta penoro kan peru peewem. ¹⁸Longku kaa te ma jooro kpang kan ke kumo ye ke ti ya, Mo kan te, ta minin gbe, moi kan tem, ye nyimmaa kan tei ta lauwon ti kirai."¹⁹Nang nonno Yeesho kan ma molonni in waru shiknii, pene a wa koko nem shikim longku jimai. ²⁰Manni niyoi in tewon ti shii ya, "Nongko kan ma molonko, shengrii won ti peewe leka we shikko." ²¹Pene Yeesho in lignon ti shinui ya, "Nonno kan ma molonnoi ma meyye me ti yaaro paarono Yamma in ti yuun shuran."²²Darang nan dok shii in riini ta gong-doo kan me an yiu-shubetni in tewon shinui ya, "kama teelemu jele shakya nan dok." Nang in reeju ta gong in kooju. ²³Pene kaa ye shinui ti ku ya mere ti ku dooi, shaklo in shar shii. Pirit doo in illiru ti ku shakyai, gong-dooi in yiu shaaro gun dooi, kan shinui ti ta shilibi.²⁴Nang me an yiu-shubetno Yeesho in waru shiknii in pigro shii ya, "Fo-mina! Fo-mina! Kama nennga muttani!" Shii in illina in pekro piriti kan dooi ye sherii, pirit dooi in ya maj-maj nang in ya lubaj foki dok. ²⁵Nang shii in tel shinui ya, "Duma lishaari mai ti tong?" Pene shinui yuwaa shewo kan maam, kan shinui in yiu tenglo shaayi ya, "Duma we tei nong ye ti pekro pirit kan dooi, kan shinui in ti murin-ku ti shii?"²⁶Shinui in kooju ti ku doo in warju kpakan fok-buk Garashinaawa ye maa teelaa awo shakyai kan Galiili. ²⁷Koddi ye Yeesho maa ti shaaru buki, in kpomi kan manni niyoi ye piire shoom sharaa ta kwi ti tarang minai. Diyoo bak muyei a ti shou lanna ti shiknim kan a ti kuttina ti ta minam, pene ti deeni ti ku duwo.²⁸Koddi ye shii weyaa shikno Yeesho, in yallina in juunoni ti toomnii, ti ya yallo ka ele yen bang ya, "Ke lekai wen ti piree kan nei, Yeesho, Laano Yamma Mo ti ku dang bak? Ne ta bengko mo ko minno shilibim." ²⁹Longku Yeesho fuwaa pi pekro piire shoom mo pereni ti shik niyo teere, memme in ti jooro kwi in dabyo kirai kan shoi ka wee eem, pene ti bebro tai, piire shoom in ti shar shii ti warin ta shwee.³⁰Nang Yeesho in tel shii ya, "Shommokoi nong?" Shii in tewi ya, "Shommonoi Gbe," longku piire shoomi shin gbe riyaa shiknii. ³¹Nang in beng shii ta shinui ti kwi ti kwi mo wessho vingju ti ta jwal ye kpurungtungi.³²Wende ti po teere ka an-pali an-nyanshaari-mina ti ku sha-fok ti jele gungum. Piire shoomi in beng shii mo kumju shinui in reeju shikjui, kan nang shii in kumin piri ti shinui. ³³Longku kaa te, piire shoomi in pereju ti shik niyoi in reeju shik an-nyanshaari-minai, kan an-palii in shar yoba ti gbaarii in shaaju ta shakya nang doo in dello shinui.³⁴Koddi ye me an-tii an-nyanshaarii weyaa shik we yuwaaro, shinui in juwaju yoba in waraa sheero pi wee yuwaaro ti tarang gok-minai kan kpakan-fok gok-minai ding. ³⁵Longku kaa te memme in peri ka longku wee yuwaaro, kan shinui in war shikno Yeesho kan niyo ye piire shoom peraan ti shiki. Shii deeni ti toomno Yeesho, shoppii kan lanna shikni, birang ti ta nyimmoni yen dob, kan shinui yuwaaro shewo.³⁶Nang me weyaa shiki, in tewon ti shinui dangan-pi niyo ye Milam shanngau sharaa kwii tasshaani. ³⁷Nang memme me ti ta buk Garashinaawai ding in tewi ti Yeesho mo wesshoju, longku shinui kenngeju ka shewo. Longku kaa te, shii in reeni ta gong-doo longku shinui in meeju.³⁸Niyo ye peraan ti shiknii, in being shii mo shii kumu shii in koona ka shaayi kan shii, pene Yeesho in shur shii mo kooni ya, ³⁹meeko minako ken sheero pi wee Yamma yuwaako.'' Niyoi in kooni, in kpaalo pirii ti ta kpakan-fok buki wee Yeesho yuuna ka longkuuni.⁴⁰Wende koddi ye Yeesho meena, jimai in minin wanniya ti shii, longku shin ding ti ku dang shii. ⁴¹Kpantidi, Manni niyoi shommonii Yaayirush, mo dok ti shakki men gbidina ta Mina fur-fok, in juunoni ti toomno Yeesho, kan shii in beng shii mo shii waru minani ⁴²longku dok laini, la-geje pelle shenoro kpumu gee-palau, ti Ku muroro. Kaa ye Yeesho ti Ku mereni, jima memmei in yiu pessho jele gongonii.⁴³Wende ka paamuni ti po teere ye Dom ti Ku peron ti shikro po sheno kpumu gee-palau kan tei tuka kinero ding, kan a wa koo niyo ye ta tassho teim. ⁴⁴Tei in maaloro ti Kudo ta biinii in tau shii geran lannanii, kan kpantidi pere domi in sherero.⁴⁵Yeesho in tewi ya, ''Wo nongee ye taka shiknii?'' Koddi ye shin ding yuwaa jiram, Biiturush in tewi ya, ''Fo-mina, jima memme ti koo tong ti kpomlii kan me kan shinui in ti ramyo shaayi nimmi kan me.'' ⁴⁶Pene Yeesho in tewi ya, ''Ka mondok taka shiknii, longku ne penaa kumen peraa ti shikno.''⁴⁷Koddi ye paamuni penaa ta dum jemloro, tei in waru in juunaro ti toomnii shikroi in ti tari. Ti adoono koo nong tei in teu wee liyaa tei tau shik gerang lannanii kan dangan piri ye kpantidi ye tei tasshaan ten. ⁴⁸Nang shii in tewon ti tei ya, "Lai, lishaariji liyaaji shin yooji bang. Kooji ka kuttan-shaari."⁴⁹Koddi ye tida shii ti ku ya paaroi, manni niyoi in waru ti ta mina Yaayirush an-toom ta mina fura-fok in tewi ya, "Laiko muraaro. Wessho turmo an-shubet birangi." ⁵⁰Pene koddi ye Yeesho yaaraan we te, shii in liginna ti Yaayirush ya, "Wessho ya shewoi; bara kumu ti poshaariko waani, pene tei ta we bang shikro."⁵¹Koddi ye shii foonna minai, shii in foddo-fok riyaani ti biini ti koo nong, kaananii ma Biiturush, Yuwaana, Yaakubu kan fowi lai kan nonto. ⁵²Wende shin ding ti ku bau kenni kan kwii ka longkuuroi, pene Yeesho in tewon ti shinui ya, "Ma wessho kwii; tei a murum pene ti ku yaanii shaklo." ⁵³Pene shinui in ya shuronii, ye shinui penaa tei fuwaa po muroro.⁵⁴Pene Yeesho in yiwin tei ti kirai in ye tei ya, "Lai, illo po sheri!" ⁵⁵Shoomro in meeriro, kan tei kpantidi in illo shikro. Shii in tewon ti shinui mo gasshon we po shaani ti tei. ⁵⁶Me an-pariroi in ya maam, pene shii in pekro shinui mo wessho tewani ti koo niyo dok wee yuwaaroi.

Chapter 9

¹Nang Yeesho in yeeru kpumu gee-palawi ti do shaayi kan in minin kumen kan fooran ka we for shaabug ding kan in niina ka pira-pira. ²Shii in shur shinui mo wa yu kaawi paaro gubno Yamma kan in niina ka me shikjui a bangum.³Nang shii in tewon ti shinui ya, "Mo ma shar we ti kirama ka longku mere mam koo la-biro, luru, we-shiina, kine kan koo manni lannai. ⁴Koo mina shire ye ma riyaa tai, ma deema ti po teere we war koddi ye ma ta wesshon tarang gok-minai.⁵Ma shinui maa kurooju yiu ma, mam maa ta wessho tarang gok-minai, ma tudira kpisshi shik shoo ma longku yen deero we jimro ti kuujui." ⁶Nang shinui in koona in wangro meno-mina meno-mina, in ti kpaalo po shinnyi yen tomon kan tasshani ti koo tong.⁷Wende Iriidush gub Galiili yaaraa pi we maam ye ti ku yooro ding, nang kuunii in shiwaro kping, longku peddi memmei ti tewi ya Yeeshoi Yuwaana an yulma ye illaa ti ta duwa, ⁸kan peddi te tewi yaa an-pigra Ilya ye penna. Peddi yaa dok ti shakki me an-pigra me fiji ye shinnani kan dwei. ⁹Pene Iriidush in tewi ya, "Ne foraa kuuno Yuwaana. Wo nong, ye ne ti yaaron peen paaro te ti kwii?" Nang Iriidush in li shikni ka we we shikno Yessho.¹⁰Koddi ye me an-kaawii meena, shiui in tewon ti shii koo wen ye shinui yuyyina. Nang shii in ye shinui in kooju in warju manni pirii ku jalju ti manni gok-minai ye ti ye yaa Basheeda. ¹¹Pene koddi ye jimai yaaraa piri we te, shinui in yiu biinii. Shii in yuun wanniya ti shinui kan in sheeron paaro gubno Yamma, kan shii in tassho me leka tasshaju.¹²Wende darang nennga shuwaro, me kpumu gee-palawi in wari shiknii kan shinui in ti tewi ya, "Li bi jimai mo shinui wangro tarang meno-mina kan gok-mina me nimmi kulang shinui in wa gasshon po kuut kan we-shiina, longku kama ti po tei ti dan-doong." ¹³Pene shii in tewon ti shinui ya, "Ma minin we po shaani." Shinui in liginna ya. "Minui kan wee kookaro ti fok appan we-ta-kele fuwat kan shirim palawum, maa yaau minun wa pillu we-shiina ka longku jima memme te ding." ¹⁴(Ti po teere ka memme me shinui fooraa shig-dok sho naa-fuwat.) Shii in tewi ti me an yiu-shubetni ya, "Ma li memmei ti po diyo mina pitto-mina pitto ye fooraa naa-fuwat koo shire."¹⁵Yeesho in tewi ti me an yiu-shubetni mo shinui li memmei mo dijiyaju dijiyii. ¹⁶Shii in shar appan we-ta-kele shin fuwat kan shirim palawi, in beblo taajui, shii in deero dooni ti ku-dang, in pammina ti Yamma in liin kpang ti kwi in yooju buk-buki, nang shii in shari in mini ti me an yiu-shubetni mo dajiyon ti toom jimai. ¹⁷Shinui shin ding in shuyyina ar in kemreju, kan dogi beblan ta buk-buki ye pablaa dwei in diina ganga kpumu gee-palau.¹⁸Manni darangi, Yeesho ti ku fur-fok po kuuni, me an yiu-shubetnii ti jelenii. Shii in tel shinui ya, "Jimai ti tewi ta shinui ya nei nongee?" ¹⁹Shinui in liginna ya, "Peddi ti tewi ya kei Yuwaana an yulma. Pene peddi in tewi yaa Ilya, kan peddi yaa dok ti shakki me an-pigra ye fiji ye illaa."²⁰Nang shii in telshinui ya, "Pene ma ti tewi sheema maa nei nong?" Biiturush in liginna ya, "Kiriti laano Yamma." ²¹Pene shii in tol kumojui mo shinui wessho teu we te ti koo niyo doki, ²²kan in sheero ya, "La Niyo ta taa shilib we gbe kan ta kura shii ta men gbidina kan mongba me ankpaa kan me an shubet shiire, kan shinui ta waraa tuk shii, kan ti ku darang an-tat shii ta illani."²³Nang in tewon ti shinui shin ding ya, "Ma mo leka waru in yiu biino, shii yikka ti gbare-do in kura kuuni kan in shar biro loo-kuuni kpaaliya ding in waru in yiru biino. ²⁴Maa mo leka kauro kerangni ta shekon ka te, pene mo shekan ka kerangni ka longkuuno ta kaurani. ²⁵Kpangii shire ti piree kan niyo in we we ku-buk ding, in shekon ka kerangnii?²⁶Maa mo ti yaaro duulan-shik ka longkuuno kan paarono, shi sheeni La Niyo ta yaaro duulan-shik koddi ye shii maa meena ti ta shokranni kan shokranno Foni kan she me shaana me an-shuran ku-dang. ²⁷Pene ne ta teuma yen kulli, ka me shengrii ti po te me shinui a ta muranim ye shinui in tang we shik gubno Yamma."²⁸Wende pelle ka bi shaklo pididau ye Yeesho teka paaro te, shii in ye Biiturush, Yuwaana kan Yaakubu in ammaju ku sheela ka we fur-fok. ²⁹Kaa ye shii ti ku fur-foki, adooni in paao-kuuro, kan lanna shiknii in yooro yen pe shak-shak.³⁰Kpantidi, shwiji shin palau ti ya paaro kan shii, maMuuja kan Ilya, ³¹me penna ti ta shokran, in ti ya paaro kan Yeesho ti ku muroni, ye shii nennga yooro ti Urshaliima.³²Wende Biiturush kan me ka shaayi kan shii shinui ti ku ya shaklo kping, pene koddi ye shinui pigroo, shinui in we shik shokranni kan men shwiji me palawi me sherii ka shaayi kan shii.³³Kaa ye shinui ti ku kooju ti piree kan Yeesho, Biiturush in tewon ti shii ya, "Fo-mina, yuwaa kpang ye kama ti po te. Shero mo min limma tam tat, dok sheeko, dok sheeno Muuja kan dok sheeno Ilya." (Shii a peno wee shi ti ku tewanim.)³⁴Kaa ye shii ti ku sheero we te, shunngu in shaaru in kau kuujui, kan shewo in yiu shinui kaa ye shinui riyaaju ta shunngui. ³⁵Ele in perin ti ta shunngui ya, "Tenei Laano, ye dok ye ne shaka; ma yaaro shii." ³⁶Koddi ye elei yuwaa paaroi, Yeesho pinbirim shi dokni. Shinui in yooju yititi kan a tewo we ti koo niyo dok ti ta shaklo ti ku wee shinui weyaa shikii.³⁷Pirbang, koddi ye shinui shaanan ti ku sheelai, tappan jima memme in waru shiknii. ³⁸Kpantidi, manni shwijii ti shakki jimai in yallina in ti tewi ya, "An-shubet, ne benngako ken gee bang shik laano, longku shii dok laano. ³⁹Ke ti we ya, piire shoom tappaa kuuni kan shii ti shugna fubul maa yuwaa in ti perin ti foki. A ti kumi in wessho shiim kan ti liyyo pira kping ti shiknii. ⁴⁰Ne bennga me an yiu-shubetko mo foru, pene shinui a dumum."⁴¹Yeesho in liginna kan in tewi ya, "Ai me ti ta dil kan me an bang-ku ku-kira te, we war dimin ye ne ta diyani kan ma ye ar wende mai kumu kan nem mi? Warin ka laakoi wono." ⁴²Koddi ye lai ti ku waru, nang piire shoomi in pelon lai buk kan shiki in yiu tarani. Pene Yeesho in pekro piire shoomi kan shii in niyan ka lai, nang Yeesho in minin shii ti fonii.⁴³Nang shinui shin ding in ya maam fooranno Yamma. Koddi ye tida shinui ti ku yuyyo maam koo wen me Yeesho ti ku yuyyani, shii in tewi ti me an yiu-shubetni ya, ⁴⁴"Shero mo paaro te ri ta kuma kping: Ta min La Niyo ti ta kira memme." ⁴⁵Pene shinui a peno ku paaro tem. Yamma lattaan shinui ka wee ta shiklani, longku kaa te shinui a dum pen wee ta shuklanim, kan ar wende shinui in ti ya shewo ya telyo ti ku paaro te.⁴⁶Nang jiram in illina ti shakkijui ti ku wo nong ye ta yooni mon gbai. ⁴⁷Pene Yeesho, fuwaa po pen wee shinui ti ku nyimyani ti po shaariju, in ye kattan la in li shii ti jeleni, ⁴⁸kan in tewon ti shinui ya, "Maa mo yikka la te ti ta shommono, yikkai ne, kan mo yikkano, yikkai Yamma mo shunnano. Longku mo kattani ding ti shakki ma teerei mo kan gbai."⁴⁹Yuwaana in tewon ti shii ya, "Fo-mina min weena mondok tiku for piire shoom ti ta shommoko nang minun foddon foki ti shii, longku shii a ka shaayi kan kamam." ⁵⁰"Yeesho in liginna ya mo ma foddon foki ti shiim, Longku mo ding yei ti ya gei kan mam shii sheema."⁵¹Bara ye koddi ye ta ammon Yeesho ku-dang yuuna nimmi, shii in li shikni ka we war Urshaliima. ⁵²Nang shii in shur me an-shuran mo yooju toom kan shinui in wanna in wa ri tarang meno-mina Shamaariya, longku shinui in limyon koo wen ti shii. ⁵³Pene memme me ti po teerei in kuroju yiu shii longku ye shii ti ku mere war Urshaliima.⁵⁴Koddi ye me an yiu-shubet ma Yaakubu kan Yuwaana weyaa kaa te, shinui in tewi ya, "Fo-mina, ke leka minun yeeru deet ti ku-dang in shaaru in kur shinui ya?" ⁵⁵Pene Yeesho in shiwa dooni in pekro shinui, ⁵⁶nang shinui in warju manni meno-minai.⁵⁷Kaa ye shinui ti ku mere ti ku kokoi, manni niyoi in tewi ti Yeesho ya, "Ne ta yiu biiko we war piree ke ta warani ding." ⁵⁸Yeesho in lignon ti shii ya, "Waak kan jwalju, adeewe ku-dang kan luwoju, pene La Niyo a kan piree ta kannon kuunim."⁵⁹Nanh shii in tewi ti mondok ya, "Yiru biino." Pene shii in liginna ya, "Fo-mina, shero tida mo ne wa nannu fono." ⁶⁰Pene Yeesho in lignon ti shii ya, "Wessho me kuma mo nan me kumaju. Pene kaa sheema, koo ma wa kpaalo pi gubno Yamma."⁶¹Nang manni niyoi dokro in tewi ya, "Ne ta yiu biiko ta Fo-mina, pene shero tida mo ne wa minnu menne ti me ti minano." ⁶²Nang Yeesho in lignon ti shii ya, "Adoo mo ta yiu shik dummo shirau tangka in ti shiwa dooni ti ta biini ye nennaa in ri ta gubno Yammam."

Chapter 10

¹Wende ka bi ween shurme te, shii in shakko peddi me naa-parilau kan palawi, kan in shur shinui palau-palau ti toomni we war gok-mina ka koo tong piree shi po kuuni leka warani. ²Shii in tewon ti shinui ya, "Kasshani gbe, pene me an shurani a gbem. Longkuuno te ma bengo Fo-mina an ku doong in shuru ma me an shuran ti po kasshoni.³Ma koo! Ne ta shur ma kaa shiba galma ti shakki angurateelu. ⁴Mo ma shar laaliita kine, koo vooro mere, koo taa, kan mo ma yu kaa kan niyo ti kokom.⁵Maa mina ye ma riyaa tai, wee ma po tewani dok, maa, "Duulan-shaari mo deero ti ku minai te!' ⁶Maa ka niyo ye kan twaalan-shaari ti po teere, twaalan-shaarima ta deero ti kuunii, pene maa adoo wem, ta meeriro shik ma. ⁷Ma deema ti ta mina teere, man ti sha kan she wee shinui minaama, longku la an-shuran nennaa in we we shik shuranni. Mo ma yippo bi minam.⁸Koo gok-mina shire ye ma riyaa, ma shu koo wen ye dayaa ma ti toom ma ⁹kan man tassho shik me kan pira ti po teere. Man ti tewon ti shinui maa, 'Gubno Yamma wanna nimmi kan ma.'¹⁰Mam maa riyaa tarang gok-mina, ma shinui maa yiu mam, ma pero ma ku gbong-koko man tewi maa, ¹¹'Koo kpisshi tarang gok-mina ma ye tannaa shik shoomu, min tudiraa ma ti kuuma! Pene ma peno te: Gubno Yamma wanna nimmi.' ¹²Ne ta teuma, ti ku darang shiire, ta yooro maj-maj ti ku Shodom kan ye ti ku gok-mina teere.¹³Dang-piri, ta Karajiin! Dang-piri ta Basheeda! Mo da gbidina wee yuyyaa ti taa ma mo daa ti taa ma Taaya kan Shiidon, shinui foraa fokju yau, daa diyaajuti ta vuro shoppii kan lanna bau-kenni. ¹⁴Pene ta yooro maj-maj ti ku Taaya kan Shiidon ti ta darang shiire kan ye ti kuuma. ¹⁵Shi sheeji, ta Kapanaawum, shi ti nyimmina ta dang shokroji we ammoku-dang ya? Onngoo, ta shaan shin ta duwa shwal.¹⁶Mo shii yaaraa ma yaaraano, kan mo shii kuraa ma kuraai ne, kan mo shii kuraano kuraai mo shunnano."¹⁷Naa-parilawi in meeru ka beere,in ti tewiya, "Fo-mina, koo modaa piire shoomii in timinmu gba ti ta shommoko." ¹⁸Yeesho in lignon ti shinui ya, "Ne ti ku gee shuuro ye ti ku shugru ti ku-dang kaa malaj. ¹⁹Gee, ne minaama bang-vurum tabyo ku kuret kan adengre, kan ti ku kumen me an gei ma, kan ado manni kokoi ye ta liima piram. ²⁰Birang mo ma yu beere waani ti kuuno te, ye maa shoom muraa ma kui, pene ma yu beere gbe ye shommo ma ballii ti ku-dang."²¹Ti ta dob-dob koddi teere Yeesho kemii kan beere ti ta Shoomno Yamma, kan in ti tewi ya, "Ne pammaako ta, Fowi, Fo-mina ku-dang kan ku-buk, longku ke numaa do ween shurme te ti me ti nyimmina ya shinui me an shen kan penani kan ken au-dwei ti me kaa nyitti shiba me kan kattan penani. Oo, ta Fowi, longku ke gee tene yuwaa kpang ti geyanko.²²"We ding minnano ta Fono, kan adoo mo penaa Laim bara Fowii, kan adoo mo penaa Fowiim bara Lai kan shinui me Lai shaka ka we awin-dwei ti shii."²³Nang shii in shiwa dooni ti shik me an yiu-shubetni kan in tewon ku-jwalju ya, "Kpangi ti me shinui ti we shik wee ma ti weyani. ²⁴Ne ta teuma, me an-pigra kan me an-gub gbe leka shinui in we shik wee ma ti we shiki, kan shinui a wa shikjuim, kan in yaaro wee ma yaaraa, kan shinui a yaaro shinuim."²⁵Kpantidi, mo penaa-we ti ta shorono Muuja in illo shikni ka longku shii in nau Yeesho, in tewi ya, "An-shubet, Ne ta ya wen nen waan kerang po-dingii?" ²⁶Yeesho in lignon ti shii ya, "Ballii wenee ti ta shoroi? Duma ke ti maarrai ka yee?" ²⁷Shii in liginna ya, "Ke ta leu Fo-mina Yammako ka poshaariko ding kan kerangko ding kan nyimmoko ding, birang, ken leu an-ganglangko kaa kuuko.' " ²⁸Yeesho in tewon ti shii ya, "Ke lignaa dob-dob. Yu kaa te, kan ke ta we kerang.²⁹Pene shii, leka in shiiro Yeesho sheeni, nang in tewi ti Yeesho ya, "An-ganglangnoi nong?" ³⁰Yeesho in lignon ya, "Ka manni niyoi ti ku shaani ti Urshaliima we sha Jeeriko. Shii in shugna ti ta kira me an-jiri, ye shinui in lauyo wee shii kan te ding, in yuun tuwa ti shii, kan in wessho shii pelle kuma muro.³¹In yooro ye manni ankpaai in ti shaana ti ku koko teere, nang bara ye shii weyaa shik niyoi kannii, shii in pereni ti jele in kooni. ³²Kaa teerei niyo Leewi sheeni, bara ye shii foonna po teere kan in we shiknii, in pereni ti jele in kooni.³³Pene manni niyo Shamaariyai, mere in kerin shii bi koo teere, in fuuttu piree kan shii, niyo Shamaariyai in kunngo shii. ³⁴Shii in war shik niyoi in dediron mor kan doo inaabi ti do pirai kan in dabyo do pirai ka janjiruk lanna. Shii in li niyoi ti ku girbini, in warin shii ta mina po dur bino, kan in geen bang shiknii. ³⁵Pirbang shii in shari kine dinaari palau, kan in min shinui ti an ku-minai kan in tewon ya, "Geeno bang-shiknii, kan wee ke tuka ti kuuno te, koddi ye ne meena, ne ta maan ken ka foki.'³⁶Ti shakki me shin tat me ti ta nyimmoko wo nong ye shii an-ganglangno mo shuga ti ta kira me an-jirii?" ³⁷Shii in liginna ya, "Mo dok ye kunngaa shii." Yeesho in tewon ti shii ya, "Koo ke wa yu kaa teere."³⁸Wende kaa ye Yeesho kan me an yiu-shubetni ti ku mere war Urshaliima, shii in fooro manni meno-minai ye kan manni paamuni ye shommoi Matta, tei in yiu shii ti ta minaro. ³⁹Tei kan mola ye shommoroi Maryamu, in deero ti jeleno Fo-mina kan in ti yaaron paaronii.⁴⁰Pene Marta in turmoro ka we-shiina kiryippa ye ti ku yaani, Tei in war shikno Yeesho in tewi ta tei ya, "Fo-mina, kei turmo ye molano wesshaano nen ti ya shurani ne dokno maa? Longkuuno te, tewon ti tei mo shauno ta tei." ⁴¹ Pene Fo-mina in lignna in tewon ti tei ya, "Matta, Matta, kuuji shigaro kan shin turmoji ti ku we gbe, ⁴²pene bara we dok yen kpang. Maryamu shakaro yen kpangi, ye a ta dum lauwon ti kiraroim."

Chapter 11

¹In yooro darang nan dok Yeesho ti ku fur-fok ti manni pirii. Koddi ye shii fuwaa, dok ti shakki me an yiu-shubetnii in tel ya, "Fo-mina shuppo mu koko ye min po furan-fok kaa ye Yuwaana shuppaan me an yiu-shubetni."²Yeesho in tewon ti shinui ya, "Mam maa ta fur-fok maa, 'Fowi, shero mo min gba ti shommoko ka shaana. Gubko in waru.³Minmu we-shiina darang ding. ⁴Teklomu shasshalaumu, kaa ye min ti tekilla ti koo nong me min ta yiu bi jan. wessho warin mun po nawoi.' "⁵Yeesho in tewi ti me an yiu shubetni, "Pelle dok ma kan an jeere, ye waraa shiki ka shakki yippo in tewi ya, "Minno jan we-ta-kele shin tat. ⁶Gee ka jeereno yuuna mere yippo, duraa wendei a doo wee ne ta minin in sham." ⁷Nang pelle mo ta gumei in liginnu ti an jeereniI ye waraai gassho jan ti kirai, ya, "Wessho turmonoi! Ne fuwaa pi nummo podangno ne kan shibono mun shaamu po shaklo, a doo wee ne po yuukom." ⁸Ne ta teuma, maa ta illani in minin wem, longku ye jeerenim, ta illani in minin, longku ye jeerei yu duulan shik ti po gengoim.⁹"Ne birang ta teuma, ma yiu ya gengo ta minma. man ti gasshina, ma ta weyani. Man ti ya gbaaraa, ta auma podangi in shauma. ¹⁰Gee mo ding gennga, ta minin, ding mo gassha ta weyani, birang ding mo yuwaa gbaaraa, ta awin podangi.¹¹"Wo nong ti shakki ma me fowi, ye laani ma gennga shii ka we-ta- kele, in minin shiilai, yee shirim in minin kuretii? ¹²Nang lai gennga gun we in minin adengrei? ¹³Ma me an-shek, ma penaa koko ye ma ta minin we ti shiboma yen kpang, dogii foma Yamma ti ku-dang ta min shoomno Yamma ti me an geng shii ya?"¹⁴Darang nan dok, Yeesho ti ku for shaabug ti shik manni niyoi, yei ti ya paarom. Bara ye shaa-bugi pereju ele niyoi in shiruro shiki kan jimai in ya maam. ¹⁵Pene peddiju in tewi ya, "A waani ti for shaabug ta shiim. Weena bangnii ti kirano shuuro, gub shaabug."¹⁶Nang peddi memmei longku in nau shii, shinui in gasshina ya mo shii shukju we temo ti ku-dang. ¹⁷Pene Yeesho penaa nyimmoju nang in tewon ti shinui ya, ''Po ya-gub ye bwaaraa taaro ti ku kenne ta dakloro, kan me ta mina dok maa ti ya Kenne kan shaayi ta shuwani.¹⁸Pene ma shuuro maa bwaaraa taani ti ya nee ka shaayi, ta yaani ka yee gubnii in sheerii? Ne teka te longkuuno ye ¹⁹Ma nei ti for shaabugii shuuro, me an yiu bii ma ti for sheejui ka nong? Kaa te ta yooju me an shiiroma. ²⁰Pene ma nei ti for shaabugii ka fo kirano yamma, nang gubno Yamma foonna shik ma.²¹"Ma niyo maa bang, shiki limmani kan jede, in ti gee ku minani, we kiranii a ta ya pira kum. ²²Pene maa wanna kuuni mo yeka shii bang in yek bangnii, shii in shar jedei ye liyaan shaari kan tei, in bwairo we kirai ti me an jeereni. ²³"Mei kan nem, teerei me an geino, birang maa moi shauno ta gal doim, ti wakiiyai tai."²⁴Yeesho in tewi ya, "Ma piire shoom ma peraa ti shik niyo, ta wanni ta shwee, in gassho po nessho, pene maa wam, ta tewani ya, 'Ne ta meeno ta mina ye bo ne pennan ti tai.' ²⁵ Nang shaabugi in shiru in we ta kooro minai temmani kpang. ²⁶Pene ta gasshuru manni piire shoom shin parilau me yeka shii shek, nang shinui in reeju shik niyoi in deenjun. Ta wiilani niyo teere ta dakloni in yek ye ka toom."²⁷Yeesho ti ku ya paaro, manni paamun ti shakki galoi in shokro elero in tewi ya, "Kpang ti ku paamun ye pattaako, in mooloko." ²⁸Pene Yeesho in liginna ya, "Kpangi ti ku me yaaraa paarono Yamma in li ta kumoju in ti yuun shuran."²⁹Ma jimai maa ti tokko shaariju, Yeesho in yiu tewani ya, "Ku-kira tei piire ku-kira. Shinui ti gasshinai we temo, pene a doo we temo ye ta shukinum bara temono Yunaana. ³⁰Kaa ye Yunaana shigani we teman ti me ti Ninnibe. Kaa te, La Niyo ta shiwani we teman ti ku-kira te.³¹Darang shiire, La-paamun ye yuwaa gub ti Dang ta illani ta duwo ka shaayi kan memme ku-kira te in shwaalo shinui ta tei, longku ye wanna ta tei ti po ajikaru longku shenno Gub Sholmon, kan ma gee, mo gba yeka Sholmon wono.³²Darang shiire, me ti Ninnibe sheeju, ta illani ta duwo ka shaayi kan memme ku-kira te, in shwaalo shinui, longku foraa fokju ka bi kaawan paarono Yunaana, pene gee mo gba yeka Yunaana wono.³³"A doo mo ta wul deet ta kele in latto doim, birang yei in assho kwi ka paawim, pene ta dayani ti ku dangla, longku me riina, ta we shik eyani. ³⁴Adookoi deet shikko, ma adooko ma kpang, shikko ding ta yooro aarani. pene maa kpangum, shikko ding ta yooro dil. ³⁵Longkuuno te, jooro mo aaro ye ti shikko shiwaro dilum. ³⁶Kaa te, ma shikko ding ma kemani ka aaro, a doo jele ne ye dilum, ta yooro foki dok eyani, kaa ye aaran deet ta kele ti ee kuuko."³⁷Ma Yeesho maa ti wiilo sheero paaroi, manni Parishaawai in munyo shii ka we sha weshiina kan shi, nang in ri in deeni ti ku gburmi sha weshiinai. ³⁸Pene Parishaawai a wa Yeesho fudaa kirani ka we sha weshiinaim, in ya maam.³⁹Pene Fo-mina in tewon ti shii ya, "Ma Parishaawa, ma ti fuddinai ta bi kuuro kan gurangi, pene ta aama ku jal keman ding kan shek. ⁴⁰Ma me dili! A mo yuwaa peewei teerei mo yuwaa tai maa? ⁴¹Ma min wee ti ta gurangi kunngu ti mo an kenni, nang we ding in fuddoro ti piree kan ma.⁴²"Ma riyaa tat ta Parishaawa, longku ma me ti min ti Yamma dok ti shakki kpumu wee ma shuraa ding kan alau ta doong ma, pene man kuroma shiire yen kpang kan lewanno Yamma. Ma daa ti ya ye ka bi, ado wessho ye ka toomim.⁴³"Ma riyaa tat ta Parishaawa, longku ye ma leka mai po diyo yei kpang ti ta mina fur-fok, kan ya kaa ti po piplo-we.⁴⁴ "Ma riyaa tat, longku ye ma kaa ku-duwo yei diganim, ye memme in ti koon ti kwi a ti penim."⁴⁵Dok ti shakki me penaa we ti ta shoro, in tewi ta shii ya, "An shubet, ma kei ti teu we te ken ti yollonmu sheemu." ⁴⁶Yeesho in liginna ya, "Ma me penaa we ta shoro, ma riyaa tat, longku ye ma ti li shari yen tira ti ku memme ye a ta dum sharanim, pene ma ti koo shou fo kirama dok man shawin shinuim.⁴⁷"Ma riyaa tat, longku ye ma digyaa duwa ti me an pigra, ye ma fowon ma tukyaa shinui. ⁴⁸Ma po kuuma, ma penaa man kumi kan wee ma fowon ma yuyyaa, ye tukyaa me an-pigra ta shinui, nang man sha toom ka digyo duwai ka sheema.⁴⁹Longku kaa te, Yamma ta penanni in tewi ya, 'Ne ta shurin an-pigra kan an kaawi ti shikjui, ta tuk peddi, in kura peddi ta shinui.' ⁵⁰Kaa te niyo ku-kira te, ta shar ku deran dom an-pigra ye deraa ta liyan gun der dom, ⁵¹wee tangna ti domno Abiila we war domno Shakaariya, ye tuka shii ti shakki po li-dungo kan mina yowo Yamma. Oo, Ne ta teuma, niyo ku-kira te ding ta shar kwi ta shinui.⁵²"Ma riyaa tat, ma me penaa we ta shoro, longku ye ma sharaa we au podang penan ma po kuuma. Mai rim, birang man beelo me leka riyaani."⁵³Ka bi ye Yeesho wesshaa po teere, Parishaawa kan me an shubet-shoro in yiu ya jiram kan shwaalo wee Yeesho ti ku wee shii sheeraa gbe, ⁵⁴shinui in ti jooro yiu shii ti ku pa-paaroni.

Chapter 12

¹Ti ta koddi teerei, koddi ye memme shig sho kpumu galaan gbe in tabyo shaayi, Yeesho in yiu ya paaro ti me an shubetni ya, "Ma shero bang ti ku shoo ma man ti jooro yiij Parishaawa, yei wawo ado.²Pene adoo wee lattii-lattii yei ta peru peewem, kan ye kwi kawani yei ta eenanim. ³Longku kaa te, wee ma teka ti ta dil ta yaaroro ka darang, kan wee ma sheeraa ka jiri ta kumo birang ta gume, ta shoppo foki ti ku we ku mina.⁴Ne teka ma me an jeereno, mo ma shi me ta tuk lo-shiki, kan ka biino teerei shinui a ta dum ya manni weiim. ⁵Pene ne ta pekro ma ti ku mo ma ta shiyani. Ma shi mo ye, ka bi ye shii tuka, shii kan kumen ye ta vingani ti ta deet-shwal. Oo, ne teka ma, ma shi shii.⁶A waalang fuwat ye pilaan-we ti ku bumlum palawum ya? Ar wende a doo ye dok ti shakkiju ye jiyeei sheka Yammai. ⁷Pene koo shok ye ti kuuma shin ding fuwaa po maarani. Mo ma yu shewom. Ma yeka waalang kpang gbe.⁸Ne ta teuma, koo nong ye sheeraa pinno ti toom memme, La Niyo ta sheero pinnii ti toom me an-shuranno Yamma, ⁹pene maa mo teka ya shii pennom ti toom memmem, ta ya jiram a peno shiim ti toom me an-shuranno Yamma. ¹⁰Koo nong ye yuwaa ding-paaro ti shik La Niyo, ta dum fuddo shii, pene ti mo yuwaa shwaal ti piree kan Shoom Yen Shaana, a ta fuddo shiim.¹¹Koddi ye shinui waraan man ta mina fur-fok, me an-gub, kan me an kumen, mo ma turmoma ti ku ye ma po yuun paaroka we kauro kuumam, koo wee ma ta tewani, ¹²longku Shoom Yen Shaana ta shuppoma ti ta koddi teere wee ma ta tewani."¹³Nang manni niyoi ti shakki jimai in terun ti shii ya, "An-shubet, tewo ti mollo mo bwaattu birma kaji kan ne. ¹⁴Yeesho in lignon ti shii ya, "Shwiji, liyaano an gub shiire koo an bwaari ti kuumai nong? ¹⁵Shii in tewon ti shinui ya, "Ma jooro kping! Mo ma li poshaari ma ka leu we gbem, longku kerang a ti ker dwei ka galan we gbem."¹⁶Nang Yeesho in sheeron temo ti shinui ya, "Ka manni niyoi mo an birma ye doongni minaa weshiina doong kpang. ¹⁷Shii in tewi ti kuuni ya 'Ne ta yaanii wen? Ne kan po gal weshiina nom ¹⁸Birang shii in tewi ya, "Gee wee ne ta yaani wono, ne ta vubro kangno nen dig yen gba, teerei piree ne ta galin shauno kan we kirano ding. ¹⁹Ne ta tewani ti kerangno na, "Ke kan we gbe ye ta shenirani gbe, kutton ka poshaariko, ke ta ya shuran birangum, shu kan ken she ken sha tomonko.' "²⁰Pene Yamma in tewon ti shii ya, 'Dil niyo waanii, ti shakki yippo te leka kerangko, kan wee ke galaan, ta yoojui weeno nong?' ²¹Tenei wee ta yooro kan mo galaa we ding ti kuuni, pene ta yooni mo an kenni ti toomno Yamma."²²Yeesho in tewi ti me an yiu-shubetni ya, "Longkuuno te, Ne ta teuma, mo ma turmoma ka longku kerang ma, wee ma ta shaani koo ti ku lo-shik ma, wee ma ta shoppani. ²³Longku kerang yeka gwaang, kan lo-shik yeka lanna.²⁴Ma gee ka gaak ku-dang, a ti tobbinam yee kasshanim, shinui akan mina li wem yee kangum, pene Yamma in ti kan shinui. Oo pene dogii ma ye ma yeka adeewe kpang! ²⁵Wo nong ti shakki ma ye turmooni ta tokko shaari shakloni in yooro joorii? ²⁶Mam maa ta dum tokko shaari shakloma la-wiiwum, longku wen ma ta turmoma ti ku dogi wei?²⁷Ma nyimmo kan ye bilit ti kpirin. Shinui a ti ya shuran taa shilib koo bee lelleu lannam. Kan ye kaa teerei, Ne ta teuma, koo modaa an birma Sholmonii, akan lanna men kpattirin kaa dok ti shakki bilit mem. ²⁸Ma Yamma maa ti limma shik shwee buk kaa te me booi ka shinui, kan dwei in ter shinui ti ta riwit, kaa te Yamma ta shoppoma lanna ti shik ma, ma me an kattan lishaari!²⁹Ma wessho lishaarima ti ku we po shaani koo sheyanii, ma wessho liin nyimmo ti kwii. ³⁰Longku memme ding mei peno Yammam ti gasshinai bi ween shurme te, nang Foma Yamma penaa ma leka shinui.³¹Pene ma gassho bi Gubno Yamma, kan dogi wei ding ta tokkon man shaarii. ³²Mo ma yu shewom, kattan an-pali dinnyi, longku Foma shii kan twaalan shaari min ma Gubni.³³Pelin ka wee ke kan te kan ken mini ti an kenni. Ma limma ti kuuma vooro yee ta kooranim, po gal-we ti ku-dang yee ta wiilanim. Ma gal ti ku-dang ti piree a doo an-jiri ta war jeleim, yee kayuk ta shaanim. ³⁴Longku piree kan galan birmako, teerei piree kan nyimmo poshaariko³⁵"Shero mo ke yu diyo geren, birang ken wul ogroko in ti aarra, ³⁶kan kaa memme me dii ti ku gee kuuno fo-minaju ye ta meeru ti po temre diyoo, longku koddi ye shii maa wanna in ya gbaaraa, shinui kpantidi ta awin po-dangi ti shii.³⁷Kpangi ti ku shook shurme me fo-minaju ta meeru in we shinui ti ku geren, yen kulli ne ta teuma, shii ta limma shikni ka we wau shinui shii ta yeeru shinui ding ka we sha weshiina ye shii ta bwaaro. ³⁸Ma fo-minaju maa meena ka non-ku-yippa, koo ka koddi fuwan-ta-piri, in wa we me shookni shinui ti ku geren, kpangi ta yooroi we shook shurme.³⁹Pene ma peno we te, moda fo-mina an ku-mina modaa penaa koddi ye an-jiri ta warin, shii daa wessho in ri ta minanim. ⁴⁰Ma sheema ma yu diyo geren, longku ye mai peno koddi ye La Niyo ta warinum."⁴¹Biiturush in tel shii ya, "Fo-mina, ke ti ku sheero temo tei ti minu ya nangii ti koo nong ya?" ⁴²Fo-mina in lignon ya, "Nang wo shook mo an-toom nong an lishaari kan shen, ye Fo-mina ta li shii ti ku dogi shooki ye ti minin weshiina po aaju ti ta dob-dok koddiroi? ⁴³Ta yooro kpang ti ku shook teere ye fo-minanii maa meena ta waraa we shii ti ku yaani kaa te. ⁴⁴Kulli ne ta teuma ta li shii an-toom ti ku we kirani ding.⁴⁵Pene ma shook teere maa nyimmaa ti poshaarini ya, 'Fo-minano ta dii bak in tang meeru,' kan shii in yiu yuyyo tuwa ti men shwiji kan men shereb shooki, birang in ti sha kan sheyani kan kennye in tuk shii, ⁴⁶fo-mina shook teere shii ta meeru ti ta darang ye shii a nyimmom kan ti ta koddi ye shii a penom, kan fo-mina ta yiu shii in nyitto taani nyit-nyit, kan in minin po diyo ti shii ka shaayi kan mei ka lishaarim.⁴⁷Shook teere ye penaa nyimmono fo-minani kan a limma shikni ka ya wee shii lekam, ta yuun tuwa ti shii kping. ⁴⁸Pene moi penom kan shii in ya wee nennaa tuwa, ta yuun tuwa ti shii geb. Pene koo nong ye minaan we gbe, lekan we gbe ti kirajui, kan me yikka we gbe, koo we gbe ta telon ti kirajui.⁴⁹"Ne wanna longku nen ving deet ti ku-buk, kan modaa lewan sheeno daa yikkaro wendei. ⁵⁰Pene yikka ti gbare-do in yuuno yulma taa shilibi, kan ne turmaano daa fuwaa po yooro!⁵¹Ma nyimmaa maa ne wannai ka kuttan shaari ti ku-buk ya? Onngoo, Ne teka ma, pene ne wanna bwaaro ta memme. ⁵²Longku wee yikka booi, niyo fuwat ti ta mina dok, ta bwaaro shaayi, me shin tat ta kuraa me shin palau, me shin palau ta kuraa me shin tat. ⁵³Shinui ta bwaaro taaju, fowi ta kura laani kan la ta kura foni, noni ta kura laaro kan lai ta kura nonto, gbaru yen paamun ta kura gbarumro kan an-gbarumi ta kura gbarumto."⁵⁴Yeesho ti ku sheeron paaro ti jimai ya, "Mam maa weyaa shunngu illina ti booli, kpantidi ma ti tewi maa, 'Ta ya doo,' kan in ya. ⁵⁵Koddi ye pirit dang maa ti ku yaani, ma ti tewi maa, Ta ya shuwa kping,' kan in ya. ⁵⁶Ma me an-wawo ado, ma penaa teu wee ti ku yooro ti ku-buk kan ku-dang. Ma yuwaai ka yaa ye ma ta teu wee ta yooro ti ta koddi tem mi?⁵⁷Longku wen ma ti ya shiire yen kpangu ti kuumam mi? ⁵⁸Longku mam maa ta war jele an-gub kan an-jeere shabbiko, koddi ye maan kaji ti ku koko, li shikkoka we limma shakki ma maan kaji, longku shii a ta warin ken toom an-shiirem, kan an-shiire a ta minko ti me an-dau-ta-gongom, an-dau-ta-gongo in vingko ti ta mina murukum. ⁵⁹Kulli ne ta teuko, ke peru ti po teerem ye ke maa ango dogi keni ye an-jeere shabbiko tekam."

Chapter 13

¹Ti ta koddi teere, peddi memmei ti po teere in sheeron ti shii pi wee yuwaaro ti shik memme Galiili ye Bilaatush deraa domju in longngoro shaayi kan dom she ding-ta-kiraju. ²Yeesho in lignon ti shinui ya, "Ma ti nyimmina maa peddi Galiili me yeka dogi memme Galiilii shasshalau ye shinui taaka shilibi kaa te ya? ³Ne ta teuma, Onngoo. Pene mam maa for-fok mam, ma ding sheema ma ta muttani.⁴Koo memme me kpumu gee-pididou me muttaa ye joori ganglang buuran ti kuujui ti Shiluwam, ma ti nyimmina maa shinui yeka peddi yuyyo shasshalau ti ku me ding dii ti Urshaliima ya? ⁵Na onngoo. Pene mam maa for-fok mam, ma ding ma ta muttani sheema.⁶Yeesho in sheero temo te ya, "Manni niyoi kan biro dugni ye sheewaa ti ta doongni kan shii in warui geyani koo shi ta leen shiilii ti tai pene a wam. ⁷Niyoi in tewon ti mo an deron doo ti biroi ya, 'Gee, yuwaa sheno tat ye ne ti waru nen ti gassho shiili ti ta biro dugni te ne ti wem. Peero ti buk. Wo longku wen deero ta sha tomon buki waanii?'⁸"Mo an gee doongi in lignon ti shii ya, 'Wessho po sheno te ne kpomlo jelei ka oppani nen ukyon tubbo birang. ⁹Maa sheelaa shiili ti ta sheno ye ta waru, kpang; pene maa sheelom, in ke ti buk!' "¹⁰Wende Yeesho ti ku shuppani ti ta dok ti shakki ta mina fur-fok Darang Nessho Yawudaawa. ¹¹Kpantidi, manni paamuni ti po teere ye shaabug kuuloo tei po sheno kpumu gee-pididou. Tei a ti shuppo shikro ti po sheri foki dokum.¹²Koddi ye Yeesho weyaa shiroi, shii in ye tei ya, "Paamun, shi tasshaaji ti piree kan kuulanji." ¹³Yeesho in liin kirani ti kuuroi, kan kpantidi tei in shuppo shikro dob kan tei in kum pinno Yamma. ¹⁴Pene mo an-toom ti ta mina fur-foki in daklo ta aani longku Yeesho niyaan ka pira Darang Nessho Yawudawwa. Longku kaa te mo an-toomi in tewi ti jimai ya, "Ka shaklo paragbanang ye ma po waru in niyan ka ma, a Darang Nessho Yawudaawam."¹⁵Fo-mina in lignon ti shii ya, "Ma me an wawo ado! A kulli ye koo nong ma ti piddo fwaala sho tangkani yee girbini ti po towani Darang Nessho Yawudaawa man pero peewe longku in wa we doo ka we sheyani maa? ¹⁶Kaa te lai tei po peenno Ibiraayi, ye shuuro kpakkaa tei po joori shene kpumu gee-pididou, a nenno in piddo tei ti kira wee kpakkaa tei Darang Nessho Yawudaawa maa?"¹⁷Kaa ye shii tebraa ween shurme te, me ding kuraa shii shikjui in shukroro, pene jimai ding in ti ya beere ka ding we kum pi shokran shurme me shii yuwaa.¹⁸Nang Yeesho in tewi ya, "Gubno Yammai ka yee, kan ne ta temyanii ka wen? ¹⁹Kaa ar-tinnyak ye manni shwijii sharaa in wa tobbina ti ta doongni, kan in kpiri in yooro gbong biro, kan adeewe ku-dang in wangittu in liyyon luwaju ti ku funga-fungai."²⁰Birang shii in tewi ya, "Ka wenee ye ne ta temon Gubno Yammai? ²¹Kaa yiij ye paamun sharaa in kpisshon shaayi kan kengran lummo temme tat ye ta wiilo shik lummoi."²²Nang Yeesho in merko tarang gok-mina kan meno-mina, in ti shuppina kan in kpaarani war Urshaliima. ²³ Manni niyoi in tewon ti shii ya, "Fo-mina, Bara memme la-wiiu me ta we mar-ku ya?" Kaa te shii in lignon ti shinui ya, ²⁴"Ma lishik bang ka we riyani ti kattan do koko, longku, Ne ta teuma, memme gbe ta leu riyani, pene a ta dum riyanim.²⁵Ma an-ku minai maa illaa in nummo po dangni, nang ma ta sherani ti peewe. Ma ta ya gbaaraa kan bengo maa, "Fo-mina, au mu po dangi.' "Pene shii ta lignani in teuma ya, 'Nei pen mam koo piree ma wannanum.' ²⁶ "Nang ma ta tewani maa, 'Min shuwaa kan sheyani ti toomko kan ken shuppomu.' ²⁷ "Pene shii ta lignani ya, 'Ne teka ma na, nei pen mam. Koo ma won ti jeleno, ma me an yuyyo shek!'²⁸Ti po teere ma ta ya kwii kan pikro wuro ye mam maa weyaa shikno Ibiraayi, Ishaako kan Yaakubu, kan me an-pigra ding ti ta Gubno Yamma, birang ma po kuuma ta ving ma ti peewe. ²⁹Memme ta wangittu ti booli, kan ta-vuro laddi kan dang, kan ta deeju ti ku dangla ti ta Gubno Yamma. ³⁰Ma peno te, me katirani me shuran kuujui gbem ta yooju me an-toom, kan me shuran kuuju gbe ta yooju me an gbattokro."³¹Kpantidi ka biino teerei, peddi Parishaawai in waru in tewon ti shii ya, "Koo ke wa deeko won longku Iriidush leka tukko." ³²Yeesho in liginna ya koo ma wa tewo ti waak shennyi, 'Gee, Ne foraa shaabug kan nen tajiyo shik memmeno booi gbe kan dwei, kan ti ku shaklo an tat ne ta wiilo shuranno.' ³³ Ti taano koo shire, yikka ti gbare-do ti piree kan ne nen shuun toom ka tajiyo pirai booi, dwei, kan tuwa kaa ye a kumu in tuk an-pigra ti manni pirii ye maa ti Urshaliimam.³⁴Urshaliima, wuu Urshaliima, shi ye shi tukyaa me an-pigra kan shin kpailo ku peddi me shunna ti shikji ka shiila. Koddi gbe ye leka nen gal-doo ma ti ta baakno kaa ye non-fwee ti galin do shibaro ti ta baakro, pene man kuroma! ³⁵Ma gee, ta minama yuwaaro gangrungi. Ne ta teuma, ma ta we shiknom we war koddi ye ma ta tewani maa, "Kpangii sheeno mo ta waru ti ta shommono Fo-mina.' "

Chapter 14

¹Darang nan dok ti ku Darang Nessho Yawudaawa, koddi ye shii riyaa ta mina dok ti shakki me an-toom Parishaawa longku sha weshiina, ye shnui in ti dira shii ka nimmi. ²Kpantidi, ti toomnii ka manni niyoi ye ti ku bau ossho ti kirani kan shooni. ³Yeesho in tel me an-shubet shiire kan Parishaawa ya, "Nennaa in niina ka niyo ti ku Darang Nessho Yawudaawa ya, koo onngoo?"⁴Pene shinui in yooju yititi. Kaa te Yeesho in shokro shiknii, in tassho shii, kan in li biinii. ⁵Yeeso in tewon ti shinui ya, "Wo nong ti shakki ma ye kan tangka koo girbi ye maa shuga ti ta gida-doo ti ku Darang Nessho Yawudaawa a ta kpantidi illani in wa forum mi?" ⁶Shinui a dum ligno ween shurne tem.⁷Koddi ye Yeesho weyaa bino ti ku shakko ta we po diyo men kpattirin ti jele dangla sha weshiina, shii in sheero temyan in sheeron ti shinui ya, ⁸"Ma koddi ye mondok mwinnyaako ka we sha weshiina temre, mo ko shak we po diyoko ka shikkom, longku kergum ka mo mwinnyina mo yekako. ⁹Ma mo mwinnyaa ma ding maa foonna, shii ta teuko ya, 'Min we po diyokoi ti la-mooye,' nang ka duulan shik ke ta illo sha kuuno ye ti ta gunno ye ka toomi.¹⁰Pene koddi ye maa mwinnyaako, wa deeko ti piree kattani, kulang koddi ye mo mwinnyaakoi maa wanna, shii kergum ta teuko ya, 'Jeereno, ammoko dang.' Nang ta minko gba ti toom memme ding me dii ti ku dangla ka shaayi kan ke. ¹¹Longku mo shokraa kuuni Yamma ta bek shii, pene mo beka kuuni Yamma ta shokro shii."¹²Yeesho birang in tewi ti mo mwinnyaanii ya, "Koddi ye ke maa ta mwinnyo memme ka weshiina darang koo weshiina temre kiryippa, moko mwinnyo me an-jeereko koo ma molonko, koo ta-monako, koo me an birma me an ganglangkom, kaa ye donge shinui ta mwinnyoko po jani, kan in anngoko wee ke yuwaaju.¹³Pene ke maa ta ya weshiina temre kiryippa, mwinnyo me an kenni, me kuulei, me kungai kan me fuumani, ¹⁴kan ke ta we kpang, longku shinui a ta dum anngoko fokim. Longku ta anngokoi koddi ilit ta duwa me mereju dob."¹⁵Koddi ye dok ti shakkiju mo dii ti ku danglai ka shaayi Yeesho yaaraa we ween shurme te, shii in tewon ti shii ya, "Kpangii sheeno mo ta sha we-ta-kele ti ta Gubno Yamma!" ¹⁶Pene Yeesho in lignon ti shii ya, "Manni niyoi yuwaa weshiina darang, kan in mwinnyo memme gbe. ¹⁷Koddi ye fuwaa po ya weshiina darangi, shii in shur la an-shuranni mo wa tewo ti me mwinnyaai, 'Mo waru, longku fuwaa po ya koo wen.'¹⁸"Shin ding peenju dok in yiu kungroju. Mondok in tewi ya, "Ne baa pillu buk, kan yikka ti gbare-do nen wa geena. Diijikujum yaaro kwiino. ¹⁹"Mondok in tewi ya, 'Ne baa pillu tangka shirau shin fuwat, kan ne leka waraa nau shinui. Diijikujum yaaro kwiino. ²⁰"Nang manni shwijii in tewi ya, "Ne baa digru paamun, kan ka longku kaa te ne ta dum warum.'²¹"Shooki in meeru in wa sheerra ti fo-minani ween shurme te. Nang fo-mina an-ku minai ta aanii in gbanoro kan in tewi ti shookni ya, 'Koo peeb-peeb ken per ku gbong koko kan jele-koko tarang minai ken wa yeeru me an kenni, me kuulei, me an fugum, kan me kungai.' ²²"Nang shooki in lignon ya, 'Fo-mina, wee ke tennai yuyaaro, kan ar wende bambiri po diyo gbe.'²³"Nang fo-minai in tewon ti la an-shurani ya, 'Koo ke peru ku gbong koko kan ku koko sho ken dimmuru shinui mo waru, longku ta minano in kemero. ²⁴Longku ne taka ma, adoo mo dok ti shakki shwiji shurme me mwinnyina ka toom ta nau weshiina darangnom.' "²⁵Wende jima gbe ti ku yiu biino Yeesho, nang shii in shiwa dooni in tewon ti shinui ya, ²⁶"Maa mo wanna shikno kan shii a kura foni, nonni, mannani, shibani, ma molonni shwiji kan shereb, kan koo kerangnim, shii a ta dum shiwa an yiu-shubetnom. ²⁷Maa moi shar biro loo-kuuni kan in yiru biinom, a ta dum shiwa an yiu-shubetnom.²⁸Longku wo nong ti shakki ma ye shii leu dig joori ganglang a ta shaani po diyo tida in kpal-ku wee shii ta tuka koo wee shi kan te ta dum fooro wiilo shurani ya? ²⁹Maa kaa tem, koddi ye shii teraa keli kan a dum wiilanim, me ding me ta we shiki ta yiu shwaalo shii, ³⁰kan in ti tewi ya, 'La-mooye liyaa gun diye kan shii a dum wiilanim.'³¹Koo wo gub nong ye ta waraa ya gei kan manni gubi, a ta deeni dii tida in deppina kan me an pekroni koo niyoni shig dok sho kpumu ta dum nai manni gubi ye ta waru kuuni ka shwiji shig kpumu sho naa-palau ya? ³²Maa kaa tem, kaa ye tida me an geyi tali, shii ta shurin me an-shuran ti shikjui ka we deppo paaro tomon-fok. ³³Longkuuno te, koo nong mai maa ta dum min ding wee shi kan tem, a ta dum shiwa mo an yiu-shubetnom.³⁴Anjaa kpang, pene maa daklaaro ta kpangi, ta meerin ka bi kpangroi ka yee? ³⁵Birang adoo shuran kwi ti piree kan buk koo omman-shwejilakum. Ta ukkani won. Shi mo kan kumo yaarani, shero mo shii yaaro."

Chapter 15

¹Wende mean gal kine-buk shin ding kan peddi me an shasshalau in ti waru jeleno Yeesho ka we yaaro shii. ²Parishaawa kan me an-shubet shorono Muuja shin ding in yiu ya nyitti ya, "La-moo ye ti yiu me an shasshalau kan in me in ti sha-we kan shinui."³Yeesho in sheeron temo te ti shinui ya, ⁴"Wo nong ti shakki ma, ye shii maa kan dinnyi shin shig dok sho kpumu nang dok ti shakkijui maa shekaro, a ta wessho me naa-fejereu kan fejereu ti dan-doong, in koo waraa gassho biino ye dok shekaroi ka we weeru maa? ⁵Nang koddi ye shii weena, shii ta sharu ti ku temelli kan beere-beere.⁶Koddi ye shii foonna mina, shii in yeeru me an jeereni ka shaayi kan me an ganglangni, in tewon ti shinui ya, 'Ma yu beere gale kan ne, longku ne weena dinnyino ye milam shekaroi.' ⁷Ne ta teuma kaa tei, ka beere ti ku-dang ka longku mo an shasshalau dok ye foraa-fokni in meeru shikno Yamma, ti ku memme naa-fejereu kan fejereu kaa ma me ti nyimmina ya mereju dob-dob shinui a lewo for-fokjum.⁸Koo manni paamuni ye kan kine-belaro shin kpumu, ma tei maa vinnga dok, oo tei a ta wul ogro, in temyo ta minai, kan in ti gasshobi ka karang we war koddi ye tei ta waan maa? ⁹Ma tei maa weeya, tei ta ye me an jeerero kan me an ganglangro in tewon ti shinui ya, 'Ma yu beere gale kan ne, longku ne weena kineno ye milam shekaroi. ¹⁰Kaa tei ka beere ti ku-dang ti toom me an shuranno Yamma ti ku mo an shasshalau dok ye foraa-fokni."¹¹Nang Yeeshoin tewi ya, "Ka manno niyoi ye kan shibani palau, ¹²kan mon-tobjui in tewi ti foni ya, 'Fono, minno po aa ti ta birma ye yuwaa sheeno.' Kaa te shii in bwaaron ta birmani ti shinui.¹³Bi a diyo bakum, mon-tob lai in gangl-do sharini ye shi kan te ding kan in wanni ta manni buki ye tali won, kan ti po teerei in wiilon birmani ding ti bi diyo kenni nyimmo. ¹⁴Wende koddi ye shii tuka koo wen, gbong kpiyam in wiilo ta buk teere, nang shii in yiu gassho-we kee shik.¹⁵Shii in wanna in min kuuni ka we ya shuran ti manni niyoi ye ti ta buk teere, mo shuraa shii ti ta doongni ka we kang annyanshaari-mina. ¹⁶Shii ka longku kpiyam, in yiu sha kolak ye annyanshaari-mina ti sha ka beere longku adoo niyo ti minin we ti shii ka we shaanim.¹⁷Pene koddi ye la-iliti meena ta nyimmoni dob, shii in tewi ya, 'Tiyee ti shakki me shookno fono me kan weshiina gbei, kan ne ti po te kpiyam ta tukno waani! ¹⁸Ne ta wessho po te nen war shikno fono na, "Fono, ne yuwaa shasshalau ti Yamma birang kan ti ke. ¹⁹Milam ke ti yeenoi ka laako, wende nei fooro in yeeno ka laakom; diijikujum, shiwan nen kaa dok ti shakki me shookko.' "²⁰Kaa te la-iliti in wessho po teere in kooru meeru shikno foni. Tidang kan talii, fonii in weeru shiknii, nang in kunngo shii, nang fowii in juuro in wa taamo shii kan shummo jaklumnii.²¹ Nang lai in tewon ti shii ya, 'Fono, Ne yuwaa shasshalau ti Yamma kan ti ke. Wende nei fooro in yeeno ka laakom.'²²"Fowii in tewi ti me shookni ya, 'Ma waru peeb ka lanna yen kpang, man showin ti shiknii, kan man showin ginding-po kira ti po kiranii, kan taa ti ta shoonii. ²³Nang man yiru milmil kangan la-tangkai man kari. Shero mo kama yu temre! ²⁴Longku milam laano murooni, kan wende shii kan dooni. Milam shekeni, kan wende weena shii.' Nang shinui in yiu ya beere.²⁵"Koddii laani mongbai ti doong. Kaa ye shii nemna mina, shii in yaaro ele bijiya-we kan yuyyo shor. ²⁶ Shii in ye dok ti shakki me shooki in teli ka wee ti ku yooro. ²⁷Shooki in tewon ti shii ya, 'Molko meena mina kan foko in kar milmil kangan la-tangka ka longku ye shii meena bang.'²⁸"Lai mongbai in daklo ta aani kan in kuroni ri ta minai, nang fowii in peru in beng shii. ²⁹Pene lai mongbai in liginna ti foni ya, 'Gee, gbe sheno shurme te me ne diyoo ta yuuko shuran, kan nei nau kura fokkom, kan kei nau minno la-wii ye ne po yuun temre nen yoon me an jeerenom, ³⁰pene koddi ye laako meena, shi mo tukna birmako shin kama shereb me an piplo-we ka shikju, ken karin milmil kangan la-tangka ti shii.'³¹"Nang fowii in tewon ti shii ya, 'Laano, kpaaliyo ding ka ke ka shaayi, kan wee ne kan te dingii weeko. ³²Pene nennaa ka ken ya temre kan beere, longku molko te milam murooni, wende kan dooni; milam shii shekeni, kan wemde weena shii.' "

Chapter 16

¹Yeesho birang in tewi ti me an yiu-shubetni ya, "Ka manni niyoi kan birma ye ka an-geeku burmani, kan foki in war shiknii ya an gee-ku birmanii ti ya kalang ka we-kiranii. ²Kaa te mo an birmai in ye shii in tewon ti shii ya, 'Wo wen ye ne ti yaarra ti kuukoi? Nang shero ballo-ballii wee ke yuwaa ka birmano kan dogi wee ti kurako, longku ne ta kumani birang ken ti jooroku we kiranom.³"An-jooroku birmai in tewi ti kuuni ya, 'Ne ta ya wen, kaa ye fo-minano teka ya shii ta kaino ti po shuranno, ne kan bang oppo ta bukum, kan ne ta yaaro duulan-shik ka beng kine ti kira memme. ⁴Ne penaa wee ne ta yaani, longku ye maa kayaano ti po shuran jooro ku birmai, memme ta kumani kan ne in yiuno ti ta minaju.'⁵Nang mo an-jooro ku birmai in yeeru koo nong me kan janno fo-minani, nang shii in tel mo ka toomi ya, ' Fo-minano ta yiu biiko jan tiyaa?' ⁶ "Shii in liginna ya, 'Digre mor wono bwatte shig pididou.' An-jooro ku birmai in tewon ti shii ya, 'Gee, kooro ballan wee ke ballaa wono. Deeko dii peeb ken ballo bwatte mor wono shig peereu.' ⁷ Nang an-jooro birmai in tel an palau an jani ya, 'Ta yiu biikoi tiyaa?' Shii in liginna ya, 'Luru shau shig paragbanang.' Shii in tewon ti shii ya, 'Gee kooro ballan wee ke ballaa wono. Shar we balla ken ballon luru shau shig peereu kan naa-pididou.'⁸Kaa ye an jooro ku birmai a yu dobum, pen fo-minanii kunnga pinii longku shii kan shen po gal we po kee shikni. Memme ku-buk te shinui kan ye ti ta yuun diyo ti ku-buk te kookaro ti fok memme me ti ta aaro." ⁹Ne ta teuma, ma yu shuran ka kine yei po aa mam ka we ya jeere, longku ma birmai ma wiilaaro, shinui kergum ta dum yiu ma ti ta mina ku-dang.¹⁰Shi mo ye yikka poshaari ti ku wee kattani shii ta yooni an yiiu poshaari ti kuuno yen gbe. ¹¹Ke maa an yiu poshaari ti ku wee kattanim, a ta yiu poshaari ti ku wee gbem. ¹²Nang mam maa yiu poshaarima ti ku ya shuran ka kine kan we ku-buk kpangum, wo niyo nong ye ta min ma kine po kuumai?¹³A doo shook ye kan fo-mina palawum, koo shi ta kuroni ye dok in leweni ye dok, dang ta min bangni ti shikno mo dok, in fulin bi ka ye doki. Ta ya shilib ken mai yiu bi Yamma kan kine."¹⁴Wende Parishaawa, me shinui leka kine, in yaaro ween shurme te ding, nang shinui in nwinnyo foknii. ¹⁵Shii in tewon ti shinui ya, "Ma shiiroo kuuma ti toom memme, pene Yamma penaa poshaari ma. Wee memme ti geena kpang ding, teerei wee Yammai lewom.¹⁶Shorono Muuja kan balila me an-pigra kpaalaa piri we war koddi ye Yuwaana an yulma wannan. We yinna ti ta koddi teere, ti ku kaawi pi shinnyi yen tomon gubno Yamma, kan koo nong in li shikni ka we riyani. ¹⁷Pene ta yooro maj-maj ka ku-dang kan ku-buk in wiilaju kan dok ti shakki ding ti ta shoro Muuja in shuworo.¹⁸Koo nong ye tuka diyoono mannani kan in digani manni yuwaa shomak, kan shi mo diga paamun ye tuka diyooro kan sheijiro yuwaa shomak.¹⁹"Wende ka manni mo an birma shwijii ye kpaaliyo ding ti shoppinai lanna men kpattirin kan yelek-yelek n ti sha tomon birmani kping. ²⁰Kan manni an-bengoi ye shommoi Liyaajaru ye kannii ti po dangnii shiknii ku jal wuruk, ²¹kan in ti dang ku sha nyittan weshiina me ti shugiyya ti jele dangla mo an birmai. Koo bai shinui ti waru in ti demlo wuruk shiknii.²²Koddi in ya ye mo an bengoi in muroni, me an shuranno Yamma in shar shii in ammo jeleno Ibiraayi. An birmai sheeni in muroni kan in nan shii, ²³kan ti ta deet, shwiji mo an birmai in deero dooni in we shikno Ibiraayi tali kan Laajarosh ti jeleni.²⁴Nang shii in yallina in tewi ya, "Fono Ibiraayi, kunnguno ken shuru Laajarosh, ye shii ta shou po kirani ti ta doo in duulon nen shik dakno, longku ne ti ku taa shilibi ti ta yiba deet.'²⁵"Pene Ibiraayi in lignon ya, 'Laano, nyimmo ka koddi ye ke ti ta diyoko ti ku-buk ke shuwaa tomonko, Laajoro in taa shilibi kping. Pene wende shii ti ku kem shaarinii wono, kan ke ti ta yaaya. ²⁶Koo a kaa teerem mii, ka gbong jwal ye liina ti shakkimu kan ma, yuuna kaa tei longku mo leka teelani ti wono a ta dumanim, kan a doo mo ta dum teellu shikmu ti wonom.'²⁷"Shwiji mo an birmai in tewi ya, "Ne benngako ta, Fono Ibiraayi, ye ke ta shur shii ti ta minano fono, ²⁸longku ka me ma molonno shin fuwat, ye shii ta pekro shinui yoo shinui waru wono po taa shilib te.'²⁹"Pene Ibiraayi in lignon ti shii ya, "Shinui kan ma Muuja kan me an-pigra; mo shinui kaan kumo ti shikjui.' ³⁰" Shwiji mo an birmai in liginna ya, 'Onngoo, Fono Ibiraayi, pene maa mo ta illani ti ta duwa in war shikjuim, shinui a ta for fokjum. ³¹"Pene Ibiraayi in tewon ti shii ya, 'Ma shinui maa ka kumoju ti shik ma Muuja kan me an-pigram, a doo mo ta dum dimmo shinuim koo muyen shurme illaai ti ta duwa.' "

Chapter 17

¹Yeesho in tewi me an yiu-shubetni ya, "Kulli ka wee ta sum lii ma ya shasshalau, Pene dogii sheeno shinui ta warinti shiknii! ²Ta ya kpang ti piree kan muyei in dawin vin issho-we ti ta bongi kan in ving shii ti ta paali kan ye shii in li dok ti shakki nyititi shibo shurme in ya kulnya.³Ma jooro kpang. Ma molko maa yuwaa shasshalau, pekro shii, kan ma shii maa minaa kelaa, fuddo shii. ⁴Ma shii maa yuwaako shasshalau sho parilau, kan sho parilau in meeru shikko, in ti tewi ya, 'Ne kelaa,' yikka ti gbare-do ken fuddo shii!"⁵Me an kaawii in tewi ti Fo-mina ta shinui ya, "Pee-shik mu shaari mu." ⁶Fo-mina in tewon ti shinui ya, "Mam maa kan li shaari kaa ar-tinnyak, ma ta dum tewani ti gba biro ye maa, 'Uguttu shi, kan shin sheeweji ti ta paali,' kan tei ta mur ma ku.⁷Pene wo nong ti shakki ma, mo kan shook ye ti ya tii kan ber-do dinnyi, ye ta tewon ti shii ye maa meena ti doong ya, 'Waru peeb ken wa deeko dii ken shai'? ⁸Shii a ta tewon ti shooki ya, 'Yuuno we ne po shaani, kan in dau ta kumani in yuuno shuran we war koddi ye ne ta wiilo shaani kan sheyani. Nang ka bi shii in tang shaani kan ken she maa'?⁹Duma shii ta pammani ti shooknii longku ye shii yuwaa wee shii teka ya mo yu ya? ¹⁰Ma sheema kaa te, mam maa yuwaa wee ding Yamma teka ya yu, ma ta tewani maa minui shookko waani. Bara min yuwaai wee nennaa minun ya.' "¹¹Wende Yeesho ti ku koko war Urshaliima, shii in yiwani ku-karak Shamaariya kan Galiili. ¹²Bara ye shii riyaa tarang manni meno-minai, ti po teerei shii in kpomi kan shwiji shin kpumu me shinui me an baluk. Shinui in shereju tali kan shii ¹³kan shinui in shokro eleju ka bang in ti tewi ya, "Yeesho, Fo-mina, kunngomu."¹⁴Koddi ye shii weyaa shikjui, shii in tewon ti shinui ya, "Ma koo man wa shuk shik ma ti me ankpaa." Kaa ye shinui kookoju, shinui in tasshaju. ¹⁵Koddi ye dok ti shakkiju weyaa shii tasshaani, ka ele yen bang in shiru in ti kum pinno Yamma. ¹⁶Shii in juunani ti toomno Yeesho, in ti pammina. Shii niyo Shamaariya.¹⁷Nang Yeesho in ya telyo ti me ka shaayi kan shii ya, ¹⁸"A niyo kpumu me tasshaa shinui maa? Duma me fejerewii tong? A wa niyo dok ye meena in wau Yammam bara bino ye ya? ¹⁹Yeesho in tewon ti shii ya, "Illo, ken kooko. Li shaariko kan Yamma minaako bang shik."²⁰Manni darangi memme Parishaawai in tel Yeesho ya, "Duma Gubno Yamma ta warui dimin? Yeesho in lignon ti shinui ya, "Gubno Yamma a ta warui ti bi jooro warui kpingum. ²¹A doo me ta tewani ya, 'Gee, ti wono!' koo, 'Ti wonum!' Longku gee, Gubno Yamma ti nang-shakki ma."²²Yeesho in tewon ti shinui ya, "Manni darangi ta waru koddi ye ma ta leu we shik dok darang ti shakki La Niyo, pene ma ta weyanim. ²³Nang shinui ta teuma ya, 'Geeru an-marku won! koo Geeru an-marku wono!' Pene mo ma pero koo juwa yoba ti biijuim, ²⁴longku kaa ye maljo ti maljuru ti ku-dang ti kpakan-fok ku-dangno lee we war kpakan-fok ku-dangno lennyi, kaa te ye La Niyo ta yooni ti ta darangni.²⁵Pene ka toom shii ta taa shilibi we gbe kan ta kura shii ta ku-kira te. ²⁶Kaa ye yuwaan ten ti ta koddino Nubu, kaa tei ta yooro ti ta darang La Niyo. ²⁷Shinui in ti sha kan sheyani, in ti ya diyaa kan in ti mibno diyaa we war ta darang ye Nubu riyaan ta jirgi (gbong gong) kan paali in waru in tukyo shinui ding.²⁸Kaa ye yuuna ti ta koddino Luttu. Memme Shoodom ti ku shaani kan sheyani, pilani kan pilin, tobbani kan digyani. ²⁹Pene ti ta darang ye Luttu peraan ti Shoodom, in reru deet kan kpiyan deet sheule ye gijii yen diwa ti ku-dang in kur shinui shin ding.³⁰Ka bi, tere peenno tei ta yooro ti ta darang ye La Niyo ta perin. ³¹Ti ta darang teere shero mo ti ku daalan ku mina tewo ya shi ta shaarui pal sharni ti ta minai, kan mo mondok ye ti doong tewo ya shi ta meeru minai shar wei.³²Nyimmo ka wee yuunaro kan manna Luttu. ³³Maa mo leka jooro bi kerangni, a ta weyanim, pene maa moi jooro bi sheenim, ta weyani.³⁴Ne ta teuma, ka yippa teere ka niyo palau ti gburam dok. Ta shar ye dok, in wessho ye dok. ³⁵Ka shereb palau ti ku issho-we ka shaayi. Ta shar ye dok, in wessho ye dok." ³⁶Shwiji palau ti ku ya shirau ti doong, ta shar ye dok in wessho ye dok.³⁷Shinui in tel shii ya, "Fo-mina, wo ti tong?" Shii in lignon ti shinui ya, Piree kan nyaaran kuma, ti po teerei shelle ta gallu shaayi."

Chapter 18

¹Nang Yeesho in sheeron temo te ti shinui ti ku ye shinui ta diyani kpaaliya ding shinui ta yiu for-fok a doo beran taim, ²in tewi ya, "Ti ta manni gok-minai ka manni an-gub shiire ye a ti shi Yammam birang a taani ta min gba ti memmem.³Wende ka paamun kolo ti ta gok-mina teere, kan tei in ti waru shiknii ti kwi ti kwi ka bengo, in ti tewi ya, 'Shauno ken bwaaro ya shiire yen kpang kan an geino.' ⁴Langku diyoo bak an gub shiirei in lewo in shau teim, pene ti ka bi shii in tewi ya, 'Kaa ye ne ti min gba ti Yammam, birang a doo wee taakano kan niyom. ⁵Longku paamun kolo ye ti turmoma, ti ta lewanno ne ta yuun wee dob-dob ye tei a ta yiu waru shikno ti kwi ti kwim.' "⁶Nang Fo-mina in tewi ya, "Ma yaaro wee an-gub shiire te teka. ⁷Pene wende Yamma a ta ya shiire ti me shii shakkaa me shinui ti ya kwii ti piree kan darang kan yippa maa? ⁸Ne ta teima shii ta waru ka shiire yen kpang ti shinui peeb. Koo kaa tei, koddi ye La Niyo ta waru, ta waraa we lishaari ti ku-buk te ya?"⁹Nang birang shii in sheeron temo ti peddi me dokkaa kuuju ya shinui me an shaana kan me kuraa peddi memmei, in sheeron ya ¹⁰"Shwiji shin palau ammaa ta mina fur-foki ka we for-fok, mo dok niyoi Parishaawa kan mo dokii an yiu kine-buk.¹¹Niyo Parishaawai in shereni sherii in fur-fok kaa te ti kuuni ya, 'Yamma, ne pammaako ye ne kpang a kaa dogi memmei- me an shek, me an shomak, yei kaa an yiu kine-buk yem. ¹²Ne ti yiu fokno sho palau ta shaklo parilau, nen ti minko dok ti shakki kpumu ding wee ne weyaa.¹³Pene mo an yiu kine-buki, in shereni won tali kan niyo Parishaawai, a dum deere dooni ti ku-dang ti piree kan Yammam, pene in yiu tudira biilini longku in shuki yaa shii mo an shasshalau, in tewi ya, 'Ai Yamma, nei an shasshalau, kunngono ken nyimmina kan ne ken fuddono.' ¹⁴Ne ta teuma, mo an yiu kine-buk ye, meyaa shaani minani ti ta dob-dob ye Yamma fuddaan shasshalauni, ti ku niyo Parishaawa ye. Kaa te, Yamma ta bek mo shokraa kuuni, mo beka kuuni Yamma ta shokro shii."¹⁵Memme in ti wangittin ti shii ka nyitti shibaju longku shii in ti tau shikjui kan liin kpang ti kuujui, pene koddi ye me an yiu shubetni weyaa shiki, shinui in pekro memmei. ¹⁶Pene Yeesho in ye shinui in tewon ya, "Ma wessho nyitti shiba mo waru shikno, mo ma foddon fokim. Longku Gubno Yammai we peenju. ¹⁷Kulli ne ta teuma, maa mo leka ri ta Gubno Yamma, yikka shii ti gbare-do in yiwi ka kuman kan bek-ku kaa we la la-wiiu."¹⁸Manni mo an-toom in tel Yeesho ya, "An-shubet, kei niyo yen kpang, ne ta ya wen nen waan kerang po-ding ti jeleno Yammai?" ¹⁹Yeesho in lignon ti shii ya, "Longku wen ke ti yeeno kaa mon kpangii? A doo mon kpangum bara Yamma shi dokni. ²⁰Ke penaa shoroi- wessho ya shamaki, wessho tuk niyo, wessho ya jirii, wessho ya jimro shabai, min gba ti foko kan nonko." ²¹Mo an-toomi in liginna ya, "Ween shurme te ding, ne jooraa ye ti tida ne ta ilitno."²²Koddi ye Yeesho yaaraa teere, shii in tewon ti shii ya, "We dok waani ye ke kan tem. Yikka ti gbare-do ken pilin ka wee ke kan te ding ken bwattina ti me an-kenni, ke ta we birma ti ku-dang- kan ken waru, ken yiru biino." ²³ Pene bara ye an-toomi yaaraa ween shurme te, poshaarinii in dakloro kping, lonku shii mo an birma kping.²⁴Nang Yeesho in gee shik shwijii ye daklaa ta aani, in tewi ya, "Ta yooro shilib ti shil me an birma in we ri ta gubno Yamma! ²⁵Yen kulli, ta yooro maj-maj ti penwe in ri ti ta jwal yiri, kan ye mo an birma in ri ta Gubno Yamma."²⁶Me yaaraa wee Yeesho teka in tewi ya, "Nang wo nong ye ta we markui?" ²⁷Yeesho in lignon ti shinui ya, "Wee a ta dum yooro ti piree kan memmem, ta dum yooro ti piree kan Yamma.²⁸Biiturush in tewi ti Yeesho ya, "Oo, min wesshina koo wen mei weemu minun yiru biiko." ²⁹ Nang Yeesho in tewon ti shinui ya, "Kulli, Ne ta teuma na adoo mo wesshina mina, koo paamun, koo ma molon men shwiji, koo me an pari, koo shibo, ka longku we Gubno Yamma, ³⁰ye shii a ta we wei gbe ye mattaa ku wee kan te ti ta kerangni ti ku peewe piri te, birang ti ku-dang ta minin kerang po-ding."³¹Ka bi ye Yeesho in galaa me an yiu-shubetni shin kpumu gee-palawi ding ti jeleni, shii in tewon ti shinui ya, "Ma gee, kama ammo Urshaliima, kan wee ding balilaa ti ta fok me an-pigra ti ku La Niyo ta waraa kemroro.³² Longku ta waraa min shii ti kira mei Yawudaawam, kan shinui ta yuun we wunglo-wungloju, ta minin duulan-shik ti shii, kan in fisshon ele ti shiknii. ³³Ka bi bibran shii, shinui ta tuk shii, kan ti ku shaklo an-tat shii ta illoni birang."³⁴Me an yiu-shubetnii a peno ku wee Yeesho tekam, kan paaro te lattaan tei ti shinui, kan shinui a peno wee sheeraam.³⁵Yeesho maa ti meeru Jeeriko, ka manni niyoi an-fugum dii ti jele koko in ti ya bengo. ³⁶Bara ye an-fugumi yaaraa ele jimai ti ku kowani, shii in ya telyo ya, "Ti ku yooroi wen?" ³⁷Shinui in lignon ti shii ya, "Yeesho niyo Naajeret ti ku kowani."³⁸Nang an-fugumi in showin ka yee ya, "Yeesho, po peenno Gub Dauda, yuuno kpang kan ken kunngono."³⁹ Me ti ku mere ka shaayi kan Yeeshoi in pekro an-fugumi, ya mo shii yu yititi. Pene shii in yallina birang ka ele yen bang ya, "Po peenno Dauda, kunngono."⁴⁰Yeesho in shemo shereni in tewi ya mo warini ka shwiji teere wono. Nang koddi ye an-fugumi nemna, Yeesho in tel shii ya, ⁴¹"Wo wen ye ke leka nen yuukoi?" Shii in liginna ya, "Fo-mina, ne leka adoono in yiu weyani."⁴²Yeesho in tewon ti shii ya, "Yiu weyani. Lishaariko niyaan ka ke." ⁴³Kpantidi an-fugumi in yiu we ta piri kan nang shii in yiwani biino Yeesho, in ti kum pinno Yamma. Memme ding, koddi ye shinui weyaa shik we te, shinui in kum pinno Yamma.

Chapter 19

¹Yeesho in ri tarang mina me ti Jeeriko ti ku kooni. ²Gee, ka manni shwijii ye ya Jakka, shii an-toom me an yiu kine-buk kan shii mo an birma.³Shii leka penani Yeeshoi nong, pene a ti dum we shikim ka longku gbe jimai, longku shii mon dwakra. ⁴Kaa te shii in juwa yoba ti toom memme in wa ammani ta biro kpakal kulang ka we we shiknii, longku Yeesho ta kowani ti po teere.⁵Koddi ye Yeesho foonna po teere, shii in deero dooni in tewon ti shii ya, "Jakka, shaaru peeb, longku booi yikka ti gbare-do nen diina ti ta minako." ⁶Kaa te in dauluru shaaru in kaa shii ka beere. ⁷Koddi koo nong weyaa kaa we te, shinui in yiu ya nyitti in ti tewi ya, "Ai! Duraani ti mina mo an shasshalau ye!"⁸Jakka in illo shikni ti po sheri in tewi ya, "Gee, Fo-mina, bwaari palau birmano, ne ta minani ti me an-kenni, kan ne maa naka dokkaa weeno mondok, ne ta maan ka foki sho peereu." ⁹Yeesho in tewon ti shii ya, "Booi marku wanna ta mina te, longku shi sheenii laano Ibiraayi. ¹⁰Longku La Niyo wannai gassho-bi kan kauro memme me sheka."¹¹Bara ye shinui yaaraa ween shurme te, shii in sha toom ka sheero paaro ka temo, longku shii nennga Urshaliima, kan shinui in nyimmina ya Gubno Yamma nemna warito kpantidi. ¹²Longkuuno te, shii in tewi ya, "Ka manni mon gba niyo ti ta mina an-gub yuwaa meere war manni buki tali ka we yiru ti kuuni po ya-gub kan in shiru.¹³Shii in ye me ti yuuni shuran shin kpumu in minin kine ti shinui ya mo piime yiu yuun shuran ka kine me war koddi ye shii ta meerin." ¹⁴ "Pene me shooknii in kura shii kan in shurin la an-shuran ti biinii ya, 'Minui lewo la mooye in ya gub ti kuumum.' ¹⁵In yooro koddi ye shii meenan birang, ye fuuna po weeru po ya-gubi, shii in tewi ti me shookni me shii minaan kine mo shinui waru shikni, kulang shii in peni shinui weenan tiyaa ti ku wee ti po shiwa shikii.¹⁶"Mo doki in waru toomnii in tewi ya, "Fo-mina, ne yuwaa shuran ka kineko, nen weerin we ti kwi kpumu.' ¹⁷"Fo-mina in lignon ti shii ya, "Wee, shook yen kpang. 'Lonhku ke yuuna we yen kpang ti ku la-wiiu, ke ta ya gub ti ku gok-mina kpumu.'¹⁸"An-palawi in waru in tewi ya, 'Ne yuuna shuran ka kineko, nen weerin kine shin fuwat ti kwi.' ¹⁹ "Fo-minai in tewon ti shii ya, 'Yu gub ti ku gok-mina fuwat.'²⁰"Manni in waru in ti tewi ya, 'Fo-mina, gee kineko wono, ye ne wa liyaa kpang ti ta bangruk lanna nen lattina, ²¹longku ne shiyaako, longku kei niyo ye po yaani shilib. Ke ti shar wee kei lim, kan ken kassho wee kei tobbom.'²²'Fo-minai in tewon ti shii ya, 'Ti bi paaro dakko ne ta shiiron ken, ke mo piire shook. Ke penaa nei niyo ye po yaani shilib, ti shar wee a lim, kan in ti kassho wee a tobbom. ²³Nang longku wen kei li kineno ti po liyani, longku koddi ye ne maa meena nen wa ganglo-do weeno kan we ti kwim mi?'²⁴Nang Fo-mina in tewi ti me shengrii ti po teere ya, 'Ma lawwo kine ye ti kiranii, man mini ti mo kan kine kpumui.' ²⁵"Shinui in tewon ti shii ya, 'Fo-mina, shii kan kine shin kpumu.'²⁶" 'Ne ta teuma, na koo nong ye kan tei ta tokkon shaarii, pene ti kira mo yei kan tem, koo ye shii kan tei ta lawwon ti kiranii. ²⁷Pene me an geino me, shinui mei lewo nen ya gub ti kuujum, warin shinui wono in tukyo shinui ti toomno.' "²⁸Bara ye shii tebraa ween shurme te, shii in kooni toom we ammo Urshaliima.²⁹Kaa ye shii nemna meno-mina ye ti ye yaa Betapaaji kan Betani ti ku sheela ye yaa sheela jaitun, shii in shur palau ti shakki me an yiu-shubetni ya, ³⁰"Ma war tarang meno-mina ye ti toom. Mam maa waraa, ma ta we la-girbi yei nau ammo kwim. Man piddiru man warin nen. ³¹Ma mondok maa telaa ma ya, 'Longku wen ma ti ku piddanii?' man tewon maa, 'Fo-mina leka tei.' "³²Me shuraa in wanna in wa we la-girbii kaa ye Yeesho tekan ti shinui. ³³Kaa ye shinui ti ku piddo la-girbii, me an-kwi in tel shinui ya, "Longku wen ma t ku piddo la-girbii?" ³⁴Shinui in liginna ya, "Fo-mina leka tei." ³⁵Shinui in warin ti Yeesho, kan shinui in lippan lanna-kawoju ti ku la-girbii kan in liirin Yeesho ti kwi. ³⁶Kaa ye shii ti ku kowani, shinui in wejiyon lanna-kawoju ti ku kokoi³⁷Kaa ye shii wende foonna koko po gbalani ti ku sheela Jaitun, jima galoi ding in yiu ya beere ka kum-pinno Yamma ka ele yen bang ka longku gbidina shuran-shuran me shinui weyyaa shiki, ³⁸in ti tewi ya, "Kpangi ti ku gub ye ta waru ti ta shommono Fo-mina! Kuttan-shaari ti ku-dang kan shokrani ti Yamma mo ti ku-dang bak!"³⁹Peddi me Parishaawa ti ta jimai in tewon ti shii ya, "An-shubet, pekro me an yiu-shubetko." ⁴⁰Yeesho in lignon ti shinui ya, "Ne ta teuma, ma shinui maa yuwaaju yititi, shiila me ta yallo beere-beere."⁴¹Koddi ye Yeesho nennga gok-minai, shii in ukko muru ka longkuuroi, ⁴²in tewi ya, "Modaa ma daa penaa ti ta darang te, koo ma, wee ta waru ma ka kuttan-shaari! Pene wende lattaan adoo ma ka shinui.⁴³Longku darang ta waru ti kuuma ye me an gei ma ta dig ganglang on kpomlon-fokma in ter ma ti shakki kan ti pesshojele gongoma ding. ⁴⁴Shinui ta vutto minai in tukyo ma ding, kan shibo ma. Shinui a ta wessho shiila dok ti kuuno shattom ka longku ye mai jemlo tei koddi ye Yamma ti ku li shikni ka we kauro mam."⁴⁵Yeesho in ri ta Mina Yamma in yiu kajiyo bi me an piplani ka we, ⁴⁶in ti tewi ya, "Ballii ya, 'Minano ta yooro mina po fur-fok,' pene man shiwon vuluk me an-jiri."⁴⁷Kaa te Yeesho in ti shuppina kpaaliya ding ti ta minano Yamma. Mongba ankpaa kan me shubet shiire, kan me an-toom memme in leu ruk shii ta shinui, ⁴⁸pene shinui a dum we koko po yaanim, longku memmei ding keyaa kumoju ti ku yaaro paaronii kping.

Chapter 20

¹Darang nan dok Yeesho ti ku shuppo memme ti ta mina mina Yamma kan in kpaalo pi paaro shinnyi yen tomon kan ye mongba me ankpaa kan me an shubet shiire in waru shiknii kan me an-toom. ²Shinui in yuun paaro ya, "Teumu ka kumenno nong ye ke ti yuun ween shurme tei, koo minnako kumen ya we tei nong?"³Shii in lignon ti shinui ya, "Ne sheeno ne ta yuuma telyo, kan man teuno. ⁴Yulmano Yunaana: Shaanai ti ku-dang ya nangii ti kira memme ya?"⁵Shinui in deppina ti shakkiju, in tewi ta shinui ya, "Kama maa teka kama ya, 'Shaana ti ku-dang,' shii ta tewani ya, 'Nang longku wen ye mai kumu kan shiim mi?' ⁶Pene kama maa teka kama ya, 'Ti kira memme, memme ding ta kpadilo mu kama, longku shinui kunnga Yuwaanai an-pigra yen kulli."⁷Kaa te shinui in liginna ya shinui peno piree wannanum. ⁸Yeesho in tewon ti shinui ya, "Ne sheeno ne ta teuma ka kumenno nong ye ne ti yuun ween shurme tem."⁹Yeesho in sheeron ti memmei temo te ya, "Manni niyoi tobbaa we ti ta doongni in bwattina ti me an kaakindo in ti jooro-kwi, nang in wanni tarang manni in wa diiru bak. ¹⁰Koddi kassho weshiia doongi in shur shookni ti shik me doongi ti ta kirai mo minnini wee sheelaan ti ku doongi, pene me an gee doongi in yuurin tuwa ti shiknii, nang kairu bi kira waani.¹¹Nang shii in shur manni me shooki kan shinui in yuun tuwa ti shiknii, liin duulan-shik ti shiknii, birang shinui in li biinii kira waani. ¹²Birang shii in shur an tat shooki, birang shinui in liyyon pira ti shiknii, kan in ving shii won.¹³Kaa te, fo-mina an ku doongi in tewi ya, 'Ne ta ya wen wendei? Ne ta shur gun dok laano. Kergum shinui ti minin gba ti shii.' ¹⁴Pene koddi ye me an gee doongi weena shiknii, shinui in jimro shik paaroi ti shakkiju ya, 'Sheyynei la po-ganglang. Shero kama tuk shii, kulang birmai in shiworo weemu kama.'¹⁵Shinui in ving won tali kan doongi kan shinui in tuk shii. Nang an ku doongi ta yuun wen ei shinui? ¹⁶Shii ta waru in tukyo me an gee doong shurme, kan ta min doongi ti peddi." Koddi ye shinui yaaraa we te, shinui in tewi ya, "Mo wessho yooro kaa tei!"¹⁷Pene Yessho in diro shinui, in teli ya, "Wee ballii tei ta shuklo yaa wen: 'Shiila ye me an diye kuraa tei shigoro shiila ku-shugloi ya'? ¹⁸Koo nong ye shugo ti ku shiila teere ta beblo shikni dwit-dwit, kan mo shiilai shugon ti kuunii ta isshoni buk-buk."¹⁹Me an shubet shiire kan men gbidina me ankpaa shinui in gassho koko po yiu shii ti ta koddi teere, longku shinui penaa shii yuwaa paaroi ti shikju. Pene shinui in shi memme. ²⁰Shinui in ti jooro shii kping, shinui in shur me an emo me shinui shigan kuuju me dob, kulang shinui in wa we shii kan kelnyo ti ta paaroni, kulang shinui in wa min shii ti ta kira me an gub kan kumen gub Rooma.²¹Shinui in tel shii ya, "An-shubet, min penaa ke ti tewi kan shuppo wee dob-dob, kan ke ti shuk kaalim, pene ke ti shuppinai ka kokono Yamma ye dob kan kulli. ²²Yuwaa kpang minin anngo kine buk ti Keeshar ya koo onngoo?"²³Pene Yeesho penaa shenjui, kan nang shii in tewon ti shinui ya, ²⁴"Ma shikinno shi dinaari. Wo jirimno nong kan shommono nong ti kwii?" Shinui in liginna ya, "Weeno Keeshar."²⁵Shii in tewon ti shinui ya, "Nang ma min ti Keeshar wee weeno Keeshar, kan ti Yamma wee weeno Yamma." ²⁶Shinui a dum we shii kan kelnyo ti ta wee shii sheeraa ti toom memmem, pene shinui in ya maam lignoi, shinui in ya yititi.²⁷Koddi ye peddi Shadukiyaawa wanna shiknii, me ti tewi yaa adoo ilit ta duwom, ²⁸shinui in tel shii ya, "An-shubet, Muuja ballina mu ya ma mollo mondok maa murooni, kan paamun, kan a patto lam, molii ta dig paamun kolono mollii, kan shii in paaton la ti molli.²⁹Ka manni ma moloni shin parilau, kan ye ka toomi in dig paamun, ³⁰kan shii in muroni a kan lam, an palawi kaa teere. ³¹An tati in dig tei, kan kaa teerei an parilawi a wessho lam, kan shii in shemo muroni. ³²Ka bi paamuni sheero in muroro. ³³Nang darang ilit ta duwo, tei ta yooroi manna nongee? Longku shin ding parilawi digyoo tei."³⁴Yeesho in lignon ti shinui ya, "Ma shibo ku peewe-piri te ma ti ya diyoo kan man ti min diyoo. ³⁵Pene me shinui fooraa posheri ilit ta duwa a ta ya diyoo ta shinuim birang shinui a ta min diyoom. ³⁶Koo shinui in muri birang, longku shinui yuwaaju kaa me an-shuran ku-dang kan shinui shibano Yamma, me shokraa ti ta kerang yen fo.³⁷Pene ye ya shokraa me kumai, Muuja shuklaa, ye shii ballaan-we ti ku la duk-duk ye deet ti ku kurani, ti piree shii yeyaa Fo-mina yaa Yammano Ibiraayi kan Yammano Ishaaku kan Yammano Yaakubu. ³⁸Wende shii a Yamma me muttaajum, pene shii Yamma me kan dooju, longku shoomjui ding dii ti toomno Yamma."³⁹Peddi mean shubet shoro in lignon ti shii ya, "An-shubet, ke lignoo kpang." ⁴⁰Longku shinui a yuun telyo ti shii birangum.⁴¹Yeesho in tewon ti shinui ya, "Ka yee ye shinui teka ya Kiritii laano Daudai? ⁴²Longku Dauda ka shikni tenna ti ta Lakarda Jabuura ya, Fo-mina tenna ti Fo-minano ya, Deeko ti ku kira temmeno, ⁴³we war koddi ne ta shiwan me an-geiko po tabyo shooko.' ⁴⁴Longkuuno te Dauda in ye Kiriti yaa 'Fo-mina,' nang shii ta yooni laano Daudai ka yee?"⁴⁵Ti ta kumo memme ding shii in tewi ti mean yiu shubetni ya, ⁴⁶"Ma jooro me an shubet shiire, me leka shalani ti ta lanna men jodiri kan in ti lewi in yuuju kaa ti po-piplo-we kan diyani ti ku po diyo an-gub ti ta mina fur-fok kan po diyo an-gub ti po sha temre. ⁴⁷Shinui birang ti wiilo we-ta-mina shereb kolo, kan fur-fok kan joorii ti kudam. Longkuuno te, Yamma ta natto shinui kping."

Chapter 21

¹Ye tida Yeesho ti ta mina Yamma, shii in deero dooni in we me an birma ti ku mibno ding-ta-kira ti ta gurang gal kine ta mina Yamma. ²Shii in we shik manni paamun kolo an-kenni wanna in galin kinero palau ti ta gurangi. ³Nang shii in tewi ya, "Yen kulli ne ta teuma, paamun kolo an-kenni te minaa wee gbe yeka sheejui ding. ⁴Shin ding mibnaai ti ta birmaju. Pene paamun kolo te, ti ta kenniro, tei minaai ding wiilan-do kinero."⁵Kaa ye peddi ti sheerra ti ku mina Yamma, dangan pi ye nyisshaan shiki ka shiila men kwattirin kan ding-ta-kira, shii in tewi ya, ⁶"Kaa ween shurme ye ma ti we shiki te, darang ta waru koddi ye koo shiila dok a ta wesshani ti kuuno shatto ye a ta shiwa shikim."⁷Nang shinui in tel shii, in tewi ta shinui ya, "An-shubet, koddi dimin ye ween shurme te ta yooroi? Teman-piri ta yooroi ka yee ye we te maa ti ku yooroi?" ⁸Yeesho in liginna ya, "Ma jooro kpang yoo dokko ma. Longku memme gbe ta waru ti ta shommono, in ti tewi ya, 'Nei shii, ' kan, 'Koddii yuuna nimmi.' Mo ma yiu biijuim. ⁹Koddi ye mam maa yaara pi gei kan kon-kon, mo ma yu shewom, longku ween shurme te yikka ti gbare-do in yooro ka toom, pene wiilani a ta waru kpantidim."¹⁰Nang shii in tewon ti shinui ya, "Buk ta illo kon kan buk, kan po ya-gub kon kan manni po ya-gubi. ¹¹Ta yuyyo gbidina midiro shik-buk, kan ti piri peeni-peeni ta ya Kpiyam kan shwa-peewe. Ta yuyyo gbidina we shewo kan gbidina we temo ti ku-dang.¹²Pene we te maa ta yooro, memme gbe ta yippoma in wangron man ta mina fur-fok, in min ma shilibi kping, shinui ta liima ka bang warin man toom me an gub shiire birang in shiu ma ti ta mina-muruk. Birang ta warin man toom me an gib kan me an gub Rooma, pene we te ding ka longku mai me an yiu biino. ¹³Tene ta liyani man sheero pi paarono yen fo ye ma weyaa shiki ka adoo ma.¹⁴Longkuuno te, pene ma kemo shik ma, mo ma shokro poshaari mam, longku wee ma ta yaani man forin kuumai. ¹⁵Longku ne ta min ma paaro kan shen yei adoo me an gei ma kan me an jeere paaroma ta ya jiram ya paaromai shabai.¹⁶Ti shakkima ka me an pariju dok, molon shaayi, me shinui ti ta aa shiiju kan me an jeereju ta shuk biijui ti me an geiju, peddi ma ta waan kaara muro. ¹⁷Memme gbe ta kurama ka longku shommono. ¹⁸Pene koo shok kuuma dok adoo ye ta shekanim. ¹⁹Mam maa sheraama bang, ma ta we kerangma.²⁰Koddi ye ma weyaa me an bee-deet maa kpomlaa jele Urshaliima, nang ma peno koddi vubroro yuuna nimmi. ²¹Nang shero mo me shinui ti Yawuudiya juwaju yoba in ammaju ku sheela yen joori, mo me ti tarang mina mo shinui pereju kan me ti shakki buk mo shinui wessho ri ta gok-minai. ²²Longku tei koddi nawit ye Yamma ta yaani ti Urshaliima ka longku in kemro wee me an-pigra balilaa yau.²³Dek-dek me kan uu kan me ti ku min wiri ti ta shaklo shurme! Longku ka taa shilibi kping, memme ta tappo ku Urshaliima. Nang Yamma ti shakki denni ta natto memme te. ²⁴Ta tukyo shinui ka agarum, birang in pal shinui kaa me ta mina-muruk wo war bino buk. Mei Yawudaawam ta tappo ku Urshaliima we war koddi mei Yawudaawam ta kemon.²⁵"Nang bino-we ta yooro ti shik darang, kan tere kan ar-shal. Birang memme ku-buk te poshaariju ta illo ka longku shewo wulut shiiruk kan shanngau gbidina shiiruk. ²⁶Memme gbe shikjui ta shukroro, birang shewo ta yiu shinui ka weyan shik wee ta yooro ti ku-buk. Longku kumen, shik ku-dang ta tarani.²⁷Nang ti ta koddi teere shinui ta we shik La Niyo ti ku waru ti ta shungu kan bang kumen shokrani. ²⁸Pene ween shurme te maa yikka yuuru, ma illo po sheri man sheroma dob man deero dooma, longku mar-kuuma yuuna nimmi.²⁹Nang Yeesho in sheeron temyan ti shinui ya, "Ma gee ka biro dukni kan dogi biroi. ³⁰Ma alauju maa moonna, ma ta we shiki ka shik ma man peni koddi sha-buk yuwaaro. ³¹Birang kaa te, mam maa weyaa shik we te yikka yooro, ma peno Gubno Yamma yuuna nimmi.³²Shero ne teuma ar paaroi, ku-kira memme te a ta muttoju ding tida wei in tang yoorom. ³³Ku-dang kan buk ta waru in wiilaju, pene paaro a ta wiilanim.³⁴"Pene ma jooro kping ye poshaarima a ta kpalorom, ma wessho she men kan wee me an she men ti yai, kan mo ma turmoma ka longku wee ma leka ti ku-buk tem, birang darang te ta waru a koddi ye ma ti nyimminam, kaa ye jangra ti nummo fokro ti bi lo-ta-shwee ye shinui nyimmom. ³⁵Kaa te ta waru ti ku me ding dii ti ku-buk te.³⁶Pene ma yu diyo geren koo dimin, man ti fur-fok ye ma po yooma kan bang vurum ti ta wee ta waru, birang man dum sherani ti toom La Niyo."³⁷Kaa te maa ka darang shii in ti shuppina ti ta mina Yamma, kan ma yippa maa yuwaa shii in pereni in wa ammoni ku Sheela Jaitun. ³⁸Memme shin ding in ti waru shiknii kan vubnai ka longku yaaro shii ti ta mina Yamma.

Chapter 22

¹Wende koddi Temre We-ta-kele yei a doo yiijum yuuna nimmi, yeti tewi yaa Temre Teelani. ²Nang mongba me ankpaa kan me an shubet shoro me ti ku jooro ku koko po tuk Yeesho, pene shinui in ti shi memme.³Nang shuuro in ri poshaarino Yawuda Iskarooti, dok ti shakki me an yiu shubet kpumu gee palawi. ⁴Nang Yawuda in war shik men gbidina ankpaa kan me an-toom me ti gee ku mina Yamma, nang in jimirra kan shinui koko ye ta yiwin Yeesho in minin ti shinui.⁵Shinui in beero kwi, kan shinui in kumi shin ta minin kine ti shii. ⁶Yawuda in kumi, in yiu gassho koko po yiwin Yeesho kawe minin ti shinuiye jimai maa doo shinum.⁷Nang darang sha jong we-ta-kele in yooro, ti ku darang Temre Teelani ye ta deron dom la-galma. ⁸Nang Yeesho in shur Biiturush kan Yuwaana ya, "Koo ma wa limmamu kama wepo shaani ti ta Temre Teelani, longku kaman wa sha." ⁹Shinui in tel shii ya, "Ke leka minun wa limminai ti tong?"¹⁰Yeesho in lignon ti shinui ya, "Mam maa riyaa tarang gok-minai, ma ta kpomani kan shwiji shanna la diye doo. Ma yiu biinii we war ta mina ye shii ta riyani. ¹¹Nang man tewon ti an ku minai maa 'An-shubet tenna ya mo min telko ya, "Mina po dur binoi ti tong, ye ne ta shuun Temre Teelani kan me an yiu- shubetnoi?' "¹²Shii ta shuk ma shik gume ku-dang kan gbai tai limmani kpang, nang man limmirin ti po teere." ¹³Kaa te shinui in koona, in wa we wei ding kaa ye Yeesho tekan ti shinui. Nang shinui in limmirin weshiina Temre Teelanii.¹⁴Bara ye koddii yuwaa, shii in deeni dii ka shaayi kan me an kaawii. ¹⁵Nang shii in tewon ti shinui ya, "Ne leka kping nen sha Temre Teelani kan ma nen tang waraa taa shilibi. ¹⁶Longku ne teka ma, ne ta waraa shaani birangum we war koddi ye wei ta kemon ti ta Gubno Yamma."¹⁷Nang Yeesho in shar la temme, nang bara ye shii pammaa, in tewi ya, "Ma yiu lee, ma bwaaro ti kuuma. ¹⁸Longku ne teka ma, ne ta she doo shiili biro yen tomon birangum we war koddi ye Gubno Yamma ta warin."¹⁹Nang shii in shar we-ta-kele, nang bara ye shii pammaa, shii in beblo tai, kan in minin ti shinui ya, "Tenei lo-shikno ye minaa ka longkuuma. Ma yiu yaani kaa te ka we nyimmani kan ne." ²⁰Kaa teerei, shii in shar la temmei ka bi washiinai, in tewi ya, "La temme tei deewaku yen fo ti ta domno, ye deraa ka longkuuma.²¹Pene ma ka kumama. Mo ta waraa pilin ka ne kiramu kaju ta kpomin ti ta gurangi ti ku danglai. ²²Longku La Niyo yikka ti gbare-do in kooni kaa ye deppaan. Pene dek-dekii sheeno muyei ye shii ta waraa pilin ka ne!" ²³Shinui in yiu deppani ti shakkiju wo nong kergum ti shakkiju ye shii ta ya we te.²⁴Nang ti shakki me an yiu shubeti, jiram in illon ti shakkijui ti ku wo nong ye shii mon gbai. ²⁵Yeesho in tewon ti shinui ya, "Me an gub ti ta dil ti ya gub ti ku memmejui ka bang, kan me kan kumen ti kuujui ti ye kuujui ka me an shau memme.²⁶Pene a ta yooro kaa te ti piree kan mam. Kan ye kaa teere, shero mo ye shii mon gbai ti shakki ma mo yooni la la-wiiu, kan mon dok ye shii an-toom, ta yooni kaa mo an shuran. ²⁷Longku mon gbai, teerei mo deeni ti ku dangla ya, nangii mo an shuran ya? A mo deeni ti ku dangla maa? Kan ye kaa tei, ne ti shakki ma kaa mo an shuran.²⁸Pene mai me sheraa ka shaayi kan ne ti ta koddi nawo. ²⁹Nang ne liyaa ma gub ti kuuma, kaa ye Fono liyaano ti kuuno, ³⁰longku ma shaani kan sheyani ti ku danglano ti ta Gubno, kan man deema ti ku juk, man ti shiiro po-peen Ishereila kpumu gee-palau.³¹Biiturush, Biiturush, shuuro telaa Yamma mo minni koko ye shii ta shuuron man kaa ye ti shuuron tinnyak. ³²Pene ne fuwaa po fur-fok ka longkuuko, Shimon ye bang poshaariko a ta shuworom. Kan ke maa meena, ken kem-shik ma molonko."³³Shimon Biiturush in lignon ti shii ya, "Fo-mina, shikno limmani nen koona kan ke we war tamina muruk kan mina muro." ³⁴ Yeesho in liginna ya, "Ne ta teuko, ta Biiturush, gok a ta ya kwii booyum, ke ta ya jiram sho tat ka kei pennom."³⁵Nang Yeesho in tewon ti shinui ya, "Koddi ye ne shuraa ma a doo luru, vooro nangii taam, ma nakai ya kenni wen?" Shinui in liginna ya, "A doo wem." ³⁶Nang shii in tewon ti shinui ya, "Pene wende, maa mo kan luru, shero mo shii sharu, birang kan mo kan vooro gal-we. Maa ka mo akan agarumum, shero mo shii pilin kan lannani yen joorii in pilin dok.³⁷Longku ne ta teuma, wee ballii ti kuuno yikka ti gbare-do in kemero ye ya, 'Maaraa shii ti shakki me an shasshalau.' Longku wee ballaa ti kuuno foonnai kemero." ³⁸Nang shinui in tewi ya, "Fo-mina, gee! Ti wono ka agarum palau." Shii in lignon ti shinui ya, "Teere keraa."³⁹Yeesho in pereni kaa ye shii ti ya, we war ku Sheela Biro Jaitun, kan me an yiu shubeti in koon ti biinii. ⁴⁰Koddi ye shinui fooraa, shii in tewon ti shinui ya, "Ma fur-fok kulang ma ta shuwani ti ta nawom."⁴¹Shii in giyoni la tali kan shinui pelle vingan shiila, nang in juunani ka po vurumi in furin-fok, ⁴²ya, "Fono, ke maa leka, shar la temme taa shilibi ye ti toomno, pene a lewan sheenom, shero mo sheeko yooro."⁴³Nang me an shuran ku-dang in peru ta shinui in shau shii, in pee shiknii. ⁴⁴Yeesho ti ta taa shilibi kping, shii in fur-fok kping, nang shuwo shiknii kaa diko dom ta dikkani ti buk.⁴⁵Koddi ye shii illaa ti po fur-foki, shii in waru jele me an yiu shubetni in wa we shinui bablaaju ka bau kenni nang shaklo shaddina ⁴⁶nang shii in pigra shinui in teli ya, "Weyaa ma ti ku ya shakloi? Ma illo man fur-fok yoo ma shugna ti ta nawo."⁴⁷Koddi ye tida shii ti ya paaro, kpantidi, jima in peru, ka shaayi kan Yawuda, dok ti kpumu gee-palawi, ti toomjui. Shii in waru nimmi kan Yeesho in taamo shii, ⁴⁸pene Yeesho in tel shii ya, "Yawuda, ke ti ku min La Niyo ka taamo ya?"⁴⁹Bara ye me an biino Yeesho weyaa wee ti ku yooro, shinui in tewi ya, "Fo-mina, mo min keyyo shinui ka agarum ya?" ⁵⁰Nang dok ti shakkijui in shemo ke shook mon gba ankpaai ka agarum, kan in peero kumo ku-kira temmenii. ⁵¹Yeesho in tewon ya, "Teere keraa!" Shii in tau shik kumonii, nang in niyaro.⁵²Nang Yeesho in tewi ti men gbidina me ankpaa, me an-toom me ti jooro ku Mina Yamma kan an-toom me wannai yiu shii ya, "Nei piire niyo ya ye ma ta peru ka agarum kan biroi? ⁵³Kpaaliya ta piri ne dii ka shaayi kan ma ti ta Mina Yamma, nang mai yiunom. Pene tenei dob-dob koddi ma, koddi ye kumen dil tappaan ku-buk."⁵⁴Shinui in tollo shii, shinui in peren shii peewe, birang in shar shii wo war mina mongba ankpaa. Pene Biiturush in yiu bi, shakkiju la tali. ⁵⁵Pene bara ye shinui piiroo deet ti kudam ta minai kan shinui in deeju ka shaayi, Biiturush in deennin ti shakkijui.⁵⁶La paamun an shuran ta minai in we shikniideeni ti jele aaran-deet, tei in diro shii kpang ka nimmi nang in tewi ta tei ya, "Niyo ka shaayi kan shii." ⁵⁷Pene Biiturush in yooni jiram, in tewiya, "Paamun, nei peno shiim." ⁵⁸ Bi in nesshina la-wiiu manni niyoi birang in we shiknii, kan in tewi ya, "Ke sheeko kei dok ti shakki me ka shaayi kan Yeesho." Pene Biiturush in tewi ya, "Niyo, minui ka shaayum."⁵⁹Pelle ka bi koddi dok kooka manni shwijii in tinnoni ya, "Kulli la mooyei ka shaayi kan shii, longku shii niyo Galiili." ⁶⁰Biiturush in lignon ya, "Shwiji, nei peno wee ke ti ku yuun paaro ti kwim." Kpantidi, koddi ye shii ti ku ya paaroi, gok in ya kwii.⁶¹Fo-mina in shiru dooni in geerin Biiturush. Nang Biiturush in nyimmina ka paaro ye Fo-mina tennani ya, "Booi gok maa ta ya kwii, ke ta ya jiramno sho tat." ⁶²Nang Biiturush in pereni peewe in yiu ya kwii wirit-wirit.⁶³Nang memme me an jooro kuuno Yeesho in parilo shii kan nwinnyo foknii. ⁶⁴Shinui in dau adooni in paalo shii in teli ta shinui ya,"Yu pigra! Wo nong ye paalaa kei?" ⁶⁵Birang shinui in yuyyo paaro bek ti shikno Yeesho ti shwaalon shii.⁶⁶Ta piri maa ti kpaalla, me an-toom in gallu dooju, men gbidina ankpa, kan me an shubet shoro in gallu ti piri dok. Nang in warin Yeesho toom galoi ⁶⁷kan in tel shii ya, "Teumu, ke maa Kiriti." Pene Yeesho in liginna ya, "Ma nei teka ma, ma ta kumani kan nem, ⁶⁸kan ma nei telaama, ma ta lignanim.⁶⁹Pene we yikka wende, La Niyo ta deeni ti ku kira temmeno mongba Fowi Yamma." ⁷⁰Shin ding in ya telyo ya, "Kei Laano Yamma ya?" Yeesho in liginna ya, "Ma teka dob-dob ye maa nei." ⁷¹Nang shinui in tewi ya, "Wo jimro wenee birang ye kama lakai? Weena kama yaaraan ti foknii."

Chapter 23

¹Nang galoi ding in illina in warin Yeesho toomno Bilaatush. ²Shinui in yiu ya gunnii ya, "Min weena niyo ye ti ku shuulo memme, mo kuroju me an gub, shii a kum po anngo kine buk ti Keesharum, kan in ti tewi ya shi po kuunii Kiriti, kan Gub."³Bilaatush in tel Yeesho ya, "Kei Gub Yawudaawa ya?" Yeesho in lignon ti shii ya, "Oo, kaa ye ke teka." ⁴ Nang Bilaatush in tewi ti mongba ankpaa kan jima memmei ya, "Nei wa la-moo ye kan kelnyom." ⁵Pene shinui in tinnoju, in ti tewi ya, "Shii ti yeeru bobak, in ti shuppo memme me ti Yawuudiya ding, we liina guni ti Galiili ar we foottu po te."⁶Nang kaa te Bilaatush in yaaro we te, shii in ya telyo koo niyo tei niyo Galiili. ⁷Koddi ye shii penaa ya Yeesho ti ta bukno Iriidush Antipa, shii in shemo shur gunnii ti Iriidush, ye shii ti Urshaliima ti ta koddi teere.⁸Koddi ye Iriidush weyaa shikno Yeesho, in shemo ya beere kping, longku sharaa joori koddi ta gee ku we shiknii. longku wee shii yaaraan ti kuunii, shii in li shaarini ka wee shii yuwaa we maam. ⁹Iriidush in tenglo Yeesho ka telyo gbe, pene Yeesho a lignonum. ¹⁰Mon gba me ankpaa kan me an shubet shoro shengrii ti po teere, shinui in ti ya gunnii ti ku wee a kpangum.¹¹Nang Iriidush kan me an bee deetni, in min duulan-shik ti Yeesho, in shiwan shii we shuro-shuroju. Nang shinui in showin lanna ya-gub yen fo ti shiknii, shinui in shur gunnii birang ti shikno Bilaatush. ¹²Ti ta darang teere ma Iriidush kan Bilaatush in yooju me an jeere shaayi, ye milam shinui me an gei shaayi.¹³Nang Bilaatush in yeeru men gbidina ankpaa kan me an-toom memme, ¹⁴kan in tewon ti shinui ya, "Ma wannano ka la-moo ye maa shii dok mo ti li memme mo yu bang-kumo. Ne tenglaa shii ti dooma nang nei wa la-moo ye kan daklaa wee ma gbunngan ti kuuniim.¹⁵Iriidush po kuuni, shii shunna gunnii birang ti shikmu kama, kaa ye ne ma ti we shiki, shii a yu wee daklani ye po li shii in murin.¹⁶ Longku kaa te, ne ta yuun kelmo ti shii nen foran kira ka shii." ¹⁷[Wende Bilaatush, waarii shuklaa shii ta fora kira ka niyo kaa ye Yawudaawa ti ya koddi Peewe Teelani.]¹⁸Pene shinui ka eleju foki dok in yallina ta shinui ya, "Tuk la-moo ye! Ken formu kira ka Barabash!" ¹⁹Shoka Barabash ti ta mina muruk longku ye shii ti shakki me an yeeru nee ti tarang mina kan ti shakki me tuka manni niyoi ti Urshaliima.²⁰Bilaatush leka for kira ka Yeesho, shii in beng shinui. ²¹Pene shinui in shooju toomka bobak in ti tewi ya, "Ter shii ka we-jooro ti shik gbong-biro! Ter shii ka we-jooro ti shik gbong-biro!" ²²Bilaatush in yuun paaro an-tat ti shinui ya, "Wo piire wen ye la-moo ye yuwaai? Nei wa shii kan daklan wee po li shii war mina murom. Kaa te, ne ta yuun kelmo ti shii, nen foran kira ka shii."²³Pene shinui in isshaju ka ele yen bang, shinui leka in loo shii. Elejui in yiu nyimmono Bilaatush. ²⁴Longkuuno te Bilaatush in kuma in yuun wee shinui leka. ²⁵Shii in foran kira ti shinui ka mo shoka ti mina muruk ka longku shabbi kan tuk niyo. Pene shii in sheewo Yeesho ti bi lewanjui.²⁶Kaa ye shinui kookan ka shii, shinui in Rollo niyo ye yaa Shimon niyo Shiraayi, wanna ti po shaloni ti ta buki, kan shinui in liin gbong Biro look ti kwi, in yiwin biino Yeesho.²⁷Gbong jima memme, kan shereb me ti Ku bau-kenni ka longkuunii, me yinna biinii. ²⁸Pene Yeesho in showa dooni ti shikjui in tewi ya, ''Shibo shereb Urshaliima, ma wessho ya kwii ka longkuunoi, pene ma you kwii ka longkuuma kan shibo ma.²⁹Ka koddi ye ta waru yema tewani maa, 'Kpangi ti ku shereb me jemra, fok kpangju a ti sher shiyaam, wiriju a nau shummanim.' ³⁰Nang shinui ta yiu tewani ti sheela ya, "Buuttu ti kuumu!" Kan in ti tewi ti gungum ya, "Kaumu kuumu!" ' ³¹Ma memme maa yuwaa we te ti shik biroi ye tidai duulani, ta yooroi ka yee ye ma biroi maa isshaaroi?"³²Ka manni shwiji shin palau ku jal me piire, in peron ka shinui longku waraa sheewo shinui sheeju.³³Bara ye shinui foonna piree ye yaa, "Gunglung-ku," ti po teerei shinui in sheewon shii kan me piirei, dok ti ku kira temme,kan dok ti ku kira jiyau. ³⁴Nang Yeesho in tewi ya, "Fono, fuddo shinui, longku shinui a peno wee shin ti ku yaanim. Nang shinui in bwairo ta lannanii ka ving kaari ti shakkiju.³⁵Memmei in shereju in ti geena, pene me an-toom Yawudaawa in duulo shiknii, in ti tewi ya, "Maraa ku peddi, memmei, shero mo mar kuuni ka shikni, ye ma shii maa Kiritino Yamma yei dok shakan weeni."³⁶Me an bee deet sheeju in nwinnyo foknii in ³⁷ti tewi ta shinui ya, "Ke maa Gub Yawudaawa, mar kuuko," ³⁸Ka yaan balla ye shinui tannaan ti ta kuunii ye ti maarra ya, "SHEYYEI GUB YAWUDAAWA."³⁹Dok ti shakki me piirei sheewii ti po teerei, in teu piire paaro ti shikno Yeesho ya, "Kei Kiritim ya? Mar kuuko kan minu!" ⁴⁰Pene yen dok an piirei ye sheewii ti po teerei in pekro mondoki, in tewon ya, "Ke ti shi Yammam ya, kaa ye minaa mu kama kelmo muro ka shaayi kan shii? ⁴¹Kelmomu ka ke dob-dob longku ka ke ti ku yiwanii wee shuranmu ka ke gasshaa. Pene la-moo ye a yu wee daklanim."⁴²Nang shii in tewi ya, "Yeesho, nyimmo kan ne ye ke maa wanna ti ta Gubko." ⁴³ Yeesho in lignon ti shii ya, "Ne ta teuko yen kulli, booi ke ti ku-dang ka shaayi kan ne."⁴⁴Koddi te darang sheraa sherii, pene dil in nummo ta piri we kettan darang.⁴⁵ Birang darang a ti aanam. Nang lanna kawo ta mina Yamma in jaaro taaro palau.⁴⁶Ka ele yen bang, Yeesho in tewi ya, "Fono, ti ta kirako ye ne wesshaa shoomno." Bara ye teka kaa te, in tol shuno nuroni. ⁴⁷Bara ye mongba me an bee deet Rooma ye weyaa shik wee yuwaaro, in kum pinno Yamma ya, "Kulli, la-moo ye kan kpang poshaari."⁴⁸Bara ye memme ding galaa ti po teere ka longku in we wee ta yooro ka dooju, shinui in tudira ku biikiju longku poshaariju yuwaa ding, in kooju. ⁴⁹Pene me ding me jemlaa shii, kan shereb me yinna biinii ti Galiili, shinui in shereju la tali, shinui in ti geen wee ti po teere.⁵⁰Wende ka niyo ye shommoni yaa Yushubu, dok ti shakki men gbidina ti ta mina deewo-paaro Yawudaawa. Shii niyo an kpang poshaari kan ya wee dob-dob. ⁵¹La-moo ye a kum kan sheran-ku paaro ye yuwaa kan wee yuunam. Shii wanna ti Armatiya, gok-mina ye ti Yawuudiya nang shii in ti dangku Gubno Yamma.⁵²La-moo ye in war shikno Bilaatush, in tel shii ka kumano Yeesho. ⁵³Shii in duru kumai, in dau shiki ka lanna yen yelek-yelek, nang in li ti ta duwo ye yemmaa ti shik shiila-gaddi, piree tidai nau liin kuma niyo ti taim.⁵⁴Koddi ker po-waari kan Darang Nessho Yawudaawa nennga yooro. ⁵⁵ Shereb me wanna ka shaayi kan Yeesho ti Galiili in yiu biino Yushubu, shinui in we shik yemman duwo shiilai kan liyan kumai ye liyaan ti tai. ⁵⁶Nang shinui in koona in meeju mina ti Urshaliima, nang in limyo kulinji kan turaali. Pene Darang Nessho Yawudaawa, in nesshina ta shinui longku in shor shiire ye Muuja teka ya mo yu.

Chapter 24

¹Kan vubnai ti Ku darang an dok ti Ku shaklo parilau, sherebi in waru ta duwai, in waru ka kulinji ye shinui limyoo. ²Shinui in wa we shiila ye nummaan fok duwai gbumlaa won. ³Shinui in ri ta duwai, pene a wa kumano Fo-mina Yeeshom.⁴Tidang shinui ti ku nyimmo we te, kpantidi, shwiji shin Palau in Peren ti jelejui ti ta Lanna yen maljo. ⁵Kaa ye shereb shurme kenngeju ka shewo in tuumo kuuju in ti gee buk, me an shuranno Yamma in tewon ti sherebi ya, ''Longku wen ma ti Ku gassho bi mo kan dwei ti shakki me kumai?⁶A doo shim, pene illaani! Ma nyimmo ye shii teka ma koddi shii tida ka shaayi kan ma ti Galiili ya, ⁷ta min La Niyo ti ta kira shwiji me an shek kan ta loo shii, pene ti Ku shaklo an tat ta illoni.''⁸Sherebi in nyimmo wee teka ta shii. ⁹ Bara ye shinui meenan ti ku duwai, shinui in sheero pi we ding ti me an yiu shubet kpumu gee-dok kan peddi ding. ¹⁰Wende Maryamu Magadaaliya kan Jowanna kan Maryamu nonno Yaakubu kan peddi sherebi gbe me teka wee yuwaaro ti me an kaawi.¹¹Pene shinui a kum pi wee sherebi tekam, Longku paarojui ti ta geyanju a doo kwim. ¹²Biiturush in illina ka yoba in war ku duwai, in tuumoni tuumii, shii in we ku jal galan lannai, nang shii in kooni in ti ya nyimmo ti kuuni ka wee yuwaaro.¹³Kpantidi, palau ti shakki me an yiu shubetni ti ku mere war meno-mina Imaawush shakkii pelle mere shuwa darang dok kan Urshaliima. ¹⁴Shinui in ti deppina ti shakkiju ti ku wee ding yuwaaro.¹⁵Kaa ye shinui sheeraa paaroi kan ye shinui deppaan we te, Yeesho po kuuni in amru in yiu ya mere kan shinui. ¹⁶Pene in beelo a doojui jemlo shii.¹⁷Yeesho in tewon ti shinui ya, "Ma ti ku deppo wen ka shaayi ti ku mere mai? Shinui in shereju ka tira poshaari. ¹⁸Dok ti shakkijui ya shommonii Kiloobash, in tel shii ya, "Ke dokko ye kei bino ti Urshaliima yei peno wee yuunaro ti po teere ti ta darang me maa?"¹⁹Yeesho in tel shinui ya, "Wo wen?" Shinui lignon ti shii ya, "Ti kuuno Yeesho niyo Naajeret, shii yei an-pigra, kan bang ti ta ya paaro kan yaani ti toomno Yamma kan memme ding. ²⁰Pene men gbidina me ankpaa kan me a gubmu in min shii mo minin kelmo muro, nang in shemo ter shii ti shik gbong-biro.²¹Pene min liyaa shaari kan shii ta waraa for memme Ishereila ti ta shilibi. Nang wo wen, booyi, bi sho wee yuwaaro booi kan shaklo tai.²²Pene in tokko shaarii, peddi sherebmu in liimu ya maam. Kaa ye shinui waraa ta duwai kan vubnai. ²³Koddi shinui a wa kuma lo-shikniim, Shinui in meeru in wa teumu ya shin weena shik jirim me an shuranno Yamma, ye tennaju ya shii kan dooni. ²⁴Nang peddi men shwiji ti shakkimu in war ta duwai in wa we kaa ye sherebi teka, pene shinui a wa shiim."²⁵Yeesho in tewon ti shinui ya, "Ai, ma me dili kan tira poshaari, yuwaaro shilib ti shik ma man kum pi wee me an-pigra balilaa ti ta paarono Yamma! ²⁶Yikka ti gbare-do Kiriti in taa shilib we te in tang reeni po sha gbeni maa? ²⁷Shii twaalaan dwei ti shinui wee teka ti ta paaro Yamma ti kuunii, wee tangna ti shorono Muuja kan balilan we me an-pigra ding.²⁸Kaa ye shinui nennga tarang meno-mina ye shinui ta waranii, Yeesho in ya kaa pelle shii ta kooni toom. ²⁹Pene shinui in dimmo shii, in ti tewi ta shnui ya, "Deeko ka shaayi kan minu, longku kiryippa nennga yooro kan darang nennga shuworo." Nang Yeesho in ri ka we deeni kan shinui.³⁰Kaayeshii tiku dangla sha gwaang kan shinui, shii in shar we-ta-kele, in pammina ti Yamma, in beblo tai in minin ti shinui. ³¹Nang a doojui in awi ye shinui in jemlo shii, nang in shekenin ti jelejui. ³²Nang shinui in yiu tenglo shaayi ya, "A poshaarimu kama ta ya beere ti ta diimu kama ye shii ti ku yuumu kama paaro ti ku koko in twaalomu kama do paarono Yamma maa?"³³Shinui in illina in meeju Urshaliima ti ta koddi teere. Ti po teere shinui in wa we me an yiu-shubet shin kpumu gee-dok kan peddi galii ka shaayi ³⁴in ti sheera ya, "Fo-mina illaani kulli, kan in shuk dooni ti Biiturush." ³⁵Nang men palawi in sheero pi wee yuunaro ti ku koko, kaa ye shinui jemlaan Yeesho ti ta koddi ye shii beblaan ta we-ta-kelei.³⁶Kaa ye shinui ti ku sheero pi we te, Yeesho po kuuni on perin ti shakkijui, kan in tewon ti shinui ya, "Kuttan shaari mo deero ti kuuma." ³⁷Pene shewo kan gbob-gbob in yiu shinui, kan shinui in nyimmina ya shin weenai shik sha-duwa.³⁸Nang Yeesho in tewon ti shinui ya, "Longku wen ma turmaa mai? Longku wen man ti yuyyo teliyo ti poshaari ma? ³⁹Ma gee ta kirano kan shoono, ye tenei ne ka shikno. Ma nau shikno man geena. Longku an sha-duwoa kan lo kan wiyakum, kaa ye ma weyaa ne kan te." ⁴⁰Bara ye shii teka we te, shii in shukin shik kirani kan shooni ti shinui.⁴¹Nang kaa ye tida shinui kumum longku beere kan maam, shii in tel shinui ya, "Ma kan we po shaani ti po te ya?" ⁴²Shinui in minin buk-buk shuuran shirim, ⁴³nang shii in shari in sha ti a doojui.⁴⁴Shii in tewon ti shinui ya, "Tenei wee ne teka ma ye tida ne ka ne kan ma, wei ding ta kemero ye ballii ti kuuno ti ta Shorono Muuja kan Balila me an-pigra kan Lakarda Jabuura."⁴⁵Nang shii in au poshaarijui, ye shinui in pen wee ballii ti ta paaro Yamma. ⁴⁶Shii in tewon ti shinui ya, "Tei wee ballaa, Kiriti ta sha shilibi, in illoni ti ku shaklo an tat. ⁴⁷Nang min kelaa kan fur-fok ya shasshalau ta ya kaawi ti ta shommoni ti ku-buk ding, ma liiru guni ti Urshaliima.⁴⁸Mai me an jimro ween shurme te. ⁴⁹Gee, Ne ta waraa shurma gun wee Fono kunnga ma piri yau. Pene ma deen man ti po te ti tarang gok-minai, we war koddi ye kumenno Yamma ta kauma kuuma ti ku-dang."⁵⁰Nang Yeesho in peron ka shinui peewe we war koddi ye shinui yuuna nimmi kan Betani. Shii in kirani ti ku-dang in liin kpang ti kuujui. ⁵¹Bara ye shii ti ku liin kpang ti kuujui, shii in wessho shinui in shar shii we ammo ku-dang.⁵²Nang shinui in wau shii in meeju Urshaliima ka beere yen gbe. ⁵³Nang shinui in yiu deeju ti ta Mina Yamma, in ti wau Yamma.

John

Chapter 1

¹Ti liyan guni ka paaro, paaroi gale kan Yamma, nang paaroi Yamma. ²Shii ka shaayi kan Yamma ti liyan guni. ³Yuuna we ɗing ti piree kan shi, moɗa shim, ɗa ɗo wee yuwaam ye yuwaaroi.⁴Ti taani ka ƙerang, nang ƙerang teerei aaro memme. ⁵Aaroi in ti eena ti ta dil, pene dilii lummo kwim.⁶ƙa manni niyoi wanna shunna ti jeleno Yamma, shommoni Yuwana. ⁷Shii wanna ƙa an jimro ti ƙu aaroi, ƙaa te ti piree ƙan shii memme gbe ta ƙumani ƙan shii. ⁸Yuwanai po ƙuuni a aaroim, shii wannai jimro po aaroi.⁹Aaron ƙulli, ye ti min aaro ti niyo ding ta waru ƙubuƙ.¹⁰Shii ti ƙubuƙ, ƙubuƙƙi yunaai ti piree ƙan shi, nang ƙubuƙ a jemlo shiim. ¹¹Wanna shik weeni, pene weeni a yiu shiim.¹²Nang ti me ɗing yikka shi, ti me ƙunnǧa ƙan shɔɔmni, shii minan ƙumen shiwo shiboni. ¹³Shibo ye pattaa a ka dom niyom, a ka nyimmo lɔ-shiƙƙum, a ƙa peen nyimmo niyon ɗinɠum, pene pattan we Yamma.¹⁴Paaroi in shiwoni niyo nang in ɗeni ti shakkimu ƙama. ƙama weya shik shokranni, shokran mara shii ye la ɗok mo wanna ti shikno Fowi Yamma, kemii ƙan ƙunnɠu ƙan yen ƙulli. ¹⁵Yuwana jimraa shii. shiin shɔppɔ fɔƙi ya, ''Tenei shii mo ne teƙa ma na,'shii mo ta waru ti biino yeƙa no ta shii, longƙu shii ɓenano' ''¹⁶Longƙu gbe ƙunnɠuni ye liyamu ƙama ƙunnɠuni gbe ti ƙuumu ƙama. ¹⁷Longƙu minaa shõrõi ti Muuja. ƙunnɠu ƙan ƙulli wanna ti kirano Yeesho Kiriti. ¹⁸A ɗo mo naƙa we shikno Yammam; Yamma ɗokni, mo ti jeleno Fonni, liya in pen Yamma.¹⁹Tenei jimrono Yuwana ƙoɗɗi ye Yahuɗawa me ti Urshalima shuran me an ƙpaa ƙan lewiyawa mo telɔ shii,'' kei nong?''. ²⁰A jimrom - shii a yu jiram tewanim, pene in tewi ya- ''nei Kiritiim,''. ²¹Nang shinui in tel shii ya, '' kei wen penei? kei Ilya?'' in tewi ya, ''nei shim'' shinui ya, ''kei an ƙpaai ya?'' in tewi ya, ''ɔngngɔɔ''²²nang in tewon ti shii ya, '' ƙei nong, longƙu minin me ƙa po shuran ti me shunnamu? ƙe ta tewani wen ti ƙuugei? ²³ in tewi ya, '' nei ele, ye ti ku ya yéé ti ta shwee:'ma shuppo shiƙ ƙoƙono Fomina ɗob,' ƙaa ye Ishaya an ƙpaa teƙa.''²⁴Wende in shur peɗɗi parisawai,²⁵ in tel shii ta shinui ya, ''penei longƙu wen ye ƙe ti ya yulmai ƙe ma Kiriti, koo Ilya koo an ƙpaam?''²⁶Yuwanan liginnon ti shinee, ya, ''Ne ti ya yulmai ƙa doo. pene ƙa mo sheeri ti shaƙƙima ye ma penom. ²⁷shii mo ta waru ti biino ye nei foro nen piɗɗo fwaala taanim.'' ²⁸yuuna we te ɗing ti Betani ti awo shiruƙ Jordan, pirinnee Yuwana ta yuun yulmai.²⁹pirɓong Yuwana in we shikno Yeesho ti ƙu war jeleni nang ya, '' ma gee la galmano Yamma, mo shari kan shasshalau ƙubuƙ!³⁰ tene mono teka na, 'mo ta waru ti biino yeƙa no, longƙu shii ɓenano.' ³¹Ne peno shiim, pene ne ti ya yulmai longƙu shuglo shii ti Ishereila.''³²Nang Yuwana in min jimro, ya, ''Ne weyaa shik shɔɔm ta sharu ti ƙu-dang kaa amaluk in ɗungon ten ti kwi. ³³Ne peno shiim, pene mo shunnano ya no yu yulma ka doo teƙano ya, 'mogo weyaa shɔɔm in ti shaaru in ɗunƙonten ta kwi, teerei mo ti ya yulma ka shɔɔm yen shaana.' ³⁴Nang ne weya shikki nen jiminna we ye yuwaro ƙa te shii laano Yamma.''³⁵Ɓirang,ƙa pirɓong, Yuwana sherii ti po tere ƙan shiboni palau me an yiu shubet, ³⁶in we shikno Yeesho ti ƙu koni, mo Yuwana ya, '' ma gee, la galmano Yamma!''³⁷Ɓara me an yiu shubet nii yara we ye teƙa in yiwoju biino Yeesho. ³⁸Yeeshon shiwo ɗooni in we shinui yinna biini in tel shinui ya, '' ma leƙai wen?'' in liginno ta shinui ya, ''Rabbi'' ( ye ti tewi ka ''An shubet''), '' ƙe ɗegoi tong?'' ³⁹in liginon ya, '' ma waru ma gee.'' Nang in wanna wa geeru po ɗiyoi; in ɗiino ka shaayi darangii, longƙu ƙoɗɗi an ƙpumui.⁴⁰Ɗok ti shaƙƙi men palau ye yara koɗɗi ye Yuwana yuwa paaro in yiwoju biino Yeeshoi Andarawus, molno shimon peter. ⁴¹ƙa toom in we molni ta shimon in tewon ya, ''Min weena an marƙui''( ye ti yei ka:Kiriti). ⁴²In warin shii jeleno Yeesho, Nang Yeeshon gee shii in tewi ya, ''kei shimon laano Yuwana. Ta yiu yeƙoi ka Kebas''(ye ti yei ka Peter).⁴³Pirɓong, Yeesho in li shikni ka we war Galili, in we Philip in tewon ya, ''yiu biino'' ⁴⁴Philipi niyo Bethsaida, minama Andarawus kan Peter.⁴⁵ Philib in weru Nathaniel in tewon, ''mo Muuja yuwan ɓalla ti kwii, ƙan an ƙpaa, min weena shii: Yeesho laano Yusuɓu, mori Nazaret.''⁴⁶Nathaniel in tewon ya,"ƙa wenon ƙpang ta Peru to Nazeret ya?" Philip in liginno ya, "Waru ƙe gee."⁴⁷ Yeesho weya Nathaniel ta waru jeleni in yun paro to kwi ya, "gee, la ishreilan ƙulli, mo a ɗon ɗing ti posheriim!" ⁴⁸Nathaniel in liginno ya, "Ɗuma ke penanoi ka yaa?" Yeeshon liginnon ya,"Koɗɗi ye Philip yiyaangen, ye ma sherii to gun Biro dugni, ne weya shikko."⁴⁹Nathaniel in ɗewina,"Rabbi, kei lano Yamma! kei an gup Israel!" ⁵⁰Nang Yeeshon liginnon ti shii ya, "longƙu ye me teƙƙaƙo, 'Ne weya shikko to gun Biro dugni,' ke kungha? ƙe ta we wene ye yega te gbee." ⁵¹Nang in tewi, "paron ƙpang, yene teƙƙako, ƙe ta we kudang ta aworo, ɓirang me an shuranno Yamma ti ammina in ti gbollu ti Ku la niyon ding."

Chapter 2

¹Ti ƙu Shakkloo an tat, ka ɗau ɗiyoo ti Cana ye ti Galili, Nonno Yeesho ka te ti po terei. ²Yeena Yeesho ƙan me an shuranni we war fok ɗau ɗiyoi.³Koɗɗinee ye meni wilaro, Nonno Yeeshon tewon ti shii, "A kan men ta shinuim." ⁴Yeeshon liginon ti tei, "Pomun, shi wanna shignoi yeen? ɗang koɗɗinoi yum." ⁵Nonee in tewon ti me an shurannii, "Maa wee ye tegama ɗing, ma yu."⁶Pene ka digre shela paragbanang ye ti ɗeron doo we ya waar Yahuɗawa koɗɗi fuɗuro we, koo shire ti shari ɗiye Palau koo tat.⁷ Yeeshon tewon ti shinee, "Ma kemro digre dooi ka mang doo." In kemron dooi ta shinui fovoj-fovoj.⁸ Nang in tewon ti me an shurannii, "Ma ɗuwa ma warin ti mo an toomi." In ɗuuna ta shinui.⁹Ɓara ye an toom ɗiyoi naga doo ye shigoro meni, shii a peno pirinee ye pennanum(pene me an shurannii ye ɗuuna dooi Pena). Nang in yee an ɗiyoi ¹⁰in tewon ti shii, "Koo nong ti minii men yen ɗeni ka toom in ɓeron bi ka yee ɗ̇enum mi koɗɗi ye koo nong ƙengheni.Pene ke ɗanghan yen ɗeni bi ɗing wende."¹¹Tenei we maam an ɗok ye Yeesho yuwa ti Cana ye ti Galili, in shug shɔɔmni, me an shurannii in ƙumi ƙan shii.¹²Ƙa bi wete Yeesho, noni, ma moloni, ƙan me an shurannii in warju Kaparnaum in la shagilla ti po tere.¹³Ɓara ye koɗɗi peewe teelani ta we Yahuɗawa yuwaaro,Yeeshon ammo Urshalima. ¹⁴Shii in we me an piplani ka tangka kan dinnyi kan bakri ti ta mina Yamma, me an pairo ƙu ƙine ka shinu ti poo teere.¹⁵Nang in jam fwaala we ɓiro-ɓiro in ƙajiyon shinii ɗing ti ta mina Yamma, ƙama me an dinnyi kan tangkai. In wakyo ta ƙine me an pairo ku ƙinei ƙan ɗanglai ɗing. ¹⁶Ti me an piplo we ka bakri in tewon ya, "Ma pepron ka we te ti po lee. Ma wejo shiwon minano Fono po piplo wei."¹⁷Me an yiu shubetnii in nyimmina ya ɓallai ɓalli," Leu minako ta ƙurno." ¹⁸Nang me an toom Yahuɗawa in liginnon ti shii ya, "Ke ta shukmui we maam wen, ye ke ti ya peen we tei ya?" ¹⁹Yeeshon ɗewina, "Ma vuuro mina Yamma te, ti ta shaklo tat ne ta ɗig bi."²⁰Me an toom Yahuɗawa in liginno ya, " Ɗigo mina Yamma ye ti ta sheno noo-peereu ƙan paragbanang, ka ke ta ɗig bi ti shakki shaklo tat?"²¹ Pene, mina Yamma ye shii ti sheero piri lo-shikni. ²²Ka bi ye shokraa shii ti ta duwoo, me an yiu shubet nii in nyimmina ya shii teka we te, shinee in ƙumi ka paaro Yamma kan paaro ye Yeesho teƙai.²³Wende kaa ye shii ti Urshalima ti ku ya temre teelanii, memme gbe in kumi kan shommonii in weiyo shik we maam ye shii yuwa. ²⁴Pene Yeesho a kum kan shinuim longƙu ye penaa shinui ɗing, ²⁵Longƙu shii a lewo mondok in jimro niyom, Longƙu peena ta shii we ti ta la-niyo.

Chapter 3

¹Wende ka manni niyo parishaawai shommoni Nikidimu, an toom Yahuɗawa. ²La moo in waru jeleno Yeesho ka yippo in tewon ti shii ya, "An shubet, min penaa kei an shubet mo wanna ti shikno Yamma, longƙu a ɗoo mo ta ya shuran maam ye ke ti yam maa ɗoo Yamma ti shikno muyeem."³Yeeshon liginon ya, " Ne teƙa ƙo yen ƙulli, ma patto niyo birangkum, a ta we kpadano Yammam."⁴ Nikodimu in tewon ti shii ya, " Ta patto niyo biranghi ka yee ye fuwaa po koronii? A ta ɗum ri ta aano nonni in patto bim, ta yoraa?"⁵Yeeshon liginno," Ne teƙa ƙo yen ƙulli, ma patto munɗok ƙa doo ƙan shɔɔmum, a ta ri ta ƙpadano Yammam. ⁶Wee ye pattaa ta lo-shikii lo-shik, ye pattaa ta shɔɔmii shɔɔm.⁷Wejo sharani ka jamo-jamoi ye ne teƙa ƙo, 'mo pattoko ɓirangii.' ⁸Pirit ti pittinei ti piree leƙa ta tei; ƙen ti yaaro elei, pene ƙei peno pirinee ye wannanum koo pirinee ye ta waranim. Ƙa te ti mo pattaa shii shɔɔm."⁹Nikidimu in liginon ti shii, "Ta yoro kaa tei ƙa yaa?" ¹⁰Yeeshon tewon, "Ƙei an shubet ti Israel maa, pene ƙei peno we te ɗingkum ya? ¹¹Ne teƙa ƙo yen ƙulli, min ti tewii wenee ye min penaa, minin ti jiminnai wee min weya shikki. Ƙa tei mai ƙum ƙan jimromum.¹²Manaa teƙa ma paaro we ƙubuk mai ƙumum, ma ta ƙumani ƙa yaa ye manaa teƙa mai paaro ƙudang? ¹³A ɗoo mo amma ƙudangkum ɓara mo shaana ti ƙudang - La niyo.¹⁴Ƙaa ye Muuja shokraa kuret ti ta shwee, ƙaa tei ta shokro la niyo ti ƙudang, ¹⁵longƙu ɗing mo ƙunnga ƙan shii ta we ƙerang po-ɗing.¹⁶Longƙu Yamma leƙa ƙubuk, in minnu ɗok laani, ya ma mo ƙunnga ƙan shii a ta ƙoon shwallum pene ta we ƙerang po-ɗing. ¹⁷Longƙu Yamma a shuru laani ti ƙuɓuk we shiiro ƙuɓukum, penei longƙu we marƙu ƙuɓuk.¹⁸ Mo ɗing ƙunnga ƙan shii a shiiro shiim, pene ma moi ƙumu ƙan shiim fuwaa po shiiro shii longƙu ne a ƙumu ka shommo laano Yammam.¹⁹Tenei paaro shirei:Aaro riina ƙubuk, memmen leweju dil tiku aaroi longƙu shuranjui shek. ²⁰Mo ti ya shek ɗing a lewo aarom, a ti war pirinnee ƙan aarom, longƙu wo we shii ti yai peru pewe. ²¹Pene, mo ti ya ween ƙpang ti war jele aaro longƙu memmen we shik wee ti yai ti taano Yamma²²Ka biino te, Yeesho ƙan me an yiu shubetni in war ƙuɓuk Judea. Ti po terei in la shaƙilla ƙan shinui in ya yulma. ²³Wende Yuwaana in ti ya yulma ti Aenon nimmi ƙan Salim longƙu ka doo gbe ti po tere. Memmen ti waru jelei inti yun yulma, ²⁴longƙu tiɗang a ving Yuwaana ta mina muruƙum.²⁵Pene jiram in illina shakki peɗɗi me an yiu shubet no Yuwaana kan manni la Yahudawai ti ku pewe waar shutto. ²⁶In war shikno Yuwaana in tewon ya, "An shubet, la mo ma ka shaayi ti awa shiruk Jordan, mogo yuwan paaro ti ƙunii, gee, ti po ya yulma, memme ɗing ti warju jelei."²⁷Yuwaanan liginon,"La niyo a ta we wem maa minnin ti shii ti ƙudangum. ²⁸Ma po ƙuuma ma penaa ne teƙa, 'Nei Kiritiim,' pene,'shunnanoi ti toomnii.'²⁹La woorii weeno mo an ɗiyoi. wende an jeerei mo sheeri in yaaro shii, twaalo po-sheerini longƙu eleno an ɗiyoi. Tenei, pene, twaalan ƙebeno ƙenga. ³⁰Shii ta yooni toom-toom nen ti yunno ka bi.³¹Mo shana ti ƙudang ti ta ƙuno koonong. Mo ti ƙuɓuk wannai ti ƙuɓuk in ti yai paaro ƙuɓuk. Mo shana ti ƙudang ta ƙu we ɗing.³² Shii ti tewi we ye wena in yaattu, pene a ɗoo mo ƙunnga paaroniim. ³³Mo yikka paaronii ƙunnga ya Yammai yen ƙulli.³⁴Longƙu mo Yamma shunnai ti yai paarono Yamma. Longƙu Yamma minan shɔɔmi a ƙan ɓelan po biroiim. ³⁵Fowi leƙa laani in minin wei ɗing ti ta ƙirai. ³⁶Mo ƙunnga ƙan lai ƙan ƙerang po-ɗing, pene moi ƙumu ƙan laiim a ta we shik ƙerangum, pene ɗenno Yamma ta ɗiyon ti kwi."

Chapter 4

¹Wende Yeesho penaa Parishaawa yaara shi ti we me an yiu biini gbe shin ti ya yulma ye yeka sheno Yuwaana ²(Yeesho ti ya yulmai ka shiknim, ti yai me an yiu shubetni), ³shii in wejo judea in meeni Galili ɓirang.⁴Pene yikka shii ti gbare-ɗo in yiwoni Samaria. ⁵Nang in waru manni gog minai ti Samaria, ye ti yei ka Sychar, nimmi kan doong ye Yaakubu mina ti laani ta Yusubu.⁶Giɗo doono Yaakubu ti po tere. Yeesho ɓaloni ti ku mere nang in ɗeenin ti po giɗo dooi. Koɗɗi ka pelle sheri darang. ⁷Poomun Samariya in waraa kpe dob, Yeeshon yuun paaro ya, "Minno doo ne sho." ⁸Longƙu me an shubetni worojui pil we shiina.⁹Nang poomun Samariyai in tewon ti shii, "Ta yoroi ka yaa kei, niyo Yahuudu, ken tello, ne yenei poomun Samariya, ne mingko we she?" A ɗoo we taaka Yahudawa kan Samariyawam. ¹⁰Yeeshon liginon ti tei ya, "Moda shi ta penaa kunngu no Yamma, kan mo teka ji, 'Minno doo she,' shi da tela shii, da minaji doo ye kan doi."¹¹Poomuni in liginno ya, "An shubet, ƙe ƙan we ɗuwa dooim giɗo doi joori. Pene ƙe ta weru doo ye kan ɗoi ti tong? ¹²ƙei yeƙo fomu ta Yaakubum, mo minamu giɗo doim shii po ƙuni in she doi, kan shiɓoni kan we ta gunni?"¹³Yeeshon liginon ti tei, "Mo ɗing sheeyaa doo te ta yaaro isshi fok ɓirang, ¹⁴pene mo ta she doo yene ta minin a ta yaaro isshi fokum. nang, doo yene ta minin ti shii ta shiworo po-vol doo ti ta aanii, in ti shiittu we war ƙerang po-ɗing."¹⁵Poomunii in tewon ti shii, "An shubet, minno doo te longƙu ne ta yaaro isshi foƙum ne ta waru po tei ƙpe doo birangƙum." ¹⁶Yeeshon liginnon ti tei, "Koo, yeeru mannaji, man meru po te."¹⁷Poomuni in ɗewina in tewon ti shii, "Nei kan mannanom." Yeeshon ɗewina,"Paaroji ƙpang yeji teƙa, 'nei ƙan mannanom,' ¹⁸longƙu ye swiji kuji fuuwat, mo ma ka shaayi a mannajim. Wee shi tekai yen ƙulli."¹⁹Poomuni in tewon ti shii, "An shubet, ne geeƙa ƙei an pigro. ²⁰Ma fowonmu ti wau Yamma ti ƙu sheela te, ɓirang man ti tewi ma ya Urshalimai pirinne memme po yuun wawoi."²¹Yeeshon tewon ti tei, "Poomun, ƙumu kan ne, koɗɗii ta waru ye ma ta wau Yamma a ti ku sheelaim koo Urshalimam. ²²Ma ti wauwi wene ye ma penom. Min ti wawi wene min penaa, longƙu marƙwi wannai ti shik Yahudaawa.²³Nang, koɗɗi ta waru, foonnaro wendei, me an wauwo yen ƙulli ta wau Yammai ti ta Shɔɔm ƙan yen ƙulli, Yamma ti lewi peenjui in yoju an wau ni. ²⁴Yammai Shɔɔm, me an wau shii mo yu ti ta shɔɔm yen ƙulli."²⁵Poomuni in tewon ti shii, "Ne penaa an marƙu ta waru (mo ti ye ka Kiriti). Ma foonna, ta teumu wei ɗing." ²⁶Yeeshon tewon ti tei, "Nei shii, mo ti yuuji paaro wendei."²⁷Nang ta koɗɗi terei me an yiu shubetnii in meeruju. Wende in ti shangla ti po-sheeriju longƙu wen yeen ti ya paaro ƙan poomun yei, pene a ɗon mo teƙa, "Ƙe leƙai wenaam?" koo "Longƙu wen ƙe ta ya paaro kan tei?"²⁸Nang tei in wessho la ɗiye dooi, in me tarang mina, in tewi ti memme, ²⁹"Ma waru, ma gee niyo mo tekano wee na yuwa ɗing ti ta ɗiyono. Tene menomi Kiriti, ƙullee?" ³⁰In wejuru tarang mini in waru jelenii.³¹Ta koɗɗii, me an yiu shubetnii in beng shii, ya, "An shubet, shu weshiina."³² Nang in liginnon ti shinui, "Ne kan we shaani ye mai peno gunim." ³³Ɓirang me an yiu shubetnii in tewi ti shaayi, Ka mo wannan ka weshiina ɗee?, wo nong?"³⁴Yeeshon liginon ti shinui, "Gwangnoi nen yai wee mo shunnano leka nen wiilo shurannii. ³⁵Mai tewo ma ya, 'Digi tere peereu koɗɗi kassho weshiina in ya maa'? Ne ta teuma, ma shokro ɗo man gee kudam, niyoro foraa kasshani! ³⁶Mo an kassho ti yiu weji shuranni in gal do weshiina we war kerang po-ɗing, longƙu mo an toɓɓani kan mo an kasshani in ɓeere ka shaayi.³⁷Kaa ye ti tewi, 'monɗok toɓɓaa, mannin kasshina,' yen kulli. ³⁸Ne shuraama ka we kassho wee mai shurum, ma riyaa ta ɓalaju."³⁹An gbe Shamaariyawa me ti po tere in ƙumi kan shii longƙu paaro poomun ye ti tewi, "Shii tekano wee ne yuwa ɗing ta ɗiyono." ⁴⁰Nang koɗɗi ye Shamaariyawai wanna jelenii, ya pemo ɗiyo ti jeleju, in ɗiino ta shii po shaklo paalau.⁴¹Nang memme gbe in ƙumi kan shii longƙu paaroni ye teɓɓraa. ⁴²In tewon ti poomuni, "Ɓirang minii ƙumu longƙu paarojim, min yaara ka kumomu, minin peni kulli tene mo an marku ƙubuk ɗing."⁴³Ka bi shaklo paalawi, nang shii in illina in warni Galili. ⁴⁴Longku Yeesho po kuuni sheera ya an pigro a ti we kumen ti gokminanim. ⁴⁵Kaa ye shii foraa Galili, me ti Galilin yiu shii kpang. Shinui weena shik wee ye shii yuuna ding ta Urshalima koddi pewejui, shinui ma waraa po pewei.⁴⁶Ɓirang shii in war Kaana ye ti Galili, pirinnee ye shigon doo yoro men. Kan manni mo gbo ta mina gub ye laani ɓangkum ti Kaparnaaum. ⁴⁷Ɓara ye yaara ya Yeesho foonna Galili wanna ti Yahuudiya, shii in war jeleno Yeesho in beng shi mo wa tasho pira laani, ye yuwa nimmi muroni.⁴⁸Nang Yeeshon tewon ti shii,"Ma maa wa shik we temom, ma ti kumim." ⁴⁹Mo an toom mo tewon ti shii ya, "An shubet, kooru wei yoo laano muroni." ⁵⁰Yeeshon liginon, "koo. laako illoni." Lamoo in kumi ka paaro ye Yeesho tekani, in kooni.⁵¹Kaa ye shii ti ku gbolluni, shooknii in we shii, in tewon ya laani illoni. ⁵²Nang in tel shinui koɗɗinee ye illanii. In tewon ti shii, "kpolo ti ta koɗɗi an parlau ye pirai peraan ti shik lai."⁵³Nang fo lai in nyimmina wo ti ta koɗɗi terei ye Yeeshon tekani, "Laako illoni." Nang shii po kuni kan ta minani ɗing in ƙumi. ⁵⁴Tenei an palau maam ye Yeesho yuwa koɗɗi ye penneni ti Yahuudiya we war Galili.

Chapter 5

¹Ka biino te ka temre Yahuudawa, Yeeshon ammo Urshalima. ²Wende ti Urshalima ti po dang dinnyi ka paali doo, ye ti yei ka Bethasda ti fo Aramaic, kan limyon tam fuuwat ti foki. ³Me shikjui ɓangkum ti galin ti foki, Anfugum, kuulo, ƙuttin ti po terei⁴⁵Ka manni niyoi yei ɓangkum po sheeno naa-tat kan piɗiɗou.⁶ Ɓara ye Yeesho weyaa shiknii kuttiin ti po terei, ɓirang penaa ɗiyo ɓakk, in tewon ti shii, "Ke leka illoko ya?"⁷Mo an ɓaushikki in liginno, "An shubet, nei kan niyonom mo ta showinnen ta dooim koɗɗi ne ye ma lugro shik dooi. Mana illa, monɗok in ɓeeno." ⁸Yeeshon tewon ti shii, "Illo shikko, shar we po shakloƙo, ƙen ƙona."⁹Kpantidi shwiji mon illoni, in shar we po shakloni in koni. Nang darang terei koɗɗi nessho Yahuudawa.¹⁰Nang Yahuudawa in tewon ti mo lo-shiknii yuwa ɓangkii,"Ɓooyii darang nessho a yu kpang ƙen shar irauƙom." ¹¹In ɗewina ta shii, "Mo niyon ka nei tekano 'shar irauko ƙen ƙoƙo.'"¹²Shinuii in tel shii, "Wo nong mo tekako ya, 'sharu ken konai'?" ¹³Pene niyo ye weyaa ɓangshiknii a peno niyoim longƙu Yeesho fuwaa po kooni ka jiri, longƙu ƙa memme gbe ti po tere.¹⁴Ka bi, Yeeshon wa we shii ti ta mina Yamma in tewon ti shii, "Gee, shikko yuwa ɓang! mogo yu shasshalau ɓirangkum, longƙu wee yeƙa te ta weeƙo." ¹⁵Swhiji mon kooni in wa tewi ti Yahuudawa mo neeyon ka shii Yeesho.¹⁶Longƙu ka te, Yahuudawa in yiu kpiiro Yeesho longƙu shii ti yuyyo we tei darang nesho Yahuudawa. ¹⁷Yeeshon tewon ti shinui, "Fonno ti ku ya shuranni we war wende, ne po ƙuuno, maa, nen ti ya shuran."¹⁸ Longƙuuno te, Yahuudawa in gassho ƙoƙo kping ka we tuk shii a ɓara ti ku au sho ti ku paaro darang nesshom, ɓirang in ye Yamma ya fonni, in shiwon ƙuuni dob kan Yamma.¹⁹Yeeshon liginon ti shinui, "Yen kulli, lai a ta dum ya we po kuunim, ɓara we ye weyaa foni ti ya, we ye fowi ti ya, lai in ti yai terei. ²⁰Longƙu fowi leka laani in ti shukin we ɗing ye shii ti ya, ta ɗum shukin we yen gbo ye yeka te longku man ya maam.²¹Longƙu ƙaa ye ɓara fowi Yamma ti shokro me muroju in minin ƙerang, lai ma ti min ƙerang ti ko nong ye leƙa ta shii. ²²Ɓirang Fowi a ti shiiro niyom, mina paaro shiirei ti laani ²³longƙu koo nong in min gbe ti lai ka ye ti minin gbe ti fowii. Moi ti min gbe ti laiim a ti minin ti fowii ye shunna shiim.²⁴Ne teƙa ma yen ƙulli, mo ti yaaro paarono in ƙumi ƙan mo shunnano kan ƙerang po-ɗing a ta ving shiim, pene teleni ti ku muroo in weni ƙerang.²⁵Ne teƙa ma yen ƙulli, koɗɗi ta waru, wannaro wende, ye kuma niyo ta yaaro eleno laano Yamma, me yaara ɗing ta ɗiyoni²⁶Kaa ye fowii kan ƙerang ti taani, kaa te shii ƙunga piri ti laani mo yooni kan ƙerang ti taani,²⁷ an fowii minan ti lai kumenni mo yu shiire longkui shii la niyon-ɗing.²⁸Ma wessho ya maam ka tei, koɗɗi ta waru ye me ti ta duwoju ta yaaro elenii ²⁹in pepittu: me yuwa ween kpang ta illoju ti ta ƙerang, nang me yuwaa shek ta ya illit we war po shiire.³⁰Ka shikno a ɗoo we ne ta ɗum yaanim. Kaa yene yaara, nen shiirro, shiironoi yen kpang longƙu ne ta gasshani leu ƙumennom penei ƙumenno mo shunnano.³¹ Ma nei ɗikka ƙuuno ka shikno, ɗikkan ƙuunoi a yen ƙullim. ³²Ka manni niyoi ye ta ɗikkono ƙuuno, ne penaa ɗikko ƙuuno ye ta yaani yen ƙulli.³³Ma shuraa ti shikno Yuwaana, in ɗikkurui ku paaron kpang. ³⁴Ɗikko ku ye ne ti wei a ti kira niyon-dingum. Ne teka we te longku na man we marku. ³⁵Yuwaanai wulon deet ye ti aari in ti eena, man kumi ma ta ya bere ti ta aaranni koɗɗi la-wiu.³⁶ƙan ɗikko ku ƙan gboi ye yeka sheeno Yuwaana, longƙu shuranno Fowi ye mnano ya no wilo, shuran yene ti po yaanii, dikka ƙuuno ya Fowi shunnano. ³⁷An fowi ye shunnanoi ɗ0ikkano ƙuuno. Mai nau yaaro eleniim koo we shikniim. ³⁸A ɗoo paaroni ti ta aamam, longƙu mai mun ƙumenma kan mo shunnaiim.³⁹Man ti sheu ta paaro Yamma maa ya kaare yaani ka tere ma ta we ƙerang po-ɗing, pene paaro ɗingti ɗikkinai ƙuuno, ⁴⁰ɓirang mai lewo waru jeleno man we ƙerangum.⁴¹Ne ti yiu ɓeere ɗiƙƙo ti kira niyom, ⁴²longƙu ne penaa ma kan leu Yamma ti taamam.⁴³Ne wanna ti shoomono fonno, mai yiunom. munɗok ma wanna ka shomoni po ƙuuni, ma ta yiu shii. ⁴⁴Ma ta ƙumani ka yaa, ma me tiyiu ɗikko ku ti kira shaayi pene ma ti gassho ye ti waru ti kirano Yamma?⁴⁵Ma wejo nyimmani ne ta ya paaroma ti toom an Fowee. Mo ti ya paaromai Muuja, mo ma liyaan sheerima. ⁴⁶Ma maa ƙunga kan Muuja, ma ta ƙumani kan ne, longƙu shii yuwa ɓallai ti ƙuuno. ⁴⁷Ma mai kum kan ɓallanim, ma ta ƙum paaronoi ka yaa?"

Chapter 6

¹Ka bi we te, Yeesho in teeleni aa-shiiruk Galili, ye ti ye ka shiiruk Tibeeriya. ²Jimo memme gbe in yiu biinii longƙu shinui weya shik we maam ye yuwa ti ku me an bau-shik. ³Yeesho in ammoni ku sheela in ɗeeni ɗii kan me an yiu shubetni.⁴(Koɗɗii temre teelani, we Yahuudawa foonnaro.) ⁵Ɓara ye Yeesho ɗeera ɗooni in we shik jimo gbe ta waru shikni, in tewi ti Pilibush, "Ƙama ta pillu we-ta-ƙelei tong ye memme tei po shaanii?" ⁶(Pene Yeesho yuwa telyoi we nau Pilibush, shii po ƙuuni penaa we po yaani.)⁷Pilibush in liginon ti shii, "We-ta-kele po shig-palau a ta foro koonong in we koo la wiwum." ⁸mundok an yiu shubetnii, Andarawus, mollo Shimon Biiturush, in tewi ti Yessho, ⁹" Ka la wono kan we-ta-kele fuuwat kan shirim palau, pene ta ya wen ti galan memme tei?"¹⁰Yeeshon ɗewina, "ma li memmei mo ɗeeju ɗii." Ka shwee gbe ti po tere. nang memmei in ɗeeju ɗii, pelle shin shig-shig sho naa-fuuwat ta gbeju. ¹¹Nang Yeesho in shokro appan we-ta-kelei ka bi ye pammaa ti Yamma, in ɓwatton ti me ɗeejeeyejui ɗii. In ya ka terei ti shirimi, ka ye leka ding ti shinui.¹² Ɓara ye memmei kemreeju, Shii in tewi ti me an yiu shubetni,"Ma gal ɗo ɗigi ɓuk-ɓuk we ye ɗiyo, longƙu a ɗoo ye ta ɗaklorom."¹³Nang in ganglo ɗoi in ƙemro jungrong kpumu-gei-palau ta ɓuk-ɓuk we-ta-kele fuuwat ye memme shuwai. ¹⁴Nang, ɓara ye memme weya we ye yuwa te ta shii, in tewi ta shinui, " Yen ƙulli tenei An-pigro mo ta waru ƙubuki." ¹⁵Ɓara ye Yeesho penaa leka lini gub ti ƙuuni ka ɓang, in meeni ku sheelai shi ɗokni.¹⁶Ɓara ye kiryippo yuwaa, me an yiu shubetni in shaaju ta shiiruk. ¹⁷In reeju ta gong-doo, ta teeleju we war kapanaawum. Koɗɗii ta piri yippaaro, tiɗang Yeeshoi waru footu shikjuim. ¹⁸Pirit yen ɓang in ti ƙoona, shiiruki in ti miɗɗo shikro kping.¹⁹Ɓara ye shinui keyaa dooi po stadia naa-palau-kan-fuuwat we war naa-tat, in we Yeesho ta yuuru mere ti ku doo in ti nemru shik gongi, shewon yiu shinui.²⁰ Nang in tewon ti shinui, "Na ne! ma wejo ya shewoi." ²¹Pene shinui in waraa kum shi ka we riru ta gongi, Nang kan wende-wendei gongi in kuman fororo pirinnee ta waraanii.²²Pirɓong, jimo me sheerin ti po awo shiiruki in jemilla ɗigi ɓara gong-doo ɗok, Yeesho a ri tai kan me an yiu shubetnim ɓara jalju. ²³Nang, ka peɗɗi gong-dooi ye foonna ti Tiberiya nimmi kan piree ye shinui shuwan we shiina we-ta-kele ka bi ye Fo-mina pammaa ti Yammai.²⁴Ɓara ye jimoi jemlaa ya Yeesho kan me an yiu shubetni a ɗoo shinu ti po terem, shinui in reeju ta gong-doo in warju Kaparnaawum gassho biino Yeesho. ²⁵Ɓara ye weya shii ti awa-shiruk, in tewon ti shii,"An-shubet, ke wanna po tei ɗimin?"²⁶Yeeshon liginno, ya, "Ne teƙa ma yen ƙulli, ma ta gassho biino, a longƙu ma weyaa we maamum, pene longƙu ma shuwaa appan we-ta-kele man ƙemroma. ²⁷Ma wessho ya shuran longƙu wesshina ya ta ɗakloroi, pene ma yui longƙu wesshina ye ta ɗiyoni po-ɗing ye la-niyo ta minma, longku Yamma an Fowi liyan jimroni ti kwi."²⁸Nang shinui in tel shii, "Min ta yaani wen, longƙu minin ya shuranno Yammai?" ²⁹Yeeshon liginon ti shinui, "Tenei shuranno Yamma: Ya ma ƙumu kan moji shunna."³⁰Nang shinui in liginnon ti shii,"Ƙe ta yaani maam wen, longƙu minin ƙumi ƙan ƙei? ke tayaani wen? ³¹Ma fowonmu shuwa Manna ti ta swee, ka ye ɓallii, 'Minaan We-ta-kele ti shinui ti ƙudang mo shu.'"³²Yeesho in tewon ti shinui, "Ne teƙa ma yen ƙulli, a Muuja ye minama we-ta-kele ti ƙudangum, penei fono ye minaa ma we-ta-kele yen ƙulli ti kudang. ³³Longƙu we-ta-keleno Yamma shaanai ti ƙudang in min kerang ti ƙuɓuk." In liginnon ti shii ta shinui, ³⁴"An-shubet, yiu minmu we-ta-kele te ko ɗimin."³⁵Nang Yeeshon tewon ti shinui, "Nei we-ta-kele ƙerang; mo wanna shikno a ta yaaro kpiyamum, mo ƙunga kan ne a ta ya isshi foƙum. ³⁶Pene ne teka ma ƙulli ma weya shikno, pene mai ƙumum. ³⁷Mo fono minano ɗing ta waru shikno, nang mo wanna ɗing na kai bim.³⁸Longƙu ne shaanai ti ƙudang, a longƙu nen ya we po ƙuunom, pene longƙu ye nen ya weno mo shunnano. ³⁹Tenei we mo shunnaano leka, ya mono wejo ving koo niyo ɗok ti shakki moji minanoi, pene mono shokro shinui koɗɗi illit ƙuɓuk. ⁴⁰Tenei lewanno fono, ya konong mo weya shik lai in kumi kan shii ta we ƙerang poɗing ɓirang ne ta shokro shii darang illit ƙuɓuk."⁴¹Nang Yahuudawan yiu kpanglo den ƙan shii longƙu teƙa ta shii, "Nei we-ta-kele ye shaana ti ƙudang." ⁴²Shinui in tewi, "Tene Yeesho laano Yushubu, mo min penaa fowi kan nonim ya? pene ta tewani wendei ka yaa, 'Ne shaanai ti ƙudangi'?"⁴³Yeeshon liginon in tewon ti shinui, "Ma wessho kpanglo ɗen ƙan shaayi. ⁴⁴A ɗoo mo ta waru jelenom ɓara mo Fono ye shunnano yeena shii, nang ne ta shokro shii ti koɗɗi illit ƙubuk. ⁴⁵Ɓallii ti ta me An-pigro, 'Konong ta shuppo shii Yamma.' Konong mo yaara in pen we ti kirano Fonno ta waru jeleno.⁴⁶A paaro ya ka mo weya shik Fowiim, bara mo penna ti jeleno Yamma - mo weya shik Fowii. ⁴⁷Ne teka ma yen kulli, mo ƙunga ƙan ƙerang po-ɗing.⁴⁸Nei we-ta-kele ƙerang. ⁴⁹Ma fowonma shuwai Manna ti ta shwee, in muttoju.⁵⁰Tenei we-ta-kele ye shaana ti ƙudang, longƙu munɗok ma shuwaa a ta muranim. ⁵¹Nei we-ta-kele ye kan ɗoi ye shaana ti kudang. Ma mo shuwaa peɗɗi we-ta-kele ye, ta ɗiyoni po-ɗing. We-ta-kele yene ta min mai lo-shikno ka we ƙerang ƙuɓuk."⁵²Nang Yahuudawa in ɗaklo ta aaju ka shaayi in yiu tebrani, "La mo ta tang min mu kama lo-shikni kaman shai ka yaa?" ⁵³Nang Yeeshon tewon ti shinui, "Ne teka ma yen ƙulli, ma mai aɗɗo lo-shik la niyom man she dom niim, ma ta we ƙerang ti taamam.⁵⁴Mo aɗɗaa lo-shikno in she domno kan kerang po-ɗing, nang ne ta shokro shii darang illit. ⁵⁵Longku lo-shiknoi wesshinan ƙulli, domnoi we shiiyani yen ƙulli. ⁵⁶Mo aɗɗaa lo-shikno in she domno ɗii ta aano, ne ti taani.⁵⁷Kaa ye Fowi mo kan ɗoi shunnano, ka yene dii longƙuno an Fowi, nang mo aɗɗaano, shii ta ɗiyoni longƙuuno. ⁵⁸Tenei we-ta-kele ye shaana ti ƙudang, a ƙaa ye ma fowon shuwa in muttoju. Mo shuwa we-ta-kele te ta diyoni po-ɗing." ⁵⁹Pene Yeesho teka we te ti mina-abo koɗɗinee ye ta yuun shubet ti Kaparnaawum.⁶⁰Nang gbe me an yiu shubetni me yaara we te in tewi ya, "Tenei shubet yen shilip; ta yiwani nong?" ⁶¹Yeesho, longƙu penaa ta shii me an yiu shubetni ta muƙƙo paaro ye, tewon ti shinui, "We te ɗaklaa ma ta aama ɗa?⁶²Pene ma ta yaani ka yaa ma maa weyaa la niyo ta ammoni piree kan shii milami? ⁶³Ti li ƙerangi shɔɔm; lo-shikgii wenan ɗogum. Paaro ye ne yuwamai shoom, tei ɓirangi ƙerang.⁶⁴Pene ka peɗɗi ma mei ƙumum." Longƙu Yeesho penaa ti liyan guni mei ta ƙumanim kan me ta pilin ka shi. ⁶⁵Shii in tewi, "Wo longƙu we tei yene teka na a ɗon mo ta waru jelenom ɓara mo minan ta An-Fowi."⁶⁶Longƙuno te, me an yiu shubetni gbe in kopyoju in kuroju yiu biinii. ⁶⁷Nang Yeeshon tewon ti me kpumu-ge-palauwi, "Ma leka ƙooma shema da?" ⁶⁸Shimon Biturush in ɗewina, "Fo-mina, min ta warani jeleno nong? ke kan paaro ƙerang po-ɗing, ⁶⁹nang min ƙunga minin peni kai an shaanno Yamma."⁷⁰Yeeshon tewon ti shinui, "Shaƙƙa mai ne maa, ma kpumu-gei-palau, ɗok ti shakkimai shuuro?" ⁷¹Nang ti yai paarono Yawuda laano Shimon Iskariyoti, wo shii, ti shakki kpumu-gei-palau, ye ta pilani ka Yeesho.

Chapter 7

¹Ka biino te Yeeshon yuyyo memmere ti Galili, longƙu a lewo ri Judiyam longƙu Yahuudawa leƙa gassho po tuk shii. ²Koɗɗi temre Tam we Yahuudawa nemna.³Ma molonii in tewon ti shii, "Wessho po te ken warƙo Judiya, longƙu me an yiushubetƙo in we shik shuran ye ki ta ya. ⁴A ɗoo mo ti ya we ka lattom shii ma leƙa in penni. Ma ka yuwa we te , shuk ƙuuƙo ti memme ƙubuk."⁵Koo ma molonni a ƙum kan shiim. ⁶Nang Yeeshon tewon ti shinui, " Ɗang koɗɗinoi yum, pene koo ɗimini koɗɗima. ⁷ƙubukki ta ƙuramam, pene ƙurano longƙu ye ne teƙa na shuranroi shek.⁸Ma ƙoo ammo po temrei; Ne ta ammani ɗangum tiɗang koɗɗinei yum." ⁹Ka bi ye teka we te ti shinui, in ɗeeni ti Galili.¹⁰Ɓara ye ma molonii ƙooƙa ammo po temrei, shii in ƙoo ammani, a shuk ƙuunim paɗɗai shikni.¹¹ Yahuudawan ti gassho bi ti po temrei ya, "Wo tong ta shii?"¹²Ka pappaaro gbe ti ƙuunii ti shakki jimoi. Peɗɗi ya, "shii niyon kpang." Ɗigin ti tewi, "ɔngngɔɔ, shii ɗoƙƙa memme." ¹³Pene a ɗoo mo pennan pewe ka paaroim longƙu shi Yahuudawa.¹⁴Pene ɓara ye temrei wara nangshakkii, Yeeshon war ta mina-abo in yiu ya shubet. ¹⁵Nang Yahuudawa in ya maam, in ti tewi,"La moo penaa we gbei ka yee? in yiu shubet ta shiim mi." ¹⁶Yeeshon liginon ti shinui, "Shubetnoi wenom, penei weno mo shunnano.¹⁷Ma mo shaƙa ya we Yamma leƙa, shii ta pen paaro shubet te, koo pennai ti jeleno Yamma, koo ne yuwai paaro ƙuuno. ¹⁸Mo yuuwai paaro ƙuuni ti gasshinai ya gbeni, pene mo ti gasshinai gbe ti mo shuraani, moonshurmei mon kpang, a don we shaba ti taaniim.¹⁹Muujai min ma shiirei maa? pene a ɗoo mo yikka bi shiireim. longƙu wen ye ma leƙa tuknoi?" jimo memmei in liginno ɗik, ²⁰"Ka sheeɓuk ti shikko.Leƙa tukkoi nong?"²¹Yeeshon liginon ti shinui, "Ne yuwa shuran ɗok, man ya maam longkwi. ²²Muuja minama kar ƙuwo (a ya wei penna ti kirano Muujam, penei ti kira me fwiji), nang darang nessho man kar ƙuwo niyo.²³Munɗok ma ƙara ƙuwoni darang nessho longƙu mai lewo ɓel shiireno Muujam, penei ka yaa ma ɗaklaa ta aama kan nei ka yeno tassha pira darang nesshoi? ²⁴Ma wejo li ƙelmo longƙu we ma ti we shikkii, nang ma shiiro yen kpang."²⁵Peɗɗi me wanna ti Urshalima in tewi ya, "Tenei la mo leka tukani ta shinui maa? ²⁶Gee, in ti ɗiilo paaro, shinui a yuun koo paaro ti shiim. Menom me an toomi a peno ya tenei Kiritim,ƙullee? ²⁷Pene kama penaa pirinnee la moo pennan. Pene Kiritii ma wanna, a ɗoo mo ta pen pirinnee ye wannanum."²⁸Nang Yeeshon shokro elleni ta mina-aboi, in ti ya shubet ya, "Ma ɗing ma penano kan pirinnee ye ne pennan. Ne waru ka po ƙuunom, pene mo shunnanoi mon kpang, mai peno shiim. ²⁹Ne penaa shii longƙu ne pennani ti jelei shunnano ta shii."³⁰Leƙa yiu shii ta shinui pene a ɗoo ma liyan kira ti ƙuuniim longƙu tiɗang koɗɗinii yum. ³¹Nang memme gbe ti ta jimoi in ƙumi ƙan shii, in ta shinui, "Kiriti ma foonna, taɗum ya we ye la moo yuwai ya?" ³²Parishawa in ti yaaro shiɓo pappaaro te ti ƙuuno Yeesho, nang an toom me an-pigro kan Parishawa in shur me an geren ƙu mina-abo mo yiru shii.³³Yeesho nang in tewi, "Ɓambirno ti jelema we war koɗɗi lawiu,nen tang meno jele mo shunnano.³⁴ Ma ta gassho biino ma ta weenom; piree na warani, ma ta ɗum waranim."³⁵Nang Yahuudawa in ya paaro ti shaayi, "La moo te ta warni tong ya kamai ta wenim mi? Ta wanni jele me kpailii ti shakki Greek in ti yuun shubet ya? ³⁶Wo paaro wen kaa tei ye teka ta shii, 'ma ta gassho biino ma ta wenom; piree na warani, ma ta ɗum waranim'?"³⁷Nang darang witto po temrei ɗing, Yeeshon illina in shokro eleni,in tewi ya,"Mo kan isshi fok, mo waru shikno mo sho. ³⁸Mo ƙunnga kan ne, ka ye ɓalili teka, shiruk doo ye kan ƙerang ta perin ti ta vungƙulii."³⁹Pene in teu weyye ti ku Shɔɔm, ye me ƙunnga ka shi ta weyani; A minnu Shɔɔmi tiɗangum longƙu tiɗang Yeeshoi wa shokrom.⁴⁰Peɗɗi memme, ɓara ye yaara paaro te, ya,"Yen ƙulli tenei an-pigroi." ɗigi ya, " Tenei Kiritii." ⁴¹pene peɗɗi ya, "Kiriti ta peru ti Galili ya? ⁴²A ɓalloro ma ya Kiriti ta perui ti ta minano Dauda ti Baitalami, gog mina ye Dauda ɗeen maa?"⁴³Nang ta memmen ɓwattoro longƙunii. ⁴⁴Peɗɗi ya ɗaa yikka shii, pene a ɗoo mo shoka kirani ka wo yiu shiim.⁴⁵Nang me an geren me in meru shik mo gbo An-pigroi kan Parishawa, me tekan ti shinui,"Longƙu wen ma warin ka shiim mi?" ⁴⁶Me an gereni liginno, "A ɗoo mo penaa paaro ka tem."⁴⁷Parishawa ɗewon ti shinui, "Ma maa ɗokkama ɗooma ɗa? ⁴⁸Ka mo an toom mo ƙunnga kan shii ɗa, koo Parishawa? ⁴⁹nang memme te mei peno shiirem, kan shaaman ti ƙuuju."⁵⁰Nikidimu (mo ti shakki Parishawa, mo naka war jeleni ka toom) tewon ti shinui, ⁵¹"Shiiremu kama ti li ƙelmo ti ƙu niyo ɗang kei yaaro shiim ya?" ⁵²In liginno ta shinui ya, "Ke maa ke pennai ti Galili ya? Tenglo ken geena a ɗon An-pigro ta peru ti Galilim."⁵³[Nang koo nong in wanni minani.

Chapter 8

¹Yeeshon ammoni ƙu sheela Olif. ²Ƙan vupnoi in wanni ta mina-abo ɓirang, memmei ɗing in waƙuntu; in sheeni po ɗiyo in shuppon shinui. ³Me-an-ya-ɓalla kan Parishawa in waru ka poomun ye yinna ti ku ya shomak. Nang in li tei ti shakki.⁴Nanag in tewon ti shii, "An-shubet, yikka poomun ye ti ku ya shomak. ⁵Wende ti ta shoro, Muuja teka ya mo kpailo peen niyo te; ke ta tewani wen ti ƙuurei?" ⁶Shinui teka we tei longƙu yiu shoi longƙu in we we kpakyo shii, Pene Yeesho in gbol ƙuuni ti ɓuk in ya ɓalla ka po kirani ti ɓuk.⁷Kaa ye shinui shuwan toom ka tenglo shii, in illo shikni in tewon ti shinui, "Mo ti shakkima yei kan shasshalawum, mo tang kpaalo sheela an toom ti tei." ⁸Ɓirang in junoni, in ya ɓalla ti ɓuk ka po kirani.⁹Ɓara ye yaara ta shinui, in yiu illoju ka ɗok ɗok, liya guni mon gboi. Ka bi ɗing in wessho Yeesho shi ɗokni, kan poomuni ye sheeri ti shakkii. ¹⁰Yeeshon illo shikni in tewon ti tei, "poomun, me an paaroji tong? A ɗoo mo kpaalaji maa?" ¹¹In ɗewina ta tei ya, "A ɗoo niyom, ta Fo-mina." Yeeshon tewon, "Ne maa naa kpailojim, koo moji yu shasshalau ɓirangum"]¹²Ɓirang Yeeshon yuun paaro ti shinui,ya, "Ne aaro ƙuɓuk; mo yikka biino a ta ya mere ti ta dilum pene ta we aaro ƙerang." ¹³Parishawa in tewonti shii ya, "Ke ti ya paaro ƙuƙo ka shikko; paaro ƙoi yen ƙullim."¹⁴Yeehon liginno, "Ma nei jimraa fokno, jimronoi yen kulli. Ne penaa piree ne pennaa kan piree ne ta warin, pene mai peno pirinnee ne pennan koo piree ne ta warani. ¹⁵Shiiro shemai peen she lo-shik; Ne ti shiiro niyom. ¹⁶Pene mana yuwa shiiro, shiiro nei yen kulli longku a ne doknom, ne sheeri kan Fowi mo shunnano.¹⁷Ɔɔ, ti ta shoroma ɓalli ya jimro niyo palawi yen ƙulli.¹⁸ Nei an jimro fokno ka shikno, an palau anjimro foknoi Fowi mo shunnano."¹⁹Nang shinui in tel shii,"Foƙo tei tong?" Yeeshon liginno, "Mai pennom koo fonnom; mo ɗa ma ɗaa penano, ma daa penaa Fono ɓirang." ²⁰Shii yuwa paaro te ti po gal kine koɗɗi ye ta ya shubet ti ta mina-abo, nang a ɗoo mo yikka shiim longƙu koɗɗini tiɗang a yum.²¹Ɓirang Yeesho in tewon ti shinui, "Ne ta ƙoono; ma ta gassho biino man muri ti ta shasshalauma. Pirinnee ne warani, ma ta ɗum waranim." ²²Yahuudawa in tewi ya, "Shii ta tuk ƙuuni ya? kaa ye teka, 'Pirinnee ne ta warani ma ta ɗum waranim'?"²³Yeeshon tewon ti shinui, "Mai me ti ƙuɓuk; Ne shaanai ti ƙudang. Mai she ƙuɓuk; Nei niyo ƙuɓukum. ²⁴Longƙuno te, Ne ta teuma ma ta muttani ti ta shasshalauma. Mam maa kum NEI SHIM, ma ta muttani kan shasshalauma."²⁵Shinui in ya telyo, "Kei nong?" Yeeshon liginno, "Wee ne teka ma ka toom. ²⁶Ne ƙan we gbe yene po tewani kan shiire ti ƙuma.Pene mo shunnanoi mo ɗob; wene ne yaanan ti foki, tene wee ne ti tewi ti ƙuɓuk."²⁷ A peno ta shinui shii ta yaani paarono Fowi Yamma.²⁸Yeeshon tewi ya,"Mamaa shokra la niyon-ɗing, koɗɗii ma ta penani NEI SHII, ne ti ya wei po ƙuuno. Kaa ye Fowi shuppanen, nen ti tewi tei. ²⁹Mo shunnanoi kaji ka shaayi, a wesshono ne ɗoknom, longƙu nee ye koo ɗimin ne ti ya leka ta shii." ³⁰Kaa ye shii ti ku sheero we te, memme gbe in ƙumi kan shii.³¹Yeeshon tewi ti Yahuudawa me ƙunga kan shi,"Ma maa sheera ma ti ƙu paarono, mai me an yiu shubetno yen ƙulli; ³²ma ta pen ween-ƙulli, ween-ƙulli in lima man yoma poƙuuma." ³³In liginno ta shinui, "Mini an sheeno Ibiraayim mini yu shɔɔk niyon waanim; ke ta tang tewani, 'ma ta yoma po ƙuumai ka yaa'?"³⁴Yeeshon ɗewina, "Yen ƙulli, ne teƙa ma, mo yuwa shasshalau ding shii shɔɔk shasshalau. ³⁵Shɔɔk a ti ɗiino po-ɗing ti ta minam; lai ti ɗiino po-ɗing. ³⁶Pene, Lai ma foranken ƙira, yen ƙulli ke ta yooƙo po ƙuuƙo.³⁷Ne penaa mai po peenno Ibiraaayim; ma ta gassho tuƙno longƙu paaronoi sha ta aamam. ³⁸Ne ti tewi we ne wenaa ti jeleno Fonno, man ti yai wene ma ti yaanna ti fokno foma."³⁹In liginno ta shinui, "Fomii Ibiraayim." Yeeshon tewon ti shinui, "mo ɗaa mai shibono Ibiraayim, ma ta ya shuranno Ibiraayim. ⁴⁰Pene, wende ma leka tukno, niyo ye teka ma paaron kulli yene yaanna ti fokno Yamma. Ibiraayimi yu wetem.⁴¹ Ma yuwai shuranno foma." shinui in liginno, "A pattomu ti ta shomaƙum; fomu ɗok: Yamma."⁴²Yeeshon ɗewina, "Mo ɗa Yamma ɗaa Foma, ma ɗaa lekano, longƙu ne wannai ti jeleno Yamma gee no wono; nei warui longkunom, pene shii shunnano. Longku wen mai ƙum kan paaronom mi? ⁴³longku mai yaaro paaroim. ⁴⁴Mai sheeno Foma, shuuro, ma leka ya wene ye teka ma ta Foma. Shii an tukyo-tukyo ti liyan guni a ti sheeri ti po wen ƙullim longƙu a doo wen kpang ti taaniim. Ma appaa shaɓa, ti tewi wene ti ta aani longƙu shii an shaɓa kan fo me an shaɓa.⁴⁵Pene, longƙu ye no teka paaron ƙulli, mai ƙumu kan nem. ⁴⁶Weyano kan shasshalauwi nong ti taamai? mana teka paaron ƙulli, ma ta ƙumanim mi ka yaa? ⁴⁷moi sheeno Yamma ti yaaro paaro Yamma; ma ti yaannam longƙui mai sheeno Yammam."⁴⁸Yahuudawa in liginnon ti shii, "Mina tewo ƙulli minu ya ƙai niyo Shammariya mo ƙan shuuro ti ƙuuni maa?" ⁴⁹Yeeshon liginno, "Nei kan shuurom, ne ti mini gbe ti Fonno, ma ti minno gbem.⁵⁰Ne ti gassho gbe ti ƙuunom; ka mo ti gasshina in ti ya shoroi. ⁵¹Yen ƙulli, ne teka ma, mo yikka paarono, a ta we murom."⁵²Yahuudawa in tewon ti shii, "Wende min penaa ƙe ƙan shuuro. Ibiraayim kan me an-pigro muttoju; ƙen ti tewi, 'mo yaara paarono, a ta nau murom.' ⁵³Ke kpiro Ibiraayim ye murai ya? me an-pigro muttaa. Ke shigon kuukei wen?"⁵⁴Yeeshon ɗewina, "mana shokra ƙuuno, shokran ƙuunoi waani; ti shokronoi Fonno, ta ye ma teka ma ya Fommai. ⁵⁵Mai peno shiim, pene ne penaa shii.mana teka na, 'nei peno shiim,' ne ta yono ka ma, an shaɓa. Pene, ne penaa shii nen ti yiu paaroni.⁵⁶ Foma ta Ibiraayim mo yuwa ɓere ye weya darangno; weya ta shii in ya ɓere."⁵⁷Yahuudawa in tewon ti Shii, "Ƙei foro sheno naa-fuwat ɗakum, kaƙo weya shikno Ibiraayim wee?" ⁵⁸Yeeshon tewon ti shinui, " Yen ƙulli, ne teka ma, in tang patto Ibiraayim, NE ka ne." ⁵⁹Nang shinui in yiu wokro sheela ka we kpailo Shii, Nang Yeeshon latto shikni in perennin ta mina-aboi.

Chapter 9

¹Kaa ye Yeesho ti po kooni, in we shik manni niyoi patta shii anfugum. ²Me an yiu shubetni in ya telyo, "An-shubet, yuwa shasshalawi nong, lamoi ya koo ma fowonnii, ye patta shii anfugumi?"³Yeeshon liginno, "A shim, koo mafowonnim, yuwai longƙu shuranno Yamma in yoro ti piree ƙan shii. ⁴Min ta yaani shuranno mo shunnano tiɗang ɓambiri darang.Yippo ta waru yei ɗoo mo ta ɗum ya shuranum. ⁵Kaa ye tiɗa ne ti ƙuɓuk, nei aaro ƙuɓuk."⁶Ɓara ye Shii teka ka we te, in fiya elet ti ɓuk, in ɓutto ɓuk ka elet, in shakin ti adoi. ⁷In tewon ti shii, "koo, wa fuɗɗo ti ta shakya Shiloyam" (ka ye ti tewi yaa "shuraa"). Nang lamoi in kooni, wa fuɗɗina, in meru in ti we ta piri.⁸Me an ganglangni kan me milam ti we shii ti po bengo in ti tewi ya, "Tenei la mo ti ɗiino in ti ya bengoi maa?" ⁹Peɗɗi ya, "wo shii." ɗigi ya, "ɔngngɔɔ, pennai shaayi." nang shii in liginno, "Na nei po ƙuuno."¹⁰Shinui in tewon ti shii, "Pene aɗogo apparoi ka yaa?" ¹¹In liginnon, "Niyo ye ti ka Yeesho ɓutta dokɓoh in shakno ti aɗono in tewno, 'war Shiloyam ken wa fuɗɗon.' Nang nen wa fuɗɗuru, nen yiu we ta piri." ¹²In ɗewina ta shinui, "wo tong ta shii?" in liginon ta shii, "Nei penom."¹³Shinui in waru ka mo milami anfugumi ti Parishawa. ¹⁴Penei koɗɗi nessho ye Yeesho ɓuraa dokmoi in awin aɗoi. ¹⁵Nang Parishawa in tel shii ka yee shii yikka we ta pirii. shii in liginno, "Liyano dokɓoh ti aɗono, nen fuɗɗina, nen yiu we ta piri."¹⁶Peɗɗi Parishawai in tewi ya, "Lamoo ye a warui ti jeleno Yammam, longƙu Shii a ti shor darang nesshom." Peɗɗin tewi ya, "Ka yee niyo an shasshalau ta ɗum ya we maam ka tei?" Nang taajui in ɓwattoro palau. ¹⁷Shinui in tel Anfugumi ɓirang, "Kaa weni ti ku niyoi, ye aagako aɗogai?" Anfugumi in liginon, "Shii an-pigro."¹⁸ Pene shin Yahuudawa a ƙum ya shii anfugum ye aɗoi apparom nang in yeeru ma fowonno mo appaa aɗoi.¹⁹In tel ma fowi ta shinui, "Tenei laama maa ya patta shii fugumi ya? pene ti we ta piri wendei ka yaa?" ²⁰Nang ma fowi in liginnon ti shinui, "Min penaa tenei laamu pattaa shii anfugum. ²¹ka ye yikka we ta piri, minaa penom, kan mo appaa aɗoi, minaa penom. Ma telo shii, foraa niyo. Ta sheero ma ka shikni."²²Ma Fowoni teka we te, longƙu ta shi Yahuudawa. Longƙu Yahuudawa ƙunga ya ɗing mo teka ya shii Kiriti, ta for shii ti ta mina-abo. ²³Longƙuno te, ma fowoni ya,"Shii foraa niyo, ma telo shii."²⁴Nang Parishawa in tel shii an palawi, "Min gbe ti Yamma. Min penaa lamoo yei an shasshalau." ²⁵nang shwiji mo in dewina, "Nei peno koo shii an shasshalawum. We ɗok yeno penaa: Nei anfugum, wende nen ti we ta piri."²⁶Nang shinui in tewon ti shii, "Yuwa kei wen ta shii? appako aɗogoi ka yaa?" ²⁷In liginon, "Ne fuwa po tewma, mai yaaronom! longƙu wen ma leka nen tewma ɓirangi? Ma leka shiwoma me an yiu shubetni ɓirang ya?²⁸Shinui in ukkon ding paaro ya, "An yiu shubetni ƙe, mini an yiu shubetno Muuja, ²⁹min penaa Yamma yuuna paaro ti Muuja, pene minaa peno piree laamoo wannanum."³⁰Swhiji mo in liginno, "Tenei we maam ɓoi, maa mai peno pirinnee shii wannanum, pene in awno aɗono. ³¹Ma penaa Yammai ti yaaro an ya shasshalawum, pene mo yikka biini kpang in ya we ye shii leka ti yaaro shurme.³²Ti liyan gun ƙuɓuk a ɗoo mo naka yaaro pi awan aɗo an fugumum. ³³Lamoo ma warui ti shikno Yammam, a ta ɗum ya koo wem." In liginno ta shinui ya, ³⁴"Pattakoi ti ta shasshalau, ken ti lew yumu shubet ya?" Nang in kairu biinii ti ta minai.³⁵Yeeshon yaaro guni ya ƙaina shii ti ta mina-abo. In we shiknii in tewon ya, "Ke ƙunnga kan la niyo ya?"³⁶ In ɗewina ya, "Shii nong, Fo-mina, longƙu nen ƙumi ƙan shii?" ³⁷Yeeshon tewon ti shii, "Ke weya shiknii, shii mo ti ku yuuko paaro wendei." ³⁸Shwiji mo ya, "Fo-mina, ne ƙunnga," nang shii in wau Yeesho.³⁹Yeesho ya, "Longƙu shoro yene rina ƙuɓuk longƙu me ti we shik we in yoju fugum." ⁴⁰Peɗɗi Parishawa me ka shaayi in yaaro paaronii nang in tel shii, "Min maa mini an fugum ya?" ⁴¹Yeeshon liginon ti shinui, "Moɗa ma ɗa fumoni, ma ɗa kan shasshalawum, pene wende ma teka, 'Min ti we,' nang shasshalauman ɗeero ka guni."

Chapter 10

¹"Ne teka ma yen ƙulli, maa moi ri ti po dang mina dinnyiim, pene in ammani ti manni ƙoƙoi, lamoo terei anjiri kan an lawwo-lawwo. ²Niyo ye riyoni ti po dang terei mo an ku dinnyii.³Mo an geren po dangi ta awin po dangi ti shii. Dinnyi ta yaaro elenii, shii ta yeyyo dinnyi ka shommo in peron ka shinui. ⁴ma shii ma peran ka dinnyi ding, shii in koon ti toomjui, nang dinnyi ta yiu biinii longku shinee penaa elenii⁵Pene shinui a ta yiu bi binom kulli shinui tajuwoju yoba ti piree kan shii, longƙu shinui peno ele binom." ⁶Yeesho sheeraan ti memme shiwon do paaro te, pene shinui a peno we shii ti ƙu sheerojum.⁷Ka te Yeesho in me in tewon ɓirang ya, "Ne teka ma yen ƙulli, nei po dang ti dinnyi. ⁸Ɗing me ɓenano ku jal me anjiri kan me an lauyo, pene dinnyi a ti kaan kumoju ti shikjuim.⁹Nei po dang.Maa mo yinna shikno, ta we marƙu; shii ta riyani in peri kan ta we po sha fok. ¹⁰Anjiri ti warui ɓara ya jiri tukani kan ɗaklani ne wannai longƙu shinui in we ƙerang ye po ɗing gbe.¹¹Nei mo an tii yen kpang. An tii yen kpang ti min kerangni ka longku dinnyi. ¹²Mo ta ya sheeni tii anngii ye dinnyi wenim.Shii ma weya shik anguratele ta waru ta wessho dinnyi in juwoni yoba, anguratelu ta yippani in legro ta dinnyi. ¹³Ta tulonii longku shii yikka kaakindo nang aa ta jooro kudinnyiim.¹⁴Nei an tii yen kpang, ne pena sheeno, sheeno in penno. ¹⁵Fowi penano, nen pen Fowi, nang nen min ƙerangno longƙu dinnyii. ¹⁶Ne kan peɗɗi dinnyi yei peen dinnyi tem. Yikka ti gbare-ɗo nen warin ka shinui sheeju, shinuii ta yaaro eleno longƙu galoju ɗok kan an tiii ɗok.¹⁷Tenei we Fono lekano: Ne liyaa kerangno longƙu nen shoguttu ɓirang. ¹⁸A ɗon mo ta yiwani ti ƙiranom, pene ne liyaai po ƙuuno. Ne kan ƙumen liyani, ne kan ƙumen shokrani ɓirang.Ne yinna kumen tei ti kirano Fono."¹⁹Jiramin illina ti shekki Yahuudawa ɓirang longƙu paaro te. ²⁰Gbeju in ti tewi ya, "Shii kan sheeɓuk kan ta kwi shanglani. Ma ta yaaro shii longƙu wen?" ²¹Peɗɗi ya, "Tenei paaro mo kan sheeɓuk koo ta kwi shanglanim. Sheeɓuk ta appo aɗo niyo anfugumi ka yaa?"²²Nang tenei koɗɗi temre wak we ti Urshalima. ²³Ta koɗɗi ɗuulau, nang Yeesho in ti merƙo ta mina Yamma ti ta awo minano Sholomon. ²⁴Nang Yahuudawan kpom jelenii in tewon ti shii, "Ɗuma ke wesshamu ti ta dil we war ɗimin? Ke ma Kiritii, ken teumu ti pewe."²⁵Yeshon liginon ti shinui, "Ne teka ma, pene mai kumum. Shuran yene ti ya ta shomono Fono, shinee ti shukillai nei. ²⁶Nang mai ƙumum longƙu mai dinnyinom.²⁷Dinnyino ti yaaro eleno; Ne penaa shinui, shinui in ti yiu biino. ²⁸Ne minaan ti shinui ƙerang po ɗing; a ta murani ta shinuiim, a ɗoo mo ta lauwani ti kiranom.²⁹Fono, mo minaano shinui, yeƙa koonong, a doo mo ta lawwani ti kirano Fonom. ³⁰Ne kan Fonoi we ɗok." ³¹Nang Yahuudawa in paplo sheela ɓirang ka we kpailo shii.³²Yeeshon liginon ti shinui, "Ne shugyama shuranno Fono gbe. Longƙuno shire ye ma ta kpailonoi?" ³³Yahuudawan liginno, "Min ta kpailokoi longku shuranin kpangum, ɓara longku ɓek, longku ke, la niyon ding, ke ta shiwon ƙuƙo Yamma."³⁴Yeeshon liginnon ti shinui, "A ɓallo ti ta shoro ma, 'Na, "mai yamma'"? ³⁵Maa yiyaa shinui yamma, ye mo paaro Yamma pennan(a ta ɗum ɓel ɓallan paaro Yammam), ³⁶Ma ta tewani ti mo Fowi shunna ti ƙuɓuk, 'ke ta yaani shaɓa,' longƙu yene teƙa, 'Nei laano Yamma'?³⁷Manaa ta yaani shuranno Fonom, ma wejo ƙumani kan nei. ³⁸Pene mana ti yai tei, koo mai ƙum kan nem, ma ƙum kan shurani longku man peni Fowi ti taano ne ti taano Fono." ³⁹In leu yiu shii ɓirang, nangin kooni inperenin ti ta ƙirajui.⁴⁰Nang in meeni ta bi Jordan ti piree Yuwaana ka po toom yuwan yulma, in ɗeeni ti po tere. ⁴¹Memme gbe un waru jelei in tewon ya, "Yuwaana a yu we maamum, pene we ye Yuwaana teka ti ƙuuno lamoo te yen kulli." ⁴²Memme gbe in ƙumi kan shi ti po tere.

Chapter 11

¹Wende ka manni niyoi shommoni Laajoro ye shikni ɓangum. Shii niyo Betaani, meno-mina ma Maryamu kan molaro ta Matta. ²Wo Maryamu tei ye deraa turaali ti ƙuuno Fo-mina in teglo shoi ka shok ƙuuro, yee molto ta Laajoro a ɓangum.³Ma molannii in shuri ti ƙuuno Yeesho, ya, "Fo-mina, gee, mogo lekai a ɓangum." ⁴Ɓara ye Yeesho yaara kaa te, shii ya, "ɓaushik tei we war mina murom, pene tene we shuk shokrono Yamma longƙu laano Yamma in we shokro longkwi."⁵Yeesho leka Matta kan molaro kan Laajoro. ⁶Pene ɓara ye yaara ya Laajoroi ɓangum, Yeeshon shakilla palau tiɗang ti piree kan shii. ⁷Nang ka biino te, in tewi ti me an yiu shubetni, "Kama ma Yawuudiya ɓirang."⁸Me an yiu shubetnii in tewi ya, "An shubet,bii ɗiyo ɓakkum Yawuudawa yuwa ye po kpailoko ka shiila, ka ke ta me po tere ɓirang wee?" ⁹Yeeshon ɗewina, "A awa koɗɗi kpumu-gei-palau ti ta darang maa? mo yuwa mere ka darang, a ta tura po shoonim, longƙu ti we aaran ta piri ƙuɓuk te.¹⁰Pene, ma ta ya merei ka yippo,ta tura shooni longku ye a ɗoo aaro ti taaniim." ¹¹Shii sheera we te, ka bi we te, in tewon ti shinui, "Jeeromu kama ta Laajoro yuwoni shaklo, pene ne ta warani longku nen wa pigron shii ti po shakloi."¹²Me an yiu shubetnii in liginon ti shii, "Fo-mina, maa yuwoni ma shaklo, ta pigroni." ¹³Wende Yeesho yuwai paaro muroi, pene shinee ti nyimminai shaklo nessho. ¹⁴Nang Yeeshon tewon ti shinui ti ku dam, "Laajoro muroni.¹⁵Ne ta ya ɓere, longƙuuma, a ɗoo ne ti po terem longƙu man ƙumi. Kama war jelenii." ¹⁶Toma, mo ti ye ka Didymus, in tewi ti ma molon an yiu shubetni, "Kama ƙoon ti biinii longƙu kaman wa muri ka shaayi."¹⁷Ɓara ye Yeesho fooraa po tere, in peni ya Laajoro yuwaa shaklo pereu ti ta duwo. ¹⁸Wende Betani nimmi kan Urshalima, shakki meel palau. ¹⁹Yawuudawa gbe wanna jeleno Matta kan Maryamu, longƙu min nyee ka paaro moljui. ²⁰Nang Matta, ɓara ye yaara ya Yeesho ta waru, in wara kpomit kan shii, pene Maryamu ɗeenden ta minai.²¹Matta in tewi ti Yeesho ya, "Fo-mina, moɗa ke ɗaa ka ke ti po te, mollo ɗaa muronim. ²²Moɗaa wendei, ne penaa wee ke tela ɗing ti kirano Yamma, ta mingo." ²³Yeeshon tewon ti tei ya, "Molji ta illoni ɓirang."²⁴Matta in liginno, "Ne penaa ta illoni ɓirang darang illit ta duwo ta wiilan darang." ²⁵Yeeshon liginon ti tei, "Nei illit ta duwo kan ƙerang; mo ƙunnga kan ne, koo muroni, ta illoni; ²⁶ɓirang ɗing mo ɗii in ƙumi kan ne a ta muranim. Ma ƙunnga we te ya?"²⁷Tei in liginno, "Oo, Fo-mina, Ne ƙunnga kei Kiriti, laano Yamma, mo ta waru ƙuɓuk." ²⁸Ɓara ye tei teƙa we te, in ƙoona in wa yeeru molaro ta Maryamu te ɗokro. In tewon ta tei, "An-shubet wanna ti po yeeji." ²⁹Ɓara ye yaara ta tei, in ƙuman illani peep in war jelenii.³⁰Wende tiɗang Yeeshoi ri tarang minaim pene ɓamɓirnii ti piree Matta weyan shii. ³¹Nang ɓara Yawuudawa me ka shaayi kan tei ti ta minai me ti ku ɓau kenni kan tei, weya Maryamu illa shigro peep in yiu peroro pewe, in yiu biirei ta shinui, in ti nyimmina ya kaare ta warani ku duwoi ya kwee.³² Ɓara ye Maryamu wanna piree kan Yeeshoi in we shiknii, in shuwon ti toomnii ta tei in tewon ti shii ya, "Fo-mina, moɗa ke ɗaa ka ke ti po te, molno ɗaa murum."³³Ɓara ye Yeesho weya tei ta ukko muru, kan Yawuudawa me wanna ka shaayi shinu maa in ti ukko muru, Shii in turmoni ti ta shɔɔm; ³⁴in ya telyo, "Ma liyaa shii tong?" In liginno ta shinui, "Fo-mina, waru ke gee." ³⁵Yeeshon ukko muru.³⁶Nang Yawuudawan tewi ya, "Gee peen lewan ye shii lekan Laajoro!" ³⁷Pene peɗɗijui in tewi ya, "A lamoo maa, mo aka aɗo anfugum, a ta wessho lamoo in murim maa?"³⁸Nang Yeesho ɓirang, mo turmoni kping ti ta shɔɔm, in war ku duwoi. Nangii vuluk, kan shiila liin ti foki. ³⁹Yessho ya, "Ma gbumlo shiilai." Matta, molano Laajoro, mo muronii, in tewi ti Yeesho, "Fo-mina, koɗɗi te wende yikka ommoni, longƙu shii murai kan shaklo pereu." ⁴⁰Yeeshon ɗewon ti tei, "Nei teuji na, shi ma ƙunnga, shi ta we shik shokranno Yamma maa?"⁴¹Nang in gbumlo shiilai ta shinui. Yeeshon shokro ɗooni in tewi ya, "Fowi, ne pammaa ye ge yaarano. ⁴²Ne penaa kpaliyo ɗing ke ti yaarono, pene ne teka we tei longƙu me shengrii ti jeleno, longƙu shinui in ƙumi ya ke shunnano."⁴³Ɓara ye shii teƙa te, in ya yee ka elen ɓang, "Laajoro, peru!"⁴⁴ Mo muronii in peru; shooni kan kirai ɗabyani ka lanna, aɗoi ɗawani ka lanna. Yesshon tewon ti shinuii, "Ma piɗɗo shii mo ƙooni."⁴⁵Nang Yawuudawa gbe me wanna kaa Maryamu in we shik wee Yeesho yuwa, in ƙumi kan shii. ⁴⁶Pene peɗɗijui in warju shik Parishaawa in tewon ti shinui wee Yeesho yuwa.⁴⁷Nang men gbiɗino ta ankpaa kan Parishawa in ye galo me an ɗeppo paaro in tewi ya, "Kama ta yaani wen? Lamoo yuyyaa we maam gbe. ⁴⁸Kama maa wesshan shii ka tei, memme ɗing ta ƙumani kan shii; Romawa ta waraa tappo ƙuɓuƙmu kama ɗing kan kpakan po shemu kamai."⁴⁹Pene, ka manni niyoi ti taajui, Keepash, mon gbo ankpaa ta sheno teere, in tewon ti shinui, "Mai peno wem. ⁵⁰Mai nyimmo yuwa kpang niyo ɗok in muri longƙu memmei kan ye ƙuɓuki ɗing in ƙoon shwal."⁵¹Wende Shii a tewo we tei po ƙuunim. pene, kaa ye shii mon gbo ankpaa ta sheno teere, shii yuwaai pigro ya Yeesho ta murani longƙu ƙuɓuk; ⁵²a ti ƙuɓuk waanim, longƙu shiɓono Yamma me kpaili mo yooju ɗok. ⁵³Nang darangii in yiu gassho ƙoƙo tuk Yeesho ta shinui.⁵⁴Yeesho ɓirang a ti ya memmere waani-waani ti shakki Yawuudawam, nang in kooni ti po teere in warni manni piri ye nimmi kan ta shwee ye ti ye ka Ipireemu. In ɗeeni ti po teere kan me an yiu shubetni. ⁵⁵Ɓara ye koɗɗi temre teelani we Yawuudawa yuwa nimmi, memme gbe ti ta ɓuki in ammo Urshalima longƙu shiɗɗo shikju in tang ya temrei⁵⁶Shinui in ti gassho biino Yeesho, in ti tenglo shaayi koɗɗinee ye shengrii ta mina-aboi, "Ma nyimmai wen? a ta waru po temrei ta shii maa?" ⁵⁷Pene mon gbo ankpaa kan Parishaawa mina ƙumen ya mo penaa piree kan Yeesho, mo teuju longƙu in yiu shii.

Chapter 12

¹Doki shaklo paragbanang in waraa ya temre teelani, Yeesho in war Bethany, pirinnee kan Laajoro, mo Yeesho pigro shii ti ta duwo. ²Ti po teerei in ya wesshina kiryippo, Mattan ti bwayinna, pene Laajoro ti shakki me deju ti toomno Yeesho ti po sha wesshinai. ³Nang Maryamu in shar la dundi turali yen kpang ye gijii yen tomon, in shakki ti shoono Yeesho, in teglo shoi ka shok kuuro. Giji turali in berero ta minai.⁴Yawuuda Ishkeroti, dok ti shakki me an yiu shubetni, ya, ⁵"Longku wen ta daklo turaali tei a ta pilin we in bwara kinei ti me an kenni maa?" ⁶Pene teka we te, a longku ye leka me an kenni ta shiim, pene bara ye shii anjiri. Kan la luru kinei ti kirani in jir peddi kine ye ti taii.⁷Yeesho ya, "Wessho tei ta li wee kan tei longku darang nanno. ⁸Koo dimin ma ka shaayi kan me an kennii. Pene ma ta weno koo diminum."⁹Pene jimo Yawuudawa in yaanna ya Yeesho ti po tere, in waru ta shinui, a longkuno Yeesho waanim, penei kama waraa gee Laajoro, mo Yeesho pigroo ti ta duwo. ¹⁰Men gbidino ankpaa in gal fokju longku shinin tuk Laajoro; ¹¹birangii longkuni ye Yawuudawa gbe kokoju in wa kumi kan Yeesho.¹²Ka kpaaliyo jimo yen gbe in waru po temrei. Bara ye yaara ya Yeesho ta waru Urshalima, ¹³in shaddo pettan kira biro dabiino in waraa kpom foki in yallina kanbangi ya, "Hossanna! kpangi sheno mo wanna ta shommono Fo-mina, an gup Ishereila."¹⁴Yeesho in we la girbi in deenin ti kwi; kaa ye balli, ¹⁵"Wessho ya shewoi, laano Shihiyoona; gee, an gupji ta waru, deeni ti ku la girbi."¹⁶Me an yiu shubetnii a peno we ta ka toomum; pene bara ye shokraa Yeesho, in nyimmina ta shinui ya ballaa we te ti kuunii kan ya yuwan we te ti shii.¹⁷Wende galan jimoi in tewi ya shin ka shaayi koddinee ye yiyan Laajoro ti ta duwoi in pigittu shii. ¹⁸Birang wo longku we tei ye jimo memme peraa kpom fokii, longku ye shinui yaraa ya yuwa we maam te. ¹⁹Parishawa in tewi ti shaayi, "Ma gee, ma ta dum ya wem; gee, kubuk kookan ti biinii."²⁰Wende ka peddi Elenawai ti shakki me amma ya wawoi. ²¹Shinui in war shikno Pilibush, mo wanna ti Betshaida ye ti Galili, in tel shii, ya, "An-shubet, min leka we shikno Yeesho." ²²Pilibush in wa teru ti Andarawus; Andarawus in wanna shinan Pilibush, in wa tewi ti Yeesho ta shinui.²³Yeeshon liginon ti shinui ya, "Koddi wanna ye la niyon-ding ta we shokran. ²⁴Ne teka ma yen kulli, ma ar-shau ma shuwo ti buk in ommorom, ta deeroi tei dok waani; pene ma ommaro ta peru ya ari gbe.²⁵Mo leka kerangni ta ving kwi; mo vinnga kerangni ti kubuk te ta liyani we war ta kerang po-ding.²⁶ Mo ding ti wawno, mo yiru biino; piree kan ne, me an wawno ta deeju ti po tere. Ding mo ti wawno, Fono ta minin gbe ti shii.²⁷Wende posheerino turmaro ne ta teu wen? 'Fowi, kaurono ti ta koddi te ya'? penei longku we te yene wanna koddi te. ²⁸Fowi, shokro shommoko." Nang ele in peru ti kudang ya, "Ne shokro tei ne ta shokrani birang." ²⁹Nang jimo memme me shenkrii me yaara paaroi ya yuwai mirit. Peddi ya,"An shuran kudang yuunan paaro."³⁰Yeeshon liginno ya, "Ele te shaanai longkunom, penei longkuuma. ³¹Shiire kubukki wendei: wende an-gup kubuk te ta ving shii.³²Ma shokrano ti kubuk, ne ta ye koo nong ti jeleno." ³³Shii teka we te longku shuklo peen muro ye shii ta yaani.³⁴Jimoi in liginon ti shii, "Min yaara ti shoro ya Kiriti ta deenii po-ding. Ke ta tewani ka yaa ka, 'La niyon-ding ta shokranii'? La niyon-ding tei nongee?" ³⁵Yeeshon tewon ti shinui, "Aaroi bambiri ti shikma koddi la wiu. Ma yu mere tidang bambiri aaroi, kulang yippoi ta wemam. Mo ta ya mere ka yippo a peno piree ta waranim. ³⁶Kaa ye ke kan aaroi, kumu kan aaroi longku man shiwo shibo aaro." Yeesho tebra we te in kooni in wa latto shikni.³⁷a ye Yeesho yuyya we maam gbe ti doojui, pene a kumu kan shiim ta shinui ³⁸longku paarono Isheya an-pigro in kemoro, ye teka ta shii ya: "Fo-mina, kunnga paaromu kamai nong, shuklaa kumenno Fo-minai ti nong?"³⁹Longku we te a kumu ta shinuiim, Isheya teka birang ya, ⁴⁰"Shii numma adoojui, in kpal posheerijui; nang wo we ka adooju in peni kaposheeriju, in shiruju, nang nen tassho shinui."⁴¹Isheya teka we te longku shii weya shokranno Yeesho in ya paaronii. ⁴²Pene ding ka tei, me an-gup gbe in kumi kan Yeesho; pene longku Parishaawa, shinui a tewom longku shi kaiju ti ta mina-abo. ⁴³Legejui gbe ye memme ti minju ti kuune ye Yamma ta minin.⁴⁴Yeeshon tewi ka elen bang ya, "Mo kunnga kan ne, a kumii kan ne waanim ding kan mo shunnanoi, ⁴⁵birang mo weya shikno ding weyai shik mo shunnanoi.⁴⁶Ne wannai ka aaro ti kubuk, longku ding mokunnga kan ne a ta diyoni ti ta dilum. ⁴⁷Ding mo yaara paarono in kuroni yiwani, ne ta shiiro shiim; nei waru longku shiiro kubuk tem, pene ne wannai markwi.⁴⁸Mo kuraano moi yiu paaronom, ka an shiiro shii. Paaro yene teka ta shiiro shii koddi ilit kubuk. ⁴⁹Ne yuwa paaro tei ka po kuunom, penei an Fowi ye shunnano, ye minnano paaro yene po yaani kan po tewani. ⁵⁰Ne penaa paaronii kerang po-ding, tenei paaro yene teka - ka ye an Fowi tennano, Ne tekai kaa tei."

Chapter 13

¹Wende koddi temre Teelani nennga yooro. Yeesho penaa koddini yuwaa ye shii ta wessho kubuk te ka wo ammoni jeleno Fowi Yamma. Kaa ye shii leka po sheeni ye dii ti kubuk, leka shinui po ding. ²Wende shuuro fuwaa po kem sheerino Yawuuda Ishkeroti laano Shimon mo pilin ka Yeesho.³Shii penaa Fowi minaa we ding ti ta kirani kan shii wanna ti jeleno Yamma ta meni birang jeleno Yammai. ⁴Shii in illo shikni ti po sha wesshinai in for lannani. Nang in shar taawul in dawi ti gunni. ⁵Nang in paro doo ti ta paawi in yiu fuddon sho me an yiu shubetni in ti teklon bi ka taawul ye bo daka ti gunnii.⁶Shii in foottu kuuno Shimon Biturush, mo Biturush ya, "Fo-mina, ke ta fuddono shono ya?" ⁷Yeeshon liginon ti shii ya, "We ne ta yaani ye mai jemlo tidangum ka bi ma ta penani." ⁸Shimon in tewon ti Shii, "Ke ta fuddono shonom." Yeeshon liginon, "Mana fuddokom, ke kan po aako ti piree kan nem." ⁹Shimon Biturush in tewon ti Shii, "Fo-mina, a shono waani ye ke ta fuddanim, ding kama kirano kan kuuno."¹⁰Yeeshon tewon ya, "Ma mondok maa fuwaa po bino doo, leka bara fuddo shooni waani, pene shiknii ding futtani; ke futtani, pene a koo nongum." ¹¹(Longku Yeesho fuwaa pen mo ta pilin ka Shi; nang tenei wee ye teka ya,"A ma ding ye futtanim.")¹²Bara ye Yeesho fuwaa po shutto shoojui in shoppo lannani in meni po diyoni, Shii in tel shinui, "Ma penaa we ne yuwaa longkumaa? ¹³Ma ti yeeno ka 'An-shubet' ma teka kpang, nei kaa tei. ¹⁴Pene ne ma, Fo-mina kan An-shubet, nen futtoma shooma, nang ma futto sho shaayi. ¹⁵Ne tennga ma we ye ma po yaani ka yene yuwa mai.¹⁶Ne teka ma yen kulli, a doo shook ye yeka fominanim; koo la an shuran ye yeka mo an shunnim.¹⁷ Ma maa penaa we te, ta liima kpang mamaa yuwaa shunii. ¹⁸Ne ta yaani paaroma ma dinngum; Ne penaa me no shakkaa - pene ka te ye we ballaa in kemi: 'Mo shuwaa wesshinano in shiwoni an geino.'¹⁹Ne ta teuma we te wendei in tang waraa yooro longku ma yuwaaro, man kumi ka NEI NEI.²⁰ Ne teka ma yen kulli, mo yikka mono shunna yikkai ne, mo yikkano ding yikkai mo shunnano."²¹ra ye Yeesho teka we te, in turmoni ti ta shoom. Nang in tewi ti kudam, "Ne teka ma yen kulli dok ti shakkima ta pilani ka ne." ²²Me an yiu shubetni in yiu gejyo shaayi, ya kaare ta ya paaro tei kan nong.²³Dok ti shakki me an yiu shubetni, mo Yeesho leka, deeni nimmi kan Yeesho. ²⁴Nang Shimon Biturush in tuklo mo an yiu shubet teere ya, "Telo Shii ti ya nyimmoi kan nong." ²⁵Nang in teen shikni shikno Yeesho in tel Shii, "Fo-mina, wo nongee?"²⁶Nang Yeeshon liginon, "Shii mono ta shil we-ta-kele nen minin ti shii." pene in shil we-ta-kelei, in mini ti Yawuuda laano Shimon Ishkeroti. ²⁷Birang ka bi we-ta-kelei, Shuuron reeni taanii, nang Yeeshon tewon, "Wee ke leka yaanii, yu peep."²⁸Pene a doo mo ti po sha wesshinai ye penaa longku wen ye Yeesho teka we te ti shiim. ²⁹Peddi nyimmaa ya, longku Yawuuda sharii kan luru kine, Yeesho tekani, "Pillu wee kama leka longku temrei," koo mo min we ti me an kenni. ³⁰Ka bi ye Yawuuda shuwaa we-ta-kelei, in kuman pereni peep.Ka yippo ta we tere.³¹Bara ye Yawuuda kookoni, Yeesho ya, "Wende shokra la niyon ding, in shokron kan Yamma ti taani. ³²Yamma ta shokro shii ti kuuni, ta shokro shii peep. ³³Nyitti shibono, Ne ka ne ti jelema koddi la wiu. Ma ta gassho biino, ka yeno teka ti Yawuudawa, 'Piree ne ta warani, ma ta dum waranim.' Wende ne teka ma we te sheema.³⁴Ne ta minmai kumen yen fo, ma lewo shaayi; kaa ye no lekan ma, ma yu kaa te man leu shaayi. ³⁵Kaa we te koo nong ta penani ya mai me an yiu shubetno, mam maa leka shaayi."³⁶Shimon Biturush in tewon ti shii ya, "Fo-mina, ke ta warani tong?" Yeeshon liginno, "Piree ne ta warani, ma dum yiru biino wendem, pene ma ta koorui ka bi." ³⁷Biturush in tewon ti shii ya, "Fo-mina, longku wen ne ta yiu biigo wendem mi? Ne ta min kerangno longkuko." ³⁸Yeeshon liginno ya, "Ke ta dum min kerango longkuuno ya? Ne teka yen kulli, gog a ta ya kwiim we war koddi ye ke ta ya jiramno sho tat."

Chapter 14

¹"Mo posheerima wejo daklanii. Ma kumu kan Yamma, man kumi kan ne. ²Ti ta minano Fowi ka ta dang-gume gbe. Moda daa ka tem, ne daa teka ma, longku ne ta waraa limmoma pirii longkuuma. ³Manaa wa limmino pirii ti mai, ne ta meeru birang naa yeema po kuuno, longku piree kan ne man wa deema ti po teere.⁴Ma penaa dokokoi piree naa waranii." ⁵Tooma in tewi ti Yeesho, "Fo-mina, minaa peno pirinnee ke ta waranim, min ta pen kokoi ka yaa?" ⁶Yeesho in liginon ya, "Nei kokoi, kulli, kan kerangi; a doo mo ta war jeleno Fowi Yammam bara ti shikno. ⁷Moda ma daa penano, madaa penaa Fowi Yamma. Wee yikka wende we war toom ma penaa shii man we shiknii."⁸Pilibush in tewi ti Yeesho, "Fo-mina, shukmu shik Fowi, kulang teerei in kermu." ⁹Yeeshon tewon ti shii, "Ne diyo bak kan ma we war wende kei pennom ya, Pilibush? Ding mo weya shikno weya shikno Fowi. Ke tang tewani ka yaa ka, 'Shukmu shik Fowii'?¹⁰Kei kumu kan ne ti ta Fowi kan Fowi ti taano maa? Paaro yene ti yuuma a po kuunom, pene Fowi ye deeni ti taano in ya yashuranni. ¹¹Kumu kan ne ne ti taano Fowi, Fowi ti taano, nang koo ken kumi longku shurani po kuuju.¹²Ne teka ma yen kulli, mo kunnga kan ne ta ya shuran yeno ti ya, ta ya shuran ye yeka te longku ne ta meno jeleno Fowi Yamma. ¹³Wee ye ma telaa ding ti ta shommono, ne ta yaani longku in shokro Fowi ti taano lai. ¹⁴Mam maa telano koo wen ti ta shommono, ne ta yaani.¹⁵Mam maa lekano, ma ta yiu pegrono, ¹⁶nang nen for-dulo ti Fonno, Shii ta minnuma manni an pegroi ye ta deeni kan ma po-ding- ¹⁷tei shoom kulli. Kubuk a ta dum yiu shiim longku tei a ti we shikniim koo penaa shiim. Pene ma penaa shii, longku dii kan ma ta deeni ti taama.¹⁸Ne ta wesshoma jal mam; Ne ta meeru jelema. ¹⁹Ta la koddi la wiu kubuk a ta we shikno birangum, pene ma ta we shikno. Longku ne kan dwei, ma ta yooma kan dwei. ²⁰Darangno teere ma ta penani ne ti taano Fowi, ma ti taano, ne ti taama.²¹Maa mo yaara pegrono ni yiwi teerei mo lekano, shii mo lekanoi Fowi ta leu shii, nen leu shii birang nen shugin shikno ti shii." ²²Yawuuda(a Ishkerotim) in tewi ti Yeesho, "Fo-mina, longku wen ye ke ta shuk kuko ti minu waani a ti kubukum mi?"²³Yeeshon liginon ya, "Maa mo lekano, ta yiu paarono. Fono ta leu shii, min ta waru shiknii minin deenmun ti jelenii. ²⁴Moi leunom a ti yiu paaronom. Paaro ye ma ti yaanna te a perii ti shiknom pennai ti shikno Fowi mo shunnanoi.²⁵Ne teka ma we te, koddi ye kama ka shaayi. ²⁶Pene, mo an pegro - ye shii Shoomno Yamma ye Fowi ta shuru ka shommono- ta yuma shubet ti ku we ding shii ta nyimmoma wee ne tebrama. ²⁷Ne wesshama twaalan sheeri; Ne minaa ma twaalan sheeri. Nei minui kaa ye kubuk ti minim. Mo posheerima wejo daklanii, ma wejo ya shewoi.²⁸Ma yaara yeno teka ma, 'Ne ta koono, nen meeru jelema.' Ma maa lekano, ma ta ya beere longku ne ta war jeleno Fowi, longku Fowi yekano. ²⁹Wende ne teka ma in tang waraa yooro, ma yuwaro, ma ta kumani.³⁰Ne ta yuma paaro gbe birangum, longku an-gup kubuk te ta waru. A kan kumen ti kuunom, ³¹pene longku kubuk in peni yano leka Fowi, Ne yuwai bara we ye Fowi tekano. Ma illo kama koomu ti po te."

Chapter 15

¹"Nei biro inabi yen kullii, Fonnoi a ku doongii. ²Shii ti for kira ye ti shikno yei ti sheelam, in doklo kira ye ti sheelai longku in moottu yen kpang ka we min shiili biro yen gbe birang.³Fuwaa po shuttoma longku paaro ye ne yuwaa ma. ⁴Ma deema ti taano, Ne ti taama. Ka ye kira biro te dokro a ta sheelanim bara ye ma ti shik biroi, mai kaa tei, bara mam maa diyo ti taano.⁵Nei biroi, mai fungai. Mo deeni ti taano ne ti taanii, ta sheelani gbe, maa don nem ma ta dum ya wenan dogum. ⁶Maa moi diyo ti taanom, ta ving shii ka kira biro in wa issheni, in palli in wa ukkino ti do deet, in kuroro. ⁷Ma maa deema ti taano, birang paarono ti ta aama, telo wee ke leka ding, ta yuko we teere.⁸Fonno ti we shokro ti ta we tene, ya ma ta ya shiili gbe in shukilla ya mai an yiu shubetno. ⁹Kaa ye Fowi lekano, Ne ma ne leka ma. Ma deema ti ta lewan yene lekanman.¹⁰Mam maa ti ya shuran ka pegrono, ma ta deema ti ta lewanno, kaa yeno yikka pegrono Fonno nen deeno ti ta lewanni. ¹¹Ne teka ma we te longku beereno in yoro ti taama kulang beerema in kemoro.¹²Tenei pegrono, nang ma lewo shaayi ka yeno lekan man.¹³ A doo mo kan lewan gbo kaa tem- mondok in min kerangni longku me anjereni.¹⁴Mai me an jereno mam maa yuwaa shuran ka pegrono. ¹⁵Birang ne ta yeema ka shookum, longku shook a peno wee fominani ti yam. Ne yiyaa ma ka anjere, wee ne yaanna ding ti jeleno Fonno ne teka ma.¹⁶Mai shaknom, pene ne shakama nen liima na ma wa sheelo, sheelan ma in deero. Longku ma maa telaa we ti kirano Fowi ti ta shommono, Shii ta minma. ¹⁷Leyyei pegrono, ma pegro shaayi.¹⁹²⁰Ma nyimmo paaro ye no teka ma, 'Shook a yeko fominanim.' Shinui maa minano shilibi, ma maa ta minma shilibi; ma yikka paarono, ta yiu sheema. ²¹Ta yuma we te ding longkuno, longku ye a peno mo shunnanom. ²²Moda ne daa wa yun paaro ti shinuiim, daa kan shasshalawum, pene wende a doo po perani ti ta shasshalwim.²³Mo kuraano kuraa fonno. ²⁴Moda ne daa yuu wee a doo mo yuwa ti shakkijuim, daa kan shasshalawum, pene wende weya ta shinui in kuroju ne kan Fonno. ²⁵Pene tene longku kemro wee balili ti ta shoroju,'Shinui kuraano waani.'²⁶Mo an pegroi ma wanna- yene ta shuruma ti jeleno Fonno, tenei, shoom yen kulli, mo penna ti taano Fowi- ta jimrono. ²⁷Ma maa ma jimrono, longku kama ka shaayi ti liyan guni.

Chapter 16

¹''Ne teka ma we te ding kulangyo ma mema ka bi. ²Ta forma ta mina-abo. Pene koddi ta waru mo tukama ta nyimmani ya shi ta yaani shuran Yamma.³Shinui ta ya peen we te longku Fowiim ye neim. ⁴Ne teka ma te kulang ma koddi ma wanna, ma ta nyimmani ne pegraa ma. Nei tewma ka toomum, longku kama ka shaayi.⁵Wende neta wanno shikno mo shunnano, pene a doo mo telano, 'ke ta war tongeem?' ⁶Pene longku ye ne teka ma we te, turmon yiuma kping. ⁷Pene ne teka ma yen kulli, ma nei koom, an pegro a ta waru shikmam, pene manaa kookano, ne ta shuru shii ti ma.⁸Maa foonna ta shi, an pegroi ta shukani ti kubuk kelmo paaro shasshalau, ⁹kan paaro yen kpang, kan shiire- paaro shasshalau, longku ye shinui kumu kan nem; ¹⁰ti Ku paaro yen kpang, longku ne ta wanno jeleno Fowi, birang ma ta we shiknom; ¹¹ti Ku paaro Shiite, longku fuwa po ya shiire ti Ku angup kubuk te.¹²Ne kan we yen gbe yeno po tewma, pene ma ta dum penani wendeim. ¹³Pene shii, shoomin kulli, maa wanna, ta shugma wee yen kullii, shii a ta yaani paaro po kuunim. Pene ta tewani wee ye yaanna, birang ta tewma wee ta waru. ¹⁴Shii ta shokrono, longku shii ta sharani ti shakki paaro yei weeno in tewma.¹⁵Wee ye Fowi kan te ding jal weeno. Wo longkuno te, Yene teka na shoom ta sharuii weeno in tewma. ¹⁶Ti ta koddi la wiu ma ta we shikno birangum, maa la nesshaa birang ma ta we shikno."¹⁷Nang peddi me an yiu shubetni in ya telyo ti shaayi, "We tenei wen ye shii tekamu kama ya, 'ti ta koddi la wiu ma ta we shiknom kan ma la nesshaa ma ta we shikno,' kan, 'Longku ne ta wanno jeleno Fowi'?" ¹⁸Nang shinui in tel shii ya, "Wo paaro wene ye ke teka ka, 'Koddi la wiu'? minaa peno wene ke sheeraa tem."¹⁹Yeesho in geena legejui ka telni, nang in tewon ti shinui ya, "Tenei wee ye ma ta tenglon shaayi ti kwi ya,wee ne teka na, 'Ti ta koddi la wiu ma ta we shiknom, kan ma la nesshaa ma ta we shikno'?²⁰ Ne tekama yen kulli, ma ta ya kwee, pene kubuk ta ya beere. Posheerima ta daklani, pene daklan posheerima ta yoro we beere. ²¹Pomun ma ta ya patti kan shilibro longku koddi yuwa,pene ma fuwa po patto lai, tei ta nyimmo shilib ye weyaim longku beere weyan niyon ding ti kubuk.²²Wendei koddi daklan ta aama, pene ne ta we shikma birang, posheerima in twaalla, a doo mo ta shar ma twaalan sheerimam. ²³Maa darangii ma ta tello ka we birangum. Ne tekama yen kulli, mama telaa we ding ti kirano Fowi ti ta shomono, Shii ta minma. ²⁴We war wendei mai telo we ti ta shomono tidangum. Ma telo ta minma, longku beerema in kemoro."²⁵"Ne tebraama we te kaa pelle shiwon-shik-paaro, pene koddi ta waru ne ta yuuma paaro ka pelle shiwon-shik-paarom, pene ne ta tewmai paarono Fowii ti ku dam.²⁶Maa darangno tere ma ta ya telyo ti ta shomono nei tewma na ne ta waara beng Fono ka longkumam, ²⁷Fowi Yamma po kuuni lekama longku ye ma lekannen birang man kumi ne pennai ti jeleno Fowi. ²⁸Ne pennai ti jeleno Fowi, nen riru kubuk. Birang ne ta wessho kubuk nen meeno jeleno Fowi."²⁹Me an yiu shubetni ya, "Ma gee, wende ke ta ya paaroi ti ku dam ke ya kaa pelle shiwon-shik-paarom. ³⁰Wende min penaa ke penaa we ding, a doo mo ta dum yuuko telyo birangum. Longkuno te, min kunnga ke penna ti jeleno Yamma." ³¹Yeeshon liginon ti shinui, "Ma kunnga wendaa?³²Ma gee, koddi ta waru, Oo, wende foonaro, ye ta lekroma taama, koonong we war minani, man wesshono ne dokno. Pene a jalnom longku minan Fowi ka shaayi. ³³Ne tekama we te longku man we kuttan sheeri ti taano. Ti kubuk ma ta weyani turmo, pene ma shero bang, ne yeka bang kubuk."

Chapter 17

¹Ka bi ye Yeesho teka we te, in deero dooni ti kudang ya, "Fowi, koddi wanna, shokro laako longku laako in shokroko- ²kaa ye ke minaan kumen ti ku memme ding longku shii in minin kerang po ding ti me ke minaan ti shii.³Tenei kerang po ding: Ya mo shinui penko, kei Yamma yen kulli, kan mo go shunnai, Yeesho Kiriti.⁴ Ne shokrako ti kubuk. Ne fuwa po ya shuran ye ge minanoi. ⁵Wende, Fowi, shokrono kan kei ding ka shokran yene kan te ti taako in tang yuru kubuk.⁶Ne shuklaa shommoko ti me ke minaano ti kubuk te. Shinui weeko, nang ken minno shinui, in yiu paaroko ta shinui. ⁷Wende penaa ta shinui ding wee ke minano pennai ta kirako, ⁸longku ne minaan paaro ding ye ke minnanoi. In yiwi ta shinui in kumi kulli ne pennai ti shikko, kan ke shunnano.⁹ fora dulo ka longkuju. Nei forii longku kubuk tem penei longku me ke minano, shinui weeko. ¹⁰Weeno dingii weeko, nen we shokran ti taajui. ¹¹Ne ti kubuk birangum, pene shinui ti kubuk, Ne ta amruno jeleko. Fowi an shaana, yiu shinui ti ta shommoko ye ke minanoi longku shinui in yooju dok, kaa ye kakei we dok.¹²Koddi ye tida ne ka ne kan shinui, Ne liyaa shinui ti shommoko, ye ke minanoi. Ne joora shinui, a do mo daklonim, bara la an daklan mo, kulang wee balili in kemoro. ¹³Wende ne ta waru shikko, pene ne ta ya paaro tei ti kubuk kulang shinui in we twaalan sheeri no ti taaju. ¹⁴Ne minaan paaroko ti shinui, birang kubuk in kuraa shinui longkwi shinui a we kubukum, ka ye nei we kubukum.¹⁵Nei for dulo na ko sharin shinui ti kubukum, pene ken jooro kuujui ti kira mo an shek.¹⁶ Shinui a we kubukum, ke ye nei we kubukum. ¹⁷Shaano shinui ka kulli. Paarokoi kulli.¹⁸Kaa ye ke shunnano ti kubuk, kaa tei Ne shuraa shinui ti kubuk. ¹⁹Wo Longkujui ye ne shaana kuuno, longku shinui in shaana kuuju ti ta kulli.²⁰Ne ta ya for duloi longkuma mee waanim, penei kama me ta kumani kan ne ka paaroju ²¹longku in yooju dok, kaa ye Ke, Fowi, ke ti taano, ne ti taako. Mo shinui yooju ti taamu kake longku kubuk in kumi ke shunnano.²²Shokran ye ke minanoi, ne minaan ti shinui, longku in yooju dok, kaa ye kake dok: ²³Ne ti taajui, ke ti taano- kulang in yooju dok kping po ding, kulang kubuk in peni ke shunnano, kan ke leka shinui kaa ye ko lekannen.²⁴Fowi, ne leka me ke minaano ding mo warju piree kan ne, in we shik shokran, shokran ye ke minaano longku ke lekano in tang yuru kubuk.²⁵Fowi ye dobet, kubuk a penkom, pene ne penako; ma mee penaa ke shunnano. ²⁶Ne shuklan shommoko ti shinui, birang ne ta shuklon longku lewan ye ke lekan nen in deero kan shinui, nen deenen ti taajui"

Chapter 18

¹Ka bi paaro ye Yeesho yuwai, in pereni kan me an yiu shubetni in teleni galung kidron, ye kan doong biro ye riyo tai kan me an yiu shubetni. ²Pene Yawuuda, mo ta pilin ka shii, penaa po teerei, longku Yeesho nunnga war po teere kan me an yiu shubetni. ³Nang Yawuuda, yinna toom me an-bee-deet kan peddi me an toom an-kpaa kan Parishaawa, shaddi kan wulon deet, toodilen, kan shari gei.⁴Nang Yeesho, mo penaa we ta yooro ti shikni, in gina in tel shinui, "Ma ta gassho bino nong?" ⁵In liginno ta shinui, "Yeesho niyo Naajeret." Yeeshon dewon ti shinui, "Nei shii" Yawuuda, mo pilaan ka shii, shi maa sherin kan me an-bee-deet.⁶Bara ye Yeesho tekan ti shinui, "Nei shii," in meeju ka guni in shugiyyo ti buk. ⁷Nang in tel shinui birang, "Ma ta gasho bino nong?" in liginno birang ta shinui, "Yeesho niyo Naajeret."⁸Yeeshon liginno, "Ne tekama na nei Shii. Nang mamaa ta gasshani bino, ma wessho ma mee mo kooju." ⁹Tenei longku kem paaro ye teka ta shii ya: "Ti shakki me ke minano a doo ye shugo koo dokum."¹⁰Nang Shimon Biiturus, ye kan agarum ti kirani, in kpaatu in kaan kumo shook an-kpaa ye ti kira temme in fororo. Shommo shook an-kpaai Malkus. ¹¹Yeesho in tewi ta Biiturus, "Maan ka agarumi ta minaro. Ne ta yiu gurang doo ye Fowi minano nen she maa?"¹²Nang galan ku me an-bee-det kan an toomro kan me andongori Yawuudawa, in yiu Yeesho in dawi.¹³ In warin shii ka toom shikno Annas, longku shii an-gbarumno Keyaabas, moi mon gbo an-kpaa ta shenoi.¹⁴ Pene wo shii Keyaapaji mo teka ya yuwa kpang mo niyo dok muru longku memme ding.¹⁵Shimon Biiturus in yiu bino Yeesho, kan mondok an yiu shubetni, mo an yiu shubet tere penani ti piree kan mo gbo an-kpaa, in reni ti biino Yeesho we war ta dang an-kpaai; ¹⁶pene Biiturus shereni ti po dang ti pewe. Nang mondok an yiu shubet, mo an-kpaai penaa shii, in peru in ya paaro ti la pomun an po dangii, in riru ka Biiturus ta.¹⁷Nang la pomuni, mo an jooro po dangii, in tewi ti Biiturus, "Ke ti shakki me an yiu shubetno lamoo maa?" in liginno ta shii, "A nem." ¹⁸Nang shooki kan andongori shengri ti po tere, ta shen deet, koddi ka dulaw, in ti wowwo shikju. Biiturus sherin ti jelejui, sheri ta wowwo shikni.¹⁹Nang mon gbo ankpaa in tel Yeesho ti ku me an yiu shubetni kan shupponi. ²⁰Yeeshon liginon ti shii, "Ne yuwa paaro ti kubuk ti piira. kpaaliyo ding ne ti ya shuppo ti ta for-fok kan mina Yamma piree Yawuudawa ti galin. Nei tewo manni wei ka jirim. ²¹Longku wen ye ke ta tellei? telo me yaara wee ne teka. gee, shinui penaa wee ne teka."²²Kaa ye Yeesho teka we te, dok ti shakki me andongoori ye shengri ti po tere in paalo Yeesho in tewi ya, "Tenei wee ye ke po liginani ti mon gbo ankpaa?" ²³Yeeshon liginon ti shii, "Manaa daklaa paaro, ken tew piree ne daklaani, pene manaa teka yen kpang, longku wen ye ke paalanoi?" ²⁴Nang Anash in shur gunnii ti Keepash mon gbo ankpaa.²⁵imon Biiturush sheeri ti po shen deet. Nang memmen tewon ti shii, "Ke maa ke ti shakki me an yiu shubetni maa?" in yooni jiram ya, "A nem." ²⁶Dok ti shakki shook mon gbo ankpaai, po peen no la mo Biiturush foraa kumoi, ya, "Naa wa shikko ti ta doongii kan shii maa?" ²⁷Nang Biiturush in yooni jiram birang; Nang kpantidi gok in ya kwii.²⁸Nang in sharin Yeesho ti jeleno Keepash we war minano gup. Woroju kan vupnoi, nang a ri ta minaim, yaa longku wo shin yooju kan doon ti shikju wo shin kaano sha wesshina temre telani. ²⁹Nang an gubi ta Pilate in peru shikjui ya, "Ma yuuna gunno la mooi ka wen?" ³⁰in liginno ta shinui, "Moda la moo ye daa daklo wem, min daa warin shi toomkom."³¹Nang Pilate in tewon ti shinui, "Ma shar shii po kuuma, man wa shiiro shii ka ye shoro ma kunngan." Yawudaawa in liginon ti shii, "Minii kan kumen shiiro we tuk niyom." ³²Teka ka te ta shinui longku paarono Yeesho in kemoro ye teka ta shii peen muro ye shi ta yaani.³³Nang Pilate in reeni ta mina gup birang in ye Yeesho in tewon ya, "Kei an gup Yawudaawa wee?"³⁴ Yeeshon liginon, "Tenei telyo po kuuko ya, koo memme sheerako pinno?" ³⁵Pilate in liginno, "Nei niyo Yawudaawam, nei ya? wanna ka paaroi memmeko kan men gbidino ankpaa. Ke yuwaai wen?"³⁶Yeeshon liginno, "Gubnoi she kubuk tem. Moda gubno daa we kubuk te, me yuwoju shookno na neyaa no kuuno ti kira Yawudaawa. Pene wende gupnoi ti po tem."³⁷ Pilate in liginno ya, "Kei gup ya ma kaa tei?" Yeeshon liginno, "Ke teka kpang ka nei gup. Wo longku we te ye pattannen, nangii longkurei yene rina kubuk, longku nen jimro fok kulli. Ding mo leka kulli ti yaaro eleno."³⁸late in tewon ti shii, "Kulli wenee?" bara ye teka kaa te, in per shik Yawudaawai birang in tewon ti shinui, "Nei wa la moo kan kelnyom. ³⁹Pene ma kan waari maa ye koddi temre telani yuwa ne ti for ma kira ka niyo dok. Ma leka ne for ma kira ka gup Yawudaawai ya?" ⁴⁰Nang in yallina ta shinui birang, "A la moom, penei Barnaba." Wende Barnabai mo an bang kumo.

Chapter 19

¹Nang Pilate in shar Yeesho in yuun biro-biro. ²Me an bee deet in lau we ku arat. In showi ti kuuno Yeesho in showin lannan gakal. ³In waru jelei ta shinui ya, "Kerangko mo diyo bak, an gup Yawudaawa!" in ti palla ta shinui.⁴Nang Pilate in per pewe birang in tewon ti shinui, "Ma gee, ne ta perinman ka shii man peni nei wa shii kan kelnyom." ⁵Yeesho in peru, showii kan wo ku arat kan lannan gakal. Pilate in tewon ti shinui, "Ma gee, wono ta shii!"⁶ Pene bara men gbidino ankpaa kan andongori weya shikno Yeesho, in alin ka yallo dik ya, "sheewo shii, sheewo shii!" Pilate in liginno ya, "ma koon ka shii man wa sheewina po kuuma, longku nei wa shii kan kelnyom."⁷Yawudaawan liginon ti shii, "min kan shoro, kaa ye shoroi teka shii ta tuk shii longku ne ye teka yajii laano Yamma." ⁸Bara ye Pilate yaara paaro ye, shewon yiu shii kping, ⁹nang in ri ta mina birang in tel Yeesho, "Ke wannai ti tong?" nang Yeeshon tooro kuuni a liginom.¹⁰Birang Pilate in tel shii, "ke ta yuuno paaro maa? kei peno ne kan bang foranken kira koo sheewoko maa?" ¹¹Yeesho in liginon ya, "ke kan bang ti kuunom bara we maa minnako ti kudang. Pene, mo minano ti kei kan shasshalau yen gbo."¹²Ti ku eleni te, Pilate in gassho koko forin kira ka shii, pene Yawudaawa in alin ka yalloi, ya, "ma kaa foraan kira ka la moo, kei an jeerono Sheejam. Konong maa yuwoni an gup ta kpakyo Sheeja." ¹³Bara ye Pilate yaara ka te, in peru ka Yeesho in deeni ti ku juk shiire ti piree ti ye ka "Yemman shiila," pene ta po Aramaic yaa, "Gabbatha."¹⁴Wendei darang limyo shik longku temre telani, pelle koddi awa an paragbanang. Pilate in tewi ti Yawudaawa, "Ma gee, an gupma woro!" ¹⁵In alin ka yalloi, "Koon ka shii won, koon ka shii won; sheewo shii!" Pilate in liginon ti shinui, "Ne sheewo an gupmai wee?" Men gbidino ankpaa liginno ya, "Mini kan an gubum bara Sheeja." ¹⁶Nang Pilate in minin Yeesho ti shinui ka we sheewani.¹⁷Nang in shar Yeesho ta shinui, in peru ta shii, sharii kan gbong biro ti kuuni, wo war piree ti ye ka "piri gunglung kuu," ti ta po Aramaic ti yei ka "Golgotha." ¹⁸In sheewo Yeesho ti po tere, gale kan niyo palau, dok ti kira temme dok ti ku kira jiyau Yeesho ti shakkijui.¹⁹Pilate in ya balla in tannon ti shik biro sheewii. Ballaan ya:YEESHO NIYO NAAJERET, GUP YAWUDAAWA. ²⁰Yawudaawa gbe in maaro temo te longku piree sheewan Yeeshoi nimmi kan gokmina. Yuwa ballai ti po Aramaic, Latin kan Greek.²¹Men gbidino me ankpaa Yawudaawa in tewi ti Bilaatush, "Wessho ballani ka, 'Gup Yawudaawai,' pene ballo ka, 'Lamoo teka, "Nei gup Yawudaawa.'"" ²²Bilaatush in liginon, "Wee ne fuwa po ballani yuwai balloro."²³Bara ye me an bee deet shewa Yeesho, in pal lannai, in bwatto tai pereu, dok sheeno konong ti shakkijui; kan lannan joorini. Pene lannan joori dok a don po jaaro taim, jaklaani ka teere wee yinnan ti bong lannai we shaaru laddi. ²⁴Nang in tewi ti shaayi, "Kama wejo jaaro tai, pene kama ving kaari, kaman pen mo ta tappo kwi." Yuwaa ka tei longku in kem paaro Yamma ye teka ya, "Shinui in bwaaro lannano ti shakkiju in ving kaari ti ku lannan joorino." Tenei wee me an bee deet yuwaa.²⁵Pene sherii nimmi kan po shewo Yeshoi nonni, kan molano nonni, Maryamu manna Kiloopash, kan Mary Magdaaliya. ²⁶Bara ye Yeesho weya shikno nonni kan mo an yiu shubetni ye leka sheri nimmi, in tewi ti nonni, "Nonno, gee, laaji wono!" ²⁷Nang in tewi ti mo an yiu shubetnii, "Gee, nonko wono!" wee yikka ti koddi teere mo an yiu shubetnii in ye tei in warin minani.²⁸Ka bino te, penaa we ding fuwaro longku in kemro wee balilaa ti ta paaro Yamma, Yeesho ya, "Fokno isshii." ²⁹Ka kuluk kemi ka doo yen shwang kping dayii ti po teere, nang shinui in shar fong in showin ti ta doon shwangii, in showi ti po la biro in warin foknii. ³⁰Bara ye doon shwangii riya ta fokno Yeesho, in tewi ya, "Fuwaaro." Shii in tumuru kuuni in foran kira ka kerangni.³¹Nang Yawudaawa, longku darang te we limmo shik, longku a ti wesho kuma ti ku shewo darang nesshom(Darang nessho teerei ween kpang ding), in tel Bilaatush mo beblo shojui in durin shinui ti po biro shewoi. ³²Nang me an bee deet in wa beblo sho mo an dok kan an palawi me shewa shinui kan Yeeshoi. ³³Pene bara ye wanna shikno Yeesho, in we fuwaa po muroni, nang a beblo shonim.³⁴Nang, dok ti shakki me an bee deet in kpe jara-gongono Yeesho ka kash, kpantidi dom kan doo in perin. ³⁵Mo weyaa shigi ka adooni jimraa, birang jimroni yen kulli. Penaa ta shi we ye ji teka yen kulli longku ma sheema man kumi.³⁶We te yuwaaro longku in kemro paaro Yamma ye teka ya, "A doo wiyakni dok ye ta belanim." ³⁷Birang, manni paaro Yammai teka ya, "Shinui ta gee mo shin kpeyaai."³⁸Ka biino te, Yushubu niyo Armatiya, longku shii an yiu shubetno Yeesho(pene ka jiri longku ta shi Yawudaawa), in tel Bilaatush ka we shar kumano Yeesho. Bilaatush nang in kumin piri. Nang Yushubun wa shar kumai. ³⁹Nikidiimu shi ma in wanna, shii mo naka war jeleno Yeesho ka yippo. In waru ka burlan mor myrrh kan aloes, pelle tirai shik-dok.⁴⁰Nang in shar kumai ta shinui in dau shigi ti ta lanna yen yelek-yelek kan turaalii, ka ye Yawudaawa ti yuun nanoju. ⁴¹Pene ti piree ye shewan Shii ka doong biro; ti ta doong ye ka duwo yen fo yei nau nanin niyo ti taiim. ⁴²Longku tei darang limmo shik Yawudaawa kan duwoi nimmi, nang in liin Yeesho ti tai.

Chapter 20

¹ene ka po vuvnoi darang yen dok ti ta shaklo parlau, tida bambiri kpindi-kpindi ta pirii, Maryamu Magdaaliya in waru ku duwoi in we gbumloo sheela po duwoi. ²Nang tei in yuru yoba we war shikno Shimon Biiturush kan shikno mo an yiu shubet ye Yeesho leka shii, in tewon ti shinui, "Shinui foraan Fo-mina ti ta duwoi, minaa peno piree ye shinui liyaan shiim."³Nang ma Biiturush kan mondok an yiu shubetni in koo war ku duwoi. ⁴Yuwaa yobai ka shaayi, mondok an yiu shubetni in be Biiturush in fooro ku duwoi ka toom. ⁵Nang in tuwo dooni in we lannai lii ti waani, pene a ri ta duwoi ta shiim.⁶Shimon Biiturush in foottu ka biini in wa ri ta duwoi.In we shik lannai liyani ti po teerei ⁷kan lanna ye dakan kuuni. A liin ti jele lanna ye yelek-yelekim ligo doi in li te dokro.⁸Nang mo dok ti shakki an yiu shubetnii, mo foonna ku duwoi ka toomi, in ri ta shii, in we shiki in kumi. ⁹We foottu wende a peno ti ta paaro Yamma ya ta illoni ti ta duwom. ¹⁰Nang me an yiu shubetni in meeju minaju birang.¹¹Pene Maryamu sherero ti jele duwoi ti pewe in ti yuun kwii. Maa ti ya kwii, nang in tuwon dooro ta duwoi. ¹²Nang in we shik malaiika palau kan ween pe deeju dii, mondok ti po li kwi, mondok ti po shuba shoi ti piree liaan kumano Yeeshoi. ¹³Shinui in tel tei, "Poomun, shi ta kunngo wen?" in liginno ta tei ti shinui, "Longku shokraa Fo-mina ta shinui, naa peno pirinnee ye liyaan ta shinuiim."¹⁴Bara ye teka ka te, in shiru doro in we shikno Yeesho sheerin ti po teerei, pene a peno yaa Yeeshom. ¹⁵Yeeshon tel tei, "Poomun, shi ta kunngo wen? shi ta gassho biino nong?" tei in nyimmina ya kaarei mo an shuran ta doongi, nang in tewon ti shi ya, "Anshubet, maa shaara shii ma ke, teuno pirinnee ke liyaan, nen wa shokuttu."¹⁶Yeeshon tewon ti tei, "Maryamu." in shiwo shikro, in tewon ti shi ta po Aramaic, "Rabboni" (Ye ta tewani ka "Anshubet"). ¹⁷Yeeshon tewon ti tei, " Mo ji tau shiknom, tidang nei ammo jeleno Fowim, pene koo shin wa tewi ti mamolonno Ne ta ammo jeleno Fonno kan Foma, Yammano kan Yammama." ¹⁸Maryamu Magdaaliya in wa tewon ti me an yiu shubetnii, "Ne weena shikno Fo-mina," tennano we tenei shii.¹⁹Ka kiryippo darang no teerei, darang dok ti shakki darang parlauwi, po dangii nummani ti piree kan me an yiu shubetnii longku shewo Yawudaawa, Yeeshon waru in sherennin ti shakkijui in tewon ti shinui ya, "Kuttan sheeri ti ma." ²⁰Ka bi tewon we te, in shuklon ta kirani kan po jele gonghoni. Me an yiu shubetnii in ya beere kping ka weyan shikno Fo-mina.²¹Yeeshon tewon ti shinui birang, "Kuttan sheeri ti ma. Kaa ye Fowi shunnano, ne maa ne ti po shurma." ²²Bara ye Yeesho teka we te, in fiyan shunono ti kuujui in tewi ya, "Ma yiu shoomno Yamma. ²³Mo ma fuddaan shasshalauni, yuwaai fuddoro; mo mai fuddo shasshalauniim, shii ta diyon ka teerei a fuddanim."²⁴Tooma, mo ti shakki ge-palau ye, ye ti ye ka Didimush, a don shim koddi ye Yeesho wannaim. ²⁵Digi me an yiu shubeti in tewon ti shii, "Min weya shikno Fo-mina." in liginno ta shii ti shinui ya, "ma nei wa bi teran shewo ti ta kiranim, nen liin po kirano ti zwal shewoim, nen li kirano ti po jele gongoniim, ne ta kumanim."²⁶Ka bi shaklo pididou me an yiu shubetni ti ta minaju birang, Tooma koddi ka shi. Yeesho in waru kaa ye po dangii nummani, in sherennin ti shakkijui, in tewi ya, "Kuttan sheeri ti ma." ²⁷Nang in tewi ti Tooma, "Shoru po kirako ken nawin ta kirano. Shoru kirako wono ken nau po jele gonghono. Mo ko yoko an kura kumenum, yoko an kumen."²⁸Tooman liginno in tewon ti shii, "Fo-minano kan Yammano." ²⁹Yeeshon tewon ti shii, "Longku ke weya shikno, ken wara kumani. Kpang yuwaro we me a wa shiknom, in kumi kan ne."³⁰Nang Yeesho in yuyyo we temo maam ti toom me an yiushubetni, we maam yei balilo ti ta Takadda tem, ³¹pene ballaa tenei longku man kumi Yeeshoi Kiriti, laano Yamma, kumen kan shii ta min ma kerang ti ta shommoni.

Chapter 21

¹Ka biino te Yeeshon shuk shikni birang ti me an yiu shubetni ti po shiiruk Tiberiya. Tenei koko ye shukan kuunii: ²Shimon Biiturush ka shaayi shinan Tooma mo ti ye ka Didimush, Nathaniel la Cana ye ti Galili, shibono Zabadi, kan niyo palau birang me an yiu shubetno Yeesho. ³Shimon Biiturush in tewon ti shinui, "Ne ta waraa yippo shirim." Nang in liginno ta shinui ya, "Minu ma min ta yiu biigo." In wa ri ta gong dooi ta shinui, pene a doo we ye yikka ta shinuiim yippo ding.⁴Pene, kan vubnoi, Yeesho sheerin ti po paali, pene me an yiu shubetni a peno ya Yeeshom.⁵ Nang Yeeshon tel shinui, "Shibo kparin, ma kan we ye po shaani ya?" in liginon ti shii ta shinui ya, "ongngoo." ⁶Shii in tewon ti shinui, "Ma ving ja we yippo shirimi ti ku kira temme gongii, ma ta weeru." Nang in ving jai in yegi ta po tollu longku gbe shirimi.⁷Nang an yiu shubet ye Yeesho leka kpingi in tewi ti Biiturush, "We tei Fo-mina." Bara ye Shimon Biiturush yaara yaa Fo-mina, in dau lanna kawoni (longku foraa lannani), in teron shikni ti ta dooi. ⁸Digi me an yiu shubetni in warju ti ta gongii(longku a tali kan po gangro dooim, pelle tawo shik palau), in ti tollo jai kan keman shirim ti tai.⁹ Bara ye shinui peraan ti ta dooi, in we deet shewle kan shirim liin ti kwi, kan we-ta-kele.¹⁰Yeeshon tewon ti shinui, "Ma warin ke peddi shirim ye ma baa yirui." ¹¹Shimon Biiturush in wanna in tollu jai in amrin po gangroi, kemani kan gbidino shirim, shin 153, kan gberoi, a jaaro ta jaim.¹²Yeeshon tewon ti shinui, "Ma waru ma shabbo fokma." A doo niyo ti shakki me an yiu shubetni mo telaa shii, "Duma kei nongeem?" Shinui penaa shii Fo-mina. ¹³Yeeshon wanna, in shar we-ta-kelei, in minin ti shinui, kan shirimi birang. ¹⁴Tenei an tat koddi ye Yeesho shuga kuuni ti me an yiu shubetni ka bi ye illa ti ta duwo.¹⁵Bara ye shinui shabba fokju, Yeeshon tewi ti Shimon Biiturush, "Shimon laano Yuwana, ke lekano ye yeka shema mee ya?" Biiturush tewon ti shi, "Oo ta Fo-mina, ke penaa ne lekako." Yeeshon tewon ti shii, "kang galmano me." ¹⁶In tewon ti shii birang an palauwi, "Shimon laano Yuwaana, ke lekenaa?" Biiturush in tewon ti shii, " Oo ta Fo-mina, ke penaa ne lekako." Yeeshon tewon ti shii, "jooro ku dinnyino."¹⁷In tewon ti shii an tati, "Shimon laano Yuwaana, ke lekanaa?" Biiturush in yooni den longku ya Yeesho telani sho tat wende, ya, "Ke lekanaa?" in tewon ti Shii, "Fo-mina, ke penaa we ding, ke penaa ne lekako." Yeeshon tewon ti shii, "Kang dinnyino. ¹⁸Ne tekako yen kulli, koddi ye kai la, ke ti show lannako ken war pirinnee ke leka ding, pene ma ka kooraa, kan min kirako, mondokin showko lanna in warinken piree kei lewo waranim."¹⁹Nang Yeesho teka we tei we shuklo peen muro ye Biiturush ta shokron Yamma. Ka bi ye teka we te, in tewi ti Biiturush, "Yiru biino."²⁰Biiturush in shiwo shikni in we an yiu shubet mo Yeesho lekai in ti yiu biijui, wo la mo tekan shikni kan Yeesho ti po sha wesshina ye teeka ya, "Fo-mina, ta leu tukkei nong?" ²¹Biiturush in we shikni in tel Yeesho, "Fo-mina, la mooi ta ya wen?"²²Yeeshon tewon ti shii, "Manaa leka shii in deeni we war koddi yene ta meeru, sheekei wen? kooru ti biino." ²³Nang paaro te in fu ta piri ti shakki mamolon, ya mo an yiu shubet teere a ta muranim. Pene Yeeshoi tewo ti Biiturush ya an yiu shubet teerei ta muranim, pene tekai ya, "Manaa leka shii in deeni we war koddi meyanno, sheekei wen?"²⁴Tenei an yiu shubet mo jimraa we te, mo yuwaa balla te, min penaa jimroni yen kulli. ²⁵Ka digi wei gbe ye Yeesho yuyyaa. Moda daa balilaa ding, Ne nyimma kubuk po kuuro a ta dum shar Takadda ye ta ballaniim

Acts

Chapter 1

¹Lakarda ye ne balla ka bi, ta Tiyopilush, tebraa we ye Yeesho yuwa kan wee ye shii Shuppaa,² we war koddi ye shokran shii we war kudang, ka bi ye mina paaro ti ta shoom to me an yiu shubetni ye shii shakka. ³Ka bi ta an shilibni, in shuk kuuni kan doi ti shinui kan we gbe ye po jimro shii. Po shaklo naapereu in shukin kuuni ti shinui, in yuun paaro kpadano Yamma.⁴Koddi ye ti kpomi kan shinui, in tewon ti shinui ya mo wejo wessho Urshalimai, pene ya mo shinui dang kunnghu no Yamma, kaa ye teka ta shii,"Ma yaaraa ti fokno ⁵ya Yuwaana yuwa Yulmai ka too, pene ta yuuma Yulmai ka shoomno Yamma maa la shaklaa la wiu."⁶Bara ye galaa ta shinui in tel shii ya, "Fo-mina, tenei koddi ye ke ta merin ka gup ti Israilaa?" ⁷Shii in tewon ti shinui ya, "Pen koddi tei weemam ye Fowi yuwa weni ka bangni. ⁸Pene ma ta we bang ye Shoomin shaana shukno ti kuuma, ma ta yooma an jimrono ti Urshalima kan judiya ding kama Samaariya,we war fuwan kubuk ding."⁹Bara ye Yeesho teka we ye, ka ye shinui in ti gee kudang, in shokro shii ti kudang, nang shungu in latto shii ti doojui. ¹⁰Pene ma ti geena ta shinui kping ka ye shokraa shii, kpantidi, niyo Palau sheriin ti jelejui jal kan lannan pe. ¹¹In tewon ta shinui ya, "Ma men shwiji Galili, ma sherii ti po the man ti gee kudangii ti Ku wen? Yeesho tene ye shokraa ti jelemai we ammo kudang, ta meeru kaa ye ma weyan ti Ku ammonia kudangii."¹²Nang in meeruju Urshalima ye shanan ti Ku sheela Olives, ye nimmi kan Urshalima, mere darang nessho dok. ¹³Bara ye foonna ta shinui, in ammoju ta Mina kudang, pirinnee ye deenjun. Me ka shinui ma Piita, Yuwaana, Jamush, Andarawush, Filibush, Toma, Batalamawush, Matta, Jamush laano Alpawush, Shimon ye ti ye ma zeelot, kan Yawuuda laano Jamush. ¹⁴Shin ding in li kuuju ta for dulo, kama shereb ding, kan Maryamu nonno Yeesho, kan ma molonnii.¹⁵Ti ta koddi tere Biiturush in illo shikni ti shakki mamolonni, pele niyo 120, in tewi ya, ¹⁶"Mamolonno, yuwaro yen kulli yaan kemro we ye balili, ye shoomin shaana teka ti ta fokno Dauda ka paarono Yawuuda, mo yikka toom me an yiu Yeesho.¹⁷Shii milamii dok ti shakkimu kama shii yikka angi ti ku shuran te." ¹⁸(wende la moo te pilaa ku dam ka wee ye weya longku shekni, ti po terei in shukno ka kwi, nang in shemo ka toddoni, asshinii ding in peruju peewe. ¹⁹Me dii ti Urshalima ding in yaaro gun we te, nang in ye kudam teere ti ta fokju ka "Akeldama," ye yaa, "Ku dam dom.")²⁰"Kaa ye ballii ti ta Takadda Jabura, mo ku damni yooro gangrung mina, mo niyo dok wessho diyon ti taii'; 'Mo mundok birang shar po shooni ti ta shurani.'²¹Yikka ti gbare-do, nang niyo dok ti shakki me an yiu biimu kama koddi ye Fo-mina Yeesho ti ya shalo ti shakkimu kama, ²²wee yinna ti koddi yulmano Yuwaana we war darang ye shokraan shii ti jelemu kama, in yooni mo an jimro kan kama ti ku illitnii." ²³Nang in li niyo palau ti toom, Yushubu ye ti ye ka Barsabbas, in ti ye birang ka Yustush, kan Mattiyas.²⁴In for dulo ta shinui ya, "Ke, Fo-mina, ke pene posheeri niyon-ding ding, shuklomu ti shakki me palau me ye ke shaka ²⁵in shar po sho ti ta shuran ye Yawuuda wessha in meeni piree kan po diyoni." ²⁶In ving kaari ti kuujui, nang kaari inshukno ti kuuno Mattiyas, in liin shii ti shakki me an yiu shubet me kpumu gee doki

Chapter 2

¹Bara ye darang Pentekosh yuwa, shin ding galii ti pi dok.² Kpantidi ele we in shaaru ti kudang kaa ele gbong pirit, nang in kemoro ta minai piree diini. ³In perin ti shinui ta dak kaa pele deet ye bwaira, in deeju ti kuuno koonong. ⁴In kemro shinui ding ka shoomno Yamma in yiu ya paaro ka dak peeni-peeni, kaa ye shoomi kunngan ti shinui.⁵Wende ka Yawuudawa me dii ti Urshalima, me an shi Yamma, me penna ti gokmina ding ti gun kudang. ⁶Bara ye shinui yaara ele we te, jimo memmei in gal shaayi in ti ya maam longku koonong in ta yaaro po minani. ⁷in ya maam kping ta shinui; in tewi ta shinui ya, "Kulli, ma niye mei ti tewi po me ti Galili maa?⁸Penei ka yaa kaman ti yaaro shinui, koonong ti yai ta fokmu kamai? ⁹Paashiya, Midiya, kan Elemaawa, kan me dii ti Mesopotamiya, me ti Yawuudiya kan Kapadokiya, me ti Pontush kan Aashiya, ¹⁰Pirigiya kan Pampiliya, me ti Mashar kan peddi kubuk Libiya we watto ka Shaireen, kan bino me wanna ti Rooma, Yawuudawa kan me foraa fokju in yooju me an wawo ¹¹Yawuudawa, Kretiyawa kan Arabiya, kaman ti yaanna ti ta fokmu kama in ti ya paaro gbidino shuran ye Yamma yuwa."¹²Shin ding we maam kan jamo-jamo in yiu shinui; in tewi ti shaayi, "We tenei wen dumai?" ¹³Pene peddi wulin paaro ya, "Kengejui ka men."¹⁴Nang Biiturush in illina kan kpumu gee doki, in shokro eleni, in tewon ti shinui, "Shwiji me ti Judiya kan me ma dii ti Urshalima, ma peno we te; ma yaaro paarono kpang. ¹⁵Ma niyemei kemoi ka menum kaa ye ma nyimmaim, tidangii daddarang.¹⁶Pene tenei wee ye teka ta Joyel an-pigro: ¹⁷'Ta yoro ti koddi wilan ta piri,' Yamma teka, 'Ne ta fiya shoomno ti ku niyo ding. Shiboma ta ya pigro, shibo kparinma ta we shik jirim wee ta waru, men koddiro ta yuyyo shuna.¹⁸Kulli ti ta shaklo te ne ta deru shoomno ti ku shookno men shwiji kan shereb, birang shinui ta ya pigro. ¹⁹Ne ta shuk we maam ti ku dang kan we temo ti kubuk, dom, deet, kan ilit dungo.²⁰Darang ta shiworo dil, Tere in shiworo dom nang gbong darangno Fo-mina in waraa waru. ²¹Ta yoro ding mo yiyaa shommono Fo-mina ta kauro shii.'²²Men shwiji Ishereila, ma yaaro paaroi: Yeesho niyo Naajeret Shii shwiji ye Yamma minnama kan shuran yen gbidino ye yuyya ti shakima kan we maam ye Yamma yuwa ti ta kirani ti shakkima, kaa ye ma pena. ²³Niyo ye Yamma minamai kan penanni; pena ma, ti ta kira me an shek, man tuk shii ka teron kuujama ti shii ti ku gbong biro. ²⁴Pene Yamman shokro shii, in forin shii ti ta shilib muro, longku muroi ta dum yiu shiim.²⁵a ye Dauda yuwaan paaro ti kuuni ya, 'Ne ti we shikno Fo-mina kpaaliyo ding ti adoono, Kaa ye shii ti ku kira temmeno longku shinoi ta taranim. ²⁶Longkuno te posheerino ta ya bere birang dakno in twaalla. Birang, lo-shikno in diino ta li shaari.²⁷ngku ke ta wesshono kerangno ti ta duwom, ke ta dum wessho shaanako dok in ommonim.²⁸ Ke shuklano koko po we kerang; ke ta kemno ka twaalan shaari ka adoogo.'²⁹Mamolonno, ne ta teuma ka bangshik paarono sheemu kama ta Dauda, shii mura in nan shii, duwonii ti jelemu kama we war wende. ³⁰Longkuno te, shii an pigro in peni ta shii ya Yamma pamma we ya shi ta li po peenni ti ku gubni. ³¹Shii weya shik wee ye ta yoro ti toom nang in ya paaro illit no Kiriti, ya a wesshuru shii ti ta duwom, kan ya lo-shikni a wa ommim³²Yeesho tene- Yamma shokraa Shii, ye kama dingii me jimraa wei. ³³Longkuno te, ka ye shokraa shii ti ku kira temmeno Yamma kan in yiu kumen shaanan shoom ti kirano Fowi, shii deraa wee ma ti we shigii kan yaaranii.³⁴Longku Daudai ammo kudangum, pene in tewi ya, 'Fomina teka ti Fo-minano, "deego ti ku kira temmeno ³⁵we war koddi ye no ta li an geiko in yooju po tabyo shooko." ³⁶Longkuno te, mo gok mina Ishereila peno Yamma shigon shii Fo-mina kan Kiriti, Yeesho te ye ma shewai."³⁷Bara ye yaara we te ta shinui, wei in kpaan shinui ti posheerii, in tewi ti Biiturush kan digi men an yiu shubetnii ya, "Mamolon, min ta yaani wen?" ³⁸Nang Biiturush in tewon ti shinui ya, "Ma for fokma in yuuma yulma, koonong ma, ti ta shommono Yeesho Kiriti we fuddo shasshalauma, birang ma ta yiu shoomin shaana. ³⁹Longku kumeni wema kan we shiboma kan me tali ding, kama memme gbe kaa ye Fo-mina Yammamu kama ye yiyaa."⁴⁰Kan paaro yen gbe ye tebraa in beng shinui, ya, "Ma kauro kuuma ti ta piire ta piri te." ⁴¹Nang in yiu paaroi ta shinui in yuun yulma ti shinui, darangno tere in tokko sheeriju we war niyo dubu tat.⁴² In min kuuju ti po yiu shubet kan ya we gale, ti ta beblo we-ta-kele kan for dulo.⁴³Shewon yiu koonong, nang in yuyyo we maam kama we temo ti ta kira me an yiu shubet. ⁴⁴Me kunnga ding dii ka shaayi sharno koonong in shiwon weeju ding, ⁴⁵in pibilla ka sharju kan wee kan te in bwayinna ti shaayi, ti mo leka ding.⁴⁶Kpaaliyo ding in min kuuju ta ye we dok ti ta mina aboju. In ti shuyyo we shiina ti ta mina shaayi, in ti bwairo weshiina ka twaalan posheeri, ⁴⁷in ti shokro Yamma in we kumen ti piree kan niyo ding, kpaaliyo ding Fo-minan ti tokko sheeri me ti kumi kan Shi.

Chapter 3

¹Pene ma Biturus kan Yuwaana ti po ammo ta mina-abo ka koɗɗi for fok, ti ta awa an fwejereu. ²Nang manni niyoi an kuulo ti ta pattanni Shanna shii we war po dang ye ti ye ka yen-illo. Ti li shii ti po tere kpaliyo ɗing longku beng ƙine ti kira me an ri ya wawo. ³Ɓara ye weyaa shikma Biturus kan Yuwaana ta riyani, nang in tel shinui ka ƙuungu ƙine.⁴Biturus, in ukkon aɗoni ti shiknii, "Geru shikmu." ⁵An kuulo mo in gee shinui, in ti nyimmina ya kaare shi ta we manni wei ti kirajui. ⁶Pene Biturus ya, "Ɓumlum kan zinariya minaa kan tem, Pene we ne kan te, ne ta mingo. Ti ta shommono Yeesho Kiriti la Najeret, you mere."⁷In yiwin shii ti kira temmei, Biturus in shokro shii ti dang, nang shii kama vurumi in yoro bang. ⁸In illoni shigni, in you ya mere; in ti ta Mina abboi ka shaayi kan Biturus kan Yuwaana, in ti ya mere,in jubbo shikni, in ti waw Yamma.⁹Me me ding in we shikni ti Ku mere in ti waw Yamma. ¹⁰In peni ta shinui yaa la mo dii ta ya bengho ti po riyo yen kpang we ti ta mina abboi; in ya ma'am kping ta shinui ti Ku wee ye weyaa shii.¹¹Kaa ye shii yiwii kan Biturus kan Yuwaana, memmei ding in tulo war jelejui dang ye ti ye ka weno Sholomon, in ti ya ma'am kping. ¹²Ɓara ye Biturus weya kaa te, in liginon ti memmei,"Ma me shiɓo ishraila, ma ta ya ma'am wen? ma ta ukkomu aɗoi ka yaa, kaa pelle min liya shii ya mere ka ɓang mu ko ka shaanamu?¹³Yammano Ibrayim kan Ishaaku, kan Jakkop, Yamma ma fowonmu kama, shokraa shookni Yeesu. Shii mo ma Minai man ƙura shii ti toomno angup Pilate, ye shii leƙa for kira ka Yeesu. ¹⁴Man ƙuroma mo kan shaana kan mon kpangi, man lewoma an tukyo niyo maa mo foranman kira ka shii.¹⁵Ma tuƙai an toom ƙerang, mo Yamma piginno shii ti ta duwoo- mini an jimro we te.¹⁶ Kaa paaro li sheeri ka shommoni, shommonii liya la moye,mo ma ti we shigi man pen shii, bang shik. Li sheeri ka Yeeso minaa bang shin ti shii ti aɗoma ma ding.¹⁷Pene, mamolonno, he penaa ma Yuwaa we tei kan penanmam,ka ye me an gupma yuwai. ¹⁸Pene wee ye Yamma tebraa ta fok me ankpaa,Ya Kiritini ta taashilibi, shii shugo foki wende.¹⁹Ma mur kuuma, wende, man shiru, longku in fuɗɗoma shasshalauma, longku man we koddi twalan shààri ti toomno Fo-mina; ²⁰kan shii ta shuru Kiriti mo shaka shii longkuuma,Yeeso²¹Shii mo kudang ta yiwani jalni we war koddi meru ka we ding,ka ye Yamma teka yau ti fok me anshaana ankpaa.²² Muja teka kulli, 'Fomina Yamma ta shokro ankpaa kaa ne ti shaakki ma molonma. Ma ta yaaro wee ta teuma ding ta shii. Ma ta yaaro Paarl ding ye ta sheeromai. ²³Ta yooro moi yaaro paaro me ankpaaim ta daklo shinui ding ti shaakki memmei.'²⁴Oo, kan ankpaa ding wee yinna ti Shamaila kan me yinna binii, yuyyaa paaro in teu darang te. ²⁵Mai shiɓo me ankpaa kan shiɓo kumen ye Yamma yuwaa kan ma Sheema, ka ye teka ti Ibrayim, 'Ti ta peengo niyonding kubuk ding ta we sha toom.' ²⁶Ka bi ye Yamma shokraa shookni, in shuru shii ti shikma tidang, longku in Lima kpang ti kuuma ye shinnon konong ti koko ya shekni."

Chapter 4

¹Kaa ye ma Biturus kan Yuwaana ti po ya paaro kan memmei, me ankpaa kan kaptin ye ti ta mina aboi kan Shadukiyawa in war kuujui. ²Ta aajui ɗakklani kping longkunee ma Biturus kan Yuwaana ti ku ya shubet ti memmei in ti tewi ya ilit ta duwoi ti taano Yeesho. ³Nang in yippo shinui in li ti jeleju we war kpaaliyo, longku yippo yuwaaro. ⁴Pene memme gbe ye yaaraa paaroi in min kumen; gbe me kunghai foora dubu fuuwat.⁵Pene ka kpaaliyo ta piri me an toomju, men gbiɗino, kan me an ya ɓalla in gali ti Urshalima. ⁶Anas Mon gbo an kpaii ka shi, kan Kebas, kan Yuwaana, kan Elekjanda, kan ma molonno an kpai ɗing. ⁷In li ma Biturus kan Yuwaana ti toomju, in tel shinui, "Wo ka ɓangno nong, ko ta shommono nong, ye ma yuwa we ti?"⁸Pene Biturus, ye kemii kan shoomin shaana, in tewon ti shinui, "Ma me antoom memmei, kan men gbiɗino, ⁹mamaa ta gassho shoomui longku ween kpang ye min yuwaa ti mo an ɓaushik te, kan ti ku wee ye min tasshaan shii, ¹⁰Ma peno ma kama Ishraila ɗing la moo ye sherii ti tooma kan ɓangnii ti ta shommono Yeesho Kiriti la Najeret, ye ma tukai, pene Yamman pigro shii ti ta duwo.¹¹Yeesho tenei,shii sheela ye me an diye kuraaye tei yuwaaro ku shuglo minai. ¹²A doo we marku ti kira manni niyoi dokrom,longku ti shakkishommo ti gun kudang teye minna ti shakki memme te a doo yetamar mu kuumu kamam.¹³Bara ye shinui weyaabang vurumno Biiturus kan Yuwaana kan in jemilla ya shinui a yiu shubet maarim, kan shinui in nyimmina ya shinui diyookanYeesho. ¹⁴Pene kaa ye shinui ti we shik niyo ye tasshaa sherii tipo tere kan shinui,a doo weeshinui po tewanim.¹⁵Ka biinee ye kayaan shinui ti toom me an galoi, nang shinui deppina ti shakkiju. ¹⁶Shinui in tewi ya "Kama ta yana wen ka ma niye mei? kama penaa yuyyaa gbidino we ta shinui ye memme ding penaa ta me dii ti Urshalima ding;¹⁷ kamai ta jimranim. Pene longku wei a ta shooro toom ti shakki memmem, yikka ti gbare-do kaman pegro swiji me mo wessho sheero paaro ti niyo dok ti ta shommono Yeesho birangi. ¹⁸Nang in ye shinui in pegirra mo wessho ya paaro ko shubet ti ta shommono Yeeshoi.¹⁹Pene ma Biiturus kan Yuwaana in liginno ya, "ma shiiro kuuma, mo min gbei ti Yamma ya? ko ti ma?. ²⁰Minui ta dum tooro kuumu ka wene ye min weyaa shigi minin yaannam."²¹Ka bi ye tolaa kumoma Biiturus kan Yuwana, in foran kira ka shinui. A wa we ye ta liin kelmo ti shinuim, longku memmei din ti ku kum pinno Yamma longku wee ye yuwaaro. ²²La mo ye tassha ka we maami shenoni yeka bang naa-pereu.²³Bara ye foraan kira ka shinui, ma Biiturus kan Yuwaana in meeju in wa sheero wee ye mon gbo ankpaa teka ding ti memmeju. ²⁴Bara ye shinui yaara we te, in shemo ka shokro eleju ti dik ka we forfok ti Yamma ya, "Fo-mina, ke yuwaa kudang kan kubuk kan paali, kan wee ye ti taajui ding. ²⁵Ke yuwaa paaro ti ta shoomko ti ta fokno shookko, fomu ta Dauda, 'longku wen me ye yawuudawam yuwoju denii, po memmejui in ya nyimmo wenen waanii?'²⁶Ken tewi, 'Me an-gupp kubuk in gal kuuju, Shinuii in gali kuuju ka kenne ti kuuno Fo-mina, kan kuuno Kiritini.'²⁷Kulli, ma Irridus kan Bilaatus, kan mei yawuudawam kan memme Isherela, gala ti gog mina tei ti kuuno Yeesho, ye ko shiddo shignii. ²⁸Galan kuujuii longku ya we ding ye kirako kan we ke nyimma yaani ti toom ye ta yooro.²⁹Wende, Fo-mina, gee leu belomu ye leka ta shinui ken min mu bang shik ya paaroko. ³⁰Shoru kirako ken tasshomu ken shuglomu we maam ti ta shommono la an shaanako ta Yeesho."³¹ Bara ye yuwaa foraa-duloi, pirinnee ye galan ta shinui in middo shikro, shin din in kemron shoom na Yamma ti taajui nang in yiu ya paarono Yamma ka bang shik.³²An gbe me kuunga kan Yamma po sheeriju dok. A doo mo ti nyimmina ya wee shikan tei weeni shi doknii, penei weeju shin ding. ³³Kan bang shik me an kaawi in sha tomm ka kpaalo po jimro ilitno Yeesho Fo-mina, nang kuunguno Yamma in sharin ti kuujui ding.³⁴A doo mo ti ya kenni we ti shakkijum, mo kan doong kan mina in pilin we in warin ka kinei ³⁵ in wa li ti toom me an kaawii, shinui in ti temyo piri ti ko nong ka ye muyei lekan.³⁶Yushubu, ye me an kaawi ti ye ka Barnaba (ye ya la an pee shik), la lawiyawa, niyo shipurush, ³⁷in pili ka dongni in warin ka kinei toom me an kaawi.

Chapter 5

¹Wende ka manni niyoi shommoi Ananiya, kan mannani ta Shabratu, in pili ka bi we kiraju, ²nang in latto peddi kinei(pomunni penaa guni), in warin ka digi in wa liin ti toom me an kaawii.³Nang mo Biiturush ya, "Ananiya, duma weyaa shuro riyaa po shaariko ka te ken ya shaba ti shoomno Yamma ken yiu peddi kine ye ke pilaan buki ti bi ya? ⁴Tidang kei pilinum a weko ma, ken pilin ka bi a ti ta kirako ma? Penei longku wen ke yuwaa peen nyimmo te ti posheerigoi? Ke yuwaa shabai ti niyom, ke yuwaai ti Yamma." ⁵Ananiya ma ti yaanna kaa te in shukno in muroni, nang shewo kping in yiu me yaara gun we te ding. ⁶Nang shibo kparin in wa shar shii in wa nani.⁷Ka bi ye la nessha, pomunnii in riru, a peno gun wee ye yuwaarom. ⁸Biiturush in tel tei ya, "Tewno ma pilaan ka buk mai ti ku kine ka leiyaa." Tei ya, "Oo,kaa tei."⁹Nang Biiturush in tewon ti tei ya, "Duma ma kuunga kaa tei ka yaa ma ta nau shoomno Yammai? Gee, sho me nanna mannaji ti podangi, shinui ta sharji we per pewe." ¹⁰Nang kpantidi in shukno ta tei ti toomnii kumai. Bara ye shibo kparini rina, in wa we tei kumai, in shokro tei in wa nani nimmi kan mannaro. ¹¹Shewon kulli in yiu me an balla kan ding me yaara guni.¹²We maam gbe in ti yooro ti ta kira me an kaawi. Galii shin ding ti piree ye ti ye ka koko ri ta minano Sholomon. ¹³Pene digi memme a doo bang vurum war jelejuim; pene memme minaan gbe ti shinui kping.¹⁴Me an yiu biino Fo-mina in ti tokko shaariju, shereb kama shwiji, ¹⁵in ti shar mei bangum in liyyon to kogoi ti gburam kama irau, longku Biiturush ma ta kowani, luknini in war ku peddiju. ¹⁶Memme gbe wakinna ti gog mina ye kpomlii kan Urshalima, in ti wakuntu ka mai bangum kama me sheebuk yikka in ti tassho shinui.¹⁷Nang mon gbo an kaawii in illo shikni, kan me ka shaai kan shii (yei shinui Sadukiyawa); in yooju mwishi kping ¹⁸in li kiraju ti ku me an kaawi, in li shinui ti ta mina muruk.¹⁹Nang ka yippo Malaikano Yamma in appo po dang mina muruki ding in perin ka shinui pewe in tewon ya, ²⁰"Ma koo, man wa sheri ti mina Yamma man ya paaro kerang te ti memme." ²¹Bara yeshinui yaara ka te, in ri ta mina Yamma ka shaat in shubet. Nang mongbo an kpaai in waru kama me an biini, in ye galo me gbidino Isheereila ding, in shuri ti ku me an kaawi ti ta mina muruki mo warin ka shinui.²²Pene me an toom ye waraai an waan shinui ti ta mina murukim, in meeruju in wa teu guni ya, ²³"Min wa weyaa po dangi nummani me an gereni shengrin ti podangi, pene bara ye aka podangi, minaa waan niyo ti taaim."²⁴Bara ye an toom mina Yammai kan an toom me ankpaa yaara paaro te, nyimmojui in shokroro ya we tenei ta yooroi ka yaa. ²⁵Nang manni niyoi in wa tewon ti shinui ya, "Ma niyeme ya ma liyaa ta mina muruki shengri ti ta mina Yamma in ti ya shubet."²⁶Nang an toom mina Yammai in wanna ka me an bee deet, in meerin ka shinui a ka bangum longku shinui ta shiyani ya yo kpalyoju ka sheela. ²⁷Bara ye wannan ka shinui toomju. Mongbo an kpaa in tenglo shinui ya, ²⁸"Min beela ma kping min ya ma wejo shubet ka shoom tei, pene wende ma kennga Urshalima ka shubet ma man ti yeeru domno la moo ti kuumu."²⁹Pene Biiturush kan me an kaawi in liginno ya, "Yikka ti gbare do min ya shuranno Yamma ti ku she niyon ding. ³⁰Yamma ma fowonmu shokra Yeesho, ye ma tuka ka loo shii ti ku gbong biro.³¹ Yamman shokro shii ti ku kira temmeni in yooni la angub kan an marku, in min kelmo ti Isheereila kan fuddo shasshalau. ³²Minui an jimro we te gale kan shoom,ye Yamma mina ti me ti yiu bi eleni."³³Bara ye me an galoi yaara we te, in yooju den kping in leu tukyo me an kaawii. ³⁴Pene manni niyo Parishawai shommoi Galiyel, shii an shubet shoro ye memme ti mina gbe, in shokro shikni in li ya mo peron ka me an kaawi pewe tidang.³⁵Nang in tewon ti shinui ya, "Memme Isheereil, ma diro kpang wee ma leka yaani kan ma niyo me. ³⁶Ka manni koddi, Taddewush illina ya shii manni wei, memme gbe in yiu biinii ye foora shik peereu in yiu biinii. Bara ye tuka shii, me an yiu biinii in legreju waani. ³⁷Ka biino shurmei, Yawuda niyo Galili in illina ti ta koddi maari in tol memme ti bini. Shi maa in muroni, me an yiu biinii ding in legreju.³⁸Pene wende ne tekama, ma wessho ma niyo me waani, we tene maa shuran niyon ding, ta wiiloroi waani. ³⁹Pene ma shuranno Yamma ma ta dum kai shinuim; ma ta dangwe kuuma ta gei kan Yamma." Nang in kumi ta shinui.⁴⁰Nang in ye me an pigroi ti ta mina in yuun biro-biro in tewon ya mo wessho ya paaro ka shommono Yeesho birangi, in foran kira kashinui. ⁴¹In wejo po galoi ta shinui in ti ya beere ya shin foora potaa shilibi ti ku shommo te. ⁴²Ka bi kpaaliyo ding ti ta mina Yamma kama ta mina- ta mina in ti ya shubet shinnyi tomon no Yeesho Kiriti.

Chapter 6

¹Wende ti shaklo te, bara ye gbe me an balla in ti yooro toom, paaron illiru ti kira Yawuudawa meti Girka ti ku Elenawa, longku shereb koloju a ti we wee ye ti bwaannaim.²Nang me shin kpumu gei palawi in ye digi an ballai in tewon ya, "A yu kpangum kaman wessho kaawo paaro Yamma shommo wesshinam. ³Ma shakko mamolon shin parlau ti shakkima, me kan po shaarin kpang me kemi kan shoom pen we ye kama ta liyani ti kushuran te. ⁴Kaa shemu , min ta shuun toomka furafok ka kaawo paaroi."⁵Paarojui yuwaa kpang ti memmei. Nang in shak Itipanush, niyo ye kemi kan kumen kan shoomno Yamma, kan Pilibush, Prokaarush, Nikano, Timon,Barminash, kan Nikolosh niyo Antakiya. ⁶An ballan waru ka shinui toom me an kaawi, shinui in furanfok ti kuujui in lin kiraju ta kwi.⁷Nang paarono Yamma in yiu fu ta piri, nang gbe me an balla in ti yoorotoom kping, gbe me ankpaai in min kumenju.⁸Pene Itipanush, mo kemi kan kuungu kan bang, in ti ya we maam kan shuklo ti shakki memme. ⁹Pene manni la woran memme me ti ye kuuju ka me ta mina wawono Firedman, niyo Siyarin kan Alejandiriya, kan peddi ti Kilikiya kan Asiya. Shinui in ti deppo paaro kan Itipanush.¹⁰Pene shinui a ti dum sherani ti po pen paaroma Itipanujum. ¹¹Nang in min we ti memme ya mo tewo ya, "Min yaara Itipanush yuwaa daklan paaro ti kuuno Muja kan Yamma."¹²Nang in shuulo memme , men gbidino, kan me an ya balla, shinui in kuuno Itipanush in yiu shii in warin toom galo. ¹³In waru ka shaba ti kuuni ya , "La moo a wejo ya paaron daklan ti ku po wawo te kan shorom. ¹⁴Longku min yaara shii ya Yeesho niyo Najeret ta vubro bi mina te in shiwo shik we waar ye Muja minamu kama." ¹⁵Me deen ti po galoi ding in ti muuro shii in we adoi in yooro ka we Malaika.

Chapter 7

¹Nang mo gbo ankpaa ya, "We tenei yen kulli ya?" Itipanush ya, ²"Mamolonno kan me an fowi, ma yaarono: Yamma mon kpang shukna shikni ti Ibirayim koddi ye shii ti Mesopotamiya,in tang waru Haran;³ tekan ti shii ya, 'Wessho kubukko kan po peengo, ken war kubuk yeno ta shukko.'⁴"Nang in wesshuru kubuk Kaliyawa in wa deni ti Haran; ti po teerei, bara ye fowii muroni, nang Yamman warin ka shii kubuk te, pirinnee ma diin wendei. ⁵Shii a minin koo we dok ka we po kuunim koo po tau sho. Pene in yuun kumen - koddii a kan la ta shiim - ya shii ta minin buki kan po peenni ye tawaru ka biinii.⁶Yamma ti ku yuun paaro ti shii ka tei, longku po peeni in la diino ti bino buk, ya me ti po teerei in yuun shinui shookju in minin shilibi po sheno shik peereu. ⁷'Pene ne ta ya shiire ti ku gog mina ye yikka shinui,' kaa ye Yamma teka, 'ka bi we te shinui ta waraa wawno ti po te.' ⁸Nang Yamman min dewan ku paaaro kar kuwo, nang Ibirayim in yooni fonno Ishaaku in kar kuwoni ti ku darang an pididou; Ishaakun yooni fonno Yaakubu, Yakubun yooni fonma me shin kpumu gei palau ye.⁹"Digi mamolonii in ti mussho Yusubu, in pilin ka biini ti me ti Mashar; ¹⁰nang Yamma ti biini in forin shii ta shilibi ding. In li Yusubu, Iriidush in kumi kan shii longku shenni ye Yamma minan, in li shii in yooni gobna Mashar kan ta minani ding.¹¹"Nang kpiyam in yiu kubuk Mashar kan Kenan, kan taa shilib, nang ma fowonmu kama a ti we wesshinam. ¹²Pene bara ye Yakubu yaara ya ka wesshina ti Mashar, in shur ma fowonmu kama mereju an dok. ¹³Ti ku mereju an palawi Yusubun shuklon kuuni ti mamolonni, nang ta minano Yusubu in penero ti piree kan Pirauna.¹⁴Yusubun shur mamolonni mo wa tewo ti Yakubu ta fonni me shaarini Mashar, kan po peenni ding,shin naa-parlau kan fuwat ding ding. ¹⁵Nang Yakubun shaarini Mashar, nang in muroni, shii kan ma fowonmu kama. ¹⁶In sharu shinui we war Shekem in wa li ti ta duwo ye Ibirayim pilaa ka kine ti kira shibono Haamor niyo Sekem.¹⁷"Ka ye koddi kumeni foonna, kumen ya Yamma yuwaa ti Ibirayim, memmen fiina ti Mashar, ¹⁸we war koddi ye manni gubi illa yei peno Yusubum. ¹⁹In dokko memme mu kama in li ma fowonmu kama wessho nyitti shiboju longku in muttoju.²⁰"Ti ta koddi teere in patton Muja; Shii illo kpang ti toomno Yamma in ti kang shii ta minano onni. ²¹Bara ye wa vingna shii laano Pirauna in sharu shii ta tei in shiwon laaro.²²Muja in ya maarini ti Mashar, shii in ya shen kpingkan bang ti ta shuranni. ²³"Pene ka ye foora sheno naa-peereu, in nyimmo waraa kaa ma molonni, shibo Ishreeila. ²⁴Ma ti we la Ishreila ti ku mini shilibi,Mujan mol biinii in tuk niyo Mashari: ²⁵Shii nyimma ya ma molonni ta penani Yamma ta shau shinui ti ta kirani pene a peno ta shinuim.²⁶Ka pirbang in we niyo palau ti ku ya nee in leu ri taajui in tewon ti shinui ya, 'Shwiji, mai molon shaai; ma ta li pira ti shaayi longku wen?'²⁷ "Pene mo yollaa molli in shen biinii won ya, 'Liyaakei nong ti kumui ken yooko an gub kan an shiirei? ²⁸ke leka tukno kaa ye ke tukan niyo Mashari da?'²⁹Mujan shemo ka tuuloni bara ye yaara we te; in yooni bino ti kubuk Miyan, pirinnee ye pattaan shibo shwiji palau. ³⁰"Bara ye sheno naa-peereu kooka, Malaika in we shii ti ta shwee ye ti sheela Sinaai, ti ta dak deet ye ti shik shojilak.³¹Bara ye Muja weyaa shik deeri, in ya maam kping ka weyan shigi; ka ye shii giika nimmi ka we geyani ele in peru ti shikno Fo-mina ya, ³²'Nei Yamma ma fowongo, Yammano Ibirayim, kan Ishaaku, kan Yaakubu.' Gbob-gbob in yiu Muja a dum ya geem.³³"Nang Fo-minan tewon ti shi ya, 'For taa ta shoogo, longku piree ke sherini buk yen shaana. ³⁴Kulli ne weyaa shik peen shilib ye memmeno ta shaani ti Mashar; Ne yaaraa binajui, Ne shaanai shau shinui; wende waru Ne ta shurko ti Mashar.'³⁵"Tenei Muja ye kurojui, ye teka ta shinui ya, 'Liya kei nong an gub kan an shiireti kuumui?' - Nang Yamma shunna shii ka in yooni gub kan an marku. Yamma shunna shii ti ta kira Malaika mo shukna dooni ti Muja ti ta shwee. ³⁶Mujan peron ka shinui ti Mashar, ka bi ye yuwaa we maam kan shuklo kan ti shiiruk shwee sha-po-gurung, kan ti ta shwee posheno naa-peereu. ³⁷"Wo Mujai ye teka ti memme Ishreeila ya, 'Yamma ta shokro ma manni an-pigroi ti shakki ma molonma an-pigro kaa ne.'³⁸Tenei niyo ye ti ta shwee kan Malaika ye yuwaan paaro ti sheela Sinaai, ye ka shaayi kan ma fowonmu kama, ye yinna paaro ye kan dooro in min mu kama. ³⁹"Pene ma fowonmu kama in kuroju murku ti Yamma; in kai biinii ti piree kan shinui, ti po shaariju in meeju Mashar. ⁴⁰Koddino teere in tewi ta Aruuna, 'Yumu yamma ye ta koo toommu. Maa kaa sheno Muja ye pennanmu ti ta buk Mashar, minaa peno wee ye weyaa shiim.'⁴¹Nang in limmo la bulum tanga ta koddi in wa minin ding ta kiraju, in ti ya beere longku shuran kiraju. ⁴²Pene Yamman wessho shinui in ti waw arshal kudang, kaa ye balilii ti ku alak me an pigro, 'Ma ta minnoi kuma we kan min ding ta kira po sheno naa-peereu ti ta shwee ta mina Ishreeila?⁴³Ma yikka minano Molek kan arshal yamma me ti Reepan, kan jirim ye ma ti wawi: nang ne ta shar ma we wal Babiila.'⁴⁴"Ma fowonmu kama kan mina we nyimmani ti ta shwee, kaa ye Yamma tekai koddi ye yuwaa paaro ti Muja, ya mo limmo ye shii weena shigii. ⁴⁵Ka bi, ma fowonmu kama, ti ta gunno Jesshuwa, in yiu mina wawo in warin ti shinui koddi ye yikkan buki. Yamma yikka buki ti kira me diin ti kwi in kai shinui ti toom ma fowonmu kama. Mina wawo in diino we war koddino Dauda, ⁴⁶mo weyaa lewanno Yamma, nang in teli koo shii ta we po diyo ti Yammano Yaakubu.⁴⁷Nangi Sholomon ye digo mina Yammai.⁴⁸ "Pene, mo ti kudang ding a ti diino ti ta mina ye niyo digom, kaa ye me an-pigro teka, ⁴⁹'Kudangi po diyo gubno, kubuki po gal shoono. Ma ta dignoi peen mina ye kaa shire? kaa ye Fo-mina tekai, koo po nesshonei ti tong? ⁵⁰We te ding yuwaai kirano maa?'⁵¹"Ma me an bang ku, mei looba ti po shaarima kan kumoma, ma ti kura shoomno Yamma; ma ti yai kaa ye ma fowonma yuwaai. ⁵²Wo an-pigro shire ye ma fowonmai minin shilibum mi? Tukyaa an-pigro me penna ti toom mon kpang ye ta waruii; wende man shiwoma an ke ta biinii kan me an tuk shii, ⁵³ma ye ma yikka shoro ye Malaika minaa, pene mai yiu bim."⁵⁴Nang bara yeme an galoi yaaraa we te, in ri poshaariju kping, in ar okju ti shikno Itipanush. ⁵⁵Pene shii, kemi kan shoomno Yamma, in muuro kudang in we shik kpangno Yamma; in we Yeesho sheri ti ku kira temmeno Yamma.⁵⁶ Itipanush in tewi ya, "Ma gee, ne weyaa shik kudang akaro, la niyon ding sheri ti ku kira temmeno Yamma."⁵⁷Ti kuuno te me an galoi in gballo ta kumoju, in ti yallina ka elen bang, shinui in gal biinii ka po shaari dok. ⁵⁸In tollo shii in peron ta bi mina in yiu kpailo shii. Me an jimro foki in gal lannaju ti kira manni la kparini shommoi Shawulu.⁵⁹Kaa ye ti ku kpailo Itipanush, shiin ti ye Fo-mina ya, "Fo-mina Yeesho, yiu shoomno." ⁶⁰In tumoni in ye ka elen bang ya, "Fo-mina mo ko liin we te ti kuujuim." Bara ye teka kaa te in muroni.

Chapter 8

¹Shawulu ti po teere in ti dewo gun muronii. Nang darangno teere kennen illina kping ti shik an balla ti Urshalima; nang me an ballai in wakyo taaju ti kubuk Yawuudiya kan Samariya kanani me an kaawi. ²Shwiji me an shewo yamma in wa nannu Itipanush in bau kennini kping. ³Pene Shawulu liya kunni ta daklo an balla. In ti riyyo ta mina- ta mina in ti tolluru shereb kama shwiji in ti liyyina ta mina muruk.⁴Me wakyaa taajui in shuun toom ka kaawo paaroi. ⁵Pilibush in warni Samariya in wa kaawon paarono Kiriti.⁶Jimo memme in ti li shikju ta yaaro wee ye Pilibush ti po sheerani; ka poshaari dok in ti yaaro shii, in we shik we shuklo ye shii yuwaa. ⁷Shoom yen piire in ti pepittu ti shik me kan te, in ti yallilla ka elen bang, me shoi kulani in tassho shinui. ⁸Nang ka beere yen gbo ti tarang minai.⁹Pene ka manni niyoi ti tarang minai shommonii Shimon, shii an gunul; ti shuk we maam ti me ti Samariya ya shii manni wei. ¹⁰Me ti Samariya ding, la kan mungbo, in ti yaaro shii; shinui ya, "La moo tei bang no Yamma ye ti ye ka yen gboi." ¹¹Ti yaaro shii longku shii ti yuun we maam ka bi won ti shinui ka gunulni.¹²Pene bara ye kunnga kan Pilibush longku kaawo paaro shinnyin tomon ti ku minano Yamma kan shommono Yeesho Kiriti, in yuun yulma, shereb kama shwiji. ¹³Koo Shimon po kuuni in kumi, ka bi ye yuwaan yulma in deeni ti jeleno Pilibush koo dimin. Bara ye shii weyaa shik we shuklo kama we gbidino ti yooro shii in ya maam kping.¹⁴Bara ye me an kaawi ti Urshalima yaara ya me ti Samariya yikka Paaro Yamma, in shuran gunno Biiturush shinan Yuwaana. ¹⁵Bara ye shinui shaana, in furfok ti kuujui ya mo shinui yiu shoomno Yamma. ¹⁶We war koddi teere, shoomno Yamma tidangi shaarin ti kuujuim; yuwan yulmai ti ta shommono Fo-mina Yeesho. ¹⁷Nang ma Biiturush kan Yuwaana in liin kira tikuujui, shinui nang in yiu shoomno Yamma.¹⁸Nang bara ye Shimon weyaa ya ti we shoomno Yammai ka li kira me an kaawi ti ta ku, in min kine ta shii. ¹⁹Shii ya, "Ma minno kumen te sheeno, longku manaa liya kirano ta kuuno koo nong in yooni kan shoomno Yamma."²⁰Nang Biiturush in liginon ti shii ya, "Kineko ding kan kei ma mutto won, longku ke nyimmaa pil kunnguno Yamma ka kine. ²¹Ke kan aa ti ta shuran tem, longku poshaarikoi dok kan Yammam. ²²Longkuno te for fokko ka shek te ken furafokko ti Fo-mina, kulang shii in fuddoko ka peen nyimmo ye ti po shaariko te. ²³Longku ne weyaa ke kemi kan mwisshi birang ke kpakki kan shasshalau."²⁴Shimon in liginno ya, "Furfokko ti Yamma longkuuno, longku we ke teka ye ding a ta weenom."²⁵Bara ye shinui jimraa in ya paarono Fo-mina, Biiturush kan Yuwaana in meeju Urshalima, in ti kaawo paaro ti meno-mina me ti Samariya.²⁶Wende Malaikano Fo-mina in ya paaro ti Pilibush ya, "Illo ken deeroko ka koko ye waraaro ka Urshalima we war Gaaza."(koko tei isshii.) ²⁷In illina ta shii in koona. Ti po teerei in we niyo Etopiya, mon gbo ti ta gubno Kantish, tei gub Etopiya. Shii an geren ku birma. Shii wanna Urshalimai ya wawo. ²⁸Ti ku meerini mina ti ta keke gurung, in ti maaro alak ballano an-pigro Isheya.²⁹Shoom in tewi ti Pilibush, "Neemoko nimmi kan kekei." ³⁰Nang Pilibush in toollo, in yaanna ti ku maaro Isheya an-pigro, in teli ya, "Ke ti peen wee ke ti maarai ya?" ³¹Nang in liginon ya, "Ne ta penani ka yaa in mundok me teunom mi?" Shii nang in ye Pilibush mo riru jeleni ti ta kekei.³²Shwiji moo ti ku maarani piree ya, "Tollaa shii kaa dinnyi ye ta warin po karani, ka galma ti kira mo an kul shok shigi yittiti, a au ku foknim.³³ Ti ta taa shilibni in forin shiirei ti kuunii. Ta dum sheero pi po peenni nong? longku sharan kerangni ti kubuk."³⁴Nang mon gbo moo in tel Pilibush ya, "Ne bengako , teuno an-pigro ye ta yaani paarono nong, kuuni ya, koo manni niyoi?" ³⁵Pilibush in yiu ya paaro, in li guni ka maari tei in yuun paaro shinnyin tomon ti kuuno Yeesho ti shii.³⁶Kaa ye shinui ti ku mere ti koko, in waru manni po dooi nang mon gbo mo ya, "Gee, ka doo wono. Ta beelo po yuuno yulmai wen?" ³⁷Pilibush in tewi ya, makaa kunnga ka po shaari dok, nen yuuko yulma nang in tewi ta shii ya ne kuunga kan Yeesho laano Yamma. ³⁸Nang niyo Etopiyai in tewon ti me kan gurungi mo shero. In sha ta dooi ta shinui, Pilibush shinan mon gboi, Pilibush in yuun yulmai.³⁹Bara ye pennan ta doo ta shinui, shoomno Yamma in shokro Pilibush, nang mon gbo mo a wa shikknii birangum, pene in wanni mina in ti ya beere. ⁴⁰Pene Pilibush in wa peri ti Ajotush in kpomlo po teere, in kpaalo paaro shinnyi tomoni ti gog minai ding we war Kaishaariya.

Chapter 9

¹Pene Shawulu bambirni ta ya kenne kan me an balla, in war toom mongbo ankpaa ²in tel shii ka ballan alak we war ta mina wawo ti Dimashka, longku ma shi ma weena me an yiu bi kokote, koo shereb koo shwiji,shin kpakkiru we waru Urshalima.³Kaa ye shii ti ku mereni, in nemru Dimashka, kpantidi aaro ti kudang in maljiru ti kpomlan jelenii; ⁴nang in shukno ti buk in yaaro ele in ti terin ti shii ya, "Shawulu, Shawulu, longku wen ke ti ku yuuno kenne kaa tei?"⁵Shawulun liginno ya, "Kei nong, Fo-mina?" Fo-mina dewon ya, "Nei Yeesho, ye ke ti ku kurani; ⁶pene illo ke ri tarang mina, ta teuko wee ke po yaani." ⁷Shwiji me ti ku ya mere kan Shawulu in sheri po yittiti, shinui yaara elei pene a wa shik niyoim.⁸Shawulun illon ti buki, pene bara ye aka adooni, a dum we ta pirim; nang in yiu kiranii we war Dimashka. ⁹Yuwaa shaklo tat a ti we ta pirim, a shu we koo she wem.¹⁰Wende ka manni an yiu shubet ti Dimashka shommoni Ananiya. Fo-minan tewon ti shii ti ta jirim ya, "Ananiya!" in liginno ya, "Gee ne wono, ta Fo-mina." ¹¹Fo-minan tewon ti shii, "Illo ken ri koko ye ti ye ka shuppran koko, ti ta minano Yawuda telo gun manni niyo Tarsush shommoi Shawulu, ti ku furafok ta shii. ¹²Ti ta jirim shii weyaa shik manni niyoi ye shommoi Ananiya in waru in wa li kirani ti kuuni, longku shi we ta piri birang."¹³Pene Ananiyan liginno ya, "Fo-mina, ne yaara ti po memme gbe paarono la moo ye, kan peen shilib ye minaa ti me an yiu biigo ti Urshalima. ¹⁴Shii yinna kumen mongbo ankpaa in yiu ding me ti ye shoommoko." ¹⁵Pene Fo-minan tewon ya, "Koo, shii shari shuranno, ye ta shar shoomono in warin ti mee Yawuudawam kan me an gub kan shibo Isheereila; ¹⁶longku ne ta shugin peen shilib ye ta weyani longku shommono."¹⁷Nang Ananiyan koona, in ri ta minai. In liin kirani ti kwi, in tewon ya, "Mol Shawulu, Fo-mina Yeesho, ye kponga kan ke ti koko ye ke ta waru, shunnano ta shii longku ken yiu we ta piri ken kemi kan shoomno Yamma." ¹⁸Kpantidi manni wei goklo in shukru ti adoono Shawulu, in yiu we ta piri; in illina in yuun yulma; ¹⁹nang in sha wesshina in we bang vurum. Shawulun shakilla kan me an yiu shubet ti Dimashka.²⁰Kpantidi shii in yiu ya kaawi paarono Yeesho ti ta mina forfok, in ti tewi ya shii laano Yamma. ²¹Me yaaraa shii ding in ya maam ya, "Tenei la mo ti min shilib ti Urshalima ti me ti ye shoomo te maa? wanna po tei yippo shinui kpakkani we war shik men gbidino ankpaa." ²²Pene Shawulu in ti yooni kan bang vurum ti shakki Yawuudawa me dii ti Dimashka in ti peen bi ya Yeeshoi Kiritii.²³Ka bi shaklo gbe ye kooka, Yawuudawa in gal fokju ka tuk shii. ²⁴Pene Shawulun yaaro guni. Shinui in ti jooro ku podang ri ta gokminai kulang shinui in tuk shii. ²⁵Pene me an yiu shubet nii in shar shii ka yippo in shoru shii ti jwal tekku ti ta jungrong.²⁶Bara ye shii wanna Urshalima, Shawulun leu war jeleni me an balla, pene shinui in ti shi shii, a kumu ya yikka shubetum. ²⁷Pene Barnaban shar shii in warin toom me an kaawi, in tewon ti shinui dangan piri ye Shawulu weenan shikno Fo-mina ti ku koko Fo-minan yuunan paaro, kan ye ti Dimashka Shawulu yuwaa paaro ka bang vurum ti ku shommono Yeesho.²⁸Kaa te Shawulun diino kan shinui, in ti merko Urshalima. In ti ya paaro ka bang vurum ti ta shoommono Fo-mina Yeesho ²⁹in ti deppo paaro kan Yawuudawa me ti Girka; pene shinuin ti paddo tuk shii. ³⁰Bara ye mamolon yaaraa we te, nang in sharin shii Kaisariya in shur gunni we war Tarsush.³¹Nangme an balla me ti Yawuudiya, Galili kan Samariya in diyo tomon fok in kpiroju; in tiya mere ti ta shewono Yamma kan sha tomon shoom ye shaana, an ballan in ti yooju gbe.³² Kaa ye Biiturush ti ku merko ta buki, in sharu jele me an balla ye dii ti gokmina Lidda.³³Ti po teere in we manni niyoi ya shommoni Aniyash, mo kuttii po sheno pididou ti ku gburamni longku shii kuuloni. ³⁴Biiturush in tewon ti shii ya, "Aniyash, Yeesho Kiriti tassha ko. Illo ke shar gburamko," nang in kuman illoni. ³⁵Me ding dii ti Lidda kan Shaaron in we shik niyoi nang in meeruju biino Fo-mina.³⁶Nang ti Joppa ka manni an yiu shubet shommoi Tabita(ye ti ye ka "Dookash"). Pomun ye kemii kan shuran shau ku ti me an kenni. ³⁷Ti ta koddi teere a bang ta shigim nang in muroro; bara ye fuddaa shikroi, in li tei ta gume ye ti mina kudang.³⁸Birang ye Lidda nimmi kan Joppa, nang me an shubet in yaanna ya Biiturush ti po teere, in shuru niyo palau, mo gengru shii ya, "Ammru shikmu peep diijukujum." ³⁹Nang Biiturush in illiru in kooru ka shaai. Bara ye foonna, in ammon shii ta gumei,shereb kolo ding galiin ti jelei in ti yuyyo kwi, in ti shuklon lanna ye Dookash yuyyaa koddinee ka te.⁴⁰Biiturush in kairin biiju ta minai, in tumo shikni, in furafok; nang in shiwo dooni ti shik kumai in tewi ya, "Tabita, illo." Nang in au adooro, in geen Biiturush nang in illo shikro.⁴¹ Biiturush in shou kirani in shokron tei; Nang in yeeru an ballai kan shereb koloi, in minin tei kan dooro. ⁴²Nang paaro tei in penero ti kubuk Joppa ding, nang memme gbe in kumi kan Fo-mina, ⁴³Biiturush in shakilla ti Joppa ti minano Shimon an lakat.

Chapter 10

¹Ti Kaishariya ka manni shwiji shommoni Karniliyush, shii mongbo an bee deet ye ti ye ka gbumon ku Italiya.² Shii kan ta minani jwal me an shi Yamma, in ti min kine gbe ti me an kenni, in ti furafok koo dimin.³Darang nan dok kaa pelle kettan darang, shii in we shik jirim Malaika Yamma in ti waru jeleni. Malaikai in tewon ti shii ya "Karniliyush!" ⁴Karniliyush in ukko ado ti Malaikai shewon yiwi ya, "Wo wen, an shubet?" Malaikai in tewon ti shii ya, "Furafokko kan kuungu ye ke ti ya ti me an kenni amma shikno Yamma. ⁵Wende shur memme we war Joppa in waru ka manni niyoi shommoi Shimon me ti ye ka Biiturush. ⁶Deeni ti minano an lakat mo ye ka Shimon, ye minai ti po shiiruk."⁷Bara ye Malaika ye yuwaan paaroi kogoni, Karniliyush in ye shookni shin palau, kan shakki sooja dok me ti biini. ⁸Karniliyush in tewon ti shinui ding wee ye yuwaaro in shur shinui we war Joppa.⁹Pirbang kaa pelle sheri darang, shinui ti ku mereju in nemru gokminai, Biiturush in ammo ku minai furafok. ¹⁰Nang kpiyamin yiu shii in leu sha we, pene tidang ti ku ya wesshinai, in we shik jirim, ¹¹shii in we kudang akaro manni gurangi in ti shaaru, manni wei kaa awan ta lanna in ti shaaru kubuk, yippinan ti gungkuli ding peereuwi. ¹²Ti tai peen lo peni-peni ye shoi pereu-pereu kan wee ti tolli ka gonghoi ti buk, kan adewe kudang.¹³Nang ele inyuun paaro ti shii ya, "Illo, ta Biiturush, yiu ke karu ken addina." ¹⁴Nang Biiturush in liginno ya, "A kaa tem, Fo-mina; longku nei nau addo wee yen doonum kan yei ti ya shaanam."¹⁵ Nang elei in yuuru paaro an palawi ya: "Wee Yamma fuddaa, mo ko yo doonum." ¹⁶Yuwaa we te sho tat; nang in kuman tol gurangi we ammo kudang.¹⁷Kaa ye tida Biiturush turmoni kping ti ku wee shunai shuklaa, nang gee shwiji me shunna ta Karniliyush shengrin ti po dangi, ka bi ye shinui fuwa po tel gun minai. ¹⁸In ya gbaaroo ya tenei minano Shimon, mo ti ye ka Biiturush duraa ti po te ya.¹⁹Kaa ye Biiturush ti ku ya nyimmo ka paaro shuna te, nang shoom in tewon ti shii ya, "Gee shwiji shin tat ta gassho biigo. ²⁰Illo ke sha buk ken koon ti biijui. Wessho tuk koddii koon ti bi, longku ne shunna shinui." ²¹Nang Biiturush in illina in shaaru in tewon ti shinui, "Nei shii ye ma ta gassho bii. Ma wannai yeen?"²²Shwiji shurmen liginon ya, "Mongbo an bee deet shommoi Karniliyush, niyo ye ti shi Yamma, Yawuudawa ding in ti kum pinnii, tekan ta Malaikano Yamma mo shuru in wa yeeko ken war minani,longku in yaaro paaro ti fokno peemo." ²³Nang Biiturush in ye shinui ta mina in shiwoju binoni. Pirbang ka shaat in illina in koona ka shaai, peddi an balla ye ti Joppa in koon ti biinii.²⁴Ka pirbang birang shii in fooro Kaisariya. Karniliyush ti po dang kuujui; yeyyina po peenni kama me an jere mereni.²⁵Kaa ye Biiturush riina, Karniliyush in kpom foki in shuwon ti toomi ka we waw shii. ²⁶Pene Biiturush in shokro shikni ya, "Illo shikko! ne maa nei niyon ding kaa ke."²⁷Kaa ye Biiturush ti ku yuun paaro ti shii, in ri ta minai in wa we galan memme. ²⁸In tewon ti shinui ya, "Ma po kuuma ma penaa shoromu a kumu Yawuudawan ri shakki mei Yawuudawam koo in war mina manni niyoi ti manni gokminai. Pene Yamma shukano ya no wejo ye niyo ka dooni koo moi fuddanim.²⁹ Tenei longku yene wanna a doo jiramum mi, ye ma yeenanoi. Wende ne ta tel ma duma ma yeenanoi ka wen."³⁰Nang Karniliyush in liginon ya, "Boi bi shaklo peereu ka yege te, ne ti ku furafokno ka neke darang ti ta minano; nang manni niyoi sheri ta kuuno kan lannan pe wak. ³¹Shii ya, 'Karniliyush, furafokko Yamma yaaraa, kan kuungu ye ke ti ya ti me an kenni yuwoju we nyimmoko ti piree kan Yamma. ³²Shuru ti Joppa, in wa yeeru manni niyoi shommoi Shimon mo ti ye ka Biiturush. Shii deeni ti minano Shimon an lakat ti po shiiruk.' ³³Nang nen kuman shurani ti kuko. Yuwaa kpang ye ko wanna. Pene wende min ding galii ti toomno Yamma minin yaaro wee shii tekako ya ko teumu."³⁴Nang Biiturush in au fokni ya, "Kulli, wende ne penaa Yammai ti shuk kaalim. ³⁵Pene ti leu memme kubuk ding me ti shiini in ya ween kpang ye shii po kumani.³⁶Ma penaa shuran ye Yamma yuuna ti me ti Isheereila, ye sheennan shinnyi kuttan shaari ti taano Yeesho Kiriti shii Fo-mina ding- ³⁷ma po kuuma ma penaa wee ye yuwaaro, ye yuwaa ti ta buk Yawuudiya ding, wee ye yikka ti Galili, ka bi yulma ye Yuwaana sheeraa; ³⁸wee ye yuwaaro ti kuuno Yeesho niyo Najeret, teman po shiddon shiknii ye yuwaa ka shoom yen Shaana kan bang. In ti kpomlo ta piri in ti ya ween kpang in ti tassho koonong ye sheebuk ti taajui, longku Yamma ti biinii.³⁹Mini an jimro we ding ye Yeesho yuwaa, ti gokmina Yawuudawa kan Urshalima. In tuk shii ta shinui ka loo shii ti ku gbong biro, ⁴⁰pene Yamman shokro shii ti ku shaklo tat in li memmen we shikni, ⁴¹a niyo dingum, pene ti me an jimro ye Yamma shakka shinui yau- kan minu me min shuwaa minin she kan shii ka bi ye illann ta duwoi.⁴²Shii liyamu mo min kpaalo piri ti memme ya tenei shii mo Yamma shaka in yooni an shiire me kan doi kan me muroju. ⁴³Wo ti kuuni ye an-pigro ding ti jimirrai, longku mo kunnga kan shii ding in yiu fuddo shasshalauni ti ta shommonii."⁴⁴Kaa ye Biiturush ti ku ya paaro te, nang shoomno Yamma in sharu ti ding me ti ku yaaro paaroni.⁴⁵ Me kara kuwo poshaariju ti ta me kuunga- me wanna kan Biiturush ding- in ya maam, longku kuungu shoomno Yamma shaana ti ku mei Yawuudawam.⁴⁶Longku shinui yaaraa ti ku ya paaro ka dak peeni-peeni in ti wau Yamma. Nang Biiturush in liginno ya, ⁴⁷"Ka mo ta beelo doo we ya yulma ti ma niyome ya, shinui me yikka shoom yen shaana kaa ye kama yikkai ya?" ⁴⁸Nang shii in min kumen ya mo yuun yulma ti ta shommono Yeesho Kiriti. Nang in beng shii mo la shaklo ti jeleju.

Chapter 11

¹Wende me an kaawi kan peddi me an ballai ye ti Yawuudiya in yaanna ya mei Yawuudawam yikka paaro Yammai sheeju. ²Bara ye Biitiurush ammaa Urshalima, peddi me shereju ti waar kar kuwo in yuun kon ti kuunii; ³shinui ya, "Ke waraa ta mina mei Yawuudawam ken sha wesshina kan shinui!"⁴Pene Biiturush in li gunsheeron ti shinui dob-dob ya, ⁵"Ne ti po furafokno ti gokmina Joppa, nang nen we shik jirim gurang ta shaaru ti kudang, kaa pelle lanna we kau ku ti gungkul kudang peereu. In shaaru kuuno. ⁶Nen ukkon ado nen ti nyimmina. Nen we we-ta-gun me shoi peereu-peereu, kan lo ta shwee, kan me ti tol gonghoju ti buk, kan adeewe kudang.⁷Nang nen yaaro ele in yuuno paaro ya, 'Illo shikko, ta Biiturush; karu ken addina!' ⁸Nang nen liginon na, 'A kaa tem, Fo-mina; longku nei nau addo we ye doonum kan yei fuddanim.' ⁹Pene elei in liginnu ti kudang birang ya, 'Wee Yamma fuddaa ke ta yiyani ka doonum.' ¹⁰We te yuwaa sho tat, nang in tolin gurangi ti piri.¹¹Nang koddi teerei shwiji tat shengrin ti po dang piree kan minui; shunna shinui ti Kaisariya we war jeleno. ¹²Nang shoom in teuno yano koon ti biijui, ya no wejon shukin kaali ti shinui. Me an balla shin paragbanang ye ti biino te, minin war ta minano la moo teerei. ¹³In teumu ya shi weyaa shik Malaikano Yamma sheri ti ta minani in teuni ya, 'Shur memme we war Joppa in waru ka Shimon mo ti ye ka Biiturush.¹⁴ Shii ta teuko shuran ye ke ta waan marku- ke kan taminako ding.'¹⁵Bara ye ne shuwaan toom ka paaroi, shoomno Yamma in shaaru kuujui ka ye ka toom shaana kumu kamai. ¹⁶Nen nyimmo paarono Fo-mina kaa ye teka ya, 'Yuwaana yuwaa yulmai ka doo; pene ta yuuma yulmai ka shoom yen Shaana.'¹⁷Nang Yamma ma minan ti shinui kuungu kaa ye minamu kamai koddi ye kama kunnga kan Fo-mina Yeesho Kiriti, nei nong ye ne ta kura we Yammai?" ¹⁸Bara ye shinui yaaraa we te, shinui a kan we po tewanim, nang in wau Yamma ya, "Kaa te, mei Yawuudawam Yamma yuwaan koko forfok kan we kerang."¹⁹Wende me lekraa taajui ta shilib ye illina ti kuuno Itipanush wangraa tali we war Ponisiya, Shiipurush, kan Antakiya, in ti ya paaroi bara ti Yawuudawa. ²⁰Pene peddiju, shwiji me ti Shiipurush kan Sairiin, in waru Antakiya in ya paaro ti Elenawa, in tewon ti shinui shinnyin tomon ti kuuno Fo-mina Yeesho. ²¹Kirano Yamma ti kuujui; memme gbe in kumi in shirju biino Fo-mina.²²Paaro kuujui in ri ta kumo an balla ye ti Urshalima, nang in shur Barnaba we war Antakiya. ²³Bara ye shii foora in we shik kunnguno Yamma, shii in ya beere in pee shikjui ya mo deeju ti taano Fo-mina ka po shaari dok.²⁴ Longku shii niyon kpang kemi kan shoomno Yamma kan lishaari, memme an yiu biino Fo-mina in tokko shariju.²⁵Nang Barnaban in war Tarsush longku gassho biino Shawulu. ²⁶Bara ye weena shii, in yeeru we war Antakiya. Kaa te po sheno dok in ti gali kan me an balla in ti ya shubet ti memme. Tanga ye an balla ka kiritai ti Antakiya.²⁷Ti ta koddi teere peddi me an-pigroi in shaaru ti Urshalima we war Antakiya. ²⁸Dok ti shakkiju, shommoi Agamu, in shokro shikni in ya paaro ta shoom ya ka kpiyam yen shilib ta waru kubuk. We te yuwaai koddino Kalaudiyus.²⁹Nang me an yiu shubet, kaa ye koonong ta dum yaani, in li ya shin ta shur gun we shawo ti me an balla ye ti Yawuudiya. ³⁰Shinui in ya kaa we tei; in shur gun kine ti men gbidinoi ti ta kirama Barnaba kan Shawulu.

Chapter 12

¹Wende pelle koddi te gub Iriidush in yippo an balla longku ya shin minin shilibi. ²In tuk Jamush mollo Yuwaana ka agarum.³Bara ye weyaa we te yuwaa kpang ti Yawuudawa, in shooni toom ka yiu Biiturush. Terei koddi sha jong we-ta-kele. ⁴Bara ye yikka shii, in li shii ti ta mina muruk, in li me an geren shin peereu ka we gee kwi; leka in warin ka shii ka bi waar we-ta-kelei.⁵Nang in li Biiturush ti ta mina muruk, pene me an balla ti ku furafokju ti Yamma kping longkuunii. ⁶Ka yippo ye kpaaliyo ta perin ka shii ka we shiiro shii, Biiturush ti po shaklo ti shakki me an geren palau, dawani kan fwala we eem palau, koddi me an geren palau ye ti po dangi shengri kan dooju ti po mina muruki.⁷Kpantidi Malaikano Yamma in kuman perin ti shii, nang aaro in ee ta mina muruki. In tura shikno Biiturush in pigro shii in tewon ya, "Illo shikko peep," nang fwaala we eem yei in ukyonden ti kira. ⁸Malaikai in tewon ya, "Shou lannako ken shoppo taako." Biiturush in shoppina. Malaikai ya, "Shou lannan gbogo ken yiru biino."⁹Biiturush in yiu biino Malaika we per pewe. A peno ya wee Malaika yuwaai yen kullim. Nyimma ya kaare shi ta yaani shuna. ¹⁰Bara ye shinui kooka po dang an dok kan an palawi, in war shik po dang we eemi ye peraa ka tarang mina in aworo ka shikro. Nang in pereju in yiu manni bi kokoi, nang Malaikan wessho shii peep.¹¹Bara ye nyimmono Biiturush meena shigi, shii ya, "Wende ne penaa kulli Yamma shunna Malaikani in forno ti ta kirano Iriidush, kan wee ding ye Yawuudawa ta dang kwii." ¹²Bara ye Biiturush jemlaa kaa te, in wanni minano Maryamu nonnono Yuwaana, mo ti ye ka Markush, pirinnee ye memme galaa in ti furafok.¹³Biiturush in ya gbooroo ti po dangi, shook la pomun ye shommoi Rooda in peru ka wo liginoni. ¹⁴Ma ti yaaro eleno Biiturush ta tei in peni, nang longku beere a dum au po dangim; pene in meero ta minai ka yoba; in wa tewi ya Biiturush sherin ti bi po dangi. ¹⁵Nang shinui in tewon ti tei ya, "Ka shannghou ta kuuji." Pene tei in ti isshoro yaa kaa tei. Shinui ya, "Kaarei Malaikani."¹⁶Pene Biiturush in shuun toom ka ya gbooroi, bara ye shinui aka po dangi, in we shiknii in ya maam kping. ¹⁷Biiturush in ya shuklo ka kirani ya mo yooju yititi, nang in tewon ti shinui dangan piri ye Fo-mina fonnannin ti ta mina muruki. Shii ya, "Ma tewo we te ti ma Jamush kan digi an ballai." Nang in kooni in wanni manni piri.¹⁸Ka shaat, a kattan shanngau ye illa ti shakki me an bee deet longku wee ye weyaa Biiturujum. ¹⁹Bara ye Iriidush gassha biinii a wa shiim, in tenglo me an gereni in li in tukyo shinui. Nang in shaani Yawuudiya kan Kaisariya in deeni ti po teere.²⁰Ta koddi teere Iriidush ta yaden kan me ti Taaya kan Shiidon. In waru jelenii ka sheran paaro dok, bara ye benga Bilatush, an shau gubi, mo shauju, in tel kuttan po shaari longku mukjui ti we wesshinaroi ti bukno gubi. ²¹Manni darangi gubin shoppo lanna gubni in deeni ti po diyo ya gubni; in yuun paaro ti shinui.²²Memmen yallina dik, ya, "Tenei ele Yamma, a ele niyom!" ²³Kpantidi Malaikano Yamma in tura shii, longku a min gbei ti Yamma kudangum; muruk in addo shii in muroni.²⁴Nang paaro Yamma in ti kpiroro in ti tokko shaariro. ²⁵Nang bara ye Barnaba kan Shawulu wiilaa shuranju, in meeruju Urshalima in yeeru ti biiju ma Yuwaana ye ti ye ka Markush.

Chapter 13

¹Nang ti shakki me an balla ye ti Antakiya, ka peddi me an-pigro kan me an shubet. Shinui ma Barnaba, Shiimon(mo ti ye ka Niiga), Lusiyush niyo Sairiin, Manayel(mo kpiroo ka shaai kan gub Iriidush), kan Shawulu. ²Koddi ye shinui ti ku wau Yamma in ti yiu fokju, shoomno Yamma in tewon ti shinui ya, "Ma wakno ma Barnaba kan Shawulu, ta yuuno shuran ye ne yeenan shinui ti kwii." ³Ka bi yiwan fokjui, in furafok, in liin kira ti kuujui, in li biijui.⁴Nang Barnaba kan Shawulu in kumi kan shoomno Yamma in shaaju Seleukiya; ti po teere in ri ta gong doo we war Shaifurush. ⁵Bara ye shinui foora Salamish, in ya paarono Yamma ti mina wawo Yawuudawa. In shar Yuwaana Markush ka an ya shauju.⁶Bara ye shinui merkaa kubuk Phaposh, in we manni an gunuli, niyo Yawuudawa shii an-pigro shaba, shommoi Bar Jesshuwa. ⁷An gunul mo ti gal kuuni kan an toom shuranno, Shariyush Paulush, mo shiikan shen kping. La moo in ye ma Barnaba kan Shawulu, longku shii leka yaaro paaro Yamma. ⁸Pene Elemas "An pirak"(longku terei wee shommonii shuklaa) in kura shinui; in leu li shikni ka we shal do an toom mo ti ku lishaarii⁹Pene Shawulu, ye ti ye birang ka Buluj, kemi kan shoomno Yamma, in muuro shii kping ¹⁰in tewon ya, "Ke laano shuuro, ke kemi kan dokko kan shek. Kei an gei wenee yen kpang ding. Ke dum wessho daklo shupran kokono Fo-mina maa?¹¹Wende kirano Fo-mina ti kuuko, ke ta yooko an fugum. Ke ta we shik darangum koddi la wiu." Kpantidi goom kan dil; in kpal adoonii in yiu nabyo ta piri in ti tel memme mo yiu ni kirani. ¹²Ka bi ye mo an toom mo weyaa wee ye yuwaaro, in kumi, longku shii yuwaa maam kan shubetno Fo-mina.¹³Nang Buluj kan me an jeerini in kooju war Paphos in wa war Paaga ti Pampiliya. Pene Yuwaanan wejo shinui in meerini Urshalima. ¹⁴Buluj kan ma jereni in war Paaga ti po teere in war Antakiya ye ti Pisidiya. Ti po terei in ri ta mina wawo darang Asabar in deeju dii. ¹⁵Bara ye maara shoroi kan an-pigroi, me an toom ta mina wawoi in shurin ti kuujui ya, "Ma molon, mam maakan paaro pekro ti memme te, ma tewo."¹⁶Nang Buluj in illo shikni ti po sheri in ya kamro ka kirani in tewi ya, "Ma me ti Isheereila kan me an shewo Yamma ma yaaro. ¹⁷Yamma memme Isheereila shaka ma fowonmu kama in li memme in fiyoju ye tida dii ti Mashar, kan shokran kirani in forin shinui ti tai. ¹⁸Kaa pelle po sheno naa-peereu diin kan shinui ti ta shwee.¹⁹Ka bi ye shii toddaa gokmina parlau ti kubuk Kanana, in min bukjui ti memme mu kama ka weeju. ²⁰Yuwaa we te ding tita sheno 450. Ka biwe te ding, Yamman minin an shiire ti shinui we war Samaila an-pigro.²¹Nang memmei in teli ya mo yuujuan gub ti kuuju, Nang Yamman minin Shawulu laano Kish, niyo gokminano Bejamin, mo yu gub po sheno naa-peereu. ²²Ka bi ye Yamma foraan shii ta gubi, in liin Dauda ka gubjui. Wo ti kuuno Dauda ye Yamma teka ya, 'Ne weyaa tishikno Dauda laano Yesshe niyo ye ti po shaarino, mo ti ya wee ne leka shiin ya.'²³Ti po peenno la-moo Yamman waru ka an marku ti Isheereila,Yeesho kaa ye shii kuunga yaani.²⁴ Ye tidang Yeeshon tang waru , Yuwaana yuwaa kaawi for-fok kan yulma ti memme Isheereila. ²⁵Kaa ye Yuwaanan tang wiilo shuranni shii ya, 'Ma nyimmaa nei nong? nei shiim. Pene ma yaaro, ka mo ta waru ti biino, koo we dau po taani ne ta dum piddanim.'²⁶Mamolonno, shibo po peenno Ibirayim, ka me ti shi Yamma ti shakkima, shunna paaro marku tei ti kama. ²⁷Shinui me dii ti Urshalima, kan me an gubju, a jemlo shiim, shinui in kemro tewan paaro me an-pigro ye ti maanna kpaaliyo Asabar ding in ti kelmo shii.²⁸Kaa ye shinui a wa shii kan kelinye ye ta liyani in tuk shiim, in tel Bilatush mo tuk shii. ²⁹Bara ye fuwaa we ding ye balilin ti kuunii, in durin shii ti ku gbong biroi in liin ta duwoi.³⁰Nang Yamman shokron shii ti ta duwoi. ³¹In we shiknii po shaklo gbe ta me wanna ka shaayi ti Galili we war Urshalima. Shinui wendei me an jimro shii ti memme.³²Nang wende min ta teumai shinnyi ye Yamma kunnga ti ma fowonmu kama ³³shii kemraamu kama, kan shibojui, ka shokro Yeesho. Kaa ye ballii ti ta Jabuura: 'Kei laano, boi ne shigo fokko.' ³⁴Kpang paaro ye ya shi shokraa shii ti ta duwo longku loshiknii a ta ommanim, Yamma yuwaa paaro kaa te: 'Ne ta minma mon Shaana kan kumen ti Dauda.'³⁵Tene longku ye shii teka ti ta manni Jabuurai, 'Ke ta wessho mon Shaanako in omminam.' ³⁶Ka bi ye Dauda kenngan wee Yamma leka ti ta koddini, in muroni; in nan shii kan ma fowonni nang loshikni in ommoro. ³⁷Pene mo Yamma shokrai a ta we ommanim.³⁸Longkuuno te ma peno, mamolonno, ya ti taano la-moo ye kpaalan po fuddo shasshalau.³⁹ Ti piree kan shi maa mo kuunga peraan ka shii ding ti ta wee shorono Muja ta dum yuumam.⁴⁰Longkuuno te ma jooro yoo wee me an-pigro tekai a yooro ti kuumam: ⁴¹'Ma gee ma me an nwinnyo fok, ma yu maam nang man muri; Longku ne ta ya shuran ta koddima, shuran ye ma ta dang kumanim, koo da mundok tekama.'"⁴²Kaa ye ma Buluj kan Barnaba tanga kooju, memmen beng shinui ya mo meeru birang manni Asabari in ya paaroi birang. ⁴³Bara ye galo ta mina wawo wiilaro, Yawuudawa shi gbe kama me foraafokju in yiu biima Buluj kan Barnaba, in yuun paaro ti shinui in peeshikjui ya mo shuun toom ka deeju ti ta kuunguno Yamma.⁴⁴Manni darang Asabari, pelle gokminai ding in gali longku yaaro paarono Fo-mina. ⁴⁵Bara ye Yawuudawa weyaa shik jimoi, shinui in yiu ya mwisshi kan tebro ding paaro ti ku wee ye Buluj teka in ti kpakyo shii.⁴⁶Nang ma Buluj kan Barnaba in ya paaro ka twaalan shik ya, "Yikka ti gbare do in yuuma paaro Yamma ka po toom. Pene kaa ye ma kurama man geena mai nenno we kerang po dingum, pene ma gee min ta meemu shik mei Yawuudawam. ⁴⁷Longku Fo-mina fuwaa po teumu ya, 'Ne shigon ken aaro ti toom mei Yawuudawam, longku ken waru ka marku ti kubuk ding.'"⁴⁸Bara ye mei Yawuudawamyaaraa we te, shinui in ya beere kan min gbe ti paarono Fo-mina. Me limman we kerang po ding in kumi ta shinui. ⁴⁹Nang paarono Fo-mina in fu ta piri ding.⁵⁰Pene Yawuudawa in shuppo peddi shereb me ti shi Yammai kan me an toom tarang minai. Shinui in illo kunne ti kuuma Buluj kan Barnaba gale kan kai shinui ti ta bukju. ⁵¹Nang ma Buluj kan Barnaba in tudra kpisshi shik shooju longku in yooro we jimro ti kuujui. Nang in warju Ikooniya. ⁵²Nang me an balla in kemi ka beere kan shoom ye shaana.

Chapter 14

¹Ti Ikooniyɑ, Buluj ƙan Barnaba ƙaa ye shinui tĩ ya, ĩn war ta mĩna fur-fɔk Yawʊdaawa. Tĩ pɔ tɛɛrɛ shinui ĩn ya paarɔ ƙpang ye Yawʊdaawa ƙan mei Yawʊdaawam ĩn ƙumi ƙan Yamma. ²Pene Yawʊdaawa me kurooju ƙumanĩ, ĩn shʊʊlɔ mei Yawʊdaawam, ĩn daƙlɔ shɑkkijui ƙan ma molon me an ɓalla.³Ƙaa te Buluj ƙan Barnaba ĩn diinɑ ɓak tĩ pɔ tɛɛrɛ, ĩn tĩ ya paarɔ tĩ ƙʊʊnɔ Fo-mĩna ƙa ɓang vurum. Fo-mĩna ĩn ya jĩmrɔ paarɔ ƙʊʊngnĩ ƙa ƙʊnɛnnĩ mɔ yʊ tɛmɔ ƙan we maam tĩ ƙĩrajʊĩ 4 Memme tarang gɔƙ-mĩnaĩ ĩn ɓwaarɔ taajʊ, peɗɗi ĩn gal ƙʊʊjʊ ƙan Yawʊdaawa, peɗɗi ƙan me an kɑɑwi.⁵Nang Yawʊdaawa ƙan mei Yawʊdaawam ƙan me an toomju, ĩn gal fɔƙjʊ lɔngƙʊ min shĩlĩbĩ tĩ me an kɑɑwi, ƙa ƙpaalɔ shinui ƙa shĩĩla. .⁶Pɛnɛ shinui ĩn yaarɔ pĩrĩ, nang ĩn juwoju ĩn wɑrju gɔƙmĩna Likooniyɑ Lĩshtʊra ƙan Daaba ƙan ƙpɔmlan fɔƙjʊ. ⁷Piree shinui shʊwaan toom ƙa ƙpaalɔ pɔ shinnyi yen tɔmɔnn.⁸Tĩ Lĩshtʊra, ƙa mannĩ mo ɗii shwei kuuloni, pattaa shĩĩ kuule yei naʊ ya mɛrɛm 9 Shĩĩ ĩn ke kumoni tĩ shikno Buluj ƙaa ye shĩĩ tĩ ƙʊ ya paarɔ. Buluj ĩn diro shĩĩ ƙpĩng, ĩn we shĩĩ ƙan lĩshɑɑri tasshanĩ. ¹⁰Ĩn ya yee ya, "Ĩllɔ shikko tĩ ƙʊ shooko!" tĩ pɔ tɛɛrɛ, niyoi ĩn ĩllɔ jʊra nang ĩn yĩu ya mɛrɛ.¹¹Ɓara ye jimaɑi wɛyaa shik wee Buluj yʊwaa, shinui in yallĩna tĩ ta fɔƙ me tĩ Likooniyɑ ya, "Yamma shaana shikmu ƙama tĩ ta lɔ-shik niyo!"¹² Shinui ĩn lĩ shɔmmɔ tĩ Barnaba yaa Jewish, ƙan Buluj shinui ĩn lĩĩn shɔmmɔ yaa Hamɛsh, lɔngƙʊ shĩĩ an toom paarɔ. ¹³Nang anƙpaa Jewish, ye tam we-ƙuma-weeni tĩ ta bi mĩna, ĩn warʊ pɔdang gɔƙmĩnaĩ ƙa tangƙa yen shwĩjĩ ƙan bilit yen ĩllɔ, lɔngƙʊ shĩĩ ƙan jimɑi lɛƙa minin ding ta ƙĩra tĩ shinui.¹⁴Pɛnɛ ɓara ye me an kɑɑwi Barnaba ƙan Buluj yaaraa ƙaa te, shinui ĩn jaɗĩrɔ ta lannajʊ ĩn juwoju yɔɓa we war shɑkki jimɑi, ƙa yallɔ. ¹⁵Lɔngƙʊ wen ma tĩ ƙʊ ya we tei? Lɔngƙʊ min sheemu ƙaa niyo ƙaa ma, min ɓara wanna maĩ ƙa shinnyi yen tɔmɔn waanĩ, lɔngƙʊ man shiwo ta bi tĩ wee waanĩ te, ɓĩrang man shirt shikno Yamma mo ƙan dooni, mo yʊʊna ƙʊdang ƙan ƙʊ-ɓuk, pɑɑli dɔɔ ƙan wee ɗing tĩ taajʊ. ¹⁶Mĩlam, shĩĩ wɛsshaa ƙʊɓuk mɔ yʊ wee lɛƙa tĩ dooju.¹⁷Ɓĩrang shĩĩ a naʊ wɛsshɔ ƙʊʊnĩ aƙan jĩmrɔm. Shĩĩ shʊƙa ma ƙʊnngʊnĩ ka min ma doo ku-dang kan weshiina gbe kan in kemro ma poshaari ma ka beere."¹⁸ Kama ye ka paaro tei, shinui in yaaro shilibi kping ka beelo memme ye ka we min ding ta kiraju.¹⁹Nang peddi Yawudaawa in waru ti Antaakiya kan Ikooniya, in tol poshaari memmei, shinui in kpailo Buluj, shinui in tollo shii in peron ta bi mina, nyimmo sheeju ya murooni.²⁰ Pene bara ye me an balla kollaa jelenii, nang shii in illina in meeni tarang gokminai. Pirbang shii kan Barnaba in warju Daaba.²¹Ka bi ye ma Buluj kan Barnaba yuwaa kaawi shinnyi yen tomon ti Daaba. Shinui in we me an yiu shubet gbe. Nang shinui in meeju Lishtura, Ikooniya kan Antaakiya ye ti Pishiidiya. ²²Shinui in ti pee shik me an balla kan in ti pekro shinui mo shereju bang ti ta lishaari. Shinui in tewi ya, "yikka ti gbare-do kama ta ri ta taa shilibi, kaman tang ri ta gubno Yamma.²³Ma Buluj kan Barnaba in shakko men gbidino ka po shooju ti koo ta mina wawoi, kan for-fok kan yiu fok, in li shinui ta kirano Fo-mina, ti taano mo shinui kunnga. ²⁴Ka bi merkan Pishiidiya, shinui in waru Bampiiliya. ²⁵Shinui in kaawo paaro Yamma ti Parga, nang shinui in shaaju Ataaliya.²⁶ Ti Ataaliya, shinui in meeju Antaakiya, piree milam foraan fok ti shinui mo kunnguno Yamma for shinui ti ta shuran ye baa fuwaani.²⁷Kaa ye foraa po teere, shinui in gal do me an balla kan in sheeron wee Yamma yuuna ti piree kan shinui kan kaa ye shii aka podang lishaari ti mei Yawudaawam. ²⁸Nang shinui in diino bak ti po teere kanme an yiu shubeti.

Chapter 15

¹Peɗɗi memmei in peru ei Yawuuduya in shaaru Antaakiya ƙan in ti shuppo ma molon me an ɓalla ya, "Maa ƙarma ƙuwo mam ƙa yee ƙuut ɗiyo mina ye Muuja shuppaanum, ma ta ɗum we mar-ƙum. ²Tenei a ƙattan marak ƙan jiram ye bilak-bilak ye wanna ma Buluj ƙan Baranaba tai ƙan shinuim. Kaa te, in shak Ma Buluj ƙan Barnaba , ƙɓɗ a shaayi ƙan peɗɗi me an ɓallai mo war Urshaliima lomhƙu in kpomi ƙan me an kaawi ƙan men gbiɗina ƙan longƙu telyo te.³Me an ɓalla in li biijui, shinui in kooju in yiwaju ta ɓuk Piniikiya ƙan Shannariya, in ti sheero ɗangan pi shinnyi yei mei Yawudaawam foraa-fokju in ƙumi ƙan Yamma. Shinnyi te in li me an ɓalla ya ɓeere-ɓeere ƙping. ⁴Bara ye shinui foonna Urshaliima, memme me an ɓalla ƙan me an kaawi ƙan me an toom ɗingin yuun wanniya ti shinui. Nang ma Buluj ƙan Barnaba in sheeron pi wee Yamma yuuna ti piree ƙan shinui ɗing.⁵Pene manni memme me an ɓallai me shinui ƙa shaayi ƙan me ti awo she Parishaawa in illo shikju ti po sheri in tewi ya, "Mei Yawudaawam yiƙƙa shinui ti gbare-ɗo in ƙar ƙuwoju ƙan shinui in yiu bi shorono Muuja. ⁶Kaa te, me an kaawi ƙan an-toom in kpomi ƙa shaayi longƙu limma paaro te.⁷Ka bi joori ɗeppan paaroi , Biiturush in illo shikni ti po sheri in yuun paaro ti shinui ya, "Ma molon, ma ɗing ma penaa ye Yamma shaƙnano ti shakki ma ya, 'Mei Yawudaawam ta yaaro paaro shinnyi yen-tomon ti foƙno, ɓirang shinui in ƙumi. ⁸Yamma mo penaa po-shaari memme, ƙan shii in shuƙilla ya shii yiƙƙa mei Yawudaawam, ti bi ye shii minaan shoomni ti shinui, ɓara ƙaa ye shii minaamu ƙama. ⁹Shii a shuƙlo kaali ti shakki mu ƙama ƙan shinum, ti bi ye shii fuɗɗaa po-shaarijui ti bi li-shaari.¹⁰Wende, ƙa longƙu wen ye ma ti nau Yamma, ƙa li gbong-biro ti ƙu me an yiu shubet te ye ta pessho ƙuujui, teerei shoro ye ƙama ƙan ma shiimu ƙama ƙan ƙamai ta ɗum sharanimi? ¹¹Pene ƙama ƙunnga ƙama ɗing, longƙu ti piree ƙan ƙunnguno Yeesho ye ƙama weyaan mar-ƙu, ƙaa ye shinui sheeju weyaan.¹²Nang jiman memmei ɗing in ke-kumoju ti shik ma Barnaba ƙan Buluj, ƙaa ye shinui ti ƙu sheero pi temo ƙan we maam ye Yamma yuwaan ti shiknui ti shakki mei Yawudaawam.¹³Ka bi ye shinui fuwaa po ya paaroi, nang Yaakubu in illo shikni ti po sheri in tewi ya, "Ma molon, ma yaarono. ¹⁴Biiturush sheeraa ma pi ƙoɗɗi ye Yamma ƙa toom wannai shau mei Yawudaawam ƙulang shii in shar ti shakkijui memme po sheeni.¹⁵Nang foran-fok mei Yawudaawam tenei ɗob-ɗob wee me an-pira pigraa. Kaa ye ɓallii ya, ¹⁶"Ka bi ween shurme te ɗing, ne ta meerui, ƙanne ta ɗig-bi minano Dauɗa, ye vubraaro. Kaa ye fuwaa po vuuroro, ne ta ɗig-bi, ɓirang nen shoƙro shiki, ¹⁷ƙulang ɗogi memmei ta ɗum gassho biino Fo-mina, mayani ƙan mei Yawudaawam ye ne shaƙƙaa shinui mo yooju ƙa we ye shinui ƙa shoomono'.¹⁸ Tenei wee Fo-mina tenna ye yuuna ween shurme te ye penna guni milam.¹⁹Longƙuuno te, ti ta geyan sheeno, a yu ƙpang ƙaman pessho mei Yawudaawam ƙa ɓang me ti ƙu shiru shikno Yamma. ²⁰Pene ƙama ta ɓallon ti shinui, ƙaman tewon mo shinui yoppo sha weshiina ye waraan ƙu we-ƙuma-we, mo shinui wessho ƙuturani ƙan shereb gbauyawi, koo aɗɗo we-ta-gun me meeraa ɓongii, ɓirang ƙan domii. ²¹Longƙu Muuja yuuna kaawi yau ti me ti goƙ-mina ɗing ti liyan-gun ƙoɗɗi, nang wende in ti maarra ti ta mina fur-foƙ darang nessho Yawudaawa ɗing."²²Nang me an kaawi ƙan me an-toom , ƙan ɗogi me an ɓallai, shinui in sheron ƙa ƙu paaroi ya mo shin shaƙƙo peɗɗi me ti shakki memmeju shinui in shur gunjui gale ƙan ma Buluj ƙan Barnaba ti Antaakiya ye ti Shuuriya. Nang shinui in shaƙƙo ma Yawuda, mo ti ye yaa Barnaba ƙan Shilla. Shinui me an-toom ti shakki me an ɓalla. ²³Shinui in min balla ye ti maarra ya, "Ti shikmu ta ma molon, me an-kaawi kan men gbidina me an balla ti Urshaliima, we war shik ma ma me an-balla mei Yawudaawam, me ti Antaakiya kan me ti buk Shuuriya kan she Kiliikiya min ti ku yuuma kaa.²⁴Longku min yaaraa ya peddi memmei pereju ti shakkimu, akan kumen ti piree kan minum, kan shinui in turmoma ka shubetju ye shokraa po-shaari ma, pene minui shur shinuim! ²⁵Kaa te wende minun sha po-diyo, kan kumanmu min ding, nang minin geena yuwaa kpang minin shakko peddi ti shakkimu minin shurma gunjui gale kan me an jeeremu, ma Barnaba kan Buluj. ²⁶Shinui me minaa kerangju ka lomgku shommono Fo-mina Yeesho Kiriti.²⁷Longkuuno te, min ti shuma gun ma Yawuda kan Shilla. Shin po kuuju ta sheero ma we te kafokju. ²⁸Longku yuwaa kpang ti Shoomno Yamma kan minu, adoo liima tira ti kuumam, maa bara wee yikkati gbare-do tem. ²⁹Ya yikka ma ti gbare-doman wessho sha weshiina ye waraan ku we-kuma-we kan addo lo ye kan domro, kan addo we-ta-gun ye meeraa bongi, kan kuturani kan shereb gbauyau. Mam maa shoraa fokma ka yuyyo ween shurme te, pene ma yuwaa ween kpang. "Ma nessho bang."³⁰Longkuuno te, kaa ye liyaa biijui, nang shinui in war Antaakiya, piree shinui yeyaan galo jima me an balla ding, in minin ballan lakardai. ³¹Koddi ye shin maaraai, kpantidi in ya gbong beere ti shakki me an balla ding, kaa ye shinui maaraa shuran pee-shik vurum te. ³²Nang ma Yawuda kan Shilla, kaa ye shinui shin ding kujal me an-pigra. Shinui in sheeron paaro gbe ti ti me an ballai, in ti pee shikjui kan li-shaarijui.³³Ka bi shinui in diina po koddi la-wiiu, nang me an ballai in men li biijui mo meeju shik me shaaju me an balla me ti Urshaliima ka kpang twaalan-shaari. ³⁴Pene yuwaa kpang ti Shilla in diirini ti po teere. ³⁵Pene Buluj kan Barnaba in diiriju ti Antaakiya. Shinui kan peddi memmei gbe in ti shuppina kan kaawo shinnyi paarono Fo-mina ti po teere.³⁶Ka bi ye shaklaa, Buluj in tewi ti Barnaba ya, "Shero mo ka ke war gok-mina ding me ka ke kaawinan shinnyi paarono Fo-mina milam, kaken wa kakiyyo ma molon kan ka ken geeru ka yee ta shinui. ³⁷Barnaba in kumi kan lewi ya mo shin koo ka shaayi kan Yuwaana ye ti ye yaa Markush. ³⁸Pene Buluj in geena a yuk pang shinu in wanna ka shaayi kan Markushum, longku milam shii wesshinaju ti Bampiiliya, birang in kuroni sha-toom ka shuran kan shinui.³⁹Kaa ye paaroju a waru dokum, nang shinui in bwaaro shaayi, ma Barnaba kan Markush in reeju ta gong in warku Shaipurush. ⁴⁰Pene Buluj in shak Shilla. Ka bi ye me an balla furaan-fok ti kuujuimo kunngono Fo-mina jooro biijui, nang shinui in kooju. ⁴¹Nang shinui in yiwaju ta buk Shuuriya kan Kiliikiya, kan in ti pee-shik me an balla.

Chapter 16

¹Nang Buluj ka toom in war Daaba ka bi in tang war Lishtura, piree weyaa la-ilit mo an yiu shubet ye shommonii Timoti, shii la manni paamun Yawuudiyai an balla ta tei, pene fonii niyo Elenaawa. ²Me an balla me ti Lishtura in ti kum-pinno Timoti kping ta shinui. ³Longkuuno te, Buluj in leu shii mo shin koo ka shaayi, kaa te shii in wa kar kuwonii. Longkuuno te, Yawudaawa me ti po teerei shin ding penaa ya fono Timotii niyo Elenaawa.⁴Kaa ye shinui ti ku merko gok-mina gok-minai, shinui in peen bi ti memmei sheran ku-paaro me an kaawi kan men gbidin me an balla ye kunnga mo warin Urshaliima, shinui in tewon ti me an ballai mo shor-shiki. ⁵Kaa te me an balla in tokko shaari bangju ti ta li-shaari, gbeju in tokko-shaariro kpaaliya ding.⁶Birang ns Buluj kan Shilla in merko gok-mina Piriigiya kan Galaatiya longku shoomno Yamma foddaan foki ti shinui mo wessho kaawo paarono Fo-mina ti Aashiya ti ta koddi teerei. ⁷Koddi ye shinui nemna waru ku karak kan Mishiiya, shinui in gassho po ri ta buk Bitiiniya, pene Shoomno Yeesho in foddon foki ti shinui. ⁸Nang shinui in yiwaju jele buk Miishiya in shaaju buk Turowash.⁹Ka yippa teerei, Buluj in we shik jirim, Manni niyoi ti Makiddnoya ye ti kudo laddi ti ta buk Elenaawa, sherii ti po teere, in ti beng shii ya, "Amru Makidooniya ken shaumu." ¹⁰Kaa ye Buluj weyaa shik jirimi, kpantidi minun li shik mu ka we teelo Makidooniya, longku minin pwni yeyaamui Yamma ka longku minin yuun kaawi shinnyi yen tomon ti shinui.¹¹Nang minin illina ti ta gong-doo ti Turowash, minun shettemu war Shamutarkiya. Pirbang,minun war Niyaapolish. ¹²Ti po teere, minun fooro Pilipi, gbong gok-mina ye ti ta buk Makidooniya ye ti ta gun gub Rooma. Nang minun shakilla gbe ti po teere. ¹³Darang nessho Yawudaawa, minun perii tol-shikmu, minun war po shiiruk piree min liyaan shaari ka po fur-fok Yawudaawa, minun deemu dii,minun ya paaro kan shereb me galii ti po teere.¹⁴Ka manni paamuni ye shommoroi Liidiya, an wau Yamma ta tei, Lidiiya ti ku yaaromu. Tei lai me ti Tiyaatira, tei ti pipila ka alak lanna yen kparkidak. Kaa ye tei ti ku yaaromu, Fo-mina in au poshaariroi, kan teu in yiu wee Buluj ti ku sheerani. ¹⁵Koddi ye tei kan me ti ta minaro yuwaa yulma, tei in bengmu ya, "Mam maa kunnga, nei an-balla yen kpang ti taano Fo-mina, ma waru man duri ti minano." Nang tei in dimmomu, nang minun kumi.¹⁶Pirbang ka shaat min ta sha ta mina fur-fok, minun kpomi kan la paanu ye shanngau sharaa kwi. Tei an-pirak ye ti weeru kine gbe ti ma fo-minaro. ¹⁷Tei in yiu biino Buluj kan dogimu, in ti shoppo bobak ya, "Memme tei me shookno Yamma mo ti ku-dang bak, nang shinui wannai teuma ye ma po waan mar-ku." ¹⁸We te in shooro-toom ti ta shaklo shurme. Pene ta aano Buluj in gbanoro kping, in shiwa dooni in tewunti shanngau ye ti taaroi ya, "Ne pekraaji ti ta shommono Yeesho Kiriti, perenjin ti shikroi." Nang kpantidi in wessho tei.¹⁹Koddi ye fo-minaro weyaa koko po we kineni kpalaaro kaa te, shinui in yippo ma Buluj kan Shilla, nang in tollo shinui in warin toom me an an-gub shiireti kudam po piplo-we. ²⁰Bara ye memme waraan ma shinui toom me angub shiire, in tewi ta shinui ya, "Yawudaawa me ti ku turmo tarang mina te. ²¹Shinui ti ku shuppani ka we ye kuut-mina yei nenno memme Rooma in shar shubetim."²²Nang memmei in gallin ti kuujui, me an-gub shiire in jadiro ta lanna shikjui,in foddo lannai, shinui in min kumen yuun tuwa ti shinui ka biro-biro. ²³Koddi ye fuwaa po yuun tuwa ti shinui kping, in nang nummo shinui ti ta mina-muruk. Shinui in tewon ti mo an jooro ku mina-muroki, ya mo piime wessho wesshani in juwajui. ²⁴Kaa te mo an jooro ku mina-muruki in li shinui ti ta gume an jele-bi kan in shoppon biro too an-shanngau ti shoojui.²⁵Ka nangshakki yippa, ma Buluj kan Shilla ti ku fur-fok kan ya vonak ti Yamma, kan peddi me an for-shuna in ti yaaro shinui. ²⁶Kpantidi ku-buk in ya shor, ye in li kel mina-muruki in middoahikro. Kpantidi podang mina-muruki sing in appaju, we-ee shoo me ti ta mina-muruki ding in pidiroju.²⁷Bara ye mo an jooroku mina-muruki pigroon tidoshakloi, in we podangi appani, in kpaattu agarumni ka nyimmo tuk kunni, longku nyimmaa ya meti ta mina-myruki juuga yoba. ²⁸Pene Buluj in pekro shii ka ele yen bang ya, "Wessholi pira ti kuukoi, longku min ding min ka minu."²⁹Nang mo an jooro ku mina-muruki in tewi ya mo warini ka wulon deet, in illin peeb in ri shiki in ti tarika shewo, in shugna ti toomno Buluj kan Shilla, ³⁰kan in perin peewe ka shinui in tel shinui ya, "Me an-shubet, ne ta ya wen nen we ma-kui?" ³¹Shinui in lignon ya, "Kumu kan Fo-mina Yeesho, kan ma ta we ma-ku, kan ke kan minako."³²Shinui in paarono Fo-mina ei shinui, gale kan me ti ta minani ding. ³³Nang moan jooro ku mina-muruki in ahrshinui ka yippa teerei, kan in wa fudiro diijui, kan shii kan me ti ta minai ding kpantidi in yuun yulma ti shinui. ³⁴Nang shii in riin ma Buluj kan Shilla ta minani in wa minin weshiina ti shinui, nang shii kan me ta minani shin ding in ya beere-beere, longku shin ding kunnga kan Yamma.³⁵Pirbang ka shaat, me an-gub shiirei in shuru me an dau-ta-gongo mo tewo ti mo an jooroku mina-muruki ya, " Wessho shwiji shurme mo kooju." ³⁶Mo an jooro ku mina-muruki in tewi ti ma Buluj ya, "Me an-gub shiire tenna ya mo maan Shilla kooma ti ta twaalan-shaari."³⁷Pene Buluj in lignon ya, "Shinui yuwaamu biro-biro ti shakki diyo-diyo niyon-ding, a gale kan shiiromum, shinui in shoumu ti ta mina-muruk kaa ye min sheemui Roomaawa. Kaa te,wende shinui leka minun koomu ka jiri ya? Oonngoo, akaa tem! Mo waru ka shikju in foran mun kira." ³⁸Bara ye me an dau-ta-gongo meyaan po paaro te, me an-gub shiire in ya shewo kaa ye yaaraa ya ma Buluj kan shillai Roomaawa. ³⁹Nang me an-gyb shiire, shinui in waru in wa we ma Buluj kan Shilla in beng shinui mo tekloju wee shinui yuwaa. Shinui in tewon ti shinui, mo kooju in wessho tarang gok-minai.⁴⁰Ka bi ye ma Buluj kan Shilla peraan ti ta minai-muruki, nang in warju minano Liidiya. Ka bi ye shinui kponnga kan me an-balla, shinui in kem-shikjui, kan nang shinui in gok-minai in kooju.

Chapter 17

¹Wende koddi ye ma Buluj kan Shilla merkaa tarang gok-mina Ampibolish kan Apoloniya, nang shinui in waru Tashlonika, piree kan mina fur-fok Yawudaawa. ²Kaa ye Buluj ti yuun, shii in war ta mina fur-foki ya wawo, in jebbo shaklo tat ti gun shaayi, shii in ti sheu ta paaro Yamma kan shinui.³Shii ti ku twailo-do yuyyan pigra kan peejon-bi ya Kiriti ta taa-shilibi,kan ta illoni ti shakki me kumai. Shi in tewon ya, "Yeesho ye ne ti sheeromw piri te, shii Kiriti." ⁴Peddi Yawudaawai kan Elenaawa me an wau Yamma kan gbidina sherebgbe me yaaraa ma Buluj kan Shilla, in kumi ta shinui, in shemo mayaju dok kan maBulj kan Shilla.⁵Pene peddi Yawudaawa, me shinui an-mwisshi shinui in gal-do peddi ms an bang-ta-kumo ti kudam po-pilo-we. Bara ye galaa, shinui in yiu shiwa-ku tarang minai. Shinui in ri ta minano Jaashon in ti gassho biima Buluj kan Shilla longku shinun warin toom memme. ⁶Pene bara ye a wa ta shinui tipo teerem, shinui in tolluru Jaashon kan peddi mean ballai ka po shoojui, nang in warin toom me an-gub shiire in ti ya yallo kan in ti tewi ya, "Memme me ti ku teeru nee ti ku-buk ding, gee shin wono foonna po te tiku turmo gok-minamu sheero. ⁷Memme shurme me Jaashon yikka, shinui ti ku ya wee shorono Keeshar a kum pirim; shinui ti tewi ya ka manni gbong an-gubi yaa Yeesho."⁸Nang bara ye me ti tarang gok-minai kan me an gub-shiire yaaraa we te, poshaarijui in gbanoro. ⁹Pene shinui a foran-kira ka ma Jaasho kan peddi me an ballaim. Nang bara ye yikka kine paaro-ku ti kirajui, in tang foran-kira ka shinui.¹⁰Ka yippa teere, me an balla in shr gun ma Buluj kan Shilla ti Biiriya. Koddi ye shinui fooraa po teere, shinui in war ta mina fur-fok Yawudaawa. ¹¹Nang Yawudaawa me ti Biiriya yeka me ti Tasshlonika nyimmo, longku shinui yikka paaroi ka poshaari dok kan kira palaw. Shinui in ti sheu ta paaro Yamma kpaaliya ding, kulang shinui in peni wee ma Buluj kan Shilla ti tewii yen kulli. ¹²Longkuuno te, Yawudaawa gbe in kumi kan Yamma, kaa ye gbe shwiji kan shereb me kan gbidina po-shire kunngan.¹³Pene koddi ye memme Yawudaawa ti Tasshaloonika yaara ya Buluj ti ku kaawo paarono Yamma ti Biiriya, shinui in war po teerein turmo memme. ¹⁴Kpantidi me an ballai in shur gunno tipo shiiruk, pene ma Shilla kan Timataawush shinui in dangi ti po teere. ¹⁵Me an li biino Buluj in wanna kan shii we fooro Atiina. Nang kaa ye shinui ta meeruju, Buluj in sheettin shuran ti ma Shilla kan Timataawush ya mo shinui wa weeni peeb, nang shinui in kooriju.¹⁶Wende kaa ye tida Buluj ti ku dang kuuju ti Atiina, poshaarinii in gbanoro kping ti ku ye weyaa tarang gok-minai kenngaro ka we-kuma-we. ¹⁷Longku kaa te, shii in war ta mina fur-fok in deppo paaro kan Yawudaawa kan peddi Elenaawa me ti wau Yamma. Kaa ye ti po ppiplo-we kan me ka shin ti po teere.¹⁸Pene birang shii in deppo paaro kan me an shubet ye ti ye yaa Abikuriyaawa kan Shitokiyaawa me penaa-we. Shinui in ti ya jiram kan shii. Peddijui in ti tewi ya, "Mo an bobak ye, leka tewanii wen?" Peddi in tewi ya, "Kaa mo an ya kaawi bino-bino yamma yei peen she po tem." Shinui teka kaa we tei longku Buluj tiku kaawo paaro shinnyi yen tomonno Yeesho, kan birang ilit ta duwo.¹⁹Shinui in shar Buluj in warin shii ku-dongor Araasha ti toom po galoju, shinui in tewon ti shii ya, "Koo ke ta waru ke aumu-do bino shubet ye ke ti ku yaani te ya? ²⁰Longku minui nau yaaro pa-paaro tem. Min leka minun pen ween shurme te ta shuklani." ²¹Wende me ti Atiina ding kan me bino me dii ti Atiina, leka ta shinui in yaaro we yen fo, birang shinui in yuun paaro ti kwi, ye yeka koo wen.²²Kaa te Buluj sherii ti toom galoi, in yuun paaro ti shinui kaa lee ya, "Memme Atiina, Ne geeka mai me wawo ti koo kokono yen shire. ²³Longku kaa ye ne ti ku merko tarang gok-minai, ne weena shik wee ma tiku wawi. Kan ti ku manni po wawoi, ka yaan balla ti kuuroi ye ti tewi yaa, "Longku Yamma yei peno shiim! Oo, shi te ye ma ti wawi ye mai peno shiimmi, shii mo ne ti ku sheero ma pinnii.²⁴Yamma ye yuuna ku-buk kan koo wen ye ti taaro, kaaye shii Fo-mina ku-dang kan buk, a ti diina ti ta ye diga ka kiram. ²⁵Koo in gassho sawo ti kira memme, kaa pelle ye shii leka manni wei, shi po kuunii ti minii ti memmei kerang kan for-shuna kan dogi wei ding.²⁶Ti shik niyo dok shii kpiina memme ding, longku shinui in diina ti ku-buk. Shii limyaa kpakan fok koddi, kan piree koo memme shire ta diyon, ²⁷longku ye Yamma yuuna kaa we te kulang shinui in gassho biini, kergum in we kokoju we war shiknii, kaa ye shii a tali kan mondok ti shakkimu kamam.²⁸Longku teka ya, "Kaa ma dii ti taani, kaman ti middo shik, kan birang kama dii. Bara kaa dok ti shakki mean vonakma teka ya, 'Longku kama sheemui kamai po-peenni." ²⁹Longkuuno te, kaa ye kamai po-peenno Yamma, ai, ayu kpang kama in nyimmina Yamma penna manni temo bela, koo laa-bela, yei shiila men kpattirin, ye niyo kuttaa ka shennim.³⁰Longku Yamma waka dooni ti ta koddi dil-ku, pene wende shii pekraa memme ding ti kootong mo shinui for-fokju. ³¹Tenei longku liyaa darang ye koddi ye shii ta shiiron ku-buk te ti piree kan dob-dob niyo ye shii shaka. Yamma shukilla kulli niyo te ti koo nong ti bi shokran shii ti shakki me kuma."³²Wende koddi ye memme Atiina yaaraa pi ilit ta duwa, peddi in ya shwaal ti shikno Buluj; pene peddi in tewi ya, "Min leka yaaroko birang ti ku paaro te." ³³Ka biino te, Buluj in wessho shinui. ³⁴Pene peddijui in kumi kan paaroi, in Shem meeju biino Buluj, ti shakkijui Diyonishiyush, dok ti shakki me an shiire, kan manni paamuni ye shommoroi Danarish, kan peddi me shinui ka shaayi.

Chapter 18

¹Nang Buluj in wessho Atiina in wanni Koronto.² Ti po teerei shii in kpomi kan manni niyo Yawuudiyai shommonii Akiila, ye pattaa shii ti buk Pontush, ye baa foottu ti Itaaliya kan mannani shommoroi Birishkila. Shinui wesshina Itaaliya longku ye kalaudiyush Keeshar yuwaa shoro ya mo Yawudaawa ding wessho Rooma.³ Buluj in deeni kan shinui in ti ya shuran ka shaayi, longku peen shuran kiraju dok, shuran toniro ten.⁴Darang nessho Yawudaawa ding, Buluj ti war ta mina for-fok Yawudaawa, in ti deppo paaro kan shinui, in li shikni ka we tollu kira Yawudaawa kan mei Yawudaawam.⁵ Kan ka bi ye ma shilla kan Timotaawush shaana ti Makidooniya, Buluj in shar koddi ni ding ta kaawo paarono Yamma. Shii in peejo bi ti Yawudaawa ya Yeeshoi Kiriti.⁶ Pene shinui in yuun jiram ti shii kan in kpakko shii, Buluj in tudiro kpisshi shig lannani in tewon ti shinui ya, "Dom ma ti kuuma! Ne kam nei daklo wem. We yikka booi, ne tayiu waranii shik mei Yawudaawam."⁷Nang shii in wanni minano Taitiyush Jushtush, moi Yawudaawam, an wau Yamma, minani nimmi kan mina for-fok.⁸ Kirishbush, mo an toom ta mina for-fok, ka me ta minani ding in kumi kan Fo-mina ta shinui. Memme Korontiyawa gbe me yaaro kaawino Buluj, in kumi ta shinui, nang in yuun yulma ta shinui.⁹Manni yippoi, Fo-mina in ya paaro ti Buluj ti ta shuna, in tewon ti shii ya, "wessho tooro kuukei!¹⁰ Longku ne ka ne kan ke, birang a doo mo ta shuwoni ti kuuko in yuuko manni weim, longku memmeno gbe ti tarang mina te," ¹¹Kaa te, Buluj in diino ti po teere po sheno dokkan tere paragbanang, in ti kaawo paaro Yamma.¹²Pene bara ye Galiiliyo shigani gub Akaaya, peddi Yawudaawai in illina ti shikno Buluj, in warin shii toom gub ka we shiiro shii.¹³ Shinui in kpaa Buluj ya, "la-moo ye ti li memme mo wau Yamma ti koko ye shoroi kumum."¹⁴Pene kaa ye Buluj yikka kon fokni, nang Galiiliyo in tewi ti Yawudaawa ya, " mo da shii daa daklaa daa manni wei, yei gbong daklan we, ne daa yaaraa ma.¹⁵ Pene kaa ye wei jiram deppo paaro waani, kan shommo-shommo, kan shoroma, nang ma pen po shakko ta weema ka shikma. Ne kam, nei li ti poshaarino ne ta shiiro peen we tem."¹⁶Nang shii in kayin biijui ta mina shiirei.¹⁷ Nang galoi in yiu Shushtaanush mo an toom ta mina for-fok, in yuun tuwa ta shinui ti shii ta mina shiirei. Pene Galiiliyo a kaan kumoni ti shikjuim.¹⁸Ka biino teere, Buluj in shakillu ti Koronto, nang in minin menne ti ma molonni me an balla. In reeni ta gong kan ma Birishkiilakan Akiila, nang in kooju war Shuuriya. Pene ye tanga illani, Buluj in kul kuuni ti Kankiiriya kaa ye Yawudaawa ti ya kulang in ya deewanku.¹⁹ Bara ye shinui fooraa Afiisha, ti po teere Buluj in wessho ma Birishkiila kan Akiila, nang in wanni ta mina for-fok, in deppo paaro shin kama Yawudaawa.²⁰Nang shinui in beng shii mo tokko shaari nesshani kan shinu, pene a kum ta shiim.²¹ Kaa ye shii ta kooni, in tewon ti shinui ya, "Yamma maa kunnga, ne ta shiru birang." Nang shii in illina ti Afiisha ti ta gong doo in kooni.²²Piree shii sheeraan birangii ti Antaakiya, in ammina in wa kaaru me an balla me ti Urshalima, nang inmeeni Antaakiya.²³ Ka bi ye shii la diyaa bak ti po teere, nang in illina in me-merko buk Galaatiya kan Firiijiya, in ti yiu bi gokmina-gokmina, in ti pee shik vurum me an balla.²⁴In ti kuttina , manni niyo Yawudaawai shommonii Apoloj in waru Afiisha, shii la me ti buk Elekjandiriya ye ti Mashar, mo penaa paaro. ²⁵Shuppaa shii ka paarono Fo-mina. shii ti pessho shikni kping ti ta paarono Yamma. Birang shii ti shuppinai ka koko kulli ti kuuno Yeesho. Pene shii bara penaai yulmano Yuwaana waani. ²⁶Shii in yiu kaawo paaro ka bang ding ti ta mina for-fok. Bara ye ma Birishkiila kan Akiila yaaraa paaronii, in ye shii ta shinui ti jele, in tokkon shaari pen kokono Yamma kping ti shii.²⁷Apoloj ti ku nyimmo war Akaaya, me an balla in shau shii. Shinui in ballo alau ti an balla me ti Akaaya longku mo shinui yiu shiio kira palau. Kaa ye shii fooraa po teere, shii in yooni mo an shawo kping ti shik me kunnga ka kunnguno Yamma. ²⁸Longku shii kannaa Yawudaawa kulli ti toom memme, shii in ti peen bi ta Balilan paarono Yamma ye ya Yeeshoi Kiriti.

Chapter 19

¹Ta koddi ye Apoloj ti Koronto, Buluj ti ku merko tarang buk, we fooro Afiisha, piree weyaan peddi me an yiu shubeti.² Shii in tel shinui ya, "Ma yikka shoomno Yamma koddi ye ma kunnga kan shii ya?" Shinui in liginna ya, "ongngoo, minui nau yaaraani ya ka shoomno Yammam."³Shii in tel shinui ya, "Duma yuwaa mai peen yulma wen? Nang shinui in lignon ya, "yulmano Yuwaana."⁴ Buluj ya yulmano yuwaana yuwaai we for-fok ya shasshalau, pene Yuwaana po kuuni teka ti memme mo kumu kan mo ta waru ka biini, ye shii Yeesho.⁵Kpantidi ye shinui yaaraa kaa te, nang in yuun yulma ti shinui ti ta shommono Fo-mina Yeesho.⁶ Nang bara ye Buluj liyaan kirani ti kuujui, shoomno Yeesho in sherin ti kuujui, nang shinui in yuyyo paaro ka dak peeni-peeni kan shinui in yuyyo pigro. ⁷Shin ding fooraa niyo kpumu gee palau.⁸Nang Buluj in war ta mina for-fok, in ya kaawi ka poshaari dok po tere tat, in ti tollu poshaarijui ti ku paaro Yamma.⁹ Pene peddi in shiwaju me an bang kumo in kuroju kumani, ar shinui in sheero ding paaro ti me ti yiu bi kokono Fo-mina te ti kudam ti toom memme. Longkuuno te, Buluj in fulin bi kan shinui, nang Buluj in wessho ta mina for-fok, in kooni kan me an ballai, kpaaliya ding shii in ti shuppina ti po meeri Tiraanush. ¹⁰Shii in yiu yaani kaa te po sheeno palau, longku me ding dii ta buk Aashiya, me Yawudaawa kan mei Yawudaawam shin ding in yaaro paarono Fo-mina.¹¹Yamma in min kumen ya peen maam yei leero yaanim ti Buluj. ¹²Ye bara shumma shwangro shuwo do yei laannani ye maa teeka shikni, maa waraan ti me shikii bangum, nang shinui ta tasshoju, pi-piire shoom ta wessho shinui birang.¹³Ka worang ku Yawudaawa me an merko gokmina we war gokmina in ti foddo pi-piire shoom ya, "Ne pekraa ma ti ta shommono Yeesho te ye Buluj ti yuun kaawini.¹⁴ Ka me molon shaayi shibano Shikiiba mo an toom me an kpaa, shin ding ti ya we te.¹⁵Pene manni koddii bara ye shinui naka yaani, piire shoomi in liginna ya, "Ne penaa Yeesho, kan nen pen Buluj, pene ma sheema mai ma nong?"¹⁶ Nang niyo ye kan piire shoomi, in illo kuujui, in yek bangjui shin ding, nang in shuwon ti kuujui ka liyyon pira, nang shinui in perenjun ta minai ka yoba, shikjui waani, kan shigjui ku jal pira.¹⁷ Shinnyi wee yuwaaro in kudan fooro ta kumo me ti Afiisha, Yawudaawa kan mei Yawudaawam.Gbong shewo in yiu me ti tarang gokminai, nang shinui in shokro shik shommono Fo-mina Yeesho.¹⁸Gbe me kunnga kan Yamma in for-fokju ka ya shasshalau.¹⁹ Gbejui me ti ya shuran ningo, in gangullu do alau ballaju in warin in kur shinui ti kudam po kur we. Kine shik balilan alaujui yuwaa kine ye mo an shuran shuwo darang ta weyani po shaklo shig fuwat sho shik dok.²⁰ Kaa te, po paarono Fo-mina in fu ta piri gbauyau, kan in yooro bang kping.²¹Ka bi we te ding, Buluj in li ti poshaarini ya shi maa merkaa ta buk Makidooniya kan Akaaya, shin tang war Urshaliima. Shii in tewi ya,"kan ka biino teere, nen tang war Rooma!"²² Shii in shur me an shawoni ye shin palawi, ma Timotaawush kan Erashtush, mo warju toom kan Makidooniya, nang shii in bereni bi ti ta kpakan po buk Aashiya.²³Ta koddi teere, shabbi kping in illina ti Afiisha ka longku do koko te.²⁴ Liina guni ta Dimatiriyash an kuwa, ye ti ya shuran ka laa bela ye ti kutirin jirim mina wawono Artimash. Shi kan me an shuranni ti waan kine gbe a la wiiwum ti shik shuranjui. ²⁵Nang shii in ye shinui ti do shaayi, kan me sharaa shinui ta peen shuran te, nang in yuun paaro ti shinui kaa lee, "ma memme, ma penaa birma mu kama ti warui ti shik shuran ye.²⁶Pene kaa ye ma weyaa kan man yaaraa, a ti Afiisha te dokrom kan an gbe buk Aashiiya ding, la-moo ye, ye yaa Buluj ye, kparaa poshaari memme gbe kping. shigan ka poshaarijui ta shii, in ti tewi ta shii ya, Yamma -Yamma ye kutturaa ka kira, yaa Yammam.²⁷ Kulli, ne ta ya paaroi bara ti ku min gbe ye memme ta minani ti ku shuran mu kamam. Ne turmaano ka gbong mina wawono Yamma Artimash, ta shiwon tei waani, birang ta bwaaro tei kan illoro, tei ye ti buk Aashiiya ding, a ku jaltom, ku-buk ding ti wau tei".²⁸Bara ye shinui yaaraa kaa te, nang shinui in kemeju ka den kping, shinui in alin ka yallo foki dok ya, "Gbai weeno Artimash buk Afiisha ding!"²⁹ Nang tarang minai ding in jubloro, memme in juwoju in warju kudam po galo, in ti tollo ma Gaayush kan Arishtakush, memme Makidooniya, me shinui me an jeere mereno Buluj.³⁰Buluj deena ri ta galo te, pene me an balla in beelo shii. Pene me an balla in beelo shii.³¹ Peddi men gbidino me an gub buk Aashiiya, me shinui me an jereenii, shin sheeju in shurin ti kuunii, shinui in beng shii, mo wessho sharaani ka dallam in ri shakki galo teerei. ³²Ti shakkii, memmei ding ti ku ya bobak, longku shinui a peno wee shinui gallan ti kwiim, peddi in ti shoppo bobak we waani, peddi in ti teu weenan dokro.³³Peddi Yawudaawai in shennu gun manni niyoi ya shommonii Elekjanda mo sheero wee ti ku yooro. ³⁴Pene bara ye shinui jemlaa shii niyo Yawudaawa, in shokro eleju kan bangi foki dok in ti tewi ta shinui ya, Gbai weeno Artimash Afishaawa foki dok!" shinui in yiu yaani kaa te pelle po koddi la tali.³⁵Ka bi, mo an ya balla memmei in li shinui mo yu yititi, in tewi ya, "ma me ti Afiisha! koo nong penaa ya gokmina Afiishai ye ti jooro ku mina wawo mongba Artimash kan Shilla yen shaana ye shugna ti ku-dang.³⁶ Kan ye tenei paaro shabam, ma kemo shik ma kan mo ma yu we ka gban ta gongoi. ³⁷Ma wanna ka shwiji me po te, pene shinui a jir we ta mina Yammam kan shinui a yu paaro ti shik Yammamu kamam.³⁸"Ma Dimitiriyash kan me an yemo maa kan manni we turmoi kan manni niyoi, ai, gee mina shiire foki awani, birang gee me an shiire, nang mo shinui yuun gunjui ti toomjui.³⁹ Kan birang maa ka manni wei dokro ye shinui leka man peni, ta dum limma shakkijui ti toom me an galoi.⁴⁰ Sheeno poshaarino belani kan kama ta shilibi kaa ye kama ti ku ligno shiire ka shabbi booi, kaa ye kamai ta dum sheero wen longku wee yuwaro ye yeena shabbii in yooroi. ⁴¹Bara ye shii teka kaa te, nang shii in ti li bi galoi ye shinui in kooju.

Chapter 20

¹Ka bi ye bobaki yuwaa maj-maj, Buluj in ye me an ballai. Bara ye shii peeka shikjui, nang in minin memme ti shinui, in kooni war Makidooniya.² Kaa ye ti po teerei, shii in min bang vurum ti me kunnga ding ti me ti tarang mina ye shii waraa. Nang shii in shaanibuk Girik.³ Ti po teere, shii in diino po tere tat.Ti ku kengmo shikni ka we reeni ta gong doo ka we wanni buk Shuuriya, nang Yawudaawain yuun piire nyimmo ti kuunii,kaa te shiiin yiwani Makidooniya.⁴Memme gbe ti ku merei kan shii, ma Shopaata kan Paarush me ti Biiriya, Arishtakush kan Shakundush me ti Tasshalonika. Gayush niyo Deeba. Timotaawush, Tikiikush kan Turopiimush me ti kpakan po buk Aashiya. ⁵Shinui in kooju ti toom in war wa dang kuumu ti Turowash. ⁶Ka bi temre teelani fuwaa pitto, minin meemu ta gong doo ti pilipi ye ti Makidooniya, kan ka bi shaklo fuwat minin wa we shinui ti Turowash. piree mun diyaan po shaklo parilau.⁷Darang dok ti ta shaklo parilau, minin gali kan me an balla longku sha wesshiina kiryippo ka shaayi. Buluj ti ku yuun kaawi ti shinui, kan kaa ye shii ta wessho shinui pirbang, shii in sha toom ka yuun paaro ti shinui we war nang shakki yippo. ⁸Ta gume kudang piree min galaan ka ejiyan deet.⁹Kaa ye Buluj ti ku ya paaroi, ka manni la kparini, shommonii Erotikosh, deeni ti piran jwal po she pirit shik mina, shaklo in yiu shii. Ti wilani, shaklo in shar shii, in shugno ta shii ti won ti ku-dang, ti ammo an tati, nang in shokro shii kumai.¹⁰ Nang Buluj in shaani buki in tuumo shikni in taamo shii, in tewi ya, "ma wessho turmomai, longku shii kan dwei."¹¹Nang Buluj in meeni ku-dangii, in bwatto we-ta- kele minin sha ka bi in shuun toom ka yuun paaro ti shinui we kpaalo ta piri, nang ka bi shii in kooni. ¹²Shinui in kooju kan la kparini kan dwei, nang shinui in ya beere kping.¹³Minin war toom piree kan gong dooi nang minin koona we war Ashush, piree min ta waraa sharin Buluj ka we yuun toom. Shii fuwaa pi temyo pi weeni, longku shii ta war po teere ka sho. ¹⁴Bara ye shii weyaa mu ti Ashush, minin shar shii we war Miliita.¹⁵Pirbang minin sha toom ka mere ti ta gong doo we war Kiyosh. Ta piri maa ti kpalla, minin teelo Shamosh, pirbang minin war Miliita.¹⁶ Buluj nyimmaa yiwani Afiisha longku a ta daklo koddi ti ta kpakan po buk Aashiiyam, longku shii ti ku dawal war Urshaliima, modaa ta yooro, daa fooroni Urshaliima darang temre pentakosh in tang yaani.¹⁷Ti Miliita, Buluj in shuri ya mo yeeni men gbidina an balla. ¹⁸Bara ye shinui wanna jelenii, intewon ti shinui ya, "ma po kuuma ma penaa peen diya ye ne yuwaa ti shakkima, we yinna darang ye ne shonna ti buk Aashiya. ¹⁹Ne wawaa Fo-mina ka poshaari dok kan muru, nen kurmina kan nawo peeni-peeni ye wanna shikno ti piree kan piire shuran ye Yawudaawa balaa ya yuuno. ²⁰Nei daifo yuuma kaawi ye ta yooro yen piire kan mam, nen ti yuuma kaawi kan shubet ti kudam, kan nen ti war mina-mina. ²¹Ne teka ti me Yawudaawa kan mei Yawudaawa, na yiika shinui ti gbare-do in for-fokju, meeru shikno Yamma kan in lishaariju ti taano Fo-mina Yeesho.²²"Gee wende, shoom ti ku shaaru ti kuuno, ne ta war Urshaliima, pene nei peno wee ta weeno ti po teerem.²³ Bara shoom yen shaana ti piri ding ta jimrono ya nummani kan taa shilibi tadang kuuno ti gokmina ding. ²⁴Pene nei shiwan kerangno weenan dogum, bara ma nei ta dum fu shuran ye Fo-mina yeesho minaano ya mo ne yu, kaa kpaalo po shinnyi yen tomon kunnguno Yamma.²⁵"Wende ne penaa a doo dok ti shakki ma mo ne shalii ti ku kpaalo pi gubni, ye ta we shigno birang.²⁶ Longkuuno te, ne teka booi, ne kan dumno mondokum.²⁷ Longku nei daklo koddi sheero ma nyimmono Yamma dingum.²⁸Ma jooro kuuma kpang kan dinnyi me shoomno Yamma liyaa ma me an jooro shinui. Ma shu toom ka tii memme an balla me Yamma pilla ti kuuni ka domno Laani. ²⁹"Ne penaa ma nei kookano, pidire angurateele ta riiru shakkima, ye shinui a ta wessho we-ta- gunim.³⁰ Modaa ti shakki mai ka me ta illiru ta yuyyo pap-paaro shaba, longku shinui in tol me an balla ti shakkiju.³¹Longkuuno te, ma jooro bang! Ma nyimmo po sheno tat, nei dai-fo pekro ma ma ding yippo kan darang kan murum.³² "Wende ne minaa ma ti Yamma kan ti ta paaro kunnguno, ye shii ta dig ma kan in minma po aa ti shakki ding me sheenaa shinui.³³Nei nau lawwo kine yei lannano mondokum.³⁴ Ma po kuuma, ma penaa ne yuuna shuran kirano, longku nen tutton kennino kan she me dii ka shaayi kan ne. ³⁵Ti ta we te ding, ne temyaa ma na yikka ti gbare-do man ya shuran kaa te, longku kaman shau me lomgku kuugero. Man ti nyimmina ka paarono Yeesho ye teka ya, "minani yeka yiwani kpang."³⁶Bara ye shii teka kaa te, shii in toomo shikni kan shinui ding in for-fok. ³⁷Shin ding in ukko muru ta shinui, kaa ye shinui taama shii.³⁸ Wee turmaa shinui kpingii paaaroni ye teka ya shinui a ta we dooni birangum. Nang shinui in liin biinii we war jele gongi.

Chapter 21

¹Bara ye mun wesshaa shinui, minin reemu ta gong dooi, minin koomu war Kosh, pirbang minin war Rod kan Pa taara.² Bara ye mun weyaa gong ye ta war Piniikiya, nang munin ri, minin koomu.³Bara ye mun yikka we shik Shaipunish, nang minin ketto shikmu ti ku kira jiyaumu, minin sha toom ka mere we war buk Shuuriya. Nang minin duri ti Taaya, longku ti po teere gong dooi ta dur sharito.⁴ Nang minin gassho bi piree kan me an balla ti po teere, minin diina kan shinui po shaklo parilau. Nang shoom in shaarin ti kuujui in tewi ti Buluj mo wessho koo war Urshaliimai.⁵Pene kaayekoddi ilit mu kenngaro, minin sha toom ka meremu, me an ballai ding kan sherebju kan shibaju in waraa liimu biimu, in peron ka minu ti tarang minai, nang ti po teere ti po shiiruki, minin juunna minin for-fok. ⁶Ka bi minaan menne ti shaayi, minin ammamu ta gong dooi, nang shinui in meeju mina.⁷Bara yemun wiila meremu ye mun tangna ti Taaya minin fooro Tolamish, minin kakyo ma molon, minin nang kuttina dok kan shinui. ⁸Pirbang minin illina minin war Kaishaariya, minin ri ta minano Pilibush an kaawi, mo dok ti shakki parilau ye shaka shii ka we shuran ti me an balla me ti U rshaliima, minin duri ti minanii.⁹ Kan shibani peereu, shiba shereb mei yu diyaam. Shinui me an ya pigra.¹⁰Ka bi ye mun shaklaa ti po teere, manni mo an pigrai shommonii Agamu in shaaru ti Yawuudiya.¹¹ In waru shikmu, shii in shar we ta kumono Buluj, in dawin kirani kan shooni, in tewi ta shii ya, "shoomno Yamma teka ya, "kaa te Yawudaawa me ti Urshaliima ta kpakko an ku wekuma te kan ta mun shii ti mei Yawudaawam.¹²Bara ye min yaaraa kaa te, min kan memmei ding, mininbeng Buluj mo wessho ammo Urshaliimai.¹³ Nang Buluj in lignamu ya, " longku wen ma ti ku ya kwii kan beblo poshaarinoi? Ne kunnga a bara ka dauno waanim, pene birang nen muri ti Urshaliima longku shommono Fo-mina Yeesho."¹⁴ Bara ye muni ta dum meeru ka poshaarimum, nang munin bukk shigmu, munin tewi, "mo sheeno Fo-mina yooro."¹⁵Ka bi shaklo te, munin illina munin ammo Urshaliima. ¹⁶Peddi me an ballai ti Kaishaariya in koona ti biimu ta shinui nang in warin mun ta minano Manaashon, piree mun ta deenmun. Shii niyo Shapurush kan shii dok ti shakki me an yiu shubet ye ka toom.¹⁷Bara ye mun foraa Urshaliima me an balla in yiu mu ka poshaari dok.¹⁸ Pirbang Buluj in koona ka shaayi kan minu kama shinun war shikno Yaakubu, nang me an toomi ding ka shinu.¹⁹ Buluj in kaa shinui kan in sheeron pi wei ka dok-dok ye Yamma yuuna ti shakki mei Y awudaawam ti ta shuran kaawini.²⁰Bara ye shinui yaaraa te, shinui in wau Yamma. Nang shinui in tewi ti Buluj ya, "Oo, na ke gee ta mol, ke ta weyani wende ti Urshaliima, Yawudaawa shik sho-kpumu shinui kennga, kan shin ding liyaa shikju ka yiu bi shiire.²¹ Sheeraan ti shinui ya ke ti shuppina ka Yawudaawa me dii ti shakki mei Yawudaawam mo shiwo ta bi ti shorono Muuja, ya kei ti tewon mo wessho kar kuwo shibajui, kan ya peen diya kuut minamu kama.²²Minui ta ya wen? Shinui ta dum yaarani ye ke wanna.²³ Longkuuno te, yu wee min te teuko. Ka shwiji shin peereu ti shakki mu kama me yuwaa pammi. ²⁴Yo shwiji me, ken yiu bi shoro shidda shik kan shinui, ken angngo kine shiddani longku in kul kuujui. Nang koo nong ta penani ya a doo paaron kulli ti ta wee shinui yaaraa ti kuukom, pene ya ke po kuuko dii ti ta murku ti ta shoroi.²⁵Kaa she me an balla mei Yawudaawam, min ballan sheran ku paaro sheemu ti shinui, min ya mo shinui wessho addo lo ye karaa tu we-kuma-wei, kan domi, kan we-ta-gun ye meeraa bongii, kan yuuyo shomaki".²⁶ Pirbang Buluj in ye shinui shurme, nang in shiddo shikni ka shaayi kan shinui. Nang shii in war ta mina Yamma ka we kpaalo po darang ye shaklo shiddo shik ta wiilon, kan koddi min ding ta kira longkuuno koo nong ti shakkijui.²⁷Bara ye shaklo parilau nennga wiiloro, peddi Yawudaawai mei ti kpakan po buk Aashiiya, in we shikno Buluj ti ta mina Yamma. Nang shinui in shuulo galan memmei ding, in yiu tenglo shii. ²⁸In ti ya yallo ta shinui in ti tewi ya, "ma molonmu Yawudaawa. Ma shaumu! Sheyyei la-moo ye ti wangro koo tong in ti kpakyo memme mu kama kan shoro mu kama kan ta mina wawomu kama te. Birang shii in riiru ta mina Yamma ka mei Yawudaawam, in yuyyo ding ti piree shaana." ²⁹Teka kaa te ta shinui longku milam shinui weyaa shikno Buluj kan Turoofimush, niyo Aashiya, ti tarang minai. Tenei ye shinui nyimmaa ya Buluj riyaa ta mina Yamma ka shaayi kan shii.³⁰Nang tarang minai ding in yooro ku jal bobak, memme in illiru foki dok peeb in yiu Buluj, shinui in peron ka shii ti ta mina Yammai, in ku dan nummo podangi peeb. ³¹Kaa ye shinui leka tuk shii, shinnyii in foro ta kumo mo an toom mean bee deet Rooma ya tarang gokmina Urshaliima ding sharaaro shabbi foki dok.³²Kpantidi shii in ye men gbidina me an bee deet, in sha po teere ka yoba. Bara ye me an bobaki weyaa shik mo an toom bee deeti kan me an bee deeti, shinui in daifo tuwano Buluj.³³ Mo an toom mean bee deeti in amru in yiu shii, nang in min kumen ya mo kpakko shii ka we eem palau. Nang shii in ya telyo ya shii nongee kan yuwaai wen ta shii.³⁴Peddi ti shakki jimai in ti shoppo bobak ween dokro, peddi in ti teu sheeju dokro. Longku gbe bobaki, mo an toom me an bee deeti, adum pen liyaan gun paaroim, nang shii in min kumen mo warin Buluj awo mina me an bee deeti. ³⁵Kaa ye Buluj tannga ammo po tau shoi, nang me an bee deeti in shokro shii, longku bobak jimoi yuwaaro gbe.³⁶ Jima ye yinna bii, in ti yayallo ya, "mo koon ka shii".³⁷Kaa ye me an bee dee ti ku nyimmo shar Buluj ka we warin awo mina mean bee deet, Buluj in tel mo an toom me an bee deeti, "ke kunnga nen teuko we ya?" Nang mo an toomi in liginna ya, "pimbirim ke ti teu fok Elenaawa ya? ³⁸Tei ke niyo Mashar ye milam yeena nee, ye tolla muro niyo shig sho naa peereu me an tukyo niyo ti ta shwee maa?"³⁹Buluj in liginna ya, "Nei niyo Yawudaawa, niyo Tarshush ti Shiliishiya, la buk yei kattan gokminam. "Diijikujum, kumno ne yu paaro kan memmei". ⁴⁰Kaa ye mo an toomi kunnga ti shii, Buluj in sheren ne nin ti ku digan po sherii, in kamro memme ka kira. Bara ye shinui yuwaa yititi, in yuun paaro ti shii ta fok Araamiya.

Chapter 22

¹"Ma molonno kan ma fowonno, ma shero ne sheeroma wee yuwaaro, longku nen shukma na nei daklo wem,"² Bara ye shinui yaaraa shii yuwaa paaroi ta fok Araamiya, shinui in yooju yititi. Nang Buluj in tewi ya,³"Nei niyo Yawudaawa, ye pattaa ti Shiliishiya, pene nen kpiri ti tarang gokmina te. Ti ta gunno Gamaaliyel, yuwaano shubet kping ti ku shoro ma fowonmu kama kan nen ti mwissho wau Yamma, kaa ye ma ding ti ku yaani booi. ⁴Ye ne po kuuno nen kum me an yiu bi koko te, nen ti tukyo shinui, nen ti kpakko memme shwiji kan shereb, nen ti numyo shinui ti ta mina muruk. ⁵Mongba me an kpaa kan me an toom me an galo memme, shinui ta dum jimro fokno. Ti kiraju ye ne yinna yaan balla alau we war shik ma molonmu kama ti Dimashka. Ne waraa po teerei longku nen yippo me an yiu bi koko te, me ti po teere sheeju, nen warin ka shinui Urshaliima, longku in minin kelmo ti shinui.⁶"Pelle ka sheri darang ye ne wanna nimmi kan Dimashka, kpantidi aaro yen arang kping ti ku-dang in ee jeleno.⁷ Nen shugno ti buk, nen yaaro ele in yuuno paaro ya, "Shawuulu! Shawuulu! longku wen ke ti ku kurono kaa tei?⁸ Nen ya telyo na, "kei nongee Fo-mina? In liginna ya "nei Yeesho niyo Naajeret, ye ke ti ku kuranii."⁹Me an mereno weyaa shik aaroi, pene shinui a jemlo ele niyo ye ti ku yuuno paaroim.¹⁰ Nen ya telyo na, "Fo-mina, ne ta ya wen? Fo-mina in teuno ya, "illo, ke ri tarang mina Dimashka. Ti po teere ta teuko wee teka ya ke ta yaani.¹¹ Me an mereno in yiuno kirano, in warin nen Dimashka,longku eyan aaroi fuumoono doono.¹²"Ka manni niyoi shommonii Anaa niya in warui geeno.¹³ Shii mo an jooro shoro kping, kan memme Yawudaawa me dii ti po teere in ti minin gba ti shii. Shii in shereni ti jeleno in tewi ya, "mollo, Shawuulu, yiu we ta piri! Nang ta koddii teerei nen dum we shiknii.¹⁴Nang in tewi ta shii ya, "Yamma ma fowonmu kama shakako, ken pen lewanni, kan ken we shik dok mo shaana, kan ken yaaro paaro ta fokni.¹⁵ Ke ta shiwo an jimroni ti toom memme ding, ka wee ke weyaa shiki kan ken yaaraa. ¹⁶Nang wende ke ta dang wen? illo mo yuuko yulma kan in fuddoko shasshalauko, ka pau shommono Fo-mina.¹⁷"Kaa ye ne shinna Urshaliima, kan ne ti po for-fok ti ta mina Yamma, nang nen we shik jirim. ¹⁸Ti ta jirimi, nen we shikno Yeesho in ti teuno ya, "kpantidi! wessho Urshaliima peeb, longku shinui a ta kum jimroko ti kuunom'.¹⁹Nen liginna na, "Fo-mina, memme te penaa ta shinui ne ti war ta mina for-fok nen ti kpakkina me kunnga kan ke,birang nen yuyyon tuwa ti shinui.²⁰ Koddi ye deera domno Itipaanush mo an jimroko, ne po kuuno, ne sheerii ti po teere kan kumono, nen ti gee ku lanna me an tuk shii.²¹ Nang Fo-mina in teuno ya, 'koo, ne ta shurko tali we war shik mei Yawudaawam!²²Nang jimai in ke kumoju ti shikno Buluj we war koddi ye shii teka te. Nang shinui in shokro eleju kan bangi ya, "bwaaro peen niyo te kan ku-buk! shi nenna in wesshina kan dweim!" ²³Kaa ye shinui ti ku yallo-yallo kan vingyo lanna kawojui, shinui in ti ya kpisshi.²⁴ Longkuuno te, mo an toomi in min kumen mo warin Buluj awo mina me an bee deet. Mo yippo daknii kan in yuun biro-biro ti shii, longku wen ye galoi ti ku yuyyon yallo ti shiknii kaa tei.²⁵Kaa ye shinui kpakkaa shii ka we yuun biro-biro, nang Buluj in tewi ti mongba an bee deet Rooma ye sherii nimmi ya, "shoro kunnga ya mo yu biro-biro ti mo kan po kuuni ti Rooma a gale kan shiiro shii maa?" ²⁶Bara ye mongba an bee deet Rooma yaaraa kaa te, nang in war shik mo an toomi in tewon ya, "ke ti ku nyimmo ya wen? La-moo ye paa kan jimro po ku Roomawani".²⁷Nang mo an toomi in waru in tewi ti Buluj ya, "Temo paaron kpang, kei niyo Rooma ya?" Nang Buluj in liginna ya, "Oo,' ²⁸Nang mo an toomi in tewi ya, "Ne weyaa jimro po ku yei ka kine yen gbe kping," Buluj in liginna ya, Ne sheeno, pattaan nen kan te." ²⁹Me leka tenglo shii in war shikju kpantidi. mo an toomi sheeni ye penaa wende Buluj ye shii kpakkani niyo Rooma, nang shewo in yiu shii.³⁰Pirbang, kaa ye mo an toomi leka pen peen yaan guni ti kuuno Buluj, nang in piddo shii, in min kumen mo men gbidina me an kpaa kan me an galo ding mo gallu, nang in waru ka Buluj, in li shii in sheeri ti toomjui.

Chapter 23

¹Buluj in diro me an galoi kpang, nang in tewi ya, "ma molonno, wende ne kan marak ti poshaarino, koo we turmo ti ta peen diya ye ne yuwaa ti toomno Yamma we fottu booyum.² Bara ye Anaaniya mongba me an kpaa yaaraa kaa te, nang shii in tewi ti me sherii nimmi kan Buluj ya mo paalon shii ti ku foki. ³Nang Buluj in tewon ti shii ya, "kei sheri doo mina ye shakan kulunji ti shiki, mo an shek, ke sheeko Yamma ta paaloko! ke deeko ken ti shiirono kaa ye shoro teka, pene gee ka mo yuuno tuwa, yei yu dob-dob kan shorom.⁴Me shengrii nimmi kan Buluj in tewi ya, "mongba ankpaano Yamma, ke ta kpaa shii ya?⁵ Buluj in liginna ya, "mol, nei peno na shii mongba me an kpaam, longku ballii ya, "moko teu piire paaro ti ku me an toom memmekoi'⁶Nang Buluj, penaa peddijui Shadukiyaawa kan peddi Parishaawa. Nang in shokro eleni kan bangi ti shakki galoi ya, "ma molonno, nei niyo parishaawa, la niyo parishaawa. Gee longku ye ne liyaa shaari ka ilit ta duwo tei yema ti ku shiireno." ⁷Bara ye shii teka we te, jimai in illina ti shakki parishaawa kan Shadukiyaawa, nang ta galoi in bwaaroro palau.⁸ Shadukiyaawa ti ya nyimmo sheeju yaa a doo ilit ta duwom, kan a doo me an shuranno Yammam kan a doo shoomum, pene parishaawa kunnga kan shin ding tati.⁹Longku gbong shabbi ye illaa, peddi me an shubet ta shorono Muuja, me ti ta woran ku me parishaawa in illeju po sheri, shinui in ya jiram kping, in ti tewi ta shinui ya,"minui wa la-moo ye kan manni shoomi, yei an shuranno Yamma ye yuunan paaro ti shii". ¹⁰Shabbi in yooro shilib kping ye an toom me an bee deeti in shi, ya yoo twalo taano Buluj ka bang ti kirajui, in warin shii awo mina me an bee deet.¹¹ka yippo, Fo-mina in sheri nimmi kan Buluj in tewi ya, "kemo shikko! Kaa ye ke jimraa fokno ti Urshaliima, kaa teere, ke ta jimrani ti Rooma!'¹²Pirbang ka shaat Yawudaawain gal fokju kan in ya pammi ta shinui a doo shaani yei sheyanim, ma shin maa tuk Bulujum.¹³ Shwiji me yuwaa piire nyimmo teere, yeka bang niyo naa-peereu.¹⁴Nang shinui in war shik mongba ankpaa kanmen gbidina in tewi ya, "kama yuwaa pammi, a doo sha wem, ma kama maa tuk Bulujum. ¹⁵Nang wende, ma kan me an galoi man tewi ti an toom me an bee deet maa mo warin man ka shii, kaa ma leka sha toom ka yippo gun paaronii kping, maa ka sheemu, min fuwaa limmo shikmu ka we tuk shii ti koko in tang waraa foottu."¹⁶Nang ma laano molano Buluj maa ti yaaro deewan wee deewai, nang in wa ri ta awo mina me an bee deeti in sheero guni ti Buluj. ¹⁷Buluj in ye mongba an bee deet Rooma in tewon ya, "warin la kparin ye toom mongba an bee deet longku shii kan paaro ye ta tewon ti shii.¹⁸Nang mongba an bee deet Roomai in warin la kparini shik mo an toom me an bee deeti, in tewon ya, "La an for-shina ye ta Buluj, yeyaano ta shii, in bengno ta shii mo ne wariko ka la ye, longku la kparini kan wee po teu ko".¹⁹ Nang mo an toom me an bee deet Roomai in yiu kira la kparini, in meeju jele dok, in tel shii ku jalju shin palau ya, "ke ta teuno wen?"²⁰La kparini in tewi ta shii ya, "me an toom Yawudaawa kunnga ta telko ta shinui ya ke waruju ka Buluj dwei ti toom me an galoi, kaa birang shinui leka yippo gun paaroikping.²¹ Mo ko kumin piri ti shinuim, longku niyo yeka bang naa-peereu ti ku dang kuunii ka we tukani. Shinui pammaa we a ta sha wem yei she wem, ma shinu maa tuk shiim. Shinui fuwaa po limmo shikju, shinui dii ti ku gee ku kumanko".²²Nang mo an toom bee deet Rooma, in li bi la kparini, kan in tol kumonii mo wessho tewani ti niyo peemo sheerani gun paaroi." ²³Nang mo an toomi in ye men gbidina me an bee deet Rooma palau in tewon ti shinui ya, "ma limma shik ma longku ma ta illani ka bi shaan weshiina yippo karbe ferejeu we war Kaishaariya, kan me an bee deet shin shig palau kan me an bee deet me ti ammo ku agbamjam shin naa-paarilau, kan me an bee deet ye penaa ya nee ka kash shin shig palau.²⁴ Ma gasshuru agbamjam ye Buluj ta ammani kwi. Nang man warin ka shii ti gobna Felish."²⁵Nang shii in ballo alaukaa lee, ²⁶Kilaudiyush Liishiyash, we war shikno mongba gobna Felish, ne yuwaa kaa gbe.²⁷ Niyo ye, Yawudaawa tollina shii ye shinui nennga deeno tuk shii, pene nen waru kan me an bee deetno, nen lauwuru shii, longku ne yaaraa ya shii niyo ye kan po kuuni ti Rooma.²⁸Ne leka nen peni longku wen shinui ti ku yuun diurung ti shiknii, kaa te, nen warin ka shii toom me an galojui. ²⁹Nen we diurung ye shinui ti ku yaanii gale kan telyo ti ku paaro shoroju, pene a doo wee shii daklaam ye ta warin shii mina muro yei ta mina murukum.³⁰ Bara ye tekano gun piire nyimmo ye shinui sharaa ti po shariju ka we yaani ti ku niyo ye, nang nen shurko gunnii peeb. Birang nen min kumen na mo me an diurungi sheeroko gun yaan gunnii ye shinui ti ku yuun ti shiknii.³¹Longkuuno te, me an bee deet in ya shuranju, shinui in shar Buluj ka yippo in warin shii Antipaatirish. ³²Pirbang shinui in wessho me an bee deet me an ammo ku agbamjam in koon ka shii, nang shin sheeju in meeju awo mina me an bee deet.³³ Bara ye me an bee deet me an ammo ku agbamjam fooraa Kaishaariya, nang shinui in min yaan ballai ti gobna, shinui in wesshon Buluj ti kiranii.³⁴Bara ye gobna maaraa yaan ballai, in tel Buluj ya peemoi niyo kudo po shire. Bara ye shii yaaraa Bulujii niyo Kiliikiya,³⁵ nang in tewi ta shii ya, "ne ta ke kumono nen yaaro paaroko, koddi ye me an yagungo foonna," nang gobna in min kumen ya mo nummo shii ti ta aapalau ye Gub Iriidush diga.

Chapter 24

¹Ka bi shaklo fuwat, nang mongba ankpaa, Anaaniya, in waru ka shaayi kan peddi me an toomi, kan manni mo an pil po paaro, ya shommonii Tartulush, nang shinui in waru ka yaan gunno Buluj ti toomno gobna.² Bara ye yeyaa Buluj ti ta, nang Tartulush in li gun ya gunno Buluj ti toomno gobna ya, "mongba, ti bi shenko ye diya memmeko yuwaan kpang, kan biran ke kan nitta kping, tenei ye liyaa diya memmeko kpangi. ³Memme mu ti koo tong, ti kum pirko a doo kpakan fokim.⁴Pene longku ne ta tukko koddim, ne ta bengko, ti ta kpangko ken yaaro dwakra wee min ta teuko. ⁵Min weyaa la-moo yei mo an turmo, ye ti yeeru nee ti shakki Yawudaawa ti ku peewe ding, shii mo an toom me an wawo Naajarawa, me an yiu biino Yeesho.⁶ Birang shii in ti daklo mina Yamma, pene minin yiu shii.⁷Missed ⁸Ma kee yippaa daknii ka shikko, ke ta dum penani ti foknii we te ding ye min ti ku yuun gunnii ti kwi. ⁹Yawudaawa po kuuju deewaa guni, shinui in kumi ya wei kaa te.¹⁰Bara ye gobna kunnga ya Bulju yu paaro, nang Buluj in liginna ya, "ne ta jimro fokno ka pe poshaari, kaa ye ne penaa ke sheniraa gbe ken ti shiiro memme te.¹¹ Nang ke daa yippaa guni, ke daa penaa wende a koo shaklo kpumu gee palawum, ye ne waraa Urshaliima wawo.¹² Me ti ya gunno te, a nau weeno ne ti ku ya jiram kan mondokum, yei ta mina for-fok, yei ti tarang minam.¹³ Wee ti ku tewani ti kuuno wende maa, shinui a ta tewani yaa yen kullim.¹⁴We dok ye ne kunnga kan te, ne ti yiu bi Yamma ma fowonmu kama ti koko te ye peddi teka yaa dob-dobum, birang nen ti kumi kaa wee ballii ding kaa ye shubetno Muuja shuppaan kan yuyyon balila me an-pigro.¹⁵ Ne ti lishaari kan Yamma, ka ye ma mee ti ya, ye yaa, ta shokro me murooju, me mereju dob kan merejuidobum ding.¹⁶ Tenei ye kpaaliya ding, ne ti ku li shikno ti poshaarino nen yoono a kan bel poshaari yei manni we turmoi ti toomno Yamma kan memmem.¹⁷Oo, ka bi ye sherinaa, nang nen meru Urshaliima longku nen waru ka kunngumu ti memme me leka kan nen min ding ta kira. ¹⁸Ne ti ku yaani kaa te, nang shinui in weeno ti ta mina Yamma. Ne fuwaa po shaano kuuno, a doo me an galo ka shaayi kan nem, birang nei shokro poshaari niyom. ¹⁹Pene ka peddi Yawudaawai ye penna ti buk Aashiya ye ti po teere, nennaai shinui in waru toomko ka ya gunno ye shinui maa kan paaro kan ne.²⁰Maa kaa tem, me memme me tewo kelnyo ye shinui weyaan nen kan te. Koddi ye ne sheraa ti toom me an galoi.²¹ Nang maa bara dok paaro te waani ye ne teka koddi ye ne sherii ti toomjui, ye ne shokraa eleno na, "longku paaro ilit memurooju ye ti yuuno shiire ti toom ma booi."²²Nang Felish ye penaa we la gbe ti ku kokono Yeesho, nang in sheron ka shinui ya, "nang mo an toom Lishiiya maa wanna nen tang waraa karma ku shiirei."²³ Felish in min kumen ti mongba mo an bee deet Roomai mo jooro kuuno Buluj, pene mo wessho pessho shii gbei, mo wessho beelo me an jeereni waru jelenii yuun wee shii lekai.²⁴Ka bi ye la shaklaa, Felish kan mannani ta Durushiila ye tei niyo Yawudaawa, in waru ta shinui. Nang shinui in shuri mo waru ka Buluj, shii inkaan kumoni ti shi paaro kumani ka Yeesho Kiriti. ²⁵Nang Buluj in li guni ka sheero paaroi ti ku kpang poshaari, ken yek bang wee lo-shik leka, birang kan darang shiire te ye ta waru. Bara yaaraani ka te, shewo in yiu Felish, nang in tewi ti Buluj ya, "wende meeko. ma nei weyaa koddii, ne ta yeeko."²⁶Longku shii liyaa shaari ya Buluj ta minni kine, tenei ye Felish ti ye shii ti kwi-ti kwi, in ti ya nessho kan shii.²⁷ Pene ka bi sheno palau, nang Fokiyush Feshtush in shiwani gobna ti po shoono Felish, longku Felish leka lewan ti toom Yawudaawa, nang shii in wessho Buluj ta mina muruk.

Chapter 25

¹Nang ka bi sho shaklo tat ye Festush foonna longku yiu shuran gobna, nang in illina ti Kaishaariya ta wanni Urshaliima.² Nang men gbidina me ankpaa kan me an toom Yawuudawa,in wanna ka yaan gunno Bulus ti toomnii, shinui in beng shii.³ Mo li in maan Bulus Urshaliima longku shinui fiwaa po li me tadang kuuo Bulus ti koko ka we tukani.⁴Festush in liginna ya, "Ta jooro kuuno Buluj ti Kaisheriiya, ne po kuuno, a ta diyani bakum, ne ta war po teerei.⁵ Longkuuno te, ma la-moo ye maa kan kelnyo, shinui in yippo daknii .⁶Ka bi ye shii diyaa kan shinui po shaklo pididau yei kpumu ti jelejui, nang in meeni Kaisheriiya. Pirbang in deeni ti ku juk po ya shiire, in li in waru ka Buluj ti toomni.⁷ Bara ye Buluj wanna, Yawudaawa me wanna ti Urshaliima in illina in kpomlo jeleni, shinui in ti wagittu ka yuyyo gun gbe, yen shilib ti kuunii, peddijui a dum pee bim.⁸ Pene Buluj in jimro fokni ya, "Nei daklo we ti ta shoro Yawudaawam, birang nei daklo we ti ta mina Yamma yei ti Kaishar koo la wiiwum".⁹Pene Feshtush, leka induulo poshaari Yawudaawa, shii in tel Buluj ya, "ke leka in warin ken Urshaliima in yuuko shiire ti toomno ti won ti ku ween shurme te ya?"¹⁰ Pene Buluj in liginna ya, "Ne ti ta mina shiireno Kaishar. ti po tenei, nennaa in yuun nen shiire. Nei daklo we ti Yawudaawam, ke po kuuko ke penaa ka te kping.¹¹Ma nei an daklo we, ye ne daklaa wee nennaa ween yooro muro, ne ta kurani in tuknom. Pene maa a doo kulli ti ta yaan gunno ye shinui ti ku yaanim, oo, a doo mo ta dum minno ti shinuim. Ne ta bengo ka we shar yaan gunno we war toomno Kaishar!" ¹²Ka bi ye Feshtush deppaa shin kama me an galoi, nang in liginna ya, "oo, ke benga ka ke ta shar yaan gungo ka we war toomno Kaishar, oo, ta warin kan shikno Kaishar".¹³Ka bi ye shuklaa la-wiiu, ma Agiripa kan Baanish in waru Kaishaariya longku in min wanniya ti Feshtush.¹⁴ Kaa ye shinui ta shaklani gbe ti po teere, nang Feshtush in waru ka paarono Buluj ti toomno gub. Feshtush in tewi ya, "Ka manni niyoi ye Felish wesshaa ti ta mina muruk.¹⁵ Koddi ye ne ti Urshaliima, men gbidino me an kpaa kan me an toom Yawudaawa shinui in warino ka yaan gunnii, shinui, in bengno ya ne minin kelmo ti shii.¹⁶ Pene nen tewon na mun Roomawa, minui leero ka ya shiire ti mo an kelnyom, bara in waru ka shii ti toom me an ya gunnii a do kan a do, birang ka kumin ti shii mo jimro fokni ti ku yaan gun ye ti ku yuun ti shii.¹⁷Longkuuno te, bara ye shinui wanna po te ka shaayi kan ne nei daklo koddim, pirbang nen ammono ku juk ya shiire, nen li mo waru ka niyoi.¹⁸ Bara ye me an ya gunnii illaa, shinui a waru ka yaan gun piree kelnyo ye ne ti nyimmina shii yuwaam. ¹⁹Bara shinui in ti yuyyo peddi pa-paaro ye shinui a kum kan Buluj ti kwim, ti ku wawoju, kan manni niyo ye muraa ya shommonii Yeesho, ye Buluj tinnaani ya kan dwei ta shii.²⁰ Ne po kuuno bara ye nei wa koko ye ne po yippon gun we tem, nang nen tel Buluj ye shii ma leka war Urshaliima ka we yuun shiire ti shii ti won ti ku wen shurme.²¹Pene longku ye gassha ka sheron ka paaronii longku mongba gub Kaishar in kar ku yaan gunnii, nang nen min kumen , na mo jooro kuunii we war koddi ye ne ta shurin gunnii ti shikno Kaishar.²² Nang gub Agiripa in tewi ti Feshtush ya, "Ne sheeno ne leka nen yaroo la-moo yeka kumono". Feshtush in liginna ya, "Ke ti yaaro shii dwei".²³Nang ta piri maa ti kpalla, ma Agiripa kan Baanish in riiru ka peen riyaan she me an gub, shinui wanna ka shaayi kan me an toom me an ya gei kan men gbidino tarang mina. Nang Feshtush in min kumen ya mo riiru ka Buluj.²⁴ Nang Feshtush in tewi ya, "Gub Agiripa, kan me ding ka shaayi kan kama ti po te, gee niyo ye memme Yawudaawa wannano ka yaan gunni ti Urshaliima, kan ti po te birang, ye shinui in ti ya babak ya a yu kpang in wessho shii kan dweim.²⁵Pene nei wa wee shii yuwaa ye ta warin shii kaa ta murom. Kaa ye shii po kuuni gasshaa mo warin shiireni toomno mongba Kaishar, nen tewi na, oo, ne ta shur gunni ti shiknii. ²⁶Pene ne kan kpalan ku paaro ye ne ta ballani ti mongba gub Rooma ti kuunim. Longkuuno te, ne wanna ka shii ti toom ma, teng-teng toomko, te gub Agiripa, longku ka bi ye kama yippaa daknii, kergum ne ta we wee ne po ballani. ²⁷Longku kaa geyan sheeno, ta yooro we dil in shur gun la ta mina muruk, a kan shuklan kelnyo ye shii yuyyaam.

Chapter 26

¹Ti po teerei Agiripa in tewi ti Buluj ya, "minaako kumen ke jimro fokko". Nang Buluj in shokro kirani, in yuun paaro ya.² "Kulli, ne kan shawar, Gub Agiripa, kaa ye ti toomko ye ne ta jimro fokno booi ti ku paaro ye ding Yawudaawa tebraa ti kuuno,³ teng-teng kaa ye kei mo leeraa ka pebno dijiyo mina Yawudaawa kan wee shinui ti yuyyon jiram ti kwi. longkuuno te, ne ta bengko, ken yaarono kan kem shaari.⁴"Yawudaawa shin ding penaa peen diyo ye ne yuwaaa yau ye ne ta lai, we yinna ti liyaan guni ti minamu kan ye ti Urshaliima we fottu booi.⁵ Shinui penaano yau kan shinui ta dum jimrono ya kulli, nei niyo Parishaawa, ma shinui maa leka, kaa ye peen me an wawo te, me yeka jooro kping ti shakki peddi me an wawomu kama.⁶Wende, ne sherii ti toom ma mo yuuno shiire longku ne liyaa shaari ti ku kem deewaanku ye Yamma deewaa ti ma fowonmu kama.⁷ Deewanku te ye po peenmu kama kpumu gee palau ye liyaa shaari shin ta we kemanto, ye shinui liyaa shikju ka wau Yamma yippo kan darang. Gub, Longku ye ne liyaa shaari ka keman deewanku te, tenei ye Yawudaawa ti ku geen digno ti kwi. ⁸Longku wen ta geyaan mai, Yamma a ta dum shokro me muroojum mi?⁹"Oo, ne po kuuno maa, milam ne geeka kaa yuwaa dob-dob nen ya ween shurme gbe, longku nen beelo paarono Yeesho niyo Naajeret sha toom.¹⁰ Tei wee ne yuwaa ti Urshaliima. ye nen waan kumen ti kira men gbidina me ankpaa. Longku kpakko me an balla gbe ta mina muruk. Kaa ye maa ti tukyo shinui, nen ti dabyo gun yaani kaa te.¹¹ Ne yippa bi ta mina wawo ding nen ti yuyyo kelmo ti shinui, nen ti li shinui ka bang mo shinui yuyyo paaro bek ti shik shommono Yeesho . Longku ne ti ku ya den kan shinui kping, nang nen ti yippo biijui we wangro peddi buki, longku nen minin shilibi ti shinui".¹²"Ti shakki yaani kaa te, darang nan dok, ne ti ku mere war Dimashka, kan kumen men gbidina me ankpaa kan yaan balla kumen ye shinui minaano.¹³ Mo Yamma min ko joori shaklo, ka sheri darang ti koko, ne weena aaro ye yeka aaro darang eena ti kudang, in aaro jelemu kan me an mereno.¹⁴ Bara ye min ding wakyaa ti buk, nang nen yaaro ele in ti shereno ta fok Ibiraaniyawa ya, "Shaawulu, Shaawulu, longku wen ke ti ku yuuno diurung kaa we tei? Ke ti ku minani shilibi ti kuuko ye ke ti ku ya kenne kan ne."¹⁵"Nang nen liginna na, "kei nongee mongba? Nang Fo-mina in teuno ya, "Nei Yeesho ye ke ti ku kurani.¹⁶ Pene wende illo-shikko, ne shukna shikno ti shikkoi longku nen liiko ken yuuno shuran, ken yooko an jimro wee ke weyaa shiki ti kuuno, ken wee ne ta shukloko ti toom. ¹⁷Ne ta kauroko ti kira memmeko, kan ti kira mei Yawudaawam, me ne ta shurin ken ti shikjui. ¹⁸Ke ta au adoojui, shinui in meeriju ti ta dil we shiru ta aaro. birang ti ta gubno shuuro we shiru ta sheeno Yamma. Kaa we te, shinui ta fuddon shasshalauju, kan po aa ye kan me ding shigaju me an shaana, longku shinui kunnga kan shii.¹⁹"Longkuuno te, ai, Gub Agiripa, nei kura min gba ti jirim ye shaana ti ku-dang tem.²⁰ Nen liiru gun paaro Yamma ti Dimashka, birang nen ya ti me ti Urshaliima kan kpakan po buk Yawuudiya, birang nen ya ti mei Yawudaawam, na mo shinui shiru shikno Yamma, birang shinui in ya wee te shuklani ye shin foraa fokju.²¹ Tenei ye Yawuudawa yikkano ti ta mina Yamma, shinui in yiu gassho koko po tukno.²²Pene Yamma in shauno we foottu wende, tenei ye wende ne bambirino ti ku kpaalo piri ti men gbidina kan shiba. A manni wei dokro ye ne ti ku sheeranim, bara wee me an-pigro kan Muuja teka ya ta yooro, ²³ya kulli, Kiriti ta taa shilibi, in shiwani mo an toom ilit ta duwo. Longkuuno te, shii ta waru ka aaro ti memme ding, Yawudaawa kan mei Yawudaawam ding.²⁴Buluj ti ku sheero fokni, nang Feshtush in shokro eleni kan bangi ya, "Buluj, ke shigago an shanngau! Gbe maarigo shigago kuuko!"²⁵ Pene Buluj in liginna ya, "Mongba Feshtush, ne ti ku ya shangawum. Ti shakki keman shik, ne ti ku tewani yen kulli.²⁶ Longku gub penaa gun wee te, nang nen ti yuun paaro kaa tei, ne kunnga a doo wee lattani ti shiim, a yu we tei ti jele bim.²⁷Gub Agiripa, ke kunnga kan me an-pigraa? Ne penaa ke kunnga.²⁸ Nang Agiripa in tewi ti Buluj ya, "Ta koddi lawiiu ke leka shiwan nen an balla ya?"²⁹ Buluj nang in tewi ya, "Ti ta kattan koddi, yei yen joori, ne ti ku pau Yamma, a ke dokko ye ta liyanim, ken me ding me ti ku yaarono booi, shinui in yooju kaa ne, nang kaananii jekanwe eem ye."³⁰Nang gub in illo shikni, kan Baanish sheeni, kan me ding dijiyii ka shaayi kan shinui.³¹ Bara ye shinui peraa ti po shiirei, shinui in tewi ti shaayi ya, "La-moo ye a yu wee po liyaani in nummo shiim, yei tuk shiim." ³²Agiripa in tewi ti Feshtush ya, "modaa kuma ye la-moo ye shaaraa yaan gunni in warintoomno Kaisharum, daa foraan kira ka shii."

Chapter 27

¹Bara ye deppaa ya mo min warmu Itaaliya, nang shinui in min Buluj kan peddi me kan jekan we eem ti kira manni mongba mo an bee deet Rooma, mo shommonii Juuliyosh, dok ti shakki gbumen an bee deetno Kaishar.² Bara ye min riyaa ta manni gong Andiramitiiyum, ye nennga illani ka we war gokmina ye ti ta buk Aashiya, minin koona we war po paali. Arishtakush, niyo Makidooniya ye ti Tashaloonika, kama shin kan shaayi.³Pirbang minin duri ti Shiidom, Juuliyosh in ya ween kpang ti Buluj, in wessho shii mo war shik me an jeereni longku in yuun wee shii leka.⁴ Bara ye min illaa ti po teere ti ta gong doo, pirit in ti turmomu, longkuuno te, minin kpaklamu ta bi buk Shaifurush piree piriti a bangum.⁵ Min maa ti teelo shiiruk ye nimmi kan Kiliikiya kan Banpiiliya, minin fooro Miira ye ti buk Likiiya. ⁶Ti po teere, mongba an bee deet Rooma in we gong doo me ti Alekjandiriiya ye ta war Itaaliya, in liin mun ti tai.⁷Minin shakilla ti po teere minin ti wangro ta mina Yamma, kaa ye min fooraa nimmi kan Kinidush ka shilibi. Kaa ye pirit beelamu po ya toom, nang minin kpomlomu piree a doo piritum, ta bi koran buk Kirit nimmi kan Shemmooni. ⁸Minin koona ka shilibi, minin fooro manni pirii ye ti tewi yaa po latto shik yen kpang, nimmi kan gokmina Likiiya.⁹Kaa ye min diina bak ti po teere,meremu in yooro kan we bala ti taaro, longku ta koddi sheno yuwaa tali ye temre fuddo shasshalau kookaro. Nang Buluj in pekro shinui,¹⁰ in tewon ti shinui ya, "memme, ne geeka mere te ta yooro ka bala ti taaro kan shenge we gbe, a ka jal shenge shari kan gong doo waanim, kan she kerangmu kama." ¹¹Pene mongba an bee deeti ta yuuliyosh akum wee Buluj tekam, ka ye kaa teere in yaarani paaro mo an tol gong, kan mo an ku gong.¹²Kaa ye po latto shik ye ti Liikiya a yu kpang gong doo in ya viyo tipo teerem, nang gbemu in kumi ya mo shu toom ka mere. kaman ti li doomu ka we fooro Piniikiya, maa ta dum yooro, longku shinui in sha viyoti won. Piniikiyai manni po sheri gong dooi ti Kirit ye shiwon dwei ka laddi kudo ta vuro kan dang ti kudo ta vuro.¹³ Bara ye pirit laddi yikka yaani lawiiu-lawiiu, nang memme in nyimmoi ya wee shin lekai weyaaro, nang shinuiin tollu we eem ye ti yiu shik gong doo, shinui in yiwaju jele koran buk Kirit, nimmi kan po paali Shiiruki.¹⁴Bi shwei a diya bakum, nang gee gbong pirit ti laddi kudo booli in yiu yuuru ti koran buk ti shakki dooi.¹⁵ Bara ye piriti turaa gong dooi ye ti shaaro shai, nang gongi in kettoro, nang minin wesshina waani piriti in yiu sheemu.¹⁶ Kaa ye mini yikkamu ta bi manni koran buk ti shakki doo ya shommoi Kauda, piree piriti kuugoro, minin tollu kattan gong dooi ta shilibi we waru jele gong doo yen gbai.¹⁷Bara ye shwiji me tollina gong yen tobi we war ta gong yen gbai, shinui in ya shen dabyo fwaala ti shiki in kpomin shik gongin gbai, longku yoo todiroro, shinui in buk gbong dawan we eem gong dooi in wessho pirit in ti shen gun gong dooi longku shinui a ti dum tol gongim, shinui yuwaa kaa tei, longku ta ya shewo yoo vingju ti ta shwiyak shirtish ye ti dello we ding.¹⁸ Longku dooi ti ku teu den, in ti midiromu shikmu kping, nang pirbang shinui in yiu pal shari ye ti ta gongii, shinui in vingiyya ti ta doo.¹⁹Ti ku darang an tati, shinui ka kiraju in vingyo peddi shari shuran gongi. ²⁰Kaa ye min shaklaa gbe minui ti we shik darang yei ar-shalum, birang gbong pirit doo in ti yuumu, nang minin for poshaarimu ka diyo kan dwei.²¹Kaa ye shinui diyaa bak a shu wesshiinam, nang Buluj in illo-shikni ti shakkijui, in tewi ya, "memme, modaa ma daa yaaraa paarono ye na mo ma wessho illiru ti koran buk ye ti shakki doo ye ti kiritim, ma daa shuwo ti ta shilib kan shwa peewe tem.²² Pene wende ne ti ku yuuma nawit ma yu bang poshaari, longku a doo mo kerangi ta shekani ti shakki mam, nang bara gongi ye ta dodiroro.²³Ka yippo, an shuranno Yamma wanna shikno ye nei sheeni, in shereni nimmi kan ne.²⁴ In tewi ya, "Buluj, wessho ya shewoi, kulli ke ta sherani ti toomno Keeshar. Geeru, ka longkuuko, Yamma ti ta kpangni, ta kauro me an jeere mereko.²⁵ Longkuuno te, ma memme, nang ma yu bang poshaari, longku ne kunnga kan Yamma, ti ku ye tekano kaa we te, ta yooro kaa tene. ²⁶Pene paa, yikka ti gbare-do pirit in wakyomu kama ti manni shwiyak koran buk shakki dooi".²⁷Ti ku yippo an kpumu gee peereni, bambiri ti ku kaimu ti ku paali doo Meditereeniya. Pelle ka nang shakki yippo, nang me an shen gongii shinui in nyimmina ya kama shin yuwaa nimmi kan buk.²⁸ Nang shinui in nau joori ta dooi, in we fooraa sho shig dok kan naa-palau. Bara, ye min giika la-wiiu, nang shinui in nawi birang, in we sho naa-fejereu.²⁹ Longku shii gongmu yoo wa tura shiila, nang shinui in foddo kira ka we eem yen tira shin peereu ye ta bi gongii longku in beelo gongii ya mere. Nang shinui in ukko ado ti Yamma mo ta piri kpaalo shwat.³⁰Pene me an shen gongi in gassho koko po juwoju yoba, nang shinui in duru gongi nang ta bi in ti ya shen kaa shinui ta dur eem yen tira ti toom gong nen gbai.³¹ Nang Buluj in tewon ti mongba an bee deet Rooma kan me bee deet, "ma memme te maa diyan ta gong tem, a doo mo ta tuulanim".³² Bara yaarani kaa te, me an bee deeti in bebro ta fwaala gongin tobi, in wesshina ta shinui, in yiworo bi doo.³³Bara ye ta piri tannga kpaaloro nang Buluj in beng shinui ya mo piime la shu wesshiina, "booi, shaklo kpumu gee peereu ma ti ku diya lishaari, mai shu wem.³⁴ Longkuuno te, ne ta bengma ma shu wesshiina longku bang shikma, kaa ye a doo dok ti shakki ma ye shok kuuni ta shekanim".³⁵ Bara ye teka kaa te, nang in shur we-ta-kele, in pammina ti Yamma ti doojui ding, in bwayinna in yiu shaani.³⁶Nang shin ding in we pee vurum, shin sheeju in sha wesshina.³⁷ Min ti ta gongi min shig palau kan naa-parilau kan paragbanang.³⁸ Bara ye shinui shuwaa in kemreju, nang shinui in kuwo tira shari gongi ka ukko ar shawi ta doo.³⁹Bara ye ta piri maa ti kpaalla, me an shengongi a dum pen buk ye kan shinuim, pene shinui jemlaa manni la balabangi ye kan shwiyak. Nang shinui in li shikju ka we warin gongi ku shwiyaki maa ta dum yooro.⁴⁰ Nang shinui in petto fwaala we eemi ding me tiraim in wesshon ta dooita shinui. Ta dob-dob koddii birang shinui bebro po dau wee ti shiwan shik gongi. Nang shinui birang in shokro shik beek gongi an toom ye pirit ta shenani we war toom. Nang shinui in fooro po gangra paalii.⁴¹ Pene ye min fooraa manni pirii ye doo ti kpomin, nang gongi in tura shwiyak, ye ku gongi in reero ta shwiyak in kaano middo shikro. Nang gongi in yiu todiroro ti kudo ta bi longku shenngau shum doo.⁴²Nang me an bee deet in limma shikju ka we tukyo me an for-shunoi, longku yoo dok ti shakkijui juulo dooi in juwaju.⁴³ Pene kaa ye mongba me an bee deet Roomai leka in kauro Buluj, nan in beelo shinui. Birang in min kumen ding mo penaa doo mo kai doo in li gun teeleju, mo shinui ri ta dooi in kai doo we war po gangro paali,⁴⁴ peddi pene in ammaju ti ku bailan biro, yei in ammaju ti ku todiran gongi. Kaa te ne, shin ding in fooro po gangra paalii bang ding.

Chapter 28

¹Ka bi ye min kauraamu nang minin yaara ya, pimbirim ya shommo koran buk teerei Malta.² Memme tarang minai in yuumu min ding, shinui in piiremu deet longku ti ku ya doo, birang in ti ya duulau.³Buluj in gangullu nyir shuwe in ti shoppon ti deeti, nang den deeti in kai rin shammam ti ta nyir shuwei, in keen Buluj ti kirai. ⁴Bara ye memme tarang minai weyaa shik kuret lokrii ti shik kirano Buluj,nang in tewi ti shaayi ya, "kulli, la-moo yei an tukyo niyo, ma gee kaa ye shii dogi diina kaa ku nyimrit daa manna ti ta paali doo, bambiri dum ti ku yiu biini ka we tukani."⁵Buluj in yikro shik kirani in ving kureti ti ta deet, pene a shar piram.⁶ Shinui in nyimmina ya ta oworo koo dangi in shugno kpantidi in muroni, pene bara ye shinui diyaa bak a wa shik wee yuwaan ten ti shikniim, nang shinui in paaroku nyimmoju ya shii manni Yammai.⁷Ti po teere nimmi ka manni kudami,we an ku koran buk shakki dooi, ye shommonii Fubiiliyash. Yikka mui shii, in min mu po durani yen kpang, po shaklo tat.⁸ Fono Fubiiliyash kuttii shiki kan agin kan kuruna. Nang Buluj in ri shiknii in forin fok ti kuunii, in liin kirani ti kuunii, niyoi in yooni bang. ⁹Bara ye we te yuwaaro, dogi me shikii bangum ti koran buk ye ti shakki dooi in wangittu, nang in we bang shikju. ¹⁰Shinui in yuumu kunngu gbe. Nang bara ye min tanga koomu ti ta gong doo, shinui in ganglomu do wee min leka ding.¹¹Ka bi tere tat, minin illina ti ta gong doo me ti Elekjandiriya ye yuwaa viyo tiku koran buk teere. Me ti po teere yuwaan teman pi romij Yamma ti shii. Gong doo kan we shiwo shiki.¹² Bara ye min foonna Shiraakush, minin shakilla ti po teere.¹³Nang minin koomu, kpantidi gee min wono ti Rigiyum. Ka bi shaklo dok, pirit in illiru ti kudo dang. Pirbang minin fooro Futiyooli.¹⁴ Ti po teere minin kpomi kan peddi me an ballai, shinui in bengmu ya mo min yuuju shaklo parilau. Kaa we tei minin fooron Rooma.¹⁵ Bara ye me an balla me ti Rooma yaaraa shinnyimu, nan shinui in waru longku yuumu kaa ar kudam po piplo we te ti Afiyush, kan po teere ye ti tewi yaa po duro tat. Bara ye Buluj weyaa shikjui kaa te, nang in pammina ti Yamma, birangshii in tokko shaari we bang vurum.¹⁶Bara ye min riyaa Rooma in kumi ti Buluj mo wa deeni ti mina ye ti angngina kan an bee deet ye ti jooro kuunii. ¹⁷Ka bi shaklo tat, Buluj in ye men gbidina Yawudaawa. Bara ye shinui gallaa, nang shii in tewon ti shinui ya, "ma molonno, kaa ye nei daklo we ti memmemu kamam, yei daklo we ti diya ma fowonmu kamam, shinui in yirun nen kaa tei ti Urshaliima, in dauno, in minno ti Roomawa.¹⁸ Kaa ye shinui yippaa dakno, shinui in leu foran nen kira, longku shinui a weeno kan kelnye ye fooraa nen waan kaara murom.¹⁹Pene bara ye Yawudaawa kuraju kumani, nang in yiuno ti gbare-do nen shokuttu yaan gunno we waru toomno Keeshar, kaa ye ne ta yaani gun memme mu kamam.²⁰ Longkuuno te, ne telaa na ne leka we shik ma kan nen deppo paaro kan ma. Kaa ye longkuuno te, ye shii Ishereila liyaan shaariju ti ku waranni ye shinui dakano ka we eem te.²¹Nang shinui in tewon ti shii, "minui wa yaan balla ti kira me ti Yawuudiya longkuukom, kan a doo dok ti shakki ma molon me wanna ti po teere ye weyani, wanna in teu paaro ti shkkom.²² Pene min leka yaaroko ken teumu geyan sheeko, longku min penaa memme ti koo tong ti ku yuyyo piire paaro ti koko wawo yen fo te.²³Bara ye shinui liyaa darang ye ta kpomin kan Buluj, nang darangi, shinui in wariju po duronii, shinui wanna shin gbe kping. We yikka ka shaat we war kiryippo, shii in ti sheeron paaro, in ti kpaalon po paaro ti shinui ti ku gubno Yamma, shii in li shikni kaa tollu shinui ka we war shikno Yeesho ti bi shubet ta fokno Muuja kan balilon we me an-pigro.²⁴ Peddi in kumi ka wee shii teka, pene peddi a kumum.²⁵Longkuuno te, a kumkan shaayi ta shinuim. Maa ti tang wessho po teerei, Buluj in yuun paaro dok ti shinui ya, "Duma, shoom yen shaana, teka yen kulli, ye yuwaa paaro ti ma fowonmu kama ti fokno an-pigro Isheeya ya, ²⁶"Koo ke war shik memme te, ken tewon ka, yaarani, ma ta yiu yaarani, pene ma ta jemlani foki dokum, ye weyani, ma ta yiu weyani, pene ma ta penanim.²⁷Longku poshaari memmei fuwaa po yooro bang, shinui kpanglaa ta kumoju, in numyo adooju, longku yoo shinui we ka adooju, birang shinui in yaara ka kumoju, shinui birang in peni ti poshaariju, ar shinui in shiru shikno nen niyaan ka shinui".²⁸"Oo, nang man peni, Yamma shuraa ka shinnyi marku ti mei Yawudaawam sheeju. shin sheeju ta ke kumoju".²⁹ Bara ye teka kaa te, nang Yawudaawa in illina ta shinui peeb in ti ya gbong shabbi ti shakkiju.³⁰Buluj in diina ta mina te ye ta angngani po sheno palau, shii in ti yiu me ding wanna shikni. ³¹Kaa yei foddon fok kpaalo po paaro Yammam, in ti ya shubet ti kuuno Fo-mina Yeesho kiriti a do shewom.

Romans

Chapter 1

¹Ti piree kan Buluj, shookno Kiriti Yeesho, mo yeena shii in yooni mo an kaawi, birang in wak shii longku kpaalo po shinnyi Yen tomonno Yamma. ²Shinnyi Yen Tomonno Yamma ye deewaanku milan yau ti fok me an-pigrani, kaa ye ballii ti ta ballan paarono Yamma me shaana. ³Shinnyi Yen Tomon tene ti Ku Laani Yeesho Kiriti Fo-mina. Kaa ye shii po peenno Dauda.⁴Pene kaa ye ti bi shaana Shoomni kunnga kan shii Laano Yamma birang in kumi kan shii ka kumen kping ti bi ilitni ti ta duwo. ⁵Ti piree kan Kiriti Yeesho birang kan longku shommoni ye ne weyaan kunngu kan yee shiwo la an shuran longku nen ye memme ti shakki memme ku-buk ding longku shinui in min kumanju kan murku. ⁶We te taa kama, ma me Yamma yeyaa ma man shiwo ma sheeno Yeesho Kiriti.⁷We war shik me ti Rooma ding me Yamma leka kan in ye shinui mo yooju memmeni me shaana: Kunngu kan twaalan shaari ye ti piree kan Yamma Fomu kama birang kan Fo-mina Yeesho kiriti mo deeju ti kuuma.⁸Ka toom, Ne pammaa ti Yamma ti piree kan Yeesho Kiriti longkuuma ma ding, longku ti Ku sheero pi lishaari ma ti koo tong ti ku-buk. ⁹Longku Yamma ye Ne ti Ku yuun shuran ti shii ka poshaarino dok ti bi kpaalo po shinnyi Ye Tomon we Laani, shii jimrono ye ya Ne ti sha toom ka sheero pirma. ¹⁰Koddi ye ding Ne ta forin fok. Ne ti beng Yamma na, maa nyimmo sheeni, daa ta yooro yaau, nen we koddi wende nen waru shikma.¹¹Longku ne ti Ku dalak nen we shik ma, longku nen min ma manni kunngu shoom ye tei ta pee shik ma.¹²Nyimmonoi tene, kaman pee shik shaayi, na nen pee ma shik ma ka lishaarino, ma sheema man peeno shikno ka sheema.¹³Ma molonno, ne leka man peni a sho dok ye ne nyimmaa war shik mam, pene sho gbe, (pene we foottu wende beelono foki), longku warannoi kulang nen kasshani ti taama kaa ye ne yuwaa ti shakki dogi mei Yawudaawam. ¹⁴Ka tirano koo nong ti kuuno, she mei Yawudaawa kan me biino, kan she me shen kan she me dili. ¹⁵Tenei ye na ne leka kping nen sheeroma shinnyi Yen Tomon, ma sheema me ti Rooma.¹⁶Shinnyi Yen Tomon te a we duulo-shik ti piree kan nem, longku tei kumenno Yamma ye tei ti warin koo nong mo kunnga waraa we marku, ka toom ti Yawudaawa ka bi ti mei Yawudaawam. ¹⁷Longku ti piree kan shii ye ti shuklo diyo dob ti piree kan lishaari we war lishaari, kaa ye ballii ya, "Mo dob-dob ti piree kan lishaari, ta yooni kan dwei."¹⁸Longku tenei ye ti shukullu denno Yamma ti ku-dang, ti ku mei ti shi Yammam kan piire shuran memme me ti nummo ku kulli ka piire shuranju. ¹⁹Longkunno te, wee ta dum penani ti ku shuranno Yamma ti kudam ti shikju, longku Yamma po kuunii ye shuklaan ti shinui.²⁰Longku kaa we po penani ti kuuno Yamma kan kumenni ye po-ding, a wee ta dum we shiki ka adom, pene yau ye kpiinan ku-buk shukilla we te ti kudam, ti dum jemlani ti ku wee kpiina ti shik wee kpiina. Longkuuno te, memme a kan manni koko po yippo dom! ²¹Kaa ye shinui penaa Yamma, kaa tei shinui a shokro shii ti po sherini kaa Yammam. Kan ye kaa teerei, nang nyimmojui in yooro waani, poshaariju yei ti penim, in yooju dil.²²Kaa ye shinui teka ya shinui me an shen, pene shinui mei peno wem. ²³Shinui in paaroku shokranno Yamma yei ti murim ka yemman biro ye kaa pelle adeewe, kan we-ta-gun, kan po peen ma kuret kan she angojo,²⁴Longkunno te, Yamma in min shinui ta yuyyo peen piire dalak poshaariju, kan lo-shikju birang shinui in ti ya we duulo-shik ti shaayi. ²⁵Shinui shigan kullino Yamma in yooro shaba. Shinui in ti wawi ti wee kpiina, birang shinui in ti yuun shuran ye daa shinui yuwaai ti Mo an kpiya po kuuni, shi mo fooraa in shokro shii po-ding. Mo yooro kaa te.²⁶Longkuuno te, Yamma in min shinui ka yuyyo we dalak ye ti li duulan shik. Sherebju in paaroku kpomit shwiji kan paamun ye teerei dob-dob kaa ye yuunan ti kpiyan ku-buk, shinui in shiwon kpomit yei yu dob-dobum. ²⁷Kaa we te birang sheranku paarojui in shar nyimmojui, nang shwiji in dai po kpomani kan shereb ye teerei ye dob-dob kaa ye kpiinan. Shwiji kan shereb shinui in ti yuyyo we duulo-shik, kaa we te shinui in yeeru kelmo ti kuuju ye yuwaa dob-dob kan piire shuranju.²⁸Kaa ye shinui kuraaju deeju kan penanno Yamma, nang Yamma in min shinui ti ta piire nyimmo, kulang shinui in ya wee a nenno in yam.²⁹Shinui kemii kan kenni ya ween kpang ding, kan shek, kan gawa, kan piire nyimmo. Shinui kemii kan mwisshi, kan tuk niyo, kan nee, kan piire shubet, kan ding poshaari. Shinui me an sheero-shik. ³⁰Me an mal-fok, me an kura Yamma, me an kuwak, me an kpir ku, me an leu kuuju, me an nyimmo ya shek, mei ti yaaro fok me an pariju kan munin gbam. ³¹Shinui a kan nyimmon kpangum, a ti kem deewankuujum, a kan lewanum, kan mei ti ya kunngom.³²Shinui penaa shorono Yamma ye ya ding mo ti yuyyo peen we te, nenna muro, pene a bara ya we te ye shinui ti yuyyina waanim, birang shinui sheeju ti dau gun peddi me an yuyyo ween shurme.

Chapter 2

¹Longkuuno te, ke mo an gee kelnyono mondok, ke kan manni koko po yippo dom, koo kei nong. Longkuuno te, koddi ye ke ti geen kelnyono mondok ke ti yai kelmo ti kuuko, longku kelnyo ye ke ti geen mondok kan te, teerei tei ye ke ti ya.²Min penaa kelmono Yamma dob-dob ti ku me ti yuyyo ween shurme te.³Pene nyimmo te, ke niyo, gee ke po kuuko ke ti ya kelnye ye ke ti geen memme kan te! ke ti nyimmina ke ta shiyako ti kira kelmono Yamma ya? ⁴Koo ke ti begii gbe kunnguno Yamma, kan ker shaari ni, kan ye shii a ti ya dawal den ti shikom ya? Duma, kei peno kunnguno Yamma ti yerikoi ka we waraa for-fok maa?⁵Pene ka longku bang-ku ye ti ya kan bang poshaari ye ke kan te, ke ti gali ti kuukei kelmono Yamma ye ta dang kuuko darang denno Yamma, ta koddi ye ta shuklon kelmo te ye ti ku kpang poshaarino Yamma. ⁶ Yamma ta minani ti koo nong kaa ye koo nong yuwaan shuranni. ⁷Ka me ti gassho shokran kan illo kan kerang yei ti fim. Tenei me yuwaa shuran kunngu ti ta ker shaari, teerei shinui me Yamma ta minin we shik shuranju ka kerang po-ding.⁸Pene kaa she me an leu kuuju, mei ti min gba ti kullim bara ti shek, ta maan ti shinui ka den kan gban-ta- gongo. ⁹Ka turmo kan taa shilibi ta gee kuuno koo nong ye ti ya shek, ka toomii ti Yawudaawa, kan ka bii ti mei Yawudaawam.¹⁰Pene ding mo yuwaa shuran yen kpang, ta we shokran kan gba kan kuttan shaari, ka toomii ti Yawudaawa kan ka bii ti mei Yawudaawam. ¹¹Longku Yamma a mo an kaalim. ¹²Me an shasshalau ding yei peno shubetno ye ti fokno Muujam, shinui ta koon shwal a gale kan shoroim, pene me ding me yuwaa shasshalau kan penan shoroi, ta yuun kelmo ti shinui kaa ye shoro tekan.¹³Longku a bara yaaro shoro ye memme ta yooju me an kpang poshaari ti toomno Yammam, pene bara me an min gba ti shoro teerei ye ta tewani ya shinui me an kpang poshaari. ¹⁴Longku mei Yawudaawam, me shinui a kan shorom, kama ye kaa tei, manni koddii shinui ti ya wee shoroi kunnga ya mo yu, dangan ye poshaariju minaan. Tenei shuklaa ya shinui mei kan shorom, shigaju shoro po kuuju.¹⁵Shuranju shuklaa ya ka jimro ti ku we te, longku nyimmojui ti we shinui kan kelnyo manni kodii, ti manni koddii a ti we shinui kan kelnyom. ¹⁶Longkuuno te, kaa ye Shinnyi Yen Tomoni ye ne ti yuun kaawii ye ti tewi, ta yooro kaa te Darang ye Yamma ti piree kan Kiriti Yeesho ye ta shiiron we ding ye lattii ti ta nyimmo memme.¹⁷Oo, ke ye ke teka ka kei niyo Yawudaawa paa? Ke sheraako ti ku shubet ta fokno Muuja, birang ken ti ya diila ka diya shakkiko kan Yamma, ¹⁸ken ti tewi ka ke penaa nyimmono Yamma, birang ke kan penan we ti ku shoro ye ke po shakin wee dob-dob. ¹⁹Ke kan penani ye kei an toom me an fugum, aaro ti me dii ti ta dil, ²⁰mo an limmo ti me dili, birang an shubet ti me nyimmoju kaa we shibo, ke penaa birang ti ta shoroi ke kan penani kping kan dob-dob kulli, nang tene taaka diyo kerangkoi ka yee?²¹Oo, ke mo an shuppo memme, ke ti shuppo kuuko sheekom ya? Ke mo an ya kaawi ye yaa mo wessho ya jirii, ke ti ya jiri maa? ²²Ke mo ti tewi ya mo wessho shomaki, ke ti ya shomak maa? Ke mo an kura we-kuma-we, ke ti ya jiri ti ta mina yowo maa?²³Ke mo an dallam ka shubet ta fokno Muuja, kei daklo shommono Yamma ti bi yiu bi ya shubetni maa? ²⁴Kaa ye ballii, "Longkuuma Yawudaawa ye ti ya paaro bek ti shik shommono Yamma ti shakki mei Yawudaawam."²⁵Ma kei ti min gbai ti shoroi, karan-kuwo poshaariko kan we biiro. Pene ma bang kumo maa wee ke ti ya, ta yooro kaa kei kar-kuwokom. ²⁶An te maa guni, mei kar-kuwojum maa ti ya maa wee shoro teka ya mo yu, Yamma a ta shar shinui kaa me karaa-kuwoju maa? ²⁷ Mei kar-kuwoju ti ta lo-shikum pene shinui in ti ya wee shoro kunnga ya mo yu, shinui ta yuuko kelmo, ke mo ke kan shoro balli-ballii, mo karaa-kuwoni birang, ar wende ken ti au shooko ta ku shorono Yamma!²⁸Longku niyo Yawudaawa yen kulli a niyo yei niyo Yawudaawa kaa ye she lo-shik bara waanim, birang kar-kuwo yen kpangi a kaa she lo-shik yei she karan lakatum. ²⁹ Onngoo, niyo yei niyo Yawudaawa yen kullii niyo Yawudaawa ti poshaari, birang karan-kuwo yen kullii karan poshaari, kaa te, wee shoom yuwaa, a ti bi shoro ye ballaam. Peen niyo te, ti beero kuunii Yamma, a la niyo dingum.

Chapter 3

¹Oo, we bi tewani ka kei niyo Yawudaawai tong? Wii bi karan kuwoi tong? ²Ka we maa, ti koko ding! Ka toom, shinui Yawudaawa ye Yamma po kuuni minaan jooro bi paaro te yei weeno Yamma.³Pene ma peddiju maa kum kan lishaarim paa? Mal fokju ta liyani tomon fokno Yamma in yooro we waani ya? ⁴A kaa we tem, koo la-wiiu, kpaaliyo ding mo Yamma yooni mo an yen kulli, la niyo in yooni an shaba. Kaa ye ballii ya, "longku in peni, paarokoi yen kulli, kan ke ta yek bangno koo nong, ye ke maa wannai ya shiire."⁵Pene ma kenni dob mu kama maa ta shuklo dobno Yamma ti kudamum, kamai ta teu wen? Kama ta tewani kama ya Yammai mo an shaanam ye shii ma shiiro mu kama ya? (Ne ti yai paaro kaa ye la niyo ding ti ya.) ⁶Kulli a kaa tem! koo la-wiiu! Maa kaa we te, Yamma ta shiiro ku bukii ka yee?⁷Ma kenni kullino maa ta li kullino Yamma in peru kudam kping, in shiworo we shokro Yamma, Oo, longku wen we foottu wende ma ta shiirono ti ku ye ya nei mo an shasshalawi ya? ⁸ Maa kaa te, kamai ta sha toom ka ya shek longku in shiworo koko po we diya kunngu maa? Peddi memmei yei ti yuumu ding paaroti shikmu, shinui in tewi ya min ti tewi kaa te. Ta kelmo ma mee kaa ye yuwaa dob-dob in yuun ti shinui.⁹Oo, ka yee? Kama Yawudaawa, kama yeka dogi memmei ya? Onngoo! koo la-wiiu! kama fuwaa po shukani kama ya niyo Yawudaawa kan moi niyo Yawudaawam, shin ding ku jal me an kelnye, birang shin ding ti ta gun kumen shasshalau. ¹⁰Kaa ye ballii ya, "A doo manni niyoi ye dobum, a doo we koo dokum.¹¹A doo manni niyoi ye penaam, A doo niyo an gassho biino Yammam. ¹²Shin ding shiga ta bi ti Yamma. shinui shigaju mei a doo shuran kwi foki dokum. A doo niyoi ye ti ya diyo kunngum, onngoo, koo dok."¹³"Goorokju kaa awan fok duwo. Dakju shigaro shari dokko," Paaro ta fokju kaa dak piire shammam." ¹⁴"Ta fokju kemii ka shaami kan kuwak-kuwak."¹⁵"Shooju ti daulo ku waraa der dom. ¹⁶Piree shinui yikka ding, bara daklani kan taa-shilibi. ¹⁷Memme shurme shinui a peno do koko kuttan shaarim." ¹⁸"A doo shewo Yamma ti adoojum koo la-wiiu."¹⁹Wende kama penaa wee shoroi teka, ti tewii ti me ti ta gunto. Tene yuwaaro kaa tei longku in beelo me an yippo do, birang in li ku-buk ti ta gun kelmono Yamma. ²⁰ Kaa ye adoo mo ta diyani yaa diya moi kan kelnyo ti toomno Yamma ka longku jooro yiu bi we shoro tekam. Wee shoroi ti yai te, tei in shukilla ya ti niyo shasshalauni.²¹Pene wende shuklaa mu kama koko po we diya dobno Yamma. Diya dob te a ti wei shik shorom, kaa ye shubet ta fokno Muuja kan yuyyan balila me an-pigra shinui jimraa shii. ²²Diya dob te ye ti piree kan Yamma, ti we tei ti bi lishaari ti taano Yeesho Kiriti ti me ding me an kumani. A doo kaalim.²³Longku koo nong yuwaa shasshalau, birang koo nong in kaano fooro shokranno Yamma. ²⁴ Pene ti bi kunngu ye Yamma yuwaa ti koo nong, koo nong in we diya yei daklo wem ti toomno Yamma ti bi paaranku ye Kiriti Yeesho yuwaa.²⁵Yamma shunna Yeesho mo shiwani we shuwa po-paaro ye ta shar shasshalaumu kama, longku ti piree kan domni ta fuddo shasshalau memme ti bi lishaariju. Yamma yuwaa kaa we tei longku shii in shuklo diya dobni, longku ti ta ker shaarini ye shii waka dooni ka shasshalau ye yuyyaa milam. ²⁶Kaa te Yamma in shukilla ti ta koddi te ya shii po kuuni shii moi an diya dob, birang shii ti li ding mo kunnga kan Yeesho in we diya moi daklo wem ti toomno Yamma.²⁷Oo, ti ku wen ye kama ta ya roomoi? A doo wem! Longku wen waka roomoi? Ti ku jooro shoro ya? Onngoo, pene bara ti ku lishaari teere. ²⁸Longku min weyaa ti bi lishaari ye, ti we diya moi daklo we ti toomno Yammam, a longku yiu bi kumen shorom.²⁹Nang Yammai we Yawudaawa shin dokju ya? Duma shii a Yamma mei Yawudaawam ya? Kulli, shii Yamma mei Yawudaawam birang. ³⁰Ma, kulli, Yamma maa dok, shii ta shiiro karan-kuwoi ti bi lishaari, kan kenni karan-kuwoi ti piree kan lishaari.³¹ Nang kama waka shoroi ti bi lishaari ya? Koo la-wiiu! kan ye kaa teere, kama ti ku peenai biiroi.

Chapter 4

¹Oo, kamai ta tem wen ti kuuno Ibiraayi, shiimu kama ti ta lo-shikii? Penaai wen ti ku paaro lishaarii? ² Ma Ibiraayi maa weyaa diya moi kan daklan-wem ti toomno Yamma, ti bi shuran niyo kan po wee ta yuun roomo kan te ta shii nang, pene a ti toomno Yammam. ³ Ballan paaro Yamma teka ya, "Longku Ibiraayi liyaa shaari kan Yamma, nang Yamma in maaro tenei diya dob ti piree kan shi."⁴Wende shi mo ti ya shuran, wee ti anngon shii, pene kaa wee ta yiu-bi. ⁵Pene niyo yei shereni ti ku shurannim, pene in shereni ti kuuno Yamma ye shii ti li moi kan peen poshaarino Yammam shinui in we diya mei daklo wem ti piree kan shim, ta shar lishaari niyoi tei kaa diya dobni.⁶Tenei we Dauda nyimmaa ye yuwaa paaro ti ku kpang ye yuwaa ti niyo ye Yamma teka ya shii mo an diya dob. ⁷Shii in tewi ya, "Me kan kpang ti kuujui me fuddaan shasshalau karijju, kan me mo teklaan shasshalauni. ⁸Mo kan kpang ti kuuni niyo ye Fo-mina maaro kelnyonim."⁹Kpang tenei taakai me karaa kuwoju waani ya, nangii kan me wau shuuro mei kar kuwojum ya? Wee min ti tewii te, "Gee Ibiraayi ye maaraa lishaarinii diya dob." ¹⁰Oo, dumai ta koddi nan shire ye teka ya shii mo an diya dobi? Ye tidai kar kuwonim ya, nangii ka bi karan kuwoni ya? Ai, aka bim, penei ye tidai kar kuwonim.¹¹Nang Ibiraayi in kar kuwonii, tenei in yooro teman jimro ti ku diya dob ye shii kan te, ta lishaarini, we tangna ti koddi ye shii an wau shuuro moi kar kuwonim. Longkuuno te, Ibiraayi in yooni fo me an lishaari kan Yamma, me sharaa shinui yaa me an diyo dob, kaa ye shinui a kar kuwojum. ¹²Kaa tei Ibiraayi in shiwoni fowi ti me karaa kuwoju, mei a bara karan kuwoi waani ye shinui kan tem, Pene birang shinui in ti yiu bi dangan pi peen lishaari ye Ibiraayi kan te ye tidai kar kuwoniim.¹³Deewanku te ye yuwaa ti Ibiraayi kan po-peenni ya ta tappo ku-buk, pene a ti bi shoro ye yuwaan ti shiim, nang bara diya dob te ye ti we ti bi lishaari. ¹⁴Ma me an yiu bi shoro maa me ta tappo ku ku-buk, ai, lishaari niyo ta yooroi we waani, birang deewankuuno Yamma shigoro we waani. ¹⁵Longkuuno te, deewankui wannai ti bi lishaari, longku piree a doo shorom, a doo ye po yuun murkum.¹⁶Longkuuno te, deewanku sheerii ti ku lishaari te, Tenei longku in deero ti ku kunnguno Yamma, birang in pee bi ti po peenno Ibiraayi ding, a ti me ti ta gun shoro ku jaljum, pene kan me ding ti kumi kan kulli, kaa ye Ibiraayi yuwaan. Ibiraayii fomu kama ding. ¹⁷Kaa ye ballii ya, "Ne liyaako ken shiwogo fowi buk po-buk gbe," Kaa ye peekan bi deewanku te ti toomno Yamma, mo Ibiraayi kunnga kan shii, mo shii birang ti min kerang ti me murooju. Birang shii mo kan kumen ye ta yeeru wee a yoojum in yooju.¹⁸Kaa ye li-shaarino Ibiraayi kaa shigaro we waani, ding kaa tei shii in sha toom ka li-shaari, in ti kumi nang in yooni fowi buk po-buk gbe. ¹⁹Ta koddi teere, Ibiraayi kan pelle sheno shig dok, pene shii a yooni duulan ta lishaarim, kama ye shii ti geena bangni kuugero longku kooro, birang kan Sharattu ye kookaro ti fok koddi ye tei ta dum pattani.²⁰Pene ka longku deewankuuno Yamma, Ibiraayi a yooni lakkidik ti ta kenni lishaarim. Kan ye kaa teerei, shiiknii in peero ti ta li-shaari kan kum-pinno Yamma. ²¹Shii in deeni ti ta keman pee bi ya Yamma ta dum kem deewankuuni. ²²Longkuuno tenei in maaron ti shii kaa diya dob ti piree kan shi.²³Pene paaro te ye ti tewi ya, "in maaro lishaarii diyo dob ti piree kan shii," a longkuuni shii dokni ye ballaam. ²⁴Pene ballaa we tei longkuumu kama, kama sheemu, ye Yamma ta maaro mu kamai me an diyo dob, kama ye kama kunnga kan mo shokraa Yeesho Fo-minamu kama ti ta duwo. ²⁵Tenei mo minaa shii ka longku shasshalaumu kama kan in shokirra ka we shiiro mu kama.

Chapter 5

¹Longkuuno te, kaa ye shiiraamu kama ti bi lishaari, kama kan kuttan shaari ti piree kan Fo-minamu kama Yeesho kiriti. ² Ti piree kan shii kama weyaa ri ta kunngu te ye kama diin ti tai ti bi lishaarimu kama. Birang kaman ti ya beere longku kama liyaa shaari, ya kama ta yoomu me an diya gale ti ta shokranno Yamma.³ A bara kaa tem, ar kama ta ya beere ti ta taa shilibmu kama, longku kama penaa taa shilibti waru ka kurmani,⁴ kurmani ti waru ka nyimmon kpang, nyimmon kpang birang ti waru ka lishaari. ⁵ Lishaari te a ta yooro we waanim koo la-wiiu, longku Yamma ti ukkurumu kama lewanni ti poshaarimu kama ti piree kan shoomni Yen kpang ye Yamma minnamu kama.⁶ Longku ta dob-dob koddi, ta koddi ye kamai ta dum shau kuumu kamam, kiriti in muri longkuumu kama, kama mei kan peen nyimmono Yammam. ⁷ Ta ya shilib mondok in muri ka longku niyo ye kan diya dob. Pene kergum mondok ta dum ya bang poshaari, in muri longku niyo ye kan nyimmon kpang.⁸ Pene Yamma in shukmu kama gbe lewanni, longku tida kamai me an shasshalau, kiriti in muri longkuumu kama. ⁹ Oo, kaa ye kama weyaa diyo mei kan kelnyom ti toomno Yamma ti bi domno kiriti, pene kaa ye wende, ai ta dum marmu kama ti fok denno Yamma ti piree kan kiriti.¹⁰Oo, kaa ye koddi ye milam kamai me an kenne kan Yamma ye limmaa shakkimu kama kan Yamma kan muro Laani, pene dogii wende ye shigan mun kama me an jeereno Yamma, ta marmu kama ka diyo Lai duma. ¹¹ Nang kookaro ti fokno tei, birang min ti ya beere longku wee Yamma yuwaa ti piree kan Fo-mina Yeesho kiriti, mo ye ti piree kan shii ye limmaa shakkimu kama kan Yamma.¹² Shasshalau riina ku-buk ti shik niyo dok, shasshalau te in yeeru muro. Kaa te muro in yooro we la niyon ding d’ing, longku koo nong yuwaa shasshalau. ¹³ Ye tidan in tang min shoroi, shasshalau ti ku-buk. Pene a ti maaro shasshalau ti piree a doo shorom.¹⁴Kama ye kaa tei, muro in ya gub ti Ku memme ding we yinna ti ta koddino Adamu we war koddino Muuja, ye tei in ya kumen ti Ku shasshalauju me yei we teelo ta Ku shoro kaa ye sheeno Adamu diyaanum. Adamu tei temono mondok ye ta waru ka kunnguno Yamma. ¹⁵ Pene kunnguno Yamma ye minnai ti no ta warui dokro kping kan kelnyono Adamu. Gee shasshalau niyo dok te, yeena muro ti Ku memme gbe. Pene kunnguno Yamma yuwaaro gbe, ye kunngunii ye yuwaai ti bi kpang niyo dok te, ye yaa Yeesho kiriti, tei yeena gbong kpang ti memme gbe.¹⁶ Kulli kunnguno Yamma dokro ta tei kan shasshalau niyo dok te. Longku kelmo ye yinna bi kelnyo dok te, tei kelnye muro, pene kunngu ye Yamma minnai, tei yeenamu kama kelmo moi kan kelnyem ti toomnii kaa ye kama yuwaa shasshalau gbe. ¹⁷ Ti bi shasshalau niyo dok, yei Adamu, muro in ya gub ti kuuno koo nong, pene ya gub te a weenan dogum ye maa tengnga ka niyo dok, yei Yeesho kiriti ye wannan. Ti piree kan shii ye kama yikkan kpangno Yamma gbe kan kunnguni ta diya dob ti toomni. Ti piree kan shii kama ta ya gub ti ta diyo.¹⁸ Longkuuno te, kaaye kelnye niyo dok yeena kelmo muro ti kuuno koo nong, kaa te birang, yaan diya dob ye niyo dok yuwaa in waruka kpang ti koo nong, teerei we diya moi kan kelnyem ti toomno Yamma birang kan kerangin fo. ¹⁹ Kaa ye memme gbe yuwaaju me an shasshalau ti bi kenni murku niyo dok, kaa te birang memme gbe ta yooju me an diya dob ti piree kan murku niyo dok.²⁰ Wee liyaa in riiru ka shoro tei longku kelnyo in peru peewe. pene koddi ye shasshalau tokka shaariro, nang kpangno Yamma ti yek tokko shaariro. ²¹ Teerei, kaa ye shasshalau yuwaa gub ti kuunii ti bi muro, kaa te birang kunnguno Yamma ti ku ya gubnii wende ti piree kan diya dob, in ti warin mun kama po we kerang po-ding ti piree kan Yeesho kiriti Fo-minamu kama.

Chapter 6

¹Kamai ta teu wen wendei? Kama ta shoomu toom ka diyo shasshalau kulang kunnguno Yamma in tokko shaariro ya? ² A kaa tem, koo la-wiiu, Ai, kama fuwaa po muromu kama ti piree kan shasshalau. Ka yee birang kama ta sha toom ka diyoni ti taaroi? ³ Duma, ma ding mai peno kama ding yuwaa mu kama yulma we war taano kiriti Yeesho, we war ta muroni ye yuwaamu kama yulma maa?⁴ Teerei, ti bi yaan yulmamu kama nanaamu kama gale kan shii, birang kaman yoomu dok kan shii ti ta muroni, longku kaa ye shokraa kiriti ti piree kan kumen te we shokranno Fowi, kaa te kama sheemu, kaman ya diyon fo. ⁵ Kaa ye kama yuwaamu dok kan shii ti ta peen muroni, kulli kama ta yoomu dok kan shii ti ta ilitni ti shakki me murooju.⁶ Kama penaa ye ya fuwaa po nan kooro nyimmomu kama ye milam gale kan shii, longku in wak kumen shasshalau te ye ti ta diimu kama. Yuwaa kaa tei longku kamai ta tokko shaari diyo shook shasshalawum. ⁷ Kaa ye ma niyo maa murooni, shii weyaa diyo po kuuni ti piree kan kumen shasshalau.⁸ Kaa ye kama fuwaa po muroomu ka shaayi kan kiriti, kama kunnga kama ta deemu kan shii birang. ⁹ Longku kama penaa ye shokraa kiriti ti shakki me murooju, birang a ta tokko shaari muranim, teerei ye muroi a kan dogi kumen ti kuunim.¹⁰ Muro te ye yuwaai, murooni sho dok waani longku shii belaa kumen shasshalau, pene diyo ye ti ku yaanii, ta yaanii ti ta diyo gale kan Yamma. ¹¹ Kaa te birang, ma shar kuuma kaa me kumai ti bi kumen shasshalau, pene me kan dwei ti shakki diyo gale kan Yamma ti biino kiriti Yeesho.¹²Longkuunote, mo ma kumu shasshalau in ya gub ti ta lo-shik ma ye ta muroroi, ye ta liima man yiu bi piree dalak nyimmo la niyon dingi. ¹³ Birang mo ma min ku gul-ku shik ma ka we ya shasshalawi ye ta yooro shari yuyyo sheki. Nang bara ma min kuuma ti Yamma ye nennaa me foraa shinui ti ta kira muro we war we kerang, birang ma min kuuma ti Yamma longku in yooju shari shuran diya dob. ¹⁴ Mo ma kumu shasshalau in ya gub ti kuumam, kaa ye a doo shoro ye ta ya kumen ti kuumam, bara kunnguno Yamma.¹⁵Wowen dumai? Teerei, nang mo kama yu shasshalau longku shoro a kan kumen ti kuumu kamam, bara kunnguno Yamma ya? Oonngoo! koo la-wiiu! ¹⁶Mai peno maa, ye mam maa minaa kuuma longku man shiwoma me an murku ti mondok, teerei ye ma shiga ma shook ta kira mo wende ma ti murunku ti shii ya? Ma ta dum shiwo shook shasshalau, ye ti warin niyo kaara muro, koo birang me an murku ti Yamma, ye ti warin niyo diya dob.¹⁷Pene pammani mo yooro ti Yamma, longku kaa ye milam mai shook shasshalau, pene wende ma ti Ku murku ka poshaari ma ding ka peen shubet te ye yuwaa ma. ¹⁸Piddaa ma ti ta shasshalau, birang man shiwo ma shook diya dob.¹⁹Ne ti yuuma paaro kaa ye la niyon ding ti yuun paaro, tenei longku kenni bang ma ti ta nyimmo lo-shik. Milam fokma turmaaro ka min Ku gul-ku gul ma ka we wau we doon, birang we shek ye tei ti tokko shaariro waani. Pene wende nang ma min kuuma ti wawo diya dob, teerei longku ya shuran yen shaana. ²⁰Koddi ye mai shook shasshalau, a doo we taaka ma ka shuran diya dobum. ²¹ Ma weyaai ween kpang wen ti shik we te ye wende shinui yuwaaju we duulan shik mai? Ai, we bi ween shurme tei muro!²²Pene wende piddaa ma ti ta shasshalau, birang man shiwo ma shookno Yamma. ween kpang ye ma ti we ti bi we tei shaano diya ma. Ye tei ta patto ma kerang po-ding. ²³Longku we bi shasshalawi muro, pene kunnguno Yammai kerang po-ding ti piree kan kiriti Yeesho Fo-minamu kama.

Chapter 7

¹Oo, ma molonno, kaa ye kama dingii me an pen shoro, ma ta pen wee ne ta tewani. Shoro ti ya kumen ti Ku niyo ta koddi ye niyoi maa kan dooni waani.²Dangan piri, maa paamun ye kan diyaa, shoro kpakaa tei ti mannaro ma shwijii maa kan dooni. Pene ma mannaro maa murooni, tei weyaa po kuuro ti kira shoro ye kpakkaa tei kan mannaro.³ Longkuuno te, tei maa diga manni niyoi dokro, ye ma mannaro maa kan dooni, tatewani ya tei an shomak. Pene ma shwijii maa murooni, tei yuwaaro po kuuro kaa ye shoro dau diyaa tekan. Ma tei maa digaro manni niyoi birang, tei an shomakum.⁴Longkuuno te, ma molonno, tenei temo ti kuuma. Murono kirirtiti ku biro sheewe liyaa man yooma kuma ta shoro, longku man ya ween kpang ti Yamma ti ta diya ma. ⁵Kaa ye koddi ye kama ti ku diya nyimmo lo-shik, shoroi in ti shuulo piire dalak mu kama. Dalak mu kama teere, tei in yiu ya shuran ti ta diimu kama, shuranmu kama ding in pattomu kama muro.⁶Pene wende duma kama weyaa pokuumu kama ti ta shoro, longku kama muraamu ti ta wee kpkakaa mu kama. Longkuuno te wende kama ti ku wau Yamma ti ta diyo yen fo ti ta shoomni. Kooro wawo ye kama yuwaa ti balilan shoro kookaro.⁷ Kamai ta tei wen wendei? shoroi shasshalau ya? Kulli, a kaa tem! kulli a doo ye ne po penon shasshalawum, in maa ti bi shorom. Ka shoro ye teka ya, "Moko yu dalak weeno mondokum," ai ne daa peno wee ti tewi yaa dalakum. ⁸ Pene longku kumen te, nang shasshalau in we koko po shuulo peen dalak ti ta aano. Longku maa gale kan shorom, shasshalau kaa kuma.⁹Milam ne kan dwei, nei peno shorom, pene bara ye ne penaa kumen, nang shasshalau inilloro kan dwei, nang nen murono. ¹⁰Kumen te ye nunngan shii wanna ka kerang, birang in yeerino muro.¹¹ Shasshalau weena koddiro, birang ti bi kumen in dokkono, birang in tukno. ¹² Longkuuno te, shoroi po kuuroi we po shor shiki, kumeni birangii we po shor shiki, dob-dob, yen kpang birang.¹³ Teerei, ta tewani ya shoro te, ye tei yen kpang, tei yeenano, muro ya? A kaa tem! Koo la-wiiu! Yeenano we tei shasshalau in yeeruno muro, longku in pen dangan pi shasshalau. Teerei, ti piree kan kumen te shasshalau in peru kudam ka kpakan po piirero. ¹⁴ Min penaa shoroi we shoom. Nei mo an nyimmo lo-shik, shook waani ti kira shasshalau.¹⁵ Nei peno wee ne ti yam. Longku wee ne leka nen yai, ne ti yai tem, birang wee ne kuraai, teerei wee ne ti ya. ¹⁶ Ma wee ne ti ya teerei maa wee nei lewo nen yam, ne kunnga nang shoroi ween kpang.¹⁷A ne po kuuno ye ti ya we tem, nang bara shasshalau te ye dii ta aano. ¹⁸ Ne penaa a doo ween kpang ye dii ta aanom, yei nyimmono she lo-shik. Longku ne kan nyimmo ya ween kpang, pene yaani kaa tei in yek piri ti kuuno.¹⁹Ne ti ya ween kpang ye ne leka yaanim, nang ne ti yai bara shek ye nei lewo nen yam. ²⁰ Wende ma nei ti yai wee nei lewo nen yam, tenei shuklaa a ne ye ti ya we tem, pene bara shasshalau ye dii ta aano ye ti ya. ²¹ Nang nen we, kulli, shigaro kpakan foki ye ma nei leka nen ya ween kpang, nang nen we shik shek nimmi kan ne.²²Longku ti ta aano, ti poshaarino shorono Yamma ti twaalono shaarino, ²³pene ti ku gul-ku gulno ne ti we kpakan fok dokro ye tei ti ya gei kan kpakan fok ye nyimmono sharaa. We te dakano ta tei ti kpakan fok shasshalau te ye tei dii ti ta ku gul-ku gulno.²⁴Dogii sheeno! Ne shiga we kunngo! Ta kauro nei nong ti ta lo-shik te ye ta warin nen kaara muroi? ²⁵ Ne pammaa Yamma longku shii kauraano ti piree kan Yeesho kiriti fo-minamu kama! Longkuuno te, ne po kuuno ne ti wawii showroom Yamma ka nyimmono, pene ka nyimmono she lo-shik, ne ti wawii shoro shasshalau.

Chapter 8

¹Longkuuno te, a doo manni kelmo muro wende ti ku me ti ta diyo po moli kan kiriti Yeeshom. ² Longku ti piree kan kiriti Yeesho, belan fok biro shoom te ye ti min kerang, tei foraano ti ta belan fok biro shasshalau kan muro.³Longku wee shoroi ta dum yaanim longku kenni bang nyimmo lo-shik, teerei wee Yamma yuwaa. Yamma nang in shuru dok Laani ti ta peen lo-shik sheemu kama, yei she shasshalau longku in shiwoni we der domi longku shasshalau ti ta lo-shik. ⁴ Yamma yuwaa tenei longku shuran diya dob ding yeshoroi teka ya mo yu, shinui in we kemoro ti piree kan kama, kama ye a nyimmo lo-shik ye kama ti yam, nang bara she shoom. ⁵Me an diya nyimmo lo-shik, shinui ti li nyimmojui ti ku we lo-shik, pene me an diya shoom ti li nyimmojui ti ku wee shoom leka.⁶Li nyimmo ti ku lo-shik, ti yeeru muro, pene li nyimmo ti ku shoom ti waru ka kerang kan kuttan shaari.⁷ Mo ding liyaa nyimmoni ti ku we lo-shik, nang shii shiganii an geino Yamma, longku a ti min gbe ti shorono Yammam, birang a ta dumanim. ⁸Me an diyo nyimmo lo-shik a doo koko ye shinui ta waa lo-shik kerangno Yammam.⁹Kaa ma, a diyo nyimmo lo-shik yema ti yam nang bara she shoom, ma shoomno yamma maa dii ti poshaari ma. Ding moi kan shoomno kiritim, shii a sheeno kiritim.¹⁰ Ma kiriti maa dii ti taama, kaa ye lo-shik ma ti ku koko muro longku shasshalau, shoomno Yamma in ti kpirin ka ma longku Yamma in yiu ma kaa me an diyo dob.¹¹Birang ma shoomno Yamma, ye shokraa Yeesho ti shakki kuma maa dii ti poshaari ma, oo, shi mo shokraa Yeesho ti shakki kumai ta min kerang tilo-shik ma yei an muro ti piree kan shoomni ye diiti poshaari ma.¹²Longkuuno te, ma molonno, kama kan wee yikka mu kama kaman ya, pene a peenno ye kama ta yuun diyo ye nyimmo lo-shik lekam.¹³ Longku maa nyimmo diyo lo-shik ye ma ti ya, ma ta muttani. pene maa ka kumen shoom yema tukan nyimmo ya shasshalau, ma tadee ma kan dwei.¹⁴Longku me shoomno Yamma ti shuulo shinui, shinui shibono Yamma.¹⁵ Longku shoomno Yamma ye mina ma a we wawom ye ma ta mee mai diyani kan shewom. Ongngoo, shoom tei we diyo shibono Yamma, birang ti piree kan shoom ye kama ti yoon Yamma, kaman ti tewi kama ya, "Abba! fowi!"¹⁶Shoomno Yamma po kuuni gale kan shoommu kama in ti pee bi ya kamai shibono Yamma.¹⁷ Kaa ye kamai shibono Yamma, kama shigamu me an sha po aa te. Kaa te, kamai me sha po aa kpangno Yamma birang kan me an jeere sha po aa te gale kan kiriti. Ma kama maa shuwaa shilibi ka shaayi kan kiriti, ta shokromu kama ka shaayi kan shii.¹⁸Ne kunnga, taa shilibmu kama ye wendei, a fooro shokrani ye ta shuklomu kama ti toomum. ¹⁹ Kpiyan we ding ta dalak kping, ta dang Yamma ka we shuklo shiboni.²⁰Longku liyaa wee kpiina, tei in kaano fooro angngo poshaariro, tenei a ti bi nyimmo wee kpiinai po kuurom, nang bara longku ye Yamma leka kaa te. Yuwaa we tei kan lishaari,²¹ ya kpiyan we po kuuro, tei ta tuulani ti ta wawo ye ti ommoro, tei birang ta we po kuuro te ye ta shokron, ye ta yaani ti shibono Yamma. ²²Kama penaa we foottu wende, kpiyan we ding, ti ku bina kaa ye paamun ti yaaron shilib maa ta pari.²³A ku jal wee kpiina te, te ku dokro ye ti ya binaim, ding kan kama. Kama ye kama fuwaa po we shoomno Yamma yei kunngu ye ka toom wee minnamu kama, kama ti ku ya bina ti ta kerangmu kama, kaman ti dang kwi ka dalak kping, longku Yamma in shiwanmun kama shiboni yen kulli, birang in formu kama ti ta lo-shikmu kama te. ²⁴ Longku ti ta lishaari te ye kauraa mu kama. pene ma kama ma fuwaa po we shik wee kama liyaan shaari ti kwi, nang tenei birang a lishaarim. Wo nongee ti lishaari ka wee fuwaa po weyanii? ²⁵ Pene ma kama maa ti lishaari ka wee tida kamai wam, neena kama ti dang kwi, kaman ti ker shaari.²⁶Kaa te ye shoom ti shaumu kama ti ta kenni bang. Kamai peno ye kama po fori fokum, pene shoom po kuuni, ti beng Yamma ti po shoomu kama kan bina-bina ye pa-paaro a ta dum shuklanim. ²⁷Birang Yamma, mo shii an we shik poshaari niyo, penaa nyimmo shoom, longku shoom ti ku ya bengo ti po me shakkaa ti ku nyimmono Yamma.²⁸Kama penaa ti shakki we ding, Yamma ti yai ween kpang, longku me ti leu shii, teerei, me yeena shinui ti ku nyimmoni.²⁹ Longku me Yamma fuwaa po shakko shinui yau, birang in wak shinui, mo shinui shar peen ado Laani, longku shiganila newe ti shakki ma molon gbe. ³⁰Longku me Yamma fuwaa po shakkani, shin me yeyaa. Me yeyaa, teerei shinui me shigan me ta yooju mei ta we kelnyom ti toomni, teerei shinui me shokraa.³¹Oo,kamai ta teu wen ti ku paaro tei? Ma Yamma maa ti daumu kama gunmu kama, wo nong ye foraa in ye kenne kan kamai? ³² Yamma nang a beelo mu kama ka Laanim, pene in min shii longkuumu kama ding, Oo, shi Yamma ye fuwaa po min mu kama Laani a ta min mu kama dogi wei ka poshaari dok maa?³³Wo nong ta waru ka ya gun me Yamma shakkaai? Ai, Yamma po kuuni ti shiwon shinui in yooju mei kan kelnyom ti toomni. ³⁴Wo nong ye fooraa min kelmo muro ti niyoi? Kiriti Yeesho mo muraa, nang ye in tewi, mo ye shokraa ti shakki kuma, mo birang deeni ti ku kira temmeno Yamma, teerei shii mo ti ku beng Yamma ti po shoomu kama.³⁵Wo nong, wende ta dum bwaaromu kama kan lewan ye kiriti ti ku yuumu kamai? Taa shilibi ya, kunne ya, kpiyam ya, kenni ya, shuwat nangii muro ya? ³⁶ Kaa ye ballan paaro Yamma teka ya, "Longkuuko ye min ta dang ku muro kpaaliyo ding, sharaamu kaa dinnyi ye ta waraa karani."³⁷Ai, ti ta we te ding, kama kooko mu ti foki in tewi ya kamai me an sha toom waani, tenei ti shikno la-moo ye leka mu kama. ³⁸longku ne penaa koo muro koo kerang, koo me an shuranno Yamma nangii shaabuk, koo nyimmo ye wende, nangii ye ti toom, koo kumen peeni-peeni,³⁹ koo joori ku-dang nangii kpurungtung ta jwal, koo manni wei dokro ti ta wee kpiina ding, shin ding foki dok, a fooro in bwaaro mu kama kan lewan ye Yamma ti yuumu kama ti piree kan kiriti Yeesho Fo-minamu kamam.

Chapter 9

¹Ne ti tewii yen kulli ti taano kiriti, ne ti yai shabam. Ti ta nyimmo poshaarino ne kan kumani ti bi jimro shoomno Yamma ti ku we te. ² Ne kan daklan ta aa kping, kan turmo ti poshaarino kpaaliya ding.³Daa ne po kuuno ye shaamaano, birang in bwaarono kan kiriti longku marku ma molonno, teerei memme po peenno. ⁴Shurme tei Ishereilaawa. Shinui me Yamma shigan shinui shiboni, in shuklon shik shokranni, in deewon ku ti shinui, in minin shubetno Muuja, in shukin koko wawo yen kpang, in minin peddi 5 Liyan gunju ti ma shii-ma shii te me penaa shinui kping. Kiriti birang, ti bi diyo lo-shikni, shii kan po-peenni. Shero mo Yamma, ye ti ya gub ti ku we ding, mo yiu kum piri fo ding. Mo yooro kaa te.⁶A ye ya nyimmono Yamma ti ku memmeni in yooro waanim. Longku a me ding liyaan gunjui Ishereila memmeno Yammam. ⁷ Birang a me ding ti ta po peenno Ibiraayimii shibono Yammam. Ti fo shoono teerei, Yamma in tewi ti Ibiraayim ya, "Ishaakoi niyo ye ti piree kan shi ye ta sha toom ka yoon shommoko."⁸Teerei, shiba ye ti patto shinui ti ta lo-shik, shinui a shibano Yammam, nang bara shiba ye ti we ka keman deewanku, shinui me ti ye yaa shiban kulli. ⁹ Longkuuno te, gee wee deewankui teka, "Ma koddi maa kennga ne ta meeru, nang Sharaatu ta patto la."¹⁰Ka manni temoi birang, shibano Rebeeka kan foju dok, tenei fomu kama ta Ishaako. ¹¹- ¹²Pene ye in tang waraa patto shiba romiji, Yamma teka ti Rebeeka ya pee, "Mongbai ta wau mon tobi." Tenei yuwaaro tidang shinui in tang waraa ya manni weiyen kpang, yei yen kpangum. Yamma teka kaa we tei longku in deero ya, mo ta shakani ta shak shii ti bi limmono Yamma pene a longku shurannim. ¹³ Kaa ye ballii ya, "Ne leka Yaakubu, nang nen kuraa Ishuwa,"¹⁴Oo, kamai ta teu wen? Yammai yu dob-dobum ya? Ongngoo! koo la-wiiu! ¹⁵ Kaa ye Yamma teka ti Muuja, "Ti mo ne ta shukin kpang, ne ta shukin kpang ti shii. Ti mo ne ta shukin kunngu, ne ta shukin kunngu ti shii,"¹⁶ Tenei a sheroi ti ku leu niyo yei dung doonim, nang bara kunnguno Yamma waani.¹⁷Kaa ye yaan ballano Yamma teka ti pirauna ya, "Ne liyaako ken shiwa gub longku nen shuklo kumenno ti piree kan ke, birang in kpaalo pi shommono ti ku-buk ding."¹⁸ Kaa te Yamma ti shuk kunnguni ti mo shii leka in shukin kunngoni, birang ti issho poshaarino mondok ye shii leka in issho poshaarinii.¹⁹Ti shakki ma ka mo ta dum teuno ya, "Oo, maa kaa we te, longku wen ye Yamma ti geemu kan kelnye we foottu wendei? Wo nong tadum kura kumani ka nyimmono Yammai?"²⁰ Pene kei nong, ai, la niyon ding, ye ke ta ya jiram kan Yammai? wee mondok diga ta dum tewani ti mo diganii ya, "Longku wen ke digano kaa tei ya?"²¹ Ai, mo an dig diye dokbo kan kumen ya shuran ka dokbo ye shii lekan. Shii tadum yashuran ka shiddan doo dokbo dok in digin manni diyei, longku shuran yen kpang, peddi birang a longku shuran yen kpangum.²²Shuranno Yamma kaa te. Ta dum shuk denni, birang ta dum shuk kumenni ti kudam. Pene ti shakki ker shaari kping kan kurmani kan me nennaa denni, me Yamma fuwaa po limma shikni ka we toddani.²³ Kaa te, ta kumani in shuk gbe shokranni time shii shuklaan kunngoni ti shinui, me shii limmaa shinui ka toom yau, longku shinui in we shokranni. ²⁴Tenei kama, kama me Yamma yeyaa, a ti shakki Yawudaawa waanim, pene kama mei ti shakki Yawudaawam.²⁵Kaa ye teka tita Alauno Hojaya ya, "shin mei memmenom ne ta tewani na shinui 'memmeno'. Birang memme buk ye nei lewo teim ne ta tewon ti tei na 'Lee ne leka'."²⁶ Birang, ti dob-dob piree ti tewon ti shinui ya, 'Mai memmenom' ti po teerei ta tewani ya shinui, 'shibano Yamma mo kan dwei.'²⁷Ti ku Ishereila, an-pigra Isheya shokraa eleni ya, "kaa ye gbe Ishereila kaa ar shwiyak fok paali, me shigaju digi ti shakkijui, teerei bara shinui me ta kaurani.²⁸ Longku Fo-mina ta kelmo ku-buk ding, a gale kan daklo koddim."²⁹ Kaa ye Isheya yuwa an-pigra milam ya, Modaa longku Fo-mina mo an kumen ding ye wesshaa mu kama po paamun, kama daa yuwaamu kaa we shoodom daa shigan mun kama kaa Gomoora."³⁰Oo, ka yee dumai? Ai, mei Yawudaawam, a li shi shikju ka we diya dobno Yammam, shinui weyaa. Diya dob ye shinui weyaai, peenno ye ti wei ka lishaari.³¹ Pene Ishereilaawa me liyaa shikju ka we gassho diya dobno Yamma ti jooro shoro, shinui a wam.³²Longku wen kaa tei? longku a ti do koko lishaari ye shinui gasshaanum, nang bara ti li shik kuuju. Nang shinui in tura shooju ka "shiila te ye ti li tura sho."³³ Kaa ye ballii ya, "Gee ne liyaa shiila ti Shiiyona, shiila ye ti li tura sho. Ta li memme gbe in shugna ta shinui. Pene maa mo kunnga kan shii a ta we duulan shigum."

Chapter 10

¹Ma molonno, wee ne leka ye yeka we ding kan for-fokno ti Yamma, Ishereilaawa in we marku. ²Ne jimraa ye ya shinui kan mwisshi wau Yamma, pene tenei a gale kan penani yen kullim.³ Kaa ye shinui a peno do koko ye Yamma ti liin memme in shiwaju mei kan kelnyom, birang shinui in ti li shikju ka we limma do koko shiwaju mei kan kelnyom ti toomno Yamma, nang tenei in li shinui a min kuuju ti do koko ye Yamma ti li memme in shiwaju mei kan kelnyom.⁴Longku kiriti, shii mo wanna ka wittan fok shoro, longku ding mo an kumani, in yooni moi kan kelnyom ti toomno Yamma.⁵ Muuja yuwaa balla ti ku we shiwa moi kan kelnyom ti bi yiu bi shoro. Ya, "Mo ding yikka bi shoro te, ta ya diyoi ti biiro."⁶Pene gee wee ballan paaro Yamma teka ti ku we diya moi kan kelnyom ti bi lishaari, "Moko tewo ti ta poshaariko ka, 'Ta ammo ku-dangii nong? (Ye in shaaru ka kiriti.) ⁷"Yei ke ken tewi ka,Ta shaaru we sha laddi ta gun ku-bukii nong?" (Ye in shokro kiriti ti shakkikuma.)⁸Yen kulli ballan paaro ti tewii ya, "paaro Yamma nimmi kan ke, tei ti ta fokko, kan birang ti poshaariko," paaro tei shuran lishaari ye min ti ku kaawiroi. ⁹Ke maa sheeraa ka fokko ka Yeeshoi Fo-mina, birang ken kumi ti poshaariko ka Yamma shokraa shii ti shakki me kuma, ta marko.¹⁰ Longku ka poshaari ye ti kumi in we diya moi kan kelnyom ti toomno Yamma, birang ka ku fok ye ti yuun jimro ka we we marku.¹¹Kaa ye ballan paaro Yamma teka ya, "Mo ding kunnga kan shii a ta we duulan shikum."¹² Longku a doo bwaaran ta Yawudaawa kan mei Yawudaawam. Fo-mina te dok, shii Fo-minano koo nong, shii mo ti min kpang gbe ti me ding ti war shikni ka kwiiju. ¹³Kaa ye ballan paaro Yamma tekan ya, Mo ding yuwaa yee ka shommoni, ta we marku."¹⁴Pene ka yee shinui ta ya yee ti mondok ye shinui kum kan shiim mi? Ka yee shinui ta kumani kan mo shinui nau yaaraanim mi? Ka yee shinui ta yaaraani ye maa a doo mo ta yuun kaawim mi? ¹⁵Ka yee birang me an kaawi ta ya kaawii ye shur shinuim mi? Kaa ye ballii ya, "Fooran me an waru ka kaawii ween kpang kping!"¹⁶Pene a Ishereilaawa ding ye kunnga kan shinnyi Yen Tomon tem. Kaa ye Isheya teka ya, "Gbaa Fo-mina, kunnga kan shuran mui nong?"¹⁷ Longkuuno te, ti kumii ti bi yaaran shurani, birang ti yaaro shurannii ti bi kaawi ti kuuno kiriti.¹⁸Pene ne ti ku ya telyo, "Yen kulli ya shinui yaarom ya?" Ai, shinui yaaraa. Longku ballan paaro Yamma teka ya, "Ele shuranju fuwaa ta piri ding, pa-paaroju waraa kpakan po ku-buk."¹⁹Ne ta ya manni telyoi, " kulli ya Ishereilaawa a jemlom ya?" Ka toom Muuja lignaa ya Yamma teka ya, "Ne ta lii ma man mwissho mei bukum, ti bi buk yei kan shenum ne ta lii ma man ya den."²⁰Nang birang Isheya in ya bang poshaari ye in tewi ya Yamma teka ya, mei gassho biinom, shinui me weyaano. Gee me shinuiyu telyo ye shin po waan ne num."²¹ Pene ti ku Ishereila, Yammabirang in tewi ya, "Ne wiilaa darang nen ti shou kirano ti memme mei ti murkum kan me an bang kumo."

Chapter 11

¹Oo, ne kan telyo, duma Yamma kuraa memmeni ya? Ongngoo! koo la wiiu! Ne po kuuno, nei niyo Ishereila, po peenno Ibiraayim, birang niyo po peenno Bilyaaminu.² Yamma a kura memmeni me shaka katoomum. Ma penaa yaan balla paaro Yamma wee teka ti kuuno Iliya, teerei ye shii Iliya waraa shikno Yamma ka kwiini ti ku Ishereila ya,³ "Fo-mina, shinui tukyaa me an-pigra ding, birang shinui in vu-vubro digyan po kungro we. Ne dokno ne tuulaa, birang shinui in ti gassho biino ka we tukno."⁴Yamma lignaai ka yaa? Lignaan ya, "Ne lattaa niyo ti kuuno shik-dok sho naa-parilau meiti juunna in wau yamma te ye shommoi Baalum."⁵ Kaa te, tenei in deero kaa te wende. Ka dogi diyan memme me Yamma shakkaa ti bi kunnguni.⁶Shakkani te ye Yamma yuwaai sheeraroi ti ku kunnguni, a ti bi shuran ye memmei yuwaam. Longku in maa kaa tem, kunngu a yooro kunngu yen kullim. ⁷Oo, nangii ka yee? Ai, Ishereilaawa shinui kaana we wee shinui ta gasshani. Me la-wiiu ye shakkaan ti shakkijui shinui weyaa, pene dogi in yooju me an bang ku.⁸ Kaa ye ballii ya, Yamma shigan shinui mei kan nyimmon kpangum kan mei ti penim. in minin ado ti shinui yei ti wem, kan kumo yei ti yaarram. Wende in shooro toom we foottu booi."⁹Birang Dauda in tewi ya, "Shero mo temroju yooro jiwa, wee tayeerin shuwat ti shinui. Shero mo li shinui in turo shooju in yeerin kelmo ti shinui.¹⁰ Shero mo adooju yooro dil ye shinui ta kaano weyani, birang gbe bala mo derin tira ti kuujui fo ding."¹¹Bambirino ti ku ya telyo, ye Ishereila turaa shooju, shinui in shugna a ta illani ta shinuim ya? A kaa tem! koo la-wiiu! Longku shasshalauju, marku in fooro shik mei Yawudaawam, longku in li Ishereilaawa in mwissho shinui.¹² Maa longku shasshalau ye shinui yuwaa ye wanna ka kpang ti me ti ku-buk, birang ma kaananju maa wanna ka kpang ti mei Yawudaawam, oo, kpang te ta yooroi ka yee ta koddi ye gbe Ishereilaawa meta waru shikno Yamma maa kenngai?¹³Wende, ne ti ya paaroi kaa ma ma mei Yawudaawam. Kaa ye nei an kaawino Yeesho ti mei Yawudaawam, ne ta ya la tabang-tabang ka shuraano te. ¹⁴ Yaani kaa te, neti ku for-fok nen dum li memmeno Ishereilawa in ya mwisshi, ye tenei maa ta liyani in marku peddi.¹⁵Ta koddi ye vinngan shinui, nang in au podang, in limma shakki ma Yamma kan ku-buk. Ta koddi ye ta yiwin shinui, a we kerang ti shakki me kumai ye we te ta warin maa?¹⁶ Maa waka jele nan dok we-ta-kele ar nii weshiinan fo, ka we minani ti Yamma, waka we-ta-kelei ding. Birang maa waka shoorin biro ti Yamma, dogi ku fugha biroi waka ding.¹⁷Oo, mo doklo peddi ku fugha biroi jeituni peenno ye shuraai, nang in shar manni fugha biro jeitun peenno ye ti doong, birang in dawin diyoo ti shinui. Nang ma mei Yawudaawam, ma kaa fugha biro jeitun ye ti ta shwee, mai me mayaa ma kan jimi te, tenei Yawudaawa, mei ti piree kan shinui ye ma ti waan kpangno Yamma. ¹⁸ Longkuuno te, mo ma yu tabang-tabangum ti kwi ye maa ma yeka mennyi ku fugha ye doklaai. Mam maa ta ya tabang-tabang, nang man nyimmina ye ya a jimi ye sherii ti kuumam, nang bara ma sherii ti ku jimi.¹⁹Pene ke ta dum tewani ka, "Ai, pettaa fughai longku in we koko po maino kan jimi." ²⁰Kaa tei kulli! pene longku kenni lishaari ye pettaa shinui in jimii, ke sheeko, ti bi lishaari ye ke kan koko ken sha toom ka diyani ti ku jimi. Longkuuno te, mo ko yu tabang-tabangum, kan ye ken ya kaa teere, yu shewo.²¹ Longku ma Yamma maa wessho ku fugha me yei dab po jimim, ke sheeko a ta wessho kom.²²Ti po te kama ta dum we dangan pi kunngu ye Yamma kan te, birang kan kpiiro. Shuklaa kpiironi ti me shuga, pene in shuklo kunnguni ti piree kan ke, teerei ye ke maa shuwaa toom ka diyani ti ta kunnguni. Ma ke maa shu-toom kaa tem, ke sheeko ta kaan ken tipo jimi.²³Ma Ishereila maa shu-toom ka kenni lishaarim, ta mai shinui kan po jimi, longku Yamma ta dum maan shinui po jimi. ²⁴Ma mei Yawudaawam, ma kaa biro jeitun peen she dong ye ka bi ye keena, in wari dawin diyaa kan peen jeitun ye shuraa. Tenei ye yuwaa a ti bi koko dau diyaa birom. Oo, kaa ye shin Ishereilaawai shinui kan peen biro jeitun ye shuraai, ta yooro we maj-maj kping ti piree kan Yamma in men maan fuga te ye keyaa ti shik biro te ye shii dab peenju.²⁵Ma molonno, nei lewo man dinaa ka kenni pen lattan we tem, longku yoo ma shiwa ma me an shokro ku. Bang ku yuwaaro ti shik peddi Ishereila ye gbe mei Yawudaawam, ye shinui ta ri shikno Yamma in kemi.²⁶Kaa te, ta marku Ishereila ding. Kaa ye ballii ya,"Mo an-marku tawaru ti Shiiyona. Ta kai bi kenni yiu bi Yamma ding ti ta po peenno Yaakubu. ²⁷ Tenei kuman deewanku paarono kan shinui, ta koddi ye ne ta sharin shasshalauju."²⁸Yawudaawa shigaju mean geino Yamma longku kura shinnyi Yen Tomon ye shinui yuwaa, tene birangii longku po sha toom ma. Pene ka longku shakan ma ye yuwaa, shinui memme ye Yamma leka. Tenei longku kpang shii ma-shiiju. ²⁹Longku bwaarino Yamma kan yeeni a wee Yamma ta paaro kwim.³⁰Milam mai mei Yawudaawam, mai me an bang kumo ti Yamma, pene wende ma weyaa kunnguno Yamma ti bi bang kumo Yawudaawa.³¹ Kaa te Yawudaawa birang shinui shigaju me an bang kumo ti Yamma wende. Tenei birang longku shinui in we kunngu ti bi kunngu te ye Yamma shuklaa ma. ³²Longku Yamma shigan memme ding kaa me an diyo tamina muruk longku bang kumo. Yuwaa kaa tei longku in shuk kunngu ti koo nong.³³Kulli, joori gbe penanno Yamma birang kan she penanni a doo wiilanim. Kelmo-kelmoni yeka bang yippo guni. Wee ti ya yeka bang penani!³⁴ Naka pen poshaarino Yammai nong? Naka shiwa an jeere deppo paaronii nong?³⁵Naka min we ti Yammai nong? Ye tayiwani gbare-do in maan piri ti shii?³⁶ Longku shii mo kpiina we ding, birang we te ding yuunai ti piree kan shi, birang longkuuni. Shero mo shokrani yooro ti Yamma po-ding. Mo yooro kaa te.

Chapter 12

¹Longkuuno te, ma molonno, ti bi kunngono Yamma te, ne ti ku beng ma ma min kuuma we kurani ye kan dwei, ye shaana, birang kan we lewani ti Yamma. Tenei koko ye ma ta yuun shuuran ti Yamma yen kulli.² Mo ma kumu nyimmo peen she ku-buk booi in shar nyimmo mam, pene ma kumu mo Yamma paaro ma kuuma, in paaroma ku poshaari ma kan nyimmoma. Kaa te ma ta dum penani ka wee nyimmono Yamma, teerei wee yen kpang, wee po lewani ti piree kan Yamma, birang kan wee ye kemani.³Ti bi kunngu te ye yuwaano, ne ti ku yaani ti koo nongma pekro na mo mondok shar kuuni kan gbai in kooro ti fok piree nennaa in yai. Kan ye kaa teere, koo nong mo jooro kpang ti ku ye shii ti geen kuuni,tenei, mo yiu gee kuuni dob-dob ye lewan lishaari ye Yamma minaan ti shii.⁴Kama kan ku gul gbe ti ta lo-shik dok, birang ku gul shurme ding kujal kan shuranju peeni-peeni. ⁵Kaa te, kama me memme gbe, kama shigamu lo-shik dok ti taano kiriti, koo nong mu kama birangii ku gulno molli ta shii.⁶Longkuuno te, nennaa kaman ya shuran ka bwaari te ye peeni-peeni dob-dob ye lewan kunngu ye Yamma yuwaamu kama. Ma kunngumu kama maa ya pigra, nang mo kama yu pigra dob-dob lewan lishaarimu kama.⁷ Ma kunngumu kama maa we ya shuran, shero mo kama yu shuran. Maa we shubet, kaman ya shubet.⁸ Maa we min bang vurum ti shaayi, shero mo kama yoomu me an min bang vurum. Birang ma kunngumu kama maa we teklo muru do ma molon, nang mo kama yu kaa tei ka poshaari dok. Maa we ya an toom, nang mo kama min nyimmomu kama kping ka ya an toom. Maa we kunngo, nang mo kama yu kaa te ka twaalan poshaari.⁹Ma wessho lewanma mo yooro yen kulli. Ma kuraa wee piirei, pene ma yiu wee yen kpang ka bang kping.¹⁰ Ma min kuuma ti shaayi peen she an moli. Birang ma li shik ma kping ka we min gba ti mondok ye yeka kuuma.¹¹Mo ma yooma me an daklanum, pene ma shar nyimmoma ti poshaari ma kping kan ya shuran ti Yamma.¹² Ma yu diya twaalan shaari ti poshaari ma, ma kero shaari ti ta taa shilib ma, birang ma yiu poshaari ma ti ta for-fokma.¹³ Ma yiu bwatto wee makan te kan memmeno Yamma me ti ku gasshani. Man ti yiu bino kira palau-palau.¹⁴Ma li kpang ti ku me ti kpiiroma. Ma liin kpang ti kuujui, mo ma shaamo shinuim. ¹⁵Ma yu beere ka Shaayi kan me ti ya beere, man yakwii ka shaayi kan me ti ku ya kwii.¹⁶ Ma diya bang kan shaayi. Mo ma shuklo diya shokro kum, pene ma shiwan kuuma me an jeere mei shar shinui ti po weenan dokum. Mo ma shar kuuma kaa ma yeka dogi memmei ka shenum.¹⁷Ma mondok maa yuwaa ma shek, mo ma maan ti shii ka shekum. Ma jooro longku man ya wee koo nong ta geyanii dob-dob. ¹⁸Ma yu wee ma po yaani, ye maa ta dum yooro, man diina bang kan koo nong.¹⁹Mo ma yooma me an ya po janum, ma molonno, ma wessho ti Yamma in yuuma po jan sheema ti ta denni. Longku ballii ya, "Mo Fo-mina ya, ya po janii weeno, ne ta ya po jani."²⁰ Ballan paaro Yamma birang teka ya, "Ma an geiko maa ta yaaro kpiyam, ken minin weshiina, Maa ti ku yaaro isshi fok, ken minin doo she. Yaani kaa te, ke ti galinii irip deet ti kuunii.²¹ Mo ma wessho shek in yek bangmam, kan ye kaa teere, mayeko bang shek ti bi ya weene yen kpang.

Chapter 13

¹Yikka ti gbare-do koo nong in min gbe ti me an toom an gub, longku a doo manni kumen an toomum, bara kan kumanno Yamma . Birang kumen me an gub ding ye kama kan shinu, liyaa shinui Yamma.² Longkuuno te, ding mo kuraani min gba ti me an toom an gub, kuraanii min gba ti wee Yamma liyaa. Me an yaani kaa tenei ta yeeru ti kuujui kelmo.³Longku me an gubii we shewo ti piree me ti yai wee dob-dob, nang bara me ti yai wee pirei. Ke leka ken bwaarra kan shewo kumen niyo mo an toom ya? Oo, nang yu wee dob-dob, shii po kuuni ta kum pirko,⁴ longku shii shookno Yamma yei yei longku shuran po kuuko. Pene ma ke maa mo an ya shek, nang ke ta ya shewo , longku a waani ye mo an toom ye yiwii kan agarumnim. Shii shookno Yamma, birang ti piree kan shi, denno Yamma ti yooro longku in kelmon mo an shek.⁵ Longkuuno te, yikka ti gbare-do man min gba ti me an toom an gub. A longku man yoppo denno Yamma waanim, pene longku nyimmoma in yooro a doo kelnyem.⁶Birang tenei ye liyaa ma man ti angngo kine buki, longku me an toom me an gubii me an shuranno Yamma, me ti shar koddiju ding longku shuran ya an toom.⁷ Ma anngoo wee koo nong ta yiwin bii ma. Maa kine buk kuuma ye nenna man angngina, nang man angngina, maa kine buk she sharima, nang man angngina. Ma shi mo fooraa man shi shii, birang man min gba ti mo fooraa minin gba ti shii.⁸Mo ma yiu weeno mondokum. Nang bara we te ye yikka ma ti gbare-do man ya, teerei, shuk lewan ti shaayi. Longku maa mo ti leu mondok, shii kennga shoro te.⁹ Pekro shurme, teerei, "ke ta ya shomakum, ke ta tuk niyom, ke ta ya jirim, ke ta ya dalakum," kan dogi pekroi ye ka we, shin ding weyaa kemoro ti ta paaro te ye teka ya, "Lewo koo nong kaa ye lekan kuuko."¹⁰ Ma kee ti leu mondok, ke ta nau yuun shek ti shiim. Longkuuno te, lewani, tei kem shoro.¹¹Oo, ma yu tene longku ma penaa peen koddi ye kama ti tai. Koddi yuwaa ye ma ta illani ti do shaklo, longku koddi ye ta marma kuuma, kama yuuna nimmi wende kan koddi ye milam kama foraan fokmu kama.¹² Bang yippa fuwaaro, ta piri nennga kpaaloro. Longkuuno te, shero kama wakyo shuran yei we ta dil, kaman shoppo shari geimu kama she aaro.¹³Shero kama yu diya yen kpang kaa ye nennaa diya me ti ta aaro, a gale kan sheyyo-sheyyo peeni-peeni kan kpisshanim, modaa nyimmo yuyya doon-doon kan sha tomon she kenni duulan shik, yei kaa nee kan mwisshi. ¹⁴ Kan ye in ya kaa teere, nang ma shar peen nyimmono Fo-mina Yeeshob kiriti, birang mo ma kumu kan nyimmo she lo-shik ye ta warin man piree po ya dalak-dalakrom.

Chapter 14

¹Ma yiu niyo ye tida lishaarinii yu bangum, pene mo ma gee shii kan kelye ye ma fokma kan sheeni maa dokum.² Lishaari no mondok ta kumin ti shii mo addo wee ding shii leka, pene niyo ye shii bang ti ta li shaarinim, nang shii ti shoonii bara we ta doongni.³Niyo ye ti shai ding peen wee shii leka mo wessho bek moi ti sha peen weshiina dingummi. Birang moi ti sha peen weshiina dingummi, mo wessho li kelnyo ti kuuni mo ti sha peen weshiina dingii, longku Yamma fuwaa po yiu shii .⁴ Kei nong ye ke ta li kelnyo ti ku shookno mondoki? Koo shooki yuwaa shuran yen kpang, koo yeka, ai, dogii sheeno Fo-minani. Gee nang ta sha toom, longku Fo-mina ta dum li shii in sha toom.⁵Mon dok ti gee manni darangi yeka peddi darangi. Ta geyanno mondok darang ding ku jal dob-dob. Koo nong mo wa kpang sheeni ti poshaarini. ⁶Ding mo ti gee manni darangi yeka kpang ti ku peddi darangi ti ya kaa tei ti shakki min gba ti Fo-mina. Ding mo ti sha peen weshiina ding ti ya kaa tei ti minii gba ti Fo-mina, longku ti pammina ti Yamma ka longku weshiina. Ding moi ti sha peen weshiina dingum shi sheeni ti ya kaa tei ti ta min gba ti Fo-mina, longku shi sheeni ti pammina ti Yamma.⁷Ti shakki mu kama, a longku po kuuni ye mondok diinum. Birang a longkuuni ye ti murim.⁸ Ma kama maa dii, kama dii ka longkuuno Fo-mina, birang maa muro ye kama ta yaani, kama ta muranii ka longkuuno Fo-mina, longkuuno te, koo kama kan dwei, koo kam muraamu, kamai weeno Fo-mina. ⁹Longku kiriti muraa birang in illani kan dwei longku in yooni Fo-mina me shinui kumai kan me kan dwei.¹⁰Ke sheeko, longku wen ken ti gee molko kan kelnyei? Ke sheeko birang, longku wen ken ti bek molkoi? Kama ding, kama ta sherani ti toomno Yamma yeshii mo an shiiromu kam .¹¹ Longku ballii ya, "Ne pammaa we ka kerangno, tei tewanno Fo-mina, po vurum ding ta tuumani ti toomno. Dak ding ta kpaalo piri ya nei Yamma."¹²Oo, koo nong ti shakkimu kama ta sheero pi peen diya ye shii yuwaa ti Yamma. ¹³Longkuuno te, kama daifo peen nyimmo te ye kama ti geen kelnye shaayi. Kan ye kaa teere, nang mo koo shar ti poshaarini ya shi ta shiwani we shuwat yei we li ya shasshalau ti mollim.¹⁴Ne penaa, ne birang kan penani ding ti taano Fo-mina Yeesho na a doo manni weshiinai ye tei kan doonum foki dok. Pene ma mondok maa sharaa ya manni wei kan doon, oo, ti piree kan shii wei kan doon.¹⁵ Ma kei ti daklo poshaarino molko longku weshiina ye ke ti sha, nang a nyimmon lewan ye ke ti shukim. Mo weshiina ye ke ti sha yooro koko ye po daklon ka molko ye kiriti muraa ka longkuuniim.¹⁶Mo ween dob-dob ti piree kan ke yooro we piirei kan ti peddii. ¹⁷Longku gubno Yamma a ti yai paaro shaani kan sheyanim, bara paaro diya kunngu, kuttan shaari, kan pe poshaari ti ta shoomno Yamma.¹⁸Birang ding mo ti wawi ti kiriti ti do koko te, shii mo ti twaalo shaarino Yamma, mo memme kunnga kan shii birang.¹⁹ Longkuino te, shero mo kama dum ya po bangmu kama longku kaman ya wee ta waru ka diya bang kan pee shik shaayi.²⁰Mo ma buuro shuranno Yammam ka longku sha weshiinam. Kulli peen weshiina ding a doo yeen doon ti taim, pene a ween kpangum ye peen weshiina ye maa ti sha in shiworo we shuwat ti mondok. ²¹Yeka kpang mo ko addo lom, koo ken she doo inaabi, koo ken ya dogi wei ding ye maa ta li molko in shugna.²²Shero mo wee ti poshaariko ti ku peen we te mo yooro ti shakkiko kan Yamma. Mo kan kpang ti kuunii mo poshaarini a minin kelnyo ti shiim, ti ku wee shi po kuuni sharaa yaa dob-dob. ²³Pene niyo ye kan bel poshaari ti ku wee ti sha, ti tollu ti kuunii kelmono Yamma ye maa shuwaa, longku nyimmo te ye ti yai a shereni ti ku lishaarim. Birang ding wee a shero ti ku lishaarim, teerei shasshalau.

Chapter 15

¹Wende kama me kan bang ti ta lishaarimu kama, nennaa kaman shar tira peddi mei kan bangum, longku kaman shau shinui ti ta kenni bangju. Birang mo kama wessho shuk nyimmo leu kui. ²Shero mo koo nong ti shakkimu kama, mo twaalo shaarino molli, longku sha toomni, birang kan kpirin ka lishaarinii.³Longku koo Kiriti maa a twaalo shaarinim, Kaa ye ballii ya, "Kuwak-kuwak me ti yuuko kuwak, shinui shiga ti kuuno." ⁴Longku wee ballaa ding milam ti ta Balilan paarono Yamma balilai longku in shupponmun kama, longku kaman yoomu kan lishaari ti piree kan kurmani kan pee-shik me Balilan paarono Yamma minaamu kama.⁵Shero mo Yamma shi mo an min kurmani kan pee-shik, mo warin man ye ma ta kumani kan shaayi ti ta koddi ye ma ti ku yiu bi temono Kiriti Yeesho. ⁶Yaani kaa te, ma ding ma ta yooma fok ma dok, kan nyimmoma dok birang, man ti min gba ti Yamma mo shii Fono Fo-minamu kama Yeesho kiriti. ⁷Ma yiu shaayi kira palau-palau kaa ye Kiriti yikkan man kira palau-palau, longku man li in min gba ti Yamma.⁸Longku ne ti ku teuma na, wee liyaa Kiriti in yooni mo an shuran ti Yawudaawa, tenei longku in shuk kulli keman paarono Yamma, birang in peni ka deewanku ye yuwaa ti shik ma shiimu kama, ⁹birang longku mei Yawudaawam in kum-pinno Yamma ka longku kunnguni. Kaa ye ballii ya, "Longkuuno te, ai Fo-mina, ne ta kum-pirko ti shakki memme mei Yawudaawam, kan nen ya vonak kum-piri ti shommoko."¹⁰Birang ballii ti ta paarono Yamma ya, "Gbaa ma mei Yawudaawam, ma yu beere kan memmeno Yamma." ¹¹Birang in tokko shaari ya, "Ma kum-pinno Fo-mina, ma mei Yawudaawam ding, shero mo memme ding kum-pirnii."¹²Birang Isheya in tewi ya, "Mondok ti ta po peenno Jesshe ta peru, ta illani in ya gub mei Yawudaawam; ti taanii mei Yawudaawam ta we lishaari."¹³Shero mo Yamma mo an waru ka lishaari mo min ma twaalan lishaari kping kan kuttan shaari ta koddi ye ma ti ku kumani kan shii. Yaani kaa te ma ta yooma kan keman li shaari ti piree kan shoomno Yamma¹⁴Ma molonno, ne po kuuno ne kunnga ti ku ye ya ma po kuuma, ma kemii ka kpang kan ma kemii ka penani kping, ye ma fooraa shuppon ma molon ma.¹⁵Pene ne ti ku baliloma babaj-babaj, ti ku wee ne yen dokkulang nen nyimmoma jiyeejui, Ne yuwaa tei longku kunngu te ye Yamma yuunano. ¹⁶ mo liyaano nen yoono mo an shuranno Kiriti Yeesho ti mei Yawudaawam. Ne ti ku ya shuran Ankpaa ti piree kan shuran kpaalo po shinnyi Yen Tomonno Yamma, longku mei Yawudaawam in yooju ding we kurani ye Yamma ta yiwani, Me shaanaa shinui ka shoomno Yamma.¹⁷Longkuuno te, ne ta dum ya tabang-tabang ti taano Kiriti Yeesho ka longku shuran ye ne ti ya ti Yamma. ¹⁸Ne ta ya bang vurum nen ya manni weim, nang bara wee Kiriti yuwaa ti piree kan ne. We tene, tei ye wanna ka mei Yawudaawam kan min gba ti Yamma, ti piree kan pa-paaro kan shuran-shuran, ¹⁹ti piree kan kumen temo kan we maam, shin dingii ti piree kan kumennno Yamma. Tenei ye we yinna ti Urshaliima ne kpomlaa buk we war Illirikum nen ti kpaalo po Shinnyi Yen Tomonno Kiriti, ye nen kem shuran te ding.²⁰Koo dimin, nyimmono nen ya kaawi Shinnyi Yen Tomon, ti piree ding a penon Kiritim, longku yo in yooro ya, ne ti ku ya diyei ti ku kel ye manni niyoi teraa. ²¹Kan ye kaa teerei, nang bara kaa ye ballaan ya, "Mei yuun paaro ti shinui ka longkuunim, shinui ta we shiknii, birang mei yaarom, shinui ta jemlani."²²Longkuuno te, tenei wee beelaano sho gbe nen waru shik ma.²³ Pene wende, ne fuwaa po fu shuranno ti po tene. Kaa ye wei kaa te sheniraa gbe ye ne leka waru shik ma longku nen kaa ma,²⁴Ne nyimma waraa kaa ma wende. Ne ti ku bengo, koddi ye ne ta koono war buk Ashbaaniya, ne ta yirino shik ma, kulang nen yuuma kaa. Ne ti ku bengo birang, ka bi ye ne shuwaa tomon diyani kan ma po koddi la-wiiu, ne ta shuun toom ka mereno we war won gale kan deewo-gun ma. ²⁵Wende ne ta war Urshaliima longku nen wanna ka shawo ti me an balla me ti po teere.²⁶Me an balla me ti Makidooniya kan me shinui ti Akaaya, shinui shuwaa tomon min kunngu longku shau me shinui kan kenni ti shakki me an balla me ti Urshaliima. ²⁷Shinui shuwaa tomon yaani kaa te, kaa ye kulli, tenei yuwaaro shari ti kuujui. Kaa ye mei Yawudaawam shinui weyaa po aa kpang shoom ti piree kan me Yawudaawa, shigero kaa jan ti piree shinu ye shinui ta yuun shuran ka kpangju she ku-buk, longku shinui in anngo wee poshaari Yawudaawa leka.²⁸Longkuuno te, ne maa fuwaa shuran te, ne penaa birang ye ya ne minaan shawo te ye minnan ti shinui ka longkuujui, ne ta yiu koko Ashbaaniya, birang nen wanna ka kaa koddi ye ne ta koo won. ²⁹Ne penaa ma nei wanna shik ma, ne ta warui ka keman kpangno Kiriti.³⁰Ma molonno, longkuuno Fo-mina mu kama Yeesho Kiriti kan birang ti bi lewan ye shoom ti mini, ne ta beng ma na, ma shauno ti ta dab-dabno ti piree kan fur-fok ti Yamma longkuuno.³¹Ma fur-fok, longku nen we shasshani ti kira mei an ballam, me ti ta kpakan po-buk Yawuudiya, birang longku shawoi ye ne ta minani ti Urshaliima in yooro we yiwani ti piree kan me an balla me ti po teere. ³²Yaani kaa te, maa lewannno Yamma, ne ta foottu shik ma ka beere-beere, birang nen we nesshani kan ma.³³Shero Yamma mo an waru ka kuttan shaari, mo yiu ma shik ma ding. Mo yooro kaa te.

Chapter 16

¹Ne ti ku pammo molamu ta Piibi, te ye ne jimraana tei kan nyimmo yen kpang. Birang tei an shuran me an balla me ti Kankiiriya. ²Ma yiu tei ti ta shommono Fo-mina kaa ye nennaa in yiwin mo an balla. Birang ma minin ti tei peen shawo ding ye tei gasshaa ti piree kan ma, longku te po kuuro shaka memme gbe gale kan ne sheeno.³Ma kaa ma Birishkila kan Akiila, me an jeere shuranno ti taano Kiriti Yeesho. ⁴Shinui birang minaa kerangju kaa we war mina muro ka longkuuno. A ku jallo ye ta pammo shinuim, kan me an balla ding mei Yawudaawam. ⁵Ma kakyo me an balla me galin ti minajui. Ma kaa Afaniitush an jeereno yen kulli, mo shii ye ka toom shigani an balla ti ku-buk Aashiya ding.⁶Ma kaa Maryamu, te ye taaka-shilib shuran ka longkuumu. ⁷Ma kaa Andaronikush kan Yuuniya, shin mei Yawudaawa kaa ne, me birang kpakkaa shinui ta mina muruk ka shaayi kan ne. Birang shinui me memme penaa kping ta mina Yamma, birang shinui beyaano kumani ti taano Kiriti. ⁸Ma kaa Ampiliyaatush, an jeereno yen kulli ti ta diya galeno Fo-mina.⁹Ma kaa Urbaanush an jeere shuranmu ti taano Kiriti, kan jeereno Shitaakish. ¹⁰Ma kaa Apalish mo kumanni ti taano Kiritii kulli. Ma kaa ta minano Arishtobuluj. ¹¹Ma kaa Iruutiya mo shii sheenii niyo Yawuudiya. Ma kaa me ti taano Fo-mina me ti ta minano Narkiishush.¹²Ma kaa Turayifiina kan Tirayifusha, shereb me ti ku ya shuranno Fo-mina. Ma kaa Paarish, an jeereno ye ne leka, ye tei taaka shilib shuran kping longkuuno Fo-mina. ¹³Ma kaa Rufush mo shii kulli peneni kping ti taano Fo-mina. Birang ma kaa nonnii, te ye sharaano ta tei kaa laaro. ¹⁴Ma kaa Ashinkiriitush kan Piligoona kan Harmish kan Paturoobash kan Harmash birang kan ma molon ding ye ka shaayi kan shinui.¹⁵Ma kaa Pilogogush kan Yuuliya kan Niriyush kan molani, kan Olimfash kan me an balla ding ye ka shaayi kan shinui. ¹⁶Ma kakyo shaayi ka taamo yen shaana. Memme an balla ding me ti ku yiu biino Yeesho ti ku kaa ma ding.¹⁷Ma molonno, ne ti ku bengma, na me an waru ka bwatto kan we-kulnya. Shinui ti ku ya kenne shubet ye ma yikka. Ma shiwan ta bi ti shinui! ¹⁸Longku peen niyo te a ti wawii Kiriti Fo-minamu kamam, nang bara ta aaju. Ti bi tomon-fokju kan kum-piri shaba, shinui ti dokko me an yaaroju. Me an yaaro shinui me nyimmojui we shiba.¹⁹Koo nong yaaraa ye ma ti min gba ti Shinnyi Yen Tomon te, tenei liyaano beere-beere longkuuma. Pene ne leka man yooma me kan shen ti ku we yen kpang, birang man shiwa ma mei kan kelnyem ti ku wee piirei. ²⁰Yamma mo an min kuttan shaari nang ta tabyo kuuno shuuro, birang in minma kumen ti kuunii, kpantidi. Kunnguno Fo-mina Yeesho mo deero kan ma.²¹Timotaawush, an jeere shuranno, ti ku kaa ma, Luushiyosh sheeni maa, kan Yaashon kan Shoshifaata, shin sheeju shinui Yawudaawa. ²²Ne Tartiyosh, mo an ballo alau te, ne ti kaa ma ti ta shommono Fo-mina.²³Gaayush, mo liyaano ti ta minani, birang mo an yiu memme an balla ding ti ta minani, ti ku kaa ma. Ersashtush mo an gal birma-buk, birang kan molmu Kwartush shinui ti ku kaa ma. ²⁴Shero mo kunnguno Fo-mina Yeesho Kiriti, mo deero kan ma ding. Mo yooro kaa te.²⁵Shero , ye shokrani yooro weeno Yamma, mo ye kan kumen sheewoma ti ta lishaari ti bi Shinnyi Yen Tomon te ye ne ti ku ya kaawinii ti kuuno Yeesho Kiriti. Shinnyi Yen Tomon tei lattan wee lattaa milam, ²⁶Pene ti wende, pennan kudam ti bi balilan we me an-pigra. Ti bi tewan weeno Yamma moi foki dok, birang in shuklo shii ti memme ding, longku shinui in kumi birang shinui in minin gba.²⁷Shero mo shokrani yooro weeno Yamma, mo shii shi doknii an shen, ti piree kan Yeesho Kiriti po-ding! Mo yooro kaa te.

1 Corinthians

Chapter 1

¹Bulus mo yeya shi mo yoni Shiraz no Yeesho Kiriti kankuman no Yamma, birang kanmolmu ta shashtanus ²We warshig me an yiu bino Yamma me ti Koranti, birang we war shik me yeya shinui ti tano Yeesho Kiriti gala ding kan me ti koo tong, piree ta furin for ti ta shommono Yeesho Kiriti Fo-mina mu kama, Fo-minaju kan sheemu kama ding. ³Kunngu kan kuttan shaari ti piree kan Yamma Fo-mina Yeesho kiriti mo dero gale kan ma.⁴Ne ta pammani ti Yamma kpaaliyo ding ka longkuuma,longku kunngu ye ma maa ti piree kan Kiriti Yeesho. ⁵Longku koo ka shire ye yuwaa ma birma ti tani, ti po ya paro ding kan penani.⁶ Longku kunngha kan jimromu ti kunno Yeesho tita aama.⁷Longkuno te mai kaano we peen kunngu sheemum,koddi ye mati ku ukko ado mann ti gee ku meeru birangne Fo-minamu kama Yeesho Kiriti.⁸ Birang ta pee ma shik ma we war wulani, lungku man yooma mei kan kelnyom darang ye Fo-mina Yeesho Kiriti ta merin. ⁹Yamma mo an kem deewanku, birang yenamai shii man ya diyo gale kan laani Yeesho kiriti Fo-minamu kama.¹⁰ ti ku beng ma ,ma molon, longku shommono Fo-mina Yeesho Kiriti na mo shero mo fokma yooro dok. Mo ma bwaaro ta mam, ma dee kan wee ma sharaa dok,birang kan tsimmoma dok.¹¹ Longku nang, ma molonno, me ti mina Kuluuwi shinui tegano ya mati ku bau shaayi¹²We ne nyimmai te, ko nong ti tewi, ''ne sheeno Bulus'' mun dok ''ne sheeno Appoloj,'' mun dok ma in tewi ''ne sheeno Keephas. mun dok ya ''ne sheeno Kiriti''. ¹³Oo bwara tano Kiriti pitto-pitto ya? Bulus mura ti ku biro sheni ka longkuma ya?nang yuwa ma yulma ka shommono Buluj ya?¹⁴Ne pamma yamma , nei yu yulma ti niye dok ti shakkimam,baraa maKirisbus kan Gayus.¹⁵ Kaa te a do mota dum tewani ya ti ta shommono ne yuwa ma yulmam. ¹⁶Ne nyimma birang ne yuwa yulma te meri minano Istipanus,pene ma shurmem, nei peno koo ne yuwa yulma ti manni niyoim.¹⁷Yeesho shunnanoi a longku yayulmam, nang bara nen ya shuran kawo paro yen toman, a galekan shatoomkanpenan weniyom, Longku yoo ne kano weshi kpang murono Yeesho tiku biro sheene¹⁸Longku shuran an marku kaa paaro waani ti me do koko shwall, pene ti piree kan kama, kama me maraa mu kumu kama, paaro markui kumenno Yamma. ¹⁹ Longku ballaa ya ''Ne ta daglo penen me shinui tinyimminayashinkan penani birang ne ta lugro ta shenma.Shunui ti nyimmina ya shi kan sheenni²⁰Oo mean penani tong? meti nyimmina yashinpena we dingii tong? Ka ye ti penanno yamma , memme kubuk teshuniui a peno Yamma tipiree kan penansheju penani. ²¹Kan ye kaa teeree, yamma in shaki marku meshunii kunngha kan shi ti bi kpaalo shinni yen tomon ye ti gena ya dil²²Yahudawa lega in we temo , Elenawa lega sheejui penani. ²³Min shemu min te yai kaawino Kiriti mo ti ku gbong biro sheene, we liyan gun shuwet ti Yahudawa, weee peddi mirang mei Yahudawam shunui in gena a dilum²⁴Pene shuranmu te, kiriti kumanno Yamma ti me yeya, ko shunui Yahudawa, ko a Yahudawam. ²⁵longku wee ti we shigi kaa ya Yamma yuwa dil,kogoni ti po shen niyo ding, we birangti nyimmina kaa Yamma ta dumanim, ding yega man niyo.²⁶ ge yeema, ma molon, gbe mai an shen ka ye niyo ti gena. Gbe mai kan bangjum. A do me an gup ti shakkima gbem. ²⁷Pene Yamma shaaga we memme ti nyimmina yaa dil longku in min dulan shik ti me kanshen kubukte.²⁸Yamma shara we illom, ko we beka ti ku buk. ko ye manni weim, in bubron we yaa yen kpang.²⁹ Yamma yuwa weiye longku yo niyo shogro kuni ti tommno Yamma.³⁰Yamma liyaa man yoma ka te ti tano Kiriti Yeesho, birang Yamma liya Kiriti in shiwoni penani ti piree kan kama. Shigeni kpangmu kama, shaana, kan marku.³¹ Longkuno te, kaa ye balli,''mo lega ya tabang, mo yu ti taano Fomina''.

Chapter 2

¹Koddi ye ne wannan jelema ta mamolonno, ne waru kan penan paro niyom hikima koddi yene kawan paro Yamma. ²Na lewo pen manni wei ti shakkimam bara Yeesho Kiriti, kan lowanni.³Ne kan ma ti shakki dulan vurum , kan shewo, ye gbaral-gbaral.⁴ Shuranno kan kawo parono ti ku ele penan shor nyimmom. Longku ye kan shuglo shoom kan kumen.⁵ Longku li kebe ma a ti ku shen niyom, pene ti shen no Yamma.⁶Wende min ta paro penang ti me negei, pene a shen kubuk tem, ko me an gup ye boi, me ta koju.⁷ Longku, min ti ya paro shen no Yamma ti ta latta kpang, lattan shen ye Yamma liyamu kama tun koddi won ka we shogranmu kama.⁸A don an gup koddi te ye penam,moda da pena, daa tug fomina shogranmu kamam. ⁹Pene ka ye balla, ''A do ado weyam, do kumo yaram, do poshari niyo nyimma we Yamma limmo ti me legani''.¹⁰Pene Yamma shuga mu kama we te ta shoom. longku shoom ti ge we ding, kama we pena zwallo Yamma. ¹¹ Pene nyimmo niyoi nong bara shoom niyo ye ti tanii? ka tei a do mo pena nyimmono Yammam bara niyo ye ti tanii.¹²Pene kamai yiu shoom ku bukgum pene shoomno Yamma.kulang kaman peni we ye minamu kama wani ta Yamma.¹³ Kama ti tewi we ka ele a shubet niyon dingkum pene shoomno Yamma in shiwo shi paro Yamma ti me ti me kan shoom no Yamma.¹⁴Niyo yegan shoomum a ti yiu we ye yuwa ro shoomno Yamma longku ye yuwaro dil ti pire kan shi. A ta penanim longku ye wei shoom.¹⁵ Niyo ye kan shoom ti pen we ding a do mo ta yiu shi kan kelmom. ''¹⁶ Ta pen nyimmono posheeri an Fowii nong, ye ta shugin kokoi?'' pene kama kan posheerino Kiriti.

Chapter 3

¹Ne ta ma molonno, ne yuma paro ka me kan shoomum, pene ka me kan logshig, ka ti nyitti shibo ti tano Kiriti. ²Ne minamai doh wiri, a gwangm, mai foro shani tidam; ko wendei mai forom.³Bambirma ti ta loshig. Don pirenee mucci kan kon ka we ti shakkima, ma ta yani diyo loshig maa, kuma ma ta yani mere ti paro niyo ma?. ⁴Longku ye mundok ma tega, '' Ne ti yiwi bino Paul,'' mundok ya ''Ne ti yiwi bino Apollos,'' mai niyo wani ma?. ⁵Apolloji nong? Pauli nong? shook ye ma kunngha kan shini, ye Fowi bwaran shuran ti shini⁶Ne tobba Apollojin minin doh, pene ta kpirin ka wei Yamma.⁷ Nang, ko shi an tobbani ko shi an min doi manni weim. Bara Yamma mo kpiron ka wei.⁸Kan no an tobbani, kan no an dediren dooi nyimmoju dok, many bars konong to yiwii we shik shuranni.⁹ Longku kamai me an Jere shuranno Yamma, mai doongno Yamma, diyeno Yamma.¹⁰Ti piree kan kunngo ye Yamma minaano, he teraa kel diyei kaa no pena diye, birang mondok in to yuun diye ti Kwi. Mo konong Leno we ta digin ti kwi.¹¹ Longku a do mo ta dum ter kel yen dogro ye yeka Lee ye fuwa teranii, teerei, Yeesho Kiriti.¹²Oo, ma mondok maa yuwaa diye ti Ku Teran kel te ka bela, yei laa bela, yei shiila men kpattirin, yei biro, yei shwee, yei jwijak,¹³ ta we shik shuranno koo mo an diye nong, ta peru kudam darang teree. Longku ka deet ta shuklo shuranno ko nong, birang deeti ta shuklon shuranno koo nong ye yuwa.¹⁴Shuranno konong ma shera, ta we we shik shuranni.¹⁵ Pene ma diyei ma kuraaro, mo an diyei ta we shuwet, pene ta we marku, kaa pennai ta nangshakki deet.¹⁶Duma mai peno mai minano Yamma , birang shoomno Yamma deeni ti taama maa?.¹⁷ Ding maa mo daklaa minano Yamma, Yamma ta daklo shi, longku minano Yammai yen shaana, birang mai minanii.¹⁸Mo mundok dokko kuunim. Ma mondok maa ti nyimmina ya shi kan shen wende, nang bara in shiwen kuuni kaa shii dili longku in yooni kan shenni. ¹⁹Longku shen kubuk tei dil ku ti piree kan Yamma, longku balli ya "shii ti yiu me an shen ti bi shenju". ²⁰Birang, Fo Mina penaa ya shen me an shenii waani.²¹Longkuno te ma wejo li shaarikan niyoi wei ding zwal weema, ²²Modai paul, ko Apolloj, ko Kebas, ko kubuk, ko kerang, ko muro, ko we ye wendei, ko ye ta waru.Wei ding zwal wema,²³ mai weeno Kiriti, Kiriti weeno Yamma.

Chapter 4

¹Ma kumu minui me an shuranno kiriti, me Yamma minaan jooro bi lattan kulli te. ²Ti kuuno te birang, yikka mei ti mal fo tomonum ti gbare-do in yoju me an kum fo temon.³Pene we tei kattan we ti piree kan ne man shiirono, yei man shiirono ti bi geyan she niyo. Ne ti shiiro kunom. ⁴Ne peno kergum ne kan manni kelnyom, pene ka tei a yoro ye yane kan kelmo foki dingum, koo la wiu. T a shiirone Fomma.⁵Longkuno te, mo ma mun kelmo ti mondok ye ti da koddi yum, ma dangu nang Fo-mina ma mena. Shii ta shuglo wee latti-lattii ti ta dil, birang in au ado nyimmo ye ti posheeri memme. Pene ko nong ta yiu weji shuranni ti piree kan Yamma.⁶Oo, ma molonno, ti ku paro ween shurme, ne temyaa ti kuno kan Apolloj longkuma, longku man shar shubet ti ku paro ye ya ''Ma wessho koon man ti fok we ballai.'' Longku yo manni niyoi in ya tabang-tabang ka mo an shubet sheni ti ku sheeno mondok.⁷ Tekai nong ya ko yeka peddi? Ke kan wen yei minkoi Yamma mi? Oo, in ma ka te, longku wen kenti shookro kuuko kaa ke weyaai kunngum mi?⁸Ma fuwa po ding we ma leka! ma fuwa shiwoma me an birmo!ma shigo ma ka me an gup, birang minee wenan dogum! moda madaa me an gup, nang mun da yuwa gup ka shaayi kan ma.⁹ Longku ta geyanno, Yamma shuklaa ti kudam ya mun me an kawee, minui me an gbattokrok ti ta we ding, ka me fuwaa karin kelmo muro ti shinee, longku mun shigemu wee ku-buk, kan me an shuranno Yamma, kan memme ye liyaan ado.¹⁰Min shigemu men dili longkuno Kiriti, pene mirang mai me an shen ti taano Kiriti! Minui kan bangum, pene ma kanbang ma!.Ti geema ma kan jirim, pene minui in ti minmu shilibi!. ¹¹Ba wentei mun ti yaro kpiyam kan isshi fok, minui ti shoopo lanna yen kpattirinum, inti yumu tuwa, minui kan minam.¹²Minun ti ya shuran ka shikmu. Maa kpaakamu, nang mini li kpang tikujui ka po shwei, maa minaamu shilibi nang munin shasshina.¹³ Ma memme ma jwakyamu domu,nang mini yun paro ti shuni ti ta kuttani sheeri. Min shigemu ka ku tubbo ku-buk we ko nong swalla.¹⁴Ne balla ma we te a shommo nen min ma dullan shigum. Nang bara longku nen yuma pegro longku mai shibo yene ga. ¹⁵Ko makan me an shubet ti taano Kiriti ye gbem, ma kan ma fowon gbem. Kulli ti taano Kiriti Yeesho, ne shigo po fowi ti piree kan ma, ti bi yeno wannama ka shinnyi yen Tomon.¹⁶ Longkuno te, ne ti bengma ma shar shubet ti fokno.¹⁷Longkuno te ne shura gunno Timatawus, ye shii lano yeno leka, mo an yiu posheerino ti tano Fo-mina. Birang shii ta lima man nyimmina ka ye ne ti yiwin bino Kiriti Yeesho, shubet yene ti yati ko tong ti peen memme an balla.¹⁸ Pene peddi ma nyimma yana ta waru shigmam, shunui in ti shokro kuju.¹⁹Pene ma Fo-mina ma kungha, ne ta waru shigma peep, birang ne ta gee peen kumen ye ma an shokroku teye kan te, a pa-paarojum. ²⁰Longku gubno Yamma a paaro ta fokum, nang bara ka kumen.²¹ Ma legai wen? ne war ma ka biro-biro ya, koo ne shukma lewan ti ta kerang ya?

Chapter 5

¹Mun yaraa ya ka me an nyimmo yuyyo doon ti shekki ma, peen no ye ti yam koo ti shekki mei peno Yammam, ar mondok maa shigon manna foni kaa mannani. ²Ma bang ta kumo! a nenno po sherima in dakilla ma?,man for mo yuwa we te ti shekkima.³Ka ye kamai ka shaayi ti ta loshikkum, kamaka shaayi ta shoom. Ne fuwa po kelmo niyo ye yuwa we te kaa neka ne.⁴ Maa koddi ye ma galaa ta shommono Fo-mina Yessho, shoomno ka shaayi kan ma, birang kan kumenno Fo-minamu kama Yeesho,⁵ ma min niyo teere ti shuuro longku daklo loshik shasshalawi kulang in kauro kerang nii ti ta darang no Fo-mina.⁶Tabang-Tabang mai wen kpangum. Mai peno ma la yisti la wiu ti ri ta we-ta-kele ding ma?. ⁷Ma for koro yisti longku ye man yoma yen fo. Longku Kiriti la galma idi telani, kara shii.⁸ Longkuno te, nang kama temremu kama, a ka yisti yen korom, yisti ali yen kan shek. Pene, kama yu temremu kama ka we-ta-kele ye a do yistim kan kulli.⁹Ne ballama ti ta wasikano ma wejo galku kan me an shoomaki.¹⁰ Ne ti tewi me an shoomak kubukgum, ko me folo, ko an dongkani, ko an gunul, longku ma ma ta galku kan shinim ma ta peroma ti kubuk.¹¹Wende ne ti po balloma ma wejo galku kan ma molon mo deni ta ya shoomak, ko an tari, ko an gunul, ko an kuwak, ko an shee men, ko an daglo we. Ma wejo sha we shina kan niyo terei. ¹²Ne ta tang li paro ti ku me ti pewai ka ya?. ¹³ Pene, ma ta li kelmo ti ku me ti ta mina wawo ma?. Pene Yamma ti li kelmo ti mo ti pewe. '' Ma for mo an daglo we ti shekki ma.''

Chapter 6

¹Ma mundok ma kan paro kan molli, ta wanni ta mina kon an dil ya, in wejo shibono Yamma?. Mai pene shibono Yamma ta sharanto kubuk a?. ²Ma peno shibono Yamma ta sharanto kubuk ma? ma ta sharanto kubuk maa ma, ma ta dum shiiro shekkima ti ku we ye la wiu ma?.³ Ma peno kama ta sharanto malaika ma? pene wen,wende, ma ta pen sharonto we wendei ma.⁴Mam ma kan peen yuuyyo gun shaayi te, longku wen ma ti warin shaayi toom me a wenan dogum ti piree kan me an ballam mi? ⁵Ne teka tei longku man yaro dullan shik, teerei, shukla a doo niyo dok ye kan shen ti shekki ma ye ta dum limmo shekki ma molon maa?.⁶ Pene an moli ti ya gunno molli, a ti toom an ballam!.⁷Ya gun shaayi ye ma ti yai, ai, tenei, yenge ti piree kan ma. Pene a yu kpang man wesshina in shuuma maa?.Birang man ker sheeri ma maa beela ma kapo aama maa?. Pene gee,⁸ ma po kuma manti sha shaayi, man ti biiro gunma ti ku weno mondok, ar ma molon ma ye ma ti yun.⁹Mai peno ma ya mei diyo dobum shunui a ta ri ta gubno Yamma maa?.Moma kum shabam,a do me an nyimmo doon, koo me an waw we-kuma-we, koo me an shomak, karuwa swiji, ko swiji me ti kuttina kan shaayi, ¹⁰koo me an jiri, koo me an koulou,koo me sheyyo we, koo me an kuwak, koo me an dokko, a do mo ti taaju ye ta ri ta gubno Yammam. ¹¹Milam peddi mai kaa we te, pene fuwaa po shaano ma, in minma ti Yamma, birang in shiwen man mei kan kelyom ti toomno Yamma ti ta shommono Fo-mina Yeesho Kiriti, birang kan shoomno Yammamu kama.¹²''kunghano piri ne ya koo wen,'' pene a we ding ye kan sha toomrom. '' kunghano piri ne yu wen'' pene ne ta shiwo shook koo wem. ¹³''Weshinai shoomo ta aa,ta aai longku weshina'' birang Yamma ta daklo shunui ding palowi. A yuuru shigi don doonum,bara, lo shikki weno Yamma, birang fomina ta min we ti loshik.¹⁴Yamma shokra Fo-mina ti ta duwo, kaa te ta shogromu kama ti bi kumenni. ¹⁵Duma mai peno lo-shik mai lo-shigno Kiriti ma? pene ne ta tang shar lo-shigno Kiriti nen medon shik karuwai ka ya? mo wejo yoroi.¹⁶Mai peno ya mo ding kutta kan pomun ye ti pibilla kan shikro, yuwoju lo-shik dok maa?. ka ye teka ya ''shin polowi ta yoju lo-shik dok''.¹⁷ Pene mo diyo gale kan Fo-mina shunui yuwoju dok ta shoom kan shi.¹⁸Ma yoppo nyimmo diyo doon ! peenshashalau ye niyo ta yaani ding, a tee lo-shikniim, pene mo doon ti dakillai shikni.¹⁹Duma maipeno ye ya shik mai mina yowono shoom yen shaana ye ti taa ma, ye shi wannaite piree kan Yamma maa?. Birang a ma ye ma kan kumen kuumam. ²⁰Pilla mai pili, in angngina. Longkuno te, ma wau Yamma ka shik ma.

Chapter 7

¹Oo,tiku we yema ballina, yuwa kpang mundok in deni a kan pomunum.² Pene longku yoppo nyimmo doon, mo ko nong yoni kan pomunni, birang ko pomun nong yoro kan swijiro.³shwiji in mini ti pomunni we diyo gassha, birang pomun in ya ke te ti shwijiro. ⁴Longku pomun a kan kumen ti ku shikrom, nang bara shwijii, kaa tei,shwijii sheeni a kan kumen ti ku shiknim, nang bara pomuni.⁵Mo ma belon shaayum, nang mam maa kunnga kaa te po koddi la-wiiu longku kem shik ma ti ta for-fok. Nang birang man meema bi yaani,longku yoo shuuro dokko ma ti piree kan kem sheeri. ⁶Tene ne ta min mai fok, a pekrom. ⁷Moda ko nong da ka ne, pene ko nong kan pen kunngu ye Yamma minan ti shii, mondok kan peenno leyye, mondok kan peenno lennyi.⁸Kaa she mei yu diyom, kan me shwijiju muroju, ne ti geena yeka kpang shinui daa diyiju a kan diyom kaa ye kaa ne. ⁹Pene mashinui maa ta dum ker sheerijum, neenna shinui inya diyo. longku yuwa kpang in ya diyi kan ye dalak ye ti min muro niyo.¹⁰Birang me yuwa diyoo,ne ta yu ma pegro, a nem, penei Fo-mina, ya, mo pomunwesho bwaarani kan shwijiroi. ¹¹Ma bwaaraa shii ta tei, mo wesho ya diyoi, nang bara tei in men limmino kan shwijirei, birang shwiji mo wessho fora kira ka pomunni¹²Birang ka longku peddi, ma yaarono, a Fo-minam, maa kan moli mo kan pomun yei an ballam, birang tei leka in deju ka shaayi, oo, mo shii wejo bwaarani kan tei.¹³ Birang ma ka pomun ye kan shwiji yei an ballam, shii kunnga shinui in dino ka shaayi, oo, mo tei wessho bwaarani kan shii.¹⁴ Ne teka kaa tei, longku shwiji ye kum kan Yeeshom, shoonooni to bi diyoni dok kan pomunni, birang kaa the ta pomun yei kum kan Yeeshom, shaanaro ti bi diyoni dok kan shwijiro. Kaa ka tem, shibo ma ta shiwoju me an doon, pene wende shinui me an shaana.¹⁵Ma moi an ballaim maa leka in bwaarra kan mo an ballai, oo, nang mo shinui bwaaro. Ta peen diyo te, an moli ko an molai yei an ballai, a do we yikka to gbaredo ti kuujum, longku Yamma yeenamu kamai we ya diyo kpang kan shaayi. ¹⁶Shi pomun, shi penaa dang shi ta Mauro shwijiji ya? Me shwiji, me penaa dang ke ta kauro pomungo ya?¹⁷Nang ti shekki peendiyo ding,koo nong mo yu diyo peenno ye Fo-mina leka mo yu. Pekro yene ta yaani ti me an balla ding.¹⁸ Mo yeya ding mo milam kara kuwoni, oo, me wessho gassho shiwoni moi kar kuwonim. ¹⁹Karan kuwo, yei kenni karan kuwo, a weenan dogum, pene murku ti Yamma kan shorono Yamma yeka we ding.²⁰Koo nong mo deeni ka milamyeyan shii.²¹ Ke ma shook ta koddi ye yeeyan ken, mo ko turmo kuukom. Ke maa ta dum we po kuukom. nang ken ya shuran ka koddi te. ²²Ding moshii shook, birang in ye shii ka we war shikno Fo-mina,birang shii a shookum,shii weno Fo-mina. Kaa te birang, shook ye Fo-mina minaan po ku ti shii,shigeni shookno Kiriti.²³ pillamai pili, nang in angngina, mo ma yo ma shook memmem.²⁴ Ma molonno, peen diyo ding ye niyo ye ti tai, koddi ye yeyaan shii, nang mo denin ka teerei gale kan Yamma.²⁵Ti ku shereb mei yu diyom, Fo-mina a minno pegrom, pene neti tewi ele sheeno ti ku ye ya ne ye kuunga kan shii, ti bi kuungono Fo-mina.²⁶ Ta geyanno niyo mo deni ka yekan shii longku yikka li gun ri ta taa shilib.²⁷Ke yuwadiyo ya?, mo ko tuk diyoim. tida ke ma yu diyoom, wessho ya diyoi. ²⁸Pene ke ma fuwa po ya diyo, a daglo wem, a shashalawum, birang ma ia geje maa yuwa diyoo, a shashalawum. Ding kaa tei, me yuwa diyoo ta taa shilibi ta shunui, longku diyo mina diyoo, birang ne leka ne beelo ma po yaani ka teere.²⁹Ma molonno, we ne nyimmaai, liyan koddi nenga wiloro. We yikka wende , me kan diyoo mo yoju kaa mei kan diyoom. ³⁰Me kan daklan ta aa mo yoju kaa mei ta aai daklanim, me beere mo yoju kaa me ta ya beerem, birang me an piplo shari mo yooju kaa me kan wem.³¹ Birang me an sha tomon shari ku buk mo wessho shiwon we tee shikju po-dingi, longku ku buk tei ta koroi kooi.³²Ne leka man dai po turmo, moi yu diyoom ti turmoni ka shuranno Fo-mina kping, ye po liyani Fo-mina in sha tomoni. ³³Pene ma mo kan diyoo ti turmonii ti ku we ku-buk, ye ta li mannani in sha tomonto.³⁴ Nyimmono bwaaraaro palau ,birang pomun yei kan diyoom, yei la geje, ti turmoroi ti ku shuranno Fo-mina kping, longku tei in yoro an shaana ti ta dii kan shoom. Pomun ye kan diyoo tei ti turmoroi ti ku we ku-buk, ye tei tali mannaro in sha tomonni³⁵Ne teka kaa tei longku sha toom ma, a longku nen pesshomam, nang bara longku diyo ma in ya kpang, longku man wau Fo-mina a gale kan manni weye ta belo mam.³⁶Pene ta tewani ya manni niyoi dewa ku ti manni la gejei ye fora diyo, in ti nyimmina ya shii ti we dob-dob ti piree kan tem, birang in ti ya dalak tei kping, kaa te nennaa in yooro, maa kaa te, oo, mo yu diyoo ta shunui, a kelnyom.³⁷ Pene niyo ye sherini kping ti ku dalak posherini, birang wei a yiu shii ti gbare-dom, birang shii ta dum ker sherini, ye birang ya ji ta dig teim,oo,ka tei tere dob-dobi.³⁸ Longkuno te ma mo digo la geje ye shii dewa ku kan tei, yuwa dob-dob. Birang shii mo dig teim yeka.³⁹Pomun, a ta bwaarani kan mannarom ma shii ma muronim, pene ma muroni, tei ta dum dig mo po sheerriro leka, peno paa mo yoni an yiu bino Fo-mina. ⁴⁰Pene ti ta geyan sheeno, tei ta dum sha tomonto ma tei maa diyoro kaa ye kan te. Ta geyanno ne shaara kuno ne kan shoomno Yamma.

Chapter 8

¹Oo,tiku paro weshina ye waran ku we-kuma-we,min penaa min kan penani. Penani ti waru kan shogro ku , pene lewani ti digii-digii. ²Mo ti gena ya ji pena we,oo, we foottu wende a peno wee nennaa shii in penim. ³Pene ding mo ti leu Yamma, Yamma pena kan shii⁴Ti ku paaro sha wesshina ye waaran ku we-kuma-we, min penaa yaa, ti ku buk te ding,yemman we-kuma-we a ti fok wenandogum, min pena Yamma dok, a doo mannim.⁵ kaa ye ya ka peddi me ti tewi ya (ka ''yamma'' kama ''fomina'')gbe, kan ye ka teerei, ti piree kan minu sheemu, Yamma dok.Fowi,mo we ding wannan ti piree kan shi, mo kama dii ka longkuni,⁶ birang Fo-mina dok, Yeesho Kiriti, mo ti piree kan shi ye we ding pennan, birang ti piree kan shii ye yunamu kama.⁷Pene a niyoo ding ye penawe tem, ka ye we foottu wende peddi me leereju ka wau we-kuma-we shunui ti li posheeri ya wesshina ye shinui ti shai we we-kuma-we. Shilip shinee in pen weene yen kpang kan weene ye dakluki. Longkuno te, nang shunui in turmuju.⁸Wesshina a ta warin mu kama nimmi kan Yammam, ma kama ma shum, a ta kuwo mu kamam, birang kama ma shuwa, a ta tokkomu sherimu kamam. ⁹Pene ma naa yoo po ku te shiworo wee lima ya shasshalau ti peddi mei bangum. ¹⁰Longku ma peddi ma weya shikko ke mo ke ti jemilla, ke ti ku sha wesshina ti powau we-kuma-we, duma tene a ta shoolo shunui sheeju in sha wesshina ye waran ku we-kuma-we, kaa shinui a kan bangum maa?¹¹Longku penan weeko te, ta yoro we li moli ta shuwot mo Kiriti muran ka longkunii. ¹²Ti bi ya kelnyo ti ma molon ma, teere ye ma ti yun kelnyo ti Kiriti, in ti li shinui turmo longku shinui a peno weene yen kpang kan yen daklukum. ¹³Longkuno te, ma sha wesshina maa ti li mollo in ya shasshalau, ne ta nau ado lom, longku yoo no li mollo in ya shasshalau.

Chapter 9

¹Ne po kuno maa? ne an shuranno Yessho maa? ne wa shikno Kiriti Fo-mina maa?mai shuran kirano ti taano Fo-mina maa? ²Ne maa an shuranno Yessho ti ko nongum, nei an shuranni ti shik ma longku mai teman jimro ya nei an shuranno Fo-mina.³Ti kuuno te ne tipo forin kuno ti toom me shinui leka yippo dakno. ⁴Duma minii kan kumen ye ta min mu shaani kan sheyani maa?.⁵ Minui kan po mere kan sheereb diyomu min an balla, kaa ye peddi me an kaawi, kan ma molonno Fo-mina, kan Kebas ti ya ta shunui maa?. ⁶Nangii bara minan Barnabas ye ta ya shurani ya?⁷Wo nong ta ya shuran an bee deet in ti kang kunii? wo nong ta shur dong inabi in kano sha shilii? wo nong ta ya tii we-ta-gun, in kano she do wirii?. ⁸Ne ti ku tewani kaa tei ti ku nyimmo niyo ya? Shoro a tewo ka te maa?.⁹Longku balla ti ta shoro Muja ya '' moko nummo ku fok tanga shirau ta koddi ye tei ti ku shuran dussho'' wo tanga waani ye Yamma ti jooro shinui ya?.¹⁰ A tom-tom longkumu kama ye ti ya paaroi ma? kulli, longkumu kama ye balla, longku nennaa mo an shirau kan mo an dussho in li posheeri ti ta wesshina doongii. ¹¹Ma min ma tobba peen she shoom ti po sheerima, oo, wo manni gbong wei ye min ma kasshaa wesshinama peen she ku-buk ya?.¹²Ma peddi ma kan koko po yaani kaa te, duma, minui yeko shinui koko kaa tem ya? mini yu shuran sha toom ka koko tem, pene min shassha ka we ding ka ye minin waru ka wee ta beelo shuran kawo paarono Kiriti.¹³ Duma mai pene me an shuran ti mina Yamma ti we weshinajui ti po teere maa?. Me an shuran ti ku po wawo birang, weshinaju ti peri ti ta we minan ding ta kira maa?. ¹⁴Kaa we te birang, Fo-mina yuwa pegro ya me an shuran kaawi mo shunui wa we-shinaju ta shommo kaawii.¹⁵Pene nei yu shuran ka koo dok ti shekkijum, birang ne ti ku ballo we te a longku in yuuno kaa we tem, nennaa nen murono kan yen beelono takam-takam ka we te. ¹⁶longku mana yuwa kaawi, a ta lino takam-takamum yikka ti gbare-do nen ya shurani, Ne riya tat mana yu shuran kaawiim!¹⁷Mana yuwa we te ka posheri dok, ne kan we shik shuranno. Pene mana yu ka lewan sherim, birang nekan shuran ye minano. ¹⁸Oo, we shik shurannoi shiree? we shik shurannoi mana ta ya kaawi nen ya kunngu, ne yippo gun we ta minani ti an kaawim.¹⁹Kaa yeno deno waani, ne shigono shook ti niyo ding, longku nen yeru peddi. ²⁰Ti Yaduwa ne shigono ka shunui, longku nenyeru shunui. Ti meri ta gun sharya nen shiwono ka shunui longku nen kparu. Ne yuwa we te birang ne po kuno ne ta gun sharyam.²¹Ti kume shunui a ta gun kumen shorom ,nang nen yoono ka moi ti ta gun shorom ne ti ta shoron Yamma po kuno, ti ta gun shorono Kiriti. Ne yuwa ka te longku nen kparu me shinui a ti ta gun shorom. ²²Ti piree kan me an keenni li shaari, nen yono ka an kenni li shaari.Ne shigono koo wen ti konong, longku koo yuwaroi ka yaa nen kparu peddi.²³ Ne ti ya we te ding shommo kaawo paaro, kulang nen we kpang.²⁴Duma, mai peno ma, ti po yoba,me an yobai ding ti li shikju ka wal shaayi, penei dok waani ye ti we kunngu maa? ma yu yoba man we kunnguii. ²⁵Shibo me an yereng ti leere shikju ti ta we ding, shinui ti ya kaa tei longku we we shik shuran ye ti dakloro. ²⁶Longkuno te, yobano a we waanim, gbollo-gbollono a pirit ye ne ti gbollinam. ²⁷Pene ne ti lero shikno nen shiwon shookno, longku Yamma a ta nyaaronom ka bi yene yuwa kaawi ti peddim.

Chapter 10

¹Ne lewo man kaano penanim, ma molonno, ya ma sheemu kama yuna mere ti gun shungu, shin ding yiru ta paali doo. ²Shin ding yuwan yulma ti ta yiu bino Muja ti ta shungu kan ta paali doo.³ Shin ding in sha wesshina shoom. ⁴Shin ding in she doo shoom.Longku shinee sheyaa ti shik shiila we shoom mo yinna bijui, shiila teerei Kiriti.⁵Pene Yamma shu tomon gbe peddijum, kumajui in legro ta piri. ⁶Wende we tene shigoro we temo,longku kamai ta leu piree we ka ye yuwa ta shinii.⁷Mo ma yoma an me an waw we-kuma-we kaye peddiju ti ya. Ka ye balla, '' memmei diyo ta shaani kan sheyani, in illo yereng''.⁸ Mo kama wejo ya doonii, ka ye peddiju yuwaii. Ta darang dok, niyo dubu naa-palau kan tat mutta longkwi⁹Ma wejo nau Kiriti, ka ye peddiju yuwaii ar kuret in tukyo peddijui. ¹⁰ Birang kama wejo ya nyitti,ka ye yuwaii ar in tugyo peddi ta Malaika muro.¹¹We ye weya shinii yuwaro we temo ti kama,ballai longku pegronmun kama kama me wilan kubuk mettamu kama. ¹²Longkuno te mo ti nyimmina yaji sheri ka shoi ken naanna wo ke shugno. ¹³A do nawo ye naka weemam yei nau nawin niyom. Yammai mo an yiu posheeri. a ta wesshani in nau ma ka wee yeka bang mam. Kan nawoi ta au ma koko perani, longku man shasshina.¹⁴Longkuno te, ka yene legan man, ma yoppo wau we-kuma-we. ¹⁵Ne ti kuya paaro ti mai longku ye ma kan nyimmo yen kpang, me gee ka shik ma man gee we ne ti tewi.¹⁶ La temme we yiu kpang ti ku dang, a bwatto yiu kpang ti ta doom no Kiriti maa? ¹⁷Ka ye we-ta-kele dok,kama ye kama gbe lo-shik dok. Kama ti sha we-ta-kela dok ka shaayi.¹⁸Gee shibo Ishereila. Duma me ti sha ti ta minan ding ta kira a me an shuran maa? ¹⁹Ne ta nyimmo wen ti po leei?. we ku-kuma-we dob-dob ya? ko wesshina ye mina ti ku kuma-we ya manni weim.²⁰Pene ne yuwa paaro we me ti dil ti tukii, ti tukk weiyei ti sheebuk a ti Yammam. Ne lewo man tau shik we sheebukkum! ²¹Ma ta shiyani ti ta la temmeno Fo-mina man she birang ta sheeno sheebukkum. Ma ta sha wesshina ti ku danglano Fo-mina man sha ti sheeno sheebukkum. ²²Ko kama ta li Fo-mina mucci ya? kama yeka shi bang ya?²³'' We ding kunnga mu kama piri,'' pene a we ding yen kpangum. ''We ding kunnga mu kama piri,'' pene a we ding ye ti dik memmem. ²⁴Mo konong wejo gassho wen kpang ti kuni waani, pene, gassho wen kpang ti molgo.²⁵Ma addo ding peen wene ti piplon ti po piplo loo, a doo telyom longku nyimmom. ²⁶Longku ye ''ku-bukki weno Fo-mina, kan we yeti taaro ding.'' ²⁷Maa moi an ballam yiyama shommo sha wesshina, ken kumi, shu ko wen ye liyako ti toomgo a doo telyom.²⁸Pene mondok ma teka ma ya, ''Tukka weiyei ti ku we-kuma-we,'' mo ma shum, longku mo an teu mai, kan nyimmo. ²⁹Ne ti tewi nyimmono monni a sheemam. Longku wen ye diyono ta rero ta shoro manni niyei?. ³⁰Ma nei shuwa we shinai ka twalan posheeri, pene ta kpano ti ku we yeno pammai ka yaa?³¹Pene, wee ma ta shaani ko shiyani, ko ma ta ding, ma yu ding shommo shogro shommono Yamma. ³²Mo ma li kelnyo ti ku Yahudawam ko me ti Grikkum, ko ti kalatau Yammam. ³³Ne liya kuno longku nen twalo sherrino konong ti ku ko wen. Ne gassho we sha toomnom, penei longku niyo ding. Ne yuwa we te longku in we markuju.

Chapter 11

¹Ma yu pen mereno, ka yeno ti ya sheeno Kiriti.² Ne ti kum piri ma longku ye ma ti nyimmina kan ne ti ta we ding, birang ma yiwii kan shubet te kping dob-dob ka ye no minamai.³ Pene ne leka man peni na Kiritii toomno konong, ka ye shwijii an toom pomun, Yammai an toomno Kiriti. ⁴Ko nong ma fora dulo kan kuni lummani yuwa bek ti an toomni.⁵Pene pomun ding ye fora dulo ye kau ta kurom meka an toomro. Po shaayi kan yen kul kuro ding.⁶ Pomun ma lummo kuurom, mo zwar shok kuro. Ma we shewo pomunin zwar kuro ko in kul kuro, mo lummo kuro.⁷Mon shwijii ta lummo kunim, longku shii teman kan jirimno Yamma. Pene pominii jirim shwiji.⁸ A limmiru shwiji ti ta pomunum. Pene limmino pomun ti ta shwiji.⁹Birang a yuuru shwiji longku pomunum, pene yuuna pomuni longku shwiji. ¹⁰Longkuno te pomunin dau we kumen ti ta kuro, longku an shuran.¹¹Ka ye ka tenei, ti tano Fo-mina, a bwaaro pomun kan shwijim, birang shwijii a bwaaro shii kan pomunum. ¹²kaa ye pomun penna ti shik shwiji, ka tei shwiji penna ti shik pomun. We ding wannai ti kirano Yamma.¹³Ma shiiro ti shakkima: yuwa kpang pomun in for dulo ti Yamma a lummo kuro maa?.¹⁴ Duma nyimmo a shuppoma ya shwiji maa wessha shok kuni a kulum, wo we duulo shik ti shii maa?.¹⁵ Duma a tewo yau ya pomun ma kan shok ti kuro yen joori, we shokran shikro maa? longku shokroi minani we lummo kuro. ¹⁶Ma mo leka ya jiram ti ku we te mini peno manni kuut minaim, ko ye kalatau Yamma penaam.¹⁷Ti ku paaro te nang ne kum pirimam . Longku galo ma a yen kpangum ye daklani. ¹⁸Ka toom, ne yaara ya mamaa galaa ti ta mina wawo Yamma, ka bwaattiyo ti tama, nen la kumi. ¹⁹Kulli in we bwattan ti shekki ma, longku in pen me an yiu posheeri ti shekki ma.²⁰Mamaa galaa, ma ti shai we-ta-kele nyimmo Fo-minam. ²¹Longku ti po sha wesshina, koo nong min nyimmoni ti ku sha wesshinani ar ma yuwa in wessho mondok kan kpiyam, mondok insha ar in bereni. ²²Ma kan mina piree ma po shani kan shiyani maa? Nang ma bekai me an yiu biino Yamma man ti waljo mei kan weju maa? ne ta teu mai wen? ne kum pirmaa? ne ta kum pirma ti ku we tem!²³Ne yinna ti kirano Fo-mina we ne minama, ya Fo-mina Yeesho, ka yippo ye mina shii, sharaa we-ta-kele. ²⁴Ka binee ye pamma ti Yamma, in beblo tai, in tewi ya '' tenei shikno, ye ne minna longkuma. ma yiu yani longku nyimmani kan ne''.²⁵Kaa tebirang ka bi jiibii, nang in shar la temme in tewi ya ''La temme tei deewan kun fo, we domno. Ma yu kaa te ding koddi ye ma ti ku sheyni, longku nyimmani kan ne''. ²⁶ Ka ye ding koddi ye ma ta shuun we-ta-kele, man ti she ti ta la temme te, ma ti ku kpalani fok murono Fo-mina, fooro koddi shiwonni.²⁷Longkuno te, mo ding shuwaa we-ta-kele te, kan she la temmeno Fo-mina ti ta kenni dob, yuwaa shasshalau ti shik kan domno Fo-mina.²⁸ Mo koo nong sheu kuni in wara sha we-ta-kele kan she la temmei. ²⁹Mo shuwa we-ta-kele in she la temme a gee shik merenim, ta sheyani kanshani kelmo ti kuni.³⁰ Tene ye gbejui a bangum, kan agin peddi ma muttoju.³¹Pene kama maa sheka ta meremu kama tida, a ta kelmomu kamam. ³²Maa ta yumu kama kelmoi Fo-mina, kama ti ku yiwanii newit longku yoo yuumu kama kelmo kan ku-buk³³Longkuno te, ma molonno, mamaa galaa longku sha wesshina, ma dang shaayi.³⁴ Ma ka mo kan kpiyam, mo shuru wesshina ti mina, yoo galoma yoro we yeru kelmo. Ti ku paaro ye kan dogi wei birang, ma na wanna ne ta min kumeni.

Chapter 12

¹Ti ku paaro ye kan bwoori shoom yen shaana, ne lewo man dema ta dilum. ²Ma penaa koddi ye tida mai me anballam, dokka ma man ri wawo we-kuma-we yei ti ya paarom, in ya toom ma ta koo wen ta shinee. ³Longkuno te, ne leka man peni ye ya, a doo mo shoomno yamma ti shigi ta dum tewani ya '' Yesshoi mo shaamaai'' Birang a doo mo ta dum tewani ya, ''Yesshoi Fo-minai,'' nang baramoshoom yen shaana ti shiknii.⁴Wende ka bwoori peeni-peeni, pene shoom dok.⁵ Ka dokkoko peeni-peeni ye po yun shuran, pene Fo-mina dok; ⁶ka shuran peeni-peeni pene Yamma dok ye ti min kumen yaani ding.⁷Yamma ti mini ti koo nong teman diyo shoom yen shaana, longku sha toomno ko nong. ⁸Mondok minan shoom paaro shen, ti mondok paaro penani ti ta shoom dok.⁹Mondok minaan sheeni bwaari li posheeri,mundok bwaari sheni tassho pira, ¹⁰mundok yuyyo we maam, birang timondok ya pigro, mundok ta pen bwatto ta shoom, mondok yapaaro ka dak peeni-peeni ,¹¹ Ding we te shuran shoom dok, ti bwattina ti koo nong ka ye leka.¹²Kaa ye lo-shik dok, kan kugul- kugul gbe shin ding lo-shik dok, wo ka tene ti piree kan Kiriti.¹³ Longku kama ding yuwaa mu kama yulma ti ta shoom dok we war ta lo-shik dok, yei Yahudawa nangii Giiriik, koo kei shook koo a shookm, liyaa kaman she ta shoom dok ding.¹⁴Lo-shik a we dok waanim, pene we gbe. ¹⁵Moda sho daa ta tewani ya, '' longku nei kiram, nang nei kugul lo-shikum tene ta belo tei in yooro kugul shikkum. ¹⁶Moda kumo ta teka, '' nei ar ado, nei ku gul lo-shikkum'' tene a ta belo shii in yoni ku gul shikum.¹⁷ Moda shik ding daa kujal kumo, daa tashiinani ka wen?.¹⁸Pene gee Yamma limmoo kugul ding ti shik kaa ye shi shakan. ¹⁹ Ma shin ding maa jele lo-shik dok, lo-shik ta yoroi shiree?²⁰ Pene wende gee ka kugul gul gbe, pene lo-shik dok.²¹A doo koko ye ado po tewani ti kira ya, '' A doo we taakano kan kem,'' nang yei ku in tewi ti sho ya, '' A doo we taakano kan mam.''²² Pene kugul ye ti geena ya shinui kan bangum,shinee me yeka peddi,²³ birang kugul shik ye ti geena ya shinee fooro peddi kpangum in ti tokko sheri kpangju.²⁴ Pene kugul mu kama me po gee shiki kpang a ta yuun weenan dokum. Pene Yamma limmo lo-shik, in shiwon kugul yei kpangum in yooro ye yeka peddi.²⁵Longku yoo kenni diyo gale deero ti shik lo-shik, nang bara kugul mo shinui jooro shaayi,jooro ye peeni dok.²⁶ Ma yendok kuguli ma sharaa pira, shin ding ta lalani; ²⁷Ma bera kuno ye dok, bera kujui shin ding. Mai lo-shikno Kiriti koo nongii kugul.²⁸Ti shekki an balla,Yamma minaa ti me an kpaalo po paaro po sheri yen dok, in mini ti an pigro posheeri an palau, an tat shinui an shubet,kan me anshuran maam, me an bwaari, me an tasshani, kan me an shawo, kan me an jooro shuran me an ya balla, kan me an ya paaro kadak peeni-peeni. ²⁹Wo shin dingii me an kpalo paaro ya? shin dingii an pigro ya? shin dingii an shubet ya? ko shin ding ti ya maam.³⁰Shin dingii an tassho pira ya? shinee ding me an ya paaro ka dak peeni-peeni ya? shinee me an au ado paaro ding ya?.³¹ Pene ma yu dalak bwaari yen gbe. Birang ne ta shukma koko ye yeka kpang.

Chapter 13

¹Koo ne yuwaa paaroi ka dak memme kan she me an shorono Yamma, pene mana kan lewanum, neshigono kaa vonglong ya kan ele gbe waani, yei bii ye kan ele gbe waani. ²Koo ne daa ti ya pigro, birang nen ti pen lattan we ding, birang ne kanpenani ding,birang konekan lisheeri kping, ar ye ne ta dum giyani ka sheela, pene ma ne kan lewanum, oo, nei wenan dogum. ³Koo ne ta dum min koo wen ye ne kan te, birang nen min shikno in kuri, oo, ma nei kan lewanum, ai ne kan sha toomum.⁴Lewan ti li ker sheeri kan kpang, lewan a ti mwisshim, a ti ya tabang-tabangum, yei kpir kum, ⁵yei shokro kum, yei kura joro ye peddi ta yaaron, yei leu ku, tei a lewo toddim, tei a ti yiu kelnye ti posheerim. ⁶Lewan a ti sha tomon ya shegum, pene ti shai tomon teu kulli.⁷ Lewan ti li ker sheeri ti ta we ding, kan lisheeri ti ta we ding, kan li posheeri ti ta we ding, kan kurmani ti ta we ding.⁸Lewan a ti fi fiim. Ma an pigro ta wiloju, dak peeni-peeni ta shegeju, penan ta fuworo. ⁹kulli, penanmu kama a kemanim, pigromu kama a kemanim. ¹⁰Koddi ye kemani ma wanna, nang moi kemanimmi ta wiiloni.¹¹Milam ye nei la, ne ti ya paaro ka we shibo, nen ti nyimmo ka we shibo, pene bara ye ne kpirono nang nen wessho nyimmo she shibo.¹² Longku wende kama ti we shik wei kpinni-kpinni, ta darangii kama ta we shiki ado kan ado. Wende penanno a kemenim, ta darang teere ne ta jemlani dob-dob kaa ye Yamma jemlaan nen.¹³ Oo, wende we shin tat diyooju po-ding: Lisheeri, liposheeri, kan lewan. Pene ye yeka gboi ti shakijui dingii lewan.

Chapter 14

¹Ma li shik maman gassho lewan, birang ma yu dalak bwoori-bwoori shoom yen shaana, teng-teng she ya pigro.² Longku mo an ya paaro dak peeni-peeni a ti yai ti niyom, ti ya paaroi ti Yamma, longku a doo mo ti pen wee shii ti tewim, longkuno wee ti sheennai we ye latti-latti ti piree kan kumenno shoom.³ Pene mo ti ya pigro ti ya paaro timemmei longku dig shinui, kan pee shikjui, kan kem sharijui.⁴ Mo anya paaro ka dak peeni-peeni ti digii kuuni, pene mo an ya pigro ti kpiri ka memme an balla.⁵Wende ne leka ma ding man ya paaro ka dak peeni-peeni, pene ye ne leka dingii man ya pigro. Mo ti ya pigro yeka mo an paaro ka dak peeni-peeni, nang bara ma mondok maa twaalaa do wee ta shuklani longku dig memme an balla. ⁶Pene wende, ma molonno, ma nei wanna nen ti ya paaro ka dak peeni-peeni, we sha toom wen ye ta yumai? nei yam, manaa yuma paaro pigrom, ko penani, ko shubet.⁷Ka we biyani ye ti ya elero, ka doro kan kpaa, ma eleju ma ti peru kpangum, mondok ta pen elei ka ya ko ta biyani shiree. ⁸Maa biya kpaai dob-dob ye po penanim, ta pen koddi geiyi nong?. ⁹Kaa te birang ti shik ma, mam maa yuwa paaro ka manni daki dokro yei penokwim, ta pen we ma tekai ka yee? ke ta yaani a do mo ta penanim.¹⁰Ka dak peeni-peeni ti kubuk, koo shire, kan wee ta shuklani. ¹¹Ma nei ti pen ku dakim, nang ne ta yoono bino ti mo an paaroi, mo an paaroi birang shigoni bino ti shigno.¹²Kaa te ti piree kan ma. Kaa ye ma ti dalak we kunngu shoom, nang ma li shik ma man min bang ma ka sha toom ti shik me ta dig memme an balla.¹³ Longkuno te, mo ding ta ya paaro ka manni daki, nang mo shii for dulo mo minni bwaari twaalo do paaro. ¹⁴Ma nei foraa fok ka manni daki, ti ku for-foki shoomno,pene nyimmono a waru ka sha toom weenan dokum.¹⁵Ne taya wen? ne ta for-fok ka shoomno, pene ne ta yaani ding kan nyimmono. Ne ta ya vonak shogro shommono Yamma ka shoomno, pene ne ta yaani ding kan nyimmono birang.¹⁶ Ma kaa we tem, shoomko ma shogra Yamma, mo ti pewe ta ligino ''amin'' dumai ka yaa ma peno we ke tekaim?¹⁷Kaa ye ke pamma ti Yamma kping, pene niyopenanni a tokko sharirom.¹⁸ Ne pamma Yamma ye ne ti ya paaro ka dak ye yeka sheema. ¹⁹Kama ye kaa te ding ti ta galo memme an balla, ne leka ne ta teka paaro shin fuwat ka nyimmo nen shuppon peddi, ka ye nen teu paaro kpumu ka manni daki.²⁰Ma molon, ma wessho ya nyimmo ka we shiboi, nang bara ti po ya shek ma yooma kaa shibo tokme, pene ma yooma kan nyimmo pen she men gbidino. ²¹Balli ti ta paarono Yamma ya, ''Ne ta ya paaro kan memme te ti piree kan memme me kan dak peeni-peeni, birang kan dii ku fok, kan ye kaa tei ding shinui a ta ke kumoju ti shikom, tenei tewanno Fo-mina''.²²Oo, duma, dakii temo ti piree kan me an balla, nang bara ti mei an ballam. Ya pigroi ti me an lisheeri, a longku mei ti lisheerim.²³ Longku te, ma memme an balla ma galaa, ko nong in ti ya paaro ka manni daki dogro, nang peddi mei peno wee ti ku yorom a ta tewani ya shanngau shadda kuuma maa?²⁴Pene maa koo nong maa ti ya pigro, manni moi an ballam, yei peno we ti ku yaanim maa rina nang paarono koo nong in sha ta dinii, ta dum gassho po for-fok. ²⁵Ta appuru we ye latti-lattii ti posheerini, yaa kaa te nang ta shuweni in wau Yamma, in ti tewi ya ''kulli Yamma ti ta diimu kama.''²⁶Oo ta yaani ka yee ma molonno? koddi ye ma galaa, mondok in ti ya vonak kum pinno Yamma, mondok in ti shoppina, mondok in ti ya paaro ka manni daki, mondok birangii twaalo do paaroi, nang bara mo yu we ding longku kpireni. ²⁷Maa ka me ta ya paaro ka manni daki nang, mo wessho yek niyo palauwi ko tat,shinui birang in yaka dok-dok, mondok in ti twaalo dwei.²⁸ Maa do an twaalo dweim, nang mo shin dingyoju yittiti ti shakki memme me an balla, mu paaroi zwal ti kuni kan Yamma.²⁹Mo niyo palau ko tat ye ti ya pigro yu paaro, peddin ti sheu ta we ti tewii. ³⁰Ma Yamma maa yuwaa sheeri ti mondok ye dii nimmi ,mo ka toom mo ta ya paaroi mo yoni yittiti.³¹Ma ding ma ta dum ya pigro ka dok-dok, ar koo nong in shar shubet, koo nong birang in we peyan shik. ³²Shoom-shoom ya pigro ti ta gun me an pigro. ³³Longku Yammamu kama a Yamma ye ti waru ka shal dom, pene shii mo an kuttan sheeri.Kaa we te ti ta mina wawo me an kpaalo po paaro ding.³⁴ Nennaa shereb in ya yititi ti ta mina wawo we an balla, longku a kumin po ya paaro ti shinuim, nang bara mo shinui yiu bi, kaa ye shubet ta fokno Muja tekan. ³⁵Maa ka manni wei ye shinui leka in peni, oo, mo tela ma shwijiju ti mina. Longku we dulan shik pomun in ya paaro ti shakki galan me an balla. ³⁶Paaro Yamma lina guni ti kumaa, ye ku jalma wani ye foora shik maa?³⁷Maa ka mondok ye ti nyimmina ya shii an pigro, ko bwaari ti ta shoom, oo, nang mo peno ya, wee ne ti balloma te kumenno Fo-mina. ³⁸Ma mondok maa kureeni joorani ka we te, shii sheeni ma wessho jooranii.³⁹Longkuno te, ma molonno, ma yiu dalak ya pigro, birang mo ma beelo po yuyyu paaro ka dak peeni-peenim. ⁴⁰Nang bara mo yu we ding kaa ye nennaan, ti ku kiraro.

Chapter 15

¹Wende, ma molon, ne ta nyimmoma ka shinni yen tomon ye ne sheeraama, ye ma yikka, birang man ti yiu bi. ²Ti piree kan shinni yen tomon te ye ma ti wa an-marku, mam maa yikka wee ne yuwaa ma kaawii bang mam maa yiwii ka po sheeri palawum.³Wee yeka kpang ye ne fottaan manii, ye neyinna, ya Kiriti muraa longku shasshalau mu kama, ka balilan paaro Yamma tekan.⁴ Ya nanaa shi, in shokro shii tu shaklo an tat, ka ye ballan paaro Yamma teka.⁵Kiriti shugna doni ti Kebas, kan me kpumu ge-palau; ⁶ka bi in shuk doni ti ma molon me yeka shig fuwat ta koddi dok, an kpangju ka shinu wende, pene peddiju yuwoju shaklo.⁷ Ka bi in shuk doni Yakubu, ka bi birang ti me an kaawi ding.⁸Ka bi wilani ding, in shukru doni ti ne, kaa niyo ye pattaa ta koddi ye nennom.⁹ Longku nei mon kattani ti shekki me an shar shuranno Yessho, nei foro maa in tewi ya nei mo an kpaalo po paarom, longku ne minaa shilibi ti memme me an yiu biino Yamma.¹⁰Pene longku kunnguno Yamma nen shiwono kaa ye ne kaa ne, birang kunngu ye yuwano a yooro we wanim. Ar ne yeka mo an shuranno Yeesho shuran ding, ka yei nem, kunnguno Yamma ye ti shikno. ¹¹Oo, moda nei, birang modaa shinui, kaa te ye kama shin ti yun kaawi, kaa te birang man kumi ka posheeri dok.¹²Oo, ma ti ku kaawi ilitno Kiriti ti ta duwo, ka ye peddi ti tewi ya do ilit ta duwommi? ¹³Ma a do ilit ti ta duwom, Kiriti ma a illo ti ta duwom.¹⁴ Ma Kiriti maa illo ti ta duwom, duma kaawimui we waani, li sheeri birangii we waani.¹⁵Nang yuwaaro kama yuwaa jimro shaba ti kuno Yamma. Longku kama jimraa Yamma kama shokra Kiriti, mo ye shokrom, moda da kulli daa ta shokro me murojum. ¹⁶Longku maa ta shokro me murojum, duma, Kiriti shenii a shokro shiim. ¹⁷Nang maa shokra Kiriti,duma, lisheeri mai we waani, we footu wendei bambirma ti shekki shasshalauma.¹⁸Me muttoju ti tano kiriti, shinee kokan shwal. ¹⁹ka lisheerimu kan kiriti longku tenei bara diyo, ai, mun daa yeka koo nong shiwe we kunngani²⁰Pene kulli shokra Kiriti ti ta duwo, tene shuklaa ta shokro me yuwoju shaklo. ²¹Kaa ye murowanna ti shik niyo dok, kaa we te illit ta duwo wanna ti shik niyo dok.²²Longku kaa ye ding ti muri ka longkuno Adamu, kaa we te ta shogro ding ka longkuno Kiriti.²³ Pene ta shokro ko nong ka dok-dok, Kiriti an toom ka bi birang peddi mei sheeni darang ye ta merin.²⁴Ka bi wilani in waru, koddi ye ta maan ti Yamma Fowi ka ya gub, ka bi ye kejiyame an ya gub ding, kan gub kan kumen ding.²⁵ Longku yikka ti gbare-do KIriti in ya gub, ye Yamma in li me an geini ti ta gun shooni. ²⁶An jeero gei wilanii ye ta kon shwalii muro²⁷Longku ''Yamma shigen wei ding ti ta gun gub ni'' pene kaa ye tekan, ''wei ding ti ta gun gubni'' ti kudam ya, mo minaan kumen ti ku we dingii, a ti ta gunnim.²⁸ Pene koddi ye meyan we ding ta gunni, nang lai shii sheni in yoni ta guno Yammamo shigen we ding ti ta gunni, longku Yamma in yoni we ding²⁹Maa kaa tem, memme tei ta ya wen, me yuwaa yulma, ka po sho kuma ya? maa ta shokro mei kummaim, longku wen in ti ya yulma ti memme ka po shojiu?. ³⁰Biraang ka longkuwen koddi ding kama ti shou kumu kama ti ta shilibii?.³¹Ne timuri kpaaliyo ding. Kulli ta ma molon, Ne yuwaa pammika takam-takam ma yeti tano Kiriti Yeesho Fo-minamu kama ding. ³²Manaa yuwa nee kan lo-ta-shwee ti ta shwee Afiisa, ti bi li sheeri niyo, we sha toomonoi wen ye maa shokro me murojum? '' nang kama yiu shaani kan sheyani, ka ye doi kama ta muromu.''³³Mo ma kumu in dokko mam: ''Diyeni kan me an shek ti daklo nyimmon kpang''. ³⁴Ma shiru shakki nyimmo yen kpang, ma dai fo shasshalau. Peddimaapeno Yammam. Ne teka tei longku man yaro dulan shik.³⁵Pene peddi ma ta ya telyo in tewi ta shinui ya, '' ta shokro me murojui ka yee, ka peen lo-shikno shire ye ta perini?. ³⁶Laandil! wee ke tobba a ta perum nang ma murorom.³⁷Wee ke tobbai birang a tei dob-dob ye ta perum, ar we waani,yei she shau ye manni peen ar wei dokro. ³⁸Pene Yamma ta minin lo-shik ka ye shaka, ko shire kan lo-shikro. ³⁹A lo-shik ding ye poshaayum, pene ka lo niyon ding, ka lo we ta gun, ka manni lo adewe, kan lo shirim.⁴⁰ me an lo-shik she peen kudang. pene geje lo-shik ye ti ku dang dogro ye ti kubuk dogro.⁴¹ Ka geje she darang, ka she tere, kan she arshal. Arshal dok dokro kan andok arshali ti ta geje.⁴²Kaa te ti ta ilit muro, wee tobba ta muroro, wee illai a ta muranim. ⁴³Tobba ti daklani in illoro ti gbe. tobba ti buukshik; in illoro kan bang shik. ⁴⁴Tobba ta lo-shik yen kulli, in illoro ka lo-shik shoom. Maa ka lo-shik yen kulli, kalo-shik shoom.⁴⁵Kaa ye balli ya ''Niyo ta Adamu shigeni yuwoni shoom kan doro''. Adamu ye ka bi shiwoni an min kerang shoom. ⁴⁶pene a waru ka toomi shoomum penei lo-shik, nang shoom ka bi.⁴⁷Niyo ye ka toom penna tibuk, yunai ka buk. Niyo an palawi pennai ti kudang. ⁴⁸Kaa ye yuwa shii ka kpeesshi,kaa me yuna ka kpeeshi, pene kaa ye mo yuna ti ku dang, Kaa me penna ti ku dang.⁴⁹ Kaa ye kamai jirimno ye patta ta kpeeshi, kama ta shar jirim niyo ye ti kudang.⁵⁰Pene ne teka na, molonno, lo-shik kan dom a ta ri kwadano Yammam. koo we ye ti dakloro in sher po sho wee a ti dakilam.⁵¹ Ma ge ne ta teuma we ye lattani-lattii: Kamai ta murani dingum, pene ta shiwo shigmu kama ding.⁵²Ta shiwomu shigmu kama ta la koddi la wiiu, ka kimjan ado, ka kpaa an bi. Ta biya kpaa, me muroju ta illani, ta shiwo shigmu kama.⁵³ Longku lo-shik ye ti dagloro ye ta shou yei ti dakillam, shig ye ti muri ta shou shig ye a ti murim.⁵⁴Pene lo-shik ye ti dakloro ma shoka yei ti dalkillam, lo-shik ye ti muri ma shoka yei ti murim, pene ta yoro kaa ye balla,⁵⁵ ''muro, delaji ti ta sha toom''. ''muro, fiikji sha toomji tong?. muro, fiikji tong?''⁵⁶Fiik muroi shasshalau, bang shasshalawi sharya. ⁵⁷Pene kama pammo Yamma, mo minamu kama sha toom ti tano Fo-mina Yeesho Kiriti.Longkuno te, ma molonno, ma shero bang ka shoi. Man ti ya shuranno Fo-mina, longku ye ma pena shuranma ti tano Kiriti a ta yoro waanim.

Chapter 16

¹Wende ti paaro min ding ta kira ti shaanan shibono Yamma: ka ye ne teka ma ti kalatau Galatiya, ma yuka tere. ²Ti ku dok darang mari, konong mu kama mo li koo wen ti po jele in lii wene ye ta shoro toom. Ma yu ka te a do galwe ne ma wannam.³Ne ma foonna, ne ta ballon we ti shinui we war Jaruselem kan wee ti kiraju. ⁴Ma yuwa kpang nen wanna, kama shinun kona ka shaii.⁵Pene ne ta waru jelema mana ta war Makidoniya. longku ne ta war Makidoniya. ⁶Kere nen dino ti jelema ka kudarang, longku man shau mereno, ding piree ne ta warani.⁷Na lewo we shig ma wendem nei ti ku koono waani. Ne leka nen we koddi longkuma, Fo-mina ma kunnga piri. ⁸Ne ta diyoni ti Afisa we war pentecost, ⁹ka po dang ye agano kan gboi, pene ka me an gei.¹⁰Timoti ma wanna, ma wejo minin shewoi, longku ta yaani shuranno Fo-mina, ka ye ne ti ya.¹¹ Mo ko nong wejo bek shii, ma shau shii in koonni bang, kulang in footu shigno. Longku ne ti po dangshii in waru ka ma molon. ¹²Pene paaro yekan molmu kama ta Apolloj, ne bennga shii mo waru jelema ka mamolon. A lewan sherinim ye wanna wendeim. Nang ta waru koddii ma yuwa.¹³Ma kimjo, man sheri bang ti ta liyan kebe, ma yu ka mai shwiji, ma shero bang. ¹⁴Mayu we dingkan lewan.¹⁵Ma pene me ta minano Stipenas, shinui me fora fok ka toom ti Akaya, longku mina kuju ta ya shuran ti me an shaanano Yamma. wende ne bengama ma molon,¹⁶ ma min kuma ti peen niyo te ti koo nong ye shoga kirani ta shuran kan kama.¹⁷Nebera ku waranma Stipanas, Fotinatus, kan Akaikus. Shedda fokma ta shinui. ¹⁸Longku ye twaala no posheerino kan sheema. Nang, ma yiu peen niyo ka te.¹⁹Kalatau ye ti Asia shurama kaa. Akila kan Priscila kaakama ti tano Fo-mina, kan kalatau ye ti minajui.²⁰ Ma molon ding kaaka ma. Ma kaa shaayi ka shoom tamo shai.²¹Ne, Buluj, balla we te ka kirano.²² Koo nong ma lewo Fo-minam, Mo shamo shii. Fo-mina, waru!.²³ Mo kunnguno Fo-mina Yeesho diyo ti kuma . ²⁴Lewanno mo yoro ti kuma ding ti tano Kiriti Yeesho.

2 Corinthians

Chapter 1

¹Ne Buluj, an kaawino Kiriti Yeesho ti bi kumanno Yamma, kan Timataawush molmu, we war shik me an ballano Yamma ti Koronto, kan me shaanano Yamma ding ti ta kpakan-fok buk Akaaya ding. ²Shero mo kunnguno Yamma mo deero ti kuuma kan kuttan-shaari ti piree kan Fowi Yamma kan Fo-mina Yeesho Kiriti.³Shero mo kama wau Yamma kan Fowino Fo-minano Yeesho Kiriti. Shii Fowi an kunngo kan Yamma an kem-shaari. ⁴Mo Yamma kemmu kama shaarimu kama ti ta taa shilibi, Kulang kama sheemu kama kaman kem shaari me ti ta koo peen taa shilibi. Kama ti kem shaari peddi ka peen kem shaari ye Yamma ti kemon sheemu kama.⁵Longku kaa ye taa shilibino Kiriti kpakkaai ka longkumu kama, kaa te ye kem-shaarimu kama kpakkaaro ti taano Kiriti. ⁶Pene ma Yamma maa ti minmu kama shilibi, tei ka longku kem-shaarima kan mar-kuuma; kan maa kenngamu shaarimu, tei ka longku kem-shaarima. Kem-shaarima ti ku ya shuran kpang ye mam maa ti ker-shaari gale ti ta taa shilibi ye min sheemu shuwaa. ⁷Li-shaarimu ti kuuma a ti ya gbob-gbobum, longku min penaa ye mam maa ti bwaaro taa-shilibi, birang ma ta bwaaro kem-shaarimu.⁸Longku minui lewo man diyo ma ti ta kenni penani ti ku peen taa shilibi ye min shuwaa ti ku-buk Aashiya, taa shilib teere yuwaaro gbe kping ye ar minui peno min ta diyoni kan dweim. ⁹Kulli, min yaaraa gun kelnyo muro ye yuwaa ti kuumu. Pene tenei yuwaaroi longku yoo kama li-poshaarimu kama kan dab-dab kuumu kama, pene bara ti kuuno Yamma, shi mo ti shokro me muttooju. ¹⁰Yamma kawinnamu kama ti ta piire muro te, kan shii ta kauromu kama. Kama liyaa li-shaarimu kama ti kuunii, kama ya shii ta kauromu kama.¹¹Shii ta ya we te ye mam maa shakamu ka fur-fok. Nang memme gbe ta pammani ti Yamma ka po-shoomu ka longku gba kunngu te ye ta minmu kama ti bi fur-fok memme gbe.¹²Wee ti liimu kama takam-takamii nyimmo poshaarimu kama ye tei ti teu mu kama ya kama yuwaa diyo shaana ti ku-buk ka poshaari ye dok, kaa ye dob-dob min diyoon kan ma. Ne ta tewani na min yuwaa ka tei ti ta kullino Yamma, a kaa shen ku-buk tem. ¹³Pene a longku weeno yen dok ye min ballaa ma wee ma ta dum maarani kan penani. Kan liyaa shaari kan teere. ¹⁴Kaa penaamu ti jeleno yen dok, ma ta warui penani kping ye ta diilo pirmu kaa ye min ti diilon pirma ti ta darangno Fo-mina Yeesho.¹⁵Longku ne penaa kaa we te, tenei ye ne leka nen waru shik maka toom, longku man we kpang sho palau. ¹⁶Ne nyimmaa yiwono shik ma ye ma nei ta war Makidooniya, birang nen leu yirino shik ma ye ma nei ta meerun ei Makidooniyai, longku nen weeru shawoma longku mereno ti ta kpakan-fok buk Yawuudiya.¹⁷Koddi ye ne ti ku nyimmo we te, ma ti geena maa nei penom ya? Ma ti geena maa ne yuwaa nyimmo tei ka nyimmo lo-shik longku nen tewi na, "Oo" birang nen meeru ka bi nen tewi na "Onngoo ya"? ¹⁸Pene kaa ye Yamma mo dob, kaa te, paaro ye min yuwaa ma, a she "Oo" kan she "Onngoom."¹⁹Longku Laano Yamma ta Yeesho Kiriti, mo ye ne kan Shilla, kan Timataawush yuwaa ma kaawinii, nang a doo mo mo an "Oo" kan "Onngoom," penei ti ta "Oo" koddi ding. ²⁰Longku ti piree kan shii ye Yamma kemraa deewankuuni ye yuuna. Tenei ye ti piree kan Yeesho Kiriti min ti ku tewani min ya, "Mo yooro kaa te" longku shokranno Yamma.²¹Yammai mo ti peemu kama bi, kan minu kan ma foki dok, we kerang ti taano Kiriti, birang shii mo shaka mu, in liimu kama teman pinni ye kamai sheeni, ²²birang shii in yuumu kama kunngu shoomni ti poshaarimu kama longku in peemu kama bi wee ta yaani ti toom.²³Yammai mo an jimro fokno ye ne maa ta yaani maa shaba ka longku ye na ma nei meyaa Koronto yoo ne tokko ma shaari taa shilibi. ²⁴A ye ya min leka shuklo ma kumen ti ku lishaari mam, onngoo, kamai me an jeere suran ka shaayi, longku man ya twaalan shaari, longkuuno ye ma sheroma bang ti ta li-shaari ma.

Chapter 2

¹Longkuuno te ne sharaa ti poshaarino, ne ta me shikma birang nen liima ti ta daklan poshaari birangum. ²Oo, ma nei liyaa ma daklan ta aa, ta li poshaarino in sha tomonii nong, ye maa mo ye ne liyaa shii ta aam mi?³Wee liyaano nen ballirima balla yennii, longku nei lewo nen waru nen we memme me nennaa in limmo twaalan shaari, shinui in daklo poshaarijum. ⁴Ne ballina ma ye ne ta taa shilibi kan daklan poshaari gbe, ar kan muru ti adoono kping, a longku nen liima daklan ta aam, nang bara longku man pen ye ne lekan man kping.⁵Ma mondok maa yuwaa we daklo ta aa, a yui ti nem, pene ti jelenan dok yuwaai ti ma ding. A ye ne ta tewani kaa te longku nen beelo ma po middo shikum. ⁶Nawit ye niyo shuwaa ye ti do koko te ti piree kan gbe ma, keraa kaa te. ⁷Birang wende, nang man fuddo shii, birang man pee shiknii, longku mo ma wessho shii yoo daklan ta aa in yekoro bangniim.⁸Longkuuno te, ne ta beng ma ma shukin ti shii maa ma leka shii. ⁹Ne ballina ma balla te longku nen nauma, nen geena koo shikma limmani ka we yiu bi paarono kpaaliya ding.¹⁰Ding mo ma fuddaan ti shii we ding, ne sheeno ne fuddaan ti shii. Wee ne fuddai, maa ka wee po fuddanii, nen fuddai longkuuma, longku kpangno Kiriti. ¹¹Longku yoo shuuro in we po dokkomu kama, longku min penaa shenni kping.¹²Bara ye ne wanna Turoowash longku nen ya kaawi paaro Shinnyi Yen Tomonno Kiriti, birang Fo-mina in minno koko po ya shuran ti po te. ¹³Pene nang nen turmono kping ye nei wa shikno mollo ta Tiitush ti po tem. Longkuuno te, nang nen min menne kan shinui, nen koono war Makidooniya.¹⁴Pene Pammani ti Yamma, shi ye ti jooro kuumu kama kpaaliya ding kama ti sha toom ti piree kan Kiriti. Ti ya shuranni ka kama longku kaman wanna ka shuranno Kiriti ti ku koo tong kaa turaali ye gijii yen tomon ye peeka. ¹⁵Longku kama kaa turaali ye gijii yen tomon ye Kiriti minaa ti Yamma, ye fuwaa shakki me maraa kwi kan me ti do koko yakrani.¹⁶longku kama kaa turaali ye gijii yen tomon ye Kiriti minna ti Yamma, ye fuwaa shakki me maraa kwi kan me ti do koko yakrani. Giji tei fula muro an waru ka muro, pene ti me shinui ti marku, giji tenei kerang ye ta waru ka kerang. A doo mo ta dum shar tira shuran tem. ¹⁷Longku minu tene minui kaa dogi memmeim, me ti ya kaawi paarono Yamma longku fiya aam. Pene kaa ye shunnamui Yamma, minu ti ku ya paaro yen kulli ti toomni, ti po sheremu min me an shuranno Kiriti.

Chapter 3

¹Tenei sheero kuumu birang min ta li gun yaani ya? Nangii gassho ballo jimro we war shik ma ye min ta gasshani, yei ti piree kan ma, kaa ye peddi shinui ti ya? ²Ai, ma po kuuma mai yaan balla ye minu kan te, ye ballaa ti poshaarimu longku koo nong in we shiki in maarra. ³Ma shuklaa maa mai yaan ballano Kiriti, ye tei we bi shuranmu. Yaan balla te a balloi ka ka doo ya ballam, pene ballaai ka Shoom Yen Shaanano Yamma mo kan kerang. A balloi ti ku kaalan shiilam, penei ti ku poshaari memme.⁴Min teka kaa tei longku min kan penani ti toomno Yamma ti piree kan Kiriti. ⁵Minui kan manni wei ye min ta shukani min ya ka penanmu ye min ti yuun shuran tem. Penanmu pennai ti shikno Yamma. ⁶Tenei ye Yamma shinnan mun me an shuran sheran ku paaro yen fo. Tenei sheran ku paaro a yaan ballam, penei she Shoom. Longku ballai ti tuk niyo, pene Shoom ti min kerang.⁷Ballaa Shubet ti ta fokno Muuja ti ku kaalan shiila, birang shokranno Yamma in peru ti ta koddi ye ti ku minin tei. Kaa ye maljo ye ti adoono Muujai ye ti ta kooro, eena kping ar memme Ishereila in kaano shetto gee adoonii. Ma shoro ye tei ti waru ka muro, maa wanna, tei ta shokroro kaa te. ⁸Oo, shokran peen she Shoom te ta yooroi ka yee?⁹Longku ma wee ti waru ka muro maa weyaa shokran, kulli wee ti yeeru we kunnguno Yamma yeka shokran tali kping. ¹⁰Yen kulli, shokran ye ta kooro ti deewanku a kan manni illoi wendem, ye maa tennga illoro kan she deewanku yen fo. ¹¹Ma we te maa kooro ye wanna ka shokran, ta yooro ye po-dingii ka yee?¹²Kaa ye min kan peen lishaari te, tenei ye min kan bang vurum kping. ¹³Minui kaa Muujam, mo nummaa adooni ka lanna kawom, longku yoo memme Ishereila shinui in we wiilan shokran yei an koo te.¹⁴Pene poshaarijui in isshoro. Longku we fottu booi ka wee ti beelo shinui we shik kulli te maa ti ku maaro sheran ku kooro paaro. Lanna kawo te ar wende a for teim, longku a ti dum for teim nang bara ti piree kan Kiriti shi dokni. ¹⁵Pene koo daa booi, maa ta maaro balilano Muuja, lanna kawo te maa yuwaa in nummo poshaarijui. ¹⁶Pene ma mondok maa shiga dooni ti shikno Fo-mina, ta wak we kawoi ti won.¹⁷Wende, Fo-mina shii shoom. Piree kan Shoomno Fo-mina ti po teere ka po ku. ¹⁸Wende min mei nummo adoomum mi, min ti shukii aaran shokranno Fo-mina kaa we gee ado, birang in ti paaromu kuumu minun yoomu kaa shii. Paaroku te ye ti yuumu tei ti tokko shaarino ti ta shokran ye penna ti piree kan Fo-mina, ye shii Shoom.

Chapter 4

¹Longkuuno te, kaa ye kama kan peen shuran te ti bi kunnguno Yamma, kamai ta bel poshaarimu kamam. ²A doo we taakamu kan dokko-dokko kan shanglani kan yuyyo shaba ka paarono Yammam. Pene min ti tewii kulli ti kudam. Kaa we te koo nong ta jimro fok kullimu ti poshaarini ti toomno Yamma.³Pene ma shinnyi te ye min ti ya kaawroi maa lattaa tei, oo lattaa tei ti me shinui ti do koon shwal. ⁴Me shinui a kum ti poshaarijum, longku mo an gub ku-buk te, liyaa poshaarijui in yooro dil. In beelo shinui we shik aaro ye ti aaro shikjui, aaro te ye ti peru ti ta Shinnyi Yen Tomon ti ku shokranno Kiriti, ye shii jirimno Yamma.⁵Longku minui a kaawi po kuumu ye min ti ku yaanim, nang bara weeno Yeesho Kiriti, ya shii Fo-mina, minui kaa shook ka longku shommono Yeesho. ⁶ Longku Yamma shii mo teka ya, "Shero mo aaro eeru ti ta dil." Shii mo liyaa aaroni in ti aarra ti poshaarimu, longku in ee ku memme, shinui in pen shokranno Yamma ti doono Kiriti.⁷Pene kan ye kaa teerei, kama me kama kan birma she shoom te, kama kaa digan diye dokbok waani. Kama yuwoomu kaa te, longku kaman shuki ya Yammai mo kan kumen ding, a kamam. ⁸Ti ku minmu shilibi ti peen koo koko shire, kan ye kaa tei, a dum liyani minun balamu ka ya shurannim. Manni koddii, poshaarimu ti ya marak, pene minui ti bel poshaarimum. ⁹In ti kuramu, kan ye kaa teerei, Yamma a wesshomum. Manni koddii ti min mu shilibi, kan ye kaa teerei, a toddomum. ¹⁰Kpaaliya ding min shanglii kan kumano Yeesho ti ta diimu, kama mei we muro.¹¹Shaklo mu kama ding ti ku-buk te, kama ti ta shalo yaaya muro longkuuno Yeesho, longku bara in we diyo kerangno Yeesho ti shikmu kama te yei she muro. ¹²Tenei ye muro ti toommu kama ka longkuumu man we kerang.¹³Balilan parono Yamma teka ya, "Ne kunnga, longku kaa te nen ya paaro." kaa ye min kan shoom lishaari peeni dok, kaa we te ye kunnga, longku kaa we te birang minin ti ya paaro. ¹⁴Longku min penaa ya Yamma mo shokraa Fo-mina Yeesho ti shakki me kuma, ta shokromu kama gale kan Yeesho, birang warinmin toomni gale kan ma. ¹⁵We te ding longku sha toom ma, koddi ye kunnguno Yamma ti ku fooro shik memme gbe, ta yooro we pammani ti Yamma, longku in shokro shii.¹⁶Longkuuno te minui for poshaarimum. Kaa shikmu te in ti dakloro, kan ye kaa tei ti ku shiwoan shoommu yen fo kpaaliya ding. ¹⁷Longku la taa shilibi te ye kama ti taani te a ta diyoni bakum, tei ta warinmun kama shokran yen gbe po-ding, ye twi kookaro ti po dangyo piri. ¹⁸Longku a wee ado ti we shiki ye min ti geenam, nang bara wee a ti we shikim. Longku wee ti we shiki, shinui ti daulo kooju, pene wee a ti we shikim mi a ti koonam.

Chapter 5

¹Longku min penaa ya maa buuraa tam te ye kama diin ti tai, yei shikmu kama she ku-buk te, Yamma ka shikni ta yuumu kama mina ti ku-dang. Mina te nang a dik tei niyom, birang ta deero po-ding. ²Wende nang, min ta kurmani ti po shaarimu, min ti ya dalaki kping minun we po diyo te ye ta nummon mun kuuma ti ku-dang. ³Maa nummaan mun kuumu ka tei, a ta wee mu gbanlangum.⁴Ta koddi yen dii ti ta shik she ku-buk te minun ti ya bina longku ti ku posshemu. A ye yaa min leka minun bwaarra kan shik she ku-buk tem, pene min leka in nummomu ka she ku-dang, longku wee kan kerang po-ding in nummo ku we te ye ti muroro foki dok. ⁵Yamma ka shikni ye limmaa mu kama paari te, birang in mimu kama shoomni longku in peemu kama bi wee ta yuumu kama ti toom.⁶Tenei ye kpaaliya ding min kan bang poshaari, birang min penaa ye ya ma min maa kan shik she ku-buk te, oo, min tali kan minamu ye gale kan Fo-mina.⁷ Longku min ti ku yaanii diyo lishaari, a ti bi wee min ti we shikii ka adom.⁸ Kulli, min kan bang poshaari, birang min lekaminun baana kan shik teminun deemu ka shaayi kan Fo-mina ti ku-dang.⁹Longkuuno te birang, min leka in sha tomonmu, ye minui ti mina, ye nang minui ti minam.¹⁰ Longku yikka ti gba-re do kama ding kaman sheri ti toomno Kiriti, longku shii in yuumu kama shiire. Longku koo nong ta yiu we shik shuran lo-shik ku-buk te, koo yen kpang, koo yei kpangum.¹¹Kaa ye kama penaa wee ta shuklani ye maa ta ya paaro shi Yamma, tenei ye min ti ku li shikmu ka we kparu peddii. Yamma penaa ye kan kama ding, birang ne ti for-fokma penaa te ti poshaari ma.¹² A ye ya min leka kum pirmu ti toom mam, nang bara mini leka minun pessho doomu minun teuma ween kpang ye ma ta sha tomonmu, longku man pen lignani ti me ti shokro kuuju longku po sheriju, ti fo sho nyimmoju.¹³Min ti ku tebro ta biro, kaa ye peddi teka ya? Moda min daa ta tebyanii ta biroi, min ti ku tebyanii longku shokro Yamma. Ma min maa ta yaanii shanngawum, tene nangii longkuuma. ¹⁴Maa wee min yuwaa ding, min yuwaai lewanno Kiriti ye ti jooro biimu. Kaa ye min kunnga Kiriti muraa longku memme ding, longkuuno te, shin ding muraa ka shaayi kan shii. ¹⁵Kan shii muraai ka longku memme ding, kulang me kan dwei, mo wessho ya diyo ye shinui leka yaani ti doojui ti toomi, nang bara mo shinui yu diyo longku mo muraa longkuuju, birang in shokro shii longkuuju.¹⁶Longku kaa te, ti toom kamai ta tokko shaari gee manni niyo ka peen gee she lo-shikum, kaa ye kulang min naka gee Kiriti kaa peen she lo-shik, wende minui ta tokko shaari geyani kaa teerem. ¹⁷Longkuuno kaa we te, ma mindok maa ti taano Kiriti, shigani kpiyan ween fo, kodiro we ding kookoju, geeru, wei ding yuwaaju yen fo.¹⁸We te ding wannai ti shikno Yamma, mo ye limmaa shakkimu kama kan shii ti piree kan Kiriti, birang in minmu kama shuran limma shakki memme kan Yamma. ¹⁹Shuranmu kamai te Yamma ti ku limma niyon ding kan shi ti piree kan Kiriti, birang shii a ti maaro shasshalauju ti kuujum. Yamma birang in minmu shuran jooro limma shakki memme kan shi.²⁰Longkuuno te, minui po shoono Kiriti, kaa bara Yamma ka shikni ye ti ya paaro ti piree kan minu. Ti ta shommono Kiriti, min ti ku bengma ma limma shakki ma kan Yamma man yooma me an jeereni, a me an gei kan shiim. ²¹Kiritii nau ya shasshalawum, pene longkuumu kama Yamma in shiwon shii kaa mo an shasshalau. Ka longkuuno te, ti taano Kiriti, kama ta dum yoomu me dob-dobno Yamma.

Chapter 6

¹Ti ta shuranmu kama gale kan Yamma, min ti ku bengma ma me weyaa kunnguno Yamma, mo ma wessho in yooro we waanim. ²Ma yaaro wee Yamma teka ya, "Ti ta koddi kunnguno ye yuwaa, kan ti ta darang marku nen shau ma. Ma yaaro, wende tei dob-dob koddi ye ma ta yiwin kunnguno Yamma. Booyii darang ye ma ta waan marku. ³Minui kumu mondok in weemu kan kelnye ti ta shuranmum. Longkuuno te minui ti li we kulnyo ti ku koko ti mondokum.⁴Kan ye kaa tene, wee min ta yaani ding, min ta yaanii longku minun shuki min ya minui me an shuranno Yamma. Min ti ku yaanii ka kurmani, kan bala kan taa shilibi,birang kan kero-kero. ⁵Yuwaamu tuwa, in nummomu ti ta mina muruk, birang in liyyomu pira ti shakki shabbi, min yuwaa shuran ye yeka bangmu, birang minun kaano we weshiina kan ya shaklo. ⁶Ti bi nyimmomu ye yen shaana, birang kan penan ye minu kan te, kan ker shaari gale kan yaani kpang, min shuklaa min ya minui me an shuranno Yamma ti piree kan Shoom Yen shaana, birang kan lewanmu yen kulli, ⁷ka shuranmu yen kulli, birang kan kumenno Yamma. Min kan kungu ye tei kaa we kira ye min ti yiwi ti kira temmemu kan kira jiyaumu.⁸In ti minmu gba, birang in ti min shilibi, in ti kum, pirmu, birang in ti kpakyomu. In ti shiwanmu kama me an shaba, ding kama ye kaa tenei, mini ti tewii yen kulli. ⁹Kaa pelle a pen mum, pens penaamu kping. Kaa minui ti ta fok muro, nang gee mini kan dwei. In ti min mu kelmo, pene a tukmu ta shinuim, ti ta turmo min ti we pe poshaari. ¹⁰Kaa ye minui kan wem, kan ye kaa teerei min liyaa memme gbe in yooju kan burma. Kaa minui kan weenan dokum, pene we dingii weemu.¹¹Ma me ti Koronto, minui latto ma we koo dokum, birang minui shuklaama min leka ma. ¹²Ai, a kura mai minum, wo mai ye mai aumu poshaari ma man kumi kan minum. ¹³Wende ne ti ku yuuma paaro kaa ye fowi ti yuun paaro ti shiboni, birang man shukmu maa ma lekamu.¹⁴Ma wessho ya diyo gale kan me ti ta dili. Niyo ye kan poshaari yen kpang ta dum diyani bang kan mo an-shek ya? Birang nang diyo gale ka we ti shakki ma aaro kan dil ya? ¹⁵Duma wo diyo gale wenee ti shakki ma Kiriti kan shuuroi? Nangii wenee ye kponnga shakki me an balla kan mei an ballammi? ¹⁶Wo wen ye kponnga shakki mina Yamma kan mina po wawo shuuroi? Kamaomina Yamma mo kan dwei. Kaa ye Yamma teka ya, "Ne ta deeno ka shaayi kan shinui, nen ti merko shakkijui. Birang ne ta yoono Yammaju, shinui birang ta yooju memmeno."¹⁷Longkuuno te, nang ma perin man ti shakki mei an ballam, kan man wak shik ma," tenna tei Fo-mina. "Mo ma tau shik wee yen doonum, kan ne ta kumani kan ma. ¹⁸Ne ta yoono Fowi ti piree kan ma, kan ma ta yooma shibano shwiji kan shereb," teka tei Fo-mina Mo an Kumen ding.

Chapter 7

¹Ma molon, deewaamu kama ku we tene ding. Longkuuno te, sheromo kama shutto kuumu kama ti kira wee ta li shikmu kama kan poshaarimu kama kan keman shaana ti ta diyo ti taano Yamma.²Ma shika ma lekamu. Ai, minui yu kelnye ti mondokum, birang minui daklo we ti niyo, yei nangii sha weeno mondok ka jirim. ³A ye ya ne ta liima kelnye ti kuuma ye ne teka kaa we tem, kaa ye ne fuwaa po teuma, a doo wee ta dum bwaaroma kan lewannum, yei muro, yei kan dwei. ⁴Ne kunnga kan ma kping, birang nen ti ya takam-takam kan ma. Poshaarino kan peyan shik kping. Ding kan taa shilibi ye min ti ku taani, ne bambiri kemii kan twaalan-shaari.⁵Modaa koddi ye min wanna Makidooniyai, minui wa nesshom. Piree min shigan shikmu ding gee nyiiti, min maa peraa peewe, gee ka yollo toddi, birang shewo beraaro poshaarimu. ⁶Pene Yamma mo ti pee-shik, mo fooraa li poshaari, in peemu shikmu ka waranno Tiitush. ⁷A longku waranni waani ye min yuwaa beerem, pene sheer ye shii sheeraamu kaa ye ma peekani shik. Teka mu birang ye ma leka we shikno kping, birang kan ye ya ta aama daklaan nen ti ku wee ne ye yuwaaro, kan li shik ma ka we dauno gunno. Tenei ye liyaano nen sha tomoni kping.⁸Koo yaan ballano. Milam ta aano daklaaro, longku ne geeka yaan ballai daklaama poshaarima, kaa yei bara po koddi la-wiiu waani. ⁹Wende ne yuwaa beere, kaa ye nei shu tomon ye daklaama ta aamam, pene longku daklan ta aama liyaa man fur-fokma man paaro ku mere ma. Daklan ta aamai yaanno Yamma, longkuuno te, minui yuuma kelnyo ti ku wee min yuwaan. ¹⁰Longku daklan ta aai kumenno Yamma, yaani kaa te ta we kerang. Birang a doo "Modaa ne, daa penaa " ti taim. Pene daklan ta aa ye niyo tolla, ti waan kara muro.¹¹Ma gee man we wee daklan ta aa te ye Yamma liyaa ti poshaari ma ye tolla ma. Liyaa ma man li poshaari, birang man dung-doo ma. Liyaa ma man kekmo shik ma man we minaa kelmo ye nennaa. Ti ku ye kan we te duma, kulli ti peen koko ding ma shuklaa maa ma kan kelnyom. ¹²Koddi ye ne yuuna ma balla yenni, nei maaro niyo mo yuwaa kelnyom, yei niyo ye yuwaan kelnyo ti shiim. Kan ye kaa teere, ne ballina longku nen shuklo ma ti kudam na Yamma penaa ma kunnga kan minu kping.¹³Nang tenei ye min weyaa peyan ti poshaarimui. A kujal peyan shik poshaarimuim, ar kan wende min tokkaa shaari beere kping ka longku peen twaalan shaari ye Tiitush ti tai, longku ma ding ma shaka shii ti ta pee-shik ye shii weyaa. ¹⁴Longku koo ne tekan ti shii na ne ti ku ya takam-takam ka ma, nei yaaro duulan-shikum. Kaa wee ding min teka mai yen kulli, kaa we te takam-takam mu ti kuuma shigaro yen kulli ti adoono Tiitush.¹⁵Lewan ye ti Tiitush ti yuuma in ti tokko shaarii kping koddi ye shii nyimmaa kan mar-kuuma ding, birang kan peen gbe min gba ye ma shuklaan ti shii koddi ye ma yinnan shii. ¹⁶Ne ti ku beere wende longku ne liyaa shaari kan ma yen kulli kping.

Chapter 8

¹Wende birang, ta ma molon, min leka man pen wee kunnguno Yamma yuwaa ti shakki memme me an balla me ti Makidooniya. ²Koddi ye shinui shuwaa shilibi kping longku taan shilibi ye shinui riyaa tai, ar duum-duum twaalan shaariju in warin shinui ya kuungu min ding-ta-kira ti peddi, kaa ye shinui ti ta diyo kenni kping.³Ne kunnga foki dok shinui minaai dob-dob bangju ye shinui ar in koon ten ti foki kaa tei. Shinui minaa kan kuman poshaariju, a li shinui ka bangum. ⁴Shinui bennga mu mo min kumju po ya shawo, longku shin sheeju shinu in we koko po ri ta me an shawo ti me an balla me ti kpakan po buk Yawuudiya. ⁵Tenei a yooro kaa ye min nyimmaam, pene shinui ka toom minaa kuuju ti Fo-mina kan ti minu kaa ye Yamma lekan.⁶Kaa te, nang minun beng Tiitush mo shu toom ka ganglo-do mibnan kunngu lewan poshaari, kaa ye liyaa gunii shii. ⁷Pene kaa ye ti ta we ding ye ma diin, ti ta li shaari ti taano Kiriti kan ti ta paaro kan ti ta penan yen kulli, nangii ti ta leu ya shuran, birang kan lewan ye ma ti yuumu. Longkuuno te, min leka man sha toom ti ta kunngu minani te kira palau.⁸A ye ya ne ta liima ka bangum, nang bara ne ta shuk ma ye peddi shuklaan li shikju. Tene ta ker do peen lewan ye ma kan te. ⁹Longku ma penaa kunnguno Fo-minamu kama Yeesho Kiriti. Kaa ye shii kan we ding, ding kaa teerei nang in yooni mo an kenni ka longkuuma. Ti ta kenni man yooma me an birma ti toomno Yamma.¹⁰Paaro ye ne ta minmai lee, ta ya kpang mam maa ta takko dogi wee ma liina guni milam kpoolo, a ye ya ma minaa waanim, onngoo, ai ma kan poshaari yaani. ¹¹Oo, wende ma wiilo shuranii ka peen poshaari ye ma liina guni, ma yu te dob-dob bangma. ¹²Mam maa kan poshaari minani, Yamma ta sha tomon minannii, tenei, mam maa minaa dob-dob bangma. Yamma a lewo man ya wee bangmai ta dum yaanim.¹³A longku ye ya ne leka nen mini ti peddi wee yen shilibum nang ma birang in liima yen tiram. ¹⁴Ti ta koddi ye wendei, wee ma kan te gbe man shawin shinui ka wee shinui a kan tem, kan birang wee shinui kan te gbe shinui in shawin man ka wee ma ka tem. Yaani kaa te, wei ding ta yooro gakash. ¹⁵Kaa ye ballan paaro Yamma teka ya, "Mo galaa gbe, a yoon ten gbe ti shiim, birang mo galaa la-wiiu, tenei a kuwan ten ti shiim."¹⁶Pene ne pammaa ti Yamma, mo liyaa ti poshaarino Tiitush ka leu shau ma, kaa ye ne lekan. ¹⁷A ye ya waani ye shii kunnga in war shik ma kaa ye min benngan shii in yam, pene shii leka in waru kaa ye shii fuwaa po sharani ti ta nyimmoni.¹⁸Gee, min shunna moli ye ka shaayi kan shii, ye shii yuwaa ti po ya kaawi Shinnyi Yen Tomon ti ta koddi me an balla ding. ¹⁹A ku jallo tem, me an balla shaka shii mo yiu ya mere ka shaayi kan minu ti ku ya shuran kunngu te ye min ti ku yaani longku shokranno Fo-mina, birang longku minun shukilla min ya min kan nyimmo shawo.²⁰Min ta yoppanii yoo koo nong kpaamu ti ku ye min ti ya ka kunngu te ye minaanu ka poshaari dok. ²¹Nyimmomui lee, minun ya wee yeka kpang, a ye ya ti toomno Fo-mina waanim, pene ar kan toom memme.²²Birang min shunna gunno molmu ka shaayi kan shinui, mo min naka shii sho gbe ti ta koddi gbe, minun peni kan nyimmoni ti ku we peeni-peeni. Wende birang kaa ye shii kunnga kan ma, shii leka in ya shawo kping. ²³Ma nyimmo ye ya Tiitush shii an jeere shuranno, kan ne kan shii min ti ya shuran tei ka longkuuma. Dogi ma molonmu me ka shaayi kan shii, shunna shinui me an balla, shuranju ti waru ka shokran ti Kiriti. ²⁴Ma shuk ti memme peen lewan ye ma ti yuun ti shinui. Me an balla me shuraa shinui ta taa tomon wee ma yuwaa, tene ta peen bi ti shinui maa tabang-tabang ye min ti ya ti kuumai yen kulli.

Chapter 9

¹A yiu ti gbare-do nen ballo ma wee ei ku paaro ye kan shaeo te longku me an ballam, ²longku ne penaa nyimmoma, ar maa nen ti ya takam-takam kan ma ti memme Makidooniya ti ku kaa te. Nen ti tewi na ma, memme Akaaya ma fuwaa po limma shik ma, shene ye kookaro. Peen li shik te ye ma kan te liyaa shinui sheeju in illaju po sheri.³Wende birang, gee ne ti ku shur ma molon me, longku yoo takam-takam ye min ti kuuma ti ta paaro te yoo yooro we waani kan gbindin. Pene ne leka man shero ma ka shwei, kaa ye milam ne jimraan ma ta yaani. ⁴Longku ma ne maa wanna ka peddi memme me an ballai ti Makidooniya, nei lewo shinui in waru in we tidang mai ganglo do we shawo mam. Maa yuuwa kaa te, ne ta we duulan shikum, ar maa kan ma.⁵ Longkuuno te ne geeka yuwaa kpang nen beng ma molon me in waru nen tang waraa waru, longku shinui in ganglo do wee ma deewaku maa ma ta mina, kulang in gal doojui ti pi dok. Tene ta shuklani ya ka poshaari dok ye ma minaan, a liimai ka bangum.⁶Ma nyimmo, niyo ye tobbaa peen, ta kassho we shiina doong, pene niyo ye tobbaa peen gbe, ta we weshiina doong gbe. ⁷Koo nong mo minu kaa ye shii sharaa ti poshaarini, a gale kan daklan ta aa yei pesshanum, longku Yamma leka mo an minani ka tomon poshaari.⁸Yamma ta dum min ma kpang in kooro ti fok wee ma leka, longku ti koo dimin man we ding wee ma leka, ar maa in yek kaa te, longku man ya shuran kunngu.⁹ Kaa ye Ballan paaro Yamma teka ya, "Ti mini ti me an kenni ka poshaari dok. Kpang poshaarini diyaaro fo ding."¹⁰Yammai mo ti min peen ti mo an tobba in tobbina, birang in minin weshiina ti shii. Longkuuno kaa te Yamma ta min ma peen longku man tobbina, birang shii ta li peeni in kpiiri. Kaa te shii ta li minan weema te yei we lewan poshaari, ta tokko ma shaari kpang shuran kunngu ma. ¹¹Koo dimin shii ta liima kpang ti kuuma ti ta we ding longku koo dimin man yooma me an minani ka poshaari dok. Kaa te memme gbe ta pammani ti Yamma ka longku kunngu ye ma ta shurin ti shinui ti piree kan minu.¹²Longku shuran kunngu ye ma ti ya te a ti angnginai wee me an balla lekai waanim, ar maa ti tokko shaari waru ka pammani ti Yamma.¹³ Birang ka longku we jimro ye shuran te ye ti warin ti kuuma, an kpangjui ta kumpinno Yamma longku murku ye ma ti ya ti Shinnyi Yen Tomonno Kiriti te, ye ma kunnga kan tei, birang ka longku shawo ye ma yuwaan ti shinui kan dogi memmei ka kira palau.¹⁴ Shinui birang ta forma fok, birang shinui ta yiu nyimmo ma ti poshaariju ka longku kunngu te ye kookroti fo temyani, ye Yamma yuwaa ma. ¹⁵Min pammaa ti Yamma ka longku kunngu te ye shii yuuna mu kama, kunngu ye yekaro bang sheerani.

Chapter 10

¹Ne, Buluj ka shikno, ne ti bengma, ne ye ti teuno ya nei, "mo an buk ku" ye ma nei ka shaayi kan ma, pene "mo an pesshani" ye ma nei ka shaayi kan mam. Ti bi tuwan ku kan buk kuuno Kiriti,² ne ta bengma, mo ma ijiyono nen pessho mam ye ma nei wannai, longku ne penaa ne tadum pessho me ti tewi ya wee min ti ya, wo we ku-buk.³Kaa ye min dii ti ku-buk, gei ye min ti ya a peen she ku-bukum.⁴ Longku shari geimu a she ku-bukum, tei we kumenno Yamma, me min ti yuun shuran ka shinui longku buuro shari gei me bang ye ti kau me an jeere geimu.⁵Min ti kanno peen koo me an jiram, min ti buuro we ding ye ta beelo fok pen Yamma, birang min ti li memme in ya nyimmo ti ta wawo kan murku ti Kiriti. ⁶Shikmu limmani minun min kelmo ti ding mo kuraani murku.⁷Ma gee wee ye ti kudam duma! ma mondok maa teka ya shii sheeno Kiriti, shero mo niyo teere yu nyimmo birang, ta penaa ya min sheemui weeno kiriti.⁸ Koo modaa ne daa ti ya takam-takam ti ku kumenmu kama te ye Fo-mina minaamu kama ka longku dig ma, a longku buuro mam, ne kan we yaaro duulan shik ti tai.⁹Nei lewo man ya nyimmo maa ne leka minma shewo ti ta yuyyan balilanom.¹⁰ Ti tewi ya, "Balilano Buluj shinui an kpiiro kan bang, pene maa ka shaayi kan kama po kuuni, shii a mo an ya paaro ka bangum, pene paaronii a weenan dokum."¹¹Yikka ti gbare-do peen niyo te in peni ta shinui ya a doo bwaaran ta wee min balilaa ti ta yuyyan balilanmu in min maa a doo minum, birang kan wee min ta yaani ye min maa ka shaayi kan ma.¹² Minui pitte! Ai, minui fooro minun temi, koo minun shar kuumu kaa memme me ti geena ya shin yeka koo nongum. Shinui peddi memmei ye ti tem kuuju ka peddi, birang shinui in ti gassho bwaaran ta ti shakkijui, dil waanii!¹³Pene minui ta takam-takam in kooro ti fokno ye nennaam, nang bara kama shereemu kama ti ku kpakan po piree Yamma kpakamu kama, ye meyaan kan ma.¹⁴ Ai, ma ti ta kpakan fokno ye Yamma minaano,longku kaa te nei koon dooi kwim yewaraa ar shik ma longku kaawi Shinnyi Yen Tomonno Kiriti.¹⁵Tabang- tabang mu a kooro ti fokno ye nennaam, birang tei a tee shik shuran peddim. Pene min ti ku li poshaari lishaari ma ta yiu tokko shaariro, birang kaa te kudam ya shuranmu ti taama in yiu tokko shaariro kping.¹⁶ Kaa te min ta ya kaawi Shinnyi Yen Tomon ti peddi buki ye ti toom kan ma, a gale kan gassho ya shommo ti ta shuran ye mondok fuwaa po yaani ti ta kudam ye liyaan shiim.¹⁷Pene kaa ye Balilan paaro Yamma tekan ya, "Ding mo ta ya takam-takam, mo yu takam-takam kan Fo-mina."¹⁸ Longku a mo ti shokro kuuni ye ti kumi ian shiim, nang bara niyo ye Fo-mina kunnga piri.

Chapter 11

¹Ne ti ya bengo na ma daa keraa shaari ma kan ne koo ne ti yai la dil. Nang ma daa bara keraa shaari kan ne! ²Ne ti ku ya mwisshi ka longkuuma, ka peen mwisshi she lewan ye Yamma ti ya ti kuumu kama. Ne limmaa diyaa ma kan Kiriti, birang ne leka man dee ma kan shaana, longku nen minma ti shii kaa ye ti minin la paamun diyaa yen fo ye kan shaana ti mo shi dokni mannaro.³Pene ne ti ku ya shewo yoo wee yuwaaro ti shikno Auwaau, in yooro ti shik ma. Kuret dokkaa tei ka shenni ar tei in ya shasshalau. Ma kaa te, nyimmoma ta dum yooro yei kpangum, kaa te, ma ta diyoni kan keman min-kum, birang kan kumani ti taano Kiritim. ⁴Longku ma ti kuman kumi kan me ti waru shik ma. Ma kunnga kan shubetju ti kuuno Yeesho, kan ye tei dokro kan ye min yuwaa kaawii. Ma kunnga kan shoom ye deewa ma ku, shoom te a shoom Yen Shaana ye ma yikkam. Birang man kumi kan shinnyiju, kaa ye tei dokro kan ye min yuuna ma.⁵Nei nyimmo me ti tewi ya shinui "men gbidina me an kaawi" yekano ka manni weim. ⁶Kergum a shuppono ka paarom, pene ne kan penan. Min shuklaa ma tene ti peen koko nan shire.⁷Ne yuwaa ma kaawi Shinnyi Yen Tomon te no Yamma kunngu. Ne sharaa po sheri yei kan gbayum, longku in shokro ma we war po sheri ye kan gbai. Ne yuwaa kelnye kira ya? ⁸Ne yinna kine ti kira memme me an balla longku nen yuuma shuran. ⁹Koddi ye ne ka shaayi kan ma, ne gasshaa kine, ding kaa ye kaa teerei nei turmomam. Ma molon me an balla me wanna ti Makidooniya shinui me wannano ka wee ding ne gasshaa. Nei liima tira shari ti kuuma ta koddiim, birang ne ta shuun toom ka yaani kaa te.¹⁰Ti bi kpang paarono Kiriti ye ti ta aano liyaano ta tei nen tewi na ti buk Akaaya ding, a doo mo ta tewani ya mo ne wessho ya tabang-tabangi. ¹¹Ne ti ku tewani kaa tei a ye yaa longku ye nei leu mam ya? Yamma penaa ne leka ma.¹²Ne ta sha toom ka yiu kurano yiu kine shawo ti kira ma, longku nen beelo "men gbidina me an kaawi" me ti ku wee shinui po yuun tabang-tabang ya, ai, shinui ti ku ya shuran dob-dob kan minu. ¹³Peen memme te a me an kaawin kullim, penei me an shuran shaba. Shinui in ti shiwan kuuju me an kaawino Kiriti.¹⁴A we maamun, longku koo shuuro po kuuni ti shiwan kuuni kaa mo an shuran aaro. ¹⁵Longkuuno te, a we maamum ma me shookni maa shigan kuuju kaa me an shuran kpang poshaari. Ti wiilani shinui ta we we shik shuranju ye dob-dob kan shuranju.¹⁶Ne ta teu bi na, mo mondok nyimmo ya nei dilim. Pene mam maa ti nyimmina kaa te, oo, ma kumu kan ne kaa dili, longku ne sheeno nen la we we po tabang-tabang. ¹⁷A ye ne ti yiu bi pekrono Fo-minam ye ne ti ya tabang-tabang kaa tem, ne ti ya paaro kaa mo dili. ¹⁸Kaa ye ka me an tabang-tabang kaa ye memme ku-buk te ti ya, shero mo ne sheeno yu kaa te.¹⁹Ma kam ma kan shenma kping, ar man ti kurmina kan me dili ka beere! ²⁰Ma kurmo kan mo liyaa ma ta shuran shook, koo ye lawwaai weema, koo foraa ma ping-ping ma, koo shuklaa ma fooran, koo paalaa ma ti adoo ma. ²¹Ne ti yaaro duulan shik ye nen tewi na min shuklaa balamu ye minui yu ween shurme tem! Pene ma mondok maa ti shokro kuuni ti ku weenan dok, ne sheeno ne ta li shikno nen ya kaa teere. Ti po te ne ti ya paaro kaa mo dili!²²Shinui Ibraniyaawa ya? Ne maa kaa te. Shinui Ishereilaawa ya? Ne maa kaa te. Shinui po peenno Ibiraayi ya? Ne maa kaa te. ²³Ma shinui maa me shookno Kiriti, ne yeka shinui! (Ne ti ku ya paaro kaa mo an shanngau!) Ai, ne yeka shinui li do kping yen kulli, gee kpakki, ne shuwaa tuwa gbe. Birang ne riyyaa ta yooyo muro sho gbe.²⁴Sho fuwat ye me an gub Yawudaawa yuwaano biro-biro naa-tat kan fejereu. ²⁵Sho tat ye me an gub Rooma yuwaano biro-biro. Birang in nau kpailono ka shiila sho dok. Sho tat ye jirgi doo todiraaro ne ti tai. Ne naka kuttani nen shuwo darang ti ta paali, in tang waraa forino. ²⁶Ti ta mere-mereno ne kponnga kan we muro ti ta gbidina shiiruk, birang nen kpomi kan we muro ti kira me an jiri lawwo-lawwo. Ne babilaa ta riyyo ta we muro ti kira po peenno, birang nen babilla ta riyyo ta we muro ti kira mei Yawudaawam. Ne babilaa ta riyyo ta we muro ti ta gokmina, nen babilla ta riyyani ti ta shwee, nen babilla ta riyyo ta we muro ti ta paali doo, birang nen babilla ta riyyo ta we muro ti kira ma molon shaba.²⁷Ne balaa, kan shilibi, kan kenni ya shaklo, kan kpiyam, kan isshi fok. Sho gbe ye kaanaa sha weshiina, duulau yuwaano, nen ya kenni lanna ye ne ta showani. ²⁸Birang a manni wei dokju ka dok-dokum, kpaaliya darang ding ne kan tira jooro ku mina wawo me an balla. ²⁹Ma mondok maa kuwani, ne ti yaana kaa kuwani ne, birang maa liyaa mondok ta ya shasshalau, wei ti liino nen ya den kping.³⁰Maa yikka ti gbare-do, nen ya tabang-tabang, oo, nang nen ya tabang-tabang ka wee shuklaa kuwanno. ³¹Yamma penaa a shaba ye ne ta yaanim, shi ye shii Yamma, birang fono Fo-mina Yeesho Kiriti. Shero mo kpangi yooro weeni po-ding!³²Koddi ye ne ti Dimashka, gobna ye ti ta gun gub Areetash shii jooraa ku po dang-po dang gok-mina Dimashka longku shii in yiuno. ³³Pene me an jeereno in shorino ti ta ganga ti ku ganglang gok-minai, nen juwano ti piree kan shii.

Chapter 12

¹Kaa te a ta yooro we sha toomum, yikka ti gbare-do nen ya tabang-tabang. Wende ne ta toom ka wee Fo-mina Yeesho Kiriti shuklaano kaa ti do shuna kan birang ti ta jirim. ²Ne penaa manni niyoi ye booi sheno kpumu gee-peereu nang, nang ye shokraa shii we ammo ku-dang an tat ti piree kan kumenno Kiriti, koo ti ta lo-shik, koo a ti ta lo-shikum, nei penom, bara Yamma shi dokni ye penaa,³Birang ne penaa niyo te, shokraa shii we ammo ku-dang an tat, koo ti ta lo-shik, koo a ti ta lo-shikum, nei penom, bara Yamma shik dokni ye penaa. ⁴Ti won in yaaro peddi pa-paaro ye a ta dum tewanim, peenno ye la niyo yen ding a ta dum yuun paaro ti kwim. ⁵Ne ta ya tabang-tabang ka niyo ye, pene ne ta ya tabang-tabang ka kuunom, nang bara ti ku wee shuklaa kuwanno.⁶Moda ne daa leka ya tabang-tabang, ne ta shiwano dilim, longku ne ta tewanii yen kulli. Pene ne ta ya tabang-tabangum, longku nei lewo mondok in sharno in kooro ti fok ye ti geen nenum, kan ye naka yaaron ti foknom. ⁷Longku in li yoo ne ya tabang-tabang ka jirim yen kpang te, nang in shuruno manni pirai kaa ye arat ti perin niyoti shik. Tene yuwaaro kaa manni niyoi ye shuuro shunna ka longku in ti minno shilibi, birang longku in beelono shokro kuuno.⁸Ne bennga Fo-mina sho tat longku nen bwaarono kan we te, ⁹pene in teuno ya, "Kunnguno keraako, longku ti bi kuwanko in ti waan shik keman kumenno." Longkuuno te, ka beere ne ta tokko shaari tabang-tabang ka longku kumenno Kiriti in deero gale kan ne. ¹⁰Longkuuno te, ne kunnga kan kuwanno, kan kuwak ye ti yuuno, kan sha shilibi, kan kunne, kan shwa-peewe peeni-peeni ka longkuuno Kiriti. Longku ma nei kan kuwan, ti po tenei ye ne kan bang.¹¹Ne yuwaano mo dil kulli! Liyaanoi ma, longku ma nennaa man kum pinno. Kaa ye nei weenan dokum, a yooro ya, "Men gbidina me an kaawi" ma te, yekano ta shinuim. ¹²Yamma yuyyaa we maam kan we min nyimmo ti shakki ma, kan nen ya shuranno ka ker shaari. We maam shurme te shinui jimraa ya nei la an-shuran yen kulli. ¹³Ti kokono yen shire ye ne shuklaa na mai yu dob-dob kan dogi me an ballam mi? Koo ka longku ye ne beelaa ma po shauno ka kine ya? Ma fuddono ka longku we te ye ne yuwaa ma!¹⁴Gee! Ne fuwaa po kekmo shikno ka we wary shik ma an tati. Neo lewo shiwano Shari to puree kan mam, longku nei lewo wee weemam. Ne lekai ma. Longku bangrugurang a ta gal-we ka longku me an parijum. Kan ye kaa there, me an pari to gal-we ka longku bangruguran. ¹⁵Ne ta ya beere she on ka we-kira ka longku kerangma. Ne maa Leka ma kping, nennaa man leuno la-wiiu ya?¹⁶Ma ta kumani maa nei shiwono shari ti piree kan mam. Pene mondok ta tewani ya ne yuwaa mai shen, nen shunno ma ka shaba. ¹⁷Ne shuwaa ma ti piree kan niyo ti shakki me shunna ti shik ma ya? ¹⁸Ne bennga Tiitush na mowaru, birang nen shuru manni an moli an balla gale ka shaayi kan shii. Ma ta tewani maa Tiitush shuwaa ma ya? Duma, ne kan shii a nyimmo we dok ye kaji ti taim ya? Birang a do koko dok ye kaji ti bim ya?¹⁹Mo ma nyimmo maa koddi te ding, min ti ku li shikmu ka we kauro kuumu ti piree kan mam. Yammai an jimro fokmu, min ti ku tewanii yen kulli ti taano Kiriti. Birang koo min ta yaanii wen, ai mai me ne ti ku lewani,min yuwaai longku peema shik ma.²⁰Longku ne ti ku ya shewo yoo mondang nen waru nen weema a kaa ye lekanum, birang ma sheema man we shikno a kaa ye ma lekanum. ²¹Ne ti ya shewo yoo ne wa we nee kan mwisshi, kan den poshaari, kan leu ku, kan kuwak, kan sheero-shik, kan shokro-ku, birang kan yeeru nee. Ne ti ya shewo na ma nei fooraa shik ma birang, Yammano ta liyaani nen yaaro duulan shik ti toom ma. Ne ti ku ya shewo yoo ne ya ding poshaari kan longku memme gbe me ti ya shasshalau milam, mei for-fokju ka yuyyo doonum, kan tebro ta biro, kan yuyyo peddi pidire peen shuran ye shinui leeraan ti tai.

Chapter 13

¹Tene ta yooro an tat aran shikma. "Kulli yuwaa kpang in kan paaro ti fok an jimro palau koo tat" kaa ye Balilan Paaro Yamma tekan. ²Ti ta mereno an palawi ye ne wanna shik ma , ne yuwaa nawit ti me yuwaa shasshalau kan peddi memmei ding, mo shinui daifo shasshalau. Wende nei ka shaayi kan mam, ne ti ku matto bi pekro te longku ma nei wanna a doo mo ta for kuuni ti ta kelmo tem.³Ne ti ku sheero ma tei longku ma ti ku gassho penani koo Kiriti ti ku ya paaro ti piree kan ne, oo, gee kullii wono, Kiriti a kuwani ti taa mam,kan ye kaa teere, shii shuklaa kumenni ti taa ma. ⁴Kaa ye nanaa shii kan kenni bang, kama kaa tei, shii kan kerang ti ta kumenno Yamma. Minu sheemu maa kan kenni bang ti taanii, pene ti ku paaro ye kan shuran ye min ta yaani ti shakki ma, min kan kerang gale kan shii, ti ta kumenno Yamma.⁵Ma temo kuuma foki dok longku man peni koo ma kan lishaari ti ta yiu biino Yeesho Kiriti. Ma yiu tem kuuma. Duma, mai peno ya Yeesho Kiriti ti taa ma maa? Kulli ka shi ti po te, teerei ye, mam maa shuwo ti ta nawo tem. ⁶Ne ti ku yeyanii ka dik, man peni minui kuwomum.⁷Wende a ye ya min ti ku li shikmu minun shiwon kuumu kaa me shuwaa toomum. Ne ti ku fur-fok ti Yamma, na mo ma yu piire wem, pene ma yu ween kpang, kaa ye memme ti geena ya yeka piri ti kuumu. ⁸Longku ye min ta yiwanii bi wee yen kulli, pene a bi wee ti ya kenne kan tem.⁹Longku min ti ya beere ye min maa kan bangum, pene nang ma kan bangma. Birang min ti ku fur-fok kulang man yooma kemani. ¹⁰Tenei ye ne ballina ma yaan balla te tida nei ka shaayi kan mam, longku ma nei wanna, mo wessho yiuno ti gbare-do nen kpiiro ma ti ku paaro ye kan ya shuran ka kumen te ye Fo-mina minaano kulang nen digin man, a we buuranim.¹¹Ti wiilani, ma molon, kama ti kpomi manni darangi. Ma li shik ma ka we yooma kemani, ma yaaro bengono, ma kumu kan shaayi, man ya diyo bang kan shaayi. Yaani kaa te, Yamma mo an lewan kan kuttan-shaari ta deeni gale kan ma. ¹²Ma kakyo shaayi ka taamo lewan yen shaana.¹³Me an balla ding shuraama gun kaaju. ¹⁴Kunnguno Yeesho Kiriti, kan lewanno Yamma, kan gal-ku Shoom Yen Shaana, mo shinui deeju kan ma ding.

Hebrews

Chapter 1

¹Milam, Yamma yuuna paaro ti ma shiimu kama ti koko peeni-peeni birang ta koddi ka dok-dok ti piree kan me an-pigro.² Pene ti tawiilan shaklo shurme ye ka bi te, yuunamu kama paaro ti piree kan Laani. Ti piree kan Lai ye Yamma kpiinan we ding. Birang shii mo shaka longku we ding in yooro weeni.³ Shii aaran shokranno Yamma birang kan dob-dob temyanno Yamma. Po shaayi kan Yamma. Yiwii kan we ding ti piree kan paaroni ye kan kumen. Ka bi ye shaanaaamu kama ti piree kan shasshalaumu kama, nang in deeni ti ku-dang ti ku kira temmeno Mo shokrani ding.⁴Kaa we te birang in we po sheri ye yeka she me an shuran ku-dang kaa shommo minaan ti shii yeka sheejui gba. ⁵Longku ti an shuran ku-dang shire ye Yamma naka tewon ti shii ya, "Kei Laano, baai ne shiga Fokoi?" Koo birang, "Ne ta shiwano Foni, kan shii ta shiwani Laanoi?"⁶Pene koddi ye ta shurin la neweni ti ku-buk, in tewi ya, "Shero mo me an shuranno Yamma ding mo wau shii."⁷ Ti ku me an shuran, Yamma teka ya, "Yamma ti li me an shuranni in yooju kaa pirit, me an shuran wawoni kaa dak deet."⁸Pene ti ku Laani in tewi ya, "ku jukya gubko, ta Yamma, po-ding foki dok, la biro ya gubgoi dob-dob.⁹ Ke lekai shuran dob-dob, birang ken kura shek foki dok! Tenei ye Yamma, teerei Yammako, ye wakako, in shakko mor twaalan shaari ti shikko, in minko gba in yek she me an jeere ko."¹⁰Birang in tewi ya, "Yau ti liyaan guni, ta Fo-mina, ke teraa kel ku-buk, ku-dang-ku-dangii shuran kirako.¹¹ Ta wiilaju, pene ke ka ke shin ding kaa lanna, ta kooroju.¹² Ke ta lau doojui kaa alak lanna, ta paaro kuujui kaa ye ti paaron ku nyissho. Pene ke ta paaro kuukom, sheneko a ta fuwanim."¹³Ti munnye ti shakki me an shuranni ye Yamma naka tewon ti shii ya, "Deeko ti ku kira temmeno nang nen li me an geiko ti gun shookoi?"¹⁴ Kulli, me an shuranno Yammai shoom me an shuranni. Yamma ti shur shinui longku shinui in shaume ta tappo ku marku.

Chapter 2

¹Longkuuno te, nennaa kaman li nyimmo ti ku wee kama yaaraa, longku yoo tol nyimmomu kama kaman wessho do koko.²Shuran ye minaamu kama ti fok me an shuran ku-dang , weyaa kuman, birang ding mo kuraa yaaro shii, koo kuraa minin gba ti shii, weyaa kelmo ye nennaa.³ Kama ta tuulanii kaa yee ye kama maa fulaan bi ka gbong marku ye Fo-mina ka shikni liina gun kpaalomu kama fokii? Me yaaraa paaronii birang shinui peekamu bi ya tenei yen kulli.⁴ Nang ta koddi teerei, Yamma in tokkomu kama shaari jimro ti ku sheejui ti piree kan we temo, kan we maam, kan we kero-kero peeni-peeni, kan bwaari-bwaari me bwattina ti piree kan Shoom Yen Shaana ti bi nyimmoni.⁵Yeesho Yuwaani kaa ma molonni.Ku peewe piri ye ta waru te, ye min ti ku yuun paaro ti kwi wende, ai, a me an shuran ye Yamma liyaa shinui mo yu gub ti kuunim.⁶ Kan ye kaa te, ka manni niyoi jimraa ti ta ballan paarono Yamma ya, Ai Yamma, "niyoi nongee ye ke turmaan ken ti kwi, laano Adamu, ar ye ke ta donngani kan shii?⁷Ke liyaa shii po koddi ti po sheeri ye ta gun she me an shuranno Yamma, ken minin gba ti shii ka shokran kan gba,⁸ Ken li we ding ti ta gun kumenni ." milam Yamma liyaa we ding ti ta gun kumenno niyo, a doo wee a min kumeni ti niyom. Kaa ye wende kaa te, kamai ti we dangan piri ye niyo ti yuun gub ti ku we digum.⁹Pene wee min ti we shiki Yeesho mo ti ta koddi ye liyaa shii ti po sheeri yei fooro sheme an shuranno Yammam. Wende duma, mallaa kuunii ka shokran kan gba longku taan shilibi muro ye ti fo sho memme ding, ti bi kunngunno Yamma.¹⁰ Yamma shi mo kpiino we ding, birang shii mo ti donngo we ding, longkuunno te, ma Yamma maa ta waru ka shibani ye gbe kalongku we shokran, nennaa shii in kekmo shik mo an toom markuuju. Yuwaa kaa tei ti pirin taa shilibi ye Yeesho shuwaa.¹¹Longku shi mo an shaano memme, kan me shaanaa shinui birang, shin ding kan fowi dok. Tenei ye Yeesho a ti yaaro duulan shik ye in tewi ya shinui ma molonni. ¹²In tewi ti Yamma. Ne ta kpaalo pi shommoko ti ma molonno ne ta kum pirko ti ta galan memme.¹³Birang in tewi ya, "ne ta li poshaarino kan Yamma." Birang in matto bi tewanni ya, "gee no wono ka shaayi kan shiba ye Yamma minnano".¹⁴ Kaa ye shiba tei memme me lo-shik kan dom, nang in yooro dok kan shinui ti ta shik. Yuwaa kaa tei longku ti piree kan muroni, in toddo mo yiwii kan kumen muro, teerei, shuuro.¹⁵ Birang in marku me ding shewo muro kpaaka shinui, birang ar shewoi in shiwan shinui shook ti ta diyaju ding.¹⁶Kulli a an shuranno Yamma ye ti shau shinuim, penei po peenno Ibiraayim ye ti shau shinui.¹⁷ Tenei ye shigan shii kaa dogii ma molonni ti koo koko nan shire, longku in shiwani bong an kpaa mo an yiu poshaari, mo an yaaro kwii birang ti ta shurannii ti Yamma, longku in shiwani we kurani ye ta kelnye shasshalau memme.¹⁸ Kaa ye shii po kuuni taaka shilibi ta koddi nawoni, fooraa in shau ding me ti nau shinui.

Chapter 3

¹Longkuuno te, ma molonno me shaana, ma ye ma weyaa yee ku-dang te ma sheema, ma yu nyimmo ti kuuno Yeesho ye shii La an shuran kan gbong an kpaa we shuran ye min ti ku kpaalo piri.² Yeesho yikka poshaarini ti shigno mo shakani, kaa ye Muuja yikkan poishaarini kan shuranni ti shakki memmeno Yamma. ³Niyo ye diga mina yeka minai illo. Kaa te birang fooraa foki in shokro Yeesho in kooro ti fokno Muuja.⁴ Longku koo peen mina yen shiire kan mo digaro, pene Yammam mo diga we ding.⁵Muuja yikka poshaarini ka shuranni yei she shook ti shakki memmeno Yamma, birang in ya jimro ti ku wee ta tewani ti toom. ⁶Pene kiriti yikka poshaarini ti kwi ya shii La ye minan kumen ti kwi memmeno Yamma ding. Birang kamai memmeni te ye kama maa shuwaa toom ka bang poshaarimu kama, birang kaman ti li shaari kan wee kama ti lin poshaari ti kuujui.⁷Longkuuno te, kaa ye shoom Yen Shaana teka ya, booi mam maa yaaraa eleno Yamma,⁸ mo ma issho poshaarima kaa ye ma yuwaa ta koddi bang paaro tem kaa darang ye ma nakannen ti ta shwee.⁹Ti won teerei piree ma shiima nakannen kaa ye shinui weyaa shik shuran ye ne ti yuyyina ar po sheno naa peereu, ¹⁰tenei ye ne yuwaa den kan ku kira teerei, nang nen tewi na, "kpaaliya ding shinui in ti kurano ti poshaariju, birang shinui a peno gbabiyan koko nom." ¹¹Nang nen ya den nen pammo we na, shinui a ra ri po nessho nom koo lawiiwum."¹²Ma molonno, ma peno a do mo ti shakkima ye shasshalauni kan kenni lishaarini ta li shii in shiwa ta bi ti Yamma mo kan dwei. ¹³Pene ma yiu pee shik shaayi koo darang nen shire. Ma yu shuran ka koddi ye ti tewi yaa "Booi," longku yoo dok ma in yooni mo an issho poshaari ti piree kan dokko shasshalau.¹⁴Kama me an galeno kiriti ma kan maa yikka lishaarimu ka bang ti liyan guni we wilani.¹⁵ Kaa ye tekan ya, "booi mam maa yaaraa eleno Yamma, mo ma issho poshaari kaa ye ma yuwaa koddi bang paaro tem."¹⁶Wo pitte me yaaraa eleno Yamma, kaa ye kaa teerei, shinui in yuun bang ku paaro ti shii? Ai, shinui memme ding ye Muuja pennan ka shinui ti buk Mashar.¹⁷ Wo pitte me Yamma yuwaa den kan shinui po sheno naa peerewi? Ai, shinui me yuwaa shasshalau, shinui in shugiyya in muttina ti ta shwee.¹⁸ Wo pitte me Yamma yuwaa pammi ti kuujui ya shinui a ta ri ta nesshoni koo lawiwum mi? Ai, shinui mekurooju min gbe.¹⁹ Longkuuno te, min weyaa kenni lishaari te liyaa shinui a dum ri ta nessho tem.

Chapter 4

¹Kaa ye deewan ku ri ta nessho ni bambitto ar wende, shero mo kama yu kerang kping yoo mondok ti shakki mu kama in kano riyani.² Longku kama fuwaa po yaaro kaawi shinnyi Yen Tomon kaa ye shinui ma yaaraa. Pene shuran shinnyi te ye shinui yaaraa a yun we sha toom ti shinuim, longku shinui a yiu ka lishaarim.³Pene kama ye kama kunnga, kamai metari ta nessho te. Kama yiu nyimmo paarono Yamma te ye ya, "nang nen ya den nen pammo we, nen tewi na, shinui a ta ri nesshonom foki dokum." Yamma teka kaa te,kaa ye fuwaa po ya shuranni yau koddi ye kpiinan ku-buk.⁴ Longku ti manni pirii ti ballan paarono Yamma yuwaa ka longku darng an parilau ya, "ta darang an parilau Yamma nesshaa ti po ya shuranni ding."⁵ Pene ar wende in matto bi paaro te ya, "shinui a ta ri ta nesshono foki dokum."⁶Milam yuwaa kaawi shinnyi Yen Tomon ti ku nessho te, pene me yuwaa kawii shinui a rim ka longku kennyi lishaari. Oo, wende kaa te, ka koddi longku peddi shinui in ri ta nessho nang. ⁷Gee pene Yamma in tokko shaari limma manni darangi, ye yeyyaa yaa, "booi". Yuwaa paaro ka longku darangi, ka bi sheno gbe ti fokno Dauda, kaa ye ballan paarono Yamma teka milam, booi mam maa yaaraa eleno Yamma, mo ma yu bang paarom."⁸Moda Jeshuwa daa minaa nessho te ti memmeno Yamma, Yamma daa yu paaro ti manni darangi dokrom. ⁹Tenei shuklaa ya ar wende ka nessho peen she shaklo parilau ka longku memmeno Yamma.¹⁰ Longku ding me shinui riyaa nesshono Yamma, shinuiti nesshina ka shuranju kaa ye Yamma nessha kaa sheeni.¹¹ Longku kaa te, shero mo kama dung doomu kama, kaman reemu ta nessho te. Mo koo nong kaano riyani ka longku yiu bi temo me shinui kuraa min gbei.¹²Kulli, paaro Yammakan dooro, tei birang kan bang ya shuran. Den foki yeka she koo peen agarum ye foki palau. Tei ti ke ar we ri wong ta aa niyo, in bwaaro shoom kang kerang, birang ku gul kan sheel. Ar maa tei ti pen nyimmo kan wee sharii ti poshaari ding.¹³ A doo wee ti shakki wee kpiina ding ye lattii-lattii ti piree kang Yammam. Wei ding awii-awii, birang ti ku-dam, ti adooni. Birang shiimu kama ta sheeron pi wee kama yuwaa ti ta diyamu kama.¹⁴Oo, kaa ye kama kan gbong an-kpaa mon gba, teerei Yeesho Laano Yamma mo ammaa ku-dang ar toomno Yamma, shero mo kama yiu li-shaarimu kama bang kping.¹⁵ Longku gbong an-kpaamu kama te a manni niyoi ye turmoni kan kuwanmu kamam. Ongngoo, shii niyo ye naka shii ti koo koko yen shire ti nawin mun kama. Pene paa a yiu koko shasshalawum.¹⁶ Longku kaa te, shero mo kama yu bang poshaari, kaman waru nimmi kan juk ya gubno Yamma, teerei, piren kunngoni, longku kaman yiu kunngoni, birang kaman we kunngoni ye ta shaumu kama ti ta koddi lewani.

Chapter 5

¹Ti shak mon gba an-kpaai ti shakki ma-molonni longku in ya shuran ti Yamma ti po sho peddi memmei. Shii mo an mibno ding ta kira ka longku shasshalau.² Kaa ye shii po kuuni kan kuwon bang sheeni, ti dum yiu bi me an kenni penani kan me an ketteju ti do koko kan kerang. ³Longku kuwon bang sheeni te, yikka ti gbare-do in kur ding ta kira, a longku shasshalau memme waanim, pene ka longku shasshalau sheeni.⁴A do mo ta shak shuran te yen illo ti kuunim. Niyo ti shak mongba an-kpaa ti bi yeeno Yamma, kaa ye yeyaan Aruuna.⁵ Birang kiriti kaa te, a shokro kuuni in yooni mongba an-kpaam. Kaa ye kaa tene, Yamma in tewon ti shii ya, "kei Laano, booi ne shigano Foko."⁶In tokko shaari ya paaro ti manni pirii ya, "kei an-kpaa po-ding, ti bi dangyan weeno Melkishedek."⁷Ta koddi ye Yeesho ti ku-buk, yuyyaa for-fok kan bengo-bengo gale kan kwii wirit-wirit ka muru. Birang in yuyyo for- fokni ti Yamma mo ta dum kauroni ti fo muro. Longku shii mo an min gba kan shi Yamma, Yamma in yiu foran foknii.⁸ Kaa ye Yeeshoi Laano Yamma, in shar shuppo min gba ti taan shilibi ye shuwaa.⁹Ka bi ye foraa mo kemrani, nang in yooni shoorin marku ye po ding ti me ding ti minin gba ti shii.¹⁰ Birang kaa te Yamma in liin shii shi mo gba an-kpaa ti bi dangyan weeno Melkishedek.¹¹ Min kan we gbe ye min po tewani ti ku paarote, pene yuwaaro shilib minin twaaloma dwei, longku ma kan penani peebum.¹²Wende kaa te nennaa man shiwama me an shuppani, pene ar wende ma leka mondok in tokkoma shaari matto bi yei shilibum ta paarono Yamma. Tida mai fooro sha weshiina yen bangum, bara she wiri waani!¹³ Mo doo wirii weshiinani ding, shii bwiik tida, tidai peno we ti ku shubet kunngum. ¹⁴Pene weshiina yen bang tenei she me kpiraaju. Tenei me an li shik ka yashuran nyimmoju kpaaliya ding, ar maa shinui dum bwairo ta ween kpang kan yen shek.

Chapter 6

¹Longku kaa te, shero mo kama shu toom ti ku shubet ye ka toom ye kama yikka ti kuuno Kiriti, longku kaman yoomu me kan keman penani. Mo wessho yooro ya ar wende kama ti ku sheewo shoorin shubet ti ku kumani kan Yamma, kaa she for-fok ti ku shuran ye ta warin shinui mina muro,² kan shubet ti ku yulma, kan we li kiran kpang, kan she we ilit ta duwo, kan she shiire wiilan darang.³ Sha toom kam kama ta yaani, ma Yamma maa kunnga.⁴Longku me shiga ta bi ti li shaariju, a ta yooro in me in li shinui for-fokum. Ma mee te naka warin ka shinui ta aarono Yamma, shinui yuwaa shuran ka bwaari-bwaari peen she ku-dang, shinui weyaa po aaju ti ta Shoom Yen Shaana,⁵ birang shinui naka tomon paarono Yamma birang kan kumen ku-buk ye ta waru. ⁶Kan ye kaa tei ding, shinui shiga ta bi ti lishaariju! A ta yooro in li shinui mo for-fok birangum, longku shinui ti gbaarrai bi sheewo Laano Yamma, shinui birang in ti minin duulan shik ti kudam.⁷Buk ye ti she doo ku-dang ye ti reru ti kuuro kpaaliya ding, tei in ti peru ka alau peeni-peeni me kan we biiro ti me ye ya shinui me ti shur tei, buk tei ye ti yiu kpangno Yamma.⁸ Pene ma buk maa ti pepittui ka arat kan pidire shwee, a doo we sha toomum nang. Buk te Yamma yuwaa nimmi yuun fok ti tei. Birang ti wiilani ta kur tei.⁹Ma molonnmu, kaa ye min ti ya peen paaro te, minui kan belan poshaari ti ku ye ya ma kam maa yikka kpang ye yeka kpang ye shinui we markuuma.¹⁰ Yamma a mo an kenni kpang poshaarim. A ta wessho shuranma ye ma yuyyaam, kan lewan ye ma shukan ti shii ta koddi ye ma ti ku shau me an balla, kaa ye ma ti ya wende.¹¹Min leka koo nong mai in sha toom ka li dooni kaa te ar we war wiilani, longku man we keman we te ye ma liyaan shaari ma ti kuujui. ¹²Mo ma yooma me an fiim, pene ma yiu bi wee me foraa fokju yuwaa, shinui keraa shaariju ar shinui in yiu wee Yamma deewaan-ku ta minju.¹³Ta koddi ye Yamma deewaan ku ti Ibiraayim, deewaan kuunii gale kan pammi. Pammaa wei ka shommoni kaa ye a doo mo yeka Yamma gba ye Yamma ta yuun pammi ka shiim.¹⁴ Yamma teka ya, "kulli, ne ta liiko kpang ti kuuko, birang ne ta li po-peenko in yooju gbe kping."¹⁵ Ka bi ye Ibiraayim kurmaa ka ker shaari kping, nang in yiu wee deewaan-kui.¹⁶Memme ti pammo wei ti mo yekaju gba. Nang pammii ti pee bi deewaankui ti piree kan beelo fok ya jiram. ¹⁷Kaa te birang, kaa ye Yamma leka in shukilla ti me ta tappo ku deewan-kuuni ya, a doo belan poshaarim, nyimmonii a ti bi yaan pammi.¹⁸ Oo, ka we tene shin palau mei ti paaro kuujum, me Yamma a ta dum ya kaali ka longkuujum. Kaa ye we tei we pee shik poshaari kping ti piree kan kama, kama me yuwaa yoba war po latto shik, nennaa kaman yiu we te ye kama liyaan poshaari ti kwi bang kping.¹⁹Li poshaarimu kama te, tei ye ti sheron ka nyimmomu kama a gale kan ya shewo koo bel poshaarim. Tei ye ti ri ta won, ar ta bi we kawo te yei she mina po wawo ku-dang.²⁰ Yeesho ye shii mo ka toom ye riyaa po teere, riyaai ti po shoomu kama ding, birang in yooni mongba ankpaa ar po-ding ti bi dangyan weeno Melkishedek.

Chapter 7

¹Melkishedek yei gub Shaliim, birang kan ankpaano Yamma mo shokrani ding. Kponnga shinin Ibiraayim ta koddi ye Ibiraayim maa ti shiru ka bi ye yuunan gei in yekru bang peddi me an gubi. Bara ye shinui kponnga, Melkishedek in liiru kpang ti kuuno Ibiraayim.² Ibiraayim in minin po tekku ding wee kan te, ka toom nang, shommo Melkishedek ta shuklani yaa "Gub an kunngu". Birang shii Shaliim, teerei, "Gub kuttan shaari." ³Nang Melkishedek a kan fowi yei nonnim koo po peennum. Shii a kan darang pattonim koo darang muranim, pene kaa Laano Yamma, shii ankpaa fo ding.⁴Ma gee peen gba niyo te. Ar Ibiraayim, shii ma shiimu kama minaan dok ti shakki kpumu shari ye shii Ibiraayim lawwina ti po gei. ⁵Ti bi shoro, ding me po peenno Leewi me shinui me ankpaa ti yiu dok ti shakki kpumu ti kira memme, teerei, ti kira ma molonju, kaa ye shinui sheejui po peenno Ibiraayim.⁶ Pene Melkishedek, mo shoorinnii a dok kan sheejum, in yiu dok ti kpumu ti kirano Ibiraaayim, birang in li kpang ti kuuno Ibiraayim mo shii mo deewanku.⁷Kulli mo ti li kpang yeka mo ti yiu kpangi gba.⁸ Geeru me an kpaa me po peenno Leewi, kaa ye shinui me an muttani, shinui ti yiu dok ti shakki kpumu ti kira memme. Pene ti kuuno Melkishedek, mo yikka dok ti shakki kpumu ti kirano Ibiraayim, minaa jimro ya shii kan dwei.⁹ Ar maa ta dum tewani ya Leewi kaa shikni, mo po-peennii me an yiu dok ti shakki kpumu, in min sheeni ti Ibiraayim. ¹⁰Ta dum tewani kaa te longku ti ta koddi ye Ibiraayim kponnga kan Melkishedek tidai patto Leewim, pene ti ta diino shiini.¹¹Gee dangan we me ankpaa me ti po peenno Leewi ti dum waru gale kan shoro ye minna ti Ishereilaawa. Moda shuran me ankpaa po peenno Leewi ta dum kemero, ai, daa a doo wee ta liyani manni ankpaai in warum, mo ye ti bi dangan pi weeno Melkishedek, a ti bi dangan pi weeno Aruunam.¹² Longku maa paaraa ku dangan pi we me an kpaa, yikka ti gbare-do in paaro ku shoroi.¹³Shii mo ti tewon paaro te ti kwi, teerei Fo-minamu kama, shii penaa ti manni po-peenni dokro. A doo koo dok ti shakki po-peenni ye naka ya shuran ti po sheri ankpaam. ¹⁴Kulli Fo-minamu kama, penaa ti po peenno Yawuda, mo Muuja, a yuun manni paaroi ti kwi koddi ye ti ku ya paaro ti ku me ankpaa.¹⁵Paaro te in tokko shaari peru kudam kping ta koddi ye manni ankpaai dokro penna, mo ye kaa Melkishedek.¹⁶ La-moo ye nang in shiwani mo ankpaa a ti bi manni shoro koo belan ku kira kan poshaari ti ku po peenum, pene ti bi kumen kerang yei ti fwim. ¹⁷Longku yuwaa jimro ti kuuni ya, "kei ankpaa poding, ti bi dangan pi weeno Melkishedek."¹⁸Liyaa shoro milam ti jele ya, longku tei a kan kumen kan we bim. ¹⁹Shubet ta fokno Muuja a fooro in li manni wei in yooro kemranim. Tenei ye limmaa ween kpang ye kama ta liin poshaarimu kama ti kwi longku kaman giiru nimmi kan Yamma.²⁰Yamma peekamu kama bi limma ta galekan yaan pammi. Peddi me ankpaai shinui riyyaaju yuyyo shuranju a gale kan ya pammim. ²¹Pene la-moo ye in yooni ankpaa gale kan yaan pammi ye Yamma yuwaa ya, "Fo-mina fuwaa po pammini, a ta paaro ku nyimmonim, kei ankpaa poding."²²Ti bi yaan pammi te birang, Yeesho in yooni mo an peemu kama bi sheranku we te yen kpang.²³ Me ankpaa peen ye milam yuwaju gbe longku muro ti beelo shinui sha toom ka shuranju. ²⁴Pene Yeesho yiwii kan po sheri ankpaa poding, longku shi po kuuni ka shi poding.²⁵Longkuuno te shii penaa, booi kan kpaaliya ding, maraaku me ding ti nemru nimmi kan Yamma ti piree kan shi, longku shii kan dwei arpo-ding, birang in ti sha toom ka ya bengo ti Yamma ka longkuujui.²⁶ Kama lekai peen gbong ankpaa te. Birang shii mo an shaana, moi a kan kelnyem koo shasshalawum, waka kan me an shasshalau, birang in minin gba in yek koo wen ti ku-dang.²⁷Shii a kaa men gbidina ankpaa mennyim. A lewo in ti kur ding ta kira ta kira kpaaliya dingum, teerei, ye liyaa gun minani ka longku shasshalau sheeni in tang waraa minani ka longku shasshalau she memme. Shi kam minaa we kur ding ta kira sho dok, ta koddi ye minaa kuuni. ²⁸Longku ti bi shubet ta fokno Muuja ti ku shak mongba ankpaa ti shakki memme mekuwani. Pene deewanku te ye Yamma yuwaa gale kan pammi, wannai ka bi ye fuwaa po minnu shoro. Ti bi deewanku te ye liyaan Lai ko shigan shii mo kemrani poding.

Chapter 8

¹Oom-oom wee ne ti ku tewani ta shuklani ye ya, kama kang mongba ankpaa mo deeni ti ku kira temme ku juk ya gubno mo shokrani won ti kudang. ²Mongba ankpaa te ti ya shurannii ti ta Gume Yen Shaana, ti dob-dob piree Yamma ti deennin ye Fo-mina kpaka, a niyom.³Ti li mongba ankpaa dingii longku in minwe kan ding ta kira. Birang kaa te nennaa mongba ankpaa sheemu kama in yooni kan wee ta minani.⁴ Moda daa teka ya ti ku-buk daa shiwa ankpaam koo la-wiiu, longku milam ka me ankpaa me mibno we kaa ye Shoroi teka.⁵ Me ankpaa shurme ti ya shuranju ti ta Gume Yen Shaana yei jirim kan temiyanno mo ti ku-dang, longku ti ta koddi ye Muuja ta guglo tam po diyono Yamma, pekraa shii ya, "ken peni ya ke ta limmaa we ding kaa jirim ye shuknako shiki ti ku sheela."⁶Pene wende minaa shuran ankpaa ti Yeesho yei mon kpang kaa ye sheranku paaro te, ye limmaa ta Yeesho ti shakki Yamma kan memme, ye tei yen kpang. Sheranku paaro tei yen kpang, longku yuwaa tei ti ku wee shinui yen kpang.⁷ Moda sheranku paaro ye ka toom daa kuwanim, ai, daa a doo wee ta liyani in gassho bi ye ta yiru biirom.⁸Pene Yamma geeka kelnye memmeni ye teka ya, "Mo Fo-mina ya koddi ta waru, ye ne ta limma sheranku paaro yen fo ye memme Ishereila gale kan memme Yawuda. ⁹Tene a ta yooro kaa sheranku paaro ye ne yuwaa kan ma shiijum, ta koddi ye ne yikka shinui ti kira nen joottu biijui ti Mashar, longku shinui a yu dob ka sheranku paaronom, mo Fo-mina ya, nang nen fulin bi ka shinui.¹⁰Mo Fo-mina ya, gee sheranku paaro ye ne ta yaani kan memme Ishereila ka bi koddi te. Ne ta li shorono ti ta nyimmoju, birang ne ta ballirin ti poshaarijui. Ne ta yoono Yammaju, shinui in yooju memmeno.¹¹Shinui a ta lewani in shuppo shaayum, koo mondok in tewi ti molli, "Ke penaa Fo-mina," longku shin ding ta penno ta shinui, we yikka ti mo kattanju ding we war mongbaju ding.¹² Longku ne ta fuddo shinui, birang ne ta tokko shaari nyimmani kan shasshalaujum.¹³Bara ye Yamma yuwaa paaro kaa te ti ku sheranku paaro yen fo, in shewan ye ka toomi yen kooro. Birang koo peen we ye milam, birang ye ti koororo, ta wiiloro kpantidi.

Chapter 9

¹Oo, sheranku paaro ye ka toom kan dangyan pitto ka we wawo, birang kan po ya wawo ye niyo limmaa. ²Peeka tamii ye kan jelero ye ka toom piree liyaa la biro yiu shik wulan okro, kan dangla, kan we-ta kele ye waka. Jeleno tenei ye ti ye yaa Gume Yen Shaana.³Ta bi lanna kawo an palau yen gba, birang ka jele ye ti tewi yaa Gume Yen Shaana. ⁴Ti ta jele te ka po wawo ye ti kurin turaali ye gijii yen tomon ti kwi, birang kan kuluk sheranku paaro. Wee shurme palau te daalaa shiki ka bela. Ti kuluk sheranku paaro te ka taaja bela kan manna ti tai, kan labirono Aruuna ye moonna alau,kan yemyan shiila balla sheranku paaro palau. ⁵Ti ku kuluki ka kpiyan we me kan baakju ye ti shuklo shokranno Yamma, me birang ti kem shik piree ti tewi yaa po tira shasshalau.Pene wende kaa te minui ta dum ya paaro dar-daarum ti ku we tem.⁶Ka bi ye limmaa we ding kaa te, nang me ankpaa kpaaliya ding shinui in yiu reeju ti jele nan dok tami, shinui in ti ya shuranju. ⁷Pene mongba ankpaa shi dokni ye ti ri ti jele an palawi, birang ti po teerei sho dok waani ta sheno. A ti rim nang bara maa kan dom ye ta minani ka longku shasshalau sheeni, birang kan longku shasshalau ye memme yuyyaa a gale kan penanjum.⁸Kaa te shoom Yen Shaana ti shuki yaa koko po ri ta dob Gume Yen Shaanai awum tidam, ma po wawo shennyi ye ka toom maa bambiri ti po sheri. ⁹Temyan tei ti ku-buk te. Ti shukillai ya bwaari-bwaari kan ding ta kira ye mibnaai shinui a fooro in shutto poshaari me an wawo ti ta shasshalaujum.¹⁰ Tene taakai paaro shaani kan sheyani, kan futto we peeni-peeni, she kuut mina. Shinui birangii shoro peen she nyimmo lo-shik me weeka koddi sheranku ween fo in tang yaani.¹¹Kiriti fuwaa po waru ti po sheri mongba ankpaa, wanna ka ween kpang ye kama kan te wende. Shii in ri ta tam yen gbo, ye birang kpang, yei a digii niyom, teerei, a peen she kpiyan tem. ¹²Shii riyaa ta Gume Yen Shaana sho dok waani. A rii ka dom wii koo sheshiba tangkam, pene ka dom sheeni, ye weenamu kama marku po-ding.¹³Dom wii, kan gool-tangka, kan vuro la bulum tangka ye pitiraa ding shinui ta dum maan mei kan shaanam ti bi kuut mina, shinui in yooju me kan shaana ti shikju. ¹⁴Pene dogii shikno Kiriti ya? Shii mo yei kan ding ti shiknim, in min kuuni ti Yamma ti piree kan Shoom po-ding, ai, domnii kattan we ta dum shutto poshaarimu kama, kaman wessho diyo mina yei we sha toomum longku kaman wau Yamma mo kan dwei.¹⁵ Longkuuno te, shii Kiriti mo limmaa sheranku paaro yen fo ti shakki Yamma kan memme, longku me yeyaa shinui ka we yiu po aa po-ding ye Yamma deewaanku. Tene yuwaai longku fuwaa po ya muro ye tei ti for memme ti ta shasshalau ye shinui yuwaa ti ta koddi sheranku paaro ye ka toom.¹⁶Ma mondok maa deewaaku ti ku paaro ye kan we po aani, yikka ti gbare-do in shuki ti memme mo murooni ye deewaanikui tida.¹⁷ Longku deewanku we po aa a kan kumenum nang bara maa murooni, teerei, a kumu mondok in ya ye maa kan dweim.¹⁸Tenei ye sheranku paaro te ye ka toom a yooro kan kumenum nang bara ye deraa dom.¹⁹ Ka bi ye Muuja kpaala foki ti memme ding peen pekro ye ti ta shoro, nang in shar dom shiba tangka, kan she wii, in shaakina ka doo. Ka bi nang in shar deyan gongro gale kan shok dinnyi yen gakal in dikkon domi ti ku alau Shoroi birang kan ti ku memmei ding. ²⁰Nang in tewi ya, "Tenei dom sheranku paaro ye Yamma teka ma ya ma jooro."²¹Kaa te, in dikkon domi ti ku Tam te, birang kan ku ding shari ye ti sheri ka we ya shuran.²² Kulli, maa she shoroi, kaa we ding ti shaanai ka dom. Maa gale kan der domum, a doo ye ta fuddon shasshalawum.²³Yikka ti gbare-do waari shurme in yooju kaa te longku shaano we ku-buk shurme. Longku shinui temoi wee ti ku-dang. Dob-dob wee ti ku-dang shinui leka kur ding ye yeka ye ka toomi kpang.²⁴ Longku Kiriti a ri ta Gume Yen Shaana ye diga ta niyom, yei temo she dob-dob pirii waani. Ongngoo, shi po kuuni ammaanii ku-dang, longku in peri ti toomno Yamma ka longkuumu kama wende.²⁵A ye yaa ammaa ku-dang longku in yiu min kuuni kpaaliya dingum, kaa ye mongba ankpaa ti ri ta Gume Yen Shaana sheno ding ka dom yei sheenim.²⁶ Modaa kaa te, ai, Yeesho daa ti ku taa shilibi koo dimin, wee yinna ti kpiyan ku-buk. Pene gee shukna kuuni sho dok ti wiilan ku-buk te longku in wak shasshalau ti piree kan min kuuni.²⁷Kaa ye limmaa ti la Niyo mo muru sho dok waani, ka biino te nang dogii shiireno Yamma,²⁸ kaa te munaa Kiriti sho dok waani longku in shar shasshalau memme gbe. Birang shii ta peru an palawi, a longku in shar shasshalawum, pene longku in waru ka marku ti me ding ti ku ya dalak meyanni.

Chapter 10

¹Shoroi nangii temo ween kpang waani me ti toom, tei a dob-dob we tem. Tenei yei foorom mi, tei liyaa me ding me ti nemru nimmi kan Yamma in yooju dob-dob kaa ye Yamma leka ti bi we kurani te ye ti sha toom ka minani sheno-sheno.² Modaa ye ya shoroi daa kan kumen, ai, daa dayaa fok min we kurani te, longku me an minani shinui ta we teklani foki dok, poshaariju nang a ta yiu turmo shinui ka longku shasshalaujum. ³Pene we kurani tei koko nyimmo shasshalau, sheno-sheno.⁴ Longku a doo ye ta yooro dom tangkan shwiji kan she wii in wak shasshalawum.⁵Longku kaa te, koddi ye Kiriti ta riirun ku-buk, in tewi ya, "We kurani kan we po minani koo lawiiu kei lewom, pene ke limmaanoi lo-shik.⁶ We po kurani kan we po fuddo shasshalau ke ti sha tomonjum.⁷ Nang nen tewi na, "geene wono ta Yamma, ne wanna nen ya wee ke leka, kaa ye ballii ti kuuno ta ballilan paarono Yamma."⁸Ka toom teka ya, "We kurani kan we po minani, kan we po kurani, kan we kurani ye ta wakin shasshalau kei lewom, ke ti sha tomonjum." Teka kaa te kaa ye shoro teka ya mo shor shik pekro shurme te.⁹ Birang in tewi ya, "gee ne wono, nen wanna nen ya nyimmoko". Teerei ye liyaa dangan pinno ye ka toomi ti jele kulang ka we sheewo an palawii.¹⁰ Ti bi nyimmo Yamma birang, shigan mun kama me an shaana ti piree kan minan shikni ding ye Yeesho Kiriti minaa sho dok a tokko shaarim.¹¹Kpaaliya ta piri ding koo an-kpaa shire ti sheri in ti ya shuranni, ti yiu min peen we po kurani te ye tei kan kumen dum wak shasshalawum.¹² Pene bara ye Kiriti minaa we po kurani dok ding ka longku shasshalau, nang in deeni ti ku kira temmeno Yamma. ¹³We yinna ti koddi teere ti ku dangani in li an jeere kenneni ti ta gun shooni longku in tabyo kuuju.¹⁴ Ti bi we po kurani dok te, shigan me shaanai in yooju me kemrani foki dok.¹⁵Shoom Yen shaana yuwaamu kam jimro ti ku we te. Ka toom teka ya,¹⁶ Gee sheranko paaro ye ne ta yaani kan shinui, ka bi koddi te, tekai Fo-mina. Ne ta showin shiireno ti poshaarijui, birang ne ta ballon ti shinui ti ta nyimmojui.¹⁷Birang in tokko shaari ya, "shasshalauju koo kelnyeju ne ta tokko shaari nyimmo bi birangum."¹⁸ Koddi ye fudda shasshalaujui, a doo manni wee leka ka we po kurani ka longku shasshalaujum.¹⁹Longku kaa te, ma molonno, min kan po ku kping minin ri ta gume yen shaana ti bi domno yeesho. ²⁰Ye shii a ka mu kama do koko yen fo, birang koko kerang, ye peran ti lanna kawo te teerei shikni.²¹ Birang min kan an-kpaa yen gba ye memmeno Yamma ding ti kiranii.²² Longku kaa te, shero mo kama nemru nimmi kan Yamma ka poshaari kumanni kan lishaari yei a doo belan poshaarim. Kama nemru kaposhaari yen shaana ti piree kan kelnye shasshalau, kan shik ye shuttaa ka doo ye rau-rau.²³Shero mo kama sheremu ti ku lishaarimu kama, ye kama ti jiminna, ka bang kping longku shi mo deewaamu kama kui me an yiu poshaari. ²⁴Kama nitto shaayi ye kama te shuula shaayi ka shuk lewan kan ya shuran yen kpang. ²⁵Kama wessho dai fo po ya galo wawoi, kaa ye peddi tinnaju ka yaani. Kan ye kaa te, kama yiu pee shik shaayi, birang kaman tokko shaari yaani kaa te longku ma ti we darang te ta wari nimmi.²⁶A doo dogi we po kurani ye ta shar shasshalawum ma kama maa shuwaa toom ka yuyyo shasshalau kan kariji ka bi ye kama fuwaa po we penan kumanii.²⁷ Kan ye kaa te, ka kelmo te ye ti min shewo kan deet yen den kping ye ta kur me kuraaju Yamma.²⁸Mo ding aka sho ta ku shubet ta fokno Muuja ti tuk shii, a kan kunngom, ti bi jimro niyo palau koo tat, ²⁹Pene dokii mo beka laano Yamma, yuwaa we waani ka dom sheran ku paaro te ye shaana tei birang in kpaa shoom yen shaana! Wo peen kelnmo yen kpang shire ye ma nyimmina yuwaaro dob-dob yepo yaani ti niyo tei?³⁰Longku kaman pen mo teka ya, "raamo jani weeno, nang ne ta ramani." Birang in tewi ya, "Fo-mina ta shiire memmeni."³¹ We shewo niyo in shukno ti ta kirano Yamma mo kan doi.³²Ma nyimmo paa ka shaklo me milam. ka bi ye ma weyaa aarono Yamma, man kurmina kpang manti ya yarang kanno-kanno kan taa shilibi. ³³Manni koddii in ti kpaa-ma ti kudam, in ti pesshoma ti toom memme. Manni koddii birang, ma ti kumi man gal ku kan me shinui ti sha peen shilibi te.³⁴ Kaa ye ma shuklaa kunngo ti me shinui nummani ti ta mina muruk, birang man shuklo twaalan shaari ka bi lauwama shar-ma, longku ma penaa man maa kan birma ye yeka gbe ye ta yooro po ding.³⁵Longku kaa te, moma ving bang poshaari mam, longku ta waruma ka gba we shi shuran.³⁶ Nennaa man kurmina, longku yaani kaa te ma ta ya wee Yamma leka, ka bi kaa te birang man yiu wee dewaan man kui. ³⁷"Longku a ta nesshanim, mo ta waru te ta waru, a ta diiru bakum.³⁸Niyonei mo an kunngo ti piree kan lishaari, tadiyani. Pene maa meyeni ka guni, kerangno a ta sha tomonnim."³⁹ Min kam, a peen me an meeju ka gunim we war po muttanim, minu kam minui me an kumani we waraa we kerang.

Chapter 11

¹Lishaari tei kumani ti ku wee kama liyaan shaari ti kwi, birang tei diyoni kan kumani ti ku wee kamai ti dum we shikim.² Ti bi lishaari ye memme me milam weyaa kumanno Yamma.³ Ti bi lishaarimin jemlaa ye ya ti bi tewanno Yamma ye kpiinan ku buk ding, wee ti we shiki nang pennai ti shik wee a ti dum we shikim.⁴Ti bi lishaari ye Abiila minaa ti Yamma we kurani ye yeka sheeno kaayinu kpang. Yaani kaa te, shii in we kumanno Yamma ye ya shii mo an yiu poshaari, longku Yamma yikka we kuranni. Abiila nang in muroni, pene ka longku lishaarini in ti ya paaro ar wende.⁵Ti bi lishaari ye shokraa Enok, nang shii murum. A wa shiim, longku Yamma fuwaa po shokro shii. Ye in tang waraa shokro shii, jimroi teka ya shii weyaa kumanno Yamma.⁶ In maa kan lishaarim, a ta dum yooro in we kumanno Yammam, longku yikka ti gbare-do, ding mo an nemru nimmi kan Yamma mo kumu ya Yamma ka shi, birang ta min we shik shuran ti me ding shinui ti gassho biinii.⁷Ti bi lishaari ye Nubu, ka bi ye Yamma pekraa shii ti ku wee ti we shiki tidam, in min gba, in limma jirgi doo ka longku marku me ta minani. Kaa te, penaa shiiree ku-buk, nang shii in yooni mo an tappo ku ker shaari ye ti weeroi ti bi lishaari.⁸Ti bi lishaari ye Ibiraayim minaa gba in yiu koko war manni buki ye deewaaniku ya shii ta tappo kuuroi. Nang shii in yiu koko kaa ye a peno piree ta waranim.⁹ Ti bi lishaari in diina kaa biino ti buk te ye Yamma deewaanku ti shii. In diina ti ta limyan tam, shii kan Ishaako kan Yaakubu, me shinui tappaa ku deewanku te ka shaayikan shi.¹⁰ Yuwaa peen diyo te ka longku liyaa shaari ti ku gokmina te ye kan kelito, ye Yammai mo an limmani, birang shii mo an digani.¹¹Ti bi lishaari ye Ibiraayim in patto la, kaa ye shii koorooni kping ta koddii nang Sharaatu a ti warpo juuninm. Shii in kumi ya Yammai mo an yiu poshaari ti ta deewan kuuni.¹² Longku kaa te, ti pire kan niyo dok ye koorooni ar in nem po muro, i patto po peen gbe kaa arshal dingling ku-dang, koo kaa shwiyak fok shiiruk me shinui yeka bang maaraani.¹³Ma mee muttaa shin ding ti ta lishaariju. Shinui a yiu wee Yamma deewankum, pene shinui weyaa shik we tene kan talii, ta geyanju shinui shuwaa tomonju, birang shinui jimraa ti kudam ya shinui bino, a shiba an buk, ti ku-bukum.¹⁴ Me shinui ti jimro we te shinui ti shuki ti kudam ya shinui ta gassho buk po kuuju.¹⁵Moda shinui daa ti ya nyimmo ti ku-buk ye shinui wesshina ta bi, ai, shinui daa weyaa koko po shiwaju.¹⁶ Pene shinui liyaa poshaariju ti ku-buk ye yeka kpang, teerei she ku-dang, tenei ye a we duu lo-shik ti piree kan Yamma ye ta tewani ya shii kiriti. Kulli, shii limmaa gokmina kalongkuuju.¹⁷Ti bi lishaari ye Ibiraayim, ta koddi ye naka shii, mo minaa Ishaako ka we kurani. Teerei, ye shiki limmani ka we min duk laani.¹⁸ Koo kaa ye yikka deewaankui ya, "Ishaako shii niyo ye ti piree kan shi ye ta sha toom ka yee shommoko."¹⁹ Ibiraayim nang in ya nyimmo ya kulli Yamma tadum pigra me muttaaju. Ar maa, ti bi temo, min ta dum tewani min ya yinna Ishaakoi ti piree me muttaaju.²⁰Ti bi lishaari ye Ishaako liyaa kpang ti kuuno Yaakubu kan Ishuwa ti ku wee ta waru.²¹ Ti bi lishaari ye Yaakubu, ta koddi ye ta murani, in li kpang ti ku shibano Yushubu, birang in ya wawo ti Yamma ta koddi ye teeka shikni ka la bironi. ²²Ti bi lishaari ye Yushubu, ta koddi ye nennga muroni, in ya paaro ti ku pere Ishereila ti ta buk Mashar, birang in ya paaro ti ku wiyakni.²³Ti bi lishaari ye me an parino Muuja lattaa shii ar po tere tat ka bi pattanni. Shinui yuwaa kaa tenei longku shinui weyaa lai illo, birang shinui yu shewo ka pekrono gubum.²⁴ Ti bi lishaari ye Muuja, bara ye kpiraa, in kurani ka we tewani ya shii laano pirauna. ²⁵Shii in shak taa shilib ka shaayi kan memmeno Yamma kan ye in diina ta sha tomon shasshalau po koddi la-wiiu. ²⁶Longku shii ti ku li adooni ti ku we shik shuran ye ti toom, shii nyimmaa ya malfok ye yuwaani kan longkuuno Kiriti, tei wee yeka kpang kan birma Mashar.²⁷Ti bi lishaari ye shii wesshaa Mashar, a gale kan shi denno gubum. Shii in shereni bang ka longku shii ti we shik mo ado a ti dum we shikim. ²⁸Ti bi lishaari ye Muuja liyaa gun Temre Teelani, birang in dikko dom ka longku yoo mo an tukyo shiba newe te in tau shik Ishereilaawa.²⁹Ti bi lishaari ye Ishereilaawa ye shinui teelaa ti ta shiiruk shwee sha fok gurung, ti ku isshi buk. Pene bara ye Masharaawa shinui liyaa adooju ka we yiu biijui, nang doo in pal shinui. ³⁰Ti bi lishaari ye ganglang Jeeriko vubraaro, ka bi ye kpomlaa shikroi ar sho parilau. ³¹Ti bi lishaari ye Raab, paamun an piplo we ka shikro te, tei muru ka shaayi kan mei kan lishaarim,longku tei yikka me an shalo pen wee ti ta buk kaa me an jeere.³²Ne ta teu wen birangi? Ne kan koddiya paaro ti kuuno Gidiyon, kan Barak, kan Shamshin, kan Yebta, kan Dauda, kan Shamaila, birang kan me an-pigram. ³³Ti bi lishaari ye ma mee shuwaa toom ti ku ya gub, shinui in ya wee dob-dob, shinui in yiu wee deewanku ti shinui, shinui in numyo ku fok kamma, ³⁴shinui in sheri ka kumen deet, shinui in tuulaju ti den fok agarum. Shinui in shiwan kenni bang in yooro ti piree kan shinui.Shinui in kajiyo me an bejiyo deet buk peeni-peeni.³⁵Shereb in yippo memmeju me muttaju me shokraa shinui kan dwei, in min shilibi ti peddi, nang shinui in kuraju kumani ka we foran kira ka shinui, longku shinui ti ku gassho koko po illaju ti ta duwo ti ta diyo yen kpang. ³⁶Peddi in nwinnyo fokjui kan biro-biro, in kpakko peddijui ka we eem, peddijui in nummina ti ta mina muruk.³⁷ In kpailo shinui ka shiila, peddi in baalo taajui ka jawit shiu we eem, birang in tukyo shinui ka agarum. Shinui in dabyo lakat galma kan she wii,in ti shangilla ta shinui. Shinui in diina ti ta kenni kan kunne kan taa shilibi.³⁸ Ar ku-buk maa shinui fooro diyon ti taim. Shinui in yiu shanglani ti piree a doo niyom, birang kan ku sheela. Shinui in ti kuttina ti ta vulug sheela, birang kan ti ta jwal ye ti ta buk.³⁹Meen shurme ding te, Yamma yuwaa jimro yen kpang ti ku lishaariju, pene kama ye kaa tei, shinui a yiu wee deewaan kuim.⁴⁰ Yamma limmaa ween kpang ka longkuumu kama. Nyimmonii mo shinui wessho fooro yooju kemranii yeshinui maa kashaayi kan kamam.

Chapter 12

¹Longku kaa te, kaa ye galo me an jimro shin gbe kping ye shinui teraamu kama ti shakki shero mo kama wakyo wee ding ta beloomu kama birang kan koo peen shasshalau ye yikkamu kama bang, shero birang mo kama yu baa-baau te ye ti toom mu kama gale kan bang poshaari.² Kama ukko ado ti Yeesho mo shii shoorin Lishaarimu kama kan birang mo an lishaarimu kama in yooro kemrani, longku twaalan shaari ye liyaa ti toomni, in kurmina ti ku biro sheewe nang birang a shiwon tei we duu-loshikum wende birang deeni ti ku kira temme juk ya gibno Yamma.³ Ma jooro niyo te, ye keraa shaari ka peen kuune ye me an shasshalau yuwa ti shii longku mo ma balo mam, koo man ker shaari mam.⁴Ti ta yarang kanno-kannokan shasshalau ye ma ti ku yaani a fooro ye ma po deron dom-mam.⁵ Koo jiyeei shekama ka paaro pee shik ye Yamma yuwaa ma, ye tei ti teuma ya mai shibonii ya? "Ai Laano, mo ko shiwon nawitno Fo-minai we waanim, mo ko bel poshaariko ye maa ti ku pekrokom.⁶ Longku Fo-mina ti nattinai mo leka ding birang ti natto la ye ding yikka".⁷Ma kurmo ka shilib ye ma ti ku shaani longku ti ya shuran ka shilibii, longku nawit kaa te Yamma ti ya kan ma kaa shiboni wola shiree ye fowii a ti natto shiim-mi?⁸ Pene in maa natto ma kapeen nawit ye ti ya ti ding shiboni Yammam, Oo, nang mai shiba uu mina a shiba minam⁹Kan ye kaa tem mi, kama kan ma fowon she lo-shik me shinui ti nattomo kama nang kaman ti minin gba ti shinui duma kamai ta kumani ka nawitno fomu kama she shoom longku kaman yoomu kan kerang maa?¹⁰ Ma fowonmu kama she lo-shik shinui nattaamu kama po la koddi ti koko ye shinui geeka yeka kping ti piree kan geyanju, pene Yamma ti nattomu kama ka longku kaman we po aamu kama ti ta shaanani.¹¹ Nawit ye ding ti yuumu kama ti per mu kama ta koddi a sha tomonum, pene ka bi ti waru ka shatoom diya dob kan kuttan shaari ti me ding sharaa shubet nawiti¹²Longku kaa te, ma shupro shik kira ma ye balaaju, birang man pee shik vurum ma yei bangum.¹³ Ma yiu bi koko mekpang ka longku yoo shoo-ma me kan pira tokko shaari kuularo, kan ye in niyoro.¹⁴Ma dung doo ma man dee ma bang kan koo nong, birang man ya diya shaana longku a doo mo ta we shikno Fo-minam maa gale kan shaanam.¹⁵ Ma jooro paa mo mondok kaano we kunnguno Yammai! Ma yu ka kerang yoo mondok yooni kelden poshaari ye ta waru ka daklo we, birang in daklo memme gbe. ¹⁶Ma jooro paa yo mondok yooni an deen, koo moi ti shi Yammam kaa Ishuwa mo pilaa ka aani la newe ka longku gurang gwaang dok waani.¹⁷ Ka bi kaa ye ma penaa, milam leka yiu kpang te, nangin kura shii. Nang a wa koko po limmo tau merenim, kaa ye gasshaa kpang te ka muru.¹⁸Tida mai fottu gbang dongor shinek ye ti dum tau shikim, koo nimmi kan deet ye ti kuri kping koo gee dil dingi bib-bib, koo pirit doo.¹⁹ Koo biya adununumu, koo nangii ele mo an ya paaro, ele mo an ya paaro te liyaa me an yaaro tei shinui in ya bengo ya mo wessho sha toom ka ya paaro ti shinuim.²⁰ Shinui yuwaa bengoi longku shinui a dum kurmani ka pekro ye minna te ya "koo we-ta-gun ye taka shik gbong dongori, nang ta kpailo tei ar in muroro.²¹ Wee shinui weyaa shiki te yuwaa we shewo kping, ar maa Muuja in tewi ya, "shikno in ti tari ka longku shewo".²²Pene ma foonna piran gbong dongor Shiiyoona, kan gokminano Yamma ma kan dwei, tenei Urshaliima ku-dang yeshingbe kping. ²³Ma wanna shik memme an balla shibo newe ye shommoju balilii ti ku-dang. Ma wanna shikno Yamma mo shii an shiiro koo nong kan piran shoom-shoom memme me kan kunngu me shigan shinui kemrani.²⁴ Ma wanna shikno Yeesho shii mo limmaa sheran ku paaron fo ti shakki ma Yamma kan memmeni birang kan piran dum te ye dikkaa ye ti ya paaro ye yeka domno Abiila kpang²⁵Ma jooro paa mo ma kura shi mo ti ya paaroim ma peno, me shinui kuraaju yiu mo pekraa shinui ti ku-buk te, a tuulom, pene dogii minu ya? Min ta tuulanii ka yee ye min maa ti kuromu mo ti yuuru-mu pekro ti ku-dang?²⁶Ta koddii nang eleno Yamma in yigro shik ku-buk pene wende deewaa-ku ya, "Ne ta yigro ku-buk sho dok birang, a ku-buk waanim, pene ar kan ku-dang maa.²⁷Paaro te "sho dok birang"tei shuklaa ya ta wak wee yigraa shikii, tenei ta wak wee kpiino longku wee a ta dum yigro shikjum in deeju.²⁸ Oo, kaa ye kama ta ri ta po ya gub yei ta dum "foki dok ne ta wesshokom, yigro shikim, shero mo kama pammo, birang koo la-wiiu ne ta ving-kom" kaman wau Yamma peenno ye leka ti ta shewo kan min gba.²⁹ Longku Yamma mu kamai deet ye ti kuri.

Chapter 13

¹Ma shu toom ka shuk lewan ti shaayi kaa ma molon.² Mo ma daifo ya kunngu ti binom, longku yaani kaa te peddi yuwaa shuran ti me an shuran ku-dang, a kan penanjum.³Ma nyimmo kan me kpakkii ti ta mina muruk kaa ma kpakkii ka shaayi kan shinui, birang man nyimmina kan me ti ku minin shilibi, kaa ma po kuuma ye ma ti ku sha shilibi. ⁴Diyo diyaa mo yooro ween illo ti piree kan ma ding, deewanku diyaa ma mo sheroro kan shaana longku Yamma ta min kelmo ti me an ya shomak kan me an doon.⁵Ma yooma tali kan leu kine, birang shero mo wee ma kan te mo ker ma, gee nang Yamma ti tewi ya, "Ne ta wejomam, koo nen shwaalo-mam". ⁶Tenei yei a kan marak poshaarim, minu ta dum tewani min ya, Fo-mina ka shi kan minu ne ta ya shewom, la niyoi ta dum yuuno wen?⁷Ma nyimmo kan me an toommame shinui teka ma paarono Yamma. Ma gee dangan piri ye shinui yuwaan diyaju, kan dangan piri ye takkaan dogi diyaju wiilaan birang ma yiu bi temo lishaaariju. ⁸Yeesho kiriti nang a ti paaro kuunim, kaa ye shii kpooloo, kaa te booi,kaa te birang ta yooni ar poding.⁹Mo shubet yen fo peeni-peeni shalma doomai nennaa man we pee shik poshaari ti piree kan kunnguno Yamma a ye ya ti bi waan diyo minaju peeni-peeni we sha weshiinam. Mee shurme kam a kan we sha toom ti piree kan an shoranin.¹⁰ Nang minu kan diyon po kur ding ye me an-kpaa ta tam po diyono Yamma shinui a kan koko poshaani ti ta minan ding we kuranni. ¹¹Mon gba an-kpaa ti wanna ka dum we-ta-gun we war ta gume yen shaana longku in minin we kurani ka longku shasshalau, pene lo we-ta-guni te nang ti kurii ti bi mina¹²Kaa te birang Yeesho shuwaa shilibi ti ta bi mina longku in shaano memme ti piree kan dom sheeni.¹³ Longku kaa te, nang kama pero war shiknii ti ta bi mina, longku kaman kurmina kan peen kpiiro ye shi kurmaa kan te.¹⁴ Longku kamai kan gokmina yei ta kooro ti ku-buk tem, pene min ukko ado ti gokmina ye ti ku waru.¹⁵Shero mo kama yiu min we kurani we kum pirii ti Yamma ti piree kan Yeesho, kum pirmu kama nang mo yiiju pa-paaromu me an jimro ti shommono Yamma.¹⁶ Mo ma daifo ya kunngu kan shaushaayum longkui peen we kurani ye Yamma ti sha tomonjui.¹⁷ Ma min gba ti me an toom ma, birang ma ka kumo ti shik pekroju, longku shinui me ti jooro kuuma kaa me ti sheero pi shuranju. Ma minin gba ti shinui ti ye ta liyani shuranju in we twaalan shaari, a kan tira poshaarim, longku tenei a ta waru ma ka manni sha too-mum.¹⁸Ma for-fok ka longkuumu,min kan kumani poshaarimu a ti ku permu ka longku manni kelnyoim. Nyimmomu te minin shuk nyimmo yen kpang ti ta shuran muding.¹⁹ Ne ti ku beng ma teng-teng man formu fok longku Yamma in ya nen me shik ma kan shwali.²⁰Yamma shokraa Yeesho Fo-minamu kama ti ta duwo ti piree kan dom sheran ku paaro te ye po-ding. Yaani kaa te nang Yeesho in shiwani mo an tii dinnyi mon gba.²¹ Ne ti ku beng Yamma mo an min kuttan shaari mo kemma ka koo wen yen kpang longku man ya wee shii lekai birang in yiu ya wee tei leka ti ta aama ti piree kan Yeesho kiriti. Shokran mo deero po-ding ti kuuno kiriti po-ding foki dok. Mo yooro kaa te.²²Ne ti ku beng ma, ta ma kolonno ma kero shaari-ma ka pekrono te, longku a manni jooro paaro ye ne ballina mam.²³ Ne leka man peni ye ya foraa kira ka molmu kama ta Timataawush ti ta mina muruk. Maa wanna shwat, ne ta waru ka shaayi kan shii nen we shik ma.²⁴Ma kakyo me an toom ma ding kan me shaana ding. Ma molonmu ti Itaaliya ti ku kaa ma.²⁵ Kunnguno Yamma mo deero kan ma ding.

Revelation

Chapter 1

¹Tenei jirimno Yeesho Kiriti ye Yamma mĩnnan tĩ shii ya mo shuk ti me shookni wee kpantidi ta yooro. Shii shukilla ka shuru an-shuranni ti shik shookni Yʊwaana. ²Yʊwaana jimraa paarono Yamma kan jimrono Yeesho Kiriti, wee ding ye shii weyaa shiki. ³Kpangii no ti maaro pigra the ka ele yen bang kan me ti kaan kumoju ti Shii paaro pigra te kan no ye ti minin gba ti wee baaliin ti tai, longku koddii yuuna nimmi.⁴Tĩ piree kan Yʊwaana we war Shik me tĩ ta mĩna-wawɔ pɑrilɑw me tĩ Aashĩya. Shɛrɔ mɔ kʊnngʊ deero tĩ shik ma kan kʊttan shɑɑri tĩ piree mo ye, kan mo mĩlam, kan mo ye ta warʊ, kan tĩ piree kan shɔɔk me tĩ toom pɔ ya-gubni, ⁵kan tĩ piree kan Yeesho Kiriti, mo ye shĩĩ an jĩmrɔ lĩ-shɑɑri, shĩĩ la-nɛwɛ ĩlĩt ta duwɑ, kan shĩĩ gub me an gub Kʊ pɛɛwɛ-pĩrĩ. Tĩ mo lɛkamʊ kama kan ĩn pĩddɔmʊ kama tĩ ta shasshalaʊ tĩ piree kan domni - ⁶shĩĩ limminɑmu kama pɔ diyo, an-kpaa lɔngkʊ Yammanĩ kan Foni - ti piree kan shĩĩ mo shɔkranĩ kan kʊmɛn mɔ yɔɔrɔ pɔ ding. Mɔ yɔɔrɔ kaa te.⁷Gee, shii to ku waru kan shungu; ado ding ta we shiknii, mayani kan me kpeyyaa shii. Po-peen Ku peewe-piri ding ta bau kenni ka longkuunii. Oo, Mo yooro kaa te. ⁸ "Nei Liyan guni kan Wiilani," tenna ta Fo-mina Yamma, "mo ye shii, kan mo ye shi milam, kan mo ye ta wary, Mongba."⁹Ne, Yuwaana - molma kan mo ye taa-shilibi ka shaayi kan ma kan po diyo kan ker-shaari shasshani ye ti taano Yeesho- milam ti ku koran-buk ti nang-shakki doo ye ti ye yaa Badmuuja ka longku paarono Yamma kan ti ku jimrono Yeesho. ¹⁰Koddii ne ti ta Shoom ti ta darangno Yamma. Nen yaaraa ti ta biino ele yen yen bang kaa she adununu. ¹¹In ti tewi ya, "Ballo wee ke weyaa shiki ti ta lakarda, kan ken shur guni ti ta mina wawo Yamma me shi parilaw- ti me ti Afiishu, ti me ti Shimirna, ti me ti Pargamum, ti me ti Tiyaatira, ti me ti Shardiishu, ti me ti Piladelpiya kan me ti Lawudiikiya."¹²Nen shiwo doono ka we geyani wo nong ye ti ku yuurono paaroi, kan na ne shiga doono, nen we shik po dajiyo ogro bela shin parilaw. ¹³Ti nangshakki po dajiyo ogroi yen dok kaa la niyo, showii kan lanna yen joori ye shaana ku kparilam-shoonii kan la kautung lanna bela kau-biili.¹⁴Kuunii kan shok-kuunii yen pe shakshak kaa wulu- yen pe kaa ar-deele - kan adoonii kaa dak-deet. ¹⁵Shoonii kaa daalan-shik we-eem yen gakal, kaa we-eem yen gakal ye shoka ti ta kpiyan-deet, kan elenii kaa ele borol-borol doo. ¹⁶Shii kan ar-shal shin parilaw ti ta kira temmeni, kan agarum ye kan bilik-bilik fokro palaw in ti perin ti ta foknii. Adoonii in ti aarra kaa darangti ta den to.¹⁷Bara ye ne weyaa shiknii, nen shuwon ti toomnii kaa kuma-niyo. Shii in li kira temmeni ti kuuno kan in tewi ya, "Wessho ya shewoi. Nei liyan guni kan wiilani ¹⁸kan mo ye kan dwei. Milam Nei kuma, pene gee, Ne kan dwei po ding! Kan ne kan kumen ti ku muro kan shwal.¹⁹Longkuuno te, ballo wee ke weyaa shiki, wee wendei, kan wee ta yooro ka biino te. ²⁰Maa kaa she lattan wee ta shuklani ta ar-shal ye parilaw te ye ke weyaa shiki ti ta kira temmeno, kan po dajiyo ogro yen shin parilawi: Ar-shal ye shin parilawii shinui me an-shuranno Yamma she mina-wawo ye shin parilawi, kan po dajiyo bela ye shin parilawii shinui mina-wawo ye shin parilaw."

Chapter 2

¹Ti me an-shuranno Yamma me ti Afiishu ballon: 'Paarono mo yiwii kan ar-shal shin parilaw ti ta kira temmeni kan in ti ya mere ti shakki po dajiyo ogro bela shin parilaw, ²"Ne penaa shuranko, kan kping shuranko, kan ker-shaari, kan ke ti kumi kan me piirem, pene ke naka me shigan kuuju me an-kaawi, kan ken pen shinui me an-shaba.³Ke ti ku shasshani ka ker-shaari kan ken ti shari ka longku shommono, kan kei balokom. ⁴Pene ne ta ya den kan ke ye ke wesshaa lewanko ye ka toom ti ta bi. ⁵Nyimmo longkuuno te, ti piree ke shugan. For-fok kan ken ya wee ke yuwaa ka toom. Ma ke maa for-fokum, ne ta waru shikko kan ne ta shokro po dai ogroko ti po diyoro.⁶Pene ke kan te: Ke kuraa me an yiu bi shubetno Nikolosh, ye ne sheeno ne kuraa. ⁷Shero mo mo kan kumo mo yaaro wee Shoom ti ku sheerani ti me ti ta mina-wawo Yamma. Ti piree mo kurooni yuyyo piire ne ta minin kumen shaani ti ta biro kerang, ye ti ta minano Yamma.' "⁸"Ti mo an-shuran ye ti ta mina-wawo ti Shimirna ballo: 'Paarono mo ye shii liyan guni kan wiilani, mo ye murooni kan in yooni kan kerang birang: ⁹"Ne penaa taa-shilibko kan kenniko, pene kei mo an-birma. Ne penaa me ti ya shaba ya shinui Yawudaawa, pene a kaa tem. Shinui mina for-fokno Shuuro.¹⁰Moko yu shewo wee ke nennga taa-shilibim. Gee! Shuuro nennga ving peddi ma ti ta mina-muruk kulang in nau ma, kan ma ta taa-shilibi po shaklo kpumu. Ma li-shaari ar we war mina-muro, kan ne ta min ma tene kerang. ¹¹Shero mo mo kan kumo, mo yaaro wee Shoom ti ku sheerani ti me ti ta mina-wawono Yamma. Ti mo ye kurooni yuyyo piire ne ta liin pira ti ta koddi muro an-palawim.' "¹²"Ti mo an-shuran ti ta mina-wawo ti Pargaamum ballo: 'Paarono mo ye kan agarum ye kan den foki palaw: ¹³"Ne penaa piree ke diin, po teerei po ya-gubno Shuuro. Ar wende ke yiwii kan shommono kping. Ne penaa kei beko li-shaariko ti taanom, koo mo daa koddi shaklono Antipash mo an jimrono, mo ye li-shaarino ti ta aani, mo ye tuka shii ti shakki ma, ti po teere piree Shuuro diin.¹⁴Pene ne kan we la-wiiu kan ke: Ke kan peddi me yikka shubetno Balaam kping, me shuppaa Balak mo ving shiila kelnyo ti toom shiba Ishereila kulang shinui in sha weshiina ku we kuma-we kan yuyyo nyimmo shomak. ¹⁵Dob-dob kaa we tei, ma kan koo peddi me shinui yikka shubetno Nikolosh bang.¹⁶Longku kaa te, ma for-fok, maa kaa tem, ne ta waru shik ma peeb, kan ne ta ya gei kan shinui ka agarum ye ti ta fokno yei paaro Yamma. ¹⁷Shero mo mo kan kumo, mo yaaro wee Shoom ti ku sheerani ti me ti ta mina-wawo Yamma. Ti mo kurooni yuyyo piire, ne ta minin peddi lattan weshiina ma fowon ye milam (manna), kan ne ta minin shiila yen pe ye kan ballan shommo yen fo ti ku shiilai, shommo yei adoo niyo penaam, pene bara mo ye yikka tei.' "¹⁸"Ti mo an-shuran ye ti ta mina-wawo ti Tiyaatira balla: 'Tenei paaro Laani Yamma, ye kan ado kaa dak-deet kan sho kaa daalan shik we-eem yen gakal: ¹⁹"Ne penaa wee ke yuwaa: lewanko kan li-shaariko kan wawoko kan ker-shaari shasshani. Ne penaa ye wee ke yuuna baa wendei yeka ye ke yuuna ka toom.²⁰Pene po-shaarino gbanaaro ti shikko: ƙɛ kunnga ti paamun ye yaa Jejebel, ye ti ye kuuro ya tei paamun an-pigra. Ti piree kan shubetto tei in dokko me shookno in yuyyo shomak kan in shuyyo weshiina ye waraan ku we-kuma-we. ²¹Ne minaan koddi ti tei ka we for-fok, pene tei akan lewan for-fokro nyimmo doonum.²²Gee! ne ta kanno tei ka agin ti gburam kan me yuyyaa shomak kan tei nenter shinui ti ta taa-shilibi, ma shinui maa foraa-fokju ti ku piire shurantom. ²³Ne ta tukyo shibaroi, kan me ti ta mina-wawo ta penani ya nei muyo mo ti yippo gun nyimmo poshaari. Ne ta minani ti koo nong mai wee dob-dob shuranma.²⁴Pene ti dogi ma ti Tiyaatira, ti koo nong yei kum kan shubet tem kan a peno ye peddi ti yoon kpuruntung weeno Shuurom - ti ma ne teka na, 'Nei li manni tirai ti kuumam.' ²⁵Ti taano koo shire, ma ta yiwani kping we war koddi meyanno.²⁶Ti mo kurooni yuyyo piire kan mo ye ti ya wee ne yuwaa we war wiilani, ti shii ne ta minin kumen ti ku-buk gbe. ²⁷'Shii ta ya gub ti kuujui ka gbanan-ta-gongo, kaa bwatte dokbo ye shii ta todiro taajui nyit-nyit.' ²⁸Bara kaa ye ne yinna ti piree kan Fono, Ne sheeno ne ta minin ar-shal vubna ti shii. ²⁹Shero mo ye kan kumo, mo yaaro wee Shoom ti ku sheerani ti me ti ta mina-wawo Yamma.' "

Chapter 3

¹"We war shik mo an-shuran ye ti ta mina-wawo Yamma ti Shardiishu ballo: 'Paarono mo yiwii kan shoom parilawno Yamma kan ar-shal shin parilaw. "Ne penaa wee ke yuuna. Ma kan manni nyimmo maa ma kan kerang, pene mai kuma. ²Pigro ken pee shik dogi wee kaanaa ye nennga muroro, longku nei wa shuran ma dob-dob ti adoono Yammanom.³Longku kaa te, nang ken nyimmina, ka wee ke yikka kan ken yaarra. Ken murin-ku ti shinui, birang ken for-fokko. Pene ke maa pigrom, ne ta waru kaa we an-jiri, birang ke ta pen koddi ye ne ta warui gei kan ke. ⁴Pene ka shommo memme gbaatiyee ti Shardiishu me shinui a bur shik lannaju ka doonum, kan shinui ta dum ya mere kan ne shoppii ka lanna men pe longku shinui nennaa.⁵Ti mo ye kurooni yuyyo piire ta shoppon lanna men pe ti shiki, kan ne ta nau teklo shommoni ti ta Lakarda Kerangum, birang ne ta sheero pi shommonii ti toomno Fono, birang kan ti toom me an-shuranni. ⁶Shero mo mondok ye kan kumo, mo yaaro wee Shoom ti ku sheerani ti me ta mina-wawo Yamma.' "⁷"We war shik mo an-shuran ye ti ta mina-wawo Yamma ti Piladelpiya ballo: 'Paarono mo shii shaana kan kulli - shii yikka we au-podangno Dauda, shii aka kan adoo mo dok ye nummaam, shii numaa kan adoo mo ta dum awanim. ⁸"Ne penaa wee ke yuuna. Gee, ne liyaako awan podang ti toomko yei adoo mondok ye ta dum nummanim. Ne penaa ke kan kenni bang, pene ke muraa-ku ti paarono kan kei yu jiram shommonom.⁹Gee! me ti ta mina-wawono Shuuro meti tewi ya shinui Yawudaawapenaakaa tem, pene shinui me an-shaba - Ne ta lishinui in waru in juuna ti toom shooko, kan shinui ta penani Ne lekako. ¹⁰Kaa ye yau ke shoraa shik shorono kan shasshani kan ker-shaari, Ne sheeno ne ta naako ti ta koddi nawo ye ta waru ti ku peewe-piri ding, ka we nau me dii ti ku-buk. ¹¹Ne ta waru peeb. Yiu wee ke kan te kulang adoo mo ta lawwo tenekom.¹²Ne ta li mo kurooni yuyyo shuranno Shuuro in yooni oppo ti ta minano Yammano, (Urshaliima yen fo, ye ta shaaru ti ku-dang ti jeleno Yamma), birang kan shommono yen fo. ¹³Shero mo mo kan kumo mo yaaro wee Shoom ta sheerani ti me ti ta mina-wawo Yamma.' "¹⁴We war Shik mo an-shuran Yamma ye ti ye ti ta mina-wawo Yamma ti Lawudiikiya ballo: 'Paarono Mo yooro kaa te, mo an tee-shik kan mo an-jimro yen kulli, mo an-gub ti Ku wee Yamma yuuna. ¹⁵"Ne penaa wee ke yuuna, kan ye kei duulan koo deetum. Ne leka ke daa duulan koo deet! ¹⁶Longku ye ke ti shakki - a deet koo duulanum - Ne nennga fiyako won ti ta fokno.¹⁷Longku ke ti tewi ka, 'Nei an-birma, Ne kan we duum-duum, kan adoo wee Ne lekam.' Pene kei peno kei gbong mo an-shalo-yaayaa, we kunngo, an-kenni, an-fugum kan an shalo gun-vure. ¹⁸Ka kumo ti shik nawitno: Pil bela ye kpiika shiki ka deet ti kirano kulang ken yooko mo an-birma, kan lanna yen gba pei shak-shak ye ke ta kawin shikko kulang a ta we gun-vurekom, kan mor ye ke ta shakani ti adooko kulang ken we ta piri kpang.¹⁹Ne ti natto koo nong ye Ne leka, kan ne ti shuppo shinui ka diyo ku peewe-piri. Longkuuno te, li-shikko ken for-fokko. ²⁰Gee, Ne sherii ti podang kan nen ti ya gbaaraa. Maa ka mo yaaraa eleno kan in au podangi, Ne ta riiru ta minani kan nen sha weshiina ka shaayi kan shii, kan shii ka shaayi kan ne.²¹Mo ye kurooni yuyyo shuranno Shuuro Ne ta minin to shii kumen kara we diyani ka shaayi kan ne ti po ya-gubno, bara kaa ye Ne sheeno shuwaa-toom nen deeno ka shaayi kan Fono ti po ya-gubni. ²²Shero mo mo kan kumo, mo yaaro wee Shoom ti ku sheerani ti me ti ta mina-wawo Yamma." ' "

Chapter 4

¹Ka bi ween shurme te nen geena, kan nen we awan po-dang ku-dang. Ele ye ka toom ye ne yaaraai ti ku yuurino paaro kaa ele adununu, ya, "Amru wono, kan ne ta shukko wee ta yooro ka bi we te." ²Kpantidi ne ti ta Shoom, kan nen we shik po ya-gub ku-dang ti po teere, kan niyo diin ti kwi. ³Mo ye diin ti kwii kaa jashpa kan yaakutu. Ti po teere ka nyanyam kpomlii ti jele po ya-gubi. Nyanyami kaa jumuruudu.⁴Ti jele po ya-gubi ka po ya-gub shin naa-palaw kan peereu, kan dijiyii ti ku po ya-gubii me an-toom shin naa-palaw kan peereu shoppii kan lanna men pe, kan tene bela ti kuuju. ⁵Ti po ya-gubi maljo in ti perin, naani in ti shugiyya gugugugu kan retetub-retetub. Ogro shin parilaw in eena ti toom po ya-gubi, ogro mei shoomno Yamma parilaw.⁶Ti toom po ya-gubi ka paali-doo rau-rau kaa giloosh ye ti aarra, kaa kiristal. Ti nangshakki po ya-gubi kan jelei po ya-gubi ka kpijiyan-we shin peereu kan kpokol-kpokol adooju, ti toom kan ta bi.⁷Kpiyan-we ye ka toomi kaa kamma, an-palawi kpiyan-wei kaa bulum-tangka, an-tat kpiyan-wei kan ado kaa she la-niyo, kan an-peerew kpiyan-wei kaa an-bei ye ti illina. ⁸Kpijiyan-we shin peerew te koo shire kan baak shin paragbanang, ka ado ti ku baaki kan ta baaki. Yippa kan darang shinui a ti kaano tewani ya, Shaana, shaana, shaanai Fo-mina Yamma Mon-gba, mo ye milam, kan wende, kan ye ta waru."⁹Ti ta koddiding kpijiyan-we meere timin gba kan shokran, kan pammani ti mo dii ti ku po ya-gub, mo dii po-ding po-ding, ¹⁰men gbidina me an-toom me naa-palaw kan peerewi ti juunon ti toom mo dii ti ku juk po ya-gubi kan in ti wau shii mo dii po-ding po-dingi. Shinui ti galin teneju ti toom po ya-gubi in ti tewi ya, ¹¹"Nennaai ke, Fo-minamu kan Yammamu, in yiu shokran kan min-gba kan kumen, longku ke kpiina we ding, kan ti bi nyimmoko shinui in yooju kan kpiiru."

Chapter 5

¹Nang nen we shiki tita kira temmeno mo dii ti ku-juk po ya-gubi lawan-do balla ti toom kan ta bi, tannaa foki kan we tanno shin parilaw. ²Nen we shik gbong an-shuran ku-dang ti ti ya paaro ka gakra ele ya, "Wo nong ye nennaa in au ta lawan-do wei kan in bel ta we tannoroi?"³Adoo niyo ti ku-dang kan ku-buk koo ti ta buk ta gun ye dunnga piddani koo in maarram. ⁴Nen ya kii kping ka longku adoo mo dunnga ka we awani kan in maaro tei. ⁵Pene dok ti shakki men-gbidina in teuno ya, "Wessho ya kwii. Gee! Kamma po-peenno Yawuda, shoorinno Dawuda, yekna bangi. Shii ta dum au ta lawan-do we parilawi kan we tannoro."⁶Nen we shik ogro dayii ti nangshakki ku-dam po ya-gub kan ti shakki kpijiyan-we peerew kan ti shakki men-gbidinai. Shii dob-dob kaa mo tuka. Shii kan kpaa parilaw kan ado parilaw, yei shoomno Yamma shin parilaw me shunna guni ti ku-buk. ⁷Shii in wanna in yiu lawan-wei ti kira temmeno mo diin ti ku-juk po ya-gubi.Koddi ye shii yikka lawan-wei, kpijiyan-we peerewi kan men-gbidina shin naa-palaw kan peerewi in juuna ta shinui ti toom La-galmai. Koo nongjui kan ring-ring kan taaja bela kemrii kan shari me gijii yen tomon, me shinui fur-fok memme me shaanano Yamma.⁹Shimui in ya vonak yen fo: "Ke fooraa ken shar lawan-wei kan ken auwe tannoroi. Longku karaako, kan ka domko ken pillin bi memme ti Yamma ti ta koo peen po-peeni, dak, memme kan buk. ¹⁰Ken shiwan shinui me an-gub kan me ankpaa ka we wau Yamma, kan shinui ta ya gub ti ku-buk."¹¹Nang nen geena kan yaaro ele mean-shuran Yamma gbe me kollaa jele po ya-gub kan kpijiyan-we kan men-gbidinai. Jiman kuuju shin shig-kpumu sho shig-kpumu sho shig-kpumu sho shig-shig. ¹²Shinui in ti tewi ka ele yen bang ya, "Fooraai La-galma, ye karaa, ka we yiu kumen, kan birma, kan shen, kan bang, kan min-gba, kan shokran, kan kum-piri."¹³Nen yaaro kpijiyan we ding me ti ku-dang kan ku-buk kan ti ta buk kan ti ta paali-doo - koo wenti taajui - in ti tewi ya, "We war shik mo deeni ti ku-juk po ya-gub kan ti La-galma mo kum-piri kan min-gba kan shokran, kan kumen ya gub, po-ding po-ding." ¹⁴Kpijiyan-we peerew me in ti tewi ta shinui ya, "Mo yooro kaa te!" kan men-gbidinai in juuna in ya wawo.

Chapter 6

¹Nen geena koddi ye La-galma akan dok ti lawan-we parilawi, kan nen yaaro dok ti shakki kpijiyan-we peerewi in tewi ka ele kaa ele naani ya, "Waru!" ²Nen geena kan ti po teerei ka gurung yen pe. Mo ti ku gurungi yiwii kan fiik, kan minan tene ti shii. Shii in peru kaa mo yuuna yenge ka we ya yenge.³Koddi ye La-galmai aka an palaw lawan-wei, nen yaaro an palaw-wei in ti tewi ya, "Waru!" ⁴Nang manni gurungi in peru - gakal kpididi. Mo ti ku minaan kumen shar kuttan-shaari won ti ku-buk, longku memme taaro in tukyo shaayi. Mo ti ku gurung te minnan gbong agarum.⁵Koddi ye La-galmai aka an tat lawan-wei, nen yaaro kpiyan-weo in ti tewiya, "Waru!" Nen we shik gurung yen ding, kan mo ti kwi yiwii kan we-temo tira ti ta kirani. ⁶Nen yaaro ele pelle kaa ele ti shakki kpijiyan-we peerewi in tewi ya, "La-temme shau dok ti ku dinaari dok, kan la-temme shaiir tat ti ku dinaari dok. Pene moko daklo mori kan doo-inaabi."⁷Koddi ye La-galmai akan an peerew lawan-wei, Nen yaaro ele kpiyan-we an peerewi in ti tewi ya, "Waru!" ⁸Nang Nen we shik gurung kaa vuro-vuro. Mo ti kwi ya shommoi muro, kan shwal in ti yiru binii. Minnan kumen ti ku dok ti shakki bwattan ku-buk peerew ti shinui, mo tukyo ka agarumi, kan kpiyam kan pira, kan kan piire lo-ta-shwee ku-buk.⁹Koddi ye La-galmai akan an fuwat lawan-wei, Nen we ti ta gun po li-dungoi jirim me tukyaa ka longku paarono Yamma kan jimro ye shinui yikka. ¹⁰Shinui in yallina ka ele yen bang ya, "We war dimin, Gub ku we ding, shaana kan kulli, we war koddi shiiran me dii ti ku-buk, kan we war koddi ye ken anngon po-jan dommu ya?" ¹¹Nang koo nong ti shakkijui in minin lanna yen joori yen pe, kan in tewon ti shinui ya mo shinui dangu tida we war kpalan-ku me an jeere shookju kan ma molonju fooraa ye ta tukyani, bara kaa ye tukyaan shinui.¹²Koddi ye La-galmai akan ta lawan-we an paragbanangi, Nen geena ka mirid shik buk. Darang in yooro yen ding kaa lanna bau-kenni, kan tere ding in yooro kaa kpididi kaa dom. ¹³Ar-shal ku-dang in shugiyyu ti ku-buk, bara kaa ye biro dugni shiilii ye tidai niyam ti darin ten ye gbong pirit doo maa yikraa shiki. ¹⁴Dindling ku-dang in shekero kaa alak lakarda ye laka dwei. Koo sheela shire kan koran-buk ti nangshakki doo in forin shinui ti po diyaju.¹⁵Nang gub ku-buk kan memme men kpattirin, kan me an-toom me an-bee-deet, kan me an-birma kan me kan kumen, kan koo nong birang, shook, kan mei shookum, ta lattaju ti ta vuluk kan ti shakki gaddi sheela. ¹⁶Shinui in ti tewi ti sheela ya, "Shugru ti kuumu! Kaumu doomu ti ado mo dii ti ku-juk po ya-gub kan ti piree kan den La-galmai. ¹⁷Longku gbong-darang denju foonna. Wo nong ye ta dum sheranii?"

Chapter 7

¹Ka biino te nen we shik me an-shuranno Yamma shin peerew shengrii ti gungul ku-buk peerew, yippii kpang kan baak ku-buk peerew kulang adoo pirit ta koppaniti ku-buku, ku paali-doo koo ti shik manni birom. ²Nen we manni an-shuran Yamma in ti waru ti kudo booli, ye kan lawan weeno Yamma mo kan dwei. Shii in yallina ka ele yen bang ti me an-shuran Yamma ye minnan kumen mo natto ku-buk kan paali-doo: ³"Wessho natto ku-buk, paali-doo, koo biroi we war ye min liyaa lawan-we ti ku po fooro me shookno Yammamu."⁴Ne yaaraa jiman ku memme me shakkaa: 144,000, me shakkaa ti ta koo po-peen memme Ishereila: ⁵shig-kpumu sho kpumu gee-palaw ti ta po-peenno Yawuda, shig-kpumu sho kpumu gee-palaw ti ta po-peenno Ruben, ⁶shig-kpumu gee-palaw ti ta po-peenno Aashiru, shig-kpumu sho kpumu gee-palaw ti ta po-peenno Naptali, shig-kpumu sho kpumu gee-palaw ti a po-peenno Manaashe,⁷shig-kpumu sho kpumu gee-palaw ti ta po-peenno Shimon, shig-kpumu sho kpumu gee-palaw ti ta po-peenno Leewi, shig-kpumu shokpumu gee-palaw ti ta po-peenno Ishaaka, ⁸shig-kpumu sho kpumu gee-palaw ti ta po-peenno Jeblon, shig-kpumu sho kpumu gee-palaw ti ta po-peenno Yushubu, shig-kpum sho kpumu gee-palaw ti ta po-peenno Bilyaaminume shakkaa.⁹Ka bi ween shurme te, Nen geena, kan ka jiman ye adoomo ta dum maaranim - ti ta buk, po-peen, memme, fok - shengrii ti toom juk po ya-gub ti toomn La-galmai. Shinui shoppii kan jodiri lanna men pep-pe kan yippii kan bundung dabiina ti kiraju, ¹⁰kan shinui in ti ya yee ka ele yen bang: "Mar-kui yuwaaroi weeno Yammamu, mo deeni ti ku-juk po ya-gub, kan ti La-galmai!"¹¹Me an-shuranno Yamma ding shengrii ti jele juk po ya-gub kan men-gbidina kan kpijiyan-we shin peerewi, kan shinui in juuna adooju ti buk ti toom juk po ya-gubi. Shinui in wau Yamma, ¹²in ti tewi ya, "Mo yooro kaa te! Kum-piri, shokran, shen, ding-ta-kira pammo, min-gba, kumen, kan bang mo yooju weeno Yamma po-ding po-ding! Mo yooro kaa te!"¹³Nang dok ti shakki men-gbidinai in tello ya, "Duma meyyei pitte, shoppii kan lanna men pe yen jodiri, kan duma wannai tong ta shinui?" ¹⁴Nen lignon ti shii na, "An-toom, ke penaa," kan shii in teuno ya, "Ma meyyei me shinui penna ti ta gbong taa-shilib. Shinui fuddaa jodiri lannaju kan in shiwan yen pe ti ta dom La-galma¹⁵Longkuuno te, shinui ti toom juk po ya-gubno Yamma, kan shinui in wau shii yippa kan darang ti ta minani. Mo ye deeni ti ku juk po ya-gub ta yooni tam ti piree kan shinui. ¹⁶Shinui a ta yaaro kpiyam birangum, koo shinui in yaaro isshi-fok birang. Darang a ta berani ti kuujuim, koo manni kur denim. ¹⁷Longku La-galmai ti nangshakki po ya-gubi ta yooni an tiiju, kan shii ta warin shinui po vol-doo kerang po-ding, kan Yamma ta teklo muru dooju ye ti adoojui."

Chapter 8

¹Koddi ye La-galma aka lawan-we an parilawi, ku-dang in yooro yititi pelle po minti naa-tat. ²Nang Nen we me an-shuranno Yamma me shengrii ti toomno Yamma, mibnon adununu parilaw ti shinui.³Manni an-shuran ku-dang in waru, yiwii kan taaja turaali, in shereni ti po li-dungo turaali. In minin turaali gbe ti shii kulang shii in mini ka fur-fok shaana memmeno Yamma ti ku po li-dungo bela turaali ti toom juk po ya-gub. ⁴Dungo turaali - ka fur-fok shaana memmeno - in illina ti toomno Yamma ti ta kira an-shuran ku-dang. ⁵An-shuran ku-dang in shokro taaja turaali in gbanin irip-deet ti po li-dungo. Nang shii in ukkuru ti ku-buk, kan gee mirid naani, shugyani, birang kan malaj ye ti ee ta piri, birang kan mirid shik buk.⁶An-parilaw me an-shuranno Yamma me kan adununu shin parilawi in limma shikju ka we biyani. ⁷An-shuran an doki in biya adununu sheeni, nang gee ar-deele lonngii kan dom. in deru ti ku-buk kulang bwaari tat ti shakki ku-buk in kuroro, bwaari tat ti shakki biro ku-buk in kuroju, kan duulan shwee ding in kuroju.⁸An-shuran ku-dang an palawi in biya adununu sheeni, kan manni wei kaa gbong sheela in ti kuroro ka deet in nyaarra ti ta paali-doo. Nang bwaari tat ti shakki paali-doo in shiwaro dom, ⁹kan tat ti shakki kpijiyan-we me ti ta paali-doo in muttoju, kan bwaari tat ti shakki gbidina jirgi-doo in todiroju.¹⁰An-shuran ku-dang in biya adununu sheeni, kan gbong ar-shal in shugru ti dingling ku-dang, in ti aarra ka doodilin, bwaari dok ti shakki tat shiiruk kan po vol-doo. ¹¹Shommo ar-shalii yaa Den. Bwaari dok ti shakki tat doo in yooro den. kan memme gbe in muttina ti bi doo ye yuwaaro den.¹²An peerew an-shuran ku-dang in biya adununu sheeni, kan bwaari dok ti shakki tat aaro darang paaro-kuuro, kan bwaari dok ti shakki tat aaro tere in yooro dil; bwaari dok ti shakki shuwa-darang kan bwaari dok ti shakki tat yippa adoo aarom.¹³Nen geena, kan nen yaarra anbei ye ti illina ka baak ti ku-dang in ti ya yee ka ele yen bang ya, " Rash-rash ma, rash-rash ma, rash-rash ma, ma me dii ti ku peewe-piri, longku dogi biya adununu ye nennga biiru ta me an-shuran ku-dangi shin tat."

Chapter 9

¹Nang an fuwat an-shuran ku-dang in biya adununu sheeni. Nen we shik ar-shal in shugru ti ku-buk ti ku-dang. Ar-shali minaan we au po-dang kpurungtung jwal. ²Shii in au fok kpurungtung jwal, nang dungo in perin ti ta kpurungtung jwali kaa dungo ye ti ta peru ti ta gbong mina-kowa. Darang kan pirit in yooju ding bib-bib ti kira dungo ye pennan ti ta jwali.³Ti ta dungoi, jodiro in peru ku-buk, kan in minin ti shinui kaa she adengre me ti ku-buk. ⁴In tewon ti shinui ya ma wessho daklo shwee ku-buk koo duulan alau koo biro, pene bara memme me shinui akan lawan-weeno Yamma ti fok foorojum.⁵A minin kumen ti shinui ka we tukyo memmem, pene bara in minin shilibi ti shinui po tere fuwat. Kwiiju ta yooro kaa besshan-we adengre ye maa beeka niyo. ⁶Ti ta koddi darang shurme memme ta gassho muro pene shinui a ta weyanim. Shinui ta lewani in muttoju, pene muro ta juwaro ti piree kan shinui.⁷Jodiroi ta yooju kaa gurung me liyaa shinui ka we war po-gei. Ti ta kuujui ka manni wei kaa tene bela, kan adooju kaa she niyon ding.⁸ Shinui kan shok ti kuuju kaa shokku shereb kan wuroju kaa wuro kamma. ⁹Shinui kan we-kauku-biili kaa we-eem kau ku biili, kan ele baakju kaa she ele sho kanga-jara gurung me ti ku yoba ti ku-dam gei.¹⁰Shinui kan geret ti gunju ye ti been niyo kaa we adengre; ti fok geretjui shinui kan ken ye ta liin pira ti memme po tere fuwat. ¹¹Shinui kaa gub ti kuujui kan an-shuran ku-dang ti ku kpurungtung jwal. Shommoni ti fok memme Ibiraniyaawa yaa Abaddon, kan ti ta fok memme Elenaawa yaa Apolliyon. ¹²An dok rask-rashji kookaro. Gee! Ka biino te ka manni skwa-peewei birang palaw ye ta waru.¹³An paragbanang an-shuran ku-dangi in biya adununu sheeni, kan nen yaaro ele ti ku Perin ti ta kpaa bela po li-dungo ye ti toomno Yamma, ¹⁴in ti tewi ti an paragbanang an-shuran ku-dang mo kan adununui ya, "Fora kira ka me an-shuran ku-dang me kpakkaa shinui ti ta gbong Shiiruk Epireeta." ¹⁵Me an-shuran Yamma me liyaa shinui po koddi teere, kan darang teere, kan tere teere, kan sheno in forin-kira ka we tukyo bwaari dok ti shakki tat memme ku peewe-piri.¹⁶Gbe memme me ti ku gurung shin shig-kpumu sho shig naa-palaw (200,000,000). Nen yaaro gbeju. ¹⁷Tenei ye ne weyaan shik gurungi ti do shunano kan me ti ku yuun yoba ka shinui: Lanna kau biilijui ka yen gakal kpididi, ka yen kpindi-kpindi doo vola kan doo-dirang. Ku gurungjui penna ku kamma, kan ti peri ti ta fokjui deet, dungo, kan deet ye gijii yen diwa.¹⁸Dok ti shakki tat memmei in tukyina ta shwa-peewe tat te: deet, kan dungo, kan deet ye gijii diwa ye tiperin ti ta fokjui. ¹⁹Longku kumen gurungii ti ta fokjui kan ti po geretju - longku geretjui kaa kuret, birang kan ku ye ti liyyon pira ti memme.²⁰Peddi niyon-dingi, mei tukyo shinui ka shwa-peewe shurme, a fur-fok shuranju yeshinui yuyyaa, koo shinui a wessho wau shaabug kan we-kuma-we bela, kan laa-bela, kan we-eem yen gakal kan shiila, kan she biro - wee shinui a ti we, yaarra, koo in ya merem. ²¹Birang shinui a for-fok ti ku tukyo niyo, gee-jirim, nyimmo shomak koo shuran jirijum.

Chapter 10

¹Nang nen we shik manni gba an-shuran ku-dang in shaaru ti ku-dang. Kauna shiknii ka shunngu, kan ka nyanyam ti ta kuunii. Adoonii kaa darang kan shoonii kaa oppo deet. ²Shii yiwii kan lawan la- lakarda, ye awiin ti ta kirai. Shii in tau shooni temme ti ku paali-doo kan shooni jiyau ti ku isshi buk.³Nang shii in yallina ka ele yen bang kaa ele duuro kamma. Koddi ye shii yallaa, naani me shin parilawi shinui in ya paaro ka eleju. ⁴Koddi ye naani parilawi yuwaan paaro, Nen nem ballani, pene nen yaaro ele ti ku-dang ya, "Latto ku wee naani parilaw te tenna. Moko ballo ti ta lakardam."⁵Nang an-shuran ku-dang ye ne weyaa shiki sherii ti ku paali-doo kan isshi buk in shokro shik kira temmeni ti ku-dang. ⁶Shii in pammo-we kan mo deeni po-ding po-ding, no kpiina ku peewe-piri kan wee ding ti taaro, ku-buk kan wee ding ti taaro, kan ta paali kan ding wee ti taaro, kan an-shuran ku-dangi in tewi ya, "Birang adoo daklo koddim. ⁷Pene darang ye an parilawi ye an-shuran ku-dang nennga biirin adunununi, nang shuran maamno ta kemron, bara kaa ye shii tennan pi shinnyi yen kpang ti me shookni yei me an-kaawi."⁸Ele ye ne yaarraa ti ku-dang in yuuru paaro birang: "Koo, shokro lawan lakati ye ti ta kira an-shuran ku-dang ye sherii ti ku paali-doo kan ti ku isshi buk." ⁹Nang nen war shik an-shuran ku-dangi nen tewon ti shii na mo minno lawan la lakati. Shii in lignono ya, "Shar lawan lakati ken addina. Tei ta li ta aako in yooro den, pene in ta fokko ta yooro dukla kaa shagni."¹⁰Nen yiwin lawan la lakati ti kira an-shuran ku-dangi nen addina. Wo dukla wenung kaa dukla shagni ti ta fok, pene ka bi ye ne addaa, ta aano in yooro den. ¹¹Nang mondok in teuno ya, "Ke ta ya pigra birang ti ku memme gbe, ku-buk, dak-dak kan me an-gub."

Chapter 11

¹In minno la-biro nen yuun shuran kaa la-biro temo. In teuno ya, "Illo ken tem mina Yamma kan po li-dungo, kan me ti yuun wawo ti tai. ²Pene wessho tem ku-dam ta mina ye ti peewe kan ta mina Yamma, longku minaa teere ti mei Yawudaawam. Shinui ta tabyo ku gok-mina ye shaana po tere naa-peerew kan palaw.³Ne ta min jimro kumenno palaw ka we ya pigra po shaklo shig-kpumu kan shig-palaw kan naa-paragbanang (1,260), dawii ti ta lanna bau-kenni." ⁴Me an jimro tei biro jaitun palaw kan shered dai ogro palaw mesherii ti toom Fo-mina ku-buk. ⁵Ma mondok maa shaka liin pira ti shinui, deet ta perin ti ta fokjui in kur me an geijui. Maa mo leka liin pira ti shinui, ta tuk shii kaa te.⁶Me an-jimro shurme shinui kan kumen nummo ku-dang ye doo a ta reru ti ta koddi ye shinui yuwaan pigrai. Shinui kan kumen shiwan doo in yiiro dom kan in bir ku-buk ka koo peen shwa-peewe shire ye shinui maa leka. ⁷We war koddi ye shinui ta wiilon jimroju, kpiyan-we ye pennan ti ta kpurungtung jwali ta ya gei kan shinui. Shii ta yek bangjui kan in tukyo shinui.⁸Ta gal kumajui ti ku gbong-koko gbong gok-mina (tenei ye ta shuklani ta yeyanii ya Shodom kan Mashar) piree sheewaan Fo-mina. ⁹Po shaklo tat kan awoi peddi wannaiti shik memme ding, kan po-peen, dak-dak, kan buk ta gejiyo shik kumajui. Shinui a ta kumin ti shinuim in kanirra ti ta duwam.¹⁰Me shinui dii ti ku peewe-piri ta beero ku kan in ya temre. Shinui ta dum shungro gun kunngu ti shaayi, longku me an-pigra palaw meere minaa shilibi ti me dii ti ku peew-piri. ¹¹Pene ka bi shaklo tat kan awoi, shino kerang ti piree kan Yamma ta ri taajui, kan shinui ta shereju ti ku shooju. Gbong shewo ta yiu me weyaa shikjui. ¹²Nang shinui ta yaaro ele yen bang ti ku-dang in ti tewon ti shinui ya, "Amru wono!" Nang shinui ta ammaju ku-dang ti ta shunngu, me an geijui in ti gee biijui.¹³Ti ta koddi teere ta yuyyo gbidina mirid kan mirid buk, kan bwaari kpumu ti shakki gok-minai ta vubroro. Memme shig-kpumu sho parilaw ta muttani ka longku mirid buk, kan me ta tuulani shinui ta ya gbong shewo kan shin in min shokran ti Yamma ti ky-dang. ¹⁴An palaw rash-rashji kookaro. Gee! An tat rash-rashji ta waru peeb.¹⁵Nang an parilaw an-shuran ku-dangiin biya adunununi, kan ele yen bang ti ku-dang ya, "Po ya-gub ku-buk shigaro po ya-gubno Fo-minamu kama kan Kiritini, kan shii ta ya-gub po-ding po-ding."¹⁶Nang min gbidina ye shin naa-palaw kan peerewi, ye deeni ti ku-juk po ya-gubjui ti doono Yamma, shinui in juuna adooju in ti gee buk in wawin Yamma. ¹⁷Shinui in ti tewi ya, "Min pammaako, ta Fo-mina Yamma Mon-gba, mo ye shii ye wendei kan mo milam, longku ke sharaa gbong kumenko kan ken yiu ya gub.¹⁸Ku peewe-piri ti ku ya den kping, pene denko wannaro. koddi wanna ye ta shiiro me kan ke ken min we shik shuran ti me shookko shin me an-pigra kan shaana memmeno Yamma, kan me shinui ti shor shik shommoko, ding mekan shuran kuuju kan me gbidina. Koddii wanna ye ke ta tukyo me toddaa ku peewe-piri."¹⁹Nang mina Yamma ye ti ku-dang in awi kan kuluk deewan kuuni in we shiki ti ta minanii. Ti po teerei ka ejiyan airani, shugyan naani gugugugugu, retetub-retetub, mirid-shik buk, kan gbong ar-deele.

Chapter 12

¹Gbong temyan-we in we shiki ti ku-dang: paamunkaka shikro ka darang, tere ti po tabyo shooro kan jima kpumu gee-palaw ar-shal ti ta kuuro. ²Tei kan uuro, kan tei in ti ya kwii pira pari, ti ta shilib patto la.³Nang in we shik manni temoi ti ku-dang: Gee! Ka gbong gakal kpiyan-wei kaa garji ye yaa kuret kan kuuni shin parilaw kan kpaa shin kpumu, kan ka tene shin parilaw shoppiin ti kuunii. ⁴Geretnii in temmo bwaari dok ti shaakki tat ar-shal me ti ku-dang kan tei in ukkuru shinui ti buk. Kuret te in shereni ti toom paamuni ye tei nennga pattani, kulang tei maa pattaa, shii ta mwak laaroi.⁵Nang tei in paatto laaro la-shwiji, mo ye ya-gub ti ku buk ka la-biro we-eem. Laaroi in lawwina won ti Yamma kan ti ku juk po ya-gubni, ⁶kan paamuni in juwaro we war dan-doong, ti piree Yamma limmaa ka longkuuro, kulang in jooron kuuroi po shaklo shig-kpumu kan shig-palaw kan naa-paragbanang (1,260).⁷Ti ta koddii nang gei in illina ti ku-dang. Mikaailu kan me an-shuranni in ya gei kan kureti, kureti kan me an-shuranni shin sheeju in nairu foki. ⁸Pene kureti akan bang kping ka we yek bangum. Longkuuno te, adoo po diyo ka longkuuni kan me an-shuranni ti ku-dangum. ⁹Nang gbong kureti - kooro kuret ye ti ye yaa an-dokko koo Shuuro, mo dokkaa ku peewe-piri ding - in vingru ti ku-buk, kan me an-shuranni in wakyiru shinui ka shaayi kan shii.¹⁰Nang Nen yaaro ele yen bang ti ku-dang: "Wende mar-ku kan kumen kan po ya-gubno Yammamu kama wanna, kan kumenno Kiritini. Longku mo an shwaalo molmu kamai nyaanna shi ti buk, mo yeyuuna shwaalaa shinui ti toomno Yammamu kama darang kan yippa.¹¹Shinui in yek bangnii ka domno La-galma kan ti bi paaro jimroju, longku shinui a lewo kerangjum koo daa shinui ta muttani. ¹²Longkuuno te yu beere, ku-dang ku-dang kan me ding diin ti taajui! Pene rash-rash she ku-buk kan she paali-doo, longku an-dokko shaana shik ma! Shii kemii kan gbong den longku koddinii la-wiiu waani!¹³Koddi ye kureti jemlaa vingnani ti ku-buk, shii in yiu kai paamun ye pattaa la-shwijii. ¹⁴Pene minnan baak shukku (gbong an-bei) palaw ti paamuni kulang tei ta illoro ka baak we war piree limmaa ka longkuuro ti dan-doong. Tenei piree ye ta jooron kuuroi, po koddi la-wiiu, koddi-koddi, kan awo koddi -wakani ti piree adoo kuretim.¹⁵Kureti in deru doo ti ta fokni kaa shiiruk, ye shii in gbong doo in temmo ta pirii. ¹⁶Pene ku-buk in shau paamuni. Buk in au fokro shenngon doo ye kureti fiina ti ta foknii. ¹⁷Nang kureti in ya den kan paamuni kan kooni won ka waraa ya gei kan dogi po-peento, me shinui ti min gba ti shorono Yamma kan in yiu jimro ye ti kuuno Yeesho. ¹⁸Nang kureti in wa shereni ti ku shwiyak po gerang shiiruki.

Chapter 13

¹Nang nen we shik manni we-ta-guni ti ku peru ti ta paali-doo. Ka kpaa shin kpumu ti kan kuuni shin parilaw. Ti ku koo kpaa shire ka tene shin kpumu, kan ti ku koo ku shire ka shommo bek. ²We-ta-gun te ye ne wenaa shikii kaa jangaani. Shoi kaa sho biyaar, kan ku-foki kaa ku-fok kamma. Kureti in minin bangni ti shinui, juk po ya-gubni, kan gbong kumenni kawe ya gubi.³Dok ti shakki ku we-ta-guni kan gba pira, pene pira teere fuwaa po niyaro. Ku-buk ding in ya maam kaa ye shinui yikka bi we-ta-guni. ⁴Birang shinui in wau kureti, longku shii minaan kumenni ti we-ta-guni. Shinui in wau we-ta-guni birang, kan in sha-toom ka tewani ya, "Wo nong kaa we-ta-gun tei?" kan "Wo nong ta dum nai shii?"⁵In min ku-fok ti we-ta-guni ye ta dum yuun paaro kpir-ku kan bek. Kunngan po kumen po tere naa-peerew kan palaw. ⁶Nang we-ta-guni in au ku-fokni in yuun paaro bek ti shikno Yamma - bek shommonii, piree shii diin, kan me dii ti ku-dang.⁷In minin kumin ti we-ta-gunimo yu gei kan me an-ballain yek bangjui. Birang, in minin kumen ti tei ti ku koo po-peen shire, memme, dak-dak, kan buk ding. ⁸Me ding dii ti ku-buk ta wau tei, koo nong ye shommoni ballii, ye kpiinan ku peewe-piri, ti ta Lakarda kerang, yei weeno La-galma ye fuwaa po karani.⁹Maa mo kan kumo, shero mo shii yaaro. ¹⁰Maa ka mo ta yiu shii ka we diyo shook, ti ta diyo shook shii ta warani. Maa ka mo leka in tukni ka agarum, ka agarumi ta tukin shii. Tenei yee ka longku shasshani kan li-shaari shaana memmeno Yamma.11 Nang nen we shik manni we-ta-guni ti ku peru ti ta buk. Shii kan kpaa palaw kaa we galma, kan in ya paaro kaa we kureti. ¹²Shii in ya kumen we-ta-gun ye ka toomi ding ti adoonii, kan shii in li ku-buk kan me diin ti tai in wau we-ta-gun ye ka toomi - mo ye fuwaa po tasshɔ gbɔng pĩranĩĩ.¹³Shĩĩ ĩn yʊyyɔ mannĩ we-maamĩ. Shĩĩ ar ĩn lĩ deet ĩn shaarʊ tĩ kʊ-dɑng tĩ toom memme. ¹⁴Tĩ bi tɛmɔ ye mĩnnan kʊmɛn ka pɔ sho we-ta-guni, shĩĩ ĩn dɔkkɔ me dii tĩ kʊ-buk, ĩn tɛwɔn ti shinui mɔ yɛmmɔ tɛman biro lɔngkʊ min gbɑ tĩ we-ta-gun ye kan tɛnɛ ɑgɑrum, pɛnɛ ding kaa ye kaa tene ĩn tuulon.¹⁵In kʊmĩn tĩ shĩĩ mɔ min shunɑ tĩ ɗangan-pi we-ta-guni ƙʊlang ɗangan-piĩ ta ɗʊm ya paarɔ ƙan ĩn lĩ me ɗing kuuroju waʊ we-ta-guni ta tʊƙyanĩ. ¹⁶Bĩrang shĩĩ ĩn wa pɛsshɔ koo nɔng ƙa ɓang, me nyĩttĩ ƙan men gbidinɑ, me an-ɓirmɑ ƙan me an-kenni, mei shɔɔƙʊm ƙan me shɔɔƙ ta minin lamba tĩ ƙʊ ƙĩra tɛmmɛ koo tĩ pɔ-fooro. ¹⁷Tene yĩƙƙa tĩ gbarɛ-ɗo lɔngƙʊ koo nɔng ta pĩlanĩ ƙan pilin nang ɓara ye shĩĩ maa ƙan lamba we-ta-gun te, lambaĩ sherii tĩ pɔ shɔmmɔĩ.¹⁸Tene lɛkaĩ shɛn. Maa ka mondok ye kan shɛn tĩ ta aanĩ, shii ta yippo gun lamba we-ta-guni. Longku tei lamba niyon-ding. Lambanii 666.

Chapter 14

¹Nen geena nen we shik La-galma sherii ti ku Sheela Shiyoona. Ti jelenii ka memme 144,000 me kan shommoni ƙan shommono Foni balliin ti po fooroju. ²Nen yaaro ele ti ku-dang in ti ya kaa ele paali shum-doo ti ku kowani kan ele naani ti ku shugyani. Ele ye ne yaaraai kaa ele me an biya ring-ring ti ku biya ring-ringju.³Shinui in ya vonak ti toom juk po ya-gub kan ti toom kpijiyan-we peerew kan men gbidina me. Adoo mo ta pen vonakim nang bara me shin shig kpumu sho kpumu gee-peerew (144,000) me pilla shinui ti ku-buk. ⁴Meen shurme tei me a daklo kuuju ka doon shomak kan sherebum, lingku shinui waka shikju ka shaana ti piree kan yuyyo shomak. Tenei me ti yiu La-galma koo dimin ti piree ta warani. Tenei me kawinna ti niyon-ding kaa nii weshiina yen fo ka longkuuno Yamma kan La-galma. ⁵Adoo shaba ye ti waan ti ta fokjui; shinui akan ding ti shikjum.⁶Nen we shik manni an-shuran ku-dang illaani ti ku-dang ti nangshakki pirit, mo ye kan shullum shinnyi yen tomon ye ta sheero piri ti memme ku-buk, ti buk ding, po-peen, dak-dak, kan memme ding. ⁷Shii in ya yee ka ele yen bang ya, "Ma shi Yamma kan man minin gba. Longku koddi shiironi foonna. Wau shii, shi mo yuuna ku-buk, kan paali-doo, kan po-vol-doo."⁸Manni an-shuran ku-dang - an palaw an-shuran ku-dangi - in yiru bi, in ti tewi ya, "Shuwan, shuwanii Babiila mon-gba, ye tei dimmaa buk ding mo sho men doon nyimmoro."⁹Manni an-shuran ku-dang - an tat an-shuran ku-dang - in yiru biijui, in ti tewi ka ele yen bang ya, "Ma mondok maa wawaa we-ta-guni kan we-temoni kan in yiu bera ti po fooroni koo ti shik kirani, ¹⁰shii ta dum she peddi men denno Yamma, men ye fuwaa po derani a lonngo ti ta la-temme dennim. Niyo mo sheyaa ta taa-shilibi ka deet kan deet ye gijii yen diwa ti toom shaana an-shuranno Yamma kan ti toom La-galma.¹¹Dungo ye ti po taa-shilbi ti ammoro ƙu-dang po-ɗing, ƙan shinui aƙan nesshom yippa ƙan darang - me an wawo we-ta-gun te ƙan temoni, ƙan koo nong mo yiƙƙa ɓera shommoni. ¹²Tenei yee ka longƙu ker-shaari shasshan shaana memmeno Yamma, teere me ti jooro shorono Yamma ƙan li-shaariju ti taano Yeesho.¹³Nen yaaro ele ti ƙu-dang in ti tewi ya, "Ballo lee: Kpangii she murooju me muraa ti taano Fo-mina." "Oo," tenna ta Shoom ya, "ƙulang ya shinui kergum in nesshina ka shuranju, longƙu shuranju ta yiu biijui."¹⁴Nen geena, ƙan ti po teere ƙa shunngu yen pe. Deeni ti ƙu shunngu ye milam kaa la-niyo. Shii ƙan tene bela showii ti ƙuuni ka biliƙ-biliƙ po-demli ti kirani. ¹⁵Nang manni an-shuran ƙu-dangi in peru ti ta mina Yamma ƙan in ya yee ƙan bangi ti mo dii ti ƙu shunngui ya, "Shar po-demlii ƙan ken yiu ƙasshani. Longƙu ƙoddi ƙasshi yuwaa, kaa ye ƙasshi ƙu-buk niyaa." ¹⁶Nang mo ye deeni ti ƙu ti ƙu shunngu in wakro shik po-demlini ti ta ƙu ƙu-buk, ƙan ƙu-buk in ƙasshoro.¹⁷Manni an-shuran ƙu-dang in perin ti ta mina Yammai ti ƙu-dang; shi sheeni yiwii ƙan biliƙ-biliƙ po-demli. ¹⁸Ar wende an-shuran ƙu-dang in perin ti po li-dungoi, mo ye ƙan ƙumen ti ƙu deet. Shii in ya yee ka ele yen ɓang ti mo ye ƙan den biliƙ-biliƙ po-demlii ya, "Shoƙro den biliƙ-biliƙ po demliƙo ƙan ƙen gangillin tannya inaabi ti ta biro inaabi ƙu-buk, longƙu shiili inaabiju wende niyaaju."¹⁹An-shuran ƙu-dang in wigra shik po-demlini ti ta ƙu-buk ƙan in ganglo-do ƙasshan shiili inaabi ƙu-buk. Shii in ving tei ti ta gbong we gal-do shiili inaabi denno Yamma. ²⁰In tabyo ƙu po ƙpai doo inaabii ti ta bi gok-mina, dom in yiu ƙowani ti buk ti po ƙpai inaabii, ar in ya joori we showani ti fok gurung, ar meel shig-palaw.

Chapter 15

¹Nang nen we manni an-shuran ƙu-dang ti ƙu-dang, gbong ƙan we maam: Ti po teere ka an-shuran ƙu-dang shin parilaw ƙan shwa-peewe shin parilaw, me shinui wiilan shwa-peewe, longƙu ƙa shinui denno Yamma ta ƙemroro.²Nen we shik wee penna in yooro paali-doo giloosh lonngani ƙa deet. Sherii ti jele paali-dooi teerei me shinui shuuna-toom ti ƙu we-ta-gun ƙan yemman temo ƙan ti ƙu lamba ye sherii ti po sho shommoni. Shinui sherii ƙan ring-ring ye minnan ti shinui ta Yamma.³Shinui in ti ya vonaƙno Muuja, shookno Yamma, ƙan vonaƙ La-galma: Gba ƙan maam shinui shurannƙo, Fo-mina Yamma Mon-gba ding. Bara ƙaa te ƙan ƙulli ta ƙoƙoƙo, Gub ƙu-buk ding. ⁴Wo nong a ta shiiƙom, Fo-mina, ƙan shoƙirrai shommoƙo ya? Longƙu ƙe doƙƙo ƙe shaana. ƙu-buk ding ta waru in waru in ya wawo ti toomko longƙu ɗob-ɗob shuranƙo fuwaa po shuƙru shiki.⁵Ka bi ween shurme te nen geena, ƙan mina Yamma ye ƙan tam pojimroin awi ti ƙu-dang. ⁶Ti shakki ye shaana ƙping piri in perinii an-shuran ƙu-dang shin parilaw yippii ƙan shwa-peewei. Shinui shoppii ƙan ɗob, shaƙ-shaƙ lanna yen yeleƙ-yeleƙ ƙan nyisshan bela ti ƙu biiliju.⁷Doƙ ti shakki kpijiyan-we ƙan dwei shin peerew te in min ti an-shuran ƙu-dang parilaw taaja bela shin parilaw kemrii ƙan denno Yamma, mo ye dii po-ɗing po-ɗing. ⁸Ta mina Yamma ƙenngaro ƙa dungo ti piree ƙan shoƙranno Yamma ƙan ti piree ƙan ƙumenni. Adoo mo ta riyanim we war ƙoddi ye shwa-peewe parilaw we me an-shuran ƙu-dangi parilawi ta ƙemron.

Chapter 16

¹Nen yaaro ele yen ɓang yuuna yee ti ta mina Yamma ƙan in ti tewi ti me an-shuran ƙu-dang shin parilaw ya, "Koo ƙe wa dero ti ƙu-buk taaja denno Yamma shin parilaw."²An-shuran ƙu-dang in wanna in der taajani ti ƙu-buk; guruuk dii ƙan wuruk ye ti per niyo in ti pepittu ti ƙu memme me ƙan lamba we-ta-guni, me ti wau ɗangan pinnii.An-palaw an-shuran ƙu-dang in ɗer taaja sheeni ti ta paali-doo, paalii in yooro ƙaa dom ƙuma niyo, ƙan koo wen me ƙan dwei ti ta paali-dooi in muttoju.⁴An tat an-shuran ƙu-dang in ɗer taaja sheeni ti ta shiiruƙ-shiiruƙ ƙan po vol-doo, ƙan shinui in shiwaju dom. ⁵Nen yaaro ele an-shuran doo in ti tewi ya, "Kei mo kulli - mo ye wendei kan milam, mo shaana - longƙu ke duwaa poshiiro ween shurme te. ⁶Longƙu shinui ɗerra dom shaana memmeno Yamma ƙan me an-pigra. ƙe minaan ti shinui dom mo sho; tenei wee shinui gasshaa." ⁷Nen yaaro po li-dungo in ɗeewirino ya, "Oo, Fo-mina Yamma Mon-gba ɗing, shiirokoi kulli ƙan ɗob-ɗob.⁸An peerew an-sharan ƙu-dang in deru taaja sheeni ti do darang, ƙan in minin ƙumen mo ƙur memme ƙa deet. ⁹In ƙur shinui ƙa den deet, ƙan shinui in ya paaro ɓek ti shik shommono Yamma, mo ƙan ƙumen ti ƙu shwa-peewe te. Shinui a for-fokju koo in min gbam.¹⁰Nang an fuwat an-shuran ƙu-dang in ɗer taaja sheeni ti ƙu-juk po ya-gub we-ta-guni, ƙan dil in nummo ɗo po ya-gubi. Shinui in yeɗiro daƙju longƙu shilibi. ¹¹Shinui in ya paaro ɓek ti Yamma mo ti ƙu-dang ƙa longƙu shilib ƙan piraju, ƙan shinui ar wende in kuroju for-fok ti wee shinui yuwaa.¹²An paragbanang an shuran ƙu-dang in der taaja sheeni ti ta gbong shiiruƙ, shiiruƙ Epireeta. Doo taaroi in wororo ƙa longƙu min ɗo ƙoƙo ti me gub ta waru ti ɓooli. ¹³Nen we shik ɗoon shoom shin tat kaa dannyuƙ ti ƙu peru ti ta fok kureti, ƙan we-ta-guni, ƙan she an-pigra shaɓa. ¹⁴Longƙu shinui shoom shaaɓug me ti yuyyo temo we-maam. Shinui ta perani we war shik me an-gub ƙu peewe-piri ɗing ƙulang in gal shinui ti ɗo-shaayi ƙa longƙu ya gei ti ta gbong darangno Yamma Mon-gba ɗing.¹⁵("Gee! Ne ta waru kaa an-jiri! ƙpangii sheeno ti ƙu jooro, yiwii ƙan lannani ƙulang shii a ta per peewe gun vure ƙan shinui in we shik vure gunnim.") ¹⁶Shinui in ga-ɗoojui ti piri ɗok ti piree ti ye yaa Armageeddon ti ta fok Ibiraniyaawa.¹⁷Nang an parilaw an-shuran ƙu-dang in ɗer taaja sheeni ti ta pirit. Nang ele yen ɓang in perin ti ta mina Yammai ƙan ti po ya-gubi in ti tewi ya, "Wiilaaro!" ¹⁸In yuyyo ejiyo malaj, ƙan mirid-mirid, shuwat-shuwat naani ƙan miɗiro shik buk - miɗir-buk ye yeƙa koo shire ye naƙa yaani we yinna ti ƙoɗɗi ye niyo-ding ɗiin ti ƙu peewe-piri, mirid-buk te gba gbe. ¹⁹Gbong gok-mina in ɓwaaro taaro tat, ƙan gok-mina ɓuk in ɓuuroro. Nang Yamma in nyimmina ƙan Babiila yen gba, ƙan shii in mini ti gok-mina teere temme kemii ƙa men ti piree ƙan denni ƙping.²⁰Koo ƙoran-ɓuk ye ti ta doo ta shekoro, ƙan a ta we sheela ɓirangum. ²¹Gbiɗina ar-ɗeele, ye tiraju fooraa tira talen ɗok, ta shuguyyu ti ɗingling ƙu-dang ti ƙu memme. Shinui ta shaamo Yamma ƙa longƙu shwa-peewe ar-ɗeele longƙu shwa-peewe teere gba gbe.

Chapter 17

¹Dok ti shakki me an-shuran shin parilaw me yippii ƙan taaja parilawi in waru in teuno ta shinui ya, "Waru, Ne ta shuƙ ƙelmo gbong paamun an-piplo-we ka shik ye ɗeero ti ƙu doo gbe, ²ti piree ƙan te ye me an-gub ƙu-ɓuk yuyaa shomaƙ ƙan te, ƙan doo inaabi yuyyo shomaƙ yei nennom ye me ɗii ti ƙu-ɓuk sheyyaa."³Nang an-shuran ƙu-dang in sharno ti ta Shoom in warin nen dan-doong, nang nen we shik paamun ɗii ti ƙu we-ta-gun yen gaƙal ye ƙan shommo ɓek gbe. We-ta-guni ƙan ƙpaa ti ƙuuro shin ƙpumu. ⁴Paamuni showii kan lanna dooi yen fwaana ƙan yen gaƙal ɓirang tei yuwaa geje ƙa shari bela, shiila men ƙpattirin, ƙan we ya geje ƙaa kurwo (lu'ulu'u). Tei yiwii ƙan temme bela ti ta ƙiraro kemii ƙan we ƙunne gbe ƙan she ɗoon shomaƙro yei nennom. ⁵Ti po foororoi ƙa ɓalla shommo ye lattaa wee ta shuƙlani: "Gbong Babiila, non shereb me an piplo-we ƙa shik ƙan we-ɗoon ƙu-ɓuk."⁶Nen we paamuni ƙemnaro ƙa dom me shaanano Yamma ƙan dom me tuƙyaa shinui ƙa longƙuuno Yeesho. Koɗɗi ye ne weyaan shikroi, nen ya maam yen ƙulli ƙping. ⁷Pene an-shuran ƙu-dangi in teuno ya, "Longƙu wen ƙe yuwaa maami? Ne ta sheeroƙo wee ta shuƙlani ta paamuni ƙan we-ta-guni ye sharii ƙan tei, we-ta-gun ye ƙan ƙu shin parilawi ƙan ƙpaa shin ƙpumui.⁸We-ta-gun ye ƙe weyaa shiki ƙan ɗwei, aƙan ɗwei wendem, ƙan nennga amru ti ta kpurungtung jwal. Nang shii ta waraa war po murani. Shin me ɗii ti ƙu peewe-piri, shin me shommoju fuwaa po ɓallani ti ta Lakarɗa kerang ti liyan gun ƙu peewe-piri - shinui ta ya maam ye shinui maa weyaa shik we-ta-guni, longƙu shii milam, ƙan wende a shim, ƙan ɓirang ta waru.⁹Ween ten tene leƙai shen. ƙu ye shin parilawii gungum shin parilaw ye paamuni ɗiin ti ƙwi. ¹⁰Birang shinui gub shin parilaw. Gub me shin fuwati shinui fuwaa po shuwani, ye ɗok ɓambiri, ƙan ɗogi ar wende tiɗai warum, ƙan ƙoɗɗi ye shii maa wanna, yiƙƙa ti gbare-ɗo shii in la ɗiina po ƙoɗɗi la-wiiu.¹¹We-ta-gun ye milam, ƙan wende aɗoo wem, ar wende shii gub an piɗiɗawi. Shii ɗok ti shakki parilawi ƙan shii ta war po muroni.¹²Kpaa ye shin ƙpumu ye weena shikii me an gub shin ƙpumu me ar wende tiɗa shinui a wa po ya-gubum, pene shinui ta we ƙumen gub po minti naa-paragbanang ƙa shaayi ƙan we-ta-guni. ¹³Nyimmoju ɗok, shinui ta min ya-gubju ti we-ta-guni. ¹⁴Shinui ta ya gei ƙan La-galma. Pene La-galmai ta yek ɓangjui longƙu shii Fo-mina me an fo-mina ƙan Gub me an-gub - ƙan me ƙa ƙan shii me yeyaa, shaƙƙaa, ƙan me ƙan li-shaari."¹⁵An-shuran ƙu-dang in teuno ya, "Doo me ƙe weyaa shiki, ti piree me an piplo-we ƙa shik ɗiin,shinui memme, jima, ɓuk gbe ƙan ɗak gbe.¹⁶Kpaa shin kpumu ye ƙe weyaa shiki- shinui ƙan we-ta-guni ta ƙura paamuni. Shinui ta piɗiro we shikro in wessho tei gun vure, shinui ta ɓwatto looroi ƙan shinui ta ƙur tei ɗing ƙa deet.¹⁷Longƙu Yamma liyaa ti poshaariju ƙa we sha-toom ƙa nyimmoni ti bi ƙumani ƙa we min ƙumenju ti we-ta-guni ƙawe ya-gub we war ƙoɗɗi ye paaro Yamma ta ƙemon.Paamun ye ƙe weyaa shiki teerei gbong gok-mina ye ti ƙu ya-gub ti ƙu me an gub ƙu-ɓuk."

Chapter 18

¹Ka bi ween shurme te, nen we shik manni an-shuran ƙu-dang ti ƙu shaaru ti ƙu-dang. Shii ƙan gbong ƙumen, ƙan ƙu-ɓuk in eero ti bi shoƙranni. ²Shii in ya yallo ƙa gbong ele, in ti tewi ya, "Shugna, shugnai Babiila yen gba! Tei shigaro po ɗiyo shaaɓug, po latto-shik piire shoom ɗing, ƙan po latto-shik longƙu piire shoom ɗing kan aɗeewe me ƙuraa. ³Longƙu ɓuk ɗing kenngeju ka doo inaabiɗoonto. Me an gub ƙu-ɓuk yuyuaa shimaƙ ƙan tei. Me an pilin ƙa we ƙu-ɓuk yuwaaju me an ɓirma ti bi ƙumen sha-tomon diyoro."⁴Nang nen yaaro manni elei ti ƙu-dang in ti tewi ya, "Ma perin man ti taaroi, longƙu yoo ma ya shasshalau, ƙulang wee ta we tei yoo weema sheema. ⁵Shasshalauro ɗoomaa ar in ammo ƙu-dang, ɓirang Yamma in nyimmina ƙa piire shuranto. ⁶Ma yuun ti tei ƙaa ɗob-ɗob ƙaa ye tei yuwaa ti peɗɗi, ƙan man anngon ti tei maari palaw wee tei yuuna, ti ta temme ye tei shuɗɗaan, ma sheema ma shuɗɗon ti tei maari palaw.⁷ƙaa ye tei shoƙraa ƙuuro ƙan in ɗeero ti ta sha-tomonto, ma minin shilibi ti tei ƙan taa-shilibi. longƙu tei teka ti poshaariro, 'Ne ɗiyoono ƙaa we gub yen paamun; Nei paamun ƙolom, ƙan ne ta nau ɗiyo ɓau kennim.' ⁸Longƙuuno te ti ta shaƙlo ɗok shwa-peewero ta waru: muro, ɓau kenni, ƙan ƙpiyam. Tei deet ta ƙurani, longƙu Fo-mina Yamma shii mon-gba, ƙan shii mo an shiiro tei."⁹Me an gub ƙu-ɓuk me ti yuyyo shomaƙ ƙan in shinui in wassho ɗo ƙoƙo shinui ta ya kwii ƙan yallo ƙa longƙuuroi ye shinui maa weyaa shik dungo ƙuroro ti ƙu illani. ¹⁰Shinui ta shengreju la-tali, shinui in ti shi taa-shilibro, in ti tewi ya, "Dek-dek, dek-dek she gbong gok-mina, Babiila, gok-mina ye ƙan ƙumen ƙping! Longƙu ti ta ƙoɗɗi ɗok ƙelmo shi ta waru."¹¹Men gbiɗina me an pilani ƙan piplon ƙu-ɓuk shinui ta ya kwii ƙan ɓau kenni ƙa longƙuuro ƙaa ye aɗoo mo ta pil shariju ɓirangum - ¹²shari bela, laa-bela, ƙpattiri shiila, kurwo, lanna yen yelek-yelek yen ƙpang, lanna yen dil-gaƙal, lanna yen ɓuƙ lorom, lanna yen gaƙal yen ƙpariƙiɗaƙ, ƙan pen biro ye gijii yen tomon, ƙan koo peen gurang ye limmaa ƙa wuro we-ta-gun yen ƙpang, ƙan koo peen gurang ye limmaa ƙan biro men ƙpattirin, we-eem yen gaƙal, we-eem, ɗakri, ¹³kirpa, shari yaaji, turaali deet, ƙan muur ƙan lubban, ƙan doo inaabi, ƙan mor, ƙan lummo shau, ƙan shau, ƙan tangƙa, ƙan dinnyi, ƙan gurung, ƙan ƙanga-jara gurung, ƙan shooƙ, ƙan ƙerang niyon-ding.¹⁴Shiili-biro ye ma ɗiyaa ta ɗang-kwi ƙa ɓang ma ɗing wesshaa ma. Sha-tomon ma ƙan illoshi wiilaaro, a ta weero ɓirangum.¹⁵Me an piplani ƙa sharri me me shinui yuwaaju me an ɓirma ti piree ƙan te ta shereju la-tali won ƙan tei ƙa longƙu shewo taa-shilibro, kwii ƙan ɓau-kenni ƙa ele yen ɓang. ¹⁶Shinui ta tewani ya, "Dek-dek, dek-dek she gbong gok-mina. ye shoppii ƙan ƙpattirin lanna yen yelek-yelek, ti ta gaƙal-dil, ƙan ti ta gaƙal-woɗoɗo, ƙan yuwaa geje ka bela, shiila me illo, ƙan lu'ulu'u! ¹⁷Ti ta ƙoɗɗi ɗok ɓirma shurme te ɗaklaaju waani." Koo an jooro gbong jirgi-doo, koo an mere ti ta jirgii, mo an ƙayani, ƙan mo weshiinani ti wei tishik paalii in sherni ƙan la-tali.¹⁸Shinui in ya kwii ƙoɗɗi ye shinui weyaa dungo ƙuranto. ¹⁹Shinui in tewi ya, "Wo gok-mina shire ye po-shaayi ƙan gbong gok-minai tei?" Shinui in ti paplo kpisshi ti ƙuuju, ƙan in ti yallina, ya-kwii ƙan ɓau-kenni, "ɗek-ɗek, ɗek-ɗek she gbong gok-mina piree koo nong ƙan jirgi-doo ti fok paali in yooni an ɓirma ti piree ƙan ɓirmaro. Longƙu ti ta ƙoɗɗi ɗok ye toɗɗaa tei. ²⁰Yu ɓeere ti ƙuuroi, ta ƙu-dang, me shaana memme ƙan me an-kaawi ƙan me an-pigra, longƙu Yamma wanna ƙa shiire ti ƙuu shi!"²¹Manni gbong an-shuran ƙu-dang in shar shiila ƙaa gbong vin-issho-we in ƙpaalon ti ta paali-dooi, in tewi ya, "ƙaa te, Babiila, gbong gok-mina, ta ving tei ƙa shaɓɓi ƙan a ta we shiki ɓirangum. ²²Ele biya ring-ring, me an bijiya-we jashile ƙan adununu a ta yaarani ɓirangum. Aɗoo peen mo an yemo ye ta weyani ti shakki mam. Aɗoo ele issho-we ye ta yaaraniti shakki mam.²³Aaro ogro a ta eyani tishakki ma ɓirangum. Ele waɗiro ƙan me ƙparin a ta yaarani ti shakki ma ɓirangum, longƙu me an-piplon shinui me shiɓa me an-gub ƙu-ɓuk, ƙan ƙu-ɓuk in ɗoƙƙo tei ti bi shook shi. ²⁴Ti taaro, in waan, dom me an-pigra ƙan she shaana memmeno Yamma, ƙan dom me ɗing tuƙyaa ti ƙu-ɓuk."

Chapter 19

¹ƙa bi ween shurme te, nen yaaro ele ƙaa ele tappan jima memme ti ƙu-dang in tewi ya, "Aaliluuya, Mar-ƙu, shoƙran, ƙan ƙumen ƙu jwal weeno Yamma. ²Shiironii yen ƙulli ƙan ɗob, longƙu shii shiiraa gbong an-piplo-we ƙa shik ye ɓuraa-ɗo ƙu-ɓuk ƙa yuyyo shomaƙro. Shii anngaa fok dom me shooƙni, ye te po ƙuuro ɗeraa."³Shinui in ya paaro an palaw: Aaliluuya! Dungo in illon ti ƙuuro po-ɗing po-ɗing." ⁴Men gbiɗina me shin naa-palaw ƙan peerewi ƙan kpijiyan-we shin peerewi shinui in juunna ti toomno Yamma, mo ɗii ti ƙu-juk ya-gub. Shinui in ti tewi ya, "Mo yooro ƙaa te. Aaliluuya!"⁵Nang ele in peru ti po ya-gubi, in ti tewi ya, "ƙum-pinno Yamma, ma shooƙni, ma me ti shi shii, ɗing me a ƙpangum ƙan me ƙan ƙumen."⁶Nang nen yaaro ele-we ƙaa ele tappan jima memme, ƙaa ɗuuro doo, ƙan ele shugyo naani, in ti tewi ya, "Aaliluuya! Longƙu Fo-mina ti ƙu ya-gub, Yamma mo ti ya-gub ti ƙu we ɗing.⁷Shero mo ƙama yu ɓeere ƙan juɓɓo jura ƙan minin shoƙran ti shii longƙu temre ɗiyaa La-galmai foonna, ƙan la-waarii fuwaa po limma shikro. ⁸ƙunngan ti tei mo shoppo aaro ƙan yen shaana yelek-yelek (longƙu yelek-yelek tei ɗob shuran memmeno Yamma).⁹An-shuran ƙu-dangi in teuno ya, "Ballo te: Kpangii she me munnyaa shinui temre diyaa La-galma." Birang shii in teuno ya, "Meyyei paarono Yamma yen ƙulli." ¹⁰Nen juunna ti toomnii ƙa we wau shii, pene shii in teuno ya, "Wessho ya we tei! Nei shooƙ ƙaa ƙe ƙan ma molonko me yiƙƙa jimro ti ƙuuno Yeesho. Wau Yamma, longƙu jimro ti ƙuuno Yeeshoi shoom pigra."¹¹Nang nen we ƙu-dang in aworo, ƙan nen geena ƙan ƙa gurung yen pe. Mo ti ƙwii ti ye shii ƙa mo an li-shaari ƙan ƙulli. Shii ti ya shiire ƙan geiyi ƙa ɗob. ¹²Adooni ƙaa ɗak deet, ƙan ti po fooronii ƙa tene ya-gub gbe. Shii ƙan ballan shommo ti po fooroni ye aɗoo niyo penaa we ti ƙuunim. ¹³Shii showii ƙan joori lanna ye shonna shiki ti ta dom, ƙan ti ye shommonii ƙa Paarono Yamma¹⁴Me an bee-deet ƙu-dang shinui ti ƙu yiu biinii ti ƙu gurung yen pe, shoppii ƙan lanna yen yelek-yelek, yen pe in ti aarra. ¹⁵Ti ta foknii ƙa bilik-bilik den fok agarum ye shii shiɗɗaan ƙu-ɓuk ƙu-ɓuk, ƙan shii ta ya-gubjui ƙa gbanan-ta-gongo. Shii in tabyo ƙu po ƙpai doo-inaabii ƙa gbong ɗenno Yamma Mon-gba. ¹⁶Shii ƙan ɓallan shommo ti shik lannani ƙan shik finneni: "Gub me an-gub ƙan Fo-mina me an fo-mina."¹⁷Nen we shik an-shran ƙu-dang sherii ti ɗo darang. Shii in ya yee ƙa ele yen ɓang ti aɗeewe me shanglii ƙa ilit ti ƙu-dang ya, "Ma waru, ma gallu ɗooma shaayi ƙa longƙu temreno Yamma. ¹⁸Ma waru ma aɗɗo lo me an gub, lo me an-toom, lo gbiɗina memme, lo gurung me an ammo ƙuuju, ƙan lo memme ɗing, mei shooƙum ƙan me an ƙumen."¹⁹Nen we shik lo-ta-shwee ƙan me an-gub ƙu-ɓuk ƙan me an bee-deetju. Shinui in ti gal-ɗooju ƙa we waraa ya gei ƙan muyo mo ti ƙu gurungi ƙan me an bee-deetni. ²⁰Yiƙƙa lo-ta-shweei ƙan gale ƙan shii me an-pigra shaɓa me yuyaa we maam ti ɗoonii. ƙa temo te shii in ɗokyon ɗo me shinui yiƙƙan lamba lo-ta-shweei ƙan me wauna yemonii. Shin palawi in vingyo shinui ƙan ɗooju ti ta shagya ɗak deet ye ti ƙu ƙurani ƙa deet yen ɗiwa.²¹Dogijui in tuƙyina ƙa agarum ye penna ti ta foƙno mo ti ƙu gurungi. Aɗeewe ɗing in aɗɗiro ƙumajui.

Chapter 20

¹Nang nen we shik an-shuran ƙu-dang in ti shaaru ti ƙu-dang. Shii yiwii ƙan we au po-dang kpurungtung jwali, ƙan shii ƙan jaklan gbong we-eem ti ƙirani. ²Shii in yiu kureti, kooro an ɗoƙƙo ye shii shuuro, ƙan in ɗau shii po sheno shig-ƙpumu (1,000). ³Shii in ving shii ti ta kpurungtung jwal. Shii in nummo foƙi in tannon showan ƙirani ti ƙuunii. Tene ƙulang shii a ta ɗoƙƙo ƙu-ɓuk ɓirangum we war ƙoɗɗi ye sheno shig-ƙpumui ta wiilon. ƙa biino tere, ta foran ƙira ƙa shii po ƙoɗɗi la-wiiu.⁴Nang ne we shik po ya-gub. Diin ti kwita me minaan ƙumen shiire. Birang nen we shik ƙerang me foɗɗaa ƙwi ƙa longƙu jimro ti ƙuuno yeesho ƙan she paarono Yamma. Shinui a wau lo-ta-shwee ƙan yemman temoniim, ƙan shinui in kuroju yiu lamba ti po fooroju koo ƙiraju. Shinui wannaju ta ƙerang, ƙan shinui in ya gub Kiriti po sheno shig-ƙpumu (1,000).⁵Peɗɗi me muttaaju in meeru ti ta ƙerangum ar we war ƙoɗɗi ye sheno shig-ƙpumui ta wiilon. ⁶Mo ƙan ƙpangi ɓirang ƙan mo an shaana wo mo weyaa ƙuuni ti shakki me illaa ƙa toom! Muro an palaw aƙan ƙumen ti peen niyon shurmem. Shinui ta yooju me anƙpaano Yamma ƙan sheeno Kiriti, ɓirang shinui ta ya gub ƙan shii po sheno shig-ƙpumu.⁷Koɗɗi ye sheno shig-ƙpumui ma wannai wiiloro, ta foru ƙira ƙa Shuuro ti ta mina-muruknii. ⁸Shii ta peru ƙa longƙu ɗoƙƙo memme ƙu-ɓuk ti ɓwattan ta piri peerew - Gog ƙan Magog - ta ganglo ɗoojui ƙa we ya gei. Shinui ta ya gbe ƙaa shwiyak po paali-doo.⁹Shinui ta ammani in leƙro taaju ti ƙu ɗiyang-ɗiyang ƙu-dam in kpomlo jele shaana memmeno Yamma gok-mina ye leƙa. Pene deet ta shaaru ti ƙu-dang ƙan in ƙur shinui. ¹⁰Shuuro, mo ɗoƙƙaa shinui, ta ving shii ti ta shagya-deet ye gijii yen ɗiwa, ti piree vingan lo-ta-shweei ƙan me an-pigra shaɓa. Shinui ta taa-shilibi darang ƙan yippa po-ɗong po-ɗing.¹¹Nang nen we gbong po ya-gub yen pe ƙan mo ɗiin ti ƙwi. Ki-ɓuk ƙan ƙu-dang ta juwaju ti piree ƙan shii, pene aɗoo piree shinui ta waranim. ¹²Nen we shik me ƙumai - men gbiɗina ƙan me ƙatirani, shinui shengrii ti toom juk po ya-gub, in au ta laƙarɗa-laƙarɗa ƙerang. Nang in au ta manni laƙarɗai-laƙarɗa ƙerang. In shiiro me muttaaju ti bi wee ɓallaan ti ta laƙarɗai, ɗob-ɗob shuranju.¹³Paali-doo in minnu ƙuma me ti taaro, Muro ƙan jum shinui in minnu ƙuma me ti taaju, ƙan in shiiro shinui ɗob-ɗob wee shinui yuyyaa. ¹⁴In shemo ving muro ƙan jum ti ta shagya deet. Tenei muro an palaw-shagya deet. ¹⁵Mo ɗing yei wa shommoni ɓallii ti ta laƙarɗa ƙerangum, in ving shii ti ta shagya deet.

Chapter 21

¹Nang nen we shik ƙu-dang ƙan ƙu-ɓuk yen fo, longƙu ƙu-dang ye ƙa toom ƙan ƙu-ɓuk ye ƙa toom kooju, ƙan paali aɗoo we ɓirangum. ²Nen we shik gok-mina ye shaana, Urshaliima yen fo, ye shaana ti ƙu-dang ti jeleno Yamma, limmani ƙa la-waari ye yuuna geje ƙu longƙu shwijiro.³Nen yaaro gbong ele ti po ya-gubi in tewi ya, "Gee! Po ɗiyano Yamma ti piree ƙan la-niyon-ding, ƙan shii ta ɗeeni ƙa shaayi ƙan shinui. Shinui ta yooju memmeni, ƙan Yamma po ƙuuni ta ɗeeni ƙan shinui ƙan shii ta yooni Yammaju. ⁴Shii ta teƙlo muru ɗing ti aɗoojui, ƙan aɗoo muro ɓirangum, koo ɓina, koo kwii, koo peran. Wee ƙan toom fuwaa po kooju.⁵Mo ɗeeni ti ƙu-juk po ya-gub in tewi ya "Gee! Ne shigan koo wen in yuuju yen fo." Shii in tewi ya, "Ballo we te longƙu paaro shurmei we-ƙuman ƙan ƙulli." ⁶Shii in teuno ya, "Ween shurme te fuwaa pitto! Nei Alpa ƙan Omeega, liyan-guni ƙan wiilani. Mo ƙan isshi-fok ne ta minin we shayani ƙunngu ti po vol-doo ƙerang.⁷Mo yeƙna ɓang ta tappo ƙu ween shurme te, ƙan ne ta yoono Yammani, ƙan shii ta yooni laano. ⁸Pene maa ƙa she mo an shewo, moi aƙan li-shaarim, mo an ɗoon ƙan me an tuƙyo niyo, me an shomak, an-ningo, ƙan an shaɓa, po-ɗiyaju ta yooro ti ta tappan shagya-deet ye ti ƙuri deet yegihii yen ɗiwa. Teerei muro an palaw."⁹Dok ti shakki me an-shuran shin parilawi in waru shikno, mo dok ye ƙan taaja ye kemrii ƙa shwa-peewe shin parilaw, ƙan shii in tewi ya, "Waru wono. Ne ta shikko la-waari, paamun La-galma." ¹⁰Nang shii in sharno ti ta Shoom we war ƙu gbong manni sheelai ƙan in shuklono shaana gok-mina Urshaliima ti ƙu shaaru ti ƙu-dang ti piree ƙan Yamma.¹¹Urshaliima tei ƙan shoƙranno Yamma, ƙemanto ƙaa we sheela yen ƙpang, nang ƙaa we shiila jashpa, ƙpang ƙping ɗing. ¹²Tei ƙan gbong joori ganglang ye ƙollaan foƙroi ƙan podang shin ƙpumu gee-palaw. Ti ƙu ganglangi ɓallaan shommo shiɓa po-peen Ishereila ƙpumu gee-palaw. ¹³Ti kuɗo ɓooli ƙa podang shin tat, ti kuɗo laɗɗi ƙa podang shin tat, ti kuɗo dang ƙa podang shin tat, ƙan ti kuɗo ta-vuro ƙa podang shin tat.¹⁴Doo-ganglang gok-minai ƙan keli shin ƙpumu gee-palaw, ƙan ti ƙuujui shommo me an-kaawi La-galma shin ƙpumu gee-palaw. ¹⁵Mo ɗok ye yuunano paaro ƙan la-biro temo bela ti ta ƙirani ƙa we tem gok-minai, podangro, ƙan doo-ganglangi.¹⁶Gok-minai, jooriro ƙan gba awan-ta-gongoi po shaayi. Shii in tem gok-minai ƙa la-biro temoi, joorii kilomiita shig-ɗok sho naa-palaw ƙan palaw (2,200 km), (joori ɓandani, ƙan ammani, ƙan gba awan-ta-gongoi po shaayi). ¹⁷Shii ɓirang in tem doo-ganglangi, in we joorii miita naa-paragbanang ƙan paragbanang (66 mt) ti bi teman-we niyon-ding (ye tenei ɓirangii temo she an-shuran ƙu-dang).¹⁸Doo-ganglangi ɗigai ƙa jashpa ƙan gok-minai ɗigai ƙa bela waani, ƙaa rang-rang giloosh. ¹⁹Kel doo-ganglangi nyisshaashiki ƙa koo peen shiila yen ƙpattirin. Ye ƙa toomii jashpa, an palawii shapiya, an tatii agat, an peerewii emeral, ²⁰an fuwatii onish, an paragbanangii shardiiyush, an palawii kirisholait, an piɗiɗawii beriil, an fejerewii toofaj, an ƙpumuii kirishofarash, an ƙpumu gee-ɗokii jaashint ƙan ƙpumu gee-palawii ametish.²¹Podang gamglangi me shin ƙpumu gee-palawi shinui lu'ulu'u; koo podang shire limmaai ƙa lu'ulu'u ɗok. Gbong-ƙoƙo tarang gok-minai limyaai ƙa bela waani, ƙaa giloosh gee aɗo. ²²Nei wa shik tam ti ta gok-minai, longƙu Fo-mina Yamma Mongba ƙan La-galmai shinui tamro.²³Gok-mina a lewo aaro darang koo tere ee taarom, longƙu shoƙranno Yamma ti ee taaroi, ƙan ogroroi La-galmai. ²⁴Ku-ɓuk ƙu-ɓuk ta ya merei ti ta aaro gok-mina teere. Me an gub ƙu-ɓuk shinui ta wangittu ƙa shoƙranju ti taaroi. ²⁵Podangro s ta nummani ƙa darangum, ƙan aɗoo yippa ti po teerem.²⁶Shinui ta wangittu ƙa shoƙran ƙan min-gba ɓuk-ɓuk ti ta taaro, ²⁷pene aɗoo ween ɗoon ta riin taarom, koo monɗok mo ti yuyyo we ɗuulo-shik ƙan ɗoƙƙo, pene ɓara me shommoju ɓallii ti ta Laƙarɗa Kerangno La-galma.

Chapter 22

¹Nang an-shuran ƙu-dang in shuƙullino shi doo ƙerang, rau-rau ƙaa ar-ɗeele. Ti ƙu peru ti ta po ya-gubno Yamma ƙan she La-Galma ²ti nangshakki gbong-ƙoƙo tarang gok-minai. Ti koo jele shiiruƙ shire ƙa biro ƙerang, ye ti sheelo shiili peeni ƙpumu gee-palaw, koo tere shire. Alau-alau biroi ƙa longƙu tassho shik memme ta ɓuki.³Aɗoo shaamani ti ta ƙoɗɗii ɓirangum. Po ya-gubno Yamma ƙan she La-Galmai ta yooro ti tarang gok-minai, ɓirang me shooƙni shinui ta wau shii. ⁴Shinui ta we aɗoonii, ƙan shommonii ta yooro ti po foorojui. ⁵Birang aɗoo yippa ti po teerem; shinui a ta leu aaro deet ogro koo she darangum, longƙu Fo-mina Yamma ta ee ƙuujui. Shinui ta ya-gub po-ɗing po-ɗing.⁶An-shuran ƙu-dang in teuno ya, "Paaro tei we-ƙuman ƙan yen kulli. Fo-mina, ye shii Yamma shoom me an-pigra, shunna an-shuranni mo shuƙ ti shooƙni wee ta yooro ƙpantiɗi." ⁷"Gee! Ne ta waru peeb! Kpangii sheeno mo ti mur-ƙu ti paaro pigra laƙarɗa te."⁸Ne, Yuwaana, nei mo yaaraa ƙan in we shik we te. Koɗɗi ye weyaa ƙan we shikjui, nen shugna ti ɓuk ƙa we wau ti toom an-shuran ye ti ƙu shuƙyono ween shurme te. ⁹Shii in teuno ya, "Wessho ya we tei! Nei an-gale shooƙ ƙan ƙe, ƙan ma molonko me an-kaawi, ƙan ƙa shaayi ƙan me ti mur-ƙu ti paaro laƙarɗa te. Wau Yamma!"¹⁰Shii in teuno ya, "Wessho tanno foƙ paaro pigra laƙarɗa tei, longƙu yuuna nimmi. ¹¹Mo ye shii aɗobum, shero mo shii shu-toom ƙa kenni ɗobni. Mo ye shii ɗoon, shero mo shii shu-toom ƙa yuyyo ɗoonni. Mo ye shii ɗob, shero mo shii shu-toom ƙa ya wee ɗob. Mo shaana, shero mo shii shu-toom ƙa ɗiyo shaana."¹²" Gee! Ne ta ɗiiru ɓak ƙa warum. We-shik shuranno ti ta ƙirano, ne ta anngani ti koo nong ɗob-ɗob shuran ye shii yuwaa. ¹³Nei Alpa ƙan Omeega, an-toom ƙan gbattokrok, liyan-guni ƙan wiilani,¹⁴Kpangii she me fuɗɗaa lannaju ƙulang shinui in we ƙoƙo po shaani ti ta shiili biro ƙerang ƙan in ri ta gok-minai ti podang. ¹⁵Me ti peewei ɓai, me an ninngo, me an shomaƙ, me an tuƙyo niyo, me an wau we-ƙuma-we, ƙan koo nong ye leƙa ƙan yuyyo shaɓa.¹⁶Ne, Yeesho, ne shunna an-shuranno ƙulang shii in jimro ma wee shurme te ƙa longƙu me an ɓalla. Nei shoorin po-peeno Dawuɗa, aaran ar-shal vubna."¹⁷Shoom ƙan la-waari tenna ta shinui ya, "Waru!" Shero mo shii yaara tewoya, "Waru!" Maa mo ƙan isshi-fok, shero mo shii waru, ƙan maa mo leƙa shero mo shii yiu doo-ƙerangi ƙunngu.¹⁸Ne peeka bi ti koo nong mo yaaraa pa-paaro pigra laƙarɗa te: Ma monɗok maa toƙƙaa shaarijui, Yamma ta toƙƙon shaarii ti shii shwa-peewe me ɓallaa ti ta laƙarɗa te. ¹⁹Ma monɗok maa foraa ti ta pa-paaro pigra ti ta laƙarɗa te, Yamma ta for po aanii ti ta biro ƙerang ƙan ti ta shaana gok-mina ye ɓalliin ti ƙwi ti ta laƙarɗa te.²⁰Mo jimraa ween shurme te in tewi ya, "Oo! Ne ta waru peeb."Mo yooro ƙaa te! Waru, ta Fo-mina Yeesho! ²¹Kunnguno Fo-mina Yeesho mo ɗeero gale ƙan koo nong ma. Mo yooro ƙaa te.

Kushi: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation