¹. Kitabu me jo akwari ka Yesu Kristo, wot ka David, Akwar Aburaam. ². Aburaamu onyalo Isaka, di Isaka oko nyalo Yakobo, di Yakobo oko nywalo Yudi, Imiegu kede Amiagu mege ace. ³. Di Yuda oko nyalo Peres kede Zeera, totogi obedo Tama. Di Peres oko nywalo Keseroni, Keseroni oko nywalo Aram.⁴. Di Aram oko nywalo Aminadab, di Aminadab oko nywalo Nakason, di Nakason oko nywalo Salamoni. ⁵. Di Salamoni kede dakomere Rakab oko nywalo Boasi, Boasi kede dako mere Lusi oko nywalo obed, di obed oko nywalo Yese. ⁶. Di Yese oko nywalo Daudi oko bedo Abaka, di Daudi obedo Abaka oko nywalo Salamoni kede dako oudo me ka Uria.⁷. Di Sulumani oko nywalo Roboam, di Roboam oko nywalo Abija, di Abija oko nywalo Asa. ⁸. Di Asa oko nywalo Yekosapati, di Yekosapati oko nywalo Yoram, di yoram oko nywalo Usia.⁹. Di Usia oko nywalo Yotam, di Yotam oko nywalo Akas, di Akas oko nywalo Esekia. ¹⁰. Di Esekia oko nywalo Manase, di Manase oko nywalo Amosi, di Amosi oko nywalo Yosia. ¹¹. Di Yosia oko nywalo Yekonia kede Imiegu mege tetu kare kame otero gi kede Babilon.¹². Di do otieko tero gi Babilon, Yekonia oko nywalo Salatiel, di Salatiel oko nywalo Serubabel. ¹³. Di Serubabel oko nywalo Abiuda, di Abiuda oko nywalo Eliakim, di Eliakim oko nywalo Asoia. ¹⁴. Di Asoia oko nywalo Sadoki, di Sadoki oko nywalo Akim, di Akim oko nywalo Eiud.¹⁵. Di Eliud oko nywalo Eriesa, di Eriesa oko nywalo Matani, di Matani oko nywalo Yakobo . ¹⁶. Di Yakobo oko nywalo Yosepu cwar Maria kame oko nywalo Yesu kame olwongo be Kristo. ¹⁷. Do jo akwari dedede cako ibut Aburaam paka tuno but Daudi tie jo akwari tumun kiwie ongwon, do cako kibut Daudi tuno kede tero jo Babilon oudo tie joakwari tomon kiine ongwon, kede geno likare kame oteragi kede Babilon tuno but Kristo tie jo akwari tomon kiwie ongwon.¹⁸. Nan epwore kame onywalo kede Yesu Kristo obedo me nyang. kame tot mere Maria Yosepu oudo otieko nero pi nyomo, di bwodi likame ibedo karacel, en ekongeno be eyac kede twer me tipo kacil. ¹⁹. Di do cware Yosepu, obedo icuo atimo gi kopore, di likame emito mine ebed me apor inyim lwak, eudo emito nyiko tenge kibute imung.²⁰. Di pwodi etie paro kop noni, malaika ka Rubanga oko neno but ki ilek kiwang ninodi ewaco be, Yosepu wot ka Daudi, kur lworo maki pi tero Maria bala dakoni, pien yac mere no tie me Tipo kacil. ²¹. Do en ebino nywako atin awobi, di oko lwongo nyinge be Yesu, pien en ebino lako jo kidub gi.²². Magi dedede ti more, me wek kop nono bin copere kame riki owaco ikom Rwot di kiwok kibut onabi di ewaco be, ²³. Neni ngo, Nyako kame pwodi likame ongeo icuo bino nyako atin, di atin nono tie awobi di oko lwongo nyinge be Emanuel kame dwong mere be Rubanga tie kede wa.²⁴. Kakame Yosepu olei kede kiwang nino eko timo bala kame malaika ka Rwot owaco ne kede dido eko tere bala dakomere. ²⁵. Likame eko nyene tuno kede ikare kame en etieko nywalo kede atin mere agege awobi di en eko cako nyinge Yesu.

¹. Kakame otieko kede nywalo Yesu i Betelekemu ipiny me tetu kide oko bino Yerusalem, ². di kiwaco be, "Ngat kame onyalo pi bedo Abaka me Iyudayan tie tuai? Pien wan oneno acer mere i tetu kide en omio wan obino wore. ³. Kakame Erode owinyo kede ko[ noni, en eko udo par icunye, kede Yerusalem dedede karacel kede en.⁴. Do kakame ecoko kede jodongo me josaseredoti kede jopwany me iswil dedede karacel, en eko penyo gi be tuai kame oudo opoore nywalo iye Kristo. ⁵. Gin do iko waco ne be, i Betelekem me Yudea, pien enabi bin owandiko amanono. ⁶. Do wun, Betekem, i piny me Yuda in lika ibedo ngatel abino kwano jo na me Isirael oyaro wok ikom wun?⁷. Dido kame Erode dwongo kede jorieko i mung, eko udo ngec kibut gi ikom esawa kame acer oneeno kede. ⁸. Di eko cwano gi Betelekem di eyamo be "Otunu imounu atin atitidi no iber, do kame iudenu banu iyamanu, tetekeny ango da abin di ako wore.⁹. Kakame kiwinyo kop ka abaka kiko yai do acer kame oudo gin ineno i tetu kide oko ot di telo gi i anyim paka en tuno di eko cungo malo iwi kabedo audo atin tie iye. ¹⁰. Kakame ineno kede acer, kiko lelo kede yom cuny adwong adikinicel.¹¹. Do kame iwok kede i ot, kiko neno Atin kede Maria toto mere, kiko buto piny di kiko wore, Do kakame iyabo kede jame gi, kiko mine giamia, sabu bubani, kede mura. ¹². Dido kakame Rubanga okwenyaro kede gi i ilek be lika gi ipoore dok but Erode, gin iko dok i piny gi di kibeo iyongayo apat.¹³. Nan do kakame gin itieko kede yai neni, Malaika ka Rwot oko nyutere but Yosepu i ilek, di ewaco be, "Yai, ten atin kede toto mere, ikonu ringo i piny me Misiri, ikonu bedo kuno paka kame ango akelo ne kede kop: Pien Erode oyaro mono atino pi neke. ¹⁴. Kakame ecei kede eko kwanyo atin kede toto mere kiko yai ot Misiri. ¹⁵. Di eko bedo kuno paka Erode to, tetekeny wek kope kame Rwot oyamo di ebeo but enabi cobebere be: "Alwongo Woda i Misiri"¹⁶. Do Erode, nek me idwe ali kede bal kame eneno kede jorieko oko ngale, cunye oko wang adikinicel; di eko cwano kop pi neko idwe awobe dedede me mwakini are dwogo piny audo tie i Betelekem kede i adulio mege dedede, di lubere kede kare kame en eudo ibut jorieko.¹⁷. Dido kope kame enabi Yeremia owaco oko cobere. ¹⁸. Dwan oudo winyere i Rama koko, kok koko me to, Lakeri oudo tie koko pi idwe mege, di likame eyei dio cunye pien gin do idoko li.¹⁹

¹. Ikare nogo, Yokana nyaibatis oko bino, di epwonyo itim me Yudea, ². Di ewaco be, Swilanunu, pien ajakanut ka Rubanga otieko tuno. ³. Pien kop gi nki opieko waco di wok kibut enabi Isaya, ewaco be, Tie dwan ngatamoro kame tie lelemo itim, iikunu yoe wu ne Rwot, miunu yote bed di onere.⁴. Di Yokana nono oudo ngapo egoe me yer me aguragura, di rakobo me lau en kame etweo kede piere, di cam mere Oudo obonyo kede mokic me itela. ⁵. Ikano jo oko ot bute kobino Iyerusalem, kede Yudea dedede kede adulion dedede koluko Yorodan. ⁶. Di en eko batiso gi i Yorodan, kame gin oudo itieko tuco dubo gi.⁷. Do kame en eneno kede toto me Iparisayon kede sadukayon di bino bute udo batisimu, en eko waco ne gi kkwenyaro wu be isingunu tenge ki lilo kame tie bino? ⁸. ketuno do pimanoanyakini ariamo ked iswilar. ⁹. Di kur itamunu kenukenu be, wan otie kede Aburaam bala kwaru wa, Pi ango awaco ne wu, be Rubanga twero kwanyo kide gi di eko lko gi idoko ikwac Aburaam.¹⁰. Di nan da otieko keto le cuto k ga lias me yen, pimano yat moro ni kenekene kalikame nyako anyakini abeco ongole piny, di oko uce imac. ¹¹. Kiyateni ang abatiso kede pii en gianyuta me iswilar, do ngat kame tie bino icen ngea tiye kede twer kame wa, kame amuka mere da ango likame apoore mulo en eyaro batiso wu kede Tipo kacil kede mac. ¹². En oderu mere tie icinge, kame ebin yeko kede kiber idiakat mere di en eko wango cucuny kede mac kalikame to"¹³. Dido Yesu oko yai ki Galilaya eoto Yorodan but Yokana, me wek batiso en. ¹⁴. Do Yokana oko genge, di ewaco be, Ango amito in en ibatiso ango, di n=benyo komio itie bino buta? ¹⁵. Di Yesu oko dwokone di ewaco be, nginkino (yei) ber do etimere kamanono pi nan, pien eber ne wan cobo poore dedede, di do eko ngirikino (yei).¹⁶. Di Yesu, esawa kame otieko batiso en kede, di en eko wok idud pii, di malo oko yabere ne di eko neno tipo ka Rubanga di bino kimalo bala awele, di eko poto ikome. ¹⁷. Di dwan oko wok kimalo di waco be, man en woda kame amaro, ame ango cunya yom pire.

¹. Dido Tipo oko teelo Yesu i wi itela me wek Sitani oot tame. ². Kakame en ekoo tieko kanyo kede kec, pi cengere ot ongwon kec oko do neeke. ³. Kakame do nga tam jo oko bino kede bute eko yamo ne be kame di yin ibedo wot ka Rubanga, cikakino kide gi wek ki dok kuon. ⁴. Do en eko dwooko di ewaco be, kowandiko be, dano liko oyaro bedo kuo kede kuon kenekene, do kede buli kop kame wok idog Rubanga.⁵. Dokon jwogi diko terre malo iwi bomba kacil, di ko keete iwi obibiru me tempulo. ⁶. Di eko waaco ne be, kame yin ibedo wot ka Rubanga, jal komi ipot piny, pien kowandiko be, en eyaro corakino imalaikan meege piri, di gin kiko gagao yin i cing gi, tetekeny wek kur yin iret tieni ikom engaru.⁷. Yesu diko waco ne be, dokon kowandiko be, kur yin itam Rwot Rubanga ni. ⁸. Dokon, sitani diko terre malo iwi moru ka bor twatwal, di eko nyunyuto ne ajakanuto me piny kede deyo gi. ⁹. Di eko waco ne be, gigi dedede ango ayaro miino butin, kame yin ibino poto piny di iko woora.¹⁰. Yesu diko waaco ne be, orwa tenge, yin sitani. pien kowandiko be, yin ipore wooro Rwot Rubanga ni, dokon en kenekene kame yin ipoore tic ne. ¹¹. Dido jwogi oko weeke, dokon, neeni, imalaikan oko bino, dido oko tic ne.¹². Nan do kakame Yesu bin owinyo kede be kokete Yokana i ot kol, en eko yai eoto Galilaya. ¹³. Dido en eweko Nasaret eko bino bedo i Kaperenaum, kame kiyo kede dog nam, iye ikor me Sebulun kede Naptali.¹⁴. Tetekeny wek kop kame bin enabi Isaiya oyamo twer cobere eyamo be, ¹⁵. Yin lobo me Sebulun, kede lobo me Naptali, kame tie iyongayo me nam, kame kalamo Yorodan, i Galilaya me Abilere. ¹⁶. JO kame obedo ipiny acol bino neno lero, dokon gin jo kame kibedo ipiny kede itipo me too, lero bino rieny ikom gi.¹⁷. Geeno ikare nono Yesu oko caako tuco ejiri di ewaco be, Swilaro nu, pien ajakanut me malo tie icing wa.¹⁸. Dido Yesu, tie oot idog nam me Galilaya en eko neeno imiegu are, Simoni ka,e kolwango be Petero, kede omimere Andrea di gin ki tie wucco bwoi ii pi: pien gin oudo bin kibedo jo cik. ¹⁹. Di en eko waaco negi, Lubunu ango di ango ako loko wu idokunu jo cik jo. ²⁰. Awaka awaka di gin weeko bwoini gi, di kiko lubo en.²¹. Dokon en eko meede kede oot inyime, en eko neeno imiegu icegun are, Yakobo wot ka Sebedayo, kede Yokana omimere, di ki tie ii ye kede papa gi, di kitie yiiko bwoini gi, di en eko iwoongo gi. ²². Awaka awaka di gin kiko weeko ye kede papa gi, di kiko lube.²³. Yesu oko rimaro Galilaya dedede, di epwonyo kii kacokeren gi, dokon di etuco ejiri me ajakanut, di ecango epone me tuere dedede kede aramo dedede kame oudo tie idier jo. ²⁴. Di rwonge mere di ko roomo piny me Siria dedede, jo diko keelo ne jo kame aramo kede lito me epone apapat odio kede jo kame jwogi omako, karacel kede jo ko poi, kede jo kame kom gi otoo, di en eko caango gi. ²⁵. Dido alule me jo katot kame owok i Galilaya kede Dekapoli, karacel kede jo kowok i Yerusalem, kede Judaya, kede ilobere kame kalamo Yorodan, oko lubbe.

¹. Kakame Yesu oneno kede Alule me jo en eko yito malo iwi moru: eko bedo josiao mege oko bino bute: ². Eko yabo doge, en eko pwonyo gi, di ewaco be: - ³. “Kitie kede winyo jo can icunygi, Pien Ajakanut me malo tie mergi. ⁴. Kitie kede winyo jo kame tiwuro, Pien kobino dino cuny gi.⁵. Kitie kede winyo jo kame mwolere, Pien lobo lung bino doko mr gi. ⁶. Kitie kede winyo jo kame kec kede orio me poore omako, kobino mino gi kiyeng. ⁷. Kitie kede winyo jo kame timo kisa pien kobino timo gida kisa. ⁸. Kitie kede winyo jo kame cuny gi cil, pien kibino neno Rubanga.⁹. Kitie kede winyo jo kame timo mulem, Pien kobino lwongo gi be idwe ka Rubanga. ¹⁰. Kitie kede winyo jo kame kotidilo pi timo gi kopoore, pien Ajakanut me malo tie mergu.¹¹. “Itienu kede winyo ka jo cao wu, di kitidilo wu kede di kiwaco epone me kope kareco dedede me angalo ikomu pira. ¹². Lelunu di ikonu bedo kede yom cuny, Pien giamia wu me pwoc tie dwong imalo. Iye pone nono da en kame bin kotidilo kede inabino kame ogeo ne wun.¹³. Wun itienu munyo melobo, do kame munyo orwenyo mito mere etwero doko mit benyo? Udo bero mere odokoli kwanyo bwote tenge di jo ko nyonyonoen. ¹⁴. Wun itienu Lero me lobo, Bomba kame ogero iwi emukura likame kanere.¹⁵. Likame jo cwinyo tala, di oko ume kede ebukit, do kokete iye pir me etala, di eko mino lero but jo dedede kame tie iot. ¹⁶. Pi mano miunu Lero wu rieny ne jo dedede, tetekeny kinen tice wu di kiko pako papa wu kame tie malo.¹⁷. Kur iparunu be ango abino pi kwanyo iswil arabo inabino. Likame ango abino pi kwanyo, do pi cobo. ¹⁸. Ateteni awaco ne wu be, tek di malo kede Lobo pwodi tie, likame tie enyukuta moro ara wikop acel me gikame kowandiko iye iswil kame kobino kwanyo tenge, pakana gidedede cobere.¹⁹. Pi mano ngat kame turo acel ikom cik atitino gi, di eko pwonyo jo pi timo kamannon, en ebino bedo dano kalikame pire tek i Ajakanut me malo. Do ngat kame Lubo di eko pwonyo gi, ngat nono kobino lwonge be Ngadwong iye Ajakanut me malo. ²⁰. Pien awaco ne wu be, kalikame poore wu okalamo poore me jopwony me iswil kede Iparisayon likame ibinunu donyo i Ajakanut me malo Atwal.²¹. Bin iwinyunu di kowaco ne jo kariki sek be, kur ineko do ngat kame neko bino bedo ilieto me ngol. ²². Do awaco ne wu ne ngat kame doko ger ne omimere abongo kop moro bino bedo ilieto me ngol: kede ngat kame yeyeto omimere kobino tere inyim kansulo; do ngat kame waco ne omimere be imiming bino bedo ilieto me mac.²³. Pi mano kame itie tero giamia i alutari di ikanono iko yutuno be omini tie kede kop kedi; ²⁴. Wek giamia ni kanono i alutari, di iko ot, dwoko nywak ni kede omini, dido iko bino mino giamia ni.²⁵. Por kop kede ngat kame tie pidi awakawaka di pwodi itienu kede iyongayo tetekeny kur ngapido teru but ngangol kop, di ngangol kop ko mini icing sirikale, di oko bino tweni iotkol. ²⁶. Ateteni awaco ni be, likame ibino wok kikuno tuno kede di iculo sente kame kotangi kede me atiekini.²⁷. Bin iwinyunu di kowaco ne jo kariki sek be; kur itim adote. ²⁸. Do ango awaco ne wu be ngat kame neno dako di eko paro buto kede otieko timo adote kede icunye.²⁹. Aso ka wangi tetu cam en kame mi idubo, gole ooko iko uce tenge; ber ne in kei adul moro me komi akaka uco komi dedede imac kalikame to. ³⁰. Doko da ka cingi tetu cam en kame mi idubo, ngole di iko uce tenge. Eber ne in kei adul moro me kom akaka uco komi dedede imac kalikame to.³¹. Bin kowaco da be, ngat kame riamo dako mere poore emie balwa me gonyo nyom. ³². Do ango awaco ne wu kaman, ngat kame riamo dako mere, kwanyo ka pi kop me adote, emio mano odoko ngadote doko da ngat nono kame nyomo manono kame oriamo udo etimo adote.³³. Doko itiekunu winyo di kowaco ne jo kariki sek be, kur ilairo pi kop me abe, do poore in itim ne Rwot gikame in itieko cikere iye; ³⁴. Do awaco ne wu be; kur ilairo nu Atwal ara waco nying malo pien ebedo kom ka Rubanga. ³⁵. Arabo di iwaco nying lobo, piento en ebedo abanya kame en eteno iye tiene, amoto di iwaco nying Yerusalem, piento en ebedo Bomba me Abaka adwong.³⁶. Kur Ilairo kede wii, Pien likame in ikaruno mino yer wii acel doko tar ara col. ³⁷. Wek kop kame in iyamo bed be “Ee” arabo be li; pien kop kame kalamo magi udo owok kibut ngarac³⁸. Wun iwinyunu be bin kowaco be, wang pi wang kede lak pi lak. ³⁹. Do ango awaco ne wu be, kur inyang raco: do ngatamoro kame bapo lemi tetu cam lok na tetu cel da.⁴⁰. Doko ka ngatamoro opidi iye iswil, di eko tero ekoti ni, weke eter kiton esati ni da. ⁴¹. Doko ngatamoro kame dii pi ot mairo acel, otunu kede mairo are. ⁴². Mii but ngat kame kwai bobo da kibut ngat kame penyo kony kur ilok ne ngei.⁴³. Wun iwinyunu be bin kowaco be, mar ngakio ni, di iko dagi ngakwor ni. ⁴⁴. Do ango awaco ne wu be marunu jokwor wu miunu winyo but jo kame lamo wu, timunu bero but jo kame dagi wu, doko da ikounu lego pi jo kame tero wu kirac, di kitidilo wu. ⁴⁵. Tetekeny idokunu idwe ka papa wu kame tie malo, piento en emio ceng mere wok ne jo ka reco kede ne jo kabeco, di eko cwano kot ne jo kopoore kede jo kame likopoore.⁴⁶. Pien kame imarunu jo kame marou, iudunu giamia me pwoc nyo? Benyo mam jo kame raco esolo da timo kamanono? ⁴⁷. Doko kame imitunu imiegu wu kenekene, udo itimo nyo aber kalamo jo icegun? Benyo mani jo kame raro esolo da timo kamanono? ⁴⁸. Pi mano, bedunu jo kopoore, bala kite kame papa wu imalo opoore kede.

¹. Giwokere kur imiunu gia mia u inyim jo, pi wek gin kinenu. Mano mio likame ludunu gia mia kibut papau kame tie malo. ². Pi mano kame itie nu mino gia ma u , kur ikutunu agara kinyimu Dala kame jo isidik timo kede ikacokeren kede lote kadong. Pi jo mino gi deyo. ateteni awaco neu de gin kitieko oudo gia mia gi.³Do kai itie mino gia mia, kur cingi me tetu ngoda ngeno gi ame cing me tetu cam tie timo. ⁴. Me we gia nin bed imung. di papa ni kame neni iimung kobino mini gia mia kaka ler.⁷⁵. Doko kame itie nu ilega kur ibedunu bala jo isidik. Pien gin kimaro ilega di kicinga acunga ikacokere, kede ikaka ogem me yole Adango me wek jo nen gi. ateteni awaco neu be gin kitieko oudo giamia gi. ⁶. Do un kame itienu ilega donyi iyi isenge ni kame icego ekoko ni leg but papa ni kame tie ii mung di papa ni kame neni ii mung diko dino mini gia kaka ler. . do kame itie nu ilega kur ibed nyogao kop dala kame jo kalika ngeo Rubanga timo kede, Pien gin kiparo be obino winyo gi pi yamo katot.⁸. Pi mano kur idedunu dala gin Pien papu ngeo gikame un imitunu di pwodi likame un ipenye nu. ⁹. Pi mano iye poneni legu kaman, papa wa kame tie imalo, nyingi bed me awora, ¹⁰. Ajakanut ni bin, mit ni timere ilobo kan bala kita kame tie kede imalo.¹¹. Mi iwa tin cam wa me buli ceng ¹². di iko sasiro banyi wa bala kame wada osasiro kede jo kame tie kede banyi wa. ¹³. Kur ijal wa iya tama, do ilak wa igi arac, pien ajakanut kede tuer kede deyo obedo merin nakakana Amen.¹⁴. Pien kame in isasiro jo ibud gi papa ni kame tie malo eyaro sasiro ida. ¹⁵. Do kame un lika isasiro nu jo kidub gi, papa u da likame bino sasiro u kidubu.¹⁶. Iye pone nono da kame itienu kanyo kec, kur ibedunu bala jo isidik, kame mio nyim gi bedo pek pien kirurujo nyum gi me wek gin kineno but jo bala gin kitie kanyo kec, atete ni awaco neu be gin kitieko gamo gia mia gi. ¹⁷. Do un kame itienu kanyo kec, sut wii kede moo diko iwoko nyimi. ¹⁸. Di li ikonu neno but jo bala itienu kanyo kec do but papau kame tie iimung, di papau kame nenou iimung diko minou gia mia kaka ler,¹⁹. Kur ikanu nu abarau ilobo kan piru, kakame ajekel kede nyal, tuero ngingido en kiye kede kakame jo kuo tuero turo diko kalo kiye. ²⁰. Do kanunu abarau piru kenu malo kakame ajekel kede nyal likame ngingido en kiyekede kakame jokuo likame tuero turo diko kwalo kiye. ²¹. Pien kakame abaru ni tie iye en kanono kame cinyi da bedo iye.²². Lero me kom en wang, pi kame wangi ler komi dedede bedo kede lero. ²³. Do kame wangi tie kede raco, komi dedede bedo di tie icolo, pi mano kame lero me ii odoko colo, colo no bino bedo dwong karama mene. ²⁴. Liame tie dano moro kame romo tie ne jo dongo are, pien ebino dagi ngat acel di eko maro ngat ocelu, Amoto ebino moko ikom ngat acel di eko cano ngat acel in likame ituero tic ne Rubanga kede ne abar.²⁵. Pi mano awaco neu be kur ibedunu kede par ikom kuo, pi gia me iyaro nu camo, kede gi ame iyarunu mato, akadi pi komu da pi gi ame nyarunu ngapo. benyo likame kuopire tek too cam, kede kon da pire tek loo angapito? ²⁶. nenunu winye kame por iwi yamo, pien ginlikame kicuo, liame kikao da. Likame kicoko idere da do pwodi papau kame tie imalo pito gi, benyo un likame ibeconu kalamo gin.²⁷. Ngai kikomu pi bedo kede par tuero medo ceng acel ikuo mere. ²⁸. Pinyo omio iparunu gia ngapa nenunu ature me obar, eopne kame gin ki dongo kede gin likame kitio Amosoko kitimo iguen. ²⁹. Do ango pwodi awaco neu be, akadi riki Solomon kidego mere dedede likame engapere bala acel kikomgi.³⁰. Pi mano kame Rubanga ngapo lum me itela kame bedo tin, di diki oko uco gi iya tukot, likame en ebino ngapou kalamo, okwe un jokame yeiu nonok. ³¹. Pimano kur bedunu kede par di iwaco be, wan oyaro camo nyo, Amoto wan pyaro mato nyo arabo oyaro ngapo nyo.³². Pien gigi dedede jo kalikamengeo Rubanga en kame meo, pien papau kame tie mala ngeo be un imitunu gigi dedede. ³³. Do me agege geunu mono ajakanut karubanga kede pore mere, di gigi dedede oko bino medo neu. ³⁴. Kur ibedunu kede par pi diki, pien diki ayaro paro jamini kame maken ikome, wek ceng acel acel bed kede peko mege kame make.

¹. Kur ingol kop, me wek kur ngol ni da kop. ². Piento akodi kop kame in ingolo ne jo, en kame in ipimo kede, ida oyaro pimo ni kede.³. Doko da pinyo amio in ineno gi odonyo iwang omini, do di in likame itie paro pi gi odonyo iwangi ⁴. Ara bo, itwero benyo waco ne omini be, wek beu akwany gi odonyo iwangi , di bobo neni, lum aagirikin iwangi. ⁵. In nya isidik, meagege gei ber kwanyo lum odonyo iwangi tenge, tetekeny amio itwero neno kiber me woto lum opoto iwang omini.⁶. Kur imio gi acil oko ne igwogin, doko kur iucunu bira me wel ne ipegei, me kur ki nyonyono kede tien gi, kiko bobo lokere tojo uu.⁷. Kwai,oyaro mini moi, iyaro udo, gogoo, oyaro yabo ni. ⁸. Piento dano acel acel kame kwao omie dano kame moo, eudo, dano kame gogoo okeko oyabo ne. ⁹. Ara bo, ngai ino ibutu, kame wode penye mugati en eko bunyo mine engaro? ¹⁰. Ara bo, openye Aparogo, elunyo mine twol?¹¹. Do Kame ber uda jo areco, ingeunu mino idwe u gi amia abeco jo papa u kame tie malo bino do mino gi amia abeco arom kwene but jo kame kwae? ¹². Pi mano, gi dedede kame un imitunu be jo tim ne u, uda time nu gi amanono, piento kop ni tie i iswil, kede pwony me inabino.¹³. Ride nu me donyo iye ekeko adiding, piento erute alac, kede yongayo alabalaba, tero jo ito, doko jo kame lube tot. ¹⁴. Piento erute ca diding: doko yongayo da diding kame tero jo ikuo, jo anonok en aude¹⁵. gwokerenu ikom inabino me angalo. Kibino butu di kingapo engape me oromo, di igitie idiekon ager. ¹⁶. iyarunu ngeno gi kede anyakini gi jo twero gwedo anyakini me olok i okuto , ara oduro iye ekenep? ¹⁷. Ka manono da, yat aber dedede, etimo anyakini aber, yat arac da timo anyakini arac.¹⁸. Yat aber likame twero timo anyakini arac yar arac da kamonono likame timo anyakini aber. ¹⁹. Yat moro ni dedede, kame lika timo anyakini aber, otonge piny, di oko uce imac. ²⁰. Pi mano iyarunu ngeno gi kede anyakini gi.²¹. Likame jo kame waco na be Rwot, Rwot. en oyaro donyo i ajakanut me malo. do dano kame timo mit me papa kame tie malo. ²². iceng no jo atot bino wako na be, Rwot, Rwot wan nngoce li omurao kede nyingi? Likame oriamo jwogi kede nyingi? Likame otime otimo tice me aura kede nyingi? ²³. di ango ako bino waco ne gi be ango akwia uu orwa nu tenge kibuta, un jo tim tim areco.²⁴. Pimano dano moro no, kame winyo kop na gi, di eko timo gi, ayaro pore kede nya rieko, kame gero ode ikom lela: ²⁵. Kot di ko dipo cwei, alele di ko yesar, yamo di ko buko, ko dano ot, ot likame poto, piento udo ogere ilela.²⁶. Do dano moro dedede kame winyo kop kame ayamo dilikame eko timo gi, ayaro pore kede ngamingo kame gero ode i asinge. ²⁷. kot di ko cwei, alele di ko yesar, yamo di ko buko di ko dano ot, dieko poto, ebino poto, poto atek²⁸. Oko timere aman be, kame Yesu, otieko yamo kede kop gi jo di ke bedo kede ur ikom pwony mere. ²⁹. Piento oudo epwonyo gi bala dano kame tie kede akarinikin: do Likame bala jo apwonyo iswilia.

³¹. Kakame Yesu owok kede piny ki uni moru ekodet me jo atot di ko lube. ². Menugo di ngat kame tie kede tuo me dobo oko bino di ko wore di ko walo it be Rwot kame imito ikaruno mina adoko cil. . Di Yesu oko keto cinge ikome eko waco be ango amito bed cil. Di cucuto nono di ngat kame dobo mako di ko doko cil.⁴. Yesu di ko waco ne be in nen be kiki malo ne ngatamoro do ot iyangayo ni di ko ngutere keni but esaserodot di iko mino giamia kame Musa riki ociko pi bedo ijura but gin.⁵. Kakame Yesu odonyo kede kapere naum di ngadulong oko bino bute di kwat. ⁶. Di eulalo ne be, Rwot ngatie na tie buto ipalo etuo, tuo onyonyongo kome kede aramo kalit. ⁷. Yesu di ko walo ne be ayaro bino di ako cange.⁸. Ngadulong oko ducoko di waco ne be ango likame amito be in pore donyo ioda do in yam kop alel kenekenedi ngatie na ko cango. ⁹. Pien ango atie dano kame kobo di bobo ango da atie kede isirikalen kame aloo kame awalo ne ngatamoro be oti eoto kame awaco ne dano ale be bia eda ebino. Kame awaco ne ngatie natimo gimoro etimo. ¹⁰. Kakame Yesu owinyo kede kop ni en eko uro di eko waco ne jo kame lube be ateteni ango liame audo yei adwong arom aman akadi isirael.¹¹. Ango awaco neu be jo atot oyaro yai kitu wok ceng kede kitua donyo ceng di kiko bedo piny kede Aburaam kede isaka kede Yakobo iajakanut me malo. ¹². Do idue me ajakanut ko bino uco oko kakacol en kakame kibino koko kede mulo do lak kiye. ¹³. Di Yesu oko waco ne ngadulong nono be ot ot ni, bala kame in iyei kede wek etimere kamanono, di do ngatie mere oko cango iesawa nono.¹⁴. Kakame Yesu oko donyo kede lot kapetero eko neno toto me dako kapetero di etie buto pien musaja oudo omake. ¹⁵. Di en eko mako cinge di musaja oko weke di en eko yai eko geno ne gi.¹⁶. Kakame otieno otuno kede jo bin di ko kelo ne jo kame julogi omako di en eko riamo cung kareco nogo kede kop mege di eko cango jo dedede kame bin tuo. ¹⁷. Wek kop kame bin enabi Isaya owaco cobere di ewaco be en kikome ekuianyo horowa di eko yeno tuo wa.¹⁸. Kakame Yesu oneno kede ekodet adwong oluke en eko ciko gi pi ot loka letuca. ¹⁹. Ngapwony moro me ijucil oko bino but Yesu di ko waco ne be nyapwony ango ayaro lubi ka dedede kame in iyaro ot iye. ²⁰. Di Yesu oko waco ne be ikween tie kede bure ame kidonyo iye, winy kame por iwi yamo da tie kede ude gi do wot ka dano likede kame epielo iye ulie.²¹. Di ngat acel kikom joor mege oko waco ne be Rwot me agege yei neango ber aot aik papama. ²².Do Yesu oko waco ne be luba wek jo oto ikere kengi.²³. Kakame en edonyo kede iemeri joor mege oko lube. ²⁴. Di do tiuon yamo adwong oko poto inam di ebuka mere oko um emeri do yesu oudo omino. ²⁵. Di joor mege oko bino bute ceene di kiwaco ne be Rwot lakwa ka igal otieko too.²⁶. Di en eko waco negi be pinyo komio itienu kede liuoro okwe un jo kame yeiu nonok? di en eko yai eko gengo yamo kede nam di yamo oko napakin. ²⁷. Do jo oko bedo kede ur di ki waco be dano me epone mene me ame ikon yamo kede nam da winye.²⁸. Kakame en etuno kede loka tetuca ilobo me Geresene en bin eko riamo kede jo are kame jwogi omako di kiwok iatesin oudo gin kiger ame dano moro liatwero beo iyangayo nono. ²⁹. BIn gin kiko donyo koko itek di kiwaco be nyo kame wan otimonin Yesu in wot ka Rubanga? In bino me mino wa alola di pulodi kare li otuno?³⁰. Oudo bin tie ekodet me ipegei kame tie cam kakabonor. ³¹. Di jwogi oko kwane di waco ne be iriamo wa yei ne wa ot ikom ekodet me ipegei. ³². Di en eko waco ne gi be otunu kakame gin kiyai kede kiko ot ikom ekodet me ipegei neni di do ekodet me ipegei oko ringo pipiny mam di kiger kiko to ipi.³³. Di jokame bin daro gi oko ringo buli dano omako yangayo me ot ibomba di kiko tatamo gi dedede kotimere ikom jokame bin tie kede jwongi. ³⁴. Neni do jo dedede me bomba oko bino pi riamakin kede Yesu kakame gin kiko nene gin kiko kwame be eyai tenge kilobo gi.

¹. Di en eko donyo i emery en eko ngolo tetuca, di eko tuno ibomba gi. ². Neni, dido oko kelo bute icuo atuwo oneko kome, di buto ika buto: di Yesu oko neno yei gi eko yamo ne ngat atuwo oneko kome be, woda bed kede gen dub ni otieko sasaro in.³. Neni dido jo iwandik mogo oko donyo yamo idiere dieregi be, icuo ni nga acae. ⁴. Kakame Yesu ongeo kede tam gi eko yamo be, pinyo omio wun iparo nu gi arac icunyu? ⁵. Mene en ayot yamo be, dub ni osasiro in ara bo, yamo be yai i oti. ⁶. Do me wek wun ingeuni be wot ka dano tie kede twer ilobo pi sasaro dub ( di eko yamone ngat atuwo oneko kome) yai kwany kabuto ai di iko ot iodi.⁷. En eko yai di eko ot iode. ⁸. Do kakame iwak jo oko neno kede gin kiko uro, di kiko mino deyo but Rubanga ngat komio twer acal amano but jo. ⁹. Kame Yesu oko yai kede ikuno eko neno icuo anyinge Matayo, tie nedo iot me raro esolo, en eko yanio ne be, luba. Di en eko yai di eko lube.¹⁰. Kakame Yesu oko bedo kede piny pi cam iot neni jo ra esolo kede jodubo obino di ko bedo piny kede josiao mege. ¹¹. Kame Iparisayon oko neno kede amano, kiko yamone josiao mege, pinyo omio Ngadwong wun camo kede jo rar esolo kede jodubo.¹². Do kame Yesu owinyo kede amano, en eko yamo ne gi jogo jo ame tie iber liame mito emuron do jogo ame tuwo. ¹³. Do otunu ipwonyunu dwong kop noni abino bedo kede kisa do liame gia yala: pien liame ango abino pi lwongo jo opoore do jo dubo pi swilaro.¹⁴. Dido jo siao a Yokana oko bino bute, di yamo be, pinyo omio wan kede Iparisayon ori kec, do josiao ni liame ri kec? ¹⁵. Dido Yesu oko yamo negi be, kara iduwe me eteran twero tururo tek di eteran tie kede gi? Do ceng bino tuno kame okwanyo kede eteran tenge ki but gi, di gida iko ri kec.¹⁶. Liame tie dano aketo ecapa me egoe anyen ikom oti, pi wek mano ame oketo kur med nyilo oti di nyil mere ko bedo rac kalamo.¹⁷. Doko liama jo keto ebwini anyen icupa otii me wek kur ecupa bele, di ebwini ko mol oko di ecupo ko too; do gin ki keto ebwini anyen icupa anyen me wek gin ki gwokere.¹⁸. Kakame en etieko yamo kede kopegi but gi neni ngapug moro aciel obino oko mino wor bute di eyamo be, nyarango nan oto do bia di iko keto cingi ikome di en eko kuo. ¹⁹. Di Yesu oko yai oko lube dido josiao mege da oko lube.²⁰. Neni dako ame oudo tie kede tuwo ame omie onyo remo pi mwakini tomon iwie are, oko bino icien nge, di eko mulo lak egoe mere. ²¹. Pi en eyamo ibte kene be, kame ango atwero mulo egoe mere ango abino cango. ²². Do Yesu oko lokere kame en oko neno kede dako nono eko yamo be, Nyara bed kede kuwei yei ni otieko cangi. Di do dako noni oko cango geno i esawa nono.²³. Kakame Yesu oko oot kede iot me bgatel di eko neno jo kut bilo kede jo di tie lelemo, ²⁴. En eko yamo ne gi be, Wekunu kare, pien nyakoni likame oto, do enino, do gin iko nyere di icae.²⁵. Do kakame jo oto kede oko en eko donyo iot, di eko mako nyako noni icinge en eko yai. ²⁶. Di do rwonge noni oko sarakini ilobo noni lung.²⁷. Kakame Yesu oko yai kede ikano imeduka wot ka Daudi, kisa maki ikom wa. ²⁸. Do kakame en edonyo kede iot imuduka gi oko bino bute: di Yesu oko yamo negi be, iyeunu be ango atwero timo gigi? Gin kiko dwoko ne be, oyei Rwot.²⁹. En eko mulo wang gi, di eyamo be, bala ayei wu tie kede etimere ne wu amanono. ³⁰. Dido wang gi oko yabere di Yesu oko corakino gi di eyamo be, neni kur ngatamoro ngei kop ni. ³¹. Do gin kakame gin ki yai kede kiko sarakino kop noni ipiny noni dedede.³². Kakame gin ioto kede oko, neni gin kiko kelo bute icuo alebe oto ajwogi oleo. ³³. Do kakame oriamo kede jwogi tenge dano alebe oto oko yamo: di iwak jo oko iero, di kiyamo be, geno liame etimere Isirael. ³⁴. Do Iparisayon oko yamo be en eriamo jwogi kede twer me Ngadwong me jwogi.³⁵. Di Yesu oko ot di beo ibomban kede adulio di epwonyo isingogon di etito jiri me jago me ipolo, di ecango tuwo kede goro me kom apapat. ³⁶. Do kakame en eko neno kede iwak jo, en eko bedo kede kisa ikom gi, pien oudo kidong atatai, di kisarar, bala oromini ali kede akwat.³⁷. Di en eko yamo ne josiao mege be, kac ateteni dwong, do jo tic nonok. ³⁸. Pi mano kuwai nu Ngadwong me kac me wek ecwai jo tic bin kac.

¹. Dido kakame en owudo elwongo bute josiao mege tomon kiwie Re en eko minogi twero ikom tipere areco, pi riamogi tenge cango tuere me iponeso apapat kede aramo dedede.². Nando nying joor tomon kiwie are en ige; me agege Simoni ame olwongo be Petero kede Anderea omimere; Yakobo wot ka Zebedayo kede Yokana omimere; ³. Pilipo kede Batalumayo; Tomasi kede Matayo nga rar esolo, Yakobo wot Alipasi kede Lebbaeus, kame nyinge me pene owudo obedo Tadeo. ⁴. Simeon me kanan kede Yuda Isikariot ame da oko Rupao en.⁵. Tomon kiwie are gi en kame Yesu oko cwano di eko cikogi di eyamo be otunu likame iyo me imo kede ii bomba me Samaria kur idonyunu iye: ⁶. Do otunu but oromini korwenyo me yiot kisirayiri. ⁷. Dokon ka iyotunu titunu di iyamunu be Ajakanut me malo otieko tuno.⁸. Cangunu jo tuo lonyunu jodobin yarununu jo koto riamunu jwogini tenge: Igamunu nono wuda miunu nono. ⁹. Kur imakunu sabu amotoko pesa arabo sente akaya iisaunwu. ¹⁰. Amotoko ikapu me sapali arabo ikotin are, amotoko amukai arabo ebelame komo ngatic opore kede cam mere.¹¹. Dokon iibomba kadwong arabo iiibomba katidi moro kame wun iyarunu donyo iye, pepenyunu ngai en kibecokina iye di ikounu dong kanono pakana kame iyaunu kede. ¹². Dokon kame wun ibinunu iyot moro Motunu jo me yii yot nono. ¹³. Dokon kame di iyot nono ibecokina, wekunu mulem wu bin iye do kame di en likame ibecokina wekunu mulem wu dwog butu.¹⁴. Dokon ka ngatamoro likame ogamo wu arabo winyo kope wu tetengunu adae me tienu kame di itienu yai ipaco nono arabo kiyi bomba nono. ¹⁵. Ateteni ango ayamone wu be, ebin tikatika ne lobome Sodoma kede Gomora ticeng me ngow kop lono ne bomba no.¹⁶Pimano bedunu riek bala twole, di imwolunu balan aweleko. ¹⁷. Do gwokere wunu kede jo pien gin kibino jalakino wu icing kansulon di gin kiko bino danu wu iyika cokerengi. ¹⁸. Dokon oyaro bino kelowu inyim jo pug karacel kede abakai pi nyinga pi bedo mujura but gi karacel kede but Abilere alikame Iyudayan.¹⁹. Do kame otero wu kuno kur iparunu epwone arabo gikame wun iyarunu yamo: pien oyaro bino mino wu gime ayama iye esawa nono. ²⁰. Likame wun en inonono ame yamo pien likame wun en kame iyamunu do cuny kapapawu en kame yamo ii wu.²¹. Dokon omin bino jalakino omin ito kede dokon papa bino jalakino atin dokon idwe bino yai malo pi yii kede jonywalgi di kiko mino onekogi. ²². Dokon jodedede oyaro dagi wu pi nyinga; do ngat kame kanyakino paka iya ajikini bino lakere. ²³. Do kame otidilowu iibomba ni ringunu ii ace; pi ateteni ango oyamo ne wube wun likame ibinunu rimaro bomban me isirayiri dedede wudo wot kadano otieko dwogo.²⁴. Nga siao likame dwong kalamo nga pwony mere arabo ngatic likame dwong kalamo Rwot mere. ²⁵. Etieko doromo ne ngasiao bedocal kede nga pwony mere kede ngatic bedo bala Rwot mere kame olwongo Ngadwong me ot be Beelzebub, epwone menedo ame oyaro lwongo kede jo me yii ode?²⁶. Pimano kur ilworunugi: pi likame tie gika me owumere ame likame oyaro yabo; kede kame okano ame likame bino ngiere. ²⁷. Gikame ango ayamonewu iicolo manono yamunu ilero kede gikame wun iwinyu nu iyitu manono titunu iwi wude.²⁸. Dokon kur ilworunu jo kame neko kom dodi likame kitwero neko tipo: ootikatika lworunu en ngat ame twero dudubo tipo karacel kede kom igiana. ²⁹. Benyo likame acilagwec are owilo kede kapu acel? Di acel ikomgi likame poto piny abongo ngiec kapapawu. ³⁰. Do yer me wiwu dede otieko maro. ³¹. Pimano kur ilworunu wun piru tek kalamo acilagwec atot.³². Pimano dano kame tuco nyinga nyimjo, angoda abino tucoen inyim papana kame tie ii malo. ³³. Do ngat kame dagango inyimjo, angoda amito dage inyim papana kame tie ii malo.³⁴. Kur itamunu be ango abino pi kelo mulem iwi lobo. Ango likame abino pikelo mulem do papa. ³⁵. Pien ango abino piketo adding idiere me icuo kede papa mere, kede ati nyako kede totomere, kede adding idiere, me dako kede totome cware. ³⁶. Dokon nyakwor adano oyaro bedo jo me yii yode.³⁷. Ngat kame maro papamere arabo toto mere kalamo ango likame ibecokina bedo mera. Dokon ngat kame maro wode arabo nyare kalamo ango likame ibeco kina bedo mera. ³⁸. Ngat kame lika tingo yat aria mere, di eko luba kede likame en ibecokina bedo mera. ³⁹. Ngat kame wudo ku mere bino rwenye kede ngat kame Rwenyo kuomere pira bino wude.⁴⁰. Ngat kame gamo wu wudo egamo ango, dokon ngat kame gamango, wudo egamo ngat ko cuao ango. ⁴¹. Ngat kame gamo enabi inying me enabi oyaro gamo epera me enabi; kede ngat kame gamo ngat opore inying me ngat kopore eyaro gamo epera me ngat kopore.⁴². Dokon ngat amoro kame mio ikopo me pi angic but jo atino gi inyingme nga siao ateteni ango ayamone wu be, en likame eyaro bino kei epera mere.

¹. Di eko cobere, di Yesu otuno iatiekini me corakin jo siao tomicare mege, eko yai ot pwony kede tito kop ii bolabola gi. ². Nan di Yokana owinyo ii mabus tice ka Kristo ecwao jo are ikom jo siao mege. ³. Di waco nen be en ame pore bino awabo gimoi ace?⁴. Yesu oko dwoko but gi be, oot ikonu nyuton Yokana bobon gi ame itienu winyo kede neno. ⁵. Imuduka ogamo itien o gi kede jo ongwalo ooto jo ka tuo gwenyu olonyere kede edingo winyo jjo too oyaruno malo kede jo kan tie kede ejiri otito negi. ⁶. Winyo but en ngat morono ka likabino iworere ii ango.⁷. Dido gin gi yai Yesu diko geno waco but iwakkop amako Yokana, nyo ko teri oko iyi tela me neno atad ayamo tie yango? ⁸. Do nyo i oto oko pi neno? i cuo ongapo igwen kayom? Neni gin jo ka ngapo agwen ayom tie iyi wude abaka.⁹. Do nyo ain ioto oko neno? Enabi? Ebo, awaco but u, kede lono enabi. ¹⁰. Pi man en en, kame owandiko, Neni awaco aor na inyim u, ko yaro yiko yongayo di pwodi yin.¹¹. Ateteni awaco neu be, idyer gin kame onywalo ii dako lika me tie ngat ko kiarao kitek lono Yokana ngai batis: Dodi ngat kame coko ii ajakanut me malo tek lone. ¹². Geno ikare ka Yokana nga ibatis pakana nan ajakanut me malo neno atwom twomun, kede jo kager tero tetek¹³. Pi enabin dedede kede iswil kame okwongo pakana Yokana. ¹⁴. Kede kame iyaro game, man en Elias kame oudo pore bino. ¹⁵. En ngat kame tie kede ite me winyo wek ewinyi.¹⁶. Do twai non kame ayaro pore kede ikareni? Etie bala idwe obedo ia tale dgi iwongere but jo wot gi. ¹⁷. Be wan okute buti, do likame imielo wan okoko buti do likame ewaco.¹⁸. Pi Yokana obino dilikame etie ecamo arabo di emalo, gin giko waco etie kede jwogi. ¹⁹. ot kadano obino di ecamo kede di emalo, gin giko wa, neni icuo ngacam kede nga mere ngat wot jo rano esolo kede jo dubo. Do rieko neno idwe mege.²⁰. Dido en eko geno maro bomba kame tice mege me ur otimere iye, piento likame gi swilaro. ²¹. Ilam but u, chorazin! ilam but u, Bethsaida pi kame tice me wur, kame otimere iyi in oudo otimere tyke kede sidon, oudo gi yaro swilaro sek i pongu kede buru. ²². Do awaco neu eyar bedo diere diere ne tyre kede sidon iceng me ngolokop lono un.²³. Kede in Capernaum kame okiaraco but malo obino kelo piny i geana: Pi kame oudo tice me ur, kame otimo ii in, oudo otimo i sodom, oudo edong pakana ceng atini. ²⁴. Do awaco neu eyaro bedo pi lobo me Sodom i ceng me ngolokop lono un.²⁵. Esawa noni Yesu di ko disonko eko waco be, apwonyi, okwe papa, Rwot me malo kede piny. Piento in ame ikano gigi ibut jo ariek kede opore, di eko nyutogi but idwe. ²⁶. Kadi amago da, papa: Pi oudo eneno iber iwangi. ²⁷. Gi dedede omio buta me apapa: kede lika tie ngat angeo wod do papa; kede likatie ngat angeo papa, kwanyo wod, kede ngat kame wot oyaro nyoto en bute.²⁸. BI buta un dedede kame lole kede kame yei odio di ako mini wei. ²⁹. Ter alolana buti iko pwonyere ibuta, ien atie kede kisa kede cuny amwol: di iko wei ii tipo mi. ³⁰. Pien alola na yot kede yec nan wekeweke.

¹. Ikare nono iceng sabato Yesu diko beo ngoto poto me engano en kede josiao mege do kec oudo oneko gi di gin kiko jaco wie engano me acama. ². Do kakame Iparisayon oneno kede gin kiko waco ne be neningo josiao nin timo gi kalikame upere kede iswil oceng me sabato.³. Do en eko waco ne gi be un likame isomunu giame Daudi otimo di kec oneke en kede jokame bin etie kede? ⁴. Epone kame en edonyo kede iot ka Rubanga di eko camo mugati kame oudo liame iswil yei ne gi camo en kede jo kame oudo etie kede kwanyo kenekene Isaseredotin?⁵. Arabo liame isomunu iswil kame waco be Isaseredotin oudo ceng me sabato ki itempulo do likame ok bunano gi? ⁶. Do ango awaco neu be ikabedo ni tie dano acel came dwong oko kalamo tempulo.⁷. Do oudo koto di ingeunu dwong me kop ni be ango amito kisa do liame gayala koto oudo likame ingolunu kop ne jo kame li kede calo. ⁸. Pien wot ka dano en ka tie Rwot me sabato.⁹. Kakame en eyai kede ikuno eko ot ikacokere gi. ¹⁰. Neningo oudo bin tie icuo moro kanono kame bede omito di gin kiko penyo Yesu di kiwaco be benyo iswil oyei ne in cango dano iceng me sabato? Tetekeny gin kiud kop kame kipide iye.¹¹. Di en eko waco negi be ngai adiere kame tie kede oromo acel ame ka epoto ibur iceng me sabato di liame eko mako eko woto oko? ¹². Benyo dano liame pire tek kalamo oromo? Pimano iswil yei pi timo bero iceng me sabato.¹³. Di en eko waco ne icuo nono be rien badi en eko rieno bade di ok doko rorom kede ocelu. ¹⁴. Di Iparisayon oko wok kiko ot bedo lekiko pi mono epone me make kede neke.¹⁵. Kakame Yesu ongeo kede en eko yai tenge kikuno ekodet adwong me jo di ko lube di en eko cango gi dedede. ¹⁶. Di en eko ciko be pore kur kimi en engere. ¹⁷. Tetekeny wek kop kame enabi isaya bin owaco cobere kakare.¹⁸. Nenunu epasoit nango ame ango ayero kame amaro doko cunye yom kide abino me jo aliame Iyudayan ngolo kop me ateni.¹⁹. En likame ebino yei ara koko arabo dano moro winyo dwane iyongayo. ²⁰. En likame ebino tino magada ka ogom likame ebino neko etala kame liel midimidi tino kede di en ecwao ngolo kopna mem me ateni. ²¹. Di jo kaliame Iyudayan kobino geno nyinge.²². Di oko kelo ne Yesu icuo moro kame iwogi omako wange olo lebe oto di en eko cange di dano kame wange oto lebe oto di ko yamo di eneno piny. ²³. Di jo dedede oko bedo kede ur di kiwaco be man li obedo wot kadaudi?²⁴. Do kakame Iparisayon ou=winyo kede kop ni gin kiko waco be ngawota wa ni liame riamo jwogi do tecro ka belsebut ko bedo Ngadwong me jwogi. ²⁵. Kakame Yesu ongeo kede tangi en eko waco negi be Ajakanut moro ni kame pokere kene epoto doko bomba ara ot moro ni kame pokere kene li ecingo.²⁶. Doko kame jwogi riamo jwogi wadgi udo kipokere epone mene kame Ajakanut gi cungo kede? ²⁷. Doko kame di ango ariamo jwogi kede teko ka belsebut idweu do riamo jwogi kede teko kangai? Piman gin kiyaro bedo ja kame ngolo neu kop.²⁸. Do kame di ango ariamo jwogi kede cuny ka Rubanga udo Ajakanut ka Rubanga otieko bino butu. ²⁹. Arabo epone mene kame dano donyo kede iot me dano atek di eko dudubo jamini mege kwanyo ber me agege etweo dano atek di do eko dudubo jamini me iode. ³⁰. Dano kalikame tie keda udo en etie kede kop ikoma doko dano kalikame coko keda en eketo gi aketa.³¹. Pimano ango awaco neu be epone me dub kede ayet dedede kobino sasaro iye jo do ayet kame koyeto kede cuny acil likame kobino sasiro jo kiye. ³². Ngat kame waco kop arac ikom wot kadano kobino sasaro en do ngat kame waco kop arac ikom cuny acil likame kobino sasaro akadi iloboni arabo ilobo kame tie bino.³³. Arabo mino yat bedo ber kede anyakini mege bedo ber arabo mito top di anyakini mege da ko top pien yat ngere kede anyakini mege. ³⁴. Okwe un idwe me twole benyo benyo kame ikarununu yamo kede kope kabeco di un jo areco? Pien kope atot kame tie icuny dano en kame doge waco. ³⁵. Dano aber kano jamini abeco icunye do dano arac kano jamini areco icunye.³⁶. Do ango awaco neu be kope me atatai kame dano yamo abongo gwokere iye en ebino dwoko dwoko gi iceng me ngolo kop. ³⁷. Pien kop nono en koyaro mino icuo kop doko kop nono koyaro mino kongolo kop ioi.³⁸Di jo mogo kikom kopwony me iswil kede Iparisayon oko dwoko ne be ngapwony wan omito be onen gianena moro kibuti. ³⁹Do Yesu oko dwoko ne gi be, “Jo me i kare ni kame timo tim areco kede kalikame yei Rubanga penyo pi mito neno gianena moro, do likame tie gianena moro kame kobino mino gi, kwanyo kenekene gianena kame bin otimere ne enabi Yona. ⁴⁰Pien bala kite kame bin Yona otieko kede ceng adek kede iwor adek ii eputa, kamanono da Wot ka dano bino bedo piny ii lobo pi ceng adek kede iwor adek.⁴¹I ceng me ngolo kop jo me bomba me Ninebe bino cungo di kiko mino kop lo jo me i kare ni, pien bin gin kiwinyo kop kame Yona opwonyo kiko swilaro ki dub gi; do nenunu, otienu kan kede gikame pire tek kalamo Yona.⁴²I ceng me ngolo kop abaka adako me tetu piny bino cungo kede jo me i kare ni di en eko pido gi, piento en bin eyai ki ajikini me lobo kakabor pi ot winyo kop me rieko kibut abaka Sulumani, do nenunu, otienu kan kede ngat kame pire tek kalamo Sulumani.⁴³”Ka tipo arac oyai ki kom dano, ebeo i adulion otuo di emo kakame eromo wei iye, do likame en eko karuno udo. ⁴⁴En eko bino waco be, ‘Abino dok i oda kame awok kiye.’ Kame en edwogo ebino udo ode no di koweo ie doko di koike kiber. ⁴⁵Di do en eko ot eko kelo tipere kanyaare icegun areco kalamo en, gin kiko donyo di kiko bedo kuno; di kuo me dano no ko doko rac kalamo kite kame oudo etie kede i agege. Aso, ebino timere kamanono da ne jo areco me i kare noni.”⁴⁶Kakame Yesu oudo pwodi tie yamo kede jo, toto mere, kede imiegu mege oko cungo ooko, di oudo kimito yamo kede Yesu. ⁴⁷Ngatamoro oko waco ne Yesu be, “Toto ni kede imiegu ni tie cungo ooko di kimito yamo kedi.”⁴⁸Do en eko dwoko ne ngat kame kocwao be, “Ngai en kame toto na, doko alu en kame imiegu na?” ⁴⁹En eko cimo josiao mege di ewaco be, “Toto na kede imiegu na gin ige! ⁵⁰Pien ngat kame timo gikame Papa na kame tie i malo mito, en kobedo omina, amina kede toto na.”

¹Cenge nono Yesu oko yai i ot di eko ot bedo piny i dog nam. ²di ikodeta adongo me jo oko cokere bute, omio en eko donyo i yee di eko bedo iye, di ekodet me jo dedede oko dong cungo i dog nam.³Di en eko waco ne gi kope atot i agole, di ewaco be, "Nga cui kodi moro bin ooto cuno kodi. ⁴Kakame oudo etie cuc kede, kodi mogo oko poto iyongayo, di winy oko bino oko camarogi pit. ⁵kodi mogo oko poto ilobo kame obedo kidi kidi, kakame lobo oudo nonok ne gi iye, kiko susunyo tui pien lobo lia tut ne gi ⁶Do kakame ceng orieny kede, ceng oko wango gi, pien aliasin gi oudo likame odonyo piny iber kiko ner.⁷Di mogo oko poto idyere dyere me okuto, mago okuto oko susunyo dongo oko twilo gi. ⁸Apat oko poto i lobo aber kiko nyak, mogo wi gi tol acel, mogo wi gi ot kany, mogo wi gi ot adek. ⁹Ngat kame tie kede yite me winyo, wek ewinyi!?¹⁰Jo siao oko bino bute di iko penye be, "Pinyo omio in iyamo kede gi i agole?" ¹¹Yesu oko dwoko be, "pien otieko mino wi ngeno omung me ajakanut me malo, do Rubanga likame omio jo apat ngec nono. ¹²Pien ngat kame tie kede gimoro obino medo ne ace, tetekeny en eko bedo kede atot, ngat kame li kede gi moro, akadi atitidi kame etie kede da obino kwanyo ibute.¹³Pi mano ango ayamo kede gi i agole, pien gin ingongolo do li kame ineno, iciko yit gi do li kame itwero winyo, amoto niang. ¹⁴Enabi Isaya bin omurao ikom gi kakare kame ewaco be, "ibino winyo, do li kame iibino niang, ibino ngino do li kame iko neno.¹⁵Pien cuny gi odoko nwang, pien yit gi ocule me wek kur gi iwiny kop, doko imio wang gi da me wek kur ineni kede wang gi doko me kur iwiny kede yit gi, di iko lokere buta, di ango ako cango gi."¹⁶Do wang u tie kede winyo pien ineno, doko yitu da tie kede winyo pien iwinyo. ¹⁷Ateteni ango awaco ne wu be, bin inabin kede jo opoore atot oudo tie kede mit me neno gikame wun inenunu, do likame iko neno, doko oudo imito winyo gikame wun iwinyunu, do likame iko winyo.¹⁸Pi mano, winyu nu kop kame agole me nyacuc pwonyo. ¹⁹ka ngata moro owinyo kop me ajakanut ka Rubanga di likame eko niang, ngarac bino di eko wariso kop kame ocuo icunye, ngat nono cal bala kodi opoto iyongayo.²⁰kodi opoto ilobo obedo kidikidi, cungo pi dano kame winyo kop ka Rubanga, cucuto en eko gamo kede ilel, ²¹do kop noni likame ko keto aliasin ikuo mere, amio en eko kanyakino pi kare acecek. Aso, ka peko arabo itidil moro ko bino pi kop nono, en egete cucuto eko poto.²²Kodi opoto idier okuti, cungo pi dano kame winyo kop ka Rubanga, do pi paro kuo me piny kan kede angalo me abar ko twilo kop ka Rubanga ikuo mere, di ko mine likame enyako anyakini me tipo kacil ikuo mere. ²³Do kodi opoto ilobo aber cungo pi dano kame winyo kop ka Rubanga di eko niang, eko mio donyo ikuo mere en eko nyako anyakini bala kodi kame nyako nyige tol acel, moto ot kanyape kede apat ot adek."²⁴Yesu oko waco agole ace ne jo be, ajakanut me malo cal kede dano kame ocuo kodi abeco ipoto mere. ²⁵Do iwor acel di jo tie nino, nga kwor mere oko ot di eko cuno nyige me okitu i poto me engano nono, di eko ot gire tenge. ²⁶ikare kame engano odongo di ko suro, okitu da oko neno.²⁷Jo tic me won paco nono oko ot bute di iko waco ne be, "Adwong, mam bin in oudo icuo kodi abeco i poto ni? Doko okitu otuno iye benyo? ²⁸"En eko dwoki ne gi be, "nga kwor na moro en otimo gino! jo tic oko penye be, "Do nan imito be wan ooti opuputo gi?"²⁹Di en eko waco be, 'li. Pien kare kame wun itienu puputunu kede okitu, ibinunu puputo kiton engano da karacel kede go. ³⁰Wekunu gin ki mede dongo karacel tuno ikare me kac, ikare me kac ango abino yamo ne jo kac, "pi ber cako puputo okitu, di kiko twe tweo gi i arita pi wango gi, icen mere gin kiko coko engano kiko keto iderona."³¹Yesu bobo oko waco ne gi agole ace be, "Ajakanut me malo cal bala nyige me Karadali, kame dano okwanyo di en eko cuno ipoto mere. ³²en kodi kame ditileng kalamo kodere dedede. Do kama etui kede eko dongo, edoko dwong kalamo deke dedede kame jo pito ipoti, eko doko yat ojanyo kame mio winy me malo bino ko gero ude gi iye jange mege."³³Yesu bobo oko tatamo negi agole ace be, "Ajakanut me malo cal bala arup kame dako okwanyo, di eko nyalo kede alos aromo gi pim adek, tuno kede di en eko mino moko also lung buuno."³⁴Magi dedede bin Yesu owaco ne ekodet i agole, likame tie gi moro kame en epwonyo gi abongo tic kede agole. ³⁵tetekeny gi kame bin enabi owaco cobere kakare be, "abino yabo doga but gi i agole. Di a tuco gi omungere cako ikare kame ocweo kede piny."³⁶Yesu di ko peruno ekodet medo di eko ot i ot, Josiao mege obo bino bute, di ki waco be, "gony ne wa dwong me agole me okitu kame ocuo ipoto." ³⁷En eko dwoko eko yamo negi be, "ngat kame ocuo kodi kabeco en wot ka dano. ³⁸Poto en piny, kodi kabeco en idwe me ajakanut ka Rubanga, do okitu en idwe ka ngarac. ³⁹Ngakwor kame ocuo okitu en sitani. kac en ajikini me piny, kede jo kac en imalaikan.⁴⁰Pi manono bala kite kame ocoko kede okitu di oko wango imac, ebino timere amanono da i ajikini me piny ni. ⁴¹Wot ka dano bino ooro imalaikan mege, gin ibino coko tenge me ajakanut mere jame dedede kame timo gi tao ne jo dubo kede jo kame timo gi ka reco. ⁴²Di iko uco gi imac ko dop, kaka me jo bino koko kede mwodo lak gi iye. ⁴³Di jo opore ko bino rieny bala ceng i ajakanut ka Papa gi. Ngat kame tie kede ite, wek ewinyi.⁴⁴Bobo, ajakanut me malo cal bala abar kame okano ipoto. Kame dano oudo, eumo. Pi yom cuny adwong kame etie kede, eoto eko cato gi dedede kame etie kede, di eko wilo kede poto nono. ⁴⁵Doko, ajakanut me malo cal bala nga cat kame moo bira me wel. ⁴⁶Ikare kame en eudo kede bira acel me wel adwong, en eko ot cato gi dedede kame oudo etie kede, pi wilo kede bira nono.⁴⁷Doko da, Ajakanut me malo cal bala bwoi, kame oudo ouco inam di eko mako dek nam me epone dedede. ⁴⁸Kakame, oudo bwoi otieko pong kede jo oko wane idog nam, iko bedo piny yero dek name abedo di iketo ibukito, do iko uco areco mege tenge.⁴⁹Ebino timere kamano da i ajikini me piny. Imalaikan bino wok, di iko kekeo jo ka reco ikom jo opore, ⁵⁰di iko uco gi imac odop, kakame jo bino kok kede mwodo lak iye.⁵¹"Yesu oko penyo gi be, otiekunu mam do niang gi dedede?" gin kiko dwoko ne be, "ebo oniang, Rwot" ⁵²En eko waco negi be, "pi mano nga iwandik ace acel otyeko pwonyo kop me ajakanut me malo cal bala won paco, kamo woto gika nyen kede gi kacon kame ekano iye jame mege." ⁵³Kakame Yesu otieko mino pwony iye agole, en eko yai weko kuno.⁵⁴Di eko ot I bomba me tur gi, en eko cako pwonyo jo me kuno I sinagoga gi, gin iko uro di i waco be, "I cuoni oudo rieko kede tice me twer gi itwai? ⁵⁵Mam wot ka nga pac ine? Mam nying toto mere Maria? krfr Imiegu mege en Yakobo, Josefu, Simoni, kede Yuda? ⁵⁶Mam amiegu mege dedede tie kede wa karacel? Do en eudo gigi dedede ituai?"⁵⁷Gin dido cuny gi oko guikin ikome. Do Yesu oko waco ne gi be, "Jo me kabedo dedede woro enabi, kwanyo jo me adul me turgi kede jo me i ode." ⁵⁸En likame eko timo tice atot me twer ikuno pien oudo ili kede yei.

¹. Ikare kame Erode kobedo ngapug owinyo kede rwonge ikom Yesu. ². Di en eko waco ne jo tic mege be man en Yokana nga ibatis en koyaruno kikom jo koto en omio tice adongo dongo tie nyutere kibute.³. Pien Erode bin oudo omio omako Yokana di oko tweno iot kol pi kop ka Erodia dako omimere Pilipo. ⁴. Pien Yokana bin oudo owaco ne be iswil likame yei ne in bedo kede dano nono. ⁵. Bed bala en oudo emito neke do oudo etie iworo ekodet pien gin bin kitere bala enabi.⁶. Do kakame ceng me yutuno ceng me nywalo erode otuno kede nyar kakerodia di ko miel inyim gi di eko yomo cuny Erode. ⁷. Omio en eko timo cikere kede kwong pi mine gimoro kenekene kame en ebino penyo.⁸. Do oudo toto mere otieko cike be mia wi Yokana nga ibatis isinia. ⁹. Di gin oko cobo cuny abaka do pi cobo kwong kede iworo jo kame bin tie bedo kede cam omio en eko ciko pi mine.¹⁰. Di en eko cwano di oko ngolo wi Yokana iot kol. ¹¹. Di oko kelo wi Yokana isinia di oko mino nyako noni di eko kelo ne toto mere. ¹². Josiao mege di kobino kwanyo kome tero ot yiko di kiko ot waco ne Yesu.¹³. Kakame Yesu owinyo kede kop nono di en eko kede ot itela kakame jo owinyo kede kop momo gin kiko lube kede tengi oko me bomba. ¹⁴. Di Yesu oko ot anyim eko neno ekodet adwong di en eko nyiko but gi kede kisa di eko cango jo tuo gi.¹⁵. Di otieno otuno josiao mege di ko bino bute di kiko waco ne be kan obedo itela doko esawa da okato sarakino ekodet me jo tenge kiot icalere ki wil cam gi kikomgi.¹⁶. Do Yesu di kowaco negi be liame gin kipore ot miunu gi gime acama. ¹⁷. Di gin kiko waco ne be wan otie kede mugan kany kede aporogon are kan. ¹⁸. Di en eko waco be kelunu gi bute kan.¹⁹. Di en eko ciko ekodet me jo pi bedo piny ilum di en eko kwanyo mugati kany kede aporogon are, di eko neno malo eko mino winyo di eko tuturo gi di eko mino mugati but josiao mege di do josiao oko mino ekodet me jo. ²⁰. Di gin dedede kiko camo di kiko yeng di kiko ooko ingidingidin kodong pong ibukito tomon kiwie are. ²¹. Jo ocamo dedede oudo romo jo tutumia kany di liame omaro mon kede idwe.²². Cucuto nono Yesu di ko mino josiao mege donyo iyee di gin kiko telo nen yongayo me ot loka tetuca en oudo edong cen pi peruno jo. ²³. Kakame en etieko peruno kede ekodet me jo di en eko ot iwi moru pi ilega di otieno otuno en oudo etie kuno kene. ²⁴. Do esawa nono yee oudo tie do idier nam di etie pumo ebuka me yamo pi yamo oudo tie buko kitek.²⁵. Kakame piny otuno kede obai Yesu di ko bino but gi di eoto iwi nam. ²⁶. Kakame josiao onene kede di etie ot iwi nam iworo di ko mako gi kiko waco be man obedo tipo di gin kiko donyo koko pi iworo. ²⁷. Do cucuto nono Yesu di ko waco negi be bedunu kede yom cuny ango inono ni kur ibedunu kede iworo.²⁸. Di Petero oko dwoko ne be Rwot kame di in wekada abin buti iwi pi. ²⁹. Di Yesu oko waco ne be bia do kakame Petero owok kede iyee di en eko cako ot iwi pi me ot but Yesu. ³⁰. Do kakame eneno kede yamo di tie buko iworo di ko make eko cako iwiny di eko cako koko di ewaco be Rwot laka.³¹. Cucuto Yesu diko rieno bade diko make di kowaco ne be okwe un jokame yei unonok, pinyo omio itie kede abuikin. ³². Kakame gin kidonyo kede iyee yamo oko kwei. ³³. Di jo oudo tie iyee oko wok di kiko wore di ki waco be me ateteni in en wot ka Rubanga.³⁴. Di gin kitieko ngolo nam kiko tuno ilobo me Genesaret. ³⁵. Kakame jo me lobo ongeo kede Yesu gin kiko sarakino kop but pinye koluko gi dedede di oko kelo ne jo tuo. ³⁶. Di gin kiko kwane be koto en eyei ne gin mulo lak egwe mere pien jo atot ame omulo egwe mere gin dedede kicango

¹. Dido jo iwadik kedeiparisayon kame bin wok iyerusalem oko bino but Yesu di ki waco be; ². Pinyo komio jo siao nin turo itok me jodongo? pien gin likame kilwoko cing gi kame kicamo mugati. ³. En eko dwoko di ewaco negi be; Pinyo bo komio uda ituru nu iswil ka Rubanga pi kop me itok wu?⁴. Pien Rubanga ocikakino di ewaco be; Wor papani kede totoni, dokon ngat kame lamo papa mere ara bo toto mere; pore neke. ⁵. Do wun ikounu waco be; ngat kame yamo ne papa mere arabo toto mere be; Ameda kame koto yin iwudo kibuta, tie irabu ka Rubanga. ⁶. Dido liame en eko nyuto wor but papa mere ara bo toto mere. En epone nono kame wun imiunu kede iswil ka Rubanga teko mere odoko li pi wun lubo itokwu.⁷. Wun jo isidik, isaya bin omurao iber ikomu di ewaco be; ⁸. Jogi noka ngo kede dog gi, Dokon ki wora kede del dog gi bor keda. ⁹. Dokon wor gi buto, tie me nono Abunge megi kame gin kipwonyu obedo iswiliaka ka jo.¹⁰. Kakame en eko iwongo kede ekodet bute, eko waco negi be, "winyunu di ikounu niang!" ¹¹. Likame gikame donyo idog dano karuno munao en, do gikame wok kii dog dano en kame karuno munao dano¹². Josigo mege diko bino, di kiko waco ne be, Benyo, ingeo be iparisayon cuny gi oguikin, icen ngei gin Winyo kope gi? ¹³. Do en eko dwooko di ewaco be, gi apita moro ni dedede kame papa na me imalo liko opito, oyaro puttere tenge. ¹⁴. Wekunu gi kibedi, gin ki bedo jo tel kame wang gi otoo, dokon da, kame emuduk otelo emuduk, gin duc ki yaro poto ibur.¹⁵. Petero oko dwoko di waco ne be; tatamo ne wan agole noni. ¹⁶. Di Yesu waco be, uda dokon pwodi itieunu abongo niangi? ¹⁷. Liame iniangunu be gi kame donyo i dog dano beo ko kato ii ye, di oko teere icoloni?¹⁸. Do jamno kame wok beo ki dog dano becakino wokun kii cunye, en kame munao dano. ¹⁹. Pien ki i cuny dano par kareco wokuni ye, nek, adote, isapan, kuuo, mino mujura me abe, ayet; ²⁰. Magonogi en ojame kame munao dano; do cam kede cing alikame ko iwoko liame munao dano.²¹. Dido Yesu oko yai kikano, di eko oot i piny me Taya kede Sidon. ²². Ikanono, dako me Kano oko wok i piny acel nono, di oko koko bute di ewaco be, "bed kede kisa ikoma okwe Rwot, yin wot ka Daudi, nyara ngo jwogi tie tisilaro itek twatwal!" ²³. Do en likame eko dwoko ne kop moro, dido josiao megge eko bino di ko kwame di ki yamo ne be cwae tenge, pien etie koko di elubo wa.²⁴. Do en eko dwoko di ewaco be, ango likame ko cwa karamoro, do kwanyo but oromini ko rwenyo me ot me Isirael, ²⁵. Dido dako noni oko bino diko woore di yamo ne be, Rwot konya. ²⁶. Do en eko gamo doge di ewaco ne be, Liame etie gi ko opoore me kwanyo cam me iduwe dioko uco ne igwogin.²⁷. Dako noni di ko waco be, ki i atene, Rwot, akadi igwogin da, gida kicamo ngide kame popoto ki wi emesa me nga dwong gi. ²⁸. Dido Yesu oko gamo dog dako ni di ewaco ne be; Okwe dakoni yei ni dwong twatwal, wek do etimere bala kame yin imito kede. Dido nyare oko dooko ber i esawa nono.²⁹. Yesu dido ko yai ikuno, dido eko bino ka ki yapi kede dog nam me Galilaya; di eko yito malo iwi moru, eko bedo piny kunono. ³⁰. Ekodet me jo dido oko bino bute, li ki tie kede ingwalaca, imuduka, jo ko ngunngunun, idingoi kede jo ace kame tot twatwal, di oko keto gi itien Yesu, di en eko cango gi. ³¹. Itek twatwal di ekodet oko uro, kakame ki neno kede jo aleb gi oto di yamo, jo ko ngun ngunun di lot, ingwalasa di ooto, kede imuduka di neeno, gin kiko miino Rubanga me Isirael deyo.³². Yesu dido oko lwongo josiao megge nute di eko waco be; Ango atie kede kisa ikom ekodet, pien gin ki meede bedo keda pi cenge adek di likame ki camo gimoro, doko da ada lika karuno twaaro gi di ki tie kanyo kec, me wek kur ki oti ipoti iyonyayo. ³³. Josiao meege di oko waco ne be; Tuai en kame wan opoore udo ki ye can atot kame otwero pito kede ekodet kinangara kaman? ³⁴. Di Yesu oko waco ne gi be; itieunu kede ibunu me mugati adi? di gi kiko dwoko ne be; kany kaare, kede dek nam mogo anonok. ³⁵. En dido eko cikakino jo pi bedo piny iwi lobo.³⁶. En dido eko kwaanyu mugati kany kaare, kede dek nam, eko miino pwoc, eko tuturo gi, di eko miino gi but josiao meege, dido josiao oko gabo gi but ekodet. ³⁷. Di gin dedede kiko camo, di kiko yeng; dido kiko cooko ngide me cam kame odong, di oko pongo ibukito kany ka are, ³⁸. Aso jo kame ocamo cenge no oudo tie cuo tutumia ongwon, di likame ko maro mon kede idue. ³⁹. En eko do twaaro ekodet, dido eko yito i yee, eko ngolo loka Magdala.

¹. Iparisayon da kede Isadukayon oko bine bute pi di kitame di be enyete gi gianena moro kame wok ki malo. ². En eko dwoko di ewaco negi be, kame otuno otien un iwacunu be, piny tin oyaro bedo beber pien malo kwar.³. Kede ki odiko, piny tin oyaro bedo yamo yamo; pien malo kwar dokon edou alyero pipiny okwe un jo isidik. Un itwerunu poko cal me malo do likame itwerunu poko gianena me kare? ⁴. Un iwak kame timo tim kareco me caro imounu gianena; likame tie gianena kame kobino minou ka pat kede me enabi Yona eko yai tenge, kibut gi.⁵. Kakame joor mege abino kede loka tung cel, wigi oudo owil kede mako mugati. ⁶. Dido Yesu oko waco ne gi be, gwokerenu kiye karub me Iparisayon kede Isadukayon. ⁷. Dikiko cako paro idiere gi ken gi ken gi diki waco be, etimere pien likame otero camoro. ⁸. Kakame Yesu oniang kede, eko waco ne gi be okwe un jo kame yei gi titidi, pinyo bo iparu nu idiereu kenu pien likame ikelunu mugati moro?⁹. Likame un pwodi iniangunu, akadi kono yutuno mugati kany ne tutumia kany kede ibukiti kame kocoko? ¹⁰. Arabo mugati konyaare ne tutumia ongwon kede adikame icokunu?¹¹. Benyo benyo kame likame itwerun kede niang be likame atie yamo kop ikom mugati igwokere nu ikom karub me Iparisayon kede Isadukayon? ¹². Dido kiko niang be ene likame oudo ewaco negi gwokere kie karub me mugati do me pwony me Iparisayon kede Isadukayon.¹³. Kakame Yesu obino kede iye adul me sisiria ipilipi, eko penyo joor mege be, jo waco be ango wat kadano abedo ngai? ¹⁴. Gin kiko waco be, mogo waco be in ibedo Yokana ngaibatis: Mogo waco be Eliya; mogo waco be Yeremia, arabo acel ikom inabin. ¹⁵. Do un iwacunu beango abedo ngai? ¹⁶. Simoni kame kolwongo be Petero oko dwoko di ewaco be, in ibedo Kristo, wot kaRubanga kakuo.¹⁷. Do Yesu oko dwokone di waco ne be itiee kede winyo in Simoni bar Jona: Pien likame kom kede remo en kame oys boni do papana kame tie malo. ¹⁸. Ango awaco ni be Petero, iwikidi abino gero iye kanisa na, do kame eke koros me to likame bino bwone.¹⁹. Dokon ayaro mini isumuliton me ajakanut me malo gikame ibinunu tweno kipiny kan. kobino tweno kimalo da; dokon gikame ibinunugonyo kiipiny kan kobino gonyo akadi kimalo da. ²⁰. Di eko ciko joor mege be kur kamekiwace ngata moro be en ebedo Yesu Kristo.²¹. Genoiierare nono ot anyim Yesu oko geno nyuto ne joor epone kame en epoore ot kede Iyerusalem di eko donyo iye aramo ikope atot beo kibut jo adongo, jo tel, isasirodotin kede jopwony me iswil di oko neke di eko yaruno bobon iceng me adek. ²². Dido Petero oko tere di bunano be kur iyamo be gino kur timere buti, Rwot gini likoyaro timere nin. ²³. Do en eko lokere, di eko waco ne Petero, bedwog cengea sitani in ibed isiki buta pien likame tami na wok kibut Rubanga do kubbut dano.²⁴. Yesu oko waco ne joor mege be kame ngatu moro mito luba ber edagere kene di eko tingo musalaba mere di eko luba. ²⁵. Pien ngat kame bino gwoko kuo mere ken bino rwenyo: do ko da ngat kame bino yei rwenyo kuo mere pira bino ude. ²⁶. Pien dano bino udo ameda nyo kame ebino udo jame me loboni di eko kei kuo? arabo nyo kame dano bino kwanyo me lako kuo mere?²⁷. Pien wat ka dano oyaro bino kiideyo mere kede imalaikan mege di eko bino culo bulidana di lubere kede tic mere kame etimo. ²⁸. Ateteni gwaco tie jo mogo kame tie kan kame likame bino bilo to tuno di kineno wot kadano di bino kiye ajakanut mere.

¹. Ingei ceng kanykape Yesu oko tero Petero yako bo kede Yokana owiremere iwi moru kaka abor di eko ketogi tenge kibute. ². Di eko lokere kinyingi nyiwe di oko rieny balan cieng engape mere da oudo tar balan rieny.³. Nei inyingi Elia kede Musa oko neno di yamo kediri. ⁴. Petero oko dwoko ne be Rwot etie gika wie ber ne wan bedo tie kau akame liki paro wekwa otim tarbanakulo adek ikan, aciel weri aciel weka Musa kede aciel meke Elia.⁵. Dido oudo pwodi etie yamo neni polo arieny oko amogi dodi bobon kiko winyo dwan me twer di wok ki polo di yamo be man en woda me amara ame yia yom pire winye nu. ⁶. Do kakame josiao owinyo kede kiko popoto piny arieba cuny pien iworo omakogi. ⁷. Yesu oko bino di oko mulogi eko waco ne gi be yaanu malo do kur ibedunu kede iworo. ⁸. Do kakame kikiarao kede wangi kineno ngatamoro li kwanyo Yesu Kristo ngalak.⁹. Dido kiwok piny kii moru Yesu oko mino gi aminga cuny, di waco be kur iwacenu ngataworoo ayabayabani pakana kaka we wot ka dano yaruno kede bobon. ¹⁰. Josiao mege oko penye be pinyo kouno jodongo we iswil waco be Elia en kame pore dwogo me agege?¹¹. Yesu okodwoko negi be, Elia ateteni bino bino me agege de eko dwoko jame dedede kakare. ¹². Do awaco neu be Elia otieko dwogo cuto do gin likame kiko ngene, do kitimone gi kame kotere pire amanono da wot ka dano bino beo ipeko pir gi. ¹³. Josiao di oko tuno iniang be en oudo etie waco negi kop amako Yokana.¹⁴. Do kakame kibino kede but lwakunie jo ikanono icuo moro oko bino bute dieko rioudiko bute di ewacobe. ¹⁵. Rwot wii kica makipiwaobina piento etie kede tuo we ikwingkwing ame wie eneno can twatwal tien atot wie epoto imac kede ipi. ¹⁶. Ango akele but josiao wi do likame kiwtero cange.¹⁷. Yesu oko dwoko be, okwe un jo kame yei gi uouok, iwak wie ikarenu karenyo kame un imitanu atiek kede u? Karenyo kame imitanu abe kedeu ican piru kelenu buta kane. ¹⁸. Yesu oko coko jwogi di eko yai tenge kibute atim oko cango iye esawa nono.¹⁹. Josiao oko bino but Yesu omung diko penye be, ppinyo kowio likame wan otwero riamo cuny go tenge? ²⁰. Yesu oko waco ne gi be, pi abongo yei u pien ateteni awaco en be, kame itie kede yei kame titidi balan nyige me karadali oudo itwero pi waco we moru wi be yai inyiki tenge ika bedo wi di eko twero nyiko, pien likame tie gikame lika twerere ibutu inyinga. ²¹. Magi likame tiwere nono do ni kwanyo kiye ilega kede kanyo kec.²². Do kakame kituno kede Galilaya, Yesu oko waco negi be, wot kadano oyaro keto icing jo kwar. ²³. Do kibino neke do iceng wie adek ebino yaruno bobo da kiko dong kede winy kede cwer cuny alit kitek.²⁴. Kakame kituno kede Kaperenaum, jo kame oudo raro esolo oko bino but Petero eli iwaco be apwonyu wanu culo esolome Tempulo. ²⁵. Eko dwoko be ee, do kakame kituno kede iot Yesu oko genge di waco be, Simoni in iparabenyo abakai me piny kangamo esolo kibut anywali me piny kan arabo kibut jo kunibor.²⁶. Petero oko wacone be kibut jo kunibor, Yesu oko waco ne be awie nyutobe idwe we piny ogonyere kiculo esolo. ²⁷. Do wan likame omito wango cuny gi wi oti iyi nam iko uco iliket di iko kwanyo dek nam kame bino cako moko iko yabo doge ibino udo ogap iyi doge iko ot culo esolo amakango kede uda.

¹. Lesawa nono josiao oko bino but Yesu di kiyamo be, ngai en ame dwong i ajakanut me malo? ². Dido Yesu oko iwongo atim atididi bute, di eko keto idiere diere gi, ³. Di eko yamobe, ateteni ayamone wu, kwanyo di ilokerenu, di ikonu doko bala idwe atino, likame itweronu donyo i ajakanut me malo.⁴. Pimano ngat kame mwolere itiemere bala atirini en manono bedo ngadwong i ajakanut me malo. ⁵. Do ngat kame gamo acal bala atin inyinga udo egamo ango. ⁶. Do ngat kame dubo cuny aciel ikom jo atino ame oyei ikomango, udo ber tweno kidi me riego di oko liero rimaro ngute, me wek da oko uce inam atut.⁷. Otakwei wi lobo pien gi adubo cuny jo! Pien pore gi adubo cuny jo bin, do atakwi but danono ame gi adubo cuny jo wok kibute! ⁸. Pimano kame cingi amoto tieni odubo, ngole tenge, di iko uco gi kibuti tenge, eber kede cungi are amoto tieni are di oko uci imac aliel nakanaka.⁹. Do kame wangi en odubo, gore oko, di iko uce tenge kibute, eber me in dongo ikuo kede wangi aciel, lono bedo kede are di oko uce igeana.¹⁰. Gwokerenu me wek kur icaunu aciel ikom magi, pien ayamone wu be, imalo imalaikan gi nakanaka neno wang papa na me tie imalo. ¹¹. Pi wot ka dano obino pien lako mago ame oudo orwenyo.¹². Wun iparomu benyo? kame dane tie kede mege tol aciel, di aciel ikom gi oko parao tenge, kara likame eweko ot kanyangon iwie ikanyangon, di eko ot iwi mori, di eko mono mano oparao tenge? ¹³. Do kame en eudo, ateteni ayamone wu, en elelo kitek pi oromono, lono pi ot kanyangon iwie kanyangon alikame oparao tenge. ¹⁴. Akadi bed bala likame ebedo mit ka papa ni ame tie imalo, be aciel ikom atino gi poore rwenyo.¹⁵. Do kame omuni okoso ibuti, oti iko yamone kosa mere idiere ni kede en kene, kame en ewinyo in, udo iudo omini. ¹⁶. Do kame li ewinye, iko ot kede ngagt aciel amotoko jo are, pien ijurak are amoto adek moko kop.¹⁷. Do kame edagi winyo gi, yam ne kanisa; do kame edagi winyo kanisa, mienu ebed kibut wu bala ngat kalikame oyei kede nga rar esolo.¹⁸. Ateteni ayamone wu be, kame jo are ikom wu owinyere ipiny kom ikom gikame gin ki pore penyo, papanna me imalo bino timo ne gi. ¹⁹. ²⁰. Pien kakame are amoto adek cokere iye inyinga kanono ango atie idiere gi.²¹. Dido Petero oko bino bute di eko yamo be, Rwot tien adi ame omina pore dubo kede ibuta, di ango asasiro en? tien kanyare? ²². Yesu di oko yamo be, ango likame ayamo ni be, tien kanyare, do tien ot kanyare tien kanyare.²³. Pi mano ajakanut me malo opore kede kabaka moro, ame omio sente but jo tic mege. ²⁴. Kakame en eko geno lwongo gi kede, ngat aciel oko bino bute, audo ogamo sente tutumia tomon. ²⁵. Do kakame oudo likame etwero calo kede,ngadwong mere oko corakino be pore cate, kede dako mere da, kede idwe mege da, kede jame kame en etie kede, me wek cul timere.²⁶. Pi mano ngatic oko poto piny, di ko mine wor, di eko yamo be, rwot, dire keda, di ango ako bino culi gi dedede. ²⁷. Dido rwot me ngatic nono oko bedo tie kede kisa di eko gonyo en, eko sasiro en kibanya nono.²⁸. Do ngatic nono eko ot tenge, eko udo aciel ikom jo tc wad gi, ame okopo sente tol aciel kibute en eko keto cing ikome di eko mako dwane di eyamo be, cul ango banya na ame ikopo. ²⁹. Do ngatic wadgi oko poto piny tiene, diko ngangao en, di yamo be, dire keda, ango abino culi gi dedede.³⁰. Do likame eko yei: do en eko oot paka keto en iot kol, paka tuno di eculo banya. ³¹. Aso kakame jotic wad gi oneno kede gi otimere gin kiko winyo kirac twatwal, di kiko oot yamo ne Rwot gi lung otimere.³². Do rwot mere, ingei mano oko lwonge, diko yamo ne be, pien in ngatic arac, ango asasiro in ikom banya dedede, pien in ikwao kibuta. ³³. Likame kara ida oudo pore bedo kede kisa ikom ngatic wad wu, bala kite kame ango atimo kede kisa buti?³⁴. Dido rwot mere oko doko ger, di oko mine but jo omie alola, tuno kede di eculo banya lung ame tie bute. ³⁵. Aso i epone nono papa na me tie malo timo kamanono butu, kame i cuny wu likame isasiro ngat aciel ikom imiegu ikom dub gi.

¹. Kakame Yesu otieko yamo kede kope nogi, en eko yai ki Galilaya, eko ot i adul me Yudea kame tie loka tetuca me ecilet me Yorodan. ². Ikodete me jo atot oko lube, en eko cango jotuwo ki kuno.³. Iparisayon da oko bino bute, pi tame, gin di kiwaco be, Iswil yei ne icuo pi riamo dako mere pi kop moro ni kenekene? ⁴. En eko dwokone gi di ewaco be, likame itiekunu somo iwandik kame waco be, “En ngat kame ocweo gi ikare me agege; ecweo gi cuo kede mon⁵. Di eko Waco be, Pi mano, icuo bino weko papa kede toto mere, di eko ribere kede dako mere, gin are gi kobino doko kom acel? ⁶. Pi udo gin do likame bobo kitie are, do udo kidoko kom acel. Pi mano, gikame Rubanga otieko ribo kur dano moro poki.⁷. Gin kiko waco ne be, Pinyo do komio Musa bin oko mino cik be, kotwero wandiko ne dako baluwa me gonye, di en eko pokere kede me Atwal? ⁸. Yesu oko waco ne gi be, Musa oyei ne wu pokere kede mon wu pi tek wi wu: do cako ikare me agege me cwec, oudo likame ecal kamano. ⁹. Pi mano, ango awaco ne wu be, Ngatamoro ni dedede kame riamo dako mere, kwanyo kop me adote; di en eko nyomo dako ace, udo etimo adote.¹⁰. Josiao mege oko waco ne be, Ka kop cal amano i dyere me icuo kede dako mere, likame do ber ne icuo nyomere. ¹¹. Do En eko waco ne gi be, Cuo dedede likame bino yei kede kop noni, kwanyo jo kame oyabo ne gi kenekene. ¹². Pien jo mogo tie kame onywalo di kitie abwocin, kede tie jo mogo kame odoko abwocin kame jo en oloko gi doko abwacin, da tie mogo koyei bedo abwocin pi kop me ajakanut me malo. Ngat kame twero gamo mano, en miero egami.¹³. Di oko kelo ne idwe atino me wek eket cinge ikom gi di eko lego ne gi; do josiao oko donyo cokocoko gi. ¹⁴. Do Yesu oko waco be, Wekunu idwe atino bin buta, doko kur igengunu gi, pien Ajakanut me malo tie pi jo kame cal amano. ¹⁵. En eko keto cinge ikom gi di eko yai ikuno.¹⁶. Di do dano moro oko bino bute, di eko waco ne be, Apwony aber, nyo en kame ber kame poore na timo me wek aud kuo me nakanaka? ¹⁷. Yesu oko waco ne be, Pinyo komio in itie lwonga be aber? Likame tie ngat kame ber kwanyo ngat acel kenekene, en Rubanga: ka imito donyo ikuo me nakanaka, poore igwok iswilia mege.¹⁸. En eko waco ne Yesu be, mege? Yesu oko waco ne be, Kur ineko; Kur itimo adote; Kur ikwalo; Kur imio ijura me angalo; ¹⁹. Wor papa ni kede toto ni; In myero imar ngakio ni bala kame imaro kede komi keni.²⁰. Awobi nono oko waco ne be, Ango agwoko cik go dedede cako i eponga na: nyo en kame pwodi orem na? ²¹. Yesu oko waco ne be, ka imito bedo ngat kame opoore, ot iko cato gi dedede kame in itie kede, di iko mino but jocan; di iko bino bedo kede abar i malo: iko bino luba. ²². Do kakame awobi nono owinyo kede kop no, en eko ot di cunye likame yom: pien oudo en ebaro twatwal.²³. Di do Yesu oko waco ne josiao mege be, “Ateteni ango awaco ne wu be, ebino bedo tek twatwal ne ngabar donyo i Ajakanut me malo. ²⁴. Doko da, awaco ne wu be, eyoyot ne aguragura donyo iwang pisi akaka ngat kobaro donyo i Ajakanut ka Rubanga.²⁵. Kakame josiao mege owinyo kede kop noni, gin kiko bedo kede ur atek, di kiwaco be, Ngai do en kame bino udo alako? ²⁶. Do Yesu oko ngino gi di eko waco ne gi be, Man likame twerere kibut dano, do kibut Rubanga gi dedede twerere. ²⁷. Di Petero oko dwoko ne di ewaco be, Neningo, wan otieko weko gi dedede di oko lubi; Kamago tie da nyo do en kame wan obino udo?²⁸. Di Yesu oko waco ne be, Ateteni ango awaco ne wu be, Wun jo kame ilubanu gi, ikare kame Wot ka dano bino bedo kede ikom mere me deyo ipiny kanyen, ibinunu bedo ikomini me pug tomon kiwie are, di itie nu ngolo ne atekerin tomon kiwie are me Isirael kop.²⁹. Doko ngat acelacel kame bino jalo ude mege, imiegu arabo amiegu, papa arabo toto, dako arabo idwe mege kede lobo mere pira, ebino udo tol-acel okom tol-acel, doko en eko bino udo kuo me nakanaka. ³⁰. Do jo atot kame tie nan jo me agege bino bedo me ajikini; kede jo kame nan tie me ajikini bino bedo me agege.

¹. Piento ajakanut me malo cal kede icuo won paco, odilo yai ot mono jo tic pi tic ipoto mere me oloki. ². Di en eko winyere kede jo tic nogi pi culo gi denari acelpi cieng acel, en eko cwano gi ipoto mere me olok.³. Tetu esawa adek me odiko di en eko yai ot, iye atale eko neno jo acie di tie cungo abongo tic moro. ⁴. Di en eko yamo ne gi be otunu wuda ipoto me olo, do gi aber ango abino mino wu. Di gin kiko ot.⁵. Di en eko yai bobo tetu esawa kanyaape kede doko iye esawa kanyaangon, di bobo ekotimo amanono. ⁶. Tetu esawa tomon kiwie acel, di en eko ot eko, udo jo acie tie cungo abongo tic moro, eko penyo gi be. Pinyo amio wun itienu cungi kan abongo tic piny yulu yul? ⁷. Gin kiko dwokone be, piento likame tie ngata moro omio watic. Eneko yamo ne gi be, Aso wuda otunu ipoto me olok, do gi aber ango abino mino wu.⁸. Dido otieno otuno, Ngadwong won poto me oloki oko yame ne ngakan mere be lwongi jo tic iko culo gi, igei kede jo me centuno kede but jo ogeotic. ⁹. Kakame jo ogeo tic iye esawa tomon kiwie acel obino kede ngat acel acel oko udo denari acel. ¹⁰. Kame jo ogeoo tic sek obino kede oudo gin igeno be kiyararo udo gi akalamo, do gida kiko udo denari acel acel buli dano.¹¹. Do kame kigamo kede di iko donyo piem kede won paco aber ca. ¹². Di kiyamo be, jo obino icen gi otio pi esaw acel kenekene, di in iko mino gi ibedo rorom kede wan, dodi wan obeo ipeko kede ilieto me cieng.¹³. Do en eko dwoko ne ngat acel kibut gi be, diera likame tie gi arac ame ango atimo ni, mam oudo iwinyere keda pitic ceng aciel di ako culi denarie acel? ¹⁴. Teri mano ametie meri, di iko ot, ango abino mino jo me cengi da di rorom kede wu.¹⁵. Likame atwerotic kede jame na iye epone ame amito kede? inena kede wangi arac pi ango aber. ¹⁶. I epone nono jo me ajikini bino bedo jo me agege kede jo me agege bino bedo jo me ajikini, pien olwongo jo atoti do oyero jo anonoki.¹⁷. Di Yesu tie ot Yerusalem, etero jo sia megetomon kiwie are kari gi kengi iyanga yo, di eko yamo ne gi be. ¹⁸. Winyunu, wan otienu ot Yerusalem, do obino rup ao wot adano but jo saseredoti adongo kede jo pwony me iswil, gin kibino ngolo ne en too. ¹⁹. Kikomino en icing imo, kame bino timo ne anyuar kede dane kiko gure do iceng me adek ebino ya runo bobo.²⁰. Di toto me idwe Asebedayo kede cwobe mege oko bino bute, diko mine wor, di ko kwane pi mine gimoro. ²¹. Yesu oko yamo ne be, Nyo kame in imito? Di en eko dwoko ne be, yei ne awobe na are gi acel bed Ibadi tu cam, cel da ibadi ngodal i Ajakanut ni.²². Do Yesu oko dwokone di ejamo be, wun ikwianu giame itienu penyo. Benyo wuda itwerunu matu ikopo ame ango abino matu, kede ibatis kame obino batiso ango kede? ²³. Di en eko yamo ne gi be wun ibinunu mato ikopo na ateteni, di oko batiso wu kede ibatis kame obatiso ango kede, do bedo ibad tetu cam amoto ngodal, liame ango ename amio, do obino mino but jo kame papa oiko negi. ²⁴. Kakame jo tomon owinyo kede gin kiko winyo irac kede imiegu aare nogi.²⁵. Do Yesu oko lwongo gi bute dieko yamo negi be, wun ingeunu be jo pug me imo pugo gi tetek, doko jo dongo gi datio kede twer ikom gi. ²⁶. Do likame ebino bedo amano ibutu wun, do ngat ame mito bedo ngadwong kibutu poore ebedi ngatic wu. ²⁷. Doko ngat kame mito bedo ngadwong kibutu, miero ebedi epasoit wu. ²⁸. Kamanono da wot adano likame obino pi jo timo ne tic, do pi timotic, kede jalo kuo mere pi lako jo atoti.²⁹. Kame kitie yai kede Ijeriko, ekodet me jo atoti oko lube. ³⁰. Do eko neno imudaka aare oudo tie bedo inget yong ayo, kame kiwinyo kede be Yesu oudo obeo kano, kiko ilelem be, kica maki butwa, okwe Rwot, in woti ka Daudi. ³¹. Ekodet me jo oko donyo cokocoko gi be kilingi. Do gin kiko medo ameda ilelem, di kiyamo be kica maki but wa, okwe Rwot, In wot ka Daudi.³². Yesu di oko cungo di eko iwongo gi di eko eko yamo ne gi be, Nyo kame imitunu atim ne wu? ³³. Gin kiko yamo ne be, Rwot yabi wang wa. ³⁴. Yesu oko bedo kede kisa but gi, di en eko mulo wangi cucuto no di wang gi oko yabere, di gin kiko lube.

¹Kakame bin gin inoko kede Yerusalem, di do kituno i Betepage, i wi moru me Olibeti, Yesu oko cwano josiao are ²Di ewaco ne gi be, “Otunu i calo kame tie anyim wu ca, cucuto ibinunu udo punda kame otweo di etie kede atin mere i ngete: gonyunu gi di ikounu kelo buta. ³Do ka ngatamoro oyamo ne wu kop moro, wun wacenu be, ‘Rwot en kame mito gi’; awakawaka en ebino yei ne wu kelo gi.”⁴Magi dedede otimere me wek kop kame enabi owaco cobere kakare be, ⁵“Wacenu nyar ka Sion be, neningo Abaka ni tie bino buti; di emwol, da di etie wanano punda, kede atin me punda.”⁶Josiao oko ot di kiko timo bala kame Yesu oudo ociko ne gi, ⁷Di kiko kelo punda kede atin mere; kiko peto igoen gi ingei punda di kiko mine bedo iye. ⁸Di ekodet me jo atot oko peto igoen gi i yongayo, apat mege oko tongo ajange me yen kiko peto i yongayo.⁹Ekodet me jo kame oudo tie telo anyim kede kame oudo tie lubo Yesu ki cen oko cako ilelem be, “Osana but wot ka Daudi! Etie kede winyo, ngat kame tie bino i nying Rwot! Osana i malo twal.” ¹⁰Kakame Yesu odonyo kede Yerusalem, bomba lung oko yangere, di kiwaco be, “Ngai ine?” ¹¹Di ekodet me jo oko dwoko be, “Man en Yesu enabi owok i bomba me Nasaret, me Galilaya.”¹²Yesu di oko donyo i tempulo ka Rubanga, eko riamo ooko jo dedede kame oudo tie cato kede wilo jame i tempulo; di eko rereto imesai me jo kame oudo tie seso sente, kede gibedo me jo kame koudo tie cato amam. ¹³En eko waco ne gi be, “Kowandiko be, ‘Ot na kobino lwongo be ot me ilega; do wun ilokenu edoko kapwono me joyak.” ¹⁴Di imuduka kede ingwalasa oko bino bute i tempulo, en eko cango gi.¹⁵Do kakame jodongo me josaseredoti kede jopwony me Iswil oneno kede gi me aura kame en etimo, kede di idwe tie ilelem i tempulo di kiwaco be, “Osana but Wot ka Daudi,” cuny gi oko wang. ¹⁶Gin kiko waco ne be, “Mam itie winyo gikame gin kitie yamo?” Do Yesu oko waco ne gi be, “Ebo; wun likame i somo be, ‘Idog idwe kede imukerun kame adot in iyaro udo pak kopoore’?” " ¹⁷En oko weko gi, eko wok ki bomba eoto Betania, di eko buto kuno.¹⁸Odiko kakame en oudo etie dwogo kede i bomba, eko winyo kec. ¹⁹Kakame eko neno kede yat epigi ilak yongayo, en eko ot i dude, do likame eko udo anyakini moro iye kwanyo boke erume; di en eko waco ne yat nono be, " “Anyakini moro likame bobo bino wok ibuti cako nan Atwal:” Esawa nono di yat nono oko tuo.²⁰Kakame josiao oneno kede gikotimere, kiko uro twatwal di kiwaco be, “Benyo benyo komio yat ni osusunyo tuo?” ²¹Yesu oko dwoko ne gi be, “Ateteni awaco ne wu be, ka itienu kede yei di likame ibedunu kede gung, likame ibinunu timo gikame kotimo ne yat ni kenekene, do akadi ka iwaco nenu moru ni be, ‘Putere iot ipoti i nam’, ebino timere. ²²Doko gi dedede kame ilegunu di itienu kede yei, ibinunu udo.”²³Kakame en edonyo kede i tempulo, jodongo me josaseredoti kede joadongo me piny oko bino bute di oudo etie pwony, kiko penye be, “Akarinikin mene en kame in itimo kede gigi? Ngai en komii akarinikin nono?” ²⁴Yesu oko dwoko ne gi di ewaco be, “Ango da ayaro penyo wu gi acel, ka idwokonanu, ada ako bino waco ne wu kakame akarinikin kame ango timo kede gigi wok iye.²⁵Batisimu kame bin Yokana batiso kede jo, ewok ki malo arabo kibut jo?” Di gin kiko cako piem ken gi ken gi di kiwaco be, “Ka wan owacunu be, ‘Ewok ki malo,’ en ebino waco ne wa be, ‘Do pinyo komio likame ikounu yei en?’ ²⁶Do ka owacunu be, ‘Ewok kibut jo,’ otienu kede lworo but jo, pien jo dedede ngeo kiber be Yokana obedo enabi.” ²⁷Di do gin kiko dwoko ne Yesu be, “Wan likame ongeo.” Yesu oko waco ne gi be, “Akadi ada likame abino waco ne wu akarinikin mene kame ango atie timo kede gigi.”²⁸Wun iparunu benyo? Icuo moro oudo bin tie kede awobe mege are; en eko ot but awobi mere me agege di eko waco ne be, ‘Woda, ape tin itim na tic i poto me olok.’ ²⁹En eko dwoko be, ‘Ango likame ayaro ot’; do i cen mere en eko loko tam mere di eko ot. ³⁰En eko ot but awobi me are da di eko waco ne kop acel nono; di awobi oko waco ne be, ‘Adwong ayaro ot’; do likame en eko gire ot.³¹Ngai kikom awobe are nogi en kotimo gikame papa mere mito?” Gin kiko dwoko ne be, “Awobi me agege.” Yesu oko waco ne gi be, “Ateteni awaco ne wu, “Be jorar esolo kede malayan bino cako ot ne wu i Ajakanut ka Rubanga. ³²Pien Yokana bin obino butu di etimo ateni, do wun likame ikounu yei en, do jorar esolo kede imalayan oko yei en: do wun, kadi di bin itiekunu neno kede gikame gin kitimo, likame ikounu loko tam wu tetekeny ikounu yei en.”³³Winyunu agole ace bobo, Bin tie icuo moro kopuro poto me olok, di eko wano en rimaro, eko kunyo bur me bino bwini iye; da di eko gero ot ikiara malo me daro poto: en eko keto jo mogo daro ne poto nono, di en eko ot i piny abor. ³⁴Do kakame kare me ngwedo anyakini oko tuno kede, en eko cwano jotic mege but jodar poto pi omo ne anyakini moro iye.³⁵Do jodar poto oko daruno jotic mege nogo kiko bungo acel ikom gi, kiko neko acel, kede ocelu kiko didipo kede kide. ³⁶En bobo eko cwano jotic ace kame tot kalamo me agege; do jodar poto doko oko timo ne gi tim acel nono. ³⁷Me ajikini mere, en eko cwano wode but gi di ewaco be, ‘Kibino nyuto wor but woda.’³⁸Do kakame jodar poto oneno kede wode nono, kiko donyo pooro kop ken gi ken gi be, ‘Man en musika mere, bia onekenu, me wek wan osikao jame kame make.’ ³⁹Di gin kiko make, di kiko uce ooko me poto di kiko neke.⁴⁰“Nan do kame won poto me olok obino, iparunu be nyo kame en ebino timo ne jodar poto nogo?” ⁴¹Gin kiko waco ne be, “En ebino dudubo jo areco nogo iepone me to arac adikinicel, di eko bino keto poto me olok mere i cing jodar apat, kame bino mine anyakini i kare me ngwedo gi.”⁴²Yesu oko waco ne gi be, “Likame itiekunu somo iwandik kacil be, ‘Kidi kame jogedo odagi en kame oko lokere odoko kidi me esonda kame pire tek; man obedo iik ka Rwot, doko etie gi me aura i wang wan’?⁴³“Pi mano, ango awaco ne wu be. Kobino kwanyo Ajakanut ka Rubanga kibutu di oko mino but atekerin kame nyako anyakini kabeco. ⁴⁴Doko ngat kame bino poto i wi kidi noni ebino tuturun, do ka kidi noni opoto i kom ngatamoro, ebino nyinyito dano nono doko bala alos.”⁴⁵Kakame jodongo me josaseredoti kede Iparisayon owinyo kede agole nogi, gin kiko niang be Yesu oudo tie waco kop gi i kom gi. ⁴⁶Do kakame gin kiko tamo make kede, gin oudo kiko bedo kede lworo but ekodet me jo, pien jo oudo ngeo be Yesu obedo enabi.

¹. Di dokon Yesu oko dwoko ne gi kop di yamo ne gi i agole be; ². Ajakanut me malo cacal kede abaka moro kame bin ioko nyom ka wode. ³. Di en eko ooro jo tic mege pi oot lwongo jo kame bin en emio kad pi bino inyom do gin likame kiko bino.⁴. Dokon en eko medo ooro jo tic apat, di ewoco ne gi be, wacenu jo kame ango amio kad be; Ango atieko iiko cam do otieko cek; bianu do inyom.⁵. Do gin kiko tero kop no kede itadal, di gin kiko yai oot iyote gi ka papat, ngati ooto ka oot mere, ngat ca da ooto cato wil mere. ⁶. Jo ace di ko mako jo kame abaka ooro ka di kiko donyo tidilo gi, di dokon kiko neneko gi. ⁷. Kakame abaka oko winyo kede rwonge go, cunye oko wang twatwal: di en eko cwano ikearin mege di oko oot neneko jo nek go, di kiko cwinyo mac ikom bomba gi.⁸. Di en eko yamo ne jo tic mege be, ebaga do otieko ikere, do jo kibecokina liame obino. ⁹. Pimano, apeunu do, i ooti cungunu i akakarame yongoyote Adongo, di ikounu lwongo jo dedede kame iudunu pi bino i ebaga me nyom ni. ¹⁰. Aso jo tic go diko oot, di kiko cungo i akakarame yote adongo di kiko cooko jo dedede kame gin ki udo areco kede abeco dedede dido ka nyom oko pon kede wele.¹¹. Kakame abaka obino kede pi neno wele, wange diko cop ikom dano moro kame liko ongapo egwe m nyom. ¹². Di en eko waco ne be, ngawota, epone mene en kame yin idonyo kede kane di liki ingapo egwe me nyom? Dano nono di ko ling alinga.¹³. Abaka diko yamo ne jo tic mege be; Tweunu cinge kede tiene di ikounu tere tenge, di ikounu uce oko kaka cel, en kunono kame koko kede rigao lak bino bedo iye. ¹⁴. Pien ko lwongo jo atot, do anonok en kame koyero.¹⁵. Iparisayon diko do oot bedo piny pi poro kop me udo epone me make kede yamo mere. ¹⁶. Di gin kiko ooro ne jo siao gi di upere kede jo ke Rode, di ki waco be, nga dwong, wan onge be yin ipwonyo yongayo ka Rubanga ki i ateni, dokon liki iparo kop kamako dano moro ni dedede; Pien yin liki iworo dano moro dedede. ¹⁷. Aso pimano, waco wa yin iparo benyo? Iswil yei jo culo esolo but Kaisari arabo li?¹⁸. Do Yesu oudo otieko ngeno tim arac kame oudo tie icuny gi di en eko waco be pinyo en ko mio un itamanu un jo isidik? ¹⁹. Nyuta nu sente kame jo culo nono. Di gin kiko kelo ne ogap acel.²⁰. En di eko waco ne gi be, cal angai ine kede inyukutan adong dongo gi mako ngai? ²¹. Gin kiko waco ne be, me Kaisari. Di en eko waco ne gi be, Pimano miunu Kaisari jamini kame mako Kaisari; di ikounu mino Rubanga da jamini kame mako Rubanga. ²². Kakame gin kiwinyo kede kope go, gin kiko bedo kede ur, diki ko yai tenge.²³. Isadukayon da diko bino bute iceng acel nono, kame yamo be iyarun lika me tie gida kiko penye. ²⁴. Di ki yamo be, nga dwong, Musa oyamo ne wa be, kame icuo moro oto, di likame enywalo idue, omi mere bino nyomo dako mere no di eko nywalo kede kodi kame mako omimere.²⁵. Nani oudo bin tie imiegu kanyaare karacel kede wa; awobi me agege onyomo dako eko too di likame enywalo atin moro eko weko dako ne omimere. ²⁶. Kop acel nono oko timere ne omimere olube no da, iton awobi me adek da, paka tuno but awobi me adek da, paka tuno but awobi me kanyaare. ²⁷. Me ajikini mere dedede, dako ni da diko too. ²⁸. Nando, dako ni do oyaro bedo me ka ngai ikom imiegu kanyaare gi, pien gin dedede ki bedo kede dako ni?²⁹. Yesu di ko dwoko di waco ne gi be: Wun ipacaru nu pien liki ingeunu gi awandik, ara bo twer ka Rubanga. ³⁰. Pien iceng me iyarun jo liko oyaro nyom arabo mino anyira gi inyom, do gin kiyaro bedo bala imalaikan ka Rubanga kii malo.³¹. Do pi kop kame mako iyarun me jo ko too, wun likame cabon isomunu kop kame Rubanga bin oyamo butu be, ³². Ango en Rubanga ka Buramu, kede Rubanga Isaka, kede Rubanga ka Yakobo? Rubanga liko obedo Rubanga me jo ko too, do me jo ka kuo. ³³. Kakame ekodet oko winyo kede kope go, gin kiko uro kite kame en epwonyo kede.³⁴. Do Kakame Iparisayon bin owinyo kede be en emio dog Isadukayon olingi gin kiko cokere karacel. ³⁵. Di ngatacel ikom gi kame bin obed ngat kangeo iswil, oko penye, pi tame di ewaco be. ³⁶. Nga dwong, icorakin mene en kame dwong kalamo ikom iswiliaka?³⁷. Yesu diko waco ne be, yin ipore maro Rwot Rubanga ni kede cunyi dedede, kede tipo ni dedede, kede tam ni dedede. ³⁸. Manoni en icorakin me agege di dokon en en edwong kalamo.³⁹. Kame lubo da dokon cacal kede, ewaco be, yin ipore maro nga kio ni bala kame imaro kede komi keni. ⁴⁰. Iswil dedede kede kope me inabino liero ikom icorakin are gi.⁴¹. Di pwodi Iparisayon tie karacel, Yesu oko penyo gi be. ⁴². Wun ber iparunu nyo ikom Kuristo? En ebedo wot ka ngai? Gin kiko waco ne be, wot ka Daudi.⁴³. En eko waco ne gi be, do epone nyo dokon en ko mio Daudi di oudo tie i cuny olwongo dokon be Rwot, di ewaco be, ⁴⁴. Rwot oyamo ne Rwot na be, bed ber kong yin icinga tu cam kan, tuno kede Kakame ango amio kede jo kwor ni doko bala abanya me keto tieni.⁴⁵. Benyo, kame dokon Daudi d lwonge be Rwot mere, epone mene doko kame en ebedo kede wode? ⁴⁶. Dano moro likame tie oko karuno dwoko ne kop akadi acel, akadi dokon penye peny moro geno cenge no oot anyim.

¹. Di Yesu oko yamo but jo atot oudo tie kede josiao mege. ². Di ewaco be jopwony me iswil kede Iparisayon bedo ikom kam iisa ara kabedo ka Musa. ³. Ikom mogo dedede Lubunu gi kame gin kiwaco do kur itimunu kite kame gin kitimo kede kame kiyamo do likame kilubo kite kame kiyamokede.⁴. Gin kiketo yata pek iye epepet mejo icengun do cwao no ako di iwet gi aciel pi konyo gi tingo (kiarao). ⁵. Do tice igin kitimo pi mino jo neno pien gin kitimo (pulakateria) jaminigi di dong dongo kalamo. Doko ausin me lak ikanson me bin jo ngapo pi nyuto mii regi but Rubanga mergin oudo becobeco twatwal.⁶Doko gin kimaro kabedo me wor i ibagai kede komini kabeco kalamo i sinagogan. ⁷Kimito be di jo moto gi kede wor i atalen kede di kolwongo gi be ‘Apwony.’⁸Do likame poore lwongo ngatamoro kikom wu be ‘Apwony’, pien wun dedede itienu imiegu, doko itienu kede ngapwony acel kenekene ⁹. Cobon kur ilwong ngatamoro ipiny me cieng kan be papa piento papa ni tie aciel kenekene ame tie malo ipolo. ¹⁰. Ara lwongo ngatamoro ni be Ngadwong ni pien Ngadwong ni tie aciel kenekene en Rwot Yesu Kuristo.¹¹. Do ngat kame bino bedo ngat adwong idiere en kame bino bedo epasoit. ¹². Kede ngat kame tingere kobino dwoke piny do ngat kame mwolere kobino kiarao en malo.¹³. Do ibinne neno can un jo pwonye me iswil kede iparisayon un jo sidik piento igalaunu ne jo ajakanut me malo pient uda ikomu likame iyaro nu donyo iye doko likame itienu weko ne jo atie donyo kun donyo. ¹⁴. Ibinunu neno can un jo pwonye me iswil kede iparisayon un jo isidik piento icamunu ude me apuserun kede ilegunu ilega aboco me abee pimano iyarunu udo ngolo kop atek. ¹⁵. Ibinunu neno can un pwonye me iswil kede iparisayon jo isidik piento iririmunu name kede loberen pi loka dano iye edini do kame itiekunu loke ikounu mine edoko atin me geana tien me are aloo do paka uda.¹⁶. Ibinu neno can un jo tel kame tie imuduka kame yamo be dano kame lairo kede nying kanisa udo likame rac do dano kame lairo kede nying Zabu me kanisa udo etie kede banya ii ilair no. ¹⁷. Un jo mingo kede imuduka piento mene adwong zaabu ara kanisa kame gwoko zaabu.¹⁸. Kede bee dano kame lairo kede nying alutar likame etingo kop do dano kame lairo kede nying gi amia kame tie iwi aluta ren kame otingo kop. ¹⁹. Un jo mingo kede imuduka ber kong mene en adwong gi amia ara alutari kame gwoko gi amia?²⁰. Aso, ngat kame lairo I nying alutari udo etie lairo I nying alutari kede gi dedede kame tie i wie; ²¹. doko dano kame lairo kede nying tempulo, udo elairo kede nying tempulo karacel kede Rubanga, ngat kame bedo kuno. ²². Do ngat kame lairo kede i nying malo udo elairo i nying kom me Ajakanut ka Rubanga, kede ngat kame bedo iye.²³. Ibinunu neno can n jo pwonye me iswil kede iparsayon. Jo isidik piento ikwanyunu acel me tomon me minti kede me anisi kede me kumn do ikounu weko tenge kope apirgi tek me iswil ngolokop kisa kede yei mage en kame ipore nu mino timere, di likame ikoun weko ace do li otimere. ²⁴. Un jo tel kame tie imuduka, igwetunu tenge asisa ikounu lungo muonyo aguragura alwii.²⁵. Ibinunu neno can un jopwonyeme iswil kedeiparisayon jo isidik piento ilwokunu ngei ikope kede swani dicil do ii gi di opong kede cilo di ingorijij. ²⁶. Un iparisayon imudaka geunu kede iwoko ii ikope kede ii swani me tetekeny ngei gi da dok cil.²⁷. Ibinunu neno can un jo pwonye me iswil kede iparisayon jo isidik un icalunu bala atesin atar kame neno cil ioko mere do ie kuno opong kede cogeren me jo atoo kede gi dedede kalikame cil. ²⁸. Uda icalunu amano inyutere nu but jo bala jo opore ioko do iiu di opongkede isidik kede dub.²⁹. Ibinunu neno can un jopwonye me iswil kede iparisayon jo isidik piento igerunu atesin me inabino kede ikounu puco atesin me jo opore. ³⁰. Di iwacunu bee, koto oudo riki wan otie ikare me jo ka kwari wa, koto wan likame onywako kede gi ionyo remo me jo opore. ³¹. Pi mano un en kame imiunu ijura ikomu kenu be un ibedunu idwe me jo oneko inabino.³². Medere nu do tieko tic kame papi uu oweko odong. ³³. Un twole idwe me imosogan un itwerunu bwot benyo ingolo kop me Geana.³⁴. Pimano nenunu acwao nenu inabino kede jokariek kede jo apwonyo iswil mogo ikom gi iyarunu neko ikounu guro mogo iyarunu bungo ikanisan uu ikounu tidilo gi ibomba kede ibomban. ³⁵. Tetekeny remo me jo opore kame oonyo ilobo dwog iiwi uu geno ii remo Abel paka tuno ii remo ka Zekaria wot ka Baraki kame inekunu idierediere me Alutari kede kanisa. ³⁶. Ateteni awaco ne wu be, gigi dedede bino timere ne jo kame nan tie ikare ni.³⁷“Okwe in Yerusalem, Yerusalem, in bomba kame neko inabin doko ididipo jo kame Rubanga ooro buti! Tien atot ango oudo amito be koto acoko idwe ni karacel bala kite kame gweno rukumo kede imion mege i bwome, do in iko dagi na! ³⁸. Neningo, Rubanga otieko weko ni odi odong nono. ³⁹. En komio awaco ni be, likame bobo ibino nena tuno kede kakame ibino Waco kede be, ‘Etie kede winyo ngat kame bino i nying Rwot.’

¹. Di Yesu uko wok oko di eyai itempulo, di Josiai mege oko bino bute pi nyillo ne gedo me tempulo. ². Do Yesu oko willo negi be, likame inenunu jigi dedede? Aliteni awaco newu be, Likame kobino weko ikome kidi moro acel di odokakin iwi ocelu kulikame obino reto piny.³. Do kukame ebalo kede iwi moru me olibiti, Josiao Oko bino bute imung di kiwalobe, wace wa awene en kame gigi bino limere kule doku nyo en kume bedo anyut me dwogo nin, kede ajikini me piny? ⁴. Do Yesu oko dwoko diewaco ne gi be, gwokere nu wek kur demo moro ngalu. ⁵. Pien jo atot oyaro bino inyinga di gin kiwaco be ango en Kristo doko kibino ngalo jo atot.⁶. Doko ibinunu winyo yii kule rwonge me yii do nenunu be kur anyu poti pien gigi dedede pure bino di kokato do ajikini udoo pwodi. ⁷. Pien pinye bino yii kede pinye doko ajakanuto da bino yii kede ajakanuto doko kel bino bado tie kede tuo doko ayayangun me piny bino bado tie ikabedo apapat. ⁸. Magi dedede bino bedo acakini me gwer any.⁹. Bobo gin kibino mino kotidilo wu bobo kobino neko wu, di oko bino dagi wu ipinye dedede pi iyinga. ¹⁰. Bobo jo atot ikomu kobine wango luny gi, di iko cako rupao dano ocelu doko kibino dagere kengi. ¹¹. Bado inabin atot me angalo oyaro bino, doko di kibino ngalo jo atot.¹². Do pien dub bino nyai, amara me jo atot bino doko ngic. ¹³. Do ngat kame bino canyakino tuno i ajikini, dano acal kamemono kobino lako. ¹⁴. Bado ejiri me ajakanut ni kobino tuco iwi lobo dedede bala ijura but pinye dedede dido ajikini kobino tuno.¹⁵. Kame ibinunu neno gime kwer kame bin enabi Daniel oyamo iye di tie ango ikabedo kacil jo kame tie somo milo kiniangi. ¹⁶. Di gin jo kame bedo yudaya kiringi imori. ¹⁷. Wek ngat kame tie iwi ot kur bobo wok piny pi Kwanyo gimoro iode. ¹⁸. Amotoko ngat kame tie ipoto bino kwanyo igwen.¹⁹. Do kitie kican gin jo kame tie kede idwe, kede but gin jo kame doto idwe iceng go. ²⁰. Do legunu wek kur ringo wu bed ikare me oro amotoko iceng me sabato. ²¹. Pien can bino dwong kalikame otimere guno acakini me lobo tuno ikareni, bobo likame ebino bobo timere. ²². Tuno kede di cengere go odwo dwoko, oudo likame dano kame bino udo alako, do pi jo kame oyero, kobino dwo dwoko cengere cengerer go²³. Do kame dano moro bino walo newu be, nenunu, Kristo ine amotoko kuno kur iyeunu. ²⁴. Pien jo pwonye me angalo kede inabin me angalo doko kibino timo gianena kede gime isur adongo me wek tetekeny koto kame twerere ki bin ingal kiton jo kame koyero. ²⁵. Nenunu ango atieko waco newa di pwodi.²⁶. Pimano, kame gin kibino waco newa be, nenunu, en etie i elet, kur iotunu kuno, amotoko be nenunu en etie kabedo me mung, kur iyeunu. ²⁷. Pien bala kame meny me kot yai kiwok ceng di eko runy paka tuni ipolo ceng bino me wot ka dano da bino bedo cal kamanono. ²⁸. Pien kakame kele tie ie kunono acut da bino cokere ie karacel.²⁹. Cuculo ingei itiecel me cengere go, ceng bino doko col di dwe da likame ko mino lero mere di acerin ko popoto kimalo di iwer me mulo kobino yangere.³⁰. Dido wol ka dano kobino neeno imalo, dido leb dedede me wi lobo koko bobo gin kibino neno wot ka dano di tie bino idoun me malo itwer kede dego adwong. ³¹. Bobo en ebino iwano imalaikan mege kede dwan me agwara adwaong, di gin kiko bino coko karacel jo mege kame koyero iacakini me lobo tomo kede ialiekini iwi yenuo me ongwon.³². Nan pwony agole me yut epigi, kame ajangi mege ogwer di eko ketp boke wun ingeunu be oro do odoko iyapi. ³³. Kamanono da, kame wun ibinunu neno gigi dedede, ngeunu do be edoko iyapi etuno do iekeko.³⁴. Atekeni awaco newube, iwak ni likame bino rwenyo kwanyo do gigi dedede ocobere. ³⁵. Mato kede lobo bino rwenyo do kope nango likame bino rwenyo taige.³⁶. Do kop amako ceng no kede esawa likame tie dano kame ngeo li likame paka imalaikan me medo da, kwanyo papa na kenene.³⁷. Do bala kite kame ceng ku naa otimere kede ebino bedo cil kumanono idwongo me wol ka dano. ³⁸. Do bala iceng kame di pwodi alele oudo kitle camedi kimato, kinyomere doko kimio anyira gi me anyoma tuno kede ceng kame nua odonyo kede iye. ³⁹. Doko udo likame kingeo gimoro tuo alele bino kwanyo gi tenge, kamanono da, dwogo me wot ku dano bino bedo cul kamanono.⁴⁰. Doko jo are bino bedo tie ipoto, ngatacel kobino kwanyo di oweko dano acel. ⁴¹. Jo are obino udo di kitie riego, kobino kwanyo acel di oweko dano ocelu. ⁴². Pimano gwokerene, pien likame ingeunu esawa kame rwot wu oyaro bino kede.⁴³. Do ngei mane be, kame dano kaber me ot koto ngeo esawa mene en kame nga kuwo oyaro bino kede udo koto di eneno me wek kur eyei ne ode turi. ⁴⁴. Pimano, bed ili iilee nu, pien kamanono esawa alikame itamunu en kame wot ka dano bino dwogo kede.⁴⁵. Ngai ini obedo ngalie ka genere di eicek, kame rwot mere amie twero ikom jo me iode, pi mino gi cam iesawa opore. ⁴⁶. Etie kede winyo nyatie no kame rwot mere bino dwogo ude di etie timo tie. ⁴⁷. Ateteni awalo ne wube, en ebino nuni ngatie nono bedo ngatpug me jamini mege dedede.⁴⁸. Do kame ngatie arac bino waco icunye be Rwot na ogal kede dwogo. ⁴⁹. Di eko cako guno bungo jotic wud gi ocelu di eko cako cani di emato kede jo amera. ⁵⁰. Rwot ka ngatic no oyaro dwogo iceng kame dano no likame tie nene kede doko i esawa kame en likame engeo. ⁵¹. Di en oko bino mine itillel katek di oko nyuto ne kabedo karacel kede jo ecuke kuno en kame bino bedo ka koko kede mwodo lak.

¹. Ikore nono ajakanut me malo kobino poro kede anyiro tomon kalika me nyeo cuo, kame okwanyo italan gi, di kiko ot pi riamo kede eteran. ². Di kany kikom gi oudo riek, do kany oudo jomingo. ³. Jo oudo ming otero italan gi, di likame kimako motala ace. ⁴. Do ariek mege omako motala ace icupa kede le italan gi.⁵. Kite kame eteran okogal kede nino oko bwono gi di kiko nino. ⁶. Di idier iwor ilelem oko be tie. Binenu eteran otieko tuno, donyunu okko iriamu kede.⁷. Do anyira kalikame nyeo cuo ka dedede oko yai, di kiko iiko ausin me italan. ⁸. Di aming mege oko waco ne ariek, miunu wada motalo wu mogo pien italan wan oto. ⁹. Do ariek oko dwoko be, likame amono, pien cemogo likame ebino roma wa kede wu, do koto lotunu but jo kame cato, di ikonu wilo meru.¹⁰. Di gin ki oto pi wilo motala eteran oko tuno, di jo oudo oi kere oko donyo kede en ka nyom dido oko cego ekeko. ¹¹. I cen mere angira kany kalikame nyeo cuo icegu ka da oko dwogo, kiwaco be, Rwot Rwot, yab ne wada. ¹². Do eko dwoko di ewaco be. Ateteni ango awaco neu be, Ango akwia wu. ¹³. Pimano ngingi cunu, pien likame ingeo ceng, arabo esawa, kame wot ka dano bino kede.¹⁴. Pien ajakanut ka Rubanga cal bal icuo kame tie ot isapali ipiny abor, kame iwongo jo tic mege di eko keto jame mege icingi. ¹⁵. Di eko mino dano acel talanta kany, dano ace emio are, but dano alubo emiyo acel, But dano acel acel emio arom kede teko mere di en eko ot isapali mere. ¹⁶. Di ngat ogamo talanta kany oko ot di eko donyo timmo tic me cato wil kede, di eko timo ameda ace me talanta kany.¹⁷. Di kamanono da ngat ogamo are, eda emedo dokon udo are ace. ¹⁸. Do dano kaudo ogama acel eoto di eko kunyo piny ilobo di eko kano sente me nga dwong mere.¹⁹. Icen me kare alac, nga dwong me jo tic nogo oko dwogo, di eko mito maro kede gi. ²⁰. Di ngat kame oudo ogamo talanta kany, okobino di ekelo talanta kany ace, ewaco be nga dwong, in bin imiyango talanta kany, pi mano ango da amedo wudo talanta kany ace. ²¹. Ngadwong mere oko waco ne be, itimo kiber in nyatic aber, di igenere, itieko bedo ngat kame genere kede tice atitimo, abino mini ibedo ngatel me jame atot, donyi iot me wek kileli kede ngadwong.²². Ngat kogamo talanta are da oko bino, di ewaco be ngadwong ngoce imia talanta are pi mano, ango oudo ameda me talanta are ace medo kim maka. ²³. Nga dwong mere oko waco ne be, itimo iber in ngatic aber di igenere ibedo ngat kame genere kede tic , Abino mini ibedo ngadwong me jame atot, Donyi iyot me wek kileli kede ngadwong.²⁴. Do ngat ko gama talanta acel da oko bino di ewaco be, ngadwong, ango oudo angeo be in itie kede cung me icuo arac, ikao kalikame icuo, di icoko ika likame ipieto iye, ²⁵. Di ango ako doko lwor, di ango ako kano talanta ni ilobo neni gam gin ine.²⁶. Ngadwong meredi oko dwoko di ewaco ne be, in ngatic arac, doko inyap, in oudo ingeo be ango akao kame likame acuo, iye doko acoko ka likame apieto iye? ²⁷. Oudo ipoore keto sente na but jo kame loko loko sente, di kame adwogo ako gamo sente na kede ameda moro.²⁸. Gam talanta no kibute, di iko mino but ngat kame tie kede talanta tomon. ²⁹. Pien ngat acelacel kame tie kede kobino mine di eko oudo atot, do ibut ngat kame li kede gimoro, kobino kwanyo tenge kibute kame etie kede nonoda. ³⁰. Di okonu uco ngatic akony mere lino ooko kakacol, kakame jo bino koko kede mwodo lak kiye.³¹. Kare kame wot kadano oyarobino kede di imalaikan acil dedede tie kede, en eko bedo ikom mere me deyo. ³². Di inyime oyaro cokere atekerin dedede di en eko pokopoko gi acelacel, bala kite kame nga kwai romini pokopoko romini kede diegi mege. ³³. Di eko tero oromo eketo i ba de tetin am, do diegi ipade tetu ngodal.³⁴. Dido abaka kowaco ne jo kame tie ibade tetu cam be, bianu jo apapana omio winyo gamunu ajakanut kame oiko newu cako ki agege me cweno lobo. ³⁵. Pien oudo kec oneka, di in iko mina cam oudo orio oneka, di iko mina amato, oudo ango ngakumbor, di iko gwoka. ³⁶. Atie nono di iko ngapa, oudo atuwo, di iko bino nena, oudo atie i otkol di iko bino buta.³⁷. Dido jo kopore ko dwoko ne, di kiwaco be Rwot, awene kame wan oneni di kec oneki, di oko mini cam arabo di orio oneki di oko mini imato? ³⁸. doko awene oneni di in ngakimbor, di oko gami arabo di itie nono di oko ngai? ³⁹. Arabo oneni di ituwo, arabo di tie iotkol, di oko bino buti? ⁴⁰. di Abaka kobino dwoko di ewaco negi be, Ateteni awaco ne wu be, bala kite kame itimo kede no put ngatamoro ni kalikame pire tek ikom imiegu kede amiegu udo itimo ne ngo.⁴¹. Dido eko waco no jo kame tie ibade tetu ngodal irwanu tenge kibuta, wun jo kame kolamo, otunu imac kalikame to, kame oiko ne sitani kede imalikan mege. ⁴². Pien oudo kec oneka, di likame iko mina cam oudo orio oneka, di likame iko mina amato. ⁴³. Oudo abedo ngakumbor, di likame iko gwoka, atiye nono di likame iko ngapa, atuwo di atiye i ot kol di likame iko welao ango.⁴⁴. Dido gin di kiko dwoko ne, di kiwaco be, Rwot awene awan oneno kec oneki arabo orio oneki arabo in Ngakumbor, arabo itie nono, arabo ituwo arabo itie iotkol, di wan likame oko konyi? ⁴⁵. Dido en eko dwoko ne gi, di ewaco be, ateteni awaco ne wu be, bala kalikame bin itumu kede gimoro buut ngatomoro kalikame pore tek, likame udo itimo nada. ⁴⁶. Di gin kiko ot amanono paka i alola me nakanaka, do jo kopoore bino ot ikuo kame bedo nakanaka.

¹. Nan do kare oko tuno, kame Yesu otieko kede yamo kope nogi, di eko waco ne josiao megebe, ². "Wun ingeuna be ebaga me bwot bino tie ingei ceng are , di oko mino wot ka done pi gure"³. Di jodongo me Jasaseredoti, jo pwony me iswil kede jodongo me jo ok cokere i paco me ngasaseredoti adwong, audo nyinge obedo kayapa. ⁴. di kiko iko tam me tero Yesu iyore me angalo di kiko neke. ⁵. Do kiko waco be, "LIkame i kare me ebaga, pien jo twero tany.⁶. Do kakame Yesu oudo tie kede Betania i ot me adobo anyinge Simon. ⁷. Dako moro oko bino bute di emako icupa me alabasita kame mo tie iye angare mit di wel mere dwong adikinicel, di eko onye itiene di ebedo inyim emesa. ⁸. Do kakame josiao mege eneno kede tim noni, kiko udo wang cuny kiko yamo be, "Pinyo komio odube aduba? ⁹. Pien oudo kono ocato mo noni pi udo sente atot di oko gabo ne jocan.¹⁰. Do kakame Yesu oudo aniang kede tim noni, Eko waco negi be, pinyo komio ilolunu dako ni? Pien etimo gi aber pira. ¹¹. Pien jocan tie kede wun nakanaka, do ango likame atie kede wu nakanaka.¹². Piento pi onyo mo angwe mit noni ikoma, en etimo amanoni pi aika na. ¹³. Ateteni, awaco newu be, ka dedede kame otito iye ejiri i wi lobo dedede, gikama dako ni otimo da obino yame pi yutuno iwie,¹⁴. Di do acel ikom toman iwie are gi, anyange Yudas Isikariot, oko ot but jotel me josaseredoti. ¹⁵. Eko waco be, "Wun imitunu mina nyo kame ango amie i cing wu? Di gin kiko marone siringi akaya ot adek. ¹⁶. Pimano cako i esawa no en do oudo etie mono winyo me turo ne raco.¹⁷. Nan do ceng me agege me ebaga me mugati kame arup li iye josiao oko bino but Yesu, di kiyamone be, "Tuai en kame in imito wan oik ni pi camo ebaga me Bwot? ¹⁸. Eko yamo be, "Otunu i Bomba but icuo moro, di ikonu wacone be, Apwony yamo be, "Esawa nango otieko tuno, ayaro bedo i ebaga me Bwot i odi kede josiao na," ¹⁹. Josiao do oko timo bala kite kame Yesu owaco ne kede gin: dido kiko iiko ebaga me Bwot.²⁰. Kakame piny oyuto kede, en eko bedo piny kede jo mege tomon kiwie are. ²¹. Nani do kakame kitie kede cam, eko yamo be, "Ateteni awaco ne wu be, ngat acel ikom wu bino rupao ango. ²². Di kiko bedo kede par adikinicel, di ngat acelacel ikom gi oko cako yamo ne be, "Rwot mam nat ango ino?"²³. En eko dwoko di ewaco be, "Ngat ko rwako cinge keda i bakuli en oyaro rupao ango. ²⁴. Wot ka dano ateteni oto do bala kite kame owandiko kede kop kamake, do can tie ikom dano no arupao wot ka dano! oudo kono ebedo ber pi icuo no kono di likame oudo onywale." ²⁵. Dido Yuda, audo tie rupao en, oko dwoko di ewaco be, "Rabbi ango man inonono?" eko waco ne be, "Iyamo amanono"²⁶. Do kame gin oudo itie kede cam, Yesu oko kwanyo mugati, eko lego winyo iye eko tuturo, di eko mino but josiao di ewaco be, "Gamunu, camunu mam en koma.²⁷. Di eko kwanyo ikopo, di eko mino pwoc di eko mino gi, di ewaco be matenu, wun dedede. ²⁸. Pien man obedo remo na me isikan anyen, kame oonyo pi jo atot pi sasiro dub. ²⁹. Do awaco ne wu be, ango lika abino mato i anyakini noni me yat cako tin paka tuno ceng no kame ango amato kede di enyen kede wun i ajakanut ka papa NA."³⁰. Do kakame kiwero kede wer, gin iko ot iwi moru me olibeti. ³¹. Di Yesu oko waco negi be, "Oyaro mino wun dedede getar pi ango owor noni, pien owandiko be: "Ango ayaro suro ngakwat, dido oromini me anok ko sarakin." ³². Do cen ngei ango yaruno, ango abino cako ot anyim wun Galilaya.³³. Petero oko dwoko di ewaco ne be, "Akadi bed bala omio jo dedede getar pirin, ango lika abino getar. ³⁴. Yesu oko waco ne be, ateteni awaco newu be iwor ni, di pwodi tong gweno liko akok, in iyaro daga tien adek." ³⁵. Petero oko dwoko ne be, "Akadi bed bala ango ato kedi, ango lika abino dagi! Di josiao dedede oko yamo amanoni.³⁶. Dido Yesu oko upere kede gin i kabedo kame olwongo be Getesemani, di eko waco ne josiao be, "bedunu ber kan di ango ako ot ilega tetu kuno. ³⁷. Di eko tero Petero kede awobe ka Sebedayo are, di en eko cako wudo cwercuny kede par atek. ³⁸. Di eko waco negi be, "Cunya tie kede par atek, pako tuno to. Bedun kan di ikiunu piny keda.³⁹. Eneko ot anyim momot di eko riebere piny, eko ilega, di ewaco be, o papa na, kame di twerere, wek ikopo ni bei ekati ekalamo ango: do, likame i mit nango, do i mit nin." ⁴⁰. Di eko dogo but josiao, eko udo gi di itie nino, di eko yamo ne Petero be, nyo ine Wun do oudo lika itwerunu neeno keda pi esawa acel? ⁴¹. Nenonu di ilegunu, tetekeny kur i potunu i atamo, cuny mito do kom nyap.⁴². Tien me are, bobo en eko ot tenge di eko lego di ewaco be, "O papana kame ikopo ni likame twere beno tenge ibuta kwanyo di amate, we mit nin timere. ⁴³. Di eko dwogo eko udo gi di itie nino bobo, pien wang gi oudo pek. ⁴⁴. En do eko weko gi, eko bobo ot tenge, eko ilega tien me adek, di ewaco kope nogo.⁴⁵. Di do eko ot but josiao mege di eko waco negi be, "wun pwodi itienu nino kede wei? Nenunu, esawa otuno, otie do rupao wot ka dono i cing jodubo. ⁴⁶. yaunu ootunu. Nenunu, ngat ka rupao cungo otieko tuno.⁴⁷. Do kakame oudo pwodi etie yamo kede, neni Yudas, acel ikom gin tomon kiwie are, di eupere kede ekodet adwong adikinicel di kimako ipimai kede akutai, oko bino di kiwok kibut jodongo me josaseredoti kede kibut joadongo me jo. ⁴⁸. Nan ngaerupe mere oudo otieko mino gin anyut, di ewace be, "Ngat kame ango amito en inonono, makenu.⁴⁹. Esawa nono di en eoto but Yesu di eko waco be, "Apwony, amoti" di eko note. ⁵⁰. Do Yesu oko waco ne be, "Ngawota, pinyo omio ibino ?" Dido gin iko bino di kiko mako Yesu kede tere.⁵¹. Dido ikanono, acel ikom jo audo tie kano kede Yesu oko neno cinge di eko woto epima mere eko tongo ngatic me ngatel me saseredoti, di eko ngolo yite tenge. ⁵². Do Yesu oko waco ne be, "dwoki epima ni ikabedo mere, pien jo dedede kame tio kede epima bino udo to me epima. ⁵³. Amoto iparunu be ango do nan likame atwero lego but papano, di en eko cwano na ikodeta me imalaikan akalamo tomon kiwie are. ⁵⁴. Dodo banyo kame kop acil kame owandiko bino cobere kede, be poore etimere amanon?⁵⁵. i esawa nono Yesu oko waco ne ekodet be, "Mam wun do ibinunu bala mako ngayak, di imakunu ipimai kede akutai pi tera? Ango lem abedo kede wu buliceng, di apwonyo i tempulo, do wun likame ikonu maka. ⁵⁶. Do magi dedede otimere pi mino iwandik kacil me inabin cobere" Dido josiao dedede oko jale di iko ringo.⁵⁷. Dido jo audo omako Yesu oko tere but kayapa ngetel josaseredoti, kame jopwony me iswil kede jodongo oudo ocokere iye. ⁵⁸. Do Petero oko bedo lube ika bobor tuno i diakal me ngatel josaseredoti. Di en eko donyo iiye di eko bedo.⁵⁹. Nan do oudo jodongome josaseredoti, joadongo, kede kansulo dedede oko mono kop me abe ikom Yesu pi neke. ⁶⁰. do likame iko udo kop moro. Akadi bed bala jo atot kame udo tie mino pido me abe oko bino likame iko udo kop moro. Do i ajikini do jo are ayamo kop me angalo oko bino. ⁶¹. iko waco be, "Loni owaco be, 'Ango atwero dudubo tempulo ka Rubanga di ako gero iwi ceng adek.⁶². Di ngatel me josaseredoti oko yai di eko waco ne be, "In do likame idwoko kop moro? Nyo ine kame jogi tie yamo kamaki?" ⁶³. Do Yesu oko ling alinga. Dingatel me josaseredoti oko dwoko di ewaco ne be, "Ango apenyi kede iliar inying Rubanga akuo: Waco wa kame in en Kristo wot ka Rubanga!" ⁶⁴. Yesu oko waco ne be, "it is as you said. Do kamago tie da awaco ni be, cake tin ibinunu neno wot ka Dano di bedo bad tetu cam me twer, di ebino i idouon me i malo.⁶⁵. Di ngatel me josaseredoti oko nyilo igoen mege di ewaco be, "Eyamo kop acao Rubanga!Pinyo kamio wan pwodi omito ijurak? Nenunu, nan do wun itiekunu winyo acae mere! ⁶⁶. Itamunu benyo? Gin iko dwoko di iwaco be, "En epoore to"⁶⁷. Dido kiko ngungulo ne lau di kiko bunge di jomogo babapo en kede dier cing gi. ⁶⁸. di iyamo be, "Muraw newa, Kristo! Ngai en obapi?"⁶⁹. Nan do Petero oko bedo oko i diakal di nyako ngatic acel oko bino bute di ewaco be, "ida oudo ibedo kede Yesu me Galilaya. ⁷⁰. Do en eko dagi kop gi inyim gin dedede, di ewaco be, "Ango likame angeo gikame wun itienu Yamo."⁷¹. Kakame do eoto kede oko idog erute, nyako ace bobo oko nene di eko waco ne jo audo tie kanono be, "Lo noni da oudo tie kede Yesu me Nasaret. ⁷². Do en bobo eko dagi kop nono di elairo be, "Ango lika angeo loni!"⁷³. Ingei esawa acecek jo kaudo tie cungo i kanono oko bino di iko waco ne Petero be, "Ateteni ida i bedo acel ikom gi, pien Yamo ni nyuti. ⁷⁴. Dido en eko cako lamere kede lairo di ewaco be, "Ango lika angeo icuo n! "Cucuto nono di tongweno kok. ⁷⁵. Di do Petero Yutuno kop kame Yesu oudo oyamo ne be, :di pwodi tongweno lika okok in iyaro daga tien adek. "En do eko donyo oko di eko kok itek.

¹. Kakame piny oni kede, jo dongo me josaseredoti kede jo dongo me jo piny dedede oko cokere pi kelo tam arac ikom Yesu pi mito neke. ². Di gin itieko twene kiko tere tenge, di oko mine icng Ponyias Pilato kamp opedo nga pug adwong.³. Dido Yuda, ngat kame orupao en, kakame eneno kede be ongolo ne kop meto, eko swilaro en kikame, di eko dwoko bobo sente akaya ot adek nogo but jodongo me josaseredoti kede jo dongo me piny. ⁴. Di ewaco be, ango adubo pien ango arupao dano kame likede raco moro, di gin kiko waco be, mano nyo kibut wan? in do inyeo mago. ⁵. Di en eko kiro sente akaya piny itempulo di eko yai, di eko ot, di en eko dere.⁶. Di jodongo me josaseredoti okko kwanyo sente akaya nogo di kiwaco be, likame iswil yei ne wa keto mogi i isan kame okano iye sente, pien ebedo sente kame owilo kede remo. ⁷. Di gin kiko oro kop, di kiko wilo kede sente nogo poto kibut nga cwei agunne, pi bedo kakame koyiko iye jokumbor. ⁸. Geno ikare nono poto no kolwongo be poto me remo, paka tuno tin.⁹. Do eko cobo gikame riki kowaco di wok ibut Yeremia obedo enabi, di ewaco be, di gin kikotero sente ot adek akaya, wel kame oudo oyei culo ikome gin idwe me Isirael en oyei. ¹⁰. Di kiko wilo kede poto me nga cwei aejune bala kite kame Rwot onyuto na.¹¹. Di Yesu oko cungo inyim ngapug me Roma, di ngapug me Roma oko benye, di ewaco be, in en ibedo abaka me Iyudayan? di Yesu oko dwokone be. In en kiwaco. ¹². Di kite kame jodongo me Isaseredoti kede jodongo me piny opide kede, en likame eko dwoko kop moro. ¹³. Dido Pilato oko benye be, mam itie winyo kop atot kame kitie pi di tye? ¹⁴. Di likame eko dwoko ne kop moro, manono oko mino ngapug opedo kede ur adwong twatwal.¹⁵. Nan ikare me ebaga no, ngapug me Roma oudo onare gonyo ne jo Mabus acel, kame gin kimito be gonyi. ¹⁶. Di oudo tie mabus kame wie rac, kame nyinge Baraba.¹⁷. Kakame jo ocokere kede karacel, Pilato di oko penyo gi be, wun imitunu ango agony ngai ne wu? Baraba arabo Yesu kame kolwongo be Kristo. ¹⁸. Pien en oudo engeo be pi nyeho gi en komio otere bute. ¹⁹. Kakame Pilato otieko bedo kede ikom mere me ngolo kop, dako mere oko cwano ne kop, di ewaco be, kuu itim gimoro ikom dano amwol no, pien ango aneno can kede ilek atot iwor atin ni pi en.²⁰. Do jodongo me Josaseredoti kede jodongo me piny oko supo iwak jo be kipeny pi Baraba di oko neko Yesu. ²¹. Ngapug oko dwoko ne gi kop di ewaco ne gi be, ngai kikom jo are gi kame wun imitunu be agony ne wu> GIn kiko waco be, Baraba. ²². Pilato di oko penyo gi be Ango ako timo nyo kede Yesu kame kolwongo be Kristo? Gin dedede kiko waco ne be, wek gure ikom musalaba.²³. Di Pilato oko penyo be, Pinyo? Nyo karac kame en etimo do gin kiko medo kilelem kitek di kiwaco be "wek gure ikom musalaba. ²⁴. Kakame Pilato oneno kede be likame ekanuno? timo gimoro ace, do kwanyo gero en oko cako timere, en eko kwanyo pii, di eko lwoko kede cinge inyim ekodet di ewaco be" Ango alikede racomoro ikome onyo remo me dano amol ni, kop no mako wun.²⁵. Do dwok oko wok kibut jo dedede, di kiwaco be, Remo mere bed ikomwan, kede ikom idwe wa. ²⁶. Kikame eko gonyo negi Baraba eko mino gi, di eko mino kodao Yesu, en ekomine icing gi pi ot gure imusalaba.²⁷. Kikano isirikalen me nyapug oko tero Yesu iyot kame jo cokere kiye, di eko coko inyime isirikalen apat me kuno dedede, ²⁸. Di oko gonyo igoen mege, di oko ngapa ne ekauso akwarkwar. ²⁹. Di kame gin itieko cweno kede ocoro me okuto, gin kiko rwako ne iwiye, di oketo magada icinge tetu cam; di kiko donyo riondiko inyime, di ki nyware, kiwaco be, "yoga abaka me Iyudayan!"³⁰. Di ki ngungulo lan ikome, di kiko kwanyo magada, di iko jwato kede wie. ³¹. Di gin do itieko nyware, kiko gonyo ekanso tenge ikome, di oko ngapone igoen mege, di oko tere tenge pi ot gure ikom musalaba.³². Di oudo tie wok oko, kiko namo kede icuo moro me sirene, Simoni obedo nyinge, en kame gin kiko dino tetek yeno musalaba mere. ³³. Di kakame gin ituno kede kame kolwongo be Gologota, kame dwong mere be, kabedo me cogowic, ³⁴. Gin kiko mine bwini kame onyalo kede gi akec di kakame etieko bilo kede, likame eko mato.³⁵. Di gin kiko gure ikom musalaba, di kiko doko poko igoen mege, di kiuco alulu, me wek kop cobere bala kite kame riki enabi owaco kede, ki pokopoko igoenna bot gin kengi kengi, di kikom igoenna kiko uco alulu. ³⁶. Di kiko donyo bedo piny pi dare ikuno. ³⁷. Di oko guro kiwandik iwie malo me pide kame kowandiko be, MAN EN YESU ABAKA ME YUDAYAN.³⁸

¹. Ii ajikini me ceng me Sabato, dido piny ogeo walar me donyo i ceng me agege me Sabiti, Maliamu Magdalina kede Maliamu ocelu oko bino pi neeno. ². Nenunu ayayangun adwong oudo otimere, pien malaika ka Rwot owokun i malo oko looro kidi tenge kii dog ates, di ekko bedo iwie.³. TUr nyime oudo rieny bala epie, di igoen meege tar bala akako. ⁴. Pi iworo oko miino jo kame tie daaro ates kom gi oko donyo miel, di kiko buto piny bala jo ko too.⁵. Malaika diko dwooko di eyamo ne mon gi be kur ilworunu, pien ango angeo be, wun itieunu mono Yesu, kame oudo ko guro. ⁶. Likame etie kaane, pien en eyaruno, bala kame bin eyamo kede. Bia nu inenunu kakame oudo ko pielo iye Rwot. ⁷. Di ikounu onyaro awaka, i oot iwacenu jo siao megge be en etieko yaruno ikom jo ko too, eoto inyimu i Galilaya; kunono en kame wun iyarounu neene iye: nenunu, ango atieko waco ne wu.⁸. Di gin kiko yai awaka awaka kii ates kede, iworo konyale kede yom cuny ka dwong; kiko ringo teero ne jo siao meege kop. ⁹. Dido gin ki tie oot pi teero ne jo siao meege kop, neni, Yesu oko riamo kede gi, eko waco be, Yoga nu dedede. di gin kiko bino, di kiko mako tiene, di kiko woore. ¹⁰. Yesu diko waco ne gi be, kur ilworunu, ootunu iwacenu imieunango be, gi ooti i Galilaya, en kunono kame gin kibino neenango kiye.¹¹. Dido gin ki tie oot, neni, mogo mogo ikom jo ki piny oko bino i bomba di kiko tatamo ne isaseredotin gi dedede kame oudo otimere. ¹². Kakame gin kiko cokere kede jo dongo, gin kiko udo acora di gin kiko kwaanyo sente katot twatwal kiko miino but ikean. ¹³. Diki waco negi be, ymunu be, jo siao meege obino i wor, di oko kwaale otere di wan onino.¹⁴. Dokon kame kop noni owinyere but gabuna wan omito napakino en, di oko gwooko wun. ¹⁵. Aso gin kiko gaamo sente, di kiko tiimo bala kame kocoro gi kede: dido yamo noni oko sarakin idiere me Iyudayan di eko dong iye paka tin.¹⁶. Jo tomon ki wie acel oko oot oot gi paka i Galilaya, imoru kame bin Yesu ocimo ne gi. ¹⁷. Kakame gin ki nene kede, gin kiko woore, do jo mogo mogo, oko buinikin¹⁸. Di Yesu oko bino diko yamo kede gi di ewaco be twer dedede me malo kede piny ko mio buta ngo. ¹⁹. Pimano, ootunu ipwonyunu atekerin dedede, di ibatiso nu gi kii nying papa kede me wod kede me tipo kacil.²⁰. PWonyunu gi pi rikito gi dedede kame ango atieko cikakino wu iye: nenunu ango atie kede wu didik, paka tunno i ajikini me piny Amanono.

¹. Agege me ejiri ka Yesu Kuristo wot ka Rubanga. ². Bala kame ko wandiko kede iye itabun me inabino be; Nenunu ango acwao ngaor nanago inyima, oyaro iiko yonyayo nin inyim. ³. Dwan dano moro tie ilelem iwi itela di ewaco be, ikunu yongayo ka Rwot, miunu esokot mere cung di oriere.⁴. Yokana oudo tie batiso jo i e itela, di etito ibatisimu me iswilar pi udo isasir me gi kareco. ⁵. Jo dedede me piny me Yudaya kede me Yerusalem oko oot bute di en eko batiso gi, i etau me Yorodan, di gin kituco gi ka reco gi. ⁶. Yokana oudo bin ongapo yerme asigira di etweo piere kede iau: di oudo ecamo obonyo kede mo kic.⁷. En oudo etito di ewaco be, Tie dano moro kame tie bino icen ngea, en edwong eloa ango likame atwero iuro piny me gonyo kede mo kic. ⁸. Ango gira ii ateni abatiso u kede pii; do en eyaro batiso u kede Tipo ka cil.⁹. Kakame do mogo dedede oko kato kede icengere go, Yesu dido oko wok i Nasaret me Galilaya di Yokana oko batiso en ii Yorodan. ¹⁰. Awakawaka dido en ewok oko me pii, en eko neno malo di oyabere, di Tipo oko wokun imalo bino ikome. ¹¹. Di dwan oko wokun imalo di waco be, Yin en woda kame ango amaro, di dokon cunya yom ikomi.¹². Cucuto nono di Tipo ka cil kwanye tere iwi itela. ¹³. Di en eko bedo iwi itela kunono pi cengere ot ongwon, di Sitani tie tame, dokon oudo i eini me itela da tie kanono; do imalaikan oudo tie konye.¹⁴14. Nan do icen ngei rwako Yokana ijera Yesu oko bino i Galilaya, di etito ejiri me Ajakanut ka Rubanga. ¹⁵. Di ewaco be; kare do otieko romo dokon Ajakanut ka Rubanga otieko bino swilarounu do di ikounu yei ejiri.¹⁶. Kakame do en oudo etie oot kede idog nam me Galilaya, en eko neeno Simoni kede omimere Anderea di tie uco bwoni ii nam. Pien gin oudo kibedo jo cik. ¹⁷. Yesu di oko waco ne gi be; Bia ilubanu di ango ako loko u idokunu jo cik jo. ¹⁸. Cucuto nono, di gin kiko jalakino bwoini gi, di kiko lube.¹⁹. Kakame en enyimyiko kede anonok ikanono, en eko neno Yakobo wot ka Sebedayo kede omimere Yokana kame da dokon oudo tie ii ye di tie temuno bwoini gi. ²⁰. Cucuto nono di en elwongo gi; di gin ki weko papa gi ii ye kede nga tic kame bin ko pango di gin kiko lube.²¹. Gin di kiko donyo ipiny me Kaperenaum; di en eko donyo isinagoga iceng me Sabato kede geno pwony cucuto nono. ²². Di gin kiko uuro pwony mere. Pien en epwonyo gi bala dano kame oudo tie kede akarinikin, likame bala jo pwony me iswil.²³. Dokon kii sinagoga kanono oudo bin tie icuo kame oudo tie kede tipo ka rac: di en eko koko. ²⁴. Di ewaco be, yin ba, wek wan, nyo en kame wan opore timo niin, yin Yesu me Nasaret? Benyo, yin ibino me dudubo wan do atwau? Ango angeo ngai kame yin ibedo, yin ibedo acel acil ikom Rubanga. ²⁵. Yesu di ko juke di waco be, napakin di iko wok ikame tenge. ²⁶. Kakame tipo karac oko yayango en kede, di eko kok kede dwan alongo, eko wok tenge me kome.²⁷. Di gin dedede kiko bedo kede ur, pka tuno irom me donyo pepenyun ken-gi ken-gi di ki waco be, kop nyo ine? Pien kede akarinikin, en ecikakino paka tipere ka reco di gin kiko winyo dwane. ²⁸. Cucuto nono di rwonge mere oko sarakin irijonin ko liko Galilaya dedede.²⁹. Ikunono gin kiko wok oko me sinagoga di kiko donyo i ot ka Simoni karacel kede Anderea, Yakobo kede Yokana. ³⁰. Do toto me dako ka Simoni oudo tie buto pien tuo me musuja omake, di gin kiko waco ne kop kamako tuo nono. ³¹. En eko bino di eko mako cinge di eko kiarao en malo, cucuto nono di musuja oko weke, di en eko cako konyo gi.³². Kakame piny oyuto kede, dido ceng odonyo gin kiko kello ne jo dedede kame bin tuo omako, kede jo dedede kame jwogi odonyo ikom gi. ³³. Dokon jo dedede me bomba nono okko cokere i diakal kanono. ³⁴. Di en eko cango toto me jo kame oudo tie kede tuere ka papat, kede dokon riamo jwogi atot atota di likame en eyei negi yamo pien gin oudo ki ngee.³⁵. Kakame piny oru kede, di en eko yai i ot di piny pwodi col, di eko donyo kako ling, en eko donyo lego ikunono. ³⁶. Simoni karacel kede jo kame oudo tie kede oko lube. ³⁷. Kakame gin kiko ude kede, gin kiko owaco ne be, jo dedede tie moni.³⁸. Di en eko waco ne gi be, yaunu ootunu ibomban ki yapi yapi go da tetekeny wek ango atuc ejiri kunono da, pi tien kop nono en ko mio ango abino. ³⁹. Di en eko tuco ejiri sinagogan gi di enaparo Galilaya dedede, di eriamo jwogi tenge.⁴⁰. Adobo moro diko bino bute, di kwae, di yamo be, okwec kame imito, lonya da. ⁴¹. Di Yesu, oko pong kede kisa icunye, di eko cwano cinge, eko mule, di ewaco ne be, ango amito, aso lonyere. ⁴². Awakawaka kame en etieko yamo, cucuto nono di dobo rwenyo ikome tenge, di en eko lonyere.⁴³. Di en eko corakino en itek, di eko cwane tenge. ⁴⁴. Di ewaco ne be, Nen be liki yamo ne ngatamoro kop ni Atwal, do ape i ooti inyutere but esaseredot, di iko kwanyo irabu pi lonyere ni bala kame Musa bin ocikakino kede, pi bedo bala caden but gi.⁴⁵. Do en eko oot, di eko geno tatamo kope ka dedede obukui, paka tuno irom kame Yesu do likame twero donyo kede ibomba kaka ler, do oudo en do edong do bedo iwi tela, dido jo oko donyo bino bute di wok kii adulion dedede.

¹. Didokon en eko donyo ii Kaperanaum Ingei cengere mogo, di kop oko ngiere be en owudo etie iyot. ². Awakawaka jo atot oko cokere karacel pakatuno kede kakame ogamo gi iye oko doko li Atwal paka iton iye ekeko di en eko tito kop butgi.³. Digin kiko bino bute diki kelo dano kame tuo oneko kome di icuo ongwon en owudo tinge. ⁴. Dokon kakame gin owudo likame kitwero tuno kede engete pi alule mejo, gin kiko yabo wiyot malo itu kame en owudo ecungo iye dido kakame gin kitieko ture kede gin kiko cuano dano kame tuo oneko kome nono kede kabuto mere piny.⁵. Kakame Yesu oko neno kede yei gi en eko yamo ne ngatuo be “wudo bal ni otieko sasaro in” ⁶. Do jomogo ikom jo awandik owudo tie bedo kuno gin kiko penyere iicungi be. ⁷. Pinyo bo omio icuo ni yamo acae amano? Ngai en kame twero sasaro bal apat kede Rubanga kenekene?⁸. Awakawaka kakame Yesu ongieo kede icunye be gin kitie pepenyun amanokii dieregi kengi en eko waco negi be pinyo bo en ko mio wun ipepenyunu gigi kii cunyu. ⁹. Oneko kome be Balni otieko sasaro arabo waco nebe yai, diikokwanyo kabutoni di iko ot?¹⁰. Do me wek wun ingiewunu be wot adano tie kede akamikin ipiny me timo kisa ikom bal, en eko yamo but dano kame tuo oneko kome be. ¹¹. Ango awaconi be yai kwany kabutoni di iniko oot ii odi. ¹². Awakawaka en eko yai eko kwanyo kabuto mere di eko oot kii nyimgi pakana mino gin dedede dong kede wur didokon kimio Rubanga deyo, di gin kiyamo be “wan geno likame oneno gimor acal kaman!¹³. Dokon en eko oot inget nam di alule mejo oko cokerere bute di en eko pwonyogi. ¹⁴. Dido en etie beo en eko neno lebi wot Alipasi kanyilo risit me esolo en eko waco yaidi en eko lube.¹⁵. Dido oko timere amane be di Yesu obedo piny pi cam iyode jo rar esolo atot, kede jo dubo da oko bedo karacel kede Yesu kede josiao mege pien owudo gin kitot digin kiko lube. ¹⁶. Dokon kakame jo iwandik kede Iparisayon oneno en di ecamo kede jo rar esolo kede jo dubo, gin kiko yamo ne josiao mege be, etie benyo omio en ecamo kede emato kede jo rar esolo kede jo dubo?¹⁷. Kame Yesu owinyo kede gino en eko yamone gibe jogo kame tie kiber likame mito dactale do jokame tuo: Ango abino likame pilwongo jokopore do pi lwongo jodubo iiswilar.¹⁸. Dokon owudo josiao ka Yokana kede me Iparisayon owudo onao kanyo kec: dido gin kiko bino kiko yamo nebe, pinyo bo omio josiao a Yokana kede me Iparisayon kanyo kec, do megin likame kanya kec? ¹⁹. Di Yesu oko waco negi be, “Benyo idue me ngat ka gwoko eteran kanyo kec di eteran tie kedegi? Likame kiyara bino kanyo kec pi kare dedede kame eteran tie kede gi.²⁰. Cengere bino tuno kame otieko cengere bino tuno kame otieko tero eteran tenge ibutgi dido gin kiko bino kanyo kec iiceng nogo. ²¹. Likame tie ngatamoro kame dapao iduku me egwe anyen ikom egwe oti iwudo be iduku anyen kame odapono bino mano kabedo me acon di eko nyilo iye epone arac adikinicel.²². Dokonda likame tie dano kame keto bwini kanyen ii icupan me bwini oti, iwudo be bwin anyen oyaro belo ecupan oti dibwini oyaro bino bwote piny di icupan kobino ngingidun. Do bwini anyen miero keti iicupan anyen.²³. Dido ekotime, be en ekoot di ebeo iipoto me bel iceng me sabato; di josiao mege oko cako dodoto wi bel digin kiooto. ²⁴. Di Iparisayon oko waco ne en be, Neni pinyo komiogin kitimo gikame iswil likame oyei iceng mesabato?²⁵. Di en eko waco negi be Benyo wun likame isomunu gikame Daudi bin otimo, kame en owudo etie kede rem, di en owudo kec oneke, en kede jo kame owudo tie kede? ²⁶. Epone kame en eoto kede iot ka Rubanga icengere Abiata esaseredot kamalo iswil likame oyei pi camo do ebedo me esaseredotin kenekene, di en eko mino da but jokame owudo tie kede en?²⁷. Dido en eko yamo negi be, ceng me sabato owudo bin otimo pi dano do likame dano otimo pi ceng me sabato. ²⁸Pimano wot kadano obedo Rwot da me sabato.

¹. Di bobon eko donyo iyi ka cokere, di oudo tie icuo kuno kame tie kede cinge atie kede goro. ². Gin gi ko nene kame eromo cange iceng Sabiti, tetekeny giromo rucokino en.³. Di eko waco be ne icuo atie kede cinge atie kede gora be cung anyim. ⁴. Di eko waco but gi, etie ii swil ne timo gi kaber ceng Sabiti arabo timo raco? konyo kuo arabo neko? Do gin giko mako mulem gi.⁵. Di en etieko neno gi kede lilo bedo tururo pi tek me cuny gi, ewaco but icuo, Riei inyime cingi. Di eko riene inyime: Di cinge oko dwoko duc bala ace ca. ⁶. Dido Iparisayon oko oot inyime, di inononi giko penyo tam ibut Erodian, aroinikino en. epone kame giro mo totolo en.⁷. Do Kristo diko yai kede jo siao mege ot inam kede alule me joo katot me Galilaya di oko lube kede me Judea. ⁸. Kede me Jerusalem, kede me Idumaea kede tenge me Jordan, kede gin amako Tyre kede Sidon, alule me joo, di gin gi winyo nyo kadwong ame etimo, oko bino bute.⁹. Di eko waco ne jo siao mege, be yee atididi pore dare pi alule me joo, amamnat gi rida. ¹⁰. Pien oudo ecango atot. komio gin gi cwalere bute pi mule, pien atot udo tie kede tuo karac.¹¹. Kede tipo kalikacil, di gin ki nene, gi ko poto inyime, kede koko be yin ame wot karubanga. ¹². Di en esawanono eko kwenyaro be likame gin ki poore mine ngere.¹³. Di en eko oot malo iimoru, eko iwongo bute ame udo etwero, di gin giko bino bute. ¹⁴. Di en eko wiro tomon iwie are kede gin gi pore bedo kede en kede be en eyaro cwanogi tito kop. ¹⁵. Kede bedo kede teko me cango tuere riamo tenge jwogi. ¹⁶. Simoni eko cako nyinge Petero; Yakobo wot a Sebed iyo kede Yokana amime.¹⁷. Yakobo, eko cako nyinge Boanerges ame tie awobe me dwon adwong kede. ¹⁸. Anderia, Pilipo, Batolameo, Matayo, Tomasi, Yakobo, wot Alpaeus, Thaddaeusi Simoni me canan. ¹⁹. kede Judas Isikariot, ame bobon orupao en: gin gi ko oot iyi ot.²⁰. Di alule me jo oko cokere karacel bobon, tetekeny lika me gi twero camo sana kwon. ²¹. Di jo wolte owinyo, di gin giko wok oko make: Pien gi waco be, etie en kene. ²². Kede jo ka riek koyai piny ii Jerusalem diko waco be etie kede Belesebub, bobon kede prince me jwogi eriamo oko jwogi.²³. Di en eko lwogi bute, eko waco but gi iagole, epone mene kame nyakwor twero riamo oko nyakwor? ²⁴. Kede kame ajakanut opokpokun en kene ajakanut no lika cungo. ²⁵. Kede kame oot opokpokun en kene, oot lika cungo.²⁶. Kede ka nyakwor oyai malo pi en kene, di eko pokere, li kame ecungo do etie kede ajikini. ²⁷. Lika tie icuo adonyo ii ot angat atek di eko dubo jamini mege, kenekene epore ber tweno icuo atek dido en eko dubo ode.²⁸. Ateteni ayamo ne u, raco dedede oyaro timo kisa but awobe ka cuo kede yamo kali kede woro but ngat moro kene kene ame gi yamo ne yamo kali kede woro. ²⁹. Do ngat kame bino waco kop kalikede woro but tipo kacil i: kede kisa do etie irac pi wang me oko. ³⁰. Pien gi waco be etie kede tipo kalikacil.³¹. Di do kobino imiegu kede amiegu mege kede toto mere, di gi tie cungo oko, gi ko cwano kop bute, di gi lwonge. ³². Di alule me joo oko bedo ingete, digi ko waco bute, Neni totoni kede imieguni kede amiaguni oukotie moni.³³. Di en eko dwokonige, be, ngai en totona? arabonat imieguna ara amieguna? ³⁴. Di en eko ngongolo ngin audo tie bedo ingete, eko waco be, Neni totoni kede imieguna kede amieguna! ³⁵. Pien ngat moro kabino timo mit ka Rubanga calobala en etie onina kede amina kede totona.

¹. Di en doko eko cako pwonyo gi idog nam ekodet me joa tot oudo ocokere bute. Di en eko donyo iye di eko bedo linam di ekodet dedede oko dong oko itela. ². Di en eko pwonyo gi jamini atot iye agole di en eko waco negi ipwony mere be.³. Winyunu neni ngacuc bin ooto cuno kodi. ⁴. Kakame en etie cuc kede mogo diko poto ingat yongayo winy me wiyamo diko bino diko camo gi. ⁵. Mogo diko poto ilobo me engaro kakame lobo nonok iye awakawaka di gin kiko susunyo tui pien oudo kili kede lobo apek.⁶. Do kakame ceng orieny kede oko wangi pien kita kame ili kede aliasin gi kiko ner. ⁷. Mogo kikom gi opoto idiere me okuto okuto diko dongo diko ridakino gi likame iko nyak.⁸. Di mogo oko poto ilobo aber diko dongo di kiko nyako anyakini atot mogo ot adek mogo otkayape mogo tol acel. ⁹. Di en eko waco ne gi be ngat kame tie kede it me winyo ewinyi.¹⁰. Di en etie kene jokame oudo tie kede en kede jo tomo iwie are diko penye iye agole. ¹¹. Di en eko waco negi be kibut unkomiou ngeno mung me Ajakanut karubanga. Do kibut gin jokame tie oko gigi dedede timere iye agole =. ¹². Tetekeny gin ki neni do likame kiko ngeno doko kiwinyo do likame kiiko niang me wek ikare moro gin kiko pore lokere di oko sasiro gi idub gi.¹³. Di en eko waco negi ne un li ingeunu agole ni? Epone nyo kame ibinunu ngeno kede agole dedede. ¹⁴. Ngacucu ocuo kop. ¹⁵. Jo ngat yongayo kakame ocuo iye kop. Do kame gin ki winyo sitani diko bino awakawaka diko kwanyo kope kame ocuo icingi nono tenge.¹⁶. Ecal acala da kede magi ame ocuo ilobo engaro engaro jo nogo kame gin ki winyo ki gamo awakawaka kede yom cuny. ¹⁷. Kita kame kili kede alias ikom gi mio gin ki kanyakino pi kare atididi iceri ngee kame cam amoso obino pi kop nono gin kipolo awakawaka.¹⁸. Do kodi kopoto idier okuto en jo kame winyo kop. ¹⁹. Do pi par me lobo ni kede maro abara kede mit me jamini ace ame tie iye ridakino kop kame tie li gi di likame iko nyak. ²⁰. Do kame ocuo ilobo aber en jo kame winyo kop di kiko game di kiko nyak mogo ot adek mogo ot kanyape kede mogo tol acel.²¹. Di en eko waco ne gi be benyo? Ocwinyo etala di oko ume kede ebukit arabo okede idud itanda likame kocibe igucungo me etala. ²². Pien likame tie giko kanere alikame bino ngere arabo gimoro kame okano imung kalikame obino yabo. ²³. Kame ngatamoro tie kede ite me winy epore ewinyi.²⁴. Di en eko waco negi be ketunu cunyu igi ame iwinyunu gikame ipimunu kede en kame obino pimo ne uda kede. Do ngat kame winyo obino mine akalamo. ²⁵. Pien ngat kame tie kede koyaro bino medo mine do ngat kali kede koyaro kwanyo paka ame etie kede tenge.²⁶. Di eko waco be Ajakanut karubanga cal kede ngat ot cuno kodi ilobo. ²⁷. En epore dok buto di eko yai iwor kede iceng doko kodi mere pore tui diko dongo iye pone kalikame en engeo kede. ²⁸. Pie lobo yako anyakini mere en kikome me agege egeo keto pote di eko keto wite Ingei mano dido eko keto nyige iwite. ²⁹. Do kame di anyakini ocek awakawaka en ekwanyo olwete mere udo kare me kac otuno.³⁰. Doko en eko waco bee opurunu Ajakanut ka Rubanga kede nyo, operenu kede agole mene? ³¹. Ecal kede nyige me kodi karadali kame opite ilobo en etididi kalamo kodere dedede me wi lobo. ³²Do ka kotieko pite, etui di eko dongo edoko dwong kalamo yen apita dedede. En eko keto ajange kiyayara, kame mio winy me obar bino ko gedo iye"³³Yesu bin owaco ne jo kope mege di etio kede agole atot apapat bala magi, bala kame oudo kiromo niang kede. ³⁴En bin emaro waco ne gi kope dedede i agole, do ka oudo edong kene kede josiao mege, en oudo eko donyo niango gi i gi dedede.³⁵Otieno me cenge nono, Yesu oko waco ne josiao mege be, " “Ongolunu ber nam ootunu loka tetuca.” ³⁶Di do gin kiko weko ekodet, kiko donyo ii yee kiko tero Yesu da karacel kede gi. Yede apat da oko upere kede gi. ³⁷Yamo atek oko cako buko, ebuka oko cako napunapun i kom yee di pii mogo lepar ii yee, kame oko mino yee oudo tie pong kede pii.³⁸Yesu oudo tie nino ii yee cen i ojwiny, di ebuto eteno wie. Josiao oko cene di kiwaco ne be, “Apwony, mam likame itie neno be oyapununu to?” ³⁹Yesu oko cei, en eko coko yamo di eko waco ne nam da be, “Kwei! Cungi!” Yamo oko cungo, nam da oko kwei cuu.⁴⁰Yesu oko penyo josiao mege be, “Wun ilworunu kamano pinyo? Mam wun pwodi iliunu kede yei?” ⁴¹Do gin kiko bedo kede lworo kede ur atek, di do kiko donyo penyere ken gi ken gi be, “Man do ngai, kame kiton yamo kede nam da winyo dwane?”

¹. Kakame en ewok kede kuno en eko ot ilobo me turgi kikome di josiao mege diko lube. ². Di ceng me sabato otuno en eko cako pwony ikanisa jo atot kame oudo tie winye diko bedo uro. Diki waco be dano ni oudo gigi kituai doko rieko mene kame omie en omio tice adongo timere kicunge. ³. Likame en ebedo ngapac wok ka Maria kobedo omime Yakobo kede Yosa kede Yuda kede Simoni amiegu mege likatie kan kede wa? Di gin kiko cweno kop ikome.⁴. Do Yesu diko waco negi be, enabi oworo ilobere dedede do kwanyo ilobo me tur gi en ilikame owore iye kede idiere me jo cwade mege kede kiton jo me ode da kikome. ⁵. Di en likame eko karuno timo tice mogo atek kuno kwanyo kenekene eketo cinge ikom jo tuo mogo anonok di eko cango gi. ⁶. En eko uro gi pi lime yei di en eko ot di ebeo beo icalere di epwonyo.⁷. Di en eko lwongo jo tomon kiwiere are, di en eko geno cwano gi are, are pi telo ne en yongayo. Di en eko mino gi akarinikin ikom cenyere areco. ⁸. Di en eko ciko gi be gin likame kipore mako gimoro me ot gi. Kwanyo kenekene ebela kur kimaki ikapu amoto mugati amoso sente moro iye isau gi. ⁹. Di ki ngap amuka di likame kiko ngapo ikotin are.¹⁰. Di en eko waco negi be ikabedo kame ibinunu donyo iye iiot bedunu kamono tuno kakame iyaunu kede kiye. ¹¹. Do ngatamoro kalikame bino gamou arabo winyou kame di itienu yai ikuno tengunu adae me tienu pi bedo muijura ikom gi ateteni ango awaco neu be. Pien gikame bino timere ibomba nono iceng me ngolo kop, bino bedo rac kalamo kame bin otimere sodoma kede gomora.¹². Di gin kiko riamo tipere atot diko wiro jo tuo kede moo. Di kiko cengo. ¹³. Di gin kiko riamo tipere atot diko wiro jo tuo kede moo. Dikiko cengo.¹⁴. Kakame abaka Erode owinyo kede kop ikom en pien nyinge bin osarakin kakabor. Di en eko waco be ko yaruno Yokana ng ibatis kikom too pi mano en ko mio tice adongo dongo timere kibute. ¹⁵. Do joa ace waco be en ebedo Elia doko joa ace waco be en enabi arabo acel kikom inabino.¹⁶. Do kakame Erode owinyo kop ni eko waco be mane Yokana ngat kame bin ango angolo wie en kame oyaruno kikom jo koto. ¹⁷. Pien Erode kikom en kame bin ocwao jjo pi mako yokona di dako omimere pilipo kame en bin enyomere kede.¹⁸. Pien Yokana bin owaco ne Erode be iswil likame yei ne li bedo kede dako omini. ¹⁹. En kop no en komio bin kerodia olok kede Yokana di eparo kiton neke do likame eko karuno. ²⁰. Pien Erode bin lworo Yokana. Di en engeo be ebedo dano kame cil di epore en omio Erode bin gwoke kakame en ewiny kede be en etimo jamno atot. Di en eko winye kede yom cuny.²¹. Dido winyo oko make iceng kame Erode oyutuno kede ceng kame ko nywale kede en bin eko iiko cam ne rwode mege atimo kede jo tet isirikalen kede ijakai kabin pugo Galilaya. ²². Kakame nyako kobedo nyar kerodia obino kede iiot di eko mieto miel ko yomo cuny Erode kede jo kame bin en ebedo, Abaka diko waco ne nyako penye giame li imito kibuta ango ayaro miu.²³. En eko ilar di ewaco ne nyako nono be giamoro dedede kame iyaro penyo kibuka ayaro mini akadi adiu me piny kame ango apugo. ²⁴. Di nyako nono oko ot tenge di eko penyo toto mere be nyo kame ango apeny toto mere di ko dwokene be ot ipeny wii Yokana nga ibatis ²⁵. Di nyako nono oko bino iot awakawaka but abaka di eko penye anyo amito be imia wii Yokana nga ibatis ibakuli.²⁶. Abaka di cunye diko tur, do pien kita kame bin elairo kede kede pi jo ame bin etie bedo kede emio en likame eko karuno dagi kop me nyako. ²⁷. Dido abaka diko cwano nga nek awakawaka di ecike be eot ekel wii yokana di en eko oot di eko ngolo wie iot kol. ²⁸. di oko wie di tie ibakuli di eko mino nyako nyako diko mino toto mere. ²⁹. Kakame joor mege owinyo kede gin kiko bino kwanyo kome dikiko kiko piele iye ateso.³⁰. Dido jokame bin winye diko cokere karacel but Yesu diko wacone gi dedede kame gin kitimo kede ame gin kipwonyo. ³¹. Di en eko waco negi be bianu un ikomu iye elet kakame okonu wei iye pi kare anonok pien joa atot tie bino di yai en omio bin likame kikaruno udo kiton kare me cam. ³². Di gin kiko yai iye itela di gin kiko donyo iye imung.³³. Kakame jo oneno gi di kitie ot doko joa atot oudo nge en gi kiko ringo tien gi oko me bomba dedede di gin kiko bino inyim gi dikiko cokere karacel bute en. ³⁴. Di Yesu owok oko eko neno joa att di en eko ot but gi kede kisa adwong pien gin kitie bala oromini kame li kede ngakwat en eko cako pwonyi gi jamini atot.³⁵. Kakame me do ceng tie donyo kede dido josiao mege diko bino bute diko waco ne neni kan tie itela doko nam esawa da okato. ³⁶. Cwai jogi tenge tetekeny kiot ipinye me kio kede icalar diko wilo mugati pien kili kede gi me acama.³⁷. En eko dwoko di ewaco ne gi munu gi gime acama gi kiko waco ne bee benyo okaruno ot di oko wilo mugati me silingi tol are di oko mino di oko mino gi icami? ³⁸. Di en eko waco ne gi be itie nu kede mugati adi ot ber inenunu di gin kitieko ngeno di gin kiko waco ne be otie kede mugati kany kede aporogon are.³⁹. Di en eko ciko gi be miunu gin dedede kibed piny ilum iye ikodet. ⁴⁰. Di gi kiko bedo piny di lubere kede dongo gi ikodeta me jo tol acel kede me jo ot kany. ⁴¹. Kakame en eko kwanyo kede mugati kany kede aporogon are di eko neno malo di emino winyo di eko tuturo mugati di eko mino josiao mege pi keto inyim gi di en eko popoko me gin dedede aporogon are.⁴². Di gin dedede kicamo di kiko yeng. ⁴³. Di gin kiko kwanyo angidi ngidin kadong me mugati kede me aporogin ppong ibukito tomon kiwie are. ⁴⁴. JO kame bin ocamo mugati bin romo jo tutumia kany.⁴⁵. Dido awakawaka en eko mino josiao mege diko donyo iye dikiko ngolo nam loko tuca ibetesaida di pwodi en edong cwano jotenge. ⁴⁶. Di en etieko cwano gi teng di en eko ot iwi moru ilega. ⁴⁷. Di piny otuno atieno ye oudo tie idier nam, di en etie itela kene⁴⁸. Di en eko neno gi di kitie came kwany pien yamo oudo dwong negi bin oudo esawa tuno tomon me obayi di en eko bino but gi di eoto iwi pi kede tiene di en eko mito bala ebei ekat gi. ⁴⁹. Kakame gin kinene kede di etie ot iwi nam kede tiene gin kiko nene bala ebedo tipo moro di gin kiko koko. ⁵⁰. Pien gin dedede kinene di kom gi oko miel pi iworo awakawaka di en eko yamo kede gi di ewaco ne gi be man obedo ango kur ibedunu kede lworo.⁵¹. Di en eko ot but gi iye di yamo diko kwei. Di gin ikom gi kiko bedo ur adwong kame kalamo. ⁵². Pien gin likame kibedo kede iyutun ikom giaura me mugati pien cuny gi oudo nuang.⁵³. Kakame gin ki ngolo kede nam dikiko tuno ilobo me Genesaret di gin kiko donyo idog nam. ⁵⁴. Kakame gin ki wok kede oko me yee jo oko ngeno Yesu awakawaka. ⁵⁵. Di gin kiko ringo rimaro bomba dedede kame kio pi kelo jo tuo kede itandana gi kame Yesu tie iye.⁵⁶. Doko kabedere kame en edonyo iye icalere arabo bomban arabo ilobere jo oudo pielo jotuo gi ilak yoo di kikwae be kitwervmulo egue mere bala kita kame joa tot obedo mule kede di ki cango

¹. Dido Iparisayon oko cokere bute karacel kede jo iwandik mogomogo kowok Iyerusalem.². Gin kiko neeno josiao meege mogo di tie cam kede cing opwokere dwongo mere be kede cing kalikame olwoko gin kiko wudo bal iye. ³. Pien Iparisayon kede Iyudayan kalikame olwoko cing gi cutucutu likame kicamo pi rikito itok me jo adongo gi. ⁴. Dokon kame kidwogo kii atale kwanyo di ki iwokere iber likame kicamo kede jame atot apapat kame gin kigamo pi rikito bala nat iwoko ikompen agunne kede jame me llime kede imesai.⁵. Dido Iparisayon kede joiwandik oko penye be, pinyo bo komio josiao nin likame upere kede itok me jodongo do gin kicamo cam kede cing lakikame kolwoko?⁶. Di en eko dwooko negi di ewaco be, Isaya bin omurao iber ikomun jo isidik bala kite kame owandiko kede be, jogi wora kede dek doggi do cuny gi bor keda. ⁷. Iton wor gi da tie me nono pwony gi da tie iswiliaka kame jo en omoko.⁸. Pien iketunu iswiliaka ka Rubanga tenge di ikounu maako itok me jo ajoa bala nat iwoko agune kede ikompen kede tim ace apapat kame wun imarunu timo. ⁹. Dokon en eko waco negi be, ikounu do becakino dogi iswil ka Rubanga tetekeny wek igwokunu itokuu. ¹⁰. Pien Musa owaco be, wor papani kede totoni dokon ngat kame lamo papa mere arabo toto mere wekenu etoi to.¹¹. Do un iwacunu be, kame dano bino wco ne papa mere kede toto mere be, gini obedo korban kame dwong mere be, gia mia kame koto in iudo kibuta ngo atie ko miino bala gia mia dido danono kobedo agonya. ¹². Di likame ikounu yei ne dokon timo giaber ne papa mere arabo toto mere. ¹³. Ikounu miino kop ka Rubanga doko yaga yaga beo kii itok wu kame un ikelunu dokon itimunu jame atot acal kamano.¹⁴. Dokon kakame en eko lwong kede jo bute ewaco negi be winyanu un dano acel acel ikomu di ikounu niang. ¹⁵. Liame tie gimoro kame wok ki oko me kom dano kame donyo ikome di ko pwokke do kamno kame wok ikome en gigo kame pwoko dano. ¹⁶. Kame dano moro tie kede yite pore ewinyi.¹⁷. Kakame eyai kede kibut jo di eko donyo iyoti, jo siao mege oko penye kop amako agole nono. ¹⁸. Di en eko waco negi be, benyo usa pwodi itieunu abongo niangi? likame ingeunu be gikame wok ki oko ko donyo ii dano likame twero pwoke. ¹⁹. Pien likame edonyo icunye do i aboi di oko cwane ooko i oduru kede yamo nono en eko iooyo cam dedede.²⁰. Dokon en eko waco be gi kame wok ikom dano en kame pwoko dano. ²¹. pien kii dano kii cunye wok iye tam kareco adote isapan nek. ²². Kuuo ingobelel jwok angalo mit karac wang ka rac acae ewaka mingo. ²³. Tim kareco gi dedede wok kii dano ko monao en.²⁴. Ikunono en eko yai di eko oot ipiny me Taya kede Sidon di eko donyo iot di oudo like mito ne dano ngeeno do en oudo like etwero pwono. ²⁵. Pien dako kame nyare oudo tie kede Tipo karac oko wiinyo kop ikome di eko bino di eko poto itiene. ²⁶. Dako nono oudo wok i Gurik kii ateker me Sairopoenisia di en eko cobuno bako doge ekwae pi riamo cen ikom nyare tenge.²⁷

¹. Icengo di ekodet oudo obedo dwong, di kili kede gi me acama Yesu olwongo joor mege bute di eko waco ne gi be. ². Atie kede kisa kadwong but jo pien nan otie ko kede gi ceng adek di likame kicamo gimoro. ³. Nan kame ango awaco be acwaigi imiere gi dikitie rikac kec bino bwon gi iyo pien mogo kikom gi owok ikaka papat koboco. ⁴. Do joor mege oko dwoko ne be tuai ino kame dano twero pito kie ekodet me jo karom kan kiye itela kede mugati?⁵. En eko penyo gi be, itienu kede mugati adi? gin kiko wacone be, mugati kanyaare. ⁶. En eko ciko jo pi bedo piny, eko kwanyo mugati kanyaare di eko mino pwoc, eko tuturo gi, eko mino joor mege pimino jo gin kiko keketo gi inyim jo.⁷. oudo da kitie kede dek nam mogo anonok en ekomino winyo, di eko ciko gi pi keto gi inyimgi. ⁸. Gin kiko camo di kiko yeng: di kiko kwanyo ngide me nugati kodong kame romo ibukito kanyaare. ⁹. Pi jo kame oudo ocamo romo tutumia ongwon di en eko cwano gi tenge. ¹⁰. Awakawaka en eko donyo iyee kede joor mege kiko tuno iye adulio me Dalmanuta.¹¹. Di Iparisayon okobino do di kiko cako penye, di kimookibute gianena kame yai kimalo di ki tame. ¹². Nando en eko oomo cunye kitek di eko waco be pinyo bo kamio iwakni moo gianena? Ateteni awaconeu, likame tie kanen kame obino mino iwak ni. ¹³. En eko yai weko gi di eko donyo iyee bobo eko ot loka tucel.¹⁴. Nan joor mege wigi oudo owil mako mugati do koda likame oudo kitie kede mugati iyee kame kalamo acel. ¹⁵. En eko kwenyoro gi di ewaco be winyunu kwekerenu ikom Arub me Iparasayon kede Arup Erode.¹⁶. Gin kiko gene paro ken gi, di kiwaco be, man otimere pien wan olikede mugati. ¹⁷. Kakame Yesu ongeo kede ewaco negi be, pinyo bo komio Iparerenu pi mugati lineu? pwodi likame itwerunu ngen akidi koto niang? Pwodi cunyu nuang?¹⁸. Itienu kede wangu, do likam inenunu? da itien kede itu do likame iwinyunu? da likame iyutunun? ¹⁹. Kakame agabo kede mugati kany ne jotutumia kany, ibukito adi pong me ngide kame icokunu? gin kiko waco ne be tomon kiwie aree.²⁰. Kakame agabo kede ne jo tutumia ongwon, ibuito adi pong me ngide kame ikoun coko? Gin kiko waco be kanyaare. ²¹. En eko waco ne gi be, Benyo Benyo kame miou likame itweru niang?²². En eko bino i Betesaida dikiko kelo ne atowang moro bute, kiko kwane pi keto cinge ikome. ²³. En eko mako ato wang kede cinge, eko wok kede ok me bomba, kakame enguto kede lau iwange di eko keto cinge likame, eko penye kame di eneno gimoro.²⁴. Eko neno malo, di eko waco be aneno jo bala yen di kitie ot. ²⁵. Ki cen mere eko keto cinge bobo iwange, di eko mine neno malo: wange di oko neno, eko do neno buli dano kiber. ²⁶. Dido eko cwane tenge paco mere di ewaco be, kur ioti ibomba doko kur iyame ngat anoro ki bomba.²⁷. Di do Yesu oko ot tenge, kede joor mege ibomba me sisira ipilipi: iyongaya eko penyo joor mege di ewaco be, jo waco be ango abedo ngai? ²⁸. Gin kiko dwokone be Yokana ngaibtis do mogo waco be Eliya; kede mogo be acel ikm inabin.²⁹. Eko waco ne gi be, do wun iwacunu be ango abedo ngai? do Petero oko dwok di waco ne be, in ibedo Kristo. ³⁰. En eko ciko gi be kur kiyame ngata mero be ngai nen bedo.³¹. En ocako pwonyo gi be wat kadano poore beo iye aramo igiatot di jo dongo jo tel isasirodoti kede jo pwony me iswil di oko bino neke, do icen ngei ceng adek eko bino yaruno bobo. ³². Eyamo mano kakaler, Petero oko kwanye di ewaco ne be gimoro liko yaro timereni di bunano en.³³. Do en eko lokere di eko neno joor mege di eko bunano Petero di ewac be, dwog cen ngea in Sitani! pien likame tam ni wok ki but Rubanga do ewok kibut dano. ³⁴. Kakame elongo kede jo bute joor mege da, en eko waco negi be, ngat kame mito luba ber edogere kene ekwany musalaba mere di eko luba.³⁵. Pien ngat kame bino gwokokuo mere kene bino ruenye, do ngat kame bino yei ruenyo kuo mere pira kede pi kop me ejiri ebino lake. ³⁶. Pien dano bino udo ameda nyo, kame di ebino udo jame me lobo lung, di eko kei kuo mere kiko me? ³⁷. Arabo nyo kame dano bino mino pi seso kuo mere?³⁸. Pi mano, ngat kame lewic bino make kede arabo pi kopena idiere me iwak odubere kede caro ni ada wot kadano da bino make kakame ebino dwogo kede ideyo kapapa mere kede imalaikan kacil.

¹. Do eko waco negi be; ateteni ayamo neu be tie jo mogo kibutu kame nan cungo kar kame likame bino bilo to pakana kakame kibino neno kede jago ka Rubanga di bino kede twer. ². Do ingei ceng kanyape Yesu ako tero Petero kede Yakobo kede Yokana di eko telo negi yongayo pi ot malo me wii moru kangi kengi, kom Yesu ako lokere inyun gi ka nono. ³. Engape mere oko lokere odoko tar liama lianu di en eede ame eda kede tara balan akako ka likame tie ngatamoro kilobo karia ame twero iwoko egoe pakana tar kamanono.⁴. Idieregi Elia kede Musa diko neeno da oudo gi kitie yamo kede Yesu. ⁵. Petero oko dwoko ne Yesu be nga dwong eber twatwal ne wan bedo tie kame da wek oger tarbanakulon adek kari aciel meriwi aciel me ka Musa kede aciel meka Elia. ⁶. Do Petero oudo likame ngeo kame eyami piento iworo otieko wako gi itek.⁷. Do oudo tie polo me owinyo gi, do dwan oko wokun kipo lo diyamo be man en wodo ame amaro winyenu. ⁸. Do kame kingi ngico kakame kitie iye rimaro, likame kineno ngatamoro kwanyo Yesu ken ename tie kedegi.⁹. Dido kitie wor piny, kiwimoru eko minogi aninga cuny be likame kipore waco ne ngatamoro gikame kineno pakana kaka wie wot ka dano bino yaruno kede. ¹⁰. Gin kiko daro kope nogo idieregi di kipe nyere kengi kengi dwongine kop me iyarun.¹¹. Di kiko penye eli kiwaco be pinyo be komio jo pwony me kiswil waco be Elia en kame pore dwogo me agege? ¹². Eneko dwoko di ewaco negi be Elia ateteni bino me agegedi eko dwoko jame dedede kakae kede epone kame kowan diko kede kop ka wot kadano be ebino beo iye acano me jame katot meda kotie ko yiko iye esawa kalikangere. ¹³. Do ayamon en be ateteni Elia oyaro binodo kitieko ti more macalo ko tero gi kede di lubo iwandik kame kowan diko kede pire.¹⁴. Do kakame ebino kede but josiao mege eko neno iwak me jo kibut gi di jome iswil tie pepenyo gi. ¹⁵. Ikanono cucuto kakame kimake kede iko bedo kede ur adwong twatwal di kiringo bute kede muine wor. ¹⁶. Eko penyo jo adongo me iswil be apwony nyo kame un itienu kede bute?¹⁷. Aciel ikom iwak oko dwoko di waco benya dwong ango akeloni atin awobina ame tie kede tipo u arac agenge yamo. ¹⁸. Do kakame tipo woni binone kede rete piny di buo ko donyo kuao idoge en eko dienyo ngururo di ewmodo lake di eko tegerero ngute, ako kwano josiao ni be koto kiriam tipo karac no tenge do likame kiko twero. ¹⁹. Eko dwoko negi di ewacobe okwe un iwakali kede yeini kare karoni nadi ame iunitaun abed kedeu, bobo imitanu angirikino kedeu pikare karom nadi? Kelenu buta.²⁰. Kiko kelo awobinu bute do kakame eko nene kede awaka di tipo canyingi len di eko poto piny ilobo di eko bebelo di buo wok kidoge. ²¹. Eko penyo papani ere be etero kare karom nadi di ginoni timere ne? Eko dwokone be kom cako di pwodi en atin. ²². Do didik rwaco imac kede ipi pi dudubo eudo akwai iuni kica waki kede wa di iko konyawa.²³. Yesu oko waco nebe kame itwero yei gi dedede twerere ibut ngato ngat kame yei. ²⁴. Awakawaka di papame atin kok di eko yamo kede pige wange di mol be Rwot ayei do konya ikom bongo yei na. ²⁵. Kakame Yesu oneno kede be jo dedede tie riuginikaraciel, eko retakino tipo karaca di²⁶. Cuny diko koko di kidwilao di iko wok kibwe eko dong di ewile ipiny ameda toto me jo ogeno be eto. ²⁷. Do Yesu oko make (kwanye) icinge di eko kiarao en malo do eko yai.²⁸. Do kakame ebino kede iot josiao mege oko penye iye owang, be pinyo komio likame wan otwero riamo tipo tenge? ²⁹. Eko waco negi be, magi likame timere atatai, do kiyei iyi lego kede kanyo kec.³⁰. Dido kiko pokere, di kiko ot pakana Galilaya dodi likame emito ngata moro ngei. ³¹. Pien epwonyo josiao mege di ewaco negi be, wot ka dano oyaro keto icing jo kwor da kibino neke, do kame kotieko neke, ebino yaruno iceng me adek. ³². Do likame kiko niang dwong kop no da kiko bedo lwor pi penye.³³. Dido ekobino kopere naum din audo etie i ot eko penyogi be, nyoimonono kame un uodo itienu yamo kenu kenu iye omiang? ³⁴. Do gin kiko dino cuny gi kede omung gi pi en oyongoyo oudo gi kipenyere kengi ke ngi be ngae en kame pore bedo nga dwong? ³⁵. En ekobedo piny di eko lwongo josiao tomon kiwie are di eko waco ne gi be, kame dano woro winyo icunye pi bedo dano me atiek iwi di bobo etie ngatic me atiekinu.³⁶. Di eko kwanyo atin di eko kete diere gi kaka me eketo kede icinge eko waco negi be. ³⁷. Ngat kame bino atin acel iye epone ka me cal balan wan inyingango udo egawango dongat kame gawango do ngat ngat kame owaango (ogamango).³⁸. Yokana okodwokone di eyamo be ngadwong wan oneno dingatamoro riamojwogi inyingin do likame elubo wada wan oko uwine piento lie lubowa. ³⁹. Do Yesu oko waco be kur ikwienu, pien lika me tie dano moro kame bino timo tangu inyingango cera ame bino tamakino yamo bal moro inyingango.⁴⁰. Pien ngat kalikame dagango udo etie merwa. ⁴¹. Pinga kawe wii ikopowe pime amata inying ango udo etie meka Kristo ateteni awaco ueube likame ebino kei neusala mere.⁴². Do ngat kame bino wango yi atin moro katitidiawe pyeeiango udo ber komo tweno kede ingate di oko uce idier nan. ⁴³. Do kame cingi wango yii tonge tenge pien ber in donyo ikuo kalika tiek abongo cingi tetuciel akaka wiuni donyo imac kalika tier awe likame twero pi nekere. ⁴⁴. Kakame kudiling likame to kiye kede mac da likame to.⁴⁵. Bobon da akame tienu nei awanga ic tonge tenge pien ber in donyo yagoo kalika tiek akaka aine tiek da bobo likame eto. ⁴⁶. Kame kudiling likame to kiye bobon wac were da likame to.⁴⁷. Bobo da akame wangi wango yii ber ingare tenge, pien ber in donyo yag ka Rubanga kede wangi aciel akaka wangi are di eko teri iwac kalika to awoto igeana. ⁴⁸. Ame kudiling da likame to kiye bobon mac mere da likame nekere.⁴⁹. Pien buli dano acielaciel kobino lonyo kede wunyo, da bobo bali giayala moro kobino lonyo kede mienyo. ⁵⁰. Kado ber do ce kame kado okei bero mere epone mene kame bobo in ibino mine bobon bed kede mulem diere diere u (ken u ken u).

¹Di Yesu oko yai ki kuno, eko ot i adul me Yudea, loka tetu ecilet me Yorodan: di bobo jo atot oko cokere bute, bala kite kame oudo enare timo kede en eko pwonyo gi. ²Di Iparisayon mogo oko bino bute di kiko penye be, “Iswil yei ne dano riamo dako mere?” man gin oudo kitie timo pi kino doge. ³Do en oko dwoko di ewaco ne gi be, “Nyo en kame bin Musa ociko ne wu?” ⁴Gin kiko dwoko be, “Musa bin oyei ne icuo wandiko baluwa me gonyo nyom di en eko pokere kede dako mere.”⁵Yesu di oko dwoko ne gi be, “Pi nuang me cunyu Musa bin oko wandiko Iswil noni. ⁶Do cako ki agege, i kare me cwec, ‘Rubanga ocweo gi icuo kede dako.. ⁷Pi kop noni, icuo bino weko papa mere kede toto mere, di eko ribere kede dako mere; ⁸Di gin are gi kiko doko kom acel: udo bobo likame kitie jo are do kop acel. ⁹Pi mano, gikame Rubanga otieko ribo karacel, kur ngatamoro poki.”¹⁰Di do kitie i ot, josiao mege oko bobo penye i kom kop noni. ¹¹En eko waco ne gi, “Icuo moro kenekene kame bino riamo dako mere di eko nyomo ace, udo etimo adote ne dako mere. ¹²Kamanono da, dako kame pokere kede cware di eko ot nyomere kede icuo ace, udo etimo adote.”¹³Jo oko donyo kelo idwe atino bute, me wek eket cinge i kom gi, do josiao oko donyo cokocoko jo nogo be iweki. ¹⁴Do kakame Yesu oneno kede tim no, cunye likame oko bedo yom, di en eko waco ne josiao mege be, “Yei nenu idwe atino bin buta, kur igengunu gi, pien Ajakanut ka Rubanga tie pir jo kame cal bala gin.¹⁵Ateteni awaco ne wu, ngat kalikame gamo Ajakanut ka Rubanga bala atin atitidi, likame ebino donyo iye.” ¹⁶En eko tingo gi egongo i kore, eko keto cinge i wi gi, di eko mino gi winyo.¹⁷Di en oudo tie yai ot, icuo moro oko ringini di eko riondiko i nyime, di eko penye be, " “Apwony aber, atim nyo me wek adony ikuo kame bedo nakanaka?” ¹⁸Di Yesu oko waco ne be, “Pinyo komio in itie ilwonga be ngat aber? Likame tie ngat kame ber kwanyo ngat acel kenekene, en Rubanga. ¹⁹Do in ingeo cik gi: ‘Kur itimo adote, Kur ineko, Kur ikwalo, Kur imio ijura me abe, Kur isero, Wor papa ni kede toto ni?’²⁰Lo nono oko dwoko be, “Apwony, abedo gwoko mago dedede cako di pwodi atie eponga.” ²¹Di Yesu oko ngine eko bedo kede amara bute, di eko waco ne be, “In irem kede gi acel kame ipoore timo; oti icat jame dedede kame itie kede, di iko mino but jocan, di iko bino bedo kede abar i malo, di iko riongo musalaba iko luba.” ²²En eko jul pi kope go, di eko ot tenge di cunye otur, pien oudo ebaro twatwal.²³Yesu oko neno tie mere, eko waco ne josiao mege be, “Ebino tin bedo tek benyo ne jo kobaro donyo i Ajakanut ka Rubanga.” ²⁴Kop noni oko neko kom josiao. Do Yesu bobo oko waco ne gi be, “Idwe na, donyo i Ajakanut ka Rubanga tin bino bedo tek benyo ne jo kame geno abar. ²⁵Ebino bedo yoyot ne aguragura donyo ki wang piso kalamo ngabar donyo i Ajakanut ka Rubanga.”²⁶Man oko medo neko kom josiao itek, kiko penyere kengikengi be, “Ngai do kame bino udo alako?” ²⁷Yesu oko ngino gi di eko waco be, “Man likame twerere kibut dano, do eyoyot kibut Rubanga: pien kibut Rubanga gi dedede twerere.” ²⁸Di Petero oko cako waco ne be, “Neningo, wan oweko gi dedede di oko bino lubi.”²⁹Yesu oko dwoko be, “Ateteni awaco ne wu be, “Likame tie dano moro kame oweko paco mere, imiegu kede amiegu mege, amotoko toto kede papa mere, dako arabo idwe mege kiton poti mege pira kede pi ejiri, ³⁰Do en ebino udo tien tol acel i kare noni, ude, imiegu kede amiegu, joatoti, idwe kede poti karacel kede itidil da, kede ilobo kame tie bino en eko bino udo kuo kame bedo nakanaka. ³¹Do jo atot kame nataman tie me agege bino bedo me ajikini, kede jo kame tie me ajikini bino bedo me agege.”³²Di do gin oudo kitie i yongayo me ot Yerusalem, en oudo eko ot anyim. Gin kiko uro adikinicel: kakame gin oudo kitie lube kede, gin oudo ilwor. En doko eko tero josiao tomon kiwie are kargi ken gi, di en eko cako tatamo ne gi kop i kom gikame oudo oyaro timere ne ³³di ewaco ne gi be, “Nenunu, wan otienu ot Yerusalem, do kobino mino Wot ka dano i cing jodongo me josaseredoti kede but jopwony me Iswil: gin kibino ngolo ne kop me to, di kiko mine i cing jo kalikame Iyudayan, ³⁴Di gin kiko bino timo ne tim me acae kede ngungulo lau i kome di kiko dane di kiko neke da, do i ceng me adek en ebino yaruno.”³⁵Di Yakobo kede Yokana, awobe ka Sebedayo oko bino but Yesu di kiko waco ne be, “Apwony, wan okwao be itim ne wa gikame omito.” ³⁶Yesu oko penyo gi be, “Nyo en kame wun imitunu be ango atim ne wu?” ³⁷Gin kiko waco ne be, “Okwai be imi ngat acel kikom wa bed i badi tetu cam kede ngat ocelu i badi ibadi tetu ngodal i deyo me ajakanut ni.”³⁸Do Yesu oko waco ne gi be, “Wun likame ingeunu gikame itienu kwano; benyo, itwerunu uda mato ikopo kame ango miero amati, arabo, ikounu udo batisimu kame miero batiso ango kede?” ³⁹Gin kiko waco ne be, “Wan otwero.” Di Yesu oko waco ne gi be, “Ateteni ibinunu mato ikopo kame ango miero amati, doko da kobino batiso wu kede batisimu kame miero batiso ango kede. ⁴⁰Do mino ngatamoro bedo i bada tetu cam amotoko tetu ngodal, likame ango en kame amio; do kobino mino but jogo kame kotieko iiko ne gi.”⁴¹Kakame josiao icegun tomon oko winyo kede kop noni, gin kiko lilo kede Yakobo kede Yokana. ⁴²Do Yesu oko lwongo gin bute, di eko waco ne gi be, “Wun ingeunu be jo kame poore pugo jo kalikame Iyudayan kipugo gi tetek, doko da jodongo gi tie kede akarinikin i kom gi.⁴³Do man likame epone kame miero ebed kede i diere wu; do ngat kame mito bedo dano kame pire dwong kikom wu, miero ebed ngatic wu, ⁴⁴doko ngat kame mito bedo dano me agege i diere wu, miero ebed epasoit me jo icegun dedede. ⁴⁵Pien Wot ka dano da likame obino pi jo timo ne tic, do en ebino pi timo tic ne jo icegun kede pi jalo kuo mere pi kelo alako but jo atot.”⁴⁶Di do gin kiko tuno Jeriko: kakame Yesu kede josiao mege oudo tie yai kede ki Jeriko karacel kede ekodet adwong me jo, emuduk moro kame oudo maro kwac kame nyinge Batulumayo wot ka Timayo oudo tie bedo i nget yongayo. ⁴⁷Kakame ewinyo kede be oudo Yesu me Nasaret inonono, en eko cako lelemo di ewaco be, “Okwe Yesu Wot ka Daudi, mi kisa maki keda!” ⁴⁸Jo atot oko donyo cokocoko en di ki waco ne be elingi, do en eko meede ameda ilelem di ewaco be, “Okwe Wot ka Daudi, mi kisa maki keda!”⁴⁹Di Yesu oko cungo, di eko waco be lwonge ebin. Di do gin kiko lwongo emuduk, di kiwaco ne be, “Mii cunyi bed nwang, yai malo, en etie lwongi.” ⁵⁰En eko uco egoe mere kame oudo erwao, eko yai malo di eko ot but Yesu.⁵¹Yesu oko penye be, “Imito be atim ni nyo?” Emuduk oko dwoko ne be, “Rwot, mi wanga nen piny.” ⁵²Di Yesu oko waco ne be, “Yai i ot; yei ni otieko cangi.” Cucuto nono wange oko cako neno piny di do en eko upere kede Yesu.

¹Kakame gin kinoko kede Yerusalem, di kitie Betepage kede Betania tetu moru me Olibeti, En eko cwano josiao mege are, ²Di eko waco ne gi be, otunu icalo kame tie inyim wu no; cucuto di itienu donyo iye, ibinunu udo atin me Punda di kotweo, kame dano moro likame obedo iye; gonyenu ikounu kele. ³Do ka dano moro openyo wu be, Pinyo komio itienu timo kamanono? Wacenu be, Rwot en kame mite; awakawaka en ebino mine kodwoke kan.⁴Gin kiko ot, di kiko udo atin me punda di kotweo inget ekeko kakame oudo yote are riamo iye; di gin kiko gonye. ⁵Di jo kame oudo tie cungo kanono oko penyo gi be, Itienu timo nyo, gonyo atin me punda? ⁶. Gin kiko dwoko ne gi kop bala kame Yesu oudo ociko gi kede: di jo nogo oko yei ne gi ot.⁷Gin kiko kelo atin me punda but Yesu, kiko peto ne igoen gi, di Yesu oko bedo iye. ⁸. Di jo atot oko peto igoen gi iyongago; mogo ikom gi oko tongo boke me yen di kiko donyo yaro iyongayo. ⁹. Jo kame oudo telo anyim kede kame oudo lube icen, oko donyo ilelem di kiwaco be, Osana! Tie kede winyo ngat kame tie bino inying Rwot. ¹⁰. Winyo bed i Ajakanut ka papa wa Daudi, kame tie bino inying Rwot: Osana i malo twal.¹¹. Yesu oko donyo Yerusalem, di eko donyo i tempulo, kakame eko tieko ngingico kede jame dedede. Do bala kame piny oudo oyuto kede, omio en eko ot Betania kede josiao mege tomon kiwie are. ¹². Odiko mere, kakame gin idwogo kede yai i Betania, eko mito cam:¹³. Di eko ngoloro yat epigi ikakabobor kame boke oudo oumo, en eko nyiko ikome pi neno ka oudo etwero udo anyakini mogo iye; do kakame etuno kede kuno, en eko udo be yat nono oudo li kede anyakini kwanyo boke en oume, pien kare me nyak gi oudo pwodi likame otuno. ¹⁴. Di Yesu oko waco ne yat be, “Ngatamoro kur bobo cam anyakini ni!” di Josiao mege oko winyo kop noni.¹⁵. Gin kiko tuno Yerusalem, Yesu oko donyo i tempulo eko cako riamo jo kame oudo tie cato kede wilo jame i tempulo ooko, di eko rereto imesai me jo kame oudo seso sente kede gibedo me jo kame oudo cato aweleko iwongiwong. ¹⁶. En likame eko yei ne ngatamoro yeno tero gimoro i tempulo ooko.¹⁷. Di do en eko cako pwony di ewaco be, “Mam owandiko itabu kacil be, Atekerin dedede bino lwongo oda be ot me ilega? Do wun ilokenu edoko kapwono me joyak”. ¹⁸. Kakame joawandiko iswilia kede jodongo me josaseredoti oko winyo kede kop nono, gin kiko cako mono epone me neko Yesu, pien gin oudo kitie kede lworo ikome; pien jo atot oudo ouro pwony mere. ¹⁹. Otieno di ceng tie donyo, Yesu oko yai tenge i bomba.²⁰. Odiko sek kakame gin kitie beo kede iyongayo, kiko neno yat epigi ca otieko tuo cako i aliasin mege. ²¹. Kakame Petero oko yutuno kede gi otimere, eko wacone Yesu be, “Apwony, neningo yat epigi kame in ilamo ca otieko tuo”²². Yesu oko dwokone gi be, “Bedunu kede yei but Rubanga. ²³. Pien ateteni ango awacone wu be, “Ngat kame wacone moru ni be, Mukere iko ot poto i nam di likame ebedo kede gung icunye; do di eko yei be gikame en ewaco go bino timere, gikame en eyamo bino timere ne²⁴. Pi mano, ango awacone wu be, “Gi dedede kame imitunu, ka ilegunu, di iyeunu be itiekunu udo gi, ibinunu udo gi. ²⁵. Doko kame itie cungo di ilego, sasiro ngatamoro kame in itie kede kop moro; me wek Papa ni kame tie malo da kobino sasiro in ikom gikareco ni. ²⁶. Do kame in likame isasiro, Papa wu me i malo likame bino sasiro wu gikareco wu.²⁷. Bobo gin kiko dok Yerusalem kakame En etie ot kede itempulo, jodongo me josaseredoti kede jopwony me iswil karacel kede joadongo me adul, ²⁸. Gin kiko penye be, Akarinikin kangai en kame in itimo kede gigi? Ngai en komi akarinikin nini me timo gigi?²⁹. Yesu oko dwoko di ewaco ne gi be, Ango da ayaro penyo wu peny acel, ka imianu adwokini, ango da abino wacone wu tuai kame ango audo kede akarinikin me timo gigi. ³⁰. Wacanu, Ibatis ka Yokana, eudo twero mere kibut jo arabo ewok ki malo but Rubanga³¹. Gin kiko geno tamo epone me dwoko, di kiwaco be, kame wan owaco be ewok imalo, en ebino waco be, Pinyo bo komio wun likame ikounu yei en? ³². Do ka owacunu be, Ewok kibut jo, gin oudo ilworo jo, pien jo dedede oudo woro Yokana be ebedo enabi ikokome. ³³. Omio gin kiko dwoko ne Yesu be, Wan likame ongeo, Yesu oko dwoko ne gi di ewaco be, Akadi ada likame abino waco ne wu kakame ango audo iye akarinikin me timo gigi.

¹. Di en eko geno yamo kede gi i agole be, icuo moro opito poto me olok di eko gwano, di eko kuny but me bino, di eko gero apama, di eko weko but jo pur, dien eko ot ipiny abor. ². Kakame kare otuno kede di en eko cwano ngatic mere but jo dar poto pi gamo ne anyakini me poto. ³. Do gin kiko make di kiko bunge, di kiko riame abongo mine gimoro.⁴. Di en bubo eko cwano ngatic mere acie but gi, do gin kiko didipo kede kide paka aporeso tu cutu cun iwie di kiko timo ne tim me ieuci di kiko riamo. ⁵. Di bobo en eko cwano ngatic mere acie, di gin kiko neko, kede acie atot, mogo kibungo, do apat kineko.⁶. Oudo pwodi edong kede atin mere aciel, ame emaro twatwal, Iye ajikini mere en eko cwano wode nono. di etamo be kibino bedo kede wor but woda. ⁷. Do dar poto oko donyo yamo kengi be, man en musika mere bia onekenu weki jame ame en epoore sikia go doki megi wan.⁸. Gin kiko teere di kiko make, di kiko neke, dikiko uce ooko me poto. ⁹. Nyo do kame won poto no poore timo? En eyaro bino di eko neko jo da potot, di eko mino potot but jo apat.¹⁰. Do likame wuo isomunu iye iwandik ame waco be, kidi ame jo gedo oko dagi, en oko doko kidi adwong me esonda. ¹¹. Manoni en obedo tim ka Rwot, di etie gi me aura iwang wa. ¹². Gin kiko tamo pi make, do oudo iiworo jo: pien oudo gin ingeo be en oudp eyamo agole noni ikom gin, oko mino gin kiweke di kiko ot tenge.¹³. Di gin kiko cwan iparisayon mogo bute kede jo me ekodet Erode pi ot kino kop awok idoge. ¹⁴. Kame kiko bino kede, di gin kiko yamo ne be, ngadwong, wan ongeo be in itie dano me ateni doko likame iiworo ngat moro pien in likame ineno dano ical mere me oko, do in ipwonyo jo yangayo ka Rubanga i ateni iswil yei ne wa culo esolo but kaisar ara bo li? ¹⁵. Oculi arabo kur oculi? Do kite ame en engeo kede ecuke gi, di en eko yamo negi be, pinyo komio itamanu? kela nu sente wek aneni.¹⁶. Gin kiko kelo ne. Di en penyo gi be cal angai ine kede nying ngai kame tie iye? Gin kiko dwoko ne be, me ka kaisar. ¹⁷. Yesu oko dwokone gi gi eyamo be, miunu but kaisar jame ka kaisar, ikounu mino Rubanga da jame ka Rubanga.¹⁸. Isadukayon oko bino bute, jo ame yabo be iyarun li, di gin kiko penye di kiyamo, ¹⁹. Ngadwong, Musa owandiko ne wan be, kame omine dano oto, do di eweko dako mere di likame enyaiwal kede, ominere tero dako nono, di eko nyuwalo ne kede idwe.²⁰. Aso oudo tie imiegu kanyaare, me agege okonyomo dako, di eko toodi likame eweko kodi moro. ²¹. Me aare da oko tero dako nono, di eko to di likame eweko kodi moro, me adek da amanono. ²². Kanyaare do dedede obedo kede, do likame kiweko kodi moro i ajikini dako nono da oko to. ²³. Nan do iceng me iyarun, kame gin ibino iyarun kede en ebino bedo dako angai i but gi? Pien jo kanyaare no gi dedede obedo kede en bala dako.²⁴. Yesu oko dwoko ne gi di eyamobe mere kop ni en omio wun irwenyo nu pien wun ikwianu giame owandiko, akadi twer ka Rubanga. ²⁵. Pien kame jo bino yaruno kede itoo, likame jo bino nyomere amotoko bobo mino jo inyom, di kibino bedo cal kede imalaikan atie malo.²⁶. Do kop amako jo otoo yaruno, likame isomunu iye itabu Amusa, ekite ka Rubanga oyamo ne kede iye abum di eyamobe.Ango en Rubanga Aburaam, Rubanga Isaka kede Rubanga ka Yakobo? ²⁷. En likame Rubanga me jo otoo, do en Rubanga me jo akuo. Wun irwenyo nutwatwal.²⁸. Ngat aciel kikom jo awandiko iswil oko bino di en eko winyo gi di kitie pien karaciel. Kakame en eko niang kede be Yesu odwoko penyi gi kiber, di en eko penyo be, cik mene en me agege imago dedede? ²⁹. Yesu di oko dwoko ne be, i cik dedede en ine be, winyi in Israel! Rwot Rubanga wa tie acel. ³⁰. Do poore, Maro Rwot Rubanga ni kede cunyi dedede, kede tam kuo ni dedede, kede tami dedede, kede tero ni dedede man en cik me agege. ³¹. Me are yamo kamane. Mari ngakioni bala ekite kame imaro kede komi keni likame bobo tie cik moro kame pire kalamo magonogi.³². Ngai iwandik me iswil nono okko yamo ne be, ngadwong iyamo kop me ateni, pien Rubanga tie acel, doko likame tie Rubanga moro acie. ³³. Doko be mari Rwot Rubanga ni kede cunyi dedede, kede tami ni dedede kede teko ni dedede, di kiko maro ngakio ni bala ekite imaro kede komi keni, man kalamo gi amia me awanga kede giayala. ³⁴. Kakame Yesu oneno kede be, edwoko kede rieko en eko yamo ne be, in likame ibor kede Ajakanut ka Rubanga, ingei mago likame bobo tie ngatamoro oko penyo kop moro.³⁵. Yesu di oko dwoko di etie pwony itepulo di eyamo be epone mene ame jo pwony meiswil yamo kede be Kristo en wot ka Daudi? ³⁶. Pien Daudi da kikome oyamo i Tipo acil be Rot Rubanga oyamo ne Rwot na be, Bedi ibala tetu cam tuno di ango amio jo kwor ni obedo piny me tieni. ³⁷. Daudi da kikome iwonge be Rwot nan do bobo eko twero bedo wode benyo? Ekodet me jo atot oko winyo kede yom cuny.³⁸. Di en eko yamo ne gi ipwony mere be, gwokunu jo pwony me iswil ame maro ot di kingapo igoen kaboco doko di kimaro be di omoto gi iye atalen. ³⁹. Di doko kimaro kabedo adongo isinagoga kede kabedo me malo iye ibagai. ⁴⁰. Gin kiyako jame me mon eka jwogi oto, do pi ecuke gi kiko lego ilega kapor, do gin kibino udo ngal alkalamo.⁴¹. Yesu oko bedo di epimoun kede kame jo keto iye irabu, en eko neno ekite me jo obaro keto atot kede. ⁴². Di dako acware oto, moro anga can da oko bino di en eko kwanyo kapu are kenekene kame rom kede abola aciel.⁴³. Di en eko longo jo pwony mege bute di eko yamo ne gi be dako acware oto ni ateteni en komio irabu atot kalamo jo dedede oketo sente gi. ⁴⁴. Pien jo kobaro okwanyo gi atot kiabar gi, do dako acware oto ni, i can mere ekwanyu gi dedede kame etie kede kame epoore kuo kede.

¹Kakame bin Yesu tie wok kede i tempulo, ngasiao mere acel oko waco ne be, “Apwony, neningo twon kide kede twon gedo gi!” ²Yesu oko dwoko ne be, “Mam in itie neno twon gedo gi? Likame tie kidi akadi acel moro kame bino dong cungo i wi kidi ocelu; kame likame kobino reto piny.”³Di bin Yesu tie bedo i wi moru me Olibeti, kame oudo pimere kede tempulo, Petero, Yakobo, Yokana kede Anderia oko bino bute gin kiko penye i mung be, ⁴“Wac ne wa, awene en kame gigi bino timere kede, doko nyo en kame bino bedo gianena kame bino nyuto be kare noni do oyapuno tuno?”⁵Di Yesu oko cako waco ne gi be, “Gwokerenu me wek kur ngatamoro rweny wu. ⁶Pien jo atot oyaro bino i nyinga di kiwaco be, ‘Ango en Krisito!’ di gin kiko bino rwenyo jo atot.⁷Doko kame iwinyunu kop me yi, kede rwonge me yi, kur cunyu poti, pien manoni miero ber timere, do udo ajikini likame pwodi otuno. ⁸Pien ateker bino yi kede ateker ace, doko ajakanut acel da bino yi kede ajakanut ocelu; doko yangere me piny bino bedo tie kabedo apapat doko kec kede can bino bedo tie: da magi tie agege me aramo me can.⁹“Do gwokerenu; pien kobino pido wu i nyim kansulon, kede kobino bungo wu i sinagogan, doko kobino tero wu cungo i nyim jopug kede i nyim abakai pira, pi bedo ijura but gi. ¹⁰Do me agege miero ber tuc ejiri ne atekerin dedede.¹¹Do kame gin kimako wu di iko tero wu pido wu i nyim kansulon, kur igeunu bedo kede par pi kop kame ibinunu yamo; do kame esawa oromo, wacunu kop kame kobino keto i dogu: pien kop kame ibinunu yamo likame bino bedo megu do kame wok kibut Tipo Kacil. ¹²Pi mano, omin bino mino rupao omimere di oko neko, papa da kamanono but atin mere, kede idwe da bino dagi jonywal gi, di kiko mino koneko gi. ¹³Da jo dedede bino dagi wu pira, do ngat kame bino kanyakino tuno i ajikini bino udo alako.¹⁴“Do kame inenunu gikame munao kabedo kacil me ka Rubanga kame Daniel enabi oyamo di kosipo ikabedo kalikame oudo epoore bedo iye (miero ngat kame tie somo niang dwong mere), jo kame tie Yudea miero do ringi i wi mori. ¹⁵Doko dano kame tie i wi ot kur wok piny pi donyo i ot, amotoko edonyi i ot pi kwanyo gimoro. ¹⁶Doko ngat kame tie i poto kur edok ipaco pi omo egoe.¹⁷Otukwi mon kame oyac kede kame doto idwe i ceng nogo! ¹⁸Legunu, me wek ginogi kur timere i kare me ngico. ¹⁹Pien ceng go can adwong bino bedo tie kame epone mere lem pwodi likame otimere cako Rubanga cweno piny tuno nan, doko da likame ebino timere. ²⁰Doko ka koto Rwot likame omio wel me ceng nogo, koto likame ngatamoro obwot. Do pi jo mege kame en eyero, omio Rwot odwodwoko ceng nogo obedo nonok, oudo koto likame tie dano more odong di kuo: do pi jo kame oyero, kame en eyero; omio en edwodwoko ceng go dong nonok.²¹I kare nono ka ngatamoro owaco ne wu be, ‘Neni, Krisito ine kan arabo be, ‘Neni, en ica kuca; kur iyeunu. ²²Pien jo kame bino cuko be gin kibedo Krisito, kede inabin me angalo oyaro neno, kibino timo gianena kede gi me aura pi ngalo cuny jo, ka koto twerere kiton jo kame oyero da. ²³Do gwokerenu, pien ango atieko waco ne wu gi dedede di pwodi kare gi likame otuno.²⁴Doko i kare nono di do itidil nono otieko timere, wang ceng bino doko col, duwe likame bino rieny, ²⁵acerin bino popoto ki malo, akadi twer kame tie malo bino yayangun. ²⁶Di do gin kiko bino neno Wot ka dano di bino i idoun kede twer adwong kede deyo. ²⁷Di en eko bino cwano imalaikan mege, gin kiko coko jo kame koyero kame tie i bad ongwon dedede me wi lobo, cako ki agege me lobo tuno i ajikini me malo.²⁸Pi mano, siaonu itatam kame yai ki kom yat epigi; Kame ajange mege yoyom di pote ko cako lot, ingeunu kiber be kare me iporo do otuno. ²⁹Iepone acel nono da, kame inenunu gigi tie timere, ngeunu be en do etieko doko iyapiyapi, kom udo do etuno i okeko.³⁰Ateteni ango awaco ne wu be, lwak ni likame bino to dedede, tuno kede di gigi otieko timere. ³¹Malo kede lobo bino rwenyo, do kop nango likame bino rwenyo. ³²Do ikom kop me ceng kede esawa, likame tie dano kame ngeo, akadi imalaikan kame tie i malo, akadi Wot, kwanyo Papa en kame ngeo.³³Gwokerenu, kiunu piny di ilegunu; pien likame ingeunu awene en kame ebino timere kede. ³⁴Pien me ka Wot ka dano bino bedo cal bala dano moro kame tie ot i piny abor, di pwodi likame eyai, eko mino jotic mege tic: ngat acelacel gikame poore en timo, di en eko ciko ngadar adwong pi bedo di ekio piny.³⁵Pi mano, uda bedunu di ikiunu piny, pien likame ingeunu awene kame won ot oyaro bino kede, cengemogo eyaro bino otieno, arabo i dier iwor, arabo tetu obai di tongwen tie koko amotoko odiko. ³⁶Kur bino mere ngoole angola di eko udo wu di ininunu. ³⁷Gikame ango atie waco ne wu, en kame da atie waco ne jo dedede be: kiunu piny!

¹. Icien ngei ceng are oudo ebaga me kalamo kede ebaga me ocamo iye mugati ame anip likame tie ie: jo saseredoti kede jo iwandik oko paro epone kame ki pore make kede ki rieko di kiko tuno neke. ². Do gin kiko yamo be, likame iceng me ebaga, me wek kur jo lokere ne wa.³. Di en eko bedo tie Besani iot Asimoni adobo, kakame en eko bedo kede piny pi cam, dako moro oko bino di emako sanduku me alabasita me moa wel mere tek twatwal, en eko yabo sanduku, di eko onyo mo nono iwi Yesu. ⁴. Do jo ace ame tie kede cuny arac ikom gi oko yamo be, pinyo omio odudubo tie me moni? ⁵. Pien oudo opore koto cate kalamo siringi tol adek di koto oko mino but jo can Gin kiko dony ngur ikome.⁶. Do Yesu oko yamo be, wekunu en kene pinyo omio itienu lole? En itimo tic aber ikoma. ⁷. Pien wun itie nu kede jo can kede wu naka naka pi wun itwerunu timo negi bero do ango likame atie kede wu nakanaka. ⁸. En etimo gi ame etwero, en ebino sek pi wiro koma pi tuno iye aika. ⁹. Ateteni ayamo ne wu, ejiri ni obino tuco iwi lobo dedede, mane ame en etimo obino yamo di oyutuno en kede.¹⁰. Dido Yuda Isikariot ngat aciel ikom jo tomon iwie are, oko ot but jodongo me Isaseredootin pi rupao en but gi. ¹¹. Kakame gin ki winyo kede kiko bedo kede yom cuny, di kiko ciko en pi mine sente. En eko paro epone me cikere kede ikite me jale icing gi.¹². Icieng me agege me mugati arup ti ie kakame ki tieko kede ebaga me kalamo, josiao mege oko yamo ne be twai ame in imito ot oyiki me wek ocami iye ebaga me kalamo? ¹³. En eko cwano josiao mege are, di eyamo ne gi be, otuno ibomba, ikuno icuo ayeo jagi me pi bino riamo kede wu: lube nu. ¹⁴. Kakame en bino donyo iye yamenu won ot aber no be Ngadwong yamo be, agola me wele tie twai, kame ango abino camo iye ebaga me kalamo kede josiao na?¹⁵. En bino nyuto ne wu agola me malo alac ame otieko yiko iber: kanono yikunu pir wa. ¹⁶. Dido josiao mege oko ot, di kiko tuno ibomba di iko udo bala kite kame en eyamo ne gi kede: di gin kiko yiko iber cuto pi ebaga me kalamo.¹⁷. Dido iye sawan me otieno en eko ot kede josiao tomon iwie are. ¹⁸. Kakame gin kibedo kede pi cam, Yesu oko yamo be, ateteni ayamo ne wu be, ngat aciel ikom wu ame tie cam beda omito rupao ango. ¹⁹. Gin di iko geno bedo kede por di iyamo but gi kengi kengi, kara ebedo ango? Bobo dano aceda di yamo be kera ebedo ango?²⁰. En eko dwoko di eyamo ne gi be, ebedo dan aciel ikom jo tomon iwiye are, ameribo kede. ²¹. Wot kadano ateni bino ot, bala kite kame owandiko: do can bino bedo but ngato ngat orupao wot kadano eber oudo kame danono likame onywalo.²². Do kakame ki tie kede cam Yesu oko kwanyo mugati eko mino winyo en eko turo, di eko mino but gi, en eko yamo be, gami cami man en obedo koma. ²³. Di eko kwanyo ikopo, do kakame en etieko kede mino pwoc en eko mino but gi di gin dedede iko mato iye. ²⁴. Di en eko yamo ne gi be, man en remo na me cik ka nyen ame ony pi jo atot. ²⁵. Ateteni ango ayamo ne wu, likame abino mato bobo iye anyakini me olok, tuno kede icengeno ame abino mato kede anyen ijago ka Rubanga.²⁶. Do kama gin kitieko kede wero wer me wor gin kiko ot imoru ne olibeti. ²⁷. Di Yesu oleo yamo ne gi be, wun dedede iyaronu winyo irac pirango iwor atini: Pien owandiko, abino jwato akwat di oromini ko sasarun.²⁸. Do icien mere kame ang ayaruno abino ot ne wu anyim tuno Galilaya. ²⁹. Do Petero oko yamo ne be, akadi bed bala jo dedede winyi kirac do ango liame abino winyo irac.³⁰. Di Yesu oko yamo ne be ateteni ayamo ni be ceng atin di bobo iwor noni di pwodi tong gweno li okok tien are, in ibino dag tien adek. ³¹. Do en eko medo yamo atot kede teko be ame pi ango to kedi likame abino weki iye yamo amanono.³². Di gin kiko tuno ikabedo ame olwongo be Getesemani: di en eko yamo ne josiao mege be dongunu kane wek anho alegi. ³³. Di en eko tero Petero kede Yakobo kede Yokana, di eko geno bedo kede lito atek kede peko adwong. ³⁴. Di eko yamo ne gi be, kuo na tie kede iturur tuno ito darunu ikan di inenonu.³⁵. Di en eko ot inyime anonok di eko poto piny, di eko lego be, kame oudo twerere esawani koto okato ibuta. ³⁶. En eko yamo Abba papa jame dedede twerere ibutin, kwany ikopo ni ibuta tenge do likame ekite amito kede do bala kame in imito kede.³⁷. Di en eko dwogo eudo gi kitie nino en eko yamo ne Petero Simoni wun inino nu? Kara wun likame itwerunu cei pi esawa aciel? ³⁸. Cei wumu di iko nu lego me wek kur idonyunu iye atama. Cuny ateteni mito, do kom nyap. ³⁹. Di bobo en eko ot tenge, di eko lego, di eyamo kope nogo.⁴⁰. Do kakame en edwogo kede, en eko udo gi inino bobo (Pien wang gi oudo pek) akadi koto ngeno giame ki pore dwoko ne. ⁴¹. Di bobo en eko dwogo tien me adek, di eko yamo negi be, mede nu nino nan, di iko nu wei eromo do esawa otuno; neni wot ka dano obino jalo icing jo dubo. ⁴². Yai wunu malo otunu, neni, en ngat ame tie jala otieko do tuno.⁴³. Di do awakawaka di pwodi en itie yamo Yuda di bino aciel ikom jo tomon iwiye are di etie kede kiwak jo atot kede epimai kede akutai owok ibut jo dongo me Isaseredotin kede jo iwandik kede jo adongo me piny. ⁴⁴. Do ngat kame orupao en oudo otieko mino gi anen, di yamo be, ngalo ngat ame ango ayaro noto leme en dano nono udo ino mke nu di iko nu tere tenge iben. ⁴⁵. Dido kame en eko bino kede awaka eko ot paka bute di eko yamo be Ngadwong Ngadwong. Di eko noto leme. ⁴⁶. Di gin kiko make di oko tere tenge.⁴⁷. Di ngat aciel ki kom gi ame oudo cungo ingete di ko woto epima di eko tongo nga tic ka esaseredoti adwong di eko ngolo yite tenge. ⁴⁸. Yesu di ko dwoko di yamo ne be in ibino buta bala but akuo kede ipimai kede akutai pien maka? ⁴⁹. Oudo ango atie kedi buli ceng itempulo owandiko mier cobere. ⁵⁰. Di gin dedede kiko weke di iko ringo.⁵¹. Di atin awobi moro oko lube di etie kede esuka awobi nono oko make: ⁵². Di en eko weko esuka di eko ringo ki but gi nono.⁵³. Gin kiko tero Yesu tenge tuno but Ngadwong me josaseredoti ame oudo ocokere karacel kede Isaseredotin kede jo dongo me piny kede jo iwandik. ⁵⁴. Di Petero oko lube icien kakabor paka tuno idikal me Ngadwong me josaseredoti di en eko bedo kede jo tic di ki yo mac.⁵⁵. Di josaseredoti kede kansulo lung oko paro pi udo ijura ikom Yesu pi mito neke; do likame kiko twero udo moro. ⁵⁶. Pi jo atot mio ijura me abe ikome do bobo ijurak di ga likame riamo karacel.⁵⁷. Dido ngatamoro oko yai diko mino ijura me abe ikome di eyamo be, ⁵⁸. Wan owinye di eyamo be, Abino reto tempulo ni ame otimo kede cing, do iceng adek abino gero ace ame likame otimo kede cing. ⁵⁹. Do akadi da likame ijura gi riamo karacel.⁶⁰. Dido Ngadwong me josaseredoti oko cungo idiere gi, di eko penyo Yesu, di eyamo be in likame iduwoko gimoro? Nyo ine ame gin ki yamo ikomi? ⁶¹. Do en eko dong kede kwei, di liame eko dwoko gimoro. Bobo Ngadwong me josaseredoti oko penye, di yamo ne be, in en ibedo Kuristo wot anga winyo? ⁶². Di Yesu oko yamo be, Ango da ibino neno wot ka dano di bedo ibad tetu cam me cing metwer, da di ebino idowun me malo.⁶³. Dido Ngadwong me josaseredoti oko nyilo egoen mege, di eyamo be, ijura nyo ace ame wan bobo omito? ⁶⁴. Wun itieko nu winyo acae mere, wun iparunu benyo? Di gin kiko ngolo ne be epore to. ⁶⁵. Dido jo ace oko geno ngulo lau ikome di oumo wange, di obape di oyamone be, waci ngai en obapi di jo tic da oko donyo babapo en kede ngei cing gi.⁶⁶. Do kame Petero oudo tie kede idiakal atin nyako aciel ikom jo tic anga dwong me josaseredoti oko bino. ⁶⁷. Do kakame eneno kede Petero di yo mac, en eko ngino di eyamo be ida oudo itie kede Yesu me Naseret. ⁶⁸Do en eko dagi di eyamo be, ango liame ange akadi kolo niang gi are in iyamo. Dido en eko ot orute tong gweno oko kok.⁶⁹. Di bobo atin nyako nono oko nene di ko geno yamo nejo acungo inget gi, eda ngat aciel ikom gi. ⁷⁰. En bobo eko dagi, di do Ingei kare acecek, jo atie cungo inget Petero oko yamo be, ateteni in ngat aciel ikom gi: pien in e Galilayat, da yamo ni nyuto.⁷¹. Do en eko geno lamere kede ilair di eyamo ango liame angeo icuo ni ame wun iyamunu. ⁷². Di tong gweno oko kok tien are, di do Petero oko yutuno kop ame Yesu oudo oyamo ne be di pwodi tong gweno li okok tien me are in ibino daga tien adek kame en eyutuno kede amano eko kok.

¹. Odiko sek di piny otieko ru jo dongo me Isaseredotin oko ariamakin kede oadongo me piny karacel kede joadongo me iswil karaciel kede kansulo lung, kiko tweno Yesu kiko tere iko mine icing Pilato. ². Pilato oko penye be, “In en ibedo abaka me Iyudayan? Di Yesu oko dwoko ne be, “In en iwaco. ³. Jo dongo me Isaseredotin oko pide kede kope atoti, do en likame eko dwoko kop moro.⁴. Pilato bobo oko medo penye be, “Likame tie kop moro kame iromo dwoko? Winy ber kong twon kop kame otie pidi iye” ⁵. Do Yesu likame oko dwoko kop moro, omio do Pilato oko uro.⁶. Bin ikare me ebaga nono oudo en egonyo negi mabus aciel, kame jo mito be egonyi. ⁷. Ikare nono oudo tie dano moro anyinge Barabasi kame oudo omako karaciel kede jo oudo otimo nek ikare me logologo oudo otimere kede ipiny. ⁸. Ekodet me jo oko cokere, di kilelemo itek kiko penyo en pi timo ne gi bala kite kalem etimo negi kede sek.⁹. Pilato oko penyo gi be, imitunu agony ne wu Abaka me Iyudayan? ¹⁰. Pi en oudo engeo be jodongo me josaseredoti omio Yesu bute pi nyeko. ¹¹. Jodongo me josaseredoti nogo oko donyo supo cunyi ekodet pi en gonyo ne gin Barabasi.¹². Pilato bobo oko medo penyo ekodet be, Nyo ame wun imitunu be ako timo ne ngat ame wun ilwongunu be Abaka me Iyudan? ¹³. Gin kiko dwoko di kilelemo be, gure iyat aria.¹⁴. Pilato bobo oko penyo gi be, Pinyo nyo araci kame en etimo? Do gin kiko mede kede ilelem itek gure iyat aria. ¹⁵. Do pi kite kame Pilato oudo mito kede yomo cuny jo omio en eko gonyo ne gi Barabasi, di eko mino kodao Yesu, di eko mino icing isirikalen pi ot gure.¹⁶. Isirikalen oko tere i ot adwong me apugan kiko lwongo isirikalen icegun dedede. ¹⁷. Kiko ngapone ekanso akwakwar di kiko dolo okuto kiko ngapone iwie. ¹⁸. Kiko cako mote be, yoga abaka me Iyudayan.¹⁹. Gin kiko jwate iwie kede ebela, di iko ngungulo lau ikome, di kiriondiko piny di kimie wor. ²⁰. Kakame gin kitieko timo ne kede tim me anywar nogo, kiko gonyo egoe akwakwar nono, di kiko ngapo ne igoen mege dido kiko tere ot gure. ²¹. Kiko dino icuo anyinge Simoni pi yeno bat aria ka Yesu. En oudo eyai kipaco etie ot ibomba Simoni oudo obedo papa me Alekesanda kede Rupus.²². Kikotero Yesu kabedo kame kolwongo be Gologota kame dwong mere be, “kabedo me cogo” ²³. Gin kiko mine bwini kame konywalo kede maya doen gire eko dagi mato. ²⁴. Kakame gin kiko tieko gure kede iyat aria di kiko popoko igoen mege di kiuco, alulu pi neno gikame ngat acelacel poore tero.²⁵. Kiko gure iyat aria iye esawa adek me odiko. ²⁶. Iwandik kame oketo malo iwie kame nyuto kop kame kopide iye yamo be, “Abaka me Iyudayan.” ²⁷. Di doko iko guro jo kuo are da kede acel ibade tetucam kede acel ibade ngodal. ²⁸. Dido iwandik kacil kame yame be, okomare di oribe ikom jo tur iswil oko cobere.²⁹. Jo kame oudo beo kuno yayango wi gi ki yamo ne kop me anywar be, Ee in oudo iyamo be iyaro tuturo tempulo di bobo iko gere pi cieng adek. ³⁰. Nan do lakere keni di iko wok piny ki yataria.³¹. I epone acel nono da jodongo me josaseredoti karacel kede jopwony me iswil oudo yamo kengi kop me anywar be, En leme lako jo apat do likame etwero pi lakere kene. ³². Ber kkong Kuristo abaka me Israel wok piny nan, ki yat aria, wek wan oneni di oko yei” jo kame kogure kede da oko donyo cane.³³. Iye esawa kanayape me icieng piny lung oko doko col tuno iye esawa kanyangon me otieno. ³⁴. Iesawa kanyangon Yesu oko kok kede dwan amalo di be “Eloi Eloi, LEMASABACHTHANI” kame dwong mere be, Rubanga na, Rubanga na, pinyo komio ijala? ³⁵. Jo mogo oudo tie cungo kun oko winyo kope gi kiko yamo be “Winyunu etie iwongo Elia”³⁶. Dano aciel ikom gi oko ringo di eko rwako ecango ibwini awac, di eko rwako iwii atadi di eko mino bute be emati, di eko yamo be wek onenunu kame Elia oyaro bino kwanye iyat aria. ³⁷. Yesu oko kok kede dwan amalo eko omo cunye di ko to. ³⁸. Di egoe kame oudo poko isenge me tempulo oko yec tien aare cako kimalo tuno piny.³⁹. Kakame Ngadwong me isirikalen kame oudo tie cungo ingete tucel owinyo kede koko mere kede ekite eto kede eko yamo be ateteni icuo obedo wot ka Rubanga. ⁴⁰. Mon mogo oudo tie kuno kame oudo tie nene kitenge kikom gi oudo tie iye Maria Magadalina, Maria toto me Yakobo, atidi kede Jose kede Salume. ⁴¹. Kame bin oudo etie kede Galilaya, oudo mon nogi obedo jo kame lube, di kikonye karacel kede mon acie atot kame oudo oupere kede en tuno Yerusalem.⁴². Di piny oyuto piento oudo ebedo cieng me likere cieng kalubo Sabato. ⁴³. Yosepu me Arimatea obedo dano me kansulo kame oworo kame oudo tie kuro pi bi me Ajakanut ka Rubanga, oko bino di eko bedo kede nwang cuny di eko ot but Pilato di eko penyo kom Yesu. ⁴⁴. Pilato oko bedo kede ur kame ateteni Yesu otieko to. En eko iwongo Ngadwong me isirikalen di eko penyo kame Yesu otieko to.⁴⁵. Kakame eudo niang kibut Ngadwong me isirikalen be Yesu otieko to, en eko mino kome but Yosepu. ⁴⁶. Di en eko wilo igwen acil eko kwanyo kome piny di eko bono kede igwen nogo di ekotero di eko pielo iye atesi kame oudo oroko ilela. En eko loro kidi eko umo kede dog atesi nono. ⁴⁷. Maria Magadelena kede Maria toto me Jose oudo tie neno kame otie keto iye kome.

¹Kakame ceng me Sabato okato kede, Maria Magdalina kede Maria toto me Yakobo kede Salome di kiko wilo moo kame ngece kur me wek tetekeny gi ibin iko wiiro kede Yesu. ²Odiko sek i ceng me agege me sabiti, di gin kiko bino i ates di ceng tie malo wok.³Gin kiko cako penyere kengi di kiwaco ebe, Ngai kame bino loro ne wa kidi tenge i ates? ⁴Do kakame gin kiko neno kede, kiko neno ebe oudo otieko loro engaro tenge idog ates, pien kidi nono oudo dwong twotwal.⁵Do kakame gin kiko donyo kede i ates, gin kiko neno icuo awobi di tie bedo ibad tetu cam di engapo egwe abor atar, di lworo oko mako gii. ⁶Di dano noni oko waco negi ebe. kur ibedunu kede lworo, wun itienu momo Yesume Nasaret kame koguro. En eyaruno, En likame etie kan, bianu inenunu kakame gin bin ipiele iye ine. ⁷Do yanunu iotunu di ikonu waco ne josiao ace kede Petero be, en etieko telo newu anyim Galilaya, ibinunu ikunono bala kame en oudo ewaco newu.⁸Di gin kiko wok oko awakawaka iko ringo tenge i ates pien kom gi oudo tie miel doko lworo oudo omako omio likame kiko waco kop moro ne ngata moro pien oudo loworo omako gi.⁹Do kakame Yesu oyaruno kede odiko sek iceng me agege me sabiti, en eko geno nyutere but Maria Magdalin kame bin en eriamo tipere kanyare ikome. ¹⁰DO en eko ot tatamo ne jo kame Yesu udo bedo kede pien oudo kitie iturur kede kok. ¹¹Do kame gin kiwinyo be Yesu kuo, kede da be Maria Magdalin onene, gin likame kiko yei.¹²Ingei man Yesu bobo diko nyutere but jo are kikom gi ical apat di oudo kitie ot icalo. ¹³Do gin kiko ot kiko waco ne jo icegun kame oudo odng do gin likame kiko yei kot gi.¹⁴Ingei mano Yesu bobo oko nyutere but josiao tomon kiwie acel di oudo kibedo cam. en eko bunano gi pien gin bin kili kede yei bobo cuny gi nwang pien bin likame kiko yei kede kop me jo konene kakame en eyaruno kede. ¹⁵Di eko waco ne gi be, otunu iwi lobo dedede di iko tuco ejiri ne gi acwea dedede. ¹⁶Ngat kame bino yei di oko batiso en, ebino udo alako do ngat kalikame bino yei kobino ngolo kop loe.¹⁷Do gianena gi bino lubo jo kame bino yei beo inyinga gin kibimo riamo jwogi, gin kibino yamo kede leb kanyen. ¹⁸Gin kibino mako twole doko akadi gin kimato gimoro kame neko, likame bino mino gin awanon gin kibino keto cing gi ikom jo tuo di iko cango.¹⁹Dido Rwot bin otieko yamo kede gi, oko tere malo di eko bedo ibad tetu cam ka Rubanga. ²⁰DO gin kiko mede ot di ki tuco ejiri kadedede, oudo Rwot tie kede gi di emoko kop gi beo igianena.

¹. Bala kite kame jo atot akwany kede kare diki koketo kakare tuco kede keto kakare jamini kame wan oyei kiber idiere wa. ². Akadi bala kame gin kimio wan, kame iye agege obedo ijurak kame onono kede ang gi di bobo kibedo jo tic me kop. ³. Ebedo ber na aba di audi niang ateni me jame dedede iye agege me wandikoneu kakare di eber kiber beo kibut Teopilo. ⁴. Me wek un nyero ingeunu amok me jamini go kame oudo acorou iye.⁵. Oudo tie iikare kerode kabaka me Yudaya nysasirodot moro kame nyinge sakaria kame oudo tie kame Abija telo kame dako mre oudo obedo acel ikom anyira karoni kame nyinge oudo Elisabeti. ⁶. Gin dedede oudo kipoore inyim Rubanga doko di lilubo cik dedede kede iswiliaka diki li kede kopmoro kame ko caoi iye. ⁷. Gin oudo likame kitie kede atin moro, pien Alisabeti oudo obedo adonge, doko oudo gin kiti da.⁸. Kare di kotuni kame en oudo epore timo kede tic mere me nyasasirodot inyim Rubanga wange mege. ⁹. Di lubere kede itok me wang tic me nyasasirodot kare mere en oudo otuno me mino mot awanga itempulo kaRwot. ¹⁰. Ekodet me jo dedede oudo tie ilega ioko iye esawa a me mino giamia awanga.¹¹. Dido ikanono malaika ka Rwot di koneeno ne di itie cungo icinge tetu came alutari me wango giamia. ¹². Kakame sakaria onene kede kome oko to lworo di ka poto ikome. ¹³. Do malaika di ko waco nebe kur ilwori sakaria: Pien lego ni kowinyo; pi mano dakoni Elisabeti oyaro nywaloni atin awobi in iyaro cakone nyinge be Yokana.¹⁴. In iyaro udo yom cuny kede kilel jo atot bino lelo pi nywalere mere. ¹⁵. Pien ebino beda dwong inyim Rwot likame ebino mato gimoro kame mero aledi giamata moro kame kec. Do en ebino pong kede Tipo kacil cako kiitoto mere.¹⁶. Dokon da en bino loko idwe me Isirael but Rwot Rubanga gi. ¹⁷. En ebino telone yoo i Tipo kede teko Elia pi loko cuny jo nywal but idwe gi kede jo kalikame wor dwoko gi iyangane Rwot.¹⁸. Sakaria oko waco ne malaika be, abino ngeno kop gi benyo? Pien ango abedo dano atii, dakona da mwakini mege okato. ¹⁹. Nando malaika oko dwokone di wace be ango Gabriel kame atie cungo inyim Rwot Rubanga kocwaa pi bino yamoni kede nyuto kop gi me yom cunu. ²⁰. Dokon neni in Lebi oyaro too likame itwero yamo tuno kede ceng kame kop gi oyaro bino cobere kede pien in likame iyei kede kop na kame ayaro bino cobere kare gi otuno.²¹. Nando jo oko bedo daro Sakaria diki dong kede ur pien egal pi kare alac Itempulo. ²². Kakame edwogo kede oko likame ekotwero yamo kede gi gindi kiko niang be eneneno gianyuta itempulo. Pien ebedo pooro negi apora di li etwero yamo. ²³. Nando kare oko tuno bala kite kame kare me tic oko tiek en do eko yai dok ture iode ikome.²⁴. Icen me ceng go dako mere Elisabeti di oko yac di eko ot pwono pi twete kany di ewaco be ²⁵. Buu okwe nado Rwot otio ikoma ikare kame enena kede pi kwanyo acae na kiut jo.²⁶. Itwete kanyape malaika Gabriel Rubanga oko cwene ibomba me Igalilaya kame olwongo be Nasaret. ²⁷. But nyako kame anero nyom kede awobi kame nyinge Yosepu kame wok ki Degele ka Daudi nying nyako apunga nono oudo Maria. ²⁸. Malaika oko bino bute di eko wacone be yoga Maria Rwot tie kedi in nyawinyo Rwot ogamiin idyer mon. ²⁹. Kakame eneno kede kop nono oko neko kome en eko donyo paro dwong kop nono en eko keto kop nono icunye epone amot kame omote kede be man dwong mere nyom.³⁰. Malaika di ko waco ne be kur iwori Maria pien Rubanga ogami. ³¹. Nan neni in iyaro yac iye auris ni di ikonywalo katin awobi di iko cako nyinge Yesu. ³². En eyaro bedo dwong di oko bino lwongo nyinge be wot kanyamalo twal: Do Rwot Rubanga bino mine kom kakwarumere Daudi. ³³. En ebino pugo iiyot kayakobo mwaka kede mwaka. Di Ajakanut mere bino bedo likede ajikini.³⁴. Maria diko waco ne malaika be, man bino timere benyo neni ango pwodi likame abuto kede icuo. ³⁵. Di malaika oko dwokone be Tipo kacil oyaro bino donyo ikomi kede twero me mato oyaro umii pi mano da giacil na kame iyaro nywalo kobino iwonge be wot ka Rubanga.³⁶. Neningo ber nyar kaneri Elisabeti eda eyac awobi imwakini me dongo kame nando etie kede twete kanyape en ngat kame oudo kolwongo be adonge. ³⁷. Pien kibut Rubanga likame tie gikame liatwere. ³⁸. Nando Maria diko waco be, neni nyako nyatic ka Rwot wek ebedi bala kame kop ne waco kede malaika di ka yai tenge kibute.³⁹. Maria di koyai icengo eko ot iye adul kimukurur i bomba me Yuda. ⁴⁰. Di eko donyo iyot Asakaria di eko moto Elisabeti. ⁴¹. Kare di kotuno kam Elisabeti owinyo kede amot kamaria atin diko somo iiye pi kilel iye auris mere di Elisabeti oko pong kede Tipo kacil.⁴². En eko yamo kede dwan amalo di ewacobe itie kede winy in idyer mon, da tie kede winyo kadi me ii auris ni. ⁴³. Man en nyo kibita, me toto me Rwot na bino buta? ⁴⁴. Pi neni awakawaka iye esawa kame awinyo kede dwan me amot koyai ibuti atin di ko somo iiya ki iiya auris na pi kilel. ⁴⁵. Da tie kede winyo en ngat kame oyei be gikame Rwot oyamone bino cobere ikome.⁴⁶. Maria diko waco be cunya miyo Rwot dwongo. ⁴⁷. Cunya olelo i Rubanga nyalak na.⁴⁸. Pien en eneno kede kisa ruom kapiny kame ango apasoit mere atie iye: pi mano neni geno nan kede ikare kame bino tiek iwak dedede bino iwogabe ango nyawinyo. ⁴⁹. Pien wan akarunikin otimona jamini adongo nyinge cil.⁵⁰. Kisa mere tie but jo dedede kame iwore ilwak kede iwok. ⁵¹. En enyuto teko mere kede bade; eko sarakino jo ewaka itam me cunyigi.⁵². Ekwayo di eketo piny wegi akaruni kin yai ikomini gi di eko kiarao jo me ruom apiny. ⁵³. Epito jo akec oneko kede jamini abeco; jo abara di eko riamogi tenge kede cinggi nono.⁵⁴. Ekonyo Epasoit mere Isirael kiye kiyutun me kisa mere. ⁵⁵. Eyamo kede jo apapi wa, Abraham kede kodi mere mwaka kede mwaka.⁵⁶. Maria oko bedo kede tieko dwete adek dido eko dwogo iyode ikome. ⁵⁷. Nan do Elisabeti kare mere me nywal oko tuno eko nywalo atin awobi. ⁵⁸. Di do jo kio mege kede jo awade mege kakame kiwinyo kede kite kame Rubanga omio kede kisa mere adwong bute kinywako lelo kede karacel.⁵⁹. Dido kare arom ceng kanyauni kikelo atin pi akepo di kicako nyinge be sakaria bala papa mere. ⁶⁰. Toto mere oko dwoko di ewacobe liame amano do kobino iwonge be Yokana. ⁶¹. Gin kikowacone be likame wadu moro kame kolwongo kede nying no.⁶². Di kiko mino papa mere anyut me pone mekite kame epore lwonge kede. ⁶³. En eko penyo pi mine giame en opoore wandiko iye di eko wandiko iye be nyinge Yokana gin dedede kiko uro.⁶⁴. Lebi koyabere iye esawanono awakawaka dido eko cako do yamo kede do pako Rubanga. ⁶⁵. Lworo di ko poto ikom jo dedede kame oudo obedo rimaro gi Rwonge ni di oko sarakin romo pi dedede me Judea. ⁶⁶. Ikede jo dedede kome awinyo gi oketo gi icunygi di ki waco be epone me katin me ine di cing Rwot oko be tie ikome.⁶⁷. Di papa mere sakaria oko pony kede Tipo kacil di ekotiet di ewaco be. ⁶⁸. Deyo bed but Rwot Rubanga me Isirael pient ewelao kede lako jomege.⁶⁹. En ekiarao malo tung me alako pirwa kiot me Epasoit mere Daudi. ⁷⁰. Bala kite kame eyamo kede idog inabino mege kacil kame oudo obedo tie geno gere me lobo. ⁷¹. Me wak wan olakere icing jo kwar wa dedede kede kicing jo dedede kame dagi wa:⁷². Picobo kisa me isikan kame ecikere kede papiwa. Kede pi yutuno isikan mege kacil. ⁷³. Ikwong kame en ekwongo kede papawa Abraham. ⁷⁴. Be eyaro mino wa be wan pore bwot kicing jo kwor wa me wek wan otine abongo tworo. ⁷⁵. Iicilo kede poore inyime ikare dedede me kuo wa.⁷⁶. Iin atin kobino lwongi be enabi kawan akarunikin: pien in kame ibino geno telo ne Rwot yoo pi iiko yote mege ⁷⁷. Pi mino ngec me alako but jo mege pi kwanyo gikare cogi.⁷⁸. Pi mino cuny me kisa ka Rubanga kame lia jik komeruu me piny acel acel kelo pi welao wa. ⁷⁹. Pi mino lero but gi jokame bedo icolo kede itipo me too, pi gwoko tien wa iyongayo me mulem.⁸⁰Atin oko dongo di eko mete bedo tek icuny iye itela paka tuno kede kare mere me nyutere iye Isirael.

¹. Ikare no Kaisari Agusito oudo owoto iswil be pore wandiko nying jo dedede kame tie ippiny kame en epugo. ². Wandiko nying jo ni kotimere di kririno en oudo obedo ngapug me Siria. ³. Di do jo dedede oko ot pi wandiko nying gi, ngat acelacel ibomba me turgi.⁴. Yosepu da di ko yai ki bomba me Nasaret kame tie i ppiny me Galilaya en eko oot ibomba aka Dauidi ilobo me Yudaya ame olwongo be Betelekem. En kakame bin oudo onywale iye doko da oudo eda dano me ekeko nono doko akwar aduadi. ⁵. En oudo eoto pi wandiko nyinge kede wandiko nying Maria dako kame oudo ecikero kede pi nyomo, do Maria oudo oyac.⁶. Ikare kame oudo gin kitie kede ki ber elekem ceng mege me nya=wal oko tuno. ⁷. En eko nywalo atin awobi kao mere di en eko ume kede igoen me mukeru di eko piele ia atuba me cam me dok, pien gin do oudo likame ki Sobolo udo kabedo iot me wele.⁸. Bin jo kwat oudo tie ipiny nono kame oudo tie ibar gwoko Romingi iwor nono. ⁹. Malaika ka Rwot oko neeno but gi, di deyo ka Rwot oko rieny olukogi, lworo oko mako gi kitek twatwal.¹⁰. Di do ibedunu kede lworo, pien akelo newu kop aber me kilel adwong, kame oyar bino but jo dedede. ¹¹. Pien tin konywalo ne wu ngalak ibomba ka Daudi, en Kristo Rwot gi kame bino nyuto ne wai en ime. ¹². Ibinunu oot iko nu udo atin di koumo kede igoen me mukeru di etie buto iatuba me cam me dok.¹³. Cucuto nono di ekodet kame oyai ki malo oko neeno karacel kede malaika nono di ki pako Rubanga di ki waco be. ¹⁴. Deyo bed but Rubanga kame tie imalo twal kede mulem bed ilobo but jo dedede kame cunye yom ikom gi.¹⁵. Kaka me bin imalaikan nogo oyai kede tenge geno yamo kengi ken gi be "ootunu wada ber Beteleke, onenunu gikame otimere noni kame tin Rubanga omeowa ongeo. ¹⁶. Gin kiko oot awaka awaka di kiko udo Maria kede Yosepu di atin tie buto iatuba me cam me dok.¹⁷. Kakame ki neno kede atin, ki ko tatamo gi dedede ka me malaika owaco ne gi ikom atin nono. ¹⁸. jo dedede kome bin owinyo kope nego oko ura twatwal gi kame jokwat owaco negi. ¹⁹. Do Maria oko kaano kope nogi dedede di eparogi icunye. ²⁰. Jokwat oko dok di kimio deyo but Rubanga di pake pi gi dedede. Kame oudo kiwinyo kede kame nineno, bala kite kame imalaikan oudo owaco ne gi kede.²¹. Di do ceng kanyauni oromo, pi kepo atin, oko cako nyinge, nying kame oudo malaika bin ociko di likame pwodi koyace be cak ne.²². Dido kare me lonyere mere oromo bala kito kame iswil ka Musa oudo mito kede, Maria kede Yosepu di ko tere Iyerusalem pi mine i cing Rwot. ²³. (Bala kite kame owandiko kede iswil ka Rwot be"buli atin kao dedede kame yabo yic kobino mino gi bala gi ka cil Rwot"). ²⁴. Di gida kiko mino giayala bala kite kame oudo iswil ka Rwot waco kede be" Aman are arabo ilukeu atitino are."²⁵. Ikare nono oudo tie icuo moro Iyerusalem ame nyinge Esimoni. En oudo icuo kopere doki di eketo kwo mere iworo Rubanga, di ekuro neno epone kame Rubanga bino kweno kede cuny jo me Isirael en oudo epong kede tipo kacil. ²⁶. Tipo kacil ooudo otieko mine ngeno be likame ebino to tuno kede di eneno Kristo ka Rwot.²⁷. Tipo kacil oko telo Esimoni itempulo kakame jo nywal me atin Yesu okele kede itempulo pi timone gikame iswil mito. ²⁸. Esimoni oko tingo atin di eko mino pwot but Rubanga di ewaco be. ²⁹. Rwot nan do itie mino nyatic ni ooto kede mulem bala kame bin iwaco kede.³⁰. Pien wanga otieko neno alako ni. ³¹. Kame in itieko iko di do dedede neno. ³². Lero kame nyuto mit nin but jo kam likame Iyudayan kede kame kelo deyo but jo ni me Isirael.³³. Yosepu kede toto mere oko bedo kede ur adikinicel pi gikame Esimoni owaco ikom atin. ³⁴. Esimoni oko lamo ne gi winyo di ewaco ne Maria toto me atin be "Neningo atin noni oketo pi kelo poto kede akiar me jo atot Irirael kede pi bedo gianena ka Rubanga kame jo atot bino yamo kop atot areco ikome. ³⁵. doko ida epima bino cobo cunyi pelao tetekeny par me cuny jo atot oko bino nyutere kakaler.³⁶. Bin tie enabi moro acel adako kame nyinge Aana, en oudo nyar ka Panueli, me ateker me Aser. En ooudo etieko ti adikinicel, ingei bedo kede cware pi mwakini kanyaare cako ikare kalikame oudo pwodi engere kede icuo. ³⁷. Dako ni oudo obedo apuserut pi mwakini ot kanyauni kiwie ongwon. En oudo likame eyai tenge ki Tempulo di eworo Rubanga kanyo kec kede ilega iwor kede iceng. ³⁸. Esawa nono en eko bino di eko mino pwot but Rwot, di eko donyo yamo kop ikom atin but jo dedede kame oudo tie daro kare kame Rubanga bino lako kede Yerusalem.³⁹. Dido kitieko timo gi dedede bala kame iswil ka Rwot mito kede gin kiko dok Galilaya ilobo me turgi ibomba gi me Nasaret. ⁴⁰. Atin okko dongo di etek, di epong kede rieko, doko kisa ka Rubanga oudo tie kede en.⁴¹. Mwaka acel acel jo nywal ka Yesu oudo bedo ot Iyerusalem ikare me ebaga me bwot. ⁴². Ikare kame oudo mwakini me dongi ka Yesu oromo kede tomon ki wie are kiko ot i ebaga Iyerusalem bala kite kame lem kinare timo kede. ⁴³. Kakame ebaga otiek kede di gin kitie dook paco atin awobi Yesu oko dong cen Iyesrualem, do Yosepu kede toto mere Maria oudo liangeo. ⁴⁴. Gin ooudo kiparo be Yesu da oudo tie idier jo kame oudo tie upere kede gi kiko ot pi ceng acel lung di kiko cako mone idier jo awadegi kede jo kame kinao kede.⁴⁵. Kakome gin likame ki ude kede kiko dok bobo Yerusalem di kimoe. ⁴⁶. Ingei ceng me adek kiko do ude itempulo di etie bedo kede jo pwonye me iswil di ewinyo kopegi kede di epepenyogi. ⁴⁷. JO dedede kame oudo winyo yamo mere oko bedo kede ur ie epone me niang mere kede kite kame edwoko kede peny.⁴⁸. kakame ke nene kede kiko uro adikinicel Di toto mere oko waco ne be woda itimone wa kamano pinyo? Neningo ango kede Papapni otie moni kede par atek. ⁴⁹. En eko dwoko ne gi be :Pinyo komio un oudo itienu mona? Mam oudo likame inger nu be ango poore abed i ot ka papana? ⁵⁰. Do gin likame ki ko niang kop kame en ewaco negi nono.⁵¹. Di do en eko upere kede gi kiko dok Nasaret, di en eko donyo bedo kede wor but gi. Do toto mere oko kano kope nogi lung icunye. ⁵². Di do Yesu oko meede dongo irieko kede ikome di etie kede kisa ka Rubanga do di jo mare.

¹. Dido Yesu opony kede Tipo ka cil eko dwogo ki Yorodan, di tipo oko tele ot iwi itela? ². Etieko ceng ot ongwon di oudo jwogi tie tame. Do i ceng go en likame eko camo gimoro. Kakame ceng go eko tiek kede, kec oko neke.³. Dido jwogi oko yamo ne be, kame in ibedo wot ka Rubanga cikakino kidi ni me wek edok kwon. ⁴. Yesu oko dwoko ne be, owindiko be, Dano likame oyaro kuo kede kwon kenekene do kwanyo kede buli kop Rubanga.⁵. Dokon jwogi oko tere malo iwi moru kabor, eko nyuto ne ajakanuto me piny dedede ikare acecek. ⁶. Jwogi oko waco ne be, twer me gigi dedede ango ayaro miini, kede deyo gi, pien bin ko keto gi icinga; ango da atwero keto gi icing ngat kame ango amito. ⁷. Aso pimano, kame in ibino worango, gin dedede ki yaro bedo megi.⁸. Yesu oko dwoko ne di waco be; dwog cen ngea yin Sitani. Pien kowandiko be Yin ibino woro Rwot Rubanga ni, da di en kenekene kame iko tic ne.⁹. Dokon en eko kele i Yerusalem di eko kete iwi obibiru me wi tempulo, di eko waco ne be, kame di in bedo wot ka Rubanga jal komi piny ikano. ¹⁰. Pien owandiko be, en eyaro cikakino imalaikan piri di gin kiko gwoki. ¹¹. Di gin kiko tingi icing gi, me wek kur iret tieni ikom engaru iye sawa moro kenekene.¹². Di Yesu oko dwokone be, ko waco be, un liki tamo Rwot Rubanga wu. ¹³. kakame jwogi otieko kede atama dedede, eko yai ki bute tenge pi kare moro.¹⁴. Di Yesu oko dwogo i Galilaya di etie ii twer me Tipo kacil di rwonge mere oko sarakin ipiny dedede koluko gi. ¹⁵. En eko pwony i ka cokeren di jo dedede oudo keto deyo ikome.¹⁶. Di eko bino Nasaret kakame bin en edongo ki ye, bala kame oudo obedo kede epone mere, en eko ot kacokere iceng me Sabato, di eko cungo malo pi isoma. ¹⁷. Ikunono di oko mine itabu me enabi Isaya, kakame en eyabo kede itabu, en eko udo dul kame owandiko be,¹⁸. "Tipo ka Rwot tie ikoma, piento en ewira pi tuce ejiri but jo can, en eora pi cango jo ame cuny gi otur, pi tuco alako but jo kame otero bedo ipasoi kede dwoko ne imudu ka wangi,pi kelo mulem but jo kame owandikino. ¹⁹. Pi tito mwaka kame Rwot oyei kede.²⁰. Dido en eko cego itabu di eko dwoko ne ngatic di eko bedo piny. Di jo dedede me kacokere oko keto wangi ikome. ²¹. En eko geno yamo ne gi be, ceng atini, en kame gi awandik ni ocobere kede iyit wu" ²². Di jo dedede oko moko mujura ikome, di ki surao kope me kisa kame oudo wokun ki doge "Di kiwaco be benyo man liko obedo wot ka Yosepu?"²³. Di dokon en eko waco ne gi be, iye ateni wun iyaro nu yamo agole in buta. Emuron, cangere keni gikame wan owinyo be in itimo Kaperenaum timgi ipiny wu kane da. ²⁴. En eko dokon waco be ateteni ayamo ne wu likame tie enabi moro kame oyei kede ki piny gi.²⁵. Do ango ayamo neu ateni be, oudo bin apuserun tot i Israel ikare ke Elia kakame malo oudo ocegere kede pi mwakini adek kede dwete kany ka pe, di kec kadwong oko poto ipiny no dedede. ²⁶. Do likame oko cwano Eliya but moro kikom gi, kwanyo kocwae iseepta ibomba kadwong me Sidon but dako kobedo apuserut. ²⁷. Dokon bin oudo jodobini tot i Israel ikare ke enabi Erisa, do likame tie acel moro kikom gi oko lonyere kwanyo na aman me Siria.²⁸. Jo dedede kame oudo tie ikacokere oko pony kede lilo kakame kiwinyo kede kope gi. ²⁹. Di kiko yai malo di kiko pumaro en oko me bomba di kiko tere malo me emukura kame kogero iye bomba gi, me wek remuro en di eko poto adiri. ³⁰. Do en eko beo idiere gi di eko ot mere.³¹. Eko bino piny ikaperenaum ibomba me Galilaya, di eko pwonyo gi icengere me Sabato. ³². Gin kiko bedo kede ur ikom pwony mere pien kop mere oudo tie kede twer.³³. Doko ika cokere oudo bin tie icuo moro kame oudo tie kede tipo me jwogi karac, en eko geno keko kede dwan amalo. ³⁴. Di ewaco be, wek wan ken wa, nyo do ber en kame wan opore timo kede in Yesu me Nasaret? Benyo, in do ibino pi dudubo wani? Ango angeo ngai en kame in ibedo in ibedo ngat acil acel me ka Rubanga ka malo.³⁵. Di Yesu oko juke, di waco ne be; napakin, di iko wok oko ikome. Aso kakame do jwogi oko uce kede piny idiere me jo, eko wokun oko ikome, di likame eko musungo en. ³⁶. Dido gin dedede kiko bedo kede ur di ki yamo ken gi ken gi be, kop me epone mene ine pien kede akarinikin kede twer, en ecikakino tipo kareco di gin kiko wok oko. ³⁷. Di rwonge mere oko srakin kadedede me piny nono.³⁸. En eko do yai ika cokere, eko donyo i ot ka Simoni toto me dako ka Simoni oudo musuja atek omako di gin kiko kwane pire. ³⁹. En eko cungo kawiye, di eko juko musuja, di musuja oko weke awaka awaka di eko yai cake konyo gi.⁴⁰. Nan do kakame do ceng tie donyo kede, jo dedede kame oudo tie kede jo tuo me iponeso ka papat, oko kelo gi bute, di en eko ke eto cinge ikom buli dano, di eko cango gi. ⁴¹. Jwogini diko wokun ikom jo atot kede koko di kowaco be, "in en kame Kristo wot ka Rubanga. En eko juuko gi di likame eyei ne gi yamo pien gin oudo ki ngeo be en ebedo Kristo.⁴². Kakame do piny otuno kede iceng en eko yai di eko ot i tela, dido jo oko donyo mone, dikiko bino bute, kiko genege be kur eyai tenge kibutgi. ⁴³. Dido eko wano negi be, ang apoore tito ajakanut ka Rubanga ibomba ace da, pi tic nono en komio ko cwa. ⁴⁴. Dido en eko tuco jiri ika cokeren me Galilaya.

¹. Nande kere oko kato, bala kame jo oudo dire kede bute pi winyo kop ka Rubanga, en oko cungo i dog nam me Genesaret, ². En eko neno yede are di tie cungo i dog nam: do jo cik oudo ooto tenge kie oudo kitei iwok bweni gi. ³. En eko donyo iye acel ikom gi kame oudo obedo me ka Simoni, en eko kwane be, koto en eremaro en kaka bobor anonok yai kioko di eko bedo piny; di eko cako pwonyo jo kame oudo tie ooko me yee.⁴. Nando kakame oudo eweko kede yamo, eko waco ne Simoni be ot kaka tut di ko uco bwoini ipi katut me wek imak dek. ⁵. Simoni oko wacone be, Rwot, wan olole kiwor kia, do likame omako gimoro: dodo pikop nin ayaro uco bwoi ipi. ⁶. Nando kakame man atieko timere kede kiko coko akedet me dek adwong bwoigi oko nyii. ⁷. Kiko cako gwegweto jo cik wad gi kame oudo tie iye kapat, me wek kibin i konygig, di gin kiko bino di kiko poongo yede are dedede paka tuno kede gin geno iwiny.⁸. Kakame Simon Petero oneno kede, gino eriebere piny itien yesu di ewaco be, yai tenge kibuta pien ango abedo dano anyadubo o kwe Rwot. ⁹. Pien ebedo kede ur, kede jo kame oudo eciko kede pi toto me dek kame oudo gin kimako. ¹⁰. Yakobo do kede Yokana kame obedo awobe ka Yebedayo jo cik wadgi Simon oko ur o Yesu oko wacone Simoni be, kur ilwori: geno nan ot anyim in iyaro bedo ngacik jo. ¹¹. Kakame kiwoto kode yede gi oko, kiko weko gi dedede dikiko lube.¹². Di kare oko kato kakame en oudo etie kede ibomba moro, icuo moro kame dobo pony ikame: kakame eneno kede Yesu eko riebere piny inyime di eko kwaane di ewaco be Rwot kame imito itwero longa. ¹³. EKo rieno cinge di eko mule di ewaco be amito lonyere. Awaka awaka dobo oko yai tenge ikome.¹⁴. Eko cikakino en be kur eaco ngata moro do ooti iko nyutere but Esasirodot, di iko mino giamia me lonyere nin di lubo iswil kame riki musa ociko pi bedo mujura but gi.¹⁵. do rwonge mere oko sara kin obukui kitek twatwal paka mino ekodet me jo oko bino pi winyo kop mere kede pi udo cango ikam goro kame kitiekede. ¹⁶. En eko lukunyo iwi itela pi ilega.¹⁷. Kare diko kato, iceng moro di en oudo etie pwany Iparisayon kede idaktalen me iswil owok kii bomba dedede me Galilaya, Yudaya kede Yerusalem oudo tie pi cango gi.¹⁸. Dokon neni, jo oko kelo dano akome otoo di kopielo iye itando kiko moono epone me dele iye kede me piele inyime. ¹⁹. kakame likame kitwer udo kede epone me kele iye, pi kop me ekodet kiko ot malo iwiot di kiko cuane piny beo kimategula kede kitande mere di kiko yololo en diere inyim Yesu.²⁰. Kakame eneno kede yei gi, eko waco ne be icuo gikareco ni kasasiro in. ²¹. jo igigir kede Iparisayon oko cako tom otam, di kiwaco be ngai ine kame yamo ayet ikom Rubanga? ngai kame twero sasiro gika reco kwanyo Rubanga kene?²². Do kakame Yesu oniang kede tam gi, edwoko di ewaco negi nyo kame un itienu tamo kii kuou? ²³. Benyo, eyoyot me waco be gi kareco ni kisasiro arabo me yamo be, Yai malo di iko oot? ²⁴. Do wek un ingeu nu be wot ka dano tie kede tweri wilobo me sasiro gika reco, leko waco ne dano kame tuo oneko kome Awaco ni be yai di iko tingo kabuto ni, di iko oot iodi.²⁵. Awaka waka di en eko yai ki nyim gi, eko kwanyo giame oudo ebuto iye, di eko ot iyode di emio Rubanga deyo. ²⁶. Gin dedede kiko bedo kede ur gin kiko min Rubanga deyo, kiko pong kede luoro, di kiwacobe wan oneno giapapat tin.²⁷. Icen me gigi en eko ot anyim, ekoneno nga rar esolo kame nyinge Lebi, di ebedo ikanyilo tikiti me solo di en eko wacone be, Luba. ²⁸. en eko weko gi dedede, eyai malo, di eko lube.²⁹. Lebi di ko tedo ne ebaga ka dwong iode: nando oudo tie ekodet me jo rar esolo kede jo atot kame oudo obedo piny kede gi. ³⁰. Do jo iwandik kede Iparisayon gi oko geno ingungur ikom josiao mege, di ki waco be, pinyo kame mio in icamo di imato kede jo rar esolo kede jo dubo? ³¹. Do Yesu oko dwoko di ewaco ne gi jo akom gi yot likame mito daktale; do jo go kame kom gi lit en kame mito. ³². likame ango abino pi lwongo jo kepore, do jo dubo pi bina iswilar.³³. Di gin kiko wcone be, pinyo bo komio jo siao ka Yokana ri kec nakanaka di kitengo dokon da jo siao me Iparisayon da timo kamanono, do megin camo di ki mato? ³⁴. Do en eko waco ne gi be in itwero mino idwe me paco me eteran kanyo kec di pwodi eteran tie kede gi? ³⁵. Do ceng oyaro bino tuno kame eteran kobino kwonyo kede tenge ikom gi dido gida kikobino kanyo kec ikare nogo.³⁶. Di dokon en eko yamo ne gi agole be, liame tie ngata moro kame dapo iduku me egoe kanyen ikom ogoe kacon kame di kamanono, gin are dedede kinyil di adul kame akwanyo kiye adul anyen liame koyei upere kede adul acon.³⁷. Likame tie ngato kame keto Bwino kamyen i cupa ka con; me weki bwino kanyen kur bel cupa di eko oony piny di cupa kotoo. ³⁸. Do bwino konyen kopoore keto icupa kanyen gin duo kiko gwokere. ³⁹. Likame tie dano do koda kame icen me mato bwino kacon awakawaka mito bobo kanyen: pien awaco be, kaconi ber.

¹. Dido eko bino Isabato me are ingei me agege, di eko ot beo ipoto me Mudunga peluno tetung ca, jo or mege oko cocotoyit mudunga eli kicamo, di daki nginginyo gi icung gi de kicamo. ². Iparisayon mogo oko waco timo gi kame Kiswil dagiceng Sabato?³. Yesu di dwokonegi eyamo be; Likame pwodi wun isomunu gi kame riki Daudi otimodi bin en oudo kikome keconeke kedojo kame oudo etie kedegi? ⁴. Epone kame eoto kede iyot ka Rubanga di eko tero eko camo mugati kame oudo tie giayala but Rubanga, di eko mino jomege da dodi iswil walikame yei ne ngata moro camo mugati kwanyo kenekene josaseredoti. ⁵. En eko waconegi be wot kadano da bobon tie Rwot me ceng Sabato.⁶. Kare oko tuno kato me bobon Sabato ame en edonyo iyi inagoga di eko pwony, do oudo tie icuo ame bade tetu cam omito. ⁷. JO wadik kede Iparisayon obedo ngice ara ecang dano ceng Sabato, me wek moto kiudi kop moro kame kotwero pide kede. ⁸. Do en eko ngeno omung me tamgi eko yamo ne dano kame cinge omito yai malo di iko cungo a nyim diere, en eko yai di eko cungo anyim diere.⁹. Yesu oko waco negi be, abino penyon giaciel, etie me iswil timo giabe ceng Sabiti ara bo timo bal? Pi gwoko kuo arabo pi dudubo en. ¹⁰. Kede neeno kwogirimaro lung, eko yamo ne icuo ca be rie cingi anyim, eko timo kamanonodi cinge oko yikere iber balan acel da. ¹¹. Kiko pong kede cuny me poyodi kiko donyo poro kop kengi gikame kipore timone Yesu.¹². Dido kare okatoicen go en eko ot walo iwimoru ilega, eko mede iwor kia kia ilega but Rubanga. ¹³. Kakame etuno kede iceng; eko lwongo jo pwony (siao) mege di eko yero tomon kiwie are ameda eko lwongo be jo or.¹⁴. Simoni aweda bobo elowongo be Petero kede Auderia owiwere, Yakobo kede Yokana, pilipo kede Katulumayo. ¹⁵. Matayo kede Tomasi, Yakobo wot ka Alipayo kede Simoni ame olwongo bejo pien me apugan nono. ¹⁶. Kede Yuda owinye Yakobo kede Yuda Isikariot aweda oudo bobo tie nga erupe Yesu opwonyo kede ecango jo.¹⁷. Eneko bino piny kede gi di eko cungo kakaler kede jo aupa mege jo pwony (siao) kede lwakime jo iyiliyili ipiny me judea, Jerusalem kede idog nam me tyre kede Sidom ame obino ingete pi udo cango me tuere katie negi. ¹⁸. JO koudo tie kede cwinyere kalikacil oko udo cango. ¹⁹. Lwakwe jo katot lung oko bedo kede winy me mule pien twero oko yai tenge kibute.²⁰. Eneko kiarao wange malo but jo wony (siao) mege eko yamonegi be, winyobed butin ngacan pien jagome yi malotie meri. ²¹. Winyo bed but jo kame kec oneko nan pien obino yengogi, winyo bed but oj kakok nan pien kibino nyero.²². Winyo bed buti kame jo dagi kede kame kipoki tenge kiyi lwakdadi kiyeyeto di kidubo nyingu piwotka dano. ²³. Bedunu kede yom cuny cengeno kede kilel pien nenunu Musa laupire dwong kimalo pien kamanono bin jo apapi gi otimo ne inabinda.²⁴. Do Otukui jogo kame obaro, pien kitieko udo musalagi. ²⁵. Tukui un jo kame nan oyeng, pien kec bobononi bino nekou, otukui joka me tie nyero nan, pien ibinunu koko kede idwilai.²⁶. Otukui kame jo dedede bino yamo kiber piru pien bin jo apapigida kamanono but inabino.²⁷. Do ayamo pirie jo kame winyo be marunu jo kworu, timunu kiber jo kame dagi u. ²⁸. Mianu wun yo but jo kame lamou daboboon legenu jo kame cacaou winyo.²⁹. Kede aka ngat moro obapo lewi; loke babon tetuciel da, akangatamoro otero esatini mie wie ekotida. ³⁰. Mii ngatamoro gi kame ekwao ibuti kede ngatamoro kame otero gimarono ibuti kur iburao en.³¹. Timine jo apat da gikame in imito be koto tim wida. ³². Pien kame in imaro jo kame warini kenekene bero nyo ino kame in iudo, pien jodubo da maro jo kame maro gin. ³³. Kame in itimo kiber but timonu kiber kienyinyo, pwoc nyo kme in udo, pien jo duboda maro jo kame marogi. ³⁴. Kame imiobut jo kame igeno pi udoki but gi pwoc nyo koyiniudo, pien jodubo da kitimo kanono.³⁵. Do marjo kwor wi datim negi bero kede imii gi ilikede gen bobo me udo kibute pien musalani bino bedo dwong da ibinunu bedo idwe me malo twal pien emwol but jo kalikame mio pwoc kede jo kalikame timo dub. ³⁶. Bedunu jo ajo kica macalo papu danga kica kede.³⁷. Kur ingol kop amio kur ngolida, kur iwac ne ngawoti raco, me wek kur waci da tim kica but ngatwoti me wek timi da kica.³⁸. Neni wie wek wuda, igi pim ame kodio kiberdi ony piny, piengi piwikalipiwo kede, manono kame kobino pinoni da kede.³⁹. Di eko yamo agole but gi be twere emuduk peeno emuduk, likame gin dedede kipoto ibiere? ⁴⁰Ngasiao likame tie malo me ngadwong mere, do dano kopoore dedede bino bedo balan nga dwong mere.⁴¹. Pinyo kawio iwacone ngawoti be kwany apoke kawe tie iwangidodi in likame ikwanyo kame tie iyi meri. ⁴². Amoto be benyo benyo bo kame iwaco kede ne ngawoti be ikwanyi apokeki wange do in likame ikwanyo meri, gei ber ikwany apoke kame tie iwangi me wek itwer waco ne nga woti da pi kwanyo mere.⁴³. Yat kaber likame nyako anyakini arac awot yat karac likame nyako anyakine kaber. ⁴⁴. Pi buli yat ngere kede anyakini mere, pien iye okuto likame ko twero ngwedo kiye olok, amoto kikom olok ngedo kiye acoga.⁴⁵. Dano kaber woto kope kabeco ka kanere iyi cunye kede dano karac da woto oko kope kareco okanere icunye, pien pong me kope areco kame tie icunye doge woto oko.⁴⁶. Pinyo bo kamio ilwonganu be Rwot Rwot dodi likame itimunu gi kame awaco neu? ⁴⁷. Ngatamoro kame bino buta di eko winyo kop uadi eko timo gi abino nyute but ngat kame ecal kede. ⁴⁸. Ecal balani icuo kame ogere ode, okunyo bur rimaro irom me ode awe eyaro gero eko peto acakini mere iwi lela, do kakame do likame etwero pireto pien eudo kosipe kiber ka kame tek.⁴⁹. Do ngat kame winyo dodi likame eko timo kamanono, ecal balan dano kame ogero iwi lobo da kakame alele bino kede odekopoto potoame winyere kika kaber pien likame esipo ode iwilela katek.

¹. Nan kakame en etieko kede yamo mere dedede but jo ame tie winye en eko donyo Kaperenamu.². Di ngatic angadwong me isirikalen ame oudo tie amara ibute, oudo tuo di etie tuno ito. ³. Kakame en eko winyo kede kop ikom Yesu en eko cwano joadongo me Iyudayan, pi kwane bino cango ngatic mere. ⁴. Dido kakame gin iko bino but Yesu, gin iko ngangao en ikanon di kiyamo be, epore ne in timo amanono. ⁵. Pien emaropiny wa, di en eko gero ne wa sinagoga.⁶. Dido Yesu oko oot kede gi kakame en edoko iyapiyapi kede ot ngadwong me sirikale oko cwano jowote bute di gin kiko yamone be, rwot kur iloli koi ango likame apore pi in donyo ioda. ⁷. Pimano akadi ango ikoma likame apore bino buti do yami kop kenekene, di ngatic na ko camgo. ⁸. Pi angoda atie dano atie piny me akarinikin, di bobo atie kede isirikalen ame abo da ayamone ngat aciel, ooti, di eko oot da but moro, bia di eko bino da but ngatic na, tim man, di eko timo.⁹. Kakame Yesu oko winyo kede kopenogi en eko bedo kede ur ikome, en eko lokere, eko yamone jo alube be, ayamone wu, ango li audo yei adwong, li li akadi Isirael. ¹⁰. Dido jogo jokame oudo ocwao, oko dok iot iko udo ngatic audo tuo ocango.¹¹. Dido cobere ingei ceng no, en eko oot ibomba ame olwongo nain, di Josiao kede ekodet me jo atot oko lube. ¹². Nan do, kakme en edoko yapi kede erute me bomba neni, oudo tie icuo oto ame otie tingo, awobi aciel kenekene ame totomere obedo apuserut, da jo atot me bomba oudo tie kede. ¹³. Kakame rwot oko nene kede, en eko bedo kede kisa, ikome di eko yamo ne be, kur ikoki. ¹⁴. Di en eko mulo elago, di jo kame tinge oko cungo di en eko yamo be, atin awobi ango ayamoni be yai. ¹⁵. Di en ngat oto nono eko yai bedo di eko geno yamo. Di en eko mino awobinono but totomere.¹⁶. Di iworo oko bino ikom jo lungi, di gin iko mino deyo but Rubanga, di ki yamo be, enabi adwong owok idiere wa, kede be Rubanga owenao jomege. ¹⁷. Di rwonge nono amake oko sarakin iyudeya kede i adulion ame kio kede lung.¹⁸. Di jo siao a Yokana oko yamone kopenogi dedede. ¹⁹. Yokana oko lwongo josiao are bute di eko cwano but Yesu, di kiyamo be, in en ngat ame pore bino arabo omoi ngat ace? ²⁰. Kakame cuo mogo otuno kede bute, gin iko yamobe, Yokana ngaibatis, ocwao wa buti, di eyamobe in en ngatic amepore bino arabo omoi ngat ace?²¹. I esawa nono en eko cango jo atot ikom tuo apapat aumpuli, tipere areco kede but atot ame tie imuduka en eyabo wanggi. ²². Di Yesu oko dwoko di eyamone gi dokunu di iko nu yamone Yokana jame ame wun inenunu kede ame wun iwinyunu epone ime imuduka oneno kede ingwalasa ooto, jo dobo olonyere, idingoi owunyo jo oto oyaruno, otito ejiri but jo can. ²³. Winyo bed but ngat no ngat ame likame winyo irac ikoma.²⁴. Kakame joor a Yokana oyai kede ibute, en eko geno yamo but jo kop amako Yokana wun udo iotunu itela pi neno nyo? Lagara ame yamo yayango? ²⁵. Do oudo wun oudo iotunu pineno nyo? Icuo ongapere iber? neni jo ame ngapo engape abeco bedo omiere me abakai. ²⁶. Do kara wun iotunu pi neno nyo? Enabi? Ee, ango ayamo ne wu ngat akalamo enabi en ame iotunu neno.²⁷. En ine ngat ame owandiko be neni ango acwao ngaor na inyime ame bino yiko yongayo inyinmu. ²⁸. Pi mano ango ayamo ne wu, kibut jo kame dako onywalo liame tie enabi adwong kalamo Yokana nga ibatis: do ngat ame titidi yago ka Rubanga dwong kalamo en.²⁹. Jo audo tie winye kede jo rar esolo dedede oko yei be Rubanga en opore kede jo obatiso ibatis a Yokana. ³⁰. Do Iparisayon kede jo ngol kop oko dagi cor a Rubanga idiere diere gi, pi en gin likame ibatiso ibatis a okana.³¹. Di Rwot oko yamo be, abin apor jome ikareni kede nyo? Gin kara kical kede nyo? ³². Gin ki cal ke idwe ie atale, di ilwongo ekodet ocelu di kiyamobe an okuto ne wu bio, do wun likame ikom miel: wan otwuro ne wu iturur me to, wun ikonu dagi koko.³³. Pien Yokana nga ibatis obino di liame ecamo amoto amato ebwino, wun ikom yamo be en etie kede jwogi. ³⁴. Wot kadano obino di ecamo kede di ematoda, wun ikounu yamo be, neni, dano ang oluma kede nga amata atek, ngawot jo rar esolo kede jo dubo. ³⁵. Do rieko ka Rubanga opore pi idwe mege dedede.³⁶. Di ngat aciel ikom iparisayon oko mito ne oot cam iode en eko oot iot me eparisayt di eko bedo piny pi cam. ³⁷. Neni dako moro ame tie ibomba, ame tie ngadubo kakame en engeo kede be Yesu Obedo pi cam iot me eprisayot, eko kelo ecupa me mo angwe kur. ³⁸. Di eko cungo itiene cien ngei Yesu di ekok, eko geno iwoko tien Yesu kede pige wange di eweeo gi kede yer me wiye di edoto tiene kede di ewiro tien Yesu kede mio angwe kur.³⁹. Kakame eparisayot ogam oneno kede go otimere, eko yamo icunye be, icuomi koto di oudo en enabi oudo koto enge ngai kede epone me dako mene ine omulo en, pien etie ngadubo. ⁴⁰. Yesu oko dwokone di eyamobe, Simoni ango atie kede gimoro amito yamoni eneko yamobe ngadwong yamina.⁴¹. Oud tie ngai moro amekoojo sente ngat aciel emio tol kany, kede ngat aciel emio oot kany. ⁴². Dido gin kili kede gimoro me culo banya, en eko sasiro gin jo are, pi mano yamna ngai ikom jo are gi ame bino mare kitek? ⁴³. Simoni oko dwoko di yamobe, ango agemo be ngai ikom banya adwong. En eko dwokone be in ingolo kop i ateni.⁴⁴. Di en eko lokere but dakonone eko yamone Simoni, ineno dako ni? Ango adonyo iodi, do in likame imia pi me iwoko tiena: do en eko iwoko tiena kede pige wange, di eko weno gi kede yer me wie. ⁴⁵. I likame iko doto lema: do dakoni geno esawa ame ango adonyo kede iot kom, likame ejiko doto tiena.⁴⁶. Likame in iwiro wia kede mo: do dakoni oko wiro tiena kede mo angwe kur. ⁴⁷. Pimano ango ayamoni dub mege ame etimo atot osasiro en omio amara adwong tie bute do but ngat ame osasiro dub atitdi, danonoda maro atitidi.⁴⁸. En eko yamo ne dako nono be, dub ni osasiro. ⁴⁹. Di jo ame oudo obedo cam kede karacel oko geno yamo kengi kengi be, dano mene ine ame sasiro dub? ⁵⁰. En eko yamo ne dakonono be, yei ni olaki ooti kede mulem.

¹Ingei mano, Yesu oko donyo ririmo bomban kede calere, di etuco kede nyuto ne jo kope kabeco me ajakanut ka Rubanga; di josiao mege tomon kiwie are da tie upere kede en. ². Karacel kede mon mogo kame en oudo eriamo tipere areco ikom gi, kede cango gi ikom tuwo apapat, Mria kame olwongo be Magadalina, kame bin jwogi kanyare oyai ikome; ³. kede Joana dako ka Cusa ngagwok jamini ka Erode kede Susana, kede ace apatpat da, kame bin mio Yesu kony me jamini gi.⁴. Kakame jo atot oko cokere kede, di kibino bute i bomban apapat, en eko yamo but gi kede agole di ewaco be; ⁵. Nga cui kodi moro bin ooto cuno kodi ipoto mere, kakame etie cuno kede kodi, mogo oko popoto ilak yo; di tyen jo oko nyonyono gi, winy di ko bino oko camaro mago. ⁶. Mogo oko popoto ilobo kame tie lela lela, kakame bin kodi nogo otui kede, kiko susunyo ner, pien lobo oudo otieko tuo.⁷. Mogo oko popoto idier okuto, okuto di ko dongo karacel kede gi, di kiko twilo gi atwalatwala. ⁸. Do kodi mogo oko popoto ilobo kame ber; gin kiko tui di iko dongo, kiko nyak mogo oko keto nyige tol acel. Inge en yamo kope nogi, en eko yamo kede dwan amalo be, Ngat kame tie kede yite, ewinyi.⁹. Josia mege oko penye, di ki waco be, Agole ni dwong mere nyo? ¹⁰. Di en eko waco be, Kotieko mino wun ngeeno mung me ajakanut ka Rubanga: do jo apat, oyamo kede gi i agole. me wek akadi kineni, do likame itwero neeno, doko akadi kiwinyi, do likame itwero niang.¹¹. Dwong me agole no en ine; Kodi obedo kop ka Rubanga. ¹². Kodi kopopoto ilak yongayo en obedo jo kame winyo kop, di Sitani ko bino ko kwanyo kop no tenge ki cuny gi, tetekeny kur gin kiyei di kiko udo alako. ¹³. Kodi kopopoto kakame tie lela lela obedo jo, kame ka winyo kop, igamo kede ilel, do kop noni likame ko keto aliasin, gin kiyei, do ikare me atama, gin kiko poto iyei.¹⁴. Kodi kopopoto idier okuto obedo jo, kame ka gin kiwinyo kop, kidongo, do paro kede mito abar kede mito bedo me ilel me ikare ni ko dino gi, di do anyakini gi likame ko twero cato. ¹⁵. Do kodi oko popoto ilobo aber obedo jo, kame winyo kop kede genere kede cuny me aber, kame iwinyo kop kimako itek, di kiko kelo anyakini kede ikanyakin atek.¹⁶. Likame tie dano moro, kame ecwinyo etala, di en doko eko ume kede aum arabo kete idud itanda; do ekete kakame ocibo etala iye, me wek jo kame donyo i ot sobolo neno lero. ¹⁷. Pien likame tie gimoro me mung, kalikame kobino woto kakalar, doko likame tie gimoro kame kobino mugo, kalikame kobino mino ngere di eko wok ilero. ¹⁸. Pimano, gwokunu epone kame wun iwinyunu kede kop, pien ngat kame tie kede gimoro, kobino mine, da ngat kame li kede gimoro, kobino kwanyo kibute akadi atitidi kame en etie kede kobino kwanyaro.¹⁹. Di do Toto me Yesu kede imiegu mege oko bino bute, do gin likame kiko twero tuno bute pien jo koluke oudo tot. ²⁰. Di ngatamoro oko waco ne Yesu di eyamo be, Toto ni kede imiegu ni tie cungo ooko, kimito neni. ²¹. Do en eko dwoko di ewaco be, Toto na kede imiegu na en obedo jo kame winyo kope ka Rubanga, di kiko timo gikame ewaco.²². Iceng moro acel, kame en eko oot kede i yee karacel kede josiao mege, di en eko waco ne gi be, Ongolunu nam ootunu loka tetu ca. Di do gin kiko cako ot. ²³. Do kakame gin kitie kede kwang, en eko nino, Yamo atek oko cako buko inam, pii di oko cako pongo yee gi, omio gin kiko bedo ipeko adwong.²⁴. Gin kiko ot bute, di kiko cene di kiwaco be, Ngadwong, ngadwong we, wan kara otie nu to. Yesu oko cei, di en coko yamo kede ebuka, di yamo kede ebuka oko kwei, anapakin oko bedo tie. ²⁵. Yesu oko waco ne gi be, Yei wun do ber tie tuai? Pi lworo, gin kiko bedo kede ur, di kiyamo ken gi ken gi be, Dano me epone mene ine, pien en ecoko akadi yamo kede pii da wore.²⁶. Di gin kiko ngolo nam, kiko tuno i lobo me Geraseni, kame oudo pimere kede Galilaya. ²⁷. Kakame Yesu onyono kede kakotuo, icuo moro me bomba kanono kame oudo tie kede jwogi oko riamo kede en, kame oudo pi kare alac, likame engapo igoen akadi bedo bedo ipaco; do en oudo ebedo iwi atesin²⁸. Kakame eneno kede Yesu, en eko kok di eko poto piny i nyime, kede dwan amalo en eko waco be, Peko nyo kame ango atie kede in, Yesu Wot ka Rubanga Ngamalo twal? Akwai kur icana. ²⁹. Pien Yesu oudo ociko tipo arac pi wok tenge ikom dano nono. Pien ikare atot, tipo arac nono oudo make di oko dare di kotwee atwea kede irikoi kede loc; do en oudo ecocoto gi ka tipo arac nono omie ot bedo itela kaka oling.³⁰. Yesu oko penye di ewaco be, Nyingi ngai? En eko waco be, Legon: pien jwogi atot oudo odonyo ikome. ³¹. Jwogi di ko donyo ngangao Yesu be kur ecik gin pi ot donyo ibur atut.³². Do oudo ipegei mogo atot tie ingete kanono, di kitie cam inget moru; di kiko donyo bako ne dog gi be ewek gi kioti idonyi ikom ipegei go, Yesu oko yei ne gi. ³³. Jwogi di do oko wok ikom dano nono, iko ot donyo ikom ipegei. Di do ipegei oko bwangere iko ringo lor piny naka donyo i nam, di kiko lwiny i pii.³⁴. Kakame jo kame oudo tie kwano ipegei oneno kede gi otimere, gin kiko ringo, kiko donyo tatamo ne jo me bomba kede me adul me nget bomba. ³⁵. Di do jo oko ot neno gi otimere, gin kiko bino but Yesu, kiko udo dano kame jwogi oudo oyai ikome di tie bedo inet Yesu, di engapo igoen, di edoko ber: lworo oko mako gi.³⁶. Jo kame bin oneno gi otimere da, oko ot tatamo epone kame dano kame jwogi oudo tie ikome nono ocango kede. ³⁷. Di do jo dedede me adulion apapat me Gereseni, oko kwano be Yesu yai tenge kikuno igiere gi, pien lworo atek oudo omako gi; di Yesu oko yai, eko donyo iyee dok bobo loka tuca.³⁸. Icuo kame oudo jwgo oyai ikome nono, oko kwano Yesu be eyei ne eda upere kede. Do Yesu oko genge di ewaco ne be, ³⁹. In dok paco wu, di iko waco ne gi gikame dwong kame Rubanga otimo ni. Di do icuo nono oko yai ot, en eko tatamo ne jo me bomba dedede gi adwong kame Yesu otimo ne.⁴⁰. Kakame Yesu odwogo kede, didi ekodet me jo oko game kede yom cuny; pien oudo gin dedede itie dare. ⁴¹. Neni, icuo moro kame nyinge Yairo oko bino bute, en oudo ebedo atel me sinagoga, en eko riebere piny itien Yesu, di en eko kwano Yesu be ot ture. ⁴²Pien en oudo etie kede nyare acel kenekene, kame mwaka mege oudo tomon kiwie are, kame oudo tuo iyapiyapi to. Do kakame Yesu oudo tie kede, ekodet me jo oko donyo dire i kome.⁴³. Doko idiere gi oudo tie dako moro kame tie kede tuwo kame mie oonyo remo pi mwaka tomon kiwie are, kame oko dudubo jame kame oudo etie kede pi mino imuroko, do likame eko twero udo cango kibut ngatamoro. ⁴⁴. En eko ot but Yesu icen nge di eko mulo lak egoe ka Yesu; esawa nono mol me remo oko jik.⁴⁵. Yesu oko waco be, Ngai en komula? Kakame jo dedede oko dagi kede, Petero kede jo kame oudo upere kede Yesu oko waco ne be, Ngadwong, ekodet ni en odire ikomi di ko muli, do in itie waco be, Ngai en komula. ⁴⁶. Do Yesu oko waco be, Tie ngat omula: pien awinyo di teko tie yai ikoma.⁴⁷. Kakame dako nono oko niang kede be en doko likame etwero pwono, en eko bino di kome tie miel, eko riebere piny inyim Yesu: di eko tatamo ne Yesu gi kotimere di jo dedede tie winyo, gikame omio en emulo Yesu kede epone kame en eudo kede cango esawa nono. ⁴⁸. Yesu oko waco ne dako nono be, Nyara, ot kede yomcuny, yei ni ocangi.⁴⁹. Di pwodi en etie yamo, icuo moro oko bino oyai ipaco me ngatel me sinagoga, di ewaco ne be, Nyari otieko to; kur bobo emeede lolo Ngapwony. ⁵⁰. Do kakame Yesu oko winyo kede kop nono, en eko dwoko ne di ewaco ne be, Kur ibed kede lworo, kenekene yei, di en eko bino doko ber.⁵¹. Kakame Yesu oko tuno kede i ot, likame en eko yei ne ngatamoro donyo i ot kede en, kwanyo Petero kede Yakobo kede Yokana karacel kede papa kede toto me atin. ⁵². Jo dedede oudo tie koko itek pi to mere, do Yesu oko waco be, Kur ikokunu, en likame eto, do etie nino anina. ⁵³. Gin kiko donyo nyere, nyero me anywar, pien gin oudo ingeo be atin otieko to.⁵⁴. Do Yesu oko woto jo dedede oko, en eko mako cing atin, di eko lwongere di ewaco be, Nyako yai. ⁵⁵. Di do tipo me atin nono oko dwogo, en eko yai esawa nono; Yesu oko ciko be mie gi acama. ⁵⁶. Jonywal mege oko bedo kede ur adwong: do Yesu oko kwenyaro gin be kur iwac ne ngatamoro gi kotimere.

¹. Di en eko lwongo joor mege tomon kiwie are karacel, di eko mino gi twer kede akarunikin me riamo jogwi dedede kede cango tuwere. ². Di en eko oro gi pi ot tuco kop ikom jago ka Rubanga, kede cango jo tuo.³. Di en eko yamo negi be, kur imakunu gimoro ka itienu ot kur imakunu ebela, amoto ikapu, amotoko mugati arabo sente amoto ikotin aare. ⁴. Do paco ame idonyunu iye bedunu iye tuno yai.⁵. Do kalikame obino gamo wu iye kame itienu yai kibomba nono tetengunu adae me tienu iye pi bedo ijura but gi. ⁶. Di gin iko yai ot di ibeo ibomban di kitico jiri kede cango jo tuo ikabedo dedede.⁷. Kame Erode ngagero owinyo kede giame etie timo dedede, di eko doko iwor pien oudo jomogo yamo be Yokana en oyaruno kibut jo oto. ⁸. Do mogo oudo yamo be Eliya en oneno do jo icegun oudo yamo be ngat acel kikom inabin asek en kame oyaruno. ⁹. Di Erode oko yamo be Yokana bin ango angolo wie, do ngai bobo ine kame ango atie winyo kop ikome ni? Di en eko bedo kede mit me nene.¹⁰. Do joor kame idwong kede, di kiko tatame ne Yesu gi dedede kame gin itimo. Di en eko tero gi, kar gi ken gi ibomba me Betesaida. ¹¹. Kakame jo ongeo kede be en etie ot gin kiko lube, di en eko gamo gi, di eko donyo tuco ejiri me jago kaRubanga doko di ecango jo atie kede mit me cange.¹². Kakame oudo piny do tie yuto kede joor mege tomon kiwie are oko bino bute di kiko yamo ne be, Peruno do jo wek kioti ibomban kede icalere iyapi wek amoto iudi kabuto kede giacama pien wan otie nu iwii tim. ¹³. Do en eko dwoko ne gi be, wun miunu gi icam. Di gin kiko dwoko ne be wan otie kede mugati kanyi kede aporogon are kenekene kwanyo nan miero ot owil cam aromo jo dedede. ¹⁴. Pi cuo oudo tie kuno buco tuno tutumia kany. Di en eko yamo ne joor mege be miuni gi kibed piny iye ekodet me jo oot kany, oot kany.¹⁵. Di gin kiko timo amanono iko mino jo dedede obedo piny. ¹⁶. Di en eko kwanyu mugatin kany nogo kede aporogon are di eko neno malo di eko mino winyo iye di eko tuturo gi eko mino but joor mege pi gabo but ekodet me jo. ¹⁷. Di jo dedede oko cam, di kiko yeng. Di oko coko cam odong pong ibukito tomon kiwie are.¹⁸. Ikare moro oudo etie ilega en kene joor mege da oudo tie kede, Di en eko penyo gi be kara jo yamo be ango en ngai? ¹⁹. Do gin kiko dwokone be, mogo yamo be in en Yokana ngai batis mogo be Eliya mogo yamo be in ibedo ngataciel kikom inabin asek oyaruno.²⁰. Di en eko yamo ne gi be, do wun iyamunu be ango en ngai? Petero di oko dwokone be in en Kristo ka Rubanga. ²¹. Di en eko coro gi be kur kiyami ne ngatamoro kopnoi. ²². Di en eko yamone gi be wot adano bino beo ican atot di jo tel adongo me piny kede isaseredotin adongo kede jo pwony me iswil bino dage di kiko neke do ingei ceng adek ebino yaruno.²³. Di en eko yamo negi dedede be, ka dano moro ni mito bino buta poore ber kong en edagere kene di eko riongo musalaba mere ceng dedede di eko luba. ²⁴. Pien ngat kame mito lako kuo mere ebinoke do ngat ame bino kei kuo mere pira en abio lakere. ²⁵. Pien bero nyo kame dano bino udo kame eudo jame dedede me pinyi kan di eko kei kuo mere? amoto di oko uce tenge?²⁶. Pien ngat kame ieuc bino mako pira kede pi kop na. Wot kadano da ieuc bino mako pire ikare me ebino dwogo kede ideyu mere kede me apapa mere kede imalaikan acil. ²⁷. Do ateteni ango ayamo ne wu be tie jomogo atie cungo kan, kalikame bino bilo to tuno di kineno jogo ka Rubanga.²⁸. Ingei ceng aromo bala kanyauni eyamo kede kope nogi di eko kwanyo Petero kede Yokana kede Yakobo di kiko ot yito malo iwii moru pi lego. ²⁹. Kakame oudo etie kede ilega, cal me nyime okolokere di igoen mege oko doko tar di rieng arienya.³⁰. Kikame dido cuo are oko donyo yamo kede jonogi en Musa kede Elia. ³¹. Gin kineno kideyo, di kiyamo ne kop amako to mere ame miero ecobi i Yerusalem.³². Do Petero karaciel kede joo oudo etie kede oudo nino obwono, Do kame icei kede kiko neno deyo mere kede cuo are kame tie cungo kede. ³³. Kakame jonogo oyai kede ibute, Petero di oko yamo ne Yesu be, ngadwong eber pi wan bedo kan, wek do wan oger ude adek kan, aceli ne in cel ne Musa acel ne Elia. Oudo liame engeo gi giame etie yamo.³⁴. Di pwodi oudo etie yamo polo oko bino di oko umogi lworo di oko mako gi kame polo oumo gi kede. ³⁵. Dwan di oko wok ipolo di eyamo be, man en woda ame amaro winyenu. ³⁶Kakame dwan oling kede Yesu oko dong kene Gin kiko ling kede kop noni, likame iyamo nengatamoro ikare nono giame oudo kineno.³⁷. Oru mere, kame iwok kede piny iwii moru eko riamo kede ekodet me jo atot. ³⁸. Icuo acel iye ekodet oko lelemo kitek di eyamo be ngadwong akwai ipar pi woda pien en inono acel kenekene. ³⁹. Pien Tipo arac make diko mine donyo koko kitek, di korete piny, di eko donyo agwegweun du buo wok kidoge di eko tieko teko kibute pi kare alaci. ⁴⁰. Ango ako kwano jo pwony ni riame tenge do likame kiko twero.⁴¹. Yesu oko dwoko ne gi be, wun lwak alii kede yei, oparao ikareni tuno awene di atie kede wu, di akanya kino kede wu? Keli wodi kan. ⁴². Do kame oudo etie bino kede jwogi di bobu okorete piny di oko mine donyo agwengweun di Yesu oko coko tipo arac nono di atin awobi nono oko cango di eko dwoko but papa mere.⁴³. Jo dedede oko urotwer ka Rubanga. Di jo dedede tie uro giame Yesu otimo en, eko yamo ne jo pwony mege be, ⁴⁴. Miunu kope gi donyi iyitu pien wot adano obino mino icing jo. ⁴⁵. Do gin likame iko niang yamo noni pien oudo okano kibut gi wek kur ingei di doko iworoda oko mako gi penyo Yesu kop noni.⁴⁶. Pien oko cakere kibut gi kengi di kimito ngeno ngai en apore bedo ngadwong kibut gi? ⁴⁷. Kakame Yesu oniang kede tam me cuny gi, di en eko kelo atin di eko mino ocungo ingete. ⁴⁸. Di en eko yamo ne gi be ngat kame gamo atini inyinga udo egama do ngat kame gama udo egamo ngat oora pien ngat atididi ibutu dedede en abino doko ngadwong.⁴⁹. Yokana oko dwoko ne di eyamo be nga dwong wan oneno ngatamoru di riamo jwogi inyingi do wan oko genge pien likame ebedo ngat acel ibut wan jo me alubi. ⁵⁰. Yesu di oko yamo ne be kur igenge nu pien nggat aliame dagi wa udo etie mer wa.⁵¹. Dido kare onoko ame opore game kede malo en eko loko nyime ot Yerusalem. ⁵². En eko cwano jo ter kop anyim mere gin kiko donyo iye adul me Samaria pi li ko. ⁵³. Do jonogo likame oko game, pi ento oudo eloko nyime dok tu Yerusalem.⁵⁴. Do kame jo pwony mege Yakobo kede Yokana oneno ginogi kiko yamo be Rwot iyei ne wan iwongu mac imalo bin piny kan wangi jonogi bala kame Elia otimo kede? ⁵⁵. Di en eko lokere but gi di eko coko gi di eyamonegi be. wun likame ingeunu cuny ame itienu kede. ⁵⁶. Pien wot adano liame obino pi du dubo kuo me jo do pi lako gi dido kiko yai ot icalo apat.⁵⁷. Kakame oudo tie ot kede iyanguyo icuo moro di oko yamo ne be Rwot ango abino lubi ka dedede ame ioto iye. ⁵⁸. Do Yesu oko yamo ne be, ikween tie kede buge ame ibuto iye wing apor iyamo da tie kede ude gi. Do wot adano li kede ka pielo wie.⁵⁹. Di en eko yamo ne dano acie be luba. Do danono oko yamo ne be, Rwot weka ber aoti aiki papa na. ⁶⁰. Yesu di oko yamo ne be wek jo to en aiki jo gi oto do in oti itit kop me jago ka Rubanga.⁶¹. Ngat acel da di bobo oko yamo ne be Rwot ango amito lubi do yei ber kong adoki amot jo me tura. ⁶². Yesu di oko yamo ne be likame tie ngat ame mako keru me twonin aulo ame poore kede jago ka Rubanga.

¹. Ingei magonogo Rwot ono yero jo ot kanyaare ace da, di en eko oro gin jo are are ingeo ot nen i bomba dedede kede kabedere dedede, kame en oudo eyar ot iye. ². En ewaco negi be, kac Ateteni dwong, do jotic nonote; pimano kwaunu Rwot won rac wek icwai jotic i kac mere.³. Nenunu ango aoro wu bala idwe me romini I diere me ipeon as ootunu. ⁴. Kur imiakunu isaun me sente kur imotunu dano moro i yongayo.⁵. Ot moroni kenekene kame idonyunu iye, kong wacunu be, “mulem wu bed i ot noni.” ⁶. Di na tie dano moro kanono kame maro mulem, mulem wu bino iye. Aso ka li mulem wu dwogo butu bobo. ⁷. Bedunu i ot acel nono, di icamunu kede imatunu gikame gin kimio, pien poore komi ngatic cul mere. Kur ibedunu konobo akokob i ude⁸. Bomba moroni kenekene kame ibinunu donyo iye, di gin kiko gamo wu, camunu gikame gin kiketo inyim wu. ⁹. Congunu jotune kame tie iye, di inonu waco negi be, “Ajakanut ka Rubanga etieko bino iyapiyapi kede wu.¹⁰. Do bomba moroni kenekene kame wur idonyunu iye, di gin likame kiko gamo wu, otunu i yote mege di ikounu waco be, ¹¹. “Kiton apua me bomba wu, kame moko ikom wa, wan otetengo gi newu. Akadi namanono da, poore ingeunu manoni en be Ajakanut ka Rubanga otieno bino iyapiyapi butu. ¹². Do ango awaco newu be, i ceng nono ebino bedo beber ne Sodom kalamo bomba nono.¹³. Itie i peko tin benyo, in Korasin! Itie i peko tin benyo in Betesaida! Pien ka noto tice me twer kame kotino buti nogi, bin kotimo i Taya kede Sidon, koto oudo gin bin Kiswilaro sen, di kibedo i ipunoi kede i buru. ¹⁴. Do ebino bedo beber ne Taya kede Sidon i ceng me Ngolonop kalamo in. ¹⁵. Kede in Kaperanaum kame etingere naka i malo, kobino wuci piny i Geana.¹⁶. Ngat kame winyo wu, winye, kede ngat kame cao wu, udo ecaa; dono ngat kame caa udo ecao ngat koora.¹⁷. Di jo ot – kanyaare nogo eko dok kede nilel di kiwaco be, Rwot, kiton jwogi da tie itwer wan i nyingi. ¹⁸. En eko waco negi be, “Ango aneno Sitani di epoto i malo bala epie. ¹⁹. Nenunu, ango amio wu twer me nyono twole kede ikilitonga, kede ikom twer dedede me ngakwor, di likame tie gimoro akadi acel kame bino mino wu awanon. ²⁰. Akadi kamanono da, kur ilelunu pi manoni be pien tipere tie i twer wu; do akaka manono lelunu pien kowandiko nyingu i malo.”²¹. Esawa nono Yesu oko ilel i Tipo kacil, di eko waco be, “Ango apwoyi, okure papa, Rwot me i malo kede piny, piento in iko kano ginogi kibut jorieko kede kame tie kede niang, di iko mino gi kingere but imukerun akadi kamanono da, papa, manoni oudo eneeno eber i wangi.²². Papana otieko mima jame dedede, likame tie ngat kame ngeo ngai en kobedo wod, kwanyo papa, doko likame tie ngat kame ngeo tie ngat kame wod mie engeo.²³. Di en eko lokere but josiao mege, di eko waco ne gin kenogi be, “Etie kede winyo en ngat kame eneno gikame wun inenunu. ²⁴. Pien ango awaco newu be, inabino kede abakai atot oudo cuny gi mito nono ginogo kame wun inenunu do likame kiko neno gi; kede oudo kimito winyo ginogo kame wun iwinyunu, di likame kiko winyo gi.²⁵. Di neningo, pulida moro oko cungo malo, di eko tame; en enaco be, “Nyadwong, nyo kame ango abin atimi en amio adonyi i kuo kame bedo nakanaka?” ²⁶. Yesu oko waco ne be, “Nyo kame kowandiko i iswil? Isome benyo?” ²⁷. En eko gamo di ewaco be, “In ibino maro Rwot Rubanga ni kede cunyi lung, kede kuo ni lung kere tam ni dedede, kede nyakio ni bala kame i maro kede noni keni.” ²⁸. Di Yesu oko waco ne be. “In idwoko kakare; tim kamanono, di in iko bino kuo.²⁹. Do en pi mito waco be en eber eko waco ne Yesu be, “Ngai en ngakio na?” ³⁰. Yesu oko dwoko ne be, “Tie bin icuo moro koudo oyai ni Yerusalem etie ot Yeriko, di en eko poto i cing jokuwo, di gin kiko gonyo igoen lu kome di kiko bunge, kiko yai kioto kiweke di ewile.³¹. Winyo aber, nyasaseredoti moro oko beo kanono. Kakame en enene kede, en eko beo ingete kitenge. ³². Kamanono da ngalebi moro oko beo, kakame eturo kede kanono, eko bino di eko nene, di eko beo ingete kitenge.³³. Do ngasamaria moro, kakame oudo etie ot kede, eko turo kakame icuo nono oudo tie iye, kakame enene kede, kisa oko make i kome. ³⁴. En eko ot bute di eko twetweo aporeso mege di eonyo i yigi moo kede bwini, di eko tere i ot me gwoko wele, di en eko gwoko. ³⁵. Di i ceng alubo mere, kakame en oudo etie yai kede, eko kwanyo denari are di eko mino Ngatel me ot nono di ewaco ne be, “Gwok icuo ni; doko gimoroni dedede ace kame in ibino tic kere i kome, ango abino culi ikare kame adwogo kede.”³⁶. Ngai do nan ikom jo adek nogi, kame in itamo be oudo obedo ngakio me icuo nono koudo opoto i cing jokuwo? ³⁷. Di en eko maco be, “Ngat konyuto ne cuny me kisa.” Dido Yesu oko waco ne be, “Oti iko ida timo kamanono.”³⁸. Nataman do di gin oudo kitie ot, Yesu oko donyo i calo moro: di dako moro kame nyinge Marita oko game i ode. ³⁹. Marita oudo tie kede amimere kame yinge Maria kame oudo tie bedo katyen Yesu di ewinyo pwony mere.⁴⁰. Do Marita oudo tie lole timo tice atot atota, di en eko ot bute, di eko waco ne Rwot be, “Mam in likame iparo be amina oweka timo tic ango nena? Pimano, wace ekonya. ⁴¹. Di Yesu oko gamo doge di ewaco ne be, Marita, Marita, in itie paro, doko jamini atot atota tie lolo tam nin. ⁴². Do giacel en amitere: Maria otieko yero dul aber, kalikame kobino kwanyo tenge kibute.

¹1. Kakame oudo Yesu tie kede ilega ikabedo moro, di do en etieko lego, ngasiao mere acel oko waco ne be, Rwot, pwony wan epone kame olego kede bala kame Yokana da opwonyo kede josiao mege.². En eko waco ne gin be, kame itienu ilega, yamunu kaman; Papa wa kame tie imalo, Nyingi bed me awora, Ajakanut nin bin, Gikame in imito timere, bala kame etimere kede imalo, etimere ipiny da.³. Mi wa ceng acelacel cam wa me buli ceng, ⁴. Di iko sasiro wa gikareco wa, bala kame wada osasiro kede dano acelacel kame timo ne wa gikaraco. Doko kur iwek wa opoti i atama, do lak wa ikom ikom gikarac.⁵. Bobo en eko waco ne gi be, Ngai kikom wu kame koto itie kede ngawote, kame bino ot bute idyer iwor di iko waco ne be, Dyera, kopa ber mugati adek, ⁶. Pien ngawota moro obeo tura nan do ali kede gimoro kame asobolo mine ecami. ⁷. Di en eko dwoko ni di etie i ode di ewaco be, Kur ilola; ango atieko cego ekeko, doko ango atie kede idwe na otieko buto, likame atwero yai ako mini. ⁸. Ango awaco ne wu be, Bed bala likame emito yai eko mini, pien en ebedo nga wote, do pi en cobuno adyere nono, en ebino yai di eko mine kame romo.⁹. Ango awaco ne wu be, Penyunu, di oko bino mino wu, mounu, di ikounu bino udo, kukungunu, di oko bino yabo ne wu. ¹⁰. Pien dano acelacel kame penyo, kobino mine, doko ngat kame moo, ebino udo; da ngat kame kukungo kobino yabo ne.¹¹. Ka wodi openyo mugati kibut ngatamoro kikom wu ngat kame tie papa, ebino kere mine kidi? arabo ka epenyo deknam, akaka mine deknam ebino mine twol? ¹². Arabo ka epenyo abe, en ebino mine ekiliton? ¹³. Ka do ber wun jo areco, ingeunu mino giamia kabeco but idwe wu, do do Papa wu kame tie imalo kalamo tien adi me en mino Tipo Kacil but jo kame kwae.¹⁴. En oudo etie riamo jwogi kame oudo ling-alinga. Do kakame jwogi otieko yai kede, dano oudo ling-alinga nono oko cako yamo; jo oko bedo kede wur adwong twatwal. ¹⁵. Do jo mogo kikom gi oko waco be, En eriamo jwogi kede twer owok kibut Belesebul.¹⁶. Do mogo kikom gi oko tame, di kipenye be enyut ne gi gianena moro kame yai imalo. ¹⁷. Do Yesu oudo ngeo tam gi, en eko waco ne gi be, Ajakanut acelacel kame pokere eko donyo atwomotwomun kene, ebino poto; doko ot acelacel kame bino pokere kene, likame twero cungo.¹⁸. Ka Sitani da opokere yii kene, epone mene kame ajakanut mere bino cungo kede? Pien wun iyamunu be ango ariamo jwogi pi twer ka Belesebul. ¹⁹. Kame ango ariamo jwogi pi twer kame wok kibut Belesebul, awobe wun do udo twer me riame kituai? Pimano, idwe wu do en kame bino ngolo ne wun kop. ²⁰. Do kame ango atie riamo jwogi kede akarinikin ka Rubanga, udo Ajakanut ka Rubanga otieko bino butu, abongo abuinikin moro.²¹. Kame dano atek, kame tie kede jamini me yii, odaro ture; jamini mege udo bedo imulem. ²². Do ka ngat kame tek kalamo en obino di ko sure, di eko bwone, en ebino tero jamini dedede me yii kame en oudo egeno nogo, di eko pokopoko jamini kame en eyako nogo. ²³. Ngat kame likame tie keda, udo en likame emita; doko ngat kalikame coko keda, udo en esasaro.²⁴. Kame tipo arac oyai tenge ikom dano, eoto bebeo kabedo kotuo, di emo kakame tromo wei iye; do kalikame eko udo karamoro, en eko waco be, Ango abino dok i oda kakame a wok kiye. ²⁵. Kame en edwogo, en eko ude di koweo do ko di koike kiber. ²⁶. Di do en eko ot eko kelo bute tipere kanyaare ace kame reco kalamo en; gin kiko donyo, di kiko bedo kuno, kuo ka dano no me ajikini bino bedo rac kalamo me agege.²⁷. Ingei en yamo kope gi, dako moro idyer ekodet oko yamo kede dwan amalo di eko waco ne be, Tie kede winyo aliliget konywali kede tuno kame in idoto. ²⁸. Do en eko waco be, Eebo, do akato mere, tie kede winyo jo kame winyo kop ka Rubanga di kiko keto itic.²⁹. Doko kakame ekodet adwong oko cokere kede karacel, Yesu oko cako waco be, Man en obedo lwak arac, gin kitie mono gianena, do likame tie gikanena moro kame oyaro mino gi, kwanyo gianena ka enabi Yona. ³⁰. Pien bala kame Yona obedo kede gianena ne jo me Nenibe, kamanono da Wot ka dano bino bedo gianena me lwak ni.³¹Abaka adako me tetu Ongalo-kimat, bino cungo malo pido kede jo me lwak ni, di eko ngolo kop lo gi, pien bin en eyai i ajikini me lobo pi bino winyo kop kabaka Solomon me rieko; do nan wan otie kede ngat kame dwong kalamo Solomon tie kan.³². Cuo me Ninebe bino cungo malo esawa me ngolo kop ne jo me lwak ni; gin kiko bino ngolo ne gi kop. Pien gin bin kiko swilaro ikare kame Yona otuco kede ejiri; do nan neni, dano kame dwong kalamo Yona tie kan.³³. Likame tie dano kame ecwinyo etala, eko kete kaka opwono arabo ume kede ebukit, do eketo kakame ecungo iye, me wek jo kame donyo i ot udo ot ler. ³⁴. Lero me kom en obedo wang dano, pi mano kame wangi oriere, komi dedede udo opong kede lero; do kame wangi rac, udo komi da opong kede colo. ³⁵. Pi mano gwokere nu, me wek kur lero kame nataman tie ni dok colo. ³⁶. Ka komi dedede tie kede lero, di likame tie dul moro kame tie i colo, komi dedede udo do opong kede lero; bala kame asara me liel me etala mio kede lero.³⁷. Di do en oudo etie yamo, Ngaparisayo moro oko lwonge ot cam kede: en eko donyo i ot cam, eko bedo piny pi cam. ³⁸Do kakame Ngaparisayo noni oneno kede kamano, eko bedo kede ur pien Yesu oudo ocako cam di likame elwoko cinge.³⁹. Di Rwot oko waco ne be, Wun Iparisayon ilwokunu ngei ikopo kede bakuli, do di cuny wu opong kede amao kede gikareco. ⁴⁰. Wun jo mingo, bin likame ngat otimo ooko en kotimo kiton yie da? ⁴¹. Do miunu giamia me epone go but jocan bala kame mitere, di do gi me yie dedede ko doko gikame cil.⁴². Do can tie iwi wu, wun Iparisayon; pien wun imiunu acel me tomon me otigo kede amalakwang, kede epone me gi acamere dedede kame ongwedo angweda, do di likame iparunu pi timo ateni kede amara ka Rubanga, oudo koto magi en kame wun ipoore nu timo, abongo weko ace di likame otimo.⁴³. Itie nu ican, wun Iparisayon pien wun imarunu komini me wor i sinagogan, kede di omoto wu kede wor adwong i atalen. ⁴⁴. Can ikomu, wun jo i wandik kede Iparisayon, joecuke! Pien wun icalunu bala atesin kalikame neeno, doko jo kame beo i wi gi da likame ngeo be kitie kanono.⁴⁵. Di do ngagwok iswil acel oko dwoko di waco ne be, Ngadwong, yamo epone mano kelo ayet naka ikom wa da. ⁴⁶. Di Yesu oko waco be, can ikom wu da, wun joagwoko iswilia! Pien wun i miunu jo yeno yec apek adikinicel, kame wun ikom wu likame tie dano kame yei mulo kede lwete.⁴⁷. Can ikom wu! Pien wun igerunu atesin me inabin, kame bin joapapi wu en oneko. ⁴⁸. Ateteni wun imokunu ijura be iyeunu kede tice ka joapapi wu: pien ateteni gin riki kineko inabin; di wun nan ikounu gero atesin no go.⁴⁹. Pi mano, doko rieko ka Rubanga waco kaman be, Ango abino cwano ne gi inabin kede joor, do mogo kikom gi gin iyaro tidilo kede nedo da. ⁵⁰. Me wek remo me inabin dedede kame riki oony cako i agege me cweno lobo, peny kibut lwak noni. ⁵¹. Cako kibut remo ka Abel tuno naka iremo ka Sakaria, kame koneko idyere-dyere me alutari kede tempulo.Ateteni awaco ne wu be, kobino penyo gi kibut jo me lwak noni.⁵². Can ikom wu, wun jogwok iswil! Pien wun iterunu agony me ngec ikanunu, do wu da ikom wu likame bobo ikounu donyo iye; doko jo kame mito donyo iye da, wun itie nu gengo gi.⁵³. Kakame Yesu oudo tie yamo kede kope gi but gi; jo angeo iswilia kede Iparisayon oko cako bunano en kitek di ki ko kelo ne peny atot me tame tetekeny eyam kope ace atot. ⁵⁴. Di oudo kitie kine, kede pi momo kope me doge pi mito make kede.

¹I kare no, kakame ekodet me jo kame oudo likame marere ocokere kede karacel, kame oko mino oudo do kitie nyonyono jo icegun; en oko cako waco ne josiao mege me agege be, “Gwokerenu kikom arup me Iparisayon, kame obedo ecuke.²Pien likame tie gimoro kame koumo, kalikame kobino nyuto kakaler, amoto kame kokano kalikame bino ngere. ³Pi mano, gimoro kenekene kame ibinunu yamo i kakacol, ebino winyere i lero, doko kope kame iweweunu i mung i agola, kobino tatamo gi ki wi ude.⁴“Ango awaco ne wu jowota be, kur ibedunu kede lworo but jo kame neko kom, di likame kiko twero doko timo gimoro ace ingei mano. ⁵Do ango ayaro kwenyaro wu i kom ngat kame poore ilworunu: Lworunu ngat kame ingei en neko etie kede twer me uco i geana; ebo, awaco ne wu be Lworenu!⁶“Mam ocato omobilo kany pi siringi are? do di likame tie acel moro kikom gi kame wi Rubanga wil kede. ⁷Kiton yer acelacel me wi wu da kotieko maro. Pi mano, kur ibedunu kede lworo moro; pien wun piru tek kalamo omobilo atot.⁸“Doko ango aniango wu be, ngat acelacel kame tuco be en ebedo ngat kame luba i nyim jo, Wot ka dano da bino tuco be en engee i nyim imalaikan ka Rubanga; ⁹do ngat kame bino daga i nyim jo, eda kobino dage i nyim imalaikan ka Rubanga. ¹⁰“Doko ngat acelacel kame yamo kop me anywar i kom Wot ka dano, kobino sasiro en, do ngat kame yamo kop me acae i kom Tipo Kacil, likame kobino sasiro en.¹¹“Doko kame kikelo wu pi pido wu i sinagogan, kede i nyim ikikon, amotoko i nyim wegi twer, kur ibedunu kede par i kom kop kame ibinunu dwoko, arabo epone me dwoko, amoto gikame ibinunu waco; ¹²Pien Tipo Kacil bino pwonyo wu iesawa nono gikame ipoorenu waco.”¹³Di icuo acel oudo tie i dier ekodet oko waco ne be, “Apwony, wac ne omina pok keda jame kame wan osikao.” ¹⁴Do Yesu oko waco ne be, “Icuo ni, ngai en komia twer me bedo ngangolkop arabo ngat kame poko ne wu jame?” ¹⁵Di en eko waco ne gi be, “Gwokerenu, doko bedunu riek i kom kop amako paro jame; pien kuo me dano likame cungo i kom rom me jamini kame en etie kede.”¹⁶En oko tatamo ne gi agole di ewaco be, “Lobo me icuo ngabar moro bin oko ceko ne cam atot; ¹⁷en eko donyo paro i cunye kene be, ‘Abino timo benyo? Pien karamoro kame ango aromo keto iye cam na gi likame tie.’ ¹⁸Di do en eko waco be, ‘Ango nan abino timo kaman, ango ayaro rereto dere na gi piny, di ako gero adongodongo mege, en kame ako coko iye cam na kede jame na abeco dedede. ¹⁹Di do ako waco ne cunya be, “Kuo na, nen do nan itie kede jame dedede abeco kame in ibino mito pi mwakini atot; bed do mot, cami, doko mati, di iko bedo kede yomcuny.’²⁰Do Rubanga oko waco ne be, ‘Ngamingo, iwor me tin noni komito kuo ni; nan do jame kame in idiato go bino bedo me ka ngai?’ “ ²¹Kamanono da but dano kame kano abar pire kene, do di likame ebaro i nyim Rubanga.²²Di en oko waco ne josiao mege be, “Pi mano, ango awaco ne wu be, Kur ibedunu kede par pi kuo wu, pi gikame ibinunu camo, arabo pi komu, pi gikame ibinunu ngapo. ²³Pien kuo pire tek kalamo cam, doko kom da pire tek kalamo giangapa.²⁴Nenunu ber agak, gin likame kicuo kodi, akadi likame kikao da; gin ki li kede ude me kano cam arabo dere, do Rubanga pito gi; piru tek kalamo winy go tien adi? ²⁵Ngai kikom wu, pi bedo kede par atot, atwero medo ceng me kuo mere? ²⁶Ka in likame itwero timo gikame titidi kamano, pinyo kame mio ibedo kede par pi jame ace?²⁷Paruru ber epone kame ature me itela dongo kede; gin likame kipuro, doko likame kiwio ausin; do awaco ne wu be, akadi Sulumani da ki deyo mere dedede likame oudo engapere bala ature acel ikom gi. ²⁸Ka do Rubanga ngapo lum, kame kuo i itela tin diki di doko oko wuco gi i mac, nan do ebino ngapo wu kalamo gin tien adi. Wun jo kame yei wu titidi!²⁹“Pi mano, kur ibedunu mono giacama kede giamata, doko kur ibedunu kede gung cunyu. ³⁰Pien gigi atekerin me piny mo gi, doko Papa wu ngeo be wun imitunu gi nogi. "³¹Do akaka mano, mounu kong Ajakanut ka Rubanga, di do gigi da ko bino bedo megu. ³²Kur ibedunu kede lworo, in ekodet atitidi, pien etie mit ka Papa wu pi mino wu Ajakanut.³³Cat jame kame itie kede, di iko konyo kede jocan; bedunu kede isaun kalikame twero ti, di ikounu kano abar wu malo kakame kei li kiye, kakame ngakuwo likame twero tuno iye, akadi ajekel da likame twero dudubo gi kiye. ³⁴Pien kakame abar ni tie iye, en kame cunyi da bino bedo iye.³⁵Bedunu di iikerenu, doko di italan wu tie liel, ³⁶Wuda itienu bala jo kame tie kuro dwogo ka ngadwong gi i ebaga me nyom, me wek kame edwogo di eko kukungo ekeko, kitwero yabe awakawaka.³⁷Kitie kede winyo jotic kame ngadwong gi bino dwogo di eko udo gi di kineeno; ateteni awaco ne wu be, en ebino tweno piere di eko mino gi kibedo piny cam, di eko poko ne gi cam. ³⁸Ka edwogo esawa me i dier iwor amotoko obai, di eko udo jotic nogo di kitieko iikere; winyo bino mako gi.³⁹Do miero ingeunu be, ka koto di oudo won ot ngeo esawa kame ngakuwo oyaro bino kede, oudo koto egwokere di likame eko weko koturo ode. ⁴⁰Pi mano, en komio uda miero ibedunu di itiekunu iikere, pien Wot ka dano bino ngoole dwogo iesawa kame wun likame iparunu.”⁴¹Di Petero oko waco ne Yesu be, “Rwot itie yamo agole ni pi wan kenwa, arabo pi jo dedede?” ⁴²Rwot oko waco ne be, “Ngai en kame ngagwok kame genere da di eriek, kame ngadwong mere kete telo ture kede jame dedede kame tie iye, pi mino jotic icegun cam iesawa ikokome? ⁴³Ngatic nono tie kede winyo ka ngadwong mere bino dwogo ko ude di etie timo kamanono. ⁴⁴Ateteni ango awaco ne wu be, en ebino keto ngatic nono pi lono jame kame etie kede dedede.⁴⁵Do ka ngatic no oko donyo yamo i cunye kene kene be, ‘Ngadwong na oyaro gal dwogo; di en eko cako bungo jotic icegun acuo kede amon, di eko donyo cam kede amata di eko donyo mer, ⁴⁶ngadwong ka ngatic nono bino ngoole dwogo i ceng kalikame en egeno, kede iesawa kame en ekwia, di eko bino ngongolo en di eko ribe i kom jo kalikame genere.⁴⁷“Doko ngatic kame oudo ngeo gikame ngadwong mere mito, di en likame eko iikere arabo timo gikame mit mere mito, kobino daane ibelai atot. ⁴⁸Do ngatic kalikame oudo ngeo gikame ngadwong mere mito, di en eko donyo timo gikame oudo romo mino kobunge, kobino bunge kede ibelai anonok. Pien ngat kame komio atot, kobino penyo atot da kibute; doko ngat kame kogeno kede atot, kobino da burao atot kibute.”⁴⁹Ango abino pi kelo mac i lobo, do oudo amito be koto di nan kotieko cwinye. ⁵⁰Do ango atie kede batisimu kame miero batiso ango kede, da cunya winyo lito tuno kede ka etieko cobere!⁵¹Iparunu be ango abino pi kelo mulem i lobo? Awaco ne wu be likame amano; do apokapoka. ⁵²Pien cako nan, jo kany bino bedo tie ipaco acel di ipokere, jo adek bino dagi jo are, di jo are da ko bino dagi jo adek. ⁵³Papa bino pokere eko dagi wode, doko awobi da bino dagere kede papa mere; toto bino dagi nyare, di nyako da ko dagi toto mere. Toto me awobi bino dagi dako ka wode, doko dako me awobi da bino dagi daa mere.”⁵⁴Doko Yesu oko waco ne jo be, “Ka wun inenunu idoun di tingere malo i tetu poto ceng, esawa nono di icakunu waco be, ‘Kot oyaro cwei’; doko di eko timere kamanono da. ⁵⁵Doko ka inenunu yamo kame buko di wok i tetu ongalimake, iwacunu be, ‘Piny tin oyaro doko liet’; da di eko timere da. ⁵⁶Wun joecuke, ingeunu gonyo dwong me gikame tie timere ka inenunu cal me malo kede me piny, do pinyo ber komio likame itwerunu poko kare noni?⁵⁷Ebo, pinyo ber komio wun likame itwerunu ngeno poko gikaber? ⁵⁸Kame itie ot i nyim ngangolkop di i upere kede ngat kame tie pidi, tamakino kede teko pi poro kede kop di itienu i yongayo me wek kur eteri i nyim ngangolkop, di ngangolkop ko bino keti i cing sirikale kame ko bino rwaki i otkol. ⁵⁹Awaco ni be, likame ibino wok ki kuno tuno kede di itieko culo nusu me ajikini kame kotangi kede.

¹Di kare oko tuno kitakame eoto kede i ot me nga pug moro obedo nga parisayo pi camo mugati ceng sabato, di iko donyo ngice. ²Di ikano, oudo tie icuo moro atie inyime, kame tie kede tuo apopongo kome. ³Di Yesu oko penyo nga dwong me iswil kede Iparisayon, di ewaco be, "Iswil yei pi cano dano ceng sabato?"⁴Di gin iko ling alinga. Di Yesu oko make di eko cange, di eko mine eot. ⁵Yesu oko dwoko ne gi di ewaco be, "Ngai kikomu kame atin mere arabo twon mere opoto ibur likame ewoto awakawaka ceng Sabato? ⁶Di likame iko twero dwokone kop bobo ikope gi.⁷Di en eko cako yamo kede jo oudo tie kanono iya agole, kame eneno kede kitekame kitie yero kede agola me wor, eko waco negi be, ⁸"Kame ngatamoro olwongi inyom kacil, kur iot bedo kabedo me wor, cemogo tie ngatamoro kame olwongo apire tek kalamo in. ⁹Di ngat kalwongo wu nono kobino eko waco ni be, 'yai iweke welo ni kabedo,' dido lewic komaki di iyoto bedo kabedo me piny.¹⁰Do ka olwongi, oti iko bedo kabedo me piny, kame ngat olwongi obino, ewaco ni be, 'diera yai ikob malo.' mano bino mini wor inyim wele kame tie kedi. ¹¹Pien ngat kame tingere malo kene, kobino dwoke piny, do ngat kame dwogo piny, kobino tinge malo."¹²Do Yesu oko waco ne icuo olwonge i ode nono be, kame itedo cam me iceng arabo me otieno, kur ilwong jo woti arabo imiegu kede amiegu ni, arabo jo awade ni, arabo jo kioni obaro, pien ceng mogo gi da kibino lwongi, kame bedo bala cul.¹³Do kame itedo ebaga, lwong jo can, jo kame liao alia, jo ongwalo, kede jo awangi oto. ¹⁴Di oko bino mini winyo, pi gin likame kitwero culi. Pien kobino culin ikare me oyaruno kede jo opoore."¹⁵Di ngat acel ikom jo oudo tie bedo kede Yesu ka cam, owinyo kop gi, eko waco ne be, "Etie kede winyo ngat kame bino camo mugati iya ajakanut ka Rubanga! ¹⁶Do en eko waco ne be, "icuo moro bin oiko cam atot me otieno, do eko lwongo jo atot. ¹⁷Di eko cwano ngatic mere, iye sawa me cam ocek kede pi ot kwenyaro jo kame elwongo, 'Bianu pien jame dedede do otieko cek.'¹⁸Di gin dedede inyang ngat acelacel kiko geno kwano kisa. Dano me agege owaco be, 'Dano me agege owaco be. Akwai itima kisa.' ¹⁹"Di dano ace oko waco be, 'Ango awilo twonin me ayokon kany, do amito oot tamo gi,. Akwai itima kisa.' ²⁰"Di dano ace oko waco be, 'Ango anyomo dako do pi mano likame atwero bino.'²¹Ngatic nono oko dwogo, di eko dwoko ne nga dwong mere kop, dido ngadwong mere nono kite kame cunye owang kede eko waco ne ngatic mere, ot oko awakawaka iyote adongo - dongo kede yote atitino idier bomba, di kiko kelo jo can, jo aliao alia, ingwalasa, kedo jo awangi oto.' ²²"Do ngatic oko waco be, 'nyadwong, atieko timo bala kite kame iwaco kede, di pwodi kabedo tie.'²³"Di ngadowng oko waco ne ngatic, ot oko kiyote adongo kede atitino me calo, di iko dino jo bino ipaco tetek, me wek oda pongi. ²⁴Pien awaco ni be, likame tie ngatamoro kikom jo kame kolwongo go abino bilo cam na."²⁵Di oudo ikodeta me jo atota tota tie upere kede en, di en eko lokere, di ewaco ne gi be, ²⁶"Kame ngatamoro obino buta, di likame eko dagi Papa, Toto, dako, idwe, imiegu kede amiegu, kede kwo mere da, likame twero bedo ngasiao na. ²⁷Kede ngat kalikame riongo musalaba mere, di eko bino luba, likame etwero bedo ngasiao na.²⁸Ngai kikom wu, kame emito gero ot abor malo, likame bedo piny ber, di eko maro wel sente kame gedo nono mito, kame etie kede aromo pi tieko ot nono? ²⁹Kalika me itimo amano, kame itieko do cako kede gedo, di likame iko twero tieke, jo dedede kame neno gedo nono bino nyeri. ³⁰di iwaco be, 'Icuo ni ocako gedo, do likame eko etwero tieko.'³¹Arabo abaka mene, ame twaruno ot yi kede abaka ocelu, di likame ebedo piny, di likame eko tamo kame etwero kede isirikalen mege tutumia tomon, pi yi kede ngat kame tie kede isirikalen tutumia ot are? ³²Arabo, di pwodi joka tie kaka abor, en ecwao joor mege pi nywako kop akelo mulem? ³³Kamanono da, ngatamoro ikom wu kalikame jalo gi dedede kame etie kede, likame twero bedo ngasiao na.³⁴Munyo ber, do kame munyo odoko obot, otwero mine doko edok kec? ³⁵Likame udo eber ne lobo da, akadi me eketa ibolia, Do ouce tenge. Ngat kame tie kede yit me winyo, wek ewinyi."

¹. Dido jorar esolo kede jodubo dedede oko nyiko ingete pi winye. ². Di Iparisayon kede jo awandiko oko donyo ngur, di kiyamo be, "Icuo ni gamo jodubo di ecamo kede gi."³. En do eko yamo negi agole ni di ewaco be: ⁴. Ngai ikom wu, kame itie kede romini tol acel, di acel ko rwenyo, likame iweko ot kanyangon go i itela, di iko ot mono acel orwenyo ca di eko ot mono acel orwenyo di ikome acel ca paka ude. ⁵. Do kame eudo, enonge i epepet mere, kede i lel.⁶. Do kame edwogo i paco elwongo jowote kede jokio mege karacel di eko waco negi be, "Lelunu keda, piento audo orono na oudo orwenyo. ⁷. Awaco ne wu be amanono da ilel atot oyaro bedo i malo pi ngadub acel kame swilaro akaka jo akalamo ot kanyangon iwie kanyangon kali kede mit me swilaro. Agole me nusu korwenyo.⁸. Arabo, dako mene ino atie kede abolai tomon, di likame eko cwinyo etala, di eko weno ot, kede mono iber paka udo abola acel audo orwenyo? ⁹. Do kame eudo, elwongo jowote kede jokio mege karacel, di ewaco be, "Lelunu keda, pien audo abola audo arwenyo!" ¹⁰. Amanono da, awaco ne we be, ilel tie inyim imalaikan ka Rubanga pi ngadubo acel kame swilaro." Agole me awobi orwenyo.¹¹. Di eko yamo be: Icuo moro oudo tie kede awobe are, ¹². Do awobi atidi oko waco ne papa mere be, "Papa mia jame kame maka. "Aso en do eko popoko negi jame mege.¹³. Di pwodi ceng atot lika okato, awobi atidi noni oko coko jame mege dedede karacel, di eko yai ot i piny atie kabor itek, di eko dudubo jame mege iwi kuo aber. ¹⁴. Do kakame etieko tic kede jame dedede kec oko poto i lobo no, di eko donyo mito kony.¹⁵. Di eko ot bedo kede lo moro me piny no, di lono oko oore i itela pito ipegei mege. ¹⁶. Do oudo komo cunye odoko yom pi pongo yiye kede ngor audo ipegei camo, do lika tie ngatamoro oko mine gimoro.¹⁷. "Do kakame ngec mere odwogo kede, eko yamo be, "Adi ikom jotic kame papa nango pango atie kede cam aromo gi di bobo dong da, di ango atie to kec! ¹⁸. Ayaro yai di ako ot but papa na, di ako waco ne be, "Papa, ango adubo inyim malo kede inyim da. ¹⁹. Do lika bobo opoore iwonga be wodi. Mia do abed bala acel ikom jotic nin kame oculo.²⁰. Di eko yai di eko bino but papa mere. Do kakame pwodi etie kede kabor, papa mere oko nene di eko udo kisa, di eko ringo di eko poto ingute di eko note. ²¹. Di wode oko waco ne be, "papa, ango adubo inyim malo kede inyim da, lika bobo opoore iwonga be wodi.²². Do papa mere oko waco ne jotic mege be, kelunu ekansu abr ikonu ngapone, di ikonu rwako epeta i cinge, kede amuka i tiene. ²³. Di ikonu kelo etobcut amio kane, nekenu di okonu cam kede ilel. ²⁴. Pien oudo wodani oto do eyaruno bobo; oudo erwenyo do, eudere." Di gin iko geno ilel.²⁵. Nan wode adwong oudo tie ipotu. Di eko bino pako tuno inget ot, eko winyo wer kede miel. ²⁶. En do eko acel ikom jotic di eko penyo dwong me kop nogi. ²⁷. Di eko waco ne be, "Omini obino, do piento papawu ogame di etie iber di kame yot, eneko etobait amio.²⁸. "Do oudo cunye owang di likame eko donyo iiye. Pimano papa mere oko wok oko pi ngangao en. ²⁹. En do eko dwoko di ewaco ne papa mere be, "Neni i mwakini atot gi kame ango lem atimo ni kede tic lkatie esawa moro kame ango aturo kede cik: do di in likame ibilo kede minango atin dyel, pi bey ango da lelo kede jowota. ³⁰. Do kakame wodi ni obino kede, di etieko dududbo abar nin dedede kede amalayan, in iko neko etobait amio.³¹. Di eko waco ne wode be, "woda in nakanaka itie keda do bobo da gikame ango atie kede dedede abedo meri. ³². Oudo epoore be wan ber ocamunu ebaga ni di okenu ilel, pien omini oudo oto do eyaruno bobo, oudo erwenyo do eudere.

¹. Di en eko waco ne josiao mege, oudo riki tie icuo kobaro, kame oudo tie kede nga ngagwok, di jo ok pido ngat nono bute be etie dudubo jame mege. ². Di en eko iwonge, di eko waco ne be, nyo omio ango abie winyo kop ikome? Nyut na epoore kame itie gwoko kede jame na, Pien in likame bobo itwero meede bedo ngagwok jame na.³. Dido ngagwok jame nono oko waco icunge be abino timo benyo? pi ngadwong na tie kwanyo tic me daro jame ibuta, likame atwero pur, pi kwac lawic maka. ⁴. Ango nan atie ko ngeno gi me atima, be, kame okwanya itic me daro jame, pi jo bino gama imiere gi.⁵. En eko iwonga dano acel acel kame tie kede banya kede nga dwong mere bute, di eko waco ne dano me agege, itie kede banya kame oburao aramo adi but ngadwong na? ⁶. Di eko waco be, Galani tel acel me mo, di en eko waco ne be, kwany itabu ni me banya di iko bedo piny awakawaka, di iko wandiko ot kany. ⁷. Bobo eko waco ne ngat ocelu, di koburao in adi? di eko waco be, Engano kame opipimo tol acel, di en eko waco ne be, kwany banya ni, di iko wandiko ot kanyauni.⁸. Dido ngadwong mono oko pako nga gwok jame mege kalikame genere nono, pien etimo neko pi idwe me piny nan ikareni nek lono idwe kame oto ilero. ⁹. Di awaco ne wu be, timunu awotin kede jo kame udo abar kie epwore kame liko pore, me wek kame etiek, gin ikamuo gamo wu imiere kame bedo nakanaka.¹⁰. Ngat kame genere kede gi kame titidi twatwal udo egenere kede gikame dwong da, di ngat kame likame genere kede gi kame dwong da. ¹¹. Kodo ber wun likame igenerenu kede abar me piny kan kame liko poore ngai do kame bino keto gen ikom wu kede abar me aten i? ¹². Di kame wun likame igenere nu kede jame angat apat, ngai do bino mino meru kame mako wu.¹³. Likame tie ngatic kame rom tic ne jo dongo are, Pien cenge mgo ebino dagi acel, di eko maro ocelu, arabo eyaro moko ikom acel, di eko cano ocelu. In likame itwero tic ne Rubanfa kede abar da.¹⁴. Di Iparisayon da jo kame maro jame me piny, owinyo ked kop gi dedede, di gin iko cano Yesu. ¹⁵. Di en eko waco negi be, wun en jo kame nyutere inyim jo, do Rubanga ngeo cuny, pien gikame otero twatwal bala gikaber idiere me jo, tie gikame neno rac inyim Rubanga.¹⁶. Do iswil kede inapin oudo tie tuno ikare ayokana, geno ikare no opwony kop me ajakanut ka Rubanga, di ngat ocelacel donyo iye tetek. ¹⁷. Di eyoyot ne malo kede lobo pi rwenyo, lono adul more atitidi me iswil me dagi tic.¹⁸. Ngata moroni kame nano dako mere di eko nyomo ace, udo etimo adote, di ngatamoroni kame nyo dako opokere kede cware, wudo etimo adote.¹⁹. Oudo riki tie icuo moro kobaro kame ngapo igoen akwakwar kede kame meny amneya, di etie kede kwo ajabajaba ceng dedede. ²⁰. Di oudo tie ngakwac more anyinge Lasaro kame oudo bedo iye rute mere, di buge otatapo ikome. ²¹. Di eparo be koto omie ecamo angidingidiu me cam kame poto iye mesa me ngabar, medo iwimano igwogin da bino di ko donyo nango buge mege.²². Di kare oko tuno ame ngacan oko to kede di imalaikan ako tunge oko kete ikor Abraham, Nga bar da oko to, di oko yike. ²³. Di etic imac kalikame to eko tingo wange malo, do di etie kanyo lito, di ekoneno Aburamu tie kabor, di Lasaro tie bedo ikore.²⁴. Di eko kok di ewaco be, papa Aburamu mi kisa maki keda, di iko cwano Lasaro, be koto eluto wi lwete atitidi i pi di eko bino kwano leba, pien ango lito acetena imac.²⁵. Do Aburamu oko owaco be, woda yutuno be ikare kame in ikuo kede iudo jameni abeco, di Lasaro da iye pwore nono bin oudo jamini areco do nataman okweo cunye di ida iudo lito. ²⁶. Di bobo medo iwi mano, dierediere wan kede wun tie pur atut twatwal kame koketo, tetekeny likame tie ngata more kame twero ngolo ituni tuno but wu akadi acel, akadi gida likame twero ngolo butwan kame bino i but wun kuno.²⁷. Do en eko waco be alego buti pimano be papa koto oudo icwae eoto iyot kapapa na. ²⁸. pien ango atie kede imiegu na kany me wek eoti ekwanyaro gi, kameli gida doko kiyaro bino kabedo me can ni.²⁹. Aburamu oko waco ne be, gin kite kede Musa kede inabin, poore gin kiwiny kop gi. ³⁰. Di eko waco be, likame amano papa Aburamu do ka ngatamoro kikom jo oto ooto but gi kibino swilaro. ³¹. Di en eko waco ne be, kame gin likame kiyei kop ka Musa kede me inabin, likame kibino yei akadi ka ngalamoro oyamuno kikom jo oto da.

¹. Di en dokon eko waco ne ne josioa meege be, likame etwerere, do etie be gi kame mio jo poto ibal omito bino; do can but dano, kame gigonogo bino beo kibute! ². Oudo koto ber twatwal me tweeno kidi me riego ingute di oko wuce icuny nam, ioo en miino ngat acel ikom idue katitino gi poto ibal.³. Gwokere nu itek; kame omini otimoni gi karac juke; kame eswilaro, time kisa. ⁴. Dokon kame edubo buti tien kany kaare iiceng acel, di itien kany kaare ii ceng acel nono en elokere dokon edwongo buti di ewaco ni be, ango aswilaro, in poore itime kisa.⁵. Joor dido oko waco ne Rwot be, nyai do yei wada. ⁶. Rwot oko waco be, koto di itieunu kede yei acal kede nyige me karadali, oudo itwerunu yaamo ne yat anyinge cukamoro ni be; putere dedede kede alias ni, di iko oot pitere icuny nam; di en eko bino wiinyo u.⁷. Do ngai ki komun, kame tie kede ngatic kame puro arabo kapito doke megge, di eko cobuno yamo ne naka naka, kame di en edwogo ii ebar be; Ape ioti ibed piny iko cam? ⁸. Dodi likame ewaco ne be gei ber kong temuno kakame ango ayaro cam kiye, di iko ngapere me miino ango cam, paka kame ango atieko cam kede mat; icen mere, dido ii da iko cam di iko maato?⁹. Benyo en emito pwoono ngatic nono pien etimo gi kame ocikakino en pi tiimo? Ango ageno be li. ¹⁰. Aso ecal kamanono butu da, kame di itiekunu tiimo gi dedede kame ocikakino u pi tiimo, yamunu be, wan obedo jo tic kame kony gi ii, wan otieko coobo tic kibecokina ne wan pi tiimo.¹¹. Dido mago oko bino diko kato, di en etie oot Iyerusalem, di eko beeno idiere diere me Samaria kede Galilaya. ¹². Kakame en oudo etie donyo kede i adul moro, cuo tomon kame obedo jo dobini, oko cungo kaka abor; ¹³. Di gin kiko kiararo dwan gi malo, di ki waco be, Yesu, Nyapwony, bed kede kisa ikom wa.¹⁴. Kakame en eneno gi kede, eko waco negi be, ootunu inyutere nu but Isaseredotin. Kame mago oko kato, dido gin ki tie oot, oko ioonyo gi. ¹⁵. Kakame ngat acel ikom gi, oneno kede be en etieko lonyere, elokere edok cen, di etie miino deyo but Rubanga kede dwan amalo. ¹⁶. Di en eko poto arieba cuny itiene, di emio pwoc bute; do en oudo ebedo nga Samaria.¹⁷. Yesu oko dwoko di ewaco be, likame oudo jo tomon en ko lonyere? do jo kany ka ngon tie tuai? ¹⁸. Likame ngatamoro ikom gi oko dwogo pi miino deyo but Rubanga kwaanyo ngakum bor ni. ¹⁹. Di en eko waco ne be, yai i ooti: yei ni otieko cangi.²⁰. Doko kakame Iparisayon openyo kede kibute di kimito ngeeno kare kame ajakanut ka Rubanga poore bino kede, en eko dwooko ne gi be, ajakanut ka Rubanga likame bino di ko tie neene. ²¹. Amotoko nat jo yaamo be, nenunu , en ine! arabo, be, nenunu, en ica! piento niangunu be, ajakanut ka Rubanga tie ii wu.²². Dokon en eko waco ne jo siao be, cengere bino tuno kame un iyarunu miito neeno kede cenge ka wot ka dano, do likame iyarounu nene. ²³. Dokon gin ki yaro waco neu be nenunu kane arabo nenunu kuca, kur iootunu kede gi arabo, lubo gi. ²⁴. Pien bala kame epie kame meny ki malo tucel rieny dokon imalo tucel, aso wot kadano da oyaro bedo kamanono iceng mere.²⁵. Do ber kong eyaro benno ki can ka tot, di jo me atur ni ko bino dage. ²⁶. Dokon bala kame bin ebedo kede icengere ka Nua, eyaro bedo cal kamanono da icengere ka wot adano. ²⁷. Gin oudo kicamo, gin oudo ki mato, gin oudo ki nyomo mon, oudo ko miogi inyom, tuno kede ceng kame Nua diko donyo kede iye, di alele oko bino, oko neeko gi dedede.²⁸. Dokon ecal acala kede cengere ka lot da Gin kicamo, ki mato, ki wilo, ki cato, ki pito kodere, ki gero. ²⁹. Do iceng acel nono kame lot ooto kede ooko me Sodoma en kame mac kede itongen oko cwei imalo di oko neeko gin dedede.³⁰. Eyaro bino bedo cal kamanono da iceng kame wot ka dano omito yabere kede. ³¹. Iceng nono, dano kame tie iwi ot, dodi jame meege tie i ot, kur dokon ewok piny pi kwaanyo gi, dokon dano kame tie ipoto da, kur eda edwog cen.³². Yutunu nu dako ka lot. ³³. Ngat kame bino moono pi laako kuo mere oyaro rwenye; dokon ngat kame bino rwenyo kuo mere oyaro gwooke.³⁴. Awaceu, iwor nnoca, jo are oyaro bino buto i itanda acel koyaro kwaanyo ngat ace di oko weeko. ³⁵. Mon are oyaro bino riego karacel, ngat acel koyaro bino kwaanyo, di ngat acel oko bino weeko. ³⁶. Cuo are oyaro bedo ipoto; koyaro kwaanyo ngat acel, di ngat acel oko bino weeko.³⁷. Gin kiko dwooko di ki waco ne be, Rwot, tuai inonono? Di en eko waco negi be, kakame kom jo tie iye, acut bino cokere iye.

¹. Yesu oko tatamo negi agole kame pwonyo, be jo poore lego nakanakadi likame ki kwanyo cuny gi. ². En ewaco negi be, “Bin tie ibomba moro ngangol kop kalikame woro Rubanga, di likame eparo pi dano moro da:³. Kede da oudo tie Apuserut moro ibomba nono, kame bole but ngangol kop nono di ebako doge be, okwe konya kede ngat kame ango atie pido kede. ⁴. Likame eko yei pi kare moro do icen mere, eko yamo kene, akadi likame aworo Rubanga arabo aparo pi dano. ⁵. Do apuserut ni ocobuno ango bino konye pien ka li lole mere buta bino oola.⁶. Dido Rwot oko waco be “Winyunu gi kame ngangol kop kame li kede poore waco. ⁷. Benyo Rubanga likame bino konyo jo mege kame en eyero, kame kok bute iceng kede iwor benyo egal kede konyo gi? ⁸. Awaco ne wu be ebino konyo gi awakawaka. Bed bala kamanono da ka wot ka dano odwogo ebino udo yei tie iwilobo?⁹. Yesu bobo oko waco agole ni but jo kame keto gen ikuo gi ken gi be gin kipoore di kicao jo icegun. ¹⁰. Cuo are bin ooto donyo itempulo ilega, ngat acel oudo obedo ngaparisayo, do ngat oclu ngarar esolo.¹¹. Eparisayot oko yai malo, di eko ilega eliling icunye kene be, Rubanga Apwoyi, ango kara likame acal kede jo ace apat, bala nat jo yak, jo dubo, jo adote ara akadi bala ngarar esolo ni da. ¹². Ango ari kec tien are buli sabiti acel, amio acel me tomon me gi dedede kame ango atie kede.¹³. Do ngarar esolo oko cungo kitenge, di likame eko tingo wange malo en eko bapo kore di ewaco be; Rubanga okwe tima kisa ango ngadubo. ¹⁴. “Awaco ne wu, icuo ni ooto i ode di edoko dano kopoore lono ocelu; pien ngat kame tingere kene kobino dwoke piny, do ngat kame cone kobino tinge malo.”¹⁵. Kiko kelo ne idwe katino me wek eket cinge ikom gi, do kakame josiao mege oneno kede kamanono gin kiko donyo binano gi be kiweki. ¹⁶. Do Yesu oko lwongo gi bute di eko waco be wekunu idwe katino bin buta kur igengunu gi; Pien Ajakanut ka Rubanga tie pi jo kame cal bala giri. ¹⁷. Ateteni awaco ne wu be, ngat kalikame gamo Ajakanut ka Rubanga bala atin atitidi likame bino donyo iye.¹⁸. Bobo Ngatel moro oko penye di eyamo be, Apwony abr, atim nyo me wek aud kuo me nakanaka? ¹⁹. Yesu oko penye be, pinyo komio in ilwonga ne ngat kame ber? Likame tie ngat kame ber, do kwanyo Rubanga kenekene. ²⁰. Mam in ingeo cik gi, kur itimo adote, kur ineko, kur ikwalo kur imio ijura me abe, wor papa ni kede toto ni? ²¹. En eko waco be, gigi dedede ango abedo Lubo cako di pwodi ango atin paka nan.²². Nan do kakame Yesu owinyo kede kope nogi, en eko waco ne be irem kede gi acel; cat gidedede kame itie kede iko popoko ne jo can sente kame iudo, di iko bino luba. ²³. Do kakame ewinyo kede kop noni cunye oko nyoote pien oudo ebedo ngat kobaro twatwal.²⁴. Kakame Yesu oneno kede be cunye opong kede iturur, eko waco be etek tin benyo ne jo kobaro pi donyo iye Ajakanut ka Rubanga. ²⁵. Pien eyoyot ne aguragura donyo iwang piso, kalamo ngabar donyo i Ajakanut ka Rubanga.²⁶. Dido jo kowinyo kope nogi oko waco be ngai do en kame karuno udo alako? ²⁷. En eko waco be gi kalikame twerere kibut dano, twerere kibut Rubanga.²⁸. Di Petero oko waco be neningo wan otieko weko gidedede di oko Lubi. ²⁹. Di eko waco negi be ateteni awaco ne wu, be likame tie ngat koweko ture ara jo nywal, ara imiegu ara dako ara idwe pi Ajakanut ka Rubanga kalikame. ³⁰. Bino udo atot kibut Rubanga, ikare noni kede eko bino udo kuo kame bedo nakanaka ikare koyaro bino.³¹. Di en eko tero josiao mege tomon kiwie are, eko waco negi wan otienu oot paka Yerusalem, di gi dedede kame bin inabin owandiko ikom wot ka dano bino cobere. ³². Pien kobino mine icing jo kalikame Iyudayan, di oko nyware oko timo ne tim me lewic kede da oko ngulo lau ikome. ³³. Gin kibino dane, di oko neke da do iceng me adek en ebino yaruno.³⁴. Gin likame kiko niang gi kame en ewaco akadi acel. Kope nogi oudo okano negi, imio gin likame kiko niang gikame en ewaco.³⁵. Oko tuno esawa kame oudo enoko kede Yeriko icuo moro emuduk oudo tie bedo inget yongayo di ekware. ³⁶. Kakame ewinyo kede ekodet me jo di tie beo, en eko penyere di emito ngeno gi kame tie timere. ³⁷. Gin kiko waco ne be, Yesu me Nasaret tie beo.³⁸. Di eko kok, di ewaco be Yesu wot ka Daudi tima kisa. ³⁹. Jo kame bin otelo anyim oko nunano en be elingi, do en eko medo nyalar kede koko okwe wot ka Daudi tima kisa.⁴⁰. Dido Yesu oko cungo di eko waco be kelenu buta kakame enoko kede en eko penye di ewaco. ⁴¹. Imito be atim ni nyo? En eko waco be, Rwot amito be anen piny.⁴². Dido Yesu oko waco be neni yei ni olaki. ⁴³. Iye sawa nono eko cako neno piny dido eko lube. Di emio Rubanga deyo, kakame ekodet oneno kede gi noni kiko pako Rubanga.

¹. Di do iceng moro acel, kakame Yesu oudo tie kede pwonyo jo i tempulo kede di etuco ejiri, kame jodongo me josasedoti kede joangeo iswil karacel kede joadongo me adul oko bino bute, ². kiko yamo kede di ki waco ne be, Wac ne wa, In itimo gigi kede akarinikin oyai ituai? doko ngai en komi akarinikin me timo gi no gi?³. En eko dwoko ne gi be, Ango da ayaro penyo wu gi acel; do idwokanu, ⁴.ibatis kame bin Yokana otimo, obino kimalo arabo kibut jo?⁵. Gin kiko donyo poro kop ken gi ken gi di ki waco be, Kame wan owaco be ewok imalo, en eyaro waco be, Pinyo komio wun likame ikounu yei en? ⁶. Do kame wan owaco be, Ewok kibut jo; jo dedede oyaro didipo wa, pien gin iyei be Yokana oudo obedo enabi.⁷. Di do gin kiko dwoko be, gin likame ingeo kakame ewok kiye. ⁸. Yesu oko waco ne gi be, Ango da likame ayaro tuco ne wu kakame ango audo iye akarinikin me timo gigi.⁹. Di en eko cako yamo kede jo agole ni be, Bin dano moro oko pito poto me olok, di en eko pango ne jo pur icegun kame poro olok; en eko yai ot i piny abor pi kare abobor. ¹⁰. Ikare kame olok cek kede, en eko cwano ngatic mere but jo kame en oudo emio pango poto; me wek imi eda anyakini moro owok ipoto; Do jo pur oko bunge di kiko riame tenge icinge nono.¹¹. Di bobo en eko cwano ngatic ace: gin bobo kiko bungo mano da, di kiko timo ne gi me lewic, kiko riame tenge icinge nono. ¹². Bobo en eko cwano ngatic me adek: gin kiko udo ne mano awanon atek, di kiko uce oko me poto.¹³. Di do won poto me olok oko waco be, Abino timo benyo? Ayaro do cwano woda kame ango amaro, cengemogo kibino wore, kame gin kineno en. ¹⁴. Do kakame jo kame oudo opango ne poto me olok oko nene kede, gin kiko winyere idyere gi ken gi ken gi di kiwaco be, Man en obedo musika mere, bia nu onekenu, me wek do poto me olok dok mer wan.¹⁵. Di do gin kiko uce ooko me poto me olok, kiko neke. Pi mano, nyo do kame won poto me olok bino timo ne gi? ¹⁶. En eyaro bino di eko neko jo kame en emio gwoko poto me olok; di eko mino poto me olok mere but jo apat. Kakame gin iwinyo kede ni, gin kiko waco be, Mano likame twerere.. ¹⁷. Do Yesu oko ngoloro gi, eko waco be, Nyo ine kame owandiko be, Kidi me gedo kame jogedo odagi, en bobo oko doko kidi me esonda? ¹⁸. Ngatamoro kenekene kame poto iwi kidi nono, bino tuturo en; do ngat kame kidi noni poto ikome, ebino ngingido en doko apua.¹⁹. Di do esawa nono jodongo me Josasedoti kede joangeo iswil, oko mito neke, do gin kiko lworo jo; pien gin oudo itie kede niang be Yesu oudo tie yamo agole noni pi gecao gin. ²⁰. Gin kiko cako kine, kiko cwano jo pi kino kop me doge; kame oudo cukere bala jo kame beco, me wek gin i ud kop moro idoge, tetekeny gin iko make iko tere kete icing me ngapug.²¹. Gin kiko penye be, Ngadwong wan ongeo be in iyamo doko ipwonyo gi me ateni, doko in likame itie kede apokapoka, do ipwonyo kop me yongayo ka Rubanga i ateni. ²². Iswil yei ne wan culo esolo but Kaisari arabo li? .²³. Do Yesu oko niang gikame gin oudo kitie mito, en eko waco ne gi be, pinyo komio itie nu tamo cunya? ²⁴. Nyutanu ber sente akaya. Cal kede iwadik ka ngai en kame tie iye? Gin kiko dwoko di iwaco be, Me ka Kaisari.²⁵. En eko waco ne gi be, Pi mano miunu Kaisari jame kame poore mino Kaisari kede ikounu mino jame ka Rubanga da but Rubanga. ²⁶. Do gin likame kiko twero udo kop moro idoge idyere me jo, kiko bedo kede ur i epone kame en edwoko kede peny, di do kiko ling.²⁷Di Isadukayon mogo oko bino bute, kame oudo dagi be iyarun me jo oto tie; gin kiko penye, ²⁸. di kiwaco be, Ngadwong, Musa bin owandiko ne wan be, kame omime dano moro oto, kame tie kede dako, do en eko to eweko dako no abongo idwe, omimere myero ter dako nono, di eko nywalo idwe ne omimere.²⁹. Oudo riki tie imiegu mogo kanyaare, awobi me agege oko nyomo dako, en eko to di likame enywal. ³⁰. Awobi me are oko tero dako nono doko mere, eda eko to abongo atin moro. ³¹. Awobi me adek da oko tere bedo dako mere, i epone acel nono da awobe go dedede kanyaare oko bedo kede dako ni; gin kiko to di likame inywalo ne dako ni atin moro. ³². Icen mere dako ni da oko to. ³³. Pi mano iceng me iyarun dako ni do bino bedo me kangai? Pien cuo kanyaare nogi dedede obedo kede bala dako gi.³⁴. Yesu oko dwoko ne gi di ewaco be, Jo me lobo kan nyomere doko komio gi me anyoma; ³⁵. Do jo kame oyaro maro pi bedo jo me lobo kame bino bino kede i iyarun me jo oto, likame nyomere doko likame obino mino gi me anyoma. ³⁶. Doko gin likame ibino to atwal, pien gin irom aroma kede imalaikan; da kitie idwe ka Rubanga, kame tie idwe me iyarun³⁷. Nan bala kame jo oto bino yaruno kede, akadi Musa da bin onyuto ne i abum, kakame en elwongo kede nying Rwot, Rubanga ka Aburaamu, kede Rubanga ka Isaka kede Rubanga ka Yakobo. ³⁸. Pien en likame ebedo Rubanga me jo oto, do me jo kame kuo pi en.³⁹. Di mogo ikom joangeo iswilia oko dwoko be, Ngadwong, iyamo kakare. ⁴⁰. Ingei mago, likame bobo gin kiko kanyakino meedo penye kop moro.⁴¹. Yesu oko waco ne gi be, Benyo kame gin iyamo kede be Krisito obedo wot ka Daudi? ⁴². Di Daudi da kikome bin oyamo i itabu me Sabuli be, Rwot Rubanga owaco ne Rwot na be, Bed ibada tetu cam, ⁴³. paka tuno ango mini inyono jokwor ni piny i tieni. ⁴⁴. Pi mano kame Daudo da olwonge be Rwot, benyo benyo kame en etwero bedo kede bobo wot ka Daudi?⁴⁵. Di en eko waco ne josiao mege di jo dedede tie winyo be, ⁴⁶. Gwokere nu ikom jopwony me iswil, gin kimaro ot di kingapo ikanson, di kimito be di komoto gi i atalen kede bedo ikomini icelelei malo isinagogan, kede kimaro bedo kabedo me wor ika ibagai. ⁴⁷. Gin jo kame camaro jame me apuserun, doko ilego ilaga oboco pi nyutere; jo nogi bino udo ngolokop atek.

¹. Ekiarao wange malo di eko neno jo ko baro di tie uco sente gi i sau me kano lim. ². Dokon en eko neno apuserut moro da anga can di tie uco ogap are. ³. Di en eko yamo be, iye ateni ango amito waco ne wu be apuserut anga can ni ouco sente atot lono jogo dedede. ⁴. Pien jogi dedede ouco irabu gi ne Rubanga di ki kwanyo ikom atot kame ki tie kede do en ikom rem kame etie kede eko yco gi dedede iton kame en oudo etie kuo kede.⁵. Dokon kakame jo mogo oko geno yamo kede kope kame mako cilo me ingarui kame kolilingo kede Tempulo kede irabu kame oudo tie iye, en eko waco be, ⁶. Kope kame mako jamuno bala magi kame un itie nu neno gi kare bino tuno kame likame tie engaru moro oyaro bino dong di odokere ikom ocelu di likame kouce piny.⁷. Gin kiko penye di ki waco be, Nga dwong do ber awene en kame gigi oyaro timere kede? Dokon nyo en oyaro bedo anyut kame moko be gigi do oyaro cobere? ⁸. Di en eko waco be gwokere nu tetekeny kur ngalu: pien jo atot oyaro bino inyinga di ki waco be; Ango en Kuristo kare do udo tie doko iyapi do kur ilubunu gi. ⁹. Do kakame ibinunu winyo kede kope kamako yi kede aruba ruba, kur iworo mak u: Pien gigi dedede miero timere, do udo ajikini pwodi liko tuno.¹⁰. Di dokon en eko waco ne gi be, piny bino suro piny ocelu dokon Ajakanut bino suro Ajakanut ocelu. ¹¹. Dokon ayayangun me piny bino timere ii ka bedere atot, kede kec, kede aumpulin; kede jamini mogo kame kello iworo kede gi anena adongo bino nyutere ki malo.¹². Do di pwodi gigi dedede, gin kiyaro keto cing gi ikomu, di kiko tidilou, di kijalakino u cing jo me sinagogan kede jo pug pi kop ka mako nyinga. ¹³. Dokon ginono oyaro lokere ko doko caden butu.¹⁴. Mokunu tamu di ikounu neno be liki ibedunu nyakao gi kame iyarunu dwoko ne gi. ¹⁵. Pien ango amito minou dog kede rieko kame jo kworu dedede liko oyaro karun cungo me piem kede u.¹⁶. Dokon jo nywal u karacel kede imiegu wu, kede jo awade u kede jo awotino u; oyaro rupao u paka tuno duparo ne u tuno itoda. ¹⁷. Jo dedede oyaro dagi u pi kop me nyinga. ¹⁸. Do likame tie yer moro me wiu koyaro bino rwenyo. ¹⁹. Ki ingirikin u en kame ibino unu mano kede Tipo u.²⁰. Dokon kakame ibinunu neno kede Yerusalem di ekearin Oluko, ngeunu do be adudubun mere do onoko. ²¹. Jo kame tie i Judea do pore ringi iwi mori dokon jo kame tie idiere mere pore yai tenge kede jo kame tie oko mere pore donyi iye. ²². Pien magonogi udo obedo cengeren me culo kwor kame gi dedede kame kowandiko pore cobere kede.²³. Do can adwon bino bedo but jogo kame tie kede idue kede but mon kame idue pien icengere go peko adwong oyaro poto iwi lobo dokon lilo oyaro poto ikom jogi. ²⁴. Koyaro bino neko gi kede pala dioko tero gi oot bedo ipasoi i pinye ace dokon Abilere ace oyaro bino nyonyono Yerusalem piny tuno kede kakame krae kame komio Abilere go bino cobere kede.²⁵. Di gi anena kobino neno iwang ceng kede idue kede acerin dokon peko atek bino poto ne atekerin kame tie iwi lobo kede iworo da bino mako gi pi mor me ebuka kame tie buko inam. ²⁶. Cuo bino wile kede iworo kame di ki ngingico jamini atek kame tie bino ilobo pien twer kame tie malo bino yayangun.²⁷. Di gin kiko bino neno wot ka dano di tie bino kede idoun kede deyo ka dwong ²⁸. Kakame do igeunu neno kede gigi dido tie cobere, tingunu do wangu malo, pien alakou do udo tie do nonoko.²⁹. En dokon eko yamo negi agole be, Nenunu yat kame kolwongo be epigi karacel kede yen dedede. ³⁰. Kame gin do ki geo iot, uda ikomu kame inenunu kamano ikounu ngeno be oro do tie nonoko. ³¹. Aso kamanono da, kame inenunu do gigi dedede tie cobere ngeunu do be Ajakanut ka Rubanga do iyapi iyapi.³². Ateteni ango awaco neu be, Atur ni liko oyaro kato tenge di gigi dedede liko cobere kakare. ³³. Malo kede lobo oyaro kato tenge, do kope nango liko oyaro kato tenge.³⁴. Dokon gwokere nu itek twatwal tetekeny kur cunyu cak bedo kede ajajabun ikom mulem me lobo ni kede amera kede par me kuo ni di ceng no ko bino ngole neu angola. ³⁵. Pien bala owic, en eyaro bino poto ikom jo kame bedo iwi lobo.³⁶. Pi mano kiu nu piny di ilegunu didik tetekeny maru obe pi bwot ikom gigi ko yaro bino timere ilobo kede wek itwerunu cungo inyim wot ka dano.³⁷. Dokon en oudo iye isawan me iceng ebedo pwony itempulo, do kame piny odoko iwor en eyai eko oot oko me bomba di eko ito bedo imoru kame ko lwongo be Olibeti. ³⁸. Jo dedede do oko donyo dilo odikino sek itempulo pi bino winye.

¹Ebaga me Mugati kame Arup li kiye oudo oyapuno tuno, kame oudo kolwongo be ebaga me Bwot. ²Jodongo me josaseredoti kede jopwony me Iswil oudo tie mono epone me neko Yesu, pien oudo kilworo jo.³Di Sitani oko donyo i cuny Yuda, kame bin kolwongo be Isikariot, kame oudo obedo ngat acel kikom josiao tomon kiwie are. ⁴Di do Yuda oko yai eko ot tenge poro kop kede jodongo me josaseredoti kede jodongo me isirikalen kame daro tempulo pi udo epone kame etwero mino kede Yesu i cing gi.. ⁵Gin kiko bedo kede yomcuny, di kiko cikere pi mine sente. ⁶Yuda di do oko yei, en eko cako mono kare aber me mino Yesu i cing gi di ekodet me jo li.⁷Ceng me ebaga me Mugati kame Arup li kiye di do oko tuno, en oudo ebedo ceng me mino giayala me atin romo me ebaga me Bwot. ⁸Di do Yesu oko cwano Petero kede Yokana di ewaco ne gi be, “Wun otunu ikounu iiko ne wa cam me ebaga me Bwot, me wek ocamenu.” ⁹Gin kiko penye be, “Tuai en kame in imito be wan ooti oik iye ebaga?”¹⁰En eko dwoko ne gi be, “Di do wun itiekunu donyo i bomba, ibinunu riamo kede icuo moro kame yeo agulu me pii; lubenu paka tuno i ot kame en ebino donyo iye, ¹¹di ikounu waco ne won ot nono be, ‘Apwony owaco be, “Agola me wele tie tuai, kame ango ayaro bino camo iye ebaga me Bwot karacel kede josiao na?” ’¹²En ebino nyuto ne wu agola alac me malo, kame kotieko iiko kiber. Iikunu ne wa ebaga kanono.” ¹³Gin di kiko ot, kiko udo gi dedede di tie bala kite kame Yesu oudo owaco ne gi kede; di do gin kiko iiko cam me ebaga me Bwot.¹⁴Kakame do esawa me cam oromo kede, en eko bedo piny kacam karacel kede joor mege. ¹⁵Di en eko waco ne gi be, “Cunya omito twatwal camo kede wu ebaga me Bwot noni di pwodi likame abeo i can. ¹⁶Ango awaco ne wu kamano pien likame bobo abino camo cam no tuno kede kame dwong mere ocobere i Ajakanut ka Rubanga.”¹⁷Yesu oko kwanyo ikopo, di eko mino pwoc, eko waco be, “Gamunu inywakunu wun dedede; ¹⁸ango awaco ne wu kamano pien cako nan, likame bobo abino mato pige me anyakini me olok, tuno kede di do Ajakanut ka Rubanga obino.”¹⁹En eko kwanyo mugati, kakame etieko mino kede pwoc, eko tuturo en, di eko mino gi di ewaco be, “Man en koma kame komio piru. Timunu kamanoni pi yutuno ango.” ²⁰Iepone nono da, ingei cam, en eko kwanyo i kopo me bwini, di eko mino gi di ewaco be, “Ikopo ni en isikan anyen me remo na, kame kobino onyo piru.²¹”Do nenunu, ngat koyaro rupao ango tie cam keda kanoni. ²²Pien Wot ka dano bino to bala kame Rubanga oudo oiko, do ngat kame rupao en bino neno can tin benyo!” ²³Josiao di do oko cako penyere ken gi ken gi, be ngai kikom gi inonono kame bino timo kamanoni.²⁴Piem bobo oko cakere i dierediere me josiao, pi mito ngeno ngai kikom gi en kame kopoore tero be pire dwong kalamo jo icegun. ²⁵Yesu oko waco ne gi be, “Abakai me jo kalikame Iyudayan pugo gi tetek, doko jo kame tie kede akarinikin i kom gi kolwongo gi be jo kame timo bero.²⁶Do likame etie kamano kede wun; akaka mano, miero ngat kame pire dwong kikom wu bed bala dano atitidi twatwal, kede ngat kame telo jo miero bed bala ngat kame tio ne jo. ²⁷Pien ngai kong en kame pire dwong kalamo, ngat kame bedo piny cam arabo ngat kame timo tic me poko cam? Mam ngat kame bedo piny cam? Do ango atie i diere wu kan bala ngatic wu.²⁸”Wun en jo kame ocungo keda i atama na dedede; ²⁹bala kite kame Papa omia kede twero me pug, ango da amio wu twero acel nono, ³⁰tetekeny icamunu kede imatunu i emesa na i Ajakanut na, di ikounu bedo i komini me Ajakanut, ikounu ngolo kop ne atekerin tomon kiwie are me Isirael.”³¹Di Yesu oko waco be, “Simoni, Simoni, neningo, Sitani otieko udo twer kibut Rubanga me tamo wun dedede, me wek eyek wu bala kame koyeko kede kal ki kom cucung. ³²Do ango atieko lego nin be kur yei ni poti; doko kame ilokere idwogo buta, poore inen be isupo cuny imiegu ni.”³³Petero oko dwoko be, “Rwot, ango atieko yei ot kede in i otkol, akadi tuno i to da!” ³⁴Yesu oko waco ne be, “Petero, amito waco ni be, iwor me tin di pwodi tongweno likame okok, in ibino daga tien adek.”³⁵Di Yesu oko penyo josiao mege be, “I kare kame bin aoro wu kede abongo isau me sente, arabo ikapu, amoto amuka, bin nyo en oko rem ne wu?” Gin kiko dwoko ne be, “Likame tie.” ³⁶Yesu oko waco ne gi be, “Nan do ngat kame tie kede isau me sente, emaki, doko emak ikapu da. Doko ngat kame li kede epima, poore ecat ekoti mere ewil kede.³⁷Pi mano, awaco ne wu be, iwandik miero cobere i koma kame waco be, ‘En bin kotere bala ngat acel kikom jotur Iswil’; pien gikame bin kowandiko i koma tie cobere kakare.” ³⁸Di gin kiko waco be, “Neningo, Rwot, ipimai are ige.” En eko dwoko be, “Mago romo.”³⁹Yesu oko wok ki bomba di eko ot i wi moru me Olibeti bala kite kame lem etimo kede sek, josiao mege da oko lube. ⁴⁰Kakame etuno kede kuno, en eko waco ne gi be, “Kwaunu Rubanga me wek kur ipotunu i atama.”⁴¹Di en eko yai kibut gi, eko ot tenge kakame boro mere dano romo lwomo engaro ko tuno iye; di eko riondiko piny eko lego be, ⁴²”Papa, ka imito, kwany ikopo me can noni tenge ki buta; akadi kamano da, wek kur etimere pi mit nango do pi mit nin.”⁴³(Malaika oko wok ki malo, di oko neeno bute, di oko dino cunye. ⁴⁴Kite kame oudo etie kede cwercuny atek, en eko lego kede cunye dedede, kwok oko make di oko donyo ton piny bala remo.)⁴⁵Kakame eyai kede kiye ilega, en eko dok but josiao mege, di eko udo gi kitie nino pien par oudo otieko teko gi. ⁴⁶En eko waco ne gi be, “Pinyo komio itienu nino? Yaunu ilegunu, me wek kur ipotunu i atama.”⁴⁷Di pwodi oudo Yesu tie yamo, ekodet me jo di tuno; icuo kame kolwongo be Yuda, kame bin eda oudo etie ngat acel kikom josiao tomon kiwie are, en kame oudo tie telo gi. En eko noko Yesu pi mote di enoto leme. ⁴⁸Do Yesu oko waco ne be, “Yuda, mam do notere en kame in inyuto kede Wot ka dano but jokwor mege?”⁴⁹Kakame do bin josiao mege oniang kede gikame oudo oyaro timere, gin kiko penye be, “Rwot, ototongo gi kede epima?” ⁵⁰Ngat acel kikom gi oko tongo yit epasoit me Ngatel Josaseredoti paka ngolo yite tetu cam tel. ⁵¹Do Yesu oko waco ne gi be, “Wekunu do kamano.”⁵²Di do Yesu oko waco ne jodongo me josaseredoti kede isirikalen adongo me tempulo karacel kede joadongo me piny, kame bin oudo obino pi make be, “Mam ibinunu kede ipimai kede akutai bala itienu bino mako ngayak? ⁵³I kare kame oudo atie kede wu i tempulo ceng dedede, cabo likame ikounu maka. Do man en esawa wu, kede esawa me twer me colo.”⁵⁴Gin kiko mako Yesu di kiko tere i ot me Ngatel Josaseredoti. Petero oko donyo lubo gi ki kakabobor. ⁵⁵Kakame kimoko kede mac i diakal, kiko bedo piny karacel, Petero da oko bedo i diere gi kanono.⁵⁶Di do nyako apasoit moro oko neno Petero di tie bedo i dog mac, en eko donyo ngino Petero, di eko waco be, “Kom icuo ni da oudo tie kede Yesu.” ⁵⁷Do Petero oko dagi di ewaco be, “Dako ni, ango gira akwia lono.” ⁵⁸Di likame pwodi ocwao esawa, dano moro ace da doko oko neno Petero, en eko waco be, “Ida ibedo ngat acel kikom gi.” Do Petero oko dwoko ne be, “Icuo ni, likame ango gira inonono.”⁵⁹Do di pwodi okato bala esawa acel kenekene, dano ace bobo oko ketakin di ewaco be, “Ateteni icuo ni da oudo tie kede Yesu; pien eda ebedo Ngagalilaya.” ⁶⁰Do Petero oko dwoko ne be, “Icuo ni, ango akwia gikame in itie yamo.” Cucuto nono di likame pwodi Petero otieko yamo, tongweno di oko kok.⁶¹Rwot oko ngoloro Petero. Di Petero oko yutuno kop kame Rwot oudo owaco ne be, “Tin di pwodi tongweno likame okok, in ibino daga tien adek.” " ⁶²Petero oko donyo ooko di eko koko kitek.⁶³Cuo kame bin komio daro Yesu oko donyo nyware di kibunge. ⁶⁴Kiko donyo umo wange di kiwaco ne be, " “Tuci! Ngai kobapi?” " ⁶⁵Di kiko donyo yamo kope atot me anywar i kome.⁶⁶Kakame piny oru kede, joadongo me piny, kede jodongo me josaseredoti, karacel kede jopwony me Iswil oko cokere karacel, di kiko tero Yesu i nyim kansulo gi. ⁶⁷Di kiko waco ne be, " “Ka in en Kirisito, wac ne wa.” Do en eko dwoko ne gi be, “Ka ayamo ne wu, likame ibinunu yei; ⁶⁸doko ka apenyo wu, likame iyarunu twero dwoko.⁶⁹Do cako nan, Wot ka dano bino bedo i bad tetu cam me twer ka Rubanga.” ⁷⁰Gin lung kiko do penye karacel be, “Mam in do en kame Wot ka Rubanga?” En eko dwoko ne gi be, “Wun iwacunu be ango inonono.” ⁷¹Di do kiko waco be, “Ijura nyo kame wan pwodi bobo omitunu? Wan otiekunu winyo kop ki doge kikokome!”

¹. Di ekodet mejo dedede oko yai, di oko tere but Pilato. ². Dido gin kiko geno pide digi iyamo be wan owudo ioni di etie rwenyo iwak di koko etie gengo culo esolo but Kaesari, di en eyamo be en ikome en kame Kuristo Abaka.³. Dido pitato oko penye di eyamo be, Benyo in ibedo Abaka me Iyudayan? Di en eko dwokone be, di ewaco be, in en iwaco kamanono. ⁴. Didodo Pilato oko waco ne josasirodotin adongo kede but jo be, ango awudo raco li kikom ioni ⁵. Dido gin kiko doko ger itek digin kiwaco be en erubo jo di epwonyo Iyudayan dedede geno igalilaya pakana tuno ikabedo ni.⁶. Kakame Pilate owinyo kede nying Galilaya en eko penyo kamedi icuo nono owudo obedo dano me Galilaya. ⁷. Dokon gwaka awaka, kakame en eko ngieno kede be en owudo ebedo dano me Erode pugo, en eko cwano en but Erode, ame ikome da owuda tie Iyerusalem ikare nono.⁸. Dokon kakame Erode oko neno kede Yesu, cunye oko bedo yom, twatwal. Piento en owudo etie kede gen me neno tangu moro kame en etimo. ⁹. Dido en eko pepenyo en kede kope atot do en likame eko dwoko ne gimoro. ¹⁰. Dokon Isaseredotin kede jo iwandik oko cungo di kiko pide itek twatwal.¹¹. Dido Erode karacel kede jo yii mege eko timo tim me acae ikome diki inyware diki ingapo ne igwen kabeco di kiko dwoko dokon but pilato. ¹². Dokon iceng acel nono Pilato karacel kede Erode oko doko Adiereson. Pi dipwodi kop ni gin owudo gi tie jokwor.¹³. Kakame do Pilato oko lwongo kede Josaseredoti adongo, jo pug kede jo karacel. ¹⁴. En eko waco ne gi be, wun ikelunu danoni butango balan ngat ame rwenyo jo, do nenunu, ango dido apepenyo en inyimun, ango likame awudo raco moro ikom danoni ame mako gigo kame wun ipidenu iye.¹⁵. Akadi paka Erodeda, pien ango acuao wu bute, do nenunu likame tie gimoro kame mako too kame oko timone. ¹⁶. Pimano ango ayaro dane ako gonye. ¹⁷. (Pien owudo pore ne en gonyo ngat acel ikare me ebaga)¹⁸. Dido gin kiko lelemo karacel diki waco be, ot tenge kede danoni, iko gonyo ne wan Barrabus. ¹⁹. (Ame pi kop me supo jo piem kede apugan kede ko me nek kame bin otimere ibomba, okomino okete ijera.²⁰. Pimano Pilato pimito gonyo Yesu emedo dokon yamo kede gi. ²¹. Do gin kiiko mede lelemo digin kiwaco be gurenu ,gurenu. ²². dokon en eko yamo negi me tien adek,mere be pinyo,balmene en ame en etimo? Ango likame awudo gika akelo ne too.pimano ango abino daane diako weke eoto.²³. dokon gin kiko susunyo redokede dwan amalo digin kitie kwano be poore gure.didi dwangikede dwan jpo sasirodotin oko lono. ²⁴. Di pilato oko ngolo kop be pore ebed bala kita gin ki mito kede. ²⁵. dien eko gonyo negi ngat kame awudo owuco ijera pi kop me supo jo piem kede apugan kede nek,ame gin owudo kimito be ogonyi do en eko mino yesu imitagi.²⁶. Dido gin owudo kitie tere tenge,gin kiko mako simoni dano me sirene dien etie bino ipiny nono di kiko mine yat aria be en miero eyei di elubo yesu.²⁷.Di ikunono awututu mejo kede me mon owudo lube ameda owudo tie koko kede bako dog pire. ²⁸. Di yesu oko lokere butgi di eko waco negi be wun anyira me Yerusalem kuikokunu pirango, do kokunu piru kede pir idue wu.²⁹. Nenun cengere tie bino,ame obino yamo iye be,tie kede winyo mon adongei kede aliliget kame lika me onywal, kede tune kalikame odoto. ³⁰. Dido ain kiko geno yamo ne moribe,pot ikom wa kede ne imukuran be wumwa, ³¹. Pien kame gin kitimo gigi kiiyat anumu,dodo,kiyaro timo benyo kiiyat otuo.³². dokon owudo tie jo are apat ko bedon jo ting kop, kame bin ko tere karacel kedegi pi keto gi itoo.³³. Kakame gin kiko tuno kede kabedo kame ko lwongo be kalbari en kunono kame okogure iiye karacel kede joting kope kada, ngat acel ibade tu cam kede ngat acel ibade tu ngoda. ³⁴. Dido Yesu oko waco be,papa timgi kisa pien gin kikwiya gikame kitie timo, di gin kiko popoko egwe mere diki wuco epiki.³⁵. Jo diko cungo ngice. Dokon jo pug da oko nyware diki waco be,en elako jo apat wekunu elakere keneda, kamedi ebedo Kuristo dano kame Rubanga oyero.³⁶. Ikeanda ako nyware dikibino bute,kiko mine kongo akec. ³⁷.Diki wacone be kamedi in ibedo abaka me Iyudayan lakere keni. ³⁸. Di oko keto lwandik adongo tukawie kede inyukutan me grik, latin,kede me iburanian be MANEN ABAKA,ME IYUDAYAN.³⁹. Dido ngat acel ikom jo ding kop oko geno nyware di ewaco be kame yin ibedo kristo lakere keni di iko lako wada. ⁴⁰.Do ngat oceluca oko dwoko di juke di juke di yamo ne be,yin likame liworo Rubanga,itie neno wan di ongolo newa kop acel? ⁴¹. Do wan ateteni ongolo newa kop iye epwone opore,pi wan ogamo epera me tice wa.Do loni likame otimo gimoro oparao.⁴². Dien eko yamo ne ne yesu rwot yutuno angoda kame ibino ii Ajakanut ni. ⁴³. Dido yesu oko wacone be,Ateteni ango ayamoni be tin in iyaro bedo kedango iparadais.⁴⁴.Dido owudo tie tetu esawa kanayape di colo oko bedo tie iwi lobo lung pakana esawa kanyangon. ⁴⁵.Dido ceng oko doko col,di egwe me tempulo oko nyil idiere.⁴⁶. Dido kame yesu oko kok kede dwane amalo en eko waco be, papa iicing ango aketo iye tiponi, kame en eyamo kede amano en eko do jalakino tipo mere. ⁴⁷. Nando kakame Ngadwong me ikearin oneno kede giko otimere, en eko mino deyo but Rubanga di ewaco be Ateteni man owudo obedo dano ko opore.⁴⁸. Dido jo ekodet ame oudo obino karacel ikabedo me gino otimere iye digi ki neno jamini kotimere kiko bapo korgi digin kiko dok. ⁴⁹. Jo wote dedede kede mon kame owudo bin lube Igalilaya, oko cungo kaka bor digi ingiico.⁵⁰. Dokon neni owudo tie icuo ame olwongo be Yosepu nga cor jo didokon en owudo ebedo dano aber di epore. ⁵¹. (Lonono owudo likame oko yei kede acora kede tim gi) owudo en ebedo dano me Arimatea, bomba me Iyudaya; ame en ikome owudo edaro Ajakanut ka Rubanga.⁵². Icuoni oko ot but Pilato, di en eko kwano kom Yesu. ⁵³. Di en eko keto piny dieko bone iigwen me yik di eko pwete ii ates ame owudo otongo ikidi ame owudo geno likame ko yiko iye dano moro.⁵⁴. Dokon ceng nono owudo ceng me yikere dido sabato okoko iyapi. ⁵⁵. Dokon mon da, ame obino kede Igalilaya oko lubo icen di gin kiko neno Ates kede kite kame koyiko kede kome. ⁵⁶. Dido gin kiko dok digin kiko yiko yen me muketo kome kede moe me wir dikiko wei iceng me sabato balaki tame iswil yamo kede.

¹. Iceng me agege me Sabiti, odiko sek, di gi gin ko bino iates kede jamini angwe kur kame gin kiiko kede jo ace da. ². Gi ko udo enaru kame oumo kede ate oloro tenge. ³. Giko donyo iyiye gin gi ko udo be kom Rwot Yesu lii.⁴. Di pwodi gi pong kede wur gin giko neno cuo are di cungo inget gi digi ngapo igwen atie rieny. ⁵. Kede iworo adwong gi ko luro nying piny di go kiko yamo negi be, pinyo bo ame un imounu kede ngat kakuo ibut jo koto?⁶. En eli ikan, oyaruno en Yutununu kite ame bin eyaro newu di pwodi eti Galilaya. ⁷. Di ewaco be wot icuo opore mino icing cuo atimo bal di oko gure di iceng me adek eko yaruno dokon.⁸. Gin kiko utuno kope mege. ⁹. Giko dok do iya tes digi ko tatamo kope nogi but jo ii kede jo dedede. ¹⁰. Oudo Maria Magadelina, Jona, Maria toto me Yakobo kede mon ace ame udo tie kedegi di oyamo kope gi but jo oor.¹¹. Likagi ko yei kede gi pien kop nogi oudo winyere but gi bala kop akony mere li. ¹². Di Petero oko yai sipidi eko ringo iates eko gungo neno igwen me aika di tie kengi eko dok di etie kede ur adwong pi gi otimere ikom gi.¹³. JO are ceng noni oko ot icalo me Emausi, ame oudo tie mairon bala kanyare ijai i Yerusalem. ¹⁴. Giko yamo sama kengi kengi pi gi otimere.¹⁵. Di gi tie ot, Yesu kikome okobino iyapi inget gi eko upere kede gi. ¹⁶. Do oudo wangi koumo me wek gin kur kingee.¹⁷. Eko penyo gi be benyo epone mene me yamo ine aun itienu yamo kenwu kenwu di iotunu de bobon da lika cunyu yom? ¹⁸. Acel ikom gi anyinge Keleopos oko dwokone be in ba itie welo i Yerusalem kane ame pwodii likame iwinyo gi otimere icengere gi?¹⁹. Eko dwoko negi be, Nyo inonono? Giko yame be amako Yesu me Nasareti ame oudo tie enabi ame dwong adikini cel itice kede inyim Rubanga kede jo duc. ²⁰. Kede epone ame jo saseredotin adongo, jo loc wa omio ongolene kop me too, di oko gure.²¹. Do wan oudo otie kede gen be en ame eyaro lako isiraili apat kede magi dedede tin do en ceng me adek geno me gigi timere.²². Bobon mon mogo da ame tie ie kodet wa odubo wiwa di gin gigigeo tino iates. ²³. Gi ko udo kome li di gi ko dwogo yamo newa be gi neno yabere me imalaikan oko yamo negi be en ekuo. ²⁴. Ikom wa da mogo oko ot iates oko udo be kop ame giyamo tie ateni do gin likame kine ne.²⁵. Di en eko waco negi be, okwe un jo mingo gi di cunyu da yei momot ikope dedede kame inabino oyamo. ²⁶. Oudo likame epore ne Kristo neno can gi dedede di en eko donyo i deyo mere? ²⁷. Dido geno ibut Musa kede inabino dedede eko yamo negi odocon kiber gi aca amako en.²⁸. Digin yapono tuno icalo ame oudo gitie ot iye en oudo emito ianyo gi cen. ²⁹. Do gin ko genge di gi waco ne be pipny otieko uto dong bed kede wa, di en ek dong bedo kede gi.³⁰. Kamago, en okato, en eko bedo me cam kede gi ekwanyo mugati eko lonye di eko tuture en eko mino gi. ³¹. Wangi di oko yabere gi ko ngene di eko rwenyo wir iwangi. ³². Digi ko penyere kengi kengi be Benyo cunwa likame oki owang di eyamo kede wa dibobon da eyabpre wa gi awandi?³³. Gin giko yai malo iye sawa nono gi ko dok Yerusalem gi ko udo jo tomon iwie acel ka ocokere karacel kede jo ace audo tie kede gi. ³⁴. Digi ko waco negi Rwot ateteni oyaruno eko neno but Simoni. ³⁵. Digin giko tatamo negi gi otimere iyongayo kede epone ame engere kede but gi iesawa me turo mugati.³⁶. Digi tie yamo Yesu kikome di ko cungo idyere gi i ekoyamo negi be, mulem bed kede u. ³⁷. Do oudo iworo omakogi kede polo cuny be amotoko gi neno tipo. En eko yamo negi be Nyo omio itienu kede poto cuny? kede nyo omio piem tie icuny u?³⁸. Nenunu cinga kede tiena ikonu ngeno be en ango. ³⁹. Mukanu ikonu neno pien tipo li kede ringo kede cogere bala kite ame ango atie kede gi. ⁴⁰. Di etieko yamo kede gi eko nyutonegi cinge kede tiene.⁴¹. Dipwodi gin likame gi tie yei pi yom cuny eko yamo negi be, itienu kede cam moro kan? ⁴². Giko mine aporogo ocek kede kapien me kic. ⁴³. Eko camo i nyim gi kanono.⁴⁴. Eko waco negi be magi en obedo kop ame bin awaco ne u di pwodi atie kede u, be gidedede pore cobere ame owandiko iswiliaka a Musa kede inabino kede itabu me Sabuli ame mako ango.⁴⁵. Di eko yabo wiangi tetekeny gi ki niangi gikame owandiko. ⁴⁶. Di eko yamo negi owandikobe Kristo pore udo alola, di eko yaruno ikom jo oto iceng me adek. ⁴⁷. Kede be iswilar kede aweka me gika reco pore atuca but atekerin dedede di egere i Yerusalem.⁴⁸. Yun itienu jo jurao me gigi. ⁴⁹. Ayaro cwano neu gi ame papa ocio neu: Do bedunu karacel ibomba me Yerusalem paka kakame ipongunu kede twer kame yai imalo.⁵⁰. Eko telogi kabor bala nat tutu Bethany eko rieno bade eko mino gi winyo. ⁵¹. Kamago okato di etie mino gi winyo eko yai i but gi oko tinge malo.⁵². Giko wore, gin giko dok Yerusalem kede yom cuny adwong. ⁵³. Di eko mede amanono i tempulo diki pake kede mino Rubanga winyo. Amano.

¹Do iceng me adek, nyom oudo tie Kana me Galilaya, do toto me Yesu da oudo tie kuno. ²Yesu karacel kede josiao mege da oudo olwongo i ebaga me nyom nono.³Do kakame bwini oko tiek kede, toto me Yesu di oko waco ne be. "Bwini do kara li negi." ⁴Do Yesu oko dwoko ne be, "Dakoni nyo omio itie loka? pien esawa na pwodi likame otuno" ⁵Do toto mere oko waco ne jotic be, "Wun timunu gi dedede kame en ebino waco ne wu timo."⁶Do kunono oudo tie agune kanyape kame kotimo kede engaro, di lubere kede itok me lunyere me Iyudayan, buli agulu acel acel oudo tero gillamis ot are tuno kede i ot adek me pi. ⁷Yesu oko waco negi be, pongunu agune go kede pii" di gin kiko pongo gi kede pii tuno idog gi. ⁸Di Yesu oko waco ne gi be, "twomunu ber mogodi ikonu tero ne ngadwong me ebaga me nyon." Gin kiko timo amanono.⁹Do kakame ngadwong me ebaga me nyom obilo kede pii kame koloko odoko bwini, en oudo likame engeo kakame okele kie (do jo tic kame oudo otwomo ne pii ngeo). Ngadwong me ebaga me nyom di oko kwanyo eteran ¹⁰di eko waco ne be, "jo dedede ber poko bwini kame mit, do kame jo omate gin di iko mer. Ogeo poko negi ber bwini kame bot mere do in iko twero gwoko bwini kamit paka tuno naan."¹¹Man en agege me tangu kame Yesu otimo icana me Galilaya, di deyo mere oko neno, di jo siao mege oko bedo kede yei ikome.¹²Do icen ngei man, Yesu oko oot Caperanaum, en karacel kede toto mere, kede imyegu mege, kede josiao mege¹³Do ebaga me kalamo me iyudayan oudo odoko iyapiyapi, do Yesu oko oot paka Yerusalem. ¹⁴Di eko udo ii tempulo jo kame tie cato twonin, romini kede amam, kede jo kame seso sentes do oudo kitiye bedo¹⁵Do en eko cweno ebela me iyera eko riamo gin dedede oko me tempulo kede twonin, kede romini .Di eko kikiro sente akaya me joo oudo tie seso di erereto imesai gi. ¹⁶Di eko waco ne joo oudo cato amam bee, "terunu gigi tenge pien kuri ilokunu ot apapana pi doko oot me caat."¹⁷Di josiao mege oko yutuno be oudo wandiko, "Nyeko kame atie kede pi odi tie ramo cunya." ¹⁸Di iyudayan oko waco ne be, "Gianena nyo kame iyaro nyuto ne wan, pi neno akarinikin kame in itie kede itimo gigi." ¹⁹Do Yeso oko dwoko negi di ewaco be, "Retunu tempulo ni, do ango ako bino gere bobo icengere adek."²⁰Do Iyudayan oko waco be, "Gero tempulo ni otieko newan mwakini otoongwon iwie kanykape, itemo be in itwero gere mala pi ceng adek kenekene?" ²¹Do Yesu oudo tie yamo kop amako tempulo me kome. ²²Pi mano, ikare kame oyaruno en kede ikom jo oto, Josiao mege oko yutuno kop kame en oudo ewaco nogi, gin kiko yesi ikom iwandik acil kede kop kame Yesu opwonyo.²³Ikare kame Yesu oudo tie kede Yerusalem, i ebaga me Kalamo, iceng me ebaga, jo atot oko yei inyinge kakame gin ineno kede gianena kame en etimo. ²⁴Do Yesu likame oko keto tam mere ikom gi pien oudo engeo gi dedede kede tam gi, ²⁵Doko oudo likame emitere pi dano moro mino ijura ikom dano pien en oudo engeo gikame oudo tie icuny jo.

¹. Nenunu epone me amara kame papa onyuto but wa ko mio olwongo wa be idwe ka Rubanga. Pimano omio piny likame ngeo wan bala kitekame piny li ogeo ngene en kede sek. ². Jo na kame amaro nataman wan otienu idwe ka Rubanga do pwodi liame ongeunu epone ame oyaro bedo cal kede do wan ongeo be kame en eneno wan obino bedo cal bala, en pien wan obino neno cal kame en etie kede.³. Do damo acel ame tie kede epone me gen nono lonyere en kikome bala kame en ecil kede. ⁴. Ngat kame timo dub udo eturo iswil pien dub en turo iswil⁵. Pien un ingeunu be Kuristo bin oneno di kwanyo dub wan pien dub li nen. ⁶. Pien ngat kame tie ien likame timo dub do dano kame timo dub udo pwodi liame onene amoto ngene.⁷. Idwe na atino kur ngatamoro ngalwu ngat kame timo gi opoore udo en epoore bala kame Kuristo opoore kede. ⁸. Ngat kame timo dub udo en ebedo atin ka Sitani. Pien Sitani ocako dubo cako iagege ko noni en komio wot ka Rubanga oneno tetekeny edudubo tice ka Sitani.⁹. Dano ko bedo anywali ka Rubanga liame timo dub pien kodi ka Rubanga dong ien likame etwero timo dub pien udo en ebedo anywali ka Rubanga. ¹⁰. Manoni en epone kame idwe ka Rubanga oko neeno kede, kede idwe ka Sitani dano kame liatimo gi opoore udo en likame ebedo me ka Rubanga akadi ngat kalikame maro omimere. ¹¹. Pien man en kop kame un iwinyunu cako iagege be wan oporenu marere kenwa kenwa.¹². Likame bala kain kame bin tie kede cuny karac komio en engolo omimere. Pinyo komio bin en engole? Pien tice mege en oudo reco, do tice komimere oudo opoore. ¹³. Imiegu kede amiegunu kur ibedunu kede par moro kame jo lobo dagiu.¹⁴. Pien wan ongeo be wan otieko do yai itoo otuno ikuo pien wan omaro imiegu kede amieguwa dano kalikame maro omimere udo pwodi en etie itoo. ¹⁵. Dano kame dagi omimere udo en ebedo nganek, pien wan ongeunu be liame tie nganek kame bino udo kuo aliatiek.¹⁶. Epone noni en kame wan ongeo kede amara ka Rubanga pien en ejaso kuo mere pirwan pi mano wada pore ojalunu kuo wa pi imiegu kede amiegu wa. ¹⁷. Ngat kame tie kede jamini abeco me lobo ni di eko neno omimere di tie kede mit iye do di en eko cego cuny me kisa ki but en epone mene kame amara ka Rubanga bedo kede bute?? ¹⁸. Do idue na atino kur oketunu amara me yamo kope kede lebwa, do itic kede iateni.¹⁹. Manoni en komio wan ongeo be wan obedo jo me ateni di omoko cuny wa inyim en. ²⁰. Pien kame di cuny wan ngolo ne wa kop Rubanga dwong kato cuny wadoko en engeo gigi dedede. ²¹. Jo na kame amaro kame di cuny wan likame ngolo ne wa kop udo do wan otie kede gen ikom Rubanga.²². Doko gikame wan openyo wan oudo kibute en pien wan ogwoko iswiliaka mege doko otimo jamini kabeco kiwangen. ²³. Doko man en iswil mere be wan opore yei nying wode en Yesu Kuristo di oko marere kenwa kenwa bala kame en emio wa kede iswil. ²⁴. Do ngat kame gwoko iswiliaka mege en ngat nono bedo ien doko eda ebedo ongeo be en ebedo iwan pi cuny kacil ame en emio wan.²⁵Piem oko gere i dierediere me josiao ka Yokana kede Ngayudaya acel i kom kop kame mako lonyere. ²⁶Gin kiko bino but Yokana di kiko waco ne be, “Apwony, ngat kame oudo in itie kede loka tetuca me Yorodan, kame in bin imio ijura i kome nono, en ine etie batiso jo; doko jo dedede tie ot bute.”²⁷Yokana oko dwoko ne gi be, “Likame tie dano kame twero udo gimoro kwanyo di komie ki malo. ²⁸Uda kikomu ijuraonu ango be awaco be, ango likame Kirisito, do kocwao ango pi telo ne en yongayo.²⁹Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong. ³⁰En miero emeede, do ango miero adok piny.”.” ³¹”Ngat kame obino ki malo kalamo jo dedede. Ngat kame tie i piny udo en me piny, doko da eyamo kope kame mako jamini me piny; ngat kame obino ki malo kalamo jo dedede. ³²En ejurao gikame eneno kede kame ewinyo, do likame tie ngatamoro kame yei ijura kame en emio. ³³Ngat kame yei kop me ijura mere, udo ngat nono otieko moko be Rubanga en ateni.³⁴Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima; ³⁵Papa maro Wod, doko etieko mino jame dedede i cinge. ³⁶Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”

¹. Ingei jaminigi timere, yesu oko ot loka tetung ca me nam me Galilaya ameda tie nam me Tiberias. ². Kwak me jo katot di ko lube pien kineno tangere kame etimo ikomgi kamako twini. ³. Yesu oko ito malo iwi moru ikuno ekobedo piny kede josiao mege.⁴. Kede ebaga me lakamo me Iyudayan oudo ouoko. ⁵. Kakame Yesu otingo kede wange malo, en eko neno iwak me jo ditie bino bute, di eko waco Pilipo be, tuai kame wan obino wilo kiye mugati ame wek jogi cami? ⁶. Do mahi en ewaco pi woko en piento en ikome oudo engeo gikame eyaro timo.⁷. PIlipo oko dwokone be Denari tol are likame twero wilo mugati ame romogi ame wek buli dano aciel aciel twer lo gimoro katitidi. ⁸. Acel ikom jjo pwonye mege Anderia owiwe Simoni Petero oko waco ne be; ⁹. Awobi tie kan kame tie kede mugati kany kede aporogon are atitino do nyo kame magi twero pi timo ne lwak ni?¹⁰. Yesu oko waco ne be, mi jo bed piny pien oudo lum katot tie kanono, jooko bedo piny, jo kame romo tutumia kany. ¹¹. Kakame Yesu okwanyo kede mugati di eko mino pwoc, eko poko pokogi but jopwony (josiao) amedi ikogabogi but gin jo kame obedo piny nogo, kamanono da ne dek nam, buli dano oko udo gi kame rome. ¹². Kame kitieko do yeng kede eko waco ne oj pwonye (josiao) be, cokunu anidingiclin mege me wel kur gomoro rwenyi.¹³. Kanono di kiko coko gi karaciel pakana pongo ibukiti tomon kiwie are me cam kodong. ¹⁴. Jogi kakame kineno kede tangu kame Yesu otuno kiko wa cobe mam man en gime ateni kame moko kop me ateni abinawe kowacobe enabi tie koyaro bino ilobo? ¹⁵. Kame Yesu ongeo kede begin kiyaro bino make di iko dike bedo abaka, en ekoyaai kene ot iwi moru.¹⁶. Di bin piny oyuto jo pwony (josiao) ka Yesu oko t inam. ¹⁷. Kiko donyo iyi ye di iko ngolo loka nawi tetungca ika bedo kame kolwongo be kaperenamu do oudo piny odoko col do Yesu likame pwodi obino but gi. ¹⁸. Nam oko kiar di lubo epone me buko mw yamo katek.¹⁹. Kakame kikwango kede ka aromo mairo otare kiwie kany awoto ot adek, kiko neno Yesu di oto kiwi pi dido onoko gi inget yedi gin kiko doko iwor. ²⁰. Do en eko waco negi be, ango inononi kur ibedunu kede lworo. ²¹. Gin kede yom cuny kiko game iyi ye awakawaka cucuto ye oko tuno oko kame oudo iyoto iye.²². Iceng kame lubo jo kame oudo tie cungo loka tetungca oko niang be ye oudo tie kuo acie kenekene doko da Yesu oudo likame odonyo iyi ye kede jo pwonye mege (josiao) jogi oudo oto kengi. ²³. Kiko uro di kiyamobe twere benyo yede ace bino ki Tiberias pakana ingete kame oudo Yesu olonyo kiya mugati di gin kiko camo ingei mino pwoc.²⁴. Kakame jo ikuno oneno kede be Yesu likikuno akadi jo pwonye (josiao) megegida kiko kwanyo ye pakana tuno ipiny kame ko lwongo be kaperenaum di ki moo Yesu. ²⁵. Kakame iude kede loka nam tetungca kiko wacone be apwony in ibino kame awene?²⁶. Yesu oko dwoko negi di yamo be, ateteni awaco neu be un imounu ango piento inenunu tangu, do bobon pi icawunu mugati kede aporogori di ikonu yeng. ²⁷. Kur itimunu kitek pi ringo kame top (dubere) do canenu pi ringo kalikame top (dubere) durenu pakana ikuo kame likame tiek awewot kadano bino mino u pien enen kame Rubanga papa (owiro) omiotwer.²⁸. Gin kiko waco ne be otim benyo me wek otwer timo tic ka Rubanga? ²⁹. Yesu oko dwokonegi be, man en tic ka Rubanga, me wek iyeunu en ngat kame en ecwao.³⁰. Gin kiko waco ne be anen ngyo kame in ikaruno timo me wek oyei in? ibino timo nyo? ³¹. Jo apapi wa ocamo emana iwi tim (itela) macalo owandiko kede, Emio gi mugatida iwalo pi camo.³². Yesu oko waco negi be; ateteni ateteni awaco neu Musa to miou mugati no oyai imalo do papanango omiou mugati me ateni owok kimlo. ³³. Pien mugati ka Rubanga enen ango kame ewok kimalo kede emio kao mere pi jo lobo. ³⁴. Gin kiko waco ne be Rwot kare dedede mi wa mugati noni.³⁵. Yesu oko waco negi be, ango en mugato me kuo en ngat kame bino butango kec liame bobon neke kede ngat kame yei ango liame bobon orio meke. ³⁶. Do ayamo nen be uda inenanu do likame ikonu yei ango. ³⁷. JO dedede kame papa mio bino buta kede en ngat kame bino buta abino weke ebedo kede rieko likame ariame oko.³⁸. Pien ango awok kimalo bino piny me weko pi timo mit nango do pi mit ka ngato ngat kowao. ³⁹. Kede man en mit ka papana kame ko cwaango me wek akiarao en malo bobon iceng me ajikini. ⁴⁰. Man en mit me en ngat kame ecao be buli dano kame neno wot di ekoyei en cengemogo bino udo kuo kalikame tiek bobo abino kiarao en malo iceng me ajikini.⁴¹. Iyudayan oko ngur pire, piento en eyamo be ango en mugati ame owok piny kimalo. ⁴². Gin kiko waco be man likame Yesu wot ka Yosepu kame papamere kede toto mere wan ongeo, benyo benyo kamio en ewaco be ebino kimalo piny?⁴³. Yesu oko dwokone gi be di yamo kur inganguronu idireu kenu kenu. ⁴⁴. Likame tie ngat kame bino buta ngo kwanyo papa kame ocaw akaka en da abino kiarao en malo iceng me ajikini. ⁴⁵. Kiwandiko ikare me inabinoda gin dededen kibino bedo jo kame Rubanga opwonyo buli dano kame owinyo da epwonyere kibut papa bino bino kakame ango atie iye.⁴⁶. Likame be bulidano kame oneno papa elakere en, do ngat kame tie me ka papa Rubanga en ebino neno Rubanga. ⁴⁷. Ateteni - Ateteni awaco ne be, ngagt kame yei ango eudo kuo kalikame tiek.⁴⁸. Ango en mugati no me kuo. ⁴⁹. JO apapi ocamo emanu iye itela dikiko to.⁵⁰. Man en mugati kame wok kimalo bino piny we wek dano cenge mogo came we wek kur etoi. ⁵¹. Ango en mugati me kuo obino piny kimalo ame dano moroni ocamo mugati ni ebino kuo pi kare dedede, da mugati kame ango pi mino en koma en ame abino pi mino pi kuo me jo lobo.⁵². Iyudayan oko donyo pienu kengi kengi di kiyamoo be, epone mene kame danoni twero pi mino wan kede ringo kome pi camo? ⁵³. Yesu oko waco negi be ateteni - ateteni awaco nen be kwanyo kame icamunu ringo kom wot kadano di ikonu mato remo mere udo ili kede kuo ikomi.⁵⁴. Ngat kame camo kom wot ka dano di eko wato remo mere tie kede kiko me naka da abino kiarao en malo iceng me ajikini. ⁵⁵. Pien ringo koma tie ringo iko kome bobo remana da tie giamata iko kome. ⁵⁶. Ngat kame camo ringo koma di eko mato remo na udo ebedo iyia ada iyie.⁵⁷. Macalo papa kame kuo ocwao kede dodi akuo kibuteu en ngat kame camo ringo kowa eda ebino kuo pira. ⁵⁸. Man en mugatino kame obino piny ki malo likame balan kame jo apapin ocamo kede ewanu di kiko to, ngat kame camo mugatini bino kuo pi kare dedede. ⁵⁹. Gigi eyamo iyi sinagoga di etie pwony kikaperenaum.⁶⁰. Totome jo pwony (josiao) mege kakame kiwinyo kede kope nogi kiko waco be, wan tie yamo kame tek ngai kame twero winye? ⁶¹. Kakame Yesu ongeo kede ikuo mere kene be jo pwonye (siao) megetie ngunguro kengi kengi pi kop go eko waco negi be ma gi owango iu?⁶². Benyo do kame inenunu wot ka dano di yai ot malo kame ewok kiye? ⁶³. Tipo kacil en kame laro, ringo kom mio ameda ali, do kope kame ayamo nen kitie me tipo katie kuo.⁶⁴. Do tie mogo kikomu kalikame yei pien Yesu oudo ngeo geno sek iye agege be gin likame kiyaro yei, dangai kame pore dage (rupao en). ⁶⁵. Ekobobon waco be pimano awaco butu be likame tie dano kame twero bino buta kwanyo kame komie eyai kibut papa.⁶⁶. Geno kiye esawano toto me jo pwonye (sido) mege okodok cien di likame bobon kiyato kede en. ⁶⁷. Yesudiko yamo ne jo tomon kiwie are be uda iyarunu yai? ⁶⁸. Di Simoni Petero oko dwokone be Rwot but ngai en kame wan oto iye di in itie kede kope me kuo? ⁶⁹. Bobon wan oyei da owoko be in en Kristo wot ka Rubanga kame won kuo.⁷⁰. Yesu odwoko negi be, likame ango en ayero tomon kiwie are do aciel iko wu tie jwogi. ⁷¹. En eyamo kop ikom Yuda Isikariot wot ka simoni pienen kame eyaro rupao en macalo ebedo aciel kikom jo tomon kiwie are.

¹. Icien ngei kopegi Yesu oko oot Galilaya: en likame eko oot Yudaya, pien Iyudeyan oudo tie mone pi neke. ². Ebega me jo Yudeya ame ocamo ikimere oudo odoko iyapi.³. Pimano imiegu mege oko yamone be, yai ikane ioti Yudeya me wek josiao ni neni tice ame itimo. ⁴. Pien likame tie dano ame timo gimoro imung, di en emo pi ngere ilero. Ame in en itimo ginogi nyut komi iwi lobo.⁵. Akadi imiegu mege da liame odong kede yei ikome. ⁶. Dido Yesu oko yamonegi be, kare nango pwodi li otuno do kare wun tie nakanaka. ⁷. Wi lobo likame twero dagi wun, do ango kidaga, pi ango amio gin kingeo be ticegi reco.⁸. Wun ootunu i ebega no, ango likame amito oot i ebaga, pien kare na likame pwodi otuno ipony. ⁹. Kakame en etieko yamo kede kopegi but gi, eneko dong Galilaya.¹⁰. Do kakame imiegu mege otieko kede but gi, en eko oot iebaga imungi. ¹¹. Iyudayan oudo tie mone iebaga, di kiyamobe, an bo en?¹². Ingungur oudo tie dwong idiere me jo pi kop amake: Pi jo ace yamo be, en etie ico aber jo ace yamo be li en engangalo jo. ¹³. Kamano tie da, likame tie ngat ame yamo itek kop amake pi iworo Iyudayan.¹⁴. Didodo ebaga otuno diere Yesu oko oot itempulo di eko donyo pwony. ¹⁵. Iyudayan oko bedo kede ur, di kiyao be, benya kame icuoni ongeo kede iwandik, di likame esomo? ¹⁶. Yesu oko dwoko negi, di eyamo be, pwony nango likame mega, do obedo me ngat ocwa.¹⁷. Kae nga amoro otimo gikame en emto ebino ngeno pwony nono ara ebedo me a Rubanga, arabo ango ayamo mega kena. ¹⁸. Ngato ngat ayamo kop amake mo da deyo amake do ngato ngat deyo angat ocwae, danono udo etie dano me ateni da udo raco moro udo likame tie ikome.¹⁹. Benyo kara Musa liame omio wun iswil di likame tie ngatamoro ikom wu oko iswil? Pinyo imio wun itienu mito neka? ²⁰. Do gin iko dwoko di iyamo be initie kede jwogi ngai ame mito neko in?²¹. Yesu oko dwoko di yamonegi be, ango atimo gi aciel, do wun dedede ikounu uro. ²². Pimano Musa omio wun akepo: liame pien ebedo me mea Musa do me ajo papi wun: ame da iceng sabato wun ikepunu dano.²³. Mam wun omio wun akepo: liame pien ebedo me mea a Musa do me ajo papi wun: ame iceng sabat wun ikepunu dano. ²⁴. Kur ingolunu lubere kede nen wu, domiunu ngol opore.²⁵. Di jo ace me Yerusalem oko yamo be, kara mamen ame gin kitie mono pi eko? ²⁶. Do neni eyamo di cunye nwany di gin likame kiko twero yamo kop moro ikome, dido jo pug oko ngeno be ateni en ebedo Kristo. ²⁷. Wan ongeo kakame leno noni owok iye, do kame Kristo obino, likame tie bgat moro ame bino ngeno kakame en ewok iye.²⁸. Dido Yesu oko lelemo itempulo di etie pwony di eyamo be, wun lung ingeunu kakame ango awok kiye ango likame abino pira kena do ngat ocwa tie dano me ateni ngat ame wun likame ingeounu. ²⁹. Do ango angeo, pien ango awok kibute, da en ecwa.³⁰. Dido gin kiko mono make do likame tie ngat oko twero keto cing ikome, pien esawa mere oudo pwodi li otuno. ³¹. Di jo katot oko yei ikome di ki yamo be, kame Kristo obino kara ebino timo tangu adongo dongo kato ame danoni otimo? ³². JO Parisayo oko winyo di ekodet ngunguro ikom kop amake, di Iparisayon kede jo dongo me Isaseredotin oko cwano isirikalen pi make.³³. Yesu oko yamonegi be atie bedo kede wu ikare acecek, ako bino oot but ngat ocwa. ³⁴. Ibinunu mona do likame ibinunu uda, kakame ango abino tie ie, likame ikarunonu tuno iye.³⁵. Iyudayan oko yamo idiere diere gi be ebino oot twai ame wan likame obino twero ude iye? benyo ebino oot idiere me jo Guriki di eko donyo pwonyo jo Gurik? ³⁶. Epone me yamo mene ine ame en eyamo noni be, ibinonu mona do likame ikom twero uda da bobo be, kakame ango ayaro tie iye, likame ikarunonu tuno iye.³⁷. Iceng me atiekeni, icieng adwong me ebaga, Yesu ocungo di ko lelemo di eyamo be kame ngatamoro orio oneko wek en ebin buta di oko mato. ³⁸. Ngat kame yei ikoma bala kame iwandik kacil yamo kede be, icilete me pii me kuo bino mot wok icunye.³⁹. Do man en eyamo kop mako tipo kacil, ame joka yei en pore udo: Pien Tipo kacil likame oudo pwodi omio: da bobo Yesu oudo pwodi likame omio deyo.⁴⁰. Pimano jokatot kakame kiwinyo kede kope nogo, gin kiko yamo be, ateni danoni obedo enabi. ⁴¹. Jo ace oko yamo be danoni obed Kristo, do jo ace yamo be, kara Kristo twero wok ki Galilaya? ⁴². Kara likame tie iwandik acil yamo be, Kristo bino wok iye alias a Daudi dibobo ibomba me Betelekemu, kame Daudi owok iye?⁴³. Ikanono apokapoka oko wok idiere me jo pi kop amake. ⁴⁴. Dido jo ace bedo tie kede mit me make, do likame tie ngatamoro oko twero keto cing ikome.⁴⁵. Dido isirikalen oko dok but jo dongo me Isaseredotin kede jo Parisayo, di oko waco negi be, pinyo omio likame ikounu make? ⁴⁶. Isirikalen oko dwokone gi be, likame tie icuo ame yamo bala danoni.⁴⁷. Iparisayon oko dwokone isirikalen be, udo kara ongangalo wu? ⁴⁸. Kara ngat moro ikom jo pug arabo eparisayot da oyei ikome? ⁴⁹. Do jogi jo kalikame ngeo iswil olamo.⁵⁰. Nikodemu ngat abin ooto but Yesu iwor, obedo ngat aciel ikom oko yamobe, ⁵¹. Iswil wa yei ne wa ngolone ngatamoro kop, di pwodi likame owinye, di oko ngeno gikame etimo? ⁵². Gin kiko dwokone kop di iyamo be, ida ibedo nga Galilaya? Nginngico di iko neno, Pien likame tie enabi moro owok i Galilaya.⁵³. Dido bul dano aciel aciel oko oot iode.

¹. Yesu oko ot imoru me Olibeti. ². Odiko sek, di bobo eko dwogo itempulo, di jo dedede oko bino bute, en eko bebo piny di eko pwonyo gi. ³. Di jo angeo iswil kede Iparisayon oko kelo bute dako kame omako di etie timo adote; di do kakame gin ikete kede idyer jo,⁴. Gin kiko waco ne be, Apwony dako ni komako di etie timo adote. ⁵. Musa owaco ne wan i iswil be epone me dako ni kobino didipo en kede kide. Do in iwaco benyo? ⁶. Man gin iyamo pi mito kino kop me doge pi udo kop me pide. Do Yesu oko luro piny di eko donyo wandiko lobo kede lwete, bala ngat kalikame owinyo kop gi⁷. Kakame gin kiko medere kede penye, di en eko kiar, en eko waco ne gi be, Ngat kame li kede dub ikomu, en egei dipe kede kidi. ⁸. Di en bobo eko luro piny, eko wandiko lobo.⁹. Do kakame gin iwinyo kede kop no; bala kame cuny gi opido kede, iko cako yai acelacel, cako kibut joadongo naka gin tiek. Di Yesu oko dong kene, di dako nono tie cungo inyime. ¹⁰. Kakame Yesu oko tingo kede wange malo, di likame eko neno dano moro kwanyo dako nono kenekene; en eko waco ne dako nono be, Dako ni, jo kame oudo tie pidi tie tuwai? Ngatamoro li ongolo ni kop? ¹¹. En eko dwoko be, Rwot dano moro li; Di Yesu oko waco ne be, Akadi ango da likame abino ngolo ni kop; oti, do kur bobo itim dub moro.¹². Yesu di bobo oko yamo kede gin, di ewaco be, Ango atie lero me piny: ngat kame luba likame bino ot ikaka col, do ebino bedo tie kede lero ikuo mere. ¹³. Iparisayon di oko yamo ne be, in itie yamo kop ajurao in, do kop ni nogo likame tie me ateni.. ¹⁴. Yesu oko dwoko ne gi be, bed bala ango atie yamo kop kame jura, do ijura nango tie me ateni. Pien ango angeo kakame awok iye, kede kakame atie ot iye. Do wun likame itwerunu waco na nu kakame ango awok kiye kede kakame atie ot iye. ¹⁵. Wun ingolunu kop di lubere kede tam me dano-adana, do ango likame angolo ne ngatamoro kop. ¹⁶. Da kame ango angolo kop, angolo kop i ateteni; pien ango likame atie kena, do ango kede Papa na ngat koora.. ¹⁷. Bobo kowandiko i iswil wu be, caden me ijurak are bedo me ateni. ¹⁸. Ango en amio ijura ikoma, do Papa na ngat koora en kame mio ijura pira.. ¹⁹. Gin kiko waco ne be, Papa ni tie ai? Yesu oko dwoko be, Wun likame ingeanu, akadi Papa na da; koto di oudo ingeanu, koto ingeunu Papa na da. ²⁰. Yesu oudo yamo kope no gi di oudo etie i agola kame oudo okano iye sente. bala kame oudo etie kede pwony itempulo; do likame tie ngatamoro oko make, pien esawa mere oudo likame otuno.²¹. Di Yesu bobo oko waco ne gi be, ango atie ot ot na, do wun dokon ibinunu mona, da ibinunu to idub wu; pien kakame ango ayaro ot iye, wun likame isobolunu bino iye. ²². Di do Iyudayan oko waco be, Mam en etwero nekere kene? Pien eyamo be, Kakakme ango ayaro ot iye wun likame itwerunu bino iye.²³. Do en eko waco ne gi be, Wun iwokunu ilobo, ango awok imalo, wun jo me piny kan, ango likame abedo dano me piny kan. ²⁴. Ango awaco ne wu be, ibinunu to idub wu, pien ka wun likame iyeunu be ango en inonono, ibinunu ateteni to idub wu.²⁵. Gin kiko waco ne be, in ibedo ngai? Yesu oko waco ne gi be, manoni en kame ango abedo waco ne wu cako kiagege. ²⁶. Atie kede kope atot me ayama kede kame poore ngolo ne wu kop iye: do ngat koora obedo ateni, doko ango atie waco ne jo me lobo kop kame ango awinyo kibute. ²⁷. Gin likame kiko niang be en oudo etie yamo kede gi kop kame mako Papa²⁸. Di Yesu oko waco gi be, kame ikiaraunu Wot ka dano, en kame mio ikounu ngeno be ango inonono; kede da be ango likame atimo gimoro ipara kena, do bala kame Papa na opwonya, en mio ango ako yamo. ²⁹. Doko ngat koora tie keda, Papa likame oweka kena; pien nakanaka angoatimo gikame yomo cunye. ³⁰. Kakame eyamo kede kope no gi, jo atot oko yei en.³¹. Di do Yesu oko waco ne Iyudayan oko yei en be, Ka imedere nu lubo kop na, ibinunu bedo josia na me ateni. ³². Da ibinunu ngeno ateni di ateni ko mino wu genyere. ³³. Gin kiko dwoko ne be, wan kom obedo ikwae ka Aburaamu, doko likame obedo itwec kangatamoro; benyo-benyo kame mio in iwaco be, kobino gonyo wu?³⁴. Yesu oko dwoko ne gi be, Ateteni, ateteni awaco ne wu be, ngat acelacel kame timo dub edoko epasoit me dub nono. ³⁵. Doko eposoit likame dong bedo ipaco nakanaka, do Wod en kame dong nakanaka. ³⁶. Ka Wod ogonyo wu, ibinunu bedo jo kogonyere ateteni.³⁷. Ango angeo be wun ibedunu ikwae ka Aburaamu, do wun doko itienu mito neka; pien kope na likame oudo kabedo icuny wu. ³⁸. Ango atie yamo gikame aneno kibut Papa na, wu da itienu timo gikame inenunu kibut papa wu.³⁹. Gin kiko dwoko ne be, Aburaamu en obedo papa wan, Yesu oko waco ne gi be, ka wun oudo ibedunu idwe Aburaamu, koto oudo itimunu gikame Aburaamu riki otimo. ⁴⁰. Do nan wun imitunu neka; ango ngat kame atie waco ne wu kop me ateni, kame awinyo kibut Rubanga; Aburaamu riki likame otimo kamanono. ⁴¹. Wun itimunu tice ka papa wu, gin kiko waco ne be, wan likame obedo nywal kame oudo i oko me nyom. Wan otie kede papa wa acel, en Rubanga.⁴². Yesu oko waco ne gi be, ka koto Rubanga obedo Papa wu, oudo koto imararu, pien ango awok kibut Rubanga, likame abino pi mit na, do en kame eora. ⁴³. Pinyo komio likame itienu niang kope kame ango ayamo? Doko likame itienu winyo kope na. ⁴⁴. Wun ibedunu me ka papa wu Sitani, kede eranga ka papa wu; en kame wun imitunu timo. En ebedo nyanek cako i agege, doko en likame ecungo i ateni, pien ateni li kibute. Kame etie yamo kop me angalo udo etie yamo cunye. Pien en ebedo nyangalo doko etie papa me angalo.⁴⁵. Pien ango atie waco ne wu kop me ateni, omio wun likame itienu yei ango. ⁴⁶. Ngai kikom wu kame sobolo nyuto dub na? Do kame ango atie yamo ne wu kop me ateni, pinyo komio wun likame itwerunu yei kop na? ⁴⁷. Ngat kame tie pi Rubanga, winyo kope ka Rubanga; wun likame iwinyunu kope na: pien wun likame ibedunu jo ka Rubanga⁴⁸. Do Iyudayan oko dwoko ne di kiwaco be, Mam wan otie waco kop me ateni be in ibedo Ngasamaria doko itie kede jwogi? ⁴⁹. Yesu oko dwoko be, Ango ali kede jwogi, do ango a woro Papa na, do wun likame iwora nu.⁵⁰. Do Ango likame atie mono deyo kame maka, do ngat acel tie kame tie mono, doko en kame ebino ngolokop. ⁵¹. Ateteni, ateteni, a waco ne wu be, kame dano olubo kope na likame ebino bilo to.⁵². Di Iyudayan oko waco ne be, Wan do otieko niang kiber be in itie kede jwogi. Aburaamu otieko to, inabin da, do in pwodi itie waco be, Ka dano olubo kop na, likame ebino bilo to. ⁵³. Iparo be in piri tek kalamo Aburaamu papa wan, ngat otieko to? Kede inabin da otieko to; In do ibedo ngai?⁵⁴. Yesu oko dwoko be, Kame Ango atie mini deyo ikoma, deyo na udo kony mere li. Papa na en kame tie mina deyo. Ngat kame wun itienu waco be etie Rubanga wu. ⁵⁵. Wun likame engeenu, do ango angee. Abino bedo ngangalo kame a waco be, ango akwie; udo adoko ngangalo bala wun, do ango angee, doko alubo kope mege. ⁵⁶. Papa wu Aburaamu bin olelo pi neno ceng me bino na: da di eko neno, cunye oko bedo yom.⁵⁷. Di Iyudayan oko waco ne be, In pwodi likame iromo mwakini ot kany, In do ber oneno Aburaamu ituai? ⁵⁸. Yesu oko waco ne gi be, Ateteni, ateteni Ango a waco ne wu be, di pwodi likame onywalo Aburaamu, Ango oudo atie. ⁵⁹. Gin kiko kwanyo kide di kimito didipo en kede; do Yesu oko pwono ne gi, eko yai donyo oko me tempulo, di ebeo idyere gi kanono, di en eoto

¹. Kakame Yesu oudo tie ot kede eko nenoicuo moro ame wange oto cako nyuwale. ². Di jopwony mege oko penye be, ngadwong ngai en odubo icuo arabo jo nyuwal mege omio onyuwale di wange oto?³. Yesu oko dwoko be liakme icuo ni amoto jonyual mege en odubo do man otimere pi wek tic Arubanga neno bute. ⁴. Miero ango atim tic me ngat oora di pwodi cieng tie iwor otuno likame tie ngat atwer tic. ⁵. Kame ango pwodi atie ipiny udo ango en abedo lero me piny.⁶. Kakame en etieko yamo kede eko ngulo lau piny di eko nyongo lobo di eko puco iwang icuo noni. ⁷. Di eko yamo ne be oti iiwok wangi iye atapar me Silom (kame dwong me be kocwao) di en eko oti eko lwongo wange iye eko dwogo di eneno piny.⁸. Jokio gi kede jo apat alem nene di wange oto oko donyo yamo be ngat alem bedo di kwaere ca mam en ine? ⁹. Do jomogo oko yamo be en inononi jomogo be kical acala en eko yamo be ango en inoni.¹⁰. Gin kiko penye be epone mene ame wangi ayabere kede? ¹¹. En eko dwoko ne gi be icuo moro ame olwongo be Yesu, en onyongo lobo di eko puco iwanga di eko yamo na be oti iye atapar me Silom di iko iwoko wangi di ango ako ot di ako iwoko dido acako neno piny. ¹². Gin kiko penye be etie tuai? En eko dwoko negi be ango lu angeo.¹³. Gin kikotero lo awange oudo oto nono but iparisayon. ¹⁴. Ceng no obedo sabato en ame Yesu onyongo kede lobo di wange oko yabere. ¹⁵. Iparisayon bobo oko medo penye epone ame wange oyabere kede. En eko dwoko ne gi be epuco lobo ame enyango iwanga di ango ako iwoko dido ango acako neno.¹⁶. Pimanono Iparisayon mogo oko donyo yamo be dani li wok kibut Rubanga pi en li ewono ceng Sabato. Do jomogo kibut gi oudo yamo be, Ngat ame tie ngadubo liame twero pi timo gi anena go. Apokupokun oko bedo diere gi. ¹⁷. Gin bobo iko medo penyo icuo nono be kop nyo ame in iyamo bute bala me en eyabo kede wangi? En eko dwoko ne gi be en ebedo enabi. ¹⁸. Do Iyudayan oko dagi yei kede kop me icuo noni be wange oudo oto, gin kiko lwongo jonywal me ngat awange oyabere noni.¹⁹. Di gin kiko penyo gi di kiyamo be, mam wodun ine kame oudo wun iyamu be onywal di wange oto? epone mene bobo ame egeo neno kede? ²⁰. Jonywal mege oko dwoko ne gi di kiyamo be, wan ongeo be wod man ine, doko onywale di wange oto. ²¹. Do ekite kame egeo neno kede nan wan gira wa likame ongeo, Akadi ngat oyabo wange da wan okwi. En edoko dwong wun penye nuen eyami pire kene.²². Kopi gi jonywal mege oyamo pi lworo Iyudayan, pien Iyudayan oudo otieko moko be ngatamoro otuco be Yesu en Kristo kobino riame isinagoge. ²³. Pimanono en omio jonywal mege oyamo be en edoko dwong penyeu.²⁴. Di gin bobo iko lwongo icuo ame oudo wange oto noni di kiko yamo ne be mii Rubanga deyo, wan ongeo be icuo ni obedo ngadubo. ²⁵. En eko dwoko ne gi eyamo be, ango gira akwia ara ebedo ngadubo ara li pi, Do gi acel ame ango angeo en ine be akadi bala wanga oudo oto do naan ango aneno.²⁶. Gin bobo kiko medo yamo ne be, En etimo ni nyo? epone mene ame eyabo kede wangi? ²⁷. En eko dwoko ne gi be ango aieko yamone wu sek, ikounu dagi winyo. Pinyo omio bobo imitunu winyo kop tien ace? Wuda imitunu doko jo pwony mege?²⁸. Gin kiko bunano en di kiyamo ne be, in en ibedo nga pwony mere, do wan girwa obedo jo pwony ka Musa. ²⁹. Wan ongeo be Rubanga oyamo kede Musa, do dano no likame wan ongeo kame ewok iye.³⁰. Icuo nono di oko dwoko ne gi di eyamo be pinyo man tie gi me aura lono, Liame ingeunu kame ewok iye, do di en eyabo wanga. ³¹. Nan wan ongeo be Rubanga likame winyo jodubo do ka ngatamoro woro Rubanga, di etimo gikame Rubanga mito, Rubanga mito, Rubanga winye.³². Cako ame ame piny ogere kede Rwodi lem wi owi nyere be ngatamoro oyabo wang ngat kame konywalo di wange oto. ³³. Koto di dano ni wi obedo me ka Rubanga, koto li etwero timo gimoro. ³⁴. Gin kiko dwoke ne be, kom ida ngat kame konywali idub atwala atwala, itwero pi pwonyo wan? Gin kiko ria me tenge.³⁵. Yesu oko winyo be gin kiko riamo icuo nono oko. Kakame Yesu oude kede, di ko penye be, in iyei wot ka Rubanga? ³⁶. En eko dwoke di eyamo be, en en ngai Rwot?me wel ada ayei en. ³⁷. Yesu di oko yamo ne be, in itieko nene doko en ino noni ame etie na yamo kedi noni. ³⁸. Di en eko yamo ne be, Rwot tieko yei do, di eko mine wor.³⁹. Di Yesu oko yamo be, pi ngolo kop en omio ango abino ipiny kan, me wek jo kalikame neno neni, do jo kame neno wek wang gi toi. ⁴⁰. Kakame Iparisayon mogo kame oudo tie ingete owinyo kede kope nogi, di kiko penye be wada wang wa oto? ⁴¹. Yesu oko yamo ne gi be, koto di wangu oto koto iliunu kede dub, do naan wun iyamunu be wangu neno dwong mere be dub wu odong butu.

¹Ateteni, ateteni awaco ne wu be, ngat kalikame donyo i ot me oromini di ebeo i erute; do eko yito ayita ikaramoro, ngat nono udo obedo akuwo kede ngayak. ²Do ngat kame donyo di ebeo i erute, udo ebedo ngat akwao oromini;³nga dar erute bino yabo ne erute, doko oromini winyo dwane: En elwongo oromini mege kede nying gi da eko telo gi wok oko. ⁴Da kame etieko woto oromini mege, en etelo ne gi yongayo, di oromini ko lube, pien gin kingeo dwane⁵Gin likame kiyei lubo ngat apat, doko kiringo tenge kibute, pien gin likame kingeo dwan jo apat. ⁶Yesu otio kede agole noni, do gin likame kiko niang gikame Yesu oudo tie waco ne gi.⁷Di Yesu bobo oko waco ne gi be, “Ateteni ateteni awaco ne wu be, ango en kame atie erute kame oromini donyo kiye. ⁸Jo dedede kame bin ogeo bino nango, obedo jokuwo kede joyak, do oromini likame oko winyo gi.⁹Ango abedo erute, ka ngatamoro odonyo kibuta, ebino udo alako, da ebino donyo kede wok ooko; doko ebino udo lum alibaliba. ¹⁰Ngakuo likame bino atatai, do pi kwalo, neko kede pi dudubo. Do ango abino me wek gin kiud kuo, kuo kopong.¹¹Ango abedo ngakwat aber. Ngakwat kaber mio kuo mere pi oromini mege. ¹²Do ngat kame opango apanga, ngat kalikame tie ngatkwat, kalikame obedo won oromini, ka eneno epeet bino, en eyai eko weko romini, di en eko ringo; di epeet ko mako oromo di apat ko sarakin. ¹³Ngat kame opango apango ringo, pien udo kopange apanga, doko likame eparo pi oromini.¹⁴Ango abedo ngakwat aber, doko ango angeo romino na, doko oromini na da ngea. ¹⁵Bala kame Papa ngea kede, doko ango da angeo Papa; pi mano, ango ayei rwenyo kuo na pi oromini. ¹⁶Doko oromini ace tie nango kalikame obedo me awi noni; ango miero akel gida di iko winyo dwana: di do awi kobino bedo acel kede ngakwat acel.¹⁷Pi mano, Papa na mara, pien ango ayei rwenyo kuo na di bobo ako dwoke. ¹⁸Likame tie ngatamoro kame bino kwanyo kuo nango, do ango ikoma en kame abino jalo kuo na kena. Ango atie kede twer me rwenyo kuo na, doko atie kede twero me dwoko kuo na. Cik noni Papa nango en kame omia.¹⁹Pi mano, kope nogi bobo oko kelo ne Iyudayan pokopokun. ²⁰Atot kikom gi oko waco be, “En etie kede jwogi doko epoi da: Pinyo komio wun itienu winyo kop mere?” ²¹Apat mege oko waco be, “Magi likame kope kame dano atie kede jwogi sobolo yamo. Jwogi twero yabo wang emuduk?”²²Manoni oudo obedo kare me camo ebaga me jalere but Rwot i Yerusalem; doko oudo ebedo kare kame piny ngic kede. ²³Di Yesu oko ot i tempulo di beo i kakame Solomon oudo donyo kiye ²⁴Di do Iyudayan mogo oko cokere oluke, gin kiko yamo ne be, “Ibino mino tam wa sipakin awene? Ka in en ibedo Krisito wac ne wa kakaler.²⁵Yesu oko dwoko ne gi be, “Ango awaco ne wu, do wun likame ikounu yei tice kame ango atimo inying Papa na, pien gin kimio ijura ikoma. ²⁶Do wun ikounu dagi yei, “Pien wun likame itienu oromini na; bala kame ango awaco kede.²⁷Oromini na winyo dwana, ango da angeo gi, doko gin da kiluba. ²⁸Da ango amio gi kuo me nakanaka; doko gin likame kibino to, akadi ngatamoro likame bino wareso gi ki i cinga.²⁹Papa nan gat komio gin buta, dwong kalamo jo dedede, doko likame tie ngat kame twero wareso gin ki i cing Papa na ³⁰Ango kede Papa na otie acel. ³¹Di Iyudayan bobo oko kwanyo kide di kimito didipo en.³²Yesu oko waco ne gi be, “Ango atieko nyuto ne wu tice abeco atot kame wok kibut Papa, pi acel ikom tice go mio imitunu didipo ango?” ³³Iyudayan oko dwoko ne di kiwaco be, “Wan likame obino didipo in pi tic aber; do pi acae kede pien in dano adana itingere idoko Rubanga.”³⁴Yesu oko dwoko ne gi be, “Likame kowandiko i iswil wu be Ango awaco be, “Wun ibedunu rubangan? ³⁵Ka en bin elwongo jo kame kop ka Rubanga obino but gi be rubangan, doko di iwandik kacil likame kosobolo loko, ³⁶benyo benyo kame mio wun itienu waco ne ngat kame Rubanga olonyo, di eko cwano ipiny kan be, “In itie cano Rubanga, be pi ango awaco be, “Ango atie Wot ka Rubanga?”³⁷Ka likame atie timo tice ka Papa na, kur do iyeunu kop nango. ³⁸Do ka atimo, akadi bed bala likame iyeunu ango, yeunu do tice, me wek ingeunu kede yei be Papa tie i ango, doko ada atie i en.” ³⁹Pi mano, gin bobo iko mono make, do en eko lwi idyere gi.⁴⁰Di en bobo oko ot loka Yorodan kakame oudo Yokana ogeo batisi kiye jo, en eko dong bedo kuno. ⁴¹Jo atot oko ot bute di kiko waco ne be, Yokana bin likame otimo gianena moro, do gi dedede kame Yokana oyamo i kom icuo ni obedo me ateni. ⁴²Jo atot oko yei en ikuno.

¹. Oudo tie icuo moro kame oudo tuwo, kame nyinge Lasaro, dano me Betania kame tie bomba ka Maria kede amimere Marita. ². Maia nono en kame oudo owiro Rwot kede mo me sut, di eweweo tiene kede yer me wie; en kame omimere Lasaro oudo tuwo.³. Pimano, amiegu mege oudo oko cwano kop bute di kiwaco be, Rwot, neningo, dano kame in imaro kome lit twatwal. ⁴. Kakame Yesu owinyo kede kope go, En eko waco be, Tuwo ni likame bino tere naka ito; do pi kelo ne Rubanga deyo, me wek Wot ka Rubanga ud deyo iye.⁵. Oudo Yesu maro Marita, kede amimere karacel kede Lasaro. ⁶. Pimano, kakame en oudo ewinyo kede be Lasaro tuwo, en eko ber dong bedo kakame oudo etie iye pi ceng are. ⁷. Do icen mere, en eko waco ne josiao mege be, odukunu bobo ber Yudea.⁸. Josiao mege oko dwoko ne be, Nyadwong, nyoro-anyora Iyudayan oudo mito didipo in kede kide; in bobo imito dok kunono? ⁹. Yesu oko dwoko be, Benyo iceng acel likame tie iye isawan tomon kiwie are? Ka dano moro tie ot iceng likame etwero dipo tiene, pien etie neno lero me lobo kan.¹⁰. Do ka dano tie ot iwor, etwero dipo tiene pien lero udo likame tie ikome. ¹¹. En eyamo gigi, di icen mere eko waco ne gi be, Ngawot wa Lasaro en onino: do Ango atie ot pi wek amie ecei inino.¹². Di josiao mege oko waco be, Rwot ka enino, ebino cei. ¹³. Do Yesu oudo tie yamo kop amako to mere, do gin kitamo be en oudo etie yamo nino anina me wei. ¹⁴. Di do Yesu oko tuco ne gi kop kakaler be, Lasaro en otieko to.¹⁵. Do Ango cunya yom pi wun, pien Ango oudo likame atie kuno; me wek wun iyeunu, do akadi mago tie da, ootunu bute. ¹⁶. Do Tomasi kame oudo olwongo be Didimosi, oko waco ne josiao icegun be, wada ootunu; tetekeny otoi karacel kede en.¹⁷. Kakame Yesu otuno kede kuno, eudo be en oudo etieko ceng ongwon i ates. ¹⁸. Betania oudo iyapiyapi kede Yerusalem boro me mairo aromo are. ¹⁹. Pimano, Iyudayan atot oudo obino cungo ne Marita kede Maria pi kweno cuny gi pi to omin gi. ²⁰. Awakawaka kakame Marita owinyo kede be Yesu oudo tie bino, en eko ot pi game; do Maria oko dong i ot²¹. Di do Marota oko waco ne Yesu be, Rwot, ka koto oudo in itie kane, koto omina oudo likame oto. ²². Do nataman da, ango angeo be, gi dedede kame in ikwao Rubanga; Rubanga bino mini. ²³. Yesu oko waco ne be, omini bino dwogo ikuo bobo.²⁴. Marita oko waco ne be, ango angeo be en ebino dwogo ikuo bobo iceng me ajikini kame jo bino yaruno kede. ²⁵. Yesu oko waco ne be, Ango en iyarun kede kuo; ngat kame yei Ango, bed bala oudo eto, en ebino kuo. ²⁶. Doko ngat kame nan kuo kame yei Ango, likame bino to: in iyei kede kop go?²⁷. Marita oko waco ne be, Eebo Rwot: ango ayei be in en ibedo Kristo, Wot ka Rubanga kame oudo poore bino ilobo, ²⁸. kakame Marita otieko yamo kede kope go, en di eko yai ot, eko lwongo amimere Maria i imung, di ewaco be, Nyadwong obino, etie lwongi. ²⁹. Awakawaka kakame Maria owinyo kede kop no, en eko susunyo yai eko onyaro ot bute.³⁰. Yesu oudo pwodi likame otuno ipaco, oudo pwodi etie kakame Marita oriamo kede iye ca. ³¹. Kakame Iyudayan kame oudo tie bedo kede Maria i ot, di kikweo cunye, oneno kede Maria di yai awakawaka di eko donyo ooko; gin kiko lube di kiparo be en etie ot koko i ates. ³². Kakame Maria otuno kede but Yesu, di eko neene, en eko riebere piny itiene di ewaco ne be, Rwot, ka koto in oudo itie kan, omina koto oudo likame oto.³³. Pimano, kakame Yesu onene kede di etie koko, kede Iyudayan kame bin tie upere kede da oudo tie koko, eko winyo apil icunye, di eko winyo lito atek. ³⁴. Eko waco be, Iyiike nu tuai? Gin kiko waco ne be, Rwot, bia ineni. ³⁵. Yesu oko kok.³⁶. Iyudayan oko waco be, nenunu kite kame en oudo emaro kede Lasaro. ³⁷. Do mogo ikom gi oko yamo be, En bin ngat eyabo wang emuduk, likame oudo esobolo gengo icuo ni di likame eko to?³⁸. Yesu bobo oko winyo apil icunye, di eko ot i ates. oudo etie abo, di koumo doge kede kidi. ³⁹. Yesu oko waco be, Kwanyunu kidi no tenge. Marita kede amime nga to, oko waco ne Yesu be, Rwot, nan do eromo doko ngwe, pien etieko nan ceng ongwon i ates. ⁴⁰. Yesu oko waco ne be, Likame Ango awaco ni be ka in iyei ibino neno deyo ka Rubanga?⁴¹. Dido gin kiko kwanyo kidi tenge ikakame oudo oyiko iye kom nga to. Yesu oko neno malo, di eko waco be, Papa, Ango apwoyi pien in iwinya. ⁴². Doko Ango angeo be in nakanaka iwinya: do pi jo kame nataman tie cungo kan mio Ango ayamo kop gi me wek gin kiyei be in en kame i ora.⁴³. Ingei en yamo kope go, en eko yamo kede dwan amalo be, Lasaro wok ooko kan. ⁴⁴. Di dano kame oudo oto, oko wok di kotweo cinge kede tiene kede igoen kame oyiko kede jo; doko nyime da oudo kotweo kede egoe. Yesu oko waco ne gi be, Gonye nu, di ikounu weke eoti.⁴⁵. Dido Iyudayan atot kame bin obino but Maria, di kiko neno gikame Yesu otimo, gin kiko yei en. ⁴⁶. Do mogo ikom gi oko ot but Iparisayon, di kiko yamo ne gi gikame Yesu oudo otimo.⁴⁷. Dido jotel me josasedoti kede Iparisayon oko lwongo cokere me kansulo, di ki yamo be otim nyo? pien icuo ni tie timo jame atot me aura. ⁴⁸. Kame wan owekenu aweka, jo dedede bino yei en, di jo me Roma kobino maano kabedo ni kede lobo wa.⁴⁹. Di ngat acel ikom gi kame oudo nyinge Kayapa, en oudo ebedo ngatel adwong me josasedoti imwaka nono, oko waco ne gi be, Wun likame ingeunu gimoro akadi acel. ⁵⁰. Doko likame itamunu be etie gikame pire tek ne wan, be dano acel poore toi pi jo, me wek kur ateker dedede muducar.⁵¹. En oudo likame etie yamo kamano ipire kene, do bala kame en oudo ebedo kede ngatel adwong me josasedoti imwaka nono, en oudo etie murao be Yesu poore to pi ateker nono. ⁵². Doko likame pi ateker nono kenekene, do kede pi coko karacel idwe ka Rubanga kame bin osarakin obukui. ⁵³. Aso cako ceng nono, gin kiko moko tam me neno be kineko Yesu.⁵⁴. Pimano, Yesu do likame oko donyo nyutere but Iyudayan; do en eyai eko ot i adul kiyapiyapi kede tim, ibomba kame olwongo be Epuraimu, ikuno en eko mede bedo kede josiao mege. ⁵⁵. Ebago me Iyudayan me Yai oudo odoko iyapiyapi; jo atot oko yai ot Yerusalem di ceng me ebaga me yai pwodi, pi ot lonyere.⁵⁶. Gin kiko donyo mono Yesu, di kipenyere ken gi ken gi, di kitie cungo i tempulo be, Benyo, itamunu be likame eyaro bino i ebaga? ⁵⁷. Pimano, jotel me josasedoti kede Iparisayon oudo otieko mino jo cikere be, ka dano moro ngeo kakame en oudo etie iye; poore enyut ne gin, me wek gin kimake.

¹Di ceng oudo odong kanyape tuno i ebaga me Bwot, Yesu oko ot Betania kakame oudo Lasaro ngat oudo oto bedo iye; ngat kame en eyaruno kikom jo oto. ²Gin bin kiko iiko ne en cam me otieno, di Marita oko donyo toko; Lasaro da oudo tie ngat acel kikom jo kame oudo tie bedo i emesa kanono kede Yesu. ³Di Maria oko woto cupa acel me mo opong kame olwongo be nardi, kame wel mere dwong twatwal, en eko onyo i tien Yesu, di eko donyo weweo kede yer wie. Ngwece me mo nono oko wosun oromo ot dedede.⁴Di acel ikom josiao mege kame nyinge Yuda Isikariot, wot ka Simoni ngat acel kame oudo oyaro rupao en, oko penyere be, ⁵“Pinyo komio likame oudo ocato mo kikukuny ni i wel me denari tol adek di oko mino jocan?” ⁶En eyamo kamano likame be piento en oudo eparo pi jocan, do piento en oudo ebedo akuwo; doko isau me sente oudo bin tie bute, di oudo elwidanaro gikame oketo iye.⁷Di Yesu oko waco be, “Wun wekunu dako no, en egwoko mo no pi daro ceng me yika na. ⁸Pi wun iyarunu bedo kede jocan nakanaka, do ango likame abino bedo kede wu nakanaka.”⁹Ekodet adwong me Iyudayan oko ngeeno be Yesu oudo tie kuno, gin kiko ot kuno, likame pi neno Yesu kenekene, do pi neno Lasaro da, ngat kame en oudo oyaruno kikom jo oto. ¹⁰Do jodongo me josaseredoti oko cako iiko tam me neko Lasaro da, ¹¹pien kop mere omio Iyudayan atot oudo tie yai weko gin di kidonyo yei Yesu.¹²Oru mere, jo atot kame oudo tie bino i ebaga kakame kiwinyo kede be Yesu oudo tie bino Yerusalem. ¹³Kiko jako jange me otit, di kiko ot pi riamakin kede di kilelemo be, “Osana! Winyo bed but Abaka me Isirael kame tie bino i nying Rwot”¹⁴Kakame Yesu oko udo kede atin me punda, en eko yito ingee, bala kame oudo owandiko kede be, ¹⁵“Kur ibed kede lworo in nyako me Sion. Neni, abaka nin ine tie bino, di etie bedo ingei atin me punda!”¹⁶Josiao mege bin likame oko niang dwong me kope gi i agege mere; do kakame Yesu oko neeno kede i deyo mere, gin kiko yutuno be kara oudo kowandiko kop nogi be bino timere i kom en, doko da di oko timo ne.¹⁷Pi mano, jo kame oudo tie kede en kakame elwongo kede Lasaro ooko ki ates di eko yaruno en kikom jo oto, oko mino ijura i kom gi dedede kame oudo otimere. ¹⁸Pi tien kop noni en oko mino jo da oko ot riamakin kede en, pien gin oudo kiwinyo be en kame bin etimo gianena noni. ¹⁹Pi mano, Iparisayon oko donyo yamo ken gi ken gi be, “Mam wun inenu be wan nan do likame obinunu twero timo gimoro akadi acel? pien piny dedede do ogwarere ot lube!”²⁰Doko oudo tie Jogurik mogo da kame oudo tie idiere gi obino Yerusalem pi ilega i kare me ebaga. ²¹Gin kiko ot but Pilipo ngat kame oudo owok ki Betesaida, kame tie Galilaya, di kiko kwane, di kiwaco be, “Adwong, wan omito neno Yesu.” ²²Pilipo oko ot di eko waco ne Anderia, di do Anderia kede Pilipo oko ot waco ne Yesu.²³Di Yesu oko dwoko ne gi di eyamo be, “Esawa otieko tuno kame kobino mino kede deyo Wot ka dano deyo. ²⁴Ateteni, ateteni awaco ne wu be, kalikame nyige me mawele opoto i lobo di eko to, en ebino dong di etie acel kamanono; do ka eto, ebino nyako nyige atot.²⁵Ngat kame maro kuo mere bino kei, do ngat kame dagi kuo mere i piny kan, udo en etie dare pi kuo kame bedo nakanaka. ²⁶Ka ngatamoro otimo tic pira, poore en luba, me wek kakame ango abedo iye, en kakame ngatic na da bino bedo iye: ka ngatamoro otimo tic pira, Papa na bino nyuto wor i kom ngat nono.²⁷Nataman cunya likame winyo iber, awac benyo? ‘Papa, laka i esawa me noni’ do pi kop noni en komio ango atuno i esawa ni. ²⁸Papa, mi nyingi ud deyo.” Di dwan oko wok i malo di ewaco be, “Ango atieko mine deyo, doko abino medo mine deyo.” ²⁹Jo kame oudo tie cungo kuno oko winyo dwan nono, di kiko waco be manono oudo mwoc me kot, do mogo oko waco be, “Malaika en oyamo kede!”³⁰Do Yesu oko dwoko ne gi di ewaco be, “Dwan no li obino pira, do pir wu. ³¹Nan do en esawa me ngolo kop ne piny kan: da nan en obedo esawa kame oyaro riamo kede ngapug piny kan tenge.³²Doko kame kotinga malo i piny kan, ango abino kelo jo dedede buta.” ³³En eyamo kaman pi nyuto epone kame oudo eyaro to kede.³⁴Jo oko dwoko ne be, “Wan owinyo i Iswil wa, be Krisito bino bedo nakanaka; benyo benyo komio in itie waco be poore ting Wot ka dano malo? Wot ka dano noni en ngai?” ³⁵Di do Yesu oko waco ne gi be, “Itienu kede lero pi kare moro acecek, miero iotunu di lero pwodi tie kede wu, me wek kur colo ngol wu; pien ngat kame oto i colo likame ngeo kakame etie ot iye. ³⁶Di nan lero pwodi etie kede wu, yeunu lero, tetekeny ibedunu idwe me lero.” " Ingei yamo kope nogi, Yesu oko yai di eko ot pwono ne gi.³⁷Bed bala en oudo otimo gianena atot i nyim gi, do likame gin kiko yei en; ³⁸Me wek kop kame Isaya enabi bin owaco cobere kakare, kame en ewaco be, " “Rwot, ngai en koyei kop kame wan owaco? Doko ngai en kame twer ka Rwot onyutere bute?”³⁹Pi mano, omio gin likame kiko yei, pien oudo Isaya bobo owaco be, ⁴⁰En etieko umo wang gi, doko ecego tam gi, me wek kur kineni kede wan gi; kede udo niang icuny gi, di kiko lokere, di ango ako cango gi.”⁴¹Isaya bin oyamo kope gi di oudo etieko neno deyo mere di eko yamo kope kame make. ⁴²Bed bala mago tie, idiere me jotel me Iyudayan atot mege oko yei en, do pi lworo Iparisayon oko mino gin likame kiko tuco yei gi, me tetekeny kur riam gi tenge i sinagoga. ⁴³Pien gin oudo kimaro pak me jo kalamo pak kame Rubanga mio.⁴⁴Yesu oko yamo kede dwan amalo di ewaco be, “Ngat kame yei ango, udo likame eyei ango do udo eyei ngat kame oora. ⁴⁵Doko ngat kame nenango, udo eneno ngat kame oora.⁴⁶Ango abino i piny bala lero, tetekeny ngat kame yei ango kur edong di etie i colo. ⁴⁷Doko ka ngatamoro owinyo kope na, di likame eko lubo gi, ango likame angolo ne kop, pien ango likame abino pi ngolo kop ne piny, do pi lako piny.⁴⁸Ngat kame daga di likame emito gamo kop na, en etie kede ngat kame bino ngolo ne kop; doko kop kame ango ayamo en kame bino ngolo nen kop i ceng me ajikini. ⁴⁹Pien ango likame ayamo kop kame maka, do Papa ngat koora en komia cik, gikame poore ango tatamo kede gikame poore ango yamo. ⁵⁰Doko ango angeo be cik mere obedo kuo kame bedo nakanaka: pi mano, gikame ango ayamo dedede, udo kop kame Papa oyamo en kame ango awaco.”

¹. Di pwodi ebaga me kalamo Yesu oudo nge be esawa neno onoko. kome epore pai kede nobo ot but papa. Oudo en eneno mege kame tie ilobo eneno gi tuno i ajikin. ².Kakame cam me otuno otiek kede Sitani oudo otieko do nyo lung Yuda Isikariot wot ku Simon pi rupao en.³. Yesu oudo ngeo be papa otieko mio gi dedede tenge doko en ewok bikut papa kameda eyaro dok but papa. ⁴. En eko yal maco ika cam me otieno en eko pato egoen mere me erwaco tenge di eko tweno tewco ipiere. ⁵. Ingei neno en eko bwoto pi ikalenga di eko gino iwoko tien josiao mege di eko neno tien gi kede tenlo kame etweo ipiere.⁶. Do kakame etuno kede but Simoni Petero, Petero oko penye be Rwot in iyaro lwoko tiena. ⁷. Yesu oko dwoko ne be giame ango atie timo wan in likame ingeo do ibino icen mere. ⁸. Petero di oko wacone be likame in ibino lwoko tieno Yesu oko dwoko ne be ku likame alwoko tien Likame ibino ntwak keda. ⁹. Simoni Petero di ko dwoko ne be Rwot Likame tiena kenekene do cinga kiton wia do.¹⁰. Do Yesu oko waco ne be ngat kame otieko bol likame bobo lwoko kame dedede kwanyo tiene kenekene udo do en edoko cil kiber do likame un dedede icilunu. ¹¹. Pien Yesu udo ngeo ngat kame bino rupao en komio ewaco be liakme wan dedede icilunu.¹². Do kakame en etieko lwoko kede tien gi en eko kwanyo igwen mege di eko doko bedo piny di eko waco negi be wan ingeunu gikame ango atimo newei? ¹³. Wun ilwongonu be apwony kede Rwot udo iyamunu kop me ateno pien ango inonono. ¹⁴. Do kame ango apwony kede Rwot wu alwoko tien wu wuda ot itimunu amano ne jo ace da. ¹⁵. Pien ango amio wa amen me alube waca iporenu timo kite kame ango atimo ne wu kede.¹⁶. Ateteni ateteni aweco ne wu be epasoit likame elwong kalamo Rwot mere amotoko ngat kame oro bedo dwong kalamo ngat koore. ¹⁷. Kame di ingieunu gigi bedunu kede yom cuny kame minunu gi. ¹⁸. Likame ango yamo wun dedede do ango angeo jo kame ayaro me wek iwandik kacil cobere kakare kame waco be, ngal kame icamo mugati kede otingo atitingo mere ikoma.¹⁹. Nan do ango awaco newu di pwodi kare nono likame otuno be kame kare nono otuno wek iyeunu be ango inonono. ²⁰. Ateteni ateteni awaco ne wu be ngat kame gamo dano kame aworo udo agamango doko ngat kame gamo ango udo agamo ngat icoora.²¹. Kakame Yesu otuto waco kede kope nogi cuny oko pony kede lito di eko tuco negi kakame be ateteni ateteni ngat acil kikomu bino rapao ango. ²². Di josiao mege oko cuko neno gin icungi di kitie kede acilanipin ikom ngai kame in etie weco.²³. ikanono acel ikom josiao kame Yesu audo neno tie gongure ikome. ²⁴. Di Simoni Petero oko gweko ngat kame udo tie ikom Yesu nono di eko waco ne pi ot penyo ngei kame weco en ecil waco kop ikome. ²⁵. Ngat kame udo tie jongere ikom Yesu oko penyo be Rwot ngai monono.²⁶. Yesu oko dwoko negi be ngat kame ango abino odo dek di ako mino udo en monono. Kakame en eko kede dek en eko mino but Yuda Isikariot wot ka Simoni. ²⁷. Do icen ngei en camo kame oudo kede dek Simoni oko donyo icunye di Yesu oko waco ne be gikame ni iyaro timo tim cucuto.²⁸. Do likame tie dano mero ika cam kame oudo ngeo gikame en ebecakino waco ne. ²⁹. Pien mogo ikom gi udo paro be pi kite kame Yuda oudo bedo kede ngat kam mako ikapu en komio Yesu owaco ne be cil ne wa jama kame mitere ne camo ebaga arabo emi gimoro buut jo can. ³⁰. Kakame Yuda otieko gam kede kwon kame uoudo kede dek cucuto di eko yai donyo oko piento piny oudo odoko col.³¹. Kikano kakame en edonyo kede oko Yesu oko waco be esawa otieko tuno kame kobino mino kede wot kudano deyo di Rubanga da kobino udo deyo i en. ³². Kame kotieko mino Rubanga deyo beo i en Rubanga da bino mino deyo i en kikome di oko bino mine deyo cucuto. ³³. Idwe na atino do ikare anonok kame ango pwodi atie kede wu wun ibinunu mono do bala kame ango atieko waco ne kede Iyudayan nan awaco ne uda be kame ango atie ot iye wan likame itwerunu tino.³⁴. Cik kanten kame ango amio wa be iporenu maro deno ocelu bala kite kame ango amono wa kede pimano wuda manunu jo icegun kamanono. ³⁵. Pien beo itim noni jo dedede bino ngeno be wan ateteni ibedunu josiao na kame imarerenu kenu.³⁶. Di Simoni Petero oko penye be Rwot iwai en kanu ni itie ot ige? Yesu di ko dwokone be kame ango atie otie nanoni likame iwero luba do iyaro luba tien mere. ³⁷. Petero di ceko medo penye be Rwot pinyo komio likame celwero lubi nan? Ango abino jalo kuo na pini. ³⁸. Yesu di oko dwoko ne be yin ibino jalo kuo ni para? Ateteni ateteni awaco ni be likame tongweno bino kok tuno kede kame idaga tien adek.

¹. Kur imiunu cunyu bed kede peko; yeunu Rubanga, dokon yeunu ada. ². I ot ka papa na, tie iye isengen katot; koto likame amanono oud koto ango awaco ne u. Ango aoto pi iiko kabedo pir wu. ³. Dokon kame ango aoto iiko kabedo pir u, ayaro dwoogo dokon, di akko gamou butango, tetekeny wek kakame ango abedo iye, uda ibedunu kanono.⁴. Dokon kakame ango atie ot iye un ingeo unu dokon yongayo mere un ingeounu. ⁵. Tomasi di ko yamo ne be, Rwot, wan liko ongeo kakame yin itie oot iye; dokon epone mene en kame wan obino ngeeno kede yongayo? ⁶. Yesu oko waco ne be; Ango en yongayo, ateni kede kuo; dano moro likoyaro bino but papa, kwaanyo di ebeo kibuta. ⁷. Koto di bin un ingeunu ango, koto oudo ingeunu papa na da; dokon geno nan oot anyim un ingeenu, dokon itiekunu neene.⁸. Pilipo diko yaamo ne be, Rwot nyut ne wan papa, di manono do koroomo wan. ⁹. Yesu diko waco ne be, Benyo, ango atieko kedi kare kalac amano, yin pwodi likame ingeango, Pilipo? Ngat ko nenango, udo etieko neeno papa, dodo epone mene en kame yin iyamo kede be nyut ne wan papa?¹⁰. Benyo, yin iyei be ango atie ii papa, dokon papa da tie iiya? kope kame ango ayamo ne un likame ayamo pira, do papa ngat kame bedo ii ya, en kame tiyo tice. ¹¹. Yeunu be ango atie ii yi papa, dokon papa da tie ii ango, arabo do yeunu pir tice kikome.¹². Ateteni, ateteni, ango awaco ne u be, Dano kame yei ango, tice kame ango atimo eda eyaro tiimo; dokon en ebino tiimo tice kadongo kalamo magi; pien ango atie oot but papa. ¹³. Dokon gimoroni kame un iyarounu peenyo kii nyinga, ginono ango amito timo ne u, tetekeny wek papa wud deyo kii wod. ¹⁴. Kame iyarounu penyo gimoroni kenekene kii nyinga, ango amito tiime.¹⁵. Kame di un imaranu, gwokunu iswiliaka na. ¹⁶. Dokon ango amito leego papa, di en eko miino u, ngakwei cuny ace, me wek en etwer bedo kede u atwal. ¹⁷. En kame ebedo Tipo me ateni, kame lubo likame twero gaamo, piento likame en eneno, amotoko ngeene; do un ingeounu en, piento en ebedo kede u, da dokon eyaro bedo ii wu.¹⁸. Ango likame amito wwekou abongo kwei cuny: Ango amito bino but wu. ¹⁹. Dodi pi kare acecek, doko lobo likoyaro nenango dokon; do un ibinunu bedo kuo. ²⁰. Iceng nono en kame un iyarounu ngeeno kede bee, ango atie ii papa, di uda itie unu ii ango dokon ada atie ii wu.²¹. Ngat kame tie kede iswiliaka nango, di egwoko gi, ngat nono en kame mara ngo; dokon ngat kame mara ngo, papa nango da oyaro maro en, dokon emito nyuuto kome bute. ²². Yuda kame likame obedo Esikariot, oko waco ne be, Rwot, epone mene en kame yin imito nyutere kede nne wan; dodi likame ne lobo?²³. Yesu oko dwoko di waco ne be; kame dano moro mara ngo, en emito gwooko kope nango, dokon papa nango da omito mare, dokon wan omito bino bute, di oko cweeno kabedo wa kede en. ²⁴. Dano kalikame marango likame gwoko kope na; dokon kope kame un iwinyunu likame obedo mega, do gin kibedo me ka papa ngat ko ora.²⁵. Gigi ango ayamo ne un pien ango pwodi atie. ²⁶. Do nga kwei cuny, kame obedo Tipo ka cil, kame papa omito cwaano kii nyinga, oyaro pwoonyo u gi dedede, di dokon en eko yutuno ne u gi dedede kame ango atieko waaco neu. ²⁷. Ango aweko u kede mulem; mulem n ango amio butu; ango amio butu, likame bala kame lobo mio, kur imiunu cunyu be kede peko, amotoko miine bedo kede iworo.²⁸. Un itiekunu winyo kite kame ango ayamo neu kede, ango atie oot tenge, di ako dwogo bobon butu, kakoto di oudo imara nu, oudo koto ilelunu, pien ango awaco ne u be, ango atie oot but papa, pien papa nango dwong loa. ²⁹. Dokon ango awaco ne u kope gi di pwodi likame kitimere, tetekeny kame ki cobere, un ibin iyeunu.³⁰. Icen ngei magi ango likame abino yaamo kope katot kede u; pien abaka me lobo ni tie bino di dokon eli kede gimoro ki buta. ³¹. Do wek tetekeny lobo twer ngeeno be ango amaro papa, dokon bala kame papa omia kede iswil, ango da atimo kamanono. Yaunu, me wek outunu ikan tenge.

¹. Ango en olok me ateni do papa na en kame ngapur. ². Buli ajange kame tie ikoma di likame kinyako anyakini en elwero tenge ajange dedede kame tie ikoma di kinyako anyakini en etemuno me wek enyak nyige atot kalamo.³. Nan do kope kame ango awaco ne wu otieko longo wu. ⁴. Dongunu i ango, ango da ako dong butu. Bala kite kame ajange likame twero nyako kede anyakini en kame kwanyo ka edong ikom olok, kamanono da wuda likame itwerunu nyako anyakini wun kenu kwanyo ka idongunu iango.⁵. Ango en olok wun en ajange mege ngat kame dong iango di ango da ako dong bute ngat nono en kame bino nyako anyakini atot, pien likame itwerunu timo gimoro abongo ango. ⁶. Kame ngata moro likame odong iango kouce tenge bala ajange di eko tuwo di jo ko coko gi di oko uco gi imac di kiko wang. ⁷. Ka idongunu i ango, di kop na ko dong butu ibinunu kwano gikame imitunu di oko timo ne wu.⁸. Ikanoni papa na udo deyo ka wun inyakunu anyakini atot di ikounu doko josiao na. ⁹. Bala kite kame papa omara kede kamanono da ada amaro wu, otunu i amara na.¹⁰. Ka igwokunu giacika na, ibinunu dong i amara na, bala kite kame ango agwoko kede giacika ka papa na, di ako dong i amara mere. ¹¹. Ango awaco ne wu ginogi tetekeny ibedunu kede kilel kopong.¹². Man en giacika na, marenu kenu kenu bala kite kame ango amaro wu kede. ¹³. Likame tie amara dano moro tie kede kame dwong kalamo man, kame dano yei jalo kede kuo mere pi jowote.¹⁴. Wun jowote kame itimunu gi kame aciko wu iye. ¹⁵. Likame bobo abino lwongo wu be Ipasoi, piento epasoit likame ngeo gikame Ngadwong mere timo, do ango alwongo wu be jowota, pi gidedede kame ango awinyo kibut papa na amio ongeere butu.¹⁶. Wun likame iyerunu do ango en kame ayero wu, di ako cwano wu, me wek iotunu di ikonu nyako anyakini kede da wek anyakini wu dong nakanaka tetekeny papa na miu gimoroni kame wun ibinunu kwano inyinge. ¹⁷. Ango aciko wu iginogi wek imarerenu kenu kenu.¹⁸. Ka wilobo odagi wu, ngeunu be bin egeo dagi ango, dipwodi likame edagi wun. ¹⁹. Ka koto di wun oudo ibedunu jo me lobo koto omaro wu bala jo mege do pien wun likame ibedunu jo me lobo do ango ayero wu ilobo manono en omio lobo ni dagi wu.²⁰. Yutununu kop kame oudo awaco ne wu be epasoit likame dwong kalamo Ngadwong mere. Ka kitidilo ango kibino tidilo wuda. Ka kiwinyo kop na, kibino winyo kop wuda. ²¹. Do gigi dedede kibino timo ne wu pi nyinga, pien likame kingeo ngat kame oora. ²². Koto udo likame ango abino, di ako yamo kede gi, udo kili kede dub, doko na kili kede ka gengere me pido pi bal gi.²³. Ngat kame dagi ango, wudo edagi papa na da. ²⁴. Ka koto oudo likame ango atimo idiere gi tice kalikame tie ngatamoro kotimo, koto udo kili kede dub, do nan kitieko neno gi kame ango atimo, kede dagi ango karacel kede papa na da. ²⁵. Do magi dedede otimere pi cobo kop kame owandiko iye iswil gi, be kidaga abongo tien kop moro.²⁶. Do kame ngakony obino, kame ango abino cwano ne wu di wok ibut papa, Tipo me ateni, kame bino wok kibut papa en ebino jurao ango. ²⁷. Doko wuda ibinunu bedo ijura na pien wun oudo itienu keda cako ki i agege.

¹"Gigi dedede ango awaco neu me wek kur ipotunu iyei. ²Gin kibino riamou oko ikacokere. Ebo kare bino tuno kame ngat kame bino neko wu bino paro be etimo ne Rubanga tic³Gigi dedede gin kibino timo neu pien liakame gin kingeo Papa akadi ango da. ⁴Do gigi ango awco neu cuto tetekeny kame kare mere bino romo, un ibinunu iyutun be ango bin awaconeun sek. Gigi likame awaco neu iya agege pien oudo ango atie kedeu⁵Do nan ango ayaro ot, ot na but ngat ko cwa, 'Likame ngat moro ikomu openya, itie ot tuwai?' ⁶Do pirnto ango awaco neu gigi en omio cwer cuny opong neu. ⁷Akadi bala amanono da, ango awaco neu ateni, etie gi ame mitere nango be ango aot tenge pien kame ango liaoto tenge, ngat kamekwei cuny lio oyaro bino but we. Do kame ango ayai, ayaro cwane but wu.⁸Do kame di en ebino, en ebino ngolo kop ne lobo me dub, kede ne pore, kede ngolo kop- ⁹kibut dub pien likame gin kiyei ango; ¹⁰kibut pore pien ango atie ot but Papa na, likame doko ibinunu nena; ¹¹kibut ngolo kop pien ngapug me loboni otieko ngolo ne kop.¹²Pwodi atie kede kop atot apore waco neu, do likame itwerunu mako gi. ¹³Do kame di en cuny me ateni obino, en ebino telou iya ateni dedede, pien liame ebino yamo pire kene. Do gi kame en abino winyo, en kame ebino waco di eko bino nyuto neu gi oyaro bino. ¹⁴En ebino mino deyo, pien ebino gamo ibuta di en eko nyuto neu.¹⁵Jame dedede kame Papa tie kede gin mega. Pi mano, ango awaco neu be, en abino kwanyo kop na di eko nyuto neu. ¹⁶Pi kare atididi li ibinunu nena, dobo pi kare atididi ibinunu nenapiento ango aoto but Papa.¹⁷Jo mogo ikom josiao mege oko do yamo kengi, kengi be, :Nyo ine ame en atic waco newa, 'pe pi kare atididi liame iyarunu nena; doko pi kare atididi ibununu nena ; piento udo ango aoto but Papa?" ¹⁸Pi man, gin kiko waco ne be, "Nyo ine kame en etie waco ne wa be, "Pi kare atididi?" Wan lio otwero waco gi ame ae ewaco."¹⁹Yesu oudo ngeo be gin kitie kede mit me penye, omio en eko waco ne gi be, "Do un itienu penyere kenu, kenu, ikom gi kame ango awaconeu be 'pi kare atididi liame ibinunu nena, doko pi kare atididi ibinunu nena?' ²⁰Ateteni, ateteni, awaco neu be, ibinunu koko kitek do bobo bino kilel, do un bino bedo kede cwercuny, do cwercuny bino lokere me ilel. ²¹Pien dako kame tie iya aramo me nywal, bedo kede cwercuny pien udo esawa mere otuno, do cucuto kame etieko nywalo atin, en likame bobo eyutuno aramo ame ebeo iye. Pi yom cwiny kame enywalo kede atin ilobo.²²Pi mano un nataman itienu kede cwercuny, d ango abino nenou di cuny wu ko ilel di ilel nono liame ngatamoro kobino kwanyo tenge kibutu. ²³Do iceng no, un likame me ibinunu penya gimoro. Ateteni, ateteni awaco neu be, gimoro ame ibinunu penyo Papa inyinga, en ebino minou. ²⁴Tuno nan, pwodi likame tie gimoro kame un ipenyunu inyinga. Penyunu di ikonu bino udo wek ikonu pong kede kilel.²⁵"Gigi ango awaco neu i agole, do kare bino tuno ame likame doko ayaro yamo kedeu i agole. do abino nyuto neu Papa kakaler.²⁶Do ceng nono, ibinunu penyo Papa inying do likame abino waco neu be ayaro lego Papa akaka un. ²⁷Pien Papa kikome marou piento un kikomu imaranu di ikonu yei be ango awok kibut Rubanga. ²⁸Pien ango awok kibut Papa, di ako bino ilobo. Abino doko weko lobo di ako dok but Papa.²⁹Josiao mege diko waco ne be, "Neni nan do itie waco kop kakaler di likame iwaco gi i agole. ³⁰Pi mano, wan do ongeo be in ingeo gi dedede, doko liame dano moro likame pore penyi. Do man mio wan oyei be in iwok kibut Rubanga." ³¹Yesu oko dwoko negi be, "Nan do iyeunu?³²Neni, kare bino tuno, doko da etieko tuno, kame kame un ibinunu sarakin kede, di ngat acel acel ko udo likame atie kena, piento Papa tie keda. ³³Gigi dedede ango awaco neu, me wek beo ibuta ibedunu kede mulem. Pien ilobo ibinunu bedo kede alola do diunu cuny wu pien ango atieko lono lobo."

¹Kakame Yesu otieko waco kede kope nogi, eko yai kede josiao mege di kiko ngolo aditot me Kideron kame oudo poto tiye iye di eko donyo iye kede josiao mege. ²Yuda, ngat kame bino rupeo en oudo ngeo kabedo nono. Pien Yesu oudo maro riamakin kede josiao mege kanono. ³Dido Yuda oko upere kede ekodet me cuo kede jo tice adongo oyai ibut jo saserodotin kede iparisayon di kimako rau, toce kede jame me yii.⁴Yesu oudo ngeo gi dedede oyaro timere ne en eko ot riamakin kede gi, eko waco negi be, "Ngai kame un itienu mono?" ⁵Gin kiko dwoko ne be, "Yesu me Nasaret." Yesu di ko waco negi be, "Ango en Ine." Yuda da ngat kobino rupao en oudo tiye cungo kede gi.⁶Cucuto kame en eko waco negi kede be, "Ango Ine," gin kiko dok cen di kiko popoto piny. ⁷Di en eko medo penyo gi be, "Ngai kame un itienu mono?" do kiko waco ne be, "Yesu me Nasaret."⁸Yesu oko dwoko negi be, "Awaco neu be ango Ine." Kame un itienu mona, wekunu jo apat go ot, ot gi. ⁹Man otimere pi cobo kop kame bin en ewaco be, "likame tie dano moro orwenyo ikom jo kame bin omia."¹⁰Kikanono Simoni Petero, ngat koudo tie kede pala epima, eko kwanyo eko tongo kede iit ngatic me esaserodot adwong paka ngolo tenge. Ngat nono bin nyinge Maliko. ¹¹Yesu di ko waco ne Petero be, "dwok pala epima ni i akularu mere. Benyo ikopo kame Papa na omia kur amate?"¹²Dido ikano ekodet me isirikalen ngadwong gi kede jo dongo me iyudayan oko etro Yesu di oko twene. ¹³Di oko geno tere but Anas me agege pien oudo e tie papa me dako ka Kayapa ngat kame bin tie esaserodot adwong imwaka nono. ¹⁴Kayapa nono en kame oudo bin omio iyudayan tam be eber ne dano acel to pi jo.¹⁵Simoni Petero oko lubo Yesu, en kede ngasiao ace, ngasiao ace nono oudo bin ngere kede esaserodot adwong omio en bin eko ot kede Yesu paka tuno idiakal me ngasaserodot adwong; ¹⁶Do Petero oko dong cungo idog erute, di do ngasiao ame bin ngere kede ngasaserodot adwong nono oko dok oko. Di eko yamo kede nyako ame bin daro erute eko mine ekelo Petero da idiakal.¹⁷Nyako kame bin daro erute oko penyo Petero be, "Benyo in likame ibedo ngat acel ikon josiao me icuo ni?" Petero ko dwoko ne nyako nono be, "Liame ango." ¹⁸Di do ipasoi kede jodongo kame bin tie cungo kuno oudo ki dopo mac pien piny oudo ngic omio kitie yono mac di Petero da tie cungo kede gi di eyo mac.¹⁹Di ngatel me jo saserodot oko penyo Yesu ikom josiao mege kede ikom pwony kame en epwonyo. ²⁰Yesu di ko dwoko ne eb, "Ango awace ne lobo kop kakaler . Amaro da pwony ikacokeren kede itempulo kakame iyudayan maro riamakin iye. Lia tie gimoro ame ayamo imung. ²¹Pinyo komio ipenyunu? Penyunu jo kame bin owinyo kop na igiame ango awaco negi pien gin kingeo giame ango awaco.²²Kakame Yesu itoeko waco kede kop gi, ngat acel ikom jodongo oko bape ii cinge di ewaco ne be, "benyo, mano en epone kame in idwoko ne kede ngatel me josaserodot kopi?" ²³Yesu oko dwoko ne be, "Kame di ango awaco kop arac, ebedo mujura me giarac, do kame di awaco kop aber pinyo omio ibapa?" ²⁴Di Annas oko cwane but Kayapa obedo esaserodot adwong di kotwee.²⁵Kakame Simoni Petero tie cungo di eyo mac,. Gin kiko waco ne be, "Benyo in liame ibedo ngat acel kikom josiao mege?" En eko dagi di ewaci negi be, "Liame ango" ²⁶Ngat acel ikom ipasoi me ngatel josaserodotin wad gi icuo kame Petero bin otongo ite, oko penye be, "Benyo liame ango anenou kede en di itienu ipoto?" ²⁷Petero doko oko medo dagi cucuto nono; di tongweno oko kok.²⁸Di gin kiko kwanyo Yesukibut Kayapa dikiko tere iot kame ongolo iye kop. Odiko sek gin liame kiko donyo iot me ngolo kop pien bin kilworo be kur kipwokere pien gida kimito camo ebaga me kato. ²⁹Pilato di oko donyo but gi oko di eko waco negi, "Pido nyo kame un ikelunu ikom icuoni?" ³⁰Gin kikwo dwoko di kiwaco ne ebe, "Kame di koto oudo dano ni likame obedo ngatim tim areco, koto oudo wan liokele but."³¹Pilato di ko waco negi be, "un terenu di ikonu ngolo ne kop di lubere kede iswil wu." Iyudayan di ko waco ne be, iswil liame yei wan ngolo ne dano kop me to. ³²Man otimere pi mino kop kame Yesu bin owaco cobere kakare pi nyuto epone me to kame bini neke.³³Pilato doko oko donyo iot me ngolo kop eko lwongo Yesu di ewaco ne be, "Benyo in ibedo Abaka me iyudayan?" ³⁴Yesu oko dwoko ne be, "Benyo in itie waco kop gi ikomi amoto tie jo ace owaco ni kop ikoma?" ³⁵Pilato oko penye be, "benyo ango abedo dano me Yudaya wad wu? Ateker nin kede josaserodotin adongo en omiin buta, nyo kame in itimo?"³⁶Yesu oko dwoko be, "Ajakanut na liame me lobo kan, koto di oudo ebedo me lobo kan, koto ipasoi na oyii wek kur mia icing Iyudayan. Do ajakanut na liame me lobo kan." ³⁷Kakame Pilato oko penye be "Benyo in do Abaka?" Yesu oko dwoko ne be, "In iwaco be ango Abaka pi kop noni en omio onywala, doko ginono omio abino ilobo wek abed mujura me ateni."³⁸Pilato oko penye be, "Ateni en nyo?" Kakame en etieko waco kede kop gi, eko do donyo oko but Iyudayan, di eko waco negi be, "Liame tie dub moro ame ango audo ikom icuo ni atwal. ³⁹Do un itie nu kede itok ame waco be opore gonyo ne wu dano acel ikare me ebaga me kato. Pi mano imituni be agonge wu abak me Iyudayan?" ⁴⁰Gin dedede kiko ilelem kede koko di kiwaco be , "Liame icuo ni, do gonyenu was Baranaba." Do Baranaba oudo obed ngayak.

¹Pi mano, di do Pilato oko tero Yesu di eko mino kodae. ²Di isirikalen oko cweno odolo me okuto kiko keto i wie, di kiko ngapo ne ekanso akwakwar. ³Di kiwaco ne be, “Yoga, Abaka me Iyudayan,” di kibape.⁴Pi mano, Pilato bobo oko dok ooko, di eko waco ne gi be, “Nenunu, ango atie kele butu, wek ingeunu be ango likame audo gimoro arac ibute.” ⁵Di Yesu oko wok ooko, di engapo odolo me okuto i wie kede da di engapo ekanso akwakwar. Pilato oko waco ne gi be, “Nenunu, icuo no ine.” ⁶Kakame jodongo me josaseredoti kede isirikalen onene kede, gin kiko lelemo be, “Gure nu, gure nu!” Pilato oko waco ne gi be, “Terenu igurenu wun kikomu, pien ango likame audo raco moro ibute.”⁷Iyudayan oko dwoko ne be, “Wan otie kede iswil wa, iswil nono yei ne to, pien en emire be ebedo Wot ka Rubanga.” ⁸Kakame Pilato owinyo kede kope nogo, lworo oko medo make. ⁹Di en bobo eko donyo i agola me ngolo kop, di eko penyo Yesu be, “In iwok i tuai?”¹⁰Di do Pilato oko penye be, “Likame imito yamo keda? likame ingeo be ango atie kede akarinikin me gonyi kede me guri i kom musalaba?” ¹¹Yesu oko dwoko ne be, “Oudo likame iromo bedo tie kede akarinikin i koma, ka koto di likame oudo komii i malo; pi mano, ngat okela i cingi en kame tie kede dub kame dwong.”¹²Geeno esawa no, Pilato oko mono epone me gonyo Yesu, do Iyudayan oko lelemo di kiwaco be, “Ka in igonyo icuo ni, udo in likame ibedo ngawot Kaisari; pien ngat acelacel kame waco be en ebedo abaka udo piemo kede Kaisari.” ¹³Kakame Pilato owinyo kede kope go, en eko kelo Yesu ooko, di eko bedo i kom mere me ngolo kop, i kabedo kame kolwongo be “Etem me kide kame Konapo.” (I leb Eburania olwongo be Gabeta.)¹⁴Oudo ebedo ceng me iikere me camo ebaga me Bwot; di do esawa oudo romo bala kanyape me iceng; en eko waco ne Iyudayan be, “Nenunu abaka wu ino!” ¹⁵Do gin kiko lelemo be, “Rweny kede, rweny kede, gure!” Pilato oko waco ne gi be, “Agur Abaka wu?” Jodongo me josaseredoti oko dwoko be, “Wan oli kede abaka, kwanyo Kaisari kenekene.” ¹⁶Pi mano, Pilato oko jalo Yesu mino i cing gi pi ot gure. Di do gin kiko tero Yesu, kiko tere ooko.¹⁷Di do en etie riongo musalaba mere, di eko ot paka kakame kolwongo be Kabedo me Cogowic, kame kolwongo kede leb Eburania be Gologota. ¹⁸Kakame gin kiko gure iye i kom musalaba kede jo are apat; ngat acel tetucel kede ocelu da tetucel, di Yesu en atie i diere gi.¹⁹Di Pilato oko wandiko kop di eko name i wi musalaba kame somere be, “YESU ME NASARET, ABAKA ME IYUDAYAN.” ²⁰Iyudayan atot di ko somo iwandik noni, pien kakame bin koguro iye Yesu oudo iyapi kede bomba; doko oudo kowandiko i leb Eburania, Gurik kede Latin.²¹Di jodongo me josaseredoti, kame oudo obedo Iyudayan, oko waco ne Pilato be, “Kur iwandiko be ‘Abaka me Iyudayan’ do be, ‘En eyamo be, Ango abedo Abaka me Iyudayan.’ “ ²²Pilato oko dwoko be, “Gikame ango atieko wandiko, wandiko.”²³Di do kakame isirikalen oko tieko guro kede Yesu i kom musalaba, kiko tero igoen mege kiko popoko tien ongwon, sirikale acelacel otero dul; oko tero kiton ekanso mere da: ekanso mere oudo likame kororopo, oudo en etie acel abor kame kokedo ausin mege cako ki malo kiton piny. ²⁴Gin kiko poro kop ken gi ken gi be, “Kur onyinyilunu nu en, do oucunu alulu pi neno ngat kame winyo bino mako di en eko tero. “Man otimere pi mino iwandik kacil cobere kakare be, “Kipopoko giangapa na, di kiko uco alulu pi ekanso na, isilikalen oko timo gigi.”²⁵Do toto me Yesu, kede amime toto mere, kede Maria dako ka Kulopas kede Maria Magadalina, oudo tie cungo i nget musalaba mere. ²⁶Kakame Yesu oneno kede toto mere karacel kede ngasiao kame en oudo emaro di kitie cungo i ngete, en eko waco ne toto mere be, “Dakoni, neni wodi ino!” ²⁷Di en eko waco ne ngasiao da be, “Neni, toto ni ino.” " Cako ceng no ngasiao nono oko tero toto me Yesu ture.²⁸Ingei mano, Yesu di do otieko ngeno be gi dedede oudo do otieko timere, me wek iwandik kacil cobere en eko waco be, " “Orio oneka,” ²⁹Kanono oudo tie iye opoko me bwini awac di epong, gin kiko luto ecango i bwini awac i wi tir, di kiko cwano ne i doge. ³⁰Kakame Yesu otieko jwijwio kede bwini awac noni, en eko waco be, “Otiek do.” " Di do en eko luro wie, eko jalo cuny eko to.³¹Pi mano, kite kame ceng no oudo obedo kede ceng me iikere, Iyudayan oko kwano Pilato be tuturo tien jo kame oudo koguro nogo, di oko kwanyo gi tenge pi mino kur kom gi dong i kom musalaba i Ceng me Sabato, pien Ceng Sabato oudo do otuno. " ³²Isirikalen oko bino di kiko tuturo tien dano me agege kede me ocelu ikom jo kame oudo koguro kede Yesu i musalaba ceng no. ³³Do kakame kituno kede but Yesu, kiko neno be en oudo etieko to, gin likame kiko turo tiene.³⁴Do sirikale acel oko cobo ngete kede tong; cucuto di remo kede pii oko wok kiye. ³⁵(Ngat koneno gini di timere en oko mino ijura, doko ijura mere tie me ateni, doko eda engeo be eyamo kop me ateni, me wek uda iyeunu.)³⁶Pien gigi otimere tetekeny iwandik kacil cobere, kame waco be, “Likame tie cogo mere moro kame kobino turo.” ³⁷Bobo iwandik ace waco be, “Gin kibino geno ngat kame gin kicobo.”³⁸Ingei mano, Yosepu me Arimatea, kame oudo obedo ngasiao ka Yesu, oko tero kwac but Pilato i mung pien en oudo elworo Iyudayan, di ekwao be mie ekwany kom Yesu eter tenge; Pilato oko mine akarinikin, di do en eko bino di eko kwanyo kom Yesu. ³⁹Di Nikodemu da, dano kame oudo ber ogeo bino but Yesu iwor, oko bino di ekelo yat kame ngwe kur kame onyalo pi gwoko kom jo oto, oudo ebedo maya kede aloe, kame peko mere romo bala kilo ot adek.⁴⁰Di gin kiko kwanyo kom Yesu di kiko bone kede esuka aliamaliam kede yat angwe kur naca, di lubere kede ekite kame itok me Iyudayan me ayika tie kede. ⁴¹Inget kakame oudo tie koguro iye Yesu; poto oudo tie kame ates anyen kalikame pwodi oudo koyiko iye ngatamoro. ⁴²Kanono en kame gin kiko yiko kom Yesu iye, pien ceng no oudo obedo ceng kame Iyudayan iikere kede, doko ates oudo tie kakame iyapiyapi.

¹Ceng me agege me sabiti odiko sek, Maria Magadalina oko dilo di pwodi piny cocol, di eko ot i ates; di en eko neno be oudo kokwanyo kidi tenge ki dog ates. ²Di en eko ringo, eoto but Simoni Petero kede ngasiao ocelu kame oudo Yesu maro itek, di eko waco ne gi be, “Kikwanyo kom Rwot tenge ki ates, likame ongeo tuwai kame kikete iye.”³Pi mano, Petero oko yai, en kede ngasiao ocelu ca, iko tuno i ates. ⁴Kiko donyo ringo aringa, do ngasiao ocelu ca oko ringo olanyo Petero, di en eko geno tuno i ates. ⁵En eko gungo neno ii ates, di eko neno isukai kenekene di tie kuno, do en likame eko donyo i ie.⁶Di do Simoni Petero da oko tuno di tie lube ki cen, di eko pororo donyo ii ates; en eko neno isukai en atie. ⁷Kede itambala kame bin oteno wie iye, en kame oudo tie kare kene ika isukai oudo tie iye, do oudo kodole ikare kene.. ⁸Di do ngasiao ocelu kame oudo ogeo tuno i ates oko eda donyo i ie, en eko neno di eko yei; ⁹Pien pwodi gin oudo likame kiniang iwandik kacil, kame waco be poore en yaruno kikom jo oto. ¹⁰Di josiao oko dok i miere gi.¹¹Do Maria oko dong cungo di etie koko ooko me ates; di pwodi oudo etie koko, en eko gungo pi neno ii ates; ¹²Di en eko neno imalaikan are kame oudo ngapo gi tar, di kibedo kakame oudo kopielo kom Yesu iye, acel tetu kawie kede acel i katiene. ¹³Gin kiko waco ne be, “Dako ni, itie kok pinyo?” En eko dwoko ne gi be, “Pien kitero kom Rwot na tenge, likame angeo kakame kikete iye.”¹⁴Ingei en waco kamano, en eko lokere di eko neno Yesu di tie cungo, do likame eko ngeno be Yesu inonono. ¹⁵Yesu oko waco ne be, “Dako ni itie kok pinyo? In itie mono ngai?” Maria oko paro be amoto en oudo ebedo ngapur poto, omio en eko waco ne be, “Ngadwong, ka in en itere tenge, nyuta kakame ikete iye, me wek aot akwanye ako tere.”¹⁶Yesu oko waco ne be, “Maria!” Di Maria oko lokere oko waco ne be, “Raboni!” kame dwong mere be Apwony. ¹⁷Yesu oko waco ne be, “Kur imaka, pien pwodi likame aoto malo but Papa; do ot but imiegu na iko waco ne gi be ango atie ot malo but Papa na, en Papa wu da; but Rubanga na, en Rubanga wu da.” ¹⁸Maria Magadalina oko ot di eko waco ne josiao be, en oudo aneno Rwot; " da eko yamo ne gin be Rwot owaco ne gigi.¹⁹Otieno me ceng nono, bala kame oudo etie kede ceng me agege me sabiti, josiao oudo tie i ot, di kicego ikekoroson pi lworo Iyudayan. Yesu oko bino di eko cungo i diere gi di eko waco ne gi be, " “Mulem bed butu.” ²⁰Ingei waco kamanono, en eko nyuto ne gi cinge kede ngete. Di cuny josiao oko doko yom kakame kineno kede Rwot.²¹Yesu bobo oko medo waco ne gi be, “Mulem bed butu; bala kame Papa na oora kede, ada aoro wu kamanono.” ²²Di en etieko waco kope go, en eko kuto wei mere but gi di ewaco ne gi be, “Gamunu Tipo Kacil. ²³Ka isasirunu ngatamoro dub mege, kobino sasiro en; ka idagunu sasiro ngatamoro ki dub mege, likame kobino sasiro en.”²⁴Do Tomasi kame oudo kolwongo be Didimo, kame bin obedo acel kikom josiao tomon kiwie are, kame oudo likame tie kede gi i esawa kame Yesu otuno kede but gi. ²⁵Josiao apat oko waco ne be, “Wan oneno Rwot.” Do en eko waco ne gi be, “Kwanyo di ango aneno aporeso me sumalin i cinge, di ako mulo kede lweta, kede di aketo cinga i ngete, ango likame abino yei.”²⁶Doko ingei ceng kanyauni, josiao mege oudo bobo tie i ot, Tomasi da di oudo tie kede gi, ikekoroson oudo ocegere, do Yesu oko bino di eko cungo i diere gi, di eko waco be, “Mulem bed butu.” ²⁷En eko waco ne Tomasi be, “Cwai lweti kan, doko nen cinga; riei cingi iko keto i ngeta, kur ibed abongo yei, do bed kede yei.”²⁸Di do Tomasi oko dwoko ne di ewaco be, “Rwot na kede Rubanga na!” ²⁹Yesu oko waco ne be, “Tomasi mam pi in inena komio iyei? Kitie kede winyo jo kalikame oneno di gin kiko bedo kede yei.”³⁰Yesu bin oko timo gianena atot i nyim josiao mege, kalikame kowandiko i itabu kan. ³¹Do kowandiko magi me wek iyeunu be Yesu en obedo Krisito, Wot ka Rubanga, kede da be ka iyeunu ibinunu udo kuo i nyinge.

¹. Ingei gigi Yesu di bobon oko neno but jo siao mege inge me Tiberia ka mane. ². Di gi tie karace, Simoni Petero kede Tomasi ame olwongo be didi mo, Nathanael me cana ame tie Galilaya, kede awobe ka Sebedayo kede jo siao mege are ace. ³. Simoni Petero oko yamo negi be, ango atie ot cik di gi ko waco nebe wada omito ot kedi cutocuto nono digi ko donyo iiye, iwor noni lika gi ko mako gimoro.⁴. Dido piny oru, Yesu oko cungo idog nam di jo siao mege likame oko ngene. ⁵. Yesu di ko penyo gi be, idwe, itienu kede gime acama moro? Gin giko dwoko ne be li. ⁶. Eko yamo negi be, wicunu bwoini wu ibad tetu cam me yec ibinunu udo. Di gin giko timo amanono di gin likame giko twero peno bwoini pien oudo gi mako aporogon atot.⁷. Pi mano nga siao ame Yesu maro oko yamo ne Petero be, kara en ebedo Rwot. Esa me Simoni Petero owinyo kede be oudo en ebedo Rwot eko rwano kome kede ekoti me cik (pien oudo etie nono) di eko somo inam. ⁸. Jo siao ace di oko kwang kede ye atididi (pien oudo gi tie iyapi kede mwalo bala make romo yadi 100) di gi peo bwoni gi kede aporogon. ⁹. Digi tuno imwalo gi ko neno mac kaliel kede aporogon otie bulo iye kede mugati.¹⁰. Di Yesu oko yamo negi be kelunu aporogon mogo ame imakunu. ¹¹. Simoni Petero oko yai eko pen bwoini opong kede aporogon bala nat tol acel iyot kany iwie adek, oudo gi tot do likame gi ko nyilo bwoni.¹². Di Yesu oko lwongo gi be, bia ocamunu, ikom gi likatie ngat oko twero penye be in ebedo ngai? Pien oudo gi tieko ngeno be en ebedo Rwot. ¹³. Di Yesu oko bino, di eko kwanyo mugati di eko mino gi. Di eko timo kamanonoda kede aporogon. ¹⁴. Oudo nan do ebedo tien me adek me Yesu Yesu yutere ne jo siao mege di etieko yaruno ki too.¹⁵. Digi tieko cam, Yesu oko penyo Simonni Petero be, Simoni wot ka Yona, imara lono gigi? EKo dookone be, Ebo Rwot yin ingeo be ango amari. Yesu oko wco me be pit idwe romini na. ¹⁶. Di bobon Yesu oko penye me are be Simoni, wot aYona, imara? Eko yamone be, Ebo Rwot yin ingeo be amari. Eko yamo ne be pit romoni na.¹⁷. Eko bobon penye me idek, Simoni wot a Yona imara? Petero oudo do cunye owang pien epenye me tien adek, be imara? Di eko yamo ne be Rwot in ingeo di duc, ingeo bobon da be amari. Yesu oko waco ne be pit oromini na. ¹⁸. Ateteni ateteni awaco newa be, di ngoce pwodi in itie atin oudo ingapere iko oot kara moro kene kene ame in dimito. Do kame inibino ti ibino rieno badi di ngat ace bino ngaponi egwe eko tali kame cunyi likamito ot iye.¹⁹. Yesu oyamo koman di etie nyuto ne too aen epore mino kede deyo but Rubanga. Di etieko yamo kaman eko yamo ne be luba.²⁰. Petero oko neno nga siao abin Yesu maro di tie lubo gi abin oteno wie iko Yesu esawa me cam me otieno eko yamo be, Rwot ngai en eyaro rupao in? ²¹. di Petero onene eko yamo ne Yesu Rwot do nyo kame icuo no oyaro timo?²². Yesu di oko waco be, kame amito ebed kuo paka ango dwogo, nyo ame makin iye? ili luba. ²³. Kop noni di oko sarakin but imiegu be nga siao noni lika pore to. Do di Yesu li oudo oyamo amano be likame epore to do be kame amito ebed kuo paka ango dwogo nyo ame makin iye?²⁴. Man en obedo nga siao ame omio caden me gino gi eko cono gi ame wan ongeo be caden mere tie me ateni. ²⁵. Do bobon da tie jamini atot ace kame Yesu otimo kame owac be owandiko acelacel ango atamo be lika twero gwoko itabin kame oudo pore wandikikin Amano.