(Silsilah Yesus Kristus) ¹Kitab keturunan Yesus Kristus, anak Daud, anak Abraham. ²Abraham adolah bepak Ishak, Ishak adolah bepak Yakub. Yakub adolah bepak Yehuda ngan dolor-dolor nyo. ³Yehuda adolah bepak Peres ngan Zerah, induknye adolah Tamar. Peres adolah bepak Hezron, Hezron adolah bepak Ram.⁴Ram adolah bepak Aminadab. Aminadab adolah bepak Salmon. ⁵Salmon adolah bepak Boas, induknye adolah Rahab. Boas adolah bepak Obed, induknye adolah Rut. Obed adolah bepak Isai. ⁶Isai adolah bepak deri Rajo Daud. Daud adolah bepak Salomo, induknye adolah bekas bini Uria.⁷Salomo adolah bepak Rehabeam. Rehabeam adolah bepak Abia. Abia adolah bepak Asa. ⁸Asa adolah bepak Yosafat. Yosafat adolah bepak Yoram. Yoram adolah bepak Uzia.⁹Uzia adolah bepak Yotam. Yotam adolah bepak Ahas. Ahas adolah bepak Hizkia. ¹⁰Hizkia adolah bepak Manasye. Manasye adolah bepak Amon. Amon adolah bepak Yosia. ¹¹Yosia adolah bepak Yekhonya ngan dolor-dolornye, tekalo pembuangan ke Babel.¹²Sesodah pembuangan ke Babel, Yekhonya adolah bepak Sealtiel. Sealtiel adolah bepak Zerubabel. ¹³Zerubabel adolah bepak Abihud. Abihud adolah bepak Elyakim. Elyakim adolah bepak Azor. ¹⁴Azor adolah bepak Zadok. Zadok adolah bepak Akhim. Akhim adolah bepak Eliud.¹⁵Eliud adolah bepak Eleazar. Eleazar adolah bepak Matan. Matan adolah bepak Yakub. ¹⁶Yakub adolah bepak Yusuf, laki Maria. Deri Maria dilahirko Yesus, nyo disobut Kristus. ¹⁷Jedi, segelo generasi deri Abraham sampoi Daud ado empat belas generasi, ngan deri pembuangan ke Babel ado empat belas generasi.ngan deri pembuangan ke Babel sampoi Kristus ado empat belas generasi. Kelahiran Yesus Kristus(Kelahiron Yesus Kristus) ¹⁸Kinie, kelahiron Kristus Yesus adolah upa nie.Tekalo Maria, induk-nye sodah bertunangan dengan Yusuf, sebolumnye hidup bersamo, nye ternyato mengandung deri Roh Kudus. ¹⁹Namun, olenyo Yusuf, lakinyo adolah urang nyo bonor ngan hopi endok mempermaluko Maria di moka umum, Yusuf bermaksud untuk membebasko Maria secaro diom-diom.²⁰Cuma sebeleknyo, tekalo Yusuf sedang mempertimbangko hal nie, kolekola, malaekat Tuhan nampak dengan nye delom mimpi ngan bepelabe, "Yusuf, anak Daud, jengon takut untuk ngambik Maria sebagoi istrime sabab Anak nyo dikandungnyo adolah deri Roh Kudus. ²¹Nye nak melahirko seurang Anak jenton ngan kowe nak menyobut namo-Nye Yesus ulenyo Enye nak menyelamatko umat-Nye deri doso-doso mike."²²Segelo hal nie terjedi untuk menggenapi nyo difirmanko ule Tuhan melalui nabi-Nye. ²³"Kolelah, seurang perawan akan mengandung ngan nak melahirko seurang anak jenton. Enye nak menyobut namo-Nye Imanuel," nyo deterjemahko retinye: Allah beserta kite".²⁴Tekalo Yusuf jego deri tidurnye, enye melakuko upanyo malaikat Tuhan perentahko ngan enye, ngan enye ngambik istrinye, Maria, ²⁵Cuma hopi bersetubuh dengan Maria sampoi nye melahirko Anak jenton. Ngan, Yusuf menyobut namo-Nye Yesus.

(Urang-urang Majus Menyembah Yesus) ¹Kinie, sesodah Yesus de Betlehem, de Yudea, kolekolah urang-urang Majus deri timur detong ke Yerusalem. ²Enye betanyo, "De monekah enye nyo delahirko, Raja urang Yahudi iye? Sabab, kamie lah ngoleh bintang-Nye de timur mengkah kamie detong untuk menyembah-Nye." ³Tekalo Rajo Herodes mendongor hal nie, gelisahlah enye ngan seluruh Yerusalem bersamonye.⁴Mengka, enye mengumpulko segelo imam kepala ngan ahli-ahli Torat bengeso iye. Nye ndalak keterangon deri nye, tempat Kristus delaherko. ⁵Mike bekehato kepodonye, "De Betlehem, wilayah Yudea, ulenyo upanielah detulis uleh nabi: ⁶ngan, kowe Betlehem, de tanah Yehuda, samo sekali bukonlah nyo paling kecik de antaro para penguaso Yehuda, ulenyo derime nak muncul seurang pemimpin, nyo nak menggembalako umat-Ke, Israel."⁷Kemudion, Herodes diom-diom memantau urang-urang Majus iye memintak kepastion deri enye tentang waktu bersinarnye bintang iye. ⁸Mengka, enye menyuruh enye ke Betlehem ngan bekehato, " pegilah ngan selidikilah ngan teliti tentang Anak iye. Ngan, munye kowe lasoda menomuko-Nye, laporkola ngan ake empuknyo ake jugo pacok detong ngan menyembah-Nye.⁹Setelah mendongorko rajo, enye pergi. Ngan, kolekolah, bintang nyo enyo koleh de timur iye menuntun enye sampoi tiba ngan berenti de pucuk tempat Anak iye berado. ¹⁰Tekalo ngole bintang iye, bersukacita dengan sukacita nyo sajo godong¹¹Setelah masuk ke delom rumah, enye menomuko Anak iye bersamo Maria, induk-Nye. Mengka, enye tersungkur ngan menyembah-Nye. Kemudion, enye membukak tapon-tapon retonye ngan mempersembahko hadiah-hadiah kepodo-Nye, yaitu emas, kemenyan, ngan mur. ¹²Ulenyo diperingatko delom mimpi enggak jengon belek kepodo Herodes, enye belek ke negerinye melalui jelon loin.¹³Tekalo urang-urang Majus iye pergi, kolekolah, malaikat Tuhan nampak ngan Yusuf delom mimpi ngan bekehato, "jegolah, undola Anak iye bersamo induk-Nye ngan larilah ke Mesir. Tinggallah de sane sampoi Ake ngomong ngan kowe ulenyo Herodes nak ndalak Anak iye untuk membinasoko-Nye." ¹⁴Kemudion, Yusuf jego ngan ngundo Anak iye ngan induk-Nye pado waktu malom untuk lari jouh ke Mesir, ¹⁵ngan tinggal de sane sampoi Herodes te'elek enggak ko nye de genapilah nyo defirmanko Tuhan melalui nabi: "Deri Mesir Kupantau Anak-Ke."(Pembunuhon Segelo Anak Jenton de Betlehem) ¹⁶Kemudion, tekalo Herodes ngoleh bahwa nye soda de perdayo uleh urang-urang Majus, enye sajo bemarah ngan memerentahko untuk membunoh segelo anak jenton de Betlehem ngan seluruh wilayah de sekitarnye, nyo beumur dua tahun ke bewoh, sesuoi ngan waktunyo sodah nyo pastiko deri urang-urang Majus.¹⁷Mengka, genoplah nyo desampoiko uleh Nabi Yeremia: ¹⁸" Suatu suaro tedongor de Rama, tangeson ngan ratopon nyo sajo sedih. Rahel meratopi anak-anaknye, ngan hopi endo de hibur ulenyo enye sodah piado.(Perentah Untok Belek ke Israel) ¹⁹namun, tekalo Herodes te'elek, kolekolah, malaikat Tuhan menampakko diri delom mimpi kepodo Yusuf de Mesir, ²⁰ngan bekehato, " jegolah, undo Anak iye ngan induk-Nye ke tanoh Israel ulenyo urang-urang nyo berusaha membunoh nyawo Anak iye sodah te'elek." ²¹Mengka, enye jego ngan ngundo Anak iye beserta induk-Nye belek ke tanoh Israel.²²Namun sebeleknye, tekalo nye mendongor behwo Arkhelaus memerentah de Yudea menggantiko Herodes, bepaknye, Yusuf takut njongok kiun. Setelah deperingatko delom mimpi, nye njongok ke wilayah Galilea. ²³Yusuf sampoi ngan tinggal de sebuah kotanyo bernamo Nazaret enggak ko nyo genaplah nyo de sampoiko para nabi, " Enye nak desebut 'Urang Nazaret."

(Khotbah Yohanes Pembaptes) ¹Tekalo hari-hari iye, muncullah Yohanes Pembaptis, berkhotbah de padang belantara Yudea. ²Nye bekehato, "Bertobatlah ulenyo Kerajaan Surga soda parok." ³Sabab, nielah nyo depelabeko nabi Yesaya tekalo bekehato, "Suaro seseurang nyo beseru-seru de padang belantara 'Persiapko jelon untuk Tuhan, buatla jelon-Nyo lurus."⁴Ngan, Yohanes dewek mengenako pakoiyannyo deri bulu unto ngan sabuk kulet de sekeliling pinggangnye. Makononnye adolah belalong-belalong ngan madu hutan. ⁵Kemudion, urang-urang Yerusalem njongok ngan enye, ngan seluruh Yudea, ngan segeloh wilayah de sekitar Yordan. ⁶Mengka, enye debaptisko uleh Yohanes de Yordan, sambil mengakui doso-doso nye.⁷Namun, tekalo Yohanes ngoleh lobot urang Farisi ngan Saduki njongok denempat baptisonnye, nye bekehato ngan enyo, "Kowe keturunon ulor beludak, siape nyo memperingotko kowe untuk lari deri murko nyo akan detong? ⁸Ulenyo iye hasilkolah buah-buah nyo sebandeng dengan pertobaton, ⁹ngan jengon bepeker untuk bekehato dengan dirime dewek, ' Kami mempunyoi Abraham, bepak leluhur kami, ulenyo ake mengehatoko ngan kowe behwo deri betu-betu nie Allah sanggup membangketko anak-anak Abraham!¹⁰Malahon, kinie kapak la depotekko de akor pohon-pohon, ngan setiap pohon nyo hopi menghaselko buah nyo beik detobong ngan detohukko ke delom api. ¹¹Ake sesungguhnye membaptis kowe dengan aik untuk pertobaton, hambok Enye nyo detong sesodah ake adolah lobih berkuaso deripado ake, nyo sadal-Nye pun ake hopi layak membewokonnye. Enye akan membaptis kowe dengan Roh Kudus ngan dengan api. ¹²Alat penempi ado de tangon-Nye, ngan Enye akan membersehhko tempat pengireko-Nye, ngan akan mengumpulko gandum ke delom lumbung. Namun, Enye akan mentunu sokomdengan api nyo hopi depot dipadomko."(Yesus Debaptes uleh Yohanes Pembaptes) ¹³Kemudion, Yesus detong deri Galilea ke Yordan kenempat Yohanes untuk debaptis uleh Yohanes. ¹⁴Cuma, Yohanes berusaha mencegah-Nye ngan bepelabe, " Akelah nyo perlu debaptis uleh-Me, hambok justru Kowe nyo njongok ngan ake?" ¹⁵Lalu, Yesus menjawab ngan bekehato ngan nye, Kinie, biarkolah ulenyo upanielah nyo seharusnye terjedi ngan kite untuk menggenapi seluruh kebonoron. " Ngan Yohanes pun membiarko Nye.¹⁶Sesodah debaptis, Yesus langsung keluor deri aik, ngan kolekolah, serga tebukak ngan Enye ngoleh Roh Allah turun upa burung merpati njongok kepucuk-Nye. ¹⁷Ngan, dongorkolah suaro deri serga nyo bekehato, " Nielah Anak-Ke nyo Kekasehi, ngan Enyelah Ake berkenan."

(Yesus Decuboi uleh Belis) ¹Kemudion, Yesus depimpin uleh Roh ke padang belantara untuk decuboi uleh belis. ²Ngan, Enye berpuaso empat puluh hari ngan empat puluh malom, sesodah iye Enye menjedi lapor. ³Mengka, detonglah enye, nyo mencuboi iye, ngan bekehato ngan Yesus, "Munye Kowe Anak Allah, perentahkolah enggakonyo betu-betu nie menjedi roti." ⁴Namun, Enye menjawab ngan bekehato, "Ado tertulis, Bukon uleh roti sajo mendesio hidop, cuma uleh setiap firman nyo keluor melalui mulut Allah."⁵Kemudion, Belis bewo Enye ke kota suci ngan menempatko-Nye de poncak Bait Allah, ⁶ngan bekehato dengan-Nye, "Munye Kowe Anak Allah, titekkolah diri-Me ke bewo ulenyo ado tertulis: 'Mengenai Kowe, Allah akan memerentahko malaekat-malaekat-Nye ngan mengangkot Kowe de pucuk tangon nye enggak konyo kaki-Me jengon tepantuk betu."⁷Yesus bekehato dengannye, '' Sekali lagi, ado tertulis, 'Kowe jengon mencuboi Tuhan Allahme." ⁸Sekali lagi, Belis mengundo Yesus ke pucok gunung nyo sajo tinggi ngan menunjukko dengan-Nye segelo kerajaon denia beserta kemegahonnnye, ⁹ngan bekehato dengan-Nye, '' Segelonyo nie ku boriko ngan Me, munye Kowe tersungkur ngan menyembah ake.''¹⁰Kemudion, Yesus bekehato dengannye, "Enyahlah Belis! Ado tertulis, kowe harus menyembah Tuhan Allahme ngan kepado-Nye sajo kowe beribadah." ¹¹Sesodah iye, Belis meninggalko Enye, ngan kolekolah, malaekat-malaekat detong untuk melayani Enye.(Yesus Memulai Pelayanon-Nye de Galilea) ¹²Mengka, tekalo Yesus mendongor behwo Yohanes lah detangkop, Enye menyingkir ke Galilea. ¹³Enye meninggalko Nazaret ngan tiba serta tinggal de Kapernaum, de topi denau, de perbatason Zebulon ngan Naftali,¹⁴enggakkonyo degenapi ape nyo dekehatoko melalui Nabi Yesaya: ¹⁵"Tanoh Zebulon ngan tanoh Naftali, jelon denau, de seberang Yordan, Galilea, wilayah urang-urang bukon Yahudi, ¹⁶bengeso nyo diom delom kekolomon ngoleh Tarang nyo godong, ngan bagi enye nyo diom de negeri ngan delom bayang-bayang kemation, Tarang iye lah terbit.¹⁷Sejak waktu iye, Yesus mulai berkhotbah ngan bekehato, "Bertobatlah ulenyo Kerajaon Serga lah parok!"(Yesus Memantau Empat Mured-Nye nyo Pertamo) ¹⁸Tekalo Yesus bejelon de topi denau Galilea, Enye ngoleh dua bedolor, yoitu Simon nyo desobut Petrus, ngan Andreas, dolornye, sedang nohukko jelo de denau sabab enye adolah penjelo ikan. ¹⁹Ngan, Enye bekehato dengan enye, " Mailah halou Ake ngan Ake akan menjedikome penjelo mendesio." ²⁰Mike langsung meninggalko jelo-jelonye ngan mehalou Enye.²¹Ngan, tekalo bejelon jak sane, Enye ngoleh dua bedolor nyo loin, Yakobus anak Zebedeus ngan Yohanes, dolornye. Nye berado delom sebuah biduk bersamo Zebedeus, bepak nye, sedang mbuati jelo-jelonye. Ngan, Enye memantou mike. ²²Ngan, enye langsung meninggalko biduk ngan bepak nye, mengka enye mehalou Yesus.(Yesus Mengajor ngan Menyembuhko Lobot Urang) ²³Kemudion, Yesus bekelileng ke segelo daerah Galilea, mengajor de sinagoge-sinagoge enye, memberitako Injil Kerajaon, ngan menyombuhko segelo macam penyaket, ngan segelo macam kesaketon de antaro lobot urang. ²⁴Ngan berita tentang-Nye tersebar sampoi ke seluruh Siria. Ngan, enye membewo kepado-Nye segelo urang saket nyo menderita berbagai macam penyaket ngan raso saket, ngan nyo kerasukon setan, ngan nyo saket ayan, ngan nyo lumpuh, ngan Enye menyombuhko nye. ²⁵Kerumunon godong urang lobot deri Galilea, Dekapolis, Yerusalem, Yudea, ngan deri seberang Yordan mehalou Enye.

KHUTBAH YESUS DE BOKET Ucapon Berkat ¹Tekalo ngoleh urang lobot iye,Yesus noek kepucuk boket, Ngan setelah Nye duduk,murid-murid-Nye njongok ngan- Nye. ²Ngan Enye membuka mulut-Nye ngan mengajar mike,ujo-Nye, ³Deberkatilah urang nyo meskin delom roh sebab enye nyo mempunyai Kerajaon Serga. ⁴Deberkatilah enye nyo berdukocito sebab enye akan de hibur.⁵Deberkatilah urang nyo lembut hatinye sebab enye nak mewarisi behumi. ⁶Deberkatilah enye nyo lapor ngan nyo haus akan kebonoron sebab enye nak de konyongko. ⁷Deberkatilah enye nyo debelaskasihan sebab enye nak memperuleh belos kasihan. ⁸Deberkatilah enye nyo berseh de delom hati sebab enye akan mengoleh Allah.⁹Deberkatilah enye nyo membewo damai sebab enye akan de sobut anak-anak Allah. ¹⁰Deberkatilah enye nyo de aniayo demi kebonoran sebab enye nyo memiliki Kerajaon Serga.¹¹Deberkatilah kowe munye urang mehimakme ngan meaniayame, ngan mengehatoko segelo macam pembuion jahat terhadopme dengan petenah ulenyo Ake. ¹²Bersukacita ngan begembiralah sebab godong upahme de serga ulehnyo upaiyelah enye menganiayo para nabi sebolum kowe.(Gerom Ngan Tarang Denia) ¹³Kowe adolah gerom denia, cuma munye gerom iye menjedi hambor, dengan ape nye nak de masenko? Enye hopi beguna samo sekali seloin untuk de campok ngan de tijak-tijak oleh mendesio. ¹⁴Kowe adolah tarang denia. Kota nyo tepotek de pucuk boket hopi depot de kerawoko.¹⁵urang-urang jugo hopi marokkoh lampu ngan memotekkonye de bewo gantang,meloinkoh de pucuk kaki lampu, ngan enye menarangi segelonyo ado de delom rumah. ¹⁶Biarlah tarang me jugo becahayo dengan caro samo enggak konyo enye depot mengoleh perbuaton-perbuatonme nyo beik ngan memuliako Bepakme nyo de serga."(Penggonopan hukum Torat ngan kitab para Nabi) ¹⁷Jengon bepeker bahwa Ake njongok untuk meniadoko hukum torat atau kitab para nabi. Ake njongok bukon untuk meniadokonye melainko untuk menggenapinye. ¹⁸Ake mengehatokonye nyo sebonornyo ngan kowe, sampoi langet ngan behumi berlalu, hopi ado satu iota atau satu coreton pun nyo akan sayau deri Hukum Torat sampoi segelonyo degenapi.¹⁹Ulenyo iye, siape nyo meniadoko salah sikok deri perentah-perentah tepaleng kecik nie ngan mengajor urang loin untuk melakuko hal nyo samo, enye nak desebot nyo terkecik delom Kerajaon Serga. Cuma, siapo nyo melakuko perentah-perentah iye ngan mengajorkonye nak desebut godong delom Kerajaon Serga. ²⁰Sabab, ake mengehatoko dengan kowe bahwa kebonoronme hopi lobih beik deri pado kebonoron ahli -ahli Torat ngan urang-urang Farisi, kowe samo sekali hopi nak masuk kedelom Kerajaon Serga.(Mengenai Urang nyo Marah ulenyo Dolornye) ²¹Kowelah mendongar nyo de kehatoko dengan nenek puyang kite, "jengan membunoh,"ngan siape nyo membunoh pantas de bewo ke pengadelon. ²²cuma munye, Ake mengehatoko dengan kowe bahwa siapepun nyo marah dengan dulurnye pantas berado delom hukuman, ngan siapepun nyo bekehato ngan dulurnye,"Kowe tolol ", pantas berado de hadopon Mahkamah Agamo, ngan siapepun nyo bekehato , " Kowe bodoh ", pantas berado delom neroko api.²³Ulenyo iye, munye kowe mempersembahko persembahonme de pucuk altar, ngan de sano kowe teringot bahwa dulurme mempunyoi sesuatu terhadop me, ²⁴tinggalkolah persembahonme iye de depan altar ngan pegilah untuk terlobih dulu de damaiko dengan dulurme, setelah iye kembalilah ngan persembahkolah persembahonme.²⁵Secepat mungkin, bedamailah dengan urang nyo menuduhme selagi kowe delom pejelonon bersamo enye enggak konyo jengon penuduhme iye menyerahko kowe kepodo hakim, ngan hakim iye menyerahko kowe kepodo pegawainye, ngan kowe de jeblosko ke delom penjara. ²⁶Ake ngehatoko nyo sebonornye ngan kowe, kowe hopi akan pernah keluor jak sane sampoi kowe sodah membayar sen nyo teaher.(Urang nyo Berzinah) ²⁷" Kowe soda mendongor bahwa de kehatoko, jengon berzinah ", ²⁸Cuma sebeleknye, Ake mengehotoko ngan kowe bahwa setiap urang nyo nenontong seurang betina ngan nyeyiutkonye, enye sodah berzinah dengan betina iye de delom hatinye.²⁹Munye mato kanonme membuatme bedoso, cukeklah matome iye ngan campoklah. Sabab, lobih beik kowe kesayauan saloh sikok anggota badanme deri pado segelo badanme de campok ke delom narako. ³⁰Ngan, munye tangon kanonme membuatme bedoso, totoklah ngan campoklah tangonme iye ulehnyo lobih beik kowe kesayauan saloh satu anggota badan me deri pado seluruh badon me decampok ke delom narako.(Aturon Tentang Perceraion) ³¹Sodah dekahotoko : Siapenyo menceraiko istrinye harus membori surat cerai kepado istrinyo iye. ³²Cuma sebeleknye, Ake mengehatoko ngan kowe bahwa siapenyo menceraiko istrinye, kecuali karna zinah, iye membuat istrinye berzinah. Ngan, siapo nyo kawin dengan betina nyo lah de ceraiko iye, enye jugo berzina.(Mengenai Sesumpahon) ³³Sekali lagi, kowe lah mendongor nyo de kehatoko dengan nenek puyang kite," jengon besumpah pelesu, cuma ponohilah sumpahmu iye dehadopon Tuhan." ³⁴Cuma, Ake bekahoto ngan kowe : jengon sekali-kali kowe besumpah, beik demi serga ulenyo serga adolah takhta Allah, ³⁵Ataupun demi behumi ulenyo behumi adolah tumpuan kaki-Nye, ataupun demi Yerusalem ulenyo iye adolah kota Sang Rajo Godong.³⁶Jengon jugo kowe besumpah demi kepalome ulenyo kowe hopi depot membuat sehelai rambutpun, puteh atau hitom. ³⁷Namun, hendaklah pembuikonme, ao munye ao, hopi munye hopi, ulenyo selobihnyo deri iye berasal deri si jahat.(Mengenai Pembaloson) ³⁸Kowe lah mendongor ape nyo lah dekahotoko, " Mato gintai mato ngan gigi gintai gigi ". ³⁹Cuma, ake ngehatoko ngan kowe jengon melawonnyo jahat, meloinko siape nyo menamporme de nempat pipi kanon, surungkolah ngan enye pipime nyo loin jugo.⁴⁰Ngan, munye urang nak nuntutme ngan nak ngambik bejume borikolah jugo jubahme ngan enye. ⁴¹Ngan, siape nyo memaksome bejelon 1 mil, bejelonlah ngan enye sejouh 2 mil. ⁴²Borilah ngan urang nyo memintak ngan kowe ngan jengon menulak urang nyo amat meminjam derime."(Kasehilah Musuhme) ⁴³Kowe la ndongor nyo defirmanko, Kasehilah sesamome, ngan Bencilah musuhme. ⁴⁴Cuma, Ake bekehato ngan kowe, kasehilah musuh-musuhme ngan bedoalah bagi urang-urang nyo menganiaya kowe, ⁴⁵dengan memunyelah kowe depot menjedi anak-anak Bepakme nyo de serga ulenyo Enye menerbitko matoari-Nye bagi nyo jahat ngan nyo beik, ngan menurunko hujan bagi nyo bonor ngan nyo hopi bonor.⁴⁶Sabab, munye kowe anyo mengasehi urang-urang nyo mengasehime, upah ape nyo kou depotko? Bukonkah pengumpul pajak jugo melakuko hal nyo samo? ⁴⁷Ngan, munye kowe membori salam anyo ngan dulur-dulurme, ape lobihnye perbuatonme? Bukonkah urang-urang nyo hopi mengenal Allah jugo berbuat upa iye? ⁴⁸Ulenyo iye, kowe harus menjedi sampurno, upa Bepakme nyo de surgo adolah sampurno."

(Ajaran Tentang Membori) ¹" Waspadalah delom melakuko kewajipon agamome de hadopon mendesio, jengon dengan meksud untuk de koleh uleh urang loin munye upa iyo. Kowe hopi akan menerimo upah deri Bepakme nyo de serga. ²Ulehnyo iye tekalo kowe membori sedekah, jengon memboikko trompet de hadoponme upa nyo urang-urang munafik lakuko de sinagoge-sinagoge ngan de jelon-jelon empuknyo enye de puji urang loin. Ake mengehatoko nyo sebonornyo dengan kowe bahwa enye sodah menerimo upahnye.³Cuma sebeleknye, tekalo kowe membori sedekah, jengon biarko tangan kirime mengetahui ape nyo tangon kananme lakuko. ⁴Enggak konyo sedekahme iye tekerawo ngan Bepakme nyo ngolehnyo tekerawoi iye nak memboriko upah dengan kowe.(Ajaran Tentang Bedoa) ⁵" Ngan, waktu kowe bedoa, jengon upa urang-urang munafik kerana enye agom togok ngan bedoa de sinagoge-sinagoge ngan de sudut-sudut jelon empuk de kole urang loin. Ake mengehatoko iye sesunggohnyo mike la sodah menerimo upahnye. ⁶Cuma sebeleknye, kapan kowe bedoa, masuklah kedelom kamarme ngan katuplah pintunye, ngan bedoalah dengan Bepakme nyo ado de tempat tekerawo, mangko Bepakme nyo ngoleh nyo tekerawo iye akan memboriko upah ngan kowe. ⁷Ngan, tekalo kowe bedoa, jengon menggunako kehehato nyo hopi ado artinye, upanyo de lakuko urang-urang nyo hopi mengenal Allah, sabab enye mengiro dengan lobot kehehato, enye akan de dongor ko.⁸Karana iye, jengon upa iye karana Bepakme sajo tahu ko ape nyo kou perluko sebolum kowe mintak kepodo-Nye. ⁹Bedoalah upa iye, " Bepak kami nyo de serga, Dekuduskolah nama-Me. ¹⁰Detonglah kerajaon-Me, jedilah kendok-Me debehumi upanyo de serga.¹¹Borilah kamie, pado hari nie, makonon kamie nyo secukupnye. ¹²Ngan, ampunilah kesalohon-kesalohon kamie, upa kamie jugo mengampuni urang-urang nyo besaloh dengan kamie. ¹³Ngan, jengonlah ngundo kamie ke delom pencobaon, cuma lapaskolah kamie deri nyo jahat. Ulehnyo Kowelah Sang Pemilik Kerajaon, ngan kuasa, ngan kemuliaon sampoi selamo-lamonye. Amin ".¹⁴Sabab munye kowe mengampuni kesalohon-kesalohon urang loin, Bepak sorgawime jugo akan mengampunime. ¹⁵Cuma sebeleknye, munye kowe hopi mengampuni kesalahon-kesalahon urang loin, Bepakme jugo hopi akan mengampuni kesalahon-kesalahonme.(Sikap Tekalo Bepuaso) ¹⁶"Ngan, tekalo kowe bepuaso, jengon muram upa urang munafik ulenyo enye mengubah mokanye enggakkonyo dekoleh sedang bepuaso uleh urang loin. Ake ngehatoko nyo sebonornye ngan kowe bahwa enyelah menerima upahnye. ¹⁷Cuma sebeleknye, kowe, tekalo bepuaso, minyakilah kepalome ngan besuhlah wajahme ¹⁸enggakkonyo puasome hopi dekoleh urang, hambok uleh Bepakme nyo ado de tempat nyo tekerawo. Ngan, Bepakme nyo ngoleh perbuatonme nyo tekerawo iye akan membelosnye ngan kowe."(Kumpulkolah Reto de Surga) ¹⁹"Jengon menimbon untuk dirime dewek reto de behumi, tempat ngengat ngan karot merosak, ngan tempat pemaleng membongkar serta memaleng. ²⁰Cuma sebeleknye, kumpulko untuk dirime dewek reto de surgo, tempat ngengat ngan karot hopi merosak ngan tempat pemaleng hopi membongkar serta memaleng. ²¹ulenyo de tempat retome berado, de sane jugo hatime berado."²²"Mato adolah lampu tubuh. Jedi, munye matome beik, segelo badanme nak menjedi tarang. ²³Cuma sebeleknye, munye matome jahat, segelo badanme akan ponoh kekolomon. Jedi, munye tarang nyo seharusnye ado padome adolah kekolomon, alangku nemannyo kekolomon iye." ²⁴"Hopi ado urang nyo depot melayani duo tuan ulenyo nye nak membenci tuan nyo sikuk ngan mengasehi nyo loin, atau nye nak setio dengan tuan nyo sikuk ngan meremeko nyo loin. Kowe hopi depot melayani Allah ngan mamon."(Jengon Kowe khawatir) ²⁵"Sabab iyelah Ake bekehato ngan kowe, jengon kuatir tentang hidopme, ape nyo nak kou makon atau ape nyo nak kou minom. Upa iyelah jugo tentang tubuhme, ape nyo nak kou pakoi. Bukonkah hidop lobih penting deri pado makanon, ngan badan deri pado pakoiyon? ²⁶Kolekolah burung-burung de langet nyo hopi menabur, hopi menuoi, ngan hopi mengumpulko ke delom lumbung, hambuk Bepak sorgawime membori mike makon. Bukonkah kowe lobih berego deri pado enye?²⁷Siapekah de antaro kowe nyo ulenyo kuatir depot menamboh sehasta ngan umurnye ? ²⁸Ngan , munye pakaion mengka kowe kuatir? perhatiko bunga bakung de padang, upamone enye tumbuh, enye hopi bekerejo ngan jugo hopi memintal, ²⁹Cuma Ake mengehatoko dengan kowe bahewo Salomo delom kemuliaonnye pun hopi bepakoion upa saloh satu deri bunga-bunga iye.³⁰Jedi, munye rumput de padang, nyo ado sehari nie ngan pepagie detohukko ke delom perapion, Allah meringkasinye sedemikion rupa, bukonkah terlobih lagi kowe, hai kowe kurang iman ? ³¹Kerana iye, jengon kowe kuatir dengan bekehato, " Ape nyo nak kami makon ?", atau " Ape nyo nak kami minom ?",atau " Ape nyo nak kami pakoi ?"³²Sabab, bengso-bengso loin mendelok-delok segelo nie ngan Bepak sorgawi me tahuko munye kowe membutuhko segelo nie. ³³Cuma sebeleknye, deloklah dehulu kerajaon ngan kebonoran-Nye, ngan segelo iye nak detambohko dengan kowe. ³⁴Jedi, jengon kuatir tentang ari pepagi ulenyo hari pepagi nak mengawatirko dirinyo dewek. Cukuplah satu ari dengan kesusahonnyo dewek.

(Jengon Menghakimi) ¹"Jengon menghakimi enggakkonyo hopi dehakimi. ²Ulenyo dengan penghakimon nyo kou gunako untuk menghakimi, kowe nak dehakimi, ngan dengan ukuron nyo kou gunako untuk mengukur nak deukurkan dengan kowe.³Ngan, mengka kowe ngoleh kerempek kayu de mato dulurme, cuma hopi mengetahui balok nyo ado de matome dewek? ⁴Atau, upamone pacok kowe bekehato ngan dulurme, enggakkonyo ake mengeluarko kerempek kayu iye deri matome, cuma koleh, ado balok de matome dewek? ⁵Hai, urang munafik, keluarko dehulu balok iye deri matome, ngan beheru kowe nak ngoleh ngan jelas untuk mengeluarko kerempek kayu deri mato dulurme.⁶Jengon memboriko barang nyo kudus ngan anjing-anjing, jengon pula nohukko mutiarame ke hadopon bebi enggakkonyo enye hopi menijak-nijak iye dengan kakinye ngan ngulang mengoyak-ngoyak kowe.(Mintaklah, Deloklah, ngan Ketoklah) ⁷"Mintaklah, ngan hal iye nak deboriko ngan kowe. Deloklah, ngan kowe nak mendepot. ketoklah, ngan hal iye nak debukakko bagime. ⁸Sabab, setiap urang nyo memintak, enye menerimo, ngan urang nyo bedelok nak mendepotko, ngan bagi nye nyo mengetok nak debukakko. ⁹Atau, siape deri antaro kowe, nyo munye anaknye mintak roti nak membori betu dengan anaknye iye? ¹⁰Atau, munye anaknye mintak ikan, enye hopi nak memboriko ular dengan anaknye iye, bukon?¹¹Jedi, munye kowe nyo jahat tahuko upamone membori anak-anakme pemborion-pemborion nyo beik, telobeh lagi Bepakme nyo de serga, Enye nak memboriko nyo beik dengan mike nyo memintak dengan Enye. Hukum Nyo Terutamo¹²"Ulenyo iye, segelo sesuatu nyo kou amat urang lakuko ngan kowe, upa iyelah jugo kowe lakuko ngan enye ulenyo nielah isi Hukum Torat ngan kitab paro nabi."(Jelon Menuju kehidupon) ¹³"Masuklah melalui gerbang nyo sempet ulenyo leborlah gerbang ngan loaslah jelon nyo menuju kenempat kebinasoon, ngan ado lobot nyo masuk melaluinye. ¹⁴Sabab sempetlah gerbang ngan kedetlah jelon nyo menuju kenempat kehidupon, ngan sediket nyo menomukonye."(Peringaton Tentang Nabi-nabi Pelsu) ¹⁵"Cuma, waspadalah terhadop nabi-nabi pelsu nyo njongok ngan kowe ngan bepakoiyon domba, cuma sebonornye enye adolah serigala-serigala nyo bingas. ¹⁶Deri buahnyelah kowe nak mengenali nye. Depotkah urang mengumpulko buah-buah anggur deri somok-somok unok ngan buah-buah ara deri tumbuhon-tumbuhon berunok? ¹⁷Upa iyelah jugo, setiap betong nyo beik menghaselko buah nyo beik, cuma betongnyo hopi beik menghaselko buah nyo hopi beik.¹⁸Betong nyo beik hopi mungkin menghaselko buah nyo hopi beik, ngan betong nyo hopi beik hopi mungkin menghaselko buah nyo beik. ¹⁹Tiap betong nyo hopi menghaselko buah nyo beik akan detobong ngan decampok ke delom api. ²⁰Jedi, deri buah-buahnye kowe akan mengenali enye.²¹Hopi segelo urang nyo bekehato dengan-Ke, Tuhan, Tuhan, akan masuk ke delom Kerajaon Serga, meloinko enye nyo melakuko kendok Bepakke nyo de serga. ²²Pado hari iye, lobot urang akan bekehato ngan-Ke, Tuhan,Tuhan, bukonkah kami bernubuat delom namo-Me, ngan mengusir roh-roh jahat delom namo-Me, ngan melakuko lobot mukjizat delom namo-Me? ²³Lalu Ake nak menyatoko ngan enye, Ake hopi pernah mengenal kowe! Enyehlah diri-Ke, kowe nyo mengerejoko kesalahon!(Mendongor ngan Melakuko) ²⁴Ulenyo iye, segelo urang nyo mendongor pembuikon-pembuikon-Ke nie ngan melakukonye nak menjedi upa urang bijaksana nyo membengun rumahnye de pucuk betu. ²⁵Lalu, turunlah hujan ngan detonglah banjir, ngan angen betiup menerpa rumah iye, ngan rumah iye hopi rubuh ulenyo dediriko de pucuk betu.²⁶Ngan, setiap urang nyo mendongor pembuikon-Ke nie ngan hopi melakukonye nak menjedi upa urang bodoh nyo membengun rumahnye de pucuk bungen. ²⁷Mengka, turunlah hujan ngan detonglah banjir, ngan angen betiup menerpa rumah iye, ngan rumah iye roboh, ngan sajo godong kerosakkonnye."²⁸Tekalo Yesus sodah mengehatoko hal-hal nie, urang lobot teheran-heran ngan pengajoron-Nye, ²⁹ulenyo Enye mengajor mike sebagoi urang nyo bekuaso, ngan hopi upa ahli-ahli Torat mike.

(Yesus Menahirko urang Nyo saket Kusta) ¹Tekalo Yesus turun deri buket iye, tenggenggirukon urang lobot mehaloui-Nye. ²Ngan, koleko urang saket kusta njongok ngan Enye, ngan sujud dehadopon-Nye, ngan bekehato," Tuan, munye Kowe endok Kowe depot menaherko ake." ³Ngan, Yesus menjulukko tangon-Nye ngan menjamahnye, ujo-Nye, " Ake endok tahirlah." seketiko iye jugo, detahirkolah kusta urang iye.⁴Ngan, Yesus sebepelabe ngan enye, " Perhatikolah, jengon kowe menceritoko apo-apo dengan sikok urang pun, cuma pegilah tunjukkolah dirime dengan imam, ngan persembahkolah persembahon nyo de perentahko Musa upa kesaksion enye. "(Seurang Pelayon Perwira Romawi Desembuhko) ⁵Tekalo Yesus masuk ke Kapernaum, seurang perwira njongok ngan Enye, memohon ngan Enye, ⁶Ngan behekato," Tuan, hamboke sedang tebereng lumpuh de rumah, sangat menderito." ⁷Ngan, Yesus bepelabeko ngan enye, " Ake todo njongok ngan menyombuh ko enye."⁸Cuma sebeleknya, perwira iye menjawab ngan bekehato, " Tuan, ake hopi layak untuk Kowe masuk kebewo hatopke, cuma katokolah sepato kehato bae ngan hamboke akan desembuhko. ⁹Sabab ake jugo adolah urang nyo ado de bewo kekuasaon, dengan tentera-tentera de bewohke. Ngan ake behekato ngan nyo sikok, " Pegilah ", enye pun pegi, ngan kenempat nyo loin, " Njongoklah ", ngan enye pun njongok, ngan kenempat hamboke," Lakuko nie ngan enye pun melakukonnye." ¹⁰Tekalo Yesus mendongor hal nie, Enye kagum ngan bekehato kenempat urang-urang nyo mehaloui-Nye," Ake mengehatoko nyo sebonornya ngan kowe, Ake bolum menemuko iman segodong nie de antaro urang Israel.¹¹Ake mengehatoko ngan kowe bahwa lobot nyo nak njongok deri timur ngan barat, ngan duduk makon dengan Abraham, Ishak, ngan Yakub delom Kerajaon Serga. ¹²cuma anak-anak kerajaon iye nak decampok ke delom kekolomon nyo paleng kolom. De sane akan ado ratopon ngan kertak gigi." ¹³Ngan, Yesus bekehato dengan perwira iye, " pegilah, biarlah terjedi ngan kowe upanyo kou pecayoi. " Ngan, tekalo saat iye jugo, hambonye de sembuhko.(Induk Mentuha Petrus Ngan Urang Lobot Desembuhko) ¹⁴Tekalo Yesus sampoi rumah Petrus, Enye ngoleh induk mentuha Petrus sedang tebereng ngan domom. ¹⁵Lalu, Yesus menjamah tangon induk iye ngan domom nye sayau. Mengka, enye jego ngan melayani Yesus.¹⁶Tekalo menjelang malom, enye membewo kepodo-Nye lobot urang kerasukan roh jahat, ngan Nye mengusir roh-roh iye dengan sikok kehato, ngan menyembuhko segelo urang nyo saket, ¹⁷enggak konyo de genapilah ape nyo dekehato ule Nabi Yesaya : " Enyelah nyo ngambek kelamahon-kelamahon kite ngan menanggung penyaket-penyaket kite,"(Menjedi Pengikut Yesus) ¹⁸Kinie, tekalo Yesus mengole urang lobot de sekeliling-Nye, Enye membori perentah untuk betulak ke seberang. ¹⁹Mengka, seurang ahli Torat njongok ngan bekehato ngan Enye," Guru, ake nak mnghaloui-Me kemono bae Kou bejelon." ²⁰Ngan, Yesus bekehato ngan enye," Para rubah mempunyoi liang ngan burung-burung de langet mempunyoi sangkor-sangkor. Cuma sebeleknye, Anak Mendesio hopi mempunyoi tempat untuk memotekko kepalo-Nye."²¹Sikok deri para murid bekehato ngan-Nye, " Tuhan, izinkolah ake ndehulu bejelon ngan menguburko bepakke." ²²Cuma sebeleknye, Yesus bekehato ngan enye, " Haloulah Ake, ngan biarlah urang mati menguburko urang mati nyo dewek."(Yesus Meredako Badai) ²³Ngan, tekalo Yesus noek ke biduk, murid-murid-Nye menghalou Enye. ²⁴Ngan, kolehkolah, terjedi badai godong de danau sehingga biduk iye tertutup umbak. Mengka cuma Yesus tidur. ²⁵Ngan murid-murid menjongok Yesus ngan menjegokon-Nye, ujonye, " Tuhan selamatko kamie ! Kite sedang benasa !"²⁶Ngan, Enye bekehato kenempat enye," mengka kowe takut, hai kowe nyo kurang beriman ?" mengka Enye togok ngan buik angen serta denou iye, ngan menjedi tenang sekali. ²⁷Mengka, urang-urang iye temanga-mangan ngan buik," urang macam ap nyo nie, bahkan angen ngan denou pun menuruti-Nye ?"(Duo urang Gadara kerasukon Roh jehat) ²⁸Tekalo Yesus sampoi de seberang denou, de daerah urang Gadara, dua urang nyo kerasukon roh jahat menomui-Nye. Mike keluor deri kuburon dengan sangat bingas singgo hopi ado urang nyo depot melewati jelon iye. ²⁹Ngan kolekolah, enye mekek, ujonye," ape uruson Kowe ngan kamie, hai Anak Allah ? ibo Kowe njongok untuk menyikso kamie sebolum waktunye?"³⁰Ngan, ekak jeuh deri enye ado serombongan godong bebi nyo sedang bedelok makon. ³¹Setan-setan iye memintak ngan Enye ngan behekato," munye Kowe nak ngusir kamie, suruhlah kamie pendah kerombongan bebi iye," ³²Ngan Yesus behekato ngan enye, " Pegilah "! mengka enye keluor ngan masuk ke delom bebi-bebi iye. Mengka, segelo rombongan bebi iye pun terjun deri tobing denou ngan teelek de delom aik.³³Urang-urang nyo ngingunko rombongan bebi iye melariko diri, ngan masuk kedelom kota, ngan menceritoko segelo iye, termasuk ape nyo terjedi dengan urang-urang derasuk setan nyo iye. ³⁴Ngan, kolehkolah, segelo kota keluor nak betomu dengan Yesus. Tekalo ngoleh Yesus, enye memintak-Nye enggakonnyo mencampok wilayah mike.

(Yesus Mengampuni dan Menyembuhko Seurang Lumpuh) ¹Tekalo masuk ke biduk, Yesus nyemberang denou ngan sampoi de kota-Nye dewek. ²Ngan, koleh, mike mengunda kenempat-Nye seurang lumpuh nyo tebereng de ketiduron. Tekalo ngole iman nye, Yesus bepelabe ngan urang lumpuh iye," Toguhkolah hatime, anakku dosame sodah de ampuni."³Mengka, beberapa ahli Torat buik delom hatinye," Orang nie menghujat !" ⁴Namun, Yesus tahuko pekerannye, ujo-Nye," Mengka kowe mekerko nyo jahat delom hatime? ⁵Monenyo lobih murah, bekehato," dosa-dosame de ampuni," atau bekehato " jegolah ngan bejalonlah ?" ⁶Mengka cuma, enggak konyo kowe pacok mengehahui bawa de behumi Anak Mendesio bekuaso nak mengampuni doso." Mengka, Yesus bekehato ngan urang lumpuh iye," Jegolah angkatlah ketiduronme,ngan ngulanglah !"⁷Mengka, enye jego ngan ngulang. ⁸Cuma, tekalo urang lobot ngole hal nie, enye menjedi takjub ngan memuliako Allah nyo membori kuaso upa iye ngan mendesio.(Matius pengumpul Pajak Menghalo Yesus) ⁹Tekalo Yesus bejelon deri sane, Enye ngoleh urang nyo de pantou Matius sedang duduk de nempat pengumpulon pajak. Mengka Yesus buik ngan enye, " Halaoulah Ake." Ngan, Matius togok ngan menghalou Yesus.¹⁰Tekalo waktu Yesus duduk makon de delom rumah iye, koleh, lobot pengumpul pajak ngan urang-urang bedoso njongok, mengka duduk makon serompok Yesus ngan murid-murid-Nye. ¹¹Ngan, tekalo urang-urang Farisi ngoleh hal nie, enye bekehato ngan murid-murid-Nye, " mengka Gurume makon besamo pengumpul pajak ngan urang-urang bedoso?"¹²Mengka cuma tekalo, Yesus mendongor hal nie, enye bekehato," Mike nyo sehat hopi membutuhko tabib, meloinko mike nyo saket. ¹³Cuma, pegilah ngan pelajorilah ape retinye nie, " Ake menghendaki belos kasihan, bukonnyo persembahon," sabab Ake njongok bukan untuk memantaou nyo bonor, meloinko urang-urang bedoso."(Pertanyoon tentang Berpuaso) ¹⁴Mengka, murid-murid Yohanes njongok dengan Yesus ngan betanyo, " mengka kami ngan urang-urang Farisi melakuko puaso, cuma murid-muridme hopi bepuaso ?" ¹⁵Ngan, Yesus behekato kepodo rombongan iye, " Depotkah para pengiring penganten berduka cita selamo penganten jenton lagi besamo-samo ngan enye? Mengka cuma, akan sampoi waktunyo tekalo penganten jenton de ambek deri enye, ngan kemudion enye akan bepuaso."¹⁶Hopi ado sikok urang pun nyo menapak koin nyo beheru de perebot nyo lamo, ulenyo tapolon iye teseget perabot nyo lamo ngan tamboh godonglah segitnye.¹⁷Ngan hopi ado urang nyo menuangko anggu beheru ke delom kantong kulet nyo lamo. Munye upa iye, kantong kulet iyo nak teseget, ngan anggurnyo nak tetumpah, ngan kantong kuletnye hajur, hambuk cuma, enye menyimpon anggur nyo beheru kekantong kulet nyo beheru pula segingga keduanye tepeliara."(Yesus Membangketko ngan Menyembuhko) ¹⁸Sementaro Yesus mengehatoko hal-hal nie ngan mike, koleko, seurang pemimpin rumah ibadah njongok ngan menyembah-Nye, ngan bekehato, " anak betinake beheru setegal mati. Akan tetapi, njongoklah ngan potekkolah tangonme kepucuk nye, enggak konyo nye hidup." ¹⁹mengka, Yesus jego ngan menghilui urang iye, upaiyoi pula ngan murid-murid-Nye.²⁰Ngan, kolehlah, seurang betina nyo soda menderita penderohon selamo dua belas tahun memaroi Yesus deri belakong ngan menjamoh hujung jubah-Nye, sabab betina iye buik kepodo dirinye dewek, " Munye ake menyentoh jubah-Nye bae, ake nak sembuh." ²¹sabab betina iye buek kepodo dirinye dewek, " Munye ake menyentoh jubah-Nye bae, ake nak semboh." ²²akan tetapi, Yesus bebelek ngan memandong betina iye, mengka buek, " Toguhkolah hatime, hai anak-Ke, imanme lah menyembohkome." seketiko iye jugo, sembohlah betina iye.²³Tekalo Yesus sampoi de rumah kepalo rumah ibadah iye ngan ngole para penipu soleng ngan kerumunon urang nyo menyebabko kebesengon, ²⁴Nye buek kepodo urang-uranguye, " Pegilah, ulenyo anak betina iye hopi mati, meloinko sedang tidor." Ngan, nye menertawoko Yesus.²⁵Cuma, tekalo urang lobot iye sodah degerah keluor, Yesus masuk mengka mogongko tangon ank iye, ngan anak betina iye pun jego. ²⁶kabar nie tesebar keseluruh deerah iye.(Yesus Menyembuhko Dua Urang Buta) ²⁷tekalo Yesus bejelon jak iye, dua urang buta mehalui Nye sambel meke meke ," kasihanilah kamie Anak Daud." ²⁸Sesodah iye Nye memasuki rumah iye, kedua urang buta iye njongok-Nye ngan betanyo ngan mike, " Ibo kowe pecayo munye Ake depot melakuko tong nie? " Mike bekehato kepode-Nye, " Ao, Tuhan!"²⁹Mengka, Yesus menjemoh matonye ujo-Nye " Jedilah dengan kowe menurut imanme, " ³⁰Ngan, tebukalah mato nye. Yesus dengan tegas memperingotko enye, "Perhatikolah, jengon ado sikok urang pun tahuko tong nie," ³¹Hambuk sebeleknye, enye keluor ngan menyebarko berita tentang Yesus ke segelo daerah iye.(Yesus Menyembuhko Urang Bisu) ³²Tekalo kedua urang iye keluor, kolekolah, urang-urang ngunda seurang bisu nyo derasuk roh jahat kenempat Yesus. ³³Sesodah roh jahat iye de usir, urang bisu iye pun pacok buik. Urang lobot iye menjedi temango-mango ngan buik, "Hal upa nie bolum pernah tekoleh de Israel." ³⁴Cuma sebeleknye, urang-urang Farisi bekehato, "Nye mengusir roh-roh jahat ngan penguaso roh-roh jahat."(Lobot Panenon Kekecikon Penggawe) ³⁵Ngan, Yesus bejelon mengelilengi segelo kota ngan desa sambil mengajor de sinagoge-sinagoge enye, ngan memberitako Injil Kerajaaon, sereta menyembuhko segelo penyaket ngan kesaketon. ³⁶Tekalo Yesus ngoleh urang lobot iye, Nye meraso tesihan ngan enye ulenyo lah litak ngan telantar upa domba-domba piado gembala.³⁷Kemudion Nye bekehato ngan murid-murid-Nye, " Sesungguhnye, panenon lobot, cuma pekerejo-pekerejonye sediket." ³⁸Ulenyo iye mintaklah ngan Tuhan nyo mempunyoi panenon, untuk mengiremko pekerejo-pekerejo delom panenon-Nye."

(Yesus Mengutus Murid-Murid-Nye) ¹Ngan, Yesus memantau kedua belas murid-Nye ngan membori enye kuaso pucuk roh-roh najis untuk menggerah roh-roh iye ngan untuk menyembuhko segelo macam penyaket maupun segelo macam kesaketon.²Nielah namo-namo kedua belas rosul iye : Nyo pertamo, Simon nyo desebut Petrus, ngan Andreas dulurnye, ngan Yakobus anak Zebedeus, ngan Yohanes dulurnye, ³Filipus, ngan Bartolomeus, Tomas, ngan Matius sepengumpul pajak, Yakobus anak Alfeus, ngan Tadeus,⁴Simon urang Zelot, ngan Yudas Iskariot tong menghianati Yesus.⁵Yesus mengutus kedua belas rosul iye ngan memerentahko enye, " Jengon bejelon ke jelon bengso-bengso loin atau masuk kedelom kota urang Samaria. ⁶meloinko bejelonlah kenempat domba-domba nyo tesesat deri antaro umat Israel. ⁷Ngan, kowe bejelon, beritakolah dengan bekehato, " Kerajaon Serga sodah parok."⁸Sembuhkolah nyo saket, hidupkolah nyo teelek, tahirkolah nyo kusta, ngan usirlah roh-roh jahat. Kowe menerimo dengan cuma-cuama, borikolah dengan cuma-cuma. ⁹Jengon kowe ngunda emas, atau perak, atau tembaga delom pengobot pinggangme, ¹⁰atau tas untuk bejelon, atau dua helai beju, atau sandal, atau tungkat sabab seurang pekerejo pantas untuk makononnye.¹¹Ngan, de kota atau desa mone pun nyo kou masuki, selidikilah siape nyo layak de delomnye ngan tinggallah de sane sampoi kowe bejelon. ¹²Tekaloh kowe memasuki rumah iye, borikolah salam. ¹³Ngan, munye rumah iye layak, biarlah damai sejahterame turun pucuknye, cuma munye hopi, biarlah damai sejahterame, belek ngan kowe.¹⁴Ngan , siape sajo nyo hopi nerimo kowe atau hopi endok ndongor pembuikonme, tekalo kowe keluor dri rumah atau kota iye, kebaskolah debu kakime. ¹⁵Ake mengehatoko nyo sebonornye ngan kowe bahwa tekalo hari penghakimon, tanoh Sodom ngan Gomora nak lobih pacok menanggungnye diri pado kota iye.(Kesuliton-Kesuliton nyo Akan Dehadapi Para Murid) ¹⁶"Koleh, Ake nak ngutus kowe upa domba ke tangah-tangah serigala. Ulenyo iye, jedilah cerdik upa ulor ngan tulus upa burung-burung merpati. ¹⁷Cuma hambuk behati-hatilah terhadop urang-urang ulenyo enye nak menyerahko kowe kenempat Sanhedrin ngan nak mencambuk kowe de sinagoge-sinagoge enye. ¹⁸Ngan, kowe nak nyo unda ke hadopon para penguaso ngan para rajo demi Ake, sebagoi kesaksion untuk enye ngan untuk bengeso-bengeso loin.¹⁹Cuma, tekalo enye menyerahko kowe, jengon kuatir tentang upamone atau ape nyo kou kehatoko ulenyo tekalo iye jugo nak deboriko ngan kowe ape nyo harus kou kehatoko. ²⁰Sabab, bukon kou nyo buik-eh, cuma iye adolah Roh Bepakme nyo buik de delom kowe.²¹Dulur nak menyerahko dulurnye kenempat kemation, ngan bepak terhadop anaknye. Ngan, anak-anak nak melawon para urang rayo ngan membunoh enye.²²Kowe nak de benci uleh segelonye ulenyo namo-Ke, cuma urang nyo betahan sampoi aher nak deselamatko. ²³Tekalo enye menganiaya kowe delom satu kota, larilah ke kota nyo loin. Ake mengehatoko nyo sebonornye dengan kowe ulenyo kowe hopi nak sodah melewati kota-kota Israel sampoi Anak Mendesio njongok²⁴Murid hopi melobihi gurunye, upa iyelah juga hambo hopi melobihi tuannye. ²⁵Cukuplah munye murid menjedi upa gurunye, ngan hambo menjedi upa tuannye. Munye enye menyobut tuan rumah iye Beelzebul, sajo buruk lagi kenempat anggota keluargonye.(Takutlah Kepodo Allah Bukon Kepodo Mendesio) ²⁶"Ulenyo iye, jengon kowe takut terhadop enye sabab hopi ado apepun nyo tetutup nyo hopi nak deungkap, atau nyo tekerawo nyo hopi nak deketahui. ²⁷Ape nyo Aku kehatoko ngan kowe delom kekolomon, kehatokolah iye delom tarang. Ngan, ape nyo kou dongor debesikko de telingame, tetelakolah de pucuk hatop rumah.²⁸Jengon takut ngan enye nyo membunoh badan, cuma hopi depot membunoh jiwa, meloinkoh telobih takutlah ngan Enye nyo depot memunahko jiwo atau badan de nderako. ²⁹Bukonkah dua ikok burung pipet dejual untuk sikok duit? Ngan, hopi ado seikuk pun deri enye nan titek ke tanoh de luor kendok Bepakme. ³⁰Malahon, rambut kepalome segelonye depot de bilang. ³¹Ulenyo iye, jengon takut kowe lobih benilai deripado lobot burung pipet."(Mengakui Yesus de Hadapon Urang Loin) ³²"Jedi, setiap urang nyo mengakui Ake de hadapan mendesio, Ake jugo nak mengakuinye de hadapon Bepak-Ke nyo ado de serga. ³³Cuma sebeleknye, siape nyo menyangkal Ake de hadapon mendesio, Ake jugo nak menyangkal de hadapon Bepak-Ke nyo ado de serga.(Tujuon Kedetongon Yesus) ³⁴"Jengon bepeker bahwa Ake njongok untuk ngunda perdamaion de bumi. Ake njongok bukon untuk ngunda perdamaion meloinko pedang. ³⁵Sabab, Ake njongok untuk memisahko jenton deri bepaknye, anak betina dri induknye, menantu betina deri induk mentuhanye, ³⁶ngan musuh seseurang adolah deri anggota keluargonye.³⁷Siape nyo lobih mengasehi bepak atau induknye dri pado Ake, hopi layak bagi-Ke. Ngan siape nyo lobih mengasehi anak jenton atau anak betina deripado Ake, hopi layak bagi-Ke. ³⁸Ngan, siape nyo hopi memikul salibnye ngan mehalau Ake, hopi layak bagi-Ke. ³⁹Siape nyo mempertahanko nyawonye nak kesayauon nyawonye, ngan siape nyo kesayauon nyawonye demi Ake nak mendepotkonye."(Upah deri Allah) ⁴⁰"Siape nyo menerimo kowe menerimo Ake. Ngan, siape nyo menerimo Ake menerimo Enye nyo mengutus Ake. ⁴¹Siape nyo menerimo nabi delom namo nabi nak menerimo upah nabi. Ngan, siape nyo menerimo urang bonor nak menerimo upah urang bonor.⁴²Ngan, siape nyo membori minom dengan saloh sikok deri urang-urang nyo kecik nie bego anyo secangkir aik dingen delom namo seurang murid, Ake ngehatoko nyo sebonornye ngan kowe, enye hopi nak kesayauon upahnye."

¹Tekalo Yesus sodah memboriko perentah dengan kedua belas murid-Nye, Nye bejelon deri sane untuk mengajor ngan bekutbah de kota-kota enye.(Yesus Ngan Yohanes Pembabtis) ²Kinie, tekalo Yohanes, ado de penjara, mendongor pekerjaon-pekerjaon Kristus, enye mengerem poson melalui murid-muridnye, ³ngan betanyo kepodo-Nye," mengka Kowe nak njongok iye, atau haruskah kamie menunggu nyo loinnye ?"⁴Yesus menjawab ngan bekehato dengan enye, "Bejelon ngan tetelakolah dengan Yohanes ape nyo kou dongor ngan koleh, ⁵nyo buta mengoleh, nyo lumpuh bejelon, nyo saket kusta debeikko, nyo pokok mendongor, nyo teelek dehidupko, ngan kenempat nyo miskin deberitako Injil. ⁶Ngan, deberkatilah urang nyo hopi tesihan uleh-Ke."⁷Ngan, setelah enye bejelon, Yesus mulai buik ngan urang lobot tentang Yohanes, " Ape nyo amat kou koleh de padang belantara? Sebetong buluh nyo de goyang angin? ⁸Kowe bejelon untuk ngoleh ape? Seurang nyo bepakaiyon halus? Mike nyo bepakaiyon halus iye ado de istana-istana rajo.⁹Untuk mengoleh ape kowe pergi ? seurang nabi ? nyo, Ake ngehatoko ngan kowe, enye bukon lobih godong jak deri seurang nabi. ¹⁰Sabab, de delom urang nyo tentang enye lah tertules : ' Koleh ! Ake mengerem utuson-Ke mendehului-Me. Nye nak mempersiapko jelon bagi-Me de hadapon-Me.¹¹Ake ngehatoko nyo sebonornye ngan kowe, de antaro mike nyo de adoko uleh betina, hopi perenah tampil urang nyo lobih godong jak deri Yohanes Pembaptis. Hambuk cuma, nyo paleng kecik delom Kerajaon Serga, sajo godong deri enye. ¹²Sejak zaman Yohanes Pembaptis sehingga kinie, Kerajaon Serga menderito kekarason, ngan urang-urang nyo kejam iye melakuko dengan pakso.¹³Sabab, segelo nabi ngan Hukum Torat bernubuat sampoi zaman Yohanes. ¹⁴Ngan, munye kowe endok menerimonye, enyelah Elia nyo nak njongok iye. ¹⁵Siape nyo mempunyoi telingo untuk mendongor, hendaklah enye mendongorko !¹⁶Cuma, dengan ape nak Kubandengko generasi nie ? Mike upa anak-anak kecik nyo duduk de nempat-nempat umum, nyo memantaou kanti-kantinye, ¹⁷ngan bekehato, ' Kamie meniupko suling untukme, cuma kowe hopi menari. Kamie menyanyiko lagu dukacita, cuma kowe hopi berduka.'¹⁸Ulenyo Yohanes njongok hopi makon, jugo hopi minom, ngan enye bekehato," Nye kerasukon roh jahat." ¹⁹Cuma hambok, tekalo Anak Mendesio njongok mengka makon ngan minom, ngan enye bekehato," Koleko, seurang nyo rakus ngan pemabuk, kanti para pengumpol pajak ngan urang-urang bedoso." Cuma hambuk, hikmat de bonorko uleh perbuatonnye."(Peringoton untuk Urang nyo Hopi Pindok Pecayo)²⁰Mengka Yesus mulai menghimak kota-kota d nempat Nye melakuko sajo lobot mujizat ulenyo enye hopi betobat. ²¹" Celakolah kowe, Khorazim! Celakolah kou, Betsaida ! Sabab, munye mujizat-mujizat nyo lah terjedi de antaro kowe jugo terjedi de Tirus ngan Sidon, mike sodah lamo betobat ngan bepakoian kabung ngan abu. ²²Cuma hambok, Ake ngehatoko ngan kowe bahwa podo ari penghakimon, Tirus ngan Sidon nak lobih pacok menanggung nye deri podo kowe.²³Ngan, kowe, Kapernaum, angkukkah kowe de tinggiko sampoi kelanget ? hopi, kowe nak de turunko ke denia urang teelek, sabab munye mujizat-mujizat terjedi de antaro kowe iye terjedi de Sodom, kota iye nak tetap sampoi sari nie. ²⁴Cuma hambuk, Ake ngehatoko ngan kowe bahwa singgo ari pnghakimon, tanoh Sodom nak sajo pacok menanggung nye jak kepado kowe.(Kelegaan bagi urang nyo detong kepodo Yesus)²⁵Tekalo waktu iye Yesus buik," Ake memuliako Kowe, Bepak, Tuhan pucuk langet ngan behumi, bahwa Kowe mengerawoko segelo nie jak urang-urang nyo bijaksana ngan calak, ngan mengungkap konye kenempat anak-anak kecik. ²⁶Ao, Bepak, ulenyo upa iyelah nyo berkenan de hadopon-Me. ²⁷Segelo sesuatu la deserahko kenempat Ake ulenyo Bepak-Ke. Ngan, hopi seurangpun mengenal Anak, seloin Bepak; hopi seurangpun mengenal Bepak seloin Anak ngan setiap urang nyo dekehendaki Sang Anak untuk mengungkapkonye.²⁸Njongoklah kepodo-Ke, segelo nyo litak lesu ngan bebobon berat, ngan Ake nak memboriko kelegaon. ²⁹Pikullah kuk nyo Kepasongko, ngan belajorlah deri-Ke ulenyo Ake lamah lombut ngan rendah hati, ngan kowe nak mendepotko ketenangan delom jiwome. ³⁰Sabab, kuk nyo Kupasongko iye mudah ngan bobon-Ke rehan."

(Yesus Adolah Tuhan Atas ari Sabat) ¹Tekalo waktu iye, Yesus bejalon melewati huma gandum tekalo ari Sabat, ngan murid-murid-Nye kelaporon, ngan enye mulai merebitko bulir-bulir gandum, ngan memakonnyo. ²Mengka hambuk, tekalo urang-urang Farisi ngolehnye, enye bekehato kepodo-Nye," Koleko, murid-murid-Me melakuko ape nyo hopi debonorko untuk delakuko pado ari Sabat."³Cuma, Yesus bekehato dengan enye, " Bolum kekalohkah kowe membeco ape delakuko Daud tekalo enye ngan para pengikutnye kelaporon, ⁴upamone nye masuk kedelom Rumah Allah ngan makon roti persembaon nyo hopi debonorko uleh-Nye untuk memakonnya, upa iyelah juga oleh urang-urang nyo bersamonyo, kecuali anyo untuk para imam ?⁵Atau, bolum perenah kowe membeco delom Hukum Torat, bahwa singgo ari Sabat, para imam de Bait Allah melanggar Sabat ngan enye hopi besaloh ? ⁶Cuma hambok, Ake ngehatoko ngan kowe bahwa nyo sajo godong deripado Bait Allah ado de sie.⁷Cuma, munye kowe la ngetahui retinyo nie : " Ake ngendokko belos kasihan ngan bukon persembaon," kowe hopi akan pernah menghukum nyo hopi besaloh. ⁸Sabab, Anak Mendesio adolah Tuhan atas ari Sabat."(Yesus menyembuhko podo Hari Sabat)⁹Tekelah bejelon jak sane, Yesus sampoi de sinagoge enye. ¹⁰Kolehko, ado urang jenton nyo lumpuh sebelah tangonnye. Ngan, enye betanyo dengan Yesus, ujonye, " ibo debonorko munye menyembuhko pas ari Sabat ?" enggak konyo enye pacok menyalohko Yesus.¹¹Ngan, Nye bekehato ngan enye," Siape urangnye de antaro kowe nyo mempunyoi seikuk domba, ngan munye domba iye titek kedelom lubang singgo ari Sabat, hopikah enye nak menjeluknye ngan mengeluorkonye ? ¹²Mengka jouh sajo benilainye mendesio deri pado seikuk domba !Ulehnyo iye, debonorko berbuat beik tekalo ari Sabat."¹³Mengka, Yesus bekehato ngan urang iye, ' Julukkolah tangonme." Orang iye ngeluorko tangonye ngan de sembuhko seponohnye upa tangonnye nyo loin. ¹⁴Hambok cuma, urang- urang Farisi bejelon jak sane ngan besekongkol melawon-Nye, upamone enye pacok membinasoko-Nye. (Yesus, Hambo Pilihon Allah)¹⁵Cuma, Yesus, tekalo nye tahuko hal nie, nyenyingkir jak sane. Lobot nyo mengholoui-Nye ngan Nye menyombuhko enye segelo, ¹⁶Ngan memperingotko enye untuk hopi membuat diri-Nye deketahui. ¹⁷Hal nie terjedi enggak konyo menggenapi ape nyo de sampoiko melalui Nabi Yesaya :¹⁸" Kolehkolah, hambo-Ke nyo lah Kupileh, nyo Kukasihi, nyo ngan-Nye jiwo-Ke berkenan. Ake nak memboriko roh-Ke kepucuk-Nye, ngan Nye nak menyatoko keadelon ngan bengso-bengso loin.¹⁹Enye hopi bakal membantah, atau mekek, ngan hopi bakal ado seurangpun nyo mendongor pembuikon-Nye de jelon-jelon. ²⁰Buluh nyo patoh hopi bakal Nye ngan putusko, ngan sumbon nyo nak padom hopi bakal enyo matiko, sampoi Nye membuat keadelon menang. ²¹ngan delom namo-Nye, bengso-bengso loin nak beharop."(Kuaso Yesus berasal deri Roh Allah)²²Mengka todo seurang nyo kerasukon roh jahat nyo buta ngan nyo bisu, de unda kenempat Yesus. Ngan, Yesus menyembuhkonye sehingga urang buta ngan bisu iye buik ngan ngoleh. ²³Segelo urang menjedi temanga - manga ngan betanyo, " Mungkinkah Nye nie Anak Daud ?"²⁴Hambuk cuma, tekalo urang-urang Farisi mendongornye enye bekehato," Orang nie hopi mungkin mengusir roh-roh jahat munye hopi dengan Beelzebul, pemempen roh-roh jahat." ²⁵Yesus tahuko pekeronnye ngan bekehato kenempat enye, "Setiap kerajaon nyo tepecah-pecah melawon badannyo dewek, de tinggalko. Ngan setiap kota atau rumah nyo tepecah-pecah melawon badon nyo dewek, hopi bakal betahan.²⁶Ngan, munye Belis nak nggera belis, nye tepecah-pcah melawon badonnye dewek. Munye upa iye, upamon kerajaon nye bakal betahan ? ²⁷Ngan, munye Ake, menggerah roh-roh jahat dengan Beelzebul, dengan siapekah anak-anakme menggerah nye? ulehnyo iye, enye bakal menjedi hakimme.²⁸Cuma sebeleknye, munye dengan Roh Allah, Ake menggerah roh-roh jahat, Kerajaon Allah sodah njongok pucuk kowe. ²⁹Atau, upamone seurang masuk kerumah urang nyo kuat ngan merobuti barang-barangnye munye enye hopi mengobot urang kuat iye terlobih dehulu? Soda iye, enye beheru depot merampok rumah iye. ³⁰Siapo bae nyo hopi besamo dengan Ake, melawon Ake. Ngan, siape bae nyo hopi mengumpulko besamo dengan Ake, mencerai beraiko.³¹Ulehnyo iye, Ake mengehatoko dengan kowe bahwa setiap doso ngan hujaton mendesio bakal de ampuni, cuma hujaton terhadap Roh hopi bakal deampuni. ³²Ngan, siapo bae mengehatoko sesuatu nyo melawon Anak Mendesio bakal de ampuni, cuma siapo bae nyo ngomong melawon Roh Kudus hopi bakal deampuni, beik ngan maso nie moupun ngan maso nyo akan detong."(Betong Dekenal deri Buahnye)³³" Munye betong iye beik, buahnye jugo akan beik. atau muny betong iye hopi beik, buahnya jugo hopi akan beik. Sabab, betong dekenal jak buahnye. ³⁴Hai, keturunon ulor beludak, upamone mungkin kowe nyo jahat mengucapko hal-hal nyo beik? ulenyo jak luapon hati, mulut pembuik. ³⁵Urang beik mengeluorko hal-hal nyo beik jak kesugihonnyo beik, ngan urang jahat mengeluorko hal-hal nyo jahat jak kesugihonnyo jahat.³⁶Cuma, Ake ngehatoko ngan kowe bahwa setiap kehato nyo sio-sio, nyo deucapko urang, enye nak mempertanggung jawabkonye singgo ari penghakimon. ³⁷Hambuk oleh pembuikonme, kowe bakal debonorko, ngan uleh pembuikonme kowe nak dehukum.(Urang Farisi ngan Ahli Torat meminta tanda)³⁸Mengka, beberapa ahli Torat ngan urang Farisi buik ngan Yesus," Guru, kami endok ngoleh tando jak-Me." ³⁹Cuma, Yesus menjawab ngan buik dengan enye, "Generasi nyo jahat ngan berzina nie menuntut suatu tando. Ngan, hopi bakal ado tando nyo deboriko dengan enye, kecuali tando Nabi Yunus. ⁴⁰Sabab, upa Yunus nyo berado delom perut ikan godong selamo tiga ari ngan tiga malom, demikion jugo Anak Mendesio akan berado selamo tiga ari ngan tiga malom delom perut bumi.⁴¹Urang - urang Niniwe bakal togok bersamo-samo dengan generasi nie jak penghakiman ngan bakal menghukumnye sabab enye betobat tekalo mendongor khutbah Yunus. Ngan, koleh, tong sajo godong jak deri Yunus ado de sie.⁴²Ratu deri selatan bakal bangket bersamo-samo generasi nie singgo ari penghakimon ngan bakal menghukum nye ulehnyo enye njongok jak hujung behumi nak mendongor hikmat Salomo. Ngan,koleh, tong sajo godong jak deri Salomo ado de sie.(Bahayo deri kekosongon)⁴³Tekalo roh jahat keluor deri mendesio, nye melewati tapon-tapon nyo hopi beraik nak mendelok tapon berenti, cuma hopi betomu. ⁴⁴Mengka nye bekato," Ake bakal ngulang pangkol kerumahke, tapon ake keluor." Ngan, tekalo tiba, enye mendepoti rumah iye kosong, sodah de sapu, ngan teatur. ⁴⁵Mengka, roh-roh jahat iye lari ngan mengunda besamo nye tujuh roh loin nyo lobih jahat deri nye, ngan enye masuk serta tinggal de sane. Ahernye, keadaon uran iye menjedi jouh lobih buruk jak deri sebolumnye. Upa iyelah jugo nyo bakal terjedi dengan generasi nyo jahat nie."(Keluorgo Yesus nyo Sebonornyo)⁴⁶Sementaro Yesus lagi ngomong dengan urang lobot, kole, induk ngan dulur-dulur-Nye togok de luor, berusaha nak ngomong dengan-Nye. ⁴⁷Seurang buik ngan-Nye, " Koleh, induk ngan dulur-dulur-Me togok de luor, berusaha ngomong dengan Kowe ."⁴⁸Cuma, Yesus menjawab urang tong menelako-Nye iye ngan buik," Siapekah induk ke ngan siapkah dulur-dulur-Ke ?" ⁴⁹Ngan, sambel membontongko tangon-Nye kearah murid-murid-Nye, Yesus buik," Nielah induk-Ke ngan dulur-dulur-Ke ! ⁵⁰Ulenyo siapo bae nyo melakuko kehendak Bepak-Ke nyo ado de serga, enyelah dulur jenton-Ke, dulur betina-Ke ngan induk-Ke.

( Perumpamoon Tentang Penabur ) ¹Tekalo ari iye, Yesus keluor jak rumah ngan duduk de topi denou. ²Ngan, urang lobot tekumpul kenempat-Nye. Ulehnyo iye, Nye noek ke biduk ngan duduk, ngan segelo urang lobot iye togok de topi denou.³Ngan, Nye ngehatoko lobot hal kenempat enye delom perumpamoon,ujo-Nye," Ado seurang penabur bejelon nak menabur, ⁴ngan tekalo nyo menabur, beberapa beneh titek de topi jelon, burung-burung njongok ngan memakonnye sampoi habes. ⁵Beneh nyo loin titek de nempat bebetu, nyo hopi mengandung lobot tanoh, ngan cepat tumbuh ulenyo hopi nyo ado kedelomon tanoh. ⁶Cuma hambuk, tekalo matoari torbit, tanaman iye tesongot hangot. Ngan, ulenyo hopi ado akor, tenaman iye menjedi koreng.⁷Beneh nyo loin titek deantaro somok unok, ngan somok unok iye tumbuh, ngan mengepetnyo. ⁸Cuma, beneh nyo loin titek de tanoh nyo beik ngan mengaselko buah, ado nyo seratus kali lipot, ado nyo enam puluh kali lipot, ngan ado nyo tiga puluh kali lipot. ⁹Siape nyo betelinga, biarlah enye mendongor."(Yesus mengajor dengan perumpamoon)¹⁰Ngan, murid-murid Yesus njongok ngan betanyo kepodo-Nye, " Mengka Kowe buik ngan enye delom perumpamoon ?' ¹¹Yesus menjawab ngan enye," Kepodeme sodah dekaruniako untuk ngetahui resio Kerajaon Serga, cuma kepodo mike hopi dekaruniako. ¹²Sabab, urang nyo mempunyoi, kepodonye nak de boriko ngan nye nak bekelimpahon. Cuma, siape nyo hopi mempunyoi, bahkan ape nyo hopi punyoi nak de ambek deripadonye.¹³Ulenyo iyelah, ake ngomong ngan mike delom perumpamoon ulenyo tekalo ngoleh,mike hopi ngoleh, ngan tekalo ndongor, mike hopi mendongor, jugo hopi tereti. ¹⁴Mengenai mike, degenapilah nubuat Yesaya nyo bekehato, ' Dengan pendongoron,kowe ngan mendongor, cuma hopi akan pernah tereti. Ngan, dengan ngoleh,kowe nak ngoleh, cuma hopi nak memahami.'¹⁵Ulenyo hati bengso nie lah nebal, telinga mike sogon nak mendongor, Ngan mike menutup mato mike. Munye hopi, tentu mik depot ngoleh ngan mato mike, mendongor ngan telingo mike,Ngan depot tereti dengan hati mike, mengka bebelek kepado-Ke ngan desombuhko.'¹⁶Cuma hambok, deberekatilah matome ulenyo ngoleh ngan telingome ulenyo mendongor. ¹⁷Ake ngehatoko nyo sebonornye ngan kowe ulenyo lobot nabi ngan urang-urang bonor nyo amat ngoleh ape nyo kou koleh, cuma hopi mengolehnye, ngan amat mendongor ape nyo kou dongor, cuma hopi mendongornye."(Penjelason tentang Perumpamaaon Penabur)¹⁸"Uleh kerana iye, dongorkolah reti perumpamaon tentang penabur. ¹⁹Tekalo urang mendongor firman Kerajaon ngan hopi memahaminye, si jahat njongok ngan merampos ape nyo lah tehambur delom hati urang iye. Nielah urang nyo benehnye tehambur de pinggir jelon²⁰Adopula nyo tehambur de tempat-tempat nyo bebetu, nielah urang nyo mendongorko firman ngan langsung nerimonye dengan sukacita, ²¹cuma nye hopi ado akor delom badannye ngan betahan setegal bae. Ngan, singgo penindason atau penganiayaon terjedi ulenyo firman iye, nye langsung titek.²²Beneh nyo titek de tangah somok-somok unok adolah urang nyo ndongor firman iye, mengka kekuwatiron denia ngan tipu dayo kekayoon mendesak firman iye sehinggo hopi bebuah. ²³Cuma, urang nyo benehnye tehambur de tanoh nyo beik, nielah urang nyo mendongor firman iye ngan memahaminye. Enyelah nyo bonor-bonor bebuah ngan menghaselko, ado nyo 100 kali lipot, beberape 60, ngan beberape 30."(Perumpamaon tentang Somok belukar ngan Gendum)²⁴Yesus menyampoiko perumpamaon nyo loinnye ngan mike, ujo-Nye, "Kerajaon Serga iye depot deumpamako upa urang nyo menaburko beneh nyo beik de umahnye. ²⁵Cuma hambuk, sementaro urang-urang tidur, musuhnye njongok ngan menaburko beneh lalong de antaro beneh gandum, ngan bejelon. ²⁶Singgo tenaman betunas ngan betunos ngan bebiji, mengka lalong iye tekoleh jugo.²⁷Mengka, hambo-hambo deri pemilik humo iye njongok ngan betanyo dengan enye, Tuan, bukonkah kowe menghambur beneh nyo beik de humohme? mengka jak mone njongok nyehuma iye ?' ²⁸Enye buik ngan mike," Seurang musuh nyo melakukonye."Mengka hambo-hambo iye buik ngan enye,'ibo kowe endok kamie bejelon ngan mengumpulkonye ?'²⁹Cuma hambok, tuan iye buik,'Jengon ! sabab munye kowe mengumpulko huma-huma iye, pacok-pacok kowe jugo mencabut gandum iye serompok nye. ³⁰Biarlah keduanya tumbuh serompok sampoi musim nuoi. Ngan, singgo waktu nuoi, ake nak buik ngan para penabur," pertamo-tamo, kumpulkolah huma-huma iye ngan kobotlah delom berkas-berkas untuk de tunu.Cuma, kumpulkolah gandum nye ke delom rengkiang ke."(Kerajaon Allah upa Biji Sesawi ngan Ragi)³¹Mengka Yesus menceritoko perumpomoon nyo loin kenempat mike, ujo-Nye, "Kerajaon Serga iye upa biji sesawi nyo de ambek urang ngan de taburko de humanye. ³²Biji iye adolah nyo tekecik jak segelo jenis beneh, cuma singgo tumbuh, enye sajo godong jak-jak segelo jenis sayuron, bahkan menjedi betong singgo burung-burung de langet njongok ngan besangkor de cangka-cangkanye."³³Mengka Yesus menceritoko perumpamoon nyo loin ngan mike, " Kerajaon Serga iye upa ragi, nyo uleh seurang betina ngan deambek ngan de masukko kedelom adonan topung terigu selobot tiga sukat sampoi segelo adonan iye tercampur ragi.³⁴Segelo hal nie Yesus pelabeko kepado urang lobot delom perumpamoon-perumpamoon, ngan enye hopi buik ngan mike tanpa perumpamoon. Mengka munye, tergenapilah ape nyo desampoiko melalui nabi, ³⁵" Ake nak membukamulutke delomperumpamoon-perumpamoon, Ake nakmengucapko hal-hal nyo tekerawo sejak denia dejediko."(Perumpamoon tentang Rumput Liar de Umoh)³⁶Tekalo, Yesus meninggalko urang lobot iye mengka masuk ke rumah. Ngan, murid-murid-Nye njongok kepado-Nye ngan behekato," Jelaskolah ngan kamie perumpamoon tentang lalong-lalong de huma." ³⁷Ngan, jawab-Nye," Urang nyo menaburko beneh nyo beik adolah Anak Mendesio, ³⁸ngan huma iye adolah denia nie. Beneh nyo beik adolah anak-anak Kerajaon, ngan huma adolah anak-anak si jahat, ³⁹ngan musuh nyo menaburnye adolah Belis, ngan musim nuoi adolah aher zaman, ngan para penuoi iye adolah para malaekat.⁴⁰Jedi, samo upa huma nyo dekumpulko ngan detunu nyo delom api, upa iyelah nyo bakal terjedi singgo aher zaman. ⁴¹Anak Mendesio bakal mengutus para malekat-Nye, ngan mike bakal mengumpulko segelo betu sandungon serta urang-urang nyo melakuko kejahaton jak kerajaon-Nye, ⁴²ngan bakal menohukkonye kedelom tungku api. De tempat iye bakal ado tangeson ngan kertak gigi. ⁴³Mengka, urang-urang bonor bakal besinar upa matoari delom Kerajakon Bepak mike. Siape nyo betelinga, biarlah nye mendongor."(Kerajaaon Serga Upa Reto Telebong ngan Mutiara)⁴⁴" Kerajaon Serga adolah upa retonyo telebong de huma, nyo de tomuko urang, mengka nyo kerawoko lagi. Ngan, karena sukacitanye, nyo pegi, menjuol segelo nyo de punyoinye, ngan memboli huma iye. ⁴⁵Sekali lagi, Kerajaon Serga adolah upa urang bedegong nyo mendelok mutiara nyo belagak. ⁴⁶Tekalo iye menomuko sebuah mutiara nyo berega sajo mahal, nye bejelon ngan menjual segelo nyo de punyoinye, mengka memboli mutiara iye."(Kerajaon Serga upa jalo nyo ponuh ikan)⁴⁷" Upa iyelah jugo, Kerajakon Serga adolah upa jelo nyo de tohukko kedelom lout, ngan mengumpulko berbagai macam ikan. ⁴⁸Tekalo jelo iye ponoh, mike meheretnye kepulao ngan duduk mengka mengumpulko ikan-ikan nyo beik kedelom tapon-tapon godong, cuma mencampoknyo hopi beik.⁴⁹Jedi, iyelah nyo bakal terjedi singgo aher zaman. Para malakat bakal keluor ngan memisahko nyo jahat deri urang-urang bonor. ⁵⁰Ngan menohukko urang-urang jahat iye kedelom tungku api. De tempat iye bakal ado ratopon ngan kertak gigi.⁵¹Sodah ko kowe tereti ngan segelo nie ?" Mike bekehato kepado-Nye, "Ao." ⁵²Ngan, Yesus bekehato kepado mike," Ulehnyo iye, setiap ahli Torat nyo lah menjedi murid Kerajakon Serga, enye upa tuan rumah nyo mengeluorko reto nyo beheru ngan nyo lamo jak kesugihonnye." (Yesus de tolak de kota asal-Nye ) ⁵³Tekalo Yesus lah menyelesaiko perumpamoon-perumpamoon iye, Nye bejelon jak sane.⁵⁴Ngan, tekalo Nye sampoi de kota asal-Nye, Nye mengajor de sinagoge-sinagoge mike sehingga mike takjub ngan buik, " Deri mone Orang nie mendepot kebijaksanaan ngan mujizat-mujizat nie ? ⁵⁵Bukonkah Nye nie anak seurang tukang kayu ? bukonkah induk-Nye desobut Maria, ngan dulur-dulur-Nye adolah Yakobus, Yusuf, Simon ngan Yudas? ⁵⁶Bukonkah dulur-dulur-Nye nyo betina ado de antaro kite ? Mengka, jak mone urang nie buleh mendepotko segelo tong nie ?"⁵⁷Ngan, mike tesinggung uleh-Nye. Cuma Yesus buik ngan mike," Seurang nabi bukonnyo hopi dehormati, kecuali de tempat asalnye ngan derumahnye dewek." ⁵⁸Ngan, Nye hopi melakuko lobot mujizat de sane ulehnyo hopi kepercayohon mike.

( Herodes Mendongor Berita Tentang Yesus ) ¹Tekalo waktu iye, Herodes, rajo wilayah, mendongor berita-berita tentang Yesus. ²Ngan, enye buik ngan hambo-hambonye," Nielah Yohanes Pembaptis. Nyelah bangket deri antaro urang teelek ngan ulenyo iyelah mujizat-mujizat nie bekerejo de delom-Nye."(Peristiwa nyo teelek Yohanes Pembaptis)³Sabab, Herodes la menangkap Yohanes, mengobotnye, ngan memasukkonye kedelom penjara ulenyo Herodias, istri Filipus dulur Herodes. ⁴Ulenyo Yohanes pernah bekehato kepadonye," Hopi debonorko bagime nak memiliki Herodias," ⁵Ngan, bego Herodes amat membunoh Yohanes, nye takut ngan urang lobot ulenyo mike menganggap Yohanes upa nabi.⁶Mengka hambuk, tekalo hari ulang tahun Herodes sampoi, anak betina Herodias menari de hadopon mike, ngan iye menyenangko Herodes, ⁷Sehingga enye besumpah bakal memboriko apo bae nyo de pintak gadis iye.⁸Mengka, la sodah dedesak uleh induknye, gadis iye bekehato," Borikolah ngan ake de sie, kepalo Yohanes Pembaptis de pucuk talam." ⁹Bego pun rajo sedih, cuma uleh nyo sumpah nye ngan ulenyo urang-urang nyo makon serompok enye, enye pun memerentahko enggak hal nie de boriko.¹⁰Enye menyuruh enggak memenggal kepalo Yohanes de penjaro. ¹¹Ngan, Kepalo Yohanes de unda de pucuk talam, deboriko dengan gadis iye ngan enye ngunda nye kenempat induknye. ¹²Mengka, murid-murid Yohanes njongok, ngambek badannye. Ngan menguburkonye. Mengka enye bejelon ngan menelai Yesus.(Lima Roti ngan dua ikan untuk Lima Ribu Urang)¹³Tekalo Yesus mendongor hal nie, Nye menarek diri jak sane dengan biduk, ketempat nyo sepi dedewekon. Ngan, tekalo urang-urang mendongor nie, mike menghaloui-Nye ngan bejelon kaki deri kota-kota. ¹⁴Tekalo Yesus keluor, Nye ngoleh kerumunon godong urang, ngan sajo tesihan kenempat mike, ngan menyembuhko saket mike.¹⁵Tekalo hari lah nak malom, para murid njongok ngan Yesus ngan buik, " Tempat nie sunyi ngan ari lah nak malom. Suruhlah urang lobot iye bejelon ke desa-desa ngan memboli makonon untuk mike dewek."¹⁶Cuma hambuk, Yesus bekehato ngan mike, " Mike hopi nantek bejelon. Kowe borilah mike makon". ¹⁷Mike bekehato ngan Nye," De sie kite hopi ado apo-apo, kecuali 5 roti ngan 2 ikan." ¹⁸Ngan, Nye buik, " undolah tong iye kemai, kepado-Ke."¹⁹Mengka Enye nyuruhko urang lobot iye duduk de rumput, ngan Enye ngambek 5 roti ngan 2 ikan iye, ujonye sambel ngelalo ke langet, Enye mengucap syukur ngan memacah-macahko roti iye. Tekalo iye, Enye memborikonye ke murid-murid-Nye kepodo urang lobot. ²⁰Ngan, mike segelo makon ngan dekenyangko. Mengka, mike mengambek totokon-totokon nyo sisa, ado dua belas bakul ponoh. ²¹Ngan, mike nyo makon kiro-kiro ado 5.000 jenton bolum temasuk betina ngan budak-budak.(Yesus Bejelon de Pucuk Aik)²²Yesus detong mendesak murid-murid-Nye masuk kebiduk ngan bejelon ndehului-Nye ke seberang, sementaro iye nyuruh urang lobot iye ngulang. ²³Ngan, sesodah Yesus nyuruhko urang lobot iye ngulang. Enye noek kepucuk gunung nyo sesorangan ne ngan bedoa. Tekalo menjelang malom, Enye dedewekon de sane. ²⁴Cuma hambuk, biduk iye jouh jak tobing, de gulang gulekko gelumbang ulenyo belawanan ngan angen.²⁵Ngan, tekalo jam empat malom iye, Enye njongok kenempat mike, bejelon de pucuk aik. ²⁶Tekalo para murid melihat-Nye bejelon depucuk aik, mike sajo takut ngan beseru, " iye hantu !" Mengka mike pepantouan ulenyo ketakuton. ²⁷Cuma hambuk, Yesus langsung buik ngan mike, ujo-Nye, " Kuatkolah hatime ! nie Ake, jengon takut."²⁸Ngan, Petrus buik ngan-Nye," Tuhan, munye iye Kou, suruhlah ake njongok kenempat Kowe de pucuk aik." ²⁹Yesus buik, " Njongoklah "! Mengka, Petrus keluor deri biduk, ngan bejelon di pucuk aik, ngan detong kepodo Yesus. ³⁰Cuma, tekalo ngoleh angen, nye ketakuton ngan mulai tenggolom. Nye mekek, " Tuhan, selamatko ake !"³¹Yesus langsung menjulukko tangon-Nye, mogongko Petrus, ngan buik." Kowe nyo kurang iman, mengka kowe ragu-ragu ?" ³²Tekalo mike masuk ke delom biduk, angen pun berenti. ³³Mengka, mike nyo ado de biduk menyembah Yesus ngan bekehato," Sesungguhnye, Kowe adolah Anak Allah !" (Yesus Menyembuhko Urang-Urang Saket)³⁴Sesodah nyeberang, mike sampoi de tanah Genesaret. ³⁵Tekalo urang-urang de nempat iye mengenali-Nye, mike nenelakonye keseluruh daerah iye ngan ngunda segelo urang saket kenempat Yesus. ³⁶Mike mohon kenempat Yesus enggakkonyo buleh menyentuh hujung jubah-Nye, ngan segelo urang nyo menyentuhnye menjedi sombuh.

( Hukum Allah Ngan Tradisi Mendesio ) ¹Mengka, beberapa urang Farisi ngan ahli-ahli Torat deri Yerusalem njongok kenempat Yesus ngan buik, ²" Mengka murid-murid-Me melanggar tradisi nenek puyang ? sabab, mike hopi membesuh tangon tekalo makon roti !" ³Ngan, Yesus buik ngan bekehato kenempat mike, " Ngan, mengka kowe jugo melanggar perentah Allah demi tradisime?⁴Ulenyo Allah berfirman, Hormatilah bepak ngan indukme," ngan, " siape nyo mengutukih bepak atau induknye, harus dehukum mati," ⁵Cuma, kowe bekehato," siape bae nyo buik kenempat bepak atau induknye,' Ape pun pemborian untuk kowe sodah depersembahko Kepodo Allah," ⁶nye hopi perlu menghormati bepak atau induknye. Dengan upa iye, kowe membatalko Firman Allah demi tradisime.⁷Kowe, urang-urang munafik, memang bonor nubuatan Yesaya tentang kowe : ⁸' Bengeso nie menghormati Ake dengan mulut mike, cuma hati mike jouh jak deri Ake. ⁹Ngan, sia-sia mike menyembah Ake dengan mengajorko perentah-perentah mendesio."¹⁰Ngan, Yesus memantaou urang lobot ngan buik, " Dongor ngan pahamilah ! ¹¹Bukon ape nyo masuk ke delom mulutnyo menajisko urang, cuma ape nyo keluor jak mulutnye, nielah nyo menajisko urang."¹²Mengka, murid-murid Yesus njongok ngan betanyo kenempatnye, " Tahukah Kowe bahwa urang-urang Farisi tesinggung tekalo mendongor pernyatoon nie ?" ¹³Cuma, Yesus menjawab ngan buik, " Setiap tenaman nyo hopi detandur oleh Bepak-Ke nyo de serga nak decabut sampoi ke akor-akornye. ¹⁴Biarlah mike. Mike adolah pemapa- pemapa deri urang-urang buta. Ngan, munye urang buta memapa urang buta, keduanye akan titek kedelom lubang."¹⁵Petrus buik ngan Enye," Jelaskolah perumpamoon iye kenempat kamie." ¹⁶Yesus buik, " mengka kowe masih bolum paham jugo ? ¹⁷Ibo kowe hopi tereti bahwa segelo sesuatu nyo masuk kedelom mulut nak turun keporut ngan decampok ke delom jamban ?¹⁸Cuma hambuk, ape nyo keluor deri mulut timbul deri hati, ngan iyelah nyo menajisko urang. ¹⁹Ulenyo deri hati timbul pekeron-pekeron jahat, pembunuhon, perzinahon, doso-doso seksual, ngan fitnah. ²⁰Hal-hal nielah nyo menajisko urang, cuma makon hopi membesuh tangon hopi menajisko urang."(Yesus Menolong Betina Kanaan)²¹Mengka, Yesus bejelon jak sane ngan menyengker ke daerah Tirus ngan Sidon. ²²Ngan, seurang betina Kanaan nyo berasal jak daerah iye njongok ngan beseru," Kasihanilah Ake, Tuhan, Anak Daud ! Anak Betinake keserumon roh jahat sajo karo." ²³Cuma hambuk, Yesus hopi nyimbot betina iye, sikuk kehatopun. Ngan, murid-murid-Nye njongok ngan mendesak-Nye, ujo mike," Suruhlah nye bejelon ulenyo nye terus-menerus mekek de belakong kite."²⁴Mengka, Enye menjawab ngan buik," Ake anyo deutus kenempat domba-domba nyo sayou jak umat Israel." ²⁵Mengka, betina iye njongok ngan sujud de hadopon Yesus, ujonye, " Tuhan, tolunglah ake !" ²⁶Cuma, Yesus menjawab ngan buik, " Hopi beik mengambek roti milik anak-anak ngan nohukkonye kenempat anjing-anjing."²⁷Betina iye menyimbot, " Bonor, Tuhan, cuma anjing-anjing iye makon remah-remah nyo titek jak meja tuannye." ²⁸Mengkah, Yesus buik ngan enye," Hai betina, imanme godong ! terjedilah dengan kowe upanyo kou amatko." Tekalo saat iye jugo, anak betinanye desembuhko.(Yesus Menyembuhko Lobot Urang)²⁹Yesus bejelon jak sane, menyusuri topi denou Galilea. Ngan, sesodah menoek kepucuk buket, Enye duduk de sane. ³⁰Mengkah, kerumunon godong urang njongok kenempat Enye, ngunda urang-urang lumpuh, cacat, buta, bisu, ngan urang lobot loinnye. Mengka, mike membarengko urang-urang iye de kaki Yesus ngan Enye menyembuhko mike, ³¹sehinggo urang lobot iye teheran-heran tekalo mike ngoleh nyo bisu pacok buik, nyo cacat de pulihko, nyo lumpuh bejelon, ngan nyo buta ngoleh. Ngan, mike memuliako Allah Israel.(Yesus Membori Makonon Kepodo Lobih deri Empat Ribu Orang)³², Mengka, Yesus memantou murid-murid-Nye ngan buik," Ake bebelos kasihan terhadop urang-urang iye ulenyo mike soda bersamo-Ke selamo tiga hari ngan hopi mempunyoi makonon. Ngan, Ake hopi endok nyuruhko mike ngulang kelaporon enggak konyo mike hopi pingsan delom pejelonon." ³³Mengka, para murid bekehato kepodo-Nye," Jak mone kite depot roti nyo lobot detempat sunyi nie mengonyongko urang sajo lobot nie." ³⁴Yesus betanyo ngan mike," Berapo lobot roti nyo kou punyo ?" ³⁵Mengka, Yesus memerentahko urang lobot iye duduk de tanoh.³⁶Mengka, Enye mengambek tujuh roti serta ikan-ikan iye. Ngan, sambel mengucap syukur, Enye memacah-macahkonye, ngan memborikonye kenempat murid-murid-Nye, ngan murid-murid-Nye memborikonye kenempat urang lobot iye. ³⁷Mike segelo makon ngan dekonyongko. Mengka, mike mengambek totokon-totokon nyo sisa, ado tujuh keranjang ponuh. ³⁸Mike nyo makon ado empat ribu urang jenton, hopi temasuk betina ngan budak-budak. ³⁹Sesudah menyuruh urang lobot iye ngulang, Yesus masuk ke biduk ngan bejelon kedaerah Magadan.

( Urang Farisi Ngan Urang Saduki Mencuboi Yesus ) ¹Mengka, urang-urang Farisi ngan Saduki njongok nak mencuboi Yesus. Mike minta empuknyo Yesus nunjukko ngan mike suatu tanda jak serga. ²Cuma hambuk, jawab Yesus, " Saat menjelang malom, kowe buik," Cuaca cerah ulenyo langet abong.'³Ngan, tekalo pagi hari, ' Ari nie nak ado angen tangkas ulenyo langet abong ngan kolom.' Kowe tahuko upamone membedako rupa langet, cuma hopi pacok membedako tando-tando zaman. ⁴Suatu generasi nyo jahat ngan pezina nie menuntut sebuah tanda, cuma sikok tanda pun hopi nak deboriko ngan enya, kcuali tando Nabi Yunus." Mengka, Enye meninggalko mike ngan bejelon.(Penjelason tentang ragi urang Farisi ngan Saduki)⁵Tekalo murid-murid sampoi de seberang denou, mike pi teringot ngunda roti. ⁶Ngan, Yesus buik kenempat mike, " Perhatikolah ngan waspadalah terhadop ragi urang- urang Farisi ngan para Saduki." ⁷Ngan, mike mulai ngomongko hal nie de antaro mike dewek ngan buik," Nie ulenyo kite hopi ngunda roti." ⁸Cuma hambok, Yesus tahuko hal nie ngan buik," Hai, urang nyo kurang iman, mengka kowe mbuikkonye de antaro mike dewek tentang hopi ado roti?⁹Ibo kowe lagi tereti ngan jugo hopi teringat nak lima roti untuk lima ribu urang, ngan berape lobot bekul sisanye nyo kou kumpulko ? ¹⁰Atau, tujuh roti untuk empat ribu urang, ngan berape lobot keranjang sisanye nyo kou kumpulko?¹¹Upa mone kowe hopi tereti bahwa Ake hopi sedang buik ngan kowe tentang roti ? Cuma hambok, waspadalah terhadop ragi urang-urang Farisi ngan para Saduki." ¹²Mengka, mike tereti bahwa Nye hopi ngehatoko untuk waspada terhadop ragi roti, cuma terhadop ajaron urang-urang Farisi ngan para Saduki.(Yesus adolah Mesias)¹³Tekalo Yesus sampoi de daerah Kaisarea Filipi, Enye betanyo kenempat murid-murid-Nye," menurut pembuik on urang, siape Anak Mendesio iye ?" ¹⁴Mike menjawab, " Beberapa mengehatoko Yohanes Pembaptis, nyo loin ngehatoko Elia, ngan nyo loin lagi ngehatoko Yeremia, atau saloh sikok jak para nabi." ¹⁵Mengka, Yesus betanyo kenempat mike," Cuma hambok, menurut kowe siape Ake nie ?" ¹⁶Simon Petrus menjawab," Kowe adolah Mesias, Anak Allah nyo hidup!"¹⁷Yesus buik ngan enye," Deberkatilah kowe, Simon anak Yunus, sabab bukon dageng ngan deroh nyo menyatoko nie kenempat kowe, meloinko Bepak-Ke nyo de serga. ¹⁸Ngan, Ake jugo ngehatoko ngan kowe bahwa kowe adolah Petrus. Ngan, de pucuk batu nie, Ake nak membengun jemaat-Ke ngan gerbang-gerbang Hades hopi nak menguasainye.¹⁹Ake nak memborime kunci-kunci Kerajoon Serga. Ngan, ape bae nyo mike kobot de behumi akan tekobot de serga. Ngan, ape bae nyo kou lapasko de behumi nak telapas de serga." ²⁰Mengka, Yesus memperingotko murid-murid enggak konyo hopi menelako siape bahwa Enye adolah Mesias.(Yesus Memboritahuko tentang Kemation-Nye).²¹Jak saat iye, Yesus mulaki menunjukko ngan murid-murid-Nye bahwa Nye harus bejelon ke Yerusalem ngan menderita lobot hal jak padong tua-tua, imam-imam kepalo, maupun ahli-ahli Torat, mengkah debunoh ngan debangketko singgo ari ketiga. ²²Mengka, Petrus menarek Yesus ke topi, menegur-Nye, ngan buik," Tuhan, kironye Allah menjouhko hal nie jak Kowe ! Hal nie hopi akan pernah terjedi pado-Me. " ²³Cuma hambuk, Yesus bebelek ngan buik kenempat Petrus," Enyahlah jak hadopon-Ke, hai belis! Kowe adolah betu sandungon bagi-Ke sabab kowe hopi menetapko pekeronme kenempat hal-hal deri Allah, meloinko hal-hal jak mendesio."²⁴Mengka Yesus buik kenempat murid-murid-Nye," Munye ado endok meholou Ake, enye harus menyangkal badannyo dewek, memikul salibnye, ngan mehalou Ake. ²⁵Ulenyo siape nyo amat menyelamotko nyawo nye bakal kesayauon nyawo nye. Cuma hambuk, siape nyo kesayauon nyawonye ule Ake, enye nak mendapotkonnye. ²⁶Ape untungnye munye seurang buleh seluruh denia, cuma kesayauon nyawonye ? atau, ape nyo pacok urang boriko upah gintai nyawonye ?²⁷Sabab, Anak Mendesio bakal njongok delom kemuliaon Bepa-Nye bersama dengan padong malaekat-Nye ngan kemudion bakal membelos setiap urang menurut perbuatonnye. ²⁸Ake ngehatoko nyo sebonornye ngan kowe, ado beberapa urang nyo togok de sie nyo hopi bakal mengalami kemation sampoi mike ngoleh Anak Mendesio njongok delom Kerajaon-Nye."

( Yesus Tampak Bersamo Musa Ngan Elia ) ¹Enom hari kemudion, Yesus mengajok Petrus, Yakobus serta Yohanes dulur Yakobus, ngan ngunda mike noek ke gunong nyo tinggi secaro tersendiri. ²Mengka, Yesus berubah rupa de depan mike. Wajah-Nye bersinar upa matoari ngan pakoiyon-Nye menjedi seputeh cayo.³Ngan, kolehko, kenanlah ngan mike Musa ngan Elia, sedang bebencang dengan Yesus. ⁴Petrus buik ngan Yesus, " Tuhan, adolah beik bag kite untuk berado de sie, aku bakal mendiriko tiga kemah de sie, satu untuk-Me, satu untuk Musa, ngan satu untuk Elia."⁵Tekalo Petrus lagi buik, sebuah aban nyo tarang menaongi mike, ngan koleko, ado suara jak aban iye nyo buik, " Nielah Anak-Ke nyo Kukasehi ngan kepodo-Nye Ake berkenan, Dongorkolah Nye." ⁶Tekalo murid-murid dongor tong nie, mike tesungkur dengan wajah sampoi ketanoh ngan sajo ketakuton. ⁷Cuma, Yesus njongok ngan menyentuh mike ujo-Nye," Jegolah ngan jengon takut." ⁸Tekalo mike mengangkat mato mike, mike hopi ngoleh siapepun, kecuali Yesus dewek.⁹Singgo mike turun jak gunong, Yesus memerentahko mike, ujo-Nye, " Jengon ceritoko pengolehon iye kenempat siapepun sampoi Anak Mendesio debangketko deri antaro urang teelek." ¹⁰Ngan, murid-murid betanyo dengan-Nye," mengka, teape ahli-ahli Torat buik bahwa Elia harus njongok sajo ndehulu?"¹¹Yesus nyimbot, " Elia memang njongok sajo ndehulu ngan bakal memuliako segelo sesuatu. ¹²Hambuk, Ake ngehatoko ngan kowe bahwa Elia sodah njongok, , cuma mike hopi mengenalinye ngan memperlakukonye menurut kemouon mike.Upa iyelah jogo Anak Mendesio bakal menderita de tangon mike." ¹³Mengka, padong murid tereti bahwa enye ngomong ngan mike tentang Yohanes Pembaptis.(Seurang Anak Debebasko deri Roh jahat)¹⁴Tekalo Yesus ngan murid-murid ngulang kenempat urang lobot, seurang jenton njongok kenempat Yesus ngan berlutut de hadopon-Nye sambel buik, ¹⁵" Tuhan, kasehanilah anakke sabab nye saket ayan ngan sajo menderito. Enye galak titek ke delom api ngan ke delom aik. ¹⁶Ake sodah ngundanye kenempat murid-murid -Me, cuma enye hopi depot menyombuhkonnye."¹⁷Yesus nyimbot, " Hai, kowe generasi hopi pecayo ngan sosot ! Berape lamo lagi Ake nak tinggal besamome? Berapo lamo lagi Ake harus besabar terhadop kowe ? Undalah anak iye kepodo-Ke." ¹⁸Mengka Yesus menyegak roh jahat iye sampoi keluor jak anak jenton iye, ngan anak iye sombuh seketiko iye jugo.¹⁹Mengka padong murid njongok kenempat Yesus, tekalo mike dedewekon dengan Enye ngan betanyo," Mengka kamie hopi pacok ngusir roh jahat iye ?" ²⁰Ujo-Nye kenempat mike," Ulenyo imanme nyo kecik. Ake ngehatoko nyo sebonornyo ngan kowe, munye kowe mempunyoi iman segodong biji sesawi bae, mengka kowe depot bekehato kenempat gunong iye," Pendahlah jak tempat nie ke sane ! ngan gunong iye bakal pendah. Hopi ado nyo mustahel bagime. ²¹[ Hambuk cuma, roh jahat jenis nie anyo depot de gerah dengan doa ngan puaso."](Yesus buik tentang Kemation-Nye)²²Tekalo Yesus ngan murid-murid-Nye sedang bekumpul de wilayah Galilea, Enye buik ngan mike," Anak Mendesio bakal deserahko kedelom tangon mendesio, ²³ngan mike bakal membunoh-Nye, ngan Enye bakal de bangketko singgo hari nyo ketigo." Ngan, padong murid-Nye menjedi sajo sedih.(Pengajoron tentang membayar pajak) ²⁴Tekalo mike sampoi de Kapernaum, padong pengumpul pajak 2 dirham njongok kenempat Petrus ngan betanyo, " Ibo gurume hopi membayar pajak 2 dirham ?" ²⁵Petrus menyimbot," Ao". Tekalo enye masuk kedelom rumah, Yesus telobeh ndehulu buik ngan enye, "Upamone pendepotme, Simon? Deri siapekah rajo-rajo denia nie nyo nagih bea ngan pajak? Jak anak-anaknye ngan jak urang loin ?"²⁶Tekalo Petrus nyimbot," jak urang loin," Yesus buik ngan enye, " Memunye, anak-anaknye bebas. ²⁷Cuma hambuk, enggak konyo kite hopi menyinggung enye, pogilah ke denou ngan tohukkolah kail. Ambeklah ikan nyo petamo nimbul ngan tekalo kou mbukak mulutnye, kowe nak menomuko sekepeng stater. Ambeklah duit iye ngan borikolah kenempat enye, bagi-Ke ngan bagime."

( Siape nyo Godong de Delom Kerajaon Serga?) ¹Tekalo de sie, murid-murid njongok kenempat Yesus ngan betanyo, " Siapekah nyo tegodong delom Kerajaon Serga?" ²Mengka, Yesus memantaou seurang anak kecek kenempat enye, ngan memotekko anak kecik iye de tangah-tangah mike, ³ngan buik, " Ake ngehatoko nyo sebonornye ngan kowe, kecuali kowe betobat ngan menjedi upa anak-anak, kowe hopi bakal masuk ke delom Kerajaon Serga.⁴Siape nyo merendahko dirinye upa anak nie adolah nyo tegodong delom Kerajaon Serga. ⁵Ngan, siape nyo menerimo anak kecek upa nyo sikuk nie delom namo-Ke, enye menerimo Ake." (Peringaton tentang Penyabab Doso) ⁶"Cuma hambuk, siape nyo menyosotko salo sikuk deri anak-anak kecek nyo pecayo ngan aku nie, lobih beik bagi enye munye sebuah betu kilangan de gentungko kenempat lehernye ngan de tenggolomko ke lout nyo paleng delom.⁷Celakolah denia ulenyo penyosot-penyosot nyo ado de delom iye ! Sabab, penyosot memang harus terjedi, cuma celakolah urang nyo mendetongkonye. ⁸Munye tangon atau kakime membuatme bedoso, totoklah ngan campoklah iye. Lobih beik bage kowe masuk ke delom hidup dengan tangon nyo gontung atau kejot deri podo mempunyoi duo tangon ngan duo kaki, hambok de campok ke delom api kekal.⁹Munye matome membuatme bedoso, cukeklah ngan campoklah iye. Lobih beik kowe masuk ke delom hidup ngan sikuk mato, deripado mempunyoi duo mato hambuk decampok ke delom nerako api.¹⁰" Perhatikolah, jengon kowe meremehko sikuk deri anak-anak kecek nie. Sabab, Ake ngehatoko ngan kowe behwo malaekat-malaekat mike de serga selalu ngelaloh wajah Bepak-Ke nyo de serga. ¹¹[ Sabab, Anak Mendesio lah njongok nak menyelamatko urang nyo sayaou.](Perumpamoon tentang Domba nyo Sayau) ¹²Upa mone menurutme ? Munye seseurang mempunyoi 100 ikuk domba, hambok nyo sikuk jak mike sosot, hopikah urang iye meninggalkonyo 99 ikuk de gunong ngan bejelon nak ndelok sikuk nyo sosot iye ? ¹³Ngan, munye enye menomukonye, sesungguhnye Ake ngehatoko ngan kowe, enye sajo besukacita atas sikuk nyo sosot iye deripado 99 nyo hopi tesosot. ¹⁴Upa iyelah jugo, bukonlah kendok Bepakme nyo deserga munye surang deri anak-anak kecek nie binasa."(Menasehati urang nyo besaloh) ¹⁵" Munye dulurme bedoso, bejelon ngan tunjukko kesalohonnye, antaro kowe ngan enye dedewekon. Munye enye mendongorkome, kowe lah menomuko dulur me. ¹⁶Cuma hambuk, munye enye kepindok ndongorkome, ajoklah sikuk apo duo urang lagi kantime enggak konyo dengan mulut deri dua atau tiga urang saksi, setiap pembuikon de tetapko.¹⁷Munye enye menolak nak ndongorko mike, kehatoko tong iye ngan jemaat. Ngan, Munye enye bahkon menolak untuk mendongorko jemaat, biarlah enye menjedi upa bengeso-bengeso loin ngan pengumpul pajak.¹⁸Ake ngehatoko nyo sebonornye ngan kowe engga konyo ape nyo kou kobot de behumi akan tekobot de serga. Ngan, ape nyo kou lapasko de behumi akan te lapas de serga." ¹⁹Sekali lagi, Ake ngehatoko ngan kowe enggak konyo munye dua urang de antarome sepakat de behumi tentang sesuatu nyo mika pintak, hal iye bakal terjedi bage mike ule Bepak-Ke nyo ado de serga. ²⁰Sabab, de nempat dua atau tiga urang bekumpul besamo delom namo-Ke, Ake ado de tangah-tangah mike.(Perumpamaon tentang Pengampunon) ²¹Mengka, Petrus njongok kenempat Yesus ngan betanyo," Tuhan, seberapa recap seharusnye ake mengampuni dulurke nyo bedoso ngan ake? sampoi 7 kali?" ²²Yesus buik ngan enye, " Ake hopi ngehatoko ngan kowe sampoi 7 kali hambok sampoi 70 kali 7 kali.²³Ulenyo iyelah, Kerajaon Serga deumpamoko upa seurang rajo nyo mengadoko perhitungon dengan padong hambonye. ²⁴Munye enye mulai mengadoko perhitungon, urang nyo behutang segodong 10.000 talenta debewo kenempat enye. ²⁵Ulenyo enye iye hopi mampu membayar, tuannye memerentahko enggak konyo enye de juol, beserta bini ngan anak-anaknye, mengka segelo tong enyo miliki, ngan dengan iye pembayaron delakuko.²⁶Mengka, hambo iye tesungkur ngan menyembah tuan iye, ujonye, 'Besabarlah kenempatke ngan ake bakal membayar segelonye ngan kowe,' ²⁷Mengka, tuan deri hambo iye sajo tesihan, ngan membebaskonye, ngan membori ampunon atas hutang iye.²⁸Cuma hambuk, tekalo hambo iye keluor ngan betomu dengan hambo loin nyo behutang 100 dinar nganenye, enye menangkop serta mencokol hambo iye, ngan bekehato, 'Bayar belekko duit nyo kou pinjam derike!' ²⁹Mengka, hambo nyo behutang iye besujud ngan memohon ngan enye, ujonye, ' Besabarlah nganke ngan ake bakal membayar segelo nye denganwe.'³⁰Cuma hambuk, nye menolak ngan memasukko kantinyo iye ke penjaro sampoi enyo iye pacok melunasi segelo hutang iye. ³¹Tekalo hambo-hambo loin ngoleh kejedion iye, mike menjedi sajo sedih mengka njongok ngan melaporko kenempat tuannye tentang segelo sesuatu nyo lah terjedi.³²Mengka, tuannye memantou hambonyo pertamo iye ngan bekehato kenempat enye,' kowe hambo nyo jahat. Ake mengampuni segelo hutangme ulenyo kowe memohon nganke. ³³Bukon idok kowe seharusnye memiliki belos kesihan kenempat sesamome hambo, upa ake jugo la menunjukko belos kesihan nganme?'³⁴Ngan, tuannye, dengan ponoh kemarohon, menyerahkonye kenempat padong penyikso sampoi enye depot membayar belekko segelo nyo depinjamko ngannye. ³⁵Bepak-Ke de serga jugo bakal melakuko hal nyo samo kenempat kowe, munye kowe hopi mengampuni dulurme deri delom hatime."

( Perumpamoon tentang Padong Pekerejo Kebon Anggur ) ¹" Sabab, Kerajaon Serga adolah upa pemilik kebon nyo pagi -pagi sekali nak ndelok pekerejo-pekerejo bage kebon anggurnye. ²Tekalo iye sodah sepakat dengan padong pekerejo untuk sedinar seari, nye menyuruhko mike kekebon anggurnye.³Ngan, kiro-kiro tekalo jam tiga nye bejelon ngan ngoleh nyo loinnye sedang togok nganggur de tempat umum. ⁴Mengka, enye bekehato ngan mike, ' kowe, bejelonlah jugo ke kebon anggur ngan ape nyo pantas nak kuboriko ngan kowe.' Ngan mike pun bejelon.⁵Sekali lagi,sekitar jam enom ngan jam sembilan iye bejelon ngan melakuko hal nyo samo. ⁶Ngan, kiro-kiro tekalo jam sebelas, nye bejelon ngan menomuko nyo loin sedang togok ngan enye buik ngan mike,' mengka kowe togok de sie menganggur sepanjong hari?' ⁷Mike buik ngan enye, ' ulenyo bolum ado nyo memperekerejoko kamie.' Pemilik kebon iye buik ngan mike,' kowe, pogilah jugo ke kebon anggurke.'⁸Tekalo hari sodah mulai malom, pemilik kebon iye buik ngan mandur nye,' Pantoulah padong pekerejo ngan bayarlah ngan enye upah nye, de mulai dengan nyo teaher sampoi nyo pertamo.' ⁹Tekalo mike de pekerjoko tekalo jam sebelas, njongok, masing-masing urang menerimo 1 dinar. ¹⁰Tekalo mike de pekerejoko pertamo kali, njongok, mike mengiro nak nerimo lobih lobot. Cuma, mike masing-masing jugo nerimo 1 dinar.¹¹Tekalo nerimonye, mike memprotes kenempat pemilik kebon. ¹²Mike buik, ' Urang-urang nyo masuk teaher anyo bekerejo selamo 1 jam, ngan kowe membuat mike samo dengan kamie, nyo sodah menanggung bobon ngan hangot poang seari-ari.¹³Cuma hambuk, pemilik kebon iye menjawab ngan buik kenempat deri mike, ' Dulur, ake hopi besaloh ngan kowe. Bukonkah kowe la sodah sepakot dengan ake untuk sikuk dinar ? ¹⁴Ambeklah, milikme ngan pogilah, cuma ake amat mboriko ngan urang nyo kendion nie, samo upa ngan kowe.¹⁵Ibo ake hopi debonorko untuk melakuko apepun nyo ku amatko terhadap milikku dewek? atau, mengka matome jahat ulenyo ake beik?' ¹⁶Jedi, nyo kendion bakal menjedi nyo pertamo, ngan nyo pertamo bakal menjedi nyo kendion."(Yesus Buik Lagi tentang Kemation-Nye) ¹⁷Tekalo Yesus nak bejelon ke Yerusalem ,Enye ngunda dua belas muridNye secaro bepecah. Delom pejelonon, Enye buik ngan mike, ¹⁸" Koleko, kite sedang menuju Yerusalem ngan Anak Mendesio bakal deserahko kenempat imam-imam kepalo ngan ahli-ahli Torat. Mike bakal menghukum-Nye dengan kemation. ¹⁹Mengka, mike bakal nyerahkonye Enye kenempat bengeso-bengeso loin bakal mengucak, mencambuk, ngan menyalibko-Nye. Ngan, singgo hari ketiga, Enye nak debangketko.'(Permohonon Induk deri Anak-aAnak Zebedeus) ²⁰Mengka, induk deri anak-anak Zebedeus ngan anak-anaknye njongok kenempat Yesus ngan sujud nak meminta sesuatu kepodo Yesus. ²¹Ngan, Yesus buik kenempat Enye," ape nyo kou amatko?" Induk iye menjawab, "Perintahkolah supaya kedua anakke buleh duduk delom kerajoon-Me, sikok de sebelah kanan-Me ngan sikok de sebelah kiri-Mu."²²Cuma hambuk, Yesus nyimbot," Kowe hopi tereti ape nyo kou pintak. Ibo kowe sanggup minom deri cawan nyo nak kou minom?" Mike buik ngan Yesus, " Ao, kamie sanggup." ²³Yesus sebuik ngan mike," Kowe memang nak minom deri cawan ke, cuma nak duduk de kanonke atau de kirike, bukon hak-Ku mborikonye, meloinko untuk mike nyo la desiapko uleh Bepak-Ke." ²⁴Tekalo sepuluh murid nyo loin ndongorkonye, mike bemarah ngan kedua dulur iye.²⁵Hambuk, Yesus mantou mike ngan buik," Kowe tahuko bahwa padong penguaso bengeso-bengeso loin memerentah pucuk mike, ngan urang-urang godong mike menjalonko wewenang pucuk mike. ²⁶Seharusnye hopi mumunye de antaro mike, cuma siape nyo amat menjedi godong de antaro mike, nye harus menjedi pelayanme. ²⁷Ngan, siape bae nyo amat menjedi nyo pertamo de antaro mike, nye harus menjedi hambome, ²⁸Samo upa Anak Mendesio nyo njongok bukon untuk delayani, meloinko untuk melayani ngan memboriko nyawo-Nye sebagai tebuson bage lobot urang."(Dua Urang Buta Desembuhko) ²⁹Ngan, tekalo mike meninggalko Yerikho, kerumunon godong urang mehaloui-Nye. ³⁰Ngan, dua urang buta nyo sedang duduk de pengger jelon, tekalo mendongor bahwa Yesus lewat, mike beseru," Tuhan, Anak Daud, kasihanilah kamie !" ³¹Urang lobot menegur mike enggak konyo mike diom. Cuma hambuk, mike semakin bias mekek," Tuhan, Anak Daud, kasihanilah kamie !"³²Mengka, Yesus berenti ngan memantou mike. Enye buik," apenyo kou amatko Ake lakuko untuk kowe?" ³³Mike buik ngan Enye, ' Tuhan, kamie amat mato kamie de bukakko." ³⁴Yesus tegerak sajo tesihan ngan mike, ngan menjamah mato mike, ngan seketiko iye jugo mike menerimo pengolehonnye belek, ngan mehalou Yesus.

( Yesus Desambut Upa Seurang Rajo ) ¹Tekalo mike sodah parok ngan Yerusalem ngan sodah sampoi de Betfage, de buket Zaitun, Yesus mengutus dua urang murid-Nye; ²Ujo-Nye ngan mike," pogilah kedesa nyo ado de depanme, ngan kowe bakal langsung menomuko seikuk anak keledai besamonye. Rombakilah kobotan mike ngan undalah keduanye kenempat Ake. ³Munye ado urang nyo ngehatoko sesuatu ngan kowe, kowe harus buik,' Tuhan memerlukonye,' ngan Enye bakal segera ngiremkonnye."⁴Hal nie terjedi enggak konyo tegenapi ape nyo de kehatoko ule nabi: ⁵" Kehatoko ngan betinaSion,' kolekolah, Rajomenjongok ngan kowe, rendah hati, ngannoek seikukkeledai, ngan seikukkeledai muda, anak derikeledai bobon.⁶Murid-murid bejelon ngan melakuko upa nyo sodah Yesus perentahko ngan mike. ⁷Mike ngunda keledai sereta anak keledai iye, ngan memotekko jubah-jubah mike de pucuk keledai-keledai iye, ngan Yesus duduk de pucuknye. ⁸Sebagion godong deri urang lobot iye mengamporko jubah-jubah mike de jelon, ngan nyo loinnye menotok ranteng-ranteng betong, mengka memotekkonye de jelon.⁹Lobot urang bejelon de depan-Nye ngan mike nyo mehalou-Nyebeseru, " Hosana bagi AnakDaud ! ' Deberkatilah Enyenyo njongok delom namoTuhan.' Hosana de nempat nyo maha tinggi!" ¹⁰Tekalo Yesus memasuki Yerusalem, seluruh kota degemparko. Mike betanyo," siape nyo nie?" ¹¹Ngan, urang lobot iye nyimbot," Enye adolah Nabi Yesus, deri Nazaret de Galilea."(Yesus Menyuciko Bait Allah) ¹²Mengka Yesus masuk ke Bait Allah ngan mengusir urang-urang nyo sedang bejuol bebeli de Bait Allah, mengka membalek geledekko meja-meja penukoron duit ngan bangku-bangku mike nyo menjuol burung-burung merpati. ¹³Enye buik ngan mike," Lah tetulis, ' Rumah-Ke bakal de sobut rumah doa,' cuma kowe menjedikonnye upa sangkor padong perampok." ¹⁴Ngan, urang nyo buta serta nyo lumpuh njongok kepodo-Nye de Bait Allah, mengka Enye menyembuhko mike.¹⁵Hambuk, tekalo padong imam kepalo ngan ahli-ahli Torat ngoleh mujizat-mujizat nyo sodah delakuko Yesus ngan ngoleh anak-anak nyo beseru delom Bait Allah, " Hosana bag Anak Daud," mike menjedi marah." ¹⁶Mengka, mike betanyo ngan Yesus," mengka kowe ndongornyo de kehatoko anak-anak nie?" ¹⁷Mengka, Yesus meninggalko mike ngan keluor deri kota iye ke Betania ngan bemalom de sane.(Yesus Menunjukko Kuaso Iman) ¹⁸Kinie, tekalo ari pagi, tekalo Yesus belek ke kota, Enye menjedi lapor. ¹⁹Ngan, tekalo ngoleh betong ara de pengger jelon, Enye njongok ngan hopi ado apo-apo, kecuali doun-doun bae. Ngan, Nye buik kenempat betong iye,' hopi bakal pernah ado buah lagi deri kowe sampoi selamo-lamonye!" saat iye jugo, betong ara iye dejedikon koreng.²⁰Tekalo murid-murid ngoleh tong nie, padong murid temanga-manga ngan betanyo," upamon betong ara iye koreng seketiko iye jugo?" ²¹Ngan, Yesus nyimboti mike," Sebonornyo Ake buik ngan kowe, munye kowe ado iman ngan hopi bimbang, kowe bukon anyo nak melakuko ape nyo delakuko terhadop betong ara nie, malahon munye kowe buik ngan gunong nie, ' Teangketlah ngan tecampoklah ke delom lout,' tong nie nak terjedi. ²²Ngan, segelo sesuatu nyo kou pintak delom doa, pecayolah, kowe bakal menerimonye."²³Tekalo Yesus masuk ke Bait Allah, padong imam kepala ngan padong tua-tua bengso Yahudi njongok kenempat Enye sementaro Enye sedang mengajor ngan betanyo," Dengan kuaso apolah Kowe melakuko hal-hal nie? Ngan, siapolah nyo membori-Me kuaso nie?" ²⁴Yesus nyimboti mike," Ake jugo nak menayako sikuk hal ngan kowe, nyo munye kowe pacok menjawabnye, Ake jugo nak memboritahuko dengan kuaso ape Ake melakuko segelo tong nie.²⁵Deri mone baptison Yohanes? deri serga atau deri mendesio?" Ngan, mike mulai ngengomong konye de antaro mike dewek, ujonye," Munye kite buik, deri Serga,' Enye nak buik, ' Munye upa iye, mengka kowe hopi pecayo ngan Yohanes?' ²⁶Cuma hambuk. munye kite menjawob,'Berasol deri mendesio.' Kite takut ngan urang lobot ulenyo mike segelo menganggap bahwa Yohanes adolah nabi." ²⁷Mengka mike nyimboti Yesus,' Kamie hopi tahuko."Ngan, Yesus buik, " Munye mumunye, Ake jugo hopi nak menelako ngan kowe dengan kuaso apolah Ake melakuko hal-hal nie."0Perumpamaon tentang Dua Urang Anak) ²⁸" Hambuk, ape pendepotme? Ado urang nyo mempunyoi dua anak jenton, ngan enye njongok kenempat nyo pertamo ngan buik," anakke, pogilah ngan begawelah ari nie de kebon anggur.' ²⁹Ngan, enye menjawob, ' Ao,Bepak,' hambuk sodah iye enye hopi bejelon. ³⁰Mengka bepak iye njongok kenempat nyo kedua ngan ngehatoko nyo samo. Anak iye menjawob,'hopi endok,'hambuk enye menyosol ngan bejelon.³¹Siapolah deri kedua nak iye nyo mematuhi bepaknye?" Mike buik," Nyo teaher." Yesus bekehato kepodo mike, "Sesungguhnye, Ake mengatako kepodome bahwa padong pengumpul pajak ngan pelacur-pelacur nak masuk Kerajaon Allah mendehului kowe. ³²Sabab, Yohanes njongok kenempat kowe delom jelon kebonoron ngan kowe hopi mempercayoinye, hambuk, padong pengumpul pajak ngan pelacur-pelacur mempercayoinye. Ngan, kowe tekalo ngoleh tong nie bukon idok hopi nyosol sodah iye shingga kowe depot mempercayoinye."(Perumpamaon tentang Pemilik ngan Penyatar Kebon Anggur) ³³" Dongorkolah perumpamoon nyo loin. Ado pemilik kebon nyo tanduri sebuah kebon anggur, ngan memasong kandong bekeliling, ngan menggali tapon pemerahon anggur, ngan menogokko menara. Mengka, enye menyatarko kebon anggurnye kenempat beberape petani, ngan enye bejelon keluor negeri. ³⁴Tekalo musim buah la nak sampoi, enye mengutus hambo-hambonye kenempat petani-petani iye enggak konyo menerimo buahnye.³⁵Ngan, padong petani menangkop padong pelayan iye ngan mengepuknyo sorang, ngan membunuh nyo sikuk, ngan nyo loinnye de petohukko ngan betu. ³⁶Sekali lagi,pemilik kebon iye menyuruh hambo-hambonye nyo loin, nyo lobih lobot deripado sebolumnye. Ngan, padong petani iye melakuko hal nyo samo terhadop mike. ³⁷Ahernye, pemilik kebon iye mengutus anaknye kenempat mike, ujonye,' mike nak menghormati anakke.'³⁸Cuma hambuk, tekalo padong petani iye ngoleh anaknye, mike buik deantaro mike dewek, ' Enye adolah ahli waris, maro kite bunoh enye ngan merampos warisannye.' ³⁹Mengka, mike menangkop anak pemilik kebon iye, melemparkonnye ke luor kebon anggur, ngan membunohnye.⁴⁰Ulenyo iye, tekalo pemilik kebon anggur iye njongok, ape nyo nak enye lakuko kenempat petani-petani iye?" ⁴¹Mike buik kenempat Nnye,"Nye nak membinasoko urang-urang jahat iye ngan sajo jahat, ngan nak menyatarko kebon anggur nye kenempat petani-petani nyo loin, nyo nak menyerahko kenempat nye buah-buag singgo musimnyo."⁴²Yesus buik ngan mike," Ibo kowe hopi perenah membeco delom Kitab Suci: ' Betu nyo decampok uleh tukang-tukang bengunon la menjedi betu penjuru. Hal nie terjedi deri pihak Tuhan, ngan hal nie ajaib de mato kite'?⁴³Ulenyo iye, Ake bekehato ngan kowe, Kerajaon Allah nak deambek derime ngan nak deboriko kenempat urang-urang nyo menghasilko buah derinye. ⁴⁴Ngan, siape nyo titek ke pucuk betu nie nak depecahko bekepeng-kepeng; ngan siape pun nyo detempa betu nie nak remuk."⁴⁵Tekalo imam-imam kepala ngan urang-urang Farisi mendongor perumpamoon-perumpamoon-Nye, mike tereti bahwa Yesus sedang ngomong tentang mike. ⁴⁶Cuma hambuk, tekalo mike berusaha nak menangkop Yesus, mike takut ngan urang lobot ulenyo urang lobot iye menganggap bahwa Yesus adolah nabi.

(Perumpamoon Tentang Urang Nyo De undang ke Pesta Pernikahon ) ¹Yesus buik lagi kenempat mike delom perumpamoon-perumpamoon, ujo-Nye, ²" Kerajaon Serga depot deumpamako upa seurang rajo nyo mengadako pesta perkawinon untuk anak jentonnye. ³Ngan, enye menyuruhko padong hambonye untuk memantou urang-urang nyo sodah de undang ke pesta iye, hambuk mike hopi endok njongok.⁴Mengka, rajo nyuruhko lagi hambo-hambo nyo loin, ujonye,' Gerahkolah kenempat urang-urang nyo deundang, Koleko, ake sodah mempersiapko hidangonke. Lembu-lembu jenton ngan ternak-ternak gomok segelo nyelah de semboleh, ngan segelonye sodah siap. Njongoklah keperjamuan kawin nie.'⁵Cuma hambuk, mike mengabaiko ngan pogi, nyo sikuk ke humanye, nyo loin ke usahanye, ⁶Ngan nyo loinnye menangkop hambo-hambo rajo iye, menyikso, ngan membunoh mike. ⁷Mengka, sang rajo bemarah, ngan mengerem tentara-tentaranye, membinasoko pembunoh-pembunoh iye, ngan menunu kota mike.⁸Mengka, enye buik kenempat hambo-hambonye,'pesta perkawinon sodah siap, hambuk urang-urang nyo de undang iye hopi layak. ⁹Uleh kerana iye, pogilah kejelon-jelon rayo ngan undanglah seberape lobot urang nyo depot kou tomui kepesta perkawinon nie.' ¹⁰Mengka, hambo-hambo iye pogi kejelon-jelon ngan mengumpulko segelo urang nyo mike tomui, nyo beik ngan nyo jahat. Ngan, tempat perkawinon iye de penuhi dengan padong tamu.¹¹Cuma hambuk, tekalo rajo masuk nak betomu dengan padong tamunye, enye ngoleh seurang de sane, nyo hopi menyarungko pakoyon nak pesta perkawinon. ¹²Enye buik ngan mike,'Dulur, upamone kowe pacok masuk ke maie hopi memakoi pakoyon nak pesta perkawinon?' Ngan, urang iye tediom.¹³Sesodah iye rajo iye buik kenempat hambo-hambonye,'kobotlah tangon ngan kakinye, ngan tohukkolah enye ke delom kekolomon nyo paleng luor. De sane akan ado ratopon ngan kertak gigi.' ¹⁴Sabab, lobot nyo de pantou, hambuk nyo sediket nyo de peleh."(Usaha Pemempen Yahudi nak Menjebak Yesus) ¹⁵Sodah iye, urang-urang Farisi bejelon ngan sekongkol enggak konyo enye depot menjorot Yesus dengan pembuikon-Nye. ¹⁶Ngan, Mike mengutus murid-murid mike kenempat Yesus, serompok dengan urang-urang Herodian. Mike buik," Guru, kamie tahuko bahwa kowe jujur ngan mengajarko jelon Allah delom kebonoron. Kowe hopi takut ngan siape pun ulenyo kowe hopi mengoleko rupa. ¹⁷Munye mumunye, kehatokolah pendepot-Me kenempat kamie. Ibo debonorko nak membayar pajak kaisar apo hopi?"¹⁸Cuma hambuk, Yesus tahuko kejahoton mike ngan buik," Mengka kowe mencuboi Ake, hai munafik ? ¹⁹Tunjukkolah ngan Ake duit nak untuk pajak iye." Mengka. mike menyerahko sekepeng dinar kenempat Enye.²⁰Ngan, Enye buik kenempat mike," Gambar ngan tulison siapekah nie?" ²¹Mike menjawab, " Kaisar ". Kemudian, Yesus bekehato kepado mike, "Uleh sabab iye, bayarlah kepodo kaisar hal-hal milik Kaisar, ngan kepodo Allah hal-hal nyo adolah milik Allah." ²²Tekalo mendongornyo, mike temanga-manga, ngan meninggako-Nye ngan bejelon.(Usaha Urang Saduki untuk Menjebak Yesus) ²³Tekalo hari nyo samo, urang-urang Saduki, nyo buik bahwa hopi ado kebangketon, njongok kenempat Yesus ngan betanyo kenempat Enye. ²⁴Mike buik," Guru, Musa buik bahwa munye seurang jenton teelek ngan hopi mempunyoi anak, dulur jentonnye arus mengawini bininye ngan menerusko keturunon bage dulurnye nyo teelek iye.²⁵Kinie, ado tujuh bedulur de antaro kamie. Nyo pertamo kawin, ngan telek hopi ado anak, ngan meninggalko bininye bage dulurnye. ²⁶Upa iyelah juga dengan nyo kedua, nyo ketiga, sampoi nyo ketujuh. ²⁷Aher deri segelonye, betina iye jugo teelek. ²⁸Tekalo hari kebangketon, betina iye menjedi bini siape deri ketujuh bedulur iye? Sabab, mike segelo la mengawininye."²⁹Cuma hambuk, Yesus nyimbot ngan buik kenempat mike," Mike tesosot, hopi tereti Kitab Suci ataupun kuaso Allah. ³⁰Sabab, tekalo hari kebangketon, mike hopi kawin atau pun dekawini, cuma upa malaikat-malaikat de serga.³¹Hambuk, mengenai kebangketon urang-urang teelek, bolumkah kowe membeco apa nyo dekehatoko ngan kowe uleh Allah, ³²' Akelah Allah Abraham, Allah Ishak, ngan Allah Yakub'? Enye bukon Allah urang nyo teelek, meloinko Allah urang nyo hidup." ³³Tekalo urang lobot mendongor hal iye, mike temanga-manga terhadop pengajoron-Nye.(Hukum Monekah nyo Paleng Penteng) ³⁴Cuma tekalo urang-urang Farisi mendongor bahwa Yesus lah membuat urang-urang Saduki tediom, bekumpullah mike. ³⁵Mengka, sikuk deri mike, seurang ahli hukum Torat, betanyo kenempat Yesus untuk menguji-Nye, ³⁶" Guru, perentah monekah nyo terpenteng delom hukum Torat?"³⁷Ngan, Yesus buik nga enye," Kowe harus mengasehi Tuhan Allahme dengan segenap hatime, ngan dengan segenap jiwome, ngan dengan segenap pekeronme. ³⁸Nie adolah perentah nyo sajo godong ngan nyo pertamo.³⁹Nyo kedua adolah upa nie," Kowe harus mengasehi sesamome upa badanme dewek.' ⁴⁰Delom kedua perentah nie, tergentung segelo Hukum Torat ngan kitab padong nabi."9Pertanyoon Tentang Mesias) ⁴¹Kinie, sementaro urang-urang Farisi bekumpul besamo, Yesus betanyo kenempat mike, ⁴²" Upamone pendepotme tentang Kristus? Anak siapekah Enye?" MIke bekehato kepaodo-Nye, "Anak Daud."⁴³Enye bekehato kenempat mike,"Munye upa iye, upamonelah Daud, delom Roh, memantou-Nye' Tuan', ujonye, ⁴⁴' Tuhan berfirman kenempat Tuanke, " Duduklah de sebelah kanon-Ke, Sampoi Ake menempatko musuh-musuh-Me de bewoh kaki-Me.'?⁴⁵Munye Daud memantou Kristus upa 'Tuan', upamone mungkin Enye adolah anak Daud?" ⁴⁶Hopi seurangpun nyo depot menjawob sikuk kehato pun ngan Enye. Ngan, sejak ari iye, hopi ado urang nyo berani menayoko pertanyoon-pertanyoon lagi ngan Enye.

( Yesus Mengecam Pemempen Agama ) ¹Sodah iye, Yesus buik kenempat urang lobot ngan murid-murid-Nye, ²" Padong ahli Torat ngan urang-urang Farisi duduk de pucuk keresi Musa. ³Ule kerena iye, segelo hal, selobot nyo mike kehatoko kenempat kowe, lakukolah ngan perhatikolah. Cuma hambuk, jengon lakuko perbuaton-perbuatonnye ule mike melabekonye, hambuk hopi melakukonnye.⁴Mike mengobotko bobon-bobon nyo berat ngan memotekkonye de pucuk behu urang loin. Cuma hambuk, mike dewek hopi ndok memendahkonye dengan jeri mike. ⁵Mike melakuko segelo perbuaton mike enggak konyo dekoleh urang. Mike mempelebor tali-tali sembahyangnye ngan mempergodong rumbai-rumbai hujung jubah mike.⁶Mike mengagomko tapon terhormat delom perjamuon, tapon duduk terdepan delom sinagoge-sinagoge, ⁷Salam penghormaton de tempat-tempat umum, ngan desobut Rabi ule urang-urang.⁸Cuma hambuk, mike jengon de sobut rabi kerena anyo sikuk Gurume, ngan kowe segelo bedulur. ⁹Jengon menyobut siape bae upa bepakme de denia nie kerena sikuk Bepakme, iyolah Enye nyo de serga. ¹⁰Jengon pula kowe de sobut pemempen ulenyo sikuk bae Pemempenme, iyolah Kristus.¹¹Hambuk, nyo paleng godong deantaro kowe, empuknye enye menjedi pelayonme. ¹²Siape nyo meninggiko dirinye nak derendahko ngan siape nyo merendahko dirinye nak de tinggiko.¹³Celakolah kowe, ahli-ahli Torat ngan urang-urang Farisi, urang-urang munafik ! kowe menutup pintu Kerajaon Serga de depan urang ulenyo kowe dewek hopi memasukinye ngan jugo hopi mengizinko mike nyo sedang masuk nak memasukinye. ¹⁴Celakolah kowe, hai ahli-ahli Torat ngan urang-urang Farisi, urang-urang munafik ! kowe melodok rumah padong jendo ngan untuk kepura-puraon kowe membuat doa-doa nyo panjong. Ulenyo iye, kowe bakal menerimo hukumon nyo lobih berat. ¹⁵Celakolah kowe, hai ahli-ahli Torat ngan urang-urang Farisi, urang-urang munafik ! Kowe mengendedoti louton ngan deroton nak ngunda seurang masuk kedelom agamame. Ngan, tekalo enye sodah menjedi saloh sikuknye, kowe menjedikonye anak nerako, dua kali lipot deripado kowe dewek.¹⁶Celakolah kowe, hao padong pemempen buta, nyo buik,' Siape nyo besumpah demi Bait Allah, hal iye hopi ado retinyo. Cuma hambuk, siape nyo besumpah demi emas Bait Allah, enye tekobot uleh sumpahnyo iye.' ¹⁷Kowe, nyo lali ngan nyo buta ! mone nyo tegodong, emas atau Bait Allah nyo mengudusko emas iye ?¹⁸Ngan,' Siape nyo besumpah demi altar, sumpah iye hopi ado retinyo. Cuma hambuk, siape nyo besumpah demi persembahon de pucuk altar iye, enye tekobot uleh sumpahnyo iye.' ¹⁹Hai kowe urang-urang buta ! Mone nyo tegodong, persembahon atau altar nyo mengudusko persembahon iye ?²⁰Ulenyo iye, siape nyo besumpah demi altar, besumpah demi altar ngan segelo nyo ado de pucuknye. ²¹Ngan, siape nyo besumpah demi Bait Allah, besumpah demi Bait Allah ngan demi Enye nyo diom de delomnye. ²²Ngan, siape nyo besumpah demi serga, besumpah demi tahta Allah, ngan demi Enye nyo duduk de pucuknye.²³Celakolah kowe, hai ahli-ahli Torat ngan urang-urang Farisi, urang-urang munafik! Kowe membori persepuluhonme deri selasih, adas manis, ngan jintan, hambuk lah mengabaiko hal-hal nyo sajo berat deri Hukum Torat, ulenyo keadilon, belos tesihon, ngan iman. Hal-hal nielah nyo seharusnye sodah kowe lakuko hopi mengabaiko hal-hal nyo loin. ²⁴Kowe, pemempen-pemempen buta, nyo menyareng ronget ngan menolon seikuk unta!²⁵Celakolah kowe, hai ahli-ahli Torat ngan urang-urang Farisi, urang-urang munafik! sabab, kowe meresehko bagion luor cangker ngan pingganme, hambuk bagion delomnye ponoh ramposon ngan keserakahon. ²⁶Kowe, urang-urang Farisi nyo buta! bersihko dehulu bagion delom cangker ngan pinggan, enggak konyo bagion luornye jugo pacok menjedi bersih.²⁷Celakolah kowe, ahli-ahli Torat ngan urang-urang Farisi, urang-urang munafik! Sabab, kowe samo upa kuboron nyo de encet puteh, nyo bagion luornye kekolehon beik, hambuk bagion delomnye ponuh dengan tulang-tulang urang teelek ngan segelo kenajison. ²⁸Upa iyelah jugo ngan kowe, nyo bagion luor kowe kekenan bonor bage mendesio. Cuma hambuk, pado bagion delom kowe ponuh kemunafikon ngan kejahaton.²⁹Celakolah kowe, ahli-ahli Torat ngan urang-urang Farisi, urang-urang munafik! Sabab, kowe membengun kuburon-kuburon padong nabi ngan memperbeiki nisan-nisan urang-urang saleh, ³⁰ngan buik,' munye kamie sodah hidup ngan maso nenek puyang kamie, kami hopi nak ngambik bagion dengan mike delom deroh padong nabi.' ³¹Dengan mumunye, kowe bersaksi terhadop badan me dewek bahwa kowe adolah anak-anak mike nyo membunoh padong nabi.³²Jedi, genaplah ukuron padong nenek puyang me. ³³Kowe, ulor-ulor beludak, upamone kowe nak melapasko diri deri hukumon neraka?³⁴Ulenyo iye, kolekolah, Ake mengutus nabi-nabi, urang-urang bijaksana, ngan ahli-ahli Torat kenempat mike. Beberape deri kowe nak kowe bunoh ngan salibko, beberape nak kowe kepukih de sinagoge-sinagogeme, ngan kowe aniayo deri kota ke kota, ³⁵Enggak konyo segelo deroh urang-urang bonor nyo de tumpahko de behumi, mulai deri deroh Habel, urang nyo bonor iye, sampoi kenempat deroh Zakharia, anak Berekhya, nyo kowe bunoh de antaro Bait Allah ngan Altar. ³⁶Sesungguhnye, ake ngehatoko ngan kowe bahwa segelo hal-hal nie nak njongok pucuk generasi nie."(Hukumon Bage Yerusalem) ³⁷" Oh Yerusalem, Yerusalem, nyo membunoh padong nabi ngan betohuknyo dengan betu mike nyo de utus kenempat nye.Alangko recapnyo Ake amat mengumpulko anak-anakme serompok, upa induk ayom mengumpulko anak-anaknye de bewoh kepaknye, hambuk kowe hopi endok. ³⁸Kolehlah, rumahme detinggalko bageme ngan menjedi sepi. ³⁹Sabab, Ake ngehatoko ngan kowe bahwa mulai kinie, kowe hopi nak ngoleh Ake lagi sampoi kowe buik,' Deberkatilah Enye nyo njongok delom namo Tuhan."

( Khotbah Yesus tentang aher zaman, Bait Allah bakal de runtuhko ) ¹Yesus keluor deri Bait Allah mengka bejelon tekalo padong murid-Nye njongok mak menunjukko bengunon Bait Allah kenempat Enye. ²Ngan, Enye betanyo ngan mike, " Hopikah kowe ngoleh segelo hal nie? Ake ngehatoko nyo sebonornyo ngan kowe bahwa hopi ado sikuk pun betu de sie nak de biarko ado depucuk betu nyo loin, nyo hopi nak deruntuhko."(Awal Penderitaoon) ³Ngan, tekalo Yesus duduk de pucuk buket Zaitun, murid-murid njongok kenempat Enye secaro dedewekon ngan buik," Buikkolah kenempat kamie, kapan hal-hal nie bakal terjedi ngan ape nyo bakal mnjedi tando kedetongon-Me ngan aher zaman nie?" ⁴Yesus nyimboti mike, " Perhatikolah enggak konyo jengon ado urang nyo menyosotko kowe. ⁵Sabab, lobot nyo nak njongok delom namo-Ke ngan buik,' Ake adolah Kristus,' ngan mike nak menyosotko lobot urang.⁶Kowe bakal mendongor peperangon ngan kabar-kabar tentang perang. Perhatikolah enggak konyo kowe hopi takut ulenyo hal-hal nie harus terjedi, hambuk nie bolum kesodahonnye. ⁷Sabab, bengeso nak bangket melawon bengeso, ngan kerajaon, ngan de segelo tempat bakal ado kelaporon ngan gempo behumi. ⁸Segelo hal nie adolah awal deri penderitakon saket melaherko.⁹Mengka, mike nak menyerahko kowe kenempat penganiayakon, ngan nak membunohme, ngan kowe nak de benci uleh segeloh bengeso ule namo-Ke. ¹⁰Tekalo waktu iye, lobot nyo nak tesandung, ngan nak saleng menyerahko, ngan membenci sikuk samo loin. ¹¹Lobot nabi palsu nak timbul ngan menyosotko lobot urang.¹²Sabab, pelanggaron sain betamboh, kaseh keloboton urang nak menjedi dingen. ¹³Cuma hambuk, urang nyo betahan sampoi aher nak de selamatko. ¹⁴Ngan, Injil Kerajaon nie nak de beritako ke segelo denia upa kesaksion bage segelo bengeso, ngan mengka kesodahan nak njongok.(Penderitaon Godong ngan Krsitus-Kristus Pelesu) ¹⁵" Jedi, tekalo kowe ngoleh pembinaso keji, upa nyo dekehatoko Nabi Daniel, togok detempat suci, hendaklah padong pembeco memahaminye, ¹⁶Mengka mike nyo ado de Yudea harus melariko diri ke pegunongon. ¹⁷Siape nyo ado de pucuk atop rumah, jengonlah enye turun untuk mengambik ape pun deri delom rumahnye. ¹⁸Siape nyo ado de huma, jengon belek untuk mengambek jubahnye.¹⁹Cuma, celakolah mike nyo sedang bunteng ngan mike nyo sedang nyusuko budak abangnye singgo hari-hari iye. ²⁰Bedoalah enggak konyo pelarion me jengo singgo musem dingen atau singgo hari Sabat. ²¹Ulenyo todo nak terjdi maso penderitaon godong, upa nyo bolum pernah terjedi sejak permulakon denia sampoi kinie, ngan hopi nak pernah terjedi lagi. ²²Ngan, munye hari-hari iye hopi de perpandok, hopi ado hidop nyo nak deselamatko. Hambuk, demi mike nyo terpeleh, hari-hari iye nak de perpandok.²³Sodah iye, munye urang buik ngan mike,'koleh,Kristus ado desie,'atau Enye ado de sane,'jengonlah pecayo ngan enye. ²⁴Sabab, kristus-kristus pelesu ngan nabi-nabi pelesu nak timbul ngan nak mengadoko nyo godong ngan mujizat-mujizat sehinggo menyosotko, munye mungken, bahkan mike nyo tepeleh. ²⁵Perhatikolah, Ake la ngehatokonye ngan kowe sebolumnye.²⁶Jedi, munye mike buik ngan kowe,'koleh, Enye ado de padang belantara,' jengon de jongok kiune, atau ' koleh, Enye ado de delom kamar iye,' jengon percayo ngan enye. ²⁷Sabab, samo upa kilat nyo memancor deri timur ngan besinar sampoi ke barat, upa iyelah jugo kedetongon Anak Mendesio nak terjedi. ²⁸De tempat nyo ado bengkoi, de sanelah burung nasar nak bekumpul."(Kedetongan Anak Mendesio) ²⁹" Segerah, sesodah maso penderitaon iye, ' Matoari nak dejedikon kolom, ngan bulan hopi nak memboriko cahayo, bintang-bintang nak betitekon deri langt, ngan kuaso-kuaso de langet nak de goncangko.'³⁰Mengka, tando Anak Mendesio nak timbul de langet ngan suku-suku de behumi nak meratop. Mike nak mengoleh Anak Mendesio njongok delom aban-aban de langet, dengan kuaso ngan kemuliaon nyo godong. ³¹Ngan, Enye nak mengutus malaikat-malaikat-Nye dengan suaro trompet nyo bias, ngan mike nak mengumpulko umat pilehon-Nye deri keempat penjuru behumi, deri hujung langet nyo sikuk ke hujung nyo loin.³²Kini, Pelajorilah perumpamoon deri betong ara tekalo rantengnye menjedi lombut ngan doun-dounnye betunos, kowe mengetahui bahwa musim poang sodah parok. ³³Upaiyelah jugo tekalo kowe mengoleh segelo hal nie, kowe tahuko bahwa Enye sodah parok, de ambang pintu.³⁴Sebonornyo, Ake ngehatoko ngan kowe bahwa generasi nie hopi nak belalu sampoi segelo hal nie terjedi. ³⁵Langet ngan behumi nak sayaou, hambuk firman-firman-Ke hopi nak sayaou."(Waktu Kedetongon Anak Mendesio) ³⁶" Cuma hambuk, mengenai hari ngan waktunye, hopi ado sikuk pun nyo tahuko, malaikat-malaikat de serga jugo hopi, Sang Anak pun hopi, hambuk Sang Bepa bae.³⁷Samo upa nyo terjedi tekalo zaman Nuh, upa iyelah pula kedetongon Anak Mendesio nak terjedi. ³⁸Sabab, upa tekalo hari-hari sebolum air bah, mike makon ngan minom, kawin ngan dekawinko, sampoi tekalo hari Nuh masuk kedelom bahtera. ³⁹Ngan, mike hopi memahaminye sampoi aek bah njongok ngan melenyapko mike segelo; upaiyelah jugo kedetongon Anak Mendesio nak terjedi.⁴⁰Mengka, nak ado dua urang de huma, nyo sikuk nak deambek ngan nyo sikuk de tinggalko. ⁴¹Dua betina nak menggileng de nempat betu kilangon, nyo sikuk nak de ambek ngan nyo sikuk nak de tinggalko. ⁴²Ulenyo iye, bejego-jegolah ule kowe hopi tohuko hari ap Tuhanme nak njongok.⁴³Hambuk, ketahuilah bahwa munye tuan rumah sodah mengetahui kapan, tekalo waktu malom, sipemaleng nak njongok, enye nak bejego-bejego ngan hopi nak nguyuko rumahny de bongkar. ⁴⁴Ule kerana iye, kowe jugo harus siap sedio ulenyo Anak Mendesio njongok singgo waktu nyo kowe hopi mendugonye.(Hambo nyo Setia ngan Hambo nyo Jahat) ⁴⁵" Mengka, siapolah hambo nyo setio ngan bijaksana, nyo tuannye angkot pucuk seluruh rumahnye nak membori mike makonon singgo waktu nyo tepat ? ⁴⁶Deberkatilah hambo iye, nyo tekalo tuannye njongok, tuannye iye mendepoti Enye sedang begawai demikion rupa. ⁴⁷Sajo sungguh, Ake buik ngan kowe bahwa tuan iye nak mengangkot hambonye iye pucuk segelo miliknye.⁴⁸Hambuk, munye hambo nyo jahat iye buik delom hatinye, 'Tuanke pi jedi njongok,' ⁴⁹Mengka enye mulai ngepuki hambo-hambo nyo loin, mengka makon ngan minom serompok dengan nyo mabuk; ⁵⁰Tuan deri hambo iye nak njongok tekalo hari enye hopi mengharopkonye ngan tekalo waktu nyo hopi enye ketahui, ⁵¹Ngan nak memancungnye, ngan menempatkonye eny serompok urang-urang munafik. Detempat iye, nak ado tangeson ngan kertak gigi.

(Gades nyo lali ngan nyo bijaksana ) ¹"Mengka, Kerajaon Serga nak deumpamako dengan sepuluh gedis nyo mengunda lampu-lampunye ngan bejelon nak betomu mempelai nyo jenton. ²Lima deantaro mike adolah lali, ngan lima nyo loinnye adolah bijaksana. ³Tekalo nyo lali iye mengunda lampu-lampunye, mike hopi mengunda minyak serompok enye. ⁴Cuma, nyo bijaksana menunda minyak delom gurai kecik serompok dengan lampu-lampu mike.⁵Kinie, tekalo mempelai jenton iye menunda kedetongonnye, mike segelo ngantuk ngan tiduk. ⁶Cuma, tekalo tangah malom ado teriak on,' mempelai jenton njongok ! keluorlah nak nyambutnye !'⁷Mengka, segelo gedis iye jego ngan merapiko lampu-lampu mike. ⁸Ngan, nyo lali buik kenempat nyo bijaksana, ' Borilah kenempat kamie kekecekon minyakme ule lampu-lampu kamie lanak padom.' ⁹Cuma hambuk, ' hopi, hopi bakal cukup nak kamie ngan nak kowe. Lobih beik, pogilah kenempat nyo menjuol minyak ngan bolilah nak kou dewek.'¹⁰Sementaro mike pogi nak memboli, mempelai jenton iye njongok, ngan mike nyo siap, masuk serompok dengan enye ke perjamuon kawin, ngan pintu de tutup. ¹¹Sesodah iye, njongok pula gedis-gedis nyo loinnye ngan buik,'tuan,tuan! bukakolah untuk kamie.' ¹²Cuma hambuk, enye nyimbot,' sesungguhnye, ake buik ngan kowe, ake hopi kenal ngan kowe.' ¹³Ulenyo iye, bejego-jegolah ulenyo kowe hopi tahuko hari atau waktunye."(Perumpamoon tentang Tiga Pelayan) ¹⁴" Sabab, Kerajaon Serga samo upa seurang nyo nak bejelon keluor negeri, nyo mamantou hambo-hambonye ngan menyerahko miliknye kenempat mike. ¹⁵Kenempat nyo sorang, enye memboriko 5 talenta. Kenempat nyo loinnye, 2 talenta, ngan kenempat nyo loinnye lagi 1 talenta. Beberong endokon sesuoi kemampuonnye. Mengka, enye pogi. ¹⁶Urang nyo menerimo 5 talenta iye detong lari, ngan menjelonko talenta iye, ngan enye menghaselko 5 talenta lagi.¹⁷Upa iyelah jugo urang nyo menerimo 2 talenta, enye menghaselko 2 talenta lagi. ¹⁸Cuma hambuk, urang nyo menerimo 1 talenta iye lari, ngali lubang de tanoh, ngan ngerawoko duit tuannye.¹⁹La sodah iye, tuan deri hambo-hambo iye njongok ngan mengadoko perhitungon dengan mike. ²⁰Urang nyo lah menerimo 5 talenta iye menghadop ngan mengunda 5 talenta lagi, ujonye, ' Tuan, kowe menyerahko 5 talenta ngan ake. Kolehlah, ake la menghaselko 5 talenta lagi.' ²¹Tuannye buik kenempat enye,' Sajo beik, hambo nyo beik ngan setia. Kowe setia dengan hal-hal kecek, ake nak mengangkot kowe pucuk lobot hal, masuklah kedelom sukacita tuanme.'²²Ngan, urang nyo menerimo 2 talenta menghadop ngan buik,'Tuan, kowe menyerahko 2 talenta ngan ake. Koleh, ake la menghaselko dua talenta lagi,' ²³Tuannye nyimboti,'sajo beik, hambo nyo beik ngan setia. Kowe setia dengan hal-hal kecek, ake nak mengangkot kowe pucuk lobot hal, masukklah ke delom sukacita tuanme.'²⁴Mengka, urang nyo menerimo 1 talenta jugo menghadop ngan buik,'Tuan, ake tahuko kowe urang nyo kejam, menuo detempat nyo kou hopi menabur, ngan mengumpulko de tempat nyo kou hopi menyebarko beneh. ²⁵Ulenyo iye, ake takut, ngan lari ngan ngerawoko talentame de delom tanoh. Koleko, kowe memiliki ape nyo menjedi milikme.'²⁶Hambuk, tuannye nyimboti ngan buik kenempat enye,' kowe hambo nyo jahat ngan penyogon ! kowe tahuko bahwa ake menuoi de tempat nyo ake hopi menabur ngan mengumpulko detempat nyo ake hopi menyebarko beneh. ²⁷Ulenyo iye, seharusnya kowe menyopi duitke de bank ngan tekalo ake belek, ake nak menerimo milikke kembali dengan bunganye.²⁸Ambiklah 1 talenta iye derinye ngan boriko kenempat enye, nyo memiliki 10 talenta iye. ²⁹Sabab, setiap urang nyo memiliki bakal debori lagi, ngan enye bakal bekelimpahon. Cuma hambuk, deri urang nyo hopi memiliki, bahkan apa nyo enye miliki bakal de ambik. ³⁰Tohukko hambo nyo hopi beguna iya kedelom kekolomon nyo paleng tekabut. De nempat iye bakal ado ratopon ngan kertak gigi."(Penghakiman uleh Anak Mendesio) ³¹" Tekalo Anak Mendesio njongok delom kemuliaon-Nye,ngan padong malaikat serompok-Nye, mengka enye bakal duduk de tahta kemuliaon-Nye. ³²Segelo bengeso nak de kumpulko de hadopon-Nye, ngan Nye nak memisahko mike sikuk deri nyo loin, upa gembala nyo memisahko domba deri kambing-kambing. ³³Ngan, Nye nak menempatko domba-domba de sebelah kanan-Nye, ngan kambing-kambing de sebelah kiri.³⁴Mengka Rajo nak buik kenempat mike nyo de sebalah kanon-Nye,' Marolah, kowe nyo deberkati uleh Bepak-Ke, warisilah Kerajaon nyo de sediako untukme deri permulaon denia. ³⁵Ulenyo telako Ake kelaporon, kowe membori Ake makon. Ake haus ngan kowe membori Ake minom. Ake urang asing, ngan kowe mengundang Ake masuk. ³⁶Ake betelanjong ngan kowe memakoiko Ake pakoiyon. Ake saket ngan kowe ngoleh Ake. Ake de penjaro ngan kowe njongok kenempat Ake.'³⁷Mengka, urang -urang bonor iye nak menjawob-Nye, ' Tuhan, kapan kamie ngoleh Kowe kelaporon ngan memboriMe makon, atau haus ngan membori-Me minom ? ³⁸Kapan kamie ngoleh Kowe sorang asing ngan mengudang Kowe masuk, atau betelanjang ngan memakoiko pakoyon? ³⁹Kapan kamie ngoleh Kowe saket atau de penjaro ngan kamie njongok kenempat Kowe?' ⁴⁰Rajo iye nak menyimboti, ' Ake ngehatoko nyo sebonornye ngan kowe, upamone kou melakuko terhadop sikuk deri dulur-dulur-Ke nyo paleng kecek nie, kowe melakukonye untuk Ake.'⁴¹Mengka, enye nak buik jugo kenempat mike nyo de sebelah kiri-Nye, ' pogilah deri hadopon-Ke, kowe nyo tekutuk, kedelom api abadi nyo lah desiapko untuk belis ngan malaikat-malaikatnye. ⁴²Sabab, Ake lapar ngan kowe hopi membori-Ke makon, Ake raus ngan kowe hopi membori-Ke minom. ⁴³Ake urang asing ngan kowe hopi mengundang-Ke masuk; betelanjong ngan kowe hopi memakoiko Ake pakoyon; saket ngan depenjaro, ngan kowe hopi ngoleh Ake.'⁴⁴Mengka, mike jugo nak nyimbot, ' Tuhan, kapan kamie ngoleh Kowe kelaporon atau raus,atau sorang asing, atau saket,atau betelanjong,atau de penjaro, ngan hopi melayoni-Me?' ⁴⁵Mengka, enye nak menyimboti mike," Ake ngehatoko nyo sebonornye ngan kowe, upamone kowe hopi melakukonye terhadop sikuk deri mike nyo paleng kecek nia, kowe hopi melakukonye ngan Ake.' ⁴⁶Ngan, mike nie nak bejelon kedelom penghukumon kekal, hambuk urang-urang bonor kedelom kehidupon kekal."

(Rencano nak membunoh Yesus ) ¹Tekalo Yesus sodah menyelesaiko segelo pembuikon-pembuikon nie, Nye buik ngan murid-murid-Nye, ²" Kowe tahuko bahwa dua hari lagi Paskah sampoi, ngan Anak Mendesio nak deserahko untuk de salebko."³Mengka, padong imam kepala ngan tua-tua bengeso iye de kumpulko serompok de istana Imam Godong, nyo benamo Kayafas. ⁴Ngan mike sekongkol untuk nangkap Yesus dengan tipu dayo ngan membunoh-Nye. ⁵Cuma hambuk mike buik,' Jengon selamo perayohon empunyo jengon ado kerusuhon de antaro urang lobot."⁶Kinie, tekalo Yesus berado de Betania, de rumah Simon si kusta, ⁷seurang betina njongok kenempat Enye dengan segudu guci pualam kecek berisi minyak wangi nyo sajo berega, ngan betina iye menyiramkonye ke pucuk kepalo Yesus tekalo Enye sedang duduk makon. ⁸Tekalo murid-murid ngolehnye, mike marah ngan buik, " Mengka pemborosan nie ? ⁹Sabab, minyak wangi iye depot dejuol untk rego nyo mahal ngan diboriko kenempat nyo mesken.¹⁰Cuma, Yesus, mengetahui hal nie, buik kenempat mike," Mengka kowe menyusahko betina nie? Sabab, enye melakuko perbuaton beik pucuk-Ke. ¹¹Sabab, kowe selalu mempunyoi urang-urang mesken samo ngan kowe, cuma kowe hopi nak selalu mempunyoi Ake.¹²Tekalo betina nie menyiramko minyak wangi ke badan-Ke, enye melakukonye untuk mempersiapko penguburon-Ke. ¹³Ake ngehatoko nyo sebonornye ngan kowe bahwa de mone bae Injil nie de beritako ke seluruh denia, ape nyo sodah delakuk betina nie nak de buikko pula upa peringoton akan nye.(Rencana untuk Mengkhianati Yesus) ¹⁴Mengka, sikuk deri kedua belas murid, nyo benamo Yudas Iskariot, njongok kenempat imam-imam kepalo, ¹⁵ngan buik, " Kowe nak memborike ape munye ake menyerahko Nye ngan kowe?" ngan, mike menetapko 30 keping perak untuk enye. ¹⁶Ngan, sejak iye, enye ndelok kesempaton beik untuk menyerahko Yesus.(Hidangon Paskah) ¹⁷Kinie, tekalo hari pertamo Roti Hopi Beragi, padong murid njongok kenempat Yesus ngan betanyo," Demone kowe amat kamie mempersiapko makon paskah bagi-Me?" ¹⁸Yesus nyimbot," Masuklah ke kota, kenempat urang, ngan gerakkolah ngan Enye,' Guru buik," Waktu-Ke sodah parok. Ake nak merayako Paskah de rumahme besamo murid-murid-Ke.""" ¹⁹Padong murid melakuko upa Yesus lah beposon ngan mike, ngan mempersiapko paskah iye.²⁰Kinie, tekalo mulai malom, Yesus duduk makon serompok dengan kedua belas murid. ²¹Ngan, tekalo mike sedang makon, Enye buik," Ake ngehatoko nyo sebonornyo ngan kowe bahwa saloh sikuk deri kowe nak mengkhianati Ake." ²²Mike sajo sedih ngan beberongendokon urang mulai ngomong ngan Enye," Pastinye, bukon ake, Tuhan?"²³Ngan, enye nyimbot," Enye, nyo mencelupko tangonye ke delom mangkuk serompok Ake, iyelah nyo nak menghianati Ake. ²⁴Anak Mendesio nak pogi upa nyo tetules tentang Enye. Cuma, celakolah urang iye, nyo ulehnyo Anak Mendesio de khianati ! Nak lobih beik bage urang iye munye enye hopi pernah de laherko." ²⁵Mengka Yudas, nyo nak menyerahko Yesus, buik ngan Enye," pesti bukon ake, Rabi?" Yesus buik ngan enye," kowe sodah ngehatokonye."²⁶Tekalo mike sedang makon, Yesus mengambik roti. Ngan, sesodah memberkatinye, Yesus mamacah-macah ngan memborikonye kenempat padong murid ngan buik, " Ambeklah ngan makonlah, nie adolah badan-Ke."²⁷Mengka, Enye mengambek cawan, mengucap syukur, ngan memborikonye kenempat mike, ujo-Nye," Kowe segelo, minomlah deri padonye. ²⁸Sabab, nie adolah deroh-Ke, deroh perjanjion, nyo de tumpahko untuk lobot urang untuk pengampunon doso-doso. ²⁹Ake ngehatoko ngan kowe bahwa Ake hopi nak meminom hasel betong anggur nie, deri kinie sampoi hari iye, tekalo Ake meminom anggur nyo beheru serompok kowe delom kerajaon Bepak-Ke."³⁰Sesodah menyanyiko sebuah pujion, mike bejelon ke buket Zaitun. Petrus nak menyangkoli Yesus ³¹Mengka Yesus buik ngan murid-murid-Nye," Kowe segelo nak te ibo ulenyo Ake malom nie. Ulenyo ado tetules, ' Ake nak mengepuk gembala, ngan domba-domba deri kantinyo iye nak tepecah-pecah.' ³²Cuma hambuk, sesodah Ake bangket, Ake nak ndehului kowe ke Galilea."³³Petrus buik, " Kemego segelo teiboh ulehnyo Kowe, ake hopi nak pernah teiboh." ³⁴Ujo Yesus ngan enye, " Ak ngehatoko nyo sebonornye ngan kowe bahwa singgo malom nie, sebolum hayom bekukuk kowe nak menyangkal Ake tiga kali." ³⁵Petrus buik ngan Enye, " Kemego ake harus teelek serompok-Me, ake hopi nak menyangkol-Me!" Segelo murid nyo loin jugo ngehatoko hal nyo samo.(Yesus Bedoa de Getsemani) ³⁶Mengka Yesus sampoi serompok murid-murid-Nye de tempat nyo benamo Getsemani ngan Enye buik ngan murid-murid-Nye," Duduklah de sie, sementaro Ake nak kiun untuk bedoa." ³⁷Ngan, Enye ngundo Petrus ngan kedua anak Zebedeus serompok-Nye, ngan Enye mulai beduko ngan besusah hati. ³⁸Mengka, Enye bepelabe ngan mike, " Hati-Ke sajo beduko, bahkan upa nak teelek rasonye. Tinggallah de sie ngan tetaplah bejego-jego ngan Ake."³⁹Ngan, Enye ekak menyengker, mengka sujud ngan wajah-Nye mengusuk tanoh ngan bedoa, ujo-Nye, " Bepak-Ke, munye mungkin, biarlah cawan nie belalu deri-Ke. Cuma hambuk, jengon upa nyo Ake kehendaki, meloinko upa kehendok-Me." ⁴⁰Mengka, Enye njongok kenempat murid-murid-Nye ngan nerebiti mike sedang tidok. Mengka, Enye buik ngan Petrus, " Jedi, kowe hopi sanggup bejego-jego serompok Ake selamo 1 jam? ⁴¹Bejego-jego ngan bedoalah enggak konyo kowe jengon titek ke delom pencobaon. Roh memang penurut cuma deging lamah."⁴²Yesus bejelon lagi untuk kedua kalinye ngan bedoa, ujo-Nye, " Bepak-Ke, munye nie hopi depot belalu kecuali Ake meminomnye, kehendok-Melah nyo nak terjedi."⁴³Sekali lagi, Enye njongok ngan mendepoti mike tiduk ule mato mike teraso berat. ⁴⁴Mengka, Enye meninggalko mike, ngan Enye bejelon lagi, mengka bedoa untuk ketiga kalinye, mengucapko kehehato nyo samo.⁴⁵Mengka Yesus ngulang panggol kenempat murid-murid ngan buik, " Tidurlah kinie ngan berentilah. Koleko waktunye sain parok ngan Anak Mendesio de serahko ke tangon urang-urang bedoso. ⁴⁶Jegolah, maro kite bejelon. Kolehko, urang nyo menyerahko Ake la parok."(Penangkapon Yesus) ⁴⁷Sementaro Yesus lagi buik, Yudas, sikuk deri kedua belas murid iye njongok. Serompok ngan Enye, kerumunon godong urang lobot dengan pedang ngan pentung, deri imam-imam kepalo ngan tua-tua bengeso iye. ⁴⁸Kinie, enye nyo menyerahko Yesus membori mike tando, ujo-Nye," Siape nyo ake cium, iyelah Enye tangkoplah Enye."⁴⁹Yudas detong parok kenempat Yesus ngan buik, " Salam, Rabi!" ngan, Yudas mencium-Nye. ⁵⁰Yesus buik ngan enye, " Kanti, lakukolah maksud kedetongonme." Kemudian urang lobot iye mendekat, meletakko tangon podo Yesus, ngan menangkop-Nye.⁵¹51 Ngan, kolehko, sikuk deri mike nyo besamo Yesus mengulurko tangonnye, menarek pedangnye, ngan menyerang hambo imam godong iye, ngan menotok telinganye. ⁵²Mengka, Yesus buik ngan enye, " Belekko pedangme ke tempatnye, ule segelo nyo menggunako pedang nak benasa ule pedang. ⁵³Atau, kou peker ake hopi pacok memohon kenempat Bepak-Ke, ngan Nye, kinie jugo, nak membori lobih dua belas pasukon malaekat untuk-Ke? ⁵⁴Hambuk, upamone todo kitab suci de genapi nyo ngehatoko enggak konyo harus terjedi mumunyelah ?⁵⁵Tekalo waktu iye, Yesus buik kenempat urang lobot iye," mengkah upa melawon perampok kou keluor dengan pedang ngan pentung untuk menangkop Ake? Setiap hari, Ake duduk mengajor de Bait Allah ngan kowe hopi menangkop Ake. ⁵⁶Cuma hambuk, segelo nie terjedi enggak konyo kitab-kitab padong nabi de genapi." Mengka, segelo murid meninggalko-Nye ngan melariko diri.(Padong Pemempen Yahudi Menghakimi Yesus) ⁵⁷Mike nyo menangkop Yesus mengunda-Nye kenempat Kayafas, tong imam godong, tempat padong ahli-ahli Torat ngan padong tua-tua bekumpul besamo. ⁵⁸Mengka, Petrus mehaloui Yesus deri sajo jouh sampoi ke halaman rumah imam godong. Ngan, Petrus masuk, duduk serompok padong pengawal untuk behimbang sampoi soda.⁵⁹Kinie, padong imam kepalo ngan segelo Sanhedrin mendelok kesaksion pelesu terhadop Yesus enggak konyo depot menghukum teelek Enye. ⁶⁰Cuma hambuk, mike hopi depot menemukonye kemego lobot saksi dusta nyo njongok. Mengka, ado dua urang nyo muncul, ⁶¹Ngan buik, " Orang nie buik,' Ake pacok merobohko Bait Allah ngan membengunnye lagi delom jangka tiga hari."⁶²Mengka, Imam godong togok ngan buik kenempat Yesus, " Ibo kowe hopi ado jawabon ? ape nyo urang-urang nie saksiko terhadop-Me ?" ⁶³Cuma, Yesus tetap melegun. Ngan, imam godong iye buik ngan Yesus, " Ake menyumpahi Kowe demi Allah nyo hidop empuknyo Kowe ngehatoko ngan kamie, ibo Kowe adolah Mesias, Anak Allah ?" ⁶⁴Yesus buik kenempat Nye," Kowelah mbuikonye dewek. Cuma hambuk, Ake ngehatoko ngan kowe bahwa mulai kinie kowe nak ngoleh Anak Mendesio duduk de sebelah kanon Nyo Mahakuaso, ngan njongok de pucuk aban-aban de langet."⁶⁵Mengka, Imam Godong nyenyegit pakoionnye ngan buik,"Enye soda menghujat! Ape lagi nyo perelu padong saksi? Koleko, kinie kowe soda mendongor hujaton-Nye. ⁶⁶Upamone pendapatme?" Padong pemempen Yahudi iye njawab, "Nye pantas dihukum mati."⁶⁷Mengka, mike meludahi muka-Nye ngan meninju-Nye. Ngan, nyo loin menampor-Nye. ⁶⁸Mike buik," Bernubuatlah terhadop kamie, hai Mesias; siapekah nyo mengepuk kowe?"(Petrus hopi mengakui Yesus) ⁶⁹Kinie, Petrus duduk de luor tangalamon ngan seurang pelayon betina njongok kenempat enye ngan buik," Kowe jugo serompok dengan Yesus, urang Galilea iye." ⁷⁰Cuma, Petrus menyangkalnye de depan mike segelo, ujonye, " Ake hopi tahuko ape nyo kowe omongko."⁷¹Tekalo Petrus keluor ke pintu gerbang, pelayon betina nyo loinnye ngoleh enye ngan buik kenempat urang-urang nyo ado de sane," Urang nie bersamo-samo dengan Yesus deri Nazaret iye." ⁷²Ngan, sekali lagi Petrus menyangkolnye dengan sumpah," Ake hopi mengenal Orang iye."⁷³Hopi lamo soda iye, urang-urang nyo togok de sane memaroki Petrus ngan buik," Pesti kowe jugo adolah saloh sikuk deri mike ulenyo logatme membuatme jelas." ⁷⁴Mengka, Petrus mulai mengutuk ngan besumpah, ujonye," Ake hopi mengenal Orang iye." Ngan, tiba-tiba, hayom jenton bekukuk. ⁷⁵Ngan, Petrus teringot ngan pembuikon Yesus, " Sebolum hayom jenton bekukuk, kowe nak menyangkali Ake tiga kali." Mengka, Petrus keluor ngan meratop dengan sajo sedih.

( Yesus de hadopon Gubernur Pilatus ) ¹Kinie, tekalo ari pagi njongok, segelo imam kepalo ngan padong tua -tua bengso iye mengambik keputuson serompok mengenai Yesus untuk menghukum mati Nye. ²ngan mike ngobotko Yesus , mengka ngunda-Nye ngan menyerahko-Nye kepodo Gubernur Pilatus(Yudas bunoh diri) ³Tekalo Yudas , nyo nyerahko Yesus ngoleh behwa Yesus de jatuhi hukumon, enye meraso menyosol ngan membeleko 30 keping perak kenempat imam-imam ke kepalo ngan padong tua-tua, ⁴ujonye ,''Akelah bedoso ulenyo menyerahko deroh nyo hopi besaloh''. ⁵Ngan,Yudas menohuko kepeng-kepeng perak iye ke delom Bait Allah ngan meninggalkonye. Mengkah, enye bejelon ngan mengentungko dirinye.⁶Cuma hambuk, imam-imam kepalo mengambek kepeng-kepeng perak iye ngan buek ,''Hopi de bonorko untok menyimpan nye delom perbendaharaon ulenye adolah rega deroh.'' ⁷Mengka, mike mengambik keputuson bersamo ngan dengan duit iye, mike mboli tanoh tukang perluk upa tapon kuburon untok urang-urang aseng. ⁸Iyelah sabab nyo,tanoh iye de sobut' Tanoh Deroh' sampoi hari nie.⁹Mengkah memunyelah, genaplah ape nyo de buiko Nabi Yeremia: "Kemudian, mike ngambek 30 kepeng perak. Iyelah rega untuk diri-Nye lah detaksirko uleh urang-urang Israel. ¹⁰Mike mengunako 30 kepeng perak untok memboli tanoh tukang periok, upa nyo lah Tuhan perintahko kenempat Ake.''(Yesus Dan Gubernur Pilatus) ¹¹Kinie, Yesus togok de hadopon Gubernur ngan Gubernur betanyo ke nempat Enye,'' Ibo kowe Rajo urang Yahudi? '' Jawab Yesus, "Ao, upa nyo kowe bekehato." ¹²Cuma hambuk tekalo iye Nye de tuduh uleh imam-imam kepalo ngan padong tua-tua, Nye hopi menyimbot apo pun . ¹³Mengka Pilatus buek kenempat Enye , ''Ibo Kowe hopi mendongor sajo lobot nyo mike menuduh Kowe ?'' ¹⁴Cuma, Yesus hopi nyimbot Pilatus, bahkan untuk sikuk tuduhon pun sampoinyo Gubernur iye sajo temanga.(Pilatus Pijedi Membebasko Yesus) ¹⁵kinie, singgo setiap ari rayo, Gubernur biaso membebasko bagi urang lobot, tahanon nyo de amatko ule mike. ¹⁶Tekalo waktu iye, mempunyoi urang tahan on nyo tekenal , nyo desobut Barabas.¹⁷Jedi, tekalo urang lobot berkumpul, Pilatus bertanyo kenempat mike, ''Siape nyo kou amatko untuk kubebasko Barabas apo Yesus , nyo desobut Kristus ?'' ¹⁸Sabab, Pilatus tahuko bahwa ule nyo iri, mike lah menyerahko Yesus kenempat enye. ¹⁹Tekalo Pilatus sedang duduk de keresi pengadilon , bini nye ngirem pesan kenempat enye ''Jengon lakuko ape pun terhadop Urang beik iye. Sabab ake lah menderita lobot hal ari nie delom mimpi ulenyo Enye ,''²⁰Cuma hambuk,imam-imam kepalo ngan padong tua-tua meyakinko urang lobot untuk mintak Barabas ngan membunoh Yesus . ²¹Gubernur bertanyo ngan mike ''Nyo mone deri ke dua urang nie nyo kou kendokoe untuk ku bebas ko bageme? Ngan mike buek, ''Barabas !'' ²²Pilatus buek ngan enye,'' Munye memunye, ape nyo harus kulakuko ngan Yesus, nyo de sobut Kristus?'' Mike segelo bekehato, "Salebko Nye!"²³ngan Pilatus bertanyo,'' Mengka? Enye lah melakuko kejahaton ape?'' Cuma, mike berteriak lobeh karas, "Salebko Nye!" ²⁴Tekalo Pilatus ngoleh bahwa enye hopi menyelesaiko ape pun, malah kerusuhon mulai terjedi, enye ngambik aik ngan membesuh tangonnye de depan urang lobot iye ngan buik,'' Ake hopi besaloh atas deroh Urang nie. iye urusonmu dewek!''²⁵Ngan , segelo urang iye nyimbot ''Deroh-Nye ado atas kami ngan anak-anak kamie !'' ²⁶Mengka, Pilatus membebasko Barabas bagi enye ngan sesodah mencambuki Yesus Pilatus menyerahko Nye untuk desalibko.(Tentara Pilatus Mengolok-olok Yesus) ²⁷Mengka, padong tentera gubernur membewo Yesus ke markas kediomon gubernur ngan mengumpulko segelo pasukon romawi mengelilengi Nye. ²⁸Mike menanggolko pakoion Yesus ngan menyarungko jubah ungu kenempat-Nye. ²⁹Ngan, sesoda menganyom sebuah mahkota berunok bersamo-samo, enye menyarungko nye de kepalo Yesus , sebetong buluh denempat tangon kanon-Nye, ngan bersujud de hadopon-Nye,ngan mengelek Enye, ujo nye,'' Salam Rajo urang Yahudi !''³⁰Mike meludahi-Nye, mengambik buluh iye, mengka mengepukkonye ke kepalo-Nye. ³¹Sesodah mike melegek-Nye, mike merombaki jubah ungu iye deri Yesus, ngan menyarungko lagi pakoion-Nye dewek, ngan ngunda-Nye bejelon untuk menyalibkon-Nye.(Yesus Desalibko) ³²Tekalo padong tentera iye keluor, mike menemuko seurang jenton deri Kirene nyo benamo Simon. Mike makso Simon untuk memikul salib Yesus. ³³Ngan, tekalo mike tiba de sebuah tempat nyo benamo Golgota, nyo berarti " Tempat Tengkorak ", ³⁴Mike membori-Nye anggur untuk deminom nyo decampur dengan empedu, ngan setelah nyo kicapi, Enye hopi endok meminomnye.³⁵Tekalo mike menyalibko Yesus, mike ngengagih pakoion-Nye de antaro mike dengan membuang undi. ³⁶Mengka, mike duduk ngan mengawasi-Nye de sane. ³⁷Ngan, de pucuk kepalo-Nye, mike memasong tuduhon terhadop-Nye," NIELAH YESUS, RAJO URANG YAHUDI."³⁸Tekalo waktu iye, ado dua urang penjahat nyo de salibko serompok dengan Yesus. Sikuk de sebelah kanon ngan nyo sikuk de sebelah kiri. ³⁹Ngan, urang-urang nyo lewat menghujat Enye sambil menggileng-gileng kepalo, ⁴⁰Ngan buik," Kowe nyo nak merobohko Bait Allah ngan membengunnye belek delom tiga hari, selamatkolah diri-Me dewek! munye Kowe Anak Allah, turunlah deri salib iye!"⁴¹Upa iyelah jugo imam-imam kepalo, bersamo ahli-ahli Torat, ngan padong tua-tua melegek Yesus, ujonye, ⁴²" Enye menyelamatko urang loin, hambuk Enye hopi depot menyelamatko Diri-Nye dewek. Munye Enya adolah Rajo Israel, biarlah Enye turun deri salib iye kinie ngan kite nak pecayo ngan -Enye.⁴³enye pcayo kenempat Allah, mangko biarlah Allah menyelamatko-Nye kinie, munye Allah menghendaki-Nye. Ulenyo nye dewek ngehatoko,' Ake adolah Anak Allah." ⁴⁴Padong penjahat nyo de salibko serompok dengan Enye jugo melegek-Nye.(Kemation Yesus) ⁴⁵Kinie, deri jam keenam, kekelomon pucuk seluruh tanoh iye, sampoi jam ke sembilan. ⁴⁶Kiro-kiro, tekalo jam sembilan, Yesus buik dengan suaro bias, ujo-Nye," Eli,Eli,Lama Sabakhtani ?"nyo artinye," Allah-Ke, Allah-Ke mengka Kou meninggalko Ake?" ⁴⁷Ngan, beberape deri mike nyo togok de sane, tekalo mike mendongor iye, mike buik," Urang nie sedang mantoui Elia."⁴⁸Tiba-tiba, sikuk deri mike belari, ngan mengambek bunga karang, membesohinye dengan anggur asam, ngan mengobotnye de sebetong buluh, ngan memboriko kenempat Yesus untuk de minom. ⁴⁹Cuma hambuk, nyo selobihnye buik," Maro kite kolehko, ibo Elia nak njongok untuk menyelamatko Enye." ⁵⁰Ngan, Yesus berseru sekali lagi dengan suaro bias ngan menyerahko Roh-Nye.⁵¹Ngan, koleko tirai delom Bait Allah teseget menjedi dua lerang, deri pucuk sampoi ke bewoh, ngan behumi begoyang, ngan betu-betu tebelah. ⁵²Kuburon-kuburon tebuka, ngan lobot badan urang-urang suci nyo la teelek de bangketko. ⁵³Ngan, setelah keluor deri kuburon-kuburonnye, sesoda kebangketon Yesus, mike masuk ke kota suci ngan menunjukko badan kenempat lobot urang.⁵⁴Kinie, kepalo pasukon, ngan mike nyo serompok dengannye mengawasi Yesus, tekalo mike ngoleh gempo behumi ngan segelo hal nyo terjedi nie, menjedi sajo takut ngan buik," Bonor, Enye adolah Anak Allah !" ⁵⁵Desane, ado lobot betina nyo ngoleh deri kejouhon, nyo mehalou Yerus deri Galilea untuk melayani Enye. ⁵⁶Deantaro mike ado Maria Magdalena, Maria induk Yakobus ngan Yusuf, serta induk deri anak-anak Zebedeus.(Yesus Dekuburko) ⁵⁷Tekalo hari mulai malom, njongoklah seurang nyo kayo deri Arimatea benamo Yusuf, nyo jugo lah menjedi murid Yesus. ⁵⁸Enye pogi kenempat Pilatus ngan memintak badan Yesus. Mengka, Pilatus memerentahko mpuknyo badan Yesus de boriko kenempat Yusuf.⁵⁹Ngan, Yusuf mengambik badan Yesus, ngan membulang-Nye dengan koin linen nyo bereseh, ⁶⁰Ngan membarengkon-Nye delom kuburon nyo beheru, miliknyo dewek, nyo sodah enye gali denempat buket betu. Mengka, Yusuf menggulengko betu godong ke pintu kuburon iye ngan bejelon. ⁶¹Ngan, de sane, ado Maria Magdalena ngan Maria nyo loin sedang duduk de hadopon kuburon iye.(Kubur Yesus Dejago) ⁶²Tekalo hari seterusnye, nyo iye hari sesodah persiapon untuk Sabat, imam-imam kepalo ngan urang-urang Farisi de kumpulko ke hadopon Pilatus. ⁶³Mike buik, " Tuan, kamie teringot behwo tekalo si pelato iye lagi hidop, enye perenah buik, ' Setelah tiga hari, Ake nak bangket lagi.' ⁶⁴Ulenyo iye, perentahkolah empuknyo kuburon iye de jego sampoi hari ketiga, munye-munye murid-murid-Nye mungkin njongok ngan maleng-Nye, ngan buik kenempat urang lobot, ' Enye sodah bangket deri antaro urang teelek.' Ngan, penipuon nyo teaher nie nak lobih buruk deri nyo pertamo."⁶⁵Pilatus buik kenempat mike," Kowe mempunyoi penjego. Pogi, jegolah upamone nyo kou pacok." ⁶⁶Mengka, mike bejelon ngan mengamanko kuburon iye besamo dengan regu penjego, serta menyegel betu penukup kubur.

(Pelayanon Yohanes Pembeptis) ¹Nielah permulaon Injil Yesus Kristus, Anak Allah, ²upanyo tetolis delom kitab Nabi Yesaya: "Kolekolah! Ake mengirem utuson-Ke mendehului Kowe nyo nak mempersiapko jelon bage-Me. ³Ado pembuekon urang bepepantouwon de padang belantara: 'Siapkolah jelon bage Tuhan, jedikolah jelon-Nye lurus.'⁴Jedi Yohanes membaptis urang-urang depadang belantara ngan mengkhotbahko baptison pertobaton untok pengampunon doso. ⁵Ngan, segelo penduduk Yudea ngan segelo urang Yerusalem njongok kenempat Yohanes. Nye membaptis mike de sungoi Yordan, sambil mike mengakui doso-dosonye. ⁶Yohanes memakoi rambut unto ngan pengobot pinggang kulet de lingkor pinggangnye. Enye makon belalong ngan madu hutan.⁷Yohanes bekhotbah ngan buik, "Setelah ake nak njongok seurang nyo lobeh bekuaso deripado ake. Ake hopi layak merunduk ngan melepasko tali sandal-Nye. ⁸Ake membaptis kowe dengan aek, cuma Enye nak membaptes koe dengan Roh Kudus."(Yohanes Membaptes Yesus)⁹Ngan, terjedilah tekalo hari-hari iye, Yesus njongok jak Nazaret, wilayah Galilea, ngan debaptis uleh Yohanes de sungai Yordan. ¹⁰ Seketiko sesodah keluor jak aek, Yesus ngoleh langite tebelah ngan Roh menyerupai seikuk burung merpati turun ke pucuk-Nye. ¹¹Ngan, suatu suaro njangok deri sorga, "Kowe adolah Anak nyo Kukasehi. Kenempat Kowelah Ake berkenan."(Yesus decuboi uleh Belis) ¹²Seketiko sesodah iye, Roh mengunda Yesus ke padang belantara. ¹³Enye berado de padang belantara selamo empat puluh hari ngan dicuboi oleh Belis. Yesus berado de antaro benatong-benatong liar ngan paro malaekat melayani Enye.(Yesus memberitako Injel de Galilea) ¹⁴Sesodah iye Yohanes depenjara, Yesus bejelon ke wilayah Galilea ngan memberitako Injil Allah. ¹⁵Nye buik, "Genaplah waktunye, Kerajaon Allah lah parok. Betobatlah ngan pecayolah kenempat Injil!"(Yesus memileh beberape Murid)¹⁶Tekalo Yesus sedang menyelusuri topi denau Galilea, Enye ngoleh Simon ngan Andreas, dolornye, sedang nohukko jelo de denou ulenyo mike adolah penjelo ikan. ¹⁷Mengka, Yesus buik kenempat mike, "Mehelulah Ake, ngan Ake nak menjedikome penjelo mendesio." ¹⁸Simon ngan Andreas langsung mencampok jelonye ngan mehelu-Enye.¹⁹Tekalo Iye bejelon sajo jouh lagi, Enye ngoleh Yakobus, anak Zebedeus, ngan Yohanes, dulornye, nyo sedang de biduk ngan sedang membuati jelo. ²⁰Mengka Yesus lasung mantau nye ngan enye meninggalko bepak nye, Zebedeus, de biduk besamo dengan buruh-buruh bayaronnye, mengka bejelon mehelu Yesus.(Yesus mengajor dengan ponoh kuaso) ²¹Mengka, mike sampoi de Kapernaum ngan lasung kenempat hari Sabat, Yesus masuk ke Sinagoge ngan mengajor. ²²Mike takjub mendengorko ajoron-Nye oleh Nyo enye mengajor upah orang nyo mempunyoi kuaso, hopi upa ahli-ahli Taurat.²³Tekalo saat iye, de Sinagoge ado orang jenton nyo kerasukon roh jahat ngan nye pembuik, ²⁴ujonye, "Ape uruson antaro Kou dengan kamie, Yesus dari Nazaret? Ibo kowe njongok untuk membinasokon kamie? Ake tahu ko siape Koe. Koe adalah Tong Kudus dari Allah!" ²⁵Cuma, Yesus menyegak nye, ujo-Nye, "Diom! Keluorlah deri orang nie!" ²⁶Setelah roh najis iye menggoncang-ngoncang enye sambil buik dengan suaro bias, keluorlah roh iye derinye.²⁷Mike segelo takjub mangka betanyo sikuk dengan nyo loin, ujonye, "Ibo nie? Sebuah ajoron beheru dengan kuaso! Enye majonyo merintahko roh-roh najis iye ngan enye taat kenempat-Enye." ²⁸Mangka, dengan cepat berita tentang Enye tersebar demono-mono sampoi ke seluruh wilayah Galilea.(Induk Mentuha Simon ngan Orang Lobot desembuhko) ²⁹Seketiko tekalo Yesus ngan murid-murid-Nye meninggalko sinagoge, nye masuk ke rumah Simon ngan Andreas, serompok Yakobus ngan Yohanes. ³⁰Cuma, Induk mentuha Simon sedang terbaring olehnyo demom, mangka nye njongok menelako keadaonnye kenempat Yesus. ³¹Yesus njongoknye ngan mogong ko tangonnye serta membuatnye togok. Seketiko iye jugo domomnye sayau ngan betina iye mulai melayani mike.³²Tekalo malom sampoi, sesodah matohari tebenam, nye mbewo kenempat Yesus segelo orang nyo sakit ngan nyo kerasuon roh jahat. ³³Mangka, segelo penduduk kota bekumpul de depan pintu rumah iye. ³⁴Yesus menyembuhko lobot orang saket ngan berbagai macam penyaket serta mengusir lobot setan. Cuma hambuk, Enye melarong setan-setan iye ngomong, olehnyo enye mengenal-Nye.(Yesus bedoa ngan Memberitako Firman)³⁵Pagi-pagi bonor, tekalo hari lagi kolom, Yesus jego ngan bejelon ke sebuah tempat nyo sunyi, mangka Enye bedoa de sane. ³⁶Mangka, Simon ngan orang-orang nyo sekompoknye ndeloin Yesus. ³⁷Tekalo nye menemuko Yesus, nye buik, "Segelo orang ndeloin Kowe!"³⁸Mangka, Yesus buik, "Maro kito njongok ke kota-kota nyoparok enggak konyo Ake jugo pacok behokbah orang-orang de sane. Sebab, nielah alason Ake njongok." ³⁹Olehnyo ie, Yesus bejelon menyelusuri segelo wilayah Galilea. Enye memberitako firman de sinagoge-sinagoge mike ngan mengusir setan-setan.(Urang Kusta desembuhko) ⁴⁰Mangka, ado orang nyo sakit kusta njongok ngan Yesus. Enye mohon ngan belutut kenempat Enye ngan buik, "Munye kowe endok, Kowe depot menahirko ake." ⁴¹Tergerak oleh raso sajo tesihan, Yesus menjolokkan tangon-Nye ngan merobo urangnye ie sambil buik, "Ake endok. Jadileh tahir!" ⁴²Seketiko iye juga, penyakit kustanye beik ngan urang iye menjadi tahir.⁴³Yesus lasung menyeruko urang iye bejelon ngan menggegopinye dengan tegas. ⁴⁴Enye buik kenempatnye, "Jengon detetalako apo-apo ngan siape pun tentang hal nie. Namun, bejelonlah, tunjukkonlah dirime kenempat imam, ngan persembahkolah korban atas kesembuhonme upanyo de perintahko oleh Musa upa sebuah kesaksion untuk mike."⁴⁵Cuma hambuk, urang iye bejelon ngan mulai memberitakonye secaro terbukak ngan menyebarko berita nie secaro luas. Oleh kerana iye, Yesus hopi depot lagi masuk dengan terang-terangon ke kota, anyo nanti de luor, de daerah nyo sepi. Hambuk, urang-urang dari segelo tempat tetap bejongok-Nye.

(Yesus Mengampuni ngan Menyembuhko Urang nyo Lumpoh) ¹Beberape hari kemudian, tekalo Yesus belek ke Kapernaum, terdengorlah berita bahwa Enye berado de rumah. ²Mangka, lobot urang berkumpul sampoi hopi ado ruangon lagi, bahkan de perusukkon pintu sekalipun, ngan Enye ngahatoko Firman kenempat mike.³Mangka, enye njongok ke Enye, mengunda orang lumpuh nyo dehampu uleh empat urang. ⁴Tekalo mike hopi pacok ngundah urang iye ke parok Yesus olehnyo urang lobot, mike pun membuka hatop de pucuk Yesus. Setelah membukanye, mike menurunko tilam tempat urang lumpuh iye tebaring.⁵Tekalo Yesus ngoleh iman mike, Enye buik ngan urang lumpuh iye, "Hai anak-Ku, doso-dosome sodah deampuni." ⁶Namun, beberape ahli Taurat nyo duduk de sane mulai bepikir delom hatinye, ⁷mangka Urang nie buik upa nie? Enye sedang menghujat! Siape nyo depot mengampuni doso-doso kecuali Allah sendiri?"⁸Yesus lasung tahuko dari delom Roh-Nye bahwa enye bepikir-pikir delong hatinya. Enye buik ngan mike, "Mangka koe bepikir upaye delom hatinye? ⁹Monelah nyo sajo murah, ngehatoko ngan urang lumpuh iye, 'Doso-dosonye deampuni', atau ngehatoko, 'Jegolah, undahlah kasurme ngan bejelonlah'?¹⁰Cuma hambuk, ketahuilah bahwa Anak Mendesio memiliki kuaso de behumi untuk mengampuni doso-doso." Yesus buik ngan urang lumpuh iye, ¹¹"Ake buik ngan kowe: Jegolah, undahlah kasurme, ngan ngulanglah ke rumahme." ¹²Urang lumpuh iye lasung togok, ngambik kasurme, ngan bejelon keluor, de hadopon segelo urang. Mike segelo takjub ngan memuliako Allah, ngan buik, "Kamie bolom pernah ngoleh hal nyo upa nie!"(Lewi Mahalou Yesus) ¹³Yesus bejelon lagi ke tepi danau, ngan segelo urang berombong-rombongon njongok ngan Enye mengajor mike. ¹⁴Tekalo Iye lewat, Iye ngoleh Lewi, anak Alfeus sedang duduk detempat pembayaron pajak. Mangka Yesus buik ngannye, "Halaulah Ake." Mengko, Lewi pun togok ngan mahalui-Nye.¹⁵Ngan, sementaro Yesus duduk makon de rumah urang Lewi iye, ado lobot pengumpul pajak ngan urang-urang bedoso nyo jugo makon bersamo dengan Yesus serta murid-murid-Nye, ulehnya de sane lobot urang, ngan mike mehalaui Yesus. ¹⁶Tekalo berape ahli Taurat dari kelompok Farisi ngoleh Yesus sedang makon serompok dengan urang-urang bedoso ngan pengumpul-pengumpul pajak, nye betanyo ngan murid-murid-Nye, "Mangka enye makon serompok padong penagih pajak ngan urang-urang bedoso?"¹⁷Tekalo Yesus mendongornye, Enye buik ngan mike, "Mike nyo sehat hopi memerluko doktor, meloinko mike nyo sakit. Aken njongok bukon untuk memantau urang-urang bonor, melainko urang-urang bedosa."(Pertanyoon Tentang Bepuaso) ¹⁸Murid-murid Yohanes ngan urang-urang Farisi sedang puaso. Berape urang njongok ngan bertanyo kenempat-Enye, "Mangka murid-murid urang Yohanes ngan murid-murid urang Farisi bepuaso, cuma murid-murid-Enye hopi puaso?" ¹⁹Mangko, Yesus buik ngan mike, "Ibodepot padong pengiring penganten bekuaso sementaro pengantn jenton lagi besamo mike? Selamo penganten jenton iye lagi besamo-samo dengan mike, mike hopi depot bepuaso.²⁰Hambuk, harine lasampoi tekalo penganten jenton deambik dari mike, ngan tegalo hariela mike nak bepuaso. ²¹Hopi ado urang nyo menapol pakaion lamo nyo tesegit dengan koin nyo beheru. Munye memunye, tapolon koin nyo beheru iye nak tesegit pakaion nyo lamo, ngan segitonye nak betamboh godong.²²Ngan, hopi ado urang nyo menuangko anggur beheru ke delom kantong kulet nyo lamo. Munye memunye anggur iye nak menyegit ko kantong kulet iye sehinggo beik anggur maupun kantongnye nak rosak. Sebeleknye, anggur beheru de ponyopi de delom kantong kulet nyo beheru."(Yesus adolah Tuhan atas Hari Sabat) ²³Ngan, tekalo suatu hari Sabat, Yesus senompuh huma gandum, mangka delom pejelonon, murid-murid-Nye mulai merebitko putek-putek gandum. ²⁴Mangko, urang-urang Farisi buik ngan Enye, "Koleko mengka mike melakuko ape nyo melanggar hukum hari Sabat?"²⁵Mangka, Enye buik kenempat mike, "Belum kekalo ibot kowe membeco ape nyo delakukan Daud tekalo enye ngan urang-urang nyo serompok nye sedang kekurangon ngan kelaporon? ²⁶Upamone enye masuk ke Rumah Allah tekalo masok Abyatar menjabat sebagai Imam Godong, ngan makon roti persembahon, nyo anyo buleh demakon oleh padong imam, ngan jugo memberiko roti iye kenempat urang-urang nyo berompoknye?"²⁷ Mengka, Yesus buik nga urang-urang Farisi iye, "Hari Sabat debuat untuk mendesio bukon mendesio untuk hari Sabat. ²⁸Jedi, Anak Mendesio adolah Tuhan, jugo atas hari Sabat."

(Perumpamaon tentang Penabor) ¹Mengka, Yesus mulai mengajor lagi de topi denou. Bekompollah mengerumuni Yesus urang lobot nyo jumlahnye godong sehingga Nye noek ke delom sebuah biduk ngan dodok de atas danau. Sementaro, urang lobot iye ado de derot, de topi denou. ²Ngan, Nye mengajor mike tentang lobot hal ngan perumpamaon-perumpamaon. delom pengajoron-Nye, Nye boek kepodo mike,³"Dongorlah! Ado seurang penabor nyo lari untok menabor. ⁴Mengka terjedilah, tekalo nye sedang menabor, beberapeh beneh titek de topi jelon, ngan borong-borong njongok, lalu memakonnye. ⁵Sebageon titek de pocok tanoh bebetu nyo hopi lobot tanohnye. Beneh iye cepat tomboh ngan cepat ulenyo tanohnye hopi delom.⁶Tekalo matohari semaken saket, tenaman iye hangos ngan ulenyo hopi memeleki akor, tenaman iye menjedi koreng. ⁷Sebageon titek de tangah-tangah somok unok. Mengka, somok unok betomboh ngan mengepet tenaman iye sampoi mati, ngan tenaman iye hopi memboriko buah.⁸Hambok, sebageon titek de tanoh nyo beik ngan menghaselko buah, betomboh, ngan betamboh godong, serta menghaselko tiga poloh kali lipot, enom poloh kali lipot, ngan seratus kali lipot." ⁹Kemudion, Yesus boek, "Siape nyo mempunyoi telinga untok mendongor, biarlah enye mendongor!"¹⁰Podo waktu Yesus dedewekon, urang de sekelileng-Nye, besamo ngan kedua belas rasul, menanyoko kepodo-Nye tentang perumpamon-perumpamaon iye. ¹¹Mengka, Ne nyimbot mike, "Resio Kerajaon Allah lah deboriko kepodome. Cuma hambok, kepodo urang-urang loen, setiap hal desampoiko delom perumpamaon-perumpamaon, ¹²empoknyo, "Meskipon depot ngoleh, mike ngoleh ngan hopi mengetahui; ngan meskipon depot mendongor, mike mendongor ngan hopi memahami. empoknyo mike jengon betobat ngan deamponi." "Yesaya 6:9-10(Penjelason tentang Beneh delom Perumpamaon Penabor)¹³Kemudion Yesus boek kepodo mike, "Hopikah kowe tereti perumpamaon nie? Upamone kowe depot tereti segelo perumpamaon iye? ¹⁴Penabor iye menaborko firman. ¹⁵Mika iye adolah urang-urang nyo titek de topi jelon, tempat firman iye detaborko. saat mike mendongor, ngan cepat beles jongo ngan merobot firman nyo detaborko kepodo mike.¹⁶Upa iye jugo, mike nyo detabor de tanoh bebetu adolah urang-urang nyo mendongorko firman ngan langsong menerimonye ngan sukacita. ¹⁷Cuma hambok, mike hopi beakor de delom dirinyo dewek ngan anyo betahan sementaro. Kemudion, tekalo jongo kesuleton apo penganiayaon ulenyo firman iye, mike langsong tetitek.¹⁸Ngan, loennye adolah nyo titek de tangah-tangah somok unok. Mike adolah urang-urang nyo mendongor firman, ¹⁹cuma kekawateron akan denia, ngan hawo nafsu akan kekayoon, ngan keendokon-keendokon akan hal-hal loen masok de antaro firman iye ngan mengepetnye singgo ye hopi mehaselko buah. ²⁰Hambok, mike nyo detabor detano nyo beik adolah mike nyo mendongor firman, menrimonnye, ngan menghaselko buah, tiga poloh kali lipot, enom poloh kali lipot, ngan seratos kali lipot." (Perumpamaon tentang Pelita) ²¹Meka, Yesus boek kepodo mike, "Bukonkah lampu hopi deundah untok depoteko de bewo sebuah gantang apo de bwo sbuah deman tidor? Bukonkah lampu iye seharosnnye depotekko de atas kaki lampu? ²²Sabab, hopi ado nyo tekerawo nyo hopi deungkapko. Upaiyoy jugo, hopi ado resio apo pun ulenyo hal iye nak denyatoko. ²³Munye ado urang nyo mempunyoi telinga untok mendongor, biarlah nye mendongor!"²⁴Meka, Yesus boek kepodo mike "Perhatikolah ape nyo kou dongor. Okoron nyo kou pakoi nak deokorko kepodome, ngan lagi ado lagi nyo nak detambohko kepodome. ²⁵Ulenyo siape nyo mempunyoi, nye nak debori lagi, cuma siape nyo hopi mempunyoi, ape pun jugo nyo ado podonye nak deambek derinye."(Perumpamaon Tentang Beneh) ²⁶Kemudion, Yesus boek, " Kerajaon Allah adolah upa seseurang nyo menabor beneh de tanoh. ²⁷Penabor iye tidor ngan jego siang ngan malom, ngan beneh iye mengeluorko tunos ngan tomboh. Penabor iye hopi tahu upamone terjedinye. ²⁸Tanoh iye menghaselko buah ngan dedewekon. Mula-mula Tunos, kemudion bulirnye, mengka biji-biji gandum de delom boler iye. ²⁹Tekalo biji-biji gandum iye masok, urang iye langsong menyabetnye ulenyo mosem panen lah sampoi."(Perumpamaon tentang Biji Sesawi) ³⁰Kemudion, Yesus boek, "Ngan apokah kite depot membandengko Kerajaon Allah? Apo, ngan perumpamaon Apokah kite depot membandengkonnye? ³¹Kerajaon Allah iye upa biji sesawi nyo detabor de tanoh, walaupon biji iye adolah biji nyo sajo kecik de antaro sgelo biji de bumi, ³²cuma tekalo detabor, biji iye nak tomboh ngan menjedi sajo godong deripado segelo tenaman kebon, ngan mengeluorko cangka-cangka godong sehingga borong-borong de awong-awong depot membuat sangkor de bewo naungonnye."³³Ngan, memakoi lobot perumpamaon upa iye, Yesus memberitako firman kepodo mike, sesuoi ngan nyo depot mika dongor. ³⁴Nye hopi perenah boek kepodo mike tanpa suatu perumpamaon, cuma Nye jelasko segelonye ngan dedewekon kepodo mored-mored-Nye.(Yesus Meredako Angen Topan) ³⁵Ngan, podo hari iye, singgo lah petang Yesus boek kepodo mored-mored-Nye, "Mayoklah kite bejelon ke seberang denou." ³⁶Setelah meninggalko urang lobot iye, mike ngunda Yesus besamo mika masok ke biduk deman Yesus nantek. Ngan, biduk-biduk loennye besamo ngan-Nye. ³⁷Meka, terjedilah angen topan nyo sajo seleh ngan ombak godong mehempasko biduk sehingga biduk pun akhernnye ponoh ngan aek.³⁸Hambok, Yesus ado de buriton biduk, tidor de atas bentol. Meka, mike menjegoko-Nye ngan boek kepodo-Nye, " Guru, apokah Kowe hopi peduli munye kite binaso?" ³⁹Kemudion, Yesus jego ngan membentak angen, meka boek kepodo lout, "Diom! Tenanglah!" Meka, angen iye berenti ngan menjedi sajo tenang.⁴⁰Kemudion, Nye boek kepodo mike, " Mengka kowe ketakoton? Apokah kowe maseh bolom mempunyoi Iman?" ⁴¹Mike menjedi sajo takot ngan boek sikok samo loen, "Siapokah Enyo nie? Bahkan angen kencang ngan lout bahkan taat kepodo-Nye!"

(Seurang deri Gadara Delapasko deri Roh jahat) ¹Sampoilah mike de seberang denou, de daerah urang-urang Gadara. ²Ketika Yesus toron deri biduk , ngan cecepat seurang deri koboron nyo derasoki roh najes menomui Yesus.³Nye tinggal de delom koboron-koboron. Hopi ado urang nyo sanggop mengobotnye lagi, bahkan ngan rantoi. ⁴Sabab, nye lah recap dekobot ngan belenggu kaki ngan rantoi, cuma nye memotosko rantoinye ngan mematohko belenggunye. Hopi ado seurang pun nyo cokop kuat untok menondokkonye.⁵Setiap siang ngan malom, nye mekek de koboron ngan de buket-buket ngan melukai dirinye dewek ngan betu. ⁶Tekalo urang iye ngole Yesus deri kejouhon, nye belari ngan besojod de hadopon Yesus.⁷Mengka, sambel mekek ngan suaro karas nye boek,"Ape uroson antaro ake ngan Kowe, Yesus, Anak Allah nyo Mahatinggi? Ake mohon podo-Me demi Allah, jengon menyiksoke!" ⁸Sabab, Yesus lah boek kepodonye, "Keluorlah deri urang nie, hai roh najes!"⁹Mengka, Yesus betanyo kepodo urang iye, "Siape namome?" Ngan, nye njawab, "Namoke Legion ulenyo kamie lobot." ¹⁰Nye bekali-kali memohon kepodo Yesus empoknyo hopi mengoser mike deri daerah iye.¹¹De sane ado serombongon godong bebi sedang makon de paro buket. ¹²Mengka, roh-roh jahat iye memohon kepodo Yesus, ngan boek,"Sorolah kami kepodo bebi-bebi iye sehingga kami masok ke delomnye." ¹³Yesus mengabulkonnye. Ulenyo iye roh-roh najes iye lari ngan memasoki bebi-bebi. Rombongon nyo bejumlah kiro-kiro dua ribu iye belari ke topi jurang sampoi ke denou, mengka tenggolom de delom denou.¹⁴Kemudion, penjago-penjago bebi iye melariko diri ngan memboritahukonye ke kota ngan ke kampong. Ngan, urang-urang keluor untok ngoleh apo nyo lah terjedi. ¹⁵Mengka, urang-urang iye njongok kepodo Yesus ngan ngole nye nyo tadi kerasukon roh jahat, nyo mempunyoi legion, sedang dodok, ngan sodah bepakoion, ngan nye sodah belek waras. Ngan, mike pun menjedi takot.¹⁶Mengka, mike nyo menyaksiko kejedion iye, menceritoko kepodo urang-urang upamone hal iye terjedi kepodo urang nyo kerasokon roh jahat roh jahat ngan tentang bebi-bebi iye. ¹⁷Ulenyo iye, urang-urang mulai meminta Yesus untok meninggalko daerah mike.¹⁸Kemudion, podo waktu Yesus sedang noek ke biduk, urang nyo tadinye kerasokon roh jahat iye memohon empoknyo nye buleh besamo ngan Yesus. ¹⁹Mengka Yesus hopi mengezinkonnye, meloenko buek kepodonnye, "Beleklah kepodo sanak dolorme. Ceritoko kepodo mike segelo hal nyo lah Tuhan lakuko kepodome ngan bahwa Tuhan bebelos kesihan kepodome." ²⁰Mengka, urang iye bejelon ngan mulai memberitako kepodo urang-urang de Dekapolis tentang segelo hal nyo lah Yesus lakuko kepodonye. Ngan, segelo urang menjedi heran.(Anak Yairus Debangketko ngan Betina nyo Penderohon Desembohko) ²¹Tekalo Yesus nyeberang lagi ngan biduk ke seberang, urang lobot bekompol de parok-Nye, ngan Enye ado de topi denou. ²²Mengka, seurang pemempen sinagoge nyo benamo Yarius njongok ngan setelah ngoleh Yesus, nye besojod de kaki-Nye. ²³Ngan, nye memohon ngan songgoh kepodo Yesus, ujonye, " Anak betina kecikke hamper mati. Njongok ngan potekko tangon-Me pocoknye empoknyo nye depot desembohko ngan hidop." ²⁴Mengka Yesus bejelon besamo Yarius. Ado sajo lobot urang nyo mehilui yesus ngan mengerumoni-Nye.²⁵Ngan, ado seurang betina nyo penderohon selamo dua belas tahon. ²⁶Nye sodah bekali-kali menderita uleh lobot tabeb, ngan sodah mengeluorko segelo nyo demelekinye, cuma hopi ado gunanyo ngan keadaonnye malah betamboh burok. ²⁷Setelah mendongor tentang Yesus, betina iye menjongok Yesus deri belakong de tangah-tangah kerumunon urang ngan menjamah jubah-Nye.²⁸Betina iye boek, "Munye ake depot menjamah jubah-Nye bae, ake nak semboh." ²⁹Seketiko iye jugo penderohonnye berenti ngan nye merasoko bahwa badannye sodah semboh deri penyaketnnye.³⁰Yesus langsong mengetahui deri diri-Nye dewek bahwa ado kuaso nyo lah keluor deri-Nye. Nye bebelek de antaro kerumunon iye ngan boek:" Siape nyo menyentoh jubah-Ke?" ³¹Mengka mored-mored Yesus boek kepodo-Nye, "Kowe ngoleh kerumunon urang mendesak-desak-Me ngan Kou boek, siape nyo menjamah-Ke?" ³²Mengka, Yesus memandongi sekelileng untok ngoleh siape nyo lah melakukonnye.³³Hambok, setelah mengetahui ape nyo lah terjedi podo dirinye, betina iye menjedi ketakoton ngan gemitek. Nye njongok ngan besojod de hadopon Yesus sereta memberitahu Yesus segelo kebonoronnye. ³⁴Kemudion, Yesus boek kepodo betina iye, " Anak-Ke, imanme lah menyelamatkome. Bejelonlah delom damai sejahtera ngan sembohlah deri penyaketme."³⁵Sementaro Yesus boek, detonglah, beberape urang deri rumah pemempen sinagoge nyo boek," Anakme lah teelek. Mengka lagi mengganggu Guru?"³⁶Cuma hambok, Yesus hopi endok mendongorko apo nyo lah deboekko, Nye boek kepodo pemempen sinagoge iye "Jengon takot, pecayo bae." ³⁷Mengka, Yesus hopi mengizinko seurang pun mehilui-Nye, kecuali Petrus, ngan Yakobus, ngan Yohanes, dolor Yakobus. ³⁸Mengka, mike sampoi de rumah kepalo sinagoge iye, ngan Nye ngoleh keributon, ngan urang-urang meratop jugo ngan suaro karas.³⁹Kemudion, tekalo Yesus masok, Nye boek kepodo mike, "Mengka kowe ribot ngan meratop? Anak iye hopi mati, cuma sedang tidor." ⁴⁰Cuma mike nenawoko Yesus. Hambok, Nye menyoroh mike segelo keluor ngan Nye mengajok bepak ngan indoknye , sereta urang-urang nyo besamo-Nye, mengka masok ke ruangon deman anak kecik iye ado.⁴¹Kemudion, depogong-Nye tangon anak kecik iye ngan Nye boek kepodonye, (Artinye, "Gades kecik, Ake boek kepodome, jegolah!") ⁴²Anak betina iye cepat togok ngan mulai bejelon-jelon, ulenyo enye beumur dua belas tahon, ngan segelo urang meraso sajo takjub. ⁴³Mengka, Yesus membori perintah nyo karas kepodo urang tua anak iye empok jengon ado seurang pun nyo mengetahui hal nie, ngan memboeko kepodo mike empok anak iye debori makon.

( Yesus Detolak de Kota Asal-Nye ) ¹Mengka, Yesus bejelon deri sane ngan sampoi de kota asal-Nye, ngan murid-murid-Nye mehaloui Enye. ²Tekalo ari Sabat sampoi, Yesus mulai mengajor de sinagoge. Ngan, lobot urang nyo mendongor-Nye meraso takjub, ngan buik," deri mone Enye mendepot hal nie? Hikmat ape nyo de boriko ngan Enye ngan mujizat-mujizat upa iye de lakuko dengan tangon-Nye? ³Bukonkah Enye tukang kayu, anak Maria, ngan dulur Yakobus ngan Yoses ngan Yudas ngan Simon? Bukonkah dulur-dulur betina-Nye ado de sie besamo kite?" mengka, mike pun tesandung ngan menolak-Nye.⁴Mengka, Yesus buik ngan mike, " De mone-mone urang menghormati surang nabi, kecuali de tempat asalnye dewek, ngan de antaro sanak dulurnye dewek, ngan de rumahnye dewek." ⁵Maka, Yesus hopi depot mengadoko mujizat de sane, kecuali meletakko tangon-Nye de pucuk beberape urang sakit ngan menyembuhko mike. ⁶Ngan, Enye heran ulenyo kehopiyakinon mike. Mengka, Enye bejelon bekeliling ke kampung-kampung ngan mengajor.( Yesus Mengutus Murid-Murid-Nye ) ⁷Mengkah, Yesus memantou kedua belas murid ngan mulai mengutus mike bedua-dua, ngan membori mike kuaso pucuk roh-roh najis. ⁸Mengka, Enye membori perentah kenempat mike enggak konyo mike hopi mengunda ape-ape delom pejelonon, kecuali anyo tungkot, piado roti, piado tas, piado duit delom pengobot pinggang mike, ⁹Hambuk memakoi sandal ngan jengon memakoi dua pakoion.¹⁰Ngan, Yesus buik kenempat mike," De mone sajo kowe memasuki sebuah rumah, tinggallah de sane sampoi kowe keluor deri sane. ¹¹Ngan, munye ado tempat nyo hopi menerimo kowe ngan hopi mendongorko kowe, tekalo kowe bejelon kebaskolah dobu deri kakime sebagai sebuah kesaksion bage mike."¹²Mengka, enye pun lari ngan memberitako bahwa urang-urang haros betobat. ¹³Mengka, enye mengoser lobot setan ngan mengurapi lobot urang domom ngan minyak, sereta menyembohko mike. (Herodes Mendongor Berita tentang Yesus)¹⁴Ngan, Rajo Herodes lah mendongornye, ulenyo namo Yesus lah tekenal, ngan urang buek, "Yohanes Pembaptis lah bangket deri antaro urang mati, maka mukjizat-mukjizat lah begawe de delom Nye." ¹⁵Sebageon boek, "Nye adolah Elia." Hambok, sebageon boek, "Nye adolah seurang nabi, upa salah satu deri para nabi."¹⁶Cuma hambok, tekalo Herodes mendongor hal iye, ye boek, "Yohanes, nyo lah ku pancong kepalonye, lah debangketko!" (Yohanes Pembaptes Debunoh) ¹⁷Memang Herodes dewek nyolah menyoroh urang, memerintahkonnye untok menangkop Yohanes, Ngan membelenggunye de delom penjara demi Herodias, bini dolor jenton-jentonye, Filipus, ulenyo Herodes lah mengaweni Herodias.¹⁸Sabab, Yohanes beberape kali boek kepodo Herodes, "Hopi bonor kowe mengambek bini dolorme." ¹⁹Ulenyo iye, Herodias menyimpan dendam terhadop Yohanes ngan endok membunohnnye, cuma nye hopi pacok. ²⁰Sabab, Herodes takot kepodo Yohanes setelah nye tahuko bahwa Yohanes adolah urang bonor ngan urang suci, ngan Herodes melindonginnye. Cuma Herodes mendongorko Yohanes, nye menjedi sajo bingung, cuma Herodes senang mendongorko Yohanes.²¹Hambok, sampoilah hari nyo tepat, tekalo Herodes podo hari ulang tahonnye mengadoko sebuah perjamuon untok pejabat-pejabat tingginye, perwira-perwiranye, ngan pemempen-pemempen Galilea. ²²Mengka tekalo anak betina Herodias masok ngan menari, nye menyenangko Herodes ngan mike nyo dodok besamonye. Ngan, rajo boek kepodo gedes iye, "Mintaklah apo bae nyo kou endokko ngan ake nak memborikonnye kepodome."²³Ngan, Herodes besumpah kepodonnye, "Apo bae nyo kou minta kepodoke, nak aku boriko kepodome, bahkan sampoi separo deri kerajaonke." ²⁴Ngan, gedes iye lari ngan boek kepodo indoknye, "Ake haros minta ape?" Indoknye menjawab, "Kepalo Yohanes Pembaptes." ²⁵Ngan, saat iye jugo ngan tegeso-geso, gedes iye njongok kepodo rajo ngan boek, "Ake endok kinie jugo kowe memboriko kepodoke kepalo Yohanes Pembaptes de pocok baki."²⁶Ulenyo iye, rajo menjedi sajo sedeh, cuma ulenyo sumpahnye ngan urang-urang nyo makon besamonnye, nye hopi endok menolak gedes iye. ²⁷Mengka, rajo cepat mengirem seurang algojo ngan perintah untok mengunda kepalo Yohanes, mengka algojo iye pegi ngan memancong kepalo Yohanes de penjara. ²⁸Kemudion, nye ngunda kepalo Yohanes de pocok baki ngan memborikonye kepodo gedes iye, ngan gedes iye memborikonnye kepodo indoknye. ²⁹Ngan, tekalo mured-mored Yohanes mendongornnye, mike njongok ngan mengambek badan Yohanes ngan motekkonye de delom kobor.(Yesus Membori Makonon kepodo lobeh deri Lima Ribu Urang) ³⁰Kemudion, para rasul bekompol besamo ngan Yesus memboritahuko kepodo-Nye apo bae nyo lah mika lakuko ngan apo bae nyo lah mika ajorko. ³¹Ngan, Yesus boek kepodo mike, "Mayoklah mengasengko diri ke deman nyo sepi ngan berentilah setegal." Sabab, ado lobot urang nyo jongok ngan pegi, ngan untok makon pun mike hopi sempat. ³²Mengka, Yesus ngan mored-mored-Nye bejelon mengasengko diri ngan biduk ke deman nyo sepi.³³Cuma hambok, urang lobot ngole mike lari ngan mengenali mike. Ngan, urang lobot iye bejelon besamo-samo melewati jelon derot deri segelo kota, ngan sampoi de sane ndehului Yesus ngan para murid-Nye. ³⁴Tekalo Yesus bejelon ke topi denou, Nye ngoleh alang lobot urang, ngan Nye meraso bebeloskaseh kepodo mike ulenyo mike upa domba nyo hopi mempunyoi gembala. Mengka, Yesus mulai mengajorko mike lobot hal.³⁵Tekalo ari mulai malom, mored-mored Yesus jongok kepodo Yesus ngan boek, "Deman nie deman nyo sepi ngan lah sajo malom. ³⁶Sorolah mike bejelon kedaerah sekelileng ngan ke desa-desa empoknyo mike mboli sesuatu untok demakon."³⁷Cuma hambok Yesus menjawab, "Kowelah nyo membori mike makon." ³⁸Yesus boek kepodo mike,"Ado beberape roti nyo kou meleki? Bejelon ngan kolelah!" Lah mike tahuko, mike boek, "Lima roti ngan dua ikan."³⁹Mengka, Yesus memerintahko mike segelo empok dodok delom kelompok-kelompok de pocok rompot hujou. ⁴⁰Urang lobot iye dodok bekelompok, ado nyo seratos urang ngan ado nyo lima poloh urang. ⁴¹Sesodah iye, Yesus mengambek lima roti ngan dua ikan iye, mengole kelanget, Nye mengucap syokor ngan memacah-macahko roti iye, mengka nye memborikonye kepodo mored-mored-Nye empoknyo mehidangkonye kepodo urang lobot. Nye jugo membage-bage dua ikan iye kepodo segelo urang.⁴²Ngan, mike segelo makon sampoi konyong. ⁴³Kemudion, mike ngambek dua belas keranjang nyo ponoh ngan sisa-sisa roti ngan ikan. ⁴⁴Ngan, ado lima ribu jenton nyo makon roti. (Yesus Bejelon de Atas Aek) ⁴⁵Kemudion, Yesus memerintako mored-mored-Nye noek ke biduk ngan bejelon mendehului-Nye ke seberang, ke Betsaida, sementaro Nye menyoroh urang lobot iye pegi. ⁴⁶Sesodah bepameton ngan mike , Nyebejelon ke bukit untok bedoa. ⁴⁷Tekalo menjelang malom, biduk tepotek de tangah denou, ngan Yesus dedewekon de derot.⁴⁸Ngan, tekalo ngoleh mored-mored-Nye mendayong ngan susah payo ulenyo endok angen betiop belawonon arah ngan mike, kiro-kiro podo jam jego malom keempat, Yesus njongok mike ngan bejelon de pocok denou ngan Nye sajo bejelon melewati mike. ⁴⁹Cuma hambok tekalo mike ngole Yesus bejelon de atas denou, mika sangko bahwa Nye adolah hantu, mengka mike mekek, ⁵⁰Ulenyo mike segelo ngole Yesus ngan ketakoton. Hambok, Yesus cepat boek kepodo mike, ngan boek kepodo mike, "Tenanglah. Nie aku! Jengon takot."⁵¹Mengka, Nye noek besamo mike ke biduk, ngan angen iye pun reda, ngan mike sajo takjub. ⁵²Sabab, mike lagi bolom memahami tentang mukjizat lima roti iye ulenyo hati mike lagi dekarasko.(Yesus Menyombuhko Lobot Urang) ⁵³Ngan, sesodah Yesus ngan mured-mored-Nye nyeberang, mike menderot de tanoh Genesaret ngan belaboh. ⁵⁴Tekalo, mike toron deri biduk, urang-urang cepat mengenali Yesus, ⁵⁵ngan belari ke segelo daerah iye ngan mulai mengunda urang-urang domom de pocok kasor, kemone pun mike mendongor tentang keberadoon Yesus.⁵⁶Mengka, ke mone pun Yesus masok ke desa-desa, apo kota-kota, apo daerah-daerah de sekitarnye, mike membarengko urang-urang domom de deman keramaion ngan memohon kepodo-Nye empoknyo mike buleh menjamah hujong jubah-Nye bae. Ngan siape pun nyo menyentoh jubah-Nye menjedi semboh.

( Hokom Allah ngan Tradisi Mendesio) ¹Mengka, bekompolah urang-urang Farisi menomui Yesus besamo ngan beberape ahli Taurat nyo jongok deri Yerusalem.²Ngan, mike ngole beberape mored Yesus makon roti ngan tangon najes, yaitu tangon nyo hopi debesoh. ³Sabab, urang-urang Farisi ngan segelo urang Yahudi hopi nak makon munye tangon mike hopi debesoh sampoi kepergelangon tangon ulenyo tradisi nenek puyang nyo mika pogong. ⁴Ngan, munye urang-urang Yahudi iye jongok deri deman umum, mike hopi nak makon sebolom membesoh tangon. Ngan, ado lobot tradisi loennye nyo mika terimo untok depogong, upa pembesoh cawon-cawon, kendi-kendi, ngan bejana-bejana tembaga.⁵Kemudion, urang-urang Farisi ngan ahli-ahli Taurat betanyo kepodo Yesus, "Mengka mored-mored-Me hopi hidop menorot tradisi nenek puyang, cuma malah makon roti ngan tangon najes?"⁶Yesus boek kepodo mike, "Yesaya bernubuat ngan bonor tentang kou nyo munafik, upa nyo tetoles: Bengso nie menghormati Ake ngan beber mike, cuma hati mike jouh deri Ake. ⁷Mike menyembah-Ke ngan sio-sio ulenyo mengajorko ajoron perintah-perintah nyo debuat uleh mendesio⁸Sambel mengabaiko perintah Allah, kowe memogong kuat tradisi mendesio." ⁹Mengka, Yesus jugo boek kepodo mike, "Ngan cerdik kowe menolak perintah Allah sehingga depot mempertahanko tradisime dewek. ¹⁰Sabab, Musa boek, Hormatilah bepakme ngan indokme, ngan, Siape bae nyo mengotok bepaknye apo indoknye haros dehokom mati.¹¹Hambok, kowe boek munye seseurang boek kepodo bepaknye apo indoknye, Apo bae keuntongon nyo nak kou buleh derike adolah korban, yaitu persembahon, ¹²mengka kowe hopi lagi mengezenko nye melakuko apo pun untok bepaknye apo indoknye, ¹³ngan upa iyoy kowe lah membatalko firman Allah ngan tradisime nyo lah toro-temoron. Ngan kowe melakuko lobot hal lagi upa nie."¹⁴Kemudion, Yesus memantou lagi segelo urang ngan boek kepodo mike, "Dongorlah Ake, kowe segelo, ngan pahamilah. ¹⁵Hopi ado sesuatu pun deri luor mendesio nyo masok ke delom dirinye depot menajeskonnye, cuma hal-hal nyo keluor deri mendesiolah nyo menajeskonnye." ¹⁶"Munye seseurang mempunyoi telinga untok mendongor, biarlah nye mendongor!"¹⁷Mengka , tekalo Yesus masok kerumah ngan meninggalko urang-urang iye, mored-mored-Nye betanyo kepodo-Nye tentang perumpamaon iye. ¹⁸Ngan, Nye boek kepodo mike, "Ibo kowe jugo hopi tereti? Hopikah kowe tahuko bahwa apo bae nyo deri luor masok ke delom mendesio hopi nak menajeskonye? ¹⁹Sabab, nyo masok iye hopi masok ke delom hatinye, cuma porutnye, ngan kemudion keluor ke delom jamban."(Ngan upanio, Yesus menyatoko bahwa segelo makonon halal.)²⁰Mengka Nye boek, "Ape nyo keluor deri mendesiolah nyo menajeskonnye. ²¹Sabab, deri delom, deri hati mendesio, moncol pekeron-pekeron jahat, doso-doso seksual, pemalengon, pembunohon, ²²Perzinaon, keserakahon, kejahaton, tipu dayo, hawo nafsu, iri hati, fitnah, kesombongon, ngan kebodohon. ²³Segelo hal nyo jahat iye jongok deri delom mendesio, ngan iye nyo menajeskonyo."(Iman Seurang Betina Siro-Fenisia) ²⁴Deri deman iye, Yesus jego ngan bejelon ke wilayah Tirus ngan Sidon. Ngan, Nye masok ke sikok rumah ngan hopi endok ado seurang pun nyo tahuko, cuma Nye hopi pacok lopot deri perhation. ²⁵Langsong sesodah mendongor tentang Yesus, seurang betina nyo anak betinanye kerasukan roh najes jongok ngan sojod de kaki Yesus. ²⁶Betina iye adolah urang Yunani, laher de Siro-Fenisia. Nye memohon kepodo Yesus untok mengoser setan iye keluor deri anaknye.²⁷Kemudion, Yesus boek kepodo betina iye, "Biarlah anak-anak dekonyongko telobeh dehulu. Sabab, hopi beik mengambek roti kepunyaon anak-anak ngan nohukonnye kepodo anjeng-anjeng." ²⁸Cuma hambok, betina iye menjawab ngan boek kepodo Yesus, "Bonor, Tuhan. Hambok, anjeng-anjeng nyo ado de bewo meja pun makon rempah-rempah anak-anak iye."²⁹Mengka, Yesus boek kepodo betina iye, "Ulenyo kowe nggerako nie, kowe pacok pegi. Setan iye sodah meninggalko anakme." ³⁰Kemudion, betina iye belek kerumah ngan betomu anaknye sedang tebereng de deman tidor, ngan setan iye lah pegi.(Urang Pokok Desembuhko) ³¹Kemudion,Yesus keluor lagi deri wilayah Tirus ngan bejelon melewati Sidon menuju ke denou Galilea, de wilayah Dekapolis. ³²Mengka, mike ngunda kepodo Yesus seurang poko nyo pipacok boek. Mike memohon kepodo Yesus untok motekko tangon-Nye pocok urang iye.³³Kemudion, Yesus mengunda urang iye menyendiri deri kompolon lobot urang. Nye memasoko jeri-Nye ke delom telinga urang iye, ngan sesodah meludah, Nye menjamah lidah urang iye. ³⁴Mengka, Yesus memandong ke pucok langet, Nye menarek napas panjong ngan boek, "Efata" ,artinye "Tebukalah!" ³⁵Saat iye jugo, telinga urang iye tebuka, koboton de lidahnye tebuka, ngan nye boek ngan jelas.³⁶Ngan, Yesus melarong mike menceritoko peristiwa iye kepodo siape pun. Cuma hambok, semaken Nye melarong mike, mike semaken memberitakonnye. ³⁷Mike bonor-bonor takjub ngan boek, "Nye lah melakuko segelo sesuatu ngan beik. Nye bahkan membuat urang pokok ndongor ngan urang bisu pacok boek."

(Tojoh Roti untok Lobeh deri Empat Ribu Urang) ¹Podo hari-hari iye, tekalo sejumlah godong urang bekompol ngan hopi ado apo-apo untok de makon, Yesus mantou murid-murid-Nye ngan boek kepodo mike, ²"Ake sajo tesihan kepodo urang lobot iye ulenyo kinie mike lasoda besamo ngan-Ke selamo tiga hari, ngan hopi ado apo-apo untok demakon. ³Ngan, munye Ake nyorohko mike belek ke rumah mike delom keadaon kelaporon, mike nak pingsan delom perjelonon ulenyo beberape deri mike jongok deri jouh." ⁴Ngan, mored-mored-Nye menyimbot Nye, "Deri mone seseurang pacok mengonyongko mike ngan roti de deman sepi upa nie?"⁵Mengka, Yesus betanyo kepodo mike, "Berape roti nyo kou ado?" Mike jawab, "Tojoh roti." ⁶Kemudion, Yesus memerintahko urang lobot iye dodok de tanoh, ngan Enye mengambek tojoh roti iye, ngan mengucap syukur, ngan Enye memacah-macahkonye, ngan memborikonye kepodo mured-mured-Nye untok menghidangkonye kepodo urang lobot. Mike pun menghidangkonnye kepodo urang lobot.⁷Ngan, mured-mured jugo mempunyoi kekecikon ikan kecik. Sesodah mengucap syukur atasnya, Yesus menyoroh mured-mured-Nye untok membageko jugo ikan-ikan iye kepodo urang lobot. ⁸Urang lobot iye makon sampoi konyong, ngan mike mengompolko totokon makonon nyo tesisa iye tujoh keranjang ponoh. ⁹Ado kiro-kiro empat ribu urang nyo makon. Sesodah iye, Yesus menyoroh mike bejelon ¹⁰Mengka Yesus cepat-cepat masok biduk besamo mured-mured-Nye ngan sampoi de daerah Dalmanuta.(Yesus Deminta Menunjoko Tando deri Surga) ¹¹Ngan, urang-urang Farisi jongok ngan mulai bedebat ngan Yesus, sambel meminta Yesus menunjokko tando deri surga, untok mencuboi-Nye. ¹²Sesodah Yesus menarek napas panjong delom Roh-Nye, Nye boek, "Mengka generasi nie ndelok tando? Ake memboeko nyo sebonornye kepodome, hopi ado sikok pun tando nyo nak deboriko kepodo generasi nie." ¹³Kemudion, Yesus meninggalko mike, masok belek ke delom biduk, ngan bejelon ke seberang.(Ragi Urang Farisi ngan Ragi Herodes) ¹⁴Mured-mured piteringot mengunda roti, ngan anyo memeleki sekorot roti de delom biduk. ¹⁵Ngan, Yesus beposon kepodo mike,"Siap sediolah! Behati-hatilah terhadop ragi urang-urang Farisi ngan Ragi Herodes."¹⁶Mengka mike mulai bediskusi sikok ngan nyo loen soal mike nyo hopi mempunyoi roti. ¹⁷Ngan, sesodah mengetahui hal nie, Yesus boek kepodo mike, "Mengka kowe memboeko tentang kowe nyo hopi mempunyoi roti? Apo kowe bolom jugo mengetahui apo tereti? Apo hatime dekarasko?¹⁸Apokah kowe mempunyoi mato, cuma hopi ngole? Ngan, mempunyoi telinga, cuma hopi mendongor? Hopi ingotko kowe, ¹⁹tekalo Ake memacah-macahko lima roti untok lima ribu urang, beberape lobot keranjang nyo berisi ponoh ngan totokon-totokon makonon nyo kowe kompolko?" Mike menjawab, " Dua belas keranjang."²⁰"Ngan, tekalo tujuh roti untok empat ribu urang iye, beberape keranjang nyo ponoh ngan totokon-totokon makonon nyo kou kumpolko?" Mike menjawab, "Tujoh keranjang." ²¹mengka, Nye boek kepodo mike, "Apokah kowe lagi bolom tereti?"(Yesus Menyembuhko Urang Buta de Betsaida) ²²Kemudion, Yesus ngan mured-mured-Nye sampoi de Betsaida. Ngan, beberape urang mengunda urang buta ngan memohon kepodo Yesus empok memogongnye. ²³Yesus pun memogongko tangon urang buta iye ngan mengundanye keluor desa. Mengka, Yesus meludahi mato urang buta iye ngan motekko tangon-Nye pucok nye. Nye betanyo kepodonye, "Apokah kowe mengoleh sesuatu?"²⁴Mengka, urang iye mengoleh ke pucok ngan boek, "Ake mengole urang-urang, cuma mike tekoleh upa kayu-kayu nyo sedang bejelon." ²⁵Sesodah iye, Yesus memotekko tangon-Nye de pucok mato urang iye lagi, mengka urang iye membuka matonye, pengolehonnye semboh, ngan nye pun depot mengole segelo ngan jelas. ²⁶Mengka, Yesus menyurohnnye belek ke rumahnye ngan boek, "Jengon masok ke delom desa." (Yesus adolah Kristus) ²⁷Sesodah iye, Yesus bejelon, besamo mured-mured-Nye, ke desa-desa de Kaisarea Filipi. Ngan, de tangah perjelonon, Yesus betanyo kepodo para mured ngan boek kepodo mike, "Ujo urang-urang, siape Aku nie?" ²⁸Mike menyimbot, "Yohanes Pembaptes, nyo loen memboekko Elia, ngan nyo loennye saloh sikok deri nabi-nabi."²⁹Kemudion, Yesus betanyo kepodo mike, "Hambok, menurotme, siape Aku nie?" Petrus menyimbot-Nye, Kowe adoalh Kristus." ³⁰Ngan, Yesus memperingotko mike untok hopi memboritahuko kepodo siape pun tentang diri-Nye.(Pemboritahuon tentang Penderitaon Yesus) ³¹Kemudion, Yesus mulai mengajor mured-mured-Nye bahwa Anak Mendesio haros menderita lobot hal ngan detolak uleh tua-tua Yahudi, imam-imam kepalo, sereta ahli-ahli Taurat, ngan debunoh, ngan sesodah tiga hari bangket lagi. ³²Ngan, Yesus memboeko hal nie secaro tebuka. Ulenyo iye, Petrus menarek Yesus ke sampeng ngan mulai menegor-Nye.³³Hambok, sambel menoleh ngan ngole mured-mured-Nye, Yesus menegor Petrus ngan boek, "Pegilah deri-Ke, hai Beles! Sabab, kowe hopi memekerko pekaro-pekaro Allah, cuma pekaro-pekaro mendesio." ³⁴Sesodah iye, Yesus memantou urang lobot, sereta mured-mured-Nye, ngan boek kepodo mike, "Munye seseurang endok mehilu Ake, nye haros menyangkal dirinye dewek, ngan memikol salibnye, mengka mehilui Aku.³⁵Sabab, siape bae nyo endok menyelamatko nyawonye nak kesayauon. Cuma hambok, siape bae nyo kesayauon nyawonye demi Ake ngan Injil nak menyelamatkonnye. ³⁶Sabab, ape untongnye seseurang mendepotko segelo denia, cuma kesayauon nyawonnye? ³⁷Ape nyo depot seseurang boriko untok menobos nyawonnye?³⁸Sabab, siape bae nyo malu ulenyo Ake ngan firman-Ke de generasi nyo hopi setia ngan bedoso nie, mengka Anak Mendesio jugo nak malu mengaku urang iye tekalo Nye jongok delom kemuliaon Bepak-Nye besamo ngan malaikat-malaikat nyo kudus."

(Tentang Peceraion) ¹Kemudion, Yesus meninggalko deman iye ngan bejelon ke wilayah Yudea ngan ke seberang sungoi Yordan. Ngan, urang lobot bekompol menenggerop Enye lagi. Ngan, upa kebiasoon-Nye, Nye mengajor mike lagi. ²Kemudion, urang-urang Farisi menjongok-Nye, ngan untok mencuboi Nye mike betanyo, " Apokah debonorko seurang laki menceraiko bininye?" ³Yesus menyimbot mike, "Ape nyo Musa perintahko kepodome?" ⁴Mike boek, "Musa mengezenko seurang laki membuat surat sarok ngan menyarokonye."⁵Cuma hambok, Yesus boek kepodo mike, "Ulenyo kekarason hatimelah, Musa menolesko perintah nie kepodome. ⁶Cuma hambok, sejak permulaon penciptaon, Allah menciptako mike jenton ngan betina.⁷Ulenyo iyelah, seurang jenton nak meninggalko bepak ngan indoknye. ⁸Ngan, keduanye nak menjedi sikok degeng. Ngan upaniolah, mike bukon lagi dua, meloenko sikok degeng. ⁹Jedi, ape nyolah Allah persatuko, jengon ado mendesio nyo memisahko."¹⁰Kemudion, de delom rumah, mured-mured-Nye betanyo lagi kepodo-Nye tentang hal nie. ¹¹Mengka, Nye boek kepodo mike, "Siapo bae yo menceraiko bininye ngan kawen ngan nyo loen, bebuat zinah terhadop bininye. ¹²Ngan, munye bini menceraiko lakinye, ngan kawen ngan nyo loen, nye bebuat zinah."(Yesus Memberkati Anak-Anak) ¹³Ngan, mike mengunda anak-anak kecik kepodo Yesus empoknyo Nye menyentuh anak-anak iye, cuma mured-mured menegor mike. ¹⁴Hambok, munye Yesus ngoleh, Nye menjedi marah ngan boek kepodo mured-mured-Nye, "Biarlah anak-anak kecik iye detong kepodo-Ke ngan jengon halang-halangi mike ulenyo Kerajaon Allah adolah melek urang-urang upa mika.¹⁵Ake memboeko nyo sebonornye kepodome, siapo bae nyo hopi menyambot Kerajaon Allah upa seurang anak, hopi nak masok ke delomnye." ¹⁶Kemudion, Yesus memeluk anak-anak iye, Nye memberkati mike ngan memotekko tangon-Nye atas mike.(Urang Kayo nyo Menolak Mehilu Yesus) ¹⁷Mengka, tekalo Yesus sedang mempersiapko perjelonon-Nye, Seseurang belari kepodo-Nye ngan belotot de hadopon-Nye ngan betanyo, "Guru nyo beik, ape nyo haros aku lakuko untok mendepotko warisan hidop nyo kekal?" ¹⁸Ngan, Yesus buek kepodonye, "Mengka kowe menyobot Ake beik? Hopi ado seurang pun nyo beik, kecuali Allah dewek. ¹⁹Kowe mengetahui perintah-perintah: Jengon membunoh, jengon berzina, jengon maleng, jengon membori kesaksion palsu, jengon menipu, hormatilah bepak ngan indokme."²⁰Mengka, urang iye boek kepodo-Nye, "Guru, ake sodah mematohi segelo iye sejak ake lagi muda." ²¹Hambok, Yesus mengoleh kepodo pemuda iye ngan memoteko kaseh kepodonye, ngan boek kepodonye, "Sikok hal nyo kurang derime. Bejelon ngan juallah segelo nyo kou meleki, ngan boriko kepodo urang mesken, mengka kowe nak memelki reto de surga. Mengka kemailah ngan mehilulah Aku." ²²Hambok, pemboekon iye membuat nye susah hati ngan nye bejelon ngan sedeh ulenyo nye memeki lobot reto.²³Kemudion, Yesus mengoleh ke selileng ngan boek kepodo mured-murednye, " Alangko soletnye bage mike nyo kayo untok masok Kerajaon Allah!" ²⁴Mured-mured tekejot podo pemboekon-Nye. Hambok, Yesus boek lagi kepodo mike, "Hai anak-anak, alangko soletnye untok masok Kerajaon Allah! ²⁵Lobeh muda seikok unta masok melalui lubang jerom deripado urang kayo masok Kerajaon Allah."²⁶Mured-mured sajo tekejot ngan boek sikok ngan nyo loen, "Mengka, siape nyo pacok deselamatko?" ²⁷Yesus mengole kepodo mike ngan boek, "Bage mendesio hal iye hopi mongken, cuma hopi bage Allah. Sabab, segelo sesustu mongken bage Allah." (Upah Mehilu Yesus) ²⁸Petrus mulai boek kepodo Yesus, "Koleh, kami lah meninggalko segelo sesuatu ngan mehilu Kowe!"²⁹Yesus boek, "Ake memboekko nyo sebonornye kepodome, hopi ado seurang pun nyolah meninggalko rumah, apo dolor-dolor jenton, apo dolor-dolor betina, apo indok, apo bepak, apo anak-anak, apo huma-humanye ulenyo Ake ngan ulenyo Injil, ³⁰nyo podo masa nie hopi nak menerimo seratos kali lipot-- rumah-rumah, ngan dolor-dolor jenton, ngan dolor betina, ngan indok-indok, ngan anak-anak, ngan huma-huma, ngan penganiayaon; ngan podo masa nyo nak jongok, hidop kekal. ³¹Cuma hambok, lobot urang nyo pertamo nak menjedi nyo teakher, ngan nyo teakher menjedi nyo pertamo."(Yesus Boek Lagi tentang Kemation-Nye) ³²Mike sedang delom perjelonon noek ke Yerusalem ngan Yesus bejelon de depan mike. Ngan, mike meraso takjub, sementaro urang-urang nyo mehilui-Nye meraso takot. Ngan, Yesus belek mengunda sereta kedua belas mured-Nye, Nye mulai memboritahuko mike ape nyo nak terjedi podo-Nye, ³³ujo-Nye, "Koleh, kite sedang noek ke Yerusalem ngan Anak Mendesio nak deserahko kepodo imam-imam kepalo ngan ahli-ahli Taurat. Mike nak mehokom-Nye empok mati ngan nak menyerahko-Nye kepodo urang-urang bukon Yahudi. ³⁴Mike nak mehino-Nye, ngan meludahi-Nye, ngan mehajar-Nye, ngan membunoh-Nye. Cuma hambok, sesodah tiga hari, Ye nak bangket."(Permohonan Yakobus ngan Yohanes) ³⁵Kemudion, Yakobus ngan Yohanes, anak-anak Zebedeus, njongok kepodo Yesus ngan boek, "Guru, kami endok Kowe melakuko bage kami apo bae nyo kami mintak." ³⁶Ngan, Yesus boek kepodo mike, "Ape nyo kami endoko untok Aku lakuko bageme?" ³⁷Mike boek kepodo-Nye, "Izinko seurang deri kami dodok de sebelah kanon-Me, ngan nyo sikoke desebelah kiri-Me, delom kemuliaon-Me."³⁸Cuma hambok, Yesus boek kepodo mike, "Kowe hopi tahu ape nyo kou minta. Sanggopkah kou minom deri cawan nyo haros Kuminom apo debaptes ngan bapteson nyo debaptesko kepodo-Ke?" ³⁹Mike boek kepodo-Nye, "Kami sanggop!" Mengka, Yesus boek kepodo mike, "Cawon nyo Aku minom, ngan kou nak debaptes ngan bapteson nyo debaptesko kepodo-Ke. ⁴⁰Cuma hambok, untok dodok de sebelah kanon-Ke apo desebelah kiri-Ke, bukon hak-Ku untok memborikonnye, cuma deman iye adolah untok mike nyo lah depersiapko."⁴¹Mendongor iye, sepoloh mored nyo loen menjedi bemarah kepodo Yakobus ngan Yohanes. ⁴²Mengka, Yesus memantou mike ngan boek kepodo mike,"Kowe tahu bahwa mike nyo deanggap sebagai pemerintah urang-urang bukon Yahudi bebuat seolah-olah bekuaso pocok mike. Ngan, petinggi-petinggi mike menggunako kekuasonnye mike.⁴³Hambok, hopi seharosnye de antaro kowe. Sebeleknye, siapo bae nyo nak menjedi godong de antaro kowe, haros menjedi pelayanmu, ⁴⁴ngan siape bae nyo endok menjedi nyo pertamo de antaro kowe, haros menjedi pelayan deri segelonye. ⁴⁵Sabab, Anak Mendesio pun jongok bukon untok delayani, cuma untok melayani, ngan untok mmboriko nyawo-Nye sebagai tobuson bage lobot urang."(Yesus Menyembuhko Bartimeus nyo Buta) ⁴⁶Kemudion, mike sampoi de Yerikho. Tekalo Yesus meninggalko Yerikho besamo ngan mured-mured-Nye ngan urang lobot, seurang pengemis buta benamo Bartimeus, anak Timeus, sedang duduk de pengger jelon. ⁴⁷Tekalo nye mendongor bahwa ado Yesus deri Nazaret, nye pun mulai beseru ngan boek, "Yesus, Anak Daud, kesihanillah ake!" ⁴⁸Ngan, lobot urang menegornye ngan menyorohnye diom. Hambok, nye semaken pepekeon, "Anak Daud, kesihanilah ake!"⁴⁹Mengka, Yesus behenti ngan boek, "Pantou nye." Ngan, mike pun mantou urang buta iye ngan boek kepodonye, "Kuatko hatime! Togoklah, Nye memantoume." ⁵⁰Sambel melapasko jubah-Nye, urang buta iye togok ngan jongok kepodo Yesus.⁵¹Ngan Yesus boek kepodonye, 'Ape nyo kou endoko untok Ake lakuko bageme?" Urang buta iye menjawab, " Rabi, biarko ake ngole." ⁵²Mengka, Yesus buek kepodonye, "Bejelonlah Imanme lah menyembuhkome." Seketika iye jugo, nye mendepotko belek pengolehonnye, ngan nye mehilu Yesus sepanjong jelon.

(Yesus Masuk ke Yerusalem Upa Rajo) ¹Ngan, tekalo mike hampir sampoi de Yerusalem, parok Betfage ngan Betania, de Buket Zaitun , Yesus nyuruhko dua murid-Nye. ²ngan buik ke nempat mike, "Pogilah ke desa de penjujung iye, ngan lasung singgo kowe memasukinye, kowe todo menomuko seikuk keledai muda nyo tekobot, nyo bolum perenah de noeki urang. Rombakilah keledai iye mengka undalah. ³Munye ado urang betanyo ngan kowe, 'Mengka kou ngundatong pode?', gerahko, 'Tuhan nak menggunako keledai nie ngan todo lasung nyo kiremko ngulang kemai."⁴Mengka, mike bejelon ngan menomuko seikuk keledai muda nyo tekobat de pintu, de sebelah luor, de jelon mengka mika rombaki ⁵Beberape urang nyo togok de sane betanyo ngan enye, "Ape guna mika merombaki keledai iye?" ⁶Mika nyimbotinye upanyo soda Yesus gerako ngan mike, ngan urang-urang iye menguyuko enye bejelon.⁷Mengka, nye ngunda keledai iye ke nempat Yesus, memotekkoh jubahnye de pucuk keledai iye. ⁸Ngan, lobot urang mengamporko jubah nye de jelon, ngan nyo loinnye menebar ranteng-ranteng tong nyo totok api huma. ⁹Urang lobot nyo bejelon de depan ngan nyo mengirengnye pembuik, "Hosana ! Deberkatilah Enye nyo njongok delom namo Tuhan. ¹⁰Deberkatilah kedetongon Kerajaon Daud, nenek puyang kite! Hosana, de tempat nyo mahatinggi!"¹¹Mengka, Yesus masuk ke Yerusalem ngan bejelon ke Bait Allah. Ngan, setelah ngoleh segelo sesuatu de sekitarnye, Enye bejelon ke Betania besamo kedua belas murid-Nye ulenyo ari la soda larut.(Yesus Mengutuk Pohon Ara) ¹²Ngan esok arinye tekalo enye meninggalko Betania, Yesus meraso kelaporon.¹³Setelah ngoleh betong ara nyo bedoun deri jouh, Enye njongok untuk ngoleh mungken ado sesuatu nyo pacok Nyo tomuko deri betong iye. Tekelo Enye sampoi de betong iye, Enye hopi menomuko apo-apo kecuali doun-dounnye sabab waktu iye bukon musim buah ara. ¹⁴Ulenyo iye, Yesus buik ngan betong iye, "Jengon ado lagi urang nyo pernah makon buah deri kowe untuk selamo-lamonye. "Ngan, murid-murid-Nye ndongor.(Yesus Bejelon ke Bait Allah) ¹⁵Kemudion, mike sampoi de Yerusalem. Ngan, Yesus masuk ke Bait Allah ngan mulai mengusir urang-urang nyo sedang bejual boli de Bait Allah. Enye membalekko meja-meja penukor duit ngan kersi-kersi urang nyo menjual burung-burung merpati, ¹⁶ngan Enye hopi lagi mengijinko urang ngunda barang-barang melewati Bait Allah.¹⁷Mengka, Yesus mengajor mike ngan buik, "Bukonkah ado tetulis, 'Rumah-Ke akan desobut rumah doa bage segelo bangeso'? Cuma hambuk, kowe lah mengubah nye menjedi sangkor perampok." ¹⁸Ngan, imam-imam kepalo ngan ahli-ahli Torat mendongornye ngan mike bedelok caro upamone mbunoh-Nye. Sabab, mike takut ngan Enye ulehnyo urang lobot iye kagom ngan pengajaron-Nye. ¹⁹Ngan, tekalo ari la nak malom, Yesus ngan murid-murid-Nye meninggalko kota iye.(Punyoilah Iman de Delom Allah) ²⁰Mengka, pagi-pagi tekalo mikelewat, mike ngoleh betong ara nyo lah mati ke akor-akornye. ²¹Petrus teringot ngan buik kenempat Yesus, "Rabi, koleko! Betong ara nyo Kowe kutuk iyelah mati!"²²Ngan, Yesus nyimbot mike, "Milikilah iman de delom Allah. ²³Ake ngehatoko nyo sebonornye ngan kowe, siapo bae nyo buik ngan gunong nie, 'Teangkotlah ngan tecampoklah ke delom lout,'ngan hopi ado keraguon de delom hatinye, cuma pecayolah behwa ape nyo buik ko akan terjedi, mengko hal nie akan terjedi ngan enye.²⁴Sabab iye, Ake buik ngan kowe, ape bae nyo kowe doako ngan pintak, pecayolah behwa kowe lah menerimonye, mengko hal nie akan deboriko ngan kowe. ²⁵Ngan, munye kowe togok ngan bedoa, ampunilah munye kowe menyimpan sesuatu terhadop urang, enggak konyo Bepakme nyo ado de sorga jugo akan mengampuni kesalohon-kesalohon kowe. ²⁶Cuma, munye kowe hopi mengampuni, Bepakme nyo ado de sorga jugo hopi akan mengampuni kesalohon-kesalohon kowe."(Pemimpin Yahudi Betanyo tentang Kuaso Yesus) ²⁷Mengka, enye njongok lagi ke Yerusalem. Sementaro Yesus bejelon de Bait Allah, imam-imam kepalo, ahli-ahli Torat, ngan tua-tua Yahudi detong kepodo-Nye. ²⁸Ngan, enye buik kepodo-Nye, "Dengan kuaso ape Kowe melakuko hal-hal iye atau siape nyo memboriko-Mu kuaso untuk melakukonye?"²⁹Yesus buik ngan enye, "Aku nak betanyo sikuk-sikuk ngan kowe. Simbotilah Ake, beheru Ake endok nenelakonye ngan kowe dengan kuaso ape Ake melakuko hal-hal nie. ³⁰Ibo baptisan Yohanes berasal deri sorga atau deri mendesio? Jawablah Ake!"³¹Mike berdiskusi sikuk-sikuk ngan buik, "Munye kite nyimbot, 'Enye todo buik,'Deri surga,' Nye nak boek, " Mengka kowe hopi pecayo kenempat enye?' ³²Cuma hambuk, munye kite menjawab, 'Deri mendesio'?" Padong pemimpin iye takut ngan urang lobot ulenyo enye segelo menganggap bahwa Yohanes bonor-bonor seurang nabi. ³³Ule kerana iye, nye menjawab Yesus, "Kamie hopi tahuko." Mengka, Yesus buik ngan, mike "Upa iyelah jugo Ake, Ake jugo hopi nak akan nenelako ngan kowe dengan kuaso apolah Ake melakuko hal-hal nie."

(Perumpamoon tentang Penyewa Kebon Anggur nyo Jahat) ¹Mengka, Yesus mulai buik ngan mike delom perumpamoon-perumpamoon. "Ado urang nyo mengusahako sebidang kebon anggur. Nye membengun pagar de sekelilingnye, ngan menggali seikuk lubang untuk memerah anggur, ngan membengun sebuah menara pengawas. Mengka, enye menyiwokonye kenempat penggarap-penggarap kebon ngan bejelon ke luor negeri. ²Waktu musim nuoi, enye mengirem seurang pelayan kenempat padong penggarap kebon anggurnye. ³Cuma hambuk, nye menangkop pelayan iye, ngan mengepukinye, mengka mengusirnye dengan tangon hampo.⁴Ulenyo iye, enye mengiremko lagi pelayan loinnye kenempat mike, ngan mike mengepuk kepalonye, ngan memperlakukonye dengan caro memaluko. ⁵Mengka, enye mengirem pelayan loinnye ngan mike membunohnye. Hal nie terjedi kenempat lobot loinnye, separoh dekepuk, ngan separoh debunoh.⁶Pemilik kebon iye lagi memiliki sikok lagi, iyelah anak nyo dekasehinye. Ahernye, enye mengirem anaknyo iye kenempat mike ngan buik, 'Mike akan menghormati anakke.' ⁷Cuma hambuk, padong penggarap kebon iye buik sikuk dengan nyo loinnye, 'Nie adolah ahli warisnye. Maro, kito bunoh enye ngan warisannye akan menjedi milik kite.'⁸Mengka, mikemenangkopnye, ngan membunohnye, mengka mencampoknye keluor kebon anggur. ⁹Apenyo nak delakuko pemilik kebon anggur iye? Enye nak njongok ngan nak membinasoko padong penggarap iye ngan memboriko kebon anggur nye kenempat nyo loin.¹⁰Bolum pernah kowe membeco ayat Kitab Suci nie: 'Batu nyo decampok uleh tukang bengonon, lah menjedi betu penjuru. ¹¹Nielah perbuaton Tuhan, ngan perbuaton nie ajaib de mato kite'?" ¹²Mengka, mike berusaha untuk menangkop-Nye, cuma mike takut ngan urang lobot ulenyo mike tahuko bahwa Yesus menyampoiko perumpamoon iye untuk mike. Mengka, mike meninggalko Yesus ngan bejelon.(Tentang Membayar Pajak) ¹³Mengka, mike nyuruhko njongok kenempat Yesus beberape urang Farisi ngan urang-urang Herodian untuk menjebak Enye dengan pembuikon-Nyo dewek. ¹⁴Mike njongok ngan buik kenempat Yesus, "Guru, kamie tahuko bahwa Kowe bonor ngan hopi peduli dengan pendepot urang loin. Sabab, Kowe hopi ngoleh penampilon urang cuma anyo mengajarko jelon Allah nyo sesuoi dengan kebonoron. Ibo bonor membayar pajak ngan kaisar apo hopi?" ¹⁵Haruskah kamie membayar apo haruskah kamie hopi membayar? Cuma hambuk Yesus, setelah ngetahuko kemunafikkonnye, Enye buik kenempat mike, "Mengka kowe mencaboi Ake? bahwa kenempat-Ake 1 dinar ngan biarlah Ake ngolehnya."¹⁶Mengka, mike mengundahnye, ngan Yesus buik kenempat mike, "Gambar ngan tulison siapa nie?" Enye menyimboti-Nye, "Gambar ngan tulison kaisar." ¹⁷Mengka, Yesus buik ngan enye, "Borikolah ngan kaisar hal-hal nyo menjedi milik kaisar ngan kenempat Allah hal-hal nyo menjedi milik Allah." Ngan, mike temanga ngan Yesus.(Pertanyoon Urang Saduki untuk Menjebak Yesus) ¹⁸Mengka, urang-urang Saduki, nyo ngehatoko bahwa hopi ado kebangketon, njongok kenempat Yesus ngan betanyo kepodo-Nye, ujo mike, ¹⁹"Guru, Musa menulis kenempat kite bahwa munye urang, nyo mempunyoi dulur jenton, mati ngan meninggalko bini, dulurnyo jenton iye harus kawin ngan jendo iye ngan membangketko keturunon untuk dulurnye.²⁰Ado tujuh urang beduluron. Dulurnyo pertamo ngambik seurang bini, ngan tekalo enye mati, enye hopi meninggalko keturunon. ²¹Mengka, dulur nyo kedua mengawini betina iye, ngan mati hopi meninggalko keturunon. Upa iyelah jugo dengan dulurnyo ketiga. ²²Ngan, hopi ado deri ketujuh beduluron iye nyo meninggalko anak. Aher deri segelonye, betina iye jugo mati. ²³Tekalo hari kebangketon, tekalo nye bangket, menjedi bini siapolah betina iye? Sabab, ketujuh beduluron iye soda menjedikonnye bini."²⁴Yesus nyimbotinye, "Bukonidok nielah alason kowe menjedi sosot, ulenyo kowe hopi tereti Kitab Suci ataupun kuaso Allah? ²⁵Sabab, tekalo mike bangket deri antaro urang mati, mike hopi ado nyo kawin ataupun dekawini, cuma mike menjedi upa padong malaekat de sorga.²⁶Tentang urang-urang mati nyo debangketko, hopikan ado kowe membeco delom kitab Musa, tekalo bagion tentang somok belukor, upamone Allah buik ngan enye, 'Ake adolah Allah Abraham, ngan Allah Ishak, ngan Allah Yakub'? ²⁷Enye bukon Allah urang mati, cuma Allah urang nyo hidup. Kowe bonor-bonor sosot!"(Perentah nyo Paleng Penting) ²⁸Mengka, salah sikok jak paro ahli Torat njongok ngan mendongorko mike bedebat. Tekalo iye mengoleh bahwa Yesus lah nyimboti mike dengan beik, majonyo enye betanyo ngan Yesus, "Perentah mone nyo sajo penting deri segelonye?" ²⁹Yesus nyimbot, "Hokom nyo paleng utamo adolah: 'Dongorko, hai urang-urang Israel ! Tuhan Allah kite adolah satu-satunye Tuhan. ³⁰Ngan, kasehilah Tuhan Allahme dengan segenap hatime, ngan dengan segenap jiwome, ngan dengan segenap pekeronme, ngan dengan segenap kekuatonme.' ³¹Ngan, nyo kedua adolah: 'Kasehilah sesamome upa badanmu dewek. 'Hopi ado hokom nyo lobeh godong deri iye."³²Mengka, Ahli Taurat iye boek ngan Yesus, "Kowe bonor, Guru. Kowe bonor dengan ngehatoko bahwa Enye iye sikuk, ngan hopi ado nyo loin seloin Enye. ³³Ngan, mengasehi-Nye dengan segenap hati, ngan dengan segenap pengertion, ngan dengan segenap kekuaton, serta mengasehi sesamo upa badan dewek, memang lobeh penting deripado segelo kurban bekoron ngan persembahon." ³⁴Mengka, tekalo Yesus ngoleh bahwa urang iye nyimbot dengan bijaksana, Enye buik ngan enye, "Kowe hopi jouh deri Kerajaon Allah." Sesodah iye, hopi ado lagi urang nyo berani betanyo ngan Yesus.(Kristus adolah Tuhan) ³⁵Ngan, sambel mengajor de Bait Allah, Yesus buik, "Upamone pacok ahli-ahli Torat buik bahwa Kristus adolah anak Daud? ³⁶Daud dewek buik de delom Roh Kudus, Tuhan buik ngan Tuanke: Duduklah de sebelah kanon-Ke, sampoi Ake menempatko musuh-musuh-Me de bewoh kaki-Me.' ³⁷Daud dewek menyobut Kristus upah Tuhan'. Jedi, upamone mungkin Kristus adolah anaknye?" Ngan urang lobot mendongorko-Nye dengan senang.(Sikap terhadop Ahli-Ahli Torat) ³⁸Delom pengajoron-Nye, Yesus buik, "Hati-hatilah terhadop ahli Torat, nyo galak bejelon-jelon memakoi jubah panjong ngan galak nerimo salam penghormaton de tempat-tempat umum, ³⁹ngan mempunyoi tempat duduk terhormat de sinagoge-sinagoge ngan tempat-tempat kehormaton delom perjamuon-perjamuon. ⁴⁰Mike nyo merampos rumah-rumah padong jendo ngan sebagai dalih bedoa nyo panjong-panjong. Mike nak menerimo hukumon nyo sajo berat."(Persembahon Sejati) ⁴¹Mengka, Yesus duduk berhadapon dengan kotak persembahon ngan menontong urang-urang nyo memasukko duit ke delom kotak persembahon iye. Lobot urang sugih nyo memasukko delom jemlah godong. ⁴²Mengka, seurang jendo mesken njongok ngan memasukko dua kepeng duit logam, nyo sejemlah dengan 1 sen.⁴³Mengka, Yesus memantou murid-murid-Nye ngan buik kenempat mike, " Ake ngehatoko nyo sebonornye ngan kowe, jendo mesken nie lah ngisiko lobeh lobot ke delom kotak persembahon iye deripado segelo urang loinnye. ⁴⁴Sabab, mike segelo membori deri kelobehonnye, hambuk jendo mesken iye, membori deri kemeskenonnye, membori segelo nyo enye meliki, iyolah segelo segelo seidoknye."

KHOTBAH YESUS TENTANG AHER ZAMAN( Bait Allah Bakal De Rubuhko ) ¹Mengka, Tekalo Yesus meninggalko Bait Allah, Ado seurang murid-Nye buik ngan -Enye, " Guru, koleko alangku belagaknyo betu-betu ngan alangku belagaknyo bengunon-bengunon nie!" ²Ngan, Yesus nyimbot, " ibo kowe ngoleh bengunon-bengunon nyo megah nie? Hopi ado sikuk betu pun nyo bakal tinggal de pucuk betu loinnye nyo hopi bakal de rubuhko."( Awal Mula Penderitaon ) ³Ngan, Tekalo Yesus sedang duduk de pucuk Buket Zaitun nyo menghadop Bait Allah, Petrus, ngan Yakobus, ngan Yohanes, ngan Andreas betanyo kenempat Yesus dedewekon, ⁴Tetelakolah ngan kamie, kapan hal-hal iye bakal terjedi, ngan ape nyo bakal menjedi tando munye segelo iye bakal nak beaher ?"⁵Mengka, Yesus mulai buik kenempat mike," behati-hatilah enggakkonyo hopi ado urang nyo menyosotko kowe. ⁶Lobot urang nak detong namo-Ke, buik, 'Akelah Enye.' Ngan, mike nak menyosotko lobot urang.⁷Tekalo kou mendongor tentang peperangon ngan berita-berita tentang perang, jengot takut. Hal-hal nie harus terjedi, cuma akher deri segelonye bolum terjedi. ⁸Sabab, bengeso bakal bangket melawon bengeso, ngan kerajaon melawon kerajaon. Bakal terjedi gempo behumi de berbagai tempat; bakal ado kelaporon. Nielah permulaon deri raso saket melaherko.⁹Cuma, jegolah badanme. Sabab, mike bakal menyerahko kowe kenempat pengadelon, ngan kowe bakal de bidangi de sinagoge-sinagoge ngan kowe bakal togok de hadopon Sanhedrin ngan rajo-rajo ulenyo Ake, upa kesaksion bage mike. ¹⁰Ngan, Injil arus lobeh dehulu de beritako kepodo segelo bengeso.¹¹Ngan, tekalo mike mengundame ngan menyerahkome, jengonlah kuatir dehulu dengan ape nyo arus kou pelabeko, hambuk pelabekolah ape pun nyo de karuniako kenempatme tekalo iye ulenyo bukon kowe nyo buik, meloinko Roh Kudus. ¹²Ngan, seurang dulur bakal menyerahko dulurnye kenempat kemation, ngan bepak kenempat anaknye. Anak-anak bakal bangket melawon induk bepaknye ngan membunoh mike. ¹³Ngan, kowe bakal de benci uleh segelo urang ulehnyo namo-Ke. Cuma hambuk, urang nyo tetap betahan sampoi aher bakal deselamatko."( Hal jahat nyo menyebabko kehancuron )¹⁴" Cuma, tekalo kowe ngoleh pembinaso keji togok de nempat nyo hopi seharusnye ( Padong pembeco hendaknye tereti ), mike nyo ado de Yudea arus lari ke pegunongon. ¹⁵Urang nyo berado de hatop rumah jengon turun atau masuk kedelom rumah untok mengeluarko ape pun deri delom rumahnye.¹⁶Ngan, urang nyo berada de humah, jengon ngulang pangkol untok mengambek jubahnye.¹⁷Celakolah mike nyo sedang bunteng ngan mike nyo sedang nyusuko anak-anaknye singgo ari iye. ¹⁸Bedoalah enggakkonyo hal-hal nie hopi terjedi singgo musem dingin. ¹⁹Sabab, singgo ari-ari iye bakal terjedi waktu penderitaon godong sejak permulaon penciptaon, nyo Tuhan ciptako sampoi kinie, ngan hopi bakal perenah terjedi lage. ²⁰Ngan, munye Tuhan hopi mempersingkot ari-ari iye, hopi bakal ado seurangpun nyo de selamatko. Cuma hambuk, demi nyo de peleh, nyo lah Nye peleh, Nye mempersingkot ari-ari iye.²¹Mengka, munye ado urang nyo buik kenempatme," Koleh, Kristus ado de sie!' atau ' Koleh, Enye ado de sane!' jengon mempercayoinye. ²²Sabab, mesias-mesias pelesu ngan nabi-nabi pelesu bakal bangket ngan menunjukko tando-tando ngan keajaibon-keajaibon untok menyosotko, munye mungken, bahkan urang-urang pilehon. ²³Waspadalah! Ake sodah memboritahuko segelo nie kenempatme sebolumnye.²⁴Cuma, singgo ari-ari iye, lah terjedi masa penderitaon godong, ' Matoari bakal menjedi kolom, ngan bulane hopi bakal besinar. ²⁵Bintang-bintang bakal betitean deri langet, ngan kuaso -kuaso de langet bakal de guncangko." ( Kedetongon Anak Mendesio ) ²⁶" Mengka, mike bakal ngoleh Anak Mendesio njongok delom awan-awan dengan kuaso ngan kemuliaon nyo godong. ²⁷Mengka, Enye bakal mengutus malaekat-malaekat ngan mengumpulko nyo de pileh deri keempat arah mato angen, deri hujung-hujung behumi sampoi ke hujung-hujung langet.²⁸" Belajorlah deri perumpamaon betong ara ; tekalo dahan-dahannye sodah gomok ngan doun-dounnye keluor, mengka kowe tahuko behwo musem poang sodah parok. ²⁹Upaiyelah jugo dengan kowe, singgo kowe ngolh hal-hal nie terjedi, ketahuilah behwo enye sodak parok, de ambang pintu.³⁰Ake ngehatoko nyo sebonornyo kenempatme, generasi nie hopi bakal belalu sampoi segelo nie terjedi. ³¹Langet ngan behumi bakal belalu, hambuk firman-Ke hopi bakal perenah belalu." (Waspadalah ngan bejego-jegolah) ³²Cuma hambuk, tentang ari atau jam iye, hopi ado seurang pun nyo tahuko, hopi jugo malaikat-malaikat de serga, bahkan hopi jugo Anak, anyo Bepa.³³Waspadalah, bejego-jegolah, Sabab, kowe hopi tahuko kapan waktunye bakal njongok. ³⁴Hal nie upa urang nyo sedang melakuko pejelonon. Tekalo enye meninggalko rumah ngan membori kuaso kenempat pelayon-pelayonnye, dengan pekerejaonnye maseng-maseng, ngan jugo memerentahko penjego pintu untok tetap bejego-jego.³⁵Ulehnyo iye, bejego-jegolah ulenyo kowe hopi tahuko kapan tuan rumah iye bakal njongok, sore ari, atau tangah malom,atau waktu hayom bekukuk, atau pagi-pagi buta, ³⁶Jengon sampoi enye tiba-tiba njongok ngan mendepoti kowe sedang tiduk. ³⁷Ape nyo Ake kehatoko ngan kowe nie, Ake kehatoko kenempat segelo urang ;" Bejego-jegolah !'

( Rencana Pembunohon Yesus ) ¹Hari Rayo Paskah ngan Hari Rayo Roti Hopi Beragi belangsung dua ari lage, imam-imam kepalo ngan ahli-ahli Torat sedang bedelok caro untok menangkop Yesus dengan tipu muslihat ngan membunoh-Nye. ²Sabab, mike buik," Jengon selamo ari rayo enggakkonyo jengon terjedi keributon de antaro rakyat."( Yesus de urapi dengan Minyak Narwastu )³Tekalo Yesus ado de Betania, de rumah Simon si Kusta, tekalo sedang duduk de meja makon, njongoklah seurang betina dengan sebuah guci kecik deri betu pualam beisi minyak wangi deri narwastu nyo murni ngan mahal. Enye memacahko guci iye ngan menuangkonye ke pucuk kepalo Yesus. ⁴Cuma hambuk, ado beberape urang nyo buik dengan kesal sikuk samo loin," mengka memborosko minyak wangi upa nie? ⁵Sabab, minyak nie pacok de juol 300 dinar lobeh ngan depot de boriko kenempat urang misken." Ngan, mike pun bemarah ngan betina iye.⁶Cuma, Yesus buik, " Biarko enye. Mengka kowe menyusahko enye? enye lah melakuko perbuaton nyo beik bage-Ke. ⁷Sabab, kowe selalu mempunyoi urang misken serompokme, ngan kapan pun kowe endok, kowe pacok melakuko perbuaton beik bage mike. Cuma hambuk, kowe hopi bakal selalu mempunyoi Ake. ⁸Betina nie sodah melakuko ape nyo enye pacok. Enye mengurapi badan-Ke lobeh dehulu untok penguburon. ⁹Ake ngehatoko kenempatme nyo sebonornyo, de mone Injil de beritako de seluruh denia, ape nyo lah de perbuat betina iye jugo bakal de kehatoko sebage peringoton bakal enye."( Rencana Yudas Untok Berhianat ) ¹⁰Mengka, Yudas Iskariot, saloh sikuk deri kedua belas murid, njongok kenempat imam-imam kepalo untok menyerahko Yesus kenempat mike. ¹¹Tekalo mike mendongornye, mike agom ngan bejenji membori Yudas duit. Ulenyo iye, Yudas bedelok kesempaton nyo beik untok menyerahko-Nye.( Hidangon Paskah ) ¹²Tekalo hari pertamo Hari Raya Roti Hopi Beragi, tekalo mike mengurbanko anak domba Paskah, murid-murid Yesus betanyo ngan-Enye," Kemone Kowe kehendaki kamie untok pergi menyiapko bage-Me makon paskah ?" ¹³Mengka, Enye mnyuruh dua urang murid-Nye ngan buik kenempat mike, " Pogilah ke kota, ngan seurang jenton nyo sedang mengunda kendi beisi aek bakal menomuime. Hiluilah enye, ¹⁴Ngan ke mone sajo enye masuk, gerakolah kenempat pemilik rumah,' Guru buik; De mone ruangan tempat Ake depot makon Paskah serompok murid-murid-Ke ?'¹⁵Mengka, enye nak menunjukko ngan kowe sebuah ruangon godong de lantoi pucuk nyo sodah beperabot ngan siap sedio. Siapkolah perjamuon bage kite de sane." ¹⁶Mengka, murid-murid njongok ngan sampoi de kota. De sane, mike mendepoti sajo tepat upa nyo Yesus kehatoko kenempat mike, mengka mike menyiapko Paskah.¹⁷Tekalo ari malom, njongoklah Yesus serompok kedua belas murid. ¹⁸Ngan, tekalo waktu mike sedang duduk ngan makon, Yesus buik," Ake ngehatoko nyo sebonornyo kenempatme, saloh seurang deri antaro kowe, nyo sedang makon serompok dengan Ake, bakal mengkhianati-Ke." ¹⁹Mike mulai debuat sedih ngan buik kenempat-Nye sikuk demi sikuk," Pesti bukon ake kan?"²⁰Yesus buik kenempat mike," Nye adolah saloh sikuk deri dua belas murid, urang nyo mencelupko roti serompok Ake kedelom mangkuk. ²¹Sabab, Anak Mendesio bakal pergi, upa nyo sodah tetules tentang Enye, hambuk celakolah urang nyo ulehnye Anak Mendesio de khianati! Nak lobeh beik bage urang iye munye enye hopi perenah de laherko."( Peringoton Bakal Badan ngan Deroh Kristus ) ²²Tekalo mike sedang makon, Yesus mengambik roti, ngan lah memberkati, Enye memacah-macahkonye ngan memborikonye kenempat mike, sereta buik, " Ambiklah, nie badan-Ke." ²³Ngan, Enye mengambik cawan, ngan mengucap syukur. Enye memborikonye kenempat mike, ngan mike segelo minom deri cawan iye. ²⁴Mengka, Yesus buik kenempat mike," Nielah deroh-Ke, deroh perjenjion, nyo decurahko bage lobot urang. ²⁵Ake ngehatoko kenempatme nyo sebonornyo, Ake hopi bakal minom lage hasel buah deri betong anggur, sampoi podo ari tekalo Ake meminom anggur nyo beheru de delom Kerajaon Allah."²⁶Lah menyanyiko sebuah lagu rohani, mike pun bejelon ke Buket Zaitun. ( Murid-murid Yesus Bakal Meninggalko-Nye ) ²⁷Mengka, Yesus buik kenempat mike, " Kowe segelo bakal meninggalko Ake, ulenyo ado tetules, ' Ake bakal menyerang gembala, ngan domba-domba iye bakal tercerai-berai.'²⁸Cuma hambuk, sesodah Ake de bangketko, Ake bakal pergi ke Galilea mendehului kowe." ²⁹Cuma, Petrus buik kenempat-Nye," Sekalipun mike segelo meninggalko-Me, hambuk ake hopi."³⁰Ngan, Yesus buik kenempatnye," Ake ngehatoko nyo sebonornyo kenempatme, malom nie, sebolum hayom jenton bekukuk dua kali, kowe bakal menyangkal Ake tiga kali." ³¹Cuma hambuk, Petrus sebesentogop menyimbot, " Sekalipun ake arus te'elek serompok kowe, ake hopi bakal menyangkal Kowe!" Ngan, mike segelo ngehatoko hal nyo samo.( Yesus De Taman Getsemani ) ³²Mengka, sampoilah mike de suatu tempat benamo Getsemani, ngan Enye buik kenempat murid-murid-Nye," Duduklah de sie sementaro Ake bedoa." ³³Ngan, Enye mengunda sereta Petrus, ngan Yakobus, ngan Yohanes serompok-Nye, ngan mulai menjedi sajo takut ngan tetekan. ³⁴Mengka, ujo-Nye kenempat mike," Jiwo-Ke sajo sedih, bahkan sampoi hamper te'elek. Tetaplah tinggal de sie ngan bejego-jegolah.³⁵Mengka, lah menjouh sediket, Nye besujud de pucuk tanoh ngan bedoa, munye mungken, saat iye belalu deri pado-Nye. ³⁶Ngan, Enye buik," Bepak, segelo sesuatu mungken bage-Me. Ambeklah cawan nie deri-Ke. Cuma, Bukon ape nyo Ake kehendaki, meloinko ape nyo Kowe kehendaki."³⁷Mengka, Enye njongok belek ngan mendepoti murid-murid-Nye sedang tidur, ngan Enye buik kenempat Petrus," Simon, mengka kowe tidur ? Hopi pacokkah kowe bejego-jego selamo sikuk jam? ³⁸Bejego-jegolah ngan bedoa enggakkonyo kowe hopi titek kedelom pencobaon. Roh memang penurut, hambuk dageng lamah." ³⁹Ngan lage, Nye bejelon ngan bedoa dengan mengucapko pembuikon nyo samo.⁴⁰Ngan lage, Nye njongok ngan mendepoti mike sedang tidur ulehnyo mato mike sajo berat, ngan mike hopi tahuko arus menjawab ape kenempat-Nye. ⁴¹Sesodah iye, Yesus njongok untok ketiga kalinya ngan buik kenempat mike, " Kowe lage tidur ngan beistirahat? Cukup saatnye sodah sampoi. Koleko, Anak Mendesio de serahko kedelom tangon urang-urang bedoso. ⁴²Jegolah, maro kite bejelon. Koleko, nyo menyerahko Ake sodah parok."( Yesus Detangkop ) ⁴³Langsung sodah iye, sementara Yesus lage buik, Yudas, saloh seurang deri kedua belas murid, njongok serompok urang lobot dengan pedang ngan pentung, deutus uleh imam-imam kepalo, ngan tua-tua bengeso Yahudi. ⁴⁴Nye nyo menyerahko lah membori mike suatu tando, ujonye," urang nyo bakal ake cium, Enyelah urangnye. Tangkop Nye ngan unda Enye pogi de bewoh pengawason." ⁴⁵Ngan, tekalo Yudas sampoi, enye langsung memaroki Yesus ngan buik," Rabi!" mengka, enye mencium Yesus. ⁴⁶Mengka, mike memogong Yesus ngan menangkop-Nye.⁴⁷Cuma, saloh sikuk deri mike nyo togok, mencabut pedangnye ngan menyerang pelayon Imam Godong, mengka menotok telingonye. ⁴⁸Ngan, Yesus buik kenempat mike, " Ibo kou njongok dengan pedang ngan pentung untok menangkop Ake upa seurang perampok? ⁴⁹Setiap hari, Ake serompok dengan me de Bait Allah sambel mengajor, hambuk kowe hopi menangkop Ake. Cuma, hal nie terjedi enggakkonyo Kitab Suci depot de genapi." ⁵⁰Mengka, mike segelo meninggalko-Nye ngan melariko diri.⁵¹Ado seurang pemuda nyo mehilui Yesus, anyo memakoi kain lenan podo badannye. Ngan mike menangkopnye. ⁵²Hambuk enye meninggalko koin lenan iye ngan melariko diri dengan telanjong.( Yesus Dehakimi Pemempen Yahudi ) ⁵³Mengka, mike mengunda Yesus kenempat Imam Godong. Ngan, segelo imam kepalo, ngan tua-tua, ngan ahli-ahli Torat bekumpul besamo. ⁵⁴Ngan, Petrus mehilui Yesus deri jouh, sampoi ke halamon rumah Imam Godong. De sane, enye duduk serompok padong pengawal sambel menghangatko badan de perapion.⁵⁵Padong imam kepalo ngan segelo Mahkamah Agama torus mendelok kesaksion untok melawon Yesus enggakkonyo mike depot membunoh-Nye, hambuk mike hopi menomuko ape-ape. ⁵⁶Sabab, lobot urang memboriko kesaksion pelesu untok melawon-Nye, hambuk kesaksion mike hopi sesuai sikuk samo loin.⁵⁷Mengka, beberape urang togok ngan membori kesaksion pelesu untok melawon Yesus, ujonye, ⁵⁸" Kamie mendongor Enye buik,' Ake bakal merobohko Bait Allah buatan tangon mendesio, ngan delom tiga hari, Ake bakal membengun nyo loinnye, nyo hopi de buat dengan tangon. ⁵⁹Cuma, untok hal nie pun kesaksion mike hopi sesuai sikuk samo loin.⁶⁰Mengka, Imam Godong togok de tangah-tangah mike ngan betanyo kenempat Yesus," Ibo kowe hopi membori jawabon kenempat urang-urang nyo besaksi melawon-Me?" ⁶¹Cuma hambuk, Enye tetap diom ngan hopi menjawob. Imam Godong betanyo lage kenempat Yesus ngan buik," Ibo Kowe Mesias, Anak Allah nyo Tepuji?" ⁶²Ngan, Yesus buik," Akelah Enye, ngan kowe bakal ngoleh Anak Mendesio duduk de sebelah kanon Nyo Mahakuaso ngan njongok serompok dengan awan-awan de langet."⁶³Mengka, sambel menyeget jubahnye, Imam Godong buik," Mengka kite perlu saksi lage? ⁶⁴Kowe lah mendongor hujaton. Ape keputusonme?" Ngan, mike segelo menghukom-Nye dengan hukumon te'elek. ⁶⁵Beberape urang mulai meludahi Nye, ngan menutup muka-Nye, ngan meninju-Nye, ngan buik kenempat-Nye," Bernubuatlah!" Padong pengawal menerimo-Nye dengan menampar-Nye.( Petrus Hopi Mengakui Yesus ) ⁶⁶Ngan, sementaro Petrus lage ado de bewoh halaman rumah Imam Godong, saloh seurang pelayon betina Imam Godong njongok. ⁶⁷Ngan, ngoleh Petrus sedang menghangatko diri, pelayon iye mengolehnye ngan buik," kowe jugo serompok Yesus, urang Nazaret iye." ⁶⁸Cuma, Petrus menyangkal sambel buik," Ake hopi tahuko ngan hopi tereti ape nyo kowe buikko." Mengka, enye pergi ke pintu gerbang, ngan hayom jenton bekukuk.⁶⁹Pelayon betina iye ngoleh Petrus sekali lage ngan mulai buik lage kenempat urang-urang nyo togok," urang ni adolah salo sikuk deri mike." ⁷⁰Cuma hambuk, Nye menyangkalnye lage. Ngan, hopi lamo kemudion, urang-urang nyo togok buik lage kenempat Petrus," Kowe pesti saloh sikuk deri mike ulenyo kowe jugo urang Galilea."⁷¹Cuma, Nye mulai mengutuk ngan besumpah," Ake hopi kenal urang nyo kowe buikko!" ⁷²Enggakkonyo, hayom jenton bekukuk untok kedua kalinye ngan Petrus teringot bakal ape nyo lah Yesus kehatoko kenempatnye," sebolum hayom jenton bekukuk dua kali, kowe bakal menyangkal Ake tiga kali." Mengka, Petrus hopi depot menahan tangis.

( Berita Kebangketon Yesus ) ¹Ngan, tekalo hari sabat belalu, Maria Magdalena, Maria induk Yakobus, sreta Salome, lah memboli rempah-rempah singgo mike depot bejelon ngan meminyaki Yesus. ²Pagi-pagi bonor, podo hari pertama minggu iye, tekalo matoari terbit, mike njongok ke kuburon.³Mike buik sikuk samo loin," siape nyo bakal menggulengko betu deri pintu masuk kuburon iye?" ⁴Cuma, lah ngelaloh ke pucuk mike ngoleh betu nyo sajo godong iye sodah de gulengko.⁵Ngan, lah masuk ke delom kuburon, mike ngoleh seurang pemuda nyo memakoi jubah puteh sedang duduk de sebelah kanon, ngan mike tegelau. ⁶Mengka, enye buik kenempat mike," Jengon tegelau, kowe mendelok Yesus urang Nazaret nyo lah de salibko. Enye lah bangket. Enye hopi ado de sie. Kolehko tempat mike memberengko-Nye. ⁷Cuma hambuk, bejelonlah, kehatoko kenempat murid-murid-Nye ngan kenempat Petrus bewo Enye sedang mendehului kowe ke Galilea. De sane, kowe bakal betomu Enye, upa nyo lah Enye buikko kenempatme."⁸Mengka, mike keluor ngan melariko diri deri kuburon iye ulenyo mike gemitek ngan takjub, ngan mike hopi ngehatoko ape-ape kenempat siape pun ulenyo mike ketakuton. [ Ngan, segelo sesuatu nyo lah de perentahko enggakkonyo mike kehatoko kenempat Petrus ngan kanti-kantinye, mike sampoiko dengan singkat. Lah iye, Yesus deweklah nyo mengutus mike deri Timur sampoi ke Barat, untok menyatako berita nyo kudus ngan nyo hopi depot binaso tentang keselamaton kekal. Amin.]( Yesus Menampakko Diri Kenempat Murid-Murid-Nye )⁹Tekalo Yesus bangket pagi-pagi podo hari pertamo delom minggu iye, Enye pertamo-tamo muncul kenempat Maria Magdalena nyo derinye Yesus lah mengusir tujuh roh jahat. ¹⁰Mngka, enye bejelon ngan memberitahuko kenempat mike nyo lah serompok dengan Yesus, sementaro mike sedang besodingon ngan meratop. ¹¹Ngan, tekalo mike mendongor bewo Yesus hidop ngan lah de koleh ulehnye, mike hopi pecayo.¹²Lah kejedion iye, Yesus jugo muncul delom bentuk loin kenempat dua urang deri mike nyo sedang bejelon menuju ke desa. ¹³Mengka, mike belek ngan memboritahuko kenempat nyo loinnye, hambuk nyo loinnye iye jugo hopi mempecayoi mike.( Yesus Buik Kenempat padong Murid-Nye ) ¹⁴Lah iye, Nye muncul dewek kenempat kesebelas murid-Nye tekalo mike sedang duduk makon ngan Nye menegur mike ulenyo kehopipecayaon ngan kekarason hati mike. Sabab, mike hopi pecayo kenempat urang-urang nyo lah mengoleh-Nye sesodah Enye bangket. ¹⁵Ngan, Enye buik kenempat mike," Bejelonlah ke seluruh denia ngan beritakolah Injil kenempat segelo ciptaan. ¹⁶Siape nyo sodah pecayo ngan sodah de baptes bakal deselamatko, hambuk siape hopi pecayo bakal de hukom.¹⁷Ngan, tando-tando nie bakal mehilui mike nyo pecayo: Delom Namo-Ke mike bakal mengusir roh-roh jahat; mike bakal buik delom bahasa-bahasa beheru; ¹⁸Mike bakal memogong ulor dengan tangon mike; ngan munye mike minom racun nyo mematiko, hal iye hopi bakal mencelakako mike; mike bakal memotekko tangon mike pucuk urang-urang saket, ngan urang-urang iye bakal sembuh."( Yesus Noek Ke Serga )¹⁹Mengka, lah Tuhan Yesus ngehatokonye kenempat mike, Enye noek ke serga ngan duduk de sebelah kanon Allah. ²⁰Mengka, mike bejelon ngan bekotbah de mone-mone, sementaro Tuhan bekerjo serompok mike ngan menoguhko firman-Nye melalui tando-tando nyo menyertai-Nye.

( Penjelason Pendahuluon ) ¹Sodah ado lobot urang berusaha menyoson sebuah cataton tentang peristiwo- peristiwo nyo lah tejedi de tangah- tangah kite. ²Upah hal nye cataton lah de sampoi kepado kite uleh urang- urang sejak semula lah menjedi saksi mato ngan pemberito firman. ³Uleh nyo ake lah mempelajori segelonye en pepasot jak awal, beiklah ake menolis ko nye secaro beroruton bage me, hai Teofilus nyo mulio, ⁴Empok nyo kowe pacok mengetahui kebonoron tentang hal- hal nyo lah de ajor ko kepado me.( Pemberitohuon Tentang Yohanes Pembaptis) ⁵Pado maso pemerentahon Herodes, Rajo Yudea, ado seurang imam benamo Zakharia nyo beasal jak kelompok imam Abia. Bini nye beasal jak keturunon Harun, ngan namo nye iyelah Elisabet. ⁶Zakharia ngan Elisabet adolah urang- urang nyo bonor de mato Allah. beroyot iye hidop pi becela sesuoi ngan segelo hokom ngan perentah Tuhan. ⁷Akon tetapi, beroyot iye pi buleh anak uleh nyo Elisabet e mandul ngan kedua nye lah sajo tuha.⁸Tekalo tiba gileron rombongon nye ontok betugas, Zakharia mendepot tugas ontok menjadi imam de hadopon Allah. ⁹menorot kebiasoon imam, Zakharia tepileh berdasarko undion ontok masok ke Bait Allah ngan nunu ukupon. ¹⁰pado saat ukupon de persembahko, segeleo umat berdoa de luor.¹¹Tibo- tibo, meleikat Tuhan menampak ko diri kepado Zakharia ngan togok de sebelah kanon altar ukupon. ¹²Ketiko mengelek meleikat iye, Zakharia menjadi gemitek ngan en ketakoton. ¹³Akon tetapi, meleikat iye bekehato kepado nye, " Jengon takot, Zakharia sabab doa permohonon me sodah de dongor. Bini me, Elisabet todo melaher ko seurang anak jenton bage me ngan kowe todo namaoi Yohanes.¹⁴Kowe todo bersukacito ngan begemira, ngan lobot urang jugo todo mehilu bersukacito atos kelaheron nye. ¹⁵Enye todo menjedi gede de hadopon Tuhan ngan pi akon minom anggor apo minom minomon karas loin nye. Bahkon, sejak jak delom kandungon induk nye enye akon de ponohi uleh Roh Kodos.¹⁶Enye todo membuat lobot urang Israel bebalek kepado Tuhan, Allah nye. ¹⁷Enye todo bejelon mendohului Tuhan dengan roh ngan kuaso Elia, ontok membuat hati bepak- bepak bebalek kepado anak- anak nye. Enye jugo todo membuat urang- urang nyo pi taat ontok bebalek kepado hikmat urang- urang bonor. Dengan demikion, enye mempersiap ko umat nyo lah de sedioko bage Tuhan.¹⁸Zakharia bekehato kepado meleikat iye, " Upamone ake todo mengetahui tentang hal niye? sabab, aku niye sodah tuha ngan binike jugo sodah bayan tuha." ¹⁹Meleikat iye menyimbot, " Ake adolah Gabriel meleikat nyo togok de hadopon Allah. Ake de otos ontok betetela dengan me ngan menyampoi ko kabar beik niye kepado me. ²⁰Hambok, kinie dongor lah! kowe todo menjedi bisu ngan pi pacok boek sampoi pado ari ketiko hal- hal niye tejedi uleh nyo kowe pi pecayo pado pemboek on ke, nyo todo de genapi pado waktu nye.²¹Sementero iye, umat menunggu Zakharia. beroyot iye bertanyo- tanyo mengka Zakharia berado terlalu lamo de delom Bait Allah. ²²tekela keluor, Zakharia pi pacok boek kepado beroyot iye. Beroyot iye pun tahu behwa Zakharia lah mendepot ko pengeleon de delom Bait Allah sabab enye terus meneros membuat syarat kepado beroyot iye, hambok jopi pacok boek. ²³Setelah jangko waktu tugas keimamonnye berakher, belek lah Zakharia ke rumahnye.²⁴Setelah peristiwo iye, Elisabet bunteng ngan pi ngengeluor selamo lima bulan. Enye bekehato, ²⁵" Niye lah nyo lah Tuhan laku ko kepado ke. Enye memperhatiko ke ngan mengapos aib ke jak entaro urang lobot( Pemberitahuon Tentang Yesus Kristus) ²⁶Pado waktu usio kandongon Elisabet berusio enom bulan, Allah mengotos meleikat Gabriel ke sebuah kota de wilayah Galilea, nyo benamo Nazaret. ²⁷Enye de otos ontok menomui seurang gedis nyo betunangon dengan seurang jenton bernamo Yusuf, keturunon Daud. Namo perawan ye adolah Maria, ²⁸Lalu, meleikat iye jongok kepado Maria ngan bekehato, " Salam, hai kowe nyo de berkati! Tuhan beserta me". ²⁹Mendongor kehato iye, Maria menjedi heran. Enye bertanyo- tanyo delom hati nye tentang reti salam iye.³⁰Meleikat iye bekehato kepado nye, " Jengon takot, Maria, uleh Allah lah memboriko kaseh karunia-Nye kepado me. ³¹Dongor lah, kowe ka bunteng ngan melaher ko seurang anak jenton, ngan kowe kan namoi nye Yesus. ³²Enye kan menjedi gede ngan kan de sobot Anak Allah nyo Mahaotinggi. Tuhan kan memboriko nye tahto Daud, nenek muyang-Nye. ³³Enye kan memerentah atos keturunon Yakub untuk selamo-lamo nye ngan kerajoon- Nye pi kan perenah berakher".³⁴Lalu, Maria bekeheto kepado meleikat iye, " upamone hal niye tejedi sedang ko ake bolum belaki?" ³⁵Meleikat iye menyimbot ngan bekehato kepado nye, " Roh Kodos kan jongok atos me ngan kuaso Allah nyo Mahotinggi kan menaungi me. Iye lah sabab nye, Anak nyo kan laher iye adolah kodos ngan kan de sobut Anak Alah.³⁶Ngan, ketahui lah behwa Elisabet, dolor me iye, sedang bunteng jugo pado usio tuha nye. Enye nyo tekelahe de sobut mandul, kinie sodah bunteng selamo enaom bulan. ³⁷Sabab, pi ado hal nyo mustahil bage Allah." ³⁸Ngan, Maria bekehato, " sesunggoh nye, aku niye hambo Tuhan. Tejedi lah pado ke upanyo kowe kehato ko iye". Kemudion, meleikat iye lari meninggalko nye.( Maria Nandongi Elisabet) ³⁹Pado ari- ari iye, Maria bersiap- siap untuk lari ke daerah pegunongon, ke suatu kota de Yehuda. ⁴⁰Enye masuk ke rumah Zakharia ngan memboriko salam salam kepado Elisabet. ⁴¹Ketiko Elisabet mendongor salam Maria, anak de delom kandungon nye melompat ngan Elisabet de ponohi Roh Kodos.⁴²Kemudion Eliisabet tepekek dengan kencang, " de berkatilah kowe de entaro segelo betina, ngan de berkatilah buah kandungon me. ⁴³Siape kah niye sehinggo induk Tuhan ke nandongi ke? ⁴⁴Songguh , ketiko suaro me sampoi ke telingake, anak delom kandongon ke melompat uleh bersukacito. ⁴⁵Berbahagialah enye nyo pecayo behwa ape nyo de kehatoko Tuhan kepado nye kan de genapi."( Pujion Maria Untuk Allah) ⁴⁶Lalu, bekehatolah Maria, " Jiwo ke memulio ko Allah, ⁴⁷ngan Roh ke bersukacito de delom Allah, juruselamat ke.⁴⁸Sabab Allah lah memperhitong ko hambo- Nye nyo hino niye. Dongor lah, mulai kinie ngan seteros nye, segelo generasi kan menyobot ke bebahagia. ⁴⁹Uleh Enye nyo MahoKuaso lah melakuko hal- hal nyo gede kepado ke, ngan kodos lah namo-Nye.⁵⁰Rahmat-Nye de boriko jak generasi ke generasi, kepado urang- urang nyo takot kan Enye. ⁵¹Enye lah menonjok ko kuaso-Nye dengan tangon-Nye. Enye mencerai beraiko urang- urang nyo sombong delom pekeron hatinye.⁵²Enye menorun ko rombongon penguaso jak tahta beroyot iye, ngan meninggi ko urang nyo rendah hati. ⁵³Enye lah mengonyong ko urang nyo kelaporon dengan kebeikon, hambok mengosir urang sogeh lari ngan tangon kosong.⁵⁴Allah lah membori ko pertulungon kepado Israel, hambo-Nye, uleh mengingot rahmat-Nye. ⁵⁵Sebagoimone nyo lah Enye kehato ko kepado nenek muyang kite, kepado Abraham ngan keturonon nye untuk selamo-lamonye."⁵⁶Ngan, Maria tinggal bersamo Elisabet kiro- kiro tiga bulan lamonye, lalu enye belek ke rumah nye. ( Kelaheron Yohanes Pembaptis) ⁵⁷Kinie tiba lah waktu nye bage Elisabet untuk melaherko ngan enye melaherko seurang anak jenton. ⁵⁸Rombongon tetanggo ngan keluargonye mendongor behwa Tuhan lah menunjuko rahmat-Nye nyo godong kepado Elisabet, ngan beroyot iye turot bersukacito bersamo nye.⁵⁹Pado ari nyo kedelapan, beroyot iye jongok untuk menyunatko anak iye. beroyot iye hendak menamoi anak iye Zakharia, upa namo bepak nye. ⁶⁰Akon tetapi, induk nye bekehato," Hopi, enye akon denamoi Yohanes." ⁶¹Urang- urang iye bekehato kepado Elisabet, " Hopi ado seurangpun de entaro sanak dolorme nyo denamoi dengan namo iye."⁶²Kemudion, beroyot iye membori syarat kepado Zakharia untuk menayoko kepado enye, namo ape nak de borikonye kepado anak nye iye. ⁶³Zakharia meminta sebuah papon toles, ngan menoloes upa niyo: Namonye Yohanes." Ngan, segelo urang heran.⁶⁴Seketiko iye jugo, mulot Zakharia terbuka ngan lidahnye tebebas. Enye pun mulai pacok boek ngan memuji Allah. ⁶⁵Segelo tetanggo nye menjadi takot ngan kejedion niye menjedi bahan pemboek on de seluruh desa perbuketon Yudea. ⁶⁶Ngan, segelo urang nyo mendongor hal niye bertanyo- tanyo delom hati nye, " Akon menjedi apekah anak niye todo?" Sabab, tangon TUhan menyeretai nye( Zakharia Memuliako Allah) ⁶⁷Zakharia, bepak Yohanes, jugo de ponohi dengan Roh Kodos ngan bernubuat, ujo nye, ⁶⁸" Terpujilah Tuhan, Allah Israel sabab Enye lah melaat ngan menobus umat-Nye⁶⁹Enye lah membangket ko tandok keselamaton untuk kite keturonon Daud, hambo-Nye, ⁷⁰Upa nyo firman ko melalui mulot nabi- nabi nyo kodos sejak tekelahe ⁷¹Empok nyo kite de selamat ko jak mosoh- mosoh kite, ngan jak tangon segelo urang nyo luat dengan kite.⁷²Enye melakuko untuk menunjok ko rahmat kepado nenek muyang kite, ngan uleh Enye ingot akon perjenjion-Nye nyo kodos, ⁷³Iyelah sumpah nyo lah Enye kehatoko kepado nenek muyang kite, Abraham, ⁷⁴behwa kite akon de bebasko jak tangon musoh- musoh kite empok nyo kite pacok melayani-Nye tanpo raso takot, ⁷⁵delom kekodoson ngan kebonoron de hadopon-Nye, seumor hidop kite.⁷⁶Ngan kowe, anak ke, akon desobut nabi Allah nyo Mahotinggi, sabab kowe akon berjelon mendohului Tuhan, untuk mempersiapko jelon bage-Nye. ⁷⁷untuk memboriko pengertion tentang keselamaton kepado umat-Nye melalui pengamponon atos doso- doso mike.⁷⁸Uleh rahmat ngan belas kseh Allah kite, sinar matoari akon menyinari kite jak tempat tinggi ⁷⁹Untuk menyinari beroyot nyo tinggal delom kekolomon ngan berado delom bayong- bayong mout, untuk menunton kaki kite menuju ke jelon damai sejahtera.⁸⁰Mangko nye, anak iye bertumbuh semaken godong, ngan semaken kuat de delom roh. Enye tinggal de padang belantaro sampoi tiba waktunye untuk menunjok ko diri kepado bengso Israel.

( Sensos Ngan Kelaheron Yesus Kristus) ¹Pado waktu iye, Kaisar Agustus mengeluorko perentah empok nyo de adoko sensos bage segelo penduduk de segelo denia. ²Niyelah sensos penduduk nyo pertamo kali deadoko ketekela Kirenius menjedi gubernur de Siria. ³Mangko nye, segelo urang belek ke kota asalnye maseng- maseng ontuk mendaftar ko diri.⁴Yusuf jugo meninggal ko Nazaret, kota Galilea, ngan menuju Yudea, ke kota Daud nyo de sobot Betlehem, uleh nyo enye beasal jak gares keturunon Daud, ⁵Empok nyo enye de daftar ko besamo ngan Maria, tunangon nye, nyo sedang bunteng.⁶Tekela Yusuf ngan Maria tinggal de Betlehem, tibo lah waktunye bage Maria ontuk melaherko. ⁷Maria pon melaher ko Anak jenton nyo pertamo. Enye membongkos nye ngan koen lampen ngan membareng ko-Nye de delom palungon, uleh nyo piado kamar bage nye ontuk temalom( Rombongon Gembalo Ngelek Budak Abang Yesus) ⁸De daerah nyo sama, ado beberapo gembalo nyo tinggal de padang ontuk menjego kawonon domba nye pado waktu malom. ⁹Tibo- tibo, meleikat Tuhan bersinar de sekelileng nye sehinggo nye sajo ketakuton.¹⁰Akon tetapi, meleikat iye bekehato ngan rombongon iye, " Jengon takot sabab dongor lah, Ake memberitako kabar beik tentang sukacito sajo godong nyo de peruntuk ko bage segelo bengeso. ¹¹Sari niye, lah laher bage me Juruselamat, Iyelah Kristus Tuhan, de kota Daud. ¹²Niye lah tando bage me: kowe akon menomuko budak abang nyo de bongkos ngan koen lampen ngan tebareng delom palongon."¹³Tibo- tibo, nampok lah besamo-samo meleikat iye sekumpolon godong tentera seregawi nyo memuji Allah ngan bekehato, ¹⁴" Kemuliaon bage Allah de tempat nyo mahatinggi ngan damai sejahtera de bumi, de entaro urang- urang nyo bekenan kepado-Nye."¹⁵Tekalo rombongon meleikat meninggal ko rombongon gembalo iye ngan belek ke serega, rombogon gembalo iye bekehato seurang ngan nyo loen, " Maro kite ke Betlehem ontuk ngelek hal-hal nyo sodah tejedi niye, nyo lah Tuhan boritahuko kepado kite." ¹⁶Lalu, rombongon iye cepat- cepat bejelon ngan menomuko Maria ngan Yusuf, sereta budak abang nyo tebereng de palongon.¹⁷Tekalo rombongon gembalo ngelek Enye, beroyot iye menceritako perkehatoonyo lah de kehato ko kepado beroyot iye tentang budak iye. ¹⁸Ngan, segelo urang nyo mendongor hal iye heran atos hal- hal nyo de kahatoko rombongon gembalo kepado nye. ¹⁹Hambok, Maria menyimpan hal iye ngan merenungko nye delom hatinye. ²⁰Lalu, rombongon gembalo belek kepado domba- domba nye sambel memuliako ngan memuji Allah atos segelo nyo lah enyo kelek ngan dongor upa nyo dekehato ko kepado nye.²¹Ngan, Setelah gonop delapan ari ontuk menyunatko budak abang iye, namo-Nye de sobut Yesus, upa namo nyo de boriko uleh meleikat sebolum Enye de kandung de delom kandungon.( Budak Abang Yesus de Undah ke Bait Allah) ²²Tekela ari- ari penyucion sesuoi hukum Musa, lah sodah, Maria ngan Yusuf membewo Yesus ke Yerusalem untuk menyerahko- enye kepado Tuhan, ²³Upa nyo tetoles delom hukum Tuhan, " Setiop anak jenton pertamo haros de kodos ko bage Tuhan ²⁴Ngan untuk memboriko persembahon sesuoi dengan ape nyo lah de kehato ko delom hukum Tuhan, iye lah sepasong burung dero apo dua ikuk borung merpati muda".( Simeon Ngan Hana Ngelek Yesus) ²⁵Ado seurang bernamo Simeon nyo tinggal de Yerusalem. Enye adolah urang nyo bonor ngan saleh, nyo menanti-nanti ko penghiboron Allah atas Israel, ngan Roh Kodos menyeretainye. ²⁶Roh Kodos menenelako nye behwa enye hopi akan teelek sebolum ngelek Kristus nyo de urapi Tuhan.²⁷Lalu, Simeon jongok ke Bait Allah atas tuntunon Roh Kodos, tekela Yusuf ngan Maria ngundah budak abong Yesus ke Bait Allah untuk melaksana ko kepado-Nye ape nyo lah de tentuko uleh Hukum Taurat. ²⁸Selanjut nye, Simeon mendokong budak abong iye ngan memuji Allah, ujo nye, ²⁹" Kinie, ya Tuhan, kironye Kowe mengizin ko pelayan me niye teelek delom damai, sesuoi dengan firman-Me;³⁰sabab mato ke lah ngelek keselamaton-Me, ³¹Nyo lah Kowe sedia ko de hadopon segelo bengso; ³²Iyelah cahayo nyo nak menarangi bengso- bengso nyo hopi mengenal Tuhan, ngan nyo menjedi bage umat- me, Israel."³³Yusuf ngan induk budak iye menjedi heran atas ape nyo de kehehato ko Simeon tenteng Enye. ³⁴Kemudion, Simeon memberkati Enye ngan bekehato kepado Maria, Induk Yesus, " Dongor, budak niye lah de tetap ko untuk menitek ko ngan membangket ko lobot urang de Israel, sereta menjedi tando nyo de tentang lobot urang. ³⁵( Ngan, sebilah pedang nak menikom jiwome) empok nyo isi hati lobot urang nak de nyato ko."³⁶De sane lah jugo ado seurang nabiah, bernamo Hana, anak Fanuel jak suku Asyer. Enye sodah sajo tuha. Enye anyo hidop dengan laki nye selamo tujuh tahon setelah pernikahon nye, ³⁷ngan kemudion menjedi jendo sampoi 84 tahon. Enye hopi perenah campok ko Bait Allah, cuma kompolon siang ngan malom dengan bepuaso ngan berdoa. ³⁸Pado waktu iye, jongok lah Hana ngan enye mengucap syukur kepado Allah sereta mencerita ko tentang Yesus kepado segelo urang nyo menanti- nanti ko penobuson Yerusalem.³⁹setelah Yusuf ngan Maria melakuko segelo sesuatu sesuoi hukom Tuhan, enye belek ke Galilea, ke kota asal enye, iyelah Nazaret. ⁴⁰Budak iye pun betomboh semaken godong, ponoh dengan hikmat, ngan Allah memberkati-Nye.( Yesus e De Bait Allah) ⁴¹Setiop tahon, urang rayo Yesus bepejelonon ke Yerusalem pado Ari Rayo Paskah. ⁴²Tekela Yesus beromor dua belas tahon, enye bejelon kiyone sesuoi kebiasoon ari rayo iye. ⁴³Sesodah perayaon iye beaher, enye belek. Hambok, Yesus se tetap tinggal deYerusalem tanpo sepengetahuon urang tuha-Nye. ⁴⁴Kareno urang tuha Yesus mengiro behwa Enye berado de entaro rombongon, enye pu melanjut ko pejelonon sampoi sehari ponoh. Lalu, enye mulai mendelok i nye de entaro koum keluargo ngan urang- urang nyo enye kenal.⁴⁵Tekela enye hopi menomu ko Yesus, enye belek ke Yerusalem untuk ndelok i-Nye. ⁴⁶Sesodah tiga ari, enye menomuko Yesus de Bait Allah sedang dodok de entaro guru-guru agamo, sambel mendongor ko ngan mengaju ko pertanyoon kepadonye. ⁴⁷Segelo urang nyo mendongor-Nye terheran- heran akon pengetahuon ngan jawabon-jawabon-Nye.⁴⁸Tekela urang tuha -Enye ngelek nye jugo heran. Lalu, induk- nye betanyo." Kulup, mengka Kowe melakuko niye terhadop kamie? Bepak-Me ngan ake sajo temesan ndelok i-Me." ⁴⁹Jewob Yesus kepado enye, " Mengka mike delok i Ake? hopi tahu ko kowe behwa Ake paseti berado de rumah Bepa- Ke?" ⁵⁰hambok, enye hopi tereti ape nyo de kehato ko_Nye kepadonye.⁵¹Lalu, Yesus belek serompok enye ke Nazaret ngan menoroti enye. Hambok, induk-Nye menyimpan perkehatohon iye delom hatinye. ⁵²Yesus pun bertomboh semaken godong ngan semaken bijaksano. eneye jugo semaken de agomi Allah ngan mendesio.

( Pelayanon Yohanes Pembaptis) ¹Pado tahon kelima belas maso pemerentahon Kaisar Tiberius, tekela Pontius Pilatus menjedi gubernur Yudea, Herodes menjedi rajo Galilea; Filipus dolor Herodes menjedi rajo wilayah Iturea ngan Trakhonitis; ngan Lisanias menjedi rajo Abilene, ²Hanas ngan Kayafas menjabat sebagoi imam agung, jongok lah firman Allah kepado Yohanes, anak Zakharia, nyo tinggal de padang belantaro.³Mangko, bejelon lah Yohanes kesegelo daerah de sekitar Yordan ngan memberitako baptison pertobaton untuk pengampunon doso,⁴Upa nyo tetoles de delom kitab Nabi Yesaya: " Niye lah suaro urang nyo belolungon de padang belantaro, ' Siap ko lah jelon bage Tuhan, luros kolah jelon bage-Nye.⁵Setiop daman tembah nak de timbun, ngan setiop gunong ngan buket nak de ratoko. Jelon nyo beliku-liku nak de lurosko, ngan setiop jelon nyo hopi rato nak de mulus ko. ⁶Ngan, segelo urang nak ngelek keselamaton jak Tuhan!""Yesaya 40: 3-5⁷Lalu, Yohanes berkehato kepado urang lobot nyo jongok untok de baptis ulehnyo, " Hai, kowe keturunon Ulor beludak! siape nyo memperingot ko me untuk melariko diri jak murka nyo nak jongo ?⁸Uleh karena iye, hasel ko buah- buah nyo menunjok ko pertobatan me. Jengon berkehato kepado diri me dewek,' Abraham iyelah nenek moyang kami!' Ake berkehato kepado me, sesunggohnye jak betu- betu niye Allah pacok membangket ko budak- budak bage Abraham!⁹Bahkon, mulai kinie kapak sodah de potek ko de akor betong kayu. Setiop betong kayu nyo hopi menghasel ko buah nyo beik nak de tobong ngan de tohu ko ke delom api."¹⁰Urang- urang bertanyo kepado Yohanes, " Munye memunye, ape nyo haros kmai lakuko?" ¹¹Enye menjewob, " Setiop urang mempunyoi dua beju, enye haros membagenye ngan urang nyo hopi mempunyoi. Ngan, setiop urang nyo mempunyoi makonon, haros melakuko hal nyo samo."¹²Beberape pengompol pajak jugo jongok untuk de baptis. Beroyot iye bertanyo kepado Yohanes pembaptis, " Guru, ape nyo haros kami lakuko?" ¹³Yohanes memberitahu ko enye," Jengon menarek pajak lobeh jak nyo lah de tetap ko bage me."¹⁴Beberape tentera bertanyo kepadonye, " upamone ngan kamie? Ape nyo haros kami lakuko?" Yohanes berkehato berkehato kepado nye, " Jengon meminta duit jak siape pun secaro pakso apo ngan todohon pelsu. Cokop ko lah diri me ngan gaji me."¹⁵Tekela iye segelo urang sedang meharop ko kedetongon Mesias, beroyot iye segelo bertanyo- tanyo delom hati tentang Yohanes, apekah enye Kristus apo bukon. ¹⁶Yohanes menjewob enye ngan berkehato, " Ake membaptis kowe ngan aek. Hambok, seseurang nyo lobeh berkuaso jak ake nak jongok. Untuk membuka ko tali sandal-Nye pun ake hopi layak. Enye nak membaptis kowe ngan Roh Kodos ngan api.¹⁷Alat penampi sodah ado de tagon-Nye untuk membereseh ko lantoi pengirekon ngan untuk mengompol ko gendum nyo beik kedelom lumbung-Nye. Hambok, enye nak nunuko sekam kedelom api nyo hopi nak padom."¹⁸Dengan lobot nasehat nyo loen, Yohanes mengajor ko Injil kepado lobot urang. Yohanes Pembaptis de penjarako ¹⁹Hambok, ulenyo Yohanes menogur Herodes, rajo wilyah, atas hal nyo lah delaku konye dengan Herodias, bini dolor Herodes, nagn ulehnyo segelo hal jahat nyo lah delakuko nye, ²⁰mangko Herodes menambohko niye atas segelo nye dengan memasok ko Yohanes kedelom penjara.( Yesus de Baptis) ²¹Tekelah segelo urang debaptis, Yesus jugo debaptis. Ngan, tekela Enye berdoa, langet tebuka, ²²ngan Roh Kodos toron ke atas-Nye delom wujod borong dero. Lalu, ado suaro jongok jak langet ngan berkehato, " Kowe lah Anak-Ke nyo kukasehi. Kepado-Me lah Ake bekehenan"( Asal Usul Yesus) ²³Tekela Yesus memulai pelayanon-Nye, Enye beromor kiro- kiro tiga poloh tahun. Urang- urang bependepot behwa Yesus adolah anak Yusuf. Yusuf anak Eli. ²⁴anak Matat. Matat Lewi. Lwei anak Malkhi. Malkhi anak Yanai. Yanai anak Yusuf.²⁵Yusuf anak Matica. Matica anak Amos. Amos anak Nahum. Nahum anak Nagai. ²⁶Nahum anak Maat. Maat anak Matica. Matica anak Simei. Simei anak Yosekh. Yosekh anak Yoda.²⁷Yoda anak Yohanan. Yohanan anak Resa. Resa anak Zerubabel. Zerubabel anak Sealtiel. Sealtiel anak Neri. ²⁸Neri anak Malkhi. Malkhi anak Adi. Adi anak Kosam. Kosam anak Elmadam. Elmadam anak Er. ²⁹Er anak Yesua. Yesua anak Eliezer. Eliezer anak Yorim. Yorim anak Matat. Matat anak Lewi.³⁰Lewi adolah anak Simeon. Simeon anak Yehuda. Yehuda anak Yusuf. Yusuf anak Yonam. Yonam anak Elyakim. ³¹Elyakim anak Melea. Melea anak Mina. Mina anak Matata. Matata anak Natan. Natan anak Daud. ³²Daud anak Isai. Isai anak Obed. obed anak Boas. Boas anak Salmon. Salmon anak Nahason³³Nahason adolah anak Aminadab. Aminandab anak Admin. Admin anak Arni. Arni anak Hezron anak Peres. Peres anak Yehuda. ³⁴Yehuda anak Yakub. Yakub anak Ishak. Ishak anak Abraham. Abraham anak Terah. Terah anak Nahor. ³⁵Nahor anak Serug. Serug anak Rehu. Rehu anak Peleg. Peleg anak Eber. Eber anak Salmon.³⁶Salmon anak Kenan. Kenan anak Arpkhsad. Arpakhsad anak Sem. Sem anak Nuh. Nuh anak Lamekh. ³⁷Lamekh anak Metusalah.Metusalah anak Henokh. Henok anak Yared. Yared anak Mahalaleel. Mahalaleel anak Kenan. ³⁸Kenan anak Enos. Enos anak Set. Set anak Adam. Adam adolah anak Allah.

( Pencubaon Yesus) ¹Yesus, nyo ponoh dengan Roh Kodos belek jak Yordan. Kemudion, Enye de pempin uleh Roh Kodos, menuju padong belantaro ²Selamo 40 ari untuk de cuboi uleh belis. enye hopi makon apepun selamo ari- ari iye. Tekela sodah beaher, enye menjedi kelaporon.³Lalu, Belis bekehato kepado- Nye, " Munye Kowe Anak Allah, soroh lah betu iye menjedi roti." ⁴Yesus menjewobnye, " Ado tetoles, ' Mendesio hidop bukon jak roti bae."" Ulangan 8: 3⁵Kemudion, Belis ngundah Yesus ke nempat nyo tinggi ngan ngengelek ko kepado-Nye segelo kerajaaon denia secaro sekilas. ⁶Lalu, Belis berkehato kepado-Nye, " Ake nak memboriko-Me kuaso ngan kemuliaon atas segelo nempat iye, sabab segelonye lah de boriko kepado ke. Ngan, ake memboriko nye kepado siape bae nyo nyo kae endok ko. ⁷Jedi, munye kowe menyembahke, segelo nye iye nak menjedi melek-Me."⁸Lalu, Yesus, menyimboti , " Ado tetoles,' Kowe haros menyembah Tuhan Allahme, ngan hanyo kepado-Nye kowe haros berbakti.""Ulangan 6: 13⁹Kemudion, Belis e ngundah Yesus ke Yerusalem lalu menempat ko-Nye de pocak bobongon Bait Allah. Ujo belis e kepado Yesus, " Munye Kowe Anak Allah, tite ko lah diri me jak sie ke bewoh, ¹⁰uleh nyo ado tetoles, ' Mengenai Kowe, Allah nak memerentah ko meleikat- meleikat-Nye untuk menjego -Me.' Mazmur 91:11 ¹¹Ngan, ' Dengan tangon enye, enye nak menopang- Me empok nyo kaki -Me hopi tehempas betu.""Mazmur 91: 12¹²Jewob Yesus kepado belis," Ado tetoles,' jengon mencuboi Tuhan Allahme."" Ulangan 6: 16 ¹³Setelah sesodah mencuboi Yesus, enye bejelon meninggal ko- Enye ngan menunggu kesempaton nyo loen.( Permulaon Pelayanon Yesus de Galilea) ¹⁴Yesus belek ke Galilea dengan ponoh kuaso Roh, ngan berita tentang -Nye menyebar keseluruh deerah de sekitar nye. ¹⁵Lalu Enye mulai mengajor de sinagoge, ngan segelo urang memuji-Nye.( Yesus de Tulak de kota Asal-Nye) ¹⁶Kemudion Yesus bepejelonon ke Nazaret, kota tempat -Enye de gede ko. Upa kebiasoon-Nye, Yesus bejelon ke Sinagoge pado ari sabat, ngan togok untuk membeco. ¹⁷Kitab Nabi Yesaya de boriko kepado-Nye, lalu Enye membuka kitab iye ngan menomu ko bagion nyo menoles ko,¹⁸" Roh Tuhan ado pado-Ke, ule Enye lah mengurapi Ake untuk memberitako kabar beik kepado urang- urang mesken. Enye mengotus Ake untuk memberitako pembebason kepado paro tawanon, ngan pemolehon pengeleon kepado urang- urang buta, untuk membebasko urang- urang nyo tetindas, ¹⁹ngan untuk mengabar ko behwa tahon rahmat Tuhan sodah jongok."Yesaya 61:1-2²⁰Yesus menutop kitab iye lalu membelek ko nye kepado pejabat rumah ibadah, ngan kemudion Enye dodok. MAto segelo urang de delom sinagoge iye tepaku pado diri-Nye. ²¹Lalu, Yesus mulai boek kepado beroyot iye, " Sari Niye, gonop lah ape nyo de toles ko Kitab Suci niye saat mike mendongor ko enye." ²²Ngan, segelo urang membonor ko-Nye sambel teheran- heran akan keheheto indah nyo keluor jak molot-Nye. Beroyot iye bekehato, " Bukon kah Enyo nie anak Yusuf?"²³Kemudion, Yesus berkehato kepado beroyot iye, " Kowe peseti nak mengucap ko peribeheso niye kepado- Ke, ' Dokun, sombuh ko lah diri-Me dewek ! kami e dongor tentang hal- hal nyo Kowe lakuko de Kapernaum, lakuko lah jugo de sie, de kota asal -Me dewek."" ²⁴Kemudion Enye bekehato kepadome, sesonggohnye hopi ado nyo de terimo de kota asalnye dewek.²⁵Delom kebonoron, Ake mengehato ko kepado me, ado lobot jendo de Israel pado zaman Elia, tekela langet tertutop selamo tiga tahon ngan enom bulan, tekela kelaporon hebat tejedi de seluruh negeri. ²⁶Hambok sebelek nye, Elia hopi de utos kepado siapepun kecuali kepado jendo de Sarfat, de deerah Sidon. ²⁷Ngan, ado lobot urang tekana kusta, de Israel pado zaman Nabi Elisa, cuma hopi ado seurangpun jak mike nyo de taher ko, seloen Naaman, urang Siria iye."²⁸Tekela mendongor hal- hal niye, segelo urang de delom Sinagoge iye de ponohi dengan luat. ²⁹Mangko, Togok lah beroyot iye ngan meheret Yesus keluor jak kota iye, lalu mengundah-Nye ke poncak buket nempat kota iye de bengun untuk menitek ko-Nye jak tobeng. ³⁰Hambok sebeleknye, Yesus lewat jak tangah- tangah beroyot iye ngan bejelon.( Seurang Jenton de Bebas ko jak Roh Setan) ³¹Sebuah kota de wilayah Galilea, ngan mengajor urang lobot ³²Mike kagom tehadop pengajoron-Nye sabab perkehatoon_nye ponoh dengan kuaso.³³De sinagoge, ado seuraang jenton nyo kerasokon roh belis nyo najes. Urang iye pepekeon dengan suaro bias, ³⁴" Uyu kolah kamie dewek! Ape uruson-Me dengan kami e, hao Yesus, urang Nazaret? Apekah Kowe jongok untok membenasoko kamie? Ake tahu ko siape Kowe, -Nyo Kodos jak Allah!"³⁵Hambok sebeleknye, Yesus membentak roh belis iye, ujo-Nye" Diom! keluor lah jak urang niye!" Setelah iye belis iye membantengko urang iye ke tanoh, de depan segelo urang, enye keluor jak badan urang iye ngan hopi menyaketinye. ³⁶Dengan ponoh kekagomon, segelo urang nyo ado de sane bekehato seurang dengan nyo loen," Pekehatoon apekah niye? uleh dengan wibawa ngan kuaso, Enye memerentah ko roh- roh najes iye ngan mike keluor." ³⁷Ngan, berita tentang Yesus e tesebar kesegelo nempat de segelo deerah iye, Indok mentuha Petus e ngan urang lobot de somboh ko³⁸Kemudion, Yesus meninggal ko rumah ibadah iye ngan bejelon ke rumah Simon. Tekalo iye, indok mentuha Simon sedang domom tinggi, ule iye mike meminta Yesus untok menyomboh konye. ³⁹Lalu, togok lah Yesus de parok indok mentuha Simon ngan membentak domom iye, ngan saketnye pun somboh. Seketika iye jugo, indok mentuha Simon jego ngan mulai melayani mike.⁴⁰Tekalo matoari mulai tebenob, segelo urang ngundah keluargo mike nyo menderita bebagoi jenis penyaket kepado Yesus. Kemudion Yesusmemotek ko tangon-Nye ke atas mike maseng- maseng ngan menyomboh ko mike. ⁴¹Belis setanpun keluor jak urang lobot iye sambel pepekeon" Kowe adolah Anak Allah!" Hambok sebeleknye, Yesus membentak rombongon iye, Enye hopi menguyuko enye boek ulehnyo mike tahu ko behwa Enye adolah Kristus.⁴³( Yesus Bekhotbah de Kota- Kota Loen) ⁴²Pepaginye Yesus bejelon kesuatu deman nyo sunyi untok dedewekon. Urang lobot mendelok i-Nye, ngan tekalo rombongon iye menomuko-Nye, rombongon iye menghalangi ENye empok hopi meninggal ko rombongon iye. Hambok sebeleknye, Enye bekehato kepado rombongon iye, " Ake haros memberitako Injil Kerajaon Allah ke kota- kota loen jugo uleh nyo untok niyelah Ake de otus." ⁴⁴Lalu, Yesus berkhotbah de sinagoge- sinagoge de Yudea.

( Panggelon Untok Menjedi Penjelo Mendesio) ¹Pado waktu tekalohe, Urang lobot bekompol de sekelileng -Nye untok endongor ko firman Allah. Tekalo iye, Yesus togok de topi denou Genesaret ²ngan, ngelek dua bidok nyo sedang menopi de topi denou iye, hambok tukang delok ikan sodah keluor jak bido-bidok iye ngan sedang membesoh jelonye. ³Yesus noek kesalah sikuk bidok, iyelah milek Simon, ngan menyaro Simon untok ngayuh ko bidoknye lelamboton menjouh jak tobeng derot. Kemudion, Yesus dudok ngan mengajor urang lobot jak pocok bidok.⁴Sesodah eomongon, Yesus bekehato Simon," Bejelonlah ke deman aek nyo delom ngan tebarko lah jelome untok menangkop ikan." ⁵Simon menyimbot," Guru, kamie lah begwe nenihan sepanjong malam, hambok hopi buleh apo- apo!Hambok ulenyo Kowe nyo menyuruhkonye, ake nak menebarko jelo niye. " ⁶Ngan, tekalo mike melakukonye, mike menangkop ikan en lobot sehinggo jelo mike mulai teseget. ⁷Lalu, mike memboriko tando kepado kanit-kanti mike de bidok nyo loen untok jongok ngan nolungi mike. Kemudion, jongok lah kanti- kanti mike ngan mengisi kedua bidok iye dengan ikan hinggo bidok mike hamper tenggolom.⁸Tekalo Simon Petrus ngelek hal niye, enye besojud de depan Yesus ngan bekehato," Larilah jakke, Tuan, sabab ake adolah urang nyo bedoso!" ⁹Petrus bekehato demikion sabab enye ngan segelo urang nyo besamonye meraso en teheran atas lobotnye ikan nyo mika tangkop. ¹⁰Demikion jugo ngan Yakobus ngan Yohanes, anak- anak Zebedeus, nyo bekanti dengan Simon, " Jengon takot. Mulai kinie, kowe nak menjedi penjelo mendesio." ¹¹Sesodahnye narek bidok-bidoknye ke derot, beroyot iye meninggal ko segelo sesuatu ngan mehilu Yesus.( Urang Saket Kusta De Sombuhko) ¹²Suatu Ari, Yesus sedang ado de sebuah kota. De kota iye, ado seurangnyo badannye ponoh kusta. Tekela urang iye ngelek Yesus, enye besujud hinggo mukanye menyontuh tanoh ngan memohon kepado-Nye," Tuan, munye Kowe endok, Kowe pacok ngubat i ake." ¹³Lalu, Yesus mengolorko tangon-Nye ngan menyontuh urang iye. Ujo-Nye, " Ake endok, jedilah sombuh." seketika iye jugo, penyaket kusta urang iye sayau.¹⁴Hambok, Yesus memerentahko urang iye untok hopi memboritahu siapepun ngan bekehato," bejelon ngan tunjokkolah dirime kepado imam. Persembahko lah kurban atas kesembuhonme upa nyo deperentah ko uleh Musa sebagoi beketi bage mike."¹⁵Berita tentang Yesus maken tesebar sehinggo lobot urang jongok bekompol untok mendongorko Enye ngan untok de sombuh ko jak penyaketnye. ¹⁶Hambok, Yesus recap bejelon menyelinop ke daman- daman sunyi untok bedoa.( Urangnyo Lompoh Desombuh ko) ¹⁷Pado suatu ari, tekela Yesus sedang ngajor, urang- urang Farisi ngan ahli- ahli Taurat nyo jongok jak segelo kota de wilayah Galilea, Yudea, ngan Kota Yerusalem jugo dodok de sane. Ngan, kuaso Tuhan menyeretai Yesus sehinggo Enye pacok menyombuh ko urang lobot.¹⁸Lalu, nampoklah beberape urang memikul seurang lopoh de pocok daman tidornye, ngan enye berusaha ngundahnye masok ngan moteko urang iye de depan Yesus. ¹⁹Hambok sebeleknye, ulenyo rombongon iye hopi menomuko jelon untok ngundah urang iye masok akibat kerumunon urang, noek lah rombongon iye ke pocok hatop ngan menoronko urang lompoh iye besamo dengan daman tidornyr ke tangah- tangah de hadopon Yesus.²⁰Tekela ngelek imannye, Yesus bekehato, " Hai dolor, dosome sodah deampuni." ²¹Ahli-ahli Taurat ngan urang- urang Farisi mulai betanyo-tanyo," siapekah urang nyo menghujat Allah nie? Siape pacok mengamponi doso-doso kecuali Allah bae?"²²Tekela Yesus mengetahui pekeron rombongon iye, Enye bekehato, " Mengka kowe betanyo upa iye delom hatime? ²³Mone nyo lobeh ungai, mengehatoko' Doso-dosome sodah deamponi' apo jego ngan bejelonlah'? ²⁴hambok sebeleknye, empoknyo kowe mengetahui behwa Anak Mendesio bekuaso de behumi untok mengamponi doso,"Yesus bekehato kepado urang lopoh iye," Ake bekehato kepadome: Jegolah, angketlah daman tidorme ngan belek lah."²⁵seketiko iye jugo, urang iye langsung togok dedepan segelo iurang ngan ngambek damannyo bereng, lalu bejelon belek sambel memuji Allah. ²⁶Segelo urangiye meraso heran ngan memuji Allah. Dengan deponohi raso takot nyo gede tehadop kuaso Allah, beroyot iye bekehato," Sari nie kamie ngelek hal-halnyo luar biaso!"( Lewi Mehilu Yesus) ²⁷Setelah iye, Yesus keluor ngan ngelek seurang pemalak pajak benamo Lewi nyo sedang dodok de daman pemongoton pajak. Yesus bekehato kepadonye, " Hilulah Ake." ²⁸Mangko Lewi pon togok, meninggalko segelonye,ngan mehilui Yesus.²⁹Kemudion, enye mengadoko pesta gede untok Yesus de rumahye. Lobot urang pemalak pajak ngan urang- urang loen nyo makon besamonye. ³⁰Hambok sebeleknye, urang- urang Farisi ngan ahli-ahli taurat mulai mehege kepado mured- mured Yesus,"Mengka kowe makon ngan minom besamo rombongon pemalak pajak ngan urang-urang bedoso?" ³¹Yesus menyimbot ngan bekehato kepado rombongon iye," Bukon urang- urang sehat nyo memereluko deetor, hambok urang-urang saket. ³²Ake jongok bukon untok mantou urang bonor, hambok untok mantou urang- urang bedoso emponyo enye betobat."( Urang Farisi Membandengko Mored Yohanes ngan Yesus) ³³Rombongon iye bekehato kepado Yesus," Mored-mored Yohanes Pembaptis recap bepuaso ngan bedoa, upa iye jugo mored-mored urang Farisi. Hambok sebeleknye, mored-mored-Me selalu makon ngan minom." ³⁴Yesus bekehato kepado rombongon," pacokah kowe nyuruh rombongon pengireng penganten enton untok bepuaso tekala penganten jenton iye maseh besamo-samo ngan mike? ³⁵Hambok, ari- ari iye nak jongok, tekela penganten jenton iye de ambek jak mike, ngan pado sari iyelah mike nak bepuaso."³⁶Yesus jugo menceritako perumpamaon nie kepado rombongon iye," Hopi seurangpun nak nyeyeget sehelai koen jak beju beheru untok menampol bejunyo lah borok. Ulehnyo demikion, urang iye nak merosak bejunyo beheru, ngan koen penampol jak koen nyo beheru iye hopi akon cocok dengan bejunyo borok.³⁷Demikion jugo hopiado seurangpunnyo menuangko anggor beheru kedelom kantong kuletnyo lamo. Anggor beheru iye todo menyegetko kantong kulet nyo lamo sehinggo anggor iye todo tetumpah ngan kantong kuletnye hancor. ³⁸Anggor nyo beheru haros de simpan de delom kantong kulet nyo beheru. ³⁹Hopi seurangpun nyo lah minom anggor lamo, endok meminom anggor beheru sabab enye bekehato, 'anggor nyo lamo iye lobeh enak.""

( Tuhan Atas Ari Sabat) ¹Suatu tekela pado ari Sabat, Yesus bejelon melalui sebuah huma Tekela iye, mored- mured-Nye memitok beberape biji gendom, ngenggosokkonye dengan tangonnye, lalu memakonye. ²Beberape urang Farisi betanyo," Mengka kowe melakuko hala nyo hopi buleh de lakuko pado ari sabat?"³Yesus menyimbotnye dengan bekehato," hopi kah mike pernah membeco apenyo delakuko Daud tekela enye ngan urang- urangnye nyo besamonye meraso lapor, ⁴tentang upamone enye masosk kedelom Rumah Allah, ngambek roti persembahon, makon roti iye, sereta memborikonye kepado urang- urang nyo besamonye, nyo hopi buleh demakonnye, kecuali para imam bae?" ⁵lalu, Yesus bekehato kepado urang-urang Farisi iye," Anak Mendesio adolah Tuhan atas ari Sabat."( Yesus Menyombohko Pado Ari Sbat) ⁶Pado Ari Sabat nyo berikutnye, Yesus bejelon ke sinagoge ngan mengajor. De deman iye ado seurang nyo tangon kanonnye lompoh. ⁷Ali-ahli Taurat ngan urang- urang Farisi mengamati Yesus untok ngelek apekah Eye nak menyombohko pado ari Sbat, empoknyo rombongon iye mempunyoi alasan untok menodoh Enye. ⁸Hambok sebeleknye, Yesus tahu ko ape nyo rombongon iye pekerko. Enye bekehato kepado urang nyo tangonnye lompoh iye, " Jego ngan togoklah de tangah." lalu urang iye jego ngan togok desane.⁹Yesus bekehato kepado rombongon iye, " Ake betanyo kepado mike, monekah nyo deperbulehko untok delakuko pado ari Sabat: bebuat beik apo bebuat jahat?Menyelamatko nyawo apo membinasonye?" ¹⁰Setelah ngelek sekelileng, kepado rombongon iye segelo, Yesus bekehato kepado urang tangonnye lompoh iye, " jolokko tangonme." Kemudion, urang iye menjolokko tangonnye ngan tangonnye sombuh. ¹¹Hambok sebeleknye, urang- urang Farisi ngan ahli- ahli Taurat menjedi sajo luat ngan berundeng tentang ape nyo nak rombongon lakuko tehadop Yesus.¹²Tekalo iye, Yesus noek ke buket untok bedoa, ngan desane Enye bedoa kepado Allah sepanjong malom. ¹³Pepagienye, Enye memantou mured-mured-Nye ngan memileh dua belas urang jak deantaronye, nyoiyelah urang- urang nyo de sobut-Nye rasol:¹⁴Simon nyo jugo denamoinye" Petrus", Andreas dolor Petrus, Yakobus, Yohanes, Filipus, Bartolomeus, ¹⁵Matius, Tomas, Yakobus anak Alfeus, Simon urang Zelot, ¹⁶Yudas anak Yakobus, ngan Yudas Iskariot nyo menjedi pengkhianat.( Pengajoron Yesus) ¹⁷Setelah Yesus ngan para rasol toron, ENye togok de suatu daman nyo landoi.Lalu, jongok lah kepado-Nye serombongon godong para mured-Nye ngan urang lobot nyo jongok jak segelo wilayah Yudea, Yerusalem, sereta jak deerah pantai kota Tirus ngan Sidon. ¹⁸Rombongon iye segelo jongok untok mendongorko Yesus ngan untok mendepot kesombuhon jak segelo penyaketnye, Ngan, urang- urang nyo derasoki roh- roh jahat jugo de sombuh ko. ¹⁹Segelo urang beusaha untok menyontuh Yesus sabab ado kuaso nyo keluor jak ENye ngan menyombuh ko rombongon iye segelo.²⁰Yesus ngeleki kepado mured- muredn_Nye iye ngan bekehato," De berkatilah kowe nyo miskin sabab melekme lah Kerajaon Allah. ²¹De berkatilah kowe nyo kinie lapor sabab kowe todo de konyong ko. Deberkatilah kowe nyo kinie meratop sabab kowe todo tetawo.²²Deberkatilah kowe saati urang luat denganme, mengucelkome, mehimakme, sereta jejahatko namo beikme uleh Anak Mendesio. ²³Bersenanghatilah pado ari kowe mengalaminye, ngan melompatlah kearokon uleh upahme godong de serega; sabab upa iyelah nenek muyang mike memperlakuko para nabi.²⁴Hambok sebeleknye, celakolah hai kowe nyo sogeh sabab kowe lah mendepotko kenyamanon hidop. ²⁵Celakolah kowe nyo kinie konyong sabab kowe todo kelaporon. Celakolah kowe nyo kinie tetawo sabab kowe todo meratop ngan meratop²⁶Celakolah kowe munye segelo urang mengehatoko hal- hal nyo beik tentangme sabab upa iyelah nenek muyang mike tekela boek tentang nabi- nabi pelsu."( Kasehilah Mosohme) ²⁷" Hambok sebeleknye, Ake bekehato kepado kowe nyo mendongorko Ake. Kasehilah mosohme ngan bebuat beiklah kepado urang nyo luat dengan kowe. ²⁸Deberkatiah urang nyo mengotoki kowe ngan bedoalah bage nyo menganiaya kowe.²⁹Bage urang nyo menampor pipime, taworko jugo pipi nyo loen. Ngan, kepado siapepun nyo merampos jubahme, jengon melarongnye untok merampos jubahme, jengon melarongnye untok merampos bejumu jugo. ³⁰Borilah kepado setiop urang nyo minta kepadome, ngan munye seseurang ngambek milekme, jengonlah meminta ulang.³¹Perlakukolah urang loen sebagoimone kowe endok deperlakuko ulehnye. ³²Munye kowe anyo mengasehi urang nyo mengasehi kowe, apekah pujion nyo deboriko kepadome? sabab, uranh berdoso pun mengasehi urang nyo mengasehinye. ³³Munye kowe anyo bebuat beik kepado urang nyo bebuat beik kepadome, pantoskah kowe mendepot pujion? Sabab, urang bedoso pun melakuko hal nyo samo. ³⁴Munye kowe meminjamko barang kepado urang loen dengan mengharopko imbalon, apkeh pujion nyo deboriko kepadome? Sabab, urang bedosopun meminjamko kepado urang bedoso loennye empoknyo enye pacok menerimonye belek dengan jemlah nyo samo.³⁵Hambok sebeleknye, kasehilah mosohme ngan bebuat nyo beik, borilah pinjamon kepado urang loen tanpo mengharopko imbalon. Dengan beiyoiye, kowe todo mendepot upa nyo godong ngan kowe anak-anak Nyo Mahatinggi, sabab Allah iye beik terhadop urang- urang nyo hopi tahu beterimokaseh ngan nyo jahat. ³⁶Ulehnyo iye, hendoklah kowe bebelas kasehon, samo upa Bepame nyo jugo ponoh dengan belaskasehon."( Jengon Menghakemi Urang Loen) ³⁷Jengon menghakemi empoknyo kowe hopi dehakemi. jengon menghukom empoknyo kowe hopi dehukom. Amponilah ngan kowe nak deamponi.³⁸Borilah ngan nak deboriko kepadome: suatu takaron nyo beik, nyo depadatko, nyo degoncangko ngan belempah, ngan nyo nak detuangko ke pangkuonme. Ulehnyo dengan ukuron nyo samo nyo nak kowe gunako untok mengokor, hal iye nak deukor ko belek kepadome."³⁹Yesus menceritoko kepado rombongon iye perumpamaaon nie," Pacokah urang buta menunton urang buta?hopikah mike bedua nak titek kedelom lubang? ⁴⁰Seurang mored hopi lobeh jak gurunye. hambok sebeleknye, setiop urang nyo sodah telateh ank menjedi upa gurunye.⁴¹Mengka kowe ngelek serebuk kayu de mato dolorme, hambok kowe hopi mengetahui balok kayu de matome dewek? ⁴²Upamone kowe pacok mengehatoko kepado dolorme, ' dolor , uyulaha ku keluorko serebuk kayu iye jak matome', sedangko kowe dewek hopi ngelek balok kayu dematome? Hai urang munafek!keluorkolah dehulu balok kayu iye jak matome dewek. sesodah iye, kowe pacok ngelek dengan pasot untok mengeluorko serebuk kayu jak mato dolorme."( Betong Kayu nyo Beik Menghaselko Buahnyo beik) ⁴³" Betongkayu nyo beik hopi nak menghaselko buahnyo jahat, ngan betongkayu nyo jahat hopi nak menghaselko buahnyo beik. ⁴⁴Setiop betongkayu de kenal jak jenes buah nyo dehaselko. urang hopi mengumpolko buah ara jak somok belukor, apo memitok anggor jak somok belukor.⁴⁵Urang beik mengeluorko hal- hal beik jak hatinye nyo beik ngan nyo jahat mengeluorko hal-hal nyo jahat jak hatine nyo jahat. Ape nyo keluor jak mulot seseurang beasal jak ape nyo memonohi hatinye. "⁴⁷( Dua Macom Pendasi) ⁴⁶" Mengka kowe mantou Ake, 'Tuhan, Tuhan', hambok hopi melakuko ape nyo Ake ajorko?

( Yesus Menyombuhko Seurang Pelayan Perwira) ¹Setelah Yesus menyodahi segelo pekehatoon-Nye dedepan urang lobot, Enye masok ke Kapernaum.²Desane, ado seurang perwira Romawi nyo memileki anak buah nyo deregainye. Anak buah iye sedang saket karas ngan hamper teelek. ³Tekela perwira iye mendongor tentang Yesus, enye mengotos beberape tetuha Yahudi menomui Yesus ngan meninta Enye jongok untok menyombuhko pelayannyo iye." ⁴Sat urang- urang iye jongok kepado Yesus, rombongon iye songgoh- songgoh memohon kepado-Nye. Ujo rombongon iye, Urang nie layak mendepot pertolungon -Me, ⁵Sabab enye mengasehi bengso kite ngan enyelah nyo membengun sinagoge bage kite."⁶Bejelonlah Yesus besamo rombongon iye. Tekela Enye sodah parok ke rumah perwira iye, perwira iye mengotos beberape kantinye untok bekehato kepado Yesus, " Tuan, jengon Kowe menyusahko diri untok ke sabab ake hopi layak menerimo-Me de rumahke. ⁷Iyelah sababnye, ake dewek meraso hhopi layak untok jongok kepado_me. Hambok sebeleknye, ucapkolah sepato kehato bae, mako pelayanke peseti nak sombuh. ⁸Sabab, ake jugo seurang bewohonnyo membewoi prajuret- prajuret. Munye ku kehatoko kepado seurang prajure, ' bejelonlah!,'enyepun bejelon. Munye kukehatoko kepado prajuretnyo loen, ' jongoklah!', enyepun jongok. Ngan, munye kukehatoko kepado anak buahke,' lakukolah nie!', anak buahke nak melakukonye."⁹Tekela Yesus menongor hal iye, Enye meraso heranakan perwira Romawi iye. Sambel bepaleng kepado urang lobot nyo mehilui-Nye, Enye bekehato, " Ake bekehato kepadome, bahkon deentaro urang Israel pun Ake bolum perenah menomuko iman segodong nie." ¹⁰Saat rombongon nyo de utos kepado Yesus belek ke rumah perwira iye, enye mendopotko anak buahnye sodah sombuh.( Anak Seurang Jendo Debangketko) ¹¹Pepagi arinye, Yesus bejelon ke sebuah kota benamo Nain besamo mured-Nye ngan rombongon urang lobot nyo mehilui-Nye. ¹²Tekkela Enye memaroki pintu gerebang kota, ado buntang seurang jenton nyo de pikol keluor. urang nyo teelek iye adolah anak tunggal jak indoknye nyo sodah jendo. Ngan, ado lobot urang jak kota iye nyo besamo-samo betina iye. ¹³Tekela Tuhan ngelek betina iye, Tuhan bebelaskasehon kepadonye ngan bekehato," Jengon meratop." ¹⁴Kemudion, Enye memaroki ngan menyontuh tandu buntang iye. urang- urang nyo memanggol tandu iyepun berenti. Lalu, Yesus bekehato," Hai urang muda, Ake bekehato kepadome, jegolah!" ¹⁵Kemudion, urang nyo tadie teelek iye dodok ngan mulai boek. Ngan Yesus membelekkonye kepado indoknye.¹⁶Segelo urang nyo ngelek hal iye deponohi raso takot lalu mulai memuji Allah ngan bekehato," Seurang nabi godong lah moncol de tangah-tangah kite!" ngan " Allah lah memeliharo Umat-Nye." ¹⁷Ngan, berita tentang Enye menyebar kesegelo Yudea ngan kesegelo daman loen desekitarnye.( Yohanes Pembaptis Mengotos Murednye kepado Yesus) ¹⁸Moured-mored Yohanes gerako kepado Yohanes tentang segelo hal iye. ¹⁹Lalu, Yohanes memantou dua urang morednye ngan mengotosnye kepado Tuhan untok betanyo," Kowekah nyo nak jongok iye?Apo, haroskah kami menungguko nyo leon?" ²⁰Tekela rombongon jongok kepado Yesus, rombongon iye bekehato," Yohanes Pembaptis menyuruhko kamie untok jongok kepado-Me ngan betanyo,'Kowekah nyo nak jongok iye? Apo, haroskah kamie menungguko nyo loen?""²¹Pado saat iye, Yesus sedang menyombuh ko lobot urang jak bebagoi penyaket, wabah, ngan roh- roh jahat. Enye jugo mengaruniako pengelekon kepado lobot urang buta. ²²Jewob Yesus kepado dua urang iye, " bejelon ngan ceritokolah kepado Yohanes tentang ape nyo lah kowe kelek ngan dongor: urang buta paco ngelek, urang lompoh pacok bejelon, urang saket kusta detaherko, urang pokok pacok mendongor, urang mati debangketko, ngan kepado urang mesken deberitako kabar beik. ²³Ulehnyo iye, besenang hatilah enye nyo hopi tesandung uleh-Ke."²⁴Stelah otoson- otoson Yohanes bejelon, Yesus boek kepado urang lobot tentang Yohanes, " Untok ngelek apekah kowe bejelon kepadang belantaro? ngelek boloh nyo detiop angen? ²⁵hambok, apenyo kowe kelek? urang bebeju belagak? keleklah, urang nyo memakoi beju beik ngan hidop delom kemewahon adonye de istana- istana rajo. ²⁶Jedi, ape nyo kowe kelek? Seurang bani? Ao, Ake bekehato kepadome, bahkon lobeh jak seurang nabi.²⁷Enyelah urangnye, nyo tentangnye ado tetoles: ' Dongorlah ! Ake menyuruh otuson-Ke mendohului Kowe. Enyelah nyo nak mempersiapko jelon de hadopon-Me.'Maleakhi 3: 1 ²⁸Ake bekehato kepadome, de antaro segelo urang nyo perenah delaherko uleh betina, hopi ado seurangpun nyo lobeh godong jak Yohanes, Hambok sebeleknye, nyo paleng kecik delom kerajaon Allah, lobeh godong jak enye."²⁹Tekela urang lobot ngan pengompol pajak mendongor hal nie, rombongon mengakui keadilon Allah uleh rombongon lah de baptes dengan bapteson Yohanes. ³⁰Hambok sebeleknye, urang- urang Farisi ngan ahli-ahli Taurat menulak rencana Allah tehadop dirinye uleh rombongon iye bolum debaptes uleh Yohanes.³¹" Dengan apekah Ake mengumpamako urang- urang nyo hidop pado generasi nie? upa apekah mike iye? ³²Mike adolah upa budak- budak nyo dodok dodok de pasar, nyo bepokeon seurang ngan nyo loen,' kamie meniup soleng untokme, hambok kowe hopi menari. Kami menyanyiko lagu sedeh, hambok kowe hopi meratop.'³³Sabab, tekalo Yohanes Pembaptis jongok ngan hopi makon roti apo minom anggor, kowe bekehato,' Enye kerasokan belis.' ³⁴Hambok sebeleknye, tekalo Anak Mendesio jongok makon ngan minom, kowe bekehato,' Kolehlah! Enye seurang nyo rakos ngan peminom! Enye jugo kanti para pengompol pajak ngan urang- urang bedoso!' ³⁵Hambok sebeleknye, hikmat debonorko uleh anak-anaknye."( Seurang betina Bedoso Mengurapi Yesus) ³⁶Tekalo iye, ado s urang seseurang jak golongon Farisi nyo mengundang Yesus untok makon besamo-Nye. Yesus bejelon kerumah urang Farisi iye ngan dodok makon. ³⁷De kota iye, ado seurang betina bedoso. Tekalo enye mengetahui behwa Yesus e sedang makon de rumah urang Farisi iye, enye pun memboli sebuah gudu pualam nyo beisi minyak wangi. ³⁸Lalu, enye togok de belakong Yesus, parok kaki-Nye, sambel meratop ngan mulai membesoh kaki Yesus dengan aek matonye ngan mengusopnye dengan rambotnye. Setelah iye, enye menciom kaki Yesus ngan mengurapinye dengan minyak wangi.³⁹Tekalo urang Farisi nyo mengundang Yesus ngelek hal nie, enye bekehato delom hati," Munye urang nie seurang nabi, Enye tentu siape ngan betina macom ape nyo menyontuh-Nye iye sabab betina nie adolah seurang pendoso." ⁴⁰Yesus menanggapi ngan bekehato, " Simon, ado nyo nak kehatoko kepadome." Simbot Simon, " Kehetaokolah, Guru"⁴¹Yesus bekehato," Ado dua urang nyo behutang kepado sesurang pelapas doet, nyo seurang behutang 500 dinar ngan nyo loennye behutang 50 dinar. ⁴²Tekalo keduanye hopi sanggop membayar, si pelapas doet iye menghaposko hutang urang bedua iye. Kinie, siapekah de entaro kedua urang iye nyo nak lobeh mengasehi si pelapas doet iye?" ⁴³Simbot Simon, " Menorotke, urang nyo paleng lobot debebasko hutangnye." Yesus bekehato kepadonye, " Kowe menilainye dengan bonor."⁴⁴Sambel bepaleng kepado betina iye, Yesus bekehato kepado Simon," Apekah kowe ngelek betina nie? Tekalo Ake jongok ke rumahme, kowe memboriko aek untok membesoh kaki-Ke, hambok enye membesoh kaki-Ke dengan aek matonye ngan mengsopnye dengan rambotnye. ⁴⁵Kowe hopi membori-Ke ciumon, hambok enye hopi berenti menciom kaki-Ke sejak Ake masuk.⁴⁶Kowe hopi mengurapi kepalo-Ke dengan minyak, hambok enye meminyaki kaki-Ke dengan minyak wangi. ⁴⁷Ulenyo iye, Ku kehatoko kepadome, dosonye nyo lbot iye sodah de amponi sabab enye menunjoko kaseh nyo godong. Hambok sebeleknye, urang nyo sediket deamponi, sediket pula mengasehi."⁴⁸Lalu Yesus bekehato kepado betina iye, " Dosome sodah deamponi." ⁴⁹Urang -urang lobot nyo dodok makon besamo Yesus mulai betanyo- tanyo delom hati rombongon iye," Siapekah Urang nie sehinggo Enye pacok mengamponi doso?" ⁵⁰Yesus bekehato kepado betina iye," Imanme lah menyelamatkome, bejelonlah dengan damai."

( Betina- betina nyo Menolung Yesus) ¹Pepagi arinye, Yesus bejelon bekelileng ke kota-kota ngan doson-doson untuk memberitako ngan menyatako Injil Kerajaon Allah. Keduabelas rasol ado besamo-samo dengan enye, ²upa iye jugo beberape betina nyo lah de sombuhko Yesus jak segelo roh- roh jahat ngan bebagoi penyaket. De entaro rombongon iye adolah Maria, nyo de sobut Magdalena, nyo debebasko Yesus jak tojoh roh jahat. ³Ado jugo Yohana bini Khuza bendahara Herodes, Susana, ngan maseh lobot betina loennye nyo memakoi kesugehonnye dewek untok mendokong Enye.( Perumpamaon Tentang Penugal Beneh) ⁴Tekalo urang lobot bekompol ngan urang- urang jak bebagoikota jongok kepado Yesus, Enye boek kepado rombongon iye dengan sebuah perumpamaon: ⁵" Seurang petani bejelon menugalko beneh. Tekalo enye menugalko, ado sebagion beneh nyo titek de topi jelon ngan tetitak, sereta demakon borong- borong. ⁶Sebagion lagi titek depocok lahan bebetu, ngan tekalo beneh iye mulai tombuh, beneh iye menjedi koreng uleh hopi beaek.⁷Sebagion loenye titek detangah-tangah unok somok ngan tombuh besamonye sehinggo somokiye mencekeknye. ⁸Sisa beneh loenye titek de tanoh nyo sobor ngan tomboh sehinggo membori hasel seratos kalilipot lobotnye." Setelah mengakheri perumpamaon iye Yesus boek," Enye nyo mempunyoi telinga untok mendongor, hendoklah mendongorko beik- beik!"⁹Setelah iye, mored- mored Yesus betanyo kepado_Nye tentang arti perumpamaon iye. ¹⁰Enye bekehato, " Kepadome deboritahuko rehesio Kerajaon Allah, hambok kepado urang loen deboritahuko delom perumpamaon empoknyo, ' Sekalipon memandong, rombongon iye hopi ngelek, ngan sekalipon mendongor rombongon hopi mengerti."" Yesaya 6: 9 Penjelason Yesus tentang Perumpamaon Beneh.¹¹Nielah arti perumpamaon iye: " Beneh iye adolah firman Allah. ¹²Beneh nyo titek topi jelon iye adolah mike nyo mendongor firman Allah. Kemudion, jongoklah beles ngan ngambek firman iye jak hati mike empoknyo mike jengon pecayo ngan deselamatko. ¹³Beneh nyo titek depocok tanoh nyo bebetu adolah urang- urang nyo mendongor firman Allah ngan menerimonye dengan senanghati, hambok hopi beakor. Mike hanyo pecayo setegal,hambok kesengsarohon jongok, mike langsong meninggalko Allah.¹⁴Beneh nyo titek deentaro unok somok adolah urang- urang nyo mendongorko firman Allah, hambok sementaro mike betomboh, mike decekek uleh raso kuater, kesugehon, sereta kesenangon hidop sehinggo mike hopi menghaselko buah nyo masok. ¹⁵Sedangko beneh nyo titek de tanoh nyo sobor iye adolah urang- urang nyo mendongorko firman Allah ngan menyimpannye delom hati nyo jojor ngan beik, sereta bebuah delom ketekonon."¹⁸( Kelekkolah Cahayome) ¹⁶" Hopi ado seurangpon nyo menghidopko lampu, kemudion menotopnye dengan gantang apo memotekonye debewoh bayang tidor. Sebeleknye, enye nak memoteko lampu iye depocok dampar empoknyo urang nyo masok kedelom rumah pacok ngelek cahayonye. ¹⁷Sabab, hopi ado hal nyo hopi tekelek nyo hopi nak denyatoko, ngan hopi ado resio nyo hopi nak deungkap ngan deundah kepado tarang. Ulehnyo iye, perhatikolah upamone kowe mendongor uleh siape nyo mempunyoi nak debori lobeh lobot lagi. Hambok sebeleknye, siape nyo hopi mempunyoi, jak enye nak deambek, bahkon ape nyo enye kiro depunyoinye."( Keluargo Yesusnyo Sesonggohnye) ¹⁹Lalu, indok Yesus ngan dolor- dolornye jongok menomui-Nye, habok rombongon iye hopi pacok maroki-Enye uleh kerumonon urang. ²⁰Jedi, deboritahukolah kepado_nye," Indok ngan dolor- dolor-Me sedang togok deluor, rombongon iye endok betomu dengan Kowe." ²¹Hambok sebeleknye, Yesus menyimbotnye, "Indok -Ke ngan dolor- dolor-Ke adolah mike nyo mendongorko firman Allah ngan melakukonye."( Yesus Merentiko Angen Ribot) ²²Tekalo iye, Yesus noek kedelom bidok besamo mored- more-Nye ngan Enye bekehato kepado rombongon iye, " Marolah kite menyeberang ketopiloen denou nie." Mangkonye, bejelonlah rombongon iye keseberang. ²³Hambok, tekalo rombongon iye sedang menyemberang, Yesus e tetidor.Lalu, betioplah angen ribot kedenou iye ngan bidok rombongon iye demasoki aek sehinggo rombongon iye delom behayo.²⁴Kemudion, para mored jongok kepado Yesus ngan menjegoko-Nye sambel bekehato," Guru! Guru! Kite nak benaso!" Lalu, Yesuspon tejego ngan membentak angen ribot sereta gelumbang nyo begelora iye. Angen ribot iyepon berenti ngan denou iye menjedi tenang. ²⁵Ngan, Enye bekehato kepado rombongon iye, " Demonekah imanme?" rombongon iye ketakoton ngan heran sambel bekehato seurang kepadonyo loen, " Siapekah urang nie? Enye bahkon membori perentah kepado angen ngan aek, ngan enye mematohi-Nye. "( Seurang Gerasa Debebasko jak Roh Belis) ²⁶Lalu sampoilah Yesus ngan mored-mored-Nye de wilayah urang Gerasa, de seberang Galilea. ²⁷Pado saat Yesus toron ke derot, enye detomui uleh seurang jenton jak kota iye nyo derasoki uleh roh- roh belis. Urang iye sodah lamo hopi bebeju ngan hopi tinggal de rumah, meloenko de koboron.²⁸Tekalo urang iye ngelek Yesus, enyepon tepekek ngan sojod de hadopon-Nye. Dengan suaro nyo lantang enye bekehato," Apekah uroson entaro Kowe ngan ake, hai Yesus, Anak Allah Nyo Mahotinggi? Ake mohon kepado-Me, jengon sikso ake!" ²⁹Hal nie tejedi ulehnyo Yesus memerentahko roh belis iye keluaor jak urang iye. Belis iye recap meheret urang iye sehinggo enye derantoi, deberegol, ngan dejego urang, hambok enye pacok memotosko rantoinye ngan de undah uleh belis ke daman-damannyo sepi.³⁰Kemudion, Yesus betanyo kepado urang iye," Siape namome?" Simbot urang iye," Legion" ule ado lobot belis nyo merassokinye. ³¹Belis-belisiye memohon kepado-Nye empoknyo Enye jengon memerentahko rombongon iye untok lari kejurang mout.³²De daman iye, ado serombongon godong bebi nyo sedang delok makon de buket. Belis- belis iye memohon kepado Yesus untok menguyuko rombongon iye masok kedelom rombongon bebi iye, ngan Yesus mengejenko rombongon iye. ³³Mangko, belis- belis iyepon keluor jak urang iye ngan masok kedelom bebi- bebi, Lalu rombongon bebi iye belarion menuroni lereng buket nyo tajom menuju kedenou ngan tenggolom.³⁴Tekalo para tuan ingunon bebi ngeleknye, rombongon iye melariko diri ngan menceritako kejedion iye dekota ngan de doson sekitarnye. ³⁵Jadi, urang lobot jongok untok ngelek ape nyo tejedi. Rombongon iye jongok kepado Yesus ngan mendepoti urang nyo lah debebasko jak belis- belis iye sdang dodok parok kaki Yesus, sodah bebeju, ngan sodah waras pekeronye. Hal nie membuat rombongon iye ketakoton.³⁶Rombongon nyo ngelek kejedion nie menceritako kepado urang loen upamone urang nyo kerasokon belis iye desombuhko. ³⁷Lalu,segelo urang nyo tinggal de deerah sekitar Gerasa meminta Yesus untok meninggalko rombongon iye sabab rombongon iye dehantui ketakoton nyo godong. Uleh iye, Yesus noek ke bidok ngan belek ke Galilea.³⁹Hambok sebeleknye, urang nyo sodah debebasko jak belis- belis iye memohon kepado Yesus empoknyo enye buleh besamo- samo dengan Yesus. Hambok, Yesus menyuruhnye belek, ujo-Nye, ³⁸" Beleklah ke rumahme ngan ceritokolah hal- hal godong nyo lah Allah perbuat bageme." Urang iyepon bejelon kesegelo hujong kota ngan menceritoko ape nyo lah Yesus perbuat bagenye.( Anak Yairus Debangketko ngan Seurang Betina Desombuhko) ⁴⁰Tekalo belek ke Galilea, urang lobot menyambot_Nye uleh rombongon iye segelo sodah menunggu-Nye. ⁴¹Desane ado seseurang benamo Yairus nyo jongok kepado-Nye, enye adolah seurang kepalo sinagoge. Sambel sojod menyembah de kaki Yeus, Yairus memohon empoknyo Enye jongok ke rumahnye ⁴²ule enye mempunyoi seurang anak betina tunggal nyo kiro- kiro beomor duabelas tahon, ngan anak iye hamper teelek. Ngan, tekalo Yesus menuju kiyone, urang lobot bedesak-desakon desekelileng_Nye.⁴³Desane ado seurang betina nyo sodah menderito penderohon berat selamo 12 tahon, ngan hopi seurangpon nyo pacok menyombuhko enye. ⁴⁴Beina iye maroki Yesus jak belakong ngan menyontuh hojong jubah-Nyee, mangko seketika iye jugo penderohonnye berenti.⁴⁵Lalu, Yesus bekehato, " Siape nyo menyontuh-Ke?" ule segelo urang hopi ngaku, Petrus bekehato, " Guru, urang lobot bekompol desekelileng-Me ngan bedesak- desakon dengan-Me!" ⁴⁶Hambok sebeleknye, Yesus bekehato, " Seseurang menyontuh-Ke ulehnyo Ake meraso ado kuaso nyo keluor jak-Ke."⁴⁷Tekalo betina iye ngelek behwa enye hopi pacok ngerawoko diri, enye jongok kepado Yesus dengan gemitek ngan besojod dehadopon_Nye. De depan segelo urang, enye menceritako mengka enye menyontuh Yesus, ngan upamone enye dengan seketika desombuhko. ⁴⁸Kemudion, Yesus bekehato kepadonye, " Anak-Ke, imanme lah menyombuhkome. Bejelonlah delom damai sejahtera."⁴⁹Tekalo Yesus dang boek, seseurang jak rumah kepalo sinagoge iye jongok ngan bekehato kepado Yairus," Kupekme sodah teelek. jengon lagi merepotko Guru." ⁵⁰Hambok sebeleknye, mendongor hal iye Yesus bekehato kepado Yairus," Jengon takot. Pecayo bae ngan anakme nak selamat."⁵¹Tekalo Yesus sampoi derumah Yairus, Enye hopi memperbulehko siapepon masok besamo-Nye kecuali Petrus, Yohanes, Yakobus, sereta bepak ngan indok budak iye. ⁵²Segelo urang meratop ngan meratopi budak betina iye, hambok Yesus bekehato, " Jengon meratop, enye hopi teelek cuma tidor." ⁵³Urang lobot iyepon menetawoko-Nye ulehnyo rombongon iye tahuko budak betina iye sodah teelek.⁵⁴Hambok sebeleknye, yesus memogong tangon budak iye ngan memantounye," Jegolah, kupek!" ⁵⁵Manko, beleklah roh budak iye ngan seketiko iye jugo enye togok. Lalu Yesus memerentahko empoknyo budak iye debori sesuatu untok demakon. ⁵⁶Kedua urang rayo budak iye temanga, hambok Yesus melarong rombongon iye untok memboritahu siapepon tentang ape nyo la tejedi.

( Yesus Mengotos Para Rasol-Nye) ¹Kemudion, Yesus memantou keduabelas mored-Nye lalu membori rombongon iye kuaso ngan otoritas atas roh-roh belis, ngan jugo menyombuhko penyaket. ²Enye mengotos rombongon iye untok memberitako tentang Kerajaon Allah ngan memolehko.³Ujo-Nye kepado rombongon iye, " Jengon ngundah apepon delom pejelononme, jengon ngundah tungkot, tas, roti, duet, apo bahkon beju salenon. ⁴Ke rumah monepon nyo kowe masoki, tinggallah desane sampoi owe bejelon jak daman iye.⁵Bage rombongon nyo hopi endok menerimo kowe, tinggalkolah kota iye ngan kibaskolah debunye jak kakime sebagoi peringoton tehadop rombongon iye." ⁶Kemudion, bejelonlah para rasol ngan bekelileng ke doson- doson sambel memberitako Injil ngan menyombuhko urang- urang saket demone-mone.( Kebingungon Herodes tentang Yesus) ⁷Herodes, sang rajo wilyah, mendongor tentang segelo hal nyo sedang tejedi ngan enye sajo bingung sabab beberape urang mengehatoko behwa Yohanes Pembaptes lah bangket jak entaro urang mati, ⁸sedangko nyo loen bekehato behwa Elia lah moncol lagi, ngan adopula nyo bekehato behwa salahseurang jak para nabi nyo hidop pado zaman tekaloe sodah bangket. ⁹Herodes bekehato," Ake sodah menyemboleh kepalo Yohanes. Jedi, siapekah urang nyo tentang-Nye kudongor kabar nyo sedemikion nie?" Mangko, Herodes sajo endok untok betomu Yesus.( Makonon Untok Lima Ribu Urang) ¹⁰Tekalo para rasol belek, rombongon iye menceritako kepado Yesus tentang segelo sesuatu nyo sodah rombongon iye lakuko ngan Enye mengajok rombongon iye untok menyendiri kesebuah kota benamo Betsaida. ¹¹Hambok sebeleknye, urang lobot mengetahui hal iye ngan rombongon iyepon mehilui-Nye. Mangko, sambel menyambot rombongon iye, Yesus boek kepado rombongon iye tentang Kerajaon Allah ngan jugo rombongon nyo membotohko kesombuhon.¹²Tekalo ari mulai malom, kedua belas mored Yesus jongok kepado-Nye ngan bekehato," Suruhlah urang- urang iye belek kedoson-doson ngan pedesaon desekitar sie untok ndelok daman temalom ngan makonon ulehnyo desie kite dang dedaman sajo jouh." ¹³Hambok sebeleknye, Yesus bekehato kepado rombongon iye," Kowelah nyo bori rombongon iye makon." Simbot mored-mored-Nye, " Kamie hanyo mempunyoi lima roti ngan dua ikan, kecuali munye kamie bejelon boli makonon untok segelo urang nie." ¹⁴Desane ado sekitar lima ribu urang jenton. Yesus bekehato kepado mored-mored-Nye, " Suruhlah rombongon dodok secaro bekelompok, kiro-kiro limapoloh urang per kelompok."¹⁵Mangko, rombongon iyepon melakuko sesuoi dengan nyo Yesus perentahko ngan menyuruh segelo uang iye dodok. ¹⁶Lalu, Yesus ngambek lima roti ngan dua ikan iye, menengadah ke langet, memberkatinye, memacah-macahkonye, ngan memborikonye kepado para mored empoknyo rombongon iye menghidangkonye kepado urang lobot. ¹⁷Ngan, rombongon iye segelo makon sampoi konyong. Kemudion, sisa- sisa totoon roti nyo dekompolko ado duabelas bekol ponoh.( Petrus Mengakui Yesus adolah Kristus) ¹⁸Tekalo iye Yesus sedang bedoa dedewekon, mored- mored-Nye ado besamo dengan-Nye. Lalu, enye betanyo kepado rombongon iye," Siapekah Ake nie menorot urang lobot?" ¹⁹Simbot rombongon iye, " Yohanes Pembaptes, nyo loen mengehatoko Elia, ngan nyo loen lagi mengehatoko Kowe adolah salah sikuk jak nab- nabi pado zaman tekaloe nyo bangket lagi."²⁰Kemudion, Yesus bekehato kepado rombongon iye, " Hambok, menorotme, siapekah Ake?" Simbot Petrus," Kowe adolah Kristus jak Allah." ²¹Hambok sebeleknye, Yesus memperingotko rombongon iye dengan karas ngan memerentahko rombongon iye untok hopi nenelako siapepun tentang hal nie. Yesus Nenelako Kemation-Nye ²²Kemudion Yesus bekehato, ANak Mendesio haros saro lobot hal ngan detulak uleh tetuha nyawo, imam- imam kepalo, ngan ahli- ahli Torat, lalu debunoh ngan nak debangketko pado arinyo ketiga."²³Yesus bekehato kepado rombongon iye segelonye," Munye seseurang endok mehilu Ake, enye haros menyangkol awoknyo dewek, memikol salebnye tiap ar, ngan mehilu Ake. ²⁴Sabab, siape pun nyo nak beusaha menyelamatko nyawonye, todo kesayauon nyawonye. Hambok sebeleknye, barangsiape kesayauon nyawonye uleh Ake, enye nak menyelamatkonye. ²⁵Apekah ontongnye munye seseurang mendepotko segelo denia, hambok teelek apo kesayauon nyawonye dewek?²⁶Kepado urang nyo meraso malu uleh Ake ngan pekehatoon-Ke, Anak mendesio pun todo malu mengakui urang iye tekalo Enye jongok delom kemuliaon_Nye ngan kemuliaon Bepa-Nye, besereta padong meleikat kodos. ²⁷Ake mengehatoko nyo sesonggohnye kepadome, ado beberape urang deentaro kowe nyo togok desie nyo hopi nak teteelek sebolum ngelek Kerajaon Allah."( Yesus Besamo Musa ngan Elia) ²⁸Kiro- kiro, 8 ari sesodah Yesus menyampoiko pengajoron_Nyeb iye, Enye ngajok Petrus, Yohanes, ngan Yakobus noek keegunong untok bedoa. ²⁹Tekalo Yesus sedang bedoa, rupo moka-Nye berubah ngan beju-Nye menjedi puteh bekilouon.³⁰Kemudion, nampoklah dua urang sedang boek dengan-Nye. Kedua urang iye adolah Musa ngan Elia, ³¹nyo menampokko diri delom kemuliaon ngan boek tentang kemation Yesus nyo nak secepatnye degonopi de Yerusalem.³²Tekalo iye, Petrus ngan kanti-kantinye sedang dekuasoi uleh raso sajo en ngantok, hambok tekalo rombongon iye bonor- bonor tesadar, rombongon iye ngelek kemuliaon Yesus ngan dua urang nyo togok besamo-samo dengan Enye. ³³Tekalo Musa ngan Elia nak meninggalko Yesus, Petrus bekehato," Guru, beiklah kite tetap desie. Kamie nak nogokko kemah, seholoi untok-Me, seholoi untok Musa, ngan seholoi untok Elia." Hambok sebeleknye, Petrys hopi menyadari apenyyo dekehatonye iye.³⁴Tekalo Petrus sedang mengehatoko hal iye, jongoklah awon menoungi rombongon iye sehinggo Petrus, Yohanes, ngan Yakobus menjadi takot tekalo rombongon iye masok kedelom awo iye. ³⁵Kemudion, tedongorlah pemboekon jak awon iye, " Nielah Anak-Ke, Enyelah nyo Kupileh, dongorkolah Enye. ³⁶Sesodah pemboekon iye berenti, Yesus hanyo tinggal seurang dewek. rombongon iye meresioko nye ngan hopi nenelakonye seurangpun pado ari- ari iye tentang ape nyo lah rombongon iyoi kelek.( Seurang budak Jenton Debebasko jak Roh Belis) ³⁷Pepagi arinyr, tekalo rombongon iye toron jak gunong, serombongon godong urang lobot jongok kepado Yesus. ³⁸Seseurang jak urang lobot iye, tepekek," Guru, ake mohon kepado-Me, keleklah anakke sabab enye anakke sikuk-sikuknye. ³⁹Keleklah, ado roh nyo menguasoinye, ngan tibo- tibo pepekeon. Roh iye jugo menggeguncangkonye sehinggo molotnye bebusa, roh iye teros menyaketinye ngan hopi endok meninggakonye. ⁴⁰Ake lah memhohon kepado mored- mored-Me untok mengosernye, hambok rombongon iye hopi pacok melakukonye.⁴¹Simbot Yesus, " Hai, kowe generasi nyo hopi pecayo ngan sosot! Berape lamo lagi Ake haros tinggal besamome ngan besabar terhadop kowe? Bewolah anakme iye kemai." ⁴²Tekalo budakiye sedang memaroki kepado Yesus, roh belis iye membantengnye ke tanoh ngan menggeguncangkonye. Hambok sebeleknye, Yesus membentak roh nejes iye, menyombuhko budak jenton iye, lalu membelekkonye kepado bepaknye.( Yesus Memboekko Kemation-Nye) ⁴³Segelo urang meraso kagom atas kuaso Allah, hambok tekalo rombongon iye maseh teheran- heran tehadop segelo hal nyo delakuko Yesus, Enye bekehato kepado mored-mored-Nye, ⁴⁴" Dongorklah pekehatoon nie bebeik: Anak mendesio nak serahko ke tangon mendesio." ⁴⁵Hambok sebeleknye, padong mored hopi memahami maksud pekehatoon iye, ngan hopi pacok memahaminye. Hambok, rombongon iye takot betanyo kepado Yesus mengenai reti pekehatoon iye.( Siapekah nyo Teutamo?) ⁴⁶Suatu tekalo, sebuah petengkaron tejedi deentaro mored- mored Yesus mengenai siape nyo teutamo deentaro rombongon iye. ⁴⁷Hambok sebeleknye, Yesus mengetahui pekeron hati rombongon iye, lalu ENye ngambek seurang budak kecik ngan ngajoknye togok desampeng-Nye. ⁴⁸Lalu, Enye bekehato kepado mored- mored," Setiap urang nyo menerimo budak kecik nie delom namo-Ke, enye menerimo Ake. Ngan, siapepun nyo menerimo- Ake, enye jugo menerimo Enye nyo mengotos Ake. Sabab, nyo paleng hino deentaro kowe, enyelah nyo teutamo."( Pihaknyo Samo) ⁴⁹Yohenas menyimbot_Nye ngan bekehato," Guru, kamie ngelek seseurang nyo mengoser roh belis delom namo-Me ngan kamie beusaha merentikonye ulehnyo enye hopi temasok delom kelompok kite." ⁵⁰Hambok sebeleknye, Yesus bekehato kepadonye," Jengon merentikonye ulehnyo siapepun nyo hopii melawonme, enye memihakme."( Yesus Detulak de Samaria) ⁵¹Tekalo waktunye semaken parork bage Yesus untok de tinggiko, Enye menoguhko hati untok bejelon ke Yerusalem. ⁵²Enye menyuruh beberape urang otoson mendohuli-Nye. Lalu, otoson- otoson iyepun bejelon ngan masok kesebuah doson de deerah Samaria untok menyiapko segelo sesuatu bage Enye. ⁵³Hambok sebelknye, urang -urang de daman iye hopi menerimo yesus ulehnyo Enye sedang menuju ke kota Yerusalem.⁵⁴Tekalo mored- mored Yesus, iyelah Yakobus ngan Yohanes, ngelek hal nie, rombongon iye bekehato, " Tuhan, apekah Kowe mengendoko kamie untok memerentahko api toron jak langet ngan mengahosko rombongon iye?" ⁵⁵Hambok sebeleknye, Yesus gerelek kebelakong ngan menegor rombongon iye. ⁵⁶Lalu, Yesus ngan mored- mored-Nye bejelon ke doson nyo loen.( Tantangon Bage Pengikot Yesus) ⁵⁷Tekalo rombongon iye sedang delom pejelonon, ado seurang bekehato kepado Yesus," Ake nak mehilu Kowe kemonepun Kowe bejelon. " ⁵⁸Yesuspun bekehato bekehato kepadonye," Musong mempunyoi lubang untok tinggal ngan borong- borong de langet mempunyoi sarongnye. Hambok sebeleknye, Anak Mendesio hopi mempunyoi daman untok singgah."⁵⁹Yesus bekehato kepado seurang nyo loen," Hilulah Aku!"Hambok sebeleknye, urang iye bekehato," Tuhan, Ejenko ake belejelon ngan ngoborko bepakke dehulu." ⁶⁰Hambok sebeleknye, Yesus bekehato, "Uyulah urang teelek mengoborko urang teelek, hambok kowe haros bejelon ngan memberitako tentang kerajaon Allah."⁶¹Ngan, ado surang lagi bekehato, " Ake nak mehilui Kowe, Tuhan, hambok ejenko ake bepameton telobeh dehulu dengan keluargoke." ⁶²Yesus bekehato kepadonye, " Hopi ado seurangpun nyolah memoteko tangonnye pado bajak, hambok maseh gerelek ke belakong, nyo hopi pantas bage kerajaon Allah."

( Yesus Mengotos Tojohpoloh Pengikotny-Nye) ¹Sesodah iye, Yesus menetapko tojohpoloh urang pengikot nyo loen, ngan Enye mengotos rombongon iye bejelon bedua- dua untok mendehului-Nye kesetiap kota nyo nak de konjongi-Nye. ²Ujo-Nye kepado rombongon iye, Hasel tuoi sajo lobot, hambok penggawenye hanyo ado sediket. Ulehnyo iye, mintalah kepado Tuan nyo mempunyoi hasel tuoion iye untok mengotos penggawe- penggawe untok mengompolko hasel tuoion-Nye.³" Bejelonlah! Ake mengotosme upa anak bebiri de tangah- tangah kawonon anjeng hutan. ⁴Jengon ngundah kantong duet, tas, apo sandal. ngan jengon narak siapepun delom pejelonon.⁵Ke rumah monepun nyo kowe masoki, ucopkolah telobeh dehulu,' Damai Sejahtera atas rumah nie.' ⁶Munye urang nyo ado desane cinta damai, damai sejahterame akan tinggal de atasnye. Hambok sebeleknye, munye hopi, damai sejahterame iye nak belek kepadome. ⁷Tinggallah de rumah iye. Makonlah ngan minomlah ape nyo rombongon iyoi sedioko bageme, ulehnyo seurang penggawe pantas mendepotko upahnye. jengon bependah- pendah jak sikuk rumah kerumahnyo loen.⁸Setiap kali kowe memasoki sebuah kota ngan urang-urang desane menyambotme, makonlah makonon nyo rombongon iye hidangko de hadoponme ⁹Sombuhkolah urang- urang saket nyo tinggal desane, ngan kehatoko kepado rombongon iye, 'Kerajaon Allah sodah parok denganme.'¹⁰Hambok sebeleknye, munye kowe masok kesebuah doson ngan urang- urang desane hopi menyambotme, tinggalko lah bejejelon de kota iye ngan bekehato, ¹¹' Bahkon debu jak kotame nyo menempel de kaki kamie nak kami kebesko dedepanme. Hambok sebeleknye, ingotlah tong nie: Kerajaon Allah sodah parok.' ¹²Ake bekehato kepadome: pado sari iye, tanggongon Sodom todo lobeh heran deripado tanggongon kota iye."( Peringoton Bage nyo Menulak Yesus) ¹³Celakolah kowe, Betsaida! seandoinye Ake melakuko mukjizat- mukjizat nyo samo de Tirus ngan Sidon, mangko mike peseti sodah lamo betobat dengan dodok ngan memakoi koin kabong ngan habu. ¹⁴Hambok sebeleknye, pado waktu penghakemon, tanggongon Tirus ngan Sidon lobeh heran deripado tanggongonme. ¹⁵Ngan kowe, Kapernaum, apekah kowe nak de angkot ke serega? Hopi, kowe todo nak de tohuko kedenia urang mati!¹⁶Siapepon nyo mendongorkome, mendongorko Ake. Hambok sebeleknye, siape nyo menulakme, enye jugo menulak Ake. Ngan, siape menulak Ake, enye menulak Enye nyo mengotos Ake."( Belis- belis tondok terhadop Pengikot Yesus) ¹⁷Kemudion ketojohpoloh pengikot iye belek dengan besenang hati sambel bekehato," Tuhan, belis-belis pon tondok kepado kamie delom namo-Me." ¹⁸Yesus bekehato kepado rombongon iye, " Ake ngelekko Belis titek jak langet upa kilat. ¹⁹Ketohulah behwa Ake lah memborime kuaso untok nijakko ulor ngan kalojengkeng, jugo kuaso atas segelo kekuaton mosoh. Hopi ado nyo menyaketi kowe. ²⁰Hambok sebelknye, jengonlah kowe besenanghati uleh roh- roh iyr tondok kepadome, meloenko besenanghatilah ulehnyo namome tetoles de serega."( Yesus Bedoa Kepado Bepa) ²¹Pado waktu iye, besenanghatilah Yesus dedelom Roh Kodos ngan bekehato, " ke bersyukor kepado-Me Bepa, Tuhan atas langet ngan behumi, sabab Kowe mengerawoko hal- hal nie jak urang bijaksana ngan calak. Hambok Kowe menunjokkonye kepado bebudak abang. Ya Bepa, ulenyo iyelah nyo bekenan dehadopon-Me.²²Bepa-Ke lah menyerahko segelo sesuatu kepado-Ke, ngan hopi seurangpon nyo mengenal Anak kecuali Bepa. Ngan, hopi seurangpon nyo mengenal Bepa, kecuali Anak sereta urang- urang nyo kepado mike Anak bekehendok untok menyatokonye."²³Kemudion, yesus gerelak kepado mored- mored-Nye ngan boek kepado rombongon iye secaro pribadi, " Besenanghatilah mato nyo ngelek apee nyo kowe kelek, ²⁴sabab Ake bekehato kepadome: lobot nabi ngan rajo nyo sajo endok ngelek hal- hal nyo kowe kelek knie, hambok rombongon iye hopi ngeleknye. Ngan, sajo endok mendongorko hal- hal nyo kowe dongor kinie, hambok romgongon iye hopi mendongornye."( Urang Samaria nyo Bebelas Kaseh) ²⁵kemudion, seurang ahli Hokom Taorat togok untok mencuboi Yeus, ujonye," Guru, ape nyo haros kulakuko untok mendepotko hidop kekal?" ²⁶Simbot Yesus kepadonye," Ape nyo tetoles delom hokom taorat? Ape nyo kowe kbeco de delomnye?" ²⁷Urang iye menyimbot," Kasehilah Tuhan, Allahme, dengan segenop hatime, dengan segenop kekuatonme, ngan dengan segenop akal budime. Ngan, Kasehilah sesamome mendesio upa kowe mengasehi awokme dewek." ²⁸Yesus bekehato kepadonye, " Jewobonne iye pasot bonor. lakukolah iye, mangko kowe todo hidop."²⁹Hambok sebeleknye, uraang iye membonorko awoknyo dewek, mangko enye bekehato kepado Yesus," Ngan, siapekah sesaamoke mendesio?" ³⁰Yesus menyimbotnye dengan bekeheto," Ado sseurang nyo toron jak Yerusalem ke kota Yerikho, enye titek ke tangon padong perampok nyo merampos bejunye ngan ngepukinye, kemudion mecampokonye tegeletak delom keadoon hamper mati.³¹Kebetolon, seurang imam melewati jelon iye. Tekalo enye ngelek urang iye, enye bejelon upa iyoi bae dengan bejelon de siseh jelon nyo loen. ³²Demikon jugo nyo delakuko uleh seurang Lewi, tekalo jongok ke deman iye ngan ngelek urang iye, enye melewatinye dengan bejelon de siseh jelon nyo loen.³³Hambok sebeleknye, ado seurang Samaria nyo sedang delom pejelonon lewat desane. Ngan, tekalo enye ngelek urang iye, enye meraso tesihan kepadonye. ³⁴Lalu, urang Samaria iye maroki nye, ngan membalot luka- lukanye. Enye mengolesinye dengan minyak ngan anggor, lalu menoeko urang iye kepocok kudonye ngan ngundahnye kesebuah daman pemalomon, lalu merawat urang iye. ³⁵Pepagi arinye, urang Samaria mengeluorko duet 2 dinar ngan memborikonye kepado penjego pemalomon iye dengan bekehato' Rawotlah urang nyo teluka nie. Ngan , berapepon kowe menghabesko duet untoknye , ake todo menggentikonye saat ke belek."³⁶Lalu, Yesus bekehato, " Menorotme, siapekah deentaro ketiga urang iye nyo menjadi sesamo mendesio jak urang titek ketangon perampok iye?" ³⁷Simbot ahli Taorat iye, " Urang nyo menonjoko belas kasehon kepadonye." Lalu, ujo Yesus, "Bejelonlah, ngan lakukolah hal nyo samo. "( Maria Ngan Marta) ³⁸Tekalo Yesus ngan mored- mored-Nye delom pejelonon, Yesus masok kesebuah doson ngan seurang betina benamo Marta menyambot Yesus de rumahye. ³⁹Marta mempunyoi dolor betina benamo Maria nyo dodok deparok kaki Yesus ngan mendongorko pengajoron Yesus.⁴⁰Hambok sebeleknye, Marta telalu sibok menggaweko segelo penggaweon nyo haros de selesaiko. Martapon memaroki Yesus ngan bekehato," Tuhan, hopi pedulikah Kowe behwa dolor betinake nguyuko ake melakuko segelo penggaweon nie dedewekon? Suruhlah enye nolungike!" ⁴¹Hambok sebeleknye, Tuhan menyimbotnye," Marta, Marta, kowe kuater memonengko awok dewek dengan lobot hal. ⁴²Hanyo sikuk hal nyo penteng. Maria sodah memileh bageon nyo lobeh beik, ngan bageonnye iye hopi nak perenah de ambek jak enye."

( Pengajoron tentang Allah) ¹Pado suatu ari, Yesus berdoa de suatu deman. Tekalo Enye lah sodah bedoa, seurang jak mored- mored-Nye bekehato kepado-Nye, " Tuhan ajorilah kamie bedoa upanyo Yohanes mengajor mored- morednye."²kemudion Yesus bekehato kepado rombongon iye, " Tejako kowe bedoa, bedoalah upa nio: ' Bepa, dekodoskolah namo-Me. Jongoklah kerajaon-Me.³Borikolah kepado kamie makonon nyo secokopnye setiap ari, ⁴nga amponilah doso- doso kamie sabab kamie dewek jugo mengamponisetiap urang nyo besaloh tehadop kamie. Ngan, jengonlah mengundah kamie kedelom pencubaon. "( Minta lah, Deloklah, ngan Ketoklah) ⁵Kemudion Yesus bekehato kepado rombongon iye, " Seandoinye salh sikuk jak kowe mempunyoi seurang kanti ngan kowe bejelon ke rumah kanti me iye pas tangah malom dengan bekehato kepadonye,' Kelung pinjamko ake tiga ikuk roti, ⁶ulehnyo seurang kantike nyo sedang melakuko pejelonon singgah de rumahke, hambok ake hopi ado apo- apo de rumah untok de tawarko kepadonye.' ⁷Mungkenkah kantime jak delom rumah menyimbot, ' Jengon kucak ake! Pintu e sodah tekunci ngan ake besereta anak- anakke nak tidor.' Ake hopi pacok jego untok memboriko apepon kepadome.' ⁸Ake mengehatoko kepadome behwa meskipon kantime iye hopi jego ngan memboriko sesuatu kepadome ulenyo kowe kantinye, hambok ulenyo kowe haros memohon, enye pasot nak jego ngan memborimr apenyo kowe pereluko.⁹Jedi, Ake mengehatoko kepadome mintalah, kowe todo menerimo. Deloklah, kowe todo menomuko. Ketuklah, pintu todo debukako bageme. ¹⁰Sabab siape pon nyo meminta todo menerimo. Siapepon nyo mengetuk, pintu todo debukako bagenye.¹¹Adokah seseurang bepak deentarome nyo nak memboriko ulor kepado naknye munye enye minta ikan? ¹²Apo memborinye kalojengkeng, munye enye minta tolur? ¹³Munye kowe nyo jahat tahuko upamone memboriko pemborion beik kepado anak- anakme, apolagi Bepame nyo de serega. Enye nak memboriko Roh Kodos kepado urang- urang nyo meminta kepado-Nye. "( Yesus Memakoi Kuaso Allah) ¹⁴Tekalo iye Yesus mengoser belis jak seseurang jenton nyo bisu,. Setelah belis iye keluor, urang iye nyo tadie bisu iye pacok boek ngan urang lobot e temanga. ¹⁵Hambok sebeleknye, beberape urang bekehato, " Enye mengoser belis dengan kuaso Beelzebul, pemimpin belis."¹⁶Beberape urang loenye endok menguji Yesus, rombongon iye meminta suatu tando jak serega. ¹⁷Hambok sebeleknye, Yesus tahuko apenyo rombongon iyoi pekerko ngan bekehato kepado rombongon iye," Setiap kerajaon nyo tepacah- pacah ngan saleng menyerang nak hancor. Ngan, keluargo nyo enggota- enggotanye saleng bemosohon nak tecerai -berai.¹⁸Jedi, munye belis jugo tepacah- pacah ngan melawon dirinye dewek, upamone mongken kerajaonnye pacok tetap betahan? Ake mengehatoko demikion ulenyo kowe mengehatoko behwa Ake memakoi kuaso Beelzebul untok mengoser setan belis. ¹⁹Munye Ake mengoser setan belis dengan Beelzebul, dengan kuaso siapekah anak- anakme mengosernye? Ulenyo iye, rombongon iyelah nyo nak menjedi hakemme. ²⁰Hambok sebeleknye, munye Ake memakoi kuaso Allah untok mengoser belis, Kerajaon Allah lah jongok kepadome.²¹Munye seseurang nyo kuat ngan besenjeto lengkap menjego istananyo dewek, reto bendonye pasot delom keadaon aman. ²²hambok, munye ado urang nyo lobeh kuat jak enye endok nyerang ngan mengalahkonye, mangko urang nyo lobeh kuat iye haros merampos senjeto- senjeto nyo de andalko uleh urangiye ngan membage- bageko reto ramposonnye. ²³Siapepon nyo hopi berado de pihak-Ke, enye melawon Ake. Ngan siapepon nyo hopi mengompolko besamo Ake, enye mencerai beraiko. "( Beleknye Roh Nejes) ²⁴Apobila roh nejes keluor jak badan seseurang, roh iye nak bekelileng melewati daman- daman nyo koreng untok ndeloki daman berenti, hambok enye hopi menomukonye. Ulehnyo iye, enye bekehato, " Ake nak belek kerumahnyo ku campok e." ²⁵Tekalo enye belek, enye menomuko rumah iye delom keadaon tesapu bereseh ngan teator rapi. ²⁶Kemudion, roh nejes iye lari ngan ngajok tojoh roh nyo lobeh jahat jak enye untok masok ngan tinggal de rumah iye sehinggo keadaon urang iye menjedi jouh lobeh jahat jak sebolumnye."( Urang- urang nyo Besenang hati) ²⁷Tekalo Yesus mengehatoko nie, seseurang betina nyo dang detangah- tangah urang lobot tepekek, " Deberkatilah kandungonnyo lah mengadoko Kowe ngan buah dedo nyo menyusui Kowe." ²⁸Hambok Yesus bekehato, " Besenanghatilah urang- urang nyo mendongorko firman Allah ngan menaatinye."( Tando Yunus) ²⁹Tekalo urang -urang nyo bekompol semaken lobot, Yesus bekehato, " Generasi nie nyo jahat, mike menontot suatu tando , hambok hopi sikuk tando pon nyo nak de tonjoko kepado mike seloen tando Yunus. ³⁰Upa Yunus menjedi tando bage urang- urang Niniwe. Demikionlah Anak mendesio nak menjaditando bage generasi nie.³¹" Pado ari kiamat, Ratu jak selaton nak bangket besamo urang- urang jak generasi nie ngan enye nak menghokom mike ulehnyo enye jongok jak hujong behui untok mendongorko himat Salomo, sedangko de sie ado seseurang nyo lobeh godong jak Salomo.³²Pado ari kiamat, urang- urang Niniwe nak bangket besamo generasi mie ngan meneghokomnye, ulenyo urang- urang Niniwe betobat tekalo Yunus berkhotbah de hadopon rombongon iye, sedangko desie ado seseurang nyo lobeh godong jak Yunus."( Mato adolah Lampu badan) ³³Hopi seurangpon nyo setelah marokko lampu, moteko lampu iye de damannyo tekerawo apo debewoh pagu Sebeleknye, mike moteko lampu iye de kaki lampu sehinggo urangnyo masok pacok ngelek cahayo nye. ³⁴Mato adolah lampu badan. Munye matome beik, segelo badanme nak deponohi dengan tarang.Hambok sebeleknye, munye matome jahat, segelo badanme nak deponohi kekolomon. ³⁵Ulenyo iye, behati- hatilah empoknyo tarang dedelom awokme hopi kolom. ³⁶Munye badanme deponohi dengan tarang ngan hopi ado bageonnye nyo kolom, badanme iye nak tarang segelonye samo upa tekalo sebuah lampu menarangime dengan cahayonye. "³⁷Setelah Yesus sodah boek, seurang Farisi mengundang-Nye untok makon. Enyepon jongok, lalu dodok ngan makon. ³⁸Hambok sebeleknye, urang farisi iye temanga tekalo ngelek Yesus hopi mencuci tangon-Nye telobeh dehulu sebolum makon.³⁹Hambok Tuhan bekehato kepadonye, " Urang- urang Farisi upame mmberesehko bageon luor cangker ngan pinggan, hambok dedelom awokme ponoh dengan keserakahon ngan kejahataon. ⁴⁰Hai urang- urang bodoh! Bukonkah Enye membuat bageon luor jugo membuat bageon delom? ⁴¹Ulehnyo iye, bagekolah ape nyo ado delomme iye sebagoi sedekahme. Dengan demikon, kowe nak bonor- bonor bereseh.⁴²Hambok sebeleknye, celakolah urang- urang Farisi Sabab, kowe membori persepolohon atas hasel selaseh ngan segelo macam tenamon humame, hambok, kowe mengabaiko keadelon ngan kaseh Allah. Seharosnye kowe melakuko segelo hal iye tanpa mengabaiko hal- halnyo loen.⁴³Celakolah kowe, urang -urang Farisi ulehnyo kowe endok dodok de deman nyo tebeik de sinagoge ngan jugo endok menerimo hormat de pasar. ⁴⁴Celakolah kowe ulehnyo kowe upa koboron nyo hopi betando, nyo tetijak urang tanpa desadari."⁴⁵Kemudion salah seurang ahli Taurat bekehato kepado Yesus," Guru, tekalo kowe mengehatoko hal- hal nie, Kowe jugo mehimak kami. " ⁴⁶Hambok Yesus menyimbot, " Celakolah kowe, ahli- ahli Taurat! Sabab, kowe moteko bobon nyo berat untok depikol urang loen, hambok awok dewek hopi endok menyontuh bobon iye dengan sikuk jeripon.⁴⁷Celakolah kowe ulehnyo membengun koboron untok nabi- nabi nyo debunoh uleh nenek puyangme. ⁴⁸Bahkon, kowe menyatoko kepado segelo urang behwa kowe mengakui perbuaton nenek puyangme; mikelah nyo membunoh nabi- nabi iye, hambok kowe nyo membengun koboronnye.⁴⁹nielah sababnye, Allah delom hikmat-Nye bekehato, " Ake nak mengotos nabi- nabi ngan rasol- rasol kepado mike, hambok beberape jak urang - urang nyo Ku otos iye nak debunoh ngan desikso; ⁵⁰emponyo deroh sgelo nabi nyo tetumpah sejak denia deciptako, pacok detontot jak generasi nie, ⁵¹mulai jak deroh Habel sampoi deroh Zakharia, nyo debunoh de antaro altar ngan Bait Allah. Ao, Ake bekehato kepadome behwa generasi nie nak betanggong jawab tehadop hal nie.⁵²Celakolah kowe, hai ahli- ahli Taurat sabab kowe lah ngambek kunci pengetahuon, hambok kowe dewek hopi endok masuk ngan menghalang- halangi urang loen untok masok."⁵³Setelah Yesus meninggalko deman iye, ahli- ahli Taurat ngan urang- urang Farisi mulai memosohi-Nye ngan menekan-Nye dengan bebagoi pertanyoon. ⁵⁴Rombongon iye berkomplot untok menangkop Yesus dengan perkehatoon nyo deucapko- Nye

( Kemunafikon Pemempen Yahudi) ¹Sementaro iye, tekalo ado ribuon urang bekompol ngan rombongon iye saleng menijak, Yesus mulai boek kepado mored yelobeh dehulu," Behati- hatilah tehadop urang- urang Farisi, iyelah kemunafikon.²Sabab, segelo nyo tetotop nak debuka ngan segelo nyo tekerawo nak denyatoko. ³Ulehnyo iye, ape nyo kowe kehatoko dedelom kolom nak tedongor dedelom tarang ngan nyo kowe beseko de delom kamar nak deberitako depocok hatop - hatop rumah.( Takot Akon Allah) ⁴Ake mengehatoko kepadome, hai kekelungon- Ke, Jengonlah takot kepado rombongon nyo pacok membunoh badan, hambok sesodah iye hopi pacok bebuat lobeh jouh lagi. ⁵Hambok, Ake nak mengingotkome tentang siape nyo haros kowe takoti; takotlah kepadoNye nyo setelah membunoh jugo bekuaso menohuko kowe kedelom nerako. Ao, Enyelah nyo haros kowe takoti.⁶Bukonkah 5 ikuk borong pipet dejual hanyo serega 2 kepeng bae? Hambok, hopi seikukpon jak borong - brurng iye nyo delupako dehadopon Allah. ⁷Bahkon, Jemelah rambot dekapalomepon tehitong. Jengonl takot, kowe jouh lobeh berega jak lobotnyo borong pipet."( Peringoton bagenyo Menyangkal Yesus) ⁸Ake bekehato kepadome, setiap urang nyo mengakui Ake dehadopon urang loen, jugo akon deakui uleh Anak mendesio dehadopon meleikat- melaikat Allah. ⁹Hambok sebeleknye, setiap urang nyo menyangkal Ake dedepan urang loen jugo akaon desangkal dehadopon meleikat-meleikat Allah. ¹⁰Ngan, siapepon nyo mengehatoko sesuatu nyo melawon Anak mendesio paccok deamponi, hambok siapepon nyo mehimak Roh Kodos hopi pacok deamponi.¹¹Tekalo rombongon ngundah kowe ke sinagoge ngan kehadipon padong pemempen ngan penguaso , jengon kuater tentang upamone membela awok e apo ape nyo haros kowe kehatoko. ¹²sabab, saat iye jugo Roh Kodos nak mengajorime tentang ape nyo haros kowe kehatoko."( Perumpamaon seurang Sugeh) ¹³Seurang jak entaro urang lobot iye bekehato kepado Yesus, : Guru, suruhlah dolor- dolorke untok bebage wareson dengan ke." ¹⁴Hambok sebeleknye, Yesus bekehato kepadonye," Dolor, siape nyo mengaangkot Ake menjedi hakem apo pengentaro atasme?" ¹⁵Kemudion, Yesus bekehato kepado rrombongon iye, " Bejego- jegolah ngan waspadalah atas segelo bentuk keserakahon uleh hidop seseurang hopi tegentong pado lobotnye reto nyo enye punyoi."¹⁶Lalu, Yesus menceritoko sebuah perumpamaon kepado rombongon iye," Ado tanoh urang sajo sogeh tuanye nyo mehaselko sajo lobot hasel tuoion. ¹⁷Jedi, urang iy bepeker delom hatinye,' Ape nyo haros kulakuko ulehnyo ake hopi mempunyoi deman rengkiang untok menyimpan hasel tuoionke?' ¹⁸Ngan, enye bekehato,' Nielah nyo nak kulakuko. Ake nak membongkar rengkiang- rengkiangke ngan membuat nyo lobeh godong. Desane, ake nak menyimpan segelo gendum ngan barang- barangke. ¹⁹Lalu, ake bekehato kepado jiwoke,' Hai jiwokw, kowe memunyoi lobot barang nyo tesimpan untok betahon- tahon, berentilah makon, minom, ngan besenang- senanglah!'²⁰Hambok, Allah bekehato kepado urang iye, ' Hai, urang bodoh! malom nie jugo, jiwome nak deambek jak me. Lalu, siapekah nyo nak mempunyoi barang- barang nyo kowe simpan iye?' ²¹Demikionlah nyo nak tejedi pado urang nyo menyimpan reto bage awoknyo dewek, hambok hopilah sogeh dehadopon Allah."( Jengon Kuater) ²²Yesus bekehato kepado mored- mored-Nye, "Sabab iye, Ake bekehato kepadome, jengon kuater yrntang hidopme, tentang ape nyo nak kowe makon. Apo, minom, kuater tentang badanme, tentang apenyo nak kowe pakoi. ²³Sabab, hidop lobeh penteng jak makonon ngan badan lobeh penteng jak beju.²⁴Keleklah, borong- borong gagak. Enye hopi nugal apo menuoi, enye jugo hopi mempunyoi gudang apo rengkiang, hambok Allah memborinye makon. Kowe jouh lobeh berega jak borong- borong iye. ²⁵Siapekah deentaro kowe nyo ulehnyo kuater pacok menamboh sehasta bae pado omor hidopnye? ²⁶Miunye kowe hopi pacok melakuko hal- hal nyo sekeciknie, mengka kowe mengkaterko hal- hal nyo loen?²⁷Perhatikolah bunga bakong, upamone enye tomboh. Bunga- bunga iye hopi begawe nenihan apo memintal , hambok Ake mengehatoko kepadome, bahkon Salomo delom kemliaonnyepon hopi bebeju sebelagak salah sikuk jak bunga iye. ²⁸Munye Allah mendandani rompot dehuma, nyo sari nie tomboh ngan pepagie decampoko kedelom api, hopikah enye nak mendandanime lobeh jak rompot iye? Hai, kowe nyo kurang pecayo!²⁹Jedi, jengonlah kowe mendelok ape nyo nak kowe makon apo nyo nak kowe minom, ngan jengonlah mencemaskonye. ³⁰Sabab, bengso- bengso dedenia deloki iye segelo, hambok Bepame, mengetahui behwa kowe memerlukonye.³¹Sebeleknye, deloklah dehulu Kerajaon Allah, mangko segelonye nie jugo detambohko kepadome." Kompolkolah reto desorga ³²" Jengon takot, hai kawonon kecik, ulehnyo Bepame bekenan memboriko kepadome Kerajaon iye.³³Jualah segelo nyo kowe punyoi ngan borilah sedekah. Buatlah bageme kantong duet nyo hopi pacok rosak, iuelah reto de surga nyo hopi pacok sayau , nyo hopi pacok deambek maleng ataupon derosak uleh anoi. ³⁴Sabab, de deman retome ado desanelah hatime berado."( Hambonyo Setia Melakuko Tugasnye) ³⁵" Hendoklah pinggangme tetap tekobot ngan pelita- pelitame tetap marok. ³⁶Jedilah upa urang- urang nyo menunggu tuannye belek jak sedekah perkawinon empoknyo mike pacok secepatnye membukako pintu bagenye, tekalo tuan iye belek ngan mengetok pintu.³⁷Deberkatilah hambo- hambo, nyo dedepoti tuannye besiap sedia, tekalo enye jongok . Ake mengehatoko kepadome, sebonornye, enye nak mengobot pinggangnye untok melayani ngan mempersilahko pelayan- pelayannye unttok dodok makon. Enye nak jongok ngan melayani mike. ³⁸Munye tuan iye jongok dang de tangah malom apo subuh ngan mendepoti mike dang belaku demikion, deberkatilah mike!³⁹Hambok ketahuilah, munye tuan rumah mengetahui jam berape maleng nak jongok rumahnye, enye peseti hopi nak nguyuko rumahnye de bobol. ⁴⁰Ulehnyo iye, kowe jugo haros selalu besiap sedia ulehnyo Anak mendesio nak jonggok pado saat nyo hopi kowe sangko- sangko."⁴¹Kemudion, Petrus betanyo kepado-Nye," Tuhan, apekah Kowe menceritoko perumpamaon nie hanyo kepado kami apo kepado segelo urang jugo?" ⁴²Simbit Yesus, " Siapekah kepalo pelayan nyo setia ngan bijksana nyo depacayoi tuannye untok mengawasi padong hambo nyo loen, untok membori mike makon pado waktunyo pasot? ⁴³Deberkatilah hambo iye, nyo tekalo tuannye jongok mendepotienye sedang melakuko tugasnye. ⁴⁴Ake bekehsto kepadome, sesonggohnye, tuan iye nak memileh nye untok mengawasi segelo kepunyoonnye.⁴⁵Hambok sebeleknye, munye hambo iye bekehato delom hatinye,' Tuanku hopi nak secepatnye jongok,' ngan mulai ngepoki hambo jenton ngan hambo betina loenye, kemudion makon ngan minom sampoi mabok, ⁴⁶tekalo tuannye jongok pado waktu nyo hopidesangko- sangko ngan hopi deketahui uleh hambo iye, sang tuan nak membonoh hambo iye, ngan memotekonye besamo dengan urang- urang hopi setia.⁴⁷Seurang hambo nyo tahuko kehendok tuannye, hambok hopibesiap sedia apo melakuko sesuoi kehendok tuannye nak mendepot lobot kepokon. ⁴⁸Hambok, hambo nyo hopi tahuko kehendok tuannye ngan melakuko hal- hal nyo pantas mendepotko kepokon, enye nak mendepotko kepokon nyo lobeh sediket. Setiap urang nyo debori lobot, detontot lobot. Ngan, mike nyo depecayoko lobeh lobot nak detontot lobeh lobot lagi.⁴⁹( Yesus Membuat Pemisahon) Ake jongok untok menohuko api kedenia, ngan Ake beharop api iye lah marok! ⁵⁰Hambok sebeleknye, ado baptison nyo haros Ake jeloni, ngan Ake meraso sajo tetekan sampoi hal iye degonopi.⁵¹Apekah kowe menyangko behwa Ake jongok untok mengundah perdamaion atas behumi? Hopi, Ake mengehatoko kepadome, meloenko perpacahon! ⁵²Mulai kinie, lima urang delom sikuk keluargo nak depisahko. Tiga urang nak melawon dua urang ngan dua urang nak melawon tiga urang. ⁵³Mike nak depisahko, Bepak melawon anak jentonnye, ngan anak jenton melawon bepaknye. Indok nak melawon anak betinanye, ngan anak betina nak melawwon indoknye. Indok mentuha nak melawon menantu betinanye, ngan menantu betina nak melawon indok mentuhanye,"( Menafserko Akher Zaman) ⁵⁴Lalu, Yesus bekehato kepado urang lobot, " Tekalo kowe ngelek awan bekompol desebelah barat, kowe secepatnye bekehato," Hujan nak toron,' ngan hujane bonor- bonor toron. ⁵⁵Tekalo kowe merasoko angen betiop jak selaton, kowe bekehatp.' Sari nie nak sajo hangot,' ngan hal iye bonor- bonor tejedi. ⁵⁶Kowe urang munafik! kowe pacok menafserko rupo langet ngan behumi, hambok mengka kowe hopi pacok menafserko akher zaman?"⁵⁷" mengka kowe dewek hopi pacok memotosko ape nyo bonor? ⁵⁸Tekalo kowe bejelon besamo mosohme untok menghadop pemerentah, usahakolah untok menyelesaiko masalahme dengannye delom pejelonon empoknyo enye hopi meheretme kepado hakem ngan hakem nak menyerahkome kepado pengawal, ngan pengawal iye nak menohukome kedelom penara. ⁵⁹Ake bekehato kepadome, kowe nak keluor jak kiyone sebolum kowe membayar hutangme sampoi kepengnyo terakher."

( Panggelon Untok betobat) ¹Desane, ado beberape urang nyo memboritahu Yesus tentang urang- urang Galilea nyo derohnye decamporko Pilatus dengan korban persembahon nye. ²Simbot Yesus kepado rombongon iye, " Apekah kowe mengiro urang- urang Galilea nie lobeh bedoso jak urang- urang Galilea loennye ulehnyo mike sengsaro upa iye? ³Ake mengehatoko kepadome, hopi. Hambok sebeleknye, munye hopi betobat, kowe segelonye jugo akan teelek.⁴Apo mengenai kedelapan belas urang nyo teelek, tekalo menara de parok kolam Siloam titek ngan menempahnye, apekah kowe mengiro rombogon iye adolah pendoso nyo lobeh jahat jak segelo urang nyo tingal de Yerusalem? ⁵Ake bekehato kepadome, hopi, hambok sebeleknye, munye kowe hopi betobat, kowe segelonye jugo akan teelek!"⁶Yesus jugo menceritoko perumpamaon nie: " Ado seseurang nyo mempunyoi sebetong kayu aro nyo detandor dekebon anggornye. Hambok sebeleknye, saat enye jongok untok delok buah kayu iye, enye hopi menomukonye. ⁷Jedi, enye bekehato kepado tikang kebonnye,' Sodah tiga tahon ake jongok deloki buah kayu aro nie,hambok ake bolum perenah menomuko sikukpon. Tobong bae kayu iye! Mengka haros menyianyiako tanoh untok kayu loen iye?'⁸Hambok sebeleknye, tukang kebon iye menyimbot,' Tuan, borikolah kayu iye kesempaton lagi tahon nie untok bebuah. Biarlah ake ngali tanoh desekitarnye ngan memborinye popok. ⁹Mogken kayu iye nak bebuah jugo, Tuan pacok menobongnye."( Yesus Menyombuhko pado ari Sabat) ¹⁰Tekalo iye, Yesus mengajor desebuah sinagoge pado ari sabat. ¹¹Desane ado seurang betina nyo kerasokon roh sehinggo membuatnye saket selamo delapan belas tahon. Ponggong betina iye bongkok sehinggo hopi pacok togok.¹²Tekalo Yesus ngeleknye, Enye manyou betina iye ngan bekehato, " Hai betina, kowe sodah debebasko jak penyaketme." ¹³Kemudion, Yesus menumpangko tangon-Nye pado betina iye ngan seketiko jugo enye pacok togok ngan memuji Allah. ¹⁴Hambok sebeleknye, pemempen sinagoge iye menjaedi luat ulehnyo Yesus menyombuhko pado ari Sabat. enye bekehato kepado urang lobot iye, " Ado enom arri unttok begawe. Ulehnyo iue, jongoklah untok desombuhko pado ar- ari iye, bukon ari Sabat."¹⁵Hambok, Tuhan menyimbot urang iye, " Kowe urang - urang munafik! Bukonkah kowe segelo melapasko sapi apo keledai ingunonme tekobot dekandong ngan menuntonnye keluor untok minom pado ari Sabat? ¹⁶Ulehnyo iye, hopikah betina nie, seurang ketoronon Abraham nyo lah dekobot selamo delapan belas tahon uleh belis, jugo haros delapasko ngan belenggunye iye pado ari Sabat?"¹⁷Tekalo Yesus bekehato demikion, segelo lawon-Nye depermaluko, ngan urang lobot besenang hati atas segelo perbuaton ajaib nyo lah delakuko-Nye.( Perumpamaon Buji Sesawi ngan Ragi) ¹⁸Kemudion Yesus bekehato," Upa apekah Kerajaon Allah iye? Dengan apekah Ake pacok mengumpamakonye? ¹⁹Kerajaon Allah iye upa biji sesawwi nyo deambek urang ngan detandor de kebon; biji iye tomboh menjedi betong kayu, ngan borong- borong de langet besarong pado dahan- dahannye."²⁰Ngan lagi enye bekehato," Dengan apekah ake mengumpamako Kerajaon Allah? ²¹Kerajaon Allah iye upa ragi nyo deambek seurang betina ngan decamporko delom 3sukot topung sampoi segelo adonon iye mengembang."( Hanyo sediket nyo deselamatko) ²²Yesus meleliseri kota- kota ngan desa- desa, Enye mengajor ngan teros bejelon menuju Yerusalem. ²³Lalu, seseurang betanyo kepado-Nye, " Tuhan, apekah hanyo sediket urangnyo deselamatko?" Yesus bekehato kepado eombongon iye segelo, ²⁴" Berjuanglah untok pacok masok melalui pintu nyo sempet, sabab Ake bekehato kepadome, lobot urang nak berusaha masok kesane, hambok hopi akan pacok.²⁵Munye tuan rumah togok ngan menotop pintu rumahnye, sedangko kowe togok deluor ngan megetok pintu sambel bekehato, ' Tuan, tolong bukakolah bage kamie,' enye nak menyimbot, ' Ake hopi tahuko jakmone kowe beasal.' ²⁶Lalu, kowe nak menyimbot, ' kamie lah makon minom besamo Kowe. Kowe lah mengajor dejelon- jelon kota kamie.' ²⁷Hambok, Enye akan menyimbot, 'Ake hopi mengenale ngan hopi tahuko jakmone kowe beasal. Larilah jak hadopon-Ke, mike segelo pelaku kejahaton!"²⁸Kowe akan meratop ngan menggeretako gigi, tekalo ngelek Abraham, Ishak, ngan Yakub, sereta segelo urang nabi dedelom Kerajaon Allah sementaro kowe detohuko keluor. ²⁹Kemudion, urang- urang akan jongok jak timur ngan barat, ngan jugo utara ngan selaton. rombongon iye akan dodok ngan makon dedelom Kerajaon Allah. ³⁰Sesonggohnye, urang- urang nyo teakherakan menjedi nyo pertamo ngan urang- urang nyo pertamo akan menjedi nyo teakher. "³³( Yesus Haros Bejelon ke Yerusalem) ³¹Pado saat iye, beberape urang Farisi jongok kepado Yesus ngan bekehato," Larilah, tinggalkolah kamie dedeman nie ulehnyo Herodes endok bunoh -Me." ³²Yesus menyimbot rombongon iye, " Bejelonlah, ngan kehatokolah kepado belis iye,' Sarinie ngan pepagie Ake nak mengoser roh- roh jahat ngan menyombuhko urang, ngan pado arinyo ketiga, Ake akan menyodahi penggaweon-Ke.' Gambok sebeleknye, Aje haros melanjotko pejelonon sari nie, pepagie, ngan luso ulehnyo hopi mongken seurang nabi tetelek deluor Yerusalem.³⁴Yerusalem, Yerusalem! Kowe membunoh padong nabi ngan merajom urang- urang nyo deotos kepadome!Beulang kali!Ake ndelok mengompolko anak- anakme, samo upa indok hayom nyo mengompolko anak- anaknye debewoh kepaknye, hambok sebeleknye kowe pindokon. ³⁵Kinie rumahme akan kosong ngan menjedi sepi. Ake bekehato kepadome, kowe hopi akan ngelek Ake lagi sampoi tiba waktunye kowe akan mengehatoko, ' Deberkatilah Enye jongok delom namo Tuhan!."

( Tentang Menyombuhko pado ari Sabat) ¹Pado waktu ari Sabat, Yesus jongok ke rumah salah seurang pemimpen urang0 urang Farisi untok makon roti besamonye ngan rombongon iye segelo mengawasi Yesus. ²Wajtu iye, ado seurang nyo sengsaro busung aek de depan-Nye. ³Yesus bekehato kepado urang - urang Farisi ngan ahli- ahki Taurat, " Apekah buleh menyombuhko urang pado ari Sabat?"⁴Hambok sebeleknye, rombongon iye hopi menyimbotnye. Kemudion, Yesuspon memogong urang saket iye ngan menyombuhkonye, lalu urang iye lari. ⁵Yesus bekehato kepado rombongon iye, " Siapekah jak entaro mike nyo munye anaknye apo sapi jentonnye titek kedelom sumur pado ari Sabat, hopi cecepat menareknye keluor?" ⁶Mangko, rombongon iye pon hopi pacok membentoh pekehatoon-Nye.( Deman Kehormaton) ⁷Kemudion, Yesus menceritako sebuah perumpamaon kepado tamu- tamu undangon tekalo Enye ngelek upamone mike memileh deman0 deman dodok nyo terhormat desekitar meja makon, ujon-Nye kepado rombongon iye, ⁸" Munye kowe deundang uleh seseurang kesebuah pesta perkawinon, jengonlah kowe dodok dedeman leehormaton ulehnyo tuan rumah iye mongken soadh mengundang urang nyo lobeh tekemoka jakme. ⁹Lalu, tuan rumah iye akan jongokme ngan bekehato,' Borikolah deman me kepado urang nie!' Ngan, kowepon haros pendah kedeman nyo lobeh bewoh dengan meraso malu.¹⁰Hambok, apobila kowe deundang, dodoklah dedeman nyo paleng belakong empoknyo tekalo nyo mengundang kowe jongok, enye akan bekehato kepadome,' Kanti, pendahkolah deman nyo lobeh terhormat.' Dengan demikion, kowe akan mendepot penghormaton dehadopon urang- urang dodok makon besamo dengan me. ¹¹Sabab, segelo urang nyo meninggiko awok nyo dewek akan derendahko, hambok enye nyo merendahko awaknyo dewek akan detinggiko."( Undangon Makon Ngan Beloson) ¹²Lalu, Yesus bekehato kepado urang nyo mengundang-Nye iye, " Munye kowe mengadoko jamuon makon siang apo makon malom, jengon mengundang kanti- kanti, dolor=dolor, sanak keluargo, apo tetanggome nyo sogeh ulenyo rombongon iye akan membelosme dengan mengundang me untok makon besamo nye.¹³Hambok sebeleknye, munye kowe mengadoko pesta, undanglah urang- urang mesken, urang- urang cacay, urang- urang lompohngan urang- urang buta. ¹⁴Ngan, kowe akan deberkati ulehnyo urang- urang nie hopi pacok membelosnye belek, kowe akan mendepot belossonnye pado waktu kebangketon urang- urang bonor."( Perumpamaon tentang Undangon jamuon Makon) ¹⁵Tekalo salah seurang nyo makon besamo-Nye mendongor perkehatoon- perkehatoon nie, urang iye bekehato," Deberkatilah urang nyo akan makon roti dedelom Kerajaon Allah. " ¹⁶Hambok sebelknye, Yesus bekehato kepado urang iye, " Ado seseurang nyo mngadoko jamuon makon malom nyo godong ngan enye mengundang lobot urang, ¹⁷ngan tekalo wakru makon malom sodah tiba, urang iye menyuruh hambo nye untok bekehato kepado padong tamu nyo sodah deundang iye, ' jongoklah, ulehnyo segelonye sodah siap."¹⁸Hambok, segelo tamu undangon iye mulai membuat alason- alason. Urang pertamo bekehato,' Ake beheru membboli sebuah huma ngan ake haros bejelon ngeleknye, Terimolah perminta maafke.' ¹⁹Nyo loen bekehato, ' Ake beheru boli lima apsong sapi ngan ake haros bejelon untok memerikso sapi- api iye. Terimolah perminta maafke. ²⁰Sementaro nyo llorn lagi bekehato, 'Ake beheru bae kawin, Ulehnyo iye, ake hopi pacok jongok.'²¹Lalu, pelayan iyepon belek ngan melaporko segelonye kepado tuanye, Mangko, tuannye iye menjedi bemarah, lalu bekehato kepado pelayannye, "Cepatlah! beejelonkejelon- jelon ngan setiap gang dekota nie, Undahlah kemai urang- urang mesken, urang- urang lompoh, urang- urang jegot, ngan urang- ueang buta.' ²²Kemudion, pelayan iye bekehato kepadonye, 'Tuan, ake sodah melakuko ape nyo kowe perentahko, hambok masih ado deman kosong.'²³Tuan iye bekehato kepadonye, ' bejelonlah ke jelon- jelon godong ngan setiap gang. Ajoklah urang- urang desane jongok empoknyo rumahke menjedi ponoh. ²⁴Ake bekehato kepadome, hopi seurangpon jak mike nyo aku undang sebolumnye iye akan menikmati makonon sajionke. "( Tentang Mehilu Yesus) ²⁵Lobot Urang bejelon besamo-samo dengan Yesus. Kemudion Yesus gerelek kepado rombongon iye ngan bekehato, ²⁶" Munye seseurang jongok kepado-Ke hopi luat bepak ngan indoknye, bininye ngan anak- anaknye, dolornye jenton ngan dolornye betina, bahkon hidopnye dewek, enye hopi pacok menjedi mored-Ke. ²⁷Siapepon nyo hopi memikol salebnye ngan mehilu Ake, enye hopi pacok menjeddi mored-Ke.²⁸Siapekah deentaro kowe nyo endok menogoko sebuah menara, hambok hopi dodok telobeh dehulu ngan menghitong biayanye untok mengetahui apekah enye mempunyoi cukup duet untok menyodahinye? ²⁹Munye hopi demikion, tekalo enye memoteko pendasi ngan hopi sanggop menyodahinye, sgelo urang nyo ngeleknye menetawokonye. ³⁰Urang- urang iye akan bekehato, 'Urang nie mulai membengun, hambok enye hopi sanggop menyodahinye.'³¹Apo, rajo monekah yo bejelon beperang melawon rajo loen hambok hopi dodok telobeh dehulu ngan mempertimbangko apekah enye besamo 10.000 tenteranye pacok melwon mosohnye nyo mempunyoi 20.000 tentera? ³²Munye enye hopi pacok mengalohko rajo loen iye, enye akan mengiremko seurang otoson ngan menayoko syarat- syarat perdamaiaon tekalo pasukon lawon nye lagi jouh. ³³Beiyoie jugo dengan kowe maseng- maseng hopi ado seurangpon deentarome nyo pacok menejadi mored-Ke munye hopi menyerahko segelo kepunyoonnye. "( Gerom nyo Tawor Hopi Ado Gunanye) ³⁴" Gerom iye beik, hambok munye gerom iye sodah kesayauon raso masennye, upamonekah membuatnye masen lagi? ³⁵Gerom iye bahkon hopi lagi pacok degunako untok huma apo popok sehinggo urang hanyo mencamoknye. Siape mempunyoi telinga untok mendongor"

( Perumpamaon Domba nyo Sayau) ¹Padong pengompol pajak ngan urang- urang bedoso memaroki Uesus untok mendongorko-Nye. ²Kenudion urang- urang Farisi ngan ahli- ahli Taurat mulai begomt-gomot, " Urang nie menerimo urang- urang bedoso ngan bahkon makon besamo- samo rombongon iye. "³Kemudion Yesus mengehatoko perumapamon niekepado rombongon iye, ujo-Nye, ⁴"Siapekah deentaro kowe nyo munye mempunyoi 100 ikiok domba, ngan kesayauon seikuk, hopi akan meinggalko 99 ikuk loennye de padong belantara? Bukonkah enye akan bejelon mendeloki nyo tesosot iye sampoi enye menumukonye? ⁵Ngan tekalo enye menomukonye, enye akan mendokongdomba iye depocok behunye ngan besenang hati.⁶Setibanye derumah, enye akan bejelon menomui kanti- kantingan tetanggo- tetanggonye sereta berkehato kepado rombongon iye, "Bersenanghatilah besamoke ulehnyo ake sodah menumuko dombake nyo sayau.' ⁷Ake bekehato kepadome, demikonlah akan ado sukacita nyo lobeh godong de surga atas 1 urang bedoso nyo betobat deripado atas 99 urang nyo bonor nyo hopi membotohko pertobaton.( Perumpamaon Duet Perak nyo sayau) ⁸Apo betina nyo mempunyoi sepoloh kepeng duet perak, munye enye kesayauon sekepeng deentaronye, hopi maroko lampu ngan menyapu rumahnye, lalu mendeloki kepeng due iye dengan hati- hati sampoi enye menomukonye. ⁹Ngan, apobila enye meneomukonye, enye memantou kanto- kantinye ngan tetanggo- tetanggonye ngan bekehato kepado rombonggon iye, ' Besenanghatilah besamoke ulehnyo ake sodah menomuko sekepeng nyo sayau iye.' ¹⁰Ake bekehato kepadome, demikionlah jugo ado sukacita deentaro padong meleikat Allah ulehnyo sikuk urang nyo bedoso betobat."( Perumapamaon Anak Jenton bungsu meninggalko Bepaknye) ¹¹Kemudion Yesus bekehato, " Ado seseurang nyo mempunyoi dua anak jenton. ¹²Anak nyo bungsu bekehato kepado bepaknye, ' Bepak, borikolah kepadoke bageon reto nyo menjedi punyoke.' Mangko, bepaknyepon membege kesogehinye kepado kedua anaknye.¹³Hopi lamo kemudion, anak bungsu iye mengompolko segelo reto punyonye, lalu bejelon kenegeri nyo jouh ngan desane enye menghambor- hamborko punyonye iye dengan beoya- foya. ¹⁴Tekalo enye sodah menghabesko segelonye, tejedilah bencano kelaporon nyo hebat tejedi denegeri iye, ngan enyepon mulai berkekurangon.¹⁵Jedi, bejelonlah enye ngan begawe pado seurang penduduk negeri iye, nyo menyuruhnye kehuma untok membori makon beb-bebinye. ¹⁶Enye en amat mengisi porotnye dengan buah karob nyo demakon bebi-bebi iye, hambok hopi ado seurangpon nyo membori kepadonye.( Anak bungsu belek kepado Bepaknye) ¹⁷Tekalo anak bungsu iye sadar, enye bekehato, 'Betapo lobotnye anak buah bepakke nyo mempunyoi makonon nyo melempah-lempah, hambok ake desie hamper mati kelaporon. ¹⁸Ake akan jego nagan belek kepado bepakke, Ake akan bekehato kepadonye: Bepak, ake sodah bedoso terhadop surga ngan dehadopome. ¹⁹Ake hopi lagi pantas desobot anakme, jedikolah ake sebegoi salh seurang anak buahme.'²⁰Mangko, togoklah enye ngan bejelon kepado bepaknye. Hambok sebeleknye, tekalo anak iye masih sajo jouh, bepaknye ngeleknye dengan ponoh belas kasehon, bepaknye iye belari lalu memolok ngan menciumnye. ²¹Kemudion, anak iye bekehato kepado bepaknye,' bepak, ake sodah bedoso terhadop surga ngan dehadoponme. Ake hiopi pantas desobut anakme.'²²Hambok, bepaknye iye bekehato kepado pelayan- pelayannye, ' Cepat! Undahlah jubah nyo paleng beil lalu pakoikolah kepadonye. Pakaoiko jugo cincen de ajeritagonnye ngan sandal de kakinye. ²³Undahlah kemai anak sapi nyo gomok ngan sembolehlah. Maro kite makon ngan besenanghati, ²⁴ulehnyo anake lah mati, hambok kinie hidop lagi Enye lah sayau hambok kinie lah detomuko!' Mangko rombongon iye mulai besenanghati."( Anak Tuha Bemarah Terhadop Bepaknye) ²⁵Waktu iye, si anak tuha sedang berado dehuma, ngan tekalo enye sodah berado deparok rumahnye, enye mendongor suaro musek ngan tari- tarion. ²⁶Jedi, enye memantou salh sikuk hambo- hambo iye ngan bertanyo tentang ape nyo sedang tejedi. ²⁷Simbot pelayan iye kepadonye, ' Adekme sodah jongok, ngan bepakme menyemboleh sapi nyo gomok ulehnyo enye belek dengan selamat.'²⁸Hambok, anak tuha iye bemarah ngan hopiendok masok sehinggo beaknye keluor ngan membojuknye. ²⁹Hambok sebelknye, enye bekehato kepado bepaknye, ' Betahon- tahon ake lah begawe melayani me ngan hopi perenah mengabaiko perentahme, hambok kowe hopi perenah memborike seikuk kambeng muda empoknyo ake pacok bepesta dengan kanti- kantike. ³⁰Hambok, tekalo anakme iye belek setelah menghabesko retome dengan lonte- lonte, bepak menyemboleh anak sapi nyo gomok untoknye.'³¹Mangko, bepaknye menyimbot kepadonye, ' Anakke, kowe selalubesamoke, ngan segelo kepunyaonke adolah punyome. ³²Hambok, sari nie kite haros berpesta ngan besukacita sabab adekme nie lah mati, hambok kinie enye hidop lagi, enye lah sayau hambok kinie lah detomuko. "

( Kite Hopi pacok Melayani dua Tuan) ¹Yesus bekehato kepaddo moed- mored-Nye, " Ado seseurang sogeh nyo mempunyoi kepalo pelayan. Ngan, kepado urang sogeh iye delaporko behwa kepalo pelayannye lah memborosko retonye. ²Ulehnyo iye, urang sogeh iye memantou kepalo pelayannuo iye ngan bekehato, ' Ape nyo ake dongor tentengme nie? Borikolah pertanggongjawabon atas tugasme ulehnyo kowe hopi pacok lagi menjadi bendaharake.'³Kepalo pelayan iyepon bepeker, ' Ape nyo akan kulakuko ulehnyo kinie tuanke sodah memecat ake haj penggaweonke? Ake hopi cokop kuat untok mencangkol ngan malu ntok mengemis. ⁴Ake tahuko ape nyo haros kuperbuat empoknyo tekalo ake depecat sebagoi bendahara, urang- urang akan menerimoke derumah mike.'⁵Kemudion, enyepon memantaou setiap urang nyo behutang kepado tuannye. kepado urang pertamo enye bekehato,'Berape hutang me kepado tuanke? ⁶Urang iye menyimbot, ' Seratos bat minyak zaitun.'Lalu, kepalo pelayan iye bekehato kepadonye,' Ambeklah surat hutangme, segeralah dodok ngan toleslah 50 bat.' ⁷Kemudion kepalo pelayan iye betanyo kepado urang loen, ' Berape lobot hutangme? Urang iye menyimbotnye,' Seratos kor gendom.' Lalu benahara iye bekehato kepadonye, ' Ambeklah surat hutangme ngan toleslah behwa hutangme 80 pikol."⁸Kemudion, urang sogeh iye memuji keepalo pelayan nyo hopi jojor iye ulehnyo enye betindak dengan ceredek. Sabab, anak- anak denia nie lobeh ceredek selom beroroson dengan sesamonye deripado anak- anak tarang. ⁹Ake bekehato kepadome, buatlah persahabaton dengan dengan mamon nyo hopi bonor empoknyo tekalo mamon iye habes, kowe akan desambot derumah abadi.¹⁰Siapepon nyo setia delom hal- hal nyo kecik, enye jugo setia delom hal- hal nyo godong. Ngan, siapepon nyo hopi jojor delom hal- hal kecik, enye jugo hopi jojor delomhal- hal nyo godong. ¹¹Jedi, munye kowe hopi pacok depecayoi untok mengelola reto deniawi, siape nyo akan memecayoko reto nyo sesonggohnye kepadome? ¹²Ngan, munye kowe hopi pacok depecayoi delom menggunako punyo urang loen, siapepon nyo akan memboriko ape nyo seharosnye menjedi punyome?¹³Hopi ado pelayanon nyo melayani dua tuan ulehnyo enye akan luat tuanyo sikuk e ngan menyukoi tuannyo loen. Apo, enye akan patoh kepado tuannyo sikuk ngan mengabaiko nyo loenne. Kowe hopi pacok melayani Allah ngan mamon."( Peringoton Untok Urang Farisi) ¹⁴Urang- urang Farisi, nyo adolah pecinta duet, mendongor hal nie mehimak Yesus. ¹⁵Yesus pon bekehato kepado rombongon iye, " Kowe adolah urang- urang nyo membonorko awok dewek dehadopon mendesio, hambok Allah tahu isi hatime nyo sebonornye ulehnyo deagong- agongko deentaro mendesio adolah seseuatu nyo menjejeko dehadopon Allah.¹⁶Hokom Taurat ngan kitab padong nabi deajorko sampoi maso Yohanes; sejak maso Yohanes, kabar beik tentang Kerajaoan Allah sodah deberitako ngan segelo urang memakso untok masok ke delomnye. ¹⁷Hambok sesonggohnye, lobeeh murah bage langet ngan behumi untok lenuap deripado sikuk titik delom hokom Taurat debatalko.( Tentang Perceraion) ¹⁸" Setiap urang nyo menceraiko bininye ngan kawen dengan betina loen, enye berbuat zinah. Ngan, urang nyo kawen dengan betina nyo deceraiko lakinye jugo berbuat zina. "¹⁹Ado seurang sogeh nyo selalu bebeju ungu ngan koene linen, ngan bersenang- senang setiap hari delom kemewahon. ²⁰De pintu gerbang rumah urang sogeh iye, teberanglah seurang mesken benamo Lazarus, nyo badannye ponoh dengan keridos. ²¹Enye beharop debori makon apepon nyo titek jak meja makon urang sogeh iye; bahkon anjeng- anjeng jongok ngan menjilati keridosnye.²²Seketiko iye, urang mesken iye teelek ngsn deundah uleh padong meleikat kepangkuon Abraham. urang sogeh iye jugo teelek lalu dekoborko. ²³dedelom mout, saat desikso , urang sogeh iye menatap ke pocok ngan ngelek Abraham dekejouhon besamo Lazarus de pangkuonnye.²⁴Ngan, urang sogeh iye tepekek, ' Bepa Abraham, kasehanilah ake ngan suruhlah Lazarus mencelopko hujong jerinye ke aek ngan menyejoko lidahke sabab ake sengsaro de delom api nie.'²⁵Hambok sebeleknye Abraham bekehato,'Nak, ingotlah tekalo kowe maseh hidop, kowe sodah menerimo hal- hal nyo beik, sementaro Lazarus menerimo hal- halnyo hopi beik, kinie, desie Lazarus dehibor, sementaro kowe desikso. ²⁶Seloen iye segelo, ado jurang godong nyo memisahko kite sehinggo urang nyo endok menyeberang jaka sie ke demanme hopi pacok menyeberang, ngan urang nyo jak demanme jugo hopi pacok menyeberang kedeman kami.'²⁷Lalu, urang sogeh iye bekehato,'Munye memunye, ake mohon kepado Bepa, otoslah Lazarus ke rumah bepakke, ²⁸uleehnyo ake mempunyoi lima dolor jenton. Uyulah Lazarus memperingotko eombongon iye empoknyo todo rombongon iye hopi masok ke deman penyiksaon nie,'²⁹Hambok, Abraham bekehato, ' Mike mempunyoi Hokom Musa ngan kitab padong nabi, uyulah rombongon iye mengetahui sgelonye iye.' ³⁰Ujo urang sogeh iye lagi,' Hopi, Bepa Abraham. Munye seseurang jak entaro urang teelek kepado rombongon iye beherulah enye nak betobat.' ³¹Simbot Abraham kepado urang sogeh iye, ' Munye dolor- dolorme hopi mendongorko Hokom Musa ngan kitab padong nabi, rombongon iue hopi akan pacok deyakenko, bahkon ukeh seseurang nyo bangket jak entaro urang teelek."

( Doso ngan Pengamponon) ¹Kemudion, Yesus bekehato kepado padong mored- mored-Nye," Betu sandongon peseti akan ado, hambok celakolah urang nyo menyebabkonye. ²Lobeh beik sebuah betu kilangon dekobotko pado lehernye ngan enye detohuko kedelom lout deripado enye menjedi sandongon bge anak- anak kecik nie.³Waspadalah! Munye dolorme bebuat doso terhadop kowe, tegurlah enye, munye enye menyosol dosonye, amponilah enye. ⁴Bahkon, munye enye bedoso terhadop kowe selobot tojoh kali delom sehari, ngan belek algi kepadome tojoh kali sambel bekehato,' Ake menysol; amponilah enye."( Kuaso Iman) ⁵Uju rasol- rasol iye kepado Yuhan, " Tambohkolah iman kami!" ⁶Simbot Tuhan kepado rombongon iye, " Munye kowe mempunyoi iman segodong biji sesawi bae, kowe pacok mengehatoko kepado betong kayu murbei nie, ' Tecabotlah jak tanoh ngan tetandorlah delout,' ngan betongkayu iye akan taat kepadome."( Hambo nyo Menaati Perentah Tuannye) ⁷" Siapekah jak entaro kowe nyo mempunyoi hambo, nyo sedang membajak apo menggembalako, akan bekehato kepaddo hambannye iye tekalo enye belek jak huma,' Maro, dodoklah ngan makon'? ⁸Bukonkah enye malah akan bekehato kepado hambonye iye,' Siapkolah makonon untokke ngan bebejulah nyo layak untok melayanike selagi ake makon ngan minom. Sesodah iye, berulah kowe buleh makon ngan minom'?⁹Apekah enye akan berterimokaseh kepado hambonye iye ulehnyo melakuko nyo deperntahkonye? ¹⁰Beioiye jugo dengan kowe, Apobila kowe sodah melakuko segelo nyo deperentahko kepadome, hendoklah kowe bekehato,' kami adolah hambo nyo hopi berega. Kami hanyo melakuko ape ape nyo wajeb kami lakuko."( Sepoloh Urang Kusta desombuhko) ¹¹Delom perjelonon-Nye menuju Yerusalem, Yesus meliseri sepanjong jelon perbatason entaro Samaria ngan Galilea. ¹²Saat masok krsebuah desa, Enye betomu dengan sepoloh urang kusta nyo togok jouh- jouh deri-Nye. ¹³dan rombongon iye bepekeon dengan suaro lantang, " Yesus, Guru, Kasehanilah kami!"¹⁴Tekalo Yesus ngelek rombongon iye, Enye bekehato kepadonye, " Bejelonlah ngan tonjoko awokme kepado imam-imam." Ngan, tekalo rombongon iye dellom pejelonon, rombongon iye menjedi sombuh. ¹⁵Tekalo salah sikuk jak rombongon iye ngelek behwa awoknye lah sodah sombuh, enye belek ngan memuji Allah dengan suaro lantang, ¹⁶lalu besojod dedepan kaki Yesus ngan beterimokaseh kepado-Nye. Urang iye adolah seurang Samaria.¹⁷Kemudion, Yesus bekehato kepado urang iye, " Bukonkah ado sepoloh urang nyo lah desombuhko? Demonekah sembilan urang nyo loen? ¹⁸Hopikah deentaro rombongon nyo belek untok memuliako Allah selorn urang aseng nie? ¹⁹Lalu, Yesus bekehato kepadonye, " Togok ngan bejelonlah, imanme lah menyelamatko kowe."( Kedetongon Kerajaon Allah) ²⁰Tekalo detaanyo uleh beberape urang Farisi tentang kapan Kerajaon Allah akan jongok, Yesus menyimbot rombongon iye dengan bekehato, " Kerajaon Allah akan jongok tanpa tando- tando nyo pacok dekelek. ²¹hopi akan ado uarang nyo bekehato,' Kelek, Kerajaon Allah ado desie!' Apo , ' Kerajaon Allah ado desane!' ulehnyo sebonornye Kerajaoan Allah ado detangah- tangah kowe.²²Kemudion,Yesus bekehato kepado mored- mred-Nye, " Akan tiba saatnye kowe endok ngelek suatu ari deri ari- ari Anak Mendesio, hambok kowe hopi pacok ngeleknye. ²³Urang- urang akan bekegato kepado kowe, 'Kelek, desane' apo' kelek, desie!' Hambok sebeleknye jengonlah kowe bejelon mehilui urang- urang iye." Kedetongon Anak Mendesio. ²⁴Sabab upa kilat nyo memancor jaak langet nyo sikuk kehujong langet nyo loen, demikonlah jugo Anak Mendesio pado pado ari-Nye.²⁵Hambok sebeleknye, Naka Mendesio haros sengsaro lobot hal telobeh dehulu ngan detulak uleh generasi nie. ²⁶Ngan, upa nyo lah tejedi pado ari- ari dezaman Nuh, demikionlah jugo todo pado ari0 ari Anak Mendesio. ²⁷Urang- urang makon ngan minom, kawen ngan dekawenko sampoi pado ari Nuh Masok kedelom bahtera ngan jongoklah aek delo godong lalu membunoh mike segelonye.²⁸Samo halnye dengan nyo tejedi pado zaman Lot, saat iye urang-urang makon ngan minom, memboli, menjual, menandor, ngan membengun. ²⁹Hambok, pado ari tekalo Lot meninggalko kota Sodom, api ngan belerang titek jak langet upa hujan ngan membunoh mike segelonye.³⁰Beioiyelah keadaonnye pado ari tekalo Anak Mendesio denyatoko. ³¹Pado ari iye, saipepon nyo sedang berado de hatop rumah, ngan barang- barangnye ado dedelom rumah, jengonlah enye toron untok mengambeeknye, ngan siapepon nyo sedang berado de huma, jengonlah enye belek.³²Ingotlah, ape nyo tejedi pado bini Lot! ³³Siapepon nyo beusaha memeliharo nyawonye, akan kesayauon nyawonye. Ngan siapepon nyo kesayauon nyawonyw, akan menyelamatkonye.³⁴Ake bekehato kepadome, pado malom iye akan ado 2 urang nyo tidor de 1 deman tidor. Hambok sebeleknye, nyo seurang akan deundah, sedangko nyo loen akan detinggalko. ³⁵Dua betina akan menggileng gendom besamo. Nyo seurang akan deundah sedangko nyo loen akan detinggalko. ³⁶Beioiye jugo dua anak buah nyo dehuma, nyo seurang akan deundah, sedangko nyo loen akan detinggalko. "³⁷Lalu mored-mored betanyo kepado Yesus, " Demone, Tuhan?" Simbot Yesus kepado rombongon iye, Demone ado bangkai, desanelah borong helang akan bekompol."

( Perumpamaon tentang Hakem ngan Seurang Jendo) ¹Kemudion,Yesus menceritoko sebuah perumpamaon kepado mored- mored-Nye untok memboritahu rombongon iye behwa nye ahros selalu berdoa ngan hopi bekecik hati. ²Ujo-Nye, " desebuah kota, ado seurang hakem nyo hopi takot kepado Allah ngan menghormati urang loen.³Dekota, iye ado seurang jendo nyo teros meneros jongok kepado hakem iye ngan bekehato, ' Borikolah keadelon kepadoke tehadop lawonke.' ⁴Untok beberape waktu, sang hakem hopi endok nolungj jendo iye. Hambok sebeleknye, kemudion hakem iye bekehato delom hatinye,' Meskipon ake hopi takot kepado Allah ngan hopi menghormati siapepon, ⁵hambok ulehnyo jendo nie teros meneros ngucake, ake akan memboriko keadelon kepadonye empoknyo enye hopi menusahko ake dengan kedetongonnye nyo teros meneros iye."⁶Lalu, Tuhan bekehato, " Dongorlah ape nyo dekehatoko hakem nyo hopi adel iye. ⁷Hopikah Allah akan membori keadelon kepado urang- urang pilehon-Nye nyo beseru kepado-Nye siang ngan malom? Apekah Enye akan menunda- nunda sampoi ;lamo untok menolung mike? ⁸Ake bekehato kepadome, Enye akan secepatnye membori keadelon kepado mike. Hambok sebeleknye, tekalo Anak mendesio jongok, apekah Enye akan menomuko iman de behumi?"( Perumpamaon tentang Urang Farisi ngan Penageh Pajak) ⁹Yesus jugo menyampoiko perumpamaon nie kepado beberape urang nyo menganggap awoknye bonor ngan memandong rendah urang loen. ¹⁰" Ado dua urang bejelon ke Bait Allah untok berdoa. Nyo seurang adolah urang Farisi ngan nyo loen adolah seurang penageh pajak.¹¹Urang Farisi iye togok ngan mengucapko doa tentang awoknye dewek, " Ya Allah, ake beterimokaseh kepado-Me, ulehnyo ake hopi upa urang loen; upa pemeras, pelato, pezina, apo bahkon upa penageh pajak nie. ¹²Ake bepuaso dua kali seminggu, ake memboriko sepersepolohon jak segelo penghaselonke."¹³Hambok sebeleknye, si penageh pajak togok agak jouh, bahkon hopi memandong ke langet. Sebeleknye, enye ngengepoki dedonye sambel bekehato, ' Ya, Allah. Bebelas kasehlah kepadoke, tong pendoso nie.' ¹⁴Ake bekehato kepadome, pengeh pajak nie belek ke rumahnye sebagoi urang nyo lobeeh debonorko deripado urang Farisi iye sabab urang nyo meninggiko awok dewek akan derendahko, ngan nyo merendahko awok dewek akan detinggiko. "( Yesus Ngan Budak- budak) ¹⁵Lalu, urang- urang ngundah anak- anaknye nyo lagi kecik kepado ysus empoknyo Enye menjamah rombongon iye,. Hambok sebeleknye, tekalo padong mored ngeleknye, rombongon iye mulai memarahi urang- urang iye. ¹⁶Hambok, Yesus memanttou budak- budak iye untok jongok kepado-nye ngan bekehato, "Uyukolah budak- budak kecok iye jongok kepado-Ke, jengon halanginye sabab Kerajaon Allah adolah milek urang-urang nyo upa rombongon nie. ¹⁷Ake mengehatoko nyo sesunggohnye kepadome, siapepon nyo hopi menerimo Kerajaon Allah upa budak kecik, enye hopi akan perenah masok kedelomnye."( Urang Sogeh Ngan Kerajaon Allah) ¹⁸Ado seurang pemempen rombongon iye nyo betanyo kepado Yesus," Gurru nyo beik, ape nyo haros kulakuko untok depot mewaresi hidop nyo kekal? " ¹⁹Simbot Yesus Kepadonye, " Mengka kowe menyobut Ake beik? Hopi ado seurangpon nyo beik kecuali Allah dewek. ²⁰Kowe mengetahui tentang hokom- hokom nie, ' Jengon bezina, jengon membunoh, jengon maleng, jengon membori kesaksion pelsu, sereta hormatilah bepak ngan indokme." ²¹Simbot urang iye, " Ake sodah menaati segelo iye sejak ake maseh muda."²²Tekalo Yesus mendongornye, Enye bekehato kepado urang iye, " Maseh ado sikuk hal nyo kurang. Jualah segelo nyo kowe mileki ngan bagekolah kepado urang- urang mesken, mangko kowe akan mempunyoi reto de surga, ngan marolah, hilulah Ake." ²³Tekalo urang iye mendongor pekehatoon Yesus iye, enye menjedi en sajo sedeh sabab enye sajo sogeh.²⁴Kemudion Yesus ngelalo enye ngan bekehatom" Betape behelanye bae urang- urang sogeh untok masok keelom kerajaon Allah! ²⁵Bahkon, lobeh murah bage seikuk unta untok masok melewati lubang jerum deripado urang sogeh masok kedelom kerajaon Allah."( Pengikot Yesus akan Menerimo Hidop Kekal) ²⁶Urang- urang nyo mendongor pekehatoon iye bekehato, " Munye memunye, siape nyo pacok deselamatko?" ²⁷Simbot Yesus, " Ape nyo mustahel bege Allah adolah mongken bage Allah."²⁸Lalu, Petrus bekehato, " Keleklah, kamie sodah mencampoko segelo nyo kami punyoi ngan mehilu Kowe." ²⁹Yesus bekehato kepado rombongon iye, " Ake mengehatoko nyo sesonggohnye kepadome, hopi seurangpon nyo lah meninggalko rumahnye, bininye, dolor- dolornye, urang rayonye, atau anak- anaknye demi Kerajaon Allah, ³⁰nyo, hopi akan menerimo hal- hal iye belipot ganda pado maso nie, ngan pado maso nyo akan jongok iyelah hidop kekal. "( Pemberitahuon tentang Kemation ngan Kebangketon Yesus) ³¹Lalu, Yesus mengompolko kedua belas mored-Nye ngan bekehato kepado rombongon iye, " Dongorlah, kite akan bejelon ke Yerusalem ngan segelo sesuatu nyo lah detoles uleh padong nabi tentang Anak Mendesio akan degonopi. ³²Enye akan deserahko kepado urang - urang nyo hopi mengenal Allah. Enye akana dehimak, deaniaya, ngan deludahi. ³³Ngan, setelah rombongon iye mencamboki-Nye, rombongon iye akan membunoh-Nye. Hambok sebeleknye, pado arinyo ketiga, Enye akan bangket lagi."³⁴Hambok, padong mored hopi ngereti sikukpon jak hal- hal nie. Reti pekehatoon iye tekerawo bage rombongon iye sehinggo rombongon iye hopi memahami apepon nyo lah dekehatoko.( Yesus Menyombuhko Urang Buta) ³⁵Pado saat Yesus hamper sampoi de kota Yerikho, ado seurang buta nyo sedang dodok de topi jelon sambel mengemis. ³⁶Tekalo uranng buta iye mendongot urang lobot lewat, enye menayoko ape nyo sedang tejedi. ³⁷Ngan, urang- urang bekehato kepadonye," Yesus jak Nazaret sedang lewat."³⁸Mangko, tepekek lah urang buta iye, " Yesus Anak Daod, kasehanilah ake!" ³⁹Urang- urang nyo bejelon dedepan rombongon, memarahi urang buta iye ngan menyuruhnye diom. Hambo sebeleknye, enye malah bepekekon lobeh lantang, " Anak Daud, kasehanilah ake!"⁴⁰Lalu Yesus berenti ngan menyruh empoknyo urang buta iye deundah kepado-Nye. Tekalo urang buta iye memaroki, Enye betanyo kepadonye, ⁴¹" Ape nyo kowe endoko empoknyo Kuperbuat bageme?" urang buta iye menyimbot, " Tuhan, ake endok matoke pacok ngelek."⁴²Yesus bekehato kepadonye, " Ngeleklah, imanme lah menyombuhkome. " ⁴³Seketiko iye jug jugo, enye pacok ngelek ngan mulai mehilu Yesus sambel memuji Allah. Tekalo urang lobot ngelek hal iye, rombongon iye ugo memuji Allah.

( Yesus Ngan Zakheus) ¹Mangko, masoklah Yesus ngan melewati Kota Yerikho. ²Desane ado seurang jenton benamo Zakheus, enye adolah kepalo penageh pajak ngan seurang nyo sogeh.³Enye berusaha ngelek Yesus, hambok hopi pacok ulehnyo tehakong urang lobot, sabab badannye pandok. ⁴Jedi, Zakheus belari mendehului urang lobot ngan noek sebetong kayu aro untok ngelek Yesus ulehnyo Enye akan melewati jelon iye.⁵Tekalo Yesus sampoi dedeman Zakheus berado , Enye ngelalo kepocok ngan bekehato kepadonye, " Zakheus, cecepat lah toron ulehnyo sari nie Ake nharos tandong ke rumahme." ⁶Mangko, Zakheus pon cepat- cepat toron ngan menerimo Yesus dengan besukacita. ⁷Hambok, tekalo segelo urang ngelek hal iye, rombongon iye mulai berotuk ngan bekehato, " Enye menjedi tamu de rumah seurang nyo bedoso."⁸Kemudion, Zakheus togok ngan bekehato kepado Tuhan, " Tuhan keleklaah, separoh deri retoke akan ku boriko kepado urang mesken, ngan munye ake lah menggelapko reto seseurang, ake akan mambelekonye empat kali lipot. " ⁹Mangko, Yesus bekehato kepado Zakheus, " Pado sari nie, keselamaton lah detong atas rumah nie ulehnyo urang nie jugo anak Abraham. ¹⁰Sabab, Anak mendesio detong untok deloki ngan menyelamatko nyo sayau."( Hambo nyo setia ngan Hambo nyo jahat) ¹¹Sementaro rombongon iye mendongorko segelo tong nie, Yesus melanjotko dengan menceritoko sebuah perumpamaon ulehnyo Enye sodah parok dengan Yerusalem ngan rombongon iye menyangko behwa Kerajaon Allah akan secepanye detong. ¹²Ulehnyo iye Enyepon bekehato," Seurang bengsawon bejelon kenegeri nyo jouh untok deangkot menjedi rajo, ngan sesodah iye enye belek.¹³Kemudion, tuan iye mengompolko sepoloh urang pelayannye ngan membori nye doet selobot 10 mina. Ujonye kepado rombongon iye, ' Bedegonglah menggunako doet nie sampoi ake belek.' ¹⁴Hambok sebeleknye, urang- urang sebengsonye luat ngan enye ngan mengiremko perwakelon setelah nye bejelon untok bekehato,' Kamie hopiendok urang nie menjedi rajo atas kamie.' ¹⁵Setelah deangkot menjadi rajo, bengsawon iye belek nan memerentahko hambo- hambo nyo lah deborinye doet iye depantou untok menghadopnye empokno enye [acok mengetahui seberape gede keontungon nyo rombongon iye depotko deri bedegong.¹⁶Pelayan nyo pertamo jongok ngan bekehato, ' Tuan, doet nyo 1 mina punyome iye lah manghaselko 10 mina laagi. ' ¹⁷Rajo iye bekehato kepadonye,' Sajo beik, hai kowe hambo nyo beik! ulehnyo kowe setia delom oroson nyo kecik, kowe kan memerentah atas sepoloh kota.'¹⁸Pelayan nyo keduapon jongok ngan bekehato,' Tuan, doet 1 mina punyome lah menghaselko 5 mina.' ¹⁹Lalu, sang rajo bekehato kepado hambo iye, ' Bekuasolah kowe atas 5 kota.'²⁰Kemudion, jongoklah gambonyo sikuk lagi ngan bekehato.' Tuan, nio 1 mina punyome nyo ku simpan delom sapu tangon. ²¹Ake takpt kepadome sabab kowe urang karas, Kowe mengambek ape nyo hopi perenah kowe simpan ngan menuoi apa nyo hopi perenah kowe tandor.'²²Kemudion rajo iye bekehato kepadonye,' Ake akan mengadelime sesuoi dengan perkehatoonme, hai mowe hambo nyo jahat! Jedi, kowe tahuko behwa ake adolah urang nyo karas, nyo ngambek ape nyo hopi perenah ku simpan ngan menuoi ape nyo hopi u tandor? ²³Munye memunye, mengka kpwe hpi moteko doetke de deman urang menjelonko doet sehinggo tekalo ake belek, ake akan menerimo doetku iye besereta bunganye?'²⁴Lalu, rajo iye bekehato kepado urang- urang nyo togok desane, ' Ambek mina iye jakenye ngan borikolah kepado urang nyo mempunyoi 10 mina.' ²⁵Hambok, rombongon iye bekehato kepado sang rajo, ' Tuan, hambo iye sodah mempinyoi 10 mina.'²⁶Simbot rajo iye,' Ake bekehato kepadome, setiap urang nyo mempunyoi akan debori lobeh, hambok jak urang nyo hopi mempunyoi apepon, segelo nyo depunyoinye akan deambek. ²⁷Hambok sebeleknye, tentang mosoh- mosohke nyo hopi mengendoko ake menjedi rajo atas mike, undahlah kemai ngan bunohlah rombongon iye dehadoponke."( Yesus Desambot Sebagoi Rajo) ²⁸Setelah Yesus mengehatoko hal- hal iye, enye bejelon dehulu menuju Yerusalem.²⁹Tekalo enye sampoi deparok desa Betfage ngan Betania, parok buket benamo Buket Zaitun, Enye mengotos dua urang mored-Nye. ³⁰Ujp-Nye kepado nye, " Bejelon;ah ke desa nyo ad depanme iye/ Ngan, tekalo kowe masok de sane, kowe akan ngelek seikuk anak keledai nyo tekobot ngan bolum perenah denoeki urang lapskolah anak keledai iye ngan undahlah kemai. ³¹Munye ado urang betanyo kepadome, ' Mengka kowe ngundah keledai iye?', kehatokolah upamio: Tuhan memerlukonye."³²Lalu, bejelonlah kedua mored nyo deotos-Nye iye ngan menomuko segelo sesuatu perecis upa nyo lah dekahatoko-Nye kepado rombongon iye. ³³Selagi melapasko keledai iye iye, tuannye betanyo kepado rombongon iye. "Mengka kowe melapasko anak keledai iye?" ³⁴rombongon iyepon menyimbot, "Tuhan memerlukonye." ³⁵Lalu, rombongon iye ngundah anak keledai iye kepado Yesus ngan memoteko buntelon bejunye de pocok ponggong keledai iye, kemudion menoeko Yesus kepocoknye. ³⁶Tekalo Yesus melewati jelonon, urang - urang membotongko pakoinnye dejelon.³⁷Ngan, tekalo Yesus sodah semaken parok Yerusalem, iyelah dejelon nyo menoron deri arah buket Zaitun, segelo pengikot-Nye mulai memuji Allah dengan bersukacita ngan suaro nyo lantang. Rombongon iye bersyokor kepado Allah atas segelo mukjizat nyo lah rombongon iye kelek. ³⁸Rombongon iye bepekeon, " Deberkatilah Enye nyo jongok sebagoi Rajo delom namo Tuhan, damai sejahtera de sorga ngan kemuliaon de deman nyo mahatinggi!" Mazmur 118: 26³⁹Beberape urang Farisi jak kerumunon urang lobot iye bekehato kepado Yesus, " Guru, tegorlah mored- mored-Me." ⁴⁰Hambok sebeleknye, Yesus menyimbot, " Ake bekehato kepadome, munye rombongon nie diom, betu- betu nielah nyo akan bepekekon. "( Yesus Meratopi Yerusalem) ⁴¹Saat Yesus sodah parok de kota Yerusalem ngan ngelek kota iye, Enyepon meratopinye. ⁴²Kehatonye, " Seandoinye sarinie kowe tahuko ape nyo mendetongko damai sejahtera atasme. Hambok sebeleknye, kinie hal iye tekerawo jak matome.⁴³Sabab akan jongok waktunye tekalo mosoh- mosohme akan membegun tembok penghalang desekelilengme ngan mengepongme jak segelo arah. ⁴⁴rombongon iye akan merontohkome, kowe besereta anak- anakme nyo belindong pado tembokme. Ngan, rombongon iye hopi akan menyisako sikuk betupon tesooon de pocok betu nyo loen dedelomme sabab kowe hopi mengenali waktu tekalo Allah melawatme."( Yesus Mengoser urang- urang nyo Bejualon de Bait Allah) ⁴⁵Kemudion, Yesus ke Bait Allah ngan mulai mengoser keluor urang- urang nyo bejualon desane. ⁴⁶Ujo-Nye kepado rombongon iye, " Ado tetoles: 'Rumah-Ke akan menjedi rumah doa,' hambok kowelah menjadikonye sebagoi sarong perampok!"⁴⁷Lalu, Yesus mengajor de Bait Allah setiap ari. Gambok, imam- imam, ahli- ahli Taurat, ngan padong pemempen bengso iye mendeloki caro untok membunoh-Nye. ⁴⁸Hambok sebeleknye, rombongon iye hopi tahuko upamone melakukonye sabab segelo urang memogong toguh perkehatoon Yesus.

( Pertanyoon tentang Kuaso Yesus) ¹Tekalo iye Yesus sedang mengajor urang lobot de Bait Allah ngaan memberitako Injil, imam- imam kepalo ngan ahli- ahli Taurat besamo dengan tuha- tuha jongok kepado-Nye. ²Rombongon iye bekehato kepado -Nye, " Kehatokolah kepado kamie dengan kuaso apekah Kowe melakuko ha- hal nie? Atau, siapekah nyo membori-Me kuaso nie? "³Simbot Yesus kepado rombongon iye, " Ake jugo kan menayoko sebuah pertanyoon kepadome, jawablah Ake, ⁴jak monekah asal bapteson Yohanes? Jak sorga atau jak mendesio? "⁵Rombongon iye merondengko hal iye deanyaronye dengan bekehato, " Munye kite Jawab, ' Jak sorga, ' Enye akan bekehato,' munye memunye, mengaka kowe hopi percayo kepado Yohanes? ⁶Hambok sebeleknye, munye kite bekehato 'Jak mendesio, segelo urang akan merajom kite sampoi mati ulehnyo nye yaken behwa Yohanes adolah seurang nabi."⁷Jedi, rombongon iyepon menjawab behwa rombongon iye hopi tahuko jakmone bapteson iye beasal. ⁸Kemudion Yesus, bekehato kepado rombongon iye, " Munye memunye, Ake jugo hopi akan memboritahume dengan kuaso apekah Ake melakuko haal- hal nie."( Perumpamaon tentang padong penyiiwo kebon Anggor) ⁹Lalu, Yesus menceritoko perumpamaon nie kepado urang lobot," Ado seseurang nyo menandori sebuah kebon anggor lalu menyiwokonye kepado beberape petani, ngan bepejelonon ke negeri nyo sajo jouh untok waktu nyo lamo. ¹⁰Tekalo mosem nuoi e sampoi, enye menyruh seseurang pelayannye bejelon kepado petani- petani iye empoknyo rombongon iye memboriko kepadonye sebagion jak hasel kebon anggor iye. Hambok sebeleknye, padong petani iye ngepoki pelayan iye ngan mengosernye lari dengan tangon kosong.¹¹Ngan enyepon mengirem pelayan nyo loen, hambok petani- petani iye jugo ngepoki pelayan iye ngan memperlakukonye dengan hino, lalu mengosernye lari dengan tagon kosong. ¹²Lalu, tuan kebon anggor iye mengotos pelayan nyo ketiga kepado padong petani iye, hambok petan0 petani iye jugo melukai pelayan nyo sikuk nie ngaan mengosernye keluor.¹³Tuan kebon iyepon bekehato, ' Ape nyo haros ake lakuko? Ake akan mengirem anakke nyo ku kasehi, mongken rormbongon iye akan menghormatinye.' ¹⁴Tekalo padong petani iye ngelek anak tuan kebon, rombongon iye berundeng sorang dengan nyo loen, ' Enye ahli wares tuan kebon anggor nie, maro kite munohnye empoknyo waresonye menjedi ahk kite.'¹⁵Kemudion, rombongon iye menohuko anak iye keluor jak kebon anggor ngan membunohnye; Lalu, ape nyo akan delakuko uleh tuan kebon anggor iye kepado rombongon iye ¹⁶Enye akan jongok ngan membinasako petani- petani iye, lalu menyiwoko kebonnye kepado urang loen." Tekalo urang lobot mendongor perumpamaon nie, rombongon iye bekehato," Jengonlah hal nie sampoi tejedi?"¹⁷Hambok sebeleknye, Yesus ngelalo rombongon iye ngan bekehato, " Munye memunye, apekah reti ayat nie:' Batu nyo decampok uleh tukang bengunon lah menjedi Betu penjuru'? Mazmur 118: 22 ¹⁸Setiap urang nyo titek ke pocok betu iye akan hancor bekepeng- kepeng ngan siapepon nyo detempa betu iye akan remuk!"¹⁹Tekalo ahli- hali Taurat ngn padong imam kepalo menyadari behwa perumpamaon iye memboeko tentang nye, rombongon iye endok menangkop yesus saat iye jugo. Hambok, rombongon iye takot kepado urang lobot. ( Pertanyaon tentang membayar pajak) ²⁰Kemudion, padong ahli Taurat mengawasi Yesus ngan mengirem beberape urang mato- mato nyo icak- icaknye tolos empoknyyo rombongon iye pacok menangkop -Nye menggunako perkehatoo-Nye dewek ngan meyerahko-Nye kedelom kuaso ngan wewenang gubernur.²¹Urang - urang suruhon iyepon bejtanyo kepado Yesus, " Guru, kamie tahuko Kowe mengehatoko nan mengajorko nyo bonor. Kowe hopi membeda- bedako urang, hambok mengajorko jelon Allah delom kebonoron. ²²Apekah kamie deperbulehko membayar pajak kepado Kaisar atau hopi? "²³Hambok sebeleknye, Yesus mengerahui kelicikon rombongon iye ngan bekehato kepadonye, ²⁴" Cobe tonjoko kepado-Ke sekepeng dinar. Gambar ngan toleson siapekah nyo terdepot pado doey iye?" Simbot rombongon iye," Gambar ngan toleson Kaisar."²⁵Mangko, Yesus bekehato kepadonye, " Munye memunye, borikolah kepado Kaisar ape nyo menjadi milek Kaisar, ngaan borikolah kepado Allah ape nyo menjedi milek Allah. ²⁶Dengan demikon, urang - urang iye hopi pacok menjebaj Yesus dengan perkehatoon-Nye dewek dedepan urang lobot; rombongon iye temanga atas jawabon-Nye ngan diom.( Pertanyoon Urang Saduki) ²⁷Kemudion, jongoklah kepado Yesus urang Saduki, iyelah golongon nyo hopi mempercayoi adonye kebangketon, ngan bertanyo kepado-Nye, ²⁸" Gurru, Musa menolesko bage kite, munye seurang jenton teelek, sedangko enye mempunyoi bini ngan hopi ado anak, dolornyo jentone haros mengaweni jendo dolornye iye ngan membangketko ketoronon bagenye.²⁹Upanio, ado tojoh urang bedolor. dolor nyo pertamo kawen, hambok teelek tanpa anak. ³⁰Kemudion, dolornyo kedua mengaweni betina iye ngan teelek jugo tanpa anak, ³¹lalu, dolornyo ketiga mengaweni betina iye ngan hal nie tejedi sampoi dolornyo ketojoh, hambok rombongon iye teelek sgelo tanpa mempunyoi anak. ³²pado akhernye, betina iye jugo teelek. ³³Uleh nyo iye, pado ari penghakemon, siapekah nyo akan menjadi laki jak betina iye ulehnyo ketojoh bedolor iye lah mengaweninye?"³⁴Simbot Yesus kepado rombongon iye," Urang- urang pado zman nie mengaweni ngaan de kawenko, ³⁵Hambok urang- urang nyo deanggap pantas untok mendepotko bageon delom denia nyo akan detong ngan delom Kebangeton jak antaro urang mati, hopi akan mengaweni, ngan dekawenko. ³⁶Mike hopi pacok mati lagi ulehnyo mike samo dengan padong meleikat. Mike adolah anak- anak Allah ulehnyo mike sodah de bangketko jak kemation.³⁷Musa bahkon lah menunjokko tentang kebangketon urang- urang mati delom bageon nyo mencatat tentang unok somok nyo tetunu. delom bageon iye, Tuhan desobut sebagoi 'Allah Abraham, llah Ishak, ngan Allah Yakub.' ³⁸Enye bukon Allahurang mati hambok Alla urang nyo hidop, ulehnyo segelo urang hidop de hadopon-Nye.³⁹Setelah iye, beberape ahli Taurat bekehato, " Gurru, jawabanme pasot." ⁴⁰Ngan, ado lagi urang nyo berani mengajuko pertanyoon kepado-Nye.( Kristus adolah Tuhan) ⁴¹Kemudion, Yesus bekehato kepado rombongon iye, " Upamone pacok urang- urang bekehato behwa Kristus adolah Daud? ⁴²Padohal delom kitab Mazmur, Daud dewek bekehato, 'Tuhan Allah bekehato kepado Tuanke," Dodoklah desebelah kanaon-Ke, ⁴³Sampoi Ake menempatko mosioh- mosoh-Me debewph kaki-Me. Mazmur 110: 1 ⁴⁴Munye Daud menyobut Kristus sebagoi 'Tuan' upamone mongken adolah anak Daud?"( Peringoton untok berhati-hati terhadop Alh Taurat) ⁴⁵Tekalo urang lobot mendongorko, Yesus bekehato kepado mored-mored-Nye, ⁴⁶Berhati-hatilah terhadop ahli-ahli Taurat nyo endok bejejelon memakoi jubah pajong, agom de hormati urang de pasar, nyo agom dodok de deman tertinggi de sinagoge-sinagoge ngan de deman terhormat de pesta-pesta. ⁴⁷Iye merampos rumah-rumah padong jendo ngan bedoa panjong-panjong empoknyo dekelek urang, urang-urang upanie peseti akan menerimo hukumon nyo lobeh berat,"

( Persembahon Seurang Jendo) ¹tekalo Yesus ngelalo kepocok, Enye ngelek beberapeurang sogeh nyo memasoko persembahonnye kekotak persembahon. ²enye jugo ngelek seurang jendo mesken memasokko 2 kepeng tembega. ³Yesus bekehato, " Ake mengehatoko nyo sesesonggohnye kepadome, jendo mesken nie memboriko lobeh lobot deripado segelo urang sogeh iye. ⁴Sabab, mike memboriko persembahon jak kelobehon mike, hambok jendo nie memboriko persembahonye jak kekurangonye, iyelah segelo nyo de milekinye untok mealnjutko hidop."( Tando-Tando Akher Zaman) ⁵tekalo bebetape mored sdang memboeko tenatang Bait Allah nyo dehiasi dengan betu-betu belagak ngan persembahon, Yesus bekehato, ⁶"Akan sampoi waktunye, segelo nyo kowe kelek ie akan dehancorko. Hopi ado sikukpon betu nyo togok de pocok betu nyo loen nyo hopi akan de robohko."⁷Lalu, padong mored betanyo kepado-Nye, " Guru, kapan hal iye akan tejedi? Ngan ape tando- tando behwa segelo iye akan tejedi?" ⁸Simbot Yesus, "Berhati-hatilah empoknyo kowe hopi desosotko sabab lobot urang akan jongok memakoi namo_Ke ngan bekehato, ' Akelah Enye' ngan ' Waktunye sodah parok jengonlah kowe mehiluinye. ⁹Hambok sebeleknye, tekalo kowe mendongor tentang peperangon ngan pemberontakon, jengonlah kowe takot ulehnyo hal- hal iye haros tejedi telobeh dehulu, hambok kesodahonye hopi akan sececepatnye jongok."¹⁰Kemudion, Yesus bekehato kepadonye, " Bengso akan bangket melawon bengso nan kerajaon akan bengket melawon kerajaon. ¹¹Akan tejedi gempa bumi nyo dahsyat, bencana kelaporon, ngan macaom- macom penyaket deberbagoi deman. jugo akan muncul peristiwo- peristiwo nyo mengeriko ngan tando- tando godong jak langet.¹²Hambok, sebolum segelonye nie tejedi, urang- urang akan menangkop ngan menganiayo kowe. Rombongon iye akan menyerahkome ke sinagoge- sinagoge rombongon iye akan memasokkome kedelom penjara- penjara. Rombongon iye jugo akan ngundahme menghadop padong rajo ngan gubernur uleh namo-Ke. ¹³Hambok, hal nie akan menjedi kesempaton bageme untok besaksi.¹⁴Ulehnyo iye, tetapkolah untok hopi memekerko ape nyo akan kowe kehatoko untok membela diri, ¹⁵sabab, Ake akan memboriko perkehatoonngan kebijaksanaon kepadome nyo hopi pacok delawon ngaan de tentang uleh mosoh-mosohme.¹⁶Kowe akan dekhianati leh dolor jentonme, keluargome, ngan kanti- kantime, ngan rombongon iye akan membunoh beberape urang deantaro kowe. ¹⁷Kowe akan dbenci uleh segelo urang ulehnyo namo-Ke. ¹⁸Hambok sebeleknye, hopi sehelai rambotpon jak kepalome nyo akan titek. ¹⁹Dengan ketabahanme,kowe akan memperoleh hidopme."( Pemberitahuon kehancoron Yerusalem) ²⁰Hambok sebeleknye, tekalo kowe ngelek kota Yerusalem dekepung uleh pasukon- pasukon tentera, kowe akan tahuko behwa kehancoronnye sodah parok. ²¹Pado waktu iye, urang- urang nyo ado de wilayah Yudea haros melariko diri kepegunongon, urang- urang nyo berado dedelom kota haros lari keluor kota, ngan urang - irang nyo berado de desa- desa hopi buleh masok ke kota Yerusalem. ²²Iyelah ari- ari penghokomon empoknyo segelo hal nyo sodah tetoles degonopi.²³Celakolah betina-betina nyo sedang bunteng ngan menyusui pado saat iye sabab akan tejedi penderitaon nyo luar biaso denegeri nie, ngan murka nyo gpdong atas bengso nie. ²⁴Rombongon iye akan debunoh dengan pedang ngan de tawan uleh bengso-bengso aseng sampoi maso kejayaon bengso bengso iye berakher."²⁵" Akan ado tando- tando pado matoari, bulan, ngan bintang- bintang. De behumi, bengso- bengso akan ketakoton delom kebingungon uleh gemoroh louton ngan deru umbak. ²⁶Urang- urang akan pingsan ulehnyo ketakoton ngan penantion akan hal- hal nyo akan tejedi atas behumi sabab segelo kuaso nyo ado de langet akan deguncangko.²⁷Kemudion, rombongon iye akan ngelek Anak Mendesio jongok delo aqan dengan kuaso ngan kemualiaon nyo godong. ²⁸Apobila hal- hal nie mulai tejedi, togoklah ngan angkotlah kepalome ulehnyo waktu pembebasonme sodah parok."²⁹Kemudion Yesus menceritoko sebuah perumaon kepado rombongon iye: " Keleklah betong kayu aro ngan segelo betong kayu nyo loen. ³⁰Apobila kayu- kayu iye menombohko doun- dounye, kowe akan ngereti ngan mengetahui behwa mosem hangot sodah parok. ³¹Beiyoi iye pula apobila kowe ngelek segelo iye tejedi, kowe akan tahuko behwa Kerajaon Allah sodah parok.³²Sesesonggohnye Ake bekehato kepadome, generasi nie hopi akan mati sampoi segelo hal nie tejedi. ³³Langet ngan behumi akan sayau, hambok perkehatoon-Ke hopi akan belalu."( Siap sediolah Setaip Saat) ³⁴" Berhati-hatilah empoknyo hatime deponohi dengan keinginon untok berpesta, bermabok- mabokon, ngan mengkhawaterko hidop. Ngan, sari iye akan jongok atasme upa perangkap. ³⁵Sabab, sari iye akan jongok keatas egelo sesuatu nyo de tinggal segelo muka behumi.³⁶Bejego-jegolah setiap waktu ngan selalu bedoa empoknyo kowe mendepot kekuaton untok melapasko diri jak segelo hal nyo akan tejedi iye nan untok togok dehadopon Anak Mendesio. "³⁷Pado siang ari, yesus mengajor urang lobot de pelataron Bait llah, hambok pado malom arinye Enye meninggalko kota ngan bemalom de Buket Zaitun. ³⁸Ngan, padi- pagi, segelo urang jongok kepado-Nye de dekom Bait Suci untok mendongorko-Nye.

( Rencana untok membunoh Yesus) ¹Ari Rayo Roti hopi Beragi nyo desobut ari Paskah sodah parok. ²Imam- imam kepalo ngan ahli- ahli Taurat mendeloki caro untok membunoh Yesus, ulehnyo rombongon iye takot terhadop urang lobot.( Pengkhiaton Yudas) ³Kemudion, masoklah belis kedelom Yudas, nyo desobut Iskariot. Enye adolah salah sikuk jak kedua belas mored. ⁴Mangko, bejelonlah Yudas lalu berundeng dengan imam-imam kepalo ngan pengawal Bait Allah tentang upamone enye pacok menyerahko Yesus kepado rombongon iye.⁵Ngan, beroyot iye agom ngan sepakat untok memborinye doet. ⁶Mangko, Yudas setuju ngan mulai mendeloki kesempaton untok menyerahko Yesus kepado rombongon iye saat hopi ado urang lobot.( Hidangon Paskah) ⁷Kemudion, tibalah ari rayo roti hopi Beragi, iyelah saat untok mempersembahko anak domba paskah. ⁸Pado waktu iye, Uesus menyuruh Petrus ngan Yohanes, ujo-Nye, " Bejelonlah ngan persiapkolah makonon paskah untok kte makon." ⁹Ujo rombongon iye kepado Yesus, " Demonekah Kowe endok empoknyo kami mempersiapkonye?"¹⁰Simbot Yesus kepado rombongon iye, " Tekalo kowe sodah masok ke kota, kowe akan betomu dengan seurang jenton nyo ngundah kendi; hiluilah enye kerumah nyo akan demasokinye, ¹¹ngan kehatokolah kepado tuan rumah iye, ' Guru bertaanyo kepadome: Demonekah ruang tamu deman Ake pacok makon Paskah besamo mored- mored-Ke?'¹²Mangko, enye akan menunjuko kepadome sebuah ruangon godong delantoi pocok,, nyo perabotonnye sodah siap. Persiapkolah makonon untok kite desane." ¹³Lalu, Petrus besamo Yohanes bejelon ngan mendepoti segelonye upanyo dekehato Yesus ngan rombongon iye pon mempersiapko makonon Paskah.( Perjamuon Paskah) ¹⁴Tekalo sudah tiba waktunye, Yesus ngan padong rasol dodok makon desekelileng meja. ¹⁵Kemudion, Yesus bekehato kepado rombongon iye, " Ake sajo endok makon hidangon Paskah nie besamo mike, sebolum Ake menderita. ¹⁶Sabab Ake bekehato kepadome, Ake hopi akan memakonnye lagi sampoi hal nie degonopi delom Kerajaon Allah."¹⁷Lalu, Yesus mengambek cangker berisi anggor ngan mengucap syukur, kemudion bekehato, " Ambeklah cangker nie ngan bagekolah deantaro mike. ¹⁸Sabab, Ake bekehato kepadome behwa mulai kinie Ake hopi akan minom anggor sampoi Kerajaon Allah jongok. "¹⁹kemudion, Yesus mengambek roti ngan mengucap syukur, Enye memacah-macahko roti iye ngan memborikonye kepado rombongon iye sambel bekehato, "Roti nie adolah badan-Ke nyo deboriko kepadome lakukolah nie sebagoi peringoton akan Ake." ²⁰Demikionlah jugo, setelah makon, Yesus mengambek cangker anggor ngan bekehato, " Cangker nyo detuangko bageme nie adolah perjenjion beheru delom deroh-Ke( Pemberitahuon tentang Urang nyo Menyerahko Yesus) ²¹Hambok sebeleknye, keleklah yangon uraang nyo akan menyerako Ake ado bersamo dengan Ake demaja nie. ²²Sabab, Anak Mendesio akan bejelon dengan caro upa nyo sodah detetapko, hambok celakolah urang nyo menyerahko Enye!" ²³Mored- mored-Nye betanyo sikuk saamo loen tentang siape deantaro rombongon iye nyo akan melakukonye.( Jedilah Urang nyo Melayani) ²⁴Pertengkaron jugo tejedi deantaro rasol tentang siapekah de antaro rombongon iye nyo deanggap paleng godong. ²⁵Hambok sebeleknye, Yesus bekehato kepado rombongon iye, " Rajo- rajo bengso nyo hopi mengenal Tuhan berkuaso atas rakyatnye, ngan urang- urang nyo bekuaso atas rajo -rajo iye desobut' Pelindung Rakyat'.²⁶Hambok, kowe jengon upa iyoi. sebeleknye, nyo paleng godong deantaro kowe haros bertindak upa nyo paleng muda, nan pemempen haros upa pelayan. ²⁷Siape nyo lobeh godong, urang nyo dodok makon atau nyo melayani? Bukonkah urang nyo dodok makon? Hambok, Ake ado de tangahme sebagoi urang nyo melayani.²⁸Kowe adolah urang- urang nyo tetap bersamo-Ke delom pencobaon- pencobaon-Ke. ²⁹Ulehnyo iye, Ake memboriko kepadome sebuah kerajaon upa nyyo deboriko Bepa-Ke kepado_Ke, ³⁰empoknyo kowempacok makon ngan minom semeja dengan-Ke delom Kerajaon -Ke. Ngan , kowe akan dodok deantaro tahta untok menghakemi keduabelas suku Israel."( Petrus akan Menyangkal Yesus) ³¹" Simon dongorkolah Ake. Belis, menuntut untok menampi kowe upa gendum, ³²hambok Ake sodah bedoa untokme empoknyo kowe bertobat, kuatkolah dolor- dolorme."³³Hambok, Petrus bekehato kepado Yesus, " Tuhan, ake siap depenjara bahkon mati serempok-Me!" ³⁴Simbot Yesus kepadonye," Ake bekehato kepadome, Petrus, sari nieahyom jenton hopi akan bekokok sebolum tiga kali kowe menyangkal behwa kowe mengenal Ake."( Bersiap- siap Menghadopi Kesengsarohon) ³⁵Kemudion, Yesus betanyo kepado mored-mored, " Tekalo Ake mengotos kowe tanpa kantong doet, tas, atau sandal, apekah kowe kekuragon sesuatu?" Simbot rombongon iye, " Hopi." ³⁶Ujo-Nye kepado rombongon iye, " Hambok kinie, siapepon nyo mempunyoi kantong doet atau tas, undahlah. Ngan, siape nyo hopi mempunyoi pedang, uyulah enye menjual jubahnye, ngan memboli pedang.³⁷Sabab, Akr bekehato kepadome, behwa ape nyo tetoles delom Kitab Suci nie haros degonopi de delom Ake, ' Enye akan tehitong bersamo urang- urang bedoso. ' Yesaya 53: 12 Sabab, nyo tetoles tentang Ake sedang tejedi kinie." ³⁸Lalu rombongon iye bekehato, " Keleklah Tuhan, desie ado pedang, ". Ngan, Yesus bekehato kepado rombongon iye, " Iye cokop."( Yesus bedoa de taman Getsemani) ³⁹Kemudion, Yesus keluor ngan bejelon upa ke Buket Zaitun upa nyo biaso delakuko-Nye, ngan mored-mored-Nye jugo bejelon mehilui Enye. ⁴⁰tekalo Yesus sampoi de deman iye, Enye bekehato kepado rombongon iye, " Bedoalah empoknyo kowe jengon masok ke delom pencobaon."⁴¹Kemudion, Yesus bedoa dedewekon jak rombongon iye kiro- kiro sejouh sepenohuon betu, alalu belotot ngan bedoa, ⁴²" Bepa, munye Kowe endok, ambeklah cawan nie jak- Ke. Hambok sebeleknye, jengonlah kehendok-Ke nyo yejedi, meloenko kehendok-Me."⁴³Setelah iye, seurang meleikat jak sorga menampako diiri kepado-Nye ngan menguatko-Nye. ⁴⁴Ngan, delom penderitaon-Nye, enye bedoa lobeh songgoh- songgoh lagi; poluh-Nye menjadi upa teteson deroh nyo menet]es ke tanoh.⁴⁵Tekalo Yesus selesai bedoa, Enye bejelon kepado mored- mored-Nye ngan mendepoti rombongon iye sedang tidor ulehnyo besedeh. ⁴⁶Yesus bekehato kepado rombongon iye, " Mengka kowe tidor? Jego ngan bedoalah empoknyo kowe jengon masok ke delom pencobaon."⁴⁷Tekalao Yesus lagi boek, jongoklah serombongon urang, ngan enye nyo desobut Yudas, salah sikuk jak keduabelas mored iye, memempen rombongon iye. Lalu Yudas memaroki Yesus untok menciom-Nye. ⁴⁸Hambok sebeleknye Yesus bekehato kepadonye, " Yudas, apekah kowe menyerahko Anak Mendesio dengan ciomon?"⁴⁹Tekalo mored- mored nyo togok desekelileng-nye ngelek ape nyo akan tejedi, rombongon iye bekehato, " Tuhan, haroskah kamaie menyerang dengan pedang?" ⁵⁰Kemudion, salah sikuk jak padong mored iye menyerang pelayan imam Agung hinggo menabas telinga kanonnye. ⁵¹Hambok sebeleknye, Yesus bekehato, " Sodah, cokop" Lalu, Yesus menjamah telinga pelayan iye ngan menyombuhkonye.⁵²Kemudion, Yesus bekehato kepado imam-imam kepalo pengawal Bait Allah, ngan tuha- tuha nyo jongok untok menagkop-Nye, " Mengka kowe segelo jongok dengan pedang ngan pentungon sekan- akan endok menangkop perampok? ⁵³Tekalo Ake bersamome de Bait Allah setiap ari, kowe hopi menangkop Ake. Hambok, nielah saatnye bageme ngan bage kuaso jahat,"( Petrus Menyangkal Yesus) ⁵⁴Setelah menangkop-nye, urang- urang iyepon mengireng ngan undah Yesus ke rumah imam godong. Hambok sebeleknye, Petrus mehilui rombongon iye jak jouh ⁵⁵Ngan setelah urang- urang iye memaroko api de tangah- tangah lamon ngan dodok bersamo- samo, Petrus jugo dodok deantaro rombongon iye.⁵⁶Hambok, seurang pelayan betina nyo ngelek Petrus dodok de parok perapion iye memperhatiko muka Petrus llau bekehato, "Urang nie jugo bersamo dengan-Nye." ⁵⁷Hambok sebeleknye, ujonye, "Hai betina, ake hopi mengenal Enye." ⁵⁸Hopi lamo kemudion, seurang nyo loen negeleknye ngan bekehato, "Kowe jugo temasok salah sikuk jak rombongon iye!" Hambok Petrus bekehato, "Hopi, ake bukon salah sikuk jak rombongon iye!"⁵⁹Kiro- kiro sejam kemudion, seurang nyo loen lagi bekehato deengan yakin, " Peseti urang nie jugo besamo dengaan_nye,sabab enye jugo urang Galilea. " ⁶⁰Hambok sebeleknye, Petrus bekehato, Ake hopi tahuko ape nyo kowe boeko e!" Saat iye jugo selagi Petrus lai boek, bekokok lah hayom jenton.⁶¹Lalu, bepalenglah Yesus ngan ngelalo Petrus. Ngan, Petrus teringot akan pekehatoon Yesus, behwa Enye belehato kepadonye, " Sebolum hayom jenton bekokok sarinie, kowe sodah menyangkal Ake selobot tigakali." ⁶²Kemudion Petrus bejelon keluor ngan meratop dengan sajo sedeh.( Penjego Menganiaya Yesus) ⁶³Urang- urang nyo menahan Yesus mulai mehimak ngan ngepoki-Nye. ⁶⁴Rombongon iye menotop mato-nye ngan bekehato, " Bernubuatlah! Siape yo ngepoki Kowe?" ⁶⁵rombongon iye jugo mengehatoko lobot hal loen nyo menentaang-Nye dengan menhimak-Nye.( Yesus de Hadopon Pemempen Yahudi) ⁶⁶Pepagi arinye, tuha-tuha pemempen Yahudi, imam- imam kepalo, sereta ahli-ahli Taurat bekompol ngan ngundah Yesus ke Mahkama Agama rombongon iye. ⁶⁷Rombongon iye bekehato, " Munye Kowe adolah Mesias, kehatokolah kepado kamie." Hambok Yesus bekehato kepado rombongon iye, " Munye Ake melabehkome, kowe hopi akan percayo kepado-Ke. ⁶⁸Ngan munye Ake betanyo kepadome, kowe hopi akan menyimbot.⁶⁹Hambok sebeleknye, mulai kinie Anak mendesio akan dodok de sebelah kanon Allah Nyo Mahakuaso." ⁷⁰Rombongon iye segelo bekehato, " Munye memunye, apekah Kowe Anak lAllh?" Yesus menyimbot rombongon iye, " Kowe lah nyo mengehatoko behwa Akelah Enye." ⁷¹Kemudion rombongon iye bekehato, " Kesaksion ape lagi nyo kite butuhko? Kite sodah mendongornye dewek jak molot-Nye!"

( Yesus Deundah kepado Pilatus) ¹Kemudion, segelo urang iye togok ngan undah Uesus ke hadopon Pilatus. ²Ngan, rombongon iye mulai menodoh Yesus dengan bekehato," Kamie mendepoti urang nie menyosotko bengso kamie ngan menagahi kami untok membayar pajak kepado Kaisar, sereta mengehatoko bhewa Enye adolah Kristus, seurang Rajo."³Pilatus betanyo kepado Yesus, " Apekah Kowe Rajo uang Yahudi?" Yesus menyimbot, " Iye nyo kowe kehatoko." ⁴Kemudion, Pilatus bekehato kepado imam- imam kepalo ngan urang lobot, " Ake hopi menomuko kesalohon pado urang nie." ⁵Hambok sebeleknye, rombongon iye menontut sambel bepekeon dengan kencang, " Enye menghasot urang- urang dengan ajaron-Nye de segelo wilayah Yudea mulai jak Galilea sampoi desie!"( Yesus Deundah Kepado Herodes) ⁶Tekalo Pilatus mendongor hal iye, enye betanyo apekah Yesus urang Galilea. ⁷Ngan, setelah enye tahuko behwa Yesus beasal jak wilayah kekuasoon Herodes, Pilatuspon mengirem Yesus kepado Herodes nyo saat iye sedang berado de kota Yerusalem.⁸Tekalo Herodes ngelek Yesus, enye sajo agom, Enye sodah lamo endok betomu dengan-Nye ulehnyo enye sodah mendongor lobot hal tentang Yesus sabab enye beharop pacok ngelek suatu mukjizat nyo delakuko uleh Yesus. ⁹Lalu, Herodes mengajuko lobot pertanyoon kepado Yesus, hambok Yesus hopi membori jawaban apepon kepadonye. ¹⁰Imam- imam kepalo ngan ahli- ahli Taurat nyo togok desane menodoh Yesus dengan sajo keji.¹¹bahkon Herodes ngan padong tenteranye jugo merendahko ngan mehimak Yesus. Setelah iye, rombongon iye memakoiko jubah nyo belagak lalu mengiremNye belek lagi ke Pilatus. ¹²Tekalo iye, Pilatus ngan Herodes saleng bemosohon, hambok pado sari iye rombongon iye bekanti.( Pilatus Gagal Membebasko Yesus) ¹³Kemudion, Pilatus mengompolko imam- imam kepalo, padong Yahudi ngan urang lobot, ¹⁴lalu, bekehato kepado rombongon iye, : Kowe ngundah Urang nie kepadoke sebagoi seurang menyosotko urang lobot. Hambok sebeleknye, tekalo ake mengadeli-Nye dehadoponme, ake hopi menomuko kesalohon upa nyo kowe todohko kepado-Nye.¹⁵Herodes jugo hopi menomuko kesalohon-Nye sehinggo enye mengirem Urang nie belek lagi kepado kite. Keleklah, Enye hopi melakuko kesalohon nyo layak mendepot hukomon mati. ¹⁶Ulehnyo iye, setelah ake menyikso-Nye, ake akan melapasko-Nye" ¹⁷[ Pado setiap ari rayo Paskah, Pilatus haros membebasko seurang tahanon untok urang lobot,]¹⁸Hambok sebeleknye, urang lobot iye bepekekon besamo- samo, " Sengkerkolah urang nie! Lapaskolah Barnabas untok kamie!" ¹⁹[ Barnabas adolah seurang nyo depenjara ulehnyo telibat delom pemberontakon de kota ngan jugo melakuko pembunohon,]²⁰Ulehnyo iye Pilatus endok melapasko Yesus, mangko sekali lagi enye boek kepado urang lobot. ²¹Hambok sebeleknye, rombogon iye bepekeon, " Salebko Enye! Salebko Enye!" ²²Untok ketiga kalinye Pilatus betanyo kepado rombongon iye, " Mengka? Kejahaton ape nyo lah delakuko Urang nie? Enye hopi besaloh. Ake hopi menomuko kesalahon apepon pado-Nye nyo layak mendepot hukomon mati. Ulehnyo iye, ake akan menyikso-Nye lalu melapasko-Nye.²³Hambok, rombongon iye teros bersikaras ngan menontot dengan sauro lantang empoknyo Yesus desalebko. Ngan, suaro rombongon iyepon menang. ²⁴Akhernye, Pilatus memotosko untok memonohi tontoton rombongon iye. ²⁵Enye membebasko urang nyo deminta uleh urang lobot, nyo depenjara ulehnyo melakuko pemberontakon ngan pembunohon. Hambok sebeleknye, menyerahko Yesus kepado kehendok rombongon iye.( Penyalebon Yesus) ²⁶tekalo padong tentera ngundah Yesus bejelon, rombongon iyejugo menahan seseurang, iyelah Simon jak Kirene nyo beheru jongok jak desa. Padong tentera memoteko saleb Yesus de behunye ngan menyuruhnye memikol saleb iye debelakong Yesus.²⁷Lobot urang nyo mehilui Yesus, ngan deantaro rombongon iye ado betetina nyo meratop ngan meratopi Enye. ²⁸Hambok sebeleknye, Yesus gerelek kepado rombongon iye ngan bekehato, " Hai kupek- kupek Yerusalem, jengonlah kowe meratopi Ake. Ratopilah awokme dewek ngan anak- anakme.²⁹Akan tiba waktunye tekalo urang- urang akan bekehato, ' Berbahgialah betetina nyo mandul, ngan nyo de kandungonnye hopi perenah melaherko anak, anak nyo susunye hopi perenah menyusui. ' ³⁰Pado ssaat iye rombongon iye akan bekehato kepado gunong- gunong,' Rontohlah kepocok kamie!' ngan kepado buket- buket, ' Timbonlah kamie!' ³¹Sabab, apobila rombongon iye masih hidop, ape nyo akan tejedi tekalo netong kayu koreng?"³²Ado jugo ddua urang penjahar nyo deundah untok dehokum mati bersamo- samo dengan Yesus.³³Tekalo rombongon iye sampoi desebuah deman nyo bernamo" Tengkorak," padong tentera menyalebko Yesus bersamo kedua penjahat iye, seyrang desebelah kanon-Nye ngann seurang lagi desebeah kiri-Nye. ³⁴Kemudion Yesus bekehato, " Ya Bepa, amponilah rombongon iye, ulehnyo rombongon iue hopi taahuko ape nyo rombongon iye lakuko." Lalu padong tentera menohuko undion untok membage- bage bejun-Nye deantaro rombongon iye.³⁵Urang- urang nyo togok desane menyaksiko segelonye, hambok padong pemempen Yahudi mehimak Yesus sambel tetawo mehimak. Rombongon iye bekehato, " Enye menyelamamatko awok-Nye sewek munye Enye adolah Kristos, Nyo depileh uleh Allah!"³⁶Padong tentera jugo menhimaak Enye, lalu rombongon iye jongok ngan menawarko anggor masom kepaddo-Nye, ³⁷ngan bekehato, " Munye Kowe rajo urang Yahudi, selamatkolah awok-Me dewek!" ³⁸Ngan, ado jugo suatu toleson de pocok-Nye: NIELAH RAJO URANG YAHUDI."³⁹Salah sikuk jak penjahat nyo tegentung desne mehimak Yesus, ujonye, " Bukonkah Kowe Kristus? Selamatkolah awok-Me ngan kamie!' ⁴⁰Hambok sebeleknye, penjahat nyo loenye menogur enye ngan bekehato, " Hopikah kowe takot kepado Allah ulehnyo kowe jugo menerimo hukomon nyo samo? ⁴¹Kite memang sodah seharosnye menerimo setimpal dengan nyo sodah kite perbuat; hambok Urang nie hopi melakuko kesalahon apepon. "⁴²Lalu, enye bekehato kepado Yesus, " Ya Yesus, ingotlah ake tekalo Kowe masok kedelom Kerajaon-Me." ⁴³Kemudion Yesus bekehato kepadonye, " Ake mengehatoko nyo sesonggohnye kepadome, sari nie jugo kowe akan bersamo Ake de delom Firdaus. "( Kemation Yesus) ⁴⁴Waktu iye sekitar pokol 12 siang, kekolomon menotopi segelo daerah iye sampoi pokol 3 potong ⁴⁵ulehnyo matoari menjedi kolom ngan tirai delom Bait Allah teseget menjedi 2 bageon.⁴⁶Lalu Yesus tepekek dengan suaro lantang, " ya Bepa, kedelom tangon-Me Ku serahko nyawwo-Ke. " Sesodah mengehatoko iye, Yesus mehembosko napas-Nye nyo teakher. ⁴⁷Tekalo kepalo passokon ngelek ape nyo lah tejedi, enye memuliakao Allah ngan bekehato, " Songgoh, Urang nie hopi besaloh!"⁴⁸Tekalo urang lobot nyo jongok bersamo- samo untok ngelek peristiwo iye menyaksiko ape nyo twjwdi, rombongon iye belek sambel ngengepok dedonye. ⁴⁹Segelo urang nyo mengenal Yesus ngan beberape betina nyo lah mehilui-Nye jak Galilea togok jak jejeouh ngan menyaksiko hal- hal nie.( Yesus Dekoborko) ⁵⁰Ado seurang jenton bernamo Yusuf, anggota Dewan Penasehat, seurang nyo beik ngan bonor. ⁵¹( Enye dewek hopi menyetujui kepotoson ngan tindakon rombongon iiye). Yusuf beasal jak kota Aritmatea, sebuah kota urang Yahudi. Enye jugo seurang nyo menanti- nantiko Kerajaon Allah.⁵²Enye bejelon kepado Pilatus ngan meminta mayat Yesus. ⁵³Lalu, enye pon menoronko mayat Yesus jak kayu saleb ngan membongkosnye dengan koen linen. Setelah iye, enye membaengko-Nye delom kobor nyo depahat pado buket betu. Desane, bolum perenah ado seurang pon nyo deberengko.⁵⁴Sarion iye adolah Ari Persiapon, ngan ari Sabat akan secepatnye demulai. ⁵⁵Betetina nyo jingok bersamo Yesus jak Galilea mehilui Yususf. rombongon iye ngelek kobor iye ngan upamone mayat Yesus deberangko dedelomnye. ⁵⁶Setelah iye, rombongon iye belek ngan mempersiapko rempah- rempah sereta minyak untok mengolesi mayat Yesus. Pado ari Sabat rombongon iye berenti sesuoi dengan hukom Taurat Musa.

( Kabar Kebangketon Yesus) ¹Pado ari pertamo minggu iye, tekalo arim lagi sajo enpagi, betetina iye bejalen ke kobor Yesus sambel ngundah rempah- rempah nyo lah de persiapko. ²Ngan rombongon iye mendepoti betu gede sodah teguleng jak kobor. ³Hambok sebeleknye, ssat rombongon iye masok, rombongon iye hopi menomuko mayat Tuhan Yesus.⁴Tekalo rombongon iye lagi temanga ulehnyo hal iye, tiba- tiba ado dua urang nyo memakoi beju berkilouon togok desampengnye. ⁵Betetina iye sajo ketakoton ngan meundoko mukanye, hambok kedua urang iye bekehato, " Mengaka kowe deloki urang nyo hidop deantarao urang- urang mati?⁶Yesus hopi ado de sie, Enye sodah bangket, ingotlah tentang ape nyo lajh de kehatoko-Nye kepadome tekalo Enye lagi de Galilea. ⁷Enye bekehato behwa Anak Mendesio haros deserahko ketangon urang- urang bedoso, desalebko, akan bangket lagi pado arinyo ketiga."⁸Mangko, betetina iye teringot akan pekehatoon Yesus. ⁹Setelah rombongon iye belek jak kobor Yesus, rombongon iye menceritoko segelo peristiwa iye kepado keduabelas rasol sereta padong pengikot Yesus nyo loenye. ¹⁰Betetina iye nyo menceritoko nyo hal iye adolah Maria, Yohana, Maria indok Yakobus, ngan beberape betina loen.¹¹Hambok sebeleknye, perkehatoon betetina iye deanggap pelato uleh padong rasol ngan rombongon iye hopi percayo kepado betetina iye. ¹²Hambok sebeleknye, Petrus togok ngan belari ke kobor Yesus, Enye membongkok ngan ngelek kedelom, hambok enye hanyo menomuko koen linen pembongkos mayat. Setelah iye, Petrus belek dengan sajo temanga atas ape nyo lah tejedi.( Yesus Menampako Diri Kpeado Pengikot-Nye de Jelon Menuju Emaus) ¹³Pado sariaon iye jugo, 2 urang pengkot Yesus bejelon kesebuah desa benamo Emaus nyo jaraknye kiro- kiro 60 stadia jak Kota Yerusalem. ¹⁴Kedua urang iye memboeko tentang peristiwa nyo tejedi.¹⁵Tekalo rormbongon iye sedang eomongon ngan betukor pekeron, Yesus dedeweon jongok memaroki sereta bejelon bersamo- samo rombongon iye. ¹⁶Hambok sebeleknye, mato rombongon iye tehalang sehinggo rombongon iye hopi pacok mengenali Enye.¹⁷Bekehato kepado rombongon iye, " Ape nyo mika bedua boeko sambel bejelon? " Kedua urang iyepon berenti ngan muka rombongon iye nampak sedeh. ¹⁸Salah seurang jaknye nyo bernamo Kleopas bekehato kepado-Nye, " Apekah Kowe sikuk- sikuknye urang aseng de Yerusalem nyo hopi mengetahui tentang ape nyo tejedi desane beheherunie?"¹⁹Yesus bekehato, " Tentang ape?" Rombongon iyepon bekehato kepado-Enye, " Tentang Yesus jak Nazaret, Enye adolah seurang nabi nyo ponoh kuaso delom pekehatoon sereta perbuaton-Nye de hadopon Allah ngan de hadopon segelo bengso kamie. ²⁰Hambok sebeleknye, imam- imam kepalo ngan padong pemempen kamie menyerahko enye untok dehukom mati, nan rombongon iye menyalebko-Nye.²¹Sebonornye kamie berharop, behwa Enyelah nyo akan membebasko bengso Israel. Hambok, sari nie adolah ari ketiga sejak segelonye iye tejedi.²²Hambok sebeleknye, beberape betetina jak antaro kami lah mengejotko kami. Tekalo rombongon iye sedang ado de koboron pagi- pagi nihan, ²³rombongon hopi menomuko jenazah Yesus. Lalu, rombongon iye belek ngan mengehatoko behwa rombongon iye alah ngelek penampokon meleikat- meleikat, nyo mengehatoko behwa Enye hidop. ²⁴Kemudion, beberape jak kami bejelon ke kobor ngan mendepoti pula upa nyo de kehatoko uleh betetina iye. Hambok sebeleknye, rombongon iye hopi negelek Yesus."²⁵Kemudion Yesus bekehato kepado rombongon iye, " Oh, betape bodohnye kowe ngan lambot untok mempecayoi segelo sesuatu nyo lah dekehatoko uleh padong nabi. ²⁶Bukonkah Kristus haros mengalami penderitaon nie ngan masok ke delom kemualiaon-Nye." ²⁷Lalu Yesus menjelasko segelo sesuatu nyo tetoles delom segelo Kitab Suci tentang diri-Nye. mulai jaka Kitab Musa sampoi segelo kitab padong nabi.²⁸Tekalo rombongon iue sodah sampoi parok kedesa Emaus, yesus teros bejelon sekan- akan hendok menerosko pejelonon-Nye. ²⁹Hambok sebeleknye, rombongon iye menahan-Enye dengan bekehato, " Tinggalah bersamo kami sabab arie sodah hamper malom ngan matoarie hamper tenggolom. " Mangko, Yesus masok untok tinggal bersamo rombongon iye.³⁰Tekalo enye begabung bersamo rombongon iye demeja makon, Yesus mengambek roti ngan memberkatinye. Enye memacah- macahkonye, lalu membeorikonye kepado rombongon ie. ³¹Saat iye, mato rombongon iye tebuka ngan rombongon iye mengenali Yesus. Hambok, tiba0 tiba Yesus sayau jak pandongonnye. ³²Setelah iye, bekeholarombongon iye sikuk samo loen, " Bukonkah hati kite berkobar- kobar tekalo Enye boek dengan kite selamo pejelonon ngan Enye menjelasko Kitab Suci kepado kite?"³³Pado saat iye jugo, rombongon iye togok ngan belek ke Yerusalem. Rombongon iye menomui kesebelas mored ngan urang-urang nyo bersamonye sedang bekompol bersamo-samo. ³⁴Mored- mored iye bekehato kepado urang bedua iye, ' Tuhan ne bonor- bonor sodah bangket ngan menampako diri kepado kamie Simon!" ³⁵Kedua pengikot iye jugo menceritoko ape nyo lah tejedi delom pejelononnue. Rombongon iye menceritoko upamone rombongon iye mengenali Yesus tekalo Enye memacahko roti.( Yesus Menampako Diri kepado Pengikot- Pengikot-Nye) ³⁶tekalo kedua urang iye lagi menceritoko peristiwa nie, Yesus togok de tanhaj- tangah rombongon iye ngan bekehato kepado rombongon iye, " Damai beseretame." ³⁷Hambok sebeleknye, rombongon iye tegelou ngan ketakoton. Rombongon iye menyangko behwa nye sedang ngelek hantu.³⁸Kemudion, Yesus bekehato kepado rombongon iye, " Mengka kowe tegelou ngan keraguon muncol de hatime? ³⁹Keleklah tangon-Ke ngan kaki -Ke nie bonor- bonor Ake. Rabolah Ake gan keleklah, hantu hopi memileki deging ngan tulang upa nyo kowe kelek pado-Ke." ⁴⁰Setelah Yesus mengehatoko nie, Enye menonjoko tangon ngan kaki-Nye kepado rombongon iye.⁴¹Sementaro rombongon iye lagi bolum percayo ulehnyo senang hati ngan temanga, Yesus betanyo kepado rombongon iye, " Apekah desie kowe mempunyoi sesuatu untok de makon?" ⁴²Lalu rombongon iye memboriko seikuk ikan panggang kepado-Nye. ⁴³Yesus ngambek ikan iye ngan memakonye dedepan rombongon iye.⁴⁴Kemudion, Yesus bekehato kepado rombongon iye, " Nielah perkehatoon-Ke nyo Ake kehatoko kepadome tekalo Akel agi bersamome. Segelo sesuatu nyo tetoles tentang Ake delom hukom Taurat Musa, kitab padong nabi, Mazmur haros degonopi."⁴⁵Kemudion Yesus membuka pekeron rombongon iye sehinggo nye pacok memahami Kitab Suci. ⁴⁶Yesus bekehato lagi kepado rombongon iye, " Ado tetoles behwa Kristus haros menderita ngan bangket jak antaro urang mati pado arinyo ketiga. ⁴⁷Ngan, pertobaton untok pengamponon doso akan denyatoko delom namo-Nye kepado segelo bengso, mulai jak Yerusalem.⁴⁸Kowe adolah saksi-saksi jak segelo nie ⁴⁹Ketahuilah, Ake mengiremko jenji Bepa-Ke kepadome. Hambok sebeleknye, tinggallah de kota Yerusalem sampoi kowe deperlengkapi denan kuaso jak deman nyo tinggi. "( Yesus Noek Ke Sorga) ⁵⁰Kemudion, Yesus mengajok padong pengikot-Nye ke luor kota sampoi de Betania. De sane, Enye mengangkot tangon-Nye ngan memberkati rombongon iye. ⁵¹Tekalo Yesus memberkati rombongon iye, Enye bepisah jak rombongon iye ngan terangkot ke sorga.⁵²Lalu, rombongon iye menyembah-Nye ngan belek ke Yerusalem dengan sajo bersukacita. ⁵³Rombongon iye selalu berado de delom Bait Allah ngan memuji Allah.

(Yesus Deangkat ke Surga ngan Jenji Detongnyo Roh Kudus) ¹Delom buku nyo ake toles sebolumnye, Teofilus, tentang segelo nyo Yesus mulai lakuko ngan nyo ajorko, ²Sampoi podo hari tekela Nye deangkat, sesodah Nye membori perentah, melalui Roh Kudus, kepodo rasul-rasul nyo lah Nyo pileh. ³Kepodo nye, Nyo jugo menonjokko diri-Nye dewek hidop sesodah Nye menderita, ngan neman bukti, sambel menampakko diri kepado mike selamo empat puluh hari ngan boek tentang Kerajaon Allah.⁴Selamo besamo-samo ngan mike, Nye memerentahko rombongon empoknyo hopi meninggalko Yerusalem, hambok menunggu jenji Bepak, enyo ujonye, "Kowe ndongor deri Ke, ⁵Kareno Yohanes membaptes ngan air, hambok kowe akan debaptes engan Roh Kudus, hopi lamo deri kinie."Yesus terangkot ke Surga⁶Ulenyo iye, tekalo mike bekompol besamo, mike betanyo kepado-Nye, "Tuhan, ibo nie wektunye Kou memulihko kerajaon bage Israel?" ⁷Nyo boek kepado enye, Bukonlah begionme ontok mengetahui tentang waktu ngan masa nyo sodah de tetapko uleh Bepak delom kuaso-Nye. ⁸Hambok, kowe nak menerimo kuaso tekela Roh Kudus lah njongok kepodome ngan kowe nak menjedi saksi-saksi-Ke de Yerusalem, de seluruh Yudea ngan Samaria, ngan sampoi ke bageon bumi paling hojong."⁹Ngan, sesodah Nye nggerako hal-hal nie, sementaro mike ngoleh, Nyo terangkot ngan awan ngudo-Nye sayau deri pandangon mike. ¹⁰Mengka, tekela mika lagi ngoleh ke langet, sementaro Nye lari, kolelah, ado duo urang jenton bepakeyon puteh togok de samping mike, ¹¹ngan boek, " Hai urang-urang Galilea, mengkah kowe togok sambel ngoleh ke langet? Yesus nie, nyo sodah terangket deri antaro kowe ke surgo kan detong balek ngan caro nyo samo upa kowe ngoleh-Nyo lari ke surgo."(Memileh Seurang Rasul Beheru) ¹²Sodah iye, rombongon belek ke Yerusalem deri buket nyo desobut Zaitun, nyo ado de parok Yerusalem, jouhnye sepejelonon Sabat. ¹³Tekela rombongon masuk, rombongon iye noek ke ruang pocok, deman rombongon ne tinggal. Petrus, ngan Yohanes, ngan Yakobus, ngan Andreas, Filipus, ngan Tomas, Bartolomeus, ngan Matius, Yakobus anak Alfeus, ngan Simon urang Zelot, ngan Yudas anak Yakobus. ¹⁴Rombongan segelo ngan sehati betekon delom doa besamo ngan segelo betina ngan Maria, indok Yesus, serta dolor-dolor-Nye.¹⁵pado ari-ari iye, Petrus togok de antaro dolor-dolor seiman (urang lobot kiro-kiro seratus dua puluh jumlahnye), ngan bekehato, ¹⁶"Dolor-dolor, Kitab Suci haros degenapi, nyo lah deboekko sebolumnye uleh Roh Kodos melalui molot Daud tentang Yudas, nyo menjedi pemempen bage urang-urang nyo menangkop Yesus.¹⁷Sabab, nye tehitong de antaro kite ngan memperuleh bageon delom pelayanon nie. ¹⁸Kinie, urang nie memboli sebidang tanoh ngan upah deri kejahatonnye, ngan sesodah kepalonye titek lobeh dehulu, bageon tengah badannye pacah, ngan segelo isi porutnye tekeluor. ¹⁹Ngan, hal nie lah deketahui uleh segelo urang nyo tinggal de Yerusalem sehinggo tanoh iye delom beheso rombongone desebut Hakal-Dama, artinye, Tanoh Dero'.²⁰Sabab, lah tetoles delom kitab Mazmur: 'Biarlah deman tinggalnye menjedi sepi, ngan biarlah de sano hopi ado seurang pun nyo tinggal de dalomnye,' ngan biarlah nyo loenne ngambek jabatonnye.'²¹Uleh nyo iye, seseurang deri rombongon nyo selalu besamo ngan kite selamo Tuhan Yesus masok ngan keluor dri antaro kite, ²²mulai deri baptison Yohanes sampoi pado hari tekaloh Nye deangkot deri antaro kite, salah sikok deri rombongon nie haros menjedi saksi tentang kebangketon-Nye besamo kite." ²³Kemudion, rombongone mengusulko dua urang, yoitu Yusuf nyo desebut Barsabas, nyo jugo desebut Yustus, ngan Matias.²⁴Kemudion, enyo bedoa, "Engkau, Tuhan nyo menganal hati segelo urang. Tonjokko ngan kowe siapo de antaro kedua urang nie nyo lah Engkau pileh, ²⁵Ontok menerimo bageon pelayanon nie ngan jabaton rosul , deri Yudas nyo lah menyimpang ontok lari ke tempatnyo dewek." ²⁶Kemudion, segelo rosul menyampok undi de antaro nyo ngan undion titek ngan kowe Matias sehinggo nye tehitong besamo engan kesebelas rasul.

(Kedetongon Roh Kudus) ¹Tekaloh hari Pentakosta detong, segelo urang besamo-samo nyo ado de tempat nyo samo. ²Ngan tiba-tiba tedongorlah deri langet, pemboeon upa tiupon angen kencang, ngan pemboeon iye memonohi seisi rumah deman rombongon sedang duduk. ³Ngan, tekolehlah kepado enye lidah-lidah upa nyalo api nyo beterbongon ngan hinggap de pocok enye maseng-maseng. ⁴Hambok, nye segelo depenuhi ngan Roh Kudus ngan muloi boek delom berbagoi beheso, upa nyo deboriko Roh Kudus ontok enye boekko.⁵Pado waktu iye, ado urang-urang Yahudi nyo tinggal de Yerusalem, urang-urang saleh deri tiap-tiap bengeso de bewoh langet. ⁶Ngan, tekaloh boek nye tedongor, sekompolon urang lobot njongo besamo-samo ngan bingung ulenyo setiap urang sedang ndongor rombongon iye bekehato delom bahaso rombongon dewek. ⁷Rombongon takjub ngan heran, sambel bekehato, Bukonkah rombongon segelonyo sedang eomongon adolah urang-urang Galilea?⁸Ngan, upamone mungken maseng-maseng kite ndongor rombongon ngan beheso tempat kite delahirko? ⁹Urang-urang Partia, ngan Media, ngan Elam, ngan pendodok Mesopotamia, Yudea, ngan kapadokia, Pontus, ngan Asia, ¹⁰Frigia, ngan Pamfilia, Mesir, ngan de'erah-de'erah libia paro Kirene, ngan pendetong-pendetong deri Roma, beik urang-urang Yahudi moupun para proselit, ¹¹urang-urang Kreta ngan Arab. Kite mendongor rombongon bekehato ngan beheso kite tentang perbuaton-perbuaton godong Allah."¹²Ngan, mike segelo takjub ngan bingung sambel bekehato siko samo loen, "Ape heti segelo nie?" ¹³Cuma hambok, urang loen nenawoko ngan bekehato, "Mike demaboko uleh anggur beheru."(Petrus Boek kepodo Urang Neman)¹⁴Hambok, Petrus togok besamo kesebelas rasol, mengangkot suaronye ngan bekehato kepodo mike, "Hai urang-urang Yahudi ngan segelo urang nyo tinggol de Yerusalem, biarlah deketahui ulehme ngan pehatikolah ucaponke. ¹⁵Sabab, urang-urang nie hopi mabok, upa nyo kowe kiro ulehnyo hari beheru jam tiga ,¹⁶hambok inielah nyo dekehatoko melalui Nabi Yoel: ¹⁷'Ngan, podo hari-hari terakher nak terjedi, Allah befirman: behwa Ake nak mencurahko Roh-Ke ke atas segelo mendesio. Ngan, anak-anakme jenton-jenton ngan anak-anakme betiono nak benubuat, ngan anak-anak mudame nak mengoleh pengolehon, ngan urang-urang tuha de antarome nak memimpiko mimpi-mimpi.¹⁸Bahkon, ke pacok hamba-hamba-Ke jenton-jenton ngan hamba-hamba-Ke betino podo hari-hari iye, Ake nak mencurahko Roh-Ke, ngan mike nak benubuat. ¹⁹Ngan, Ake nak menonjoko muzizat-muzizat de langit, de pocok, ngan tando-tando ajaib de bumi, de bewoh, dero, ngan api, ngan kabut hasop.²⁰Matahari nak deubah menjedi kekolomon ngan bulan menjedi dero, sebelom hari Tuhan nyo godong ngan mulia detong. ²¹Ngan nak tejedi, setiap urang nyo memantou namo Tuhan nak deselamatko."²²"Hai urang Israel, dongorko perkatoon nie. Yesus, Urang Nazaret, seurang nyo denyatoko de antaro kowe uleh Allah ngan hal-hal ajaib, muzizat-muzizat, nyo lah Allah tonjokko de antarome melalui Enye, upa nyo kowe dewek ketahui. ²³Yesus nie, nyo desehako menorot rencano nyo sodah detentuko ngan pengetahuon Allah sebelomnye, kowe bunoh ngan menyalipko-Nye melalui tangon urang-urang durhako. ²⁴Hambok cuma, Allah membangketko-Nye, ngan melepasko-Nye deri penderitaon maut ulehnyo hopi mungken bage-Nye uleh kemation.²⁵Sabab, Daud perenah bekehato tentang Yesus, 'Ake mengoleh Tuhan selalu ado di depanke, ulehnyo Iye berado de sebelah kanonke sehinggo ake hopi nak degoyahko. ²⁶Uleh sabab iye, hatike senang, ngan lidake besorak-sorak. Badanke jugo nak tinggal delom pengharapon,²⁷ulehnyo Kowe hopi nak meninggalko jiwake berado de dunia urang mati, apo membiarko badan Urang Kudus-Me mengoleh kebinasaon. ²⁸Engkau sodah memberitahuko kepodoke jelon kehidupon. Engkau nak membuatke ponoh sukacita ngan wajah-Me.'²⁹Dolor-dolor, ake depot boek kepadome ngan yakin tentang bepak leluhur kite, Daud, behwo nye lah mati ngan detanom, ngan kuburonnye lagi ado besamo dengan kite sampoi sari nie. ³⁰Jedi, ulenyo nye adolah seurang nabi ngan mengetahui behwo Allah lah bejenji ngan sumpah kepadonye untok mendodokko sikok jak keturunon Daud de atas takhtonye. ³¹Ulenyo iye, Daud nyo ngoleh hal nie sebolomnye, nye boek tentang kebangkitonKristus behwo: Enye hopi nak detinggalko de denia urang teelek, ngan tobo-Nye hopi ngoleh kebinasoon.³²Yesus nielah nyo Allah bangketko ngan kami segelo adolah saksi tentang hal nie. ³³Ulenyo iye, setelah detinggiko uleh tangon kanon Allah ngan menerimo jenji jak Bepak tentang Roh Kudus, Nye lah mencurahko beik apo nye kou koleh moupun dongor.³⁴Sabab, Daud hopi noek ke serga, hambok nye dewek boek, 'Tuhan boek kepado Tuanke, Dodoklah de sebelah kanon-Ke, ³⁵sampoi Ake membuat mosoh-mosoh-Me menjedi tumpuon kaki-Me." ³⁶"Ulenyo iye, biarlah segelo rumah Israel tahuko ngan peseti behwo Allah lah menjediko-Nye Tuhan ngan Kristus, nielah Yesus nyo lah kou salibko."³⁷Tekaloh mike mendongor hal nie, tetosoklah hati mike, lalu boek kepado Petrus ngan paro rasul loinnye, "Dolor-dolor, ape nyo haros kami lakuko?" ³⁸Lalu, Petrus boek kepado mike, "Betobatlah ngan bepteskolah dirime maseng-maseng delom namo Kristus Yesus untok pengampunon doso-dosome, ngan kou nak menerimo karunia Roh Kudus. ³⁹Sabab, jenji nie adolah untokme, ngan anak-anakme, ngan untok segelo urang nyo maseh jouh, selobot nyo Tuhan Allah kite nak memantounye."⁴⁰Ngan, dengan lobot pekatoon loin, Petrus bersaksi ngan songgoh-songgoh ngan beseru kepado mike, ujonye, "Selamatkolah dirime jak generasi nyo bengkok nie!" ⁴¹Urang-urang nyo nerimo pemboekon Petrus debaptes ngan pado sari iye jumlah mike detambahko sekitar tigo ribu jiwo. (Pekompolon Urang-Urang Pecayo)⁴²Mike betekun delom pengajoron rasul-rasul ngan delom pekompolon, delom memecahko roti, ngan delom bedoa.⁴³Ngan, ketokuton njongok ke atas setiap jiwo, ngan lobot hal ajaib sereta tando-tando nyo terjedi melewati rasul. ⁴⁴Segelo nyo pecayo bekompol besamo ngan mempunyoi segelo sesuatunye besamo-samo. ⁴⁵Mengka, mike menjual reto bando ngan mileknye, kemudion membage-bagekonye kepado segelo urang, sesuoi kebutuhonnye maseng-maseng.⁴⁶Setiap ari, dengan besatu hati mike bekompol besamo de Bait Allah ngan memecah-mecahko roti jak rumah ke rumah. Mike nerimo makanon mike dengan senang ngan tulus hati, ⁴⁷sambel memuji Allah, ngan mike desukai uleh lobot urang. Ngan, setiap ari Tuhan menambahko jumlah mike, nyoiye urang-urang nyo deselamatko.

( Tujuh Urang De Pileh Untok Pelayanon Kehusus ) ¹Pado hari-hari iye, tekalo jumlah murid torus betamboh, suatu keluhon timbul deri urang-urang Helenis terhadop urang Ibrani asli ulehnyo jendo-jendo mike lah de abaiko delom pelayanon makonon setiap hari.²Mengka, kedua belas rosul iye memantaou segelo murid ngan buik," hopi bonor bage kamie untok mengabaiko firman Tuhan demi melayoni meja. ³Ulehnyo iye, dulur-dulur, pilehlah tujuh urang deri antaro kowe nyo tebukti beik, ponuh dengan Roh Kudus ngan hikmak, nyo bakal kamie angkot untok tugas nie. ⁴Sedangko, kamie bakal bertekun delom doa ngan delom pelayanon firman."⁵Peryataon iye menyenangko hati segelo urang. Ngan, mike memileh Stefanus, urang nyo ponuh dengan iman ngan Roh Kudus, sereta Filipus, Prokhorus, ngan Nikolaus, seurang proselit deri Antiokhia. ⁶Mike nie de unda ke hadopon padong rosul, ngan lah bedoa, padong rosul menumpangko tangon mike ke pucuk tujuh urang iye.⁷Firman Allah torus tesebar ngan jumlah murid de Yerusalem semaken betamboh. Bahkan, sekelompok godong imam menjedi taat kenempat iman iye.( Penangkopon Stefanus ) ⁸Ngan, Stefanus, ponuh dengan anugerah ngan kuaso, lah melakuko hal menakjubko ngan tando-tand ajaib de antaro urang lobot. ⁹Cuma, beberape urang deri Sinagoge nyo de sobut urang-urang Libertini, beik urang - urang Kirene maopun urang-urang Aleksandria, ngan beberape deri Kilikia ngan Asia, bangket ngan bebentoh dengan Stefanus.¹⁰Cuma hambuk, mike iye hopi pacok membentoh kebijaksanaon ngan Roh nyo dengan-Nye Stefanus bebuik. ¹¹Mengka, dengan diom-diom mike menghasut beberape urang untok buik, " Kamie lah mendongor urang nie memplabeko kehato hujaton terhadop Musa ngan Allah!"¹²Ngan, mike mendorong urang lobot, tuha-tuha, ngan ahli-ahli Torat, mengka njongok kenempat Stefanus, menangkopnye, mengka mengundanye ke hadopon Sanhedrin. ¹³Mike menghadopko saksi-saksi pelesu nyo buik," urang nie hopi perenah berenti membuikko kehato nyo melawon tempat kudus nie ngan Hukom Torat. ¹⁴Sabab, kamie lah mendongor enye ngehatoko behwo Yesus deri Nazaret bakal menghancurko tempat nie ngan mengubah adat istiadat nyo lah de warisko Musa kenempat kite." ¹⁵Ngan, tekalo mengoleh wajah Stefanus, segelo urang nyo duduk delom Sanhedrin mengoleh wajahnye upa wajah malaikat.

( Pembelaon Stefanus ) ¹Mengkah, imam godong buik," ibo nyo bonor upa iye ?" ²Ngan, Stefanus buik," dulur-dulur ngan bepak-bepak, dongorko ake. Allah Nyo Mahamulia tampok kenempat nenek puyang kite, Abraham, tekalo enye lage berado de Mesopotamia, sebolum enye tinggal de Haran, ³Ngan buik kenempat enye," bejelonlah deri tanohme ngan deri sanak dulurme, mengka njongoklah ke tanoh nyo bakal kutunjukko kenempatme."⁴Tekalo, Abraham meninggalko tanoh urang kasdim ngan tinggal de Haran. Ngan deri sane, sesodah bepaknye te'elek, Allah menyuruhnye pindah ke tanoh nie, tempat kini kowe tinggal. ⁵Cuma, Allah hopi memboriko warison kenempatnye, bahkan setapok tanoh pun hopi, hambuk bejenji untuk memborikonye kenempat Abraham empunye meleknye ngan keturunon sesodah enye, meskipun Abraham bolum memiliki anak.⁶Cuma hambuk, Allah buik upanio, behwo keturunonnye bakal menjedi pendetong de tanoh nyo asing ngan behwo mike bakal de perbudak sereta de aniayo selamo empat ratus tahun. ⁷Cuma, Ake bakal menghukom bengeso nyo memperbudak mike,' ujo Allah,' Ngan, Lah iye mike bakal keluor deri sane nga beribadah kenempat-Ke de tempat nie.' ⁸Mengka, Allah memboriko kenempat Abraham perjenjion sunat, mengka Abraham menjedi bepak Ishak ngan menyunatnye tekalo beusia delapan hari, ngan Ishak menjedi Bepak Yakub, ngan Yakub, kedua belas bepak leluhur.⁹Ule hiri ngan Yusuf, bepak lelohor kite menjuolnye ke Mesir. Cuma hambuk, Allah menyertai Yusuf, ¹⁰Ngan menyelamatko deri segelo penderitaon, mengka memborinye anugerah ngan kebijaksanaon de hadopon Firaun, Rajo Mesir, nyo membuatnye menjedi pemempn pucuk Mesir ngan segelo istananye.¹¹Tekalo iye, bencano kelaporon terjedi de segelo Mesir ngan Kanaan, mengka menyebabko penderitaon nyo sajo godong, ngan nenek puyang kite hopi pacok mendepotko makonon. ¹²Cuma hambuk, tekalo Yakub mendongor behwo ado gandum de Mesir, enye menyuruh nenek puyang kite njongok ke sane untuk pertamo kalinye. ¹³Pado kunjungon nyo kedua, Yusuf membuat badannye de ketahui ule dolor-dolornye, ngan dulur Yusuf menjdi jelas bage Firaun.¹⁴Lah iye, Yusuf mengirem poson ngan mengundang Yakub, bepaknye, ngan segelo sanak dulurnye, segelonye bejumlah 75 jiwa. ¹⁵Mengka, Yakub turun ke Mesir ngan enye te'elek de sane, enye ngan nenek puyang kite. ¹⁶Deri sane, mike de pindahko ke Sikhem ngan de berengko de kuburon nyo lah Abraham boli dengan sejumlah duit deri anak-anak Hemor de Sikhem.¹⁷Cuma hambuk, tekalo maken parok waktu perjenjion iye, nyo lah Allah ikrarko kenempat Abraham, bengeso iye betamboh ngan de lipotgandako de Mesir, ¹⁸Sampoi ado rajo loin bangket pucuk segelo Mesir, nyo hopi tahuko tentang Yusuf. ¹⁹Rajo iye memperdayo bengeso kite ngan menganiayo nenek puyang kite singgo memakso mike mencampok bayi-bayi mike singgo mike hopi depot betahan hidop.²⁰Pado maso iye, Musa laher ngan enye sajo elok de mato Allah. Ngan, Musa de asuh de rumah bepaknye selamo tiga bulan. ²¹Ngan, tekalo enye sodah de campok, putri Firaun mengambeknye ngan menggodongkonye upa anaknye dewek.²²Mengkah, Musa dedidik delom segelo hikmat urang-urang Mesir ngan nye bekuaso delom pemboeon ngan perbuatonnye. ²³Hambok, mengkah Musa genap beusia empat puluh tahun, muncul de delom hatinye untuk mengunjungi dulur-dulurnye, nyo iye keturunon Israel. ²⁴Ngan, munye ngoleh salah sikok deri mike de perlakuko ngan hopi adil oleh urang mesir, Musa njongok membela urang nyo deaniaya iye ngan membelos ngan munoh urang Mesir iye. ²⁵Musa mengiro bahwa dulur-dulurnye nak tereti bahwa Allah membori mike iye keselamaton melalui dirinye, hambok mike hopi ngerti.²⁴"²⁶ Podo hari berikutnye, Musa menjongok urang Israel nyo sedang belago, ngan nye beusaho mendamaiko mike, ngan boek, 'Hai, bukonkah mike ado hubungan dulur, mengkah saling menyaketi?' ²⁷Hambok, urang nyo menyaketi dulurnyo iye menyengkerko Musa kesampeng sambil boek, ' siapo nyo menjedikome penguaso ngan hakim atas kami? ²⁸ Ibo kowe endok membunohke upa kou membunoh urang Mesir iye kemarie?'²⁹Mendongor pemboeon urang iye, Musa meleriko diri ngan menjadi pendetong de tanah Midian. Desano, nye menjedi bepak deri dua orang anak jenton. ³⁰Mengkah genap empat puluh tahon, seurang malaikat menampakko diri kepodo Musa de padang belantara gunung Sinai, delom lidah api de somok unok.³¹. Tekaloh Musa ngolehnye, nye temanga ngan pengolehon nyo. Ngan tekaloh nye pahok untuk memarokinya, detonglah suaro Tuhan, ³²'Akelah Allah nenek puyangme, Allah Abraham, ngan Allah Ishak, ngan Allah Yakub.' Musa pun gemitek ketakotan ngan hopi berani untuk memarokinya³³Kemudion, Tuhan boek kepodonye, ' tanggalkolah sandal deri kakime ulehnyo demano kou togok adolah tanah suci. ³⁴Ake bonor-bonor sodah ngoleh penderitaon umat-Ke nyo ado di Mesir ngan lah mendongor rintihan mike. Ngan, ake lah turun untuk menyelamatko mike. ngan kinie, mailah, ake nak mengutusme ke Mesir.'³⁵Musa, nyo sodah mike tolak ngan boek, 'Siapolah nyo menjadikome penguaso ngan hakim atas kami ?" Nye adolah urang nyo Allah utus untuk menjedi, beik penguaso mauoun penyelamat, melalui tangon malaikat nyo menampakko diri kepodonye de somok unok.³⁶Urang nie memimpin mike keluor, sambil mengadako mujizat ngan tando-tando ajaib de tanah Mesir, ngan de Laut merah, ngan de padang belantara empat puluh tahun. ³⁷Musa nie nyo boek kepodo bengso Israel, 'Allah nak membangkitko bageme seorang nabi upa ake deri antaro dulur-dulurme.'³⁸Nyo nie adolah urang nyo ado de antaro jemaat de padang belantara besamo malaikat nyo boek kepodonye de gunung Sinai, ngan besamo nenek puyang kite, ngan nye lah nerimo firman nyo hidup untuk deboriko kepodo kite. ³⁹Nenek puyang kite menolak untuk taat kepodo Musa, hambok menyingkerkonye ngan endok belek ke Mesir delom hati mike, ⁴⁰ngan boek kepodo Harun, 'Buatko kami dewa-dewa ngan nak bejelon de depan kami uleh Musa nie, ngan memempen kami keluor deri tanah Mesir, kami hopi tauko ape nyo lah tejedi kepodonye.'⁴¹Podo waktu iye, mike membuat sikok patung anak lembu, ngan memboriko persembahon kepodo behelo iye, serta bersorak-sorak ngan pekerjaon-pekerjaon tangon mike. ⁴²Cuma hambok, Allah bepaling deri mike ngan membiarko mike menyembah bala tentara langit, upa nyo tetules delom kitab para nabi, 'Apolah kowe mengundah kepodo-Ke benatong sembolehon ngan persembahon selamo empat puluh tahun de padang belantara, hai umat Israel?⁴³Kowe mengundah kemah Molokh ngan bintang dewame, Refan, patung nyo kou buat untuk menyembahnye, ngan Ake nak mencampokme ke seberang Babel.'⁴⁴Nenek puyang kite mempunyoi Kemah Kesaksion de padang belantara, upa nyo Allah perintahko tekaloh boek kepodo Musa, untuk membuatnye sesuoi ngan gambaraon nyo lah iye koleh. ⁴⁵Setelah menerimo kemah iye, nenek puyang kite mengundahnye masuk besamo Yosua, waktu perobuton tanah mike deri bengso-bengso loen, nyo lah Allah singkirko deri hadopon nenek puyang kite, sampoi podo zaman Daud. ⁴⁶Daud mendepotko kaseh karunia de hadapon Allah ngan mintak untuk mendepotko tempat kediomon bage Allah Yakub.⁴⁷Munye, Salomo ngan membengun sebuah rumah bege Nya. ⁴⁸Hambok, Nye Mahatinggi hopi tinggal delom rumah nyo debuat oleh tangon mendesio, upa nyo deboeko ouleh nabi, ⁴⁹'Langit adolah takhta-Ke ngan bumi adolah tumpuon kaki-Ke. Rumah apolah nyo nak kowe bengun bage-Ke?' Allah berfirman, 'Apo, apekah tempat perhention-Ke? ⁵⁰Bukonkah tangan-Ke nyo membuat segelonye nie?'⁵¹Hai, kowe urang-urang nyo karas kepalo, ngan hati ngan telingo nyo hopi besunat, kowe selalu menentang Roh Kudus, upa nyo delakuko uleh nenek puyangme! ⁵²Nabi--nabi mone nyo hopi desikso uleh nenek puyangme? Ngan, mike membunoh urang-urang nyo sebolumnye sodah mengumumko kedetongan Sang Kebonoron, nye kinie menjediko badanme dewek sebage pengkhianat ngan pembunoh. ⁵³Kowe, nyo lah menerimo hukom Torat upa lah desampaiko uleh padong malaikat, hambuk kowe hopi menjegonye !"(Stefanus Debunoh) ⁵⁴Takalo mike mendongor hal-hal niye, hati mike tetusuk ngan mengertakko gigi mike terhadop Stefanus. ⁵⁵Cuma hambuk, Stefanus nyo deponuhi ule Roh Kudus menatap ke langet ngan mengoleh kemuliaon Allah, ngan Yesus togok de sebelah kanon Allah. ⁵⁶Stefanus boek, " Dongor! Ake mengoleh langet tebuka ngan Anak Mendesio togok de sebelah kanon Allah."⁵⁷Cuma, mike bepekek-pekek dengan suaro karas, ngan menutup telingo mike, sereta sepakot menyorbu Stefanus. ⁵⁸Mengkah, mike mengheretnye keluor deri kota ngan mulai menohuknye dengan betu. Lah iye, padong saksi mato menanggalko jubah mike de kaki seurang pemuda benamo Saulus.⁵⁹Ngan, mike torus merajom Stefanus nyo sedang beseru ngan boek, "Tuhan Yesus, terimolah rohke." ⁶⁰Mengkah, lah belotot, enye beseru dengan suaro karas, "Tuhan, jengon tanggungko doso nie kepodo mike!" Ngan, sesodah memboekkonye, enye pun te'elek.

¹Ngan, Saulus pun menyetujui pembunuhon Stefanus iye. Saulus membinasako Jemaat de Yerusalem Pado hari iye, suatu penganiayaon nyo godong terjedi terhadop jemaat de Yerusalem, ngan mike segelo terpencar ke wilayah-wilayah Yudea ngan Samaria, kecuali padong rasul. ²Beberape urang saleh menguburko Stefanus ngan mendetongko ratopon nyo sajo godong terhadopnye. ³Cuma hambuk, Saulus beusaha membinasako jemaat ngan masok ke rumah demi rumah. Nye mengheret jenton ngan betina, lalu menyerahko mike ke penjara.(Filipus Memberitako Injil de Samaria) ⁴Mengka, mike nyo lah tepencar iye bekelileng sambil memberitako Injil. ⁵Filipus turon ke suatu kota de Samaria ngan memberitako tentang Kristus.⁶Ngan, urang lobot ngan sehati memperhatiko ape nyo Filipus boekko tekalo mike mendongor ngan mengoleh tando-tando ajaib nyo nye lakuko. ⁷Sabab, roh-roh jahat keluor deri urang-urang nyo derasukinyo, sambel mekik dengan suaro karas, sereta lobot urang lumpoh ngan kejot nyo desembuhko. ⁸Ulenyo iye, ado sukacita godong de kota iye.⁹Cuma, ado seurang jenton benamo Simon nyo sebolumnye lah mempraktekko seher de kota ngan membuat kagun segelo urang Samaria, ngan menyobut behwo badanye urang godong. ¹⁰Segelo urang, mulai deri urang paleng kecik, sampoi urang paleng godong, beok, " Urang niye adolah kuaso Allah nyo desobut 'Besar'." ¹¹Mengka, mike membori perhation kenempatnye ule sodah sekian lamo nye lah membuat mike takjub dengan ilmu sehernye.¹²Hambuk, lah urang-urang iye mempercayoi Filipus nyo memberitako Injil tentang Kerajaon Allah ngan namo Kristus Yesus, mike debaptis, beik jenton maupun betina. ¹³Bahkan, Simon dewek pecayo ngan lah nye debaptis, enye torus berado de parok Filipus, ngan tekalo mengoleh berbagai mujizat dan tando-tando ajaib nyo terjedi, enye menjedi takjub.¹⁴Tekalo iye, tekalo rosul-rosul de Yerusalem mendongor behwo urang-urang Samaria sodah menerimo firman Allah, mike mengutus Petrus ngan Yohanes kenempat urang-urang desane, ¹⁵nyo njongok ngan bedoa bage mike enggakonyo mike menerimo Roh Kudus. ¹⁶Sabab, Roh Kudus bolum turun pucuk seurangpun deri mike, mike anyo sodah debaptis de delom namo Tuhan Yesus. ¹⁷Mengka, Petrus ngan Yohanes menumpangko tangonnye pucuk mike ngan mike menerimo Roh Kudus.¹⁸Tekalo Simon mengoleh bahwa Roh Kudus deboriko melalui penumpangon tangon rosul-rosul, Simon menawarko duit kenempat rosul-rosul iye, ¹⁹dengan boek, "Boriko juga kenempatke kuaso nie enggankonye setiap urang nyo kenempatnye ake menumpangko tangonke bakal menerimo Roh Kudus."²⁰Cuma hambuk, Petrus boek kenempat Simon, "enggakonyo duitme iye binaso besamome ulenyo kowe bepeker kowe depot bule karunia Allah dengan duit! ²¹Kowe hopi mempunyoi bageon atau hak delom hal nie ulenyo hatime hopi lurus de hadapon Allah. ²²Jedi, Betobatlah deri kejahatonme nie bedoalah kepodo Tuhan empoknyo, munye mungkin niat hati me depot diampuni ngan kowe. ²³sabab, akeh ngoleh bahwa kowe ado dedelom sempodu nyo pahit ngan delom jeroton kejahaton.²⁴Hambok, Simon menyimbot ngan boek "Bedoalah untuk akeh kepodo Tuhan empuknyo ape nyolah kou boek ko hopi menempah ake."²⁵Mengkah, sesodah Petrus ngan Yohanes besaksi ngan sebonornye ngan memboekko Firman Tuhan, padong belek ke Yerusalem sambel memberitako Injil ke lobot desa urang Samaria.(Filipus Membaptis Urang Etiopia) ²⁶Kemudion, meleikat Tuhan boek kepodo Filipus, ujonye, "Jegolah ngan bejelonlah ke Selaton, ke jelon nyo torun jak Yerusalem menuju Gaza. Jelon ite adolah jelon sepi." ²⁷Filipus pun jego ngan bejelon. Ngan, kenan seurang Etiopia, nyo adolah sida-sida jak seurang pejabat pengadilon Sri Kandake, Ratu Kerajaon Etiopia. Enye bertanggung jawab atas segelo reto sang ratu. Enye lah jongok ke Yerusalem untuk beibadah, ²⁸ngan sedang belek sambel duduk de delom keretonye ngan membeco kitab Nabi Yesaya.²⁹Mengkah, Roh boek kepodo Filipus, " Bejelon ngan begabunglah dengan kereto iye." ³⁰Mangko, Filipus berlari ke kereto iye ngan mendongor urang iye sedang membeco kitab nabi Yesaya. Filipus betanyo kepodonye, "Apekah tuan tereti ape nyo sedang tuan beco?' ³¹Ngan, urang iye meyimbot, " Upamone ake pacok, kecuali seseurang membembengke?" Mangko, enye mengundang Filipus untuk noek ngan duduk besamonye.³²Tekalo waktu iye, bageon jak Kitab Suci nyo sedang nye beco adolah nie, " Nye debewo upa seikok domba ke daman penyembolehon, ngan upa seikok anak domba sebolum degunting bulunye membisu sehinggo Nye hopi membuka mulut-Nye. ³³Delom kehinaon-Nye, kehopiadilon derampos deri-Nye. Siape nyo pacok menceritoko keturunon-Nye ? Sabab, hidop-Nye lah derampas deri behumi."³⁴Kemudion, sida-sida iye menyimbot ngan boek kepodo Filipus, "Ake mohon kepodome, tentang siape sang nabi mengehatoko iye, tentang dirinye dewek atau tentang urang loen?" ³⁵Mengka, Filipus membuka mulutnye, ngan mulai deri Kitab Suci nie, nye bekhotbah tentang Yesus kepodonye.³⁶Ngan, saat mike bejelon menompuh pejelonon, mike sampoi de daman nyo beaek, ngan sida-sida iye boek, "Keleklah, ado aek! ape nyo menghalangike untuk debaptis?" ³⁷[Mengka, filipus boek, "munye tuan pecayo dengam seponoh hati tuan, tuan buleh." Mengka, nye menyimbot ngan boek, "Ake pecayo bahwa Kristus Yesus adolah Anak Allah."] ³⁸Kemudion, sida-sida iye memerentahko kereto untuk berhenti. Ngan, mike bedua turun ke aek, Filipus ngan sida-sida iye, mengka Filipus membaptisnye.³⁹Setelah mike bedua keluor deri aek, Roh Tuhan mengundah Filipus bejelon, ngan sida-sida iye hopi ngeleknye lagi, mengka melanjutko pejelononnnye sambel besukacita. ⁴⁰Hambuk, Filipus mendepoti dirinye berado de Asdod, ngan tekalo nye melewati kawasan iye, nye memberitako Injil ke segelo kota sampoi nye tiba de Kaisarea.

(Petrus ngan Kornelius) ¹Suatu saat, de Kaisarea, ado seurang benamo Kornelius, seurang perwira deri ape nyo desebot pasukan Italia, ²urang saleh, nyo takut akan Allah, begitu jugo ngan segelo urang nyo ado de rumahnye, ngan memboriko lobot sedekah kepodo urang-urang ngan selalu bedoa kepodo Allah.³Suatu potong, sekitar jam kesembilan hari iye, nye ngoleh ngan jelas delom sebuah pengolehan, seurang malaikat Allah detong ngan boek kepodonye, " Kornelius!" ⁴Mengka, nye menatap malaikat iye ngan ketakutan ngan boek, " Ape nie, Tuan?" Ngan malaikat iye boek kepodonye, " doa-doame ngan sedekah-sedekahme lah noek sebagai suatu peringoton de hadopon Allah. ⁵Kinie, suruhlah urang-urang ke Yope ngan panggellah seseurang benamo Simon, nyo jugo desebot Petrus, ⁶nye tinggal besamo ngan seurang penyamak kulet benamo Simon, nye rumahnye berado de topi lout."⁷Tekalo malaikat nyo boek kepodonye lah pergi, Kornelius memanggel dua urang pelayannye ngan seurang prajurit nyo saleh deri antaro urang-urang nyo selalu melayani keperluon pribadinye, ⁸ ngan sesodah menjelasko segelo sesuatu kepodo mike, nye menyuruh mike ke Yope⁹Depaginye, ketika mike sedang pejelononnye ngan mendekati kota iye, Petrus noek ke pucuk hatop rumah, sekitar jam keenom untok bedoa. ¹⁰Lalu, nye meraso lapor ngan nak makon, hambuk ketika urang-urang sedang menyiapko makon, Petrus mendepot sebuah pengolehan, ¹¹ngan nye ngoleh langet tebuka ngan suatu upa koen nyo en lebor turun ngan teruntai deri keemapt sudutnye sampoi ke tanoh. ¹²De delomnye, ado segelo jenis benatong bekaki empat, ngan benatong-benatong melata de bumi ngan burung-burung de udara.¹³ Kemudion, detonglah suaro boek kepodonye, " Jegolah, Petrus, sembolehlah ngan makonlah!" ¹⁴cuma hambuk, Petrus boek, " Hopim Tuhan. Sabab, ake hopi makon ape pun nyo haram apo najis." ¹⁵Ngan, suaro iye boek lagi kepodonye untok kedua kalinye, " Ape nyo lah Allah tahirko, jengon sekali-kali kou sobot haram," ¹⁶Hal nie tejedi tiga kali, ngan tiba-tiba segelo iye terangkot ke langet.¹⁷Saat iye, sementaro Petrus maseh en bingung memekerko ape arti pengolehon nyo lah dekolehnye iyem tampaklah urang-urang nyo deutus uleh Kornelius dang ndelok tau de mone rumah Simon, sembel togok de depan pintu gerbang, ¹⁸ngan sambel memanggel, mike betanyo apekah Simon, nyo desobot Petrus, menunmpang de sane.¹⁹Sementaro Petrus dang merenungko pengolehon iye, Roh boek kepadonye, " ado tiga urang jenton nyo sedang ndelokme. ²⁰Jego ngan turunlah bejelonlah besamo mike tanpa ragu ulehnye Ake lah mengutus mike." ²¹Lalu Petrus turun kepado urang-urang iye ngan boek, "Koleh, akelah urang nyo kou delok. Ape alason kedetongonme?"²²Mike boek, " Kornelius, seurang perwira, orang bonor ngan takut akan Allah, nyo tekenal beik de antaro segelo bengso Yahudi, lah deingotko uleh malaikat kudus untok menyuruhme detong ke rumahnye ngan untuk mendongorko pemboekonme." ²³Petrus mengundang mike masok ngan membori mike tumpangan de sie. pepagi harinye, nye jego ngan pegi besamo mike, ngan beberape dolor seiman deri Yope ngantinye.²⁴Podo hari berikotnye, mike memasuki Kaisarea. Kornelius sodah menanti-nantiko mike ngan sodah ngompolko sanak dolor sereta kanti-kanti dekatnye.²⁵Mengka Petrus masok, Kornelius menomuinye, lalu belotot de kaki Petrus ngan menyembahnye. ²⁶Hambok, Petrus membentu nyo togok sambel boek, "Togoklah! Ake anyo seurang mendesio jugo."²⁷Sementaro Petrus boek ngan Kornelius, Petrus masok ke delom ngan mendepoti ado lobot urang bekompol besamo. ²⁸Lalu, Petrus boek kepodo mike. " Kowe tau bahwa adolah kekejian bagi urang Yahudi untuk behubungan apo mengunjongi urang bukan Yahudi, hambok Allah lah menunjukko kepodoke bahwa ake hopi seharusnye menyobut siapepun haram apo najis. ²⁹Iyelah sababnye, ake hopi keberaton ketika kowe menyuruhke njongok. Ulehnyo iye, ake betanyo ontok alason ape kou memanggelke?"³⁰Ngan, Kornelius boek, "Empat hari nyo lalu sampoi jam nie, podo jam kesembilan, ake sedang bedoa de rumahke, ngan kolehlah, ado seurang togol de hadaponke memakoi pakoion nyo bekilau. ³¹Lalu, boek, "Kornelius, doame sodah dedongor ngan sedekahme lah deingot de hadapon Allah. ³²Uleh sabab iye, suruhlah ke Yope ngan mintalah Simon nyo desobut Petrus ontok detong. Nye sedang menumpang de rumah Simon, seurang penyamak kulet, de tepi lout.' ³³Ulehnyo iye, ake segera menyuruh urang kepodome, ngan kowe sodah bebaik hati nak njongok. Kinie, kite segelo ado de sie, de hadapon Allaj, ontok mendongor segelo sesuatu nyo sodah deperintahko kepodome uleh Tuhan."(Petrus Memberitakan Injil de Rumah Kornelius) ³⁴Lalu, Perus membuka molotnye ngan boek, " Kinie, ake bonor-bonor mengerti bahwa Allah hopi menunjukko keberpihakan. ³⁵Hambok, de setiap bengso, urang nyo takut akan Nye ngan melakuko ape nyo bonor, bekenan kepadoNye.³⁶Firman nyo Allah sampoiko kepodo bengso Israel memberitako kabar beik damai sejahtera melalui Yesus Kristus, Nyelah Tuhan atas segelonye. ³⁷Kowe dewek tau peristiwa nyo lah tejedi de segelo Yudea, mulai deri Galilea, sesodah baptison nyo Yohanes beritako, ³⁸kowe tau Yesus, urang Nazaret, upamone Allah mengurapi-Nye ngan Roh Kudus ngan dengan kuaso. Nye bejelon bekeleleng melakuko kebeikan ngan menyembuhko segelo urang nyo detindas uleh roh jahat karena Allah menyertai Nye.³⁹Kami adolah saksi-saksi deri segelo hal nyo lah Yesus lakuko, beik de daerah urang Yahudi maupun de Yerusalem. Mike lah membunoh Yesus ngan mengenton-Nye de pocok salib. ⁴⁰Hambok, Allah membangketko-Nye podo hari nyo ketiga ngan memperkenanko Nye ontok menampakko diri, ⁴¹bukon kepado segelo urang, hambuk kepado kami, saksi-saksi nyo lah pileh uleh Allah sebolumnye, nyo makon ngan minum besamo-Nye sesodah Nye bangket deri antaro urang mati.⁴²Ngan, Nye memerintahko kepodo urang-urang ngan besaksi dengan sungguh-sungguh bahwa Nyelah nyo detetapko uleh Allah sebagai hakim atas nyo hidop ngan nyo mati. ⁴³Bage Nyelah, segelo nabi besaksi bahwa setiap urang nyo pecayo de delom-Nye akan menerimo pengampunon doso melalui namo-Nye."(Allah menunjukko bahwa Nye menerimo Segelo Urang)⁴⁴Sementaro Petrus maseh memboeko kato-kato iye, Roh Kudus toron ke pocok segelo nyo mendongorko Firman iye. ⁴⁵Ngan, urang-urang pecayo nyo besunat, nyo detong besamo Petrus, takjub ulehnyo karunia Roh Kudus lah decurahko, jugo kepado bengso-bengso loen.⁴⁶Sabab, mike mendongor urang-urang iye boek delom bebagai bahaso ngan memuliako Allah. Lalu, Petrus boek, ⁴⁷"Bukonkah hopi ado seurang pun nyo depot menghalangi aek ontok debaptisko kepodo urang-urang nyo sodah menerimo Roh Kudus samo upa kite nie?" ⁴⁸Mengka, Petrus memerintahko mike ontok debaptis de delom namo Kristus Yesus. Kemudion urang-urang iye meminta empoknyo Petrus tinggal besamo mike selamo beberape hari.

(Tugas Khusos untok Barnabas ngan Saulus) ¹Suatu saat de antaro jemaat Antiokhia, nabi-nabi ngan guru-guru, yaitu Barnabas, Simeon nyo desobot Niger, Lukius deri Kirene, Menahem nyo degodongko besamo Herodes, raja wilayah, ngan Saulus. ²Sementaro urang-urang nie sedang beibadah kepado Tuhan ngan bepuaso, Roh Kudus boek, "Khususkolah bage-Ke Barnabas ngan Saulus ontok tugas nyo ontok iye Ake lah memantou mike." ³Kemudion, setelah mike bepuaso ngan bedoa, sereta menumpangko tangon mike atas Barnabas ngan Saulus, mike mengotos keduanye bejelon.(Barnabas ngan Saulus de Pulau Siprus)⁴Mengka, setelah de otos pegi uleh Roh Kudus, Barnabas dan Saulus toron ke Seleukia, ngan deri sane mike belayar ke Siprus. ⁵Takalo mike tiba de Salamis, mike memberitako firman Allah de sinagoge-sinagoge urang Yahudi, lalu mike jugo mengunda Yohanes sebagai pelayan mike.⁶ Tekalo mike bejelon menjelajahi segelo pulau sampoi ke Pafos, mike mendepoti seurang tukang seher, seurang nabi palsu Yahudi nyo benamo Baryesus. ⁷Iye besamo dengan Prokonsul Sergius Paulus, seseurang nyo cerdas, nyo meminta Barnabas ngan Saulus njongok kepadonye ngan nak mendongor firman Allah. ⁸Cuma hambok, Elimas, tukang seher iye, ulenyo upaiyelah namonye deterjemahko, menentang Barnabas ngan Saulus, dengan beusaha memebelokko Prokonsul iye deri imannye.⁹Hambok, Saulus, nyo jugo dekenal ssbagai Paulus, deponohi dengan Roh Kudus, mengole Elimas, ¹⁰ngan boek, "Hai kowe, nyo ponoh ngan segelo tipu muslihat ngan segelo kejahaton, kowe adolah anak iblis, kowe adolah mosoh deri segelo kebonoron, hopi edokko kowe berhenti membelokko jelon Tuhan nyo loros?¹¹Kinie, kolelah, tangon Tuhan njongok ke atasme, ngan kowe akan menjedi buta ngan hopi ngole matoari selamo beberape waktu." Seketika iye jugo, lkabot ngan kekolomon toron atasnye ngan nye bejelon bekelileng nelok urang untok menonton tangannye. ¹²Lalu, Prokonsul iye menjedi pecayo tekalo ngole ape nyo lah tejedi ulenyo nye kagom terhadop ajaron Tuhan.(Paulus ngan Barnabas Bejelon ke Kota Anthiokhia de Wilayah Pisidia)¹³Suatu saat, Paulus ngan urang-urang nyo besertanye deri Pafos sampoi ke Perga, de Pamfilia, tetapi Yohanes meninggalko mereka ngan belek ke Yerusalem. ¹⁴Hambok, Saulus ngan Barnabas melanjutko perjelonon deri Perga ngan sampai de Antiokhia, de Pisidia. Ngan, pado hari Sabat, mike bejelon ke sinagoge ngan dodok de ane. ¹⁵Setelah pembacoon Hukum Taurat ngan kitab para nabi, kepalo-kepalo sinagoge menyoroh urang boek kepado kedua rasul iye, "Dolor-dolor, jika kowe memeleki kato-kato penghiburon untok urang-urang nie, boekolah."¹⁶Mengka, Paulus togok ngan membori isyarat ngan tangonnye ngan boek, "Hai orang-orang Israel ngan kamu nyo takut akan Allah, dongorkolah! ¹⁷Allah bengso Israel nie lah memileh nenek puyang kite ngan meninggiko bengso kite selamo mike tinggal de tanoh Mesir ngan dengan longon nyo teangkot, Nye memempen mike keluor deri sane. ¹⁸ Selamo sekitar empat poloh tahun, Nye besabar terhadop tingkah laku mike de padang belantara.¹⁹Ngan, setelah Nye membinasako tujuh bengso de tanoh Kanaan, Nye mewarisko tanoh iye. ²⁰Segelo nie tejedi kiro-kiro selamo 450 tahon. Setelah iye, Allah menyerahko kepado mike hakim-hakim sampoi pado maso Nabi Samuel.²¹Kemudion, mike meminta seurang raja, ngan Allah membori mike Saul, anak jenton Kish, urang deri suku Benyamin, selamo empat puluh tahun. ²²Setelah Allah menyingkirko Saul, Allah membangketko Daud untok menjedi raja mike, nyo tentangnye Allah lah besaksi ngan boek, " Aku lah menomuko Daud, anak jenton Isai, urang nyo bekenan de hati-Ke, nyo akan melakuko segelo kehendak-Ke.'²³Deri keturunon urang nie, Allah, sesuoi jenji-Nye mengunda kepado Israel seurang Juruselamat, yaitu Yesus. ²⁴Sebolum kedetongon Yesus, Yohanes lah memberitako sebolumnye tentang bapteson pertobaton kepado segelo urang Israel. ²⁵Ngan, sementaro Yohanes sedang menyelesaiko tugasnye, nye teros boek, 'Kou kiro siape ake nie? Ake bukon Nye. Hambok, kolelah, Seseurang njongok setelah ake, sandal de kaki-nye pon ake hopi layak melepaskonye.²⁶Dolor-dolor, ketoronon keluarga Abraham ngan orang-orang de antaro kowe nyo takut akan Allah, kepado kite berita keselamaton nie lah desampoiko. ²⁷Sabab, mike nyo tinggal de Yerusalem ngan para pemempen mike, nyo hopi mengenali Nye ngan hopi memahami ucapon para nabi, nyo debecoko setiap hari Sabat, lah menggenapi ucapon para nabi iye dengan mehokom Yesus²⁸Ngan, sekalipon mike hopi menomuko alason ape pun untok hokomon mati, mike meminta Pilatus untok membunoh-Nye. ²⁹Ngan, tekalo mike menggenapi segelo nyo tetulis tentang Nye, mike menoronko-Nye deri kayu salib ngan membarengko-Nye de delom koboron.³⁰Cuma hambok, Allah membangketko Nye deri antaro urang mati, ³¹ngan selamo behari-hari, Yesus menampakko deri kepado urang-urang nyo besamo dengan-Nye deri Galilea sampoi Yerusalem, nyo kinie menjedi saksi-saksi-Nye bage bengso nie.³²Ngan, kami mengunda bageme Kabar Beik tentang jenji Allah kepado nenek puyang kite, ³³bahwa Allah lah menepati jenji iye bage kite, anak-anak mike, dengan membangketko Yesus, upa nyo tetules delom kitab Mazmur pasal dua: 'Kowe adolah Anak-Ke. Hari ini, Ake lah menjedi Bepa-Me.' ³⁴tentang Allah nyo membangketko Yesus deri antaro urang mati, hopi nak lagi belek kepado kebinasaon, Allah lah boek, ' Ake nak memboriko kepadome berkat nyo kudus ngan depot depecayo, nyo deboriko kepado Daud.'³⁵Iyelah sababnye, Nye lah boek delom Mazmur nyo loen, ' Kowe hopi nak membiarko Urang Kudus-Mu mengole kebinasoon.' ³⁶Sabab, Daud, setelah melayani generasinye dewek uleh ulehnyo kehendak Allah, lalu mati, ngan debarengko de antaro nenek puyangnye, serta ngole kebinasoon, ³⁷Cuma hambok Yesus nyo Allah bangketko deri antaro urang mati, hopi ngole kebinasoon.³⁸Ule karena iye, biarlah deketahui ulehme, dolor-dolor, bahwa melalui Nye nielah pengampunon atas doso-doso denyatako kepadome, ³⁹ngan melalui-Nye, setiap urang nyo pecayo debebasko deri segelo sesuatunye, nyo derinye kowe hopi depot debebaski uleh Hokom Taurat Musa.⁴⁰Jedi, behati-hatilah empoknyo hal-hal nyo deboekko de delom kitab para nabi hopi tejedi padome: ⁴¹'Kolelah hai para pehima! tekejot ngan binasolah, ulehnyo Ake melakuko penggaweon de zamanme, sebuah penggaweon nyo hopi nak kou pecayo, bahkan munye seseurang menjelaskonye kepadome."⁴²Sementaro Paulus ngan Barnabas Keluor, urang-urang memohon empok mike menyampoiko tentang firman iye pado hari sabat berikutnye. ⁴³Setelah pertemuon de sinagoge iye selesai, lobot urang Yahudi ngan para proselit nyo takut akan Tuhan mengikuti Paulus ngan Barnabas, nyo boek kepado mike ngan mendorong mike untok teros tinggal de delom anugerah Allah.⁴⁴Pado hari Sabat berikotnye, hamper segelo urang de kota bekompol untok mendongor firman Tuhan. ⁴⁵Cuma hambok, tekalo urang-urang Yahudi mengole keramaion iye, mike deponohi iri hati ngan mulai menentang ape nyo deboekko uleh Paulus sambel menghujatnye.⁴⁶Lalu, Paulus ngan Barnabas menjawabnye ngan berani ngan boek, "Hal nie penteng bahw a firman Allah seharosnye denyatako kepadome lobeh dehulu. Ulenyo kowe menolaknye ngan menganggop dirime hopi pantas mempunyoi hidop nyo kekal, kolelah, kami bepaleng kepado bengso-bengso loen. ⁴⁷Sabab, upanielah Tuhan membori perentah kepado kami: 'Ake lah menjedikome tarang bage bengso-bengso loen empoknyo kowe depot mengunda keselamaton sampoi ke hojong bumi."⁴⁸Tekalo urang-urang bukon Yahudi iye mendongor hal nie, mike besukacita ngan memuliakon firman Tuhan. Ngan lobot nyo lah detentuko untok hidop kekal, menjedi pecayo. ⁴⁹Maka, firman Tuhan menyebar ke segelo wilayah iye.⁵⁰Cuma hambok, urang-urang Yahudi menghasot betina-betina saleh nyo terhormat ngan urang-urang penteng de kota, ngan membangketko penganiayaon terhadop Paulus ngan Barnabas, sereta mengoser keduanye ke luor derai daerah pernatason mike. ⁵¹Hambok, sambel mengibasko debu deri kaki mike terhadop urang-urang Yahudi de sane, Paulus dan Barnabas bejelon ke Ikonium. ⁵²Ngan, para murid deponohi ngan sukacita ngan dengan Roh Kudus.

( Paulus ngan Barnabas de Kota Ikonium) ¹Ngan, tejedilah, de Ikonium, Paulus ngan Barnabas masok besamo ke sinagoge urang Yahudi dan boek sedemikian rupa sehingga sejumlah lobot urang, beik urang Yahudi maupon urang Yunani, menjedi pecayo. ²Hambok, urang-urang Yahudi nyo hopi pecayo menghasot urang-urang bukon Yahudi ngan meracuni pekeran mike melawon urang-urang pecayo.³Maka, mike tinggal de sane delom waktu nyo lamo sambel boek ngan berani bage Tuhan, nyo membori kesaksion tentang berita anugerah-Nye, sereta mengaruniako tando-tando ajaib ngan mujizat-mujizat nyo tejedi melalui tangon mike. ⁴Cuma hambok, urang-urang de kota iye tebage-bage, sebagion bepihak kepado urang-urang Yahudi ngan sebagion kepado para rasul.⁵Tekalo suatu usaha debuat, beik uleh urang bukon Yahudi maupon urang-urang Yahudi, dengan para pemempen mike, untok menganiaya ngan nohuki para rasul dengan betu, ⁶setelah Paulus ngan Barnabas mengetahuinye ngan melariko diri ke Listra ngan Derbe, kota-kota de Likaonia, ngan ke wilayah de sekitarnye. ⁷Ngan, de sane, mike teros memberitako Injil.(Paulus de Kota Listra ngan Kota Derbe)⁸De Listra, ado seurang sedang dodok nyo lamah kekinye, lompoh deri kandongun indokny ngan bolum pernah bejelon. ⁹Urang iye sedang mendongorko Paulus tekalo nye sedang boek, setelah Paulus mandongnye ngan mengolenye bahwa urang iye mempunyoi iman untok desembuhko, ¹⁰Paulus boek dengan suaro keras, "Togoklah ngan kakime." lalu, urang iye melompat ngan mulai bejelon.¹¹Tekalo urang lobot mengole ape nyo lah Paulus lakuko, mike mengangkot suaro mike dengan boek delom bahasa Likaonia, "Dewa-dewa lah toron ke tangah-tangah kite ngan menjedi serupa dengan mendesio!' ¹²Urang-urang iye menyobot Barnabas sebagoi Zeus ngan Paulus sebagoi Hermes ulenyo nye nyo memempen pembicaraon. ¹³Imam dewa Zeus, nyo kuilnye berado de luor kota, ngunda lembu-lembu jenton ngan rangkaion bunga ke pintu gerebang kota. Nye ngan urang neman iye ingen mepersembahko kurban kepado Paulus ngan Barnabas.¹⁴Cuma hambok, tekalo rasul Barnabas ngan rasul Paulus mendongor hal iye, mike nyeget pakoion mike ngan belari masok ke tangah-tangah urang lobot iye, sambel beseru, ¹⁵ngan boek, " Dolor-dolor, mengkah kowe melakuko segelo hal nie? Kami jugo mendesio biaso samo upa kowelah ngan ngunda Kabar Beik bage kowe empoknyo kowe bebelek deri hal-hal nyo sio-sio iye kepado Allah nyo hidop, nyo menciptako langit, ngan bumi, ngan lout, ngan segelo sesuatu nyo ado de delomnye. ¹⁶De generasi-generasi nyo lalu, Nye membiarko segelo bengso bejelon menorot jelon-jelonnye dewek.¹⁷Hambok, Ia hopi membiarko diri-Nye tanpa saksi. Sabab, Nye melakuko nyo beik dengan memboriko kepadome ujan deri langet ngan musim-musim bebuah nyo mmeuasko hatime dengan makonon ngan kegembiraon." ¹⁸Sekalipon dengan mengatoko segelo hal iye, mike sulit menghentiko urang lobot iye empok hopi mempersembahko kurban bage mike.¹⁹Cuma hambok, urang-urang Yahudi detong deri Antiokhia ngan Ikonium, ngan setelah membujok urang lobot iye, mike nohuki Paulus dengan betu ngan mengheretnye ke luor kota ulenyo mengiro bahwa Paulus sodah mati. ²⁰Hambok, tekalo para murid mengelelengi Paulus, ia togok ngan belek masok ke kota. Pado dari berikotnye, nye berangkot besamo dengan Barnabas ke Derbe.(Belek ke Kota Antiokhia de Wilayah Siria)²¹Setelah mike memberitako Injil de kota iye ngan lah membuat lobot mored, mike belek ke Listra, ngan ke Ikonium, ngan ke Antiokhia, ²²sambel menguatko jiwo para mored, mendorong mike untok bertekun de delom iman, ngan mengehatoko bahwa kite harus memasoki Kerajaaon Allah melalui lobot penderitaon.²³Tekalo Paulus ngan Barnabas menonjok penatua-penatua bage mike de setiap jemaat, setelah bedoa denagn puaso, mike menyerahko para penatua iye kepado Tuhan, nyo kepado-Nye mike lah pecayo. ²⁴Kemudion, mike melewati Pisidia ngan sampoi de Pamfilia. ²⁵Lalu, tekalo mike lah mengabarko firman de Perga, mike toron ke Atalia. ²⁶Deri sane, mike berlayar ke Antiokhia, tempat mike lah deserahko kepado anugerah Allah untok pekerjaon nyo sodah mike selesaiko.²⁷Tekalo mike sampoi ngan bekompol besamo dengan jemaat, mike ngerako segelo hal nyo lah Allah perbuat besamo dengan mike ngan upamone Nye lah membukako pintu iman bage bangsa-bangsa loen. ²⁸Ngan, mike tinggal besamo para mored untok waktu nyo lamo.

(Timotius Ngantiko Paulus ngan Silas) ¹Paulus jugo njongok ke Derbe ngan Listra. Ngan, kolehlah ado seurang mored de sane, namonye Timotius, anak deri seurang betina Yahudi nyo sodah pecayo, hambok bepaknye adolah urang Yunani. ²Nye dekenal beik uleh dolor-dolor seiman de Listra ngan Ikonium. ³Paulus nak Timotius bejelon besamo dengannye, mengka nye mengajoknye ngan menyunatnye ulenyo urang-urang Yahudi nyo tinggal de daerah iye. Sabab, mike tahuko bahwa bepaknye adolah urang Yunani.⁴Sementaro mike bejelon melewati kota-kota, mike menyampoiko ketentuon-ketentuon bage urang-urang pecayo empok detaati, nyo lah depotosko uleh para rasul ngan penatua nyo ado de Yerusalem. ⁵Mengka, jemaat deteguhko de delom iman ngan jumlah mike betamboh setiap hari.( Allah memanggel Paulus ke Makedonia)⁶Lalu, mike bejelon melewati wilayah Frigia ngan Galatia ulenyo lah dehalangi uleh Roh Kudus ontok mboekko firman de Asia. ⁷Tekalo mike sodah sampoi de Misia, mike beusaha bejelon ke Bitinia, hambok Roh Yesus hopi mengizinko mike. ⁸Mengka, sesodah melewati Misia, mike toron ke Troas.⁹Suatu pengolehon moncol krpado Paulus de waktu malom. Seseurang deri Makedonia sedang togok ngan memohon kepadonye, ujonye, " Detonglah ke Makedonia ngan bentulah kami." ¹⁰Setelah Paulus ngoleh penglihaton iye, kami beusaha dengan segera bejelon ke Makedonia, setelah menyimpulko bahwa Allah lah memanggel kami ontok memboritako Injil kepado mike.(Pertobaton Lidia)¹¹Ulenyo iye, setelah belayar deri Troas, kami langsung belayar ke Samotrake, ngan de hari berikotnye ke Neapolis, ¹²ngan deri sane ke Filipi, kota pertamo de wilayah Makedonia ngan sebuah kota jajahon Roma. Kamie tinggal de kota iye selamo beberape hari. ¹³Lalu, pado hari Sabat, kami bejelon ke luor pintu gerebang kota menuju ke tepi sungoi, tempat de mone kami bepeker bahwa de sane ado tempat bedoa. Mengka, kami dodok ngan boek dengan para betina nyo sedang bekompol¹⁴Seurang betina benamo Lidia, deri kita Tiatira, seurang penjual kain ungu nyo menyembah Allah. Tuhan buka hatinye ontok memperhatiko ape nyo Paulus boekko. ¹⁵Ngan, setelah Lidia ngan segelo urang nyo tinggal de rumahnye debaptis, nye memohon kepado kami, ujonye, " Jika kowe menganggap ake pecayo dengan toguh kepado Tuhan, njongoklah ke rumahke ngan tinggallah de sane." Ngan, nye mendesak kami.(Paulus ngan Silas deri Penjara)¹⁶Sementaro, kami sedang bejelon ke tempat bedoa, seurang budak betina, nyo mempunyoi roh ontok meramal menomui kami. Iye mengunda lobot keuntungon kepado para majikonnye melalui ramalon-ramalonnye. ¹⁷Betina iye mehiliu Paulus ngan kami sambel berteriak, "Urang-urang nie adolah hamba-hamba Allah Nyo Mahatinggi, nyo memboritako jelon keselamaton kepadome!" ¹⁸Iye teros melakukonye selamo behari-hari. Paulus, ulenyo menjedi en marah, bebelek ngan boek kepado roh iye, " Ake perentahko kowe delom namo Kristus Yesus ontok keluor deri nye!" Lalu, roh iye keluor, seketika iye jugo.¹⁹Cuma hambok, tekalo para majikonnye ngoleh bahwa harapon mike nak keuntungon sodah lenyap menangkop Paulus ngan Silas, sereta meheret mike ke demamn umum de hadapon para penguaso. ²⁰Ngan, tekalo mike sodah mengunda Paulus ngan Silas kepado hakim-hakim kepalo, mike boek, "Urang-urang nie adolah urang-urang Yahudi ngan sedang mengacau de kota kite. ²¹Mike mengajorko adat istiadat nyo hopi bonor ontok kite terimo apo lakuko sebagai urang Roma."²²Urang lobot iye togok besamo-samo menyerang Paulus ngan Silas ngan para hakim kota meyegetko pakoion Paulus ngan Silas, sereta memerintahko mike ontok ngepoki keduanye dengan tongkat.²³Setelah maseh menganiaya Paulus ngan Silas dengan lobot pokolon, mike melemparkonye ke delom penjara ngan memerintahko kepalo penjara ontok menjego Paulus ngan Silas dengan ketat.²⁴Setelah menerimo perentah iye, kepalo penjaro memasokko Paulus ngan Silas ke penjara bageon delom ngan memasng kaki mike dengan belenggu.²⁵Kiro-kiro tongah malom, Paulus ngan Silas sedang bedoa ngan menyanyikolagu-lagu pijion bage Allah, ngan para tahanon loennyo pun mendongor mike. ²⁶Lalu, tiba-tiba tejedi gempa bumi nyo en godong sehingga fondasi penjara iye teguncang. Ngan, tiba-tiba segelo pintu tebuka ngan belenggu setiap urang telepas.²⁷Tekalo kepalo penjara tejego ngan ngoleh pintu-pintu penjara lah tebuka, nye mencabot pedangnye ngan hamper membunoh dirinye dewek ulenyo nye mengiro para tahanon lah melariko diri. ²⁸Hambok, Paulus beteriak dengan suaro karas, " Jengon membahayako dirime dewek ulenyo kami segelo de sie!"²⁹Kemudion, kepalo penjara iye meminta lampu ngan langsong belari masok, lalu sambel gemitek, nye sojod de hadapon Paulus dan Silas. ³⁰Setelah iye, nye ngunda mike ke luor ngan boek, " Tuan-tuan, ape nyo haros ake lakuko empok deselamatko?" ³¹Ngan, mike menjawab, " pecayolah de delom Tuhan Yesus ngan kowe nak deselamatko, kowe ngan segelo urang yang tinggal de rumahme."³²Kemudion, Paulus ngan Silas memboritako firman Tuhan kepado kepalo penjara iye ngan kepado segelo urang nyo ado de delom rumahnye. ³³Setelah iye, nye mengunda Paulus ngan Silas, malom iye jugo, ngan membesoh luka-luka mike, lalu nye ngan segelo keluargonye segera debaptis. ³⁴Kemudion, kepalo penjara mengunda Paulus ngan Silas ke rumahnye ngan menghidangko makonon, mengka, iye en besukacita, bahwa nye ngan segelo urang nyo tinggal de rumahnye lah pecayo kepado Allah.³⁵Cuma hambok, tekalo siang hari tiba, para hakim-hakim kota mengotos beberape polisi, dengan boek, " Bebasko urang-urang iye!" ³⁶Ngan, kepalo penjara memboritako poson iye kepado Paulus, dengan boek, "Hakim-hakim kota lah menyoroh ontok membebaskome. Uleh nyo iye, keluorlah kinie ngan bejelonlah delom kedamaion!"³⁷Hambok, Paulus boek kepado mike, "Urang-urang iye lah ngepoki kami de depan umum, tanpo de adili, urang-urang nyo adolah warga negara Roma, ngan lah melemparko kami ke delom penjara. Lalu, apokah kinie mike mengeluarko kami secaro diom-diom? Hopi! Biarko mike dewek njongok ngan mengeluarko kami." ³⁸Para polisi iye memboritako perkataon-perkataon iye kepado hakim-hakim kota. Mereka takot tekalo mike mendongor bahwa Paulus ngan Silas adolah warga negara Roma. ³⁹Mengka, mike njongok ngan meminta maaf kepado Paulus ngan Silas. Setelah mike mengeluarko Paulus ngan Silas, mike meminta empoknyo keduanye meninggalko kota iye.⁴⁰Lalu, mike keluor deri penjara ngan masok ke rumah Lidia, ngan tekalo mike ngoleh dolor-dolor seiman, Paulus ngan Silas menogohko hati mike, lalu berjelon.

Paulus ngan Silas de Kota Tesalonika) ¹Suatu saat, tekalo Paulus ngan Silas lah melewati Amfipolis ngan Apolonia, mike sampoi de Tesalonika, de mone ado sebuah sinagoge urang Yahudi. ²Lalu, sesuoi kebiasaon Paulus, nye masok ke antaro mike. ngan selamo tiga hari Sabat boek dengan mike deri Kitab Suci,³sambel menjelasko ngan membuktiko bahwa Kristus haros menderita ngan bangket deri antaro urang mati, dengan boek, " Yesus nie, nyo sedang ke boritako kepadome adolah Kristus." ⁴Lalu, sebageon deri mike deyakenko ngan begabung dengan Paulus ngan Silas, besamo dengan sejumlah godong urang Yunani nyo takot akan Allah ngan hopi sedikit betina-betina tehormat.⁵Hambok, urang-urang Yahudi menjedi iri hati ngan mengajok beberape urang jahat nyo bekeloyoron de tempat umum, mike mengumpulko lobot urang ngan membuat kekacauon de kota, lalu menyerang rumah Yason sambel ndelok Paulus sereta Silas ontok ngunda mike keluor kepado urang lobot. ⁶Tekalo mike hopi menomuko Paulus ngan Silas, mike meheret Yason ngan beberape dolor seiman ke hadapon para pejabat kota, dengan beseru, " Urang-urang nie, nyo lah mengacauko denia, lah njongok jugo ke sie. ⁷Ngan, Yason menyambot mike, ngan mike segelo betindak melawon hokom Kaisar dengan mboekko bahwa ado raja loen, nyoiye Yesus."⁸Urang lobot ngan para pejabat kota menjedi resah tekalo mendongor hal iye. ⁹Ngan, setelah mike menerimo jaminon deri Yason ngan nyo loennyo, urag-urang iye membebaskonye.(Paulus ngan Silas ke kota Berea)¹⁰Dolor-dolor seiman segera menyoroh Paulus ngan Silas, malom iye jugo, ke Berea, ngan tekalo mike sampoi, mike berjelon ke sinagoge urang Yahudi. ¹¹Urang-urang Yahudi de sane lobeh beik hatinye deripado urang-urang nyo de Tesalonika ulenyo mike menerimo firman dengan ponoh semangot, sambel menyelidiki Kitab Suci setiap hari ontok mengetahui munye hal-hal iye memang bonor. ¹²Uleh ulenyo iye, lobot deri mike menjedi pecayo, temasok betina ngan jenton Yunani terhormat nyo jumlahnye hopi sedeket.¹³Cuma hambok, tekalo urang-urang Yahudi de Tesalonika mengetahui bahwa firman Allah jugo diberitako uleh Paulus de Berea, mike pon jugo njongok ke Berea ontok menggoyahko ngan meresahko lobot urang. ¹⁴Lalu, dengan segera, dolor-dolor seiman menyoroh Paulus bejelon sampoi ke pantai, hambok Silas ngan Timotius tetap tinggal de sie. ¹⁵Urang-urang Yahudi nyo nganti Paulus mengundanye sampoi ke Atena, ngan setelah menerimo sebuah poson deri Paulus ontok Silas ngan Timotius empok njongok kepadonye secepatnye, mike pun berangkot.(Paulus de Kota Atena)¹⁶Sementaro Paulus menunggu mike de Atena, rohnye meraso desusahko de delm dirinye ulenyo nye ngoleh kota itu ponoh dengan patung-patung berhala. ¹⁷Uleh ulenyo iye, nye betukar pekeran de sinagoge dengan urang-urang deri bengso loen nyo takot akan Allah, sereta de tempat umum, setiap hari, dengan urang-urang nyo kebetolon ado de sie.¹⁸Beberape ahli peker deri kelompok Epikuros ngan Stoa jugo boek-boek dengannye. Ngan, beberape boek, " Ape nyo nak deboekko si pembual nie?" Nyo loen boek, " Sepertinye, iye nie adolah seurang pemberita dewa-dewa aseng," ulenyo iye memberitako Yesus ngan kebangketon.¹⁹Lalu, mike mengajoknye ngan mengundanye ke Areopagus, sambel boek, " Ibo boleh kami mengetahui ajarn beru apo nyo kowe beritako nie? ²⁰Sabab, kowe sedang ngunda beberape hal nyo mengheranko de telinga kami. Kami nak mengetahui ape maksod hal-hal nie." ²¹(saat iye, segelo urang Atena ngan urang-urang aseng nyo tinggal de sane terbiaso menghabesko waktu mike ngan hopi melakuko ape pon seloen mboeko apo mendongorko sesuatu nyo beru.)²²Mengka, Paulus togok de tangah-tangah Areopagus ngan boek, " Hai urang-urang Atena, ake mengamati bahwa delom segelo hal kowe sangat religius. ²³Sabab, tekalo ake sedang berkeleleng ngan memperhatiko benda-benda nyo kowe sembah, ake jugo menjumpoi sebuah altar dengan toleson nie, 'KEPADO ALLAH NYO HOPI DEKENAL.' Ulenyo iye, ape nyo kowe sembah tanpo mengenalnye, iyelah nyo ake beritako kepadome.²⁴Allah nyo menciptako denia ngan segelo sesuau nyo ado de delomnye, ulenyo Nye adolah Tuhan pocok langet ngan bumi, hopi tinggal de delom kuil-kuil nyo debuat dengan tangon mendesio, ²⁵hopi jugo Nye delayani uleh tangon-tangon mendesio, seakan-seakan Nye membutuhko sesuatu ulenyo Nye dewek nyo membori kepado siape sajo kehidupon, dengan napas, ngan segelo sesuatunye.²⁶Ngan, Iye menciptako, deri sikok urang, segelo bengso umat mendesio ontok tinggal de segelo muka bumi nie, setelah menetapko mosem-mosem ngan batas-batas tempat hidop mike, ²⁷empoknyo mike ndeloki Allah, ngan munye memang depot menyentuh-Nye ngan menomuko-Nye meskipon Nye hopi jouh deri kite maseng-maseng²⁸Sabab, de delom Nye, kite hidop, begerak, ngan ado. 'Ulenyo kite nie jugo adolah ketoronon-Nye.' ²⁹Jedi, ulenyo kite adolah ketoronon Allah, kite seharosnye hopi bepeker bahwa keadaon Ilahi iye upa emas, apo perak, apo betu, sebuah wujud nyo deciptako deri keterampelon ngan pemekeron mendesio.³⁰Uleh ulenyo iye, setelah mengabaiko maso-maso kebodohon, kinie Allah memberitahuko segelo urang de mane-mane empok betobat, ³¹ulenyo Nye sodah menentuko suatu hari tekalo Nye nak menghakomi denia delom keadelon melalui sikok Urang nyo lah detentuko-Nye, setelah Nye memboriko bukti kepado segelo urang dengan membangketko Urang iye deri antaro urang mati³²Ngan, tekalo mike mendongor tentang kebangketon deri antaro urang mati, beberapo urang mulai lelegeon hambok nyo loen boek, "Kami nak mendongorko lagi tentang hal nie." ³³Mengka, Paulus bejelon deri tangah-tangah mike. ³⁴Cuma hambok, beberape urang begabong dengannye ngan menjedi pecayo, de antaranye jugo ado Dionisius, anggota Areopagus, ngan seurang betina benamo Damaris, sereta beberape urang loen nyo besamo mike.

(Paulus de Kota Korintus) ¹Setelah itu, Paulus meninggalko Atena ngan berjeol ke Korintus. ²Ngan, Paulus mendepoti urang Yahudi benamo Akwila, ketoronon Pontus, beru nihan detong deri Italia besamo bininye, Priskila, ulenyo Klaudius lah memerintahko segelo urang Yahudi meninggalko Roma. Paulus njongok kepado mike, ³ngan ulenyo mike mempunyoi pekerjaon nyo samo, Paulus tinggal besamo mike ngan begawe ulenyo pekerjaon mike adolah pembuat tenda.⁴Ngan, Paulus betukar pekeran de sinagoge setiap hari Sabat ngan beusaha ontok meyakenko urang-urang Yahudi ngan Yunani. ⁵Hambok, tekalo Silas ngan Timotius toron deri Makedonia, Paulus mulai mengabdikan diri seponohnye ontok memberitako firman, sambel besaksi dengan sungguh-singguh kepado urang-urang Yaudi bahwa Yesus adolah Kristus. ⁶Cuma hambok, tekalo mike menentang ngan memaki Paulus, nye mengebasko pakoionnye ngan boek kepado mike, " Derohme ado de pocok kepalome dewek! Ake berseh. Mulai kinie ngan seterosnye, ake nak bejelon kepado bangso-bengso loen."⁷Kemudion, nye meninggalko tempat iye ngan bejelon ke rumah seseurang nyo benamo Titus Yustus, seurang bukon Yahudi nyo menyembah Allah, nyo rumahnye ado de sebelah sinagoge, ⁸Krispus kepalo sinagoge, menjedi pecayo de delom Tuhan dengan segelo urang nyo tinggal de rumahnye, ngan lobot urang Korintus nyo setelah mendongorko Paulus menjedi pecayo ngan debaptes.⁹Lalu, Tuhan boek kepado Paulus de suatu malom delom sebuah pengolehon, "jengon takot, hambok teroslah boek ngan jengon diom, ¹⁰ulenyo Ake besamome ngan hopi ado seurang pon nyo nak menyerangme ontok menganiayome ulenyo ado lobot umat-Ke de kota nie." ¹¹Mengka, Paulus tinggal de sane selamo setahon 6 bulan, sambel mengajorko firman Allah de antaro mike.(Paulus Dehadapko kepado Galio)¹²Hambok, tekalo Galio menjedi prokonsul Akhaya, urang-urang Yahudi dengan sehati bangket melawon Paulus ngan ngundahnye de hadapon kursi pengadilon, ¹³dengan boek, " Urang nie sedang mempengarohi lobot urang ontok menyembah Allah nyo belawanon dengan Hukum Taurat."¹⁴Cuma hambok, tekalo Paulus hamper mbukak molotnye, Galio boek kepado urang-urang Yahudi iye, " Jika nie adolah suatu persoalon pelanggaron apo kejahaton nyo keji, hai urang-urang Yahudi, ake patot betanggong jawab atas pekarome. ¹⁵Hambok, jika nie adolah persoalon tentang kato-kato, ngan namo-namo, ngan hokomme dewek, oroslah dewek. Ake hopi nak menjedi hakem atas hal-hal iye."¹⁶Lalu, Galio menguser mike deri ruang pengadelon. ¹⁷Setelah iye, mike segelo menangkop Sostenes, kepalo sinagoge, ngan ngepokinye de depan ruang pengadelon. Cuma hambok, Galio hopi memperhatiko hal-hal iye.(Paulus Belek ke Kota Antiokhia)¹⁸Setelah iye, Paulus tinggal beberapo hari lagi, lalu bepamiton dengan dolor-dolor seiman ngan belayar ke Siria, besamo dengan Priskila ngan Akwila. De Kengkrea, Paulus sodah mencokor rambotnye ulenyo nye lah mbuat nazar. ¹⁹Kemudion, mike sampoi de Efesus ngan Paulus meninggalko Priskila ngan Akwila de sane, hambok nye dewek masok ke sinagoge ngan betukar pekeran dengan urang-urang Yahudi.²⁰Takalo mike minta Paulus ontok tinggal lobeh lamo, Paulus hopi menyetujuinye, ²¹hambok bepamiton dengan mike dan boek, " Ake nak belek lagi kepadome munye Allah menghendakinye." Ngan, nye belayar deri Efesus.²²Setelah nye toron de Kaisarea, nye noek ngan membori salam kepado para jemaat, lalu toron ke Antiokhia. ²³Ngan, setelah menghabesko beberape waktu de sane,nye meninggalko tempat iye dan mengelilengi sikok tempat ke tempat loennye de wilayah Galatia ngan Frigia, sambel menguatko segelo mored.²⁴Suatu saat,ado urang Yahudi benamo Apolos, ketoronon Aleksandria, njongok ke Efesus. Nye adolah seseurang nyo tepelajor ngan maher delom hal Kitab Suci. ²⁵Urang nie sodah deajorko tentang Jelon Tuhan ngan besemangot de delom roh. Nye boek ngan mengajorko dengan teliti hal-hal tentang Yesus, hambok nye anyo mengetahui bapteson Yohanes. ²⁶Nye mulai boek dengan berani de delom sinagoge, hambok tekalo Priskila dan Akwila mendongorkonnye, mike menariknye ke sampeng ngan menjelasko kepadonye Jelon Allah dengan lobeh tepat.²⁷Ngan, tekalo Apolos nak menyeberang ke Akhaya, dolor-dolor seiman menoguhkonye ngan menoles kepado mored-mored empok menyambot kedetongonnye. Tekalo nye sampoi, nye lobot menolong mike nyo uleh ulenyo anugerah lah menjedi pecayo, ²⁸ulenyo nye dengan karas membantah urang-urang Yahudi de muka umum, sambel menunjukko deri Kitab Suci bahwa Kristus adolah Yesus.

(Paulus de Kota Efesus) ¹Hal nie tejedi, sementaro Apolos berado de Korintus, Paulus melewati daerah de pedelomon ngan sampoi de Efesus. De sane, nye mendepoti beberape mored. ²Paulus boek kepado mike, "Apokah kowe menerimo Roh Kudus tekalo kowe lah menjedi pecayo?" Mike menjawab, " Hopi,bahkan kami bolum pernah mendongor bahwa ado Roh Kudus."³Lalu, Paulus boek, " De delom ape, kemudion, kowe debaptes?" Jawab mike, "De delom bapteson Yohanes." ⁴Paulus boek, "Yohanes membaptes dengan bapteson pertobaton, sambel memboritahu urang-urang ontok pecayo kepado Seseurang nyo nak njongok sesodah nye, yaitu kepado Yesus."⁵Setelah mike mendongor hal nie, mike debaptes de delom namo Tuhan Yesus. ⁶Kemudion, tekalo Paulus lah motekko tangonnye pocok mike, Roh Kudus njongok ke pocok mike, lalu mike mulai boek delom bebagai beheso ngan benubuat. ⁷Mike segelo bejumlah kiro-kiro dua belas urang jenton.⁸Mengka, Paulus masok ke sinagoge ngan boek dengan berani selamo tiga bulan, sambel betukor pekeron ngan meyakenko mike tentang Kerajaon Allah. ⁹Cuma hambok, tekalo beberape urang mengarasko hati ngan menolak pecayo, sambel mboekko hal-hal nyo jahat tentang Jelon iye dehadapon urang lobot, Paulus meninggalko mike ngan mengajok para mored bejelon, sambel betukor pekeran setiap hari de sekolah Tiranus. ¹⁰Hal nie belangsong selamo dua tahon nyo tinggal de Asia mendongor firman Tuhan, beik urang-urang Yahudi maupon urang-urang Yunani(Anak-anak Skewa)¹¹Allah melakuko lobot mujizat nyo luor biaso melalui tangon Paulus, ¹²sehingga sapu tangon apo celemek nyo pernah menyentuh kulet Paulus dengunda kepado urang-urang saket, mengka penyaket mike ilang ngan roh-roh jahat keluor deri mike.¹³Hambok, beberape penguser setan Yahudi nyo bejelon bekelileng beusaha menyobot namo Tuhan Yesus atas urang-urang nyo kerasukon roh-roh jahat sambel boek, "Ake menyumpahi kowe delom namo Yesus nyo Paulus beritako!" ¹⁴Tujuh anak jenton Skewa, salah seurang imam besar Yahudi nyo melakukonye¹⁵Cuma hambok, roh jahat iye menjawab ngan boek kepado mike, "Ake kenal Yesus ngan ake tau tentang Paulus, hambok siape kowe?" ¹⁶Lalu, urang nyo kerasukon roh jahat iye melompat ke arah mike, ngan bekuaso pocok mike sereta mengalahko mike segelo sehingga mike melariko diri deri rumah iye delom keadaon telanjong ngan teluka. ¹⁷Hal nie deketahui uleh segelo warga Efesus, beik urang-urang Yahudi maupon urang-urang Yunani. Ngan, mike segelo menjedi ketakoton ngan namo Tuhan Yesus semaken demuliako.¹⁸Lobot deri antaro mike nyo sodah menjedi pecayo tetap njongok, sambel mengakui ngan memberitahuko perbuaton-perbuaton mike. ¹⁹Lalu, lobot deri mike nyo pernah melaluko seher, mengompolko buku-buku mike ngan membakarnye de depan segelo urang. Ngan, mike menghitung nilai buku-buku iye ngan menomuko nilainye mencapai 50.000 keping perak. ²⁰Jedi, firman Tuhan teros betomboh ngan bekuaso.(Paulus merencanako Pejelononnye)²¹Setelah hal-hal iye selesai, delom Roh, Paulus bemaksod bejelon ke Yerusalem setelah nye lah melewati Makedonia ngan Akhaya, dengan boek, "Setelah ake berado de sane, ake jugo haros ngoleh Roma." ²²Ngan, setelah mengotos dua urang nyo melayaninye ke Makedonia, yaitu Timotius ngan Erastus, nye dewek tinggal beberape waktu de Asia.(Demetrius Menimbulko Kekacauon de Kota Efesus)²³Sekitar waktu iye, de sane tejedi kerosohon nyo hopil kecil mengenai Jelon iye. ²⁴Sabab, ado urang benamo Demetrius, seurang pengrajen perak, nyo mbuat kuil-kuil perak Dewi Artemis, memboriko penghaselon nyo hopi sediket bage tukang-tukangnye. ²⁵Para tukang iye nye kompolko besamo dengan pekerjo-pekerjo de bidang serupa ngan boek. " Dolor-dolor, kowe tau bahwa kemakmuron kite beasal deri perusahaon nie.²⁶ Lalu, kwe ngoleh ngan mendngor bahwa, bukon anyo de Efesus meloenko hamper de segelo Asia, Paulus lah meyakenko ngan mbuat lobot urang bebelek dengan mboekko bahwa allah nyo debuat dengan tangon mendesio bukonlah Allah.²⁷Hal nie behayo bukan anyo bahwa usaha kite nak titek ke delom kehinaon, hambok jugo kuil Dewi Artemis nyo agung iye hopi nak sediket pun deperhitungko, ngan nye, nyo desembah de segelo Asia ngan denia, akan kehilangon keagongonnye."²⁸Tekalo mike mendongor hal nie, mike menjedi en marah ngan lelolungon, "Godonglah Artemis, dewi urang Efesus!" ²⁹Lalu, kota iye deponohi dengan kekacauon ngan mike begegas besamo-samo ke gudung kesenion sambel meheset Gayus ngan Aristarkhus, orang Makedonia nyo adolah kanti seperjelonon Paulus.³⁰Hambok, tekalo Paulus nak bejelon masok de antaro urang lobot iye, para mored hopi membiarkonye. ³¹Bahkan, beberape pembesar Asia nyo bekanti denannye mengirem sebuah poson kepadonye ngan beulang kali memohon kepadonye ontok hopi menyerahko diri ke gudung kesenion iye. ³²Mengka, sebageon meneriako sesuatu ngan sebageon nyo loennyo, ulenyo kompolan iye ado delom kekacauon ngan sebageon godong deri mike hopi tau ape alason mike lah njongok bekompol.³³Sebageon deri urang lobot iye menyimpulko Aleksander ulenyo urang-urang Yahudi lah mendorongnye ke depan, ngan setelah Alexander memboriko isyarat dengan tangonnye, nye bemaksod mbuat pembelaon de hadapon urang lobot. ³⁴Hambok, tekalo mike mengenal bahwa Aleksander adolah urang Yahudi, selamo kiro-kiro dua jam, mike segelo beteriak dengan sikok suaro, "Godonglah Artemis, dewi urang Efesus!"³⁵Sesodah panitera kota menenangko urang lobot iye, nye boek, "Hai urang-urang Efesus, siape urang nyo hopi tau bahwa kota Efesus adolah penjago kuil Dewi Artemis nyo agung ngan nyo toron deri langet? ³⁶Jedi, ulenyo hal-hal iye hopi depot debantah, kowe seharosnye tetap tenang ngan hopi betindak gegabah. ³⁷Sabab, kowe lah mengunda urang-urang nie ke sie, nyo hopi merampok kuil apo menghujat dewi kite.³⁸Uleh ulenyo, munye Demetrius ngan tukang-tukang nyo besamo-samo dengannye memeleki keluhon tehadop seseurang, pengadelon debuka ngan ado prokonsul, biarlah mike mengajuko tuntuton sikok tehadop loennye. ³⁹Hambok, munye kowe menghendaki sesuatu hal nyo loen, hal iye depot deselesaiko delom sidang rakyat menorot hokom. ⁴⁰Sabab, kite berado delom behayo ontok detodoh pocok kerosohon hari nie ulenyo hopi ado alason ape pun nyo depot kite jelasko tentang pertemuon nyo kacau nie." ⁴¹Sesodah nye mboekko hal-hal nie, nye membubarko kompolon urang iye.

(Paulus ke Negaro Makedonia ngan Negaro Yunani) ¹Setelah kerosohon iye beakher, Paulus mengundang para mored, ngan setelah menguatko hati mike, nye bepamiton dengan mike ngan bejelon menuju ke Makedonia. ²Setelah nye menelusuri wilayah-wilayah de sane ngan memboriko kepado mike lobot nasehat, nye sampoi de Yunani. ³Ngan, de sane Paulus tinggal selamo 3 bulan. Ulenyo urang-urang Yahudi mbuat pesekongkolan ontok melawonnye tekalo nye hendok belayar ke Siria, nye memotosko ontok belek lewat Makedonia.⁴Paulus dekanti uleh Sopater deri Berea, anak Pirus, uleh Aristarkhus ngan Sekundus, deri Tesalonika, ngan Gayus deri Derbe, ngan Timotius, sereta Tikhikus ngan Trofimus deri Asia. ⁵Mike berangkot lobeh dehulu ngan sedang menunggu kami de Troas, Hambok kami belayar deri Filipi sesodah Hari Raya Hopi Beragi, ngan njongok kepado mike de Troas delom 5 hari, de sane kami tinggal selamo 7 hari.(Konjongon Paulus nyo teaher de Kota Troas)⁷Pado hari petamo minggu iye, tekalo kami sedang bekompol besamo ontok memecahko roti, Paulus boek kepado mike ulenyo bemaksod ontok berangkot pado hari berikotnye, ngan nye memperpanjong posonnye sampoi tangah malom. ⁸Ado lobot lampu de ruang pocok, tempat kami bekompol.⁹Ngan, de sane ado pemuda benamo Euthikus sedang dodok de jendela ngan tenggolom delom tidor nyo lelap. lalu, sementaro Paulus teros boek delom waktu nyo lamo, nye semaken tenggolom delom tidor ngan titek deri lantoi ketiga ngan deangkot delom keadaon sodah mati. ¹⁰Hambok, Paulus toron lalu merebahko diri ke pocoknye, ngan memoluknye, sereta boek, "Jengon ribot ulenye nyawonye maseh ado de delom nye."¹¹Tekalo Paulus belek noek, lalu memacah-macahko roti ngan makon, nye boek kepado mike delom waktu nyo lamo, sampoi subuh. Sesodah iye, nye berangkot. ¹²Mike mengunda pemuda iye belek delom keadaon hidop ngan meraso en tehibor.(Pejelonon deri Kota Troas ke Kota Miletus)¹³Hambok, setelah bejelon lobeh dehulu ke kapal, kami belayar ke Asos dengan maksod menjompot Paulus de sane ulenyo nye sodah merencanako demikion, nye dewek bemaksod bejelon kaki. ¹⁴Ngan, tekalo nye betomu dengan kami de Asos, kami menjompotnye, lalu bejelon ke Metilene.¹⁵Setelah belayar deri sane, kami sampoi pe pagi harinye de Khios. Hari berikotnye, kami mendekati Samos, ngan sehari kemudion kami sampoi de Miletus. ¹⁶Sabab,Paulus sodah memutusko ontok belayar melewati Efesus empoknyo nye hopi menghabesko waktu de Asia ulenyo nye begegas sampoi de Yerusalem, jika mungken, pado hari Pentakosta.(Paulus Boek kepado Penatua Efesus)¹⁷Deri Miletus, Paulus mengotos urang ke Efesus ngan menyoroh para penatua jemaat njongok kepadonye. ¹⁸Ngan, tekalo mike njongok kepadonye, nye boek kepado mike, "Kowe dewek tau, upamone ake hidop de antarome sepanjong waktu, sejak ari petamo ake menginjakko kaki de Asia, ¹⁹sambel melayani Tuhan dengan segelo kerendahon hati, ngan dengan aek mato, ngan dengan pencobaon-pencobaon nyo menempake melalui persekongkolon urang-urang Yahudi, ²⁰upamone ake hopi menahan diri ontok memberitako kepadome segelo nyo beguna ngan mengajor kowe de depan umum, ngan deri rumah ke rumah, ²¹besonggoh-songgoh membori kesaksion, beik kepado urang-urang Yahudi, maupon urang-urang Yunani, tentang pertobaton kepado Allah ngan beriman kepado Tuhan kite, Yesus Kristus.²²Ngan kinie, kolehlah, dengan dekobot uileh Roh, ake sedang delom pejelononke ke Yerusalem, tanpo tau ape nyo nak tejedi kepadoke de sane, ²³kecuali bahwa Roh Kudus besaksi dengan songgoh-songgoh de setiap kota kepadoke bahwa penjara ngan siksoon lah menungguke. ²⁴Hambok, ake hopi menganggop hidopke behargo bage dirike dewek sehingga ake depot menyelesaiko tugaske ngan pelayanon nyo ake terimo deri Tuhan Yesus, yaitu ontok besaksi dengan songgoh-songgoh tentang Injil anugerah Allah.²⁵Ngan kinie, kolehlah, ake tau bahwa hopi ado de antarome, nyo ado de antarome, nyo kepadome ake bekelileng memberitako kerajaon, nak ngoleh mokake lagi. ²⁶Ulenyo iye, ake besaksi kepadome hari nie bahwa ake hopi besaloh atas derohme segelo. ²⁷Sabab, ake hopi menahan diri ontok memberitako kepadome segelo rencana Allah.²⁸Jegolah dirime dewek ngan segelo kawanan, nyo pocoknye Roh Kudus lah menjedikome pengawas ontok menggembalako jemaat Allah, nyo lah Nye peruleh dengan deroh-Nye dewek. ²⁹Ake tau bahwa sesodah kebarangkotonke, serigala-serigala buas nak njongok de antaro kowe, hopi menyayangko kawanan iye. ³⁰Ngan, deri antaro kowe dewek nak bangket urang-urang nyo boek tentang hal-hal menyosotko ontok menarek mored-mored deri mike.³¹Uleh sabab iye, bejego-jegolah, sambel mengingot bahwa siang ngan malom, selamo 3 tahon, ake hopi berenti memperingotko kowe maseng-maseng dengan aek mato. ³²Ngan kinie, ake menyerahko kowe kepado Tuhan ngan kepado firman anugerah-Nye nyo sanggop membangonme ngan memborikome warison de antaro segelo urang nyo dekudusko.³³Ake hopi menginginko perak, apo emas, apo pakoion siape pun. ³⁴Kowe dewek tau bahwa tangon nie melayani keperluonke ngan mike nyo besamo-samo dengan ake. ³⁵delom segelo hal, ake lah menonjokko kepadome bahwa dengan en begawe upa nie, kite haros menolung nyo lamah ngan mengingot pemboekon Tuhan Yesus, bahwa Nye dewek boek, "Lobeh bahagia membori deripado menerimo."³⁶Ngan, tekalo nye sodah mengehatoko hal-hal iye, nye belotot ngan bedoa besamo mike segelo. ³⁷lalu, ado lobot tangison de antaro mike segelo ngan mike memoluk leher Paulus, sereta menciumnye, ³⁸Mike en besedeh, teutamo ulenyo pemboekko nyo nye boek bahwa mike hopi nak ngoleh mokanye lagi. Lalu, mike nganti Paulus ke kapal.

(Paulus Pergi ke Kota Yerusalem) ¹Sesodah kami bepisah deri mike ngan sodah betolak, kami langsong belayar ke Kos, ngan hari berikotnye ke Rodos, ngan deri sane ke Patara, ²lalu setelah kami menomuko sebuah kapal nyo nyemberang ke Fenisia, kami noek kapal iye ngan belayar³Tekalo kami sodah mulai ngoleh Siprus, kami melewatinye de sebelah kiri kami ngan tetap belayar ke Siria, lalu toron de Tirus ulenyo kapal nak menoronke muatonnye. ⁴Setelah bejumpa dengan para mored, kami tinggal de sane selamo tujuh hari. Ngan, melalui Roh, mike teros menasehatko Paulus empok hopi noek ke Yerusalem.⁵Tekalo waktu kami de sane sodah habes, kami berangkot ngan melanjotko pejelonon kami. Mike segelo, besamo bini ngan anaknye, mengantarko sampoi ke luor kota. Lalu, sesodah belotot de pantai ngan bedoa, ⁶kami bepamiton sikok samo loen. Kemudion, kami noek ke kapal ngan mike belek lagi ke rumah.⁷Setelah kami mengakheri pejolonon deri Tirus, kami sampoi de Ptolemais, ngan kami menyapa dolor-dolor seiman, sereta tinggal besamo mike selamo sikok hari. ⁸Pado hari berikotnye, kami berangkot ngan bejelon ke Kaisarea, lalu masok ke rumah Penginjil Filipus, nyo adolah sikok deri tujuh urang iye, lalu tinggal besamonye. ⁹Nye mempunyoi empat anak betina nyo benubuat.¹⁰Sementaro kami tinggal de sie selamo benamo Agabus toron deri Yudea. ¹¹Lalu, sesodah mendetongi kami, nye ngambek kobot pinggang Paulus ngan mengobot tangon ngan kakinye dewek, "Nielah nyo Roh Kudus boeko, 'Dengan caro nie urang-urang Yahudi de Yerusalem nak mengobot urang nyo mempunyoi kobot pinggang nie ngan menyerahkonye ke tangon bengso-bengso loen."'¹²Tekalo kami mendongor hal iye, kami ngan urang-urang nyo tinggal de sane memohon Paulus empok hopi noek ke Yerusalem. ¹³Kemudion, Paulus menjawab, "Ape nyo kou lakuko, meratop ngan menghancorko hatike? Sabab, ake siap, bukon anyo ontok dekobot, hambok jugo ontok mati de Yerusalem demi namo Tuhan Yesus." ¹⁴Ngan, ulenyo Paulus hopi pacok deyakenko, kami diom ngan boek, " Birlah kehendok Tuhan nyo tejedi."¹⁵Setelah hari-hari iye, kami besiap-siap ngan berangkot ke Yerusalem. ¹⁶Beberape mored deri kaisarea jugo bejelon besamo dengan kami, sambel mengunda kami ke rumah Manason, urang Siprus, seurang mored sejak lamo, nyo dengannye kami tinggal.(Paulus mengonjongi Yakobus)¹⁷Setelah kami sampoi de Yerusalem, dolor-dolor seiman menyambot kami dengan gembira. ¹⁸Lalu, pado hari berikotnye, Paulus bejelon besamo kami mengonjongi Yakobus, ngan segelo penatua njongok. ¹⁹Sesodah menyampoiko salam kepado mike, Paulus mulai menceritoko sikok per sikok hal nyo lah Allah lakuko de antaro bengso-bengso loen melalui pelayanonnye.²⁰Ngan, tekalo mike mendongornye, mike memuji Allah. Lalu, mike boek kepado Paulus, "Kolehlah, dolor, berape ribu urang de antaro urang-urang Yahudi de sane nyo menjedi pecayo ngan mike segelo giat akan hokom Taurat, ²¹ngan mike lah deberitahuko tentang kowe, yaitu bahwa kowe mengajor segelo urang Yahudi de antaro bengso-bengso loen ontok menyimpang deri hokom Musa, sambel memberitahu mike ontok hopi menyunat anak-anak mike apo bejelon menorot adat istiadat kite.²²Lalu, ape nyo haros kite lakuko? Mike pasti akan mendongor bahwa engkau sodah detong. ²³Uleh sabab iye, lakukolah ape nyo kami boekko nie kepadome. Ado empat urang deri kami nyo ado de bewoh nazar, ²⁴Ngunda mike ngan suciko dirime besamo dengan mike, lalu bayarlah biaya-biaya mike sehinggo mike depot mencokor kepalo mike. Dengan demikian, segelo urang akan mengetahui bahwa omong hal-hal nyo lah deberitahuko kepado mike tentang kowe, hambok bahwa kowe dewek jugo hidop menorot Hokom Taurat.²⁵Hambok, mengenai bengso-bengso loen nyo menjedi pecayo, kami lah menoles surat ngan memotosko bahwa mike haros menghindar deri, 'daging nyo sodah depersembahko kepado berhala-berhala, ngan deri deroh, ngan deri ape nyo sodah decekek, ngan deri doso-doso seksual." (Paulus Detangkop)²⁶Kemudion, Paulus ngunda urang-urang iye, lalu hari berikotnye, setelah nye sodah menyuciko dirinye besamo dengan mike, nye masok ke delom Bait Allah ngan memberitahuko maso penyucion nak beakher tekalo kurban persembahon deboriko kepado maseng-maseng mike.²⁷Tekalo hamper genap tujuh hari, urang-urang Yahudi deri Asia, setelah ngoleh Paulus de delom Bait Allah, menghasot urang lobot ngan menangkop Paulus, ²⁸sambel boek, "Hai urang-urang Israel, tolong! Urang nielah nyo mengajorko setiap urang de mone-mone melawan bengso kite, ngan Hokom Taurat, ngan tempat nie. Ngan, lobeh lagi, nye bahkan ngunda urang-urang Yunani ke delom Bait Allah ngan lah menajisko tempat suci ini!" ²⁹Sabab, sebolumnye mike lah ngoleh Trofimus, urang Efesus, besamo dengannye de delom kota ngan mike mengiro Paulus lah mengundanye masok ke delom Bait Allah.³⁰Kemudion, segelo kota menjedi gempar ngan urang-urang njongok bekerumun. Mike menangkop Paulus ngan meheretnye ke luor deri Bait Allah, lalu pintu-pintu Bait Allah segera detutup. ³¹Sementaro mike beusaha ontok membunohnye, sampoilah laporon kepado kepalo pasukan Roma bahwa segelo Yerusalem sedang delom kekacauon.³²Saat iye jugo, nye ngunda para prajurit ngan para perwira, lalu bejelon toron kepado mike. Ngan, tekalo urang lobot iye ngoleh kepalo pasukan ngan para prajurit, mike berenti mokoli Paulus. ³³Sesodah iye, kepalo pasukan mendekati Paulus ngan menangkopnye, sereta memerintahko empok Paulus dekobot dengan dua rantoi. lalu, nye mulai betanyo siape Paulus ngan ape nyo lah delakukonye.³⁴Cuma hambok, sebageon deri urang banyak iye meneriakko sesuatu ngan sebageon nyo loennyo. Dan, tekalo nye hopi depot mengetahui dengan pasti ulenyo kerosohon iye, nye memerintahko empok Paulus debawa ke markas. ³⁵Tekalo nye sampoi de tangga, Paulus haros degotong uleh para prajurit ulenyo amukon kerumunon urang, ³⁶sabab, urang lobot iye teros mehalowi mike, sambel teriak, "Tijukko nye!"³⁷Sementaro Paulus nak debawa masok ke markas, Paulus boek kepado kepalo pasukan, " Iboboleh ake mengehatoko sesuatu kepadome?" Ngan, kepalo pasukan iye menjawab, "Kowe tau beheso Yunani? ³⁸Munye upa iye, kowe bukon urang Mesir nyo beberape waktu lalu menimbulko pemberontakon ngan memempen empat ribu urang pembunoh ke padang goron?³⁹ Hambok, Paulus boek, " Ake adolah urang Yahudi deri tarsus, Kilikia, seurang warga deri kota nyo penting. Ake mohon ezenko ake boek kepado urang-urang iye." ⁴⁰Ngan, tekalo kepalo pasukan membori ezen, Paulus togok de tanggo ngan memboriko isyarat kepado urang-urang dengan tangannye. Lalu, tekalo suasana lah menjedi tenang, nye boek kepado mike delom beheso Ibrani dengan boek.

(Paulus Menceritako Pertobatonnye) ¹"Dolor-dolor ngan bepak-bepak, dongorko pembelaonke kinie kepadome." ²Ngan, tekalo mike mendongor bahwa Paulus mantou mike delom beheso Ibrani, mike semeken tediom, ngan Paulus boek,³Ake adolah urang Yahudi, laher de Tarsus, Kilikia, cuma degodongko de kota nie, dedidik de bewoh Gamaliel ngan ketat sesuoi hokom nenek puyang kite, ngan menjedi giat bage Allah, samo upa kowe segelo pado hari nie. ⁴Ake menganiaya Jelon nie sampoi pado kemation, mengobot ngan memasokko mike, beik jenton maupon betina, ke delom penjara, ⁵upa nyo jugo Imam Godong ngan segelo majelis penatua depot besaksi kepadoke. Deri mika ake menerimo surat-surat ontok dolor-dolor de Damsyik ngan bejelon untok mengobot mike nyo ado de sane ke Yerusalem sebagai tahanon nyo akan dehokom⁶Mengka, tejedilah, sementaro ake sedang delom perjelonon ngan hamper sampoi de Damsyik, kiro-kiro pado siang hari, tiba-tiba suatu cahayo tarang deri langet besinar mengelilengike. ⁷Ake tetitek ke tanoh ngan mendongor suaro boek kepadoke,"Saulus, Saulus, mengka kowe menganiaya Ake?' ⁸Ngan, ake menjawab, 'Siapekah Kowe, Tuhan?' Lalu Nye boek kepadoke, 'Akelah Yesus deri Nazaret, nyo sedang kowe aniaya.'⁹Urang-urang nyo besamoke ngelek cahayo iye, cuma hopi mengerti suaro Orang nyo sedang boek kepadoke. ¹⁰Ngan, ake boek, ' Ape nyo haros ake lakuko, Tuhan?' Ngan, Tuhan menjawab ake, 'Togok dan bejelonlah ke Damsyik, ngan de sane, kowe akan deboritahu segelo nyo lah detetapko untok kowe lakuko.' ¹¹Ngan, tekalo ake hopi depot ngoleh ulenyo kemuliaon cahayo iye, ake detonton uleh urang-urang nyo besamoke ngan masok ke Damsyik."¹²Kemudion, ade urang benamo Ananias, urang saleh menorot Hokom Taurat, ngan dekenal beik uleh segelo urang Yahudi nyo tinggal de sane, ¹³njongok kepadoke, ngan sesodah togok de sampengku, nye boek, 'Dolor Saulus, ngolehlah!' Lalu, saat iye jugo, ake depot ngoleh lagi ngan ngoleh nye.¹⁴Ngan, nye boek, ' Allah nenek puyang kite menetapkome untok mengetahui kehendok-Nye ngan ngoleh Nyo Bonor, serta mendongor suaro deri molot-Nye, ¹⁵ulenyo kowe nak menjedi saksi bage-Nye bage segelo urang tentang ape nyo lah kowe koleh ngan dongor. ¹⁶Ngan, kinie, mengka kowe menunda-nunda? togoklah ngan borilah dirime debaptes, serta bersihko doso-dosome sambel mantou namo-Nye."¹⁷"Tekalo ake belek ke Yerusalem ngan sedang bedoa de Bait Allah, ake dekuasoi Roh, ¹⁸ngan ake ngoleh Nye boek kepadoke, "begegaslah ngan segera keluor deri Yerusalem ulenyo mike hopi akan menerimo kesaksionme tentang Ake.'¹⁹Lalu, ake boek, 'Tuhan, mike dewek tau bahwa ake memenjaroko ngan mengobot mike nyo pecayo kepado-Me deri sikok sinagoge ke nyo loennye. ²⁰Kemudion, tekalo dero saksi-Me, Stefanus, detumpahko, ake dewek sedang togok de sane, menyetujui, ngan menjego pakoion-pakoion urang-urang nyo membunohnye.' ²¹Sesodah iye, Yesus boek kepadoke, 'Bejelonlah! Sabab, ake akan mengotos kowe jouh kepado bengso-bengso loen."²²Urang lobot iye, mendongorko Paulus sampoi pado perkataonnye nie. Setelah iye, mike segelo mengongket suaro mike ngan boek, "Enyahko urang upa iye deri bumi ulenyo nye hopi pantas untok hidop!" ²³lalu, sementaro mike teros beteriak, ngan nohokko jubah mike, ngan menghamborko debu ke angen, ²⁴kepalo pasukon memerentahko empoknyo Paulus de undah ke Markas, sambel menyatako bahwa Paulus haros deperikso dengan cambokon sehingga nye depot menomuko alason mengka mike beteriak melawon nye upa iye.²⁵Hambok. tekalo mike lah membontongkonye dengan tali-tali kulet, Paulus boek kepado perwira nyo togok deparoknye, "Apekah sah bage kowe untok mencambuk seseurang nyo adolah seurang warga negara Roma ngan tanpo deadeli?" ²⁶Tekalo perwira iye mendongornye, nye bejelon kepado kepalo pasukan ngan memboritahunye, ujonye, "Ape nyo akan kou lakuko? Sabab, urang nie adolah seurang warga negara Roma."²⁷Mengka, kepalo pasukan iye njongok ngan boek kepado Paulus, "Boeklah kepadoke, apekah kowe seurang warga negara Roma?" Ngan, Paulus boek, "Ao." ²⁸Kepalo pasukan iye menjawab, "Ake mendepotko kewarganegaraon nie dengan sejumlah godong duet." Ngan, Paulus boek, "Hmabok, ake menjedi warga negara uleh kelaheron." ²⁹Mengka, urang-urang nyo akan memerikso Paulus segera meninggalkonye ngan kepalo pasukon menjedi takot tekalo nye tau bahwa Paulus adolah seurang warga negara Roma ngan bahwa nye lah negobotnye.(Paulus Boek dengan pemempen Yahudi)³⁰Cuma hambok, pado hari berikotnye, ulenyo kepalo pasukan endok mengetahui alason sebonornye mengkah Paulus detodoh uleh urang-urang Yahudi iye, ia melapasko Paulus ngan memerentahko imam-imam kepalo serta segelo Sanhedrin untok bekompol, lalu nye ngundah Paulus toron ngan menghadopkonye ke tangah-tangah mike.