¹Ora Iesu Keriso ḡuruane au tene ramu David renu Abraham iauge au tene raki oroḡanu. ²Abraham ra Issac mamera, renu Issac ra Jacob mamera, renu Jacob ra Judah mamera mati au ḡoḡuhe ruḡa yau mamera, ³Judah ra Perez mati Zerah yau mamera, yau neinera Tamah, Perez ra Hezron mamera, renu Hezron ra Ram mamera,⁴Ram ra Amminadab mamera, renu Amminadab ra Nahshon mamera, renu Nahshon ra Salmon mamera. ⁵Salmon ra Boaz mamera au neinera Rahab, renu Boaz ra Obed mamera, au neinera Ruta, mati Obed ra Jesse mamera. ⁶Jesse ra Davida Rohi koita au mamera. Ora Davida uiege uhura Isaraela ḡahava iauki idigei Babulonia otinu, iau tene aukamu onu: Davida ra Solomona mame, au neine ra Uriah,⁷Solomon ra Rehoboam mamera, Rehoboama ra Abijah mamera, renu Abijah ra Asa mamera, ⁸Asa ra Johoshaphat mamera, Jehoshaphat ra Joram mamera, renu Joram ra Iahu vara Uzziah vahiera,⁹Uzziah ra Jotham mamera, Jotham ra Ahaz mamera, Ahaz ra Hezekiah mamera. ¹⁰Hezekiah ra Manasseh mamera, renu Manasseh ra Amon mamera, Amon ra Josiah mamera. ¹¹Josiah ra Jechoniah ra vahiera mati au ḡoḡuhe ruḡa, nega ei yauki idigei Babulonia otinu.¹²Yau ei idigei Babulonia otine itaharahe: Jechoniah ra Shealtiel mamera, renu Shealtiel ra Zerubbabel vahie bera. ¹³Zerubbabel ra Abiud mamera, renu Abiuda ra Eliakim mamera, renu Eliakim ra Azor mamera. ¹⁴Azor ra Zadok mamera, Sadoka ra Achim mamera, renu Achim ra Eliud mamera,¹⁵Eliud ra Eleazar mamera, Eleazor ra Matthan mamera, Matthan ra Jacob mamera. ¹⁶Jacob ra Joseph mamera, Maria mobore ra, ausenige Iesu raki varavanu, au ihe yauki ronu Keriso. ¹⁷Eige Abraham au tene urimi Davida auge taua ramu utube hakira ababu gera; renu Davida tene au urimi ate iau idigei Babulonia oti gurahane, taua ramu utube hakira ababu; mati iau idigei Babulonia otine urimi Keriso ḡuruane taua tage utube hakira ababu gera.¹⁸Ora Iesu Keriso ḡuruane aukamu onu. Au neine, Mary ra yauki ronu auka Iosepa mobo ḡahisa. Eduge yauka so guragu kobuḡa veite, auka Horu Aena hedokehe auki detu ḡoinu auki so ḡami be misa. ¹⁹Au mobore Iosepa, tage anana maḡe koita vara eige auki ura veite orogo Maria variva ḡahisa, edube auka norena kisa.²⁰Au anana viege uhurahe, Rohi Bauge aneruve raki iaḡo uhura kironu, “Iosepa, Davida moe, a negu siḡoime Maria mi ai mabare kiare, ora Horu Aena ausenige ḡami o raki oroḡima. ²¹Auka ḡami be mimi vara, au ihe Iesu ana rosa, makava ramu auka koita iau daureve inuhati maḡe ḡahi geige vara.”²²Onaki ḡuma ora Dirava gare peroveta ḡahi rone riaḡa ḡahiḡa vara, ²³“Eraḡiahe, maeaḡo bera detu ḡoi ḡami be mimi vara,renu yauka ihiva rosa Emmanuela,”-makava ramu, “Dirava ra no ruta gera.”²⁴Joseph raki ḡaḡohi raḡi urimi, Dirava aneruve iaḡo kirone ḡumahe; Maria mi au mabareni kinu, ²⁵eduge iauka so iau abu iaḡia kobuḡa veite uhura auki ḡami manu; eige Iosepa raki ihiva kinu Iesu.

¹Iesu ramu Betelehema Iuda eige auki ḡuruanu. Heroda Iudea rohiva ḡoine uhura, uhuvaka ḡaha bea vani ḡadiḡa kasiva seni Ierusalema oroḡanu, ²berabe raḡI, “Ama ḡami karuka be guruane Iudea ḡaha iau rohive na oreigenu? Vava ge noki koro abaga eraḡI, noka maḡe ḡahisa rome noki oroḡanu.” ³Heroda iau Rohite gava ihinei, au soruke raki huhunaḡi, renu Ierusalema uiege ḡahava dadaḡa ḡainage uhu huhu raḡanu.⁴Gerege auki dubu baugea mati aena ḡahava ia inuhati ihirogei bouge beragei, “Negu iau Keriso roiare na oreigena au ḡuruisa vima?” ⁵Iauka roia, “Betelehema Iudea uhura; ora peroveta ḡaha rone gava vara: ⁶Koita iai bouge, Betelehema, Iudea mata uhura,iaka Iudea mata ketake rohi ḡahare uhura iau vaḡa oḡo avie bera,iai vaḡotoni rohi koita vana oroḡisa,⁷Eige Heroda raki ḡoḡohu deivaia vani ḡadiḡava oroḡane norena ihirogei beragei negu koro ena vaisu gena au ḡaḡae ḡoinu. ⁸Gerege auki besugei, roege, “Otiahe Betelehema negu ḡami karuka iama reḡunaki iaḡoisa, ia behuḡege, iama da vasiba ḡahege da tage dama oti maḡe ḡahisa.”⁹Iauki oḡo rohi e gare ihare, iauki ḡarehare otinu, renu iau ḡumaḡa otege uhura iauki ḡaitana koro vani ḡadiḡava seni uriḡatugei eraḡanu, auki ḡami karuka variada ge auki daivanu. ¹⁰Iau koro eraḡane era daivi iauki heḡiri raḡohege.¹¹Iauki iaga uhura siri raḡi, negu ḡami karuka au neine Maria ḡore eragei; iauki komuko daivi maḡe ḡahigei. Renu koba koba ḡami karuka eni iaḡa maḡe idigei oro ḡevene, golo, muraka ḡutika maḡete, mati idi vadaka ahata roiro iaḡava, idigei moimanu. ¹²Renu Dirava raki iaḡo boriti ḡahigei iauka beta ḡoiraḡohi Heroda ḡasina otisa, eige iauki ḡuma nune bei ḡoiraḡohi iau matamehe otinu.¹³Siviḡoro raḡi Aikupito otinuNegu deivaia otine itaharahe, Rohi Bauge aneruve raki iaḡo Iosepa ḡasina ḡaḡae ḡoi, kironu. “Urimi ḡami karuka au neine ḡorehe idigei siviḡoro raḡi Aikupito otiahe. Iama ei gurahi ate da ia kiro gevege, badiva Heroda ra ḡami karuka ora auki iaḡoima, auka ḡami hoekisa roma.” ¹⁴Gerege Iosepa raki ḡaḡohe raḡi urimare, ḡami karuka mati au neine ḡore vahi uhura, idigevare Aikupito otinu, ¹⁵eige iauki gurahi ate Heroda raki hoḡe raḡanu. Onaki ora Rohi Bauge gare riaḡa ḡahi peroveta ḡahi ronu, “Aikupito ge daki di moe ihiromonu.”¹⁶Eigera Heroda uhure raki baoraḡanu deiva vani ḡadiḡa seni oroḡone iabaki taraḡanu. Eige auki hoḡoi, ga maemi ḡanito ḡahigei ronu, oti Betelehema mati au oriḡi oḡova iau, ḡami mo iau taue abu mati karukare inuhati iama ḡahigei hoeki geisa.¹⁷Eige otavado ana peroveta koita Ieremia rone gava raki riaḡa ḡoinu Eno bera iauki ihinu Rama seni, ¹⁸aukamu nivi ḡariri vima renu nina ava dahida,Reisel raki au ḡamuhe iau ninave vima;auka besibe vima bera vaḡahu ḡahisa, badiva iakamu hoḡe raḡanu.”¹⁹Heroda hoḡe raḡege, Iosepa Aikupito uiege uhura Rohi bauge aneruve raki iaḡo au ḡasina ḡaḡae ḡoiare kironu, ²⁰“Urima, ḡami karuka renu au neine ḡore idigei ḡoiraḡi Isaraela matava ote, badiva oḡore iana ḡami karuka e ḡamisa roiare ḡahava iabaramu buda raḡohanu. ²¹Eige Iosepa raki urimare ḡami karuka au neine ḡore idigei ḡoiraḡi Isaraela otinu.²²Eduge Iosepa raki ihege Arkelas raki au mame Heroda vataḡe mi Iudea rohi ḡoinu, eige auki mata ei otito siḡovanu. Auka iaḡo ge Dirava raki ḡanito ḡahanu, eige iauki urihi Galileia kasi bei otinu. ²³Eige auki iau guragu oḡe kinu ihivara Nasareta. Gerege otavado ana peroveta ḡahaia ro maemanu ramu riaḡa ḡahanu, “Auka Nasareta koita vara.”

¹Ioane Babatiso nega ei Iudea mata ḡaḡaeva hakivi Dirava hari maḡeve ro ioavege, roege, ²“Iama iai daure ḡumave ḡare geisa, badivara va Basileia ramu hugure.” ³Oramu Isaia peroveta koita gavane au rone,“Koita be raki mata ḡaḡaeva gure to roma:Rohi Bauge ḡumaḡe baoviahe,au ioavare ḡumava ieriri ḡahisa. ”⁴Ioane ogonave ramu kamela homoka ge auki kiege renu vadaka ge auki au negotane bodivi vanu. Au demaka ramu iso iso mati umuko idi. ⁵Gerege koita iabaraki Ierusalema seni renu Iudea uhura au ḡasina otege, mati Ioridana iaro hakira oḡo ḡahava ia, ⁶eige auki babatiso ḡahigei Ioridana iarova iau daureve rogei keto gevege.⁷Eduge auki Faresia mati Sadukea ḡahava au ḡasina babatiso oroḡonu, auki kiro gevege, “Inuhu ḡamika ma ḡahanu! Unuhuna roma iaka Dirava hedokehe siviḡoro raḡohisa? ⁸Oti me maḡe be kiogeisa eramu ia maḡuri maḡe mane ḡaḡae kisa. ⁹Ia negu rome iaka ḡuma daure vara ia ḡare gevenu, Noka Aberahamo ramu ni tene; iakera daki ia kirogeima, Dirava vara riaḡahe muni o idigei Aberahamo vahiruhe kiogei gevara¹⁰Ḡuma ra bao bao vera aka idi umukahe dodo geisa; idi inuhati iau madika maḡe kiki veite era iaka dodovare mi vene uhura kiraki vara. ¹¹“Daka eiava ge daki koita babatiso ḡahi gevenu, iau daureve ḡare gevare gahavaia. Eduge koita be di itahe oroḡare au hedoke ra raho ketake; eige daka au vaḡotoni maḡe veite renu ḡereḡere veite au vasi iaḡane agohisa. Auka Horu Aena mati hedo ruta gera auna ia babatiso ḡahigeisa. ¹²Auka riaḡahe koita maḡe kasagei daure ḡaha iau, erehuta negu ḡeḡe kiki koita naḡate, au me kiare auriva miare au demaka iaka maḡe kasai daureva iau. Gerege ḡeḡe kiki koita vana maḡeva idigei au demaka reḡui bougevare iagahe ḡosiḡei, eduge daureve iabara auka idigei vene raḡare uhura kira geige vara.”¹³Gerege Iesu raki Galileia seni urimi Ioane ḡasina Ioridana otinu, Ioane so babatiso ḡahisa. ¹⁴Eduge Ioane raki imiḡi, roege, “Akena da babatiso ḡahisa, esemena a di ḡasina oroḡi roma daka a babatiso ḡahisa?” ¹⁵Iesu raki kironu, “Da roiare so negubutu kisa. Ḡuma onaki ora noka Dirava roiare inuhati riaḡa ḡahisa.” Gerege Ioane raki itonu.¹⁶Gerege auka Iesu babatiso ḡahanu, auka eiava seni hakivanu, va uduani iabaraki au baoraḡohi, auki Dirava Horu Aenave eraḡage auki uguhi erehuta uguha naḡate abaga vara au ada. ¹⁷Gerege eno be raki vava seni uguhi onaki ronu, “Ora di Moera, di soruke, auge di heḡirive ra raho ketakera.”

¹Gerege Horu Aena raki Iesu nisiḡami mata ḡaḡaeva otinu diabolo so tohoḡisa. ²Iesu raki vani utu-ababu mati vahi utu-ababu tamuta veite eige auki ḡubu raḡanu. ³Eige diabolo raki au ḡasita otare kironu. “Ana Dirava Moe ḡoiege, ama muni o ḡanito ḡahigei iau tamuta demaka ḡahi ḡoiraḡohe.” ⁴Edube Iesu raki ronu, “Buka Aenava ramu ronu,koita bera beta demaka eiḡuge auna maḡuri visa,eduge Dirava avaḡehe ga inuhati haki raḡare au gera. ”⁵Gerege diabolo raki Iesu nisiḡami oti oḡo aena Ierusalema otime auki dubu ḡurida ramanu, ⁶auki kiroege, “Akamu Dirava Moe ra, aso oi geroi uguha; edube Buka ramu ronu,Dirava raki au aneruve ḡanito ḡahi gevege iauna a nitabata ḡahisa,renu Iauna ai adahe ami iagemisa,eige ai vase na beta muni ḡadimisa. ”⁷Iesu raki kironu, “Buka ramu ḡaitana ronu, A negu Dirava ai Rohite tohoḡime. ” ⁸Gerege diabolo raki ḡaitana Iesu nisiḡami nimu vava bei ḡadimare, auki vata ketake basileia erara vaḡa maḡe inuhati ḡaḡiromi; ⁹mati diabolo raki kironu, “Iaḡa o inuhati daka idigei a moimo vara, a komuko daivi guramare renu da maḡe ḡahege.”¹⁰Eige Iesu raki kironu, "Oheseni geahu ote, Satan! Yaukamu torevanu 'Ai Rohite guge ana riaga gahisa, renu augugena ana au meve kisa,'" ¹¹Eige Dibolo varaki garemanu, a aneru yabera rogi yaheganu.¹²Ḡamana veite, Iesu raki ihege aena ḡahe iabeki Ioane mi vadibu iagava maemanu, ḡereḡe auki Iudea ḡaremi Galileia otinu. ¹³Auki Nasareta garemare otime auki Kaperanamu guramege, Galileia gohu ḡaika, Sebulono mati Naptali iau matame uhura,¹⁴eige otavado ana peroveta koita Isaia rone eramu riaḡa ḡoisa: ¹⁵“Sebulono mati Naptali mata ḡahava ia,Galileia gohu ḡaika ḡahava oti Ioridana iarova, ¹⁶koitava iabera vadibu uhura ḡurahegeiauki abaga ketake be eraḡanu,renu oḡore iana mata ei gurahi mati hoḡe uhura uiegeDirava abage ramu idigevenu.”¹⁷Nega eige Iesu raki au hari maḡe roege, “Iama iai ḡuma daureve ḡare geisa, badiva va basileia vara hugure.”¹⁸Iesu Galileia gohu ḡaika oḡi otege uhura, eige auki niḡahi Simona, au ihe bera Petero, au ḡoḡe Anderea iau abu era gevege, iauka iau rekeve eve maemi. Iauka eve ḡahe iabera. ¹⁹Iesu raki kiro gevenu, “Di itahe oroḡiahe, dakena koita iagoia ḡumava ia ḡaḡiro geisa.” ²⁰Gerege iauka iau rekeve ḡare gevare urihi au ruta otinu.21 Au ei urihimi otege, auki ḡami abu era gevenu, Sebedeo au ḡamuhe abu ruḡa, Iakobo mati au ḡoḡe Ioane, iauka iau mame ruta iauki vanaḡiva iau rekeve reḡu gevege, gerege Iesu raki ihiro gevenu. 22 Iauki vaina iau vanaḡive ḡarehi mati iau mame iauki au itahe otinu.²³Iesu raki Galileia uhura oti ioavege, iau dubu uhura basileia badi maḡe gava viege, renu oḡore iana dika raḡohi mati dika nune nune koita iau vaḡotoni inuhati auki maḡuri ḡahi gevege. ²⁴Eige auki au badine ro ioa raḡi Siria matava inuhati iau. Gerege iauki koita dika raḡohi, huhu nune nune, sua daure idigei, oḡiḡi veite, ihiko veite, inuhati idigei Iesu ḡasina oroḡege, gerege auki maḡuri ḡahi gevenu. ²⁵Mati koita dadaḡava raki Galileia seni au orei otege au itahe oḡiege, mati Oḡo Utube, Ierusalema, Iudea mati Ioridana mata hakirahe.

¹Iesu raki koita dadaḡa era gevare auki nimu ada ḡadimi guramanu; itaharahe au ḡamituhe iabaraki au ḡasina otinu. ²Gerege auki urimi gavi, mati uguro ḡahigei, roege: ³“Goroa ḡahe iaberamu heḡiri raḡisa, badiva va basileia vara iau era. ⁴“Niḡo raḡohare iaberamu heḡiri raḡisa, badiva iauka uhudau ḡahigeige vara.⁵“Uhu maḡe ḡahava iaberamu heḡiri raḡisa, badiva iauka vata o mimi vara. ⁶“Ḡuma maḡe ḡubuva raḡare mati eia hoḡeva raḡare iaberamu heḡiri raḡisa, badiva iauka de bubu raḡira vara. ⁷“Vaḡahu ḡahava iaberamu heḡiri raḡisa, badiva iauka uhudau ḡahigeige vara. ⁸“Iau soruke inuhati Dirava moimare iaberamu heḡiri raḡira vara, badiva iauka au udume mimi vara.⁹“Mai kiare ḡaheva iaberamu heḡiri raḡira vara, badiva Dirava ra idigei au ḡamuhe ro geige vara. ¹⁰“Iana oḡore iana iau ia besibe ḡahigeva ia di dainehe ḡuma maḡe kiare, va basileia vara iai era.¹¹“Di dainehe ge koita iaberamu ia daure ḡahigei renu iai ada ga avaunage raḡi renu ia huhu ḡahigei, badiva iaka di itahe oḡiare ḡahava iabara. ¹²Iama heḡiri raḡohisa, badiva iai damune vava gera raho ketakera, eige ḡuma kobuḡa oige iauki peroveta uridane onaki besibe ḡahi gevege.13 “Iakamu vata ketake o damena vara, eduge damena au mamine kosavare, nona orenaki au mamine ki ḡoiraḡohisa? Auka bina beta iaḡa be maḡe ḡahiḡa vara, edube iauka mi ḡeahu kira vare renu vasi au ada rahi ioa raḡira vara.14 “Iakamu vata ketake o uhuḡati abaga vara. Oḡo be nimu ada kiare era beta ḡoḡohu ḡoiḡoara.”15 Bera beta lamepa iahure mare mi maua derikahu maema vara, eduge au maema gabuhe maemege auma iaga ḡahava inuhati abaga mohigeisa. 16 Ḡuma kobuḡa ei iai abage ramu uriḡoi koita iau ḡaruisa, gerege iauma iai me maḡeve eragei mati iai Mame vava motea ḡahisa.17 “Ia negu anai rome da oroḡane ra Mose aenave se peroveta ḡaha sebogeisa; da oroḡane beta sebogeisa edube iau gare riaḡa ḡahiḡa vara. 18 Gerege riaḡa vara daki a boriti ḡahima, oti va o mati vata ketake ora veite ḡahisa, aena ga kobabe se uhura gava kobabe tage beta aena oi veite ḡahiḡa vara, ate aena o maka riaḡava inuhati geramu ḡaḡae ḡahisa.19 Gerege unuhuna aena avie o be dodoi, renu koita be ḡanito ḡahigei iauka ḡuma kobuḡe kisa, iauka va basileia uhura ihie koita ḡoiḡo vara; eduge unuhuna aena riaḡa ḡahi mati koita be iaheḡi uguro ḡahima auka va basileia uhura au ihe ra raho ḡoiḡo vara. 20 Iakera daki ia kirogeima, oti iana iai uhure inuhati Dirava meve kiki veite beta Aena kiare ḡaha mati Faresia ḡaha iau naḡate, Dirava ra beta riaḡahe ia idigei au va basileia uhura siri raḡira vara.21 “Iakamu ihege koita iabaramu subuta roege, Ia negu ḡa kime; mati ana unuhuna ḡa kiare koita vanu iauka aenava a maema vara.22 Eduge akera daki aki roma ana ai nane se ai amakine a hoḡa geima, iauka ami kotava a maema vara; mati ana ga daure vima ai nane se ai amakine, iauka ami aena ḡaha mohi gei gevara; renu a roiare, Uhura veite, iauka ami vene uhura a kira kira vara.²³Eige ana dubu Dirava moimisa roege, edube ama anana visa ai oḡo nane tage ramu ai uhu huhu tera, ²⁴ama a Dirava moimare mi pata aenava so maema veite; eduge ama uriḡoi oti ai oḡo nane ḡore bebe vasi maḡe kiare, gerege ana ḡoiraḡi oti a Dirava moimo rone maemisa.²⁵Ana koita be ami kotava otege ama vaina au ruta bebe maḡe ḡahigeisa, edube a negu ei tiare au ami aena ḡaha mohigei, iauka ami vadibu iagava a maema vara. ²⁶Riaḡa vara daki aki roma, eige ana gurami ate a moni damuna inuhati ana kiogeisa.²⁷“Iakamu ihege iaukamu ronu, ia negu ni muduka raḡime. ²⁸Eduge daki iaki rogeima, unuhuna maḡi be eraḡi ḡamana ḡahare au uhure au ḡahara vima aukamu au sorukehe ni muduka vanu.²⁹Gerege ai vamaḡa kasiva nie ḡuma daure kiege ama ḡiroi hakivare mi negevisa. Badi vara ai ahata make tinabe dauḡare eramu maḡera, a beta maḡe a ai ahata make inuhati mi vene uhura kira vare. ³⁰Ai ada vamaḡe ḡuma daure kiege ama dodovare mi negevisa. Badi vara ai ahata make tinabe dauḡare eramu maḡera, a beta maḡe ai ahata make inuhati vene uhura kira vare.³¹“Mati onakime iauki ronu, Unuhuna au mabare betia ḡahima, auma au ḡaremare pepava maemane moimisa. ³²Eduge iakera daki ia kirogeima; ata be au mabare ḡaremare, beta auka ni muduka maḡi dainehe, eduge unuhuna maḡi au mobore ḡaremane auka ni muduka maḡi vara; mati maḡi e mare atava tage ni muduka ata vara.33 Akamu ḡaitana ihinu iaukamu subuta ḡahe iabara iauki boriti ḡahi gevenu, Ia negu ia ominue raḡohane e hosaḡime, eduge otavadoana a ominue ḡahanu Rohi Bauge vaḡotoni ronu ama meva kiogeisa. 34 Eduge akera daki aki roma, ia negu ominue raḡohime, va ihiva rome, badi vara era Dirava terona vera, 35 se vata o ihe tage beta rosa, badi vara ora au vase maema gabu vara, se beta Ierusalema ihehe, badi vara era Rohi bauge oroḡane oḡo vara.36 Renu a negu ai omotehe ominue vime, badi vara aka beta riaḡahe omo hanaka kobabe mi kae se dubu ḡahiḡa vara. 37 Edube ai gare ramu rosa Riaḡa, Riaḡa, se Veite, Veite; ana mati iaḡa bena a roma era diabolo seni ge auki oroḡima.³⁸“Iakamu ihege iauki ronu; Ana koita be nie kiege au ḡiroi hakivanu ama ai nie tage ḡiroi hakivisa, renu ana koita be eḡie kiege au kokivanu ama ai eḡie tage kokivisa. ³⁹Eige daki ia kirogeima, ia negu ḡuma daure kiare koitava daure kiogevare damunava kime. Edube koita be ai vamaḡa tihie madavege, ama aniḡoi ge auma ai vaḡa tihie tage madavisa;⁴⁰mati koita bena a mi kotava a maemi ai ahata ogonave iau dainehe, ama uhura ogonava tage mi moimisa; ⁴¹renu koita be ḡumaḡa a ḡanito ḡahi aka iaheḡi au iaḡane agogei tinabe ḡamana otisa, ama agohi tina kibeta ḡamana ḡahi otisa. ⁴²Koita be ai iaḡa be imimiva viege ama moimisa; mati koita bena ai iaḡa be mare ihie auna damunava kiki roma, ama moimisa.⁴³“Iakamu ihege iauki ronu, Ama ai vasire ḡahara visa, a enana ḡahare ama betia ḡahisa. ⁴⁴Eige daki ia kirogeima, iama ia enana ḡahi gevare iama iau ḡahara raḡisa, mati iai ḡuma daure kiogevare iau ada iama imimi raḡisa, ⁴⁵eige iana iai Mame vava uiare au ḡamuhe ḡahisa; badiva auki vani kiege auki ḡaruima koitaia daure mati maḡe iau ada, mati auki veni no mohigeima ḡuma maḡe renu ḡuma daure kiogevare iau ada.⁴⁶Eige ana ai ḡahara raḡare eḡuge iau ḡahara vima, ana otavado damu be mimi vanu? Gerege moni gogoare ḡahava ḡaitage enakime iauki kia iau moni gogoare ḡahava eḡu iauki ḡahara raḡa? ⁴⁷Mati ana ai oḡo nanuhe eḡu maḡe ḡahigeisa, ana negu orenaki koita nubaḡa iau kisa? Gerege Dirava riaḡa ḡahiḡa veite ḡaitage enaki ḡuma kobuḡa ena iau kia? ⁴⁸Eige ama heroḡu kisa, ḡuma kobuḡa ei Dirava ni Mame vava uiare era ieriri vera.

¹Iesu nimu seni uguhi oroḡoge uhura koita dadaḡava raki au ruta otege; ²renu dika koita be raki au ḡasina oroḡi, au vaḡotoni komuko daivi, roege, “di Rohite, akera daki a imiḡima, ana beta da maḡe ḡahiḡa vanu.” ³Iesu raki au ade inuḡi kamui, roege, “Riaḡa daka a maḡe ḡahiḡa vara. Maḡe ḡoisa!” Ḡamana veite au dikave raki ḡaremanu.⁴Gerege Iesu raki kironu, “A negu koita be kirome; eduge ote, dubu aena ḡaha iau ḡaḡae ḡoisa, renu Mose aena maemane iauma eraḡare riaḡa ḡahisa, era koita iabaramu riaḡa ḡahisa.”⁵Iesu raki Kaperanamu sirivare, Roma koita bauge be raki au ḡasina oroḡime auki imiḡi ⁶roege, “di Rohite, di besubesu koitave ramu dikai iagahu vaḡava veite, huhu raho ketake ruta.” ⁷Iesu raki kironu, “Dakena ai iagehe oroḡime dana au dikave maḡe ḡahisa.”⁸Eduge Roma koita bauge eraki kironu, “Di Rohite, daka ai vaḡotoni beta maḡe koitava ge aki roma aka di iagehe oroḡisa; eduge ana beta gavaḡu roege gerege di besubesu atave ramu maḡe ḡoiare. ⁹Da tage, bia bauge be iau hedoke derikahe, ḡarara ḡami ḡaitage di derikehe; renu da be kiroiare, Ote, auka otito vara, se da mati be kiroiare, Oroḡo, auka ororo vara, renu da di meve kiare koitava kiroiare, Me o kisa, renu auka kiki vara.” ¹⁰Iesu ga e ihinei, auki au itahe oḡine kiro gevenu, “Riaḡava daki ia kirogei roma, dakamu beta Isaraela uhura onaki ihihi be eraḡanu.¹¹Dakamu o roma, koita dadaḡa vani ḡadimare renu vani uguhare oroḡisa iauna vava gurahi Aberahamo, Isako renu Iakobo ruḡa tamuta raḡisa, ¹²edube vava gurahare ḡahava iabara itahe iauna vadibua iauna kiragei otisa, eige iauna niḡo raḡohi renu huhu naḡohi iau eḡie ginono ḡahigeisa. ¹³Renu Iesu raki Roma ata bauge kironu, “Ote; enakime ana a imimi vane naḡate ai ihihive dainehe ana oti eraḡisa.” Nega kobuḡa ei Roma ḡarara koita eraki maḡe ḡoinu.¹⁵¹⁴Iesu raki Petero iagehe sirivane, auki au vare maḡiva dikai iaḡiaḡe eraḡa. auki au adehe kamui, negu komata eraki ḡaremanu, auki urimare au demake kinu.¹⁶Vahi eige iauki koita dadaḡa sua daure idigevene au ḡasina idigei oroḡanu; auki au ga hedokehe sua daure oiagei hakivi, renu dika raḡane inuhati maḡe ḡahi gevenu. ¹⁷Oramu peroveta Isaia gare riaḡa ḡahiḡa vara, “Auki ni isuke inuhati noi ari gevenu renu ni daureve maḡe ḡahi gevenu.”¹⁸Iesu raki koita dadaḡa au oriḡi eragei, auki au ḡamituhe boriti ḡahigei iauka hakirahe otisa. ¹⁹Gerege aena koita be raki au ḡasina oroḡime auki ronu, “di Biage, ana orei otare dakamu ai itahe ororo vara.” ²⁰Gerege Iesu raki kironu, “Ura totoka iabera muni vaka uia, renu uguha iabera idi ada iau iage; eduge Koita Ḡamika vara au omote maemi vaḡa roro taru veitera.”²¹Au ḡamite be raki kironu, “Di Rohite, da so oti di mame abatemima.” ²²Eduge Iesu raki kironu, “Di itahe oroḡo, renu hoḡe raḡohane ḡare geve iaukena iavaḡu iau hoḡeve abate geisa.”²³Iesu raki vanaḡiva ḡadimege, au ḡamituhe iaberaki au itahe oti ḡadihi. ²⁴Tutube veite nono ketake veni ruta geraki koa uhura seni hakivi renu iau vanaḡive eiava raki ḡadimi; eduge Iesu ra iaḡiaḡe. ²⁵Au ḡamituhe iaberaki oti ḡutihi, roege, “Ni Rohite, no maḡuri ḡahigeve! Nokamu negu hoḡe raḡohira vara.²⁶Auki kiro gevenu, “Esemena ia siḡo raḡoha, kava ihihi ḡamikava ianu?” Gerege auki urimi nono mati eve gaḡa gevege; iauki ḡoiraḡohi vea raḡanu. ²⁷Au ḡamituhe inuhati geraki ḡaḡu raḡohi roege, “Ona otavado ata bena onu, nono mati eve ḡaitage au gare iha.28 Iesu raki koa hakirahe otinu mata be ihiva Gadarene ei haki raḡanu, ata abu gera midava seni iauki haki raḡi Iesu eraḡare au ḡasina otinu. Iauka sua daure iabaraki iau uhurehe eige iauka daure ḡuma kiare eige koita iabera ḡuma ei ioa raḡira veitera. 29 Tutube veite iauki bara raḡohi, Dirava Moe, ana otavado bena a noi kisa roma? Ana ni vani vera so mimi veite aka no huhu ḡahigeisa rome a oroḡonu?”30 Ḡamana veite oho teri bauge be iabara tamuta raḡohege. 31 Negu sua daure e iabaraki Iesu imiḡanu, “Ana negu no oia hakiha vanu, ama no besugei oho teri vire iau uhura." 32 Gerege Iesu raki kiro gevenu, “Otiahe!” Iauki haki raḡare oti oho iau uhura siri raḡanu; renu ḡamana veite, negu oho teri e iabaraki siviḡoro raḡime iauki nimu uguraḡohi eve uhura hoḡe raḡohi veite ḡahanu.33 Negu oho narigevege e yabeki ruru ragohi ogo bauge uhura oti, iaga aubougi tironu. 34 Gerege oḡo e ḡahava inuhati geraki Iesu erara oroḡonu; yauki eraḡanei, yauki imiḡanu auka yau oḡe ḡaremi ḡeahu otisa.

¹Vani aena beige Iesu mati au ḡamituhe ruḡa geraki koni ḡeḡe uhura oḡi otege; au ḡamituhe iaberaki ḡubu raḡohime iauki koni koboka kinivi iogevege. ²Faresia ḡaha iaberaki eragei, iauki Iesu kironu, “Eraḡa, ai ḡamituhe iabara sabadi vani aena ora iauki hosaḡi onaki kia.”³Iesu raki boriti ḡahigei ronu, “Iana dahida veitenu Davida mati au ḡamituhe ruḡa ḡubu raḡohi kinu? ⁴Aukamu otime auki dubu uhura sirivare auki parao aena mi inu, eramu aena vara au se au ḡamituhe iabera beta ivara, edube dubu biava iana iavaḡu isa.⁵Se iana aena dahida veitenu dubu biava ḡainage aena hosa gevenu eduge iauka iaḡa be iau ada roro veitera. ⁶Dakamu iaki roma, iaḡa aena ketake be ramu oigera beta dubu ra.⁷Eduge iana buka aena Dirava gare rone maka riaḡava manu, koita iaberamu vaḡahu raḡisa beta de bubu dainehe, aka beta maḡe koita be mi iau daureve roro vara. ⁸Maka vara Koita Ḡamika vara vani aena rohi vara.”⁹Iesu raki ei urimime auki iau dubuve otinu; ¹⁰eigera ata bera adakava ra hoeke, gerege koita iaberaki beraḡanu, “Ona beta aena vanu a sabadi vaniva dika maḡe ḡahare?” gerege iauka au aena dodo vane eige iauka mi aena ḡaha mohigeisa.¹¹Iesu raki boriti ḡahigei ronu, “Iana be na au mamoe kobuḡave sabadi vaniva oti aba uhura ariraḡare auna beta ada inuḡi mi butui hakiha vanu? ¹²Koita be maḡurive ramu beta mamoe ruta ḡereḡere veitera! Eige ḡuma ora beta sabadi vani aenava auki dodo vima edube ḡuma maḡe koita bei kiare eramu maḡera.”¹³Gerege Iesu raki ata e kironu, “Ai ade inuḡa.” Auki au ade inuḡare, gerege au ade raki ḡoiraḡi maḡe ḡoinu, erehuta au ade hakirava naḡate. ¹⁴Eduge Farisea ḡaha iaberaki hakiraḡi otime iauki Iesu ḡamiḡa ḡumava iaḡovege, iauna orenaki ḡami hoekisa.¹⁵Iesu raki iau uhu anana iauka au ḡamiḡa ḡumava iaḡova gava ihinu, auki ḡare gevare ḡeahu otinu. Edube koita dadaḡava raki au itahe otinu, gerege auki iau dikave inuhati maḡe ḡahi gevege, ¹⁶mati auki ḡanito ḡahigei iauka beta koita be iau au gare raḡisa. ¹⁷Eige au onaki rone era Dirava gare rone Isaia peroveta koitava raki riaḡa ḡahanu:¹⁸“Ihiahe, ora da di besubesu koitave rone era,ora di moera, di soruke ra au maḡera.Daka di horuve mi au ada maemisa,gerege auka mai ḡuma gava koita nune nune inuhati boriti ḡahi geisa.¹⁹Auka beta enana visa se bara visa,se bera beta orogo au enoḡe ihisa. ²⁰Auka beta tiru adaka be bokobo varase vene agota beta ḡodo ḡahiḡa varaenakime auna ate mai ḡuma riaḡa koita iau mi oroḡisa. ²¹Renu koita inuhati gena uhu anana maḡe riaḡa au ihehe misa.”²²Gerege iauki Iesu gasina atabe sua daure au uhura nisiḡami oroḡanu auka ni veite mati ga veite; gerege auki maḡe ḡahanu, eige ga veite raki gavi renu niḡa niḡa vima. ²³Koita inuhati oroḡane iaberaki ḡaḡu raḡohanu mati roege, “Ora mena Davida Moera?”²⁴Eduge Farisea ḡahavaia gava ihine, iauki ronu, “Ora sua daure iau baugete Belsebulo avaḡu gena sua daure oiagei hakivisa.” ²⁵Eduge Iesu ra yau uhure dibanara eige auki kirogevenu, "Ogo bauge aubougi yavahu bebe hogagevege yauka beta kobabera, ogobe se yagabe avahu hogoiare era beta ramira mege Vivira.²⁶Satan avahu Satan besibe gahege, auka beta kobabera. Au negu baugevena negu orenaki ramira berebe vanu. ²⁷Gerege ia roiare daka sua daure oia geima Belsebulo hedokehe. Ama ia iavaḡu gena iana unuhu hedokehe gena ia oia geve? Eige ia au itahe oḡiare iai gare ramu iai ḡumaḡe ḡaḡae kisa iaka beta ieriri vera.²⁸Eduge riaḡa vara daka Dirava Horu hedokehe daki sua daure oia gevenu. Eige noma eraḡisa Dirava basileiave ramu subuta ge auki oroḡonu. ²⁹Se koita bera beta riaḡahe ata herote be iage hosaḡi sirivi au kohue vahoro ididi vara, se auna beta urigoi ata e raroi maema vanu? Gerege auna au iaga kohue vahoro idiḡisa. ³⁰Unuhuna da itaḡatuima auka dakera auki da betia ḡahima, mati unuhuna da iaheḡi bougeige veite auka Dirava auge auki oia geima.31 Eige daki ia boriti ḡahigeima, koita iabera iau ḡuma daureve mati ga daureve vahugeige vara. Eduge unuhuna Horu aena ga daure ḡahima auka beta vahu vahu vara. 32 Koita be na Koita Ḡamika ḡasina ga daure roma auka vahu vahu vara, eduge unuhuna Horu Aena ga daure ḡahima auka beta vahu vahu vara, negu tau oi oti behi behive.33 “Ana idi be na idi maḡe vanu, renu au madike maḡera; se auna idi daure vanu, renu au madike tage daure; badivara idi ramu au madike maḡeva ge ana eraḡisa. 34 Iakamu inuhu naḡate iabera! Ana orenaki iaḡa maḡe gava rosa, a ai uhure ra daure? Otavado ana ai uhure tobo raḡi uiare era aki gava roma. 35 Koita maḡeva ramu au uhurehe iaḡa maḡe uiare idigei ororo vara. Edube koita daure vara iaḡa daure au uhura uiare idigei ororo vara.³⁶Edube iakera daki ia kiro geima, berabe vaniva koita iaberamu Dirava vaḡotoni oroḡi iau ga maka veite ro gevenu kiroro vara; ³⁷eige ai gare raki a maḡe ḡahisa, mati ai gare raki a daure ḡahisa.”³⁸Gerege aena ḡaha be ia mati Faresia ḡaha iaberaki kironu, “Ni Biage, noka gahara raḡohi akai iaḡa be kiege noma eraḡisa. ³⁹Eduge Iesu raki kiro gevenu, “Eige ḡuma daure kiare mati ga ihihi veite tau o gahava iabera ḡahara raḡa iauka toa be eraḡisa. Eduge Dirava vara beta eravaḡa nune be kiki vara kobabe au peroveta Iona au ḡaḡae kine eḡu gera. ⁴⁰Gerege ḡuma kobuḡa eige Iona ramu vani abigaḡa mati vahi abigaḡa ge auki karava ketake vaḡatane uhura, e naḡate Koita Ḡamika tage ramu vani abigaḡa vahi abigaḡa ge auna vata uhura guramisa.⁴¹Eige Nineva koitavaia mati negu tau o ḡahava iaberamu berabe vaniva urihi ia toho geige vara. Maka vara iauka Iona peroveta viege iauki iau daureve uhura ge iauki ḡoiraḡohanu. Renu eraḡiahe, oroḡare iaḡaniva ramu raho ketakera Iona variada gera!⁴² Mata ḡamana iau rohi maḡiva ramu ḡamanava urimi berabe vaniva oroḡi tau o ḡahava ruḡa ia toho geige vara, badiva auka mata ḡamana auki oroḡonu auka Solomona uhuvake gava ihisa. Renu eraḡiahe, iaḡa raho ketake be Solomona variada geramu onu!⁴³“Sua daure be koita be ḡaremare, auka eia veite matahe ioai au vaḡaroro taruhe iaḡoia vara, eduge auka beta be behube vara. ⁴⁴Gerege auki roma, Daka ḡoiraḡi da guramege oḡohe. Auka ḡoiraḡi oḡova eraḡege ahake, momo veite, renu iaḡa inuhati ḡosigei maḡe ḡahanu. ⁴⁵Gerege auna oti sua daure iatiriḡa au naḡate veite nisigei oroḡisa iauka au ruta ei gurahisa; renu negu ata e au uriḡoi daureve ramu avie edube ihie oramu raho ketake. Eige negu tau oi ḡuma daure oramu raho ḡoiḡo vara beta uriḡoi naḡate.⁴⁶Iesu gure koita gaḡa gevege uhura, au neine mati au ḡoḡuhe iabera itahe rahirahe, iauki imimi raḡi iauka ga ḡahisa. ⁴⁷Gerege koita be raki kironu, “Ni ḡaha ai neine mati ai ḡoḡuhea vire itahe rahane, iaukamu a ga ḡahisa.”⁴⁸Eduge Iesu raki boriti ḡahane kironu, “Unuhuna di neine, renu oḡorea iana di ḡoḡuhea?” ⁴⁹Gerege auki au au ḡamituhe iau ada susutemi, ronu, “Eraḡiahe o iaberamu di neine mati di ḡoḡuhe iabara! ⁵⁰Ana unuhuna di Mame vava guramare, roiare meva kiare iaberaki riaḡa di ḡoḡe mati di amakine, mati di neine.”

¹Vani kobuḡa eige Iesu raki iaga ḡaremi oti gohu ḡaika guramanu. ²Koita dadaḡava raki au ḡasina oti bouraḡohi ge auki urimi vanaḡi ada ḡadimi guramanu, koita iabara iau bouge gohu ḡaika rahirahe.³Auki iaḡa dadaḡa badigomu va boriti ḡahigei, roege: “Ihiahe! Nega beige ata be raki au ḡeḡehe beḡi beḡi otinu. ⁴Auka beḡi beḡi viege, iaka be iabara ḡuma eḡiahu desuraḡohi, uguha iabaraki uguraḡi iogei. ⁵Be iabara vateta munima ada desuraḡi, vateta raho veite eige ḡamana veite iauki kobo raḡohanu. ⁶Eduge vani ḡaravane negahe, vani hedokava raki inuhati gabu gevege iauki hoḡe raḡohanu.⁷Iaka be iabara ḡati uhura iauki desuraḡanu, gerege ḡati raki kobo raḡohi ketake ḡahima iauki daure ḡahanu. ⁸Eduge iaka be iabera vata maḡe ada ge iauki desuraḡanu eige iauki maka kia, be iabara tinahuva, be iabara utu agorokiva, be iabara utu abigaḡa. ⁹Iana oḡoreana iana ihikotenu ihiahe!”¹⁰Gerege Iesu ḡamituhe iabaraki au ḡasina oroḡime iauki beraḡanu, “Esemena a koita o badigomua gaḡa geima?” ¹¹Iesu raki kiro gevenu, “Dirava ramu va basileia uhuvaka iai iorena ḡaḡae kinu, eduge koita be iauge so veitera. ¹²Eige iana eraḡa, ana unuhuna uhuvaka manu, Dirava ramu dadaḡa ḡahi moimo vara, mati auka raho ḡahi moimo vara: eduge unuhuna veitenu, auna tina beḡu gena Dirava ra au mi ḡoiraḡira vara.¹³Da badigomu tahu gaḡa gevare maka vara, iaukamu niḡa niḡa raḡa eduge iauka erara veite, mati iauka ihikote eduge iauka ihihi veite se iau uhure ra bao raḡira veitera. ¹⁴Eige iauka Isaia peroveta ḡahi gavi rone:Iaka riaḡa ihisa, eduge iau uhure beta bao raḡira vara,mati iaka niḡa niḡa raḡohisa, eduge iaka beta erara vara.¹⁵Eige koita iau soruke ramu vadibu ḡahanu,renu iau ihikoke iabara toḡeve ḡahanu,renu iaukamu iau nie kumu gevenu;eige iauka beta iau niehe niḡa niḡa raḡisa,renu iau ihikokehe ihisa,mati iauma iau sorukehe anavare renu ḡoiraḡohisa,gerege dana maḡuri ḡahi geisa.¹⁶Eige Dirava maḡe ḡahisa iai nie, iamu niḡa niḡa raḡa, renu iai ihikoke, iamu iha. ¹⁷Riaḡa vara daki ia boriti ḡahi geima, peroveta ḡaha mati koita maḡe dadaḡa ḡahi ia eraḡane iauna so eraḡare, eduge iauka erara veite, mati iauna ia ihine ihare, eduge iauka ihihi veitera.¹⁸“Gerege iama ḡeḡe kiki koitava badigomuve ihisa. ¹⁹Iana oḡoreana ia basileia ga ihinu eduge iai uhurera bao raḡira veite, diabolo raki oroḡare iau sorukehe uiare vahoro mi ḡeahu otito vara, eramu ḡuma eḡiahu desuraḡane naḡatera.²⁰A muni ada desuraḡane iabara Dirava gare ihare renu iauki heḡirita manu; ²¹eduge koita be umuka veite, edube nega tina beḡu auna kamuisa, gerege koitaia daure ḡahi mati huhu ḡahi ga o iau dainehe, koita eramu inono veite au ihihive ramu avie ḡoiḡo vara.²²Be iana ḡati uhura desuraḡane, o iabara au gare ihinu, eduge ahata maka iaḡaniva mati maḡuriva raki au gare daure ḡahege auki madika veite. ²³Edube negu iaka vata maḡe ada beḡene iabara, oḡore iana ga ihinu mati uhu kinu, oḡoreana riaḡa madike ḡosiḡanu, bera tinahu be, bera utu agorokiva, renu bei gera utu abigaḡa.”²⁴Iesu raki badigomu be mati boriti ḡahi gevenu: “Va basileia vara erehuta ata be demaka iaka maḡe au ḡeḡehe beḡi gevenu; ²⁵eduge vahi beige koitaia iaḡohane uhura, koita be raki ḡati daure idigei oroḡi koni ḡeḡe uhura beḡare auki ḡeahu otinu. ²⁶Eige ḡeḡe kobo raḡohi maka kiege, gerege ḡati daure tage iau uhura kobo raḡohege.²⁷Gerege ḡeḡe iahe iahe vare koitava raki au ḡasina oti kironu, Di biage, akamu iaka maḡe eḡuge aki ḡeḡe beḡi gevenu? Orehe genu, ḡati daure o iau uhura kobo raḡoha? ²⁸Auki boriti ḡahigei, Koita daure be raki onaki kinu. Au iahe iahe atave raki kironu, Gerege ana roma nona oti ḡati daure raka geisa?²⁹Eduge auki boriti ḡahigei, Veitera; ia negu ḡati rakai demaka iaka ḡainage raka geime. ³⁰Ḡare geve iau kobuḡa ḡahi kobo raḡohe ate taboro negava; renu taboro nega miege dana me ḡaha boriti ḡahi geisa, Uriḡahi ḡati bougei irosi koba koba idigei vene kisa, edube koniva bougei idigei di demaka iagehe ḡosiḡisa. ”³¹Iesu raki badigomu ḡaita kiro gevenu: “Va basileia ramu erehuta idi tahaka kusinaike naḡate gerege ata be raki mi au ḡeḡehe beḡenu; ³²auka idi tahaka kusinaike vara, eduge au kobo raḡane auki idi ketane ḡoinu, eige uguha vava huraḡohi iabara au ada iaga kisa.”³³Iesu raki ḡaitana badigomu be boriti ḡahi gevenu: Dirava aenave rone be tage ramu erehuta maḡi be parao souka mi raho ḡahiḡa ḡadikiva ruta mi kobuḡa ḡahi degide ḡahi gerege parao ramu uhu raho ḡoima.³⁴Iesu raki au gare inuhati badigomua koita boriti ḡahi gevege; auka iaḡa be ena roro kava veitera. ³⁵Onaki ora peroveta ḡaheva iau gare riaḡa ḡahiḡa vara:“Daka badigomu tahu ge dana ga visa;Daka badigomua ge dana vata ketake o ḡanai kine iaḡa ḡaḡae ḡahiḡa veite dana gava rosa.”³⁶Iesu raki koita ḡare gevare auki iagahu otinu. Gerege au ḡamituhe iabaki au itahe otime iauki beraḡi roege, “So negu a badigomu ḡati ḡeḡe uhura makava no kirogeve.” ³⁷Iesu raki boriti ḡahigei ronu, “Negu iaka maḡe beḡene era Koita Ḡamika vara; ³⁸ḡeḡe ra vata ketake ora, mati iaka maḡe vara koita Dirava aenave riaḡa ḡahare ḡahavaia; ḡati ra koitaia Dirava betia ḡahare ḡahavaia, ³⁹eige diabolo raki daure beḡene ḡahava iabara; taboro vara vata o netu netua gera, renu Dirava aneru iabaraki meva kikiva.⁴⁰Negu ḡati daure idigei bouge vare kiragei vene raḡohisa, ḡuma e naḡate vata ketake o netu netua tage ena ḡoiḡo vara. ⁴¹Koita Ḡamika ramu au aneruve besugei, gerege iauna Dirava vaḡotoni oḡore iana ḡuma daure mati maḡuri daure raḡohare kasa geisa au koitatuhe iau, ⁴²Mati iauna idigei vene bubuka uhura kira gevege, eige iauna niḡo raḡohi iau eḡie iana gi raḡohisa. ⁴³Gerege koita maḡe iana vani naḡate abaga ḡahisa erehuta iau Mame va oḡova abage naḡate. Ia ihikote ḡahege ihiahe!⁴⁴Va basileia vara erehuta iaḡa maḡe be vata uhura abatemenu, koita be raki behuḡare; gerege auki heḡirita oti inuhati haevare mati ḡoiraḡi oti negu mata e haevisa. ⁴⁵“Riaḡa, va oḡo vara erehuta me maḡe ata be gure muni damu ketake iaḡoi haevisa; ⁴⁶gerege auki be behuḡare auki oti au ḡasina iaḡaniva inuhati haevare renu auka negu muni damu ketake auka⁴⁷“Riaḡa, va oḡo vara erehuta reke naḡate mi eve kirai karava nune nune reke butugei; ⁴⁸gerege reke tobo raḡege, iauki butui oti gohu ḡaika gurahi, renu karava maḡeva idigei boteka bei ḡosigei edube daureva iabara idigei ḡeahu kira gevenu.⁴⁹Eige onakime iauna netu netua kisa. Aneru iana ugu raḡohi oroḡime iauna koita maḡe iau uhura ḡuma daure ḡahavaia kasa geisa ⁵⁰renu iauna idigei vene bubuka uhura kiragei, iauna niḡo raḡohi iau eḡie gi raḡohisa.⁵¹Iesu raki au ḡamituhe beragei, “Iana iaḡa o inuhati iai uhure iana bao raḡohanu? Iauki ronu, ‘Erege.’ ” ⁵²Eige auki boriti ḡahigei ronu, “Gerege ia aena ḡaha iau ia uguro ḡahigei va basileia aena iakamu erehuta iaga biava au iaḡa maḡe ḡosiḡare ei oreana isaḡe mati oreana emene idigei hakivi ororo vara.” ⁵³Iesu raki badigomu rogei kosavare, auki ḡare gevenu.⁵⁴Iesu raki ḡoiraḡi au oḡehe otime auki dubu uhura koita uguro ḡahi gevege, iauki ihi ḡaḡu raḡohi mati berabe raḡohi, “Oreigena ata o uhuvaka o mati hedo o idigevenu? ⁵⁵Ona beta iaga ḡoiare atava moenu? Au neine ihe na Maria? Mati au ḡoḡuhe iabara Iakobo, Iosepa, Simona renu Iuda? ⁵⁶Renu ona au amakine iana o no ruḡa? Gerege oreigena ata o iaḡa o inuhati idigevenu?”⁵⁷Gerege iauki besibe ḡahanu. Eduge Iesu raki boriti ḡahigei, “Peroveta ḡahava iauka matau ḡahi gevara eduge iau oḡo riaḡahe mati au iaga ḡahatuhe iau gera veitera.” ⁵⁸Iauki ei riaḡa ḡahiḡa veite, eige auki hedo me dadaḡa kiogeige veite.

¹Gerege Faresia mati aena hadiba ḡahava iabaraki Ierusalema seni oroḡime iauki Iesu beraḡanu, ²“Otavado beigena ai ḡamituhe ia ni tenetuhe iau aenave dodova? Iau uriḡahi tamuta raḡoha iau ade ketogeige veite.” ³Iesu raki kiro gevenu, “Gerege otavado dainehe ia Dirava aenave hosaḡi iai tene ḡumaḡe kia?”⁴Eige Dirava raki ronu, Ai mame mati ai neine ama matau ḡahi geisa, mati, Ana unuhuna au mame se au neine iau ada ga daure raḡa iauka riaḡa hoḡe raḡohira vara. ⁵Eduge aka roma maḡera koitaia iau iahuvea kiro gevare, Otavado iahe iahe da iani ronu daka ia mohi gevare, era daka mi Dirava moimoara, ⁶Eige, tene ḡuma iau dainehe, iaki Dirava ga aenava matau ḡahiḡa veite.⁷Tarata ḡaha ma ḡahanu! Ora riaḡa vara Isaiah raki Dirava gare peroveta ḡahane, kironu: ⁸Koita o iabara iau avaḡehe ge iauki da maḡe ḡaha,eduge iau soruke ra dai ḡamana vara; ⁹iau da maḡe ḡahare ra maka veitera,iauka koita iau aena gare iauge iauki hadibava raḡoha.10 Gerege Iesu raki koita ihirogei au ḡasina oroḡare auki kiro gevenu, “Di gare ihare iama uhu maemisa: 11 era beta ai avaḡehe uguhare e raki ai uhura daure ḡahima, eduge ai uhurehe hakivare e raki a daure ḡahima.”12 Gerege au ḡamituhea iabaraki au ḡasina oroḡime iauki kironu, “Ana dibana Faresea ḡahaia ai gare ihine eramu iau uhure huhu ḡahi gevenu?” 13 Iesu raki kiro gevenu, “Idi inuhati di Mame vava uiare beḡibe veite iabara auka ḡaikahe raka geige vara.14 Ena ḡaregeve; iauka ni veite be raki ni veite be nisigamima. Gerege ni veite au vasire ni veite be nisiḡamare iauka iau abu dahana desuraḡira vara.”15 Eduge Petero raki kironu, “Aso a badigomu rone makava no boriti ḡahigeve.” 16 Gerege Iesu raki ronu, “Ia ḡainage iai uhure iana so bao raḡohira veitenu? 17 Iana dibana veite koita be iaḡa be mi iare ra au avaḡehe uguhi au vaḡatanehe, mati auna au ahatanahe hakivisa?18 Eduge otavado au avaḡehe hakivare era au sorukehe eige auki oroḡonu, gerege e raki daure ḡahima. 19 Badiva otavado anana daure vana ai sorukehe anavare, koita ḡahigei, ni muduka, ḡuma daure, vaho, tarata, koita be iau ihe daure ḡahi geisa. 20 Ḡuma o iabaki koita daure ḡahi geisa, eduge ada ketoke veite tamuta raḡohare era beta a daure ḡahiḡa vara.”21 Iesu raki mata e ḡaremi Tiro mati Sidono iau kasihe otinu. 22 Tutube viege Kanana maḡi be ei uiare raki hakivi gure barai roege, “Di Rohite, Davida Moe; da uhudau ḡaha, di mae ra sua daure raki au uhurehe uguhanu.”23 Eduge Iesu ra au ḡasina ga be roro veite. Renu au ḡamituhea iabaraki au ḡasina otime iauki imiḡi roege, “Besuḡa au ḡahe ote, auka ni itahe ge auki gure barai oroḡima.”24 Iesu raki kiro gevenu, “Au da besuḡane ra Isaraela ḡahavaia dauraḡohane iaḡo geige vara.” 25 Eduge negu maḡi e raki oroḡi au vaḡotoni komuko daivi, roege, “Rohi Bauge da iaheḡa.” 26 Iesu raki onaki ronu, “Beta maḡera a momona iau iare demakava miare mi totoka mohi gevara.”27 Maḡi e raki ronu, “Rohi Bauge, era riaḡa vara, totoka ḡaitage au biage tamuta viare momona desuraḡane iogei gevara.” 28 Gerega Iesu raki kironu, “Maḡi bauge, aka ihihi riaḡa maḡi vara! A ḡahara vane era aka mimi vara.” Tutube veite au mae raki maḡe ḡoinu.29 Gerege Iesu raki ogo e ḡaremi Galileia koa eḡiahu oḡi oti, auki nimu be ḡadimi adahe guramanu. 30 Koita dadaḡava raki iau dika nune nune, vasi dauretea, ni veite, ga veite, ada dauretea, nisigeime iauki au ḡasina oroḡanu. Iauki idigei au vasi ḡaika ḡosigei, auki maḡe ḡahi gevenu, 31 eige koita iabaraki ḡaḡu raḡohanu badiva iauki eraḡege ga veitea ga raḡohi, vasi dauretea oḡigei, ni veitea niḡa niḡa raḡohi. Gerege iauki Isaraela Dirava va maḡe ḡahi motea ḡahege.32 Gerege Iesu raki au ḡamituhea ihirogeime auki kirogei, “Daka koita o iabara daki uhudau ḡahi geima, badiva iauka vani abigaḡa gera iauki oi da ruta renu iauka tamuta veite; mati daka beta ḡubuta besugei gevara, iau negu ḡumaḡa manori raḡohime.” 33 Au ḡamituhea iabaraki beraḡanu, “Nona mata ḡaḡae oi orei demaka miare koita o vasi geisa?” 34 Iesu raki bera gevenu, “Iai ḡasina gena parao esebugenu?” Iauki kironu, “Parao iatiriḡava, mati karava kusinaike rorebe.” 35 Gerege Iesu raki koita gaḡagei iauka vata gurahisa,36 auki parao iatiriḡava renu karava tage idigei; Dirava maḡe ḡahare auki rehagevare idiḡei au gamituhe mohi gevege iauki idiḡei koita mohi gevenu. 37 Iau bouge tamuta raḡohi kosai; au ḡamituhea iabaraki demaka momona idigei boteka iatiriḡava toboḡa gevenu. 38 Koitaia tamuta raḡohane atava iau ate ramu daha ababu gera, maḡia mati momono iabara iauka dahi geige veitera. 39 Iesu raki koita inuhati kirogei iauka oḡo otisa. Auka vanaḡiva guivare auki hakirahe Magadan matahe otinu.

¹Farisea mati Sadukea ḡahava iaberaki Iesu ḡasina oti iauki tohoḡi beraḡanu auka vava hedo ḡuma be iau vaḡotoni ḡaḡae kisa. ²Eduge Iesu raki kiro gevenu, “Ana eraḡege va kerekare ḡoiare aka roro vara, ‘Vahiḡu vaniva ramu maḡe ḡoiḡoara eige va ramu kerekare ra.’³Mati va tahi vagutu ḡoiege, ‘Negu vani oramu veni raki ḡoromisa vima, badiva va ramu kerekare mati girigire ra.’ Iaka riaḡahe va toaḡava kiare roro vara, eduge iaka beta riaḡahe negubutu iaḡa eragevare toaḡava kiki vara. ⁴Dirava riaḡa ḡahiḡa veite taua raki toa berabe raḡa, edube toa bera veitera eduge peroveta Iona au ḡaḡae ḡoine eḡugera.” Gerege auki ei rahirahe gare gevare ḡeahu otinu.⁵Iesu ḡamituhe oti gohu hakirahe hakiraḡi, iauka vagua raḡanu iauka demaka be mimi veitera. ⁶Iesu raki kiro gevenu, “Iama Farisea mati Sadukea ḡaha uaḡatu geisa, iau gare mati iau ḡumaḡe erageisa. ⁷Iauki bebe kiro gevege, “Era noki demaka be mi ororo veite eige auki enaki roma.” ⁸Renu iau gava raḡege uhura Iesu raki ronu, “Iakamu iai ihihive ramu raho veitera, esemena ia demaka be mi ororo veite gava raḡoha?⁹Iana iai uhure so bao raḡohira veitenu? Iana anana veitenu ia parao adakasiva koita daha adakasiva vasi gevenu, renu boteka esebu gena ia makava kiogevenu? ¹⁰Se ia parao tina iatiriḡava ata daha ababu vasi gevenu, renu boteka esebu gena ia maka kiogevenu?¹¹Esemena iai uhure bao raḡohira veite daka beta demaka gava daki roege? Edube da rone iama Farisea mati Sadukea uaḡatu geisa, iau gare mati ḡumaḡe erageisa!” ¹²Gerege iau uhure raki bao raḡanu auka beta parao muraka gava ge auki uaḡatu gevenu, eduge Farisea mati Sadukea ḡaha ia uguro raḡare gava.¹³Iesu raki Kaisara Filipi oḡo hakivi, auki au ḡamituhe bera gevenu, “Koita iana esegena iau roia Koita Ḡamika vana unu hunu?” ¹⁴Renu iauki ronu, Be iabera roia Ioane Babatiso, edube be iabera roia Elia, be iabera roia Ieremia se peroveta koita bera. ¹⁵Iesu raki bera gevenu, “Eduge dana unuhuna ia roia dana unuhunu?” ¹⁶Simona Petero raki ronu, “Aka Keriso ra, maḡuri Dirava Moera.”¹⁷Gerege Iesu raki kironu, au maḡeve ra aigera, Iona moe Simona! Beta ahata maka auge auki ai ḡaḡae kinu, eduge di Mame vava uiare eraki a moimanu. ¹⁸Renu akera daki aki roma, aka Petero, renu aka muni ora, au ada ge daki di dubuve ḡoḡo vara, renu hoḡe iaḡa bera beta vaḡava ḡahiḡa vara.¹⁹Dakena va basileia kiva mi a moimisa, gerege otavado a vata ada oi bodibo vanu vava tage auki bodibo vara, mati otavado a vata ada oi baovare vava tage auka bao raḡira vara.” ²⁰Gerege auki au ḡamituhe ḡanito ḡahigei ronu ia negu koita be boriti ḡahime auka Keriso.²¹Gerege Iesu raki au ḡamituhe kiro gevege auka Dirava rone eige auka so Ierusalema otito vara. Eigera dubu bauge ia mati dubu biava ia, renu aena kiare ḡahava iabera so mi iaḡa be iau dainehe da huhu ḡahi mati daka hoḡe raḡira vara. Eduge daka vani abigaḡa itaharahe daka urimi ḡoiraḡira vara. ²²Gerege Petero raki Iesu nisiḡami ḡeahu otime auki namiḡi, roege, “Dirava vaḡahu ḡaha, di Rohite! Ḡuma roiare o negu riaḡa ḡoime.” ²³Eduge Iesu raki aniḡoiare Petero kironu, “Oi ḡeahu ote, Diabolo! Akamu di oḡiḡi ḡumaḡe aki daure ḡahima, ai uhu ananave iabera ahata maka iaḡa iauge aki anana vima, beta Dirava au gera.”²⁴Gerege Iesu raki au ḡamituhe kirogei, “Ana unuhuna di ḡahara vi di itahe oroḡisa, ama avaḡu ai sataurove agohare renu ana di itahe oḡisa. ²⁵Mati oḡoreana iau maḡurive biava raḡisa iauka ḡatugeige vara, mati oḡoreana iau maḡurive di dainehe ḡatua iauka mi ḡoiraḡohira vara. ²⁶Koita be vata ketake o uhuḡatu ḡahuare auna otavado maḡe be mimi vanu, edube iau maḡurive ḡatuisa? Se iauna otavado iaḡa be mi mohigei iau maḡuri riaḡa mi ḡoiraḡohisa?²⁷“Eige Koita Ḡamika ramu vava seni au aneruve ruḡa au Mame maḡeve mi oroḡisa, gerege auna koita koba koba iau me mane damuna mohigeisa. ²⁸Riaḡa vara daki roma, ia be ia rahirahe iabera so beta hoḡe raḡohira vara ate Koita Ḡamika vara vava seni uguhi ororo vara.”

¹“Va Basileia vara erehuta mata bia be raki vagutu maḡa urimi otime auki koita be idigevege iauka au ḡeḡehe me misa. ²Auki gaḡagei aukena vani be me kiare damua mohigeisa, enaki kiroge vare auki besugei ḡeḡe iauki otinu.³Auki vani iaḡa igaḡu veite uhura hakivi otinu, ata be eragevege iauki ena rahira kava me veite. ⁴Gerege auki gaḡagei, ‘Ia ḡainage oti ḡeḡe me miahe, dakena damu kobuḡa e ia mohigeisa.’ Iauki bina otinu.⁵Auki vani ububu kasiva mati vahiḡeta vani iaḡa abigaḡa otinu, ḡuma kobuḡa e kinu. ⁶Nega tina kibe vani iaḡa adakasiva uhurahe auki mati hae kiare gabuhe otege ata be iabaraki rahege auki eragevenu; auki bera gevenu, ‘esemena ia vani o uhuḡati iaḡa be kiki veite?’ ⁷Iauki boriti ḡahi ronu, ‘Bera no gaḡa geige veitera noka oti ḡeḡe me misa.’ Auki kiro gevenu, ‘Ia ḡaitage otiahe ḡeḡe me miahe.’⁸Vani ugugua ge, ḡeḡe biava raki au ḡeḡe nitabata ḡahare atava ihiromi kironu, ‘Me ḡaha ihirogei iau damune mohigeve, ihie roḡahi me mane e iaue ana uriḡoi mohigeisa ihiege ana uriḡahi orogi me mane iauie kisa.’ ⁹Negu vani iaḡa adakasiva me manu e iabaraki oroḡi, iau damune ra erehuta vani uhuḡatu me raḡara iau damune naḡate. ¹⁰Eige uriḡahi me mohigevene ḡahava iabaraki iau damune misa ro oroḡonu, ge iau anavane iauka iau damune tinabe rahoḡahi mohigeisa; eduge iau ḡaitage damu kobuḡe iauki mohigevenu.¹¹Iauki iau damune mare itaharahe iauki ḡeḡe biava hoḡahi, ¹²roege, ‘Ata oia ihie me mohi gevene e iabara vani iaḡa kobuḡa kibera iauki me manu, eduge amu iau damune mohi gevene erehuta iauka vani uhuḡae no ruta me miage vani hedo uhura naḡate.’¹³Eduge auki iau be kironu, ’Vasi, daka beta akera daki a daure ḡahanu; nona beta riaḡa ḡahanu noka vani be me miare damunava misa? ¹⁴Negubutu ai damune mare bina ote; daka urai negubutu ata oreana ihie me manu e damune beta rahoḡahi moimisa ia mane ada.. ¹⁵Dana bina riaḡa davahu di moni vehe beta di urave be kikivanu? Se mama raḡohimena badivara di ade ra baobao vera koita iau. ¹⁶Eige Iesu raki netu netua onaki ronu, oḡore iana ihie iaukena uri ḡahisa oḡore iana uriḡahanu iauka ihie gahisa.”¹⁷Iesu Ierusalema ḡadimi otine, auki au ḡamituhea utube abu nisigei ḡeahu otime, auki iau oḡiege uhura norena gaḡa gevenu, ¹⁸“Ihiahe, noka Ierusalema ge noki ḡadihi ota, renu Koita Ḡamika varamu eige iauna mi aena kiare ḡahava mohigeisa. Iaukena au hoḡe ḡumaḡe riaḡa ḡahege iauna hoekisa; ¹⁹oige iauna mi ḡeahu ḡaha mohigevege iauna eha iahia ḡahi mati hodivi atete iauna satauro ḡahisa; eduge vani abigaḡa itaharahe auna urimi maḡuri vi ḡoiraḡisa.”²⁰Oige Sebedaio mabare raki Iesu ḡasina otinu au ḡamuhe abu ruḡa tage, gerege auki uriḡoi ḡorumi maḡe ḡahare auki imiḡanu. ²¹Iesu raki beraḡanu, “Otavado ḡahara gena a vima?” Auki kironu, “Ana beta riaḡa ḡahi roroanu di ḡamuhe abu ruḡa bera ai vamaḡahe bera ai vagadahe iauna gurahisa.²²Eduge Iesu raki ronu, “Iaka dibana veite otavado ḡahara gena ia raḡoha. Da huhu evia isa roiare iana riaḡahe ivanu?” Iauki kironu, “No tagera ivara.” ²³Iesu raki kiro gevenu, “Iaka riaḡahe ivara di kapusihe, kobuḡa berege unuhuna di vamaḡahe se di vagadahe guramisa, era beta daki rosa vima, eduge oḡore iana di Mame riaḡa ḡahigeima e iau iera.” ²⁴Iau ate utube ga o ihire, iauki ḡami aburuḡa ho ḡahi gevenu.²⁵Eige Iesu raki iau bouge ihirogei bougeime auki kirogevenu, “Iaka dibana daure iau hedoke raki idigeima mati urigatu gevare ḡahava tage hedo inuhati iaugera. ²⁶Eduge era beta ḡuma vara; ia negu iai e anaime Iai be aukai urai ihi rahote ḡoisa auka iai besu besu koitave ḡoigoara, ²⁷mati bena urai aukai uriḡatuḡa koita ḡoisa era auka ḡoiraḡi iai bouge iai besu besu meve ena kiogeige koitava ḡoiḡoara; ²⁸erehuta Koita Ḡamika oroḡone naḡate auka beta koita be iabara au meve kiogeisa eduge aukena bunu iau besu besu meve oḡiḡiva viogeisa, mati au maḡurive mi maiamisa koita inuhati iau dainehe.”²⁹Iesu mati au ḡamituhea ruḡa Ieriko ḡarehane, koita dadaḡava raki iau itahe otinu. ³⁰Ata abu ni veite iabaraki ḡuma ḡaika gurahege uhura iauki ihinu Iesu raki oḡi hanevege, iauki bara raḡohi, “Ni Rohite, Davida Moe, no uhudau ḡahigeve!” ³¹Koita iabaraki namigei roege keri ḡahiahe; eduge iauki ḡaitana bara raḡi roege, “No uhudau ḡahigeve, ni Rohite, Davida Moe!”³²Iesu raki ramare auki ihirogei, roege, “Iana otavado ia ḡaharahe raḡoha dakai iai kisa?” ³³Iauki kironu, “Ni Rohite, nokamu uraraḡi akai ni nie baogeisa.” ³⁴Gerege Iesu raki uhudau ḡahigei iau nie kamugei. Tutube viege iauki niḡa niḡa raḡohare iauki au itahe oḡinu.

¹Iesu mati au ḡamituhe ruḡa oti Ierusalema kahika ḡahare iauki oti Betefage hakiraḡi, Oliva nimu ḡaika, eige Iesu raki au ḡamituhe abu besugevenu, ²auki kirogevege, “Oti iai vaḡotoni oḡo be ramu enu, iaka negu doniki bera raro rarove behube vara, ḡamikave ḡore; vahege vare iama nisigei oroḡisa. ³Koita bea iaḡa be roege, iama kirosa, ‘Rohi bauge eraki ḡaharahe viogeima gerege auma vaina ḡarire geisa.’⁴Ḡuma oramu ḡaḡae ḡoinu peroveta koita e ḡare bina riaḡa ḡahiḡa vara, roege, ⁵“Ierusalema oḡo ketake e boriti ḡahiahe,Eraḡiahe, iai rohite ramu e oroḡima,manauve, renu auka doniki ada ge auki ḡuivanu,renu doniki ḡamika dehiehe gera.”⁶Au gamituhea iabaraki au boriti ḡahi gevene ḡumahe kiogevenu; ⁷Iauki doniki mati ḡamikava nisigei roḡahege iauki ogona idigei iau ada ḡosi gevege, Iesu raki ḡadimi adahe guramanu. ⁸Koita dadaḡa iabaraki iau ogonave idigei ḡumaḡa tatagei, mati be iabara idi hanaka bokogei ḡumaḡa tatavare gevege.⁹Koita dadaḡa au vaḡotoni uriḡahi otege be iabara au itahe oḡiege iauki bara raḡohi roege,“Davadi Moe Maḡe ḡahi iahe!Maḡe ḡahiahe auka Rohi Bauge ihehe ge auki oroḡima!Aumi no vava Moteaha!” ¹⁰Iesu raki Ierusalema hakivi, koita iabaraki kou kiege heḡiri raḡohi, berabe raḡi roege, “Ona unu hunu?” ¹¹Koita iabaraki to raḡohi roege, “Ora Iesu peroveta koita era, Nasareta Galileia ge auki oroḡanu.”¹²Iesu raki dubu ḡadimi time auki hae kiegare ḡahavaia inuhati oia gevenu, mati moni senisi ḡahegare patava renu uguha haevege ḡahava iau guragu iaḡane inuhati iagegei bohu gevenu. ¹³Auki boriti ḡahigei ronu, “Dirava ra onakime auki ronu,‘Di iagera imimi iaga vara’;eduge iaka mime iaki ia vaho ḡaha iau hata gabune kia.” ¹⁴Koita ni veite mati vasi daurete ḡahava iabaraki au ḡasina dubu otege, auki maḡe ḡahi gevenu.¹⁵Eduge dubu baugea mati aena kiki ḡahava iabaraki au me maḡe kiege koita maḡe ḡahi gevege eraḡei, mati iauki ihege momona iabaraki bara raḡohi roege, “Davida Moe Maḡe ḡahiahe,” iauki ho ḡahanu ¹⁶gerege iauki beraḡi ronu, “Ana ihima otavado iau roia?” Iesu raki kirogevenu, “Erege; iana buka aena dahida veitenu,‘Iakamu momona ia mati karukarea iau avaḡehehadiba ḡahigei ḡuma maḡe kiogeva mati noḡova tage’?” ¹⁷Iesu raki ḡare gevare, auki urimi otinu Betani vahi kobabe ei iaḡanu.¹⁸Va tahege Iesu raki oḡi ḡoiraḡi Ierusalema otinu. Au ḡumaḡa ge auki ḡubu raḡanu. ¹⁹Auki suke idibe ḡuma ḡaika eraḡanu, gerege auki erarava tiege maka veite hanaka unaḡe. Gerege auki idi eki ronu, “Aka beta ḡaitana makate ḡoiḡoara!” Tutube veite suke idi era hoḡe raḡanu.²⁰Au Ḡamituhea iabaraki eraḡare iau bouge ḡaḡu raḡohi, roege, “Orena kimena suke idi e vaina hoḡe raḡanu?” ²¹Iesu raki kirogei, “Riaḡa vara daki roma, iai ihihive ia riaḡa ḡahare mati uhu abu veite ḡoiare, se beta da suke idi virei kine naḡate, mati beta oḡu geraki eduge iaka nimu o tage ga ḡahege, ‘Oi rakahoḡi eve uguha,’ auka auvahu rakahoḡi eve uguguara. ²²Ana riaḡa iaḡa bena a ḡaharahe imimiva kima, aka iaḡaniva mimivara.”²³Iesu raki ḡoiraḡi dubu otinu uhura, dubu baugea mati koita baugea iabaraki au ḡasina time iauki beraḡanu, “Otavado hedo beigena a me o kiogeima, mati unuhuna ieriri a moimanu?” ²⁴Iesu raki kirogei roma, “Berabe kobabera daki ia mohigeima; ia makava da boriti ḡahege, gerege dana ia boriti ḡahigeisa unuhu hedokehe gena da me o kiogeima.²⁵Oreigena Ioane ieriri marena au babatiso viege, Dirava ai gena se koita iau gena?” Iauki iavahu gure bebe bera gevege iauna kiege eseki roroanu, “No negu roare, ‘Dirava ai gera,’ auka noki rogei gevara, ‘Menu gena ia Ioane riaḡa ḡahiga veite?’ ²⁶Eduge no mati roare, ‘koita iau gera,’ noma koita iau siḡore raḡohisa; badivara iauka iau uhuḡati gera Ioane ra iauki riaḡa ḡaha auka peroveta koita vara.” ²⁷Gerege iauki Iesu kironu, “Noka dibana veitera.” Iesu raki mati boriti ḡahigei ronu, “Da tage beta ia boriti ḡahi geige vara dana ieriri oreigena da ḡuma o kiogeima.”²⁸“Otavado ana ia anava? Atabe au ḡamuhe mo abu; auki oti ḡami bauge besugime auki ronu, ‘Di moe negubutu oti ḡeḡe me ma.’ ²⁹Auki besibe vi ronu, ‘daka be otitoara’; eduge auki ihie ananavi ḡoiragare auki otinu. ³⁰Iau Mame raki ḡami abu ḡahiḡava ḡasina otime auki ga kobuḡa e kironu, auki itonu, ‘da kena otisa, mama’; eduge otito veitera.³¹Iau abu iau uhura unuhuna iau Mame rone meva kinu?” Iauki ronu, “Ḡami bauge.” Iesu raki kirogevenu, “Riaḡa vara daki ia boriti ḡahi geima, takisi gogoare ḡahava mati ni muduka raḡare iaba ramu Dirava basileiave uhura ia uriḡatugei otitoara. ³²Ioane iai ḡasina orogone ra ḡuma ieririva ge auki oroḡonu eduge iaka riaḡa ḡahiḡa veitera, edube takisi gogoare ḡahavaia mati ni muduka ḡaha iabara iaka riaḡa ḡahanu; renu ia ihie eraḡane tage iakamu beta anana raḡohi ḡoiraḡare riaḡa ḡahanu.³³“Badigomu be mati ihi iahe. Nega beige mata bia be raki ḡeḡe be kinu, auki ḡarava kiare, au make kiki abava tage, renu ḡeḡe nitabata ḡaheva iau niḡa niḡa iagava tage ḡonu. Gerege auki ḡeḡe nitabata ḡahi gevare iau ada uhura maemare auki oḡo ḡaremi mata bei otinu. ³⁴Ḡeḡe taboro ḡahiḡa negava raki kauege, auki au me ḡahatuhe besu gevenu ḡeḡe nitabata ḡahare iau ḡasina au ḡahune mimiva otinu.³⁵Eduge ḡeḡe nitabata ḡahava iabaraki au me ḡahatuhea oiagei, be hodivi hoekare, mati muni tahu ḡahi gevege. ³⁶Auki ḡaitana au me ḡahatuhe dadaḡa besu gevenu, uriḡoi besu gevene era avie; eduge iauki uriḡoi ḡuma kobuḡa e iau kinu. ³⁷Netunetu ge auki au moe besuḡanu iau ḡasina, roege, ‘Iauka negu di moe matau ḡahiḡa vara."³⁸Eduge ḡeḡe nitabata ḡahare ḡahavaia au moe eraḡane, iauki onaki ronu, ‘Oramu ḡeḡe o biava moera; no ḡami hoekare noma au ḡeḡe noni misa.’ ³⁹Gerege iauki ḡami hoekare, miare ḡeḡe itaharahe kiravanu.⁴⁰Gerege negu ḡeḡe biava oroḡare na otavado auna kikivanu ḡeḡe nitabata ḡahare ḡahava iau?” ⁴¹Iauki boriti ḡahi ronu, “Auka negu koita daure inuhati ḡahigei hoeki gevare, auna ḡeḡe emi koita be mohigeisa, gerege iauma au ḡeḡe make kiki negahe au ḡahune tage anavisa.”⁴²Iesu raki kirogevenu, “Iana Buka aenava dahida veitenu:‘Muni bera iaga ḡovare ḡahava iabara besibe ḡahamuni eramu au ḡaikera;Ora Rohi bauge au kikivera,renu eramu heḡiri erara vaḡa maḡe vara’?⁴³Eigera daki iaki rogeima, Dirava basileia vera auka iai mi ḡoiraḡare mati mi oḡore iana madika maḡe kiare e mohigei gevara. ⁴⁴Unuhu na muni ada desuraḡi ḡohima auka hosaraḡi tina tina ḡoiḡo vara; mati koita be ada gena au desuraḡi ḡohima auka ḡami hoeki kivara.⁴⁵Haroro baugea mati Faresia ḡahaia au badigomuve ihine negahe, iauki dibana ḡahanu auka iaukera auki iau gare vima. ⁴⁶Gerege iauki au ni taḡotaḡo mimiva ronu, eduge koita dadaḡa eige iauki siḡo raḡohanu, badivara iauki roia Iesu rai peroveta koita ḡoisa.

¹Iesu raki ḡaitana badigomua koita gaḡa gevege roege: ²“Va Basileia vara onaki ḡoiḡovera rohi be au moe maḡi mare rigiva kiare naḡatera. ³Auki au besubesu ḡahatuhe besugei iauki oti au ihiro gevene ḡahavaia au moe maḡi mare rigiva kinei, eduge iauki besibe raḡi ororo veite.⁴Gerege auki ḡaitana au besubesu ḡaha be mati besugei, roege, “Da ihiro gevenu ḡahava boriti ḡahigeisa: Eraḡiahe, da rigi o kinera, di ada vasi vasive iaḡani ḡainage damu ḡahi gevenu, renu iaḡa inuhati gera netu raḡanu; oroḡiahe,’⁵Eduge au ihiro gevene ḡahava iabara au totovehe otito veite, bera ḡoiraḡi au ḡeḡehe otinu, bera au meve kikiva otinu, ⁶be iabara au besubesu ḡahava kamugei, ḡoḡai ḡahigei, renu ḡahi hoeki gevenu. ⁷Negu iau rohite raki hoḡoi. Auki au besubesu ḡahatuhe inuhati besugei, iama oti ḡa kine koitava ḡahigei hoekigei renu iau oḡe tage iama gabuisa.⁸Eige auki au besubesu ḡahatuhe boriti ḡahigei ronu, ‘Rigi meva ramu netuanu, eduge da ḡanai ihiro gevene dakamu beta ihirogei gevare. ⁹Otiahe oḡo uhura, oḡoreana ia eragevare iama ihirogei iauma rigi demaka oi oroḡisa.’ ¹⁰Gerege au besubesu ḡamituhea iabaraki oti ḡumaḡa koita maḡea se daure ia inuhati bougevare, iauki nisigei oti rigi me iagava tobo ḡahanu.¹¹“Eduge iau biage raki oroḡi iau ihiro gevene ḡahavaia erageisa, edube auki atabe eraḡege auka ogonava nune vara auki kinu, ¹²gerege auki beraḡi ronu, ‘Vasi, esemena a ogona maḡe be kiki veite, renu orena kimena a sirivanu?’ Eduge ata era ga be roro veite.¹³Eige iau biage raki au ḡahatuhe kirogei, ‘Au vase mati au ade raro gevare, iama mi itahe vadibua kiravisa, eige auna nivi atete au eḡie iana gi raḡohisa.’ ¹⁴Dadaḡa vara auki ihiro gevenu, eduge rore kibeḡu gera auki idigevenu, oḡoreana au totove ihine.”¹⁵Faresia ḡaha iabaraki bouraḡohi tarata ḡuma bei iauka beraḡisa ronu. ¹⁶Gerege iauki iau ḡamituhe bea mati Heroda koitatuhe ruḡa besugei au ḡasina otinu, roege, “Hadiba Koita, noka dibana aka ga riaḡa koita vara, mati aka Dirava ḡumaḡe riaḡa vara aki kirogei, renu aka be nune ḡahiḡa veitera; aka anana veite auna koita bauge vanu se veitenu. ¹⁷No boriti ḡahigeve, orena kimena a anaima. Aena ona riaḡa vanu, noma Kaisara tax moimisa, se veite?”¹⁸Eduge Iesu ra dibana iau tarata garea, eige auki kirogevenu, “Iaka avanaḡe ḡaha iabara, otavado beigena ia gure da taraḡisa roia? ¹⁹Aso negu muni tahaka be mi da ḡaḡiromiahe.” Gerege iauki be mi moimanu.²⁰Gerege Iesu raki beragei, “Ona unuhu vari vade mati ihe iana onu?” ²¹Iauki ronu, “Kaisara iera.” Gerege Iesu raki boriti ḡahigei ronu, “Eige Kaisara ienu iama mi moimisa, mati Dirava ienu iama mi Dirava moimisa.” ²²Iau au gare ihine, iauki ḡaḡuraḡohi; eige iauki ei ḡarehi ḡeahu otinu.²³Vani kobuḡa eige Sadukea ḡaha be iabaraki Iesu ḡasina oroḡime, iauki boriti ḡahi ronu koita bera beta hoḡe raḡare mati urimi ḡoiraḡira vara; renu iauki beraḡi, roege, ²⁴Hadiba koita, Mose ra onakime auki ronu, ‘Ata be ḡamika veite hoḡe raḡare, au ḡoḡe ra au ḡobuve miare, gerege iauna iau ḡamuhe raho ḡahigei erehuta ata hoḡe raḡane au ḡamuhea.²⁵Negu oḡo nana iau ate inuhati iatiriḡava gera iauki uiege; ata bauge raki maḡi mare, auki ḡamika veite hoḡe raḡanu, gerege au ḡobue ḡaremanu au ḡoḡe ḡasina. ²⁶Au ḡoḡe abu ḡahiḡava ḡuma kobuḡa ei, mati abigaḡa ḡahiḡava tage, oti netunetua iau ate iatiriḡava iau. ²⁷Netunetua, maḡiva tage raki hoḡe raḡanu. ²⁸Maḡurivi ḡoiraḡira vara, gerege, auna iau ate iatiriḡava unuhu mabare renu? Iaukamu iau bouge maḡini kinu.”²⁹Iesu raki boriti ḡahi gevenu, “Iaka otito daure vara iaki raḡoha, badivara iaka Buka aena se Dirava hedoke tage iaka dibana veitera. ³⁰Hoḡe koita urimi ḡoiraḡare iabara beta maḡite se mabate ḡahiḡa vara, eduge iauka vava aneru naḡate ḡahiḡa vara.³¹Gerege hoḡe uhura maḡuri raḡohare, ana buka dahida veitenu otavado Dirava ia boriti ḡahi gevenu, ³²‘Dakamu Aberahamo, Isako, renu Iakobo iau Dirava vera’? Auka maḡuri ḡahe iau Dirava vera, beta hoḡe ḡahe iau iera.” ³³Ḡaru ḡahaia iabaraki au gare ihime iauki ḡaḡu raḡohanu.³⁴Faresia ḡahava iabaraki ihege Iesu raki Sadukea ḡahavaia kou kiege avigahanu, gerege iauki iau bouge bouraḡohi, ³⁵mati iau bera aena hadiba koita vara, eige auki tohoḡi beraḡani. ³⁶“Hadiba koita, aena uhura orena aena bauge?”³⁷Iesu raki kironu, “ ‘Ama Rohi Bauge ai Dirava ve ḡaharahe visa, ai soruke inuhati, mati ai suare inuhati, mati ai uhure inuhati.’ ³⁸Ora sina sinava oroḡi negu aena ketake riaḡa vara.³⁹Renu aena ketake abu ḡahiḡava aukamu onu: ‘Ai ḡaika koitave ama au ḡahara visa a avahu ai ḡahara vare naḡate.’ ⁴⁰Mose aenave inuhati mati peroveta ḡaha iau hadiba ḡumaḡe iabaramu aena o abu ro gevene iau gena iana iahe iahe misa.”⁴¹Faresia ḡaha be iabaraki bouraḡege. Iesu raki bera gevenu: ⁴²“Iana orena kimena ia Keriso anava? Auna unuhu moenu?” Iauki kironu, “Auka Davida moera.”⁴³Auki kiro gevenu, “Orena kimena Horu Aena Davida uhurehe ga gahe gena au ronu, Rohi Bauge, ⁴⁴‘Rohi Bauge eraki di Rohive kironu,“Di vamaḡa kasihe gurama,atete dana ai enana ḡahatuhe idigei ai vasi derikehe ḡosigeisa.” ’?⁴⁵Ama Davida ra roma Rohi bauge, orena kime auka au moe?” ⁴⁶Koita bera mati au berabeve makava roro veitera. Vani eigera bera mati au berabebe vivi veitera.

¹Iesu raki garu ḡahaia mati au ḡamituhea gaḡa gei ronu, ²“Iana Aena ḡahaia renu Faresia ḡahaia aumu hedo mohi gevenu iauka Mose ga hane ḡahiḡa ḡahatuhe iabara; ³eige, iama iau gare ihigevare mati ḡumahe oḡigeisa, edube ia negu iau kiogevare tohogeime, badivara iauka iau ga raḡohare ḡumahe oḡiḡi veitera.⁴Iauka iaḡa isukate, mati berebere ra iauki ruhiḡa, mati iauki mi koita be iau ada ḡosigei, eduge iauka beta riaḡahe iau ada kakunehe beta iahegei gevara. ⁵Iaḡa inuhati gera iauki kiogevenu koita iabara erageisa; edube iau gera iauki idigei iau varikehe mati iau adahe rarogei mati tinabe ketake ḡahi koita iabara erageisa iauka Dirava kamui berebe ḡahava iabara.⁶Iauka gabu maḡeva iauki ḡaharahe raḡoha rigi negava mati dubu uhura iauka guragu gabu maḡeva gurahisa, ⁷Iau urave koita iabara hae kiare gabuhe mataua maḡe ḡahigeisa, mati rosa hadiba koitaia.⁸Eduge bea negu ia idigei hadiba koita rogeime, badivara hadiba koita vara kobabera, iaka iai bouge gere gereve iabara. ⁹Mati ia negu vata ketake o ada be mi rome mama, badivara iai Mame ra kobabera--vava uiare. ¹⁰Se ia negu ia bebe idigei uriḡatuḡa koita rogeime, badivara iai utiḡatuḡa vera kobabera, auka Keriso ra.¹¹Iai uhura be iau mi raho ḡahare auka ia besubesu koitave ḡoiḡoara. ¹²Unuhuna auvahu aumi raho ḡahima, auma manau visa, mati unuhuna manau vima auka raho ḡahiḡa vara.¹³“Aena ḡahaia mati Faresia ḡahaia, tarata ḡahaia! Iaka koita iau basileia otito ḡumava iaki koua. Edube ia iavahu ḡaitage uhurahe otito veitera, eduge be iau otito ḡumaḡe iaki kougeve. ¹⁴“Aena ḡahaia mati Fariea ḡahaia, kava tarata vane ianu. Badivara iaka ḡobu taragei iau iage kohuve idigei, mati ḡuriḡuri eige rogei be iabara ia erageisa; eigera Dirava ra iau kiare gahuara isukate ḡoiḡoara. ¹⁵Kava tarata vane aena hadiba ḡahaia mati Faresia ianu. Badivara iaka eve mati vata ketake ora iamu ioa ḡahanu iakai koita kobabe maḡuri ḡahisa, renu iaka mi auka ia bei ḡoisa, eige iai ḡaitage iau daure ḡahune tage mi vene uhura ia kira geige vara.¹⁶Kava uriḡatuḡa ḡaha daure ia, iana niḡa niḡa veitenu ia gure roia, ‘Unuhuna dubu aena ihehe be ominue varera maka veitera, eduge unuhuna Dubu aenava ominue viege auka au gare riaḡa ḡahiḡa.’ ¹⁷Iakamu ni kopute mati omoto veitea! Orena ihi rahote, negu golo vanu se, Dubu uhura golo aena ḡahare enu?¹⁸Onakime iaki roia, ‘Koita be pata o ḡaika ominue vare ra iaḡa be veitera, eduge au iaḡa be pata ada ei ominue ḡahege auka e badina ḡahiḡa vara.’ ¹⁹Kava ni kopu ana ianu! Orena ihi rahote, iau mohimohi raḡare enu se aena iaḡa be iau aena ḡahare pata vanu?²⁰Gerege unu huna ominue vima pata aena e ihehe, e aukena pata aena e mati pata ada iaḡaniva inuhati iau ominue visa; ²¹mati au negu Dubu ei ominue vareva, auka Dubu ei mati Dubu e uhura uiare Diravava auge auki ominue vima; ²²mati koita be va ihehe ominue vare, auka ominue vara auki vima Dirava terona vehe mati ḡaikahe unuhuna au ada ḡuramima.²³Kava tarata vana aena ḡahaia mati Faresia ḡaha ianu! Badivara iamu demaka maḡe ḡahiḡa madikava tinatina iaki boubou naḡate mi Dirava moima, eduge aena ga baugea iaka matau ḡahiḡa veite: aena bauge o iabara iana idigei koita bea mati vaḡahu ḡahi geisa. ²⁴Kava uriḡatuḡa ḡaha daure ia! Iakamu iaḡa kusinaike be ai eia uhura ariraḡare iamu kokiva, edube iaka kamela ketake erara veite iara soneva!²⁵Kava tarata vana aena ḡahaia mati Faresia ḡaha ianu! Iaka iai tamuta kohue itahara vaḡu ketova, eduge uhurava vara ididi kava ḡumaia mati ḡuma daure ia iabaraki tobo raḡohanu. ²⁶Iaka ni koputea Faresia ḡahaia! Otavado vanu kapusi uhura e uriḡahi ketoviahe, gerege itaharava tagena maḡe ḡoisa.²⁷“Kava tarata vana aena ḡahaia mati Faresia ḡaha ianu! Iaka erehuta hoḡe ḡaha iau midavave itaharava iau regui kae ḡahare, eduge uhura vara hoḡe ita mati miro raki tobo ḡahanu. ²⁸Ia ḡaitage koita itahe ia eragevare iaka maḡe iabara, eduge iai uhure iaka tarata mati ḡuma daure raki ia toboḡa gevenu.²⁹“Kava tarata vana aena ḡahaia mati Faresia ḡaha ianu! Iaka peroveta ḡaha mati Dirava riaḡa ḡahege ḡahava iau abate gevene gabua reḡugei mati herati ḡahigeva, ³⁰mati iaki ronu, ‘No ni tenetuhe iau ḡuru raḡane negahe ḡoinebe, iau peroveta ḡaha ḡahi gevene noka beta iahe gevenu.’ ³¹Eige iaki iavahu ia ḡaḡae ḡahigei iaka peroveta ḡaha iau ḡahigei hoeki gevene iau tenetuhe iabara.³²Oti kiege netu netua tiahe, iai iahuvea sina sinava kinehe. ³³Inuhu daure ma ḡahanu! Iana negu vene ia besugevare iana orenaki siviḡoro raḡira vanu?³⁴Eigera daki negu peroveta ḡahaia, uhuvaka ḡahaia, mati aena kiki ḡahavaia, iai ḡasina besu gevenu. Eduge iaki be ḡahigei hoeki mati satauro ḡahigei, renu dubu uhura be hodigei, iaogei oḡo bei oti oḡo bei, ³⁵gerege ḡuma maḡe kiogevege ḡahava ḡahi gevene ḡahuara iai ada gera. Abela ḡuma ieriri koita mati Barakia moe Sakaria ia pata aena padahege iaki ḡami hoekanu. ³⁶Riaḡa vara daki ia boriti ḡahigeima, negu tau o ḡahava iaukena ḡahua misa.³⁷“Ierusalema, Ierusalema, iaki peroveta ḡaha ḡahigei hoekigei mati Dirava besu besu ḡahatuhe muni tahu ḡahigei! Dana nega esebu da urai iai ḡamuhe idigei di ḡaika bougeisa, erehuta uguha au ḡamuhe inuhati au akahanehe baku gevare naḡate, eduge iaki besibe raḡanu. ³⁸Eige iai Dubu vera koita veite mati ahake ḡoigoara. ³⁹Iakera daki ia boriti ḡahi geima, iaka beta da eraḡi ḡoiraḡohira vara atete ia rosa, ‘Rohi bauge ihehe oroḡare koitava iama maḡe ḡahisa.’ ”

¹Iesu raki Dubu uhura hakivi itahe otege, au ḡamituhea iabaraki au ḡasina oroḡime iauki uhuḡatu aukai otavado iau Dubu kiogevene e erageisa. ²Gerege Iesu raki bera gevenu, “Iana iaḡa inuhati erageva se veitenu? Riaḡa vara daki ia kirogeima, muni kobuḡa be tagera beta uara au gabunehe; iauka inuhati dede raḡohira vara.”³Iesu Oliva nimu ada ḡuramane uhura, au ḡamituhe iabaraki ḡoḡohu au ḡasina otinu, iauki beraḡi ronu, “No boriti ḡahigeve, a rogevene o inuhati gena vaisu ḡaḡae ḡahiḡa vanu, mati otavado toavana ḡaḡae ḡoiḡoanu a ḡoiraḡi oroḡare renu vata ketake o netunetua?” ⁴Iesu raki boriti ḡahigei roma, “Iama iavahu iai ḡabide reḡugeisa bea negu ia tarageime. ⁵Badivara koita dadaḡa iabara di ihehe oroḡi roroara, ‘daka Keriso ra!’ mati iauka koita dadaḡa tarageige vara.⁶Eduge iaka ḡarara kerike ihigei gevara mati ḡarara badia; eduge ia negu anana momo raḡohime; onaki o iabara ḡaḡae ḡahiḡa vara, eduge beta netu netua raki kauanu. ⁷Iaka ihege mata be iaugera iaukame bebe ḡoḡai ḡahigei mati ḡarahi, mata au bouḡige ramu ḡubu raḡohi mati vata vaḡava ia kauka vara: ⁸Iaḡa o inuhati geramu erehuta ḡami karuka ḡaneganei ḡuruare huhua naḡatera.⁹“Eige iauna ia idigevare ia daure ḡahigei mati ia ḡahigei hoeki geisa, renu mata o koitava inuhati gena ia betia ḡahi geisa di dainehe. ¹⁰Renu koita dadaḡa iabaramu negu iau ihihive ḡaregei, bebe daure ḡahigei gevara renu bebe betia ḡahigei gevara. ¹¹Gerege koita iabara roḡahi peroveta avanaḡe raḡisa mati ia taragei ḡeahu ota.. ¹²Badivara ḡuma daure tage ramu iau hakiraḡi, koita maḡe iau ihihive renu iau bebe ḡaharahe raḡohare ḡainage ribiribe ḡahiḡa vara. ¹³Eduge unuhuna uhu berebe vima auka netu netua maḡuri mimi vara. ¹⁴Gerege badi maḡe o koita iabaramu vata ketake o ada ro ioa raḡisa, Dirava gare noma ni bouge ihisa mati riaḡahisa; ihiege netu netuana kauisa.¹⁵“Iaka negu dubu aenava iaḡa daure be ramare erara vara, peroveta koita Daniela raki badiva ronu (ga o dahare ḡahavaia makava na otavado vanu), ¹⁶gerege oḡore iana Iudea uhura iama siviḡoro raḡi nimu otisa; ¹⁷koita bena iaga ada gena auma ḡoromi oti iaga uhura au kohue idigeisa; ¹⁸unuhuna itahe me mimare au negu au ogonave mimiva ḡoiraḡime.¹⁹Kava uhudau veitenu vana vani ei maḡi oreana detu mati oreana ḡami karukate ianu! ²⁰Iama ḡuriḡuri kisa Dirava ḡasina iaka beta riaḡahe siviḡoro raḡira vara au veni se ribiri negava se sabadi vaniva tage. ²¹Badivara nega ei huhu raho iabara ḡagae ḡahiḡa vara, huhu ona kikivera vata ketake o kine negahe ḡaḡae ḡahiḡa veite atete negu, eduge negahie huhu o naḡate bera mati beta ḡaḡae ḡoiḡoara. ²²Eduge Dirava ramu subuta vani tua ḡahi gevenu, au kiki veite goinebe bera beta maḡuri vane; eduge koita be iau ḡutiḡuti gera Dirava na vani e tua ḡahigeisa.²³Gerege koita be aki roare, ‘Eraḡa! Oramu Keriso ra!’ se ‘Vieramu aukaki!’---a negu riaḡa ḡahime. ²⁴Badivara Keriso tarata raḡare mati peroveta tarata raḡare ḡahava iabara urihi toa bea mati ḡaḡu raḡira iaḡa be ḡaḡae kiogeige vara. Mati Dirava genenge idigevene e ḡainagera iauki daure ḡahi geisa roia. ²⁵Ihiahe, iakera daki uriḡoi ia boriti ḡahigeima.²⁶Se, iana aki roege, ‘Eraḡiahe! Aukame mata ḡaḡaeva gera,’ a negu ei otime. Eduge iau rosa, ‘Eraḡiahe! Aukame iaga uhura hataima,’ ia negu riaḡa ḡahime. ²⁷Badivara Koita Ḡamika orogarera, erehuta va gibaruvi vani ḡadiḡa kasihe oti vani uguhare ei. ²⁸Hoḡe ḡaha iau ahata make iaḡohare gabuhe gera, gaioka iabaramu ei bouraḡoha.²⁹“Negu nega daure e itaharahevani ramu vadibu ḡoiḡoara,mati bata tage beta abaga ḡoiḡoara;hisiu iabara vava desuraḡohisa,mati hedo vava uiogevare e iabaramu vaḡava vaḡava raḡira vara.³⁰Gerege koita iabaramu vava Koita Ḡamika toaḡe ḡaḡae ḡoiare eraḡi, renu vata ada o koitava inuhati geramu siḡoraḡohi niḡoraḡi, iauki ‘Koita Ḡamika vava ori uhura uguhi oroḡare’ au Dirava hedoke mati au erara vaḡa maḡeve erara vara. ³¹Gerege auna au aneruve besugei bitivakava ruta, iauna au koitatuhe vata ada o ihinahe oti ihinahe au gene gevene ḡahavaia inuhati bougeisa.³²‘‘Noma dibana ḡahisa idi oi: au adakehe kobokava hakiraḡohe hanaka kiege, iama dibana ḡahisa iaha nega vara kahikarera. ³³Ḡuma kobuḡa ei a iaḡa o inuhati eragevare, ama dibana ḡoiḡoara negara hugurera, ḡaḡae ḡoisage auki.³⁴Riaḡava daki roma, iaḡa o inuhati negu tau oi uriḡahi ḡaḡae ḡahigevara iauna erageisa. ³⁵Va mati vata ketake oiana dauraḡohisa, edube di garera beta dauraḡira vara.³⁶‘‘Edube vaniva mati negava bera dibana veitera, renu va aneru mati Koita Ḡamika tage dibana veitera, edube Mamakava raki auvahu dibana.³⁷Koita Ḡamika oroḡare toaḡava ramu erehuta, Noa negahe otavado ana ḡaḡae goine e naḡatera. ³⁸Subuta vani e iau etaḡo so roḡiro veitehe koita iaba ramu tamuta raḡohi mati eia daure iogevege, heḡiri raḡohi ata maḡi headava raḡohege, atete vani rone kauane Noa ramu iagatoiva guivanu, ³⁹eduge koita iau uhure iabara bao raḡohira veite eige etaḡoa ramu hoeki gevenu, gerege Koita Ḡamika oroḡare ḡumava ramu enaki ḡoiḡoara.⁴⁰Gerege nega e kauege ata abu ḡeḡe me miege; bera iaumu mi ḡeahu ota a bera iaumu ḡareha. ⁴¹Maḡi abu ḡaitage iau abu parao kiare ḡabuhe, bera iaumu mi ḡeahu ota a bera iaumu ḡareha. ⁴²Ia negu vagua guragu raḡohime badivara iaka dibana veite Rohi bauge ena vani orei ororoanu.⁴³Eduge iama uhu maemisa: iaga bia dibana ḡoiare vaho koita vahi oroḡare negava, auka beta iaḡia vara gerege vaho koita era beta oroḡi au iage hosa hosa vara. ⁴⁴Gerege ia ḡainage ia negu vagua raḡohime, badivara Koita Ḡamika oroḡare negava iaka beta dibana ḡahiḡa vara.⁴⁵“Besubesu koita orena ihihi te mati uhu vakate, unuhuna au mi biava maemanu, au besubesu ḡamituhea iau demaka damune kiogevare negahe? ⁴⁶Kava heḡiri vana besubesu koita e visa vima au biage ḡoiraḡi roḡi behuḡi au me o gure kiogevare. ⁴⁷Riaḡa vara iakera daki ia boriti ḡahigeima, au biage raki mi au kohue inuhati nitabata ḡahi geige biava maiamisa vima.⁴⁸Eduge au besubesu koita daure be ḡoinebe auka auvahu rone, ‘Di biagera negu nega ḡamana tinabe beta ḡoiraḡi ororoara,’ ⁴⁹mati auki urimi au besubesu sokuhea hodigei ḡahigei, renu eia daure iogevare ḡahava ruḡa gurami muraka isa mati tamuta raḡisa, ⁵⁰gerege negu besubesu koita e biage ra vani bei ḡoiraḡira vara auka dibana veite vaniva mati negava tage. ⁵¹Gerega au biagena dodoi tina tina ḡahisa renu mi tarata ḡaha iau vaḡotoni maiamisa, eige auna nivi au eḡie iana gi raḡohisa.

¹“Nega ei va basileia varamu onaki ḡoiḡoara. Mabi utube iana iau lamepave idigei geta maḡi mare atava ruta ada mimi otinu. ²Adakasiva gera uhu vaka veitea, mati adakasiva gera uhu vakatea. ³Negu uhu vaka veite e iabaraki iau lamepave idigevenu, eduge iauka oela tina beta mimi veitera; ⁴edube uhu vakate e iabara oela tinabe tage iauki idigei geta otinu.⁵Maḡi mimi atava tage au ororove raki isuhanu, eige iau nie raki iaḡohi iauki iaḡohanu. ⁶Eduge vahi nemhege be raki bara ronu, ‘Maḡi mimi koitava ramu oroḡima! Oroḡi auruta ada miahe.’⁷Gerege negu maeaḡo iabaraki urihi iau lamepave reḡu gevege. ⁸Gerege uhu vaka veite e iabaraki uhu vakate e kirogevenu, ‘So noni oela tinabe kiahe, ni lamepave iabaramu ḡodo raḡoha.’ ⁹Eduge uhu vakate e iabaraki boriti ḡahigei, ‘Veite riaḡa vara! noka beta ni bouge riaḡahe geregere raḡira vara; maḡe vanu oti oela haevare ḡahava iau haegeiahe.’¹⁰Gerege uhuvaka veite mabiva iabaraki oela haeha otinu, iau itahege maḡi mimi atava raki roḡonu, negu mabi uhurate adakasiva ruḡa iabaraki auruta au rigi iaḡahe siri raḡanu; renu iauki udua kouanu. ¹¹Sokova iabaraki ihie roḡahime, iauki ninatata roege, ‘Ata bauge, ata bauge, udua baoviahe no siri raḡoha.’ ¹²Eduge auki boriti ḡahigei roma, ‘Riaḡa vara daki iaki roma, daka iai dibane veitera.’ ¹³Gerege Iesu raki netunetua roma, iama uhuiahuia raḡisa, badivara iaka vaniva mati negava dibana veite au Moe ororove.¹⁴Va Basileia varamu onaki kivera, “Erehuta atabe au ioave otisa roma, auki au besubesu ḡahatuhe ihirogeime auki kirogei iauka au kohue nitabata ḡahi geisa; ¹⁵auki moni daha adakasiva be moimanu, mati tau utube akira adakasiva damua naḡate auki mi abu mohigevenu, be ni abu, be ni kobabe, iau herove ḡere ḡereve. Gerege auki bina au ioave otinu. ¹⁶Be moni daha adakasiva moimane eraki au monive mime auki be iau me ḡahi, gerege auki mati daha adakasiva adahe manu.¹⁷Ḡuma kobuḡa eige, besubesu ata daha abu mane auie tage daha abu adahe manu. ¹⁸Eduge besubesu ata daha kobabe mane eramu oti vata rohare auki au biage monive huni vanu.¹⁹Nega tinabe ḡamana ḡoine itaharahe iau biage raki ḡoiraḡi auki au besu besu ḡahtue au kohue nitabata ḡahi gevene berabeva vanu. ²⁰Negu besubesu koita daha adakasiva mane eraki oroḡi, daha adakasiva adahe tage moroḡi, roege, ‘Ata Bauge, aka daha adakasiva aki da moimanu; eraḡa, daka daha adakasiva tage daki adahe kinu.’ ²¹Au Biage raki kironu, ‘Aka me maḡe vara aki kinu, mati besubesu koita maḡe vara; amu ḡuma ieririvage aki iaḡa avie nitabata maḡe ḡahima, eige daka negu ami iaḡa bauge nitabata ḡahigeige biava a maema vara; oroḡo daḡore no heḡiri raḡoha.’²²Gerege besubesu koita moni daha abu moimane eraki oroḡi, roege, ‘Ata Bauge, aka moni daha abu ge aki da moimanu; eraḡa, daka daha abu tage daki adahe kinu.’ ²³Au Biage raki kironu, Aka me maḡe vara aki kinu, mati besubesu koita maḡe vara; amu ḡuma eiririvage aki iaḡa avie nitabata maḡe ḡahima, eige daka negu ami iaḡa bauge nitabata ḡahigeige biava a maema vara, oroḡo daḡore no heḡiri raḡoha.’²⁴Gerege besubesu koita moni daha kobabe mane tage raki oroḡi, roege, ‘Ata Bauge, daka dibana aka koita bere berera, a beḡi geige veite iaḡanivaia amu dodo geima, mati a iaḡa iaka be ieie veite e iabara amu bougeima; ²⁵eige daki siḡoime daki ai monive mi vata uhura hunivanu. Eraḡa iaḡaniva one, ma ora aiera.’²⁶Au biage raki boriti ḡahi ronu, ‘Aka besubesu koita daure mati hero veite! Aka dibana ani, da beḡibe veite iaḡanivaia amu dodo geima, mati amu da ieigege veite iaḡaniva amu bougeima? ²⁷Menugena akamu di monive mi be iau me ḡahi, gerege da ḡoiraḡege iauka daie ada tinabe maemare mi da moimisa.²⁸Negubutu moni e au mare, mi oti unuhuna daha utube koitava moimiahe. ²⁹Badivara iana unuhuna ia aute, iauka dadaḡa mohigei gevara, renu iauka vani inuhati dadaḡa mimi vara; eduge iana unuhuna iau ḡasina iaḡa veite, iau ḡasina uiare iauka kokikoara. ³⁰A besubesu koita daure vara, iama mi itahe vadibua kiravisa, ei auma nivi au eḡie ramu gi raḡohisa.’³¹“Eige Koita Ḡamika oroḡare ra hedo mati maḡe ruta auna au aneruve inuhati ruga, gerege auna au guragu gabu aenave guramisa. ³²Koita inuhati vata ada oi gera iau bouge oroḡi au ḡasina bouraḡira vara, gerege auna koita kasagei erehuta mamoe ni tabata ḡahare kiare naḡate, ³³gerege auna koita ieririve idigei au vamaḡahe gosigeisa.³⁴Gerege negu rohi ena au vamaḡahe e boriti ḡahi geisa, ‘Oroḡiahe, di Mame ramu ia maḡe ḡahi gevenu, auki uriḡoi au vata ketake o kinei iani ro maemanu; ³⁵badivara da ḡubu raḡanei amu daie kinu, da eia hoḡeviege amu eia da moimanu, daka koita ḡaita eduge amu ai iagehe dami otinu, ³⁶daka bututabue amu oḡonava da ḡodomanu, da komata viege amu da reḡuanu, da vadibu iagava amu da deiva ḡahanu.’³⁷Gerege ḡuma ieririve ḡahava iana rosa, ‘Rohi bauge, vaisu gena no a eraḡege na ḡubu raḡage no a vasiḡanu, se a eia hoḡe viegena no eia a moimanu? ³⁸Se vaisu gena no a eraḡege koita ḡaita gena no ami iaga otinu, se bututabue gena no ogona ai kinu? ³⁹Renu vaisu gena no a eragene a komata vanu se vadibu iagava uiege no a deiva ḡahanu?’ ⁴⁰Gerege negu rohi eraki boriti ḡahigei roma, “Riaḡa vara daki roma, ia be iau naḡate ia di oḡo nane bei kiare, eramu daigera iaki kia.’⁴¹Gerege auna au vagadehe e boriti ḡahi geisa, ‘Dai ḡahe otiahe, iai ḡahune rone iauka vene raḡira uhura ge auki ro maemanu diabolo mati au anerue ruḡa iauni; ⁴²da ḡubu raḡege iaka da vasiva veitera, da eia hoḡe viege iaka eia da moimo veitera, ⁴³daka koita ḡaita eduge aka da mi ai iagehe otito veitera, daka bututabue iaka dani ogona kiki veitera, daka komata vi renu vadibu iagava uiege iaka da deiva ḡahiva veitera.”⁴⁴Gerege iauna boriti ḡahi rosa, ‘Rohi bauge, vaisu gena no a eraḡege aka ḡubu raḡanu se eia hoḡevanu se koita ḡaita se bututabue se komata se vadibu iagava, gerege no a iahea veite?’ ⁴⁵Gerege auna kirogeisa, ‘Riaḡa vara daki roma, ia be iau naḡate da besibe ḡahi dami ia oḡo nane kiki veite, eramu beta daigera iaki kia.’ ⁴⁶Gerege Dirava ramu besugei otitoara huhu behi behive gabuhe, eduge ḡuma ieriri ḡahava iabara maḡuri behi behive oḡohe otitoara.”

¹Iesu iaḡa inuhati hadiba ḡahige netuare auki au ḡamituhe kiro gevenu, ²“Iaka dibana vani abu uhura Edoredore rigi vara, mati Koita Ḡamika vara iauka mi mohi gevege iauka satauro ḡahiḡa vara.”³Gerege aena ḡaha iau bauge tuhea mati oḡo ata baugea iabaraki iau bouge aena ḡahe iau biage iagehe bouraḡohi. Au ihera Kaiafa, ⁴mati iauna orenaki norena Iesu mare iauna ḡami ga vanu. ⁵Eduge iauki roege, “Noka beta rigi uhura kiki vara, koitaia negu iau vaḡa ḡarahime.”⁶Iesu ra Betania oti, Simona lepera koita e iagehe gera, ⁷au tamuta viege uhura maḡi be raki muraka ḡutika maḡete damuna ketakete, au ḡasina otime auki au omotehe bohuḡanu. ⁸Eduge au Ḡamituhea iabaraki eraḡare iauki ho ḡahi roege, “Esemena au virena kima? ⁹Dehoro damu ketake oramu haevi moniva mare mi koita goroa mohigeige vara.”¹⁰Eduge Iesu ra dibana iauna otavado ana iau roia, gerege auki kirogei, “Esemena ia gure maḡi oi uhu korahi raḡoha? Au dai kine oramu ḡuma maḡe vara auki kinu. ¹¹Iaka vani inuhati goroa o iabara ia ruḡa, edube iaka beta vani iau bouge daḡore gera.¹²Au onaki dehoro o mi di ahatane dahu ḡane oramu di hoḡe ḡumava auki kima. ¹³Riaḡa vara daki ia boriti ḡahi geima, oreigena ia vata ada oi iau badi o ro ioa raḡare, otavado maḡi o au kine era beta vagua ḡahiḡa vara.”¹⁴Gerege au ḡamituhea utube abu iau vaḡa be ihiva Iuda Isakariota raki aena ḡaha iau ḡasina otinu ¹⁵eige auki beragei, “Iana otavado da moimoanu da Iesu mi ia mohi gevege?” Iauki moni utu abigaḡa mi au damune kinu. ¹⁶Nega ei Iuda raki orenaki auna Iesu mi mohigei gevanu.¹⁷Vani ḡaneḡane iau parao Rigi kisa rome Iesu Ḡamituhea iabaraki au ḡasina otime iauki beraḡanu, “Nona orei Edoredore demakava kiki vanu?” ¹⁸auki kirogei, “Otiahe oḡo uhura gera ata be ḡasina iama kirosa, ‘Hadiba koita e raki roma, ‘Di negave raki kahika ḡoima; daka di ḡamituhea ruḡa Edoredore me vara ai iagehe nona misa’ ” ¹⁹Au ḡamituhea iabaraki au kiro gevene e kiare, gerege iauki edoredore demakava reḡui maemanu²⁰Vahiḡeta mane negahe, auki au ḡamituhea ruḡa gurahi; ²¹gerege iau tamuta raḡege uhura, Iesu raki ronu, “Riaḡa vara daki roma, ia be ramu negu di taove toretoara.” ²²Au ḡamituhea iabaraki uhuhu raḡime iauki gure koba koba beraḡime iauki roege, “Rohi bauge, ona beta dakenu?”²³Iesu raki ronu, “Unuhuna daḡore naḡu kobabe au ade taḡoima eraki di taove torevisa. ²⁴Koita Ḡamika vara hoḡe raḡira vara buka aena rone naḡate, eduge unuhuna ḡuma daure o kinu Koita Ḡamika taove torevanu! Au maḡevera auna so beta guruare.” ²⁵Iuda taotore vane koitava raki beraḡi ronu, “Di Biage, ona beta dakenu?” Iesu raki ronu, “Auka amu e roma.”²⁶Iau tamuta raḡegare uhura, Iesu raki parao tinabe mi, maḡe ḡahare auki barai au ḡamituhe mohi gevare, mati ronu, “Mare mi iahe; ora di ahata makera.”²⁷Auki mati kebe be mi iagemi, maḡe ḡahare auki mohigei roma, “Iai bouge iahe; ²⁸ora di taokera, Dirava ominue kine, koita dadaḡa iau dainehe auki bohu raḡanu iau daureve inuhati ketogeige vara. ²⁹Iakera daki ia boriti ḡahi geima, daka beta ḡaitana vine eia o ivara atete da di Mame basileia isaḡeve uhura dana ia ruta isa.”³⁰Gerege iauki noḡo be rorota haki raḡohi otege Oliva nimu, ³¹Gerege Iesu raki boriti ḡahigei roma, “Negu vahi oi iaka urihi dai ḡahe otitoara; Buka aena rone naḡate,‘Dirava ra mamoe nitabata koitava ḡahi geige vara,gerege mamoe iabara siviḡoro raḡohi ḡeahu oti geige vara. ³²Eduge da urimi ḡoiraḡare itahare, daka uriḡoi Galileia otitoara.”³³Petero raki kironu, “Orenaki gena iau bouge ai ḡeahu ota, daka beta a ḡareḡa vara.” ³⁴Iesu raki boriti ḡahanu, “Riaḡa vara daki aki roma, negu vahi oi, kokorogu vara so nina veite, aka nega abigaḡa da ḡore ḡore ḡahiḡa vara.” ³⁵Petero raki kironu, “Daka beta enaki roroara, edume dana ma aḡore hoḡe raḡare tage, daka beta a ḡore ḡore ḡahiḡa vara.” Gerege au sokuhea ḡaitage eno kobuḡa e ronu.³⁶Gerege Iesu raki iau ruḡa gabube ihiva Getesemane otinu; mati auki au ḡamituhea boriti ḡahigei, “Oi gurahiahe dakamu hoivirei oti imimi vima.” ³⁷Auki Petero mati Sebedio ḡamuhe aburuḡa nisigei, au uhure raki isuhanu mati au soruke taḡe huhu naḡanu. ³⁸Gerege auki kiro gevenu, “Di soruke huhuara raho ketakera, tutube vanebe daka hoḡe raḡanu; oi gurahiahe daḡore no niḡa niḡa raḡoha.”³⁹Auki tinabe ḡaregei otare, aumi vata au kiravi ḡorumare imimivi roege, “Di Mame, au ḡumate ḡoinu, huhu o dai kokiva; beta di uravera edube ai uravera.” ⁴⁰Gerege auki ḡoiraḡi au ḡamituhe abigaḡa iau ḡasina otege iauki iaḡiaḡea, gerege auki Petero kironu, “Orenaki gena ia daḡore guragu ḡamana veite? ⁴¹Ena gure niḡa niḡaḡu raḡisa mati Dirava ai imimi raḡisa ia negu daure uhura siri raḡime; ai horu vera uraima, eduge ahata makava ra hero veitera.”⁴²Auki ḡaitana nega abu ḡahiḡava ḡeahu oti imimi viege, “Di Mame, ḡuma bera mati veitera, eduge da iege, ai uravemu riaḡa ḡoisa.” ⁴³Auki ḡaitana ḡoiraḡi tiege iauki iaḡohiave, iau nie baogeige veite. ⁴⁴Auki ḡaitana ḡaregei oti imimi viege nega abigaḡa ḡahi gava, ga kobuḡa e ro gevege.⁴⁵Gerege auki ḡoiraḡi au ḡamituhe iau ḡasina oroḡi renu kiro gevege, “Iana so gure ona iaḡoha? Ni ḡahiahe, nega ramu tuakera, renu Koita Ḡamika au bive kine ḡahava iabara e mi koita daure mohigeisa. ⁴⁶Urihiahe, nota. Iana eraḡa, di bive kine atava ramu oroḡanu.”⁴⁷Iesu gure gavege uhura, Iuda, au ḡamite utu abu uhura eraki roḡonu, koita dadaḡava raki au ruta oroḡi iau vaigadea mati iau garevea ruḡa, renu aena biavaia mati oḡo ata baugevaia. ⁴⁸Au bive kine atava raki kiro gevenu, “Da ata be anoḡare era; iama misa.”⁴⁹Iuda raki Iesu ḡasina time auki ronu, “Au maive ma, di Biage!” roare auki anoḡanu. ⁵⁰Iesu raki boriti ḡahi ronu, “Vasi, rogi a kisa roare iaḡaniva kisa.” Gerege iauki roḡahi Iesu adahe kamui berebe ḡahanu.⁵¹Tutube viege, iau be Iesu ruta geraki au kaiade mi iau haroro koitave besubesu ḡamive ihikokova dodoi turuhanu. ⁵²Iesu raki boriti ḡahi roma, “Ai kaiave mi ḡeahu maema; oḡore iana kaia idigevenu iauka kaia eige iauna hoḡe raḡohisa. ⁵³Iana dibana veite ianu da negu di Mame ḡasina iahe iahe imimi vare, auka negu ḡarara aneru utube abu besugeige vara dani? ⁵⁴Eduge au ena ḡoiare buka aena vana orenaki riaḡa ḡoigoanu, badivara ḡuma ora iaumu ronu auka varavisa?”⁵⁵Gerege Iesu raki koita dadaḡa e gaḡa gevenu, “Koko ia oroḡi kaia mati vaiga ruga da misa roia erehuta daka vaho koita be naḡate. Daka vani inuhati dubu uhura gurami hadiba vima eduge ia beta da manu. ⁵⁶Eduge iaḡa inuhati geramu vara raḡanu, gerege peroveta ḡahaia buka aena roege eramu riaḡa ḡoisa.” Eige au ḡamituhe iabaraki ḡarehi siviḡoro raḡanu.⁵⁷Oḡoreana Iesu mane e iabaraki nisiḡami haroro bauge Kaiafas iagehe otinu, eigera aena kiare ḡahaia mati oḡo ata baugea iabaraki bou raḡohanu. ⁵⁸Eduge Petero raki au itahe tabe tabeki oḡi otege, haroro bauge e iaga ḡaika time auki maḡu uhura sirivi; gabu ni tabata gahava ruḡa ḡurami auna otavado ihihi vanu.⁵⁹Haroro baugea mati kansolo inuhati geraki orenaki iauna ga tarata bei Iesu ada roege iauna au hoḡe ḡumaḡe kisa, ⁶⁰eduge iauka iaḡa be erara veitera, be ḡaitage raki roḡahi tarata ga be au ada raḡohege. Ata abu geraki netu netua roḡahi ⁶¹mati roege, “Ata oraki ronu, ‘Daka riaḡahe Dirava dubue seboḡare renu vani abigaḡa uhura dana ḡo ḡoiraḡisa.’ ”⁶²Haroro bauge eraki urimi rami mati roege, “Ana ga veitenu? Oiau ai gare raḡohane?” ⁶³Eduge Iesu raki keriḡoi. Gerege haroro bauge eraki kironu, “Maḡuri Dirava ihehe daki a ga ḡahima, no boriti ḡahigeve ana ni Maḡuri ḡahiḡave nu, Dirava Moe nu?” ⁶⁴Iesu raki boriti ḡahi roma, “Auka amu e roma. Eduge iakera daki ia boriti ḡahigeima,Negu oi oti iaka Koita Ḡamika eraḡegeauka hedo Dirava vamaḡa kasihege auna ḡuramisamati vava seni auna oroḡisa.”⁶⁵Gerege haroro bauge eraki au oḡonave darivare auki ronu, “Auka Dirava daure ḡahiḡa ga vara auki rogevenu! Nona otavado ga be auseni ihisa? Iakamu au ga daure rone ihi gevenu. ⁶⁶Iana otavadoana ia anava?” Iauki ronu, “Auka hoḡe raḡira vara.”⁶⁷Gerege iauki au nie sabaki ḡahi mati hodivege; mati be iabara au tihie madavege, ⁶⁸roege, “Ana Keriso nu, no peroveta ḡahigeve, unuhuna a hodivanu?”⁶⁹Petero ra maḡu itahe auki guramanu. Besu besu maḡive be raki au ḡasina time auki ronu, “Ataḡe Iesu Galileia koita e ḡore gera.” ⁷⁰Eduge auki iau bouge iau vaḡotoni ḡoreḡore vanu, roege, “Daka dibana veite otavado ana ia roia.”⁷¹Auki urimi itahe otege, besu besu maḡi be raki eraḡare, mati koita rahi gevene boriti ḡahi gevege, “Ata oramu Iesu Nasareta koita e gore hegera.” ⁷²Auki ḡaitana gore gore vi roege, “Daka ata vire dibane veitera.”⁷³Nega tinakibe uhura koita rahi gevene iabaraki Petero ḡasina oti ronu, “Era riaḡa vara aka iau bera, badivara ai ḡare raki a ḡaḡae kima.” ⁷⁴Gerege Petero raki ḡavi roege, mati ominue vi roege, “Daka ata vire dibane veitera!” Ḡamana veite kokorogu vara nivinu. ⁷⁵Gerege Petero raki anavanu otavado vanu Iesu boriti ḡahi ronu: “Kokorogu so nina veite aka nega abigaḡa da ḡore ḡore ḡahisa.” Auki itahe time auki nina raho viege.

¹Va tahi vagutu, haroro bauge inuhati mati ata baugea iabaraki bouraḡohi Iesu ḡamiḡa ḡumava gava raḡohege. ²Gerege iauki adakava raroare, iauki nisiḡami Pilato gavana ata e ḡasina otinu.³Iuda taotore vane koitava raki dibana ḡoinu Iesu ra hoḡe raḡira vara, gerege auki aukine ḡumava ananai ḡoiraḡare au muni tahaka utu abigaḡa idigei otime auki haroro baugea mati ata baugea mohigei ḡoiraḡanu. ⁴Auki kirogevenu, “Daka ḡuma daure vara daki kinu, daki daure be kiki veite koitava hoḡe ḡumaḡe kinu.” Eduge iauki kironu, “Noka e anana veitera? Era avahu ai tohidera.” ⁵Iauki negu muni tahaka e idigei dubu uhura kirage vare, auki hakivi otare auvahu au enoke raroi hoḡe raḡanu.⁶Edube haroro baugea iabaraki negu muni tahaka e idige vare iauki ronu, “Ora taḡote muni tahaka vara, beta maḡera no mi dubu moni maemare ei maemisa.” ⁷Iauki iau bouge ga raḡohi, iauki muni tahaka emi hodu kiare koitava vateta tinabe haevi, ḡeahu ḡaha iau abate abate gabune. ⁸Enaki eige iauki mata e ihiva kinu Taḡo Mata oroḡi negu.⁹Gerege peroveta koita Ieremia gare raki riaḡa ḡoinu, roege, “Iauki siliva muni tahaka utu abigaḡa, au damune Isarela ḡahaia au ibine rone era, ¹⁰renu iauki moni e mi hodu kiare koitava matame haevi, era Rohi bauge da ḡanito ḡahane dodihe.”¹¹Iesu raki Roma gavanava vaḡotoni rami; gerege gavana raki beragi, “Ana Iuda ḡaha iau Rohi venu?” Iesu raki ronu, “Auka amu e roma.” ¹²Eduge auka ga be roro veitera, haroro baugea mati oḡo ata rahoia iabaraki auka daure kinu. ¹³Gerege Pilato raki boriti ḡahi roma, “Ana iau ai ḡuma daure kiege gava raḡohare ihi geima se?” ¹⁴Eduge auka iau gare be dodo veitera; eige gavana raki dauraḡi badiva Iesu ra ga kobabe tage roro veitera.¹⁵Edoredore heḡiri nega inuhati gera gavana ra vadibu iagava uiare bera koita iabana roege iauna mi hakivisa. ¹⁶Nega ei vadibu uiege bera koita inuhati gera au dibane, au ihera Barabasi.¹⁷Gerege koita bou raḡane eige Pilato raki bera gevenu, “Orena ia gahara raḡohi dana iani vaheḡisa, Barabas se Iesu ihiva rone Keriso?” ¹⁸Auka dibana riaḡa vara Iuda ḡaha iau aenave ge iauka Iesu mi moimo vara. ¹⁹Au kota kiare gabuhe guramege uhura au mabare raki au enoḡe besuḡanu, “A negu ḡuma ieriri koita ei iaḡabe kime, dakamu vani uhuḡae daki huhu naḡanu da iaḡo be au vane.”²⁰Haroro baugea mati ogo ata rahoia iabaraki ḡaru ḡaha kiro gevenu iauka Pilato kiroege aukai Barabasi vaheḡisa a Iesu ra iauma ḡami hoekisa. ²¹Eduge Pilato ḡaitana bera gevenu, “Unuhuna ia iau abu iau uhura gahara raḡohi dakai vaheḡisa iani?” Iauki roege, “Barabasi.” ²²Pilato raki kirogei, “Gerege dana orenaki Iesu iau au ihe rone Keriso kiki vanu?” Iauki iau bouge ronu, “Mi satauro ḡaha.”²³Edube auki berabe vanu, “Otavado dainehe, auna otavado ḡuma daure bena au kinu?” Eduge iauki bara raḡohi roege, “Mi satauro ḡaha.” ²⁴Pilato raki eraḡege maḡe bera veitera, eduge ḡoḡai dudu vara hakivege, gerage auki koita iau vaḡotoni eia mime auki au ade ketoare, roma, “Daka ata o hoḡeve beta di kiki vera; edube era ia iavahu iai gera.”²⁵Koita iabaraki iau bouge roege, “Hoḡe ora isukava inuhati ni ada mati ni ḡamuhea iau ada gera!” ²⁶Gerege Pilato raki Barabasi vaheḡare, renu iauki Iesu hodivare, auki mi mohigevenu iauka satauro ḡahisa.²⁷Gerege gavana ḡarara ḡahatuhe iabaraki Iesu mare iauki mi au gabunehe otinu, eige au ḡarara ḡahatuhe inuhati raki bouraḡohi. ²⁸Iauki au ogonade kokivare iauki ogona kerekare be mi au kinu, ²⁹gerege iauki ḡati garanate mi au omotehe maemanu, mati idi be mi au ada vamaḡahe maemanu. Iauki ehaiahia ḡahi ḡoru raḡi renu komuko dairaḡare, kiroege, “Maḡuri, Iuda iau Rohive!”³⁰Iauki sabaki ḡahare, mati idi mi omotova hodivanu. ³¹Iau ehaiahia ḡahi itaharahe ge, iauki au ogonave darivi kokivare iauki au ogona riaḡava mi au kinu, gerege iauki nisiḡami satauro ḡahisa ro mi otinu.³²Iau hakiraḡi otine, eige iauki Kurene atabe eraḡanu, ihivara Simona; gerege ḡarara ḡami iabaraki kiroege auki Iesu satauro ve agohanu. ³³Iauki oti gabu be ihiva Golgota (makava ramu Omo kouka mata vara), ³⁴iauki vine muraka mi eia ruta kobua ḡahi; mi moimi auki tohoḡare besibe ḡahanu.³⁵Iauki mi satauro koko ḡahare, au ogonade idigei iau vaḡahe harivege; ³⁶gerege iauki ei gurahare gure ḡaru ḡahege. ³⁷Au omote variada ge iauki torei onaki ronu, “Ora Iesu ra, Iuda ḡaha iau Rohivera.”³⁸Gerege vaho koita abu ḡainage Iesu ruta iauki satauro ḡahi gevenu, bera au vamaḡa kasihe mati bera au vaḡa kasihe. ³⁹Koita oti oroḡege e iabaraki iau omote davegei ⁴⁰mati roege, “Aka vani abigaḡa uhura dubu seboḡare mati kiege ḡoiraḡira vara, avahu a maḡuri ḡaha! A Dirava Moe ḡoege, menugena satauro ei ḡoroma.”⁴¹Ḡuma kobuḡa ei haroro baugea, renu aena kiki ḡahaia mati ata baugea, iabaraki ehaiahia ḡahege, roege, ⁴²Auka be iabara auki maḡuri ḡahi gevege; menugena au beta auvahu au maḡuri ḡahima? Auna Isaraela Rohivanu; eramu au satauro ada ḡoromege nona au riaḡa ḡahisa.⁴³Aukamu Dirava riaḡa ḡahima; edumena Dirava urai negubutu maḡuri ḡahare, mati roma, ‘daka Dirava Moe ra.’ ” ⁴⁴Vaho ḡahaia au ruta satauro ḡahi gevene e ḡaitage ramu enakime iauki ḡuma kobuḡa ei ga ḡahege.⁴⁵Vani omo ada roḡone uhura ge vadibua raki vata ketake inuhati bakuanu atete vahiḡeta vani iaḡa abigaḡa. ⁴⁶Vani iaḡa abigaḡa uhura Iesu raki nivi baravanu, “Eloi, Eloi, lama sabatani?” makava ramu, “Di Diravate, di Diravate, esemena a da ḡare manu?” ⁴⁷Koita be ei rahi gevene iabaraki iahare, iauki ronu, “Ata ora Elia auki ihiromima.”⁴⁸Iau be raki rurui otime auki dabua tinabe mare, vine uhura taḡoare, auki mi idiva raroanu, gerege auki mi au susutemenu auka isa. ⁴⁹Eduge be iabaraki onaki ronu, “Soso, noso eraḡa edumena Elia roḡi maḡuri ḡahare.” ⁵⁰Gerege Iesu raki ḡaitana nivi bara vare auki hoḡe raḡanu.⁵¹Gerege iau dubu uhura dabuava raki dariḡohi abu ḡoinu, auhe uguhi derihe tinu. Vata vaḡava vi, mati munio ḡaitage reha raḡohi gevenu. ⁵²Hoḡe aba bao raḡohi, mati Dirava koita tuhea hoḡe ragohane e iabaraki urihi maḡuri raḡohi ḡoiraḡohanu hanu. ⁵³Iesu hoḡe uhura urimi ḡoiraḡane itaharahe iauki midava ḡarehi oḡo aena ei otege koita dadaḡa iau ḡaḡae ḡoige.⁵⁴Ḡarara ḡaha bea iau biage ruta gera, iauki Iesu eraḡege iabaraki vata vaḡava viege eraḡi mati iaḡa inuhati vara raḡane erageime, iauki siḡo raḡohi mati onaki ronu, “Riaḡa vara ata oramu Dirava Moera!” ⁵⁵Ḡaru maḡi dadaḡava raki ḡamanahu rahi niḡahege; iauka Galileia ge iauki Iesu itahe oroḡege mati iaheḡege maḡiva iabara. ⁵⁶Iau uhura gera Maria Magadala, renu Maria, Iakobo mati Iosepa iau neine, renu Sebedeo mabare⁵⁷Vahigeta ḡoine eige, ada bubu ata be raki Arimatea seni oroḡonu, au iheramu Iosepa, au tage Iesu gamite bera. ⁵⁸Auki urimi oti Pilato ḡasina Iesu ahata make imimiva vanu; gerege Pilato raki hedo mohi gevege iauki mi moimanu.⁵⁹Gerege Iosepa raki mare ogona isaḡe maḡe bei ḡodomanu ⁶⁰mati auki au avahu muni uhura aba rohone ei maemanu. Gerege auki muni abata be kureime auki aba udua kouare bina otinu. ⁶¹Maria Magadala mati Maria be iau ḡainage ei, aba hakirahe gurahege.⁶²Va tahi ḡoiraḡane ei, Sabadi vani vara, haroro baugea mati Farasea ḡaha iabaraki Pilato ḡasina bouraḡanu ⁶³mati ronu, “Rohi bauge, noka tarata koita e au maḡuri vehe au gare rone, ‘Daka vani abigaḡa itaharahe maḡuri vi ḡoiraḡira vara.’ ⁶⁴Eige ama roege au abave iauma nitabata ḡahi atete vani abigaḡa rone ei; veite ḡoiege au ḡamituhea negu oti au ahata make vahoro mime, mati koita boriti ḡahi rosa, ‘Aukamu maḡuri vi ḡoiraḡanu,’ mati nega ihie tarata ḡuma oramu uriḡoi tarata iaḡaniva soiso vara.”⁶⁵Pilato raki boriti ḡahigei roma, “Iaka nitabata ḡahate iabaraki; otiahe, midava vire iai herohe iama nitabata ḡahisa.” ⁶⁶Gerege iauki oti midava kouko muniva reḡunaki maemi berebe ḡahanu.

¹Sabadi itaharahe, pura vani uridane va tahege, Maria Magadala mati Maria be ḡore midava eraḡisa rome iauki otinu. ²Tutube viege vata raki vaḡava ketake vanu; badiva Rohi bauge aneruve raki vava seni uguhi oroḡi muni kurevi ḡeahu maemare auki adahe guramanu.³Au eravaḡe ramu erehuta va gibaru vare abagatera, mati au ogonave tage kae abaga vera. ⁴Nitabata ḡaha ḡainage siḡo raḡohi ḡabubu raḡi iauki erehuta hoḡe ḡaha iau naḡate ḡahanu.⁵Eduge aneru eraki maḡi e kiro gevenu, “Ia negu siḡo raḡohime; daka dibana iaka Iesu iau satauro ḡahane era iaki iaḡoa. ⁶Auka oigera veitera, aukamu urimanu au rone naḡate. Oi oroḡi iau maemane gabuva eraḡiahe. ⁷Gerege vaina ḡoiraḡohi oti au gamituhea boriti ḡahi geisa, ‘Aukamu hoḡe uhura urimanu, renu aukame uriḡoi Galileia otima; eige iana eraḡisa.’ Ora di gare daki ia kiro gevenu.”⁸Gerege iauki vaina midava ḡarehi siḡo mati heḡiri ruta ruru raḡi oti au gamituhe boriti ḡahigeisa. ⁹Tutube veite Iesu raki iau ḡaḡae ḡoiare auki kirogei, “Mai miahe!” Iauki oroḡi au ḡasina, au vase hodohare, iauki ḡoru raḡohi maḡe ḡahanu. ¹⁰Gerege Iesu raki boriti ḡahigei roma, “Ia negu siḡo raḡime; oti di nanuhe kiro geisa iauma Galileia otisa; eige iauna da eraḡisa.”¹¹Maḡi iau ḡumaḡa otege, nitabata ḡaha be iaberaki ḡoiraḡohi oḡo otime iauki dubu baugea boriti ḡahi gevenu iau era gevene iaḡaniva inuhati. ¹²Dubu baugea iabaraki oḡo ata baugea ruḡa bouraḡohi, iauki ga raḡohi iauka moni raho tinabe mi nitabata ḡaha mohigeisa, ¹³iauki boriti ḡahi gevege, “Iama kiro geisa, ‘Au gamituhe iabaraki vahi oroḡime iauki au ahata make vahoro manu noka iaḡohege uhura.’¹⁴Edumena gavana ihare ḡoiege, nokena au uhure maḡe ḡahi mati auka beta iaḡa be iai kisa.” ¹⁵Gerege iauki moniva miare iauki iau boriti ḡahi gevene ḡumahe kinu. Gerege badi ora Iudea ḡaha iaberamu ro ioa raḡa oroḡi negubutu.¹⁶Au ḡamituhe utube hakira kobabe iaberaki Galileia otinu, iauki nimu be Iesu boriti ḡahi gevene iauka otisa. ¹⁷Iau Iesu eraḡane negahe, iauki maḡe ḡahi, eduge be iabera uhu abu.¹⁸Iesu raki iau ḡasina oroḡare auki kiro gevenu, “Di Mame ramu hedo inuhati vava mati vata ada aukamu da moimanu. ¹⁹Eige otiahe mata o koitava inuhati hedoka ḡahigei, mati babatiso ḡahigeisa Dirava ni Mame mati au Moe Iesu mati Horu Aena iau ihehe,²⁰mati hugure ḡahigeisa iauma iaḡa inuhati da ḡanito ḡahi gevene iauma riaḡa ḡahisa. Mati ia negu vagua raḡohime, daka nega inuhati ia ruta, negu oti netu netua.”

¹Nega eige Kaisara Augusto raki aena be besuḡi akivi roege, vata ada koitava inuhati ge ramu iau ihe bukava ḡosiḡisa. ²Ihi maema vani ḡanaiva Kurenio gure Siria rohi ḡahege negahe gera. ³Koita inuhati geraki iau ihe bukava ḡosiḡo dainehe iauki ḡoiraḡohi iau oḡehe oti gevenu.⁴ Iosef tage Nasareta Galilea uhura auki hakivi otinu Iudea, auki hakivi Davida matamehe ihiva Betelehema, badiva au tene guruane ra Davida au gera. ⁵ Auki Maria tage iauki ei otinu iau ihe bukava ḡosigeisa, badiva auka Maria manu au mabareni kinu, renu auka ahatate ḡoinu.⁶ Iauka iau abu so ei uhurage, auki huhunaḡi auka ḡami misa. ⁷ Auki marai au moe hama ḡamiva manu, gerege auki ogonava ḡodomi, renu gami karuka miare iauki boromakau iau tamuta patavehe kurei, badiva guragu iaga inuhati tobo raḡohanu.⁸ Mata eigera ata iabera iau mamoe ḡosiḡare eige iauki gurahare, iauki iau mamoe terive ni tabata ḡahigeva. ⁹ Gerege Rohi Bauge anerue raki iau vaḡotoni rami, au abage raki oriḡigei, renu iauki siḡo raḡohege.¹⁰ Eduge aneru raki boriti ḡahigei ronu, “Ia negu siḡo raḡime; iana eraḡa—daka koita inuhati iai bouge ianige daki hari bauge maḡe bera daki moroḡanu: ¹¹ negu vani oi Davida oḡehege iai maḡuri ḡahiḡa atava be ramu varavanu, auka Keriso, Rohi Bauge vara. ¹² Oramu au toaḡera: aka ḡami karuka be ogonava ge iauki ḡodomi renu boromakau iau tamuta patavehe iaḡiaḡe ana behuḡisa."¹³ Ḡamana veite iau ruḡage va aneru iaberaki ugu raḡohi, Dirava moteḡahi mati roege,¹⁴ “Dirava vava vava uiare no Moteḡaha,mati vata ada oi au maive koita iai bouge misa!”¹⁵ Aneru iaberaki ḡaregei vava ḡoiraḡohi otinu, gerege mamoe ni tabata ḡahava iabera bebe gaḡagei, “No ota Betelehema otavadoana Rohi Bauge no kirogeima noka oti eraḡisa.”¹⁶ Gerege iauki vaina otime iauki Maria renu Iosepa, mati ḡami karuka vara boromakau iau tamuta patavehe iaḡiage.¹⁷ Iauki ḡami karuka eraḡare, iauki au badine iau ihine gava raḡi ioa raḡohege, ¹⁸ renu koitaia badiva mamoe ni tabata ḡahava iau gava ihinei iauki ḡaḡu raḡohanu. ¹⁹ Eduge Maria iaḡa o inuhati uhu maemi renu au uhurehe anana viege. ²⁰ Mamoe ni tabata ḡahava iabaki ḡoiraḡohi, iauki Dirava maḡe ḡahi renu moteḡahi iau ga ihine mati era gevene, aneru kiro gevene inuhati ge ramu riaḡa vara.²¹ Vani abuḡu veite kosavege, iauki ḡami karuka ihiva kikivara; iauki ihiva ronu Iesu, au so au neine vaḡatanihe aneru raki ihiva ronu.²² Iauki Mose aena rone, reḡureḡu vaniva miege, iauki ḡami karuka mi Ierusalema otime iauki Rohi Bauge vaḡotoni ḡaḡae kinu. ²³ (Dirava aenave uhura maemane onakime auki ronu, “Hama ḡami mo ḡahare iabera Rohi Bauge vaḡotoni inuhati aena iabera”), ²⁴ mati iauka boubou iaḡa naḡate Rohi Bauge aenave rone, “ḡero ḡamika abu se uguha ḡamika abu."²⁵ Ierusalema uhura gera atabe ihivara Simeona, auka ieririve mati Dirava siḡamare atava. Auka Dirava auki uhuiami orenaki auna Isaraela huhu naḡare maḡe ḡahiḡa eragisa, renu Horu Aena tage au ruta gera. ²⁶ Auka Horu Aena raki au ḡaḡae kinu auka so beta hoḡe eragisa, edube uriḡoige auna Rohi Bauge besu besu atave eraḡisa.²⁷ Simeona ra Horu Aena raki nisiḡami dubu sirivi; gerege ḡami karuka Iesu iahuve iaberaki mi oroḡime iauka iau tene aenava au kisa, ²⁸ Gerege Simeona raki iau miare auki mi hodohare auki Dirava moteḡahi, roege,²⁹ “Di Biage, ama bina ai besubesu atave besuḡisa ai maive ruta, ai gare rone naḡate;³⁰ badiva di nie ramu ai maḡurive eraḡanu,³¹ akamu kinu koita iau bouge iau vaḡotoni,³² ai abage ramu hakivanu koita inuhati iaurenu ai maḡeve ramu ai koitatuhe Isaraela ḡaha iau."³³ Negu ḡami e mame au neine ruta iauki ḡami e badine ihinei iauki ḡaḡu raḡohi. ³⁴ Gerege Simeona raki abu ruḡa maḡe ḡahi gevare, renu auki au neine Maria kironu, “Gami ora Isaraela koita dadaḡa iau ugu raḡare renu idigei iageige vera, mati auka koita iabena eraḡi au gare raḡi besibe ḡahisa. ³⁵ Eige koita dadaḡa iau uhu ananave iabera ḡaḡae ḡahiḡa vara—renu a tage avaḡu ai soruke eḡiva bisa."³⁶ Peroveta maḡi be tage, ihivara Ana, auka Fanuela maera, Asare toneta maḡi vara. Aukamu bina maḡi iahu ḡoinu, auka mobore ruta tau iatiriḡaḡu ge iauki ḡurahanu, ³⁷ gerege au gobu ḡoi gurami ate au maguri taue ate utu iatirigava akira ababu ḡoinu. Auka guragu vaniva inuhati auka dubu ḡareḡa veite, edube oti Dirava maḡe ḡahege renu aena viare tamuta ḡaremi vani mi vahi mi imimi viege. ³⁸ Vani ei iau Iesu mi dubu aenava mi oroḡane, Ana tage raki oroḡime auki Dirava maḡe ḡahi renu ḡami karuka e gare vi roege auka Ierusalema maḡuri ḡahiḡa vara.³⁹ Iauki Rohi Bauge aena meva kirogei kosai, iauki ḡoi raḡohi Galileia oti, iau oḡe riaḡava Nasareta. ⁴⁰ Ḡami eraki bauge ḡoi, mati herote renu uhu vaka ruta; renu Dirava maḡeve au ada gera.⁴¹ Tau inuhati au iahue iabaki au tage iauki mi Ierusalema otege, iau Edoro-edoro rigi vaniva dainehe. ⁴² Iesu taue utube hakira abu ḡoine, iau tau inuhati kiare naḡate, iauki Ierusalema otinu rigi dainehe. ⁴³ Rigi meva kosavege iauki ḡoi raḡohege, edube Iesu ra Ierusalema ge auki gurami, eduge au iahuve iabera dibana veite. ⁴⁴ Iau ananave auka koita ḡoi raḡohare iau vaḡa, vani uhuḡae iau oḡine. Tutube viege iauki iaḡovege iau oḡo nanuhe renu vasiruhe iau berabe raḡege.⁴⁵ Iauki behube veite, eige iauki ḡoiraḡohi Ierusalema iaḡoisa ro otinu. ⁴⁶ Vani abigaḡa itaharahe iauki dubu uhura behuḡanu, auki dubu ḡaha iau vaḡa gura gurave, iau gare ihege mati berabe viege. ⁴⁷ Gerege au gare ihege ḡahava inuhati geraki ḡaḡu raḡohi au ga uhu vake mati au berabehe.⁴⁸ Au iahue iabaki eraḡi heḡiri raḡi; gerege au neine raki kironu, Di Moe, esemena a onaki no kiogevenu? Eraḡa, da ai mame ḡorehege anana hoḡeva raḡime noki a iaḡova.” ⁴⁹ “Esemena ia da iaḡoa?” auki bera gevenu. “Iana dibana veitenu dakamu di Mame iagehe uvara?” ⁵⁰ Eduge iau uhurera bao raḡira veite auna otavadoana au roege.⁵¹ Gerege auka iau ruḡa Nasareta otime renu auki matau ḡahigei. Eduge au neine ra iaḡa inuhati ge auki au sorukehe ḡosigevenu. ⁵² Gerege Iesu raki bauge ḡoi mati uhu vaka maḡe ruta, renu Dirava mati koita iabaki au ḡahara raḡege.

¹Vani bei, auka gure dubu badi maḡe koita boriti ḡahi gevege, gerege dubu biava renu aena ḡaha iabeki koita bauge ruḡa au ḡasina otinu ²renu beraḡanu, “No kirogeve, unuhu hedokehe gena a me o kima? Unuhui gena a hedo manu?”³Iesu raki kiro gevenu, “Da tage ia beragei gevara, renu iama da boriti ḡahisa: ⁴Ioane babatiso mane na vava seni ge au oroḡanu, se koita iau seni?”⁵Iauki iavaḡu bebe gaḡagei, roege, “No negu rosa, ‘Vava seni,’ auka roro vara, ‘Esemena ia riaḡa ḡahiḡa veite?’ ⁶Eduge no negu rosa, ‘Koita iau seni,’ koita iabera muniva no ḡahigei hoekigei gevara; badiva iauka onakime iauki roia Ioane ra peroveta koita vara.”⁷Gerege iauki kironu iauka dibana veite oreigenu au oroḡonu. ⁸Gerege Iesu raki kiro gevenu, “Da tage beta ia boriti ḡahigei gevara unuhu hedokehe gena da me o kima.”⁹Gerege auki badigomu be koita boriti ḡahi gevege: “Ata be raki demaka ḡeḡe be kiare, auki koita be idigei iauka ni tabata ḡahisa, auka so mata nune bei nega tinabe ḡamana ioa otisa. ¹⁰Rohirohi nega miege, auki au ḡamite be besuḡi au ḡeḡe ni tabata koitava iau ḡasina au ḡeḡe makava misa; eduge ni tabata ḡaheva iabeki ḡami oiahi auki adaunaḡe ḡoiraḡanu.¹¹Auki ḡaitana be besuḡanu; au tage iauki ḡami oiahi mati adaunaḡe besuḡanu. ¹²Auki mati ḡaitana abigaḡa ḡahiḡava besuḡanu, iauki ḡami daure ḡahi mi itahe kirai haki raḡanu.¹³Gerege ḡeḡe biava raki onaki ronu, ‘Dana otavado kisa? Daka di moe kobuḡava dana besuḡisa; iauka mena beta iaḡa be au kiki vara.’ ¹⁴Eduge negu ni tabata ḡahe iabeki iavaḡu gaga raḡi ronu, ‘Oramu kohu biava moera; noma ḡami hoekare gerege noma ḡeḡe o noni misa.’¹⁵Iauki mi ḡeḡe itahe butui haki raḡare iauki ḡami hoekanu. Eige ḡeḡe biava negu orenaki kiogeige vanu? ¹⁶Aukamu negu oroḡare ni tabata koitava ḡahigei hoeki gevare auna ḡeḡe mi koita be mohi geisa.” Ihine ḡahava iabeki onaki ronu, “Veite! beta enaki ḡoiḡo vara!”¹⁷Eduge Iesu raki era gevare ronu, “Gerege bukava maemane makava na otavado:‘Iaga ḡoḡo koitavaia besibe ḡahane munivaeramu iaga kamui berebe ḡahare muni vara’? ¹⁸Muni vire ada moruḡohare ḡahava iabera mumu raḡohira vara, mati koita be ada moruḡohare koita era mumu raḡira vara.”.” ¹⁹Negu aena gaha mati dubu biavaia iabeki dibana ḡahanu badigomu ora iauge auki roma, eige iauka ḡamiḡa ronu, eduge iauki koita iau siḡore raḡohanu. ²⁰Eige iauki eraḡanu mati avanaḡe niḡa niḡa koita besugei, au gare dainehe iauka kamuisa, gerege iauka mi oti gavana aenava renu au hedoke derikehe.²¹Eige iauki beraḡi ronu, “Ni Biage, noka dibana ai gare renu ai uhuvake, renu aka koita be ga nune ḡahiḡa veitera, eduge Dirava uhuvaka garehege aki gaḡa geima. ²²Kaisara taks monive no moimare se veitenu, aena vanu?”²³Auka iau taratave dibana dainehe, auki kiro gevenu, ²⁴“Moni be mi da moima. Unuhu omote renu unuhu ihena adahe?” Iauki ronu, “Kaisara ihera.”²⁵Auki roma Kaisara aue Kaisara iama moimi, Diravaie, Dirava iama moimisa. ²⁶Aru koitaiau vairanea au gare ehe iauka idoa gahiga veite, au gare ragadiha, iauka ga veite.²⁷E itarahe Sadukea koita beabe au ḡaika oti; orea earoia hogera beta irimi goiragarihe; iauki berai, roia, ²⁸Hadiba koita, Mose ni taravatu no mohigei, roma, ata be hogerai mati gobua gurami gami veite, gobua sibakava na mati mabakisa, gamikava aune havaragahigei hoḡe atavaie.²⁹Benaini ogo nama iatiriava gura gurave, ata bauge kiege maḡi be maba kinu to auka gami veite auki hogeraganu. ³⁰Abu gahigava mati abigaḡa ḡahiḡava iauki negu maḡi e mabakinu ³¹ototo iatiriaga iauki manu, to iau bougei hoḡe ragohanu iauki gami veite ³²ihie maḡi tage hogeraganu. ³³Uriri ḡoiraḡira negavahe maḡi ena unuhu mabarenu? Badiva iatiriaga iauki mabakinu.³⁴Iesu ito roma, o tanobada koita iau maḡi idigeve, mati mabakiogevene ³⁵a au orogare basileiave kara ieriri koita iaune urihi goiragohi; iauka beta hadava ragohiava, ³⁶mati iauka beta hogerai goiragahui iauka aneru rua geregere rairaivara mati Dirava moteahi, badiva iauka toreisi-lou koitaia.³⁷Hogeva urihi goiraga ga vara Mose kiege idi garanate uhura no boritigahigevenu rohi bauge bina ronu Aberahamo Diravave, Isako Diravave, Iakobo Diravave. ³⁸Ena ronu auka beta hoḡe koita iau Diravave, to maguri koita iauie, badinava koita aubougei iau dainehe iauki maguriragaha.³⁹Itorena koita beabeki roia, Hadiba koita ga riaḡa menu. ⁴⁰E dainehe iauka berai goiragira veite; bina sigoragianu.⁴¹A auki beragei roma, badiva na otavado koitaia roia Keriso ra Davida moe ie? ⁴²Davida Salamo uhura roma Rohi Bauge kiege di rohi kiege boritigahi roma daka vamaḡahe dane gurai ⁴³ototo inai tuhea aubougei ai vase vatava iaganiva aune otigei. ⁴⁴Davida avagu roma ? Rohi Bauge roia orena kikivanu, auka au moe.⁴⁵Koita aubougei vagatoni auki au hadiba tuhe boritigahigei roma, ⁴⁶Taravatu toreto diba koitavaia nahuava iam tohogei. Iauka urarai dabua eige getegei, iauka ioaioa, hae gabua koita iabeta maḡe gahigeisa mati dubua mati anibouva gabu maḡeva iauka gurahi. ⁴⁷A iauka gobu iau iagehe ogogami gahigei: iau gurigurive gamanagahi koita taragei. Iaka damu isukate iaune so misa.

¹Ia e roha isi, taga koita eragevenu iau boubou monive maua uhura udagei. ²Gobu ogogami be erai, au monive kusi kusike abu uda gevenu. ³Ge auki roma, daki ia boritigahigei riaḡa, o gobu udavane iagadiva kiege iau bougei iaue here gahigevenu. ⁴Badiva iauka iau taga uhura tina kibe boubou mauava iauki udageve; to auka au ogogami uhura au iagane uhuḡatu au maḡurive iagane auki udavanu.⁵Beaberaki kiege deubu aena gavarai munimuni maḡe mate herahia iaga aena gava kinu a auki roma, ⁶nega ia eraḡi iagadiva aubougei va ihiehe auni roho rai; muni be muni ada aukabeta uiarihe.⁷Ge iauki berai roia, Hadiba koita, va orei iaga ena varai? Mai au varavare negava toavana otadoanu? ⁸Auki roma iai nahuave iama tohoi, iau ia taragevare sigovara badinava hutuma di ihie, oroi rosa “atava o da” mati negavara bina hugu-hugu to iau itahe iama otisa garehi. ⁹Tuari mati helogo-helogo hariva iane ihisa, iama siḡo raisagarehi badiva o iaga so urigatu varai, a dokonava so vairava.¹⁰Mati roma, bese be bese iaurua iaune heala-ala heheni mati basileia be basileia be ruta tuari raisa. ¹¹Gabu nune nune au vatana laga; dove mati dai-hanai dikavana varai, siḡo iaga mati va toavaia rahova vararai.¹²A iaga e iabera so varaiava. Iau ia dabaimui tao iaune ia huhugahigei dubua mati vadibu iagava iaune ia dorigei siriraisa; pavapava mati gavana vaḡotoni iaune nisigei oti di ihe dainehe. ¹³A unu iaga e iai riagagahigeva iaganiva aune otisa.¹⁴Ai uhure hadai iai itoto gavadiva amaso urigatu anaisa, ¹⁵badiva daka roma ga mati aonega dane iamohigei, iai inaive aubougei iaune gwau-tubumui mati laoahumui iauka beta goadava.¹⁶A iaimame, neine, nanuhe, vara varatuhe, vasiruhe iau bive torei ia begaita iaune iagahigei hoekigeisa. ¹⁷Koita aubougei iaune ia inai gahigei ¹⁸to iai omote hanakava kobua bera beta daure goiarihe. ¹⁹Iai berebe dainehe iai suare na maguri visa²⁰Tuari oreava Ierusalema aune kouvi origi ane erai, ane dibanavisa au dokone bina hugu-hugoi. ²¹E negahe iane Iudea iaune gurami koitava ia nimua rururai oti, mati ogo uhura iaune gurahi koitaia iaune rururai hakiragohisa, mati urada iaune gurahi koita vana ogo beta ogi vareaivarihe. ²²Badinava damu kiki negavara menu; torei subuta gavadiva aubougei riagagahiga vanivara menu.²³E negahe detu magia mati mara roto magia madi ihabaidia badiva huhu raho o vata aune varai mati ho bese koita ada aune kauvi. ²⁴Beabera dove negava iaune hogeragohi, beabera iauna idigei maguri gahigei ogo nunebe ogo nunebe iaune idegei otisa. Idau bese koitaia Ierusalema duhai gurahi ototo bese nune iau negahe aune kosaisa.²⁵Vani, bata, hisiu toana varaisa; mati tanobada besevaia huhu i soru hiroro na butudia tao eve enoga mati hurehure tage raho ḡoisa. ²⁶Koita sorukavana hirorovisa, daravaia iaune dokorai; iau vara iaganiva sigova iaune sigorai dainehe badiva va hedokava na marere marere visa.²⁷Iaune koita ḡamika iaune eraisa ori ada aune oroisa hedo raho ruta mati haira ruta. ²⁸Iaḡa o iabara ḡaḡae ḡahi, urimi ramare ai omote mi iagemi, badiva iai maḡuri ḡahiḡa vera huguro gera.²⁹Gerege auki badigomu be boriti ḡahi gevenu, “Idi o eraḡiahe mati idi o inuhati; ³⁰koboka ḡadimi a eraganu ama dibana iaha bina hugu-huguvima. ³¹Aukamenu, ia gaita iaga o varavare iama eraisa, iama dibana gahisa, Dirava basileiave bina hugu-hugugoima.³²Da boritigahigeima riaḡa, o uru oia iauka beta koisaia, iaga oaubougei so vararai ihie. ³³Va mati tanobada iaune pukirai a di garera beta pukivarihe.³⁴Iai nahuave iama tohoisa, tamuta mudago mati kekero gadiki mati tanobada au lalo hagui iagadiva na au uhure isuka isuka gahiga siḡo vara, ge vani ena a ragadiga gahisa, idoa hairanite. ³⁵Badiva vani ena tanobada guragu koita iaubougei iau aune kauvisa.³⁶Taunabunai ama gimaisa, va aubougei ama gurigurivisa, ga negu daure uhura ane magurivisa koita ḡamika vaḡotoni ane ramisa.³⁷Huivie vahe ane Iesu au avanivi auka vani dubu aenava hadibavi a vahi aubougei auka hakivi, oliva nimua auki guramige. ³⁸Va sobosobova iaubougei dubu aenava hebouraege, au gare ihihi.

¹Asie hatubua flaoana ariana, ladana lagau-hanai bina huguhu ḡoinu. ²Ge aena koita mati itorena koita iauki gamiga ḡuma iagoanu, badiva iauka aru koita iau sigore raḡoha.³E negahe satani kiege Iuda Isakariota uhube hakira abu ata boloa. ⁴Ge auki oti hahelaga koita mati dubu aena biavaia iaurua vahekinu, Iesu auna orena kiege mohigeisa.⁵Iauki bina hegiri raganu, iau gwau-hamata gahanu, moni iaune moimisa. ⁶Auki roma, magera auki va narivanu aru koita veite au aune Iesu mohigei.⁷Iau begibe veite flaoava boua vaniva, lagau-hanai mamoe gahigeige vaniva kauanu. ⁸Iesu raki Petero mati Iaone besugei roma oti lagau-hanai kiege inono-gadi gahisa ge none isa. ⁹Iau abu roea orehe nona kiege hegae-gae gahisa?¹⁰Ge auki boritigahigei roma, ogo raho va ogi sirirai, ata be hodu ehea iama eraisa au gadimare iagahe iane gadihi. ¹¹Iane iaga bia gagahi, rosa, “hadiba ataroma dei daiutu na orenu, di ahediba rua lagau-hanai none isa?”¹²Auki auhe daiutu raho be ia gahino geisa vada e iravaia vaitani, ikehegena iane hegae-gahisa. ¹³Ge iau abu oti, au urigatu rone iagadiva behugei; lagau-hanai iauki dabara ḡaha.¹⁴Negava bina kauanu, auka au apositolo atave rua eige diho. ¹⁵Ge auki gaḡa gei, roma, daka gahara raho negu o lagau-hanai noka bourai isa, itarahe huhu dane isa. ¹⁶Badiva daka ia boritigahigeima, daka beta lagau-hanai beta igoragarihe ototo maka koriko aune gagahe-goisa Dirava basileiave¹⁷Auki kebe be mi auki magegahi roma o miahe; iau bougei iahe. ¹⁸Badiva daki ia boritigahigei; daka beta vine e ii goiragarihe ototo Dirava basileiave kauvi.¹⁹Bena flaoa atagana be mi, magegahi, bokoi mohigei, roma di ahatane monu, iai dainehe bina moimonu, onaki me iane kiege, da anaisa. ²⁰Tamuta rai dokari, auki kebe mati mi roma o kebe ora herohe-maino isaganigane di taokehe iai dainehe aune bohuragisa.²¹Di bive kine koitava adakava pata ada o di isinika. ²²Riagavara koita gamikava bina otitivara au rone gere-gereva, a biva kine atava madi ihabaina. ²³Bena iavagu berabe bebe iau unuhu na ena kisa.²⁴Mati iavagu hepa-pahuahu iavagu iauna unuhu na herea. ²⁵Auki boritigahigei, roma bese nune-nune iau pavapave ia rohi gahigei mati ogo nune-nune koita iau rohi moteaha.²⁶To iaka beta ena kikive, iai nomuaka ata baugera ata avie otisa mati hakau ata tage hesiai atava aune oti. ²⁷Hereavana otavado tamuta gabua gorurai atava se hesiai ata? Tamuta gabua edemi gorumane atava ani? Daka iai nomuaka hesiai atava hairanite.²⁸A iaka da dibaganigu negahe di origi gurahi tarika-tarikava koitavaia. ²⁹Tauna-bunai di Mame au basileiave be daie bina rone gere-gereva da tage basileia be iaga ronu. ³⁰Ge di baseleiave uhurahe di patavehe iane tamuta raisa mati inuinu raisa mati teronava iane gurahi; Isaraela iduhu utube hakira abu iani hahemaoro henidia.³¹Simona e Simona e da boritigahigei satani kiege iai bougei bina ia roiage vanu, aune ia tapogei uit hairanite. ³²A daka iai guriguri, ia gabi dadamave beta darerevara, iai uhure aune goiraisa negahe ai ma tadikakamu ama hero gahigeisa.³³Au roma rohiraho e, dana a bamoisa ototo vadibu iagava ototo hoḡe. ³⁴A Iesu roma Petero daki a boriti gahima, kokoruku so nina veite aka nega abigaḡa da gorei, rosa daka dibana veite au.³⁵Mati roma, daki ia besugevene negahe iaka iago veite, iaka moda veite tamaka oḡinu, iana iaga bei gena ia daburaganu? Iauki roia veite. ³⁶Auki kiro gevenu, “Eduge ana negubutu iago aviete ama misa, se iaḡa be. Renu unuhuna eḡi veitenu, auma au ogonave haevare mati be haevisa.³⁷Badiva da ia boriti ḡahi geima onaki ga maemi makava dai aune varaia roma, auka kara havara-havara koitava rua dahigei bouvi. Riaḡa egera dai gen aune guguru visa. ³⁸Iauki roia Rohi Bauge e dare idi abu monu, auki roma bina gere-gerevara.³⁹Bena auki ogi hakivanu, vaia au karave oliva nimua oti; au hadiba rua au itahe oḡinu. ⁴⁰Gabu ei kauvi; auki boritigahigei roma, iama guriguri, hedibagani ia butumui tao na garina.⁴¹Auki avagu ogi gaise, muni be kiravare nagate; auki hetuitui auki guriguri vanu, ⁴²roma Mama ai ihure geregere vare o kehere dai seni boma abia oho to beta di uravera, to ai urave hari.⁴³Bena aneru be vava seni au kauanu goada gahiga dainehe. ⁴⁴A huhu raho herea kiege uhura guguba gahanu, ge auki guriguri goada goada vanu ototo vagotoniva vata morugohonu, taḡo komuta hairanite.⁴⁵Guriguriva auki urimi hahediba iau ḡaika goirai oti, iagiahe behugeve darana auki dokoane dainehe. ⁴⁶Bena auki namigei, roma otavado be dainehe ia iagoha? Uriahe guriguri raiahe, hedibaganiva ese baine butumui tao na garina.⁴⁷Au ga uhura, hutuma bina ginidae; Iuda, utube-hakira abu atava be auki urigatu gevenu; auki Iesu anoisa ro ogi hugahi otinu. ⁴⁸A Iesu roma Iuda e, koita ḡamika anoanova amo be revaia a?⁴⁹Au ḡaika rahane koitaia iauki erai otadoana varai, au beragei roma Rohi Bauge dareva dane dapa-dapa ie? ⁵⁰Iau beki hahelaga ata raho au hesiai atava ihikoke vamagava dapai kokivanu. ⁵¹A Iesu roma iakoso, bena ihikoke kamoi auki bina magoinu.⁵²Bena Iesu kiege dabai-taona otine koitavaia hahelaga koitaia mati dubu aena biavadiva mati ogo ata rahoia ga gei roma, iaka erehuta dadidadi ata be idabai taona hairanite, mai daremui mati mai karevanui ie? ⁵³Vani aubougei dubu aena uhura no rahi bouraege, eseragohi mena beta da dabai tao gahanu to ora bina iai negavera; vadibu au hedoke negavara.⁵⁴Ge iauki dabaia-tao, hahelaga ata raho au iagehe nisigami siri raḡoha. Petero tage au itahe ogi, to padate. ⁵⁵Beabeki maḡu uhura vene gomoi iauki gurahi origi; Petero tage iau itahe ḡaika guramanu.⁵⁶Bena hesiai magibe vene abagava auki erai; auki hohoagahi, roma ata era au bamode bera. ⁵⁷To auki gore-gorevanu, roma maḡi e daka diabene veite au. ⁵⁸Vanaha veite be raki erai, roma a tage iau bamode be a Petero roma ata e daka veite.⁵⁹Hora be geregereva bina otinu be raki ga goada goada, roma rigavara o ata o au bamode bera badiva auka Galileia atava. ⁶⁰A Petero roma ata e ai garera di uhure so baoragira veitera. Bena garehe kokorogu nivinu⁶¹Bena Rohi Bauge kiege Petero anigoi nigahi hohoagahi. E negahe Petero Rohi Bauge au are anai roma kokorogu beta so nivarehe ane da goreisa. ⁶²Bena Petero bina ogi hakivanu nina raho vanu.⁶³Iesu kamoane koitaia kiege gonagona ḡaha. ⁶⁴Nika tage dabuave godomanu, pata berai roia a patavane koitava ro unuhu nu. ⁶⁵Mati ga daure mudago iauki boritigahanu.⁶⁶Va sobosobo ogo ata rohia hebou, hahelaga koitaia mati itorena koita rua ben kanisolo vaḡotoni iauki nisigi oti, roia, ⁶⁷No boritigahigeve ana Keriso se? Auki roma daka ia boriti gahigeisa, to ia ihiveite; ⁶⁸mati da ia beragei, to ia haere.⁶⁹A negubetu oti, koita gamikava Dirava hedoke mimi vamaga hakira au gurame. ⁷⁰Ge iau bougei roia ge ana Dirava moenu? Auki roma o ae roiarena. ⁷¹Iauki roia otavado dainehe habade ga no iagova? O au avagu avaḡehe roiarena no iharena.

¹Bena hebou koita iabougei urihi, Pilato origi nisigani oti. ²Iauki habadegahi matama, roia, o ata o no behuane, ni bese koitatuhe uhuradiva iogeima, Kaisara au tax monive moimiahe gwau-tao mati avagu au roma auka Keriso pavapava be.³Ge Pilato kiege berai, roma, ana Iudea koita iau pavapava ie? Iesu kiege ito, roma a ebina roiarena. ⁴Pilato kiege hahelaga koita mati aru koita boritigahigei, roma, kerere be daka behube veite o ata oi. ⁵To iauki ga goada-goada, roia, auka au hadiba gavehe roma Iudea aubougei bina neru raḡoha, Galileia au matamavi oriori ogoi.⁶Pilato kiege ga e ihi, ge auki berabei roma ona Galileia atavanu? ⁷Iauka dibana auka Heroda kasiva koita vera dainehe, iau besui Heroda ḡaika besui oti, badiva vani ei auka Ierusalema gera.⁸Heroda kiege Iesu erai, auki hegirivanu, badiva va ḡamana Iesu hariki ihige, au urave aune erai mati Iesu so toa be aune kiare ge aune eraḡare roma, ⁹ga mudago auki beraege to Iesu ra itoto veite. ¹⁰Hahelaga koitaia mati itorena koita ikehe rahane habade ḡahi goada goada gahanu, dabua maḡe here be au hadokilaia iauki Pilato ḡaika besui goiragohi oti.¹¹Heroda mati au tuari koita tuhe iau tatigahi gona-gona ḡahi; dabua maḡe herea be hadokilai gai, iauki Pilato gasina besui goiragohi oti. ¹²E vanihe Pilato mati Heroda bina here-maino, badiva subuta iauk iabu bebe betia gahigevege.¹³Bena Pilato kiege hahelaga koita mati ogo rohi mati ogo koita ihirogei. ¹⁴Auki boriti gahigei, roma o ata o ia moroi iai vaḡotoni ia habade gahane gavadiva da iagonae, au kerere be behube veite.¹⁵Heroda tage ena kikivera e dainehe auka mati besui ḡoiraḡi ni origi; benaini auka hoḡe karabe auka kiki veite. ¹⁶Maḡe da gamima, mati dane vahei garimisa. ¹⁷Badinava era au karave boua negava dibura iagava gurahage atava be aune vahei garia remisa.¹⁸Ge iau bougei gariri bouragohi roia o ata ora aunagera, Baraba no mohigeve. ¹⁹Era gogai mati roroma ogo uhura havaragahane dainehe vadibu iagava kouane atava.²⁰Pilato mati ga gei goiraganu, Iesu aune vahe gariemi, roma. ²¹To iau bara ragohi roia mi satauro gahae e mi satauro gahiahe. ²²Va abigaḡa gahigahe auki ga mohigei roma, o ata o au daurevena otavado? Daka hoḡe badi be au behube veite. Daka bina gamigava, dane vahei negei.²³To iauki baragohi uhu daure, roia satauroa iau enoge bina dagevanu. ²⁴Ge Pilato kiege iau urave geregere gahanu auki kinu. ²⁵Negu gogai mati roroma dainehe vadibu iagava guramige atava iauki vahei garemebenu iau imimive gere-gereva a Iesu auki mohigevenu, iau urave iaune kisa.²⁶Iauki Iesu nisigi hakiragohanu, iauki Simona, Kurene ata be, urada seni hakivi iauki dabai tao ḡahi; satauro mi au begunihe maemi, Iesu itahe aune taboisa.²⁷Koita hutuma au itahe ogi, mati maḡi begaita igigihe nigorai iau tutugei. ²⁸Ge Iesu kiege rami au sivai, boriti gahigei roma, Ierusalema magivaia e, di ninave asio tai menu ia nina ḡahi geiahe mati iai gamuhu ninadiva begu nigoragohi iahe.²⁹Badiva negava au orogare iane rosa gabani magivaia mati amukadiva so musigeige magivadivaia benu magea. ³⁰E negahe nimu raho daure iaune gagei rosa no kuregi tao mati nimu kusika boriti gahigei no vahageve. ³¹Badiva idi maḡurive ona kine dainehe esemena gogotove iauna orena kisa?³²Kara daure ata abu tage au ruta nisigei hakiragohi iaune satauro gahigei bouraisa.³³Gabu bei iauki kauragohanu, ihivara omo kouka; ikehe iauki satauro gahanu nega kara daure koita iau gaita, be vamaḡahe be vagahe iauki satauro gahigevenu. ³⁴Ge Iesu raki guriguri vanu, roma, dimame ona kiare karava iauka dibana veitera, damua ama mohigeisa garemi. Au dabuave harivi mariva kobua kobua gahune idiganu.³⁵Ogo koitiaia rahi, garu ragohi, mati ogo rohia iaberaki tatigevenu, roia auka nune koita maguri gahigeima mena Dirava ie Keriso, au abi hidive koitaiva, auka avagu au maguri gahanu.³⁶Tuari koita ia be raki iamuia ḡahi, ogi hugahi vine e ageve susutemi iagemi, roia, ³⁷aka Iudea iau pava-pavave roma, menu gen avagu beta a maguri-gahima. ³⁸Reva reva be tage torei au vairada kabai, roea, IUDEA³⁹Ge au ruta satauro gahigeve bouragane koitava be raki gona-gona ḡahi roma, aka beta Keriso ie? Avagu a maguri ḡaha, nogaita no maguri gahigeva. ⁴⁰A bamodoa kiege namigi roma, Dirava sigore ana sigoima ie? Atabe hoḡe raira au hairanite. ⁴¹Iaga kobua be, ni abu noka hoḡe ragohi ni kara daure damua, a ata ora kerere veite.⁴²Ge auki roma, Iesue ai basileiave miarehe neguahe ama da anaisa. ⁴³Iesu roma daka a boritigahi reagahima, negu vani oi nagoreha paradaiso none kau raisa.⁴⁴Una na dina tubua: Bena un amo ela dina gelona una tano idoinai vada e dibura. ⁴⁵Dina e govaia ahu mati dubu aena sese ahuna momukahe darigohi baoraganu.⁴⁶Ge Iesu to barai, roma di Mame di suare ra ai adahe daki maemima, enaki roiami, bina hogeraganu. ⁴⁷Tuari biavaraki negu kara e erai, auki Dirava moteahanu, roma ata ora kara ieriri koitavara.⁴⁸Garu koita mudago enaki varavane iaganiva erai, iauki iau dokane patai, mati ogo goiragoha. ⁴⁹Au bamode mati Galileia seni gavavane maḡi vadivaia gaise rahi garu raḡoha.⁵⁰Kanisolo ata be ihiva Iosepa, ata maḡe mati avani ieriri ata imigi. ⁵¹Auka kanisolo iau henega-vehe mati iau avanive auka sirisi veite. Auka Iudea ogo be ihiva Arimatea, atava au tage Dirava au basileia auki narivima.⁵²Ge auki oti, Pilato ḡaika, Iesu ahata-make auki imiga. ⁵³Ge auki mi uguhi dabua berebe godomi, muni garoda rohone garodo uhura maemanu. Garedo era isage; uhurahe koita so abate mite veite.⁵⁴Regure vaniva menu; vani aena bina hugu ḡoi. ⁵⁵Bena Galileia seni gavavane magivaia iau itahe otinu, garodo eraḡa, mati ahata-maka ikehe abatemenu tage eraganu. ⁵⁶Goirago otinu muraka gutikate mati dahuia gadikiva idiḡi inono-gadi gahigei a vani aena iau vage mia, taravatu dainehe.

¹Pura vani ḡanaiva, va ra tahi oroḡoge, iauki iau muraka ḡutikate ididita midava otinu. ²Iauki oti midava udua bakuane muniva eraḡege be raki mi ḡeahu kurei maemanu, ³eduge iauka oti siri raganu, iauka Iesu ahata make behube veitera.⁴Edube iauka dauraḡohi rahege uhura ge ata abu geraki ogona kae abaga kiogei iau ḡaika rahanu. ⁵Negu maḡi e iaberaki siḡo raḡohime iauki vata ḡoru raḡohi niḡahi, eduge ata iaberaki kiro gevenu, “Otavado dainehe ia gure maḡuri koita hoḡe iau vaḡa iaḡoa? Auka oigera veitera, aukamu urimanu.⁶Iana au Galileia ia boriti ḡahi gevene gava anava, ⁷renu Koita Ḡamika vara daure koita iaberaki miare iauna satauro ḡahisa, edube vani abigaḡa ḡahiḡahe auna urimi ḡoiraḡisa.”⁸Gerege iauki au gare anavanu, ⁹renu iauki midava ḡarehi ḡoiraḡohime iauki gava iau ḡamituhe utube hakira kobabe mati iau soukuhe ruḡa boriti ḡahi gevenu. ¹⁰Negu maḡiva iabera Maria Magedala, Ioana, mati Maria Iakobo neine, mati iau maḡi soukuhe ia iauki badiva apostolo boriti ḡahi gevege.¹¹Eduge apostolo iau anavare maḡi o iabera ga maka veite raḡa, renu iauki riaḡa ḡahigeige veitera. ¹²Eduge Petero raki urimi rurui midava otinu; auki ḡorumare uhurahe niḡahege iau ḡodomane ogona eḡu eraḡanu; gerege auki ḡoiraḡi oḡo otinu, ananavi otavado vana au eraḡanu.¹³Vani eige iauki iau abu oḡi oḡo ḡamika be ihivara Emausa otinu, au ḡamana urimi Ierusalema gera maila iatiriḡa gera. ¹⁴Gumaga iauki negu varavane ianiva bebe boritigahigeve.¹⁵Iau gaḡa uhura, Iesu iau ḡaika ogi hugugei oti bamogei. ¹⁶A iau niera baoragira veite; iaka dibana veite au.¹⁷Auki roma, iana otavado gumaga gava bebe boriti gahigeva? Ge iauki iau abu rahi, iau bagotone berebe ḡahi. ¹⁸Ge iau be ihiva ra Kilope, auki gagahi roma, aka Ierusalema a guragu edeaviege dainehe negu varavane ana dibana veitenu ie.¹⁹Auki roma otavado iaga? Iauki roia Iesu Nasareta ata harike; auka peroveta atavara, Dirava vaḡotoni mati koitaiau bougei vagatoni au avanive mati au gare gaita hedokatea. ²⁰A aena koita mati ogo rohia iauki revaia hoekanu mati satauro gahanu.²¹A ni ananavera auka Isaraela iau maguri gahigeige atava. Vani abigaḡa ga bina otinu iage ea vararaganu.²²Negu betu ni maginuhe beaberaki bina no boriti-gahigevenu iaukamu va sobosobo rerehava otinu. ²³To ahata makavara iauka behube veite. Ge iauki goiragohi orogonu, roia, aneru beabera iauki eragevenu, mati aneru iaberaki boritigahigei aukamu bina urimi goiraganu. ²⁴Iau bamoduhe be gaita rereha oti maḡi iau gare gere-gereva iauki behuanu, to auka iauka erara veitera.²⁵Ge auki namigei, roma, kava koitaia uhu duhu koitaia Peroveta koitaia iau gare iana mi riaḡa gahiga veitenu. ²⁶Beta maorove, a Keriso huhu enaki aune isa mati haira auna misa? ²⁷Mose mati peroveta koita iau bukavehe o hariva torevane gavadiva aubougei makadiva iauki hadiba-gahigevenu.²⁸Iau otare ogoa goregahanu, roia, no uia badiva ora bina vahigata ḡoinu, vani ramu bina uguhima. Ge auki iaurua iaga gadimanu. ²⁹Eduge iauki ḡa berebe ḡahi, roege, “Oi no ruḡa gurama, vani ramu uguhi otima tutube viege va ramu hiriḡoima.”³⁰Iau abigaḡa tamuta gabua ḡoruhi, ge auki parao (atagana) be mi, magegahi, bokoi abu ruḡa mohigeve. ³¹Iau nie raki bao ragohanu, iauki au toaḡe kinu; edube auki iau vaḡotoni veite ḡoinu. ³²Iauki iau abu bebe gagei, roea, gumaga au no gaḡa gevene, mati buka aena maka no hadibagahigei negahe ni uhure hedokate ani?³³Ge iau urihi, Ierusalema goiragohi otinu, utube-hakira kobua be iau bamoduhe hebou raegei behugenu. ³⁴Iauki iauabu boriti-gahigei, roia riagavara Rohi Bauge bina urimanu, mati Simeona au auki gagahe ḡoinu. ³⁵Iau abu kiege gumaga varavane iaganivaia boritigahigevenu, mati paroa (atagana) bokoboa uhuradiva bao ragohane gava gaita.³⁶Iau ga uhura, Iesu iau nomuaka rami roma, maino iai uie. ³⁷Iau soruke hiroro ragohanu, mati siḡo raki idigevenu iau anana-vera roia sua be.³⁸To auki roma otavado dainehe iai soruke hiroro vima, otavado dainehe ia dara-dara raḡoha? ³⁹Di ade mati di vase oroi eraiahe. Ora dakaki da kamoiahe, iane bina dibanaraisa, badiva suara misika veite mati ita veite, negu ia da eraḡare geregereva. ⁴⁰Ena roiami mati au ade mati au vase auki gahonegeve.⁴¹To iau hegirive mati iau ragadiga dainehe iau so ena daradara ragoma ge auki beragei roma, iaie tine bena enu se? ⁴²Iauki karava tinabe, iau gabuane iaganiva iauki moimonu. ⁴³Ge auki bina manu, iau vaḡotoni inu.⁴⁴Au boriti gahigei, roma, no gurahige negavahe da ia boritigahigevene Mose mati peroveta koita iau bukavehe mati Salamo va di harike torevane gavadiva iaubouge bina riaḡa ḡoinu.⁴⁵Ge auki buka aena makava au hadiba gahigevenu, ototo uhuradiva baoragohanu. ⁴⁶Mati auki boritigahigei, roma, onaki me auki torei roia, Keriso enaki huhu enaki aune isa mati vani abigaḡa gahigahe hoḡe uhura aune urimi goiraisa. ⁴⁷Au ihie helalo-kerehai mati dika igwau-taudia haroro ḡahi igani-igani, Ierusalema iaune matama ḡahi ototo tanobada beseva iaubougei iaune harorogahi mohigei.⁴⁸Iaka iago riagahigeige koitavaia. ⁴⁹A dakena dimame au gwau-hamata iagane dane besuisa, iai ada aune kau visa; aukamenu iaka Ierusalema iane gaurahi ototo auhu uguhi hedo iane misa.⁵⁰Auki nisigei hakivanu, ototo Betani vina hugu-hugoinu, auki ade susutemi iagemi, magegahigevenu. ⁵¹Au maḡeve uhura, auka iau augami oho au iagemi ḡadimi vava⁵²Iauki toma heniadiho hegiri rua Ierusalema otinu. ⁵³Dubu aena goira-goira gahanu, vani aubougei Dirava moteaege

¹Mata o so horiho veite Ga ramu subuta ge auki uiege, mati Ga eramu Dirava ḡorehege auki uiege, renu Ga eramu Dirava ra. ²Ga oramu ḡanai Dirava ḡorehege auki uiege. ³Iaḡa inuhati ge ramu au seni ge iauki hori raḡanu, renu iaḡa bera horiho kava veite, edube au seni ge iauki hori raḡanu.⁴Auka maḡuri umuka vara, mati au maḡurive ramu koita iau bouge iau abagera. ⁵Abaga ora vadibu uhura ge auki abaga ḡoima, mati vadibu vara beta ḡodo ḡahiḡa vara.⁶Ata bera Dirava raki besuḡanu au ihera Ioane. ⁷Au besuḡi oroḡane ra auka abaga riaḡa ḡahisa, gerege koita iau bouge gera ihare mati riaḡa ḡahisa. ⁸Auka beta abaga eraki, eduge auka abaga e riaḡa ḡahiḡava auki oroḡanu.⁹Ora abaga riaḡa vara, koita iau bouḡi abaga ḡahigei gevara, e raki vata ada oi oroḡima.¹⁰Ga ora vata ketane oige auki uiege, mati au seni ge vata ketane o raki horivanu, eduge vata o ḡahava iabara au dibane veitera. ¹¹Auki ḡoiraḡi au koitatuhe iau oroḡanu, eduge au koitatuhe iabaraki besibe ḡahege.¹²Eduge oḡoreana iau bouge riaḡa ḡahanu, au ihe riaḡa ḡahanu, auki hedo mohi gevenu iauka Dirava ḡamuhe ḡahisa, ¹³orenaki gena au o roḡonu, beta ahata maka se ahata maka augera, eduge Dirava au gera.¹⁴Gerege Ga eraki oroḡime auki ahata maka ḡoiare renu koita iau vaḡotoni uiege, gerege nokamu au maḡeve eraḡanu, maḡe eramu au Mame raki au Moe kobuḡava riaḡa ḡahi renu maḡe ḡahi moimanu. ¹⁵(Ioane raki koita gavi barai roege, “Oramu da gavi roege koita vara, Di itahe oroḡare koita vara di variada koita vara, badivara daka so veite auka subuta ge auki horivanu. ”)¹⁶Au maḡeve uhuḡatu ge auki ni bouge adahe adahe no mohi gevenu. ¹⁷Mose raki Dirava Aenave mi no mohi gevenu, maka maḡeva mati riaḡava ra Iesu Keriso raki mi oroḡanu. ¹⁸Bera Dirava erara veitera. Ora Dirava au Moe kobuḡava unuhuna au Mame sorukehe uiare, eraki mi noi ḡaḡae kinu.¹⁹Iudea baugeva iaberaki aena ḡaha mati Ierusalema seni Levi ḡaha be besugei Ioane ḡasina iauka beraḡisa, “Ana unuhunu?” ²⁰Ioane raki ga riaḡa kirogevenu, “Daka beta Keriso ra.” ²¹Gerege iauki beraḡanu, “Gerege ana unuhunu? Ana Elia se?” Auki ronu, “Veitera daka beta aukaki.” “Ana Peroveta koita vanu?” Auki kiro gevenu, “Veitera.”²²Gerege iauki mati beraḡanu, “Erege ana bina unuhunu? Ama ga be roege noka mi oti no besu gevene ḡahava vasiba ḡahigei gevara. No kirogeve ana unuhunu?” ²³Auki ronu, “Daka koita be mata ḡaḡaeva gure toma, au enoḡe ra, Rohi Bauge ḡumaḡe ki maḡe ḡahi iahe, ”Isaia peroveta koita eraki ronu.²⁴Iauka negu Faresia ḡahava iaberaki besugei otinu. ²⁵Iauki beraḡanu, “Gerege otavado dainehe ge a babatiso me kima, aka roma aka beta Keriso, se Elia, se peroveta koita?”²⁶Iauka negu Faresia ḡahava iaberaki besugei otinu. ²⁷Iauki beraḡanu, “Gerege otavado dainehe ge a babatiso me kima, aka roma aka beta ²⁸Keriso, se Elia, se peroveta koita?”²⁹Va tahege Ioane raki Iesu eraḡege auki oḡi au ḡasina otare renu kironu, “Eraḡa! Oramu Mamoe Ḡamika auge Dirava raki vata o daureva keto gevenu! ³⁰Oramu da roege koitava aukamu onu, Di itahe oroḡare koita vara di vari adahe gera badivara daka so horiho veite auki uriḡoi horivanu. ³¹Da davaḡu tage au dibane veitera; eige daki oroḡime daki eiava babatiso viege, badiva auka Isaraela ḡaha iau ḡaḡae ḡoisa.”³²Gerege Ioane raki ḡaḡae kiro gevenu, “Daka niḡahege Horu Aenava raki vava seni uḡuhime erehuta uguha naḡate auki oroḡi au ada guramanu. ³³Daka au dibane veite, eduge da besuḡi daka eiava babatiso visa aukaki daki ronu, Ana negu Horu Aena eraḡane au uguhi oroḡi atabe ada guramane eramu da rone koitava aukena Horu Aenava babatiso visa. ³⁴Renu dakamu davaḡu eraḡanu eige daki ḡaḡae roma, oramu Dirava Moera.”³⁵Va tahege Ioane raki ḡaitana Iesu ḡamituhe abu ruḡa ramirame, ³⁶iauki Iesu eraḡege auki oḡi oroḡime auki ronu, Eraḡiahe, oramu Dirava Mamoe ḡamika aukamu enu!”³⁷Au ḡamituhe abu ruḡa ge raki au ga vane ihare, iauki Iesu itahe otinu. ³⁸Iesu raki aniḡoi era gevege iauki au itahe oroḡoge, auki bera gevenu, “Iana otavado ia iaḡova?” Iauki kironu, “Rabi” (Ga o makava ramu 'di Biage'), “ana oreigena a guramima?” ³⁹Auki kiro gevenu, “Orogi eraḡiahe.” Vani iaḡa ababu naḡate iauki Iesu ruta oti au uiare gabuva eraḡi, renu iauki vahiḡeta ei au ruta gurahege.⁴⁰Iau abu Ioane gare ihare Iesu itahe otine koitava be ramu Simona Petero ḡoḡe, Anderea. ⁴¹Anderea raki oti au nane Simona ḡanai behuḡare kironu, “Nokamu Mesia behuḡanu” (Mesia makava ramu “Keriso”). ⁴²Gerege Anderea raki Simona nisiḡami Iesu ḡasina otinu, Iesu raki eraḡare kironu, “Ai ihera Simona, aka Ioane moe, eduge negubutu ai ihe ra Kepa iauna rosa” (“Kepa makava ramu “Petero”.)⁴³Va tahege Iesu raki Galileia otito ratava vanu. Auki Filipo behuḡare kironu, “Di itahe oroḡo.” ⁴⁴Filipo ra Betesaida atavara, Anderea mati Petero iau oḡo koitave ra. ⁴⁵Filipo raki Nataniela behuḡi kironu, “Nokamu Mose aenave mati Peroveta ḡahaia ga ro maemane koitava nokamu behuḡanu. Auka Iesu ra, auka Iosepa Nasareta ata e moera.”⁴⁶Nataniela raki kironu, “Nasareta seni iaḡa maḡe bena ororo vanu?” Filipo raki kironu, “Oroḡi eraḡa.” ⁴⁷Iesu raki Nataniela au ḡasina oroḡege auki eraḡare au gare vi ronu, “Oramu Isaraela koita riaḡa vara, auka avaunaḡe bera au veitera.” ⁴⁸Nataniela raki beraḡanu, “Orenaki gena a di dibane ḡoinu?” Iesu raki ronu, “Daka idi derikahu ge daki a eraḡanu ihiege Filipo raki a ihiromonu.”⁴⁹Nataniela raki ronu, “Di Biage, aka Dirava Moera! renu aka Isaraela Rohivara.” ⁵⁰Iesu raki kironu, “Ana dakena a da riaḡa ḡahima, badiva da rone daka idi derikahu a eraḡane dainehe? Aka negu iaḡa bauge be eragei gevara ora aviera.” ⁵¹Auki vasiba ḡahi ronu, “Riaḡa vara daki aki roma, iaka negu va bao raḡare eraḡege Dirava aneruve iabera negu ḡadihi otare mati uguraḡi oroḡi Koita Ḡamika ada.”

¹Vani abigaḡa ḡahiḡahe iauki headava rigi be kinu Galileia uhura oḡo be Kana, renu Iesu neine tage ramu eigera. ²Iesu mati au ḡamituhe ruḡa ḡaitage iauki headava ei ihiro gevene³Gerege Iesu raki au neine kironu, “Neina, nona otavado be kisa dainehe gena a daki roma? ⁴Di vanive ra so mimi veitera.” ⁵Eduge au neine raki besubesu ḡaha kiro gevenu, “Au ia kiro gevare eḡu kisa.”⁶Iuda ḡaha iabera iau aenave dainehe iauki eia hodu agorokiva makava kiogei ḡosiḡanu iauka eagu iau reḡugeisa, renu hodu be ramu erehuta utu-abu se utu-abigaḡa naḡate auki kamuima. ⁷Iesu raki besubesu ḡaha kirogevenu, “Hodu avie o eiava makava kisa.” Gerege iauki makava tobo ḡahi gevenu. ⁸Auki kirogevenu, “Negubutu eia tinabe maḡare mi oti me o biava moimiahe.” Gerege iauki au rone kinu.⁹Gerege iau biage raki eia e tohoḡane ramu ḡadiki riaḡa vara, renu auka dibana veite orehe seni gena ḡadiki o oroḡanu (edube eia maḡane ḡahava iabara dibana), gerege iau biage raki headava atava ihiromare ¹⁰renu auki kironu, “Koita inuhati geramu uriḡahi ge iauki ḡadiki maḡe o mohi gevenu, gerege iaukamu damuna aviete ora iauki raho ḡahi inu. Edube iaka ḡadiki maḡe ona kamui ate netu-netua mi haki raḡanu.”¹¹Iesu onaki kine, o ramu au ḡanai me ketake auki kinu Kana oḡova Galileia kasihe, renu eige auki au maḡeve raki ḡaḡae ḡoinu; mati au ḡamituhe iaberaki riaḡa ḡahanu.¹²Iaḡa o iau itaharahe, Iesu raki au neine, au ḡoḡuhea, mati au ḡamituhe ruḡa Kaperanamu otinu, eige iauki vani rorebe gurahanu.¹³Iudea ḡaha iau rigi bauge vaniva hugure ḡoiege uhura Iesu raki Ierusalema otinu. ¹⁴Auki dubu uhura koita era gevege iauki gure hae kiege boromakau, mamoe mati uguha, renu muni tahaka senisi ḡaha ḡainage auki era gevenu iau guragu patahe gurahanu.¹⁵Auki hodi-hodi ḡote be miare auki dubu hae kiege koitava inuhati oiagei hakivanu, iau mamoeve mati boromakau ruḡa. Auki muni tahaka senisi pata sivagei ḡosigei mati iau muni tahake ḡainage ḡeahu petagei. ¹⁶Auki uguha hae kiege ḡahava boriti ḡahi gevenu, “Iaḡa oi idigei haki raḡiahe! Di Mame iage ra beta iai hae kiki iaga vera.¹⁷Gerege au ḡamituhe iaberaki buka aena maemane anavanu, “Da ai iage ḡahara viare ramu erehuta vene raḡare naḡatera auki di uhurehe raḡima. ¹⁸Gerege Iudea baugeva iaberaki Iesu beraḡanu, “Ama no ḡaḡiro geisa ana unuhui gena a hedo mi a onaki ḡuma o kima?” ¹⁹Iesu raki kiro gevenu, “Ia dubu o seboḡare, daka vani abigaḡa uhura ge dana ki ḡoiraḡisa.²⁰Gerege au ḡamituhe iaberaki buka aena maemane anavanu, “Da ai iage ḡahara viare ramu erehuta vene raḡare naḡatera auki di uhurehe raḡima. ²¹Iesu raki kiro gevenu, “Ia dubu o seboḡare, daka vani abigaḡa uhura ge dana ki ḡoiraḡisa. ²²Gerege Iudea bauge iaberaki kironu, “Dubu oramu taua ramu utu-ababu hakira agorokiva uhura ge iauki kinu, a aka vani abigaḡa uhura ana ki ḡoiraḡisa?”²³Iesu so Ierusalema iau Rigi bauge vaniva meva uhura, koita dadaḡava raki au ihe motea ḡahi badiva iauka erara veite me ketake au kiege iauka era gevege. ²⁴Eduge Iesu tage dibana eige auka riaḡa ḡahigeige veite, badiva auka iau uhure inuhati dibana ²⁵renu koita bera beta be gare kiroro vara; au avaḡu tage subuta ge auki koita inuhati iau uhure dibanara.

¹Ata be ihivara Nikodemo auka Faresia koita vara mati Iudea ḡaha iau ata baugeve bera. ²Auki vahi bei Iesu ḡasina otare ga ḡahi kironu, “Di Biage, noka dibana aka Dirava raki a besuḡanu; koita bera mati beta a kiare meva riaḡahe kiogei gevara, au Dirava ruta ḡoiege auna kisa.”³Iesu raki kironu, “Riaḡa vara, daki a boriti ḡahima, koita be varai ḡoiraḡira veite ḡoiare auka beta Dirava Basileiave erara vara. ⁴Nikodemo raki beraḡanu, “Koita ketane be na orenaki au neine vaḡatanehe sirivi ḡoiraḡare mati nega abu ḡahiḡava varai ḡoiraḡira vanu?⁵Iesu raki kironu , “Riaḡa vara daki a boriti ḡahima, koita be eia mati Horu Aenava varava veite ḡoiare auka beta Dirava Basileiave sirisi vara. ⁶Unuhuna ahata makava varavare era ahata maka iera, unuhuna Horu Aenava varavare era Horu iera.⁷A negu ḡaḡu raḡime da negu aki rosa, Ama varai ḡoiraḡisa. ⁸Nono ḡugui oroḡare mati otare akamu mamina kima, eduge au oroḡare mati otare aka dibana veitera. Gerege o ramu oḡoreana Horu Aenava vara raḡare iabera.”⁹Nikodemo raki beraḡanu, “Iaḡa o makava iana orena kikivenu?” ¹⁰Iesu raki kironu, “Akamu Isaraela uhura koita bauge bera, eduge akamu iaḡa o iau ai uhure ramu so bao raḡira veitera? ¹¹“Riaḡa vara, daki a boriti ḡahima, noka no dibana ḡahare iaḡaniva noki gava raḡa, mati no era gevene era noki ia boriti ḡahigeva. Edube iaka ni gare riaḡa ḡahiḡa veitera.¹²Aka da vata ketane o ahata maka iaḡaniva gava kiare akamu beta riaḡa ḡahima, gerege da va iaḡa gava viare ana orenaki da riaḡa ḡahiḡa vanu? ¹³Bera so vava ḡadiḡa veitera edube vava seni uguhane eḡu, Koita Ḡamika avaḡu gera.¹⁴Mati Mose mata ḡaḡaeva inuhu piuvi iagemane naḡate, Koita Ḡamika tage enaki ḡuma eige iauna iagemisa, ¹⁵eige ana unuhuna a riaḡa ḡahima aka maḡuri behi-behive mimi vara.¹⁶“ Dirava mageve au koitatuhe yau ada dainehege auki au Moe kobuga matava besui oroganu, unuhuna riaga gahima auka beta Hoge ragiravara eduge auka maguri behi behive mimivara. ¹⁷“Riaḡa, Dirava au moe besuḡi vata ada oroḡane ra beta ḡahava daure ḡahigei gevara, edube auge iauna maḡuri raḡisa. ¹⁸Dirava ra beta koita be daure ḡahiḡa vara oḡoreana au Moe kobuḡava riaḡa ḡahare: edube Dirava ra iau daure damune mohigei gevara oḡoreana au Moe kobuḡava riaḡa ḡahiḡa veitenu.¹⁹Eige daure ḡuma damuna ramu onaki kikive: abaga ramu vata ada oroḡanu, eduge koita iabara vadibu iauki ḡahara raḡa beta abaga, badivara iau ḡumaḡe iabera maḡe veitera. ²⁰Unuhuna ḡuma daure kiare renu abaga besibe ḡahima, mati abagahu ororo veite, badiva iau ḡuma daureve negu ḡaḡae ḡahime. ²¹Eduge oḡoreana ḡuma riaḡa kiare iaberamu abagahu oroḡa, eige iau Dirava ḡuma maḡeve kine iauma abagahu eraḡisa.”²²O itaharahe Iesu mati au ḡamituhe ruḡa ge Iudea matahe otinu; eige iauki vani rorebe uiare babatiso me kiege. ²³Ioane tage babatiso Aenonu matahe kiege Salima ḡaika badiva eigera tinavai ketake eigera koita dadaḡa iabera oti iauki babatiso ḡahi gevege. ²⁴(Nega mane iaukamu Ioane ramu so vadibu iagava veitera.)²⁵Nega oige Ioane ḡamituhea mati Iudea be ruḡa ge raki enana raḡi iauna orenaki daure ḡuma ketogeisa. ²⁶Iauki Ioane ḡasina otare kironu, “Ni Biage, atabe a ruta Ioridana kasihe otine, aki au gare viege, aukamu oige auki koita babatiso ḡahi geima, renu koita dadaḡava ramu au ḡasina ge iauki ota.”²⁷Ioane raki ronu, Koita bera beta iaḡa be mimi kava vivi vara, eduge Dirava au seni vava oroḡare era auna misa. ²⁸Iakamu di gare riaḡa ḡahiḡave iabera da roege, daka beta Keriso ra, eduge daka au uriḡatu ge Dirava raki da besuḡanu.²⁹Ata be maḡi be mi au mabare kiare, mati ata e vasire ramu rami au ominue roiare gava ihi heḡiri vima. Eige, di heḡirive augera raho ketakera. ³⁰Auma raho ketake ḡoisa, edube daka avie ḡoisa.³¹Vava seni oroḡane koitava ramu iaḡa iau bouge iau variada gera. A vata ada oi oroḡane koitava ra vata o iera renu auka ahata maka gava auki vima. Vava seni oroḡane koitava ra iaḡa inuhati iau variada gera. ³²Auka au era gevene mati ihi gevene gava iabera auki vima, eduge koita bera au gare ihi riaḡa ḡahiḡa veite. ³³A unuhuna au gare mare mati taua kima, roma, Dirava ramu riaḡa vara.³⁴Dirava besuḡi oroḡane koitava ramu Dirava gare auki roma, badiva au Horuve moimare era avie veitera. ³⁵Dirava au Moe au sorukehe eige auki iaḡa iau bouḡi au ada uhura maemanu. ³⁶Unuhuna Dirava Moe riaḡa ḡahima auka maḡuri behi-behive mimi vara; unuhuna au Moe riaḡa ḡahiḡa veite auka beta maḡuri riaḡa erara vara, eduge auka Dirava hore uhura ge auna guramisa.

¹Iesu mati Samaria maḡi be1 Faresia ḡaha iaberaki ihinu, “Iesu ramu koita dadaḡava raki au itahe oḡia mati babatiso ḡahigeima; eduge Ioane iera avie,” ²eigera era beta Iesu raki babatiso meva kiege eduge au ḡamituhe iaberaki babatiso, ³auki Iudea ḡaremi ḡoiraḡi Galileia otinu.⁴Eduge auka Samaria ḡumava ge auna otisa. ⁵Gerege auki Samaria oḡo be Sika hakivanu, mata tinabe Iakobo raki subuta mi au moe Iosepa moimane ḡaika gera.⁶Iakobo eia abave tage ramu eigera, renu Iesu tage oḡiḡi ḡamana vane gerege au auki eia aba ḡaika gurami vaḡa roege. Vani ramu ḡadimi omo ada naḡate uhura gera. ⁷Samaria maḡi be raki eia maḡima oroḡonu, gerege Iesu raki imiḡanu, “Ana beta eia tinabe da moimo vanu.” ⁸(Auka avaḡu guraguve, au ḡamituhe iabera oḡo ge iauki demaka iaḡoia otinu.)⁹Samaria maḡi eraki kironu, “Orena kikivenu aka Iudea koita, daka Samaria maḡi vara, aka dai eia roma?” (Iudea ḡaha mati Samaria ḡaha iabera vasi maḡe veite badiva iau aena nune nune iau dainehe.) ¹⁰Iesu raki kironu, “Ana so Dirava maḡeve dibana ḡoiare, renu aka dibana veite unuhuna aki roma, ‘Eia tinabe da moima.’ A dibana ḡoinube aka imiḡege auka maḡuri eia mi a moimanu.”¹¹Maḡi eraki kironu, “Ata Bauge, aka eia tuvi ḡadiḡa iaḡa veitera, renu aba tage dobukera. Ana orei maḡuri eia mimi vanu? ¹²Oramu ni iahuve Iakobo raki eia aba o no mohi gevenu, gerege noki au ḡamuhea, mati iau ada vasiva iaḡaniva ia oige noki eia mi iege, a anavare aka Iakobo soiḡisa?”¹³Iesu raki kironu, “Oḡorea iana oi eia inu iaka ḡaitana eia hoḡe raḡira vara, ¹⁴eduge ana unuhuna da eia moimare iare, auka beta ḡaitana eia hoḡe vivi vara. Da moimare eiava ramu eia ai uhurehe ḡutuare naḡate auna ḡutui oti maḡuri behi behive misa.”¹⁵Maḡi e raki kironu, “Ata Bauge, ana beta a eia roiare tinabe mi da moima, da negu ḡaitana eia hoḡe vime se ḡoiraḡi oi eia maḡime. ¹⁶Iesu raki maḡi e kironu, “Oti ai mobore ihiromare, renu iama ḡoiraḡohi oroḡisa.”¹⁷Maḡi eraki kironu, “Daka mobo veitera.” Iesu raki kironu, “Aka riaḡa vara aki roma, ‘aka mobo veitera’; ¹⁸aka ata adakasiva ge aki mobo kiogevenu, renu a negubutu au ruta uiare atava ra beta ai mobo riaḡa vara. Aka ga riaḡa vara aki da boriti ḡahanu!”¹⁹Maḡi eraki kironu, “Ata Bauge, dakamu a eraḡege akamu peroveta koita vara. ²⁰Ni iahuve iaberamu nimu oige iauki Dirava imiḡege, eduge aka roma koita iabera Ierusalema oti eige iauna Dirava imiḡisa.²¹Iesu raki kironu, “Ama da riaḡa ḡahisa, vahiḡu vata iaka beta negu nimu oi se Ierusalema oti Dirava imimi vara. ²²Iaka dibana veite unuhuna ia imiḡa; noka dibana unuhuna no imiḡa, badiva Iudea ḡaha iauge maḡuriva raki ḡaḡae ḡoinu.²³Eduge vaniva ramu oroḡima, mati aukamu oroḡanu, eige imimi raḡare ḡahava iana ni Mama horu aena mati ḡuma riaḡava imiḡisa, badiva ni Mame ramu enaki e iabera auki ḡahara vima. ²⁴Dirava ra horu, renu oḡore imiḡa iama aena mati ḡuma riaḡava kisa.²⁵Maḡi eraki kironu, “Daka dibana Keriso ra ororo vara,” Au oroḡege, aukamu negu iaḡa inuhati no boriti ḡahigei gevara.” ²⁶Iesu raki kironu, “Eramu dakaki, dakamu o a ruta ga vima.”²⁷Gerege ḡamana veite au ḡamituhe iaberaki ḡoiraḡohanu. Iauki ḡaḡu raḡohi auka maḡi be ruta ge auki gavege, eduge bera maḡi e berabe veite, “Ana otavado a uraima?” se, “Esemena a gure maḡi e ga ḡahima?”²⁸Gerege ḡamana veite au ḡamituhe iaberaki ḡoiraḡohanu. Iauki ḡaḡu raḡohi auka maḡi be ruta ge auki gavege, eduge bera maḡi e berabe veite, ²⁹“Ana otavado a uraima?” ³⁰se, “Esemena a gure maḡi e ga ḡahima?”³¹Nega tina e uhura au ḡamituhe iaberaki imiḡi kiroege, “Ni Biage, aki so demaka tinabe isa.” ³²Eduge auki kiro gevenu, “Daka tamuta demakate ra era iaka dibana veitera.” ³³Gerege au ḡamituhe iaberaki bebe beragei, “Ona koita bena auni demaka be mi oroḡege au inu?”³⁴Iesu raki kirogevenu, “Di demake ra Dirava da besuḡi rone meva dana kiogeisa renu dana kiogei ate netu-netua tisa. ³⁵Ana beta gavi roro vanu, ‘bata ababu itaharahe gerege nona taboro raḡisa. Eduge, akera daki a boriti ḡahima, aso niḡaha, renu ana eraḡima ḡeḡe makava ramu badi raḡanu. ³⁶Taboro kiare koitava ramu au damune mima, mati bougei ihie maḡuri oroḡare eni, eige beḡi beḡi viare mati me ḡahare koitava iaberamu heḡiri kobuḡe raḡira vara.³⁷Ga ḡereḡereva rone ra riaḡa vara, ‘Bera beḡi beḡi visa mati bera me ḡahisa.’ ³⁸Da a besuḡane aka beta oti be iau korahi raḡi me ḡahisa. Iaka be ia korahi raḡi, renu iaki iau meve maka maḡeva uhura siri raḡanu.”³⁹Samaria oḡo ḡaha dadaḡa iaberaki Iesu riaḡa ḡahanu badiva auki negu maḡi e badine kironu, “Auka da kiogevege ḡumava inuhati ge auki da boriti ḡahanu.” ⁴⁰Eige iauki Iesu ḡasina otare iauki imiḡanu, auna beta so iau ruḡa guramisa. Gerege auki ei vani abu iau ruḡa guramanu.⁴¹Koita dadagava raki riaḡa ḡahi badiva au gare dainehe. ⁴²Iauki maḡi e kironu, “Ora beta a no kiro gevene noka riaḡa ḡahisa, edube no ḡaitage nokamu novaḡu au gare ihinu, eige noki riaḡa ḡaha oramu vata o ḡahava maḡuri ḡahiḡa koita vara.”⁴³Vani abu ei gurami itaharahe auki ḡoiraḡi Galileia otinu. ⁴⁴(Iesu tage ramu avaḡu gavi ronu, peroveta ḡaha iabera iauka matau ḡahi geige veite iau mata riaḡahe). ⁴⁵Iesu raki Galileia hakivi, koita iaberaki maḡe ḡahi, badiva iau ḡaitage Ierusalema oti eraḡanu au iau rigi baugeve uhura kine meva iaukamu inuhati eragevenu.⁴⁶Iesu ata bauge be moe maḡe ḡahane46 Gerege Iesu raki ḡaitana ḡoiraḡi Kana oḡo otinu Galileia uhura eige auki eia mi ḡadiki kinu oḡova. Ata bauge be tage ei gera au moe tage komata vi auki Kaperanamu ḡaremare oroḡanu. ⁴⁷Au ihine Iesu ra Iudea seni ge auki Galileia oroḡanu, auki urimi Iesu ḡasina otime auki imiḡanu auka oroḡi au moe komata vi iaḡiaḡe maḡe ḡahisa, badiva au moe komatave ramu isuke ḡoinu.⁴⁸Gerege Iesu raki kironu, “Iana toa nune nune mati ḡuma nune nune eragevare iaka beta riaḡa ḡahigei gevara. ⁴⁹Ata bauge eraki Iesu imiḡi ronu, “Rohi Bauge, so daḡore oroḡo di moe negu hoḡe raḡime.” ⁵⁰Iesu raki kironu, “Ote; ai moera maḡuri vara.” Negu ata eraki Iesu gare riaḡa ḡahare auki urimi ḡoiraḡi au moe ḡasina otinu.⁵¹Gerege Iesu raki kironu, “Iana toa nune nune mati ḡuma nune nune eragevare iaka beta riaḡa ḡahigei gevara.  ” ⁵²Iesu raki kironu, “Ote; ai moera maḡuri vara.” Negu ata eraki Iesu gare riaḡa ḡahare auki urimi ḡoiraḡi au moe ḡasina otinu.⁵³Iau mame raki anai riaḡa vara vani iaḡa oige Iesu raki nu kironu, “Ai moe ra maḡuri vera.” Eige au avaḡu mati au iaga ḡahatuhe iau bouge iabera Iesu iauki riaḡa ḡaha. ⁵⁴Oramu Iesu toa abu ḡahiḡa vara auki kinu, au Iudea ḡaremi Galileia otine.

¹Iesu raki Sabadi me manu Gerege itaharahe Iesu raki Ierusalema otinu Iudea ḡaha iau rigi baugeve be dainehe. ²Ierusalema uhura Mamoe Udua ḡaika geramu, eagugu gabu adakasiva raki oriḡanu iauki Heberu gava ihiva roia Betesda. ³Eagugu gabu ḡaika geramu dika ḡaha dadaḡava raki iaḡohi otinu, niḡa niḡa veite, oḡiḡi veite, ahataniva hoeke gahava iabera. ⁴Iauka gohu eiava vaḡava vi ḡadimi era iauki uhuiama; Rohi Bauge aneruve nega koba koba uguhi oroḡi eia vaḡava ḡahiḡa vara. Unuhuna eia vaḡava ei uriḡoi turui uguhima au dikave raki maḡe ḡoiege.⁵Ata be ramu dikai gohu ḡaika ge auki uiege tau utu-abigaḡa hakira abuḡu-veite. ⁶Iesu raki niḡahi ata be iaḡiaḡe eraḡi auki dibana ḡoinu auka nega ḡamana tinabe auki dika vanu, gerege auki kironu, “Ana maḡe ḡoisa a ḡahara vima?”⁷Negu dika ata eraki ronu, “Rohi Bauge, dana unuhuna eia vaḡava viare ei da mi otisa. Daka hero ki otare uhura, koita be ramu e subuta otinu.” ⁸Iesu raki kironu, “Urima, ai gedake mare, oḡi.”⁹Ḡamana veite ata eraki maḡe ḡoinu, auki urimi au gedake miare auki oḡinu.Oramu vani aenava ge auki ḡuma o kinu.¹⁰Gerege Iudea ḡaha iaberaki negu ata maḡe ḡoine kironu, “Oramu vani aenava ra; aka beta vani aena oi ai gedake mi oḡiḡi vara.” ¹¹Eduge auki kiro gevenu, “Da maḡe ḡahane koitava raki daki ronu, ‘Urima, ai gedake mare, oḡi.’ ”¹²Iauki beraḡanu, “Ona koita orena aki onaki ronu, ‘ Ai gedake miare oḡi’?” ¹³Eduge, negu ata maḡe ḡoine era dibana veite unuhuna maḡe ḡahanu. Koita dadaḡa eige Iesu raki iau vaḡotoni oḡi hakivanu.¹⁴Ihie ge Iesu raki dubu uhura eraḡi kironu, “Ana eraḡima, akamu maḡe ḡoinu! A negu mati ḡuma daure be ki ḡoiraḡime, badiva a negu isuka ketake mati mime.” ¹⁵Negu ata eraki otime auki Iudea baugeva boriti ḡahi gevenu, negu ata eramu Iesu raki da maḡe ḡahanu.”¹⁶Eige Iudea ḡaha iabaki Iesu ho ḡahi namina raḡege, badiva auki ḡuma ona kikive kinu vani aenava. ¹⁷Eduge Iesu raki kiro gevenu, “Di Mame ramu daḡe daḡe au meva kima, eige da tage me mimi vara.” ¹⁸Ga o iau dainehe Iudea baugeva iaberaki Iesu ḡamiḡa ḡumava iaḡovege, badiva auka beta vani aena eḡu ge auki hosaḡanu, edube auka roma Dirava ra au Mame, mati avaḡu aumu Dirava ruta ḡereḡere ḡahima.¹⁹Eige Iudea ḡaha iabaki Iesu ho ḡahi namina raḡege, badiva auki ḡuma ona kikive kinu vani aenava. Eduge Iesu raki kiro gevenu, “Di Mame ramu daḡe daḡe au meva kima, eige da tage me mimi vara.” ²⁰Ga o iau dainehe Iudea baugeva iaberaki Iesu ḡamiḡa ḡumava iaḡovege, badiva auka beta vani aena eḡu ge auki hosaḡanu, edube auka roma Dirava ra au Mame, mati avaḡu aumu Dirava ruta ḡereḡere ḡahima.²¹Dirava hoḡe koita iagemare mati maḡuri moimare naḡate, au Moe tage ramu au ḡahara viare koitava maḡuri moimo vara. ²²Dirava ra beta koita be seḡuse vara eduge hedo inuhati ge auki au Moe moimanu, ²³eige iauma iau bouge au Moe riaḡa ḡahisa iau au Mame riaḡa ḡahare naḡate. Unuhuna au Moe besibe ḡahima badiva auka au Mame raki besuḡanu au tage iauki besibe ḡaha.²⁴Riaḡa vara daki ia boriti ḡahigeima, unuhuna di gare ihare mati Dirava riaḡa ḡahima badiva auki da besuḡanu koitava ramu maḡuri behi behive manu. Renu aena vara beta mimi vara, eduge hoḡe uhura ge auki maḡuri vanu.²⁵Riaḡa vara, daki ia boriti ḡahigeima, negava ramu oroḡima, mati aukamu hugure; eige hoḡe iana Dirava Moe enoḡe ihisa, mati ihare ḡahava iana urihi maḡuri misa.²⁶Gerege Dirava di Mame ramu maḡuri umuka vara, eige di Mame raki ḡuma kobuḡa ei hedo da moimi daka koita maḡuri moimisa; ²⁷mati aukamu hedo moimanu auka aena me kiogeisa, badiva auka Koita Ḡamika dainehe.²⁸Ia negu da rosa roiare gava ihihi soru raka raḡime; badiva nega ramu oroḡima eige hoḡe ḡaha iau bouge ramu di enoḡe ihihi vara ²⁹renu iauna hakiraḡisa, oḡore iana ḡuma maḡe kinu iabera urihi maḡuri misa, a oḡore iana ḡuma daure kinu iabera urihi iau daure damune misa.³⁰Daka beta me be davaḡu kiki vara. Da ihare era daki berabeva vima; renu da berabe viare ra Dirava daki roiare eḡu daki kima, badiva daka beta davaḡu di urave eḡu eduge da besuḡane au urave eḡu daki kima. ³¹“Da davahu di gare vare, di gare ra beta riaḡa vara daki roma. ³²Eduge koita be raki di ihehe ga visa, renu daka dibana au roiare era riaḡa vara.³³Ai besubesu ḡahatuhe a besugei Ioane ḡasina, renu auka ga riaḡa vara auki roege. ³⁴Daka beta koitaia di gare raḡare iauge daki ramima, eduge da rogevare gava iabera iaka maḡuri misa. ³⁵Ioane abage ramu erehuta lamepa raḡare abagate ra, renu iaki nega tinabe au abaga uhura iaka heḡiri raḡege.³⁶Eduge di meve be ramu ketake beta Ioane aue naḡatera. Di Mame me da moimane era damu ki kosavanu, renu da gure me kiare oramu ia ḡaḡiromisa daka di Mame raki da besuḡanu. ³⁷Renu di Mame da besuḡane tage ramu di gare vanu. Eduge iaka au enoḡe ihihi veitera se au nie tage iaka erara veitera, ³⁸renu iaka au gare mi iai sorukehe maema veitera, badiva iaka au besuḡane koitava riaḡa ḡahiḡa veitera.³⁹“Iaka buka aenava ge iaki iaḡo iaḡo raḡa, badiva ia anavare e uhura ge iaka maḡuri behi behive misa; edube ga maemane gava ramu di gare raḡare riaḡa ḡahi dana unuhunu. ⁴⁰Eduge iaka di gasina oroḡi maḡuri mimi ḡahara veitera.⁴¹Daka beta koita iau motea motea daki ḡahara vima. ⁴²Eduge daka dibana iaka iai sorukehe Dirava ḡahara veitera.⁴³Daka di Mame ihehe ge daki oroḡanu, eduge iaka da maḡe ḡahiḡa veitera; edube koita be avaḡu au ihehe oroḡare eramu iamu maḡe ḡaha. ⁴⁴Iaka koita bea ia motea ḡahi gevare era iaki ḡahara raḡa, eige iana orenaki da riaḡa ḡahisa renu iaka bebe iau ḡahara veite, renu iaka au maḡeve oroḡare e erara veitenu, e ramu au kobuḡo (Dirava) au seni ge auki oroḡima⁴⁵Ia negu anai rome daka di Mame vaḡotoni iai daureve roro vara; edube ia uhuiamare koitava Mose, ia riaḡa ḡahege aukena ia iahe geisa. ⁴⁶Eige iana Mose riaḡa ḡahanu, iakamu da riaḡa ḡahanu, badiva aukamu di gare ro maemanu. ⁴⁷Eduge iana au maemane gava riaḡa ḡahiḡa veitenu, iana negu orenaki da roiare gava riaḡa ḡahisa?

¹Iesu raki Galileia gohu hakirahe otinu ihiva iauki roia Tiberia gohu. ²Koita dadaḡava raki au itahe otege, badiva iauki eraḡege auki me ketake kiogei dika ḡahe maḡe ḡahi gevege. ³Iesu raki au ḡamituhe ruḡa nimu ḡadihime iauki gurahanu.⁴Nega oige Iudea ḡaha iau Rigi bauge vaniva tage hugure. ⁵Iesu raki aniḡoi niḡahege koita dadaḡava raki gure beiami oroḡege, gerege auki Filipo beraḡi ronu, “Nona negu orei demaka haevi koita o inuhati vasi geige vanu?” ⁶Iesu raki onaki rone auka Filipo auki tohoḡima, badiva riaḡa vara Filipo ra dibana auna otavado kiki vanu au so Filipo berabe veite.⁷Filipo raki ronu, “‘Bata agorokiva’ damua tage ramu ḡereḡere veite nona mi demaka haevege iauna tina tina idiḡisa.” ⁸Au ḡamite bera, Simona Petero ḡoḡe, Anderea raki Iesu kironu, ⁹“Ḡami avie be oigera au ḡasina gera parao ada kasiva mati karava momona abu tagera. Eduge ena otado be riaḡahe kiki vanu koita dadaḡa o inuhati iahe geige vanu?”¹⁰Iesu raki ronu, “Koita kirogeve iau bouge gurahe.” Iauki iau bouge isu ada gurahi, iau ate eramu erehuta daha adakasiva naḡatera. ¹¹Gerege Iesu raki parao idigevare, auki Dirava au maḡe ḡahi gevare, auki idigei koita gurahane mohi gevenu; karava tage enaki kiege, iauki tamuta raḡi iau uhure geregere ḡahanu. ¹²Koita iau uhure ḡereḡere viege, Iesu raki au ḡamituhe kiro gevenu, “Demaka momona inuhati bouge vare, ia negu be daure ḡahime.”¹³Gerege iauki koitaia tamuta raḡi demaka momonava inuhati bougei idigei boteka utube hakira abu toboḡa gevenu. ¹⁴Koita iaberaki Iesu kine meva eraḡare, iauki ga raḡi roege, “Oramu iau peroveta koita be rone eraki o vata ada o oroḡonu.” ¹⁵Iesu raki dibana ḡoinu iauka orogi mi oti iau oḡo rohiveni kiki vara, gerege auki ḡaitana avaḡu ia vaḡotoni urimi nimu kasihe otinu.¹⁶Va hiriḡomege, Iesu raki au ḡamituhe ruḡa uguraḡi gohu otinu, ¹⁷iauki vanaḡiva bei gui raḡare iauki Kaperanamu gohu hakirahe otinu. Va vadibu ḡoine uhura Iesu ra so iau ḡasina roḡiro veite. ¹⁸Gerege eve raki vaḡava viege badiva nono raho tinabe raki ḡuguige,¹⁹Au ḡamituhe iabera vanaḡi barai ḡamanava erehuta abigaḡa se ababu naḡate, iauki niḡahi Iesu eraḡanu. Iesu raki eve ada oḡi oroḡoge vanaḡi kahika ḡahege. Eige iauki siḡo raḡanu. ²⁰Eduge Iesu raki kiro gevenu, “Ora dakaki; ia negu siḡo raḡime.” ²¹Gerege iauki heḡirita mi vanaḡiva auki gui vare, renu ḡamana veite iauki iau otare gabuhe haki raḡanu.²²Va tahege koitaia gohu hakirahe gurahane iaberaki vanaḡi kobabe eraḡanu. Renu iauka eraḡege Iesu ra vanaḡi ei au ḡamituhe ruḡa guigu veitera, eduge auka iavaḡu ge iauki otinu. ²³Gerege vanaḡi rore beḡu Tiberia seni oroḡi iauki Rohi Bauge demaka maḡe ḡahi koitaia tamuta raḡane gabuhe hakiraḡi.²⁴Gerege iauki koita inuhati era gevege Iesu mati au ḡamituhe iabera ei veite, eige iauki urihi vanaḡi rore bei gui raḡi iauki Iesu beiami Kaperanamu otinu.Iesu ra maḡuri demaka vara ²⁵Iauki gohu hakirahe behuḡare iauki beraḡanu, “Ni Biage, ana vaisu gena a oi oroḡonu?”²⁶Iesu raki kiro gevenu, “Riaḡa vara daki ia boriti ḡahigeima, iana demaka maḡe iare geregere raḡane dainehe gena ia da iaḡoa. ²⁷Ia negu demaka a daure ḡahare meva kime, eduge demaka maḡe maḡuri behi-behive meva eḡu iana kisa, era Koita Ḡamika vana a moimisa. Badiva Dirava au Mame raki hedoka ḡahare renu aena ḡahanu.”²⁸Gerege iauki kironu, “Nona otavado kiare ena negu no Dirava meve au ḡahara viare me vanu?” ²⁹Iesu raki kiro gevenu, “Oramu Dirava ḡahara viare me vara, iaka au besuḡane koitava riaḡa ḡahisa.”³⁰Gerege iauki kironu, “Ana ḡuma orei no ḡaḡiro geige vanu, gerege nona eraḡare a riaḡa ḡahiḡa vanu? Ana negu otavado meva kiki vanu? ³¹Ni tene tuhe iaberamu demaka mana rone iauki mata ḡaḡaeva iege; ga aenava ro maemane naḡate, ‘Auki va demaka mohi gevege iauki iege.’ ”³²Gerege Iesu raki kiro gevenu, “Riaḡa vara, daki a boriti ḡahima, era beta Mose raki va demaka ia mohi gevenu, eduge eramu di Mame raki demaka riaḡa vava seni ia mohi gevenu. ³³Badiva va demaka riaḡa Dirava seni vava oroḡane koitava ramu vata o ḡahava maḡuri mohi gevenu.” ³⁴Iauki imiḡi ronu, “Rohi Bauge, ama demaka o nega inuhati no mohigeisa.”³⁵Iesu raki kiro gevenu, “Dakamu maḡuri demaka vara. Di ḡasina oroḡare ḡahava iabera beta ḡubu raḡohira vara, mati oḡore iana da riaḡa ḡaha, iauka beta eia hoḡe raḡira vara. ³⁶Eduge dakamu ia boriti ḡahi gevenu iakamu da eraḡanu, eduge iaka da riaḡa ḡahiḡa veitera. ³⁷Iaḡa inuhati di Mame da moimare auka di ḡasina ororo vara, renu unuhuna di ḡasina oroḡima daka beta ita betia ḡahiḡa vara;³⁸badiva da vava seni oroḡane beta davahu ḡahara viare kiki vara, eduge Dirava da besuḡane au roiare era dana kisa. ³⁹Oramu Dirava da besuḡane daka kisa rone meva, renu au da moimane ḡahava inuhati daka beta ita betia ḡahigei gevara; eduge basu-basua dama iau bouge idigei maḡuri ḡahigeisa. ⁴⁰Oramu riaḡa di Mame ḡahara vane meva ra, gerege oḡoreana au Moe eraḡare mati riaḡa ḡahare iabera maḡuri behi-behi misa; eige dana maḡuri mohigei oti basu-basua misa.”⁴¹Gerege Iudea koita iaberaki gure namina raḡege badiva auki ronu, “Daka vava seni oroḡane demaka vara.” ⁴²Iauki gure ga raḡi roege, “Oramu Iesu raki, Iosepa moera, noka au mame mati au neine iau dibanera. Orenaki ge au negubutu roma, ‘dakamu vava seni ge daki uguhanu’?”⁴³Eduge Iesu raki kirogevenu, “Ava madama ḡarehiahe. ⁴⁴Koita bera beta di ḡasina ororo ate di Mame da besuḡane aukena nisiḡami oroḡisa; eige dana iagemi maḡuri moimisa ate basu-basu vaniva. ⁴⁵Peroveta ḡahi maemane naḡate, ‘Eige Dirava na iau bouge uhuvaka mohigeisa.’ Unuhuna di Mame gare ihinu mati au hugoru mare ḡahava iabera di ḡasina oroḡisa.⁴⁶Koita bera di Mame erara veitera edube Dirava seni oroḡane; auki avaḡu ni Mame eraḡanu. ⁴⁷Riaḡa vara, daki ia boriti ḡahigeima, unuhuna da riaḡa ḡahima auka maḡuri behi-behive mimi vara.⁴⁸Daka maguri demaka vara. ⁴⁹Iai vahiruhe iaberamu mata ḡaḡaeva mana iege, eduge iaukamu hoḡe raḡohanu.⁵⁰Oramu demaka vava seni oroḡane era, eige unuhuna iarenu auka beta hoḡe raḡira vara. ⁵¹Daka maḡuri demaka vara vava seni daki oroḡanu. Unuhuna demaka o iarenu auka maḡuri behi-behi mimi vara; renu da vata ada oi maḡuri demaka a moimare era di ahata makera.”⁵²Gerege Iudea ḡaheva iaberaki iavaḡu iau vaḡa gure berebe raḡi roege, “Ata ona orenaki au ahata make mi no mohi gevege nona isa?” ⁵³Gerege Iesu raki kiro gevenu, “Riaḡa vara daki roma, iana Koita Ḡamika ahata maka mati au taoke mimi veite ḡoiare, ai maḡuri vera ahakera.⁵⁴Iana oḡoreana ia di ahata make iare mati di taoke iare ḡahavaia iabera maḡuri behi-behi mimi vara, mati dana vani ihie uhura ge dana iage geisa; ⁵⁵badiva di ahata make ramu demaka riaḡa mati di taoke ramu eia riaḡa vara. ⁵⁶Oḡoreana di ahata make mati di taoke iare ḡahava iabera di uhurehe geraki, mati daka iau uhura⁵⁷Eige maḡuri behi-behi iau Mame raki da besuḡanu, renu da maḡuri viare ramu ni Mama au dainehe, gerege unuhuna di ahata make iare auka di dainehe maḡuri vivi vara. ⁵⁸Gerege oramu vava seni oroḡane demaka vara, beta iai tene ki iare mati iaukamu hoḡe raḡohanu iaḡaniva naḡatera. Eduge unuhuna demaka o iare auka maḡuri behi-behi mimi vara. ⁵⁹Iesu raki ga o ro gevege au Kaperanamu dubu uhura gavege uhura.⁶⁰Au ḡamituhe iaberaki au gare ihare iauki ronu, “Ga ora berebere ra, unuhuna negu ihare riaḡa ḡahiḡa vanu?” ⁶¹Eduge Iesu be ra kiroro veite auka dibana au ḡamituhea gure au gare ava madama raḡohare. Gerege auki bera gevenu, “Ga ona iai uhure huhu ḡahigeima?⁶²Gerege iana orenaki niḡahi Koita Ḡamika eraḡi auna vava ḡadimi ḡoiraḡi au oroḡane gabuhe? ⁶³Ora horu raki maḡuri mohimohi vima; ahata maka vara herove ra iaḡa be veitera. Da iai ro gevene gava iabera horu mati maḡuri gava ra.⁶⁴Eduge iai vaḡotoni be iabera da riaḡa ḡahiḡa veitera.” Badiva Iesu ḡanai ge auki dibana ḡoinu oḡoreana iana riaḡa ḡahiḡa veite, renu unuhuna negu au bive kiki vanu. ⁶⁵Iesu raki ronu, “Eige daki ia boriti ḡahi gevenu iaka beta di ḡasina ororo vara edube di Mame riaḡa omo iagemege iana di ḡasina oroḡisa.”⁶⁶Badiva Iesu onaki gavi rone dainehe au ḡamituhe iabaki ḡoiraḡohi au itahe otito netu raḡanu. ⁶⁷Gerege Iesu raki au ḡamituhe utube hakira abu bera gevenu, “Ia ḡaitage - iana ḡeahu otisa ia ḡahara raḡa?” ⁶⁸Simona Petero raki kironu, “Rohi Bauge, nona unuhu ḡasina otisa? Akamu maḡuri behi-behi gava ramu aigera. ⁶⁹Nokamu riaḡa ḡaha mati dibana ḡahanu akamu Aena Koita, Dirava besuḡane era.”⁷⁰Iesu raki ronu, “Dakamu iai ate utube hakira abu daki ia idi gevenu, ani? Eduge ia be ramu diabolo vara.” ⁷¹Auka Iuda, Simona Isakariota moe gare auki roege, au tage utube hakira abu iau ate bera, eduge auka Iesu bive kiki vara.

¹O itaharahe Iesu raki Iudea ḡaremi Galileia otinu. Auka Iudea guragu besibe viare badiva Iudea ḡaha iaberaki au ḡamiḡa ratava kiege dainehe. ²Iudea ḡaha iau Rigi bauge vaniva hugure eige iauki dubuka ḡamika ki au gurahisa.³Gerege au ḡoḡuhe iaberaki kironu, “Mata o ḡaremi Iudea ote eige ai ḡamituhe iaberamu a kiare meva tage eraḡisa: edube koita be ura veite au me kiare era ḡaḡae ḡoisa auka iorena ge auki kima. ⁴Eige ana me riaḡa a kima, vata ketane ḡahava ḡaitage ramu eraḡisa.”⁵(Edube au ḡoḡuhe ḡaitage riaḡa ḡahiḡa veite.) ⁶Iesu raki kirogevenu, “Di nega riaḡa vera so mimi veitera, eduge iai nega vera ia ruta vani inuhati gera. ⁷Vata o ḡahava iabera beta ia besibe ḡahigeige vara, eduge dakera iauki besibe ḡaha badiva daki boriti ḡahigeima iau ḡumaḡe iabera beta maḡe iabera.⁸Urihi rigi heḡiri otiahe. Daka beta heḡiri ei otito vara, badivara di nega riaḡa vera so roḡiro veitera. ⁹Au onaki rone itaharahe auka vani rorebe so Galileia guramanu.¹⁰Eduge au ḡoḡuhe inuhati rigi heḡiri otine itaharahe, gerege auki ihie iorena otinu koita iabera beta au toaḡe kisa mati dibana ḡahisa auna unuhunu. ¹¹Iudea baugeva iaberaki rigi heḡiri uhura iaḡoi berabe raḡi roege, “Negu ata ena oreigenu?”¹²Koita iaberaki heḡiri uhura au gare raḡi enana raḡege. Be iabera roege, “Iesu ra ata maḡe vara,” be iabera roege, “Veitera, auka koita iabera auki nisigei ḡuma nuneva otima.” ¹³Eduge koita bera Iesu gare ḡaḡae roro veitera, badivara Iudea ḡaha iau siḡore iauki raḡege.¹⁴Iau rigi heḡiri raḡi ate vani tanahe ge Iesu raki dubu otime auki koita huguro ḡahi gevege. ¹⁵Iudea ḡaha iaberaki ḡaḡu raḡohi au gare ihi, roege, “Ata ona orenaki ge au uhuvaka ona kikive manu, auka bera dahi-dahi uhuvaka au huguro ḡahiḡa veitera?” ¹⁶Gerege Iesu raki kiro gevenu, “Da huguro viare ora beta davaḡu di gare ra, edube da besuḡane koitava gare ra.¹⁷Unuhuna au uhure inuhati Dirava ḡahare vare kiare auka dibana ḡoiḡo vara eramu Dirava au ḡasina ge auki oroḡima, se da davaḡu gena da ḡa vima. ¹⁸Oḡoreana iavaḡu iau gare raḡare iabera iavaḡu maḡeve iauki iaḡova; eduge oḡoreana da besuḡane koitava maḡe ḡahisa badiva auka riaḡa vara, renu auka avaunaḡe bera augera veitera.¹⁹“Iana Mose na aena mi ia mohigeige veitenu? Edube ia be ramu beta aenava behima. Otavado dainehe ge ia gure di ḡamiḡa ḡumaḡe iaḡova?” ²⁰Koita iaberaki ronu, “Akamu omo daureva ḡoime aki!. Unuhuna a ḡamiḡa roma?”²¹Iesu raki kiro gevenu, “Daka me kobuḡa beḡu kinu iaka iai bouge ḡaḡu raḡohanu. ²²Mose ramu dododo me mi ḡanai ia mohi gevenu (beta Mose au gera, edube iai iahuve iau gera), eige iamu vani aenava tage ḡami be vadake dododo meva kinu.²³Eigera ata be vani aenava au vadake dodovare ena beta Mose aenave hosaḡanu, eduge iana ḡuma orei gena ia da ata be vani aenava maḡe ḡahane hova raḡoha? ²⁴Ia negu koita be au erara vaḡahe berabe raḡime, eduge ḡuma ieririva ge iana berabe raḡisa.”²⁵Koita iau berabe raḡi auna Keriso?Ierusalema koita be iaberaki roege, “Ona beta iau at be roiare iauka ḡami hoekisa enu? ²⁶Eraḡiahe koitava vire ḡaḡae ga vare, eduge iauka iaḡa be au ḡasina roro veitera! Ona iau anavare auna riaḡa vanu Keriso? ²⁷Ama noka bada dibana ata ona orehe seni ge au oroḡonu, edube Keriso negu oroḡare negahe, koita bera beta dibana ḡoiḡovara auna orehe seni ororo vanu.”²⁸Gerege Iesu raki dubu gavege uhura to barai ronu, “Iaka di dibanera, mati iaka da oroḡane matava dibana. Daka beta davaḡu ge daki oroḡanu. Da besuḡane koitava ramu riaḡa vara, renu iaka au dibane veitera. ²⁹Daka au dibanera badiva dakamu au seni ge daki oroḡanu mati auki da besuḡanu.”³⁰Gerege koitaia eige iauka kamuisa, eduge iau ade bera au kauka veitera, badiva au negave rone era so mimi veitera. ³¹Eduge iau uhura gera koita dadaḡava raki riaḡa ḡaha renu iauki roege, “Keriso oroḡare negahe, auna negu riaḡahe ata o me kiogevene soiḡi au variada dadaḡa kiogeige vanu? Aena ḡaha iabaki Iesu misa ³²Faresia ḡaha be iaberaki koita iau uhura ga ḡamika tahu Iesu gare raḡege ihinu, gerege dubu aena ḡaha iaberaki iau ḡamituhe besugei iauka oti Iesu misa.³³Gerege Iesu raki ronu, “Dakamu nega tinabe dana ia ruta guramisa, renu itaharahe dana ḡoiraḡi otisa da besuḡane koitava ḡasina. ³⁴Iaka negu da iaḡoia vara, eduge iaka beta da behube vara; renu da otare oḡova iaka beta riaḡahe otito vara.³⁵Iudea ḡaha iaberaki bebe bera gevege, “Ata ona orei otito vanu eige au roma noka beta behube vara? Auna ni matame ḡaremi Iudea itahe koita nune ei gurahare iau uhura oti guramare mati uguro ḡahigeige vanu? ³⁶Auna otavadoana au no boriti ḡahigeisa roma, ‘Iaka negu da iaḡoisa eduge iaka beta da behube vara’ mati ‘da otare matava iaka beta riaḡahe otito vara’?”³⁷Rigi vani bauge netu netua, Iesu ra ramirame auki to barai ronu, “Ana unuhuna eia hoḡe vima ama di ḡasina oroḡisa. ³⁸Ana da riaḡa ḡahima, buka aenava ramu ronu, “Ana da riaḡa ḡahima, maḡuri eia eramu ai sorukehe tobo raḡi ḡutui hakiha vara.³⁹Iesu onaki rone ra Dirava Horuve auki gava vanu, oḡoreana riaḡa ḡahare iauka Horu mimi vara, edube negubutu gera so Horu veitera, badiva Dirava ra so au maḡeve Iesu moimo veitera.⁴⁰Koita iaberaki negu Iesu gare ihine negahe be iabeki ronu, “Oramu iau peroveta koita rone era.” ⁴¹Be iaberaki ronu, “Oramu Keriso ra.” Edube be iaberaki berabe raḡi, “Gerege Keriso na Galileia seni ororo vanu? ⁴²Gerege buka aenava na roro veitenu Keriso ramu Betelehema seni auna oroḡisa, au tene Davida ḡuruane matahe.”⁴³Eige koita be ia besibe ḡahare iaberaki bebe kasa gevenu au dainehe. ⁴⁴Be iaberaki ura raḡi misa, eduge bera kamuka veite.⁴⁵Gerege aena ḡaha iaberaki ḡoiraḡohi dubu biava iau ḡasina oti iauki bera gevenu, “Esemena ia kamui mi ororo veite?” ⁴⁶Aena ḡaha iaberaki ronu, “Koita bera ata o gavare naḡate veitera!”⁴⁷Gerege Faresia ḡaha iaberaki kiro gevenu, “Ia ḡaitage na au ḡuma nuneva ia nisigei otinu? ⁴⁸Gerege aena ḡahaia se Faresia ḡaha be iana Iesu riaḡa ḡahiḡa veitenu? ⁴⁹Eduge koita o iaberamu, iauna Mose Aenave dibana veitenu, eige Dirava hore ramu iau ada gera.”⁵⁰Nikodemu tage ramu Faresia ḡaha iau uhura au tage iau ruḡa, iauki kiro gevenu, ⁵¹“Ni Aenave uhura gera noka beta koita be daure damune roro vara, eduge noka uriḡahi au kiogevene gava ihare, ihiege nona au daure damune aenava moimisa.” ⁵²Iauki kironu, “A tage beta Galileia seni ge aki oroḡanu, ani? Ama buka Aena dahare mati anaisa peroveta koita be ramu beta Galileia seni oroḡanu.”[ ⁵³Gerege iauki koba koba iau guragu oḡohe otinu,

¹Iauki koba koba iau guragu oḡohe otinu, eduge Iesu ra Oliva Nimuva seni ge auki otinu. ²Vagutu ge auki ḡaitana ḡoiraḡi dubu otinu. Koita iaberaki au ḡasina orogi gurahi au gare ihige. ³Aena ḡahaia renu Faresia ḡaha iaberaki maḡi be ḡuma daure kiege uhura mi oroḡime iauki koita iau vaḡotoni maemanu.⁴Iauki Iesu kironu, “Ni Biage, maḡi ora ni muduka vi ḡuma daure kiare uhura ge iauki behuḡanu. ⁵Mose Aenave uhura gera noka maḡi onaki kikive iabera muniva ḡami hoekisa. Ama ana otavadoana a roma?” ⁶Iauki tohoḡi onaki roege gerege au ga nune be roege iauka mi aena moimisa. Iesu raki ḡorumi vata ada au ada kakunehe ga be maemi.⁷Iauka daḡe daḡe berabe raḡege, auki urimi ramare kirogevenu, “Ana unuhuna iai vaḡotoni daure veite au uriḡoi muni mi maḡi o ḡama.” ⁸Auki ḡaitana ḡorumare au adahe vata ada ga maemanu.⁹Iau au gare ihine, iau baugetuhe iabeki ḡeahu oti renu avie kobakoba iau itahe ḡeahu otinu; iauki Iesu ḡarehi renu ni muduka maḡi e au vaḡotoni ramirame ḡare gevenu. ¹⁰Iesu raki urimi ramare auki maḡi e kironu, “Maḡi, ama negu a ḡamisa rone ḡahavaia? Esemena be guramare aki roro veite aka daure maḡi vara?” ¹¹Maḡi eraki ronu, “Be veitera, di Rohite.” Renu Iesu raki kironu, “Da tage beta ami daure roro vara. Ama otisa, edube a negu daure ki goiragime.”¹²Iesu raki ḡaitana gaḡagei, roege, “Daka mata o abaga vara. Di itahe oroḡare koita vara beta vadibua oḡiḡi vara, eduge auka maguri abagava mimi vara.” ¹³Gerege Faresia iaberaki kironu, “Akamu avaḡu ge aki ai gare vima; eige noka beta ai gare riaḡa ḡahiḡa vara.”¹⁴Iesu raki ronu, “Eige dana davaḡu gena da di gare vima, di gare ramu riaḡa vara badiva daka dibana dana oreigena da oroḡanu renu dana orei otito vanu, eduge aka dibana veite dana oreigena da oroḡanu se dana orei otito vanu. ¹⁵Akamu koita uhu ananave ge aki berabe vima; edube daka beta koita be daure damune kiki vara. ¹⁶Eduge dana berabe vima, di berabe vera riaḡa vara; badiva beta davaḡu ge daki berabe vima, eduge di Mame da besuḡane ruta gera.¹⁷Iai aenave uhura maemane tage ramu ronu koita abu ḡainage iau ḡare ramu riaḡa ḡahisa. ¹⁸Di Mame da besuḡane tage ramu di gare auki riaḡa ḡahima.”¹⁹Gerege iauki beraḡanu, “Ama ai Mame?” Iesu raki ronu, “Iaka da se di Mame ni dibane veitera. Iana dibane ḡahanu dana unuhunu, iaka di Mame tage au dibana ḡahanu.” ²⁰Iesu gure dubu uhura iau moni ḡosiḡare gabuva ḡaika au uguro gare roege, eduge koita bera kamuka veite badiva au nega vera so mimi veitera.²¹Iesu raki ḡaitana kirogevenu, “Daka so ḡeahu otito vara, renu iaka da iaḡoia vara, edube iaka iai daureve uhura hoḡe raḡira vara. Dana orei otito vanu, iaka beta ororo vara.” ²²Gerege Iudea ḡaha iaberaki kironu, “Ena auna oti auvaḡu au ḡamiḡa vanu? Au gare makava au roma, ‘Dana orei otito vanu, iaka beta ororo vara.’?”²³Iesu raki kiro gevenu, “Iaka derihe vata ada o ḡahava iabara, daka auhe ge daki oroḡanu; iaka vata ada o ḡahava iabera, eduge daka beta vata ada iera. ²⁴Eige daki ia boriti ḡahi gevenu iaka daure uhura hoḡe raḡira vara, edube ia da riaḡa ḡahiḡa veite da davaḡu roma dakamu aukaki, iaka iai daureve uhura hoḡe raḡohira vara.”²⁵Iauki kironu, “Ana unuhunu?” Iesu raki kiro gevenu, “Esemena da ia gaḡa geima? Otavado ana da ḡanai ia boriti ḡahi gevenu. ²⁶Daka iaḡa dadaḡava dana iai ada rosa mati iai daureve dana rosa; eduge da besuḡane koita vara riaḡa vara, eige dana otavadoana da vata ada oi ronu eramu auge daki ihine ga vara.” ²⁷Iauka anana veite auka au Mame vava uiare garera auki roma.²⁸Gerege Iesu raki ronu, “Ia negu Koita Ḡamika mi iagemare, eige iana anaisa dana unuhunu, mati daka beta iaḡa be davaḡu kiki vara, eduge da ga ro gevare iabara di Mame vava uiare da boriti ḡahare gava iabara. ²⁹Renu da besuḡane koita vara daḡore gera; auka da ḡareḡa veitera, badivara da kiare meva inuhati auki heḡiriva vima.” ³⁰Auki gavi iaḡa o ro gevege, koita dadaḡa iaberaki riaḡa ḡahanu.³¹Gerege Iesu raki Iudea ḡahaia riaḡa ḡahane kiro gevenu, “Ia di gare riaḡa ḡahi rahare, iaka di gamituhea iabara; ³²renu iana ga o riaḡa ḡaha, renu ga riaḡa oramu a maḡe ḡahiḡa vara.” ³³Iauki kironu, “Nokamu Aberahamo vahiruhe iabara renu nokamu beta koita be iau besubesu ḡahatuhe ḡahanu. Ana otavadoana a roma, ‘Aka maḡe mi ororo’?”³⁴Iesu raki kiro gevenu, “Riaḡa vara, daki roma, unuhuna ḡuma daure kima auka ahata maka mi otare auge auki otima. ³⁵Besubesu koita vara guragu iaga veitera; au moe raki ei guragu behi behive oḡova. ³⁶Eigera Dirava Moe a maḡe ḡahege, iaka maḡe riaḡa mimi vara.³⁷Daka dibanara iaka Aberahamo vahiruhe iabara; eduge iaka da ḡamiḡa ḡumava iaki gure kia, badivara di gare iai uhurehe gera guragu gabu veitera. ³⁸Daka otavadoana da di Mame vaḡotoni eraḡanu era daki gava vanu; eduge iakamu otavadoana ia di Mame au ihine kiki vara.³⁹Iauki kironu, “Noka Aberahamo vahiruhe iabara.” Iesu raki kiro gevenu, “Ia Aberahamo vahiruhe ḡahanu, iaka au ḡumaḡe kiogevenu, ⁴⁰eduge iaka da ḡamiḡa ḡumava iaki kia, da ga ro oroḡane ramu Dirava ga riaḡave ihine era daki ia boriti ḡahi gevege. Aberahamo ramu beta ḡuma ona kikive kinu. ⁴¹Iaka riaḡa iai vahiruhe kiege naḡate iaki kia.” Iauki kironu, “Noka beta mamaka veite iabara; noka ni mame ramu kobabe, Dirava au avaḡu geraki ni Mame.”⁴²Iesu raki kiro gevenu, “Gerege Dirava mi iai Mame ḡoiare, iakamu di ḡahara raḡira vara, badivara daka Dirava auge daki oroḡanu renu da ona. Daka beta davaḡu ge daki oroḡanu, eduge auki da besuḡanu. ⁴³Esemena ia da ga roiare o ihihi veite? Badivara iaka di gare riaḡa ḡahiḡa veite dainehe. ⁴⁴Iakamu iai mame satani naḡatera, eige iaki au ḡumaḡe kia. Auka ḡanai koita ḡami hoekanu mati auka maḡuri riaḡava guragu veite, badiva auka avaunaḡe maḡuriva ge auki guramima. Au avaunaḡe viare auka avaḡu au uhure anavare eḡu auna gava visa, badiva auka avaunaḡe inuhati iau mamera.⁴⁵Badiva daka ga riaḡa vara daki ia boriti ḡahigeima, edube iaka da riaḡa ḡahiḡa veitera. ⁴⁶Dana unuhuna da boriti ḡahisa daka daure kinu? Da ga riaḡa roiare, esemena ia da riaḡa ḡahiḡa veite? ⁴⁷Ana unuhuna Dirava gare ihima aka Dirava iera. Ana au gare ihihi veitenu makava ramu aka beta Dirava auge aki oroḡanu.”⁴⁸Iudea ḡaha iaberaki beraḡanu, “Nona riaḡa vara no roia a tage Samaria koitavara eige aka sua daure vara ai uhura gera?” ⁴⁹Iesu raki ronu, “Daka sua daure veitera; eduge daka di Mame daki maḡe ḡahima, edube iaka da maḡe ḡahiḡa veitera.⁵⁰Eduge daka beta davaḡu di maḡeva daki iaḡoima; edube koita beḡuge raki auvaḡu maḡe renu auka maḡe biavara. ⁵¹Riaḡa vara, daki roma, ana unuhuna di gare kamui riaḡa ḡahima auka beta hoḡe erara vara.”⁵²Iudea ḡaha iaberaki kironu, “Nokamu dibana ḡahanu aka sua daure ai uhura. Aberahamo hoḡe raḡi, renu peroveta ḡaheva ḡainage; edube aka roma, ‘Ana unuhuna di gare kamuima auka beta hoḡe erara vara.’ ⁵³Ana ni mame Aberahamo aukamu hoḡe raḡanu, au naḡatenu? Peroveta ḡaha ḡainage hoḡe raḡanu. Ana roma ana unuhuna?”⁵⁴Iesu raki ronu, “Da davaḡu da maḡe ḡahare negahe, di maḡeve ra maka veitera. Ora di Mame vava uiare eraki da maḡe ḡahima, auka iamu roia, ‘Auka ni Diravate,’ ⁵⁵iana au dibane veitenu. Eduge daka au dibanera; gerege da negu rosa daka au dibane veite, dakamu a naḡate avaunaḡe koita ḡoiḡo vara. Edube daka au dibane renu au gare daki riaḡa ḡahi kamuima. ⁵⁶Iai baugete Aberahamo tage di ororove heḡiriva vanu; aukaki uriḡoi eraḡare renu heḡiri viege.”⁵⁷Gerege Iudea ḡaha iabaraki kironu, “Aka so tau utu adakasiva mimi veite, aka roma aka Aberahamo eraḡanu?” ⁵⁸Iesu raki kiro gevenu, “Riaḡa vara, daki roma, Aberahamo so ḡuruḡu veite, daki ḡuruanu.” ⁵⁹Gerege iauki muni idiḡi au ḡamisa, eduge Iesu raki iau vaḡotoni dubu seni oḡi hakivanu.

¹Auki oḡi otime auki niḡahi ata be eraḡanu auka au ḡuruane auki niḡa niḡa veite. ²Au gamituhe iaberaki beraḡanu, “Ni Biage, esemena ata o ḡuruane au ni veite ḡoinu, ona avaḡu au daureve se au iahuve iau daure dainehe?”³Iesu raki ronu, “Beta ata o se au iahuve iabaki daure kinu; au ḡurui ni veite ḡoine noka Dirava hedoke meva au ḡaḡae ḡoisa. ⁴Eige noma vani abagava au da besuḡane meva kisa; a va hiriḡomare bera beta me be kiki vara. ⁵Dana vata ada oi maḡurivi uiare, daka vata o abaga vara.⁶Auki onaki roiare, auki vateta ada sabaramare rabura ḡahare mi ata e nie ada maemanu, ⁷auki kiroege, “Ote, Siloama eiava eagu” (makava ramu Besuḡa). Gerege ata eraki oti au nie ketovare au nie raki baoraganu.⁸Ata e yaga gaikahe uiare koitava ya renu beya erage ge, au orogo imimi vi yoavege, yaberaki roege, "Ona ata enu, orogo gurami imimi viege, aukenu?" ⁹Be yabeki ronu, "Era aukaki." Be yabera roege, "Veitera, eduge auka au eraravara nagatera." Eduge auki ronu, "Ora dakaki."¹⁰Yauki beraganu, "Orena kimena ai nei baoraganu?" ¹¹Auki kirogevenu, "Yau atabe ihiva Iesu roere raki vata batake gahera, di niehe maemanu daki ronu, 'Siloam oti eaga.' Eige daki ti eaga ge di nie raki baoraganu." ¹²Koita e yaberaki beraganu, "Koitavanu oreigenu?" Auki kirogevenu, "Daka dibana veutera"¹³Iauki negu ata au nie baoraḡane mi Farisea ḡahava iau ḡasina oroḡonu. ¹⁴Iesu ramu vani aenava ge auki vateta manei au nie bao vanu. ¹⁵Gerege Farisea ḡaha iaberaki ḡaitana beraḡege auna orenaki gena au nie bao raḡanu. Auki kirogei, “Vateta vara auki manei di niehe ḡosiḡanu. Gerege daki eiava ketoi, eige daki niḡa niḡa vima.”¹⁶Farisea ḡaha iaberaki roege, “Ata ora beta Dirava seni auki oroḡanu, badivara auka sabadi vani o aena ḡahiḡa veitera.” Eduge be iaberaki roege, “Orenaki ata be daure koita auna ḡuma o kisa?” Eige iauki iau kasa gevenu. ¹⁷Iauki ḡaitana ata nie baoraḡane beraḡege, “Ai ananave ata ona unuhunu? Eramu ai nie auki baoanu.” Auki ronu, “Auka peroveta koita vara.” ¹⁸Iudea ḡaha iabara negu ata nie baoraḡanu riaḡa ḡahiḡa veite eigera iauki au iahuve ihirogei¹⁹mati bera gevenu, “Ona iai moenu, iauki roia auka au ḡuruane ei ni veite? Orenaki au negubutu niḡa niḡa vima?” ²⁰Au iahuve iaberaki ronu, “Ora ni moera, renu auka ni veitera au ḡuruane; noka dibanara; ²¹eduge noka dibana veite orenaki gena au negubutu niḡa niḡa vima, mati unuhuna au nie baoanu. Beraḡiahe; auka koita bauge vara. Aukena avaḡu ia kiro geisa.”²²Au iahuve onaki rone badivara iauka Iudea ḡahava iauki siḡageva; badivara Iudea ḡahava iabara subuta riaḡa ḡahanu unuhuna Iesu riaḡa ḡahi auka Keriso roiare iauka dubu besugei haki raḡohisa. ²³Eige au iahuve iaberaki ronu, “Auka koita bauge vara; beraḡiahe.”²⁴Gerege iauki nega abu ḡahiḡava ata niḡa niḡa veite ihiromi ḡoiraḡohi, iauki kironu, “Ama Dirava vaḡotoni ga riaḡa visa! Noka dibanara ata ora daure koita vara.” ²⁵Auki gavi ronu, “Daka dibana veite ata ona daure koita vanu. Eduge iaḡa kobabe da dibana ḡoinera, dana ni veitenu, edube dakamu negubutu niḡa niḡa vima.”²⁶Iauki kironu, “Otavadoana au ai kinu? Orenaki gena au ai nie bao gevenu?” ²⁷Auki kirogevenu, “Dakamu subuta ia boriti ḡahi gevenu, eduge iaka di gare ihihi veitera. Esemena ia ḡaitana ihisa roia? Riaḡa ia ḡaitage iakamu beta au ḡamituhe ḡahiḡa gahara raḡa, riaḡa vanu?”²⁸Gerege iauki namiḡi, roege, “Akamu au ḡamite bera, eduge noka Mose gamituhe iabara. ²⁹Noka ni dibanera Dirava ramu Mose ga ḡahanu, eduge ata ora, noka au dibane veite auna orehe seni gena au oroḡanu.”³⁰Negu ata eraki boriti ḡahigei ronu, “Ora so iaḡa maḡe bera! Aka dibana veite orehe seni gena au oroḡanu, eduge auki di nie bao gevenu. ³¹Noka dibana Dirava ra daure ḡahe iau gare ihihi veitera, eduge auka oḡoreana au imimi ḡahare mati au meve matau ḡahare ḡaheva auki iau ḡare ihima.³²Nokamu beta vata ada oi nega bei ihege koita be ramu ni veite ḡuruane iaukamu au nie bao gevege aukamu niḡa niḡa vima. ³³Gerege negu ata ona riaḡa beta Dirava au gena au oroḡonu, auka beta onaki iaḡa be kiki vara.” ³⁴Iauki kironu, “Akamu daure uhura ge aki ḡuruanu, renu ana orenaki no gaḡa geisa.?” Eige iauki oiahi haki vanu.³⁵Iesu raki iau oiahane gava ihare, gerege auki iaḡoi behuḡare, auki kironu, “Ana Koita Ḡamika Moe riaḡa ḡahima?” ³⁶Auki kironu, “Mati auna unuhunu, di Rohite? Da boriti ḡaha, gerege tage dama riaḡa ḡahisa.” ³⁷Iesu raki boriti ḡahi ronu, “Akamu o eraḡima, mati a ga ḡahare koitava ramu aukaki.” ³⁸Auki ronu, “Di Rohite, dakamu a riaḡa ḡahima.” Gerege auki Iesu vasi ḡaika komuko daivi maḡe ḡahege.³⁹Iesu raki ronu, “Da vata ada oi oroḡane ra beta ia kasa gevare gerege niḡa niḡa veite iabera niḡahisa, renu oḡore iau nie bao raḡira veite iabera so niḡa niḡa raḡira vara.” ⁴⁰Faresia ḡahava bea au ḡaika raki au gare ihare renu kironu, “Riaḡa noka beta ni veite iabara, ani?” ⁴¹Iesu raki boriti ḡahi gevenu, “Eduge a ni veite ḡoiare, aka beta ḡuma daure kiki vara. Eige ana negubutu a roma, ‘Nokamu ni ḡaha,’ eduge aka daḡe daḡe daure uhura gera.

¹Riaḡa riaḡa, daki roma, ana unuhuna a mamoe iaga uduani sirisi veite eduge haba hosaḡi ḡadimare era vaho koita vara. ²Koita uduani seni sirivare koitava ramu mamoe iau biagera.³Negu udua nitabata ḡahare koitava ramu au uduane baovi, renu mamoe ramu au enoḡe ihihi vara. Auna au mamoeve iau ihe rogei ihirogei auna nisigei hakivisa. ⁴Au avaḡu au mamoeve inuhati nisigei haki vare, aumu urigoi oḡi, renu au mamoeve iabara au itahe oḡi ota badivara iauka au enoḡe dibanara.⁵Iauka beta koita nune be itahe otito vara, eduge iauka siviḡoro raḡira vara badivara iauka au enoḡe dibana veitera. ⁶Iesu raki badigomu o gava viege iau ruḡa, eduge iau uhure ra bao raḡira veitera auna otavado au iau ḡasina roege.⁷Gerege Iesu raki ḡaitana kirogei, “Riaḡa vara, daki roma, daka mamoe iau uduanera. ⁸Oḡoreana uriḡahi oroḡane iabara vaho ḡaheva iabara; eige mamoe iabara iau ḡare ihihi veitera.⁹Daka iai uduanera. Ana unuhuna dai oroḡima auka maḡuri vara, renu auka dai oroḡi mati hakivima auka maḡe mimi vara. ¹⁰Vaho koita oroḡare ra daure mati hoḡe auki mi oroḡima. Da oroḡane ra iaka iai bouge maḡuri maḡe misa, negu oti behi behive.¹¹“Daka mamoe nitabata ḡahiḡa koita maḡe vara. Mamoe nitabata koita vara au maḡurive mi vata maemi au mamoe tuhe iau dainehe. ¹²A negu ata be damune kiare, eduge auka beta mamoe nitabata koita mati beta aue iabara, eige aumu ura totoka oroḡare eraḡare renu mamoe ḡaregei aumu siviḡoromi, renu ura totoka eramu oiagei iauna koba koba ḡahisa. ¹³Negu ata haevane eramu siviḡoromi badiva auka mamoe nitabata meva dibana veitera.¹⁴Daka mamoe nitabata koita maḡe vara. Daka daie iau dibane mati iauka di dibane, ¹⁵ḡuma kobuḡa ei di Mame ra di dibane da tage ni Mame dibane. Eige daki di maḡurive mi vata maemima iau dainehe. ¹⁶Daka mamoe nune be ḡaitage di ḡasina gera. Dama iau ḡaitage idigei oroḡisa, mati iau ḡaitage di enoḡe ihisa. Eige iauma kobabe ḡahisa, iau nitabata koitava tage kobabe.¹⁷Badiva ḡuma o dainehe ni Mame raki di ḡahara vima, eige daki di maḡurive mi vata maemi gerege dama maḡurivi ḡoiraḡisa. ¹⁸Bera beta di maḡurive mimi vara, eduge davaḡu ge daki maemanu. Daka hedokate mi maemisa, mati daka hedokate mi ḡoiraḡisa. Ora di Mame daki rone ga vara.¹⁹Ga o iau dainehe Iudea ḡahava iaberaki ḡaitana iau kasa gevenu. ²⁰Koita dadaḡava raki onaki roege, “Auka sua daure iabaraki au uhura eige auki ga kava vima. Ia gure au gare iha?” ²¹Be iabera roege, “Ga o iabara beta koita be sua daure au uhura gava iabaki. A sua daure bena riaḡahe ata be niḡa niḡa veite au nie baoba vanu?”²²Nega ei Ierusalema geramu iau Dubu hedoka ḡahane vaniva iauki anai. Ei tagera ribiri nega vara, ²³renu Iesu tage dubu ḡaika oḡi ioavege, iau Solomona ihe kine kasihe. ²⁴Gerege Iudea ḡaha be iaberaki au ḡasina rahi oriḡime iauki beraḡege, “Ana onaki no ḡaregei vaisu ga riaḡa no kiro geige vanu? Ana ni Maḡuri ḡahiḡa koita vanu, no boriti ḡahigeve.”²⁵Iesu raki kirogevenu, “Dakamu subuta ia boriti ḡahi gevenu, eduge iaka da riaḡa ḡahiḡa veitera. Oramu di Mame da kirone meva iabara daki au ihege kiogevege; ²⁶eduge iaka riaḡa ḡahiḡa veitera, badivara iaka beta di mamoe tuhea iabara.²⁷Di mamoe tuhea iabara di enoḡe iha. Daka iau dibane, renu iauka di itahe ororo vara. ²⁸Daka maḡuri behi behive mohigeige vara, mati iauka beta dau raḡohira vara. Bera beta di adehe idigei gevara.²⁹Otavado di Mame da moimane iaḡani vara beta iaie ḡore ḡereḡere vera, mati koita bera beta di Mame adehe idigei gevara. ³⁰Da mati di Mame ruta noka kobabera.” ³¹Iudea ḡahava iaberaki ḡaitana muni idigei ḡamisa roege.³²Iesu raki gavi ronu, “Dakamu di Mame hedokehe daki me maḡe dadaḡa ia ḡaḡiro gevenu. Erege e au dainehe ia muniva da ḡamisa roia? ³³Iudea ḡahava iaberaki roege, “Noka beta me maḡe e iau gera noki muni tahu a ḡamisa roia, eduge aki Dirava gare gure onaki roiare, badiva aka koita nubaḡa vara, aka avaḡu ami Dirava roma.”³⁴Iesu raki ronu, “Iana ia aenave uhura maema veitenu, Da rone, iakamu vata dirava iabara? ³⁵Mati ia negu roiare Dirava gare oroḡane iauge iauki roia diravaia, eige au garera beta hosa raḡira vara, ³⁶se iana rosa di Mame da hedoka ḡahane mati vata ada oi da besuḡane iaka roia daka davaḡu da mi roma, Daka Dirava Moera?³⁷Dana di Mame meve rone da kiogeige veite, gerege a negu da riaḡa ḡahime. ³⁸Edube dana kiogevege, ana daḡe daḡe da riaḡa ḡahiḡa veitenu, ama au meve riaḡa ḡahisa, mati iama anavare renu riaḡa ḡahisa, di Mame di uhura mati daka di Mame uhura gera.” ³⁹Gerege iauki ḡaitana kamuisa, eduge auki iau adavaḡa hakivanu.⁴⁰Auki ḡaitana Ioridana kasihe otinu Ioane ḡanai babatiso viege gabuhe, auki vani rore be ei gurami vaḡa roege. ⁴¹Koita dadaḡava raki au ḡasina oroḡime, iauki kiroege, “Ioane ramu hedo meva be kiki veitera, eduge Ioane ata o gare ro gevege iabara riaḡa vara.” ⁴²Eige koita dadaḡava raki ei riaḡa.

¹Ata be ihivara Lasaro, auka Betani ge auki uiage eraki dika vanu. Betani gera Maria mati au tate Mareta uiare oḡo vara. ²Maria raki Rohi Bauge maḡe ḡahime auki dehoro ḡutika maḡe be mi au vase ada bohuḡanu mati au omo hanakehe dahuḡanu; auka Lasaro dika ata au amakine ra.³Eige au amakinuhe iabaraki iau gare besuḡanu Iesu ḡasina, “Rohi Bauge, ai vasire maḡeva ramu komata vanu.” ⁴Eduge Iesu badi ihinei, auki ronu, “Komata ora beta hoḡe mi ororo vara; edube noma Dirava motea ḡahisa, renu Dirava Moe ramu au maḡeve ḡaḡae ḡahisa.”⁵Edube, Iesu matauve Mareta au ḡoḡe renu Lasaro iau ada, ⁶au Lasaro komata vane ihinei, auki vani abu naḡate oḡo ei guramanu. ⁷Gerege itaharahe auki au ḡamituhe kiro gevenu, “Noma ḡaitana Iudea ḡoiraḡohisa.”⁸Au ḡamituhea iabaraki kironu, “Ni Biage, Iudea ḡahava iabara vani rorebe muni tahu a ḡamisa roege, aka roma noka ei ḡoiraḡohi otisa?” ⁹Iesu raki ronu, “Ana dibana veitenu vani be abagava ramu utube hakira abu gera? Oḡoreana vani oḡiare ḡahava iabara beta desuraḡi raḡira vara, badivara iauka vata ada o abagava eraḡa.¹⁰Eduge oḡoreana vahi ioa raḡoha ḡahavaia iabara desuraḡi raḡira vara, badivara abaga vara iau uhurehe ge veitera.” ¹¹Enaki rone itaharahe, auki kirogevenu, “Ni vasire Lasaro ra iaḡime auki, eige daka ei oti ḡutiḡu vara.”¹²Au Ḡamituhea iabaraki kironu, “Rohi Bauge, au iaḡiaḡe ḡoioge, auka maḡera.” ¹³Iesu enaki roege eramu Lasaro hoḡeve auki gava viege, eduge iau uhu ananave auka iaḡiaḡe gava auka vima. ¹⁴Gerege Iesu raki ni taḡotaḡo boriti ḡahi gevenu, “Lasaro ramu hoḡe raḡanu.¹⁵Dakamu heḡiri vima iai dainehe daka eigera veite, eige iama da riaḡa ḡahisa. Eige noka au ḡasina otito vara.” ¹⁶Toma, iau ihiva Hekapa roege, auki au soukuhe kirogei, “No ḡaitage no au ruta ota, noma au ruta hoḡe kobuḡe raḡohisa.”¹⁷Iesu raki oḡo ei hakivi, auki ihinu Lasaro ramu vani ababu otinu iauki abatenu. ¹⁸Betani ra Ierusalema ḡaika gera, ḡamana veitera, ¹⁹renu Iudea koita dadaḡava iabara Mareta mati Maria iau ḡasina oti vaḡahu ḡahi gevege iau amakine dainehe. ²⁰Mareta raki ihine Iesu ororove, auki hakivi oti eraḡi, au ḡoḡe Maria ra iagahu auki guramege.²¹Mareta raki Iesu kironu, “Rohi Bauge, a mena oi ḡoinu, di amakine ra beta hoḡe raḡanu. ²²Eduge dakamu dibana ḡoinu, ana otavado a Dirava au imiḡima, Dirava vara riaḡa ḡahe a moimo vara.” ²³Iesu raki ronu, “Ai amakine ra ḡaitana maḡurivi ḡoiraḡira vara.”²⁴Mareta raki kironu, “Daka dibana auka ḡaitana urimi ḡoiraḡira vara vani netu netua.” ²⁵Iesu raki kironu, “Dakamu hoḡe mati maḡuri. Oḡoreana da riaḡa ḡaha, iauna hoḡe raḡanu, iauka maḡuri raḡira vara, ²⁶mati ana unuhuna maḡuri vima mati da riaḡa ḡahima auka beta hoḡe raḡira vara. Ana da riaḡa ḡahima?”²⁷Maḡi eraki ronu, “Erege, di Rohite, aka riaḡa Keriso, Dirava Moe, mati au rone auka vata ada oi besuḡi oroḡisa.”Iesu raki nivinu ²⁸Au gavana itaharahe, auki ḡoiraḡi au ḡoḡe Maria ihiromi iorena kironu, “Ni Biage ramu ai totove vima.” ²⁹Auki ihare, auki vaina urimare au ḡasina otinu.³⁰Iesu so oḡo kauka veite, eduge auka so Mareta behuḡi ga ḡahane gabuhe gera. ³¹Negu Iudea ḡaha ahata moimi au ruta iagahu, iabeki eraḡege auki vaina urimi hakivanu. Iauki au itahe oti iau ananave auka midava oti ei nivisa. ³²Maria raki oroḡi au Iesu eraḡane, auki au vasi ḡaika komuko daivi kironu, “Rohi Bauge, a mena oi ḡoinu, di amakine ra beta hoḡe raḡanu.”³³Iesu raki au nivige eraḡege, mati Iudea ḡaha au ruta otine ḡaitage gure niḡo raḡege, auki eragei uhudau ḡahigei renu au soruke tage hosa raḡanu. ³⁴Auki bera gevenu, “Oreigena ia maemanu?” Iauki kironu, “Rohi Bauge, oroḡi eraḡa.” ³⁵Iesu raki gure nivige.³⁶Gerege Iudea ḡaha iaberaki roege, “Iana au nivare eraḡa!” ³⁷Eduge be iaberaki roege, “Auna beta ata ni veite kiege au niḡa niḡa vima eige auna mati beta ata o maḡuri ḡahiḡa vanu.?”³⁸Gerege Iesu raki ḡaitana midava oroḡi uhu huhu ruta. Iau maemane ramu muni vaka beigera, renu muni abata be mi vaka bao vane koukouva kinu. ³⁹Iesu raki ronu, “Muni o mi ḡeahu maemiahe.” Negu ata hoḡe raḡane amakine raki kironu, “Di Rohite, aukamu vani ababu ge noki abatemenu, ora aukamu seisete ḡoinu.” ⁴⁰Iesu raki kironu, "Dana aki roro veitenu, a riaga gahege, aka Dirava haire erara vara?"⁴¹Gerege koita iaberaki muni mi ḡeahu maemanu. Iesu raki vava niḡahare ronu, “Mama, akera daki a maḡe ḡahima a di imimive ihine. ⁴²Daka dibanara aka vani inuhati ge aki di gare ihima, eduge da gavare ora koitaia rahane iau dainehe gera, eige iauma da riaḡa ḡahisa aki da besuḡanu.”⁴³Au enaki imimivi rone itaharahe, auki nivi barai ronu, “Lasaro, hakivi oroḡo!” ⁴⁴Negu hoḡe koita e raki hakivi oroḡi, au ade renu au ada iabara ogona ḡasikava ge iauki raro gevenu, renu au nie ramu ogonava ge iauki ḡodomanu. Iesu raki kiro gevenu, “Ogona e vaheḡare, renu ḡarehiahe au ote.”⁴⁵Eige Iudea ḡaha dadaḡa, Maria ruta oroḡane ḡahava iaberaki Iesu kine meva eraganu, iauki riaḡa ḡahanu. ⁴⁶Eduge be iabera Farisea ḡaha iau ḡasina otime iauki Iesu kine iau eraḡane iauki boriti ḡahi gevege.⁴⁷Eige dubu biavaia renu Farisea ḡahava iaberaki bouraḡohi ga raḡi, ronu, “Nona otavado kiki vanu? Ata ora iaḡa nune nune dadaḡa vara auki o kima. ⁴⁸No negu ḡarehi au ḡuma o kiare, koita iabera au riaḡa ḡahiḡa vara, eige Roma ḡahava iabera oroḡi ni aena taruha renu ni oḡe renu ni koitatuhe daure ḡahigeige vara.”⁴⁹Eduge iau bera, Kaiafas, auka nega eige dubu bauge bera, auki kiro gevenu, “Iaka iaḡa be dibana veitera! ⁵⁰Iaka anana veite koita kobabe ni dainehe hoḡe raḡare ena maḡenu se iauna roḡi mata ketake o daure ḡahisa.”⁵¹Auka avahu au uhu ananave roro veitera, eduge au dubu me kiege eige auki peroveta ḡahi roege Iesu ra hoḡe ragira vara mata koitava iau dainehe, ⁵²renu beta mata oḡu dainehe, eduge Dirava koitatuhe koba koba ḡahane bougeige vara. ⁵³Vani eige iauki au ḡamiḡa ḡumava iaḡovege.⁵⁴Eige Iesu raki Iudea ḡaha iau uhura oḡi ioa veite, eduge auki ei urimi oti ogo be ihiva Efraim mata ḡaḡaeva; eige auki unu au Ḡamituhe ruta. ⁵⁵Iudea ḡahe iau tene heḡiriva be kahika ḡahege, koita dadaḡa iabaraki oḡi Ierusalema otege, hegiri ei iau maḡurive maḡe ḡahigeisa.⁵⁶Iauki dubu uhura Iesu iaḡoi bebe bera gevege, “Iai ananave na otavado vanu? Auna hegiri oi ororo vanu, se veitenu?” ⁵⁷Iudea iau dubu biavaia renu Farisea ḡahavaia raki ga besuḡi hakiraḡi ronu, unuhuna Iesu eraḡima iauma vasiba ḡahigeisa, eige iauna oti mi misa.

¹Vani agorokiva uhurahe Iesu raki Lasaro oḡe Betani ge auki otinu, auki hoḡe uhura maḡuri ḡahi ḡoiraḡanu. ²Iauki auni demaka tinabe kinu. Mareta raki demaka kiege, renu Lasaro tage ramu ei iau ruta tamuta viege. ³Maria raki damu ketake muraka ḡutika maḡete be mi otinu, auki mi Iesu vase dahuḡare mati au omo hanakehe dahuḡege. Negu iaga uhura eramu muraka ḡutika maḡe era raki tobo ḡahanu.⁴Eduge Iuda Iskariote, au ḡamite be (unuhuna negu au bive kiare koitava), auki ronu, ⁵“Esemena muraka ḡutika maḡe o mi tinahu abigaḡa haeha veite, renu muni tahakava mi koita goroa mohigeige veite?” ⁶(Au onaki rone makava ramu beta auka goroa ana gevare era, eduge auka vaho koita vara; renu auka muni tahaka nitabata ḡahima edube auka vahoro ge auki ima.)⁷Iesu raki kiro gevenu. “Maḡi e ḡarehiahe. Auki haevane ra auka kamui oti da abatemare vanihe gena. ⁸Koita goroa iabera vani inuhati ia ruta gera, eduge daka beta ia ruta vani au bougera.⁹Iudea ḡahavaia badi ihine gerege iauka oroḡi Iesu ei eraḡisa, mati iau otine iauka Lasaro tage eraḡisa, au hoḡe uhura maḡuri ḡahane. ¹⁰Eige dubu biava iabaki Lasaro tage ḡamiḡa ḡumava iaḡovege, ¹¹badiva au dainehe Iudea ḡaha dadaḡava iabaraki ḡare gevare mati Iesu riaḡa ḡahege.¹²Va tahege koita dadaḡa negu rigi meva oroḡane iabaraki ihinu Iesu tagera Ierusalema ororo vara. ¹³Gerege iauki baḡa reta ididita oti Iesu eraḡisa, iauki bara raḡi roege,“Hosana!Rohi bauge ihehe oroḡare maḡe ḡahisaauka Isaraela iau Rohite!”¹⁴Iesu raki doniki ḡamika be eraḡi moroḡi gerege auki au ada ḡurami; iau bukava maemi rone naḡate: ¹⁵Siona ḡahavaia, ia negu siḡo raḡime,Eraḡiahe, iai rohite ramu oroḡima,doniki ḡamika be ada ge auki guramanu!”¹⁶Au ḡamituhe iabara ḡanai iau uhure raki bao raḡira veite ḡuma o iau; eduge Iesu hoḡe uhura urimi ḡoiraḡege, gerege iau uhure raki bao raḡohi iauki gava anagei renu iau buka aenava maemi rone eraki ḡaḡae ḡahanu.¹⁷Gerege koitaia nega ei Iesu ruta iabaraki ga raḡi roege aukamu midava seni ge auki Lasaro ihiromi hakivi renu auki maḡuri ḡahi ḡoiraḡanu. ¹⁸Mati koita iabaraki ḡaitana ihinu auka hedo ḡuma be kinu gava raḡohi eige iauki oti eraḡisa. ¹⁹Gerege Faresia ḡaha iabaraki bebe kirogei, “Iana eraḡa, iaka beta iaḡa kiki vara. Eraḡiahe, vata ada ḡahavaia inuhati au itahe iauki ota!”²⁰Koita be ḡainage beta Iuda ḡaha iabara iau ruḡa rigi kiare erarava otinu. ²¹Iauki Filipi ḡasina oti, auka Betsaida koita vara Galileia uhura, gerege iauki kironu, “Rohi Bauge, noka Iesu eraḡi renu au ruta ga raḡisa rome noki.” ²²Filipi raki oti Anderea boriti ḡahi; gerege iauki iau abu oti Iesu kironu.²³Iesu raki gavi ronu, “Negava rone auki manu Dirava raki Koita Ḡamika maḡeve ḡaḡae kisa roma. ²⁴Riaḡa vara, daki ia boriti ḡahigeima, koni iaka kobabe vata ada desuraḡi mae raḡare, era kobuḡa beḡu; eduge au hoḡe raḡare au madike maka dadaḡa kiki vara.²⁵Unuhuna avahu au maḡuri guraguve vima auka basu basuva dauda vara, renu ana unuhuna vata ada maḡuriva besibe ḡahima auka maḡuri behi behive mimi vara. ²⁶Ana unuhuna da mi au biage roma ama di itahe oḡisa, gerege ana di ḡamite dana oreigenu a tage ei da ruta gera. Renu di Mame ramu a maḡe ḡahiḡa vara ana unuhuna da iaheḡima.²⁷“Di soruke ramu isukera. Renu dana otavado rosa, Mama, isuke oi da maḡuri ḡaha? Veite, isuka o dainehe daki onaki huhunaḡima. ²⁸Mama, ai Moe maḡe ḡaha.” Gerege eno be raki vava seni uguhi ronu, “Dakamu maḡe ḡahanu, eduge daka ḡaitana maḡe ḡahiḡa vara.” ²⁹Koitaia rahirahe iaberaki ihare renu roege era va raki du vanu. Be iabara roege, “Aneru be raki ga ḡahanu.”³⁰Iesu raki kiro gevenu, “Eno ora beta dai gera, eduge iai dainehe ge auki oroḡonu. ³¹Negu nega oramu berabe vani vara vata ada oi; unuhuna vata ada o biava viare oiahi hakiha vara.³²Eige da mata o garemare e, Daka koita aubougi idigei di gasina ororovara." ³³Au enaki rone badivara, au hogeragare gumavara auki vasibava vanu.³⁴Koita iaberaki roege, “Nokamu aena maemane ihinu Koita Ḡamika vara maḡurivi oti behi behive. Orenaki gena a roma Koita Ḡamika iauka iagemisa? Koita Ḡamika ona unuhuna?” ³⁵Iesu raki kiro gevenu, “Abaga vara so nega tinabe ia ruta. Abaga iai uhura iama oḡisa, badivara vadibu negu ia idi geime. Ana vadibua gena a oḡima, aka beta dibana ḡoiḡo vara ana orei gena a otima. ³⁶Iama abaga o iai vaḡotoni riaḡa ḡahisa, gerege iama abaga uhura maḡuri raḡohare koitava ḡahisa.”Koitaia Iesu riaḡa ḡahi veiteIesu onaki rone itaharahe, auki ḡeahu oti iau hata vanu³⁷Orenaki gena au hedo me dadaḡa kiogevenu iau vaḡotoni, eduge iauka riaḡa ḡahiḡa veitera. ³⁸Ḡuma onaki kikive ra Isaia peroveta gare riaḡa ḡahi vara: “Rohi Bauge, unuhuna ni gare riaḡa ḡahanu,mati unuhui gena Rohi Bauge hedoke ḡaḡae ḡoinu?”³⁹Eige iau riaḡa ḡahiḡa veite makava ramu, Isaia tage raki ronu, ⁴⁰“Auki iau nie kopu ḡahi gevenumati iau soruke berebe ḡahi gevenu,gerege auka beta iau niehe niḡa niḡa raḡohisa,eduge iauma iau sorukehe anana raḡare mati ḡoiraḡohisa,gerege dana maḡuri ḡahigeisa.”⁴¹Isaia onaki rone makava ramu aukamu Iesu maḡeve eraḡanu eige auki gava roege. ⁴²Eigera koita dadaḡa, renu dubu baugea, ḡainage riaḡa ḡahanu. Eduge Farisea ḡahavaia ḡainage gava raḡira veitera, badivara iauki siḡo raḡoha iau negu dubu besugei haki raḡohime; ⁴³badivara iauka ahata maka kasihege iauki oti raho ḡaha eduge Dirava maḡeve oroḡare era iauki eraḡi avie ḡaha.⁴⁴Gerege Iesu raki nivi barai ronu: “Ana unuhuna da riaḡa ḡahima era beta dakera auki riaḡa ḡahima eduge da besuḡane era aki riaḡa ḡahima. ⁴⁵Gerege ana unuhuna da eraḡima era da besuḡane eraki eraḡima.⁴⁶Daka vata ada o abaga vara, eige oḡoreana da riaḡa ḡahare ḡahavaia beta vadibu uhura guragu vara. ⁴⁷Ana unuhuna di gare ihare eduge mi kamuka veite, daka beta au daureve roro vara, badiva da vata ada oi oroḡane beta ia daure ḡahigeige vara, eduge maḡuri ḡahiḡa vara daki oroḡonu.⁴⁸Ana unuhuna da besibe ḡahima mati di gare mimi veite daka au daureve roro vara; auka netu netua da ga rone eraki au daureve rosa, ⁴⁹eigera daka beta davaḡu di garera daki roma, eduge di Mame da besuḡane eraki aena da boriti ḡahane dana rosa mati dana gava visa. ⁵⁰Mati daka dibana au aena gare ra maḡuri behi behive ga vara. Dana otavado da gavi roma, eramu, di Mame da kirone ga vara daki roege.”

¹Dubu ḡaha iabera heḡiri bauge so mimi veite, Iesu raki subuta dibana ḡoinu au hoḡeve ramu hugure, renu auka vata ada o ḡaremare au Mame ḡasina otito vara. Aukamu au koitatuhe vata ada oi maḡe ḡahigei ate auki basu basua manu. ²Iesu mati au ḡamituhe ruta tamuta raḡege uhura, diabolo raki subuta ge auki Simona moe Iuda Isakariota uhure inu, auka Iesu bive kisa;³Iesu, auka uhu maemi au Mame ramu iaḡa inuhati idigei au adahe ḡosiḡanu, renu auka Dirava seni ge auki oroḡanu renu auka Dirava ḡasina ḡoiraḡira vara. ⁴Gerege auki iau tamuta raḡege uhura urimanu, au adare ogonava mi ariḡare, renu ogona be mi au negotanehe raro vanu. ⁵Gerege auki hodu avie be mi eiava maka kiare renu au gamituhe iau vase ketogei mati au negotane ogona au dahu gevege.⁶Auki Simona Petero ḡasina oroḡege, auki beraḡanu, “Di Rohite, ana di vase ketoke vanu?” ⁷Iesu raki ronu, “Aka negubutu anana veitera dana otavadoana da kima, eduge ihiege ana ai uhurena bao raḡisa.” ⁸Petero raki kironu, “Aka beta di vase ketoke vara.” Iesu kironu, “Da negu a ketoke veite ḡoiare, aka beta di uhura ḡoiḡo vara.” ⁹Simona Petero raki kironu, “Di Rohite, beta di vase eḡu eduge di ade mati di omote ḡainage!”¹⁰Iesu raki kironu, “Koita be eagare ra beta ḡaitana eagugu vara, auka maḡera eduge au vase eḡu ge auna ketoisa. Iaka maḡera edube beta iai bouge gera.” ¹¹Aukamu uhu kinu unuhuna au bive kiki vanu; eige auki ronu, “Iai bouge gera beta maḡera.”¹²Iesu raki iau vase ketogoi kosai, auki au ogona adareva kiare auki ḡoiraḡi tamuta patava oti guramare, auki kiro gevenu, “Iama anaisa dana otavadoana da iai kinu? ¹³Iaka dakera iaki da mi roia daka iai uguro koitave renu iai Rohite, eramu riaḡa vara, eramu dakaki. ¹⁴Eige dana iai Rohite renu iai uguro koitave, daki iai vase keto gevenu, ia ḡainage iama bebe iau vase ketogeisa. ¹⁵Dakamu o ḡumava iai kinu, gerege ia ḡainage oti be iau da iai kine ḡumava kisa.¹⁶Riaḡa vara, daki ia boriti ḡahi geima, iahe iahe ḡahava iabera beta iau biage soi soi vara, renu ga roro ḡahava iabera beta iau besuḡane koitava soi soi vara. ¹⁷Ana iaḡa o iau dibane ḡoiare, aka maḡeva mimi vara a meva kiege. ¹⁸Daka beta iai bouge iai gare daki roma; dakamu ana vima unuhuna da ronu. Eduge ora buka aena gava riaḡa ḡahiḡa vara, Daḡore naḡu kobabe tamuta vane eraki aniḡoi da enana ḡahima.¹⁹Eige daki negubutu ia boriti ḡahigeima, auka so ḡaḡae veite, edube au ihie ḡaḡae ḡoiare, eige iana riaḡa ḡahisa dana unuhunu. ²⁰Riaḡa vara daki ia boriti ḡahigeima, unuhuna da besuḡane koitava maḡe ḡahima auka dakera auki maḡe ḡahima; renu unuhuna da maḡe ḡahima au tagera da besuḡane koitava auki maḡe ḡahima.”²¹Iesu enaki rone itaharahe au soruke raki isuhanu, gerege auki kiro gevenu, “Riaḡa vara daki ia boriti ḡahigeima, ia be raki di bive kisa vima.” ²²Au ḡamituhe iaberaki dauraḡohi be be eragei, ona unuhu garena au vima.²³Au ḡamite bera Iesu raki ḡahara viare ḡami vara, auka au hakirehe ge auki guramege; ²⁴Simona Petero raki niḡahi eraḡi auka beraḡisa auna unuhu garena au vima. ²⁵Gerege auki Iesu ḡaika kahika ḡahi otare, auki beraḡanu,” Di Rohite, unu hunu?”²⁶Iesu raki kironu, “Da hauhaka tinabe mi naḡu evi o taḡoare mi unuhuna da moimare koitava aukamu enu.” Gerege auki hauhaka mi evi taḡoare, auki mi Simona Iskariote moe Iuda moimanu. ²⁷Iuda hauhaka mane itaharahe, Satani raki au uhura siri vanu. Iesu raki kironu, “Ama vaina a anavare meva kisa.”²⁸Koitaia tmuta raḡohege bera dibana veite otavado dainehe gena au enaki kironu. ²⁹Eduge be iau anana vera, badiva Iuda ra muni tahaka nitabata ḡahare, eige Iesu raki enaki boriti ḡahege, “Auka oti rigi oroḡare iaḡaniva hae geisa”; se, iaḡa tinabe mi goroa mohigeisa. ³⁰Gerege, au hauhaka mane itaharahe, auki vaina hakivi otinu. Renu va ramu hiriḡoromi.³³³¹Iuda hakivi otine itaharahe, Iesu raki ronu, “Negubutu koita iaberamu Koita ḡamika maḡeve ḡaḡae ḡoiare erara vara, renu Dirava maḡeve ramu au uhura gera. ³²Renu Dirava maḡeve au uhura ḡaḡae ḡoinu, gerege Dirava raki avaḡu koita iau ḡaḡae kisa Koita Ḡamika maḡeve renu auna inono veite maḡe ḡahisa. Di ḡamuhe ia, daka beta ia ruta guragu ḡamana vara. Iaka so da iaḡoia vara; renu iakera daki ia boriti ḡahigeima da Iudea ḡaha kiro gevene naḡate, “Da otare ḡumava, iaka beta riaḡahe ororo vara.³⁴Daka aena ga isage bera dana ia mohigeisa, iama be be iau ḡahara raḡisa. Da iai ḡahara vane nagate, ia ḡainage tage iama be be ḡahara ḡahisa. ³⁵Onaki ḡuma oi gena koita iana anaisa iaka di ḡamituhe iabara, ia be be iau ḡahara raḡege.”³⁶Simona Petero raki kironu, “Di Rohite, ana oreigena a otima?” Iesu raki kironu, “Dana oreigena da otima, aka beta negubutu di itahe ororo vara; eduge ihiege ana di itahe oroḡisa. ³⁷Petero raki kironu, “Di Rohite, dana beta negubutu ai itahe ororo vanu? Dakamu iai dainehe di maḡurive mi vata maema vara.” ³⁸Iesu raki kironu, “Ana riaḡahe ai maḡurive di dainehe mi vata maema vanu? Riaḡa vara, daki a kiroma, aka kokorogu vara so nina veite, akamu nega abigaḡa ge aki da tarata ḡahanu.

¹“Ia negu iai soruke huhu ḡahigeime. Iama Dirava riaḡa ḡahisa, da tage iama da riaḡa ḡahisa. ²Di Mame iagehe gera vaḡa roro iaga dadaḡa vara. Auna veite ḡoisa, dana onaki ia kiro geige vanu dakamu otima iani vaḡa roro iaḡa kisa? Auna veitenu, daka ia vasiba ḡahi gevenu; eige daki otima iani vaḡa ro guragu iaga be kisa. ³Eige daka otare iani vaḡa roro iaga be kiare, dana ḡaitana ḡoiraḡi oroḡare davaḡu ia idigei da vaḡa roiare iagahe, gerege dana oreigenu ia ḡainage da ruta.⁴Renu iaka dibana da otare ḡumava.” ⁵Toma raki kironu, “Ni Rohite, noka dibana veitera ana oreigena a otima. Nona orenaki ḡumava dibana gahisa?” ⁶Iesu raki kironu, “Dakamu ḡuma, renu ga riaḡa, mati maḡuri. Bera beta di Mame ḡasina otito vara eduge dai gera. ⁷Iana di dibane ḡahare, iaka di Mame tage au dibane ḡoiḡo vara. Edube negubutu iakamu au dibane ḡahanu mati iakamu eraḡanu.⁸Filipo raki kironu, “Ni Rohite, aso ni Mame no ḡaḡiro geve, gerege ni uhure ramu maḡe ḡoisa.” ⁹Iesu raki kironu, “Dakamu vani inuhati iai bouge ia ruta uhura, Filipi, aka daḡe daḡe da anana veitenu? Ana unuhuna a da eraḡanu akamu ni Mame eraḡanu. Esemena a roma, Ni Mame no vaḡoro geve?¹⁰Ana riaḡa ḡahiḡa veitenu dakamu di Mame uhurehe renu di Mame ramu di uhurehe gera? Da iai ga ro gevare era beta davaḡu di uhure ga vara; eduge di Mame di uhurehe uiare raki au meve kima. ¹¹Ama da riaḡa ḡahisa dakamu di Mame uhurehe renu di Mame ramu di uhurehe gera; eduge ana riaḡa ḡahiḡa veitenu, edube ama di Mame di uhura me kiogevene riaḡa ḡahisa.¹²Riaḡa vara, daki roma, unuhuna da riaḡa ḡahima au tage da kiare meva kiki vara renu, riaḡa, auka iaḡa ketake maḡeva kiogeige vara, badiva daka di Mame ḡasina otito vara. ¹³Otavado ana a di ihehe imimi vima daka kiki vara, eige di Mame maḡeve na au Moe uhura ḡaḡae ḡoisa. ¹⁴Eige ana di ihehe iaḡa be imimiva a vima, daka kiki vara.¹⁵“Ana di ḡahara vima, aka di aenave kamui geige vara. ¹⁶Mati daka di Mame imimi vara, gerege auna iahe iahe be a moimo vara, auna aḡore gurami oti behi behive. ¹⁷Oramu Horu Aena riaḡa vara, mata ora beta mimi vara, badiva iauka erara veite se anana veitera. Akamu anavima, badiva auka ai uhurehe gera, eige auka ai uhura guragu vara.¹⁸“Daka beta vata ada oi a ḡareḡa vara; edube daka ḡoiraḡi ai ḡasina ororo vara. ¹⁹Ḡamana veite mata ora beta da eraḡi ḡoiraḡira vara, eduge aka da erara vara; badiva daka maḡurive, a tage maḡuri vara. ²⁰Vani eige ana anavisa daka di Mame uhura, renu aka di uhura renu daka ai uhura.²¹Unuhuna di aenave riaḡa ḡaha renu kamui ḡahava iabera di ḡahara raḡare koitava iabera; renu oḡoreana di ḡahara raḡoha di Mame tage iai ḡahara vara, renu daka iau gahara vare mati dana iau ḡaḡae ḡoisa.” ²²Iuda (beta Iskariote) raki kironu, “Di Rohite, ana negu orenaki ai maḡeve noiḡu ḡaḡae kisa, mati beta mata o ḡahava iau?”²³Iesu raki kironu, “Oḡoreana di gahara raḡoha renu di gare kamui, eige di Mame na maḡe ḡahigeisa, renu nona iau ḡasina oroḡare nona iau ruḡa gurahisa. ²⁴Unuhuna di ḡahare veite auka di gare tage kamuka veitera; mati a ga ihare era beta di garera, eduge di Mame da besuḡane gare ra.²⁵“Dakamu ga o ro gevare badiva dakamu o so ia ruta dainehe. ²⁶Eduge di Iahe iaheve, Horu Aena, di Mame raki di ihehe besuḡisa vima, aukena iaḡa inuhati ia uguro ḡahigeisa, renu ia uhuiami geisa da rone gevene iaganiva inuhati. ²⁷Di maive daki ḡare mima iai ada, di maive mi ia mohi geima. Beta mata o ia mohi gevare naḡatera. Iai soruke negu huhu raḡohime, renu ia negu siḡo raḡohime.²⁸Iakamu da rone gava ihinu, Daka ia ḡaregei gevara, renu daka ḡoiraḡi ororo vara. Ia di gahara riaḡa raḡare, iakamu hegiri raḡira vara, makava ramu di Mame ra ketake mati di variada gera. ²⁹Renu dakamu uriḡoi ia kiro gevenu auka so ḡaḡae, eige au ḡaḡae ḡoiege, ama riaḡa ḡahisa.³⁰Daka ia ruta ga ḡamana vara, mata o biava ramu oroḡima. Auka di ada hedoka veitera; ³¹eduge daka di Mame daki rone meva daki kima, gerege mata o ḡahava iaberamu anavisa dakamu di Mame gahara vima. Urima, no bina oḡia.

¹“ Daka idi iaka riaḡa vara, renu di Mame ra idi iaka beḡibe koita vara. ²Auka idi adaka madika kiki veite inuhati auki dodo geima. Eduge idi adaka madika kiare auka reḡure vara gerege au madike ramu dadaḡa ḡoisa.³Da di gare ai ḡasina rone eraki subuta a maḡe ḡahanu. ⁴Eige ana di uhura dai kamu-kamu venu dakamu ai uhura gera. Renu idi adaka bera beta avaḡu madika kiki vara eduge auma idi kamu-kamu ḡoisa, se a tagera veitera a dai kamu-kamu veite ḡoiare.⁵Daka idi iaka vara, iaka erehuta adaka vara. Iana oḡoreana di uhura mati daka iau uhura iabera madika kiki vara, eige da veite ḡoiare aka beta iaḡa be avaḡu kiki vara. ⁶Ana unuhuna di uhura veitenu iauka erehuta idi adaka naḡate mi ḡeahu kirai auka mae raḡira vara; idi adaka enaki iabera idigei bougei vene uhura kiragei iauna raḡohisa. ⁷Ana di uhurehe, renu di gare ai uhurehe, ama di Mame imiḡisa ana otavado iaḡa vana a gahara vima, auka mi a moimo vara⁸Oramu di Mame maḡe ḡahiḡa ḡuma vara, aka madika dadaḡa kiare, mati aka di ḡamite ḡoisa. ⁹Di Mame di ḡahara vane naḡate, da tage daki ai ḡahara vanu; eige ama di maḡeve uhura guramisa.¹⁰Ana di aenave kamui geima, aka di maḡeve uhura gera, e naḡate dakamu di Mame aenave kamugei renu au maḡeve uhura daki guramanu. ¹¹Dakamu iaḡa inuhati iai gava rogevenu gerege iaka da heḡiri vare iai uhura ḡoisa, renu iama iai uhure inuhati heḡiri raḡisa.¹²Ora di ga baegevera, yama bebe mage gahigeisa, da ya mage gahigevare nagate. ¹³Koita bera mage raho onakikive be veietra be veitera-Au magurive mi vata maemisa be yau dainehe.¹⁴Iaka di vasiruhe iabara ia di gare ihige. ¹⁵Daka beta a mi di besu besu ḡahatuhe roro vara, badivara besu besu koita vara beta au biage kiare dibana ḡoiḡo vara; eduge daka roma iaka di vasiruhe iabara, badiva dakamu di Mame au ihine iaḡaniva inuhati ia vasiba ḡahi gevenu.¹⁶Beta aki da manu eduge daki a manu. Renu da a mane aka oti madika maḡe kisa, maka behi behive, eige ni Mame ra a moimo vara ana otavado a imimiva vima di ihehe. ¹⁷Daka aena o iabera daki ia mohi geima eige iama bebe maḡe ḡahi geisa.¹⁸“Mata ona a daure ḡahima, iama anaisa dakera iauki uriḡahi daure ḡahanu ihiege iauki ia daure ḡahigeva. ¹⁹Ana mata o koitava ḡoiege, mata oramu a mi aue ḡoiḡo vara. Badiva aka beta mata o iera, eduge daki mata o uhura a manu, eige mata o raki a daure ḡahima.²⁰Ama da aki rone gava anaisa, Besubesu koitava iabera beta iau biaguhe iau variada gera. Iauna da daure ḡahanu, iauka ia ḡainage ia daure ḡahigeige vara; iauna di gare ihi kamuege, iauka iai gare tage ihihi vara. ²¹Eduge iauna iaga o inuhati iai kiogevare di ihehe, edube iauka anana veite dana unuhuna da besuḡanu. ²²Dana ororo veitenu renu gaḡa geige veitenu, gerege iauka beta daure kinu; eduge iauka beta roro vara iau kine era ḡuma daure vara.²³Unuhuna da daure ḡahima auka di Mame tage auki daure ḡahima. ²⁴Iauna da iau vaḡotoni iaga be kiogevene koita bera kiki veite, iauka beta daure kiare. Eduge iaukamu eraḡanu renu iau da mati di Mame ruta no besibe ḡahi gevare. ²⁵Ora ga o riaḡa ḡahiḡa vara iau aena gare maemane, Iauka da daure ḡahima maka veite.²⁶“Da di iahe iaheve oroḡoge aukena di gare riaḡa ḡahisa, auka di Mame seni dana besuḡisa auna oroḡisa. Horu aena di Mame seni oroḡare aukena koita iau di gare riaḡa ḡahi rosa. ²⁷Ia ḡaitage di gare riaḡa ḡahiḡa vara makava ramu iaka ḡanai da ruta gera.

¹“Dakamu ga o inuhati ia kiro gevenu makava ramu ia negu desuraḡime. ²Iaukamu dubu a besuḡi haki raḡira vara. Riaḡa vara, vaniva ramu oroḡima a ḡamane ḡahava iaberamu iau ananave iauka Dirava iauki maḡe ḡaha.³ Koita iaberamu onaki kiki vara iauka anana veite di Mame se da nona unuhunu. ⁴ Eduge da ga o iaki ro gevare vaniva oroḡare iama anaisa dakamu iau ḡare ia boriti ḡahi gevenu.⁵Eduge dakamu da besuḡane koitava ḡasina otito vara; edube ia bera da berabe veite, Ana orei otito vanu? ⁶Eduge dakamu ga o iaki ro gevene eige iai soruke ramu huhu naḡina vara. ⁷Daḡe daḡe dakamu ga riaḡa vara daki roma; iai maḡeve dainehe daka otito vara, da negu otito veite ḡoiege, iahe iahe vara beta iai ororo vara; eduge da otege, dana besuḡisa iai gasina.⁸Renu au negu oroḡege, auka mata o koitava kiroro vara au daureve renu maguri riaḡa mati berabe vani: ⁹daure tage, iauka da riaḡa gahiga veite dainehe; ¹⁰maguri riaḡa gava, daka di Mame gasina otito dainehe iaka beta da erara vara; ¹¹mati berabe vani, makavara Dirava ramu subuta mata o daureve ronu.¹²“Daka daḡe daḡe iaga dadaḡa iaki roro vara, eduge iaka beta negubutu anana maḡeva raḡira vara. ¹³Horu aena riaḡa oroḡare, auka a uriḡatuḡa ga riaḡa inuhati uhura; auka beta avaḡu gera, edube auka au ihare gava auna rosa, renu auka otavado ihie oroḡare iaḡaniva auka gava roro vara. ¹⁴Auka da maḡe ḡahiḡa vara, makava auka otavado vanu daie auka miare renu auka ia boriti ḡahigei gevara.¹⁵Di Mame ḡasina iaḡaniva inuhati gera daiera. Eige daki roma, auka di ḡasina iaḡaniva idi gevare auna ia boriti ḡahigeisa. Vaḡahu raki ḡoiraḡi hegiri ḡoisa ¹⁶“Nega tinabe ḡoiege, iaka beta da erara vara, edube ḡaitana nega tinabe ḡoiege iaka da erara vara.”¹⁷Gerege au ḡamituhe be iaberaki bebe bera gevege, “Au gare auki noki rogeima, Nega tinabe ḡoiege iaka beta da erara vara, renu nega tinabe ḡoiege iana ḡaitana da eraḡisa; mati otavado au roma, badivara daka so di Mame ḡasina otito vara?” ¹⁸Iauki ronu, “Au gare nega tinabe maka vana otavado vanu? Noka au ga roiare makava dibana veitera auna otavado gavana au roma.”¹⁹Iesu raki era gevege iauka beraḡisa, eige auki bera gevenu, “Iana iai vaḡotoni da ga rone ia bebe berageva, Nega tinakibe iaka beta da erara vara, renu ḡaitana nega tinakibe iakamu da erara vara? ²⁰Riaḡa vara, daki ia boriti ḡahi geima, iaka niḡo raḡohi renu uhu huhu raḡohisa, eduge mata o koitava iabera heḡiri raḡira vara; iaka huhu raḡisa, edube iai uhu huhuve ramu ḡoiraḡi hegiri vara ²¹Maḡi be ḡami misa roiare auka huhu naḡina vara. Eduge au ḡami miare itaharahe, auka huhu e anana veitera edube auka au ḡami karuka be mane hegiri vara auna kisa.²²Eige iaka neḡubutu huhu naḡoha; eduge daka gaitana ia era geige vara, renu iaka ia sorukehe heḡiri raḡira vara, renu koita bera beta ia heḡirive mimi vara. ²³Vani e miare iaka beta iaḡa be dai roro vara. Riaḡa vara daki ia boriti ḡahi geima, iana iaḡa be di Mame ḡasina di ihehe imimiva raḡoha, auka mi ia mohigeige vara. ²⁴Iaka so iaḡa be di ihehe imimi veite ate negubutu. Imimi viege auka mi a moimo vara, eige iai heḡirive ramu uhubaḡe ḡoiḡo vara.²⁵“Da iaḡa iai vaḡotoni ḡuma nune nuneva gava ro gevenu. Vaniva ramu o oroḡima daka mati beta ḡuma nune bei ia boriti ḡahigei gevara, eduge daka di Mame gare riaḡava ia kirogei gevara.²⁶Vani eigera iaka di ihehe imimi raḡira vara. Daka beta onakime daki roma daka iai ihehe di Mame imiḡisa; ²⁷di Mame avaḡu tage ramu iai ḡahara vima, makava iakamu di ḡahara raḡanu renu iakamu da riaḡa ḡahanu daka di Mame au gera daki oroḡanu. ²⁸Daka di Mame senige daki oroḡanu eige daki mata ada oi oroḡonu; ḡaitana, daka mata o ḡaremare mati ḡoiraḡi di Mame ḡasina otito vara.”²⁹Gerege au ḡamituhe iaberaki ronu, “Riaḡa, akamu negubutu aki ga riaḡa roma, beta ḡuma nune subuta roege nagate. ³⁰Nokamu neḡubutu eraḡanu aka iaḡa inuhati biavara, renu bera beta mati a berabe vara; eige noki riaḡa gaha aka Dirava senige aki oroḡanu.” ³¹Iesu raki kiro gevenu, “Iana negubutu riaḡa gaha?³²Vaniva ramu o oroḡima, riaḡa vara aukamu o bina oroḡanu, iai bouge koba koba ḡahi iai iagehe ota, renu iamu da davaḡu da ḡareha. Eduge daka beta davaḡu gera makava ramu di Mame ramu da ruta gera. ³³Dakamu o ia boriti ḡahi gevenu, eige iana di uhura genu iaka heḡiri riaḡa mimi vara. Vata ada oige aka huhu naḡina vara. Eduge heroḡu kisa; dakamu mata o hedokava mi vata maemanu!”

¹Iesu au ḡamituhe gaḡa gevene itaharahe, auki vava gagai niḡahare ronu, “Mama, vaniva ramu horivanu; ai maḡeve ai Moe ei ḡaḡae ḡaha gerege dama koita iau ai maḡeve ḡaḡae kisa, ²makavara akamu hedo moimanu auka koita inuhati iau biage ḡoisa, renu a koita moimane inuhati auka maḡuri behi behive mohigeisa.³Renu ora maḡuri behi behive era, eige iauma a anavisa, aki avaḡu Dirava riaḡa, renu aki Iesu Keriso besuḡanu. ⁴Dakamu a maḡe ḡahi vata ada oi eige daki a me da moimane kiogei kosavanu. ⁵Eige negubutu, Mama, da maḡe ḡaha ai maḡeve da ai uhura a mi da moimane mati mata o so horiho veite uhura gera.⁶“Dakamu ai ihe a koita da moimane vata ada oi iau ḡaḡae ronu. Iauka ai koitatuhe iabara, eduge aki idigei da moimanu, eige iaukamu ai gare kamuanu. ⁷Eige negubutu iaukamu riaḡa ḡaha a iaḡa inuhati da moimane iabara ai seni ge iauki oroḡanu; ⁸eige a da moimane gava dakamu mohi gevenu, renu iaukamu manu mati riaḡa gahanu daka aigera daki oroḡanu; mati iakamu riaḡa ḡahanu aki da besuḡanu.⁹Eige daki iau ihehe imimi vima; daka beta vata ada o ḡahava iau dainehe gera, eduge a da moimane ḡahava iau dainehe, badiva iauka ai koitatuhe iabara. ¹⁰Di koitatuhe inuhati gera ai koitatuhe iabara, renu ai koitatuhe iabara di koitatuhe iabara; renu iaukamu di maḡeve iau uhura eraḡanu. ¹¹Renu daka negubutu vata ada oi veite, eduge iaukamu o vata ada, eige daki ai ḡasina oroḡima. Di Mame, Aena Dirava, a da moimane idigei ai udume maḡe uhura gurahisa, gerege iauma kobuḡa ḡahisa, no ni abu kobabe naḡate.¹²Da iau ruta uiege uhura, daki a da moimane ḡahava ai ihehe nitabata ḡahi gevege. Daki nitabata ḡahigei, bera dau raḡira veitera eduge ḡeahu otare koitava raki dau raḡisa, gerege ga aena maemanu riaḡa ḡahiḡa vara. ¹³Eduge dakamu o ai gasina oroḡima, renu da iaḡa o gava vata ada roiare era iauka iau bouge iau sorukehe heḡiri raḡisa ḡuma kobuḡa ei da tage iau vaḡotoni heḡiri vima. ¹⁴Dakamu ai gare mohi gevenu, renu vata ada o ḡahava iaberamu besibe ḡahi gevenu makava iauka beta vata ada o ḡahava iabara, renu da tage beta vata ada o koita vara.¹⁵Daka beta onakime daki roma aka vata ada oi besugei hakivisa, eduge akera daki a imiḡima aka eraḡisa koita daure iau siḡore. ¹⁶Iauka beta vata ada o koitava iabara, ḡereḡereva daka beta vata ada o koita vara. ¹⁷Ama idigei aena ḡahigeisa; ai gare ra riaḡa vara.¹⁸Aki vata ada oi da besuḡanu, eige daki vata ada oi besugeima. ¹⁹Mati iau maḡeve dainehe daki davaḡu da aena ḡahanu, eige iau ḡainage aena riaḡa misa.²⁰“Daka beta koita o iavaḡu iau dainehe ge daki imimi vima, eduge oḡoreana da riaḡa ḡaha iau garehe ḡainage daki imimi vima, ²¹gerege iauka iau bouge kobabe ḡahisa. Eige, Mama, aka di uhura renu daka ai uhura, renu iau ḡaitage so ni uhura ḡahisa, gerege vata ada o ḡahava iabaramu riaḡa ḡahisa akaki da besuḡanu.²²A maḡe da moimane dakamu mohi gevenu, gerege iauka kobabe gahisa, noka ni abu kobabe nagate. ²³Daka iau uhura renu aka di uhura, eige iauka iau bouge kobabe gahisa, gerege vata ada ora dibana ḡoisa akaki da besuḡanu renu dakamu iau ḡahara vanu a di ḡahara vane naḡate.²⁴Di Mame, da tage a da moimane iabara daki ḡahara vima iauka da ruta da uiare iau ḡaitage ei gurahisa, gerege iauka di maḡeve eraḡisa, aki mi da moimanu badivara aki di ḡahara vanu mata o so horiho veite uhura.²⁵“Di Mame aka maḡe Dirava, mata ora ai dibane veitera, eduge daka ai dibanera; renu o iabera dibana aki da besuḡanu. ²⁶Dakamu ai ihe kiro gevenu ana unuhunu, renu dakena daḡe daḡe kiro geisa, gerege a da maḡe ḡahane maḡeva tage ramu iau uhura ḡoisa, renu da tage iau uhura ḡoisa.”

¹Iesu imimi rone itaharahe, auki au gamituhe ruḡa Kidron kourava eigera ḡeḡe bera au gamituhe ruḡa siri ragohanu. ²Iuda, Iesu bive kine koitava au tage ḡeḡe e dibana, badiva Iesu au gamituhe ruta nega be ḡahisege ei oti bouraḡoha. ³Gerege dubu aena biavaia renu Farisea ḡahava iabaraki iau ḡamituhe besugei, renu Roma iau ḡarara ḡahatuhe beḡu, iauki iau ni abaga lamepa mati vaiga ididita, Iuda raki uriḡatugei ḡeḡe ei otinu.⁴Gerege Iesu, subuta ge auki eraḡanu otavado vanu iau au kisa raḡa, auki oḡi hakivare oti bera gevenu, “Iana unuhuna ia iaḡoa?” ⁵Iauki kironu, “Iesu, Nasareta koitava.” Auki kiro gevenu, “Dakamu Iesu ra.” Iuda au bive kine koita vara iau ruta rami rame.⁶Eige negu Iesu kirogei ronu, “Dakamu Iesu ra,” iauka vaḡava raḡi rahi ḡoiraḡohime iauki vata ada desuraḡi ragohanu. ⁷Auki ḡaitana bera gevenu, “Iana unuhuna ia iaḡoa?” Iauki ronu, “Iesu Nasareta koitava.”⁸Iesu raki kirogevenu, “Dakamu ia kiro gevenu era dakaki. Eige iana dakena ia iaḡova, di itahe oroḡane ḡahavaia ḡaregeiahe iau ote.” ⁹Ora au gavane riaḡa ḡahiḡa vara, “Daka a da moimane koitava be dauda veitera.”¹⁰Gerege Simona Petero raki au eḡie mi hakivare auki mi dubu aena biava iau besubesu ḡamite Malakas au vamaḡa ihikoke ahanu. ¹¹Iesu raki Petero kironu, “Ai eḡie mi maemi ḡoiraḡa. A anavare dana beta di Mame rone ḡumahe beta huhunaḡina vanu?”¹²Eige Roma iau ḡarara biage mati au ḡamituhe ruta mati dubu ḡaha iau ḡamituhe iabaki Iesu kamuare iauki adakava raro gevenu. ¹³Iauki uriḡahi mi Anas gasina otinu, auka Kaiafas vare mo vara, auka tau ei dubu aena iau baugeve. ¹⁴Kaiafas ramu nega ei Iuda ḡahava kiro gevenu au maḡeve ramu koita kobabe so ni bouge ni dainehe hoḡe raḡisa.¹⁵Simona Petero mati au bamode be ruta iauki Iesu itahe otinu. Negu au bamode era dubu aena baugeve dibanera, eige auki Iesu ruta otinu au iaga maḡu uhura siri raḡanu, ¹⁶eduge Petero raki maḡu itaharahe ramirame. Negu au bamode ḡamiva, dubu aena bauge dibane, raki hakivi otime auki maḡu uduani ramare maḡiva ga ḡahare auki petero nisiḡami sirivanu.¹⁷Negu maḡi eraki Petero kironu, “Akamu ata vire ḡamite bera, se?” Auki kironu, “Veite, daka veitera.” ¹⁸Negu dubu aena me ḡahavaia renu iau nitabata ḡahavaia iabaraki ribiri dainehe vene ki udumeva ḡaikahe rahi miege. Petero tage iau ruta vene udumehe ramanu.¹⁹Gerege dubu biava raki Iesu beraḡanu, Oḡoreana ai ḡamituhe renu otavado gava gena a uguro ḡahigeima. ²⁰Iesu raki kironu, “Dakamu vata ada oi nega inuhati ge daki koita gaḡa gevege badiva iauka ihisa; dakamu nega dadaḡava daki dubu aenava se dubu ḡaika koita uguro ḡahi gevege, eige Iuda ḡahava iau bouge bouraḡoha. Daka ga be iorena roro veitera. ²¹Esemena ia da beraḡa? Oḡoreana di gare ihine ḡahavaia bera geve; iauka dibana dana otado vana da ronu.”²²Auka enaki ronu, iau ḡamite be ramirame raki Iesu nie madavanu, gure roege, “A enaki aena koita bauge ga ḡahara ena?” ²³Iesu raki kironu, “Dana ga be rone riaḡa veitenu, iama gava rosa. Eduge dana ga riaḡa vanu da ronu, esemena iai ḡamite da madavanu?” ²⁴Gerege Anas raki besuḡanu au ade daḡe daḡe raro geigeve Kaiafas dubu biava ḡasina.²⁵Edube Simona Petero ra rami au udume ḡahege. Iauki beraḡanu, “A tage ramu au ḡamite bera, se?” Auki tarata vime auki ronu, “Daka veitera.” ²⁶Dubu aena iau gamite be ihikokova dodovane ogo nane raki berabe vanu, “Dana beta ḡeḡe uhura a eraḡanu au ruta?” ²⁷Petero raki ḡaitana avaunaḡe vanu, ḡamana veite uguha raki nivinu.²⁸Gerege iauki vagutu vagutu Iesu mi Pilato ḡasina otinu. Iauka Pilato iaga uhura siri raḡira veite, badiva iauka aena raḡi iauka beta uhu daure ruta rigi ketake demaka kiare uhura oti tamuta raḡisa. ²⁹Gerege Pilato raki hakivi iau ḡasina otare ronu, “Otavado daure bena ia roia ata ora kinu?” ³⁰Iauki kironu, “Negu ata ona daure be kiki veitenu, noka beta onaki mi ai gasina oroḡisa.”³¹Pilato raki kiro gevenu, “Mi ḡoiraḡohi otare mati iai aenave ro maemane ḡumahe iavaḡu beraḡiahe.” Iuda ḡahava iabaraki ronu, “Noka hedoka veitera noka koita be mi hoḡe maemisa.” ³²(Oramu Iesu rone gava riaḡa ḡahiḡa vara auna orenaki hoḡe raḡira vanu.)³³Gerege Pilato raki gaitana iaga uhura sirivanu, auki Iesu ihiromare renu beraḡanu, “Ana Iuda ḡaha iau Rohivenu?” ³⁴Iesu raki kironu, “Ona avaḡu gena berabe o vima, se be iana di badine aki kironu?” ³⁵Pilato raki ronu, “Dana Iuda koita vanu, se veitenu? Ai koitatuhe renu ai dubu biava iabaki a mi di ḡasina oroḡonu. Ana otavado daure bena a kinu?”³⁶Iesu raki kirogevenu, “Di basileia vera beta vata ada ora. Di basileiave vata ada oi ḡoinube, di itahe oḡiare koitava iabera ia ruta ḡarahi se iauka beta da mi Iuda ḡahava mohi gevenu. Eduge veitera, di basileia vera beta vata ada oigera.” ³⁷Pilato raki beraḡanu, “Eige akamu rohi ra? Iesu raki ronu, “Aki roma daka rohi. Eige da ḡuruane daka rohi, renu e dainehe daki vata ada oi oroḡonu, daka ga riaḡa rosa. Oḡoreana di enoḡe ihare riaḡa ḡaha iabara ga riaḡa iauki iha.”³⁸Pilato raki beraḡanu, “Gerege riaḡa vana otado vanu?” Pilato raki Iesu hoḡeve ronuAu enaki rone itaharahe, auki gaitana Iuda ḡaha iau otare auki boriti ḡahi gevenu, “Daka au daure be erara veitera. ³⁹Eduge iai aenave bera daka koita be rigi ketake vaniva iani mi hakivisa. Iana onakime ia roia daka Iuda iau Rohive mi hakivisa?” ⁴⁰Koita iabaraki bara raḡohi roege “Veitera beta aukaki, eduge Barabas!” Barabas ra vaho koita vara.

¹Gerege Pilato raki Iesu mi au ḡamituhe mohi gevege iauki ḡamisa. ²Renu Pilato ḡarara gamituhe iaberaki idi hanaka garanate be kima iauki mi au omotehe maemi, mati ogona dubu kereka be mi au kinu. ³Iauki daḡe daḡe au ḡasina otare, roege, “Iudea iau Rohite oti behi behive!” renu au nie madavege.⁴Pilato raki ḡaitana hakivi koita iau ḡasina otare auki beragei ronu, “Ihiahe, dakamu iai besuḡi hakivima renu iama dibana ḡahisa daka au daure be au erara veitera.” ⁵Gerege Iesu raki hakivi itahe oroḡi, au omotehe gera idi hanaka garanate renu ogona dubu kerekare iauki mi au kinu. Pilato raki kiro gevenu, Koitava onu!” ⁶Iauki negu dubu biavaia renu besu besu ḡahavaia eragei, iauki bara raḡi, roege, “Ḡamiahe! Ḡamiahe!” Pilato raki kiro gevenu, “Iavaḡu oroḡi miare iana ḡamisa; daka daure be au erara veitera.”⁷Iuda ḡaha iaberaki kironu, “Noka aena tera, renu aena era roma auka hoḡe raḡisa badiva auka roma auka Dirava Moe.” ⁸Pilato raki iau gare ihine, auki siḡo riaḡa vanu iau enaki Iesu gare raḡohege. ⁹Auki ḡaitana iaga uhura sirivare auki Iesu beraḡanu, “Ana oḡo ore koita vanu?” Eduge Iesu ra ga be roro veitera.¹⁰Eige Pilato raki kironu, “Ana da ga gahiga besibe vanu a vima? Ana dibana veitenu daka hedokate a besuḡi hakivisa, renu daka hedokate ai hoḡeve rosa?” ¹¹Iesu raki kironu, “Aka di ada hedoka veitera eduge au vava seni hedo a moimege; eige unuhuna da mi a moimane koitava daureve ramu raho ketake.”¹²Eige Pilato raki besuḡi hakivisa ronu, eduge Iudea ḡahava iabaraki bara ragohi ronu, “Ia negu ata o mi haki raḡohare, iaka beta Kaisara vasire ḡahiḡa vara. Koita be roiare auka rohi auka Kaisara auki besibe gahima. ¹³Pilato ga o ihi gevene, auki Iesu mi itahe hakivare mi oti aena ḡahaia iau guragu patahe auki guramanu, iauki ihiva Heberu gava roia Gabata.¹⁴Iauka Rigi kiki vani ananava raḡohege; eramu erehuta vani iahu vara. Pilato raki Iudea ḡaha kiro gevenu, “Eraḡiahe, iai Rohite one!” ¹⁵Iauki bara ragohi roege, “Mi ḡeahu otiahe! Mi oti hoekiahe!” Pilato raki bera gevenu, “Dana iai Rohite ḡami hoekisa?” Dubu aena biava iabaraki ronu, “Noka rohi veitera eduge Kaisara avaḡu gera.” ¹⁶Gerege auki mi mohi gevenu iauka mi oti ḡami hoekisa.¹⁷renu avaḡu au sataurove agohare auki otinu nimu be ihiva roia Omo kouka, Heberu gava makava ra Golgota. ¹⁸Eige iauki gami hoeki, renu ata abu ḡaitage au ruta bera hakirahe bera hakira Iesu ra iau nomuakahe.¹⁹Pilato raki ga be au variada maemi onaki ronu, “Iesu Nasareta Koitava, Iudea ḡaha iau Rohive.” ²⁰Iudea ḡaha dadaḡa iaberaki gava dahare, badiva iau Iesu ḡamane era oḡo bauge ḡaika gera; renu ga abigaḡa iauge iauki maemanu Heberu gava, Roma gava renu Helene gava.²¹Gerege Iudea iau dubu biage iabaraki Pilato kironu, “Ia negu onaki rome, Iudea iau Rohive, eduge, Ata o raki ronu, Daka Iudea ḡahava iau Rohivera. ” ²²Pilato raki ronu, “Dana otavadoana da maemanu auma enaki ḡoisa.”²³i Roma iau ḡarara ḡamituhe Iesu ḡamane itaharahe, iauki au ogonave idi gevare iauki kasai ababu kinu iau tanahe kobakoba iauni. Renu iauki au ogonave tiguti veite, edube uhubaḡe kobabe tage manu. ²⁴Gerege iauki bebe beragei roege, “No negu dodovime, eduge noma moni dadaḡa au ada maemi unuhuna negu mimi vanu.” Oramu buka aena rone gava riaḡa ḡahiḡa vara,²⁵Eramu iau ḡarara ḡamituhe kine ḡumava aukamu enu. E uhura geramu, Iesu sataurove ḡaika rahirahe ramu Maria au neine, au neine tate, Maria Klopas mabare, renu Maria Magedala. ²⁶Iesu raki niḡahi au neine mati au ḡamituhe maḡeva era gevene au neine ḡaika rahirahe, auki au neine kironu, “Maḡi, ora ai moera.” ²⁷Gerege auki au ḡamite kironu, “Ora ai neinera.” Gerege au ḡamite raki maḡi e mi au iage koitave kinu.²⁸Itaharahe, Iesu raki eraḡege au meve inuhati geramu kosavanu, auki ronu (ora au meve rone buka aenava riaḡa ḡahiga), “Dakamu eia hoḡe vima.” ²⁹Eigera ḡadiki ḡanite hodu bera. Iauki ogona raburabe be mi idi raro vare mi gadiki hodu uhura degide ḡahare iauki mi au avaḡehe maemanu. ³⁰Iesu raki gadiki e musuare, auki ronu, “Aukamu netuanu.” Gerege auki au omote mi uguhare renu au horuve raki ḡaremanu.³¹Iauka sabadi vani uhuiamare, eige Iudea ḡaha iabera vani aenava beta hoḡe satauro ada ḡaregei gevara, badiva Sabadi vara vani aena vara. Eige iauki Pilato imiḡanu iauka koita hoḡe raḡohane iau vase ḡahigei boko geisa renu iau ahata make koki geisa. ³²Gerege ḡarara ḡami iaberaki orogi ata abu Iesu ruta satauro ḡahi gevene iau vase ḡahigei boko gevenu. ³³Eduge iau Iesu ḡasina otine iauki eraḡege auka subuta ge auki hoḡe raḡanu, eige iauka au vase boko geige veite.³⁴Eduge, ḡarara ḡami be raki Iesu nomuake vaigava dogavanu, gerege taḡo mati eia raki hakivege. ³⁵(Iana unuhuna ia ga o ihinu ḡahava ḡaitage iama riaḡa ḡahisa. Auka dibana au ga rone era riaḡa vara.)³⁶Iaḡa onaki hori raḡare era buka aena gava riaḡa ḡahisa, “Au ite bera beta boko raḡira vara.” ³⁷Mati ḡaitana buka aena gava bera onakime auki ronu, “Iauka iau vaiga bine era iauna eraḡisa.”³⁸Iaḡa o iau itaharahe, Iosefa auka Arimatea oḡo seni auki oroḡonu, au tage Iesu gamite bera, auki iorena ge auki me miege badiva Iudea ḡaha iabera auki siḡa gevege. Auki Pilato imiḡanu auka Iesu ahata make mi otisa. Pilato raki hedo moimege; auki orogi Iesu ahata make miare otinu. ³⁹Nikodemo tage va hiriḡomege auki uriḡoi Iesu erarava otinu, auki ḡadiki ḡutika maḡete au isuke erehuta tinahu be naḡate ididita otinu.⁴⁰Iauki Iesu ahata make miare mi ḡadiki ḡuti maḡete ogonava ḡodomanu, ora Iudea ḡaha iau hoḡe abatemare ḡumava. ⁴¹Iauki ḡeḡe bera iau satauro ḡahane au kahikahe, renu ḡeḡe uhura eigera aba vaka isaḡe bera iauka so hoḡe be maema veitera. ⁴²Mati eramu, Iudea ḡahava iau sjabadi vani iauki uhuiama, renu aba vaka isaḡe kahikahe eige iauki Iesu maemanu.

¹Pura isaḡe vani ḡanai va tahi oroḡoge uhura, Maria Magedala raki midava otime auki niḡahege muni abata ketake mi midava aba bakuane era veitera. ²Gerege auki rurui ḡoiraḡi Simona Petero mati Iesu ḡahara viege ḡamiva iau ḡasina oti kiro gevenu, “Koita be iaberamu ni Rohite ahata make midavahu manu, noka dibana veite oreigena iau oti maemanu.³Gerege Petero mati au ḡamite be ruta iau abu midava erara otinu. ⁴Iauki iau abu ruru raḡohi otege; eduge negu au ḡamite raki Petero soiḡi urugoi midava tinu. ⁵Auki edemi niḡahege iau ḡodomane ogona eḡu eraḡanu, eduge auka sirisi veite.⁶Gerege Simona Petero au itahe oroḡege auki oti midava sirivanu. Auki iau ḡodomane ogonava eḡu eragevenu , ⁷renu iau Iesu omote raro vane ogonava eraḡi, beta ḡodomane ogonava ruḡa eduge avaḡu ḡeahu ge iauki kobua ḡahi ḡosiḡanu.⁸Gerege negu au gamite urugoi otine raki au itahe sirivanu, auki eraḡare renu riaḡa ḡahanu; ⁹eduge iauka buka aena gava riaḡa ḡahiḡa veitera, auka hoḡe uhura maḡurivi ḡoiraḡira vara. ¹⁰Gerege ḡami iaberaki ḡoiraḡohi iau ḡuragu taruhe otinu.¹¹Eduge Maria raki midava itahe rami nivege. Auka nivare uhura ge auki edemi niḡahi midava uhura eraḡege; ¹²auki aneru abu era gevenu iauka ogona kae kiogei gura gurave Iesu ahata make maemane ei, bera au omote kasihe renu bera au vase kasihe. ¹³Iauki maḡi e beraḡanu, “Esemena a nivima?” Auki kiro gevenu, “Iaukamu di Rohite mi ḡeahu otinu, mati daka dibana veite oreigena iau oti maemanu.”¹⁴Auka enaki ronu, auki aniḡoi niḡahi Iesu ramirame eraḡanu, eduge auka toaḡa kiki veite eramu Iesu. ¹⁵Iesu raki kironu, “Esemena a nivima? Ana unuhuna a iaḡoima?” Maria ananave auka ḡeḡe me miare koitava ronu, “Di Biage, oreigena a au ahata make mi otinu, da boriti ḡaha oreigena a maemanu, gerege dama oti misa.”¹⁶Iesu raki au ihe ronu, “Maria!” Auki aniḡoiare renu Heberu gava kironu, “Raboni!” (makava ramu Uguro koita). ¹⁷Iesu raki kironu, “A negu da kamuime, badiva daka so di Mame ḡasina ḡadiḡa veitera. Eduge di oḡo nanuhe iau gasina otare kirogeve, Daka so ḡadiḡa veitera di Mame renu iai Mame, di Diravate renu iai Diravate. ” ¹⁸Maria Magedala raki oti Iesu ḡamituhe iau ḡasina otare renu kiro gevenu, “Dakamu ni Rohite eraganu”; gerege auki au gare rone au ḡamituhe kiro gevenu.¹⁹Pura isage vahi ei, vani ḡanaiva, ḡami iau bouge gurahane iau iaga uduane kougei, badiva Iudea aena ḡaha iau siḡore raḡohi. Iesu raki iau vaḡotoni horivare auki ronu, “Mai iai bouge misa.” ²⁰Auka enaki rone itaharahe, auki au ade mati au bodi hakire au beroḡe ḡaḡirogei. Iauki heḡiri raḡohi badiva iauka Rohi Bauge iauki eraḡanu.²¹Iesu raki gaitana kiro gevenu, “Mai iai bouge misa. Di Mame raki da besuḡanu, eige daki mati ia besugeima.” ²²Auka enaki rone itaharahe, auki au ava nonomuve iau ada renu kiro gevenu, “Horu Aena misa. ²³Ana be iau daureve vagua ḡaha, iau daureve ramu veite ḡoinu; ana be iau daureve vagua ḡahiga veitenu, iau daureve ramu daḡe daḡe iau ada.²⁴Eduge Toma (auka hekapa bera), auka iau ate utube hakira abu bera, auka Iesu oroḡane auka ei veitera. ²⁵Gerege gami iaberaki kironu, “Nokamu Rohi Bauge eraganu.” Eduge auki kiro gevenu, “Dana au ada beroḡe eraḡanu, mati di ada kakune mi au bodi beroḡe kamui, daka beta riaḡa ḡahiḡa vara.”²⁶Pura bera kosavanu au ḡamituhe iaberaki ḡaitana bouraḡohi, renu Toma tage iau ruta. Iaga uduani iabara koukouve, edube Iesu raki oroḡi iau vaḡotoni ramare ronu, “Mai iai bouge misa.” ²⁷Gerege auki Toma kironu, “Ai ada kakune mi oi maema renu di ade erageve. Ai ade mi bodinehe maema. A negu anana nune vime eduge riaḡa ḡaha.”²⁸Toma raki kironu, “Di Rohite mati di Diravate!” ²⁹Iesu raki kironu, “Ana da riaḡa ḡahima badiva akamu da eraḡane dainehe? Maḡe ḡaha iabera oḡoreana erara veite eduge iaukamu riaḡa ḡahanu.”³⁰Iesu ramu iaḡa dadaḡava auki au gamituhe iau vaḡotoni kiogevenu, eduge iauka buka uhura oi maema veitera. ³¹Eduge iau ga o maemane iabara iama riaḡa ḡahigeisa, Iesu ramu Keriso, Dirava Moe, renu ana riaḡa ḡahima akamu au ihehe maguri vara.

¹Iaḡa o iau itaharahe, Iesu raki ḡaitana Tiberia gohu ḡaika au gamituhe iau ḡaḡae ḡoiraḡanu; renu avaḡu onakime auki horivanu. ²Eige iauki bouraḡane ḡamiva iabaramu Simona Petero, Toma ruta vara vane atava, Nataniela auka Kana Galileia koita vara, Sebedeo ḡamuhe, renu au ḡamituhe abu ḡaitage. ³Simona Petero raki kirogevenu, “Dakamu eve ioa otito vara.” Iauki kironu, “No ḡainage a ruta ororo vara.” Iauki otime iauki eua ḡadihi, eduge vahi uhubaḡe iauka sine veite.⁴Va tahi oroḡege, Iesu raki eve ḡaika ramanu; eduge au gamituhe iabara dibana veite eramu Iesu ra. ⁵Iesu raki kirogevenu, “Gamia, iana sine tenu?” Iauki kironu, “Veitera.” ⁶Auki kirogevenu, “Reke mi eu vamaḡa kasihe kiraviahe, eige iana eragisa.” Gerege iauki au rone ei kiravane, iau rekeve ra karava raki tobo ḡahanu gerege iauka geregere veite mi iagemisa.⁷Iesu ḡahara vare ḡamiva raki Petero kironu, “O ramu Rohi Bauge era!” Simona Petero ihine era Rohi Bauge auki au ahata ogonave mi reḡunaki au ḡodomare, auki eve gerovanu. ⁸Eduge ḡamituhe bamoduhe au ruta eua oroḡane, iauki reke karava tobo raḡane butui tana ḡamana veite oroḡege. ⁹Iauki oroḡi tana hakiraḡi, iauki vene raḡiraḡe be eraḡi adahani gera karava be mati parao au ada.¹⁰Iesu raki kiro gevenu, “Ia karava idiḡane be idiḡi oroḡiahe.” ¹¹Gerege Simona Petero raki eua ḡadimare auki reke karava ketake tobo raḡane butui tana ḡadimi, inuhati tinahu be utu-adakasiva hakira abigaḡa; renu karava dadaḡa eduge reke vara dariḡohiḡo veitera.¹²Iesu raki kirogevenu, “Oroḡi tamuta raḡohiahe.” Ḡami bera mati berabe veitera, “Ana unuhuna?” Badiva iauka dibana auka Rohi Bauge era. ¹³Iesu raki orogi parao miare mohi gevenu, mati karava tage ḡuma kobuḡa ei kinu. ¹⁴Oramu nega abigaḡa ḡahiḡa auki au ḡamituhe iau ḡaḡae ḡoinu au hoḡe uhura urimane itaharahe.¹⁵Au tamuta ragohi itaharahe, Iesu raki Simona Petero beraḡanu, “Simona, Ioane moe, ana di gahara vima gami o iau tanahe?” Auki kironu, “Erege, di Rohite; aka dibanara dakamu ai gahara vima.” Iesu raki kironu, “Di mamoeve nitabata ḡahisa.” ¹⁶Auki nega abu ḡahiḡava auki kironu, “Simona, Ioane moe, ana di gahara vima?“ Iesu raki beraḡanu, “Erege, di Rohite; aka dibanara dakamu ai ḡahara vima.” Iesu raki kironu, “Di mamoeve eragisa.”¹⁷Auki nega abigaḡa ḡahiḡava beraḡanu, “Simona, Ioane moe, ana di gahara vima? Petero uhure raki huhu naḡanu badiva auki nega abigaḡa ḡahiḡava beraḡanu , “Ana di gahara vima?” Eige auki kironu, “Di Rohite, aka iaḡa inuhati dibanara; aka dibana dakamu ai gahara vima.” Iesu raki kironu, “Di mamoeve nitabata ḡahisa. ¹⁸Riaḡa vara, daki a boriti ḡahima, a so ai aviehe, amu avaḡu ai ogona maḡeva kiare, renu amu a gahara viare ioava otima. Eduge a iahu ḡoiege, amu ai ade inuḡi hakivi, gerege koita be ramu ai ogonave mi ai kiare renu a mi a besibe ḡahare gabuhe a mi otito vara.”¹⁹(Au enaki rone makava ramu au hoḡe ḡumaḡe ra Dirava maḡe ḡahiḡa vara.) Gerege Iesu enaki rone itaharahe auki kironu, “Di itahe orogo.”²⁰Petero raki aniḡoi Iesu ḡahara vare ḡami maḡeve eraḡege auki au itahe otege; auka Iesu ḡaika gurami au ruta tamuta viege renu beraḡege, “Di Rohite, unuhuna negu ai bive kisa vima?” ²¹Petero raki eraḡare, auki Iesu kironu, “Di Rohite, ama auna?”²²Iesu raki kironu, “Auka da negu rosa auka maḡurivi gurami ate da ḡoiraḡi oroḡare, esemena a gure e uhu korahiva vima? Di itahe oroḡo!” ²³Eige gava raki oḡo uhura hakivanu gerege koita iau ananave negu au ḡamite era beta hoḡe raḡira vara. Eduge, Iesu ra beta enakime auki ronu auka beta hoḡe raḡisa, eduge, “Da rosa auka maḡurivi gurami ate da oroḡare, esemena a e uhu korahiva vima?”²⁴Ḡami oramu ga o riaḡa ḡahi geige vara eige iauki gava maemanu, renu noka dibana au gare ra riaḡa vara. ²⁵Eduge iaḡa dadaḡa vara Iesu raki kiogevenu; eige iauna iaḡa o inuhati maemanu, da anavare mata ketake ora beta bukava o inuhati bougeige vara.

¹Penetecost vaniva oroganei yauki yau bouge kobua gahanu. ²Inono veite koube nono nagate ki oroganu vava seni, yau gurahege yaga uhurava inuhati tobo gahanu. ³e uhurahe vene mei nagate ki kobakoba ei gurahane gahavaia yau ada uguhanu ⁴Horu Aena raki toboga gevenu,yauki urihi mei nunenuneva garege,Horu Aena mohi gevene geregere vahe.⁵Jew koitava ya Jerusalem uyege, Dirava kamuka atava ya, Ogo kobakoba va derikahu. ⁶Yau dubu e ihinei, koita inuhati orogi bou ragohare yauki mati dauragohi makavara koita inuhati yabeki ihege yauki yau meinehe ga ragohege. ⁷Yauki gaurago hare mati hegiri ragohege; yauki roege " Ona koita o yabena Galilee gava ge yau ga ragoha?⁸bena goigorenu, no iau gare ni mei nune-nuneve iau ihare? ⁹noka partia, media, renu elam gaha; mesopotamia, judea, renu cappadocia gaha; pontus renu asia gaha, ¹⁰phrygia renu w renu beta jew gaha iau idigei juda gaha roiegevare gahavia renu bea no cretepamphylia gaha, egypt gaha renu cyrene mata gaika lybia dubu gahaia. ¹¹je renu arabia gahaia - a eduke noka koita o ia dirava me raho kiogevare gava ni meine iau iha.”¹²Yauki gago ragohi mati motea gahi gevege; bebe bera gevege," o makavana otavadoanu? ¹³Eduge beabera tatiga gevare roege,"Gadiki isage yauki ine dainehe."¹⁴a peter raki apostolo utube-hakira kobua-be ruga urimi rami me auki enoga rahotahu teri bouane gahavaia haroro gahigei roma; di sokuhe jew gahaia renu jerusalem uiare gahavaia, uhuiamiarei da ga vare ihiahe, ¹⁵koita o iabera beta murakava ra iauki i nu, ia ana vare geregereva, ora so ona vagutuara (9 o’clock) .¹⁶Prophet Joel Peroveta vane gava ra onakiki vera, ¹⁷vani netui otare uhura; Dirava gare ra onakime auki roma daka di horuve bohuboara koita yau ada. Yai gami movea renu yai gamuhe Mayago vaia bera Peroveta ragiravara.gami isage yabara niganiga nune ragohisa, Ata raho yabera yago ragiravara.¹⁸Saul ra gahara riaga auka Dirava itahe ogiege gahavaia gahigei hoeki geisa, eige auki aena biava bauge gasina otinu. ¹⁹auki imiganu, auka Damascus dubu gahavaia yauni ga mi otisa. yau Damascus uhura, ata mati magi behu gevare, Dirava gumagehe ogiege, auka raro gevare idigei,goiragi Jerusalema orogisa.²⁰Rohi Bauge vani rahove so ororo veite uhura vani ra vadibu goisa renu bata ra tago te goisa. ²¹Vani ei Koita inuhati Rohibauge ihihe to ragare yabera maguri ragira vara.'²²Israel atavaia, ga o ihiahe: Iesu Nazareth koitava ra Dirava raki Nazareth koitava yai dainehe besu ganu, auka yai vagahe gauragira, mati hedo me renu erara veite meva gagae kiogeisa, yaka dibanara.²³Ata ora Dirava uhu anana vane mati au dibanehe ya mohi gevene; era yaki mi itahe gahavaia yau ada uhurehe maemege,yauki gami hoekanu mi Sarah to ada maemanu.²⁴ Eduge Dirava raki maguri gahi goiraganu, Hoge hedokava ariganu Badivara Hoge ra beta riagahu kamui uavara.²⁵Eige David raki au badine ronu, ' Rohi bauge daki di vagotonehe eraganu, auka di ada vamaga hegera e dainehe bera beta da vagava gahigavara. ²⁶E dainehe ge di soruke raki hegiri vima renu di avagehege daki motea gahima. Mati, di ahatatane hege daki uhuya uhuya vima.²⁷Eige aka beta di horuve garega vara hoge matava renu ai aena koitava vera beta mudu ragiravara. ²⁸maguri gumava aka da gagiro monu; a erara gahege aka so uhure hegiriva hobo gahanu.'²⁹Di gogonanuhea, ni teneve David badine da ya boriti gahi geima, auka hoge rage-ge, yauki mi abatemenu, au gareve ramu o no ruga. ³⁰Auka Peroveta koita vara, auka dibana Dirava raki ominu gahanu au Moe bera terona ada guragu ara. ³¹Eige auki au dibana goine yagani va gava vanu, Iesu magurivi goira gisa gava auki vanu. Iesu ra beta Hoge gahavaia yau vagahe usa, renu au ahatane ra beta mudu ragisa.³²Iesu ra, Dirava raki maguri gahanu, noka ni bouge dibanara. ³³Eige auki auhe Dirava ada vamage he seni, Horu Aena, au mame ominuo gahane mare auki bohuganu era noki eragare mati o iha.³⁴David hoge raganei auka vava gadiga veitera, eduge auka ona kime auki roma, ' Rohi bauge raki di Rohite, " Di ada vamaga he gurama. ³⁵A inara gahare gahavaia dana idigi ai vasi maema adirave kirogeisa."' ³⁶E dainehe ama Israel gahavaia inuhati vasiba gahi geisa Dirava raki mi Rohi kinu renu auka Keriso ra, Iesu era yaki mi Satauro gahanu."³⁷Yau ga e ihinei, yau soruke raki huhu gahanu, he yauki Peter renu Apostle, bera gevenu ," nona otavado kiki vanu ³⁸Peter raki kiro gevenu, yai daureve ari gevare kobakoba babatiso miahe Iesu Keriso ihehe auma yai daureve kamu geisa ge yama Horu aena misa. ³⁹Badivara ominuo vara a ai gamuhe ruga yaiera renu gamana gahavaia, mati koita mudago gaina gera Badivara Dirava ni Rohive raki tosa vima."⁴⁰Ga riaga dadaga uhurage auki hero gahi gevara ronu, "yama maguri ragohisa tau daure o koitava yau vagahe." ⁴¹yauki au gare mare renu bapatiso manu,koita inuhati tinahu abigaga rua. ⁴²yauki apostolo ruga kobuga gahare hadiba me,Aena me kiogevege.⁴³, Koita inuhati sigoi ragohi Badivara Apostolo yabeki gauragira me mati hedo me gagae kiogevege.⁴⁴Iesu riaga gahege koitava inuhati iaga inuhati uhu kobugava kiege,⁴⁵Yauki yau matame mati yau kohu e inuhati hae gevare yauki yau vagahe kobakoba yau e kiege yau gaharahe ragohege geregereva.⁴⁶vani gaui yauki uhu anana kobugava me kiege dubu uhura. Yaga kobakoba uhura tage yauki hauhaka bokoi,bada demaka iege hegirita renu uhu mage ruta. ⁴⁷Dirava motea gahare renu koita yau gahara ragohi a Rohi baugera koita dadaga gahi idigei orogege maguri behugane yau ada.

¹vani iahu uhurage Peter mati John yabaki dubu otinu imimi vani dainehe, ²Eige ata bera au neine vagatane auki kumukumuve guruanu, yauki hirivi rogi dubu uduani maemanu.vani inuhati ge yauki mi rogi maemege,auka dubu siri ragare gahavaia nata dainehe imi geima. ³Peter mati John dubu uhura siri ragisa ronu,auka eragevare nata dainehe imimi vanu⁴Peter, ki au ni eragi berebe gahanu, John, raki ronu," no erageve." ⁵auki nigahi eragevenu,au anavane yauka yaga be mi moimisa. ⁶Eduge Peter raki ronu," daka silver mati gold veitera,eduge daka Iesu Keriso Nazareth, koitava ihehe di gasina uiare yaganiva dana a moimisa,Urimi ogi,"⁷Peter raki au ada vamaga he, mi yagemanu, inono veite au vast raki herote goinu. ⁸geroi gadimare, auki ramare oginu; auki Urimi dubu uhura siri vanu Peter renu John ruga, ogoiare, auki mati ragadimi, Dirava mage gahege.⁹Koita inuhati raki erage-ge auki goiare mati Dirava mage gahege. ¹⁰Yauki eragare dibana gahanu auka dubu magu gaika gurami nata imimi viege atavara; yauki soruraka gei, gauragohi, mati dau ragohege, au gasina caravans iaganiva dainehe.¹¹Au kamui hai uyege Peter renu John kamui gei uyege uhura, koita inuhati geraki ruru ragi Solomn pata vehe otinu, yauki yau ragohege. ¹²Peter era gevenei auki kiro gevenu, Israel gahavaia, esena ya iaga ona kikive eragi gau ragoha? esena ya no guru gahi hai unu, yai anana vena novahu ni hedokehe se ni mage vehe gena no ata o maguri gahanu?¹³Abraham, Isaac renu Jacob iau Dirava ve, ni vahiruhe iau Dirava ve ramu au seni orog¯ane motea moteava, au Besube ate Iesu moimonu. Iduke iakaki mi taravatu bauge mohigei mati Pilate va;gotohu besibe; gahanu: Pilate vahevahe rone tage iakaki besibe ra;gohanu. ¹⁴Auka aenava renu ma;gera, iduke iakaki besibe gahanu, renu iakaki Pilate imi;gi auka iai urave ki roroma vane atava vaheisa.¹⁵Mag¯uri biavara iakaki ;gami hoekanu, iduke Dirava raki ma;guri ;gahi ;goira;ganu - noka ria;ga ;gahane ;gahava iabera. ¹⁶Eramu au ihi hedoke raki o;gi;gi veite ata o hero moimonu. Ia era;gare renu dibana ;gahare ramu ;gabidadama Iesu ihehe ge ata o raki ma;ge ;goinu.¹⁷Di gogonanuhea.daka dibana yaka ya urigatu gevene gahavaia ruga yai uhure abaga veite dainehe ge yaki enaki maguri raganu. ¹⁸Dirava, Peroveta gahavaia yau avagehe rone nagate, au moe Keriso ramu huhu nagisa, eramu riaga goinu.¹⁹Daure garegevare, renu ya siva geiahe,yai daure ve yabanu ya gare geisa. ²⁰Dirava mageve ramu orogisa,Auma Keriso besugisa,Keriso ra nonige auki rone, Iesu varamu onu.²¹Auma vava ena gurami oti ia;ga au bougei isage ;gahare vanihe; subuta Dirava au Peroveta ata aena ve iau ava;gehe rone ;gere;gereva. ²²Badivara Mose ra roma, “Rohiraho iai Dirava te ra ia;ga Peroveta ata be besu besu ara, au da besuane ;gere;gereva; auka iai koita te be ;goi;go vara. Au ia boriti ;gahi gevare meva iama kiogeisa. ²³Peroveta ata e gare ihihi veite koitava iabera Dirava koita tuhe iau kasa gevege iaune budaraisa²⁴Peroveta ;gaha au bougei gera roro ga tera, iau va;ga gera Samuel renu au itahe oro;gane ;gahava ;gaitage ramu negu tau o iau vara ra;garihe ia;ganiva roegevenu. ²⁵Dirava au Peroveta ;gaha tuhe iau seni ga ro maeamane ra iaiera, iaka ni vahiruhe ru;ga au ga ro maeamane uhura gera. Au Abraham kirone geregereva, “Ai beseve iau ge dane vateta o koitava au bougei ma;ge ;gahigeisa.” ²⁶Ge Dirava ramu au Besube ate uri;gatu iai besuanu, iaka iai ;guma daureve ita;gatugei arei, au ma;geve misa

¹Petero renu ioane, iau oḡo ḡaha gaḡa gevegei, me aenate kiare ḡahaea, dubu rohi, renu sadukea ḡaha iabera ki iau abu iau ḡasina otinu. ²Hoḡagei me iauki, badiva iauki koita uhuakate ḡahigei, renu hoḡe ḡaha iau uriri ḡoira ḡoirave, ra iesu urimi ḡoiraḡane hedokahe, iauki haroro ḡahege. ³Ge iauki kamogei vadibu iagava kougeve, eige iaune gurahege va na tahisa, badiva aukamu bina vahiḡeta ḡoinu. ⁴A iau gare ihi mati riaḡa ḡahege ḡahava iau bougei daha adakasiva (5,000) ḡereḡerevara.⁵Va tahege, ogo Rohi renu dubu biava yabaki Iersalem bou raganu. ⁶Anneas dubu biava renu Caiaphas,John renu Alexander tage ei, mati dubu biava gogonanuhea gaina ge.⁷Yauki Peter mati John nisigei rogi nomoaka he rahanu, yauki bera gei roege, orei gena ya hedo mare mati unuhu ihehe gena ya me o kia?⁸Nega ei ge petero ra horu aena va raki uhurahe uguhege, auki i-toto ḡahigei, me auki roma, oḡo rohi ia renu nari ḡahaea, ⁹Negubutu ia no beragei, rosa, vasi daure ata o, no au avani maḡe kine na, orena ki mena au maḡe ḡoinu? ¹⁰Iama dibana ḡahisa, Isaraela ḡaha ḡaita ge ma dibana ḡahisa, iesu keriso, nasaret ata, ia satauro ḡahe, dirava hoḡeva mi urimi ḡoiraḡane ata e, au ihehege, ata o raki iai vaḡotohu, hero ḡoreha ramanu.¹¹Auka Iaga ḡoḡo ḡahaea, ia besibe ḡahane muniva raki, Koaka muni goinu. ¹²Maguri mage vara koita nune be uhurehe guragu veitera, badiva no maḡuri ḡahigeige ihiva nune be ra, va derikahu noka mimi veitera, veite maka vara.¹³Yau Peter renu John herove eraganu yau dibana gahanu yauka uhuvaka yagoya adira bei uhuvaka yagoya veitera mati uhuvaka veite koitava yabara, yauki gago ragohi, yau uhure ki abagate goinu, yauka Iesu ruta. ¹⁴yauki Peter, John renu yau maguri gahane atava rahane era gevene, yauki ga guma veite gahanu.¹⁵Eigerage iauki boriti ḡahigei roea, hebou ei iaune haki raḡohare. Ge iau hakiraḡoha ne itaharahe iauki be be beragei roea,¹⁶“iau abu gena nona orena kirogei gevanu u? Badiva ierusalem gurahege ḡahava iau bougei gema dibana ḡahisa, iauka iau abu raḡadiga avani bera iauki kinu, mati noka beta goregore ragira vara.”¹⁷A koita ia ro rahogahi ioa raḡohare, siḡoara ge, none iau abu uagatu gevare, ihi eige iauka mati beta koita be gaḡahi ḡoira ḡoira vara.¹⁸Ge iauki ihirogei, boriti ḡahigei, iauka beta iesu ihehe haroro raḡira vara, mati beta hadiba raḡohia vara, veite maka vara.¹⁹A petero ioane ḡoreha geraki i-toto ḡahigei, roea, “iama so anaisa, no iai gare ihi, dirava gare ihihi veite ḡaharena, ena dirava vaḡotohu ge na dodihegenu se veitenu?.” ²⁰Badiva no era gevege, mati no ihi gevege iaḡaniva, no roegeige veitera beta magera.²¹Gaitana ga gagei berebe gahi gevara yauki Peter renu John gare gevenu. daure gahi geige gumava yauki behube veite,badiva koita inuhati geraki Dirava motea gahege. ²²Badiva, ata mage mane, tauera utu ababu²³Iau ḡare gevene itaharahe, iauki iau abu iau vasiruhe iau ḡasina otinu, aena ḡahaea, mati oḡo ata baugea, iau gare iau bougei, iauki boriti ḡahi gevenu. ²⁴Iau ihi gevenei, iauki iau uhure kobua ḡahigei, dirava ḡurivi, roea, “rohi raho e, va, vateta, eve, mati uhurahe gurahare iaḡaniva inuhati, kikiva ra akaki.” ²⁵A tagera horu aenava, ni teneve david avaḡehe ge aki gavi roma, “bese nune nune iabena otado be ho vana iau raḡoha? Mati otado be dainehe ge na koita ia, iaḡa maka veite e anageva?”²⁶Aki ronu vata adao Rohiva rahare, mati ogo rohiva yabera kobuga gahare, Rohi Bauge renu au Moe Keriso basu geisa.'²⁷Riaḡavara, oḡo o uhurahe ge iaukamu hebou raḡohanu, iai besubesu ata aena ve iesu, a horoane atava, daure ḡahiḡa ḡahara, pontio pilato renu bese nune be ḡahavaea, renu Isaraela besevaea, iauki hebou raḡohanu. ²⁸Ai ade raki uriḡatu torevanu, ai uhuvake raki uriḡatu anavanu, karava iauki kinu.²⁹E dainehe Rohi bauge, yau ro gevene yaganiva era gevare ai besube koitave hedoka gahi geve yauma ai gare hero ruta rosa. ³⁰ai ade inugare gauragira me yabamu gagae ai Aena koitava Iesu ihehe." ³¹yau imimi netu rage-ge., yau bou ragane adirava raki vagava vanu,Horu aenava raki toboga gevenu yauki Dirava gare hero ruta roege.³²Ihihi ḡahavaea iau bougei, uhu kobua va mati anana kobua va, ge iauki gurahege, be kohu e auka auvaḡu auie roro veitera, a iau kohu ve iau bougei ge iauki idiḡi kobua ḡahi gevege. ³³Apostolo ḡaha ḡaita gera iesu rohiraho e urimi ḡoiraḡane ra iauki hedo ruta haroro ḡahege. Dirava mohimohi maḡeve tagera iau bougei iau ada gera.³⁴Yau vagahe koita bera au veite goigo veitera, badiva vatatate mati yagate gahavaia yabaki yau matame mati yaga hae gevare natava idigi oroge-ge. ³⁵Apostolo yau vagotone gosige-ge, yauki geregere gahi kobakoba koita yau e kiege.³⁶Subuta ge teude ra ki urimi rama, auka roma, auka so ata riaḡa, ge tinahu ababu ḡereḡere vara ki au seni gahanu, iduke iaukamu ḡami hoekanu, mati au orea ḡaha tuhe iabera, iauki hapapa ḡahi gevenu, mati iauki habua ḡahi gevenu. ³⁷Au itahara hege iuda, galileia ata, ra koita ihi mimi negahe ge auki urimi rami, mati koita be iaberaki au seni gahanu, iduke au tagera iaukamu ḡamanu, mati au orea ḡaha tuhe ḡaita iaukamu hapapa ḡahi gevenu.

¹Atabe ihiva Anania, au mabare Sapphira rutage yauki yau matame haevanu, ²yauki haevane nata ihinava kamoanu (au mabare tage dibanara) yauki ihinava mi ti Apostolo yau vasi gaikehe maemanu.³Ge petero raki namiḡi, roma, “anania e, orena kimena satani ai uhure iegena a horu aena taraḡi mata damu hakira duhaḡanu?” ⁴A so haevia veitehe gera, mata era aiera, ani? Mati a haevane ei gera, damu vara aiera, ani? Negubutu, kara o na orena kimena a anaima? Aka beta koita iabera aki taragevenu, a dirava ra aki taraḡanu. ⁵Anania raki ga e ihigei mauki moru ḡohi hoḡe raḡanu. Ge hariva ihine ḡahava iau bougei geraki siḡo hogeva raḡohanu. ⁶Ge eregabe iabera ki urihi rahi, au ahatane dabua va godomi, me iauki mi haki raḡohi abatemenu.⁷Vani yaga a biga-ga itaharahe, Au mabare ki rogi sirivanu, dibana veite otadovanu varavanu. ⁸Peter raki beraganu, ya mata haevanu natava ogugenu,"auki ronu, io, egugera."⁹Ge Peter raki kironu, " orena kimena ai mobore ruta yai uhure kobua gahare Dirava Horuve toho ganu? nigaha ai mobore abatemenu gahavaia yabemu e uduani rahanu, yauka atage a hirivi haki ragiravara. " ¹⁰Inono veite auki ari raganu Peter vasi gaikehe Hoge raganu. Ata e ya siri ragohanei, yauki hoeke behu ganu, yauki hirivi mioti au mobore gaika abatemenu. ¹¹Dubu gahavaia renu harie ihine koitava ya sigoi raho riaga raganu.¹²Hedo mati gago ragira me yabeki koita yau vagahe gagae gahege, Apostolo yau meve uhura. renu yau bouge kobuga gahime yauki Solomon Aena patavehe uyege. ¹³Koita dadagava ra sigo ragohi yau ruga gahiga veitera; eduge, koita yabaki motea gahi gevege.¹⁴Dirava riaga gahege gahavaia, ata mati magi yabemu yau ruga gahege. ¹⁵yauki mati komata ragohege gahavaia idigei orogo hakiragi gosi gevege, Peter hanevege au varivave yau ada goisa. ¹⁶Jerusalema gaika ogoayau uhura ge Koita mudago yabaki dika mati sua daure yau uhurehe uyege gahavaia idigi oroge-ge, yauki mage gahege.¹⁷Eduge aena koita be, au soukuhe ruga ( Sadducees koitavaya); vagadau ragohege. ¹⁸Yauki urihare apostolo e gahi gevare yauki idigi vadibu yagava gosi gevenu.¹⁹Vahige Rohi Bauge aneruva beraki ti vadibu yaga baoare nisigei hakivare. auki kiro gevenu, " ²⁰ti dubu rahare maguri gava koita inuhati boriti gahi geiahe." ²¹ga e ihare yauki va bao ragi oroge-ge uhura dubu uhura siri ragare hari mage roege. Eduge Aena koita e mati au ruta orogane koitava, yaberaki council mati Israel koita baugeva ihiro gevare, besu gevenu vadibu yagava ti Apostolo idigei orogisa.²²Eduge yau otinei yauka vadibu yagava behu geige veitera, yauki goirago hare boriti raganu, ²³" No otinei vadibu yagavara basubasu era mati, nitabata gahavaia gaina ge uduani rahirahera; eduge udua bao raganei,gahavaia yaba veitera."²⁴Aena gahavaia mati dubu biava ga e ihinei, yauki dau ragohanu. o makava na otavadoanu. ²⁵Yau vagahe koita beraki boriti gahigei ronu, ya vadibu yagava gosi gevene koitava yabera ra i dubu gera yauki koita ga-ga geva."²⁶Eige dubu biava besu be gami raki au gamituhe ruga otare idigei goiragi oroganu, beta vagadau uhura, badivara koita yau sigore yauki ragohanu, yau negu muni tahu gahi geime. ²⁷Idigei orogare, yauki council yau vagotonehe gahanu. Dubu bauge e raki bera gevenu, ²⁸ronu," Nokamu ya boriti gahi gevenu yaka beta Iesu ihehe koita ga-ga geisa, eduge yai gare ramu Jerusalem uhurava tobo gahanu mati yaka gahara riaga ata o tagokera ni ada bohu ragisa."²⁹Eduge Peter renu apostles yabeki ronu,Dirava gare nona ihisa beta koita. ³⁰No mamuhe yau Dirava ve raki Iesu iagemanu, yaki gamare, mi idi ada maemanu. ³¹Dirava raki mi yagemi au vamagahe maemanu, auka Rohi mati maguri Biavara, Israel maguri gahi goiragisa, renu yau daure ve vagua gahi geisa. ³²Nokamu eraganu ni niehe, renu Horu Aena tagera, Dirava raki au riaga gahare koitava mohi gevenu.³³Yau ga e ihinei, yauki ho raho riaga raganu, yauka gahara riaga Apostolo e gahigei hoeki geisa. ³⁴Eduge Pharisee koita be ihiva Gamaliel, auka aena uhuvaka biavara, koita inuhati geraki matau gaha, auki koita yau vagahe urimi ramare ronu so ata o nisigei haki ragohiahe.³⁵Auki ronu, Israel atava ya otavadoanu ya kisa roea koita o yau,yama gabidave misa. ³⁶Subuta Theudas ramu urimi ramare ronu autage koita bera, koita be tinahu ababu ramu auruta gahanu. yauki gami hoekanu, au ruta gahane yaberamu kobakoba gahare veite gahanu. ³⁷E itaharahe Galilee ata be ihiva Judas ramu urimanu, ihi mimi vanihe koita butu gevege, yaumu au itahe oginu. au tage hoge rage-ge, au itahe goine gahavaia yaberamu hana raganu.³⁸Yaka daki ya boriti gahi geima, yama koita o gare geisa, yau me kiare o ahata makava goiege, auka sebo ragira vara; ³⁹Eduge au Dirava ai goiege, yaka beta riagahu sebose vara; yama gabidava misa ya negu Dirava gogai gahime." yauki ei gare gevenu.⁴⁰Yauki Apostolo ihiro gevare, gahi gevare, yauki aena gahi gevenu, yauka beta Iesu ihehe koita ga-ga gei goirago hisa.⁴¹Apostolo yabeki hegirita kansol gare gevenu badiva Iesu ihehe huhu nagohane dainehe.⁴²E itaharahe yauki vani inuhati, dubu mati yaga kobakoba hari mage ro yoa ragohege, Keriso ra Iesu ra.

¹Vani e yau uhura Iesu riaga gahane gahavaia bina mudago gahanu, e uhurahe Helena gahavaia yabeki ki Heberu gahavaia mudumu gahi gevege, badiva yau magi gobuvea yabera yaheyahe demaka mimi veitera²Apostolo yabeki Iesu riaga gahege gahavaia ihiro gevare kiogei ronu, " Beta magera no Dirava gare roro veite, a demaka me kisa. ³E dainehe yama yai vagahe koita iatiriga idige-geisa koita, ihihi magate, horu aena mati uhuvakate ya. idi gevege yauma me o kisa. ⁴a noka imimi mati Dirava gare ro ioa ragohisa."⁵Koita inuhati yau gare ihine yauki hegiri rahanu. Ge yauki Stephen manu,auka gabidadama renu Horu Aenava raki hobo gahane koita vara,mati Philip,Prochorus,Nicanor,Timon,Parmenas,mati Nicolaus, koita ihiva bera Antioch uhura. ⁶Dirava riaga gahege koitava yabeki Apostolo yau vagotonehe idigei oroge-ge yauki yau ada imimi raghareyau Ada gosi gevenu.⁷Dirava gare ra raho go renu yau itahe goiege gahavaia dadaga goiare mati raho goinu, Aena gahavaia gaina ge yau gare riaga gahi gabidadama ruta.⁸Stephen ra mage mati hedo raki tobo gahanu, auki gauragira me mati hedo me kiogevege koita yau vagahe. ⁹Eduge dubu nune me miege gahavaia, Cyrenians mati Alexandrians,mati Cilicia koitava mati Asia. Koita e yabeki urihi Stephen ruta enana ragohege.¹⁰Eduge yauka Stephen uhuvaka renu au Horu uhura gavege ruta geregere veitera. ¹¹ge yauki koita be tara gevege, yauka Stephen ada ga avanage rosa," Nokamu ihinu Stephen ramu Mose mati Dirava ada ga avanage ro gevenu."¹²Yauki ki ogo gahavaia renu koita nitabata gahi gevege gahavaia renu aena gahavaia yau uhure gani gahi gevege, yauki ti Stephen mare mi orogonu kansolo yau vagotonehe mi otinu. ¹³yauki ga avanage gahavaia idi gevege, yauki Stephen ada ga ragi ronu, Ata ora ga daure mudago va auki ronu aena adira oi mati aena ada. ¹⁴Nokamu ihege aumu ronu Iesu Nazareth koita vara adira o sebogare, mati ni tene magurive Mose no mohi gevene sivasi vara ¹⁵Kansolo va gurahane gahavaia yabeki ena eragi unu badivara au erara vage ki goiragi aneru nagate goinu.

¹Dubu biava raki ronu," On a ga riaga vanu? ²Stephen raki ronu," Do gogonanuhea renu di mamuhea, di gare ihiahe: Dirava haire raki ni mame Abraham gasina gagae goinu au Mesopotamia uiegei ihiege auki Haran ti unu; ³Dirava raki kironu ai matame renu ai ogo nanuhe gare gevare ote, dakena mata be a gagiromisa.'⁴Ge auki urimi Chaldeans matava garemi ti Haran unu.' eige au mame raki hoge raganu, Dirava raki mi orogi ya o uiare matavahe maemanu. ⁵Auka vatata moimi veitera, au vase maema adirava tage veite. Eduge auki Abraham ominuo gahanu, auka so gamika veite uhura, auka mata o mi moimisa,au mati au vahiruhea yaue.⁶Dirava ra onaki kime auki ga gahanu, au tenetuhea yabera mata gaita va u gamane ragirava ge mata e gahavaia yabera idi gevare yau me gahatuhe ini kiogeisa. renu beta mage gahigeisa tau daha ababu uhura. ⁷Eduge Dirava ra onakime auki ronu, daka mata e gahavaia huhu gahi gei gevara, e itahe ge yauna mata ei haki ragi rogi da motea gahisa. ⁸mati Dirava raki Abraham peritome aenava tage moimanu. eige Abraham raki Isaac mame goinu. renu vani abugu veite vage auki peritoma gahanu Isaac ra Jacob mame ra, a Jacob ra Rohi utu hakira abu yau mame.⁹iduhu omoto ḡahiḡa ḡahava iabe raki iosef mama ḡahi, aigupto ḡahava iau haevanu. Iduke dirava raki bamoanu, ¹⁰renu au huhuve iaubougei uhura auki maḡuri ḡahanu; uhumaḡe renu uhuaka tage auki moimonu, farao, aigupto rohiva, vairahene; ge farao raki hedo moimi, aigupto matava renu au iage rohiva ḡoisa.¹¹"Gubu mati huhu raki Egypt mati Canaan matava inuhati eda gevenu, ni mamuhe yabera demaka iagoege. ¹²Eduge Jacob ihine Egypt ra demakete auki ni mamuhe besu gevenu, yau ganai ve Egypt otinu. ¹³Yau ioa abu gahi gavehe, Joseph raki avahu au gagae kinu au nanuhe, eige Pharaoh ki Joseph ruta guru rago hane yau dibana goinu.¹⁴E dainehe ge Joseph raki au nanuhe besu gevenu yauka ti yau mame Jacob mi orogisa Egypt, au mati au ogonanuhe ruga, yau atera utu iatirigava hakira ada kasiva. ¹⁵Eige Jacob raki Egypt otare ei hoge raganu. au mati ni mamuhea. ¹⁶Yauki idigei ti Shechem, abate gevenu, Abraham mata be Hamor gamuhe yau haevane adirahe.¹⁷Dirava Abraham ominuo gahane vaniva oroge-gei, Koita yabeki raho gahare mati mudago gahanu Egypt uhura. ¹⁸E uhurage Rohi nune be raki Egypt uhura Rohi goinu, auka Joseph dibane veitera. ¹⁹Auki ni koitatuhe daure gahi gevare mati huhu gahi gevege, auki mati hero gahi gevege yauka yau gami karuka hoeki geisa.²⁰"E uhurage, Mose raki guruanu, gami mage riaga, Dirava vagotonehe. Au iahuve yabeki bata abiga-ga yaga uhura vasiganu. ²¹yau itahe mi hakirage-ge, Pharaoh mae raki mi vasigi raho gahare au moe inu kinu.²²Mose ra Egypt yau uhuvake hege yauki uhuvaka gahanu, e dainehe au gare mati au meve inuhati ra hedo katera. ²³Eduge au taue utu ababu goiege, auki au uhure kinu auka au Koita tuhea Israel gahavaia deiva gahi geisa. ²⁴Auki Egypt koita be erage-ge auki Israel koita be ki daure gahanu, Mose raki urimi Israel koita e yahegi Egypt koita e gami hoekanu: ²⁵Au ananave au gogo nanuhe yau uhurera bao ragisa, Dirava ra au adehe maguri gahi geisa, eduge yauka dibana veite.²⁶Tahege Israel ata abuge ki garahege, uhura auki yau vagahe gagae goinu, auki kiro gevenu, 'ataya, yaka gogonana yabera; onebe dainehe gena ya bebe daure gahi geva. ²⁷Au gogo nane daure gahane koitava raki urimi Mose ki ronu, unuhuna a mi ni Rohive mati ni daureve gava vivi koitava ronu? ²⁸Ana dakena a da gami hoekisa roma, a number Egypt koita e gami hoekane nagate?²⁹Mose ga e ihinei auki sivi goromi Midian otinu, eige au gamuhe gamiva abu ruga ki guru raganu. ³⁰Tau utu ababu kosavege, aneruva raki au gagae goinu, Sinai nimu ada, vene gisu uhura bubu nage-ge uhura.³¹Mose vene eraganei, auka hegiri riaga auka regunaki ti eragisa; auki vene e kahika gahi eragisa ro otinu, Rohi Bauge enoge raki roege, ³²' Daka ai mamuhe yau Dirava vera, Abraham Dirava vera, renu Isaac mati Jacob.' Mose raki gabubu vare, auka mati nigahi goiragira veitera³³Rohi Bauge raki ki ronu ai vasi edavane e ariga,a ramare adira vara aena vara. ³⁴Dirava raki kironu Dakamu di koitatuhe Egypt; uiare yau huhu e eraganu mati yau ganagave ihinu, maguri gahi geige dainehe daki oroganu; orogo, daka a besuge aka Egypt otitoara.'³⁵" Israel Mose besibe gahare rone, unuhuna ami ni biage renu ni nisinisi koitave kinu?' auka Dirava raki besu ganu auka yau biage goiare mati yau yaheyahe koitava goisa. Dirava raki aneru adahe besuganu, aneru kobuge raki gisu ragane au gagae goinu. ³⁶Mose raki Egypt nisi gei hakivanu, au hedo me dadaga kine itaharahe Egypt mati Reeds eve mati mata gagae tau utu ababu uhura. ³⁷Mose kobuge raki Israel gahavaia kiro gevenu, Dirava ra yani Peroveta koita be yageya vara yai vagahe.³⁸ata e tagera mata ḡaḡaeva be be bou gevene) uhura, renu sinai nimu kobokahu au ga ḡahane aneru va renu ni vahiruhe ruḡa auki guramege. Auki maḡuri ga manu; aune mati no mohigeisa. ³⁹iduke ni vahiruhe iabe raki ura veite au gare ihisa, besibe ḡahi renu iau urave iauka ḡoiraḡohi aigupto otisa. ⁴⁰renu iauki Arona boriti ḡahi roea, “noḡa dirava nune be kiogeve iauma ni vairanehe oḡisa; badiva noka negu mose no nisiḡagei aigupto seni haki raḡohane atava na orena gena au ḡoinu?”.⁴¹nega ei iauki boromakau ḡamika be suarava be kiarei, renu boubou iaḡa tagera negu kaivakuku e vairanehe iauki ḡosigevenu, iau ada kikive kohua heḡiri ḡahi gevege. ⁴²ge dirava raki itaḡatu gevenu, iauka iauvaḡu va kohu tomadiho ḡahigeisa, peroveta ḡahava iau beika vehe torevane ḡereḡereva roea; “Isaraela gahava e, laḡani utu ababu (40) mata ḡaḡaeva ia ḡahi gevege boromakau va renu boubou iaḡa iabera di vairanehege iaki ḡosiḡanu ani?⁴³veitera molok dirava va dabua kaea renu refan, hisiu dirava va iaki idiḡi rahi ioraḡege, sinaradiva (laulaudiva) ia kirogei tomadiho ḡahi gevege dainehe. Daka negu babulon kasiva ia idiḡi otitivara.”⁴⁴“dabua kaea dubu vara ni vahiruhe iaberaki, taravatu badina ḡahege iaḡaniva mata ḡaḡaeva manu, dirava mose boriti ḡahane ḡumahe renu au erara vehege iauki kinu. ⁴⁵renu ni vahiruhea ihihe vara raḡohare iabe raki miarei, iosua nega vehe taboi oroḡi bese nune ḡahava iau matame idigevene negahe; dirava raki ni vahiruhe iau vairanehe bese nune e oeagevege, oroḡi david negavehe. ⁴⁶david raki dirava maḡeve miarei, renu auki imiḡi iakob dirava te dubu e auka tai oi ḡosa.⁴⁷iduke solomon raki dirava dubu e ḡonu. ⁴⁸iaḡa kobua berage dirava (herea mikamika) ra ada kiki iaḡava guragu veitera; peroveta ata gare ḡereḡereva roma; ⁴⁹Rohiraho era roma.” Va ra di guragu gabune Vateta o ra di vase maeamia gabua;Iaga one bedikave be iana dani ḡoḡoa nu? Di vaḡa roro gabunena orenu? ⁵⁰iaḡa o iau bougei dana di adehe kiogeige veite nu?”⁵¹Yaka eno berebe gahavaia yabera yai soruke renu yai ihikone peritoma veite dainehe, yaki Horu aena besibe gahanu; yai mamuhe kine nagate, yaki mati kia. ⁵²Peroveta orena yai mamuhea daure gahi geige veite? Koita ieriri ve ororove ro gagae kiege Peroveta koitava ya bera yai mamuhe yabaki gahi gei hoeki gevenu; e dainehe ya gaina ge au bive kiare mati gami hoekanu gahavaia yabera. ⁵³yaka aneru ya aena kine mane gahavaia yabera, eduge yaka aena e kamuka veitera.⁵⁴iau ga e ihine negahe iauki ho dikadika raḡohi, iau eḡie ginogi ḡahigei. ⁵⁵iduke stefano ra horu aena va raki roheḡi; renu auki gagai va eraḡi, dirava haire auki eraḡanu renu iesu ra dirava va maḡeve hege auki ramanu. ⁵⁶ge auki roma, va ra dakaki eraḡima, bao raḡi mauki, taunimanima moe tagera dakaki eraḡima, dirava va maḡeve hege auki ramanu.⁵⁷Kansol yabe raki yau ihikone baku gevare, yau uhure kobuga gahi geime yauki bara ragohare ruru ragi au gasina otinu. ⁵⁸Mare yauki butu butu gahi ogo itaharahe mi otare yauki muni tahu gamege. garu gahavaia yabe ki yau ogonave idigei gami isage be ihiva Saul vasi gaikehe tata gevenu.⁵⁹Yau muni tahu gamege uhura, auki toa roege Rohibauge, Iesu, di suare ma." ⁶⁰Auki komuko daivi nivi barai ronu, Rohi Bauge anegu yau daureve kamu." geime. au ga e rone itaharahe auki hoge raganu.

¹saulo raki stefano iau ḡami hoekane maḡe ḡahanu. Nega ei daḡedaḡge raho hereava raki varaige, ierusalem uhura ekalesia oreava daḡedaḡe ḡahigei renu ekalesia oeagei irehe ḡahi ohe ḡahi. Iudea renu samaria mata inuhati; aposetolo iabe raki iauvaḡu gurahege. ²dirava siḡamare ḡahava iaberaki stefano nina ḡahanu mati abatemenu. ³a saulo ra ekalesia oreava auki hadika ḡahi, iaḡa iau bougei uhurahe sirivi, ata iabe renu maḡi butugei hakiraḡohi vadibu iaga va kou gevenu.⁴?ekalesia orea karoho ḡahi gevene ḡahava iabera gabu nunenune iauge iauki oti ga maḡe haroro ḡahege. ⁵filipo uguhi oti, samaria oḡobei hakivi; oro e ḡahava keriso garehe haroro ḡahi gevenu.⁶Koita mudagoa raki Philip gare ihige; uhu kobugava, yauki au gare ihare mati au hedo me kiege erage-ge. ⁷Sua daure koita yau uhurehe uege yabera bara ragare hakirage, ahata Hoekete mati ogigi veite gahavaia gaina ge mage gahege. ⁸Ogo e uhurava hegiri tage raho goinu.⁹Ata be ihiva Simon, ogo uhura eige auki subuta goto kiege, Samaria gahavaia gu gaurago hege, auki avahu roege auka koita ihiva bera. ¹⁰Samaria koitava inuhati avie ti iahu, au gareguge yauki ihege; yauki roege, " Ata ora Dirava hedo bage vera." ¹¹Au gare gugera yauki ihege badiva nega gamana vara, auki au goto meve kiogevege yauki motea gahege.¹²Eduge Philip Dirava basileia hari mage Keriso Iesu ihehe roege yauki gabidadama raganu, renu ata , magi inuhati babatiso manu. ¹³Negu goto kiege koitava tage Dirava riaga gahare, babatiso manu, au bapatiso mane itahaharahe auki Philip ruta uyege uhura auki, Dirava hedoke mati gauragira me dadaga era gevare auki motea motea viege.¹⁴Apostolo ya Jerusalem ihine Samaria yabera, Dirava hari mageve mane, yauki Peter renu John besu gevenu yau gasina. ¹⁵Yau orogarei, yauki yau are imimi raho manu yauka Horu Aena misa. ¹⁶Horu aena ra so yau ada ugugu veite dainehe; yauki Iesu Rohi bauge ihehe bapatiso gahi gevenu. ¹⁷Peter mati John yaberaki yau ade mi yau ada gosi ge-ge yauki Horu Aena manu.¹⁸Simon Apostolo eragei yau ada idigei koita yau omotehe gosigei Horu Aena miege dainehe, auka ta nata mohi geisa roege. ¹⁹auki ronu," hedo e da moimiahe, Da tagemu koita yau omotehe ada maemige yauma horu aena misa."²¹²⁰Eduge Peter raki ronu, " ai natave ruta hoge raga, badiva ai anana vera aka Dirava herahi iagane mi natava haevisa.21 me oige aka au veitera, badiva Dirava vagotone hege ai uhure ra ieriri veitera. ²²E dainehe ai daureve uhura ai uhure sivava, Rohi Bauge imiga, auka inagu ai daureve ariari vara. ²³badiva da a eragarera aka idi ganite mati maguri daure uhurage aki uma."²⁴Simon raki ronu," Di dainehe Rohi Bauge imigiahe, ya ro gevene iaganiva negu di magurive he riaga gahime."²⁵Yau Rohi bauge hedoke renu au hari mageve boritiva ragane itaharahe, Peter raki John goiragohi Jerusalem otare, yauki mati hari mage ro yoa ragohege Samaria ogova inuhati uhura.²⁶Rohi Bauge aneruve beraki Philip ga-gahi ronu, Urimi ote, uguhi Jerusalem mati Gaza gumava he ote," (guma ora mata gagae vara,) ²⁷Auki urimi otinu. eige, Ethiopia ata ihite be, auka Candace, Ethiopia Rohi Magiva hedokehe auki me miege, Rohi Magi e yagane inuhata ge auki nitabata gahege. Dirava ra auki motea gahisa ro jerusalem oroganu. ²⁸Auki goiragi sa rome auki au kariota ve uhura guramare, auki Isaiah Peroveta koitave gare dahege.²⁹Horu raki Philip ki ronu," Kariota vire gaika ote." ³⁰Philip raki au gaika tiare, ihege auki Peroveta koita Isaiah gare dahege, auki ki ronu," ana ga e a dahare makava dibananu? ³¹Koita eraki ronu,"dana orena ki dibana goigovanu, Koita begu da yahege. Auki Philip ihiromi gadimi ti au ruta guramanu Kariota uhura.³²Negu Ethiopia koita e dahege gavara onaki me auki ronu, " auka mamoe nagate nisi gami ti gami hoekisa ronu, mati mamoe gamika nagate au homoke dodo isaronu eduge auka kerigoi unu, au savage baoba veite. ³³avahuge auki au avie gahanu, aenava au gasina ge yauki aragiganu. Unuhuna au teneve riagava gava vivi vanu? badiva au magurive ra mata ada oige yauki manu."³⁴Aena koita eraki Philip beraganu," aka daki a imigima, Peroveta koita ona unuhu gare na au vima, avahu au badine au roma se, koita be gare na au vima? ³⁵Philip raki bina gavanu, ga aenava ge auki mata vare ti Iesu Keriso harike tage boriti gahanu.³⁶Yau gumaga otegei uhura yauki eia eraganu, Koita eraki ronu,"eraga, eia vara mu onu, otavado na di bapatiso mimi gumage basuba vanu,? ³⁷Philip raki ronu,a ai uhure inuhati Iesu keriso riaga gahege dana a bapatiso gahisa. negu Ethiopia koita eraki ronu," daka Iesu Keriso daki riaga gahima, auka Dirava moera. ³⁸Inono veite Ethiopia koita eraki roege kariota e raki daivanu, yauki yau abu gorohi eiava tiege, Philip raki babatiso gahanu.³⁹Yauki yau abu eia uhura hakira ge, horu aena raki Philip mi gahe otinu, Ethiopia koita era Philip eragi goiragira veitera, eduge hegiri ta ge auki goiragi otinu. ⁴⁰Philip ra mati Azotus ge auki gagae goinu, mata e inuhati uhura hari mage mi ioa gahege ate Caesarea hakivanu.

¹Saul ra gahara riaga auka Dirava itahe ogiege gahavaia gahigei hoeki geisa, eige auki aena biava bauge gasina otinu. ²auki imiganu, auka Damascus dubu gahavaia yauni ga mi otisa. yau Damascus uhura, ata mati magi behu gevare, Dirava gumagehe ogiege, auka raro gevare idigei,goiragi Jerusalema orogisa.³Au otege uhura, Damascus kahika goine uhurage, abaga ketake beraki origanu, abaga era vava seni ge auki ugu hanu; ⁴au vata ari ragane uhurage auki eno be ihinu, eno e raki ronu,Saul, Saul, esena a da daure gahima?"⁵Saul raki berabe vanu,"ana unuhunu Rohi bauge?" Rohi bauge raki ronu," daka Iesu ra, aki da daure gahima; ⁶Eduge urima, ogo uhura ote eige yauna a boriti gahisa ana otado kikivanu." ⁷Saul ruta otine atava ya gahi ga veite,w⁸Saul Urimi ramanei, auki ni Baoanu, eduge auka yaga be erara veite; yauki adakahe nisi gamare Damascus ogo uhura siri raganu. ⁹Auka vani abiga-ga uhura niga niga veite, eia be i veite mati tamuta veite.¹⁰Damascus uhura Dirava kamuka koitava ra Rohi Bauge raki yago ihiromonu, "Ananias! ge auki ronu Rohi Bauge "eraga dakamu onu." ¹¹Rohi Bauge raki ki ronu, " urimare, ieriri orogo ote, Judas yagehe otare Tarsus atava be ihiva Saul, aukame imimi vima. ¹²auka yagoge auki atabe eraganu ihivara Ananias au gasina ti ai ade mi au omote maema, auma niganiga vi goiragisa."¹³Eduge Ananias raki ronu, "Rohi bauge, Dakamu au harike koita yau ihinu, auka ai aena koitatuhe mudago Jerusalem uhura auki gahi gevenu. ¹⁴Oi tage aena gahavaia yabeki hedo moimanu auka ai ihe ganaga gahare koitava inuhati daure gahi geisa. ¹⁵Eduge Rohi Bauge raki ronu au gasina ote, badiva dakamu manu, auka koita nunenune, ogo Rohi mati Israel gahavaia yau vagotonehe di ihe mi ioa gahigavara. ¹⁶Dakena gagiromi sa auka di ihe dainehe huhu raho vivira."¹⁷Eige Ananias raki oti yaga uhura sirivanu. auki au ade mi au ada maemare ronu," di gogonane Saul, Iesu Rohi bauge, guma tanahe a oroganei guma tanahe ai gagae goine,raki da besu ganu badinava aka niganiga vi goiragisa mati horu aena vana a tobo gahisa." ¹⁸Inono veite karava seika nagate ki au ni uhurehe hakivanu,auki nigahi goiraganu. renu auki bapatiso manu. ¹⁹Auki tamuta vare, herote goiare auki mati Dirava riaga gahege gahavaia ruga vani rorebe Damascus unu.²⁰Inono veite auki Iesu hari mageve dubu uhura roege. auki gavi roege Iesu ra Dirava Moe. ²¹Au gare ihine koitava inuhati gauragohi roege, " Oramu eta vanahe Dirava itahe ogie-ge gahavaia gahi gevege koitava? au oi orogane makavara auka idigei Aena gahavaia yau gasina otisa." ²²Eduge Saul hedoke raho goiege, Jew koitavaia Damascus uyege yau uhure auki daure gahi gevege makavara auki Iesu riaga gahare roege Iesu ra Keriso.²³Vani dadaga itahe, Jew yabeki yau uhure kobuga gahi gevenu, yauka Saul gami hoekisa. ²⁴Eduge Yau anana ve ra, Saul ki dibana goinu. Yauki vahi mi vani mi magu nitabata gahege Saul gami hoekiki dainehe. ²⁵Eduge yahege koitava yabeki, vahi mi boteka uhura haba seni mi itahe gariremenu.²⁶Au Jerusalem hakivanei, auka gahara riaga Iesu riaga gahege koitava ruga kobuga gahisa, Eduge yauki yau bouge sigamage, mati Saul riaga gahiga veite. ²⁷Eduge Barnabas raki nisi gami Apostolo yau gasina otare, auki boriti gahi gevenu, Orena kime na guma tanahe Saul Rohi bauge eraganu, mati ga gahane. renu Damascus uhura auki hero ruta hari mage roege, Iesu ihehe.²⁸Saul ra yau ruga ge auki sirivare mati haki vege Jerusalem uhura. auka hero ruta ge auki,Rohi Iesu ihehe hari mage roege. ²⁹Grecian Jew ruga tage auki gavege, Eduge yauka au gami ga gumage yauki yago ege ³⁰Au gogo nanuhea yabeki dibana gahare yauki mare mi uguragi Caesarea tiare besuge-ge auki Tarsus otinu³¹Nega eige, Judea matava inuhati uhura, Galilee, mati Samaria tage mai yauki manu; herote gahare, yauki mati Rohi Bauge sigamege, ge Horu aena raki hero gahi gevege, e uhura yau ate ra dadaga goiege. ³²Peter ra ogo kobakoba uhura sirivi oti Dirava aena gahatuhe, Lydda uiare yau gasina hakivanu.³³Eige auki ata be behuganu ihivara Aeneas, auka tau abugu veite auki uriru veite, badiva auka kumukumu vera. ³⁴Peter raki kironu," Aeneas, Iesu Keriso ramu a maguri gahanu. urimare ai gahunu ve maema mage gaha," inono veite auki urimanu. ³⁵Lydda mati Sharon uhura uyege gahavaia ate e eragane, yauki yau sivai gei Rohi Bauge gasina gahanu.³⁶Joppa uhurage, Iesu riaga gahege magi va be raki uyege, ihivara Tabitha ( au ihe bera Dorcas"). au magurive uhura auki hero kiare koita vagahu gahi gevare, mati goroa vasi geveve. ³⁷Vani eige auki dika vare, hoge raganu; yauki eagomare mi ti auhe yaga uhura maemanu.³⁸Lydda ra Joppa gaika gera eige, Iesu riaga gahege koitava yabeki au harike ihime yauki ata abu besu gevenu Peter gasina, yauki imigi ronu," No ruga vaina orogo." ³⁹Peter raki urimi yau ruga otinu. au kauege yauki nisi gami yaga auhe gadihanu, gobu yaberaki rahare nigo ragohege, au ogona mati magaru tigu gevene yauki gagirome ge au yau ruga maguri viege uhura.⁴⁰Peter raki gobu e idigei itahe gosi gevare, auki komuko daivi Rohi bauge imiganu; auki mati ronu " Tabitha, urima." Tabitha raki ni bao re, Petr eragare auki urimi guramanu. ⁴¹Peter raki au ade mi moimare yagemanu; auki Dirava aena gahatuhe renu, Gobu ihiro gevare auki Dorcas mi mohi gevenu. ⁴²Hariva raki Joppa uhura raho goinu; koita mudago yabeki Rohi bauge riaga gahege. ⁴³Peter ra vani gamana tine kibe au Joppa unu, ata be ihiva Simon ruta.

¹Caesarea ogova uhurage Ata beraki uyege, ihivara Cornelius, auka Italian ga gami yau biagera gahi geige koitavara, ²renu Dirava gahara viege mati sigamege, au yaga gahatuhe dainakehe ruga, koita yaue kiege mati au uhure inuhati ruta Dirava imige-ge.³Vani iahu uhurage, auki Dirava aneruva au gasina oroge-ge eraganu. aneruva eraki ki ronu, "Cornelius!" ⁴Cornelius raki sigota aneru e garu gahi uyare ronu, " one otavadoanu,?" Aneru e raki kironu, a imimive renu ai yaheyaheve yabera herahi mage vara auki gadimanu Dirava vagotenehe. ⁵Negu but ata be besuga au Joppa ogovahe out ata be ihiva Simon au ihe bera Peter. ⁶Auka ata be ihiva Simon mamoe vadaka berebe me gahare koitava gasina ge auki uma,au yagera eve gaika gera."⁷Aneru ga-gahane otege, Cornelius raki au besube gamituhe abu mati au nitabata gahare gamiva yau vagahe au me gami mageve ihiro gevenu. ⁸Auki aneru rone gava inuhati boriti gahi gevare besu gevege yauki Joppa otinu.⁹Tahege yauka so guma tanahe, ogo kahika goine, vani iahu uhura Petr raki Dirava imigisa Rome auki yaga variada gadimanu. ¹⁰Auki gubu raganu auka gahara riaga demaka be isa. Eduge koita ya huh gonoge uhura, au ahatane raki isuhanu ¹¹Auki va erage-ge auki uguhi Bao gevenu uhurage magaru ketana nagate beraki uguhi oroganu, ¹²uhurahe gera ogie-ge, dara ragohege mati uguha vava hurago hege nunenune maguriva ya.¹³E uhurage eno beraki ga-gahanu: " Peter, urima, gahigei hoeki gevare iogeve." ¹⁴Eduge Peter ki ronu " veitera Rohi Bauge; daka iaga daure renu iaga ona kikive be i veite ate negu." ¹⁵Eduge eno eraki gaitana boriti gahanu: Dirava mage gahane iaganiva inuhati, anegu rome era daurera." ¹⁶Nega abiga-ga ge iaga kobuga raki au gagae goinu; inono veite iaga eraki mati goiragi vava otinu.¹⁷Peter ra au niganiga vane makava ananava viege uhura, Cornelius besu gevene koitava yabera magu rahirahe yauki berabe ragare yaga siri raganu. ¹⁸Yauki berabe ragi ronu Simon, au ihe bera Peter, na oigena au uma.¹⁹Peter ra au niganiga nune vane dagedage ana vege uhura, horu aena raki boriti gahanu, "ata abiga-ga me a yagoa. ²⁰urimare yau ruga ote. anegu besibe vime ama yau ruga otisa, badiva daki besu gevenu." ²¹Peter raki goromi yau gasina tiare ki ro gevenu," ya yagoare koitava ramu daki. one be dainehe gena ya oroganu?"²²Yauki ronu, ata be ihiva Cornelius, auka Aena koita yau biage, mati Dirava sigamare koitava bera, renu Jew gahavaia yau vagahe au harikera ra magera, aneru aena be raki ga-gahege-ge auki ai dainehe no besu gevenu aka au yagehe otisa, ge auka ga aena ihisa," ²³Peter raki ihiro gevege yauki au ruta yaga ti unu. tahege auki urimi yau ruga otinu, Joppa seni orogane gahavaia tage yau ruga.²⁴Tahege yauki Caesarea ogo oroganu. Cornelius raki uhuya uhuya gahi gevare; auki mati au gogonanuhea, au vasiruhea, renu au yaga gahavaia ihiro gevenu yauki bou ragohanu.²⁵Peter raki gadimege, Cornelius raki au ruta ada mare auki mati Peter vase gaika gorumare Peter mage gahanu ²⁶Peter raki mi iagemare, ronu, urimi rama; da tage a nagate koita unagera.²⁷Peter auruta gavege uhura, auki yaga sirivi, koita mudago bouragane auki behu gevenu. ²⁸auki kiro gevenu, " yaka dibana ra, Aena vara ra veitera Jew koitava be ogo nune koita be ruta kobua gahi uyare se deiva gahare. Eduge Dirava ramu da gagi romonu daka beta koita be mi daure rosa. ²⁹E dainehe ge, ya ga besuganei, daka ho veite daki orogonu, eige daki ya bera geima one be dainehe gena ya di dainehe besubesu raganu."³⁰Cornelius raki ronu, vani aba-abu ge ramu otinu, daka di yagehege daki Dirava imige-ge vani iahu onakikive uhura; daki ata be eraganu, auki di vagotenehe ramanu, au ogona vera kiki naginave. ³¹auki ronu, Cornelius, ai imimive renu a koita goroa yahe gevene, Dirava ramu anagei uma. ³²eige koita be besuga au Joppa ote, au ti atabe ihiva Simon au ihe bera Peter ra. auka ata be ihiva Simon, oho vadaka berebe me gahare koitava yagehe ge auki uma, eve gaika. ³³eige daki vaina ai dainehe besubesu vanu. a orogane dainehe ge daki a imigima nokamu o ni bouge bouraganu Dirava vagotonehe, no gahara ragohare ra aka Dirava a gani gahane gava roege noka ihisa.³⁴Peter raki au avage baoare ronu," riaga Dirava ra koita yau niganiga ragare gumava he niganiga veitera. ³⁵Eduge mata ada o Koitava inuhati Dirava sigamege renu maguri ieriri kiare yabera auki anagei mage gahigeima.³⁶Au Isael yauni ga besugane yaka dibanara, auka hari mage maivara auki auki besuganu Iesu Keriso. auka koita au bouge yau Rohivera. ³⁷Judea uhura vara ragane iaganiva inuhati yaka dibanara. Galilee ge auki matava vanu, Ioane raki bapatiso itaharahe ro gevege; ³⁸Ga ra Iesu Keriso Nazareth atava harike ra. Dirava raki Horu aena mati hedova tobo gahanu. auki ti mage ki ioavege, diabolo daure gahi gevege koitava maguri gahi gevegeya, Badivara Dirava ra au gore gera.³⁹Noka ni bouge dibana ra Iesu me kiogevege inuhati. Jew yau matamehe mati Jerusalem uhura. yauki gami hoekare mi idi ada karibe menu ⁴⁰Eduge Dirava raki vani abiga-ga itaharahe maguri gahare mati gagae kinu. ⁴¹Beta koita au bouge yau ge auki gagae kinu eduge Dirava urigoi idi gevene gahavaia yau mati no au ruta tamuta rago hege au magurivi goiraganu itahe.⁴²Auki no ugoro gahi gevenu noka koita boriti gahi geisa, auka Dirava raki manu, maguri mati mati Hoge gahavaia yau daureve gagae kiki koitava goisa. ⁴³Peroveta gahavaia inuhatia geramu Peroveta gahanu unuhuna Iesu riaga gahima auka au daureve uhura maguri Mimi vara Iesu ihehe.⁴⁴Peter ga vege uhura, Horu Aena raki au gare ihege koitava yau ada bohu raganu. ⁴⁵Iesu riaga gahege koitava ya mati Peter ruta bou rage-ge gahavaia gaurago hege badiva Horu Aena koita nune yau ada bohu ragane dainehe.⁴⁶Badivara yauki ihege koita nune yabeki mei nunenune va ga ragare Dirava motea gahege ge Peter raki ronu, ⁴⁷unuhuna eia veite roroanu koita o yau dainehe, he yauka beta bapatiso misa, yau gaina geramu no nagate Horu aena manu? ⁴⁸Auki ugoro gahi gevenu yauka babatiso misa Iesu Keriso 4ihehe. yauki mati origanu auka yau ruga vani rore be usa.

¹Apostolo ya mati gogonana ya Judea uyare ihine koita nune gaina Dirava gare manu. ²Peter Jerusalem oroganei, peritome badina gahane gahavaia yabeki Peter namiganu; ³yauki onaki ronu " aka peritome veite koitava ruga ge aki tamuta vanu!"⁴Eduge Peter raki badiva inuhati boriti gahi gevenu matava vanei ate au netuanei.,auki ronu, ⁵Daka Joppa ge daki yaga ada imimi viege, daki niganiga nune be vanu daki ogona nagate be eraganu, auki vava seni daiguni aba-abu di vagotonehe rogi yaganu ⁶daki garu gahare daki anana vanu. daki uhurahe vasi aba-abu iaga nunenune magurivea eragevenu, vata ada oi dara ragohare iaganiva mati uguha vava huragohi ioa ragare.⁷Daki ihege eno beraki ronu, Peter, urima, gahi gevare hogeva! ⁸daki ronu ,veitera,Rohi bauge; iaga daure mati Aena veite iaganiva daka i veitera.' ⁹Eduge and kobuge eno kobuge raki vava seni ronu,"Dirava kiogevege iaganiva inuhati gera magera, anegu rome era daure ra.' ¹⁰nega abiga-ga, itaharahe iaga inuhati mati gadihi goirago hi vava otinu.¹¹E uhurahe ata abiga-ga da uyege yagavahe rahanu: Ana beraki Caesarea seni besu gevenu di gasina. ¹²Horu aena raki da ugoro gahanu daka yau ruga otisa, daka di uhure kobuga gahare yau ruga otisa. koita agorokiva ki da ruta otinu, ge noki koita e yagehe otinu. ¹³Auki no boriti gahi gevenu au aneru eraganu au yaga uhure, auki ronu, ' ata be besu geve yau Joppa otare Simon au ihe bera Peter ra. ¹⁴aukena ga riaga a boriti gahisa a mati ai yaga gahatuhe iaka maguri ragohisa.'¹⁵Da ga-ga gevege uhura, Horu aena raki yau Ada bohu raganu au subuta ni ada bohu ragannagate. ¹⁶Daki Rohi Bauge gare Ana gevenu, Ioane ra eiava ge auki bapatiso kinu; eduge aka Horu aenava ge ana bapatiso misa.'¹⁷Dirava raki bina au herahi iagane mohi gevenu no Rohi Bauge Iesu Keriso riaga gahane, dana unuhuna daka Dirava gahara vare basuisa. ¹⁸Yau ga e ihi gevene, yauki kerigahi uyare, Yauki Dirava motea gahare roege," Dirava ramu koita nune yau daureve keto gevenu yauka maguri mimi dainehe."¹⁹Stephen hoge ragane dainehe gogai varaki koita kiogevege yauki hana ragi ogo kobakoba otinu Phoenici, Cyprus, mati Antioch, Jew gahavaia yabeki avahu hari mage ihege. ²⁰Eduge koita beya Cyprus, Cyrene, mati Antioch gaina ge Greek gahavaia, Iesu Keriso hari mageve boriti gahi gevege ²¹Rohi Bauge ade yau ada uyege dainehe; koita mudago yabeki yau gare riaga gahare yau maguri idigi Dirava moimege.²²Jerusalem dubu gahavaia yabeki yau harike ihare, yauki Barnabas besu ge-ge auki Antioch otinu. ²³Au oroganei auki Dirava haire eraganu, auki hegiri vare hero gahi gevenu yauka yau uhure ruta Rohi Bauge uhura usa. ²⁴auka koita mage renu Horu Aenava mati gabidadamava hobo ragane dainehe Rohi Bauge gabidadama gahabe koitava ya mudago gahanu.²⁵Barnabas ra urimare auki mati Saul agoisa ro Tarsus otinu. ²⁶Behu gare, auki nisi gami Antioch otinu. Eige yauki yau abu tau kobabe uyare dubu gahavaia ruga bou ragare mati koita dadaga ga riaga gagiro gevege. Iesu riaga gahege koitava yabera yauki ihiva ro gevege Christians Antioch uhura.²⁷Nega eige Peroveta koita be yaberaki Jerusalem seni orogi Antioch otinu. ²⁸Ata be ihiva Agabus, yau vagahe gamare, doe ketake orogare gava vanu, Horu aena boriti vane geregereva. doe era Claudius nega hege auki riaga goinu.²⁹Eige Iesu riaga gahege gahavaia inuhati geki anana ragare demaka isigi rogi bougera yauki au gogonanuhea yauni besu gevenu Judea uhura. ³⁰Yauki nata tage besu vanu dubu bia mohi geisa ekalesi nitabata gahi geige dainehe.

¹Nega eige King Herod raki ekalesi be idi get auka gahi geva ronu. ²auki James, John,nane egiva gami hoekanu.³Au eragi Jew gahavaia hegiri rage-ga auki mati Peter tage manu. vani eigera hauaka begibe hegiri vanivara. ⁴Peter mare auki mi vadibu yagava maemanu, auki ga gahavaia utu aba-abu kiro gevenu yauka Peter nitabata gahisa.; auki gahara riaga hegiri e itaharahe mi koita yau vagotonehe mi haki visa.⁵Peter ra vadibu yagava auki unu, eduge ekalesi yabera au dainehe ge yauki yau uhura kobuga gahigei Dirava imige-ge. ⁶Herod, so Peter mi hakiha veite uhurage Peter vase abu ruagera seiniva ge yauki raro gevenu. mati ga gahavaia abu yau vagahe ge auki iaganu, ni tabata koitava abu tage vadibu yaga uduani rahanu.⁷Inono veite Rohi Bauge aneruve beraki au gagae goinu, au abaga vadibu yaga uhura e edavanu.auki Peter gutihare ronu, "vaina urima," au adehe seni raki arigohonu. ⁸Aneru eraki ki ronu ai nige Bodivare mati ai vasi iagane kiogeve." Petr raki au rone kiege. auki mati ronu ai magarude mi a bakuare di itahe ogi⁹Peter raki aneru e itahe ogo hakivanu. eduge auki daurage-ge aneru e kine nena riaga vanu se. au anavane auka niganiga nune be viege. ¹⁰Au nitabata gahege koitava abu ruga soi gevare yauki auri uduani ti rahanu, ogo otito gumava he; udua eraki avahu bao raganu. yauki yau abu hakiragare orogo hakira otinu, aneru va raki ei gare manu.¹¹Au uhure bao rage-ge, auki ronu,"Daka dibanara Rohi Bauge raki aneru o besu ganu auka Herod mati Jew gahavaia yau ada uhurehe da maguri gahanu, ¹²Au uhure kobua gahare auki Maria iagehe otinu, Maria ra John Mark neine ra, koita mudago yabera eige yauki bou ragare yauki Dirava imige-ge.¹³Au mague udua va koko vanei, maiago be ihiva Rhoda, idua baobao dainehe auki otinu; ¹⁴Au Peter enoge ihinei auki hegiri vare udua baobao veite; eduge auki rurui yaga uhura sirivanu koita kiro gevenu, Peter ra me itahe ramanu. ¹⁵Ge yauki kironu," ana ti veite goimena," eduge auki ga hero vi roege veitera era auki e itahe. ge yauki mati ronu, era au aneru vera."¹⁶E uhurage Peter ra me dagedage koko viege, yau udua baoanei, yauki eragare gau ragohanu. ¹⁷Peter raki ada ga-ga gevenu yauka keri gahi usa, auki Rohi Bauge vadibu yaga va mi hakivane badiva boriti gahi gevenu, "Auki mati boriti gahi hai ronu yama badi o James renu ni gogonanuhea boriti gahi geisa, e itahe ge auki Amiga e garehare mati adira bei otinu.¹⁸Va tahanei, Peter hakivane Kerike varaki ga gahavaia yau vagahe varavanu. ¹⁹Ihiege Herod raki Peter iagoanu ,eduge auka behube veite, auki nitabata gahavaia bera gevare auki ga maemege yauki gahigei hoeki gevenu. e itahe ge auki Judea garemi uguhi Caesarea otare ei uni.²⁰Herod ra Tyre mati Sidon koitava yabera auki hoga gevenu. Eige yauki yau bouge yau uhure kobua gahi gevare yauki au gasina otinu. yauki au iage nitabata gahare koitava ihiva Blastus uhure mage gahare yauki mai Mimi dainehe ga raganu, makavara Herod matamehe ge yau koitatuhe yabeki demaka mia. ²¹Au vani ronei ge Herod raki au aena ogonave kiare terona ada guramanu; auki bina ga-ga gevege.²²Koita yabeki bara ragohi roege, " Era Dirava be eno gera. Beta koita eno gavara!" ²³Inono veite Rohi Bauge aneruva raki gamanu, badiva auka Dirava mage gahiga veitera, huita yabeki au ahatane iege auki hoge raganu.²⁴E uhurage Dirava gare raho goiege. ²⁵e itahe Barnabas mati Saul yau meve tage kosavanu, yau Jerusalem garehare goi ragohanu, John Mark tage yauki nisi ga manu yau ruga.

¹Antioch dubu ekalesiava yabera Peroveta koitate mati uhuvaka iagoia gahavaia te yabera. ihihiva yabera Barnabas, Simeon,( au ihe bera Niger ra), Mucous auka Cyrene atavara, Manaen, ( auka Herod ruta ge yauki ubia gahi gevenu), mati Saul. ²Yauka Dirava yauki motea gahare mati anivaga ragohege, uhura hege Horu Aena raki boriti gahi gevenu, Barnabas renu Saul hedo mohi geiahe, daki ihiro gevenu yauka di meve kiki dainehe. ³yau anivaga netu rage-ge, yauki Dirava imigare ada idigi Barnabas renu Saul yau ada gosi gevare, besu gevenu.⁴Horu Aena Barnabas renu Saul besu gei hakivanei, yauki ugu ragi Seleucia otinu; eige yauki eve eua Cyprus otinu. ⁵Yauki Salamis ogo Bauge va otinu, eige yauki Dirava gare roege Jew yau dubu uhura.John tagera yau ruga otinu yaheyahe dainehe.⁶Yauki adira e soigi Paphos haki raganu, eige yauki goto,mati avanage Peroveta koita be behuganu, au ihera Bar-Jesus. ⁷Auka governor ihiva Sergius Paulus ruta ge auki uyege, koita era uhuvaka koitavara. auki Barnabas mati Saul ihiro gevenu badiva auka gahara riaga Dirava gare ihisa. ⁸Eduge Elymas"goto koita" e (au ihe ra ona kime yauki sivavanu) basu geve: auki negu governor e gabidadama gumage basuisa roege.⁹Eduge, Saul au ihe bera Paul ra Horu aenava raki tobo gahanu, auki ena garu gahi unu. ¹⁰auki mati ki ronu " aka diabolo moera, aka avanage mati daure raki ai uhure tobo gahanu. aka maguri mage inuhati aki inara gahi gevare koitavara. aka Rohi bauge guma ieriri sivai daure gahare beta netune vara ani?¹¹Eraga negu butu gera Rohi Bauge raki au ada mi ai ada maemisa vima, ge ai niera mu vadibu goima. aka nega tinakibe beta vani abaga erara vara." Inono veite yua nagate raki au nie bakuanu; auki koita imi gevege yauki au adahe mi ioa gahege. ¹²Governor varavane iaganiva eraganei auki Barnabas mati Saul riaga gahi gevenu, mati yau Rohi Bauge gare koita gagiro gevege ihare auki gauraganu.¹³Paul mati au vasiruhea yabaki eve eua Paphos garehare Perga,Pamhylia ogo avie va haki raganu. Eige John raki gare gevare Jersalema goiraganu. ¹⁴A Paul mati au vasiruhea ruga Perga seni hakiragi Antioch otinu Pisidia uhura.eige yauki sabadiva ti dubu gurahanu. ¹⁵Yau Aena mati peroveta ga dahi netu rage-ge, dubu bia yabeki ga besugi ronu,"Ni gogonanuhea, yana koita o yauni yaheyahe ga tenu, yama rosa."¹⁶Paul raki Urimi ramare; "ronu Israel atavaya renu Dirava sigamare gahavaia, ihiahe; " ¹⁷Israel gahavaia yau Dirava ve raki ni mamuhe idi gevare auhe yage gevenu yau Egypt matavahe uyegei, auki mati au adehe yage gevare nisi gei haki vanu. ¹⁸tau utu ababu uhura auki ni tabata gahi gevenu yau mata gagae va uyegei.¹⁹Dirava Canaan uhura mata agorokiva sebo gevene itaharahe. auki mata e inuhati idigi ni koitatuhe mohi gevenu yauka bia gahisa. ²⁰Iaga o inuhati gera tau tinahu aba-abu utu adakasi uhurahe ge auki varavanu, Dirava raki ni tabata gahavaia gosi gevenu au koitatuhe yau dainehe ate Samuel Peroveta koitava negahe.²¹Koita yaberaki Rohi imimiva ragohege, Dirava rakì Benjamin tonetahe koita be ihiva Kish moe Saul mi mohi gevenu, aukata tau utu aba-abu nitabata gahi geisa. ²²e itaharahe Dirava raki Rohi meva Saul gasina arigare, mi David moimanu auka Israel gahavaia yau Rohive goisa. e dainehe Dirava raki David gare viare ronu,' dakamu Jesse moe David behuganu auka di sorukehe auki uma badiva, auka da gahara vare meva inuhati ge auki kima.'²³David tenevehe ge Dirava raki Iesu, Israel maguri gahi geige koitava mi oroganu, au ominuo gahi gevene dainehe. ²⁴Iesu so ororo veite uhura, John raki Israel koitava inuhati kiro gevege, yauka daure arigeige babatisova misa. ²⁵John meve netui otege uhura, auki bera gevenu, yai ananave dana unuhuna? Daka beta ya anavare koitavara eduge ihiahe, di itahe orogare koitava, Daka hedoke veite au vasi iaganiva arigeisa.²⁶Di gogonanuhea, Abraham gamuhea, mati yai vagahe Dirava sigamare koitavaia, maguri hariva ra nonige yauki besu ganu. ²⁷e uhurage Jerusalem uyege gahavaia mati aena bia yabera riaga gahiga veitera, eduge yauka Peroveta koitavaia yau gare gu-gera yau Sabadi gau gahege era yauki ihare Iesu daure gahege.²⁸Yauka daure be au behube veitera eduge yauki au hoge gumage yagoege, yauki Pilate ga-gahege auka gami hoekisa.²⁹E dainehe yau ga aena uhura maemane iaganiva inuhati geregere viege, yauki satauro va arigare mi ti abatemenu. .³⁰Eduge Dirava raki Hoge, maguri gahanu. ³¹au maguri vanei Galilee mati Jerusalem uhura, koitava yabeki erage-ge. e dainehe negu butu koita o yabera au riaga gahiga gahavaia yabera koita yau vagahe.³²Eige noki hari mage ya gagiro geva: ominuo ora ni mamuhe yau gasina ge auki oroganu. ³³Dirava ramu e riaga gahanu noni, yau gamuhea, au Iesu maguri gahanei. Psalms abu gahigava gava ra monu: aka di moera, neguge daki ai mame goinu.' ³⁴Au hogeva maguri vane o, auka beta goiragi ti mudu ragiravara, ona kime auki gavanu: Da David ominuo gahane mage vara daka a moimovara.³⁵E dainehe auki gaitana Psalm uhura ronu, Aena koitavara beta mudu ragiravara,' ³⁶David Dirava gahara vane meva au ruta guruanu yau vagahe kinei auki hoge raganu.' yauki ti au mamuhe yau gaika abatemenu ge au ahata make raki mudukate goinu . ³⁷Eduge Dirava hogeva maguri gahane koitavara mudu ragira veitera.³⁸E dainehe di gogonanuhea ata o dainehe ge daure yauki ya gagiro gevenu. Mose aena vera ra beta a maguri gahigavara. ³⁹Eduge ata o dainehe Dirava riaga gahare koitava inuhati auna maguri gahi geisa.⁴⁰Eige yama yai gabidave misa Peroveta gahavaia rone iaganiva yai varavime: ⁴¹Eragiahe, ho kava gahavaia gahavaia, gauragohare yana buda ragohisa kosai sa; makavara me bera daki o kima ya maguri ragohare uhura, mevera, koita be ya boriti gahi gevare yaka beta riaga gahiga vara.⁴²Paul renu Barnabas haki raganei koita yabeki imi gevenu yauka gaitani sabadiva goiragi orogi ga kobuge ro goirago hisa. ⁴³Yau meve netuege Jew mati Dirava sigamege gahavaia yabeki kiro hero gahi gevege yauka Dirava haire deri kehe dagedage yau meve kisa.⁴⁴Sabadi vani abu gahigava,ogogahavaia mudago yabeki Dirava gare ihihi dainehe bouraganu. ⁴⁵Jew ya koita e, era gevenei, yauki Paulo renu Barnabas vagadau gahi gevare yauki Paulo gare dodoare Paulo ga daure gahege.⁴⁶Eduge Paul renu Barnabas yabera hero ruta ga ragi roege," No gurigahi Dirava gare ya boriti gahi gevene ra makate dainehe. Eige ya besibe gahare mati yavahu anai roeya yaka geregere veite behibehi maguri mimi, e dainehe ge noka koita nune yau gasina otito vara. ⁴⁷E uhurage Rohi Bauge tage ki no boriti gahi gei roma, daki ya gosi gevenu yaka koita nune yau abage gahisa, mati maguri gahi geige koitava gahisa mata o inuhati uhura.⁴⁸Koita nuneya ga e ihinei yauki hegiri ragohi mati Dirava gare motea gahege. Eige koita mudago ara yauki idigi gevenu maguri behibehi dainehe. ⁴⁹Dirava gare mata e inuhati uhura ro ioa raho hege.⁵⁰Eduge Jew koita be yabeki Dirava sigamege magiv a mati atava yau uhure iege, Yauki Paulo mati Barnabas daure gahi geisa. ⁵¹eige Paul renu Barnabas yabeki yau vase souke dede gevare. yauki urihi Iconium ogovahe otinu.' ⁵²Iesu riaga gahege koitava hegiri raho rage-ga renu Horu aenava raki robot gevenu.

¹Iconium gera Paul renu Barnabas raki Jew yau dubu ehe ti gadihanu, eige yauki hari mage roege, Jew mati Greek gahavaia dadaga va raki hari mage ihare riaga gahanu. ²eduge Jew gahavaia be yabera riaga gahiga veitera. yauki koita nune yau uhure iogei, yauka hari mage riaga gahavaia daure gahi geisa.³Nega gamana tinabe yauki yau abu ei uyare Dirava hedokehe, sigoi veite hari mage roege. e uhurage Rohi Bauge raki au mage gare riaga gahagare au hedoke mi abu ruga mohi gevege yauki hedo mati gauragira me kioevege ⁴Eduge ogo e gahavaia yabera bebe kasa gevenu; be yabera Jew ruga gahanu be yabera mati Apostolo ruga.⁵Koita nune mati Jew gahavaia yaberaki ogo Rohi ruga bou ragohanu yauka daure gahi gevare mati muni tahu gahi geisa, ⁶Yau dibana koita e yabera gahi geige rone yauki hana ragi Lustre mati Derbe ogovahe otinun Lycaonian matava uhura mati yau gaika ogovahe, ⁷eige yauki hari mage roege.⁸Lystra uhurage ata au vera ra beraki guramanu, au vase hero veite dainehe, au neine vagatanehe enakime auki guruanu, au maguri vaniva inuhati ogigi auka veitera. ⁹Auka guragurave auki Paul hari mage roege auki ihege. Paul raki nigahi eragi uyare auki dibana goinu au gabidadama vena mage gahisa. ¹⁰Paul raki eno raho tahu kironu, ai vasehe urimare rama," ata eraki geroi gadimare auki ogi otinu. orige-ge.¹¹Koita mudago Paul kine yau eragane, yau enoge raki rahogoinu, Lycaonia yau garehe roege, "dirava yabemu ata gahime yauki uguragohi onigasina oroganu." ¹²Yauka Barnabas "Zeus," renu Paul"Hermes," ihiro romonu, badivara auka ga koitavara. ¹³Zeus harokoitave, yau dubu vera ogo bauge itaharahe gera, boromakau renu idihanaka idigei ogo bauge uhura sirisi gabua mi orogonu; au renu koita mudago yauka yau moimo kohuva mi orogisa.¹⁴Eduge apostles ya, Barnabas renu Saul, ihine, yau ogonave yauki gahigei koita mudago yau uhura siri ragohi, nigo ragohi roege, ¹⁵"Ata ya, Maraga ya onaki? No gainage koita yabera, maguri kobuga era. Hari mageva noki ya kirogeva yaka maguri daure garehi maguri Dirava gasina otisa, auki va kine, vata kinu,eve kinu renu iaga aubougi uhurahe. ¹⁶Subutagera, auka ogo aubougi gera auki garegevege yauki yavahu yau orogi ragohege.¹⁷Eduge dagedage, auka au riaga gahiga koitava garega veitera, e uhurahegera auki veni vava seni mi orogare renu demaka mage tage mi orogi, yai soruke tobogagei hegiri ruta." ¹⁸Dagedage gava ruta, Paul renu Barnabas yabera regunaki koita yau kohu moimi meva kiki veitera.¹⁹Edugu Jew beya Antioch seni renu Iconium yabeki orogare koita mudago ga berebeva gahigevege. Paul muni gami renu butui hakiragohi ogo Bauge itaharahe, yau anana vera auka hogeraganu. ²⁰Eduge disciple ya au gaika rahi origi, auki urimare ogo bauge uhura sirivanu. Vani be itaharahe, auki Derbe otinu Barnabas ruta.²¹Yau hari mage ogo bauge uhura rone itaharahe disciple isage dadaga gainage maguri gahigevenu, yauki Lystra goiragohanu, oti Iconium, renu Antioch otinu. ²²Dagedage disciple yau horuve hero gahi gevege renu yahegevege yauka gabidadama ogisa, roege, "Huhu uhurahegena nona Dirava Kingdom ve uhura siri ragohisa.²³Yau dainehe dubu aubougi uhurahe dububia idigevenu, tamuta veite imimi ragohege, idigei mi Rohi Bauge moimanu, yau riaga gahane. ²⁴Renu Pisidia uhura siri ragohi oti Pamphylia. ²⁵You Perga ga riaga rone itaharahe, Yauki gauragohi Attalia otinu. ²⁶Eige yauki eve seni Antioch otinu, yauka Dirava me mageve yauki kiege era yauki riaga gahanu.²⁷Yau Antioch haki ragohane yauki dubu baugevara, yauki Dirava mageve gava kirogevenu, renu au gabidadamava guma isage baovane Gentile yau dainehe. ²⁸Eige yauki u gmana ragohanu disciple ruga.

¹Koita be yaberaki Judea seni uhu ragi Antioch otare yau gogonanuhea, boriti gahigei ronu," ya peritome veite gahege Mose Aenave geregereva yaka beta maguri mimi vara. ²Yauki urihi Paul mati Barnabas ruga garahare mati enana ragane dainehe yu vagahe be yabaki Paul mati Barnabas ruga Jerusalem otinu, Apostolo mati nitabata gahavaia yau gasina ga e berabe va vivi dainehe.³Eige ekalesia yaberaki guma isage gahara ragohane dainehe yauki yau ruga kobuga gahanu, e dainehege yauki hane ragohi Phoenica mati Samaria ti koita nune ya Dirava gare mane hariva roege.au gogonanuhea yabeki hegiri raganu. ⁴Yau Jerusalem haki raganei ekalesia, Apostolo, mati nitabata gahavaia yaberaki hegri gahi gevare, yauki Dirava maguri kiege meva inuhati boriti gahi gevenu.⁵Pharisee Ata be Iesu riaga gahege koita varaki Urimi rami ronu, ieririve auka monu koita nune gainage mu Peritome misa renu yama kiogei roege yauma Mose aenave kamuisa. ⁶Eige Apostolo mati dubu Bauge yaberaki bouraganu ga e ieriri gahiga dainehe.⁷Ga gamana ragane e itaharahe, Peter raki ki to gevenu, "Di gogonanuhea, Dirava raki yai vagahe da manu, di avagehe koita nune yabera hari mage ihare di avagehe ihare mati riaga gahisa. ⁸Dirava ra koita yau soruke dibanara auki yau gagae goiare, horu aena mohi gevenu, au ,noi kine, nagate. ⁹Auka no mati yau nune be kiki veitera, yau soruke yab era auki isage gahi gevenu gabidadamava.¹⁰Aka Dirava dibane koita vara esena Iesu dibana koitava tukehe isuke be maemima, ni teneve mati no gainage isuke e hirivege aumu geregere veite goinu. ¹¹Eduge noma riaga gahisa noka ni Rohive Iesu Keriso mageve derikehege nona maguri ragohisa yau nagate."¹²Koita aubouge kerigahi uyare, yauki Barnabas mati Paul garage ihege. Dirava koita nune yau vagahe gauragira mati hedo me kiege yau seni. era yauki hariva roege.¹³Yau hari e ro netu rage-ge, James raki koita inuhati hero gahigei ronu, di dgogonahea di gare ihiahe. ¹⁴Dirava urigoi koita nune e iahe gevene ra, auka yau vagahe koita be miege koita era au ihigote goisa.¹⁵Peroveta gahane gava rutage auki auki geregere vanu, ¹⁶iaga o yau itahe dana goiragi orogisa, dana orogi David dubuve ari ragane iaganiva dana gosa; Seboragi tinatina goine dana maemi mage gahare kobuga gahisa, ¹⁷ge ihie koitava yabemu Rohi Bauge yagoa, Koita nunenune di ihehe to ragare gaina ge da iagia. ¹⁸Rohi Bauge ra onakime me auki ronu, yaukamu iaga o inuhati ganai ro gevenu vata ada oi ate negu butu.¹⁹E dainehege Koita nunenune ya Dirava gahara, ragohare nonegu daure gahi geime ²⁰Eduge noma vasiba gahi geisa yauma idi Dirava yau gaika gahime. ni muduka maguri renu ganagina tagora io geime. ²¹Badivara Mose harike roro gahavaia yabera ogo inuhati iuhurage, mati Sabadi vani inuhati ge yauki au aenave daha dubu uhura."²²Yau ihine yauge mage dainehe ge Apostolo, nitabata gahavaia, renu dubu uhura uyege koitava, yabeki Judas au ihe bera Barnabas mati Silas idi gevenu yauka Paul renu Barnabas ruga Antioch otisa badivara yauka koita nisi geige gahavaia yabera. ²³Yau adehe ge yauki yau enoge besugane yauki mi otinu," Antioch, Syria, mati Cilicia: uhura uyare koitavaia inuhati Apostolo, dubu bia, mati ni gogonanuhea Koita nuneya, yama mage misa mati maguri ragisa!²⁴Nokamu ihege koitabe yaberamu ni vagahe hakiragi, ti yai gasina ga be ro gevenu yai maguri vagava gahanu ge yai m soruke mu huhu nago hanu. ²⁵Noka ni bouge ni uhure kobua gahare, noki ata o idi gevare noki besu gevenu yai gasina ni lalokau gahatuhe Barnabas renu Paul ruga, ²⁶Koita o abugera yau maguri idigei gosi gare yauki ni Rohive Iesu Keriso ihe dainehe.²⁷E dainehe ge noki Judas renu Silas besu geva yai gasina, yaukena yau avagehe ga kobuga ya boriti gahi geisa. ²⁸Horu aena renu no gainege roia auma mage goisa, yauka beta yai yai bagunehe isuke maemisa. ²⁹yama suava bougeige tagokava mati enokava gigi iaganiva io geime, mati ni muduka regime. ya iaga o inuhati gare gevare yaka mage gahiga vara. Iagohisa."³⁰Eige, yau bebe garegevene, Antioch ugu ragohi otinu, eige yauki koita bougevene itaharahe, yauki leta mohigevenu. ³¹Yau dahane itaharahe, yauki hegiri ragohanu badivara yauka mu hero manu. ³²Judas renu Sailas, yau gainage peroveta koitava ya, yau sokuheya hero gahigei Dirava garehe, renu yau uhure berebe gahigevenu.³³Yau ei vagorone iataharahe, mai uhurahegera yauki yau sokuhe ya garegevenu. ³⁴

¹paulo raki derebe renu lustera otinu. Lustera gera iesu kamoi berebe gahige atava bera me uiege, ihi vara timoteo ra.neinakavara iuda magi vara, au tagera dirava hari maḡeve mi berebe gahige bera, a mama kavara helene ata vara. ²varavara, lustera renu ikonia gahaea roege ra auka ata magevara. ³paulo uravera timoteo ra au ruta otiti dainehe auki mi aenate gahanu.⁴iau ogobe-ogobe otegera apostolo renu ierusalema ata baugea taravatu roegevege iabera auki mohigevege se kiroegevege iauka badina gahigeisa. ⁵eramu eige ekalesia orea iau gabidadamave raki raho goi otege mati vani gaugi iau atera dadaga goiege.⁶pirigia renu galatia vatetava iauki hanai gahigevenu badiva horu aenava raki boriti gahigevenu iauka beta asia vatetava hari mage rosa. ⁷iau musia vateta egi-ahe kauragoha nera iau urave siriragi bitunia otisa, iduke iesu sua aenave raki rugugevenu. ⁸eramu eige auki ena ogi hanairai troa otinu.⁹vahihe, paulo raki iago be vanu. Au iago vehe gera, makedonia ata be raki au vagotohu rami, imigi roma, “makedonia, oroi no iahegeve.” ¹⁰iago e dainehe noki urihi makedonia otinu badivara ni dibanera dirava urave noka hari mage koita e boriti gahigeisa.¹¹eramu eige noki troa iagatoiva guirai maoro gahi samotrake otinu. Va tahige, noki mati rururai oti neapoli kau raganu. ¹²ei senige noki filipi otinu, auka makedonia ogo rahoa bera, roma, ga orea beraki au guramima. ¹³pura vaniva noki ogo magua ogi hakiraḡi tinavai egiahu otinu badiva nokamu bina dibana gahanu guriguri gabua ra eigera. Gurahime noki ei magia bouragane gaga gevege.¹⁴eigera magi be ihivara ludia, dabua kerekare haevare magivara, au oge ra tuati ra. Auka dirava gurivege bera. Au ni gare ihinera, rohiraho raki uhurava mati baovi ge auki paulo gare uhuiamige. ¹⁵au renu au iaga gaha tuhea babatiso mane itahara aukinu imigei, roma, “ia dibana daka rohiraho kamoi berebe gahare magiva goinu, nona beta di iagehe otige, iana beta ei uanu .”¹⁶vani bei no guriguri gabua otige uhura, sua daurea boloane maeagoa be raki no beiagei oroganu, maeago e biagu gahige koitavara kohu momoara auki miege au hei karave iau. ¹⁷paulo itahege auki barai roege, “ata o abugera rohiraho hereagare mi ioa raḡare iabera, maguri gumavara iauki ro ioa raga. ¹⁸vani momoara auki ena kiege. Paulo raki bina vagadauvime auki au sivai sua daure e namigi, roma iesu keriso ihehege dakaki aki roma, au hakiva. Hora eige sua daure e raki hakivanu.¹⁹biagu gahige koitava dibana au iaga mimi gabune dokoane negahe ge iauki paulo renu sila idigei, butugei hae gabua, ogo rohi iau vagotohu otinu. ²⁰Maoro gaha iau vagotohu nisigei otime iauki roia, koita o abu gera iuda gahaia a ni ogehe kerere kia. ²¹Renu iagabe riaḡa gahigeige mati badina gahigeige vara roma gahaia noi gera aena vara, iduke iaganiva iauki ḡaḡae gahigeva.²²Garu gaha gainage raki gogai gahigei mati maoro gaha boriti gahigei iauka so iau dabuave darigei mati idigei gahigeisa. ²³gahigei daure gahigeime iauki vadibu iagava gosigei nari koitava kiroea auka narigei saia gahigeisa. ²⁴ga enaki hakivane dainehe auki abua goreha idigei uhura daitu bei kougei, vasika idi vakahu kahigei berebe gahigevenu.²⁵nemehege, paulo renu sila iaberaki guriguri raege renu nogoa dirava moteahege mati vadibu gaha gainage uhuia gevege. ²⁶e uhura, vata raki duvi, vadibu iaga ta marere gahi, udua iau bougei baoragohi mati raro gainage iauvagu vahe ragohanu.²⁷vadibu iaga nariva iagia uhura nogai udua eragei baoragi rage gahanera auki kaia butui hakivi aukatai auvagu au gami hoekisa badiva au uhu ananave ra vadibu gaha iabera bina haki raganu. ²⁸iduke paulo raki barai roma, “avagu a hoekisa gare, badiva, nokamu ni bougei o ianu.”²⁹vadibu iaga narivege raki kede totoa vime auki rurui sirivi paulo renusila iau vagotohu gurami me auki gabubu viege. ³⁰auki bina nisigei hakivi beragei roma, “rohia, dana orenaki maguri mimivanu?” ³¹iauki kiroia, “iesu keriso mi riaḡa gahime anema maguri misa, a renu ai iaga gahatuhea.”³²rohiraho ga maḡeve ra iuaki au renu au iaga gahatuhea iau bougei boriti gahi gevenu. ³³vahi ei, auki idigei oti iau berove ketogei ge iauki bina au renu au iaga gahatuhe iau bougei babatiso gahigevenu. ³⁴auki idigei oti iaga iauga dabara be kiege iauki bina tamuta raganu. Au iaga gahatuhe ruga iauka hegiri herea, badiva iau dirava gabidadama gahane dainehe.³⁵vagutu, maoro koita iaberaki iau ga boriti gahatuhe besugei, roia, ata e iabema otisa. ³⁶vadibu iaga nariva raki paulo kiroma, “maoro gaha iau gareraiaumu siai gahanu, daka ia rere geisa, eramu eige iaka bina mai mage ruta ogi hakirai otitivara.³⁷iduke paulo raki roma, “noka roma basileiave gahavaea auka so ganagana maoro be no mohigeige veitehe hutuma iau vagotohu no dadaba gahigeige kava rai, vadibu iagava no kougei, a negu butu iau mati vahoro no besu gevarena?” Veite makavara. Iauvagu ge iaune oroi no nisigei haki raisa. ³⁸boriti gaha iaberaki iau gare mi oti maoro gaha e mohigevenu. Iau dibana, koita e abugera roma basileiave gahavaea negahe gera iauki siḡo raganu. ³⁹iauki bina oti abua goreha gaḡa gei mage-mage gahigei me iauki nisigei hakirai mati imigei roia, iauka ogo e garehisa.⁴⁰vadibu iagava hakiraime iauki iau abu ludia iagehe otinu. Eige iauki iau sokuhe davari gahigei mati hero mimi gava goadate gahigeime iauki bina filipi garehanu.

¹iau abuge iauki amfipoli renu apolonia hanai gahigei tesalonika otinu. Eigera, iudea gaha iau dubuve bera me ikehe. ²paulo raki dubua gadimi vaeva au kiege karava pura abigaga uhura buka aena ga’ava iauruga viege.³keriso huhu ine renu au urimi goiragane gaikava auki boriti gahige mage-mage gahugevenu. Auki mati kiroege roma, iesu o’o da ga’ava vi ioavare ramu keriso ra. ⁴be aibera ihime iauki paulo renu sila ruga bou raganu, mati helene gaha dirava sigamege gahava momoa renu rohi magi momo gaina mati iau ruga bou ragege.⁵e’e dainehe, iudea koita sokuhe iaberaki ho’o gahime iauki hae gabua guragu kava rage-ge koita daureva be idigeime iauki neru raho be kinu. Iason iagera iauki hosai, paulo renu sila iagogei , ogo gaha iau vagotohu iaukatai butugei otisa. ⁶iau behugeige veite iauki iason renu bamo be ruga butugei gorohi idigei oti maorogaha iau vagotohu barai roege, “vateta o uhuati kerere kine gahavaea be iabemu kau ragohanu. ⁷mati iason ramu bina idigei au iagehe gadimanu. Iauka kaisara taravatu vera iauki dodoi mati rohi be roia, ihi vara iesu.⁸garu gaha renu maoro gahaia ga’a e ihinera iau sorukeraki hiroro vanu. ⁹iauki iason au sokuhe ruga iau taravatu be mohigevene iaganiva kokiveme iauki bina reregevenu.¹⁰varavara iaberaki paulo renu sila vahi vaina besugeige iauki berea otinu. ¹¹koita e iabera avani mage te iabera beta tesalonika gaha iau hairanitera badiva iau ga’a uhuiami gera uhu ageraira ruta renu buka aena uhura iaumu iago-iago raege, iaga-o iana riaḡa gahanu se? ¹²eramu eige hutumava raki iau gare riaḡa gahanu, helene rohiva gaina renu ata, magi momo gaina¹³iuda gaha tesalonika uhura ihi paulo ra dirava ga’a maḡeve berea ro’o ioai gera auki ei oti ogo gaha iau uhure marere gahigei mati siḡo gahigevenu ¹⁴varavara iaberaki paulo vaina besui kone iaevanu, a sila renu timoteo iabera ei ena gurahanu. ¹⁵paulo narina gahava iaberaki nisigami oti atena garehi me iauki au gare mi goiragi sila renu timoteo iau, iauka vaina au otisa.¹⁶paulo atena uhura abua goreha narigevege ra uhu ravara korahi herea vara auki viege badina ogo e au eraganera idi laulaua raki tobogahanu. ¹⁷eramu eige auki dubu, iuda gaha renu dirava gurivege gahava ruga gaga viege mati hae gabua vani gaugi ei eragevege gahava gaina.¹⁸epikuro oreava renu stoa orea gahava iaberaki paulo goreha ava he-he raege. Be iabera roege, “ga’a kava ata ona otadoana au roma?” Be iabera mati roege, “auka dirava nune iau garera auki vima.” Iau enaki rone badivara auki iesu renu au urimi goira-goira ga’a maḡeve ro’o ioaige.¹⁹iauki bina nisigami areo nimua otime iauki roege, “ai boriti garera isage, makava akeso no boriti gahigeve, ²⁰badivara ai gare mamivara noigera nunera , eramu eige ni urave noka maka korikoa dibana gahisa.” ²¹badiva atena gahavaea renu ogo nune gahavaea ei uiogevarea ra avani kobabei ge iauki vani iau bougei ga’a isage roege mati ihige.²²paulo raki bina areo nimu nomuakahe rami harorovi roma, “atena gaha ia e! Dakamu ia eragevenu, iaka iai diravave ra iaki matau gahi herea gahigavara.” ²³badiva di ogi hanai-vehe ia gurivege iaganiva da eraḡane negahegera, boubou pata bera dakamu eraganu, au ada gera ihi ora iauki torevanu: no dibana veite dirava ie. Eramu eige ia iai dibane veite diravava guriva rera dakenama ia boriti gahigeisa.²⁴vateta renu uhura iaganiva iau bougei kine diravava raki va’a renu vateta o rohivavima; auka koita iau ada kiki dubu vehe u’u veitera. ²⁵koita iau adeb ra au gare mi ioa vietera, iaga be dabuare hairanite, badiva auki maguri renu ahodi renu iaga iau bougei koita mohigeima.²⁶tago kobua beige auki bese iau bougei kiogeve, vateta vadaka o iauka au gurahisa, iau negave renu inogove aukamu.bina ronu. ²⁷dirava iauka iagoisa, iauna beta sahusahu gahi davari gaharenu. Iaga kobabera au renu koita koba-koba ni padave ra beta gamanavara,²⁸badiva au uhurage noki maguri raga, vagava raga mati guraha,iai noge roiare gahava bea roiare gere-gereva, badiva no gaina gera au gamuhe iabera. ²⁹eigera nokamu au gamuhe iabera, noka maoro veite ni uhureherosa, dirava ra gold se silver se muni, omo raho renu aonega gahavea koro gevene hairanite.³⁰dirava ra nihube anageige veitera, a’a negu butuge auka koita iau bougei gabu inuati auki kiroegeima iauma ananarai goi-ragohisa. ³¹badivara aukamu vani be ro maemanu, vani eigera au koita mane koita vara vateta o inuati maoro mohi geisa, maoro ruta renu riaḡa toava aukenama koita iau bougei bina mohigevenu, toavara monu, hoḡeve ge auki mi urimi goiraganu..³²hogeva mi urimi se iagemi goiraira ga’ava iau ihinera be iaberaki tati gahanu. Be iabera roege, “ga’a ona nona mati ai ihi goirago- hiavanu? ³³eige paulo raki biona gare-gevenu. ³⁴be iabera au seni gahime iauki au gare mi riaḡa gahanu, be ramu dionusio, areo nimu koitava bera, renu magi be ihivara damari mati be gaina gera iau ruga gera.

¹Iaga e iau itahara, auki atena garemi korinto otinu. ²Eige auki iuda atabe behuanu, ponto beseva bera, ihivara akula, auka nuiki ge auki au mabare priscila ruta italia seni oroganu; klaudia gare iuda gaha iau bougei roma, uiarera adira e garehia dainehe. Ege paulo raki iau abu iau otinu; ³au renu au moni mimi me’eve kobabe dainehe, auki iau ruga guramege mati me’e mimi kobua ragege. Iau me’e vera dabua iaga-iaga tigu gei gevara.⁴pura vani iau bouge, auka dubu ge auki haroro viege iuda gahaea renu helene gaha iau uhure auki iogei tohovege. ⁵sila renu timoteo iaberaki makedonia seni kau raganu. Nega eige ra, paulo raki haroro berebe viege, iuda gaha boriti gahigei mage-mage gahigei roma, “iesu ra keriso ra.” ⁶iaukaki au gare naminava rai vagadau ragege auki au hedokive bokivi iei-ie gahi roma, “iai taokera iavagu iai omotehe ge aune gurahisa, beta di kererevera, negu-butu otarera, daka bese nune iauge dane otisa.⁷auki bina gabu ei gurami oti ata be ihiva titio iostu iagehe guramanu, ata era dirava gurivege bera ,au iage tagera dubu gaika gera. ⁸krispo dubu bauge tagera rohi-raho mi riaḡa gahima, au renu au iaga gahatuhea iau bougei. Korinto gaha dadaga gaina paulo harorove ihime iauki riaḡa gahi mati babatiso manu.⁹rohi-rahoa raki vahi paulo iago kiroma, “sigoisa gare! Ama gavisa, a negu ai avage kumuima. ¹⁰badiva daka a ruta ge dakaki uma, koita bera beta a bara gahisa, beta a ga’a daure gahisa badiva di koita tuhe iabera dadagavara ogo o hura. ¹¹eramu eige paulo raki lagani be, bata agorokiva ei guramime auki dirava ga’are boriti gahi gevege.¹²galio akena vatetava rohiva viege ganaganahe, iuda gahaia raki au uhure kobua gahime iauki paulo gogai gahi, nisigami maoro gabua oti roia, ¹³ata ora koita iau uhurera auki ima, taravatu dododo gumahe iauka dirava gurivisa e’e rome auki.¹⁴paulo ra garisa roege, galio raki iuda gaha kiroege roma, “iuda gaha ia, avani daure be se kerere raho be iau ia boriti gahi gevenu be daka iai gare ihige auka mage goine. ¹⁵iduke ga’a e renu ihi-e ai taravatu berabeve iabera iavaguge iane iagoisa, daka beta iaga e iau maorove kikivara.¹⁶ena roiareme iauki gabu ei oia gevenu. ¹⁷ege iauki bina iau bougei dubu bauge sostene kamoime iauki dadaba gahanu, a galio ra kara era auka anana veitera.¹⁸paulo ra vani rore be au sokuhe ruga ume auki bina vasiba gahigei iagatoiva guivi suria otinu. Priscila renu akula iaberaki bamoanu. Kenkria ge auki au omo hanake dodoanu badivara ga’a be ro’o maemane ra autera. ¹⁹efeso ge iauki iau abigaga kaurage auki ei abua goreha garegevenu. Eige auki auvagu dubu gadimi me auki iuda gaha ruga gagaviege.²⁰iauka imigi auka ei guragu gamana visa iduke auka iau imimive ihihi veitera. ²¹iauki vasiba gahigei, roma, “dirava uraige danema goiragi iai oroisa. Auki bina efeso garemanu.²²kaisara ge iauki goromi me auki ierusalema gadimi ekalesia orea e mage gahigei me auki bina antioka otinu. ²³nega tinabe ei gurami me auki ioa-ioa galatia renu frugia vateta va oti ekalesia orea e, iesu badina gahige gahavaea iau bougei eragei ma auki hero mohigevenu.²⁴hora ei gera iuda atabe ihi vara apolo, auki efeso otinu. Auki alesandria atava ra aonega te renu buka aena tagera auki dibana riagavara. ²⁵ata ora be ramu rohiraro gumage uagatune dainehe iesu harike au roege ra hedo ruta mati rome auki saia-saia gahige. Iaga kobua be ra babatiso ra ioane babatiso ve guge auki dibana. ²⁶auka dubu uhura ge auki au haroro ganaganave ronu uhu berebe ruta. Eige priscila renu akula iaberaki au gare ihime iauki nisigami oti iaga iau abu dirava gumage regu boriti gahi maoro gahanu.²⁷au urave auka rurui hanaivi akaia otisa, e’e dainehe, eige au sokuhe iaberaki iesu badina gahige gahavaea ei gurahare vasiba gahigeige, imigei iauma abidae gahisa. Au ei kaua nera dirava vagahuve dainehe ihine koitavaia auki durugei rahogahanu. ²⁸badiva auki koita iau vagotohu iuda gaha namigei roma, “buka aena va gera aumu ro’o ḡaḡae gahanu, iesu ra keriso ra.

¹apolo au korinto guramege negahe, paulo ra rahada seni hakivi efesoi kauvanu; iesu badina gahege gahava be auki behugei gahigevenu ²auki beragei roma, “iesu ia mi riaḡa gahane negahe, iana horu aena tagena iana manu se?” (ge) iauki roia”, horu aena garera noka so ihihi veitera”,³iauki mati beragei roma, “iana otado babatiso bena ia manu? (ge) iauki roia, “ioane babatiso vera.” ⁴paulo raki roma, “ioane ra anana raḡi goiragohare babatiso auge auki koita mohigevenu; mati auki kirogei roma, “au itahe orogare atava iauma riaḡa gahisa, iesu auka menu.”⁵ga ora iauki ihiarei, rohi raho iesu iehe auki mati babatiso manu. ⁶(ge) paulo raki au ade mi iau ada maeama nehe horu aena va raki bina iau ada uguhanu; ge iauki ga nune- nune iau ga ragohanu , mati dirava ga maḡeve iauki roege. ⁷iau ate aubougera utu abu-hakira abu (12) nagatera.⁸paulo ra bata abigaga ge auki oti dubu hura haroro viege hero ruta, dirava basileiave gavaea auki koita hadiba gahigevege, mati iau uhure iogevege. ⁹a be iabera iau uhure berebe gahigevege, iauki ga dage-dage raege, ga daure roege guma isage o ada hutuma iau vagotohu. Ge paulo raki garegei iesu badina gahege gahavaia gaitage auki nisigei otinu; vani au bouvi turano hahediba iagava uhurahe auki ahediba viege. ¹⁰tau (lagani) abu (2) auki kara e kiege; ge asia gurahege gahava ia, iudea renu helene gahava ia, iau bougei iauki rohi raho gare iauki ihege.¹¹hedo kara mage tage dirava raki paulo adehe auki kiogevege; ¹²ge iauki muko mati nigi mi paulo ahatanehe iauki idigi oti, dika-te gahavaia iau, ge iau dikave iaberaki doko rago hanu, mati (tabu) sua daure iaberaki gare gevenu.¹³iuda koita bea, ege new iara sua daure oeageige karava iauki mi ioa gahege gahava iaberaki iesu ihe urigatu roro, sua daure-ia bolo gevene iau ada, iauki roia, “paulo haroro gahane atava iesu ihehe ge noki ia ganito gahigeva. ¹⁴skeva, iuda ata mati aena ata bera, au gamuhe mo iatirigava gera enage iauki kiege.¹⁵ge sua daure e raki kirogei roma, “iesu ra daka dibanara, paulo tage ra daka dibana ra, a ia-na ogore-iabenu?¹⁶ge negu sua daure boloane atava raki geroi iau ada, auki darere gahigevenu, mati auki gahigei atatai iauki iaga e uhura rururai hakiraganu, dabua veite renu bero ruta.¹⁷iuda renu helene gahava ia, efeso gurahare iaberaki hariva ihi me iauki siḡo ragohanu. Iau bougei ge iauki rohi raho iesu ihe motegahanu.¹⁸mati ihihi gaha hutuma gaita geramu oroganu, iau karave iauki roiogei ḡaḡae gahi gevenu. ¹⁹mati hei gaha momo herea iau bukave iauki habou-gahigevenu,koita iau bouge iau vairanehe iauki gabugevenu. Buka e iau damune iau dahane, damuara silver gerebu (5,000) adakasiva. ²⁰rohi raho gare ramu bina iogo raganu mati berebe new para goinu.²¹e itahara, paulo raki au uhure maeami/hadaigahi, macedonia mati akaia mata iau aune hanaivi ierusalema otisa. Auki roma, “ehe ge dane ganagana otisa, ihihe ge dane oti roma erisa. ²²ge auki au iahe-iahe ate abu, timoteo renu erasto, macedonia auki besugei otinu; a auka auvagu asia kasiva new para uiege.²³nega ei neru (raho araki) beta gamikavaraki varanu, iesu gumage dainehe. ²⁴badivara monu; atabe ihivara demetrio, silevr me gahigevege atavara, dirava, magi be ihivara diana, au silver dubu gamika-gamikave auki kiogevege; oige au gaukara oreave gahava iaberaki moni dadaga herea auki idigevege. ²⁵aukaki me geregereve kiogevege gahavaia iauki habou gahigei roma,”ata ia iaka dibanara, me oige noki moni idiga;²⁶mati iamu eraga mati ihare tagera, ata-o paulo ra hutuma (herea) raho iau uhure auki ima, mati aukaki nisigei gaise goima, beta efeso gegu gera, a asia mata/ vateta inuhati, mati auka roma koita iau ada kiki diravave ra beta dirava riagavara. ²⁷auka nokera auki no daure gahigeima. Ni moni davari me-vera koita iabera besibe gahigavara. Mati beta egu gera: dirava magi, diana, au dubuve tagera iauka (negu) besibe gahigavara.; ge, asia mati mata koita iau bougei tomadiho-gahare dirava va dagiva mage hereava aunema mi arigisa.²⁸iau ga e ihine negahe, iauki ho’o herea raganu,iauki bara ragohi goira-goira raḡi roia, “efeso diravava diana ra hereavara. ²⁹ogo inuati, neru raki bina raho goinu. Ge iaukaki iau bougei ruru raḡi oti garu iagava, iau uhurera kobua bera; macedonia ata abu tagera; gaio renu aristako, paulo ioaioa vehe bamoege atava iabera, iaukinu idigei otinu.³⁰ge paulo urave auka sirivi ogo gaha iau gasina otisa, iduke iesu badina gahege gahava iaberaki ruguanu. ³¹asia rohiva be iabera paulo vasiruhe iabera, iau gaitage raki ga siai gahi, imigi roia au negu garu iagava otima/sirivima. ³²be iabera ga be bara (tahu) raḡi roege, mati be iabera ga be; ege heboua raki neru momo dainehe, hutuma iabera hebou badivara iauka dibana veitera.³³ge be iaberaki iau uhurehe roia, hebou o badivara alesena ra, badivara iuda gaha iaberaki koita iau vagotohu dorivi otege. Ge alesana raki au adehe iore-gevenu, koita auma ga gahigeisa. ³⁴iduke iauki eragi, auka iuda atavara, ge iauki iau bouge-bouge ga kobua ei bara raḡi ro goira-goira gahege oti hora abu nagate; iauki roege,efeso dirava-va ra hereavara.³⁵ge ogo toretore atavara raki hutuma imigei roma, “efeso gahaia, unuhuna vateta oi dibana veite, efeso ra diana raho au dubu-e nari-nari vara, mati deo-oi seni moruane iagava ta nari-nari vara. ³⁶ga o iabera bera beta iau ada ga be ro-io gei gevara, iauma benu guragu mage ragisa, ia negu kara daure ki goira-goira gaha, era mage ra. ³⁷badivara, ohe ia idigi orogevene gahava iabera beta dubu ge iauki dadi-dadi raganu; ni dirava maḡeve tage iauka daure gahiga veitera³⁸ge demetrio au me gahatuheia iau uhurehe, rosa ata be raki bina no daure gahigevenu; ieriri iaga iaberamu bina bao ragohanu, gavana tage ramu onu; iauma bebe iau boriti ragisa. ³⁹a ga nune bena uvenu; hebou korikova ge iane gava kisa. ⁴⁰a vani o neruva dainehe iau boriti raga-re, noka kerere rairavara; badivara neru ora maka veitera, mati hebou-o badivara noka beta roro dibanara. auki gavi kosaime auki bina kirogei roma, iauma bina karoho ragisa.

¹neru dokoane iahare,paulo raki iesu badina gahege gahavaia auki habou gahigei, detumu gahigei, vasiba gahigei me auki garegei, macedonia otinu. ²gabu e iau uhura au ogi hanai vaneige auki detumu ga momo koita kirogei ronu, me’e auki akaia otinu. ³bata abigaga (3) auki ei guramege.⁴iagatoiva ge aune guivi suria otisa roege, iduke iuda gaha iaberaki au hadika/daure gahiga karava gava rage-ge dainehe-ge auki au uhure maeami, makedoni ge aunema goiraisa.⁵au bamoi oti asia gahavaea iaberamu onu: sopatera puro, berea atavara aristako renu sekundo, tesalonika ataea; gaio, derebe ata; tukeko renu trofimo, asia ata/gaha iabera, iauki no urigatu-gei, troa no narigevege.⁶a noka flaoa uhuhu veite rigiva vaniva kosa ragane itahara-ge noki filipi garehanu, vani ada kasiva (5) noki troa kauraganu. Vani iatiriga (1) ei gurahege.⁷pura vani ganaganahe anibou iva iau hebou ragane nega ei, paulo raki haroro gahigevenu, badivara vagutu auka urimi otitivara. Au harorove auki ege ? herea gahi oti nemehe. ⁸auhe daituava ? ge iauka hebou ragege; daiutu ei gera lamepa momovara.⁹eregabe ata be, ihiva eutuko, haba/gabavakahu auki guramanu; (ge) au nie raki dore herea viege, paulo raki au harorove gamana gahane dainehe ? gera. Iagi sagoi me auki iaga auhe moruanu, iau mi iagemane negahe, auka bina hoeke ra. ¹⁰paulo raki goromi, au ada hotorami me auki hodohui roma, “ia negu neru raḡoha, auka so ona magurivera.”¹¹auki mati gadimi flaoa gabuga bokoi me auki tamuta vanu. Ge auki iau rua ga-gavi oti va raki tahanu. Eige paulo raki bina otinu. ¹²a hebou gaha iabera eregabe ata e magurivehe nisigi otinu, uhu mage ruta¹³noka bina gana-gana goiragohi, iara diuvi, aso noki otisa ronu, ei ge paulo na bina guivisa; badivara auka ena kime auki no kirogei ronu. A auka tanagu’u ge aune otisa. ¹⁴ge noki au ruta aso hedavari ragohanu, auki giuvege, noki mituleni oti kauraganu.¹⁵ei ge noki nati urihi otinu. Va tahege, noki kioso variada dai raganu. Vani be itahara ge noki samo kauraganu, vani e itaharage noki bina miletus kauraganu. ¹⁶badivara paulo ra uhurehege auki roma, efeso au soigi otarera mage ra, aunegu nega gamana asia guramare sigoara. Badivara auka gugu vi me auki, idukena gumate goiare, auka penticos vaniva auma ierusalema gurahisa¹⁷mileto seni, paulo raki ga siai gahi efeso otinu, ekalesia orea narivare gahava iabera ma so au gasina otisa. ¹⁸ge iau au gasina kau-ragane negahe , auki ga gahigei roma, asia vatava, da ganagana di vase vatagane, negahe oroi negu butu, orena kimena da iai adirahu gurame-gera, iaka bina dibanara. ¹⁹rohi raho besubesuvehe da otege, manau ruta: di ni nemote goromege, mati huhu ramu da miege, iuda gaha iau ga daureve dainehegera. ²⁰ia mage-gahigeige gava au bouvi damu ia boriti gahigevege, ga bera daka huni-huni veitera; mati koita iau vairanehe/vagotohu ia hadiba gahi-gevege, mati iai iagehe tagera. ²¹iuda gahaia mati helene gahavaia tage dakamu haroro gahi-gevege, dirava-i iauma anigahi iau dikave /daureve, iauma garehisa, mati ni rohi rahove, iesu keriso, iauma gabidadama gahisa.²²pura bera negu butu ierusalema danema otisa, horu aenava ramu bina da rohevane dainehegera,( horu aena nisinisive dainehegera), a otado bena ei dai varavara-vanu, daka bina dibana veitera; ²³iaga kobua bera,ogo nunenune aubouvi uhurahe, horu aenava raki bina da boriti gahanu/kironu, bodibo/raro-raro mati huhu momoara me di vairanehe horivanu. ²⁴a di magurivera aunagera, daka lalokau gahiga veitera, di ruruve dama haore gahisa, besubesu mi otiti rohiraho iesu keriso raki bina da moimanu, dirava hari-hari rahove hariva maḡeva dane ro hedinarai/ ḡaḡae0 gahi, bina dane guguru gahisa.²⁵negu butu gera daka dibanara, da iai ioaioa otege, mati da basileia haroro gahi-gevege gahava iai bougei, iaka beta di vairane erai goiragiravara. ²⁶badivara monu, da ia kirogei/boriti gahigei roma,daka koita iau bougei iau taokehe damu bina mage goinu. ²⁷badiva dirava urave aubougei dakamu bina ia kirogei ronu/boriti gahigevenu; tina kibera daka duha-duha veitera.²⁸para bera iavagu iai nahuave iama tohoisa, mamoe teri nahuave tagera; terivara menu horu aenava-raki bina erageige gahava ia idigevenu, dirava ekalesia-ve, au taokehe haevane iagava, iama vasigisa. ²⁹daka dibanara, da ia garegevare itahara, ura to dage-dage-te iabera negu iai adirahu/vaḡa siriragisa, teri e iauka daure gahigavara; ³⁰mati iavagu iai seni ata be iabera negu urhi, ga tarata/keukakeuka roroara, ihihi gahaia iaune nisigei kerere gahigeisa.³¹ge iama nigahisa, o-tage iama anaisa. Tau/lagani abigaga (3) ia kobua-kobua, da ia ugoro gahigeigeva daka hadoko gahiga veitera; da ia ugoro gahigevege vani mati vahi ni nemota ruta. ³²negu butu dirava ade-i renu mati harihari raho gavaia au ge daki ia gosigeima; auka goadate aune ia vatagei maoro gahisa, mati aune iai gahune ia mohigeisa au aena gahatuhe iau vaḡa.³³atabe silver-ve se au golo-ve se au dabuave daka urai ididi anana veitera. ³⁴iaka dibanara, di dabu iagave, mati di sokuhe iauie ra, o’o di ade abua ruta me va ge daki idigevege. ³⁵iaga aubougei uhurahe guma mage, damu iai ḡaḡae gahanu iama me misa da hairanite , dabudabe/hero veite gahavaia iama iahegeisa; mati rohi raho iesu gare anaisa, auka roma , “iaga moimo-ara hegiri raho tera, iaga mimi vara hegirivara aviera.³⁶enaki ro iareime, auki au komukona vatai, iauki iaubougei guriguri raganu. ³⁷iauki iaubaugei nina raho herea iauki rago hanu, au ruta bebe hodogeime iauki anoanu. ³⁸iau uhure iabera huhu herea au gare dainehe, badiva auka roma iauki beta mati erera vara. Gumaga iauki bamoi iagatoi-va otinu.

¹ge noki vasiba gahihei uhu-isuka ruta, ge noki iara diuvi, ruru ieriri raḡi koso noki kauraganu, va tahege noki rodo kauraganu, ei ge noki oti patara. ²ei ge noki foenikia oti iagatoi be davari gahi, me noki gui raḡi otinu.³kupno noki eraganu, noki vaḡa’a kasi garehi, suria kauraganu, turo noki ugu rago hanu; badiva iagatoi kohuva ei goegeige dainehegera. ⁴iesu badina gahige gahavaea noki behu gevenu, (ege) ei vahi iatirigava (7) noki uiege; horu aena , hedokehe ge iauki paulo boriti gahi ogira-goira ragohige, au negu ierusalema otima.⁵vani ea kosa rago hege, (ge) noki ni ioa-ioave otinu; iau iaubouge iau maginuhe iau gamuhe ruga gumaga no bamogei oti ogo nokki gare hanu. ⁶(ge) noki vasiba gahigeiarei, iagatoi-va noki gui raganu, iauka iau iage iau oti gevenu.⁷turo ge noki new para urihi, tolemaia kau raganu, ni ruru dokonera eigera. Eige noki vara-vara/ tauna eragei bebe mage gahi gevenu, vani be noki iau ruga gurahanu. ⁸vagutu, tolemaia noki garehi,kaisarea otinu, filipo sivarai mage haroro gahege atava iagehe noki gadihanu, auka iatirigava iau ate bera idigei me iauki, iauma iahe iahe ragisa, Ierusalema uhura. ⁹Au ḡamuhe maiaḡo ababu gera, iau bouge iauki peroveta raḡege.¹⁰v 10 vani rorebe ei gurahegei,peroveta ata be, ihiva agabo, iuda seni ge auki orogonu, ¹¹ni gasina auki hakivanu. (ge) auki paulo dabuave manu, auvagu au vase mati ade rarogei roma, “horu aena-vara onakime auki roma: dabua-o biavara iudea gaha iabena ierusalema ona kime iaune raro geisa, (ge) iaune bese nune mohigeisa.”¹²ga e no ihine negahe, noke renu gabu e gahavaea tage noki imigi goira-goira gahege, auka beta ierusalema otitivara/ gadimia vara. ¹³(ge) paulo raki onaki roma, “ia onaki nigoragare mati di uhure rabura gaharena otadobe dainehe genu?” Dakamu bina hegaegae vanu, iauma bina da raroisa; ege beta egu-gera, daka hoge tagera ierusalema-i , rohi raho iesu ihe varikehe ¹⁴(ge) au uhure iva noki bau raganu/geregere veite dainehe noki ni imimive hadoko gahanu, noki roia, “rohi raho uravegu ge aunema kisa.¹⁵vani e iau itahara, ni ioaioa kohuve idigei hegaegae gahi, me noki ierusalema otinu/gadihanu. ¹⁶iesu badina gahege gahavaea bea kaisarea seni iauki no bamo gevenu; nason, kupno ata, tagera noki nisigami otinu; iesu badina gahege ata emene/bauge bera, au iagehe nokatai gurahisa.¹⁷ierusalemai no kauragane negahe vara-vara iaberaki no idigei, hegiri ruta. ¹⁸vagutu, paulo raki norua otinu, iakobo eraisa rome noki otinu; ekalesia orea erai narivege gahavaea gaitageramu iau bouge ei-i. ¹⁹paulo raki mage gahigeige ga’ava mohi geiarege, dirava bese nune-nune gahavaea iau adirahu au besubevehe. Iau kiogevege karavaea aubougei hariva auki roio gevenu.²⁰iauka ihime iauki dirava moteahanu. (ge) iauki ga’a gahi roia, “ni vara-varate! Aka dibana iuda gaha daha-daha iaberamu bina iesu badina gaha; iaubougei geramu taravatu badina gahi (berebe-berebe) gaha. ²¹iaukamu bina ihinu, aukamu iuda gahaea bese nune-nune iau vaḡa/adirahu uiarei hadiba gahigei, mose iauma garehisa, mati iau gamuhea iauka beta pertome gahigeisa, mati beta tene kara kisa.²²(ge) ana orena ki-kivanu? Riagavara, iauka ihihivara, akamu bina orogonu. ²³e dainehe, kara o no a boriti gahare ama kisa. Ata ababu ge ramu onu, aena gaha ominue dainehe. ²⁴akena bamogeisa, iau ruga iane ia regugeisa, iau idigi otare kohuva/ iagava au iama damu kisa, (ge) iau omo hanake iaune dodogeisa. Eige koita au bouvi ge na dibana gahisa ai harike iau ihe-gera maka veitera; mati dibana gahisa ai karave ieririvea, mati taravatu amu badina gahima.²⁵a bese nune-nune/avagu-avaguvea gahaia ni ananave nokamu bina iauga leta torevanu,noki roea, kaivakuku boubo iagava mati tago renu iau enoke gigigevene iagadiva misikava iauka beta ivara, mati beta ni muduka ragisa. ²⁶(ge) paulo new para raki negu ata e bamo gevenu; vahigu vagutu, iau ruga iau regugei, dubu aena hura siriraganu, regugevene vaniva kosavege mati boubou iaga iau kobua-kobua iau dainehe iau gosigare vaniva auki ro’o hedinarai gahanu.²⁷regugevene vaniva iatirigava (7) so kosako veitehe iuda gaha bea asia seni iaberaki paulo eraganu, dubu aena uhurahe, (ge) iauki aru gahea iau uhure inu. (ege) iauki mi kamoanu, ²⁸bara raḡime iauki roea, “isaraela gahaea! Ihi ahe, ata oraki koita iau bouge gabu inuati hadiba gahigeima, ni beseve renu ni taravatuve mati gabu o iauma betia/besibe gahisa; o tagera, aukaki helene gahaea dubu aena uhura bina nisigei sirivanu.gabu aena ora aumubina daure gahanu. ²⁹badiva iaukaki trofimo, ata efeso, ogo hura paulo ruta era gevenu ganagana, ge iau anana ve, paulo ramu dubu aena uhura bina nisigei sirivanu.³⁰ogo inuati dibanaveite otadoana varavege (dara dara ge) ogo gaha iabe raki arumi otinu, paulo mi kamo vanu, dubu aena-va iauki butu-i hakiraganu, (ge) udua iau bouge iauki kougevenu. ³¹iauka gami hoikisa ronu iduke ierusalema inuati neru rage ge harivara ga bia baugeva raki ihinu;³²(ge) auki ga gaha iau bauge tuhe ruga vaina nisigei oroganu, iau gaika iauki rururai ugu raganu. Aru gaha iaberaki ga bia baugeva au orea gaha tuhe ergevenu, (ege) paulo gamiga-va raki doko vanu. ³³(ge) ga bia baugeva raki ogi huguga gei, me auki manu, au oreagaha tuhe auki kirogei roma iauma gote/seina abu iau raroisa. (ge) auki beraganu auna unuhunu mati au karavena otadoanu.³⁴a hutuma iau vaḡa be-iabera ga be mati be-iabera ga be iauki bararagi roege; (ge) neru dainehe ge auka ga maoro davari gahiga veitera. ³⁵vasaka kau raganei, ga gaha iaberaki taboi gadihanu, badiva aru gaha iaberaki gani kiege. ³⁶badivara ogo gaha iau bougei ge raki iau itahe otinu, bara raḡime iauki roege, au hogerage/gami koeki iahe.³⁷auhe iaga uhurahe iau nisigami siriragisa roege; (ge) paulo raki ga bia bauge e imigi, roma, “dana beta a ga gahisa.” Ga bi bauge e raki roma, ana helene ga’a dibananu? ³⁸Gerege aka beta negu Aikupito ata, subuta ga havara ḡahane mati ga ḡaha daha ababu mata ḡaḡaeva idigei otinu?”³⁹paulo raki roma daka iudea atavara; di ogera taso, kilikia matava gera,harivara beta gamika ogo ara. Daka a imigima ai karave, koita da so ga gahigeima. ⁴⁰auki ga maoro vanu;(ege) paulo raki vasa ada rami , au adehe koita iore gevenu. Iauka neru/ enoga veite; (ge) auki Heberu ga va kirogei roma,

¹Di gogonanuhea renu di mamuhea, da di harike roma ihiahe." ²Paul heberu gava gevege yauki ihare keri gahi unu. auki ronu,³Daka Jew koita vara, daka Tarsus, Cilicia uhurage daki vara vanu. Eduge daka ogo oi ge daki uhuvaka manu Gamaliel raki uhuvaka inuhati da boriti gahanu . auki ni teneve yau aena isukevea maguriva da vasiba gahege. Eige daki Dirava meve herote goinu ya kiare nagate. ⁴Guma isage o dainehe damu, ata, magi idigei vadibu iagava gosi gevege yauka hoge ragohisa ⁵Dubu biava renu dubu Bauge yana di gare riaga gahisa. Yauki ni gogognahu Damascus uhura uyege yau dainehe yauki ga besugi sage, daki ti raro gevare idigei Jerusalem oroge-ge huhu gahi geige dainehe.⁶Eduge vani bei da Damascus otege uhura, vani iahuva ogo bina kahika goine, abaga ketana beraki vava seni uguhi rogi da origanu ⁷daki vata ariragare eno be ihige. auki da boriti gahanu, 'Saul, Saul, esemena da daure gahima?' ⁸daki beraganu, Ana unuhuna Rohi Bauge?' auki da boriti gahanu, 'daka Iesu Keriso Nazareth koitavara akigu da daure gahima.'⁹Da ruta otine gahavaia yaberamu abaga e eraganu eduge yauka eno da ga-gahane makava mimi veitera. ¹⁰daki ronu, dana kikivanu otado, Rohi Bauge? Rohi bauge raki da boriti gahanu, " urimare Damascus ogo uhura siriva eige yauna a vasiba gahisa, a kiare meva inuhati. ¹¹Daka niganiga veitera badivara abaga e hedoke va raho dainehe, mati da ruta Damascus otine gahavaia yaberaki ada da nisigami Damascus uhura siri raganu.¹²Eige daki ata be behuganu ihiva Ananias, auka Dirava sigamege mati Aena kamoege koitavara, ei uyege Jew koitavaia inuhati geki matau gahege. ¹³Auki di gasina orogare onaki ronu,' di gogo nane Paul, ai niegu bao rage.' inono veite di niera bao rage-ga daki Ananias eraganu.¹⁴Auki ronu ni tenetuhe yau Diravave raki a manu aka au gahara vare dibana goisa, me ieriri koitava ana eragisa mati au avagehe ana au enoge hakivare ihisa. ¹⁵Badivara aka au seni a eragane mati ihine iaganiva inuhati ro gagae kiki koitavara. ¹⁶otado dainehe gena a gurami uma? urimi bapatiso mare ai daureve keto gevare Rohi bauge ihe ganaga gaha.¹⁷Goiragime daki Jerusalem otinu, daki ti dubu Dirava ganaga gahege uhura daki Iesu eraganu. ¹⁸Auki da boriti gahi roma, "vaina urimare Jerusalem garema badivara a di harike roare yauka beta riaga gahiga vara.'¹⁹Daki mati kironu Rohi Bauge, yauka yavahu dibanara a riaga gahege gahavaia dubu uhura uyege daka idi gevare vadibu yagava gosi gevenu. ²⁰Stephen tagoke bohu ragane, da tage me gamege gahavaia yau vagahe, yau gamege daki mageva roege. yau ogonave gainage daki nitabata gahi gevege. ²¹Eduge Iesu raki da boriti gahi ronu, ' ote, daka a besuge aka gamanahu, koita nune yau gasina.²²Au gavege ihare yauki bara ragohi roege, "Ata ogu vata ada oi veite goie, auka ieriri veite au maguri vi uyare." ²³Yau bara ragi, yau ogonave idigei kiare gei, mati vatata souka idigei auhe kira gevege, ²⁴tuari biava raki au gamituhe kirogei yauka Paul mi siri ragisa ei kamui usa. ge yauka bera gisa onebe dainehe gena yau bara gaha.²⁵Goteva raroare itaharahe, Paul raki koita Bauge beraganu," ona ieriri venu ya gurigoi roma koita be gamare ihie au isuke kine berabe ragira vanu?"²⁶ Aena koitava ga e ihinei, auki au haire gasina otare boriti gahanu, " otado romena? Badivara koita ora roma koita vara."²⁷Aena bia Bauge raki orogi Paul beraganu,"Da boriti gaha, Ana roma koita vanu? Paul raki ronu," io. ²⁸Aena bia Bauge raki ronu," da ogo o koitava goisa ronera kerike vage daki damuna kinu." ge Paul raki hanigoi ki ronu, da guruanu, daka roma koita vara. ²⁹negu beragisa rone gahavaia dibana gahane yauki inono veite garehare otinu. Aena bia Bauge tage sigoime auki vanu badivara, auki goteva Paul raroanu.³⁰Tahege Aena bia Bauge ra gahara riaga onebe dainehe Jew gahavaia Paul ho gaha. Eige auki au Paul raroane goteva vahegare auki roege dubu biava ya mati Kansil inuhati yabeki bou raganu. ge auki Paul mi orogi yau vagotenehe maemanu.