Olukhayo: Bible for 1 John, 1 Peter, 1 Thessalonians, 1 Timothy, 2 Corinthians, 2 John, 2 Thessalonians, 2 Timothy, 3 John, Acts, Ephesians, Galatians, Hebrews, James, Joel, John, Jonah, Lamentations, Luke, Mark, Matthew, Nahum, Obadiah, Philippians, Revelation, Romans, Titus, Zephaniah

Formatted for Translators

©2022 Wycliffe Associates
Released under a Creative Commons Attribution-ShareAlike 4.0 International License.
Bible Text: The English Unlocked Literal Bible (ULB)
©2017 Wycliffe Associates
Available at https://bibleineverylanguage.org/translations
The English Unlocked Literal Bible is based on the unfoldingWord® Literal Text, CC BY-SA 4.0. The original work of the unfoldingWord® Literal Text is available at https://unfoldingword.bible/ult/.
The ULB is licensed under the Creative Commons Attribution-ShareAlike 4.0 International License.
Notes: English ULB Translation Notes
©2017 Wycliffe Associates
Available at https://bibleineverylanguage.org/translations
The English ULB Translation Notes is based on the unfoldingWord translationNotes, under CC BY-SA 4.0. The original unfoldingWord work is available at https://unfoldingword.bible/utn.
The ULB Notes is licensed under the Creative Commons Attribution-ShareAlike 4.0 International License.
To view a copy of the CC BY-SA 4.0 license visit http://creativecommons.org/licenses/by-sa/4.0/
Below is a human-readable summary of (and not a substitute for) the license.
You are free to:
The licensor cannot revoke these freedoms as long as you follow the license terms.
Under the following conditions:
Notices:
You do not have to comply with the license for elements of the material in the public domain or where your use is permitted by an applicable exception or limitation.
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.

Lamentations

Chapter 1

1Elidookho liari liechulamo abaandu, lano lidong'ere likhaya liong'ene. Ali nga omukhasi mulekhwa, arali yali sialo sikhongo. Yali omuruki akari webialo, arali ebikha bino ayikwa khucha muburumwa. 2Arira bichuni musiro ne masika kaye kafunikha chindama chaye. Aumao kata mukherwa waye owo khumulemia omwoyo. Bakherwa baye boosi bamukhoba. Bekholere abasuku baye3Yuda achire mumboye khulwa manyakhano nende mirimo mingi. Amenyere akari webialo ni sanyola khuulukha. Balia boosi abamulonda bamulekha mumanyakhano kaye.4Chingira chia Sayuni chirira khuba aumao owachia musisereo. Miliango kiaye nemikhaya. Bakhulundu baye (basandisibwa). Basisira baye banyakhana, mani ne bichuni khuye. 5Basuku baye nibo bakhongo baye ne abasuku baye baindiasibwa. Omwami amusandia khulwa chimbi chiaye chinyingi. Baana baye bairwa mumboyero khu basuku baye.6Oluyali lwamulekha mukhana wa sayuni. Buruki bwaye buli nge sijusi esirakhanyola olwairo, ne bachia nibauma amaani imberi wa ulia obasandia.7Ne chinyanga chia khusandisibwa nende khuuma bumenyo, Yerusalemu yechurisia ibikhiro yaye yo bukusi eyayalinayo chinyanga chabira. Baandu baye bakwa mumakhono ka basuku baye, ne aumao owamukhonya. Abamusandia bamulola niba mukachulilakho khulwo khusasikha khwaye.8Yerusalemu yakhola imbi ikhongo, mani, bamurekeresie khuba nga sindu simaamu. Balia boosi abamuberesia luyali bamulekeresie khuba babwene siekenye siaye. Yasinyikha mani natema okhwirukha. 9Sifuabi siaye sirimungubo chiaye, ne siyaparakho okhumala khwaye. khukwa khwaye khwali khukhongo muno.Yauma owo khumulemia mwoyo. Yalira, "Lingerakho buchuni bwange Omwami, musuku wange akingulirwe lukali!"10Abasuku barere makhono kabwe mubikhiro chiefwe echio bukusi. Abwene ebialo nibingira mukhekalu arali wali walagira mbwe barengira andakatifu wao wabakhung'aniranga.11Abaandu baye banyakhana nibakonya omugati. Baberesanie ebikhiro chiabwe chiobukusi khulwe biakhulia mbwe banyale khunyola amaani. Lingera Omwami mani uberere khuba ndi orakhoyera dawe. 12Ne sikhaya eng'we ababira? Lingera mani ololekho nikabambwe alio undi yesi oli nende sibera nga sia biriramo, Ngolwa Omwami yasandia khu nyanga ye lirima liaye lilulu.13Yaruma omuliro mumakumba kange mani ni kusasia. Yalandasia inet khulwa makulu kange mani nangalusi inyuma. Yakhola okhuba sieng'ene khandi mudekhere. 14Erijoki liobwononi bwange liaboywa nende makhono kange lia lukhirwa alala mani nirirebwa khu kosi liange . Yakhola amaani kange kaduduya. Omwami yaberesania mumakhono kabwa mani sinyalirwa okhwema15Omwami yadumula balia boosi abangayanga. Yalanga mukhung'ano khwesie mbwe babanyobe baandu bange ba maani. Omwami yasena omusisra wa Yuda musidinyiro.16Khulwa bindu bino ndira, emoni chiange chidikha masika, khulwo khuba oundemia mwoyo ali ale nasie, ulia onyala khukakusia bulamu bwange. Abaana bange basalanire khuba abasuku babengirire. 1718Omwami nowobulungifu okhuba ndakhaya elilakano liaye mubulire eng'we baandu mwesi ne mulole obuyendi bwange. Abasiani bange nende abamaani bange bachire mumboye. 19Ndalanga abakherwa bange ne bakholera akarakheresia. Abakukhani bange nende abakhulundu bange bafwira mudokho, olwabali khukonyanga ebiakhulia mbwe bawonie obulamu bwabwe.20Lola, Omwami ndi mubudinyu; eyinda yange ichunisibwa, omwoyo kwange kunyakhana mwisie, okhuba mbere omukhanji muno; erwanyi oluganga lwira. munyumba okhufwa khwong'ene nikhwo khulio.21Babulra okhunyakhana khwange, naye abulao oundemberesia. Abasuku bange boosi babulira obudinyi bwange, ne nabasangafu okhuba okholere ako. Orerere inyanga ya waanirisia; bulano babe nga esie. 22Obumaanu bwabwe bwosi bwicha imberi wao. kholeegana ninabo ngolwa wakholegana ninasie khulwokhubera obubi bwange bwosi. Obunyakhani bwange nobungi nowmoyo kwange kufunike.

Chapter 2

1omwami afunikhe omukhana wa Sayuni asi welilesi lioburima bwaye. Asukune oluyali lwa Isirailil asi khuula mwikulu khuchia khusialo siyechulisie sisala siamakulu kane muludalo lwobuima bwaye. 2Omwami amirire oburaba nende sisa khumadokho koosi aka Yakobo. Muchinyanga chiobsinyifu bwaye yakwisia amadokho kakhinjakirwa akabakhana ba Yuda; muchisoni akwisiesie asi oburuki nende abaruki babwo.3Muburima bungi arusisieo buli lwika lwa Israili. Akaluie inyuma omukhono kwaye musach imberi womusuku. smbire Yakobo ngomuliro kumamula buli sindi ambi nakwa. 4Arulingesesie obuyingo ngomusuku, arekekhe omukhono kwaye musacha ngomusuku. Asinjire boosi abali balayi baye muliyema liomukhana wa Sayuni; achukhire oburima bwaye ngomuliro.5Omwami yekholere ngo musuku amirire Israili yoosi amirire echimbiri chiaye choosi. Asasisie echigoba chaye amedere okhuberera nende maliro mumukhana wa Yuda. 6Akholere liiye nende inyumba yaye ngeinyanga. Asasisie abundu we mikhung'ano kiaye. Omwami akholere emikhung'ano kiaye nende isabato khwibirirwa mu Sayuni okhuba alekeresie omuruki nende omukukhani mukhwakha khwelirima liaye.7Omwami akhayire obwali bwange nende okhwima ikhekalu yaye siribwa. Alekhulire ameda kechimbiri chiaye mumakhono kwomusuku. Bakholere oluyoko munyumba ya mwami ngayakhaba inyanga yesiserero yalakwa.8Omwami yalobola okhusasia elida lielidokho liomukhana wa Sayuni. Akololosie omusitari kwokhukera khandi siyekalire omukhono kwaye okhusasia elida. Akholere elidala nende elida okhucherera alala basasikhe 9Emiliango kiaye kiibire muloba; anyasisie nende khufunaka echisiro chemiliango omuruki wabwe sibanyola amalolo khurula khu Mwami.10Abakhulundu bomukhana wa Sayuni bekhala asi mubweyocherefu. Basukune olufu khumirwe kiabwe nende khwefunikha nende echingubo chamgunia. Abasisira ba Yerusalemu benamisie mirwe kiabwe khuloba.11Echimoni chiange chijong'ere khulwa masika; eyiinda yange ichunisibwa; ebimeka biange biomukari bidikhe rwanyi khuloba khulwobusisikhi bwomukhana wabandu bange, abaana nende abadoro bakwa muchingira chelidokho. 12Babolera abang'ina "imwo nende idibai biriena"? nga bakwa ngomundu oumisibwe muchingira chelidokho, obulamu bwabwe buchukwa erwanyi khuchinda chabang'ina.13Ndabola sina khwewe? Ndakhufwananisia nasi, omukhana wa Yerusalemu? Ndakhukeranisia khusina? yala okhudinyisia omusisira mukhana wa Sayuni? Elikonjo liao nelikhongo ngeinyanja wina onyala okhukhuwonia. 14Abanabii bao babwene amalolo kobubacha nende akarahoyera kwewe. Sibanikha ebilafu obwononi bwao okhukalukhania obuboye bwao, naye khwawe barumbula amakhuwa kobubeyi khandi akakosia.15Abo boosi ababira khungira bakhukhubira amakhofi. Bauma mumioyo nibayuya emirwe kiabwe khumukhana wa Yerusalemu nibaboola "Lino nilio elidokho liabalanga obwolelefu bwobulai; Isangalo yesialo siosi?" 16Abasuku bao boosi baasama eminwa okhukhukaya. Basaasamula nende okhusia meno mubusinyifu nibabola, "Khwamumirire! Inoneinyanga ya khwalindanga! khumenyere khuilola!"17Omwami akholere akayapanga okhukhola yoleresie elikhuwa liaye, akayalaka munyanga chiabira. Akhukwisisie oburali nesisa, okhuba afukirire omusuku khukhwelayirakho akingulire olwika lwabasuku bao.18Emioyo kiabwe kililira Omwami ameda komukhana wa Sayuni! Khola amasika kao kakhulukusia asi ngomwalo esidere nende siro. Weberesie okhuulukha, emoi chiao chiulukhe. 19Buukha, olire musiro mukhuchaka khwebimeka biesiro! Chukha erwanyi omwoyo kwao ngamachi imberi wobwenw bwomwami. mukingulire amakhono khulwobulamu bwabaana bao abafwa nende injala abuli ingira yekoda."20Lola, Yahweh, khandi omanyirisie balia aba okholeere muindekekha ino kakhoyera abakhaye okhulia esiamo siechinda chiabwe? abaana ababakhalabanire nende okhukhusia? kakhoyera omukukhani nende omunabii beerwe abuundu anadakatifu womwami?21Ababuukha nende abakofu boosi bakonere mulufu lwe chingira. Abasisira nende ababuukha bange besisiaani bererwe nende olupanga; obasinjire muinyanga yelirima liao oburabalorera esisa. 22Olangiire kori ulia olanga baandu mu inyanga yesiserero, ebidinyu biange birula echimbeka chiosi mu inyanga yelirima lia Yahweh abulao owirukha yaona; abo aba ndakhalabanira nende okhubakhusia omusuku wange abasasisie.

Chapter 3

31Esie ndi muundu owakhabona ebidinyu asi we indaukhi yelirima lia Yahweh. 2Yanjirusiaokhubwao khandi naakhola okhukenda musirima arali obulafu. Obwadieri yakingula omukhono kwaye okhunyasia obulamu bwange buli buli. 4Nakhola omubiri kwange nende esikhoba siange okhunyasikha; nafunaka amakumba kange.5Yemekha olukaka lwe mirimo kiokhunjikalira, khandi nambodokhania nende obuchuni bwomwoyo nende obudinyu. 6Yakhola okhumenya mubimeka biesirima, ngolwa abo abafwa khale. 7Yemekha elida okhumbodokana ebia ndaranyala okhuwona nakhola okhumboywa khwange okhuba okhusiro. 8kata kario ninanga nende okhudakha obukhonyi, yasimia amalamo kange.9Yekala ingira yange nende eliida lia makina mabache; nakodia echingira chiange. 10Ali kori isolo yomusichimi irindire okhusindusia idalangi yiri mumekiso; 11yakalikhania echingira chiange nakhola omulekhwa.1512Yakodia obuyingo bwaye nandekekha kori elichoomo elio obuingo bwaye nanjomiakho obuingo. 13Yafumira echifuko chiange nende obuyingo bwaye oburula khu buingo. 14Ndakholwa okhuba omuundu wokhuchekhwa mu baandu bange boosi, olwimbo lwabwe lwesijaaro inyanga yoosi yanjichusiamo. Nanjichusiamo amasafu malulu nende okhunjika okhung'wa indusie yechinyende chiemisala.16Akholere ameno kange okhusia chimbale, nende okhukhola okhukwa likara mumakokha. 17Omwoyo kwange kwimirwe omulembe njibirire akobuinda. 18Khu kario mbola, "Okhwesimirisia khwange khumalire okhubwa alala nende elinaya liange mu Yahweh."19Ichulisia okhunyakhana khwange nende okhuyiya khwange, enyende chiomumisala nende obuchuni bwa omwoyo. 20Buli lwosi njichurisianga mani omwoyo khwange kuinaame mukari mwange. 21Kata kario njichulisia lino mumaparo, kange, ne khulwesio siri nende elinaya:22Obukheeri bwa Yahweh bubula esikero, nende esisa siaye sibula esiakamo, 23ni biyakha buli ichuli; obwesikwa bwao nobukhongo. 24'Yahweh niye obulaame bwange", omwoyo kwange kuboola, khulwesio ndaraa elinaya liange muniye.25Yahweh nomulayi khu abo abamulindirira, khu omwoyo kumukonya. 26Nebilayi okhulindirira mubwedemberefu obuonia bwa Yahweh. 27Nebilayi omuundu okhukiinga elijoki muluraga lwaye. 28Lekha yekhale yeng'ana mukhubulera, nilirerebwe akulu waye. 29Abukule omunwa kwaye akure mulifu elinaya linyala okhuba nilisiriwo.30Lekha abeesanie olwande lwoluseya lwaye khu ulia umukhuya olukhofi, khandi anyole okhwchusibwa nende amanyeko. 31Khulwo khuba Omwami siacha okhurulekha emiaka kiosi, 32Kata kario narurerere amchuni, achia okhuba nende esisa okhulondana nende obuungi bwo bukosia bwaye. 33Okhubeera siyomisianga okhurula mu omwyo kwaye kata okhusandia abaana ba baandu.34Okhusenakira asi wamakulu kaye ababoye boosi abo musialo, 35Okhwima omuundu obulungikhi imberi wa ulia oli akulu, 36Okhunyuula omuundu obulungikhi obukhiri bwaye Omwami sanyala okhufukirisania nende akene ako.37Niwina owakhalomaloma elikhuwa liolerera Omwami mwene naralibolere? 38Sinokhurula mumunwa kwa ulia oli akulu amakhuwa malayi nende amabi karulanga? 39Bikenda birie omuundu mulamu abuluule? Omuindu yakha bulula arie khu manyakhano kechimbi chiaye?.40Lekha khulingere chingira chiefwe nende okhuchipima, kario khumale khumukalukhire Yahweh. 41Lekha khukinguule emioyo kiefwe nende smskhono kefwe khu Nasaye ali mwikulu. 42Efwe khwononere nende okhola obukhayi nawe khasi orurekhere (wefumikhe) 43Wakhefunikha nende elirima norulonda, wirire oburelalikhira.44Wefunikhe nende eliresi elisiro mbwe libuleo elilaamo liosi lirakhulira. 45Orukholere okhuba obumachi bwokhusukunwa akari wa abaandu. 46Abasuku befwe boosi bali oruchuba, 47olurengo nende okhunyakhana birwichirekho obusasikhi nende okhusasikha.48Echimoni chiange chikhulukusia emialo kiamasika okhubeera okhusasikha okhwa abaandu bange. 49Echimoni chiange chinakhulusia amasika oburabulukha, obura jong'a. 50Okhuula ngolwa Yahweh okhurula mwikulu achia okhulingera asi mani alole.51Chimoni chiange chikirire ndi nesibeera mu omwoyo kwange okhubeera abakhana belidokho liange. 52Ndayimwa kori elioni nende abo abali abasuku bange; banyiima arali nende esifune. 53Bakhalaka obulamu bwange muliina, nibasukunakho elikina. 54Khandi nibakhola amachi okhwichula, nikafunikha omurwe kwange. Nimbola, "Malire okhukhalakwa!'55Ndalanga elira liao, Yahweh, okhurula muburambi bwelina. 56Wabulira idoboosi yange olwa ndaboola "Orasiba okhurwi khwao khu maliro kange nindaakha obukhonyi.' 57Wasuda ambi inyanga eyandakhulanga; nombolera,'Oraria dawe.'58Omwami yalwanira omusango kwange yaonia obulamu bwange! 59Omwami walola amabi akabakholera; khala omusango kwange. 60Obwene amanyako kabwe indekekha yabwe yosi khu esie. 61Obulire esileka siabwe Omwami, nende indekekho yabwe khu esie.62Minwa kiabo abaranyenya nende emisago kiabwe, kinjichira inyanga yosi. 63Lingera ngolwa bekhala nende khwekingula , banjara nende echinyimbo chiabwe.64Barunge, Omwami khulondana nende akabakhola. 65Sonalekha emioyo kiabwe arali nende omusango! omusango kwabwe kube akulu wabwe. 66Oberusia khulwa lirima nende okhunyasia asiwe likulu Omwami!"

Chapter 4

1

2Abaana ba obukusi basayunibali nende obukusi basayuni bwa busiroobwa idakhabu indafubulano khasi bali nende obukusi okhukhurakho enjagi chie liloba emirimo kia makhono komulongi.3Kata echimbwa echia mulukongo chirusia amabeere kachio okhununia abaana bachio, ne abakhana ba abaandu bange babere badinyu nga Eliudo mulumira.4Olulimi lwa omwana mudoro onuuna (olubeabea) akulu womunwa khulwo buluo abaana basaba ebiakhulia neumao khubo. 5Balia abanala okhulia ebiakhulia bia bukusi lano bali nende osanda. Injala mulukhongo: bala abalererwa mukhufwala engubo cha musambarau bulano bakona mulufu.6Obukhaki bwa abakhana ba abaandu bange nobukhongo okhukhira obwa Sodoma kwakalukhanisibwa khu dakika ndale ne yakalukhana khu daka, ne kuumao omukhono okwakinguliwa akulu waye.7Abemirisi baye bali balafu nga ibarafu, abalafu okhukhira amabeere. Emibiri kiabwe kiali miomu okhukhira ekina, emibiri kiabwe kiali kori (yakuti samawi) 8Okhubonekhana khwabwe khubeere khumasi nga sirima; khasi bamanyikhane mulukongo. Sikhoba siabwe siekhuna khumakumba kabwe: biomere nga echikhwi.9Abo aberea nende olupanga bakhira aberwa nende injala abo abasakhikha bafumirwa khulwa okhuraba nende ebikese khurula mundalo. 10Mikhono kia bakhasi be sibeera kirokosie abaana babwe babere ebiakhulia biabwe ebikha ebia abakhana ba baandu bange ngolwa bali nibanyasibwa.11Omwami yekesia elirima liaye liosi yachukha elirima liaye lilulu yambia muliro Sayuni kwalasia emise kiayo.12Abaruki be sialo sibasubira kata abamenya musialo mbwe abasuku kose abakhayi banyala khwingira mubiribwa bia Yerusalemu. 13Ne kano karulirao khulwo khubeera embii cha banabi nende obukhayi bwa amakhuani abachukha amabanga aka abalungikhi imberi wabwe.14Bayiyaiya nga aboofu muchingongo bali nibemaliye khu mabanga ako akali mbweaumao awafukirirwa khudira khuchingubo chiabwe. 15Ikhala alee; ikhala alee oradirakho! abaandu babola nibalimo abamubialo, "Khasi banyala okhwikhala ano khaba."16Omwami mwene yabasalania khasi balingera khandi khasi babaria abakukhani ne khasi bakheresia abakhulundu.17Emoni chiefwe chikhirirwe, nichilingala ebikhaya khu bukhonyi; khurula khu minara kiefwe kiobulindi okhulingera esialo esiranyala orwabina. 18Baloonda lukendo lwefwe, khasi khwanyala okhukenda muchingira chifwe, obumalirikhi bwefwe bwali ambii nende echinyanga chefwe chabalwa obumalirikhi bwefwe bulire.19Abarwirusia bali baangu khukhirakho engosia yo mumaleesi barwirusia muchingulu nende khuruima musichimi. 20Omuuya mumolu kefwe omubakhe owa mafura komwami owadirwa mulina: Oyo niye owabolwakho, "Asii we sinikha siaye khunamenya akali webialo.21Sangala nende okhwebulira, mukhana wa Edomu, ewe owamenya musialo siya Usi. Ne khwewe wesi esikombe sinakhubirakho; Onameera nende khufwalula echingubo. 22omukhana wa Sayuni omusango kwao kunola siakamo mubumalirikhi khasi anameda abadirwa bao ne omukhana owa Edomu anamuba esinyasio khandi okhubwikhula embii chao.
Chapter 5

1Ichulisia Omwami akarwekholekhakho ne bona esoni chefwe. 2Obulame bwefwe bukalukhanisibwe khu bakeni: enyumba chefwe khu bakeni. 3Khubeera abalekhwa abauma nende baba ne mama befwe bali kori abalekhwa. 4Biruika khurunga esende khulwa machi aka khung'wa, khandi khurunga esende khunyola ekhwi chefwe bene.5Abo abali khurulondanga boolere inyuma wefwe: khujongere ne sikhunyala okhunyoola obuulukhi. 6Khwerusisie khu Misiri nende asiri mbwe khunyola ebiakhulia biyera. 7Basefwe bakhola echimbii ne babulao khandi ne khungire embii chiabwe.8Abarumwa baruruka ne aumao owa khurwabina khurula mumikhono kiabwe. 9Khunyoola omugati khulwa khusandia obulamu bwefwe khu sifune sia lupanga mulumira. 10Esikhoba siefwe siri nga muliro kwa ijiko khulwa bubafu bwa injala.11Abakhasi bakwibwakho bamusayuni, nende basisisra mulidokho lia Yuda. 12Abaana bo muruki bamikirwe nende mikhono kiabwe ne luumao luyali olwekesibwa bakofu.13Ababukha bailkwa okhusia imwo khulikina lia khusiera, begumula asi khulwa busiro bwe chikhwi. 14Bakofu balekhere esiribwa sia edokho, ne babukha balekhere enyimbo chabwe.15Obusangafu bwa omwoyo kwefwe bwakame ne amakhino kefwe kakalukhane maliro. 16Lusimbi lukwire khumirwe kiefwe; wuui khwefwe, khuba khukholere chimbi.17Khulwa kano emioyo kiefwe kilwala, chimoni chiefwe chifwirire. 18khubeera lugulu lwa Sayuni lwadong'a lukhaya, amabwe niko akakendangamo.19Ne ewe Omwami oruka obumeri ne onekhala khusisala sio buruki olwibulo no lwibulo. 20Khulwasina orulekha chinyanga chinyingi. 21Rukalusie khwiwe Omwami nafwa khunakalukha. Hola buyakha chinyanga chefwe kori nga chiali khale. 22arali ewe warukhaya nawe oli nende elirirma akulu wefwe.

Joel

Chapter 1

1Likhuwa lia Omwami elia mwichira Yoeli omwana wa Petueli . 2Eng'we abakofu mubulire kano ,mureke amarwi, eng'we mweesi beene sialo .Manu !elikhuwa nga lino liarulirakhoo muchinyanga chieng'we , kose kata muchinyanga chia abaseng'we? 3Muboleere abaana beng'we amakhuwa kano ,ne abaana beng'we baboleere abaana babwe ne abaana babwe baboleere olwibulo lwichayo .4Kalia akalekhwa nende amadede kalibwa nende chisike chikhongo, kalia akalekhwa nende chisike,,kalibwa nende amadede ,ne kalia akalekhwa nende amadede kalibwa nende amasaa.5Mubukhe , eng'we abameesi ,mulire !muberere, eng'we mweesi abang'wa ifini ,khulwo khubeera ifini indayi yakheng'wa khurula khu eng'we. 6Khulwo khuba sialo sichiire akulu weliloba liange ,elia amaani elibula obubali ; Ameno kaye ni meno ka idalang'i ne yali nende ameno aka idalang'i ikhasi . 7Anyasisie musabibu kwange ,anyasisie musaala kwa ebiamo , okhwakwalula nende okhusukuna ale ;amasafu kakwo kakholerwe okhuba amalafu .8Mubererere nga omusisira owefwala amagunia mu khufwa khwa omusacha waye mudidi . 9Esianwa esia obusie nende esianwa esio okhung'wa ebiakhaywa ale nende inyumba eya Omwami . Abakukhani ,omurumikhi owa Omwami abererera . 10Indalo inyasikhe , ne esialo siberererakhulwo khuba imere inyasikhe ,ifini injiakha yoomere ,ne amafura kalemukhe .11Mmubone echisoni eng'we abalimi, mukhube oluyoka ,eng'we ababeresia misabibu ,khulwa ingano nende ishayiri .Khulwo ekhubeera ebikese bio mundalo binyasikhe , 12Musabibu kwomere nende musaala kwebiamo kunialire ,misaala kia omukomamanga amakhindu kosi nende misaala okwo butunda - misaala kioosi ekio mundalo kinialire ,Obwadieri isangalo inialire khu baandu .13Mweboye ebibuno mubererere ,eng'we abakukhani ! mukhube oluyoka ,eng'we abarumikhi abo khubwali ,Mwiche ,mukone mumagunia ,eng'we abarumikhi ba Nasaye wange .Khubeera esianwa sia obusie nende esianwa sio khung'webwa bikayirwe munyuumba ya Nasaye weng'we. 14Mulaame mukhweima ,mulange omukhung'ano mutakatifu . Mubusie abakofu nende abeene sialo boosi beeche munyuumba mwo Omwami Nasaye weng'we ,mumulire Omwami.15wuuwi khulwe inyanja ,khubeera inyanja ,ya mwami iliambi .Ne ineecha nga eya khusasia khurula khu owobunyala . 16Manu esiakhulia sisiakhaiwra ale imberi wechimoni chiefwe, ne isangalo nende chinjekho khurula munyuumba mwa Nasaye wefwe? 17Imwo ibola asi weliloba liaye ,ebiaki biumamo sindu ,ne bikaali bifunakwe , khulwo khubeera imeere yoomere .18Ngolwa chisolo chichunisibwa amaicho keching'ombe kanyakhana khulwo khubeera kabula olwayiro .Amaicho ka makondi kosi kanyakana . 19Omwami khulirira ewe,khulwo khuba omuliro kumulule olwayiro mulumira ,ne muliro kusambire misaala kioosi ekio mundalo . 20Kata echisolo echio mulwayiro chikhulirira, khulwo khubeera echisebere chia machi chiomere, ne omuliro kumirire obunyasi bwo mulumira.

Chapter 2

1Khuba olwika lwe likoondi musayuni, mani orusie idoboosi yo khulabula khu lugulu lwange lutakatifu! Lekha abaandu boosi abamenya musialo barengerekhe muburi, khubeera nobwadieri iyaanga yo Mwami ilikho yiicha, ili ambi. 2Ni inyaanga ye sirima nende khubuleera, iyaanga ya malesi nende esirima siingi. Kori ngolwe ingolobe eyifunikha khu lugulu, nilwo olwa abamayee baangi khandi abamaani bali khusuda ambi. Babulao abamayee abamala khubao kori abo, khandi khasi bakhabekhoo, kata olunyuma lwe chinjibulo chinyiingi.3Omuliro kulikho kumumamula bulisiindu imberi wabwe, ne inyuma wabwe echinjeserie chio muliro chiadukha. Ne esialo esio nasio sili kori omukuunda kwe Edeni imberi wabwe, afrali inyuma wabwe khuli nende olumira lukhaya, nobwadieri mbwe sibulao esirakhabanyoole.4Okhubonekhana khwabwe khuli kori okhubonekhana khwe ifarasi, khandi kori chifarasi chinyaangu, nilwo 0lwaberukha. 5Baduumanga akulu wobumalirikhi bwe chingulu musioka kori mitoka kie liyee, kori idoboosi ye injeserie yomuliro isaamba amakaada momu, kori abeliye bamaani abali berekekhe khuliyee.6Imberi wabwe abaandu banyakhana mubuchuuni, ne obweni bwabwe bwoosi busamukhire. 7Berukha kori abalwani bamaani ; banina khuliida kori nga abasikari ; basuda buli mulala khu bweyaango, ne khasi bafunaka mubweyaango bwabwe.8Kose abulao mulala osindikha oundi indulo, basuda, buli mulala mubweyaango bwaye; bekasiria ingira khumaani akari webilwaniro, ne sibalekha okhloonda ingira yabwe. 9Berukhira mulidookho, berukha khuliida, baniina mukari mwe inyuumba, ne babirira mumadirisa kori nga bebi.10Esialo sirengerekha imberi wabwe, elikulu lirengerekha, eliuba nende omwosi birebwamo esirima ne eching'ining'ini chilekha khukhosia. 11Omwami akingulaanga idoboosi yaye imberi wabaandu bamaye baye; khulwo khuba abakhuyani baye nibangi lukali; okhubeera abene abo nibamaani, abakingire amalako kaye. Khulwo khubeera inyaanga yo Mwami niyikhoongo khandi niyokhurisia lukali. Niwina onyala okhuyesimirisiria?12'' Arali kata bulano, Omwami aboola ari, ''Mungalukhire mumioyo kiengwe kiosi, mukhusiiba, nende khulira, nende mukhuberera.'' 13Bulano murandule emioyo kiengwe, ne khasi nichingubo chiengwe khaba, mani mukalukhire Nasaye wengwe. Khulwo khubeera niwobukoosia nende sisa, khasi mwangu welirima, ni wesusa singi; naye yekana okhukhola amabi.14Ni wina omanyire mbwe anakalukhana mani alaekhe echikhabi inyuma waye,esianwa sio busie nende esianwa sio khungwa khu Mwami wengwe?15Mukhube itarumbeta musayuni, mulabie khusiiba, mani mulaange okhwebusia khutakatifu. 16Mbusie abaandu, mulabi omikaanda, mubuusie abakofu, mubuusie abaaana nende abanuuna; Omwamiomwami wesiserero arule munyuumba mwaye naye omukhaye wesiserero arule muliyema liaye.17Bulano abakukhani, abakholi bo Mwami balire akari wabuundu atakatifu nende khubwali; ne baboole bari, ''obalekhuule abaandu bao, Ewe Mwami, kose ararusiao obulaame bwaao mani mani bunyooole echisoni, ne abanasialo babaruke. Khulwa sina baboole akari wabanasialo bari, Nasaye wabwe alienana?''18Abwene ao niwo owo Mwami achia okhuba nende imbalikha khulwe sialo siaye, okhwelalikhira abaandu baye. 19Omwami yakalusia abaandu baye ari, ''Lingeera, Njia okhurumira imere, ifini inaaakha, nende amafura. Khasi njia okhukhola okhuba chisoni akari webialo.20Njia khurusiao abakhwingiriraanga khurula emukulu ambi ninawe, ne khubayira muliloba liomu mani khandi likhaya. Abeliyee babwe abeimberi bachia khuchia munyaanja ye muumbo, ne abeyinyuma nabo muyebukwe. Obubolu bwabwe bwakhanine, ne okhuunya khubi kwakhanine.'' Khubeera akholere amakhuwa makhoongo.21Ewe sialo, oraria khaba, sangaala mani okhube luyoka, khubeera Omwami anakhola makhuwa makhoongo. 22Muraria khaba engwe chisolo chio musiino! Khubeera obunyaasi bwo musiino bunamera, emisaala kinaana ebiamo biakio, ne emisaala kie mikhuyu nende misabibu kichia khurusia bikese biakio ebiulirire. 23Musangaale , engwe baandu Basayuni, khandi musangalire Mumwami Nasaye wengwe. Khubeera achia khubaberesia ifula ye yiroocho muskero siobwadieri nende khubedisiria amaachi, ifula ye yiroocho nende siruumbi kori nga bili imberi.24Obweru bwokhunjerakho bucia khuchulakho inaano, ne chindamu chinechula ifini injaakha nende amafura. 25'' Njia khubakalusiria emiaka ekiebiraake biamadede kalia-- emadede makhoongo, amadede kokhumira, nende amadede kokhukhunyasia--abeliyee bange bamaani abandabarumira.26Munalia ebiakhulia mani mwikure, mani mufumie elira lio mwami Nasaye wengwe, okholere amakhuwa kaukisia akari wengwe, ne khasi ndkharere echisoni khubaandu bange khandi. 27Muchia khumanya mbwe ndi akari wa Isiraili, khandi mbwe ndi Omwami Nasaye wengwe, ne abulao oundi, ne khasi njia khurera echisoni khubaandu baange.28Ne biakhabe mbwe olunyuma lwako, ndakhachukhe Roho wange akulu wabaandu boosi abomubiri, ne abasiani bengwe nende abakhana bengwe bachia okhuboola akeecha imberi. abakofu bengwe bachia okhuloora amalooro, nabo abaraaga bengwe bachia okhulola amalolo. 29Khandi akulu wabakholi nende abapakasi bange njia khubachukhamo Roho echinyaanga echio.30Nasie ndakhekesie akamangalima mwikulu nende musualo; amabaanga, omuliro nende echisiiro chiomwosi. 31Eliuba liakhakalukhanisibwe okhuba esirima nakwo omwosi okhuba amabaanga, inyaanga ila eyo Mwami ikhoongo khandi irisia niiyisiri okhwicha.32Ne biakhabe mbwe buli omuundu owkhalange eliira lio yakahanunulwe. Khubeera akulu wo lugilu lwa Sayuni nende Yerusalemu khwakhabeo nende obuonia, kori olwo Mwami yaboola; akari wa balia abadoonga, balia obomwami alaaanga.

Chapter 3

1Lingeera, muchinyaanga echio nende ebikha ebio nindakhakalukhanisie abamayee ba Yuda nende Yerusalemu, 2Njia khubuusia banasialo boosi nende okhubarera mulidookho lia Yehosafati. Njia okhubakhalakira ebwene eyo, khulwo khubeera abaandu bange, nende obulaame bwange Isiraili, ababasalania akari we bialo, nende khubeera bakabaniamo esialo siange . 3Bakhuba ikura khu baandu bange, bakholera bukhala omusiani wange khulwo mudaamba, ne nibakusia omukhana khulwe ifini mbwe banyoole khungwa.4Bulano, khulwa sina musinyikhire, Tiro, Sidini nende chimbeka chia Filisiti chioosi? Muchia khunduunga? Kata numunduunga, njia khukalusia murungo kwengwe khumurwe kwao. 5Khubeera wabukula ifesa yange nende idakhabu, khandi warera imbikhiro yange yobukusi mukhekalu yao. 6Wakusia abaandu ba Yuda nende Yerusalemu khu Bayunani, mbwe onyoole khubarusia ambi nende olwakho lwabwe.7Lingeera, ndiambi khubasingisia, khurula abuundu wamwabakusia, ne njia khukalusia muruungo khu mirewe kiengwe bene. 8Njia khukusia abasani bengwe nende abakhana bengwe, khubirira omukhono kwa Yuda. Bachia khubakusia khu Sheba, khu sialo siale, khubeera Omwami alomalome.''9Salasia kano akari webialo: ''Mwrekekhere eliyee; musingisie abaandu bamaani; lekha beeche ambi; lekha abaandu bokhulwana beeche akulu. 10Mwokiye chimbako chiengwe chibe chigaanga ne makhande kengwe kabe mafumo. Lekha omudekhere abooole ari, ndi nendeamaani!11Khola lwangu mani wiche, engwe ebialo bili ambi mweesi; mwebusie mweesi ebwene eyo. Omwami yikhia abakhuyani bao abamaani.12Lekha ebialo biesingisie ebiene mani biiche mulikhokho lia Yekhosafati. Khubeera njia khwikhalayo okhukhalakira ebialo bioosi ebiabodokhana. 13Rusia ingeso, khubeera bikese biangale. Mwiche musene chinduli, khubeera chindamu chie ifini chichule. amapipa kedisia, khubeera amabi kabwe namangi.''14Khuli nende omukaanada, omukaanda mukhoongo mulikhokho lio bukhalaki. Khubeera inyaanga yo Mwami ili ambi mulikhokho liobukhalaki. 15Eliuba nende omwosi biekholere esirima, eching'ining'ini chikalire obulafu bwachio.16Omwami achia khukhumula khurula Sayuni, nende khungingula idoboosi yaye khurula Yerusalemu. Elikulu nende sialo bichia khudengeya, arali Omwami achia khufunikha abaandu baye, khandi sirukhiro sia baandu baye Isiraili. 17''Khukario muchia khumanya mbwe esie ndi Omwami Nasaye waoowamenya Musayuni, olugulu lewange litakatifu, ne abakeni khasi bachia khubira akari waye khandi.18Ne biakhabeinyaanga khuyinyaanga eyo mbwe echingulu chichia khudaacha ifini yinyunyula, ebigula bichia khuchukha amabeere, echisebere chia Yuda chioosi chiakhachukhe amaachi, ne omwalo kwakharule munyuumba mwo Mwami mani kuchukhirisirie elikhokho lia Shitimu. 19Misiri ichiakhuba abuundu yalekhwa bikhaya, ne Edomu yichia khuba olumira luwalekhwa, khulwo khubeera obubi obwakholerwa abaandu ba Yuda, khubeera bidisia musialo amabaanga karali nende sibi.20Arali Yuda achia khumenya chinyaanga chiosi, ne Yerusalemu ichia khubao khurula khu lwibulo khuchia khulundi. 21Njia khulabia amabaanga akasiiri khulabia, khubeera Omwami yamenya Musayuni.''

Obadiah

Chapter 1

1Amalolo ka Obadia. Omwami Nasaye aboola ari okhulondana nende Edomu: khwabulira elikhuwa khurula khu Mwami, naye omurumwa yarumwa mubialo naboola, "Buukhe! khuchie khukhuyane ninaye!" 2Lola ndabakhola oba badidi akari webialo munalekwa likali.3Eyisunga yomwoyo kwao yakhubacha, ewe owamenya mubirindwa biomuchinyanda munyumba yao ya akulu; oubolanga mumwoyo kwao, niwina owakhanjikhie asi? 4Kata wakhaba niwemer akulu ndeingosia nasio esiyu siao wasira akari wechi ng'ining'ini, ndakhwikhia asi okhurula ao, kabolwa nomwami.5Abeebi nibeecha ewao, kose abanyuuli bakhwichira musiro baba mbwe bakhumalao sibakhebere biosi ebibayeera? Biba mbwe abafuni beisabibu bakhwichira, sibakhalekher ebiamo? 6Ngolwa Esau yakhuywa nende amabikhiro kaye kanyolekhana!7Abandu bao bakhumanya banakhungoba okhula khulwakho. Abaandu baali nomulembe ninawe bakhubacha nende khukhukhira, Balia abaliachanga esikhulia siao barekere bakhurekere. Abulao omanyirisia. 8Omwami areba ari, sindanyala okhusasia abobumanyirisi okhurula Edomu, nende ababuliramo okhurala mulugulu lwa Esau? 9Abamaani bao bananyakhana, ewe Temani, ne buli muundu anakhaywa okhurula mulugulu lwa Esau nende okhwirwa.10Khulwo bumaanu bwawakholera musiani weng'we Yakobo, onafunikhwa nende chisoni nende khukhaywa khula obumeri. 11Inyanga yiria wali wemere, olwa bakeni babukulira omwandu kwaye, abari bakeni mumuliango kwaye, niboobera Yerusalmu ikura, ewe wali ngo mulala khunibo.12Ne orasangalira inyanga yomusiani weng'we inyanga yokhwirwa khwaye, kose orasangalira inyanga yokhusasibwa khwa baandu ba Yuda; murefumia inyanga yabwa yebindinyu. 13Orengira mumuliango kwa baandu bange inyanga yobudinyu bwabwe: orasangalira obunyakhani bwabwe inyanga ya madinyu kabwe, oranyuula ebiindu biabwe inyanga yo busasikhi bwabwe. 14Orema khungira khubelalira aberukha nende okhubaanikha abaumie inyanga yobunyakhani.15Okhuba inyanga yomwami ili ambi nende abebialo boosi. Ne ngolwa wakhola, kakhwekholekhekho ebikhole biao biakhakhukalukhire khumurwe kwao omwene. 16Ngolwa mwang'wa khurula mulugulu lwange lutakatifu, nilwo ngolwa abebialo boosi bakhang'we. Bakhang"we nibakhamira nibiba ngabaraliwo khaba.17Arali mulugulu lwa Sayuni khwakhabemo nende balia abaonesebwe nebakhaba abatakatifu; naye inyumba ya Yakobo bakhakerame obulamirwe bwabwe. 18Inyanga ya yakobo yakhabe omuliro, naye inyanga ya yusufu neinjererie yomuliro nayo inyumba ya Esau yakhabe amakokha momu, bakhabasambwe nibalala. Bubulao abakhaone munyumba ya Esau, kano kabolerwe nomwami19Boosi abarula Negebu bakhamenye mulugulu lwa Esau naye aba Shepela bakhamenye musialo sia Bafisiti. Aba bakhabukule esialo sai Efuraimu nende esia Samaria, naye Benjamini yakhabukule Gileadi.20Abangi be liye lia baandu ba isiraili bakhamenye muliloba lia Kanaani okhula Sarepta . Abauyi ba Yerusalemu abali Sefaradi, bakhabukule madookho ka Negebu. 21Abaabini bakheche okhula akulu wolugulu lwa Aayuni, okhuruka esialo siabigulu sia Esau, naye oburuki bwakhabe obwomwami.

Jonah

Chapter 1

1Nilwo olwa elikhuwa eliomwani liamwichira Yona omwana wa Amittani, niliboola, 2Singira ochie Ninawi, elidokho likhongo olekhuule idobosi akulu walio, okhubera obubi bwabwe bukingukhire imberi wange." 3Arali Yona yarula imberi womwami niyerukha okuchia Tarshishi. Niyekhirira okhuula Yafa nalola imeli ichia Tarshishi narusia omurungo okwokhumukinga niyengira imeli okhuchia naya Tarshishi, okhuchia ale nende okhubao okhwa omwami.4Arali Omwami naruma omuyaka omukhongo akulu wa inyanjan nikhuba nende amafinda khunyanja mulwangu bialolekha mbwe imeli yenya okhwbira, 5Abechingendo echiomunyanja nibadirwa nende oburi lukai buli mulala nalira khu Nasaye waye omwene. Nibasukuma emikuku ekiali mumeli okhunyianguyia. Yona yali niyekhere asi mukari mwe imeli naye yali nakona echindolo mukari omwo.6omwirusia we imeli namuchiira namubolera" mbwe sina weyalisie? singira! omusaba Nasaye wao! Aundi Nasaye wao anarumanyisia khukhaye okhudiba" 7Boosi nibabolana, mwiche khuube ikuura khumanyirisie mbwe niwina okera obudinyu buno burunyole! mani nibakhuba ikura, ikura nimukwira Yona.8Nibamala nibamuboolera yona jama olubolere niwina okira obudinyu buno niburunyola. Okholanga mirimo sin, ne orula ena? 9Yona nababolera esie ndi omuheburania; khandi ndamuria Omwami Nasaye womwikulu owakhola inyanja nende esialo siumu." 10Nilwo olwa abaandu abo baria lukali nibamubolera Yona, ne likhuwa sina lino eliookholere? okhubera abaandu abo bamanya mbwe yali niyerukha okhurula imber womwami okhubeera yali ababolere.11Mani nibamubolera Yona, "khukhole sina mani inyanja inyale okhuyejeera? okhubera inyanja yali niibiyire lukali kali. 12Yona nababolera "Mumbukule musukune munyanja. Inyanja inayenjeera khulweng'we, okhubeera manyire mbwe nikhubeera esie omuyaka kuno omukhongo kubanyolere." 13Kata kario, abaandu abo bateema okhukalukha khulukuku, arali khaba khasi banyala okhukhola bario okhubeera inyanja yali nibiiyire lukali khunibo.14Khulwesio nibamusaba Omwami nibabola, khukhusaba, Omwami, khukhusaba orarulekha khwasasikha okhubeera obulamu obwo mundu uno; khandi orarubalirakho obukhalaki obwo khufwa khwaye, okhubeera ewe, omwami okholere ngolwa wenya. 15mani nibamubukula yona nibamusukuna munyanja, inyanja niyenjera. 16Abaandu abo nibamuria Omwami lukali; nibamurusiria Omwami esisakhiro nende okhwechuba.17Omwami yali narekekha okung'eni okukhongo okhumumira Yona, Yona naba muunda ya ing'eni echinyanga chidaru nende ebiro bidaru.

Chapter 2

1Olunyuma Yona namusaba Omwami Nasaye waye okhurula munda mweing'eni. 2Naboola mulangire Omwami akulu wa obudinyu bwange; khurula munda ya magombe nalira khu bukhonyi! wabulira idoboosi yange.3Wali usukune mulidende mukari mwa omwoyo kwe inyanja, ne machi kambodokhane; omuyaka kwao kwosi nende amafinda kabira akulu wange. 4Nimboola, 'njirusibwe orula imberi we chimoni chao; arali ndalingera khandi akulu wa ikhekalu yao indakatifu.'5Amachi kafunikha okhumbodokhana aambi nende elikosi liange; oludende lwambodokhana; amayombeyombe nikabodokhana omurwe kwange. 6Ndachia asi wo lugulu; esialo nende chisiro chasio siboyerwe akulu wange obumeri. Arali ewe okingulire obulamu bwange khurula mulina, Omwami Nasaye wange!7Ebikha ebia omwoyo kwange kwasima mukari mwange, nimulanga Omwami mani elisayo liange nilikhwichira muikhekalu yao indakatifu. 8Boosi abarekeresianga eminasaye ekirakhoyera bakhanyanga obwesikwa bwao nibo abene.9Arali esie njia khukhurusiria esisakhiro mumwoyo kwokhukhwebasia; nja khusirisia akandechuba obuonia burula khu Mwami! 10Lunyuma Omwami nalomaloma nende ing'eni niimusala Yona khulukuku wa sialo siomu.

Chapter 3

1Elikhuwa lia Nasaye nilimwichira Yina ekhabi lia khabiri , niboola, 2Rula ochie Ninawi elidookho lilia likhongo, ne oyale amayaalo akandakhuberesia" 3Mani Yona nabwao nachia Ninawi khulondana nende likhuwa lia Omwami. Bulano Ninawi yali elidookho likhongo lukali, lwali olukendo lwa chinyanga chidaru.4Yona nachaka okhwingira mukari mwe lidookho, ne olunyuma lwa olukendo lwe inyanga, nalaanga mudoboosi naboola "muchinyanga amakhumi kane Ninawi icha khusasibwa." 5Abaandu ba Ninawi nibamusubira Nasaye ne nibalandirisia okhusiba. Boosi nibafwala echingubo cha magunia khurula khu mukhongo okhurula khu mukhongo okhula khu mudidi.6Amakhuwa nikolera omuruki wa Ninawi niyema khurula khu sisala siaye sio buruki nafwalula esiefwalo siaye niyefunikha amagunia niyekha mulikokhe. 7Narusia elisalasio mulidokho lia Ninawi khu bunyala bwa oburuki nende abakhongo babwe, murakanya omuundu kose isolo, ing'ombe liicho barakhombakho sindu siosisiosi, baraliakho kose khung'wa amachi.8Arali abaandu nende chisolo bafunikhwe nende magunia ne balire muidoboosi ikhongo khu Nasaye. Buli mundu akalukhane alekhe chingira cjiaye chimaanu ne arule mubumaanu obuli mumakhono kaye. 9Wina omanyire? Nasaye anyala khukalukha nakalukhania amaparo kaye nalekha elirima liaye lilulu mbwe khurasasibwe."'10Nasaye nalola kala akabakhola, nibalekha engira chabwe chimaanu. Khulwako Nasaye yakalukhania amaparo kaye akulu wa elirima elia yali nababoolere mbu yakhabakholere, naye siyakhola ario.

Chapter 4

1Ne lino liamusinyisia Yona mani nasinyikha. 2Mani Yona nasaba Omwami naboola ari, eh omwami kano khasi niko akandaboola ningalukhe musialo siange? nisio esikira nikhola lwangu khunyala khwirukhira Tarshishi khulwa okhuba ndamany mbwe oil nasaye wesisa nende chimbabasi, soli nende lirima lingi arali omungi wa obwesikwa nende owokhukalukhania maparo mubusasikhi. 3khulwa ebikha bino Mwami khusaba orusieo obulamu bwange okhuba nebilayi khufwa okhukhira okhumenya.4Omwami naboola mbwe, "nebilayi khuba mbwe osinyikhe?" 5Mani Yona narula mudookho niyekhala bukwe welidookho, ne ebweneeyo yakhola obumenyo niyekhala asi bwo musiinukha mbwe anyale okhulola mbwe elidookho linaba lirie.6Omwami Nasaye yarekekha esirake nasikhusia akulu wa Yona mbwe sibe esinikha khumurwe khwaye anyale khududuyia manyakhano kaye. Yona yali nende obusangafu bungi khulwa esirake. 7Arali Nasaye narekekha sikoko mumabwibwi ichuli yalondakho, siakhuya esirake, mani esirake nisiekhuyuka.8Ni biali ebikha bia eliuba khurula ichuli, omwami Nasaye yarekekha omuyaka mukhongo okwa ebukwe. Kata eliuba lioba murwe kwa Yona mani nakwa. Mani Yona yekomba okhufwa. Niyeboolera ari, ne bilayi esie okhufwa khukhira khumenya. 9mani Nasaye namuboolera Yona, "kario nebilayi ewe okhuba nende elirima khu sirake? Yona naboola mbwe nebilayi khuba sinyikhe khuula okhufwa.10Omwami naboola, "okholeera sisa esirake esiorakholera emilimo katakhasi kwakhula. Okwa mera musiro khandi kwafwa musiro 11Khulwesio esie khasi biakhoyera khukholera sisa Ninawi lidookho likhongo eliri nende abaandu abakhira chilifu imia nende makhumi kabiri, abasiri okhumanya okhukabukhania akari wo mukhono mulungu nende mukada nende ching'ombe chinyingi?"

Nahum

Chapter 1

1Elisalasio khulondana nende Ninebe. Esitabo esia malolo ka Nakhumu, Omwelokosite.2Omwami ni Nasaye weimbalikha, khandi khandi niwokhurungisia; Omwami arungisianga khandi yechulamo oburima; Omwami arungisianga abasuku baye, khandi achiririsianga elirimaliaye khu basauku baye. 3Omwami khasi nimwangu welirima khandi niwamaani mangi; khasi achia okhubalekhula abamabi. Omwami akasianga ingirayaye mumiyaka kiesiefusie nende omiuyaka kwa mabinda, nakoamalesi nolufu lwamakulu kaye.4Yalabiraanga inyaanja nende okhuyukhola yoome; yomianga emialo kioosi. Basani nimudekhere, nende Karimeli yesi; ebimuli bia Lebanoni bibere ebidekhere. 5Echingulu chirengerekha imberi waye, ne ebigulu bisangulukhs ; esialo sikwa imberi waye, esialo alala nende abaandu boosi abamenyamo.6Niwina onyala owema imberi welirima liaye? Nwina onyala okhwikalira obululu bwelirima liaye? Oburima bwaye buchukhirwe erwanyikori ngomuliro, ne yadisie olwanda.7Omwami nomulayi, olukoba munyaanga yamanyakhano; khandi amanyirisianga abamwirukhira. 8Arali achia okhwakamia mubwichufu abasuku baye mubungi bwa maachi; achia okhubaloonda musirima.9Engwe abaandu, nisina esia murekekheranga Omwami? Achia okhusiakamia mubuwichufu; amanyakhano khasi kachia khusingira elikhabi lia khabiri. 10Kori emisaalakia mabwa nende kori amalwa ka bamesi, bachiakhusasibwa kori nga amakada momu. 11Khurula mwewe, Ninebe, omuundu aruliremo owarekekha amabi khu Mwami, omukeraki mumaanu.12Kano niko ako Mwami aboola, ''Kata nibili nende amaani kabwe mubwichufu nende mubwichufu bwo bungi, bachia khurusibwao; abaandu babwe bakhabire. Arali ewev Yuda: Kata kario ndakhusandisie, khasi njia okhusandia khandi. 13Bulano njia okhufunaka elijoki lia baandu okhurulakho; Njia khufunaka eminyororo kiao.'''14Omwami aberesanie esilagiro khulondana ninawe; Ninebe: ''Olwibulo luli nende eliira liao khasi luchia khubao khaba. Njia khukhalakayo ebifwanani bibachwa nende khumalao ebifwanani bie bichuma khurula mujnyuumba chia minasaye kiengwe. Njia khureresia ingani yao, khulwo khubeera olekeresibwe.''15Lingeera, akulu khu chingulu amakulu komuundu orera amakhuwa malayi, okhusalasia omuleembe! Sangalira echinyaanga chiengwe chikhulundu, Yuda , mani mwoseresie ebisubisio biengwe, khulwo khuba abamabi khasi bachia okhubengirira khandi; amalira khumalwao.

Chapter 2

1Ulia owokhusalania alikho akhwichira. Liinda eliida lie lidookho, linda omwanda, mwere amaani mubibuno biengwe, mukhwesere alala amaani kingwe koosi. 2Khubeera Omwami akalusia oluyaali lwa Yakobo kori ngo luyaali lwa Isiraili, kata kario abanyuuli babanyasianende khunyaasia amasaga ke misabibu kiabwe.3Echingabo chia baandu bamaani baye nichinjakhanyu, ne abasikari befwalire echingubo chinjakhanyu; emitoka kie liyee king'enang'ena nende ebichuma khunyaanga ya chiarekekhwa, nende amafumo ke mifunje ekibaaywa mumiyaka. 4Emitoka kie liyee kibira lwangu muchingira; kiirukha nikichia imberi nende inyuma khuchingira chimambali. Kili kori echitochi, khandi kiirukha ngolumiesi.5Yechulisia abaandu besiribwa baye; begumulanakho buli mulala khuundi mukhukeenda khwabwe; bakhola lwangu okhunyasia eliida lie lidookho. Ingabo ikhoongo yakasibwa khulwo khuliinda abaandu bokhunyasia bano.6Emiliango kili khumialo kiyikirwe okhwikukha, ne inyuumba yo muruki yikwire. 7Husabu afwalulwe echingubo chiaye khandi abukulwe; Abakholi baye abesikhasi balira kori nga amausi nibekhuba khuchimbeere chiabwe.8Ninebe ali kori elidiba lidaacha amaachi, abaandu baye niberukha kori nga amaachi kerukha. Abandi baboola bari, ''Yema, yema, arali abulao okalukhana inyuma. 9Bukula ifisa eyanyulwa, bukula idakhabu eyanyulwa, khubeera obumalirikhi bweimbikhiro bubulao, khulwo luyaali lwebiindu bioosi bilayi ebia Ninebe. 10Ninebe niyikhaya; niyikhaya khandi yinyasibwe. Omwoyo kwo buli muundu kusangulukha, amakhiumbo ka buli mulala kakudana alala,ne obuchuuni buli mubibuno bia buli mulala; obweni bwabwe busamukhire.11Bulano elikhokho lie idalangi liriena, abuundu we chidalangi chindoro chiliraanga ebiakhulia, abuundu we idalangi isaacha nende nende ikhasi chiakeenda, nende ichidalangi chindoro, owabararia esiindu siosi? 12Idalalangi yarandula ebiayayima mubidonye khulwa baana bayo; yamika ebiayadiira khulwa bakhasi baye,niyichuusia elikhokho liaye abayadiira, niyechuusia eliina liaye ebiindu biafwa.13Lingeera, esie khasi ndi ninawe-- lino nilisalasio lio mwami wamayee. Ndasaamba mitoka kiengwe kieliyee mumwosi, ne olugaanga lunamira echidalangi chiengwa chindaaga. Njia khumalayo ebiindu biengwe ebiamwadiira khurula musialo siengwe, ne echidoboosi chia barumwa bengwe khasi chiakhabulirikhane khandi.''

Chapter 3

1Uuwi khulwe lidookho liechulamo amabaanga! Liosi liechulamo obubacha nende emiandu kio bwibi; abakholerwe amabi bamulimo buli lwoosi. 2Arali bulano khuli nende esioka esie misarita nende echidoboosi echie mikurudumu ekibodokhana, echifarasi chiirukhan nende emitoka kia mayee ekidumaduma.3Abali khuchifarasi baloonda, echigaanga chimiesukha ne amafumo kang'enang'ena! Esiruli sie milaambo, obuungi bwe mibiri ekiranyala okhubalwa, abalwani begumula khu mibiri. 4Kano karulirao khuwo khubeera ebikhole ebiobwekoombi bwo mudaamba we siso, owamanya obukhiingi, okusianga ebialo khubirira mudaamba bwaye, nende abaandu khubirira khubirira mubikhole biaye ebiobukhingi.5''Lingeera, esie khsi ni ninawe-- lino nilikhuwa lio Mwami wa mayee-njia khukinguula ingubo yao eyaasi yifunikhe obwene bwao mani njekesie oburie bwao khu bialo, echisoni chiao khu buruki. 6Njia khusukuna obumali bwo khusinyisia khwao nende okhukhola obe omumaaanu lukali; ndakhukhola obe omuundu olingerwa nende buli mulala; 7Biakhabe mbwe buli mulala okhulingeera achia okhwirukha nende khuboola mbwe, 'Ninebe yinyasibwe; niwina onamulira?' Ena owandakhachia okhunyoola omuundun yesi owokhumulemia?''8Ninebe, ewe oli omulayi okukhira Tebesi, owombakhwa akulu wo mwalo kwa Naili, okwali nikubodokhanwe nende amaachi, owobuliindi bwaye bwali inyanja, ne inyanja yali eliida liaye? 9Kusi nende Misiri bali amaani kaye, ne obumalirikhi bwaye khasi bwaliwo khaba; Puti nende Libia bali abeecha baye.10Arali Tebesi yabukulwa; nachia mububoye; abaana baye badidi bafunakwa ebidonye bidonye mu buli bweyango obwe chingira; abasuku baye aboluyaali, nabo abasaacha baye abamaani baboywa eminyororo. 11Ewe wesi onaba omumesi; onateema okhwekisa, khandi wesi onakoonya obwirukhiro okhwekisa khurula khu musuku wao.12Echingabo chioosi chinaba kori emisaala kiomufudu nende ebiamo ebiomufudu ebiomere ebirangirira: nikudengeyisibwa, nibikwa mumunwa okwomuli. 13Lola, abaandu bali nawe nibakhasi ne ebiriwa ebiesialo siao biikukhe biakhakha khulwa basuku bao; omuliro kusambire echiisiro chiabwe.14Chia odaye amaachi khulwo khuliinda khwao, dinyisia obuliindi bwao: chia mumadosi, oswale eliloba lio mulongi, obukule elidosi khulwa matofwali. 15Omiliro kunakhusambira ebwene eyo, ne oligaanga lunakhusasia. Lunakhusasia kori echisike chindoro chinyasianga buli siindu. Mwekhole kori echisike chindoro chinyingi, kjhandi kori echisike chinyangafu echikhulre.16Omedere abeingaanga bao okhukhira ching'ining'ini echiomwikulu; arali bali kori echisike chindoro: chinyasia esialo nichiburukha nichibwao. 17Abalindi bao ali kori emikaanda kie chisike, nabo abakhoongo ba mayee bao bali kori emikanda ekiechisike ekihaale khuliida inyaanga ye imboo. Arali eliuba nilirula nichiburukha chibwao, ne abuundu owachichia khasibimanyikhane.18Ewe omuruki wa Ashuru, abayii bao bakona chindoolo, aboliyaali bao bakona nibabulukha mulufu. Abaandu bao basalanire khuchingulu, ne abulao omuundu yesi obabusia alala. 19Obula khuona amakonjo kao, amakonjo kao namakhoongo. Buli mulala abulira amakhuwa kao nakhuba makhofi mubusangafu khuwao. Okhubeera niwinaorabirira mububi bwao okhuchiririra.

Zephaniah

Chapter 1

1Lino nilio elikhuwa lia Omwami eliecha khu Sefania omwana wa kusi omwana waGedalia omwana wa Amaria omwana wa Hesekia ,muchinyaanga chia Yosia omwana wa Amoni omuruki wa Yuda. 2Ndasasia muno buli siindu khurula mumoni chio musialo - Lino nilio elikhuwa lia Omwami mwene. 3Ndasasia abaandu nende chisolo ; Ndasasia amayoni ko mwikulu nende eching'eni chiomunyanja, obusasikhi alala nende abamabi kho ndarumurusiao omundu khurula mubweni bwe sialo-lino nilio likhuwa lia Omwami.4Ndolerera nende omukhono kwange akulu wa Yuda nende boosi beene Yerusalemu. Ndabarusiao buli siindu sia Baali abuundu ano nende ameera ka baandu abenamira bifwanani khu mukukhani, 5abaandu akulu weinyumba benamira mibiri kio mwikulu nende abaandu abamwinamira nende khwechuba Omwami araali khu abo abechuba khu omuruki wabwe. 6Narusiao abo bosi abekalukhania khurula oburamulonda Omwami balia abamukonyanga Omwami oburareba obwimirisi bwaye ,7Mubuleere imberi wa Omwami khulwa inyanga yo Mwami ili ambi Omwami akasisie sisakhiro nende khukabula abakeni baye . 8Inecha muinyanga ya sisakhiro sio Mwami kho ndasandia abakhongo nende abaana ba baruki nende ula yeesi owefwalire mubiefwalo bikeni. 9Muinyanga eyo ndasandiabalia boosi abaruuma akulu wesiserero, balia abechusia inyumba ya Omwami wabwe emilwano nende obubacha.10Kho biakhabe muinyanga ilia- lino ne lisalasio lio Mwami- mbwe okhulira khwe sibeerakhwakharule mumulingo kdweing'eni niyuba oluyoka khurula musidonye sia khabiri ne idoboosi ikhongo khurula muchingulu .11Mukhube oluyoka , abeene biiro bia bidonye , khu boosi abakholi bo bukhala banaba banyasibwe, balia boosi abokhukera ifeda barusibweyo.12Bineecha khu bikha ebio ndakhakonye Yerusalemu nende itaara nende khusandia abasaacha abanaba nibekhale muifini yabwe nababoola mumioyo kiabwe Omwami si anakhola siosi esilayi kose esibi.' 13emiandu kiabwe kinanyolwa ne chinyumba chiabwe chichusibwemo manyakhano! Banobakha chinyumba ne sibanamenyamo ne banaraka misabibu arali sibanangwa ifini yabwe.14Inyanga ikhongo yo Mwami ili ambi, ambi khandi icha bwangu! idoboosi yeinyanga ya Omwami khunaba khulira khwo buchuni bwe ichuoni! 15Inyanga eyo yakhabe inyanga yoburima, inyanga ye sibeera nende buchuni, inyanga ya mabinda busasikhi, inyanga yesirima nende busulunyi, inyanga ya maleesi nende sirima sia tii. 16Yakhabe inyanga ya makondi, chinjika nende chikengele akulu we chingoba mudookho nende obukhiri bukhongo.17khulwa ako ndareera bulima khu muundu khulwo khuba banakenda nga basacha baofu khurula nga bakhola ibi khu Mwami. Mabanga kabwe kanachukhwa rwanyi nga lufu nende mukari mwabwe nga amasingo. 18Kata ifesa kose idakhabu yabwe inanyala khubaonia munyanga yo burima bwa Omwami. Mumuliro kwe ikhinda sialo siosi sinalala khulwasio anarera obwolelefu, obumalilikhi burisia kho boosi abekhala musialo."

Chapter 2

1Mwebusia alala eng'we beene mukhung'ane musialo sibula chisoni - 2Elikano nilisir ikhwolerera nende inyanga eyo khubira nga madere ,oburima bukhongo obwo Mwami khwicha akulu weng'we eyinyanga ya elirima lio Mwami khwicha akulu weng'we. 3Mumukonye Mwami , eng'we abaandu beocheresia musialo abaria amalako kaye! Mukoonye bulungifu , mukoonye khweocheresia ne lundi munalindwa muchinyanga chio oburima bwo Mwami .4Khu Gasa inajwangwa ne Ashikeloni unakalukhanisibwa khu busasikhi .Banerusia erwanyi Ashidodi musidere ne baneyaka Ekironi! 5Wuuwi khubekhala khulukuku lwe inyanja,musialo sia Abakereti! Omwami alomelome khu ewe Kanaani esialo sia Abafilisiti .Ndabasasiaowamenyao owakhadong'eo .6Olukuku lwe inyanja lwakhabe lwayiro lwa abayi ne ebidwoli bia amakondi . 7Ebialo bie esidonye siokhunyanja biakhadong'e okhuba ebia inyuumba ya Yuda, owakhaye amayiicho aka makoondi kabwe ebwene eyo .Abaandu babwe bakhakone asi ingolobe munyumba ya Ashikeloni, Okhuba Omwami Nasaye wabwe anabaliinda nende okhukalula obuboywe bwabwe.8Mbuliire okhwekinia khwa Maobu nende ebijaaro bia abaandu ba Amoni olwabekinikha khubaandu bange nibengirira echinjakho chiabwe . 9Khulwesio nga olwamwenya -lino nilio elikhuwa lia Omwami owamayie,Nasaye wa Isiraeli-Moabu banaba kori Sodoma ,nabaandu ba Amoni kori Gomora ; abundu wa eliswa nende eliina lia omunyu,owalekhwa chinyanga chioosi .Arali abaandu bange badoong'a banabayira mububoye ne abesialo siange abadoong'a banabakerama''.10Kano kanakholekha khu Moabu nende Amoni khulwa isunga yabwe,okhuba bekinia manu nibekingula akulu wa baandu ba Omwami owamayie. 11Abwenao Omwami aliba owokhuriisia khunibo , okhuba yasasie eminasaye kioosi ekio khusiaalo .Buli muundu yamwinamire ,siamulala okhurula abundu waye omwene ,okhurula khuliloba lieinyanja eliebialo bioosi .12Eng'we Abakushi mweesi mwafumirwanende olugaanga lwange , 13ne omukhono kwa Nasaye kunengirira emikuku manu kusasie Ashuru, okhuula Ninawi olwayilekhwa nisasikhe, niyumire kori oluumira. 14Abwenao amayiicho asi ebweneyo ,buli isolo ye biaalo; Elikhirikhikhi lio mulumira nende elikhirikhikhi lio mwoyo munyerere kaumukhire akulu we chisiiro chiaye..Omulaango kwa khembe erwanyi okhurulira mumadirisa ebikngoliobiliba muchingira chiemiliangiro;echisiiro chiomurumba chiaye chimbaache chakharebwe mubwakhakhu .15Lino nilio elidookho lisangaafu eliamenya oburaria ,owaboola mumwoyo kwaye ,''Nesie oliwo ,khandi sibulao siindu esiakana nange ''. Yekholere omukhaya abundu webisolo okhukona mukari .Buli mulala omubirakho anasaalira nende okhumusisimulira omukhono kwaye.

Chapter 3

1Wuuwi khulidookho liakhayukha ;Elidookho lia ifukulu lirabasiibwe. 2Khasi yarekeresia idoboosi ya Nasaye kata okhufukirira obukololi okhurula khu Mwami ,khasi asubirira mu Mwami khandi siyakhachiira Nasaye waye .3Abaruki baye nechidalang'i chiwoola akari waye .Abakhalaki baye nebisuje bie ingoloobe abaralekhanga esiindu siosi esiokhukauya ichuli . 4Abanabii baye nabadofu khandi abaandu babacha .Abakukhani baye baswasisie sila esiri sitakatifu ne bafunaake elilako .5Omwami nomulungifu akari waye .Siyakhakhola elibi liosi .Ichuli khuchuli anoseresia obwadieri bwaye ; okhwekisa mubulafu ,abula ababalukhi bakorerweechisoni .6''Sasiisie ebialo; eminara kiabwe kinyasibwe sasiisie echingira chiabwe obusasikhe, mbwe abulao kata omulala ochibirakho .Amadookho kabwe kasasiikhe kata abulao omuundu owakamenyamo. 7Ndaboola mbwe, 'Obwadieri muchia okhundia. Fukirira okhukololwa manu murekhalaka okhurula mumadaala keng'we khulwa koosi akandekekhe okhukhola khwengwe! Arali bali nende obwangu okhuchaaka buli ichuli okhunyasia ebikhole biabwe bioosi.8Khulwesio muniinde - lino nilio elikhuwa lio Mwami- okhuula khunyaanga eyasingira okhukwakho esiime okhuba obukhalaki bwange nikhukhungaasia ebialo okhubusia oburuki, okhuchukha elirima liange khunibo elirima liange lioosi elisaamba okhuba mumuliro kwe imbalikha yange esialo siosi sichia okhumululwa.9Arali bulanu ndalabia eminwa kia baandu, mbwe boosi banyale okhulaanga eliira lio Mwami nibamurumikhira ebeka khukhubeka 10Okhurula ingerekha wo mwalo kwa kushi abenamiri bange abasalaana bananderera ebianwa ebikhoyera. 11Munyaanga eyo simwakhambisibwe echisoni oukhuba ebikhole biengwe bioosi ebiamwakhayikhirwa, okhurula ebikha biabira ndarusia okhurula mwengwe balia abebulisia musuunga yengwe, ne khulwo khuba ebikhole ebiokhwekingula khulugulu lwange lutakatifu.12Arali ndalekha akari wemgwe abaandu bafwinyirirwa nende abamanani, ne bananyoola obwirukhiro muliira lio Mwami. 13Abadoong'a aba Isiraili sibachia okhola akobubi kose okhuboola obubucha, ne lubulao olulimi lwobubacha olwakhanyolekhane muminwa kiabwe, kario bakhalie nende okhweyalisia asi ne abulao ochia okhubakhola abari''.14Yimba, omukhana wa Sayuni! Yayula, Isiraili. Ba omusangafu nende owokhwekhoya nende omwoyo kwoosi omukkhana wa Yerusalemu. 15Omwami arusisieo esinyasio siao; Yerusie abasuku bao! Omwami niye Omuriki wa Israili mwengwe. Simuchia khandi okhuria obubi! 16Munyaanga eyo baboolera Yerusalemu, '' Oraria, Sayuni. Oralekha amakhono kao kaaba amadekhere.17Omwami Nasaye wengwe ali mwengwe, no mukhoonhgo obaonia. Anekhoya khulwengwe nende isangaalo; Anaba omubulerefu khweng'we mubukheri bwaye; Anasangaalo khulwengwe nende injayula yobusangaafu. 18Ndabusia balia ababerera, balia abaranyala okhuchia mubidialo bilobole, kario khasi khandi munambisibwa echisoni khulwako.19Lingeera ndiambi okhulwania nende abakhaniakhani bao boosi. Khubikha ebio, ndabaabira abalema nende okhubuusia alala aberusibwa. Ndabakhola okhuba ifuma, ne ndakalukhania echisoni chiabwe mukhumanyikhana musialo siosi. 20Khubikha ebio ndabemirira; mubikha ebio ndabakhungania alala. Ndababeresia obumanyikhani nende ifuma mubaandu boosi abokhusialo olwandabakalusie ababoye bengwe mumoni chiengwe; Aboola Omwami.

Matthew

Chapter 1

1Esitabo esio lwibulo lwa Yeso Kirisito Omwana wa Daudi, omwana wa Ibraimu. 2Ibraimu yebula Isaaka; Isaaka yebula Yakobo; Yakobo yebula Yuda nende abaana babwe. 3Yuda niyebula Faresi nende Zera mu Tamari; Faresi niyebula Esiromi; Esiromi niyebula Aramu;4Aramu niyebula Aminadabu; Aminadabu niyebula Nasoni; Nasoni niyebula Salumoni; 5 Salumoni niyebula Boasi mu Rakhabu; Boasi niyebula Obedi mu Ruthi; Obedi niyebula Yese; 6Yese niyebula Daudi omuruki; Daudi omuruki niyebula Solomoni mu ula owali omukhasi wa Uria;7Solomoni niyebula Roboamu; Roboamu niyebula Abiya; Abiya niyebula Asa; 8Asa niyebula Yosafati; Yosafati niyebula Yoramu; Yoramu niyebula Osia;9Osia niyebula Yotamu; Yotamu niyebula Akhasi; Akhasi niyebula Esekia; 10Esekia niyebula Manase; Manase niyebula Amoni; Amoni niyebula Yosia; 11Yosia niyebula Yekonia nende abaana babwe, muchinyaanga chiokhudiirwa okhuyirwa Babeli:12Ne olunyuma lwo khuyirwa Babeli, Yekonia yebula Salatieli; Salatieli niyebula Serubabeli; 13Serubabeli niyebula Abiudi; Abiudi niyebula Eliakimu; Eliakimu niyebula Asori; 14Asori niyebula Sadoku; Sadoku niyebula Akimu; Akimu niyebula Eliudi;15Eliudi niyebula Eliasari; Eliaseri niyebula Matani; ne Matani niyebula Yakobo; 16Yakobo niyebula Yosefu omusaacha wa Maria, owebula Yeso, olangwa mbwe Kirisito. 17Kario echinjibulo chioosi khurula khu Ibraimu okhuula khu Daudi ni ekhumi nende chine; khandi okhurula khu Daudi okhuula nibairwa Babeli nichinjibulo ekhumi nende chine; khandi okhurula nibayirwa Babeli okhuula khu Kirisito nichinjibulo ekhumi nende chine.18Bulano okhwibulwa khwa Yeso Kirisito khwali khuri: Maria ng'ina olwa yali nafukirire okhudekhisania nende Yosefu, nibasiamenya alala, yanyolekhana nali nende inda eya Rokho Mutakatifu. 19Ne Yosefu omusaacha waye, khulwo khuba yali omuundu mulungifu nareenya okhumwambia chisoni, yapaara khumwerusiakho mubwekisi.20Arali nga olwa yali naparaanga amakhuwa kano, lola, malaika wo Mwami namulolekhera mumalooro, naboola ari, Yosefu, ewe omwana wa Daudi, oraria dawe khumubukula Maria omukhasi wao: okhuba sila esili muunda mwaye ni sia Rokho Mutakatifu. 21Ne achia okhwibula omwana omusiani, ne ochia okhumulaanga eliira mbwe Yeso: okhuba achia okhuwonia abaandu baye okhurula muchimbi chiabwe.22Bulano kano koosi kekholekha, mbwe kolerere akomwami yalomaloma obirira khu munabii, naboola ari, 23Lingeera, omusisira achia oyera inda, niyebula omwana musiani, ne bachia omulaanga eliira mbwe Emmanueli, elikalulwa mbwe, Nasaye alala ninafwe.24Ne Yosefu olwa yabuukha okhurula muchindoolo yakhola ngolwa malaika wo Mwami yali namubolere, nabukula omukhasi waye: 25Ne nareyalisia ninaye okhuula olwayebula omwana waye musiani wa mberi: ne namulaanga eliira mbwe YESO.
Chapter 2

1Bulano nga Yeso yebulwa Betelekhemu eya Buyaudi muchinyaanga chio muruki Herodi, lingeera, abakesi okhurula ebukwe beecha Yerusalemu, 2Nibaboola bari, "Aliena oyo owibuulwe, Omuruki wa Abayaudi? khulwo khuba khubwene ing'ining'ini yaye ebukwe, ne khwichire okhumwinamira." 3Olwa omuruki Herodi yabulira amakhuwa kano, yabeyabeya, alala nende Yerusalemu yoosi.4Ne olwa yali nakhung'anisie alala abakhongo ba bakukhani nende abaandiiki ba baandu, yabareeba ari, "Kirisito akhoyere okhwibulwa ena?". 5Ne nibamubolera bari, ni mu Betelekhemu ye Buyaudi: okhuba nilwo olwakaandiikwa nende omunabii mbwe, 6arali ewe, Betelehemu, musialo sia Yuda, khasi oli omudidi akari wa bemiresi ba Yuda: khulwo khuba omuruki achia khurula mwiwe, owakharuke abaandu bange ba Isiraili.7Ne Herodi, yalaanga abakesi abo mubwekisi, okhubabanoneresia mbwe ni bikha sina ebia ing'ining'ini yalolekhaniramo. 8Nabaruma Betelehemu, naboola ari, muchie mumukoonye ebilayi omwana mudoro; ne nimumunyoola munderere elikhuwa, mbwe nyale siesi okhuchia okhumwinamira.9 Nibakhamala okhubulira ako muruki yababolera, babwao; ne lola ing'ining'ini, eyabalola ebukwe, niibemirira, okhuula nga olwayoola niyeema abuundu wo mwana mudoro yali. 10Olwabalola ing'ining'ini, basangaala nende obusangaafu bukhoongo.11Ne olwa bengira munyuumba, balola omwana mudoro nende Maria ng'ina, bakwa asi, nibamwinamira: Babolola chimbikhiro chiabwe, nibamuberesia ebianwa; idakhabu, obubani, nende manemane. 12Ne olwabalabulwa nende Nasaye mumalooro, mbwe barakalukhira owa Herodi, bakalukha musialo siabwe obirira ingira yindi13Ne olwabali nibabwereo, lola, malaika wo Mwami nalolekhera Yosefu mumalooro, naboola ari, singira, obukule omwana nende ng'ina, mwirukhire Misiri, ne mumenyeyo okhuula olwandakhakhurerere elikhuwa: okhuba Herodi anakoonya omwana mudoro khumwira. 14Olwayabuukha, nabukula omwana nende ng'ina musiro, nibachia Misiri: 15Ne namenyayo okhuula okhufwa khwa Herodi: mbwe kolerere akaboolwa nende omwami khubirira khu munabii, naboola mbwe, "okhurula Misiri ndalaanga omwana wange."16Ne Herodi, olwa yalola mbwe abachirwe nende abakesi, yadiirwa nende lirima likhoongo, naruma mbwe, beere abaana basiani boosi abali mu Betelekhemu, nende mumbeka chiayo, khuchakira emiaka kibiri okhwikha asi, olondana nende bikha ebia yali nanoneresie orula khu bakesi.17Manu nikolerera kalia akaboolwa nende Yeremia omunabii, mbwe, 18"Mu Rama yaliiyo idoboosi nibulirikha, niyekaniaya nende okhulira, nende chimbuungu chikhongo, Raeli nalirira abaana baye, oburanyala okhudemberesibwa, okhuba abaana baye baumao.19Ne olwa Herodi yali namalire okhufwa, lola malaika wo Mwami namulolekhera Yosefu mumalooro mu Misiri, 20" Naboola ari, buukha, obukule omwana mudoro nende ng'ina, ne muchie musialo sia Isiraili: okhuba abakonyanga okhumalao obulamu bwa omwana mudoro baafwa. 21Naye nabukha, nabukula omwana mudoro nende ng'ina, nibachia musialo sia Isiraili.22Arali olwa yabulira mbwe Arikelao yali aruka Ebuyaudi mubweyango bwa simwana Herodi, yali omuri okhuchiayo, ne oburalindirira, nga olwayali nalabulwe nende Nasaye mumalooro, yakodokha nachia mubidonye bia Galilaya: 23Manu niyeecha namenya mudokho lilangwa mbwe Nasareti, mbwe kolerere akabolwa nende abanabii, achia okhulangwa mbwe omunasarini.
Chapter 3

1Munyaanga echio yeecha Yokhana omubatisia, nayala musichiimi sie Buyaudi, 2" Naboolanga ari, mwekanire eng'we; okhuba obwami bwo mwikuli buli ambi. 3Okhuba uno niye owalomalomwakho nende omunabii Isaaya, naboola ari idoboosi ya oyo olangirisianga musichiimi, mureresie ingira yo Mwami, mukololosie chingira chiaye.4Ne Yokhana mwene oyo yali nende ingubo yo bwoya bwe Ingamia, nende olukhoba lwe isiinga musibuno siaye; ne ebiakhulia biaye biali chisike nende obuukhi bwo musichiimi. 5Lunyuma Yerusalemu, nende Buyaudi nende chimbeka chioosi echiabodokhana Yorodani nibarula. 6Nibabatisibwa ninaye muyorodani, nibekanira echimbi chiabwe.7Arali olwa yalola obuungi bwa Abafarisaayo nende Abasadukayo nibeecha mbwe ababatisie, yababoolera ari eng'we olwibulo lwe chinjukha, obalabuule okhwirukha lirima eliicha niwina? 8Bulano mwame ebiamo bilondana nende okwekanira. 9Ne murapaara nimwebolera mbwe, khuli nende Iburaimu sefwe ; okhuba mbabolera mbwe Nasaye anyala okingula abaana ba Iburaimu okhurula mumakina kano.10Ne bulano iyaywa irerwe khubisina bie misaala; khu kario buli musaala okuraama ebiamo bilayi kunaremwa ni kusukunwa mumuliro. 11Obwadieri esie mbabatisia nende amaachi mbwe mwekalukhanie. Ne owiicha inyuma wange ni wamaani okhuukhira owandarakhakinga ebilaro biaye: achia okhubabatisia nende Rokho mutakatifu nende omuliro. 12Owo luderu lwaye luli mumukhono kwaye, ne achia okhulabia olwanyi lwaye, mani abusie ingaano yaye musiaki, ne achia osaamba omukhuchi nende muliro okurasimisibwa.13 Yeso yamala niyeecha khurula Galilaya khu Yokhana mu Yorodani okhubatisibwa ninaye. 14Arali Yokhana namukania naboola ari, nisie okhoyera obatisibwa ninawe , khusiina ewe wiiche khwesie? 15Ne Yeso namukalusia namubolera ari, fukirira kabe kario bulano, khulwo khuba kekholekha okhusirisia akobukololofu koosi, naye namufukirira.16Naye Yeso olwayabatisibwa, nabuukha narula mumaachi: ne lola, elikulu nilimwikukhira naye nalola Rokho wa Nasaye niyeekha nga eliuusi, namwemakho: 17Ne idoboosi khurula mwikulu, niboola iri, uno niye Omwana wange, mukheerwa owa wasagasibwa ninaye .
Chapter 4

1Naye Yeso niyemirirwa nende Roho okhuchia musichiimi mbwe ateemwe nende sietani. 2Ne olwayali naongere nende okona injala chinyaanga nende ebiro makhumi kane yabulira injala. 3Ne omurekekhi namwichira namuboolera ari, nikaba mbwe oli Omwana wa Nasaye, lagira mbwe amakina kano kekalukhanie omugaati. 4Naye namukalusia naboola ari, kaandikwa mbwe, omuundu khasi achia khumenya khulwo mugaati kwong'ene, arali khulwa elikhuwa elirula mumunwa kwa Nasaye.5 Ne sietani nabukula namuyira akulu mulidokho litakatifu namura akulu khusisuli esie ikhekalu. 6Namala namuboolera ari, nikali mbwe oli omwana wa Nasaye, wesikune omwene asi :okhuba kaandikwa mbwe, anaruma abamalaika baye khwewe:ne mukhano kabwe banakhukinga akulu, kata mbwe ebikha bioosi okhukulu khwao khasi khunegumula khulikina.7Yeso namuboolera ari, kaandikwa mbwe, ewe orateemanga Omwami Nasaye wao. 8Khandi, sietani namuyira akulu wo lugulu luleyi, manu namwekesia oburuki bwoosi obwe sialo, nende oluyaali lwabwo; 9Namuboolera ari, ebiindu bino bioosi ndakhuba ewe, nikaba mbwe okwa asi manu onyinamire esie.10Ne Yeso namuboolera, bwao, sietani: okhuba kaandikwa mbwe, ewe omwinamirenge omwami Nasaye wao , ye yeeng'ane omurumikhire. 11Manu sietani namulekha, ne, lola, abamalaika nibeecha nibamukhalabanira.12Bulano olwa Yeso yali nabulire mbwe Yokhana yasukunwa mumboyero, nachia mu Galilaya; 13Ne narula Nasareti, niyeecha namenya Kaperenaumu, eyiri khunyanja, khulwakho lwa Sabuloni nende Nafutalimu.14Mbwe kolerere akaboolwa nende Isaya omunabii, nabola ari, 15 esialo sia Sabuloni, nende esialo sia Nafutalimu, mungira yokhunyanja, ingerekha wa Yorodani, Galilaya ya Banasialo; 16Abaandu bekhala musiirima babwene obulafu bukhongo; nende khubalia abekhala mumbeka nende musiinikha sia elifwa obulafu bubafumbukhiire.17Okhurula ebikha ebio Yeso yachaka okhuyala, nende okhuboola ari, mwekanire: okhuba obwami bwo mwikulu buli aambi.18Ne Yeso, nakendanga khundulo khwe inyanja ya Galilaya, yaloola abasiani babiri abomunyumba ndala, Simoni olangwa Petero, nende Anderaya omusiani waabwe, nibareka chinjero munyanja: okhuba bali abanaabi. 19Naye nababoolera ari, munoonde ne ndabakhola mube abanaabi ba baandu. 20Ne abwene ao nibalekha echinjero chiabwe, nibamuloonda.21Ne olwa yali nasuda imberi, yaloola abasiani bandi babiri, Yakobo omwana wa Sebedayo, nende Yokhana omusiani wabwe, nibali muliaro nende Sebedayo saabwe nibakasianga echinjero chiabwe; namala nabalanga. 22Abwene ao nibalekha eliaro nende saabwe, manu nibamulonda.23Manu Yeso nachia buli abuundu mu Galilaya yoosi, niyekesia musinagogi chiabwe, nayala ifanjili yo bwami, nende okhuwonia obudekhere bwa buli ingeri nende amalwaye ka echimbia chioosi mubaandu. 24Ne ifuma yaye nichia buli abuundu mu Siiria yoosi: manu nibamurerera abaandu badekhere boosi abali nibaingirwe nende amalwaye kabuli ingeri nende amachuuni, nende balia abalimo ebikhieno, nende balia abali abalalu, nende abeindulume; ne nabaonia. 25 Ne emikaanda mikhongo ekia baandu nikimuloonda okhurula Galilaya, nende okhurula Dekapolis, nende Yerusalemu, nende okhurula Ebuyaudi, nende okhurula ingerekha wa Yorodani.
Chapter 5

1Ne olwa yalola omukaanda, yanina akulu khulugulu: ne olwa yali niyekhaale, abeka baye nibamwichira: 2Naye niyekula omunwa kwaye, nabekesia, naboola ari, 3Nibeikhabi abali abamanani mumwoyo: okhuba obwami bwomwikulu nibwabwe. 4Nibeikhabi abo ababeerera: okhuba bachia olemisibwa emioyo.5Nibeikhabi abo abeduduyia: okhuba bachia khunyoola obulaame bwesialo. 6Nibeikhabi abo abali nende injala nende obuluwo obwa obukololofu: okhuba bachia okhwichusibwa. 7Nibeikhabi abo abesisa okhuba bakhanyoole esisa. 8Nibeikhabi abo abemioyo milafu: okhuba balilola Nasaye.9Nibeikhabi abo abareresianga omuleembe: okhuba bakhalangwe abaana ba Nasaye. 10Nibeikhabi abo abasandisibwa khulwa obulungikhi: okhuba obwami bwomwikulu nibwabwe.11Muli abeyikhabi eng'we, nga olwa abaandu babanyeka, nende obasaandia, nibaboola amabi koosi akabuli ingeri khweng'we mububacha, khulwange. 12Mwekhoye, nimuba abasangaafu lukali: okhuba esianwa sieng'we mwikulu nesikhoongo: okhuba babasaandia bario abanabii abaliwo okhubarangirira eng'we.13Eng'we muli omunyu okwe sialo: nikaba mbwe omunyu kukosisie ichamu, kunarebwamo kurie ichamu? khulwesio sikukhoyeera esilayi siosi, arali kusukunwa erwanyi, nikusenwakho nende amakulu kabaandu. 14Muli obulafu obwe sialo. Elidookho eliombakhwa khulugulu siliakhekisa15Khandi abaandu sibakhambia itaara, nibaifunikha musimwero, arali baira khusituuti siayo; niibakhoseria boosi abali munyuumba. 16Lekha obulafu bweng'we bwaakhe imberi wa baandu , mbwe banyale okulola ebikhole bieng'we ebilayi, nibamuba oluyaali Seng'we oli mwikulu.17Murapara mbwe ndeecha okhurusiayo amalako, kose abanabii: sindeecha okhusasia, arali okhusirisia. 18Okhuba mbaboolera obwadiera, Okhuula likulu nende esialo olwa bichia okhubira, inyukuta ndala kata indonyero ndala khasi ichia okhurusibwa khu malako, okhuula kori koosi olwakakholerere.19Oyo yeesi khulwesio ochia okhufunaka kata silala khu bidiidi bia malako kano, manu khandi yekesie abaandu ario, achia olangwa omudiidi mubwami bwo mwikulu; arali ulia ochia okhola manu akekesie oyo achia okhulangwa omukhongo mubwami bwomwikulu. 20Okhuba mbaboolera mbwe, obulungikhi bweng'we niburachia okhira obulungikhi bwa Bandiiki nende Abafarisayo simwakhengire mubwami bwomwikulu.21Mwabulira mbwe, kaboolwa nende abakhale, oreeranga dawe; ne oyo ochia okhwiira aliba mubudinyu obwa okhukhalakirwa: 22Arali mbaboolera, mbwe oyo yeesi owelirima khu musiani wabwe oburali nende esikera, achia okhuba mubudinyu bwo khukhalakirwa: ne oyo oboolera omusiani wabwe mbwe, oli musiru, achia okhuba mubudinyu obwe siina: arali oyo ochia oboola ari, omusiru ewe, achia okhuba mubudinyu obwo muliro okwemagoombe.23Khu kario ewe norera esianwa siao khu bwaali, niwichulisia mbwe simubulirisania nende omusiani weng'we; 24lekha ao esianwa siao imberi wo bwaali, nobweo mberi; ochie obulirisanie nende omusiani weng'we, manu okalukhe orusie esianwa siao.25Fukirisania nende omusuku wao lwangu, nimusiri khuungira ninaye; biroola ebikha omusuku yakhuyira khumukhalaki wesiina, naye omukhalaki yakhuberesania khu musikari, manu wasukunwa mumboyero. 26 Mbaboolera obwadieri mbwe, sochia olekhuulwa, okhuula olwa wakharuunge isende ila yoosi eyokhoyera khuruunga.27Wabulira mbwe kaboolwa nende abakhale, orayirananga da: 28Arali mbaboolera, mbwe olingeera omukhasi namwekoomba amalire okhuyirana ninaye, mumwoyo kwaye.29Ne imoni yao eyomukhono musaacha nikhwonoonia, irusiemo oyisukune ikhurulekho; okhuba nibieingaanga khwewe mbwe silala khubiomubiri kwao sisasikhe, okhira omubiri kwao kwoosi kusukunwe emagoombe. 30Ne omukhono kwao musaacha nikukhwononia, kukhalakeyo, manu okusukune kukhurulekho: okhuba nakeingaanga khwewe mbwe silala khubiomubiri kwao sisasikhe, okhira omubiri kwao kwoosi kusukunwe emagoombe31Kaboolwa mbwe, oyo owirukhania omukhasi waye, akhoyere amube obwandike bwokhulekhana: 32Arali mbaboolera, mbwe oyo owirukhania omukhasi waye, oburali khulwa obuyeyi, akera ye yairana: ne oyo odekhia omukhasi wirukhanisibwe akhola obuirani.33"Khandi, mwabulira mbwe kaboolwa nende abakhale mbwe orechubaanga ewe omwene, arali kholera Omwami ebiawasubisia: 34 Arali mbaboolera, orechuba buli lwoosi; kata khulwelikulu; okhuba niwo owesisaala sioburuki esia Nasaye: 35kata khulwesialo; okhuba niwo oweisimbi ya makulu kaye ili, kata khulwa Yerusalemu, okhuba nilio elidokho elia omuruki omukhongo.36Kata orechuba khulwomurwe kwao, okhubeera khasi onyala okhukasia efwiri elala elilafu kata elimali. 37Arali lekha okhulomaloma khweng'we khube, mbwe kario kario kose khaba khaba kosi kosi akakhira ao karula khuumbi.38Mwabulira mbwe kaboolwa mbwe, imoni khumoni, ne liino khuliino: 39Arali esie mbaboolera mbwe, muraingana nende owobwononi; arali yeesi oyo okhupama oluyu khundama eyo mukhono musaacha muberesie nende indama indi yosi.40 Kata omuundu nakhuyira musiina esia malako, nabukula elikoti liao, lekha abukule nende ikanju yao yosi. 41Ne oyo ochia okhuyiika okhuchia imaili ndala, chia ninaye echimaili chibiri. 42Beresia oyo okhusaba, ne oyo okhweyola oramwirukhania dawe.43 Mwabuliire mbwe kaboolwa, mbwe okheere owasio ne omusiule omusuku wao. 44Arali mbabolera, kheere abasuku beng'we, mubabe chikhabi abo ababachuba, mubakholere amalayi abo ababasiula, ne nimubalamira bala ababekhonyera mukhubalekeresia, nende okhubasandia: 45Mbwe munyoole okhuba abaana ba seng'we oli mwikulu okhuba akholanga eliuba okhwakhira abonooni nende abalayi, nabakwisirianga ifula abalungifu nende abakhiamu.46Okhuba nimukheera sa bala aababakheera, sianwa sina esiamuli nasio? Abanasialo boosi sibakholanga sa bario? 47Ne nimukhesia sa abebulanwa bong'ene, ni sina esiamukhola okhukhira abandi? abanasialo bosi sibakholanga bario? 48Khu kario mube abakololofu, kori olwa seng'we oli mwikulu ali omukololofu.
Chapter 6

1Mulingere mbwe murakhola amalayi keng'we imberi wa baandu, mbwe mulolekhane nabo; okhuba nimukhola murio mubula esiaanwa khurula khu seng'we oli mwikulu. 2Khu kario ewe norusia ebiaanwa biao, oroba oluika imberi wao, nga abekaadi bakholanga mumasinagogi nende khuchingira mbwe baberesibwe oluyali nende abaandu mbaboolera obwadieri bamalire okhunyola omurungo kwabwe.3Arali ewe norusia ebiaanwa, kata omukhono kwao mukaada kuramanya akomukhono kwao omuluungi kukhola. 4Arali ebiaanwa biao bibe ebiobwekisi: ne babao olola mubwekisi ye omwene anakhurunga mubwakhakhu.5Ne khandi eng'we nimulaama, muraba nga abekaadi: khuba bakheera osaba nibemere mumasinagogi nende muchimbeka chie chingira mbwe balolekhe nende abaandu. mbaboolera obwadieri mbwe bamalire okhurungwa. 6Arali ewe nosaba ingira musigoro mwao, manu wikale olwiki lwao, saba khu babao, oli mubwekisi; ne babao alolanga mubwekisi anakhurunga mubwakhakhu. 7Arali eng'we nimusaba, murekalukhira kalukhiramo, nga abesialo bakholanga: okhuba bapara mbwe banabulirwa khulwa mangi akabalomaloma.8Khu kario muraba nga nibo; okhuba seng'we amanyire ebiindu biamwenya, kata nimusiamusaba. 9Bulano musabenge muri: Seefwe oli mwikulu, elira Liao liribwe. 10Obwami bwao bwiche. Elienya liao liekholekhe musialo, nga liekholekha mwikulu.11Oruberesie inyanga ino ebiakhulia biefwe bia bulinyanga. 12Ne orulekhere ebinono biefwe, kori nga olwakhulekheranga abaruononera.13Ne orarura mukhurekekhwa, arali, oruwonie orula Muchibi: Okhuba obwami no bwao, nende obunyala, nende oluyali, chinyanga chioosi, Kabe kario.14Okhuba nimulekhera abaandu ebiononi biabwe, seng'we oli mwikulu yesi anabalekhera: 15Arali nimuralekhera abaandu ebionono biabwe, Kata seng'we sachia okhubalekhera ebinono bieng'we.16Khumeedakho nimuli mukhusiiba, muraba nga, abekaadi, nimukhuluusia obweni: okhuba bakhuulusianga obweni mbwe, balolekhane nende abaandu mbwe basiiba. mbaboolera obwadieri banyolere omurungo kwaabwe. 17Arali ewe, nosiiba, bakha omurwe kwao amafura, khandi wosie bweni bwao. 18Mbwe oralolekha khu baandu mbwe osiiba, arali khu babao oli mubwekisi; ne babao, olola mubwekisi, anakhuruga mubwakhakhu.19Murara chimbikhiro chieng'we khusialo owa masiriri nende chimberebende chisasia, nende owa abebi bafunaka nibeeba. 20Arali mure chibikhiro chieng'we mwikulu, owa masiriri nende chimberebende, birasasia, khandi owa abeebi barakhafunaka beeba: 21Okhuba owa embikhiro yao iri, awo niwo owa omwoyo kwao Kuchia Okhuba.22Itara yomubiri ni imoni; Manu: nikaba mbwe imoni yao iri abwene, omubiri kwao kwoosi kwechulamo obulafu. 23Arali imoni yao niiri imbi omubiri kwao kwoosi kwechulamo esiirima. Khu kario obulafu bukhuliimo nibuba esiirima, esiirima esio sinesikhongo! 24Abulao omundu onyala orumikhira abami babiri: Okhuba anasiula mulala, ne akheera oundi; khasi munyala orumikhira Nasaye alala nende emiandu.25Khulwesio mbaboolera, murabeyabeera obulamu bweng'we, mbwe munalia murie, kose esiamunang'wa; kata mbwe munefwaala sina khumibiri kieng'we. Bulamu sibukhoyera okhira ebiakhulia, ne mubiri okhira ebiefwaalo? 26Lingera amayoni komumiyaka: sikaraka, khandi sikafuna, kata sikabusia kaara mubiaki; Arali seng'we owomwkulu akalisianga. eng'we simukhoyera lukali okakhira?.27 Niwiina khweng'we mukhubeyabeya onyala okhwemeedakho sikero silala khubukhomefu bwaye?. 28khulwasina mubeyabeera ebiefwaalo? Muparekho khubimuli ebiomumukunda nga olwabikhulaanga; sibinyakhananga, khandi sibilukhanga . 29Ne khandi mbabolera mbwe, kata Sulemani muluyali lwaye lwoosi siyefwalakho nga silala khubino30Khu kario nibiri mbwe Nasaye afwala obunyasi bwomumukunda ario, obuluwo inyanga ino , ni muchuli busambwa, khasi achia obafwaala lukali okhirao, eng'we ababusubiri budiidi?. 31Khulwesio murakhendegana,nimuboola mbwe, nisina esia khunalia? Kata nisina esiakhunang'wa? kata mbwe khunefwaala khurie?'32(Okhubeera ebindu bino bioosi abesialo bakonyanga:) okhuba seng'we womwikulu amanyire mbwe mwenya ebiindu bino bioosi. 33Arali mukonye mberi obwami bwa Nasaye, nende obukololofu bwaye, ne biindu bino bioosi munamederwakho. 34Khu kario murayendera aka muchuli, okhuba muchuli inekhalabanira ebiindu bienyekhana yene. Buli inyanga ibechanga nende eminyakhano kiayo ekiyiyera.
Chapter 7

1Murayasianga omuundu esiina , mbwe mwesi murecha mwayaasibwa. 2Okhuba nga olwamuyaasia abaandu nilwo olwa muchia okhuyaasibwa, ne esikero esia mukereramo, khandi nisio esiamuchia okhukererwamo.3Ne khusina ewe ololanga khakokha khali mumoni yowasio, nekhasi ololakho elikina eliri mumoni mwao? 4Kata khandi onyala oboolera orie owasio mbwe, lekha ndusie akhakokha mumoni mwao, ne khasi olola elikina liri mumoni yao mwene. 5 Omwekaadi ewe, mberi rusia elikina mumoni mwao , khu onyale olola ebilayi okhurusia esikokha mumoni yowasio.6Oraberesia biria ebiri ebitakatifu chiimbwa, kata murafuubira echimbiichi echilulu , chireecha chiasenakira , nende amakulu kachio, manu chiakhukalukhanira nende okhurandula.7Saba ne onaberesibwa, koonya ne onanyoola, khong'onda ne onekulirwa. 8Okhuba buli oyo osaba aberesebwa; ne oyo okoonya. Anyoola; ne oyo okhong'onda yekulirwa. 9Kata muundu sina khweng'we, owa omwana waye namusaba omugaati, namuberesia elikina? 10Kata khandi namusaba ing'eni, naye amuba Injukha?11Nikali mbwe eng'we abali ababi mumanyire okhuberesania ebianwa bilayi khu abaana beng'we, seng'we oli mwikulu sanababeresia ebiindu bilayi lukali balia abamusaba? 12Khu kario ebiindu bioosi ebia mwenya abaandu babakholere, mwesi mubakholere murio; okhuba kano niko amalako nende abanabii.13Mwingire okhubirira musiribwa sinyerere; okhuba esiribwa nesikhongo khandi ingira ni imambali eyichia mubusasikhi, ne nabangi balia abayiloonda. 14Okhubeera esiribwa nesidiidi khandi ingira ne inyerere eyichia mubulamu, ne nabadiidi abainyoola.15Mube meso khulwa abanabii bobubacha, ababeechera mubiefwalo ebiamakondi, arali mukari mwabwe ni mabwe malaaba. 16Muchia khubamanya khulwa ebiamo biabwe, abaandu babusianga emisabibu mumabwa, Kata amakhuyu mumarakalu? 17Kata kario buli musaala mulayi kwamanga ebiamwo bilayi; aràli musaala mubi kwamanga ebiamo bibi.18Omusaala mulayi sikwakhama ebiamo bibi, khandi omusaala mubi sikwakhama ebiamo bilayi. 19Omusaala kwoosi okuraama ebiamo bilayi kuremwa kukwe asi manu kusukunwe mumuliro. 20Mungeri eyo ebiamo biabwe munabimanya.21Si buli muundu omboleranga, mbwe Omwami, Omwami, achia okhwingira mubwami bwo mwikulu; arali ulia okholanga elienya lia baba wange oli mwikulu. 22Abaangi bachia okhumbolera inyanga eyo,mbwe, Omwami, Omwami, khasi khwarusia obunabii muliira liao? khandi muliira liao nikhurusia ebikhieno? khandi muliira liao nikhukhola emirimo miingi ekiukisia!' 23Ne njia okhubakalusia mbwe, simbamanyire dawe, mundulekho eng'we abakholi bamabi.24Khulwesio oyo yesi obulira amakhuwa kange kano, nakakhola, ndamukeranisia khumuundu mukesi, owombakha inyumba yaye khulwanda: 25Ne ifula niyikha, nemiyembo nikiicha, nende omuyaka nikuucha nikukhuya inyumba eyo; nirakwa khaba, okhuba omuse kwayo kwarebwa khulwanda.26Ne Oyo yeesi obulira amakhuwa kange kano ne sakakhola dawe, achia okhukeranisibwa khumuundu omusiru, owombakha inyumba yaye Khu musenye: 27 Manu ifula niyikha emiyembo nikiicha , khandi omuyaka nikuucha nikuuba inyumba eyo; manu nikwa: ne okhukwa khwayo khwali okhukhongo.28Olunyuma lwako, olwa Yeso yali namalire khuboola amakhuwa ako, abaandu baukisibwa nende mekesio Kaye. 29Okhuba yabekesia nga ulia oli nende obunyala okhukhira bandiiki.
Chapter 8

1Olwayali niyekhere okhurula khulugulu, emikanda mikhongo kiamulonda . 2Ne, lola yeecha omukere namwinamira naboola ari, Omwami noba nojama onyala khundabia. 3Ne Yeso nakolola omukhono kwaye, namudirakho, naboola, ari njamire; ba omulafu. Ne abweneao obukere bwaye nibwosibwa.4 Yeso naye namubolera ari, lola orabolerakho omuundu: arali bwao, ochie weyekesie khumukukhani, manu orusie esianwa esia Musa yalagira, khulwa obuloli khubo.5Ne ngolwa Yeso yali niyengira mu Kaperenaumu, omukhongo wa mayie yamwichira namusaba , 6naboola ari, Omwami, omukholi wange yeyalisie ingo, nomudekhere wekhuyuka, ne achunisibwa lukali. 7Yeso naye namuboolera ari, ndeecha muwonie.8 Naye omukhongo wa mayie yamukalusia naboola ari, Omwami, sikhoyera ewe okhwicha munyumba yange: arali lomaloma sa elikhuwa liong'ene, ne omukholi wange anaona. Okhuba esie ndi omuundu oli asi wobunyala, khandi ndi nende9 abasikari abali asi wange: ne mboleranga mulala mbwe chia nachia: ne oundi mbwe icha , ni yeecha; ne khumukholi wange mbwe, khola sino, ne asikhola. 10 Olwa Yeso yabulira ako, yauka, naboolera abo abamulondakho ari, mbaboolera obwadieri, siiri khunyoolakho obusubiri bukhongo kori nga buno khaba mu Isiraili.11Ne mbaboolera mbwe, abaangi bachia okhwicha khurula ebukwe nende mumbo ne bachia okhwikhala asi nende Iburaimu, nende Isaaka, nende Yakobo, mubwami bwo mwikulu. 12 Arali abaana bobwami bachia okhusukunwa erwanyi musiirima sia rwanyi: eyo khuchia okhubaayo okhulira nende okhusia meno. 13Naye Yeso yaboolera omukhongo wa mayie ari, bwao: ne kori ngolwosuubire, nilwo olwa kakhwekholekhekho .Ne omukholi waye naona mubikha ebio.14Olwa Yeso yachia munyumba ya Petro, nalola ng'ina mukhaye waye nakonere, naali omulwaye womuyaka. 15Ne namudira mukhono kwaye, omuyaka nikumulekha; nabuukha nabakhalabanira.16Ingolobe olwayola, bamurerera abaangi abali nibechuulemo ebikhieno; nawonia boosi abali abalwaye. 17Mbwe kanyale okhulirira akaboolwa nende Isaya omunabii, naboola ari, ye mwene yabukula obulwaye bwefwe , niyedwikha obudekhere bwefwe.18Bulano olwa Yeso yalola emikanda emikhongo ambi naye, nalagira mbwe babweo bachie ingerekha olwande lundi. 19Ne omwandiiki undi niyeecha, namuboolera ari,Omwami, njia okhuloonda woosi owa oba nochia. 20Ne Yeso namuboolera ari, Amabwe kali nende ameena, ne amayoni kaakulu kali nende ebiyu; arali Omwana womuundu khasi ali nende owa yalisia omurwe kwaye.21Ne oundi khu beka baye namuboolera ari, Omwami, lekha mberi njie siikhe baaba wange . 22Naye Yeso namuboolera ari, noonde; lekha abafu basiikhe abafu baabwe.23Naye olwa yali niyengiire muliaro, abeka baye bamuloonda. 24Ne, lola, omuyaka mukhongo nikubuukha munyanja, lukali kata eliaro nilifunikhwa nende amafwiinda: arali ye yali mundoolo. 25Ne abeka baye nibamwichakho, nibamusimusia, nibaboola bari, Omwami, rwambule khusasikha.26Naye nababoolera ari, khusina muli abari eng'we abobusuubiri budiidi?. Manu nabuukha, niyalabira omuyaka nende inyanja; obuyenjeefu obukhongo nibubao. 27Abaandu abo bauka, Nibaboola bari, "uno nimuundu sina; owa kata omuyaka nende inyanja bimubulira!28Ne olwayola ingerkha musialo sia Abagerasi, yabukanana nende abaandu babiri abali nende ebikhieno, nibarula mubiriindwa, ne bali abaalaba, kata abarakanyira omuundu yesi yesi abire khungira eyo. 29Ne, lola, balira nibaboola bari, khuli nawe sina, Yeso, ewe mwana wa Nasaye?. Wichire orukhaniakhania ebikha nibisiola?'30Ne kwaliwo ale omukanda okwechimbiichi nichiayanga. 31Manu ebikhieno nibimusaba, nibiboola mbwe, nikaba mbwe orurusia erwanyi, orulekhe khuchie mumukanda okwe chimbiichi. 32Naye nabiboolera ari muchie; Ne olwabiali nibirurile erwanyi biachia mumukanda okwe chimbiichi; ne lola omukanda kwoosi okwe chimbiichi kwerukha nende esioka nikwikhirira okhuchia munyanja, nikhusasikha mumachi33 Abo abaayi bachio niberukha nibachia mudookho, nibaboola bulisindu nende akali nikekholere khu abo abebikhieno. 34Ne lola edookho lioosi liecha obukanana nende Yeso ne olwabamulola, bamusaba mbwe abweo arule khuchinjakho chiabwe.
Chapter 9

1Manu niyengira muliaro niyambukha niyeecha mudookho liaye liene. 2Ne lola, nibamurerera omuundu omulwaye wakwa owekhuyuka nakonere khusitanda; ne Yeso olwayalola obusuubiri bwabwe naboolera omulwaye wekhuyuka ari; omwana lema omwoyo ebiibi biao bilekheerwe.3Ne lola abandi khu bandiiki nibaboola mu mioyo kiabwe mbwe, omuundu uno yekeranisia khu Nasaye. 4Ne Yeso olwaya manya amapaaro kabwe naboola ari, khusina muparanga amabi mumioyo kieng'we. 5Okhuba nisiina esiangu, okhuboola mbwe, ebibi biao bilekheerwe; kose okhuboola mbwe buukha manu okeende. 6Arali mbwe munyale okhumanya mbwe omwana womuundu ali nende obunyala khusialo okhulekhera echiimbi, manu naboolera omulwaye wokhwekhuyuka ari, buukha obukule esitanda siao, ochie munyumba mwao.7Manu nabuukha nachia munyumba mwaye. 8Arali olwa omukanda kwalola elio bauka nibaberesia Nasaye oluyaali,owaberesania obunyala kori obwo khubaandu. 9Ne olwa Yeso yabira narulire awo, nalola omuundu olangwa mbwe Matayo, niyekhaale musiribwa sia obusololi bwobusuru; namuboolera ari, "Noonde" Naye nasingira namulonda.10Ne olunyuma Yeso yekhala nalia ebiakhula munyumba, lola abanasialo nende abonooni beecha nibekhala asi alala ninaye nende abeka baye. 11Ne olwa Abafarisayo balola ako, baboolera abeka baye bari, "khulwasina Omwami weng'we alia nende abanasialo nende abonooni?"12Arali Yeso olwayabulira ako, nababoolera ari, balia abali abalamu sibenya omulesi, arali abo abali abalwaye. 13Arali muchie eng'we manu mumanyirisie olwa ako kekesia, nyenya esisa okhukhira emisango; okhuba sindecha olanga abakololofu arali abonooni mbwe bekanire.14Manu abeka ba Yokhana nibamwichira, nibaboola bari, "khusiina efwe nende abafarisayo khusiiba buli, nabo abeka bao sibasiiba?" 15Naye Yeso nababoolera ari, Abaana ba omugole banyala okhulira, omugole nali nabo? arali chinyanga chakheeche, olwa omugole achia obarusibwakho, ne abweneao bakhasiibe.16Abulao omuundu orechanga esiraka sie ingubo injiakha khungubo ingofu, okhuba esio esirerweo okhwichusiao sirandukhayo okhurula khungubo, ne oburandukhe bwaaba obubi.17Kata abaandu sibakhachukha ifini injiakha muchichupa chingofu; okhuba echichupa echio chiadikha,manu ifini yiidikhe, ne echichupa chiasasikha; Arali bara ifini injiakha muchichupa chinjiakha, ne bioosi biba binamenya.18Olwayali naboolanga amakhuwa kano, lola niyeecha omuruki undi, namwinamira, naboola ari, omukhana wange kata bulano afwire, arali icha omurekho omukhono kwao, ne anaona. 19Ne Yeso nabuukha namuloonda abeka baye boosi nibakhola bario.20Ne lola omukhasi, owali omulwaye owadachirira emiaka ekhumi nende kibiri, namwichira inyuma, nadiira khulikemo lia ingubo yaye. 21Okhuba yaboola mumwoyo kwaye ari, nikaba sa mbwe ndiira khungubo yaye ndaona. 22Arali Yeso nakalukhana, ne olwa yamulola, namuboolera ari, "omukhana wange, weberesie omwoyo; obusuubiri bwao bukhuwonisie"ne omukhasi oyo naona khurula ebikha ebio.23Ne olwa Yeso yola munyumba mwa omuruki oyo, yalola aboobi ba malere nende abaandu nibayokera. 24Nababoolera ari, "mubweo; okhuba omukhana safwiire, arali akona". Nabo nibamuchekha mukhumulekeresia.25Arali olwa baandu barusibwayo, niyengira mukari, namudiira omukhono, omukhana nabuukha. 26Ne ifuma nisalana musialo siosi.27Ne olwa yali nabwereo abaandu baofu babiri bamulondakho, nibalira nibaboola bari, "Ewe omwana wa Daudi rubere sisa!" 28 Ne olwayali niyengire munyumba, abaandu baofu nibamwichira, Yeso nababoolera ari, "musuubira mbwe nyala okhukhola kano?' Nibamukalusia bari Eee Omwami.29Manu nadiira khumoni chiabwe, naboola ari, khulondana nende busuubiri bweng'we kababeere kario. 30Ne chimoni chiabwe nichiikukha ne Yeso nabalabula, nababoolera ari, 'mulole mbwe omuundu aramanyakho ako." 31Arali olwabali nibabwereo, balandaasia ifuma yaye musialo esio sioosi.32Olwabali nibarula erwanyi, lola bamurerera omuundu omusiru owaliimo esikhieno. 33Ne olwa esikhieno siakhungwa erwanyi, omusiru nalomaloma; ne omukanda nikuuka nikuboola kuri "kasiiri okhubakho kari mu Isiraili!" 34Arali Abafarisayo baboola bari, "Arusianga ebikhieno, okhubirira khumwami webikhieno."35Ne Yeso nachia mumadookho koosi nende echingoongo niyekesia muchisinagogi chiabwe, nayalanga ifanjili eyobwami nende okhuonia obudekhere bwoosi nende buli amalwaye mubaandu. 36Arali olwa yalola omukanda, yadirwa nende esisa khubo, okhubeera bali nibajong'ere, nibasalanire , kori amakondi kabula omwayi.37Manu naboolera abeka baye ari, elikesa bwadieri neliingi, arali abakholi bemirimo nabadiidi. 38 Khu kario sabe Omwami welikesa, mbwe anyale okhuruma abakholi bemirimo mulikesa liaye
Chapter 10

1Olwa yalanga abeka baye ekhumi na babiri yababeresia obunyala akulu wa echirokho chiesifwaabi okhuchirusia erwanyi nende okhuwonia buli ingeri ya madekhere nende amalwaye koosi.2Bulano ameera ka beka ekhumi na babiri niko kano. Owamberi Simoni olangwa Petero nende Anderea omusiani wabwe, Yakobo omwana wa Sebedayo, nende Yokhana omuisani wabwe. 3Filipo nende Matulumayo; Tomasi, nende Matayo omusololi wo busuru, Yakobo omwana wa Alufayo, nende Lebayo owa eliira lilangwa mbwe Tadeyo; 4 Simoni mukanani, nende Yuda musikarioti oli niye owamukhoba.5Ekhumi na babiri bano Yeso yabaruma imberi, nabalagira mbwe murachiakho khungira ya banasialo, nende mulidookho liosi liosi elia Basamaria murengiramo. 6Arali muchie khumakondi keinyumaba ya Isiraili akakora. 7Ne nimuchia muyaale nimuboola muri, 'Obwami bwomwikulu buliambi.'8Muwonie abalwaye, mubuusie abafu, mulabie abobukere, mukhunge bikhieno. Ebikhaya eng'we mwanyoola,ebikhaya muberesanie. 9Murakiinga idakhabu, kata ifesa kose echisende mumifuko kieng'we dawe, 10 kata omufuko kwolukendo, kose echikanju chibiri kose ebilaro, kata sa indaukhi, okhuba omukholi wemirimo akwanira okhuberesebwa ebiakhulia biaye.11Mulidookho kata lukongo lwosi olwa mwingiramo, mureberesie mbwe niwiina okhoyera, ne abweneao mumenyeo okhuula olwamubwao. 12Ne nimwingira munyuumba , mubakhesie. 13Ne nibiri mbwe inyumba eyo ikhoyera, lekha omulembe kweng'we kube khuyo; arali nibiri mbwe siikhoyera lekha omulembe kweng'we kubakalukhire.14Ne ulia yesi orabengisia kata obulira amakhuwa keng'we , nimurula erwanyi we inyumba eyo kata mulidookho musisimule olufu okhurula khubirenge bieng'we. 15Obwadieri mbaboolera mbwe kaliba maangu musialo sia Sodoma nende Gomora inyanga yobukhalaki okhira nga kaabe khulidookho elio.16Lola mbaruma imberi nga amakondi akari webisuuje khu kario mube abakesi ngechinjukha, ne abedemberefu nga Amausi. 17Arali mube meso nende abaandu ; okhuba bachia okhubayira mubiina, nibabarocha muchisinagogi chiabwe. 18Ne muchia okhuyirwa imberi wa abaami nende abaruki khulwange, khulwa obuloli khubo nende abesialo.19Arali nibabayira murakanakana akamuchia oboola nende olwamuchia okaboola; okhuba muchia oberesibwa ebikha biene ebio akamuchia oboola. 20Okhuba sineng'we abalomaloma arali Rokho wa Seng'we niye olomaloma mweng'we.21Omusiani anakhoba musiani wabwe yeerwe, ne samwana ario khumwana, ne baana banakalukhana khu bebusi babwe, bakere beerwe. 22Ne muchia okhusiulwa nende abaandu boosi khulwa eliira liange; arali ulia owesimirisia okhuula khubumalirikhi achia okhuwonibwa. 23Arali olwa babasandia mudookho lino, mwirukhire mudookho lindi; okhuba obwadieri mbaboolera, nimusiri okhurula mumadookho ka Israili, omwana womuundu aliba niyechere.24Omweka siyakhaba akulu womwekesia waye, ne omukholi sakhira omwami waye. v 25 Kayera omweka okhuba nga omwekesia waye nomukholi okhuba nga omwami waye. Nibiri mbwe balangire mwenengo mbwe Belisebabu, sibanakhira okhulanga abomungo waye bario?26Khu kario murabaria okhuba sibulao esiindu siafunikhwa esirachia okhufunulibwa, kose esiekisa esirachia omanyikhana. 27Akambaboolera musirima mukalomalome mubulafu, ne akamubulira mukhurwi ako muyaale khubirama biechinyumba28 Ne murabaria abo abeera omubiri, ne sibanyala okhuwiira omwoyo; arali murie oyo onyala okhusasia omwoyo nende omubiri emagombe. 29 Amakaburuku kabiri sikakulwanga isende ndala? ne kata elala khuniko siliakhakwa khuuloba oburali khulwa seng'we. 30Kata efwiri liokhumirwe kieng'we lioosi liabalwa.31Khukario muraria, muli abobukusi okhukhira amakaburuku amaangi.32Khulwesio oyo ofukirira imberi wa baandu siesi njia omufukirira imberi wa baaba wange oli mwikulu. 33Arali oyo ondekaana imberi wabaandu siesi njia omwekaana imberi wa baaba wange oli mwikulu34Murapara mbwe njichire okhurera omulembe khusialo, sindeecha okhurera omulembe arali olugaanga. 35 Okhuba ndeecha okhurera obulekani akari womuundu khusamwana ne omukhana khung'ina, ne mukhomwana, khumasalang'ene. 36Nabasuku bomuundu bachia okhuba abainyumba yaye omwene.37Oyo okheere samwana kata ng'ina lukali okhuukhira, khasi akhoyeera; noyo okheera omusiani waye kata omukhana waye okhuukhira khasi akhoyeera. 38Noyo orabukula omusalaba kwaye manu anoonde esie, khasi akhoyeera. 39Oyo okoonya obulamu bwaye achia okhubukosia; noyo okosia obulamu bwaye khulwange achia obunyoola.40Oyo obengisia eng'we anyingisia esie, noyo onyingisia yengisia oyo owanduma esie. 41Oyo owingisia omunabii mulira liomunabii anyoola esiaanwa siomunabii; noyo owingisia omuundu mulungifu muliira liomuundu mulungifu anyola esianwa siomuundu mulungifu.42Noyo oberesania esiokhung'wa mulala khu badiidi bano esikombe siamachi manyifu muliira liomweka, bwadieri mbaboolere, khasi achia okhukosia esianwa siaye.
Chapter 11

1Ne olunyuma lwa ako, olwa yali namalire okhubalagira abeka baye ekhumi nende babiri yarulao nachia okhwekesia nende okhuyaala mumadookho kabwe. 2 Bulano olwa Yokhana yali nabuliire mumboyero emirimo kia, Kirisito yaruma babiri khubeka baye, 3 namureba ari,"ewe newe oyo okhoyere okhwicha kose khulindirire oundi?"4Yeso nakalusia nababolera ari, muchie mwekesie Yokhana ebiindu biria ebiamubulira nende okhulola. 5Aboofu balola, nende abalema bakenda, abakere balabisibwa, nende abadiimbe babulira, abafu babusibwa, ne abamanani banyola oyalirwa ifanjili. 6Ne noweikhabi ulia arasinyisibwa nange.7Nolwa bali nibabwao, Yeso yachaaka oboolera omukanda olondana nende Yokhana, "mwachia erwanyi musichiimi okhulola sina, elikada liyuyisibwa nende omuyaka? 8Nikarari kario nisina esiamwacha erwanyi okhulola? omuundu owefwalire engubo endorondoro? lola abo abefwaala engubo endorondoro bali munyumba chiabaruki.9Ne mwachia erwanyi okhulola sina? omunabii? kario mbaboolera mbwe, khandi okhira omunabii. 10Okhuba uno niye owa kaandikwa olondana naye mbwe, lola nduma omurumwa wange imberi wao ochia okhurekekha ingira yao imberi wao.11Obwadieri mbaboolera, akari wa abo abebulwa nende abakhasi asiri okhubao omukhongo kori Yokhana mubatisia. Oburamanyirisia mbwe ulia omalirikha muburuki bwomwikulu nomukhongo omukhira. 12Ne okhurula munyanga chia Yokhana mubatisia okhula leero oburuki bwomwikulu bunyolekhana khumaani, nabamaani babunyoola khumaani.13Okhuba abanabii boosi nende amalako barusia obunabii okhuula khu Yokhana; 14Ne nibiri mbwe ofukirisania nende kano, uno ni Eliya owakhoyera okhwicha. 15Oyo oli nende amarwi kabulira, lekha abulire.16Arali fwananisia olwibulo luno nende sina? luli nga abaana bekhaale khusiiro nebalanga abasiabwe.
18Okhuba Yokhana yeecha naralia kata okhug'wa, nibaboola, mbwe ali nende sikhieno. 19Omwana womuundu yeecha nalia khandi nang'wa, ni baboola mbwe lingera omuundu wokulira, khandi omumesi, omwicha wa banasialo nende abonooni arali obukesi bulirira khubaana baye.20Manu nachaaka okhwalabira amadookho ako omwa emirimo kiaye emikhongo kiekholekha, okhubeera khasibekanira. 21Wuuwi khwewe, Korosini, wuuwi ewe Betisaida! okhuba biba mbwe emirimo mikhongo ekiekholekha mwewe,kiekholekha Tiro nende Sidoni, bakhekaniire khale muno muchingubo echia amangunia nende likokhe. 22Arali mbaboolera mbwe, kaliba maangu khu Tiro nende Sidoni inyanga ya obukhalaki obakhirakho eng'we.23Nawe ewe Kaperenaumu,owakingulwa okhuula mwikulu, ochia okhukalusibwa asi, emagombe; okhuba akamakana, kekholekha mwewe,kekholeekhe mu Sodoma, yakhabere iriwo okhuula inyanga ino. 24 Arali mbaboolera mbwe, kachooba mangu khu sialo sia Sodoma inyanga yobukhalaki okhukhirakho ewe.25Ebikha ebio Yeso yakalusia naboola, khwebasia Baaba Omwami welikulu nende sialo okhubera ewe wakisa ebiindu bino khubakesi nende abasomi nobafunulira abaana abadiidi. 26Kata kario Baaba: khulwesio biabonekhana ebilayi mumoni chiao. 27Ebiindu bioosi ndaberesebwa nende Baaba; ne abulao omuundu omanyire omwana arali samwana; kata omuundu omanyire samwana omalao omwana nende ulia owa omwana achia omufunulira .28Mwiiche mwesi eng'we abanyakhana nende okhusidoyerwa emikuku, nasie ndababeresie esiulukho. 29Mwefwale ejooki liange nimweka khwesie okhuba esie ndi omwedemberefu, khandi omweocherefu mumwoyo, ni muchia okhunyola esiuulukho mumwoyo kieng'we . 30Okhuba elijooki liange nelilayi nomukuku kwange nomwangu.
Chapter 12

1Ebikha ebio Yeso nachia inyanga ya sabato mundalo ya mandimwa, ne abeka baye bali injala ni nibachaka okhufuna amadimwa madoro nibalia. 2Arali olwa Abafarisayo balola ako, nibamubolera bari, "lingera abeka bao bakhola akarakhoyera mu malako, okhola inyanga ya sabato."3Arali nababoolera ari, khasi mwasomakho aka Daudi yakhola olwayali injala alala nende abayali nabo? 4Nga olwayengira munyumba ya Nasaye manu nalia emigaati ekiokhwekesia ekiali kirakhoyera khu ye okhulia kata balia abali naye arali abakukhani bong'ene.5Kata musiasomakho mumalako nga inyanga ya sabato abakukhani abali mukhekalu bonoonianga isabato, nibarabalirwa amabi dawe? 6Arali mbaboolera mbwe abuundu ano aliwo mulala okhira ikhekalu.7Arali mumanyire esisina sielikhuwa lino, mbwe nyenya esisa okhira sisakhiro, ,simwakhabakhalakira esiina balia ababula esibi. 8Okhuba omwana wo muundu niye omwami weisabato.9Ne olwayali narulire ao nachia musinagogi yabwe. 10Ne lola yalimo omuundu owa omukhono mulema. Ne nibamureeba nibaboola, kalakirwa okhuwonia inyanga ya sabato? mbwe banyole okhumusitaaka.11Naye nababoolera ari, ni muundu sina akari weng'we oli nende ekondi elala, nilikwa muliina inyanga ya sabato, khasi anyala okhwingiramo yalirusia erwanyi? 12Ne biaka birie omuundu okhira elikondi? kata kario nelilako okhukhola amalayi inyanga ya isabato."13Manu naboolera omuundu oyo mbwe kololosia omukhono kwao, nakukolola manu nikukalukha abwene nga okundi. 14Manu Abafarisayo nibachia erwanyi, nibakhola omukhung'ano khulwaye ngabakhanyoola omusasia.15Arali olwa Yeso yamanya ako narula abweneao; ne emikanda mikhongo nikimulonda naye nabaonia boosi. 16Ne nabakaania mbwe baramukhola yamanyikhana. 17Mbwe kolerere akalomalomwa nende Isaiah omunabii naboola ari.18Lola omukholi wange owandalobola omukherwa wange, owa omwoyo kwange kukherisibwa muye; njia okhura omwoyo kwange khuyie,naye achia okhukhalakira esina abanasialo.19Sachia okhwiyingana kata okhulira, kata omuundu sachia okhubulirakho idoboosi yaye khuchingira. 20Elikada liumiye sachia okhufunaka ne olutambi lurusia omuosi sachia olusimia okhula olwachia okhurera obukhalaki mubukhiri. 21ne mulira liaye abanasialo bachia okhwesika.22Manu nibamurera omulala owali nende esikhieno, omwofu khandi omusiru; mani namuwonia mani nanyala okhulomaloma nende okhulola. 23Omukanda khwosi kwauka, ni baboola, uno sinomwana wa Daudi?"24Arali olwa Abafarisayo babulira ako, nibaboola bari, 'Omuyia uno sarusia sa ebikhieno arali khulwa Belizebuli omwami we bikhieno. 25Ne Yeso namanya amapaaro kabwe, nababoolera ari, buli oburuki obwakabukhana obwene khubwene bumalirikhiranga mubusasikhi, ne buli edookho kata inyumba eyakabukhana eyene khuyene siyakheema.26Ne nibiri mbwe esikhieno sirusia esikhieno, siakabukhana esiene khusiene; oburuki bwasio buneema burie?. 27Ne nibiri mbwe esie khulwa Belisebuli njirusia ebikhieno abaana beng'we barusia khumaani kawiina? khulwesio bachia okhuba abakhalaki beng'we.28Ne nibiri mbwe khung'a ebikhieno khulwa Rokho wa Nasaye manu oburuki bwa Nasaye bwichire khweng'we. 29Kata kario omuundu yakhengira arie munyumba yomuundu wamaani, manu anyasie ebiindu biaye, nibirali mbwe arangirira yaboya omuundu wamaani naamala anyasia inyumba yaye. 30ulia orali nange nomusuku wange ne ulia orabuusia nange asalania.31Khulwesio mbaboolera mbwe engeri chioosi echia ebionoono nende amanyeko bichia olekherwa abaandu; arali elinyeko khu Rokho mutakatifu silichia olekherwa abaandu. 32Ne Yesi olamaloma khumwana womuundu, achia olekherwa, arali yesi olomaloma khu rokho mutakatifu sachia olekherwa musialo muno kata musialo siicha.33 Khola omusaala kube omulayi; nebiamo biakwo binaba ebilayi, kose okhole omusaala okhuba omubi, nebiamo biakwo biosi binaba ebibi: okhubera omusaala kumanyikhana khulwebiamo biakwo. 34 Olwibulo lwechinjukha, munyala murie, olwamuli abonooni, olomaloma ebiindu bilayi? okhuba okhurula mubungi obwa akari mumwoyo omunwa kulomalomanga. 35Omuundu omulayi okhurula mumbikhiro indayi eyo mumwoyo arusianga ebiindu bilayi; nomuundu omwonooni orula mumbiikhiro yobwonooni arusianga ebiindu biobwoni36 Arali mbaboolera mbwe, buli elikhuwa elirakhoya elia baandu bachia olomaloma bakhurusia obubali bwalio, inyanga yobukhalaki. v 37 Okhuba khumakhwa kao ochia obalirwa obulungikhi, ne khulwa amakhuwa kao ochia okhalakirwa.38Abweneao balala khubandiiki nende Abafarisayo nibakalusia nibaboola bari, omwekesia khwenya esilorero okhurula khwewe. 39Arali nakalusia nababoolera ari, olwibulo lwonooni nende oluyeyi lukonyanga esilolero; nesibulao esilolero sialuchia oberesibwa, arali esilolero sia nabii Yona.
40Mbwe nga olwa Yona yali echinyanga chidaru nende biro bidaru munda mweing'eni; nilwo olwa omwana womuundu achia okhuba enyanga chidaru nende biro bidaru mumwoyo kwesialo.41Abaandu ba Ninawi bakhabuukhe khulwa obukhalaki alala nende olwibulo luno, ni balukhalakire esiina okhubera bekanira mukhuyaala khwa Yona, ne lola omukhongo okhira Yona aliano.42Omuruki mukhasi owemwalo achia obuukha mubukhalaki nende olwibulo luno ne achia okhulukhalakira esiina; okhuba yeecha okhurula mumbeka chiesialo siaale okhubulira obukesi bwa Sulemani; ne, lingera, omukhongo okhira Sulemani aliano.43Irokho ibi niirula mumuundu ikendanga mumbeka chiesiumira okhunyoola okhubuluukha,ne niranyoola wosi. 44Manu imala iboole iri,njia okalukha munyumba yange yandarulamo, ne niikalukha inyoole niyakhakha manu yeyerwe, ikhwanisiibwe. 45Ibwao, niichia niibukula alala nayo echirokho chindi saba echiakoyana lukali oyikhira, nichingira mukari nichimenyamo: ne imbeera imalirikha yomuundu oyo ikoyana okhirakho eyamberi, kata kario nilwo olwakachia okhuba khulwibulo olukoyanu luno.46Olwayali nasiri nalomaloma nende baandu, lola ng'ina nende abaana babwe beecha nibekoomba olomaloma naye. 47Manu mulala namuboolera ari, lola mama wao nende abaana beng'we bali rwanyi bekoomba olomaloma nawe.48Arali nakalusia namuboolera oyo owamuboolera ari, mama wange niye wiina? nabaana befwe niwiina? 49Ne nakolola omukhono kwaye khubeka baye naboola ari, lola mama nende abaana befwe!. 50 Okhuba yeesi okhola elienya lia Baaba oli mwikulu oyo niye omusiani nende omukhana wefwe nende mama.
Chapter 13

1Inyaanga yeneyo Yeso yarula erwanyi weinyuumba, nachia niyekhala khundulo khwe inyanja. 2Ne omukaanda omukhoongo nikwebuusia alala khuniye, okhuula olwa yachia muliaro niyekhala; ne omukaanda kwoosi nikweema khulukuku.3Ne Yeso nababolra ebiindu bingi muchingaado naboola ari, lola, omuraaki yachia okhuraaka. 4Ne olwayaraaka, imwo yindi yakwa khungira, amayoni keecha nikayiboocha: 5Eyindi nikwa khulwaanda oweliloba liingi libula: ne ebikha bidiidi niimera okhuba siyali nende eloba elioloberera. 6Ne olwa omubasu kwafwa, yalala; ne okhubeera siyali nende emisi, niifwa.7Ne eyindi niikwa mumabwa; amabwa nikamera nikaifumira. 8Arali eyindi yakwa muloba elilayi; niyaama ebiamo, eyindi imia khumia, eyindi kasasaba khumia, neyindi kadaru khumia. 9Oli nende marwi kabulira ,abulire.10Ne abeka nibeecha nibamuboolera bari; "khusina abalomalomeraanga mu chingaado?" 11Nakalusia nababoolera ari, okhubeera kaberesibwa khweng'we okhumanya aka mubwekisi akobwami bwo mwikulu, arali khunibo sikaberesibwa. 12Okhuba oyo olinabio, khuye bichia khuberesibwa, ne achia oba nabio mubungi; arali oyo obula, orula khuniye bichia obukulibwa kata esiali ninasio.13Khulweso mbalomalomera muchingaado: okhuba bali nende chimoni nesichilola,kata kario amarwi nisibabulira kata khandi sibamanyirisia. 14Ne niko kosirisibwa obunabii bwa Isaya obubola mbwe, okhubulira munabulira, arali simunamanyirisia, ne okhulingera munalingeera arali simunalona.15Okhuba emioyo kia Baandu bano kibere emiomu mbwe barachia ebikha bioosi balola nende chimoni chiabwe nibabulira nende amarwi kabwe, nibamanyirisia nende emioyo kiabwe nibakalukhanisibwa, mani ndabaonia.16Arali chiongerwe ikhabi echimoni cheng'we okhuba chilola:namarwi keng'we okhuba kabulira. 17Okhuba obwadieri mbaboolera mbwe, abanabii baangi nende abaandu abakolofu bekoomba okhuola amakhuwa akamulola kano, nisibakalola; nende okhubulira amakhuwa kano akamubulira, arali sibakabulira.18Khulwesio mubulire olukaado olwomuraaki. 19Omuundu yeesi obulira elikhuwa elioburuki, naralimanyirisia, omukoyaani yechaanga, narusia s esirakirwe mumwoyo kwaye.uno niye owanyoola imwo yakwa khungira.20Arali ulia owanyoola imwo yakwa khulwanda, oyo niye obulira ekhuwa nende obusangaafu nalifukirira. 21Omalao siali nende emisii muyie arali yedemberesia khulwe bikha bidiidi: okhuba amanyakhano kose obunyakhani nibwiicha khulwa elikhuwa, ebikha nende bikha asinyisibwa.22Ulia yesi owanyoola imwo yomumabwa niye oyo obulira elikhuwa, namanyakhano kiesialo sino nende obubacha bwo buyiinda bufwiinyaa elikhuwa nakhirwa okhwama ebiamo. 23Arali ulia onyoola imwo muliloba elilayi niye oyo obulira elikhuwa nalimanyirisia; niyama ebiamo obukhumi imia, abaandi amakhumi kasasaba, na abaandi amakhumi kadaru.24 Olukaado lundi yababoolera ari, obwami bwomwikulu bufwananisibwa nende omuundu owaraka imwo indayi mundalo yaye. 25Arali olwa baandu beyalisia, omusuku waye yeecha naraaka amabaye akari weingano, mani nabwao. 26Arali olweingaano yasebukha niyibula ebiamo amabaye koosi nikalolekha.27Kario abakholi bomweneengo beecha nibamuboolera bari, Omwami siwaraaka imwo indayi mundalo yao, bulano khandi elibaye lurulire ena? 28"Nababoolera ari, omusuku akholere kano. Abakholi nibamuboolera bari, wakharufukirira khuchie khukeyake nende okabuusia alala?'29 Arali naboola ari, khaba; mumanya mwaba nimubusia amabaye mweyaka khandi ingano yosi alala nako. 30Mulekhe bioosi bikhulire alala okhuula mulikesa: nebikha bielikesa ndakhababoolere abakesii mbwe "mubusie mberi alala amabaye nimukaboya mumikaanda khukasaamba; arali mubuusie ingano mure musiaki siange.''31Olukaado lundi yabakanira naboola ari, obwami bwomwikulu buli nga imoni yeimwo yelisaaka eyomuundu yabukula naraaka mundalo mwaye. 32Eyiri niyo eyindiidi imalirikhayo mumwo yoosi; arali niyikhulire niyiba ikhoongo akari we misaala amayoni akomumiyaka keecha nikamenya khumasaga kakwo.33Nababoolera olukaado lundi mbwe, obwami bwomwikulu buli nga elimera,eliomukhasi yabukula, mani nakisa mubikero bidaru ebia obusie okhuula olwabwoosi bwekhola elimera.34Amakhuwa kano koosi Yeso yaboolera omukaanda muchingaado, ne oburali muchingaado siyabalomalomera. 35Mbwe kanyale okhuulirira akalomalomwa nende omunabii naboola ari, ndafuunula omunwa kwange muchingaado ndaboola ebiindu ebiebikha mubwekisi okhurula khumuse okwesialo.36Mani Yeso naseebula omukaanda, niyengira munyuumba; abeeka baye nibamwichira, nibaboola bari, 'Rumanyisie olukaado olwa mabaye komundalo." 37Nabakalusia naboola ari, ulia oraaka imwo indayi nomwana womuundu. 38Indalo nesialo; imwo indayi nabaana aboburuki; arali amabaye nabaana bomukoyani. 39Omusuku owaraaka nomukhieni; elikesa nobumalirikhi bwesialo; ne abakesii nibamalaika.40 Khu kario ngolwa amabaye kanasambibwa mumuliro; nilwo olwakachia okhuba mubumalirikhi obwomusialo sino. 41Omwana womuundu achia oruma imberi abamalaika baye, nibachia obuusia orula mubwami ebiindu bioosi ebisinyisia, nende boosi abakhola akobwononi. 42Ne achia okhubasukuna mutanuru eyomuliro, eyo khuchia okhubayo okhuuba echimbuungu nende okhusia ameno. 43Ne ao abalungifu bachia okhwakha kori eliuba mubwami bwa sabwe. Oli nende marwi kabulira abulire.44Khandi obwami bwomwikulu buli nga imbikhiro eyakiswa mumukunda eya omuundu yanyoola nayikisa, ne khulwo busangaafu khulwayo yachia nakusia bioosi ebiyali nabio, mani nakula indalo eyo. 45Khandi obwami bwo mwikulu buli nga omuundu weingaanga okoonya echilulu echindayi. 46"Owa, niyakhanyoola ilulu ndala eyobukusi bukhoongo, yachia nakusia bioosi ebiyali nabio ".47"Khandi obwami bwo mwikulu buli nga olwero olwasukunwa munyaanja, nilubuusia echindi buli ingeri. 48 Olwa lwali nilwichule, balukhwesa khulukuku; nibekhala asi, mani nibabusia ebialimo ebilayi nibabira mubisero, arali ebiibi nibabisukuna."49Nilwo nga olwa kakhabe mubumalirikhi bwesialo. Abamalaika bakheeche, nibakabula abonooni okhurula mubalungilfu. 50"Nibachia obasukuna mutanuru yomuliro, eyo khuchia okhuuba chimbuungu nende okhusia ameno."51Yeso nababolera ari "mumanyirisia ebiindu bino bioosi? " nibamuboolera bari "kario omwami". 52Mani nababoolera mbwe, khulwesio buli omwandiiki owekesibwe khu komubwami bwo mwikuli ali nga omuundu mwene inyuumba orusia erwanyi ebiindu biyakha nende bikofu ebiomumbikhiro yaye." 53Ne olwa Yeso yamala okhubola echingaado chino, yabwao .54Ne olwayola musialo saiye, yabekesia musinagogi yabwe nibaukisibwa nibabola bari," omuundu uno yarusia ena amakesi kano, nende ebikhole bikhongo bino ? 55"Uno sinomwana womubachi we chimbao? ng'ina sialangwa Maria? ne abaana babwe si ni Yakobo, nende Yosesi, Simoni nende Yuda?. 56" Na bakahana babwe, sibali boosi alala nafwe? Bulano omuundu uno arusia ena biindu bino bioosi?57Mani nibamusinyikhira. Arali Yeso nababolera ari, "omunabii khaba siali noluyaali, arali musialo siaye, nende munyuumba mwaye mwene". 58Bulano siyakhola emirimo mikhongo mingi ebweneyo khulwo burasubira bwabwe.
Chapter 14

1Muchinyaanga echio omuruki Herode yabulira akeyifuma ya Yeso. 2Nababoolera abakholi baye ari, "uno ni Yohana omubatisia; abukhire mubafu, khukario amaani kano kakhola emirimo muniye."3Okhuba Herode yali nadirire Yokhana namuboyere, namusukene mumboye, khulwa Herodia, omukhasi wa Filipo omusiani wabwe. 4Okhuba Yokhana yali namuboolere ari, sibifikirirwa khwewe okhudekhia". 5Ne kata niyali yenyere okhumwira, yaria omukaanda khubeera bamubala nga omunabii.6Arali musiserero sio khwibulwa esia Herode, omukhana wa Herodia yakhina imberi wabwe, namusangasia Herode. 7Namulaka mukhwechuba okhumuberesia siosi siosi esiyakhasbire.8Naye olwayali nakerakwe nende ng'ina, naboola ari, "mberesie ano omurwe kwa Yokhana omubatisia khuluderu" .9Ne omuruki naberera; kata khukario khulwa okhwechuba nende khulwa balia abali nibekhale naye,nalagira mbwe bamuberesie.10Mani narumanisia okhukhengwa Yokhana omurwe mumboye. 11Ne omurwe kwaye nikurerwa khuluderu nikuberesibwa omukhana, naye nakuirira ng'ina. 12Mani abeka nibeecha nibabukula omubiri, nibakusiikha, manu nibachia nibaboolera Yeso.13Yeso nga olwayabulira ako yarula ao muliaro nachia abuundu owa baandu babula yeng'ene. Ne olwa abaandu babulira, bamulonda khumakulu okhurula mumadookho. 14Ne Yeso nachia imberi nalola omukaanda omukhoongo: mani nabaloolera esisa naonia abalwaye babwe.15Ne olwabiola ingolobe, abeka baye bamwichira, nibaboola bari, abundu ano nolumira khandi ebikha bichire, ruma omukaanda kubweo, bachie muchingoongo, bekulire ebiakhulia."16Arali Yeso yababoolera ari, sibienyekhana babweo; eng'we mubaberesie ebiokhulia." 17Nabo nibamuboloera bari," khuli sa ano nende emigaati kirano nende eching'eeni chibiri". 18Naboola ari, "mubinderere ano."19Ne nalagira omukaanda khwikhala asi mubunyasi, ne nabukula emigaati kiraano nende eching'eeni chibiri nalingeera akulu mwikulu nabiberesia echikhabi nisonyola naberesia abeeka baye emigaati; nibaberesia obo mukaanda. 20Manu bosi nibalia nibekura; nibabusia ebikusu biadong'a ebikono ekhumi nende bibiri ebichuule. 21Ne abo abali nibaliire bali ambi abasaacha echilifu chiraano norusiakho abakhasi nende abaana.22Ne abweneao Yeso naboolera abeeka baye okhwngira muliaro, bachie imberi waye, ingerekha naye nabasebula emikaanda khubwao. 23Ne olwayali namalire okhusebula emikaanda yachia akulu mulugulu yeng'ane okhulama, ne olwa ingolobe yola yaliyo yeng'ane. 24Arali obwaro bwali bulano akari we inyaanja, nibuyuywa nende amafinda; okhuba omuyaka kwali omuungi.25Ne mundiriro ya khune eye siro Yeso yabachira nakeenda khunyaanja. 26 Ne olwa beeka bamulola nakeendanga akulu khunyaanja babeyabeya, nibaboola, "nesikhieno"! nibalira khulwa oburi. 27Arali abwenao Yeso nabalomalomera ,naboola ari, "mweberesie omwoyo; neesie: muraria;"28Petero namukalusia naboola ari, "Omwami, nibiri mbwe newe, nange njiche ao oli khumaachi. " 29Naye Yeso naboola ari, "icha". Ne Petero olwayekha asi khurula mubwaro, yakeenda khumaachi, nachia khu Yeso. 30Arali ngolwa yalola omuyaka muungi, yaba omuri; nachaaka okhwibira niyayula, naboola ari, Omwami njabine!31Ne mubwangu Yeso nakolola omukhono kwaye, namudira, namuboolera ari, ewe owobusubiri budidi, mbwe sina okanakana?" 32Ne olwa bengira mubwaro omuyaka nikwakama. 33Mani abo abali mubwaro beecha nibamwinamira, nibaboola bari, "obwadieri ewe oli omwana wa Nasaye."34Ne olwabali nibambuukhe bola musialo esia Abagerasi. 35Ne olwa baandu ba abuundu ao bamumanyirisia, nibarumanisia mubialo ebio bioosi ebibodokhana ao, nibamurera abalwaye boosi . 36Ne nibamusaba mbwe banyoole sa odiira khulikemo lia ingubo yaye; ne abaangi abamudirakho balamusibwa ebilayi.
Chapter 15

1Manu nibamwichira Yeso abandiiki nende Abafarisayo abali Yerusalemu nibaboola bari, 2Khulwasina abeeka bao nibakhaya amekesio ka abakhulundu? okhuba sibesaaba amakhono nibalia omugati. 3Arali yakalusia nababoloora ari khulwasina eng'we mwesi mukhayanga elako lia Nasaye khulwa amekesio keng'we?4Okhuba Nasaye yalaka naboola ari, beresianga so nende mawo oluyali; ni oyo olomaloma amabi khu simwana kose ng'ina lekha afwe elifwa. 5Arali mboola mbwe, yesi ochia oboolera simwana kose ng'ina mbwe, ni esianwa esiewe onyala onyola nga obukhala khwesie; 6Ne saberesia simwana kose ng'ina oluyali, achia oba omulekhule khwesio eng'we mwakhola elako lia Nasaye oba elibula amani khulwa amekesio ken'gwe.7 Eng'we abekaadi, kali nga Isaya yarusia obunabii khweng'we naboola ari, 8abaandu bano basuda ambi nange nende minwa kiabwe, ni bamba oluyali khubinwa biabwe; arali emioyo kiabwe kiri ale nange. 9Arali bakhola ebikhaya okhunyinamira ni bekesia amekesio akali amalako kabaandu.10Ne nalanga omukanda nakuboolera ari, bulira ne mumanyirisie. 11Si nisiria esichia mumunwa esionoonianga omuundu arali siria esirula mumunwa nisio esionoonianga omuundu.12Manu abeeka baye nibeecha nibamuboolera bari omanyire mbwe Abafarisayo basinyikhe olwababulire inomanoma yino?' v 13 Arali nakalusia naboola ari, 'buli sirake, esia Baba womwikulu araraka sichia okhwiyakwa. 14Mubalekhe bong'ene; babe abaoofu bemirisi ba abaoofu, ni omwofu niyemira omwofu boosi bachia okwa mulina."15Manu Petero nakalusia namuboolera ari, 'Rubolererkho ako lukado luno." 16Ne Yeso naboola ari, Eng'we mwesi mubula obumanyirisi? 17Eng'we khasi mumanyirisia mbwe siosi siosi esingira mukari khumunwa sichia munda,ni sirusibwa erwanyi muchoo?18Arali ebiindu biria ebirula mumunwa birulira mumwoyo; ne bionoonia omuundu. 19Okhuba okhurula mumwoyo karula amaparo mabi obwiri, obuirani, obwifi, obuloli bwa bubacha, amanyeko. 20Bino nibio ebiindu ebionoonia omuundu; arali okhulia oburesaaba makhono sibioonia omuundu dawe.21Mani Yeso narulao nachia khu nyanja ya Tira nende Sidoni . 22Ne nalola omukhasi mukanani narula khumbeka chia inyanja eyo, ne namulirira naboola ari, mbere sisa omwami ewe omwana wa Daudi, omukhana wange asandisibwa lukali nende sikhieno.
24Naye nakalusia naboola ari, sindaruma arali khumakondi kakora aka inyumba ya Isiraeli. 25Manu niyeecha namwinamira, naboola ari, omwami khonye. 27Naye naboola ari, obwadieri omwami, echimbwa chilichanga ebikusu bikwa okhurula khumesa ya omuruki wachio. 28Manu Yeso nakalusia namuboolera ari, ewe omukhasi obusubiri bwao nobukhongo; kabe khwewe nga olwa odakhire. Ne omukhana waye nakholwa omulamu okhurula ebikha ebio.29Ne Yeso narulao, niyeecha ambi nende inyanja ya Glilaya; naniina khulugulu niyekhala asi ebweneyo. 30Ne omukanda mukhongo nikumwichira, nibali alala nende balia abali abalema, aboofu, ababungafu, nende abaandu baangi nibabara asi mumakulu kaye nabaonia. 31Omukanda kwaukisibwa, olwakwalola ababungafu nibalomaloma, abalema nibakenda,abakwa makara nibabukha nende abaoofu nibalola; nibaberesia Nasaye wa Isiraeli oluyali.32Mani Yeso nabalanga abeeka baye , naboola ari, ndolere esisa omukanda okhubera bachiririre nange bulano, enyanga chidaru ni babula esiabalia; ne sindakhabasebula babweo nibasiiba barecha bakwa olumbuchu khungira.33Ne abeka baye nibamuboolera bari, " wakhanyola ena emigati mingi mulumira, ekilisia omukanda mokhongo nga kuno?"34Ne Yeso nababoolera ari, "muli nende emigati kiinga? nibaboola bari saba nende ebing'eni bididi" 35Mani Yeso nalagira omukanda okhwikhala asi khuloba.36 Ne nabukula emigati saba nende ching'eni niyebasia , mani nakidonyola naberesia abeka baye, nabeka baye nibaberesia omukanda . 37Mani boosi nibabilia nibekura; nibabusia ebikusu bie biakhulia ebiali nibodong'ere ebikono saba nibichule. 38Ne balia abalia bali abasacha chilifu chine, norabalire abakhasi nende abaana . 39Mani Yeso nasebula omukanda, mani niyengira muliaro, nachia mumbeka chia Magadani.
Chapter 16

1Abafarisaayo boosi alala nende Abasadukayo beecha, nibamuteema nibamusaba mbwe abekesiekho esilolero okhurula mwikulu. 2Naye nakalusia nababoolera ari, nibili ingolobe, muboola mbwe, esialo siyenjerere: khuba elikulu liakhanye,3Ne ichuli muri inaba eyolukeka lero; okhuba elikulu liri liakhanyu khandi lirisia. 'Eng'we abekaadi! mumanyirisie okhulabula ifwani yelikulu, arali simunyala okhulabula ebilolero bie bikha. 4"Olwibulo olumaanu khandi olucheke lukoonya esilolero: ne sibulao esilolero esialunaberesebwa arali esilolera esia omunabii Yona." nabalekha, nabwao.5Ne olwa abeeka baye beecha ingerekha bali nibebirire obukula emigaati. 6Mani Yeso nababoolera ari, "mwekenderesie nimuba meeso khulwa lmera eya Abafairisaayo nende Abasadukayo."7Nibarebana abeene khubene, nibaboola bari, 'khulwokhuba sikhubukule emigaati'. 8Arali Yeso namanyirisia yababoolera ari, eng'we abobusubiri budiidi, khusina murebana abeene, mbwe khulwokhuba simurerere emigaati?9Eng'we khasi mumanyirisia kata okhwichulisia emigaati kiraano ekia baandu echilifu chiraano, nende ebikono binga ebiamwabusia? 10"Kata emigaati saba ekia abaandu echilfu chine, nende ebikono bikhoongo ebiamwabuusia?11 Kakhaba karie mbwe eng'we simumanyirisia mbwe sindalomloma nang'we olondana nende migaati, arali mbwe mwekenderesie khulwa emera eya Abafarisayo nende Abasadukayo." 12Mani nibamanyirisia mbwe siyababoolera okhuba meeso nende elimera liomugaati arali amekesio kabafarisayo nende abasadukayo.13Olwa Yeso yeecha mumbeka chia Kaisaria Filipi nareeba abeeka baye, naboola ari, "abaandu baboolaanga mbwe Omwana womuundu ni wina?"14Nabo nibaboola bari, abaandi baboola mbwe oli Yokhana omubatisia; abaandi bari Eliya, ne baandi Yeremia, kose mulala khu banabii.' 15Naye nababoolera ari, "Nang'we mubolaanga mbwe ndi wina?"16Simoni Petero nakalusia naboola ari, 'Ewe newe Kirisito Omwana wa Nasaye oli mulamu.'17 Yeso nakalusia namuboolera ari, oli oweikhabi ewe Simoni wa Yona; okhuba omubiri nende amabaanga, khasi biakhufunulira kano arali Sefwe oli mwikulu. 18Ne siesi khuboolera mbwe, ewe oli Petero, ni khulwanda luno njia khumbakha likanisa liange, ne emiliango kia emagoombe sikinayikhira.19 "Ne njia okhuberesia echifunguo echia obwami bwomwikulu, ne siosi esia ochia obooya khusialo sichia oboywa mwikulu, ne siosi esia ochia obolola khusialo sichia obololwa mwikulu. 20Mani nabakania abeeka baye mbwe baraboolerakho omuundu mbwe ye niye Yeso Kirisito.21Okhurula ebikha ebio okhuchiririra Yeso yachaaka okhwekesia abeeka baye, mbwe akwanirwa okhuchia Yerusalemu, mani asandisibwe khu biindu biingi khubakhulundu nende abakukhani bakhoongo nende abandiiki nende okhwirwa, mani alamusibwe inyaanga ya khadaru.22Mani Petero namubukula nachia namukania naboola ari, "kabe ale nawe Omwami; kano sikachia okhubao;" 23 Arali Yeso yakalukhana naboolera Petero ari, chia inyuma wange ewe sikhieno; ewe oli esiuku khwesie; okhuba ewe sodeeba ebiindu ebia Nasaye, arali ebiindu ebia abaandu.24Mani Yeso naboolera abeeka baye ari, omuundu yeesi owekoomba okhwicha khwesie yekaane ye omwene mani abukule omusalaba kwaye anoonde. 25"Okhuba yeesi yeesi ochia owonia obulamu bwaye achia obukosia; ne yeesi yeesi ochia okosia obulamu bwaye khulwange achia okhubunyoola. 26Okhuba nibieingaanga sina khu muundu okhunyoola esialo siosi ne akosie omwoyo kwaye?, kose nisina esiomuundu yakhaberesiania okhukulasania khulwa omwoyo kwaye?27Okhuba omwana womuundu yakheche muluyaali lwasamwana nende abamalaika baye; ne awo yakhaberesie buli muundu olondana nende emirimo kiaye. 28Obwadieri mbaboolera, baliwo abaandu bandi abemere ano abarachia okhulolakho eliifwa, okhuula olwabachia olola omwana womuundu niyeecha mubwami bwaye.
Chapter 17

1Ne olunyuma lwechinyaanga chisasaba Yeso yabukula Petero, Yokobo nende Yokhana omusiani wabwe, nabemirira okhuchia akulu mulugulu luraambi bong'ane. 2Naye nakalukhanisibwa imberi wabwe; ne obweni bwaye nibwadukha nga eliuba, ne chingubo chiaye chiali echindafu kori obulafu,3Ne lola, Musa nende Eliya nibabalolekhera nibalomaloma ninaye. 4Mani Petero nakalusia naboolera Yeso ari, 'Omwami nibelayi efwe okhuba ano; nikakhaba mbwe wenya, lekha khukaasie amayema kadaru, elala eliao, ne elala elia Musa, ne elala elia Eliya".5Olwayali nasialomalomanga, lola elilesi lilafu lukali nilibafunikha, ne lola idoboosi khurula mulilesi niyiboola iri,"Uno niye Omwana wange mukheerwa, owasangasibwa muniye; mumubulire"6Ne olwa abeeka babulira ako, bakwa asi khubweni bwabwe nibaria muno. 7Yeso niyeecha nabadirakho naboola ari, ' mubuukhe muraba abari." 8Ne ngolwa bakingula akulu echimoni chiabwe, khasi balola omuundu yeesi, arali Yeso yeng'ene.9Ne olwabali nibeekha asi khurula khulugulu, Yeso yabakania nababolera ari murabolerakho omuundu yeesi amalolo okhuula olwa Omwana womuundu achia khubuukha khurula mubafu."10Ne abeeki baye nibamureeba nibaboola bari, khulwasina abandiiki babolaanga bari bill mbwe okhuula Eliya yeeche mberi?"11Ne Yeso nakalusia nababolera ari, " nobwadieri Eliya achia khurangirira okhwicha, ne achia okhukalusia ebiindu bioosi. 12Arali mbabolera mbwe Eliya yamala okhwicha, nabo sibamumanya, arali bamukholera koosi akabeenya. Nilwo olwakachia okhuba Omwana womuundu achia okhusandisibwa mumakhono kabwe. 13Mani abeeki nibamanyirisia mbwe yabalomalomera khulondana nende Yokhana omubatisia.14Ne ngolwa boola khumukaanda omuundu yamwichira, namusigamira, naboola ari, 15"Omwami lolere sisa Omwana wange okhuba niweindulume, khandi achunisibwa lukali; okhuba ebikha bindi akwichaanga mumuliro, ne ebikha biindi mumaachi. 16" Ne ndamurera khubeeki bao, arali sibanyala okhumuonia."17Mani Yeso nakalusia naboola ari, " eng'we abo lwibulo lurasubira khandi olwakhayukha, njia okhuba nang'we okhuula liina? Njia okhubesimirisiria okhuula lina? mumunderere ano." 18Ne Yeso niyalabira esikhieno; nisimurulamo; ne omwana naona khuchaaka ebikha ebio.19 Lunyuma abeeki bachiira Yeso mubwekisi, nibaboola bari, khulwasina efwe sikhwanyala okhusirusia erwanyi?" 20Ne Yeso nababolera ari, okhubeera oburasuubira bweng'we; mbabolera obwadier mbwe, nimuba nende obusubiri kori imoni yolule , muchia khubolera olugulu luno mbwe, 'rula ano ochie olwande lula; niluchia okhuchia; nisibulao esiranyalikhana. 21Kata kario ebifwana biri khasi birula arali khulwa okhusaaya nende okhusiiba.22Ne olwabali nibamenyere Galilaya Yeso nababolera ari, Omwana womuundu achia okhobwa mumakhono kabaandu, 23Ne bachia okhumwira, ne inyaanga ya khadaru achia okulamusibwa khandi." Nabo nibaba nende esibeera singi lukali.24 Ne ngolwa boola Kaperenaumu, abaandu babusiangaanga omusolo kwe ikhekalu beecha khu Petero, nibaboola bari, omwekesia wao khasi arungaanga omusolo dawe?" 25Naboola ari, "Eee". Ne olwayengira munyuumba, Yeso yamukania namubolera ari, oparaanga sina Simoni? Abami abokhusialo babukulaanga omuruungo kose omusolo okhurula khuwina? Okhurula khubaana babwe, kose khubakeni?"26Petero namukalusia ari, khubakeni, "Yeso naye namubolera ari, khulwesio abaana nabalekhule. 27Ne khulwo khuba mbwe, khurabasinyisia, chia munyaanja ne osukune elobo, orusia ing'eeni eyirangirira okhwicha akulu, ne niwakhamala okhwikula omunwa kwayo, ochia onyoola isende; bukula obaberesia khulwange ninawe.
Chapter 18

1Mubikha ebio abeeka nibeecha khu Yeso, nibabola bari, "Niwina omukhoongo mubwami bwomikulu?" 2Ne Yeso nalaanga omwana omudidi khuye, namwikhasia akari wabwe, 3ne naboola, "Mbabolera obwadieri mbwe, nimurakalukhana, mwaba nga abaana badidi, simuchia okhwingira mubwami bwomwikulu.4Khulwesio ulia yeesi ochia okhweduduyia omwene kori omwana mudidi, oyo niye omukhoongo mubwami bwomwikulu. 5Ne yeesi ochia okhwingisia mulala khubaana badidi kori uno muliira liange anyingisia esie. 6 Arali ulia ochia okhola mulala khubadidi bano abasubira mwesie, okhwonona biakhabere ebilayi khuye mbwe elikina liakhaboyerwe mukosi mwaye, mani yebisibwe mulusiba lwe inyaanja.7" Uuwi khusialo okhubeera ebisikirasio; okhuba ebisikirasio bikhoyera okhwicha; arali uuwi khumuundu oyo owebisikirasio bichirakho. 8"Khulwesio omukhono kwao kose okhukulu khwao nibikhukhola okhukhola echimbi, bikhengeyo mani obisukune bikhurulekho; nebilayi khwewe okhwingira mubulamu noli omulema mukhalake, okhira obe nende amakhono kabiri kose amakulu kabiri nofubwa mumuliro okuralibwayo.9Ne imoni yao niikeera okhole imbi irusieyo yikhurulekho, nebilayi khuwewe okhwingira mubulamu nende imoni ndala, okhukhira obe nende chimoni chibiri nosukunwa mumuliro okuralibwayo.10Mwekenderesie mbwe muralekeresiakho kata mulala khubadidi bano okhuba mubolera mbwe, mwikulu abamalaika babwe bamenya nibalingeera obweni bwa baba wange oli mwikulu. 11Okhuba Omwana womuundu yecha okhuwonia silia esiali siakora.12Mupaara murie eng'we? omuundu naba nende amakoondi imia, nelala likora, khasi alekha amakoondi amakhumi tisa nende tisa, nachia mulugulu mani akonye liria elikorere elala? 13Ne olwaba nalinyolere, mbabolera obwadieri mbwe asangalira lukali elikoondi elio, okhira kalia amakhumi tisa nende tisa akarakorere. 14Kata kario sinokhwenya khwa seng'we oli mwikulu, mbwe mulala khubadidi bano akore.15Khumedakho nikaba mbwe omusiani weng'we akhwononera, chia omubolere amabi kaye akari weng'we nali yengane; nikaba mbwe akhubulira omunyoolere omusiani wengwe. 16 Ne narakhubulira bukula mulala kose abandi babiri abakhukhira mbwe mumunwa kwa abaloli babiri kose badaru buli elikhuwa linyoole okhumanyikhana.17Ne nibili mbwe achia okhaya okhubabulira, bolera elikanisa; arali nakhaya okhubulira elikanisa; lekha abe khweng'we kori orasubira kose omunasialo.18 Mbabolera obwadieri mbwe,siosi esiamuchia okhuboya khusialo sichia okhuobywa kata mwikulu; ne siosi esiamuchia obolola musialo sichia okhubololwa mwikulu. 19Khandi mbabolera mbwe, babiri khwengwe nibachia ofukirisania khusialo okhulondana nende esiindu siosi esiabachia okhusaba, bachia okhukholerwa nende baba wange oli mwikulu. 20Okhuba owa babiri kose badaru bakhung'ana alala muliira liange, abwene ao ndi akari wabwe.21Mani Petero namwichira naboola ari, Omwami, omusiani wefwe akhoyere okhukholera amabi amakhabi kanga nimulekheraanga? okhuula amakhabi saba?" 22Yeso namumbolera ari, sikhubolera mbwe, okhuula amakhabi saba , arali okhuula amakhabi makhumi saba mara saba.23 Khulwesio obwami bwo mwikulu bufwananisibwa nende omuruki undi owabukula obubali obwa abakholi baye. 24Ne olwabachaaka okhubala, mulala yarerwa khuniye, owali nende elikobi liaye elia echitalaanta echilifu ekhumi. 25Arali okhubeera siyali nanyalirwa okhuruunga, omwami waye yalagira mbwe akusibwe, nende omukhasi waye , nende abaana baye nende bioosi ebiayali nabio, mani elikobi liruungwe.26Khulwesio omukholi nakwa asi, namwinamira naboola ari, Omwami ndesimirisirie njia okhuruunga bioosi. 27Mani Omwami womukholi oyo nadiirwa nende esisa, namulekhuula, namulekhera elikobi.
29Ne omukholi wasie namukwa mumakulu, namusaba naboola ari, ndesimirisirie njia okhuruunga bioosi.30Naye siyafukirira; arali yachia namusukuna mumboyero okhuula olwa yaruunga elikobi. 31Kario olwa bakholi basie balola esiali nisiekholekhe belalikhira lukali nibeecha nibabolera Omwami wabwe koosi akekholekha.32Mani Omwami waye, namalire okhumulaanga , yamubolera ari, ewe omukholi mumaanu ndakhulekhera elikobi lilia lioosi, okhubeera ewe wandekweeda. 33Ewe wesi siwakhamulolerekho esisa omukholi wasio, ngolwa siesi ndakhulolera esisa?'34Ne omwami waye naluluma, namuberesania abakhaniakhani okhuula olwa yakharuunge bioosi ebiayali nabanjwa. 35Kario nilwo olwa achia okhola Sefwe oli mwikulu, khweng'we, nikaba mbwe okhurula mumioyo kieng'we simulekhera buli mulala omusiani wabwe ebionono biaye.
Chapter 19

1Ne olunyuma Yeso namalire okhuboola amakhuwa kano, yarula Ebugalilaya niyeecha echimbeka echia Buyaudi ingerekha wa Yorodani. 2Ne emikaanda emikhoongo nikimuloonda, naye nabaonia ebwene eyo.3Abafarisayo boosi nibamwichakho, nibamuteema, nibamureeba bari, nelilako khu musaacha okhumulekha omukhasi waye khulwa esifunane siosi siosi? 4Naye nakalusia nababolera ari, simwasomakho, mbwe ulia owabalonga mukhuchaaka yabaloonga omusaacha nende omukhasi.5Naboola ari, khulwesio omuundu achia obalekha samwana nende ng'ina, ne achia okhwambaana nende omukhasi waye; ne babiri bachia oba omubiri mulala. 6Khulwesio khasibali babiri arali omubiri mulala, khulwako esia Nasaye yambaniisie alala omuundu yeesi arakabukhania."7Nabo nibamubolera bari, "khulwasina Musa bulano yalagira okhuberesania obwandike obwokhulekhana, nende okhumwerusiakho?" 8Naye nababolera ari, Musa khulwokhubera obwomu bwemioyo kieng'we yabafukirira eng'we okhulekhana nende abakhasi beng'we; arali okhurula mukhuchaka sikali kario. 9Nimbabolera mbwe, ulia yeesi ochia olekhana nende omukhasi waye, oburali khulwobuyirani, mani adeekhie oundi, akhola obwirani; ne ulia yeesi odeekhia oyo olekherwe yeesi akhola obuyirani.10Abeeka baye nibamubolera bari, "Nikaba mbwe omusaango kwomuundu imberi womuundu nende omukhasi waye kuli kurio sibikhoyera okhudekhia."11Arali ye nababolera ari, abaandu boosi sibabukula olukaado luno, arali balia ababeresibwe. 12Okhuba baliwo abachiri abebulwa bario okhurula munda mwa bang'inabwe; ni baliwo abachiri, balia abaladwa nende abaandu; ne babao abachiri, balia abachiri khulwobwami bwomwikulu. Oyo onyala okhufukirira ako, akafukirire."13Mani nibamurerera abaana badiidi mbwe abarekho omukhono mani abalaamire, ne abeeka nibabalabira. 14Arali Yeso naboola ari, mufukirire abaana badiidi, murabakaira, okhwicha khwesie; okhuba obwami bwomwikulu bufwananà burio. 15Mani nabarakho amakhono kaye, nabwao.16Ne lola omulala namwichira namuboolera ari, omwekesia omulayi, siindu sina esilayi esianyala okhukhola, mbwe nyale onyoola obulamu buralibwayo? 17 Naye namuboolera ari, khulwasina onaanga esie omulayi? Abulao omulayi arali omulala oli Nasaye; ne nibiri mbwe wenya okhwingira mubulamu, diira amalako.18Naye namubolera ari, akali ena?" Yeso naboola ari, ewe oreranga da, orakholanga obwirani da, orebaanga da, orabachikhiranga da. 19Oriichenge soo nende mao; khandi kheera omumenyeranwa wao nga ewe mwene."20Omuundu muraaga namubolera ari, 'Ebiindu bioosi ndadiira okhurula muluraaga lwange; nisina esia siri mbula?" 21Yeso namuboolera ari, nibiri mbwe wenya obe omulungifu chia okusie biria bioosi ebioli nabio mani oberesanie abamanani, ne ewe ochia okhuba nende ibikhiro mwikulu, mani wiiche onoonde." 22Arali muraaga olwayabulira elikhuwa elio yabwao nasinyikhe, okhuba yali nende emiandu mingi muno.23Mani Yeso naboolera abeek baye ari, "mbabolera obwadieri mbwe biabe ebidinyu omuyinda okhwingira mubwami bwomwikulu. 24 Khandi mbabolera mbwe, ne biangu ingamina okhubirira mumulu kweisindani, okhukhira omuyiinda okhwingira mubwani bwa Nasaye."25Olwa beeka baye babulira elio, baukisibwa lukali, nibaboola bari, "Bulanu niwina onyala okhuwonisibwa?"26Arali Yeso yabalingeera nababoolera ari, "Khu muundu kano sikanyalikhana; arali khu Nasaye ebiindu biosi binyalikhana."27Naye Petero nakalusia namubolera ari, "Lingeera khulekhere bioosi , nikhukhuloonda ewe, nisina esiakhuchia okhunyola?"28Naye Yeso nababolera ari,"mbabolera obwadiera mbwe, eng'we abanoondere esie, musialo siicha olwa omwana wo mundu achia okhwikhala khusisaala sioburuki bwoluyali lwaye, eng'we mwesi muchia okhwikhala khubisaala bio buruki ekhumi nende bibiri nimukhalakira echimbia ekhumi nende chibiri echia Isiraili.29Ne buli mulala ulia owalekha chinyuimba, kose abasiani babwe, kose abakhana babwe, kose samwana, kose ng'ina, kose omukhasi waye, kose abaana baye, kata obulimo bwaye, khulwa eliira liange, achia okhunyoola obukhumi imia ne khandi achia okhulamirwa obulamu oburalibwayo . 30Arali bangi abeimberi bachia okhumalirikha; ne abamalirikha bachia okhuba imberi.
Chapter 20

1Okhuba obwami bwomwikulu buli nga omuundu omwenengo, owarula ichuli mumabwibwi okhwandiika abakholi mundalo yaye yemisabibu. 2Ne olwayali nafukirisanie nende abakholi, khunyaanga idinari, yabaruma mundalo yaye yemisabibu.3Mani narula khusaa yakhadaru, ne nalola abandi nibemere nibarakhola siosi. 4Ne nababoolera ari, eng'ewe mwesi muchie mundalo yemisabibu, ne ndababeresia esimukhoyera. Nibabwao nibachia.5Khandi narula khusaa yakhasasaba nende eya tisa, ne nakhola ario. 6 Khandi khusaa yekhumi nende ndala yarula, nachia nanyoola abandi nibemere, nibarakhola esiindu ne nababooolera ari, khulwasina eng'we mwemere ano nimurakhola siosi inyaanga yoosi?7" Nabo nibamubolera bari, okhuba abulao omuundu orwandikire. Naye nababolera ari, eng'we mwesi muchie mundalo yemisabibu, ne siosi esimukhoyera nisio esiamunanyoola.8Olwabiola ingoloobe omwami weindalo yemisabibu, nabolera omwemereri waye ari, laanga abakholi obaberesie omuruungo kwabwe, okhuchaaka khuwamalirikha okhula khu warangirira. 9" Nw olwa beecha balia abali nibaandikirwe khusaa ya ekhumi nende ndala, banyoola buli muundu idinari. 10Arali abamberi olwabeecha bapaara mbwe bananyolakho okhira ao, nabo boosi nibanyoola sa buli muundu idinari ndala.11Ne olwa bamala onyoola, babuluulira omuundu mulayi omwenengo. 12Nibaboola bari, 'Abamalirikhi bano ne ewebakhola sa isa ndala, ne ewe abakhola sa okhwakana nafwe, abakingire omukuku nende obubafu bwinyaanga.'13 Arali nakalusia mulala khunibo naboola ari, omwicha, sikhukholere elibi lioosi dawe; khasi khufukirisanie khu idinari ndala? 14Bukula siria esiri esiao mani obweo. Ndaberesania omumalirikhi uno okhwakana as ninawe15Sinelilako esie okhola esianyenya nende ebiange mwene? Oli nende ikhiinda khubeera esie ndi mulayi? 16Kario omalirikha yakhabe oweimberi, ne oweimberi yakhamalirikhe." okhuba abangi balangwa, arali badiidi balobolwa.17Ne Yeso nachia Yerusalemu nabukula abeeka ekhumi na babiri, indulo weingira, nababoolera ari, 18" Lingeera khuchia Yersalemu, ne omwana womuundu achia okhukhobwa khubakhongo babakhukhani nende abandiiki, ne bachia omukhalakira okhufwa. 19Khandi bachia omura mumakhono kabanasialo khumubayirakho nibamukhuya, nende okhumubaamba. Ne inyaanga yokhudaru achia olamukha khandi."20 Mani namwichira ng'ina wa abaana ba Sebedayo nende abasiani baye, nibamwinamira, nibamusaba esiindu nabulebe. 21Yeso naye namureeba ari nisina esiawenya? Naye namubolera ari, " Fukirira mbwe abasiani bange babiri bano bekhale mulala khumukhono kwao musaacha ne oundi omukhono kwao omukhasi mubwami bwao."22Arali Yeso nakalusia naboola ari, "Okororwe esioli okhusaba. Munyala eng'we okhung'wera esikoombe esianjia okhung'wa?" nende okhubatisibwa obubatisibwi obwa njia okhubatisibwa nabwo? nibamukalusia bari "khunyala". 23Naye nababolera ari, nobwadieri muchia okhungwa khusikoombe siange nende obubatisibwi obwndabatisibwa nabwo; arali okhwikhala khumokhono kwange musaacha, kata omukhasi sinesie oberesania arali bichia oberesanibwa khwabo abakheerwa nende baba wange. 24Ne olwa balia ekhumi babulira ako, badiirwa nende elirima khulwa abasiani babiri abo.25Arali Yeso nabalaanga owayali, naboola ari, "Mumanyire mbwe oburuki obwa banasialo, babarukaanga nende amaani, ne khandi balia abali abakhoongo babaruka nende obunyala. 26Arali sikakhoyera okhuba kario khweng'we; arali oyo yeesi owenya okhuba omukhoongo mweng'we abe omurumwa weng'we, 27Ne ulia yeesi owenya okhuba omuruki mweng'we, abe omukholi weng'we, 28 Kata kori Omwana womuundu yeecha okhurarumikhirwa, arali okhurumikha, nende okhuberesania obulamu bwaye bube omuruungo khulwa abangi.29Ne olwabali nibarula Yeriko omukaanda mukhoongo kwamuloonda. 30 Ne lingeera abaandu babiri abaoofu nibekhale khundulo khweingira, olwa babulira mbwe Yeso abira ao bayula, nibaboola bari, "Rubeere esisa, Omwami, ewe Omwana wa Daudi. 31Nakwo omukaanda nikubalabira, nikubabolera mbwe babulere; arali bayula lukali, nibaboola bari, "Rubeere esisa Omwami, ewe Omwana wa Daudi"32Naye Yeso niyema tiiri nabalaanga, nabareeba ari, "Ni sina esiamwenya mbakholere?33Nibamubolera bari "Omwami mbwe emoni chiefwe chinyale khulola." 34Yeso nabalolera esisa nadiira khu chimoni chiabwe; ne abwene ao echimoni chiabwe nichinyoola okhulola nibamuloonda.
Chapter 21

1Ne olwabali ambi okhuula Yerusalemu, nibolere Betifage, khulugulu lwa Miseituni, Yeso yaruma abeeka babiri, 2nababolera ari, muchie mulukoongo olurekekhane nang'we, ne abwene ao munanyoola isukhiri iboyerwe alala nende imoosi yayo. Bolole mani munderere. 3Naye omuundu yeesi nabareeba elikhuwa mumubolere muri Omwami ayienya, ne abwene ao anarumanisia.4Kano koosi kekholekha, mbwe kanyale okhulirira akabolwa nende omunabii naboola ari, 5" Bolera omukhana wa Sayuni mbwe, 'Lingeera omuruki wao akhwichira, omwedemberefu, niyekhale khusukhiri, nende omwana we isukhiri.6Ne abeeka nibachia, nibakhola nga olwa Yeso yabalagira. 7Nibarera isukhiri nende Omwana wayo, nibachialakho echingubo chiabwe, nibamwikhasiakho. 8Ne omukaanda mukhoongo nikwaala echingubo chiabwe khungira; abandi nibarema amasaga okhurula khumisaala, nibaklandaasia khungira.9Ne omukaanda kwemira nende okwalondakho, kwayula nikuboola kuri," Khosana khu mwana wa Daudi! Noweikhabi oyo owicha muliira lio Mwami; Khosana akulu Mwikulu" 10Naye Yeso olwayola Yerusalemu, elidookho lioosi nilibuukha, nibareeba bari, "Uno niwina ?"V 11 Nakwo omukaanda nikuboola kuri, "Uno niye Yeso omunabii wa Nasareti eya Ebugalilaya".12Mani Yeso niyengira mukhekalu lia Nasaye, naberusia boosi abakusianga nende okhukula mukhekalu, nafumamia echimesa echia abakalukhasi be echisende, nende ebisaala bia abo abakusianga amakaburuku. 13Naye nababoolera ari, "Kaandikwa mbwe, 'Inyuumba yange ichia olang'wa inyuumba ya malaamo; arali eng'we muyikholere eliina lia abeebi" 14Ne omuofu nende omulema nibamwichikho mukhekalu; naye nabaonia.15 Ne olwa abakukhani bakhoongo nende abandiiki balola ebiamangalimwa ebiayakhola nibabulira abaana ni bayula mukhekalu nibaboola bari, "Hosaana khu mwana wa Daudi" basinyikha lukali. 16"Ne bamuboolera bari, obuliraanga akabaana balia babolaanga?" Naye Yeso nababoolera ari, "eee! eng'we simwasomakho mbwe, okhurula muminwa kia abaana nende abanuuna ewe werereseria ifuma?" 17Mani nabalekha nachia erwanyi mulidookho elia Betania; niyeyalisiayo.18Bulano ichuli nakalukha mudookho yali injala. 19Ne olwayalola omusaala kwe mikhuyu khungira, yakuchiakho, narakunyolakho esiindu siosi, arali amasafu kong'ene, nakuboolera ari, esiamo siosi sirakhwamakho ochaaka lero okhuchiririra obumeri" ne abwene ao omusaala okwo nikwoma.20Ne olwa beeka baloola ako, bauka nibabola bari, omusaala kwomere kurie lwangu? 21Yeso nakalusia nababoolera ari, obwadieri mbaboolera mbwe, eng'we nimuba nende obusuubiri oburakanakana simuchia okhola kano kongane akekholekhe khumusaala kwomukhuyu, arali muchia obolera olugulu luno mbwe,yiyikha mani wesukune munyaanja, kachia okhwekholekha. 22Ne bioosi bioosi ebia muchia okhusaba mumalaamo, nimusubiriire muchia okhunyoola."23Naye olwayengira mukhekalu abakhukhani bakhoongo nende abakhulundu ba baandu bamwichira olwa yali niyekesianaga, nibaboola bari, "Ebiindu bino okhola khubunyala bwa wina? ne niwina owakhuba obunyala buno?" 24Naye Yeso nakalusia nababoolera ari, " Esie siesi ndabarebakho esiindu silala. Esio nimumboolera, siesi ndababoolera mbwe, nikhubunyala sina kholaanga ebiindu bino.25Obubatiisi bwa Yokhana bwarula ena? bwarula mwikulu kose khu baandu? "Nabo nibabwererana abeene khu beene, nibabola bari, "Nikhunaboola khuri, 'Bwarula mwikulu, anarureeba ari, 'Khulwasina bulano simwasuubira?' 26Arali nikhuboola khuri, khubaandu, khuria abaandu okhubeera abàandu boosi balola Yokhana kori omunabii" 27Nibamukalusia Yeso nibaboola bari, "Sikhumanyire" Naya nababolera ari, "Siesi sindababolera khubunyala sina khola ebiindu bino.28Arali eng'we mupaara murie? Omuundu undi yali nende abaana babiri, niyeecha khuwamberi naboola ari, 'Omwana chia okhole inyaanga yino mundalo yange ye misabibu.'
30"Naye niyeecha khuwa khabiri namuboolera yeesi ario. Naye nakalusia naboola ari , njia omwami, naye narachia dawe.31Ni wina khubabiri abo owakhola elienya lia samwana? " Nabo nibamubolera bari, owamberi. Yeso nababolera ari, obwadieri mbaboolera, mbwe abanasialo nende abadaamba bachia mubwami bwa Nasaye okhubarangirira eng'we. 32Okhuba Yokhana yabechera mungira yobulungikhi nang'we simwamusubira dawe, arali abanasialo nende abadaamba bamusubiramo, nang'we eng'we olwa mwalola ako, simwekanira, olunyuma mbwe munyale okhumusubira.33Rekeresia olukaado lundi; yaliwo omwenango undi, owaraaka indalo ye misabibu, nayisirira olukaka nayibodokhania eliina elie ifini, niyombakha omuniniro, nabalekhera abalimi naye nachia musialo esiaale. 34Ne olwabikha biebiamo biali ambi, yaruma abakholi baye khubalimi, mbwe bababeresiekho ebiamo okhurula mundalo.35Nabo abalimi nibababukula abakholi baye, nibakhuya mulala nibamwira ouundi nibamukhuya makina. 36Khandi naruma abakholi baandi okhukhira abamberi; nibabakholera boosi bario. 37Arali mukhumalirikha okhwa koosi yabarumira omwana waye, naboola ari, banamuria omwana wange.38Ne olwa abalimi baloola omwana waye, nibaboola abeene bari, uno niye owo bulaame; mwiche khumwire, mani khubukule obulaame bwaye. 39Nabo nibamudiira nibamusukuna erwanyi we indalo ye misabibu, nibamwira.40Olwa omwami omwene indalo yeecha, ni siina esiachia okhubakhola abalimi abo? 41Nibamubolera bari, achia obasasia ebibibi abaandu bamaanu abo, nende oberesia abalimi baandi indalo yaye ye misabibu, abachia omuba ebiamo munduukho yabio"42Yeso nababoolera ari, "Eng'we simwasomakho mumaandiko mbwe, Elikina liria elia abombakhi bakhaya, elienelio liekhola elikhulundu eliomukoona; ino neikhola yomwami nayo neyiukisia mumoni cheefwe?43Khukario esie mbaboolera mbwe obwami bwa Nasaye buchia obukulibwa orula khweng'we nibuberesibwa khusialo esireera ebiamo biasio. 44Naye ulia yeesi ochia okhukwa khulikina lino achia ofunikha funikha ; Arali ula yeesi owa lichia okhukwakho, lichia omusia ebinyukhe."45Ne olwa abakukhani bakhoongo nende abafarisaayo bababulira olukaado lwaye, bamanyirisia mbwe abalomalomekho .
Chapter 22

1Ne Yeso nakalusia nabalomalomera khandi muchingaado, naboola ari, 2Obwami bwo mwikulu buli nga omuruki uundi, owakhola esiserero khulwo mwana waye, 3Naye naruma abakholi baye okhulaanga balia abali nibalangwire musiserero; nabo nibareecha dawe.4Khandi, naye naruma abakholi bandi naboola ari, Boleere abo abalangwa mbwe ,lingeera ndekekhe ebiakhulia bie ingolobe ; sinjire ing'ombe isurusi yange nende ebinulu biange ne ebiindu bioosi nibirekekhe; mwiche musiserero.5Arali nabo nibamukholera echingacho, mani nibabwao okhuchia mulala mundalo yaye,ne ouundi khubio bukhala baiye. 6Nabo abadoonga nibababukula abakholi baye, nibabakhola akesifwabi, mani nibabeera. 7Arali olwa omuruki yabulira akene ako, yadirwa nende elirima, narumayo abamayie baye, nibabasasia abeeri abo, mani nibasaamba elidookho liabwe.8Naye yaboolera abakholi baye ari, esiserero nesirekekhe, arali balia abalangwa sibali abakhoyera. 9muchie eng'we khulwesio khuchingira chikhoongo, ne abaangi abamunyoola, mubalaange musiserero. 10Kario abakholi abo bachia erwanyi khu chingira, nabo nibabusia alala boosi abaangi ababanyoola boosi ababi nende abalayi; mani esiserero nisichulamo abakeni.11 Ne olwo omuruki yeecha mukari okhulola abakeni balimo, yalolamo omuundu owali narefwalire esiefwalo esie siserero . 12Naye namureeba ari, Omwiicha, wichire orie mukari muno nobula esiefwalo sie siserero? Naye nang'ang'aala oburalomaloma.13Mani omuruki naboolera abakholi ari, mumuboye amakhono nende makulu, mani mumurusieo, mumusukune musirima erwanyi ,eyo khuchia okhubayo okhulira nende okhusia ameno. 14Okhuba abaangi balang'wa, arali badidi balobolwa.15Mani abafarisaayo nibachia nibaulirisania nga olwabakhanyala okhumudira mukhulomaloma khwaye . 16Nabo nibamurumira abeeki babwe nende aBakherodia, nibaboola bari, Omwekesia khumanyire mbwe ewe oli owo bwadieri, khandi wekesianga ingira ya Nasaye mubwadieri, khandi siodebaanga akomuundu yeesi; okhuba ewe solingeraanga ifwani yabaandu. 17 Ruboleere bulano ewe opaara orie? Nelilako okhuberesia Kaisari omusolo kose khaba?18Arali Yeso namanyire obumaanu bwabwe, naboola ari, khulwasina abekaadi eng'we mundeema? 19Munjekesie isende eyo musolo, Nabo nibamurerera idinari.20Naye nabareeba ari, elikoondo lino nende eliandiko nibia wina? 21Nabo nibamuboolera bari nibia Kaisari. Naye nababoolera ari,!khulwesio beresie Kaisari ebiindu ebiri ebia Kaisari; ne Nasaye ebiindu biri ebia Nasaye. 22 Olwabali nibabulire amakhuwa kano, bauka mani nibamurulakho nibabwao.23 Inyaanga yeneyo Abasadukaayo nibamwichakho, ababoolaanga mbwe obulamukhi bubulao, nibamureeba, 24nibaboola bari, omwekesia, Musa yaboola ari, omuundu nafwa, nabula abaana, omusiani wabwe adekhie omukhasi waye, mani amwibusirie imwo omusiani wabwe.25Bulano khwaliwo nende abasiani saba: naye owamberi, olwayali nadekhisie omukhasi, nafwa, narali nende olwibulo, nalekhera omusiani wabwe omukhasi waye: 26Mani owakhabiri yeesi nakhola ario, nende owakhadaru, okhuula khu wasaba. 27Ne obumalirikhi obwa koosi omukhasi nafwa yeesi. 28khulwesio mubulamukhi achia okhuba omukhasi wa wina khu saba abo? okhubeera boosi baali naye.29Yeso nakalusia nababolera ari, Eng'we mukora, oburamanya amaandiko, kata obunyala bwa Nasaye. 30Okhuba mubulamukhi khasi badiekhia, kata okhudekha, arali bali kori abamalayika ba Nasaye mwikulu.31Arali okhulondana khubulamukhi bwa bafu, Eng'we simwasomakho kalia aka Nasaye yabalomalomera, naboola ari, 32Esie nesie Nasaye wa Ibraimu, nende Nasaye wa Isaaka, nende Nasaye wa Yakobo? Nasaye khasi ni Nasaye wa bafu, arali owabalamu. 33Ne olwa obomukaanda babulira kano, bauka khulwa amekesio kaye.34Arali olwa bafarisaayo babulira mbwe abulesisie Abasadukaayo, bebusia alala. 35Mani mulala wabwe, owali omukhuluundu wa malako, namureeba ereebo, omuteema, naboola ari, 36Omwekesia, esilaagiro sikhoongo nisio esiliena mumalako?37Yeso namubolera ari, Ewe okherenge Omwami Nasaye wao nende omwoyo kwao kwoosi, nende amakesi kao koosi. 38Lino nilio elilako elikhoongo okhukhira koosi.39Ne eliakhabiri lifwanana nalio, ewe okheere owasio nga ewe mwene. 40Khu malako kano kabiri kadirire amalako koosi nende abanabii.41Olwa Abafarisaayo bali nibebusirie alala, Yeso yabareeba, 42Naboola ari, mupaara murie eng'we okhulondana nende Kirisito? Nomwana wa wina? Nabo nibamubolera bari, nomwana wa Daudi.43Naye nababolera ari, khulwesio bulano Daudi muroho yamulaanga mbwe Omwami, naboola ari, 44Omwami yaboolera Omwami wange ari, yikhala ewe khumukhono kwange omusaacha, okhuula nga olwanjia okhukhola abasuku bao obusenero bwa makulu kao.45Ne nikali mbwe bulano Daudi amulaanga mbwe Omwami, aba arie Omwana waye? 46Naye omuundu yeesi siyanyala okhumukalusia elikhuwa lioosi, kata omuundu yeesi ochaaka inyaanga eyo siyamurebakho amareebo kandi dawe.
Chapter 23

1Bulano Yeso nalomalomera omukaanda, nende abeeka baye, 2Naboola ari abaandiki nende Abafarisaayo bekhalaanga khusisaala sia Musa: Khwelwesio koosi kala akabababolera mbwe3 muloonde, ako muloonde nimukakhola; arali murakhola eng'we kori olwabakholaanga emirimo kiabwe : Okhuba baboolaanga, ne sibakhoola dawe.4Okhuba baboyaanga emikuku misiro khandi ekibayeresia okhukiinga, nibara khumabeka kabaandu; arali nabo abeene sibanyala okhukisudia nende lulala khunjala chiabwe. 5Arali emirimo kiabwe kioosi bakholaanga mbwe balolekhe nende abaandu: babambaliyaanga amayirisi kabwe, nibakhongoyia amakemo ke biefwalo biabwe,6Nibakheera obwikhalo bukhoongo mubiserero, nende ebisaala bia imberi muchisinagogi, 7nende amakhesio mubiiro, nibalangwa nende abaandu mbwe, Rabi, Rabi.8Arali eng'we muralaangwa mbwe Rabi: Okhuba omwekesia weng'we ni mulala oli Kirisito, nang'we eng'we mwesi muli abakheerwa. 9Ne muralaanga omuundu yeesi khusialo mbwe Seng'we: Okhuba Seng'we ni mulala, oli mwikulu.
11Arali oyo oli mukhoongo mweng'we achia okhuba omukholi weng'we. 12Naye ula yeesi ochia okhwekinguula omwene achia okhududuyisibwa; naye ula ochia okhweduduyia omwene achia okhukingulwa.13Arali ni uuwi khweng'we, abaandiki nende Abafarisayo, abekaadi! Okhuba mwikalira abaandu obwami bwomwikulu: Okhuba kata eng'we abeene simwingira mukari, khandi simukanyira abo abengira okhwingira mukari. 14Uuwi khweng'we, abaandiki nende Abafarisaayo, abekaadi! okhuba mulichaanga munyuumba chia bakhasi balekhwa, nimulaama amalaamo maraambi mubwekaadi: khulwesio eng'we muchia okhunyoola okhukhalakirwa okhukhongo.15Uuwi khweng'we, abaandiki nende abafarisaayo, abekaadi! okhuba mubodokhananga inyaanja nende esialo okhukhola mulala akalukhane, naye olwaba nakalukhane, ne eng'we mumukhola amakhabi kabiri lukali okhuba omwana wamagoombe okhukhira eng'we abeene.16Uuwi khweng'we abemerisi baoofu, ababoola mbwe, oyo yeesi owechuuba khukhekalu, sinesiindu; arali oyo ochia okhwechuba, khudakhaabu yomukhekalu, nowelikobi! 17Eng'we basiru khaandi abaoofu: esiliena esikhoongo, idakhabu, kose ikhekalu eyilabia idakhaabu?18Khandi, yeesi ochia okhwechuba khubwali, sinesiindu, arali yeesi owechuuba khusianwa esili akulu wabwo, yeboyere okhukhwechuba khwaye. 19Eng'we abasiru khandi abaoofu: esiliena esikhoongo, ni esianwa kose obwali bwalabia esianwa?20 Oyo yeesi khulwesio owechuba khubwali, yechubira khubwene nende ebiindu bioosi ebibulikho. 21Ne yeesi ochia okhwechuba khukhekalu, yechubira eyene, nende ula omenyere mukari mwayo.22Naye ula owechuba khulikulu ,yechuba khusisala esio luyali esia Nasaye,nende khu ula osikhalekho.23Uuwi khwen'gwe, abaandiki nende Abafarisaayo, abekaadi! okhuba murungaanga esidonye sia elikhumi esia minana nende binjari nende echijiira nimulekha amakhuwa masiro akamalako, akobukhalaki, akesisa nende akobusuubiri: kano niko akamwakhakhoyere okhukhola, nende oburalekha nikarakholerwe. 24Eng'we abemirisi baoofu abajong'ia isuna, nimumira ingamia.25Uuwi khweng'we, abaandiki nende Abafarisaayo, abekaadi! okhuba eng'we mulabia erwanyi owesikoombe nende esikaye, arali mukari bichulemo obunyuli nende oburaba nende esikero. 26Eng'we Abafarisaayo baoofu mulabie mberi bila ebili mukari mwsikoombe nende sikaye khu erwanyi wabio bioosi bibe ebilafu.27Uuwi khweng'we, abaandiki nende Abafarisaayo, abekaadi! okhuba muli nga ebirindwa ebiarachari, ebibonekhana khung'enang'ena erwanyi arali mukari mwabio biechulemo ebikumba bia baandu bafwa, nende obumali bwoosi. 28Kata kario eng'we mwesi erwanyi mubonekhanaanga abalungifu khubaandu, arali mukari mweng'we bwechulamo obwekaadi nende obukhayukhi.29Uuwi khweng'we abaandiki nende Abafarisaayo, abekaadi! okhubeera mumbakhaanga ching'ani echia banabii nimurereyia ebirindwa bia abalungifu, 30Nimuboola mbwe, khubeere muchinyaanga echia basefwe, khasi khwakhabere abasangirani nabo mumabaanga ka banabii. 31Khulwako eng'we muli abalolereri beng'we ebeene, mbwe eng'we muli abaana ba balia abeera abanabii.32 Eng'we mwichusie bulano esikero esia baseng'we. 33Eng'we chinjukha, eng'we olwibulo lwe chinjukha muneonia murie eng'we nende obusasikhi obwe magoombe?34Khulwako, lingeera, mbarumira abanabii, nende abakesi nende abaandiki: ne abaandi khunibo eng'we muchia okhubera nende okhubabamba: ne abaandi khunibo eng'we muchia okhubakhuya muchisinagogi chieng'we, nimubasandia khurula khudookho khuchia khulidookho lindi. 35Mbwe khweng'we kanyale okhwicha amabaanga akabalungifu bwoosi akedikha khusialo khurula khu mabaanga komulungifu Abeli okhula khu mabaanga ka Sakaria omwana wa Barakia owamwerera akari welikhekalu nende obwali. 36Obwadieri baboolera, ebiindu bino bioosi biakheche khulwibulo luno.37Ewe Yerusalemu, Yerusalemu, ewe owiraanga abanabii, nokhuya amakina bala abarumwa khwewe, amakhabi kaanga akandakhabusie abaana bao alala kori ingokho ibusianga ebimwinyi asi we chimbaya chiayo, nang'we nimurakanya! 38Lingeera, inyuumba yeng'we yibadong'ere ikhaya. 39Okhubeera esie mbaboolera mbwe, engwe simuchia okhumbonakho khuchaaka bulano nende okhuchririra, okhuula olwa muchia okhuboola mbwe, niweyikhabi oyo owiicha muliira lio Mwami.
Chapter 24

1Naye Yeso nachia erwanyi ne narula mukhekalu mani abeeka baye nibamwichakho nibamuekesia ebiumbakhe bie ikhekalu . 2Naye Yeso nababolera ari, khasi mulola ebiindu bino bioosi? Obwadieri mbaboolera mbwe, silichia okhulekhwa ano kata elikina lala khulindi, elirachia okhusukunwa asi.3Ne olwayali niyekhale khulugulu lwa Miseituni abeeka bamwichira mubwekisi, nibaboola bari ruboolere ebiindi bino bichia okhuba liina? Nisina esichiaoba esilolero siokhwicha khwao, nende esiobumalirikhi bwe sialo? 4Naye Yeso nakalusia nababoolera ari, mwekenderesie mbwe omuundu yeesi arababacha .Okhuba abaangi bachia okhwicha muliira liange,5 nimbaboola bari, esie nesie Kirisito: ne bachia okhubacha abaangi.6Nang'we muchia obulira akamayie nende echimbweeru echia mayie: lingeera mbwe mureecha mwakanakana: okhuba ebiindu bino bioosi kali mbwe biekholekhane, arali obumalirikhi busiiri. 7Okhuba esialo sichia okhwekalukhania khu sialo siasie, nabwo oburuki nibwekalukhana khuburuki buundi: nikhuchia okhubao injala, nende amalwaye, nende okhurengerekha khwe sialo, muchimbeka chikabukhane . 8Kano koosi nikhwo okhuchaaka okhwobuchuuni.9Mani bachia okhubaberesania musandisibwe, nibabeera, muchia okhukiiywa nende ebialo bioosi khulwa eliira liange. 10Ni bulano abaangi bachia osinyikha nibakhobana mulala khu uundi, muchia okhusiulana mulala khu uundi. 11Nabo abanabii bobubachia abaangi bachia okhubukha nibabacha abaangi.12Ne khulwo khubeera okhumederakho obumaanu, obukheeri bwa baangi buchia okhunyira. 13Arali ula ochia okhwesimirisia okhuula khubumalirikhi, omwene oyo achia owonibwa. 14Ne ifanjili ino eyo bwami ichia oyalwa musialo siosi khulwo buloli khu bialo bioosi: ne bulano obumalirikhi buchia okhwicha.15Khulwesio nimuchia olola elisinyisio eliobusasikhi eliabolwa nende omunabii Danieli, yeme abuundu andakatifu"(yeesi osoma lekha ye amanyirisie), 16manu lekha bala abali Ebuyaudi berukhire muchingulu: 17Lekha ula oli khusirama esie inyuumba areekha asi okhubukula esiindu siosi okhurala munyuumba yaye. 18Kata ula oli mundalo arafunya inyuma obukula chingubo chiaye.19Ne uuwi khubo abali chiinda nende abo abanunia muchinyaanga echio! 20Arali eng'we mulaame mbwe okhwirukha khweng'we khuraba muroocho kose inyaanga ya isabaato: 21Okhuba khuchia okhuba nende obunyakhani bukhoongo, oburalikhoo okhurula okhuchaaka khwesialo okhuula ebikha bino, kata khasi buchia khubao khandi. 22Ne kabeere mbwe enyaanga echio khasi chakhaduduyisibwa abulao omuundu yeesi owakhalokokhe: arali khulwa abalobole enyaanga echio chichia okhududuyisibwa.23Bulano omuundu yeesi nachia obaboolera mbwe, lole Kirisito nguyu ano, kose alia: murasuubira ako dawe. 24Okhuba bachia obukha Kirisito bo bubacha, nende abanabii bo bubacha ne bachia okhwekesia abilolero bikhoongo nende akamangalimwa: mubuungi mbwe kata nikakhanyalikhane bachia obacha abalobole beene. 25Lingeere mbaboleere khalekhale.26khulwasio nibachia obaboolera mbwe, lingeere, ali muluumira: murachiayo: lingeere ali mubisenge bio bwekisi: murasuubira ako dawe. 27okhuba ngolwa olumiesu lwichaanga okhurula ebukwe nilukhosia okhula muumbo: nilwo olwa okhwicha khwa omwana wo muundu khuchia okhuba. 28okhubeera wosi wosi owo mulambo kuli eyo niwo owe chingosia chiebushianga alala.29Abwene ao lunyuma lwa manyakhano ke nyaanga echio eliuba lichia okhwirima ne omwosi sikuchia orusia obulafu bwako ne ching'ining'ini chichia okhukwa okhurula mwikulu ne obunyala bwe likulu buchia orengesibwa:30Ne bulano esilorero esio Mwana wo muundu sichia obonekhana mwikulu: Ne bulano echimbia chiosi echia khusialo bachia okhulira, nibachia olola omwana wo muundu niyeecha mumaleesi ko mwikulu nende obunyala nende oluyaali lukhoongo. 31Naye achia oruma abamalaika baye nende omulaango mukhoonge okwo luyoka, nabo bachia obuusia alala abalobole baye okhurula embeka chine echiemiyaka okhurula olwande lulala olwo mwikulu okhuula khu lundi.32Bulano mweeke olukaado lwo musaala kwo mokhuyu: Amasaga kakwo nikasiri madoro, nikarusia masaafu, mumanya mbwe esiminyu sili ambi: 33Eng'we mwesi murio, olwa eng'we muchia olola ebiindu bino bioosi, mumanye mbwe bili ambi, kata khumiliangiro.34Obwadieri mbaboolera, olwibulo luno khasi luchia obwao, okhula ebiindu bino bioosi biulirire. 35Elikulu nende esialo bichia obwao, arali amakhuwa kange sikachia obwao.36Arali akeyinyaanga eyo nende ebikha abulao omuundu yeesi omanyire kata abamalaika bo mwikulu, arali Baba wange yeng'ane.37Arali nga chinyaanga chia Noa chiali, nilwo olwa kachia okhuba khwicha khwo Mwana womundu. 38Okhuba kori chinyaanga chiali amaachi nikasiechula balichaanga nibang'wa nibadekhia nende okhudekha okhuula inyaanga ila eya Noa yengira muliaro. 39Ne nibaramanya khaba okhuula olwa amaachi kechuula nikabarusiayo boosi nilwo olwakachia okhuba khandi khukwicha khwo mwana womuundu.40Bulano babiri bakhabe mundalo: mulala yakhabukulibwe, naye ouundi yakhalekhwe. 41Abakhasi babiri bakhabe nibasia khulukina, mulala yakhabukulwe naye ouundi yakhalekhwe. 42Mube meeso khulwesio: okhuba eng'we simumanyire ebikha bio Omwami weng'we yecheremo.43 Arali mumanye kano, mbwe khane omusaacha mulayi oweinyuumba amanyire ebikha ebia omwiibi yecheramo, yekhabeere meeso naye siyakhakanyire inyuumba yaye okhufunakwa. 44khulwesio eng'we mwesi mwerekekhe: okhuba mubikha ebio ebia eng'we murapariramo Omwana wo muundu yeecha.45Niwina bulano omukholi mwesikwa khandi omukesi, owa omwami waye yakhola omwemereri weinyuumba yaye, okhubaberesia ebiakhulia mubikha? 46Noweikhabi omukholi oyo owa omwami waye niyeecha achia omunyoola nakholaanga ario. 47 Obwadieri mbaboolera mbwe achia omukhola omwemeresi we biindu biaye bioosi.48Arali nikaba mbwe omukholi mumaanu oyo achia oboola mumwoyo kwaye mbwe, omwami wange achelewe okhwicha khwaye: 49Mani achaake okhukhuya abakholi basie, nende okhulia nende okhung'wa nende abameesi: 50Omwami wo mukholi oyo achia okhwicha munyanga yayakhabe naramulindiliraanga, nende mubikha ebia yakhabe naramanyire. 51Naye achia omuremamo akari bitundu bibiri, namukabira omukabo kwaye alala nende abekaadi ne ebweneyo khuchia okhuba okhulira nende okhusia ameno.
Chapter 25

1Abwene ao obwami bwo mwikulu buchia khufananisibwa khu bakhana basisira ekhumi ababukula chitaara chiabwa, nibachia obukanira omwami we siserero. 2 Baraano khunibo bali abakesi ni baraano basiru. 3Bala abali abasiru bakinga chitaara chiabwa nibarakiinga alala nende amafura: 4Arali abakesi bakiinga amafura mubibuka alala nende echitaara chiabwe.
6Ne musiro akari oluungu nilwechiira luri, lingeere Omwami wesiserero yeecha : murule erwanyi mumubukanire.7Ao abasisira abo boosi babukha nibakasia chitaara chiabwe. 8Nabo abasiru nibaboolera abakesi bari, murubekho amafura keng'we: okhuba chitaara chiefwe chisimire. 9Arali abakesi nibabakalusia nibababoolera bari sikali kario: kanyala okhaya oruyera efwe nende eng'we: arali eng'we muchie khwabo abakusia mani mukule akeng'we.10Nabo olwabachia okula Omwami we siserero niyeecha: nabo bala abali nibarekekhe nibengira mukari naye musiserero: mani muliangiro nikwikalwa. 11Ne olunyuma lwako obasisira baandi abo boosi nibeecha, nibaboola bari, Omwami, Omwami, rwikulire. 12Arali ye nakalusia naboola ari,obwadieri mbaboolera mbwe simumanyire eng'we dawe. 13Khukario mube meeso okhuba eng'we simumanyire kata inyaanga kose ebikha ebia Omwana wo muundu yecheramo.14Okhuba obwami bwo mwikulu buli nga omuundu owali nasamule musialo sia ale, owalaanga abakholi baye abeene nabalekhera emiandu kiaye. 15Naye omulala namuba chitalaanda chiraano ouundi chibiri ne ouundi ndala: khubuli muundu olondana nende obunyala bwaye mani abwene ao narula nachia olukeendo lwaye. 16Mani oyo owanyoola chitalaanda chiraano nachia nakholeramo ingaanga, niyebusia chitalaanda chindi chiraano.17Owanyoola chibiri yeesi yakhola ario ne yebusia echindi chibiri. 18Arali ula owanyoola ndala yachia nayabira muloba nakisa echisende chio Mwami waye.19Lunyuma lwe bikha biraambi Omwami wa bakholi abo niyeecha, nabaliirira nabo. 20Naye ula owaberesebwa chitalaanda chiraano yeecha narera chitalaanda chindi chiraano, naboola ari, Omwami wamberesia chitalaanda chiraano: lingeera ndeebusie chitalaanda chindi chiraano akulu khu chila. 21Omwami waye namuboolera ari, okholere ebilayi, ewe omukholi mulayi khandi omwesikwa: ewe obere omwesikwa khu biindu bididi, esie ndakhukhola omwemereri we biindu biingi: Ingira ewe musangaalo yo Mwami wao.22Oyo yeesi owanyoola chitalaanda chibiri yeecha naboola ari, Omwami, wamberesia chitalaanda chibiri, lingeera njibusie chitalaanda chindi chibiri akulu wa chila. 23Omwami waye namuboolera ari, okholere bilayi omukholi mulayi khandi omwesikwa: ewe obere omwesikwa kubiindu bididi esie ndakhukhola omwemereri wa ebiindu biingi:ingira ewe musangaalo eya Omwami wao.24Naye owanyoola italaanda ndala yeecha naboola ari, Omwami, esie ndamanya mbwe ewe oli, omuundu mwomu okesaanga owa orarakire, khandi obusianga owa orabakale: 25Mani ndaali omuri, ninjia ningisa italaanda yao muloba: lingeera, eyili eyao niyo yino .26Omwami waye nakalusia namuboolera ari, ewe omukholi mumaanu khandi omudofu, ewe wamanya mbwe ngesaanga owandararakire, nimbusianga owandarabakale: 27Ewe wakhaparire khulwesio okhura esende yange mubakhola obukhala nimukhufunya khwange ndakhanyolere eyange yene nende ingaanga yayo.28Mumurusiekho khulwesio italaanda, mani mumbersie oyo oli nende chitalaanda ekhumi.29 Okhuba khubuli mulala oli nabio achia oberesibwa, ne achia oba nende ebiingi: arali khurula khula obula achia orusibwakho kata silia esiali ninasio. 30Ne mumusukune eng'we omukholi obula ingaanga oyo erwanyi musirima: eyo khuchia okhubayo okhulira nende okhusia meno.31Olwa Omwana womuundu achia okhwicha muluyaali lwaye alala nende abamalaika abatakatifu boosi, abwene ao achia okwikhala khusisaala sio buruki sio luyaali lwaye: 32Ne mubweni bwaye ebialo bioosi biakhakhung'anisibwe; naye achia okhubakabula mulala okhurula khu uundi, nga omwayi akabulaanga amakoondi kaye okhurula muchimbusi: 33Ne achia okhwikhasia amakoondi khumukhono kwaye omusacha arali chimbusi khumukhono mukhasi.34Abwene ao Omwami achia oboolera abo khumukhono kwaye musacha ari, mwiche eng'we abongerwa echikhabi nende Baba wange, mubukule obwami obwamwarekekherwa okhurula khu muse kwe sialo: 35Okhuba ndali injala, nimumberesia ebiokhulia: ndali obuluwo nimumberesia esiokhung'wa: ndali omureende, nang'we nimunyingisia: 36esiekenye, nang'we nimufwala: ndali omulwaye, nang'we nimungendera: ndali mumboye nang'we nimunjulira.37Abwene ao abalungikhi bachia omukalusia nibaboola bari, Omwami, lina olwa khwakhulola noli injala, mani khwakhulisia? kata noli nobuluo manu khwakhuba esiokhung'wa? 38Lina olwakhwakhulola omureende nikhukhwingisia? kata esiekenye mani khwakhufwala? 39 Kata lina olwakhwakhulola omulwaye, kose mumboye, mani khwakhulirira? 40Naye Omwami achia okalusia nababolera ari,obwadieri mbaboolera mbwe ngolwa mwakholera mulala khu baana befwe badiidi abo, eng'we mwakholera esie.41Abwene ao achia okhubolera boosi abomukhono mukhasi ari, mundulekho eng'we, abachubwa muchie mumuliro okurasima okwarekekherwa omukhieni nende abamalaika baye: 42Okhuba ndali injala nang'we simwamberesia ebiakhulia: ndali obuluo nang'we simwamberesia esiokhung'wa: 43Ndali omurende nang'we simwanyingisia: esiekenye, nang'we simwafwala: omulwaye khandi mumboye, nang'wa simwangenderakho.44Abwene ao bachia boosi omukalusia, nibaboola bari, Omwami, lina olwa khwakhulola noli injala, kata obuluo, kose omureende, kose esiekenye, kata omulwaye, kose mumboye mani khwakhaya okhukhalabanira? 45Abwene ao achia obakalusia naboola ari, obwadieri mbaboolera mbwe mukala maangi akeng'we mwakholera mulala khu badiidi bano eng'we simwakholera esie. 46Ne bano bachia ochia musinyasio esirabwayo arali abalungikhi bachia khuchia mubolamu oburalibwayo.
Chapter 26

1Ne , olwa Yeso yamala omakhuwa kano koosi yaboolera abeeki baye ari, 2Mumanyire mbwe olunyuma olwa chinyaanga chiibiri nelisabo lia Pasika, naye Omwana womuundu okhoyerwe khumbabwa.3Abwene ao nibakhung'ana alala abakukhani bakhoongo nende abaandiki nende abakhuluundu ba baandu, mulubiriri lwa omukukhani mukhoongo, owalangwa mbwe Kayaba, 4Nibekhoba mbwe banyale omudiira Yeso mubukesi kesi, mani bamwire. 5Arali nimubabolera muri, iraba inyaanga ye siserero, sireecha siabao esioka mubaandu.6Bulano olwa Yeso yali mu Betania, munyumba mwa Simoni Omukereni, 7ebwene eyo omukhasi yamwichakho nali nende ichupa ya mafura ko bukusi bukhoongo, nakachukha khu murwe kwaye, olwayali niyekhale khu mesa nalichaanga. 8Arali abeeki baye olwabalola ako, nibasinyisibwa, nibaboola bari, khulwa sina kanyasibwa kano? 9Okhuba amafura kano kakhakusibwe obukusi buungi mani baberesia abamanani.10Olwa Yeso yamanyirisia ako nababoolera ari, mbwe sina musaandia omukhasi oyo? okhubera akholere omulimo mulayi khwisie. 11Okhuba abamanani muli nabo buli lwoosi: arali esie simulinange buli lwoosi.12Okhuba mbwe achukhire amafura kano khumubiri kwange, akholere ario khulwa okhusiikha. 13 Obwadieri esie mbaboolera mbwe, woosi woosi owa ifanjili ino yichia okhuyalwa musialo siosi eyo woosi kano ako mukhasi uno akholere kachia okhubolwa khulwa obwichilisi bwaye.14Abwene ao mulala khwe khumi nende babiri, olang'wa Yuda Isikarioti, yachia khu bakukhani bakhoongo, 15mani nababoolera ari, siina esiamunamberesia nasie mbaberesie eng'we omwene oyo? Mani nabo nibamubalira nibamuberesia echisilingi amakhumi kadaru. 16Mani okhurula ebikha ebio ye yakoonya ingira ya omukhoba.17Bulano inyaanga ya mberi ya lisabo lie migaati kibulamo elimera abeeka beecha khu Yeso, nibamureeba bari, wenya khukhureresirie ena okhulia Pasika? 18Naye naboola ari, muchie mudookho khu muundu mani mumuboolere muri "omwekesia aboola ari, ebikha biange biurile: ndakholera Pasika munyuumba mwao nende abeeka bange." 19Nabo abeeka nibakhola nga olwa Yeso yali nabarumire: nabo nibarekekha Pasika.20Bulano olwa ingolobe yola, yekhala asi nende ekhumi nende babiri. 21Ne olwabali nibalia naboola ari, obwadieri mbabolera mbwe mulala khweng'we achia khukhoba. 22Nabo nibaba nende esibeera esiingi, nibachaaka bulimulala khunibo omureeba bari, Omwami, esie nesie?"23Naye nakalusia naboola ari, oyo odoonga omukhono kwaye nange musikae, omwene oyo achia khukhoba. 24Omwana wo muundu abwao nga olwa kaandikwa olondana naye:arali uuwi khu muundu oyo owa omwana womuundu akhobwa obirira khuye: biakhabere ebilayi omuundu oyo narakheebulwe. 25Abwene ao Yuda, owamukhoba nakalusia nareeba ari, omwekesia esie? naye namuboolera ari, ewe wakhabola .26Ne olwa bali, nibalichaanga, Yeso yabukula omugaati nakuberesia echikhabi nakunsonyola, mani naberesia abeeka naboola ari, bukule mulie kuno nikwo omuibiri kwange.27Khandi nabukula esikoombe, nakhuba orio mani nababeresia naboola ari, mung'we mweesi mu sino. 28Okhuba kano niko amabaanga kange akelakano liyakha akedikha khulwa abaangi khulwo bulekherwi bwe bionono. 29Arali mbaboolera mbwe sinjia okhung'wakho okhuchaaka lero khusiamo sino esio musabibu okhuula ngolwa ndaying'we injakha mubwami bwa Baba wange.30Nabo olwa bali, nibamalire okhwemba olwimbo, nibarula erwanyi nibachia mulugulu olwa Miseituni. 31Abwene ao Yeso yababoolera ari, eng'we mwesi munasinyisibwa khulwange esiro sino okhuba kaandikwa mbwe, esie ndakhuya omwayi, ne makondi komukaanda kwaye kanasalaana. 32Arali olunyuma esie nimalire okhubukha mubafwa khandi ndakhache imberi weng'we mugalilaya.33Petero nakalusia namuboolera ari, kata abaandu boosi nibachia okhusinyisibwa khulwao, esie nasie sinjia okhusinyisibwa. 34Yeso namuboolera ari,obwadieri khubolera, esiro sino idaywa nisiakhooliokha, ewe ochia khundekaana makhabi kadaru. 35Petero namuboolera ari, kata nikaba mbwe fwe nawe esie sinjia okhwekaana! nabo abeeka boosi boosi nibaboola bario.36Abwene ao Yeso niyeecha ninabo abuundu alangwa mbwe Getesimane, naye naboolera abeeka ari, mwikhale eng'we ano ninjia okhulama ela. 37Mani nabukula Petero nende abasiani ba Sebedayo babiri naye nachaaka okhuberera nende obusiro. 38Abwene ao nababoolera ari, omwoyo kwange kuberera lukali kata okhula okhufwa: mudoong'e eng'we ano nimuba meso alala nange.39Naye nachia imberi budidi nakwa khubweni bwaye nalaama naboola ari, ewe Baba wange, nikakhaba mbwe kanyalikhana esikoombe sino simbirekho, kata kario singa olwa esie nyenya, arali kori olwa ewe wenya.40Mani niyeecha khubeeka naye nambanyoola nibakona ne naboolera Petero ari, khulwa sina eng'we khasi munyalire okhuba meso alala nange kata elisaa elala? 41Mube meeso ni mulaama mbwe eng'we mureecha mwengira mumateemo: omwoyo kwenya, arali omubiri nomudofu.42Naye nakalukhayo khandi olwa khabiri, nalaama naboola ari, ewe Baba wange, nikaba mbwe esikoombe sino sisiakhandulakho, abula mbwe sing'we, elienya liao liekholekhe. 43Naye niyeecha nabanyoola nibakona khandi: okhuba echimoni chiabwe chiali esiro. 44Naye nabalekha nabwao khandi nalaama olwa khadaru naboola amakhuwa kala sa.45Abwene ao yeecha khu beeka baye nababoolera ari, musiri mukona nende okhubulukha? Lingeera ebikha bili ambi naye Omwana womuundu akhoberwe mumakhono ka bakholi be chimbi. 46Buukhe lekhe khubwao: lingeere ali ambi oyo okhoba esie.47Ne olwayali nasiri nalomalomanga bona Yuda mulala khwe khumi nende babiri yeecha alala nende omukaanda mukhoongo nende echiganga' nende ebikhokho, okhurula khubakhoongo ba bakukhani nende bakhulundu ba baandu. 48Bulano oyo owamukhoba yababeresia esilolero naboola ari, ula owa esie njia okuchunjuna omwene oyo niye, mumudire lwangu.49Ne abwene ao niyeecha khu Yeso naboola ari, emileembe, omwekesia mani namuchunjuna. 50Naye Yeso namureeba ari, omwiicha wakhecha orulira ena? abwene ao nibeecha nibamukwakho Yeso, nibamubukula.51Ne lola omulala khunibo abali nende Yeso nakolola omukhono kwaye, narusia olugaanga lwaye narema omukholi wa omukukhani mukhoongo, namukhalakakho okhurwi khwaye. 52Abwene ao Yeso namuboolera ari, kalusia olugaanga lwao khandi abuundu walwo: okhuba abo boosi ababukula olugaanga bachia khusasikha nende olugaanga. 53Eng'we mupaara mbwe sinyala osaba bulano Baba wange naye amberesia ebikha bino abamalaika ba mayie emikaanda ekhumi nende kibiri nende kata okhirao? 54Arali bulano amaandiko ako nikarakhabere kario,?55Mubikha ebiene ebio Yeso naboolera omukaanda ari, murulire sa kori nga abeecha okhudiira omwibi nende echigaanga nende ebikhokho okhwicha okhumbukula? Ndekhala buli nyaanga nang'we ninjekesia mukhekalu nang'we simwandirakho dawe. 56Arali kano koosi kekholekhe, mbwe amaandiko ka banabaii kolerere abwene ao abeeka boosi nibamulekha niberukha.57Ne abo abali nibamudirire Yeso nibamurusiao nibamwiyira khu Kayaba omukukhani mukhoongo, owa baandiki nende abakhulundu bali, nibakhung'anire. 58Arali Petero namulondakho inyuma ale okhuula mulubiriri lwo mukukhani mukhongo niyengira mukari niyekhala nende abakholi, olola obumalirikhi.59Bulano abakukhani bakhoongo nende abakhulundu abe sina boosi bakoonye obuloli bwo bubacha khu Yeso mbwe bamwire: 60Arali sibanyolakho siosi kata abaloli bo bubacha becha abaangi nibaranyolakho siosi. Mulumalirikhi nibeecha abaloli bo bubacha babiri, 61Nibaboola bari, omuya uno yabola ari, esie nyala okhusasia ikhekalu ya Nasaye mani ngiumbakhe munyaanga chidaru.62Naye omukukhani mukhoongo nabukha, namuboolera ari, khasi okalusiakho siindu siosi? nisina esia baana babola khwewe? 63Arali Yeso nadira omuleembe kwaye. Naye omukukhani mukhoongo nakalusia namuboolera ari, esie khwechubira khu Nasaye omulamu mbwe oruboolere nikali mbwe newe Kirisito Omwana wa Nasaye. 64Yeso namuboolera ari, ewe wakhabola: kata kario esie baboolera mbwe okhuchaaka bulano muchia olola omwana wo muundu niyekhale khu mukhono musaacha okwa maani, niyeecha mumalesi ko mwikulu.65Abwene ao omukukhani mukhoongo narandula echingubo chiaye naboola ari, alomalome akokhwekerania khu Nasaye: khulindiriranga buloli sina? lingeere bulano mwabulira nga yakeranisie khu Nasaye. 66Mupaara murie eng'we? Nabo nibakalusia nibaboola bari, akhoyera khufwa.67Abwene ao nibamufuchakho amare mubweni nibamukhuya ebifusi: ne abandi nibamukhuya echinju, 68Nibaboola bari, rulakulekho ewe Kirisito niwina oyo okhukhuyire?69Bulano Petero yekhala erwanyi wa olubiriri: naye omukhana mukholi namwichakho naboola ari, ewe wesi wali nende Yeso wa Ebugalilaya. 70Arali ye nakaana imberi wabwe boosi, naboola ari, esie simanyire esia ewe obolaanga.71Olwayali nabwereo erwanyi musiribwa, omukholi mukhana undi namulola, naboolera abali ao ari, omuya uno yesi yali nende Yeso wa Nasareti. 72Khandi ye niyekana mukhwebwaba ari esie simanyire uno muundu.73Ni olunyuma lwe ebikha bididi bamwichakho abo abali nibemere ao nibaboolera Petero bari obwadieri ewe wesi oli mulala khu nibo: okhuba akhulomaloma khwao khwekesia. 74Abwene ao nachaaka okhwechuba nende okhwebwaba naboola ari, esie ngorerwe uno muundu. abwene ao idaywa niyikholiokha. 75Naye Petero niyelichusia elikhuwa lia Yeso eliayamubolera mbwe ewe ochia khundekaana amakhabi kadaru mani nachia erwanyi nalira ebichuni.
Chapter 27

1Olwabiola ichuli, abakukhani bakhongo nende abakhulundu bakholera Yeso esina esia okhumwira: 2Ne olwabamuboya bamurusia ao nibamuberesania khu Ponjo Pilato omuruki.3Abwene ao Yuda owali namukhobere ,olwayalola mbwe akhalakirwe yekanira omwene , nakalusiria khandi abakukhani bakhongo nende abakhulundu echisende amakhumi kadaru. 4Naboola ari, nyonoonere okhuba mbwe khobere amabaanga kabula esibi. Nabo nibaboola bari nisiina esio khwefwe? kalole ako omwene. 5Naye nasukuna asi echisende mukhekalu mani nabwao nachia niyemika omwene.6Nabo bakukhani bakhongo babukula echisende, nibaboola bari, sinelilako okhuchira mumbikhiro okhubeera nobukusi bwa mabaanga. 7Nabo nibabulirisania nibachikulamo omukuunda kwa omulongi okwo khusiikhamo abarende. 8Khulwesio omukunda okwo kwalangwa mbwe omukanda kwa mabaanga okhuula inyaanga ino.9Abwene ao nikolerera okaboolwa nende Yeremia omunabii ,naboola ari, mani nibabukula echisende amakhumi kadaru, obukusi bwa oyo owali akhoyera esikero esio, oyo owa abaana ba Isiraili babona mbwe asikhoyera 10nibachiberesania khumukunda okwo muloongi nga olwo Mwami yandagira.11Ne Yeso niyema imberi wo muruki: naye omuruki namureeba naboola ari, ewe newe muruki wa Bayaudi? naye Yeso namuboolera ari, ewe oboola. 12Ne olwa yali nasitakibwe nende abakukhani bakhoongo nende abakhulundu, siyakalusia esiindu. 13Abwene ao Pilato namuboolera ari, khasi obuliraanga ebiindu biingi ebia bali okhubolaangakho? 14Naye naramukalusi kata elikhuwa liosi okhula olwa omuriki yauka lukali.15Bulano mulisabo erio omuriki yenya okhubalekhuulira abaandu omuboye, ula owabeenya beene. 16Nabo bali abwene ao nende omuboye owamanyikha, owalangwa mbwe Baraba.17Khulwesio olwabali nibakhung'anire alala, Pilato nareeba ari, niwina owamweenya mbalekhulire, Baraba kose Yeso olangwa mbwe Kirisito? Khulwo khuba yamanya mbwe bamurera khuye khurulana nende ikhiinda.1819Olwa yekhala asi khusisaala sio bukhalaki, omukhasi waye yamurumira elikhuwa naboola ari, orabakho ewe nende esiindu siosi olondana nende omuundu mulingikhi oyo okhuba nyakhaane nende abiindu bingi inyaanga ino mumaloro khulwaye.20Arali abakukhani bakhoongo nende bakhulundu bekweeda mukaanda mbwe khusabe Baraba, mani basasie Yeso. 21Omuruki nakalusia nabareeba ari, niwina khu babiri bano owamwenya mbwe mbalekhulire? nabo nibaboola bari, Baraba. 22Pilato nabareeba ari, nisiina esiakhole bulano nende Yeso olangwa Kirisito? nabo boosi nibamuboolera bari, lekha abaambwe.23Naye omuruki naboola ari, khusiina, sibi siina esia akholere? arali nabo bachiririra okhwayuula nibaboola bari, lekha abaambwe. 24Olwa Pilato yalola mbwe siyakhakhola siosi, arali mbwe indoboyoo yenya okhwekholekha yabukula amaachi niyesaaba amakhono kaye imberi wo mukaanda naboola ari, mbulakho esibi siosi nende amabaanga ko muundu mulungikhi uno: mukelolerekho abeene.25Abwene ao abaandu boosi nibamukalusia nibaboola bari amabaanga kaye kabe khwefwe nende khu baana befwe. Abwene ao nabalekhulira Baraba: 26ne olwa bamala okhukhuya Yeso nibamuberesania mbwe abaambwe.27Abwene ao abasikari abomuruki nibayira Yeso mupritorio mani nibamukhung'anirakho olukhukhumuli lwosi olwa abamayie. 28Mani nibamufwalula khandi nibamufwala ikaanju injakhanyu. 29Ne olwabo bali nibalukhire olusiimbi lwa mabwa ni bamura khumurwe kwaye nende elikada mumukhono kwaye omulungi nibasigama khumakhumbo imberi waye nibamuchekherakho nibaboola bari, muleembe omuruki wa Bayaudi!'.30Nabo nibamufuchakho nibabukula elikada nibamukhuya khu murwe. 31Ne olunyuma lwa khumuchekherakho nibamufwalula ikaanju nibamufwala ebiefwalo biaye, mani nibamurusiayo nibachia omubaamba .32Nabo olwabali barula erwanyi, nibanyoola omuundu wa Kirene owalangwa mbwe Simoni nibamuyika okiinga omusalaba kwaye. 33Nabo olwa boola abuundu alangwa mbwe Goligota niye khuboola mbwe abuundu we esianga. 34Nibamuberesia efini eyisasibwemo indusie okhung'wa: Naye olwayayikhombakho siyanyala okhung'wa.35Nabo nibamubaamba ,mani nibakabana ebiefwalo biaye, nibakhuba ikura: mbwa kanyale okhulirira okabolwa nende omunabii mbwe bakabana ebifwalo biange akari wabwe nekhusiefwalo siange nibakhubira ikura. 36Mani nibekhala asi nibamulingera ebweneyo. 37Mani nibakikha akulu khumurwe kwaye akabamukhalakira esiina mubwandiike mbwe UNO NIYE YESO OMURUKI WA BAYAUDI.
39Nabo ababira ao bamunyeka nibayuya emirwe kiabwe, 40nibaboola bari, ewe onyala osasia ikhekalu, mani wayumbakha munyaanga chidaru, weonie omwene nikali mbwe oli omwana wa Nasaye ikha okhurula khu musalaba.41Kata abakukhani bakhoongo nende abandiiki nende abakhuluundu bamuchekherakho nibaboola bari, 42Yaonia abaandi ye mwene siayakheonia. Nikaba mbwe ni muruki wa Isiraii, lekhe bulano yekhe asi arule khu musalaba ne efwe khunamusubira.43Yesika mu Nasaye lekha amuonie bulano naba namwenya: okhuba yaboola mbwe esie ndi mwana wa Nasaye. 44Abebi bosi abali nibabaambirwe ninaye bamuboolera keene ako.45Bulano okhuchaaka khu sa ya khasasaba esirima sialiwo okhuula isaa ya tisa. 46Manu khu isaa ya tisa Yeso yalira nende omwoyo mukhongo naboola ari, Eloi, Eloi, lama sabakathan? Nikhwo okhuboola mbwe Nasaye wange Nasaye wange khulwasiana ondekhere? 47Khwabo abali nibemere ao olwababulira nibaboola bari, omuundu uno alangaanga Eliya.48Ne abwene ao mulala khubo yerukha nabukula esiangu niyechusiamo ifini nara khulikada mani namuberesia okhung'wa. 49Abadoong'a nibaboola bari, lekha abe lekha khulole nikaba mbwe Eliya aneecha okhumuwonia. 50Yeso olwayamala okhulira khandi nende omwoyo mukhoongo yakhalaka omwoyo.51Ne lingeera, isuka yo mukhekalu nikhalikhamo makhabi kabiri okhurula akulu khuula asi: ne esialo nasio nisirengerekha ne echinyaanda nichiadikha. 52Ne ebirindwa nibiikukha mani emibiri miingi ekia batakatifu abali nibafwa nikilamusibwa. 53kiarula mubirindwa olunyuma lwa ye okhulamukha mani nachia mudookho litakatifu nabonekhera abaangi.54Bulano olwa omusikari nende abo abali naye nibalingeraanga Yeso balola okhurengerekha khwe sialo, nende ebiindu ebio ebiekhola, nibaria lukali nibaboola bari obwadieri uno yali Omwana wa Nasaye. 55Ne abakhasi baandi baliyo nibalingereranga ale, abaloonda Yeso okhurula Galilaya nibamukhalabanira. 56Munibo bali Maria Magadalena nende Maria ng'ina Yakobo nende Yoses nende ng'ina baana ba Sebedayo.57Olwa ingolobe yoola omuundu muyiinda owa Arimatea olangwa mbwe Yosefu yeecha, Yesi omwene yali omweka wa Yeso: 58Yachia khu Pilato mani nasaba omubiri kwa Yeso. Abwene ao Pilato nalagira mbwe aberesebwe omubiri.59Olwa Yosefu yali nabukule omubiri yakuboya mungubo indafu eya kitani. 60Mani nakwalisia mung'ani yaye injakha eyayali nayabire mulwanda: naye nasiringisia elikina likhoongo khumuliangiro kwa esirindwa mani nabwao. 61Ne yaliwo Maria Magadalina nende Maria oundi nibekhale nibachoomere esirindwa.62Inyaanga ya khabiri eyiloonda inyaanga yo khwerekekha, abakukhani bakhoongo nende abafarisaayo beecha alala khu Pilato, 63nibaboola bari, omwami wichulisia mbwe omubacha ula yabolanga, olwayali nasiri omulamu mbwe olunyuma lwe chinyaanga chidaru 'njia olamukha khandi'. 64 Khwelwesio lagira mbwe esirindwa esio silindwe okhuula inyaanga ya khadaru, abeeka baye bareecha esiro bamwiba, mani baboolera abaandu mbwe alamukhe khurula mubafu mani obubacha bumalirikha bwakhaba obubi lukali okhira obwamberi.65Pilato nababolera ari, muli nende abaliindi: mubweo muchie mukhole obuliindi kori olwa munyalirwa. 66Kario nibachia mani nibaliinda esirindwa nibekalao elikina nibarereo obulindi.
Chapter 28

1Mukhubwa khwa isabaato, olwabwachaaka okhukhia nyaanga ya mberi eya ijuma, yeecha Maria Magadalina nende Maria undi okhulola esirindwa. 2Ne lingera khwaliwo okhurengerekha khwe esialo khukhoongo: okhuba malaika wo Mwami yeecha okhurula mwikulu niyeecha mani nasiringisia inyuma elikina okhurula khumuliangiro mani naliikhalakho.3Ifwani yaye yali nga olumiesu nabio ebiefwalo biaye bilafu kori elinang'ong'o: 4Ne khulwa oburi abaliindi barengerekha nibaba nga abaandu bafwire.5Naye malaika nakalusia naboolera abakhasi ari, muraria dawe eng'we: okhuba manyire mbwe mukoonya Yeso owabambwa. 6khasi ali ano: okhuba alamukhe kori olwa yaboola. mwiche mulole abuundu owo Mwami yakona. 7Mani muchie lwangu moboolere abeeka baye mbwe alamuukhe okhurula mubafu: ne lingeera achia imberi weng'we mu Galilaya ebwene eyo muchia omulola, malire obabolera.8Nabo nibarula lwangu khusirindwa nende oburi nende isangaalo ikhoongo niberukha okhurerera abeeka baye elikhuwa. 9Ne olwa bali nibachia obaboolera abeeka baye, lingeera Yeso nabukanana nabo, naboola ari, mireembe mwesi. Nabo nibeecha nibamudira khumakulu nibamwinamira . 10Abwene ao Yeso nababoolera ari, muraba abari muchie muboolere abasieng'we mbwe bachie mu Galilaya ni ebwene eyo bachia okhundoola esie.11Bulano olwabali nibachichaanga,lingeera abandi khubaliindi beecha mudookho nibekesia abakukhani bakhoongo ebiindu bioosi ebiekholekhe. 12Ne olwa bali nibakhung'anire nende abakhulundu nibakhobare baberesia abasikari echisende chinyiingi, 13nibaboola bari eng'we muboole mbwe abeeka baye beecha musiro mani nibamwiba kori khwali nikhukona.14Ne kano nikoola mumarwi ko muruki efwe khuchia omwekweeda khumulemo oburi bwoosi. 15Nibabukula echisende nibakhola nga olwabekesibwa ne likhuwa lino liaswana Mubayaudi okhuula inyaanga ino.16Abwene ao abeeka ekhumi nende mulala nibabwao nibachia mu Galilaya, mulugulu owa Yeso yali nabalakire. 17Ne olwa bamulola bamwinamira: arali abaandi khunibo bakanakana.18Naye Yeso yeecha nabalomalomera naboola ari, obunyala bwoosi mberesebwe mwikulu nende musialo . 19 Khulwesio muchie , mwekesie ebialo bioosi, nimubabatisia mulira lia Sefwe nende Mwana nende elia Roho omutakatifu:20Nimubekesia okhukhola ebiindu bioosi ebia esie mulagira: ne lola, esie ndi nang'we buli lwoosi kata okhuula okhumalirikha khwe sialo. Amina.

Mark

Chapter 1

1Okhuchaaka khwe ifanjili ya Yeso Kirisito , Omwana wa Nasaye; 2Ngolwa kaandikwa mubitabo bia banabii, mbwe lola nduma omurumwa wange imberi wobweni bwao, ochia okhurereaia ingira yao. 3Idoboosi yomuundu alangirisianga mulumira yiri, 'kasia ingira yo Mwami; kololosia chingira chiaye."4Yokhana yeecha, nabatisia mulumira nende khuyaala obubatisbwi bwokhwekanira khulwo khulekherwa chimbi. 5Esialo sioosi esie Buyudea nende Yerusalemu bamuchiakho, ne boosi babatisibwa ninaye mumwalo kwa Yorodani, nibekanira chimbi chiabwe. 6Yokhana yafwala ingubo yobwoya bweingamia nende musibiro kweliseero musibuno, yalichaanga madeede nende obuhii.7Yayaala naboola ari, owicha inyuma wange nomukhoongo khuhira; sikhoyera kata khuguunama khubolola chisia chie bilaaro biaye. 8Esie babatisia nende machi arali niye achia khubabatisa nende Roho mulafu.9 Muchinyanga echio Yeso yeecha khurula Nasareti eya Galilaya nabatisibwa nende Yokhana mumwalo kwa Yorodani. 10Ne ngolwa yarula mumaachi, yalola likulu likuhe, naye roho yamwihirakho kori eliusi. 11Idoboosi yarula mwikuli niiboola yiri, "Uno niye omwana wange mukheerwa. Sangasibwa naye."12 Roho mulafu yamala namwimirira khuchia mulumira. 13 Yaba mulumira chinyaanga makhumi kane, sietani namuteema. Yali nende chisolo chiomusino, malaika nabo bamurumihira.14Bulano olunyuma lwa Yokhana khurebwa musiboye , Yeso yeecha Galilaya nayaala ifanjili ya Nasaye. 15Naboola ari, "ebikha biulire ne obwami bwa Nasaye buli ambi, mwekanire mani musuubire muifanjili."16 Ne ngolwa yali nakeenda khu ndulo khweyinyanja ya Galilaya, yabona simoni nende Anderea omusiani wabwe nibareka chinjero munyaanja, khulwo khuba bali abanaabi. 17Yeso yababoolera ari, mwiche munoonde ne ndabakhola abanaabi babaandu. 18Bikha ebio balekha chinjero nibamala nibamuloonda.19Yeso nakendakho budiidi, namala nalola Yakobo nende Yokhana abaana ba zebedayo muliaro nibakasia chinjero. 20 Yabalanga manu nibalekha saabwe Zebedayo muliaro nende abaandu bayali nabukule khumukhonya, nabo nibamuloonda.21Bamala nibeecha kaperenaumu, ne inyaanga ya isabato, Yeso yachia musinagogi okhwekesia. 22 Baukisibwa nende amekesio kaye, khulwo khuba yekesia nende ichwoni okhukhira abandiiki.23Yaliwo omusaacha musinagogi owali nende bikhieno, yalira, 24naboola ari, "khuli nende sina nawe Yeso wa Nasareti? Wichire khurusasia? Manyire mbwe oli mutakatifu wa Nasaye." 25Yeso yamwalabira naboola ari, bulera mani omurulemo 26 Ebikhieno biamukwisia asi mani nibimurulamo nibilira nende idoboosi ikhoongo.27Abaandu boosi baukisibwa nibarebana bari sino ni siina? Ameekesio kaye nikeichwoni kata bikhieno biosi bimuria. 28Makhuwa kaye kalandaala mulukoongo lwa Galilaya lwoosi.29Nibakharula musinagogi, bachia munyuumba ya simoni nende Andereya alala nende Yakobo nende Yokhana. 30Babolera Yeso bari masalangene simoni nomulwaye. 31Yeso yachia namudira mukhono namukingula, ne ebikha ebio yaona mani nachaaka khubarumikhira.32Ingolobe eyo eliuba niliakhakwa bamurerera abalwaye baliimo ebikhieno. 33Omukaanda kwoosi kwakhungana amuliango. 34Yeso yaonia amalwaye koosi narusia kata bikhieno, ne khasi yabifukirira okhulomaloma khulwo khuba biali biamumanya.35Yeso yabuukha mumabwibwi esialo nisisiri esirima; nachia abuundu wabaandu bulao, nanyoola khulaama ebwene eyo. 36 Simoni nende bala abayali nabo bamukoonya. 37 Nibamunyoola ne nibamuboolera bari, abaandu boosi bali okhukoonya.38Yeso naye yaboola ari, khuchie abuundu wandi muchingoongo chili ambi nyoole khuyalayo wosi; khulwo khuba esio nisio esikera ninjicha ano. 39Yachia mu Galilaya yoosi nayaala nende khurusia ebikhieno.40 Omuundu wobukere yamwichakho nasigama namusaba ari, "Nofukirira nyoola khunjosia" 41Yeso yamubonera sisa namudirakho naboola ari fukirira; nyoola khulabisibwa. 42 Ne ebikha ebio obukere bwamurulakho naye nanyoola khulabisibwa.43 Yamukania nachuchwisia ari abweo; 44ne yamubolera ari orabolerakho omuundu yesi yeesi dawe arali chia weyekesie khu mukukhani mani orusie esianwa kori ngolwa Musa yalakirisia, mani bube obuloli khu nibo45 Arali yarula nachia nachaaka khusalasia likhuwa lukali, okhuula kata Yeso naranyanyala okhwingira mulidookho mubwakhakhu, arali yadonga sa abuundu wa baandu babulao: kata kario abaandu bachiririra okhumwichakho khurula buli abuundu.
Chapter 2

1Kori ngolwa Yeso yeecha kaperenaumu lunyuma lwechinyaanga chindiidi; ne nikamanyikhana mbwe yali munyuumba. 2Abaandu bangi bebusia okhuula khumuliangiro kata obweyango bwosi bwabulao, naye yalomaloma nabo elikhuwa lia Nasaye.3Abaandu bandi beecha khu Yeso nibarera omuundu yali niyadaral, ne abaandu bane bali nibamukiingire. 4Ne ngolwa bakhirwa okhusuda ambi nende Yeso khulwo bungi bwa baandu, bafunula esirama sieinyuumba nabamala nibekhia omulwaye khu sitaanda esiayali nakonerekho.5Naye Yeso ngolwa yalola obusuubiri bwabwe, yaboolera omulwaye wadarala ula ari, "mwana wange olekheerwe chimbi chiao." 6Omukaanda kwa baandiki baliwo, bereeba mumioyo kiabwe bari, 7"Khulwa sina omuundu uno alomaloma amakhuwa kebisinyisio? niwina onyala okhulekhera chimbi arali Nasaye yeng'ene?"8Ebikha ebio Yeso yamanyirisia lwangu mu Roho mulafu kala akabali niberebananga mumioyo kiabwe. Yabareba ari sina esikera nimwereba amakhuwa kano mumioyo kieng'we? 9Sina esili siangu? okhubolera omulwaye wadarala mbwe olekheerwa chimbi chiao? Kose buukha, obukule omufaliso kwao mani obweo?10Arali khumunyale okhumanya mbwe Omwana womuundu ali nende obunyala bwokhulekhera chimbi musialo, 11yaboolera omulwaye wadarala ula ari, "khuboolera mbwe buukha obukula esitaanda siao ochie munyuumba mwao. 12Naye nasingira lwangu nabukula esitaanda siaye nabira imberi wabwe, nabo abaandu nibaukisibwa lukai, nibafumia Nasaye, nibaboola bari khusiiri khulolakho isiindu kori sino.13Khandi Yeso yachia khulukuku lweyinyaanja, nakwo mukaanda kwa baandu kweecha owa yali naye nabekesia. 14Ne ngolwa yali nabira yalola Lawi omwana wa Alufayo niyekhale muliyeema liabasololi bomusolo, namubolera ari "nonde." Naye Lawi yabuukha mani namuloonda.15Yeso yali anyolaanga ebiakhulia munyuumba mwa lawi alala nende abasololi bomusolo, abakholi bechimbi nende abeeka baye bali bangi abamuloonda. Ne abandiiki nende Bafarisaayo ngolwa balola mbwe Yeso alia nende abasololi bomusolo, 16 nende abakholi bechimbi bareeba abeeka baye bari, "khulwa sina Yeso alia nende abasololi bomusolo nende abakholi be chimbi?"17 Ne ngolwa Yeso yabulira akababoola, yaboola ari, "abaandu balamu khasi bahenya omusirikhi; arali ni balwaye nibo benya omusirikhi. Yeso yaboola ari, "khasi ndeecha khulwa batakatifu khaba, arali khulwa abakholi be chimbi."18Ebikha ebio abeki ba Yokhana nende aba Bafarisaayo bali ni basiiba . Abaandu bandi beecha khu Yeso nibamureeba bari, "kulwa sina abeki ba Yokhana nende aba Bafarisayo basiibaanga ,ne abeki bao nabo khasi basiiba dawe?" 19Yeso yababoolera ari, "binyalikhana abali musiserero khusiiba omwene siserero nali nabo? khasi bakhasiiba owesiserero mwene naliwo.20 Echinyaanga chiicha echiomwene siserero yakharusibweo, ne muchinyaanga echio bachia khusiiba. 21Abulao ula osonaanga esicheere sikofi khu ngubo injaakha. Esiraka siyakha siba sinarandukha khurula khu ngubo ingofu bimanu likali.22Abulao orechanga ifini injaakha mundamu ingofu. Ne nakhola ario, ifini iba yinadisia indamu ne ifini alala nende indamu bisasikha bioosi.23Inyaanga ya isabato Yeso yabira mundalo yeimere ne abeeka baye bachaaka khufuna ngolwa bachiririra khukeenda. 24Abafarisaayo baboolera Yeso bari "lingeera, khulwasina bakhola akarakhoyera inyaanga ya isabato?"25Yeso yababoolera ari, musiri khusomakho aka Daudi yakhola nali nende injala nende abasie bayali nabo. 26 Yachia munyuumba ya Nasaye chinyaanga chia Abiata yali omukukhani mukhoongo nalia emigaati kiomuundu yesi yeesi arakhoyera kulia dawe, orali omukhukhani khandi naberesia bala abayali nabo.27Yeso yaboola ari, "isabato yakasibwa khulwomuundu, ne khasi nimuundu khulwe isabato. 28khulwa kene ako Omwana wa Nasaye niye Omwami we Isabato.
Chapter 3

1Khandi yamala niyengira musinagogi, ne mubwene omwo yaliimo omuundu womokhono kwafurikhirira. 2Nabo bamulingeera, okhulola niyakhamuonia inyaanga ya Isabato mani banyale okhumusitaaka.3 Namala naboolera omuundu womukhono kwafwirikhirira ula ari, "singira weme akari wabuli muundu." 4 Namala nabareeba ari, nibilayi okhola malayi inyaanga ya Isabato, kose okhola mabi? okhuonia kose khwira? Arali nabo babulera chii.5Naye yabalingeera nende obusinyifu, khulwe mioyo kiabwe miomu, ne naboolera omuundu womukhono kwafwirikhirira ula ari, kololosia mukhono kwao okwo, ne mukhono kwaye nikumala nikukololokha nikuba bilayi. 6Abafarisaayo nende Baherodia, bamala nibakhola olukhobo khumwira.7Naye Yeso yamala narulao nende abeeka baye nibachia munyaanja, ne omukaanda mukhoongo nikurula Galilaya nikumuloonda okhuula Judea. 8Nende Yerusalemu, Idumeya, nende kata imberi wa Yorodani, Tiro nende Sidon. Ne ngolwo mukaanda mukhoongo babulira akamangalimwa kayakhola bamuloonda.9Naye naboolera abeki baye ari bamurekekhere eliaro lidiidi khubeera obungi bwabandu, bali nibamufwinya. 10Khubeera yali naonisie abaandu bangi, nibadakha khumudirakho, khubeera bangi bali nende budinyu bukabukhane.11Abebikhieno bingi, biakwa imberi waye, nibilira nibiboola biri, "oli Mwana wa Nasaye." 12Nabialabira mbw biraboolera omuundu yeesi dawe.13Yachia khulugulu nalaanga bala abayenya, nabo nibamwichakho. 14Namala nalobola ekhumi nende babiri, mbwe babe ninaye, mani abarume okhuchia khuyaala, 15khandu babe nende amaani kokhuonia amalwaye, nende khurusia bikhieno. 16Naye yalobola ekhumi nende babiri; Simoni owayaberesia eliira mbwe Petero;17Nende Yakobo, omwana wa Zebedayo, nende Yokhana omusiani wabwe Yakobo, yabalanga mbwe Boanerigesi elikalulwa mbwe abaana bo khuadulukha; 18nende Anderea, Philipo, Batulomayo, Matayo, Tomasi nende Yakobo omusiani wa Alufayo, nende Tadeyo nende Simoni omukereno,19nende Yuda Isikarioti owamukhoba: nibamala nibachia munyuumba.20 Khandi mukaanda kwakhung'ana, nibakhirwa okhulia mugaati. 21 Ne ngolwa abeecha baye babulira, bachia khumudiira khubeera babulira mbwe omurwe kwaye kubiyire.. 22Nabo abandiiki barula Yerusalemu baboola bari " alimo Belisbuli omukhoong webikhieno" khandi arusianga bikhieno khu maani ako."23Yamala nabalaanga owayali, nababoolera muchingaado ari, esikhieno siakherusia sikhieno siasie? 24Ne obwami bukabukhane bwene khu bwene, khasi bwakhema dawe. 25Kata inyuumba niyikabukhana khasi yakhanyala khwema khaba.26Ne kata kario sikhieno nisikabukhanamo khasi siakhema arali siba sinakwa. 27Omuundu yesi yeesi khasi anyala okhwingira munyuumba yomuundu wamani nende khubkula ebiindu biaye, naramuboyere mberi, khwamale abukule ebiindu bili munyuumba yaye.28Baboolera obwadieri mbwe, echimbi chiosi echiabaana babaandu chichia khulekherwe nende manyeko koosi akabaanyeka; 29arali yeesi ofwola Roho mulafu khasi achia khulekherwa okhuula mubumeri, arali achia khuba mumasira kechinyaanga chioos. 30khulwo khubeera bali nibaboolere mbwe "ali nende sikhieno."31Olunyuma abasiani babwe nende nginamwana nibamwichira, nibeema erwanyi, nibaruma omuundu khumulaanga. 32Ne abomukaanda bali nibamubodokhane , bamuboolera bari, lola maao nende abasiani beng'we bali erwanyi bakhukoonya.33Naye nabakalusia naboola ari, mama ni wina , nende abasiani befwe? 34Namala nalingeera abali nibekhale ninaye, naboola ari, "lola bano nibo mama nende abasiani befwe! 35Khulwo khubeera yesi yeesi okhola okhwenya khwa Nasaye omwene oyo niye omusiani nende mukhana wefwe nende mama."
Chapter 4

1. Khandi yachaaka okhwekesia nali khulukuku lweyinyaanja, ne omukaanda mukhoongo kwamwebusiakho, nikukera niyengira muliaro niyekhala munyaanja. Ne omukaanda nakwo kwali khulukuku erwanyi weyinyaanja. 2. Mani nabekesia ebiindu bingi muchingaado, nababoolera mumekesio kaye.3 Murekeresie, omuraaki yarula nachia khuraaka; 4. Ne olunyuma ngolwa yaraaka, imwo yindi yakwa khungira amayoni komumiyaka nako nikeecha nikaiboocha, 5Ne eyindi yakwa khumakina, oweliloba liraliwo lingi, ne mulwangu yamera arali khasi yayira emisi khulwo budiidi bweliloba.6. Ne ngolwomubasu kweecha nikuisamba, ne khulwo khubeera yabula emisii yamala niyooma. 7. Ne eyindi yakwa mumabwa, ne mabwa nako nikakhula nikaifwinyirira niiraamakho ebiamo dawe.8. Ne eyindi nayo yakwa muliloba lilayi, niyama ebiamo biingi, niyirera amakhumi kadaru, ne yindi amakhumi kasasaba, ne yindi imia ndala. 9. Mani nababoolera ari ula oli nende amarwi kokhubulira, abulire.10. Ne ngolwa yali yeng'ene, bala abali alala ninaye nende bala ekhumi nende babiri bamureeba amekesio kolukaado olwo. 11. Naye nababoolera ari, khweng'we muberesibwe okhumanya akobwekisii kobwami bwa Nasaye; ne khubala abali erwanyi,ebiindu bino bioosi biikholwa muchingaado 12. Mbwe okhubona babone, arali baramanyirisia; khandi mbwe okhubulira babulira arali okhumanyirisia baramanyirisia, bareecha bakalukhanisibwa, mani ebionono biabwe bialekherwa.13. Khandi yababoolera ari, eng'we khasi mumanyire olukaado luno?, Bulano munamanya murie echingaado chioosi? 14. Omuraaki yaraaka elikhuwa. 15. Ne bano nibo abali olwande lweingira, ewelikhuwa liraakwa, ne nibamala khubulira likhuwa, Sietani yeecha lwangu nabukula likhuwa lirakirwe mumioyo kiabwe,16. Ne bano nibo abafwanana nende imwo yaraakwa muliloba eliri khumakina; aba nibakhabulira likhuwa, mulwangu babulira nende busangaafu; 17. Arali abene khasi bali nende emisii, ne besimirisianga ebikha bimbikiri: ne olunyuma amanyakhano nende mateemo nikeecha khulwe likhuwa, ne besirala mulwangu.18 Ne bano nibo abaraakwa mumabwa; nibobo bala, ababuliranga likhuwa, 19. ne amanyakhano kesialo sino, nende obubacha bwobuyiinda nende obwekoombi bwebiindu bindi bwingira nibufwinyirira likhuwa, nakhirwa okhwama ebiamo. 20. Ne bano nibo imwo eyaraakwa muliloba lilayi; nibo bala ababuliranga elikhuwa ne balifukirira, nibamala baama ebiamo, eyindi makhumi kadaru eyindi makhumi kasasaba, ne eyindi imia.21 Khandi yamala nababoolera ari; itaari yambisibwanga mani ireebwe asi weimesa, kosé asi wesitaanda? Ne khasi biyigeenga akulu weimesa? 22. khulwo khubeera sibulao esiindu esiekisa, esirakharebwe abulafu; kose kata sibulao esiakisibwa esirakharebwe abulafu. 23. Omuundu yeesi oli nende amarwi kokhubulira, anyoole khubulira!"24 khandi yababoolera ari, mwekenderesie nende akmubulira: esikero esiaokerera nisio esiwakhakererwe: ne khweng'we ababulira mwakhaberesebwa ebiingi. 25Khulwo khubeera yeesi oli nabio, anamederwa: naye ula obula, kata khandi ananyulwa esiali nasio.26. Khandi naboola ari, obwami bwa Nasaye, bufwanana nende omuundu owaanya imwo muliloba ; 27Nachia okhweyalisia, naye nabukha esiro nende esidere, nayo imwo niimera khandi niikhula naye naramanyirisia okhukhula khwayo. 28 Khulwo khubeera eliloba liakhusia ebiamo bialio; khuchakira khu lubuumbu, lunyuma lisafu, ne lunyuma ingano yene khumadere. 29. Ne imere niyangala ayikesa nende ingeso khulwo khubeera elikesa liulire.30. Khandi naboola ari, khunakerania obwami bwa Nasaye nende sina? kose khunabukerania nende sina? 31Bukeranisibwa nende imwo eye lidoodo, eya, niyiraakwa muliloba, niindidi muno okhira chimwo chioosi echili khusialo: 32. Arali noyiraaka niyikhula mani ikhire ebisusulwa bioosi, mani ibe nende amasaga makhoongo: mbwe amayoni komumiyaka kanyale okhwikhal musiinikha siakwo.33. Ne yabalomalomera likhuwa muchingaado chinyiingi echifwana chirio ngolwa banyalirwa okhulibulira. 34. Ne khandi khasi siyabalomalomera arali muchingaado: ne ngolwa bali bong'ane, yafunulira abeaka baye ebiindu bioosi.35. Ne inyaanga yene eyo, ngolwa sialo bweera, yababoolera ari, khwambukhe khuchie ingerekha ela. 36. Ne ngolwa bali nibakhasebula omukaanda, bamubukula nali muliaro. Alala naye kaliwo amaro kandi madiidi. 37. Omuyaka mukhoongo okwa mafiinda, nikwicha nikuucha, ne eliaro niliichulamo amaachi .38. Naye yali niyeyalisie inyuma weliaro, niyeyalisie khu mufaliso: nibamusimuisia nibamuboolera bari Omwami khaba khasi odeeba kata nikhufwa? 39. Naye nasingira, mani niyalabira muyaka, Ne naboolera inyaanja, ari, buleera, wedmberesie. Ne omuyaka nikwakama mani nikhuba nende obwedemberefu bukhoongo.40Namala nababoolera ari, khulwa sina nimuba abari lukali? Khulwo khubeera sina nimubula obusuubiri? 41Nabo nibaria okhubira esikero, nibarebana oundi khuundi bari, uno nomuundu ofwana arie, okhuula kata omuyaka nende inyaanja biosi bimubulira?
Chapter 5

1. Nibamala nibachia ingerekha lundi weyinyaanja, musialo esia Bagerasi. 2. Ne ngolwa yarula muliaro, omuundu yalimo roho mumaanu narula mubirindwa yamubukanira mulwangu.3. Owali yamenya mubirindwa; ne yabulao omuundu owanyala okhumuboya, kata sa nende eminyororo: 4. Khulwo khubeera yali naboyerwe nende chipiingo nende minyororo, arali yakhalakaanga eminyororo omwene ne khandi amapiingo nakakhalikhanga bitundu; ne Kata yabulao omuundu yeesi owakhamunyalire.5. Khandi buli lwosi,esiro nende sideere, yabechaanga muchingulu, nende mubirindwa, nalira, niyekhenga omwene nende amakina. 6. Ne ngolwa yalola Yeso ale, yeerukha namwinamira,7 nalira mudoboosi ikhoongo, naboola ari, oli nange sina, Yeso, Omwana wa Nasaye mukhoongo? Khusaba imberi wa Nasaye, mbwe orasaandia khaba. 8. khulwo khubeera yamubolera ari rula mumuundu uno ewe rokho mubi.9. Khandi namureeba ari, eliira liao nilio wina? Naye nakalusia, naboola ari, eliira liange nilio Lejioni: khulwo khuba khuli abangi. 10. Ne namusaba lukali mbwe, araberusia okhurula musialo.11. Abwenao ambi nende khu lugulu, khwaliwo nende eliicho likhoongo elie chimbiichi nichiayaanga. 12. Ne ebikhieno bioosi biamwekweeda nibiboola biri, rurume muchimbichi, khunyoole okhuchingiramo. 13 Ne mulwangu Yeso nafukirira ebikhieno bimaanu ebio nibimurulamo nibingira muchimbichi: ne eliicho lie chimbichi nilikhirira mukhubibirikhana nilingira munyaanja, ( chiali ambi echilifu chibiri nichifwira munyaanja.);14. Abaayi bechimbichi nabo berukha nibayira amakhuwa ako mulidookho, nende musialo. Abaandu nibeecha okhulola ebiali nibiekholekhe. 15. Nibeecha khu Yeso, nibanyoola ula owalimo ebikhieno, nende Lejioni, niyekhale, niyefwalire chingubo, nali ebilayi mumakesi kaye: nabo nibaria.16Nabo abali nibabwene nibabakanira esiali nisiekholekhe khumuundu walimo bikhieno, nende ebiekholekha khuchimbichi chiosi. 17. Nibamusaba mbwe abweo arule mulukoongo lwabwe.18.Ne ngolwa yali niyolere muliaro, ula owali nende ebikhieno namusaba mbwe abe ninaye. 19.Naye Yeso naramufukirira arali yamubolera ari, bwao ochie ingo wao mubaandu bao obaboolere amakhoongo komwami akhukholere, nende esisa esia akhukholere 20. Namala nabwao, nachia okhulandasia Dekapoli, ebiamakana ebia Yeso yali namukholere; mani abaandu boosi nibaukisibwa muno.21. Naye Yeso ngolwa yali nachire olwande lundi muliaro, abaandu bangi nibamwebusiakho: nali indulo weyinjaanja. 22. Ne lingeera, mulala khubemirisi beisinagogi, yamwichira, owalangwa mbwe Jairo; ne ngolwa yamulola yakwa mumakulu kaye, 23. namusaba muno muno, naboola ari, omukhana wange akhirirwe ali okhufwa: khusaba mbwe, icha omurekho amakhono kao, anyoole khuona; naye anaona. 24 Naye Yeso nachia ninaye; ne abaandu bangi bamulondakho, nibamusdakho nibamubodokhana.25. Ne omukhasi undi owali nadachiriraanga mabaanga emiaka ekhumi nende kibiri. 26. Yali nanyakhane mumakhono kabalesi bangi niyekhonyera ebiayali nabio bioosi, ne siyanyoola okhuona, arali yachirira okhuba ebibi. 27. Ne ngolwa yabulira mbwe Yeso yeecha, yefwinyikania inyuma womukaanda nadiira khu ngubo yaye.28. Khulwo khubeera yaboola mumwoyo kwaye ari, nindira sa khuchingubo chiaye, ndanyoola khuona. 29Ne ebikha ebio okhudachirira okhwamabanga kaye nikhwakama; niyebulira mumubiri kwaye mbwe aonere mubudinyu bwaye.30. Naye Yeso niyebulira mulwangu mbwe amaani kamuruliremo, namala nakalukhanira omukaanda naboola ari niwina odirire khuchingubo chiange?. 31.Abeeka baye nibamuboolera bari, ewe obona ngolwo mukaanda kwa baandu kukhubodokhane, ne khandi oreeba mbwe ni wina okhudirirekho? 32. Naye nalingeera echimbeka chioosi okhubona omudirirekho.33. Naye omukhasi ula mukhurengerekha nende khuria namanyire esimwekholekhekho yeecha nakwa imberi waye, namuboolera obwadieri. 34. Naye Yeso namubolera ari, omukhana, obusuubiri bwao bukhuonisie, bwao mumuleembe onyoole khuona mumanyakhano kao.35. Ne ngolwa yali nasiri alomalomanga, abaandu beecha khurula munyuumba yomwemisiri weisinagogi nibaboola bari, omukhana wao amalire khufwa; khulwa sina ochiririre khunyasia omwekesia?.36. Arali Yeso ngolwa yabulira elikhuwa elieboola, yaboolera omwemeresi weisinagogi ari, oraria khaba ewe suubira sa. 37. Naye khasi yafukirira omuundu yeesi okhuchia ninaye, arali Petero nende Yakobo, nende Yokhana omusiani wabwe Yakobo. 38.Nibamala niboola munyuumba yomwemirisi weisinagogi, nalola abalisi nibalira nikhuba sioka lukali.39. Ne ngolwa yamala khwingira yababoolera ari, khulwa sina muli khukhuba sioka nimulira? omwana khasi afwire khaba, arli ali khukona sa 40. Nabo nibamuchekha lukali. Ne ngolwa yamala khubarusia boosi erwanyi, yabukula samwana mwana ula nende ngina, nende abali ninaye, nibengira mukari owomwana yali nakonere41. Namala nadiira mukhono kwomwana, namuboolera ari, "Talita, koumi; " elikalulwa mbwe, mukhaana, khuboolera mbwe, singira. 42. Nebikha ebio omwana ula nasingira, nakeenda; khulwo khubeera yali niyosisie emiaka ekhumi nende kibiri. Nibaukisibwa okhuuka khukhoongo. 43. Nababoolera mukhujingirsia ari, omuundu yeesi aramanyakho elikhuwa elio, nababoolera ari bamuberesie esiokhulia.
Chapter 6

1. Namala narula ebwene eyo, niyeecha musialo siabwe; ne abeeka baye nibamulondakho. 2.Ne ngolwa inyaanga ya isabato yali niyulire, yachaaka okhwekesia musinagogi; abaandu bangi abamubulira baukisibwa lukali, nibaboola bari, omuundu uno arusirie ena makhuwa kano? Ne, kano nimakesi sina akayaberesebwa? Ne, ni akamangalimwa makhoongo Kali karie akokhola khumakhono kaye? 3. Uno sinomwana womubaachi wechimbao, omusiani wa Maria, omusiani wabwe Yakobo nende Yosesi, nende Yuda, nende Simoni? Ne abakhana babwe sibali ano ninafwe? Nibamala nibesirala naye.4. Naye Yeso nababoolera ari, omunabii khasi akhayanga okhuba nende esiriibwa, arali, musialo siaye mwene, nende mubaandu baye mwene, nende munyuumba mwaye mwene. 5. Ne khasi yakholakho akamangalimwa makhoongo Kosi kosi ebwene eyo, arali yara makhono Kaye khu balwaye badiidi, nabaonia. 6. Naukisibwa nende okhurasubira khwabwe. Namala nabodokhana muchingoongo echio niyekesia.7. Namala nalaanga ekhumi nende babiri bala, nachaaka khubaruma babiri babiri, nababeresia obunyala akulu webikhieno bimaanu; 8. Nabakania khukiinga esiindu siosi mulukeendo lwabwe, arali indausi yong'ene, kata amapesa muchisao chiabwe; 9 arali bafwale ebilaro biabwe; khandi naboola ari barabukula echinkaanju chibiri.10. Khandi nababoolera ari, abuundu woosi woosi owa muchia khwingira munyuumba, mumenyemo okhuula ngolwa mwakharule abuundu ao. 11. Ne abuundu woosi owabaramwingisia, kose khurababulira, nimurula eyo musisimule olufu olwa makulu keng'we khulwo buloli akulu wabwe.12. Nibarulao, nibayaala mbwe abaandu bekanire. 13. Nibarusia ebikhieno bingi, nibabakha mafura, abaandu bangi bali abalwaye, nibanyoola khuonaa.14. Naye omuruki Herodi yabulira makhuwa Kaye, khulwo khubeera eliira liaye liali nilimayikhane, namala naboola ari, Yokhana omubatisia abukhire khurula mubafu, mani amaani kamakana mangi kekholekha muniye. 15. Abandi nibaboola bari, ni Eliya niye. Ne abandi nibaboola bari, uno nomunabii, kose mulala khubanabii ba khale.16. Arali ngolwa Herodi yabulira, yaboola ari, Yokhana, owa ndakhengakho murwe, yabukhire khurula mubafu. 17. Khulwo khubeera Herodi mwene yali narumire abaandu, nadirire Yokhana, namuboyere khulwa Herodia omukhaye wa Filipo omusiani wabwe owa yali namudeekhisie.18.Khulwo khubeera Yokhana yali nabolere Herodi ari khasi bifukirirwa mumalako ewe okhubukula omukhasi womusiani weng'we. 19. Ne Herodia naye yali nende lirima ninaye, nakoonya ingira yokhumwira, arali siyanyalirwa khaba. 20. Khulwo khubeera Herodi yaria Yokhana; namanyire mbwe Yokhana yali omuundu mukololofu, khandi omutakatifu, nanyoola khumulinda; ne ngolwa yamala khumubulira, yakanakana lukali; ne yamurekersia mbusangaafu.21. Ne ngolwa inyaanga ikhoyera yola, Herodi nakhola ebiakhulia ebie ingolobe inyaanga yokhwibulwa khwaye, nakholera abakhoongo baye nende abemirisi ba mayie, nende abemirisi be chingoongo chikabukhane echia Galilaya 22. Ne ngolwo mukhana wa Herodia yengira, nakhina, nakheresia Herodi nende boosi abali ninaye mubukeni. Omuruki namala naboolera omukhana ula ari, mbolere siosi esiodakha, nindakhuberesia.23 Yamwechubira, naboola ari, siosi siosi esionasaba, ndakhuberesia, okhuula kata akari wobwami bwange.24. Yamala narula erwanyi, nachia nareeba nginamwana ari, "sabe sina?" Naye ngina namuboloera ari, "saba omurwe kwa Yokhana omubatisia." 25. Namala nachia mulwangu khu muruki, namureeba naboola ari, nyenya omberesie omurwe kwa Yokhana omubatisia khuluderu.26 Omuruki yaberera lukali, arali khulwo khubeera okhwechuba khwaye, nende khubeera bala abali nibekhale ninaye, khasi yanyala okhumukania khaba.27 Omuruki namala naruma omusikari, nalagira khurera murwe kwaye; Naye namala nachia nakhenga omurwe kwaye mumboyero, 28namala narera khuluderu namuberesia, namala naberesia omukhana ula, naye mukhana naberesia nginamwana. 29. Abeeka baye ngolwa babulira makhuwa ako, beecha nibabukula omubiri kwaye nibakusiikha mungani.30. Abeeka nibakhung'ana alala imberi wa Yeso; nibamuboolera ebiindu bioosi ebiabali nibakholere, nende ebiabali nibekesie. 31. Naye nababoolera ari, mwiche mwengane abuundu wamasiririsi, owabaandu bubulao, mubuluukhe budiidi. Khulwo khubeera khwali nende abaandu abangi, abechaanga, nibabwao, kata obweyango bwokhulia khasi bwaliwo. 32 Nibamala nibabwao muliaro nibachia abuundu wa baandu babulao.33. Arali abaandu bangi babona nibabwao, nibamayirisia, niberukha nibachiayo khumakulu, okhurula mumadookho koosi, nibabarangirira okhulayo. 34. Naye Yeso ngolwa yarula muliaro, yalola mukaanda mukhoongo, ne yababonera esisa; khubeera bali kori amakoondi kabula omwayi; naye nachaaka okhubekesia, makhuwa mangi.35. Ne ngolwa inyaanga yali niyakholoberera, abeeka baye bamwichira, nibamuboolera bari, abuundu ano nolumira lukhaya, ne khandi ebikha bimalire khubwa. 36. Balekhule babweo bachie musialo esili ambi nende muchingongo banyoole khukula abiakhulia, khulwo khubeera babula esiabalia.37. Arali naye yabakalusia nababoolera ari, neg'we mubaberesie esiokhulia; nabo nibamuboolera bari khunyala khuchia khwakula emgaati kiechidinari echimia chibiri mani khubaberesie balie? 38. Naye nabareeba ari, muli nende migaati kiinga? Muchie mulingere. Ne ngolwa balola, bakalusia bari, emigaati kirano nende ching'eni chibiri.39. Naye nalagira ari bekhasie baandu mumikaanda khu bunyaasi bubisi. 40. Nibekhala mumikaanda kiechimia nende ekia makhumi karano. 41. Namala nabukula migaati kirano nende ching'eni chibiri, nalingeera akulu mwikuli nakhuba orio, namala nafunaka migaati naberesia abeeka mbwe baberesie abaandu, khandi nabakabira boosi ching'eni chibiri.42. Boosi balia nibekura.43. Nibabusia alala ebidonye bie migaati biadoonga ebimwero ekhumi nende bibiri, nende ebidoonye bie ching'eni. 44Abaandu balia migaati bali abasaacha ambi chilifu chiraano.45. Namala nalagira abeeka baye ari, bengire muliaro lwangu, mani bachie olwande lwa Betisaida, naye ngolwaa yali nasebula omukaanda. 46. Ne ngolwa yali niyakhabasebula, yachia mulugulu okhulaama. 47. Ne ngolwa ingoloobe yola, ne eliaro nilili akari weinyaanja, naye yali nadongere khulukuku yeng'ene .48. Nabalola nibanyakhana mukhufuka liaro, khulwo khubeera omuyaka kwali mungi nikubakayira: ne musiro akari yeecha owabali, nakeenda akulu weyinyaanja, nali ambi khubabirakho. 49. Ne ngolwa bamulola nakeenda khumaachi, bapaara mbwe ne sikhieno, nibayuula, 50. Khulwo khubeera bamulola nibaba nende obukanakani. Mulwangu yalomaloma ninabo nababoolera ari, mweberesie mwoyo! Nisie! muraria khaba.51. Namala nabachiira muliaro, ne omuyaka nikwakama khuucha, nibaukisibwa lukali. 52. Khulwo khubeera khasi bamanyirisia ebie migaati kiekesia, arali emioyo kiabwe kiali miomu.53 Ne ngolwa bali nibakhambukha, bola musialo esia Abagerasi, namala nachia khulukuku lweyinyaanja. 54. Ne ngolwa barula muliaro, abaandu bamumanyirisia mulwangu, 55 niberukha nibabodokhana ebimeka bioosi ebio musialo esio, nibachaaka khurera abalwaye khu mifaliso kiabwe, buli buundu wababulira mbwe achire.56. Ne abuundu wosi wosi owayengira,muchingoongo, kata mumadookho kose musialo, baalisianga abalwaye khuchingira, nibamusaba mbwe badirekho khulikemo lieingubo yeye, ne ngolwa abangi banyoola khumudiirakho, baona.
Chapter 7

1. Abafarisaayo, nende balala khu baandiiki, abarula Yerusalem, bamwebusiakho nibamubodokhana.2. Ne ngolwa babona abeeka baye nibalia migaati, mikhono kiabwe nikimaliye , ebiekesia mbwe, nabaresaabere. 3. Khulwo khubeera Abafarisaayo nende Abayaudi boosi, khasi balichaanga nibaresaabire amakhono kabwe bilayi, khulwo khubeera bali badiira emilukha kia bakofu. 4 Abafarisaayo nibarula khusiiro, khasi balichaanga nibareyokere, khandi badiira ebiindu bindi bingi ebiabanyoola, kori okhwosia ebikombe, nende chindamu, nende ebiindu ebiamang'inies, nende echimesa echia balirakho.5 Abafarisaayo nende abandiiki bareeba bari, "khulwasina abeeka bao khasi balondaanga emilukha kiabakhuluundu, arali balichaanga migaati kiabwe nibaresaabire makhono?"6.Arali naye yabakalusia nababoolera ari, Isaaya yarusia obunabii bilayi khu eng'we abekaadi, ngolwa kaandiikwa mbwe, 'Abaandu bano bamberesianga sa esiriibwa khuminwa kiabwe, arali emioyo kiabwe kili ale ninange. 7. Khandi okhunyinamira khwabwe nokhwebikhaye, nibekesia amekesio kabaandu nende bilagiro biabwe.8. Mulekhanga okhudiira bilagiro bia Nasaye nimudiira milukha kiabaandu, kori okhwosia echisiongo nende ebikoombe, nende ebiindu bingi ebifwana birio ebiamukholaanga. 9. Khandi yababoolera ari, mulekhanga bilagiro bia Nasaye nimudiira milukha kieng'we. 10Khulwo khubeera Musa yaboola ari , richaanga soo nende mao, khandi yeesi ochuba samwana kose ngina achia khwirwa.11. Nang'we muboolanga muri, omuundu naboolera samwana kose nginamwana ari, obukhonyi bwosi bwosi obwa wakhanyolere khwesie ni koribani (nibio okhuboola mbwe, esianwa khu Nasaye), 12 abwene ao khasi oba omufukirira khukholera samwana kose ngina esiindu siosi siosi. 13. Abwene ao mukhola elikhuwa lia Nasaye khubula amaani khubeera emilukha kieng'we, ekiamwarao nende ebiindu bingi abifwana birio ebiamukholanga.14. Khandi yalaanga omukaanda owayali, nababoolera ari, "mumbulire, buli mulala khweng'we, mani mumanyirisie. 15. Sibulao esiindu esirula erwanyi nisingira mumuundu esimumaliyianga; arali ebimurulamo, ebio nbio ebimaliyia omuundu. 16. Oyo yeesi oli nende marwi kokhubulira, abulire."17Bulano ngolwa yalekhana nende omukaanda, yengira munyuumba, ne abeeka baye bamureeba khulondana nende olukaado olwo. 18 Naye nababoolera ari, "engwe mwesi musiiri mubula obumanyirisi? khasi mumanyire mbwe siosi esingira mumuundu khurula erwanyi khasi sinyala siamumaliyia; 19. khulwo khubeera khasi sinyala okhwingira mumwoyo kwaye, arali sichia muunda mwaye, nisimala sirula nachia okhwekhoonya? Yakhola ebiakhulia bioosi okhuba ebilafu khulwe likhuwa elio.20Khandi Yaboola ari, esirula mumuundu, nisio esimumaliya. 21. Khulwo khubeera mukari mwomuundu, khurula mumwoyo, khurulangamo amaparo mabii, obudaamba, obuyirani, obwiri, 22. Obwibi, obwekoombi, obubii, obubacha, obumonyani, chimoni chimbi, amanyeko, obusiru. 23Amakhuwa mabi kano koosi karula mukari, ne niko akamaliyiangia omuundu.24 Yamala nasingira nabwao nachia echimbeka chia Tira nende Sidoni, niyengira munyuumba naradakha omuundu yeesi amanye owayali, ne siyanyala okhwekisa. 25Arali omukhasi owa mukhana waye mudiidi yalimo rokho mubi yabulira khulondana ninaye, yeecha nakwa mumakulu kaye. 26. Omukhasi oyo yali omuyunani, omuserofana mukhwibulwa; namusaba mbwe arusie esikhieno khurula mumukhana waye.27. Naye Yeso namubolera ari, "lekha abaana balisibwe mberi, khulwo khubeera khasi bikhoyere okhubukula omugaati kwa baana, mani osukunire echimbwa. 28Arali naye namukalusia namuboolera ari, eee, Omwami, kata chimbwa chiosi echili asi we yimesa, chilichaanga ebia baana balakasie.29. Naye namuboolera ari, khubeera akawakhalomaloma oli mulekhule okhubwao; esikhieno simalire khurula mumukhana wao. 30 Yamala nabwao nachia munyuumba mwaye, nanyoola omwana niyeyalisie khu sitaanda, ne esikhieno nisimuruliremo.31. Khandi yamala narula echimbeka chia Tira, nabirira akari wa Sidoni khunyaanja ya Galilaya, nanina echimbeka chia Dekapoli. 32. Nibamurerera omuundu wali mudiimbe, khandi yali nende esilimi mukhulomaloma khwaye, nibamusaba mbwe amurekho omukhono kwaye.33. Namala namurusia mumukaanda namura indulo, nara echinjala chiaye mumarwi Kaye, nafucha mare, nende khudiira khululimi lwaye. 34Namala nalingeera akulu mwikulu, nachunisibwa, namuboolera ari, "Efafatha," nibio khuboola mbwe; ikukha! 35 Ne mulwangu, amarwi kaye kekukha, ne obuboye bwo lulimi lwaye bwabololokha, nachaaka khulomaloma ebilayi.36. Yeso yabalagira mbwe baraboolera omuundu yeesi, arali ngolwa yameeda khubalagira, nilwo olwabmeeda khukalandasia. 37Baukisibwa khukhira esikero, nibaboola bari, "akholere ebiindu bioosi ebilayi; kata akhola abadiimbe okhubulira ne abaranyala khulomaloma, balomalome.
Chapter 8

1. Muchinyaanga echio, khandi omukaanda mukhoongo kwaliwo, na khasi bali nende esiindu siokhulia. Yeso yalaanga abeeka baye, nababoolera ari, 2 Mbonera sisa omukaanda, khulwo khubeera bachiririre okhuba alala ninange echinyaanga chidaru; ne babula esiindu esiabakhalia. 3. Ne nibaboolera mbwe babweo mumadaala kabwe nibaralirekho esiindu, banyala khubwerwa maani khungira: abaandi khunibo barulire ale. 4 Abeeka baye nibamukalusia bari, "khunyala khurusia ena emigaati kiyera khulisia abaandu bano boosi mulumira muno?"5. Naye nabareeba ari, "muli nende emigaati kinga?" Nabo bamukalusia bari saba." 6 Namala nalagira mukaanda khwikhala asi; naye nabukula emigaati saba kila, nakhuba orio, namala naberesia abeeka baye mbwe bakabire baandu, mani nibakabira omukaanda.7. Khandi bali nende ching'eni chindiidi, ne ngolwa yamala okhwebasia khulwe ching'eni echio, yalagira abeeka baye mbwe babakabire chiosi. 8 Abaandu balia nibekura, nibabusia ebiadong'a nibifunikhe, ebikono bikhoongo saba . 9. Abaandu balia bali ambi nende echilifu chine: olunyuma yabasebula mbwe babweo. 10. Naye yengira muliaro lwangu alala nende abeeka baye, nibachia olwande lwa Dalimanuta.11Abafarisaayo bamwichira nibachaaka okhuyingana ninaye, nibamureeba esilolero khurula mwikulu, khulwo khumuteema . 12. Nachunisibwa lukali mumwoyo kwaye, nababoolera ari, "khulwa sina olwibulo luno lukoonya esilolire? Nobwadieri esie baboolera mbwe, sibulao esilolero esio lwibulo luno luchia khuberesebwa." 13Olunyuma yabalekha, niyengira muliaro khandi, nabwao nachia olwande lundi.14Nabo abeeka baye bali nibebirire okhukiinga migaati, kata khasi balikho nende omugaati okhukhira mulala muliaro. 15. Nabalabira, naboola ari, "mwekenderesie mani mweliinde nende elimera lia Bafarisaayo nende elimera lia Herodi."16Abeeka bàli nibayingananga abene khu bene khulondana nende okhuraba nende emigaati. 17. Naye ngolwa Yeso yamanyirisia akene ako, yabareeba ari, "khulwa sina muli khuyingananga khulwo khuraba nendee migaati? Musiri simulola kose khumanyirisia? Muli nende emioyo miomu?18. Muli nende chimoni, ne khasi mulola? Muli nende marwi, arali simubulira khaba? Khandi khasi mwichulira khaba? 19. Ngolwa ndafunaka migaati kirano khubaandu chilifu chirano, mwabusia ebimwero biinga ebiichule ebie bidonye bie migaati?" nibamukalusia bari, "ekhumi nende bibiri."20 "Ne ngolwa ndafunaka emigaati saba khu baandu chilifu chine, mwabusia ebimwero bichule biinga ebie bidonye bie migaati? Nabo nibamukalusia bari, "saba." 21. Naye nababoolera ari, khasi musiiri khumanyirisia?22. Ngolwa boola betisaida, abaandu bamurerera omuundu mwoofu, nibamusaba mbwe amudirekho. 23. Namala nadiira omukhono kwomuundu mwoofu oyo, namurusia erwanyi wolukoongo. Ne niyamala okhufuucha mare muchimoni chiaye, nende khumurakho makhono, yamureeba ari, "Ololakho esiindu siosi siosi?"24Naye nalingeera akulu, naboola ari, "mbona abaandu kori emisaala kikeenda." 25Khandi yageenga amakhono kaye khuchimoni chiaye, ne echimoni chiomuundu oyo nichilimbula, nakalusirwa okhulola, mani nalola ebiindu bioosi mubwakhakhu. 26Yeso namala namusebula okhuchia owaye, naboola ari, "orachia mulukoongo khaba, kata orabolerakho omuundu yeesi mulidookho khaba,"27 Yeso yamala narulao nende abeeka baye nachia mumadookho ka Kaisaria Filipi; ne nibali khungira, yareeba abeeka baye ari, "Abaandu babolaanga mbwe esie ndiwina?" 28Nabo nibamukalusia nibaboola bari, Yokhana mubatisia; abaandi babolaanga mbwe Eliya, ne abaandi mbwe mulala khu banabii."29. Naye nabareeba ari, "eng'we nang'we muboola mbwe esie ndi wina?" Petero namukalusia namubolera ari, "ewe newe kirisito." 30. Yeso nabalagira nababoolera ari, barabolerakho omuundu yeesi khulondana ninaye.31Yachaaka khubekesia naboola ari, bili mbwe Omwana womuundu abirire mumanyakhano mangi, khandi anyoole khukhaywa nende abakofu, nende abakukhani, nende abaandiiki, mani yerwa, ne olunyuma lwechinyaanga chidaru alamukhe khandi. 32 Yalomaloma makhuwa ako abulafu. Naye Petero namubukula namuyira indulo nachaaka okhumwalabira.33Arali Yeso yakalukhana nalingeera abeeka baye, namala niyalabira Petero, namuboolera ari, "kalukha inyuma wange, Sietani! Khasi oli khuparaanga aka Nasaye khaba, arali aka baandu." 34. Namala nalaanga omukaanda nende abeeka baye alala, nababoolera ari,"yesi yeesi owenya okhunoonda, bili mbwe yekane omwene, abukule omusalaba kwaye, mani anoonde.35. Khulwo khubeera yeesi odakha okhuonia bulamu bwaye, achia khubukosia, naye yeesi okosia obulamu bwaye khulwesie nende khulweifanjili, anabuonia. 36. Nibukhala sina obwomuundu ananyoola, nibili ananyoola esialo siosi, naye akosie omwoyo kwaye?. 37. Nisina esio muundu yakhakulasania nende obulamu bwaye?38 Yesi yeesi onambonera chisoni alala nende amakhuwa kange mulwibulo luno olwobuyeyi, nende abakholi bechimbi, Omwana womuundu yeesi yakhamubonere chisoni, niyeecha muluyaali lwa Samwana nende abamalaika batakatifu.
Chapter 9

1. Namala nababoolera ari "muboolera obwadieri mbwe, baliwo abandi khu bala abemere ano, abarakhabone eliifwa, nibasiiri khubona obwami bwa Nasaye nibwichi nende amaani. 2. Ne olunyuma lwe chinyaanga chisasaba, Yeso yabukula Petero, nende Yakobo, nende Yokhana nanina nabo khulugulu, bong'ene, ne elikoondo liaye nilikalukhana imberi wabwe. 3. Echingubo chiaye chiaba chindafu lukali, niching'enang'ena khukhira kori ngolwomwoosi yesi yeesi khu sialo yakhachiosia.4 Olunyuma, Eliya nende Musa babalolekhera nibalomaloma nende Yeso.5Petero nakalusia naboolera Yeso ari, "Rabbi, ni bilayi efwe okhuba ano; lekha khumbakhe ebiyumba bidaru, ndala eyao, ndala eya Musa, nende eyindi eya Eliya." 6. (Khulwo khubeera khasi yali nende esiokhuboola, khubeera bali nende oburi bungi.)7 Elilesi liecha nilibafunikha, ne idoboosi niyirula mulilesi niiboola yiri, "Uno niye Omwana wange mukheerwa; mumubulirenge." 8Ne mulwangu nibalingeera echimbeka chioosi, nibarabonakho omuundu yesi yeesi nali ninabo, arali Yeso yeng'ene sa.9. Ne ngolwa bali nibeekha khurula khulugulu, yabalagira mbwe barabolera omuundu yesi yeesi ebiabali nibabwene khulugulu, okhuula ngolwo Mwana womuundu yakhabe nabukhire okhurula mubafu. 10Babiikha amakhuwa ako mubene, arali barebana abene khu bene bari "khubukha mubafu" biekesia sina.11Bamureeba bari, "khulwa sina abaandiiki babolaanga mbwe Eliya niye owakharangirire okhwicha?" 12. Naye yabakalusia nababolera ari, "Eliya arangirira khwicha khulwo khukalusia ebiindu bioosi. Bulano khulwa sina kaandiikwa mbwe Omwana womuundu okhuula abirire mumanyakhano mangi nende khulekeresibwa? 13Arali baboolera mbwe, Eliya yamala okhwicha, ne bamukholera ebia benya khumukholera ngolwakandiikibwa khulondana ninaye."14 Ne ngolwa beecha khu beeka baye , balola omukaanda mukhoongo nikubabodokhane, ne abaandiiki nibayingananga ninabo. 15. Ne ngolwa balola Yeso, omukaanda kwoosi kwaukisibwa lukali, nibamwirukhira nibamukhesia. 16Yamala nareeba abeeka baye ari, "muyinganiranga sina.17. Omuundu mulala mumukaanda yamukalusia naboola ari, "Omwekesia, khurerere omusiani wange, oli nende esikhieno esimukholanga akhirwe khulomaloma, 18 simwingirangamo nende khumukwisia asi, narusia lifiro mumunwa, nasia meno, nende okhumukhola ang'aye; sabire abeeka bao mbwe bamurusiemo, arali sibanyalire khaba. 19. Nabakalusia naboola ari, "olwibulo olurasuubira, njia khuba ninang'we okhuula lina? ndabanyakhanira okhuula lina? Mumunderere."20 Bamala nibamurerera omusiani oyo; ne ngolwesikhieno siamulola, siamukwisia asi, nakwa napapala narusia lifiro mumunwa. 21 Yeso yareeba samwana ari, yakhaba mumbeera yino khulwebikha biyera birie? Naye samwana namuboolera ari, "okhurula obudoro bwaye. 22. khandi mubikha bingi siakhamukwisianga mumuliro, nende kata mumaachi, nende khuteema khumusasia, nibili mbwe onyala rubonerekho sisa mani orukhoonye."23. Yeso namukalusia naboola ari, " nibili mbwe onyala? Ebiindu bioosi binyalikhana khu ula osuubirira. 24. Abwene ao samwana mwana oyo yalira naboola ari, "suubirire! khonye muburasuubira bwange!" 25. Ne ngolwa Yeso yalola omukaanda nikwicha chimbiro, yalabira esikhieno esio, naboola ari, "ewe sikhieno sidiimbe esiralomaloma, khulagira mbwe murulemo khandi oramukalukhamo khaba.26 Ne esikhieno sialira, nisimala nisimuramo indulume, ne olunyuma nisimurulamo; naye naba kori omuundu ofwire; abaandu bangi nibaboola ari, "afwire." 27. Arali Yeso yamubukula khumukhono, namukingula akulu, naye omusiani namala nasingira.28 Ne ngolwa Yeso yeecha munyuumba, abeeka baye bamureeba nali yeng'ene bari, "khulwa sina efwe khasi khunyalire okhumurusiamo?" 29. Naye nabakalusia naboola ari, "ebifwana biri khasi biakharusibwa arali khu masaayo nende khusiiba.30. Nibamala nibarula abuundu ao, nibabirira Galilaya; ne khasi yadakha omuundu yeesi amanye owabali, 31 khulwo khubeera yali niyekesianga abeeka baye, nababoolera ari, "Omwana womuundu achia khuberesebwa mumakhono kabaandu, nabo bachia okhumwira; ne nibamalire khumwira, khandi achia khulamukha inyaanga yokhudaru." 32. Arali nabo khasi bamanyirisia amakhuwa ako, ne nibaba nende oburi bwokhumureeba.33 Olunyuma beecha Kaperinaumu, ne ngolwayengira munyuumba yabareeba naboola ari, "nisina esia murebanenge khungira?" 34 Arali nabo babulera, khulwo khubeera barebananga abene khu bene khungira mbwe, ni wina owali mukhoongo akari wabwe. 35Namala niyekhala asi, nalanga abeeka baye ekhumi nababiri alala nababoolera ari, "omuundu yeesi owekoomba okhuba oweyimberi, okhuula abe owokhumalirikha khuboosi, khandi abe omukholi waboosi.36 Namala nabukula omwana mudiidi, namura akari wabwe; namumukiinga mumakhono kaye, nababoolera ari, 37 "omuundu yeesi owingisia omwana kori uno muliira liange, aba yengisia esie; naye yeesi onyingisia, khasi yengisianga esie, arali yengisianga ula owanduma."38Yokhana namukalusia naboola ari, "Omwekesia, khubwene omuuundu undi niyerusia ebikhieno muliira liao, arali efwe khumukanisie, khulwo khubeera khasi alondananga nafwe." 39 Arali Yeso naye yaboola ari, "muramukania khaba, khulwo khubeera abulao omuundu yeesi ochia khukhola amakhuwa makhongo muliira liange, onyala okhulomaloma amabi akulu wange.40Ula yeesi orali nobukabukhani ninafwe, omwene oyo ali alala nafwe. 41Ula yeesi okhuberesia esio khung'wa muliira liange, khulwo khubeera mbwe muli aba kiristo, baboolera obwadieri mbwe, khasi anakhaya khunyoola esianwa siaye42 Naye oyo yeesi okera mulala khu badiidi bano abasubira mwesie, yesirale, biakhabere bilayi niyakhaboyerwekho elikina likhoongo mukosi mwaye, mani asukunwe munyaanja. 43 Ne omukhono kwao nikukera wesirala, kukhengeyo, ne bilayi okhwingira mwikulu nende omukhono mulala, okhukhira okhuba nende makhono kabiri nochia magoombe, mumuliro kurasima. 44. Omulimo chinyeende echirafwa khandi omuliro okurasimisibwa.45. Ne okhukulu khwao nikhukera wesirala, khukhalakeyo; nibilayi okhwingira mubulamu noli omulema, okhukhira noli nende amakulu kabiri, nosukunwa magoombe, 46 ewechinyeende chirafwa, khandi omuliro sikusimisibwa.47. Ne imoni yao niyikera wesirala, yirusiemo; khulwo khubeera nibilayi okhwingira mubwami bwa Nasaye nende imoni ndala, khukhira khuba nende chimoni chibiri nosukunwa magoombe, 48. owe chinyeende chirafwa , nende omuliro kurasimisibwa.49 Khulwo khubeera buli mundu achiakhurebwamo ichumbe nende omuliro. 50Ichumbe neindayi; arali ichumbe nikosia esiuya siayo, wakhayikhola orie khuyaba ichumbe khandi? mube nende ichumbe mweng'we bene, ne mube nende omuleembe abene khubene.
Chapter 10

1Yeso yamala narula abuundu ao nachia chimbeka chie Ebuyudeya, ingerekha womwalo kwa Yorodani; ne khandi emikaanda kiamwichira, kori ngolwa yali nabakholerenge, nanyoola khubekesia. 2Abafarisaayo nibamala nibamwichira khumuteema, nibamureeba bari, "bikhoyera mumalako omusaacha khulekha mukhasi waye?" 3Naye nakalusia nababoolera ari, "Musa yabalagira arie?" 4Nabo nibaboola bari, "Musa yalagira omuundu khwandiika ibarwa yokhulekhana, namala amwirusia abweo".5"Biali birio khulwo khubeera obwomu bwemioyo kieng'we, nibio ebiakera yabandikira elilako lino." 6"Arali mukhuchaaka khwokhulongwa khwesialo, Nasaye yabakhola omusaacha nende mukhasi."7Khulwe sifune sino, omuundu achia khulekha samwana nende ng'inamwana, niyambanisibwa nende omukhasi waye, 8ne babiri abo banaba omubiri mulala; khulwako khasi bali babiri, arali mubiri mulala. 9Khulwako esia Nasaye yambania alala, omuundu yeesi arabakabukhania.10Ne ngolwa bali munyuumba, khandi abeeka baye bamureeba khu makhuwa kene ako. 11Naye nababoolera ari, "omuundu yeesi olekhana nende mukhasi waye, nadeekhia omukhasi uundi, aba amukholera obuyeyi k. 12Ne omukhasi yeesi olekhana nende omusaacha waye, nadeekhesibwa nende omusaacha uundi, aba akhola obuyeyi.13Bamala nibamurerera abaana babwe badiidi mbwe abadiirekho; arali abeeka baye babalabira. 14Arali Yeso ngolwa yamanyirisia, yasinyisibwa , ne nababoolera ari, mulekhe abaana badiidi beche khwesie, murabakaira khaba, khulwo khubeera obwami bwomwikulu bufwanana ninabo.15Baboolera obwadieri mbwe oyo, yeesi orafukirira obwami bwa Nasaye kori omwana mudiidi, khasi achia okhubwingiramo. 16Namala nabakinga mumakhono kaye, nabarakho makhono nende khubasabira chikhabi.17Ne ngolwa yachaaka olukeendo, omuundu uundi yiecha niyerukha, nasigama imberi waye namureeba ari, "omwekesia omulayi, esie khoyere khola sina khunyoole obulamu bwobumeri?" 18Naye Yeso namuboolera ari, khulwa sina nonaanga mbwe omulayi? Abulao oli mulayi arali mulala yeng'ene, nomwene oyo niye Nasaye. 19Ewe omanyire ebilagiro baboola mbwe, orayeya da, orera da, oreebanga da, orabachanga da, orarusia obuloli khukobubacha, oricheenge soo nende mao.20 Naye omuundu oyo yakalusia namuboolera ari, "omwekesia, ndadiira amakhuwa kano koosi okhurula nisiiri mwana. 21 Yeso yamulingera tiiri namukheera, namala namuboolera ari, "olemerwa esiindu silala, bwao ochie okusie emiandu ekioli nakio kioosi, mani oberesie abamanani, ne onaba nende imbikhiro mwikulu, mani wiiche unoonde." 22Arali naye yaberera khulwa makhuwa ako, namala nabwao nasinyikhe, khulwo khubeera yali nende emiandu mingi.23Yeso yalingeera chimbeka chioosi, namala naboolera abeeka baye ari, "biakhabe ebidinyu khubayiinda okhwingira mubwami bwa Nasaye." 24Abeeka baye nibaukisibwa khulwa makhuwa kaye. Arali Yeso naye yakalusia khandi nababoolera ari, "Abana, nebidinyu biaka birie khu bala abasuubira mubuyiinda okhwingira mubwami bwa Nasaye! 25 Nibiangu khuingamia okhubira mumulu kweisindani, khukhira omuyiinda khwingira mubulamu bwomwikulu.26 Baukisibwa okhukhira sikero, nibaboola abene khubene bari, " bulano niwina onyala yaonisibwa?" 27Naye Yeso yabalingeera nabakalusia naboola ari, "khubaandu khasi binyalikhana, arali khu Nasaye khasi bili birio khaba. Khulwo khubeera khu Nasaye ebindu biosi binyalikhana." 28Naye Petero nachaaka okhumuboolera ari, "Lingeera, efwe khwalekha bulisiindu mani nikhukhuloonda."29 Naye Yeso nakalusia naboola ari, baboolera obwadieri mbwe, abulao omuundu yeesi owalekha inyuumba yaye, kose abasiani babwe, kose abakhana babwe, kose simwana, kose ng'ina, kose omukhasi waye, kose abaana baye, kose omukuunda kwaye khulwa esie, nende khulwaifanjili. 30Orakhaberesebwe okhuula imia mubikha biabulano, echinyuumba, nende abasiani babwe, nende abakhana babwe, nende bang'ina, nende abana, nende emikuunda, nende mumanyakhano; nende musialo esichayo, obulamu oburalibwayo. 31Arali abangi abali imberi baliba inyuma, nabo abali inyuma baliba imberi.32 Bali khungira nibachia Yerusalemu, ne Yeso yali imberi wabwe nabemirire, abeeka baye nibaukisibwa muno; ne abali nibamulondanga bali noburi. Khandi Yeso yamala nababukula ekhumi nende babiri, nachaaka okhubabolera amakhuwa kali kachia okhumwekholekhakho. 33Nababoolera ari, "lingeera, khunina khuchia Yerusalemu, ne omwana womuundu achia khurewbwa imberi wabakukhani bakhongo, nende abaandiiki; ne bachia okhumukhalakira esiina esiokhufwa, ne bachia okhumwana khu banasialo. 34Bachia okhumuteema, nibamufuchakho mare, nende khumukhuba emisarita, nibamal bamwira; arali olunyuma lwe chinyaanga chidaru achia okhulamukha khandi."35 Yakobo nende Yokhana, abaana Ba zebedaayo, bamwichira nibaboola bari, "Omwekesia, khwenya orukholere siosi esie khukhusaba." 36Naye nabareeba ari, "nisina esiamudakha esie bakholere?" 37Nabo nibakalusia nibaboola bari, rufukirire khwikhale ninawe muluyaali lwao, mulala khu mukhono kwao musaacha ne oundi khu mukhono kwao mukhasi."38 Arali Yeso naye yabakalusia naboola ari, khasi mumanyire esia muli khusabaanga. Eng'we munyala mwang'wa musikoombe esia njia khung'wa; kose okhubatisibwa obubatisibwi obwanjia okhubatisibwa?" 39Nabo nibamukalusia bari, "khunyala," naye Yeso nababoolera ari, nobwadieri munang'wera musikoombe esianjia khung'weramo; khandi obubatisibwi bwambatisibwamo, eng'we mwesi muchia khubatisibwamo. 40Arali okhwikhala omukhono kwange musaacha kose mukhono kwange omukhasi, khasi nesie oberesia khaba; arali kanaberesibwa balia abakakhoyerwa.41Ne abeeka bandi ekhumi bala ngolwa babulira, bachaaka okhusinyisibwa khulondana nende Yakobo alala nende Yokhana. 42Naye Yeso nabalaanga nababoolera ari; "mumanyire mbwe bala ababalwanga okhuba baruki babanasialo, babarukaanga, khandi abamadaara ka akulu bekesianga bunyala akulu wabwe.43 Arali khasi bill birio khweng'we khaba, ne yeesi owenya okhuba omukhoongo akari weng'we, okhuula abe omukholi weng'we. 44Khandi yeesi owekoomba okhuba oweimberi akari wengwe, okhuula abe omukhalabani waboosi. 45Khulwo khubeera Omwana womuundu khasi yeecha khulwo khukholerwa khaba, arali yeecha okholera, nende okhurusia obulamu bwaye ngesianwa khulwa bangi.46Nibamala niboola Yeriko; ne ngolwa yali narula Yeriko alala nende abeeka baye, nende omukaanda mukhoongo okwa baandu, Batulumayo, omusiani wa Timayo, omuofu wokhusaba, yekhaala khu mwanda. 47Ne ngolwa yabulira mbwe yali Yeso wa Nasareti; yachaaka okhuba luyoka naboola ari, "Yeso, Omwana wa Daudi, mbonerekho esisa!" 48Ne abangi bamwalabira, nabamubolera mbwe abulere: arali naye yalira lukali naboola ari, "Omwana wa Daudi mbonerekho esisa!"49 Yeso yema nalagira mbwe bamulaange. Balaanga omuundu muoofu oyo, nibamuboolera bari, weberesie omwoyo! Singira weme! Ali okhulangaanga." 50Yasukuna echingubo chiaye, nasingira niyeema, namala niyeecha khu Yeso.51 Yeso namukalusia namuboolera ari, "wenya khukholere sina? Omundu muoofu oyo namuboolera ari, "Rabboni, ndokha nyoole okhulola." 52Yeso namala namubolera ari, "bwao, obusuubiri bwao bukhuonisie." Abwene na bwene yanyoola okhubona, namala namuloonda khu mwanda.
Chapter 11

1Ne ngolwa bola Yerusalemu, nibali ambi nende Betifage nende Betania, khulugulu lwa Miseyituni, Yeso yaruma abeeka baye babiri imberi, 2 nababoolera ari, "muchie mulukoongo oluli imberi weng'we; ne ngolwa munaba nimuliremo, munanyoola omwana weipunda niyiboyerwe, eyo muundu yeesi asiri okhwikhalakho, muyibolole mani muyinderere. 3Ne omuundu yeesi namureba mbwe khulwa sina muyibolola? mumubolere muri, "Omwani ayidakha ne anayikalusia ano."4 Bachia nibanyoola ipunda niyiboyerwe erwanyi khungira, nibamala nibayibolola. 5Ne abaandu bandi abali nibemere ambi ao babareeba bari, muli khukholanga sina, mubololaanga ipunda? 6Nabo bababoolera kori Yeso yali nababoolera: Ne abaandu abo nibabalekha nibabwao.7Barerera Yeso ipunda, nibayialakho echingubo chiabwe; naye namala niyekhala akulu wayo. 8Abaandu bangi baala echingubo chiabwe khungira, ne abandi nibarema amasaga kemisaala nibaala khungira. 9Bala abachia imberi waye nende abamulondakho, bayula nibaboola bari, "Hossana! Niweikhabi owiicha muliira lio Mwami. 10 Oburuki bwa sefwe Daudi buli nende chikhabi! obwicha mulira liaye omwami, Hossana akulu mwikulu."11 Yeso yamala niyengira Yerusalemu, nachia mukhekalu; nalingeera echimbeka chiosoi khu biindu bioosi, ne sialo ngolwa sierima, yarula nachia Bethania alala nende ekhumi na babiri. 12Ne inyaanga yalondakho, ngolwa bali nibabwao khurula Bethania, yabulira injala.13Nabona omusaala kwomukhuyu nali ale, okwali nende amasaafu, nachia okhulola niyakhanyolakho esiamo siosi siosi; ne ngolwa yola ambi nakwo, khasi yanyolakho esiindu siosi arali masaafu kongene; khulwo khubeera ebikha bie mikhuyu biali nibisiri. 14Yeso nakuboolera ari, "abulao omuundu yeesi ochia khuliakho ebiamo biao echinyaanga chioosi," ne abeeka baye babulira.15Bamala niboola Yerusalemu; naye Yeso niyengira mukhekalu nachaaka okhurusia erwanyi bala abali nibakusia nende okhukula muhekalu, nakalula echimeesa chiabakaluhasi bamapesa, nende ebisaala abiabala abakusianga amakaburuku. 16 Khasi yafukirira omuundu yeesi okhubira muhekalu nende esiindu siosi.17Yabekesia nababiolera ari, khasi kandikibwa mbwe, "inyuumba yange ichia khulangwa mbwe inyuumba ya masaayo khulwe bialo bioosi? Arali eng'we muyikholere okhuba elikhokho liabanyuuli. 18 Abakuhani bakhoongo alala nende abaandiiki babulira akayali naboolere, nibekhoba ngolwa bakhamusasia, khulwo khubeera bali bamuria, khubeera abaandu boosi baukisibwa nende amekesio kaye. 19Ne ngolwa ingolobe yola, barula mulidookho.20Ne ngolwa bali nibabira ichuli, balola omusaala kwomukhuyu nikumire akulu okhurula khumisii. 21Naye Petero niyechulisia namuboolera ari, "Rabbi, lingeera! Omusaala kwomukhuyu okwa wachubire kuumire."22Yeso naye yabakalusia nababoolera ari, "mube nende obusuubiri mu Nasaye. 23 Baboolera obwadieri mbwe, omuundu yesi yeesi naboolera olugulu luno mbwe, yiyikha oruleo, mani okwe munyaanja, ne khasi abakho nende obukanakani mumwoyo kwaye, arali asubire mbwe ebiindu ebio bioosi ebia abolere binekholekha; ebiene ebio nibo ebia Nasaye anakhola.24Khulwako baboolera mbwe, ebiindu bioosi ebiamureeba nende khusaaya mubusuubire, mbwe munyoolere, ne binaba ebieng'we. 25Ne nimwema okhulaamaa, bili mbwe okhuula mulekhere siosi siosi esiamuli nasio akulu womuundu yeesi, mbwe Seng'we oli mwikulu yeesi achia okhubalekhera amabi keng'we. 26Ne nimuralekhera, kata Seng'we oli mwikhulu yeesi khasi yakhabalekhera echimbi chieng'we khaba.27Khandi beecha Yerusalemu, ne ngolwa Yeso yali nakeendanga muhekalu, abakuhani bakhoongo, nende abaandiiki, nende abakhulundu bamwichira. 28Nibamuboolera bari, "okholaanga ebiindu bino khu bunyali sina, ne niwina owakhuberesia obunyala bwokhubikhola?"29Yeso nakalusia nababoolera ari, "esie siesi ndabareeba elireebo elala, mungalusie, nange siesi ndababoolera mbwe kholaanga ebiindu bino khubunyala bwawina. 30Obubatisibwi bwa Yokhana, bwarula mwikulu kose khubaandu? Mungalusie."31Balomaloma abene khu bene, nibayingana, nibaboola bari, nikhuboola mbwe, bwarula mwikulu, anaboola ari, khulwa sina simwamusubira? 32Ne nikhuboola mbwe, khurula khu baandu,.... baria abaandu; khulwo khubeera bafukirira mbwe Yokhana yali omunabii. 33Olunyuma bakalusia nibamuboolera Yeso bari, "efwe khasi khumanyire khaba." Naye Yeso nakalusia nababoolera ari, "esie siesi khasi ndababoolera khaba mbwe nikhubunyala sina obwakholaanga ebiindu bino.
Chapter 12

1Namala nachaaka okhubekesia muchingaado, naboola ari, omuundu mulala yaraaka indalo ye misabibu, mani nayisiririra olukaka, nayaba eliina elia ifini, niyombakha ingaasi indaambi, namala nayipangisia khubalimi, naye nasamula nachia esialo sie yale. 2Ne mulikesa yaruma omukholi waye khubalimi mbwe anyolekho ebiamo bio mumukuunda kwemisabibu. 3Arali bamudiira, nibamukhuya, nibamala nibamwirusia makhono makhaya.4Khandi yabarumira omukholi undi, naye nibamukhuya amakina nibamumisia omurwe, nibamwirusia muchisoni. 5Khandi naruma oundi, naye mwene uno nibamwira, nende abaandu bangi, nibabakhuya nibeera abandi.6Naye yali asiiri nende oundi mulala owokhuruma, omusiani mulala yeng'ene, owayakheera lukali. niye owayamalirikha okhubarumira, naboola ari, 'banaberesie oluyaali omwana wange.' 7 Arali abalimi abo baboola abene khu bene bari, 'uno niye owobulaame mwiiche, khumwire, ne obulaame bunaba obwefwe.8Nibamubukula, nibamwira, nende okhumusukuna erwanyi weindalo yemisabibu. 9 Khulwako, omwene indalo yemisabibu achia khukhola sina? Achia khwicha nasasia abalimi bemisabibu, naberesia abaandu bandi indalo yemisabibi.10 Khasi mwasomakho eliandiko lino; mbwe elikina eliabombakhi bakhaya bulano liakholwa okhuba elikina liomukoona? 11Lino liarula khu Mwami, ne ni liokhukisia muno muchimoni chiefwe. 12Olunyuma lwamakhuwa ako, Abayaudi bakoonya ingira yokhumudiira, khulwo khubeera bamanya mbwe alomaloma chingaado akulu wabwe; arali baria omukaanda, nibamulekha nabwao.13Nibamala nibamurumira balala khu Bafarisaayo nende Bakherodia, mbwe banyoole khumudira mumakhuwa kaye . 14Ne ngolwa beecha, bamubolera bari, "Omwekesia, khumanyire mbwe oli owobwadieri, khandi khasi odeebanga ebiobaandu bakhuparirisia, khandi khasi odeebanga obukhongo bwomuundu yeesi, arali wekesianga ingira ya Nasaye mubwadieri; Nelilako okhurusia omusolo khu Kaisari kose khaba? 15Khurusia kose khurarusia? Arali yamanyirisia obwekaadi bwabwe, nababoolera ari, "khulwa sina nimundeema? Mumberesie idinari, nyoole okhuyilingeera."16Bamala nibamurerera, naye nababoolera ari, "esifwanani sino nende obwandiike buno nibia wina?" Nabo nibamuboolera bari, "nibia Kaisari." 17Naye Yeso nababoolera ari, muberesie Kaisari ebia kaisari, ne ebia Nasaye muberesie Nasaye. Nabo nibaukisibwa ninaye.18Olunyuma, Abasadukaayo ababolaanga mbwe obulamukhi bubulao bamwichira, nibamureeba nibaboola bari, 19"Omwekesia, Musa yarwandikira ari, omusiani wabwe muundu nafwa nalekha omukhasi waye, naralekherekho omwana, omusiani wabwe abukule omukhasi waye, mani anyoole khwibulira omusiani wabwe abaana.20Bulano khwaliwo nende abasiani saba, owamberi yadeekhia omukhasi, ne yafwa narali nende abaana. 21Owakhabiri namubukula, ne yeesi nafwa naralekhakho omwana; nende owakhadaru yeesi ario. 22Boosi saba khasi balekhakho abaana, ne mukhumalirikha omukhasi yeesi yafwa. 23 Bulano, mukhulamusibwa, nibasingisibwa khandi, achia okhuba owawina? Khulwo khubeera abasiani saba boosi bali naye kori mukhasi"24Naye Yeso nakalusia nababolera ari, "sino sinisio esifune sikera nimukora? khulwo khubeera khasi mumanyire amandiko khaba, kose kata obunyala bwa Nasaye. 25Khulwo khubeera nibabukha okhurula mubafu, khasi badeekhia kose khudeekhisibwa, arali bali kori nga abamalayika abali mwikulu.26 Arali khulondana nende abafu abalamusibwa, khasi mwasoma musitabo sia Musa, khu makhuwa kesichakha, kori ngolwa Nasaye yalomaloma naye naboola ari, 'Esie Ndi Nasaye wa Aburahamu,nende Nasaye wa Isaaka, nende Nasaye wa Yakobo? 27 Khasi ni Nasaye wa abafwa khaba, arali ni Nasaye wa balamu; eng'we bulano mukora lukali.28Ne mulala khu baandiiki yeecha, mani nabulira akabali nibalomalomaanga, yalola mbwe Yeso yabakalusia ebilayi, namala namureeba ari, "nililako sina elikhoyera lukali mukoosi?" 29Yeso yamukalusia naboola ari," elikhoyera lukali liboola mbwe, 'bulira, ewe Isiraeli, Omwami Nasaye wefwe ni mulala. 30Bili mbwe Okheere Omwami Nasaye wao nende omwoyo kwao kwoosi, nende imbeera yao yoosi, nende amapaaro kao koosi, nende amaani kao koosi; elio nilio elilako elie imberi. 31Ni elio khubiri nilio lino: bili mbwe okheere omumenyeranwa wao kori ngolwa wekheera omwene. Libulao elilako elikhira kano khaba dawe.32Omwaandiiki yamala namuboolera ari, nibilayi, Omwekesia! Wakhaboola obwedieri mbwe Nasaye ni mulala, khandi abulao oundi arali niye. 33 Okhumukheera nende omwoyo kwoosi nende obumanyirisi bwoosi, nende amaani koosi, nende okhukheera owasio kori nga wekheera ewe mwene, bikhira ebianwa bio khusambwa nende ebimala misaango." 34Naye Yeso ngolwa yalola mbwe akalusie mubumanyirisi, yamuboolera ari, "khasi oli ale nende obwami bwa Nasaye." olunyuma lwaako, abulao omuundu yeesi owateema okhumureebakho elireebo khandi.35Ne ngolwa Yeso yali niyekesianga muhekalu, yaboola ari "Khulwasina abaandiki babolaanga mbwe Kirisito nomwana wa Daudi? 36Kulwo khubeera Daudi mwene yaboola okhubirira muroho mutakatifu ari, Omwami yaboleera Omwami wange ari, ikhala khu mukhono kwange musaacha, okhuulaa ngolwa njia okhura abasuku bao asi wamakulu kao. 37Daudi mwene amulaanga mabwe, Omwami, bulano khandi Kirisito yakhaba arie omwana we Daud. Omukaanda mukhoongo kwamurekeresia mubusangaafu38Naye nababoolera mumekesio kaye ari, "mwekenderesie khulondana nende abaandiki, abakheera okhukeenda mubiefwalo biraambi, nende khukhesibwa mubiiro, 39nende ebisaala bieimberi muchisinagoogi, nende abuundu woluyaali mumikholo. 40khandi bengiraanga muchiunyuumba chia bakhasi balekhwa, nende khulaama amalaamo maraambi mbwe abaandu babalole; abene abo bachia okhunyoola abukhalaki obukhoongo.41 Yeso yamala niyekhala abuundu welisaanduku liokhuramo ebianwa mukhekalu, nalingeere ngolwa baandu baramo amapesa; abaandu bayiinda bangi baramo esikero sikhoongo esia mapesa. 42Ne olunyuma, omukhasi mulekhwa omumanani, yeecha naraamo amatongolo kabiri esiako sio bunusu bwa mapesa..43Namala nalaanga abeka baye nababoolera ari, baboolera obwadieri mbwe, omukhasi mulekhwa omumanani uno, areremo chinyiingi okhukhira buli muundu orere mulisaanduuku liebianwa. 44Khulwo khubeera abaandiki abo boosi bareremo ebimeka ebiobuyiinda bwabwe, arali omukhasi mulekhwa uno, okhurula mubumanani bwaye, areremo amapesa koosi akakhoyere khumenyera.
Chapter 13

1Ne ngolwa Yeso yali narula mukhekalu, mulala khubeeka baye yamubolera ari, "Omwekesia, lingeerakho amakina kokhuukisia nende abiumbakhe ebili ebiukisia! 2Naye Yeso namukalusia namuboolera ari, olola ebiumbakhe bikhoongo bino? Libulao kata sa elikina elala elichia khulekhwa akulu welindi, elirakhakwisibwe asi.3Ne ngolwa yekhala khulugulu lwa Miseituni olurekekhane nende ikhekalu, Petero, nende Yakobo, nende Yokhana, nende Anderea nibamureeba mubwekisi bari, 4"Rubolere mbwe, ebiindu bino bichia okhwekhola lina? Ne nisina esichia okhuba esilolero esiekesia ebiindu bino bioosi nibili ambi okhwekhola?"5Yeso yachaaka okhubaboolera ari, "mwekenderesie mbwe omuundu yeesi arabarusia khungira; 6Khulwo khubeera abaandu bangi bachia okhwicha muliira liange, nibaboola bari, nesie Kirisito; ne bachia khurusia baandu bangi khungira.7Ne nimubulira okhubao khwa mayie nende akalomalomwa khu mayie, murabeyabeya khaba dawe: ebiindu bino bili mbwe okhuula biekholekhane; arali obumalirikhi busiri okhuula. 8Khulwo khubeera esialo sichia khukiingukha akulu wesialo sindi, khandi obwami akulu wobwami bundi, khandi khuchia khuba nende okhurengerekha khwesialo muchimbeka chinyingi, nende injala; Ne ebiene bino nikhuchaaka okhwokhulumwa khwokhwibula.9Mweliinde abene. Bachia okhubaiira mubiina, khandi muchia okhukhuywa muchisinagoogi. Muchia okhuyirwa imberi wabemirisi nende abaruki khulwo khubeera esie, khulwo buloli akulu wabwe. 10Arali bili mbwe okhuula ifanjili yiyaalwe mberi mubialo bioosi.11Nibamudiira nende khubayira imberi, muradeeba khulondana nende esiamukheyere khuboola, khulwo khubeera munaberesebwa asiemukhoyere okhuboola ebikha ebio; khasi neng'we muchia khuba nimulomaloma, arali ni Roho Mulafu. 12 Omuundu achia khurusia omusiani wabwe okhufwa, naye samwana achia khurusia omwana waye; ne abaana bachia khukingukha akulu wa bebusi babwe, nibakera beerwe. 13 Bulimuundu achia khubasiula khulwe liira liange, arali ula owakhesimirisie okhuula khumalirikha, omwene oyo achia okhuwonisibwa.14 "Arali nimuchia okhulola ebisinyisio ebiobusasikhi, ebialomalomwakho nende Danieli omunabii, nibiemere owa birakhoyere khwema," lekha osoma amanyirisie, lekha abali Yudea berukhire khuchingulu, 15 lekha oyo oli akulu weinyuumba areekha okhwingira munyuumba, kose okhubukula siosi esili munyuumba omwo, 16 Khandi oyo oli mundalo arakalukha inyuma okhubukula ingubo yaye.17Arali ni uuwi khu bala abali nende chiinda, nende bala abanunia muchinyaanga echio. 18 Mulaame mbwe kene ako karekholekha mubikha bieimboo. 19Khulwo khubeera echinyaanga echio chichia khuba echia bunyakhani bukhoongo, obusiri okhubakhoo okhurula okhuchaaka khwe sialo, esia Nasaye yaloonga okhuula bulano, khandi khasi khwakhabekhoo khaba. 20 Omwami narakhaduduye echinyaanga echio, abulao omuundu yeesi owakhaonisibwe; arali khulwa balobole, abayalobola, yaduduyia chinyaanga echio.21Ne omuundu yeesi nakhuboolera ari, 'Lingeera, Kirisito nguno! kose ari,' Lingeera, ngula Ali ela! oramusubira khaba. 22Khulwo khubeera Kirisito bobubacha nende abanabii bobubacha bachia okhwicha,ne bachia kwekesia ebilolero nende ebiamakana khulwokhubacha, kata nibinyalikhana, nende abalobole. 23 Mweliinde abene! baboolera ebiindu bioosi ebikha nibiri okhuula.24Arali oluynuma lwamanyakhano kechinyaanga echio, eliuba lichia okhwirima, khandi omwosi khasi kwakharusie obulafu bwakwo,25 eching'ining'ini chichia okhukwa khurula mumalesi, ne obunyala obuli mwikulu buchia khudengeisibwe. 26 Olunyuma bachia khulola Omwana womuundu niyekha mumaleesi nende obunyali bukhoongo nende oluyaali. 27Ne achia okhuruma abamalaika baye, namala abuusia alala abalobole baye okhurula muchimbeka chine echie sialo, okhuula khu bumalirikhi bwa maleesi28Mweeke lisomo khurula khu musaala kwomukhuyu; elisaga liakwo lidoro nilikhuula nilirusia amasaafu, nimumanya mbwe esiminyu siliambi. 29 Khukario, nimulola ebiindu bino nibiekholekha, mumanye mbwe ali ambi, ambi khusiriibwa.30 Baboolera obwadieri mbwe, olwibulo luno khasi lwakhabire khaba, okhuula ngolwe ebiindu bino biakheche. 31Elikulu nende esialo biakhabire, arali amakhuwa kange khasi kakhabire khaba. 32Arali khulondana nende inyaanga eyo kose ebikha ebio, abulao omundu omanyire khaba, kata abamalaika abali mwikulu, kata sa Omwana, arali Samwana.33 "Mweeme! Mube meeso, khulwo khubeera khasi mumanyire khaba mbwe nibikha sina. 34Bili sa kori omuundu ochia olukeendo, ne alekha inyuumba yaye, naberesia obunyala khubakholi baye, buli mulala nende omulimo kwaye, nalagira omuliindi okhulingeera.35 Khulwako mube meeso, khulwo khubeera khasi mumanyire ebikha ebiomwene inyuumba achia okhwicha muungo, inyala okhuba ingolobe, kose musiro akari, echingokho nichikholiokha, kose mumabwibwi. 36Niyeecha mukhwichukhira, arabanyoola nimukona echindoolo. 37 Ebia muboolera, mbaboolera buli mulala: mube meeso!"
Chapter 14

1 Bulano chiali chisiiri chinyaanga chibiri okhuula khu pasika, nende omukholo kwe migaati kibulamo elimera; abakhongo babakukhani nende abaandiiki bali bakonyaanga ingira yokhudiira Yeso mubukodio mani bamwire. 2Khulwo khubeera bali nibabolaanga mbwe, "biraba ebikha biomukholo, esioka sireecha siarulirao akari wabaandu."3Ne ngolwa bali Betania munyuumba ya Simoni omukere, niyekhale okhulia ebiakhulia, omukhasi owali nende ichupa eyamafura kesing'ari aka narido indafu, akobukusi bungi, yafungula ichupa, nachukha amafura khumurwe kwaye. 4Ne baliwo abaandu bandi abasinyisibwa mumioyo kiabwe, balomaloma abene khu bene nibaboola bari, "khulwa sina okhunyasia amafura kano? 5Amafura kano kakhakusibwe akulu wechidinari echimia chidaru, mani bakabire abamanani." nibamala nibamubululira .6Arali Yeso naye yakalusia naboola ari, mumulekhe; khulwa sina muli khumubeyiabeyia? Akholeere elikhuwa lilayi. 7Khulwo khubeera eng'we muli nende abamanani bulilwoosi, ne ebikha bioosi nimwenya munyala mwabakholera amalayi, arali khasi muchia okhuba ninange buli lwoosi. 8 Akholere abia anyala; arangrire khumbakha amafura khulwo busikhi bwange. 9 Muboolera obwadieri mbwe, abuundu wosi wosi oweifanjili yakhayalwe musialo siosi, amakhuwa komukhasi uno akholere kakhalomalomwekho, khulwesichulisio siaye.10 Olunyuma Yuda Isikarioti, mulala khwekhumi nende babiri, yachia khubakhongo babakukhani okhumukhoba khunibo. 11Ne ngolwa abakhoongo babakukhani babulira, basangaala lukali, nibalaka okhumuberesia amapesa. Yachaaka okhukoonya ingira yokhumukhoba mubikha ebikhoyera.12Ne inyaanga irangirira eyamigaati ekibulamo limera, nibamalire okhurusia esisakhiro sielikoondi liapasika, abeeka baye bamureeba bari, "weenya khuchie khukasie ena, onyoole khuliirayo ebiakhulia biapasika?" 13Namala naruma babiri khubeeka baye,nababoolera ari, "muchie mulidookho, ne munabukanana nende omusaacha nakingire isiongo yamaachi, mumuloondekho. 14Mumuloonde wosi wosi owachia okhwingira munyuumba, mani muboolere omwene inyuumba eyo muri, Omwekesia aboola ari, "inyuumba yabakeni iliena owanjia khulira pasika alala nende abeeka bange?"15Naye anabekesia inyuumba yakulu ikhoongo ireresebwe ebilayi, mukasie abwene ao khulwefwe. 16 Abeeka bàmala nibabwao, nibachia mulidookho, nibanyoola buli siindu kori ngolwa yali nababoolera; nibakasia abwene awo ebiakhulia biapasika.17Ne ngolwa ingolobe yoola, yeecha nende ekhumi nababiri. 18Ne ngolwa bali nibekhala nibalia, Yeso naboola ari, "baboolera obwadieri mbwe, mulala khweng'we olia alala ninange achia okhukhoba." 19Boosi baberera muno, nibamureeba, mulala khu mulala bari, ne esie? oundi khandi ari, "nesie?"20Naye yakalusia nababoolera ari, "ni mulala khwekhumi nababiri, ula oli khudoonga omugaati ninange musaani ndala. 21Omwana womuundu achia khubwao ngolwa kaandiikibwa khulondana ninaye; arali niuuwi khumuundu oyo okhoba Omwanna womuundu! Biakhabere ebilayi omuundu oyo narakhebulwe."22Ne ngolwa bali nibalia, Yeso yabukula omugaati, nakwanira chikhabi, nakumekula, nababeresia, naboola ari, "mubukule, mulie; kuno nikwo omubiri kwange." 23Khandi nabukula esikoombe, nakhuba orio, nababeresia; nibang'wa boosi. 24Nababoolera ari, "kano niko amabaanga kange akelilakano, amabaanga akedikha khulwabangi. 25 Baboolera obwadieri mbwe, khasi ndakhang'wekho khandi khubiamo bino ebiomusabibu, okhuula inyaanga yila eya ndakhang'we mubuyaakha mubwami bwa Nasaye.26Ne ngolwa bamala okhwemba olwimbo, barula nibachia khu lugulu lwamisaituni. 27Naye Yeso nababoolera ari, "eng'we mweesi muchia okhusinyisibwa khulwange esiro sino; khulwo khubeera kaandiikwa mbwe, njia khukhuya omwayi, ee amakoondi nako kachia okhusalaana.28Arali nimala okhulamukha, njia okhuchia imberi weng'we mu Galilaya." 29Naye petero namuboolera ari, "kata kario boosi nibanakhulekha, esie nasie khaba."30Yeso namuboolera ari, khuboolera obwadieri mbwe, inyaanga yino, musiro, idaywa niyisiri okhukholiokha onandekaana amakhabi kadaru." 31Arali Petero yalomaloma najingirisia naboola ari, nibili mbwe khoyere ofwa ninawe, khasi ndakhwekana khaba mungira yoosi, ne boosi nibaboola bario.32Bamala niboola abuundu alangwa mbwe Getesemani; Yeso nqmala naboolera abeeka baye ari, "mwikhale ano, esie ninaama." 33Namala nabukula Petero, nende Yakobo, nende Yokhana, nachaaka okhuberera nende okhunyakhana mukari mwaye. 34Nababoolera ari, "omwoyo kwange kuberere lukali, okhuula esikero esiokhufwa, mudoonge ano, mube meeso.35Nasidakha imberi budiidi, nakwa asi khuliloba, nasaba ari nibinyalikhana ebikha bimubirekho. 36Naboola ari, "Aba, Baba, ebiindu bioosi binyalikhana khwewe, ndusirieyo esikoombe sino ; arali biraba khulwo khwenya khwange, arali khulwo khwenya khwao.37Nakalukha , nanyoola nibakona echindoolo, naboolera Petero ari, "Simoni, okona? Khasi mwakhaberekho meeso kata isa ndala? 38Mube meso nimulaama mbwe, mureecha mwengira mumateemo. Nibwadieri mbwe omwoyo nomwerekekhe, arali omubiri nomudekhere." 39 Khandi yabwao, nalaama , nakalukhiramo amakhuwa kala kala.40 Ne ngolwa yakalukha , yanyoola khandi nibakoona, khulwo khuba echimoni chiabwe chialimo echindoolo, nibakhirwa esiokhumukalusia. 41Nakalukha elikhabi liakhadaru, nababoolera ari, musiri mweyalisie, nimubuluukha? Biyerere! Ebikha biulire, mulingeere! Omwana womuundu ali khukhobwa mumakhono kabakholi bechimbi. 42Mubukhe, khubweo, lingeera ula okhooba aliambi.43Ne ngolwa yali nasiri nalomalomaanga, Yuda, mulala khwe khumi nende babiri, yeecha, alala nende omukaanda mukhoongo nende chigaanga nende ebiraniro, okhurula khu bemirisi babakuhani, nende abaandiiki nende abakhulundu. 44Ne oyo owamukhoba yali nababere esilolero, naboola ari, "ula owandachunjuna, oyo niye, mumubukule, mubweo naye asi wobuliindi." 45 Ne ngolwa Yuda yola, yachuulula mulwangu khu Yeso, naboola ari, Rabbi," ne, namuchunjuna. 46 bamuyirakho amakhono, nibamala nibamudiira.47Ne mulala khunibo awali ambi naye yarusia olungaanga, narema omukholi womukuhani mukhoongo, namukhalaka okhurwi. 48Yeso nakalusia nababoolera ari, mwichire kori abechera omwifi; nende chigaanga nende ebikhokho okhundiira? 49Ndabeerenge buli nyaanga ninang'we mukhekalu, nimwekesia, khasi mwandiira; arali kano kekholekhane mbwe amaandiko kolerere. 50 Bala boosi abali alala nende Yeso bamulekha niberukha nibabwao.51Naye omusiani muraaga, owali niyeboyere ingubo yelibooya yali nalondaanga Yeso, ebikha biabaandu bamudiira, 52 yabalekhulira ingubo yelibooya, niyerukha nabarulamo esiekenye.53Nibamala nibayiraYeso khu mukukhani mukhoongo; ne abakukhani bakhoongo, nende abakhulundu, nende abaandiiki bali nibakhunganire alala ninaye. 54Naye Petero yamulondakho nali ale ninaye, okhuula mulubiriri lwomukukhani mukhoongo; niyekhala akari wabakholi, niyora omuliro55Ne abakukhani bakhoongo nende olukhikho lwoosi olwa Bayaudi bali bakonyaanga obuloli bubi khu Yeso mbwe banyoole okhumwira; arali khasi banyoola siosi. 56Khulwo khubeera abangi barera obuloli bwobubacha akulu waye,arali obuloli bwabwe khasi bwafukirisania khaba.57Ne abandi basingira nibarusia obuloli bwobubacha akulu waye,nibaboola bari, 58"Khwamubulira naboola ari, njia okhukoka ihekalu ino eyombakhwa nende amakhono, ne muchinyaanga chidaru, njia okhumbakha eyindi, eyirakholwa nende amakhono." 59Arali kata obuloli bwabwe khasi bwafukiririsinia khaba.60Omukukhani mukhoongo yasingira akari wabwe, nareeba Yeso ari, khasi oli nende elikalusio? Nibuloli sina buno obuli khurusibwa akulu wao? 61Arali ye yabulera, narakalusia esiindu siosi. Khandi omukukhani mukhoongo yamureeba naboola ari, "ewe niwe Kirisito, Omwana wa Ula Owanirwa echikhabi. 62Naye Yeso namukalusia naboola ari "Nesie; ne muchia okhubona Omwana womuundu niyekhale khumukhono musaacha kwobunyali, niyeekha nende amalesi komwikulu.63Omukukhani mukhoongo yarandula chingubo chiaye, naboola ari, khandi khusiri khwenya obuloli bundi? 64Mwakhabulira amanyeko, eng'we mukhalaka murie? Ne boosi nibamukhalakira kori okhoyera okhufwa. 65Abandi nibachaaka khumufuchakho amare, nibamufunikha obweni, nibamukhuya echingumi, nibamuboolera bari," rusia obunabii!" Abakholi bamubukula nibamukhuya.66Ne ngolwa Petero yali mulubiriri mukari, mulala khu abakhana, mukhosi womukukhani mukhoongo yeecha owa yali. 67Ne ngolwa yalola Petero niyoraanga omuliro, yasuda ambi namulingeera, naboola ari, "ewe wesi wali nende Yeso owa Nasareti." 68Arali naye yakana, naboola ari, "khasi mumanyire khaba, khandi khasi ndikho nobumanyirisi khu kala akoboolaanga." Namala narula nachia amuliangiro; ne idaywa nikholiokha .69 Naye omukhana omukhosi yamulola khandi nachaaka khuboolere abali nibemere abwene ao ari, uno yeesi ni mulala khunibo? 70Arali yakana, khandi. Ne olunyuma lwebikha bidiidi , kori ngolwa bala nibemere abwene ao bali nibalomalomaanga nende Petero nibaboola bari, "nibwadieri ewe oli mulala khunibo; Khulwo khubeera ewe wesi oli mu Galilaya, khandi inomanoma yao ifukirisania.71Arali yachaaka okhwechuba nende okhwekana, naboola ari, "esie ngorerwe omuundu uno owa mubolaanga." 72 Ne idaywa niyimala niyikholiokha likhabi liakhabiri, naye Petero niyechulira amakhuwa ka Yeso yamuboolera ari, "onandekaana amakhabi kadaru idaywa niyisiri okhukholiokha makhabi kabiri," namala nakwa asi nalira.
Chapter 15

1Ichuli mumabwibwi, abakukhani bakhoongo, alala nende abakhulundu, nende abaandiiki, nende Abayaudi abolubarasa, barebana alala. Nibamala nibamuboya Yeso, nibabwao naye khumuyira khu Pilato. 2Naye Pilato namureba ari, "ewe niwe omuruki wa Bayaudi?" Naye namukalusia naboola ari, "ewe oboola orio." 3Nabo abakukhani abakhoongo nibamurakho omusaango khulwebiindu bingi; arali naye siyakalusia esiindu siosi dawe.4 Khandi Pilato yamureeba naboola ari, "khasi okalusiakho esiindu siosi? Lingeera Bali okhusitaaka khu biindu bingi!" 5Arali Yeso naye khasi yakalusiakho esiindu khaba, naye Pilato naukisibwa lukali khulondana ninaye.6 Ne mubikha biomukholo ebio , buli lwoosi Pilato yabalekhuliraanga omuboye mulala, omuboye yesi yeesi owabeenya. 7Ne yaliwo omuundu mulala mumboyero owalangwa mbwe Baraba, owaboywa alala nende bala abakhola obobubacha nende abeera mubikha biobukhayi. 8Ne omukaanda mukhoongo kweechia khu Pilato nibamusaba mbwe abakholere kori ngolwa yali nabakholere muchinyaanga chiabira.9Arali Pilato yabakalusia naboola ari mwenya mbabololere omwami wa Bayaundi?. 10 Khulwo khubeera yali namanyire mbwe abakukhani bakhongo bali nibamurusisie khulwe ikhiindi. 11Arali abakukhani bakhoongo bachuubaa abaandu mbwe bayule nibaboola bari abalekhulire Baraba.12 Naye Pilato nakalusia nababoolera ari, "bulano khole endie Omuruki wa Bayaudi uno?" 13Nabo nibayula khandi nibaboola bari, "mubambe!"14Pilato nabareeba ari, "ni mabi sina akakholere?" Arali bameeda okhwaayula lukali bari, "mubambe." 15Ne khulwo khubeera Pilato yenya okheresia omukaanda, yabalekhulira Baraba, ne nababeresia Yeso mbwe abambwe namalire okhumukhuya.16Abasikari bamuyira mukari owabakholeraanga lubarasa, munyuumba ikhongo eyoburuki, ilangwa mbwe Purakatoriamu, nibamala nibalaanga abasikari boosi alala. 17Nibamala nibafwala Yeso echingubo echio musambarau, nibamurakho khumurwe ingara yamabwa. 18Nibachaaka okhumukhesia nibaboola bari, "oboola orie, omuruki wa Abayaudi."19Nibamukhuya khumurwe nende elikada, nibamufuchakho amare, nibasigama asi nibamwinamira. 20Ne ngolwa bamala okhumubayirakho, bamufualula echingubo chiomusambarau nibamufuala echingubo chiaye, nibamurusia okhuchia khumubamba. 21 Ne omuundu uundi olangwa mbwe Simoni omuserano samwana Alekisanda nende Rufusi, owali narula erwanyi wesialo, bamuyiika okhukiinga omusalaba kwaye.22 Abasikari bamala nibamurera abuundi alang'wa mbwe Gologota, ilikalulwa mbwe, abuundu wesianga. 23Nibamuberesia ifini eyabasasisie nende imanemane mbwe ang'we, arali naye khasi yang'wa khaba . 24Bamala nibamubamba, ne nibakabana echingubo chiaye, nibakhuba ikura, khumanya mbwe buli musikari anabukula bulekaa sina.25Chiali echisa chidaru nibamubamba. 26Ne obwandike bwobusitaki bwaye nibwandikwa akulu mbwe, "Omuruki wa Bayaudi." 27Ne alala ninaye babamba abefi babiri, mulala khu mukhono kwaye musaacha ne oundi omukhono kwaye mukhasi. 28Amaandiko nikolerera, akaboola mbwe, yabalwa alala nende abakholi bechimbi.29Ne ababira khungira nibamunyeka nibayuya emirwe kiabwe, nibaboola bari, "Haaha! ewe owakhanyasisie ikhekalu, nende okhuyumbakha khulwe chinyaanga chidaru, 30 bulano weonie omwene, mani orule khu musalaba!''31Khandi abakuhani bakhoongo bosi bamuchekha abene khu bene alala nende abaandiiki nibaboola bari, yaonia abaandu bandi, naye khasi anyala okhweonia omwene. 32Lekha Kirisito Omuruki wa Israili yekhe bulano okhurula khu musalaba mani khubone nende okhusuubira. Ne kata abo ababambwa ninaye bosi nibamunyeka.33Ne nicholia esaa chisasaba, esirima siafunikha esialo siosi okhuula echisa tisa. 34Ne nichiola echisa tisa, Yeso yalira nende omwoyo omukhoongo naboola ari, "Eloi Eloi, lama sabakitani?" Ebikalukhanisibwa mbwe, "Nasaye wange, Nasaye wange khulwa sina niundekha?" 35Ne balala khu baandu abali nibemere ambi ao babulira amakhuwa kaye, ne nibaboola bari, "lingeera, alikhulangaanga Eliya."36Ne omuundu mulala yerukha niyechusia ifini indulu musiangu naboya khulikada, namuberesia mbwe ang'we. Ne omuundu yaboola ari, lekhe khuboni nibili mbwe Eliya aneecha okhumwikhia asi. 37Naye Yeso nalira mudoboosi ikhoongo, namala nafwa. 38Ne ipasiaa yomuhekalu yamala niyirandukha ebitundu bibiri okhururila akulu okhuula asi.39Ne omulinde owali niyemere ambi nalingalireYeso ngolwa yamubona mmbwe afwire mungeri yino, yaboola ari, "nobwadieri omuundu uno yali Omwana wa Nasaye." 40 Khandi baliwo abakhasi abalingereraanga okhurulira ale, alala ninabo yali Maria Magadelena, nende Maria ngina Yakobo mudiidi, nende Yosesi, nende Salome.41Kori ngolwa yali Galilaya, bamuloondakho, nibamukhalabanira, nende abakhasi bandi abangi beecha naye Yerusalemu.42Ne ngolwaa biola mungolobe, khulwo khubeera yali inyaanga yokhwerekekhera, inyaanga eyalondakho, eye isabato, 43Yosefu owa Arimateya, omuundu owesiriibwa, owo mukaanda kwolukhikho, owalindiriraanga oburuki bwa Nasaye, yeecha nachia khu Pilato nende ichuoni nasaba omubiri kwa Yeso. 44Naye Pilato naukisibwa mbwe Yeso amalire okhufwa; namala nalaanga omuliindi namureeba nikaba mbwe Yeso afwire.45Ne ngolwa Pilato yanyoola khumanya mbwe Yeso afwire okhurula khumuliindi, yaberesia Yosefu omubiri. 46Naye Yosefu yali nakulire ingubo yeisanda, namala namwikhia okhurula khu musalaba, namuboya munguba yeisanda, namwalisia musirindwa esiabachwa mulwanda, nasiringisia elikina niyekala omuliango kwesirindwa. 47Naye Maria Magadalene nende Maria ngina Yeso nibabona owabamusikha.
Chapter 16

1Ne ngolwa inyaanga yeisabato yabira, maria Magadalena, nende Maria ngina Yakobo, nende salome, bakula amafura kesing'aari mbwe bachie babakhe omubiri kwa Yeso. 2Ne ichuli mumabwibwi inyaanga yamberi eya ijuma, bachia khusirindwa eliuba niliakharula.3Nibeereba abene khu bene bari, "niwina onarurusiriayo elikina khumuliango kwesirindwa?" 4Ne ngolwa balingeera akulu, balola mbwe elikina lirusibweyo, khulwo khubeera liali elikhoongo lukali.5Ne bengira musiriindwa, nibalola omusiani muraaga niyekhale omukhono musaacha , niyefwalire ingubo indaambi indafu, nibadiirwa nende oburi. 6Naye nababolera ari, "muraria khaba, mukonyaanga Yeso owa Nazareti, owa babambire; abukhire! khasi ali ano khaba; mulingere kata owabamwalisia. 7Arali mubweo, muboolere abeeka baye nende Petero mbwe, achia Galilaya okhubarangirira; ne muchia okhumubona ebwene eyo ngolwa yamuboolera."8Nibarula lwangu nibeerukha okhurula musiriindwa, nibarengerekha nende okhukisibwa, khandi khasi balomalomakho esiindu siosi nende omuundu yeesi khaba khulwo khubeera bali nende oburi.9 Ne ichuli mumabwibwi inyaanga yirangirira khuijuma, Yeso namalire okhubuukha, yabonekhera Maria Magadalena, owayarusiamo ebikhieno saba. 10Naye nachia nababoolera abo abali ninaye, ngolwa baliraanga nende okhuberera. 11 Babulira mbwe yali omulamu, ne khandi amubonekhere, arali khasi basuubira khaba.12Olunyuma lwamakhuwa ako, yabonekhera babiri khunibo mumbeera yindi, ngolwa bali nibakendaanga nibachia musialo. 13Bamala nibakalukhayo nibaboolera abali nibadong'ere; arali nabo khasi basuubira khaba.14Olunyuma Yeso yabonekhera ekhumi nende mulala ngolwa bali nibalia ebiakhulia, nabalaabira khulwo khurasubira nende obwomu bwemioyo kiabwe, khulwo khubeera khasi basubira bala abamulola nglowa yali nabukhire okhurula mubafu. 15 Namala nababoolera ari, muchie musialo siosi, muyaale ifanjili khubuli esilonge. 16Yeesi onasuubira nende khubatisibwa, achia khuonisibwa, naye yeesi orasuubira, achia khukhalakirwa17Ne ebilorero bino bichia khuloonda bala abasuubira, bachia khurusia ebikhieno muliira liange, khandi bachia khulomaloma muchinimi chinjiaakha. 18Bachia khudiira chinjukha nende amakhono kabwe, ne kata nibang'wa esiindu siosi esiobufwisi, khasi sichia okhubanyaala khaba. Bachia okhura amakhono khubalwaye, ne bachia okhuba bilayi.19Ne ngolwa Omwani Yeso yamala okhubalomalomera, yabukulwa okhuchia akulu mwikulu, niyekhala khumukhono musaacha kwa Nasaye. 20 Abeeka bamala nibabwao nibachia khuyaala buliabuundu, naye Omwami nakhola emirimo ninabo, niyoseresia elikhuwa mubilolero ebiabalonda. Amina.

Luke

Chapter 1

1 Khulwo khubeera abaandu bangi baandiikire mubukolofu amakhuwa kala akolerera akari wefwe, 2kori ngolwa barumikhi be likhuwa lio khuchaaka, abali baloli barukanira akabalola, 3esie siesi mbwene mbwe nibilayi okhwandiikira ewe omukhuluundu Teofilo obwichufu obwa makhuwa ako, khulwo khuba esie mwene ndakonyere obwadieri obwa makhuwa ako okhurula mukhuchaaka khwako, 4mbwe onyoole okhumanya obwadieri obwa makhuwa akawekesibwa.5Muchinyaanga chia Herode, omuruki wa Ebuyaudi, yaliwo omukukhani mulala owalawangwa mbwe Sakaria, owa Abiya,naye omukhasi waye yali mulala owo lwibulo lwa Haruni owalangwa mbwe Lusabeti. 6 Boosi babiri bali balungifu imberi wa Nasaye, nibachiririra mumalako komwami koosi nende amekesio kaye mubwichufu. 7Ne khasi bali nende omwana khaba, khulwo khuba Lusabeti yali omukuumba ,ne boosi bali abakofu muno.8 Ne ngolwa yali nakholaanga emirimo kiobukukhani imberi wa Nasaye mubikha biaye, 9ngolwa biakhoyera ikhola yobukukhani, ikuura yo khwingira munyuumba mwa Nasaye okhusaamba obubani yamukwira. 10Ne mubikha bia khusaamba obubani, omukaanda kwa baandu boosi kwali erwanyi nibalaama,11Malayika wo Mwami yamubonekhera niyemere mukhono mulungi okwo bwali bwa khusambirakho obubani. 12Ne ngolwa Sakaria yamubona, yali nende obukanakani ne nadiirwa nende oburi.13Naye malayika nabolera Sakaria ari oraria khaba, khulwo khuba amalaamo kao kabulirwe, naye omukhasi wao Lusabeti achia okhwibulira omwana musiani, ne eliira liaye ochia khumulaanga mbwe Yokhana.14Nawe ochia okhuba nende obusangaafu nende ifuma, ne abaandu bangi bachia osangaalira okhwibulwa khwaye. 15Khulwo khubeera achia okhuba omukhoongo imberi womwami, khasi achia khung'wa ifini kose ebiindu bio khumesia, ne achia khwichusibwamo Roho mulafu khurula munda mwa ngina.16 Ne achia khukalusia Baisiraili bangi khu Mwami Nasaye wabwe. 17 Khandi achia kurangirira imberi waye mumwoyo kwa Eliya, nende amaani kaye khulwo Khukalukhania emioyo kia basamwana khukalukhira abaana nende okhufunula amakesi kobalungifu, nende khurekekhera Omwami abaandu.18Sakaria naye nabolera malayika ari, njia khumanya endie likhuwa lino? Khulwo khuba esie ndi mukofu, naye mukhasi wange ni mukhuluundu owa chinyaanga chinyiing, 19Malayika namukalusia naboola ari, esie nesie Gaburieli, owemaanga imberi wa Nasaye, ne ndumirwe mbwe njiche nomanome ninawe, khwekesie amakhuwa malayi kano. 20Ne lingeera, ochia okhuba omudiimbe, oranyala okhulomaloma, okhuula inyaanga ya makhuwa ako kachia khulirira, khulwo khuba khasi osuubire amakhuwa kange khaba, ne kachia okhulirira mubikha biako.21 Ne abaandu bali nibalindire Sakaria, nibaukisibwanga khulwo khukhiinda khwaye mukhekalu. 22 Ne ngolwa yarula naranyala okhulomaloma ninabo, bamanyirisia mbwe abwene amalolo mukari mwe ikhekalu, ne yachiririra khwekesia bilolero naranyalirwa okhulomaloma. 23 Ne chinyaanga chiaye echio khukhola emirimo kori ngolwa chiolerera, yachia munyuumba mwaye.24Olunyumma lwe chinyaanga echio, omukhasi waye Lusabeti yayera inda niyekisa miosi kirano naboola ari, 25 Kano niko ako Mwami yakholere muchinyaanga chia yabwene okhumalakho echisoni imberi wa baandu.26 Khu mwosi kwo khusasaba, Nasaye yaruma malayika Gaburieli okhuchia mulidokho lia Galilaya elilangwa mbwe Nasareti, khumukhana musisira owali afukirisanie khudekhisania27 nende omusaacha owalangwa mbwe Yosefu, owo lwibulo lwa Daudi, ne eliira lio mukhana oyo liali Maria. 28Yengira munyuumba mwaye naboola ari, muleembe ,ewe owaberesebwa obukoosia , Omwami ali ninawe. 29Naye yaba nende obukanakani muno khulwa makhuwa kaye, niyereeba mumwoyo kwaye ari, amakhuwa kano kafwana karie.30 Malayika namubolera ari, Maria oraria khaba, khulwo khuba ewe onyolere bukoosia khu Nasaye. 31 Ne lola ochia khuyera inda nende okhwibula omwana musiani, ne liira liaye ochia khumulanga mbwe Yeso. 32 Ne omwene oyo achia okhuba omukhoongo, khandi achia khulangwa omwana wa ula oli akulu,ne Omwami Nasaye achia khumuberesia esisaala sioluyaali esia Daudi samwana. 33 Achia khuruka inyuumba ya Yakobo chinyaanga chioosi, ne obwami bwaye khasi bwakhakame khaba.34Maria naye nareeba malayika ari likhuwa lino liakhekholekhane lirie? khulwo khuba esie siri khubakho nende omusaacha. 35Naye malayika nakalusia namubolera ari ,Roho mulafu achia khwicha akulu wao, nende amaani ka ula oli akulu kachia okhufunikha kori esinikha, ne khulwa kene ako sila esichia khwibulwa sichia khulangwa esitakatifu, Omwana wa Nasaye.36 Khandi lola,omwikho wao Lusabeti yeesi ali nende inda yo omwana musiani mubukofu bwaye, ne kuno ni mwosi kwo khusasaba khu ula owabalangaanga mbwe omukuumba, 37khulwo khuba libulao likhuwa eliranyalikhana khu Nasaye. 38 Maria naboola ari, lola esie ndi omukholi wo Mwami, kabe khwesie kori ngolwa obolere, naye malayika narulao nabwao.39 Maria namala narulao lwangu muchinyaanga echio, nachia musialo sie chinguulu mulidokho lala elia Yuda, 40niyengira munyuumba mwa Sakaria nakhesia Lusabeti. 41Naye Lusabeti ngolwa yabulira amakhesio ka Maria, akhana khadoro khaduma duma munda mwaye, ne Lusabeti niyechusibwamo Roho mulafu,42nalomaloma mudoboosi ikhoongo naboola ari, wanirwe chikhabi akari wa bakhasi, omwibulwa wa inda yao yeesi yanirwe chikhabi. 43Elikhuwa lino liekholekhane lirie, okhuula ngina Omwami wange yanjichira? 44Khulwo khuba kori idoboosi ya makhesio kao yingire mumariwi kange, akhana khadoro khadumire muunda mwange mubusangaafu. 45Ni weyikhabi ula osuubire , khulwo khubeera ako Mwami yamubolera kachia khusirisibwa.46Maria naboola ari, omwoyo kwange kukinguula Omwami, 47khandi omwoyo kwange kusangaalira Nasaye omuonia wange48Khulwo khuba abwene obudekhere bwo mukholi waye , ne khuchaaka bulano, echinjibulo chioosi chichia khunaanga mbwe owanirwa chikhabi, 49khulwo khuba ula owa maani akholere amakhongo, ne eliira liaye nililafu.50Esisa siaye sili nende abo abamwechomia khu chinjibulo chioosi. 51Yekesie amaani khu mukhono kwaye, akabukhanie amapaaro ke mioyo kia bala abali nende isuunga mumioyo kiabwe.52Akokere abamaani khurula khu bisaala biabwe , ne akingulire abadekheere. 53Yekusie abali nende injala khu malayi,ne bala abali nende emiandu abarusisieyo mikhono mikhaya.54 Akhonyere Isiraili omukholi waye, mbwe anyoole khuwichulisia esisa siaye, 55kori ngolwa yabolera basefwe, Ibraimu nende olwibulo lwaye chinyaanga chioosi.56 Naye Maria yekhala ninaye khulwe miosi kidaru, olunyuma namala nakalukha munyuumba mwaye. 57Indukho ya Lusabeti eyo khwibula ngolwa yola, yebula omwana musiani. 58Abamenya ambi ninaye alala nende abekho baye, babulira mbwe Omwami amuberesie esisa siaye, basangaala alala ninaye.59 Inyaanga ya munane ngolwa yola, beecha khukheba omwana, ne badakha okhumukulikha mbwe Sakaria eliira lia samwana. 60Arali ngina naye yabakania ari khaba, khasi bili birio, arali analangwa mbwe Yokhana. 61Nibamubolera bari abulao omuundu yeesi mubekho bao oli nende eliira elio.62Bareeba samwana khubilolero ngolwa yakhadakha omwana waye alangwe. 63Naye nasaba akhabao niyandikakho ari,eliira liaye ni Yokhana. Abaandu boosi nibaukisibwa.64Ne okhuchakira ebikha ebio omunwa kwaye nende lulimi kwekulwa, nachaaka okhulomaloma nafumia Nasaye. 65Abaandu boosi abali nibamenya ambi ninabo, badiirwa nende oburi, ne amakhuwa ako nikasalasibwa musialo siechingulu esia Buyudea. 66 Boosi ababulira , bakageenga mumioyo kiabwe, nibereeba bari omwana uno achia khuba ofwana arie? Khulwo khuba omukhono kwo Mwami kubeere ninaye.67 Ne Sakaria oli samwana yechusibwamo Roho mulafu, ne yarusia obunabii naboola ari, 68Omwami Nasaye owa Baisiraili afumisibwe, khulwo khuba yechere okhununula abaandu baye.69 Arukinguliire olwika lwo buonia munyuumbà ya Daudi omukholi waye. 70Kori ngolwa yaboola khurula mukhuchaaka khubirira khu banabii baye batakatifu, 71mbwe khunyoole okhuonisibwa khurula mumikhono kia basuku befwe nende bala boosi abarukhaya.72Khulwo khukholera abasefwe esisa, nende okhwichulisia lilakaano liaye litakatifu, 73esilaamo esia yalaamira sefwe Ibraimu, 74mbwe achia okhurwichira , khunyoole khuonisibwa khurula mumakhono ka basuku befwe, mani khumwinamire nikhubula oburi, 75 muluyaali nende mubwadieri imberi waye chinyaanga chiefwe chioosi.76Nawe ewe omwana ochia khulangwa omunabii wa ula oli akulu , khulwo khuba ochia khurangirira imberi wo bweni bwo Mwami khumurereseria chingira chiaye, 77wekesie abaandu baye obuonia mukhulekherwa chimbi chiabwe.78Okhubirira khu sisa sia Nasaye wefwe, esiobulafu burula akulu bwarulirakho, 79khulwo khukhoseria bala abali musirima nende esinikha sie liifwa, nende okhwimirira amakulu kefwe mungira yo muleembe.80Omwana ula naye yakhula ne omwoyo kwaye nikubamo amaani, namenya mulumira okhuula inyaanga ya yabonekhera Abaisiraili.
Chapter 2

1Muchinyaanga echio, elilako liarusibwa khurula khu Kayisari Agusito mbwe abaandu boosi abomusialo banyoole khweyandikisia ameera kabwe. 2Ne okhweyandikisia khuno nikhwo okhwali okhwamberi khurula Kirenio naba omuruki wa Shamu.3Buli muundu yachia okhweyandikisia mulidokho liaye.4Yosefu yeesi yarula Galilaya mudokho lia Nasareti , nachia mudokho lia Daudi elilangwa mbwe Betelehemu, khulwo khuba yali owo lwibulo lwa Daudi,5mbwe anyoole okhweyandikisia alala nende Maria omukhasi waye, owa yali nafukirisanie ninaye okhumudekhia, naye yali nende inda.6 Ne ngolwa yali nasiriyo, echinyaanga chiaye echio khwibula chiolerera, 7 namala niyebula omwana , owamberi waye, namufunikha echingubo chia baana, namwalisia abuunbdu we chingoombe chiliraanga, khulwo khubeera khasi banyoola obweyaango munyuumba ya bakeni.8 Ne musialo siene esio, baliwo abaayi abali mulwayiro, nibalindire ebiayo musiro. 9Ne malayika wa Nasaye yabalolekhera, ne oluyaali lwo Mwami nilubakhosia echimbeka chioosi, nibadiirwa nende oburi lukali.10 Malayika nababolera ari, muraria khaba, khulwo khuba esie bagaamire amakhuwa malayi akobusangaafu bukhoongo, obuchia khuba khu baandu boosi, 11khulwo khubeera inyaanga yino omuonia wa Kirisito Omwami yebulwe mulidokho lia Daudi khulweng'we. 12 Ne sino sinaba esilolero khweng'we, munayoola omwana naboyerwe muchingubo chio mwana mudoro, niyalisibwe abuundu wechingoombe chiliraanga.13Ne mukhwichukhira, abeliyie bo mwikulu nende malayika oyo bali alala nibafumia Nasaye, nibaboola bari, 14"Nasaye afumisibwe mwikulu, ne omuleembe kube nende abaandu musialo."15Ne ngolwa malayika abo bali nibabwao mwikulu, abaayi bala baboola bari khuchie Betelehemu , khubone eliekholekhane, elio Mwami arwekesie. 16Nibachia mulwangu nibanyoola Maria nende Yosefu alala nende omwana mudoro ula nakonere abuundu we chingoombe chiliraanga.17 Ne ngolwa bamubona, balola amakhuwa ka bababolera khuloondana nende omwana oyo. 18Ne boosi ababulira amakhuwa ka baayi abo bababolera, baukisibwa lukali. 19Arali Maria naye yakageenga mumwoyo kwaye nachiririra khukapaaramo. 20Abaayi abo nibamala nibabwao nibafumia nende khulaya Nasaye khulwa makhuwa koosi akababulira nende khubona, ngolwa bali nibabolerwe.21Chinyaanga chiaye munane echio khukhebwa ngolwa chiola, yamukulikha mbwe YESO kori ngolwa malayika yamulaanga nasiri okhwibulwa.22Ne ngolwa echinyaanga chiaye chio khulabisibwa chiola khuloondana nende amalako ka Musa, bamuyira Yerusalemu okhumura imberi wo Mwami, 23(kori ngolwa kaandikwa mumalako ko Mwami, mbwe buli mwana musiani owamberi khu ngina achia khurusibwa okhuba mutakatifu khu Mwami;) 24nende okhurusia esianwa, kori ngolwa malako ko Mwami kaboola, amausi kabiri kose ebimwinyi bia makaburuku bibiri.25 Ne yaliwo omuundu owali Yerusalemu owalangwa mbwe Simioni, owali mulungifu , owenamiranga Nasaye nalindaanga esisa siaye khu Baisiraili, ne Roho mulafu yali akulu waye. 26Roho mulafu yali niyamubolera ari khasi achia khubona eliifwa nasiri khubona Kirisito wo Mwami.27Ne yamala niyeecha mukhekalu niyemirirwa nende Roho mulafu, ne ngolwa bebusi bareera omwana Yeso mukari, okhumukholera ebienyekhana khuloondana nende emilukha kia malako, 28yamubukula namukiinga mumakhono kaye, niyebasia Nasaye naboola ari, 29bulano Mwami lekhula omukholi wao mumuleembe , kori ngolwa waboola.30Khulwo khuba echimoni chiange chibwene obuonia bwao, 31obwa warekekha mumoni chia baandu boosi, 32obulafu bwo khukhosia mubialo nende okhuba oluyaali lwa baandu bao Abaisiraili.33 Ne samwana nende ngina baukisibwa nende kala akaboolwa khuniye . 34Simioni yabalaamira chikhabi, naboleera Maria oli ngina mwana ari,lingeera uno ageengerewo khulwo khukwa nende okhubuukha khwa bangi Muyisiraili okhuba esilolero esichia khulomalomwakho, 35olugaanga luchia khwingira mumwoyo kwao khulwo khufunula amapaaro ke mioyo mingi.36 Ne yaliwo omunabii mukhasi owalangwa mbwe Ana, omukhana wa Fanweli, owo lwibulo lwa Sheri, yali nende emiaka mingi, ne yali amenyere emiaka saba alala nende omusaacha waye khurula nadeekha. 37 Arali bulano yali omukhasi mufwire khulwe miaka amakhumi munane nende kine, ne yadoong'a mukhekalu nalaama nende khusiiba siro nende sideere. 38Omwene oyo yeecha mubikha ebio nakhubira Nasaye orio, naboleera abaandu bali nibalindirire obununuli Muyerusalemu amakhuwa kaye.39Ne ngolwa bamala okhuusirisia kala koosi akenyekhana khuloondana nende amalako ko Mwami, bakalukha Galilaya mudokho libwe elia Nasareti.40Omwana naye yakhula niyemeeda mumaani, niyechusibwamo obumanyirisi, khandi obukoosia bwa Nasaye bwali akulu waye.41 Abebusi baye bachichaanga Yerusalemu buli mwaka mumukholwa kwa pasika. 42Ne ngolwa yali nende miaka ekhumi nende kibiri, bachia Yerusalemu khulwo khusirisia pasika. 43Nibamala okhusirisia echinyaanga chioosi, bakalukha ingo wabwe, omwana naye yadoong'a Yerusalemu, arali Yosefu nende ngina mwana khasi bamanya. 44Baparaanga mbwe ali mumukaanda kwa baandu, nibakeenda olukeendo lwe inyaanga, nibamala nibachaaka okhumukoonya mubekho babwe alala nende mubeecha babwe.45Ne ngolwa bakhirwa okhumunyoola , bakalukha Yerusalemu khumukoonya . 46Lunyuma lwe chinyaanga chidaru, bamunyoola mukhekalu niyekhale akari wa bekesia, nabarekeresie 47 nende khubareeba amareebo. Ne bala boosi abemurekeresia, baukisibwa khuloondana nende obumanyirisi bwaye nende amakalusio kaye.48 Ngolwa bamubona, baukisibwa lukai , ne ngina namureeba ari mwana wange, khulwa sina orukholeere orio? Lingeera baba wao ninange khubere nikhukhukoonyaanga mukhuberera. 49Naye yabakalusia naboola ari,mungonyerenge khulwa sina? Khasi mumanyire mbwe bikhoyera okhukhola emirimo kia baba? 50Arali nabo khasi bamanyirisia akayababolera.51Namala nabwo alala ninabo, nibachia Nasareti naye nachirira okhuba asi wabwe, ngina naye yabikha amakhuwa ako koosi mumwoyo kwaye. 52Naye Yeso yachiririra khwemeeda mumakesi nende mukhukhuula omubiri, nende khufukirirwa imberi wa Nasaye nende abaandu.
Chapter 3

1Khu mwaka kwa ekhumi nende kirano ekio buruki bwa Kayisari Tiberio,Pontio Pilato nali omuruki wa Buyudea, naye Herodi nali omuruki wa Galilaya, naye omusiani wabwe Filipo nali omuruki wa Itureya nende esialo sia Tarakoniti, nende Lisania omukhoongo wa Abilene, 2muchinyaanga chia Anasi yali omukukhani mukhongo nende Kayafa, elikhuwa lia Nasaye liolera Yokhana omwana wa Sakaria nali muluumira.3 Namala nachia musialo siosi esiali ambi nende Yorodani, nayaala obubatisibwi bwe liekanira elirera okhumalao khwe chimbi,4kori kaandikwa musitabo sio munabii Isaaya mbwe, idoboosi yo muundu olira muluumira , reresie ingira yo Mwami , kololosie ingira yaye.5Buli likhokho lichia khwichusibwa, buli lugulu nende bigulu bichia khwikhisibwa, bila ebiekoda bichia khukololosibwa,ne bila ebilikho birugu bichia khubaachibwa, 6ne abaandu boosi bachia khubona obuonia bwa Nasaye.7 Ne namala nabolera abaandu bali bachire khubatisibwa ari, eng'we olwibulo lwe chinjukha, ni wina yabalabule okhwirukha elirima liicha?8Bulano murusie ebiamo bilondana nende eliekanira, ne murachaaka okhuboola mumioyo kieng'we mbwe khuli nende sefwe Ibraimu, khulwo khubeera babolera mbwe Nasaye anyala khukingulira Ibraimu abaana khurula mumakina kano.9Ne bulano iyaywa yimalire khugeengwa khubisina bia misaala, khulwako, buli musaala okuraama ebiamo bilayi, kunaremwa nende khusukunwa mumuliro.10Ne omukaanda kwa baandu bamureeba bari, bulano khukhole sina? 11Naye yabakalusia naboola ari,ula oli nende echikaanju chibiri, aberesie ula obula ikaanju, ne ula oli nende ebiakhulia yeesi akhole ario.12 Abasololi bomusolo bosi beecha okhubatisibwa, nibamureeba bari, omwekesia, efwe nafwe khukhole sina ? 13Naye nababolera ari,murarosia esiindu siosi khukhira kori ngolwa mwabolerwa khukhola.14 Abasikari bosi bamureeba bari nafwe khukhole sina? Naye nababolera ari, murabonera omuundu khaba, kose murasitaaka omuundu khu makhuwa kobubacha, khandi mwoseresebwe nende omuruungo kweng'we.15 Abaandu ngolwa bali nibalindiriranga okhwicha khwa Kirisito,bachiririra khupaara amakhuwa ka Yokhana mumioyo kiabwe,nikali mbwe niye Kirisito, 16Yokhana naye yakalusia nababolera ari, ni bwadieri esie babatisia khu maachi , arali aliwo omuundu wa maani khukhira esie ,owandarakhoyera okhubolola echisia chie bilaro biaye , omwene oyo achia khubabatisia khu Roho mulafu nende mumuliro,17Owesiuchiro sio muliro sili mumukhono kwaye, achia khwosia obweru bwaye lukali, ne achia khubusia ingaano musiaki siaye ,ne amadeere nako achia khukasaamba mumuliro okurasima.18 Yayalira abaandu khumakerako mangi. 19Ne ngolwa yalabira Herodi khulwo imbi ya yakhola nende Herodia omukhasi wo musiani wabwe, 20 namala nameeda lino khu kandi koosi, ne naboya Yokhana mumboyero.21 Ne ngolwa abaandu boosi bamala khubatisibwa, Yeso yeesi yabatisibwa, nalaama, ne elikulu liekukha, 22Roho mulafu yekha niema akulu waye musilolero sieliusi, ne idoboosi yarula mwikulu niiboola yiri, ewe niwe Omwana wange mukheerwa, owandakherisibwa ninaye.23 Naye Yeso mwene ngolwa yachaaka okhwekesia, yali nende emiaka makhumi kadaru, abaandu bapaara mbwe ni Omwana wa Yosefu, Omwana wa Eli, 24omwana wa Matati, omwana wa Lawi, omwana wa Meliki, omwana wa Yana, omwana wa Yosefu,25 omwana wa Matatia, omwana wa Amosi, omwana wa Nahumu, omwana wa Esili, omwana wa Nagayi, 26omwana wa Maati, omwana wa Matatia, omwana wa Semeyi, omwana wa Yosefu omwana wa Yuda,27omwana wa Yoana, omwana wa Resa, omwana wa Serubabeli, omwana wa Salateli, omwana wa Neri, 28omwana wa Meliki,omwana wa Adi, omwana wa Kosamu, omwana wa Elimadamu, omwana wa Eri, 29omwana wa Yoshua, omwana wa Elieseri, omwana wa Yorimu, omwana wa Matati,omwana wa Lawi,30 omwana wa Simioni, omwana wa Yuda, omwana wa Yosefu, omwana wa Yonamu, omwana wa Eliakimu, 31omwana wa Meleya, omwana wa Mena, omwana wa Matata , omwana wa Natani, omwana wa Daudi, 32omwana wa Yese,omwana wa Obedi, omwana wa Boasi, omwana wa Salimoni,omwana wa Nashoni,33 omwana wa Aminadabu, omwna wa Aramu, omwana wa Hesironi, omwana wa Peresi,omwana wa Yuda, 34omwana wa Yakobo, omwana wa Isaaka, omwana wa Ibraimu, omwana wa Tera, omwana wa Naholi, 35omwana wa Serugi, omwana wa Ragau,omwana wa pelegi.omwana wa Eberi omwana wa Sela,36omwana wa Kenani, omwana wa Arifakisadi, omwana wa Shemu, omwana wa Noa, omwana wa Lameki, 37omwana wa Mitusela, omwana wa Enoko,omwana wa Yeradi, omwana wa Mahalaleli, omwana wa Kenani, 38omwana wa Enosi, omwana wa Seti, omwana wa Adamu, omwana wa Nasaye.
Chapter 4

1 Naye Yeso niyechusibwemo Roho mulafu, yakalukha khurula muyorodani niyemirirwa nende Roho okhuchia muluumira, 2khulwe chinyaanga amakhumi kane ne Sietani namuteema. Muchinyaanga echio khasi yalichaanga esiindu siosi siosi, ne mukhumalirikha injala yamuluma.3Sietani yamubolera ari, nikali mbwe oli Omwana wa Nasaye, bolera elikina lino libe omugaati. 4Yeso naye nakalusia ari kaandikwa mbwe omuundu khasi achia khumenya khulwo mugaati kwong'ene arali khu buli likhuwa lia Nasaye.5 Naye sietani namala namuninia akulu wolugulu namwekesia ebiindu bioosi ebio bwaami bwomusialo khubikha bilala. 6Sietani namubolera ari, ndakhuberesia ebiindu bino bioosi alala nende oluyaali lwabio lwoosi, khulwo khuba bioosi bili mumakhono kange, ne mberesianga omuundu yesi yeesi ngolwa ndakha. 7Bulano ewe niunyinamira, bioosi binba ebiao.8 Yeso naye yakalusia naboola ari, kaandikwa mbwe omwinamire Omwami Nasaye wao, omulaame yeng'ene.9 Namala namuyira Yerusalemu, namugeenga akulu we ikhekalu, namubolera ari, nikali mbwe newe omwana wa Nasaye, duuma mani okwe asi, 10khulwo khuba kaandikwa mbwe, achia okhuruma malayika baye bakhuliinde, 11ne bachia okhudiira mumakhono kabwe, oranyoola okhwegumula khukulu khwao khu likina.12. Yeso naye yakalusia namubolera ari, kabolwa mbwe orateema Nasaye wao. 13Ne Sietani niyamala khumuteema buli liteemo, yamala nabwao khulwe chinyaanga.14 Naye Yeso yamala nakalukha Galilaya mumaani ka Roho, amakhuwa kaye nikanyoola khusalaana mubialo biali ambi bioosi. 15Ne yali niyekesianga muchisinagogi chiabwe, abaandu boosi nibamufumia.16 Namala nachia Nasareti owayebulwa, ne inyaanga ya isabaato yengira musinagogi ngolwa yali yanala, niyema okhusoma. 17Bamuberesia esitabo sio munabii Isaaya, nasifunula nakoonya abuundu wa kaandikwa mbwe,18 Roho wo Mwami ali akulu wange, khulwo khuba yambakhire amafura khulwo khuyalira abamanani amakhuwa malayi. Yandumire okhuonia abajongisibwa emioyo, khuyalira abali mumboyero okhulekhulwa khwabwe nende okhukalusiria okhubona khwa bawofu, okhubolola ababoywa, 19 khuboola omwaka kwo Mwami okwafukirirwa.20Namala nafunikha esitabo nakalusiria omukholi, niyekhala asi. Ne abaandu boosi abali musinagogi nibamulingeera mumoni. 21Nachaaka okhubabolera ari, inyaanga yino amaandiko kano kolerere mumarwi keng'we. 22Abaandu boosi balola nibaukisibwa khulwa makhuwa kobukoosia akarula mumunwa kwaye, ne nibareeba bari, "uno siniye omwana wa Yosefu?"23 Naye yababolera ari, "manyire munambolera olukaado luboola mbwe ,ewe omusirikhi wesirikhe mwene, ne amakhuwa kala koosi akakhwabulira mbwe kekholekhana Kaperanaumu, kakhole ano musialo siao mwene." 24 Nababolera ari, "subira babolere mbwe abulao omunabii ofukirirwanga musialo siaye mwene.25 Ne babolera mbwe baliiwo abakhasi balekhwa bangi musialo sia Isiraili muchinyaanga chia Eliya, ebikha bie likulu liekalwa khulwe miaka kidaru nende emiosi kisasaba, ne injala yinyiingi yengira musialo sioosi, 26 naye Eliya khasi yarumwa khu muundu yesi yeesi arali khu mukhasi mufwire owa Sareputa musialo sia Sidoni.27Khandi, abaandu bo bukere baliwo bangi muisiraili muchinyaanga chio munabii Elisha, ne abulao owalabisibwa arali Namani omuundu wa Shamu.28 Abaandu bali musinagogi boosi ngolwa babulira amakhuwa ako, badiirwa nende lirima. 29Nibamala nibasingira, nibamurusia erwanyi welidookho, nibamuyira akulu we sigulu sie lidookho liabwe liombakhwakho,nibadakha khumusindikha asi. 30Naye yabira akari wabwe,namala nabwao nachia abuundu wandi.31Yamala nachia Kaperanaumu, elidookho lia Galilaya, nachiririra okhwekesia buli inyaanga ya isabaato, 32 ne abaandu nibaukisibwa muno khulwa meekesio kaye khulwo khuba elikhuwa liaye liali nende amaani.33Ne mukari mwa isinagogi omwo, yalimo omuundu yali nende roho wesikhieno, naye yalira mudoboosi ikhoongo, 34nabola ari, rulekha, sina esiakhuli ninawe ewe Yeso wa Nasareti? Wichire okhurumala? Khumanyire mbwe oli omulafu wa Nasaye.35Yeso yalabira esikhieno naboola ari, funikha omunwa kwao,mani omurulemo. Ne ebikha ebio esikhieno sila siamukoka akari wa baandu, nisimurulamo nisiramunyaalire, nisimala nisibwao. 36 Abaandu boosi baukisibwa, nibamonyana nende okhwereeba bari, lino nilikhuwa sina, khulwo khuba yalabira ebikhieno khubunyala nende amaani nibirula. 37 Amakhuwa kaye kasalaana buli abuundu musialo esio.38 Namala narula musinagogi, niyengira munyuumba mwa Simoni, Naye masalang'ene Simoni, 'ngina omukhasi waye, yali nadirirwe nende omusuuja lukali, nibamusaba khulwa niye. 39 Naye namala niyeema ambi naye, niyalabira omusuuja kula, nikumala nikumurulamo, ne mubikha ebio, yamala nasingira nabakhalabanira.40Ngolwa eliuba liali nilikwa, abaandu boosi abali nende abalwaye abamadekhere kabukhane babarera naye nabageengakho amakhono kaye, ne buli muundu nanyoola okhuona.41Ebikhieno biosi biarula mubaandu bangi nibilira nibiboola biri, ewe oli omwana Nasaye . Yeso naye yabialabira nakhaya khubiberesia obweyango bwo khulomaloma, khulwo khuba biamanya mbwe ye niye Kirisito.42 Ne nibwakhia ichuli, yarula nachia abuundu wa baandu babulao, ne omukaanda kwa baandu nikuchaaka okhumukonya, nibamala niboola abuundu wa yali nibateema okhumukayira okhubwao. 43 Naye yababolera ari, bikhoyera okhuyaala ifanjili ya makhuwa malayi ako bwami bwa Nasaye mumadookho kandi kosi, khulwo khuba ndarumwa khulwa keno ako. 44 Ne yachiririra okhuyaala muchisinagogi chia Galilaya.
Chapter 5

1 Omukaanda kwa baandu kwachia owayali khubulira elikhuwa lia Nasaye, naye yali niyemere khulukuku lwe yinyaanja ya Ganasareti.2 Namala nabona amaaro kabiri akali indulo we yinyaanja, ne abanaabi nabo bali nibaruliremo nibosianga echinjero chiabwe.3 Namala niyengira muliaro elala elia Simoni, namubolera ari alisidiekho mukari mwa maachi. Namala niyekhala muliaro nachaaka okhuyalira abaandu.4 Ngolwa yamala okhuyaala, yabolera Simoni ari , muchie mumaachi mangi mulekhule chinjero chieng'we munaabe eching'eni,5 Simoni naye yamukalusia namubolera ari, Omwami mukhoongo, khukholere emirimo kio khujoongia esiro siosi, ne khasi khunyolerekho esiindu siosi siosi, arali khulwa elikhuwa liao, ndalekhula echinjero.6 Ne ngolwa bakhola bario, badiira eching'eni chinyiingi muno okhuula echinjero chiabwe nichichaaka okhukhalikha. 7Nibalaanga abasiabwe abali muliaro lia khabiiri mbwe beeche babakhoonye, ne bamala beecha nibanyoola okhwichusia amaaro kabiri koosi okhuula nikachaaka okhwibira.8 Simoni Petero ngolwa yabona amakhuwa ako, yasigama mumakulu ka Yeso, naboola ari, Mwami ndulekho mani obweo, khulwo khuba esie ndi omukholi we chimbi. 9 Khulwo khuba yaukisibwa alala nende abayali nabo, khulwe ching'eni chiabadiira. 10 Yakobo alala nende Yokhana, abaana ba Sebedayo, basangirana nende Simon. Naye Yeso yabolera Simoni ari oraria khaba, okhuchaaka inyaanga yino ochia okhuba omunaabi wa baandu. 11 Ne ngolwa bamala khukalusia amaaro kabwe khundulo,balekhao bulisiindu nibamuloonda.12 Nali mulidookho lindi, omuundu wo bukere yalimo, ne ngolwa yabona Yeso, yachia nakwa mumakulu kaye , namusaba naboola ari, Mwami, nokheera onyala wanjosia. 13Yeso namala namudirakho nende omukhono kwaye, naboola ari, ndakha olabisibwe. Ne ebikha ebio obulwaye bwo bukere bwamurulakho.14 Namala namukania ari, orabolerakho omuundu yesi yeesi, arali chia weyekesie khu mukukhani, mani orusie kori ngolwa Musa yaboola, ne kabe obuloli khu baandu.15 Amakhuwa kaye kachiririra khusalaana, ne omukaanda kwa baandu bangi kwebusia khulwo khubulira amakhuwa kaye nende okhusirikhwa amalwaye kabwe. 16 Arali yeso yamala narula akari wa baandu, nachia muluumira okhulaama.17 Inyaanga yindi ngolwa yali niyekesianga, Abafarisayo nende abekesia ba malako khurula muchingoongo chioosi echia Galilaya nende Buyudea, nende Yerusalemu, obunyala bwa Nasaye obwo khuonia bwaliwo.18 Ebikha ebio ,abaandu bandi beecha nibakingire omulwaye owadaraala khusitaanda, nibadakha okhumwingisia mukari mani bamugeenge imberi wa Yeso.19Ne ngolwa bakhirwa okhunyoola obweyaango bwo khumwingisia mukari, khulwo mukaanda kwa baandu, banina akulu we sirama, nibafudula esirama, nibamala nibekhia omulwaye nali khu sitaanda imberi wa Yeso.20 Naye ngolwa yabona obusuubiri bwabwe, yabolera omulwaye ari, olekherwe echimbi chiao. 21Abaandiki ba malako nende Abafarisayo bachaaka khureebana bari, uno ni wina aboola amakhuwa ka sisinyisio? Ni wina onyala okhulekhera chimbi arali Nasaye yengene?22 Yeso naye yamanya akabali nibareebananga, namala nakalusia nababolera ari, mwereebananga sina mumioyo kieng'we? 23 Eliangu nilio eliriena? Okhuboola mbwe olekherwe chimbi chiao, kose khuboola mbwe singira obweo? 24Arali khumunyoole okhumanya mbwe omwana womuundu ali nende obunyala bwo khulekhera echimbi musialo,(yabolera omulwaye wadaarala ula) ari, singira okinge esitaanda sio mani obweo, ochie munyuumba mwao.25 Ne ebikha ebio yamala niyema imberi wabwe, nakiinga esitaanda sia yali nakonerekho, nabwao khuchia munyuumba mwaye, nafumia Nasaye. 26Abaandu boosi baukisibwa, nibafumia Nasaye, nibaboola bari, inyaanga yino khubwene amakhuwa makeni, ne oburi bwabadiira lukali.27Olunyuma lwa makhuwa ako, yarulao ne nabona omusololi womusolo owalangwa mbwe Lawi,niyekhale abuundu wo khubusia omusolo, ne yamubolera ari noonde.28 Ne Lawi yamala nalekha ebiindu bioosi namuloonda.29 Lawi yamala namukholera obukeni bukhoongo munyuumba mwaye , ne khwaliwo nende omukaanda mukhoongo okwa basololi bo musolo alala nende abaandu bandi abangi abali nibanyoola ebiakhulia alala ninabo. 30 Ne abaandiki babwe nende Abafarisayo bemoonya nende abeeka baye nibareeba bari, khuhlwa sina mulia nende okhung'wa alala nende abasololi bo musolo nende abakholi be chimbi? 31Yeso naye yakalusia nababolere ari, abaandu balamu khasi badakha omusirikhi, arali bala abalwaye. 32 Esie khasi ndeecha khulaanga abalungifu, arali abonooni banyoole okhwekanira.33 Bamala nibamureeba bari, khulwa sina abeeka ba Yokhana basiibaanga nibalaama amakhabi mangi,nende abeeka ba Babafarisayo, ne abao nabo balia nende okhungwa? 34 Yeso naye yabareeba ari, munyala mwakhola abaandu balangirwe musiserero basiibe ebikha biomwami we siserero ali ninabo? 35 Arali echinyaanga chiicha echio Mwami wesiserero achia okhuba narusibwe akari wabwe , ne mubikha ebio bachia khusiiba.36 Khandi yamala nababolera olukaado ari, abulao omuundu okhengaanga esicheeere siyakhaa nasonera khungubo ingofu, ne nakhola ario, sila siyakha khasi sinyala okhufwanana nende esikofu.37 Khandi abulao omuundu owakhachukha ifini yinjaaakha muchupa yingofu, ne nakhola ario, ifini yiba yinaadisia ichupa yingofu, ne yimala yidikha,ne ichupa nayo yisasikha.38 Ne bikhoyera okhuchukha ifini yinjaakha muchupa yinjaakha, mani bioosi bilindwe.39 Khandi abulao omuundu owakhekoomba ifini yinjaakha niyakhamala okhungwa ifini yikhale, khulwo khuba achia khuboola ari, yikhale ni yindayi muno.
Chapter 6

1 Inyaanga ndala eya isabaato eya khabiri ngolwa Yeso yali nabira akari weindalo, abeeka baye bafunaka amadimwa , nibakasia mumakhono kabwe nende khukalia. 2 Naye balala khu Bafarisayo babareeba bari, khulwa sina mukhola ilirafukirirwa inyaanga ya isabaato?3 Yeso naye yabakalusia nababolera ari, khasi mwasomakho kala aka Daudi yakhola ngolwa injala yali niyimuluma alala nende bala abayali ninabo? 4 Kori ngolwa yengira munyuumba mwa Nasaye, namala nabukula emigaati kieliekesio nalia nende abasie, ne khasi biakhoyera okhulia arali abakukhani bong'ene. 5 Namala nababolera ari, Omwana womuundu niye Omwami we isabaato.6 Khandi inyaanga ya isabaato yindi yengira musinagogi niyekesia, ne yalimo omuundu womukhono kwaye musaacha kwali nikwafwirikhirira. 7 Ne abaandiki ba malako nende Abafarisayo bali nibamulingeranga mbwe banyoole okhubona nikaba mbwe achia khumuonia inyaanga ya isabaato, mani banyoole esifune siokhumusitaaka. 8 Yeso naye yamanyirisia amapaaro kabwe, namala nabolera omuundu ula owa mukhono kwaye kwali nikwafwirikhira ari singira weme akari, ne namala nasngira niyema.9 Yeso yamala nababolera ari, esie bareeba mbwe, bikhoyera okhukhola amalayi inyaanga ya isabaato, kose okhukhola amabi, okhuonia omwoyo kose okhukusasia? 10 Yabalingeera mumoni chiabwe echimbeka chioosi, namala naboolera omuundu ula ari , kololosia omukhono kwao, naye nakukololosia, ne omukhono kwaye nikumala nikuba ebilayi. 11Elirima liabadiira ne nibareebana bari, khukhole khurie Yeso uno.12 Ne muchinyaanga echio, Yeso yarula nachia okhulaama mulugulu, ne esiro siosi yali nalaama Nasaye. 13 Ne esialo nibwakhia , yalaanga abeeka baye, namala nalobola ekhumi nende babiri akari wabwe, abayalanga ari abarume,14 Simoni owayalaanga eliira lia khabiri mbwe Petero, nende Andereya omusiani wabwe, nende Yakobo alala nende Yokhana, nende Filipo alala nende Batulumayo, 15 nende Matayo alala nende Tomasi nende Yakobo wa Alufayo,nende Simoni olwangwa mbwe Seloti,16nende Yuda wa Yakobo, nende Yuda Isikarioti owakhoba Yeso17 Yamala niyekha alala ninabo, niyema abuundu wesiindu sibulao, alala nende abeeka baye bangi, nende omukaanda kwa baandu bangi abarula mubuyaudi yoosi nende Yerusamu, nende khulukuku lwe yinyaanja ya Tiro nende Sidoni, abachia okhubulira amakhuwa kaye, nende okhuonisibwa amalweye kabwe, 18 nende bala abanyasibwanga nende ebikhieno boosi baonisibwa. 19 Ne abaandu boosi badakha okhumudirakho khulwo khubeera amaani kamurulangamo nikasirikha abaandu.20 Namala nakingula echimoni chiaye nalingeera abeeka baye naboola ari, muli nende echikhabi eng'we abamanani khulwo khuba obwami bwa Nasaye nibweng'we. 21Muli nende echikhaba eng'we muli nende injala bulano, khulwo khuba muchia okhwikusibwa. Muli nende echikhabi eng'we mulira bulano, khulwo khuba muchia okhuchekha.22 Muli nende echikhabi eng'we aba baandu bachia khubasuikhira, nende okhubakabula, nende okhubaalabira nibasukuna eliira lieng'we erwanyi kori nga elikhuwa limaanu, khulwo khubeera Omwana womuundu. 23Musangaalire inyaanga yila nimuduma duma, khulwo khuba esianwa sieng'we mwikulu nisikhoongo, khandi abasabwe bakholera abanabii akene ako.24Arali ni uuwi khweng'we muli nende emiandu, khulwo khuba mumalire okhunyoola omuruungo kweng'we. 25Ni uuwi khweng'we mwikuru bulano, khulwo khuba muchia okhuba nende injala. Ni uuwi Khweng'we muchekha bulano, khulwo khuba muchia okhuberera nende okhulira.26 Ni uuwi khweng'we aba baandu bachia okhubafumia, khulwo khuba basabwe bakholera abanabii bobubacha akene ako.27 Arali babolera eng'we mubulira mbwe, mukheere abasuku beng'we, ne mukholere amakhuwa malayi bala ababasuikhira, 28mwanire echikhabi bala ababachuuba, mulaamire bala abarabadakha.29 Ula okhupaama olukhofi khuluseya, mukalukhanirie oluseya lundi lwosi, naye ula okhunyuula ingubo yao, oramukayira okhubukula ikaanju yosi. 30Beresia buli okhusaba, naye okhunyuula, oradakha mbwe akhukalusirie.31 Khandi mukholere abaandu kala akamweenya babakholere. 32Ne nimukheera bala ababakheera muba mwekesia esisa siliena? khulwo khuba abakholi be chimbi bosi bakheera bala ababakheera. 33Eng'we nang'we nimukholere amalayi bala ababakholeraanga malayi, muba mwekesia esisa siliena? Abakholi be chimbi bosi bakholanga kene ako. 34Ne nimweyosia abaandu ebiindu nimudakha ikhunyoloa obukhala, muba mwekesia esisa sliena? Abakholi be chimbi bosi beyosianianga nibadakha babakalusirie bario.35 Arali mukheere abasuku beng'we, mukhole amalayi, nimweyosia muradkha khurungwa, ne esianwa sieng'we sichia okhuba esikhoongo, nang'we muchia okhuba abaana ba ula ali akulu, khulwo khuba ye nomulayi khubala abaramwebasia nende abonooni. 36 Khulwa kene ako, mube nende esisa kori ngolwa Sengwe ali nende esisa.37 Murakhalakira ne mwesi khasi mwakhakhalakirwe, murakhalakira esiina ne mwesi khasi mwakhakhalakirwe, mulekhere ne mwesi munalekherwa.38 Muberesie abaandu ebiindu, ne mwesi munaberesibwa, esikero siichule nende khusinyirwa okhuula okhwidikha, ako niko aka baandu banababeresia khu birifu bieng'we. khulwo khuba esikero sila esia mukereramo, nisio esimuchia khukererwamo.39 Namala nababolera olukaado ari, omuundu muwoofu anyala yemirira omuwoofu wasie? Sibaba banakwa muliina boosi babiri? 40Omweeka khasi abechaanga akulu womwekesia waye, arali namala okhwekesebwa mubwichufu achia okhuba kori omwekesia waye.41 Bulano khulwa sina olingeera esiindu sili mumoni mwo wasio ne khasi olingeera okuundu kuli mumoni yao omwene? Khandi wakhabolera orie owasio ori, lekha male esiindu sili mumoni mwao, ne khasi olingeera okuundu kuli mumoni mwao omwene? 42Ewe omwekaadi, rangira mberi orusie okuundu kuli mumoni mwao, khwonyoole okhubona bilayi esiindu sili mumoni mwowasio nende khusirusia.43 Khulwo khuba kubulao omusaala mulayi okwamaanga ebiamo bimaanu, kose omusaala mumaanu okwamaanga ebiamo bilayi, 44 ne buli musaala kumanyikhananga khuloondana nende ebiamo biakwo, khulwo khuba abaandu khasi bakhafuna esiamo khurula khu musaala kwa mabwa, khandi khasi banyala okhufuna omusabibu khurula khu muchongooma.45 Omuundu mulayi arusianga amakhuwa malayi khurula mumbikhiro yo mwoyo kwaye, naye omuundu mumaanu arusianga obwoni khurula mumbikhiro yaye eyo bwoni, khulwo khubeera omuundu alomalomaanga akechusibwe mumwoyo kwaye.46 Khulwa sina munangaanga muri, Omwami, Omwami ne khasi mukhola akababolera? 47Ndabekesia esilolero siabuli muundu yanjichakho nabulira akaamboola nende okhukakhola.48 Omuundu oyo ali kori ula omuundu wombakha inyuumba, owayaba asi lukali, nende khugeengao omuse khulwaanda, ne ifula niyiicha, omwalo nikubira khunyuumba yila nende amaani, ne nikuranyala okhuyidengeyia, khulwo khuba yombakhwa ebilayi akulu wolwanda.49 Naye ula owabulira ne khasi yakhola, afwana kori omuundu ula owombakha inyuumba khuliloba libulamo omuse, ne omwalo nikwicha nende amaani, ne inyuumba yila niyimala niyikwa omwerulo mukhoongo ne obusasikhi bwayo nibukhoongo.
Chapter 7

1 Ne ngolwa yamala okhuboola amakhuwa kaye koosi, kengira mumarwi kabwe, yachia Kaperanaumu.2 Ne omukholi wo mukhoongo wa mayie mulala owayali yakheera, yali omulwaye ambi okhufwa; 3ne ngolwa yabulira amakhuwa ka Yeso, yaruma abakofu ba Bayaudi okhuchia okhumusaba mbwe yeeche aonie omukholi waye. 4Ne ngolwa boola khu Yeso, bamusaba nibaboola bari, akhoyera okhukholerwa kano. 5 Khulwo khuba yakheera esialo siefwe, khandi yarumbakhira isinagoogi.6 Yeso yamala nachia ninabo. Arali ngolwa yola ambi nende inyuumba, omukhoongo weliiyie yaruma abeeecha baye okhumubolera mbwe, Omwami oresaandia okhwicha munyuumba mwange, khulwo khubeera esie khasi khoyera ewe okhwingira munyuumba mwange. 7 Ne esio nisio esifune esikerere esie mwene nindareecha owoli,arali bulano bola sa elikhuwa ne omukholi wange anaona. 8Khulwo khubeera esie mwene ndaberesibwa obunyala, ne ndi nende abaskari abali asi wange, ne nimbolera ouundi mbwe, chia nachia,ne khuundi mbwe yicha, niyeecha, khandi nimbolera omukholi wange mbwe,khola sino, nakhola.9 Ne ngolwa Yeso yabulira amakhuwa ako, yaukisibwa ninaye, namala nakalukhana,nabolera abaandu bali nibamuloonda ari,babolera, esie siri okhunyolakho obusubiri bukhoongo nga buno kata Mubwisiraili. 10Ne bala abali nibarumirwe ngolwa bakalukha munyuumba, banyoola omukholi yali omulwaye naonere.11 Lunyuma lwe inyaanga ndala yachia mulidkho lia Naini, ne obungi bwa abeeka baye alala nende omukaanda kwa baandu bachia naye. 12 Ne ngolwa yola ambi nende esiriwa esie lidookho, yaliwo omuundu yali nafwire nakingirwe nayirwa erwanyi, ne yali omwana mudeerwa owa ngina ( owali omukhasi mufwire), ne obungi bwa baandu ba mulidookho elio bali alala ninaye. 13 Omwami ngolwa yamubona, yamubonera esisa, namala namuboolera ari, oralira khaba. 14 Namala nadiira khulisanduuku ne bala abali nibalikingira nibamala nibeema sirungi, naye namala naboola ari , omusiani,khubolera mbwe, singira. 15 Ne ula owali nafwire yasingira, nachaaka okhulomaloma. Naye Yeso yamala namuberesia ng'ina.16 Abaandu boosi badiirwa nende oburi ,nibafumia Nasaye nababoola bari, omunabii mukhoongo asingire akari wefwe, khandi Nasaye akendeere abaandu baye. 17Amakhuwa kaye kasalaana mumbeka chioosi echia Yudeya, nende muchingoongo chioosi echiali ambi.18 Abeeka ba Yokhana bamwekesia amakhuwa ako koosi. 19 Ne Yokhana naye yalaanga abeeka baye babiri, nabaruma khu Yeso okhumureeba mbwe, ewe newe ula okhoyeera okhwicha, kose khuliinde oundi? 20 Ne ngolwa bola owa Yeso yali, baboola bari, Yokhana omubatisia arurumire khwiche khukhureebe mbwe, ewe newe ulia okhoyeera okhwicha, kose khuliinde oundi?21 Ne mubikha ebio, yaonia amalwaye ka baandu bangi, nende obudinyu, nende ebikhieno, khandi abaofu banyalirwa okhubona. 22Yeso naye yabakalusia nababolera ari, muchie muboolere Yokhana kala akamubwene nende okhubulira, abaofu banyalirwa okhubona, abalema bakeenda, abo bukere balabisibwa, abadiimbe babulira, abafu balamusibwa, abamanani bayalirwa ifanjili. 23Niweyakhabi ula omuundu orasinyisibwe ninasie24 Olunyuma lwa barumwa ba Yokhana khubwao, yachaaka okhubolera omukaanda kwa baandu amakhuwa ka Yokhana, nabareba ari mwarulaanga nimuchia musichiimi okhulola sina? elikada nilidengeyisibwa nende muyaka? 25 Kose mwarula okhuchia khubona sina? Omuundu yali afwalire ebiefwalo bilayi? Mulingeere, abaandu be biefwalo bilayi, abamenyaanga obulamu bwokhwesangaasia, bali mumadaala ka baami . 26 Kose mwarula okhuchia khubona sina? Omunabii? Babolera obwadieri mbwe, ni ula okhira omunabii27 Omwene oyo niye owa kano kaandikirwa mbwe, lola nduma omurumwa wange imberi wao, ochia okhurereseria ingira . 28Khu kario babolera mbwe, akari wa abo abebulwa nende omukhasi abulao omunabii mukhoongo okhukhira Yokhana mubatisia: arali oyo oli mudidi mubwami bwa Nasaye ni mukhoonga okhumukhira.29 Ne ngolwa abaandu boosi alala nende abasololi bo musolo abamubulira, bafukirira obwadieri bwa Nasaye, khulwo khuba bali nibabatisibwe nende Yokhana. 30 Arali Abafarisayo alala nende abamalako, bakhaya amakerako ka Nasaye, khulwo khuba khasi babatisibwa nende Yokhana31 Omwami yamala nareeba ari ngeranisie abaandu bo lwibulo luno nende sina? Bafwanana nende siina? 32 Bafwanana nende abaana beekhala musiiro, nibalaanga abasiabwe, nibababolera bari, khubakhubiire olwika, nang'we khasi mukhinire khaba, khuberere, nang'we khasi mulirire khaba.33 Khulwo khuba Yokhana mubatisia yeecha naralia omugaati kose okhungwa ifini, nang'we nimuboola muri ali nende sietani. 34 Omwana wo muundu yechere , alia nende okhung'wa, ne bulano muboola muri, lola owokuliira uno, omung'wi we ifini, omwiicha wa basololi bomusolo nende abakholi bechimbi. 35 Arali obumanyirisi nabwo bumanyikhane okhuba obulungifu khu baana baye boosi.36 Omuundu mulala khubafarisayo yamwingisia okhuchia khulia ebiakhulia munyuumba mwaye, ne yamala niyeengira munyuumba yo mufarisayo oyo, niyekhala okhulia ebiakhulia. 37 Ne, lingeera, omukhasi mulala mulidookho elio , owali omukholi wechimbi, ngolwa yabulira mbwe ali khulia ebiakhulia munyuumba yomufarisayo oyo, yareera ichupa ya mafura kesing'aari. 38 Namala niyeema inyuma ambi nende amakulu kaye, nakapanguusiria elifwiri liaye elio khumurwe, nachunjuna amakulu kaye nende khukabakha amafura kesing'aari kala39 Ne omufarisayo owamulaanga ngolwa yabona amakhuwa ako, yaboola mumwoyo kwaye ari, omuundu uno aba mbwe nomunabii niye, yakhamanyirisie mbwe omukhasi uno ni wina ,khandi ali nende ebiima bifwana birie, khandi nomukholi wechimbi. 40 Yeso naye yakalusia namubolera ari, Simioni , ndi nende elikhuwa eliandakha okhureeba. Naye naboola ari, omwekesia, liboole.41 Namala naboola ari, omuundu mulala owokhweyosia yali nende abaandu ba makobi kaye babiri, mulala yali namubaanja echidinari echimia chiraano, ne owakhabiri naye makhumi karaano. 42 Ne boosi ngolwa bali nibabula esiindu sio khuruunga, yabalekheera boosi babiri mubwadieri, bulano mbolere mbwe ni wina khunibo ochia okhumukheera lukali? 43 Simioni naye yakalusia naboola ari, mbaara mbwe ni ula owalekherwa echinyiingi. Yeso namala namubolera ari okhalaake ebilayi.44 Yeso yamala nakalukhanira omukhasi ula, naboolera Simioni ari, obona omukhasi uno? Esie nyingire munyuumba mwao muno, ne khasi umberesiekho amaachi kokhwosia amakulu kange, ne omukhasi uno naye yosisie amakulu kange niyekhonyera amasika kaye, khandi akapangusirie elifwiri lio khu murwe kwaye. 45 Khandi ewe khasi unjunjuunire khaba, ne omukhasi uno khasi yakaame okhuchunjuuna amakulu kange khuchaaka ngolwa nyingiire munyuumba muno.46 Khandi khasi ombakhirekho amafura khu murwe kwange: arali omukhasi uno naye abakhire amakulu kange mafura kesing'aari. 47 Khulwa kene ako, khubolera mbwe alekheerwe echimbi chiaye echili chinyiingi, khulwo khuba akheerere lukali, naye ula olekherwe echindidi, akheraanga budidi.48 Namala nabolera omukhasi ula ari, "olekheerwe echimbi chiao." 49 Abwene ao, bala abali nibalichaanga alala ninaye, bachaaka okhweraaba mumioyo kiabwe bari, "uno naye ni wina olekhera kata echimbi?" 50 Yeso yamala nabolera omukhasi ula ari, "obusuubiri bwao bukhuonisie, bwao nende omuleembe."
Chapter 8

1 Olunyuma lwa makhuwa ako , yachiririra okhukeenda mumadokho nende muchingoongo nayaala ifanjili yo bwami bwa Nasaye, ne ekhumi nende babiri bali alala ninaye, 2 nende abakhasi bangi abali nibaonisibwe khurula mubikhieno nende obudekhere, abene abo ni Maria owalangwa mbwe Magadalena,owarusibwamo ebikhieno saba,3 nende Yoana omukhasi wa Kusa, omukholi wa Herodi, nende Susana, alala nende abandi bangi, abali nibamukhalabaniranga khulwe biindu biabwe.4 Omukaanda kwa baandu ngolwa kwabukanana, alala nende bala abarula mubuli lidookho okhwicha owayali, yababolera olukaado ari, 5 omuraaki yarula okhuchia khuraaka imwo yaye, ne ngolwa yali naraaka, eyindi yakwa ambi nende ingira, niyisenakirwa, ne amayoni komumiyaaka nikayilia. 6 Eyindi yakwa khulwaanda, ne ngolwa yamera, yoma khulwo khuranyoola obunyifu.7 Eyindi yakwa akari wa mabwa, ne amabwa kosi kamera alala nayo, ne nikayifwinya. 8 Eyindi yakwa muliloba lilayi, niyinyoola okhumera, niyaama lukali amakhabi imia, ne ngolwa yali nabolaanga kene ako, yakingula idoboosi yaye naboola ari, ula oli nende amarwi kokhubulira, abulire.9 Abeeka baye bamala nibamureeba bari, olukaado olwo lwekesia sina? 10 Naye yaboola ari, eng'we mwaberesebwa okhumanya akobwekisi bwobwami bwa Nasaye, arali abandi nabo khu njingaado, mbwe nibabona barabona ne nibabulira baramanyirisia.11 Bulano amekesio kolukaado olwa niko kano; imwo nilio elikhuwa lia Nasaye. 12 Bala abali ambi nende ingira nibo ababuliranga, ne olunyuma Sietani yeecha namalamo elikhuwa elio mumioyo kiabwe, mbwe baranyoola okhusuubira nende khuonisibwa.13 Ne bala abali khulwaanda nibo bala abasangalaanga nibabulira elikhuwa, arali babula emisi, basuubiraanga sa khulwe bikha bidiidi. ne ebikha bio khuteemwa nibiicha nibakwa.14 Ne imwo yakwa mumabwa nibo bala ababuliraanga, ne khulwo khuchiririra, badiirwa nende amanyakhano nende emiandu, nende isangaalo yobulamu buno, nibaranyalirwa okhwama ebiamo ngolwa bikhoyera. 15 Ne yila eyili muliloba lilayi, nibo bala ababuliraanga elikhuwa mubukololofu mumioyo kiabwe, ne balidiira, nibamala baama ebiamo bio bwesimirifu.16 Abulao omuundu owakhianga itaara namala ayifunikha nende esiindu, kose khuyigeenga akulu we imeesa mbwe abengiramo banyoole okhubona bulafu bwayo. 17Khulwo khuba libulao lila eliekisa elirakhafunulwe; kose eliakisbwa elirakhamanyikhane nende khurusibwa abulafu. 18 Khulwako mulingeere kori ngolwa mubulira, khulwa khuba ula oli nende esiindu achia khuberesebwa, naye ula abula esiindu achia khunyulwa kata sila esiaparisibwa okhuba nasio19 Naye ngina nende abasiani babwe bachia abuundu wa yali, arali khasi banyalirwa okhusuda ambi ninaye khulwo khubeera obungi bwa baandu. 20Abaandu bamubolera bari mama wao alala nende abasiani beng'we bali erwanyi beenya okhubona. 21Naye yabakalusia naboola ari, mama nende abasiani befwe nibo bano ababulira elikhuwa lia Nasaye nende khulikhola.22 Ne inyaanga ndala yengira muliaro alala nende abeeka baye, nababolera ari, khwambukhe khuchie ingerekha weinyanja. Bamala nibachaaka olukeendo. 23 Ne ngolwa bali nibachia, echindoolo chiamuyira. Omuyaka mungi kwachaaka okhuucha munyaanja, eliaro nilichaaka okhwichulamo amaachi, nibenyoola mubudinyu24 Abeeka baye bamuchira , nibamusingisia, nibamubolera bari, Omwekesia, Omwkesia, khusasikha. Naye yasingira niyalabira muyaka nende mafinda ka maachi, nibimala nibiakama,nikhuba nende obwedemberefu. 25 Namala nabareeba ari, obusuubiri bweng'we buliena? Arali nabo badiirwa nende oburi, nibauka lukali, nibarebana abene khu bene bari, uno ni wina, owalabira kata muyaka nende amaachi nibimuria?26 Bamala niboola khulukuku lwomusialo sia Bagerasi, esili imberi wa Galilaya. 27 Ne ngolwa Yeso yola khulukuku, yabukanana nende omuundu mulala owa mulidookho elio, owalimo ebikhieno, orafwalaanga chingubo khulwechinyaanga chinyiingi, khandi khasi yamenyaanga munyuumba, arali mubirindwa.28 Ne ngolwa yabona Yeso, yakhuba esioka, nakwa imberi waye, naboola mudobosi ikhoongo ari, ndi nende sina ninawe ewe Omwana wa Nasaye oli akulu? Khusaba mbwe orasandia khaba. 29 Khulwo khuba Yeso yabolera esikhieno esio ari sirule mumuundu oyo. khulwo khubeera siali siamudiira mubikha bingi, kata yalindwanga naboyerwe eminyororo nende chipiingo, ne yakhalakaanga ebiindu biayali naboyerwe, khandi esikhieno simuyiraanga muluumiri.30 Yeso yamureeba,nabola ari, eliira liao nilio wina? Naye yakalusia ari, eliira liange nilio Lejoni, khulwo khuba ebikhieno bingi biali biamwingiramo. 31Nibimwekweeda mbwe arabilagira okhuchia emagoombe.32 Ne echimbiichi chinyiingi chialiwo nichiayaanga khulugulu, ne ebikhieno biamusaba obweyaango bwo khuchingiramo, naye nafukirira. 33 Ebikhieno biamala nibirula mumuundu ula, nibingira muchimbiichi, ne eliicho liechimbiichi liamala niliirukha chimbiro, nichiikha nende amaani, nichichia asi mulisiba munyanja nichifwiramo.34 Abachilisianga ngolwa babona akekholekhana, beerukha chimbiro okhuyira amakhuwa ako mulidookho nende muchingongoo. 35 Abaandu bamala nibarula okhuchia khubona akali nikekholekhane, bachia khu Yeso, nibanyoola omuundu ula owebikhieno biarulamo niyekhale mumakulu ka Yeso, niyefwalire echingubo, khandi nali nende amakesi kaye; ne banyoola okhudiirwa nende oburi.36 Ne bala abalola ngolwa kekholekhana bababolera kori ngolwa omuudu owali niyaboywa nende esikhieno yaonisbwa. 37Ne omukaanda kwoosi okwabaandu besialo sia Bageresi abali ambi ao, bamusaba bari abweo; khulwo khuba badiirwa nende oburi bungi, naye yamala nanina mumeli nabwao.38 Naye omuundu owe bikhieno biarulamu yamusaba obweyaango bwo khuchia ninaye, arali Yeso naye yamusebula nabola ari, 39kalukha ingo wao, oyaale omakhoongo ka Nasaye akhukholere. Ne yamala nachia nayaala mudokho liosi amakhuwa makhoongo aka Yeso yamukholera.40 Bulano ngolwa Yeso yakalukha, omukaanda kwamwingisia mufusangaafu, khulwo khuba boosi bali nibalindire okhwicha khwaye. 41Naye omuundu mulala owalangwa mbwe Yayiro owali omukhoongo we isinagogi, yeecha nakwa mumakulu ka Yeso, namwekweeda ari achie munyuumba mwaye,42khulwo khubeera omukhana waye, owali omwana mudeerwa owe miaka ekhumi nende kibiri, yali mumbeera yokhufwa. Ne ngolwa Yeso yali nachia, omukaanda kwa baandu kwamubodokhana.43 Bulano omukhasi mulala owadachiriranga amabaanga khulwe miaka ekhumi nende kibiri,(owali niyekhonyisiria emiandu kiaye kioosi khulwa khubersia abalesi), naranyoola okhusirikhwa nende omulesi yeesi, 44 yachia inyuma wa Yeso yamala nadiira khu likemo lie ingubo yaye; ne mubikha ebio yaakama khudachirira45 Yeso yareba ari, ni wina owakhandirakho? Ne ngolwa baandu boosi bakaana, Petero yamubolera ari, Omwami, omukaanda kwa baandu bano kukhubodokhane, khandi bakhusudirekho nawe khandi orebeenga mbwe, niwina owakhandirakho? 46 Yeso naye yaboola ari, omuundu yakhandirakho, khulwo khuba mbona mbwe amaani kakhandulamo.47 Omukhasi ula ngolwa yabona mbwe khasi anyala okhwekisa yeecha narengerekha, nakwa imberi waye, namubolera esifune siaye esio khumudirakho imberi wa baandu boosi, nende kori ngolwa amalire okhuoana. 48 naye yamubolera ari, omukhana wange, obusubiri bwao bukhuonisie bwao nende omuleembe.49 Ne ngolwa yali nalomalomanga amakhuwa ako, omuundu khurula munyuumba mwo mukhoongo we isinagogi yeecha namubolera ari, oranyasia omwekesia, omukhana wao amaliri okhufwa. 50Arali Yeso naye ngolwa yabulira ako, yamukalusia ari, oraba nende oburi khaba, suubira sa, ne anaona.51 Ne noglwa yola munyuumba, khasi yafukirira omuundu yeesi khwingira alala ninaye arali Petero, nende Yokhana, nende Yakobo,nende samwana mwana alala nende ngina. 52 Ne abaandu boosi bali nibaliraanga nibamwelalikhira, naye yababolera ari, muralira khaba, uno khasi afwire, arali akona sa chindoolo. 53 Arali nabo bamuchekha lukali, khulwo khuba bali bamanyire mbwe amalire okhufwa.54 Naye yamala namudiira omukhono, nakingulu idoboosi naboola ari, mukhaana, singira. 55Ne omwoyo kwaye kwamala nikumukalukhamo, nasingira ebikha ebio. Yeso nababolera ari bamuberesie ebiakhulia. 56Abebusi baye baukisibwa lukali, naye nabakania ari barabolerakho omuundu eliekholekhane.
Chapter 9

1 Yamala nalaanga ekhumi nende babiri bala, nababeresia amaani nende obunyala akulu we bikhieno bioosi nende okhuonia amalwaye. 2Nabaruma okhuchia khuyaala obwami bwa Nasaye, nende okhuonia abalwaye.3 Nababolera ari, murakiinga esiindu mulukeendo lweng'we, kata ilauhi, kose mugaati, kose amatoongolo, kose mulala khweng'we araba nende echikaanju chibiri. 4 mumenye munyuumba yosi yoosi eyamuchia okhwingiramo, okhuula kori ngolwa muchia khurula mulidookho elio.5 Ne bala abarabengisia, nimurula mulidookho elio, musisimule olufu lwa makulu keng'we, mani bube obuloli khunibo.6 Bamala nibachia nibakeenda muchingoongo, nibayaala ifanjili, nende okhuonia abaandu buli abuundu;7 Ne Herodi omuruki yamala nabuliri amakhuwa akayakholaanga, naba nende obukanakani khulwo khuba abàandu bandi babolaanga bari, Yokhana yalamuukhe khurula mubafu, 8 ne abandi nabo baboola bari mulala khu banabii asuikhire. 9 Herodi naye yaboola ari, esie ndakheenga omurwe kwa Yokhana, bulano owambuliraanga amakhuwa kaye uno ni wina? Ne niyekoomba okhumubona.10 Ne abarume ngolwa bakalukha, bamubolera amakhuwa kabakhola koosi, naye yababukula nachia nabo abuundu wabaandu babulao, mulidookho lilangwa mbwe Betisaida. 11Arali omukaanda kwa baandu ngolwa bamanya, bamuloonda, naye yabengisia, nachaaka okhulomaloma nabo amakhuwa kobwami bwa Nasaye, naonia bala abali nende elienya liokhuonisibwa.12 Bulano ngolwa eliuba liachaaka okhukwa, ekhumi nende babiri bala bamubolera bari, sebula omukaanda kuchie muchingoongo nende muchindalo echili indulo banyoole abuundu wokhweyalisia nende ebiakhulia, khulwo khuba abuundu wa khuli ano ni mulumira. 13 Yeso naye yababolera ari, eng'we mubaberesie ebiakhulia, nabo bakalusia bari, efwe khubula esiindu siosi, arali emigaati kiraano nende ching'eeni chibiri,nibinyalikhana khuchie khukulire abaandu bano boosi ebiakhulia. 14 (Khulwo khuba abaandu basaacha baliiwo bali kori echilifi chiraano). Naye nabolera abeeka baye ari, mwikhasie abaandu asi mumikaanda kia makhumi karaano, karaano.15 Bamala nibakhola bario, nibekhasia abaandu boosi asi. 16Namala nabukula emigaati kiraano kila nende eching'eeni chibiri chila, nalingeera akulu mwikulu, nabianira chikhabi, nafunaka, naberesia abeeka baye mbwe baberesie mukaanda. 17 Boosi balia bekura, nibanyoola okhubuusia ebikaapo ekhumi nende bibiri ebiadonga.18 Ne ngolwa yali nalaamanga yeng'ene, abeeka baye bali alala ninaye: yabareeba naboola ari, abaandu babolaanga mbwe esie ndi wina? 19 Nabo bakalusia nibaboola bari Yokhana omubatisia, abandi babolaanga bari Eliya, khandi abandi baboola bari mulala khubanabii bakhale yasuikhire.20 Naye yabareba ari, eng'we nang'we muboola mbwe esie ndi wina? Petero yakalusia naboola ari, Kirisito wa Nasaye.21Arali naye yabakania nachuchwisia mbwe barabolerakho omuundu elikhuwa elio; 22 namala naboola ari, bili mbwe Omwana womuundu okhuula anyakhane amanyakhano mangi, khandi akhaywe nende abakofu nende abakukhani bakhoongo nende abaandiki, nende okhumwira, nende khulamusibwa inyaanga ya khadaru.23 Ne yababolera boosi ari, omuundu yesi yeesi nadakha okhunoonda, okhuula anyoole khwekaana mwene, mani abukule omusalaba kwaye buli nyaanga mani yanoonde. 24Khulwo khuba ula odkha okhuonia bulamu bwaye, achia khubukosia, naye ula okosia obulamu bwaye khulwo khubeera esie, omwene oyo achia khubuonia. 25 Niingaanga sina eyo muundu achia khunyoola nanyoola esialo siosi, naye omwene asasikha kose asukunwa erwanyi?26 Khulwo khuba yeesi ochia okhumbonera echisoni nende amakhuwa kange , omwene oyo, omwana womuundu achia khumubonera chisoni, nakalukha muluyaali lwaye, nende olwa Samwana, nende bamalayika batakatifu. 27Arali babolera obwadieri mbwe, baliwo abandi abemere ano, abarachia okhubona liifwa, nibasiri khubona obwami bwa Nasaye.28 Ne olunyuma lwe chinyaanga munane namalire khuboola amakhuwa ako, yabukula Petero, nende Yokhona, nende Yakobo, nachia ninabo mulugulu khulaama. 29 Ne ngolwa yali nalaamanga, obweni bwaye bwakalukhana, ne chingubo chiaye chiali chindafu30Lingeera abaandu babiri balolekhana nibalomaloma ninaye, abene abo bali Musa nende Eliya: 31 Ababonekhana muluyaali, nibalomaloma khuliifwa liaye eliachia khwolerera mu Yerusalemu.32 Naye petero nende bala abali alala ninaye bali muchindoolo chinyiingi: ne ngolwa basimukha, balola oluyaali lwaye, nende abaandu babiri abali nebemere ninaye. 33 Ne ngolwa bali nibalekhana naye, Petero yabolera Yeso ari, Omwami, nibilayi efwe okhuba ano: Bulano lekha khumbakhe amayeema kadaru; lalal eliao, eliindi alia Musa nende eliindi elia Eliya; naramanyirisia kala akayaboola.34 Ngolwa yali nabolaanga kene ako, elilesi liecha , nilibafunikha: nibadiirwa nende oburi ngolwa bengira mulilesi elio. 35 Idoboosi yarula mulilesi elio niyiboola yiri, uno niye Omwana wange mukheerwa; mumubulire. 36 Ne ngolwa idoboosi eyo yamala khulomaloma, Yeso yabonekhana nali yeng'ene. Babulera nende amakhuwa ako nibarabolerakho omuundu yeesi kala akababona muchinyaanga echio.37 Bulano inyaanga yalondakho, ngolwa bekha okhurula khu lugulu, abaandu bangi babukanana ninaye.38 Ne lingeera omuundu mulala akari womukaanda yamulaanga mudoboosi naboola ari, Mwami khusaba olingerekho omusiani wange: khulwo khuba niye sa omwana wange yeng'ne. 39Lola, esikhieno simudiraanga mani akhube chimbuungu; khandi simurechangamo indulume, mani arusie lifiiro, ne khasi simulekhaanga lwangu naranyubulukhe lukali. 40 Sabire abeeka bao mbwe bamurusiemo, arali khasi banyalirwe khaba.41Yeso naye yakalusia naboola ari, eng'we olwibulo lubula busuubiri, olwakora, njia okhuba ninang'we okhuula lina nimusiri musaanda? Rera ano omwana wao. 42 Ne ngolwa yali nachia , esikhieno siamukoka asi, nisimuramo indulume. Naye Yeso yalabira roho imaanu, namala naonia omwana, namukalusiria samwana.43 Abaandu boosi baukisibwa khuloondana nende amaani makhoongo ka Nasaye. Kori ngolwa bali nibaukisibwaanga khuloondana nende amakhuwa ka Yeso yakhola, yabolera abeeka baye ari, 44lekha amakhuwa kano kengire mumarwi keng'we: khulwo khuba omwana wo muundu achia khureebwa mumakhono ka baandu. 45Arali nabo khasi manyirisia amakhuwa kayaboola, khulwo khubeera kakisibwa nibarakamanyirisia: ne bali nende oburi khumureeba likhuwa elio.46 Olunyuma bachaaka khurebana bari niwina ochia khuba omukhoongo akari wabwe. 47 Yeso naye ngolwa yamanyirisia mapaaro kabwe, yabukula omwana mudidi namusudia ambi ninaye, 48 nababolera ari, omuundu yeesi ochia khwingisia omwana uno, muliira liange, achia khuba yengisie esie, ne omuundu yeesi ochia khunyingisia achia khuba yengisie ula owanduma. Khulwo khuba yesi yeesi oli mudidi akari weng'we mweesi, omwene oyo niye omukhoongo.49 Yokhana yakalusia namubolera ari, Mwami mukhoongo khwabwene omuundu narusia ebikhieno muliira liao, ne nikhumukania, khulwo khuba khasi achiraanga alala ninafwe. 50 Yeso naye yababolera ari, muramukania khaba, khulwo khubeera yesi yeesi orayingana ninang'we ali alala nang'we.51 Chinyaanga chiaye echio khuchia akulu chiali ambi khula, yaba nende elichoomo liokhuchia Yerusalemu; 52 Yaruma abarume imberi waye: nibachia nibengira mulukoongo lwa Basamaria, khulwo khurekekha lukoongo. 53Arali banalukoongo khasi bamwingisia khulwo khubeera elichoomo liaye liali khuchia Yerusalemu54 Ne kori ngolwa abeeka baye Yakobo nende Yokhana babona bario, bamubolera bari Mwami, khulagire muliro kurule mwikulu kwiche kubasasie; (kori ngolwa Eliya yakhola)? 55 Naye yabakalukhanira nabakania.(naboola ari, khasi mumanyire ngolwa Roho wa muli naye afwana). 56 Khulwo khuba omwana womuundu khasi yeecha khusasia emioyo kia baandu, arali khukionia. Nibamala nibarula nibachia mulukoongo lundi.57 Ne ngolwa bali khungira nabachia, omuundu mulala yamubolera ari, Mwami, ndakhuloonda buli abuundu wonachia. 58 Yeso naye yamubolera ari, amabwe kali nende ameena, amayoni nako kali nende ebiyu, arali Omwana womuundu naye abula abuundu wokhura omurwe kwaye.59 Namala nabolera oundi ari, noonde. Naye naboola ari, Omwami, mbekho mberi obweyaango njie siikhe baba wange. 60 Yeso namubolera ari, lekha abafu basiikhe abafu babwe; ewe nawe chia oyaale obwami bwa Nasaye.61 Omuundu uundi yeesi yamubolera ari, Omwami, ndakhuloonda, arali mbekho obwayaango njie sebule abaandu beingo wange. 62 Yeso naye namubolera ari, abulao omuundu ogeenganga omukhono kwaye khukhulima nalingeera inyuma, okhoyera mubwami bwa Nasaye.
Chapter 10

1 Lunyuma lwa makhuwa ako, Omwami yalobola abaandu bandi makhumi saba, namala nabaruma babiri babiri mbwe barangirire khuchia imberi waye mubuli lukoongo nende buli abuundu owayadakha khuchia mwene. 2 Yababolera ari, bwadieri ebikese ni biingi, arali abakholi be mirimo ni badidi; khulwako, musabe Omwami wa bikese arume abakholi be mirimo mubikese biaye.3 Bulano baruma mbwe muchie kori abaana ba makoondi akari wa mabwe. 4 Murakiinga esikaapo, kose esibeeti, kose bilaaro, kose murakheesia omuundu khu ngira.5 Ne nimwingira munyuumba yosi yoosi, murangirire okhuboola mbwe omuleembe kube munyuumba yino, 6 naye omwana womuleembe nabaamo omuleembe kweng'we kunabamo; ne nabulamo, omuleembe kweng'we kunabakalukhira. 7Khandi mudoonge munyuumba omwo, nimulia nende khung'wa bila ebiabababeresia; khulwo khubeera omukholi wemirimo akhoyera khuberesebwa omuruungo. Murakeenda kenda khurula munyuumba nimuchia muyiindi.8 Ne mubuli lidookho lia mwingiiramo, nibabengisia, mulie ebiakhulia biamuberesebwa. 9Khandi muonie abalwaye balimo, ne mubabolere muri, obwami bwa Nasye busudire ambi nang'we10 Arali mubuli lidookho lia mwingiramo, ni bakhaya okhubengisia, murule mubweo, ne nimubira khu chingira chiabwe, muboole muri, 11 kata olufu lwomulidookho lieng'we olwanda khu makulu kefwe, lwosi khubasisimulira musichubo siengwe. Arali mumanye lino mbwe obwami bwa Nasaye busudire ambi.12 Ne babolera mbwe, inyaanga yila yichia khubakho kakayi khu Sodooma, okhirakho lidokho elio.13 Ni uuwi khu ewe Korosini! ni uuwi khu ewe Betisaida! khulwo khubeera akamangalimwa kekholekhana khweng'we kaba mbwe kekholekhana Tiro nende Sidoni, khuchaakira abwene ao bakhekanire nibefwala echingubo chia magunia nende khwikhala mulikokhe. 14 Arali inyaanga yobukhalaki ichia khubakho kakayi khu Tiro nende Sidoni khulwe sinyasio siabwe okhirakho eng'we. 15 Nawe ewe Kaperanaumu, okingulirwe khula mwikulu, ochia khwikhisibwa okhuula magoombe.16 Ula obabulira , aba abuliire esie, naye ula obakhaya aba akhayire esie, naye okhaya esie, aba akhayire ula owanduma.17 Ne amakhumi saba bala bakalukha nibali nende busangaafu, nibaboola bari, Mwami, kata ebikhieno birurire mulira liao, 18 Yeso naye yababolera ari, mbwene Sietani nakwa khurula mwikulu kori ngolumiesi. 19Lola baberesie amaani ko khuseena khu chinjukha nende khu chingoberanyaanja, nende akula wamaani komusuku, ne sibulao esiindu sichia okhubanyaala mungeri chiosi. 20 Murasangaala mbwe khulwo khubeera ebikhieno bibarire, arali musangaale khulwo khuba ameera keng'we kaandikwa mwikulu.21 Ebikha biene ebio Yeso yasangaalira muroho , naboola ari, khukhubira orio Ewe Sefwe, Omwami womwikulu nende musialo, mbwe wakisa amakhuwa kano bala ababumanyirisi nende makesi, nofunulira abaana badidi, ne bibonekhana okhuba bilayi mumoni chiao ewe Sefwe.22 Naboola ari, baba yamberesia ebiindu bioosi, ne abulao omuundu omanyire omwana arali Samwana, khandi abulao omuundu omanyire Sefwe arali Omwana, naye yesi yeesi owo Mwana akheera, yekuliraanga omwene oyo.23 Namala nakalukhanira abeeka baye, nalomaloma nabo bong'ene, naboola ari chimoni chiabona kala akamubona chili nende chikhabi. 24 Khulwo khubeera esie babolere mbwe , abanabii bangi alala nende baruki bekoomba okhubona kala akamubona arali khasi bakabona, nende khubulira kala akamubulira ne khasi bakabulira.25 Lingeera, omuundu wa malako mulala yasingira khumuteema, naboola ari Omwekesia, khole sina khunyale okhunyoola obulamu bwechinyaanga chioosi? 26 Yeso naye yakalusia namureeba ari, kaandikwa karie mumalako? Ewe osomaanga orie? 27 Naye yakalusia naboola ari, okheere Omwami Nasaye nende omwoyo kwao kwoosi, nende imbeera yao yoosi, nende amaani kao koosi, nende amapaaro kao koosi, nende mumenyeranwa wao kori nge ewe omwene. 28 Yeso yamubolera ari, wakhakalusia bilayi: bulano khola kene ako, nochia khumenya.29 Naye ngolwa yadakha okhwelolesia okhuba mukololofu, , yabolera Yeso ari, omumenyeranwa wange niye wina? 30 Yeso naye yamukalusia naboola ari, omuundu undi yekha khurula Yerusalemu nachia Yeriko, ne yamala nakwa mumakhono kabebi, nibamufwalula chingubo, nibamunyaala nibamulekha nali ambi okhufwa.31 Ne khulwe yikhabi indayi, omukukhani yeecha khubirira khungira eyo, ne kori ngolwa yamubona, yakabukha nabirira khundulo. 32 Khandi omulawi yeesi ngolwa yola abuundu ao, yamubona, ne nabirira khundulo.33 Arali Omusamaria mulala nali khulkeendo, yola abuundu ao, namala nachia namulingeera, namubonera esisa. 34 Yamala nasuda ambi ninaye, namuboya amakoonjo kaye, nakabakha amafura nende ifini, namala namura khusolo yaye namuyira munyuumba ya bakeni, nachiririra khumuliinda. 35 Ne inyaanga yaloondakho, yaruunga mwene inyuumba ya bakeni chidinari chibiri, namubolera ari, chiririra okhumuliinda, ne siosi siosi esiochia khwekhonyisiria akulu, njia okhuruunga ningalukha36 Bulano khu baandu badaru bano, ewe opaara mbwe ni wina omumenyeranwa wa ula owakwa mumakhono kabebi? 37 Naye naboola ari ni ula owamubonera sisa. Yeso namala namubolera ari, chia mani okhole orio.38 Ne ngolwa bali nibachiririraanga bengira mulukoongo lundi; naye omukhasi mulala owalangwa mbwe Marita yamwingisia munyuumba mwaye .39 Ne yali nende omukhana wabwe owalangwa mbwe Maria, owekhala mumakulu ka Yeso, nabulira amakhuwa kaye.40 Arali Marita naye yali nanyakhananga khu mirimo miingi, namala namuchira naboola ari, Mwami, khasi obonakho kori mukhana wefwe yandekheere mirimo sieng'ene? Bulano mubolere yakhonyekho. 41 Yeso naye yamukalusia namubolera ari, Marita, Marita, onyakhananga nende okhwesandia khulwe biindu biingi, 42arali esienyekhana ni siindu silala sa, Maria aloboole olwande lulayi, olwo muundu aranyala okhumumalakho.
Chapter 11

1Ne ngolwa yali abuundu wandi nalaama, niyamala, mulala khu beeka baye yamubolera ari, Mwami, rwekesie khulaama kori ngolwa Yokhana yekesia abeeka baye.2 Naye nababolera ari, nimulaama, mubole muri, Sefwe oli mwikulu, Eliira liao liribwe. Obwami bwao bwiiche. Elienya liao liekholekhane musialo kori ngolwa liekholekhana mwikulu.3 Oruberesie omugaati kwa buli nyaanga. 4 Orulekhere chimbi chiefwe, kori ngolwa fwesi khulekheraanga bala abarukholeraanga mabi . oraruyira mumateemo khaba, arali orununule khurula khu mwoni.5 Khandi yababolera ari, ni wina khweng'we oli nende omwiicha, namwichira akari wesiro , namubolera ari, mwiicha wange ndeyosiekho emigaati kidaru; 6khulwo khubeera omwiicha wange oli khu lukeendo yakhanjichira, ne esie nange mbulakho esiindu sio khumuberesia. 7 Ne ula oli mukari amukalusia naboola ari, oraanyasia khaba, khulwo khuba muliangiro kumalirwe khwikalawao, nange nende abàana bange khweyalisie khu sitaanda; khasi nyala khusingira ndakhuberesia migaati. 8 Ne babolera mbwe, kata kario khasi anasingira okhumuberesia, khulwo khuba mbwe nomwiicha waye, arali khuloondana nende khujingirisia khwaye, achia khusingira nende khumuberesia ebiadakhire bioosi.9 Khandi babolera mbwe musabe ne munaberesebwa, mukoonye ne munanyoola, mukhong'oonde ne munekulirwao. 10 Khulwo khuba buli muundu osaba aberesebwa, ne ula okoonya anyoola, ne ula okhong'oonda yekulirwao.11 Khulwo khuba ni wina khweng'we owomwana waye namusaba ari, baba mberesie mugaati, naye amuberesia likina, kose ing'eeni ne mubweyaango bweing'eeni amuberesia injukha? 12 Koes namusaba libuyu ne amuberesia ingoberanyaanja? 13Bulano eng'we muli abakholi bechimbi nimumanyire okhuberesia abaana beng'we ebianwa bilayi, naye Seng'we oli mwikulu khasi anaberesia okhirakho bala abamusaba Roho mulafu?14 Khandi Yeso yali narusia esikhieno siralomaloma, ne ngolwa esikhieno siarula, omuundu ula owali naralomalomanga, yachaaka khulomaloma, ne abaandu nibaukisibwa. 15 Abandi khunibo baboola bari, Arusia bikhieno khubirira Beelisebuli omukhoongo webikhieno.16 Abandi bamuteema khulwo khudakha esilolero khurula mwikulu. 17 Yeso naye namanyirisia amapaaro kabwe, naye nababolera ari, buli bwami obuyingana obwene khubwene bunyasikhaanga, khandi inyuumba niyikabukhana yene khu yene ikwichaanga.18 Naye Sietani yeesi nayingana omwene khu mwene, obwami bwaye buneema burie? 19 Bulano nikaba mbwe esie ndusia sikhieno khubirira khu Beelisebuli, ne abaana beng'we nabo barusianga khubirira khu wina? 20 Ne nakaba mbwe esie ndusia sikhieno khubirira khu lwala lwa Nasaye, bulano mumanye mbwe obwami bwa Nasaye bumalire okhubechera.21 Omuundu wa maani alindaanga inyuumba yaye niyeboyere bilwaniro biaye, mbwe ebiindu biaye binyoole okhuba abwene mumuleembe, 22 arali omuundu wamaani khumukhira namwichira mani yamukhira, aba anamunyuula ebilwaniro biaye bioosi abiabere niyesikire, nakabula bila bioosi ebiabere nabio. 23 Omuundu orali nange omwene oyo khasi yandakha; naye ula orabuusia alala nange, asakulaanga.24 Sikhieno nisirula mumuundu, sibiriranga abuundu wamaachi kabulao, nisikoonya abuundu wokhubulukhira, ne nisiranyoola, sibolaanga siri, ndakalukha munyuumba yange eyandarulamo.25 Ne nisikalukha nisinyoola mbwe beyere inyuumba niyindafu,26 ni simala sichia sieenda ebiasie saba ebili bimaanu khusikhirakho esiene, nibimwingiramo nende khumumenyamo: ne imbeera yaye eyimalirikha yiba imaanu okhirakho eyamberi.27 Ne ngolwa yali nalomalomanga amakhuwa ako, omukhasi mulala akari wa baandu yakingula idoboosi yaye, naboola ari, inda yakhukinga nende chimbeere chiakhununia bili nende chikhabi. 28 Arali naye yaboola ari, nibilayi, ne bali nende chikhabi bala ababulira elikhuwa lia Nasaye nende khulidiira.29 Ne abaandu ngolwa bali nibakhebusia abuundu wa yali, yachaaka khuboola ari, olwibulo luno nolwibulo lumaanu, lukoonya esilolero, ne khasi banabersebwa silolero arali sila esilolero esiomunabii Yona.30 Khulwo khubeera kori ngolwa Yona yali esilolero khu baandu ba Ninebe, nilwo olwo Mwana womuundu yeesi achia khuba khulwibulo luno.31 Omuruki mukhasi owe bukwe achia khweema alala nende abaandu bolwibulo luno inyaanga yobukhalaki, ne achia khubakhalakira: khulwo khuba yarula musialo okhwicha khubulira obumanyirisi bwa Solomoni, khandi, lola , ula oli mukhoongo khukhira Solomoni ali ano.32Ne abaandu ba Ninebe bachia okhwema alala nende olwibulo luno inyaanga yo bukhalaki, ne bachia khubakhalakira: khulwo khubeera bekanira ngolwa Yona yayaala, khandi lola, ula oli omukhoongo khukhira Yona ali ano.33 Abulao omuundu wakhianga itaara nayikisa kose khuyigeenga asi weimeesa, arali ayigeengaanga akulu wesisindi, mbwe bala ebeecha mukari banyoole okhubona bulafu. 34 Obulafu bwomubiri ni imoni: khulwako, imoni yao niyili indafu, omubiri kwao kwoosi kuli nende obulafu, ne imoni yao niyili nende obubi, omubiri kwao kwoosi kuli musirima. 35Khulwako, lingeera mbwe obulafu buli mukari mwao bureecha bwaba esirima. 36 Ne nikaba mbwe obulafu busalanire mumubiri kwao kwoosi, ne lubulao olwande luli nende esirima, omubiri kwao kwoosi kunaba nende obulafu bwoosi kori ngolwa itaara yikhukhoserianga bulafu bwayo.37 Ne ngolwa yamala okhulomaloma, Omufarisaayo mulala yamwingisia owaye okhuchia khulia ebiakhulia: namala nachia niyekhala khulia ebiakhulia. 38Ne Omufarisaayo oyo ngolwa yabona, yaukisibwa lukali, khulwo khuba Yeso yalia nasiri okhwesaaba.39 Arali Omwami naye yamubolera ari, eng'we Bafarisaayo mwosianga esikoombe nende isaani erwanyi, ne mukari mweng'we mwechulamo obunyuusi nende obubi. 40 Basiru eng'we; khasi ni ula owakaasia ebierwanyi niye owakasia nende ebiomukari? 41Murusie ebianwa ebiomukari, ne bioosi binaba bilafu khweng'we.42 Ni uuwi khweng'we Abafarisaayo, khulwo khuba murusianga ebia likhumi bia isuuga nende chimboka nende buli imbia ye eliani lio mundalo, ne mulekha amakhuwa kobukhalaki nende obukheeri bwa Nasaye; mukhoyere khukhola akaamberi kala, ne muralekha akalondakho.43 Ni uuwi khweng'we Abafarisaayo, khulwo khuba mwakheera okhwikhala imberi muchisinagogi nende okhunyoola makhesio mubiiro. 44 Ni uuwi khweng'we Abaandiiki nende Abafarisaayo, abekaadi! khulwo khuba mufwanana nende ebirindwa birabonekhana, ebia baandu babirangakho akulu nibaramanyirisia45 Omuundu mulala owamalako yakalusia naboola ari, Omwekesia, orunyekere efwe fwesi khukhuboola orio. 46Yeso naye yaboola ari, eng'we abekesia bamalako nang'we, ni uuwi khweng'we, khulwo khuba mwadwikha abaandu emikuku misiro ekirekiinga, ne kata eng'we bene khasi mudirangakho mikuku ekio kata sa nende olwala lweng'we lulala.47 Ni uuwi khweng'we khulwo khuba mumbakhaanga ebirindwa ebia banabii, ne abaseng'we nibo ababeera. 48 Khulwako, murusiango obuloli nende khufukirira ebikhole ebia abaseng'we; khulwo khuba nibo ababeera nang'we mubombakhira ebirindwa49 Ne khulwa kene ako, obumanyirisi bwa Nasaye bwaboola buri, lola njia khubarumira abanabii nende abarume, nabo bachia okhusiinja nende okhusaandia abandi khunibo nende okhuberusia, 50 ne olwibulo luno lubaanjwa amabaanga ka banabii boosi akedikha khuchàaka omuse kwesialo nikurebwao; 51khuchaakira khu mabaanga ka Habili okhuula khu mabaanga ka Sakaria owafwira akari wobwali nende ikhekalu. Esie babolera obwadieri mbwe kachia khuba akulu wo lwibulo luno.52 Ni uuwi khweng'we abamalako, khulwo khuba mumalireo olufunguo lwamakesi, eng'we bene khasi mwingira, ne kata bala ababere nibengira mukari, mubekalire okhwingira.53 Ne ngolwa yababolera amakhuwa ako, abaandiki nende Abafarisayo bachaaka khumukhaya mubululu nibamureeba ebiindu biingi, 54 nibamureka okhubona nibakhanyoola elikhuwa lirula mumunwa kwaye eliakhakera bamusitaaka
Chapter 12

1 Mubikha biene ebio, echilifu chia baandu ngolwa bebusia alala, omukaanda kwa baandu bangi, okhuula nibasenanakho, yachaaka mberi okhuboolera abeeka baye ari, mweliinde nende elimera lia Bafarisaayo, ne nilio obwekaadi.2 Ne libulao elikhuwa liekisa elirakhamanyikhane, kose eliakisibwa elirakhafunulwe. 3Khu kario, kala koosi akamwalomaloma musrima, kachia khubulirikhana mubulafu, ne kala akamwalomalomera munyuumba yo mukari, mukhurwi khwo muundu, kachia khuyaalwa akulu wesirama.4 Ne baboolera ari, eng'we abeecha bange mbwe, muraria abo abeera omubiri ne lunyuma babula eliabakhakhola okhirao. 5 Arali ndababoolera ula owa mukhoyere okhuria; murie ula oli nende obunyala bwo khusukuna magoombe niyakhamala okhwira, omwene oyo niye owamurie.6 Ne makaburuku karaano sikakusibwaanga amatongolo kabiri? Ne libulao elia Nasaye yebiriranga kata elala. 7 Ne kata elifwiri lio khumirwe kieng'we liabalwa lioosi. Khulwako muraria khaba, khulwo khubeera eng'we muli obobukusi khukhira amakaburuku mangi.8 Khandi baboolera mbwe ula ochia okhundeeyama imberi wa baandu, omwana womuundu naye achia okhumufukirira imberi wa malayika ba Nasaye; 9 ne ula oondekaana imberi wa baandu, njia okhumwekaana imberi wa malayika ba Nasaye. 10 Ne buli muundu ochia khulomaloma elikhuwa libi khu mwana womuundu achia khulekherwa, arali ula onasinyisia Roho mulafu khasi achia khulekherwa.11 Ne nabichia khubayira imberi wechisinagogi,nende khubayaasia nende abaruki, muraba nende obukanakani nimupaara amakhuwa keeng'we kori ngolwa munakalusia, kose kori ngolwa munaboola, 12 khulwo khubeera Roho mulafu anabekesia ebikha ebio kala akamukhoyera okhuboola.13 Naye omuundu mulala akari womukaanda yamubolera ari, Omwami, boolera omusiani wefwe angabe obulaame bwefwe. 14 Yeso naye yakalusia namureeba ari, ni wina owakhola esie okhuba omukhalaki kose omukabi akari weeng'we? 15 Namala nababoolera ari muliingere munyoole khwekabula nende obwekoombi, khulwo khuba obulamu bwomuundu khasi buli mubuungi bwe ebiindu ebiali ninabio.16 Namala nababoolera olukaado ari, indalo yomuondu mulala omuyiinda yali niyamire lukali; 17ne nachaka okhupaara mumwoyo kwaye niyereeba ari, khole endie? Khulwo khuba mbula abuundu wokhura ebikese biange. 18Namala naboola ari, ndakhola endi: ndafunaka ebiaka biange, nimala nyumbakha ebiindi bikhoongo lukali, ne njia okhuramo ebiakhulia biange nende ebiindu biange bioosi.19Nindakhamala nimbolera omwoyo kwange mbwe, omwoyo oli nende ebiindu biingi bilayi ebiowebikhira khu miaka miingi; bulano nyoola okhubulukha, olie, ong'we, osangaale mani obulire bilayi.20 Arali Nasaye naye yamuboolera ari, omusiru ewe, omwoyo kwao kunadakhikhana musiro sie inyaanga yino! Ne ebiindu biao ebia webikhire bichia khuba ebia wina? 21Omuundu ula obikhisirianga omwoyo kwaye ne khasi yerekekhera Nasaye, afwana ario.22 Namala nabolera abeeka baye ari, khu kene ako, esie babolera mbwe, muranyakhanira obulamu bweng'we mbwe munalia sina, kose emibiri kieng'we kinafwala sina. 23 Khulwo khuba obulamu bukhira ebiakhulia, ne omubiri kukhira chingubo.24 Mulingere amayoni, khasi karakaanga kose khukesa; kabula siaki kose siduoli, arali Nasaye akalisianga. Nang'we simuli abobukusi lukali khukhira amayoni? 25 Ni wina khweng'we onyala okhwemeeda esikero siaye kata sa mukhono mulala khulwo khupaara? 26 Khulwako, nibili mbwe khasi munyala kata sa elikhuwa lididi, khulwa sina mwesandie khu kandi kala?27 Mulingeere kori ebimuli ebimeraanga, khasi bikholanga emirimo, khandi khasi bilukhaanga; nange baboolera mbwe kata Solomoni khasi yafwalwakho ebilayi muluyaali lwaye kori lala khuniko. 28 Khulwako nibili mbwe Nasaye afunikhaanga bunyaasi bubechaanga musino, obubao inyaanga yino ne muchuli busukunwa mumumuliro, khasi anabakholera okhirakho eng'we abobusuubiri budidi?29 Ne murakoonya ebia munalia kose ebia munang'wa; kose murabeyabeya, 30 khulwo khuba kene ako niko aka abaandu bomusialo bakonyaanga, arali Seng'we amanyire mbwe mubidakha.31 Arali mukoonye obwami bwa Nasaye, ne munamederwakho ebiindi bino. 32 Muraria eng'we omukaanda mudiidi, khulwo khuba Seng'we abwene mbwe nibilayi okhubaberesia obowami.33 Mukusie bila ebia muli nabio mani munyoole khurusia ebiaanwa. Mwekasirie chisao chirakofula, imbikhiro iraduduya mwikulu abuundu womwibi arakhasudao, kose echimberebende khunyasia. 34Khulwo khuba abuundu weimbikhiro yao yili, abwene ao niwo owo mwoyo kwao kwosi kuli.35 Ebibuno bieng'we bibe nibiboyerwe, ne echitaara chieng'we chibe nichiadukha; 36 eng'we nang'we mube kori nga abaandu balindire Omwami wabwe, ne nachia khukalukha okhurula musiserero, nakhong'oonda olwiki, banyoole okhumwikulirao lwangu.37 Bali nende echikhabi bala abakholi, abo Mwami wabwe niyeecha achia khubanyoola nibali meeso. Obwadieri babolera, mbwe achia okhweboya nende khubengisia khulia ebiakhulia, ne achia khwicha okhubaberesia ebiakhulia. 38 Bali nende chikhabi abakholi abo, nikaba mbwe Omwami aneecha musiro sia khabiri nende esia khadaru nabanyoola mumbeera eyo.39 Arali mumanyirisie likhuwa lino, mbwe omwene inyuumba aba yamanya ebikha biomwibi aneecheramo, yakhamokere ne khasi yakhalekhere inyuumba yaye yifunakwe. 40 Eng'we nang'we mwerekekhe, khulwo khuba Omwana womuundu yeecha mubikha ebiamuraparirisia.41 Petero naye yamureeba ari, Omwami, oruboleere olukaado olwo efwe sa, kose abaandu boosi? 42Omwami naye yamureeba ari, ni wina oli omwemerisi omwesikwa owobumanyirisi, owomwami waye anamugeeng'a akulu wa bakholi baye boosi, mbwe aberesie abaandu ebiakhulia khu bikha bikhoyera? 43 Niwechikhabi omukholi ula owomwami waye niyeecha achia okhumunyoola nakhola ario. 44 Obwadieri baboolera, mbwe achia okhumugeeng'a akulu we biindu biaye ebiali nabio bioosi.45 Ne omukholi ula naboola mumwoyo kwaye ari omwami wange akhindire okhwiicha, namala achaaka okhukhuya abakholi baye abasaacha nende abakhasi, nalia nende okhung'wa nameera; 46omwami womukholi oyo achia okhwiicha inyaanga yaraparire mubikha ebiakorerwe, ne achia khumurema ebidonye bibiri, namala amugeengera omukabo kwaye alala nende bala abarasubira.47 Ne ula mukholi owamanya elienya lio mwami waye, ne khasi yerekekha kose okhukhola elienya liaye, achia khukhuywa lukali nende emisarita mingi. 48Naye ula okorerwe, ne akholere akakhoyera okhukhuywa, achia khukhuywa budidi. Ne ula owaberesibwa ebiingi, khandi ebiingi bichia okhwenyakhana khumurulakho; ne ula owa baandu baberesia ebiindu biingi, bachia okhwenya ebiindu biingi khumurulakho.49 Njichire okhwambia omuliro musialo; ne nikumala kwambisibwa, ni likhuwa sina lindi eliandakha? 50 Arali ndi nende obubatisibwi obwaakhoyera okhubatisibwa, khandi ndi nende amanyakhano mangi okhuula ngolwa buchia okhulirira!51 Kose mupaara mbwe njichire okhurera omuleembe musialo? Babolera mbwe khasi bili birio khaba, arali ni bukabukhani. 52Khulwo khuba okhuchaaka bulano, khuchia khuba nende abaandu barano munyuumba abakabukhane, badaru khu babiri, ne babiri khu badaru. Samwana nende omusiani waye bachia khukabukhana, omusiani 53nende samwana; nginamwana nende omukhana waye, mukhana nende nginamwana, omukhwe nende mukhweng'ene, masaala nende mukhomusiani, mukhomusiani nende masalang'ene.54 Namala naboolera abaandu ari buli nimubona elilesi niliema emuumbo, nimuchaaka okhuboola muri, ifula yiicha; ne kaba kario. 55 Ne nimubona omuyaka nikuucha ebukwe, nimuboola muri khunaba nende oluuya, nikaba kario. 56 Abekaadi eng'we, mumanyire khukabukhania echimbeera chiesialo nende likulu, ne bulano kabere karie mbwe khasi mumanyire okhukabukhania bikha bino?57 Khandi khulwa sina kata eng'we bene khasi mukhalakaanga akali akobwadieri mumbeera chieng'we? 58 Khulwo khuba nokeenda alala nende ula ochia okhusitaaka nimuchia khumukhalaki, khola sinani wambanisibwe ninaye khungira, areecha yakhuusia khumukhalaki, ne omukhalaki naye yakhuusia mumakhono ka ula orungianga, naye amala akhusukuna mumboyero. 59Khuboolera mbwe khasi ochia khurulamo okhuula ngolwa ochia khuruunga amapesa kamalirikha.
Chapter 13

1Ne mubikha ebio, baliwo abaandu bandi abamuboolera amakhuwa ka Bagalilaya aba Pilato yasasania amabaanga kabwe nende ebisakhiro biabwe. 2Yeso naye yabakalusia nabareeba ari, mupaara mbwe Abagalilaya abo bali abakholi bechimbi khukhira Bagalilaya boosi, khumakhuwa ako nikabanyoola? 3Baboolera mbwe khasi kali kario khaba, arali nimurekanira, muchia okhusasikha murio eng'we mweesi.4 Kose mupaara mbwe bala ekhumi nende munane abeliida liakwakho nilibeera ela Silaomu, bali abakholi bechimbi khukhirakho abaandu boosi abali bamenya Yerusalemu? 5Babolera mbwe khasi kali kario khaba, arali nimurekanira, eng'we mweesi muchia khusasikha murio.6 Namala naboola olukaado ari; omuundu mulala yali nende omusaala okwarakwa mundalo yaye eyemisabibu, ne yachia okhulingeera ebiamo akulu wakwo, arali khasi yanyolakho khaba. 7 Namala naboolera omukholi weindalo yemisabibu ari, lingeera ndakhechaanga okhukonya ebiamo khu musaala kuno khulwemiaka kidaru, ne khasi nyoolangakho esiindu khaba, bulano kureme, khulwa sina kunyasianga indalo?8 Naye omukholi yamukalusia namuboolera ari, Omwami, kulekhekho mwaka kuno sa, nyoole okhukwakira nende khukurakho amasiingo; 9 ne olunyuma nikwama ebiamo, nibilayi; Ne nikurama, khwakureme.10 Bulano Yeso yali niyekesianga inyaanga ya isabaato musinagogi ndala. 11Ne lingeere yaliwo omukhasi mulala owali nende esikhieno sio budekhere khulwemiaka ekhumi nende munane, ne yali niyeefumba alala naranyala okhukololokha.12 Ne ngolwa Yeso yamubona, yamulaanga, namubolera ari, mukhasi ewe, bololwa khurula mubudekhere bwao. 13Namala namurakho amakhono kaye, nanyoola okhukololokha ebikha ebio, nafumia Nasaye.14 Omukhoongo weisinagogo naye yasinyisibwa khulwo khuba Yeso yaonia inyaanga ya isabaato, ne yakalusia naboolera abaandu ari, khuli nende echinyaanga chisasaba echio khoyera okhukhola emirimo, bulano mwiiche muonisibwe muchinyaanga echio, ne inyaanga ya isabaato nayo khaba.15 Naye Omwami yakalusia nabareeba ari, eng'we abekaadi, buli muundu khweng'we khasi abololaanga isurusi yaye kose ipunda yaye musidwoli inyaanga ye isabaato nachia nayo khuyingwesia? 16Ne khasi bikhoyera omukhasi uno okhubololwa oli owolwibulo lwa Ibraimu, owa Sietani yabooya khulwe miaka ekhumi nende munane, anyoole khurula mububoye buno inyaanga ya isabato?17 Ne ngolwa yaboola amakhuwa kano, abaandu bala boosi abali nibayingananga ninaye badiirwa nende chisoni, ne omukaanda kwa baandu boosi basangaala khulwo khubeera amakhuwa koluyaali akayakhola.18 Lunyuma Yeso yareeba ari, obwami bwa Nasaye bufwana kori sina? Khandi bukeranisie nende sina? 19 Bufwanana nende olufwa lwelisaaka olwomuundu yabukula nalusukuna mundalo yaye; nilumera, nikwekhola omusaala; ne amayoni nikeecha nikamenya mumasaga kakwo.20 Khandi yareeba elikhabi lia khabiri ari, ngerenisie obwami bwa Nasaye nende sina? 21Bufwanana nende elimera lio mukhasi yabukula nakisa mubidonye bidaru ebiobusie, ne bumala bulusia obusie bwoosi.22 Ne ngolwa Yeso yali khulukeendo lwokhuchia Yerusalemu nabirira mumadokho nende muchingongo niyekesia, 23 omuundu mulala yamureeba ari, Omwami, abaandu baonisibwa ni badidi? Naye yamukalusia naboola ari, 24mwedinyi okhwingira mumuliango mudiiyu, khulwo khuba babolera mbwe abaandu bangi bachia khwenya khwingira ne khasi bachia okhunyalirwa khaba.25 Ebikha biomwene inyuumba achia khweema nende khwikalao omuliango, eng,we nang'we muchia khwema erwanyi nimukhong'onda olwiki, nimuboola muri, Ewe Mwami, ruwikulire lwiki, naye achia khukalusia nababolera ari, khasi manyire khaba owamurula; 26ne muchia khuchaaka khubola muri, khwalichaanga nikhung'wa imberi wao, nawe wekesianga khuchingira chiefwe.27Arali naye achia khuboola ari, babolera mbwe esie ngorerwe owamurula, mubweo mundulekho mweesi abakholi bamabi eng'we.28 Abwene ao niwo owakhuchia khuba nende okhulira alala nende khulumasia ameno, ne muchia okhubona Ibraimu, nende Isaaka, nende Yakabo, nende abanabii boosi mubwami bwa Nasaye, nang'we abene muchia khusukunwa erwanyi. 29Abaandu bachia khwicha khurula ebukwe nende mumbo, emukulu nende mwalo, ne bachia khuwikhala okhulia ebiakhulia mubwami bwa Nasaye. 30Ne lingeera bala abali abokhumalirikha, bachia khuba abokhurangirira, ne abarangirira bachia khuba abamalirikha.31 Inyaanga yene eyo, baliwo Abafarisayo abamuchiira, nibamuboolera bari, rula ano obweo ochie abuundu wandi, khulwo khuba Herodi adakha okhwira. 32 Naye yababolera ari, muchie mubolera elibwe elio muri, lingeera inyaanga yino nende muchuli njia khurusia ebikhieno nende khuonia abalwaye, ne inyaanga yakhadaru njia khuolerera. 33 katakario bikhoyera esie okhuchiririra khungira yange inyaanga yino nende muchuli nende inyaanga yilondakho, khulwo khuba omunabii khasi akhoyera okhufwira erwanyi wa Yerusalemu.34 Ewe Yerusalemu, Yerusalemu owiraanga abanabii aborumirwe nobakhuya nende makina, nimakhabi kaanga akandadakha okhubuusia abaana bao kori ngolwa ingokho yibusianga ebimwinyi biayo asi wechimbaya chiayo, nang'we khasi mudakha khaba. 35 Babolera obwadieri mbwe, lingeera inyuumba yeng'we yilekherwe, ne khasi muchia okhumbona khandi okhuula ngolwa muchia khuboola muri ni wechikhabi ula owiicha muliira lio Mwami
Chapter 14

1 Ne ngolwa yengira munyuumba mwo muundu mulala khubakhoongo Babafarisaayo inyaanga ya isabaato khulwo khulia mugaati, bali nibamulingeraanga. 2Ne lingeera, khwaliwo nende omuundu yeema imberi waye owali nende obulwaye bwokhufwimba omubiri. 3Yeso yamala nareeba abamalako nende Abafarisaayo ari, amalako kafukirira okhuonia inyaanga ya isabaato kose khasi khaba?4 Arali nabo babulera sa. Yeso namala namudiira , namuonia, ne namulekhuula mbwe abweo. 5 Namala nabareeba ari, ni wina akari weng'we orakhaonia isurusi kose isukhiri yaye niyikwa mulina inyaanga ya isabaato? 6Nabo khasi banyalirwa okhukalusia khaba khu makhuwa kano.7 Ne ngolwa Yeso yabona bala abali nibalangirwe nibalobola ebisaala bieimberi, yababolera olukaado ari, 8 omuundu nakhulaanga musiserero, oreekhala khusisaala sili imberi khaba, areecha yabao omuundu olangirwe akhukhirakho oluyaali, 9 ne ula obalangire mweesi niyeecha nakhubolera ari, beresia uno esisaala! Abwene ao niwo owochia khudiirwa nende echisoni nosingira okhuchia inyuma.10 Arali nolangwa, chia mani wikhale inyuma, ne ula okhulangire niyeecha nakhubolera ari, omwiicha wange yicha osude imberi eno, abwene ao niwo owochia khunyoola oluyaali imberi wa bala boosi abalangirwe alala ninawe.11 Khulwo khuba buli mulala owekingula achia okhwikhisibwa, naye ula oweyikhia asi achia okhukingulwa.12 Ne yamala nabolera omuundu wamulaanga ari, noreresia ebiakhulia biesideera kose ebieingoloobe, oralaanga sa abeecha bao bong'ene khaba, kose abaana beng'we, kose abekho bao, kose abamenyeranwa bao abali nende emiandu, mbwe bosi bareecha bakhulaanga mani wanyoola omuruungo.13 Arali noreresia obukeni, laanga abamanani, abekhuyuka, abalema nende abaofu, 14nawe ochia okhunyoola chikhabi khulwo khuba abene abo babula esiokhuruunga, arali ochia khuruungwa mubulamusi bwobalungifu.15 Ne ngolwo muundu mulala owali akari wa bala abali khumeesa nibalichaanga nende Yeso yabulira amakhuwa kano, yamuboolera ari, niweyikhabi ula omuundu ochia khulia omugaati mubwami bwa Nasaye. 16Arali Yeso naye yamuboolera ari, omuundu uundi yareresia obukeni bukhoongo obweyingolobe, ne nalaanga abaandu bangi, 17namala naruma omukholi waye ebikha biebiakhulia bieingoloobe mbwe achie abolera bala abalangwa beeche, khulwo khuba ebiindu bioosi birekekhwe.18 Arali abaandu boosi bachaaka okhusaba obweyango nende elichoomo elala. owamberi yamuboolera ari, ndakulire indalo, nibili mbwe okhuula njie yilingere, nojama undekhere. 19Oundi naboola ari, ndakulire echisurusi chiokhulima amajoki karaano, njia okhuchiteema, nojama undekhere. 20Oundi naboola ari, ndadeekhisie omukhasi ne khulwe sifune esio khasi nyala okhwicha.21 Omukholi yeecha nabolera omwami waye amakhuwa kano. Ne omwene inyuumba yasinyikha, namala nabolera omukholi waye ari, rula erwanyi lwangu mani ochie khuchingira chikhoongo nende chindiidi echiomulidokho, onyoole khurera ano abamanani nende abekhuyuka, nende abaofu, nende abaranyala khukeenda. 22 Omukholi waye namubolera ari, Omwami, okolagire koosi kamalire okhwekholekhana, ne obweyaango busirimo.23 Ne omwami namala nabolera omukholi waye ari, rula erwanyi ochie khumwanda nende khuchinjakho, mani oyiike baandu bengire mukari, inyuumba yange yinyoole okhwichula. 24 Khulwo khuba esie babolera mbwe, abulao kata omuundu mulala akari wa bala abalangwa ochia khukhombakho obukeni bwange.25 Ne emikaanda kia baandu bangi ngolwa kiali nikimulondaanga, yakalukhana nababolera ari, 26 omuundu niyanjichakho, ne khasi yasiula samwana, nende ngina, nende omukhasi waye, nende abaana baye, nende abasiani babwe alala nende abakhana babwe, nende kata omwene, khasi anyala okhuba omweka wange khaba. 27Omuundu yesi yeesi orabukula omusalaba kwaye mani yanoonde, khasi anyala khuba omweka wange.28 Khulwo khuba ni wina akari weng'we nadakha khumbakha omunara orakhekhala asi mberi mani abalirire obukusi mani abone mbwe ali nende ebiindu biyera okhumala kose? 29 Ne areecha yakhirwa okhumala olunyuma lwokhuchaaka omuse, mani abaandu boosi nibabona nibachaaka khumuchekha, 30nibaboola bari, omuundu uno yachaaka okhumbakha ne khane yabula amaani kokhumala.31 Kose nomwaami oliena nadakha okhuchia khulwana nende omwami uundi, orakhekhala asi mberi khulwo bukeraki, anyoole okhumanya nibili mbwe ye alala nende abaandu chilifu ekhumi ananyala khulwana nende ula omwichira nali nende abaandu chilifu amakhumi kabiri? 32 Ne nabona mbwe khasi ananyala, naruma abaandu khulwo khukoonya omuleembe, omuundu ula nasiri ale. 33 Khulwako buli mulala khweng'we orakhalekha ebiindu bioosi ebiali ninabio, khasi anyala okhuba omweka wange khaba.34 Ichumbi niindayi, arali ichumbi niinyasikha yinyala khurebwamo sina mani khandi inyoole okhuba indayi? 35 Khasi yili nende obukhoonyi muliloba kose kata khureresia siduke siamasiingo, abaandu bachia khuyisukuna erwanyi. Ula oli nende amarwi kokhubulira anyoole khubulira.
Chapter 15

1 Bulano abasololi bomusolo boosi alala nende abakholi bechimbi basuda khu Yeso okhubulira amakhuwa kaye. 2 Ne Abafarisaayo alala nende abaandiiki bachaaka okhwekanyirisia nibabola bari, omuundu uno yengisianga abakholi bechimbi khandi alichanga ninabo.3 Yeso yalomaloma nababolera olukaado ari, 4 nimuundu sina khweng'we owelikoondi liaye lala akari wa makoondi imia nilikora orakhalekha amakhumi tisa nende tisa kala musichiimi, mani achie okhukoonya lila elikorere okhuula ngolwa achia khulinyoola? 5Ne namala khulinyoola alikiinga khumabeka kaye nasangalire.6 Ne niyoola munyuumba mwaye, achia khulaanga abeecha baye alala nende abamenyeranwa baye, nababolera ari, musangaala alala ninange, khulwo khuba malire khunyoola elikoondi liange eliali liakora. 7Babolera mbwe nilwo olwa khuchia okhuba nende obusangaafu mwikulu khulwo khubeera omukholi wechimbi mulala owekanira, khukhirakho abakholi bechimbi amakhumi tisa nende tisa abarekanira.8 Kose khuli nende mukhasi sina oli nende echisilingi ekhumi, nakosia ndala, orakhambia itaara nende okhweya inyuumba, nakoonya musinani okhuula ngolwa ayinyoola? 9 Ne namala okhuyinyoola achia khulaanga abeecha baye alala nende abamenyeranwa baye nababoolera ari, musangaale alala ninange, khulwo khubeera nyolere isilingi eyambere ngosisie. 10 Baboolera mbwe kario nilwo olwobusangaafu buli imberi wa malayika ba Nasaye khulwo khubeera omukholi wechimbi mulala owekanira.11 Khandi namala naboola ari, omuundu mulala yali nende abasiani babiri, 12 omudiidi yabolera samwana ari, baba mberesie omukabo kwemiandu okukhoyera. Naye samwana yamala nabakaba ebiindu biaye.13 Olunyuma lwechinyaanga chinyiingi, omusiani mudiidi yamala nabusia ebiindu biaye bioosi, nasamula okhuchia musialo siale; namala nanyasia emiandu kiaye mukhumenya obulamu bwokhuradeeba. 14 Ne ngolwa yali niyakhamala okhwekhonyisiria ebiindu bioosi, injala ya maani yachaaka khubao musialo esio, naye yeesi yachaaka okhuba nende ameenya.15 Namala nachia niyambana alala nende omuundu mulala mwibulanwa owomusialo esio, namala namuyira mundalo yaye mbwe anyoole khulisianga echimbichi. 16Niyekoomba okhulia ebiindu biechimbichi chialekhanga, ne abulao omuundu yamuberesiakho esiindu siosi siosi khaba.17 Ne ngolwe yeecha yemanya yamala niyereeba mumwoyo kwaye ari, abakholi ba baba banga abalichaanga ebiakhulia nibidoonga, nange esie ano ndi khufwa injala! 18Namala naboola ari, ndarula mani mbweo njie owa baba mani muboolere mbwe, baba ndakhola mabi imberi welikulu nende imberi wao, 19 khasi khoyera khandi okhulangwa omwana wao, khole sa kori nga mulala khubakholi bao.20 Namala narula nachia khu samwana. Ne ngolwa yali nasiri ale, samwana yamubona, namwelalikhira, namala nachia namweburakho mukosi namuchunjuna. 21 Ne omusiani naye namubolera ari, baba ndakhola mabi imberi welikulu nende imberi wao, khasi khoyera okhulangwa omwana wao.22 Arali samwana naye yaboolera abakholi baye ari, murere ingubo indayi lwangu, mumufwale khandi mure ingila mulwala lwaye, nende bilaaro mumakulu kaye, 23murere imoosi ikhomefu yila mani muyisiinje khulie khusangaale, 24khulwo khubeera omusiani wange uno yali yafwa, ne bulano alamukhe, yali yakora, ne bulano abonekhane. Nibamala nibachaaka khusangaala.25 Bulano omusiani waye omukhuluundu yali mundalo, ne kori ngolwa yali niyeecha nayakhasuda ambi nende inyuumba, yabulira idoboosi yechinyimbo nende amakhino, 26Namala nalaanga omukholi mulala, namureeba ari, makhuwa kano kekesia sina? 27Naya namuboolera ari, omusiani wang'we yechere mani baba wao asinjire imoosi ikhomefu, khulwa khubeera amunyolere khandi nali mulamu.28 Naye namala nasinyikha nakhaya okhwingira mukari. Naye samwana yarula erwanyi namwekweeda. 29 Arali naye yakalusia samwana naboola ari, lingeera esie ndakhakhukholeraanga emirimo khulwemiaka mingi kino, ne khandi khasi ndakhayakho okhukhola akawamboolera okhukhola ebikha biosi biosi, ne khasi wamberesiakho kata sa khameme mbwe nyoole okhusngaala nende abeecha bange; 30Naye omusiani wao uno, owalia ebiindu biaye alala nende bayeyi, omusinjiire imoosi ikhomefu.31 Naye namubolera ari,ewe omusiani wange obechaanga ninange echinyaanga chioosi, khandi ebiindu biandi nabio bioosi ni biao. 32Okhusangaala nende khukhuba sioka bikhoyera, khulwo khubeera omusiani weng'we uno yali yafwa, ne bulano alamukhe, yali yakora , ne bulano abonekhane.
Chapter 16

1 Khandi Yeso naboolera abeeka baye ari, yaliwo omuundu mulala omuyiinda, owali nende omwemirisi wemiandu kiaye, ne bamusitakakho mbwe yali nanyasirie emiandu kiaye. 2Omuyiinda oyo yamala namulaanga, namureeba ari, makhuwa sina kano akambuliraanga khuloondana ninawe? Yekesiakho kori ngolwa okholaanga emirimo kiao, khulwo khubeera khasi onachiririra khuba omwemirisi.3 Naye mwemirisi oyo yamala niyeereba mumwoyo kwaye ari, khole endie? Khulwo khuba omwami wange yandusia khu bwimirisi, ne esie mwene khasi nyala okhulima, khandi mbona chisoni okhusaba. 4 Bulano manyire esindakhola, nindusibwa khubwimirisi, mani abaandu bonyoole khunyingisia munyuumba chiabwe.5 Namala nalaanga buli muundu owali nende elikobi liomuyiinda waye, namala nareeba owamberi ari, omuyiindq wange akhubaanja sina? 6 Naye nakalusia ari, ebikero imia ebia mafura. Naye namuboolera ari, bukula obwandiike bwelikobi liao mani wikhale asi lwangu wandiike amakhumi karaano. 7 Namala nareeba oundi ari, ewe nawe obanjwa sina? Naye nakalusia ari, ebikero imia ebie ingaano. Namubolera ari, bukula obwandiike bwelikobi liao mani wandiike amakhume munane.8 Omwami yamala nafumia mwemirisi mubi ula khuloondana nende kori ngolwa yakhola mubumanyirisi, khulwo khuba abaandu bomusialo babechaanga nende bumanyirisi mulwibulo lwabwe okhirakho abaandu bobulafu. 9 Nange baboolera mbwe, mube nende abeecha mumiandu kiobwoni, ne nikichia khubwa banyoole okhubengisia mubumenyo bwechinyaanga chioosi.10 Ne ula oli mwesikwa khubindu bidiidi, nomwesikwa mubiingi biosi:, naye ula orali mulungifu mubindu bidiidi khasi nomulungifu kata mubiindu bingi biosi. 11Khulwako, nikali mbwe eng'we khasi mwali abesikwa mumiandu kiabwoni, niwina ochia okhubeesika mumiandu kiobwadieri? 12 Ne nibili mbwe khasi mwali abeesikwa mumiandu kio mundu undi, ni wina ochia okhubaberesia ekieng'we bene?13 Abulao omukholi onyala khukholera abaami babiri; khulwo khuba achia khusuila mulala ne akheera mulala, kose achia khudirana nende mulala nalekeresia oundi. Khasi munyala okhukholera emiandu nende Nasaye.14 Bulano Abafarisaayo, abali abakheera amapesa, babulira makhuwa ako koosi, ne nibamujaara. 15 Naye yababolera ari,eng'we mwebolaanga imberi wa baandu mbwe muli abakololofu, arali Nasaye naye yamanya mioyo kieng'we, khulwo khuba sila esiekingula imberi wabaandu sibechaanga siekingula imberi wa Nasaye.16 Amalako kaliiwo alala nende banabii okhuula owicha khwa Yokhana: khuchaaka ebikha ebio, amakhuwa malayi akobwami bwa Nasaye kayalwaanga, ne buli muundu ateemanga okhweyingisiamo nende amaaani. 17 Arali ni biangu muno elikulu nende sialo khurulao, khukhirakho eliandiko lia malako khurulakho kata sa elala.18 Ne buli muundu olekha omukhasi waye nadeekhia omukhasi undi, abechaanga akholere buyeyi, naye ula odeekhia omukhasi womusaacha waye alekhere yeesi abechaanga akholere buyeyi.19 Namala naboola ari yaliwo omuundu muyiinda owefwalaanga echingubo chingwalafu echiomusambarau, nasangalira emiandu kiaye mingi bulinyaanga. 20 Naye omumanani mulala owalangwa mbwe Lasaro owamakoonjo kali kechula khumubiri kwaye kwoosi, yayirangwa khusiribwa siaye, 21 yekombaanga okhulia ebiindu bialakakhanga asi khurula khu meesa yomuyiinda ula, ne kata echimbwa chiechaanga khumukhomba khu bikoonjo biaye.22 Omumanani oyo yamala yafwa ne malayika nibamubukula nabamuyira khusirifu sia Ibraimu. Omuyiinda ula yeesi yamala nafwa, ne nasiikhwa. 23Ne ngolwa yali nanyoola amanyakhano nali emagoombe, yakingula chimoni chiaye nabona Ibraimu nali ale ninaye, Lasaro naye nali khusirifu siaye.24 Yalira naboola ari, ewe baba Ibraimu, nojama ndelalikhirekho, mani orume Lasaro yenikhe olwala lwaye mumaachi anyisie olulimi lwange, khulwo khubeera esie ndi khusandisibwa mumuliro kuno.25 Ibraimu naye yamubolera ari, mwana wange, yichulisia mbwe ewe wanyoola amakhuwa kao malayi mubulamu bwao, arali Lasaro naye yanyoola amakhuwa mabi, ne bulano ali khulemisibwa omwoyo kwaye ano, ewe nawe osandisibwa. 26 Khandi okhirakho ako, elidikho likhoongo liageengwa akari wefwe ninang'we, mbwe bala abakhadakha khurula eno khwicha oweng'we eyo baranyalirwa khaba, kose kata abaandu bali owengwe eyo baraambukha beecha wefwe eno khaba.27 Omuyiinda ula namala naboola ari, mani baba, khusaba mbwe omurume munyuumba ya baba, 28 khulwo khuba ndi nende abasiani befwe baraano, achie abayalire, mbwe bosi bareecha bola abuundu wa manyakhano ano.29 Ibraimu naye naboola ari, bali nende Musa alala nende abanabii, lekha bababulire. 30 Omuyiindi ula naye nakalusia naboola ari, khaba dawe baba Ibrahimu, omuundu nabachiira khurula mubafu, banekanira. 31 Arali Ibrahimu naye yamuboolera ari, nibili mbwe khasi bakhabulira aka Musa alala nende abanabii, khasi bachia khufukirira kata omuundu narula mubafu.
Chapter 17

1 Yeso namala naboolera abeeka baye ari, amateemo kachia khwicha, arali ni uuwi khu muundu ula okera keeche! 2 Bikhoyera okhuboya elikina liokhusierakho mukosi mwomuundu oyo, mani asukunwe munyaanja, khukhira akosie mulala khu badiidi bano.3 Mwekenderesie abene, ne omusiani weng'we nakhola mabi, mwalabire, ne niyekanira, mulekhere. 4 Ne nakhukholera amabi makhabi saba khu inyaanga ndala, nakhwichira makhabi saba naboola ari, ndekanira,okhoyere omulekhere.5 Abeeka baye bamala nibamubolera bari Omwami, rumeede obusuubiri. 6 Mwami naye yababoolera ari, nimwakhaberekho nende obusuubiri bwaka kori lufwa lwe lisaaka, mwakhaboleere omukhuyu kuno muri, yiyikha ano, mani ochie orakwe munyaanja, ne kwakhababulire.7 Arali ni wina khweng'we owomukholi waye alimianga kose owayaanga echingoombe, nakalukha khurula mundalo, achia khumubolera ari, yicha lwangu, wikhale, olie ebiakhulia? Khasi anamubolera ari, ndereserie 8 ebiakhulia nyoole khulia, wedinyirisie okhalabanire, nimala khulia nende khung'wa, lunyuma wesi onanyoola khulia nende khung'wa?9 Achia khwebasia omukholi oyo mbwe khulwo khuba akholere akamulagirer? Anakhola ario? 10 Nang'we mwesi nimumala okhukhola bulk siindu esiamulagirwe, mubole muri, efwe khuli sa abakholi abarali abeingaanga, arali khukholera sa kala aka khukhoyere okhukhola.11 Ne ngolwa bali khungira nibachia Yerusalemu, Yabirira akari wa Samaria nende Galilaya. 12 Ne ngolwa yengira mulukoongo lundi, yabukanana nende abaandu bobukere ekhumi, 13nibeema ale, nibakhuba sioka mudoboosi ninaboola bari, Yeso, Omwami mukhoongo, rubonerekho esisa.14 Ne ngolwa yabalola, yababoolera ari, muchie mwelolesie khubakukhani. Ne ngolwa bali nibachia,banyoola khulabisibwa nibasiri khungira. 15 Ne mulala khuinibo ngolwa yabona mbwe yakhalabisibwa, yakalukha nafumia Nasaye mudoboosi ikhoongo, 16 namala nakwa mafumame mumakulu ka Yeso, namwebasia, ne omwene oyo yali Omusamaria.17 Yeso yamala nareeba ari, khasi balabisibwe boosi ekhumi? Ne abandi tisa nabo bali ena? 18Khasi bechere okhuberesia Nasaye oluyaali arali sa omukeni uno? 19Namala namubolera ari, singira obweo, obusuubiri bwao bukhuonisie.20 Ne ngolwa Abafarisaayo bamureeba bari obwami bwa Nasaye bwakheche lina, Yabakalusia nababolera ari, obwami bwa Nasaye khasi bwicha khukhubalirira khaba, 21 kose khasi bachia okhubola mbwe, lingeera, buli eno, kose ela, khulwo khuba, lingeera obwami bwa Nasaye buli mukari mweng'we.22 Namala nabolera abeeka baye ari, echinyaanga chichia khwicha echia muchia okhwekoomba khubona inyaanga ndala khuchinyaanga chiomwana womuundu, arali khasi mwakhayibone khaba.23Khandi bachia khubabolera bari, lingeera ano:,kose, lingera ela: Murarula abuundu wamuli khaba, kose murabaloonda khaba, 24khulwo khuba kori ngolwolumiesi lukhosianga khurula olwande luno asi welikulu, nilwo Olwomwana womuundu achia khuba munyaanga yaye.25 Arali bili mbwe okhuula anyoole amanyakhano mangi mberi alala nende olwibulo luno khumukhaya. 26 kori ngolwa echinyaanga chia Noa chiali, nilwo olwa kachia okhuba muchinyaanga Chiomwana womuundu. 27 Abaandu balichaanga, nibang'wa, badiekhienga bakhasi ne abakhasi nibadeekha, okhuula inyaanga yila eya Noa yengira musafina, ifula niyikha niyisasia abaandu boosi.28 Khandi kori ngolwa biali muchinyaanga chia Lutu, abaandu balichaanga nibang'wa, bakulaanga nibukisia, nibaraaka nende okhumbakha. 29 Arali inyaanga eya Lutu yarula Sodoma, esbiriti siarubulwa khurula mwikulu mani omuliro nikwadukha nikusasia abaandu boosi.30 Kachia khuba kario inyaanga yila eyo mwana Womuundu achia khufunulwa. 31 Inyaanga eyo, ula oli akulu, arekha okhwicha khubukula ebiindu biaye ebili munyuumba, naye ula oli mundalo yeesi arakalukha inyuma khaba.32 Mwichulisie omukhasi wa Lutu. 33 Omuundu yesi yeesi odakha okhweonia bulamu bwaye, achia khubukosia, arali ula ochia khukosia obulamu bwaye, achia okhubuonia.34Esie babolera mbwe, abaandu babiri bachia khuba khusitaanda silala musiro esio, ne mulala achia khubukulwa, ne ouundi achia khudoonga. 35 Abakhasi babiri bachia khuba nibasia alala, ne mulala achia khubukulwa, ne ouundi achia khulekhwa. 36 Abaandu babiri bachia khuba mundalo, mulala achia khubukulwa, ne ouundi achia khulekhwa.37 Nabo bakalusia nabamureeba bari, Owami, niena? Naye yababolera ari abuundu wesiindu sifwire sili, abwene ao niwo owechingosia chinyolekhanaga nichiebusirie alala.
Chapter 18

1 Namala nababolera olukaado ngolwa bakhoyere okhulaama Nasaye chinyaanga chioosi nibarajoonga emioyo, 2 naboola ari, yaliwo omukhalaki mulala mulidokho lindi, orarichanga Nasaye kose okhudeeba abaandu.3 Ne mulidokho elio yaliwo omukhasi mulekhwa , owamuchiraanga amakhabi mangi naboola ari, khonye nyoole akakhoyere khunyoola akari wange nende omusuku wange. 4Naye yakhaya khulwebikhi, ne olunyuma yeecha yaboola mumwoyo kwaye ari, kata kario esie khasi namaanga Nasaye khaba, khandi khasi mberesianga omuundu esiriibwa khaba,5arali khulwo khuba omukhasi mulekhwa uno oli khunyasia lukali, ndamuberesia akakhoyere khunyoola, areecha yachiririra khunjichangakho niyanysia.6 Omwami namala naboola ari, murekeresie kori ngolwa omukhalaki orali owobukololofu ula aboola. 7 Ne Nasaye naye khasi anaberesia abalobole baye abamulamaanga esideere nende siro akabakhoyere okhunyoola, ne khandi nimwesimirifu khunibo? 8Babolera mbwe, achia okhubaberesia kala akabakhoyere okhunyoola lwangu.Naye Omwana Womuundu nachia khwicha, achia khunyoola obusuubiri musialo?9 Khandi yamala nababoolera olukaado ari abaandu baliwo abebolaanga mbwe nibakololofufu, nibalekeresia abaandu bandi boosi. 10Bulano abaandu babiri bachia khulaama mukhekalu, mulala yali Omufarisaayo, ne owakhabiri yali musololi womusolo11 Omufarisaayo yeema nalaama niyebolakho ari, Ewe Nasaye, esie khwebasia khulwo khuba khasi ndi kori abaandu bandi, abanyuli abarali balungifu, abayeyi, kose kori omusololi womusolo uno. 12 Esie sibaanga makhabi kabira khu ijuma, khandi ndusianga silala khwe ekhumi khurula khubiindu bianyolanga bioosi13 Arali omusololi womusolo naye yeema ale, kata nakhirwa okhukingula chimoni chiaye mwikulu, arali yekhuya khuya khu sirifu siaye naboola ari, Ewe Nasaye, undekhere esie omukholi wechimbi. 14 Babolera mbwe, omwene uno yabwao khuchia munyuumba mwaye nabalirwe okhuba omulungifu khukhira ouundi ula, khulwo khuba buli muundu wekingula achia okhwikhisibwa asi, naye ula oweyikhia asi, achia khukingulwa.15 Abaandu bamala nibamurerera abaana badiidi mbwe anyoole okhubadirakho, arali abeeka baye nabo ngolwa balola bario, babalabira. 16 Yeso naye yabalaanga mbwe bachie abuundu owayali, naboola ari, mulekhe abaana badiidi banjichekho, murabakayira khaba, khulwo khuba obwami bwa Nasaye nibwabaandu bali kori abene abo. 17 Baboolera obwadieei mbwe, omuundu yeesi oranyoola obwami bwa Nasye kori ngomwana mudiidi, khasi achia okhwingira mubwami bwaye.18 Khandi omurukii undi yamureeba ari, Omwekesia mulayi, khole sina khunyoole obulamu bwechinyaanga chiosi? 19 Yeso naye yamukalusia namureeba ari, khulwasina niunaanga mbwe omulayi? Abulao omuundu mulayi arali sa mulala, ne omwene oyo niye Nasaye. 20 Yeso namala namureeba ari, omanyire amalako kaboola mbwe orakhola obuyeyi khaba, oreera khaba, oreebanga khaba, orarusianga obuloli bwobubacha khaba, richaanga so nende mao. 21 Omuruki ula naye yakalusia naboola ari, ndadiira kano koosi khurula muluraaga lwange.22 Ne ngolwa Yeso yabulira ario, yamubolera ari, lisiriwo elikhuwa elala elia waleemerwa, kusia ebiindu bioli nabio bioosi, mani okabe abamanani, nomala ni wicha unoonda, ne ochia khuba nende imbikhiro mwikulu. 23Arali omuruki ula ngolwa yabulira amwakhuwa ako yasinyisibwa lukali, khulwo khuba yali omuyiinda lukali24 Ne ngolwa Yeso yabona mbwe yali asinyikhe lukali, yaboola ari, abaandu bali nende emiandu bachia khuba nende obusiro bwaka burie okhwingira mubwami bwa Nasaye! 25 Khulwo khubeera ni biangu ingamia okhubirira muliina lie isindani, khukhirakho omuundu muyiinda okhwingira mubwami bwa Nasaye.26 Ne bala ababulira amakhuwa ako, bareeba bari, bulano niwina onyala okhuonisibwa? 27 Yeso naye yakalusia noboola ari, akaranyalikhana khubaandu kanyalikhana khu Nasye.28 Petero naye yaboola ari, lingeera efwe khwalekha ebiindu biefwe bioosi nikhukhuloonda. 29 Yeso namala nababoolera ari, baboolera obwadieri mbwe, abulao omuundu walekha inyuumba,kose abebusi, kose omusiani wabwe, kose omukhasi, kose abaana, khulwo khubeera obwami bwa Nasaye, 30 orakhanyoole lukali okhirakhao muchinyaanga chino, nende musialo siechulamo obulamu bwe chinyaanga chiosi.31 Namala nabukula ekhumi nende babiri bala, nababoolera ari, mulingeere khudakha khunina khuchia Yerusalemu, ne bulano amakhuwa koosi akaandiikwa nende abanabii khuloondana nende omwana Womuundu kachia okhwolerera. 32 Khulwo khuba achia khugeengwa mumakhono kabanasialo, ne bachia khumufuola, nende khumulekeresia, nende khumufuchakho mare, 33 bachia khumukhuya , ne lunyuma bachia khumwira, naye achia khulamukha khandi inyaanga ya khadaru.34 Arali nabo khasi bamanyirisia amakhuwa ako kata sa budiidi, khandi bali bakisibwa elikhuwa elio, ne khasi bamanyirisia akelomaloma.35 Ne ngolwa bali ambi okhuula Yeriko, omuundu mulala omwoofu yali yekhale khundulo khweingira nasabaanga obukhoonyi, 36 ne ngolwa yabulira omukaanda kwa baandu nikubira, yareeba ari, ni sina esili khwekholekhanaanga? 37 Bamubolera bari, Yeso wa Nasareti alikho abira.38 Naye omuwoofu ula yakhuba sioka, naboola ari, Yeso, Omwana wa Daudi, mbonerekho sisa. 39 Abaandu bali imberi bamwalabira nibamuboolera bari abulere, arali naye yameeda khukingula idobosi yaye lukali, naboola ari, Ewe Omwana wa Daudi, mbonerekho sisa.40 Yeso yamala niyeema, naboola ari bamurere abuundu wayali, ne ngolwa yasuda ambi naye, Yeso yamureeba ari , 41 Odakha khukholere sina? Naye yakalusia ari, Omwami ndakha khubona.42 Yeso namala namubolera ari, nyoola khubona, obusuubiri bwao bukhuonisie. 43 Namala nanyoola khubona ebikha ebio, ne namuloonda, nafumia Nasaye. Abaandu boosi ngolwa babona kene ako, bafumia Nasaye.
Chapter 19

1 Yeso yamala niyengira Yeriko nabira akari. 2 Ne yaliwo omuundu owalangwa mbwe Sakayo, owali omukhoongo wa basololi bomusolo, ne yali omuundu muyiinda.3 Omwene oyo yateemanga okhubona Yeso mbwe nomuundu ofwana arie, arali khasi yanyalirwaanga khulwo bungi bwabaandu naye omwene yali omwimbikiri. 4 Bulano yerukha chimbiro nachia imberi, nanina akulu khumusaala kwomukhuyu mbwe anyoole khumubona, khulwo khuba Yeso yali achia khubira khungira eyo.5 Ne ngolwa Yeso yola abuundu ao, yalingera akulu namala namubolera ari, Sakayo, yikha asi lwangu, khulwo khuba bikhoyera okhuwoonga munyuumba mwao inyaanga yino. 6 Ne yamala niyekha lwangu, namwingisia mubusangaafu.
8 Sakayo yamala niyema naboolera Omwami ari, Mwami, lingeera mberesia abamanani akari wemiandu kiange, ne naliwo ula owandanyuula esiindu khubirira khulwo khumusitaaka mububacha, njia khumukalusiria amakhabi kane. 9 Yeso naye yamubolera ari, obuwonia bwingire munyuumba muno inyaanga yino, khulwo khuba uno yeesi nomwana wa Ibraimu. 10 Khulwo khuba Omwana Womuundu yeecha okhukoonya nende khuonia sila esiakora.11 Ne ngolwa babulira amakhuwa ako, yameeda khulomaloma nababoolera olukaado, khulwo khuba yali ambi nende yerusalemu, nabo bapaara mbwe obwami bwa Nasaye bunabonekhana lwangu. 12Namala naboola ari, omuundu mulala owenyala, yasamula okhuchia musialo siale, okhunyoola buruki mani amale akalukhe.13 Yamal nalaanga abaandu ekhumi akari wabakholi baye, nababeresia ebiboo ekhumi ebia mapesa, nababoolera ari, mukhole obukhala okhuula ngolwa njia khukalukha. 14 Arali abaandu bomulidokho liaye bali bamusuila, ne bamala nibaruma abaandu khumuloondakho, nibamubolera bari, khasi khudakha omuundu uno aruruke. 15 Ne ngolwa yakalukha namalire khunyoola obwami bwaye, yalagira ari balaange abakholi bala abayaberesia amapesa kaye, mbwe anyoole khumanya ingaanga ya buli mulala yali nanyoolere khurula mubukhala bwaye.16 Owamberi yeecha naboola ari, Omwami, esiboo siao siarera ingaanga yebiboo biindi ekhumi. 17 Namala namuboolera ari, ni bilayi, omukholi mulayi, khulwo khuba obere omwesikwa mulikhuwa lidiidi, bulano nyoola obunyala akulu wamadokho ekhumi.18 Owakhabiri yeesi yeecha naboola ari, Mwami, esiboo siao siarera ingaanga yebiboo biraano. 19 Naye namuboolera ari, ewe nawe obe akulu wa madokho karaano.20 Ouundi yeecha naboola ari, Mwami, esiboo siao nisio sino,esia ndaboya mungubo, 21 khulwo khuba esie ndaria mbwe ewe oli muundu mudinyu, obukulaanga esiorabikha, khandi okesaanga esioraraaka.22 Naye yamubolera ari ndakhukhalakira khuloondana nende amakhuwa komunwa kwao mwene, ewe mukholi mubi wamanya mbwe esie mbechaanga omuundu mudinyu, obukulaanga esia ndarabikha, khandi ngesaanga esiandararaaka , 23 bulano , khulwa sina norayira amapesa kange khu bala abeyosianga, ne ningalukha kanyoole alala nende ingaanga yako?24 Namala naboolera bala abali nibemere ambi naye ari, mumunyule esiboo esio mani musiberesie ula oli nende ebiboo ekhumi. 25 (Nabo bamubolera bari, Mwami, oyo ali nende ebiboo ekhumi.)26 '' Babolera mbwe, buli muundu oli nende esiindu achia khumederwakho, naye ula obula siindu achia khunyulwa kata sila esiali ninasio. 27 Khandi murere imberi eno abasuku bange abali nibaradakha mbwe esie baruke, mani mubere imberi wange."28 Ne ngolwa yamala khuboola makhuwa ako, yachaaka lukeendo lwokhuchia Yerusalemu niyemire imberi.29 Ne ngolwa yali ambi khula Betifage nende Betania, khulugulu lulangwa mbwe Miseyituni, yaruma abeeka baye babiri, 30 naboola ari muchie mulukoongo luli imberi weng'we, ne nimwingira mukari munabona ipunda yomuundu yesi yeesi asiri khuyininakho niiboyerwe, muyibolole mani muyinderere.31 Naye omuundu namureeba ari, khulwa sina nimuyibolola? Muboole muri, khulwo khubeera Omwami ayidakha.32 Ne bala abayaruma bachia mani nibanyoola kori ngolwa yababoolera. 33 Ne ngolwa bali nibabololaanga ipunda, abeneeyo babareeba bari, khulwa sina muli khuyibololaanga? 34 Nabo babakalusia bari, Omwami ayidakha. 35 Bamala nibayirerera Yeso, nibaala chingubo chiabwe akulu weipunda, nibaninia Yeso akulu wayo. 36 Ne ngolwa yali nabwao, abaandu baala echingubo chiabwe khungira.37 Ngolwa yali ambi okhuula khusikhiriro sio lugulu lwa Miseyituni, omukaanda kwa beeka baye boosi kwachaaka khusangaala nibafumia Nasaye mudoboosi chikhoongo, khulwo khubeera ebikhole bioosi ebio bunyala ebia babona, 38 nibaboola bari, niwechikhabiu omuruki wiicha muliira lio Mwami: Omuleembe kube mwikulu alala nende oluyaali.39 Ne balala khu Bafarisaayo abali mumukaanda okwo bamuboolera bari, Mwami, kaania abeeka bao. 40 Yeso naye yakalusia naboola ari, "esie baboolera mbwe, kata bano nibabuleera, amakina kanakhuba sioka."41 Ne ngolwa Yeso yola ambi nende elidookho, yalira, 42 naboola ari, biakhabere bilayi niwakhamanyire akakhoyera okhurerera omuleembe inyaanga yino! Arali bulano kakisibwe mumoni chiao.43 Khulwo khuba echinyaanga chichia okhwichakho echiabasuku bao bachia khumbakha eliida likhubodokhane, ne bachia okhubodokhana nibakhulingeera buli lwande. 44 Bachia okhukoka asi alala nende abaana bao, ne khasi bachia okhulekherakho kata sa elikina elala akulu welindi, khulwo khubeera khasi wamanyirisia ebikha biao ebiokhukendera.45 Yeso yamala niyengira mukhekalu, nachaaka khurusia rwanyi abaandu bali nibakhola obukhala, 46 nababoolera ari, kaandikwa mbwe inyuumba yange yichia khuba inyuumba yokhulamiramo, arali eng'we nang'we muyikholere khuba elikhokho lia bebi.47 Naye yachiririra okhwekesia bulinyaanga mukhekalu. Arali abakhoongo babakukhani alala nende abaandiiki, nende abemirisi babaandu, bakonyaanga ingira yokhumwira, 48 arali khasi banyalirwa khunyoola, khulwo khuba abaandu boosi bali bedemberefuu nibamubulira.
Chapter 20

1 Inyaanga ndala ngolwa Yeso yali niyekesianga baandu mukhekalu nende khuyaala amakhuwa malayi, abakhoongo babakukhani, nende abaandiiki alala nende abakofu bamwichira 2 nibamureeba bari, rubolere mbwe okholaanga makhuwa kano khu bunyala sina? Khandi ni wina owakhubersia obunyala buno?3 Naye yabakalusia naboola ari, siesi ndabareeba elikhuwa elala, mumbolere mbwe, 4 obubatisibwi bwa Yokhana bwarula mwikulu kose khu baandu?5 Barebana abene khu bene, nibaboola bari,nikhubola mbwe bwarula mwikulu, anarureeba ari khulwa sina simwamusuubira? 6 Ne nikhubola mbwe bwarula khubaandu, abaandu boosi baba banarukhuya nende makina, khulwo khuba bafukirira mbwe Yokhana yali omunabii.7 Nibamala nibakalusia bari efwe khukorerwe owabwarula.8 Yeso naye nababoolera ari, esie siesi khasi ndabaolera mbwe kholaanga amakhuwa kano khu bunyala sina.9 Namala nachaaka khuboolera baandu olukaado luno: ari omuundu uundi yaraaka indalo yemisabibu, ne yalekhera abaandu abayilimaanga, naye yachia okhumenya musialo siale khulwe bikha bingi. 10 Ne yamala naruma omukholi waye ebikha biokhukesa mbwe abalimi bala bamuberesiekho ebiamo biomusabibu. Arali abalimi nabo, bamukhuya nibamwirukhania makhono makhaya.11 Khandi yamala naruma omukholi uundi, naye yeesi bamukhuya nibamwambia chisoni nende okhumwirukhania makhono makhaya. 12 Khandi yaruma owakhadaru, uno naye bamuumisia, nibamusukuna erwanyi.13 Bulano omwami weindalo yemisabibu yereeba ari khole sina? njia khuruma omwana wange mukheerwa, aundi nibachia khumubona, bachia khumuba esiriibwa. 14 Arali abalimi bala ngolwa bamubona, balomaloma abene khu bene, nibaboola bari uno niye omwene bulaame buno, bulano khumwire mani obulaame buno bube obwefwe.15 Nibamala nibamusukuna erwanyi weindalo yemisabibu nibamwira. Bulano Omwami weindalo yemisabibu achia khubakhola arie? 16 Achia khwicha nasasia abalimi abo, namala aberesia abaandu bandi indalo yemisabibu eyo. Ne ngolwa babulira amakhuwa ako, baboola bari, khaba dawe, kene ako karekhlekhana.17 Arali Yeso naye yabalingeera, namala nabareeba ari, "amekesio kelikhuwa liandikwa mbwe: Elikina liabombakhi bakhaya, nilio likina likhongo elio muchikona ni sina?18 omuundu ochia khukwa akulu welikina elio achia khufunikha, naye yesi yeesi owalichia khumukwakho, lichia khumusia abe obusie"19 Ne abaandiiki alala nende abakukhani bakhoongo bakoonya ingira yokhumudiira ebikha ebio, khulwo khubeera bamanya mbwe yababolakho mulukaado olwo, arali bali nende oburi khulwobeera baandu. 20 Bachaaka okhumulonderera, nibaruma abakheberi, ebekhola okhuba abaandu bobwadieri mbwe banyoole khumudiira khulondana nende makhuwa kaye mani bamale bamure mumakhano kabemirisi nende abobunyala.21 Bamala nibamureeba bari, Omwekesia, efwe khumanyire mbwe ewe obolaanga niwekesia amakhuwa kobwadieri, khandi khasi odebaanga obukhoongo bwomuundu khaba, arali wekesianga ingira ya Nasaye mubwadieri. 22 Bulano, bifukirirwa mumalako khuruunga musolo khu Kayisari, kose khaba?23 Arali Yeso naye yamanyirisia bikesi kesi biabwe, nababoolera ari, 24 " munjekesie idinari, yilikho sifwanani nende eliira lia wina."? Nabo bakalusia nibaboola bari, " esia Kayisari"25 Namala nababoolera ari, "bulano muberesie Kayisari ebia Kayisari, ne ebia Nasaye muberesie Nasaye." 26 Ne khasi banyalirwa khumusitaaka imberi wabaandu khulwa makhuwa kaye, nibaukisibwa lukali khuloondana nende amakalusio kaye, mani nibadoonga nibabulerere.27 Olunyuma, balala khu Basadukayo ababolaanga mbwe obulamusi bwa bafu bubulao bamuchiira, 28 nibamureeba bari, "Mwami, Musa yarwandikira naboola ari, omuundu nafwirwa omusiani wabwe oli nende mukhasi, ne abula omwana, abukule omukhasi oyo, mani anyoole khuberesia musaini wabwe olwibulo.29 Bulano khwaliwo nende abasiani saba, owamberi yadeekhia mukhasi, ne yafwa nabula omwana, 30owa khabiri yabukula mukhasi oyo, naye yeesi yafwa nabula omwana, 31 khandi owo khadaru yamudekhia, okhula owa saba, nibamala nibafwa nibaralekherekho abaana. 32 Olunyuma mukhasi ula yeesi yafwa. 33 Bulano,mubulamusi bwa bafu, achia khuba omukhasi wa wina? Khulwo khuba yadeekhera boosi saba?
34 Yeso yabakalusia naboola ari," abaandu bo musialo muno badekhianga nende khudeekha, 35arali bala abachia khubalwa okhuba abakhoyera okhunyoola esialo sila, nende khulamusibwa mubafu, khasi bachia khudeekhia kose khudeekha, 36 khandi khasi banyala okhufwa khaba, khulwo khubeera bali kori abamalayika, khandi nibaana ba Nasaye, ngolwa bali abaana bobulamusi.37 Ne khulw khuba abafu balamusibwaanga, kata Musa yekesia musichakha kori ngolwa yalaanga Omwami khuba Nasaye wa Ibraimu, nende Nasaye wa Isaaka, nende Nasaye wa Yakobo. 38 Naye khasi ni Nasaye wa bafu, arali ni wabalamu, khulwo khuba boosi bamenyaanga khuniye."39 Abaandki bandi bakalusia nabamuboolera bari,"Omwekesia, obolere bilayi," 40 ne khandi khasi batemakho okhumureeba elirebo liosi liosi khaba.41 Khandi Yeso yabareeba ari, abaandu babolaanga barie, mbwe kiristo nomwana wa Daudu? 42 Khulwo khuba Daudi mwene aboola muchisaburi ari, Mwami yabolera Omwami wange ari, yikhala mukhono kwange musaacha, 43 okhuula ngolwa njia khukhola abasuku asi wamakulu kao. 44 Khulwako Daudi amulaanga mbwe Omwami, bulano yakhaba arie omwana waye?"45Yaboolera abeeka baye imberi wabaandu boosi abali nibamubuliraanga ari, 46 mwelinde khulondana nende abaandiki, abakheera khukeenda nibefwalire chingubo chindaambi, nende khukheera khukhesibwa mubiiro, nende khwikhala imberi muchisinagogi, nende bisaala bikhoongo mubukeni. 47 Bengiriraanga chinyuumba chia bakhasi bafwire, khandi balamaanga malamo maraambi mubwekaadi. Abene abo bachia khunyoola obukhalaki bukhoongo."
Chapter 21

1 Yeso yamala nakiingula chimoni chiaye akulu, nalola abaandu bayiinda nibageenga ebianwa biabwe musakaapo sie imbikhiro. 2 Namala lola omukhasi uundi mufwire mumanani naraamo bukhela bubiri. 3 Yeso nababoolera ari,"omukhasi mufwire uno areremo chinyingi khukhira baandu boosi,4 khulwo khuba abaandu boosi barusisiengi ebianwa khurula khumiandu kiabwe miingi, arali uno naye areremo bioosi ebiali nabio khurula mubumanani bwaye."5 Ne ngolwa baandu bakabukhana bali nibalomalomaanga khuloondana nende ikhekalu, kori ngolwa yaronwa nende makina malayi nende ebianwa bia baandu, Yeso naye yaboola ari, 6 "chinyaanga chichia khwicha echia makina kamubona kano, liakhabuleo elichia khudoonga khuliindi elirakhalikulwe."7 Nabo bamureeba nibaboola bari, "Mwekesia, makhuwa ako kachia khwekholekhana liina? Ni silolero sina esiakhabeo amakhuwa kano nikachia khwekhola?" 8 Naye yabakalusia nababoolera ari, mulingeere mureecha mwabachwa khaba, khulwo khuba abaandu bangi bachia khwicha muliira liange, nababoola bari, 'esie nisie Kirisito, khandi ebikha biolere, murabaloonda khaba.9 Muchia khubulira amakhuwa keliiyie alala nende obuyingani, muraba bari khaba, khulwo khubeera bili mbwe akene ako okhuula kekholekhane mberi, arali okhumalirikha khwene khasi khuchia khwicha lwangu."10 Lunyuma lwa makhuwa ako yababoolera ari, esialo sichia khurula khukhuyana nende esialo siindi, khandi oburuki buchia khukhuyana nende oburuki bundi. 11Khuchia khuba nende okhurengerekha khukhoongo okhwesialo nende injala mumbeka chikabukhane, nende amalwaye makhoongo, amakhuwa kokhurisia kachia khubao alala nende ebilolero nende ebimanyisio khurula mwikulu.12 Arali keno ako koosi nikasiri khwekholekhana, bachia khubadiira nende khubasandia, bachia khubayira imberi wechisinagogi, nende muchimboyero, nibabayira imberi wabaruki nende bemirisi khulwo khubeera eliira liange. 13 Ne kene kano kachia khuba obuloli khwengwe.14 Bulano mube nende elichoomo mumioyo kieng'we, muraparirisia kori ngolwa munachia khukalusia, 15 khulwo khuba esie njia khubaberesia obumanyirisi muminwa kieng'we, ne bala ababasitaaka khasi bachia khunyalirwa khuyingana ninangwe kose khubakhira.16 Khandi bachia khubakhoba alala nende abebusi beng'we, nende abaana beng'we, nende abekho beng'we, nende abeecha beng'we, ne bachia okhwira abandi khweng'we. 17 Abaandu boosi bachia khubasuila khubeera eliira liange. 18 Arali libulao kata sa lusuiri luomrwe kwao oluchia khukora. 19 Ne muliinde emioyo kieng'we mubwesimirisi.20 Nimuchia khubona Yerusalemu niyibodokhanwe nende abaandu beliiyie, abwene ao mumanyirisie mbwe obusasikhi busudire ambi. 21 ne bala abali mubuyaudi berukhire muchingulu, nbo abala abali mukari mwelidokho barule rwanyi, abali mubialo bierwanyi, barengira mulidokho khaba. 22Khulwo khuba echio nichio echinyaanga chioburima, ne kala koosi akaandikwa kachia khulirira.23 Uuwi khu bala abali asiro nende abanunia muchinyaanga echio! kuhlwo khuba khuchia khuba nende okhunyakhana khungi musialo, alala nende burima akulu wabaandu bano. 24 Bachia khukwisibwa khuloondana nende obwoki bwo lugaanga, khandi bachia khubadiira nibabayira mubialo bioosi, ne banasialo bachia khusenakira Yerusalemu okhuula ngolwa chinyaanga chiabwe chichia okhulirira.25 Khandi ebilolero bichia khubao muluiba nende mumwosi, nende muching'ining'ini; nende musialo. Amanyakhano kachia khuba musialo alala nende khubeyabeya khwomunyaanja nende mafinda. 26 Ne emioyo kiabaandu kichia khujoonga khulwo buri, nibalingeera amakhuwa kachia khwicha musialo, khulwo khuba amaani komwikulu kachia khudengeyisibwa.27 Abwene ao niwo owabachia khubona Omwana Womuundu niyeecha mulilesi alala nende amaani koluyaali lukhoongo. 28 Bulano amakhuwa ako nikachaaka khwekholekhana, mube meeso mani mukingule akulu mirwe kieng'we, khulwo khuba obununuli bweng'we busudire ambi.29 Yababoolera olukaado ari; mulingeere omusaala mukhuyu; nende emisaala koosi, 30nikisebukha munalola nimumanyirisia abene mbwe esiminyu sili ambi. 31Khukario mwesi numuboona kano nikolerera nimumanya mbwe obwami bwa Nasaye busudire ambi.32 Baboolera obwadieri mbwe, olwibulo luno khasi luchia khubira amakhuwa kano koosi nikasiri khulirira. 33 Elikulu nende sialo bichia khubira, arali amakhuwa kenge nako khasi kachia khubira khaba.34 Bulano mwekenderesie abene mbwe emioyo kieng'we kireecha kiakhirwa nende obungwi bubiririre nende obumesi, nende okhwelalikhira khwobulamu; mani inyaanga yila yabanyoola nimuramanyirisie. 35kori ngomureko, nilwo olwabichia okhuba khubaandu boosi abamenyanga musialo siosi.36 Arali mube meeso mubikha bioosi, nimulaama mbwe munyoole okhuba nende amaani kokhuona mumakhuwa kano koosi akachia khwekholekhana, mani munyoole okhwema imberi Womwana Womuundu.37 Bulano yekesiaanga mukhekalu esideere, ne musiro namwo achia khweyalisia mulugulu lulangwa mbwe Miseyituni. 38 Ne abaandu boosi bamwichiraanga ichuli mukhekalu okhumubulira.
Chapter 22

1 Ne ngolwa inyaanga ye migaati kibulamo limera eyilangwa mbwe Pasika yali ambi okhuula,2 abakhoongo ba bakukhani alala nende abaandiki bali bakoonyanga ingira yokhumwira; khulwo khuba bali baria abaandu.3 Sietani yamala niyengira mumwoyo kwa Yuda, olangwa mbwe Isikarioti, owali mulala khu ekhumi nende babiri bala. 4Namala narula nachia nalomaloma nende abakhoongo babasikari kori ngolwa anyala okhura Yeso mumakhono kabwe.5Nabo basangaala lukali, nibafukirisania okhumuberesia amapesa. 6 Naye yafukirira namala nakoonya obweyaango bwo khumukhoba khunibo abuundu womukaand kubulao.7 Ne ngolwa inyaanga ye migaati kibulamo limera yola, eye likoondi lia Pasika liakhoyerwa khusinjwa. 8 Yaruma Petero nende Yokhana, naboola ari muchie mureresie ebiakhulia bia Pasika khunyoole okhulia. 9Nabo nibamureeba bari, odakha khuchie khureresie ena?10Naye yabakalusia ari,lingeera nimunaba nimwingira mudokho, munabukanana nende omusaacha nakingire isiongo ya maachi; mumuloonde mani mwingire munyuumba eyanengiramo. 11Ne muchia khuboolera omwene inyuumba muri,Omwekesia areebanga mbwe inyuumba ya bakeni yili ena, eya ndaliramo Pasika alala nende abeeka bange?12Naye achia okhubekesia inyuumba ikhoongo khu gorofa, niyimalirwe khureresibwa; mani mureresirie mukari omwo ebikhulia bia Pasika. 13 Bamala nibachia, nibanyola kori ngolwa yababolera, ne nibamala nibareresia ebiakhulia bia Pasika.14 Ne ngolwa ebikha biola, yekhala okhulia ebiakhulia alala nende abarume. 15 Namala nababoolera ari, ndekombaanga okhulia Pasika yino alala ninang'we okhusandisibwa khwange nikhusiri okhuula: 16 khulwo khuba baboolera mbwe esie khasi njia khulia khandi okhuula ngolwa obwami bwa Nasaye buchia khulirira.17 Namala nabukula esikoombe, niyebasia naboola ari, musibukule mani mukabanemo; 18 khulwo khubeera esie baboolera mbwe khasi njia okhung'wa ebiamo bio musabibu okhuula ngolwobwami bwa Nasaye buchia okhwicha.19 Khandi yamala nabukula omugaati, niyebasia, namala nakufunaka nende khubaberesia, naboola ari, kuno nikwo omubiri kwange okurusibwa khulwo khubeera eng'we; mukholenge murio khulwo khunjichulisi. 20Khandi kario yabukula esikoombe siosi lunyuma lwo khulia, naboola ari, esikoombe sino nisio elilakaano liyaakha mumabaanga kange, akachia khwidikha khulwo khubeera eng'we.21 Arali mulingeere omukhono kwa ula ochia khukhoba kuli alala ninange khu meeesa, 22 Nobwadieri Omwana Womuundu abwao kori bialakwa, arali ni uuwi khu ula omuundu omukhoba. 23 Bamala nibachaaka khurebena abene khu bene bari ni wina akari webwe ochia khukhola likhuwa elio.24 Okhuyingana khwarulirao akari wabwe, mbwe ni wina abalirwa okhuba omukhoongo. 25 Naye yababolera ari, abaruki babanasialo bekesianga obukhoongo khu baandu, khandi bali nende obunyala akulu wabwe, ne balangwanga mbwe abaandu bakholaanga malayi.26 Arali khasi bili birio khweng'we, ne ula oli mukhoongo akari weng'we, abe kori omwana; khandi owimirira abe kori omukholi. 27 Khulwo khuba omukhoongo ni wina? Ni ula owikhalaanga khu meesa okhulia ebikhulia kose omukhalabani? khasi ni ula owikhalaanga khulia ebiakhulia? Arali esie nange ndi kori omukholi akari weng'we.28 Eng'we ning'we abakhachiririra okhuba alala nange mumateemo kange. 29 Esie nange boloboleera obwami, kori sa ngolwa Baba yandobolera obwami: 30 mbwe munyoole okhulia nende okhung'wa khumeesa yange mubwami bwange; nimwikhale khubisaala bioluyaali, nimukhalakira echinjibulo ekhumi nende chibiri echia Isiraili.31 Omwami naboola ari Simoni, Simoni, lingeera Sietani adakhire okhubasia kori nga ingano; 32 arali esie khulaamire mbwe obusuubiri bwao buradengeyisibwa khaba, nawe nomala okhuwona, onyoole okhudinyisia abasio boosi.33 Naye yamubolera ari Omwami , esie nindi alala ninanwe, ndi mwerekekhe okhuchia mumboyero kose kata muliifwa. 34 Khandi naboola ari, Petero khubolera mbwe idaaywa khasi yinakholiokha inyaanga yino, ewe nosiasiri okhundekana makhabi kadaru noboola ori khasi umanyire khaba.35 Khandi yabareeba ari, ebikha bia ndabaruma nimubula mufuko, koes esibeti, kose ebilaro, mwalemerwakho esiindu siosi siosi? Nabo bakalusia bari khaba. 36Namala nababoolera ari, bulano ula oli nende omufuko akubukule, nende esibeti siosi, naye ula obula olugaanga, akusie ingubo yaye mani alukule.37 Khulwo khuba baboolera mbwe, kala akaandikwa khulondana nange mbwe; yabalirwa alala nende abakholi bamabi okhuula kolerere mwesie. Khulwa khuba kala akaloondana nange kali nende siakamo. 38Nabo baboola bari, Omwami, lingeera khuli nende echingaanga chibiri. Naye nababolera ari chiyera.39 Namala narula nachia mulugulu lwa Miseyituni kori ngolwa yakholaanga buli lwoosi, ne abeeka baye bosi bamuloonda. 40 Ne ngolwa yola, yababoolera ari, mulaame mbwe mureecha mwengira mumateemo.41 Naye omwene yekabula ninabo muburambi kori obwo khusukuna likina, namala nasigama asi nalaama, 42 nabola ari, Ewe Sefwe, nibili mbwe ofukirira, khusaba mbwe umalireo esikoombe sino, ne biraba khulwe lienya liange , arali elienya liao liekholekhane.43 Malayika bamwichira khurula mwikulu nibamuramo amaani. 44 Ne ngolwa yali mumanyakhano, yadinya lukali okhulaama, ne oluuya lwaye lwali lungi kori amabale kamabaanga nikakwa khuloba.45 Ne ngolwa yarula mukhulaama, yeecha abuundu wa beeka baye bali, nabanyoola nibakona chindoolo musibeera. 46 Yabareba ari, khulwa sina mukona chindoolo? Musingire, mulaame mbwe mureecha mwengira mumateemo.47 Ne ngolwa yali nalomalomanga, omukaanda alala nende ula owalangwa Yuda, owali mulala khu ekhumi nende babiri bala, nabemirira bamwichira, namala namusudakho nadakha okhumuchunjuuna. 48 Yeso naye yamureeba ari, Yuda, okhoba Omwana womundu khukhumuchunjuuna?49 Ne bala abali ambi ninanye kori ngolwa babona kala akali kachia khwekholekhana, bamureeba bari, khubareme nende lugaanga? 50 Ne mulala khunibo yamala nakhuya omukholi womukukhani, namukhalaka okhurwi khwaye okhwo mukhono muluungi. 51 Yeso yakalusia naboola ari, murakhola murio khaba . Namala nadiira okhurwi khwaye namuonia.52 Yeso yamala nareeba omukhongo wabakukhani alala nende abemirisi beikhekalu nende abakofu abamwichira ari, mwichire nende chingaanga nende ebikhokh kori abechera omwibi? 53 Bulinyaanga ngolwa ndabechaanga mukhekalu ninang'we, khasi mwakingulangakho makhono keng'we akulu wange khaba, arali bino nibio ebikha bieng'we nende ebio bunyala bwa siirima.54 Nibamala nibamudiira, nibachia ninaye munyuumba mwo mukukhani mukhoongo. Arali Petero naye yamuloonda inyuma. 55 Ne ngolwa bamala okhurubula muliro akari wolubiri bekhaala alala boosi, naye Petero yeesi yekhaala akari wabwe56 Abwene ao, omukhana mukholi mulala yamubona niyekhaale ambi nende muliro, namala namulingeera makhangasia mumoni, naboola ari uno yeesi yali alala ninaye. 57 Arali Petero naye yamwekana, nabola ari, omukhasi ewe, esie mukorerwe. 58 Lunyuma lwe bikha bidiidi omuundu undi yamubona ne naboola ari, ewe wesi oli mulala khunibo. Petro yakalusia naboola ari, musaacha ewe, khasi nesie khaba.59 Ambi wobweyaango bwa elisaa elala, omuundu undi yema nadinyirisia naboola ari, nibwadieri uno yeesi yali alala ninaye, khulwo khuba Nimugalilaya niye. 60 Petero naye yaboola ari, musaacha ewe, esie ngorerwe akobolaanga ako. Mubwangu bikha ebio ngolwa yali nalomalomaanga, idaaywa yakholiokha.61 Omwami yamala nakalukhana nalingeera Petero, naye Petero yamala niyechulisia elikhuwa lio Mwami yamubolera ari, inyaanga yino onandekana makhabi kadaru idaaywa niyisiri khukholiokha. 62 Petero namala narula erwanyi nalira mubuchuni.63 Ne abaandu bali badirire Yeso bamubayirakho nende khumukhuya. 64 Bamufunikha chimoni, nibamala nibachaaka okhumupama- pama mubweni , nibamuboolera bari, rusiakho obunabii mbwe niwina owakhupaama? 65 Khandi bamuboolera amakhuwa kandi akabisinyisio.66 Ne ngolwa esialo bwakhia, abakhuluundu babaandu bebusia alala nende abakhoongo babakukhani nende abaandiki, nibamala nibamuyira mulukhikho lwabwe, nibaboola bari, 67oli kirisito? rubolere. Naye yababolera ari, kata nibabolera khasi munasubira khaba, 68 khandi esie siesi nibareba khasi munangalusia khaba, kose khundekhula mbwe mbweo.69 Arali khuchaaka bulano Omwana womuundu achia khwikhala mukhono muluungi okwa maani ka Nasaye. 70 Nabo bamala nibamureeba bari, bulano ewe niwe omwana wa Nasaye? naye yababolera ari, muboola mbwe ndi. 71 Nibamala nibaboola bari, khandi khusiri khudakha obuloli obulien? Khulwo khuba efwe bene khwakhabulira khurula mumunwa kwaye mwene.
Chapter 23

1 Omukaanda kwabwe kwoosi kwamala nikwema, nikumuyira khu Pilato. 2Nibachaaka khumusitaaka nibaboola bari, khunyolere muundu uno nakosia esialo siefwe, nakanianga mbwe baraberesia Kayisari omusolo, khandi naboola mbwe ye mwene niye Kirisito, Omwami.3 Pilato yamureeba ari, ewe niwe omuruki wa Bayaudi? Yeso naye yamukalusia namubolera ari, ewe wakhaboola orio. 4Lunyuma Pilato yamala naboolera abakhongo babakukhani nende abaandu ari esie khasi mbonakho elikhuwa lio limaanu mumundu uno khaba.5 Arali nabo bali balulu lukali, nibaboola bari, achubianga baandu, niyekesia mubuyaudi yoosi, khuchaakira Galilaya okhuula eno.6 Ne ngolwa Pilato yabulira ario, yareeba nibili mbwe Yeso yali Omugalilaya. 7 Ne ngolwa yamanyirisia mbwe yali asi woburuki bwa Herodi, yamala namuyira khu Herodi khulwo khuba yeesi yali Yerusalemu chinyaanga echio.8 Ne ngolwa Herodi yabona Yeso, yasangaala lukali, khulwo khuba yekoombaanga okhumubona khulwe chinyaanga chinyiingi, khubeera yali nabulire amakhuwa mangi khuniyeye, ne yekoombanga okhubona esia mangalimwa siakholwa naye.9 Yamala namureeba mumakhuwa mangi, arali Yeso naye khasi yamukalusia likhuwa liosi liosi. 10 Abakhongo ba Bakukhani alala nende abaandiki bema nibamusitaaka mubudinyirifu.11Naye Herodi alala nende abasikari baye bamulekeresia nibamujaara, nende okhumufwala echingubo chio luyaali; ne olunyuma yamukalusia khu Pilato. 12 Ne inyanga yene eyo, Herodi nende Pilato bambaana mubwicha, khulwo khuba babechanga nende obusuku abene khu bene.13Pilato yabusia alala abakhongo babakukhani, nende abemirisi, nende abaandu, 14 nababoolera ari, mundeerere omuundu kori nga ula okosianga abaandu; arali esie nange ndakhamunoneresia imberi weng'we, ne khasi mubwenekhomo elikhuwa libi liosi liosi khulondana nende amukhuwa kala akamumustakiire,15 kose kata Herodi yeesi, khulwo khuba amukalusie khwefwe. Bulano, libulao likhuwa liosi liosi eliayakhola elikhoyera okhufwa. 16Khulwako, esie njia khumuberesia sinyasio, nimala mulekhula. 17 (Khulwo khuba biali mbwe okhuula Pilato abalekhulire omuboye mulala inyanga yesiserero).18 Arali abaandu nabo bakhubira alala sioka nibaboola bari, malao omuundu uno, mani orulekhulire Baraba. 19 Baraba yali yasukunwa muboyere khulwo bukhubakhubania obwarulirao mulidokho alala nende obwiri.20 Khandi Pilato yamala nalomaloma ninabo elikhabi lia khabiri, khulwo khubeera yadakha okhulekhula Yeso. 21Arali abaandu bakhuba sioka nibaboola bari, mubambe, mubambe. Khandi nababoolera elikhabi lia 22 khadaru nabareeba ari, khulwesifune sina? Ni sina sibi esiomuundu uno yakhola? Esie khasi muwenemo elikhuwa liosi liosi ilikhoyera afwe. Bulano nimala okhumuberesia sinyasio, njia khumulekhula.23 Arali abaandu bachiririra okhuba sioka lukali mudoboosi chikhoongo,nibadakha mbwe abambwe; ne chidoboosi chiabaandu alala nende abakhoongo babakukhuni chiakhira Pilato.24 Namala nakhalaka nabakholera ngolwa badakha. 25 Namala nalekhula ula owa badakha, owali yasukunwa muboyero khulwo khubeera obukhubakhubania nende obwiri, ne namala nababeresia yeso kori olwabadakha.26 Ne ngolwa bali nibamurusia erwanyi, badiira omuundu undi, owalangwa mbwe Simoni Mukireni, narula musialo, ne bamurakho omusalaba mbwe amukhoonye khukinga.27 Ne omukaanda kwa baandu bangi kwamuloonda, alala nende abakhasi abakhuba chimbuungu nibalira khulwo khubeera Yeso. 28 Arali naye yabakalukhanira, nababoolera ari, eng'we abakhana ba Yerusalemu, murandiriri khaba, arali mwelirire eng'we bene, nende abaana beng'we.29 Khulwo khuba echinyaanga chichia khwicha echia bachia khuboola bari, bali nende chikhabi bala abali abakuumba nende chinda echirakingakho abaaana, nende echimbeere chiranuniakho. 30 Ne bachia khuboolera chingulu bari rukwekho, ne bigulu nabio, bari rufunikhe. 31 Khulwo khuba nibili mbwe bakholeera kene kano omusaala mubisi, ne bulano omusaala mwomu nakwo bachia khukukholera barie?32 Ne baliwo abebi babiri abayirwa alala ninaye khuchia okhwirwa.33 Ne ngolwa boola abuundu wabalaanga mbwe Kalibari, bamubamba khu musalaba alala nende abebi abo, mulala khumukhono mulungi ne oundi khumukhon mukaada. 34 Yeso yamala naboola ari, Baba balekhere, khulwo khuba bakorerwe esiabakhola. Bamala nibabukula echingubo chiaye nibakhuba ikura yokhuchikabana35 Abaandu beema nibalingeera ,ne abaruki boosi alala nende abaandu bandi bamujaara nibaboola bari, yaonianga abaandu; bulano yeoniekho omwene nibili mbwe niye kirisito omulobole wa Nasaye.36 Abasikari bosi bamujaara nende khumuteema nibamaurerera amalwa malulu, 37 nibamuboolera bari, nibili mbwe oli Omwami wa Bayaudi, bulano weoniekho mwene. 38 Baandika akulu waye esimanyiro siboola mbwe; UNO NIYE OMURUKI WABAYAUDI.39 Naye mulala khu bebi bala ababambwa alala ninaye yamunyeka naboola ari, ewe sinewe Kirisito? Bulano weoniekho mwene mani khandi oruonie fwesi. 40Arali owasie naye yamwalabira namubolera ari, ewe khasi oriakho Nasaye khaba, ne oli mubukhalaki obwo? 41Obukhalaki buno burukhoyera efwe; khulwo khuba khuli khunyoola omuruungo kuyerana nende ebikhole biefwe: arali omuundu uno khasi yakholakho elikhuwa libi liosi liosi.42 Namala naboolera Yeso ari, unjichulisie niwingira mubwami bwao. 43 Naye yamukalusia naboola ari, khuboolera obwadieri mbwe, inyaanga yino ochia khuba alala ninange muparadiso.44 Nengolwa chiola esa chisasaba, esirima siafunikha esialo siosi okhuula esa tisa, 45 eliuba liosi liafunikhwa nende esirima, ne ipasia yomukhekalu yarandukha akari.46 Naye Yeso yalira mudoboosi ikhongo naboola ari, Baba Esie ngeenga omwoyo kwange mumakhono kao: ne ngolwa yamala okhuboola amakhuwa ako, yakhalaka omwoyo. 47 Naye omusikari ngolwa yabona kala akekholekhana, yafumia Nasaye naboola ari, nibwadieri omuundu uno yabere omulungifu.48 Ne abaandu boosi abali nibebusirie okhulola amakhuwa kali nikekholekhanaanga, ngolwa babona akekholekhana, babwao nibekuda ebirifu biabwe. 49 Ne bala boosi abali bamumanya alala nende abakhasi bali bamulondere khurula Galilaya, bema ale nibalingeera amakhuwa ako.50 Ne lola yaliwo omuundu undi owalangwa mbwe Yosefu mulala khu baandu bolukhikho, naye yali omuundu mulayi owobwadieri: 51( Omwene oyo khasi yafukirisania nende obukhalaki bwabwe,) ne yali omuundu wokhurula Arimadeya, elidokho lia Bayaudi: khandi yeesi omwene yalindiririranga obwami bwa Nasaye.52 Omuundu uno, yachia khu Pilato okhumusaba omubiri kwa Yeso. 53Ne yamala nakwakula , nakuboya muchingubo, namala nakusiikha mungani yali yabaachwa mulikina eyomuundu yeesi yali asiri khusikhwamo.54 Ne inyaanga eyo yali eyo khwerekekhera khulwao khubeera isabaato yali isida ambi. 55 Ne abakhasi bala abeecha ninaye khurula Galilaya, baloondakho mani nibalola kori omubiri kwaye kwalisibwamo. 56 Ne bamala nibakalukhayo, nibachia okhureresia ebiindu biesingaari nende amafura; nibabuluukha inyaanga yeisabaato khulondana nende amalako.
Chapter 24

1 Bulano khunyaanga ya amberi eyeijuma yola, beecha khusirindwa ichuli lukali nibarera ebiindu biesingaari ebia bali bareresie okhubakha omubiri kwaye, alala nende abaandu bandi. 2 Ne banyoola elikina nilirusibwe khusirindwa, 3 ne ngolwa bengira mukari, khasi banyolamo omubiri Kwomwami Yeso.4 Ne ngolwa bali nibakankanaanga khuloondana nende elikhuwa elio, babona abaandu babiri nibefwalire chingubo ching'enang'ena nibemere indulo ambi ninabo; 5 ne ngolwa badiirwa nende buri, nibenamia obweni bwabwe, babareeba bari,khulwa sina mukonyaanga omuundu mulamu mubafu?6 Khasi ali ano khaba, arali alamukhe: mwichulisie kori ngolwa yababolera nali Galilaya, 7 naboola ari, bili mbwe okhuula Omwana womuundu arebwe mumakhono kabakholi bechimbi, mani abambwe, ne inyaanga yakhadaru achia okhulamukha khandi.8 Abakhasi abo bechulisia amakhuwa kaye, 9 ne bamala nibabwao okhurula khusirindwa, nibachia okhwekesia ekhumi nende mulala bala amakhuwa ako, alala nende abaandu bandi boosi. 10 Ne abene abo bali Maria Magadalena nende Yoana, nende Maria ngina Yakobo, alala nende abakhasi bandi abali ninabo, nibo abekesia abarume makhuwa ako.11Ne amakhuwa kabwe kababonekhera kori nga echingacho, ne khasi basuubira akababolerwa. 12 Petero naye yamala nasingira, niyerukha echimbiro okhuchia khu sirindwa; ne ngolwa yalingeera mukari yabona chingubo chiong'ene, namala nabwao nakanakana mumwoyo kwaye khulondana nende akekholekhana.13 Ne inyaanga eyo, babiri khunibo bachia mulukoongo lulangwa mbwe Emausi, abuundu wokhukeenda amasaa kabiri khurula Yerusalemu. 14 Ne balomaloma amakhuwa kali nikekholekhane koosi.15 Ne ngolwa bali nibakeenda nibalomalomaanga, Yeso mwene yaruliro nachaaka khuchiana ninabo. 16 Arali chimoni chiabwe chiafunikhwa mbwe baranyoola okhumumanyirisia khaba.17 Namala nabareeba ari, makhuwa sina kano akamulomalomaanga bene khu bene nimukeenda, ne khandi musinyikhe? 18 Ne mulala khunibo owalangwa mbwe Kiliopa, yamukalusia ari, ewe weng'ene niwe mukeni muyerusalemu okorerwe amakhuwa kekholekhane muchinyaanga chino?19 Naye yabareeba ari, ni makhuwa sina ako? Nabo bamukalusia bari, khulondana nende Yeso wa Nasareti, owali omunabii wamaani mubikhole nende mulikhuwa imberi wa Nasaye nende abaandu: 20 nende kori ngolwa abakhoongo babakukhani alala nende abaruki befwe bamurusia mbwe bamukhalakire khufwa nende khumubamba.21 Arali efwe khwali nende obusubiri mbwe niye yakhanunule Isiraili: ne khandi okhirakho koosi inyaanga yino niyakhadaru khurula amakhuwa ako nikekholekhana.22 Ne baliwo abakhasi abo mukaanda kwefwe, abaunire ichuli okhuchia khusirindwa baruukisie, 23 ngolwa banyolere omubiri kwaye nikubulao, bechere nibaboola bari, babwene amalolo kamalayika obababolere mbwe nomulamu.24 Ne mulala khunibo owali alala ninafwe yeesi achire khu sirindwa, nanyoola sa kori abakhasi bala bebere baboolere: arali omwene naye khasi bamubwene.25 Namala nababoolera ari, abasiru eng'we, khandi abasiro bokhusubira kala koosi aka banabii baboola: 26 khasi biakhoyera Kirisito okhusaanda mumakhuwa kano koosi, mani yengire muluyaali lwaye? 27 Namala nachaaka okhubabolera amakhuwa koosi kori ngolwa kaandikwa khuchaakira khu Musa alala nende banabii boosi khulondana ninaye.28 Ne bamala nibasuda ambi nende olukoongo lwa bali bachiamo, nibakabukha okhwingira, naye niyekhola kori ngomuundu owakhachire imberi, 29 arali nabo bamusaba nibamuboolera bari, doonga ninafwe khulwo khuba esialo bwakhera, ne inyaanga yakhamala khubwa. Namala nachia okhuba ninabo.30 Ne ngolwa bali nibekhale khulia ebiakhulia, yabukula omugaati nakwanira chikhabi, nende khukufunaka, nababeresia, 31 ne echimoni chiabwe chiamala nichifunulwa, nibanyoola okhumumanyirisia; naye yarulao nabwao nabalekha. 32Bamala nibarebana abene khu bene bari, emioyo kiefwe sikebere nikurussaamba mukari mwefwe kori ngolwa abere nalomalomaanga ninafwe khungira, khandi kori ngolwa bunule amaandiko?33 Mani nibabuukha ebikha ebio nibakalukha Yerusalemu nibanyoola ekhumi nende mulala nibebusisie alala, nende abo abali ninabo, 34 nibaboola barii, nobwadieri Omwami abuukhire ne yakhabonekhera Simon. 35Nibakana amakhuwa kali kekholekhe khungira, nende kori yola okhumanyikhana khunibo ngolwafunaka omugaati.36 Ne ngolwa bali nibalomalomanga, Yeso mwene yema akari wabwe, nababoolera ari, muleembe kube ninang'we. 37 Arali nabo bali nende oburi alala nende obukanakani, nibapaara mbwe babwene esikhieno.38 Ne yababoolere ari, khulwa sina muli nende obukanakani? Khandi khulwa sina muli nende amapaaro mumioyo kieng'we? 39 Mulingeere amakhono kange nende amakulu kange mbwe nesie: mundirekho mani mubone mbwe nesie omwene; esikhieno sibula chinyama nende ebikuumba kori ngolwa mumbona. 40 Ne ngolwa yamala okhulomaloma amakhuwa ako yabekesia amakhono kaye nende makulu kaye.41 Ne khandi ngolwa bali nibasiri khusuubira khulwo khubeera obusangaafu, nende khukanakana, yabareeba ari, mulikho nende inyama yosi yosi ano? 42 Bamuberesia ing'eni isike, 43 ne yabukula nayilia imberi wabwe nibabona.44 Namala nababoolera ari, kano niko amakhuwa kandababoolera kori ngolwa ndali nisiri ninang'we mbwe, amakhuwa kala koosi akaandikibwa khuloondana ninange aka Musa nende abanabii, nende chisaburi kachia khuliririra.45 Namala nayekula obumanyirisi bwabwe, mbwe banyoole okhumanyirisia amaandiko, 46 khandi nababoolera ari, kaandikwa mbwe, Kirisito achia khusandisibwa, ne achia okhulamusibwa khurula mubafu inyaanga ya khadaru: 47 khandi mbwe okhwekanira nende khulekherwa khwe chimbi muliira liaye khukhoyera okhuyalwa muliira liaye mubialo, khuchaakira Yerusalemu.48 Eng'we muli abaloli ba makhuwa kano. 49 Ne lingeera barumira elakaano elia Baba akulu weng'we: arali mwikhale mudokho lia Yerusalemu, okhuula ngolwa muchia okhwichusibwa amaani khurula akulu.50 Ne yabemirira okhuchia Betania, namala nakingula amakhono kaye akulu nabalaamira echikhabi. 51Ne ngolwa yali nabalamiraanga chikhabi, yabukulwa nabarulakho nakingulwa okhuchia mwikulu.52 Nabo bamwinamira, nibamala nibakalukha okhuchia Yerusalemu nibali nende obusangaafu bungi: 53 Bamwinamira nibakalukh Yerusalemu nende isangaalo ikhoongo ne bachiririra okhuba mukhekalu, nibafumia nende khukingula Nasaye. Amina.

John

Chapter 1

1Mukhuchaaka elikhuwa lialiwo,naye elikhuwa yali nende Nasaye, naye elikhuwa yali Nasaye.2Omwene oyo yaliwo mukhuchaaka alala nende Nasaye. 3Ebiindu bioosi biakholwa khulwaniye, araali niye sibulao sioosi esiakhekholekhe.4Muye nimwo omwa obulamu bwali, ne obulamu buno bwali obulafu obwa abaandu. 5Nabwo obulafu bwadukhaanga musirima, nasio sirima sisianyala okhubukhira dawe.6Yarulirao omuundu owarumwa okhurula khu Nasaye, owalangwa mbwe Yokhana. 7Omwene oyo yeecha nga omuloli , khulwo burumbusi obwobulafu, mbwe boosi banyoole okhusubira khubirira khuniye. 8Uno khasi yali obulafu bwene obwo, arali omuloli nende omurumbusi owobulafu bwene obwo.9Obulafu obwobwadieri, obukhoserianga abaandu boosi, bwali nibwichire musialo.10Yaali musialo, ne khandi esialo siakholwa khubirira muye, kata kario esialo sisiamumanya dawe. 11Yeecha khubalia abaye, ne beene abo simala bamufukirira.12Ne boosi abamufukirira, abasubirira muliira liaye, yababeresia obunyala obwokholwa abaana ba Nasaye. 13Abeene bano sibebulwa khulwa mabaanga dawe, kata khulwa elieenya liomubiri, kata elieenya liomuundu, arali elieenya lia Nasaye.14Ne Likhuwa yeekhola omubiri, namenya mwifwe, ne nikhulola oluyaali lwaye, oluyaali lulia ngolwa omwaana mudeerwa owarula owasefwe, niyechulemo obukoosia nende obwadieri 15 Yokhana yarumbula obuloli khuye, mudoboosi naboola ari, ''Uno niye owandalomalomengekho owiicha lunyuma lwange, oli noluyaali okhukhira, khulwo khuba yandangirira okhubao.''16Kario khurulana khubwichufu bwaye, efwe fweesi khwanyoola okhunina khurula khu bukoosia khuchia khubundi. 17Khulwo khuba amalako kaberesanwa khubirira khu Musa. Obukosia nende obwadieri bweecha khubirira khu Yeso Kirisito. 18Abulao owamala okhumulola Nasaye mubikha biosi biosi: oli Nasaye yeng'ane, arali oyo oli alubafu wasamwana, omalire okhurumanyia Nasaye.19Buno nibwo obuloli bwa Yokhana yaboola, ebikha bia bayahudi baruma abakukhani nende Abalawi khurula Yerusalemu, bachie bamurebe mbwe, ''Ewe oli wina?'' 20Naye yafukirira, oburekaana dawe, naboola ari ,''Sinesie Kirisito khaba.'' 21Nibamureeba khandi, ''Mbwe oli wina? Niwe Eliya? Naye , niyekana ari siniye khaba, khandi nibareeba bari, ''Oli munabii? Kario yakana ari, ''Khaba.''22Bamala bamureebe khandi bari, ''niwe wina, mani khuyirire abo abarurumire amakalusio? Welomalomakho orie ewe omwene? 23Naye naboola ari, ''Nesie idoboosi, ilangirisia musichiimi: Mukololosie ingira yomwami, ngolwa munabii Isaya yaboola.''24Ne balala khu Bafarisayo abarumwa, 25 bamala bamureebe bari, ''Khulwasina oli khubatisianga norali Kiristo, Eliya kose omunabii?''26Yokhana yabakalusia, nababolera ari, ''Esie mbatisia nende amaachi. Ne kario aliwo owemere mwing'we owamuramanyire. 27Omwene oyo niye owicha lunyuma lwange, owesie ndarakwanirwa kata okhubolola echisia chiebilaro biaye dawe.'' 28Amakhuwa kano kekholekha ela Bethania, ingerekha ewa Yorodani ow Yokhana yali nabatisianga.29Inyaanga yalondakho Yokhana yalola Yeso namwichira, namala naboola ari, ''Lole , Elikoondi lia Nasaye elichia okhurusiao echimbi chiesialo!
31Sindakhamumanyire, arali biaali birio mbwe anyale okhufunulwa khu Israili, ne kakera ndeecha nende elibatisia eliamaachi.''32Yokhana yarusia obuloli, naboola ari: ''Ndalola Rokho niyeekha mufwaani yeliusi khurula mwikulu, namala namwemakho. 33Sindali nimumanyirisia dawe, arali ulia owanduma okhubatiisia mumaachi yali niyamboleere ari, ''Ulia owawakhalole Rokho niyeekha namudong'akho, niye owakhabatisie nende Rokho Mulafu.' 34Malire okhubona khandi ndusia obuloli mbwe uno nomwana owa Nasaye.''35Khaandi, inyaanga yalondakho, ngolwa Yokhana yali niyemere nende babiri khubeeka baye, 36Balola Yeso nakendaanga, ne Yokhana naboola ari; ''Lole Elikoondi lia Nasaye!''37Abeka baye babiri ngolwa babulira naboola kano bamala bamuloonde Yeso. 38Kario Yeso olwa yabalola nibamuloonda yabareeba ari, ''Nisina esia mukonyaanga?'' Bamukalusia bari,' "Rabbi''(elikalulwa mbwe Omwekesia), 'wamenya ena?" 39Yamala ababoleere ari, ''Mwiiche mulole.'' Ne bamala bachie bamanyirisie owayali namenyaanga: ne baonga ninaye inyaanga eyo, khulwo khuba biali musaa chine echia ichuli.o40Mulala khu babiri abali nibabulire Yokhana nalomaloma yamala naloonda Yeso, yali Andereya, mwanang'ina Simoni Petero. 41Omwene oyo yarangirira okhubukanana nende mwanang'ina Simoni, namala namubolera ari, ''Khunyolere Messia" (nilikalukhanisibwa mbwe ''Kiristo''). 42Yamala amurere khu Yeso, naye Yeso yamulingeera namala namubolera ari, ''Niwe Simon omwana wa Yokhana, Onalaangwa mbwe Kefa'' ( nilikalukhanisibwa mbwe ''Elikina'').43Inyaanga yalondakho,ngolwa Yeso yali nadakha okhurula okhuchia Galilaya, yabukanana nende Filipo namala namubolera ari, ''Noonde.'' 44Naye Filipo mwene oyo yali omuundu khurula Bethesaida, Edookho lia Anderea nende Petero. 45Filipo yanyoola Nathaniel namubolera ari, 'khunyolere ula owa Musa yandiikakho mumalako, nende abanabii: Yeso omwana wa Yosefu, okhurula Nasareti.''46Naye Natanieli namubolera ari, ''Esiindu silayi sioosi siakharula Nasareti?'' Ne Filipo namubolera ari, ''Icha olole.'' 47Yeso yalola Natanieli namwichira , ne nalomaloma khulondana naye ari, ''Mulole Omwisiraili owobwadieri, obula obubacha mukari mwaye!'' 48Naye Natanieli namureeba ari, ''Omanyire orie?'' Ne Yeso namukalusia ari, Filipo nasiakhulaanga, ngolwa obere niwikhale asi womusaala , Esie khubwene.''49Natanieli namuboolera ari, ''Rabbi, oli Omwana wa Nasaye! Newe Omuruki wa Isiraili!'' 50Naye Yeso yamukalusia namubolera ari, ''Khulwo khuba khuboleere mbwe khubwene niwikhale asi womusaala, 'bulano osubira? Ochia okhulola ebiindu bikhoongo ebikhira lino.'' 51Yamala namuboolera ari , ''Mubwadieri, mubwadieri, khuboolera mbwe , ochia okhubona elikulu nilikuukhe, ne abamalaika ba Nasaye nibaniina nende okhwikha khumwana womuundu.''
Chapter 2

1Lunyuma lwechinyaanga chidaru, khwali nende esiserero mu Kana ya Galilaya, ne ng'ina Yeso yaliwo. 2Yeso nende abeeka baye bali nibalangirwe musiserero.3Ngolwa ifini yababwera, Ng'ina Yeso yamuchiira namubolera ari, ''Babwererwe ifini.'' 4Naye Yeso yamureeba ari, ''Mukhaaye, khulwa sina nonjichira? Ebikha biange bisiri okhuula.'' 5Naye Ng'ina yamala abolere abakhalabani ari, ''Mukhole lioosi elia anababolera.''6Bulano khwali nende chindamu chisasaba echielikina echia maachi, akabekhonyeraanga mumikholo kie Siyaudi ekiokhwosania, buli indamu yali inyala okhuchiamo echisiongo chibiri kose chidaru echia maachi. 7Yeso yababoleera ari ''mwichusie echindamu echio nende amaachi.'' Bechusia chioosi ngolwa babolerwa. 8Abweneao yabolera abakhalabani ari, ''Mudaye mani muyirire omwemeresi weng'we.'' Ne bakhoola bario.9Omwemeresi wesiserero yabilakho amaachi, ne khane kali nikamalire okhwekalukhania ifini, okhumalakho khasi yaali namanyire owayali nirulire ( arali abakhalabani abali nibadayire amaachi bamanya). Yamala alaange omwene siserero, 10namureeba ari, ''Buli muundu aberesanianga ifini indayi mukhuchaaka khwo mukholo, namalirisia nende inyaangu mukhumala, abaandu nibajong'ere. Khumalakho ewe obikhire ifini indayi okhuula bulano?''11Esilolero siamberi sino Yeso yasikhola Kana ya Galilaya, abwene ao niyekesia oluyaali lwaye, ne abeeka baye nibamusubirira12Olunyuma lwakano, Yeso, Ng'ina, bamwanang'na, alala nende abeeka baye bachia Kaparnaumu ne nibamenyayo khulwe chinyaanga chindiidi.13Mundaalo echio Pasika ya Bayaudi yali ambi, khukario Yeso yachia Yerusalemu. 14Ne ngolwa yengira muikhekalu yanyoola abachurusi beching'oombe, nende amakoondi, nende amakaburuku, ne balia abobukhala bwokhukalukhania echisende bali nibekhalemo.15Yamala akhwanie omusarita okwebifundikho mani nabarusia boosi okhurula mukhekalu, alala nende chimbusi nende ching'oombe. Yasalania amatongolo kabachurusi, nafumamia echimesa chiabwe. 16Ne khu bakusi abamakaburuku, yalagira ari, ''murusie ebiindu bino erwanyi. Yakame okhukhola inyuumba ya Baba okhuba esiiro.''17Abeeka baye bechulisia mbwe kaandikwa kari, ''imbalikha ye inyuumba yao inaamala" 18Olunyuma Abayaudi bakalusia nibaboola bari, ''Nesilolero sina esiorwekesia , khukano akooli khukhola?'' 19Yeso yabakulusia naboola ari, ''kwiisie ikhekalu ino, nange ndayiemekha khandi muchinyaanga chidaru.''20 Olunyuma Abayaudi baboola bari, ''Ikhekalu yino yombakhwa khulwemiika amakhumi kane nende kisasaba, nawe onayombakha munyaanga chidaru?'' 21Kata kario, yali nalomalomeraanga ikhekalu yomubiri kwaye. 22Ne ngolwa yalamusibwa okhurula mubafu, abeeka baye bechulisia mbwe yaboola lino, khu kario basuubira amaandiko nende elikhuwa lia Yeso yali nalomalome.23Ngolwa yali Yerusalemu mumukholo kwa Pasika, abaangi basuubira muliira liaye ngolwa balola ebilolero biayakhola. 24Naye Yeso siyabeesika khulwo khuba yabamanya boosi, 25Khandi kario siyeenya obuloli khurula khumuundu yeesi, khulwokhuba yamanya biria ebili mumuundu.
Chapter 3

1Khwali nende Mufarisayo owalangwa Nikodemo, omwemeresi owa Bayaudi. 2Omusaacha uno yeechera Yeso musiro namuboolera ari, ''Rabbi (omwekesia), khumanyire mbwe oli omwekesia owarula owa Nasaye , khulwo khuba abulao onyala okhukhola akamakana akokholaanga , Nasaye naraali naye.''3Yeso yamukalusia naboola ari, ''Mubwadieri, mubwadieri omuundu narebulwa ekhabi liokhubiri, khasi anyala okhubona obwami bwa Nasaye.'' 4Nikodemo namureeba ari, ''Binyalikha birie omuundu okhulire okhwibulwa khandi? Khasi anyala okhwingira ekhabi liakhabiri muunda yang'ina, khandi anyoole okhwibulwa, binyalikhana?''5Yeso yamukalusia ari ''obwadieri, obwadieri omuundu narebulwa mumaachi nende mu Rokho, khasi anyala okhwingira mubwami bwa Nasaye. 6Silia esiebulwa mumubiri nomubiri, ne silia esiebulwa mu Rokho ni rokho.7Oraukisibwa nende eliakhubolere mbwe, okhoyeere okhwibulwa khabiri.'' 8Omuyaka kuuchanga mumbeka chioosi ,ne siwakhamanya owakurula nende owakuchia. Kario nilwo olwa ali oyo owibulwa mu Roho.''9Nikodemo namukulusia ari, ''Kano kakhekholekha karie?'' 10Yeso namukalusia namubolera ari, ''Oli omwekesia mu Israeli, ne khasi omanyire amakhuwa kano? 11obwadieri obwadieri, khuboolera mbwe, efwe khulomalomaanga esia khumanyire, nikhurusiria obuloli kalia akakhubwene. Ne khumalakho simwafukirira obuloli bwefu.12Nikakhaba mbwe khuboolere ebiindu ebilondana nende esialo, ne sosuubira, onasuubira orie nikhuboolera okhulondana nende ebiindu biomwikulu? 13Abulao owamala okhuniina mwikulu arali oyo owekha okhurula mwikulu_ Omwana womuundu.14Kori ngolwa Musa yakinguula esifwanani sieinjukha musichiimi, kario nilwo olwa Omwana wo Muundu achia okhukinguulwa, 15mbwe balia boosi abamusubirira banyoole obulamu oburalibweyo dawe.16Khulwo khubeera Nasaye yakheera esialo, mani narusia Omwana waye mudeerwa , mbwe ulia yeesi omusubira khasi anasasikha, arali anyoole obulamu buralibwayo. 17Khulwo khuba Nasaye khasi yaruma Omwana waye musialo mbwe asikhalakire, arali anyoole okhusiwonia. 18Ulia yeesi omusuubira sakhalakirwa, arali oyo orasuubira yamala okhukhalakirwa khulwo khuba khasi yasuubira muliira liomwana wa Nasaye mudeerwa .19 Sino nisio esifune esiobukhalakirwi mbwe: Obulafu bweecha musialo , ne abaandu nibakheera esirima okhira obulafu khulwo khuba ebikhole biabwe biali bimaanu. 20 Khulwo khuba yeesi okhola obumaanu siakheraanga obulafu, ne khandi siyakheecha owobulafu buli, mbwe ebikhole biaye birabakalwa. 21Kata kario, oyo okholaanga akobwadieri yechaanga mubulafu, mbwe bilolekhane mubwakhakhu mbwe ebikhole biaye biekholekhe mu Nasaye.''22Ounyuma lwako, Yeso nende abeeka baye bachia mumaloba Kebuyudea. Yamenya ebwene eyo khulwechinyaanga alala ninabo nabatisianga. 23Yokhana yeesi yali nabatisianga Ainoni ambi nende Salimu khulwo khuba amaachi maangi kali nikanyolekha ebweneyo. Abaandu bali nibamwichiranga nababatisia, 24khulwo khuba Yokhana yali narasukunwa musiboye.25Ne amaingani karulirawo akari wa balala khu beeka ba Yokhana nende omuyaudi mulala khulondana nende omukholo kwokhwosania. 26Bachiira Yokhana nibamubulera, ''Omwekesia, ula owa wabere ninaye ingerekha womwalo kwa Yorodani, owa wabolere obuloli bwaye, alikhubatisia, ne abaandu boosi bali khumuchiira.''27Yokhana yabakalusia ari, ''Omuundu siyakhanyala okhunyoola esindu sioosi naraberesibwe khurula mwikulu. 28Eng'we abeene munyala khurusia obuloli mbwe ndaboola, ''Mbwe khasindi Kiristo , okhumalakho ndarumwa imberi waye mbwe murangirire.'29Omukhana ochia okhudeekha abechaanga owa mwene siserero. Naye omulolera womwene siserero, ngolwa yemaanga narekeresia owesiserero, asangaliraanga idoboosi yomwene siserero. Kho kario, isangaalo yange yolerere. 30Akhoyera owemeeda, nange bili mbwe nduduye.31Oyo orula akulu ali akulu webiindu bioosi. Oyo orula musialo niwomusialo, ne khandi alomalomaanga akomusialo. Ne oyo orula mwikulu ali akulu webiindu bioosi. 32Arusianganga obuloli khubila ebiabwene nende ebiabulire, arali abulao ofukirira obuloli bwaye. 33 Ula ofukirire obuloli bwaye yekesie mbwe Nasaye nowobwadieri.34Khulwo khuba oyo owa Nasaye arumire alomalomaanga amakhuwa ka Nasaye. Khandi siaberesanianga Roho musikero. 35 Sefwe yakheera Omwana khandi yaberesania ebiindu bioosi mumukhono kwaye. 36Yeesi yeesi osubirira mu Mwana ali nende obulamu buralibwayo, arali ula oraria Omwana khasi achia khulola obulamu, arali oburima bwa Nasaye buli akulu waye.''
Chapter 4

1Bulano Yeso olwayamanya mbwe Abafarisayo bali nibamalire okhubulira mbwe alikhunyoola abeeka baangi nende khubatisia, abaandu baangi khukhira Yokhana 2( katakario Yeso mwene khasi yabatisianga khaba, arali abeeka baye), 3yarula Yudea nakalukha Galilaya.4Ne biali mbwe abirire mu Samaria. 5Khukario yola mulukoongo lwa Sikari mudookho lia Samaria, ambi nende indalo ya Yakobo yali niyaberesia Yosefu omwana waye.6 Isebere ya Yakobo yali abweneao. Yeso yamala yekhale ambi nende isebere eyo khulwo bujoong'u bwolukeendo. Ne biali mubikha bia esidere musaa chisasaba. 7Omukhasi Musamaria yeecha okhudaya amaachi, ne Yeso namubolera ari, ''mberesia amaachi ng'we.'' 8Khulwo khuba abeeka baye bali nibachiire mudookho okhukula ebiakhulia.9Naye omukhasi Musamaria namubolera ari, ''Bikeenda birie, ewe Muyaudi, usabe amaachi , esie mukhasi Musamaria?'' Khulwo khuba Abayaudi sibakholeraanga alala nende Abasamaria. 10Ne Yeso namukalusia namubolera ari, ''Wakhamanyirekho esianwa sia Nasaye, nende ula oli okhusabaanga amaachi, wakhamusabire, naye yakhakhubere amaachi kobulamu.''11Naye omukhasi oyo namubolera ari, ''Omwami, obula indo yokhudaira khandi eliina niliraambi. Orusirie ena amaachi kobulamu? 12Khasi oli omukhoongo okhukhira sefwe Yakobo , owaruberesia isebere ino eyayang'wechangamo alala nende abaana baye nende emiruko kiaye?''13Yeso namukalusia namuboolera ari, ''Ula yeesi ong'wa khumachi kano ananyoola obuluo khandi, 14arali ula ywesi ong'wa amaachi kamuberesia khasi ananyoola obuluo khandi. Arali, amaachi kamuberesia kanekhola isebere mukari mwaye, nikakhulukusia mubulamu buralibwayo.''15Omukhasi namubolera ari, ''Omwami, mberesie amaachi ako mbwe ndaranyoola obuluo khandi nende okhuchiririra okhwicha ano khudaya amaachi.'' 16Naye Yeso namubolera ari, ''Chia, olaange omusaacha wao, mani okalukhe ano.''17Naye omukhasi oyo namubolera ari, ''Mbula omusaacha.'' Yeso namukalusia ari, ''Obolere obwadieri , 'Mbula omusaacha,' 18khulwo khuba wakhamala okhuba nende abasaacha barano, ne kata owoli ninaye mubikha bino yeesi khasi nomusaacha wao. Obolere obwadieri.''19Omukhasi oyo namubolera ari, ''Omwami, ndola mbwe oli munabii. 20Abasefwe balamiraanga khulugulu luno, nang'we mubolaanga mbwe Yerusalemu niwo abuundu wa baandu bakhoyere okhulamira.''21Yeso namubolera ari, ''Subire, mukhaye, mbwe ebikha biicha ebia murachia okhulaama Sefwe khulugulu luno kose kata Yerusalemu. 22Mulamaanga esiamuramanyire. Efwe khulamaanga owakhumanyire, khulwo khuba obuonia burula khu Bayaudi.23Kata kario, ebikha biicha, ne nibio bino, ebia abalaami bobwadieri bachia okhulaama Sefwe muroho nende obwadieri, khulwo khuba Sefwe alikho akoonya abaandu nga abeene abo bamulaame. 24Nasaye ni Roho, ne bala abamulaama bakhoyera okhumulaama muroho nende obwadieri.''25Omukhasi oyo namubolera ari, ''Manyire mbwe Messia alikho yeecha ( oyo olangwa mbwe Kiristo). Omwene oyo namala yeecha, yakharufunulire amakhuwa koosi.'' 26Yeso namubolera ari, ''Nisie omwene oyo, olomalomanga ninawe.''27Mubikha biene ebio abeeka baye bamala bakalukhe. Ne baukisibwa muno ngolwa yali nalomalomaanga nende omukhasi, arali abulao yeesi owamureeba , ''Mbwe okonyaanga sina? kose Khulwasina olomalomaanga ninaye?''28Khu kario omukhasi oyo yamala alekhe isiongo yaye, nakalukha mudookho lia Samaria, nabolera abaandu ari, 29''Mwiche, mulole omuundu ombolere amakhuwa kange koosi akandakhola. Omwene uno siafwana khuba niye Kiristo?'' 30Abaandu barula mudookho nibamala nibamwichira.31Mubikha biene ebio, abeeka baye bali nibamwekwedaanga bari, ''Omwekesia, liakho esiindu.'' 32Naye yababoolera ari, ''Esie ndi nende ebiakhulia ebiokhulia ebiamuramanyire.'' 33Khukario abeeka barebana, niyaliwo omuundu wali namurerere esiindu esiokhulia siosi siosi?''34Yeso nababoolera ari, ''Ebiakhulia biange nikhukhola elienya lia oyo owanduma nende okhusirisia emirimo kiaye. 35Eng'we simubolaanga muri, 'Kisiiri emiosi kindi kinne khu likesa liule'? Mbabolera mbwe, lingale mulole echindalo, khulwobera ebikese biangale biolere okhukeswa! 36Oyo okesa anyoola omuruungo khandi abusianga ebiamo khulwo bulamu buralibwayo dawe, mbwe omuraaki nende omukesi banyoole osangalira alala.37Khulwo khuba mulukaado luno olubolwangwa mbwe, mulala araaki, ne oundi akesa, 'nibwadieri. 38Barumire mbwe mukese ebiamurakholere emirimo. Abaandi bakholera emirimo, nangwe mwingire mumirimo kiabwe.''39Omukaanda mukhoongo kwa Basamaria mudookho elio bamusubirira , khurulana nende elikhuwa liobuloli bwomukhasi oyo mbwe, ''Ambolere amakhuwa kange koosi akandakhola.'' 40Khulwesio, Abasamaria nibeecha ewayali, nibamusaba mbwe amenye ninabo, ne namalayo echinyaanga chibiri.41Obuungi bwabwe bamusubira khulwe likhuwa liaye. 42 Nibamala nibaboolere omukhasi oyo mbwe, ''Sikhusubira sa khulwobuloli bwao bwong'ane, khulwo khuba efwe abeene khwakhabulira, ne khandi khumanyire mbwe uno obwadieri nomuonia wesialo.''43Lunyuma lwe chanyanga echio chibiri, yarulayo nachia Galilaya. 44Kata kario , Yeso omwene yali nabolere ari omunabii abulanga oluyali ewabwe. 45Olwayola Galilaya, Abagalilaya bamwingisia nende omwoyo kwoosi, khulwo khuba bali nibabwene bioosi ebiayali nakholere Yerusalemu musiserero.46Khandi yakalukha Kana ya Galilaya, owayali nakalukhanie amaachi khuba ifini. Yaliwo omuundu mulala omukhoongo owomwana waye yali omulwaye eria Kaperenaumu. 47Niyaulira mbwe Yeso yali niyolere Galilaya khurulira Buyudea, yamuchira nende okhumusaba mbwe achie ninaye anyole okhuwonia omwana waye, owali nakhirirwe ambi nende okhufwa.48Kata kario Yeso yamuboolera, ''Noralola ebilolero nende akamakana siwakhasubira.'' 49Omukhoongo oyo namusaba ari, ''Omwami , khuchie khwakanire omwana wange nasiri okhufwa.'' 50Yeso yamuboolera mbwe, ''Bwao. Omwana wao nomulamu.'' Omuundu oyo yasubira elikhuwa lia Yeso yamuboolera, yamala abweo.51Ngolwa yali nachia, abakholi baye bamwakanira, nibamuboolera mbwe omwana waye nomulamu. 52Yamala abarebe ebikha biayaoneramo. Bamukalusia bari, ''Ekulo ebikha bia esaa saba musidere omusuuja kwamulekhere.''53Abwene ao samwana yamanyirisia mbwe nibio ebikha bia Yeso yali namuboolere mbwe, ''Omwana wao nomulamu.'' Kario ye mwene alala nende boosi beinyumba yaye basuubira. 54Sino nisio silolero siakhabiri esia Yeso yakhola niyakharula Ebuyudea nachia Galilaya.
Chapter 5

1Lunyuma lwako khwaliwo nende omukholo kwa Bayaudi, naye Yeso yachia Yerusalemu. 2Ne Yerusalemu bweneyo ambi nende omuliango okwa makondi, khwaliwo nende ediba elialangwa mbwe Betisaida eliri nende amasaga karano. 3Omukanda omukhoongo kwa balwaye, abaofu ,abalema nende abekhuyuka bali nibakona awo. 4Khulwokhuba bi.liwo ebikha bia malaika yekhanga mumaachi okadubuula. Ne oyo yeesi owarangiranga okhwingira mumaachi, lunyuma lwokhudubusibwa, yaonanga amalwaye kaye koosi.5Abwene ao yaliwo omusaacha yali niyakhalwala emiaka makhumi kadaru nende munane. 6Ngolwa Yeso yamulola nakonere ao, ne khandi mukhumanyirisia mbwe yali mumbeera eyo mubikha biraambi, yamureba ari, ''Wenya khuwona?''7Omulwaye wekhuyuka yamukalusia ari, ''Omwami, mbula omuundu owukhunjira mumaachi nikakhadubusibwa, mubikha biamberanga ninjia , omuundu uundi andangiriranga.'' 8Yeso namuboolera ari, ''Buukha, obukule omubaliso kwao obweo.''9Mubikha ebiene ebio yanyoola okhuwona, yamala abukule obuliri bwaye nakenda nachia: ne inyanga yene eyo yali Isabato.10Khu kario Abayaudi bamala baboolere oyo muundu waona, ''Ni inyanga ya Isabato , sofukirirwa okhukinga obuliri bwao dawe.'' 11Naye yabakalusia ari, ''Oyo ombonisie niye omboolere mbwe,bukula omugodoro kwao wedwikhe okende nobwao.''12Bamureba khandi ,''Niwina oyo oukhuboolere mbwe bukula obuliri bwao okende nochia? 13Kario, oyo owali naonere siyali namumanyire ebilayi, khulwokhuba Yeso yali niyeyibire nabwereo , khubirira mumukaanda okwa baandu kwali ao.14Ebikha nibiakhabirao, Yeso yanyoola omuundu oyo mukhekalu, namuboolera, ''Lola omalire okhuwona! Orakhola esionono khandi, wichukhana esindu siindi simanu siakhunyoola.'' 15Kario omuundu oyo yamala abweo, ne naboolera Abayaudi mbwe ni Yeso niye wali namuonisie.16Ne okhulondana nende akeene kano, Bayaudi bamusandia Yeso, khulwo khubeera yali nakholerenge ebiindu bino inyaanga ya Isabato. 17Naye Yeso yabakalusia nababoolera ari, ''Baba wange alikho akhola emirimo khulwa bulano, Siesi , ndikho khola emirimo.'' 18Khulwo Khybeera kano , Abayaudi bakonya muno okhumwira , khulwokhuba siyali nafunake sa Isabato yong'ane , arali yali nalangire Nasaye Samwana, niyekeranisie khu Nasaye.19Yeso yabakalusia nababoolera ari, ''obwadieri obwadieri mbaboolera, Omwana siyakhakhola siosi omwene, arali kalia akaalola Samwana nakhola, okhubeera siosi esia Baba akhola Omwana yesi akhola ario. 20Khubeera Baba yakheera Omwana, manu amwekesianga ebindu biosi ebia akholanga: khandi achia okhumwekesia ebikhongo okhukhira bino, mbwe munyole okhuukisibwa.21Khulwo khuba ngolwa Samwana alamusia abafu nababeresia obulamu, nilwo olwa Omwana yesi aberesanianga obulamu khu yesi owakheera. 22Khulwo khuba Sefwe sakhalakiranga omuundu yesi dawe, arali yaberesia obukhalaki bwemisango bwoosi Omwana 23Khu kario buli omuundu anyale okhumuria Omwana , ngolwa amuria Samwana. Oyo oraria Omwana , khaba siyaria Sefwe owamuruma.24Obwadieri , obwadieri mbabolera, oyo yeesi obulira elikhuwa liange nasubira oyo owanduma , ali nobulamu burabwayo ne khandi salikhalakirwa, arali amalire okhubira mulifwa nachia mubulamu.25Obwadieri , obwadieri, mbaboolera mbwe ebikha biicha, ne khandi nibio bino, ebia abafu bachia okhubulira idoboosi ya Omwana wa Nasaye, naye abo ababulira banamenya.26Ngolwa Sefwe alinobulamu mukari mwaye, nilwo lwayaberesania Omwana,mbwe kario abe nobulamu mukari mwaye,27Khandi sefwe yabersia Omwana obunyala obwo khukhalaka omsango, khulwo khuba nomwana owa omuundu.28Muraukisibwa nende lino, khulwo khuba ebikha bicha bia balia boosi bali muching'ani bachia okhubulira idoboosi yaye. 29Ne bachia okhurula erwanyi: balia abakhola amalayi khubulamusibwi bwo bulamu, naye balia abakhola amabi khubulamusibwi bwo khukhalakirwa omusango.30Esie sieng'ane sinyala okhukhola esindu sioosi khaba. Ngolwa mbulira, nilwo olwaakhalaka, ne obukhalaki bwange nobwa abweene khulwo khubera singonyanga elienya liange omweene, arali elienya lia ula owanduma. 31Esie nindekholera obuloli omweene , obuloli bwange sibuba bunaba obwa bwadieri. 32Aliwo ourusianga obuloli bulondana ninange, nange manyire mbwe obuloli bwa akhola khwesie nobwadieri.33Mwarumanisie khu Yohana, naye yarusisie obuloli bwo bwadieri. 34Naye obuloli bwanyoola siburula khu muundu khaba , kario mbolanga ebindu bino mbwe munyole okhuwonisibwa. 35Yohana yabeere itara yadukha nilolesia obulafu, naye eng'we mwabeere nimusangalira mubulafu obwo mubikha bidiidi.36 Kata kario ndi nende obuloli bukhongo obukhira obwa Yohana , khulwo khuba emirimo ekia Baba yamberesia okhusirisia, ekia ndi okholanga, ekiene nobuloli buyera mbwe Baba yanduma. 37Baba owanduma omwene yamala okhurusia obuloli bwange. Eng'we musiabulirakho idoboosi yaye kata okhubonakho ifwani yaye mubikha biosi khaba. 38Khaba simuli nende elikhuwa mukari mweng'we, khulwo khubeera simusubira mu ulia owayaruma.39Mukonyeresianga mumaandiko khulwo khubeera mupaara mbwe obulamu buralibwayo buli muniko, khumalakho amaandiko kene kano akanomanomangakho,40Khandi simuli abaangu boo khunjchira mbwe munyoole obulamu.41Esie sinyolanga oluyali khurula khu baandu , 42Ne kario bamanyire, mbwe mubula obukheeri bwa Nasaye mukari mweng'we.43Esie ndeecha mulira lia Baba , ni simufukirira khaba. Oundi niyechukhana yeecha muliira liaye mwene,mucha okhumufukirirai 44Munasubira murie, eng'we bafukiriranga oluyaali lurula khubasieng'we , ni simukonya oluyaali lurula khu oyo oli Nasaye yeng'ane?45Murapara mbwe njia khubayasia imberi wa Baba. Oyo oubayasia niye Musa, oyo owamusubiramo. 46Kaba mbwe mwasubira Musa, siesi mwakhaasubire , khulwo khuba koosi akayaandika niko akanomanomakho esie. 47Nikakhaba mbwe simwakhasubire akayaandika , munasubira murie amakhuwa kange?
Chapter 6

1Lunyuma lwa amakhuwa kano koosi , Yeso yambukha ingerekha weinyaanja ya Galilaya, khandi eyilwngwa mbwe inyaanja ya Tiberia. 2Omukaanda mukhoongo okwa baandu kwamuloonda, khulwo khuba bali nibabwene ebilolero biingi ebia yali nakholeere abalwaye. 3Yeso yanina khu lugulu niyekhala ebwene eyo alala nende abeeka baye.4 Omukholo kwe Siyaudi okwa Pasika , kwali nikuli ambi. 5Ngolwa Yeso yalola omukaanda omukhoongo okwa baandu nikumwichira , yamala areebe Filipo ari , ''Khunakula ena emigaati ekiyera abaandu bano khulia?'' 6Arali Yeso yalomaloma lino kheteema Filipo , khulwo khubeera omwene yali namanyire esia yali nachia okhukhola.7Filipo yamukalusia namuboolera ari, ''Emigaati ekia chidinari mia chibiri sikiakhayera kata buli muundu okhunyoola mudidi.'' 8Mulala khu beeka olangwa , Anderea , omusiani wabwe Simoni Petero , yaboleera Yeso , 9'' Khuli ano nende omusiani oli nemigaati kieingano kirano nende ching'eni chibiri , kata kario bino nisina khubaandu baangi?''10Naye Yeso nabola , ''Mwikhasie abasaacha mumikaanda.'' Ne obunyasi buungi bwali abuundu ao. Khu kario abasaacha bekhala , abayera elifu chirano. 11Yeso yabukula migaati , ne niyakhamala okhwebasia , yaberesania khu beeka nabo nibaberesia abaandu , yamala akhole ario khandi nende khuching'eni chosi nibanyola ngolwa lienya liali. 12Ngolwa abaandu bali nibakhekura boosi , yaboleera abeeka baye ari , ''Busie ebimeka biemigaati bioosi bidong'ere , sibuleo esikora.''13Bamala babuusie ebimeka biemigaati nibarumbia ebikapo ekhumi nabibiri , ebiarulana khu migaati kirano. 14 Ngolwa baandu balola esiamakana sino esiayali nakholere, baboola bari, '' Uno mubwadieri niye omunabii owakhoyera okhwicha musialo.'' 15Naye Yeso olwa yamanya mbwe abaandu bali nende elipaaro elio okhumukhola omuruki wabwe, yabarulakho nachia mulugulu yeng'ane.16Ingolobe ngolwa yoola , abeeka baye bakholomokha munyanja. 17Bengira muliaro nibachia Kaperenaumu khubirira munyanja. Esirima siali nisiakhadira mubikha bino , naye Yeso yali nasiabeechera. 18Nayo inyanja yekinga khu mafinda khulwo muyaka mukhongo kwali nikuucha nende amaani.19Kata kario nibakhafuka eliaro khulwa ebikha birambi , balola Yeso nakeenda khunyanja nasuda ambi nende eliaro , nabo nibadirwa nende noburi. 20Naye nababoolera ari , ''Nesie ! muraria khaba.'' 21Bamala babe nende omwoyo kwo okhumufukirira muliaro , ne mubwangu eliaro liola musikobero khulukongo owa bali nibachia.22 Inyaanga yalondakho , omukaanda kwa baandu bali nibemere lwande lundi lweinyanja , sibalolakho eliaro lioosi , khumalakho elia abeeka baye bali nibaninire , arali Yeso siyali nachire ninabo. 23Kata kario , amaro kaandi kamala keeche ambi nende abali nibalirire migaati, khurula Tiberia.24Ngolwa mukaanda kwamanyirisia mbwe Yeso nende beeka baye sibali ao , abeene bamala bengire mumaro nibachia Kaparenaumi okhukonya Yeso. 25Nibakhamunyola olwande lundi lweinyanja , bamureba bari , ''Omwekesia , wechere eno lina?26Yeso yabakalusia , ari , ''obwadieri , obwadieri , simuli khungonya khulwo khuba mwabwene ebilolero , arali mbwe mwaliire migaati mwekura. 27Murakholeranga mirimo siakhulia sibiiya , arali mukholere siakhulia siria sio bulamu burabwayo khaba , esia Omwana wo muundu achia khubaberesia , khulwo khuba Sefwe Nasaye yamala okhumurakho esibalikho.''28Nabo nibamureba mbwe , ''Khukhole sina , khu khunyale okhukhola emirimo kia Nasaye? 29Yeso yabakalusia nababoleera ari , ''Kuno nikwo omulimo kwa Nasaye : Mbwe musubire mu oyo owayaruma.''30Kario nibamuboolera , ''Nisilolero sina esiocha okhukhola , mbwe khubone mani khunyole okhusubira? Nisina esiochakhola? 31Basefwe balichanga manna musichimi , ngolwa kaandikwa ,mbwe 'Yababeresia omugaaati khurula mwikulu balie.''32Naye Yeso nabakalusia ari , ''obwadieri , obwadieri , khaba siyali Musa owababeresia mugaati khurula mwikulu , arali ni Baba wange niye oli khu baberesianga omugaaati kwo bwadieri khurula mwikulu. 33Khulwo khuba omugaaati kwa Nasaye nikwoorula mwikulu nikwikha musialo nende okhuberesania obulamu.'' 34Khu kario bamala bamuboolere , ''Omwami , ruberesie Omugaati kuno buli lwoosi.''35Yeso nababoolera , ''Nesie omugaati kwo bulamu: oyo yesi owicha khwesie khaba sanabona injala , khandi ulia yesi osubirira khaba sanaba nende obulwuo. Ne khandi malire okhubaboolera36 mbwe kario mumalire okhumbona , ni simusubira. 37Oyo yesi owa Baba amberesia ananjichira , naye oyo yeesi onjichira sindakhamusukuna khaba.38Khulwo khuba sindeekha khurula mwikulu , okhwicha khukhola lienya liange , arali elienya lia oyo owanduma. 39Naye lino nilio lienya lia Baba owanduma , mbwe balia boosi bayamberesia , ndarakosia kata mulala , khumalakho boosi balamusibwe khunyanga yobumalirikhi . 40Khu kario lino nilio lienya lia Baba , mbwe ulia muundu yeesi obwene Omwana namala amusubirea , abe nande nobulamu oburabwayo khaba , nange ndakhamulamusie khunyaanga yo bumalirikhi.''41Abayahudi bamala babe namabuburo khuye , khulwo khuba yali nababoleere ari, ''Nesie omugaati kwekha khurula mwikulu.'' 42Khandi bamala barebane mbwe , ''Uno siniye Yeso omwana wa Yosefu , owa samwana nende ng'ina khubamanyire? Bikenda birie bulano abole mbwe ,' Ndeekha khurula mwikulu'?''43Yeso nabakalusia nababoolera ari ,''Mulekhe mabuburo akari weng'we . 44 Abulao omuundu wakheecha khwesie Baba naramugamire , oyo owanduma , nange ndakha mulamusie inyanga yobumalirikhi. 45Kaandikwa mubanabii , 'boosi bahekesibwe nende Nasaye .' Ulia yesi owakhabulira nende okhweeka khurula khu Baba yechanga khwisie.46Sikali mbwe omuundu yesi yamala okhumubona Baba , arali oyo ourula owa Nasaye _ yabona Baba . 47obwadieri , obwadieri mbabolera, oyo yeesi ousubira ali nobulamu burabwayo khaba.48Nesie omugaati kwobulamu. 49Baseng'we balia manna musichimi , nabo nabafu khulwa bulano.50Kuno nikwo omugaati kwekha khurula mwikulu , mbwe omuundu anyoole okhukulia , naye arafwa . 51Nesie omugaati omulamu okwekha khurula mwikulu : omuundu yesi nalia omugaati kuno , aba anamenya obulamu burabwayo : ne omugaati okwanjia oberesania nomubiri kwange khulwo bulamu bwesialo .52Bayaudi badirwa nende lirima beene khu beene nibaingana , nibaboola , ''Omuundu uno yakharuba arie omubiri kwaye mbwe khulie?'' 53Khandi Yeso nababoolera ari , ''obwadieri , obwadieri , nimuralia omubiri kwa Omwana Womuundu nende okhung'wa amabanga kaye , mubula obulamu mukari mweng'we .54Ula yesi olia omubiri kwange nende khung'wa amabanga kange ali nobulamu oburalibwayo , khandi ndakha mulamusie inyanga yobumalirikhi . 55Khulwo khuba omubiri kwange nesiakhulia siadieri, naye amabanga kange ne esia khungwa siadieri. 56Oyo olia omubiri kwange nende okhung'wa amabanga kange adong'anga mukari mwange , nange mukari mwaye.57Ngolwa Baba oli mulamu yanduma , nange ngolwa menyanga khulwa niye , kario oyo onandia , yesi anamenya khubirira khwesie . 58Kuno nikwo omugaati kweekha khurula mwikulu : okukabukhane nende okwa baseng'we balia nibafwa. Oyo yeesi olia omugaati kuno achia okhumenya obulaamu buralibwayo khaba .'' 59Kano koosi Yeso yakaboola musinagogi nali mukhwekesia Kaperinaumu.60Kario baangi khu beeka baye ababulira mekesio baboola , ''Amakhuwa kano namadinyu : niwina onyala okhukabulira?'' 61Ngolwa Yeso yamanyirisia mukari mwaye mbwe abeeka baye bali namabuburo khu lino , yabareba ari , ''Likhuwa lino libasinyisie?''62Ne biakhafwane birie nimwakhabone Omwana Womuundu nanina nakalukha owa yali mukhuchaaka? 63Ni Rokho niye oberesanianga obulamu : omubiri sikuli nende nganga yosi . Amakhuwa kababoolere ni Rokho , khandi niko obulamu .64Kata kario , baluwo balala khweng'we abarasubira. ''Khulwo khuba Yeso yamanya khurula mukhuchaaka abo abarakhasubire , nende oyo owakhamukhobe . 65Yameda okhubaboolera ari , ''Nikhubeera liene lino , ndamala okhuboola mbwe abulao onyala khwicha khwesie Baba naramunyalire.''66Khulwa liene lino , abaangi khu beeka baye bamulekha , oburakenda ninaye khandi. 67Khulwesio Yeso yamala arebe abo ekhumi na babiri , ''Mwesi mwenya okhubwao?'' 68Simoni Petero yamukalusia namuboolera ari , ''Omwami niwina oundi owa khunyala okhuchira? Oli nende amakhuwa kobulamu , 69Naye efwe khwasubira khandi khumanyire mbwe newe Kiristo , Omwana wa Nasaye mulamu .''70Yeso nakalusia nababoolera , ''Sinesie owa _ balobola , eng'we ekhumi nababiri , naye mulala khwing'we ne sikhieno?'' 71Lino yalomaloma khu Yuda Isikarioti omwana wa Simoni : omulala khu ekhumi nababiri oyo owaKhamukhobe .
Chapter 7

1Lunyuma lwa makhuwa kano koosi , Yeso yabodokhana Galilaya , khulwo khuba siyadakha okhuchia Buyudea esikera Bayaudi bakonyanga okhumwira . 2Ne omukholo kwa Bayaudi okwa mayeema kwali nikuli ambi okhuula .3Abasiani babwe bamala nibamuboolera bari, ''Rula mumaloba kano ochie Buyudea , mbwe abeeka bao bosi banyale okhubona emirimo ekiokholanga . 4Abulao omuundu okholanga esiindu sioosi mukhwekisa niyenya okhumanyikha mubwakhakhu . Nibili mbwe okhola ebiindu bino , werusie abulafu musialo .''5Kata nende abasiani babwe bosi sibamusubira . 6Naye Yeso namala nababoolera ari , "Ebikhabiange bisiri okhuula , ne ebikha bieng'we biliwo bulilwoosi . 7Esialo sisinyala okhubasiula eng'we, arali sisiula esie khulwo khubeera mboolanga obuloli bubola mbwe ebikhole biasioo nebibi .8Eng'we muchie mumukholo : Esie khasinjia khulwo khubeera ebikha biange bisiola .'' Niyakhamala okhubaboolera 9 amakhuwa kano , omwene yadoong'a Galilaya .10Arali abasiani babwe nibali bakhamala okhuchia mumukholo , yeesi yachia , mukhwekisa . 11Abayaudi bali nibamukonyaanga mumukholo nende okhureebana bari , ''Ali ena ?''12Khwali nende okhurebana khungi akari womukaanda khulondana ninaye . Abaandi baboola bari, ''Nomuundu mulayi .'' Naye abaandi babola bari ,'' khaba , alikhukosia nende okhubacha abaandu .'' 13Ne kata kario abulao omuundu walomaloma mubwakhakhu khulondana naye khulwo khuria Bayaudi .14Ngolwa omukholo kwali nikuli akari , Yeso yachia muhekalu nachaaka okhwekesia . 15Abayaudi baukisibwa muno , nibaboola bari , ''Omuundu uno amanyire arie amakhuwa maangi? Ne khandi abula amasomo .'' 16Yeso yabakalusia nababoolera ari , ''Amekesio akandi ninako khasi nikange , arali nika ula owanduma .17Omuundu yeesi niyenya okhukhola elienya liaye , ananyoola okhumanya amekesio kano , nikali mbwe karula khu Nasaye , kose nindeboolanga omwene . 18Ula owa mbolangakho omwene akonyaanga oluyaali lwaye mwene , naye ula okoonya oluyaali lwa ula owamuruma , omuundu oyo nowobwadieri , khandi obubi bwoosi sibumulimo khaba .19Musa siniye owababeresia amalako? Ne kata kario abulao khwing'we owakadiira . Khulwa sina mukonyaanga okhunjira ?'' 20 Omukaanda kwamukalusia kuri, ''Oli nesikhieno . Niwina okhukonyaanga okhwira?''21Yeso yabakalusia nababoolera ari, ''Kholerekho sa omulimo mulala , nimweesi muli khuukisibwa ninakwo . 22Musa yababeresia esikhebo ( sikali mbwe siarula khu musa , arali siarula khu bakuuka) , naye khandi mukheba omuundu inyaanga ya Isabato .23Nikakhaba mbwe omuundu akheberwe inyaanga ya Isabato ne elilako lia Musa silifunakwe, khulwa sina mudiirwe nende elirima khulwo khubeera mbwe mbonesie omuundu inyaanga ya Isabato? 24Murakhalakaanga omusaango ngolwa mubona , arali mubulungifu .''25Balala khu abo abarula Yerusalemu barebana bari , ''uno siniye ula owabakoonyanga okhwira ? 26Lole , ali ano mubwakhakhu , alomaloma nende ichuoni , ne sibulao esia bamuboolera . Sibinyalikha mbwe abaruki bamanyire obwadieri mbwe uno niye Kiristo , binyalikha? 27Kata kario khumanyire owa uno arula, arali Kiristo niyeecha, abulao owakhamanye owayakhabe narulire .''28Yeso yakingula idoboosi yaye akulu muhekalu , niyekesia naboolaari , ''Eng'we mweesi mumanyiire khandi mumanyire abuundu owandulaanga . Sindeecha khulwange omwene , arali oyo owanduma nowabwadieri , naye eng'we simumumanyire. 29Esie mumanyire khulwo khuba ndula khuniye ne niye owanduma .''30Bakoonya nga bakhamudiira , arali abulao yeesi owamurakho omukhono khulwo khuba ebikha biaye biali bisiri okhuula . 31Arali abaangi mumukaanda bamusubira , nibamala nibareeba bari , ''Kiristo nachia okhwicha, yakhakhole ebilolero bikhira ebia uno akholere?'' 32 Abafarisayo babulira abaandu nibabwebwerana amakhuwa kano khulondana nende Yeso , ne omukukhani mukhoongo alala nende Abafarisayo baruma abasikari okhuchia okhumudiira .33Yeso yamala ababoolere ari, ''Siri ninang'we khulwebikha bidiidi , nibiakhabwa khoyera okhukalukhira ulia owanduma . 34 Mwakhangoonye nisimwakhanyoole : owesie njia , eng'we simwakhechayo .''35Abayaudi balomaloma abene khubene , ''Anachia ena omuundu uno owa khuranyala khwamunyoola? Anachia yeyambane nende Abayunani abasalana mani anyoole okhukesia Abayunani? 36Nilikhuwa sina lino eliaboolere , ''Mbwe mwakhangoonye nisimwakhanyoole ; owanjia : eng'we simwakholayo ?''37Bulano khunyaanga ikhoongo yila imalirikha , eyomukholo, Yeso yeema mani nalangirira , naboola ari, ''Omuundu yeesi oli nobuluo lekhe yeeche khwesie ang'we . 38Oyo yeesi osubirira , ngolwa maandiko kaboola , emialo kia amaachi akobolamu kinakhulukusia khurula munda yaye.''39Khumalakho yaboola kano khulondana nende Roho , oyo owabala qbamusubira bachia okhunyoola : kario Roho yali nasiri okhuberesanwa , khulwo khuba Yeso yali nasiri okhukingulwa.40Abaandu khubala abali mumukaanda , ngolwa babulira amakhuwa kano , baboola bari , '' nibwadieri uno nomunabii.'' 41 Abaandi baboola bark , ''Uno niye Kiristo . Arali abaandi baboola bari , ''Kirisito arula Galilaya? 42Amaandiko sikaboola mbwe Kiristo yakheeche khurula khu lwibulo lwa Daudi khandi khurula Bethelehemu , olukoongo lwa Daudi yamenyangamo?''43Khulwako obukabukhani bwarulirao akari wabaandu okhulondana ninaye . 44Abaandi khu nibo badakha adiirwe , arali abulao owamurakho mikhono kiaye .45 Abasikari bamala bakalukhe khu bakhoongo ba bakukhani nende Bafarisayo , nibabareba bari , ''Khulwasina nimuramurera ?'' 46Ne abasikari nibabakalusia bari, ''Abulao omuundu owamala okhulomaloma kori uno.''47Ne Abafarisayo babareeba bari , ''Engwe mwesi mumalire okhubachwa? 48Balikhoo balala khubaruki kata Mufarisayo abamalire okhumusubira ? 49Arali omukaanda kuno kuramanyire malako , kwachubwa .''50Nikodemu ( mulala khu Bafarisayo) owamuchiira esiro, yababoolera ari, 51''Amalako kefwe kakhalakira omuundu nasiri okhubulirwa nende okhumanyirisia esiakholanga?'' 52Bamukalusia nibamureba bari , ''Wesi orula Galilaya? Koonya mani olole mbwe abulao omunabii orula Galilaya.''53Abaandu boosi basalaana buli siamulala nachia iingo waye.
Chapter 8

1Yeso yachia khulugulu lwa Emisiyituni. 2Khandi ichuli mumabwibwi yeecha mukhekalu , ne abaandu boosi bamala beche : yekhala asi nachaaka okhubekesia . 3Ne Abaandiiki nende Abafarisayo barera omukhasi owali nanyolekhane musikhole siobudaamba, nibamala nibamwemekha akari womukaanda.4Nibamubolera bari, ''Omwekesia , omukhasi uno anyolekhane nakhola obudaamba. 5 Bulano mulilako , Musa yarulagira okhukhuya abaandu kori bano nende amakina , ewe oboola sina khulondana ninaye?'' 6Baboola lino khulwo khumuteema, mbwe banyoole esiokhwemerakho , mani bamusitake , arali Yeso yagunama asi nachaaka okhwaandika khu maloba nende olwala lwaye , nabulerere nga omuundu orabaulire .7Ngolwa bachirira okhumureeba mareebo , yakingukha niyeema nababoolera ari ,''Oyo oli akari weng'we obula esionono , abe owamberi khumulasa elikina .'' 8Khandi yagunama asi , nachiririra khwandiika asi nende olwala lwaye .9Ne ngolwa babulira lino , buli siamulala nakhalakirwa mumwoyo kwaye , bachaaka okhubwao , khuchaakira khu mukhulundu wabwe okhuula khumudidi . Yeso yenyoola nadong'ere yeng'ane , nende , omukhasi ula niyemere. 10Olwa Yeso yeema , nibinyolekhana mbwe omuundu yeesi siyaliwo okhumalakho omukhasi oyo , yamureeba ari , ''Omukhaye abasitaaki bal baliena ? Abulao kata mulala oukhukhalakire omusaango?'' 11 Yamukalusia namuboolera ari , ''Abulao , Omwami .'' Yeso namuboolera , ''Siesi sikhukhalakira khaba . Bwao norakhola esionono khandi .''12Yeso yabalomalomera khandi naboola ari , ''Nesie obulafu bwesialo , oyo ounoonda khasi nakeenda musirima, arali achia okhuba nende obulafu bwo bulamu .'' 13Abafarisayo nibamuboolera bari , ''Ewe oli khwerusirianga obuloli omwene , obuloli bwao khasi nibwo bwadieri.''14Yeso yakalusia nababoolera ari, ''Kata kario ninderusiria obuloli omwene , obuloli bwange nobwadieri : khulwo khuba manyire owandarula , nende owanjia , naye eng'we simumanyire owandarula nende owanjia . 15Mukholaanga obukhalaki bwo mubiri : naye esie sikholaanga obukhalaki khu muundu yeesi . 16Kata kario nikhalaka , obukhalaki bwange nobwadieri khulwo khubeera siindi sieng'ane, ari ndi alala nende Baba owanduma .17Kaandikwa mumalako keng'we mbwe obuloli bwa baandu babiri nibwadieri . 18Nesie omwene orusia obuloli bwange , naye Baba owanduma arusia obulondana nange.''19Bamureeba nibaboola bari , ''Baba wao aliena?'' Yeso yabakalusia ari , ''Eng'we simumanyire esie kose Baba : bibere mbwe mwaamanya , mwakhamanyire Baba yeesi .'' 20Yaboola amakhuwa kano muimbikhiro ngolwa yachiririra okhwekesia mukhekalu, naye abulao omuundu yeesi owamudiira khulwo khuba ebikha biaye biali bisiola .21Khandi Yeso nababoolera ari , ''Ndikho mbwao: muchia okhungoonya , ne muchia okhufwira mubionono bieng'we owanjia, eng'we simwakhechayo.'' 22Abayaudi nibarebana bari , ''Achia okhweira? khulwo khuba aboola mbwe , owachia efwe sikhunyala khwachiayo ?23Yeso nababoolera ari, ''Eng'we murula asi, nange ndula akulu. Eng'we muli abomusialo ; Esie sindi owomusialo muno. 24Khulwako , mbaboolere mbwe mwakhafwire mubionono bieng'we : khulwo khuba nimurasubira mbwe NISIE, muchia okhufwira mubionono bieng'we.''25Nibamala nibamureeba bari, ''Ewe niwe wina? Yeso nababoolera ari , nisie ula owa mbaboolere okhurula mukhuchaaka. 26Ndi nende ebiindu biingi ebioboola nende okhuruisa obukhalaki akulu weng'we . Khumalakho , oyo owanduma niwobwadieri : ne mbolera esialo amakhuwa ka mbulire khuniye.'' 27Sibamanyirisia mbwe yali nabalomalomeranga khulondana nende Samwana.28Yeso nababoolera ari, ''Nimwakhabe nimukingulire Omwana womuundu akulu , khumwakhamanye mbwe NESIE, mbwe khandi sibulao esiakholaanga khulwange omwene : khumalakho ngolwa Baba yanjekesia nilwo lwamboolanga ebiindu bino . 29 Naye oyo owanduma ali ninange , Baba siyandekha sieng'ene , khulwo khuba buli lwoosi kholaanga bila ebimukheresia.'' 30Ngolwa Yeso yameeda okhuboola amakhuwa kano , obuungi bwa baandu bamala bamusubirire .31Yeso naboolera Abayaudi abo abamusubira ari , ''Eng'we nimuchiririra mulikhuwa liange , abwene ao , munaba abeeka bange bobwadieri : 32Ne , munamanya obwadieri , nabwo obwadieri bunabakhola okhuba abalekhule .'' 33Nabo nibamukalusia bari , ''Efwe khuli abolwibulo lwa Ibraimu , ne khusiri okhubakho abarumwa bomuundu yesi yeesi , oboola orie , ''Mbwe munakholwa abalekhule ?''34Yeso nabakalusia ari , Mubwadieri , mubwadieri , mbaboolera , Oyo yeesi okhola esionono , nomurumwa wasio . 35Naye omurumwa khasi amenyaanga munyuumba echinyaanga chioosi : arali omwana amenyaanga chinyaanga chioosi . 36Khu kario , Omwana nabakhola okhuba abalekhule , munaba abalekhulwe bobwadieri .37Manyire mbwe muli abolwibulo lwa Ibraimu : ne kata kario mukoonya okhunjira , khulwo khuba elikhuwa liange libula obweyaango mukari mweng'we . 38Nomanomanga kalia akambwene khurula khu Baba : nang'we mukholaanga akamubwene khu baseeng'we.''39Bamukalusia nibaboolera bari , ''Ibraimu niye sefwe .'' Naye Yeso nababoolera ari , ''Mubeere abaana ba Ibraimu , mwakhakholere emirimo kilondana nende Ibraimu . 40Ne khulwa bulano mukoonya ookhunjira , omuundu obabooleere obwadieri obwambuliire khurula khu Nasaye . 41Mukholaanga ebikhole bia seng'we . Nabo nibakalusia nibamuboolera bari, Efwe sikhwebulwakho mubucheke : khuli nende Sefwe mulala , oli Nasaye.''42Yeso nababoolera ari , ''Nasaye abere mbwe niseng'we , mwakhakheerere , khulwo khuba ndarula khu Nasaye , sindeecha khulwange omwene , arali niye owanduma. 43Khulwa sina simumanyirisia amakhuwa kange ? Nikhubera simunyala okhubulira amakhuwa kange . 44Eng'we muli abaseng'we sietani , ne mukheresebwa okhukhola ameenya kaseng'we . Yali omwiri okhurula mukhuchaaka , khubeera siyemaanga mubwadieri khulwo khuba obwadieri sibuli mukari mwaye . Nalomaloma obubacha , abechaanga alomaloma eimera yaye khulwo khuba nomubacha khandi niye simwana obubacha .45Ne , khulwo khuba mbaboolera obwadieri , khaba simuli abasuubira . 46Niwina khweng'we owakhambolakho esionono? Nikali mbwe mbolaanga obwadieri khulwa sina simusubira esie? 47Oyo oli owa Nasaye abuliraanga amakhuwa ka Nasaye , arali eng'we simukabuliranga , khulwo khuba simuli aba Nasaye .''48Abayaudi nibamala nibamukalusia bari , ''Efwe sikhuboolanga obwadieri mbwe oli Omusamaria, khandi olimo esikhieno? 49Yeso nabakalusia ari , esie mbula esikhieno , arali mberesianga Baba wange esiriibwa , eng'we nag'we simumberesia esiriibwa khaba .50Esie singonyaanga oluyaali lwange omwene : aliwo mulala konyaanga nakhalaka . 51Mubwadieri , mubwadieri , mbaboolera mbwe , omuundu yeesi niyelinda mulikhuwa liange , siyakhalole eliifwa khaba.''52Ne Abayaudi nibamuboolera bari , ''Bulano khwakhamanya mbwe olimo esikhieno . Ibraimu nende abanabii bafwa : nawe oboola mbwe , ''Omuundu yeesi naliinda elikhuwa liao khasi anaboona eliifwa.' 53Ewe khasi oli omukhongo okhukhira sefwe Ibraimu nende abanabii bafwa, ewe wekhola okhuba wina?54Yeso nakalusia ari , ''Esie nindekingimasia omwene , okhwekingimasia khwange nebikhaya : Baba niye oungingulanga _ owamubolaanga mbwe ni Nasaye weng'we . 55Eng'we simwamumanya khaba : arali esie mumanyire . Nimboola , mbwe sindamumanya , mba ndaba kori eng'we , ababacha . Ne kata kario , esie mumanyire khandi nindaanga elikhuwa liaye . 56Seng'we Ibraimu yasangalira okhuboona oludalo lwange , ne ngolwa yalubona , yali omusangafu lukali.''57Khandi Abayaudi nibamuboolera bari , ''Ewe osiri okhusia emiaka makhumi karano , noboola mbwe wamubona Ibraimu?'' 58Yeso nababoolera ari, Mubwadieri , mubwadieri , mbaboolera , Ibraimu nasiabao , Ndaliwo.'' 59 Badoola amakina okhumulasa , arali Yeso yekisa namala narula erwanyi weikhekalu .
Chapter 9

1Ne ngolwa Yeso yali nabira, yalola omuundu mwoofu khurula okhwibulwa khwaye . 2Abeeka baye bamureeba bari, ''Omwami , niwina owakhola echiimbi , nomuundu uno , kose abebusi baye , khuniyebulwa omwoofu?''3Yeso nabakalusia ari , ''Omuundu uno siyakhoola chiimbi , kata abebusi baye , biekhola birio mbwe emirimo kia Nasaye kinyoole okhuloleekha muniiye . 4Khoyeera okhukhoola emirimo kia ula owanduma nisisiri esidere , esiro silikho siicha esiomuundu aranyaala okhukhoola omulimo . 5Esie nisiiri musialo , Nisie obulafu bwo musialo .''6Lunyuma lwa Yeso okhuboola makhuwa ako , yafuucha mare khuloba , nakhola lidosi elia mare, namala nabakha khuchimoni chiaye nende elidosi elio . 7Namala namuboolera ari ,"Chia weyosie mulidiba lia Siloamu'' ( sifunane sielira lino ni ''owarumwa'') . khulwesio yabwao nachia niyeyosia ,manu yakalukha nabona .8Abamenyeranwa bo muundu oyo nende balia boosi , abali nibamumanya ngomwofu , bareebana mbwe , ''Uno siniye owekhaalenge nasabirisia? 9Abaandi baboola mbwe ,'' Niye '' , Nabandi nibaboola mbwe siniye, khumalakho afwanana ninaye.'' Naye omwene naboola mbwe , ''Nisie .''10Nibamureeba khandi mbwe , ''Chimoni chiao chilimbukhe chirie? 11Yabakalusia ari , ''Omuundu olangwa Yeso , akasiisie lidosi nambakha khu chimoni namboolera mbwe, 'Chia mudiba lia siloamu weyosie . Njiire nindeyosia ,awo niwo owanjakire okhuboona.'' 12 Bamala bamureebe mbwe , ''Aliena? Yabakalusia ari Simanyire ewaali .13Bamala bareera omuundu oyo , owaali mwoofu khu Bafarisayo . 14Nayo yaali inyanga ya Isabato , niyo ya Yeso yanyooba lidosi namubwikhula chimoni . 15Khandi kario Abafarisayo bosi nibamureba ngolwa anyolere okhubwikhulwa chimoni . Namala nababoolera ari , ''Abakhire lidosi khuchimoni chiange , Nimala chioosia ,ne bulano mbona .''16Abalala khu Bafarisayo nibaboola , ''Omuundu uno siwa Nasaye khaba , khulwo khuba saliindanga Isabato khaba .'' Ne baandi nibaboola bari , ''Binyalikhana birie omwononi okhukhola ebia makana nga bino biri ? Obukabukhani bwarulirao akari wabwe . 17Khandi nibareeba oyo owaali omwoofu mbwe , ''Ewe obolakho sina khu oyo okhuwoniisie chimoni chiao ? Nabakalusia ari , '' nomunabii .'' 18Arali, Abayaudi sibamala basubire mbwe yali omwofu , mani yali nanyolere okhuwona , okhuula olwa balanga abebusi baye .19Bamala bareebe abeebusi baye , ''Uno niye omwana weng'we owebulwa omwoofu? Bifwana birie mbwe bulano alikho abona? 20 Abeebusi baye bakalusia nibaboola bari , ''Khumanyire mbwe uno niye omwana wefwe , owebulwa nali omwoofu . 21Khumalakho , ngolwa anyoolere khuchaaka khubona , efwe sikhumanyire , omwene nomukhulundu mumureebe , anyala yelomalomera.''22Abeebusi balomaloma bario , khulwo khubeera baria Abayaudi , sifune siali mbwe Bayaudi bali nibamalire okhufukirisania mbwe omuundu yesi oweyama mbwe Yeso niye Kiristo , yerusibwe khurula Musinagogi . 23Khulwo khubera ebiene bino , nibio ebiakera abeebusi baye nibaboola mbwe , ''Omwene nomukhulundu , mumureebe .''24Balaanga khandi Omuundu oyo owali mwoofu , nibamuboolera bari , Beresia Nasaye oluyaali . Efwe khumanyire mbwe omuundu oyo nomukholi wechiimbi'' Omuundu oyo nabakalusia 25 ari , ''Esie simanyire nali omukholi wechiimbi , manyire sindu silala : Ndabeere omwoofu , ne khulwa bulano ndikho mbona.''26 Khandi nibamureba bari , ''Nisina esia akhukholere? Afungule arie chimoni chiao? '' 27Naye nabakalusia mbwe , ''Malire okhubaboolera , nang'we simubulire . Khulwa sina mudakha khuulira khandi? Mwenya mweesi okhuba abeeka baye?''28Bamala bamwalabire nende khumunyeka , Omalire okhuba omweeka waye , efwe khuli abeeka ba Musa . 29Khumanyire mbwe Nasaye yalomaloma nende Musa , naye sikhumanyire owa muundu uno arula .''30Omundu oyo yabakalusia nababolera , ''Lino nelikhuwa liukisia , mbwe simumanyire owarula , ne kata kario abwikhuule echimoni chiange . 31Khumanyire mbwe Nasaye siabuliranga abakhooli bechiimbi khaba , ne , kario omuundu nali omulaami wa Nasaye , nikhandi akholaanga lienya liaye , amubuliraanga .32Khurula esialo nisibao bisiaulirikhana mbwe omuundu yeesi yamala abwikhule chimoni chia ulia yebulwa naali omwoofu . 33Bibere mbwe omuundu uno siarula khu Nasaye , siayakhakholere esindu khaba .'' 34Bamukalusia nibamuboolera bari , ''Ewe webulwa muchiimbi , ne , bulano wenya khurwekesia? Bamala bamusukune erwanyi .35Yeso yabulira mbwe bamusukune erwanyi wa Isinagogi . Ne , niyali niyakha munyoola , yamureeba ari , ''Osubira mu Mwana wa Nasaye? 36Yakalusia naboola , ''Omwami , aliena , musubirire? '' 37Yeso yamuboolera ari , ''Omalire khumuboona , niye oulomalomanga ninawe .'' 38 Naye naboola mbwe , ''Omwami , subira '', namala namwinamira .39Yeso naboola ari , ''Khulwa bukhalaki esie ndeecha musialo sino , mbwe kata kario abo abarabona banyoole okhubona , naye abo ababona babe aboofu .'' 40Balala khu Bafarisayo abaali ninaye babulira makhuwa kano , ne , bamala bamurebe bari , ''Fwesi khuli boofu?'' 41Yeso nababoolera ari , ''Mubere boofu , mwakhaumire echiimbi , ne , khulwo khubera muboola , mbwe mubona , kario echiimbi chieng'we chidong'a nichiriwo .''
Chapter 10

1''Obwadieri , obwadieri , mbaboolera , ula oreengira khubirira mumuliango kwesidwoli sia makondi , naye anina okhubirira buleka yindi , omuundu oyo nomwibi khandi no mung'uusi . 2Oyo owingiira khubirira mu muliango nomwayi wa makondi .3 Khumwene oyo , omwemeresi amalanga amufungulira omuliango . Amakondi kabulira ldoobosi yaye , naye alanga amakondi kaye khulira nakemirira okhurula erwanyi . 4Niyakhamala okhukarusia koosi erwanyi , akarangirira imberi , naye makondi kamala kamulonde , khulwo khuba kamanyire idoobosi yaye .5Naye omurende sikakhamuloonda , ne khumalakho kana mwirukha , khulwo khubera sikamanyire ldoobosi yabakeni.'' 6Olukado luno , Yeso yababoolera , ne khumalakho sibanyoola okhumanyirisia kalia akayali nababoleranga .7Yeso khandi nababoolera ari , ''Obwadieri , obwadieri , mbaboolera , ''Nisie omuliango kwa makondi . 8Abo boosi abandaangirira nabeebi khandi bang'uusi , ne kario amakondi sikabarekeresia khaba .9Nesie omuliango : omuundu yeesi niyeengira khubirira khwesie , anaonisibwa : naye khandi aneengira narula nende okhunyoola olwayiro . 10Omwibi siyechanga arali mbwe yeebe , yeere nende okhunyasia . Esie ndeecha mbwe babe nobulamu khandi babe ninabwo mubwichufu .11Nesie omwaayi mulayi : Omwaayi mulayi arusianga obulamu bwaye khulwa makondi . 12Naye oyo owo khurungwa , orali omwaayi mwene makondi , naloola isolo niicha niyerukha alekha makondi , ne isolo imala idira khandi isaakula amakondi . 13Omwene oyo yerukhaanga khulwo khubera nomukhosi wokhurungwa oradeberera makondi .14Nesie omwaayi mulayi , ne khandi manyire amakondi kange , naye koosi kamanyire . 15Ngolwa Baba aamanyire , nilwo lwa siesi mumanyire , naye esie mberesania obulamu bwange khu makondi . 16Ne ndi na makondi kandi karali kesidwoli sino , koosi khoyere khukarera , ne kanabulira idoobosi yange , ne khunaba nesidwoli silala nende omwaayi mulala .17Niko kakira Baba nakheera , khulwo khubeera mberesania obulamu bwange , khuumale mbubukule khandi . 18Abulao muundu obubukula khurula khwesie , nesie omwene obuberesania. Ndi nobunyala bwo khuberesania , ne khandi ndi nobunyala bwo khububukula khandi . Nyoola elilako lino khurula khu Baba wange .''19Obukabukhani bwarulirao khandi akari wa Bayaudi khulondana nende mekesio kano . 20Obuungi bwabwe baboola mbwe , ''Uno alimo sikhieno , khandi nomulalu , khusiina mumurekeresie ? 21Balala khunibo nibaboola mbwe , ''Kano sinamakhuwa karula mu muundu ulimo sikhieno khaba . Sikhieno sisinyala okhubwikhula echimoni chiomwoofu?22Mubikha ebio omukholwa kwo khurebwakho mukhono kwali kubekho mu Yerusalemu , chiali chinyaanga chieimboo. 23Naye Yeso yaali nakendaanga muikhekalu mubweru bwa Solomoni . 24 Khandi Bayahudi bamala beeche nibamubodookhana chimbeka chioosi , nibamuboolera bari , ''Ochia khurukhoola khukhae okhusubira khula liina? Nibiri mbwe niwe Kiristo , ruboolere mubwakhakhu.''25Yeso nabakalusia ari , ''Ndababoolera , ne simwamala musubire , emirimo kia kholanga mulira lia Baba , ekiene nobuloli bulondana nange . 26Ne kata kario khaba simusubira , khulwo khubera simuli makondi kange .27Amakondi kange kabuliraanga idoobosi yange : khandi kaamanyire , naye kaanondanga . 28 Mbaberesianga obulamu burabwayo khaba, sibakhabone eliifwa , naye khandi abulao ochia khubarusia khu mukhono kwange .29Baba , owamberesia nibo nomukhoongo khukhira boosi , khaandi sialiwo omuundu onyala khubarusia mumukhono kwa Baba . 30Esie nende Baba khuli sindu silala . 31Khaandi Bayaudi babukula amakina nibali nelichomo lio khumukhuya .32Yeso yabakalusia nababoolera ari, emirimo miingi milaayi kiandakhabekesia okhurula khu Baba: Nimulimo sina khwekio, kwamudakha okhukhuya makina? 33Bayaudi nibamukalusia bari, '' sikhukhuya makina Khulwomulimo mulayi kwosi khaba, arali khulondana nende okhwekerania khwao khu Nasaye , ewe omuundu , oli khwekhola Nasaye.''34Yeso nabakalusia ari , ''Sikaandikwa mumalako keng'we mbwe , ''Ndaboola , ''Eng'we muli runasaye ''? 35Nikakhaba mbwe yabalaanga runasaye , balia belikhuwa lia Nasaye liecheera ( maandiko sikakhafunakwa ) 36Muli khuboleranga ulia owa Nasaye yamulabia namuruma musiaalo , 'Oli khwekerania khu Nasaye : khulwo khubera mbolere , mbwe ndi Omwana wa Nasaye'?37Nikakhaba mbwe siindi okhukhoola emirimo kia Baba , murasuubira . 38Ne nikali mbwe ndi okikhola , kata nimurasubira esie , subire mumirimo , mbwe munyoole okhumanya , mani musubire mbwe Baba ali mukari mwange , nange mukari mwaye . 39Bateema omukwakho khaandi , naye kata kario yabeibakho khurula mumakhono kabwe .40Yamala abweo khaandi khubira Yorodani khuula abuundu wa Yokhana yachakira okhubatisia , naye namenya eyo . 41Abaandu baangi bamuchira , ne nibamuboolera mbwe , ''nobwadieri Yohana siyakhoolakho ebilolero bioosi , naye khumalakho amakhuwa koosi ka Yohana yaboola khulondana nende omuundu uno nikobwadieri.'' 42Obuungi bwabaandu bamala bamusubire eyo .
Chapter 11

1Naye omuundu undi yali omulwaaye , yalangwa Lasaro , owa Bethania ,elidookho lia Maria nende omukhana wabwe Marita . 2Niye Maria ula owachukha amafura kesing'ari khu makulu ko mwami , ne niyeeya amakulu kaye nende elifwiri liaye , owo musiani wabwe Lasaro yaali omulwaye .3Abakhaana babwe bamurumira elikhuwa, nibaboola , Omwami loola , ulia , owawakheera alwaala . 4Ngolwa Yeso yabulira ako , yaboola ari, obulwaaye buno sinobweliifwa , arali khulwoluyaali lwa Nasaye , mbwe Omwana wa Nasaye akingulirwemo5Naye Yeso yakheera Marita , nende omukhana wabwe , nende Lasaro . 6Ngolwa yaali nabulire mbwe Lasaro nomulwaaye , yakhindayo khulwechindalo chibiri abuundu ayaali . 7Ne lunyuma naboolera abeeka baye ari , khuchie khaandi Buyudea8Abeeka baye nibamubolera bari, Omwami, Abayaudi ambi ano benyere okhukhuya nende makina, khaandi wenya khuchiaayo?. 9Yeso nakalusia ari, sichirimo echisaa ekhumi nende chibiri muinyanga. Omuundu nakeenda esideere, siyegumula khaba, khulwo khuba aloola obulafu bwesialo.10Naye omuundu nakeenda esiro, yegumula, okhuba obulafu bumubulamo. 11Ebindu bino yaboola, nolunyuma nababoolera ari, omwicha wefwe Lasaro akonere, naye njiia, mbwe mubuusie mundoolo.12 Naye abeeka baye nabo nibaboola bari, Omwami, nakona anaba ebilayi. 13 Naye Yeso yalomalomera khu liifwa liaye, nabo bapara mbwe yaali alomalomere khu khubuluukha khwechindoolo. 14Ne yeso nababoolera mubwakhakhu ari, Lasaro afwiire.15 Ne ndi musangaafu khulweng'we mbwe sindabereyo khaba, mbwe munyaale khusubirira; araali khakhuchieyo. 16 Naye Tomasi oulangwa mbwe Didimo naboolera abeeka basie ari, khakhuchie fwesi khufwe ninaye.17 Ne Yeso niyeecha, yanyoola mbwe yaali akonere mung'ani chinyanga chinne. 18Bulano Betania yaali ambi nende Yerusalemu, oburambi bwa maili chibiri. 19 Abayaudi bangi becheera Marita nende Maria, okhubesasira khulwa omusiani wabwe. 20 Naye Marita, olwa yabulira mbwe Yeso yechaanga, yaacha khumubukananira, naye Maria niyeekhala mubwedemberefu munyumba.21Ne Marita naboolera Yeso ari, Omwami, oba mbwe waliano, omusiani wefwe khasi yakhafwiire. 22 Ne manyire mbwe kata ebikha bino, sioosi esionasaba Nasaye, anakhuberesia. 23 Yeso namuboolera ari, omusiani weng'we anabuukha khaandi.24 Marita namuboolera ari, manyire mbwe yakhabuukhe khaandi mubulamukhi bwoinyanga yobumalirikhi. 25Yeso namuboolera ari, esie nesie obulamukhi, nende obulamu, oyo ousubiramo, kata naafwa, alimenya khaandi.26Naye oumenya niyasubiriremo, kata naafwa siyakhafwa khaba. osubirira kano?27Namuboolera ari, ee, Omwami; subirira mbwe newe Kirisito, omwana wa Nasaye, akhoyera yeeche musialo. 28Niyakhamala khuboola ario, yarulao, nalaanga Maria mukhana wabwe masididie, namuboolera ari, omwami yakheecha, ne akhulaanga. 29Ngolwa yabulira ako, yabuukha lwaangu niyeecha owa yaali.30Yeso naye yaali asiri abuundu wa marita yamubukananira. 31Abayaudi abali naye munyuumba, nibamwesaasiranga, olwababoona narula lwaangu erwanyi, bamulondakho nibapara mbwe achia khusirindwa khulira. Olwa Maria yeecha owa Yeso yali,32 niyakhamuloola, yakwa mumakulu kaye, namuboolera ari, Omwami, oba mbwe waliano, omusiani wefwe khasi yakhafwiire khaba.33Ngolwa yeso yamuboona nalira, alala nende Abayaudi abeecha ninaaye, yabesaasira mumwoyo nende khunyasibwa. 34Nareeba ari, mwamurere ena? Nibamuboolera bari, Omwami, icha olole. 35Yeso yalira.36Abayaudi nibaboola bari lolakho kori ngolwa yali yamukheera. 37Abaandi nibaboola bari, omuundu uno owekula echimoni chia abaofu, abao siyakhamukayiire khufwa?38 Yeso khaandi nali okhuchunisibwanga mumwoyo yeecha khusirindwa. Eliali likhokho, naye likina liarebwakho. 39Yeso nababoolera ari, rusieyo elikina. Marita omukhana wabwe omufu, namuboolera ari, Omwami, ebikha bino aunya: okhuba yakhamala chindalo chinne nafwiire. 40Yeso namuboolera ari, sibaboolere mbwe nimusuubira munaloola oluyaali lwa Nasaye?41Nibamala nibarusiayo elikina ala owa omufu yaali narerweo, Ne Yeso nakinguula chimoni akulu, naboola ari, Baba, khubira orio mbwe umbuliranga, 42Ne manyire mbwe ombuliranga buli lwoosi: Ne khulwa khubera abaandu beemere ano mboolere kene kano, mbwe bamanye mbwe waanduma.43Niyakhamala khuboola kene ako, yalira nende idoobosi ikhoongo, naboola ari, Lasaro, rula erwanyi. 44Naye owali nafwiire nabuukha, nabooyerwe makhono nende makulu nende isaanda: obweni bwaye nibuboyerwe nende sitambaya. Yeso nababoolera ari, mubmubolole, mulekhe abweeo.45Naye abayaudi baangi abaali becheere Maria, nibakhamala khuboona aka Yeso yakhoola, bamusubiriramo. 46Naye abaandi barulao niibachira Abafarisayo, nibababoolera aka Yeso yaali akholeere.47Abakukhani bakhoongo nende Bafarisayo nibakhoola omukhuung'ano, nibareebana bari khukhoole siina? Okhuba omuundu uno akhoola ebiamakana biingi. 48Nikhumulekha khurio, abaandu boosi banamusubiramo: naye Abarooma baneecha babukule esimenyo siefwe nende esialo siefwe.49Arali mulala khunibo, olangwa mbwe Kefa, owali mukukhani mukhoongo omwaka okwo, nababoolera ari, mukorerwe liosi, 50kose simumanyire mbwe bienyekhana, omuundu mulala khufwiira abaandu, mbwe asiaalo sioosi sikhaye khusasikha.51Ne kano siyeboolera omwene: nabere omukukhani mukhoongo omwaka okwo, yarusia obunabii ari, Yeso akhooyere afwiire esiaalo esio. 52Sinesiaalo esio sionge'ne, araali mbwe abuusie alala abaana ba Nasaye abasaalana mubiaalo. 53Ne okhurula inyanga eyo babulirisiania mbwe bamwire.54Yeso siyachiririra okhukeenda mubwakhaakhu khu bayaudi; araali yaachia musiaalo esili ambi nende luumirira, mu lidookho lilangwa mbwe Ephraim, nachiririra nende abeeka baye. 55Nayo pasaaka ya Bayaudi yaali ambi, ne abaangi barula musiaalo nibachia Yerusalemu pasaaka niisiri okhuula, khulwo khwelabia,56Ne nibakoonya Yeso, nga baboolanira beene nibemere muikhekalu, mbwe mupara aneecha mumukhoolo kuno? 57Ne mukhoongo wabakukhani nende Owbafarisayo bali nibabisisie likhuwa mbwe niyakhabao omuundu omanyire owaali, aboole, bamale bamukweekho.
Chapter 12

1Naye chindaalo chisasaba Pasika niisiri khuula Yeso yeecha Betania , Owa Lasaro yaali , owali nafwire , yamulamusia . 2Nibamukasiria ebiakhulia ebiakhulia bieingolobe , Marita nabakhalabaniranga : Ne Lasaro nali omulala khu balia abali khumesa . 3Maria namala nabukula iratili yamafura aka narido akobukusi bwaakulu , nachukha khumakulu ka Yeso , niyeeya nende lifwiri liaye , inyuumba niyichula esing'ari sia amafura .4Ne omulala khubeeka baye , Yuda Iskarioti , omusiani wa Simoni , ochia okhumukhoba , naboola ari , 5Nisina sikera amafura kano nikarakusibwa echidinari echimia chidaru , chiberesibwe abamanani? 6Kano siyaboola khulwo khuba adeeba abamanani khaba , arali khuba yali omwibi , khubeera niyewali nomufuko okwa yabukulangamo ebirimo .7Yeso naboola , mulekhe abe , akholeere lino okhulindirira indaalo yokhusikhwa khwange . 8Okhuba buli lwoosi muli nende abamanani , araali esie simuli ninasie buli lwoosi .9Abayaudi baangi bamanya mbwe aliwo : kata kario sibeecha khulwa Yeso yeng'ene araali babone Lasaro yeesi , owali nalamusibwe khurula mubafu . 10Abakukhani bakhongo bakhobana ngabakhamwira Lasaro yesi : 11mbwe khulwo khubeera Abayaudi baangi bali nibabwao , nibamusubire Yeso .12Inyanga yalondakho abaandu baangi bali becheere mumukholo , olwababulira mbwe Yeso yali yecha Yerusalemu , 13babukula amasafu kamakhiindu , nibachia okhumubukananira , Nibaayula , Hossana : noweikhabi Omwami omuruki owiicha mulira lio omwami wa Isiraili .14Yeso naye: yanyoola omwana weipuunda , niyekhalakho : ngolwa kaandkwa , 15Oraria , omukhana wa Sayoni : lola , Omuruki wao yeecha niyekhaale khumwana weipuunda .''a16Mukhuchaaka abeeka baye sibamanyirisia amakhuwa kano , okhuula olwa Yeso yakingulibwa , nibamala nibamanyirisia mbwe ebiindu bino biandikibwa okhulondana ninaye , ne mbwe bali bamukholera amakhuwa kano .17Khu kario abaandu bala abali ninaye nabuusia Lasaro khurula , musirindwa , namulamusia khurula mubafu bali nende obuloli. 18Khulwesifune sino abaandu bachia okhumubukanira, okhuba babulira mbwe yakhoola esiamakana sino . 19Abafarisayo nibamala nibabolerana bari , ''Mubona nga muranyala okhukayira sioosi? esialo sioosi simulondere.''20Munibo balimo Abayunani balala abali beechere okhumwinamira mumukholo. 21Beene abo beecha khu Filipo , owali wa Betasaida yebugalilaya , bamusaba , nibaboola , omukhongo , khwenya okhulola Yeso. 22Filipo yeecha naboolera Anderea : khandi Anderea nende Filipo nibaboolera Yeso .23Ne Yeso nabakalusia , naboola , ebikha biakhoola , mbwe Omwana womuundu akingulibwe. 24Obwadieri ,obwadieri mbaboolera mbwe eimwo yeingano nirakwa muloba yafwaa , idong'anga sayong'ne : araali niifwa , yiibulanga ebiamo biingi .25Oyo okheera obulamu bwaye alibukosia : naye oyo osiula bulamu bwaye musialo muno alibuwonia okhuula mubumeri . 26Omuundu yeesi nakholera , anonde , ne ewandakhabe, nindi , omukholi wange yesi yakhabeo : omuundu nakholera , Baba wange anamuba siriibwa .27Bulano omwoyo kwange kunyakhana , ni mbole sina? Baba , mbonie mubikha bino : ne khulwo khubera omulimo kuno , ndi mubikha bino . 28Baba kinguula , lira liao . Ne idoboosi yamala niirula mwikulu , niiboola iri, malire okhilikinguula , khandi , ndakhalikiinguule . 29Bulano, abaandu bali nibeemereo , olwababulira , baboola mbwe yadulukha : bandi nibaboola bari , malaika yamulomalomera .30Yeso nakalusia naboola , Idoboosi ino siichire khulwo khubeera esie , araali khulweng'we . 31Bulano nebikha biesialo khukhalakirwa : bulano omuruki wesialo sino anasukunwa erwaanyi .32Naye esie , ninginguulibwa khurula khusialo , ndarera baandu boosi khwesie . 33Kano yaboola , khulwokhumanyisia elifwa lia akhoyere afwe .34Abaandu nibamukalusia bari , "khwabulira khurula mulilako mbwe Kiristo achia khubao chinyanga chioosi : nawe okenda orie waboola mbwe , omwana wo muundu achia khukinguulibwa? Omwana wo muundu uno ni wina? 35Ne Yeso Nababoolera , bisiri ebikha bididi ebiobulafu khuba ninang'we . Mukende nimusiri nobulafu , esirima sirabechakho : okhuba oyo okendera musirima samanyire ewa achia . 36Nimusiri mubulafu , musubirire mubulafu , mbwe mube abaana bo bulafu . Yeso yaboola bino , narulao , namala nabekisakho .37Naye kata niyali nakholere ebiamayia biingi imberi wabwe , basiri si bamusubiramo . 38Mbwe elia omunabii Isaya yaboola liulirire , naboola , ''Omwami ,wina owasubira elikhuwa liefwe ? , naye omukhono kwa Nasaye kwafunulirwa wina?39Bulano sibali basubirira , ngolwa Isaya yaali naboolere : 40Yoofusia chimoni chiabwe , khaandi niyomirania emioyo kiabwe : mbwe baralola nende chimoni chiabwe , kose okhubulira nende emioyo kiabwe , mbwe bekalukhanie , mani baonie .41Kano Isaya yaboola ,ngolwa yabona oluyaali lwaye , namulomalokho. 42Kata kario obuungi bwa baruki bakhongo bosi bamusubiramo : Ne khulwo khubera bafarisayo sibamweyama , khubeera barusibwe muchisinagogi . 43Okhuba bakheera ifuma ya baandu khukhira ifuma ya Nasaye .44Yeso yalira naboola , oyo osubiriramo , sasubirire mwesie , araali ulia owanduma . 45Naye oyo oundola , alola owanduma .46Ndeecha ngobulafu musialo , mbwe oyo osubiriramo aramenya musirima. 47Naye Nikki mbwe omuundu yesi abulira makhuwa kange , ne sasubira , simukhalakira khaba : okhuba sindeecha okhukhalakira esialo , araali okhunia esialo .48Oyo okhaya esie , ne safukirira makhuwa kange , ali nende omukhalakira : elikhuwa lianomanome , elio nilio liakhamukhalakire munyanga imalirikha . 49Okhuba sindelomalomekho , araali Baba owanduma , yamba elilakesalaagiro , kalia akakhoyeere mbole , nende akakhoyere nomanome . 50Ne manyire mbwe elilakano liaye nobulamu buralibwayo ; Kario ngolwa Baba yamboolera , nilwo olwanomanoma .
Chapter 13

1Bulano omukholo kwa Pasika nikusiri okhuula , Yeso namalire khumanya mbwe ebikha biaye biokhurula musialo nachia owa samwana biulire , namalire khukhera abali baye musialo, yabakhera khuula khumalirikha . 2Esiakhulia esia ingolobe nisibwere , sietani namalire okhura elichomo liokhumukhoba mumwoyo kwa Yuda Iskarioti omwana Simoni ,3Yeso _ namanyire mbwe samwana yara ebindu bioosi mumakhono kaye , Ne mbwe yarula owa Nasaye khaandi akalukha khu Nasaye : 4Yabukha khurula khusiakhulia sie ingolobe , nara indulo echikanju chaye nabukula itaulo niyeboya. 5Niyakhamala ario yachukha amaachi mu ikaraya , nachaka okhwosia amakulu kabeeka nende okhubapangusia nende itaulo ya yaali niyeboyere .6Ne olwayola khu Simoni Petero , ne Petero namubolera , ''ewe omwami , wosie amakulu kange?'' 7Yeso nakalusia namuboolera , akakhola bulano ewe okakororwe , araali wakhakamanye lunyuma lwa ano . 8Petero namuboolera , ewe sonyala okhwosia makulu kange . Yeso nakalusia namuboleera ari, nindarakhwosia , obula esimeka ninange . 9Simoni Petero namuboolera , Omwami, sinamakulu kange kong'ane , araali amakhono kosi nende omurwe .10Yeso namuboolera ,ula owamala okhweyoka ''adakhasa okhwosiwa siyenya khwosia amakulu kong'ane, khubeera amalire khuba mulafu buli abuundu: ne muli abalafu araali simwesi khaba.'' 11Okhuba yaali namanyire onamukhoba : khunaboola mbwe , simuli mwesi abalafu.12Kho niyakhamala okhubosia makulu , khaandi niyakhabukula elijora liaye , niyakhekhala asi yababoolera ari, mumanyire eliandakhabakholera? 13 Munanganga mbwe omwekesia nende omwami : ne mubolanga abwene , nilwo olwandi. 14Nikali mbwe ndi omwami khandi omwekesia weng'we,nindkhaboosia amakulu keng'we , kenyekhana mwesi mwosanie amakulu.
16OBwadieri obwadieri , mbabolera , omurumwa sakhira omwami waye : kata omurumwa sakhira owamuruma . 17Nikali mbwe mumanyire kano ,muli abasangafu neng'we nikali mbwe mukakhola . 18Sinomnomaga khulweng'we mwesi: manyire owandalobola: araali mbwe maandiko kolerere , ulia olia nange mugaati akingulire sisiiro siaye .19Bulano baboolera nikasiekholekha , mbwe , nikekholekha , mumanyirisie mbwe nesie . 20Obwadieri obwadieri mbabolera , omufukirira yesi owaanduma afukirira esie , naye oufukirira esie afukirire owaanduma .21Yeso niyakhamala okhuboola ako , yanyakhana mumwoyo , narumbula ari, obwadieri obwadieri mbaboolera mbwe , mulala khweng'we acha khukhoba . 22Lunyuma abeeka nibalingalana , malala khuundi nibakanakana ni wina owalomalomangakho.23Bulano yaliwo omulala khubeeka baye nayekhere khusirifu sia Yes 24Simoni Petero yamukingulira mukhono mbwe amurebe , owayali nalomalomangakho . 25Nayekhere khusirifu sia Yeso yamureba, omwami , niwina?26Yeso nakalusia , niulia owa ndaberesia esironge nimalire okhuronga . Ne niyakhamala okhuronga sironge , yaberesia Yuda Iskarioti omwana wa Simoni . 27Olunyuma lwesironge sitani yamwingiramo , naye Yeso namuboolera ari , esiawenya khukhola khola lwangu .28Abulao khumesa owali namanyire esiakera namulomalomera ario . 29Okhuba baandi bapara mbwe , khuba Yuda yali nende omufukoo kweimbikhiro, nbio ebiakera Yeso namuboolera ari,kula ebundu ebia khudakha mumukhoolo, kose mbwe aberesianie siindu akhubamanani. 30Niyakhamala okhunyoola esironge yanguya okhurula erwanyi ; ne siali siro .31Olunyuma , niyakharula erwanyi, Yeso yaboola ari , bulano Omwana womuundu aberesibwe luyaali , naye Nasaye akingulirwe muniye . 32Nibiri mbwe Nasaye akingulirwe muniye , Nasaye yesi achia okhumukingula muye, achia khumukingula mulwangu.33Abaana badiidi,mubikhabidiidi siri ninang'we mucha khunogonya : ngolwandabolera bayaudi , mbwe ewanja , simwakhoolayo,kho bulano mbabolera.34Esilagiro siyakha baberesia , mbwe mukherane , ngolwa ndabakhera , mbwe mwesi mukherane . 35Khulwa lino abaandu boosi banamanya mbwe muli abeeka bange , niba nende bukheeri mulala khuundi.36Simoni Petero yamuboolera , Omwami ochia ena? Ne Yeso namukalusia , ewanja simwakhanondakho bulano , araali mwakhanondekho lunyuma . 37 Petero namuboolera , Omwami , esikira nikhaya khukhulonda ebikha bino nisina? Ndakharusie obulamu bwange khulwewe . 38Yeso yamukalusia , wakharusie obulamu bwao khulwange? obwadieri obwadieri , khubolera , idaywa sicha okhukholiokha , nosiri khundekaana makhabi kadaru .
Chapter 14

1Emioyo kieng'we kiranyakhana : musubire mu Nasaye , musubiriremo siesi . 2Munyuumba ya Baba khulimo nobwikhalo buungi : kaba mbu sikali kario, ndakhababoolere . Njia okhubarereseria abwikhalo. 3Ne ninjia manu barereserie obwikhalo, ndakhakalukhe khaandi , babukule : mbwe amba nindi , mwesi mubeo .4Naye owanjia mumanyire , khaandi ingira muimanyire . 5Tomasi namuboolera , Omwami , khukororwe owochia : khwakhamanya khurie ingira ? 6Yeso namuboolera , esie nisie ingira , obwadieri , nende obulamu : abulao omuundu owakheche owa Baba , araali khubirira khwesie . 7Muba muumanyire , mwakhamanyire Baba yesi : ne okhuchaka bulano mumumanyire , khaandi mumubwene .8Filipo namuboolera , Omwami , rwekesie Baba , esio sinaruyera . 9Yeso namuboolera , ndakhaba ninang'we ebikha birambi ,ne khaandi khane ongorerwe , Filipo?ula Ombweene esie amalire obona Baba : ne wakhabola orie , mbwe rwekesie Baba ?10Simusubirira mbwe ndi mubaba , ne Baba ali mwisie? Amakhuwa kababoolera sinomanomaanga akange : arali aka Baba omenyere mwesie akhoolanga emirimo . 11Musuure mbwe ndi mubaba , naye Baba ali mwisie : arali awo musuubire khulwe mirimo kiene ekie.12Obwadieri ,obwadieri , mbaboolera, oula osubirira emirimo kiakhola yesi anakikhola; anakhola emirimo mikhongo okhira kino; khulwo khuba njia ewa Baba . 13Naye siosi siamuchia okhureeba mulira liange , ndalikhoola , mbwe Baba aberesibwe luyaali mu Mwana . 14Nikali mbwe musaaba sioosi mulira liange , ndakhola .15Nimwakhera muliinde ebilaagiro biange . 16Ne ndasaba Baba , ababeresie omukhonyereri undi , mbwe abechenge ninang'we bulilwosi. 17Oyo Roho wobwadieri wesialo siranyala okhunyoola , okhuba sisimulola khaba , kata khumumanya : naye eng'we mumumanyire : okhuba amenyanga nang'we khaandi anaba mweng'we .18Sindabalekha kori abaana abalekhwa:Ndabakalukhira. 19Bisiri ebikha bidiidi , Ne esialo sisinandola khaandi : naye eng'we munandola okhuba menyere , mwesi munamenya . 20Inyanga eyo mwakhamanye mbwe ndi mubaba , nang'we mwesie , nasie mweng'we .21Oli nende amalaako kange , ne khaandi akalindanga, oyo niye owakhera: ne oyo owakhera anakherwa nende Baba wange , ne ndamukhera nende okhweyekesia khuniye . 22Yuda ( orali Iskarioti ) namuboolera , Omwami , kakhaba karie mbwe wakhelolesie khwefwe , ne siwakhelolesie khusialo?23Yeso namukalusia namuboolera , omuundu niyakhera , analiinda amakhuwa kange : ne Baba anamukhera , ne khunecha muniye , nikhumenya ninaye . 24Orakheera sabikhanga amalaako kange : ne likhuwa eliamubulira sineliange khaba , araali niliababa owanduma .25Kano baboolere , nisiiri ninang'we . 26Naye omukhoonyi, oli Roho Mulafu , owa Baba anaruma mulira liange , anabekesia biindu bioosi , nende okhubechulisia ebiindu bioosi , ebiandababoolera . 27Omuleembe mbalekhera , omulembe kwange baberesia : Simbaberesia ngolwesialo siberesanianga . Emioyo kieng'we kiranyakhana , kose kiraria.28Mwabulira ngolwa ndababoolera , mbwe mbwao , khaandi ndabakalukhira , muba mwakhera mwakhasangalire , khuba ndaboola , njia ewababa : okhuba Baba nomukhongo khuukhira . 29Ne bulano baboolere nikasiekholekha , mbwe nikekholekha munyale khusuubirira30Esie sindabola maangi ninang'we : okhuba omuruki wesialo sino yeecha , ne siali nasie elikhuwa liosi . 31Araali mbwe sialo sinyoole khumanya mbwe ndakheera Baba : ne ngolwa Baba yamberesia malaako , siesi mbaberesia , bukhe khubweo.
Chapter 15

1Nesie omusabibu kwadieri , naye Baba niye omuliimi . 2Elisaga liosi mwisie eliraama ebiamo alimalangayo : naye buli lisaga eliama ebiamo alireresianga mbwe limeede okhwama lukali .3Bulano muli balafu okhubirira mulikhuwa eliababoolere . 4Mwikhale mwisie , nange mweng'we , ngolwa elisaga liranyala okhwama ebiamo liene , araali nilikhala mumusabibu : simunyala khaba , arali nimwikhale mwesie.5Nesie omusabibu, nang'we muli amasaga : oyo owikhala mwesie , nasie muniye , oyo yama ebiamo biingi : okhuba sibulao esiamunyala nimurali nasie . 6Omuundu narekhala mwesie , asukunwanga ngelisaga , niyoma , nabaandu balibusia , nibalisukuna mumuliro , nilisambwa. 7Nimwikhala mwesie , namakhuwa kange kekhala mweng'we , munasaba esiamwenya sioosi , nimukholerwa.8Abwene awo Baba wange abereesibwa luyaali, nimwamire ebiamo biingi : eliene elio linekesia mbwe muli abeeka baange . 9Ngolwa Baba yakheera , nilwo nga siesi ndabakheera: Muchiririre mubukheeri bwange .10Nimulinda malaako kange , munekhala mubukheeri bwange : ngolwa ndaliinda amalaako kababa ,nende khwikhala mubukheri bwaye . 11Ebiindu bino baboolere , mbwe isangaalo yange idong'e mweng'we , khaandi mbwe isangaalo yeng'we ichule .12Lino nelilako liange mbwe mukheerane , ngolwa ndabakheera . 13Aumao omuundu oli nobukheeri obukhoongo obukhira buno , mbwe omuundu ara obulamu bwaye asi khulwa beecha baye .14Muli abeecha bange , nimukhoola k akabalagira . 15Okhuchakira ano sibalanga abarumwa : okhuba omurumwa samanyanga akomukhoongo waye akhola : araali balaangire abeecha : okhuba ebiindu bioosi ebiambulira khu Baba mbekesianga.16Sineng'we mwandoboola , araali nesie owabaloboola, nbarao mbwe muchie mwame ebiamo , ne ebiamo bieng'we bimenye : mbwe esia mureba Baba mulira liange , ababeresie . 17kario balagira , mbwe mukherane .18Nikali mbwe sialo sibasiula , mumanye mbwe siasiula mukhuchaka imberi nisisiri obasiula . 19Kaba mbwe mwali abesialo , esialo siakhakherere abasio : Nokhuba simuli besialo , ne ndabaloboola khuruula musialo , kario esialo siabasiula .20Ichulisie elikhuwa lia ndababoolera , omurumwa sakhira omwami waye : nikali mbwe baasandia, mwesi bachia okhubasandia; nibalinda elikhuwa liange , mwesi banalinda elieng'we liosi . 21Arali Kano koosi banabakholera okhubera elira liange , okhuba sibamanyire owanduma . 22Kaba mbwe sindeecha ndalomaloma nabo , sibakhabere nende hiimbi : ne bulano babula esifuunikha hiimbi chabwe .23Olia ousiula yasiula Baba yesi . 24Kaba mbwe sindakholere munibo emirimo kio omuundu undi asiiri okhukholakho , sibakhabere nende echiimbi :araali bulano barubwene nibarusuula alala nende Baba wange . 25Ne kano keecha okhwekhola mbwe likhuwa liandikwa mulilako liabwe liulirire , baasiula oburali ne sifune .26Naye omulemesi niyeecha , owa ndakhabarumire khurula khu Baba , Rokho owabwadieri , orula khu Baba , anarusia buloli bwange . 27Ne mwesi munarusia buloli , okhuba mwakhaba ninasie khurula mukhuchaka .
Chapter 16

1Ebiindu bino mbaboolera , murola mwasinyikha . 2Banabarusia muchisinagogi : Ebikha bichaanga mbwe yesi yesi, obeera achia khupaara mbwe akholera Nasaye emirimo .3Ne ebiindu bino banabakholera okhuba bakororwe Baba , khaandi siesi bakorerwe. 4Ne ebiindu bino mbaboolere mbwe ebikha nibiula , mwichulisie mbwe lndababoolera khulondana nabio , ne bino sindababoolera okhurula mukhuchaaka , okhuba ndali ninang'we .5Bulanu mbwao njia owa ulia owanduma , naye abulao khweng'we oundeeba , ari ochiaye? 6Ne khulwa khuba mbaboleere ebindu bino , emioyo kieng'we kichuulemo esibeera . 7Kata kario mbaboleere obwadieri : Nebiobukhoonyi khweng'we mbwe mbweo : okhuba nindarabwao , omukhonyereri sanabechera , ne nimbwao , ndamuruma yeeche khweng'we.8Ne niyeecha anamanyisia esialo akobwononi , nende akobwadieri , nende akobukhalaki . 9akobwononi , okhuba sibamusubiriramo : 10Okobulungikhi, okhuba njia ewa Baba , ne simwakhambone khaandi : 11Akobukhalaki , okhuba omuruki wesialo sino akhalakirwe .12Ndi nende ebiindu biingi ebiasiiri khubaboolera , araali ebikha bino simunyala khubiesimirisia . 13Ne kario ye , Rokho wobwadieri niyeecha , anabakhoonya mubwadieri bwoosi: okhuba sanaboola khulondana ninaye omwene : araali liosi elianabulira , nilio elianalomaloma : ne anabamanyia akeecha imberi . 14Anamberesia oluyaali : okhuba ananyoola khurula khwesie , nabekesia .15Bioosi ebia Baba alininabio nebiange : kho kario ndaboola , mbwe anabukula khubiange neabeekesia. 16Mubikha bidiidi , simuchia khumbona : khaandi, mubikha bidiidi , munambona , okhuba njia ewa Baba .17Ne balala khubeeka baye nibareebana , Sina sino esiali khuruboolera , mbwe ebikha bidiidi simunambona : khaandi , mubikha bidiidi , munambona : okhuba njia owa Baba ? 18Kario , nisiina siino esia aboolanga, ebikha bidiidi ? khasikhumanyire esiaboolanga .19Ne bulanu Yeso namanya mbwe bekoomba khumureeba , nababoolera , muli khurebananga esiambolere , ebikha bidiidi , simuucha khumboona : khaandi , ebikha bidiidi , nimumboona? 20 obwadieri obwadieri, mbaboolera , mbwe munalira , nimwekanyirisia , nasio sialo silisangaala ; ne munabeerera , ne okhuberera khweng'we khuchia khwekalukhania khube isangaalo . 21Omukhasi nalumwa abereraanga , okhuba ebikha biaye biakhoola; naye olwa amala okhwibula omwana , siyechulisianga khaandi obuchuuni, khulwe isangaalo mbwe omuundu yebuulwe musialo .22Ne eng'we bulanu muli abokhubeerera ; Ne ndabalola khaandi , ne emwoyo kweng'we kinasangala , ne isangaalo yeng'we omuundu siyakhabarusiakho . 23Inyanga eyo sibulao esiamwakhandeebe , obwadieri obwadieri , mbaboolera , siosi siosi esiamureeba Baba mulira liange , anababeresia . 24Okhuula ebikha bino musiiri khureebakho liosi mulira liange ; Reebe , ne munanyoola , mbwe isangaalo yeng'we yulirire .25Ebindu bino mbaboolere muchingaado ; ne ebikha biichanga , sindakhalomalome ninang'we khaandi muchingaado , araali ndakhabamanyie mubwakhaakhu akalondana nende Baba .26Inyanga eyo mwakhasabe mulira liange ; Ne simbaboolera mbwe ndilisaba Baba khulwa eng'we; 27Okhuba Baba mwene yabakheera , okhuba mwakheera , khaandi mwasubirira mbwe ndarula owa Nasaye . 28Ndarula khu Baba , ne ndeecha musialo ; khaandi , ndula musialo , nifunya khu Baba .29Abeeka baye nibamuboolera , awo bulano olomaloma mubwakhaakhu , ne soboola chingaado . 30Bulanu khusubira mbwe omanyire makhuwa koosi , ne sikenyekhana omuundu yesi khukhureeba ; Khulwa kano khusubira mbwe orula owa Nasaye . 31Yeso nabareeba , bulanu musubira ?32Lola , ebikha bicha , bulanu builire, mbwe munasalanisibwa , buli muundu khulwaye . Ne munandekha sieng'ene ; nasie siindi sieng'ene , okhuba Baba ali ninasie . 33Ebiindu bino nomanoome ninang'we , mbwe mwesie mube nende omuleembe , musialo munaba nende obunyakhani ; araali mweberesie omwoyo ; okhuba ndakhira esialo .
Chapter 17

1Yeso yaboola makhuwa kano , nakinguula chimoni chiaye mwikulu , naboola , Baba , ebikha biakhoola , beresia oluyaali omwana wao , mbwe omwana wao yesi akhube oluyali . 2Ngolwa wamuba obunyala khu bioosi ebiomubiri , mbwe aberesie obulamu buralibwayo khu boosi abawamuba .3Ne buno nibwo obulamu buralibwayo , bamanye ewe weng'ene Nasaye waobwadieri , nende Yeso Kiristo owa waruma . 4Ndakhubeersia oluyaali musialo ; malire emirimo ekiawanduma khukhola . 5Ne bulanu , Baba , mbe luyaali alala ninawe mwene nende oluyaali lulia olwandali nalwo ninawe esialo nisisiabao .6Ndamanyisia liraa elio khubaandu abawamberesia musialo ; bali abao , nobamberesia , ne nibadiira likhuwa liao . 7Bulanu bamanyire mbwe ebiindu bioosi ebiawamberesia nibiao . 8Khulwo khuba ndababeresia amakhuwa kosi akawamberesia , ne basubira mbwe wanduma .9Mbalamira ; sinamira esialo , araali abo abawamberesia ; okhuba nabao . 10Ne boosi abange nabao , nabo abao nabaange ; ne ngingulibwanga munibo . 11Ne bulano siindi khaandi musialo , ne bano bali musialo , ne njicha khwewe , Sefwe Mutakatifu , balinde khubirira mulira liao liene abo abawamberesia , mbwe babe mubulala , ngolwa khuli .12Nindi ninabo musialo , ndabaliinda mulira liao ; abo abawamba ndabaliinda , abulao owakora , araali omwana wobukori ; mbwe liandiko liulirire . 13Ne bulanu njicha Khwe ; nebindu bino nomanoma musialo , mbwe banyoole isangaalo yange niyulirire munibo . 14Mbabereesie likhuwa liao ; nesialo sibasiulire , okhuba sinabesialo , ngolwa siesi ndarali owesialo .15Simbasayira mbwe obarusie musialo, araali obakaye nende obubi . 16Sibesialo , ngolwa siesi ndarali owesialo . 17Balabie okhubirira mubwadieri bwelikhuwa liao ; elikhuwa liao niliadieri.18Ngolwa wanduma musialo , kario siesi mbaruma musialo . 19Ne khulwa nibo ndelabia , kario bosi balabisibwe okhubirira mubwadieri .20Sisayira bano bong'ene khaba, ne kata balia abakhaasubirire okhubirira mulikhuwa liabwe ; 21Mbwe babe silala ; ngolwa ewe , Baba , oli mwesie , nange mwewe , mbwe bosi babe silala mwefwe ; mbwe sialo simanye mbwe wanduma .22Ne oluyaali lwawamberesia baberesia ; mbwe babe silala , ngolwefwe khuli silala . 23Esie munibo , nawe mwesie , mbwe bakholwe abolerefu mubulala ; mbwe sialo simanye mbwe wanduma, khaandi wabakhera , ngolwa wakheera .24Baba , ndekoomba mbwe boosi , abawamberesia , babe ninasie owandi ; mbwe balole oluyaali lwange , olwa wamba , khulwo khuba wakheera okhurula khuchaka khwemise ekiesialo .25Ewe Sefwe omulungifu, esialo khasi siakhumanya ; arli esie khumanyire , nebano bamanyire mbwe wanduma . 26Nasie ndabamanyisia eliira liao, khaandi ndabamanyisia mbwe obukheeri obwawakheera ninabwo bube munibo, nasie okhuba munibo .
Chapter 18

1 Ngolwa Yeso yamala khulomaloma makhuwa kano, yeecha nende abeeka baye niyambukha omwalo kwa Kidroni owa mukunda kwali , niyengiramo, nende abeeka baye . 2Naye Yuda yeesi , owamukhoba, yamanya abuundu ao; okhuba buli sikha Yeso yabukanananga ao nende abeeka baye . 3Lunyuma Yuda , niyakhamala okhunyoola omukaanda kwabaandu nende abasikari khurula khubakukhani bakhoongo nende Bafarisayo , beecha nende chitaara nende echitochi nende ebiiraniro .4Naye Yeso , khulwo khuba amanyire bioosi ebiicha khumwekholekhanakho, yeecha imberi, nabareeba ari, mukonyaanga wina? 5Nibamukalusia bari, Yeso wanasareti; Yeso nababoolera ari, nesie . Ne Yuda yeesi , owamukhoba, yali yemere alala ninabo .6Ne ngolwa yababoolera ari, nisie, bakalukhira inyuma, nibaakwa asi . 7Khaandi nabareeba ari, mukonyanga wina? Khaandi nibaboola bari, Yeso wa Nasareti .8Yeso nakalusia ari, baboolere mbwe nesie ; nikaba mbwe mukonyanga esie, lekhule bano babwewo; 9Mbwe elikhuwa liaboolwa liulirire , "mbwe abawamba boosi abulao owandakosia."10Lunyuma Simoni Petero owali nolugaanga yalukhwesa narema omukholi womukukhani mukhoongo , nakhenga okhurwi khwaye okhwomukhono musaacha , omukholi oyo yalangwa Maliko. 11Yeso naboolera Petero ari , kalusia olugaanga lwao musifuko ; Esie sikhoyere ngwe esikombe sia Baba yambeeresia?12Bulano abasikari nende omukhoongo wabwe nende abakhoongo Babayaudi nibadiira Yeso , nibamuboya , 13Nibabwao naye nibarangirira khumuira ewa Anasi, khulwo khuba yali omukhwe wa Kayafa , owali mukukhani mukhoongo omwaka okwo . 14Naye Kayafa oyo, niye ulia owali yaberesia Bayaudi likerako ari , bikhoyere omuundu mulala khufwira abaandu.15Ne Simoni Petero naloonda Yeso , nende omweka undi ; khandi omweka oyo yali amanyikhane khu mukukhani mukhoongo , niyengira nende Yeso munyumba yoburuki yomukukhani mukhoongo . 16Naye Petero niyema erwanyi womuliango . Omweka undi oyo narula erwanyi , nalomaloma nende omuliindi womuliango , niyengisia Petero mukari .17Omukhana muliindi womuliango namuboolera Petero ari, ewe wesi sioli mulala khubeeka bomuundu uno? Naye naboola ari, sindi khaba . 18Ne abakhalabani nende abakhoongo babwe bali bemere ao , owabali bambisie omuliro kwamaanda; niboraanga okhuba imboo yalikho , ne khandi Petero yeesi niyemere ninabo niyoraanga omuliro.19Omukukhani mukhoongo yamala yareeba Yeso khulondana nende abeeka baye , nende amekesio Kaye . 20Yeso namukalusia ari, ndalomalomerenge esialo mubwakhakhu; ndekesieenge muchisinagogi, nende muikhekalu , owabayaudi boosi babukanananga; ne libulao eliandaboola mubwekisi . 21kulwa sina undeebe? Mureebe abambulira , akandababoolera; bamanyire ebiandababoolera .22Ne ngolwa yaamala khulomaloma , mulala khu barumwa owali yemere ambi ninaye yamukhuya olukhofi , naboola ari, okalusia orio mukukhani mukhoongo ? 23Yeso namukalusia ari , nimboolere ebibi mubole obubi obwo: nikarali kario, esikera wambama nisi? 24Naye Anasi yamuyiira khumukukhani mukhoongo naboyerwe .25Naye Simoni Petero yali niyemereo niyoranga omuliro , nibamuboolera, ewe wesi sioli mulala khubeeka baye? Yakana naboola ari, sindi mulala khunibo . 26Mulala khubarumwa bomukukhani mukhoongo , owali mwikho wa ulia owa Petero yakhenga khurwi , naboola ari , sikhubwene wesi noli ninaye mumukunda ? 27Petero nakana khandi;ne mubikha ebio idaywa yakholiokha.28Nibarusia Yeso ewa kayafwa nibamuira munyuumba yobukhalaki; ne biali ichuli ; nabo abene sibengira munyuubmba yesikhalako , baroola bemaliia; mbwe banyoole okhulia Pasika . 29Pilato nachia erwanyi ewabali , naboola , muli nende likhuwa sina limaanu khumundu uno? 30Bamukalusia nibamuboolera, biiba mbwe sinomukholi wamabi , sikhwakhamurerere khu ewe .31Bulano Pilato nababoolera ,mumubukule mumuire mumukhalakire okhulondana nende lilako lieng'we . Abayaudi nibamuboolera , sikhufukirirwa nelilako okhwira omuundu ; 32 Mbwe liulirire , elia Yeso yaboola okhulolesia elifwa yali afwe .33Pilato niyengira munyumba yobukhalaki khandi , nalanga Yeso , namureba , newe omwami wa Bayaudi? 34Yeso nakalusia , kano oboola khulwao mwene , kose bakhuboolere khulondana ninasie ? 35Pilato namukalusia esie ndi muyaudi ? Esialo siao nende abakukhani bakhoongo nibo bakhundererekho; wakhola sina ?36 Yeso nakalusia , obwami bwange sinobwesialo sino ; obwami bwange buba obwesialo sino , abarumwa bange bakhalwanire , mbwe khaye khuberesanwa khu Bayaudi ; araali bulano obwami bwange sibwaano . 37Pilato namuboolera , kario oli omwami? Yeso nakalusia, newe oboola mbwe ndi omwami . Ndebulwa khulwa kano , ne khulwa mulimo kuno ndeecha musialo , mbwe ndusie obuloli khubwadieri . Oyo yesi owabwadieri abuliranga idoboosi yange .38Pilato namureeba, Obwadieri nisio sina ? Niyakhamala khuboola kano , yarula khandi erwanyi nachira Bayaudi , nababoolera , simulolamo elikhuwa liosi limaanu . 39Araali muli nende omulukha mbwe, khoyeera okhubaleekhulira omuboye mulala mupasika; mufukirira bulano balekhulire Omwami wa Bayaudi ? 40Nibaayula bosi khandi, nibaboola, uno Khaba, araali Baraba. Naye Baraba yali omwibi .
Chapter 19

1Pilato namala nabukula Yeso , namukhuya emisarita . 2Abasikari nibasinga ingara yamabwa, nibara khumurwe kwaye, nibamufwasia ingubo yobukoondo yasambarao . 3Nibaboola bari , aberesibwe luyaali ,Omwami wa Bayaudi ; ne nibamupama chikhofi .4Pilato nabachiira khaandi,namala nababoolera , lole ,mureera khweng'we ,ne mumanye mbwe sinyoolere yiimbi yoosi muniye . 5Lunyuma Yeso yeecha, nafwalire ingara ya mabwa , nende ingubo yobukoondo bwomusambarao, ne Pilato nababoolera , lole omuundu uno . 6Ngolwa bakukhani bakhongo nende balindi bamuboona , baayula nibaboola , ''Abambwe , abambwe .'' Pilato nababoolera , mumubukule , muchie mumubaambe ; arali sindola limaanu muniye .7Abayaudi nibamukalusia , khuli nelilako , khulondana nende lilako elio akhoyeere afwe , okhuba yekhoola Omwana wa Nasaye . 8Pilato olwayabulira elikhuwa elio, yamala naria muno ; 9Khandi naachia munyumba yobukhalaki , nareba Yeso , orula ena ? Naye Yeso siyamukalusia .10Pilato namureeba , solomaloma nange ? ,somanyire mbwe ndi nende obunyala bwo khukhubaamba , khaandi ndi nende obunyala bwo khukhulekhuula ? 11Yeso nakalusia ari, obula obunyala bwoosi khwesie , araali noberesebwa khurula akulu; khu kario oyo owandeera khweewe ali nende esionono sikhongo .12Okhuchaka ao Pilato yakonyeresia khumulekhuula ; nabo Bayaudi bayokera nibaboola , nolekhula omuundu uno yaachia , sooba oli omwicha wa Kaisari ; yeesi owekhola omwene omuruki aba ayingana nende Kaisari . 13Pilato niyakhamala okhubulira ,elikhuwa elio yarusia Yeso niyekhala musisala esiobukhalaki abuundu alangwa muluyaudi mbwe , Gabbata.14Biali ebikha ebiokhwerekekhera Pasika ambi echisaa chisasaba ; naboleera abayaudi , lole Omwami weng'we . 15Nabo baandu nibachiririra okhwayula ,arusibweyo, arusibweyo, abambwe . Pilato nababoleera , mubaambe Omwami weng'we ? Abakukhani bakhongo nibaboola , khubula omuruki araali Kaisari . 16Namala nabalekhulira bamubaambe, nibabukula Yeso , nibabwao naye .17Ne nakingire omusalaba kwaye yachia abuundu alangwa mbwe Abuundu Wesianganga , yalangwa Muluibrania Goligota; 18 Ewabamubaamba, alala nende abaandi babiri , mulala buli lwande naye Yeso nali akari .19Naye Pilato niyandiika obwandiike nabura khumusalaba , obuboola mbwe , YESO WA NASARETI OMWAMI WABAYAUDI. 20Abayaudi baangi basoma obwandiike buno ; okhuba abuundu owa Yeso yabaambirwa biali ambi nende lidookho ; ne biandiikwa muluibrania , luyunani , nende lulatini .21Abakukhani bakhoongo babayaudi nibaboolera Pilato , oraandika mbwe , Omwami wa Bayaudi ; araali ye yaboola , Ndi Omwami wabayaudi . 22Pilato nakalusia , akanyandikire malire okhwandiika .23Ne abaliindi , nibakhamala khubamba Yeso , babukula echingubo chiaye , nibareresia ebimeka bine , buli mulindi simeka alala nende elikoti liosi lirio ; ne elikoti liabula omusono , yalukhwa yosi khurula akulu . 24Nibabolerana beene khubeene , khurairandula , arali khuyubire ikura , mbwe inaba eyawina ; liulirire liandiiko , eliboolwa, bakabaana ebiefwalo biange , Ne khulwa obweyango bwange boba chikura . Ebiindu bino abasikari nibamala nibakhola .25Ambi nende omusalaba kwa yeso bali nibemere ng'ina nende omukhana wabwe , nende, Maria mukhasi wa Kiliopa , nende Maria Magadalena. 26 Yeso niyakhamala khulola ng'ina , naye omweka ulia owayakhera yemere ambi ninaye , yaboolera ngi'na ari , mukhasi , lola omusiani wao . 27Ne naboolera , omweka ari , lola mao , ne okhurula ebikha ebio omweka oyo yamubukula namuira mudala liaye .28Olunyuma lwakano , Yeso niyakhamanya mbwe ebiindu bioosi biolerere , amandiiko kanyale okhuliriira , yaboola ari , mbulira obuluo . 29Ne awo khwaliwo nende esikombe sichulemo ifini; nibara esiponji mufini, nibara khulusala lurambi , nibamura khumunwa . 30Nibakhamala okhuyira ifini khumunwa kwaye , yaboola ari kabweere , niyenamia omurwe , nakhalaka omwoyo .31Ne khulwo khubeera yali inyanga yabayaudi yokhwerekekhera , ne khulwokhuba emibiri sikiali kikhoera khudong'a khumusalaba inyanga ya Isabato [okhuba isabato yali inyanga ikhulundu] bamwekweda Pilato mbwe babafunake makulu , mani bamale barusibweyo . 32Abalindi nibeecha nibabafunaka amakulu babiri balia abali nibabambirwe ninaye . 33Olwaboola khu Yeso , nibanyoola mbwe amalire okhufwa , sibafunaka makulu kaye khaba .34Naye omulala khu baliindi owali nende elifumo yamufumira mumbafu mwaye , abwene ao amabanga nende amachi nibirula . 35Naye owalola yali nobuloli , khandi buloli bwaye bwali obwadieri; ne amanyire mbwe aboola obwadieri,mbwe munyale khusubirira .36Ebiindu bino biekhoola mbwe eliandiiko liulirire , elikumba liaye khasi liakhafunakwe. 37Khandi liandiiko lindi liboola , bakhalingire oyo owabafumira.38Lunyuma lwa kano Yosefu wa Arimatia , oli omweka wa Yeso , oremanyisia khulwo khuuria bayaudi , yasaba Pilato mbwe anyoole khubukula omubiri kwa Yeso ; ne Pilato namufukirira , niyeecha nabukula mubiri kwa Yeso . 39Khandi Nikodemu yesi yeecha , ulia owechera Yeso musiro , narera amafura nende obubani , ebiyera chiratili imia .40Nibabukula omubiri kwa Yeso , nibakuboya muchingubo echia obukusi nende obubani , mungira yabayaudi basikhirangamo . 41Ne abuundu owabamubambira khwaliwo nende omukuunda , ne mumukuunda omwo khwalimo nende esirindwa siyaakha esiomuundu yeesi yali asiasikhwamo . 42Nibamala nibamuramo Yeso omwo khulwo khwerekekhera indalo yabayaudi ; okhuba esirindwa siali ambi awo
Chapter 20

1Inyaanga yamberi eya ijum, Maria Magadalena yauuna mumabwibwi nisisiri esirima khusiriindwa , nalola elikina nilirusibwe khusirindwa. 2Yerukha nachia Simoni Petero yali, nende ulia omweka owa Yeso yali yakheera, nababoolera ari, barusisie Omwami musirindwa , ne khukororwe owabamumurere.3Petero nende omweka uundi barula nibachia khusirindwa . 4 Berukhira boosi alala ; ne omweka uundi ulia yabiramo Petero, narangirira okhuula khusirindwa . 5Olwa yagunama , okhulingeera mukari , yalola echingubo chamang'iniesi nichikonere ao; arali siyengiramo khaba .6Naye Simoni Petero owali namulondanga yola, yengira musirindwa, naloola echingubo echamang'iniesi nichikonere ao, 7nende esitambaya , esiali khumurwe kwaye, esirali alala nende chingubo chamang'iniesi , araali siali sieboyere siong'ene.8Omweka uundi oyo owali arangirire okhwicha khusirindwa, yeesi yengira, nalola, mani nasubira . 9okhuula ebikha ebio bal nibasiri khumanya amaandiko mbwe akhoyere okhubukha mubaafu . 10Abeeka nibabwao mumadala kabwe khandi .11Naye Maria yachirira okhwema erwanyi wesirindwa naliranga ; ne ngolwa yachirira okhulira , yagunama asi nalingeera musirindwa . 12Yaloola abamalaika babiri muchingubo chindafu nibekhale , mulala namurwe , naye oundi namakulu , owomubiri kwa Yeso kwali nikurerwe . 13Nibamureeba bari, mukhasi ewe, oliranga khulwa sina ? Nabakalusia ari , khulwo khuba babukule Omwami wange , ne ngororwe owabamurere .14Niyakhamala okhuboola ario , yakalukhana inyuma , naloola Yeso niyemere , oburamanya mbwe niye . 15Yeso namureeba ari, omukhasi ewe, oliranga khulwa sina ? Okonyanga wina? Nngolwa yapaara mbwe nomulimi niye, yamuboleera ari, omukhoongo wange , nikaba mbwe omurusisie ano , mboolere owomurere, nyoole khumubukula .16Yeso namala namubolera ari, Maria, naye nakalukhana , namuboolera , Raboni ; nikhwo khuboola mbwe , ''omukhongo wange''. 17Yeso namuboleera ari, orandirakho ; khulwo khuba siri okhunina khuchia owa Baba ; araali chia khubakheerwa befwe obaboolere mbwe njia owa Baba , nende oli seng'we ; khandi Nasaye wange oli Nasaye weng'we . 18Maria Magadalena yeecha naboolera abeeka ari, ndakhalola Omwami , ne yakhamuboolera amakhuwa ako .19Inyaanga yene eyo ingolobe , inyaanga yokhurangirira eye ijuma , emiliango nikisiri nikikale owaabeeka bali nibakhung'anire khulwo okhuria abayaudi , Yeso yeecha niyema akari wabwe nababoolera ari, muleembe kube khweng'we . 20Niyakhamala khuboola ario , yabekesia amakhono kaye nende mumbafu mwaye . Abeeka nibamala nibasangala , khulwokhumulola Omwami .21 Khand Yeso nababoolerari, muleembe kube khweng'we ; ngolwa Baba yanduma esie, siesi baruma eng'we . 22Niyakhamala khuboola ario , yabafurakho omuyia , nababoolera ari, munyoole Roho mulafu. 23Oyo yeesi owamunalekhera echimbi chiaye, analekherwa , naye oyo owamuralekhera echimbi chiaye, khasi analekherwa khaba .24Naye Tomasi mulala khubeeka olangwa mbwe Didimo , siyali alala ninabo nga Yeso yeecha . 25Abeeka baandi nibamuboolera bari , 'Khwakhalola Omwami.' Naye nababoolera ari , okhuula ngandaloola nende chimoni chiange amafumire kemisumari , khandi ndiirekho nolwala lwange mulubafu lwaye khasindasubira .26Olunyuma lwechinyaanga munane abeeka boosi nibali mukari , ne Tomasi yeesi yali alala ninabo ; Yeso yeecha , emiliango nikisiri nikikaale , niyema akari wabwe, naboola ari , muleembmbe kube khweng'we . 27Naboolera Tomasi ari, "Reera olwala lwao , khandi oliinge amakhono kange ; khandi orere omukhono kwao , obabasie mulubafu. lwange ; olekhe khukanakana, arali osubirire .28Tomasi namukalusia namuboolera ari, ''Omwami wange khandi Nasaye wange.'' 29Yeso namuboolera ari, ''Tomasi , okhuba wakhandola , bulano wakhasubirira ; nabeyikhabi abo abasubiriranga nibarabweene .30Khandi bwadieri Yeso yakhola ebilolero biingi imberi wabeeka baye , ebirandiikwa musitabo sino . 31Ne kano kaandikwa mbwe, munyoole khusubirira mbwe Yeso niye Kiristo , Omwana wa Nasaye ; ne mbwe mukhusubira munyoole okhuba nende obulamu khubirira mulira liaye .
Chapter 21

1Olunyuma lwebiindu bino Yeso yemanyisia khandi khubeeka baye khumwalo kwa Tiberia , ne yelolosia mungira ino: 2Bali boosi alala, Simoni Petero , nende Tomasi olangwa Didimo , nende Nathanieli owa Kana Yebugalilaya , nende abaana ba Sebedayo , nende babiri khubeeka baye . 3Simoni Petero nababoolera ari njia khunaba , nibamuboolera , fwesi khuchia ninawe nibachia lwangu nibengira mubwaro ; ne esiro esio , nibaranabakho ing'eni yoosi .4Ne ngolweichuli yola , Yeso yema khulukuku ; abeeka nabo nibaramanya mbwe Yeso niye . 5Naye Yeso nababoolera ari, abaana, muli nende esiamulia ? Nibamukalusia bari, khubula . 6Nababoolera ari, ''musukune olwero khumukhono musaacha kwobwaro , ne munanyoola , nibareka , nibaranyala okhukhwesa khulwa obuungi bweching'eni .7Ne omweka wa Yeso yakheera yaboolera Petero ari , nomwami, ne ngolwa Simoni Petero yabulira mbwe , nomwami yamusukunakho ingubo yokhunaaba (khubeera yali esiekenye) , namala niyedumbula munyaanja . 8Nabeeka baandi beecha mumeli indiidi; (khubeera sibali ale nende khulukoongo, khubeera biali oburambi bwochidiraa echimia chibiri ,) nibali khukhwesa olwero lulimo ching'eni . 9Ngolwa boola khulukuku baloolao omuliro kwamaanda, ing'eni niirerwekho , nende omugaati .10Yeso nababoolera , rerekho ching'eni chamunabire . 11Simoni Petero yengira , nakhwesa olwero narera khulukuku nilwichulemo ching'eni chikhongo, imia ndala nende amakhumi karano nende chidaru ; ne muchiosi chiali chinyingi muno arali olwero silwakhalikha .12Yeso nababooloera ari , mwiche mulie, naye abulao omweka yeesi owebulira khumureba , ari oli wina? Ngabamanya mbwe nomwami . 13Yeso yamala niyeecha , nabukula omugaati , nababeresia alala nende ing'eni . 14Lino bulano liali elikhabi liakhadaru Yeso niyelolosianga khubeeka baye , namalire khubuukha mubafu .15Nibakhamala okhulia , Yeso yababoolera ari,''Simoni Petero , Simoni , omwana wa Yona , wakheera khukhira bano? Namuboolera ari, kali kario Omwami , omanyire mbwe ndakhukheera, namuboolera ari , liisia amakoondi kange. 16Namuboolera khandi ekhabi lia khubiri ari, Simoni , omwana wa Yona , wakheera ? namuboolera ari, kali kario Omwami ; omanyire mbwe ndakhukheera ; Namuboolera ari, lisia amakondi kange .17Namuboolera likhabi liakhadaru ari, Simoni , omwana wa Yona, wakheera? Petero nanyoolera okhuba yakhamuraeba olwakhadaru , mbwe wakheera ? Namuboolera , Omwami , omanyire biindu biosi ; ewe omanyire mbwe ndakhukheera . Yeso namuboolera , lisia makondi kange . 18Bwadieri, bwadieri , khuboolera , ngolwa wali muyere , welindanga mwene nende khukeenda woosi owawenyanga ; arali niwakhangala , onareranga makhono , nomuundud uundi akhwimirira , nakhuyira owa mwene oradakha.19Kano yalomaloma nafwanirisianga eliifwa elia yakhakinguliremo Nasaye . Ne niyakhamala khuboola ario , yamuboolera ari, nonde .20 Petero yakalukhana , naloola omweka ulia owa Yeso yakheera namuloonda ; ulia owali amuyekhere khusirifu ebikha bie biakhulia bieingolobe , naboola ari, omwami , niwina anakhukhoba ? 21Petero namulingeera naboolera Yeso ari, omwami , naye omuundu uno alikhola sina?22Yeso namuboolera ari nikali mbwe ndakheenya mbwe abeo khuula nganjicha , esio ni sina khwewe? Ewe nonde . Elikhuwa lino nililandaala mubakherwa , ''Mbwe omweka oyo sakhoyere afwe'' ; Naye Yeso siyali 23 namubolere mbwe siyakhafwe khaba ; arali , nindebulira mbwe abeo okhuula olwanjicha , elio khwewe nisina?24Uno niye omweeka oli nobuloli bwebiindu bino khandi yabiandika ; ne khumanyire mbwe obuloli bwaye nobwadieri . 25Ne biliwo ebiindu biingi ebia Yeso yakhoola , ebiri mbwe , nibiakhandiikirwe biosi , subirira mbwe kata esialo siosi sisiakhabere nebitabo biyera khwandika koosi .

Acts

Chapter 1

1Musitabo siange esiamberi esiandandiika, ewe Thiofilo, ebia Yeso yachaaka okhukhola nende okhwekesia, 2okhuula khunyaanga eyayabukulwa akulu, namalire okhubirira mu Rokho mutakatifu okhuberesania amalako khubarumwa abayali namalire okhuloboola. 3Ao mwene khandi yelolosia omwene lunyuma lwokhusandisibwa khwaye niyeekesia nende ebilolero biingi nalolekha khunibo echinyaanga amakhumi kane, nalomaloma khukobwami bwa Nasaye.4Nabukanane nabo alala, yababoolera mbwe murarula Yerusalemu dawe, khuula sikha sielilakano lia Nasaye ngolwa yaboola, "mwabulira khurula khwesie 5okhubeera obwadieri Yokhana yabatisia nende amaachi; arali eng'we muchia okhubatisibwa nende Rokho Mutakatifu imberi wechinyaanga chindiidi.6Ne ngolwa bali nibebusisie alala, bamureeba, nibaboola bari, omwami onabakalusiria Israili oburuki bulaano? 7Naye nababoolera ari, khaba khasi nibieng'we okhumanya ebikha kose echinyaanga chia Baaba yara mubunyali bwaye.8Arali munanyoola amaani, Roho Mutakatifu namalire okhubeera; ne munaba a baloli bange Muyerusalemu nende Buyaudi nende Samaria nende muchimbeka chioosi musiaalo.9Ne namalire okhulomaloma makhuwa kano koosi, nibasiiri nibalingeeranga, yabukulwa akulu mumaleesi khurula muchimoni chiabwe. 10Ngolwa bachirira okhuliingera mwikulu olwa yali naniina akulu, lola, abaandu babiri beema ambi ninabo muchingubo chindaafu. 11 Nibaboola bari, "Eng'we abaandu ba Galilaya, khusiina mwemere okhuliingera mwikulu? Yeso uno obukuulwe khurula khweng'we nachia mwikulu, yakhakalukhe khandi ario ngolwa mubweene naachia.12Ne nibakalukha Yerusalemu okhurula khulugulu olulangwa mbwe Miseituni oluli khu olukendo olwa isabato okhurula Yerusalemu. v 13 Ne niboola beengira nibanina mugorofa eyakulu, omwalimo Petero, nende Yakobo, nende Yokhana, nende Andereya, Philipo nende Tomasi, Matulumayo, nende Matayo,nende Yakobo omwana wa Alufayo, nende Simoni owa Siloti,nende Yuda omwana wa Yakobo. 14Bano boosi bachiririra mubulala, mumasayo nende echisala, alala nende abakhaye nalimo Maria ng'ina Yesu nende abaana babwe.15Muchinyanga echio Petero nasingira akari wa abeeka, manu naboola, ( boosi alala obukhumi bwa meera kabwe bwali imia ndala nende amakhumi kabiri.) 16Abakheerwa bikhoyera amaandiko kano kolerere, aka Rokho omutakatifu yalomaloma okhubirira mumurumwa waye Daudi mukhuchaaka okhulondana nende Yuda, owabemirira balia abamubukula Yeso.17Okhuba yali alala nafwe, khandi yali nabukule esimeka esiobukhalabani bwaye. 18[Bulanu omuundu uno yakula omukunda nende amatongolo akechiimbi, nakwa niyandiikha nakabukhanamo akari, amala kaye nikedikha. 19Nikamanyikha mubaandu boosi abamenya Yerusalemu; ngolwa omukanda okwo kulangwa mululimi lwabwe oluboola mbwe, Aceldanma, nikhwo okhuboola mbwe omukunda okwa mabaanga.")20Okhubeera kandiikwa musitabo esia chisabuli mbwe, 'lekha obumenyo bwaye burabao, khandi omuundu yesi aramenyamo'; khandi obulaame bwaye omuundu undi abukule.21 Bulanu khulwa abaandu bano abali nafwe, ebikha ebia Omwami Yeso yabechanga nafwe, 22Okhuchaakira khububatisi bwa Yokhana okhuula khubikha ebia yabukulirwa khuchia akulu okhurula khwefwe, okhuula mulala abakhwe amafura abe mulala khulwa obuloli obwokhulamukha khwaye.23Manu nibalobola babiri, Yosefu owalangwa Barisaba, owa elira liaye likhulundu lialangwa Yusito, nende Matiasi.24Nibasaba, nibaboola, ewe Omwami; omanyire emioyo ekia abaandu boosi, yekesia nikali mbwe bano babiri baloboolwe? 25mbwe babukule esimeka esiomulango nende oburume, obwa Yuda anyale okhuchia mubweyango bwaye. 26Nibakhuba ikura; ikura nimukwira Matiasi, nabalwa alala nende abarumwa ekhumi na mulala.
Chapter 2

1Ne ngolwa inyanga ya pendekositi yali niyulire, boosi bali alala mubulala. 2Mulwangu esioka nisibulirikhana okhurula mwikulu kori omuyaka omukhongo okuucha, nikwichula munyumba eyabaliimo nibekhaale. 3Manu nichilolekha khunibo echinjesere chiechinimi ngomuliro, nichiema khubuli mulala khunibo. 4Manu nibechusibwamo Rokho omutakatifu nibachaaka okhulomaloma nende echinimi chingeni, ngolwa Rokho yabanyalira okhuboola.5Ne bali Yerusalemu nibamenyere Abayaudi, abaandu balobole, okhurula echimbia chioosi echiesialo asi welikulu. 6Ne kano koosi nikabulirikhana, emikaanda nikiicha alala, nibaukisibwa, mbwe okhubeera babulira buli mulala nalomaloma muchinimi chiabwe. 7Ne boosi bauka, nibaboola mulala khu undi bari, "lingera, abalomalomanga bano boosi sinabagalilaya?.8Ne mbwe sina khubabulire nibalomaloma buli mulala mululimi lwefwe,olwokhwibulwa? 9Abapatia, nende Abamedi, nende Abaelamite, nende abamenyaranwa ba Mesopotamia, nende aba Yudea, nende aba kapadokia, mu poto nende Asia, 10Aba Firigia, nende aba Pamufilia, Mumisiri nende muchimbeka echia Libia ambi nende Kirene, nende abakeni ba Eburoma, Abayaudi nende abaonisibwa. 11Aba Kirete nende Abaraabu, khubulira nibalomaloma muchinimi chiefwe ebikhole ebikhongo ebia Nasaye.12Ne boosi baukisibwa, nibarasubira, nibaboola omulala khu undi, bino nibio sina? 13Abaandu muchingacho nibaboola, "Abaandu bano bamerere."14Naye Petero niyema alala nende balia ekhumi nende mulala, nakingula omwoyo kwaye, nababoolera ari, eng'we abaandu ba Ebuyaudi, nende boosi abamenyere Yerusalemu, kano kamanyikhane mweng'we, khandi mubulire amakhuwa kange. 15Okhubeera bano khaba khasi bamerere, ngolwa mupaara, khandi mumanye mbwe chisiiri echisa chidaru echiesideere.16Arali nibio ebialomalomwa nende omunabii Yoeli. 17Bichia okhubira muchinyanga chiobamalirikhi, aboola Nasaye, ndekhie Rokho kwange khubuli mubiri ne abaana beng'we abasiani nende abakhana bachia okhurusia obunabii, ne abaana beng'we ababuukha bachia okhulola amalolo, nabo abakofu beng'we bachia okhuloora amalooro.18Ne khu barumwa bange nende abarumwa bange besikhaaye njia okhwekhia Rokho kwange khunibo muchinyanga echio, nabo bachia okhurusia obunabii. 19Khandi njia okhwekesia ebiamakana mwikulu akulu, nende ebilolero asi musialo, amabaanga nende omuliro, nende omuuya kwo mwosi.20Eliuba lichia okhukalukhana okhuba esirima, ne omwosi okhuba amabaanga niisiri inyanga ikhongo yomwami okhuula. 21Ne bulanu binoola ebikha, ebia omundu owalangwa khulira elia Omwami anaonisibwa.
23Niye owanwa mubukeraki nende obumanyi obwa Nasaye, eng'we mwamubukula, nende amakhono mabi mwamubaamba nimumwira; 25Okhubeera Daudi yalomaloma okhulondana naye ari, ndalola omwami buli lwoosi mubweni bwange, okhubeera ali khumukhono kwange omusaacha, mbwe ndaradengeisibwa. 26Khulwesio Omwoyo kwange nomusangaafu, nalwo olulimi lwange lwekhoya; khandi omubiri kwange kwosi kunabuluukha mulisubira.27Okhubeera ewe khaba khasi onalekha Omwoyo kwange emagombe khandi khaba khasi onamulekha omulungifu wao alole obusasikhi. 28Onjekesia echingira echiobulamu,onakhola esie mbe nende obusangaafu bwichuule.29Abaandu nende abakheerwa, lekha mulomalomere obulekhuule khulondana nende omukhulundu wefwe Daudi mbwe yafwa khandi yasiikhuwa, nesirindwa siaye siriano nafwe okhuula inyanga ino. 30Khulwa ako nali omunabii, khandi nikhumanyire mbwe Nasaye yamwechubira nende elilakano khuye mbwe nende ebiamo ebiarula musibuno siaye okhulondana nende omubiri, yakhamubuusie Kirisito okhwikhala khusisaala siaye siobumeri. 31Ye namalire okhulola kano imberi yalomaloma khulwa obulamukhi obwa Kirisito mbwe mwoyo kwaye kuralola obusasikhi.32Yeso owa Nasaye yabuusia , owa efwe fwesi khuli abaloli. 33Khulwako nali khumukhono omusaacha okwa Nasaye yakinguula, khandi nanyola okhurula khu sefwe elilakano elia Rokho omutakatifu, yekesia esindu sino, esia mulola nende okhubulira bulanu buri.34 Okhubeera Daudi asiiri okhuniina mwikulu arali aboola omwene mbwe, omwami yaboolera omwami wange, "yikhala ewe khumukhono kwange omusaacha 35okhuula esie mbare abasuku bao asi wamakulu kao." 36Bulanu inyumba yoosi eya Isiraili bamanye obwadieri, mbwe Nasaye yakhola Yeso omwene oyo, owa mwabaamba, omwami khandi Kirisito.37Bulanu ngolwa babulira kano bafumirwa mumioyo kiabwe,nibamuboolera Petero nende abarumwa bandi boosi mbwe, abaandu nende abakheerwa, khukhole sina? 38Manu Petero nababoolera ari,mwekanire, manu mubatisibwe buli mulala khweng'we mulira lia Yeso Kirisito khulwa okhulekherwa ebionoono, manu munanyoola esianwa sia Rokho mutakatifu. 39Okhubeera elilakano liri khweng'we, nende khubaana beng'we, nende abo boosi abali ale, nende balia abandi abomwami Nasaye wefwe analaanga.40Khandi nende amakhuwa amangi yarusia obuloli nabalagira, naboola mweonie abene okhurula khulwibulo luno olubi. 41Ne abo ababulira nende obusangaafu elikhuwa liange babatisibwe; ne khunyanga yeneyo bamederwakho khunibo ambi nende emioyo echilifu chidaru. 42Manu nibachiririra mubulungifu mumekesio akabarumwa nende, mubusangirani, nende mukhufunaka omugaati, nende mumasayo.43Okhuria nikhwingira mubuli omwoyo; ne ebiamakana nende ebilolero ebingi biakholwa nende abarumwa. 44Ne boosi abasubira bali alala nibali nende ebindu bioosi mubwambaani. 45Nibakusia bioosi ebiabali nabio nende emiandu kiabwa, nibakabira abaandu boosi ngolwa buli mulala yali nende elienya.46Ne, bachiririranga buli inyanga mubulala mukhekalu, nende mukhufunaka omugaati khurula munyumba okhuchia khuyindi, balichanga ebiakhulia mubusangaafu nende omwoyo mulala. 47nibafumia omwami nibanyola oluyali, okhurula khubaandu boosi, omwami nameeda khulikanisa buli inyanga balia abali nibaonisiibwe.
Chapter 3

1Ne Petero nende Yokhana bachia alala mukhekalu bikha bia khulaama, saa tisa. 2Ne omusacha mulala omulema okhurula mukhwibulwa khwae yakingwangwa, nareerwa khusiribwa esia ikhekalu esilangwa mbwe esilayi, okhusaba ebiaanwa khubalia abengira mukhekalu. 3Olwa yalola petero nende Yokhana nibali ambi okhwingira mukhekalu, yabasaba esianwa.4Naye Petero, nende Yokhana nibamulingeera lukali mumoni nibamuboolera bari, rulingere, 5Naye nabarekeresia, nalindirira okhunyolakho sindu okhurula khunibo, 6Ne petero naboola, ifesa nende idakhabu khasindi ninanayo, arali esiandi ninasio nisio esiakhuberesia. Mulira elia Yeso Kirisito owa Nazareti singira okeende.7Namubuusia khu mukhono omusaacha, namusingisia, abwene awo amakulu kaye nende ebikumba ebie bibonge biaye nibinyola amaani. 8Naye naduma niyeema, nakeenda, niyengira alala ninabo mukhekalu, narumaruma, namufumia Nasaye,9Ne abaandu boosi bamulola nakeenda nibafumia Nasaye. 10Nibamanyirisia mbwe niye owekhaalenge nasaba ebianwa khusiribwa esilayi esieikhekalu; ne nibaukisibwa nende okhukanakana esiali nisiekholekhe khu niye.11Ne ngolwa omuundu omulema owali naonere yaba yedirire khu Petero nende Yokhana,abaandu boosi, beerukha okhubalonda mulubuchiro olwalangwa mbwe olwa Sulemani, nibauka muno. 12Ne ngolwa Petero yalola, yabakalusia abaandu abo ari, eng'we abaandu ba Israili, mbwe sina mwesindukha khukano? Mbwe sina okhurukhayisiriakho echimoni; korifwana khulwa obunyala bwefwe,kose obutakatifu khukhola omuundu uno akeende?13Nasaye wa Ibraimu nende Isaka nende Yakobo, Nasaye owa basefwe, amukingulire Omwana waye Yeso; owa mwarusia, nimumwekana imberi wa Pilato, ngolwa yali nafukirire okhumulekhula mbwe abweo. 14Arali eng'we nimumwekana omutakatifu khandi omulungifu nimwenya muberesebwe omwiri.15Nimwera Omwami wobulafu, owa Nasaye yalamusia okhurula mubaafu, nafwe khuli abaloli. 16Ne eliira liaye khubirira mubusubiri elira liaye likhola omuundu uno okhuba nende amaani, owa mulola khandi, mumumanyire; owa, obusuubiri obuli ninaye bumuberesia obulamu mubwichufu imberi weng'we mwesi17Ne bulano, abakheerwa, manyire mbwe muburamanya mwakhola lino, ngolwa abaruki beng'we bosi bokhola 18Arali ebiindu bila, ebia, Nasaye yayala okhurula khale khumunwa kwa banabii baye boosi, mbwe kirisito achia okhusandisibwa, akoseresie ario.19Mwekanire eng'we bulanu, manu mwekalukhanie, mbwe echiimbi chieng'we chirusibweo,mbwe chinyaanga echiokhusangasibwa nichakheche okhurula khukhubao okhwa omwami. 20Ne anaruma Yeso Kirisito, owamwayalirwa mukhuchaka.21Owa elikulu likhoyere khwingiisia okhuula ebikha ebia okhukhola ebindu biosi obuyakha, ebia Nasaye yalomaloma okhubirira muminwa kia banabii baye boosi abatakatifu okhurula mukhuchaka khwesialo. 22Okhubeera Musa obwadieri yaboolera basefwe, Omwami Nasaye weng'we achia okhubakingulira omunabii okhurula mubasiani beng'we, kori esie; owa munabulira mubindu bioosi ebia achia obaboolera eng'we.23Ne bia khabe, mbwe buli omwoyo okurakhabulire omunabii oyo,kuchia okhusasibwa okhurula akari wa baandu.24Kario, abanabii boosi okhuchakira khu Samueli nende bala abalondakho ngolwa bangi balomaloma, boosi bayala makhuwa ake chinyanga chino . 25Eng'we muli abaana aba banabii, nende abelilakano elia Nasaye yakhola nende abasefwe, naboolera Ibriamu ari, okhubirira mu imwo yao echinjibulo chioosi echie sialo sino chiakhaberesebwe echikhabi.26 Nasaye namalire okhumukingula Omwana wae Yeso, yamala amurume khweg'we imberi ,mbwe abaanire chikhabi khulwa khubakalukhania buli mulala khweng'we okhurula muchiimbi.
Chapter 4

1Ne ngolwa balomalomera abaandu, abakukhani, nende abeemirisi aba ikhekalu, nende abasadukayo, babeechera. 2Nibasinyisibwe okhubeera bekesianga abaandu nibayaala okhubirira khu Yeso owalamukha okhurula mubaafu. 3Nibabandiira nibabekalira okhuula inyanga yalondakho, okhubeera bwali nibwirire. 4Kata kario abaangi khu abo ababulira elikhuwa basubira ne inaamba eyabasacha yali ambi nende chilifu chirano.5Ne nibukhiere inyaanga ilondakho abaruki babwe, nende abakhulundu, nende abandiiki, 6Nende Anasi omukukhani mukhongo, nende Kayafa, nende Yokhana, nende Alekisanda nende abandi baangi abali abolwibulo olwa omukukhani mukhongo bakhung'ana mu Yerusalemu. 7Ne nibabarere akari Petero nende Yokhana babareba mbwe nikhubunyali sina kose mulira sina mukholere kano?8 Naye Petero niyechusibwemo Rokho Mutakatifu, Nababoolera, eng'we abaruki babaandu nende abakhulundu ba Isiraili, 9Nikaba mbwe inyaanga ino barureba khulwa elikhuwa elilayi eliekholekhe khu mulwaaye khulwa obunyala sina aonere, 10Kamanyikhe khweng'we mweesi, nende khuboosi aba Israili, mbwe khulira lia Yeso kirisito owa Nasareti, owa, mwabamba, owa Nasaye yalamusia okhurula mubafu, khubirira khuniye omuundu uno yemere ano omulamu.11Lino nilio elikina elia eng'we aboombakhi mwakhaya, elimalire okhuba likina likhongo eliomukona. 12Khulwo khuba khasi khuli nende obwonia mu muundu uundi yeesi, kata lira lindi liosi asi welikulu eliaberesanwa khubaandu, mbwe khunilio khunyole khuonisibwa.13Ne nibalola ichwooni eya Petero nende Yokhana, balinayo, nibamanyirisia mbwe bali abaandu barasoma khandi abasiru ababula obumanyirisi bauka; 14Kario nibamulola omuundu owaali naonere niyeemere nabo, babula eliokhuboola akulu wabwe.15 Ne nibamalire okhubalagira mbwe barule erwanyi wolubarasa, baboolana beene khubene. 16Barebana bari, khunakhoola siina khubaandu bano? okhubeera obwadieri esiamayia esiyekholekhe ninabo simanyikhe muboosi abamenyere mu Yerusalemu; khandi sikhwakhasikaana. 17Arali likhuwa lino lialandaala mubaandu, bulano khubarikhirisie mbwe baralomalomakho nende muundu yesi yesi mulira lino. 18Babalaanga khandi nibabalagira oburalomaloma kose okhwekesia muliira elia Yeso.19Nabo Petero nende Yokhana bakalusia nibaboola bari, abeene baloole nibiri ebilayi mumoni echia Nasaye okhubabulira nibo okhukhira Nasaye. 20Arali khasi khunyala khwaleekha okhulomaloma khubiindu ebia khubwene nende okhubulira.21 Ne ngolwa bali khandi nibabarikhirisie nibabalekhuula okhubwao, nibaranyoola esiakhakera babasandie, okhubeera abaandu boosi bafumia Nasaye khulwa sila esiali nisiekholeekhe 22Okhubeera omuundu uno yaali akulu wemiaka amakhumi kane, owa esiamakana siokhuona siali nisimwekholeekhekho.23Ne nibabalekhuulire, bachia okhukhung'aana nende abasiabwe, nibababoolera aka abakukhani abakhoongo nende abakhulundu bababolere. 24Nabo nibabulire ako, bakinguula emioyo kiabwe khu Nasaye nende lichoomo elala nibaboola, Omwani ewe newe Nasaye owaloonga elikulu nende esialo, nende inyanja nende ebio bioosi ebirimo. 25 Ewe walomaloma okhubirira mumunwa okwomukhalabani wao Daudi noboola mbwe, khulwasina abanasialo bakhuuba esioka, ne abaandu bapara ebirariwo?'26Abaruki abesialo bemeere nibaambana alala okhumukhaya Omwami nende Kirisito waye.27Kario obwadieri, Herodi alala nende Pontio Pilato, nende abanasialo nende abaandu aba Israili bakhung'ana alala akulu womubakhe wao Yeso . 28Okhukhola ebia omukhono kwao nende amaparo kao kaloboola okhukhola okhurula mukhuchaka.29Bulano Omwami lingeera okhurikhirisia khwaabwe, mani obanyaliire abakhooli bao babe nende ichwoni yoosi banyale okhuboola elikhuwa liao. 30Nokolola mukhono kwao noonia; nende ebilorero nende akamakana kekholekhe mulira litakatifu elia mwana wao Yeso. 31Ne nibamalire okhusaaya, abuundu wabali nibakhung'anire narangerekha; ne boosi nibechusibwamo Rokho Mutakatifu, nibalomaloma elikhuwa elia Nasaye nende ichwoni.32Ne abaandu balia abasuubira baali mumwoyo mulala nende mapaaro malala; khaandi abulao yeesi owalola mbwe biindu bioosi ebiayaali nabio biali ebiaye yeng'ene; arali baali nende obusaangirani mubindu bioosi. 33Ne mubunyala obukhongo abarumwa barusia obulooli bwo bulaamukhi bwa Omwami Yeso; ne obukoosia obukhongo bwali akulu wabwe boosi.34Khandi abulao omuundu yesi owalemeerwa, Okhubeera abaangi abali nende emiandu ekia maloba kose echinyumba bakusiamo nibarera obukusi obwa ebiindu ebia bali nibakusisiemo, 35Nibageeng'a mumakulu kabarume nibakabira buli mulala khulondana nende ameenya kaye.36Naye Yosefu, owa abarume balaanga mbwe Barinaba, {owa nokalula nomwana wokhulemisia} omulawi, owesialo sia Sipro, 37Owali nende omukuunda, yakusiamo, narera echisende , nachigeeng'a mumakhulu aka abarume.
Chapter 5

1Arali omuudu undi olangwa mbwe Anania, nende Safira omukhasi waye, bakusia omwandu, 2nibabiikha buleka khu ebiabakusiamo, omukhasi waye yeesi namanyire amakhuwa akomubwefiso ako, nareera buleka khu ebio ebiabakusia,nibabigeeng'a mumakulu akabarumwa.3Naye Petero naboola ari, Anania mbwe sina sietani niyechusia omwoyo kwao okhumubacha Rokho Mutakatifu, khandi niwebikhira simeka sia akobukusi bweindalo? 4Kori olwa wali nayo, siyaali eyao mwene? ne ngolwa yakusibwa, khasi yaali mubunyala bwao? mbwe sina nora likhuwa lino mumwoyo kwao? ewe khasi obachire abaandu khaba, arali Nasaye. 5Ne ngolwa Anania yabulira amakhuwa kano yakwa asi nafwa; oburi nibubengiramo boosi ababulira ebiindu ebio. 6Ababuukha nibasingira nibamuboya nibamurusia erwanyi, nibamusiikha.7Nibibire ebikha ebia amasaa kadaru, omukhasi waye, naramanyire akekholekhe niyengira. 8Naye petero namukalusia, mboolere nikali mbwe mukusisie omukuunda amapesa ako? naye naboola, eee ako sa.9Ne Petero namuboolera mbwe, khusina nimufukirisiania okhumuteema Rokho womwami? lingeera amakulu akabalia abakhasiikha omusaacha wao kali mumuliangiro, khaandi banakhukiinga ewe okhurusia erwanyi. 10Ne mulwangu nakwa asi mumakulu kae nafwa; ne ababuukha nibengira nibanyoola nafwire, nibamukiinga nibamusiikha alala nende omusaacha waye. 11Oburi obukhoongo nibwiicha khulikanisa lioosi, nende khubalia boosi ababulira amakhuwa ako.12Ne mukhubirira mumakhono akabarumwa ebilolero biingi nende ebiamayia biekhoola mubaandu; {ne boosi bali alala mubulala munyumba ya sulemani.
14Ne abasubira bemeedekha lukali khumwami, emikanda ekia abasaacha nende abakhaasi. 15Abaangi barera abalwaaye khuchingira, nibabalisie khubitanda nende ebisaala, mbwe kata sa esinikha esia Petero nabira sinyale okhuboolakho. 16Khandi emikanda kiecha okhurula mumadookho akabodokhane Yerusalemu, nibarera abalwaye bakabukhane, nende balia abaali nibechulemo ebikhieno ne boosi baonisibwa buli mulala.17Ne omukukhani omukhongo nasingira nende boosi abali ninaye,(abali abomukanda okwa basadukayo) nibechulamo imbalikha. 18Nibabadiira nibabageng'a mumboye eya baandu boosi.19Arali malaika womwami musiro niyekulao emiliango ekieimboye, nabarusia naboola ari, 20Muchie, mweeme mukhekalu mulomalomere baandu amakhuwa koosi akobulamu. 21 Ne nibabulira kano beengira mukhekalu ichuli mumabwibwi, nibekesia. Arali omukhongo owa abakukhani yeecha, nende boosi abaali naye nibalanga olubarasa alala, nende abakhulundu boosi aba baana ba Israili, nibabaruma mumboyero khubarera.22Arali abarumikhi niboola, mumboye nibarabanyoola, bakalukha nibababoolera bari,23 khunyolere imboyero niyeikaale ebilayi, nende abaliindi nibemere khumuliango arali olwakhufungule,sikhunyoleremo omuundu yeesi mukari.24Ngolwa omukukhani omukhongo nende omusikari we ikhekalu alala nende abakukhani bakhoongo nibabulira amakhuwa kano, badiirwa nende esibeibei binafwana birie . 25Mulala niyeecha nababoolera, lingera abaandu aba mwageng'ere mumboye, mbalia bemere mu ikhekalu khandi bekesia abaandu.26Manu naachia omusikari omukhongo nende abaloli nibabarera oburali nende esioka; okhubera baria abaandu bareecha babakhuya amakina. 27Ne nibamalire okhubarera, imberi wolubarasa; omukukhani omukhongo nabareeba ari, 28 khaba khasi khwabalangire oburekesiakho mulira lino? ne lingeere mwichusiemo Yerusalemu nende ameekesio keng'we, khandi muli nende elichomo eliokhurera amabaanga akomuundu uno khwefwe.29Ne Petero nende abarumwa baandi nibakalusia nibaboola, kakhoyera efwe okhumuria Nasaye okhukhira abaandu. 30Nasaye owa basefwe yamulamusia Yeso owa mweera nimumubamba khumusalaba. 31Niye owa Nasaye akinguliire nende omukhono kwaye omusaacha abe omuruki khandi omuonia, aberesie Israili okhwekanira nende obulekherwi obwe ebionoono. 32Ne efwe khuli abaloli aba ebiindu bino; khandi Rokho Mutakatifu yeesi ario, owa Nasaye yaberesia abo aba mubuliramo.33Ne ngolwa babulira ako nibachunisibwa mumioyo, nibekhoba okhubeera. 34Mulala nasingira mulubarasa, Omufarisayo, olangwa Gamalieli omwekesia owa amalako, oweyifuma indayi mubaandu boosi, nalagira mbwe abarumwa barebwekho erwanyi budiidi.35Nababoolera, eng'we abaandu aba Israili, mulingeremo abeene esia mweenya okhukhoola okhulondana nende abaandu bano. 36 Okhubeera echinyanga chino nichisiiri yeecha Tadeyo, niyelaya okhuba omuundu okhoyeera; owa abaandu boola echimia chine, nibakhung'ana alala; yerwa ; ne boosi, obuungi obwa abamubulira basalana, nibaraba esiindu dawe. 37Omuundu uno nabwereo yeecha Yuda owa Galilaya muchinyanga echia okhubala abaandu abaandi nibamulondakho; yeesi nasasikha; nende boosi obuungi obwa abamusubira basalaana38Bulano mbaboolera, mulekhane nende abaandu bano, mubalekhe babe; okhubeera nikaba olubarasa luno kose emirimo kino nikia baandu kinasasikha. 39Arali nikiba ekia Nasaye, khaba khasi mwakhakikalira; mureecha mubusangaafu mwanyolekhana nimukhuyananga nende Nasaye.40Nibafukirisania ninaye; nibabalagira abarumwa, nibabakhuya, nibabalagira mbwe baralomalomakho mulira elia Yeso nibabalekhula okhubwao. 41Nibarula imberi wolubarasa , nibasangaalire mbwe babalirwe abakhooyera okhusandisibwa muchisoni khulwa elira liaye. 42Kario buli inyaanga mu ikhekalu khandi mubuli inyumba, khaba khasi bachweya okhwekesia nende okhuyala mulira elie Yeso Kirisito,
Chapter 6

1Ne muchinyaanga echio ngolwa obukhumi obwa abeeka bwemeeda, khwabao okhubuluula okhwa abagerasi akulu wa abaebrania, okhubeera abakhasi abalekhwa babwe bebirirwa mumakhuwa aka buli nyanga.2Mani balia ekhumi na babiri nibalaanga omukanda kwa abeeka, nibaboola bari, khasi bikhoyera efwe okhulekha elikhuwa elia Nasaye, mani khukhalabanire echimesa 3Arali, abakherwa, mulingeere eng'we akari weng'we abaandu abesikwa abechusiibwe Rokho Omutakatifu nende amakesi, abo khunyale obalobola khulwa emirimo kino. 4Nafwe khunerusia okhuchiririra khulwa amasayo, nende oburumikhi obwa elikhuwa.5Amakhuwa ako nikafukirirwa nende omukaanda kwoosi; nibamulobola Stefwano, omuundu owechulamo obusubiri nende Rokho Omutakatifu, nende Filipo, nende Porokoro, nende Nikanori; nende Timoni, nende Parimena, nende Nikolao omulokole wa Antokia; 6Nibabemekha imberi wa Abarumwa ,ne nibamalire okhusaba nibabarakho amakhono kabwe.7 Ne elikuwa elia Nasaye nilichiririra okhulandaala, ne obuungi obwa abeeka nibwemeeda lukali mu Yerusalemu ne omukaanda okwa bakukhani ni kuba omurekerefu khubusubiri.8Naye Stefwano, niyechulemo obusubiri nende obunyaala, nakhoola ebiamangalimwa nende ebiamakana akari wa baandu. 9 Nibakingukha abaandi khubasinagogi abalangwa mbwe Abasinagogi abalekhuule nende Abakereno, nende Abalekisanda, nende balia aba Silisia nende aba Asia, nibaingana nende Stefano.10Ne khaba khasi banyala okhukhaya amakesi nende rokho owa yekhonyera okhulomaloma. 11Manu nibabachunjubania abaandu, ababoola mbwe khwamubulira nalomaloma amakhuwa amabi khu Musa nende khu Nasaye.12Nibabachuuba abaandu, nende abakhuluundu, nende abandiiki, nibamwichira, nibamudiira, nibamurera mulubarasa. 13Nibamurakho obuloli obwo bubacha, obuboola mbwe, omuundu uno khasi achweya okhulomaloma amakhuwa akokhunyeka abuundu andakatifu ano, nende amalako; 14Okhubeera khumubulira naboola mbwe, Yeso uno owa Nasareti anasasia abaandu ano khandi anakalukhania emilukha ekia Musa yaruberesia. 15Ne balia boosi abali nibekhaale mulubarasa, nibamulingera nibamukhakasisiekho echimoni, nibaloola,obweni bwaye nibuli ngobwa Malaika.
Chapter 7

1Manu omukukhani omukhongo naboola ari,ebiindu bino bili birio? 2 Naye naboola ari , abaandu abakherwa, nende basefwe, bulire; Nasaye owoluyali yamulolekhera sefwe Abrahamu, ngolwa yali Mesopatania nasiri okhumenya Harani, 3namuboolera ari, rula ewe musialo sieng'we, nende olwibulo lwao, ochie musialo esiandakhwekesia.4Manu narula musialo esia Abakalidayo namenya Harani; ne okhurula ao, samwana nafwire namurusia namureera musialo sino, owa mumenyere bulanu 5Khandi siyamuberesia obulaame bwoosi mukari, kata adiidi owa anyala orakho okhukulu; kata kario yalaka mbwe yakhamuberesie nga omwaandu, nende khu olwibulo lwaye.6Ne Nasaye yalomaloma kano mumakesi, mbwe olwibulo lwaye lwakhamenye musialo esirende, mbwe khandi bakhakholwe okhuba ababoye, khandi bakhabasandie khulwa emiaka echimia chine. 7Ne esialo esia bakhabemo baboye ndakhabakhalakire esiina, Nasaye yaboola, ne lunyuma olwa ako bakharulemo abakhakhalabanire abuundu ano. 8Naye namuberesia elilakano elia okhukhebwa khulwako Abrahamu namunyola Isaka, namukheba inyanga eya munane; naye Isaka namunyola Yakobo; naye Yakobo nanyola ekhumi nababiri abakuuka befwe.9Nabo abakuuka nibakhola imbalikha, nibamukusia Yosefu mu Misiri, arali Nasaye yali alala naye, 10Ne namununula okhurula mumanyakhano kaye koosi, namuberesia esisa nende obumanyirisi muchimoni echia Farao omuruki wa Misiri, namukhola okhuba omuruki khu Misiri nende inyumba yaye yoosi.11Bulanu nikhuba nende injala musialo esia Misiri nende Kanaani, nende okhunyakhana okhukhongo; ne abasefwe sibanyala okhunyoola esiakhulia. 12Ne ngolwa Yakobo yabulira mbwe khuli nende ebiakhulia mu Misiri, yabaruma abasefwe imberi. 13Ne olwa khabiri Yosefu yemanyisia khubakheerwa babwe; ne abaana babwe Yosefu bamanyisibwa khu Farao.14Ne Yosefu naruma, nibamulanga Yakobo owa yali, nende olwibulo lwaye lwoosi, abaandu makhumi saba nende barano. 15Manu Yakobo nachia Misiri nafwa ye nende basefwe, 16Manu nibabakinga okhubayira Sikemu, nibamusikha musirindwa esia Abrahamu yakula nende echisende okhurula khu abaana aba Emori Sikemu.17Arali ebikha ebia elilakano liali ambi, elia Nasaye yechubira Abrahamu abaandu bemeeda mu Misiri. 18Khuula omuruki oundi niyeecha khuburuki, orali niyamanya Yosefu. 19Omwene oyo yasandia olwibulo lwefwe, ne nabakhola ebibi abasefwe, nabalagira okhurusia abaana babwe abadiidi, mbwe mukhumalirikha barabakho nende okhumenya.20Muchinyanga echio Musa niyebulwa, naye yali omulayi muno nakhulira munyumba ya samwana obweyango obwemiosi kidaru; 21Ne nibamusukuna erwanyi, omukhana wa Farao namubukula, namulera ngo omwana waye.22Ne Musa niyekesibwa mubumanyirisi bwa abaMisiri naba owobunyali mumakhuwa nende mubikhole. 23Ne ngolwa emiaka amakhumi kane ekiuliriire, amaparo kaye nikamwichira okhubakendera abakherwa babwe abaana ba Isiraili. 24Ne namubona omulala nasandisibwa, namukhonya, namwira ulia omumisiri owali namusandia. 25okhubera yapaara mbwe abakherwa baye banamanyirisia ngolwa Nasaye okhubirira mumukhono kwaye yakhabanunule; arali sibamanyirisia.26Ne inyanga yalondakho yabalola abeene nibayingana, niyenya okhubakabula khandi naboola,abesiriibwa eng'we muli abakherwa; mbwe sina okhulwana beene khubene? 27Arali owali namukosere owasie namusindikha ale, naboola, niwiina okhukholere ewe okhuba omuruki khandi omukabuli akulu wefwe? 28Wenya okhunjira, nga olwa wakholere omumisiri ekulo?29Manu Musa niyerukha okhubera amakhuwa ako, naba omukeni musialo esia midiani, elia owayanyola abaana babiri abasiani . 30Ne emiaka amakhumi kane nikibwere, malaika womwami namulolekhera musichiimi khulugulu olwa Sinai, mulumweso olwomuliro musichakha .31Ne ngolwa Musa yakalola; yakanakana khubialolekha; nasuda ambi okhulingera, idoboosi yomwami nimwichira, 32Niboola esie nesie Nasaye owa babao; Nasaye owa Abrahamu; khandi Nasaye owa Isaka khandi Nasaye owa Yakobo. Naye narengerekha nakhirwa okhulingera.33Ne Omwami namuboolera mbwe, rusiamo ebilaro mumakulu kao; okhubera abuundu owa wemere neliloba litandatakatifu. 34Esie mbwene, okhunyakhana okhwa abaandu bange abali Misiri, khandi mbuliire okhulira khwabwe ne njichire asi okhubanunula. Bulanu icha, ndakhuruma ewe Misiri.35Uno Musa owa bakhaya, nibaboola mbwe wiina owakhukhola okhuba omuruki khandi omukabuli? omwenoyo niye owa Nasaye aruma khuba muruki khandi omununuli khumukhono okwa malaika owamulolekhera musichakha. 36Yabarusiamo namalire okhwekesia ebiamaya nende ebilolero musialo esia Misiri, nende munyanga eya mabaanga, nende khandi musichiimi emiaka amakhumi kane 37Uno niye Musa owaboolera abaana aba Isiraili mbwe Omwami Nasaye anakinguula omunabii okhurula mubakherwa beng'we, ofwanana nasie, omwene oyo munamubulira.38Uno niye, owali mulikanisa eliomusichiimi nende malaika owalomaloma ninaye khulugulu lwa Sinai khandi nende abasefwe, niye waberesebwa amakhuwa akobulamu okhuruberesia efwe. 39Owa basefwe barabulira, arali bamukhaira ale okhurula khunibo; mumioyo kiabwe nibakanakana khandi okhukalukha Misiri. 40Nibamuboolera Haroni, rukholere efwe eminasaye kirwimirire khubeera Musa uno owarurusia musialo esia Misiri khasi khumanyire esimwekholekhanakho.41Nibakhola akhamoosi echinyanga echio, nibarera esimala musango khubilonge nibasangalira emirimo ekia makhono kabwe abeene. 42Naye Nasaye nakalukhana, nabalekhula okhwinamira amayie komwikulu; kori olwa kandiikwa musitabo esia abanabii mbwe, eng'we inyumba ya Isiraili, mwandusiria esie ebisolo bifwire nende ebimala misango emiaka amakhumi kane musichiimi?43Eng'we mwabukula eliyema elia moleki, nende ing'ining'ini eya nasaye weng'we Rafani, ebilonge ebiamwakhola okhubiinamira nange ndabakiinga okhubayira ale okhubira Babeli.44Basefwe bali nende eliyema eliobuloli musichiimi, ngolwa yali nalagiire naboolere Musa, mbwe ayikhole ifwanane nende ifwani eya yali nabwene. 45Eya basefwe boosi abeecha lunyuma barera alala nende Yeso okhuba emiandu ekia abarasubira, aba Nasaye yarusia okhurula mubweni obwa basefwe, okhuula khuchinyanga echia Daudi, 46 owanyoola bukoosia imberi wa Nasaye, niyekoomba okhunyoola eliyema elia Nasaye owa Yakobo.47Arali Suleimani yamumbakhira inyumba . 48Kata kario omukhongo owa akulu khaba khasi amenyanga muchinyumba echiombakhwa nende makhono, ngolwa omunabii aboola. 49 Mwikulu nibwo obwikhalo bwange, ne esialo nisio esisaala sia amakulu kange kabulukhirakho. Inyumba sina eya wakhanyumbakhira? omwami aboola; kose ni abuundu sina owa ndakhabulukhira? 50 sina makhono kange akakhola ebiindu bino biosi?51Eng'we aba amakosi momu nende abarakhebwa mumioyo nende amarwi , eng'we buli lwoosi mukhaya rokho omutakatifu kori nga abaseng'we bakhola, mwesi mukhola murio. 52Ne omunabii sina owa abaseng'we barerukhania? Ne khandi babeera balia ababekesia imberi okhwicha khwa oyo omulungifu; owa eng'we mwakhoobere nende khumwira; 53Eng'we abanyoola amalako khurula khu bamalaika akabakhwa, kata kario simwakaliinda.54Ne ngolwa babulira amakhuwa ako nibachunisibwa mumioyo kiabwe, nibamulumanisiria ameno Stefano. 55Arali ye niyechusibwemo rokho omutakatifu, yalingera mwikulu, naloola oluyaali olwa Nasaye, naye Yeso niyekhaale khumukhono omusaacha okwa Nasaye. 56Naboola, lingera mbona elikulu likuukhe ne omwana womuundu yemere khumukhono omusaacha okwa Nasaye.57 Nabo nibayula nende omwoyo omukhongo nibekalira amarwi kabwe, niberukha alala mubulala khumudiira. 58Nibamurusia erwanyi welidookho, nibamukhuya nende amakina; ne abalola nibageng'a echingubo chiabwe khumakulu akoomusiani omuraga, olangwa mbwe Sauli.59Ne nibamukhuya Stefano nende amakina, nalanga Nasaye , naboola omwami; Yeso, bukula omwoyo kwange . 60Nasigama asi nalira nende omwoyo omukhongo, omwami orababalirikho imbi ino. Ne namalire okhuboola kano, nafwa.
Chapter 8

1Naye Sauli yafukirisania nende lifwa liaye. Ebikha ebio khwali nende omusando khulikanisa elia Yerusalemu, bamala nibasalanisibwa mubialo biindi okhuula muchimbeka echia Yudea nende Samaria, omalakho abarume. 2Ne abaandu balobole bakiinga Stefano khuchia okhumusiikha manu nibamulira lukali. 3Naye Sauli yachiririra okhukhaniakhania elikanisa, yengira mubuli inyumba, nabadiira abasaacha nende abakhasi nabasukuna mumboyero.4Nabo bala abali basalana mu bialo bia ingerekha bachia buli abuundu nibayaala ifanjili. 5Naye Filipo nachia musialo esia Samaria, nabayaalira Kirisito.6Nabo abaandu mulichomo lala bafukirira amakhuwa ka Filipo yayala, nibakabulira nende okhulola akamangalimwa kayakhola.7 Khubeera ebikhieno, bialira mudoboosi, nibirula mubaandu baangi abali ninabio; nabo abaangi abali bekhuyuka, nende abalema baonisibwa, 8manu khwecha khwaba, nende isangalo ikhongo mudookho omwo.9Ne khwali nende omuundu undi,olangwa mbwe Simoni, owokhurula khale mudookho omwa yekhonyeranga obulosi naloka abaandu ba Samaria, niyelolesia mbwe nomuundu omukhongo. 10Owaboosi bali bamubulira, okhurula khu muundu mudiidi okhuula khumukhongo, baboolanga mbwe, omuundu uno namaani makhongo,ka Nasaye. 11Khandi bali bamuba esiriibwa khubeera mbwe echinyanga chinyiingi yabalakulanga nende obulosi bwaye.12Arali nga basubira Filipo nayaalanga khubiindu bikhola khu bwami bwa Nasaye, nende eliira lia Yeso Kirisito, babatisibwa, boosi basaacha nende bakhasi.13Lunyuma Simoni mwene yeesi yasubira; ne olwa yabatisibwa, yachiririra khukenda nende Filipo, naukisibwa nalolanga akamangalimwa nende ebilolero biekholaanga.14Bulanu ngolwa barume bali Yerusalemu babulira mbwe Samaria babukule elikhuwa lia Nasaye babarumira Yokhana. 15Nabo niboolere babasayiira, mbwe banyoole omwoyo mutakatifu. 16Khubera Kwali kusiiri okhwikhirakho yeesi yeesi dawe; bali sa, nibabatisibwa mulira lia omwami Yeso. 17Manu nibabarakho amakhono kabwe,nibanyoola rokho mutakatifu .18Naye Simoni olwayalola mbwe khulwokhurebwakho makhono nende abarume abaandu baberesibwa Rokho mutakatifu yababeresia esende. 19Naboola ari, "mumberesie siesi amaani kano mbwe siesi owandarechangakho makhono anyale okhunyoola Roho mutakatifu."20Arali Petero yamuboolera, sasikha nende echisende chiao, khubeera wakhapaara mbwe esianwa sia Nasaye sinyala okhukulwa nende echisende.21Obulakho esidonye kose omukabo mumirimo kino; khubeera omwoyo kwao khasi nomukololofu mumoni chia Nasaye,22Bulanu wekanire chimbi chiao chino, manu olame Nasaye, nikaba mbwe aundi maparo ka omwoyo kwao kanyala okhulekherwa. 23Khubeera ndola mbwe oli nobuchuuni ngobufira bweindusie nende mumboye ya amabi.24Naye Simoni nakalusia,naboola ari musayiire khu Mwami mbwe libuleo khumakhuwa kano kamwakhaboola esinanjichakho.25 Ne nga olwabamala okhurusia obuloli nende khuyaala elikhuwa liomwami bakalukha Yerusalemu, khandi nibayaala imboosi muchingoongo chinyiingi echia Basamaria.26Naye malaika wo omwami nalomalomera Filipo, naboola ari, singira manu ochie lubeka lwa emwalo khungira ichia asi khurula Yerusalemu khuchia Gasa, eyiri muluumira. 27Manu nasingira nachia; khandi, lola omusaacha okhurula Ithopia omuchiri owali nende obunyala bukhongo asi wa omukhasi muruki wa Baithopia, owemereranga embikhiro chioosi echiomuruki ne yali niyechere Yerusalemu okhulaama. 28Yali nakalukhangayo niyekhale muligaari liaye nasomanga Isaya omunabii.29Lunyuma omwoyo mutakatifu kwaboolera Filipo chia ambi, manu wambane nende ligari. 30Manu Filipo nachia bwangu owayali, namubulira nasoma omunabii Isaya naboola oli obulirangamo aka oli khusomanga?" 31Naye naboola, nyala khubuliramo endie nimbula omuundu oukhoonya? Nasaba Filipo mbwe yengire manu yekhale naye.32Esidonye esia mandiiko kayali nako siali sino, bamuyira musibakiro kori elikondi, khandi obeera esimeme sidiimbe imbeli wabeeri basio kata sisiafunula omunwa kwasio 33Mukhusandisibwa khwaye esiina siaye siarusibwayo; ni wina owakhabolere olwibulo lwaye? khubeera obulamu bwaye burusibweyo khusialo.34Ne omuchiiri ula namukalusia Filipo, naboola, khusaba omunabii amakhuwa ako owaboola ni wina; kaye omwene kose komuundu oundi? 35Naye Filipo nafunula omunwa kwaye manu nachakiira khu mandiiko ako, namuyala Yeso.36Ne nga olwabali nibachiririra nende olukeendo lwabwe, beecha boola owa amaachi kali; Naye omuchiiri ula naboola,lola amaachi ngaka; sina esingaira okhubatisibwa? 37Naye Filipo naboola, nosubira nende omwoyo kwao kwosi binyalikhana. Naye nakalusia naboola, subira mbwe Yeso Kirisito no mwana wa Nasaye. 38Yamala yarusia lilako mbwe ligari lieme; manu boosi bekha nibachia mumaachi, Filipo nende omuchiri bombi; namala namubatisia.39Ne olwa beecha akulu nibarula mumaachi omwoyo mutakatifu kwomwami kwamurusiao Filipo khandi omuchiri ulia khasi yamulola khaba; namala nabwao niyekhoya. 40Arali Filipo yanyolekhana Asoto. ne nabiramo yayaala mu madookho koosi khula olwa yola kaisaria.
Chapter 9

1Naye Sauli nasiiri narikhirisianga nende okhusinja abeeka ba omwami, yachia khu omukukhani mukhongo. 2Namusaba mbwe amube chibarua chiokhuchia Damasiki muchisinagogi, mbwe nanyoola abaandu ba ingeri ino kata nibali abasaacha kose abakhasi mbwe abarere nibaboyerwe mu Yerusalemu.3Naye olwayali khulukendo, yola ambi nende Damasiki; mulwangu ao yabona olumieso nilumudokhane obulafu khurula mwikulu; 4Nakwa asi; namala nabulira idoboosi nimuboolera, Sauli, Sauli osandianga khubeera sina?5Naye nareba, newe wina omwami? Naye omwami naboola, nesie Yeso owa osandianga; 6Ngolwa yali narengerekhanga naukisibwa yaboola, omwami wenya khole sina? Naye omwami namuboolera, singira manu ochie mudookho ne ochia okhuboolerwa esiokhukhola . 7Naye abaandu balia abali nibakendere naye beema nibauma esiokhuboola, nga babulira idoboosi arali sibabona omuundu dawe.8Naye Sauli yasingira okhurula asi, ne chimoni chiaye nga chachaka okhulola; siyalolakho omuundu arali bamudira omukhono nibamuyira Damasiki. 9manu yamala chinyanga chidaru narabonanga, kata okhulia nende okhung'wa10Naye yaliwo omweka undi Damasiki yalangwa mbwe Anania; omwami yaboolera Anania". Naye nakalusia lola ndi ano, omwami. 11Omwami namuboolera, singira manu ochie khu ingira ilangwa mbwe ingololofu, manu orebe munyumba ya Yuda omuundu olangwa Sauli owa Tarsio ali khusaaya, 12 Ne abwene ao mumalolo yalola omuundu olangwa Anania niyengira nende okhumurakho omukhono kwaye mbwe anyale okhulola13Lunyuma Anania yakalusia, omwami, ndakhabulira khurula khu baandu baangi khulondana nende omuundu uno, echimbi chinyiingi chia yakholera abatakatifu bao Yerusalemu. 14Ne khandi ano ali nende obulekhule khurula khu omukukhani mukhongo okhuboya boosi abalanga elira liao. 15Naye omwami yamuboolera, "Chia imberi; ye nesilonge silobole khu esie, khuyira lira liange khu banasialo, nende abaami, nende abaana ba Isiraili. 16Ne njia okhumwekesia amaangi akaachia khusandira khulwa elira liange."17Anania yachiririra imberi khungira yaye, manu niyengira munyumba; ne nga yamurakho mikhono kiaye yaboola mukherwa Sauli ,Omwami Yeso, owakhulolekhanira khu ingira nga wali niwicha, yandumire, mbwe onyale khunyola okhulola, manu wichusibwemo omwoyo mutakatifu. 18Ne abwene ao amakamba kalakakha khurula khumoni chiaye; namala nachaka okhubona ebikha biene ebio, nasingira; nabatisibwa. 19Naye niyakhamala okhulia nanyoola amaani. Lunyuma naba nende abeeka baandi abali Damasiki.20Manu mulwangu ndachaka okhuyala Kirisito mumasinagogi, mbwe Yeso niye omwana wa Nasaye. 21Arali boosi bamubulira bala nibabola, uno siniye obasandianga bala abalanganga elira lino mu Yerusalemu, khandi yeechanga khulwa lichomo liene elio,mbwe anyoole okhubadiira abayire owa omukhongo?. 22Arali Sauli yameeda okhunyoola amaani,nabaukisia abayaudi abali bamenya Damasiki nabekesia mbwe uno niye Kirisito.23Lunyuma lwa ako echinyanga chinyingi, chabirao, nabo abayaudi nibekhoba okhumwira;. 24Naye Sauli yeecha namanya indekekha yabwe. Nibalinda khu siribwa musidere nende musiro mbwe bamwire. 25Naye lunyuma abeeka bamubukula, nibamwikhisiria khu lida nali musikapo.26Ne ngolwa Sauli yoola Yerusalemu, yatema okhwambana nende abeeka; arali boosi bali bamurire, nibarasubira mbwe yeesi yali omweeka. 27Baranaba yamubukula,namuyira khu barume, nababoolera nga olwayalola Omwami khungira manu khandi nalomaloma naye, khandi nga olwa yali nayaalire nende ichwoni eria Damasiki mulira lia Yeso28Manu yali ninabo mukari nende khurula ninabo erwanyi wa Yerusalemu. 29Yalomaloma nende ichwoni mulira lia Omwami Yeso, nibayingana nende bayaudi nende bayunani; arali nabo batema okhumwira. 30Nabo abakheerwa nga olwa beecha bamanya bamurera khu Kaisari, nibamuruma okhuchia Tarso.31Elikanisa liecha liabuukha Yudea yoosi nende Galilaya nende Samaria, manu nibombakhwa; khandi nibakendera muburii bwa omwami nende mukhulemisibwa khwa omwoyo omutakatifu, bachirira okhuba abaangi. 32Lunyuma lwa ako Petero yabira mubidonye bioosi, niyeecha kata khubalobole abali bamenya Lida.33Ne bwene eyo yalolayo omuundu oundi olangwa Ainea, owali niyakona musitanda siaye emiaka munane, yali nalwalanga indulume. 34Naye Petero namuboolera,Ainea Yeso Kirisito akhuonia, singira, wale esitanda siao," manu nabukha lwangu. 35Ne abaandu boosi abali bamenya Lida nende Sharoni bamulola nibamukalukhanira Omwami.36Ne yaliwo Yafa eria omweka undi owalangwa mbwe Tabita, elira elio nilikalukhanisibwa khandi nalangwa mbwe Dorika; omukhasi uno yali yechulamo ebikhole bilayi nende ebiaanwa bia yarusianga. 37Naye lunyuma yeecha yaba omulwaye manu nafwa; nga bali bamala omwoka, bamukonia musigoro sia akulu.38Ne khubera elidookho lia Lida liali ambi nende Yafa khandi abeeka bali nibabulire mbwe Petero yaliyo, babarumira abaandu babiri, mbwe bamwekwede arakhinda khuchia owabali. 39Lunyuma Petero yasingira nachia ninabo, Nga olwayola, bamuyira musigoro esia akulu; naye bakhasi abalekhwa bamwemakho nibalira, nibamwekesia echikanju nende chingubo echia Dorika yakasia, kori yali nasiiri nabo.40Naye Petero yabarusia boosi erwanyi, namala nasigama, nasaba; nga olwayachiririra yaboola Tabitha singira. Yamala namoka chimoni chiaye; nga olwa yabona Petero yekhala nakololokhe. 41Petero yamuberesia omukhono kwaye, namukhwesa namusingisia, nga olwayamala okhulanga balobole nende abakhasi balekhwa nababeresia nali omulamu. 42Manu keecha kamanyikha mu Yafa yoosi ne baangi nibasubira mu Mwami. 43Ne lunyuma, Petero yeecha yamenya Yafa chinyanga chinyiingi nende Simoni owareresianga amasero.
Chapter 10

1Yaliwo omuundu undi musialo sia Kasairia owalangwa Koronelio omukhongo womukanda kwalangwa Kiitalia, 2Omuundu werusia khandi owaria Nasaye nende inyumba yaye yoosi, owaberesianga baandu ebianwa, khandi yalamanga Nasaye buli lwosi.3Yalola amalolo mubwakhakhu mubikha bia saa tisa, malaika wa Nasaye namwichira, namuboolera, Koronelio!" 4Koronelio yamulingala ne yali muri, nareeba, "ni sina nisio, Omwami?" Naye namukalusia, echisala chiao nende ebianwa biao biulire akulu, okhuba esichulisio imberi wa Nasaye. 5Bulanu ruma baandu Yafa olange Simoni olangwa Petero. 6No mukeni wa Simoni obambanga amasero, owa inyumba yaye iri khundulo we inyanja; achia okhuboolera esia okhoyere okhole.7Naye Malaika owalomaloma nende Koronelio niyakhabwao, yalanga babiri khu bakholi baye bomunyumba, nende owamayie omwesikwa akari wa bala abamulindanga buli lwosi. 8Ne niyakhamala khubaboolera kano koosi, yabaruma khuchia Yafa.9Inyanga ya khabiri, nga olwabali nibachiririra nende olukendo, nibali ambi okhula mudookho, Petero yanina akulu khusirama mubikha bia saa chisasaba echia sidere . 10Yamala nabulira injala imuluma, nadakha mbwe aliekho; naye nga olwa bali nibakasianga esiakhulia, chindolo chiamuungula, 11nalola likulu nilikukheo ne esifwanani siindi nisimwikhirakho, nga isuka yanabwa muchisonda chine, niyuula asi khu loba. 12Mukari omwo chalimo echisolo chioosi echia makulu kane echiokhusialo; nende chisolo chiomusiino, nende biindu bimoolanga, nende mayoni ka mumiyaka.13Ne yabulira idoboosi nimuboolera, singira, sinja manu olie. 14Petero yaboola, khaba, Omwami, siiri khuliakho esiindu sio mufuro, kose simali. 15Khandi yabulira idoboosi eya khabiri, niboola mbwe esia Nasaye alabisie khasiwakhalanga khuba simali. 16Sino sialondwamo makhabi kadaru; ne isuka eyo khandi yakalukhayo mwikulu.17Bulanu nga Petero yali nasiri nakanakananga esia malolo ako akabwene kekesia , karulirao mbwe abaandu bali nibarumirwe khurula khu Koronelio, bali nibareberesie owa inyumba ya Simoni ili, ne bali nibemere khu siribwa siaye. 18Bamala nibareba , nikali mbwe Simoni owali khandi Petero yamenya ao.19Ngolwa Petero yali naparanga khu malolo ako, omwoyo mutakatifu kwamuboolera, lola abaandu badaru bali okhukonyanga. 20Singira, manu ochie ninabo, orabeyabeya khaba; khubeera barumirwe. 21Petero yamala nachia khu baandu abali nibarumirwe, khu ye khurula khu Koronelio naboola lola , nesie owa mukonyanga; mwichire khulwa lichomo sina?22Bamala nibakalusia Koronelio omukhongo; omuundu omukololofu, khandi ulia owaria Nasaye, oli nende obuloli bulayi akari wa bialo bia Bayaudi yaboolerwa nende Nasaye khubirira mu malaika mutakatifu mbwe khwiche khumukhuyire muyumba yaye, anyoole khubulira makhuwa kao. 23Yamala nabengisie, nibakona ao. Ne nibwakhia Petero yabwao nabo, ne omukherwa mulala okhurula Yafa yeesi yambana nabo.24Nga bwakhia nibamala khwingira Kaisaria Koronelio yabaliinda, ne khandi yali nalangire alala abekho baye nende abeecha baye ba ambi.25Naye Petero nga yali niyeechanga mukari, Koronelio yamubukanira, nakwa mumakulu kaye, namulama. 26Arali Petero yamusingisia, naboola ari yema bukololofu, kata siesi ndi sa omuundu.27Ne nga yalomaloma naye, yeecha mukari, yanyoola abaandu baangi nibebusisie. 28Petero yababoolera, mumanyire nga biri ebiibi mumalako khu omuundu muyaudi okhuba mubwambani, kose khuchia musialo siindi; arali Nasaye yanjekesia mbwe ndaralanga omuundu yesi yesi khuba owesifuro, kose mumali. 29Bulanu njichire khweng'we arali mukhwesirala, mulwangu sa nga bananga. Bulanu bareeba mbwe mwanangire khulwa lichomo sina?30Naye Koronelio naboola, echinyanga chine, chibwere ndali nisiibanga khuula nga sikha sino, naye musikha sia saa tisa ndali munyumba yange,ne lola omuundu yemere imberi wange niyefwalire chingubo ching'enang'ena. 31Naboola, Koronelio, masayo kao kabulirikhane khandi ebianwa biao bichulisibwe imberi wa Nasaye 32Bulanu ruma baandu Yafa bamulange Simoni olangwa Petero, amenyere munyumba ya Simon omubambi wa masero khundulo we inyanja; owa nikali mbwe aneecha, achia okhulamaloma nawe. 33Kho ndaruma abaandu khu ewe, manu okholere ebilayi okhwicha. Bulanu khuli ano fwesi imberi wa Nasaye, okhubulira koosi aka Nasaye akhulakirisie okhukhola.34Lunyuma Petro yalomaloma, naboola, nobwadieri mbwe Nasaye khasi ayekheranga lubeka lulala khaba. 35Arali buli sialo esirichanga Nasaye, nakhola akobukololofu, afukirirwanga ninaye.36Elikhuwa lia Nasye yaruma khu baana ba Isiraili nayaala omulembe khubirira mu Yeso Kirisito (oli Omwami wa boosi) 37Elikhuwa, lia yaboola, mulimanyire, elialandasibwa mu Yudea, nga liachakira Galilaya, lunyuma wa ebatisia lia Yokhana yayaala; 38Manu nga Nasaye yamubakha Yeso wa Nasareti amafura ka omwoyo mutakatifu nende amaani; manu nakenda buli abuundu nakhoola amalayi, nende okhubaonia abali nibanyasibwa nende sietani, khubera Nasaye yali ninaye.39Ne efwe khuli abaloli ba ebiindu bioosi bia yakhola musialo sia Bayudea nende muyerusalemu; ewabamwirira nende khumukhoma khumusalaba. 40Nasaye yamulamusia khurula mung'ani inyanga yakhadaru namura mubulafu. 41Si ni khubaandu boosi, arali khubaloli abalobolwa imberi wa Nasaye, kata nende efwe, abalia nende khung'wa ninaye niyakhalamukha okhurula mulifwa.42Ne yarulakirisia khuyaalira abaandu, nende khurusia buloli mbwe niye owalobolwa nende Nasaye mbwe abe omukhalaki wa balamu nende abafu. 43Mbwe khuniye abanabii boosi khurusie buloli, mbwe khubirira mulira liaye ulia yesi ochia khumusubira achia okhulekherwa chimbi chiaye.44Nga olwa Petero yali nabolanga makhuwa kano, omwoyo mutakatifu kwekhera khuboosi abali nibabulire elikhuwa. 45balia abali nibakhebwa abali basubira baukisibwa , nende balia boosi abali nibeechere nende Petero baukisibwa khubeera mbwe banasialo boosi esianwa sia omwoyo omutakatifu siabekherekho.46Khubeera babaulira nibalomaloma muchinimi, nibamukingula Nasaye . Naye Petero nabakalusia, 47"aliwo omuundu onyala okhukaira mbwe bano khasi babatisibwa, abanyoolere omwoyo mutakatifu kori nga efwe? 48Namala nabalagira khubatisibwa khulira lia Yeso Kirisito. Nabo nibamusaba mbwe amenye nabo khulwa chinyanga chindi.
Chapter 11

1Abarume nende abakherwa abali Yudea babulira bari Banasialo boosi banyolere elikhuwa lia Nasaye . 2Naye nga olwa Petero yanina niyeecha Yerusalemu, bala abakhebwa baingana naye, 3Nibaboola ewe wambanire nende abaandu barakhebwa, khandi olire nabo.4Arali Petero yachaka okhubakanira nga olwa lukendo lwaye lwachaka, niyongania ebilayi mubuli sidonye, nababoolera. 5Ndali mudookho lia Yafa ni ndi okhulaama; chindolo nichimbungula nindola amalolo, esifwanani sindi siekha, nga isuka ikhongo, yekhibwa orula mwikulu eya chisonda chine; manu yecha khwesie; 6Ne nga olwa chimoni chiange chalimbula, ndalingala nimbona chisolo echia makulu kane echiomusialo, nende chisolo,chiomusiino, nende bindu bimolanga, nende amayoni ka mumiyaka.7Ndeecha ndabulira idoboosi niimbolera 'Singira Petero osinje manu olie. 8Arali ndaboola khaba, Omwami siri okhuliakho esiindu simali kose esiomufuro. 9Arali idoboosi yangalusia khandi khurula mwikulu niboola 'esia Nasaye alafuyie, orasilanga khuba simali. 10Ne kano kekholekha makhabi kadaru; ne khandi bioosi nibikalusibwa mwikulu.11Naye mulwangu abaandu badaru beecha munyumba yandalimo, bali barumirwe khurula Kaisaria okhwicha khu esie. 12Ne omwoyo omutakatifu kwamboolera okhuchia ninabo oburakanakana, abakheerwa basasaba bano bambana nange, nikhwingira munyumba yomuundu ula. 13Namala na ruboolera kori yabona malaika munyumba yaye, owema namuboolera, ruma abaandu Yafa manu olange Simoni olangwa Petero; 14Naye achia okhuboolera amakhuwa, ne ewe nende inyumba yao muchia okhulokokha.15Ne nga olwandachaka okhulomaloma, omwoyo omutakatifu kwabekherakho, kori olwa efwe mukhuchaaka. Ndeecha ndechulisia elikhuwa lia omwami 16 , nga olwayaboola mbwe Yokhana yabatisia nende amaachi, arali eng'we muchia okhubatisibwa nende omwoyo mutakatifu17Bulano olwa Nasaye yababeresia esianwa sifwanana nende nga esia yaruberesia efwe abasubira mu omwami Yeso Kirisito esie ndali wiina mbwe nyale okhaya aka Nasaye?" ,18Ne olwa babulira amakhuwa kano, beecha banyola muleembe, nibaberesia Nasaye oluyali, nibaboola,khane Nasaye abanyaliire Abanasialo okhwekanira khurera obulamu.19Bulanu balia abali nibasalanire mubialo bia ingerekha okhubeera khusandisibwa khwa Sitefano bachaaka lukendo khuchia Foinike, nende Kipro nende Antioka, nibayaala ifanjili khu Bayaudi. 20Nabo abaandi khunibo bali abaandu ba Kipro nende Kirene, abali niboola Antiokia balomaloma nende Abayunani nibayaala likhuwa lia omwami Yeso. 21Ne omukhono kwa omwami kwali ninabo, nabaandu bangi basubira nibamukalukhanira omwami.22Makhuwa kebindu bino koola mumarwi ka elikanisa eliali Yerusalemu; manu nibaruma Baranaba bwangu mbwe achie Antiokia. 23Naye nga yeecha yali nabwene obukosia bwa Nasaye yali musangafu, nabeberesia omwoyo mbwe, khulwokhubera lichoomo lio omwoyo bachiririre okhuguma mu Mwami. 24Khubeera yali omuundu mulayi kandi owechulamo omwoyo mutakatifu nende owa busubiri; manu baandu beecha bemeenda khu mwami.25Lunyuma Baranaba yachia Tariso, khulwa khukonya Sauli. 26Naye nga olwa yamunyoola, yamurera Antiokia. Lunyuma lwa ao, biali mbwe omwaka kwoosi bakung'ana alala nende likanisa, manu nibekesia abaandu bangi. Abeeka balangwa olwamberi mbwe Bakirisito mu Antiokia.27Bulanu muchinyanga echia banabii, bachaaka okhurula Yerusalemu nibachia Antiokia. 28Naye yeecha yarulirao omulala olangwa mbwe Agabasi, niyekesebwa nende omwoyo mutakatifu mbwe khuchia okhuba nende injala ikhongo musialo sioosi; akeecha kekholekha muchinyanga chia Kilaudio.29Lunyuma abeeka, buli mundu khulondana nende obunyala bwaye bafukirisania okhuruma obukhonyi khu bakheerwa abali bamenya Yudea. 30Kano bakhola, manu nibaruma khu bakofu khubirira mumakhono ka Baranaba nende Sauli
Chapter 12

1Biali ambi wa ebikha ebia Herodi omwami nayira omukhono kwaye okhubasandia balala khubalia abali abelikanisa. 2Yamala niyeera Yakobo omusiani wabwe Yokhana nende oluganga.3Naye khulwa okhubera yaloola mbwe biasangasia Bayaudi, yachia imberi namudira Petero yesi. (Echio chiali chinyanga chia emigaati kirarebwakho limera). 4Naye nga yali yakhamala okhumudira yaamuyira mumboye , manu namura mumikhono kia emikanda kine ekia abamayie, mbwe bamulinde, nali nende lichoomo mbwe Pasika niyakhabwa bamurere imberi wa baandu.5Kho Petero yarebwa mumboyero; Arali likanisa lialama Nasaye oburalekha dawe . 6Ne inyanga ya Herodi yali amurusie rwanyi khuyasibwa musiro esio Petero yali nakonere akari wa baliindi babiri, nabooyerwe nende eminyororo kibiri; nabo abaliindi bali imberi womuliangiro kwa imboyero nibalindire imboyero.7Ne lola malaika wa omwami yamwichakho, manu nikhuba nende obulafu mumboyero; namukuda Petero khulubafu namala namusingisia naboola singira lwangu. Nakio eminyororo kiabololokha nikikwa khurula khu makhono kaye. 8Ne malaika namuboolera weboye manu wefwale bilaro biao. Manu yakhola ario. Khandi yamuboolera wefwale chingubo chiao manu onoonde.9Yamala nachia erwanyi namuloonda; khasi yasubira akekholekha nende malaika mbwe kali aka obwadieri; nga yapaara mbwe abwene amalolo. 10Nga babira abalindi bamberi nende abakhabiri, boola khu muliango kwa esichuma okwali kwingira mulidookho kweikulao sa kwene khu nibo; nibamala nibarula, nibabirira khungira ndala; Naye mulwangu malaika yamulekha11Ne olwa Petero yeecha yanyola okhwemanyirisia, yaboola, bulanu ndamanya oburalimo khubeyabeya,mbwe Omwami arumire malaika waye, naye yakhamununula okhurula mumukhono kwa Herodi, nende kalia koosi aka bayaudi babere baparire kekholekhe. 12Ne nga olwayamala okhupara kano yachia munyumba ya Maria ng'ina Yokhana, owa lira liaye lindi liali Mariko; owa abaandu bangi bali nibakhung'anire nibali okhulama.13Ne nga Petero yakhong'onda khulwiki omukhana mukhosi, elira liaye mbwe Roda yeecha khubulira. 14Ne nga olwayamanyirisia idoboosi ya Petero khasi yekulao omuliango mberi okhubere obusangafu, arali yerukha nakalukha mukari, nababoolera ari Petero yemere khu muliango. 15Nabo bamuboolera ewe oli omulalu naye yachiririra okhwema khubwadieri mbwe kalikario. Lunyuma baboola mbwe oyo ni malaika waye.16Arali Petero yachiririra okhu khong'onda; Lunyuma nga bekula olwiki nibamulola, baukisibwa. 17Arali yabasaba mungira ya okhwekhonyera mukhono mbwe bachiririre okhuba nende omulembe kwabwe, nabakanira kori Omwami amununule okhurula mumboye. Namala naboola mbwe muchie muboolere amakhuwa kano Yakobo nende abakherwa. Namala nabalekha nachia abuundu andi.18Manu nga olwabwakhia abalindi bali nende oburi ni bereba mbwe siina esiekholekhe khu Petero. 19Bulanu nga Herodi yamukonya nakhaya okhumunyola, yanoneresia abalindi, namala nalagira mbwe beerwe. Yamala narula Yudea nachia emwalo Kaisaria niyekhala eyo.20Khandi Herodi siyasangasibwa lukali nende baandu ba Tiro nende Sidoni; arali beecha nende elichomo lala khu niye, ne nga olwa bali nibakhola obwicha nende Bulasto oberesianga inyumba ya omuruki ebiakhulia, badakha omulembe; khubera esialo siabwe siakhonywanga nende esialo sia omuruki. 21Ne inyanga ndala eyaarebwao Herodi yefwala chingubo chio buruki, niyekhala khusisala siaye sia oburuki, naboola ari, eyo ni idoboose ya Nasaye, khasi ni idoboosi ya omuundu khaba.22Abaandu bayokera nibaboola bari eyo ni idoboo ya nasaye, khasi ni idoboosi ya omuundu khaba. 23Ne ao nende ao malaika wa Nasaye yamukhuya khubeera khasi yaberesia Nasaye oluyali; emiambo nikimulia, nafwa.24Ne likhuwa lia Nasaye liachirira manu niliemeda. 25Ne Baranaba nende Sauli bakalukha khurula Yerusalemu, nga olwaboseresia obukholi bwabwe, bamala nibabukula Yokhana, owa lira liaye lindi lialangwa mbwe Mariko.
Chapter 13

1Bulanu mukanisa lia antokia mwalimo nende abanabii bandi nende abasomesia; kori Baranaba nende Simoni owalangwanga khandi mbwe Niger, nende Lukio Mkerene nende Manaeni owakhusibwa nende Herodi, nende Sauli. 2Ngolwa bali nibalama omwami, nende okhusiiba, omwoyo omutakatifu kwaboola, mukabule Baranaba nende Sauli khulwange khubera emirimo kiabalangire. 3Nga bali nibakhasiiba nende okhulama, nibaamala nibabarakho amakhono kabwe, nibabaruma.4Bulanu nga barumwa nende omwoyo mutakatifu, barulao nibachia Selukia, ne khurula ao nibadira olukendo khubiririra munyanja niboola Kipro 5Bulanu nga bali Salamisi bayaala likhuwa lia Nasaye mumasinagogi kebuyaudi, bali nende Yokhana muburumikhi bwabwe.6Nga olwabamala khubira mukari mwe sisinga khuula Pata, banyola omuundu undi mbwe Bari-yeso. 7Yali nende omulondereri wo muruki we sialo esie elira liaye mbwe Serijio Paulo, omuundu mukesi yalanga Barinaba nende Saulo, yadakha okhubulira elikhuwa lia Nasaye. 8Ne Elimasi omulakusi(khubera elira liaye likalukhanisibwa lirio) yayingana nabo, nadakhanga omulondereri wa omuruki alekhe obusubiri.9Lunyuma Sauli , (olangwa khandi mbwe Paulo,) nga yali niyechusibwe omwoyo mutakatifu yamulingala nende obululu. 10Manu naboola, ewe wechulamo ikhiinda nende chiimbi chioosi, omwana wa sietani, omusuku wa obukololofu bwoosi khasi ochia khulekha khunyasia chingira chiomwami echiakololokha?11Bulanu lola, omukhono kwa Nasaye kuli akulu wao, bulanu ochia okhuba omuofu, khasi ochia khulola eliuba khulwa sikha nabulebe. Ne ao nende ao elinang'oong'o nende esirima biecha khumoni chiaye: yamala nachaaka okhukonya nabodokhana nakonya omuundu onyala okhumudira omukhono nakenda. 12Lunyuma omulondereri wa omuruki olwa yaloola akekholekha, yasubira naukisibwa nende amekesio aka Omwami.13 Lunyuma Paulo nende abasie bachaka olukendo okhurula pafosa, bola Periga mu Pamufilia: Naye Yokhana olwayabalekha nakalukha Yerusalemu. 14Arali barula Periga beecha Antiokia mu Pisidia nibamala nibachia musinagogi inyanga ya isabato, nibekhala asi. 15Nabo nibakhamala okhusoma amalako, ne abanabii abaruki basinagogi babalanga, nibaboola, eng'we abaandu khandi bakherwa,nikali mbwe muli nende elikhuwa lia khudinyisia baandu, muboole.16Lunyuma Paulo yasingira, naye yakingula mukhono kwaye yaboola abaandu ba Isiraili, nende eng'we abaria Nasaye, mundekeresie. 17Nasaye wa baandu bano ba Isiriali yalobola basefwe, namala nabakingula abaandu bali bamenya kori abakeni musialo sia Misiri, naye nende omukhono kwaye okwa maani yabarusia erwanyi. 18Ne khulwa emiaka makhumi kane yabesirimisiria ebima biabwe mulumira.19Naye nga yamala okhusasia ebialo saba muliloba lia Kanaani, yakabira liloba liabwe mukuura. 20Khurula ao, yeecha yababeresia abakhalaki mubikha bia miaka echimia chine nende amakhumi karano, khuula nga omunabii Samueli yeecha.21Lunyuma beecha badakha omuruki: naye Nasaye nababa Sauli omwana wa kishi, omuundu woluyia lwa Benjamini, khulwa ebikha bia emiaka makhumi kane. 22Ne nga yamumalayo yabakingulira Daudi mbwe abe omuruki wabwe: owayarusiria obuloli bwaye, naboola ari, malire okhunyola Daudi omwana wa Yese, omuundu okheresia omwoyo kwange, ochia okhusirisia elienya liange.23Okhurula khulwibulo lwa omuundu uno, Nasaye amalire khurulana nende elakano liaye okinguula omuwonia khu Isiraili oli Yeso. 24Nga Yokhana yayaala imberi nasiiri okhwicha obubatisi bwa okhwekanira khu baandu boosi aba Isiraili. 25Naye nga Yokhana yali namala olukendo lwaye, yareba, eng'we mupaara mbwe esie ndi wiina? sindi niye, arali mulole aliwo owicha inyuma wange, owandaranyala okhubolola chisia chia bilaro biaye.26Abaandu nende abakherwa, abaana ba olwibulo lwa Iburaimu, yesi yeesi khu eng'we owamuria Nasaye khu niye elikhuwa lia obulokole buno lirumirwe. 27Khubeera balia abamenya Yerusalemu nende abaruki babwe, khubera khasi bamumanya, nende kata chidoboosi chia banabii echisomwanga buli inyanga ya isabato, bamala khusirisia mukhumukhalakira.28Kata kario sibamunyolamo esikera bamwire, bachia imberi khumusaba Pilato mbwe afwe. 29 Nibakhamala okhusirisia koosi akali kandiikwa khulondana ninaye,bamwakula khurula khu musalaba, nibamura mung'ani .30Arali Nasaye yamubusia khurula mubafu.
32Bulanu khubayaalira ifanjili eya elilakano elia basefwe baberesibwa. 33Nasaye yoseresia lilakano elio khubaana beefwe, khubirira mu khubusibwa khwa Yeso mubafu, nga olwakandiikwa mu sabuli ya khabiri, mbwe, ewe newe omwana wange esie inyanga yino khwibuule. 34Ne khurulana nende ako yamubusia khurula mubafu, mbwe aranyala okhukalukhira isasia, nga olwa ya boola ndababeresia eng'we amakhuwa kange aka Daudi yali yasubisibwa35Yaboola khandi musabuli yiindi mbwe, khasi ochia okhulekha omuloboole wao okhubona isasia. 36Nga Daudi , olwa yamala okhurumikhira olwibulo lwaye mulienya lia Nasaye yeyalisia nende basimwana nalola isasia. 37Arali ula owa Nasaye yabusia khandi, siyalola isasia.38Manu kamanyikhana khu eng'we bulanu abaandu nende abakherwa khubirira mumuundu uno muli khuyaalirwa okhulekherwa echiimbi. 39Mbwe khandi muniye balia abamusubira bakholwa khuba abakololofu khurula mu biindu bioosi mbwe malako ka Musa karanyoola obakhola abakololofu.40Bulanu mumanye mbwe, karabechakho, kalia, akaboolwa nende abanabii. 41Mulingale, abalekeresianga muukisibwe musasibwe, khubeera ndi khukhola emirimo munyanga chieng'we emirimo kia muraakhafukirira, kata omuundu nabayaalira .42Nga olwa Bayaudi barula musinagogi, abanasialo basaba mbwe bayaalirwe amakhuwa kano isabato yilondakho. 43Bulanu nga olwa olukhung'ano lwabwa, Abayaudi baangi nende abalokole ba idini balonda Paulo nende Baranaba; owalomalomanga nabo, yabekweda okhuchiririra mu bukosia bwa Nasaye.44Ne inyanga ya isabato yalondakho ambi wa lidookho lioosi liecha khubulira imboosi ya Nasaye. 45Ne nga Abayaudi balola omukanda mukhongo bengirwa nende ikhiinda nibaingana khulondana nende amakhuwa kalia aka Paulo yali ayaalire46Lunyuma Paulo nende Baranaba bayaala nende ichwoni, nibaboola, mbwe elikhuwa lia Nasaye liyaalirwe eng'we mberi: arali nga mulikhayire, nende khwekhalakira mbwe khasi mukhoyera okhunyola obulamu bwa obumeri, bulano khuchira banasialo. 47Khubera niye owa Nasaye arulakirisia, naboola, mbwe khurereo khuba obulafu bwa banasialo, onyale okhuba obulokole khuula esiakamo sia esialo.48Nga Banasialo babulira kano , bali basangafu , maani nibaberesia luyali elikhuwa lia Omwami, manu abaangi bala abalobolerwa obulamu bwa obumeri basubira. 49Manu likhuwa lia omwami lialandasibwa musialo esio siosi.50Arali Bayaudi bachunjubania abaandu bo luyali abesikhasi, nende abakhongo ba lidookho nibamala nibarera okhusandia Paulo nende Baranaba, nibaberusia khurula khundulo wa inyanja. 51Nabo bakhuya asi makulu nibasisimula olufu mukhubachuba, nibachia Ikonia. 52Nabo abeeka bechusibwamo busangafu, nende omwoyo mutakatifu.
Chapter 14

1Lunyuma mu Ikonio, bengira boosi mu isinagogi ya Bayaudi ne nga olwabayala omukanda omukhongo okwa Bayaudi nende Bayunani basubira. 2Arali Abayuda abarali abobusubiri bachunjania Banasialo, nibengisia mumaparo kabwe ikhiinda khubakheerwa.3Bekhala ao ni bayaala nende ichwoni mu mwami owarusia obuloli khulikhuwa lia bukosia bwange, nabanyalira akamangalimwa kwekholekha mumikhono kiabwe. 4Arali emikanda kia mulidookho omwo kiakabukhanamo; manu kiindi nikiambana nende Bayaudi ne kiindi nikiambana nende Abarume.5Ne nga karulirao mbwe bali okhurekekha isasia ya banasialo nende Bayaudi nende abakhongo babwe, mbwe babakholere esileka babakhuye: nende makina. 6Beecha bamanya, niberukhira Listia nende Dabi madookho ka Likonia, nende madookho kalibodokhane. 7Manu eyo bayaala ifanjili.8Listia eyo khwaliyo nende omundu mulala owali nende makulu madekhere omulema okhurula niyebulwa khasi yali yakendakho khaba: 9Omuundu oyo yamubulira Paulo nayaala , Paulo numulingera mubweni, nalola mbwe ali nende obusubiri bwo khuwona. 10Paulo namuboolera nende idoboosi ikhongo; yema sikololofu nende amakhulu kao bilayi, niyema namala nakenda nabwao11Nga abaandu balola aka Paulo yakhola , bakingula chidoboosi chiabwe, nibabola muluikonia, ninasaye orwichiire mungeri ya abaandu. 12Nibakulikha Baranaba mbwe, Zeus naye Paulo mbwe Herime, khubera niye wali omuyaali. 13Lunyuma omukhulundu wa Zeus owe likanisa liaye liali imberi wa lidookho narera ing'ombe nende ebimuli khu muliangiro, nadakha okhurusia simala musango alala nende abaandu.14Arali nga abarume Baranaba nende Paulo, babulira barandula chingubo chiabwe, nibengira akari wa baandu nibayaala. 15Eng'we abaami, khulwa sina mukhola kano? efwe khuli abaandu bafwanana nang'we khubayaalira ifanjili mbwe mukalukhane mulekhe amakhuwa ka obukori kano mumukalukhanire Nasaye oli mulamu, owalonga likulu nende esialo, nende chinyanja nende ebiindu bioosi birimo. 16Oli mbwe ebikha biabira yalekha Banasialo boosi bichire khu chingira chiabwe bene.17Araii khasi yalekha omwene nabula obuloli khubera yalola amalayi, manu naruberesia ifula okhurula mwikulu nende ebikha bia khufuna, niyechusia emioyo kiefwe nende esiakhulia nende obusangafu. 18Bulanu khulwa makhuwa ako nebekalira abaandu mukhunyakhana, mbwe barabarusia simala musango.19Bulanu abayaudi bola okhurula antiokia nende Ikonio nibachunjania abaandu khuula nibakhuya Paulo nende amakina, nibamurusia erwanyi wa elidookho nibaparanga mbwe afwire. 20Arali, nga abeeka bali nibamubodokhane chimbeka chioosi, nasingira niyengira, mukari mwa lidookho, naye inyanga yalondakho yarula, nabwao nende Baranaba khula Deribe.21Nga bamala okhuyala ifanjili mulidookho elio, nende okhunyola abeeka bangi, bakalukha Listia, nende Ikonio nende Antiokio. 22Nibakhola emirimo kia okhwemesia emioyo kia abeeka nende khubalagira mbwe bekhale mubusubiri, nende khandi mbwe khukhoyera khwingira mwikulu mu ingira ya musando muungi.
24Nibabira akari wa Pisidia niboola Pamufilia. 25Ne nga bamala okhuyala elikhuwa elio mu Page nibakholomokha emwalo Atallia. 26Khurula ao baniina imeli okhuchia Antokia, eyo niyo owabalamirwa obukosia bwa Nasaye khulwa emirimo kila ekiabali niboseresie.27Nga olwabola; barera alala likanisa, nibaliboolera amakhuwa aka Nasaye yakhola alala ninabo, nende khandi mbwe abekulireo Banasialo omuliango kwa obusubiri. 28Ne bekhalayo chinyanga chinyingi nende abeeka.
Chapter 15

1Khandi abaandu bandi bekha khurula Yudea nibekesia abakherwa, nibaboola bari, nikali mbwe khasi okheebwa nga olwa omulukha kwa Musa kuboola, khasi onyala khuwonisibwa. 2Bulanu nga Paulo nende Baranaba bamala okhuingana nende okhurebana nende abaandu bano, abakherwa bakhalakao mbwe Paulo nende Baranaba akari wabwe banine bachie Yerusalmu khu barume nende khubakhulundu khulwa lirebo elio.3Bo bulanu olwabarumwa khulukendo olwo nende likanisa nibabira akari wesialo siaFoinike nende Samaria, nibalandasia likhuwa elio eliokhununulwa khwa Banasiolo, nibakherisia abakherwa lukali. 4Olwa bola Yerusalemu bengisibwa nende likanisa nende bakofu, nabo nibababoolera amakhuwa koosi aka Nasaye yakhola alala ninabo.5Arali emikanda kindi kia Bafarisayo kiali kiasubira nikiboola, mbwe "Bidakhikhana bakhebwe, nende khulagirwa khulinda amalako ka Musa. 6Kho abarume nende abakofu beecha alala okhulingera mulikhuwa lino.7Ne nga bamala khuingana lukali Petero yasingira sikololofu namala nababoolera, abaandu nende abakherwa, mumanyire mbwe okhurula chinyanga chia imberi Nasaye yalobola mweng'we mbwe Abanasialo babulire likhuwa lia mumunwa kwange, manu balisubire. 8Ne Nasaye , omanyanga mioyo kia abaandu, yabarusiria obuloli nababeresia mwoyo mutakatifu kori sa olwa yaruberesia efwe. 9Kata khaba khasi yakholakho ingabukhani yosi akari wefwe ninabo, niyosia mioyo kiabwe mubusubiri.10Bulanu khulwa sina mutema Nasaye, khulwa khura elijooki khu makosi ka abeeka, aka basefwe kose efwe khasi khwanyala khukinga?. 11Arali subira mbwe khubirira mubukosia bwa Omwami Yeso Kirisito khwakhaonisibwe, nga nibo.12Lunyuma emikanda kioosi kiabulera nibabarekeresia Baranaba nende Paulo nibakhola akamangalimwa nende akokhuukisia aka Nasaye yakhola mubanasialo khubirira munibo.13Ne olwabali nibakhaba nende omulembe, Yakobo yakalusia naboolera abaadu nende abakherwa mumbulire. 14Simoni yakhaboola imberi kori Nasaye yakendera Banasialo, mbwe anyole khulobola akari wabwe abaandu khulwa elira liaye.15Ne amakhuwa ka banabii kafukirisania nende ako , kori olwakandiikwa . 16 Lunyuma lwa makhuwa kano ndakalukha nange ndombakha khandi inyumba ya Daudi eyakwa Asia; nange ndayemekha khaandi. 17Mbwe abaandu badong'a bamukonye omwami, nende Banasialo boosi, aba lira liange lialangwa khunibo, aboola omwami okholanga kano koosi. 18Kamanyikhane khu Nasaye ne mirimo kiaye khurula khuchaka khwe sialo.19Khu ako obukhalaki bwange nimbwe, khura sandia bala abarula mu Banasialo abamukalukhanira Nasaye. 20Arali khubandikire, mbwe bekabule nende minasaye bie bifwanani, nende obuyirani, nende khulia ebiindu bifwire khukhwemika, nende khulia mabanga. 21Khubera Musa khurula khale mubuli lidookho yali nende abaandu bamuyala buli isabato kasomwanga musinagogi.22Bieecha biabakheresia abarume nende abakofu nende likanisa lioosi, okhubalobola baandu okhurula akari wabwe okhubaruma Antiokia alala nende Paulo nende Baranaba, bali Yuda elira lindi mbwe Barisaba nende Sila, abaandu bakhongo akari wa bakherwa. 23Nibabandiikira chibarwa bari, abarume nende bakofu nende abakherwa babarumire makhesio abakherwa be siyunani mu Antiokia nende Shamu nende Kilikia.24Khubera khubulire mbwe abaandu barula mwefwe babanyasisie nende amakhuwa kabwe, nibakosia emioyo kieng'we, nibaboola mbwe, mukhoyere mukhebwe, manu mulinde amalako: abakhwali nikhurababeresie amakhuwa ako khaba. 25Karulolekhera amalayi, nikhwakhabukanane alala mulichoomo elala okhuruma abaandu balobole khu eng'we nende abakherwa befwe Baranaba nende Paulo.26Abaandu bara obulamu bwabwe mubundinyu khulwo kubeera eliira lia omwami wefwe Yeso Kirisito.27Bulanu khwakharuma Yuda nende Sila abachia okhubaboolera amakhuwa kene ako nende omunwa. 28 Khubera kalolekhe amalayi khu omwoyo mutakatifu nende khu efwe, mbwe khurabarakho omukuku arali kalia akakhoyere konga'ne. 29Bulanu mulekhane nende inyama eyirusibwe nga esiana khu minasaye kiebifwanani, nende amabanga, nende biindi ebiemikire, nende obuyirani nimulekhana nende ebio muchia okhola ebilayi mubeo.30Ne basebulwa khubwao, beecha Antiokia nibakhamala okhubusia omukanda kwa baandu omukhongo alala bamala nibababeresia ibarwa iria. Olwa basoma, basaangala khubera yababeresia omwoyo. 32Khandi Yuda nende Sila, khubera bali banabii bachia imberi okhubaberesia omwoyo nende amakhuwa amangi, khandi nibanarakho esibalikho33 Ne bali nibakhabayo khulwa bikha biyera bafukirirwa nende abakherwa khubwao mumulembe, bakalukha khu bala barume ababaruma. 34Arali biakheresia sila khumenya ao. 35Naye Paulo nende Baranaba beecha bamenya Antiokia nibekesia nende khuyaala likhuwa lia omwami nende bandi abaangi.36Lunyuma lwa chinyanga Paulo yaboolera Baranaba khuchie khandi khukendere abakherwa befwe mu buli lidookho lia khwayalamo elikhuwa lia omwami, khandi khulole nga bachiririra. 37Baranaba naye nakhalakao okhubukula Yokhana khandi owalangwa mbwe Mariko mbwe bachie ninaye. 38Arali Paulo yalola mbwe khasi nebilayi mbwe bachie ninaye, owabalekha khurula Pamfilia, manu khasi yachia ninabo khumirimo.39Manu obuyingani bukhongo bwali akari wabwe, khuula nga balekhana buli mulala nachia khulwaye; Baranaba yabukula Mariko, nibamala nibanina imeli khucha Kipro. 40Naye Paulo yalobola Sila, nibabwao, nalamirwa nende abakherwa mbwe aberesibwe bukosia bwa Nasaye. 41Manu nachia khubirira Shamu nende Kilikia niyemekha makanisa.
Chapter 16

1Lunyuma yeecha Deriba nende Lisito naye ao khwaliyo nende omweka mulala, olangwa mbwe Timoteo, omwana wa omukhasi muyaudi, owali yasubira; arali samwana yali muyunani. 2Abakherwa bali Lisitio nende Ikonio bamulomalomakho ebilayi. 3Paulo yadakha mbwe bachie ninaye, manu namala namukheba khulwokhubera Bayaundi bali mu chimbeka echio:boosi bamanya mbwe samwana yali muyunani.4Nga olwa babira mumadookho, bababeresia malako kalia akabisibwa nende barume nende abakofu abali Yerusalemu, mbwe bakadiire. 5Makanisa nikaberesibwa amaani mu busubiri, nabo nibemeeda inamba buli inyanga.6Nibakhamala khubira mu Frigia nende Galatia yoosi, bakanisibwa nende Omwoyo mutakatifu mbwe sibayaala elikhuwa mu Asia. 7Nibamala khuula Misia bateema okhuchia Bitinia; arali omwoyo mutakatifu khasi kwabafukirira khaba. 8Bulanu nga olwa babirira Misia beekha emwalo khuchia Toroa.9Amalolo nikamwichira Paulo, musiro; yamulola omuundu wa Makedonia niyemere, namusaba ari, yambukha wiiche Makedonia, orukhonye. 10Nga olwa yamala okhulola malolo mulwangu khwadakha okhuchia Makedonia, khubera khwapara mbwe omwami arulangire mbwe khuchie khubayaalire ifanjili .11Khulwesio khwarula Toroa, khubirira munyanja khwachia tiiri khwoola Samatra, inyanga yalondakho khwachia Neopolisi. 12 Okhurula ao khwola Filipi ebiri mbwe nilio lidookho likhongo mulubeka olwo olwa Makedonia, khandi lidookho lia Abaroma barukanga, manu mudookho omwo khwalimo chinyanga chichiririre. 13Kata inyanga ya sabato khwarula erwanyi we lidookho, nikhuchia khundulo wa omwalo, owa khwapaara mbwe baliwo abaandu bokhulamira, khwekhala asi, khwalomaloma nende abakhasi ababukanananga ao,14Naye omukhasi undi olangwa mbwe Lidia, owakusianga irangi injakhanyu owa lidookho lia Thiatira owaria Nasaye, yarurekeresia owa omwami yekulao omwoyo kwaye manu nalondana nende okhubulira aka Paulo yali nayalaanga. 15Nga olwa yamala khubatisibwa, omwene nende inyumba yaye, yarwekweda, naboola ari, nikali mbwe mumbwene mbwe ndi omwesikwa khumwami, mwingire munyumba mwange,narwekweda.16Lunyuma nga khwachia okhulama, omukhana undi omurumwa owalimo esikhieno sio bulakusi yarubukananira, naye yarereranga abayinda baye inganga inyiingi nga yalakulanga. 17Omukhana oyo yalonda Paulo nende efwe, niyayulanga, naboola abaandu bano ni bakholi ba Nasaye oli akulu, abaruyalira ingira ya obuwonia. 18Ne kano yakakhola chinyanga chinyingi, arali Paulo nga oluyasinyikha, yakalukhana niyalabira esikhieno, mbwe khulagira mulira lia Yeso Kirisito orule mukari mwaye , manu nisirula esikha esio.19Ne nga olwa bayiinda baye balola mbwe elinaya liabwe lia inganga libwereo, badiira Paulo nende Sila nibabakhwekhwesa khuula musiiro imberi wa bakhongo belidookho. 20Nibabarera imberi wo mukhalaki wemisango, nibaboola, abaandu bano, na Bayaudi ne bali okhurera indoboyo mubungi mulidookho liefwe. 21Khandi bali okhwekesia emima, ekirali mumalako mbwe efwe khunyole khufukirira kose okhulonda khubera efwe khuli Abaroma.22Manu omukanda omukhongo okwa baandu alala kwababukhirakho; nabo abakhalaki be misango bafwalula chingubo chiabwe, nibalagira mbwe Paulo nende Sila bakhuywe. 23 Nga olwa bali nibabakhuya chimbariki chinyiingi babara mumboyero, nibalagira abaliindi ba imboyero okhubaliinda bilayi. 24Omuliindi niyakhamala okhunyoola lilako elio, yabara mumboyero yomukari, nababoya amakulu nende minyororo.25Ne akari wesiro Paulo nende Sila bachaaka okhulaama nende okhwimba chinyimbo chia okhufumia Nasaye; kata baboye bandi bosi bababulira nibeemba. 26Mulwangu sa esialo siachaaka okhurengerekha, kata amakuru ka imboyero kachaaka okhudengeya; ne abwene ao emiliango kioosi ekia imboyero kiekukha, nakio eminyororo kia buli muboye kiabololokha.2825Arali okhurula khu banasialo bali okhusubira, khumalire okhwandika manu khufukirisanie mbwe beliinde nende bindu ebirusibwe omusango khubifwanani nende okhulia amabanga, nee okhulia abindu biemikire nende obuyeyi. 26Lunyuma Paulo yabukula abaandu abo, inyanga yalondakho yelabia nende abaandu abo abengira mulikanisa, okhumanyisia okhusirisibwa khwa inyanga ya okhwelabia, manu esianwa sirusibwe khu buli sia mulala wabwe.29Yamala nadakha chitara chirerwe, naruuma nakwa mukari mwa imboyero, yali narengerekhanga , yamala nakwa asi mumakulu ka Paulo nende Sila . 30Nabarusia erwanyi naboola abaami khole sina khunyoole obuwonia?. 31Nabo nibamubolera, subira mu mwami Yeso Kirisito, nawe ochia khuwonibwa, nende inyumba yao.32Khandi bamulomalomera elikhuwa liamomwami, nende khu balia boosi abali munyumba mwaye. 33Yamala nababukula mu bikha ebio bia musiro, nabapangusia obukhuye, namala nababatisia, omwene nende abaandu baye boosi. 34Nga olwa yali niyakhabarera munyumba yaye, nababeresia esiokhulia khandi nasangala okhusubira mu Nasaye alala nende inyumba yaye.35Bulanu nga olwabwakhia abakhalaki abe misango babaruma abakhongo babalinde, nibaboola bari, mulekhe abaandu abo babweo. 36Khandi ula omulindi wa imboyero yaboolera Paulo kano, mbwe abakhalaki be misango bakharuma elikhuwa mbwe khubalekhule mubweo; bulanu muchaka lukendo, mani muchie nende omulembe.37Arali Paulo yababoolera mbwe, barukhuyire imberi wa baandu abaroma abarali nobubi, khandi barufungire mumboyero. Bulanu badakha khururusia mubwefiso? khasi binyalikhana lekha abeene beeche barurusie. 38Manu abakhongo babalindi bachia baboolera abakhalaki be misango makhuwa kano ; nibaria, nga babulira mbwe bali Abaroma. 39Bamala nibeecha nibabekweeda nibabarusia erwanyi, babasaba barule mudookho.40Bamala nibarula mumboyero, manu nibengira munyumba ya Lidia; nga bamala okhulolana nende bakherwa, bababeresia omwoyo, nibamala nibabwao.
Chapter 17

1Bulanu nibakhamala khubira akari Amfipoli nende Apollonia boola Thesalonika owa khwali nende isinagogi ya Bayaundi. 2Naye Paulo nga olwa ali yamala, yabachira, manu khulwa chinyanga chidaru cha isabato balingala mu mandiiko niyeka nabo.3Niyekulao mandiiko manu nababoolera mbwe, biamukhoyera Kirisito khusandisibwa, nende khubukha khurula mubafu, khandi mbwe Yeso uno, owa ndi khubayaalira ni kirisito. 4Manu baandi khunibo basubira, nibambana nende Paulo nende Sila Abayunani bali basubira Nasaye, abaangi muno, kata nende abakhasi ba bweyango bukhongo boosi.5Abayaudi barasubira, badiirwa nende ikhiinda, babukula abaandu abamanu abarali nende ifuma indayi, manu nibebusia nibaakhola indoboyo mulidookho, nibachia okhwingirira inyumba ya Yasoni nibadakha okhubadiira okhubayira imberi wa baadu. 6Nga olwabakhaya okhubanyola bakhwesa Yasoni nende bakherwa bandi nibabaira khu bakhongo ba lidookho, nibaboola bari abaandu bano abakalukhanie sialo, bechere ano woosi. 7Naye Yasoni yabengisia omwaye;arali abaandu bano bakholanga ebiindu ebiingania amalako ka Kaisairi nibaboola mbwe alio omuruki undi, olangwa mbwe Yeso.8Manu nibasindusia omukhung'ano nende abakhongo be lidookho, nga olwa babulira amakhuwa kano. 9Ne nga barusiayo abalindi ba Yasoni, nende abaasie babarekhula khubwao.10Mulwangu abakherwa bamala nibabasebula Paulo nende Sila musiro okhuchia Beroya nga boola bengira musinagogi esia Bayaudi. 11Abaandu bano bali abalayi okhira aba Thesalonike, ao bengisia elikhuwa mu burekerefu bwa maparo kabwe, manu nibakonyeresia mumandiiko buli inyanga, nikali mbwe akandikisibwa kadieri. 12Khulwa ako abaangi babwe beecha basubira, kata nende abakhasi ba oluyali ababayaunani, nende abasaacha baangi.13Arali nga Bayaudi ba Thesalonika beecha bamanya mbwe elikhuwa lia Nasaye liyaalwa nende Paulo Beroya, boosi bachiayo manu nibanyasia nende khusakula omukhung'ano. 14Ne mulwangu abakherwa basebula Paulo mbwe achie khu nyanja, arali Sila nende Timotheo badong'a nibachiririra okhumenya eyo. 15Nabo abamugoba Paulo Anthenes bamala banyoola omulango, mbwe Sila nende Timotheo bachie baambane naye mulwangu, bamala nibamulonda.16Bulanu Paulo nga yali nabalindire Athene, omwoyo kwa Paulo kwanyasibwa, nga olwayalola mbwe lidookho lioosi liali asi wa minasaye kia bifwanani. 17Khubera ako Paulo yeeka nende bayaudi nende bandi balia abaria Nasaye, kata musiro, nende bala babukanananga ninaye.18Abasomi baandi, ba Bipikureo nende Bistoiko bamudinyisia baandi Nibaboola omukoyani uno yenya khuboola sina?"abonekhana nga omulandasi wa bansaye bakeni,okhuba yabayalira Yeso nende obulamukhi19Nibamudiira nibamuiraa imberi wa Areopago nibamureba bari, khunyala khwamanyakho amekesio mayakha kano; akawekesianga esiakekesia? 20khubera oreranga amakhuwa makeni mu marwi kefwe; bulanu khudakha khumanya mbwe makhuwa kano kekesia sina. 21Khubera abaandu ba Athene nende abakeni bali mu madookho omwo khasi bakholangakho sindu sindi siosi, arali okhulomaloma , kose okhubulira esindu sindi sikeni,22Paulo yamala niyema akari wa Areopago, naboola eng'we abaandu ba Athene,mbona mbwe mumakhuwa koosi muli abaandu bokhudiririra idini. 23Khubera nga mbirire nimala nindola bindu bia mulamanga, nyolere obwali nende amandiiko kano KHU NASAYE ORAMANYIKHANE. Bulanu niye owamulamanga, esie bulanu bayaalira oyo owamulamanga nikhasi mumumanyire.24Nasaye ulia owalonga esialo nende abindu bioosi birimo, naye omwami wa likulu nende esialo samenyanga mu kanisa liombakhwa nende mikhono. 25Khandi sakholerwanga nende mikhono kia baandu kori ulia odakha sindu siosi siosi, khubera niye oberesianianga obulamu khu bindu bioosi, emiuya nende buli siindu.26Khandi khurula mumabanga ka omuundu mulala abaandu ba bialo okhumenya ebweni wa esialo, niyakhamala okhubarerao ebikha ebiayalakirisia , nende okhubarerao chinjakho echia obumenyo bwabwe. 27Mbwe munyoole okhumukonya omwami kata nikali mbwe ni muingira ya khubabasia , bamunyole bamulole, kata kario siabechanga aale nende buli sia mulala.28Okhubera mu niye khumenyanga, khandi khukenda khandi khuli nende bunamundu bwefwe, kori olwa abalala khu abembi beng'we baboola, khubera fwesi khuli olwibulo lwaye. 29Nga bulanu khuli lwibulo lwa Nasaye, sikenyekha khupare mbwe obu Nasaye buli kori idakhabu, kose isende kose likina, ebibaachwa nende omukhono kwo muundu30Mbwadieri chinyanga chia obusiru Nasaye yekhola kori oralola , arali bulano alakirisia buli omuundu buli abuundu woosi yekanire. 31Khulwa khubera yalobola inyanga, eyachia okhukhalakira esialo mubulungifu khubirira mu muundu .Owa yalobola khu baandu boosi, mu ingeri ya okhumulamusia okhurula mubafu.32Nga babulira okhulondana nende okhulamukha khwa bafu bandi baleka; naye bandi baboola, khunabulirakho khandi khulondana nende amakhuwa ako. 33Kario Paulo yabarulamo nabwao. 34Mubaandu abo abandi bachia badirana naye manu nibasubira; abasubira ninabo bali Donsio, Mwareopago, nende omukhasi mulala elira liaye mbwe Damari, nende abaandu bandi alala nabo.
Chapter 18

1Lunyuma lwa makhuwa kano, Paulo yarula Athene mani niyoola Korintho. 2Yamala nanyoola omuyaudi undi olangwa mbwe Akila omwibulanwa wa Ponto, yali ambi ao narulire Italia nende omukhasi waye Purisila, (khubera mbwe Kilaudia yali nakhengere mbwe Abayaudi boosi barule Roma babweo) naye Paulo yamala nachia owabali. 3Khubera bakholanga emirimo kifwanana, Paulo yachia yamenya nabo, nibakholera emirimo alala; emirimo kiabwe kiali okhureresia amayema.4Manu buli inyanga ya sabato yaingananga ninabo musinagogi niyekweeda Abayaudi nende Abayunani. 5Bulanu nga olwa Sila nende Timoteo becha nibarula Makedonia, Paulo yanyaisbwa mumwoyo, namala nabarusiria obuloli mbwe Yeso niye Kirisito. 6Ne nga baingana naye, nende okhumunyeka Nasaye , Paulo yasisimula chingubo chiaye, namala nababoolera ari, amabaanga keng'we kabe khu mirwe kieng'we; esie mbulakho esiibi dawe; bulanu buri njia khu Banasialo.7Narula nachia munyumba ya omuundu undi, elira liaye mbwe Yusto, owamulamanga Nasaye, owa inyumba yali ambi nende Isinagogi. 8Naye Kirisipo, omuruki omukhongo wa isinagogi, yeecha yamusubira omwami nende inyumba yaye yoosi, mani nga Bakorintho baangi babulira boosi basubira, manu nibabatisibwa.9Lunyuma lwa ako omwami yalomaloma nende Paulo musiro khubirira mumalolo ari, oraria, arali lomaloma, khandi arabulera khaba. 10Okhubeera ndi ninawe, ne aumao omuundu ochia okhwicha okhukhuumsia; okhubeera ndi nende abaandu baangi mulidookho omwo 11Paulo yamenyayo khulwa omwaka mulala nende emiosi kisasaba, niyekesia elikhuwa lia Nasaye akarikari wabwe.12Nga olwa Galio yali omukhongo, omudiidi wa Akaya, Abayaudi bakhung'ana okhumukhoba Paulo,manu nibamudira nibamurera okhumukhalakira omusango. 13Baboola bali omuundu uno ali okhubooleranga baandu mbwe bamulame Nasaye muyingeri irali mumalako dawe.14Bulanu Paulo nga olwa yali nadakha khuchaka khulomaloma, Galio yaboolera Bayaudi ari, nikali mbwe liakhabere elikhuwa libi kose elia obukhubakhubania, eng'we Bayaudi, biakhabere biadieri esie okhufukirisania nang'we. 15Ne nikali mbwe nebifune bia amakhuwa nende amera, nende ebia amalako keng'we, mukalingeremo eng'we beene; khubeera sindakha okhuba omukhalaki wa makhuwa ako dawe.16Namala naberukhania khurula imberi owa sisala sia obukhalaki. 17Abayunani boosi bamala nibamudira basositene, omuruki omukhongo wa isinagogi, bqmukhuya nibamuira imbeli wa sisala sia obukhalaki;. Ne kata Galio khasi yadeba okhukholakho siindu sioosi dawe.18Lunyuma Paulo yeecha yamenyakho ao bikha biingi, namala nasebulana nende abakheerwa nanina imeli okhuchia Shamu, yali nende Priska nende Akila, nga olwa yali yakhamala okhubeka omurwe kwaye ela Kenkera khubera yali yarao lilakano elio. 19Boola efeso namala nabalekha ao; naye omwene yengira musinagogi, nakheberesia maandiiko nende Abayaudi.20Nga olwa benya mbwe achiririre okhumenya nabo khulwa ebikha biraambi khasi Yafukirira , 21Arali yabasebula, naboola ari; Ne khandi ndakalukha mbe nang'we, Nasaye nakhera. Namala nanina imeli nabwao okhurula Efeso.22Nga olwayola Kaisaria , yanina akulu, nakhesia likanisa, namala nachia emwalo Antiokia. 23Nga lwa yamala ebikha nabulebe eyo,yabwao, nabirira mubungi obwa musialo sia Galatia nende Frigia lidookho khu lidookho, nabombakha abeeka mubusubiri,24Ne Omuyaudi owalangwa mbwe Apolo, owebulwa Isikanderia, omuundu wamakesi, khandi owamanya amandiiko yeecha Efeso. 25Omuundu uno yekesebwa ingira ya Omwami; bulanu khubeera omwoyo kwaye kwali nende elikhuwa lia Nasaye, yalomaloma nende okhwekesia mubwakhakhu elikhuwa liomwami, naye yali yamanya sa ebatisia lia Yokhana. 26Apolo yamala nachaaka okhulolmaloma nende ichwoni musinagogi nga Akila nende Prisila bali nibakhamubulira, bamubukuula nibachia naye owabwe, nibamwekesi ingira ya Nasaye mubukololofu.27Nga olwa yadakha okhwambukha okhuchia Akaya abakheerwa bandiika ibarwa,nibabasaba mbwe bamwingisie ; nga olwa yolayo , yakhoonya lukali balia abali nibasuubire khubirira mubukoosia. 28Khubeera musinani yabakaya Abayaudi imberi wabaandu, okhubirira mumaandiko mbwe Yeso niye Kirisito
Chapter 19

1Bulanu nga Apola yali Korintho, Paulo niyakhabirira emika bie mukulu yeecha Efeso; yanyolayo abeeka . 2Yabareba, "mwanyola omwoyo mutakatifu khurula nga mwasubira? " Nabo bamukalusia, kata khusiri okhubulirakho mbwe omwoyo mutakatifu kuliwo.3Ne khandi yabareba bulanu mwabatisibwa khumbatisia sina?, nabo bamukalusia mubatisia lia Yokhana. 4Lunyuma Paulo yababoolera ari Yokhana yabatisia libatisia lia okhwekaninra, yaboleranga abaandu mbwe bakhoyera okhusubira mu ulia ochia khwicha inyuma waye, oli mbwe ni Kirisito Yeso.5Ne olwababulira kano babatisibwa mu lira lia omwami Yeso. 6Ne nga olwa Paulo yabarakho amakhono, omwoyo mutakatifu kwabeechakho bamala nibachaaka okhulomaloma muchinimi nende khurusia obunabii. 7Ne abaandu abo bali ambi wa ekhumi nende babiri.8Yamala nachia musinagogi, nalomaloma nende ichwoni khulwa emiosi kidaru, nayingana nende okhwekweda abaandu mubindu bilondana nende obwami bwa Nasaye. 9Arali abaandu bakhaya, nibarasubira dawe, nibachaka okhulomaloma bibibi khu ingira ino eya obwami bwa Nasaye imberi wa omukanda, Paulo yecha yabalekha nabarulakho, namala niyekabula khubeka, nibaingana bulinyanga nende abaandu mu lisomero lia omundu mulala owalangwa mbwe Tirano. 10Kano kachirira khulwa emiaka kibiri, khubera mbwe bala boosi abali bamenya mu Asia babulira likhuwa lia Omwami Yeso Abayaudi nende Abayunani.11Manu Nasaye nakhola akamangalimwa akabira sikero khubirira mumakhono ka Paulo. 12Khubera kata chingubo nende ebitambaya biarulanga khumubiri kwa Paulo nibara khubalwaye, amalwaye kabarulangamo, khandi ebikhieno biosi biabarulangamo.13Abayaudi bandi abakenda kendanga, nibarusia ebikhieno, bachira abaandu bali nende ebikhieno nibatema okhurusia bikhieno mulira lia Omwami Yeso nibaboola, khubalagira mulira lia Yeso wa Paulo ayaalanga. 14Ne bariwo abaana saba aba omundu mulala owalangwa mbwe Sikeba, omuyaudi, owali omukhongo wa abakhulundu, abakholanga bario.15Ebikhieno nabio biakalusia nibiboola, "Yeso khumumanyire, khandi Paulo khumumanyire; Arali eng'we nang'we muli wiina?" 16Omuundu walimo bikhieno yabarumirakho nabayekhera, nabakhira, amaani niberukha khurula munyumba nibali siekenye nende nibanyaalikhe emibiri. 17Kano kecha kamanyikhana khu Abayaudi nende Abayunani boosi abali nibamenya Efeso; manu oburi nibubadira boosi, manu lira lia Omwami Yeso liakingulwa.18Balia abasubira becha, bafukirira chimbi chiabwe, nibalolesia bikhole biabwe. 19Abangi khubala abakhola bulakusi barera ebitabo biabwe alala , nibabisamba imberi wa baandu boosi; becha babusia alala obukusi bwa bindu ebio nibanyola mbwe chali echisilingi chilifu makhumi karano. 20 Manu mubukhongo muno elikhuwa lia Nasaye liakhula nilichia ale.21Kano nikakhola siakamo, Paulo yakhengao mumwoyo kwaye niyakhabira musialo sia Makedonia nende Akaya okhuchia Yerusalamu naboola ari, nindakhamala okhuba eyo, khoyekhere ndole khandi Roma. 22Yamala nabaruma Makedonia babiri khu bala abamukholeranga, Timoteo nende Rasto arali Paulo mwene, yadonga Asia khulwa ebikha bidiidi.23Mubikha sa ebio khwarulirao indoboyo ikhongo khulondana nende ingira eyo. 24 Khubera omuundu undi olwangwa mbwe Demetiro omusambiriri we bichuma, owareresianga alutari chia Aritemi yareranga inganga ikhongo khu bareresi ba bindu bia ebichuma. 25Yalanga alala abareresi abo nende boosi abakholanga emirimo kifwanana nende ekiaye, namala nababoolera abami, mumanyire mbwe obuyinda bwefwe burulanga mumirimo kino.26Khandi mubuliranga mbwe, khasi kali mbwe ni Efeso ano wong'ane khaba, arali ambi Asia yoosi, Paulo uno amalire okhwekweda baandu bangi nibarurulakho nabola mbwe eminasaye kikasibwa nende amakhono khasi ne minasaye. 27Bulanu sikalisa mbwe emirimo kiefwe kino kiri mubudinyu bwo khulekhwa, arali kata inyumba ya kunasaye kwefwe kukhongo okwe sikhasi Artemi icha okhulekwa, alala nende sironyo siayo.28Ne olwa bamala okhubulira kano, bechulamo lirima, nibayokera, nibaboola, omukhongo niye Artemi owa Efeso. 29Manu elidokho lioosi liechulamo indoboyo ; manu nga olwa badira Gayo nende Aristariko, abaandu ba Makedonia, abali nende Paulo mulukendo, bachia ninabo mulwangu musiguuri sia mibayo mungeri yo bulala.30Bulanu Paulo nga yadakha okhwingira akari wa baandu, abeka bamukaira okhwingira . 31 Ne abandi khu bakhongo ba Asia , abali abeecha baye baruma abaandu khu Paulo, nibamusaba mbwe yesi arengira musiguuri sia mibayo dawe. 32Bulanu abaandu bandi bayokera nibaboola kano, khandi bandi bosi bayokera nibaboola kandi, khubera omukanda okwo kwabula khubulirisania. manu obungi babwe khasi becha bamanya esiali sikerere bebusie ao.33Becha barusia Alekisanda erwanyi wo mukanda Abayaudi nibamaala imberi wa bandu, Alekisanda mu ngira yokhukingula mukhono, yadakha mbwe alomelome yerusie mumusango nali imberi wa baandu 34Ne becha bamanya mbwe yali omuyaudi,boosi mudoboosi, ndala mubikha bia masa kabiri, bayula mbwe omukhongo niyeb Artemi wa Baefeso.35Bulanu nga omwandiki wa lidookho yeecha nabuleresia abaandu, Paulo yaboola eng'we baandu ba Efeso, ni muundu sina oliwo okorerwe kori elidookho lia Baefeso mulamanga khu nasaye kukhongo kwe sikhasi okulangwa mbwe Artemi, nende esifwanani esiakwa asi khurula akulu mwikulu. 36Bulanu khubera mbwe amakhuwa kano khasi kanyala okhukaira, bulanu kenyekhana mubulere, Manu mukhaye okhola biindu mulwangu lwangu.37Khulwo khubeera murerere abaandu bano ababeeba muchikhekalu okhunyeka nasaye weng'we .38Nikali mbwe Demetiro, nende abasie bo khu sambirira bindu bia bichuma abali naye, nibali nende imboosi nende omuundu yesi yesi, khuli nende, malako, khandi khuli nende bakhongo balondakho bakhole misango. 39Arali nikali munakonyeresia elikhuwa liosi liosi mumakhuwa kandi, ako kanamalirwa mulukhikho lwa malako. khubeera khuli mubudinyu bwa khuba40 mumusango khulwa indoboyo ya inyanga ino; nikalimbwe inabula esikera khunarungira likobi. Nga olwa yamala okhulomaloma yafunaka omukanda kwali kwebusisie.
Chapter 20

1Bulanu nga oluyoka olwo lwabwa, Paulo yalanga abeeka nabadinyia emioyo, namala nabwao ochia Makedonia. 2Nga yamala okhukenda muchimbeka echio chioosi, nende okhubadinyia emioyo mumakhuwa maangi, yachia mu Buyunani. 3Ebwene eyo yamenyayo emiosi kidaru. Nabo Abayaudi bali nibamukhobere nibamulindire, nga olwa yali nadakha okhuchia nende imeli Shamu, bulanu yakhengao khukalukha okhubirira Makedonia.4Abaandu bano bachia ninaye,mu Asia Sapatro mwana wa Piro owa bereya ne aba Tesolonike, Aristariko; nende Sakundu, Gayo wa Dabi nende Timoteo yesi, Tikiko nende Trofino aba Asia . 5Abaandu bano bachia imberi wefwe manu nibarulindira Torao 6Omukholo kwe echinyanga chia emigaati kibulakho limera nikwakhabwa, khwachaka olukendo okhubirira mumachi nikhurula Filipi nikhuchia owabali Toroa muchinyanga chirano; nikhumala nabo ao chinyanga saba.7Khu inyanga ya mberi ya idominika, kori abeeka becha alala okhulia omugaati, Paulo yabayaalira niyerekekhe okhubwao inyanga yalondakho, manu yachiririra okhuyaala okhuula akari we esiro. 8Ne musigoro sia akulu khwali nende matara mangi, omwa abaandu bali, bakhung'anire alala.9Omuraaga mulala owalangwa mbwe Eutiko, yali neyekhale khulidirisa yadiirwa nende chidoolo chinyingi, bulanu nga Paulo yachiririra okhuyaala yebira muchidoolo lukali, manu nakwa asi khurula akulu khu gorofa yakhadaru, nibamukinga ao namalire okhufwa. 10Paulo yeekha asi, namukwakho,namafumalira naboola ari, murareera oluyoka khaba, khubeera asiri ali nende obulamu bwaye.11Yamala nanina akulu khandi nafunaka mugaati khandi nalia , nachiririra okhulomaloma nabo khulwa ebikha biraambi, nga bwola mumabwibwi, namala na abwao. 12Bamala bamureera omuraaga oyo nali omulamu, manu nibadinyisibwa lukali.13Khwamala khwarangirira khuchia mu imeli nikhudiira olukendo khuchia Aso, nikhuli nende lichomo mbwe eyo niye owa khwarekekha Paulo; khubera niye owali naloboole nibimukheresie khuchiayo, nakenda nende makulu. 14 Nga olwayarubukana Aso, nikhumura mumeli, manu nikhumala nikhuula Mitilene.15Manu khwachaaka lukendo khurula eyo, inyanga ilondakho khwola Samo, nikhwikhala Trogilio inyanga yalondakho khwola Mitelo. 16khubeera Paulo yali nende lichoomo lio khubira Efeso nende imeli, mbwe areecha yakhinda Asia; khubera yakholanga lwangu, mbwe nanyalirwa abe Yerusalemu inyanga ya Pendekosti.17 Niyakharula Miteto Paulo yaruma abaandu khuchia Efeso, nibalanga abakofu belikanisa. 18Ne nga olwa beecha owa Paulo yali yababoolera, mumanyire, khurula inyanga yamberi yandechera mu Asia, nga olwandakhaba nang'we mubikha biosi. 19Nikholeranga omwami mubweocherefu bwoosi,nende mumasika mangi, nende mukhutemwa, ebianyola khubirira mukhukhobwa nende Bayaudi. 20Khasi ndakisakho siindu siosi siosi esiali esia inganga khweng'we, arali ndabayalira khandi ndabekesia mubwakhakhu, khandi khurula khunyumba khuchia khu yiindi. 21Nindusia obuloli khuBayaudi nende Bayunani boosi, okhwekanira khu Nasaye, nende busubiri khu Omwami Yeso Kirisito.22Bulanu, lingala mbano njia ninyimirirwe nende rokho mu Yerusalemu, ningorerwe amakhuwa kachia okhundekholehakho eyo. 23Arali rokho mutakatifu arusianga buloli mu buli lidookho, ebiboye nende isando binindire eyo. 24Kata kario siumao khu biindu ebio bioosi esisiindusia, kata simbalanga obulamu bwange khuba esiindu sia obukusi mbwe nyole okhumala lukendo lwange nende obusangafu, nende obukholi, obwandanyola khu omwami Yeso, mbwe nyole okhulolera ifanjili ya obukoosia bwa Nasaye .25Bulanu lola manyire eng'we mweesi, abandechera nibayaalira obwami bwa Nasaye, khasi muchia okhulolakho obweni bwange khandi. 26Bulanu mbarusiria obuloli mbwe kaumao amabanga ka omundu yesi yesi akulu wange. 27Khubera khasi ndakhayakho okhubaboolera amachoomo ka Nasaye koosi.28Bulanu mwekenderesie eng'we bene, nende omukanda kwoosi, ebia rokho mutakatifu yabakhola okhuba abaayi, mbwe mulisie likanisa lia Nasaye, elia yakula nende amabanga kaye omwene. 29Khubeera manyire kano, mbwe nindakhamala khurula ebisuje bilulu biakhabengiremo, manu khasi biakhalolere esisa eliicho. 30kata mu eng'we abeene bakharulemo abaandu abakhabole amakhuwa kobukori, bakhabakhwese abeeka babaloonde.31Bulanu mube meso, khandi mwichulisie, mbwe mubweyango bwemiaka kidaru mukhulira amasika khasi ndakhayakho okhubalabula buli sia mulala esiro nende sidere. 32Bulanu , abakheerwa mbara mumakhono ka Nasaye, nende mulikhuwa lia obukoosia bwaye,eliri nende obunyala bwa okhubombakha, nende okhubaberesia obulaame akari wa balia abalabisibwa.33Khasi ndekombakho echisende, kose idakhabu kose ingubo eyomundu yesi yesi . 34Eng'we mumanyire bene mbwe amakhono kange kano niko kakhakholeranga amenya kange, mwene nende bala boosi abali nange. 35Esia ndabekesia mbwe mumakhuwa koosi mukhoyere okhukhola emirimo munyole` okhukhoonya abadekhere, nende okhwichulisia amakhuwa ka omwami Yeso, kori olwayaboola ari, birimo chikhabi mubungi mukhuberesia okhukhira okhubukula.36Manu nga yamala khulomaloma, yasigama asi nalaama ninabo boosi.
38Nibabeerera muno khulwa amakhuwa kala aka yali nalomalome, mbwe khandi khasi bachia okhulolakho obweni bwaye khaba. Bamala nibachia ninaye owa imeli yali.
Chapter 21

1Biecha biaba mbwe, nga khwecha khwalekhana ninabo khwanina eliaro manu nikhuula koosi, inyanga yalondakho khwoola Rode , nikhwarula ao khwola Patara 2Khwanyolayo imeli yali yambukha okhuchia Foinike khwengiramo nikhuchaka lukendo.3Nga olwa khwalola Kipro, khwailekha elubeka wa omukhono mukhasi, nikhudira olukendo okhuchia Shamu, nikhwikha Tiro: khubera ao imeli yali idakha okhwikhia emikuku. 4Nga khwanyola abeeka khwamenya ao chinyanga saba; Abeeka abo baboolera Paulo khubirira mu rokho omutakatifu, mbwe araniina yachia Yerusalmeu khaba.5Manu nga olwakhwamalayo chinyanga echio, khwabwao; nende abakhasi nende abaana khuula nga khwachia erwanyi wa elidookho; manu nikhumala nikhusigama asi khundulo we inyanja, nikhulaama. 6Ne nga khwamala okhusebulana ninabo, khwaniina imeli, nabo khandi nibakalukha ingo,7Bulanu nga khwamala olukendo lwefwe okhurula Tiro khwecha Tolemai, khwakhesania nende abakheerwa, manu nikhumenya ninabo inyanga ndala. 8Inyanga yalondakho efwe abali mumukanda kwa Paulo khwabwao, nikhuula Kaisaria; khwamala khwengira munyumba ya Philipo omwinjilisiti, owali omulala khu bayaali saba, khandi khwamenya naye . 9Omuundu mwene oyo yali nende abaana baye bakhaana bane abasisira, abakholaanga obunabii.10Bulanu nga khwachiririra okhumenya eyo chinyanga chinyingi, omuundu yeecha okhurula Yudea omunabii, owalangwa mbwe Agabo. 11Manu nga olwayecha owakhwali yabukula olukhoba lwomusibuno olwa Paulo, niyeboya omwene amakhono kaye nende amakulu, naboola mbwe, bulanu rokho mutakatifu,aboola mbwe, Abayaudi ba Yerusalemu bachia okhuboya omwene olukhoba luno , nibakhamala banamuyira mumakhono ka banasialo.12Manu nga olwakhwabulira amakhuwa kano, efwe nende aba olukongo olwo, bamwekweeda mbwe arachia Yerusalemu dawe. 13Paulo naye yabakalusia, mukhola sina esio okhulira nende okhufwisia omwoyo? khubera ndi omwerekekhe, sikali sa mbwe okhubaria abamboya, arali nende okhufwira Yerusalemu khulwa eliira lia omwami Yeso. 14Bulanu nga olwakhwamwekweeda nakhaya, khwalekha, nikhuboola khuri, elienya lia Nasaye liekholekhe.15Lunyuma lwe chinyanga echio khwabukula emikuku kiefwe, nikhuniina okhuchia Yerusalemu. 16Abeeka ba Kaisaria bandi bosi bachia nafwe, bamubukula Mnasoni wa Kipro, owali omweka mukhale, owakhwali mbwe khuchia okhumenya owaye.17Nga khwola Yerusalemu, abakheerwa boola barwingisia ebilayi. 18Inyanga yalondakho Paulo yachia ninaafwe owa Yakobo; manu abakofu bosi baliwo. 19Bulanu nga olwa yabakheesia, yamala nababoolera amakhuwa koosi aka Nasaye yali nakholere, mubukholi bwaye akari wa banasialo.20Manu nga olwababulira ako, baberesia omwami oluyali, nibaboolera Paulo mbwe lole ,omukheerwa ni chilifu chinga echia Bayaudi eyo echisubiire, ne khandi kata kario boosi badira amalako. 21Khandi bamala khuboolerwa okhulondana nawe, mbwe, wekesianga Abayaudi boosi abasasana nende Abanasialo mbwe balekhe Musa, nobolangaa mbwe khasi bakhoyere okhukheba abaana babwe, kata barakendera mumilukha kiabwe khaba.22 Bulanu nisina? biri mbwe banabulira mbwe wichire. 23Bulanu khola kano akakhuboolera, baliwo abaandu bane ababoywa nende elilakano. 24Babukule, manu welabie alala nabo, manu okinge obukusi, bwokhubeka emirwe kiabwe, mbwe abaandu boosi banyoole okhumanya mbwe amakhuwa koosi, akababoolerwa okhulondana nawe, khasi nesindu dawe, arali ewe mwene okendanga bilayi, khandi wadiira amalako .25Arali okhurula khu banasialo bali okhusubira, khumalire okhwandika manu khufukirisanie mbwe beliinde nende bindu ebirusibwe omusango khubifwanani nende okhulia amabanga, nende okhulia abindu biemikire nende obuyeyi. 26Lunyuma Paulo yabukula abaandu abo, inyanga yalondakho yelabia nende abaandu abo abengira mulikanisa, okhumanyisia okhusirisibwa khwa inyanga ya okhwelabia, manu esianwa sirusibwe khu buli sia mulala wabwe.27Bulanu chinyanga saba nga chiali nichili ambi okhubwa, Abayaudi abarula Akaya, nga bamulola Paulo mukanisa, bachubia abaandu boosi, nibamudira.
29(Khubera bali nibambwene ninaye mulodookho nali nende Trofino mwefeso owabaparirisia mbwe Paulo yali namurerere mukanisa).30Manu lidookho liosi nilibukha, abaandu boosi niberukhira alala nibachia nibamudira Paulo, nibamala bamurusia mukanisa manu mulwangu bekalao emiliango. 31Kori olwabali nibakonyanga khumwira, amakhuwa kamuulira omukhongo we simeka silala sia basikari mbwe Yerusalemu yoosi yali muluyoka.32Nga yabukula abasikari nende abakhongo babwe, niberukha khuchia asi owabali, nga olwabalola omukhongo wa basikari nende abasikari, balekha okhukhuya Paulo. 33Lunyuma omukhongo yasuda ambi namubukula nalagira bamuboye nende eminyororo kibiri, nareba mbwe Paulo yali wina, khandi akholere sina?.34Bulanu bandi bayula nibaboola kano, abandi nibaboola kandi, akari wa omukanda; bulanu nga yakhaya okhunyola obwadieri bwo luyoka,, yakhalakao mbwe bamukinge bamuyire musiumbakhe. 35Nga bamuusia khumuniniro kweinyumba, abasikari bamubukula okhubera obwalaba buomukanda kwa abaandu. 36Okhubeera omukanda kwa baandu kwali nikumulondanga , nibayula bari,mumumaleo.37Nga olwa Paulo yali niyengisibwa, yaboolera omukhongo wa basikari ari, nyala okhulomalomakho nawe? naye namureeba, omanyire Luyunani? 38Ewe khasi newe omumisiri, ulia owa chinyanga chino nichisiri okhuula owarera oluyoka nende obukhayi, manu niwimirira abaandu okhubengisia musichiimi abaandu chilifi chine abali abeeri?39Arali Paulo yaboola ari, esie ndi omuundu omuyaudi okhurula Taso, elidookho lia kilikia, omwibulanwa wa eliodokho lirali lidekhere, bulanu khwekweeda, onjamire nomanome nende abaandu. 40Manu nga olwa yamufukirira khulomaloma, Paulo yasingira niyeema nabakingulira omukhono. Nga obabuleesi,yalomaloma nabo mulweburania, naboola,
Chapter 22

1baandu eng'we , bakheerwa nende ababa, mubulire okhwekaya khwange imberi weng'we. 2Nga babulira nalomaloma nabo mululimi lwabaeburania, babuleera chi naye naboola.3Esie ndi muyaudi,ndebulwa Tariso, elidookho liri mu Kilikia, arali ndakhusibwa mulidookho lino asi wa makulu ka Gamalieli, ninjekesebwa ebilayi amalako aka baseefwe, khandi ndali nderusia khu Nasaye, kori olwa mwesi muli inyanga ino. 4khandi ndasandia abasacha nende abakhasi abeingira ino okhuula muliifwa, nimbaboya nende okhubayira mumboyero. 5Kori kata omukukhani mukhongo anyala okhurusia obuloli, nende abakofu bolukhikho bosi, aba ndanyoolangakho chibarwa okhubayirira abakheerwa Damasiki , mbwe barere balia abali Yerusalamu, abali niba boyerwe mbwe banyoole okhuberesebwa sinyaasio6Bulanu biecha biaba mbwe, nga ndali nindi khungira nindi ambi okhuula Dameski ebikha bia esideere, mwikhwichukhana obulafu bukhongo okhurula mwikulu bwadukha nibumbodokhana. 7Ndamala ningwa asi, ndabulira idoboosi ni imboolera Sauli Sauli, khulwa sina oli okhusaandia?. 8Nange ndakalusia, newe wina omwami? Naye namboolera ari nesia Yeso wa Nasareti owa osandianga.9Kata balia abali nange boosi balola obulafu, manu nibaria; arali khasibabulira idoboosi ya ulia owalomaloma nasie. 10Ndamala nindeeba, khole sina omwami? Omwami nambolera, singira manu ochie Damaski, mani ebwene eyo ochia okhubolerwa amakhuwa koosi akokwanirwa okhukhola. 11Bulanu nga olwa ndali nindaranyala khulola okhubera oluyali lwa obulafu bulia ndadirwa omukhono nende balia aba ndali nabo, ndola Damaski12Omuundu mulala owalangwa mbwe, Anania omulobole werusia okhulonda amalako , awali nende obuloli bulayi khu Bayaudi boosi abamenya eyo. 13Yeecha owa ndali, mani niyema namboolera, omusiani wefwe Sauli, nyoola okhulola khwao, manu musikha siene esio ndalinga akulu nimulola.14Yamala naboola, Nasaye wa baba befwe akhuloboole ewe, mbwe onyoole okhumanya elienya liaye, khandi mbwe olole ulia omulungikhi, mbwe khandi onyoole okhubulira idoboosi ya omunwa waye. 15Khubera ochia okhuba omulolera waye khubaandu boosi khulwa kalia akawalola nende okhubulira. 16Bulanu okhindanga sina? singira onyoole khubatisibwa, woosie echimbi chao mukhulanga elira liomwami.17Bulanu biecha biaba mbwe nga ndachia khandi Yerusalemu, kata nga ndali ninaama mulikanisa, ndali mungeri yomwoyo mutakatifu olumbuchu lwabiramo . 18Ndamulola namboleranga, fukiririra,orule Yerusalemu lwangu, khubeera khasi bachia okhufukirira obuloli bwao okhulondana nende esie.19Nange ndaboola, omwami, bamanyire mbwe esie ndaboya nende okhukhuya boosi abali mu isinagogi nibakhusubira. 20Bulanu nga amabanga ka omulolera wao Stefano kedisibwa, siesi ndali ninyemere ambi ao, nindola okhufwa khwaye, khandi ninindire chingubo chia baandu bamwiira. 21Naye yamboolera bwao, khubeera njia okhuruma ale khubanasialo..22Mani nibamurekeresia khu likhuwa lino, nibamala nibakinguka chidoboosi chiabwe, nibaboola, mumaleo omuundu nga uno khusialo, khubeera khasi akhoyera okhumenya dawe. 23Mani ngolwa bali bayokeranga nende khwefwalula chingubo chiabwe nende khutupa akulu olufu mumiyaka. 24Omukhongo wa basikari yalakirisia bamuyire musiembekho, naboola ari bamurebe marebo nende okhumukhuya chikhoba, mbwe amanye esiakera baandu nibamubira esioka bario.25Bulanu nga bali nibamuboya nende emikoye, Paulo yaboolera omusikari owali niyemere ambi mbwe, biri mumalako okhumukhuya omuundu omuroma nasiri, khuyasibwa omusango?. 26Nga omusikari oyo yabulira ako, yecha naboolera omusikari mukhongo mbwe, manyirisia aka okhola; khubeera omundu uno nomuroma.27Lunyuma omusikari mukhongo yecha, namuboolera omboleere, ewe oli omuroma; yakalusia ari eee. 28Ne omukhongo wa basikari yakalusia mbwe, ndanyola obulekhule buno nende obukusi bukhongo. Paulo naye yabola ari, nange ndi omuroma mukhwibulwa. 29 Mani mulwangu abali badakha okhumureba amarebo babwao nibamulekha kata omukhongo wa basikari yali omuri nga yamanya mbwe Paulo yali omuroma, khandi khubeera mbwe yali namuboyere nende mikoye .30Inyanga yakhabiri nadakha okhumanya obwadieri khulwasina yakhalakiirwa omusango nende Bayaudi bamubolola mikoye, nalakirisia abakukhani bakhongo nende olukhiikho lwabwe mani namurera Paulo namura imberi wabwe.
Chapter 23

1Paulo yabalingala nabakhiisiriakho emoni abolukhiikho, naboola, abaandu nende abakheerwa, ndakhamenya mumbera indayi ya Nasaye okhuula inyanga ino. 2Naye omukukhani omukhongo Anania yalakirisia abali bemere ambi nende Paulo mbwe bamukhuye omunwa kwaye. 3Lunyuma Paulo yamuboolera, Nasaye achia okhukhuya ewe, eliida liabakhwa elikondo elilafu okhubeera ewe wikhale okhukhalakira khurulana nende amalako, khandi olakirisia mbwe bakhuye ebirali mumalako.4Lunyuma balia abali nibemere ambi naye baboola mbwe , "ewe onyeka omukukhani mukhongo wa Nasaye?" 5Paulo naye yaboola, "simbere manyire, abakheerwa, mbwe niye omukukhani mukhongo, okhubeera kandikwa mbwe, khasi ochia okhulomaloma amabi khu omuruki wabaandu bao.6Arali Paulo nga yecha yamanya mbwe lubeka lulala khu baandu abo bali Abasadukayo, no lubeka lundi bali Abafarisayo, yakingula idoboosi yaye mulukhikho ari, abaandu nende abakheerwa, esie ndi omufarisayo, omwana womufarisayo; owa linaya nende okhulamusibwa khwa bafu nibio bikira nibadakha okhukhalakira. 7Bulanu nga yamala okhuboola ario, okhwali nende okhuingana akari wa Bafarisayo nende Basadukayo; mani omukanda okwo nikukabukhana. 8 Khubeera Basadukayo baboola mbwe khasi khuli nende obulamusi, kose malaika kata rokho mutakatifu; arali Bafarisayo abafukirira bioosi9Khwamala khwaba nende esioka sikhongo, mani abandiiki bandi abali lubeka lwa Bafarisayo basingira, nibaboola, khasi khwanyola imbi yosi mu muundu uno khaba; nikali mbwe rokho mutakatifu kose malaika amulomalomere, khulekhe okhukhuyana nende Nasaye. 10Bulanu khwecha khwabao nende okhuyingana khukhongo, omusikari mukhongo, yeecha yaba omuri mbwe Paulo anyala khudonywamo bitundu nende abaandu abo, yalagira abasikari mbwe bachie asi, babukuleyo Paulo nende maani koosi khurula mu baandu abo, mani bamurere musiembekho.11Esiro sialondakho omwami yema imberi owa Paulo naboola, weberesie omwoyo, Paulo; khubeera kori wakhandusiria buloli Yerusalemu, khandi okhoyere khundusiria buloli Roma wosi.12Ngasialo bwakhia, Abayaudi bandi beecha alala, nibalia silulu, nibaboola mbwe khasi banalia kose khung'wa khula kori bakhere Paulo. 13Bali abaandu ababira makhumi kane abali nibakholere olukhobo luno.14Bamala nibachia khu bakhongo ba babakukhani nende abakofu, nibamala nibaboola, efwe khumalire okhulia esilulu sikhongo, mbwe khasi khuchia okhulia khuula kori khuchia okhusiinja Paulo. 15Bulanu eng'we nende olukhikho muboolere omukhongo wa basikari mbwe amureere khweng'we muchuli,nga abadakhire okhumureba esindu silayi khulondana naye; nafwe ngolwa anecha ambi khunaba berekekhe khumwiira.16Naye omwana wa omukhana wabwe Paulo nga yabulira kori olwabali niberekekhe yachia mani niyengira musiembekho, naboolera Paulo. 17Lunyuma Paulo yalanga mulala khu bakhongo ba basikari mbwe yeche owayali, namubolera mbwe yira omuraga uno owa omukhongo wao; khubera ali nende siindu sio khumuboolera.18Yamuyira khu mukhongo waye wa akulu, namala namuboolera Paulo omuboye yanangire mbwe njie owali, mani nasaba mbwe ndere omuraga uno khu ewe, mbwe ali nende esindu sia okhuboolera. 19Omukhongo wakulu wa basikari yadiira omuraga oyo omukhono, niyengira mukari naye, nachaaka okhumureba masididie, "sina esia odakhire khumboolera?"20Naye yamubolera mbwe, Abayaudi bafukirisanie mbwe baneecha okhusaba omurere Paulo muchuli imberi wa olukhiikho, kori abadakha okhumureba mubulayi amakhuwa kalondana naye. 21Arali ewe orafukirira amakhuwa kabwe; khubera abaandu amakhumi kane bamuliindire, abamalire okhulia esilulu mbwe khasi banalia kose okhung'wa khuula kori bakhamwire Paulo. Bulanu naberekekhe, balindiriire elako okhurula khwewe.22 Bulanu omukhongo wa akulu owa basikari yaboolera omuraga oyo mbwe abweo, namulakiirisia mbwe, omanya mbwe oraboolerakho omuundu mbwe onjekeesie amakhuwa kano dawe. 23Yamala nalanga abadiidi baye babiri, naboola murekekhe abasikari echimia chibiri abanachia Kaisaria, nende abasikari aberusi ba chifarasi makhumi saba, nende abasikari ba mafumo echimia chibiri, musikha sia masaa kadaru musiro. 24Mubaberesie chisolo, muniniekho Paulo ,mumuyire mubulindi bulayi owa Filikisi omuruki25 Yandiika ibarwa okhulondana nende kene kano. 26Kilaudio Lisia khu omuruki wa oluyali Filikisi amakhesio. 27Omuundu yadiirwa nende Abayaudi, khandi yakhererwe nende Abayaudi ; lunyuma esie ndecha nende abasikari, mani nimwambula, nga olwa ndecha ndamanya mbwe nomuroma niye.28Nga olwa ndadakha okhumanya elikosa likera bamukhalakire omusango ndamurera imberi wa olukhiikho lwabwe 29Ndanyoola mbwe bamurakho omusango okhubeera amakhuwa kalondana nende amalako kabwe, arali siumao siosi ao khulondana nende omusango kwaye esiyera bamwire kose okhumuboya. 30Khandi nga olwandabolerwa Abayaudi bali bamuboyeere olukhobo nibalindire okhumwiira mulwangu ndamuruma khu ewe, khandi ndalagira,mbwe abamurakho omusango balomalome imberi wao esia bali nasio khuniye.31Lunyuma abasikari kori olwa bali balakirisibwe, babukula Paulo nibamuyira musiro khu Antipatio. 32Nibwa khakhia balekha abasikari ba chifarasi okhuchia naye, nabo nibakalukha musiembekho. 33Abo nga bola Kaisaria nibamuberesia omuruki ibarwa khandi bara Paulo yesi mumakhono kaye.34Omuruki nga yamala okhusoma ibarwa, yareba mbwe arula mu simeka sina esia oburuki. Bulanu nga yeecha yamanya mbwe arula Kilikia, 35yaboola mbwe, "njia okhurekeresia, nikali mbwe balia abakhurerekho omusango bechere." Namala nalagira bare Paulo musisenge esia Herodi esia obukhalaki.
Chapter 24

1Chinyanga churano nichiakhabwa Anania omukukhani mukhongo nga yekhirira asi nende abakofu, khandi nende omulomalomi owalangwa mbwe Tertulo, abamuboolera omuruki obubi bwa Paulo. 2Nga bamulanga mbwe yeeche, Tertulo yachaaka okhuboola obubi bwa Paulo, naboola ari, lingera mbwe nikhuli nawe khusangalira okhunyola omulembe omukhongo, khandi mumalako kao ebikhole bilayi biri khwekholanga musialo3 sino.Khubifukiriranga abaandu fweesi, ewe Filikisi owoluyali, nende okhwebasia khwoosi.4Khubeera mbwe khaye okhusinyisia lukali, khusaba mbwe muluyali lwao onyale okhururekeresiakho khu makhuwa madiidi. 5Khulwa khubeera khwanyoola mbwe omuundu uno nomulianga, khandi osalanianga obuchunjubani akari wa Bayaudi musialo sioosi, khandi niye omwimirisi wa omukanda kwa idini ya Banasarayo. 6Khandi yachia imberi okhubakha omukwobo likanisa; khwamudiira, khwali khudakhire okhumukhalakira okhulondana nende amalako kefwe.7Arali omukhongo wa basikari Lisia yecha khwefwe mani mubululu bukhongo yarunyula Paulo mumakhono kefwe namurusiao. 8Nabalgira mbwe balia abali nende omusango nende Paulo beeche khwewe; mbwe ewe mwene omurebe marebo mani omanyirisi mwene akakera , nikhumurakho musango. 9 Abayaudi boosi bafukirira mbwe amakhuwa ako kali kario.10Lunyuma Paulo olwa omuruki yamukingulira omukhono mbwe alomalome, Paulo yakalusia mbwe, manyire mbwe, wakhaba omukhalaki musialo khumiaka miingi, ndeyosia mumusango kuno mwene nende omwoyo kuli nende busangafu.11Khubera ndakha omanya mbwe, chiakhabwa chinyanga ekhumi nende chibiri khurula nga ndaniina okhuchia Yerusalemu okhulaama. 12Mani khasi banyolakho mulikanisa ninyingananga nende omuundu yesiyesi, kose khureera oluyoka mubaandu, kose muchisinagogi, kose momadookho. 13Kata khaba khasi banyala okhura abulafu, amakhuwa kakera nibandakho omusango14Arali lino khweyamira, mbwe muingira yabalanganga amekesio amabi, mungira eyo niyo owandamanyirakho Nasaye wa baaba bange, nisubira ebindu bioosi ebiandiikwa mumalako nende mubanabii l. 15Khandi ndi nende elinaya khuNasaye, elia boosi bafukirira mbwe khulibao nende obulamusi bwa bafu, khu boosi abalungifu nende abarali abalungifu . 16Bulanu ndi okhwenasia omwene mbwe mbe nende lisubira lirali nende imbi imberi wa Nasaye, nende abaandu.17Bulanu lunyuma lwa emiaka mingi ndeecha okhureera ebianwa khusialo siange. 18Abwene ao Abayaudi bandi khurula Akaya banyoola nibandabiisie mulikanisa, khasi ndali nende omukanda mukhongo kwoosi okwa baandu, kose okhusasia. 19Abakhabere ano imberi wao, okhundaakho omusango nikali mbwe bali nende elikhuwa liosiliosi nasie.20Khu kose lekha abali ano bano baboole, nikalimbwe banyoolerekho nende imbi yosi yosi eyandakhola, nga ndema imberi wa olukhiikho. 21Arali ni idoboosi ndala sa ila, eya ndema akari wabwe, eyidiire khubulamusi bwa bafu niyo eyikera nindi mumusango imberi wao inyanga ino.22Bulanu nga olwa Filikisi yabulira amakhuwa kano, okhubeera yali nende obumanyirisi obulayi bweingira eyo, yabasidia imberi, namala naboola ari, Lisia omukhongo wa akulu wa basikari nachia okhwicha, njia okhumanya mubwichufu okhulondana nende amakhuwa keng'we kano. 23Yamala nalagira omusikari mbwe amulinde Paulo, khandi alekhe Paulo abe nende obulekhule, khandi arakaira abeecha ba Paulo okhumukholera kosi kata okhwicha owa Paulo ali.24Lunyuma lwechinyanga lebe, kori Filikisi yeecha nende omukhasi waye Durusila owali muyaudi, yaruma mbwe Paulo yeeche, mani namurekeresia khulondana nende obusubiri mu Kirisito Yeso. 25Ne nga olwa Paulo yekesia khulondana nende obulungikhi nende ingeri ya okhuba nende sikero muyikhola, nende inyanga ya obukhalaki eyicha filikisi yarengerekha, nakalusia ari, bwao ebikha bino ,nindaba nende esikha sio mulembe, njia okhulanga .26Yali aparire mbwe achia okhuberesibwa esende nende Paulo, mbwe anyale okhumulekhuula; bulanu yalanganga Paulo buli buli, nalomaloma naye. 27Arali emiaka kibiri nikiakhabwa, Filikisi namwingisia Porkio Festo aruke mubweyango bwaye; bulanu Filikisi yadakha okhusangasia Bayaudi, yamulekha Paulo naboyerwe.
Chapter 25

1Bulanu kori Festo yecha musimeka sia oburuki obwa chinyanga chidaru nichakhabwa, yanina khurula Kaisaria khucha Yerusalemu. 2Omukukhani mukhongo nende omukhongo wa Bayaudi bamuboolera okhulondana nende Paulo, khandi nibamwekweda. 3afukirire , mbwe barere Paulo Yerusalemu, okhubeera bali barekekhe okhumukhoba bamwiire khungira nasiri okhuula Yerusalemu.4Festo naye yabakalusia ari, Paulo akhoyere okhubikhwa Kaisaria khandi Festo mwene achia khuchiayo ambi ao. 5Bulanu yaboola ari, lekha balia akari weng'we abanyalirwa, bachie nafwe baboole obubi bwa omundu uno, nikali alikho nende obudekhere bwosi bwosi.6Niyakhamala okhuba nabo khulwa chinyanga ekhumi, yeekha nachia Kaisaria inyanga yalondakho, niyekhala mu sisala sia obukhalaki nalagira mbwe Paulo areerwe. 7Nga Paulo yeecha, abayaudi beecha okhurula asi Yerusalemu, bema ambi naye nibaboola amakhuwa mabi khu Paulo, akabaranyala okhurusia obwadieri bwako. 8Paulo yakalusia yerusia mumusango ari, mumalako ka Bayaudi, kose khulikanisa, kata khu Kaisari, sindakoserakho sindu siosi siosi khaba.9Naye Festo khubera yali adakha okhusangasia Bayaudi, yakalusia Paulo, naboola ari odakha okhuchia Yerusalemu, ebwene eyo bakhukhalakireyo omusango khulondana nende amakhuwa kano, imberi wange?" 10Lunyuma Paulo yakalusia ari, nyemere imberi wa sisala sia bukhalaki sia Kaisari, owakhoyera okhalakirwa; khubayaudi, siiri okhola imbi yosi, kori olwa wesi omanyire ebilayi muno.11Khubeera nikali mbwe ndi omubi, kose kholere esindu sibi esiyera lifwa, fukiriire okhufwa;arali nikali mbwe libulao mumakhuwa kano akabanderekho omusango, abulao omundu onyala khundekhula mumakhono kabwe sudia omusango kuno mubukhalaki bwa akulu khu Kaisari. 12Lunyuma Festo niyakhalomaloma nende olukhiikho lwa bakofu yakalusia ari, wakhasaba khusudia omusango kuno khu Kaisari? bulanu ochia khucha owa Kaisari.13Ne lunyuma lwechinyanga lebe nichakhabwa omuruki Agripa nende Bernike bachia Kaisaria okhukhesia Festo. 14Bulanu nibakhamenyayo chinyanga chinyingi, Festo yaboolera omuruki Agripa amakhuwa ka Paulo nababoolera ari, khuli nende omundu undi owalekhwa mumboyero nende Filikisi. Owa kori, ndali Yerusalemu, abakukhani bakhongo 15nende abakofu ba Bayaudi bambolera, nibadakha mbwe akhalakirwe musango. 16Nange ndababoolera mbwe khasi no mulukha kwa Baroma okhukhalakira omundu yesi yesi okhufwa dawe, nikasiri okhuba kario, omuundu oyo alikho omusango abukanananga nende abamurakho omusango bweni khu bweni, naberesibwa ibarwa imufukirira okhweyosia khurula mu imbi ya omusango kwabamurakho.17Nga babukanana, sindakhinda dawe,inyanga yalondakho eya muchuli ndekhala khusisala siobukhalaki, ndamala nindagira mbwe omuundu oyo arerwe imberi wange. 18Abamurakho musango nga bema, khaasi barerakho elikhuwa liosi libi nga olwa ndali mbarire. 19Arali bali nende amarebo khulondana nende idini yabwe bene, khandi nende Yeso omulala owafwa, naye owa Paulo yayaalanga mbwe no mulamu. 20Bulanu khubera ndali nende okhwereba khurulana nende ingeri ya marebo kabwe, ndareba Paulo nikali mbwe anyala khuchia Yerusalemu, ebwene eyo anyole khukhalakirwa khurulana nende omusango kuno.21Nga Paulo yeecha yasaba mbwe basudie omusango kwaye imberi achie abulirwe nende Agostino, nalagira mbwe achie abikhweyo khuula nga njia okhumuyira owa Kaisari. 22Lunyuma Agripa yaboolera Festo, siesi ndakha okhumurekeresiakho omuundu oyo mwene, Festo namulaka mbwe muchuli ochia okhumurekeresia.23Nga olwa muchuli yola, Agripa niyakhecha, nende Barnike, nende chimbindo chikhongo, nibamwingisia abundu wa khuyaalira, nali nende abakhongo ba akulu ba basikari nende abaandu bakhongo be lidookho, khubirira khu munwa kwa Festo nalagira Paulo arerwa imberi. 24Festo yamala naboola, omuruki Agripa nende baandu boosi bali ano, nende efwe, mulola omuundu uno, okera omukanda kwa Bayaudi nikumusandia Yerusalemu nende ano wosi, nibayokera mbwe khasi akhoyere okhumenya dawe.25Arali nga olwa ndanyoola mbwe siumao esiayakhola esikera afwa, khandi mbwe omwene asabire mbwe musango kwaye kusude akulu khu Agustino, ndafukirira okhumusudia . 26owa esie mbulakho likhuwa liadieri khumwandiikira omwami wange khulondana nende omusango kwaye. Khulwa ako ndakhumurera khu ewe, khandi mu lukali imberi wao, omuruki Agripa mbwe niyakhamala okhurebwa marebo nyoola elikhuwa lia okhwandika . 27Khubeera khwesie bimbonekhera ebibulamo makesi okhumurera omuboye nabula imbi ikera bamwikulireo omusango.
Chapter 26

1Agripa yamala naboolera Paulo, oli mulekhuule oboola amakhuwa kao, paulo yakololosia omukhono kwaye nachaka okhwerusia khurula mumusango. 2Ndebulira ndi omusangafu, omuruki Agripa khubeera njia okhwerusia mumusango kuno imberi wao inyanga ino nindiira khu makhuwa koosi aka Bayaudi banderekho omusango. 3Lukali muno khumanyire nga omukesi wa milukha kiosi nende amarebo akali mubayaudi, khulwa khubera ako khuusaba ombulire mubwedemberefu.4Khubeera ingeri ya obulamu bwange bwosi khurula nindi omuraaga, mukhurangirira khu baandu bange ba musialo siange Yerusalemu, Abayaudi boosi babumanyire. 5Abamanya khurula mukhuchaka, nibebulira okhurusia obuloli, mbwe ndali omufarisayo, mungeri ya khukonya nende okhulonda emikanda kia idini yefwe ekiali kiadieri.6Bulanu nyema ano khalakirwe khubeera elinaya lia elakano lia baba befwe baberesibwa nende Nasaye. 7Elia echimbia chiefwe ekhumi nende chibiri, berekekhe nibamukholera Nasaye mukhwedinya musiro nende musidere. Bulanu Abayaudi banderekho omusango khulwa linaya elio, omuruki Agripa. 8Khulwa sina liakhabukulwa okhuba elikhuwa libulamo maani, nende eng'we, mbwe Nasaye alamusianga abafu?"9Obwadieri ndapara omwene, biali bikhoyera okhukhola ebindu bingi ebiyingana nende, elira lia Yeso wa Nazareti. 10Kata aka ndakhola Yerusalemu, ndaboya abatakatifu bangi nibekalira mumboyero, nga ndalichingi ninyolere omunwa okhurula khu bakukhani bakhongo khandi nga olwa balichingi niberwa, siesi ndaba khalakiranga endio. 11Khandi ndabasandianga buli muchisinagogi, nibayika okhunyeka Nasaye, khandi ndabechanga omulalu lukali khunibo, ndabasandia kata nibali mu madookho ka ebialo bia erwanyi.12Bulanu nga ndachia Damaski nindumirwe, khandi nindi nende omunwa khurula khu bakukhani bakhongo; 13Mubikha bia esidere omwami, ndalola nindi khu ingira obulafu okhurula mwikulu obukhira obulafu bwa eliuba, nibumenamena khandi nibumbodokhana nende aba ndali nabo khulukendo. 14Bulanu nga khwali fwesi nikhukwire asi khuloba, nda ulira idoboosi nimbolera mululimi lwebrania Sauli Sauli khulwa sina usandia? nibidinyu khu ewe khuracha olwanda.15Nange ndaboola endi, ewe newe wina omwami? Naye yabola ari, esie nesie Yeso owa osandianga. 16Bulanu bukha weme nende amakulu kao; khubera ndakhulorekhera khulwa lichomo lino, okhukhola obe omukholi nende omuloleri wabindi bino ebiwakhalola, nende ebindu bilia ebia ndelolesia khu ewe. 17Ndakhununula khurula mubaandu bao nende mu banasialo, aba ndi bulanu okhurumamo. 18Mbwe obekuleo chimoni chiabwe khandi nende okhubakalukhania okhurula musirima, mani bachie mubulafu, nende khurula mumani ke sikhieno khuchia mumani ka Nasaye, mbwe banyale okhunyola esilekhero sia chimbi, nende ebilame akarikari wa bala abosibwa nende obusubiri obuli mu esie.19Khulwa ako omuruki Agripa, khasi ndalikho mukhayi wa malolo ko mwikulu; 20 Arali imberi ndekesia balia aba Damaski nende ela Yerusalemu, nende Yudea yoosi, nimalilikhira khu Banasialo, mbwe banyole okhwekanira manu bamukalukhanire Nasaye, manu bakhole amakhuwa kafwanana nende okhwekanira. 21Khulwa kene kano Abayaudi bandiira nindi mukanisa nibenya mbwe banjire.22Nga ndanyola bulanu bukhonyi bwa Nasaye, sirini njiririranga khula inyanga ino, nindusiria obuloli khu boosi abadiidi nende abakhongo nindarabolakho amakhuwa kandi arali aka musa nende abanabii baboola mbwe kakheche. 23 Mbwe Kiristo akhoyera asandisibwe, mbwe khandi niye wakhabe owamberi okhubukha khurula mubafu niyekesia nende khubanasialo.24Nga olwa yali nachiririraga okhwerusi mumusango, Festo yaboola mudoboosi ya akulu, Paulo oli rwanyi wa maparo kao, okhusoma khwao khungi khukera oli okhulalukha. 25Naye yaboola khasi ndi omulalu, Festo owa luyali lukhongo; arali ndi okhulomaloma amakhuwa ako obwadieri nende aka ngali. 26Khubeera omuruki amanyire amakhuwa kano owa ndi imberi waye nomanoma nende obulekhule; khubeera ndebulira mbwe sibulao mumakhuwa kano sidakha sikhaye khumanyikhana ninaye; khubeera sindu sino khasi siekholekhana mukhwekisi.27Omuruki Agripa osubira mubanabii? manyire mbwe osubira. 28Lunyuma Agripa yaboolera Paulo, ambi ano oli khungalukhania khuba mukiristo?. 29Paulo naye yamala naboola, fukirira endio mu Nasaye mbwe khasi newe sa weng'ane, arali balia bosi abambulira inyanga ino, boosi babe ambi khandi mubiosi babe kori nga ndi, arali baraaba mubiboye bino.30 Bulanu olwa yali yakhamala okhulomaloma, omuruki yasingira, nende omukhongo wa simeka sia buruki obwo, nende Bernike, nende bosi bali bekhale ambi nabo. 31Bamala nibasuda elubeka, nibachia okhulomaloma bene khubene, nibaboola, omunudu uno khasi ali okholanga sindu siyera lifwa kose okhuboywa. 32Lunyuma Agripa yaboolera Festo, omuundu uno yakhabere yalekhulwa, nikali mbwe khasiyasaba omusango kwaye kusude akulu khu Kaisari.
Chapter 27

1Bulanu nga babisiao mbwe khuchie Italia khubirire mumachi, baara Paulo nende ababoye bandi asi wa omuundu we lira liaye liali mbwe Yulio omukhongo wa simeka sia basikari ba Augusto. 2nikhwakhanina mu meli ya Adramito, khwachaka lukendo, nikhuchomere okhuchia mumadookho kali khundulo khwa Asia; Aristariko mundu wa Makedonia ya Thesalonike, yesi yali nafwe.3Inyaanga yalondakho khwola Sidon, Yulio namwingisia Paulo ebilayi, mani namuberesia obulekhule khuchia ewa beecha baye anyoole okhwesangasia. 4Nga khwachia olukeendo okhurula ao, khwachia khubirira emwalo wa Kipro khubeera emiyaka kiauchaanga mbwe kirukalusie owakhurula.5Nikhwamala okhwambukha injaanja ya Kilikia nende Pamfilia khwola Mira elidookho lia Likia. 6Abwene ao omukhongo wa simeka sia basikari yanyoola imeli ya Iskanderia eyali ichia Italia; yamala narugengamwo7 Nikhwakherukha kaala chinyaanga chinyiingi, khwanyoola ebiindu bingi khula kori khwola Nido, khubeera omuyaka kwarwikaliranga khubira, khwakhengao khubirira emwalo wa Krete, nikhulingalana nende Salmone. 8Khwabira ao khubirira mubudinyi bungi, nikhwola abuundu wa balaanga mbwe esikobera esilayi; ambi nende ao khuli nende elidookho lilangwa mbwe Lasea.9Bulano ebikha bingi biecha biabwa mani olukeendo niluba oludinyu khubeera bikha bia okhusiiba biali bimalire okhubira, Paulo nabalabula.
11kata kario omukhoongo wa simeka sia basikari yabulira mumakhwa ka omwirusi we imeli nende omwene imeli okhukhira makhuwa ka Paulo yaboola.12Bulano khulwa khubeera esikobero khasi siali silayi abaandu okhumenyamo chinyaanga chia imboo, abaandu bali khulukeendo babola mbwe badiire sa lukeendo barula ao mbwe banyoole okhula Foinike, mani bekhale eyo ebikha bia imboo , ao niwo esikobero sia Krete eyiri emwalo wa lubeka lwo mukhono mukaada nende mukulu wa lubeka lwa omukhono musaacha. 13 Bulano omuyaka kwa emwalo kwauchaanga kaala, nibapaara bamalire okhunyoola esiabali nende elichoomo okhunyoola bachaka lukeendo nibachia ambi nende Krete.14Ebikha bidiidi nibiakhabwa omuyaka omukhongo okwa maani kwaucha, okulangwa mbwe Eurakilo. 15Bulanu nga imeli yadiirwa, niikhaya okhukeenda mumuyaka, khwalekhana nayo yeyirusie . 16Nga khwali nikhubira khusisinga siindi silangwa mbwe Kilauda khwali nende emirimo miingi okhwiicha nende eliaro.17Nga bali nibakhamala okhwingiramo, beyambania nende abakhonyi, nibaboya imeli nende mikoye okhubirira asi wayo; nibaria mbwe banyala bebira boola asi khumusenye, bamala nibabukula amaro, nibabafuka. 18Ne khulwo khubeera khwali khusindikhwa muno nende amafwinda, inyanga yalondakho banguya imeli.19Inyanga yakhadaru khwachaaka okhusukuna ebiindu bia imeli nedne makhono kefwe. 20Bulanu nga olwa eliuba kose ching'ining'ini chakhaya khubao echinyanga chinyingi, khandi kata muyaka mudiidi sikwarukhuya khwakosia lisubira mbwe khuwona.21Arali lunyuma lwa okhumenya muburambi nikhuralia Paulo yema akari wabwe, namala naboola ari, abaami mwakhabeere mbwe mwambulira mani mwakhaya okhurula Krete khasi mwakhanyolere bidinyu bino nende khukosia emiandu kino. 22 Bulanu mbakeraka mbwe mweberesie omwoyo; khubeera khasi khuchia okhubakho nende elifwa lia omuundu yesiyesi khaba akari weng'we arali imeli yong'ene.23Khubeera musiro malaika wa Nasaye yemere ambi nange, owa esie ndi omuundu waye, khandi owakholeranga. 24 amboleere, ari Paulo, okhoyere oyirwe imberi wa Kaisari arali lola Nasaye akhuberesie abaandu boosi abali khuchia olukendo nende ewe. 25Khulwa ako, abaami mweberesie omwoyo, khubeera subira Nasaye mbwe bichia okhuba nga olwandaboolerwa. 26Kata kario biri sa mbwe khweme khusisinga nabulebe27 Nga esiro sia ekhumi nende khane siola, nga olwa khwali nikhusindikhwa asi nende akulu munyanja ya Adria, nibiakhoola ebikha bia akari wesiro abakholi ba imeli bapaara mbwe bali ambi okhuula khulukongo. 28Nibachia okhukera obwoloberefu bwa inyanja sikero sia mukhumi kabiri; khandi nga olwabasidakho imberi budiidi, nibakera, nibanyola sikero sia ekhumi nende chirano. 29Bulanu beecha baria mbwe binyala imeli yekuda khumakina. Beecha nibalekhula chinanga chine okhurula owa chingiranga mbwe chemesie imeli, mani nibamala bekomba mbwe sialo bukhie.30Nga olwa bakholi be imeli bali ambi okhwirukha khurula mumeli, nga olwa bali nibakhekhia asi eliaro lidudumanga munyanja, nibekaadia mbwe bali khuchia okhura chinanga chia okhwemesia imeli. 31Paulo yaboolera omukhongo wesimeka sia abamayie nende abasikari mbwe abaandu bano nibaradong'a mumeli simunaona.32Lunyuma abasikari bakhenga emikoye ekie liaro nibalilekha likwe.33Nga sialo siakhia, Paulo yekweeda baandu boosi mbwe balie, naboola ari inyanga ino niyo eya ekhumi nende khane eya mubere nimuchiririranga okhusaba musiiri khuliakho sindu dawe. 34Khulwako basaba mulie; khubeera lino ni khulwa obulamu bweng'we; buli sia mulala khu eng'we abulao ochia okhukosia lifwiri kata elala liong'ene. 35Bulanu nga yali niyakhalomaloma ario, yabukula omugaati namala yebasia Nasaye imberi wabwe boosi; niyakhamala okhudonyola, yachaaka okhulia.36Lunyuma boosi beberesia omwoyo, mani nibachaaka okhulia. 37Abaandu bali mukari mumeli khwali echimia chibiri nende makhumi saba nende basasaba. 38Nga bulanu bali nibakhalia nibakhekura baduduyia obusiro bwa imeli, nibasukuna ingano munyanja.39Ngolwa bwakhia, khasi banyalirwa okhumanya esialo sia baliimo, arali beecha baloola sikobero sie inyanja, owabapaara mbwe, nibinyalikhana bachie bengisie imeli ao. 40Bamala nibalekhuula mikoye , nibakilekha munyanja mbwe imeli niyakhadiira miyaka, bachie khu esikobero sila. 41Arali boola abuundu wa chinyanja chibiri chibukananiranga, berusia imeli nichia niyekhuya khumakina asi weinyanja; nidong'a niredengeya ne inyuma wayo yafunikha okhubeera amaani ka mafwinda.42Endekekha ya abasikari yali mbwe beere ababoye mbwe arabao onyala khusoga kata mulala khu nibo mani aone. 43Arali omukhongo wesimeka esia basikari, yadakha okhuwonia Paulo yabakaira okhola lienya liabwe elio, namala nalagira mbwe balia abanyala okhusoga barangirire besukune munyanja, mani bachie khulukongo. 44Ne abadong'a abandi bali khuchimbao, abandi khubitundu bia imeli yali ifunikhefunikhe bulanu bia maliirikha mbwe boosi boola khulukongo nibali abalamu.
Chapter 28

1Nga olwa khwali nikhwakhaona, khu lunyuma nikhumanya mbwe esikobero esio siali silangwa mbwe, Melita. 2Abamenyanwa basikobero esio barwingisia nende olukoosi muno; khubeera barubula omuliro, nibarwingisia fweesi khubeera ifula yali niikwire khandi imboo yaliwo.3Arali ngolwa Paulo yali yakhabusia olukhanya lwechikhwi, niyakhara mumuliro, okuyukha kwarulirao khubeera obubafu bwaomuliro, nikweboyokania khu mukhono kwaye. 4Mani ngabamenyeranwa besikobero esio balola okuyukha kwobusiba nikudemba khumukhono kwa Paulo, baboola abeene khubene mbwe, obwadieri buli mbwe omuundu uno nomwiiri, oli mbwe kata kario yakhaona okhurula munyaanja, obwadieri bumuloonda mbwe khasi akhoyera okhumenya.5Naye Paulo yasisimula mani okuyukha nikukwa mumuliro, naye kata khasi yali nanyaalikhekho . 6Abaandu balingeera nibapaara mbwe anafwimba mukhono, kose mbwe anechukhana nakwire asi nafwa. Arali ngabaliinda khulwa ebikha biingi, nibaralolakho obudinyu bwoosi nibumwekholekhakho, bakalukhania amapaaro kabwe nibaboola mbwe, yali kunasaye.7Ambi ao khwaliwo nende emikunda kiomukhongo wesikobero esio, oweliira liaye lialangwa mbwe Pabulio; owarwingisia, mani nikhumenya naye chinyaanga chidaru ebilayi. 8Bianyolekhana mbwe, samwana pabulio yali nakonere nali omulwaye wesiyendero nende okhunyalala mabaanga; paulo yengira munyuumba nachia owa yali namulamira namurakho amakhono, mani namuonia.9Bulanu lino liekholekha, abaandu bandi boosi abali nende obulwaye khusikobero esio, beecha nibanyoola okhuwona. 10Beecha baruba esiriibwa sikhongo mani nga olwa khwali khubwao, baruberesie ebiindu biingi ebiali bienyekhana.11Lunyuma lwemiosi kidaru khwabwerao mumeli ya Alekisandaria, eyali niimenyere khusikobero esio muchinyaanga chieimboo, eyali nende esilolero esia basiani bebulwa makhwana. 12khwamala nikhuula Sirakusi, nikhumenyayo chinyaanga chidaru.13Khurula ao khwabodokhana nikhuula Regio; lunyuma wa inyaanga ndala omuyaka kwa emwalo kwaucha ne inyaanga yalondakho khwola Puteoli. 14Eyo khwanyolayo abakheerwa, nibarwingisia mbwe khumenye nabo chinyanga saba; khwamala nikhuchia Roma. 15Bulanu khurula eyo abakheerwa nga babulira khulondana, ninafwe, beecha okhurwakanira khurula khusiiro sia Apio, nende chinyuumba chia okhumenyamo chidaru, Paulo ngayabalola, yakhubira Nasaye orio, mani niyeberesia omwoyo.16Bulanu nga olwa khwola Roma, omukhongo wesimeka sia basikari yara ababoye mumakhono ka omukhongo wa akulu wa basikari baliinde Paulo naye yafukirirwa okhumenya owaye mwene nende omusikari omuliindi waye. 17Biecha biaba mbwe, chinyanga chidaru nichakhabirao Paulo yalanga abakhongo ba Bayaudi alala; mani nga olwa beecha alala, yababoolera abaandu nende abakheerwa kata kario siiri okholakho siindu esibi khubaandu, kose emilukha kiabasefwe, lola ndadiirwa okhuba omuboye okhurula Yersalemu nibanjira mumakhono ka Baroma. 18Abo nga bandeeba amareebo, bali bakhandekhulire, okhubeera khasi balola esikera banjire khaba.19Arali nga Bayaudi balomaloma nibakhaya bukhalaki obwo, bianjiika mbwe omusango kuchie akulu khu Kaisari, sikali mbwe ndali nende elikhuwa lia okhwikulira omusango abaandu bange khaba. 20OKhubeera akene ako ndakhabalanga, mbwe balole, khandi nomanome nang'we; okhubeera khulwa linaya lia Israili, mboyerwe nende eminyororo kino.21Nabo bamala nibamuboolera bari, efwe khasi khwanyolakho ibarwa okhurula erwanyi wa Yudea khulondana nende ewe, kose kata khubakheerwa bechanga khasi barwekesiakho kose balomalomakho esiindu sibi khulondana nawe. 22Arali efwe khudakha khubulirakho nawe wesi esiopaara; arali okhulondana nende esimeka sia omukanda kwa idini ino, khumanyire mbwe buli abuundu abaandu boosi bakulomalomakho ebibi.23Nibakhamala barekekha inyanga ya okhubukanana nende Paulo khandi, mani munyumba ya Paulo, eyayali namenyeremo, abaandu bangi bamwichira, Paulo yabekesia mubuungi , nabekweeda okhulonda nende Yeso khurulana nende amalako ka Musa nende aka banabii, khurula ichuli khuula ingolobe. 24Mani baandi bamala basubira amakhuwa kalomalomwa, abaandi bakhaya.25Nga olwa bakhaya okhufukirisania beene khubene, babwao, Paulo nga yali yakhalomaloma elikhuwa lala ebilayi nende abasefwe okhubirira mumunwa kwa omunabii isaya. 26Naboola ari, chia khubaandu abo, obaboolere okhubulira muchia okhubulira, arali khasi mwakhamanyirisie, khandi okhulola arali khasi mwakhamanyirisie.27Khubeera emioyo kia baandu bano kialendala, naye amarwi kabwe ni masiro ka okhubulira ne chimoni chiabwe chiofula; mbwe bareecha balola nende chimoni chiabwe, khandi babulire nende amarwi kabwe, khandi bamanyirisia nende emioyo kiabwe, mani bekalukhania, mbwe mbawonie.28Lekha bulanu kamanyikhane khu eng'we, mbwe obuwonia bwa Nasaye burumirwe khu abanasialo, nabo bachia okhubulira. 29Bulanu nga yali niyakhaboola amakhuwa kano Abayaudi babwao mani bali nende okhuingana khukhongo abeene khubene.30Paulo yamenya munyumba yaye omwene eya yali niyabukula narungiranga nabengisia boosi abali nibamwichira. 31Yayalanga obwami bwa Nasaye, nende okhwekesia ebiindu bila ebilondana nende omwami Yeso Kirisito, nende muchwoni yoosi, omundu yesi naramukairakho dawe.

Romans

Chapter 1

1Paulo, omukholi wa Yeso Kirisito, owalangwa okhuba omurume, nakabulwa khulwe ifanjili ya Nasaye, 2( eya yalaka khale khubirira khu banabii baye mumaandiko matakatifu,) 3khulondana nende omwana waye Yeso Kirisito Omwami wefwe, owarula khulwibulo lwa Daudi khulwo mubiri;4namulolesia nende amaani okhuba omwana wa Nasaye, khulondana nende Rokho wo butakatifu, khubirira khulamusibwa khurula mubafu: 5khwanyoola obukosia nende oburume khubirira muniye, mbwe ebialo bioosi binyoole okhuria obusubiri, khulwe liira liaye: 6ne mubene abo, eng'we mwesi mwalangwa nende Yeso Kirisito.7Khu bala abakheerwa aba Nasaye abali Roma, abalangwa okhuba abatakatifu: obukoosia nende muleembe khurula khu Nasaye Sefwe nende Omwami Yeso Kirisito kube ninang'we.8Ndangira okhwebasia Nasaye wange khubirira khu Yeso Kirisito khulweng'we mweesi, khubeera obusubiri bweng'we bulomalomakhwo musialo siosi. 9Khulwo khuba Nasaye owakholeranga muyifanjili yo Mwana waye khurula mumwoyo kwange, niye omuloli wange, ngolwa njiririraanga okhubarumbula chinyaanga chioosi mumalamo kange; 10nisaba mbwe Nasaye nafukirira khunyalira, nyoole okhwicha oweng'we eyo.11Khubeera ndekoomba okhubabona, mbwe nyoole khubaberesia ebianwa bia Roho, khulwo khubemekha; 12mbwe khunyoole okhulemisania esie alala ninang'we, khubirira obusubiri bwa buli mulala, obweng'we nende obwange.13Bulano abakheerwa bange, khasi ndakha mukhaye okhumanya mbwe ndadakha okhwicha oweng'we eyo ebikha bingi,( arali ndekalirwa okhuula ebikha bino,) mbwe nyoolekho ebiamo okhurula akari weng'we kori ngolwa nyolaanga khurula khubanasialo bandi. 14Ndi nende elikobi lia Abayunani alala nende abarali Abayunani, abali nende abakesi alala nende abarali nende bakesi. 15Khulwesio, esie olwande lwange , ndi omwerekekhe khubayaalira ifanjili eng'we muli Roma mwesi.16Khubeera esie khasi mbonera echisoni ifanjili ya Kirisito khaba: khulwo khuba niyo amaani ka Nasaye akobuonia khu buli muundu osubira; khu Muyaudi mberi, nende khu Muyunani.
18 Khubeera elirima lia Nasaye lifunulwe khurula mwikulu khu bala ababula bunasaye alala nende abarali abalungifu boosi, nende abaandu bekaliranga obwadieri khubirira mumabi.19Khulwo khuba amakhuwa ka Nasaye akamanyikhana kali abulafu khunibo.20Khubeera amakhuwa kaye akarabonekhana khurula sialo nisilongwa kafunulwa abulafu, nende khumanyikhana khubirira mumirimo kiaye; obunyala bwaye obwo bumeri nende obunasaye bwaye; kata babula esisikirasio; 21khulwo khuba, ngolwa bamanya Nasaye khasi bamufumia kori nga Nasaye khaba, kose kata okhumwebasia; arali bakora mubusiru bwa mapaaro kabwe, ne emioyo kiabwe ekiobusiru kiagengwamo esirima.22Bebolanga ebene mbwe bali nende amakesi, arali bekhola abasiru; 23Bakalukhania oluyaali lwa Nasaye orasasikha nende ifwani ya esiliembuli sio muundu wokhusasikha, nende esia mayoni. nende esie chisolo chikeenda, nende esie biindu bimoolanga24Khulwako Nasaye yabalekha mubwekoombi bwe mioyo kiabwe, nibalondana nende obumali, nibanyasia esiriibwa sie mibiri akari wabwe abene; 25khandi nibo abakalukhania obwadieri bwa Nasaye nende obubacha, nibenamira nende khukhalabanira ebiloonge mubweyaango bwo muloongi, owinamirwanga chinyaanga chioosi. Amina.26 Khulwako Nasaye yabalekha mbwe baloonde obwekoombi bwabwe obwa chisoni, kata abakhasi babwe bakalukhania okhwekhonyera khwarebwao nende khula okhurarebwa. 27Khandi mungeri yene eyo, abasaacha boosi balekha obwekhonyeri bwa bakhasi ngolwa bikhoyera, ne nibengira mukhwekoombana abene khu bene, nibakhola kala akarakhoyera, nibamala nibanyoola mukari mwabwe omuruungo kwobukori bwabwe okwabakhoyera okhunyoola.28Ne kori ngolwa bakhaya okhuba nende Nasaye mumakesi kabwe, Nasaye yabalekha mbwe baloonde amakesi kabwe akachookana, mani bakhole akarenyekhana.29 Bechulamo buli makhuwa kabula obulungifu, obuyirani, obukhayi, obwekoombi, elirima, bechulamo esikhalikhali, obwiri, obukhubakhubania, obubacha, obuyingani, obumoonyi, 30abokhukhikhirao, abasuila Nasaye, abakhaabafu, abarali bedemberefu, abokhwekingula, abokhurao chingira chia mabi, abararia abebusi babwe,31abarali nende obumanyirisi, abokhufunaka amalakano, abarakheera abekho babwe, ababula esisa;32 abamanyire bilayi obukhalaki bwobwadieri obwa Nasaye, mbwe bakhoyera okhufwa khulondana nende kala akabakholanga, ne khandi khasi nikhukhola sa khwong'ene okhwabakholaanga, arali bafukirisanianga nende bala abakasangaliraanga.
Chapter 2

1 Khulwako, ewe omuundu orusianga obukhalaki obula esilekhero; khulwo khuba mumakhuwa kala akokhalakiranga omuundu uundi, wekhalakiranga ewe omwene; khubeera kata ewe okhalakiranga okholanga amakhuwa kene ako. 2Arali efwe khumanyire mbwe obukhalaki bwa Nasaye nibwobwadieri khu bala abakholaango amakhuwa kafwana kario.3 Khandi ewe omuundu okhalakiranga bala abakholaanga amakhuwa ako, ne ewe wesi mwene okhola kene ako, opaara mbwe khasi ochia khunyoola obukhalaki bwa Nasaye? 4Kose walekeresia obungi bwobulayi bwaye nende obwedemberefu alala nende obwesimirisi bwaye, nokhirwa okhumanyirisia mbwe obwesimirisi bwa Nasaye bukhukhwesaanga wiiche wekanire?5 Arali khulondana nende obwomu bwomwoyo kwao, nende omwoyo kwao okubulamo okhwekanira, webikhiraanga elirima khunyaanga yila eye lirima nende okhufunulwa khwobukhalaki obwobulungifu bwa Nasaye, 6 ochia okhuruunga buli muundu khulondana nende ebikhole biaye; 7 bala abakoonyanga oluyaali, nende esiriibwa, nende oburakhafwa, mungeri yokhukhola amalayi mukhwesimirisia, bachia okhuberesibwa obulamu bwobumeri;8arali abakhubakhubania, abararia obwadieri, abafukiriraanga kala akabulamo obunasaye, bachia khunyoola elirima nende okhusandisibwa; 9amanyakhano nende obudinyu khumwoyo kwa buli muundu okholaanga amabi, khuchaakira khu Muyaudi nende muyunani yeesi.10 Arali oluyaali nende esiriibwa nende omuleembe khu buli muundu okholaanga amalayi, Omuyaudi mberi nende Omuyunani yeesi; 11khulwo khuba Nasaye abula khukwirikhira. 12 Khubeera bala boosi abakhola chimbi amalako nikabulao, bachia khusasikha malako nikabulao: ne bala abakhola chimbi amalako nikaliwo bachia khukhalakirwa nende amalako.13 (Khubeera abalungifu imberi wa Nasaye khasi nibo bala ababuliraanga amalako khaba, arali abakholanga akamalako kaboola nibo abachia khubalirwa obulungifu. 14 Khulwo khuba abaandu bomusialo ababula amalako nibakhola mungeenda yabwe kala akali mumalako, abo ababula amalako bekholere okhuba amalako mukari mwabwe abene:15 Bekesianga emirimo kiamalako akaandikwa mumioyo kiabwe, obukhalaki bwabwe nibubaboolera alala nende amapaaro kabwe, kene khu kene, nikabasitaaka kose nikabakwiira;) 16 inyaanga yila eya Nasaye achia khukhalakira akobwekisi kabaandu, khulondana nende ifanjili yange eya Yeso Kirisito.17 Arali ewe nolangwa mbwe omuyaudi, newesika amalako, ne khandi welaaya munasaye, 18 nende okhumanya elienya liaye, nende khufukirira amakhuwa malayi, khandi wekesibwa amalako; 19 nende khumanyirisia obwadieri mbwe ewe mwene oli omwekesia wabaofu, obulafu bwa bala abli musirima, 20 omukololosi wa basiru, omwekesia wabaana badiidi, omanyire amalako mubumanyirisi nende obwadieri mumalako;21 Bulano ewe owekesianga abaandu bandi, siweyekesiakho ewe mwene? 22 Ewe obolaanga mbwe omuundu arakhola obuyeyi, ewe mwene okholaanga buyeyi? Ewe owasuikhira ebifwanani, wibaanga muchikhekalu?23 Ewe owefumisirianga amalako, ofunakaanga esiriibwa sia Nasaye mukhuraloonda amalako? 24 Khulwo khubeera eliira lia Nasaye linyekwaanga musialo khulwo khubera engwe, kori sa ngolwa kaandikwa.25 Khulwo khubera okhukhebwa khuli nende obukhonyi khweng'we nibili mbwe muria amalako, arali nimuraria amalako, okhukhebwa khweng'we khasi nikhukhebwa khaba. 26 Bulano nibili mbwe ula orakhebwa adiira amalako, okhurakhebwa khwaye khasi khunabalwa okhuba okhukhebwa? 27 Ne ula orakhebwa mukhuchaaka, niyoseresia amalako, khasi achia okhukhalakira ewe wakhebwa, ne khasi waria amalako?28 Khulwa khuba omuyaudi khasi ni ula oli nende obuyaudi bwerwanya sa khaba, kose esikhebo khasi nisia erwanyi khu mubiri sa khaba; 29 arali omuyaudi ni Muyaudi oli mukari, khandi esikhebo ni sio mumwoyo, muroho, ne khasi ni muliandiko khaba; ifuma yomuundu kori oyo khasi yirula khu baandu khaba arali yirula khu Nasaye.
Chapter 3

1 Bulano omuyaudi ali nende bulayi sina okhukhira abandi? Khandi okhukhebwa khuli nende ingaanga yiliena? 2 Bikhoyera lukali mubuli imbeera. khukhirao koosi, baberesibwa amakerako ka Nasaye.3 Bulano ni khulwa sina abandi khu nibo khasi basubira? Okhurasubira khwabwe khuchia khukalukhania obwesikwa bwa Nasaye? 4 Khasi binyalikhana khaba: lekha Nasaye abe owabwadieri, katakario abaandu boosi nibaba ababacha; kori ngolwa kaandikwa mbwe, omanyikhane mbwe oli mulungifu mumakhuwa kao, okhire nochia mubukhalaki.5 Bulano khuboole sina nibili mbwe okhuraba nende obulungifu khwefwe khwekesia obulungifu bwa Nasaye? Khuboole mbwe Nasaye orera elirima khasi ni mulungifu khaba ( mboola kano ngomuundu) 6 Khasi binyalikhana! Khulwo khuba nibiba birio, Nasaye aba anakhalakira esialo arie?7 Arali nibili mbwe obwadieri bwa Nasaye buchiririre okhwekesia oluyaali lwaye khulwo khubeera obubacha bwange, ni khulwa sina esie siri khalakirwaanga okhuba omukholi wechimbi? 8 Khulwa sina nikhuraboola ( kori khwakhikhirwao, nende kori ngolwa bandi bedinya okhuboola bario), khukhole amabi mbwe amalayi keeche? okhukhalakirwa khwabwe khuli nende obulungifu.9 Ni sina bulano? Efwe khuli abalayi khukhira bandi? khasi bili birio kata budiidi. Khulwo khuba khumalire khusitaaka Abayaudi nende Abayunani mbwe boosi bali asi wechimbi.10 Kori ngolwa kaandikwa mbwe, abulao omulungifu kata sa mulala.11 Abulao omanyire; abulao okonyaanga Nasaye. 12 abaandu boosi bakora, khaandi babula ingaanga; abulao okholaanga amalayi kata sa mulala khaba.13 Emiporokodo kiabwe ni ing'ani yakhakha, bekhonyera echinimi chiabwe okhubacha. Obusiba bwechinjukha buli asi weminwa kiabwe. 14 Minwa kiabwe kiechulamo ebichubo nende obululuma.15 Amakulu kabwe namaangu khuchukha amabaanga. 16 Obusasikhi nende amanyakhano kali khu ngira chiabwe. 17 Khasi bamanya ingira yomuleembe. 18Khuria Nasaye khubula muchimoni chiabwe.19 Bulano khumanyire mbwe amakhuwa koosi akamalako kalomalomanga, ne kalomalomanga khu bala abali asi wamalako, mbwe buli munwa kubulere, khandi esialo siosi sibe asi wobukhalaki bwa Nasaye; 20 khulwo khuba abulao omuundu oli mumubiri ochia khubalirwa obulungifu imberi waye khurulana nende ebikhole bia malako; khubeera okhumanya imbi khuwichaanga khubirira khu malako.21 Arali bulano obulungifu bwa Nasaye bubonekhane owamalako kabula; ne amalako nende abanabii baburusiria obuloli; 22obuli obulungifu bwa Nasaye obuli mungira yobusubiri mu Yeso Kirisito khu bala boosi abasubira. Khubeera obukabukhani bubulao;23 Khulwo khuba abaandu boosi bakhola chimbi ne nibalemerwa oluyaali lwa Nasaye; 24 arali babalirwanga obulungifu bikhaya khubirira khu bukoosia bwaye, mungira yobununuli obuli mukari mwa Yeso Kirisito;25 owa Nasaye yamala khumurao mbwe abe omwambaani mungira yobusubiri mumabaanga kaye, mbwe anyoole khwekesia obulungifu bwaye, khulwe sifune siokhumalao echimbi chioosi echiarangira khukholwa mukhwesimirisia khwa Nasaye; 26 mbwe anyoole khwekesia obulungifu bwaye ebikha bino, mbwe abe owobulungifu khandi anyale khubalira obulungifu khu ula omuundu osubira Yeso.27 Bulano okhwefumia khuliena? khwikalirwe erwanyi. khubirira khu malako kaliena? Khubirira amalako ka ebikhole? Khaba dawe! Arali ni khubirira khu malako kobusubiri. 28 Bulano khubona mbwe omuundu abalirwanga obulungifu khubirira obusubira obubula ebikhole bia malako.29 Kose Nasaye ni Nasaye wa Bayaudi bongene? Khasi ni Nasaye wa banasialo bosi? Nibwadieri mbwe ni Nasaye wa banasialo bosi; 30 Ne nibili mbwe ni bwadieri Nasaye ni mulala, ochia khubalira obulungifu bala abakhebwa khubirira mubusubiri, khandi bala abarakhebwa bosi achia khubabalira obulungifu khubirira mubusubiri bwene obwo.31 Bulano, efwe khukalukhanie amalako khubirira mubusubiri obwo? Khasi binyalikhana! Arali efwe khwemekha amalako.
Chapter 4

1 Bulano khuboole sina khulondana nende Ibraimu, oli sefwe mungeri ya mubiri? 2 Khulwo khuba nibili mbwe Ibraimu yabalirwa obulungifu khubirira mubikhole biaye, aba ali nende sifune siokhwefumia; arali khasi ni imberi wa Nasaye khaba. 3 Khulwo khuba amaandiko kaboola karie? Ibraimu yasubira Nasaye, ne nabalirwa obulungifu.4 Arali khu muundu ula okholaanga emirimo, omuruungo kwaye khasi kubalwaanga mbwe ni sianwa khaba, arali kubalwaanga mbwe nilikobi. 5 Arali khu ula omuundu arakhola emirimo, ne yasubira ula oberesianga obulungifu bala ababulamo obunasaye, obusubiri bwomuundu oyo bubalirwa obulungifu.6 Kori ngolwa Daudi aberesania chikhabi khumuundu ula owa Nasaye abalira obulungifu obubula ebikhole, 7 nibechikhabi bala abalekherwa ebikhole biabwe bimaanu, nende bala abechimbi chiabwe chiarusibwao. 8 Niweyikhabi omuundu ula owomwami aramubalirakho echimbi.9 Bulano echikhabi echio chili khubala abakhebwa bongeni, kose nende khu bala abarakhebwa bosi? khulwo khuba khubolaanga mbwe obusubiri bwa Ibraimu bwabalirwa bulungifu. 10 Bulano yabalirwa arie? Namalire khukhebwa kose nasiri khukhebwa? khasi biali namalire okhukhebwa khaba, arali nasiri okhukhebwa.11 Khandi yanyoola esilolero siokhukhebwa, esibalikho esiobulungikhi obwobusubiri, esiayali ninasio kata narakhebwa: mbwe abe samwana wa bala boosi abasuubira, kata kario nibarakhebwa; mbwe boosi babalirwekho obulungikhi: 12 Khandi abe samwana wokhukhebwa, ne khasi ni khu bala abarali abokhukhebwa sa bongene, arali khu bala boosi abakenderaanga mubusenero bwo busubiri obwa sefwe Ibraimu, obwa yali nabwo kata nasiri okhukhebwa.13 Khubeera elilakano mbwe abe owobulaame bwesialo, khasi liali khu Ibaraimu, kata khu lwibulo lwaye, khulwa amalako, arali khu obulungikhi obwobusubiri. 14 khubeera nibili mbwe bala aba malako nibobulaame, obusubiri nibwebikhaya, khandi elilakano liakholwa elirakhakhola esiindu siosi. 15 Khulwo khuba elilako lireera elirima: khubeera owelilako libula, obukholi bwechimbi khasi buliwo khaba.16 Khulwesio nikhubeera obusubiri, khulwo bukoosia; mukhumalirikha elilakano aundi liulirire khulweimwo yoosi; khasi ni khulwa bala abamalako sa bong'ene, arali khu bala abali abo busubiri bwa Ibraim, oli sefwe fweesi. 17 ( Kori ngolwa kaandikwa mbwe, ndakhukhola okhuba samwana wa ebialo bingi) imberi wa ula owasubira, kata Nasaye olamusia abafwa, khandi akhola ebiindu ebio bioosi ebiraliwo okhuba kori ebiliwo.18 Naye yasubira khulindirira kala akarakheliinda, mbwe anyoole okhuba samwana wa ebialo bingi kori ngolwa kalomalomwa, mbwe olwibulo lwao luchia okhuba luriot. 19 khandi nabula obudekhere obwobusubiri yabona omubiri kwaye okhuba okufwire, ( namalire okhusia emiaka kori imia), nende imbeera yo khufwa okhwa inda ya Sara.20 Arali khasi yakanakana mukhurasubira khulondana nende elilakano lia Nasaye, arali yarebwamo amaani mubusubiri, ne naberesia Nasaye oluyaali; 21 khandi yali nende obusubiri mbwe Nasaye achia khusirisia kala akayali nalakire. 22 Khulwesio yabalirwa okhuba omulungifu.23 Ne kala akabalirwa khuniye, khasi kandiikwa sa khulwaye yeng'ene khaba; 24 arali ni khulwa efwe fwesi, khandi kachia 0khubalirwa khwefwe abasubira muula owalamusia Omwami wefwe Yeso khurula mubafu. 25 Omwene uno niye owarusibwa khulwo khubeera amabi keefwe, khandi yalamusibwa mbwe khunyoole khubalirwa obulungifu.
Chapter 5

1 Khulwako nikhumala okhubalirwa obulungifu oburula khu busubiri, khuli nende omuleembe kwa Nasaye, mungira Yomwami wefwe Yeso Kirisito, 2owa okhubirira muniye khwanyoola obukoosia buno obwakhwemeremo mubusuubiri; nende khusangaala khulwe linaaya liouyaali lwa Nasaye.3 Ne khasi ni ako kongene sa khaba, arali khusangalira kata nende mumanyakhano kosi; nikhumanyire mbwe amanyakhano kareraanga obwesimirisi; 4 ne obwesimirisi bwemekhanga omwoyo, ne okhwema khwomwoyo khureraanga linaaya; 5 nelinaaya khasi lireraanga echisoni khaba khulwo khubeera obukheeri bwa Nasaye bwamala khureebwa mumioyo kiefwe khubirira khu Roho mulafu owakhwaberesibwa.6 Khulwo khuba ngolwa khwali nikhubula amaani, abikha nibiola, Kirisito yafwira bala ababulamo obunasaye. 7 Khubeera nibidinyu omuundu khufwira omuundu mulungifu: arali binyalikhana omuundu khuteema khufwira omundu mulayi.8 Arali Nasaye yekesia obukheeri bwaye mwene khwefwe, khubeera Kirisito yarufwira, ngolwa khwali nikhusiri abakholi bechimbi. 9 Bulano khukhirakhoo, nikhumala khubalirwa obulungifu mumabaanga kaye, khuchia okhuonisibwa khurula mulirima khubirira muniye.10 Khubeera nibili mbwe khwambanisibwa nende Nasaye ngolwa khwali nikhuli abasuku khubirira mukhufwa khwomwana waye; khukhirao lukali, olunyuma lwokhwambanisibwa, khuchia khuonisibwa mubulamu bwaye. 11 Ne khandi khasi ni ako kongene sa khaba, arali khusangaliraanga munasaye khubirira khu Mwami wefwe Yeso Kirisito, owokhubirira khuniye, khwanyoola obwambani buno.12 Khulwesio bulano, nibili mbwe imbi yengera musialo khubirira khumuundu mulala, ne eliifwa niliichira abaandu boosi, khubeera boosi bonoona; 13 Khulwo khuba amalako nikasiri khubao, imbi yali musialo, arali imbi khasi yibalwanga owelilako libula;14 Kata kario, eliifwa liaruka khuchaaka khu Adamu khuula khu Musa, liaruka kata nende bala abarakhola imbi eyifwana nende eya Adamu, oli esifwanani sia ula ochia khwicha. 15 Arali esianwa sila khasi siali kori elibi lila khaba; khulwo khuba nibili mbwe abaandu bangi bafwa khulwe libi lio muundu mulala ula, okhirao lukali, obukoosia bwa Nasaye alala nende esianwa esili mubukoosia bwamuundu mulala oli Yeso Kirisito sikhirao khulwa baandu bangi.16 Arali esianwa khasi sili kori kala akaruliramo muyimbi yomuundu mulala ula; khulwo khuba obukhalaki bwecha khubirira khumuundu mulala ne bwarera esinyasio; arali esianwa siobukosia siecha khulwa mabi mangi, nisireera okhubalirwa obulungifu. 17 Khulwo khuba nibili mbwe eliifwa liaruka khulwe libi liomuundu mulala ula, okhirao lukali, bala abanyoola obukoosia mubungi alala nende esianwa sila esiobulungifu, bachia khuruka mubulamu khubirira mulala ula, Yeso Kirisito.18 Khulwako, kori ngolwa abaandu boosi bakhalakirwa sinyasio khulwe libi liomuundu mulala, nilwo olwabaandu boosi babalirwa obulungifu bwobulamu khubirira esikhole silala esiobulungifu. 19 Khubeera nibili mbwe abaandu bangi bengisibwa muyimbi khulwo bukhayi bwomuundu mulala, nilwo olwa abaandu bangi bengisibwa mubulungifu khulwo khuria khwomuundu mulala.20 Arali amalako keecha mbwe elibi lila linyoole khuba likhoongo lukali; ne ngolwa imbi yachiririra okhwemeeda, obukoosia bwaba obungi lukali; 21 mbwe kori sa ngolwa imbi yaruka muliifwa, mungeri yene eyo obukoosia bunyoole khuruka khubirira mubulungifu mubulamu bwobumeri khubirira khu Yeso Kirisito Omwami wefwe.
Chapter 6

1 Bulano khuboole sina? khuchiririre khumenya muchimbi mbwe obukosia bwemeede khuba bungi? 2 Khasi bunyailikhana! Efwe khwafwira yimbi khunamenya muchimbi khurie? 3 Khasi mumanyire mbwe efwe okhwabatisibwa mukirisito Yeso khwabatisibwa muliifwa liaye?4 Bulano khwasiikhwa alala ninaye khubirira mukhubatisibwa muliifwa liaye; mbwe kori ngolwa Kirisito yalamukha khurula mubafu khulwo luyalai lwa Sefwe, fwesi khukendere mubuyakha bwobulamu. 5 Khulwo khuba nibili mbwe mwambanisibwa alala ninaye mufwani yeliifwa liaye, nilwo olwamuchia okhwambanisibwa nende okhulamusibwa khwaye.6 nimumanyirisia likhuwa lino, mbwe imbeera yefwe eyo muundu eyikhale yabambwa alala ninaye, mbwe omubiri kweimbi kukalukhanisibwe, mani khuhaye okhukholera imbi khandi; 7Khulwo khuba ula owafwa yabalirwa obulungifu khurula muyimbi.8 Arali nibili mbwe khwafwa alala nende Kirisito, khusuubira mbwe khuchia okhumenya alala ninaye; 9 nikhumanyirisia mbwe Kirisito ngolwa yamala nalamukha khurula mabafu khasi anyala khufwa khandi, kose eliifwa khasi linyala okhumuruka khandi.10 Khulwo khubeera khulondana nende okhufwa khwaye, yafwira imbi likhabi elala sa; arali khukhumenya khwaye, amenyeraanga Nasaye.11 Mungeri yene eyo eng'we mwesi mwebale okhuba abafu muyimbi, ne abali balamu khu Nasaye mukari mwa Kirisito Yeso.12 Bulano, yimbi yiraruka mumibiri kiengwe ikiokhufwa, mani mwanyoola khuria obwekoombi bwakio; 13 kose murachiririra okhurusia ebidonye biemibiri kieng'we khulwo khwekhonyisirwa muchimbi; arali mwerusie eng'we bene khu Nasaye kori nga bala ababeresibwa obulamu khurula muliifwa, khandi murusie ebidonye biemibiri kieng'we khu Nasaye biekhonyesirwe mubulungifu. 14Khulwo khuba imbi khasi yichia khubaruka khaba, khubeera khasi muli asi welilako khaba, arali muli asi wobukoosia.15 Nisina bulano? khukhole chimbi khubeera mbwe khasi khuli asi welilako arali khuli asi wobukosia? Khasi binyalikhana! 16Khasi mumanyire mbwe nimwerusia okhuba abakholi, muli abakholi baula owamuria kata nimuli abakholi beimbi eyireraanga eliifwa, kose nimuli abakholi bokhuria okhureraanga obulungifu?17 Arali khwebasie Nasaye, khulwo khuba mwali abakholi bechimbi, arali mwanyoola khuria khurula mumioyo kieng'we muyifwani yila eya mekesio kamwaberesibwa; 18 ne ngolwa mwamala khubololwa khurula muchimbi, mwanyoola okhuba abakholi bobulungifu.19 Nomanoma kori nga omuundu khulwo khubeera obudekhere bwemibiri kieng'we. khulwo khuba kori sa ngolwa mwarusia ebidonye bia mibiri kieng'we mbwe biekhonyesirwe mubumali nende mubukhayi nimunyoola khukhayukha, mungeri yene eyo, murusie ebidonye bie mibiri kieng'we biekhonyesirwe mubulungifu mani munyoole okhulabisibwa. 20khulwo khuba ngolwa mwali abakholi bamabi, mwali abalekhule khurula khu bulungifu. 21Bulano ni ingaanga sina eyamwanyoola ebikha ebio khurula mubiindu ebiamuli khubonera echisoni ebikha bino? Khubeera obumalirikhi bwamakhuwa ako ni liifwa.22 Arali bulano ngolwa mumalire khubololwa, nende khukabulwa khurula muchimbi, ne nimukholwa okhuba abakholi ba Nasaye, muli nende ingaanga yeng'we, ne eyene eyo niyo okhulabisibwa khweng'we, khandi obumaliri bwayo ni obulamu bwobumeri. 23 Khulwo khuba omuruungo kwechimbi niliifwa; arali esianwa sia Nasaye nobulamu bwobumeri mukari mwa Kirisito Yeso Omwami Wefwe.
Chapter 7

1 Abakheerwa, khasi mumanyire (khubeera nomanomanga nende abaandu bamanyire amalako), mbwe amalako karukaanga omuundu nali omulamu?2 Khulwo khuba omukhasi oli nende omusaacha, amalako kamuboya khu musaacha oyo nasiri omulamu, arali omusaacha oyo nafwa, nabololwa khurula mulilako liomusaacha. 3 Bulano ebikha biomusaacha waye abeera omulamu, niyechukhana yabakho nende omusaacha undi, aba analangwa mbwe omuyeyi. Arali omusaacha waye nafwa, aba ali omulekhule, khasi nomuboye khulilako elio khaba, kata nadeekhisibwa nende omusaacha undi khasi aba ali omuyeyi khaba4 Khulwako abakheerwa bange, eng'we mwesi mwakholwa okhuba abafu khu malako, khubirira mumubiri kwa Kirisito, mbwe munyoole okhudeekhisibwa nende omuundu undi, ula owalamusibwa khurula mubafu, nende lichoomo mbwe khurusirie Nasaye ebiamo. 5Khulwa khuba ngolwa khwali mumbeera yomubiri, obwekoombi bwechimbi bwaliwo khulwo khubeera amalako, ne bwakhola emirimo mubidonye biemibiri kiefwe kata okhuula bianyoola khurusiria liifwa ebiamo6 Arali bulano khwabololwa khurula mumalako, khwafwira imbeera yila eyali yaruboya, mbwe khunyoole okhurumikha mumbeera yinjaakha eya Roho, ne khasi ni mumbeera yikhale eya ibarwa.7 Bulano khuboole khurie? Amalako kene ni yimbi? Khasi binyalikhan! Khubeera esie khasi ndakhamanyire imbi amalako nikarakhabereo; khulwo khuba khasi ndakhamanyire okhwekoomba, amalako nikarakhaboolere kari orekoombanga dawe. 8 Arali imbi yanyoola obweyango khubirira khu lilako elio, ne nilimala nilikhola buli imbeera eyo khwekoomba mukari mwange. Khulwo khuba imbi yafwa elilako nilibulao.9 Khulwo khuba esie ndali mulamu khale nimbula amalako; arali ngolwa malako keecha, imbi yanyoola obulamu, nasie ndanyoola okhufwa. 10 Ndabona elilako lila eliokhurera obulamu nilinderera liifwa.11 Khulwo khuba ngolwa imbi yanyoola obweyango khubirira mumalako, yambacha khandi nderwa khulwayo. 12 Khulwesio amalako nimatakatifu, khandi amalakano kosi nimataktifu, nikobwadieri, khandi nimalyi.13 Bulano, sila esiali esilayi siekhola liifwa khwesie? Khaba dawe! Arali mbwe imbi khuyinyoole khubonekhana okhuba imbi, yirera liifwa mukari mwange khubirira khu sila esiali esilayi, mbwe khubirira mumalakano imbi yichiririre okhuba imaanu lukali. 14 Khulwo khuba khumanyire mbwe amalako ni komumwoyo, arali esie nange ndi owomubiri, khandi ndakusibwa asi wobuboye bweimbi.15 Khubeera khasi manyirisia eliakhola, khulwo khuba eliandakha khasi nilio eliandi khukhola, arali lila eliandasuikhira nilio eliandi khukhola. 16Ne nikhola lila eliandaradakha, mba fukirira mbwe amalako kala nimalayi.17 Bulano khasi nasie mwene oli khukhola akene ako khaba, arali ni imbi yila eyili mukari mwange. 18 Khulwo khuba esie manyire mbwe sibulao esiindu silayi esiamenya mukari mwange, mumubiri kwange; khubeera okhwenya nyenya, arali okhukhola nakhwo khasi nyala.19 Khulwo khuba elilayi lila eliandakha, khasi nilio eliakhola; arali elibi lila eliandaradakha nilio eliakhola. 20 Bulano nibili mbwe lila eliandaradakha nilio eliakhola, khasi nesie omwene olikhola, arali ni imbi yila eyili mukari mwange. 21 Bulano esie mbwene amalako kano, mbwe nindakha okhukhola amalayi, ne elibi nalio elirininange.22 Khubeera esie sangaalira amalako komwami mukari mwange, 23 arali mubidonye biomubiri kwange mbona amalako kakabukhane, nikakhuyana nende amalako ka mapaaro kange, khandi nikamboya khu malako kechimbi akali mubidonye biomubiri kwange.24 Ni uuwi khwesie omumanani! Ni wina ochia khununula khurula mumubiri kweliifwa kuno? 25 Ndebasia Nasaye khubirira khu Mwami wefwe Yeso kirisito.Bulano nibili birio, esie mwene khulondana nende amapaaro kange kholera amalako ka Nasaye, arali mumubiri kwange kholeraanga amalako kechimbi.
Chapter 8

1 Khulwesio bulano, obukhalaki bubulao khu bala abali mukari mwa Kirisito Yeso, bala abarakenderaanga mumubiri, arali abakenderaanga muroho. 2 Khubeera amalako aka Roho owobulamu mu Kirisito Yeso kamberesia obulekhule okhurula mumalako akchimbi nende liifwa.3 Khulw khuba kala akamalako kakhirwa khukhola, khulondana nende kori ngolwa kali nende obudekhere khulwo mubiri, Nasaye yakhalakira imbi mumubiri khubirira mukhuruma Omwana waye mwene, mufwani yomubiri kwechimbi; 4 mbwe kala akenyekhana khu malako kanyoole khusirisibwa mukari mwefwe khurakenderaanga mumbeera yomubiri, arali mumbeera ya Roho. 5 Khulwo khuba bala abamenyaanga mumbeera yomubiri baparaanga amakhuwa komubiri; arali bala abamenyaanga mumbeera ya Roho baparaanga amakhuwa ka Roho.6 Khulwo khuba elichoomo liomubiri ni liifwa; arali elichoomo lia Roho nobulamu alala nende omuleembe. 7 Khubeera elichoomo liomubiri liri nende obusuku khu Nasaye, khulwo khuba khasi liaria amalako ka Nasaye, khandi khasi linyala okhuria khaba.8Bala abaloonda omubiri khasi bakhakheresia Nasaye.9 Kata kario eng'we khasi muli mumubiri, arali muli mu Roho nibili mbwe Roho wa Nasaye ali mukari mwe'ngwe. Bulano omuundu yeesi obula Roho wa Kirisito khasi ni wa Kirisito. 10 Ne Kirisito nali mukari mwe'ngwe, omubiri kwengwe kwafwa khulwe chimbi; arali omwoyo kwe'ngwe nomulamu, khulwo khubeera obulungifu.11 Arali nibili mbwe Roho wa ula owalamusia Yeso khurula mubafu ali mukari mweng'we, ula owalamusia Kirisito Yeso khurula mubafu anaberesia emibiri kieng'we ekio khufwa obulamu, khubirira khu Roho waye oli mukari mweng'we.12 Khulwesio bulano, abakheerwa, khuli nende elikobi, ne khasi nilio mubiri khaba, okhumenya khulondana nende omubiri . 13khulwo khuba nikhumenya mumbeera yomubiri, muba mudakha okhufwa, arali nimwira ebikhole biomubiri khubirira mu Roho, muchia khumenya14 Khubeera bala boosi abemirirwanga nende Roho wa Nasaye, abene abo nibo abaana ba Nasaye. 15 Khulwo khuba khasi mwanyoola Roho wobuboye oreraanga oburi; arali mwanyoola Roho owokhubakhola okhuba abaana, khubirira khuniye khuliraanga, nikhuboola khuri Aba, Sefwe.16 Roho mwene arusianga obuloli alala nende emioyo kiefwe naboola ari khuli abaana ba Nasaye; 17 ne nibili mbwe khuli abaana ba Nasaye, bulano, khuli abobulaame; abobulaame ba Nasaye, abanyoola abulame alala nende Kirisito; nibili mbwe khunasandisibwa alala ninaye mani khunyoole khuberesibwa oluyaali alala ninaye.18 Khulwo khuba esie mbukula okhusandisibwa khwebikha bino okhuba esiindu sirakhakeranisibwa nende oluyaali lula olwakhuchia okhufunulirwa. 19 Khubeera ebiloonge bioosi bilindiriranga mubuluo bungi okhufunulwa khwa abaana ba Nasaye.20 Khulwo khuba ebiloonge biosi biarebwa asi wobusasikhi; ne khasi ni khulwo khwenya khwabio khaba, arali nikhulwo khwenya khwa ula owabigeenga asi welinaaya; 21 Khulwo khuba ebiloonge biene biosi bichia khulekhulwa nende khurusibwa mububoye bwobusasikhi okhuula ngolwa bichia okhwingira mubulekhule bwoluyaali lwa abaana ba Nasaye. 22Khubeera khumanyire mbwe ebiloonge bioosi biliraanga khandi bili nende amanyakhano kobuchuuni alala kata okhuula ebikha bino.23 Khandi khasi ni ako sa kong'ene khaba, arali kata nende efwe ebene abali nende ebiamo ebiamberi ebia Roho, fwesi khulira mukari mwefwe, nikhulindirira okhukholwa abaana, ne nibwo obununuli bwomubiri kwefwe. 24Khulwo khuba khwaonisibwa khulwe lisuubira; arali esiindu esiasubirirwa nisibonekhana, elisuubira liba libulao. khulwo khuba ni wina osubiriraanga sila esibonekhana? 25 Arali nikhusubirira sila esiakhurabona, khusilindiriranga mukhwesimirisia26 Mungeri yene eyo, Roho arukhonyaanga mubudekhere bwefwe, khulwo khuba efwe khasi khumanyire okhulaama kori ngolwa bikhoyera, arali Roho mwene arulamiraanga mukhulira okhurakharumbulwa. 27Ne ula olingeraanga emioyo amanyire kori ngolwa amapaaro ka Roho kali, khulwo khubeara alamiraanga abatakatifu kori ngolwa Nasaye adakha.28 Khandi khumanyire mbwe mumakhuwa koosi, Nasaye akholaanga emirimo alala nende bala abamukheera mukhubaberesia amakhuwa malayi, ne abene abo nibo abalangwa khulwe lichoomo liaye. 29 Khulwo khubeera bala abayamanya mukhuchaaka, yabalobola khurula mukhuchaaka mbwe bakalukhanisibwe mufwaani eyo Mwana waye, mbwe ye abe omwibulwa owamberi akari wabaana bangi. 30Ne bala abayalobola mukhuchaaka, abene abo yabalaanga; ne bala abayalaanga, abene abo yababalira obulungifu; ne bala abayabalira obulungifu, abene abo yababeresia oluyaali.31 Bulano khuboole sina khulondana nende amakhuwa kene ako? Nasaye nali olwande lwefwe niwina oundi oli akulu wefwe? 32Ula orakhayiira khu Mwana waye omwene, arali yamurusia khulwefwe fweesi, anakhaya arie okhuruberesia ebiindu biosi mubulekhule?33 Niwina ochia okhusitaaka abalobole ba Nasaye? Nasaye niye obabaliraanga obulungifu. 34 Niwina ochia okhubakhalakira esinyaasio? Kirisito Yeso niye owafwa; ne khandi okhirao yalamusibwa khurula mubafu, mani ali omukhono musaacha okwa Nasaye; khandi niye orulamiraanga.35 Niwina ochia okhurukabukhania nende obukheeri bwa Kirisito? Kanyala khuba amanyakhano, kose obudinyu, kose okhusandisibwa, kose injala, kose esiekenye, kose amasira, kose olugaanga? 36 Kori ngolwa kaandikwa mbwe, khwirwa esideere khulwo khubeera ewe, khuli kori amakoondi akayirwa khusinjwa.37 Ne mumakhuwa kano koosi efwe khuli abakhiri, khandi abakhiri lukali, khubirira khu ula owarukheera. 38Khubeera esie malire khumanya obwadieri mbwe, kata sa eliifwa, kose obulamu, kose malayika, kose abo bunyala, kose obunyala bwosi bwosi, kose kala akaliwo, kose kala akachia khubao, 39kose akali akulu, kose akali asi, kose esiloonge sindi siosi siosi khasi sichia khunyala okhurukabukhania nende obukheeri bwa Nasaye obuli mukari mwa Kirisito Yeso Omwami wefwe.
Chapter 9

1 Mboola obwadieri mu Kirisito, khasi mbacha khaba, amapaaro kange kosi kandusiria obuloli mu Roho mulafu, 2 mbwe ndi nende obusiro bungi alala nende esibeera esirabwa mumwoyo kwange.3 Ndakhekombere mbwe esie mwene ngabukhanisibwe nende Kirisito khulwa abakheerwa bange, abekho bange khulondana nende omubiri, 4 Abayisiraili; abafukirirwa, nende oluyaali, nende amalakano, nende okhuberesibwa khwelilako, nende oburumikhi bwa Nasaye, nende amasubisio; 5 Aba basabwe khuloondana nende omubiri nibo aba Kirisito yechera, oli akulu wakoosi, Nasaye we chikhabi buli lwoosi. Amina.6 Khasi bili mbwe likhuwa lia Nasaye khasi liakhola emirimo. Khulwo khuba khasi ni Abayisiraili abali abolwibulo lwa Isiraili. 7Kose, mbwe Khulwo khuba nibeyimwo ya Ibraimu, boosi ni abaana: arali, mu Isaaka eyimwo yao yakharumbukhe.8 Abo nibala abali abaana abo mubiri, bano khasi ni abaana ba Nasaye: arali ni abaana belilakaano nibo ababalwa abeyimwo. 9 Ne lino nilio elikhuwa lielilakaano, mubikha nga bino ndakheche, naye Sara yakhanyoole omwana.10 Khasi nilino sa liongene khaba; okhuba Rebeka yeesi niyali nayere inda nomuundu mulala, oli sefwe Isaaka, 11( khulwo khuba abaana bali basiri okhwibulwa, nibasiri okhukholakho lilayi kose libi, mbwe elichoomo lia Nasaye okhulondana nende obuloboli linyale okhweema, abula ebikhole, arali khulwa ula owalaanga), 12 yabolerwa mbwe, omukhuluundu anakholera omuyere. 13Ngolwa kaandikwa mbwe, ndakheera Yakobo, ne ndasiula Esau..14 khunaboola khurie bulano? Nasaye abula bulungifu? Khasi Kali kario khaba. 15 Khulwo khubeera aboolera Musa ari, ndakholera esisa khu oyo owakholera sisa, ne ndaba owechimbaasi khu ula owandaberesia chimbabaasi 16 Khulwesio khasi ni khu ula oweenya, kose ula owirukha, arali khu Naseye owekesianga esisa.17 Eliandiko liboola khu Farao mbwe, khulwelichoomo liene elio ndakhukingula, mbwe nyale owekesia amaani kange mwewe, khandi mbwe eliira liange lilandasibwe musialo siosi. 18 Khu kario ali nende esisa khwoyo oyera sisa, ne oundi yomereseria omwoyo.19 Onamboolera mbwe, esikera nisina asiri anyoolanga amkarakhoyera? Niwina owakhaya elienya liaye? 20 Khaba abulao arali omuundu ewe, oli wina okalusianga Nasaye? Esiloongwe siakhaboolera omuloongi, mbwe esikera niunonga ori nisina? 21 Omuloongi siali nobunyaali khuliloba, muliloba elio anyala khureresia esiloonge sioluyaali, khandi muliene elio anyala khuresia esilonge esibula luyaali?22 Nisina, Nasaye niyeenya owekesia elirima liaye, nende okhumanyisia amaani Kaye, yesimirisirianga luleyi ebiloonge bikhoyere okhusasibwa: 23 amale yekesie obuyiinda bwoluyaali lwaye khubiloonge ebiesisa, abiayali okhurula mukhuchaaka yarekekhera oluyaali. 24 Kata efwe, abayalanga, sinibayaudi bongene, arali mubanasialo boosi?25 Ngolwa yaboola mu Hoseya ari, ndabalanga abaandu bange, abarali abaandu bange; khandi abakheerwa, abo abarali abakheerwa.26 Ne kakhabe mbwe, ala akabolwa khunibo mbwe simuli abaandu bange, awo bakhalangwe abaana ba Nasaye omulamu.27 Isaaya yesi yalirira Isiraili, kata obungi bwa abaana ba Isirayili nibuba nibuli ngomuyekhe kwomunyanja, elisaanja liabwe liakhaonisibwe: 28 okhuba yakhamale mirimo, nende okhukimbikirania mubulungifu: okhuba Nasaye yakhakhole omulimo mwimbikiri khusialo. 29 Ne ngolwa Isaaya yaboola mukhurangira, biba mbwe Omwami wa mayie narakharulekheere olwibulo, khwakhabere kori nga Sodoma, ne khwakhakholerwe khufwanana nende Gomora.30 Khubole sina bulano? Mbwe abanasialo , abaralondaanga obulungifu, banyoole obulungifu, kata obulungifu obulondekhana nende lisuubira. 31 Naye Isiraili, eyaloonda elilako eliobulungifu, siyanyola elilako eliobulungifu.32 Khukario, okhuba sibakoonya okhubirira mulisuubira, arali okhubirira mubukholi bwelilako, begumula khulikina eliokhwegumalakho elio; 33 ngolwa kaandikwa mbwe, lola, ndere musayuni elikina eliokhwegumulakho nende olwaanda olwo khwesikirala: naye oyo omusubiramo khasi achia khubona echisoni.
Chapter 10

1 Abakheerwa, obwekoombi bwomwoyo kwange nende elisaayo khu Nasaye khulondana nende Isirayili nilio mbwe, banyoole okhuonisibwa. 2 Obuloli bwange khunibo buli mbwe bali nende esinani khu Nasaye, arali mungira eyirali eyobumanyirisi. 3 Khulwanibo khukorwa obulungifu bwa Nasaye, khulwo khuteema okhukasia obulungifu bwabwe bene, sibeduduyisie khubulungifu bwa Nasaye.4 Okhuba kirisito niye obulamukhi bwelilako liobulungifu khu oyo yeesi osubira. 5 Okhuba Musa aboola khu bulungifu buloondana nende lilako, ari omuundu oyo okhola ebiindu ebio anabimenyera.6 Ne obulungifu bwelisuubira bulomalomaanga buri, oraboola mumwoyo kwao, mbwe wina onabukha achie mwikulu? (Abwene ao nokhukalusia Yeso khurula akulu:) 7 Kose ni wina oneekha emagoombea? (Abwene ao nokhubusia Kirisito khurula mubafu.)8 Ne liboola lirie? Elikhuwa liri ambi ninawe, kata mumunwa kwao, nende mumwoyo kwao: elio, nelikhuwa lielisuubira, eliakhuyaalanga. 9 Mbwe nochia okhurumbula Yeso nomunwa kwao, nosubira mumwoyo kwao mbwe Nasaye yamulamusia khurula mubafu, oliwonisibwa. 10 Okhubirira mumwoyo omuundu asubiraanga okhunyoola obulungifu; naye mumunwa arumbulaanga nanyoola obuonia.11 Okhuba eliandiko liboola liri, oyo omusubiramo sialidirwa nende echisono. 12 Okhuba obwaukhani bubulao akari womuyaudi nende omuyunani: okhuba Nasaye mulala oyo khuboosi nomunyali khuboosi abamulangirira.13 Okhuba oyo yeesi olangirira eliira Liomwami anaonisibwa.14 Ne banamulaanga barie ula owabarasuubira? Ne banasuubira barie mu ula awabasiabulira? 15 Ne banayaala barie, nibararumirwe? Kori ngolwa kaandikwa mbwe, namalayi karie amakulu akabala abayalaanga ifanjili eyomuleembe, nibarera amakhuwa malayi kebiindu bilayi.16 Ne boosi sibasuubira muyifanjili. Okhuba Isaaya aboola ari, Omwami, niwina owasuubira amkhuwa kefwe? 17 Okhuba obusubiri bwichaanga mukhubulira, khandi okhubulira likhuwa lia Nasaye.18 Arali ndeeba mbwe, khasi babulira khaba? Eee nobwadieri, oluyoka lwabe lwola buliabuundu musialo, ne amakhuwa kabwe nikoola muchimbeka chiesialo chiosi.19 Ne ndeeba mbwe, Isiraili khasi yamanya khaba? Imbeeri Musa aboola ari, ndabasinyisia mudiirwe nende ikhiinda khu baandu barayera, khandi ndabasinyisia nende oluya lusiru.20 Naye Isaaya nomukakaafu, naboola ari, ndanyolwa nende bala abaraangonya; ndamanyisibwa khu bala abarangoonya. 21 Ne khu Isiraili aboola ari, oludalo lulamba ndabambula amakhono kange khu baandu besileka nende abakhayi.
Chapter 11

1 Khandi ndeeba mbwe, Nasaye yasukuna abaandu baye? Khaba dawe. Okhuba esie siesi ndi omuisiraili, eyimwo ya Ibraimu, owolwibulo lawa Benjamini. 2 Nasaye khasi yasukunakho abaandu baye abayamanya khurula mukhuchaaka. Khasi mumanyire esiamaandiko kaboola khulondana nende Eliya? Ngolwa yasaayira Isiraili khu Nasaye naboola ari, 3 Omwami berere abanabii bao, nende okhuyabulula obwali bwao; nesie siengene odong'ere, ne khandi siesi bakoonya obulamu bwange.4 Naye Nasaye yamukalusiamo arie? Ndebikhira abaandu chilifu saba, abasiri okhurakho elikhumbo asi khusifwanani sia Baali. 5 Kata kario ebikha bino khuli nende omukaanda kwadoonga khulondana nende abalobolwe abobukoosia.6 Ne nikali mbwe khulwo bukoosia, khasi bisiiri khulwo bukholi khaba: kario obukoosi khasi bwakhaba obukoosia khaba.Kata emirimo khasi kiakhaba emirimo khaba. 7 Ni sina bulano? Isiraili khasi yanyoola esiayakonyango, arali abalobole nibo abanyoola, naye abadong'ere bofusibwa chimoni. 8 (Kulondana nende Kori ngolwa kaandikwa mbwe, Nasaye yababeresia Roho wokhukunukha, echimoni chiralola, nende amarwi akarabulira;) okhuula inyaanga yino.9 Naye Daudi aboola ari, imeesa yabwe yikholwe esirekekho, nende omuteego, nende esikhalicho, nende omuruungo: 10 Echimoni chiabwe chiirime, bakhaye okhulola, buli lwoosi emikoongo kiabwe kiguname buli lwoosi.11 Bulano ndeeba mbwe, begumula khubamale bakwe? Khaba dawe. Naye okhubirira mukhukwa khwabwe, obwonia bwechera abanasialo, bikere babe nende imbalikha. 12 Bulano nikaba mbwe okhukwa khwabwe nobuyiinda bwesialo, ne okhubeerera khwabwe nobuyiinda obwa banasialo; simuno okhwichusibwa khwabwe?13 Nomanoma nang'we banasiolo, Kata nende nindi omurumwa khubanasialo, ngingula oburumikhi bwange: 14 ninyala mungira yoosi khuberesia imbalikha abo abamabaanga malala ninange, mbwe nyoole okhuonia abandi khunibo.15 Khulwo khuba nikakhaba mbwe okhusukunwa khwabwe khurera obusasani bwesialo, okhufukirira khwabwe khunaba sina, arali obulamu khurula mubafu? 16Okhuba ebiamo ebiakhurangirira nibiakhaba ebitakatifu, esimeka siosi nesitakatifu: ne omusi nikuba omutakatifu, amasaga kosi kanaba kario.17 Ne amasaga kandi nakakhafunakwa, naye ewe , oli omuseituni mureende, wambanisibwe khunibo, alala ninabo osangirane khumusi nende obulayi bwomuseitun; 18 oresiimira amasaga. Ne niwesiima, khasi niwe obukule esisina arali esisina nisio esikhukingire ewe.19 Khu kario onaboola ori, amasaga kafunakwa mbwe nyoole khwambanisibwamo. 20 Nebilayi; kafunakwayo khulwo khurasuubira, ne ewe wemekhebwa mubusuubiri. oresiima arali orie. 21 Okhuba Nasaye naralekhera amasaga kokhurangirira, wekenderesie wesi khulwokhuralekherwa.22 Lola bulano obulayi nende obululu bwa Nasaye: khwabo abakwa, obululu; ne khwewe, obulayi, nimuchirira mubulayi bwaye, arali awo mwesi muchia okhalakwa.23 Ne boosi nibarachiririra mukhurasuubirira, bachia okhwambanisibwa: okhuba Nasaye anyala okhubambania khandi. 24 Nikakhaba mbwe ewe wakhalakwa khurula khu musaala museituni okwomusiino wambanisibwa mungira irali eya bulilwoosi khumuseituni mulayi; sinokhukhirao muno bala abali khwambanisibwa khumuseituni kwene?25 Khulwesio abakheerwa, khasi ndekoomba mbwe mukhaye okhumanya akobwekisi kano, mbwe mukhaye okhwelola kori abaandu bamakesi; mbwe mulwande obwomu bwanyoola Abayisiraili okhuula obwolererefu obwa banasialo bubechere .26 Khukario Isiraili yoosi yichia okhwonisibwa, ngolwa kaandikwa mbwe, omuonia achia khurula Sayuni, naye achia okhukabukhania Yakobo nende obukori bwaye: 27 Okhuba lino nilio elilakaano liange , olwandakharusieo obwononi bwabwe.28 Okhulondana nende ifanjili, nabasuku khulwo khubeera eng'we: ne okhulondana nende obulobole, nabakheerwa khulwa basabwe. 29 Okhuba ebianwa nende omulaango kwa Nasaye sibikalukhanaanga.30 Khulwo khuba eng'we mwesi mubikha biabira khasi mwasubiriraanga Nasaye, ne bulano munyolere esisa okhubirira mukhurasuubira khwabwe. 31 Kata kario bano boosi sibasuubira, mbwe okhubirira musisa siengwe bosi banyoole esisa. 32 Okhuba Nasaye ababalire boosi mubukhayi, mbwe anyoole khubabonera boosi esisa.33 Lola ngabuli obungi bwa makesi nende obumanyirisi bwa Nasaye! obukhalaki bwaye sibumanyikhane, khandi chingira chiaye sichinyolekhana! 34 Niwina omanyire amapaaro ka Nasaye? kose wina owalikho omukeraki waye?35 Kose wina owarangirira yamubakho esiindu, anyoole okhurungwa khandi? 36 Khulwaye, khandi khubirira muniyie, khandi khuyie, mulimo ebiindu bioosi: oluyaali lube ninaye buli lwoosi. Amina.
Chapter 12

1 Basaba bulano, abakheerwa mbwe, khubirira musisa sia Nasaye, muberesanie emibiri kiengnwe ngesisakhiro silamu, esitakatifu, esifukirirwa khu Nasaye, obuli burumikhi bufukirirwa. 2 Muraloonda ikhola eyomusialo sino: arali mukalukhanisibwe khulwo khukholwa amapaaro kengwe buyaakha, munyoole okhumanyirisia eliri lilayi, elifukirirwa, nende elienya lia Nasaye eliulirire.3 Mboola, khubirira mubukoosia obwandaberesibwa, khu buli muundu oli akari weng'we, khulwo khurapaara khukhirakho ngolwa okhoyere opaare; arali opaare nolimwaywe, okhulondana nende nga Nasaye yakhuba esikero sielisuubira.4 Kori ngolwa khuli nende ebimeka biingi mumubiri mulala , ebimeka ebio boosi sibili nomulimo mulala. 5 Khukario, efwe khuli bangi , ne khuli mubiri mulala mukirisito, ne buli mulala nomusangirani wowasie.6 Khulwo khuba khuli nende ebianwa bikabukhane okhulondana nende obukoosia obwakhwaberesibwa, Kata nibuli obunabii lekha burusibwe khulondana nende esikero sielisuubira. 7 Kose oburumikhi, khuliinde obukholi bwefwe: kose oyo owekesia, khukhwekesia; 8 Kose odinyisia, mukhudinyisia: oberesania akhole mukhweduduya; oyo oruka, akhole mubwekenderefu; oyo owekesia esisa, mubuchachayafu.9 Obukheeri burabamo obwekaadi. Lekhana nende elimaanu, dirira khuliri elilayi. 10 Mukheerane mulala khuundi nende okhukhalabanirana; musiriibwa, orangisie owasio.11 Muraba abakaara, abedinyirifu obomumioyo; nimukholera Nasaye. 12 Abasangaafu bomulichoomo; abesimirifu mubunyakhani; nimuchiririra mumasaayo; 13 nimuberesania ebiabatakatifu beenya, nimwingisia abakeni.14 Muberesie chikhabi bala ababasaandia: Mubaberesie chikhabi ne murabachuba khaba. 15Musangaale nende abasangaala, ne mulire nende abo abalira. 16Mufukirisanie abene khu bene: murara amapaaro khubila ebili akulu, arali mufukirisanie nende abali abaasi. Muraba abakesi mumapaaro keng'we abene.17 Oraruunga owasio libi khu libi. Mukhole akafukirirwa mumoni chia baandu. 18 Nibinyalikhana, okhulondana ninawe, menya mumuleembe nende abaandu boosi .19 Abekheerwa muraruunga amabi, arali wekaye nende oburima: khulwo khuba kaandikwa mbwe oburima nobwange; Omwami aboola mbwe yakharuunge. 20 Khu kario omusuku wao nali injala, mulisie, nali nobuluo mungwesie: khulwa khukhola orio onaba obusianga amaanda komuliro khumurwe kwaye. 21 orakhirwa nobubi, khira obubi mukhukhola malayi.
Chapter 13

1 Ne buli muundu arie oburuki obuli akulu. Okhuba bubulao oburali obwa Nasaye: oburuki buliwo bwoosi bwarebwao nende Nasaye. 2Khulwesio oyo yeesi oyingananga nende oburuki ayingananga nende amalako ka Nasaye, ne abo abayingananga bakhanyoole obusasibwi.3 Okhuba abaruki babula obubi nende emirimo milayi, arli emibi. Wakhekoomba okhaye khuria ula oli muburuki? Khola amalayi, nonafumisibwa ninaye. 4Nomukholi wa Nasaye khwewe khulwa malayi. Arali nokhola amakhiamu, orie, okhuba khasi aking'aanga olugaanga ebikhaya. Okhuba nomukholi wa Nasaye, orung'aanga amabi khulwokhulirisia oburima khwoyo omukholi wobubi. 5 Khulwesio kenyekha orie, khasi nikhubeera okhuria burima, arali khulwa mapaaro malayi.6Khulwa kene ako murung'aanga omusolo: okhuba nabakholi ba Nasaye abachiririranga okhukhola emirimo kiene ekio. 7Runga khu buli muundu ebienyekhana: omusoolo khu muundu womusoolo, oburosia khwoyo oyera, oburi khwoyo oyera, esiriibwa khu oyo oyera siriibwa.8 Oraba nende elikobi khu muundu yeesi, arali khukherana: Okhuba oyo okheraanga owasie yoleresia lilako. 9 Khulwa kano mbwe, orayeya, orera, oreeba,orakholanga obuloli bwobubacha, orekoombaanga; nende elilako lindi nililiwo, libusibwa alala mulikhuwa lino mbwe, onakheera owasio Kori ngolwa wekheera ewe mwene.10Obukheeri khasi bukholera owasio libi: Kho obukheeri nokhusirisia elilako.11 Ne nikhumanyirisia mbwe ebikha bino, nebikha ebia khurula muchindoolo: Okhuba bulano obwonia bwefwe buli ambi okhukhira ebikha biakhwasuubira. 12 Esiro sioloberere,esideere siulire: khukario khwefwalule ebikhole biesiriima, ne khwefwala ebiriniro biobulafu.13 Khukeende mubwesikwa, nga musideere; khasi nimubwekoombi nende obumeesi, simubwibi nende obuyeeyi, simubusoolo nende esikhalikhali. 14Arali mwefwale Omwami Yeso Kirisito, ne murerusia khumubiri, khulwo khulirisia obwekoombi bwakwo.
Chapter 14

1 Mufukirire oyo oli mudekheere mulisuubira, arali nende obuyiingani obwo khumukhalakira. 2 Omuundu mulala asuubira mbwe anyala khulia ebiindu biosi: oundi naye, oli mudekhere alia eliani liong'ene.3 Oyo olia aralekeresia oralia; naye oyo oralia arakhalakira olia: okhuba Nasaye yamufukirira. 4 Oli wina ewe okhalakiranga omusumba wowasio? Yeemaanga kose akwichaanga imberi womukhongo waye mwene. Kario, anemekhebwa: okhuba Nasaye anyala okhumukhola yeema.5 Omuundu mulala abukula indaalo ndala okhukhira yindi: naye oundi abona mbwe chindaalo chioosi chifwanana. Lekha buli mulala yebulire mwene mumapaaro Kaye. 6 Oyo ofumia nakingula indaalo ayikiingulira Omwami; naye oyo arakiingula akhola ario mumwami. Oyo olia, alia mumwami, okhuba yebasiaanga Nasaye, naye oralia akhayaanga Khulia munasaye, yeesi yebasiaanga Nasaye.7 Okhuba abulao owemenyeraanga, khandi abulao owefwiraanga. 8 Okhuba nikhumenya, khumenyeraanga Omwami; ne kata nikhufwa, khufwiraanga mumwami: khulwesio nikhumenya, kose nikhufwa, khuli abomwami. 9 Okhuba okhuula ao Kirisito yafwa, khandi nabuukha mubafu, naba omulamu, mbwe abe Omwami wabafu nende abalamu.10 Ne khulwa sina okhalakira omusiani weng'we? Kose nisina esikera nojaara omusiani weng'we? okhuba fweesi khwakheeme imberi wesisaala sia Kirisito esiobukhalaki. 11 Okhuba kaandikwa mbwe, Omwami aboola ari, olwamenyere, buli likhumbo liakhasigamire, naye buli lulimi lwakhafukirire Nasaye.12 Khulwesio buli mulala khwefwe yakhaberesanie amakhuwa Kaye khu Nasaye. 13 Khukario khurachiririra okhukhalakanirana: arali okakisie lino, mbwe abuleo orerao owasie esiokhwegumulakho kose esikera owasio yakwa.14 Manyire, khandi ngakisirwa nende Omwami Yeso, mbwe sibulao esiindu siraali esilafu siene, arali oyo obukula esiindu khukhaya khuba esilafu, khuye khasi nisilafu.15 Naye omusiani weng'we nasinyisibwa nende ebiakhulia biao, khasi muli khukeenda mubukheeri. oranyasia ula owa Kirisito yafwira khulwebiakhulia.16 Orafukirira ebikhole biao bilayi bilomalomwakho mubibi: 17 Okhuba obwaami bwa Nasaye khasi ni khulia nende khungwa khaba; arali bulondana nobulungifu, nende omuleembe nende isangaalo mu Roho mulafu.18 okhuba oyo okhalabanira Kirisito mubiindu bino afukirirwa nende Nasaye, najamisia abaandu. 19 Khukario khuloonde ebiindu bireera omuleembe, nende bila ebikiingula owasio.20 Oranyasia emirimo kia Nasaye khulwa biakhulia. Ebiindu bioosi nebilafu, arali nebimaanu khu ula oli nende obukanakani. 21 Khasi nibilayi olie inyama, kose ong'we ifini, kose siosi esikera omusiani weng'we yegumule, kose asinyisibwe, kose akholwe omudekheere.22 Oli nende lisuubira? Baninalio khulwewe mwene imberi wa Nasaye. Ali neisaangalo oyo orekhalakiraanga omwene khu sila esiafukirire. 23 Naye oli nobukanakani anakhalakirwa nalia, okhuba khasi alia mulisuubira: okhuba siosi esirarulana khulisuubira nesionoono.
Chapter 15

1 Efwe abali namani khukhoyere okhwesimirisiria abali nobudekheere ,oburesangaasia abene. 2 Lekha buli mulala khwefwe asangaasie owasie khulwobulayi bwaye nende okhumudinyisia.3 Okhuba kirisito yeesi khasi yesangaasia omwene, ne kori ngolwa kaandikwa, amajaaro kabala abakhujaara kakwa khwesie.4 Ako koosi akaandikwa mukhuchaaka Kali akokhurwekesia, mbwe efwe khubirira mubwesimirisi nende okhudinyisibwa khwa maandiko khube nende elinaaya.5 Bulano Nasaye wobwesimirisi nende okhudinyisibwa ababeresie amapaaro kafwanana mulala khu undi okhulondana nende kirisito Yeso. 6 Mbwe mumapaaro malala nende omunwa mulala mufumie Nasaye, oli samwana Omwami wefwe Yeso Kirisito.7 Khukario mufukirisanie abene khu bene, kori ngolwa Kirisito yeesi yarufukirira muluyaali lwa Nasaye.8 Bulano mboola mbwe Yeso Kirisito yali omurumwa wesikhebo khulwobwadieri bwa Nasaye, mbwe yoleresie akalakwa abasefwe: 9 khandi mbwe abanasialo banyoole okhufumia Nasaye khulwe sisa siaye; kori ngolwa kaandikwa mbwe, khulwa kano ndakhurumbula akari wabanasialo, nange ndafumia eliira liao.10 Khandi aboola ari, musangaale, engwe abanasialo, alala nende abaandu baye. 11Khandi mufumie Omwami, eng'ewe abanasialo mweesi; Khandi mumukingule, eng'we mweesi.12 Khandi Isaaya abooloa ari, khwakhabeo omusi kwa Yese, ne yakheeme okhuruka abanasialo; ne abanasialo boosi bakhamweesike.13 Bulano Nasaye welinaaya abechusie nende isangaalo yoosi, nende omuleembe mukhusubirira, mbwe mube nomwoyo kwokhwesimirisia khuliinda,khubirira mumaani ka Roho mulafu.14 Ne siesi malire okhukakisibwa mweng'we bana befwe, mbwe mwichule obulayi, alala nende obumanyirisi bwoosi, Khandi munyale okhukerekana.15 Kata kario, baana befwe, bandikiire mungeri yokhudinyisiakho, ndi ninang'we mumapaaro, khulwo khubeera obukoosia bwandaberesibwa nende Nasaye.16 Mbwe mbe omukholi wa Yeso Kirisito khubesialo,ninjaala ifanjili ya Nasaye, mbwe okhwerusia khwabanasialo khunyoole khufukirirwa, nibalabisibwa mu Roho mulafu.17 Khukario ndi nende esikera ndefumie okhubirira mu Yeso Kirisito mubiindu ebio, ebilondana nende Nasaye. 18 Khasi nyala okhubalomalomakho khulikhuwa liosi elia Kirisito arakhola khubirira mwesie, okhukera abesialo beduduye, mulikhuwa nende mubikhole, 19 okhubirira mubilolero bikhoongo nende ebiamakana, mumaani ka Roho wa Nasaye; mbwe okhurula Yerusalemu, nende okhubodokhana Ilirikamu, ndayaala mubwichufu ifanjili ya Kirisito.20 Kario ndakhanyakhana okhuyaala ifanjili, owa Kirisito asiri khurumbulwa, ndaroombakha khulwalo lwomuondu uundi. 21 Naye kori ngolwa kaandikwa mbwe, khu bala abaraboolerwa, bakhabone; nabo abarabulira bakhamanyirisie.22 Khu kene ako ndakhekalirwa amakhabi mangi obureecha owamuli. 23 Ne okhuba bulano mbula abuundu wandi mubimeka bino, ndakhaba nende okhwekoomba Khukhoongo emiaka mingi okhwicha owamuli:24 Olwandakhabe nende olukeendo lwoosi olwokhuchia Sipania, ndakheeche owamuli: khulwo khuba ndekoomba okhubalola mulukeendo lwange, nende okhukeesibwa ninang'we, mbwe omwoyo kwange Kunyale khuchachayisibwakho budiidi ninang'we.25 Arali bulano njia Yerusalemu okhuyaalira abatakatifu.26 Khulwo khuba bisangasisie abaandu ba Makedonia nende Akaaya okhurusia obusololi khu batakatifu ba Yerusalemu abareenyala. 27 Bibasangasisie muno, khandi bekholere okhuba abali nende elikobi khunibo, okhuba ebesialo nibasangirani mubianwa biabwe biomwoyo, bosi bayera okhubaba obiomubiri.28 Khukario nindakhakhola kano, nimalire okhubarerakho esilolero esie siamo sino, ndakhababirire ninjia Sipania. 29 Ne ndi nobwadieri mbwe, ninjicha owamuli, ndakheeche mubuungi bwechikhabi echieifanjili ya Kirisito.30 Bulano basaba, abakheerwa, khulwo Mwami Yeso Kirisito, nende khulwo bukheeri bwa Roho mulafu, mbwe munyaakhane alala ninange mumasaayo keng'we khu Nasaye khulwange; 31 mbwe nunulwe khurula khubala abarasuubira Buyudeeya; mbwe obukholi bwange khu batakatifu ba Yerusalemu bufukirirwe. 32 Mbwe nyale okhwicha owamuli mubusangaafu khubirira mulienya lia Nasaye, nyoole okhubuluukha alala ninang'we.33 Bulano Nasaye womuleembe abe ninang'we mweesi. Amina.
Chapter 16

1 1Barumire Fibi omukhana wefwe, ouli omukholi weikanisa eyili Kenikeria: 2 mbwe mumufukirire mumwami kori ngolwa bikhoyeera abatakatifu, khandi mbwe mumukhoonye mumirimo kioosi ekiayeenya obukhoonyi; okhuba yakhaba owobukhoonyi khu baandu bangi esie siesi nindimo.3 Khesia prisila nende Akwila abakhonyeresi bange mu kirisito Yeso: 4 abara asi obulamu bwabwe khulwange: ne khasi nesie obobera orio siengane khaba, arali kata nende amakanisa kabanasialo kosi: 5khandi khesia elikanisa liri munyuumba yabwe. Khesia omukheerwa wange Epaineto oli ebiamo biokhurangirira abia Akaya khu Kirisito.6 Mukhesie Maria owabanyakhanira lukali khulwefwe. 7 Khesia Andoronika nende Yunia, abekho bange, ababoywa alala ninange, abamanyikhane akari wabarumwa, abandangirira mu Kirisito. 8 Khesia Ambuliata omukheerwa wange mu Mwami.9 Kheserie Arubano omukholi wasiange mu Kirisito, nende Sitakisi omukheerwa wange. 10 Mukheserie Apele owafukirirwa mu Kirisito. Mukheeserie abaandu bomunyuumba ya Aristobulo. 11 Mukheeserie Herodioni, omwikho wange, Mukheeserie abaandu bomunyuumba ya Narikiso abali mu Mwami.12 Mukheserie Tirifiana nende Turufosa, abali nesinani mumwami. Mukheeserie Perisisi, omukheerwa owerusia lukali mumwami. 13 Mukheeserie Rufa, omukholi mumwami, nende ngina oli wange siesi. 14 Kheserie Asingrito, Fulegoni, Herime, Patiroba, Herima nende abakheerwa abali alala ninabo.15 Mukheserie Filologo nende Julia, Nerea nende omukhana waye nende Olimipa nende abatakatifu boosi abali ninabo. 16 Mukhesanie mungeri yokhuchunjunana khutakatifu. echikanisa chioosi echia Kirisito chibakhesia.17 Bulano basaba, abakheerwa mbwe, mumanyirisie abo abarera khukabukhana nende ebisikirasio ebikabukhane nende amekesio akamwekesibwa, mubekabulekho. 18 Abafwanana ninabo khasi bali khukholeraanga Omwami Yeso Kirisito, arali echinda chiabwe abene; mumakhuwa malayi nende inomanoma yokhwefumia, bakadirisianga bala ebemioyo midekhere.19 Esiriibwa esiamuli nasio siuliire abaandu boosi. Ndi musangaafu khulweng'we, ne ndakhekoombere mbwe mube abakesi mumalayi, ne abalolekha abasiru mukobumaanu. 20Naye Nasaye womuleembe anamuseena sietani asi wamakulu keng'we mubwangu. Obukoosia bwomwami Yeso Kirisito bube ninang'we. Amina.21 Timoteo omukholi wasiange abakhesia, nende Lukio, nende Yasoni, nende Sosipatiro, abekho bange. 22 Esie Teritio owandiika ibarwa ino bakhesia mu Mwami.23 Gayo onindire, nende abeikanisa boosi, babakhesia. Erasito omubikhi welidokho abakhesia, nende Kwarito, omusiani wefwe. 24 Obukosia bwomwami Yeso Kirisito bube ninang'we .Amina25 Bulano khwoyo oli namaani kokhubombakha khulondana nende ifanjili yange, nende okhuyaala Yeso Kirisito, okhulondana nende obufunuli bwamakhuwa kekisa, obwakisibwa okhurula esialo nisichaaka, 26 arali bulano kafunulwe, okhubirira mumaandiko kabanabii, okhulondana nende elilako lia Nasaye aralibwayo, kakholwa okhumanyikhana khu bialo bioosi ebifukirire obusuubiri:27 khu Nasaye oli namakesi yengene, oluyaali lube khuniye okhubirira khu Yeso Kirisito buli lwoosi. Amina.

2 Corinthians

Chapter 1

1 Paulo omurume wa Yeso Kiristo khulienya lia Nasaye, nende Timoteo omusiani wefwe , khu likanisa lia Nasaye eliri Korinto, alala nende abatakatifu boosi abali musialo sia Akaya..2 Obukoosia bube khweng'we nende omuleembe khurula khu Nasaye Sefwe, nende Omwami Yeso Kiristo.3 Nasaye Sefwe oli samwana mwami wefwe Yeso Kirisito afumisibwe. Niye Sefwe owesisa khandi Nasaye wobudinyisi bwoosi. 4 Nasaye orudinyisianga mumadinyu keefwe koosi, mbwe khunyoole khudinyisia bala abali mubudinyu bwosi bwosi. Khudinyisianga abandi khubirira mubudinyisi bula obwa Nasaye yekhonyera khurudinyisia.5 Kori ngolwa manyakhano ka Kirisito kali mwefwe, nilwo olwa khudinyisibwa khwefwe khuli khubrira mu Kirisito. 6 Ne kata efwe nikhusandisibwa, ni khulwo khudinyisibwa khweng'we nende obuwonia, ne nikhudinyisibwa, ni khulwo khudinyisibwa khweng'we. Khudinyisibwa khweng'we khuli nende amaani mukhwesimirisia mumanyakhano akafwesi khunyakhananga.7 Elinaya liefwe khweng'we nelidinyirifu, khulwo khuba khumanyiri mbwe kori mwambana ninafwe mumanyakhano, nilwo olwa mwambana nafwe mukhudiyisibwa.8 Ne khasi khwenya eng'we abakheerwa mukhaye okhumanya obudinyu bwarunyoola mu Esia. Khwasidoyerwa lukali okhira amaani kefwe, nikhurusiakho mwoyo kwokhumenya,. 9 Nibwadieri khwali nende obukhalaki bwaliifwa. Kene ako kali karukhola khuresika efwe bene, arali khwesike Nasaye, olamusianga abafu. 10 Owaruwonia muliifwa likhongo elio, khandi achia okhuruwonia. Khurere elisuubira liefwe khuniye mbwe achia khuruwonia.11 Achia khukhola kene kano engwe mwesi nimurukhoonya mumasaayo keng'we.Ne abaandu bangi bachia okhwebasia khulwobukoosia bwa khwaberesibwa khubirira mumasaayo kabaandu bangi.12 Okhusangala khwefwe nikhwo khuno, obuloli bwokhubasirisia khwefwe, mbwe mubutakatifu nende obulafu bwo bunasaye oburali nende obumanyirisi bwomubiri, arali khulwobukoosia bwa Nasaye khwachirira musialo lukali muno khulwe'ngwe.13 Khulwo khuba sikhubandikira eng'we amakhuwa kandi arali kala akamusoma nende khufukirira.14 mwafukirira musidonye, mbwe efwe khuli esifune siokhwelaya khwe'ngwe, ngolwa eng'we mwesi muli khwefwe munyaanga yila eyomwami wefwe Yeso.15 Muchwoni ino ndapara mbwe bolere imberi mbwe munyoole ingaanga ya khabiri, 16 mbwe babirire ninjia Makedonia, khandi nikhurula Makedonia nikhukalukha oweng'we, nikhuchia ninang'we Ebuyudea.17Kori ngolwa ndaparaanga ako ndali nende khukanakana? Kose akandakha khukhola kalondana nende mubiri mbwe esie mwene mboole mbwe ee ee kose khaba khaba? 18 Ngolwa Nasaye ali owobwadieri, elikhuwa liefwe khweng'we khasi liali eee nende khaba.19 Khulwo khuba omwana wa Nasaye Yeso Kirisito owayaalwa akari weng'we nende efwe, kata ninange nende Siliwano, nende Timoteo, khasi kali eee nende khaba, arali muniye kali eee. 20 Khubeera ebilakwa bioosi ebia Nasaye muniye ni eee khandi muniye kabe kario muluyaali lwa Nasaye khu efwe.21Bulano arugumia efwe alala ninang'we mukari mwa Kirisito, ne khandi owarubakha mafura ni Nasaye, 22khandi niye owarurakho esibalikho naruberesia Roho mumioyo kiefwe.23 Khwongesiakho, esie nanga Nasaye abe omuloleri akulu womwoyo kwange, khulwokhubelalikhira, nisiri okhuula Korinto. 24 Sibili mbwe khwaruka obusubiri bweng'we, arali khuli abakhoonyi beisangalo yeng'we, khulwo khuba mwema khubusubiri bweng'we.
Chapter 2

1 Arali mumapaaro kange ndapaara mbwe ndareecha khweng'we mubusiro. 2 Khulwo khuba ningera mwabeerera niwina onasangasia esie, arali ula owakholere yaberera?3 Esie ndabandikira elikhuwa elio, mbwe ninjicha ndaranyoola esibeera khurula khu bala abakhoyera khusangasia, esie besika eng'we mweesi mbwe isangalao yange ni yeng'we mweesi.4 Khulwo khuba ndabandikira mubudinyu bungi nende okhunyakhana khwomwoyo nende amasika mangi, ne khasi bili mbwe muberere, arali munyoole okhumanya obukheeri bwange obuli khweng'we kori ngolwa buli bungi.5 Arali niyakhabao yeesi oreera esibeera, khasi aberesie esie sibeera khaba, arali mulwande ndareecha ndabajongia eng'we mweesi.6 Kakhoyera omuundu weimbeera ino esinyasio sila esia yaberesibwa nende abali bangi. 7 Ne inyuma wako mumulekhere, nende khudinyisia omuundu oli ario mbwe areecha yamirwa nende esibeera sibira esikero.8 Bulano basaba mbwe mubeekesie obukheeri bweng'we. 9Khulwako ndabandiikira khulwe sifune sino , mbwe munyoole okhumanya obwadieri bweng'we, mwali abaandu bokhuria mumakhuwa koosi.10 Ne omuundu yesi yeesi owamulekhera esindu siosi, esie siesi mulekheera, khulwo khuba nindalekhera ula owandakhera , khulwa eng'we ndamulekhera mukari mwa Kirisito.11 Ne Sietani areecha yanyoola khurukhira khulwo khubeera khasi khukhirwa khumanya amapaaro kaye.12 Khulwe esio kori ndoola Teroa okhuyaala ifanjili ya Kirisito, Omwami yanjikulira omuliangiro. 13 Khasi ndalola isangaalo mumwoyo kwange, khulwo khuba khasi ndanyoola Tito omusiani wefwe, arali ndabasebula nimala nimbwao okhuchia Makedonia.14 Bulano khukhubira Nasaye orio oruberesianga obukhiri bulilwosi mukari mwa kirisito,nende khuloliesa isaami yokhumanya buli abuundu. 15 Khulwo khuba khuli isaami ya Kirisito indayi khu Nasaye, mubala abaonisibwa nende bala absasikha.16 Khu mulala khuli isaami yeliifwa khu liifwa, ne khuundi isaami yo bulamu khu bulamu. Niwina oyera mumakhuwa ako? 17 Khulwo khuba efwe khasi khuli kori baandu abandi abakusianga ellikhuwa lia Nasaye. Arali khulomalomaanga obulafu bwa machoma mukari mwa Kirisito, mumoni chia Nasaye ngolwa arurumire.
Chapter 3

1 Khandi efwe khwakhachaaka okhwefumia abene? Kose khudakha chibarua chiokhufumia khweng'we kose khurula khweng'we kori nga abaandu bandi? 2Eng'we bene neng'we ibarwa yefwe eyokhufumia, eyandikibwa khumioyo kiefwe,eyamanyikhana niyisomwa nende baandu boosi.3 Ngolwa mwamanyisibwa obulafu okhuba ibarwa ya Kirisito eya efwe khwareresia, eyirandikibwa nende obuyino, arali nende Roho wa Nasaye olimulamu. Ne khasi kaandikwa khu chimbao chiamakina, arali ni khu mioyo kiabaandu.4 Ne khuli nende elisuubira elieingira ino imberi wa Nasaye khubirira khu Kirisito. 5 Khasi bili mbwe efwe bene khuyera okhubola mbwe esindu siosi sirula khwefwe, arali okhulira khwefwe khurula khu Nasaye. 6 Nasaye niye yarukhola okhuba abakholi belilakaano liyaakha. Ne lino khasi nililakaano lieliandiko arali nilia Roho. Khulwo khuba eliandoko liira, naye Roho areera obulamu.7 Arali okhukhola khweliifwa okhwandikwa nende khuchorwa khumakina, kali akoluyaali, kata mbwe abaana ba Isiraili sibeenya khulola obweeni bwa Musa khulwo khubeera oluyaali lwali khubweeni bwaye, ne lwali oluyaali lubira. 8Okhukhola khwa Roho nakhwo sikhuchia khukhirakhoo muluyaali?9 Khulwo khuba nikali mbwe obukholi bwobukhalaki bwali nende oluyaali, ne obwobulungifu nabwo buchia khuba nende oluyaali lwaka lurie? 10Khulwo khuba sila esiakholwa okhuba esioluyaali khasi siali oluyaali mumbeera yino, khulwe sifune esio oluyaali olusikhira. 11Khulwo khuba nakali mbwe sila esiali sibira siali nende oluyaali, ne sila esiechinyaanga chiosi sichia khuba nende oluyaali lwaka lurie?12 Bulano kori khuli nende elisuubira elio, khuli nende ichuoni. 13 Efwe nafwe khasi khuli kori Musa owefunikha olububi mubweni bwaye mbwe abaana ba Isiraili baranyalirwa khulola obumalirikhi bwoluyaali lula olubira.14 Arali amapaaro kabwe kakholwa okhuba amomu. Khulwo khuba okhuula inyaanga yino nibasoma elilakaano likhale, olububi lula lubasirikho sa. Lusiri khumalwao, kuhlwo khuba bili mbwe lumalweo mukari mwa Kirisito. 15 Arali okhuula inyaanga yino, olububi lufunikhanga emioyo kiabwe nibasoma khu Musa. 16Kata kario, omuundu niyeecha khu Kirsito, olububi lurusibwao.17 Bulano omwami ni Roho, ne owa Roho wa Mwami ali, obulekhule buliwo. 18 Bulano efwe fwesi abali nende obweni bwamalwakho olububi, khulolanga oluyaali lwo Mwami. Ne khukalukhanisibwanga nikhwingisibwa mufwani yoluyaali lwene olwo khurula khu luyaali nikhuchia khu luyaali lundi, kori khurula khu Mwami, oli Roho.
Chapter 4

1 Khulwesio kori khuli nende obukhalabani buno, ngolwa khwanyoola esisa , khasi khwafwa emioyo khaba. 2 Arali khwakhaya ebiindu ebia mubwekisi nende ebiechisoni.Khasi khukenderanga mubikeskesi khandi khasi khukodianga elikhuwa lia Nasaye, arali khubufunuli bwobwadieri, nikhwelolesia efwe abene imberi womwoyo kwa buli mundu mubweni bwa Nasaye.3 Arali ifanjili yefwe niyekisa, yekisa khu abo abakora. 4 Nibo bala aba Nasaye wesialo sino yofusia amapaaro kabwe akarasubira. Khulwa kene ako, khasi banyalirwa okhubona obulafu bweifanjili yoluyaali lwa Kirisito, oli ifwani ya Nasaye.5 Khulwo khuba khasi khweyaala efwe bene, arali Omwami Yeso Kirisito, nende efwe abene kori abakholi beng'we khulwa Yeso. 6 Okhuba Nasaye bwaboola mbwe obulafu bwadukhe musirima, yaakha mumioyo kiefwe , okhulwokhuberesia obulafu bwo bumanyirisi bwoluyaali lwa Nasaye imberi wa Yeso Kiristo.7 Arali khuli nende imbikhiro ino mubikaye bieliloba, mbwe obukhoongo obwobunyala bumanyikhe kori buli obwa Nasaye oburarula khwefwe abene. 8 Muchimbeka chioosi khunyisibwa, arali khasi khukoyana, khubeyabeyisibwa arali khasi khufwa mioyo, 9khusandisibwa, arali khasi khulekhwa, khufwa, arali khasi khusasibwa, 10 Buli lwosi nikhukinga mumibiri kiefwe eliifwa Liomwami Yeso, mbwe obulamu bwa Yeso bunyoole khubonekhana mumibiri kiefwe.11 Khulwo khuba efwe abali balamu, buli lwoosi khufwa khulwa Yeso, mbwe obulamu bwa Yeso bunyoole okhubonekhana munyama chiemibiri kiefwe. 12Eliifwa likhole emirimo mwefwe arali likhole obulamu mweng'we.13 Khulwo khuba khuli nende omwoyo kula okwobusubiri, ngolwa kaandikwa mbwe, ndasubira,ne khulwesio khulomaloma, 14 nikhumanya mbwe ula owabuusia Omwami Yeso achia khurubuusia efwe fwesi mu Yeso, ne achia khurulolesia alala ninang'we. 15 Khulwo Khuba amakhuwa kosi ni khulweng'we, mbwe obukoosia bungi obwokhubirira mukhwebasia khwabangi khumeedwe khulwo luyaali lwa Nasaye.16 Khulwesio sikhufwa mwoyo khaba, kata kario omuundu wefwe owerwanyi asasikha, omuundu womukari naye achiririra okhukholwa muyaakha inyaanga khunyaanga. 17 Khulwo khuba amanyakhano kiefwe maangu, akaliwo khulwe bikha, karukholera oluyaali oluralibwayo oluli lungi lukali. 18 Ne khuralingeera khu biindu bila ebibonekhana, arali khubila ebirabonekhana, khulwo khuba ebiindu bila ebibonekhana nibiebikha bidiidi sa, ne bila ebirabonekhana nibiechinyaanga chioosi.
Chapter 5

1 Khulwo khuba khumanyiri mbwe inyuumba yobumenyo bwefwe obwomusialo muno niinyasikha, khuli nende esiumbakhe esirula khu Nasaye, inyuumba eyirakasibwa nende amakhono kabaandu, eyirabwayo mwikulu. 2khulwo khuba munyuumba yino khunyakhana nikhwekoomba mbwe khufwasibwe inyuumba yefwe eyirula mwikulu. 3Ne nikhumala okhufwasibwa khasi khunabonekhana okhuba esiekenye.4 Ne efwe nikhuli muliyeema lino, khuchunisibwa, nikhusidoyerwa, sibili mbwe khudakha khufwalulwa, arali khufunikhwa, ne sila esieliifwa sinyoole khumirwa nende obulamu. 5Bulano ula owarureresia khulwa makhuwa kene kano ni Nasaye, owaruberesia Roho okhuba esilolero siamakhuwa kala akachia khwicha.6 khulwako mube nende ichuoni nimumanyire mbwe nikhusiri nikhumenyere mumubiri, khuli ale nende Omwami. khulwo khuba khasi khukenderanga. 7 mukhulola, arali khukenderanga mubusubiri. 8 khulwako khuli nende ichuoni. Khwakhekombere okhuba ale nenede mubiri, ne khube alala nende Omwami.9 Khulwako khwedinyanga mbwe nikhuliwo kose nikhubulao, khunyoole khufikirirwa ninaye. 10Khulwo khuba efwe fwesi khukhoyera khubenekhana imberi wesisaala siobukhalaki esia Kirisito, mbwe buli muundu anyoole omuruungo kwa makhuwa akayakhola mumubiri, kata nikali malayi kose mabi.11 Khulwako khumanyire mbwe okhuria Khwomwami khunakhweesa abaandu, nafwe khubonekhana khu Nasaye, nange suubira mbwe kene ako nimakhakhu mumapaaro keng'we. 12Khandi khasi khwefumia efwe bene khweng'we, arali khubaberesia esifune siokhwebulisia khulwefwe, mbwe munyoole elikalusio khubala abebulisia khulwo khubeera bila ebibonekhana ne khasi nikhubila ebili mumwoyo.13 Ne nikakhaba mbwe efwe khulalukhe mubwongo bwefwe, ni khulwa Nasaye, 14Khulwo khuba obukheri bwa Kiristo bunarwimirira, nende sifune mbwe, omundu mulala oyo yafwira baandu boosi, ne khulwako boosi bafwa. 15Yafwira baandu boosi, mbwe bala abamenya, baramenya khulwabwe bene arali bamenye khulwa ula owabafwira mani khandi nalamusibwa.16 Khulwe sifune sino, khuchaaka bulano nikhuchiririra khasi khumanyirisia omuundu yeesi khulondana nende mubiri, khandi efwe khwamumanya khurio. 17Khulwako, omuundu yeesi nali mukari mwa Kirisito, ali esiloonge siyaakha. Amakhuwa makhale kabirire,ne bulano lingeera kechere mayaakha.18 Amakhuwa kano koosi karula khu Nasaye owarwambania khuniye mwene khubirira khu Kirisito, narubersia emirimo kiokhwambania. 19Ne ako kali mbwe Nasaye alikhwambanianga esialo khuniye mwene mukari mwa Kirisito, narabala ebionono biabwe. Ne aruberesie elikhuwa liokhwambania.20Khulwako , khuli abarumwa khulwa Kirisito, kori nga Nasaye yakhasaba khubirira muminwa kiefwe, khubasaba eng'we khulwa kirisito mbwe mwambanisibwe nende Nasaye. 21Khulwo khuba yakhola ula orali yamanya imbi okhuba imbi khulwo khubeera efwe khunyoole okhuba abalungifu ba Nasaye muniye.
Chapter 6

1 Nafwe abakholi alala ninaye khubasaba mbwe, muranyoola obukoosia bwa Nasaye esikhaya. 2Khulwo khuba aboola ari, ebikha biafukirirwa ndakhubulira, inyaanga yobuonia ndakhukhoonya , lingeera inyaanga yobuonia niyo yino. 3Khuraba esisikirasio esieimbeera yosi yosi mulikhwa liosi liosi, mbwe oburumikhi bwefwe buranyolekhanamo imbi.4 Bulano khunyoole khweberesia ifuma yindayi mubuli likhuwa kori nga abakholi ba Nasaye, mukhwesimirisia khungi, mukhusandisibwa, mumasira, mumanyakhano, 5mukhukhuywa, mububoye, mukhubachirwa, mukhusaanda, mukhukhiesia, mukhusiiba,6mukhuba balafu mukhumanya, mukhwesimirisia, mumbeera yindayi muroho mulafu, mubukheeri bubulamo obwekaadi, 7mbwe mulikhwa liobwadieri mumaani ka Nasaye, mubilwaniro biobulungifu ebiomukhono musaacha nende ebiomukhono mukhasi.8 Muluyaali nende muchisioni khulomalomakhwo ebibi nende khulomalomakhwo bilayi, kori nga khuli abaandu bobwadieri, 9 kori nga abaramanyikhana arali abamanyikhana lukali, kori nga abafwa khane khuli balamu, kori nga abalabirwa, arali abarerwa, 10kori nga abali nende esibeera arali muchinyaanga chioosi khuli basangafu, kori nga abamanani arali khukholwa okhuba bayiinda, kori nga ababula siosi siosi, arali khuli nende ebiindu bioosi.11 Kkhulomalomere obwadiere bwoosi eng'we Abakorinto, nemioyo kiefwe nimiakhakhu, 12Khasi mufwinywa mukari mwefwe, arali mufwinywa mumioyo kieng'we. 13 khulwako, munyoole khulondana ngolwa mwaberesibwa (mboola nang'we kori nga abaana) eng'we mwesi mukhongoyisibwe mioyo.14 Muraboywa lijoki alala nende bala abarasubira , kori nga birakhoyera, khulwo khuba khuli nende bwambani sina akari wabalungifu nende abarali balungifu? Khandi khuli nende bwambani sina akari wobulafu nende esirima? 15 Khandi khuli nende okhukheresia sina okhuli akari wa Kiristo nende Beliali? Kose khuli nende mukabo sina akari wa ula owasubira nende orasubira? 16 Khandi khuli nende khufukirisania sina akari weikhekalu ya Nasaye nende ebifwanani? khulwa khubeera efwe khuli ikhekalu ya Nasaye oli mulamu, ngolwa Nasaye aboola ari, ndekhala mukari mwabwe khandi ndakeenda akari wabwe,nabo banaba abaandu bange.17 Khulwako, Omwami aboola ari, murule akari wabwe, mwekabule ninabo, muradiira khusiindu simali nange ndabengisia. 18Omwami onyala bioosi aboola ari, nangwe munba abaana bange abesisiani nende abesikhana.
Chapter 7

1Bulano abakheerwa bange, khulwo khuba khuli nende amalakano kano, khunyoole khwelabia echimbeera chiefwe khurula mubumali bwoosi obwomubiri nende mwoyo, nikhusiirisia obutakatifu mukhwechomia Nasaye.2 Muruberesie obweyango mumioyo kieng'we, khasi khwakholera omuundu yeesi libi, kose khusasia omuundu yesi yeesi. 3 Khasi mboola elikhuwa elio khulwo khubakhalakira, khulwo khuba ndangirire khuboola mbwe eng'we muli mumioyo kiefwe, kata mukhufwa alala nende khumenya alala. 4 Ndi nende ichuoni khweng'we, khandi ndi nende oluyaali lukhoongo khweng'we, njichusibwe nende khulemisibwa omwoyo, khandi njichusibwe nende obusangaafu okhira sikero mumanyakhano kefwe koosi.5 khulwo Khuba ngolwa khwola Makedonia emibiri kiefwe khasi kianyoola khubulukha, arali khwasandisibwa buli chimbeka , erwanyi khwali nende eliiyie, mukari khwali nende oburi. 6 Arali Nasaye adinyisianga badekhere, yarudinyisia khubirira mukhwicha khwa Tito. 7 Ne khasi nikhukhwicha khwaye sa, arali okhudinyisibwa khula okhwa yadinysibwa ninang'we, narubolera amakhuwa keng'we akobuluwo nende khulirira khweng'we, nende esinani sieng'we khulwo khubeera esie, nange ndachiririra khusangaala lukali.8 Khulwo khuba kata nakali mbwe ndabasinyisia mubarwa yila, khasi ndekanira, ne kata nindekanira mbona mbwe ibarwa yila yabadinyisia, kata kario khu bikha bidiidi sa. 9 Bulano sangaala, ne khasi ni khulwo khusinyisibwa khweng'we, arali khulwo khubeera khusinyisibwa khweng'we khwabanyalira okhwekanira, khulwo khuba mwasinyisibwa mumbeera ya Nasaye mbwe muranyoola khukosia mulikhwa liosi liosi. 10 Khulwo khubeera esibeera esieyifwani ya Nasaye sikholanga okhwekanira okhurera obuonia obubula esifune siokhuberera, ne esiomusialo sireraanga liifwa.11 Ne mulingere mbwe okhubererera khwene khwo okhwa imbeera ya Nasaye khwakhola okhuria mukari mweng'we, nende khwerusiamo, nende khusinyikha, nende oburi, nende obuluwo, nende khwedinya, nende khuruunga libi khu libi, mungira yoosi muyekesie abene khuba abalafu khu likhuwa elio. 12 Khulwako ,kata kario ndabandiikira, khasi ndabandiikira khulwa ula owakhola mabi, kose ula owakholerwa mabi, arali mbwe esinani sieng'we khulwo khulwefwe sibonekhane imberi wa Nasaye.13 Khwadinyisibwa khulwa kene ako, mukhudinyisibwa khwefwe khwasangaala okhira esikero, khubeera obusangaafu bwa Tito, khulwo khuba eng'we mweesi mwsangasia omwoyo kwaye. 14 Khubeera mbwe nindelaya imberi waye mulikhuwa liosi khubeera eng'we, khasi ndambisibwa echisoni, arali kori ngolwa khwababoolera amakhuwa koosi mubwadieri, khukario okhwelaya khwefwe khu Tito khwali okhwobwadieri.15 Ne obukheeri bwaye khwengwe bubere obungi okhukhira sikero ,niyechulisia okhuria khweng'we mweesi ngolwa mwamwingisia muburi nende khurengerakha.16 Khulwa kene ako, ndi nende ichuoni mweng'we mumakhuwa koosi.
Chapter 8

1 Khandi abakheerwa, khubaboolera amakhuwa kobukosia bwa Nasaye, obwamakanisa ka Makedonia kaberesibwa, 2 khulwo khuba ngolwa bali nibateemwa mumanyakhano mangi, obungi bweisangaalo yabwe nende obumanani bwabwe bwali bungi obwamwamederwa obuyiinda bwobwani bwabwe.3 Khulwo khuba babarusiria obuloli mbwe khulwo bunyala bwabwe , nende khulwo khukheera khwabwe bene, barusia ebiindu biabwe,4 nibarusaba lukai alala nende okhurwekweeda khulwa makhuwa kobukosia buno, nende obwambani buno , nende khukhalabanira abatakatifu. 5 Ne kene kano khasi kekholehana kori nga khwali khuparire, arali barangira berusia khu Mwami, ne nibamala niberusia khwefwe khulwe lienya lia Nasaye6 Khulwako khwasaba Tito owachakisia emirimo kino, mbwe amalirisie emirimo kio bukoosia kino. 7 Ne muli nende obungi bwa makhuwa koosi, mubusubiri, nende mukhulomaloma, nende mumakesi, nende esinani sioosi, nende mubukheeri bweng'we khwefwe, khandi kario munyoole khuchiririra muyikhola yobukosia yino.8Khasi mboola khulwo khubaberesia elilako, arali ni khulwo khudakha khumanyirisia obwadieri bwobukheeri bweng'we nikhukerania nende esinani sia baandu bandi.9 Khulwo khuba mumanyire obukoosia bwo Mwami wefwe Yeso Kirisito , mbwe kata kario yali omuyiinda, yekhola omumanani mbwe eng'we munyoole okhuba abayiinda.10 Lino nilio elikerako liange ilibakhoyera mulikhuwa lino. Omwaka kwabwere khasi mwali abamberi mukhurusia khwongene, arali nende okhuba nende omwoyo kwo khukhola. 11 Ne bulano musirisie okhukhola khula ngolwa mwali abarekekhe khwenya okhola murio, kario mube abarekekhe okhusirisia mubunyala bwamuli nabwo. 12 Khulwo khuba elinaaya niliriwo, omuundu afukirirwa khulondana nende ebiali nabio, ne khasi nikhulondana nende ebiabula nabio.13 Ne khasi mboola kano mbwe abaandu bandi banyoole isangaalo nang'we munyoole ebidinyu, 14 arali amakhuwa kabe akayeraana mubikha bia bulano, obungi bweng'we bubakhoyera mubulemufu bwabwe, ne obungi bwabwe bubakhoyera eng'we nimuralemerwa mani khube nende khuyeraana.15 Kori kaandikwa mbwe owabusia ebingi khasi yali nende bingi okhirao, ne ula owabusia bidiidi khasi yalemerwa siosi.16 Arali khwebasie Nasaye Ula Orechaanga esinani sila mukari mwomwoyo kwa Tito khulweng'we. 17 Nibwadieri mbwe yafukirira amakerako, khandi niyedinya okhuba nende esinani, yasamula khuchia oweng'we khulwo khukheera khwaye mwene.18 Ne alala ninaye, khwaruma omusiani wefwe ula oweifuma yaye khubirira khuyifanjili yasalaana mumakanisa koosi.19 Khandi khasi nako kongene sa, arali yalobolwa nende amakanisa, mbwe asamule alala ninafwe khulikhuwa liobukosia buno , obwakhalabaniranga, mbwe Omwami afumisibwe ne oburekekhe bwefwe bubonekhane.20Nikhwekaya nende elikhuwa lino, omuundu areecha yarubululira khulwa makhuwa ke sianwa sino esia khwekhonyisiria.21 Khasi khupaara okhola akali malayi imberi wo Mwami sa, arali nende imberi wabaandu.22Nafwe alala nabo khurumire omusiani wefwe owakhwabona ebikha bingi mumakhuwa mangi nali nende esinani, ne kata bulano ali nende sinani muno khulwe linaaya likhoongo elia ali nalio khweng'we. 23 Bulano omuundu niyenya amakhuwa ka Tito, ye niye omwambani , khandi omukholi wemirimo alala nange khulweng'we, khandi khulwa makhuwa kabaana befwe, ne nibo abarumwa bamakanisa nende oluyaali lwamakanisa,24 mbwe mubekesie imberi wa makanisa obwadieri bwobukheeri bweng'we , nende okhwelaya khwefwe khulweng'we.
Chapter 9

1 Khulondana nende amakhuwa akokhukholeranga abatakatifu, esie mbula esifune esiokhubandiikira, 2 khulwo khubeera manyire oburekekhe bweng'we obwandelayirakho khubaandu ba Makedonia, mbwe Akaya yali yerekekha khurula omwaka kwabwere, khandi esinani sieng'we siberesie mwoyo abaandu bangi.3 Bulano , ndaruma abakheerwa abo mbwe okhwelaya khwefwe khulwengwe khurakalukhanisibwa mulikhuwa lino, ne munyoole okhuba abarekekhe ngolwa ndaboola, 4nende elichomo mbwe Abamakedonia nibeecha alala nange, ne nikhubanyoola nimurali abarekekhe, khureecha khwambisibwa echisoni, (khasi mboola esiindu khweng'we) khulwokhubesika. 5 Khulwako ndabona mbwe bikhoyera okhuboolera abakheerwa bano mbwe barangirire okhwicha eyo mani banyoole khurekekha ebianwa bieng'we ebiamwalaka, binyoole okhuba birekekhe kori ngechikhabi, ne biraba kori nga esindu sirusiibwe mukhuyikwa.6 Ne mboola mbwe, oraaka mubudiidi achia khukesa mubudiidi, naye oraaka mubungi achia khukesa mubungi. 7 Buli muundu akhole kori ngolwa aparire mumwoyo kwaye, ne arakhola musibeera kose mukhuyikwa khaba, khulwo khubeera Nasaye Yakheera ula orusianga khurula mumwoyo mulekhule.8Ne Nasaye anyala okhwichusia obukoosia mubungi , mbwe eng'we nimuba nende obunyoolero bufwana burio echinyaanga chioosi, munyoole okhwedinya musikhole silayi siosi, 9 kori ngolwa kaandikwa kari, Yabisalania naberesania abamanani, ne obulungifu bwaye nibwechinyanga chioosi.10 Ne ula oberesania yimwo khu ula oraaka nende omugaati kwo khulia, achia khuberasania nende khumeeda mubwichufu yimwo yeng'we eyokhuraaka, khandi achia khumeeda ebikese biobulungifu bweng'we. 11 Ne muchia khuyindisibwa mubiindu bioosi mbwe munyoole okhuba nende obwani, obuchia khukera Nasaye yebasibwe khubirira mwefwe.12 Khulwo khuba oburumikhi bwemirimo kino khasi bwosirisiria abatakatifu obunyolero obwabaleemerwa sa, arali bumeeda okhuba nende ingaanga khulwokhwebasia Nasaye khulwo bunyala bwaye, 13 khulwo khuba nimuteemibwa muburumikhi obwo, Nasaye afumisibwa khulwo khuria khweng'we mukhfukirira likhuwa lia Kirisito, nende khulwobwani bweng'we obwamwambanisiwamo nende abaandu boosi, 14 nabo ebene nibasaba khulwo khumenya khweng'we khandi nibababonera obuluwo khulwo khubeera obukoosia bwa Nasaye obwechula mukari mweng'we. 15 Kkhwebasia Nasaye khulwe sianwa esiakhuranyala khufumia kori nga bikhoyera.
Chapter 10

1Bulano esie Paulo mewene basaba mukhweduduya nende obwedemberefu bwa Kirisito, esie oli owo khweyikhia asi nindi alala nang'we, kata nimbulao ndi nende ichuoni khweng'we, 2arali basaba mbwe kata nindiwo, ndareecha ndaba nende ichuoni yo khupaara mbwe esie ndi akulu wa baandu bala abapaaranga mbwe efwe khukenderanga mumbeera yomubiri3 Khulwo khuba kata kario khukendera mumubiri, khasi khukhuyananga mumbeera yomubiri, 4 ( khulwo khuba ebilwaniro bie liiyie liefwe khasi nibiomumubiri khaba, arali bili nende obunyala mu Nasaye khulwo khukoka echingoba,)5 Khandi nikhukoka amapaaro nende buli sindu esiekingula akulu wa makesi ka Nasaye, nikhudiira buli mapaaro kosi mbwe kanyoole khuria Kirisito, 6 khandi nikhuba aberekekhe khukalukhania amabi koosi, okhuula kori ngolwa okhuria khweng'we khuchia khulirira.7 Mulingale kala akali imberi weng'we.Ne omuundu niyesubiramo omwene mbwe ali omuundu wa Kirisito, kario Khandi apaare mumwoyo kwaye kori ngolwa ali omuundu wa Kirisito, nilwo olwa efwe fwesi khuli. 8 Khulwo khuba kata nindakhefumiakho budiidi khulwo khubeera obunyala bwefwe ( obwa khwaberesebwa nende Omwami, mbwe khunyoole okhubombakha, ne khurabakwisia), khasi njia okhwambisibwa echisoni khaba.9Ne ndareecha ndabonekhana kori nga owenya khubarisia khulwe chibarwa chiange. 10 Khulwo khubeera abaandu bandi baboola bari, chibarwa chiaye nichisiro chiamaani, arali omwene naliwo mumubiri nomudekhere, khandi makhuwa kaye khasi nisindu sikhoyera khurekeresia.11Omuundu kori oyo amanye mbwe kori ngolwa khuli muchibarwa chiefwe nikhuraliwo, nilwo olwakhuli mubikhole nikhuliwo. 12 Khulwo khuba khasi khwakhateema khwebalira alala nende bala abefumia abene, kose khwekerania ninabo, arali abene nibakerania chimbeera chiabwe abene khu bene, khasi bali nende obumanyirisi khaba.13 Ne efwe nafwe khasi khunefumia akulu wobunyala bwefwe, arali khulwo bunyala bwesikero esiakhwapimirwa nende Nasaye, mbwe khunyoole obunyala bwokhuboolera. 14 Khulwo khuba khasi khwekhwesa okhira obunyala bwefwe, obeera ori khasi khubolereranga, khubeera khwarangirira khubolerera khubirira muyifanjili ya Kiristo.15 Ne khasi khwefumia akulu wobunyala bwefwe, khubirira mubunyakhani bwabaandu bandi, arali nikhuli nende elinaaya mbwe obusubiri bwefwe nibukhula, khunakhusibwa khweng'we mubunyala bwesikero siefwe nende khunyoola obwichufu, 16 kata khuyaala ifanjili mubialo bili imberi weng'we, ne khuranyoola okhwefumia musikero sioundi khulwa makhuwa kamala khukasibwa.17 Ne ula owelaya, yeleyire Mumwami.18Khulwo khuba omuundu ofukirirwa khasi ni ula owelaya mwene okhuba okhoyera, arali ni ula olaywa nende Omwami.
Chapter 11

1Biakhabere ebilayi nimwakhesimiriesie budiidi mubusiru bwange mu Nasaye, ne murajoonga nange khaba. 2 Khulwo khuba esie babonera imbalikha yo Bunasaye, khubeera ndabambania khu musaacha mulala, mbwe nyoole khurerera Kirisito omusisira mulafu.3Arali ndi nende oburi mbwe, karakhaba mungira yosi, kori nga injukha yabachirisia Hawa mubikesi kesi biayo, areecha yanyasia amapaaro keng'we karusibwa khu khweduduya khuli mukari mwa kirisito. 4 khulwo khuba omuundu undi neyecha okhuyaala Yeso undi owefwe khurayaala, kose nimunyoola roho undi owamuranyoola, kose ifanjili yindi eyamurafukirira, nibilayi mwesimirisie ninaye.5Khulwo khuba mbaara mbwe khasi ndalemerwa nende esiindu siosi esiabarume bakhoongo bali nasio. 6 Ne kata nindaramanyire okhulomaloma mubumanyirisi bwa makesi kange, khwamanyisibwa khweng'we mubuli siindu.7 Nange esie ndakhola sibi siosi khulwo khweduduya mbwe eng'we nang'we munyoole khukingulwa? khulwo khuba ndabayalira ifanjili ya Nasaye mubwakhakhu. 8 Ndebera amakanisa kandi emiandu kiabwe, nimbukula omukabo kwange khubakholera eng'we. 9 Ne nga ndali alala ninang'we, nindi mukhwenya, khasi ndayekhera omuundu yesi yeesi, khulwo khuba bila ebiali nibilemukhe, abakheerwa abarula Makedonia bamberesia ebiindu khulondana nende amenya kange, nange esie omwene ndeelinda mbwe ndarabayekhera mumakhuwa koosi kata budiidi, ne khandi ndachiririra okhweliinda.10 Ne okhulondana nende kori obwadieri bwa Kirisito buli mukari mwange, abulao omuundu ochia okhungayira okhwefumia khuno, mumbeka chia Akaya. 11 Khulwa sina? Ni khulwobeera mbwe khasi ndabakheera? Nasaye amanyire.12 Arali eliakhola ndachiririra khulikhola, mbwe nyoole okhwakamia bala abakonyanga omwoyo kwange baranyoola obweyaango, mani babonekhana kori efwe mulikhuwa elio eliabelayirangakho. 13 Khulwo khuba abaandu kori abo nibarume bo bubacha, abakholanga emirimo mubwekaadi, abekalukhanianga okhuba abakholi ba Kirisito.14 Ne elio khasi liukisia khulwo khuba Sietani mwene yeesi yekalukhanianga aba kori malayika wobulafu. 15Khulwako , khasi nilikhuwa likhoongo abakholi baye bosi nibekalukhania okhuba kori nga abakholi bobwadieri, ne obumalirikhi bwabwe bwakhafwane kori emirimo kiabwe16 Khandi mboola mbwe, omuundu arapaara mbwe esie ndi omusiru, ne kata kario nimumbarira murio, mufukirire sa kori nga omusiru, mbwe nange nyoole okhwefumia budiidi. 17 Ne eliamboola khasi ni lilako lio Mwami khaba, arali ni kori nga khubusiru, muchuoni yokhwelaya khuno. 18Khulwo khuba abaandu bangi befumianga mumbeera yomubiri, ne esie siesi ndefumia.19 Eng'we nang'we, muchiiranga alala nende abasiru mubusangaafu, khulwo khuba muli abakesi. 20 Khulwo khuba muchiiranga alala nende omuundu kata nabara mububoye, nabamira, nabadira, niyekingula, nabakhuya mubweni. 21 Nomanoma mumbeera yokhweleka obeera ori efwe khwali abadekhere.Ne omuundu nali nende ichuoni khulikhuwa liosi liosi, (nomanoma mubusiru), esie siesi ndi nende ichuoni22 Ni Abayiburania nibo? Nende esie siesi. Ni Abayisiraili nibo? Nende esie siesi. Nibolwibulo lwa Iburaimu? Nende esie siesi. 23 Nibakholi ba Kirisito? (nomanoma kori nga omusiru), esie nange khirakho, mukhusanda lukali, mukhuboywa lukali, mukhukhuywa khubira sikero, muliifwa buli lwoosi24Ndanyoola makhubake amakhumi kane nomalokho ndala khurula khu Bayaudi makhabi karano. 25 Makhabi kadaru ndakhuyirwa musarita, likhabi lala ndakhuyirwa makina, imeli yafunikha makhabi kadaru nindi munyaanja, ninyoola khuonga siro nende sideere mulusiba lwe inyaanja, 26 ndali mukhusamula makhabi mangi, mubudinyu bwa machi, mubudinyu bwa banyuli, budinyu nende abaandu besialo siange, budinyu khu bialo bindi, budinyu bwomudokho, budinyu bwesialo siomulumira, budinyu bwomunyaanja, budinyu bwabaana befwe abo bubacha,27 mukhusanda nende mumanyakhano, mukhuranyalirwa khukona makhabi mangi, munjala nende buluo, mukhusiiba makhabi mangi, khuba mumboo nende siekenye. 28 Ne nolekhana nende akerwanyi ako, kaliwo kandi anganjichiraanga buli nyaanga, khulondana nende obwayi bwamakanisa koosi. 29 Niwina olimudekhere, nange esie ndakhaya okhuba mudekhere? Niwina owasinyisibwa nange ndakhaya khubulira buchuni mukari mwange.30 Ne nibikhoyera okhwalaya, ndelaya khulwa makhuwa kobudekhere bwange. 31 Nasaye oli Samwana Mwami Yeso, owoluyaali chinyaanga chioosi, amanyire mbwe khasi mbacha.32 Ne omukhoongo asi womuriki Areta owa Damesiki, yali nalindanga elidookho liabaandu ba Damesiki, mbwe anyoole khundiira, 33 ne nibanjikhisiria musikapo khubirira mulidirisa, ninyoola okhuona khurula mumakhono kaye.
Chapter 12

1 Esie nyala ndelaya, kata kario khasi bikhoyera, arali njia khwolerera mumalolo nende obufwimbuli bwo Mwami. 2Aliwo omuundu mulala mukari mwa Kirisito owa manyire, akulu wemiaka ekhumi nende kine, (ne nibi mbwe niyali mumubiri, kose erwanyi womubiri, esie khasi manyire khaba, arali Nasaye niye amanyire). Ne omuundu oyo yabukulwa nayirwa akulu mulikulu liakhadaru.3 Khandi manyire mbwe omuundu oyo, (kata niyali mumubiri kose erwanyi womubiri, esie khasi manyire arali Nasaye niye amanyire), 4 yabukulwa nayirwa muparadiso, ne nabulira amakhuwa akarakherumbula, akomuundu arafukirirwa khukarumbula. 5 Nange esie ndelaya mubweyango bwomuundu oyo, ne khasi ndelaya khulwange mwene, arali khulwo budekhere bwange.6 Khulwo khuba esie mba ndenya okhwelaya khasi ndakhabere omusiru khaba, khubeera mboola obwadieri. Arali ndeyikalira mbwe omuundu arambalira okhira kala akaboona kose akabulira khwesie. 7 Ne ndaranyoola khwebulisia khubira esikero, okhulondana nende obungi bwobufwimbuli obwa ndaberesebwa elibwa mumubiri, omurumwa wa Sietani mbwe anyoole okhusandia, ne ndarelaya okhubira sikero8Ne khulondana nende esiindu esio, ndasaba Omwami makhabi kadaru mbwe anyoole khusindusiamo. 9 Naye nayamboolera ari, obukoosia bwange bukhuyera, khulwo khubeera bunyala bwange buliriranga mubudekhere. Khulwako ndebulisiria obudekhere bwange mubusangaafu bungi, ne obunyala bwa Kirisito bunyoole khuba akulu wange. 10 Khulwako, esie kheresibwa nende obudekhere , nende khulekeresibwa, nende amasira, nende amateemo, nende obudinyu, khulwo khubeera Kirisito. Khulwo khuba nindi mudekhere khumbandi nende amaani.11 Esie mbere omusiru, ne ningwe mukholere okhuba endio, khulwo khubeera biakhoyera mbwe esie fumisibwe alala ninangwe. khubeera khasi ndali asi wabarume bakhongo mulikhwa liosi, kata nindarali esindu. 12 Nibwadieri mbwe ebikhole biabarume biakholwa akari weng'we mubwedemberefu bwoosi, mubikhole nende ebiukisia nende amangalimwa. 13 Khubeera nisina esiamwalemerwa okhira amakanisa kandi, arali khulwo khuba esie sindabayekhera? Mundekhere mwako.14 Lingeera, lino ni likhabi lia khadaru esie khuba murekekhe okhwicha oweng'we, ne khasi ndabayekhera. khulwo khuba khasi ngonyanga ebiindu bieng'we, arali ngonyanga eng'we, khubeera khasi bikhoyera abaana khubiikhira abebusi babwe imbikhiro, arali abebusi nibo bakhoyere babikhire abaana babwe. 15 Esie nange ndasalania mubusangafu, khandi ndasalaania khulwo khubeera emioyo kieng'we. Ne ngolwa njiririra khubakheera lukali, khukherwa khwange khududuyanga?16 Ne ngolwa kali,esie khasi ndabayekhera, arali ndabadiira mububeeyi khulwa makesi kandali nako. 17 Ne esie ndabukulakho esiindu khweng'we khubirira khumuundu owandabarumira? 18Ndakania Tito, ne ndamuruma alala nende omusiani wefwe undi. Tito yababukulakho esiindu? kose khasi khwakenderanga mu Roho mulala ula nende mubusenero bula bula?19 Mupaara mbwe kata bulona khudakha khwelolesia khweng'we? Khulomalomaanga imberi wa Nasaye mukari mwa Kirisito. Ne kene ako koosi ni khulwo khubombakha eng'we abakheerwa.20Khulwo khubeera ndi nende oburi mbwe ninjicha khasi ndabanyoola mumbeera eya ndakha, ne mbonekhane khweng'we kori olwa muradakha, ndareecha ndanyoola amayingani nende imbalikha, nende lirima, nende busoolo, nende khukhikhirao, nende khubulula, nende khweninia, nende milwano, 21 nange ninjicha khandi, Nasaye wange areecha yanjikhia asi imberi weng'we, ndelalikhira abaandu bangi abokhola mabi khurula khale, ne khasi bekanira obumali bwabwe, nende obuyirani, nende obulaangu bwabakhola.
Chapter 13

1Lino ni likhabi liange elia khadaru okhwicha oweng'we. Buli likhuwa lichia khulirira khu minwa kia baloli babiri kose badaru. 2 Malire khubabolera, khandi kori nga ndaliwo elikhabi lia khabiri, khandi kario nindaraliwo, mbolera bala abakhola echimbi khurula mukhuchaaka, nende abandi boosi, mbwe ninjicha, khasi njia khubelalikhira khaba,3 khulwo khuba mukonyaanga esimanyiro sia Kirisito olomalomanga mukari mwange, orali mudekhere khweng'we, arali ali nende obunyala mukari mweng'we. 4 khulwo khuba yabambwa mubudekhere, ne yamenya khulwa maani ka Nasaye. Ne efwe fwesi khuli badekhere mukari mwaye, ne khuchia khumenya ninaye khulwo bunyala bwa Nasaye obuli mukari mweng'we.5 Mwelingale eng'we abene nibili mbwe muli mubusuubiri, mwemanyirisie abene. Kose khasi mwemanyire eng'we bene, mbwe Yeso Kirisito ali mukari mweng'we? Muraba abakhayibwa. 6 Arali subira mbwe munamanyirisia mbwe efwe khasi khwakhaywa khaba.7 Bulano khusaba Nasaye mbwe murakhola elibi liosi liosi, khasi bili mbwe efwe khunyoole khubonekhana okhuba abafukirirwe, arali eng'we mukhola elikhoyera, kata efwe nikhuli kori abaandu bakhayibwa.8 Khulwo khuba efwe khasi khunyala okhukhola likhuwa liosi elirali eliobwadieri, arali ni khubwadieri sa.9 Khubeera efwe khusangaala nikhuli badekhere, nang'we nimuli nende amaani. Khandi khusaba mbwe lino liolerere khweng'we. 10 Khulwako, esie nyandiika kano nimbulao, ne nimbao, ndarekhonyera obwalaba khulwo bunyala bula obwandaberesibwa nende Omwami, khulwo khumbakha ne khasi ni khulwo khukoka khaba11 Mukhumala, abakheerwa, muchiririre bilayi, mulirire, mulemisibwe, mube nende mapaaro malala, mumenye mumuleembe, ne Nasaye wobukheeri nende muleembe achia khuba ninang'we. 12 Mukhesanie mukhuchunjunana khutakatifu.13 Abatakatifu boosi babakhesia. Obukoosia bwo Mwami Yeso Kirisito, nende obukheri bwa Nasaye,nende obusngirani bwa Roho mulafu bube ninang'we mweesi. Amina.

Galatians

Chapter 1

1Paulo, omurume ( orarula mubaandu kose khubirira khumuundu, arali khubirira khu Yeso Kirisito nende Nasaye wefwe owamubusia khurula mubafu), 2nende abakheerwa boosi abali ninasie, khu chikanisa echia Galatia:3 Obukoosia bube khweng'we nende omuleembe khurula khu Nasaye wefwe nende Omwami wefwe Yeso Kirisito, 4 owerusi omwene khulwe bionono biefwe, mbwe anyale khurununula okhurula mulwibulo lwabulano olukoyaanu, khulondana nende elienya lia Nasaye wefwe nende Sefwe, 5 oluyaali lube khuniye buli lwoosi. Amina.6 Mbuka mbwe muli khurula mubwangu muno khwoyo owabalanga mubukoosia bwa Kirisito, okhuchia muyifanjili yindi, 7 ne khasi niyindi khaba; arali baliwo ababanyasia nende okhwenya okhukalukhania ifanjili ya Kirisito.8 Ne kata nikhwakhaba efwe, kose malayika khurula mwikulu, niyakhabayalira ifanjili yikabukhane nende eyakhwabayalira, omwene oyo achubwe. 9 Kori ngolwa khwabola mukhuchaaka, khandi nondamo , omuundu Yeesi nabayalira ifanjili eyikabukhane nende eyamwafukirira, omwene oyo achubwe. 10 Bulano ndi khudemberesia abaandu, kose Nasaye? kose ndeemanga khusangaasia abaandu? Nikaba mbwe siri sangasianga baandu, khasi ndakhabere omurume muboye we Kirisito.11 Arali bamanyisia, abakheerwa mbwe ifanjili eyayalwa ninasie khasi yali okhulondana nende omuundu khaba. 12 Khulwo khuba khasi ndayinyoola okhurula khu muundu khaba, khandi khasi ndekesebwa, arali yeecha khubirira mubufunuli bwa Yeso Kirisito.13Okhuba mwabulira ikhola yange nindi mudini yesiyaudi Kori ngolwa ndasandia ikanisa ya Nasaye khukhira sikero nende khuteema khuyisasia. 14 Khandi ndachiririra mudini yesayaudi okhukhirakho bala abali abomukaanda kwange musialo sienge siene, nimba owesinani sibiririre mumilukha kia basefwe.15 Ne Kori ngolwa biasangasia Nasaye, owangabula okhurula nindi muunda mwa mama, niyananga khubirira mubukosia, 16 okhufunula omwana waye mwesie mbwe nyale okhumuyaala mubanasialo, khasi ndanyala okhufukirisania mubwangu nende abaandu bomubiri nende amabaanga, 17 Kata khasi ndachia Yerusalemu khubala abali abarumwa imberi wange; arali ndachia Mubaarabu, khandi ningalukha Demaski.18 Bulano olunyuma lwemiaka kidaru ndeecha Yerusalemu okhubona Petero, ne nimala nindoonga ninaye chinyaanga ekhumi nende chirano. 19 Ne Khasi ndalolakho omurumwa yeesi arali Yakobo, omusiani wabwe Omwami. 20 ( Bulano khulondana nende ebiindu ebiabandikira, mubwadieri imberi wa Nasaye ne khasi mbacha khaba.)21 Olunyuma ndachia muchimbeka chia Siria nende Kilikia. 22 Ne mubweni khasi ndali nimanyikhane mumakanisa kebuyaudi akali mukirisito. 23 Arali babuliranga sa, "mbwe oyo owarusandianga bulano ayaala elisuubira eliayateemakho khusasia". 24 Nibamala nibechomia Nasaye khulwo khubeera esie.
Chapter 2

1 Khandi nikiakhabwa emiaka ekhumi nende kine ndachia Yerusalemu alala nende Barinaba, nimbukula Tito yeesi. 2 Ne ningingulibwa mubufunuli, nisangirana ninabo ifanjili yila eyandayala mubanasialo, naye mubwesikwa khubala ebesiriibwa, karaba mungira yoosi nderukha, kose ndaba nindeerukha ebikhaya.3 Narakhabere Tito yeesi owali ninange, owali Omuyunani khasi yafukirira okhukhebwa. 4 Naye kano kekholekhana khulwo khuba abakheerwa abarali abobwadieri abarerwa mubwekisi ( abeyiba khrwingiramo bakonyeresie okhumanya obulekhule bwakhuli ninabwo mu Kirisito Yeso, mbwe banyale okhurura mububoye), 5 abakhurafukirira Kata khulwe lisaa elala, mbwe obwadieri bwe ifanjili bunyale khuchiririra ninang'we.6 Arali okhurula khubala abalolekhana okhuba ngesiindu, esiabali, khwesie khasi ndola obukabukhani ; Nasaye khasi akwiranga omuundu- okhuba abo abalolekhana okhuba esiindu, sibulao esiabanyongesia. Naye mukhukabukhania, nibalola mbwe ifanjili yabala abarakhebwa 7yaberesibwe esie naye eyabala abakhebwa yaberesibwa Petero, 8 ( okhuba ula okholerenga mu Petero mukhuchwichwisia khuburume bwa abo abakhebwa, yakholerangamo siesi khubanasialo),9 Naye Yakobo, Kefa nende Yokhana, abalolekha okhuba echisiiro, olwabalola obukoosia bwa ndali mberesebwe, bamberesia nende Baranaba omukhono musaacha kwobusangirani, mbwe khuchie khubanasialo nabo bachie khubakhebwa. 10 Eliabekoomba liongene liali mbwe khunyale okhwichulisia abarenyala, elia siesi ndali nende obwekoombi okhukhola.11 Ne ngolwa Petero yeecha Antiokia, ndachoomana naye mubweni, okhuba yali owakhukhalakirwa; 12 okhuba abaandu bandi nibasiri khurula khu Yakobo, yalichanga nende abesialo; naye ngolwa beecha, yekabula, khulwokhuria abo abesikhebo.13 Khandi Abayaudi badoongere babaya ninaye obwekaadi, mbwe Kata Yeso yabukulibwa nende obwekaadi, bwabwe. 14 Ne Kori ngolwa ndalola khasi bali abakololofu khubwadieri bwe ifanjili, ndabolera Petero imberi wabwe boosi mbwe, " Nikakhaba mbwe ewe, oli Muyaudi nomenya kori nga abanasialo owa Bayaudi babulao, sina sikera nodemberesia abesialo okhumenya Kori nga Abayaudi?15 Efwe abali Abayaudi mukhwibulwa, abarali abanasialo bononi, 16 khumanyire mbwe omuundu khasi abalirwanga obwadieri mubikhole bie lilako arali mulisuubira mu Yeso Kirisito, Kata khwasubira mu Yeso Kirisito, mbwe khunyale okhubalirwa obwadieri mulisuubira mu Kirisito ni khasi nobukholi bwe lilako; okhuba mubukholi bwelilako abulao omuundu owakhanyoola obulungifu.17Arali nibili mbwe khukoonya obulungifu khu Kirisito, efwe fwesi khunyolekhana abonooni, bulano Kirisito nomukhalabani wobwonooni? Khasi Kali kario khaba! 18Okhuba ninyumbakha Khandi ebiindu biandasasia, ndekhola omukholi wamabi. 19Okhuba esie khubirira mulilako ndafwa khukelilako mani menyere Nasaye.20Ndabambwa alala nende Kirisito; Khasi nesie omenyere, arali Kirisito niye omenyere mwesie; ne bulano obulamu bwamenyere mumubiri, menyere mulisuubira mumwana wa Nasaye, owakheera niyerusia khulwange. 21Khasi ndi khujaara obukoosia bwa Nasaye; okhuba nikaba mbwe obulungifu bwicha khubirira mulilako, kekesia mbwe Kirisito yafwa khulwesikhaya.
Chapter 3

1Engwe Abagalatia basiru! ni wina yabaloka, mbwe mukhaye okhufukirira obwadieri, aba kirisito yanikhwa akari weng'we mubulafu mbwe abambirwe? 2Lino liongene nyenya okhweka okhurula khweng'we: mwafukirira Roho khubirira mumirimo kielilako, kose okhubirira mulisuubira? 3Muli abasiru murio? Nimwakhachaakira muroho, bulano muliolerera mumubiri?4Mwasanda mubiindu bingi khulwesikhaya- nikaba mbwe biali musikhaya.5Bulano oberesanianga Roho nende okhukhola ebiamakana akari weng'we, akholaanga mumirimo kie lilako, kose khubirira mukhubulira khulwe lisuubira?6Kori ngolwa Ibraimu "yasuubira Nasaye, ne nabalirwa obulungifu", 7khukario mumanye mbwe abo abelisuubira boongene nibo abaana ba Ibraimu.8Ne amaandiko, khulwokhulola imberi mbwe Nasaye yakhabalire abesialo obulungifi mulisuubira, yarangira yayalira Ibraimu ifanjili, naboola ari, " mwewe ebialo bioosi biakhanyoole echikhabi." 9Khukario abo ebelisuubira banyoola echikhabi mukhusubirira Ibraimu.10Okhuba boosi abali ebebikhole bielilako bali asi wesichubo; okhuba kaandiikwa mbwe " yachubwa oyo yeesi orachiririranga mubiindu bioosi ebiandikwa musitabo siamalako, nende okhubikhola". 11Naye okhuba abulao onalabisibwa khubirira mulilako Kori ngolwa bimanyikhane imberi wa Nasye " abalungifu banamenya mulisuubira". 12Khulwo okhuba elilako khasi ni lielisuuburi khaba, naye " omuundu obikhola anabimenyera".13 Kirisito yarununula okhurula musichubo sielilako, niyakhamala okhwekhola esichubo khwefwe ( khulwo okhuba kaandikwa mbwe " yachubwa oyo yeesi odeemba khu musaala"), 14mbwe echikhabi chia Ibraimu chinyoole okhwicha khubanasialo mukirisito Yeso, mbwe khunyoole elilakano elia Roho khubirira mulisubira.15Abakheerwa, nomanoma mungeri yabaandu: kata indagaano yomuundu niyimala yabao, naye nayifukirire, abulao okalukhania kose khwongesiakho. 16Ne amalakano Kali karereserwa Ibraimu nende olwibulo lwaye. Khasi yaboola ari, " khu njinjibulo chiaye," Kori ngolwa bakhabe abangi, arali ngeliomulala " Khandi khuyimwo yao," oli Kirisito.17Naye kano mboola mbwe, elilako eliechao emiaka echimia chine nende amakhumi kadaru inyuma, khasi lianyala okhukalukhania indagaano yq Nasaye yarangirira okhufukirira mu Kirisito, mbwe inyale khukera lilakano libule omuleembe.18Khulwo khuba obulamirwe nibwakhaba ebwelilako, khasi ni bwelilako Khandi, arali Nasaye yaberesania khu Ibraimu khubirira mulilakano.19Bulano elilako liri nende sifunane sina? Liameedwa khulwo khubeera obumaanu, okhuba Kori ngolwe imwo ikhoyere yule khuula owelilakano liakasirwa; ne yalobolwa khubirira mubamalayika mumukhono kwomulimbani. 20Bulano omulimbani, khasi alimbanianga khulwomulala, arali Nasaye nimulala.21 Elilako likana amakhuwa ka Nasaye? Khasi Kali kario khaba! Okhuba kaba mbwe elilako liaberesibwa linyoole khuberesania obulamu, mubwadieri obulungifu bwakhabirire mulilako. 22Nalio eliandiko liakara koosi asi weimbi, mbwe elilakano khubirira mubusubiri mu Yeso Kirisito yiberesibwe abo abasubirira.23Naye elisuubira nisiri khwicha, khwali khwalindwa nende lilako, nikhwalindisirwa obusubiri obwakhafunulwe olunyuma. 24Khukario elilako liali omusomesia wefwe elirurera khu Kirisito, mbwe khunyoole okhufukirirwa okhubirira mulisubira. 25Ne elisubira niliakhamala okhwicha, khasi khuli asi womusomesia. 26Okhuba mweesi muli abaana ba Nasaye khubirira mu Kirisito Yeso.27 okhuba mwesi ababatisibwa mu Kirisito,mwefwala Kirisito.28Obukaukhani bubulao akari Womuyaudi nende Omuyunani, abulao omurumwa kose omulekhule, abulao omusaacha kose mukhasi; mwesi muli silala mu Kirisito Yeso. 29Ne nimuli aba Kirisito, bulano muli imwo ya Ibraimu, nende abalamirwe khulondana nende elilakano.
Chapter 4

1 Ne mboola mbwe omulamirwe, olwaaba nasiri omwana, abula obukabukhani nende omurumwa, kata kario niye omwami wabioosi. 2Arali ali asi wabaliindi nende abalesi okhuula ebikha bialobolwa nende samwana.3Khulwesio, fwesi nikhusiri abaana, khwali mububoye bwa makhuwa kesialo. 4Naye obuulirifu bwe bikha nibwola, Nasaye yaruma omwana waye, owebulwa nomukhasi, owebulwa asi welilako, 5okhununula abo abali asi welilako, mbwe khunyale okhunyoola okhufukirirwa Kori nga abaana.6 Ne khulwo khuba muli abaana, Nasaye yaruma Roho womwana waye mumioyo kieng'we, oliraangi ari " Abba, Sefwe!" 7Kario khasi osiri omurumwa, arali oli omwana, khandi omulamirwe wa Nasaye khubirira mu Kirisito.8 Ne khandi, mubwadieri, Kori ngolwa wali noramanyire Nasaye, wenamiraanga ebiindu ebirali Nasaye wobwadieri.9Ne bulano nimwamala okhumanya Nasaye, kose okhumanyikhana nende Nasaye, biakhaba birie khandi mukalukhanire amekesio kala amadekhere nende amaleemu, akamwenya khandi kabare mububoye?10 Mudiira chinyaanga nende miosi nende ebikha nende emiaka. 11Mbelalikhire mbwe ndaraba nindabanyakhanira khulwebikhaya.12 Abakheerwa, bekweeda mbwe mube Kori ngesie, okhuba ndekhola Kori nge eng'we, ne khasi mwakholera elibi muliosi. 13Mumanyire mbwe khulwo khubeera obudekhere bwomubiri ndabayaalira ifanjili mukhuchaaka, 14ne eliteemo liali mumubiri kwange khasi mwalilekeresia kose khukhaya, arali mwafukirira Kori nga malayika wa Nasaye, khandi Kori nga Kirisito Yeso omwene.15 Niikhabi sina bulano eyamwasangalira? Ndi nende obuloli bweng'we, mbwe biba ebinyalikhana, mwakheyaake chimoni chieng'we mwamberesia. 16Bulano ndekholere omusuku weng'we khulwo khubabolera obwadieri?17Berusisie lukali khweng'we, ebiraali mubilayi; beenya okhubabukula, mbwe munyale okhwerusia khunibo. 18Arali nibilayi buli lwoosi okhusangaalira esiindu silayi, ne biraba sa nindi ninang'we.19Abaana bange badiidi, esie banyakhanira mukhulumwa okhuula ngolwa Kirisito achia okhwelonga mwing'we.20Ndekoomba mbwe mbe ninang'we bulano nende okhukalukhania idoboosi yange, okhuba ndi nende obukanakani ninang'we.21 Mumbolere, eng'we abekoomba okhuba asi welilako, khasi mubuliraanga lilako?22khulwo khuba kaandikwa mbwe Ibraimu yali nende abaana babiri, mulala owomumukhasi murumwa, ne oundi owomumukhasi mulekhule. 23Oyo owomukhasi murumwa yebula khulondana nende mubiri, naye owomukhasi mulekhule khubirira mulilakano.24Bino nesimanyiro okhuba bulano namalakano kabiri: elela khurula mulugulu lawa Sinayi eyibula obuboye, niye Hagari 25okhuba Hagari uno nolugulu lawa Sinayi Ebwaraabu, Ne yemerera Yerusalemu yiliwo, ne ali mububoye nende abaana baye.26Nayo Yerusalemu ili akulu ni indekhule, niyo ngina wefwe fwesi. 27Khulwo khuba kaandikwa mbwe: " sangaala, ewe mukuumba, ewe orebulaaanga! Sangaala, wayule, ewe oralumwa! Okhuba omulekhwa oli nende abaana bangi okhukhira oli nende musaacha".28 Bulano efwe bakheerwa, Kori ngolwa Isaaka yali, khuli abaana belilakano.29Naye Kori ngolwa ula owebulwa khulondana nende omubiri yasandia ula owebulwa khulondana nende Roho, nilwo olwakali bulano.30 Nalio eliandiko liboola lirie? Irukhania omukhasi murumwa nende omwana waye khulwo khubeera omwana womurumwa khasi anaba omulamirwe alala nende omwana womukhasi mulekhule. 31 khukario baana befwe, khasi khuli abaana bomukhasi murumwa arali abomukhasi mulekhule.
Chapter 5

1 Mweme ebilayi mubulekhule obwo, obwa Kirisito yaruberesia, ne murafukirira khandi okhwingira mulikokolo lioburumwa.2Esie, Paulo, baboolera mbwe nokhebwa, sibulao esia Kirisito anakhukhoonya.3 Khandi mboolera buli oyo okhebwa mbwe okhoyere okhuliinda elilako lioosi. 4Mwekabuule khu Kirisito, eng'we abateema okhulirisibwa nende lilako, mbwe murulire khu bukoosia.5 Khulwo khuba efwe khubirira mu Roho khulindiriranga elilakaano liobulungifu khubirira mulisubira. 6Khulwo khuba mu Kirisito Yeso, okhukhebwa nende okhurakhebwa bibula obukhoonyi, arali lisubira elikhola okhubirira mubukheeri. 7Mwali mwirukha ebilayi , ni wina owabakayira okhufukirira obwadieri? 8Kano makesi khasi karula khu ula owabalanga.9 Elimera lidiidi liyiisianga lirome lioosi. 10Ndi nende elipaaro lindi; naye oyo yeesi obakoyanianga achia khunyoola esikhalako siaye, kata nali wina.11 Abakheerwa, nibili mbwe esie siiri njaala esikhebo, esikera nisiiri nyakhana nisina? Kekesia mbwe omusaango kwomusalaba kubulao. 12Ndakhekoomba mbwe abo ababanyasia, baruleyo!13 Khulwo khuba eng'we, bakheerwa, mwalangwa okhunyoola obulekhule; arali murekhonyera obulekhule Kori ngobweyaango bwomubiri, ne okhubirira mubukheeri mukhalabanirane.14Elilako lioosi liulilire mulikhuwa elala, ne nilio lino: " onakheera owasio Kori ngolwa wekheera omwene". 15Ne nimulumana nende khulichana abene khu bene, mwekenderesie muramalana.16 Bulano mboola mbwe: mukendere mu Roho, ne khasi munosirisia elienya liomubiri. 17Khulwo khuba omubiri kwekoomba nikuyingana nende omwoyo, nomwoyo kwosi kuyingana nende omubiri; ne bino bikabukhane, khulwo khukhwikalira okhaye khukhola ebiawenya. 18Ne niwimirirwa nende Roho, khasi onaba asi welilako.19 Ne ikhola yomubiri imanyikhane, ne niyo ino: obuyeyi, obuyirani, obumayaanu, oburesikwa, 20okhwinamira bifwanani, obulosi, obusuku, obusoolo, imbalikha, oburima, khwedakhira, obukhubakhubania, okhukikhirana, 21esikhalikhali, obwiri, obumeesi, khuyikikana, nende akafwana kario; akandangirire khubabolera, Kori ngolwa ndali nibabolere mubikha biabira, mbwe abo abakholaanga kene ako, khasi bakhengire mubwami bwa Nasaye.22 Ne esiamo sia Roho nibukheeri, isangaalo, omuleembe, obwesimirisi, esisa, obulayi, obwesikwa, 23obwekenderefu, okhwekerera, khwako kosi elilako libulao.24Ne abo abali aba kirisito, beera omubiri nende obwekoombi bwakwo bwoosi.25 Nikhumenya mumwoyo, khandi khukendere mumwoyo.26Khurefumia, nikhusinyisania, nende okhukholerana ikhiinda.
Chapter 6

1Abaana befwe, omuundu nabukulibwa mubumaanu bwosi, ewe oli muroho, kalusia omuundu Kori ngo oyo muroho wekhweduduya, niwekenderesia ewe mwene orateemwa.2Mukinganire emigugu, ne munosirisia elilako lia Kirisito.3Khulwo khuba omuundu niyeparirisia okhuba esiindu esiarali, yebacha omwene.4Naye buli mulala alingere emirimo kiaye omwene, nanaba nende esiokhwesiimira omwene arali ouundi.5Okhuba buli mulala yakhakinge omugugu kwaye omwene.6 Oyo owekesebwa likhuwa asangirane mubiindu bilayi bioosi nende omwekesia. 7Murabachwa, Nasaye khasi yakhafwolwa khaba; khubeera esiomuundu araaka, nisio esiachia khukesa. 8Khulwo khuba oyo oraaka mumubiri kwaye, achia khukesa obusasikhi mumubiri kwaye, Naye oyo oraaka Mu Roho achia khukesa bulamu buralibwayo khubirira mu Roho.9 Ne khurajoong'a mukhukhola amalayi, okhuba mubikha bikhoyera khuchia khukesa nikhurajoong'a mumioyo. 10Khukario, nikhuli nobweyango, khukhole amalayi khu boosi, okhukhirao abo abeinyuumba yobusuubiri.11 Lingeera bandiikire mubwandike bukhoongo obuli nende omukhono kwange mwene! 12Abangi abekoomba okhwemanyisia mumubiri, babayikirisia mbwe mukhebwe, khulwo khuba khasi beenya okhusaanda khulwo musalaba kwa Yeso. 13Kata abakhebwa boosi khasi balindanga elilako, arali bekoomba mukhebwa mbwe banyale okhwesiima mumibiri kieng'we.14 Naye esie, ndareesiima khaba dawe, , arali mumusalaba kwo Mwami wefwe yeso Kirisito, owesialo siabambwa khwesie, nasie khusialo. 15Okhuba mu Kirisito Yeso okhukhebwe nende oburakhebwa khasi ni siindu arali esilonge siyaakha. 16Ne abaangi khunibo ebikha bino abakendera mulilako lino, omuleembe nende esisa bibe khunibo, nende khu Isiraili ya Nasaye.17 Okhurula ebikha bino omuundu Yeesi araanyasia khaba, khulwo khuba mumubiri kwange ndi nende ebimanyiro Biomwami Yeso. 18Obukoosia bwo Mwami wefwe Yeso Kirisito bube nende emioyo kieng'we. Amina.

Ephesians

Chapter 1

1 Paulo, omurumwa waYeso Kirisito khulwo khwenya khwa Nasaye; khu batakatifu abali Ebuefeso, nende khu bala abasubira mu Kirisito Yeso: 2 obukoosia bube khweng'we nende omuleembe, khurula khu Nasaye wefwe, nende khurula khu Mwami Yeso Kirisito.3 Afumisibwe Nasaye Khandi Samwana Omwami wefwe Yeso Kirisito, owaruberesia chikhabi chioosi echio mumwoyo musialo sia Roho mu Kirisito. 4 Okhuba olwayarulobola muniye omuse kwesialo nikusiarebwao, mbwe khube abatakatifu, Khandi ababula esiuku imberi waye mubukheeri:5 Okhuba yarangirira okhurulobola narukabula okhuba abaana baye khulwa Yeso Kirisito, okhulondana nende obulayi bwokhulioyerwa khulwelienya liaye. 6 Khulwe yifuma yoluyaali lwobukoosia bwaye, owamunibwo yarukhola okhufukirirwa mu ula owayekheera.7 Owa muniye khunyoola obununulwi okhubirira mumabaanga Kaye, obulekherwi bwebionono, okhulondana nende obuyiinda bwobukoosia bwaye. 8 Owomunibwo yarwichusiamo obukesi bwoosi nende oburekerefu;9 Namalire okhurumanyisia amakhuwa kekisa akelienya liaye, khulondana nende obulayi bwobulioyefwe bwaye obwayali niyekesie muniye: 10 mbwe mumadaara kebikha biolerefu anyale okhubuusia alala ebiindu bioosi mu Kirisito,ebili mwikulu nende ebili khusialo, Kata muniye:11 Owa muniye khandi khwanyoola obulaame, olwa khwali khulondana nende elichoomo liaye okholaanga ebiindu bioosi khulondana nende elikerako lielienya liaye omwene: 12 mbwe khunyale okhuba khulwe yifuma yoluyaali lwaye, abarangirira okhwesika kirisito.13 Owa muniye engwe mwesi mwesika olwamwali nimubuliire elikhuwa liobwadieri, ifanjili yobuonia bweng'we: eya muniyo mwesi olwamwasubira, mwabalikhwa nende Roho mulafu owakhwasubisibwa, 14 oli omusingo kwobulaame bwefwe, khulwo khurera obununuli bwemiandu kiaye, okhuba ifuma yoluyaali lwaye.15 Khulwa kene ako, esie siesi Kori ngolwa ndabulira khulondana nende obusubiri bweng'we mumwami Yeso, nende obukheeri khu batakatifu boosi, 16 siri okhwakama okhukhuba orio khulweng'we, nimbarumbula mumalaamo kange;17 mbwe Nasaye wo Mwami wefwe Yeso Kirisito, Samwana woluyaali, anyale okhubaberesia Roho wobukesi nende obufwimbuli mubumanyirisi bwaye: 18 echimoni chieng'we chiobumanyirisi chirebwemo obulafu; mbwe munyale okhumanya elinaaya liokhulangwa khweng'we, nende akobuyiinda bwoluyaali lwobulaame bwaye mubatakatifu,19 nende obulayi bwobukhoongo bwobunyala khwefwe abasubira khulondana nende ikhola yamaani kobunyala bwaye; 20 akayakhola mukirisito, olwayamulamusia okhurula mubafu, namwikhasia khumukhono kwaye mulungi mwikulu; 21 akulu okhira oburuki bwoosi, nende obunyala, nende amaani, nende obwami, nende buli liira mbwe elirumbulwa sinimusialo muno mwongene, arali kata nende musialo esichia okhwicha;22 nara ebiindu bioosi asi wamakulu Kaye, khandi namuberesia okhuba omurwe khubiindu bioosi khulikanisa; 23 eliri omubiri kwaye, obwolerefu bwaye owichusianga bioosi mubioosi.
Chapter 2

1Nangwe mwali abafu khulwa mabi nende bionono bieng'we; 2 ebiamwakenderangamo khale nimuloonda imbeera yomusialo muno, nende Khuloonda omuriki wobunyala owomumiuya, Roho ula okholaanga emirimo ebikha bino mubaana bobukhayi; 3 naye efwe fwesi khwakenderanga akari wabwe khale, mubwekoombi bwemibiri kiefwe, Kori ngolwa khwoseresia elienya liomubiri nende mapaaro, nikhuba nende ebiima bia baana be lirima Kori nga baandu bandi.4 Arali khulwo okhuba mbwe Nasaye nomwichufu wesisa, khulwo bukheeri bwaye bungi obwayarukheera; 5Kata ebikha bila ebiakhwali bafu khulwa Mabi kefwe; yarulamusia alala nende Kirisito; ne khwaonisibwa khubirira mubukosia.6 Narulamusia alala ninaye, narwikhasia alala ninaye musialo sia Roho, mu Kirisito Yeso; 7 mbwe muchinyaanga chichayo anyoole khulolesia obungi bwo bukoosia bwaye obubira esikero mubulayi bwaye khwefwe mu Kirisito Yeso.8 Khulwo khuba mwaonisibwa khulwo bukoosia, khubirira mubusubiri; oburarula khweng'we bene, ni esianwa esia Nasaye; 9esirali esie bikhole, omuundu yesi areecha yefumia. 10Khulwo khuba efwe khuli mirimo kiaye, khwalongwa mu Kirisito Yeso, mbwe khukhole ebikhole bilayi, ebia Nasaye yakasia khurula khale mbwe khukenderemo.11 Khulwako mwichulisie mbwe eng'we mwali abanasialo mumubiri, mubikha biabira abalangwa mbwe, abarakhebwa nende sila esialangwa mbwe esikhebo mumubiri, esiakholwa nende amakhono; 12 mbwe mubikha ebio mwali nimubula Kirisito, nimuli abakeni khuboluya lwa Isirayili, khandi abareende khurula khu malakano kobusubisi, nimurali nende linaaya, khandi nimubula Nasaye musialo:13 Arali bulano mu Kirisito Yeso, eng'we abebikha biabira mwali ale, mwarerwa ambi Khulwa mabaanga ka Kirisito.14 Khulwo khuba ye niye omuleembe kwefwe, owarukhola efwe bwesi okhuba silala; nalikulao eliida lia akari eliali liarukabula. 15Naye ngolwa yamalao obusuku bula khubirira mumubiri kwaye; obuli elilako liebilagiro ebili mumalako; khulwo khukhola muniye omwene khubirira omuundu muyaakha mulala, narera omuleembe. 16 Khandi mbwe anyale okhwambania boosi khu Nasaye mumubiri mulala khumusalaba namalire okhwira obusuku khubirira khumusalaba okwo.17 Mani niyeecha nabayalira omuleembe eng'we abali ale nende khwabo abali ambi. 18 Khulwo khuba khubirira muniye, efwe fwesi khuli nende obunyala bwoKhuula khu Sefwe khubirira mu Roho mulala.19 Bulano khulwesio, khasi muli abareende Khaba, kose babirangira, arali muli abeebule alala nende abatakatifu, khandi abeyinyuumba ya Nasaye; 20 obombakhwa khumuse kwa barume, nende abanabii, naye Yeso Kirisito nali elikina likhulundu liomukoona. 21 Owa muniye esiumbakhe siosi siambanisibwa ebilayi alala nisikhula okhuula okhuba ikhekalu indakatifu mumwami: 22 owa muniye eng'we mwesi mwombakhwa alala okhuba obumenyo bwa Nasaye khubirira mu Roho.
Chapter 3

1 Khulwe sifune sino, esie Paulo, omuboye wa Yeso Kirisito khulweng'we Abesialo, 2 nikaba mbwe mwabulira akobukholi bwobukosia bwa Nasaye obwandaberesibwa khulweng'we;3 mbwe ndafunulirwao ninjekesibwa akakisibwa ako, Kori ngolwa ndarangirira okhubandikira mumakhuwa madiidi. 4 Khulwesio, nimukasoma, munyale okhumanya obumanyirisi bwange mukala akakisibwa aka Kirisito, 5 aka mulwibulo lundi khasi kamanyikhana khu baana babaandu, ngolwa bulano kafunulirwe abarume nende abanabii baye batakatifu khubirira mu Roho;6mbwe abanasialo banyoole okhuba obobulaame alala ninafwe, nende abomubiri mulala, khandi abakabana bebilakwa mu Kirisito khulwe ifanjili: 7 esia ndakholwa okhuba omukhalabani, khulondana nende esianwa sio bukoosia bwa Nasaye esiandaberesibwa nende ikhola yobunyala bwaye.8 Esie oli omalirikha khu batakatifu boosi, nesie owa obukoosia buno bwabersibwa mbwe nyale okhuyaala akari wabanasialo obuyiinda bwa Kirisito oburali nende esikero; 9nende okhukhola abaandu boosi babole akobusangirani bwa kala akakisibwa, akokhurula mukhuchaaka khwesialo Kali kakisibwa mu Nasaye, oyo owaloonga ebiindu bioosi khulwa Yeso Kirisito:10 nende esifune mbwe bulano oburuki nende obunyala muchimbeka chielikulu binyale khumanya obukesi bwa Nasaye obuli obwa chingeri chinyingi khubirira khu likanisa; 11 khulondana nende elichoomo liobumeri elia yafunana mu Kirisito Yeso Omwami wefwe:12 owa muniye khuli nende ichwoni nende obuuliriri muniye. 13Khulwako saba mbwe murafwa emioyo khulondana nende amanyakhano kange khulweng'we, akali oluyaali khweng'we.14 Khulwako sigamira Sefwe , 15 owa khubirira muliira liaye elia obusamwana, olwibulo lwoosi olwomwikulu nende musialo lulangiramwo, 16 abanyalire, khulwo bungi bwobuyiinda bwoluyaali lwaye, okhwema sirungi mumaani, khubirira mu Roho waye mumuundu womukari.17 Kirisito amenye mumioyo kieng'we mubusuubiri nimuba nende esisina nende omuse mubukheeri; 18 mbwe munyoole okhumanyirisia alala nende abatakatifu boosi Kori ngolwa buli obubambali, nende obuleeyi, nende okhuchia akulu nende asi; 19 nende okhumanya obukheeri bwa Kirisito, obukhira obumanyirisi Kori ngolwa buli obungi, munyoole khulirira mubwichufu bwosi obwa Nasaye.20 Bulano afumisiwe ula onyala okhukhola amakhuwa kaukisia lukali khukhira koosi akakhusabanga kose akakhupaara, khulwa maani kakholaanga emirimo mukari mwefwe; 21 afumisibwe mulikanisa nende mu Yeso Kirisito okhuula khu chinjibulo chioosi echiobumeri nende bumeri. Amina.
Chapter 4

1 Khulwesio, esie omuboye wo Mwami, basaba mbwe mukeende khulondana nende omulango kwamwalangirwa, 2 nende obweduduyi bwoosi nende obwedemberfu, nende okhwefwira, nimwesimirisaniria mulala khuundi mubukheeri: 3 nimwedinya okhulinda obulala bwa Roho mumboye yomuleembe.4 Khuli nende omubiri mulala, nende Roho mulala, kata ngolwa mwalangwa mulinaaya elala eliomulaango kweng'we; 5Omwami mulala, obusubiri bulala, obubatisibwi bulala, 6 Nasaye mulala, oli samwana waboosi, oli akulu wakoosi, nende mukoosi, nende mweng'we mwesi.7 Arali khubuli mulala khwefwe yaberesibwa obukoosia khulondana nende esikero siesianwa esia Kirisito. 8Khwelwesio aboola ari, olwayanina akulu, yadiira omuruki, namala naberesia ebianwa khu baandu.9 Bulano niyanina, ni sina nisio arali mbwe khandi yeekha mberi mumbeka chiasi echie sialo? 10Oyo oweekha niye khandi omwene oyo owanina akulu khukhira likulu lioosi, mbwe anyale okhusirisia ebiindu bioosi.11 Ne yaberesia abandi okhuba abarume, nende abandi abanabii, nende abandi abayaali , nende abandi abaayi, nende abandi abekesia, 12 khulwokhurekekha abatakatifu khulwe mirimo kiobukhalabani, khulwo khumbakha omubiri kwa kirisito: 13 okhuba olwa fweesi khuchia okhuula mubulala bwobusubiri, nende mubumanyirisi bwomwana wa Nasaye, okhuula khumuundu mulamba, okhuula khusikero esiamadaara kobwolerefu bwa kirisito:14 mbwe efwe khandi khuraba abaana badiidi, abaduumulwa eyi nende ela, nibabukulwa nende buli muyaka kwa mekesio, nande imbalukha ya baandu nikhuloondo echingira chiobubabacha. 15Arali khudiire okhulomaloma obwadieri mubukheeri, khunyale khukhula muniye mubiindu bioosi, oli omurwe, niye Kirisito: 16 owa khuniye omubiri mulaamba kwambanisibwa nikudirana alala Mani nukudirana nende buli sikusu esikhoonya, khulondana nende ikhola yolerere musikero siabuli sikusu, esikhola okhwemeeda khwomubiri okhuula khu khweyumbakha khwako kwene mubukheeri.17 Khulwesio mboola kano, ninjingirisia mumwami, mbwe eng'we bulaano , murakeenda kori ngolwa banasialo bakendanga, mubukoyani bwa mapaaro kabwe; 18 akarebwamo esirima,khandi nibakoyanu mukobulamu bwa Nasaye khubiriri mubulendaafu obuli mukari mwabwe, khulwo khubeera obwoofu bwemioyo kiabwe. 19Abafwa linakaasi mani nibeberesania abene okhwelasia, khukhola ekesifwabi koosi, nende obuyaayi.20 Arali eng'we khasi mweeka Kirisito murio khaba. 21 Nikali mbwe mwamubulira khandi mwekesibwa ninaye, Kori ngolwa obwadieri buli mu Kirisito: 22mwefwalule khurula mumakhuwa keyingeenda yamberi, omuundu wakhale, osasikhanga khulwo khuloonda obwekoombi bwokhubacha;23 amapaaro kemioyo kieng'we kakholwe okhuba amayaakha; 24 mwefwale omuundu muyaakha, owalongwa mumbeera ya Nasaye mubulungifu nende obutakatifu bwobwadieri.25 Khulwako, mwefwalule obubacha mani mubolenire obwadieri bulimuundu nende mumenyeranwa waye; khulwo khuba khuli ebimeka, buli mulala nisimeka siowasie. 26 Mube nende elirima, arali murakhola imbi; eliuba lirakwa nimusiri nende obuchuuni bweng'we; 27 nomba muraberesia Sietani obweyaango.28 Omwibi areeba khandi; arali nibilayi akhole sinani, nakhola emirimo milayi khu makhono kaye mwene, mani anyoole okhuba nende esiindu esio khukaaba abali nende elienya. 29 Elikhuwa liosi limaanu lirarula muminwa kieng'we, arali amakhuwa malayi akakhoyera ula oli nende elienya, mbwe kaberesie obukoosia khu bala ababulira. 30 Khandi murasinyisia Roho mulafu ula owa Nasaye: owamwarebwakho esibalikho khulwe inyaanga yobununuli.31 Obuchuuni bwoosi, nende lirima, nende businyifu, nende busoolo, nende khunyekana, biruleo akari weng'we, alala nende imbeera yobubi; 32 khandi mube abokhukhonyana eng'we bene khu bene, abokhubonera esisa, nimulekhanira, kori ngolwa Nasaye yabalekhera mu Kirisito.
Chapter 5

1Khulwesio muloonde Nasaye kori ngabaana abakheerwa; 2 muchiririre mubukheeri, kori ngolwa kirisito yabakheera mani niyerusia okhuba esianwa nende esisakhiro khu Nasaye khulwefwe.3 Arali obuyirani burarumbulwakho khweng'we kose obumali bwosi bwosi obwokhwekoomba, kori ngolwa bikhoyera abatakatifu; 4 kose chisoni, kose amakhuwa kobusiru, kose obuyingani; akene ako khasi kakheresia khaba; arali nibilayi okhukhuba orio.5 Khulwo khubeera nobwadieri eng'we mumuanyire likhuwa lino, mbwe abulao omuyirani kose orali mulafu kose owobwekoombi, oyo niye owinamiranga ebifwanani, oli nende obulaame mubwami bwa Kirisito nende Nasaye. 6Omuundu arababacha nende amakhuwa kabula obukhoonyi; khubeera khulwe sifune sia kene ako, elirima lia Nasaye liichira abaana bobukhayi. 7 Khulwesio muraambana ninabo.8 Khulwo khuba mwali musirima khale, arali bulano muli obulafu mumwami; mukeende Kori nga abaana bobulafu, 9 khubeera esiamo sio bulafu silimo obulayi bwoosi nende obulungifu nende obwadieri; 10 mupime okhumanyirisia kala akasangaasia Omwami. 11 Muraambana nende ebikhole ebiraama ebiamo ebiomusirima, arali mubikhye; 12 khubeera akabakhola mubwekisi, nikechisoni khukarumbula.13 Arali kala koosi akakhayibwa kaanikhibwanga nende obulafu, Khulwo khubeera bulisiindu esibonekhananga nobulafu. Khukene ako abola ari, " singira, ewe okunukha,14 olamukhe mubafu, naye Kirisito anakhukhoseria."15 Khulwesio mulingere lukali Kori ngolwa mukeenda; murakeenda Kori nga abaandu babula obumanyirisi, arali mukeende Kori ngabali nende obumanyirisi. 16 Numununula ebikha, khubeera chinyaanga chino nichiobubi. 17Khulwako, muraba abasiru, arali mumanyirisie mbwe elienya lia Nasaye nisina.18 Khandi muramesibwa nende ifini, eyilimo obukoyani; arali mwichusibwemo Roho; 19 Nimulomaloma abene khu bene muchisaburi nende chinyiriri nende chinyimbo chiomumwoyo, nimweemba nimusangalira Omwami mumioyo kieng'we; 20 nende khukhubira orio Nasaye Sefwe chinyaanga chioosi mumakhuwa koosi, muliira lio mwami wefwe Yeso Kirisito; 21 buli mulala niyeyikhia asi wowasie musiriibwa sia Kirisito.22 Eng'we abakhasi murie abasaacha beng'we kori nga khumuria Kirisito. 23Khulwa khuba omusaacha nomurwe kwo mukhasi waye, Kori ngolwa Kirisito ali murwe kwe likanisa. 24Arali Kori ngolwa likanisa liaria Kirisito, kario abakhasi bosi barie abasaacha babwe mubuli likhuwa.25 Eng'we abasaacha, mukheere abakhasi beng'we Kori ngolwa yeso yakheera likanisa,niyerusia khulwa nilio; 26 mbwe anyoole okhulilabia, nende khuliosia nende amaachi mulikhuwa; 27 mbwe anyoole okhwererera likanisa lio luyaali, elibulamo obumali kose likoondo kose lioosi elifwana lirio; arali libe elitakatifu elibula siuku.28 Kario bikhoyera abasaacha bosi okhukheera abakhasi babwe Kori emibiri kiabwe bene. Ula okheera omukhasi waye yekheraanga omwene. 29 Khulwo khuba abulao omuundu owasiula omubiri kwaye abuundu wosi wosi; arali akulisianga nende khukuliinda, Kori sa ngolwa Kirisito akholeranga likanisa. 30Khulwo khuba efwe khuli ebibalo biomubiri kwaye.31 Khulwe sifune esio omuundu achia khulekha samwana nende ngina, ne achia okhwambana nende omukhasi waye, ne babiri abo bachia okhuba omubiri mulala. 32Eliobwekisi elio ni likhoongo; arali esie nomanomanga khu makhuwa ka Kirisito nende likanisa. 33 Arali omuundu akheere omukhasi waye kori nga ye mwene; ne omukhasi arakhaya okhuria omusaacha waye.
Chapter 6

1Eng'we abaana, murie abebusi beng'we mumwami, khulwa khubo ekene kano niko akakhoyera. 2 Ria soo nende mao; elilako lino nilio elilako liamberi eliri nende elilakano, 3 mbwe onyoole echikhabi, Mani omenye echinyaanga chinyingi musialo.4 Nang'we eng'we abasamwana, murarangananga abaana beng'we; arali mubakhusie mubiima bilayi nende khubakeraka mumwami.5 Eng'we abakholi bemirimo, murie abami beng'we mungeri yomubiri, murie nende khurengerekha, mubukololofu bwomwoyo, kori nga okhuria Kirisito; 6 ne muraria sa khubukholi bwokhulolekhana kori ngolwa belioyanga khu baandu, arali kori nga abakholi ba Kirisito, nimukhola kala akakheresia Nasaye mumwoyo; 7 mulichoomo lilayi kori nga khukholera Nasaye ne khasi nikhukholera omuundu khaba; 8 nimumanyirisia mbwe buli likhuwe lilayi eliomuundu akholanga, Omwami achia khumuberesia eliene elio, kata nali omukholi kose mulekhule.9 Nang'we eng'we abami, mwesi mubakholere akene ako, mulekhe okhubarisia,nimumanyirisia mbwe Owami bwabwe ninang'we ali mwikulu, naye abula injaulo.10 Olunyuma, muchiririre okhuba nende ichwoni mumwami nende mubunyala bwamaani Kaye. 11 Mwefwale ebilwaniro bia Nasaye bioosi, munyale okhwikalira obubacha bwa Sietani.12 Khulwo khuba okhulwana khwefwe khasi nikhwamabaanga nende mubiri khaba; arali ni khuburuki nende obunyala, nende khubakhoongo besirima siliwo sino, khubeliiyie bebikhieno bimaanu musialo sia roho. 13 Khulwe sifune esio, mwefwale ebilwaniro bia Nasaye bioosi, munyale khudinya inyaanga yobubi,ne nimumala okhusirisia koosi, mweme sirungi.14 Bulano mweme, nimweboyere obwadieri mubibuno bieng'we, nende okhwefwala esireega siobulungifu khu sirifu, 15 nako amakulu kabe amarekekhe khulwe ifanjili yomuleembe; 16 ne okhira koosi mubukule ingabo yobusubiri, eyamunanyala khusimisiria obuyiingo bwo muliro bwoosi obwo mumaanu ula.17 Khandi mubukule ikofia yobuonia nende olugaanga lwa Roho oluli elikhuwa lia Nasaye; 18 mumalaamo koosi nende khusaba buli bikha muroho, nimuba meeso mulikhuwa elio, nende khuchiririra khulaamira abatakatifi boosi;19 nende esie siesi, mbwe mberesibwe likhuwa eliokhufunula omunwa kwange, mani nyoole okhuyaala eliobwekisi lie ifanjili yila nende ichwoni; 20 eyikera esie ndaba omurume oweminyororo; khandi nyoole ichwoni yokhulomaloma kori ngolwa bikhoyera khulomaloma muniye.21Khulwesio, eng'we mwesi munyoole khumanya amakhuwa kange, ngolwa kafwana, naye Tikiko, omusiani wefwe khandi omukholi mwesikwa mumwami, achia khubeekesia amakhuwa koosi; 22 owanduma mbwe yeeche abekesie amakhuwa ako mbwe munyoole khumanya kori ngolwa khuli, naye achia khubalemia emioyo.23 Omulembe kube khubakheerwa, nende obukheeri, alala nende obusuubiri oburula khu Nasaye Sefwe nende Omwami Yeso Kirisito. 24 Obukoosia bube nende boosi abakheera Omwami wefwe Yeso Kirisito mubukheeri oburanyasikha.

Philippians

Chapter 1

1Paulo nende Timoteo, abakholi ba Yeso Kirisito, khu batakatifu boosi mu Kirisito Yeso, abali Ebufilipi, nende abepisikoopi alala nende abasemasi: 2Obukoosia bube khweng'we nende okhurula khu Nasaye Sefwe nende khu Mwami Yeso Kirisito.3Ndebasianga Nasaye wange buli olwambechulira, 4buli lwoosi mubuli malaamo kange khweng'we mweesi nisaba nende obusangaafu,5khulwo busangirani bweng'we muifanjili khurula inyanga yamberi okhuula bulaano; 6ndi nende obwadieri musiindu siene sino mbwe ula owachaaka omulimo mulayi mweng'we anakuchiririsia okhuula inyaanga ya Yeso Kirisito:7 Kori ngolwa kakhoyera esie okhupaara kano khweng'we mweesi, khulwo khubeera muli mumwoyo kwange, khandi nende mumboye Yange, nende mubulwaniriri, nende obuloleri bwe ifanjili, eng'we mweesi musangirane alala ninange obukoosia buno . 8Okhuba Nasaye nomuloli wange, Kori ngolwa esie ndi nende amaofu khulweng'we mweesi mumwoyo kwa Kirisito Yeso.9Ne kano niko amalaamo kange, mbwe obukheeri bweng'we buchiririre okhwemeeda lukali, mumakesi alala nende bumanyirisi bwoosi,10munyoole okhufukirira kala akali malayi; mbwe munyoole okhuba nende emioyo milafu, nimubula elibi, okhuula inyaanga ya Kirisito; 11nimwichusibwemo ebiamo biobulungifu, khu luyaali nende ifuma ya Nasaye.12Arali baana befwe, ndakha mumanye mbwe amakhuwa koosi akaanyoola kekholekhane khulwokhusalasia ifanjili; 13kata buboye bwange bubonekhana mu kirisito, akari wa basikari, nende khubaandu boosi. 14Ne obungi bwabaana befwe abo abali mu Mwami, bali nende ichuoni khulondana nende okhuboywa khwange, ne bachiririre khuyaali elikhuwa lia Nasaye nibabula oburi.15Abandi bayalaanga amakhuwa ka Kirisito mububacha nende buyingani; ne abandi nabo bayalaanga mulichoomo lilayi. 16Abene abo bayalaanga khurula mubukheeri, nibamanyire mbwe esie ndarebwao mbwe nyoole khwemerera ifanjili; 17arali abandi bayalaanga Kirisito khulwa buchunjubania, ne khasi ni khurula mumwoyo mulafu, nibapaara mbwe banameeda amanyakhano kokhuboywa khwange.18Bulano ni sina? Arali mungira chioosi, Kata nibili mububacha, kose nibili mubwadieri, Kirisito ayalwa; nange sangaalira eliene elio, khandi ndachiririra khusangaala. 19khulwo khuba esie manyire mbwe kene kano kanakalukhana kabe obuonia bwange, khulondana nende amalaamo keng'we, nende obukhoonyi bwa Roho wa Yeso Kirisito.20Kori ngolwa ndalindiririra lukali, nende khusubirira mbwe khasi njia okhwambisibwa chisoni khaba, arali muchwoni yoosi, Kori ngechinyanga chioosi, ne Kata bulano Kirisito anakingulwa mumubiri kwange, Kata nibili mubulamu bwange kose muliifwa liange.21Khulwo khuba khwesie okhumenya ni Kirisito, ne okhufwa ni ingaanga.22Arali nibili mbwe okhumenya mumubiri khwesie ni biamo biemirimo; bulano khasi manyire eliandalobola.23Mbodokhanwe nende amakhuwa kabiri; ndekoomba khuchia okhuba nende Kirisito, khubeera nibilayi lukali; 24ari okhumenya mumubiri khwenyekhana lukali khulweng'we.25Esie nisubiririra mukene ako, manyire mbwe ndamenya nende khuchiririra khuba ninang'we, mbwe munyoole khuchiririra khusangaala mubusubiri; 26mani muchiririre khusangaala mu Kirisito Yeso khulwokhubao khwange khandi alala ninang'we. 27Arali okhukeenda khweng'we khube kori ngolwa bienyekhana muifanjili ya Kirisito, mbwe ninjicha okhubabona, kose nindarabao, mbulire amakhuwa keng'we, mbwe mwemere sirungi mu Roho mulala, mumwoyo mulala nimulwanira obusubiri bwe ifanjili;28ne muraria abasuku beng'we, mulikhuwa liosi liosi; khunibo esio nisilolero esiokhukora, arali khweng'we, ni silolero siobuonia, ne obwene obwo burula khu Nasaye. 29Khulwo khubeera mwaberesebwa khulwa Kirisito, naye khasi ni khulwo khusubira sa, arali alala nende khusandisibwa khulwa niye; 30nimuba nende obuyingani bula obwamwabona khwesie, nende khubulira mbwe siiri ndi ninabwo okhuula ebikha bino.
Chapter 2

1Khulwesio nikhwakhabakhoo okhudinyisia khwosi khwosi mu Kirisito, nikhwakhabakhoo khulemisibwa khwosi khwosi okhwo bukheeri, nikhwakhabakhoo obusangirani bwosi bwosi obwa Roho, nikhwakhabakhoo okhwelalikhira khwosi khwosi alala nende esisa, 2muusirisie obusangaafu bwange, mbwe mube nende elichoomo elala, abali nende obukheeri bulala, nende Roho mulala, mulipaaro elala.3Murakhola esindu siosi siosi mungeri yokhukerana kose mukhwelaya; arali mukhole mukhweduduya, buli mulala abone owasie okhuba okhoyeera okhumukhira yemwene. 4Buli muundu aralingera sa amakhuwa Kaye mwene, arali buli muundu alingere amakhuwa kabaandu bandi.5Mube nende amapaaro komukari mweng'we akali mukari mwa Kirisito Yeso yeesi; 6owomukhuchaaka yali nende imbeera ya Nasaye, naye khasi yabona okhwakana nende Nasaye okhuba esiindu siokhwandirakho; 7arali yekhola okhuba Kori obula oluyaali, naba Kori abaandu; 8khandi Kori ngolwa yabonekhana nali nende ifwani yomuundu, yeduduya naba owokhuria okhuula khuliifwa, lila eliifwa elio musalaba.9Khulwesio khandi Nasaye yamukingula lukali, namuberesia eliira likhira ameera koosi; 10mbwe khubirira muliira lia Yeso Kirisito buli likhumbo lisigame, khu biindu bio mwikulu, nende ebio musialo, nende ebili asi we sialo; 11ne buli lulimi lweyame mbwe YESO KIRISITO NOMWAMI, khulwo luyaali lwa Nasaye Sefwe.12Bulano abakheerwa bange, Kori ngolwa muria echinyaanga chioosi, ne khasi ni mubikha ebiandaliwo sa, arali okhirakhoo nimbulao, musirisie obuonia bweng'we abene mungeri yokhuria nende khurengerekha. 13khulwo khuba ye niye Nasaye okholanga emirimo mukari mweng'we, mukhudakha khweng'we nende okhukhola khweng'we, mukhusirisia elichoomo liaye lilayi.14Mukhole amakhuwa koosi mukhurekanyirisia kose mukhukerana, 15munyoole okhuba abaana ba Nasaye ababula esiuku, kose obubacha, ababula elibi lio khubolwakho akari wolwibulo lwobukhayi, olwakora; abeng'we mubonekhananga okhuba Kori obulafu musialo, 16nimudiira elikhuwa liobulamu; mbwe esie nyoole esifune siokhubona oluyaali inyaanga ya Kirisito, mbwe khasi nderukha echimbiro chiebikhaya kose khasi ndesandia khulwe bikhaya.17Ne kata ninjukhibwa kori nga esianwa khumusaango nende obukhalabani bwobusubiri bweng'we, ndi musangaafu; khandi sangaala alala ninang'we mweesi. 18Nang'we mwesi musangaale murio, khandi musangaale alala ninasie.19Arali esie subira mu Mwami Yeso okhuruma Timoteo yeeche oweng'we ambi ano, mbwe esie nyoole okhudinyisibwa ngolwa njia khumanya kori ngolwa muli. 20Khulwo khuba esie mbula omuundu uundi oli nende amapaaro kafwanana nende akange, onalingeera imbeera yeng'we mubwadieri. 21Khulwo khubeera abaandu boosi bali khukoonya ebiindu biabwe abene, ne khasi bakoonya ebiindu bia kirisito khaba.22Arali eng'we mumanyire ifuma yaye, mbwe yakhakhola emirimo Khulwe ifanjili ala ninange, kori ngomwana nende samwana. 23Khulwesio, subira khumuruma ambi ano, kori ngolwa njia khubona akaachia khunyoola. 24Arali subira mu Mwami mbwe njia okhwicha esie mwene ambi ano.25Arali mbwene mbwe bikhoyera okhubarumira Epafaradito, omusiani wefwe, omukholi wemirimo alala ninange, omusikari alala ninange; khandi nomurume weng'we nende omukhalabani wameenya kange. 26Khulwo khuba yali nende amaofu ninang'we mwesi, naberera lukali, khubeera mwabulira mbwe yali omulwaye. 27Khulwo khuba nobwadieri yali omulwaye lukali, kata yali ambi okhufwa; arali Nasaye yamwelalikhira; ne khandi khasi niye sa yeng'ene, arali kata nende esie siesi; mbwe ndaraba nende esibeera akulu wesibeera.28Khulwesio kholere esinani lukali okhumuruma, mbwe nimunamubona khandi,munyoole khusangaala, nange nyoole khududuyia esibeera siange. 29 khulwesio, mumwingisie mu Mwami, mubusangaafu bwoosi, muberesie siriibwa abaandu bali kori niye. 30Khulwo khuba yali ambi okhufwa Khulwo khubeera emirimo kia Kirisito, khandi yara obulamu bwaye mumasira mbwe anyoole khusirisia kala akali nikarolelere mubukhalabani bweng'we khwesie.
Chapter 3

1Elimalirikha, abakheerwa bange, musangalire mu Mwami. Esie khasi sinyisibwa khulwa khubandikira amakhuwa kala kala, arali kabakhoyera eng'we. 2Mube meeso Khulwe chimbwa, khandi mube meeso Khulwa bakholi bamabi, mube meeso Khulwa bala abekheenga abene. 3Khulwo khuba efwe khuli abesikhebo, abenamiranga Nasaye mu Roho, nende khwebulisiria Yeso Kirisito, ne khasi khwesika omubiri khaba.4Katakario esie ndakhesikire mubiri. Omuundu Yeesi napaara mbwe ali nende esifune siokhwesika mubiri, esie khirakhoo lukali. 5Ndakhebwa inyaanga ya munane, ndi omuundu wesialo sia Isiraili, owo lwibulo lwa Benjamini, Mwiburania wa Bayiburania, khumakhuwa kalondana nende khudiira malako, ndi Mufarisaayo.6Khulondana nende sinani, ndasandia likanisa, khulondana nende obulungifu asi wamalako, khasi ndali nende elibi. 7Arali ebiindu bila ebiali ebie ingaanga khwesie, ndabibala kori ebiakora Khulwo khubeera Kirisito.8 Khandi akulu waako koosi, mbala ebiindu bioosi kori nga ebiakora khulwo khubeera obulayi bubula esikero obwokhumanya Yeso Kirisito, Omwami wange; owo khubeera ye, esie ndakosia ebiindu bioosi, nibibala khuba kori nga mafwi mbwe nyoole Kirisito; 9khandi mbonekhane mukari mwaye nimbula obulungifu bwange mwene obunyolekhana khurula khu malako, arali bula obunyolekhana khurula khu busubiri obuli mu Kirisito, obulungifu bula oburula khu Nasaye, mu busubiri; 10mbwe nyoole okhumumanya alala nende obunyala bwokhulamusibwa khwaye, nende obusangirani bwamanyakhano kaye, ningeranisibwa nende okhufwa khwaye; 11mbwe nyoole okhuula khubulamusibwi bwa bafu mungira yosi yosi.12Ne khasi bili mbwe ndamala okhuula, kose ndamala okhulirira; khaba! Arali ndedinyaanga khulukeendo mbwe nyoole khudiira lila eliakera ndadiirwa nende Kirisito Yeso. 13Baana befwe, khasi ndebona esie omwene mbwe malire khudiira; arali kholanga sa elikhuwa elala; ninjibirira akali inyuma, ne ninwanirira akali imberi; 14ndedinya khulukeendo, mbwe nyoole esianwa esiomulaango mukhoongo kwa Nasaye mu Kirisito Yeso.15Khulwesio efwe khumalire okhukhula khupaare akene ako; naye kata nimupaara akandi mulikhuwa liosi liosi, Nasaye anabafunulira eliene elio liosi. 16Kata kario, khuchiririre mukala akakhumalire khunyoola..17Baana befwe, munoonde esie, nimulingeera bala abachiririranga mungeri yakhwababeresia. 18Khulwo khuba abangi bali khuchiririra, abo abandababoolera khulondana nende amakhuwa kabwe ebikha bingi, ne bulano baboolera kata nindira masika, mbwe nibasuku bomusalaba kwa Kirisito; 19ne obumalirikhi bwabwe nobusasikhi, inda niyo nasaye wabwe, oluyaali lwabwe luli mumatongolo kabwe, baparaanga khulondana nende amakhuwa komusialo20Khulwo khuba obwibulwe bwefwe buli mwikulu; khandi khulindiririranga omuonia wefwe khurula bwene eyo, Omwami Yeso Kirisito; 21ochia khukalukhania emibiri kiefwe ekiobudekhere, mbwe kinyoole khufwanana nende omubiri kwaye okwoluyaali, khubunyala bula obwa khunibwo anyala okhura asi waye ebiindu bioosi.
Chapter 4

1Khulwako, baana befwe abakheerwa, abambonera maofu, obusangaafu bwange, nende isiimbi yange, mweeme murio sirungi mu Mwami, eng'we bakheerwa bange. 2Saba Euodia, khandi saba Sintike, mbwe babe nende lipaaro elala mu Mwami.3 khandi ndakha mbwe ewe wesi, omukholi wobwadieri, okhonye abakhasi abo; khulwo khuba balwanira ifanjili alala ninange, nende kelementi yeesi, alala nende abandi bala boosi abakhola mirimo ninange, abamera kabwe kali musitabo siobulamu.4Musangalire mu Mwami chinyaanga chioosi; khandi mboola mbwe, musangaale. 5Obwedemberefu weng'we bumanyikhane nende abaandu boosi. Omwami ali ambi. 6Muresaandia khulikhuwa liosi liosi; arali mulaame nende khusaba mubuli likhuwa, alala nende okhukhuba orio, ameenya keng'we kamanyikhane khu Nasaye. 7Ne omuleembe kwa Nasaye, okukhira amakesi koosi, kunaliinda emioyo kieng'we nende mapaaro keng'we mu Kirisito Yeso.8Elimalirikha, baana befwe, amakhuwa kosi kosi akobwadieri, kosi kosi akali nende siriibwa, kosi kosi akobulungifu, kosi kosi akali amalafu, kosi kosi akakheresia, kosi kosi akali nende ifuma indayi; obulayi bwosi bwosi nibubao, ifuma indayi yosi yosi niyibao, mupaare mumakhuwa ako. 9Amakhuwa akamweeka khurula khwesie nende khukabukula, nende khukabulira nende khukabona khwesie, mukhole kene ako; naye Nasaye womulembe anaba ninang'we.10Sangalira mu Mwami lukali, khulwo khuba bulano mubumalirikhi amapaaro keng'we kalamusibwe khandi khulwesie, kori ngolwa mwali nimudeebisibwa khulondana ninange arali khasi mwanyoola obweyaango. 11Khasi ndi khuboola kene kano mbwe khulwo khuba ndi nende ameenya khaba; khulwo khubeera ndeeka khuyesibwa nende imbeera yosi yosi eyandi ninayo. 12Manyire okhuba mubumanani, khandi manyire okhuba nende ebiindu bingi; mumbeera yosi yosi, nende mumakhuwa kosi kosi, ndeekesebwa khwikura nende okhuba injala, okhuba nende ebiingi nende okhubwerwa. 13Nyala khukhola makhuwa kosi khubirira khuula oumberesianga amaani.14Arali mwakhola bilayi, ngolwa mwasangirana ninange mukhusaanda khwange. 15Eng'we mwesi, abene mumanyire, eng'we Abafilipi, mbwe mukhuchaaka khwe ifinjili, kori ngolwa ndarula Makedonia, libulao likanisa lindi eliambana ninange mukhurusia nende khunyoola, arali sa eng'we mweng'ene. 16Khulwo khuba kata sa Thesalonike ela, mwanderera obukhoonyi bwameenya kange, ne khandi khasi ni likhabi elala sa khaba.17Khandi khasi bili mbwe ndekoomba esianwa sila, arali ndekoomba ebiamo bili okhwemeeda okhuba ebingi, mububali bweng'we.18Arali ndi nende ebiindu bioosi kata nende khukhirao, khandi njichusibwe lukali; ndanyolere ebiindu biamwarera khubirira khu Epafaradito, esing'ari sia mafura, esisakhiro esifukirirwa, esisangasia Nasaye. 19Naye Nasaye wange achia khubaberesia buli siindu esiamudakha khulondana nende obuyiinda bwaye, muluyaali, mukari mwa Kirisito Yeso. 20Bulano Nasaye Sefwe afumisibwe, bumeri nende bumeri. Amina.21Mukheserie buli mutakatifu mu Kirisito Yeso. Abaana befwe abali ninasie babakhesia. 22Abatakatifu boosi babakhesia, okhirakhoo bala abeyinyuumba ya Kayisaari. 23Obukoosia bwo Mwami Yeso Kirisito bube alala nende emioyo kieng'we.

1 Thessalonians

Chapter 1

1Paulo, Silifano nende Timoteo khu likanisa lia Bathesolonike eliri mu Nasaye sefwe nende omwami wefwe Yeso Krisito; obukoosia bube khu eng'we nende omuleembe khurula khu Nasaye sefwe nende Omwami Yeso krisito.2Khubiranga Nasaye orio buli lwoosi khulweng'we mweesi, nikhubarumbula muchisala chiefwe. 3Nikhwichulisia emirimo kieng'we ekiobusubiri oburalekha khaba; nende obukhalabani bwo bukheeri, nende obwedemberefu bwe linaaya mu Mwami wefwe Yeso Krisito mumoni chia Nasaye sefwe.4Khumanyire abakheerwa bakoosi, okhulobolwa khweng'we nende Nasaye. 5 Khulwo Khubeera ifanjili yefwe khasi Yabechera mulikhuwa sa liong'ene khaba arali kata nende mumaani nende mumwoyo mulafu, nende obwesikwa buungi nga mumanyire mbwe khwali abaandu be imbeera sina khulweng'we.6Mani mwamala nimuba abalondi befwe, nende abo Mwami, nga mwanyola elikhuwa mukhusaanda khungi, nimuli nende obusangaafu bwo mwoyo mulafu. 7Mani mwamala mwaba esilolero khu boosi mu Makedonia nende Akaya.8Khulwo khubeera elikhuwa lio Mwami liabulirikhana khurula khwengwe, ne khasi nimu Makedonia nende Akaya mwong'ane sa, arali buli abuundu. Lisuubira lieng'we khu Nasaye liabulirikhana. Khulwako khasi khukhoyere okhuboola esiindu siosi siosi. 9Khulwo khuba abo bene bekesia kori ngo khwingira khwefwe mweng'we khwali, nende nga olwa mwakalukhanira Nasaye okhurula khu minasaaye nimurumikhira Nasaye mulala nende owo bwadieri. 10Nende okhulinda Omwana waye okhurula mwikulu, owa yalamusia khurula mubafu, niye Yeso owa rununula khurula mulirima liicha .
Chapter 2

1Okhubeera eng'we bene, abakheerwa, mumanyire okhwingira khwefwe mweng'we, mbwe khasi khwali okhwesikhaya. 2Arali kata kario kene ako nikakhabwa khwali khusudire imberi eyo, nende khukholerwa ake chisoni ; nikhuli Filipi khwali nende ichuoni mu Nasaye wefwe okhubabolera ifanjili ya Nasaye nende okhuyiyinganira lukali.3Okhubera amakerako kefwe sikali aka imbi kose omufuro, kose sikhalikhali; arali kori olwa khwafukirirwa nende Nasaye okhwesikwa nende ifanjili nilwo nga olwa khulomaloma; oburali osangasia abaandu, arali Nasaye otemanga emioyo kiefwe.5Khubeera sibulao esikha esia khwekhonyera amakhuwa ka okhwekingula ngolwa mumanyire kose chingubo chia obwekombi; Nasaye niye omuloli wefwe. 6Kata khasi khwakonyakho oluyali okhurula khu bandu, kose khu eng'we, kose khu bandu bandi, kata nikali mbwe khwali nende ebidinyu, kori abarume ba Krisito.7Arali khwali abokhulongoyala akari weng'we, nga olwa omukhasi onunia adeberanga abaana baye. 8Kario mungeeri eyo khwabekomba muno,khwali nende elienya mbwe sikhunababeresia sa ifanjili ya Nasaye yong'ene, arali nende emioyo kiefwe abene, khuba mwali abakherwa khwefwe. 9Khubeera mwichulisia, abakheerwa ,okhukhalabana nende obukholi bwefwe; khubeera khwakhalabana sidere nende siro, mbwe khuraba omukuku khu muundu yesi yesi khweng'we khaba, khwabayalila ifanjili ya Nasaye.10Muli abaloli befwe , Nasaye yesi, ngolwa mubulafu bwo mwoyo nende mubwedieri, nende muburadolwamo imbi yosi yosi khweyekesia akari weng'we abali basubuira. 11Ngolwa mumanyire, ngakhwabakeraka nende olwakhwabakeraka nende okhubaberesia omwoyo buli mulala khweng'we, nga samwana akholeranga abaana baye. 12Mbwe mukende ngabikhoyera Nasaye owabalanga mu obwami bwaye nende oluyaali.13Khulwo khubera kano khubira Nasaye orio oburakama khaba, khubera nga mwanyoola elikhuwa lia Nasaye lia mwabulira khurula khu efwe, khasi mwalinyola ngelikhuwa lia abaandu, araali ngeliri mubwadieri, elikhuwa lia Nasye elikholanga emirimo milaayi mu eng'we abasubira.14Khubeera eng'we abakheerwa, mwecha mwaba balondi be chikanisa cha Nasaye echiri mubuyaudi mu Kirisito Yeso; khubera eng'we mweesi mwanyala okhusaanda omusando kula kula khurula khubandu besialo sieng'we bene,omusaando kwabanyola khurula khu Bayaudi. 15Abeera Omwami Yeso, nende abanabii babwe bene, khandi basandisie efwe; khandi sibasangasia Nasaye khandi sibachira alala nende abaandu boosi. 16Barukayira okhulomaloma nende Abanasialo mbwe bakhaye okhuwonisibwa; khusirisia echimbi chabwe bulilwosi. Bulano lirima libolerekho mubuungi.17Arali efwe abakherwa nga khwabukulwa okhurula khu eng'we mubikha bididi nikhurenya mumioyo ,khwekomba khubona obweni bweng'we mubungi. 18Khu kario khwekomba okhwicha khweng'we obalola nekata esie- Paulo , buli sikha naye sietani yangaira. 19Naye lisubira liefwe nisi, Kose isaangalo, kose lusimbi lweisangalo? Sineng'we imberi wo Omwami wefwe Yeso Kirisito mukhwicha khwaye ? 20 Eng'we ning' we oluyali lwefwe nende isaangalo .
Chapter 3

1Bulano nga khwali nikhuranyala khuchiririra okhwesimirisia khwecha khwapara mbwe nebilayi barulekhe Athene efwe fweng'ene. 2Khwamala nikhuruma Timoteo, omusiani wefwe khandi omukholi wa Nasaye khandi omukhalabani khalala nende efwe mu ifanjili ya Kirisito, mbwe anyoole okhubombakha, nende okhubadinyia okhulondana nende obusubiri bweng'we; 3Mbwe abuleo omuundi onabeyabeya okhubera emisando kino; khubera eng'we bene mumanyire mbwe khwalobolwa khulwa kene ako.4Khubera obwadieri khwababolera imberi nikhusiri ninang'we mbwe khukhoyera khusaanda ngolwa biekholekhana ne kano mumanyire. 5Khulwa kano nga olwandali nindaranyala khwesimirisia ndarumanisia okhumanyirisia obusubiri bweng'we mbwe mungira iindi mutemi arabatema, obukholi bwefu bwaba obwebikhaaya.6Arali bulano nga Timoteo yecha khurula khu eng'we, mani narurerera amakhuwa malayi aka obusubiri bwengwe nende obukheeri mbwe bulilwoosi mube nende okhurwichulisia khulayi, nimwekombanga lukali khurulola nga fwesi khwekomba okhubalola- 7Khu kario, abakheerwa, mukhunyakhana khwefu nende isaando khwadinyisibwa okhulondana no busubiri bweng'we.8Bulano khumenyere ,nimweema badinyirifu mumwami.9Khunyala Khubira Nasaye orio yaka. iriee khulondana nang'we khulweisangaalo yoosi yakhubere ninayo khulwengwe imberi. wa Nasaye wefwe, esiro nende sidere nikhuchirira khulaama mbwe khunyale khubona obweni bweng'we khunyale khusirisia. ebiri biremu mulisubira lieng'we?11Bulano Nasaye mwene khandi sefwe nende omwami Yeso Kirisito yemirire ingira yefwe khu eng'we 12Naye omwami abakhole khwemeda bukheeri mulala khu uundi nga efwe fwesi khu eng'we , mbwe munyale khuumbakha emioyo kienng'we kiralimo imbi. mubtakafu imberi wa Nasaye wefwe nende Baba mukhwiicha khwo Omwami wefwe Yeso Kirisito nende abatakatifu baye boosi . 13Mukhumalirisia khubasaba nende khubadinyirisia mu Mwami Yeso mbwe munyale khweyumbakha okhukhirao , ngolwa mwanyola. khurula khwefwe ngolwa mukhoyere mukende nende khusangaasia Nasaye ;khanyo emioyo kiengwe, kibulemo imbi mubutakatifu imberi wa Nasaye khandi sefwe , mu sikha sia okhwicha khwa omwami Yeso Kirisito.
Chapter 4

2Khulwo khuba mumanyire amalakano ka khwababeresia khubirira mumwami Yeso.3Khubera lino nilio elienya lia Nasaye : 4Mbwe buli sia mulala khu engwe amanye kori olwa anyala okhuruka omubiri kwaye mukhwelabia nene musiriibwa. 5Khasi nokhuchiririra mubwekombi bumanu, nga banasialo abakorerwe Nasaye; 6Mbwe omuundu yesi arabukula obweyangu khwiibira omusiani wabwe mulikhuwa lino okhuba Nasaye nomuruungi wamakhuwa kene nga ako , ngolwa khwarangira khubakaania nende khushuudia.7Khuba Nasaye siyarulanga mubumayaanu arali mubutakatifu.8Bulano ula olekeresia khasi alekeresia omundu dawe, arali Nasaye ula owaruberesia efwe omwoyo mutakatifu kwaye.9Arali okhudira khu bukheri bwa bakherwa hasi khoyere okhubandikira ebindu bidira khu obukheri bwa bakherwa; khubera engwe abene mwekesibwa nende Nasaye okhukherana. 10Khandi kata kario mukholeranga abakherwa boosi ba Makedonia arali khubekweda abakherwaa, mbwe mumede mwibwichufu khandi mubwichufu. 11Khandi mbwe mweke okhuba baulerefu, nende khukhola inyanga yengwe bene nende okhukhola emirimo nende emakhono kengwe bene, kori olwa khwabalangira.12mbwe munyole okhukenda mubwesikwa nga muchira bala ababula nabio, mbwe mube abaracha khubula sindu siosi13Arali sindakha mukhaye okhumanya abakherwa, okhulondana nende bala abamala okhukona chindolo khaba, mbwe murabererera khaba, nga bala ababula elinaya. 14Khubera nikali mbwe khusubira mbwe Yeso yafwa khandi nabukha, kata bala bosi abakona chindolo mu Yeso Nasaye acha okhubera alala naye . 15khubera lino khubabolera khulikhuwa lio o mwami mbwe efwe khuli abalamu abaluo khula okhwicha khwaicha khwa omwami khasi khwakhabarangirire bala abamala okhukona.16 Khubera omwami mwene yakhekhe okhurula mwikulu nende oluyoka, nende idobosi ya Malaika mukhongo, nende olwika lwa Nasaye; naye bala abafwa nibali mukirisito bakhalamukhe imberi. 17Lunyuma efwe khuli abalamu abadonga khwakhabukulwe alala nabo mumalesi, okhubukananira omwami mu miayaka; mani kario khwakhabe nende omwami emiaka kiosi. 18Bulano mudinyisanienge mulala khuundi nende amakhuwa kano.
Chapter 5

1Arali okhulondana nende ebikha nende chinduukho abakherwa simwenya bandikire. 2Khubera eng'we bene mumanyire ebilayi mbwe inyanga ya omwami yiicha ngo omwibi musiro. 3Khubera nga bakhabe nibabolanga mbwe omulembe nende obulindi obulayi; niye owa obusasikhi bwakheche mukhubwoga akulu wabwe ngolwa okhulumwa khwokhwibula khumwichira omukhasi olwa bwichiranga omukhasi oli inda; bakhaonemo.4Arali eng'we abakherwa khasi muli musirima khaba mbwe inyanga eyo ibanyole kori omwibi. 5Engwe mwesi muli abana ba obulafu, khandi abana ba omubasu; khasi khuli abana ba musiro,kose aba esirima khaba.6Bulano khurakona chindolo, ngolwa abaandu bakholanga khaba, arali efwe khube meso khandi abaywe. 7khubera bala abakonanga chindolo bakonanga musiro naye bala abamesi bameranga musiro.8Arali efwe, abo mubasu, khube baywe khwefwale ingubo yesirifu eya obusubiri nende obukheri; nende ikofia, ya linaya lia bulokole. 9Khubera Nasaye khasi yarulangira lirima liaye arali mbwe khunyoole obuwonia khubirira omuonia wefwe Yeso Kirisito . 10 Owarufwira, mbwe kata nikhuli meso kose nikhukona, nikhunyola okhumenya mubwambani ninaye. 11Bulano mudinyisanie eng'we abene khu bene khandi mwombakhane buli mulala khu undi, ngolwa muli okholanga.12Khandi khubasaba eng'we, abakherwa mbwe mumanyirisie abakhola mwing'we ne babemereranga nibabakeraka, 13khandi mubaberesia oluyali lwa akulu mubukheri khubera emirimo kiabwe. Khandi mube mumulembe akari kari wengwe bene. 14Bulano khubakerka abakherwa mubalabule bala abakhayi, mudinyie abadekhere, mukhonye abarenyala, mwesimirisirie abandu boosi.15Mumanyirisie mbwe abulao orunga imbi khu imbi khu mundu wasie yesi yesi, arali buli lwosi mulonde kalia amalayi, akari kari wengwe bene nende abandu boosi. 16Musangalenge buli lwosi. 17Nimusabe oburalekha khaba. 18Mubuli sindu muubenge orio; khubera niye elienya lia Nasaye mu Kirisiti Yeso khulondana nende eng'we.
19Murabuleresianga Roho khaba . 20Muralekeresianga obunabii khaba. Mulingalenge22 mumakhuwa koosi; nimudira lukali khu kala amalayi. Mwekayenge nende esindu siosi esiri nende obuubi .23Ne Nasaye owomulembe mwene abalabie muno, ne omwoyo nende amabaaso nende omubiri bilindwe mubwolerefu mukhwicha khwo omwami wefwe Yeso Kirisito.24Oubalaanga nomwesikwa ,ouchia yesi okhukhola .25Abakherwa, murulamire. 26Khesia abakherwa boosi nende khuchunjuna khutakatifu. 27Balakirisia khubirira mu mwami mbwe ibarwa ino isomerwe abakherwa batakatifu boosi. 28Obukosia bwa Omwami wefwe Yeso Krisito bube nangwe mweesi Amina

2 Thessalonians

Chapter 1

1Paulo, Silvanas nende Timotheo khu likanisa lia Tesolonike mu Nasaye Baba nende Omwami Yeso Krisito. 2Obukosia nende muleembe khurula khu Nasaye Sefwe nende Omwami Yeso Krisito.3Abakheerwa, khukhoyere okhwebasia Nasaye buli lwoosi khulweng'we, ngolwa kakhoyera, khulwo khubeera obusubiri bweng'we buli okhukhula lukali muno, khandi obusuubiri bweng'we khu buli mulala bwemedere. 4Khukario efwe abene khubefumisirianga mumakanisa ka Nasaye khulwo bwesimirisi bweng'we nende obusubiri mukhusandisibwa khwengwe khwoosi, nende mumanyakhano akamuli khwesimirisiria. 5Sino nisio esiekesia obukhalaki bukololofu obwa Nasaye, mbwe munyoole okhubalirwa abakhoyera mubwami bwa Nasaye, obukera musandisibwe.6Khulwo khuba nobwadieri mbwe, nobulungikhi imberi wa Nasaye okhurunga amanyakhano khu bala ababanyasia, 7nende okhubaruunga eng'we abasandisibwa mbwe, mubulukhe ninafwe, olwa Omwami Yeso achia okhufunulibwa okhurula mwikulu nende aba amalaika baye abamaani, 8mumuliro kwe chinjeserie, naruunga abo abaramanyire Nasaye, nende abo abararia ifanjili yo Mwami wefwe Yeso Krisito.9 Bachia okhunyoola esinyasio siobusasikhi oburalibwayo okhurula imberi wo Mwami, nende okhurula khu luyaali lwobunyali bwaye. 10 Achia khukhola akene kano olwa achia okhwicha iyaanga eyo okhunyoola oluyaali mubatakatifu baye, nende okhuukisibwa mu bala boosi abasubira, khulwo khubeera obuloli bwefwe khweng'we bwasubirwa.11Ne khulwe sifune sino,efwe fwesi khubalaamiraanga buli lwoosi, mbwe Nasaye wefwe anyoole khubabala okhuba abakhoyera omulaango kwengwe, ne anyoole okhusirisia buli lichoomo lilayi khu maani Kaye, nende buli mulimo kwobusuubiri. 12 khusaba kano mbwe eliira lio Mwami wefwe Yeso Kirisito linyoole oluyaali mweng'we, nang'we muniye, okhulondana nende obukoosia bwa Nasaye wefwe nende Omwami Yeso Krisito.
Chapter 2

1Bulano khubasaba abakheerwa , mbwe okhulondana nende okhwicha khwo Mwami wefwe Yeso Kirisito, nende okhwebusia khwefwe khuniye, 2mbwe murabeyabeya kose khukanakana mulwangu, khulwe irokho, kose likhuwa, kose ibarwa eyifwana kori eyirula khwefwe, obeera ori inyaanga yo Mwami yamala okhuula.3Omuundu yeesi yeesi areecha ya mubacha mungeri yosi yosi, khulwo khubeera inyaanga eyo khasi yakheche, okhuula kori nga khwakhabe nende obukhayi mani omuundu ula owe imbi yakhafunulwe, omwana wo khusasia. 4Uno niye okhayaanga nende okhwekingula omwene akulu wa buli siindu siosi esilangwa mbwe Nasaye, kose sila esinamirwa. He khulwa kene ako, yekhale mukhekalu lia Nasaye, niyelolesia omwene kori Nasaye.5Khasi mwichulisia mbwe kori olwa ndali nisiri nang'we, ndababolera amakhuwa kano?. 6Bulano mumanyire esiamukaira, mbwe anyoole okhufunulwa sa mubikha bikhoyera. 7Khulwo khubeera amebiso ko bukhayi kali okhukhola emirimo; arali aliwo owamwikalira ebikha bino, okhuula kori yakharusibweyo khungira.8 Ne olunyuma omukhayi oyo yakhafunulwe, owo Mwami Yeso yakhere nende emiuya kio omunwa kwaye, nende okhumusasia mukhufunulwa khwokhwicha khwaye. 9Okhwicha khwomukhayi khufwanana nende ikhola ya sietani mubunyala bwoosi, nende bilolero, nende amangalima kobubacha, 10alala nende buli mabi akabachaanga abo abasasikha; khulwo khubeera khaya okhukheera obwadieri, mani banyoole okhuonisibwa.11Khuwe sifne sino, Nasaye abarumira obukoyaani bwa maani, mbwe banyoole okhusubira obubacha; 12mbwe bala boosi abarasubira obwadieri, arali babukula isangaalo mumabi banyoole okhukhalakirwa.13Arali khukhoyere okhubira Nasaye orio buli lwoosi khulweng'we, abakherwa, abakheerwa nende Omwami , khulwo khubeera Nasaye yabalobola kori nga ebiamo biamberi mbwe munyoole okhuonisibwa okhubirira okhulabisibwa murokho, nende okhusubira mubwadieri; 14Yabalanga khulwa kene kano khubirira muifanjili yefwe, mbwe munyoole oluyaali lwo Mwami wefwe Yeso Kirisito. 15Bulano, abakheerwa, mweme sirungi, mani mudiire mwomisie emilukha ekiamwekesebwa, kata nikali mbwe nikhubirira mu likhuwa kose mubarwa yefwe.16Bulano Omwami wefwe Yeso Kirisito omwene nende Nasaye Sefwe, owarukheera, khandi yaruberesia okhudinyisibwa khwe chinyaanga chioosi nende linaya lilayi khubirira mubukoosia, 17adinyisie nende akhuru amaani mumioyo kiengwe mu buli mulimo mulayi nende likhuwa.
Chapter 3

1 Bulano, abakheerwa, murusabire, mbwe elikhuwa lio Mwami lichiririre, khandi liberesibwe oluyaali, kori olwa liri ninang'we, 2Khandi mbwe khunyoole okhununulwa okhurula mumabi nende abaandu bamaanu; khulwo khubeera khasi ni abandu boosi abali nende busuubiri. 3Arali omwami nomwesikwa, ochia okhubaraamo amaani , nende okhubaliinda khurulana nende owamabi.4 Khuli nende ichuoni mu Mwami okhulondana ninangwe, mbwe mwesi mukhole khandi muchia khuchiririra okhukhola ebiindu bia khubalagira. 5Omwami yemirire emioyo kieng'we mu bukheeri bwa Nasaye, nende mukhwesimirisia khwa kirisito.6Bulano khubalagira, abakheerwa, muliira lio Mwami wefwe Yeso krisito, mbwe mwerusie khu khubuli mukheerwa orakhola esiindu siosi, nende okhuramenya khulondana nende emumilukha kiamwanyola khurula khwefwe. 7 Khulwo Khubeera eng'we bene mumanyire nga olwa mukhoyere okhurulonda; khulwo khuba efwe bene khasi khwali abaandu bo khwikhala sa ngolwa khwali ninang'we. 8 Khasi khwaliakho omugaati kwo muundu yeesi ebikhaya, arali khwakhola emirimo siro sideere mubudinyu nende okhunyakhana,mbwe khuruba omukuku khu mulala khweng'we. 9 Khasi khwakhola khurio mbwe khulwo khuba khwabula obunyala, arali khwakhola khurio mbwe khube esilolero khweng'we, mbwe munyoole okhuruloonda.10 Khulwo khuba kori nga khwali ninang'we, khwabalagira mbwe, "omuundu ula oradakha okhukhola emirimo, aralia dawe." 11Khulwo khubeera khubuliire mbwe baliwo abandi akari weng'we abekhalao sa, sibakholangakho emirimo khaba, arali bakendaananga sa nende amakhuwa ka bandu bandi. 12Bulano abaandu bali nende ebiima ebio, khubalagira nende obakeraka mu Mwami Yeso Kirisito, mbwe bakhole mirimo nibabulerere, khandi balie omugaati kwabwe bene.13Arali eng'we abakherwa, murajoonga okhukhola ebikhole bilayi. 14Naye nikali mbwe omuundu yeesi yeesi khasi aria elikhuwa liefwe mu ibarua yino, mumanyirisie omuundu oyo, khandi muraambanakho ninaye, mbwe anyoole okhudiirwa nende chisoni. 15Kata kario muramubala kori omusuku, arali mumulabule kori omukheerwa.16Bulano Omwami wo muleembe omwene ababeresie omuleembe buli lwoosi mu ngeri chioosi. Omwami abe ninang'we mweesi. 17 Esie, Paulo, nyandiika kano nende omukhono kwange mwene, ne sino nisio esmanyiro mubuli ibarwa ya nyandiika; Niye obwandike bwange. 18Obukosia bwo Mwami wefwe Yeso Krisito bube nang'we mwesi . kabe kario.

1 Timothy

Chapter 1

1 Paulo, omurume wa Yeso Kirisito khulwe lilako lia Nasaye omuonia wefwe, nende Omwami Yeso Kirisito, oli linaaya liefwe; 2 khu Timoteo, omwana wange mubusubiri: Obukosia,nende sisa, nende omuleembe, okhurula khu Nasaye Sefwe nende Yeso Kirisito Omwami wefwe.3 Kori ngolwa ndakhusaba mbwe odoonge Efeso, nga ndali ninjia Makedonia, mbwe okanie abaandu bandi barekesia emekesio kandi khaba; 4 kose bararekeresia echingano nende chinjibulo chibula obumalirikhi, echireraanga sa mareebo mubweyango bwa makhuwa ka Nasaye akali mubusuubiri: khukario khola orio.5 Bulano obumalirikhi bwelilako nobukheeri khurula mumwoyo mulafu, nende mapaaro malayi, nende obusuubiri obubula obwekaadi: 6 ne abaandu bandi bakhirwa nibamala nibakalukhanira amakhuwa akarakhoyera; 7nibekoomba okhuba abekesia bamalako; arali khasi manyire amakhuwa akababoolanga kose okhukosirisia. 8 Arali khumanyire mbwe amalako ni malayi nikaba mbwe omuundu achia khukekhonyera mungira yikhoyera.9 Khumanyire mbwe malako khasi karebwao khulwo muundu mulungifu, arali khulwa bakhayi, nende abaandu abarali nende ingeenda yindayi, ababula obunasaye, nende abakholi bechimbi, abarali batakatifu nende abaralaama Nasaye, abeeri aba basaabwe nende abeeri aba banginamwana, abeeri ba baandu, 10 khubayirani, khubayirani basaacha khu basaacha, khu bala abebaanga abaandu, khubabacha, khu bala abechubaanga khububacha, nende niliri khoo liosi ilirachiana nende amekesio; 11 Khulondana nende ifanjili yoluyaali eya Nasaye wechikhabi, eyandaberesibwa mubwesikwa.12 Khandi ndebasia Kirisito Yeso omuonia wefwe, owandaamo amaani, khulwo khubeera yabona mbwe esie ndi omwesikwa, ne namala niyangeenga muburumikhi bwaye; 13 katakario khale esie ndali omunyekani, owakhusandia baandu, omwalaba, arali ndanyoola esisa, khulwo khuba ndakholaanga akene ako mubusiru nimbula obusuubiri. 14 Khandi obukoosia bwomwami wefwe bwemeeda lukali, alala nende obusuubiri nende obukheeri obuli mukari mwa Kirisito Yeso.15 Lino nilikhuwa liokhusuubira, khandi elikhoyera okhusuubirwa lukali, mbwe Kirisito Yeso yeecha musialo okhuonia abakholi bechimbi, ne nisie owamberi. 16 Arali Khulwesifune sino ndanyoola esisa, mbwe khubirira mwesie oli owamberi, Yeso Kirisito anyoole okhwekesia obwesimirisi bwaye bwoosi, mbwe anyoole okhuba esilolero khubala abachia khumusubiramo mani banyoole obulamu buralibwayo. 17Bulano khumuriki wechinyaanga chioosi, orakhasasikha, oli Nasaye yengene, esiriibwa nende luyaali lube khuniye bumeri nende bumeri. Amina.18 Khuberesia kano kosi kabe imbekhiiro yao, ewe omwana wange Timoteo, khulondana nende obunabii obwarusibwa khwewe, mbwe onyoole okhukhuyana eliiye lilayi; 19 obe nende obusubiri nende amapaaro malayi; aka baandu bandi balekhana nako, ne nibasasikha khulwa makhuwa kobusuubiri: 20 Mubene abo alimo Himenayo nende Isikanda; aba ndaberesia Sietani, mbwe bonyoole okhweka okhurasinyisia Nasaye.
Chapter 2

1 Bulano, mboola mbwe, imberi wa biosi amasabo, echisaala nende okhusaayira, okhukhuba orio, biekholerwe abaandu boosi. 2 Khulwa baruki nende bala boosi abali mubunyala; mbwe khunyale okhumenya obulamu bwobwedemberefu nende omuleembe mubunasaye bwoosi nende siriibwa, 3 Khubeera lino nelilayi khandi lifukirirwa imberi wa Nasaye omuonia wefwe, 4 ochia khukhola abaandu boosi baonisibwe, nende okhunyoola khumanyarisia obwadieri.5 Khubeera khuli sa nende Nasaye mulala, nende omwabini mulala akari wa Nasaye nende abaandu, omuundu Kirisito Yeso; khuba esimala musaango khu boosi, 6 owerusia okhuba obununuli khulwa boosi, owakhayalwe mubikha biabwe. 7 Nange khulwobwene obwo ndarebwao okhuba omuyali, nende omurume,(nomanoma obwadieri mukirisito, ne khasi mbacha khaba;) omuyali wa banasialo mubusuubiri nende obwadieri.8 Bulano ndakha mbwe abaandu basaye buli abuundu, nibakingula akulu amakhono matakatifu, oburabamo elirima nende chinganakani. 9 Khandi mumbeera eyo sa, mbwe abakhasi bakhoyere okhwefwala ebiefwalo bibafunikha bilayi, nende muburi, nende amakesi; ne biraba sa mbwe ni khwesuka elifwiri, kose ebiuma kose ebitadi, kose chingubo echio bukusi ;10 arali nende ebikhole bilayi (kori bikhoyera abakhasi abafukirira obunasaye).11 Ne omukhasi yeeke mukhwedmberesia nende okhuria khwoosi. 12 Ne khasi fukirira omukhasi okhwekesia, kose okhuba nende obunyala khu musaacha, arali abe omwedemberefu.13 Khubeera Adamu niye owalongwa imberi khu Eba nalondakho. 14 Khandi Adamu khasi yabachwa, arali omukhasi ngolwa yabachwa, yengira muyimbi. 15 Kata kario achia khuonisibwa mukhwibula omwana, nikali mbwe achiririra mubusuubiri nende obukheeri nende obutakatifu nende amakesi.
Chapter 3

1 Lino ni likhuwa elia khwesika, nikali mbwe omuundu yekoomba obweyango bwo mupisikopi, yekoomba emirimo milayi. 2 Omupisikopi akhoyere abe omuundu orabolwakho elibi, omusaacha womukhasi mulala, owebiima bilayi, (owingisianga abaandu), onyala okhwekesia. 3 Orali mungwi weifini, orali mukhuyani, orali owokuliira; orali akhoyere okhuba omwesimirifu, orali owokhusolana, orali omwekoombi;4 ula owaliinda inyuumba yaye, ne abaana baye bamuberesia esiribwa; 5 ( khulwo khuba nikali mbwe omuundu khasi amanyire khuruka inyuumba yaye mwene, achia khuliinda arie likanisa lia Nasaye?)6 Araba omuundu owalokokhe ambi ano, areecha yekingula nende isunga mani yakwa mubukhalaki bwa Sietani. 7 Khandi akhoyere alomalomekhwo ebilayi nende abaandu berwanyi. Areecha yakwa mukhwalabirwa nende muluriimba lwa Sietani.8 Kata abadikoni bosi bakhoyere babe abakhoyera, baraba abaandu bechinimi chibiri, baraba abangwi beifini, baraba abaandu bokhwekoomba amapesa kesifwaabi; 9 nibediira khu kala akekisa mubusuubiri mungira yelichoomo lilayi. 10 Khandi bakhoyere bateemwe mberi; ne lunyuma bachaake okhukhola emirimo kiobudikoni nibakhanyolwa mbwe babulamo esiegumule.11 Kata abakhasi babwe bosi bakhoyere babe abakhoyera, abarali bakhubakhubania, abali nende obumanyirisi, abesikwa mubiindu bioosi. 12 Abadikoni babe abasaacha bomukhasi mulala, abaliinda bakhasi babwe nende abaana babwe bilayi. 13 Khubeera bala abamalire okhukhola bilayi mubweyaango bwa dikoni, bekuliranga obweyaango bulayi, nende ichwoni ikhoongo mubusuubiri buli mukrisito Yeso.14 Bandikiranga makhuwa kano, nimbaara okhwicha khweng'we ambi ano. 15 Arali nikhiinda, mumanye kori mukhoyere khuchiririra munyuumba mwa Nasaye, eyili likanisa lia Nasaye mulamu, isiiro nende olwalo lwo bwadieri16 Ne khubula obuyingani mbwe akobwekisi kobunasaye nimakhoongo: Nasaye yalolesibwa mumubiri, yosirisibwa muroho, bamalayika bamubona, yayalwa mubanasialo, yafukirirwa Mubialo, yabukulibwa akulu muluyaali
Chapter 4

1 Bulano Roho aboola mubwakhakhu mbwe muchinyaanga chiobumalirikhi abaandu bandi bakhalekhe obusubiri, ne bakhabulire echiroho chiobubacha, nende amekesio ka Sietani; 2 nibalomaloma obubacha mubwekaadi; nibakhola imbeera yabwe eya mapaaro okhusambwa nende esichuma sibafu;3 nibakayira baandu okhudeekhia, nende okhulagira baandu okhaya khulia ebiakhulia, ebia Nasye yalonga mbwe khunyoole khulia nende okhukhuba orio khu bala abasubira nende okhumanya obwadieri. 4 khubeera buli silonge esia Nasaye ni silayi, khukario sibulao esikhoyera okhukhayibwa, nikali mbwe khusinyoola mukhwebasia: 5 khulwo khuba sialabisbwa nende likhuwa lia Nasaye nende amasaayo.6 Nikali mbwe ochia khukhola abakheerwa bechulisie ebiindu bino,ochia khuba omukholi mulayi wa Yeso Kirisito, owakhusibwa mumakhuwa kobusubiri nende aka mekesio malayi, akawanyoola. 7 Arali echingano chikhale echibulamo obunasaye, ochikhaye, mani nawe mwene wenasie okhubamo obunasaye. 8 Khubeera akomubiri kali nende ebikha bidiidi: arali obunasaye buli nende ingaanga khu biindu bioosi, buli nende elakaano liobulamu bwe bikha bino nende bula obwichayo.9 Lino ni likhuwa liobwesikwa khandi elikhoyera khufukirirwa lukali.10 khubeera mbwe khwesandianga nende okhubirira mubudinyu, khulwo khuba khwasubira mu Nasaye mulamu, oli omuonia wa baandu boosi, ne okhirakhoo bala abasuubira.11 Amakhuwa kano okalagire khandi wekesie. 12 Omuundu yesi aralekerersia oburaaga bwao; arali obe esilolero siobusubiri, mu khweliabia. 13 Okhuula ngolwa ndakheche, khola sinani mukhusoma, mukhulabula nende okhwekesia.14 Orakhaya esianwa esili mukari mwao, esia waberesibwa khubirira mubunabii, nende okhurebwakho makhono ka bakofu. 15 Paririsia mumakhuwa kano; mani werusie mubwichufu muniko; mbwe obuchiriri bwao bubonekhane khubaandu boosi. 16 Welinde omwene khumekesio; chiririra muniko: khubeera mukhukhola kano, ochia okhweonia ewe mwene nende bala abakhubulira.
Chapter 5

1 Oralabiranga omuundu mukhulundu, arali omulomalomere kori baba wao; ne khu basiani baraaga kori abasiani beng'we 2 abakhasi bakofu kori mama bao, ne abakhasi besiraaga kori abakhana beng'we, nende okhwelabia lukali.3 Beresia siriibwa abakhasi balekhwa abobwadieri. 4 Arali omulekhwa yesi yeesi nali nende abaana kose abechukhulu, mberi beeke okhukhola akabakhoyere khukhola ingowabwe, nende okhubaruunga abebusi bwabwe: khubeera ako nimalayi khandi kafukirirwa imberi wa Nasaye.5 Bulano ula oli omulekhwa owobwadieri, owalekhwa, owasubira munasaye, khandi ochiririranga mukhasaaya nende echisaala siro nende sideere. 6 Arali ula owamenya mukhwesangasia yafwa kata kario asiri omulamu.7 Amakhuwa kano okalagire, mbwe bakhaye okhunyolamwo likhuwa libi. 8 Arali omuundu yeesi oranyala khuliinda abaandu baye, khandi okhirakhoo bala abeinyuumba yaye mwene, amalire khukana obusuubiri, khandi nomubi lukali khukhirakho ula orasubira.9 Mukhasi arabalirwa okhuba omulekhwa nali asi wemiaka makhumi kasasaba khaba, ne khandi abe niyali omukhasi owomusaacha mulala, 10olomalomwakho khulwemirimo milayi; nikali mbwe yalera abaana, kose yengisianga abakeni, kose yosianga amakulu kabatakatifu, kose niyakhonyanga bala abasandisibwanga, kose nikali mbwe yerusia khubuli mulimo mulayi nende esinani.11 Arali okhaye abalekhwa abesikhana: khulwo khuba nibachaaka khudiirwa nende obwekoombi oburali mubuchiane nende Kirisito bachia khudeekha; 12 nibali nende okhalakirwa, khubeera balekhere obusuubiri bawabwe obwamberi. 13 Khandi alala nende ako, beeka okhuba abakara, abakendakendanga khurula munyuumba ndala khuchia muyindi; khandi khasi kali mbwe nikhuba sa abakara, arali bakhubakhubania khandi nende abokhweingisia mumakhuwa kabaandu, nibaboola amakhuwa akabarakhoyera khuboola.14 Khulwako kheera mbwe abakhasi abasiri abesikhana banyoole khudekha, bebule abaana, baliinde inyuumba mani bakhaye khuberesia omusuku obweyaango bwokhulomaloma mukhusinyisia. 15 khulwo khubeera abandi bamalire khukalukhana khuloonda Sietani. 16 Nikali mbwe aliwo musaacha kose mukhasi owasubira ne ali nende abalekhwa, bakhoyere babakhonye, ne likanisa liraberesibwa emirimo ekio khaba; likanisa linyoole khukhonya abalekhwa bobwadieri.17 Abakofu abaruka bilayi bakhoyere babalirwe khuberesibwa esiriibwa sikhoongo, okhirakhoo bala ebesandianga mulikhuwa nende okhwekesia. 18 Khubeera amaandiko kaboola mbwe orakayira isurusi okhulia madimwa, khubeera omukholi akhoyera murungo19 Orafukiriranga omusaango khumukofu, okhuula kube nende abaloli babiri kose badaru. 20Yalabira abakholi beyimbi imberi wabaandu boosi, mani abandi banyoole khuria.21 Khulagira imberi wa Nasye, nende imberi wo Mwami Kirisito Yeso, nende malayika balobole,mbwe olonderere amakhuwa kano oburakhalakira mubwangu, orakhola esiindu siosi mukhuyekhera lwande lulala khaba. 22 Orabechaanga mwangu wokhura amakhono khumuundu yesi yeesi, oreecha weyingisia muchimbi chiabaandu bandi: okhoyere welabie ewe mwene.23 Orangwechanga sa amaachi kong'ene, arali ngwechangakho ifini yindiidi khulweyinda yao nende khulwo bulwaye bwao obwa buli buli. 24 Echimbi chia baandu bandi chiebakala, chirangiriranga khuchia mubukhalaki; ne abaandu bandi chibalondanga inyuma. 25Kario ebikhole bilayi ebiabaandu bandi biebakala; khandi kata kario kala akarebakala khasi kakhakiswa khaba
Chapter 6

1 Abakholi boosi mubungi bwabwe abali asi welijoki bakhoyere baberesie abaami babwe esiriibwa siosi, mbwe eliira lia Nasaye nende amekesio kaye kakhaye okhunyekwa.2Khandi bala abali nende abaami basubira, bareecha babalekeresia, khubeera mbwe ni bakheerwa; arali babakholere, khubeera ni besikwa khandi ni bakheerwa, abasangirani abeyingaanga. Yekesia makhuwa kano khandi okasalasie.3 Nikali mbwe omuundu yeesi yekesia amekesio kandi, khandi khasi afukirira amakhuwa kobwadieri, akomwami wefwe Yeso Kirisito, nende amekesio kalondana nende obunasaye; 4 oli nende isuunga, akorerwe esiindu siosi, oli nende amapaaro mabi. 5 nende amayingani akabula lichoomo, akabaandu ba mapaaro kabwe kanyasikha, ababulamo obwadieri, abaparaanga mbwe obunasaye ni yingira eyokhunyoola emiandu: werusie mumakhuwa kori ako.6 Arali obunasaye alala nende khusirisibwa ni ingaanga ikhoongo. 7 Khulwo khubeera sibulao esiakhwarera musialo muno, khandi nobwadieri mbwe sibulao esiakhunyala khubwao nasio. 8 Bulano nikhuli nende esiokhulia nende okhwefwala khubiene ebio khwichusibwe nabio.9 Arali bala abenyanga khuba abayiinda bakwichaanga mukhuteemwa nende muluriimba mubusiru bungi nende obwekoombi bwomusialo, obuyiraanga baandu mubusasikhi nende bukori. 10 khubeera okhukheera amapesa nikwo omuse kwechimbi chioosi: echia khubirira mubwekoombi buno, abandi bachilonda, ne bamala barula khubusuubiri, khandi befudula abene nende amachuni mangi.11 Arali ewe nawe omuundu wa Nasaye, yirukha ebiindu bino, mani oloonde obulungifu, obunasaye, obusuubiri, obukheeri, obwedemberefu, nende okhweduduya. 12 Khuyana eliiyie lilayi eliobusubiri. diririra obulamu bwobumeri, obwa walangirwa, niwekanira eliekanira lilayi imberi wabalobole bangi.13 Khulagira imberi wa Nasaye, oberesianga bulamu ebiindu bioosi, nende imberi wa Kirisito Yeso, owolerera imberi wa Pontio Pilato, yolerera khweyama khulayi, 14 mbwe oliinde esilagiro oburabakha esiboondo, oburanyekwa, okhula khukalukha khwo Mwami wefwe Yeso Kirisito;15 Owayakhafunule mubikha biaye, oyo owaberesibwa chikhabi , khandi oli mwene obunyala yeng'ene, omuruki wabaruki, khandi Omwami wabaami; 16 oli yeng'ene oranyala khufwa, omenyere mubulafu obwomuundu arakhanyala khusuda ambi; owomuundu yeesi asiri khumulola, kose anyala okhulola: esiribwa nende amani kobumeri bibe khuniye. Kabe Amina.17 Keraka bala abali bayiinda musialo muno mbwe barebulisia, kose bareesika obuyiinda oburamenya chinyaanga chioosi arali besike Nasaye mulamu, oruberesianga ebiindu bioosi mubungi mbwe khwebulire. 18Babolere mbwe bakhole amalayi, babe abayiinda mubikhole bilayi, aberekekhe okhuberesania emiandu kiabwe, babe nende elienya liokhusangirana nende abasiabwe; 19 Bebikhire musiaki omuse mulayi khulwebikha bichayo, mbwe banyoole okhwediira khubulamu bwobumeri.20 Ewe Timoteo, linda sila esiarebwa mubwesikwa bwao, wekenderesie nende amakhuwa karali ekeyidini nende amayingani kabulamo esiindu, nende obulialliasi bwobusomi obulangwa obwobubacha. 21 Obwa bandi bafukirira, ne bamala barula khubusubiri. Obukosia bube ninanwe. Amina.

2 Timothy

Chapter 1

1 Paulo, omurume wa Yeso Kirisito khulienya lia Nasaye, khulondana nende lisubisia liobulamu obuli mu Kirisito Yeso, 2 Khu Timoteo omwana wange mukheerwa: Obukoosia, esisa, nende omuleembe khurula khu Nasaye Sefwe nende Yeso Kirisito Omwami wefwe.3 Ndebasia Nasaye, owakholeranga nende mapaaro malafu khurula khu bebusi befwe, mbwe khwichulisianga mumasaayo kange esiro nende sideere oburaakama.4 Ndekoomba lukali okhubona, ninjichulisia amasika kao, mbwe nyoole khwichula nende obusangaafu; 5 Ninjichulisia obusuubiri bwobwadieri obuli mukari mwao, obwarangira okhuba mukari mwa kukhuuwo Loyisi, nende mama wao Yunike, khandi manyire mbwe buli mukari mwao wesi.6 Khulwako khwichulisia mbwe osingiisie esianwa sia Nasaye esili mukari mwao khubirira khu khurebwakho amakhono kange. 7 khulwo khuba Nasaye khasi yaruberesia Roho woburi, arali owamaani, nende obukheeri, nende owamapaaro malayi.8 Khulwako orabonera chisoni obuloli bwomwami wefwe, kose esie omuboye waye: arali obe omwambaani mumanyakhano keifanjili khulondana nende amaani ka Nasaye; 9 owaruonia, nende khurulaanga mumulaango mutakatifu, ne khasi nikhulwebikhole biefwe, arali khulondana nende elichoomo liaye mwene nende obukoosia, bwakhwaberesibwa mukirisito Yeso esialo nisisiri khuchaaka, 10 ne bulano bumalire okhubonekhana khubirira mukhwicha khwomuonia wefwe Yeso Kirisito, owakalukhania eliifwa, nareera obulamu nende oburanyaasikha mubulafu khubirira muyifanjili: 11 eyandalobolwa okhuba omuyaali, nende omurume, nende omwekesia owabanasialo.12 Khulwo khubeera esie siesi nyakhaniranga kene ako: arali khasi nyambisibwanga chisoni: khulwa khuba manyire owandasuubira, khandi subira mbwe anyala khulinda kala akandamuberesia okhuula inyaanga yila. 13 Diira esilolero sia makhuwa kobwadieri akawabulira khurula khwisie, mubusuubiri nende obukheeri obuli mukari mwa Kirisito Yeso. 14 Bikhaa esiindu silayi sila esiawaberesibwa, siliinde khubirira mu Roho mulafu owamenya mukari mwefwe.15 Omanyire lino, mbwe bala boosi abali Asia bandulakho; nibalimo Figelusi nende Hamogeni. 16 Omwami aberesie sisa khu nyuumba ya Onesifora; khulwo khuba buli lwoosi yasangaasia, ne khandi khasi yali nende chisoni khulweminyororo kiange: 17 Arali ngolwa yali Roma, yangoonya nende sinani, mani yanyoola. 18 Omwami amunyalire okhunyoola esisa sio Mwami inyaanga eyo: nende mumakhuwa maangi akayakholera ela Efeso, ewe okamanyire bilayi lukali.
Chapter 2

1 Khulwako, ewe musiani wange, obe mulumirifu mubukoosia buli mukirisito Yeso.2 Ne kala makhuwa akawabuliri khurula khwisie imberi wa baloli bangi, akene ako okaberesie khu baandu besikwa, abananyala khwekesia abaandu bandi boosi.3 Ewe nawe bulano nyoola khwesimirisia mubwomu, kori nga omusikari mulayi wa Yeso Kirisito. 4 Abulao omuundu okhuyanaanga niyeyingisia mumakhuwa kobulamu buno; mbwe anyoole khusangaasia ula owamulobola okhuba musikari. 5 Khandi omuundu nakerana muchimbiro, khasi aberesibwanga esianwa narakerane khulondana nende amalako.6 Bikhoyera mbwe omulimi okhalabananga arangirire khunyoola omukabo kwaye okweberaake. 7Paara mukamboolaanga, khulwo khuba Nasaye anakhuberesia obumanyirisi mubuli siindu.8 Yichulisia mbwe Yeso Kirisito owo lwibulo lwa Daudi,yalamusibwa khurula mubafu khulondana nende ifanjili yange: 9 eyasandirangamo, kori ngomukholi wamabi, kata nimboywa minyororo; arali likhuwa lia Nasaye khasi liaboywa khaba. 10 Khulwako ndesimirisianga mumakhuwa koosi khulwa bala abalobolwa, mbwe boosi bonyoole obuonia obuli mukari mwa Kirisito Yeso nende oluyaali lwechinyaanga chioosi.11 Nikhuboola khwo khwesika: Mbwe nikhufwa alala ninaye, khandi khuchia khumenya alala ninaye: 12 nikhusaanda, khandi khuchia khuruka ninaye: nikhumwekaana, yeesi achia okhurwekaana: 13 nikhuraba abesikwa, ye adoonga okhuba omwesikwa: khasi anyala okhwekana mwene.14 Nyoola khwichulisia amakhuwa kano, nobaboolera imberi wo Mwami mbwe barayingana khaba khulondana nende amakhuwa kabula ingaanga, arali akanyasia bala abakabulira. 15 Wedinye okhwelolesia okhuba ula ofukirirwe nende Nasaye , omukholi orakhoyera okhwambisibwa chisoni, owekesia elikhuwa eliobwadiera.16 Arali yikalira amakhuwa kabula bukhonyi: khulwo khuba kachia khumeeda okhuraba nende obunasaye. 17 Ne elikhuwa liabwe lichia khusalaana kori nga ikhwaku: akari wabwe ni Himanaya nende Filisita; 18 abarula khubwadieri, nibaboola mbwe, obulamusi bwamala khubira; nibanyasia obusuubiri bwa bandi.19 Arali omuse kwa Nasaye kwema sirungi, nikulikho esibalikho sino, mbwe Omwami amanyire bala abali abaye. Ne, bulimuundu orumbulanga eliira lia Kirisito arule mumabi. 20 Arali munyuumba yikhoongo, khasi khubechaanga sa nende ebiindu bie idakhabu nende ifisa biongene, arali nende ebiindu bia chimbao nende ebie liloba; ne ebiindi bili nende oluyaali, ne ebiindi bibula luyaali. 21 Omuundu niyelabia okhurula mumakhuwa kano, achia khuba esiloonge sioluyaali, esialabisibwa, nisikabulwa khulwo khwekhonyerwa nende Omwami, khandi esiakasibwa khulwa buli mulimo mulayi.22 Yirukha khurula mubwekoombi bwoluraaga: oloonde obulungifu, obusubiri obukheeri, omuleembe, alala nende abo abalangaanga Omwami khurula mumwoyo mulafu. 23 Arali okhaye amareebo kobusiru akabulamo makesi, nomanyirisia mbwe karulangamo masoolo.24 Ne omukholi wa Nasaye khasi akhoyera okhusolana; arali akhoyera okhuba mwedemberefu khubaandu boosi, onyala khwekesia, nende owo khwesimirisia, 25 nakololosia bala abayingana ninaye mubwedemberefu; nikaba mbwe Nasaye ababeresia okhwekanira khulwokhumanya obwadieri; 26 mbwe banyoole obumanyirisi mani barule mumureko kwa sietani, owabadiira mbwe bakhole elienya liaye
Chapter 3

1 Ne khandi omanye lino liosi, mbwe muchinyaanga chiobumalirikhi khuchia khuba nende ebikha bidinyu. 2 khulwo khuba abaandu bachia khwekheera abene, abokhukheera amapesa, abokhwelaya, abeyisuunga, abebisinyisio, abararia bebusi babwe, abarebasia, abarali batakatifu, 3 abarakheera abaandu babwe, abaradakha khukasia muleembe, 4 abakhubakhubania, abarali nende sikero, abalaaba, abarakheera malayi, abakhobi, abakhayukha, abokhwekingula, abakheera isangaalo khukhira khukheera Nasaye.5 Bachia khuba nende ifwani yobunasaye, arali bekaana amaani kabwo: nyoola khwekabula khu baandu kori abo. 6 Khulwo khuba abaandu kori abo nibo bengiranga munyuumba chia baandu, nibadiira abakhasi basiru abemikuku kiechimbi,abadiirwa nende obwekoombi bungi, 7 basomaanga chinyaanga chiosi, ne khasi banyala okhunyoola amakesi kobwadieri.8 Ne kori sa ngolwa Yane nende Yambure bayingana nende Musa,nilwo olwa bano boosi bekaliranga obwadieri: abaandu bamapaaro kakoyaana, ne bakhayibwa khulondana nende obusuubiri. 9 Arali khasi bachia khuchiririra khaba: khulwo khuba bubacha bwabwe buchia khumanyikhana khu baandu boosi, kori sa ngolwa baandu abo.10 Arali ewe nawe wamanya mubwichufu amekesio kange, nende ingeenda yobulamu bwange, nende elichoomo liange, nende obusubiri bwange, nende okhuba mumanyakhano, nende, obukheeri bwange, nende okhwesimirisia khwange, 11 nende khusandisibwa, nende amanyakhano, akandanyoola Antokia, Ikonio nende Lisitira; ndesimirisiria buli manyakhano: arali Nasaye yakandusiamo koosi. 12 Ne bala boosi abadakha khumenya obulamu bwobunasaye mukirisito Yeso, bachia khusandisibwa. 13 Arali abaandu bamabi nende ababacha bachia khwemeeda okhuba bamaanu lukali, nibabacha nende khubachibwa.14 Arali ewe nawe chiririra mumakhuwa kala akaweka nende khusubisibwa, nomanyire ula owawekakho makhuwa ako; 15 ne khandi wamanya maandiko matakatifu khurula budoro bwao, akanyala okhukhola okhuba nende obumanyirisi khulwobuonia khubirira khu busubiri mukirisito Yeso.16 Buli liandiko liaberesebwa khulwe miuya kia Nasaye, ne likhoyera khulwa meekesio, nende okhwalabira abaandu khulwa mabi kabwe,nende khukololosia,nende khwimirira mubulungifu: 17 mbwe omuundu wa Nasaye anyoole khulirira, nende khukhola buli mulimo mulayi.
Chapter 4

1 Khubolera kano imberi wa Nasaye, nende kirisito Yeso, ochia khukhalakira abalamu nende abafu mukhwicha khwaye nende obwami bwaye; 2 Yaala likhuwa; ba mwerekekhe mubikha ebikhoyere nende ebirakhoyera; yekesia, yalabira, dinyisia mukhwesimirisia khwoosi, nende khwekesia.3 Khulwo khuba ebikha bichia khwicha ebia baaandu barachia khwesimirisiria mekesio kobwadieri; arali khukhuloonda obwekoombi wabwe bene, bachia khwererao abekesia mubiduke, ababoola kala akamarwi kabwe kakalisia okhubulira; 4 ne bachia khurusia marwi kabwe khubwadieri, nibakalukhanira echingano. 5 Arali ewe nawe nyoola khwelinda mumakhuwa koosi, wesimirisie mumanyakhano, khola emirimo kiomuyaali, yusirisia mirimo kiao ekiobuyaali.6 Khulwo khuba esie ndi murekekhe khurusibwa, khandi ebikha biange ebia khubwao biolere. 7 Ndakhuyane eliiye lilayi, ndamalire lukeendo, ndalindire obusubiri. 8 Ne malire khurerwao esianwa siobulungifu, esio Mwami, omukhalaki mulungifu, achia khumberesia inyaanga eyo: ne khasi nesie siengane sa, arali ni khubala boosi abakheera okhubonekhana khwaye.9Khola sinani onyoole khwicha owandi lwangu: 10 Khulwo khuba Dema yandekha, ngolwa yakheera esialo siabulaano, namala nachia Ebuteselonike, Kirisike yachia Ebugalatia, Tito naye yachia Ebudalimatia.11 Luka yeng'ene niye oli ninange. Bukula Mariko wiche ninanaye: khulwo khuba niwobukhonyi khwisie khu mirimo kiobuyaali. 12 Tikiko naye ndamuruma Efeso. 13 Ingubo yila eyandalekhera Karipo ela Tiroa, niwicha, unjichire ninayo, nende ebitabo, ne okhirakhoo bila ebieliseero.14 Isikanda omwirani webichuma yakholera mabi lukali: Omwami achia khumuruunga khulondana nende bikhole biaye: 15Ne ewe wesi nyoola khwelinda khurulana ninaye; khulwo khuba yekalira makhuwa kefwe lukali. 16 Khu likalusio liange eliamberi, abulao omuundu owema ninange, arali baandu boosi bandekha: ne ndasaba Nasaye mbwe kene ako karabalirwa khunibo.17 Arali Omwami yema ninange, nandinyisia; mbwe okhuyaala khwe ifanjili khubirira mwisie khunyoole khumanyikhana mubwichufu, mani abanasialo boosi banyoole khubulira: ne ndanunulwa okhurula mumunwa kwe idalangi. 18 Omwami achia khununula khurula mubuli bikhole bimaanu, ne achia khuniinda khulwo bwami bwaye obwomwikulu: oluyaali lube khuniye obumeri nende bumeri. Amina.19 Khesia Purisika nende Akila, nende inyuumba ya Onesifero. Erasito yadoonga Korinto: 20arali Tirofimo naye ndamulekha Mileto nalwala. 21 Khola sinani wiche bikha bie imboo nibisiri khuula. Ebulo akhukhesia, nende Pude, nende Lino, nende Kilaudia, alala nende abakheerwa boosi. 22 Omwami Yeso Kirisito abe nende omwoyo kwao. Amina.

Titus

Chapter 1

1 Paulo, omukholi wa Nasaye, khandi omurume wa Yeso Kirisito, khulondana nende obusubiri bwa balobole ba Nasaye, nende khufukirira obwadieri obulimo bunasaye; 2 mulinaaya liobulamu bwechinyaanga chioosi, obwa Nasaye arabachaanga khaba, obwayalaka esialo nisisiri khuchaaka. 3 Ne mubikha ebiakhoyera yafunula likhuwa liaye khubirira mukhuyaala khwa ndaberesibwa khulondana nende lilako lia Nasaye omuonia wefwe.4 Khu Tito, omwana wange mubusuubiri obwa khwambanisibwamo : obukoosia, esisa, nende muleembe khurula khu Nasaye Sefwe nende Mwami wefwe Yeso Kirisito omuonia wefwe. 5 Ndakhulekha Kirete khulwe sifune sino, mbwe onyoole khukololosia ebiindu birolerera, nende khurao bakofu mubuli lidookho kori ngolwa ndakhubolera okhukhola:6 Ne omukofu akhoyere okhuba omuundu obula likhuwa liokhukhalakirwa, omusaacha womukhasi mulala, oli nende abaana besikwa, abarakhalakirwa okhuba abemilwano kose abakhayi. 7 Khulwo khuba omusidoti akhoyera okhuba omuundu owokhurakhalakirwa, kori nga omwemeresi wainyuumba ya Nasaye; ne araba omwangu welirima, araba omumesi kose owokhusolana, araba omuundu wokuliira khaba.8 Arali akhoyera okhuba omuundu wokhwingisia bakeni, owakheera makhuwa malayi, onyala khweyimirira omwene, mulungifu, mutakatifu, onyala okhwelinda omwene; 9 nadiira likhuwa liobusubiri kori ngolwa yekesibwa, mani anyoole khudinyisia abaandu mumekesio kobulamu nende okhukhira abakhayi.10 Khulwo khuba khuli nende abakhayi babacha baangi, abali nende amakhuwa akabula obukhonyi, okhirakhoo bala abesikhebo: 11abeminwa kiabwe kikhoyere khwikalirwa, abadokanianga chinyuumba khulwo khwekesia ebiindu ebirakhoyera mbwe banyoole ebiindu mungira ye chisoni.12 Ne omuundu mulala khunibo yaboola ari, Bakirete ni babacha buli lwoosi, khandi ni chisolo chimaanu, abokuliira bakara. 13Obuloli buno ni bwobwadieri. Khulwako, nyoola khubalabira lukali, mbwe banyoole okhuba abaandu bobwadieri mubusubiri, 14 ne baralondana nende echingano echia Bayaudi kose amalako kabaandu akabulamo obwadieri.15 Ebiindu bioosi ni bilafu khu bala abali balafu: arali sibulao esiindu silafu khu bala abakoyaana nende khurasubira, ne kata amakesi nende amapaaro kabwe kosi kakoyaana. 16 Beyamaanga khu minwa kiabwe mbwe bamanya Nasaye; arali mubikhole biabwe nabio bamwekaana, nibaandu bebisinyisio, abarakhoyera mulikhuwa lilayi liosi liosi.
Chapter 2

1 Arali ewe nawe lomaloma amakhuwa kala akalondana nende amekesio kobwadieri: 2 mbwe abasaacha bakhuluundu babe nende sikero, abesiriibwa, abali nende obumanyirisi, abolerere mubusubiri, nende mubukheeri, nende mukhwesimirisia.3 Khandi abakhasi bakhuluundu bosi bakhoyere okhuba nende ikhola yobutakatifu, baraba abokhukhikhirao, baraba abokhung'wa ifini yinyngi,arali babe abokhwekesia amakhuwa malayi; 4 mbwe bonyoole okhwekesia abakhasi basiri abesikhana khukheera abasaacha babwe nende abaana babwe; 5 nende okhuba abobumanyirisi, abalafu, abakhola mirimo bilayi munyuumba chiabwe, abokhuria basaacha babwe, mbwe likhuwa lia Nasaye liranyekwa.6 Ne khandi kario abaraaga besisiani bosi bekesibwe okhuba abanyala okhweyimirira abene; 7nawe ewe omwene obe esilolero siebikhole bilayi mumakhuwa koosi, ne mumekesio kao wekesie bukololofu nende imbeera indayi, 8nende amakhuwa kobulamu akaranyala khukhalakirwa mabi, mbwe ula okhayanga anyoole okhwambisibwa chisoni, khulwo khuba abula likhuwa libi elio khurulomalomakho.9 Abakholi bakhoyere khuria abaami babwe, nende khubasangasia mumakhuwa koosi, nibarakalusania ninabo, 10 baraba abebi; arali bekesie obwesikwa bulayi bwoosi, mbwe banyoole khulolesia obulayi bwa mekesio ka Nasaye omuonia wefwe mumakhuwa koosi.11 Khulwo khuba obukosia bwa Nasaye obuonianga baandu boosi bwamala khwikulibwao; 12 ne burwekesianga okhukhaya mabi nende obwekoombi bwomusialo; mbwe khunyoole okhumenya musikero, mubwadieri, nende bunasaye; musialo sia bulano sino; 13 nikhulindiriranga khunyoola linaaya liefwe, elie chikhabi nende khwikulirwao khwo luyaali lwa Nasaye mukhoongo, nende Yeso Kirsto omuonia wefwe;14 Owerusia mwene khulwo khubeera efwe, mbwe arununule khurula mumabi koosi, nende khwelabisiria abaandu baye, abali nende sinani mubikhole bilayi.15 Lomaloma makhuwa kano,dinyisia niwalaba mubunyala bwoosi; ne omuundu yesi yeesi arakhulekeresia khaba.
Chapter 3

1 Wichulisie abaandu khweyikhia asi khu bemirisi nende bala abali nende obunyala, nende khubaria, nende okhuba aberekekhe khu mirimo milayi; 2 baranyeka omuundu yesi yeesi, baraba abakhusolana, babe abaandu balayi, nibekesia obwedemberefu bwoosi khu baandu boosi.3 Khulwo khuba kata efwe bene fwesi khasi khwali nende amakesi khaba, khwali abakhayi, khwabachwa, nikhwaboywa nende obwekoombi nende chisangaalo chikabukhane, nikhwamenya mumabi nende bubacha, nikhusinyisibwa nende khusinyisia baandu bandi.4 Arali obulayi bwa Nasaye omuonia wefwe, alala nende obukheeri bwaye khubaandu, ngolwa bwekulibwao, yanyoola okhuruonia; 5khasi nikhubikhole bilayi ebia khwakhola khaba; arali khwaonisibwa khulwe sisa siaye, khubirira mukhwosibwa khwokhwibulwa khwa khabiri, nende khukalukhanisibwa khwa Roho Mulafu,6 owa Nasaye yaruchukhakho mubwichufu khubirira khu Yeso Kirisito omuonia wefwe; 7 mbwe nikhumala okhubalirwa obulungifu khulwo bukoosia bwaye, khunyalirwe khunyoola obulaame bwaye obwobulamu bwechinyaanga chioosi, khulondana nende linaaya liefwe.8 Likhuwa lino ni lio khwesika; ne esie ndakha ewe olomalome amakhuwa kano nojing'irisia, mbwe bala abasubira Nasaye bedinye khukhola emirimo milayi. Amakhuwa kano ni malayi, khandi kali nende ingaanga khu baandu boosi.9 Arali orafukirira amareebo ko busiru, nende amakhuwa kechinjibulo, nende obusoolo, obuyingani bwamalako. khulwo khuba kabulamo ingaanga khandi kabula obukhoonyi. 10 Orafukirira omuundu wokhurera bukabukhani akari weng'we, niwakhamala khumukereka likhabi lia amberi nende elia khabiri; 11omanye mbwe omuundu kori oyo yakora, khandi ni mukholi wamabi, khulwo khuba yekhalakira esiina omwene.12 Ebikha bianjia okhurumira Aritema kose Tikiko, khola sinani wiche owa ndi ela Nikopoli; khulwo khuba ndakha khwikhala bwene eyo ebikha bie imboo. 13Khola sinani orume Sena, owa malako ula, nende Apolo, ne barakhaya okhuba nende esiindu sia beenya.14 Abaandu befwe boosi beeke okhwedinya mumirimo milayi, khulwa kala akenyekhana lwangu, mbwe baraba ababulamo ebiamo.15 Abaandu boosi abali alala ninange bakhukhesia. Murukheserie bala abarukheera mubusuubiri. Obukoosia bube ninang'we mweesi.

Hebrews

Chapter 1

1. Nasaye mubikha ebikabukhane, mungira chaikabukhane yalomaloma nende abasefwe khubirira mubanabii. 2. Muchaanga chiobumaliriikhi chino alomalome ninafwe khubirira mumwana kwaye, owayalobola okhuba mulaamirwe webiindu bioosi, okhubirira muye yaloonga ebialo. 3. Oli obulafu bwoluyaali lwaye, nende esifwanani siaye, nadiririre ebiindu bioosi mulikhuwa lia maani kaye, omwene niyali narusisieyo ebionono biefwe , yekhala asi khumukhono musaacha okwobunyali bwaye obwaakulu.4. Nibimalire okhukholwa okhuba ebilayi lukali okhukhira abamalaika, okhuba okhubirira mubulaamirwe yanyoola eliira lilayi okhira nibo. 5. khulwo okhuba niKhubamalaika sina abayamala yaboolerakho mbwe, "oli Omwana wange, inyaanga ino khwibuule? Ne khandi ndaba khuniye ndaba Samwana, naye Omwana khwesie?6. Ni khandi narera omwibulwe wamberi musialo, aboola mbwe abamalaika boosi ba Nasaye bamwinamire. 7. Ni khubamalaika aboola ari, ''Okholaanga abamalaika baye Rokho, nabo abakhalabani baye omuliro kwaakha''8. Naye khumwana aboola ari, esisaala siao sioburuki, ''Ewe Nasaye, sinabao buli lwoosi''. Eyindausi yobulungikhi niyo indaukhi eyobwami bwao. 9. Ewe wakheera obulungikhi ne wasiula obubi, Khu kario Nasaye wao yakhurakho amafura keisangaalo khukhira abasio.10'' Niewe Omwami, mukhuchaaka ewe warao omuse kwesielo ne elikulu nemirimo kiamikhono kiao. 11Nachio chichia khunyasikha,nawe khuchirira khandi chichia khukofula kori ngeingubo.12 Ochia khuchifumba kori ingubo khandi bakhakalukhanisibwe ngeingubo , arali ewe onadoong'a sa orio , khandi emiaka kiao sikilibwa.''13. Ni malaika sina owa Nasaye yaboolerakho ebikha biosi ari , ''Ikhaala khumukhono kwange musaacha okhuula kori njia khura abasuku bao mumakulu kao ? 14. Boosi sinimioyo kikhalabananga, ekiarumwa okhukhalabanira abali balaamirwe bobuwonia?
Chapter 2

1. Khu kario khukhoya okhuberesia obumanyirisi bukhoongo khu biindu bia khubulire, khureecha khwoola khwabilekhula bibwao.2 Ni nikaba mbwe elikhuwa liabolwa nende bamalaika liali lidinyirifu, nibuli bumaanu nende obukhayi bianyoola omurungo kuyera, 3khunaona khurie nikhukhaya okhudeeba obuwonia bukhongo buno? Obwarangira okhulomalomwakho nende Omwami nibuchuchuisibwa nende balia abamubulira. 4. Nasaye mwene naberesania obuloli, okhubirira khubilolero nende ebiamakana, ebiukisia bikabukhane nende ebianwa bia Rokho mulafu, khulondana nende okhwenya khwaye omwene.5. Sikhubolaanga mbwe Nasaye yara asi wabamalaika esialo siichayo esikhulomalomangakho. 6. Arali omuundu uundi, abuunduandi yaboola ari, ''Omuundu nisina, esikera nomudeeba likali? Kose Omwana womuundu owolindaanga?7Wamukhola okhubakho mudiidi , asi wabamalaika ; wamufunikha nende oluyali alala nende siriibwa, nomura akulu wemirimo kiamakhono kao. 8Nora ebiindu bioosi asi wamakulu kaye.'' Ne khulwo khuba yara bioosi asi waye , Sibulao esiarara asi waye khaba. Kata kario khusiri okhulola mbwe yara asi waye bioosi.9 Arali khulola Yeso, owakholwa okhubakho asi wabamalaika khulwo khusandisibwa khweliifwa liaye, afwasibwe oluyaali nende esiriibwa, mbwe ye khulwobukoosia bwa Nasaye abilikho eliifwa khulwa bulimuundu. 10. Biakheresia Nasaye, khulwo khubeera bioosi biliwo khulwa obeera niye khandi khubirira muniyei; mukhurera abaana baangi muluyaali, niyekhola omwimirsi wobuwonia bwabwe omwekenderefu okhubirira mubinyasio.11. Khuboosi, ye olabianga nende abalabisibwa nesindu silala. Khu kario oralola chisoni okhubalanga abakheerwa. 12. Ne aboola mbwe, ''Ndalandasia eliira liao khubaana befwe, ne akari welikanisa ndakhwembera nikhuba ifuma.''13Ne khandi ndara obusuubiiri bwange Khu niye,' khandi lola esie alala nende abaana ba Nasaye yamberesia ndi ano.'' 14Bulano, ngolwabaana bali abasangirani bomubiiri nende amabaanga, mungeri eyo, yeesi omwene yabiriramo, mbwe okhubirira mukhufwa , anyoole okhusasia ulia owali nende amaani keliifwa, oli sietani. 15Khandi anunule balia abali mububoye mubulamu bwabwe bwosi nibaria eliifwa.16 Obwadieri siyerakho eyimera yabamalaika khaba, aral yerakho eyimwo ya Ibraimu. 17Khu kario mubioosi biamukheresia okhufwanana nende bamwanang'ina , mbwe abe omukukhani mukhoongo owesisa nende obwesikwa, mubiindu bioosi ebio bunasaye, okhukhola obusasani khulwe bionono biabaandu. 18Ne khulwo khuba ye yasandisibwa mu khuteemwa, anyala okhu khonya balia abateemwa.
Chapter 3

1Khukario, abakheerwa balungifu, abasangiirani bomulaango kwomwikulu. Ichulisiekho omurumwa, oli omukukhani wobusubiriri bwefwe, Kiristo Yeso. 2Owali omwesikwa khu ulia owamuloboola, nga Musa yeesi yali omwesikwa munyuumba ya Nasaye yoosi. 3Okhuba omuundu uno yabalwa okhoyera oluyaali lungi okhukhira Musa, ngolwa omumbakhi weinyumba ali nende siriibwa sikhoongo okhukhira inyuumba yeene. 4Khulwo khuba buli inyuumba yumbakhungwa nende omuundu, naye owombakha ebiindu bioosi ni Nasaye.5Naye Musa mubwadieri yali omwesikwa munyuumba yaye yoosi, ngomurumwa khulwobuloli obwebiindu bilia ebiali bibolwe lunyuma. 6Arali Kiristo ngamwana omwemeresi we inyuumba yoosi ya Nasaye, eyiri mbwe nefwe , nikaba mbwe khudiririra nende amaani obusubiriri nende isangalo yelinaya liefwe okhula okhumalirikha.7Khukario ngolwa Roho mulafu aboola ari, ''Inyaanga ino, nobulira idoboosi yaye, 8Muromirania emioyo kieng'we mukhusinyisia, muludalo lwo khurekekhwa mulumirira.9Nga abaseng'we baandema, mukhungerania, nibamala nibalola ebikhole biange, emiaka makhumi kane. 10 Khukario ndasinyisibwa nolwibulo olwo. Nimboola mbwe, bakoranga bario, mumioyo kiabwe khandi sibamanyire echingira chiange. 11Khulwwsio bili sa kori ngandechuba mulirima liange; ''Mbwe sibakhengire mububuluukhi bwange.''12Mwekenderesie, baana befwe, arabamo mwing'we oli nende omwoyo kwobumaanu okwokhurasuubira, okwokhulekha Nasaye mulaamu. 13 Nimudinyisanie buli lwoosi, nisiiri niilangwa inyanga ino; mbwe arabao owomwoyo kwaye kunakholwa okhuba omwomu khubirira mububacha bweimbi.14 Khubeera khukholerwe abasangirani ba Kiristo nikhudiririra nende obudinyirifu mukhuchaaka khwobusuubiriri bwefwe okhuula mubumalirikhi. 15 Khulino, kabolwa mbwe, ''Lero luno nimubulira omulaango kwaye, muromirania emioyo kieng'we, mubukhayi.''16Ni wina abamubuliira Nasaye nibamubukhaya? Sinabeene abo abarula Misiri nibemirirwe nende Musa? 17Ne khandi wina abayasinyisibwa nabo emiaka amakhumi kane? Sinibalia abali nibakholere obwononi, abemibiri kiabwe kiakona mulumira? 18 Niwina aba yechubira mbwe sibengira mububulukhi bwaye, arali balia abarafukirira? 19Khulwesio khulola mbwe sibengira mububulukhi bwaye khulwoburasubirira bwabe.
Chapter 4

1Khulwako, esisubisio siokhwingira mububulukhi bwaye sisiriwo, khwekenderesie mbwe, arabao omuundu yeesi khweng'we onasilemukhira. 2Khulwo khubeera khwayalirwa ifanjili nganibo, arali elikhuwa lia bayalirwa si liabakhonya okhuba silialimasibwa nende obusuubiri.3Khulwo khuba efwe abasuubira khwingira mububulukhi obwo, ngolwa yaboola ari, ''kori ngandechuba muburima, mbwe kario emirimo kiabwa mukhuchaaka khwesialo, Sibakhengire mububulukhi bwange. 4 khubeera abuunduandi yalomalomakho khunyaanga ya saba ari , ''Nasaye yabuluukha khuinyaanga ya saba mumirimo kiaye kioosi. 5Ne khandi abuundu bwene ano aboola ari, ''Sibalingira mubulukhi bwange.''6, nikalolekhana mbwe abaandi okhuula bengire, ni balia abayalirwa imberi sibengira khulwo khurasubira. 7Khandi yarao inyaanga naboola khubirira mu Daudi ari, inyaanga ino , Lunyuma olwa ebikha ebirambi ; nga olwakaboolwa, inyanga ino nimubulira idoboosi yaye, muromirania emioyo kieng'we.''8Bibeere mbwe banyoola obubuluukhi khubirira khu Yeso, siyakhalomalome khuludaalo lundi. 9Khukario oludaalo lwobubulukhi lusiriwo khubaandu ba Nasaye. 10 Oyo owingira mububulukhi bwaye yeesi abulukhanga mumirimo kiaye, nga Nasaye yeesi yabulukha. 11Khulwesio khwekasirie okhwingira mububuluukhi obwo, arabao osuba khulwo khurasuubira nga nibo bakhola.12Elikhuwa lia Nasaye nelilamu, khandi liri nende amaani, nende obwoki okhukhira olugaanga lwakalwa chimbeka chioosi. Olufumira nilukabukhania esinamuundu nende omwoyo, khandi chinyungo nende obudunduli, nilimanyirisianga amapaaro nende elienya liomwoyo. 13Ne sisiriwo esilonge siosi esiramanyikhana mumoni chia Nasaye, arali ebiindu bioosi nebiakhaakhu khu oyo owakhwakhaboole amakhuwa kefwe .14Okhuba khuli nende omukukhani mukhoongo owengira mwikulu, Yeso Omwana wa Nasaye, khudiririre mubudinyirifu elinaya liefwe. 15Abulao omukukhani mukhoongo orakhanyala okhuchiana ninafwe khumakhuwa kefwe kobudekhere. Arali, mumbeera chioosi yateemwa ngefwe, naye naronona khaba. 16Khukario khwiiche imberi wesisaala siaye siobukoosia nende ichuoni, mbwe khunyoole esisa esinaruba obukoosia mubikha biakhwenya obukhoonyi.
Chapter 5

1khubeera buli omukukhani oloboolwe akari wabaandu, yabakhwa amafura khulwabaandu khulwa makhuwa kalondana nende Nasaye, khulwokhurusia ebianwa nende ebisakhiro biobwononi. 2Onyala okhubeerera nende abo abaramanyirisianga, nibabachwa mubukori, khulwo khuba omwene yeesi nomudekhere. 3Khulwakeene ako akhoyere arusie esisakhiro siebionono khulwa baandu nende ye omwene.4Ne abulao owefwasianga esiriibwa sino omwene, arali ulia owalangwa nende Nasaye nga Aaruni. 5Khukario, Kiristo yeesi siyefwasia omwene oluyaali ngomukukhani mukhoongo. Arali ulia owaboola mbwe, ''Ewe oli Omwana wange; inyanga ino khwibuule.''6Ngayaboola abuundu andi ari, ''Oli omukukhani buli lwoosi mubuchiane bwa Melkisediki.''7Owamuchinyaanga chiaye chiomubiri, yaana echisala nende amasabo mukhulira nende amasika mumaani khu ulia owali anyala okhumuonia mulifwa, ne nabulirikhana khulwo khuba yali omweyecherefu mubulamu bwo bunasaye. 8Kata kario yali Omwana , yeeka okhweduduyia khubirira mukhusaanda.9Ne niyakhakholwa omwolerefu, yekhola omuchaakisi wobuonia bwobumeri khuboosi abamuria. 10Yalangwa nende Nasaye ngomukukhani mukhoongo mufwaani ya Melkisedeki. 11Naye khuli nende amaangi kokhuboola kata kario nebidinyu khurumbula, okhuba simuli abaangu bokhubulira.
13Khulwo khuba oyo yeesi owekhoonyera amabeere abula obumanyirisi mulikhuwa liobulungifu, okhuba nomwaana mudooro 14 Arali esiakhulia sioomu nikhubalia abaangafu, okhurulana nende oburumikhi bamanyire okhukabukhania amalayi nende amabii.
Chapter 6

1Khukario, nikhulekha ameekesio kokhurangirira aka Kiristo , nekhusude mukalia akokhuruoleresia: Khurakalukhira khandi khu kala akhwekanira khurula mubikhole bifu nende akelisuubira khu Nasaye, 2kose ameekesio kokhubatisia, okhurebwakho makhono, nende okhulamusibwa khwabafu, nende obukhalakirwi oburalibwayo. 3Ne kano khunakakhola Nasaye nafukirira.4Khulwo khuba nebidinyu khulwa abo abali nibamanyisibwe, obulayi bwesianwa siomwikulu, nibakholwa abasangirani abomwoyo mulafu, 5khandi nibabila elikhuwa lia Nasaye lilayi nende amaani kesialo esiicha, 6nibamala bakwa ( bakalukha inyuma)_ sibinyalikhana okhubakhoola khandi bekanire, khulwo Khuba bali okhubaamba Omwana wa Nasaye buya nende okhumwanikha khuchisoni alafu.7Okhuba eliloba eling'wechanga buli ifula yilikwira, niliana ebiamo khuabo abalireresianga, banyolanga yikhabi khurula khu Nasaye. 8 Nalio niliama amabwa nende eliiswa , silifukirirwa arali liri ambi khuchubwa nende khumalirikhira mukhusambwa.9Ne abakheerwa, Kata kario khulomaloma akene kano mumakhuwa keng'we khusubirira mumakhuwa kalia amalaayi kobuonia. 10Okhuba Nasaye sinomukoyanu owakhebirira emirimo nende obukholi bwen'gwe bwobukheeri obwamumalire okhwekesia Khu liira liaye , khulwokhuba munyakhanire abatakatifu baye, khandi musiiri mubakhalabanira.11Ne khwekoomba muno mbwe buli mulala yekesie sinani sila sila esie linaaya liobwolerefu okhuula mubumalirikhi. 12Muraaba abakara, Kata kario mube abaloondi abokhubirira mubusubiri nende obwesimirisi bonyoolanga ebisubisio biobobulaame .13Khulwo khuba Nasaye nakhola elilakano nende Ibraimu , yechuba khuye omwene okhuba yabulao omukhira. 14Naboola ari , ''Obwadieri ndkhuberesia echikhabi ne okhumeeda ndakhumeeda.'' 15Khokario , ngolwayesimirisia yamala anyoole eliayalakwa.16Khulwo khuba abaandu bechubaanga khu ulia obakhira . Khulwa esiakamo siokhumalao obulekani , okhwechuba khukhusirisia. 17Olwa Nasaye yeenya okhuchwichwisiria abalaamirwe belilakano mbwe ni Nasaye orakalukhananga mulikhuwa liaye , yamala alichwichwisie nende okhwechuba. 18Mbwe khulwebiindu bibiri ebirakalukhananga khaba , okhuba nebidinyu Nasaye okhuboola obubacha , mbwe khunyoole khulemesibwa khwolerefu, aberukhira okhudiira linaya eliarebwa imberi wefwe ;19Elinaya elio eliri ngeisiro yomwoyo , eyadieri khandi indinyirifu eyingira nende okhukhalania muipasia. 20Oyomurangiriri wefwe Yeso yabiriramo nakholwa omukukhani mukhoongo chinyaanga chiosi muikhola ya Melikisediki.
Chapter 7

1Naye Melikisedeki uno, omuruki wa Salemu, omukukhani wa Nasaye oli akulu lukali, yabukanana nende Ibraimu narula okhwira abaruki, namuanira echikhabi. 2Kario Ibraimu yamuanira esilala khulikhumi lia bioosi ebia yalinabio. Mukhurangirira alangwa mbwe, ''Omuruki wobulungifu,'' nolunyuma, ''omuruki wa Salemu, oli omuruki womuleembe.'' 3Orali nende samwana, ng'ina kata abeekho, abula owarula , oburangiriri bwechindaalo kose obumalirikhi bwobulamu, arali mukhufwananisibwa nga Omwana wa Nasaye, yaulwa omukukhaani owokhuchirira buli lwoosi.4Paririsiakho obukhongo bwomuundu uno owa kata Ibraimu omukhulundu yaberesia esikhumi sia ebia yali nabukule muliiyie. 5Nobwadieri mbwe, nolwibulo lwa Lawi olwobukukhaani, nilwo lwong'ane olwafukirirwa nende amalaako okhubukula esikhumi khurula khubaandu, bolwibulo lwa Ibraimu, kata kario boosi nabalala khunibo. 6Ne oyo orali owolwibulo lurabalirwa munibo, yabukula ebikhumi niyaanira echikhabi oyo owali nende ebisubisio .7Kario bubulao obuyingani bwoosi mbwe omuundu mudiidi yanirwanga ikhabi nende omukhiira. 8Naye ano, abafwa baberesibwangwa ebikhumi, naye ulia owabarusiriangakho obuloli amenyanga. 9Ne ngolwa mboola, Lawi owanyola ebikhumi yaana ebikhumi khubirira mu Ibraimu. 10Okhuba yali asiiri okhwibulwa Melikisedeki nabukanana ninaye.11Nikakhabere mbwe obwolerefu burulana khu burumikhi bwa Balawi, ( okhuba khubirira munibo niwo owa baandu banyoola elilako), obukhonyi sina obwaliwo mbwe khaandi omukukhani undi abeo khurulana nende obuchiririri bwa Melikisedeki, mubweyango bwokhulangwa khulondana nende Aruni? 12Okhuba obukukhani nibukalukhana, kenyekhana, elilako liosi likalukhane.13Okhuba ulia olomalomwangwakho kano nowoluuyia lundi, omurarulakhoomo omukholi wokhubwaali. 14Kamanyikhane mubwakhakhu mbwe Omwami wefwe yarula khu Yuda, oluuyia lwa Musa araboolakho khulondana nende obukukhaani.15Khaandi kamanyikhane khukhirao mbwe olunyuma lwa Melikisedeki arulirao omukukhani uundi. 16Orakholwa mumbeera yelilako lie lilakano liomubiri, arali khumaani kobulamu buralibwayo dawe. 17Okhuba aboola mumaandiko narusia obuloli ari: ''Ewe oli omukukhani buli lwoosi muimbeera ya Melikisedeki.''18Kario khuliwo okhukalukhanisibwa khwelilako khulwo khuba elidekhere nende obulemu bulirimo. 19Sibulao esielilako liadinyisia, arali elinaaya lilayi, elirunyalira okhusuda ambi nende Nasaye.20Ne khaandi kario sibiabula okhwechuba! Kata abaandi nibakhwolwa abakukhani nibarechubire, 21Nabo bakholwa abakukhaani nibarechubire ,arali naye yakholwa khubirira khwoyo owaboola ninaye ari, ''Omwami yechubire oburekanira mbwe : 'Onaba omukukhani owechinyaanga chioosi".22Okhukhirao Yeso yakholwa omusuubisi welilakano lilayi. 23Nobwadieri abakukhani barangira bali baangi, khulwo khubeera eliifwa liabamalanga mubukholi bwabwe. 24Ne khulwo khubeera Yeso nomulamu echinyaanga chioosi, obukukhani bwaye noburabwayo.25 Khu kario anyala okhuonia lukali abo boosi abeecha khu Nasaye muniye, khulwo khuba aliwo khulwo khubalamiraanga. 26Khulwe esio biakhoyera mbwe khube nende omukukhaani mukhoongo, oli mutakatifu, omuchwenifu, owaonisibwa mubonooni, ne nakingulibwa akulu welikulu.27Omwene uno sienyekho buli lwoosi okhurusia ebisakhiro, imberi khulwe chiimbi chiaye, khaandi lunyuma khulwa chiimbi chiaabaandu, nga bakukhaani baandi. Yosirisia kano lulala, olwa yali niyerusianga. 28Elilako likholanga abaandu bali nobudekhere abakukhani, ne elikhuwa liesichubo, okhurula mukhuchaaka khwelilako, lialobola Omwana nilimukhola okhuba omwolerefu chinyaanga chioosi.
Chapter 8

1Khu kalia amakhuwa kakhumalire khulomaloma, obumalirikhi bwako nibwo buno mbwe; Khuli nende omukukhaani mukhongo owekhala khumukhoono musaacha khusisaala sioburuki mwikulu. 2Niye omukhalabani womubwaali, eyiri inyuumba yadieri, eyomuundu arombakha arali Omwami Nasaye mwene.3Khulwo khuba buli omukukhani mukhoongo arebwangao khulwo khwaana ebianwa nende ebisakhiro. Khu kario uno yeesi yali ayera akhole ario. 4Aba mbwe ali khusialo, siyakhabere omukukhani khaba, khulwo khuba abo abalikho barusianga ebianwa mungira yelilako.5 Bakhoola emirimo muifwani nende esiniikha siebindu biomwikulu. Bili sa ngolwa Musa yali nabalirwe nende Nasaye mubikha biayaali niyombakha eliyema liemikhung'ano; Nasaye yamuboolera ari, ''Onakhola buli siindu okhulondana nende eyifwani yawekesibwa khulugulu.''6Ne bulano yanyoola obukhooli bukhirakho mubulayi, ngolwa ali omwambani welilakano lilayi, eliombakhwa khumasubisio malayi. 7Elilakano lieimberi liba mbwe libulamo obuleemu, eliokhubiri siliakhenyekhane khaba.8 Namalire okhunyoola obuleemu khunibo, aboola mbwe, ''Lola, echinyaanga chiicha Omwami aboola mbwe, njia okhureresia elilakano liyaakha nende inyuumba ya Isiraili nende inyuumba ya Yuda. 9Lino siliakhabe nga elia ndakhola nende abasaabwe olwandabarusia nomukhono kwange musialo sia Misiri. Okhuba sibachiririra mulilakano liange ngaolwabikhoyera, Khukario ndamala bakhaye - Omwami aboola ario.10Lino nilio elilakano lianjia okhukhola nende inyuumba ya Isiraili olunyuuma lwechinyaanga echio, Omwami aboola ario, njia khura amalaako kange mumapaaro kabwe, khaandi nende okhwandiika mumioyo kiabwe. Ne ndaba Nasaye wabwe nabo naba abaandu bange.11Ne anabulao onekesia omumenyerani waye, kose omuundu khwekesia omusiani wabwe mbwe, 'Mumanye Omwami.' Okhuba boosi bachia okhuumanya khurula khumudiidi okhuula khumukhoongo. 12Khulwo khuba ndaba owesisa khubumaanu bwabwe , khubionoono biabwe nende obukhayi bwabwe, sindirichulisia khaba.''13 Ne khwako aboola ari, elilakano liyaakha alikholere okhuba elikhuluundu, ne silia esibola khandi esili esikhulundu sichia okhubwayo.
Chapter 9

1Nobwadieri elilakano eliamberi liali nende amalaako akobukholi nende obwaali bwo bunasaaye musialo. 2Okhuba mukhuchaaka inyuumba yemekhebwa omwalimo esiemero sieitara, imesa, omugaati kwesilorero ebilangwa esimeeka esia abuundu andakatifu.3Ne inyuuma weipasia yokhubiri khuli nende esimeeka muliyeema esilangwa mbwe andakatifu wobutakatifu. 4Esiali nende siuchisirio sia idakhabu nende elisanduku lielakano liafunikhwa nende idakhabu echimbeka chioosi. Mubwene omwo mwalimo indamu eya idakhabu niirimo esiakhulia sia manna, indaukhi ya Haruuni eyasebukha, nende amakina kelilakano. 5 Akulu wasio amakerubi koluyaali kafunikha esisala siesisa, esiakhuranyala okhulomalomerakho bikha bino muburaambi.6Khukario ebiindu bino nibiakhamala okhurebwao abakukhaani bengiranga muikhekalu bulilwosi musimeka sieimberi nibosirisia obukholi khu Nasaye. 7Naye muyokhubiri yengirangamo omukukhani mukhoongo yeng'ene, lulala khumwaka nali nende amabaanga akayamaliranga omusango kwaye halala nende amabi kabaandu baandi.8Roho Mulafu yekesia mbwe ingira ilia eyokhwingira andakatifu wobutakatifu isiri khwikukha nikaba mbwe ikhekalu ikhale isiiriwo. 9Sino siali esimanyiro khubikha bino, ebiaanwa nende ebisaakhiro bia banasiaalo sibialabiangia ulia orusisie nende okhukhola amapaaro kaye okhuba amolerefu. 10Bino bialondana sa nende chinyama nende ebiokhung'wa, nende khwosibwa khukabukhane mumikholo kiesinamuundu, ekia badwikhibwa okhuula ebikha biobwekalukhasi.11Naye Yeso ulia omukukhani mukhoongo webiindu bilayi biicha, khubirira munyuumba ilia ikhoongo khaandi eyulilire, eirakholwa namakhono komuundu, yila iralondana nende esiumbakhe sino. 12 Ne khasi nikhulwa amabaanga kechimbusi nende ebimoosi, arali akaye mwene, yengira abuundu andakatifu lulala lwong'ane narunyoolera obununuli buralibwayo.13Ne nikaba mbwe amabaanga kechisurusi nende chimbusi alala nende amakokhe akeimoosi akaanywangwa, okhulabia balia abasiri okhulabisibwa emibiri, 14 sinokhukhirao muno amabaanga ka Kiristo oweyama omwene khubirira murokho wobulamu yeyana esisakhiro esirali nelikoondo khu Nasaye khulwo khulabia, amapaaro khurula mubikhole bifu, bakholeere Nasaye omulamu? 15Khu liene lino ye nomwaambaani owelilakano liyaakha, okhubirira muliifwa khulwokhununula abo abaali abelilakano lieimberi khurula muchimbi chiabwe, balia abalangwa banyoole esisubisio siobulaamirwe buralibwaayo.16Owe lilakano lio bulaame liri, khaandi bikhooyera abeo oyo ofwira lilakano elio. 17Khulwo khuba elilakano liobulamirwe liri nende amaani khubafu, ne libula amaani khuulia osiiri mulamu.18Kata eliarangira liosi liachaakwa nende amabaanga. 19Olwa Musa yasomera abaandu ebilagiro bilondana nende malaako, yabukula amabaanga akebimoosi, nende chimbusi, nende amaachi , nende obwoya bwakhanyu, alala nende Hisopo niyanya khusitabo nende abaandu boosi. 20Naboola ari, ''Kano namabaanga kelilakano lia Nasaye yabambanisiriamo.''21Khaandi niyaanya amabaanga khu liyeema lila alala nende ebiindu bioosi biomukhekalu ebie khonyirwangwa mubukholi. 22Ambi buli siindu siosibwanga nende amabaanga, khulondana nende elako, khulwo khuba obubi sibwakharusibwao amabaanga nikaredikhe.23Khu kario bienyekhana ebilolero biebiindu biomwikulu biosibwe birio, nende ebisakhiro biebisoolo. Arali ebiindu biomwikulu biene biamala bilabisibwe nende ebisakhiro ebili bilayi khukhirao. 24Kirisito siyengira andakatifu eyakasibwa nende amakhono, esiiri sifwanani siadieri, arali mwikulu yene mbwe alolekhe imberi wa Nasaye khulwa efwe fweesi.25Sibiri mbwe yerusienge nga esisakhiro buli sikha, muisaambo ngeyabakukhani bakhoongo bengiranga andakatifu buli mwaka nende amabaanga kesiindu sindi. 26Biakhabeere birio, khwakhabeere okhusandisibwa khungi muno khurula mukhuchaaka khwesialo. Arali yerusia omwene lulala ngesisakhiro khulwo khumalao echiimbi chesialo.27Khu kario abaandu barerwao okhufwa lulala, nesilondakho nokhukhalakirwa, 28 kario Kirisito yarusibwa okhukinga obwonooni bwabaangi, ne khubalia abamusubiriranga alilolekha olwa khabiri oburakhalabanira obwonooni khubalia abamulindiriranga khulwo buonia.
Chapter 10

1Elilaako khulwo khuba nesinikha siamakhuwa malayi kalibao, arali nesifwanani siamakhuwa kene. Abo abamuchiira Nasaye sibanyala okhulabisibwa mubwichufu khubirira khubisakhiro ebiabareranga buli mwaka. 2Kata kario , ebisakhiro biene ebio sibiakhakame okhurusibwa? Khulwobeera abalami bakhosibwenge lulala nibarula mumbeera yokhwondondwa khweimbi. 3Arali mubisakhiro ebio buli lwoosi khuli nende okhwichulisibwa obwonooni buli mwaka. 4Okhuba amabaanga kechisurusi nende chimbusi sikanyala okhurusiao echiimbi.5Khukario Kirisito niyeecha musialo, aboola ari, ''Esisakhiro nende esianwa siwajamisibwa ninabio , arali omubiri kwawangasiria; 6Sisangaalira mubianwa biokhusambwa nende ebisaakhiro biebionono. 7Nilwo olwa ndaboola mbwe, 'lola, njichire ndiwo (ngolwa kaandikwa mubitabo) okhukhola elienya liao Nasaye .'''8Akulu wako yaboola ari, ''ebisakhiro nende ebianwa biokhusambwa nende ebisakhiro biebionono sindajamisibwa nabio.'' Khandi sisangaliranga, khuba birusibwanga mungira yelilako. 9Ne naboola ari, ''Lola njicha okhukhola elienya liao Nasaye. Mbwe arusiao elieimberi anyale okhwemekha eliokhubiri. 10Mulienya liene elio khulabisibwa lulala okhubirira musianwa siomubiri kwa Yeso Kiristo.11Ne buli lwoosi omukukhani yemeraanga okhurusia ebisakhiro bilia ebiramalao ebionoono. 12Naye uno niyakhamala okhwerusia ngesimalamusango lulala, yekhala khumukhono musaacha kwa Nasaye. 13Khurula ao alindiriranga abasuku baye boosi okhurebwa asi wamakulu kaye. 14Khubirira musisakhiro silala yalabia abalobole boosi oburalondamo khandi.15Kata Roho Mulafu yeesi nomuloli khu kano. Aboola ari, 16''Lino nelilakano lia ndilikhola ninabo lunyuma lwechindaalo echio, Omwami aboola ario. Ndakhare amalako kange mumioyo kiabwe, ninyandika akene ako mumapaaro kabwe.''17Ameeda khuboola ari, ''Obwononi bwabwe nende obumaanu bwabwe sindakhechulisie khaba.'' 18Bulano owobulekheri bwe bionoono buli, abulao khandi okhurusia esisakhiro siebionoono.19Khukario, abakherwa, khulwo khuba khuli nende ichwoni eyokhwingira andakatifu, khubirira khumabanga ka Yeso. 20Khubirira mungira injiakha eyobulamu eyayarukasiria khubirira muipasia, okuli omubiri kwaye. 21Ne khulwo khuba khuli nende omukukhani omukhoongo munyuumba ya Nasaye, 22Kario khuside ambi mumwoyo okwobwadieri okuli nende ichuoni yelisuubira, emioyo kiefwe kilabisibwe khurula mumapaaro amabi, nakio emibiri kiosibwe nende amaachi machwenufu.23Khukario fwesi khudiririre nende amaani elisuubira liokhufukirira khwefwe oburadofula, okhuba ula owalaka nomwesikwa. 24Ne kario fwesi khupaare mubudinyirifu ngolwakhunyala khudinyisania mukhukhwera nende ebikhole bilayi. 25Khandi khuralekha okhubukanananga ngolwa kuli omunalo kwabaandi, ne khudinyisanienge ngaolwa khulindirira indaalo eyo ngolwaisida aambi.26Ne nikhukhoola obwonooni nikhumalire khunyoola bumanyirisi bwobwadieri , khubula khandi esisaakhiro siebionoono. 27Arali khulindirira okhukhalakirwa khalala nende omuliro kurisia okulindiriranga okhumira abakhayi abali basuku ba Nasaye.28Oyo owalekaanga lilako lia Musa, yerwangwa oburaba nende sisa khubulooli bwa babiri kose badaru. 29Opaara omuundu oyo osenakira Omwana wa Nasaye ayera sinyasio siaka sirie, oradebeere amabaanga kelilakano akayalabisibwamo naba najarire Rokho wobukosia?30Khuba khumanyire owalaka ari ,'' okhurunga esikwori nokhwenge, khumulekhere ; khaandi Omwami yakhakhalakire abaandu baye.'' 31Ne nelikhuwa liokhurisia okhukwa mumakhono ka Nasaye mulaamu.32Arali ichulisiakho chinyaanga cheimberi echiamwakhoserwa obulafu, nimwesimirisia obuyingani bukhoongo nende amanyakhano makhoongo. 33Mungira ndala mwasandisibwa nende khunyasibwa, ne mungira yiindi mwabalirwa alala nende abo abakholerwa keene ako. 34Mwabonera esisa abo abali musiboye , kata khaandi mwasangalira ebiindu bieng'we nibibukulibwa nga mumanyire mbwe muli nende esianwa silayi mwikulu esiranyasikha.35Kario murasukuna ichiuoni eyamulininayo, okhuba omurungo kwayo nomukhoongo. 36Kata kario kenyekhana mwesimirisie, lunyuma lwo khukhoola elienya lia Nasaye, khumunyoole esisubisio siayalaka. 37''Ne mubikha bimbikiri, oyo owichanga aneecha oburachelewa khaba.''38Bulano omulungiifu achia okhumenya mubusubiri, araali omuundu nakalikha inyuma, omwoyo kwange sikuchia sikuchia okhumusangalira khaba.'' 39 Arali efwe sikhuli mwabo abakalukhiranga obumaanu, arali khuli mubalia abasubiriranga okhuula khuonia emioyo kiefwe.
Chapter 11

1Bulano obusuubiri nibuchwichwifu bwamakhuwa kalindilirwangwa, esimanyiro siamakhuwa karalolekhana. 2Khulwanibwo abakhuluundu befwe babolwakho amakhuwa amalayi. 3Okhubirira mubusubiri khusubirira mbwe esialo sialoongwa okhubirira mulikhuwa lia Nasaye, mbwe ebiindu bilolekha bialongwa okhurula mubiralolekha.4Okhubirira musubiri Abeli yaana khu Nasaye esianwa esilayi okhukhira esia Kaini, khulwa nisio, obulooli buboola mbwe yaali omukololofu, Nasaye mwene namanyisia ebianwa biaye, ebikera kata niyafwa asiri alomalomanga.5Mubusuubiri Enoka yakalukhanisibwa naralola eliifwa. ''Ne naralolekhana okhuba Nasaye yamubukula.'' Ne nasiiri okhukalukhanisibwa, kaboolwa mbwe yajamisia Nasaye. 6Ne oburali nende obsuubiri sibinyalikhana okhumujamisia. Khu kario oyo yesi omwichakho kenyekhana amanyirisie mbwe Nasaye aliwo , ne aberesanianga ebianwa khu abo abamukoonya nende amaani.7Mubusuubiri Noa, yabolerwa nende Nasaye okhulondana nende akaali kechanga nikasiabonekhana, mukhuria nende okhwesika Nasaye, yareresia eliaro khulwo khuonia abeinyuumba yaye. Khulino yakhalakira esialo esiina, naye niyekhola omulamirwe wobwadieri khubirira mubusuubiri.8Mubsuubiri Ibraimu olwayalangwa okhuchia musialo sia yali akhoyere alamirwe lunyuma, yafukirira namala nachia nakorerwe owali khuchichanga. 9Mubusuubiri yekhala ebukeeni musialo sila esiayalakwa nga orali mwenesio. Niyekhala mumayema alala nende Isaka nende Yakobo, abalaamirwe ninaye abelilakano elio. 10Khulwo khuba yaali nalindiriranga elidookho eliachakisibwa nende okhumbakhwa nende Nasaye omwene.11Mubusuubiri Sarah, owali niyabiririra emiaka yanyoola amaani kokhuyera inda niyebula omwana, khulwo khuba ula owamulaka yaali omwesikwa. 12Khulwesio okhubirira mumuundu mulala owali ngomufu, bebulwa abaandu baangi ngeching'ining'ini chia akulu, khaandi ngawakhabona omusenye khulukuku lweinyaanja okurabalikha.13Bano boosi bafwiira mubusuubiri, nibarabwene akalakwa. Arali bakabonera ale, nibajamisibwa nende okhukafukirira, ne nibaboola bari, nabakeeni khaandi babira_ngira musialo. 14Abo ababolaanga ako bekesianga abulafu mbwe bakonyanga obumenyo.15Ne obwadieri baaba nende amapaaro kesialo sia barulamo, bakhekombere okhukalukhayo. 16Arali bulanu bekombanga esialo silayi esiomwikulu. kario, Nasaye siyalola echisoni okhulangwa Nasaye wabwe, khulwo khubeera yamala okhubakasiria elidookho.17Mubusuubiri Ibraimu ngolwa yateemwa yarusia Isaka ngesisakhiro. Naberesania ulia omwana mudeerwa yeng'ene owa yaali naberesebwe mumasubisio. 18Muye kali kaboolekha mbwe ,'Isaka olwibulo lwaye lulimanyikhana.'' 19 Kabalwa mbwe Nasaye yaali nobunyala bwo khumulamusia khurula mubafu, owayaali namurusiisie mufwaani.20Mubusuubiri Isaka yaanira chikhabi Yakobo nende Esau khulwamakhuwa kali imberi. 21Mubusuubiri Yakobo, nafwichanga, yalaamira abaana ba Yosefu, nga alaama nagunaame khumudiro kwaye. 22Mubusuubiri Yosefu nafwichanga, yarumbula okhurula khwa baana ba Isiraili, nalakirisia okhulondana nende amakuumba kaye.23Mulisuubira Musa niyakhebulwa, yakisibwa nabebusi baye emiosi kidaru, khulwo khuba bajamisibwa ninaye, nibararia akomuruki yabisia. 24Mulisuubira Musa, ngolwa yaali nakhulire, yakhaya khulangwa omwana womukhana womuruki Farao. 25Nalobola okhusanda alala nende abaandu ba Nasaye, okhukhira okhuchiririra okhwesangaasia nende akobwonooni akebikha bimbikiri. 26Nabukula okhusaanda khwa Kiristo khuba okhwobukhoonyi buungi khukhira emiandu kia Misiri, okhuba yadeeba muno omurungo kulimo.27Mulisuubira yarula Misiri oburaria oburima bwomuruki, okhuba yaali nalindiriranga ulia oralolekha. 28Mulisuubira yoseresia pasaaka nende okhwanywakho amabaanga, mbwe ulia omusasi wa baana bokhurangirira arabadirakho.29Mubusuubiri bambuukha inyanja injakhanyu eyumire. Ne abamisiri nibamirwa nende amaachi. 30Mubusuubiri eliida lia Yeriko lialikulukha niliakhabodokhanwa echindaalo saba. 31Mubusuubiri omudamba Rahabu siyafwa alala nende abarasuubirira, okhuba mumuleembe yaali nakisire balia abeecha okhukhebera esialo.32Mboole sina khaandi? Ebikha bifukiriire ndakhaboolere khu Gidioni ,nende Baraki, Samusoni , Yefutani, Daudi, Samueli, nende abanabii boosi. 33Abeene abo khubirira mubusuubiri bakwisia abaruki, nibakhola akobulungifu, nibanyoola akalakwa nende okhwikala eminwa ekie chidalang'i, 34basimia obukhakafu bwomuliro, nibaona obwoki bwolugaanga, mubudekhere nibaba abamaani mumaye, ne niberusia abasuku bamayie.35Abakhasi banyoola abaandu babwe khubusiibwa mubafu, naye abaandi nibasandisiibwa oburafukirira okhununulwa, mbwe, bamale banyoole obulamukhi bulayi khukhirao. 36Ne abaandi babirira mukhuteemwa khudinyu nende khusandisiibwa, kata okhuula khurebwakho eminyororo nende mubiboye. 37Nibalaswa nende amakina. Nibarandulwamo khabiri, nibateemwa, abaandi berwa nende olugaanga. Nibakendakenda mubiefwalo abiamasero kamakoondi alala nende akechimbusi. Nibanyolekhana okhuba abaandu balekherwe, abasandisibwe, nende okhukhaniakhanisibwa. 38Bali kori abaradakhikhana musialo. Bayiyanga mulumira, nende muchingulu, nende mumeena, nende maulukhu komusialo.39Ne bano boosi, nibamalire okhuboolwakho amalaayi khubirira mubusubiiri sibanyoola esisubisio. 40 Khulwa khuba Nasaye yaali arangrire okhururerao esiindu silayi, mbwe barolerisibwa araali efwe nikhuraliwa
Chapter 12

1Khulwesio, khulwa khuba khubodokhanwe nende eliilesi likhoongo eliabalooli, khulekhule obusiro bwoosi nende obwonooni buruboyanga mubwangu, khwirukhe mubwedemberefu khwirukha echimbiiro chili imberi wefwe. 2Nikhulingeera Yeso oli omuchakisi khaandi omumalirisi wobusubiiri bwefwe. Owesimirisiria omusalaba khulondana nende isangaalo yaali ninaye, nalekeresia echisoni, namala niyekhala khumukhono musaacha kwe sisala sia Nasaye. 3khulwesio, paririsiekho oyo owesimirisiria obuyingani bukhoongo ngobwo okhurula khu abakholi bechiimbi, murola mwajong'a nende okhufwa emioyo.4Musiiri okhukhuyana okhuula okhuchukha amabaanga nimulwana nende obwonooni khuula khuchukha mabaanga: 5khaandi mwibirire okhudinyisibwa okhwamwanyoola kori ngabaana, noboolerwa mbwe: ''Mwana wange oralekeresianga okhukololosibwa nende Omwami, kose mufwe emioyo nimwalabirwa ninaye. 6Okhuba Nasaye akololosianga owayakheera, khaandi ne amala akhuya buli omwqna owayakheera.7 Nikali mbwe ofukirira okhukololosibwa, Nasaye akholanga ninangwe kori ngabaana, naye nomwana sina owasamwana arakololosianga? 8Kario nimukhaya obukololosi obwa buli omwana akhoyeera anyoole , awo muba muli ngabaana berwanyi abarali abomunyuumba yeene.9Kata kario abebusi bomubiri bakharukololosianga nikhubabulira, sinimuno khubulira Sefwe womwoyo kweimera nende okhumenya? 10Khubeera obwadieri muchinyaanga chindiidi barukololosia khulwo khukheera khwabwe abene. Naye khulweingaanga yefwe mbwe khunyoole okhusangirana obutakatifu bwefwe. 11Bulano mubikha bino khubulao okhukololosibwa okhubonekhananga okhuba okhwokhusangasia, araali okhwokhusinyisia nende obuchuni. Arali olunyuma khureranga ebiamo biobulungifu mumuleembe khu balia abanasibwa .12Khukario mukinguule amakhono kadofule nende amakhumbo kekhuyuka 13 Khaandi mureresie echingira echiakololokha khulwa makulu keng'we, mbwe sila sioosi esilema sirakosibwa araali siwonisibwe.14Mube ne sinaani siokhukoonya omuleembe nende abaandu boosi alala nende obutakatifu, okhuba araali nibwo abulao onyaala okhumubona Omwami. 15Mwekenderesienge arabao oyo olemerwa obukoosia bwa Nasaye bikeere esisina esiobuchuuni sireecha siameera siabanyasia ,kumale kubakhe abaangi obumaanu, 16 Arabao omuyeeyi kose oraria Nasaye nga Esau, owakusia ubulaame bwaye bwokhubulwa kwamberi khulwa esiakhulia silala. 17Nga olwa mumanyire olunyuma niyekomba ikhabi eyo,yakhaywa , okhuba siyanyoola obweyango bwokhwekanira kata nende niyakoonya mukhulira amasika.18Khulwo khuba simwichire khulugulu ludiriikha khaba, kose olwakha omuliro, kose lilesi limali, nende esirima, nende esifusie, 19Nende oluyoka lwa itarumbeta, nende oluyoka lwa makhuwa, olwa bala abalubulira basaba barabolerwakho khaandi elikhuwa lindi. 20 Okhuba sibesimirisiria ekhuwa lila elialagirwa, ne kakhabere mbwe kata '' isolo niyekuuda khulugulu olwo yakhakhuyirwe nende amakina.'' 21Ne ako kalolekhana muingira yokhuriisia, kata Musa naboola ari ndirirwe nende oburi buungi nende okhurengerekha.22Ne mwichire khulugulu lwa Sayuni elidookho lia Nasaye mulamu , Yerusalemu yomwikulu nende malaika barabalikha. 23 Mukhung'ano mukhoongo nendelikanisa eliabebulwa bamberi abandiikwa mwikulu, nende Nasaye omukhalaki wa baandu boosi nende emioyo kia baandu balungifu bolerefu 24Nende Yeso omwaambani welilakano liyaakha, nende amabaanga kokhunyukhirisia akalomaloma ebiindu bilayi khukhira aka Abeli.25Lingeere muramukhaya ulia alomaloma ,khuba ngolwa baraona abakhaya owalomaloma musialo, fweesi sikhuchia okhuona nikhulekeresia ulia olomaloma khurula mwikulu. 26Owe idoboosi yae yareengia esialo, ne luuno alaka ari, ''Sinjia okhurengia esialo siong'ane, araali kata elikulu.''27Kata kario elikhuwa lino khaandi, mbwe arusiao biria ebirengeresibwa manu bila ebireyuya bidong'eo. 28 kario okhuba khunyoola obwami oburadengeywa, mubukosia khukholere Nasaye mungira ifukirirwa mukhweocheresia nende okhuria Nasaye. 29Okhuba ye nomuliro kumululanga.
Chapter 13

1Obukheri bwa bakherwa buchiririre. 2Murebiriranga okhwingisia abakeeni, okhuba mungira yene eyo abaandi bakhengisia abamalaika oburamanya.3Mwichulisie abali musiboye, nga abo abamwaboywa ninabo, naye bala abasandisibwa nga nimuli mumubiri mulala. 4Lidekhisania liberesibwe siriibwa mubioosi,ne obuliri bube obulafu, araali abayeyi nende abadaamba balikhalakirwa nende Nasaye.5
6Kakera nikhuboola khuri, ''Omwami niye orukhonyanga: sindakharia, Nisina esio muundu yakhakhoola?7Ichulisie abemeresi beng'we , abo bababoolera likhuwa lia Nasaye, nimulonda obusubira bwabwe , nikhumanyirisia obumalirikhi bwabwe. 8Yeso Kiristo niye ulia ekulo, inyanga ino, nende buli lwoosi.9Murakadirisibwa nende amekesio kakabukhane khaandi amakeni, okhuba nebilayi omwoyo okhudinyisibwa nende obukosia khukhira ebiakhulia, ebiabalia abakholegana ninabio sibulao esiabanyoola. 10Khuli nende obwali oburafukirira bala abakhola muliyeema okhulia ebiakhulia biakhwo. 11Okhuba emibiri kiebisolo ebia mabaanga kabio karerwangwa muikhekalu nende omukukhani mukhongo khulwe chiimbi , bisambwangwa erwanyi wolukaka.12Khulwa ako Yeso yeesi, okhuula yoosie abaandu nende amabaanga kaye, yasandisibwa erwanyi wesiribwa. 13Bulano khumuchire erwanyi wolukaka nikhukingire okhukhaywa khwaye. 14Khulwo khuba ano khubula elidookho lirabwayo, Araali khukonyanga lila eliicha.15Khubirira muniye khurusie buli lwoosi esisakhiro sieifuma khu Nasaye, esiri siamo sieminwa kiefwe nikhwechomia elira liaye. 16Araali murebiriranga, okhukhoola amalayi nende khusangirana khulwo khuba ebisakhiro bifwana birio nibio ebimusangasianga Nasaye . 17Mubarie abo ababemiriranga nimweduduya khu nibo nga bala abakhiesianga khulwe mioyo kieng'we khaandi abakharusie obubali,banyoole okhukhola bario mubuchachaafu ,araali mukhusinyikha khulwo khuba sibibakhoyera.18Murusabire okhuba khusubira mbwe khuli nende amaparo malayi, khubechenge abesikwa mubiindu bioosi. 19Nange basaba lukali mukhole ako, khunyale okhukalusibwa khweng'we lwangu.20Bulano Nasaye womulembe, owarusia mubaafu Omwami wefwe Yeso , omwayi ulia mukhongo owa makoondi, okhubirira mumabaanga kelilakano liralibwayo, abakasie21 mubuli mulimo mulayi khukhola lienya liaye, nabakholeramo kala akasangaasia mumoni chiaye, mu Yeso Kiristo oyera oluyaali buli lwoosi. Amina.22Ne basaba bakherwa, fukirire likhuwa lielikerako lino, okhuba mbandikire ibarwa mumakhuwa membikiri. 23Mumanye mbwe omusiani wefwe Timoteyo alekhulirwe, niyanguya okhwicha mbaa ndeecha khubalola ninaye.24Kheesia boosi ababemiriranga nende abatakatifu boosi. Aba Italia babakheesia. 25Obukosia bube khweng'we mwesi , Amina.

James

Chapter 1

1 Yakobo, omukholi wa Nasaye nende owa omwami Yeso Kirisito, khu chimbia ekhumi nende chibiri echiasalaana erwanyi: Makhesio! 2 Abakheerwa, mubibukule nge yisangaalo nimukwa mumateemo kabukhaane; 3 nimumanyirisianga lino, mbwe okhuteemwa khwelisubira lieng'we khureera obwesimirisi,4 ne obwesimirisi bweng'we busiirisie omulimo kwabwo, mbwe muliirire muno, kori nga ababula esia mweenya. 5 Oyo khweng'we abula makesi, areebe Nasaye, aberesianga baandu boosi mubungi, oburekalira, ne anaberesebwa.6 Arali areebe mubusubiri, oburakanakana, khulwo khuba okanakana ali kori nga liyoombe khumaaachi elirusibwanga nende omuyaka nilisindikhwa eyi nende eyi. 7 Naye omuundu oyo arasubirira okhunyoola esiindu siosi khurula khu Mwami. 8 Omuundu wa mapaaro kabiri abeyabeyanga mubiindu bioosi.9 Naye ula omukheerwa oli asi asangaalenge khulwo khubeera yakiingulwa: 10 omuyiinda naye, yeyikhie asi: khulwo khuba achia khurusibwao kori nge simuli esio musino. 11 Khulwo khuba omubasu ngakurulanga nende obubafu busaamba, nikumamula obunyaasi, ne esimuli silakakha, ne oluyaali lwasio lukora, nilwo ngolwa omuyiinda yesi achia okhuuma muchingira chiaye.12 Ni weyikhabi ula omuundu owesimirisirianga mateemo: khulwo khuba nateemwa, ananyoola olusiimbi lwobulamu, olwo Mwami yalaka abo abamukheera. 13 Omuundu yeesi nateemwa, araboola mbwe ndeemwa nende Nasaye: khulwo khubeera Nasaye khasi anyala khuteemwa nende amabi, khandi ye khasi ateemanga omuundu yeesi khaba.14 Arali buli muundu ateemwangwa mukhubukulibwa mubwekoombi bwaye, nakadirisibwa. 15 Khulwo khuba obwekoombi nibuyeera inda, nibwibula imbi nayo imbi niyakhangala , ireeranga liifwa. 16 Murakadisibwa baana befwe.17 Buli esianwa silayi nende esiulirire birulaanga akulu, nibidikulukha nibiikha khurula khu Nasaye wobulafu, muniye abula okhwekalukhania, kose esinikha sio khwebalula. 18 Mulienya liaye mwene yaruloonga mulikhuwa lio bwadieri, mbwe khube imbia ye biaamo biamberi eyebiloonge biaye.19 Khukario, abakheerwa bange, buli muundu abe omwangu wokhubulira, ne araba omwangu wokhulomaloma, nende oradiirwa nende oburima lwangu: 20 khulwo khuba oburima bwomuundu khasi busirisianga obwadieri bwa Nasaye. 21khukario mure indulo obubi bwoosi, nende obumaanu bubiririire, ne munyoole mubweyocherefu elikhuwa lila eliarakwa, elinyala okhuonia emioyo kieng'we.22 Ne mube abakholi belikhuwa, abarali ababulira bong'ene, mukhwebacha abene,23 khulwo khuba omundu naba owo khubulira sa likhuwa, orali omukholi, afwananisibwa nende oyo owelingeeranga obweni bwaye muyirang'io: 24 khulwo khuba yelingeeranga nabwao, namala yebirira ngolwa afwana mulwangu. 25 Naye oyo olingeeranga mulilako lilungifu eliobulekhule, nachiririramo, orali omubuliri owibirira, arali omukholi womulimo, uno ananyoola yikhabi mubukholi bwaye.26 Ne niyakhabao Mweng'we ololekha oweyidini, ne khasi yekaliraanga lulimi lwaye, abachaanga omwoyo kwaye mwene, idini yomuundu kori oyo khasi yiyera. 27 Idini indafu, eyirali nende obumaanu imberi wa Nasaye oli Sefwe niyo yino, okhukeendera ababula basamwana alala nende abalekhwa mubidinyu biabwe, nende okhwelinda nende esialo nobula makoondo.
Chapter 2

1 Baana befwe, muraba nende obusuubiri bwo Mwami wefwe Yeso Kirisito, Omwami wo luyaali nende okhuboona abaandu bandi. 2 khulwo khuba omundu oli nende ingila ye yifisa, muchingubo chindayi niyakheecha mumukhung'no kwengwe, naye oundi, mumanani yeecha mungubo chiarandukha; 3 nimudeeba oyo owefwalire chingubo chindayi, mumuboolera muri, ikhala ano abuundu alayi, naye omumanani mumuboolera muri, yema ale, kose ikhala ano mumakulu kange: 4abwene ao khasi mulimo okhuboona, khandi simwekholere okhuba abakhalaki mumapaaro mabii?5 Rekeresie, eng'we bakheerwa bange, Nasaye khasi yalobola abamanani bomusialo muno okhuba abayiinda bobusubiri, nende abalaamirwa obwami bwayalaka bala abamukheera? 6 Eng'we mwalekeresia bamanani! Abayiinda sinibo ababafwinyanga, nibabayira imberi webisaala biobukhalaki? 7 Khasi nibo bala abalekeresia eliira lilayi eliamwalangwamo?8 Nimusirisia elilako lioluyaali khulondana nende eliandiiko, mbwe onakheera owasio kori ngolwa wekheera ewe mwene, onaba okhola ebilayi: 9 ne nimuli nende okhuboona baandu, mukhola bwononi, ne mubalwa nende elilako kori nga bafunaki ba malako10 Khulwako oyo oliinda lilako lioosi, nakhaywa musimeka silala, aba afunake lioosi. 11Khulwo khuba oyo owaboola ari, orakhola buyeyi, niye owaboola ari, oreeba. khukario niwakhakhaya khuyeya, niwira, oba wekhelere omufunaki walilako.12 Bulano lomaloma nokhola orio, kori nga bala abakhakhalakirwe nende lilako liobulekhule. 13Khulwo khuba yakhakhalake narali nende esisa, khubala abareekesia sisa, esisa siekingulanga akulu wa sikhalako.14 Bikhonya sina, bakheerwa bange, omundu naboola ari, ali nende lisuubira, nabula bikhole, lisuubira liakhamukhonya? 15 Nikaba mbwe omusiani kose mukhana weng'we abasiekenye, alimubudakhi bwebiakhulia biabulinyaanga, 16 naye mulala khweng'we ababoolera ari, muchie mumuleembe, mudundumisibwe mani mwichusibwe; ne khasi mubaberesia ebienyekhana khulwomubiri, bikhonya sina? 17 Kata kario lisuubira, nilibula bikhole, liafwa liongene.18 Naye omuundu undi anyala yaboola ari, ewe oli nende lisuubira, nange esie ndi nende bikhole: njekesie lisuubira liao elibula bikhole, nange ndakhwekesia lisuubira mubikhole biange. 19 Ewe osubirira mbwe Nasaye aliwo mulala; okhola bilayi: kata ebikhieno biosi bisubiranga, nibirengerekha. 20 Wenya khumanya ewemuundu mukhaya mbwe lisuubira elibula bikhole liafwa?21 Khasi niko kakera sefwe Ibraimu yabalirwa obwadieri khubirira mubikhole, ngolwa yaana omwana waye Isaaka ngesisakhiro khubwali? 22 Olola kori ngolwa lisuubira liakhola mirimo alala nende bikhole, ne khubirira mubikhole lisuubira lioleresebwa? 23 Ne eliandiko liolerera eliboola mbwe , Ibraimu yasubirira, mani nabalirwa obulungifu: nalangwa omwicha wa Nasaye,. 24 Olola bulano mbwe khubirira mubikhole, omuundu abalirwanga obwadieri, arali khasi ni lisubira liong'ene25 Mumbeera yene eyo, khasi niyo eya Rahabu mudamba ula yabalirwa obwadieri khubirira mubikhole, ngolwa yali nanyolere abarumwa, nabasebula khubirira ingira yindi? 26 Kori ngolwomubiri kuli mufu nikubula omwoyo, elisuubira liosi nilibula bikhole liafwa.
Chapter 3

1 Baana befwe, muraba abekesia bangi, nimumanyanga mbwe khulinyoola obukhalaki bukhoongo lukai. 2 Khulwo khuba khwegumulanga fweesi mumakhuwa mangi, naye omuundu yeesi naranyala okhwegumula mulikhwa, oyo nomuundu mukololofu, onyala khwikalira omubiri kwoosi.3 Lola, khurechanga ebichuma mumunwa kweifarasi, mbwe inyale khwedemberesia, nikhumala khuimirira wosi. 4 Lola echimeli chiosi, kata mubukhongo bwachio, chiekesibwanga nende ingara indiidi, okhuchia owomuwirusi yenya yichie.5 Kata lulimi nisiindu sidiidi, ne siebulisirianga ebiindu bikhongo. Lola kori ngolwa muliro mudidi kwambianga likhuwa likhongo! 6 Ne olulimi nimuliro, esialo siobwononi: nilwo ngolwa luli mumibiri kiefwe, mbwe lumaliyianga omubiri kwoosi, khandi lwambianga omubiri kwoosi muliro; lwambia omuliro kwa jekhanamu.7 Chimbia chiosi echie chisolo, nende echiamayoni, nende echiechinjukha nende ebiindu bioosi munyaanja, binyala khlongoyaala, khandi bilongoyisibwanga nende abaandu: 8 ne olulimi nalwo, abulao onyala khululongoyisia, nibubi burarukikha, lwechulamo obufwisi bwira.9 Khufumianga Nasaye oli Sefwe ninalwo, khandi khuchubanga abaandu balongwa mufwani ya Nasaye ninalwo. 10Mumunwa mulala okwo kurulangamo chikhabi nende ebichubo. Baana befwe kano khasi kakhoyera okhuba kario khaba.11 Binyalikhana isebere ndala irusie ebikha bilala amachi kanyunyula nende malulu? 12 Binyalikha baana befwe, omusaala kwebiamo bilayi okhwama mabwa? Kose musabibu khwama ebiamo bilulu? Kario kubulao omwalo kunyala khukhulikusia amaachi keyichumbi nende amalayi.13 Niwina omuundu mukesi mweng'we owarebwamo obumanyirisi? 14Arali nimuli nende obululu bweyimbalikha nende amayingani mumioyo kieng'we,, muresunga, khandi murebacha khulondana nende obwadieri.15 Amakesi kano khasi karula akulu khaba,arali ni kesialo, akesinamuundu, nende obusitani. 116 Khulwo khuba oweyimbalikha nende buyingani bili, awo khuliwo obukayani nende buli ikhola imbi. 17 Ne kala makesi karula akulu mberi ni malafu khandi ni komuleemba, kobweyocherefu, khandi karekeresianga amakhuwa ka baandu bandi, kechulamo esisa nende ebiamo bilayi, kabula injaulo khandi kabula obwekaadi. 18 Esiamo sio bulungifu sirakwanga mumuleembe nende bala abareranga omuleembe.
Chapter 4

1 Obusola nende milwano birula ena mweng'we? Khasi birula mubwekoombi bulwananga mumibiri kieng'we? 2Mwekoomba ne khasi munyoola: mwiira nimudakha mube nabio, ne khasi munyoola: mukhuyana nimusolana, ne khasi muli ninabio, khulwo khuba khasi musabanga. 3Musaba ne khasi munyoola khulwo khuba musabanga ebimanu, mbwe mubiekhonyere mubwekoombi bweng'we.4 Eng'we bayeyi basaacha nende bakhasi, mukorerwe mbwe obwicha nende sialo ni busku nende Nasaye? Oyo yeesi onaba mwicha nende sialo nomusuku wa Nasaye. 5 Opaara mbwe eliandiko liboola bubacha; Roho orumenyeremo yekoombanga mumbalikha?6 Arali Nasaye aberesanianga bukoosia obuyera, khukario eliandiko liboola mbwe, Nasaye akhayanga abeyisunga, naberesia bukoosia abeduduyia. 7 Khulwako mweberesanie khu Nasaye. Mukhaye Sietani, ne aneerukha abarulekho.8 Musude ambi nende Nasaye naye anasuda ambi ninang'we. Musaabe makhono keng'we, eng'we abononi; khandi mulabie emioyo kieng'we, eng'we aba mapaaro kabiri. Bibachune, nimulira, nimurusia masika:9 Echinjekho chieng'we chiekalukhane chibe khulira, ne isangaalo yeng'we yekhole obusinyifu. 10 Mweduduyie mumoni chia Nasaye, naye anabakingula.11 Murabolanakho amabi, baana befwe. Oyo olomalomanga amabi khumusiani wabwe, namukhalakira, amonyanga lilako, khandi akhalakiringa lilako: Ne nokhalakira lilako, khasi oba oli omukholi welilako arali omukhalaki. 12 Khuli nende oberesianga malako mulala, oli nende obunyala bwokhuonia nende khusasia: Ewe oli wina okhalakiranga owasio?13 Bulano murekeresie , eng'we babolanga mbwe, inyaanga yino, kose muchuli khunachia mudookho nabulebe, nikhuchiririrayo omwaka, nikhukula nende khukusia nikhunyoola ifuni: 14 ne mukorerwe akanabao muchuli. Obulamu bwao nisina? Buli sa kori nga linang'ong'o, elichaanga sa bikha bidiidi nilirulao.15 Khulwako mukhoya khuboola muri, Nasaye nafukirira, khunamenya, nikhukhola kano, nende kala. 16 Ne bulano musangalira khwefumia khweng'we, isangaalo nge eyo ni yimaanu. 17 Khulwako oyo omanyire khukhola malayi, ni khasi akhola, ni bwononi khuniyie.
Chapter 5

1 Bulano mwiche eng'we bayiinda, mulire nimwayula khulweminyakhano kiicha okhubachiakho. 2 Emiandu kieng'we kianyasikha, ebiefwalo bieng'we bialiwa nende chimbungi. 3 Idakhabu yeng'we nende ifisa bialibwa nende chimberebende: ne chimberebenda echio chakhabe obuloli khweng'we, khandi chiakhalie mibiri kieng'we kori nga wakholola muliro. Mwabusia emiandwa alala khulwechinyaanga chimalirikha.4 Lingeera, emirungo kia bakholi baaka mumikuunda kieng'we ekiamwakhayirakho mukhunyula, kili khuliraanga: ne amaliro kabala abaaka kolere mumarwi ko Mwami wa mayie. 5Mwamenya musialo mukhwesangaasia, mubwelaasi; nimukhomesia emioyo kieng'we, kkhulwe inyaanga yokhusinja. 6 Mwasitaaka nende khwira abaandu balungifu; ne khasi yabakayira khaba.7 Kario mwesimirisie, abakheerwa, okhuula okhwicha khwomwami. Lola kori ngomulimi alindanga ebiamo bilayi birula muloba, khandi abiesirimirisirianga, okhuula kori ngolwanyoola ifula yamberi nende eyimalirikha. 8 Mube abesimirifu; mukasie emioyo kieng"we: khulwo khuba okhwicha khwo Mwami khusudanga ambi.9 Murayirimbana abene khu bene baana befwe, muroola mwayasibwa: Lola , omukhalaki yemere khumuliango 10 Baana befwe, mubukule abanabii, abalomaloma muliira lio Mwami khulwe silolero mukhusaando nende mubwesimirisi. 11 Lola , khubabala khuba abasangaafu abesimirisia. Mwabulira obwesimirisi bwa Ayubu, khandi mwakhabona okhumalirikha khwo Mwami; mbwe omwami niwokhwelalikhira, khandi ni wesisa singi.12 Arali akulu webiindu bioosi, beana befwe, murechubanga khaba, khulwo mwikulu kose khulwo musialo, kose khulwe sichubo siosi siosi.khole ee ibe ee; ne khaba yeng'we ibe khaba, muroola mwengira musikhalako.13 Aliwo khokho mweng'we onyakhana? Asabe. Alikhoo muchachayafu? Yembe chinyimbo. 14 Khulikho nende omulwaye mweng'we? Ne alange abakhulundu beikanisa; bamulamire, nibamubakha mafura muliira lio Mwami: 15 Ne amasaayo kelisuubira kanaonia omulwaye, ne omwami anamukingula; kata niyakhola echimbi, analekherwa.16 Mubolanire amadinyu keng'we, mani musayirane, munyoole okhuona. amasaayo komuundu mulungifu kali nende maani lukali. 17 Eliya yali omuundu weyikhola kori ngeefwe, ne yasaaya mubukakifu mbwe ifula irakwa khaba: ne khasi yamala yakwa khulwemiaka kidaru nende miosi kisasaba. 18 Ne khandi yasaya, ne likulu nilimala niliana ifula, ne liloba niliana ebiamo bialio.19 Baana befwe, mulala khweng'we nareremukha okhurula khubwadieri, ne omundu amukalusia, 20 amanye mbwe oyo okalusie omwononi khurula khungira chiaye chiobukori anaonia omwoyo khurula mukhufwa, ne anafunikha ebionono bingi.

1 Peter

Chapter 1

1 Petero, omurume wa Yeso Kirisito, khu bakeni bala abasalaana Pontio, Ebugalati, Kapodosia, Esia nende Bitania, 2 Abalobolwa khulondana nende obumanyirisi bwa Nasaye Sefwe, khubirira mukhwelabia khwomwoyo, mukhuria nende khuchukhirisibwakho amabaanga ka Yeso Kirisito: Obukoosia bube nang'we nende muleembe mubwichufu.3 Afumisibwe Nasaye oli Samwana Omwami wefwe Yeso Kirisito, owo khulondana nende obungi bwesisa , yarwibula khandi mulinaya eliobulamu khubirira mukhulamusibwa khwa Yeso Kirisito khurula mubafu, 4 mbwe khunyoole obulaame oburanyasikha, obubulamo bumali, khandi oburakhabwayo, obwa mwabikhirwa mwikulu, 5nang'we mwalindwa nende amaani ka Nasaye khubirira mubusuubiri bwobuonia obuli bwerekekhe khufunulwa mubikha ebimalirikha.6 Muli nende obusangaafu bungi khulwa kene kano, kata kario ni khulwe bikha bidiidi bino, nbili mbwe bienyekhana, mwasinyisibwa khulondana nende amateemo kakabukhane: 7 ne okhuteemwa khwobusubiri bweng'we, khuli nende bukusi lukali okhukhira idakhabu eyisasikhanga, kata kario iteemwanga khubirira mumuliro, mbwe mube nende ifuma, oluyaali nende esiriibwa mubikha bia Yeso Kirisito achia khufunulwa:8 Owa musiri khubona, ne mwamukheera; khandi khasi mumubona mubikha bino, arali muli nende obusuubiri, nende obusangaafu alala nende oluyaali mubwichufu oburakhanyala khulomalomakhwo: 9 Bulano muli khunyoola akaruliramo mubusubiri bweng'we, obuonia bwemioyo kieng'we. 10 Obuonia buno obwa banabii bareeba nende khubukoonya nende esinani, barusia obunabii khulwo bukosia obuchia khubechera:11 bakonyeresia khumanya mbwe niwina khandi nibikha sina ebia Roho wa Kirisito owali mukari mwabwe yekesianga, ngolwa yarusia obuloli khumanyakhano ka Kirisito achia khunyoola alala nende oluyaali olwakhalondekho. 12 Ne bafunulirwa mbwe khasi nikhulwabwe ebene khaba, arali balomalomaanga amakhuwa ako khulweng'we, akamubolerwe nende bala ababayalire ifanjili khulwo bunyala bwa Roho mulafu owarumwa khurula mwikulu; amakhuwa kabamalayika bekoomba khukalola.13 Khulwako muboye ebibuno bia mapaaro keng'we, mube meeso, khandi mube nende linaaya eliobukoosia bwichufu obwa muchia khurererwa ngolwa Kirisito achia khufunulwa; 14kori ngabaana abokhuria, mureyekesia mubwekoombi bweng'we obwamberi obwomubusiru bweng'we.15 Arali kori ngolwa ula owabalanga ali mutakatifu, eng'we mwesi mube abatakatifu mumbeera yoosi eyeikhola yeng'we; 16 khulwo khuba kaandikwa mbwe, mube abatakatifu; khulwo khubeera esie ndi mutakatifu. 17 Ne nikali mbwe mulangaanga Sefwe, ula okhalakiranga abaandu mukhurakwirikhira, khulondana nende emirimo kiomuundu, muchiire muburi muchinyaanga chieng'we ochiokhuba nga bakeni.18 Okhirao ngolwa mumanyire mbwe khasi mwanunulwa nende ebiindu ebinyasikhanga muyifeda kose idakhabu, mbwe munyoole okhurula mumulukha kweng'we okurakhoyera okwa mwanyola khurula khu baseng'we, 19 arali khumabaanga akobukosia, kori nga akomwana we likoondi akabulamo obufwola kose esiboondo :20 Niye owamanyikhana okhurula mukhuchaaka omuse kwesialo nikusiri khubao, arali yafunulwa muchinyaanga chiobumalirikhi chino khulweng'we. 21Khubirira muniye, mwasuubira Nasaye owamulamusia khurula mubafu, nende okhumuberesia oluyaali; mbwe obusuubiri nende linaya lieng'we libe khu Nasaye.22 Nimumala okhwelabia emioyo kieng'we mungeri yokhuria obwadieri, nimusirisia obukheeri bwa bakheerwa obubulamo obwekaadi, mwedinye okhukherana abene khu bene khurula mumioyo kieng'we milafu. 23Khasi mwebulwa elikhabi lia khabiri khurula khu yimwo yo khusasikha, arali khurula khu yila eyirasasikha, khubirira khulikhuwa lia Nasaye elilamu khandi eliakhabeo chinyaanga chiosi.24 Khulwo Khubeera emibiri kioosi nibunyaasi, khandi oluyaali lwomuundu lwosi luli kori ngesimuli siobunyaasi. Obunyaasi bwomanga, ne esimuli silakakha asi. 25 elikhuwa lio Mwami lichia khumenya chinyaanga chioosi. Ne lino nilio elikhuwa elie ifanjili eyamwayalirwa.
Chapter 2

1Khulwako mure indulo amabi kosi, nende ikhiinda, nende obwekaadi, nende esikhalikhali, nende buli inomanoma imaanu. 2Kori nga abaana badiidi abebulwe, mwekoombe amabeere malafu akelikhuwa, mbwe munyoole okhukhusibwa mubuonia; 3 nimubwene mbwe Omwami ni wesisa.4 Mwiiche khuniye oli elikina lilamu, elia baandu bakhaya, arali Nasaye yaliloboola khandi niliobukusi, 5 eng'we mwesi muli kori ngamakina malamu, mumbakhibwa okhuba inyuumba yomwoyo, obukukhani butakatifu, khulwo khurusia abisakhiro biomumwoyo, ebia Nasaye afukirira khubirira mu Yeso Kirisito6 Khulwo khuba kaandikwa mbwe, lingeera, ndi khurao elikina elio mukoona musayuni,elilobole, eliesiriibwa, ne bulimuundu omusubira khasi achia okhwambisibwa echisoni khaba.7 Bulano esiriibwa sino sili khweng'we abasubira: arali khu bala abarasubira, elikina liabombakhi bakhaya, liekhola okhuba elikina likhoongo elio mukoona.8 Khandi ni likina elio khwegumulakho okhukulu, olwanda lwokhukwisia.khulwo khuba begumulanga khulikhuwa lila, ne khasi balisuubira, khandi bagengwao khulwe sifune mbwe banyoole akene ako.9 Arali eng'we muli abaandu balobole, obukukhani bwoburuki, esialo sitakatifu, abaandu ba Nasaye; mbwe munyoole okhusalasia makhuwa makhongo kaye ,owabalanga mbwe murule musirima mani mwingire mubulafu bwaye obwokhuukisia; 10 Eng'we khasi mwali baandu mubikha biabira, arali bulano muli baandu ba Nasaye: khasi mwali mwanyoola esisa, arali bulano mwanyoola esisa.11 Abakheerwa, baboolera kori abakeni khandi ababira nibabwao, mbwe muraba nende obwekoombi bwomubiri, obukhuyananga nende mwoyo; 12Khukeenda khweng'we akari wabanasialo khukhoyere khuba nende esiriibwa: mbwe nibabakhikhirao mbwe muli abakholi bamabi, nibalingeera bikhole bieng'we bilayi banyoole okhufumia Nasaye inyaanga eyichia okhwicha.13 Murie buli likhuwa eliamubolerwa khurula khu baandu khulwo Mwami: nali Mwami, kori ula oli nende amadaara aka akulu; 14 nibali abakhoongo, kori nga bala abayaruma mbwe banyoole khuberesia abakholi bamabi omurungo nende okhufumia abakholi bamalayi. 15Khulwo Khubeera elio nilio elienya lia Nasaye, mbwe munyoole khwikalira eminwa kiobusiru ekia baandu basiru khubirira khu khukhola malayi; 16Kori ngabaandu balekhule, ne khasi bekhonyera obulekhule wabwe khulwo khukisa amabi, arali kori abakholi ba Nasaye. 17Muberesie baandu boosi esiriibwa. Mukheere abakheerwa. Murie Nasaye. Muberesie omuruki esiriibwa.18 Abakholi, murie abami beng'we nende oburi bwoosi; muraria sa bala abali balayi nende abedemberefu, arali kata nende abalulu boosi. 19 Khulwo khubeera bikhoyera birio, omuundu niyesimirisiria esibeera khulwo khwichulisia Nasaye, nasandisibwa mungeri eyirakhoyera. 20Khulwo Khubeera khuli nende ifuma sina nimukhola imbi, ne mumala mwesimirisia nimusandisibwa? Arali nimukholere amalayi nimumala munyakhana nimuberesibwa esinyasio, nibio ebikhoyera ifuma imberi wa Nasaye21 Khulwo khuba akene ako niko akamwalangirwa; Kirisito yeesi yasandisibwa khulwo khubeera eng'we, namala nabalekhera esilolero, mbwe obusenero bwaye. 22 Ye khasi yakhola imbi, kose obubacha khasi bwanyolekhana mumunwa kwaye. 23 Ngolwa yanyekwa, khasi yakalusia manyeko khaba; ngolwa yasandisibwa, khasi yarisia khaba; arali yelekhuula khu ula okhalakiranga mubwadieri.24 Ye mwene yabukula echimbi chiefwe mumubiri kwaye akulu womusaala, mbwe khube abafu mumakhuwa kechimbi, arali khube abalamu mumakhuwa kobulungifu; khandi mwaonisibwa khubirira khu makhubake kaye. 25 Khulwo Khubeera mwali mwakora kori amakoondi; arali bulano mwakalukha khu mwayi khandi omuliindi we mioyo kieng'we.
Chapter 3

1 Khandi mungeri yene eyo, eng'we bakhasi murie abasaacha beng'we; nende lichoomo mbwe nibili mbwe baliwo bala abarasubira likhuwa, banyoole khurerwa khubirira khu bikhole biabakhasi babwe, kata nibirali khulwe likhuwa lila; 2 nibalola ingeenda yeng'we indafu eye siriibwa.3 Okhwerona khweng'we, khuraba khwerona okhwerwanyi, kori khusuuka lifwiri; nende okhwerakho idakhabu, nende okhufwala abiefwalo; 4 arali khube okhwomumwoyo, okhurabonekhana, mukhwerona okhurabonekhana; kori ngomwoyo kwobwedemberefu nende bubulerefu, okuli nende obukusi bukhongo imberi wa Nasaye.5 Khulwo khuba abakhasi bakhale abatakatifu abesika Nasaye nende okhuria basaacha babwe beronanga bario. 6 Kori ngolwa Sara yaria Ibraimu, namulaanga ari, omwami; nang'we muli abaana baye, nimukhola amalayi, khandi murarisibwakho nende oburi bwosi bwosi.7Khandi eng'we basaacha mwesi, mumenye nende abakhasi beng'we mumakesi; nimuberesia mukhasi esiriibwa kori nga esilonge sidekhere; khandi kori bala abokhunyoola obulaame bwobukoosia obwobulamu alala ninang'we, mbwe amalaamo keng'we karekalirwa.8 Elikhuwa limalirikha nilio lino; mube nende elichomo elala, abokhwelalikhire abasieng'we, abokhukheerana kori nga abakheerwa, abokhwesindukha, abokhweduduya,; 9 abaandu abarakalusia elibi khu libi, kose elinyeko khu linyeko, arali abokhwanira chikhabi; khulwo khubeera ako niko akamwalangirwa mbwe munyoole obulaame bwechikhabi.10 Khulwo khubeera ula okheera obulamu nende okhubona chinyaanga chindayi, yekalire olulimi lwaye khulomaloma amabi, ne omunwa kwaye kuraboola obubacha. 11 Alekhe amabi mani akhole malayi; akoonye muleembe, khandi alondane ninakwo. 12 Khulwo khuba echimoni chio Mwami chilingerenga abalungifu, khandi amarwi kaye karekersianga amalaamo kabwe; arali obweni bwo Mwami buli akulu wabakholi bamabi.13 Niwina ochia okhubakholera mabi nimuba nende esinani esio khukhola malayi? 14 Arali kata nimusandisibwa khulwo khukhola malayi, muli nende chikhabi. Muraria okhurisia khwabwe, kose murakanakana.15 Arali mure Mwami mumioyo kieng'we: Mube abarekekhe chinyaanga chiosi okhukalusia buli muundu obareeba khulondana nende elisuubira liri mukari mweng'we, mubwedemberefu nende buri: 16 mube nende amapaaro malayi; mbwe kata nibabalomalomakho amabi, bala abanyekanga okhuchiririra khweng'we khulayi mukirisito banyoole okhwambisibwa chisoni. 17 Khulwo khuba ni bilayi khusandisibwa khulwo khukhola malayi, nibili mbwe nilio elienya lia Nasaye, khukhira okhukhola amabi.18 Khulwo Khubeera Kirisito yesi yasandisibwa lulala khulwe chimbi, owobulungifu khulwa bala abarali balungifu, mbwe anyoole khururera khu Nasaye; omubiri kwaye kwerwa, ne omwoyo kwaye nakwo kwalamusibwa: 19okwayachirakho khuyalira emioyo kiali nikiaboywa musiboye; 20abaandu abararia ebikha biokhwesimirisia khwa Nasaye khwali nikhusiri khulindire echinyaanga chia Noa, ngolwa isafina yali niyoombakhwa; eya Nasaye yaonisiriamo abaandu badiidi, emioyo munane nikio ekiaonisibwa khurula mumaachi.21 Esilolero siamakhuwa ako nobubatisibwi, obubaonianga kata bulano, (khasi ni khulwo khwosibwa omubiri khaba, arali ni likalusio elia mapaaro malayi khu Nasaye,) khubirira okhulamusibwa khwa Yeso Kirisito: 22 owachia mwikulu, niyekhala mukhono mulungi kwa Nasaye; ne malayika nende obunyala nende amaani bagengwa asi waye.
Chapter 4

1Bulano khulwo khubeera Kirisito yasandisibwa mumubiri kwaye, eng'we mwesi mwefwale ebilwaniro mulichomo liene elio; khulwo khuba ula owasandisibwa mumubiri yalekhana nende chimbi; 2 khukario omuundu oyo khasi akhoyere okhuchiririra khumenya mubwekombi bwa baandu, mubikha biaye ebio khumenya musialo muno, arali akhoyere khumenya mulienya lia Nasaye.3 Khulwo khuba ebikha biefwe ebiabira biayera okhukhola elienya liabanasialo; okhuchiira mubukarangaranu, nende obwekombi, nende obumeesi, nende ebiserero ebio kuliira, nende ebiindu biokhumeesia, nende imiisa yebifwanani eyirafukirirwa; 4 amakhuwa kababonanga mbwe kaukisia nimurachira alala ninabo mubukarangaranu obubula esikero, khandi nibabalomalomakho amabi. 5 Khandi bachia khurusia bubali khu ula oli mwerekekhe okhukhalakira abaandu balamu nende abafu. 6Khulwo Khubeera abafu bosi bayalirwa ifanjili khulwe sifune siene esio, mbwe bakhalakirwe mumubiri kori ngabaandu bakhalakirwanga; arali babe abalamu kori nga Nasaye ali mulamu.7 Arali obumalirikhi bwamakhuwa koosi busudire ambi; khulwako, mube nende amakesi, mube meeso mumalaamo. 8 Mube nende esinani esio khukherana khukhirakho ebiindu bioosi; khulwo khubeera okhukherana khufunikhaanga obungi bwechimbi. 9 Mwingisanie eng'we bene khu bene, mukhurekanyirisia.10 Buli muundu akhalabanire owasie khulondana nende kori nga yanyoola esianwa; kori nga abakholi bobukoosia bwa Nasaye bukabukhane. 11 Omundu nalomaloma, lekha alomalome amakhuwa ka Nasaye; omuundu nakhola mirimo lekha akhole nende amaani ka Nasaye amubereesie; mbwe Nasaye anyoole khufumisibwa mumakhuwa kosi khubirira mu Yeso Kirisito. Oluyaali nende obunyala buli ninaye chinyanga chiosi. Amina.12 Abakheerwa, murabona amateemo komuliro akabecheere okhubateema okhuba kori nga elikhuwa likeni, obeera ori elikhuwa libekholekhanire nelikeni: 13Arali musangale, kori ngolwa mwambana mukhusaanda khwa Kirisito, mbwe munyoole okhusangaala mubufunuli bwaye obwoluyaali. 14Muli nende chikhabi nimukholerwa amabi khulwe liira lia Kirisito; khulwo khuba Roho wa Nasaye khandi owoluyaali ali akulu weng'we.15 Arali omuundu weng'we yeesi arasandisibwa kori ngomwiri, kose kori ngomwibi, kose kori ngomukholi wa mabi, kose kori ngomuundu owingiriranga amakhuwa ka baandu bandi. 16Ne omuundu nasandisibwa khubeera mbwe ni mukirisito, arabona echisoni khaba; arali afumie Nasaye khulwa kene ako.17 Khulwo Khubeera ebikha biolere ebio bukhalaki bukhoyere okhuchakira munyumba ya Nasaye: ne nbili mbwe buchaaka ninafwe, obumalirikhi bwa bala abarasubira ifanjili ya Nasaye buchia khuba burie? 18 Khandi nibili mbwe nibidinyu khu balungifu khuonisibwa, ne bala abaralimo obunasaye alala nende abakholi bechimbi bachia khuba barie? 19 Khulwako lekha bala abasandisibwa khulondana nende elienya lia Nasaye, bamuberesie emioyo kiabwe mukhukhola malayi, kori ngabakholera omulongi wabwe.
Chapter 5

1 Esie oli omukofu khandi omuloli wa manyakhano ka Kiristo khandi omwambani woluyaali oluchia khufunulwa, saba abakofu abali akari weng'we mbwe: 2 mwaye amakoondi ka Nasaye akali akari weng'we, nimukhola emirimo kio khwimirira, ne khasi nimukhuyikwa khaba, arali mukhufukirira; khandi khasi ni khulwo khunyoola amapesa kechisoni, arali ni khulwa mapaaro marekekhe. 3Murekhola kori bala abekholanga abaami mumadaala kabwe, arali mube ebilolero khu makoondi. 4Ne omwayi mukhongo nachia khubonekhana, muchia khunyoola esianwa sioluyali esiralibwayo.5 Khandi eng'we baraaga mwesi murie abakofu, muwefwale okhweduduya, mani munyoole khwekholera mirimo abene khu bene; khulwo khubeera Nasaye yekaliranga abaandu beyisunga, arali aberesianga bukoosia abaandu bokhweduduya. 6Khulwako mweyikhie asi womukhono kwa Nasaye okwa maani mbwe anyoole okhubakingula mubikha biaye; 7 nang'we nimumuberesia ameenya keng'we koosi, khulwo khubeera ye akhalabaniranga makhuwa keng'we koosi.8 Mube nende esikero, khandi mube meeso; khulwo khuba Sietani obasitakanga, akendanga nabodokhana nakoonya omuundu wokhumira. 9Eng'we nang'we mumukhaye, mube nende amaani mubusubiri, nimumanyirisia mbwe abakheerwa basieng'we abali musialo bosi bali khubirira mumanyakhano kori ako.10 Arali Nasaye wobukoosi bwoosi, owabalanga mbwe mwingire muluyaali olwe chinyaanga chioosi mukirisito, omwene achia khubosirisia, nende okhubafukirira, nende okhubaberesia amaani, nimwakhamala khusandisibwa khulwe bikha bidiidi. 11 Obunyala buli ninanaye obumeri nende bumeri. Amina.12 Khubirira khu mukhono kwa Silwano, omusiani wefwe mwesikwa khulondana nende kori ngamubona, esie baandikire mubwimbikiri, okhubakeraka nende khubarusiria obuloli mbwe buno nibwo bukoosia obwobwadieri. Mweme sirungi mubwene obwo. 13 Elikanisa eliri Babeli, elialobolwa alala ninang'we libakhesia, alala nende Mariko omusiani wange. 14Mukhesanie mungeri yo khuchunjunana khwo bukheeri. Omuleembe kube ninang'we mwesi abali mukirisito. Kabe kario.

1 John

Chapter 1

1Silia esialiwo okhurula mukhuchaaka, esiakhwabulira, esiakhwabona nende echimoni chiefwe, esiakhwesubira, nende esia amakhono kefwe kadirakho, khulondana nende elikhuwa liobulamu. 2Obulamu bwefunula, ne khwabulola khandi khuli nende obuloli, ne khubaboolera engwe obulamu bulia oburalibwayo obwali nende Sefwe, mani nibufunulwa khwefwe.3Elio elia khwalola nende khulibulira, khwabayalira eng'we mwesi, mbwe eng'we mwesi munyoole okhusangirana ninafwe: obusangirani bwefwe nibulala nende Sefwe, nende Omwana waye Yeso Kirisito. 4Ndi khubandkira khulondana nende amakhuwa kano mbwe munyoole khufukirira mbwe nikobwadieri, mani obusangaali bwefwe bulirire.5Ne kano niko amakeni akakhwabulira khuye, nikhukayaala khweng'we, mbwe Nasaye nobulafu, kata esirima siosi khasi silikho mukari mwaye. 6Nikhuboola mbwe khusangirananga ninaye ne khandi khuchiririra musirima, khuba khuboola obubacha, khandi khasi khuba khukhola obwadieri. 7Arali nikhukendera mubulafu, ngolwa ye ali mubulafu,khuba khusangirana efwe abene khu bene, ne amabaanga ka Yeso, omwana waye, karwosia chimbi chioosi.8Nikhuboola mbwe khasi khuli nende echimbi khuba khwebacha abene, khandi obwadieri khasi burulimo. 9Nikhwekanira echimbi chiefwe, ye nimwesikwa nende owobwadieri owokhurulekhera echimbi chiefwe, nende khurwosia khurula mububi bwoosi. 10Ne nikhuboola mbwe khasi khwakhola echimbi, khumukhola ye okhuba omubacha, ne elikhuwa liaye khasi lirulimo khaba.

Chapter 2

1Abaana bange badiidi mbandikira kano mbwe murakhola echiimbi. ne omuundu nakhola imbi khuli nende orusabiranga khu sefwe, Ye Kirisito oli omukololofu. 2Ne omwambani khu chiimbi chiefwe, ne khasi khu chiimbi chiefwe sa, arali nende khu chiimbi chiesialo sioosi. 3Okhubirira muliene lino khumanyire mbwe khumumanya ye, nikhuba ni khudiira amalako kaye.4Oyo abolanga mbu mumanyire, nekhasi adira malako kaye nimubacha, ni obwadieri bubula mukari mwaye. 5naye adira likhuwa liye, obuheri bwa nasaye bulirire makari mwaye mubwadieri, 6khubiliramurino omanyire mbu khuli mukari mwaye,7 Abakheerwa khasi mbandikira elilako liyakha arali elilako lia khale elimwali nalio okhurula mukhuchaaka. Ne elilako lia khale elio nilio elikhuwa lia mwabulira. 8Khandi bandikira elilako liyakha, elikhuwa eliobwadieri mukari mwaye nende mukari mweng'we, khulwokhuba esiirima sirulireo nabwo obulafu bwobwadieri bumalire okhwadukha.9Oyo oboola mbwe ali mubulafu, ne yasiula omwana wabwe, ali musiirima okhuula ebikha bino. 10Oyo okheera omwana wabwe yamenya mubulafu ne abula esiegumulo mukari mwaye. 11Naye owamusiula omwana wabwe, ali musiirima khandi akendanga musiirima, ne akorerwe owachia, khulwa khubeera esiirima siamwofusia chimoni.12Mbandikira eng'we, abaana badiidi khulwa khubeera mwalekherwa echiimbi chieng'we khulwa eliira liaye. 13Mbandikira eng'we basaacha, khulwokhuba mumumanyire ula owaliwo khurula mukhuchaaka, Mbandikira eng'we ababuukha, khulwokhuba mwakhira owobwoni ula. Mbandikira eng'we abaana badiidi khulwokhuba mwamanya sefwe. 14mbandikira eng'we basaacha khulwokhuba mwamumanya ula owaliiwo khurula mukhuchaaka. Mbandikira eng'we babuukha khulwokhuba muli nende amaani ne elikhuwa lia Nasaye liamenya mukari mweng'we, ne mwakhira omwoni ula15Murakheera esialo, kose amakhuwa akali musialo. Omuundu yeesi nakheera esialo, obukheeri bwa Sefwe khasi buli mukari mwaye. 16khubeera buli esili musialo, nobwekoombi bwomubiri, nende obwekoombi bwechimoni, nende esileka siobulamu, khasi birulana khu Sefwe arali birulana khusialo. 17Ne esialo sibira, alala nende obwekoombi bwasio, arali oyo okhola ameenya ka Nasaye amenya kata obumeri.18Abaana, nibikha bio bumalirikhi; ne ngolwa mwabulira mbwe omukhayi wa Kirisito yeecha, kata bulano abakhayi ba Kirisito abangi bamala okhubao; khulwo khubeera eliene elio khwamanya mbwe nibikha biobumalirikhi. 19Barula khwefwe arali khasi bali abefwe, khubeera baba mbwe bali abefwe, bakhekhale alala ninafwe. Arali barurulakho mbwe bafunulibwe mbwe khasi barula khwefwe.20Nang'we mwabakhwa amafura nende oyo oli omutakatifu, khandi mwamanya mweesi. 21Khasi ndabandiikira eng'we khubeera mbwe khasi mumanyire obwadieri, arali mbwekhubeera mubumanyire, khandi mbwe bubulao obubacha bwosi bwosi oburula mubwadieri.22Niwina oli mubacha arali oyo okaana mbwe Yeso ni Kirisito? Oyo niye omukhayi wa Krisito, oyo omwekaana Sefwe nende Omwana. 23Buli omwekaana Omwana, khasi ali nende Samwana; omufukirira Omwana ali nende Samwana yeesi.24Bulano engwe, elio elia mwabulira khurula mukhuchaaka likhaale mukari mweng'we. Nibili mbwe elio eliamwabulira khurula mukhuchaaka likhaale mukari mweng'we, eng'we mweesi munekhaala mukari mwo Mwana, nende mukari mwa Samwana. 25Ne sino nisio esilakwa esiayarulaka, nibwo obulamu, oburalibwayo. 26Bandikira kano khulondana nende amakeni akabaandu bala abeenya okhubakosia.27Arali amafura akamwanyoola khuniye kali mukari mweng'we, ne khasi muli nende elienya liomuundu yeesi khubekesia; arali kori ngamafura kaye kabekesia amakhuwa koosi, khandi nibwadieri oburali bubacha, khandi kori ngolwa kabekesia, ikhale mwako. 28Ne bulano, abaana badiidi, mwikhale mukari mwaye, mbwe, olwa achia okhufunulibwa, mube nende ichuoni, oburaba nende echisoni imberi waye mukhwicha khwaye. 29Abaana ba Nasaye nimumanya mbwe oyo ni wobulungifu, mumanye mbwe buli okhola obulungifu yebulwa ninaye.
Chapter 3

1Lingera, nibukheeri sina obwa sefwe yaruberesia, mbwe khulangwe abana ba Nasaye:khu kario esialo siarukorwa okhubeera sisiamumanya. 2Abakheewrwa bulano khuli abana ba Nasaye, ne sibilolekha esiakhucha okhuba: arali khumanyire mbwe olwacha ololekha khuchioba nga niye okhuba khucha omulola nga olwali. 3Ni buli muundu oli nende linayo lino muniye yelabia omwene nga ye olwali omulafu.4Buli okhola imbi, akhola obukhayukhi; khulwa khubeera imbi nobukhayi. 5Nang'we mumanyire mbwe ye yalolesibwa, mbwe arusieo echimbi. Ne echimbi khasi chili mukari mwaye. 6Buli owikhala mukari mwaye khasi achiririra okhukhola imbi; buli okhola imbi khasi yamulola ye. Kata khasi yamumanya khaba.7Abaana badidi omuundu arababacha, okhola obulungifu ali nende obulungifu, ngolwa ye ali nende obulungifu; 8okhola imbi ni wasietani; khulwo khuba sietani akholaanga imbi khurula mukhuchaaka; khulwe liene lino, omwana wa Nasaye yalolesibwa mbwe afunake emirimo kia sietani.9Buli muundu owebulwa nende Nasaye khasi achiririranga okhola imbi, khulwo khubeera olwibulo lwaye lwekhala mukari mwaye; khukario khasi anyala okhukhola imbi khulwo khubeera yebulwa khurulana nende Nasaye. 10Mulino abaana ba Nasaye bamanyikhana, khandi abaana ba sietani boosi bamanyikhana. Omuundu yesi yeesi orakhola obulungikhi khasi arulana nende Nasaye, kata ula oramukheera omusiani wabwe.11Mukherane eng'we khweng'we khubeera kano niko amakeni akamwabulira khurula mukhuchaaka, mbwe khukherane efwe khu efwe; 12Khuraba kori kori nga Kaini owali owa mabi, namwira omusiani wabwe. Naye yamwira khulwa sina? khulwo khubeera ebikhole biaye biali ebibi, ne ebio musiani wabwe biali ebilungifu.13Abaana befwe, murauka, esialo nisibasiula. 14Efwe khumanyire mbwe khwabira khurula muliifwa nikhwingira mubulamu, khulwo khuba khwabakheera abasiani befwe. Oyo orakheera, yekhala muliifwa. 15Buli omusiula omusiani wabwe nomwiri: Neng'we mumanyire mbwe buli omwiri abula obulamu bwo bumeri obwekhala mukari mwaye.16Mulino khumanyirisia obukheeri, khulwo khubeera ye yarusia obulamu bwaye khulwefwe; karukhoyera efwe fweesi okhurusia obulamu bwefwe khulwa basiani befwe abo.17Arali omuundu nali nende ebiindu biesialo, namala amubona omusiani wabwe nali mulienya, nakhaya okhumubonera esisa, obukheeri bwa Nasaye bwekhala burie mukari mwaye? 18Abaana badiidi, khurakheera mumakhuwa kose khululimi, arali mubikhole nende obwadieri.19Mulino khumanyirisie mbwe khuli abobwadieri, ne efwe khuchia okhusirisia emioyo kiefwe imberi waye, 20nibili mbwe emioyo kiefwe kirukhalakira esiina; Nasaye nomukhoongo okhukhira emioyo kiefwe, ne amanyire ebiindu bioosi.21Abakheerwa, emioyo kiefwe nikirarukhalakira esiina, khuli nende ichuoni khu Nasaye; 22Liosi liosi elia khusaba, khulinyoola khu yie, khulwo khuba khwadiira ebilagiro biaye, nende khukhola akakheresia mumoni chiaye.23Ne sino nisio esilagiro siaye, mbwe khusubire eliira lio Mwana waye Yeso Kirisito, nende okhukheerana efwe abene khu bene, ngolwa yaruba esilagiro. 24Naye obidiira ebilagiro biaye yekhala mukari mwaye naye mukari mwaye. Ne mulino khumanyire mbwe ali mukari mwefwe, khu Roho oyo owa yaruba.

Chapter 4

1Abakheerwa, murasubira buli iroho, arali muteeme echiroho echio, nibili mbwe chirulana nende Nasaye; khulwo khubeera abanabii bobubacha abangi barulireo musialo. 2Khulino mwamumanya Roho wa Nasaye, buli roho afukirira mbwe Yeso Kirisito yeecha mumubiri arulana nende Nasaye. Naye buli roho arafukirira Yeso khasi arulana nende Nasaye. 3Ne uno niye roho owomukhayi wa Kirisito owamwabulira mbwe yeecha; Ne bulano amalire okhuba musialo.4Eng'we, abaana badiidi, murulana khu Nasaye, nang'we mwamukhira, khulwo khubeera oyo oli mukari mweng'we nomukhoongo okhukhira oyo oli musialo. 5Abo nibesialo; khulwesio balomaloma akesialo, ne esialo sibabulira.6Efwe khurulana nende Nasaye. Oyo omumanyire Nasaye arubulira; Oyo orarulana nende Nasaye khasi arubulira. Mulino khumanyire Roho wobwadieri nende roho wobukori.7 Abakheerwa, khukherane abene khu bene, khulwo khuba Nasaye nobukheeri, ne buli mulala okheera nomwibulwe wa Nasaye, ne amumanyire Nasaye. khulwa khubeera obukheeri burula khu Nasaye, ne buli okheera yebulwa nende Nasaye. 8Oyo orakheera khasi amanyire Nasaye, khulwo khubeera Nasaye nobukheeri.9Mubukheeri bwa Nasaye buno obwabonekhana khwefwe, mbwe Nasaye yamuruma Omwana waye mudeerwa musialo mbwe khunyoole okhumenya muniye . 10Buno nibwo obukheeri, khasi bili mbwe efwe khwakheera Nasaye, arali mbwe yie yarukheera efwe, namuruma Omwana waye okhuba omwambaani wechimbi chiefwe.11Abakheerwa nibili mbwe Nasaye yarukheera, efwe fwesi khukhoyere khukherane abene khu bene. 12Abulao omuundu owabona Nasaye ebikha bioosi. Nikhukheerana, Nasaye yekhala mukari mwefwe, ne obukheeri bwaye bulirira mukari mwefwe. 13Mulino khumanyirisie mbwe khumenyere mukari mwaye, naye mukari mwefwe khulwo khubeera yaruberesia Roho waye. 14Ne efwe khubwene khande khurusia obuloli mbwe Sefwe yamuruma Omwana okhuba omuonia wesialo.15Buli ofukirira mbwe Yeso nomwana wa Nasaye, Nasaye amenya mukari mwaye, naye mukari mwa Nasaye. 16Nafwe khumanyirisia obukheeri bwa Nasaye ali ninabwo khwefwe, nende okhubusubira. Nasaye nobukheeri, naye omenya mubukheeri, amenya mukari mwa Nasaye naye Nasaye amenya mukari mwaye.17 Khulwesio mubukheeri buno bwoserisibwa khwefwe, mbwe khube nende ichuoni muinyaanga yobukhalaki; khulwo khuba, ngaolwa yie ali, nilwo olwa efwe fwesi khuli musialo muno. 18Mubukheeri oburi bubulamo; khulwa khuba obukheri obwolerefu burusianga erwanyi oburi, khulwo khubeera oburi buli nende ebiima bilayi; naye oli nende oburi siyoleresibwa mubukheeri.19Efwe khwamukheera khulwo khubeera yie yarangira orukheera efwe. 20Omuundu naboola mbwe ndamukheera Nasaye, ne yamusiula omusiani wabwe, nomubaacha; khulwo khubeera oramukheera omusiani wabwe owa yie alola, khasi anyala omukheera Nasaye owaralola. 21Ne esilagiro sino khwaberesibwa ninaye, mbwe oyo omukheera Nasaye, amukheere nende omusiani wabwe.
Chapter 5

1Buli muundu osubira mbwe Yeso ni Kirisito yebulwa nende Nasaye ne buli muundu okheera, yakheera nende ula owayebulwa yeesi. 2Mulino khumanyire mbwe khwabakheera abaana ba Nasaye, nikhumukeera Nasaye, nende okhudira ebilagiro biaye. 3Khulwo khuba khuno nikhwo okhumukheera Nasaye, mbwe khudiire ebilagiro biaye; ne ebilagiro biaye khasi nibisiro.4Khulwo khuba buli sindu esiebulwa nende Nasaye sikhiranga esialo; ne khuno nikhwo okhukhira okhukhiranga esialo, obusuuburi bwefwe obwo. 5Okhira esialo niwina, narali ula owasuubira mbwe Yeso nomwana wa Nasaye?6Uno niye owecha khu maachi nende amabaanga, Yeso Kirisito; sinimumaachi sa, arali mumaachi nende mumabaanga. Naye Roho niye ololeranga, Khulwa khuba Roho niye obwadieri. 7Khulwa khuba baliwo badaru abloleranga mwikulu, Samwana, nende Likhuwa, nende Roho mulafu, ne badaru bano ni bulala. 8Khandi baliwo badaru abaloleranga khusialo, Roho, nende amaachi, nende amabaanga, ne badaru bano bafukirisanianga mulikhwa elala.9 Nikhunyoola obuloli bwa abaandu, obuloli bwa Nasaye nobukhoongo lukali; khulwo khubeera obuloli bwa Nasaye nibwo buno, oburisia obuloli khu Mwana waye. 10 Ula osuubira Omwana wa Nasaye ali nende obuloli bwomukari mwaye. Orusubira Nasaye amukholere okhuba omubacha, khulwo khuba khasi yasubira obuloli bwa Nasaye yarusiria Omwana waye.11Ne buno nibwo obuloli, mbwe Nasaye yaruberesia obulamu bwobumeri; ne obulamu buno buli mumwana kwaye. 12Ula oli nende omwana, ali nende obulamu obwo; naye orali nende Omwana wa Nasaye abula obulamu obwo.13Baandikire amakhuwa ako, mbwe mumanye mbwe muli nende obulamu bwobumeri, eng'we abasuubira eliira liomwana wa Nasaye. 14Ne ino niyo ichuoni eyakhuli ninayo khuniye, mbwe nikhusaba esiindu khulondana nende okhwenya khwaye, arubuliranga. 15Ne nikhumanyire mbwe arubuliranga, esiakhusaba siosi, khumanyire mbwe khuli nende biosi ebiakhumusaba.16Omuundu yeesi nabona omusiani wabwe nakhola imbi eyirali eyeliifiwa, anasaba, ne Nasaye anamuba obulamu khulwa bala abakholanga imbi eyirali eyelifwa. Iliwo imbi yelifwa. Khasi mboola mbwe anasaba khulwe yene eyo. 17 Buli liosi elirali oliobulungifu niimbi, ne iliwo imbi eyirali eyelifwa.18Khumanyire mbwe buli omuundu owebulwa nende Nasaye khasi akholanga imbi, arali ula owebulwa nende Nasaye yelindaanga, ne omubi ula khasi amudirangakho. 19Khumanyire mbwe efwe khuli aba Nasaye; ne esialo siosi siamenya mumubi ula.20Nafwe khumanyire mbwe omwana wa Nasaye yamala khwicha, naye yaruberesia okhumanyirisia mbwe khumumanye ula owobwadieri, mukari mwomwana waye Yeso Kirisito. Uno niye Nasaye owobwadieri, nende obulamu bwobumeri. 21Abana badiidi, mwelinde nende ebifwanani. Amina.

2 John

Chapter 1

1Omukhulundu khu mukhaye mulobole nende abaana baye,bandiikira mubwadieri khandi khasi nesie sieng'ene, arali alala nende balia boosi abamanya obwodieri. 2Khulwobwadieri obuli mukari mwefwe khandi buchia okhuba ninafwe oburalibwayo. 3Obukosia bube nang'we, esisa nende omuleembe, khurula khu Nasaye Sefwe nende Omwami Yeso Krisito omwana wa Sefwe mubwadieri nende obukheeri.4Ndasangala lukali olwandabulira mbwe abaana bao bakeendanga mubwadieri , Ngaolwa khwanyoola ebilagiro khurula khu Sefwe.5Khu kario khusaba,omukhaye sibili mbwe khwandikire esilagiro siyaakha, arali silia esialiwo okhurula mukhuchaaka mbwe abene khu beene khuheraneenge,6Ne buno nibwo obukheeri, mbwe khukendeerenge mubilagiro biaye. Ne sino nisio esilagiro, mbwe kori ngolwamwabulira okhurula mukhuchaaka, mbwe mukhoyere mukendeenge murio.7Khulwo khubeera ababacha baangi bengira musialo abarafukiriranga mbwe Yeso Kirisito yeecha mumubiri.8Mwelinde engwe abeene, mureecha mwakosia ebiindu bila ebia mwareresia, arali munyoole omuruungo mubwichufu.9Oyo owonoona ne khandi khasi amenya mumekesio ka Kiristo, khasi ali nende Nasaye khaba. Naye oyo omenya mumekesio ka Kiristo ali nende Sefwe nende Omwana. 10 Omuundu yesi yeesi niyeecha mweng'we, ni khasi abarerera amekesio kano, muramwingisia munyuumba chieng'we, kata muramukhesia. 11Khulwo khubeera oyo omukhesia akabananga ninaye ebikhole biaye bibii.12Khulwo khuba ndi nende ebiindu biingi ebia khubandiikira, arali khasi ndakha khubiandika khulikaratasi nende obwino; Katakario, suubira khwicha owamuli , mbalomalomere nimundola, obusangaali bweng'we bunyoole khwichula.

3 John

Chapter 1

1Omukofu khu omukheerwa Gayasi owandakheera mubwadieri. 2Omukheerwa, akulu webiindu bioosi khwenyera okhuyindiyala mani khandi obe omulamu kori ngolwa omwoyo kwo khuyindiyala. 3Ndasangala muno nga olwabakheerwa beecha nibarusia obuloli khulondana nenda obwadieri buli mwewe, kata ngokenda mubwadieri. 4Mbulakho busangafu bundi okhirakho nga khubulira mbwe abaana bange bakeenda mubwadieri.5Abakheerwa mukholenge mubwesikwa khu bakheerwa basieng'we nende khubakeni. 6Ababoola obuloli bwa bikhole bieng'we bilayi imberi we likanisa nimubasebula muingira yabwe eiri mubunasaye muchia okhukhola ebilayi, 7Khubeera lira liaye bachia imberi, oburabukula esiindu siosi esiabanasialo. 8Khulwa ako kenyekha khunyoole khurio, khukhumale khube abakholi basiabwe mubwadieri.9Ndandiikira likanisa arali Dioturefesi owakheera okhwekingula akari weng'we, sarwingisianga khaba. 10Arali ninjicha ndakhechulisie ebikhole ebiakholanga, khururechangakho amakhuwa mabi, ne kata kario khasi yolereranga dawe, kata khasi anyalanga okhwingisia bakheerwa nabakaira balia abakhoonywa, namala aberusia mukanisa.11Abakheerwa muralondanga siria esiri simaanu arali silayi. Ni ulia okholanga amalayi niwa Nasaye, naye ulia okholanga mabi asiri okhulola Nasaye. 12Demitiriasi yanyoola obuloli bulayi khurula khu baandu boosi nende obwadieri bwene. Ne mumanyire mbwe obuloli bwefwe nobwadieri.13Ndali nende maangi akokhwandiika, arali sindandiika nende obwiino nende ikalamu dawe. 14Arali ndi nende busuubiri mbwe njia Khubabona aambi ano mani khuchia khulomaloma nikhulolana. 15Omulembe kube nang'we. Abeecha befwe babakheesia, mukheesia becha befwe khumeera.

Revelation

Chapter 1

1Buno nobwo obufwimbuli bwa Yeso Kirisito, obwa Nasaye yamuba, okhwekesia abakholi baye amakhuwa akachia khurulirao oburachweya. Yakakhola kamanyikhane khulwo khumuruma malaika waye khumukholi waye Yokhana. 2Yokhana yarusia obuloli bwa buli siindu esiayabona khulondana nende elikhuwa lia Nasaye, nende khu buloli bwarusibwa khulondana nende Yeso Kirisito, 3noweyikhabi oyo osoma muidoboosi, nende bala boosi ababulira amakhuwa ko bunabii buno nende okhuria esiandiikwamo, khulwo khuba ebikha bisudire ambi.4Yokhana, khu makanisa saba akali mu Asia: Obukoosia bube khweng'we nende omuleembe khurula khuye oliwo, owaliiwo, nende ochia okhwiicha, nende okhurula khu Rokho saba echili imberi we sisala siaye sio buruki, 5nende okhurula khu Yeso Kirisito oli omuloli omwesikwa, omwibulwa waamberi owabafwa, nende omuruki wa baami bo khusialo sino. Khu oyo owarukheera ne narukhola abalekhule okhurula mu chimbi chiefwe khu mabaanga kaye, 6arukholere okhuba obwami, abakukhani ba Nasaye oli Samwana - Khuye lube oluyaali nende amaani obumeri. Amina.7Lingeera, yeecha nende maleesi; buli imoni ichia omubona, alala nende boosi abamufumira. Ne echimbia chioosi echio musialo chichia obeerera khuyie. Amina. 8Esie ndi Alufa nende Omega;Owamberi khaandi Omalirikha," aboola Omwami Nasaye, Oliwo, nende owaliwo, nende owiicha, owa amaani."9Esie, Yokhana,omusiani weng'we nende mulala osangirana alala nang'we mumanyakhano nende obwami nende obwesimirisi bujiing'u obuli mu Yeso; ndali khusikiinga silangwa mbwe Patimo khulwa elikhuwa lia Nasaye nende obuloli bwaYeso kirisito.10Ndali murokho inyaanga ya Omwami. Ndabulira inyuma wange idoboosi yaakulu kori eya iturumbeta, 11niyiboola iri " yandiika musitabo akooli khubona, ne okarume khu makanisa saba, Akali Asia ;Ebwefeso,khu Simana, khu Perigamo, khu Tiatira, khu Saridi, khu Filedelufia, nende Laodikia. "12Ningalukhana okhubona mbwe idoboosi ya wina owali nalomalomaanga nange, ne olwandakalukhana ndabona esichibi esia idakhabu esia chitaara saba. 13Akari wesichibi esia chitaara yalimo mulala kori Omwana wo muundu, niyefwalire ikaanju indaambi eyoola asi wa makulu kaye, nende olukhoba olwa idakhabu khubodokhana esirifu siaye.14Omurwe kwaye nende elifwiri liaye biali ebilafu kori ipamba indafu, nga elinaangoong'o, ne echimoni chiaye chiali kori nga echinjeserie chio muliro. 15Amakulu kaye kali kori omugasa okwaruudwa lukali, kori omugasa kula okwamala okhubisibwa mumuliro, ne idoboosi yaye yali kori idoboosi eya maachi maangi akakhulukusia lukali. Yali nadiriire ching'ining'ini saba ,16 mumukhono kwaye omusaacha khwali nende ching'ning'ni saba,Ne khurula mumunwa kwaye,lwarulamo olugaanga olwokiywa khabiri, obweni bwaye bwali nibukhosia kori obulafu bululu obwe liuba.17Ngolwa ndamulola, ndakwa mumakulu kaye kori omuundu ofwiire. Nara omukhono kwaye muluungi akulu wange naboola ari, " oraria! Esie ndi owamberi khaandi omalirikha, 18khaandi ooli mulamu, ndali ndafwa, araali lingeera, ndi mulamu obumeri! ne ndi nende chifunguo echieliifwa nende magoombe.19Khulwesio, yandiika akomalire khubonana, nende akaliwo, nende akachia khurulirao lunyuma.20Akekisa khulondana nende chining'ing'inii saba echia wabona mumukhono kwange musaacha, nende ebichibi saba ebia idakhabu; ching'ining'inii saba nibo abamalaika ba makanisa kala saba, ne ebichibi bie chitaara saba ni kala amakanisa saba."
Chapter 2

1Khu malaika be likanisa elia Ebuefeso yandiika: Kano namakhuwa ka ula owadiira ching'ining'ini saba chila echili mumukhono kwaye musaacha. Oyo okendaanga akari we bichibi bie idakhabu ebie chitaara saba aboola ari, 2" Manyire ebikhole nende okhwedinya khwao khwe mirimo nende obwesimirisi bwao bujiingu, ne khaandi mbwe khasi onyala okhukholegana nende abo abamabi, ne wabateema boosi abelanganga okhuba abarume nikhane sinibo, balolekhane okhuba ababacha.3Manyire mbwe oli nende obwedemberefu nende obwesimirifu, ne wabirira mumaangi khulwe liira liange, ne osiajoong'a khaba. 4Araali lino nilio eliandi nalio khwewe, walekha obukheeri bwao bwamberi. 5Khulwesio ichulisia owawakwiira, wekanire nende okhola ebikhole ebiawakhola okhurula mukhuchaaka. Norekanira ndeecha khwewe nende orusiao esichibi siao okhurula abuundu wasio.6Araali ewe oli nende lino, wasiuula kala akabanikolai bakhola ne kata esie ndakasiuula. 7Nikali mbwe oli nende okhurwi, bulira kala aka Rokho aboolera makanisa. Ne khu uula okhira ndamuba obufukirirwi obwo khulia khurula khu musaala okwo bulamu okuli muparadiso ya Nasaye:8 " Khu malayika we likanisa lia Simirina yandiika: kano niko aka uula oli owamberi khaandi omalirikha aboola, owafwa khaandi yalamukha. 9 Mmanyire amanyakhano kao nende obumanani bwao ( araali ewe oli muyiinda).Ne amanyeko aka abo ababoolanga mbwe nabayaudi, araali sinibo, ni isinagogi ya sietani).10Oraria amanyakhano akachia okhunyoola. Lingeera! Sietani adakha okhusukuna abaandi khweng'we mumboye mbwe munyoole oteemibwa, muchia osaanda khu chinyaanga ekhumi. Mube abesikwa okhuula khufwa, ne njia obaberesia isiimbi yo bulamu. 11Nikali mbwe oli nende okhurwi, bulira aka Rokho aboleera makanisa. Oyo okhira khasi achia khunyoola obudinyu bweliifwa lia khabiri.12" Khu malayika we likanisa lia Perigamu yandiika: Kano niko akaboola oyo oli nende olugaanga , lwokiywa khabiri, 13" manyire abuundu wa wamenya, abuundu we sisaala sio buruki bwa sietani sili. Kata kario ewe wadiira lukali eliira liange ne siwekana obusuubiri bwao obuli khwesie, kata chiinyaanga chila echia Antipasi omuloli wange, omwesikwa wange, oweerwa mweng'we, awo niwo owa sietani yamenya.14Araali ndi nende amakhuwa madidi khwewe: Oli eyo nende abaandu badiira mubudinyirifu ameekesio ka Balamu, oyo owekesia Balaki okhura ebisikirasio imberi wa Isiraili, mbwe balie ebiakhulia ebirusibwe kori ebisakhiro khu ebifwanani mani bakhole obuirani. 15Mumbeera eyo sa, kata ewe oli nende abaandi khwabo abadiira mubudinyirifu amekesio ka Banikolai.16Kario wekanire! Ne norakhola orio, njicha lwangu, ne njia okhola eliye khunibo khu lugaanga lurula mumunwa kwange. 17ula nende okhurwi, abulire ak Rokho abolera makanisa. Oyo okhira, njia khumuba maana ilia eyakiswa, khaandi ndamuba elikina lilafu eliandikwakho eliira liyiakha, ne abulao owalimanya araali ula olinyoola.18 Khu malaika wa Tiatira yandiika kano niko amakhuwa ko Mwana wa Nasaye, oyo oli nende chimoni chiaye kori injeserie yo muliro, ne amakulu kori omugasa okwarudwa lukali:19 Manyire bikholi biao nende obusubiri bwao nende obukhalabani bwao nende obwesimimirisi bwao obujiingu, ne khaandi mbwe sila esiawakhola ambi ano sikhira esiawakhola mukhuchaaka.20Araali ndi nende lino khwewe: wesimirisirianga omukhasi Yesebeli owelanganga omwene mbwe omunabii mukhasi. khumekesio kaye akosianga abakholi bange mubuyeyi nende okhulia ebiakhulia birusibwe ebisakhiro khubifwanani. 21Ndamuba ebikha bio khwekanira, araali siyali omwerekefu okhwekanira amabi kaye.22Lingeera! Njia omusukuna khusitaanda sia malwaye, nende bala abakholaanga obuyirani ninaye khumanyakhano madinyu, araali sa nibekaniira ebiayakhoola. 23Njia okhuya abaana baye bafwe ne makanisa koosi kachia okhumanya mbwe esie nesie okhosianga amapaaro nende emioyo. Njia okhuba buli mulala weng'we esikero sie bikhoole biaye.24Araali bandi khweng'we mu Tiatira, khu bala boosi abaradiira eliekesio lino, nende abaramanya sila esia baandi balanga mbwe akamefiso ko mukari kesikhieno,Ngolwa baboola, sinja okhura omukuku kundi akulu wengwe.25Kario mukoosi,mudire mubudinyirifu sila esiamuli ninasio okhuula,mukhwiicha khwange26Ne oyo okhira, nende okhoola emirimo kiange okhuula obumalrikhi, ndamuba obunyaala akulu we bialo, 27Achia obaruka khundaukhi ye yichuma, kori ebikaye bie liloba, achia khubafunaka ebidonye bidonye; ngolwa esie ndanyoola bunyala khurula khu Baba wange, 28Nge njia omuba ing'ining'ini ye yichuli. 29Ouo ali nende okhurwi,abulire elikhuwa lino elia Rokho aboolera amakanisa.
Chapter 3

1Khu malaika we likanisa lia Saridi yandiika: kano niko akaboola oyo owadiririra echiroho saba echia Nasaye nende ching'ining'ini saba. " Manyire ebikhoole biao, mbwe oli nende eliira eliokhuba omulamu, araali wafwa. 2Sisimukha obe meeso odinyisie akadoong'ere, kali ambi khufwa, khulwo khubeera sindabweene ebikhoole biao nibiulirire mumoni chia Nasaye wange.3Khulwesio yichulisia ngolwa wanyoola, nende nga wabulira. Kadiire nende okhwekanira. Araali noraba meeso, ndeecha kori nga omwibi, ne khasi onamanya ebikha bianjia okhwichira akulu wao. 4Araali khuli nende ameera madiidi aka baandu mu Saridi abaramaliya chingubo chiabwe. Banakeenda alala nange, nibefwalire chingubo hindafu, khulwo khuba bakhoyeera.5Oyo okhira anafwalwa ebiefwalo bilafu, ne sindafuta eliira liaye okhurula musitabo sio bulamu, ne ndarumbula eliira liaye imberi wa Baba wange, nende imberi wa bamalaiaka. 6Ola oli nende okhurwi, abulire aka Rokho aboolera makanisa."7Khu malaika we likanisa lia Filadelifia yandiika: Amakhuwa ka ula oli mutakatifu nende owobwadieri oli nende olufunguo lwa Daudi, yekulaanga ne abulao owikala, yekalaanga ne abulao onyala okhwikula. 8Manyire bikhole biao. Lingeera, ndere imberi wao omuliango kwekulwa okwa abulao onyala okwikala. Manayire mbwe oli nende amaani madiidi, araali obuliranga elikhuwa liange ne osiakhaya eliira liange.9Liingeera! Boosi abali aba sinagogi ya sietani, ababolaanga mbwe ni Abayaudi ne khane khasi nibo, araali babacha. Ndabakhola beeche nende okhwiinamira imberi wa makulu kao, ne banamanya mbwe ndakhukheera. 10Khulwo khuba wdiira elako liange mukhwesimirisia khulimo bujiingu, ndakhuliinde khaandi mubikha biao ebiokhteemibwa ebili okhwicha musialo siosi, okhuteema bala boosi abamenya musialo. 11Njicha lwangu. Diririra lukali sila esioli nasio mbwe arabao omuundu obukula isimbi yao.12 Ndakhola oyo okhira okhuba isiiro mukhekalu ya Nasaye wange, ne khasi achia orula erwanya khaba. Ndamwandiikakho eliira lia Nasaye wange, eliira lia idookho lia Nasaye wange ( Yerusalemu injakha eyikha asi khurula mwikulu khu Nasaye wange ), nende liira liange liyakha. 13Oyo oli nende okhurwi abulire aka Rokho aboolera makanisa:14" Khu malayika we likanisa lia Laodikia yandiika: Amakhuwa ka ula oli Amina, owokhwesika nende omulolereri omwesikwa, omuruki akulu we biloonge bia Nasaye. 15Manyire bikhole biao, mbwe ewe soli omunyifu kose omubafu, ndekoomba mbwe wakhebeere munyifu kose mubafu! 16Kario, khulwo khubeera ewe oli omudundumu, soli omubafu kose omunyifu, ndakhusala orule mumunwa kwange.17Khulwo khuba obolaanga mbwe esie ndi muyiinda, ndi nende emiandu miingi, sinyenya esindu sioosi." Araali okorerwe mbwe ewe oli mudekhere lukali owobererwa, omumanani, omuwoofu nende omusiekenye. 18Rekeresia amakerako khwesie: kula khwesie idakhabu eyosibwa mumuliro mbwe onyoole okhuba omuyiinda nende chingubo chindafu echiokhung'enang'ena mbwe wefwale omwene ne oreekesia chisoni chie siekenye siao, nende mafura kokhubakha mumoni mwao onyoole okhubona.19Buli yeesi owandakheera mwalabiraanga nende omuba sinyasio, kario khola amani wekanire. 20Lingeera nyemere mumuliango khongonda. Yesi yesi obulira idoboosi yange nende okhwikula omuliango, ndeecha nende okhwingira munyuumba mwaye, nende okhulia ebiakhulia naye nende yie alala nange.21Oyo okhira, ndamuba obunyali bwokhwikhala alala nange khu sisaala siange sio buruki. Kori olwo esie ndakhira nende okhwikhala alala nende Baba wange khu sisaala sio buruki. 22Oyo oli nende okhurwi, abulire esia Rokho aboolera makanisa.
Chapter 4

1Lunyuma lwa makhuwa kano ndalingeera, nindola mbwe omuliango kwali kwikulwe mwikulu. Idoboosi yamberi eyandabulira, yali ninomanomeranga yali ifwana kori turumbeta, niyiboola yiri, " icha ano, ndakhwekesia akachia orulirao lunyuma lwa makhuwa kano." 2Ebikha bilala ndali murokho, ndabona khwaliwo nende esisala sio buruki sirerwe mwikulu, ne omuudu yali asikhalekho. 3Omulala owali asikhalekho yalolekhana kori elikina lia yasipi nende akiki. Khwaliwo nende oluyiingi lwe yifula nilobudokhane esisala sio buruki. Oluyiingi lweyifula lwalolekhana kori isumaridi.
5Okhurula khusisala esio buruki chiarula echimiesu echielikulu, omwadulukho nende elikulu echitaara saba chiali nichiadukha imberi wesiialok esio buruki, echitaara echio nichio echirokho chia Nasaye.6Khaandi imberi wesisaala esio buruki yaliwo inyaanja, ya ilolekha kori irang'io. Akari wesisaala sio buruki nende chimbeka chioosi echie sisaala sio buruki khwali nened echisolo chine echichulikho echimoni imberi nende inyuma.7Esolo yamberi yali kori idalang'i,ne eyo khubiri yafwana kori imoosi ne eyo khudaru yali nende obweni kori omuundu, nayo esolo eyo kkhune yali kori ingosia iburukha. 8Ne echisolo echio chine chiali nende echimbaya chisasaba buli ndala;nichiali nichichulemo echimoni;ne sichabulukhanga esidere nende esiro,okhuboola,omutakatifu,omutakatifu,omutakatifu,Omwami Nasaye Omunyala,owluwo,oluwo,khaandi onecha.9Ne echisolo echio chiberesia oluyaali nende esirbwa nende okhuuba orio khu ulia owikhale khusisaala,omenyere obumeri nende obumeri. 10Abakofu amakhumi nende bane benaba imberi wa ulia owikhaale khusisala esio buruki,nibamwinamira ulia omenya obumeri nende obumeri, nibasukuna echsimbi chabwe imberi wesisala, nibaboola, 11"Okhoyera ewe, Omwami,okhunyoola oluyaali nende esiriibwa nende obunyala:okhubeera ewe walonga ebiindu bioosi, nende elienya liaobiosi bili khaandi bialongwa
Chapter 5

1Ndamala nindola mumukhono omulungi okwa ulia owali niyekhale khusisala esio buruki, esitabo esiali nisiandiikwa imberi nende inyuma, ne siali nisirerwekho bibalikho saba. 2Ndamulola malaika mukhongo nayaala mudoboosi ikhongo "Niwina onyala okhufunula sitabo sino mani afunake ebibalikho biasio?"3Khasi yalio omuundu mwikulu kose khusialo kose asi wesialo owanyalirwa okhufunula esitabo kose okhusisoma. 4Ndalira mubuchuuni khubeera mbwe khasi yanyolekha yesi yesi owali nanyala okhufunula sitabo kose khusisoma. 5Araali mulala khubakhulundu yamboolera, "Ora lira". Lingeera idalang'i ya luuyia lwa Yuda esisina sia Daudi akhirire, ni anyala ofunula esitabo nende biibalikho biasio saba".6Ndalola omwana welikondi akari we sisala sio buruki nende abilimo obulamu bine ne mubakhulundu ndalola omwana we likondi niyemere owalolekhana kori owali niyerwa. Yali nende chinjika saba nende chimoni saba, chino ne chirokho saba chia Nasaye echiarumwa musialo siosi. 7Nachia nasibukula esitabo okhurula mumukhono omusaacha okwa ulia owekhala khusisala esioburuki.8Nga olwa yabukula esitabo, ebiobulamu bine nende abakhulundu amakhumi kabiri nende bane bakwa asi imberi wa omwana we likondi. Buli omuundu yali nende obukhana, nende sikae sia idakhabu esiali nisichule obubani, akali masayo ka abaandu ba Nasaye abatakatifu.9Bemba olwimbo luyakha: Oyera okhubukula esitabo nende okhufunula ebibalikho biasio." Khubeera wasinjwa ne khu mabanga kao wakulira Nasaye abaandu, abaandu ba buli embia, lulimi, echinjibulo nende sialo. 10Nobakhola obwami nende abakukhani khulwa okhumurumikhira Nasaye wefwe, nabo banaruka akulu we sisala.11Ndamala niningala nimbulira idoboosi ya malaika baangi nibabodokhane esisala sia oburuki- nende ebiobulamu nende abakhulundu. Obuungi bwabwe bwali elefu ekhumi echie chielefu ekhumi nende elefu echie chielefu 12Nibaboola mudoboosi ikhongo, ayera omwana we likondi ulia owasinjwa okhunyoola obunyala, obuyinda, obukesi, amaani, esiribwa oluyali nende ifuma.13Ndabulira buli siosi esialong'wa esiali mwikulu nende musialo asi wesialo nende akulu we inyanja buli siindu mukari wasio nisiboola, "Khuniye owikhale khusisala sioburuki nende khu mwana we likondi ibeo ifuma esiribwa oluyali nende amaani kokhuruka obumeri nende obumeri". 14Ebiobulamu bine nibiboola "Amina!" naye abakhulundu bagunama asi nibenamira.
Chapter 6

1Ndalingala ebikha bia mwana we likondi nga yafunula silala khubibalikho saba ndabulira mulala khubilia bine ebiobulamu nibiboola mudoboosi eyabulilikhana khwadulukhana okhwe likulu, "Icha !" 2Ndalingera ne khwaliwo ifarasi indafu owayininakho yali nende esikae naye naberesibwa lusimbi yarulirao nga omukhiri okhoyera akhire.3Ngolwa mwana we likondi yafunula sibalikho sia khabiri, ndabulira esiobulamu sia khabiri nisiboola,"Icha!" 4Khandi ifarasi eyindi nirulirao yali injakhanyu lukali owayininakho yaberesibwa obunyala bwo okhumalao omulembe musialo mbwe abaandu basinjane owayininakho uno yaberesebwa olupanga lukhongo.5Ngolwa omwana we likondi yafunula esibalikho esia khadaru ndabulira esiobulamu sia khadaru nisiboola,"Icha!"ndalola ifarasi imalii owayininakho yali nende chiratili mumukhono kwaye. 6Ndabulira eidoboosi eyabonekhana khuba eya silala khusila esiobulamu nisiboola, esipimiro sia eingano khu idinari ndala nende ebipimiro bidaru ebia ishayiri khu idinari ndala, araali oranyasia mafura nende ifini."7Ngolwa omwana we likondi yafunula sibalikho sia khane ndabulira eidoboosi eya esiobulamu esiakhane nisiboola, "Icha!" 8Lunyuma nimbona ifarasi yanasikohakokhe. Owayininakho yalangwa elira liaye lifwa nende emagombe yali nimulondanga baberesibwa obunyala akulu wesimeka siesialo okhwirwa nende olupanga, nende injala nende obulwaye nende khu echisolo chio musino musialo.9Nga olwa omwana we likondi yafunula sibalikho sia kharano ndalola asi wobwali rokho chia balia abali nibeerwa khulwa elikhuwa lia Nasaye khurulana nende obuloli obwa bali nabwo. 10Nibalira khu doboosi ikhongo khula lina, omukhongo wa abatakatifu boosi nende owadieri onabakhalakira abekhale akulu we sialo nende khurungisia amabi ka mabanga kefwe? Buli sia mulala yaberesebwa ikanju indafu ne nibaboolerwa mbwe 11 bikhoyeera khulindakho budiidi khula obubali bwichufu obwa barumikhi basiabwe nende abakheerwa babwe aba sikhasi nende abe sisaacha linolerera, baneerwa ngolwa biali berwa.12Nga olwa mwana we likondi yafunula sibalikho sia khasasaba ndalingala nikhwali nende sialo khurengerekha khukhongo eliuba liali limali kori obukhinga ne omwosi mulamba nikuba nga amabanga. 13Ching'ining'ini chio mwikulu nichilakakha musialo nga musala nikubulungusia biamo biakwo bikha ebia omuyaka kwa maani. 14Likulu liarulao nga likanya liamandiko nilikanyua. Buli olugulu nende esiginga biabuisibwa abuundu wabwe.15Nabo abaruki be sialo nende abaandu abaifuma nende abakhongo ba maye, abayinda abamaani nende buli siamulala oli omuboye nende omulekhule, nibekisa mumaulukhu nende mumakina ke chingulu. 16Nibaboolera chungulu nende chinyanda "Murukwekho murukise okhurula mubweni bwa owikhale khusisala sio buruki nende khurula mulirima liomwana welikondi. 17Khulwa khubeera inyanga ikhongo eyelirima liaye yolerere ne wina onyala yema?"
Chapter 7

1Olunyuma lwa ako ndaboona abamalaika bane nibemere muchimbeka chine echiesialo bekalire emiyaka kine ekisialo mumaani mbwe khubeera khurabao nende emiyaka kiucha musaialo, akulu we inyanja kose khu musala kwosi. 2Ndaloola malaika oundi niyeecha khurula ebukwe owali nende esibalikho sia Nasaye omulamu . Nalira khu doboosi ikhongo khu bamalaika bane ababeresibwa abweyango bwo khunyasia sialo nende inyanja. 3Muranyasia sialo inyanja, kose emisala okhuula kori khunaba nikhumalire khurakho sibalikho mubweni khumirwe kia abarumikhi ba Nasaye wefwe"4Nimbulira obuungi bwa balia abarebwakho esibalikho elefu embia ndala amakhumi Kane nende chine abarebwakho sibalikho khurula mubuli oluyia lwa abaandu ba Isiraili . 5elefu ekhumi nende chibiri khurula khu oluyia lwa Yuda, barebwakho sibalikho elefu ekhumi nende chibiri khurula khu luyia lwa Rubeni,elefu ekhumi nende chibiri khurula khu luyia lwa Gadi. 6Elefu ekhumi nende chibiri khurula khju luyia lwa Asheri, elefu ekhumi nende chibiri khurula khu luyia lwa Naftali elefu ekhumi nende chibiri khurula khu luyia lwa manase.7Elefu ekhumi nende chibiri khurula khu luyia lwa Simioni elefu ekhumi nendechibiri khurula khu luyia lwa Lawi elefu ekhumi nende chibiri khurula khu luyia lwa Isakari. 8Elefu ekhumi nende chibiri khurula khu luyia lwa Zebuloni elefu ekhumi nende khurula khu luyia lwa Yusufu elefu ekhumi nende chibiri khurula khu luyia lwa Benjamini abarebwakho esibalikho.9Olunyuma lwa amakhuwa kene kano ndalingala ne khwali nomukanda mukhongo aumawo omuundu owakhanyalire okhukubala khurula mubuli sialo, oluyia olwibulo nende olulimi bemere imberi we sisala sia oburuki nende imberi wa mwana we likondi. Bali bafwalile ikanju indafu nende masaga ka makhindu mumikhono kiabwe, 10ne bali nibalanga khudoboosi ya akulu "Obuwonia nikhu Nasaye, owikhale khu esisala esio buruki, nende khu omwana we elikondi!"11Abamalaika boosi bali nibemere khubodokhana sisala esioburuki nende khubabodokhana abakhulundu alala nende ebiobulamu bine, nibaguname asi khu liloba nibara obweni bwabwe akulu weriloba imberi wesisala esio buruki ne nibamwinamira Nasaye, 12Nibaboola amina ifuma, oluyali obumanyirisi, okhwebasia, esiribwa obunyali nende amaani bibe khu Nasaye wefwe obumeri nende obumeri! Amina.!"
14Nibaboolera omwami mukhongo newe omanyire"khandi nambolera bano ni balia abarula mubudinyu bukhongo obsisie echikanju chiabwe chindafu nibenikha mumabanga aka omwana we likondi.15Khulwe esifune esio bali imberi wesisala esio buruki esia Nasaye, ne bamwinamira ye esiro nende esidere mulikhekalu liaye oyo owikhale akulu wesisala esio buruki anasalasia eliyema liaye akulu wabwe. 16Khasi banabona injala khandi, kata obuluwo kata omubasu khasikunabora kata obubafu obwo khulasia. 17Khulwa khuba omwana we likondi ali akari we esisala esio buruki anaba omwayi wabwe ne anabemirira akari weisebere ya machi akobulamu ne Nasaye anabeya buli lisika muchimoni chiabwe.
Chapter 8

1Nga olwa omwana we likondi yafunula sibalikho esia saba khwali nende obubulerefu ambi esitundu sie bikha. 2Nimala nindola abamalaika saba abemere imberi wa Nasaye nibaberesibwa echinjika saba.3Malaika oundi niyeecha nadiririre esikae esia idakhabu esio bubani niyemere khu bwali naberesibwa obubani mbwe anyole khurusia masabo alala nende obusuubiri boosi khu bwali bwe idakhabu imberi we sisala sio buruki. 4Omwosi kwo obubani bulia alala nende amasayo aka abasuubira nikunina akulu imberi wa Nasaye khurula mumukhono okwa malaika. 5 Malaika nabukula esikae esio bubani nasichusia omuliro okhurula khubwali. Namala nasisukuna khu sialo, nichirulirawo echidoboosi echia lukulu, echinjesere chie likulu nende khulengerekha khwe sialo.6Bala abamalaika saba abali nibali nende chinjika saba nibali abarekekhe okhuchiuba. 7 Malaika wa mberi niyoba khu lwika lwaye nirulirawo ifula ya makina nende omuliro okusasibwemo nende amabanga. Nibisukuna asi musialo: mbwe esimeka sia khadaru sinyoole khulasia simeka sia khadaru esia misala nisilala nende obunyasi bwosi obwamajani nibulala.8Malaika wa khabiri niyoba oluika lwaye ne esiindu nga olugulu lukhongo lwali nilulala khu muliro nilusukunwa mu inyanja: esimeka siadaru esi inyanja nisiba amabanga, 9esimeka sia khadaru esiabilonge bilamu munyanja nibifwa ne ebimeka bidaru ebia eimeli nibisasibwa.10Malaika wa khadaru niyoba oluika lwaye ne ing'ining'ini ikhoongo niilakakha khurula mwikulu niyadukha nga itochi akulu we simeka sia khadaru esia emialo nende chisenbere chia maachi. 11Elira lia ing'ining'ini nibululu, esimeka sia khadaru esia amaachi siali silulu ne abaandu bangi bafwa khulondana nende amaachi kali malulu.12Malaika wa khane yoba oluika lwaye ebimeka bidaru ebia eliuba nilikhubwa alala nende esimeka sia mwosi nende esia khadaru esia ing'ining'ini. Khulwa ako esimeka sia khadaru nisilakakha khuba esirima esimeka siakhadaru esidere esimeka sia khadaru esia esiro khasi biali nobulafu.13Ndalingaala ne nimbulira ingosia eyali niburukhanga mumiyaka nilanga khudoboosi ikhoongo uuwi uuwi uuwi khubalia abamenya musialo khulwa okhurundukha khwo luika lwali ludong'ere lwali ambi okhuubwa nende abamalaika badaru."
Chapter 9

1 Malaika wa kharano yamala niyoba oluika lwaye ndabona ing'ining'ini okhurula mwikulu eyali nikwire khu sialo. Ing'ining'ini yaberesibwa lufunguo olwa elina liali nilichira khu lina elirali nende esiakamo. 2Yafungula elina lirali nende esiakamo ne omwosi nikuniina akulu khurula mukari mwe lina kori omwosi khurula mutanuru ikhoongo.3Mukari mwo mwosi echisike chiarula khwicha akulu we sialo, echio chaberesibwa amaani kori kalia aka chingoberenyanja akulu we sialo. 4Chialagirwa mbwe chiranyasia amasafu musialo kose esiraake siosi siosi esia masafu kose omusaala, arali abaandu sa abarali nende esibalikho sia Nasaye imberi wa obweni bwabwe.5Khasi chaiberesebwa obunyala obwo okhwira abaandu abo, arali okhubasandia sa khumiosi kirano. Obuchuuni bwabwe bwali kori obwokhulumwa nende ingobera nyanja niimulumire omuundu. 6Muchinyanga echio abaandu bakhakonye elifwa, ni khasi bakhalinyoole. Bakhekoombe khufwa, ne elifwa liakhaberukhe.7Chisike chifwanana nende chifarasi charekekherwa eliye. Khu mirwe kiabe khwali nende sindu kori isimbi ye idakhabu ne obweni bwabwe bwali kori obwa baandu. 8Chiali nende lifwiri kori elia bakhasi ne ameno kachio kori akeidalang'i. 9Chiali nende birifu bia ichuma ne idoboosi ya chimbaya chiabwe chalira kori idoboosi ya chimotoka chinyingi echieliiyie nende chifarasi chirukha nichichia muliiyie.10Chiali nende emikhiinga ekiluma kori ingoberanyanja: khu mikhira kiebwe chiali nende amaani kokhunyasia abaandu khu miosi kirano. 11Bali naye kori omuruki wa malaika wa lina libula esiakamo. Elira liaye mulwiburania ni Abadoni naye muluyunani ari nende lira Apolioni. 12Uuwi yamberi ibirire, lingala lunyuma lwa lino khuli nende amandinyu kabiri keecha.13Malaika wa khasasaba yoba luika lwaye, mani nimbulira idoboosi khurula lubeka lwa obwali bwa idakhabu obuli imberi wa Nasaye. 14Idoboosi yamuboolera malaika wa khasasaba owali nende olwika, "Balekhule malaika bane balia ababoywa mu mwalo mukhongo Efrata". 15Malaika balia bane abali nibarekekhwe khulwa elisa elio likabule inyanja eyo, mwosi okwo, nende omwaka okwo, balakherwa beere abaandu bola ebimeka bidaru bia baandu.16Obuungi bwa abamayie abali akulu we chifarasi bwali chielefu makhumi kabiri okhula chielefu ekhumi ndabulira obuungi bwabwe. 17 Luno nilwo olwandabona chifarasi mumalolol kange nende abali nibaninire akulu wachio: birifu biabwe biali biakhanyu kori omuliro, buluu inyengu. nende namuki iraali inyengu. Mirwe kia chifarasi kiafwanana nende mirwe kia idalang'i, muminwa kiabwe muliro kwarulamo, omwosi nende sibiriti.18Esimeka sia kha daru esia abaandu beerwe nende amakhubake kadaru kano, muliro, mwosi nende sibiriti ebiarula muminwa kiabwe. 19Okhubeera amaani ka ifarasi kari muminwa kiabwe nende emikhira kiabwe - khubeera mikhira kiabwe kiali kori injukha, bali nende emirwe ekiabekhonyeranga okhura makonjo khu abaandu.20 Abaandu badong'a balia, abali basiri okhwirwa nende makhubake kano, khasi bekanire ebikhole biabwa ebia bali nibakholere kata khasi balekha okhwinamira ebikhieno nende minasaye ekie idakhabu, isende, omugasa, amakina nende emisaala ebindu ebio ebiranyala okhulola okhubulira kose okhukenda. 21Kata khasi bekanira obwiri bwabwe, obulosi bwabwe, obuyirani bwabwe kose chingira chiabwe echia obwiibi.
Chapter 10

1Ndamala ndalola malaika uundi omukhoongo niyeekha asi khurula mwikulu. Yali naboyerwe mulilesi, ne khwali nende oluyiingi lwe yifula akulu wo murwe kwaye, obweni bwaye bwali kori nga eliuba ne amakulu kaye kali kori nga echisiiro chio muliro. 2Yali nadirire sitabo sididi mumukhono kwaye esiali nisifunulwe, naye yara khukulu khwaye khuluungi akulu we yinyaanja ne okhukulu khwaye khukaada akulu we liloba.3Yamala niyayula mudoboosi ya akulu kori nge idalangi idiriranga, ne ebikha ebiayarusiria idoboosi, miadulukho saba kiadulukha. 4Ebikha bie miadulukho saba kiaduduma, ndali ambi khwandiika, arali ndabulira idoboosi khurula mwikulu niyiboola yiri, " Biikha libe elio bwekisi sila esie miadulukho saba kibolere. Oraandika khaba."5Olunyuma malaika ula owandabona niyemere akulu we yinyaanja nende khusialo, yakingula mukhono kwaye akulu mwikulu, 6nende khwelaama khu ula owamenya bumeri nende bumeri- owalonga likulu nende bioosi ebilimo, esialo nende bioosi ebilimo, nende inyaanja nende bioosi ebilimo: " Khasi khuchia khuba nende okhukhiinda. 7Arali inyaanga yila, ebikha bia malaika wa saba achia khuba ambi okhuuba olwika lwaye, niwo owa elio bwekisi lia Nasaye lichia khuba liolerere, kori ngolwa yasalasia khu barumikhi baye abanabii"8Idoboosi yandabulira khurula mwikulu yambolera khandi yiri, " chia , obukule sitabo sididi esiafunulwa esili mumukhono kwa malayika owema akulu we yinyaanja nende akulu we liloba. 9 Ndamala ninjia khu malaika nimubolera mbwe amberesie sitabo sididi. Yambolera ari, "Bukula sitabo mani osilie, sinakhola inda yao yibe nende buchuni, arali mumunwa kwao sinanyunyula kori ngo bukhi.10Ndabukula sitabo sididi mumukhono kwa malaika, ne kori ndasilia, sianyunyula kori ngo bukhi mumunwa kwange, arali olunyuma lwo khulia, inda yange yali nende buchuni. 11Olunyuma chidoboosi chindi chiambolera chiri, " Okhoyere khurusia bunabii bwe likhuwa lia Nasaye khulondana nende abaandu bangi, chisungo, nende abaruki."
Chapter 11

1Ndaberesibwa elikada eliokhwekhonyera kori nga indaukhi eyokhupimira. Ndaboolerwa mbwe " Rula ochie okeree ikhekalu ya Nasaye nende obwaali, nende balia abenamiramo. 2Arali orakera olwande lweliida elierwanyi weikhekalu, okhubeera liberesibwe khubanasialo:Bachia okhuseena lidookho litakatifu mubikha bia mioosi makhumi Kane nende kibiri.3Njia okhuberesia abaloli bange babiri obunyala bwokhulakula ebikha ebiechinyanga ilifu ndala echimia chibiri nende amakhumi kasasaba, nibafwalire echingubo echiamagunia. 4" Abaloli bano nimisaala kibiri ekia misabibu khaandi nebichibi bibiri ebiema imberi womwami wesialo. 5: Omuundu yeesi nachia okhubanyasia, omuliro kurula muminwa kiabwe nikunyasia abasuku babwe. Yeesi odakha khubanyasia bili mbwe yerwe mungira yino.6Abaloli bano bali nende obunyala bwo khwikala likulu mbwe ifula yirakwa mubikha ebiabalakula. Bali nende obunyali bwokhukalukhania amaachi kabe amabaanga, nende okhukhuya esialo khu buli ingeri yamanyakhano bulibikha bioosi ebiabadakhiramo. 7Ebikha ebia bachia okhuba nibamalire obuloli bwabwe, isolo ilia yirula muliina elibula esiakamo inakhola eliyie khunibo. Achia khubakhira nende khubeera.8Emibiri kiabwe kichia okhukona khungira yelidokho likhongo eya murokho ilangwa mbwe Sodoma nende Misiri owa Omwami wefwe yabambwa. 9Khulwa chinyaanga chidaru nende situndu abaandi okhurula munjinjibulo echie chimbia, echisungo nende buli sialo bachia okhuliingera emibiri kiabwe kifwire khulwa echinyaanga chidaru nende esitundu,khaandi sibanafukirirwa okhusiikha emibiri kifwire.10Balia abamenya musialo bachia okhusangaala khulwa nibo nende okhulaya, nibaruma ebianwa khulwo khubeera abanabii babiiri abo abasandia abamenya musialo. 11Arali lunyuma lwe chinyaanga chidaru nende situndu emiuya kio bulamu khurula khu Nasaye kichia khubengiramo nabo bachia okhweema khu makulu kabwe. Ne Oburi bukhoongo buchia khwingira mubalia abababona. 12Lunyuma bachia khubulira idoboosi ikhoongo khurula mwikulu niyibabolera iri, " Mwiche eno!" Nabo bachia okhuniina akulu mwikulu mulilesi, ebikha bia basuku babwe babalingera.13Mubikha ebio khuchia okhuba nende okhurengerekha okhukhoongo okhweliloba, khaandi elala khwekhumi elia lidokho lichia okhukwa. Abaandu echilifu saba bachia okhwiirwa mukhurengerekha, ne balia abachia okhudoong'a abalamu bachia okhuria nibaberesia Nasaye wo mwikulu oluyaali. 14Wuuwi eya khabiri ibirire. Lingera! Wuuwi eya khadaru yiicha lwangu.15Olunyuma malaika wasaba yakhuba olwika lwaye, ne chidoboosi chikhoongo chialomaloma mwikulu nichiboola chiri, "Obwami bwomusialo bumalire khuba obwami bwomwami wefwe nende obwa Kirisito waye. Achia okhuruka obumeri nende obumeri.16Olunyuma abakofu amakhumi kabiri nende bane abaali nibekhaale khubisaala ebiobumeri imberi wa Nasaye,bakwa asi khubweni bwabwe ,nibamwinamira Nasaye, 17Nibaboola bari, " Khukhubira orio, Omwami Nasaye mukhoongo, oliwo khaandi owabao,khaandi ochia khubaao,okhubeera wabukula obunyala bwao obukhongo noruka.18Ne ebialo biasinyikha,khaandi elirima liao liulire,nende ebikha biabafu,mbwe bakhalakirwe,nawe oberesie omurungo abakholi bao Banabii,nende khubatakatifu,nende khubalia abarichanga elira liao,abadidi nende abakhongo;nende okhubasasia balia abanyasia esialo.19Khaandi ikhekalu ya Nasaye yekulwa mwikulu, ne mukari mwayo lialolekha elisanduku elie lilakano liaye: naye khwaliwo nende echimieesu,nende echidoboosi,nende okhwadulukha,nende okhurengerekha okhwesialo,nende ifula ikhoongo eyamakina.
Chapter 12

1Esilolero sikhongo siabonekhana mwikulu: omukhasi owafunikhwa nende eliuba ne nali nende omwosi asi wa makulu kaye ne olusiimbi lwa ching'ining'ini ekhumi na chibiri chiali akulu womurwe kwaye. 2Yali nende inda ne nalira khulwa amachuni akokhwibula khulwa obuchuuni bwo khwebolola.3Ne esilolero sindi siabonekhana mwikulu: lingala khwali nende okuyukha kukhongo okwakhanyu okwali nende emirwe saba nende echinjika ekhumi, ne khwali nende echisiimbi saba khumirwe kiayo. 4Omukhinga kwayo kwang'uluula esimeka sia khadaru silala esia ching'ining'ini mwikulu ni nichisukunwa asi mu sialo. Okuyukha nikwema imberi owa omukhasi owali ambi khwibula, mbwe ebikha bia yebula kunyale okhumulia omwana waye.5Yamwibula omwana, omwana owa esisiani owakharuke ebialo biosi khu eyilaukhi ye ichuma. Omwana waye yabukulibwa akulu khu Nasaye nende khu sisaala siaye esio buruki. 6Ne omukhasi yerukhira musichiimi abundu wa Nasaye yali narekekhe khulwa niye mbwe anyole khukholerwa khulwa chinyanga elifu ndala echimia chibiri nende amakhumi kasasaba.7Bulanu khwali nende Eliiyie mwikulu. Mikaili nende abamalaika baye nibakhuyana nende okuyukha kula: ne okuyukha kukhongo nende abamalika baye nibakhuyana boosi. 8Araali okuyukha khasi kwali nende amaani akayera okhukhira. Khulwako Khasi khwaliwo khandi ndobweyango mwikulu khulwa nikwo nende abamalaika bakwo. 9Okuyukha kukhongo - injukha iria eyekhala eyilangwa esikhieno kose sitani obachanga esialo silamba nasukunwa asi musialo ne bamalaika baye nibasukunwa asi alala naye10Ne nimbulira eidoboosi ikhongo khurula mwikulu: bulanu obuwonia bwichire, amaani nende obwami bwa Nasaye wefwe, nende obunyala bwa Kirisito waye. khulwa okhubeera omusitaki owa abaana befwe yasukunwa asi obasitakanga imberi wa Nasaye wefwe esidere nende esiro.11Bamukhira khu mabanga aka omwana we likondi nende khulikhuwa lia obuloli bwabwe, olwa okhuba sibakheera lukali obulamu bwabwe okhula okhufwa . 12 Khulwako mwekhoye, eng'we likulu nende boosi abekhalanga mukari mwalio. Araali uuwi khusialo nende inyanja khulwo khubeera omukhieni yekhere khu eng'we. Yechule nende lirima liingi khulwa okhuba amanyire mbwe ali nende ebikha bidiidi.13Ebikha bia okuyukha kwamala kusukunwe asi musialo kwa mulonda omukhasi wali niyebule omwana owesisiani. 14Araali omukhasi yaberesibwa amabaya kabiri aka ingosia ikhongo mbwe anyoole khuburukha okhuula abuundu yali narekekherwe khulwa niwo eria muluumira abuundu owayakhanyaliirwa okhulindwa khulwa ebikha, esitundu sia echindaalo abundu owa irakhanyala khula injukha eyo.15Yachukha amachi khurula mumunwa mwayo nga omwalo mbwe akhole imbumbuyeka eya omwoloberesia. 16Araali sialo siamukhonya omukhasi siafunula omunwa kwasio nikumira omwalo okwayafuucha injukha okhurula mumunwa kwayo. 17Ne okuyukha nikumusinyikhira omukhasi naye narula nende okhukhola eliiyie nende olwibulo lwaye lwoosi - bala abaria amalako ka Nasaye nende okhudiira obuloli khulondana nende Yeso kirisito. 18Ne okuyukha nikwema akulu wa omusenye khulukuku lwa inyanja.
Chapter 13

1Ndamala nindola isolo nirula munyanja. Yali nende chinjika. ekhumi nende emirwe saba. Khuchinjika chiayo khwali nende chisiimbi ekhumi ne khumirwe kiayo khwali nende amakhuwa ka khusinyisia Nasaye. 2Isolo ino eyandalola yali kori ing'we. Makulu kayo kali kori akelinani, naye omumwa kwayo kwali kori okwa idalangi. Okuyukha kulia kwamuberesia amaani, khusisala sio buruki nende bunyala bukhongo bwo khuruka.3 Omurwe kwa isolo ndala khu nichio kwabonekhana khuba nende likonjo likhongo eria khakhoyera okhufwa khwayo. Araali likonjo liayo liaona, mani sialo siosi ni siukisibwa nisilonda isolo. 4Khandi benamira kuyukha okhubera kwa beresiania obunyala isolo iria. Nibenamira isolo yosi, khandi bachiririra, ni wina kori isolo? khandi wina onakhuyana nayo? "5Isolo niberesibwa omunwa mbwe ibole amakhuwa ka okhwefumia nende amanyeko. Yafukirirwa okhuba nende obunyala khulwa emiosi amakhumi kane nende kibiri. 6Kario isolo yekula omunwa kwayo okhulolamaloma amanyeko khu Nasaye, yanyeka lira liaye, abuundu wayali niyamenya nende abali nibameya mwikulu.7Isolo yafukirirwa okhukhola eliiye nende abasubira nende khubakhira. Khandi yaberesibwa obunyala akulu wa buli imbia ya abaandu, lulimi, nende sialo. 8Boosi abamenya musialo banainamira buli sia mulala owa elira liaye lisiandiikwa, khurula okhulongwa khwa esialo musitabo esie obulamu, esiri mbwe ne sia omwana we likondi owasiinjwa.9Nikali mbwe yesi yesi ali nende okhurwi abulire. 10Nikali mbwe omulala khunibo yabukulibwa mumboye, yaaboywa, ne khandi mumboye anachia. nikabu mbwe mulala khunibo yeera nende olupanga, khulupanga aneerwa. Kuno no mulango kwa omulembe nende okhwesimirisia nende obusubiri khubala abali abatakatifu.11Khandi nindola isolo yindi niyiicha orula musialo yali eya chinjika chibiri kori echielikondi nayo nilomaloma kori injukha. 12Yekesia bunyala bwoosi khu isolo iria eya mberi, imberi wayo nende khukhola musialo nende balia abali bamenya nibailama isolo iria eyamberi eyelikonjo liayo liwonere.13Akholanga kamangalimwa akamaani, kata yakhola omuliro kwekha musialo khurula mwikulu imberi wa baandu.14Khandi khu lwe silolero yafukirirwa khubabacha abo abekhala musialo nababoolera okhureresia esifwanani khulwa esiriibwa sia isolo yali iumisibwa nende olupanga, arali yachiririra okhumenya.15 Yafukirirwa khurusia emiuya khurula musifwanani sia isolo iria mbwe sifwanani sinyole okhubola maani okhukhola balia boosi abakhaya okhwinamira isolo beerwe. 16Khandi yayiika buli sia mulala, obula bukusi nende owa maani, omuyinda nende omumani, omulekhule nende omuboye, khunyola esibalikho khu mukhono musacha kose khubweni. 17Biali mbwe khasi binyalikhana khubuli omuundu okhukusia kose okhukula araali oli nende sibalikho esia isolo. Ne ino ni inamba yali yamerere eliira liaye.18Lino lidakha amakesi. Nikali yesi yesi ali nende obumanyirisi, mulekhe akhole obubali bwe inamba ya isolo. Okhubeera ne inamba ya omuundu. inamba yaye ni emia chisasaba amakhumi kasasaba nende chisasaba.
Chapter 14

1Ndalingera, nindola, omwana we likoondi niyemere khulugulu lwa Sayuni, ne alala naye khwali nende omukanda kwe chilifi imia ndala nende amakhumi kane nende chine, abali nende obwaandike bweliira lia Samwana khubweni bwabwe. 2Ne nimbulira idoboosi ikhongo, khurula mwikulu, nga sioka sia maachi mangi, khaandi nga okhwadulukha khukhongo: Khandi nibulira idoboosi ya bakhubi abakhuba ebinanda biabwe.3Nabo nibeemba olwimbo luyakha nibemere imberi we sisala sio buruki, imberi we chisolo chine, nende abakofu: Ne abulao omundu yeesi owanyala okhweka olwimbo olwo,araali balia echilifu imia ndala nende amakhumi kane nende bane, abanunula okhurula musialo. 4 Bano nibo abaranyasibwa nende abakhasi, okhuba baali abasisira. Nibo abo abaloondanga omwana we likoondi wosi owaba nachia. Nibo abanunulwa khurula mubaandu, abali ebiamo birangirira khu Nasaye nende omwana we likondi. . 5Khaandi mumimwa kiabwe bwabulano obubacha; okhubeera sibaali nende chiimbi imberi wesisala sio bwami bwa Nasaye.6Khandi nindola malaika undi naburukha akari welikulu, Bali nende ifanjili yobumeri eya yayalira abaandu bamenya khusialo, nende buli chibia nende echinimi nende baandu, 7Naboola muidoboosi likhoongo ari, " Muwechoomie Nasaye nende khumufumia okhuba nebikha bia bukhaki builiri nende khumwinamire olia owaloonga likulu, esialo, nende inyanja nende chisebele chiamaachi."8Malaika undi owaloondakho, naboola ari, " Babeli yisasikhe, ikwiire,elidookho liria likhoongo, okhubeera yakhola ebialo bioosi okhungwa ifini ye elirima elia buyeyi bwaye.9Malaika owo khadaru, yeecha lunyuma, naboola mulidoboosi ikhoongo ari, " Nikaba mbwe omuundu yesi yenamira isolo nende sifwanani siayo, nende khufukirire esilolero siayo sirebwe khubweni bwaye kose khumukhono kwaye, 10Omwene oyo yesi anangwa ifini eyelirima lia Nasaye, eyindikha oburaali eirachengusibwe musikombe esieririma liaye, ne omundu oyingwa anasandisibwa nende muliro nende sibiriti imberi wa bamalaika batakatifu nende Omwana we likondi:11" Ne omwosi kwo khusandisibwa khwabwe kunadumukha buli lwoosi, ne khubulao khubukha sideere nende siro, khu balia abenamira isolo nende sifwanani siayo, nende balia abafukirira esilolero sià eliira liayo." 12Bulano khuli nende omulembe khu batakatifu: khaandi balia abalinda ebilagiro bia Nasaye, nende obusubiri bwa Yeso.13Ne nimbulira idoboosi khurula mwikulu niiboolera yiri, " Yandika kano, Nibeyikhabi balia abafwa nibali mu Omwami okhurula bulano nende okhuchiririra: Eee, aboola Rokho, mbwe banyale okhubuulukha okhurula mukhunyakhana kwabwe: ne ebikhole biabwe bibaloondakho.14khandi nindola esindu sindi siukisia. Liali elilesi lilafu, ne khulilesi elio omuundu yali yekhalekho oufwanana nende omwana wo muundu. Yali afwalire olusiimbi lweidakhabu khumurwe kwaye. Mumukhono adirire ingeso injoki. 15Khandi malaika undi narula mukhekalu, nalilra mudoboosi ikhoongo, khu oyo owikhale khuliresi, bukula ingeso yao okese: " okhubeera ebikha bio khukesa biulire; okhuba elikesaa liesialo liangale. " 16" Ne ula owali yekhale khulilesi yaucha ingeso yaye khusialo, esialo siakesibwa.17Malaika undi narula mukhekalu mwikulu. Yali nende ingeso injoki. 18Khandi malaika undi yesi narula mubwali bwobubani. Owali nende obunyali khumuliro.Nalanga mudoboosi ikhongo khu oyo owali nadirire ingeso injoki, " Bukula ingeso yao injoki okhubusia mumasaga kemisabibu mumikanda khusialo! Omale obusie masaga kemisabibu alala okhuba ebiamo biakio biengere."19Kho malaika naucha ingeso yaye khusialo, nakesa emisabibu kiomusialo.Yasukuna musinyukhiro sikhongo esia misabibu muburima bwa Nasaye. 20Ne musinyukhiro siomisabinu siasenwesenwe erwanyi welidookho, amabaanga nikedikha okhurula musinyukhirookhula mubidiiri bie ifarasi ,buraambi bwe echimaili echimia chibiri .
Chapter 15

1Ndalola esilolero siindi mwikulu,esikhoongo nende esiokhuukisia:Baliwo malaika saba,nende amanyakhano saba akali manyakhano kamalirikha ne mukene ako oburima bwa Nasaye bunolerera .2Ndalola esialolekhana inyanja ye igilasi isasibwe nomuliro.Ne indulo ye inyanja Bali bemeereo abo abakhira I solo nende esifwanani siayo akulu wobukhumi obwemerere elira liaye Bali nibadrire obukhana obwababeresibwa nende Nasaye.3Bali nibembaanga olwimbo ngolwa Musa omukholi wa Nasaye nende olwimbo olwa owmana we likondi:" Ebikhongo nende ebiukisia ne chikhola chiao,Omwami Nasaye ,owamaani .Echiao chingira nechingololofu khaandi chiadieri omwami webialo. 4Orakhakhuria omwami nende okhukingula elira Liao khuba ewe weng'ene olimutakatifu.Ebialo bioosi binecha biname imberi wao okhuba ekhola chiao chingololofu chibonekhane.5Olunyuma lwa akono ndalola ikhekalu eya lisanduku lio obuloli liekukha mwikulu. 6Abamalaika saba barulamo badirire ebinyasio saba.Bali nibefwalile khubirifu biabwe echingubo chindafu echia mang'iniesi chialio nende mikhoba ekia idakhabu .7Mulala khubilonge bine yaberesia buli mulala khu malaika saba eyibakuli ye idakhabu eyichule eyichule oburima bwaNasaye ,oumenyere obumeri nende obumeri. 8Ikhekalu yechusibwamo nende omwosi okhurulamo khu luyali law Nasaye nende amaani Kaye .Abulao owakhengire okhula ebinyasio saba ebia malaika saba biolereral.
Chapter 16

1Ndabulira idoboosi ikhongo mukhekalu khubalia bamalaika saba niboola "muchie muchukhe musialo echibakuli saba -echioburima bwa Nasaye"2Kho malaika wamberi yachia nachukha khusialo ebiali mubakuli yaye. Akarulirao, ebifwiimba bimaanu ebichuuni biarula khubuli ulia yesi owali yafukirira esibalikho sieisolo nende boosi abenamira esifwanani siaye.3Malaika wokhubiri nachukha munyanja ebiali mubakuli yaye, amaachi kakalukhana nikekhola amabanga arali sinamabanga malamu, kali nga mabanga komuundu mufu, ne esilonge siosi esiali munyanja siafwa4Khandi malaika wo khudaru nachukha mumialo nende echisebere chiamachi ebiali mubakuli yaye, amaachi kakalukhana amabanga. 5Ndabulira malaika owali nende obunyala khumachi naboola khu Nasaye " Ewe Nasaye omulungifu oliwo khandi buli lwosi obechangao. Newe mutakatifu omukhalaki webindu bino. 6Abaandu bang'aanya khurula khwewe, beera abaandu bao batakatifu nende abanabii, Kho oyera okhubaberesia sinyasio khulwa okhubaba amabanga okhung'wa sino nisio esibakhoyera. 7Nimbulira omuundu undi mubwali nakalusia "Kario Omwami Nasaye ewe oruka buli sindu okhalakiranga baandu mubulungifu nende obwadieri"8Malaika wokhune yesi nachukha khuliuba ebiali mubakuli yaye, yaberesibwa obunyali obwokhukhola eliuba okhuba nende abubafu mbwe linyalirwe okhumamula baandu khu muliro. 9 Kho abaandu bayia muno nibaboola amamaanu khunasaye okhuba yali nende bunyali obwokhubakhola basandisibwe mungira chino arali basiri bakhaya okhwekalukhania khurula khubiima biabwe ebibi nibakhaya okhumuba oluyali.10Malaika wakharano yachukha khusisaala sioburuki sieisolo ebiali mubakuli yaye, esiirima siafunikha obwami bwayo irukanga. Ne nibaluma echinimi chiabwe khulwa obuchuuni. 11"Basinyisia Nasaye wo mwikulu okhuba obuchuuni nende ebifwiimba biabwe,khaandi nibakhaya okhwekanira khulwe ekhola chiabwe .12Malaika wakhasasaba yachukha mu mwalo mukhongo okwa Ephrato ebiali mubakuli yaye. Amaachi kakhama okhulwo okhukasia ingira khulwa abaami bali barula ebukwe. 13Nindola emioyo mimaanu kidaru ekifwanana nende amakhere. nikirula mumunwa kwa okuyukha isolo nende abanaabii bobubacha. 14Ne emioyo ekiebikhieno ekikhola ebikholero ebiamayia. kiali nikichia khu baruki bebialo bioosi okhulwa khubabuusia amayie khulwe eliye khulwo oludaalo lukhongo olwa Nasaye wa amaani kabwe.15Lingera njicha ngomwibi. Noweikhabi oyo oba meso, nalinda chingubo chiaye, areecha yakenda siekenye, baramubola echisoni chiaye. 16Nibababuusia alala abuundu alangwa mulweburania mbwe Amagedoni.17 Malaika wa saba yesi nachukha mumiayaka akali mubakuli yaye. Ne idoboosi ikhongo yarula mukhekalu nende khusisaala sioburuki nisibola"kekholekhe" 18Khwaliwo nende olumiesu nilumiesukha niluwoola nende okhwadulukha okhurengerekha -nende okhurengerekha khwamaani okhusiiri khubakhoo okhurula abaandu nibaba khusialo,khwali okhurengerekha khwa maani. 19, Elidookho likhongo elio nilikabukhanamo ebimeka bidaru nende ebialo nende madookho. Nasaye niyechulisia babeloni ikhongo naberesia esikombe sichule ifini okhurula mubululu bwo burima bwaye.20Buli sisinga siakhamao nachio chingulu nichikwalala. 21Amakina makhongo keifula, akayera obusiro chiratili amakhumi kadaru nende chidaru karula mumalesi nikakwa khubaandu. Basinyisia Nasaye okhubeera yali nabasandisie mungira yobuchiuuni khuba esinyasio siali sikhongo muno.
Chapter 17

1Omulala khu bamalaika saba, abali nende chibakuli saba yeecha nalomaloma ninange niyaambolera ari, icha, ndakhwekesia esikhalako siomudaamba mukhoongo owikhalaanga khumaachi mangi,2(owa abaami besialo bakhola obuyeyi ninaye obuyeyi, nabo abamenyanwa besialo bamesibwa nende ifini yobuyeyi bwaye .3 Olunyuma malayika niyanyimirira muroho, niyanjira mulumira, ne ndalola omukhasi owali niyekhale khusolo injakhanyu , eyali niyaandikirwekho ameera khumubiri kwayo, akajara Nasaye ; isolo eyo yali nende emirwe saba nende chinjika ekhumi . 4Omukhasi yali afwalire chingubo chifwa kori ngo mwamo nende chinjakhanyu , khandi yaronwa nende idhahabu , amakina kesiriibwa nende echiluulu ; yali nadirire mumukhono esikombe esiechulamo bisinyisio nende obumali buyirani bwaye. 5Yali nende eliira, eliandikirwe khubweni bwaye; eliobwekisi mbwe, Babeli mukhoongo, ngina badaamba nende ebisinyisio bie sialo.6Ndalola omukhasi oyo namesiibwe nende amabaanga kabatakatifu, nende khu mabaanga kabaloli ba Yeso. Nasie ngolwandamuboona ndaukisibwa ouka okhukhoongo. 7 Naye Malaika ula niyamboolera ari, '' khulwasina niwesindukha? Ndakhuboolera okobwekisi bwomukhasi uno, nende akeisolo eyo eyimukingire, eyili nende emirwe saba kila nende echinjika ekhumi.8Isolo yila eyawalola yaliwo khale, na bulano khasi yiliwo, naye nomwerekekhe khunina okhurula emagombe khuchia mubusasikhi. Ne bala abamenya akulu wesialo, abameera kabwe karandiikwa musitabo siobulamu okhurula emise kiesialo nikireebwao, bachia okhuukisibwa ngolwabachia khulola Isolo yila, mbwe yaliwo, ne bulano khasi aliwo, ne khandi achia khubao.9Abwene ao niwo owamapaaro kamakesi. Emirwe saba kila nichingulu saba echiomukhsi oyo yekhalakho. 10Ne ebiene ebio nibaaruki saba. Barano bamala okhukwa, naye mulala aliwo, naye oundi asiri okhwiicha. Naye na nachia okhwicha bimukhoyera okhumenya ebikha bidiidi.11Ne Isolo yila eyaliiwo khasi yiliwo, niye owamwene oyo niye owamunane, naye nimulala khusaba balia, ne achia mubusasikhi.12Echinjika ekhumi echiawalola chiemerera abaruki ekhumi, abasiri khunyoola oburuki, arali bakhanyoole abunyala kori abaruki alala nende isolo yila, khulwe isaa ndala. 13 Bano nibamapaaro malala, Nabo baberesia isolo yila amaani kabwe nende bunyaala bwabwe. 14Bano bakhalwane eliiyie nende Omwana welikoondi, naye Omwana welikoondi yakhabakhire, khulwo khubeera ye nomwami wabami, khandi omuruki wabaruki; nabo abo abali ninaye nibo abalangwa, abalobole, nende abesikwa.15Olunyuma yamboolera ari, amaachi akakawalola, ao owomudaamba ula yekhala, nabaandu, nende mikaanda, nende ebiaalo, nende chinimi.16Ne echinjika ekhumi chila echiawalola, nende isolo yila, bachia khusiula omudaamba ula, ne bachia khumukhola okhuba omukhaya nende omusiekenye, bachia khulia inyama yaye, nende okhumulasia lukali mumuliro. 17Khulwo khuba Nasaye yara mumioyo kiabwe okhusirisia lichoomo liaye, nende okhukhola lichomo elala, nende okhuberesia isolo obwaami bwabwe okhuula amakhuuwa ka Nasaye kolerere.18Naye omukhasi ula owawalola, nilidookho likhoongo lila, elioburuuki akulu wabaruki besialo.
Chapter 18

1Olunyuma lwakano ndalola malaika und niyekha okhurulamo mwikulu. owali nobunyala bukhongo, narula mwikulu. Esialo siakhakha khulwo khubera obulafu bwaye bwali bingi. 2Yayula muidobosi ikhongo nabola ari, " Nasaye ali ambi okhusasia elidokho liobwononi elia Babeli. khulwa ako emioyo kiosi mimanu kinameya nende amayoni kechimbi chiosi akasinyisia kanamenyamo. Babeli yiri ngamudamba. 3Owabandu boosi abebialo bengira ninaye obuyeyi ebiri nga eakhamera amalwa mangi. Kario, khandi abaruki besialo bakhola amakhuwa kene ako ninaye. Abobukhala besialo baindiyala khulwo khwenya okhukhola obuyeyi bungi."4Ndabulira idoboosi indi khurula mwikulu. Nabola ari, " Mumurulemo abaandu bange mbwe okhaye okhusangirana echimbi chiaye mbwe khunyolakho ebinyasio biaye.5Ebionono biaye biebusia okhula mwikulu ,ne Nasaye yechulisie echikhola chiaye chimaanu . 6Murungie nga yarungia aba,omurungie khabiri khulwe ekhola chiaye ;musikombe sia yasasia sasia mara khaibi.7Nga yekingula namenya mukhwesangasia muberesie omusando nende ebinyolesia nga biyera .Ngolwa aboola mumuyo kwaye njikhale nga kwini sindi omulekhwa ne sindakhalole maliro. 8Khulwako indalo ndala, ebinyasio biaye biakheche elifwa okhulira nende injala .biakhalibwe nende omlirokhulwo omwami Nasaye nomukhongo wamani niye omukhalaki waye.9Abaruki besialo abakhola abuyeyi ninaye, nibarekerera ninaye bachia okhulira nende okhucherera khuye nibabona omwosi kwo khuya khwaye . 10Benama ale nende Babeli khulwo khuria mbwe banyala khusanda ngolwa ye asanda. Banabola bari, " nibimaanu biaka birie khu Babeli, elidokho liamaani elio! Nasaye achia khulisandia ambi ano khandi mubwangu!11Abobukhala besialo banalira nende okhucherera khulwaye okhubeera aumao owakhakule khandi ebindu biabwe 12Bakusia ebindu biareresibwa nende idakhabu, ifesa, amakina malayi nende iluulu. Bakusia njingubo chindayi echiamanginiesi echimenamena, echio musambarao nende chingubo chiaranjayi. Bakusia chimbao echikabukhane, ebindu bioosi ebikholwa muchinjika echiechinjofu,chimbao chiobukusi, omugasa, ebichuma, nende makina malayi. 13Bakusia mudalasini, ebilungiro,mafura kesingari, obubani, ifini, mafura komunasi, obusie bunyukhe, nende ingano, chingombe, amakondi, echifarasi, nende ebifaro, mibiri nende mioyo kia baandu14Ebiamo ebiomwoyo kwao kwekomba bikhurulirekho, nende ebiindu bioosi ebiobukusi nende ebilayi bikhurulirekho, ne khaandi khasi ochia okhubinyolakho khaba.15Abobukhala bebindu bino, abakholwa abayiinda ninaye, bakheme ale khulwokhuria esinyasio siaye, nibwlira nende okhucherera, 16 nibaboola bari, " mwaache, mwaache, elidookh likhoongo lilia, eliafwalwa echingubo chinge'neng'ena, nende echiamusambarao, nende echinjakhanyu, nende okhuronwa nende idakhabu, nende amakina akobukusi nende echilulu.17 Mulisaa elala obuyiinda bukhoongo buno busasikhe. Ne buli omwirusi weimeli nende omukaanda kwoosi okuli muchimeli, nende abakenderamo, nende balia bioosi obakhola obukhala munyaanja bema ale;18 Nibayula ngolwabalola omwosi okwokhusambwa khwaye, nibabola bari, lidookho sina elifwanana nende elidookho likhoongo lino!"19Nibachukha olufu khumirwe kiabwe, nibayula, nibalira nende okhucherera nibaboola bari, mwaache, elidookho likhoongo liri, omwabakholwa abayiinda bioosi abali nende echimeli munyàanja khulwobukusi bwobuyiinda bwaye, okhuba asasiibwe. 20Sangaala khulwaye ewelikulu nende engwe abarumwa batakatifu nende abanabii okhubeera Nasaye amurungire khulwengwe.21Malaika owamaani yabukula elikina eliri nga olukina lukhoongo, nalisukuna munyaanja , Naboola ari, " nilwo ngolwa elidookho likhongo lia Babeli, lichia okhusukunwa asi mumilwano khandi silichia okhunyolekhanakho khaba. 22Ne echidoboosi echia ebebinaanda, nende abembi, nende abakhubi abamalere nende chiturumbeta, sibachia okhubulirikhanakha mwewe khandi! Ne khandi abulao omubaachi oweimbia yosi yoosi oyobubaachi achia khulolekhanakho mwewe! Ne isioka siolukina sisichia obulirikhanakho mwewe khandi! s23 Khandi okhwakha khweitaara sikhwakhadukhekho khandi mwewe ne idoboosi eyomwami wesiserero nende omugole khasi ichia okhubulirikhanakho khandi mwemwe: okhubeera abobukhala bao bali abaandu bakhoongo bokhusialo! okhubeera khulwobulosi bwao webialo bioosi babachwa. 24Ne muniye mwanyolekhamo amabanga kabanabii, nende abatakatifu, nende akabali bioosi abeerwa khusialo.
Chapter 19

1Olunyuma lwa makhuwa kano ndabulira idoboosi eya omulango mukhongo okwa abaandu bangi mwikulu nikuboola " Khaleluya! Obuwonia, oluyali nende obunyala ni bia Nasaye wefwe. 2Obukhalaki bwaye nobwa obwadieri khandi nobwa obulungikhi, khulwa okhubeera amukhalakire omuyeyi mukhongo owanyasia esialo nende obuyeyi bwaye. Yekhola olwibulo khu mabanga aka bakholi baye, akayedisia omwene.3Nibaboola makhabi ka khabiri khaleluya;! Omwosi kwaye kwarula khuniye bumeri nende bumeri. 4Abakhulundu balia amakhumi kabiri nende bane nende ebilonge bilamu bine bimwinamira nibimulaama Nasaye owikhale khu sisaala esia oburuki. Nibabolanga , kabe kario khaleluya!5Nilwo ngolwa idoboosi yarula khu sisaala sioburuki, ni, niboola mumwechomie Nasaye wefwe, eng'we abakholi baye boosi, eng'we abamurichanga boosi abarakhoyera nende abali nende amaani amakhongo.6Nilwo olwandabulira idoboosi kori idoboosi eya omukanda mukhongo okwa abaandu, kori khududuma khwa machi mangi, khandi kori khududuma khwa elikulu, niiboola " Khaleluya Omwami ni Nasaye wefwe omuruki akulu wa boosi orukanga.7Khwekhoye nikhusangala nende okhumuberesia oluyali khulwo khubeera siserero nende isangalo ya omwana we likondi yichire, ne mukhasi we siserero ari mwerekehe; 8Yafukirirwa okhufwasibwa ingubo indafu ing'enang'ena ( ingubo indafu ne bikhole ebia obulungikhi ebia abasubira)9Malaika niyambolera kandiike kano: baberesibwa chikhabi abalangwa musiserero esio mwana we likondi ,"khandi kario nabolera, kano nimakhuwa okobwadieri aka Nasaye, 10"Ndasigama imberi wa makulu kaye ndamwinamira, arali, yaboolera, orakhola orio, esie siesi ndi sa omukholi wasio nende basiani beng'we abadira obuloli bwa Yeso. Mwechomie Nasaye, khubeera obuloli bwa Yeso ni rokho oyo bunabii.11Lunyuma ndabona elikulu nilikukha ndalingera khwali nende ifarasi indafu! ne ula owali niyekhalekho yalangwa omwesikwa nende omubwadieri.yali nende obwadieri bwo khukhalaka okhola liyee. 12Emoni chiaye chiali nga echinjesere chiomuliro,ne khu murwe kwaye khuli nende chisiimbi chinyiingi. Ne elira liaye liandiikwa akulu waye elia omuundu yesi yesi aramanyire arali ye omwene. 13Afwalire esiefwalo esienikhwa mumabanga, neliira liaye yalangwa likhuwa lia Nasaye.14Abamayie akomwikulu bali nibamulondanga nibekhaale akulu khu ifarasi indafu, niyefwalire ikanju indayi, indafu. 15Mumunwa kwaye lwarulamo oluganga lwoki olusasianga ebialo, naye achia okhubaruka khu indaukhi eya esichuma, naye asenanga ebindu bia ifini khulirima lilulu elia Nasaye, owamaani.16Ne yandikwa akulu wesiefwalo siaye nende khurango liaye liira, "Omuruki wa baruki khandi Omwami wa baami".17Ndabona malaika niyemere muliuba. Nalanga muidoboosi ikhongo mayoni akaburukhanga akulu mwiche, mukhung'ane alala khusiakhulia sikhongo esia Nasaye. 18Mwiche mulie inyama ya abaruki, inyama ya bakhongo abamayie, inyama ya abaandu abakhongo, inyama ye chifarasi nende abachininirekho, nende inyama ya baandu boosi, abali balekhule nende abali ababoye, nende abakhoyera nende abamaani.19Ndailola isolo nende abaruki be sialo alala nende abamayie babwe. Bali nibebusisie khulwe eliiye nende mulala owali niyekhaale khu farasi nende abamayie baye. 20Isolo yadiirwa nende omunabii wayo owobubacha owakhola ebilolero imberi waye. Mubilolero bino yababacha bala abanyola sibalikho esia esolo nende okhwinamira esifwanani sieyo, boosi babiri basukunwa nibasiiri abalamu munyanja yomuliro.21Bala abandonga beerwa khulupanga olwarula mumunwa okwa mulala owekhala khu ifarasi, amayoni kosi kalia emilambo kie emibiri kiabwe.
Chapter 20

1Lunyuma ndalola malaika niyekha khurula mwikulu, nali nende olufungio olwa elina elibula esiakamo nende omunyororo mukhongo mumukhono kwaye. 2Yadiira injukha iria, injukha yakhale, eiri sikhieno kose sitani, nende okhumuboya emiaka elefu. 3Yamusukuna mulina elibula esiakamo. Nalikala nende khurao sibalikho akulu walio. Kano kali kario mbwe arababacha abechimbia okhula nga emiaka elefu kiakhabwe. Nikibwere lunyuma lwa ako yakhalekhulwe khu bikha bimbikiri.4Ne nindola ebisaala ebioburuki. Ne abali nibekhalekho nibo ababeresebwa obunyala obwa okhukhalaka, siesi ndalola emioyo kia balia abali nibakhengerwekho emirwe khulwobuloli khu Yeso nende likhuwa lia Nasaye . Bali nibasiiri okhwinamira isolo kose esifwanani siayo, nibakhaya okhunyola esibalikho akulu wa obweni bwabwe kose khumukhono. Ne bachia mubulamu, nibaruka alala nende kirisito emiaka elefu.5Abafu abadong'a nabo khasi balamukha khuula emiaka elefu ngolwa kiali nikibwere. Buno nibwo, obulamusi obwamberi. 6Oweikhabi khandi mutakatifu ni muundu yesi yesi obukulanga obweyango mubulamusi bwamberi;akulu wa ako elifwa lia khabiri libula amaani.khwakhabe nende abakukhani ba Nasaye nende aba kirisito ne bakharuke alala naye emiaka elefu.7Ebikha ebia emiaka elefu nikiba nikibwere sitani yakhalekhulwe khurula mububoye bwaye. 8Achia khuchia erwanyi okhubacha abechimbia khurula echimbia chine echia esialo - Gogu nende Magogu khubagaama alala khulwa eliyie. Bakhabe abaangi kori omusenye okwa munyanja.9Bachia akulu khusialo esio sikwalafu nibabodokhana olukoba olwa abaandu batakatifu ba Nasaye, lidookho liakheerwa. Arali omuliro kwecha khurula mwikulu nikubamira. 10Sitani owababacha , yasukunwa mukari mwa inyanja eya omuliro. Omwa isolo nende abanabii ababacha bali nibamalire osukunwa. Banasandisibwa esiro nende sidere obumeri nende obumeri.11Ndalola esisaala sioburuki sikhongo esilafu ne ulia owali niyekhalekho. Esialo nende elikulu bierukha okhurula imberi waye, araali khasi khwaliwo nende obweyanga bwabwe khuchia. 12Ndabona abafu abeichuoni abarakhoyera nibemere imberi wesisaala sio buruki, ne bitabo nibiikulwa khandi esitabo esiobulamu. Abafwa bakhalakirwa khukandikwamo khukala akandikwa musitabo, khulondana nende ikhola yabwe13Inyanja yabarusia abali mukari mwayo. Elifwa nende emagombe bialekhula balia abali mukari mwabwe, abafwa nibakhalakirwa khukala akabali nibakhola. 14Elifwa nende magombe biashukunwa munyanja eya omuliro. Lino nirio eliifwa elia khabiri inyanja eya omuliro. 15Nikalimbwe eliira lia oyo yesi yesi khasi lianyolekhana niliandikwa musitabo siobulamu yasukunwa munyanja eyomuliro.
Chapter 21

1Ne nindola elikulu liyakha nende sialo siyakha, elikulu lia mberi nende esialo sia mberi bimalire okhubira, ne inyanja khandi khasi yaliwo dawe. 2Ndalola elidookho litakatifu Yerusalamu injiakha, eyeecha asi khurula mwikulu owa Nasaye, eyakasibwa nga omukhasi wesiserero owaronwa olwa omusacha waye.3Ndabulira idoboosi ikhongo khurula khu sisala sio buruki niibola, lingera: obwikhalo bwa Nasaye buli alala nende abaandu, naye anamenya alala nabo. Banaba abaandu baye. Naye anaba Nasaye wabwe. 4Aneeya buli lisika khurula mumoni chiabwe ne khandi khasi khunaba nende khufwa dawe. kata okhuberera, kata khulira, kata machuuni. Amakhuwa makhale kamalire okhubira.5Ulia owali niyekhaale khu sisaala sioburuki naboola, lingera khola amakhuwa koosi khuba mayakha. "Yaboola, "wandiike kano asi khubeera amakhuwa kano nikobwesikwa khandi kobwadieri. 6Yambolera, amakhuwa kano kamala okhubira, esie ndi alfa nende omega okhuchaaka nende okhumalirikha, ula yesi oli nende obuluo njia okhumuberesia esiokhung'wa esibula obukusi khurula musebere ya maachi akobulamu.7Ne ula okhira yakhanyole obulaame bwe ibindu bino, ne ndakhabe Nasaye waye naye yakhabe omwana wange. 8Arali ngolwa bili khubala, abarasubira abasinyisianga, abeeri, abayeeyi, abalosi, abenamiranga ebifwanani, nende ababacha boosi, olubeka lwabe lwakhabe munyanja eyomuliro okusamba okulasianga. Elio nilio liifwa lia khabiri.9Mulala khu bamalaika saba niyeecha khwesie, ula owali nende ebikaye saba ebialimo manyakhano saba okobumalirikhi naboola icha ano ndakhwekesia omukhasi wa esiserero, omukhasi wa omwana we likondi. 10Lunyuma nambukula mu rokho khulugulu lukhongo khandi olurambi ne nanjekesia elodookho litakatifu Yerusalemu niikha asi khurula mwikulu khu Nasaye.11Yerusalemu yali nende oluyali lwa Nasaye, ne bulafu bwayo bwali kori elikina lia obukusi elichwenefu lilafu elia yasipi. 12Khwali nende liida likhongo elirambi eliri nende ebiribwa ekhumi nende bibiri, alala nende malaika ekhumi name babiri khu biribwa. Khu biribwa khwali nende obwandiike obwa chimbia ekhumi nachibiri echia abaana ba Isiraili. 13Ebuleka wa ebukwe khwali nende ebiribwa bidaru ebuleka wa emwalo khwali nende ebiribwa bidaru, ebuleka wemukulu khwali nende ebiribwa bidaru, ebuleka wemumbo khwali nende ebiribwa bidaru.14 Eliida lie lidookho liali nende emise ekhumi nakibiri, ne akulu wakio khwali nende amera ekhumi nende kabiri akabarumwa bomwana welikondi. 15Mulala owalomaloma nange yaba nende sikero sia indaukhi eyareresibwa muidakhabu khulwa okera elidookho, ebiribwa bialio nende eliira lialio.16Elidookho liali elia chimbeka chine; burambi bwalio bwali bwakana nende bubambali bwalio yakera lidookho musikero esia indaukhi, amakada elefu ekhumi nachibiri muburambi(oburambi bwalio obubambali nende esiako biafwanana) 17khandi kario yakera eliida liakwo obukhomefu bwalio bwali echikabiro 144, bikero bia baandu(Ebiali khandi ebikero bia malaika.
19Emiise ekia liida kiali ni kiaronwa nende imbia eyelikina lia obukusi. Eliamberi liali yasipi elia khabiri liali sapira eliakhadaru liali agati elia khane liali isamaridi ; 20Elia kharano liali saridonike, elia khasasba liali akiki, elia saba Kirisolitho, elia munane sabarajadi, elia tisa liali yakuti, elia ekhumi Kiriporaso, elia ekhumi nende ndala liali kintho, elia ikhumi nende chibiri amethisto.21Ebiribwa ekhumi na bibiri biali echilulu ekhumi na chibiri, buli siribwa siareresibwa khurula khu ilulu ndala. Chingongo chia lidookho chiali idakhabu indafu nilolekha kori ikio injwenefu. 22Sindabona ikhekalu yosi yosi mulidookho khubeera omwami Nasaye,orukanga akulu wa bioosi, nende mwana we likondi bioosi nelikhekalu liaye.23Lidookho khaba khasi lienya eliuba kose omwosi mbwe kukhosie akulu walio khubeera oluyali lwa Nasaye lwakhosia akulu walio, ne itara yalio ni mwana welikondi. 24Abechimbia bakhakende mubulafu obwa lidookho elio. Abaruki be sialo bakhareremo oluyali lwabwe mukari omwo. 25Ebiribwa khasi biakhekalwe musidere khandi khasi khwabe nende siro.26Bakharere oluyali nende siriibwa esia echimbia mukari omwo. 27Ne sibulao esimaanu esiakhengire mukari omwo kata yesi yesi okhola likhuwa liosi liosi eliesifwaabi kata obubacha, araali ni balia aba ameera kabwe kandiikwa musitabo sia obulamu sia omwana welikondi.
Chapter 22

1Malaika yamala nanjekesia omwalo kwa amachi ko obulamu, amalafu akokhung'enang'ena nga ibilauri .kali nikakhulukusianga okhurula khu sisaala sia oburuki esia Nasaye nende esia Omwana wa elikondi.2Okhubirira akari wolukongo lwa lidookho .Khu buli lubeka lwa omwalo khwali nende omusaala okwa obulamu , okhwibulanga echingeri ekhumi nachibiri echia ebiamo,ne kwibulanga ebiamo buli omwosi.Amasafu ka omusala kaliwo khulwa okhuwonia ebialo .3Ne khasi khuchia okhubao esichubo siosi khandi .Esisaala sia Nasaye nende esia omwana welikondi siakhabe mukari mwa lidookho ,ne abakholi baye bachia omukholera.4Bakhamulole obweni bwaye,ne lira liaye liakhabe akulu wa wobweni bwabwe.5Khasi khwakhabe nende esiro khandi ,kata khasi khwakhabe nende elienya lia obulafu bwa itara kose eliuba khulwa khubeera Nasaye yakhakhosie akulu wabwe .Ne yakharuke obumeri nende obumeri.6Malaika niyamboolera mbwe ,amakhuwa kano nakokhusubira khandi kobwadieri. Omwami Nasaye we chirokho chia banabii yamuruma malaika waye okhubekesia abakholi baye esichia okhwekholekha ambi ano".7Lingala; ndi okhwicha lwangu; Yongerwa chikhabi oyo orichanga amakhuwa aka obunabii bwa esitabo sino.8Esie Yokhana, nesie mulala owabulira nende okhubona amakhuwa kano. Nga olwa ndabulira nende khukabona, ndakwa mwene asi wa makulu ka malaika khumwinamira, malaika owanjekesia amakhuwa kano. 9Yaboolera orakhola orio esie ndi omukholi wasio, alala nende abakheerwa bao banabii alala nende balia abaria amakhuwa kesitabo sino mwinamire Nasaye!"10Ne niyamboolera, oraraakho esibalikho khumakhuwa kobunabii bwesitabo sino, okhubeera ebikha bili ambi. 11" ulia orali omulungufu achiririre okhuraba mulungifu. Ulia owebima bibii achiririre okhuba owebima bibii. Omulungifu achiririre okhuba omulungifu. Oli omutakatifu achiririre okhuba mutakatifu"12"Lingala! ndi okhwicha lwangu omukabo kwange kuli alala nange, okhurunga buli siamulala okhulondana nende esiayakhola. 13Esie nesie ndi alufa nende omega owamberi khandi owokhumalirikha okhuchaka nende khumalirikha.14Be ikhabi bala abosianga ebiefwalo biabwe mbwe banyoole obunyala bwa okhulia khurula khumusaala kwa obulamu nende okhwingira mulidookho okhubirira mubiribwa. 15Erwanyi khuliyo nende chimbwa, abalosi, abayeyi, abari, abenamiranga ebifwanani nende buli owakheera oboolanga obuloli bwobubacha.16Esie Yeso murumire malaika wange khubarusiria obulooli khu bindu bino khu makanisa. Esie ndi omusi kwa olwibulo lwa Daudi ing'ining'ini ya ichuli ing'enang'enanga."17Rokho nende omukhaye we esiserero aboola "Icha " ne ula obulira aboole "Icha" Yesi yesi oli nende obuluo, yeeche naye yesi yesi owekoomba anyole amaachi kobulamu bikhaya.18Mbarusiria obuloli buli muundu obuliranga amakhuwa ka obunabii bwa esitabo sino: nikaba mbwe yesi yesi achia okhumeeda khu ako naye achia okhumendwakho amanyakhano akandiikwa musitabo sino. 19Nikali omuundu yesi yesi achia okhumalakho amakhuwa kesitabo sino esiobunabii Nasaye achia okhumumalakho esimeka siaye khurula khu musaala kwobulamu nende okhurula mulidookho litakatifu owa makhuwa kaye kandiikwa mukari wesitabo sino.20Ula orusianga buloli khu bindu bino abola kario, "Njicha lwangu" kabe kario! Icha , Omwami Yeso! 21Obukoosia bwa Omwami Yeso bube nende buli muundu. Kabe kario.